Bible

Matthew

Chapter 1

¹Ehele edjei litoto e Yesu kilisito, mana o Davidi, mana o Abalama. ² Abalama amowotali Yisaka; Yisaka amowotali Yakobo, Yakobo amowotali Yuda la wamaanango. ³Yuda amowotali Peleze la zela, ngbau edjali Tamala; Peleze awotali Ezelona, Ezelona awotali Lama;⁴Lama awotali Aminadaba, Aminadaba awotali Nayasona, Nayasona awotali Salemoni. ⁵Salemoni awotali Boazi nango edjali Lahaba, Boazi awotali Obede iwo la Luta. ⁶Obede amowotali Isayi, Isayi amowotali Davidi. Likumu Davidi amowotali Salomo la moli omoki mo wato wa Ulia.⁷Salomo amowotali Loboama, Loboama amowotali Abidja, Abidja awotali Asa. ⁸Asa amowotali Yozafata, Yozafata awotali Yolama, Yolama awotali Oziyasi.⁹Oziyasi amowotali Yotama; Yotama awotali Azaka ; Azaka awotali Ezekiasi; ¹⁰Ezekiasi awotali Manase; Manase awotali Amona; Amona awotali Yoziasi; ¹¹Yoziasi amowotali Yekoniasi la wamanango, engele ekpalemate iwo la Babilona.¹²Mbuse ewototami owu la Babilona, Yekoniasi amowotali Silitieli; Silitieli awotali Zolobabeli; ¹³Zolobabeli amowotali Abiyudi; Abiyudi awotali Eliakimi; Eliakimi awotali Azolo; ¹⁴Azolo awotali Sadoki; Sadoki amowotali Akimi; Akimi awotali Eliyudi.¹⁵Eliyudi amowotali Eleyazala, Eleyazala awotali Matana; Matana awotali Yakobo, ¹⁶Yakobo awotali Edjepu, molome o Maliya ongo omowoti Yesu, ongo okomowelaka iwo kilisito. ¹⁷Edjei mawota liyomu la ineyi obandji la Abalayama tee la Davidi, wawotami liyomu la inei obandji la Davidi tee la ototami ewu la Babilona pe wawotami liyomu la ineyi abandji ototami la Babilona tee owotami o Kilisito.¹⁸Denga engele ewumali owotami o Yesu kilisito. Maliya, nango Yesu, adjakali wose o Edjepu, kasi, liwoso ate wayikane, Maliya awumali la lemi la okolu e elimo esatu. ¹⁹EdjePu ose onde, adjali moto molamu atibalali omosamboli, alukali ndenge ate akawane la inde la oisani²⁰Ndenge edjakali inde omungoli, ahumbwa e Mwengei amopumbelia la saki pe amwaselia: Edjepu, mana o Davidi, otidje la mbangi la ototi Maliya nda moli e owe, la loyi ate mana ongo odjei la solo ende alongoyi la elimo esatu. ²¹Akowota mana opele pe okomohekele kombo e Yesu laate inde moto okowakalesa wato wande la obee owu.²²Djinge sambo kpaa ikoengesama la ate sambo ekpomali likumu atie wasakoli makoyengesama: ²³Denga, mana o moseka akowuma la lemi, akowota mana opele alidji wakomowela ate Emanweli, enge easi ate Mwengei laiso mongindji.²⁴Ango esusuali Edjepu, akelali ndenge emowaselali ahumbwa aleeti amototali moli onde, ²⁵Ati wanesali wenge la inde tee ango ewotali inde mana opele, amohekeliya kombo e Yesu.

Chapter 2

¹Mboli e owotami o Yesu la Betelema e wa Yuda la masio mango madjaakali Elode Likumu, wadenga wato walomungo wa midjoto, walongoiya ongo la epumbeli e liusause wakadjia la Betelema.²Waasia ate: eni Likumu o wayuda awotami? late toeneli mondjoto monde ango edjakali iso ongo la epumbelo e liwusawuse, ase todjayakongi la inde.³Ango eokia Likumu Elode ndjongo, mamungo ma mosambali inde la wato wa Yelusalema kpaa.⁴ Ase awabolyanesia makumu ma wanganga Mwengei la wato wa lokenge kpàa apotia owahueli nda ati ewotami Kilisito?" ⁵Wamwaselia ate la Betelema e wa Yuda; ase denga ndenge enge edhingamali la mboka e mosakoli. ⁶Ase owe Betelema owe ma moki oeti mokeke ndondo e miki misungumisungu ma Yuda; late moto mokikima ongo okookambani, akokamba wato wa Isalayela akopumba atie owe.⁷Ndjongo Elode awawelaali wato wa lokenge la oyaisi ase awahuelia olamu olamu late ayewe nda engele mweneneli modjoto muho;⁸Ase ango ewatomali inde la Betelema, aasali la iwo ate kekeni okamolukani mana oho olamu olamu, inga omwenekeni, djakani o ndjaselani mbai late mbai mpe ikayakonga lainde.⁹Mbuse e omoki Likumu, wakeeli. Mondjoto mungo eeneli iwo ongo ekopumbaka liusause, edjakaali okii liwoso lau, tee ekayamalia likolo la mana ongo omokeke.¹⁰Ango eeneli iwo mondjoto muho waemeleeli ngbii.¹¹Aleti ango elingelaali iwo la molako wamogbotia mana mokee ayabati iwo la nango Malia, wamaya mauli wayakongia lamano oho. Wadhukolaali ogumake owu ase wamohekelia makawo wolo, paka, la malasi.¹²Mbuse, nda ewaunelaali Mwengei la saki ate watimowongwele Elode , wa wongwali la moki mowu la eeti mboka.¹³Mbuse eiwo owongoi, denga! ahumbwa o Mwengei amopumbelaali Edjepu la saki amwaselia ate: amala, motota mana la nango ndjongo tila la Ezipito, alidji yabata ongo tee ango ekowaasela mbai ate owongwe, late Elode akobalaka omolukani mana ate amoole.¹⁴Ndjongo ayamalali ase amototaali mana oho la nango la likolo ase akeeli la Ezipito.¹⁵Ase ayabatali ongo tee la logo e Elode, late ungo owasaali Mwengéi la monoko e motuke monde moengesame: imowelaali mana ombai alongwe la ezipito.¹⁶Ndjongo ango eeneli Elode ate wanganga myoto wamohengi aumaali la limemu ngbii, ase atomali waole wana kpàa wa pele opoti mbula iwale tee sese wango wadjakali la Betelema aleti la miki maho kpàa, ndenge wato wa lokenge wamuaselali.¹⁷Laate eyengesame enge mosakoli Yilimia aasali.¹⁸Moli mwesi eokanali la Lama, wilelo aleti la ohumbi la wilelo ngbii, Lasele ase odjaki oleli wana wande, aleti atonaali obondesami, late watikine.¹⁹Ango egbaali Elode, denga! ahumbia e Mwengéi amopumbelaali Edjepu la saki la Ezipito.²⁰Ase amwaselia ate: amala motota mana la nango okeeni la moki mo Isalayele late wango wadjaakali omoluki omooli mana oho wagbieke.²¹Ndjongo ayamalaali ase omototia mana oho la nango ase wawongoiya la moki mo Isalayele.²²Aseko nda eokaali inde ate Akelosi adjakaali Likumu ongo la Yudeya ebete esango Elode, awangaali okii ongo aleeti, nda emokebesaali Mwengei la saki, akeeli ongo la moki mo Galileya. ²³Aleeti ayabataali la moki mwesi eweli iwo Nazaleta, aloi ate eyengesame wungo oasanaali la nano e wasakoli:wakomowela ate moto o Nazalete

Chapter 3

¹La enge engele ndjongo, Yowani mopatesi apumbali pe apotali otiesakoli ongo a manganga e yudeya. ²Aasali ate: kukolani mitema manu, la loyi ate okumu o Mwengei ewumika ahue. ³Yowani adjei moto ongo okpomali mosakoli Izaya la tina eende ate: edjei mooli mo moto ongo akopamaka la manganga: wongeleni mboka e likumu, atani mboka edje ngbai.⁴Yowani adjali okpali esinje enge edjakali la kunja e kamela pe mokaba mo ekombaka e nama alibele lande. Adjakali olaki waapepe la woi emotulu. ⁵Wato wa yelusalema,la wango wa yudeya kpaa la wango wa yolodane kpaa wa djakali oki atie inde. ⁶Wayewali la hoho masumu mahu, wabatisamali la inde la maliya ma yolodani.⁷Ango eenia inde Wafalizeyo la wa sadukayo wa kodjaka atie inde ate wa batisame, awaaseliya: liwota la ndjo, ndayi oosumini ate otileni limemu linge likodjaka? ⁸Ndjongo kelani sambo djinge ikoyenese ate okukoligani mitema. ⁹Otiaseni ino amene: Abalayama adjei sangbasu. La ndenge eho, iyowaselini ate maamabukeli Mwengei akoki omawumesi wana wa Abalayama.¹⁰Wabatika engboma la lidjo dja mite; motekpaa mungo mowoti pukapuka ndamu ekotenama aleeti ekolumbama la misa. ¹¹Mbayi, ikobatisaka la maliya la tina e okukoli mitema, kasi ongo okodja mbuse e mbayi aeti mbayi la okulu pe ikokiti otokoli moliki mo ikpokpo eende, inde akoobatisani la elimu esatu pe la misa, ¹²A djei la lungu ende la ewoo; akowongele ebete ende etangake opunga, akoisa pukapuka, akolumba pulu amisa mitilimanaka.¹³Ndjongo Yesu alongwali a galileya, akeli la yolodani atie Yowani, aloyi ate Yowani amopatese, ¹⁴kasi Yowani atonali ase aasiya ate: mbai moto ikoki odji atie owe ate opatese mbai, owe odji atie mbai nda ndenge? ¹⁵Yesu amowongweselali ate: otitone, ewongi la iso ate tokokese sambo kpaa dja osembo, ase Yowani agemiali.¹⁶Mbuse e obatisami, Yesu apumali a maliya. denga likolo lihanali ngbai ase elimo e Mwengei e moyadjimbelali nda eluwa edjia ngambo ende. ¹⁷Denda, moli molongwali la likolo mwaasali dji sambo: oholo adjei mana o mbai olibalano, ongo omobali mbai.

Chapter 4

¹Mbuse eho elimo ekeli la Yesu la esobe ate amekeme la Etota. ²Mbuse ende okili ilaka wuse 40 la likolo 40 aokali ndjala. ³Aseko momeki ayandngbali ati einde pe amohaselia inga odjei mana o Mwengei hasa la ma mabukeli ate makukwana makoke. ⁴Yesu amohongweselali: modingami ate: moto atikala ndii la makoke, kasi la makpomi kpaa mango ma pumbi la monoko mo Mwengei.⁵Ndjongo etotaamokpalali la egbala esatu, pe amotelesali gboo e likolo la Petelo. ⁶Peamohaselia inga odjei monga ayanga; alumba la mbume! la ndenge eho, endingami ate: akohekele mitindo atie waandjelu wande la tina owe pe wakookpaala la mawo, la mbangi ate ligiligi la owe lititimie libukeli te kikima.⁷Yesu amohaselia: ekomami alidi ate: okokiti ommomeki likumu, Engali e owe. ⁸Etota amokpalia alidi la mokoli mohingake, amohenesia okumu kpaa wo mokii. ⁹Pe amohaselia ikohekele djinge kpaa inga ondimi mbai maho pe okumesa mbai.¹⁰Yesu amohaselia ate longwa ahala Etota! ndenge eho, edingami ate: ndi likumu la owe Mwengei. okoki owe omokumesi pe la omokeli. ¹¹Mbuse eho Etota amodeyia pe hene ndjo wapumbwa wa yandongbali ati inde pe wa mosalesia.¹²Tango eyokia inde ate Yaone ahelamala, Yesu akeli la Galilea. ¹³Alongwali la Nazalate pe akia la Kapelenaumu; e gbata esungu, la moki mo Zebulona pe mo Nefetali.¹⁴Laate mango makpoma ate mosakoli Izaya makokesame. ¹⁵Mokii mo Zebulona la Nafetalia, mboka e malia ma mbuu, ebete enge edjei ngambo eeti e yolodani, Galileya. ¹⁶Wato wango wayabati la ongundu waheni ngbai esi esungu, pe wango wadjakali la londe lo logo ngbai esu ewadimbeli.¹⁷Ndi enge tango, Yesu abandali pe otoyi ohasi wongeleni sambo; la likambo ate okumu o likolooumia pene.¹⁸Ndenge edjaakali inde osombi la olayi o lindanda sungu la ligalileya, ahenia lanango la manango waale, Simoni awelameli ate Petelo, pe la manaango andele, wadjakali olumbi itanga la lindanda lisungu la Galileya, wadjali pedja wa lobi wasuu. ¹⁹Awahaselia: tutiani pe ikohumesani wa lobi dja wato. ²⁰Ndjongo, wadeyia itanga djawu pe wa motuteyia.²¹Akia lihele pe awahenia waeti manango la manango waale, Yakobomonga Zebedeyo, la manango Yoani, wayabatali la ebete la sangbsu Zebedeyo pe wadjaakali owongeli itanga djawu. Awawelia, ²²Pe ndi ndjongo wadeyia wato pe la sagbasu wa motuteyia.²³Yesu asombali la Galileya kpaa; ateyaali la wa sinagoga, akpomali mboli lndamu la Mwengei pe akalesali ikoni kpaa la ilukano kpaa atie e wato. ²⁴Mboli inde esombali la siliya mobimba pe wamodjelesi la wato kpaa wa ikoni pe la oembi ndenge kpaa la witota, la wato wa ibubulaka, ango watisombala, pe adjakali owakalesi. ²⁵Wato ngbii wamotutiali, wango wadjali la Galileya, la wango wa dekapole, la wango wa yelusaleme, la wango wa yudeya, pe la wango wa eti songo edi

Chapter 5

¹Tango ehenia Yesu wato ngbii, atelia la mokoli. ayabatia pe wa tutieyi wande wa yandongbia ati inde. ²Mbuse eho abandia owa kpomeli matio, mande ahasia:. ³Mwemu ngbii la wato wango watundi la mitema la ate okumu o Mwengei odjei wohu! ⁴Mwemu ngbii la wango wadjali la ilelo, la ate wakodjwa woemeli.⁵Mwemu ngbii la wango wadjei bosii, wakotota mu mokii! ⁶Mwemu ngbii la wango wadjali la ndjala pe wakolu kaka osembo, wakogbeta! ⁷Mwemu ngbii la wango wakosumaka sambo ndamu, wakowahesa olamu! ⁸Mwemu ngbii l,a wango wadjei mitama milamu, wakohene olamu.⁹Mwemu ngbii la wango wakohekeke logop, wakowawela wana wa Mwengei ¹⁰Mwemu ngbii la wango wakowanyokoloko la tina e osembo, okumu olikolo odjei woyu!¹¹Mwemu ngbii mokodja la ino tango enge eko, tangemaka ino la wato pe wakohasaka la ino sambo mbe la tina e mbai. ¹²Hemeleni pe mwemu mosungu modje la ino la likambo ate mbano enu ekodja esungu ongo likolo. ndenge eho eho, wawanyokolali wasakoli liwoso lanu.¹³Odjeni mokpa mo moki. kasi inga mokpa mosila esali eho, nde nda ndenge ekowongwa woleli woho. ¹⁴Odjeini mweli ngbai mo moki. egbli enge edjei la mokili etihisana,¹⁵Watiloliaka otambe ate waebete sese kasi likolo la ate ewahenese wato kpaa wadjei ndondo e molako. ¹⁶La ndenge eho, ngbii enu ekoheneke ati e wato la ate wahene ikela ndamu ongo odjei likolo.¹⁷Otimungoleni ate idji ate ilongose mibeko wasakoli, olongosi kasi okokesi. ¹⁸Ndenge eho, iyohaseli la osembo; ango eti salamata likolo la mbume, lidingo teeti te lisia la lidingo eti lisalamate ndondo e mibeko yambo ate sambo kpa ikokesana.¹⁹Ongo okobuka mobeko mokikima pe okowahasela wato wakele ndjongo awelama moto mokeke la okumu o Mwengei: kasi ongo okoke pe okoteya atie weti wato, akowelam;a moto mosungu la okumu o Mwengei. ²⁰Ndenge eho, iwohaseli, inga osembo wonu woti ete mungo mo wango wabimiali mibeko pe wa Falisayo, otilingelani la okumu o moto.²¹Oyokalini ate wa wahaselali witindo: otimowol;a moto, moto ongo okowola moto akosambesama; ²²Kasi mbai iwohaselini: moto ongo oyabati la limemu la manango ndi la pamba okoki la osambesami, moto ongo oko mototaka manango nda atial kole awongi ate atote etumbu la sambi pe ongo okomotonaka manango nda boli akoki olongoli lamisa ma lifelo.²³Inga ohumesa mabondja la otale o Mwengei, pe ango omungola obe oowe atie manangwa; ²⁴Dhee libondja lowe a lotale pe keke yoo owongeli sambo ino la mangwa ase mbuse djaka ohi mabondja ma owe.²⁵Wongele ino la motowe la mosio, nganga eko sombaka ino lainde, la mbangi ate atilumbe atie e zozi, pe Zozi atike la owe la boloko wambele. ²⁶Iwowasali memene otikuba oyogo dji opute enge nyongo.²⁷Ookalini ate ahasamali: oti huanesa wenge la moli o moto. ²⁸Kasi mbai ahasi la ino ate; moto kpaa ongo odengi moli la ndenge emolulake ahunesika lainde wenge la motema.²⁹Inga lisio eowe elilome likotomaka la sambo mbe, elongose pe elumba lihele, la likambo ate ewongi la otikali la eketi la olumbami wenge kpaa la lifelo. ³⁰Pe inga ewo eowe elilome eotama la sambo mbe, etene pe elumba lihele, la likambo ate ewongi la owe odjei la ekete la ate olumbame wenge kpa la lifelo.³¹Ehasamali ate: moto ongo owumbi la moli onde amohekele ekpata e ooli liwala. ³²Ase mbai, iyowaselini ino ate moto ongo owumbi la moli onde inga etidje eteba aluki ate amokelese eteba.³³Oyokali alidi ni ate ehasamali atie iloko: otibuka saka eowe, kasi okokokesa mumgo molakali owe likumu. ³⁴Kasi mbai iwohaseli ate otibingesaka la sambo kpaa, la kombo e liloko la likambo ate lidjei esiko e Mwengei, ³⁵Otibingesaka la kombo e mbume, la likambo ate edjei ebete ekobataka Mwengei magilili, alidi te kombo e Yelusaleme la likambo ate lidjei egbla e likumu lisungu.³⁶Otibinge pe saka la moto, la likambo e owe te kikima. ³⁷Makpomi maowe matikale ndenge ekpomi owe; linge likobakesaka iwo likopumbaka la obe.³⁸Oyokalini ate wahasali; maiso la tina e maiso pe maino la tina e maino. ³⁹Mbai ohohaseli ate otiumwe ebete kikimi la moto mobe, inga moto aobinga la litama la lilome mohekele linge la liale.⁴⁰Inga moto aluka la owe sambi la ate atote simbi eowe eowe, modeele amidi. ⁴¹Inga moto aluka osombesi kilometele esi kela la inde kilometele iyale. ⁴²Hekele ongo okohongoko pe otimotonele ongo okoluka ototi mopulu atie owe.⁴³Ookalini ate wasali: okomobala miino owe pe okomotona monguna moowe. ⁴⁴Kasi mbai iwohaseli: bala wanguna wanu, pambwani wango wakoobumakolaka, kelani olamu atie wango wa otoni, pe sambelani la tina e wango wakoonyokoloko pe wakoheneseke olozi. ⁴⁵La likambo ate odjeini wana wa sangbanu ongo odjei likolo, la ndenge eho, akopumbesaka lihusahuse wonde la tina e wato walamu la wato wabe, alidi akolueseke ewongo la tina e wato wa osembo la wango wa djangi womemene.⁴⁶Inga obala wango wa obali, nda kole ekotota ino? Waputesi wa lomeya watikelaka ndji ndjongo? ⁴⁷Inga oha mobale ndji atie wamangwa, nde ekeli ino linge litikela weti wato? wato wa maeti maembaa watikelaka ndji ndjonngo? ⁴⁸Wumani wato walamu nda ndenge edjei sangbasu o likolo moto molamu.

Chapter 6

¹Kelani sambo ndamu dja likawo atie wato la ate waoneni, inga otikele ndjongo, otidjwa mbano atie sangbasu ongo o likolo. ²Tango enge ehi owe likawo atie moto, otibinge ndundu, ndenge ekokelaka wato wango wakohisaka wikela wau la sinagogaiwohaselini la osembo, wadjei la mbano ewu.³Kasi owe, ngonga ehekeli owe likawo, ewo eowe e liali etiewe linge likeli ewo e lilome, ⁴La likambo ate likawo la owe likeleme la oyahi, ango sangwa, ongo okoheneke dinge ihisani, ekohenese sambo djaowe la hoho.⁵Tango ekobondeleke owe, otidja nda moto ongo okohisaka wikela wande: wabali obondeli oyemeli likolo ongo la sinagoga ple kelekelee mboka la ate wato wawahenee iwohaselini la osembo, wadjei la mbano. ⁶Kasi owe, tango okobondoke lingela ndondo e monguta, liha moluhe mowe pe hongo Mwengei eowe ongo odjei la ebete ehisami, pe sangwa, ongo okoheneke la ohisami, akopumbela hoho. ⁷Tango enge ekobondeleke owe nda wa pangano; otikpome sambo ngbii nda wato wa wawota maeti; wakomungolaka ate otetelake o makpomi mawu, iwongolo djawu ikondimama atie Mwengei.⁸otikeleni nda iwo, la ate sangbanu oeni ema enge ebali ino liwoso ate omowongeni. ⁹Denda ndenge enge ekokela ino liwongolo: sangbasu ongo odjei likolo! kombo owe esatu ekumesame. ¹⁰Okumu wowe wodje, mokano mowe mokeleme ahala la mbume nda ongo likolo.¹¹Tohe iso keke ilaka inge ikoki, ¹²limbesa iso la sambo djasu mbe, ndenge enge ekolimbesaka iso wango wakotokelaka obe. ¹³Tolongose lihale la simbisi, alidi kalesa iso la sambo mbe, la ate owe odjei la okumu, otetelake la lokumu seko la seko amene.¹⁴Inga owalimbese wato obe sangwa o liloko okolimbasa koto owe; ¹⁵Kasi otilimbese wato la obe owu, sangwa atilimbese kine sambo mbe dja owe.¹⁶Tango enge eyakilesi owe la tina Mwengei otiyabate la elongi emgba nda wato wango wakoisaka ikela djawu. la ndenge eho, wakolukaka ndenge kpaa ate wato waewe ate wakili iwoaseli la osembo, wadjei la mbano ewu. ¹⁷Kasi owe, inga okila kpola elongi eowe pe amunola maita malumba liliamu. ¹⁸La ate otihenese la wato ate oyakilesi kasi sangwa ongo odjei oweni la ebete ehisanake ndi inde sangwa ongo okoheneke la ohisami, ekoo wongwela.¹⁹Otitumeni la iwo ala la moki ebete enge mbwambwa la oholi ekobitesa alidi wa iwi wakogbangola ituti la ate wa iwe. ²⁰Kasi lukanini iwo dja likolo, ongo oholi la mbwambwa itibitesa pe wa iwi watikoka ogbangoli ituti pe o iwi! ²¹La ndenge eho, ebete edjei iwo dja owe, ndi ebete ekodja motema moowe.²²Liso lidjei eheneli e wenge inga liso la lidjei olamu, wange eowe kpaa ekodje ngbi; ²³Kasi inga liso la owe liti olamu wenge eowe kplaa ekodja la ongundu. inga ongbi wugo wodjei ati ndenge! ²⁴Moto toeti akokiti owakeleli makumu maale, laate akomotona ongo o poo pe akomo bala ongo owal;e, ndenge eti akoyahele la ongo o woso pe akomotona ongo o mbuse. okokitini okeleli mwengei la ambele mbala kikima.²⁵la ndenge eho iwohaseli: otiyatungesameni la tina e olaki la ekengi wonu te la tina e okpali wonu. omoi otiete ilaka, wenge etiete isinde? ²⁶dengani mbulu dja likolo: watioka pe watiisasaka sangbanu o likolo awalakakesaka owaetitini lla tina kolee.²⁷ndai ndondo enu; la oyatungesi onde, akoki obakesite Mwengele mwesi la maiso mande? ²⁸Denda ndenge ekoyatungesaka ino la tina e isindje yekola yono ndenge tooko futele ndamu la elanga mobele: watikelaka mosala; watisoloko isindje; ²⁹Iwohaselini ate Salomo inde amene, la okumu wonde kpaa, atidjakali la esindje elamu nda fulele eesi.³⁰inga mwengei akokpalesaka fulele dja elanga ndjinge idjei keke kasi ekundu wakoelumbaa la misa, akokiti okeli ndjongo atienu, wato wa oyambi okeke? ³¹Otiyatungesie kine, otihaseni ate: nde ekolaka iso? nde ekokenga iso? tokokpala nde?³²La ndenge eho, dji sambo kpaa, wato la Maeti maemba wakolukaka, kaikoase, sangbasu ongo o likolo ayewi ate odjeini la osenga oho, ³³Lukayoni okulu la osembo o Mwengei, djeti sambo kpaa akohekeleni mbuse. ³⁴Otiyatungeseni la tina e ekundu la likambo ate ekundu ekoyawongele eho amene. lisio liesi likolo la sambo.

Chapter 7

¹Otisambese moto la likambo ate watiosambese mino te, ²La likambo ate wakoosambesa ndi ndenge ekosambesaka owe pe wakootenele ndi la imekeli kikima nda owe.³Nda ndenge ekoheneke owe posi la maiso ma mangwa kasi otihekeke la liso laowe amene? ⁴Nda ndenge ekoki owe omohaseli mangwa: dee mbai oilongose posi la maiso: ndi owe koto, linge la owe liso lidjei la posi? ⁵Moto mohisake ikele, longoso yo posi la liso la owe amene, sikandjo okohene olamu lma ate olongose linge.⁶Otihekele iwo djka osatu atie wa imbwa alidi otilumbe palata eowe aite wangoya, la mbangi ate wa ehoto alidi ate eowongwele la ookondwesi.⁷Wongaa wakoohekele, lukana okokondja, binga moluhe wakooluhuela. ⁸la ndenge eho, moto kpaa ongo okoongoko ako tata, ongolukaka akohene alidi wakomoluhuela ongo okombinga moluhue . ⁹nda moto n_denge edjei ino ango akomohakele mana oinde libukeli inga amohonga lipa? ¹⁰Inga ahonga suu, okomodjekele ndjo.¹¹Inga ino wato wabe oyewini owahekeli wana wanu iwo ilamu, sangbanu ongo odjei likolo kodjanga ohii iwo ilaka la wana wande wango wakomowongooko nda ndenge? ¹²Sambo kpaa ikobala ino ate wa okelele, ino koto, wakelelani ndi ndjongo; la likambo atie wasakoli.¹³Lingelani la moluhe mosungu! landendeni eho, mohuhe modjei mosungu, tonani mboka enge ekokpalaka la obitani, wato ngbii wakolingelaka ango. ¹⁴Kaikoase moluhe mokeke la mboka enge eti ngbi djaho ekohekeleke omoi, kasi wato wango wakohekeleke wadjei wa keke.¹⁵Kebani la la wango ayawelaka iwo amene wasakoli! wakodjaka ya ino wa kpali isindje wa meme; kasi ndondoewu wadjei pange. ¹⁶okowaewani la mabukeli, wakobukaka ndongo likolo la mabukeli, wakobuka pukapuka dja fugi likolo. ¹⁷Mote kpaa molamu mokowotaka pukapuka ndamu kasi mote mobe mokowaka ndi pukapuka mbe.¹⁸Mote malamu ùotiwota mbe ndi ndjongo mote mobe motiwotaka pukapuka mdamu. ¹⁹Mote kpaa mungo motiwotaka pukapuka ndamu akoetena pe wakoelumba la misa. ²⁰la pukapuka djawu ekoewani ino mite.²¹wango wakohaseka mbai: likumu, likumu! watilingele iwo kpaa la okumu o likolo, kasi ndi wango wakokelaka mungo mobali wawa o likolo.²²Wati ngbii wakohasa la mbai lin ge lisio: likumu, likumu, toti sakolali la kombo eowe? toti humbali la itita la kombo eowe? totikelali wikamwa la kombo eowe? ²³mbuse ikowahasela la hoho: itioyewaliniti . longwani ya mbai, ino wato wabe.²⁴Ehele ndenge, moto kpaa ongo okookaka makpomi mahasi mbai pe akoekelelaka, ikomokokanesa la moto o okengi ongo o mai monguta monde likolo la mabukemi. ²⁵Ewongo eluiya, mikalikali mikadja, ehoho mokelia atie molumbe mungo monguta; mokwiti la likambo limanali.²⁶kasi ongo moto kpaa okoyokaka mango mahokasaka mbai kasi kasi aekeleliti, adjei nda bili ongo omali monguta monde likolo la zelo. ²⁷Ewongo eluiyaa, mikalikali mikadja, ehoho ekelia pe longolia mungo monguta, mogbangwania kpaa.²⁸tango eseselia Yesu opumbesi lango makpomi, wato wayabatali la lomungo lo mande, ²⁹la likambo ate adjakli oteyi la okulu kasi te nda wabimiani ase nda wato wadjei wokondji.

Chapter 8

¹Yesu aadjimbali likolo la mokoli, wato ngbii wamotutiali.²Ndjongo moto mwesi odjéi la ekoni e mbala andongbali ahue la inde, a mali mauli liwoso lande, ase asia: Mwalimo inga obali kalesa mbai.³Yesu alongoseli ewo amobatelia asia: ibali okale! ndi engele eho moto oho akalia.⁴Mbuse eho Yesu asia lainde oka wolamu, otimwaselake moto tweti te ase keke oyainie djéi atie wanganga Mwengéi nda ndjongo ekali owe.⁵Ango elingelali inde la Kapalanaume, Kapiteni moesi o Roma andongbia ahue la inde, amwongia ate amokalese.⁶Asia: Mwalimo, moto o mbai o wotomu akolangaka la monguta, wenge wimoliti ndau, ekomwanaka makasi.⁷Yesu amwaselia: ikokeke omokalesi.⁸ASe Kapiteni asia Mwalimo, idjéi moto mpamba, ewongiti olingele la monguta mo mbai. Ase asa loi woikima moto o mbai owotomu akokala.⁹Mbai koto edjéi la mahumu liwoso la mbai, la idjéila wamasadje mbuse e mbai inga yasa ate keke akoke inga yasa la moesi ate wongwa akowongwa inga yasa la moto o mbai owotomu ate kelandjo akokela.¹⁰Ango eokali Yesu ndjongo, inde ahuelali ngbii ase asia la wato wango wamotutiakali inde: Iwaselini memene; yeneki wondimi te weti te ahala la Isalayele.¹¹Iwaselini wato ngbii, wakolongwa atie ekolongwaka moi, ase la atie ekolangalaka moho wakoabatala mesa ndondo e wokumu wo Mwengéi ongo likolo ebete eikima la Abalahama la Isaka la Yakobo.¹²Ase wato wango wakelaki ate wakondje wokumu, wakowalumba iwo la molili, ongo wakolela la otuanesi maino.¹³Ndjongo Yesu amwaselia Kapiteni, wongwa la monguta mwo owe, loi lokokelama ndi ndjongo nda endimiga owe ase moto owotomu wo Kapiteni oho akalia ndi la engele eho.¹⁴Yesu akia la monguta mo petele, ongo amogbotia nango moli o moli o Petele la epe wenge wande widjali la miso makasi.¹⁵Yesu amobatelia ewo ekoni emodeya, akalia, inde apotia omokeleli inde.¹⁶Kolokolo eumia wamodjelia Yesu la wato ngbii wango wadjéi la wisisi wibe Yesu aumbia la waho la wasi wonde, ase inde awakalesia wato ngbii wa wikoni.¹⁷Inde akelali ndjongo, la wengesi loi wungo wasali mwaseli Isaya: inde atotali wodidi wosu, ase akpalia wikoni wosu.¹⁸Yesu awenia wato ngbii womolengi ndjongo akelia mwano mo okpandi siwili e ligbutu.¹⁹Mwalimo mwesi mo pui aumia ahue la inde ase asia la inde:Mwalimo ikotutiawiati kpàa winge wikoke owe.²⁰Yesu amwaselia ate: mbwa dja motulu idjéi la mawela ma mbume ase mbulu idjéi la minguta, mana omoto ati la ebete elangalake te, la ohomi.²¹MOto odi ongo odjakali motutiani monde, asia la Yesu mwalimo, dee mbai ikamokunda wawa. ²²Yesu a mwaselia ate: tutia mbai, dee wato waguake wakundane.²³Yesu alingelia la molela ase watutiani wonde walingelia lainde mongindi.²⁴Galagala ehoho esungu ehohali likolo la malia ndjongo malia mapotali olingeli la molela, ase Yesu adjakali la wilo.²⁵Watutiani wandongbia ahue lainde wamosusolia la wilo, ase awaselia ate Likumu tokalesa iso! toguiya.²⁶Yesu awaselia ate: alikambo lande ekowangaka ino ndjongo? wondimi wonu wodjéi wokeke nda ndenge? ndindjongo inde amalia apamelia eho atie e malia maligbutu ase djiesi kpàa ititimia logoo²⁷Wato kpàa wahuelali ngbii ase wapotia wasi: oholo moto adjéi nda ndenge? alikambo ate ehoho la malia ma ligbutu mamotemeya inde?²⁸Ango emali Yesu siwili eligbutu, la mokimo wabagadala, wato wale waumali lakabuli, wadjali ogbotononila inde. Wato wadjakali la wisisi wibe, wadjakali wobe ngbii ndjongo moto tweti atiengakali oleki la enge mboka.²⁹Wapotali opami: Mana o Mwengéi obali nde atie su? odjiala alikambo la otoni iso eguele la enge engele eoniga Mwengei.³⁰Ma wokeke egogo engulu esungu idjakali olaki.³¹ Wisis wibe wamwongoli Yesu ndjo: inga obali oumbi la iso: totoma iso ndondo e egogo e ngulu.³²Yesu awaselia ate: kekeni ase waumia atie wango wato wale waho, ase walingelia ndondo e wangulu galagala egogo esi kpàa watilia obangu tée la mokoli alikambo la olengeli ndondo e ligbutu ase walindia ongo.³³Wabanéi wangulu watilia wakia ongo la moki ongo wasumbia mboli eho la loi lungo womi atie e wato wale wa wisisi wibe.³⁴Ndjongo wato kpàa a wamoki wakia ogbotoni la Yesu Ango omweni iwo wamwongia ate alongwe la moki moho.

Chapter 9

¹Yesu alingelia la molela akpandia alidi siwili eligbutu, ase aumia ongo la moki monde mene.²Wamodjeliaa moto ongo olangali la epe akwesi dee ango weneli Yesu wondimi wou, inde aia la moto ongo okwesi dee:« Mana ombai, ate tetesa motema makasi! ilimbesi masumu ma owe.³Ndjongo wapundesi wapui wadi wadjakali omungoi la mitema mawu" oholo moto akomotangakolaka Mwengéi.⁴Yesu aewalima mungwene mawu, ase asia: alikambo lande edjéi ino la mamungwana mabe eheng ndenge la mitema manu?⁵Nda ebali ino okpomakpomi: ilimbesiga masumu ma owe awasi: amala ase pota osombi?⁶Ase ibali waweni ate mbai mana o moto idjéi la wokulu ahala la mokili la olimbesi masumu" inde asia la moto ongo oliti wenge amala, tota epe eowe ase keke la moki mo owe.⁷Moto oho amalia, ase akia la moki monde.⁸Ango weneli wato wasungu ungo loi wotali owangi ngbii, ase wa mwemeleli Mwengéi, alikambo ate awahiga wokumu ehenge ndenge atie wato.⁹Yesu angwali ongo ase ango adjakali oleki, amoenia moto mwesi nkombo ende Matia, adjakali wabati la bilo uputesi mamelo, Yesu aasea la inde:" tutia mbai!" Matia amalia ase amotuteiya.¹⁰Ango odjakali Yesu olaki la monguta monde, wato ebele wandombe wa mamelo la wato wabe wabatia la mesa la Yesu mongindi la watutiani wande.¹¹Wafalisayo waenia ndjongo wasia la watutiani wande alikambo lande ekolakaka mwalimo monu la wandombe wa oputesimamelo ase la wato wobe?¹²Yesu aokia ndjongo: asia: wato wango wadjéi wenge wolamu watomolukaka monganga te, ndi wato wango wadjée la ekoni nde wakomolukaka monganga.¹³Kekeni okayapundesi djinge sambo yasi ekpata e Mwengéi ibali wouma ase ibaliti makao ma nama tumbake te la gesele, idjiti owaweli wato walamu te ase wato wabe.¹⁴Ndjongo watutiani wa Yoani mopatesi wakia atie Yesu, ase wamohuelia: Alikambo lande ekokilaka iso wafalisayo wilaka mbala ngbii? asewatutiani wa owe watokilaka te alikambo lande? ¹⁵Ase Yesu awawongoselia omungoini ate wato wango wawaweli iwo la lipati la liwa la waengi odjéi la magba engele edjéi memene ongo owaweli? memene waengiti odjéi la magba te! ase wuse wungo wogeleli ango ekolongwa molome alipati ase wakokila olaki.¹⁶Moto tweti atosonoko esindje e gala la limbusu la engo eholi, inga te ndjongo esindje eholi ekosalakana enge e gala lipokosaka laho likodja lisungu.¹⁷Watosuaka Vino poli ndondo e saki e loposo wo gala te inga wakela ndjongo saki e loposo ekosalakana, vino ekosuakana ase saki e loposo ekobitana mpamba. Ase wakoswaka vino poli ndondo e loposo wungo woholi ndjongo eho kpàa ekodja wolamu.¹⁸Ango wasakali Yesu ndjoi djaho, likumu la wayuda mwesi akodja, amaya mauli liwoso lande ase asia Mana o mbai omoli aguia ndisikahala ase djaka omobatele ewo likolo lande alikambo ate akale.¹⁹Yesu alongoya amotuteya, ase watutiani wande wakia lainde mongindi.²⁰Moli mwesi, ongo odjakali la oekoni eodoki makila mbuse e mosio; wilanga liomu la wiale ndjongo inde andongbali ahuela Yesu mbuse e mokongo, ase ahelia etindje ende.²¹Alikambo ate inde asia la motema inga ihela sa esidje ende ikokala.²²Yesu a dendia mbuse amoenia asiate: Mana o mbai dja la motema makasi! wondimi wo owe wokalesi owe ndi la engele eho moli oho akali.²³Yesu aumia la monguta mo Likumu laho, ango oweneli inde wato wabomi wamalinga alikambo la okiiakamohundi mana oho, ase wato ebele wato wadjakali okpomi etale.²⁴Inde asia umani saa alikambo ate mana omoli aguiti te , ase akolalaka wilo wa mosekia ngbii.²⁵Ango aumali wato saa, Yesu alingelia la monguta amohelia mana omoli oho ewo ase mana omoli oho aamalia.²⁶Mboli eho esombia wiati pkàa la mokili mwesi ngoo.²⁷Yesu alongoya ongo, ase engele enge edjakali inde weti ebete eesi, wato wagui maiso wale wapotali omotutei la opami tookela iso magba mana o Davidi!²⁸Ango eumali Yesu la monguta, wato wagui maiso waumia ahue la inde ase inde awahuelia: Ondimini ate yengi oduholini maiso manu? wa mowongoselia: Ndjongo mwalimo.²⁹Ndjongo Yesu awahelia la maiso, asia: Loi wokelame nda edjéi wondimi wonu?³⁰ASe maiso mawu madukwania. Yesu awatekesia makasi inde awaselia okani wolamu, ewongi moto tweti atie wete.³¹Ase wakia wasia mboli e Yesu Wiati kpàa ndondo e miki maho.³²Ango odjakali wato waho okiiwakadjia la moto mwesi otokpomaka te atie Yesu alikambo ate inde adjakali la molimo mobe.³³Ango oumbali Yesu la molimo moho, moto oho apotia o kpomi: Wato waenia ndjongo wato ngbii wahuelia wasia ewenekiyo loi nda wohowu ahala la Isalaele.³⁴Ase wa Falisai wasia adjéi Likumu la wisisi wibe, nde emohi inde wokumu wo woumbi la wisisi wibe.³⁵Yesu alekali wibete kpàa ndondo e gbata la miki kpàa inde adjakali opundesi la monguta mowakongi mowu woasi mboli ndamu e wokumu ase adjakali okalesi wato kpàa wawikoni la wato wawodidi.³⁶Motema monde mookali magba alikambo la wato ngbii wango wawenekeli inde, alikambo ate wato waho wadjakali olembi ase wadjakali la motema molitake nda nkondolo djinge idjangi modengi.³⁷Ndjongo inde asia la watutiani wande pukapuka idjéi ngbii ase wato wawotomu wati ngbii te alikambo la osui pukapuka.³⁸Ndjongo akongoni la Likumu la elanga awatome wato wawotomu ngbii alikambo la osui.

Chapter 10

¹Yesu awawelali watutiani wande liomu la wale, awahelia wokulu wo oumbi la milimo mibe, la okalesi wikoni kpàa, la okalesi wikoni kpàa, la wodidi wesi kpaa.²Ehele edjéi nkombo dja watomani liomu la wale oliwoso Simo nkombo ende edi Petele la manango Andele, Yakobi la manango Yoani, wona wa Zebedeo.³Pilipo la watolome, Toma la Matia, ndombe e mamelo, Yakobi mùana o Alafeo la Zadeo.⁴Simo moto obali moki monde la Yuda Kaliota, moto omohali Yesu atie mitone.⁵Yesu awatomali watutiani waho liomu la wale awahali miano ndjo: otikekeni la telitoamle ebete e wato wati wayuda te, wango wakoabataka ongo, otilingelakeni la gbata e wa Samalia te.⁶Ase kekeni atie wa Isalaele wango wawusi mboka nda kondolo.⁷La mboka, asakani wokumu wo likolo woumiga awue!⁸Wakalesani wato wa wikoni, wasekwisani qwato waguake wakelesani wato wamba la umbani la milimo mibe. Ino okondjini mpamba.⁹Otikakeni wolo, te wadjenge, te pukapuka dja wadjenge, la wopasa wonu te¹⁰Otitotakeni wopasa alikambo la wosombi wonu te, te simisi iwale te, te sapato te lingenda te.¹¹Inga woumani la gbata esi te la moki mwesi, molukani ndi moto ongo okowemeleni ase abatani atie nde tendi wungo wuse wokolongwa ino ango atie nde.¹²Inga olingelani la monguta mwesi, asani logoo edje laino.¹³Inga wato wa wuhungo monguta wawoemeleni, ewongi logoo enu edje la iwo. Ase inga wawemeletini ino te longoseni logo enu.¹⁴Inga watona owemelini ino te owoki ino, la monguta mwesi ndjongo, te la gbata esi longwani la ehenge ebete ase huholani limungele la makolo manu.¹⁵Iwaselini loi wo memene: la wuse wo oteni huko, enguele e wato wa gbata eho ekodja monga oleki eguele e wato wa Sodoma lo gomola.¹⁶okani! yotomini ino nda kondolo ndondo e pange ndjongo, djani la wokenge nda ebili ndjo la logoo nda mbulu e pidjo.¹⁷Huakani, alikambo ate wato wakawaino la timilali la wakobinga ino liwoso, ino pimbo ndondo e monguta mo wakongi mowu.¹⁸Wakokawani ino liwoso la wakawi, ase la makumu alikambo la mbai, liwoso lawu la liwoso la wadjondji.¹⁹Inga waokawani ino liwoso la timilali, otibatakeni motema likolo te, alikambo loi wokwasa ino, te la ndenge e wasi ikohani ino loi lungo lokwasa ino.²⁰Ndjoi djaho itouma atie nu te ase ikouma ma molimo mo sangbanu okoasa ndondo enu.²¹liwota wakolaana wawa akomoolà mana, wana wakoamalila wa sangwà, pé wakowaala. ²²watokpa wakootani, aloyi la kombo embayi kasi, ongo akonanga motema, akokalàa! ²³inga wodje betelemi la moki mwesi, ladjeiti mikii. iyowaselini meemené woti sombwani mokikpa mo isalaele hatanga engé adjakiya mana o moto.²⁴Moyekoli atimwetaka molakisi mondé. ²⁵Ewandi wamondwe moyekoli nda molakisi moondé, wamowelali yoo memenè molako ate adjei likumu mo mutimombé; aseko laino wongo waabati à molako monde.²⁶otiwangeni ema teeti easiti liwoso lanu tilingé liaasi etidjanga wewani eiwoso lanu litingé liaaisi etidjanga wewani liwosolasu. ²⁷asani lamoli motetelaké lingé li waaselalini mbai likolo lingé ni ewasalelalini mbai la dumbiani lamoli motetelaké likolo la milako.²⁸dèeni owangi wango wakoolaka wengi, kasi watiolaka molimo, wangani wango wakolaka wengé la molimo la gehene. ²⁹watitambaka mbulu djà sèlè iwalé la makuta la cuivele? kaakwasé, emateeti ingélikuuma inga sangbanu atigéngé. ³⁰edjete motango mowusé mo moto mwewani. ³¹ino awietini edingé mbulu la oyiti susele.³²aseko, motongo otatolani mbai liwoso la wato kpa, mbai pé ikomotatola iwoso ewawa ombai adjei likolo. ³³inga moto awungana mbai liwoso la wato, mbai pé ikomoungana liwoso la wawa ongoodjei o likolo.³⁴Oti mungoleni te ate idji odjabati logoo ahala la mokili idjiti odjabati logoo te, ase obati mopanga.³⁵Idji odjabati okawani ndondo e wawa la mana o pele la sango, ndondo e mana o moli mongindi la nango ndondo e moli mongindi la nango molome onde.³⁶Watonani wa moto wakodjaa ndi wato wa liwota lande mene.³⁷Moto omobali sango, te nango oleki mbai, moto oho aengiti la mbai te moto omoali mana opele te mana onde omoli oleki mbai moto oko aengiti la mbai te.³⁸Moto ongo okpaliti kuluse eende te la otutei mbai te moto oho aengiti la mbai te.³⁹Moto obali obanei mokalo monde akowotilesa woho ase moto okotilesa mokalo monde la gbondo e mbai akokondja woho alidi.⁴⁰Moto okowemekeni ino akoemeleke mbai, ase moto okoemeleke mbai, akomoemeleke moto ongo otomali mbai.⁴¹Moto okomwemeleke mwaseli mo Mwengéi alikambo moto oho adjéi mwaseli mo Mwengéi akokondja esuki e liputi la mwaseli oho ase moto okomwemele moto memene liwoso la Mwengéi alikambo moto oho adjéi moto memene liwoso la Mwengéi akokandja esuki e liputi la moto oho.⁴²Yasi la ino loi wo memene moto okomoha moto mwesi etotu esi e malia madekeke atie moto mwesi mokeke ndondo e watutiani wambai alikambo ate moto oho adjéi motutiani mo mbai, akokondja liputi.

Chapter 11

¹Ango oseselali inde owapundei watutiani wande liomu la wale inde alongoya ongo la okii owapundesi la owaseli ndondo egbata la moki moho.²Yoani Mopatesi adjakali la woyogo, ase aokia mboli etomu dja Kilisito, ndjongo inde awatomia watutiani wande wadi.³Alikambo la omohueli Yesu odjéi moto ongo wewi iso ate ageleli inga te ndjongo tomolambele odi ongo ongoli?⁴Yesu awawongoselia: kekeni omwaseli Yoani loi wungo woeni ino la wungo wooki ino.⁵Wato wagui maiso waenia wato wabukakani makolo wasombia, wato wa mbala wakalia wato wadikami matoi wopotia ooki, wato waguake wasusoya ase wato wango wadjangi wa okia mboli ndamu.⁶Mwemu la moto ongo okobamiaka wondimi wonde.⁷Ango okeli watutiani wa Yoani mopatesi, Yesu apotia wasi loi wo Yoani atie wato ngbii okadengakini nda loi ongo la lisobe? etale enge ekoninganesaka ehoho? te? ⁸Ndjongo okelini odendi nde? moto ongo okali wisindje wilamu? ase wato wango wakpali wisidje wilamu wadjéi la minguta ma makumu.⁹Nde ndjongo okelini okadendi nde? mwaseli? memene yasi la ino okelini omweni moto ongo omoleki mwaseli.¹⁰Te la gesele Yoani adjéi moto ongo wasi ekpàata e Mwengéi alikambo lande: Mwengéi asiate imotomi toma o mbai liwoso la owe alikambo la odukoli mboka alikambo la owe.¹¹Yasi la ino loi wo memene: ndondo e wato, moto tweti te adjali mosungu omoleki Yoani mopatesi. Ase moto ongo odjéi mokeke ati ndondo e wokondji wo likolo adjéi mosungu omoleki inde.¹²Obandi ndiango engele enge easakali Yoani mopatesi tee ndi kekehele, wokumu wo likolo wokondji nga monga ase wato wa paima wokolukaka opwesi woho.¹³Waaseli kpàa la pui dja Moize yasiga loi wo wokumu wungo wodji la engele e Yoani.¹⁴Ase inga obalini ondimi mbai Yoani adjéi Elia ongo wasali iwo ate akodja.¹⁵Okani wolamu inga odjéini la matoi.¹⁶Ikowakokesa wato wa ehele engele landai? wadjéi nda wana wango waabati ebete e lihoo, enge wabolei wesi wakopamaka la wungo wodi ate;¹⁷Toobomeli ino misiki, ase otiwineni te tolembaleli ndjembo dja magba, ase otilelalini te!¹⁸Alikambo ate Yoani mopatesi adjali inde atilakali la atikengali Vino te, ase wato wasiate: inde adjei la esisi ebe.¹⁹Mbai mana o moto idji ga ikolakaka la ikokengaka ase wato waasia: modendani oholo moto akomungwaka sa wolaki la okengi Vino. Inde aewani la wa ndombe wa mamelo, la wato wabe! ase lokenge wo Mwengéi wokoeneneke memene alikambo likokelaka inde djinge sambo.²⁰Ndjongo Yesu apotia ogbongeli miki mingo mikeliga inde maahuele ngbii ndondo eho alikambo ate wato waho watihengeseli mitema te inde asia.²¹Magba la owe Korasini! magba la owe Betesaida alikambo ate inga wiaahueli ehele ndenge wiumiga atie nu, wiumali la Zire la Sodoma, gala wato wa mihinge miki wakpali ga saki ase wasuiga misu la mito mau, alikambo ohengesi mitema.²²Alikambo la ndjo, yasi la ino, la wuse wo oteni huko eguele enu ekodja makasi oleki eguele e wato wa Zire la Sidona.²³Ase owe Kapalanaumu omungwaka ate akoatelesa la oumi likolo okouma sese tee la lifelo: alikambo ate inga wiaahueli ehele ndenge, wiumiga atie owewi wumiga la Sodoma nda gbata eho eumali tee kelekele.²⁴Alikambo laho, yasi la ino la wuse wo oteni huko eguele enu ekodjamakasi oleki enge e Sodona.²⁵La engele eho, Yesu asia o wawa, Likumu la likolo làlá mokili, yohekeli kekedinge alikambo ate wenesiga atie wana loi wungo woisi owe atie wato wa lokenge, ase wato waho waewi ga opundesi.²⁶La memene wawa edjéi ndjongo alikambo ate wonoli ndjongo la obali ndjongo.²⁷Wawa abatiga wiho kpàa la wawo ma mbai moto tweti te a mwewiti mana ndi wawa omwewi ase moto tweti te amwewi wawa ndi mana omwewi inde, ase wato wango wa wabali mana owaewesi atie sango.²⁸Ndjakani atie mbai ino kpàa wango walembi la mikpali ase ikohomesani ino. ²⁹Kpalani tomu dja mbai ase hekeleni mbai mboka ikopundesani ino alikambo ate idjéi la motema pete la wa telesi té, ase okokondja la ebete ehomake la ino mene.³⁰Okpali wotomu wungo wokohani mbai woti makasi te ase mokpali mokokpalesani ino mbai moliti.

Chapter 12

¹Mbuse engele ekeke, Yesu adjakali oleki ndondo e elanga e wopunga wuse wo ohomi watutiani wande waokia ndjala wapotia ogbololi wopunga la olaki pukapuka djaho.²Ango weneli wa Falisai loi loho, wasia la Yesu: Denda watutiani wa owe wakokelaka wotomu wuse wo ohomi, loi wungo wotekesi pui djasu.³Yesu asia la iwo: otitangakeni yo te sambo djinge ikelali Davidi wuse wesi wungo wodjakali wato wande la ndjala?⁴Inde alingelali la monguta mo Mwengéi ase watidjali la obalesi wo olaki mapa maho te. pui djaho ibalesi ndi la wanganga Mwengei.⁵Alidi otitangalini ndondo e pui dja Moize ate; la wuse wo ohomi wanganga- Mwengéi wahawa ndondo etomu dja monguta ma Mwengéi watotemi aka pui la wuse wo okomi te ase wati la lisumu te?⁶Ase yasi la ino, ema esi enge edjéi ala enge eleki wasungu olaki monguta mo Mwengei.⁷Inga wewakini gbondo esambo dja ekpata e Mwengéi nda asi eho: ibali wouma ase ibaliti makao ma nama mango makohaka iwo, nda wengitini owasambesi wahawa wato wati la loi te.⁸Te legesele te mbai mana o moto idjéi Likumu la wuse wo sabata.⁹Yesu alongoiya ongo, alingelia la monguta mowu mowakongi.¹⁰Moto mwesi adjakali ongo ewo ende egui. Wato wango wadjakali ongo, wadjakali omotioli Yesu nda inde nde okeli wobe: la ndjongo wamohuelia Yesu pui dja su indimi omokalesi moto wuse woohomi?¹¹Yesu awaselia inga moto ndondo esu adjéi la kondolo esi mpamba, ase inga kondolo esi mpamba, ase inga kondolo eho ekwa la liwela lilindi wuse wo ohomi, inde atolingela ongo la woumesi kondolo eho?¹²Motio mo moto modjéi ngbii oleki kondolo! ndjongo pui dja su indimi okeli olamu.¹³Ndjongo Yesu asia la moto oho: Djaka la ewo e owe inde amohelia ewo ase ewo ende ekalia nda enge edi.¹⁴Walisayo wakia, ase wamungo ya nda ndenge engi omohekeli Yesu.¹⁵Ango wewali Yesu loi loho, inde alongoya la ebete eho, ase wato ngbii wa motuteyainde inde akalesia wato kpàa wawikoni.¹⁶Ase Yesu awahali iwo wokulu wo owaewesi iwo inde adjéi ndai.¹⁷Edjali ndjo alikambo la woengesi loi liungo wasali mwaaseli Isaya.¹⁸Mwengéi asi: oholo adjéi mosali mo mbai ongo omwonoli mbai, moto ongo omobali mbai ase ibati mwemu kpàa mo mbai atie nde. Ikohekele molimo mo mbai mokotikala likolo lande akoenese atie e tomu huko djinge ibali mbai oteni.¹⁹Atoswa la moto te la atopama te wato moka te okpomakpomi la mboka.²⁰Atoso litaki linge liyaimbi la atola mwinda mungo mopotia olimani akokela ndjongo tee ndi alongesiga womemene.²¹Ase witondo kpàa wikobata mamungwene mawu ndondo ende.²²Ndjongo wadjia atie Yesu la moto mwesi ongo ogui maiso, la atiengali okpomi te la inde adéi la esisi ebe Yesu amokalesia moto oho ase apotia okpomi la woeni.²³Wato kpàa waahuelia la wasia inde aengi odjéi mana o Davidi.²⁴Ango ewa okali Wa Falisayo wasia: oholo moto akoumbaka la esisi ebe, alikambo la Beledjebului Likumu la wu akomohaka inde wokulu!²⁵Ase Yesu aewali mamungwene mawu, ndjongo inde asia la iwo la wokumu kpàa wungo wokosanaka wato waho ndondo ewu mene gboo eho edjéi logo. Gbata kpàa te mawota kpàa mango wato waho te woabolei wou wakosanaka ndondo ewu mene, wato amala te.²⁶Inga Etota aumba inde akosanaka la inde mene. Ndjongo wokumu wonde wokoamala nda ndenge? ²⁷Okomungwakani ate mbai ikoumbaka la wisisi wibe alikambo la Belezehuli akohaka mbai wokulu. ndjongo ndai okohaka okulu atie wayekoli wanu mongindi?²⁸Kasi inga la okulu e Mwengei ekowumbaka mbai la, likumu la Mwengei edjei etie ino. ²⁹Alidi nda ndenge moto akoki lingeli la molako mo moto otetelake apuese iho, ndji atimo eheyo ongo moto motetelake.³⁰Moto ongo oti la mbai mongindi te akosanaka la mbai moto ongo ogamesitiaka mbai te la okongoli djinge ikoandjaka inde akaa ndjaka.³¹Alikambo laho, yasi la ino wato waengi olimbesami alikambo la masumu kpàa ase alikambo la sambo kpàa djinge ikoasaka iwo ase moto ongo okoasaka sambo mbe atie molimo monsato, atolimbisama te.³²MOto ongo okoasaka sambo mbe atie mana o moto akolimbisama ase moto ongo okoasaka sambo mbe atie molimo monsato atolimbisama te, te la ehele engele, te le engele enge egeleli.³³Alikambo la okondji pukapuka ndamu eongi odje la motema molamu inga odjani la mote mone, okodjani la pukapuka mbe alikambo ate wato wakoewaka mote la ndenge epukapuka djinge ikowotaka mote moho.³⁴Ino okani nda ndenge engi ino wasi sambo ndamu ase ino odjéini wato wabe? alikambo ate monoko mo moto mokoeneseke sambo djinge itumi la motema monde.³⁵Moto molamu alikambo la wodjenge walamu la motema monde, akoumesaka sambo ndamu, moto mobe alikambo la wadjenge wabe la motema monde akoumesaka sambo mbee.³⁶Yasi la ino la wuse wo oteni huko wakowasambesa wato alikambo la woasi wou ndjongo ndjongo la mango masi iwo.³⁷Alikambo ate wakotena huko e owe, nda ekoasaka owe inga odje la huko te inga oti la huko.³⁸Ndjongo wato wadi la wapundesi wa pui la wa Falisayo wasia la Yesu: mwalimo, tobali towene owe okele eaahuele.³⁹Yesu awawongoselia ndjo: wato wa ehele engele ekéké wati wato wango wakoahelelaka la wondimi wou te atie Mwengéi wako ongoko eaahueli,ase Mwengéi atowaha iwo eaahueli teeti te, ndi enge emohali Yona.⁴⁰Te la gesele te, nda elangalali Yona masio masato la makolo masato ndondo solo djasu sungu, ndi ndjongo mbai mana o moto ikolangala masio masato la makolo masato ndondo e mbume.⁴¹Wuse wo oteni huko, wato wa Ninive wakoamala liwoso la wato wa kekehele la wako wasambesa iwo alikambo ate wa hengeseli motema ango okali iwo woasi wo yona.⁴²La wuse wo oteni huko, Likumu la moli o Sudi akoamala la owasambesi wato wa kekehele, la akowahela iwo alikambo ate inde alongwali la moki mo lihiele la oki sambo itumi la lokenge lo Salomo ase ema esi edjéi ahala esungu omoleki salomo.⁴³Ango oumiga molimo mobe atie moto inde akokeke ase akowongwaka la wibete wiomake oluki ebete ehomake inga atigbote eho te.⁴⁴Inde asia iwongwe la monguta la ebete enge elongwali mbai inde awoya ongo ase agbotia wonguta modjéi wohola ndi wakpasiga la wa wongeliga moho wolamu kpàa.⁴⁵Ndjongo inde akia ototi milimo sambo wadi omoleki inde la wobe wawongoya mongindi ase wabatia ongo edjéi ndi ndjongo ate gboo emoto oho ekodja wobe oleki ongo oliwoso loi wokodjaa ndi ndjongo alikambo la wato wabe wa kekehele⁴⁶Ango edjakali Yesu wasi yo la wato, nango la wamanango woumia wamalia ongo saa la wadjaki oluki okpomesani la inde.⁴⁷Moto mwesi amwaselia Yesu oka ngua la wamangua waamali ongo saa ase wabali okpomesani la owe.⁴⁸Yesu amowoselia ongo moto nda moto odjéi ima la wa manima wadjéi wa ndai?⁴⁹Mbuse eho inde alongosia ewo atie watutiani wande asia: Dendani ima la wamanima wadjéi ahala,⁵⁰Moto okokela nda ebali wawa o likolo, moto oho adjéi manima opele, la manima o moli.

Chapter 13

¹La wungo wuse mene, Yesu apumdesi la monguta asee akabatia kelekele e ligbutu alikambo la opudesi.²Wato ngbii wabolea ahue la inde, la ndjongo inde alingelali la molela, abatali ongo wato wamalia kelekele e malia.³Yesu adjakali wasi masekpe alikambo la wasi la iwo, sambo ngbii, ndjinge yasakali inde laiwo moto mwesi apumbali okii okaoni pukapuka.⁴Ango odjakali nde olumbakoli pukapuka djadi ikwakanali kelekele e mboka mbulu iumali mine idjilakia.⁵Esuki edi ekuali la ebete e mabanga la ebete enge etidjake mbume sungu, pukapuka itoli gala alikambo ate mbume itidjake sungu te.⁶Ango ebatali moi molongosia kasi djaho, ase kasi djaho yomali suaa alikambo ate ndjili itibekakolali te.⁷Esuki edi e pukapuka ikwakanali ndondo e keke keke iumali ihelali kasi ndamu djaho.⁸Ase pukapuka djadi ikwakanali ndondo e mbume ndamu, ase iwotali pukapuka djadi iwotali pukapuka kama esi, djadi tuku isato.⁹Yesu asali alidi: okani wolamu, inga odjéini la matoi.¹⁰Watutiani waumia ahue la Yesu ase wamohuelia: alikambo lande ekopomaka owe la iwo la masekpe? ¹¹Yesu awawongoselia ino okondjigani lokenge lowewi sambo djinge iyasi ndondo e wokumu wo likolo, wa wato wakondjaki yo woho te.¹²Alikambo ate moto ongo odjéi la wadjenge akokondja wadi ase akodjaa la wadjenge ngbii, ase moto odjéi la waho wakeke, wakopuesa ndi wango wadjéi inde la waho wakeke.¹³Alikambo laho likoasaka mbai la iwo la masekpe alikambo ate wakodendaka ase wenitiaka te, la wakokaka, ase waokitiaka gbondo eho te.¹⁴Ndjongo ndjoi dja mwaaseli Isaya maengesame: alikambo lawu la wasindjo Mwengéi asi okani wolamu ase otoewani gbondo te okodengani wolamu, ase otoeneni te.¹⁵Te la gesele molimo mo waha wa wato moumiga ndou,wadihiga matoi mawu, wanangiga maiso mawu alikambo ate maiso mawu matiene te ase matoi mawu matioke te, alikambo molimo mowu motiewe gbondo te alikambo ate watia ndondo e ahue la mbai ase iwakalese.¹⁶Ase ino, mwemu modjéi la ino, maiso manu makoeneke, ase matoi manu makokaka!¹⁷Ikwasaka la ino loi wo memene: waaseli gbii la wato ngbii wa Mwengéi wabalali weni luhulu loi wokoeneke ino, ase watieneli te la wabalakali oki luhulu loi wokaka ino, ase watiokali te.¹⁸Ndjongo okani gbondo e lisekpe la moto o woni.¹⁹Wato wa woki loi wo wokumu wo Mwengéi ase waewiti gbondo te, wadjéi nda kelekele e mboka ebete ekwali pukapuka: Etota adjia alongosia loi wungo wokwi la mitema wawu.²⁰Wadi wadjéi nda mbume dja mabanga, mango makwi pukapuka ndondo eho, wakokaa sambo ase wandimia la mwemu.²¹Ase wakodeke sambo djinge ikolingelaka la mitema mawu te, wakoakelelaka maho sa engele ekeeke. Ase inga ekoni euma te wodidi alikambo la loi wo Mwengei.²²Wadi wadjéi nda pukapuka ndondo ekeke: wakali loi ase mamungwene ma mokalo mamuhumu moki, la mwemu la wikosako wawa djenge enangami la sambo djaho, ndjongo wawotiti pukapuka te ndjongo wawotia pukapuka.²³Ndjongo wato wadi wakondji pukapuka la mbume ndamu waoki loi ase waewi gbondo eho. Djadi kama esi djadi tuku motoba, ase djadi tuku isato.²⁴Yesu awaselia lisekpe ladi: wokumu wo likolo wodjéi nda ema enge moto mwesi aonali pukapuka ndamu la elanga ende.²⁵La likolo ango odjakali wato kpàa la wilo, motone mo moto oho adjia aonia wisoki wibe ndondo engano, ase akia.²⁶Ango otoli ngano ase iwotia pukapuka, wisoki wibe witoiya koto.²⁷Wato wa wotomu wa memene elanga wapotia wasi la inde likumu, onali pukapuka ndamu la elanga e owe ndjongo wisoki wibe wihiwi widji eni?²⁸Inde awawongoselia: motone nde okelali luhulu loi ndjongo wato wa wotomu wamohuelia inde obali ate toke olongosi wisoki wibe?²⁹Inde awaselia iwo: te alikambo ango okolongose ino wisoki wibe, okolongoseni koto ngano.³⁰Deni djaho eume mongindi te ndi engele ekotena ino pukapuka engele ehonde ekoasa mbai la wato wa wotomu waoteni pukapuka liwoso longoseni wisoki wibe, ase owinangeni ma wokema woke alikambo la omatumbi, mbuse eho okolingesani ngano la monguta mo mbai mo woisi pukapuka.³¹Yesu awaselia iwo lisekpe ladi: wokumu wo likolo wodjéi nda pukapuka e mositade, enge etotali moto, aonia ndondo e elanga ende.³²Idjéi pukapuka kekekeke oleki pukapuka djadi kpàa ase inga itoiga idjéi wisoki wiesi wileki wisoki wiumia mite ndjongo kpàa mbulu iumia okeli wilako wau likolo la wite waho.³³Yesu asia la iwo lisekpe ladi wokumu wo likolo wodjéi nda le Vire enge etoti moli, ase awanesia djaho ebete eikima la kilo tuku iwale la itano dja Farine tee ndi engele enge ekovimba mapa kpaa.³⁴Yesu adjakali osololi la masekpe alikambo la woasi sambo djinge kpàa atie wato ngbii; inde atiasakali la iwo te inga atiase la masekpe te.³⁵INde akelakali ndjongo, alikambo aengese la wungo woasali Mwaseli ikoasa la iwo ndi la masekpe ikoasa la iwo sambo djinge iyaisi olongoi te engele e okelami wo mokili.³⁶Ndjongo Yesu awadeya wato ngbii ase alingelia la monguta.Watutiani wande wakia atie nde ase wasia twasela iso gbondo e lisekpe la wisoki wibe ndondo e langa.³⁷Yesu awa wongoselali ndjo: moto owoni pukapuka ndamu djéi mbai mana o moto.³⁸Elanga edjéi mokili, pukapuka ndamu enesi loi lo wato wango wadjéi wato wa wokumu wisoki wibe enesi loi lo wato wango wadjéi wato wa Satana.³⁹Motone mo oni wisoki wibe edjéi Satana.Engele e oki pukapuka edjéi gboo e mokili wato wa oluiki pukapuka edjéi waumbwa.⁴⁰Nda elongosi iwo wisoki wibe alikambo la olumbi la misa, ekodja ndindjongo engele e gboo e mokili.⁴¹Manango o moto akowatoma aahumbwa wande wakolongose ndondo e wokumu wonde wato wa wikosako, wato wango wakokelaka maumu, wato wango wakokelaka wobe.⁴²Ase wakowalumba ndondo le pulu ebete ekolela iwo la okpemeseni maino.⁴³Ase; wato wa omotemei Mwengéi wakongala nda moi ndondo e wokumu wo sangbau. Okani wolamu, inga odjéini la matoi.⁴⁴Wokumu wo likolo wodjéi nda wadjenge wayaisi la elanga. Moto mwesi agbotia wadjenge waho ase awasia alidi inde adjéi la mwemu, ndjongo nda ekii inde okatambi wiho kpàa winge widjéi inde la waho.⁴⁵Alidi wokumu wolikolo wodjéi nda moto ootambi, ongo okolukaka mayaka mabanga ma motio mosungu.⁴⁶Inga agbotiga liesi laho linge la motio mosungu inde akia akatambia wiho kpàa winge widjaki inde la waho, ase asombia libanga laho.⁴⁷Alidi wokumu wo likolo wodjéi nda woya wosu, wato walumbia ndondo e ligbutu ase woya wohelia su ndenge la ndenge.⁴⁸Inga itumiga, wato wa oluki su, wakogula wohokelekele e malia ase waabati alikambo la wonisu wabate su ndamu ndondo e modjangi ase walumbe su mbembe ndondo e malia.⁴⁹Ekodjaa ndjongo engele gboo e mokili: waahumbwa wa kodja olongosi wato wabe ndondo e wato walamu.⁵⁰Alikambo la owalumbi ndondo emisa lapulu, ongo wakolela la okpemeseni maino.⁵¹Yesu awahulia: wewigani loi loho woesi kpàa?⁵²Ndjongo wapundesi kpàa wa pui wango waumia watutiani la wokumu wo likolo, wadjéi nda moto o wadjenge ongo omesi ndondo e wadjenge wande wiho wikoli la wiho wa gala.⁵³Ango asesali inde wasi mango masekpe maho inde alongoya ongo.⁵⁴Ase akia la gbata ebete enge ebekali inde inde apotali opundesi ndondo e monguta mowakongi mo wa Yuda la ebete eho, ase wato kpàa wango wadjakali ango wahuelali ngbii wadjakali woasi lainde akondji wungo wokenge eni? ndenge engi inde okeli wamohue enge ndenge? ⁵⁵Inde ati mana o sabate te? nango ati Maria te? wamanango Yakobo,Yosefu, Simoni la Yuda te? ⁵⁶Ase wa manango wa wali wati ndondo esu te? inde akondji wokulu wungo eni.⁵⁷Ase enge ewahali iwo omondimi inde, ndjongo Yesu asia la iwo: mwaseli akokondjaka etemia wiati kpàa ase adjangia waho ndondo e gbata ende mene la ndondo e liwota lande.⁵⁸Ongo inde akelali wiahueli ngbii te alikambo la wondimi wou.

Chapter 14

¹La enge tango, elode moaneleli mo aokia mboli e Yesu , aasia la watutiani wandé: idjei yowane mobatisi! ²abasia la wagwi,edjei ndjongo ndé moto akokeleka waahueli..³Aloi helode ndé amohelesali Yowane, amolingali, amobatalia la ogogo alikambo Helodia, moli ofilipo maanango à loyi te yowane amowaselali tè ati mototé ndà moli. ⁴alukali omoholi, kasiadjaali owangi wato, aloyi wadjaali oweni yoane nda moeni sambo. ⁵alukali omoli kasi adjali owangi wato, aloyi wadjaali oweni yowane nda Polifeta⁶Tango wadjaki owongeli feti a owotami é Helode; mana omoli O helodiasi awinia liwosonla wato, Helode ayemelia, ⁷Ekiatée amowunelia la olapi la omohi éngé ekoonga indé kpaa.⁸oyokia ndengé emowaseli na ngo aasi mauselia: Ha mbai moto é yoane mobatisi la saani. ⁹Likumu awumia magbai; kadsi odhéndi ndé olapi ondé la maiso ma wato.¹⁰awongia tè wamohè, aatomia à wamotené Yoane ongo la egogo. ¹¹moto mondé wakia leho a asani wa mohia manomoli adjei ohi nango ¹²Wayekoli wa Yoane wadjia ototi wengé wandé wakia okundi, wadjia omosumbeli Yesu mboli.¹³ango eyokia Yesu a njongo atelia masu wa akia ma lihelé ebeté emanganga; ase wato waumia woewi woho ndjngo wapumbia la mokila mo tetedja inde la makolo. ¹⁴Tango epumbia indée a andondoli, aonia wato ngbi, awa okelia magba, akalesia wakoni.¹⁵kolokolo é djea ewolo emanganga, limbilé likia wayekoli wa moaselia: wongola wato wake; wakasombi ilaka.¹⁶yesu awawongolelia: wakokiti ; wahekelini ino amene ilakà. ¹⁷wa mwaselia : todjei ndi la okoke itano lasu iwale. ¹⁸aasia : djakani leho.¹⁹awa batisia wato la isoki, abandeli mapa itano la su iwalé, atombolia maiso likolo, apambolia. abukia okoke aleti ahia la wayekoli wandé, wakabolia la wato. ²⁰iwokpa walakia pé wa gbetia aleti wa onia ikolo nkoto iwalé engé etikalali. ²¹wango walakali wadjali oweti nkoto itano ewato té otangi wali la wana.²²Mbuse aasia la wayekoli wandé watelé andondoli pé wake liwoso landé léeti ngambo emalia, indé awongose wato. ²³tango ewawongosia, atelia mokoli, aloyi tè bondeli ma lihélé ; aleti pkwa edjaali, adjali indé amene ²⁴andondoli edjaki ndondo emalia, mbongé ewadjaalia, aloyi ehoho edjaki odjei eeti ngambo.²⁵ewumia ngo,nga ineyi elikolo, yesu awadjelia akosombaka likolo e malia. ²⁶ango eenia wayekoli tè okosombakà likolo e malia watumali, waasia: edje etota ! aleeti, la owangi ewu wa bandali odhumbeyi. ²⁷yesu awaaselia ndimani tè edjei mbai.²⁸Petelo amoongoselia: likumu, inga edjei owè, ndimate edjè etiowe la makolo. ²⁹yesu aasia : djakà! petelo alongoya aandondoli, adombia likolo emalia akiya ngambo e yesu. ³⁰kasi owenité ahoho edjaki oweli owangi ; ndengé ebandaki indé odji, abandi olindi, adumbia : likumu, kalesa mbai.³¹Yesu anonolia ewo, amohelia, amoaselia: moto oondimi keke, woni otindimé owo? ³²wartelia a andondoli, ehoho esilia . ³³wango wadjakli ndondo é andondoli wadjia okwi amakolo ma yesu wamoaselia: odjei meemene mana o Mwengei.³⁴Mbuse wadjia a moki mo nazaleti. ³⁵wato waengé ebeté; wamoewa Yesu wa tomia mboli kelekele eyiwo wadjelia wato wa ikoni. ³⁶aasaliatè wahele saa esuki esindje endé . wango wadjaki omoheli.

Chapter 15

¹Mbuse eho wa Falizeyo la wa tiesakoli wa mibeko wadjali la Yelusalema ogbotoni la Yesu pe waaasia.²Woni watutiani wa owe watitosaka o tata wungo elongoyi la wato wa gala? ³Awawongoselia;" ino pe, ndjoni ekobukaka ino sambo dja Mwengéi la gbondo e otata onu?⁴La ndenge eho, Mwengéi aasali ate motemia sangwaa la ngwa, alidji: ongo okwasa obe atie sango la nango akotota etumbu e logo.⁵Kasi ino oasini ate: moto ongo okohasa inga la sango te la nango linge likokaki mbai oohi lidjéi libondja atie Mwengéi.⁶Aengiti la omotemei sango la nango. Olongosia likPomeli e Mwengéi la tina e otata wonu.⁷Wakosi, Izaya asakoli olamu la tina enu, ango eyasali inde.⁸Wawato wakoyaheneseke nda wato wa mbai wakotemiaka mbai la minoko, kaiko mitema mahu midjéi lihele la mbai.⁹Wakokotemiaka mbai ndenge e ikosako, la ohekeli mateya mango madjei mibeko ma wato.¹⁰Yesu awawelia wato pe aasia: ndjokani mbai pe tenani gbondo olamu.¹¹Eti djinge ikolingelaka la monoko ndjawo ikoumesaka moto osoto, kasi winge ikopumbaka la monoko. Ehonde likoumesaka moto osoto.¹²Mbuse watutiani wande wayandongbia pe wa mohaselia:"oyewi ate wa Falizeyo wayatungesaali la ooki mango makpomi? ¹³Awongosia mote kpàa mungo mooniti wawa o likolo mokotenama. ¹⁴Waadhee wadjéi wagbii maiso wango wakosumaka weti wagbi maiso mboka, inga mogbii maiso akosuma oweti mogbi maio, wakokwa iwo kpàa ndondo e liwela.¹⁵Petelo atotia makpomi pe amohaselia" tsosolisa li lisekpe. ¹⁶Yesu aasia" Ino koto, odjéini yo la odjangi okenge? ¹⁷Ososolaki yo ni ate djinge ilingeli la monoko likokeke la solo, mbuse ikoke la linee?¹⁸Kasi ndjinge ikopumbaka la monoko lidjii la motema, djawo ikopumbaka la monoko lidji la motema djawo ikoumesaka wato osoto.¹⁹La ndenge eho, la motema nde ikodjaka mamungo mbee, ooli wato, ikobo, osono ohuanesi wenge moli la motopele,iwa, oasi obe la tina e moto, okpomi la moto obe. ²⁰Ene linge likoumesaka moto osoto; kasi olaki odjangi okpoli mawo, linge litiumesaka moto osoto.²¹Yesu alongwali ango pe akeeli la moki mo Tyli la Sidona.²²Moli mwesi o kanana ongo odjaali la enge ngambo agbamali"Ndjoka magba, Likumu, mana ombai omoli akotungesamaka la etota eesi" ²³Atimowongweselali loi te loi kima, watutie wayandongbia pe wamoweelia"Mowongosa, la la loyi ate akohumbaka pui mbuse esu.²⁴Awongosia" Itomamali la tina e meme ndjinge iwungi la liwota la Isalaele."²⁵Kasi ongo moli adjia pe amayia mahuli liwoso la inde ahasia"Likumu, sunga mbai."²⁶Awongosia" Eti olamu ototi okoke o wana pe owalumbeli wana wa mbwa.²⁷Ongo moli aasia," Ndjongo Likumu, kasi wana wambwa wakolaka ilakelo djinge keke keke ikokwaka sese e mesa e Likumu lawu."²⁸Mbuse Yesu amohaselia"Moli, oyambi oowe odjéi osungu, ekelame ndenge ebali owe" obandi enge tango, mana onde omoli akalia.²⁹Yesu alongweya enge ebete pe akia kelekele e Ligbutu lisungu la Galileya. Atelia la mokoli ayabatia.³⁰Wato ngbii wayandongbia atiende, ndondo ewu edjakali la watenguli, wato wagwi maiso, wabubu, wato waiketi pe wato wadjeti ikoni ndenge la ngenge, wadjia la iwo atie Yesu awakalesia.³¹Wato kpàa wahemelali oheni wabubu okpomi, wato wa iketi wa kalia, watenguli wasombia olamu, wato wa lolanda waenia, wamotemeiya Mwengéi o isalayele.³²Yesu awawelia watutieyi awahaselia"Itumi la lomungo la tina e wa wato la likambo ate wakelia masio masato ndi wadjéi la mbai kasi wati la ema elakake. Ibaliti owawongoli la ndjala, la mbangi watilembe la mboka."³³Watutieyi wande wa mohaselia"Nda ndenge e koki iso odjwi ehele ebete e manganga ndjo makoke laate wa wato ngbii ndjo walake? ³⁴Yesu awahuelia "Odjéini la makoke maenga?" wamowongoselia: sambo. ³⁵Mbuse wabatesia wato la mbume.³⁶Atotia makoke sambo la suu, mbuse ende omotondi Mwengéi, awahekelia watutiani wande, wahekele wango wato kpa. ³⁷Iwo kpàa walakia pe wagbetia, mbuse eho wabatia djinge itikalaki la isaka sambo.³⁸Wango walakali wadjakali wato koto inei, owalongosi wali la wana.³⁹Mbuse awongosia wato, atelia la wato pe akakia la moki mo Manganga.

Chapter 16

¹Wafalisayi la wasa dukayi wa djia atie yesu, la ate wamobate la sambo, wamoweelia ate awahenese sambo dja likolo. ²Yesu awawongoselia: la kolokolo, okohasakani ekodja olamu, la lokambo ae lipata lidjei lil:angake; pe boo.³Mopepe mo ewongo mokokela keke, la likambo ate likolo lilangiti; wato wayaisak;e; oyewini ososoli likalo kasi oyewiti odendi sambo ekosombaka tango. ⁴Wana wa tango mbe alidi wa ekobo wakolukaka ohoni wikamwa, otihane djeti ikamwa nda enge e yonesi mosakoli mbuse alongoya atie wu pe akia.⁵Tango e kpandia iwo ngambo aatie malia; watutieyi wande wawosanali ototi mapa. ⁶Yesu awahaselia: huakani, otiyaheni la llaka ma wafalisayo la wadukayo. ⁷Wayekoli wa mungolia ino amene pe wahasia: ahasi ndjongo ndenge etotiti iso lipa. ⁸Yesu, la oyewi mamungo mawu, awahaselia: wato wa oyambi okeke, nda ndenge ekomungolaka ino ndi inomene la ndenge etotiti ni ino mapa?⁹Ososolaki yoni alidi omungoliti kine mapa matano djinge ilaka ate wato 5000, ikolo iyenga ikpala ate ino, ¹⁰Te mapa sambo mango malaka wato 4000, ikolo yienga ikpala ate ino?¹¹Ndandenge etisosoli ino eti la tina e mapa ekpomi mbai la ino? otihahe ni la ilaka ewa falisayo la sadukayo. ¹²Sikandjo wasosolia ate etindje la tina e famini e mapa ehasi Yesu la iwo ate wati yahe, kasi la tina mateya ma wa Falisayo.¹³Yesu awumia la moki moselaleya e Pilipo. awahuelia atie wande: mbai idjei ndai, ndenge ekpomaka wato, mbai monga moto? ¹⁴Wamowongoselia: ndamo e wato wakohasaka ate odjei mobatesi; weeti ate odjei Eliya, weeti koto ate odjei Yelemia, odjei mosakoli mwesi. ¹⁵Inoko, oyewi ni ate mbai idjei ndai? awahueli. ¹⁶Simoni awongosia: odjei Masiya, Monga Mwengei o bomoi.¹⁷Yesu atotia ikpomi, amohaselia; odjei olamu, Simoni, monga Yonasi, la likambo ate eti lobundo la wato loohenesi ndjongo, kasi wawa ongo o likolo. ¹⁸Mbai, iwohaseli ate odjei pe likolo e libukeli ikomaa Eyamba, e mbai, milihe dja masio ma logo mitilongosa libukeli.¹⁹Ikoohele madukweli ma okumu likolo: linge likonanga owe ahala sese la mbume likonangna ongo likolo pe linge liko duhola owe ahala sese la mbume liko luhuana koto ongo likolo. ²⁰Awahaselia watutieyi wandeate watimohasele moto ate adjei likolo.²¹Ndi enge tango, abandia owahenesi watutieyi wande ate akoki oki la yelusaleme, onyokami , la wa iloko, makumu ma wa nganga pe wa bimianeli mibeko oholani la osekwi lisio la isato. ²²Petelo amototia inde amene, abandia omotetesi wenge la omohaseli ate: Mwengei aobanye likumu! djinge sambo itiowumelate. ²³Yesu ayakukolia pe ahasia la Petelo: wongwa mbujse, Etota, odjei motambo atie mbai la likambo ate mabundo ma owe mati mabundo ma Mwengwei kasi mabundo ma wato wa mokii.²⁴Yesu ahasia la wattieyi wande: moto ongo obali odjei motutieyi mo mbai, akpa agbongolo onde mbuse atutie mbai! ²⁵La ndenge eho, moto ongo okoluka okalesi bomoi onde akowungesa, kasi moto ongo okowungisa bomoi onde la tina e mbai ako etota la alidi. ²⁶Okodja nda litomba moto ongo okondja moki mobimba, inga awungisa molimo monde? alidi ndeema ekokukwanesa moto la molimo monde.²⁷La ndenge eho, monga moto akodja la okumu o sango, la wapubwa wande, akokela moto la moto okokani la ikela wande. ²⁸Iohaseli la osembo, ndambo e wato ndondo e wango wadjei ahala watigbaa liwoso ate wahene ndenge ekodja monga moto la okumu

Chapter 17

¹Mbuse Yesu amototali Petelo,Yakobo,la maanango Yoani,atelali la iwo likolo la mokoli. ²Ayakukolali liwoso lawu,elongi ende engengali nda use,alidji wisindje wande wibubaali nda mwinda³Mpe denga Moize la Eliya wawapumbelali wadjaali osololi la Yesu.⁴Petelo atotali maloba mpe aasia:likumu , edjei olamu la iso toyabate ala, inga obali tomaye minguta isato, eesi e owe eesi e Moize, mpe eesi e Eliya.⁵Ango edjaaki inde owaasi, ndenga lipata lingengeke ewadhihali.ndondo elipata mooli mookanali ndjo la maamaloba:oholo adjei mana ombai olibalano,iyemeli lainde ngbi:mookani! ⁶Eokaali tutiani djande mungo mooli, wakwaaali ilongi wawu la mbume alidji watumaali la boo sungu. ⁷Ase yesu ayandongbali la huwe ewu,awabandali alidji aasali: amalani,otidjeeni la boo. ⁸wadjambali maiso wa moyeneli ndji Yesu inde amene.⁹Eyadimbaali iwo la mokoli, Yesu awaunelia ate: otiasakeni la moto tueti dji sambo iyeeti ala tee lisio mana o moto akobasa la logo. ¹⁰Watutiani wa mohuelali ehele poopo:woni watiesakoli wa mibeko wakowasaka ate ewongi Elia adjee yo liwoso?¹¹Inde awongwesi ate Eliya akodjaa ala mpe akowongele sambo kpaa. ¹²Ase ikwasaaka la ino ate Eliya adjiika, kasi omwewitii kasi wamokeleli nda ebalaki iwo. ndjongo mana o mato akwene odidi la mawo mawu. ¹³La mwengele eeho, tutiani wayewali ate adjaali owaasi la iwo la tina e Yoani mopatisi.¹⁴Ango ewumaali iwo la hue e wato,moto mwesi adjaali okwi la mawuli liwoso la Yesu,asaali: ¹⁵Likumu, ndjokela mana ombai magba adjei la ebubuluka,akoyeneke odidi;akokwaka la misa edji mbala la malia. ¹⁶Imogbalali etie watutiani wa owe, watilonge omokalesi.¹⁷Yesu awongwesia ate, ehele wuuma edjangi ondimi mpe la okeseni; tee la nda engele ikodjaa la ino? tee landa engele ikonangelani motema?djeelani mbai la inde. ¹⁸Yesu amopamelia etota,epumbali la wenge emana,ndji la enge engele,mana akalali.¹⁹Watutiani wayandongbali atie Yesu, wamowaselali la oyayisi: woni etikoke iso owumbi la ehele etota? ²⁰Inde aasia la iwo ate , ondimi onu odjei okeeke. Iyowaselini meemene,inga odjeini la ondimi nda pukapuka e sinapi, okwasani la muu mokoli ate, somba te ate longwa ala keke tee ongo mpe ekosomba,loi tueti woti djanga okelami. ²¹kasi ndenge ehele etota ekopumbaka ndji la oongi la oyakili.²²Tango edjaki iwo osombi la galileya, Yesu aasi la iwo ate: ewongi la mana o moto ate wamokawe la mawo ma wato; ²³Mpe wakomoola, la mbuse e masio ma satu akobasa. Watumali la magba makasi.²⁴Eumaali iwo la kapalanauma, wango wadjali oongi pako la tepelo wayandongbali atie petelo wamoaselia ate: likumu lanu akokiti oputi pako e mbula? ²⁵Awongosia,ee. Ango elingelia iwo la monguta,Yesu atotia maloba aasia:simoni,okobundolaka woni? Makumu ma mbume wakoki oongi pako inga liputi etie wandai? Etie wana wawu inga etie wadidi?²⁶Amoaselia: etie, wadidi. Yesu aasia la inde ate ndjongo; wana wati puta. ²⁷Njongo lalikambo ate totiwahe ndundu , keke la ligbutu mpe lumba ndobani,gula suu enge e liwoso ekodja;modukola monoko,okogboto falanga.Tota eho, keke owahi lalikambo la iso la owe.

Chapter 18

¹La engele eho Watutiani wandjia ahue wo Yesu wtndai ondjéi mosungu la wokumu wo likolo? ²Yesu amowelia mana mokeke,amobatia awondja wou.³Ase asiate iwaseki la memene inga ino otiatitimeseni,ase inga otiakukoleni nda wana wakeke otolingelani la wokumu wo likolo.⁴Alikambo ate ongo moto akoatitimesa nda oholo mana mokeke inde okodjaa mosungu la wokumu wolikolo.⁵Ase moto ongo okoyamba mana mokeke la nkombo e mbai ayambi mbai mene.⁶Ase inga moto mwesi amobingesa akikimi moto mwesi mokeke ondimi,mbai ewongi wolamu la inde wanange libanga lisungu la kingo,ase wamolumbe la ebale.⁷Magba la moki la likambo e wikikimi! Ase wikikimi wikoki odjei,kasi magba la moto ongo okobingisa ekikimi eho! ⁸Inga ewo eowe,té ekolo eowe eobingesa ekikimi,etena ase woelumbe lihiele,ewongi wolamu olingele la mokalo,ekolo etenei la ewo elemei teaté olingele la makolo male la mawo male la misa ma libela.⁹Inga liso la owe liobingesa ekikimi,lilongose,eti wolamu odje la maiso male waolumbe la misa ma Gehena.¹⁰Huakani woimobetesa mwesi nda owana wakeke oholo,alikambo iwaselini ate waahumbwa wau walikolo wakoeneke wiengele kpàa,elongi e wawa ongo ondjéi ongo likolo.¹¹Alikambo ate Mana omoto andji ohalesi wawungi.¹²Woenini woni? inga moto mwesi andja la pata kama esi,ase inga esi ewunga,atodee ndjinge tukulibwa la libwa ndjadi la mokoli,la akaluki enge ewungi? ¹³Ase inga ayene,iwaselini la memene oemele ngbii oleki te ndjinge tuku libwa la libwa ndjinge iwungi ti.¹⁴Ndenge kikima,eti obali wo sangbanu ongo ondjéi ongo likolo omowu ngesi mwesi nda wana wahawa.¹⁵Inga mangwa aokelela Wobe,keke omotote,owe la inde ino wale inga awokela omoenese mangwa wobe.¹⁶Kasi inga atiwoke,motota moto mwesi te wale alikambo ate la wa demu wale te wasato loi loho wewane.¹⁷Inga atibale owao iwo, asa la lingomba ase inga atona koto oki lingomba andje atiowe nda mopagano alidi nda moputesi mamelo.¹⁸Iwaselini la memene ndjinge kpàa ikonanga ino ahala la mbume ikonangana ongo likolo ase ndjinge kpàa ikodukola ino ahala la mbume ikodukwana ongo likolo. ¹⁹Iwaselini alidi ate inga wale kati enu waokana ahala la mbume la woongi ema esi ndjongo, ekondimana la wawa ongo ondjéi ongo likolo.²⁰Inga ango wale te wasato wagbotonono la nkombo e mbai, mbai indjéi ndondo ewu.²¹Ase Petelo andongbia ahue la inde ase asiate Likumu,ikoki omokeli mino ombai magba mbala woni inga akela mbai wobe?Ekondjaa ndi mbala sambo?²²Yesu amwaselia ate iwaseliti ate esuke mbala sambo,kasi mbala tuku sambo mbala sambo.²³Alikambo ate wokumu wo likolo wondjéi nda likumu liesi okeli okatangi wambele wande atee wato wande wawotomu.²⁴Ango ondjakali inde otangi wamondjelia la moto mwesi ongo ondjakali la wambele koto lioomu.²⁵Ango otindjali inde la ema eputake likumu lande atomia ate wa motambe inde la moli onde,la wana wande,la wiho wande kpàa alikambo ate nongo ende esile.²⁶Moto owotomua alumbia la mbume,alelia la inde asiate Likumu ndjokela mbai magba ikoputa nongo owe.²⁷Amokelia magba Likumu la wango wato wa wotumu amodeya akia,amolimbesia nongo enge endjaki inde la eho.²⁸Mbuse ende opumbi,ongo moto owotomu agbotononi a la mwesi ongo ondjakali la nongo e wambele kama esi amohelia amohunolia kingo asiato puta nongo e mbai.²⁹Minonde alumbia la mbume, amwongia asiate ndjokila mbai magba ikoputa nongo eowe.³⁰Kasi ongodi teobali,ase akamolumbia la woyogo,tee ndiapute nongo enge endjaki inde la eho.³¹Wino wande wenia ndjongo waokia magba ma sungu ase wakia okamwaseli likumu la wundjinge sambo ileki kpàa.³²Ase ango memene wotomu amowelia moto onde owotomu ase amwaselia ate Moto owotomu mobe mbai yolimbesi owe nongo owe kpàa alikambo ate oleleli mbai.³³Otikokake omokeli mino owe magba,nda ewokeli mbai owe magba?³⁴Ase likumu lande amemelia, amohelesia la woyogo, tee ndiango okoputa inde nongo eende. ³⁵Ndi ndjongo ekokela wawa olikolo, inga mwesi onu atimokele mino nde magba la motema monde.

Chapter 19

¹Ango oseselia Yesu owaseli ndjinge sambo: adheiya Galilaya,ase akia la gbata e Yudea,la molelo mo Yordani.²Ebiba e wato wamotutiali, ase ongo awakalesia wato wa wikoni.³Wafalizeyo wamolingia, ase wasiate, wamomeke:Ewongi ate moto amotone moli onde sa ndjongo te loi? ⁴Awawongoselia ate:otitangalini ate mokeli, la lipotele, amokelali motopele la moli?⁵Ase asiate:alikambo ate motopele akomodhee sango la nango, akoabolia la moli onde, ase iwo wale waumia moto moikima.⁶Ango wati kine wato wale wa ndjéi gaa moto moikima moto twèti atikawanesa ema enge enangi Mwengei.⁷Wamoongoselia: la ndandenge, Moize asali ate, inga omotona moli omodhingela ekpata omodhee ake. ⁸awawongoselia ate: la likambo la woteteli wo mito manu, nde easali Moize ndjoongo ate owatone wali wanu: la lipotele, etidjali ndjongo.⁹Kasi iyowaselini moto ongo okomotona moli onde, amoheliti la la eteba, ase aikia moli odji akelia eteba.¹⁰Watutiani wande wasia la inde ate: inga likambo la molome la moli lindjéi ndjongo eti wolamu ate waikanane. ¹¹Awawongoselia ate: Pele kpàa watokoka loi luho, ndji wango wayahi. ¹²Ndjongo edjéi la wato wango wawotama wikube tee la solo dja wa nango, la wango wayakela wikube iwo amene; edjéi wato wango wayakela wikube la okumu wo likolo. Ongo odjéi la matoi maokake, aoke.¹³Ndjiango, wamodjelia la wana wakeke, alikambo ate awabatele mawo, ase awa ongole. Kasi watutiani wawatekesia. ¹⁴Ase Yesu asiate: wadheeni wana wakeke wadje etie mbai, ase otiwatekeseni, alikambo ate wokumu wo Mwengéi wo djéi aatie wango wakodja nda wana wakeke.¹⁵Awabatelia mawo,ase akia.¹⁶Ase dhenda, moto mwèsi aandongbia ahue ende, aseko asia la Yesu: likumu ikele woni alikambo ate ikondje wokali wo libela? ¹⁷Amowongoselia ate: ndandenge ekohuelaka owe mbai la ndjinge sambo idjéi wolamu? Ema esi ejei wolamu. Inga obali olingeli la mokalo, dhemia dumbei. Amowongoselia: nda djinge?¹⁸Ase Yesu awongoselia ate: otiolake moto; otiandake moli omoto la wose; otiiwake ema emoto; otiasake moleho, modemia sangwa la ngwa.¹⁹Ase:mobala mino owe nda eyabali owe amene.²⁰Ongo mana mwenga a mwaselia ate:ikelidjinge sambo kpàa;nda uho wotikali? ²¹Yesu amwaselia ate:inga obali ate odjee moto ongo oyengi, keke tamba wiho kpàa winge widjéi owe la waho, owahee wato wango wadjangi, ase okotota ema e motio ongo likolo, ase tutia mbai. ²²Mbuse eho ango eokia inde djinge sambo; ongo mana opele akia la limemu, alikambo ate adjakali la wiho ngbi.²³Yesu awaselia watutiani wande ate: iyowaaselini memene, moto olikodja akolingela awokumu wo likolo la monga.²⁴Iwaaselini alidji ate, edjéi petee Kamela olingeli la buu etonga, oyeti olingeli e moto owogumake la okumu e Mwengei.²⁵Ango eokia watutiani ndjoongo,wakamwali ngbi, ase wasi ate: ndai o kokala? ²⁶Yesu awa dhengia, ase a waselia ate: la wato, eyengiti okelani, kasi la Mwengéi edjéi petee. ²⁷Petele atotia loi, asia la inde ate: denda iso todhei wiho kpàa,ase tootuteya owe,nda ema ekokondja iso?²⁸Yesu awawongoselia ate: iyowaselini la memene, ango ekouma wiho kpàa wiholi, ango ekoabata mana o moto la ngbelengo eende ewokumu,ino wango watutei mbai,okwabatani la ngbelengo ende e wokumu, liomu la iwale, okowambesani wikolo liomu la wiale wa Isalayele.²⁹Ase moto ongo okodhei minguta mande te wamanango wa pele, te wamanango wawali, te sango te nango te moli onde, te wana wande, te mbume, alikambo la mbai, akokondja wiho waho mbala ngbi oyeti alidji akotota bomoi e likolo. ³⁰Wato wango waleki liwoso wakowongwa mbuse, ase wango wadjéi mbuse, wakodja liwoso.

Chapter 20

¹Okumu o likolo lodjei nda memene elanga ongo opumbi boo laate awatote wasali la elanga ende. ²Aokania la iwo la liputa e likuta kikima la husee pe awatomia la elange e vino ende³Apumbia la engele libwa e boo pe awaenia waeti wayabati ebete eikima, wati la otomo. ⁴Awaaselia: ino koto kekeni la vino e mbai, ikohekeleni likondja linge likoki.⁵Iwo koto wakia. Apumbia alidji la engele e limbile alidji la engele e isato mbuse e limbile pe akelia ndenge kikima. ⁶Apumbia mbala e gboo la engele e itano e mbuse e limbile awagbotia waeti wadjaakali ndji ango, wati la otomo. awaaselia: ndjoni ekoyabatakani ino ndjoo odjangi okeli otomu? ⁷Wamowongoselia, moto toeti atohi otomu. Awaaselia: Keke kotoni la elanga e vino e mbai, okototani enge ekoki.⁸Likolo lidjia, memene e elanga e vino amoaselia ongo okomoikelaka iwo: wawela wasali pe wahekela likondja, opoti la moto o mbuse osuki la moto o liwoso. ⁹Wango wa engele e itano mbuse e limbile wakondjia likuta liesi moto la moto. ¹⁰Ango ekadjia wato wa poo, wamungolia okondji ngbii, kasi wakondjia ndji likuta kikima.¹¹Ango etotia iwo, wa ndungwania atie memene elanga e vino. ¹²Waasia: wato wa mbuse wakeli otomo ndji engele eikima, owahekelia ndenge kikima nda iso wato wakeli la paima e liusa wuse la ehela.¹³Amowongoselia mwesi ndondo ewu: bola, iokeliti obe. otindimali likuta liesi nda likondja? ¹⁴Tota linge lindjimaali owe pe keke. ikowahekele wango wa gboo likondja likima nda owe.¹⁵Endjimesamiti la mbai okeli ndenge enge ebali mbai la tina e iwo dja mbai? Okoheneke obe ndenge edjei mbai moto molamu? ¹⁶La eho, wato wa gboo wakouma wato wa poo alidji wato wa poo wakouma wato wa gboo. wato ngbii wawelami kasi wato wakeke waononi.¹⁷Ango edjakaali inde oteli la yelusalema, Yesu awatotia watutiani wande liomu la waal; awaaselia la mboka: ¹⁸Tokotelaka la yelusalema pe monga moto akotambama atie wanganga Mwengei la wabimianeli wa mibeko. wako mokwesa la sambo la ate agbee. ¹⁹Wakomoha la mawo ma wato wango wati wa isalayele la ate wamodheende, wa mopie, wamobake la ekulusu; lisio la isato akobasa.²⁰Nango wana wa Zebedeyo ayandongbia atie Yesu la wana wande, amayia mauli laate amowonge Yesu ema esi. ²¹Amoaselia: obali nde? ndima ate la okumu wowe wana wa mbai wawa ndjo wayabate mwesi la ewo e owe e lilome, ongo eeti la ewo e owe e liali.²²Yesu awongosia: oyeweti linge likowongoko owe. Okokokani okengi la kopo enge ekokenga mbai, okokoka ototi lipatesa linge likopatesama mbai? Wamowongoselia: tokokoka. ²³Awawongoselia: la ndenge eho okokengani kopo e mbai pe okototani lipatesa linge likoatesama mbai. kasi la tina eoyabati la lilome e mbai la liali la mbai, mbai amene iyewiti pe likohama la wato wango wawongelami la wawa. ²⁴Mbuse eooki ndjongo, watutiani waeti liomu wamemelia la wa waale.²⁵Yesu awawelia pe awaaselia: oyewini ate makumu ma miki wakoyainyaka iwo okumu owu, wato wau wasungu wakwaokesaka okumu wau. ²⁶Etidja ndjongo ndondo enu, inga moto abala odjei osungu ndondo enu, akodja motuke monu. ²⁷Inga moto abali odjei moto o liwoso atienu; adjei motuke monu. ²⁸Nde ndjongo mana o moto adji, te ate wamokelele, kasi la okeleli la ohi bomoi onde likawo e wato ngbi.²⁹ Ango epumbia iyo la Yeliko, wato ngbii watuteiya Yesu. ³⁰Wagwi maiso wale wayabatali kelekele e mboka, ango ewokia iwo ate Yesu akoetaka ango, wahumbali pui waasali ate: Likumu mana o Davidi, tondjokela magba! ³¹Wato wadjakali owatekesi laate wadhee, kasi wahumbia pui oeteli: likumu mana o Dawidi, tondjokela magba.³²Yesu ayamalia, awawelia pe aasia: obalini iokelele nde? ³³Wamoaselia: likumu maiso masu ma luhuane. ³⁴Awaokia magba, ahelia maiso mawu, mbuse eho waenia wamobileya.

Chapter 21

¹Ango eyaandongbali iwo ahue e Yelusalama, waumia la Betefage, ngambo e mokoli mo Oliva Yesu atomia watutiani wande waale. ²Awaaselia: kekeni la moki mungo modjei liwoso lanu; okogboto punda eesi wamonangi ebete kikima la enge ekeke; motokolani pe djaka la ewo atie mbai. ³Inga moto aohuelani, mowongoselani ate: Likumu adjei la posa eho. Ndji ango akoodheni ate oete.⁴Kaikoase djinge sambo kpaa ikelamia laate linge likpomaate mosakoli likokesame. ⁵Mwaaselia mana o moli o siyona: dhenga likumu la owe akodjaka atie owe, atumi la olamu pe ateli likolo la punda eesi.⁶Watutiani wakia okeli ndenge enge ewatomi Yesu. ⁷Wadjia la punda eho e moli la punda enge keke, wabata isindje djawu likolo, pe Yesu ayabatelia. ⁸Wato ngbii wabatili isindje djawu la mboka, waeti watenia ite dja mite, waandali djaho la mboka.⁹Wato wango wasombali liwoso la wango wa mbuse e Yesu wadjali ohumbi pui la lembo: Ozana monga Davidi! opambwe ongo okodja la kombo e likumu! Ozana ongo oyeti likolo! ¹⁰Ango e lingelia inde la Yelusalema, egbala gbata kpa edudumali, wadjali oasi ate: wandai wango? ¹¹Ebiba e wato waasali: edjei Yesu, mwaaseli e Nazaleta la Galileya.¹²Yesu alingelia la Tepelo e Mwengei; awumbia la wato kpaa wadjali otambi la ndondo e Tepelo; alumbia mesa dja wakukoli wa waambele pe la ibete ewatambi wa wilua. ¹³Awaaselia: edhingami ate Tepelo e mbai ekowelama ate monguta mowaatati kasi ino, oekukolia ebete e wato wa iwa. ¹⁴Wato wagui maiso la wango wakotengulaka wadjia atie nde la Tepelo, awaakalesia¹⁵Kasi makumu mawa nganga wa Mwengei la wa bimianeli wa mibeko wamemelia la tina e sambo ndamu djinge ikeli inde, wana wadjaakali ohumbi pui la Tepelo: Ozana la monga Davidi! ¹⁶Wamoaselia ate: okokokaka djinge ekwasaka iwo? Yesu awawongeselia: eee. Otitangeni dji sambo: okeli ate monoko mo wana la wana wango wakonungaka mawele e otemeye? ¹⁷Mbuse eho awadheiya pe apumbia la gbata la oki la Betania ongo elangalali inde.¹⁸Ekundu boo, ango ewongoiya inde la gbata, ndjiala e mohelia. ¹⁹Aenia mote mo Figi kelekele e mboka pe ayandongbia, agbotia ndji ngasi, aasali la mote moho: te lisiyo otiwotakine mbuma! Mote mo Figi moomia ndji enge engele.²⁰Oeni ndjongo, watutiani wakamweiya, waasia: nda ndenge egbenelia mu mote mo Figi la mbala kikima? ²¹Yesu awaaselia: iwowaselini meemene, inga odjaa la oyambi pe obatiti kokeeya, okokelani te ndji linge likelami la mu mote mo Figi, te ate inga oasani la mu mokoli: longwa ango alumba la ewale, enge ekokelama. ²²Linge likohongo ino la oyambi ndondo eyaakongi okototani eho.²³Yesu akiya ndondo Tepelo; ango edjali inde otiesakoli akoli; wiloko dja wanganga Mwengei la wiloko wa wato wakadjia omowaseli: nda ndenge e okumu okokelaka owe dji sambo, alidji ndai a ohi ehele okumu? ²⁴ yesu awaongweselia: mbai pe ikohuelani poopo esi, inga olimbolani mbai, mbai pe ekoowaselani nda okumu ekokelaka mbai dji sambo.²⁵Patisa e Yoani, edji eni ? likolo , inga etie wato ? kasi wabundoiya iwo amene: inga towongosa ate: la likolo, akotowasela ate: ndandenge etimondimalini ? ²⁶Inga towongosa ate: la wato, tokowangaka ebiba eehele wato, a loyi iwo kpa wakomototaka Yoani nda mosakoli. ²⁷Wamowongoselia yesu : toyewiti. inde pe awawongoselia: mbai pe itiowaselani nda okumu ekokelaka mbai dji sambo.²⁸Obundoyini woni? moto mwesi adjaali la wana wande wa pele wale. Akia atie ongo o liwoso, amoaselia: mana o mbai keke okeli keke la elanga e mbai e Vino. ²⁹Inde awongosia: ibaliti, kasi mbuse aokia magba akia okeli. ³⁰Sangbau akia atie ongo o wale, amoaselia ndenge kikima. Mana oho amowongoselia: ikoke, likumu la mbai, kasi akiti.³¹ndondo ewu wale ndai okeli mokano mo wawa ? Wamowongoselia : ongo o liwoso. Yesu awaaselia: Iyowaselini meemene, waputesi mamelo la wali wa ndumba wakoke liwoso lanu la okumu wo Mwengei. ³²Laate Yoani adjali ootiesakoli mboka e meemene, kasi ino otimondjimalini. Kaikonde waputesi mamalo la wali wa ndumba wamondjimali, kasi ino, wango waenali, otiyokeni magba la omondjimi.³³Okani eeti lisekpe. Memene monguta mwesi , aonali elanga ende e vino. Alingali eho la mite, atongia liwela; ase amaiya ebete eisake pukapuka, aawahia watuke wande wa elanga e vino, akia okendo. ³⁴Ango ewumia engele ebukake, awatomia watuke wande atie watuke wa elanga e vino, laate wamohekele mogono monde.³⁵Kasi watuke wa elanga e vino wawahelali watuke wande, wamobinga mwesi, wamoolia o wale, wamobingi ongo o sato mabukeli. ³⁶Atomia wadji watuke, motango mosungu oeti wango wa liwoso, wawakelali ndenge kikima. ³⁷Gboo awatomelali mana onde, aasia: Wakomotosa mana o mbai.³⁸Ango e moeneli iwo mana oho, watuke wa elanga e vino wayaselia iwo amene: dhenda moto okotikala la ogumake; djakani tomoole, ogumake ekototikalela! ³⁹ Wamototali, wamolumbia saa e elanga evigno,alidji wamoolali.⁴⁰ sikalandjo, ango memene elanga e vino akodja, akokela nde la watuke wa elanga? ⁴¹ wamowongoselali: akoyawolakola meemene, alidji akodhe elanga e vino la weeti watuke , wango wakomohekele esuki e mogono monde.⁴²yesu awaaselia: otitangali te wuse ndondo e madhingo: libukeli enge elumbali wamai ndji eho nde ewumali likule e lilome; edjei otomo olongoyi atie likumu, kasi edjei ema ekamwake la maiso masu?⁴³Edjei eho nde, ikowaselakani, wakolongola okumu o Mwengei atie ino, wakoha eeti moki enge ekowota pukapuka. ⁴⁴Ongo akokwa likolo la libukeli akobukia, alidji ongo libukeli likomokwele, ekomwandjakola.⁴⁵Mbuse e ooki maloba mande, iloko e wanganga Mwengei la wafalizeyo wayewali ate edjei iwo nde Yesu awaaselaka. ⁴⁶Walukali o moheli, kasi wawangali ebiba e wato, aloyi ate iwo wadjali omototi Yesu ate adjei mosakoli.

Chapter 22

¹ Yesu awawongweselali iwo aleeti la masekpe pe aasali ate: ²Okumu e likolo edjei nda likumu mwesi ongo akelelali mana onde o molome yenga e liwala. ³Ase atomia mituke mande wake oweli wato wango wawelanali la yenga e liwala, ase wato waho watonali odji.⁴Aleeti atomali mituke meeti pe awaaselia ate: asela wato wango wawelami ate: dhenda! iwongeli ilaka la mbai e midji, wangombe wa mbai e milome la mbahu dja mbai e maita eolami, ilaka kpaa edjei djakani la yenga e liwala.⁵Iwo waeneli ehoo pamba pe wakeeli, mwesi la elanga ende, odji la tomo djande. ⁶Wango weeti wawahelia mituke mande, wawa sambwesia obe pe wawaolia iwoo kpa. ⁷Ango e okia likumu ndjongo, amemelali; atomia wato, waolia wango watokpa, watumbia gbata ewu.⁸Ndjongo aasali la mituke mande ate: yenga e liwala elengelami olamu, ase wato wango wawelamali wawongiti la ehoo. ⁹Eho lenge kekeni la wibhomanelo dja mboka, moto kpaa ongo okomogbotoni mowelani la yenga e liwala. ¹⁰Ndjongo wango mituke wapumbali la wa mboka pe wawelali watokpaa wango wawagbotoli, wato wabe la wango walamu: pe monguta mo yenga e liwala etumali la wato wango wawelanali.¹¹Ango likumu alingelali odhendji wato wango wawelamali, aeneli moto mwesi ongo atikpalali esindje e yenga e liwala. ¹²Amwaselia ate: bola, nda ndenge olingeli alandjoo odjangi okpali e sindje e yenga e liwala? Ongo moto anangali monoko.¹³Ndjongo likumu aasali la mituke mande ate:monangani makolo la mawo, djakani la inde, molumbani la molili e saa ongo ekodja oleli la otwi maino. ¹⁴Laate wato ngbii wawelani ase keke nde waonani.¹⁵Ndjongo wafalizeyo wakeli okakeli likita iwo kpaa laate wamohele la maloba mande. ¹⁶Eho lenge wamotomelali watutiani wau, la wato wa Elode, waasali: motiasakoli, toyewi ate owe okoasaka memene pe okotiesakolaka mboka e Mwengei la meemene pe oyiwangaka moto te, laate otidhendaka ilongi djaa wato. ¹⁷Ndjongo yewesa iso omungoli nde? ewongi oputi Kaisala limelo enge moto kpaa akoputaka inga ekokiti oputi.¹⁸Ase nda Yesu ayewali mamungo mbee mawu, aasia ate: woni okwalelakani mbai lisala? ¹⁹Iniani mbai ambele enge moto kpaa akofutaka limelo. wamodjelelia ambele esi.²⁰Ase awaaselia ate: elilingi ehele pe madhingo maama ma ndai. ²¹Waasali ate: e kaisala ase awaaselali ate: ndjongo, hekeleni kaisala wihoo wa kaisala, ase Mwengei wihoo wango wa Mwengei. ²²Ango eokali iwo ndjongo, wakamwali, pe wamodheli inde wakia.²³A lisio lahoo wasadukai wato wango wakoasaka ate libasi liti te, wadjali ebete edjei inde pe wamohuelia: ²⁴Motiesakoli Moize aasali ate: inga moto agwa, awotiti wana, maanango opele akoki amototi moli onde a liwala la owoteli maanango wana.²⁵Sikalandjo edjaali la pele sambo ndondo esu, pe ongo o liwoso ayikaali p,e agwaali, ase nda eti wotali inde wana, amodheleli manango opele moli onde. ²⁶Ekelemali ndjongo la ongo wale pe la ongo osato tee la iwo kpaa sambo . ²⁷La gboo e iwo kpaa moli ongo agwaali. ²⁸Ndjongo la obasi e logo, akodjaa moli ondai a ndondo iwoo sambo? laate iwo kpaa wamototali nda moli.²⁹Yesu awongolelali ate: odjeeni la owungi, laate oyewitini madhingo pe okulu e Mwengei; ³⁰Pamba te la lisekwa pele wataika pe wali watilingele mawala ase wakodjaa iwo kpa nda wahumbwa. wa likolo.³¹La likambo lidheendji obasi e logo, otitangeni enge Mwengei aaselali ino ate: ³²Idjei Mwengei o Abalayama pe Mwengei o Yisaka pe Mwengei o Yakobo? Ati Mwengei o wagwi, kasi e wato wa mokalo. ³³Ango ebiba e wato waokali ndjongo wakamwali la etiesakoli ende.³⁴Ango wafalisaya wayokali ate: ahelesali wasadukai monoko, wayaboliali limbutu mwesi. ³⁵Ase mwesi ewu ongo oyewali mibele olamu olamu, ahuelia a tina omomeki inde ate: ³⁶Motiesakoli, nda mobele eeti osungu ndondo e mibele?³⁷Amwaselelali inde ate: osengeli obali Mwengei Mongali e owe la motema mo owe mobimba pe la molimo mo owe mobimba pe la mamungo ma owe kpaa. ³⁸Ango nde mobele enge eti osungu pe e liwoso.³⁹Ewale enge ehengemeni la ehoo; eho lele : eongi obale miinowe nda owe amene. ⁴⁰Mibele kpaa pe matiesakoli, ehelani la mibele mwale.⁴¹Kaikoase ango wafalisayi wayaboliali ebete e kikima, Yesu awahuelali: ⁴²Omungoini nde la tina e kilisito? adjei mana o ndai? iwo wamowongoselia ate: Mana o Davidi.⁴³Inde awaaselali iwo ate: ndjongo nda ndenge Davidi la mboka e molimo santu akomowelaka inde likumu pe aasia: ⁴⁴Mwengei asia la Likumu o mbai ate abata la eho e mbai e lilome tee ikobata watonani wowe sesee e makolo ma owe?⁴⁵Ndjongo inga Davidi amowelia inde Likumu, nda ndenge inde akoki odjei mana onde? ⁴⁶Moto te mwesi atikokali omoowongweseli loyi pe moto te mwesi atimekali opoti ungo use omohueli poopo.

Chapter 23

¹Sikalandjo, Yesu alongwali la tepelo apumbia, ndjongo watutiani wande wayandongbali la omoyinei nda ndenge emaanali tepelo. ²Awawongoselia ate: otienekeni wiho winge kpa? La meemene iyasi la ino ate, te libukeli liikima lititikala likolo la libukeli ladji, kpaa ekokwa sese. ³Ango eyabatali inde la Mokoli ma oliva, watutani wayandongbali atie inde ndji iwo amene wamoaselia ate: twewesa, sambo djaho ekokelama nda engele, la nda tondo ekoenese odji wowe la timei wosambo dja ehele engele?⁴ militake, wakobataka la makolokoto ma wato,watibalaka okpali iwo amene la mosei. ⁵Waokelaka sambo kpa laate wato waene. Alidji wa kokpalaka filakateli, wadjei la songe elayi elayi la walobe djawu⁶wakobalaka owabati ibete epoo la lipati alidji iholo elihoso la wasinagoga. ⁷Wa bali owahi ewo la iholo la hoho,la owa weli la wato Rabbi,Rabbi⁸ Kasi ino, otiyaweleni Rabbi;laate moto mwesi nde adjei mwalimo, odjei ino kpa wa mana ima.⁹Otiweleni moto tweti a mbume wawa; laate moto mwesi ongo odyei wawa, ango odyei likolo.¹⁰Otiyaweleni wa inyei,laate moyinyei monu adjei mwesi,kilisito¹¹Ongo oweti osungu la ino akoki odjei motuke monu. ¹²Ongo akoyadjamba wako modjilikisa,ongo akowadjilikisa wako modjamba.¹³Magba laino wa dingi wa mibeko la wa falizeyo wa hengeli;laate okodikelaka wato mboka elikolo; otilingelani ino amene,alidji otibalakate wango wabali olingeli watilingele. ¹⁴magba la ino,wa dingi wa mibeko la wa falizeyo wa moleho laate oko pwesakani milako ma wali wango wa gweli pele,aleeti okokelakani la oyaisi maongi malayi malayi;la eho, okosambisamani la oeteli. ¹⁵Magba la ino, wadingi wa mbeko la wa falizeyo wa hengeli! laate okokpandakani ewale la mbume la okukoli moto mwesi motema; aleeti tango ekukolia inde motema, omoumisiani mana geena mbala iwale oweti te ino.¹⁶ Magba la ino; wato wagwi mayiso! wakwasaka: inga moto alapia la tepelo; ekeliti ema; kasi; inga moto alapia lawolo etepelo, akeli olamu. ¹⁷wibebe! wato wagwi mayiso; la wolo la tepelo nda enge eeti osungu, wolo inga tepelo enge ekohaka wolo lokumu.¹⁸ Okowasakani alidji:Inga moto; alapa la kombo e etombelo, ekeliti ema; ase, inga moto alapiya la likaho enge edjei la etumbelo, akoki oengemesi. ¹⁹Wato wagwi mayiso! nde enge eeti osungu, likawo inga etumbelo enge ekohaka likawo lokumu.²⁰Ongo olapi la tepelo alapi la tepelo la djinge kpaa idjei ndondo; ²¹Pe moto ongo olapi la tepelo alapi la tepelo la ongo oyabati ango; ²²Aleeti ongo olapi likolo alapi la ngbelengo e Mwengei la ongo oyabateli.²³Magba la ino wapundesi wa pui la Wafalizeyo, wakosi okohakani atie Mwengéi esuki esi ndondo e wisuki liomu la wisoki nda ebili e mete, la ndjakumini, kasi odheyani opundesi sambo ndjinge dja pui: omemene, motema mangba, la ondjimi. Edjei eho nde ekokaki ino okeli, te odhei djinge djeti. ²⁴Ino wato wango wakowa iniaka wato wango wagwi maiso mboka! okoumesakani koka keke ndondo e wiho wikengake kasi okokengakani nama ekamela!²⁵Magba la ino wapundesi wa pui la wafalisazeyo wakosi! okokpolokoni kondolo e etotu la pepe, kasi ndondo etumi la pukapuka dja iwa djanu la ehoha e ebe.²⁶Mofalizeyo mogwi maiso! kpoloyo liwoso ndondo e etotu inga esani enge etilindaka ndjongo ongo kondolo ekolanga olamukoto.²⁷Magba la ino wapundesi wa pui la wafalizeyo wakosi! odjéini nda kabuli djinge ikpuli iwo mpembe iyeneni wolamu ono saa, kasi ndondo itumi la mikuwa ma wato wagwake la ndenge kpaa dja wiho wiholoke.²⁸Ino odjéini ndjongo,la maiso ma wato walamu,kasi ndondo otumini la wikosako la sambo mbembe²⁹Magba la ino wapundesi wa pui la wafalizeyo, wakosi! okowongelekeni kabuli dja waaseli,okowongelekeni wolamu wolamu kabuli dja wato walamu.³⁰Ase woasiani ate: inga todjaki engele e watata wasu, nda totiaboliali la iwo, la osui makila ma waaseli.³¹Okondjimakani ino amene la oyakwisi ate odjeini wana wa wato wango waolali waaseli.³²La eho, silisani otomo wungo watata wanu wapotali. ³³Wandjoo liwota la mabate! nda ndenge emungoi ino otili eguele e lifelo?³⁴La ndjongo ikotomelani waaseli, wato walokenge la wapundesi wa pui. Okowaolani wadJi, okowakiani wadJi likolo la ekulusu, ase okowabingani wadJi pimbo ndondo e monguta monu mo wakongi la okowatutiani la moki mwesi la mwesi. ³⁵La eho ewokweleni ino makila ma wato walamu winge wisuani la mbume,opoti la makila ma Abele moto molamu tee la Zakali, mana o Belekia, ongo omolalini ino la tepelo la etumbelo.³⁶Iwaselini loi lo memene, djinge sambo kpa ekokwele ehele oliye.³⁷Yelusalema, Yelusalema, owe ongo okowaolaka waaseli alidji okobingaka wango waotomelini mabukeli! mbala woni ilukali oboleyi wana wa owe,nda koko ekoboliaka wana wande ndondo emambulu,ino otibaleni! ³⁸Dhenda minguta manu mikotila manganga. ³⁹Ndjongo iwaselini olongoi keke otindjenekineni mbai tée ekowasani ino : pambwa ongo okodja la kombo e likumu.

Chapter 24

¹Ango okia Yesu, apumbia la Tepelo watutiani wande wayandongbia la ahue la omoinei nda emaani eho.²Kasi Yesu awaaselia ate:woenini nda odjéi eho? iyowaselini la memene,etotikala ahala libukeli liesi likolo la leeti libukeli, kpaa ekokwa sese.³Yesu ayabatali likolo la mokoli mo oliva, ase watutiani wakia iwo amene okamohueli, waasali ate:Toasela iso,nda engele ekokelana ndjinge sambo, nda elembo ekokelana la wodji wowe, la gboo e moki? ⁴Yesu awawongoselia: angatalakani moto atiokosakeni.⁵La loyi ate wasuungu wakodja la nkombo e mbai wakwasa ate.Mbai idjéi kilisito ase wakowakosakola wato ngbi.⁶Okookani mboli ewita la wita wikosana. Adhendakani, huakani otiwangakeni, la loyi ate ewongi djinge sambo ekelame, kasi gboo e moki eumakiyo. ⁷Alikambo witondo wikosana la weeti witondo, wokumu la wokumu wokosana, ndjala ekodja, mbume ekoduduma wibete kpa. ⁸Enge kpàa edjéi lipotele la odjidji.⁹Ango wakokawani ino la odjidji, ase wakotonani miki kpàa, la loyi e nkombo e mbai.¹⁰Ango nde wato ngbi koto wakobhinga ekikimi, ase wakowa ino, wato wakotonana iwo la iwo.¹¹Waaseli wa moleho wakodjàa, ase wakowakosakola wato ngbi.¹²Ase,sambo dja obuki pui ikouma ngbi, libalano la wato ngbi likosila. ¹³Kasi ongo moto okodjaa la egalala tee gboo akokala.¹⁴Ehele mboli ndamu e wokumu ekotiesakolana la mbume djiesi kpaa, alikambo la ohi demu la wibete kpàa winge widjéi wato,mbuse eho gboo ekodja.¹⁵Nde ndjongo, ango ekwene ino ema ebe eamali la ebete e satu, nda eyasali mwaseli Daniele ate ongo otangi ahuake.¹⁶Ase,wango wakodjaa la Yudea wakotila la mokoli.¹⁷Ongo okotela likolo la motendo atoadjimba la ototi wiho winge widjéi la monguta monde.¹⁸Ase ongo oki la wilanga atika wongwa mbuse ototi wiho winge witikali la mbuse.¹⁹Magba la wali wango wadjéi la memi la wango wakonu ngesaka wana la masiyo maho! ²⁰Akongokoni engele kpàa alikambo ate matili manu matidjee engele e pio makasi, te wuse wo yenga. ²¹Aloyi ate, enge engele ekodjaa wodjidji woesi wasungu, wungo wokelanakiyo tee lipotele la moki,tee ndji kekehele, ase etokelana kine alidji.²²Ase inga masio maho matiumake ahue, nda moto toeti atokala,kasi la loyi la wato wango waononi, wuse woho wokodjaa ahue.²³Inga moto awaaselani ate: Kilisito adjéi ahala, ta ate adjei ango, otimondjimakeni.²⁴Alikambo ate:wa kilisito wa moleho wakodjaa,la waaseli wamoleho;ase wakoumesa masimbo ndenge la ndenge ,ase wakokela wiahuelahueli,alikambo la awakwesi te wato wango waononi,te inga wokoki wodjéi.²⁵Weneni iyowaselini liwoso.²⁶Inga wa woaselani ate: Dhendani,adjéi la lisobe; otike ekeni, dhenda, adjéi la wila ngele, otindimakeni.²⁷Nda ndenge ekopumaka wuse la esiti wokobataka tee la wesite, nde ndjoongo ekodjaa odji wo Mana omoto.²⁸Ebete enge edjei molonda, koka ikoboliana ango.²⁹Ndjiango mbuse e wodjidji e masiyo waho, moi mokolimana koto, ndebo etoumesa obhati woho, minoto mikolongwa likolo mikwe la mbume, ase wokulu wo likolo wokoduduma.³⁰Ango elembo e Mana omoto ekwenene ongo likolo, ase mawota kpàa ma miki mikwabhingabinga la oleli, ase wakomwene Mana omoto ageleli la mapata malikolo la okulu koto la mogano ngbii.³¹Wahumbwa wande wakodjaa, la ndundu ikobinga, ase wakowakokia waononi wande la wihoko winei, olongoi la gboo esi e likolo tee la gboo eho edji.³²OKani maamapundesi e mote mo Figi moenesi ango oumia witee petepete, la opumbesi kasi, woewini ate engele e ehela eumia ahue.³³Ndji ndjongo, engele ekoene ino sambo djinge kpàa, ewani wolamu ate wuse owongwake wo mbai wodjéi ahue.³⁴Lameemene iyasi la ino ate liwota lihili litoeta kpa, liwoso ate djihinge sambo kpàa iume.³⁵Likolo la mbume wikoleka, ase maloba ma mbai itoeta te wokeke.³⁶La loyi lidhendji lisiyo la engele,moto tueti ayewiti, edje te waahumbwa te mana, ndji wawa inde amene moto oyewi.³⁷Loi wungo wokelanali la engele e Noa, ekodja ndji ndjongo engele ekodja mana o moto.³⁸Ndjongo ndondo e masio liwoso ate malia matume la moki mwesi kpàa, wato wadjakali olaki la okengi, wa djakali oiki wali, te oikesi wana wau, tee ndji wuse wolingelali Noe la wato.³⁹Watimungwakali loi te weti te, tee engele etumali malia eengia, ase ewaolali iwo kpàa, ekodja ndji ndjongo engele ekowongwa mana o moto.⁴⁰Wato wale wakodjaa la mwesi akomototana, mwesi akotikala.⁴¹Wali wale wakohuluka wokeke ebete eikima: mwesi akototana, mwesi akotikala. ⁴²Ndindjongo hukani, la loyi ate wewitini nda wuse okodja Likumu la nu.⁴³Ewani oho wolamu: inga memene monguta aewaki nda engele moto o iwa akodja la likolo, nda ayabatali angbilia, nda atidheli moto o iwa alingele la monguta monde.⁴⁴La ndjongo, ino koto, abanyiani wolamu, alikambo mbai mana o moto ikodja engele enge emungoiti ino.⁴⁵Ndjongo nda motuke molamu pe aangatali ongo likumu la nde amobati sindjili e wato wa monguta monde la owahi wilaka la engele enge ebalami? ⁴⁶Mwemu modjéi la moto o wotomu ongo inga Likumu lande akawongwa atie nde, amogbootia ayahekeleli la wotomu wonde. ⁴⁷Iyowaselini memene: Akobobata likumu e wiho wande kpa.⁴⁸Ase inga adja motuke mobe, ongo akoyasela inde amene: LIkumu la mbai awumoi la owongoi,⁴⁹Akopota owabingi wato wango wakokelaka wotomu la inde mongindji, ingi alaka la okokengi mongindi la wato wa molangwa.⁵⁰Likumu laho akawongwa wuse wumgo inde atiyewa, la engele enge eyewiti inde. ⁵¹Likumu akomoha etumbu e tetelake, akomokawela liputi e wato wa ogeno: ongo ekodja oleli la otwi maino.

Chapter 25

¹Eho lenge, okumu o likolo ekodja nda waseka liomo wango watotali matambe djawu pe wapumbali ogbotoni la molome o liwala. ²Watano wadjaali wikete, pe watano wadjaali la okenge. ³Wikete watotali matambe mau, kasi watitotali maita. ⁴Kaiko ase wango wa lokenge watotali miinda mau la maita ndondo e milangi⁵Nda molome oliwala adjaali owumwei, waokali ilo, walangalali. ⁶La ndondo e likolo moli modhumbiamali: dhenda molome o liwala, kekeni ogbotone la inde.⁷Wali wango kpaa, wayamalia pe wawongelali matambe mawu. ⁸Wikete waasaali la wango wa lokenge ate: hekeleni iso ndambo e maita eenu, laate masu mapotia olimani. ⁹Wongo wa lokenge wawongolali ndjo: te ndgjongo, maita matikoka okelelani iso la ino. Kekeni atie wango wakotambaka maita pe sambani djanu.¹⁰Ango ekeeli iwo osombi, molome o liwala aumia. wango wahuakali walingelia la inde monguta mo liwala, modhuhe edhikanali. ¹¹La mbuse, weeti waseka wadjia, waasia: likumu, likumu todhukola! ¹²Inde awangolali ate: iyoaselini meemene iyoyewitini. ¹³Angatalakani a tina ate woyewiti lisio la engele.¹⁴Edjei nda moto mwesi apotali okii okendo la moki mo wadjidji, awelali mituke mandee pe awahekeleli iho wande. ¹⁵Ndjongo ahekeleli mwesi wambele itano oeti iwale, ongo oeti mwesi ahekeleli moto la moto ondeli okulu wonde, mbuse akeli okendo la moki mo wadjidji. ¹⁶Lambala kikima, ongo ototali wambele itano akeli okeli la eho molunga, pe eho ewotali eeti itano.¹⁷Ndenge kikima pe la ongo ototali iwale, eeti iwale. ¹⁸Ase ongo ototali ndji esi akeli,pe atongali mbume pe ahisali ambele eho e wimbende e likumu lande.¹⁹Mbuse e masio malayi likumu e watuke adjali pe awawongoli wamosubele mboli e wambele djande. ²⁰Ongo ototali wambele itano adjaali pe akpalali wambele eti itano aasali ate: likumu, ohekeli mbayi wambele itano; dhenga, ewotia wambele eti itano. ²¹Likumu lande amoaselali ate: edjei olamu, motuke molamu pe la omeemene e sambo keke ikoobata obanyei wihoo ngbii. lingela la mwemu e likumu la owe.²²La mbuse ongo ototali wambele iwale adjaali pe amoaselia ate: likumu, ohekeleli mbai wambele iwale, dhenda, iyokpobeli wambele etii iwale. ²³Likumu lande amoaselia ate: edjei olamu, motuke molamu pe la omeemene; odjali olamu la sambo keke, ikoobata obanyei wiho ngbii lingela la mwemu e likumu la owe.²⁴La gboo ongo ototali ambele esi adjaali pe aasali ate: likumu iyewaki ate owe okodjaka moto o sambo tetelake, okobukaka, ebete etiyone owe, okoboliaka ebete etihuholali owe. ²⁵Ndjongo iwangali pe ikeeli oyisi ambele e owe la mbume, dhenda ambele owe lele.²⁶Likumu lande amowongweselali ate: motuke mobe pe ekete, oyewali ate ikobukaka ebete ewoniti mbai, la ikoboliaka ebete etihuholali mbai. ²⁷Oho lenge eengali obate wambele wa mbai ewimbende la baki ase la ewongo e mbai nda itoti wambele wa mbai la asumbelia.²⁸Mopwesani djinge ambele, mohani ongo odjei la wambele liomu. ²⁹Laate wakomoha ongo odjei la eho ngbi, kasi ongo oti la eho, wakomopwesa te enge edjaki inde la eho. ³⁰ La enge edhendji mu mtuke mo pamba, molumbani saa: ongo ekodja ilelo la otui maino.³¹Ango mana o moto akodja la kembo ende pe wahumbwa wasatu mongindji la lainde, ndjongo akoyabata la ngbelengo ende e okumu la kembo. ³²Miki kpa mikoyabata liwoso lande. Akokabola wato wadji la weeti, nda sindjili e kondolo akokabolaka kondolo la meme. ³³Ase akobata kondolo la oho ende e lilome ase wa meme la ewo ende e liali.³⁴Ndjongo likumu akwasa la wango wadjei la ewo e lilome: djakani, ino wango wapambwaami la wawa o mbai, totani mbano e okumu enge wawongelali ino tee la lipoteli e moki. ³⁵Laate iyokali ndjala pe ohekelelini mbai ma ema lakake; idjali la ehoha, ohekelelini mbai malia makengake. Idjali modjidji pe oyambalini mbai olamu. ³⁶Idjali lingbengbele pe okpalisalini mbai, idjali la boloko pe odjalini odhendji mbai.³⁷Ndjongo wato walamu wakomowongolela inde ndjo, likumu nda engele toeneli, odjali la ndjala tohekeleli ilaka, inga la ehoha, tohekeleli malia makengaka? ³⁸Nda engele toeneli modjidji pe toyambali olamu pe odjaali lingbengbele pe tokpalesali? ³⁹Nda engele toeneli la ekoni te la boloko todjaali oodhendji? ⁴⁰Ase likumu awawongoselali ate meemene iyowaselini: masio kpaa enge okelali eho la mwesi la wato wango waeti wakeke ndondo la wa manima wa mbai, okelelalini mbai.⁴¹Ndjongo akwasa pe la wawo wa djei la eho nde eliali ate: longwani ala ino wango walakelanala obe, kekeni la misa enge etilimanaka enge ewongonali la etota la waahumbwa wande. ⁴²Laate iyokali ndjala, ase otihalini mbai ilaka pe idjali la ehoha, otihalini mbai malia makengake. ⁴³Idjali modjidji, otiyambalini mbai olumu; pe idjaali lingbengbele otikpalisalini mbai, idjali lekoni pe la boloko, otidjali odhendji mbai.⁴⁴Ndjongo iwo pe wakomowongosela: likumu nda engele to oeneli la ndjala pe la posa e malia te modjidji pe lingbengbele te la ekoni pe la boloko pe totioyokelelali owe? ⁴⁵Ase inde akowawongolela la oasi ate: Iyowaselini meemene pendja ate: engele kpaa enge otikelali la mwesi a wato wango waheti keke ndondo e wamanima wa mbai, otikelelalini mbai eho. ⁴⁶Ase wakokela logo e libele, ase wato walamu, wakoke la mokalo mo libela.

Chapter 26

¹Ase ango oseselali Yesu oasi sambo ndjande, awaaselia watutiani wande ate: ²Woewini ate etikali masio maale Pasika ekelane, ase wakomokawa Mana omoto la loyi ate wamwakie la kulusu.³Ndjoongo wiloko wa wanganga Mwengei, la watiesakoli e pui wakumu la wiloko wato wagbotonia aatie nganga Mwengei mosungu ongo omoweli iwo ate Kaifa. ⁴Ase wakelia londo la ndenge ate wamohele Yesu la lokenge obe, ase wamoole. ⁵Kasi wasiate: etidjee engele e lipati, la loyi ate wato watikele ewedje.⁶Ango edjakali Yesu la Betania, la monguta e Simona moto oekoni e mbala. ⁷Moli mwesi ayandongbia ahue onde, aiki mokeba mo malasi modjéi la lumba wolamu,mungo modjéi la motio mosungu, ase ango odjakali inde olaki, amosuelia malasi la moto.⁸Watutiani, waenia ndjongo, ewabitelia, ase wasia ate: nda ndenge obitesi ema nda ehenge ndjongo? ⁹Ewongoki ate watambe mango malasi la motio mosungu, wawahe watundake.¹⁰Ango ookia Yesu ndjongo, awaseselia ate:ndandenge ekomodendiaka ino oholo moli?Akeli loi wesi wolamu atie mbai.¹¹Ino odjéini la watundake masio kpàa, kasi otodjaakineni la mbai masio kpàa te.¹²Nda esweli inde mbai malasi la wenge wa mbai, edjei la olengeli oombami o mbai. ¹³Iwaaselini la memene, wiati kpàa wikoasana mboli ndamu, la moki mwesi kpàa, wakwasa la omungoi ndenge ekeli oholo moli.¹⁴Ndjiango mwesi owatutiani wande liomu la wale, omoweli iwo ate Yuda Mosikaliota, akia atie wiloko e wanganga Mwengei. ¹⁵Ase asiate: okohani mbai nda ema laate iyokaweleni la inde? Ase wamohekelia wambele tuku isato. ¹⁶Ndji enge engele, alukia ndenge ndaamu la omokawi Yesu.¹⁷Wuse wopoo e wokoke edjangi enuele watutiani wakiaa atie Yesu, wamwaselia ate: Nda eati ebali owe ate tokawongele Pasika? ¹⁸Awawongoselia ate: Kekeni la gbata la ebete eesi, ase owaseleni ate: Likumu aasi ate: Engele e mbai ewumia ahue, ikokela Pasika la watutiani wa mbai atie owe.¹⁹Watutiani wakelia ndindjongo nda ewatomali Likumu. Ase wawongelelia Pasika.²⁰Eumia pokwa, aabatia la mesa inde la wango liomu la wale. ²¹Ango odjakali iwo olaki, asia ate: iwaselini memene, mwesi oonu akokawa mbai. ²²Waokia magba makasi, ase mwesi la mwesi apotia omwaseli: Edjéi mbai Likumu?²³Awawongoselia ate: ongo moto obongi la mbai ewo la pepe ebete eikima, inde nde okawa mbai.²⁴Mana o moto akokeke, ndenge edhingami eho la loyi lande, kasi magba la moto ongo okomotambaka mana o moto! Ekokaki odjei olamu inga moto oho atiwotamake. ²⁵Yuda, ongo omokawali a longosia loi asiate: Edjéi mbai Likumu? Yesu amowongoselia ate: Ndjongo nda owasi owe.²⁶Ango odjakali iwo olaki,Yesu atotia okoke; ase mbuse, eende eoyakongi abukia, ase awahekelia watutiani asiate: totani, olakeni, ehenge edjéi wenge wa mbai.²⁷Mbuse atotia etotu, ase mbuse ewakongi, awahekelia asiate: kengani ino kpàa; ²⁸Ehenge edjéi makila ma mbai makila ma wouma ma oholi, mango makoswakana la loyi la wato ngbi, la olimbesi masumu. ²⁹Iwaselini, itokenga kine engema elongoi la mote movino, tee wuse wungo okokenga mbai enge poli la ino mongindji, la okumu o wawa.³⁰Mbuse e olembi lembo e Davidji, wakia la mokoli mo oliva. ³¹Ase ongo Yesu awaaselia ate: okobingani ekikimi ino kpa la li likolo, la loyi la mbai, laate edhingami ate: ikomobinga sindjili e pata, ase mpata djaho kpàa ikowandjana. ³²Kasi ango mbuse ekosusua mbai, ikokee liwoso lanu la Galilaya.³³Petelo aotia liloba, aasia ate: inga té wato kpàa wakosakela ekikimi a loyi la owe,mbai itisakela ekimi te okeke. ³⁴Yesu amwaselia ate: la memene ewaseli mbai, la li likolo ndjo liwoso ate koko ebekwe okowungana mbai mbala isato. ³⁵Petelo amoongoselia ate inga tate edjaki ate togue la owe mongindji mbai itowungana. Ase watutiani kpàa waasia ndji ndjongo.³⁶Mbuse eho, Yesu akia la iwo la ebete esi e weli iwo ate Getesemani, ase asia la watutiani ate: abatani ahala, ango ekokeke mbai lihele oyakongi. ³⁷Amototia la inde Petelo la wana wa Zebedeyo wale, apotia ooki magba la oyamungoi makasi. ³⁸Awaselia alidji ate:Molimo mo mbai modjei la magba tée la logo. Abatani ahala djaani maiso ngbai la mbai mongindji.³⁹Ase ayandongbia moke liwoso, akuya elongi la mbume ayakongia ndjo: Wawa, inga eho ekodja olamu, ehele etotu eleke lihiele la mbai! mbala kpàa, etidje wungo wobali mbai,kasi edje nda ebali owe. ⁴⁰Ase, akia ango odjéi watutiani, awagbotia walali, ase asia la Petelo ate: ino okokitini otoni la mbai té engele esi? ⁴¹Susuani, ase wakongeni la loyi ate otikweni la mamekani, elimo edjéi la mogalia kasi moini modjéi pete.⁴²Awatikia alidji ase ayakongia ndjo: wawa o mbai, inga eengaki ekelame ate eho etileke inga etikenge, mokano mo owe mokelame. ⁴³Awongoyia alidji akawagbotia walali ilo, ango maiso mawu malitali. ⁴⁴Awatikia, ase akia alidji, ayakongia mbala esato, awongwanelia ndji ndjongo.⁴⁵Mbuse eho akia atie watutiani wande ase awaaselia ate: Woni odjéini la wilo, alidji okohomakani la ehele engele? dhendani, engele eumia ahue, ate Mana omoto wamokawe la mawo ma wato wa masumu. ⁴⁶Susuani, tokee dhenda ongo okawi mbai aumia ahue.⁴⁷Ango edjiakiyo Yesu owaasi, dhenda, Yuda mwesi ndondo e watutiani liomo la iwale, aumia, adjiya la watongbi waiki mabeha la mite, walongoyi atie makumu e wanganga Mwengei la wiloko e wato. ⁴⁸Kaikonde moto ongo omotambali awahali elembo, aasali: moto ongo ikomolinga ekopi edjei inde mohelani.⁴⁹Lambala kikima Yuda ayandogbia atie Yesu aasia: mbote mwalimo! amolinga ekopi. ⁵⁰Yesu amowongoselia: manima, enge edji owe okeli, kela eho. Ase wango wato wayandongbia wamobatia Yesu mawo, wamohelia.⁵¹Mwesi la wango wadjakali la Yesu mongindji aumesia sapia ende, amokotia moto o wotomu o nganga-Mwengéi mosungu, ase amotenia litoi.⁵²Yesu omoaselia : wongosa sapia e owe la mokpokobo la loyi ate wango kpàa wakokelela sapia, wakogua ndji la sapia. ⁵³Omungoli ate itikokake oongi ligamasi atie wawa, akoki otomeli mbai ndji sikala oleki liwoke e wahumbia liomu la iyale ? ⁵⁴Ndandenge ekoengemene madhingo,ate eho ekokaki okelami ndji ndjongo?⁵⁵Mbuse eho Yesu awaaselia liwoke la wato: odjini la wiwuni la mité la oheli mbai nda moto o iwa? Masio kpàa idjakali masio kpa oyabati la ino, otiesakoli la tepelo, otihelalini mbai. ⁵⁶Kasi djihidji kpàa iumia ndjo la loyi la woengesi madhingo ma waaseli. Watutiani kpa wamodheiya, watila.⁵⁷Wato wango wamohelali Yesu wakeli la inde atie nganga Mwengéi mosungu, Kaifa, ongo wapundesi wa pui la wiloko wato wagbotonoli. ⁵⁸Petele adjali omotuteyi Yesu mbuse ma lihiele, tee la monguta mo nganga-Mwengéi mosungu, alingeli andondo e lopango ase ayabatia la watuke mongindji la ondhendji inga loi woho woko suka nda ndenge?⁵⁹Wiloko wato wa wanganga Mwengéi la wiloko wato kpàa wakelali londo mosungu la oluki loyi e mohengelake Yesu laate wamoolese. ⁶⁰Kasi watieneli te likambo likikima, te ndenge wato wa moleho wadjali ngbi. Mbuse weeti wale wadjali. ⁶¹Ase waasia ate: oholo moto aasali ate: ikobuka monguta mo Mwengéi ase ikoma la mbuse e masio masato.⁶²Nganga Mwengéi mosungu aamalia ase asia la Yesu: Owongositi loi te lokikima? Woni wa wato wakokambaka? ⁶³Kasi Yesu aabatia logoo. Ndjongo nganga Mwengéi mosungu asia la inde ate: la nkombo e Mwengéi o mokalo iwongi otowongosele iso la memene inga odjéi Masia mana o Mwengéi? ⁶⁴Yesu amowongoselia: Owe oasi ga. kasi yasi la ino okoeneni ndji keke mana o moto ayabati la lilome e Mwengei e okulu kpaa, igeleli la mapata ma likolo.⁶⁵Nganga Mwengéi mosungu asalakolia wisindje wande wa wenge ase asia ate: Amotangi Mwengei! nde ekolukakine iso wa demo? Ookigani nda emotangi inde Mwengei. ⁶⁶Omungoini nde? Wamowongolia ate: Akoki la logo.⁶⁷Mbuse wamolumbelia soi la mbanda mpe wamobingia ibhotu, weeti wamobambolia la oasi: ⁶⁸La oasi: Kilisito twasela. Ndai aobingi?⁶⁹Petele ayabatali kelekele ndondo e lopango, Moto e owotomu mwesi o moli o nganga Mwengi mosungu aumia ahue lainde ase amwaselia ate: owe koto adjaki la Yesu mongindji moto o Galilea. ⁷⁰Kasi Petele awungania la oasi: iyewiti enge ebali owe oasi.⁷¹Mbuse eho ango edjali inde oki liwoso la moluhe mo lopango, Moto o wotomu mwesi o moli odji amoenia awaselia wato wango wa djakali ango: oholo moto adjaki la Yesu mongindji moto o Nazaleta. ⁷²Ase Petele awungania alidji la olapi: Imoyewiti ohongo moto.⁷³Mbuse e engele ekeke, wato wango wadjakali ango wayagugia ahue ase wasia la Petele; memene odjéi mwesi owu, easeli e owe ekoeneseke. ⁷⁴Kasi Petele apotia owabumakoli la olapi ate: Imoyewiti ohongo moto! La mbala kikima koko ebhekoiya. ⁷⁵Ase petele amungolia loi wungo woasali Yesu la inde ate: liwoso koko e ebekwe okowungana mbai mbala isato. Apumbali saa, atobheiya la ilolo la magba.

Chapter 27

¹La kesekese wiloko wato kpàa wa wanganga-Mwengéi la wiloko wato wa wa Yuda waokanali ebete eikima alikambo la omoli Yesu. ²Wamohelali, wamokawia la wamobatia liwoso la Guvelenele Pilato.³Engele Yuda, moto ongo o mohali Yesu atie watone aeneli ate wateniga loi wo Yesu la omoli, inde aokali magba la motema, ase akadjia la pukapuka dja wadjinge tuku isato atie wiloko wato wa wanganga Mwengéi la wiloko Watone la wiloko wato. ⁴Inde awaselia ikelali wobe omokawi moto ongo otila huka te la omoli! ase wamwaselia edjéi loi wosu? eho edjéi loi wo owe ⁵Yuda akalumbia wadjenge ndondo e monguta mo Mwengéi, ase akia mbuse eho inde akia wanangi moliki la kingo ende mene.⁶Wiloko wato wa wanganga Mwengéi waonia wadjenge waho ase wasia: pui djasu itekasi obati wadjenge wahawa la sanduku e monguta mo Mwengéi, alikambo edjéi motio mo makila. ⁷Ambuse e wokani ebete eikima, walumbali wadjenge waho la elanga e moto mwesi ookeli teni, alikambo la obati elanga eho ebete eowakundi wato wadjake. ⁸Alikambo laho, wawelali elanga eho elanga e makila tee kekehele.⁹Ndjongo sambo dja mwaaseli Yeremia yengesame: watotali puklapuka dja wadjenge tuku isato wadjenge wango waokanali wato wa Isalaele la oputi alikambo lande.¹⁰Ase wasombia la djaho elanga e moto ookeli teni, nda eheleli Likumu mbai mwamo.¹¹Yesu amalali liwoso la Guvenere amohulia owe odjéi Likumu la wa Yuda? Yesu awongosia, wasiga. ¹²Mbuse wokeke ango wiloko wato wanganga Mwengéi la wiloko wato wamobetelia inde, inde atimowongoselali moto twti. ¹³Ndjongo Pilato asia la inde okitiaka te, obeteli wuhuwu wokobeteleke iwo? ¹⁴Ase Yesu atimo wongoselali ema teeti te ndjongo Pilato aahuelia ngbii oleki.¹⁵Ndondo e mapati kpàa ma Pasika, Guvelenele akomodeke moto mwesi o woyogo, moto ongo omobalaki wato kpàa. ¹⁶Ndjongo la engele ehomoto mwesi owoyogo edjakali moto owoyo ongo omobalakali wato kpàa nkombo ende Yesu Baraba.¹⁷Ndjongo Pilato awahuelia wato ngbii wango waabolei: obalini imode nda moto la loi lonu? Yesu Baraba te Yesu ongo omoweli iwo Kilisito? ¹⁸Te la gesele te inde aewali wolamu ate wamokawali Yesu atie ende, alikambo ate wadjali la ekakala.¹⁹Ango wabatakali Pilato la ebete e timilali moli onde a motomia moto owasi la inde: otikelake loi te weti atie oholo moto ohuko te alikambo ate keke a likolo yoki wobe ngbii la oloti la loi wonde.²⁰Wiloko wa wanganga- Mwengéi la wiloko wato wa watindikia wato la omwongi Pilato Baraba, ase wamoolé Yesu. ²¹Guvenele awahuelia wato waho obalini imodee ndai ndondo e wahawa wato wale? wamowongoselia: Baraba! ²²Pilato awahuelia: ndjongo obalini ikele nde la Yesu ongo omoweli iwo Kilisito? wato kpàa wawongosia: mwakiani la Kuruse.²³Pilato ahuelia ndjongo inde akeli nde? take go Ase wopotali opami la wokulu kpàa wou: Mwakia inde la Kuruse! ²⁴Ango wenia Pilato ate aengiti ikine okeli loi te weti te, ase ndi etale elekali liwoso, inde atotia malia agbolia mawo liwoso la wato ase asia huko e ohoko moto eti la moto mo mbai te! edjéi loi wonu!²⁵Wato kpaa wawongosi: ewongi huko eoholo e logo edje la mito masu, tee mito ma wana wasu. ²⁶Njongo pilato amodeya Balabasi alikambo la iwo. Inde ahekelia mwano oomobingi Yesu fimbo, awaaselia wa mohele a ekulusu.²⁷Wa masaze wa Pilalato wakia la Yesu la munguta mo guvelenele, ase wa masaze kpaa waaboleya kelekele ende. ²⁸Wa molongosiya isindje wande, wa mokpalesia lobe etanake. ²⁹Mbuse eho wasonia kataka e keeke, wa mokpalesia a moto monde, wa mohelesiya ekongo la ewo e lilome, wa maiya mawuli liwoso lande, wa mosekali la owasi: Mbaa likumu la wa yuda.³⁰Wamosuwelali ikaha, watotali ekongo wa mobingia la moto. ³¹Ango edeiya iwo omoseki, wa molongosiya lobe etanake, wamokpalesia isindje wande amene, ase wakia la inde omobaki la ekulusu.³²Ango oumali iwo, wagbotonia la moto mwesi o Kirene, omoweli iwo ate Simoni ase wamwaselia la makasi ate akpale kuluse e Yesu.³³Waumia ebete esi eweli iwo ate Gologota enge easi ate ebete e mokua mo moto. ³⁴Wamohekelia vino ewauesi iwo la malia mabe ate akenge, kasi adetia atoni a okengi.³⁵Mbuse eomogbomi la ekulusu wakania wisindjè wande, wabingia waho la likambo la okokesi ndjinge yasanali la waaseli ate wakokawana wisindjè wambai ase wakobinga kandjo e mbai la zenge. ³⁶Mbuse wabatia, wako denda. ³⁷Alikambo la ohui demu eohelani wonde, wadingia la likolo la moto monde oholondjo andjéi Yesu Likumu la wayuda.³⁸Wamogbomia la kulusu inde la wato wabe wale, mwesi la ewo elilome mwesi la ewo e liali.³⁹Wato waetakali la mboka wa motangakolia, la oninganesi moto.⁴⁰La wasiate: owe moto olukaki ate obuke tepelo, ase otonge mbuse e masio ma sato, akalesa kine owe mene! inga ondjéi Mana o Mwengéi, andjimba la kulusu.⁴¹Wanganga-wakawi, la wadingeli la wiloko wato wapotia omoseki, ase wasiate. ⁴²Awakalesali wato wadi, ase akokiti wakalesi inde mene! inga andjéi Likumu la Isalaele, aandjimbe la kulusu, ase tomondime.⁴³Aahi la Mwengéi, Mwengéi amokalese kine inga amobali. Ango andjakali ate mbai indjéi Mana o Mwengéi. ⁴⁴Wato wabe wango wawagbomoli lainde la kulusu mongindi, wamotangakolia ndindjongo.⁴⁵Olongoi engele etimobatée e libwa,molili molingelali mokili mwesi kpàa. ⁴⁶Ase engele e libwa,mYesu apamia la moli mosungu Eli, Eli lama sabakatani? measite Mwengéi o mbai Mwengéi o mbai, odei mbai alikambo la nde? ⁴⁷Wato wadi wango wandjakali ango waokia ndjongo wasiate akomowelaka Elia.⁴⁸Ase ango mwesi owu akia obangu aotia linuka aluleya la vino e ngai, ase abatia la etotu, amohia ate akenge. ⁴⁹Ksi wango wadi waasiate deeni toene inga Elia akondja omokalesi. ⁵⁰Yesu ahumbia pui alidi ase atenia motema.⁵¹Ase denda litambala la petelo lisaleya la wisali wiale, olongoi likolo tée sése,mbume iningania, mabanga matakania.⁵²Kuli inuhama ase wansatu wango wagwaté wa susoya. ⁵³Wato wango walongwali la kabuli, mbuse e wosusoi wo Yesu, walingelali la moki mosatu, ase wato wasungu waweneli.⁵⁴Wasindjili la wato wango wandjakali ango la omokengeli Yesu, waenia woningani wo mbume la ndjinge sambo ileki mine, wawangia makasi se wasiate Memene, oholo moto andjaki Mna o Mwengéi. ⁵⁵Wali ebele wandjakali odengi lalihiele wango wakeli la Yesu tée la Galilaya, la omolambeli. ⁵⁶Katikati ewu endjali Malia Magadala, Malia nango Yakobi la Yosefu, la ngbau owana wa Zebedeyo.⁵⁷Kolokoloeumia, moto mwesi o Arimateo andjakali la wambele ebele, nkombo ende Yosefu, ongo ondjakalihoto motutia o Yesu. ⁵⁸Akia atie e Pilato, ase akaongia wenge wa Yesu. Ase Pilato asiate wamohekele la inde.⁵⁹Yosefu atotia wenge, alingia la esindjè elamu elumbake. ⁶⁰Ase abatia la kabuli esindjè eholi enge ewongeleli iwo la mabanga. Mbuse adihue libanga lisungu la moduhe mo kabuli, ase akia. ⁶¹Malia o Magadala, la Malia la Malia odi wandjakali ango, wabati ndiango ahuela kabuli.⁶²Wunewuse,ege endjakali wuse wo woa wongeli, wanganga wakumi, la Wafalisayo wakia mongindi liwoso la Pilato.⁶³Ase wasiate Likumu, iso to waseli ate ongo mosakoli asali ate akokala alidi mbuse e masio masato ako susua. ⁶⁴Watoma wato wakakengele kabuli mbuse e masio ma sato, alikambo ate watutiani wande watindjamoiwe ase la wasi la wato ate; asusoi ga la wato wagwake. Moleho mo ehele mbalandjo mokoeta té mbala eliwoso.⁶⁵Pilato awaselia ate ondjéini la sindjili,kekeni kakengeleni ndenge ewi ino. ⁶⁶Wakia, ase walingelia la kabuli la ndenge ndamu, watindikia.

Chapter 28

¹Mbuse e sabata, la hilihili e lisio la poo e poso, Maliya Magadala la moliya weeti wakeeli odhendji mbila. ²Eho dhenda! mbume edudumali makasi meenene, laate ahumbwa e Mwengei alongwali likolo, ayadjimbia, agulia libhukeli liwoso e modhuhe mo mila, ayabatia likolo la ho.³Ndenge ende edjakali nda abalimani, pe wisindje wande ebubali nda mapata. ⁴Wasindjili wangilimali la owangi, waumali nda wagui.⁵Ase ahumbwa ehoo awawongoselali wali waho ate: Otiwangeni, laate eyewi ate okolukakani Yesu, ongo omobakali oyo. ⁶Ati alandjo laate asusoigaa, nda eyasali inde. Djakani odhenge ebete Likumu alangalali. ⁷Ase kekeni galagala pe walehela watutiani wande ate asusoi. Aki liwoso la nu la Galileya. Ongo nde okomoeneni ino. Meemene isilisiga oowaselini.⁸Walongwali obangu la mbila, la owangi la mwemu sungu, wakeeli obangu owasumbeli watuatiani wande mboli. ⁹ Dhnda! Yesu agbotonia la iwo pe awaaselia: mbaa! wadjali wamohelia mangbanda pe wakuya mauli liwoso lande. ¹⁰Ndjingo Yesu awahaselia ate: oyiwangeni! kekeni owasumbeli wamanima wa mbai mboli, ate wakee a Galileya laate ongo wakohene¹¹Ango edjakiyo iwo la mboka, weeti wasindjili walingelali la gbata, wawasumbelia wiloko wa wanganga Mwengei sambo kpa ekelamali. ¹²Mbuse e waabondji la wiloko la olingeli likita, waahali wasoda makuta masungu. ¹³Ase wawaselia: asani ate watutiani wande wadjaali oyiwi wenge ndji iso todjei la ilo.¹⁴Inga ewuma la matoyi ma likumu e gbata, tokomondimisa alidji tokokela ate watootungeseni. ¹⁵Ndjongo watotali wambele eho ewibende pe wakelali ndi nda ewatiesakolali iwo; pe loi luhoo esombali atie wa yuda tee la lisio la keke.¹⁶Kaikowase, watuitiani liomo la esi wakeeli la Galilaya a mokoli enge Yesu awa wunelali iwo wagbotone. ¹⁷Ango emoenia iwo, wamomayelia mauli sese kasi wadji wakokiali.¹⁸Ase Yesu ayandongbali pe akpomesali la iwo, aasia: wahekeli mbai okumu kpaa e likolo pe la mbume. ¹⁹Eho lenge, kekeni pe owumeseni wato wa miki kpa watutiani wa mbai, owapateseni la kombo e wawa pe la mana pe elimo satu.²⁰Watiesakolani watose sambo kpaa enge oyohekelini. Pe dhenda! edjei la ino tee gboo e moki.

Mark

Chapter 1

¹Ehele edjei mboli ndamu e Mwengei Yesu kilisito. ²Ndenge edingami la mokanda mo Isaya, ndenga ikotoma atie owe motomani mo mbai; ongo oko wongele mboka eowe; ³Edjei moli mongo moko kpomaka ongo la motulu: wongeleni mboka e likumu, la langiani eho olamu.⁴Yowana awumali la motulu, adjaali oti libatisi likukoleke motema la olimbisi masumu. ⁵Mikii kpaa Judaya wato kpaa wa yelusaleme, wadjakali oki atie inde wadjakali owunisi la ohola masumu, Yowaniadjakali owabatisi la malia ma Yoloda. ⁶Yowani adjakali okpali esindje wa suwe dja kamelamoliki mo ekomba enama o motulu.⁷Adjakali otiesakoli ndjo: motongo akodja la okulu oleti mbai; ikokiti otokoli miliki dja ikpokpo wande. ⁸Mbai ikoo batisaka ino la woliwa, kasi inde akobatisaka la molimo mosatu.⁹enge tango, Yesu akeeli la Nazalete ongo la Galile Yowani a mobatisali la yuludani. ¹⁰La tango enge awumali la malia, aenia likolo lindukwania, elimo ewadhimbielia nda pidjo. ¹¹leeti mooli mookanali likolo odjei mana o mbai olibalano iyemeli loowe.¹²Aleeti tango enge elimo emotomia la motulu. ¹³Ongo akeliaka masio tuku ineii la omekami la etota. Adjakali la mbau dja mitulu,¹⁴Mbuse Yoana ahelanali akia la Galilai, okatiesaka loyi lo Mwengei. ¹⁵Adjakali owasi ndjo ekoki okondji olikolo wowumia ohue okukolani ndima ni mboli ndamu.¹⁶Tango esombakali inde penepene emalia ma Galilai, amo wenia Simoni iwo la Andele, manango la Simoni walumbakali woya la malia, wadjakali wa lobi. ¹⁷Yesu awaselia: biliani mbai, ikobatani wa lobi wa wato. ¹⁸ Wa deiya meya mawo, wa mobilia.¹⁹Atike lihele te, amoyenia Yakubo, manango o Zebede, la Yowane, manango ongo wadjakaali kati wato owongeli meya. ²⁰Ndi ehenge tango ndjo awawelia, wa déeli wa sagbasu Zebede la wasali wau, weeti wa obilia.²¹Wa keeli la kapanaume. edjààli lisioo la yenga, Yezu alikambo ndondo e losambo, mpe abandi otiesakoli. ²²wato wakamwali mingi la ndéngé edjakaliinde otiesakoli la otétélaké, etidjàli okokani la ndéngé ewa wiloko wato.²³Adjàli ndondo ésinagogà ewu, moto mwesi adjiàli la molimombé mpe ahumbwali pwi: Ndéema edjei etiiso la owè, yesu moto ona nazarethà? odjialà ndjo otolimwesé isoo. ²⁴Iyewike odjéi : motuké o Mwengei. ²⁵Yesu àapameliya àasia, héla munoko mpé pumba la wéngé ehéle moto. ²⁶molimo mobé mopumba ndondo moto, eko molumbàlumbà, mpé akohumbwakà pui.²⁷Watokpàa wakamwiya, wabandia ohuèlani: Epoti owasi ndjooni? edjei mateya màholi. ahotumiàka la otétélàké milimombé, ewotosaka! ²⁸Mboli endé éandjali galilea esi kpaa.²⁹Wopumbia à sinagoga , wakiyali la molako e simoni la Andele mboka kikima la Yakobo la Yowani. ³⁰Nango okiyo Simoni alangalali la epée adjali la ekoni é fèfèle; mbala esi, wa mwaséli Yesu à loilandé. ³¹Ayandongbia pène indé, àmohelia mahoo àmomalesià mpé mbala okikima fèfèle emomiya. Mbuse , awàkeleliyà eleka.³²la pokwa, mbuse élolangali éusé, wamodjelia wato dja ikoni kpàa, mpé wato wa etota. ³³wato mungo moki wadjiatée à moduhe mondé. ³⁴Akalesià wato kpàa wongo wadjàali la ikoni pkàa. Aombia la milimo mbé ngbii, atidjàali obali milimo mbé eyasi, laate wi moyewali.³⁵La ngonga eboo, ndii likolo edjeiyo, àamalia, aatè akè ébeté émangàngà, ongo adjali ndé oàkongi la Mwèngei. ³⁶simona lawango wadjàali landé; wakia omoluki. ³⁷Wa mogbotia wamwaselia: motokpa akolukaka.³⁸Awaaseliya toke enge moki mo mungo modjei kelekele ikoki pe oteyi ongo, laate edjei saa loyi luwo. ³⁹Mpe akia otei la wa sinagoga, la moki ongo mo engali kpa pe awumbia la milimop mbe.⁴⁰Moto o mbala adja atie inde, awalumbia la mawuli mpe a mwaselia la popoo enge magba: inga ombala, kalesa mbai. ⁴¹Yesu atumia la magba, akokolia ewoo, amohelia mpe asiaa: ibali, iume peto. ⁴² Enge ngonga, mbala epumbia aseko aumia peto.⁴³Yesu àmotumia mbala kikima, amwaselia la otétélaké, mpé à mwaselià, àbania ⁴⁴ otimwaselé moto tweti, keke owa inye etii wutuke wa Mwengei, kèkè owà inyé étii etuké wa Mwengei, aseko, hàamakabo Moyize atomaali la moto okali.⁴⁵ongo moto okeli osumbi mboli, la ndéngété, Yesu atikokàli aléeti olingeli la hoho. A omalali sàa, la ébété engé edjàali la manganga, wato wa moki wadjàali odji.

Chapter 2

¹Mbuse emasiyo, Yesu awongoiya akapelanawuma, wawokia aate adjei a molako. ²wadjia wato ngbii ebeté liwoso la moduhe etiwakokali, adjali owateyi.³wato wadja etei indé wadja la moto ogwi makolo wato waneyi wa mopkali. ⁴Ndengé etikokali olingeli ngbii wato wa djali, wabukia mohuwa momolako ebete edjaki indé, wa modimbia la egénge moto obukeyi makolo alongalaki.⁵Yesu adendia ondimi owu oasia longo moto oekoni: mana o mbai, masumu ma owe malimbisami. ⁶Wateyi wamibeko wango wadjakali ongo wasia oholo motoakohasaka ndjoongo awotiolaka Mwengei. iloko wato waobatakoli, wadjakalali ongo owasia: ⁷woni oolomoto akowasaka ndjoongo? awotiolakà. Ndayi okoki olimbisi masumu, inga etidjei Mwengei.⁸Yesu ayewiya mbala kikima engé edjaki iwo owasi ndondo ewu , awaaselia: woni odjei ni la momumongo amitema manu? ⁹Ndé edjei obé, owasi la moto ogwi mokolo: masumu maowe malimbisami?¹⁰Aloyi tè oyeweni mana omoto adjei la okulu ala sese olimbisi wato mabe beba manu: ¹¹ Aansia la moto ogwi makolo,iyowaseli, amala, tota épé owe, keke a molako owè. ¹²Ndjilengé ngonga aamalia, atotia epé endé apumbwa wato kpa wakomoweneke, iwo kpa wamokumisia mweengei; waosia, tée edjei iso toeneki yo dji sambo.¹³Yesu akia aleeti ngambo emalia. wato kpà wadjia etie ndé adjali owatiesakoli. ¹⁴La oweti amowelia Levisi mana Alafe, aabilo epako amowaselia mbai, amobilia.¹⁵Ongo yesu odjaki ameza amolako mo levesi, wa futisi pako, la wato wa ekaleli mbé waabatia ameza la indé alééti lawayekoli wandé ; wadjali ngbi, wadjaki omoyoki, ¹⁶iloko la wafalizeyo wa moweliya akolakaka la wafutisi pako la wato ekaleli mbé, waasia la wa yekoli wa ndé: oweni akolakaka, aleeti akokengaka la watisi pako, la wato ekeleli mbe.¹⁷Yesu awokia aasia ; etidjée wango wadjei la posa ewa dokitele ndi wango wadjei la ekoni. itidjei oweli wango wadjei olamu, kasi wato wa masumu.¹⁸Wayekoli wa yoana la wafalizia wadjali okili ilakà. wadjia omowaseli : woni wayekoli wa yowana la wango wawa falizia wakokiaka ilakà? kasi wango wa owe watikilalka? ¹⁹yesu awa wongoselia ! tango molomé oliwala adjei yo la wali wandé wakoki otoni ilakà? tango kpaà edjei iyo ebete esi la molomé eliwala watikoké okili ilakà.²⁰Masiyo matidja molome akotela wakokila iloka engé lisiyo. ²¹Moto tweti atikoké osoni esindje éndé eholi la isendje egala; inga akela ndjongo ekogulana engé eholi ekogula éngé egala, eyateli eho ekodja osungu oweti.²²Aleeti moto tueti akobatakà maana eholi la molangi egalà, enama; inga akelandjongo, mana makoata milangi ino ikomboka. wakomboka ena. wakobotaka mana ewoli la milangi miholi dja ikombaka enama.²³Ewumia liso eyenga. Yesu akpandia ilanga endongo. wayekoli wandé amboka wawumia obuki ndongo. ²⁴wa falizea wa mwaselia : denda wakokelakà engé etibalesamé lisiyo eyenga.²⁵Yesu awawongoselia : otitangeni davide, tango adjali la owongi, la nda indé la wango wadjaki la indé. ²⁶Woni alingelali a molako mo mwengei, tango ekango emwengei likumu abatali, alakia okoké engé eingami, éngé ekoki ndjila wa konga ewengei olaki ; awahia tè wango wadjaki la inde.²⁷Aaselia aleti : yenga ekelemate alikambo e moto te moto likambo e yenga ²⁸Mana o moto adjei likolo elisiyo e yenga.

Chapter 3

¹Yesu alingelia aleti asinagoga agbotia moto adjei la ewo ekasi . ²wadjaki omodendi Yesu inga aomokalisa lisiyo eyenga: adjaki aloyi te wamokambe.³Yesu aasi la moto la ewo ekasi: amala ndondo ewu. ⁴ Aleeti awaaselia: endimamité lisiyo la eyenga, okeli olamu te okeli obe; omokalisi moto tè omooli? waabatiya iyo kpa logo.⁵A sombe seya masiyo mandé ngambo la ngambo la limemu mpo, awakelima la motema mobé mowu. Aasia longomoto: nanola ewoowe. ananplia, ewoendé ekalia. ⁶Wafalisai wa pumbia, molingalia likita ate wapumbia wa molingialikita atewa mooli.⁷Yesu akiya ngambo ewale iyo la wayekoli wande. wato ngbi wa djaki omobili wango wa longwi apaleliya weeti ayudéa la watulu, wa sidona. ⁸Awaokia sambo ngbii adjaki indé okeli, ya djaali etii ndé.⁹Aasie la watutiani wande wa wongele wato eesi laate wati

¹⁰Alikambo aakelasi wato ngbii, wango wadjaki leekoni wadjaki omokweliate wa helewengé wande.¹¹Te milimo mibé, tango edjaki iwo omweni wadjaki omombameli mpé adumbeli : odjei mana o mwengei. ¹²kasi adjaki owaye wisi tè watiyase inga adjei ndai.¹³Ateliya likolo la imokoli mwesi ; awawelia wango adjaki owaweli; wakia eetiiindé. ¹⁴Atotia wayekoli lomi e iwale wango wakodja la indé. ¹⁵Aloyi awatomé oteyi la otetelaké lawumbi la itota. ¹⁶Wango wato lomi la iwale awototi edjei: somina, amaleliya libukeli.¹⁷Yakobo mana Ozebedaya, la Yoane manako pyakobo awahia kombo wanalayesia eeinyi wa na wangombe; la Andele , la filipo, ¹⁸la buelemia, la matia la Toma,la yakobo mana o alefa la tadea , ¹⁹la simina okanana, la Yudasia mokeliata, ongo la mbuse amotambali.²⁰Wakia atako watgi wa welonia aleeti, watidja lité la ngonga lakielaka la wu. ²¹Oliye e Yesu waokia enge edjali oeti, wadjate ate wamohelé. wadjali owasi tè: okoni eboli. ²²Aleeti wiloko wango wadjimbali, tée ayelusaleme wadjaki owasi ate: adjei la belazabulu ; aleeti adjei owumisi itota la kombo e likumu eyi tota.²³Yesu awawalia aasia la masekpe: ndandengé djambulu akoki owumbi djabulu ? ²⁴inga likumu likabuania la indé amane engé likumu ekokiti owumwi. ²⁵Inga molako mwesi mokowania indé amine, engé molako ekokiti owumwe.²⁶Inga etota aa umisia indé amane modidi aleeti aakawa. ²⁷Moto tweti akoki alingeli landé molako emoto otetelake oyiwi iho wandé odjangi omoheli moto ongo motetelake . mbuse akoyiwa molako nonde.²⁸Wowaselini menene, masumu kpa mokolisamà la wana wa wato, edendi nda ndengé émasumu, aleeti nda ndéngé é likolo engé edjei wo okeli ndengé éotangi. ²⁹kasi ongo moto ongo okokelali sumu a molimo satu atélisiyo akotota olimbisi : la masumu tii gboo. ³⁰ Yesu aasia ndjongo alonyi tè wadjali awasi: adjei la molimo mobe.³¹Nango Yesu la wa maningo wadja waamalia saa wamotomelia wato wa mowelé. ³²wato ngbi wa molingaki, wa mowalesia : Ngwa, lawa magwa wadjei saa wakowelaka.³³Awongosia : ndayi ima wandayi wa manima ? ³⁴Adendia wango wa sukani la indé : aasiya iwo ndé wadjei wa ima, la wa manima. ³⁵Ongo moto okokelaka ndengé mwengéi abali indé udé adjei manima opelé; mani o moli.

Chapter 4

¹Yesu abandali ohi mateya kelelé emalia masungu. wato ngbii wayandogbia kelekele ende ongo elingelaali indé la wato mpe ayabatia. Ndjongo wato kpa wayabatali ambumé. ²Abandali ohi mateya la indé la masekpe.³Ndjokani moto mwesi akaonali, ⁴La ebandali indé ooni, ndambo epukapuka ekpia amboka mbulu ekadjia elakia. ⁵Eeti ekpia la mabukeli, ango ebandia eho otoyi, ango etidjali mbumé sungu, laate ndjili elingelé lambumé etikolali,⁶Ango ekadjia moyi, elongosia pe eomia. ⁷Djeti pukapuka ekpia lakéké; etiwotali pukapuka laate editelelali.⁸Dinge ikpaali lambume ndamu, pukapuka eesi ewotali pukapuka ngbi, Dinge idjali tuku isato, tukuitano,pe mokama. ⁹Mbuse aasia, moto odjei la iyokeli eyokake, ayoke.¹⁰Aabatia la wayekoli wande, makelekele, weti wato wango wadjali watutiani wande, wamohuelia aasosolise enge lisekpe. ¹¹Andele anbandia awaseli wato pkaa wango wadjei saa wakobanda wooki la masepke, kasi ino nde okoyewani dinge yasii la okondi la Mwengei, la ete edjei alikambo lanu, ¹²laate, wango waadje la maiso. wa eneke watieneke, wango wadjei wiyokake watioke, laate wati kukole, laate masusu mahu matilimbisame.¹³Awa huelia, atitangalini ehele lisekpe? ndandange ekoyani ino masekpe djinge djei kpaa? ¹⁴Moni akoonaka liloba, ¹⁵Weeti wato wadjei nda mboka, ebete enge eanani liloba, la mwengala enge ewokiwo, etota edjali sia liloba linge lianamali ndondo ende.¹⁶Weeti, la wa weeti wakobukaka pukapuka la moyoko la ibete dja mabukeli; ango okoyokaka iwo sambo dja Mwengei, wa kotota eho la mwemu, kasi ndili. ¹⁷Kasi watii la ndili iwo amene wakodiangaka ondimi, mpe la tango enge edjakali la tina eloi: la Mwengei, wadjaa la osakele esungu.¹⁸weeti wakodjaaka mogome ndondo ekeke, edjei wango wakookaka loi wo Mwengei. ¹⁹Kasi la wango wadjei la libalano la masio ma djei la ogumake mpe lolenge ungo okoki owa lumbisi wato ²⁰Weeti waotota, linge lionami la mbume lilamu asewango wa okii liloba mpe wa gemeya eho olamu mpe wakowota pukapuka mbala tuke isato.²¹Ase awaesali ate: watidjaka-la-muendjii alikambo ate obongiee ha ehoko, la omekeli te la sese épee, te djongo? wawodjaka lehoo ate wabate la ebateli moendjii, djongo te? ²²alikambo ate emateeti te ebatamiii, inga hetidjakéé alikambo te epumbé a hoho; ema teeti ehisamee holamu holamu inga etidjaki ho weneni a hoho. ²³inga moto adjé la matoi ma hokaké, ahoke.²⁴Awahasela alidjii : wakani lengé sambo ehoki ino. lahengeli ekoengemenese le hoo, wako otalieni le hoo sungu mpenza. ²⁵Ate motango adjé la hema, wako mohekele sungu aleeti, ate moto ngo atii la hema oholo adjé le hoo wakomopwesa.²⁶Ate àasali alidjii: likumu la Mwengéi édjéi ndjo: édjéi nda moto mwèsi alumbi mogono àmbumé. ²⁷Alangali à likolo, àsusweà la usé, asé mogono motoyi aséko moiingià , aséko àyewuti ndéngé ékélami éhoo. ²⁸Mbume ehoo, ndi éoamene ebandi hotoi pukapuka kekèkekè la époo, isokisoki, mbuse motoo, gboo pukapuka ndondo émo éhoo. ²⁹Ase halobango saha pukapuka ohékelia mboka atenia la éhuni, alikambwaté, tango o buki pukapuka eumia.³⁰Asaaki alidji até: toko wèngèmènese iso àokumu é Mwengéi , asé masekpè mako àasélaka iso? ³¹Edjéi ndéngé kikima àpukapuka é sénévi, ingé éwonami àmbumé, édjéi kèke a mogono kpàa édjéi à mbumé; ³²Sàa longonga la oloni, étetia,éumi sungu a mbumé ihoo a matakitaki, épumbi sungu alikamboate mbulu ongo a likoo ikoki oàbati sése é elima.³³ Saa landenge dji masekpe malamu edjeki inde oteyi, wa djaali oyewiowaekeli. ³⁴Atidjangali owaaseli la masekpe kasi adjaki owa limboli tango edjakali iwo amene.³⁵Ndji lenge lisio la pokwa awaselia tokpande ngambo e malia. ³⁶Mbuse éowongwi wato wamodjuàli a molela ébeté édjàali; adjakàali asé mwèti molela la indé. ³⁷kàiko éhoho mwèsi éokulu éowangi éebingi, éhoho édjàaki oyalumbi a molela, ase moléla ékéali otumi a malia.³⁸Indé, alangalakia? wa mosusulali wamoaselaali: molakisi. otiya susubwaka la enge iso to holisaka? ³⁹Wadjàki osuswi, adembèsià l'éhoho, aàsià ewale: bii ! logoo! éhoho éé éhia, ewumia.⁴⁰Mbuse awaàséli : woni adjéi la owangi? woni oti djeni la ondimi? ⁴¹wadjokali la owangi osungu, malia o moto saka.

Chapter 5

¹ Waumali leeti ngambo e malia, la mokii mo Gadalina, tango epumbia. ²Ango epumbia Yesu la wato agbotonia la moto mwesi alongwali la wambila adjali la molimo mbee.³Moto oho adjali oyabati ndji la mbila, moto tweti atikokali omoheli la miliki ma ibende. ⁴tango edjali iwo o moheli la mabende la makolo la miliki, adjali oteni miliki la obuki mabende, moto tweti atikakali omotitimesi.⁵Adjali masio kpaa la likolo la moyi ongo la mbila mpe ongo a mikoli; adjali ohumbi pui mpe la owakondjosi inde amene la mabukeli. ⁶Ango emwenia inde Yesu adjia obangu akwiya la mauli liboso lande.⁷Awumbia la moli motetelake: nda loyi edjei iso la owe, Yesu , mana o mwengei o likolo? iyokongi la kombo e Mwemgei otihe mbai etunbu. ⁸Yesu amwaselali: molimo mbe, pumba la wenge ehele moto!⁹Yesu amohuelia: kombo owe ndayi? amowongweselia kombo e mbayi ngbii, laate todjei ngbii. ¹⁰Amobondelia atiwatome lihele la moki¹¹Wangulu wadjali olaki kelekele e mokoli. ¹²Djinge milimo mbee wamoongia: totoma tolingele ndondo edji ngulu. ¹³Yesu awahia mboka. Milimo mbee wipumbia la wenge e moto oho, wilingelia ndondo e wangulu. Ngulu kpaa ilongoiya likolo ikuiya la malia; idjali inga mbuka iwale e wangulu, ilindali la malia.¹⁴Wasindjili wa wangulu wakia obangu osumbi mboli la moki mosungu la miki mikeke. Wato wadjali odendi enge eyetali. ¹⁵Wadjaa atie Yesu, wamwenia motongo odjaki la milimo mbee aahabati, akpali isindje, awongwanelia lomungo, watumali la owangi.¹⁶Wango wayeneli sambo iyetali, wadjali osumbi mboli ndenge emoumelali moto omolimo mbee mpe la wangulu. ¹⁷Wato kpaa wamoongia Yesu te alongwe la moki mowu¹⁸Ango etelia Yesu wato, motongo adjaki la molimo mbee amoongia ate eke lainde mongindJi. ¹⁹Yesu atimobalesali, ase amoaseliaa: kekee la molako mowe yewisa wiino wowe sambo ndjinge likumu aokeleli la ndenge aokeli maga. ²⁰Ndjongo ongo moto akia okasumbe mboli la moki mo dekapolo sambo ndjinge Yesu amokeleli, iwokpaa wakamwali.²¹Yesu angbandali alidji la wato ngambo eeti e malia, wato ngbii wabolianali atie inde, adjali kondolo e malia. ²²Likumu liese e molako mo sinagoga, kombo ende Yailo. Ango imwenia inde Yesu amongumbamelia, ²³Amobondelia, aamwaselia: mana o mbai omoli adjei pene e logo! Ihongi odje omobateli mawo laate akale adje la bomoi. ²⁴Yesu akia mongindji la inde, wato ngbii wadjali omobilei la omohianesi.²⁵Djokande moli mwesi adjakali oweni makila mbula liomo la iwale. ²⁶Aeniaka odjidji ngbi la mawo minganga, abitisali ndjinge kpa edjakali inde la eho, djinge kpa etimokalesali, wenge wande epotali oki ngambo e obe. ²⁷Aokia wakokpomaka la kombo e Yesu akia mbuse e wato, ahelia esindje ende.²⁸Adjali oyaaseli: inga ipoto te esindje ende ikokala. ²⁹Ndji la enge engele makila matenia, awokia la wenge wande ate akali la ekoni ende.³⁰Yesu aenia inde amene ate okulu, epumbi la wenge wande, alongoiya ndondo e wato pe aasia: ndai opoti wisindje wa mbai? ³¹Watiesakoli wande wamwaselia, oeni wato wakoo biliaka, mpe oasia ndai oheli mbai? ³²Yesu adhendia ahue ende la omoeni ongo okelali ndjongo.³³Molia awangia, apotia ongilimi, ayewali enge emowumelali, adjia okwi mauli la makolo mande, amoaselia sambo kpa. ³⁴Yesu amoaselia, mana omoli ondiimi wowe e okalesia kekée. kala la ekoni e owe.³⁵Ndji edjaki inde yo oasi, weeti wato wango walongwali la monguta e likumu e sinagoga, wadjali, wamwaselia ate: mana e owe o moli agwi! Woni okomotungesaka motiesakoli alidji?³⁶Ango eokali Yesu ndinge sambo, aasia la likumu e sinagoga: oti wange, djaa la ondjimi. ³⁷Atibalali ate moto te mokikima atimobile ndji Petelo ée Yakobo la Yoani. ³⁸Ango eumia inde la molako mo likumu la Sinagoga, mpe Yesu aenia ebiba e wato wakolelaka; wakohumbaka pui.³⁹Mbuse e olingeli, awaaselali ate: woni okobatakani ewedje la oleli? Oholo mana agwiti, alangali ilo.⁴⁰Wapotali omodendei. Awapumbesali amototia sango la nango mana la wango wasombali la inde mongindji, walingelia ebete mana alangalali.⁴¹Atotali ewo e mana oho, aasali la inde: talits kumu, enge einei: mana omoli iyasi la owe amala! ⁴²La mbala kikima mana o moli oho ayamalali pe apotali osombi,laate adjali la mbula liomu la iwale. Watumali la mwemu e oweteli. ⁴³Aasali la iwo mbala la mbala ate watiyewese moto tueti ehele sambo, mbusa awaaseli alidji wamohe mana o moli oho ema elakake.

Chapter 6

¹Yesu alongoiya ongo, aumia la moki monde. Watutiani wande wamobiliali. ²Ango sabato eumali, apotali otiesakoli la sinagoga; watokpa wango wadjali o mooki wakamwali alidji waasali ate: oholo moto atoti dji sambo eni? Nda ndenge e maamamungo emogboti, nda ndenge akokelaka dji sambo ewangake? ³Te oholo moto akokelaka mabaya, monga Mali, manango la Yakobo,la Yozefu, la Yuda la Simo? wa maanango wa wali watidje ala mongindji la iso? apotali owabingisi ekiikimi.⁴Yesu awaaselali: watimondjimaka polofeta la moki monde, eholo e wasango la oliye wonde. ⁵Atikelali sambo teeti ekamwake, inga saa okalesi maa wato wa wikoni la owaabateli mawo. ⁶Akawali odjangi ondjimi owu. Yesu akeeli miki la miki akotiesakolaka.⁷Awelali wa liomu la iwale, apotali owatomi wale wale, awahali okulu likolo la milimo mbee. ⁸Awaaaselia, watitote ema teeti la okendo, ndji mote, watitote okoke, te opasa, te wadjenge ndondo e mokaba. ⁹Wakpale sandala; waatibate mikoto miale.¹⁰Mbuse awaaselia: inga la eeti ebete olingelani la molako, abatani ango tee lisio likopamba ino. ¹¹Inga la gbata esi wato wabaliti ooyambi, wabaliti oowoki, pumbani ango, huholani motubu la makolo manu la oyinyei ate owatonini.¹²Wakeeli, watiesakolali la oweli moto la moto ate akukole ekaleli ende. ¹³Wadjàaki owumbi la djàabulu, wamunolali wato wa wikoni maita, wadjali owakalesi.¹⁴Kaiko, sambo djaho eumali la matoi ma likumu Elode, a loyi kombo e Yesu ebandali oyewani, wato wadjali oasi ate: Yoani mopatesi ongo oguali abasi, ehonde akokelaka sambo dja okulu. ¹⁵Weeti wato waasali: edjei Elia. Alidji weeti waasali: adjei polofeta mwesi owa polofeta wasu.¹⁶Elode, aokia djinge mboli, aasia: edjei Yoani ongo omotenali mbai kingo inde moto obasi.¹⁷Ndjongo Elode inde amene moto omohelate Yoani, amonangali la oyogo, la likambo la Elodjiasi, moli o maanango Pilipo.¹⁸Yoani amowaselai: eti olamu omoyiki moli o maangwa. ¹⁹Elodjiasi atumali la likewe la Yoani, ehonde abalali ndji logo wonde. ²⁰Kasi atikokali omooli laate Elode amowangali Yoana, aewali ate adjei moto molamu; alidji mosatu; adjaate omobanei, pe , mbuse emooki adjali odjei la boo alidji abandali odjei la mwemu la omooki.²¹Lisio leesi, libaku lieneneli emgele Elode awongesali wilaka wa pokwa lisio e wotamake wonde, ahali yenga e wato wasungu wande, la makumu ma wasoda, la wato wa sungu wa Galileya. ²²Moseka Elodjiasi alingeli la molako; pe abandia wanga, pe E lode aemelia la wanga. likumu aasia la mana omoli :hongo ema enge ebali owe ikoo haa.²³Aasia la olapi: enge ekohongo owe mbai, ikoohaa, inga te edjaaki oodja e wokumu wo mbai. ²⁴Opumbia ongo, amohoelia nango: ndandenge ema ekoki mbai hoongi? nango aasia: moto mo Yoani. ²⁵awongoiya obangu atie likumu amohia oongi wonde: ibali ate opee mbai moto mo Yoani la ehoko.²⁶Likumu atumaali la magbaa kasi, latina eolapi enge elapali inde la maiso ma wato, ati kokali otoni. ²⁷Atoomali la obangu motuke monde amototele moto mo Yoani mopatisi. ²⁸Watuke wakeeli oteni Yoani moto la yogo, pe wa pkalali moto la saani. ²⁹a mohekelia mana moli oho, mano mano moli a mohekelia nango. Ango eokia watutiani wa Yoani djinge sambo, wadjali ototi wenge wande wakeeli okakundji.³⁰Watutiani; waboliania kelekele e Yesu, waamosumbelali mboli la ndengekpa ekelali iwo, la ndengekpa edjakali iwo otangisi. ³¹Yesu awaselia: djakani kelekele ndondo e ebete e manganga , ase homani maakeke. A likambo edjakali la wato sungu wadjakali oki la odji, watidjali la yengele eolaki. ³²Wakekeli ndondo é moléla, la oki kèlekèle ndondo ébeté é manganga.³³Wato sungu waawenali wakoke, ayewali, wato wagbata kpa waakeli obangu la makolo la owalambeli ebete ekeki iwo.³⁴Ango epumbia iwo la moléla, Yesu aenia wato ngbi awaokelali magba laate wadjali nda wakondolo wadjangi sindjili; ayabatali owatiesakoli sambo sungu.³⁵Ndenge éngele édjàki oki, watutiani wandé wayagugia la indé, wamowaselia: ehele ebete edjei manganga, alidji limbile liki gaa. ³⁶Wawongosa, laaté waké ndondo émoki asé ndondo e moki mo huwé a huwé, la osombi éma elakeke.³⁷Yesu awawongésélia: wahekéleni ino amène wilaka . Asé wa mo wasélia: iso toke osombi makoké la falanga kama iwalé, towahe ate walake? ³⁸Awasélia até, odjéni la makoké ménga? ka dhénde ni . wayabatia asé wa mowasélia: itano, la su iwale.³⁹Asé awaasélia até abatani limbutu limbutu likolo la isoki. ⁴⁰Asé wayabati la molongo ékama alidji e tuku itano. ⁴¹Atotia makoké matano a su iwalé asé adhéndia maiso likolo,aasali oongi o lipamboli; mbuse atenia makoke awahekelia Watutiani, a laaté wakawole la wato. Wakawolia pe djinge su iwale la wato kpa.⁴²Kpa walakia wa gbetia ⁴³Asé waonoli midjàngi witumi liomo la iwale la isuki dja makoke la su. ⁴⁴Wato wango walakali makoké, édjàli wato koto itano.⁴⁵Sika sika ndjo mbuse, awaselia la makasi Watutiani watéle ndondo é moléla; wake liwoso la nde ngambo eeti e malia, ngambo e Betesaida, inde atikale owongosi wato. ⁴⁶Ango awawongosia, akia a mokoli ; okaakongi. ⁴⁷ango ewumia Kolokolo, moléla mo djàki ébeté e malia masungu, asé Yesu adjàkali indé moikima la mbume.⁴⁸Waenia wawumali la minga oliki laate éhoho edjakali oki eeti ngambo. Pene e gboo elikolo, Yesu akeli ngambo ewu akosombaka likolo e ligbutu lisungu, apali awaeti. ⁴⁹Ango emwenia iwo akosombaka likolo la malia, wayewalia ate edjei etota; wabandali ohumbi pui. ⁵⁰Ango émweni iwo, mito miwasombali. asé Yesu awaaselia: Yewani ate edjei mbai, otidjeni la boo!⁵¹Mbuse eotéli la iwo ndondo émolela, asé éhoho édhèia. wadjàkiali iwo amene, ango asé watumisamali la owangi la okamwe ; ⁵²Laate watiyewali ekamwesi e makoko, la loyi mitema mau matetelali.⁵³Mbuse eokpandi ligbutu lisungu, wawumali la moki e Genesaleta ase wakpandjia. ⁵⁴Engele épumbia iwo la moléla, wato wamoyewali Yesu, ⁵⁵Waetali wiholo kpa, wadjali okpali wato wawikoni la wipe, wiholo djinge edjali iwo ooki ate Yesu adjei.⁵⁶Wibeté kpa widjali inde oumi, ndondo e miki, ndondo e gbata te ndondo e mitulu, wadjali obati wato wawikoni la lingalala, wadjali omoongi ate awabalese wapote te gboo e esindje ende. Wato kpa wadjali omoheli, wadjali okali.

Chapter 7

¹Wafalizeyo la weeti watiesakoli wa pui, wa longoali la yeluseleme,wayabondali la hue e Yesu.²Wayenali weeti watutianiwa Yesu wakolakaka la mawo osoto,eyinei watiyakpole maho. ³Wafalizeyo la wayuda kpaa watilakaka odjangi oyakpoli olamu mawo,ndenge e ekaleli e wiloko. ⁴Tango ewongoyia iwo la liho,watilaka liwoso ate wayakpole.Wabanei yo djeti ekaleli e watata nda okpoli witutu,wikoko,la sani e bolonze.⁵Wafalizeyo la watiesakoli wa pui wa mohueli Yesu: woni watutiani wa owe watibiliaka ekaleli e watata,kasi wakolakaka wilaka wawu odjangi oyakpoli mawo?⁶Yesu awawongoselia: wato wa moleho, Isaya aaselate likambo lanu,nda ndenge edhingami:wa wato wako temeyaka mbai la wibebu,kaiko motema mowu modjei lihele la mbai. ⁷Eti olamu wa temeye mbai la ohi matiesakoli djinge itomami la wato.⁸Odeini matiesakoli ma Mwengei kasi obaneini ekaleli ewato aloyi okokpolokoni teni la itutu alidji okokelakani djeti sambo iyengemeni la eho. ⁹Yesu awaaselia alidji: okolumbaka olamu matiesakoli ma Mwengei la likambo la obanei ekaleli enu. ¹⁰La eho Moize aasali ate:motemeya sangwa la ngwa:ongo okomobumakola sango inga nango akotota etumbu e logo¹¹Ngambo enu, inga moto aasa la sango la nango: enge elukaki mbai oohi edjei likawo e Mwengei, ¹²Ango akokiti kine omokeleli sango inga nango. ¹³Okobitisakani liloba e Mwengei la ekaleli enu enge ebati ino alidji okokelakani djeti sambo eengemeni la eho.¹⁴Mbuse eho, Yesu awelali wato kpaa,awaaselia: okani mbai inokpaa alidji yewani. ¹⁵Ema teeti enge edjei saa la moto ekokiti omoomisi moto osoto inga elingela la monoko monde kasi enge ekopumbaka ndondo ende ekomowumisa osoto. ¹⁶Ongo odjei la matoyi maokake awoke.¹⁷Ango elingelali Yesu la monguta, lihele e wato, watutiani wande wa mohuelali la tina la enge lisekpe. ¹⁸Awaaselia: ino pe odjangini kandela? Otiyeweni ate ema teeti enge edjei saa e moto,inga elingela ekokiti omowumisi moto osoto.¹⁹La eho, enge etilingelaka la motema, kasi la solo mbuse ekopumba la line. Adjali owasi ndjongo ate ilakakpaa edjei olamu.²⁰Aasia alidji: enge ekopumbaka ndondo emoto nde ekomowumisaka osoto.²¹La eho, edjei ndondo, la motema mo wato nde mamungo mbee makopumbaka, witeba,ondumba,la ooli wato. ²²Iwa, ononi wiho wa wato,limemu, okosi, esombeli mbe, iliko,ogeno,njangi. ²³Djinge sambo mbe kpa, ekopumbaka ndondo e moto alidji ekomowumisaka osoto.²⁴Yesu alongwali ongo, akeli la moki mo tile,la sidona.alingelia la monguta mwesi atibalali ate moto tueti ayewe. Tendjongo atikokali oyayisi. ²⁵Kaiko nde moli mwesi ongo mana onde adjali la molimo mbe aokali mboli e Yesu, adjali oyalumbi la makolo mande. ²⁶Moli oho atidjali mo yuda,moto o Sulia e fenisia, adjali o moongi Yesu ate apumbese etota eho la wenge e mana onde o moli.²⁷Yesu a mowaselia: daheyo wana wa gbete, lalikambo eti olamu wilaka wa wana olumbeli wana wa mbwa. ²⁸Amoyongoselia,edjei ndjongo likumu,kasi wana wa mbwa sese e mesa wakolakaka witika etiki wana.²⁹Yesu amowongoselia: la likambo e loyi eyasi owe, okoki owongoyi: etota e pumbiga etie mana owe o moli. ³⁰Ango ewongoya inde atie inde,a mogbotia mana alangali la epe: etota epumbiga³¹Yesu apumbia moki mo Tile,akadjia la Sidona ngambo e ligbutu e Galileya, okpandeli moki mo Dekapolo. ³²Wa modjelia bubu atidjali owasi, wamoongia ate a mobate mawo likolo lande.³³Yesu akeli la inde lihele e wato, amobongia misei la matoyi,amobandia lolemi la soyi djande ndamu. ³⁴Mbuse atombolia maiso likolo, ahatiania makasi,aasia:efata, einyei dukuana. ³⁵Ndjiango,matoyi mande madukwamali,lolemo londe etokwania,abandia oasi olamu.³⁶Yesu awatekesia watiyasele moto te mokikima,kasi ango akowatekisaka,iwo wakoasaka alidji oyetesi. ³⁷Watumali la boo,waasali: akokelaka sambo kpaa olamu, akookisaka wato wagwi matoyi,la owasesi wa bubu

Chapter 8

¹Engé lisio wato ngbi wadjali wati djali la éma elakaké, Yesu awawelia wayekoli awaaselia. ²Idjéi la magba la wa wato; aloyi ékeliga masio masato wadjée pene émbai; wati la éma élakaké. ³Inga iwawengosa éwawu la ndjàla, okulu ékowasila a mboka; aloyi wèeti la iwo wadji lihélé. ⁴Wayekoli wamoongoselia: ndandénge ekoki iso owagbetesi la okoke, ala, ébete emanganga?⁵Yesu awaaselia: odjéini la okoke woni? sambo, wa moongoselia. ⁶Waabatesia wato a mbumé, abondélia éngé okoke sambo, aleti, mbuse ahia ma ndondi, abukia awahia wayekoli wandé wakawoli wato.⁷Edjali la ndambo esu, Yesu, atondi aleeti, wakabolia aleeti. ⁸Walakia pe wagbeta, wakongolia ekolo sambo itumi la itika. ⁹Wadjali oyeti mbuka inei. mbuse Yesu awawongosia. ¹⁰Ango esilisia indé atelia andondoli la wayekoli wandé wakia ngambo é Dalamalita.¹¹Wa Falizeyo wadjali, wa bandia osololi la Yesu, até wa molongé, wa mohuélia elombo engé elogwi likolo. ¹²Yesu, alelali andimo mondé ndondo, aasia: woni ehelé liwota ekoongo elembo? iyo waselini mèmene elembo etidja a leeti la ehelé liwota. ¹³Mbuse awa deiya atelia la andondoli, la okpandi eti ngambo.¹⁴Wayekoli wawosanali ototi makoké, wadjali saa leesi la andondoli. ¹⁵Yesu awahia ehele otomu: dukolani maiso la mana wa Falizia, la mango mana.¹⁶Wayekoli wadjali omonduyi edjei nda ndenge edjangi iso okoke.¹⁷Yesu awayewali aasia: woni okomungolaka ndéngé édjangi ino makoké? odjéi niyo tée sika ndi odjangini mayele, té ango oyewaki niiyo?¹⁸Odjéini la motema mungo motiyewaka obangu? odjéini la maiso otiyeneke ni? odjéini la matoyi, otiyokaka? aleti otini kine la lo mungo? ¹⁹Tango ibukali okoké la wato mbuka itano, kitunga woni eitika okpalalini? lomi la iwalé wamoongoselia.²⁰Tango ibukali makoké sambo la wato mbuka sambo, kitunga woni itumali la esuki okpalalini sambo,wa moongoselia. ²¹Awaaselia: otiyewakiyo aleeti?²²Wakia a Betesaida wadja otei Yesu la moto ogwi maiso, wa mobondelia amohelé. ²³ ahelia moto ogwi maiso la maho, akiya laindé saa emoki; mbuse amobatia soyi likolo la maiso,amobatelia maho, amohuelia inga akoyeneke nda ema.²⁴Adhendia, aasia iyeni wato, kasi ikoyeneke nda mité ekosombaka.²⁵Yesu amobatia aleeti maho liko emaiso; mbuse,ango moto ongo ogwi maiso adhendia olumu akalali, ayeni kpa olamu. ²⁶Yesu amoongolia la molako mondé, aasia: oti lingele la moki.²⁷Yesu akia, la wayekoli wandé, la moki mo Sezalia elé Filipo, awahuélia amboka élé poopo: wakowasaka té idjéi ndai? ²⁸Wa mowongoselia weeti: Yoane mobatisi; wèeti, Elia, weeti mwesi ewa polofeta²⁹Awa melia, ino okowasaka ni idjéi ndai? Petelo amowongoselia: odjéi kilisito. ³⁰Yesu awaongia ate watimowasele moto tweti.³¹Abandali owateyi ekokia te mana omoto awoké odidi ngbi. alumbane la iloko, la wanganga- wa Mwengéi, la wateyi wamibeko, wako mowola, akobasa mbuse e masio masato. ³²Adjali owayewisi dji sambo molelé. Petelo, amowelia makélekéle, abandiya omotekisi³³Kasi Yesu, awongoyia awadendia wayekoli wandé, amotekisia Petelo. amowaselia mbuse, é owe,etota aloyi oti munfgolaka sambo é Mwengei, odjéi saa la lomungu ewato.³⁴Mbuse, awawelia wato ngbi la wayekoli wandé; awaaselia: inga moto abala odji mbuse embai, aatoné indé amène; akpale ekulusu éndé: mbuse abilié mbai.³⁵Aloyi moto ongo akoluka okalisi omoi ondé akowangisa, kasi ango akowungi omoi ondé la loyi lo mbai, la mboli ndamu akokala. ³⁶Ekoki odjéi olamu moto ototi mu moki, ingo abitesia molimo mondé? ³⁷Nde ekoki ohi moto lo okalambesi la molimo monde?³⁸Ongo okoka soni la mbai alidi la maloba ma mbai etie ehele libota wa iwiteba la wato wa masumu mano omoto akowaoka soni lisio linge likodia inde la okulu e sango la wahumbwa wa satu.

Chapter 9

¹Awasélia alidji: iwasélini mèmene, wato-weti wango wadjéi ala watigwa, até wayene likumu la Moengéi ekodjàaka la okulu. ²Mbuse émasio motoba, Yesu awatotia la indé Petel, Yakobo la Yoane, akiya inde amene kelekele elikolo émokoli.adjàkia la mbongwana a kukolia lioso lau. ³Wisindjè wandé iumia mpèè,mokpoli wisidjè tèeti a moki akoumisa ndjongo.⁴Elia iwo la Moize wa enenia, wakosololaka la Yesu. ⁵Piele, atoti loi, aasia la Yesu: likumu édjéi olamu até to djè ala; tokele milako misato,mwèsi mo owe,mwèsi mo Elia. ⁶Aseko ayewi ti owasi ndé éma, waumaki la⁷Walingamia a lipata, moli mopumbia alipata: oholo adjéi mana ombai o libalano: mookani. ⁸Ndji engele eho, watutiani wadendia kelekele, asé waenia sa Yesu indé amène la iwo.⁹Ango eyadjimbia iyo ongo la mokoli, Yesu awatekesia ate: otiwaselakéni wato éma énge eni ino, ndi ndjongoo mana o moto akosuswa alogo. ¹⁰Wawokia djingé sambo, wahueliania inga obasi eyinyei woni.¹¹Watutiani wa mo huelia puopuo: woni wadingi wako asaka até Elia adjè poo? ¹²Awaselia até: Elia akodjà liwoso la owengeli sambo kpàa. ango likambo até mana o moto akooka pasi sungu wakomotiola? ¹³Nda iwaseli até Elia adji ga, asé wa mokeli nda ndéngé edingami ehoo alikambo lande.¹⁴Njongo eumi iwo, a hué la watutiani,wayeni wato ngbii wabalia a hué, la iwo, la ingé wato wabé wadingi wakogulanaka la iwo. ¹⁵Ango ébele wato wa moenia Yesu waahuélia wakia omohia mobalé.¹⁶Awa huélia: nde éma ekosuanélaka ino?¹⁷Asé moto mwèsi la ébelé wato amowongoselia, likumu idji la mana o mbai liwoso la owe mana ombai akwèsi la ésisi ébé. ¹⁸Wibete weti ekomoyelaka asé emolumba la mbume mana ahumésia maulo a monoko e émobatisia logo! ihalelia la watutiani até umbani la éngé ésisi iwo tookoki. ¹⁹Yesu awa ongoselia hasia ndjo: nda tango ekokaino okéli? djàkani la indé wa moekelia la inde.²⁰Ndiango mana amoenia Yesu,ndiango ésisi éhumia; akwa ambume a akukolakolia. ²¹Yesu amohuélia sango: nda tango ebandi ingé ekoni o mokeli? ²²Asé ésisi omolumbaka la misa la malia até emobitese inga okoka okeli ema esi djaka toongamèse; asé okotohekele iso mapute.²³Yesu amoaselia: inga okoki ndjingé kpàa idjéi la moto ongo ondimi. ²⁴Dji ango sango mana aahuélia: imogwaki até! ndjàka osalese mbai moto odjangi ondimi . ²⁵Yesu aenia wato wageleli, wako tumolaka ésisi ébé, ahasia ate: ésisi abata logoo ihumbi la we uma atiolo mana, oti wongwakekine.²⁶Asé epumbia, la opamapami, asé abandia ohalimanihalimani. mana ahumia nda moto ogwi asé wadji wasia até ohomana agwaki dèè. ²⁷Asé Yesu amohélia eho, amologwèsia asé aamelia likolo.²⁸Ango elingelia Yesu la monguta, watutiani wande wa mohuela iwo la iwo: nda likambo litikoke iso woumesi winge wisisi ? ²⁹Awaselia ate: ehenge ndenge djoongo ekumaka ndi la woaleli wosolo,³⁰Wadjakià ongo, ase wakakpa ndia la Galilea. Yesu atibala kali até moto amoewé. ³¹Ango owalakesakali indé watutiani wandé, ase awaselia até: Mana o moto wako mokawa la mawo ma wato ase wakomola, ase mbuse emasio masato ekogwa inde, ase akosusua. ³²Ango watutiani waokiti sambo djénge yasi indé, ase wawangia omohueli.³³Waumia la kapalanauma ongo edjàkali iwo la monguta, Yesu awahuelia: nda ema ehuelanaki ino amboka? ³⁴Iyo watikalia logoo, kaikonde amboka wadjàkali woasani iwo amene até ndai odjéi moto mosungu ahala odjéi iso. ³⁵Ase àabatia, awawelia wango liomu la wale, awaselia: inga moto obala até adjèe liwos, adjèe moto ombuse ewato kpàa,³⁶Ase amototia mana mokeke, amobatia la wodja wou, amokpalia mawo, awaselia. ³⁷Ongo moto okomotatolo mana mokeke la nkombo émbai ondimi mbai -mène; ongo mwèsi okondima mbai motongo ondimi mbai amondimi mbai.³⁸Yoani amwaselia até: likumu, tomwèni moto mwèsi akoumbaka la wisisi la nkombo eowe, alikambo até indé abaiti ototutei iso. ³⁹Awawongoselia até otimotèkeseni, moto tweti okokela sambo sungusungu la nkombo émbai, likambo até wango wakodjà mbuse wakohaasa wobe alikambo la mbai.⁴⁰Ongo oti laiso loyi adjéi moto oosu. ⁴¹ Ongo mwèsi okohani etotu emalia la nkombo embai, alikambo até ino odjéini, wato wa Kilisoto, iwaselini mèmène, atowungesa lisute landé tee.⁴²Ase moto kpàa ongo wakwekelesa wato wakeke wango wandiméli mbai, ewongi até wamonangé Libukéli la kingo lingé likotangélaka iwo la pukapuka, ose walumbé la molia masungu. ⁴³Inga éwo éowe éobibegesa ékikima, etena, éwongi wolamu olingéli la ebete élamu. ⁴⁴Koliko olingeli mawo male la ebete enge Géhena.⁴⁵mitolimaka.⁴⁶La koliko olingele la makolo male la ebeté ébé engé émisa mitolimanaka la Geneya.⁴⁷Inga liso la owe likobingisa ékikimi , lilongese, éwongi wolamu olingeli àati é Mwengei la liso likima, koliko odjéi la maiso male waolumbe la Gehena. ⁴⁸Ango otogwaka busu, ase miso mingo mitolimanaka.⁴⁹Ango ékolongola wato kpàa la misa. ⁵⁰Mokpa modjéi éma elamu, inga mokpa modjànga oleli okowongosani woleli woho la ndé? djakani la mokpa lainolaino asé djakani la logoo

Chapter 10

¹Yesu adjaali oki, alingelia liwange e yudé pene e yuludane wato wagbotane pene hende, likambo amokii mondé ayabatia aléeti owayekolisi. ²Wafalisasai wadjaali a ate wamomeke. Wabandia omoweli poopo, awaaselia,ate molome akoki omooli moli ondé? ³A wahongoselia: Moise ahekeli nda wingbundu? ⁴Moize, ayekeliino wingbundu laokeli ekpata eolaké liwala.⁵Yesu awaseli: latina moto makasi makasi manu, ase Moise ahekelali enge engbundu. ⁶Kasi lihoso akelé mokili Moingei akelali moto opelé la omoli,⁷Eho molome akolongwa atie waboti wandé, amotota moli waoke, ⁸iwo walé wakodja moto mwesi. watikine mohini miwale, wakouma moini moikima. ⁹Enge Mwengei aheli moto atikoke okaboli.¹⁰Ango edjaki iwo lamonguta wayekoli wabandali omoweli laloi loho. ¹¹Awaselia:moto okomolongosa moli ondé akomoika oweti moli amokeleli ekobo; ¹²Inga moliawola liwala landé akaikia eti liwala inde akeli ekobo.¹³Wabandali omodjeli wana wakeke ate awahele, wayekoli wandé waatekesia. ¹⁴Yesu, ahenia ndjongo, emobitelia, awaaselia: deé wana wadje ebeté embai, otiwatekeséni, aate likumu la Mwengei edjei e wana.¹⁵Ikowaselakani méemené, moto ongo atiyamba likumu la Mwengei nda mana mokeke atilingela. ¹⁶Awatotali wana amaho mandé abandali owapamboli awahelia maho.¹⁷Ango Yesu adjei laokendo, akua mahuli liwoso landé: motisakoli, amowelia, ikokela woni itote likumu la Mwengei? ¹⁸Yesu amoaselia: woni okowelaka mbai moto molalamu? moto molamu ati ndi Mwengei. ¹⁹Oyewi mibeko: otikelake ekobo, otimoole moto, otiase moleho, otakelé moto obé, bala sangua la ngua.²⁰Amowongoselia: Motiasakoli iyewi djene sambo ndi laolenge. ²¹Yesu amodendia la libalano aasia: odjangi sa ema esi; keke otambi iho wowe kpa, pe haa wadjenge la wato wa otundake. Ango odja la ogumake ongo likolo; mbuse djaka otutie mbai. ²²Kasi moto oho alembia wenge la djinge loyi awongoyia la magba. late adjaki la ogumi oweti.²³Yesu ehegesia maiso ongo edjaki inde:aosia la tuke wande: ekodjaa monga la ate mongumei alingele la okondji o Mwengei! ²⁴Tuke wayaweelaalia ungo loi waasali Yesu. mpe owongwelia aleeti: aasiala iwo ndgo: wana mbai, edjei moonga la wango waa yehekeli la ogumake la olingeli la okondji enge! ²⁵Edjei petee la mana ee kamela alingeli la buu e egula la ebete ate mogumi; alingeli la okondji o Mwengei.²⁶Wa yekoli wa kamwali,waa huelia mwesi mwesi iwo ndai ongo okolingela? ²⁷Yesu awa deendja, ase awaselia: edjei moonga la wato, kasi té Mwengei; sambo pkaa edjei pete atie mwengei. ²⁸Petelo ayamalia la waasi ate; ndenga! iso kpaa tolongwei, ewesu otutie owe.²⁹Yesu awawongo selaali ndjo: ikwasaaka la ino meemene; motote moikima, ongo olongwei, alayi. ombai pe la loi emboli elamu, molako monde, inga wa maanango wa pele, tée wa wali, inga ngbau la sangbo molionde tee wana wande, tée mbume pkaa, ³⁰otidjaani la mwemu la muu moki ndjo, la milako la wana wa pele wango wa wali, la waima, la wana, a tee mbume, odidi la masio mango mageeli, wa kondja,la ogumake la bomoi oseko. ³¹Wato wa liwoso wa kowongwa mbuse, wango wa mbuse wa ko eta liwoso³²adjaali la mboka oteli okia yelusaleme; Yesu akeli liwoso la iwo. Wayekoli wande, wa !lingelaali modjega, mpe wa motutiali la owangi. ndjango Yesu awawelaali aleeiti wayekoli djande, ase abondia awaaseli ungo okomokawu: ³³Denda, tookeke a yelusaleme, mpe mana omoto a kotambama aatie wanganga e Mwengei la wa dingi. wakomokawa la logo, mpe wa komokowa aati wapagano, ³⁴Wakomoseka, wakomolumbela soyi, wakomobinga fumbo, wakomoola, akosuswa mbusi emasiyo mosato.³⁵wana wa zebedeyo, Yakobo. ³⁶Awawongweselia: edema ebali ino ate iyokeleni? ³⁷Wa mwaselali, ate mwesi ayabate la lilome la oyo ongo weeti ayabate la liaali, ango ekoyabata owe la otua wowe.³⁸Yesu a wa wongweselia: oyewite enge ekoongoko ina. okokini okengi etotu linge likokengela mbai, tee obatisami la libatisa linge likoki mbai obatisami? ée, tondimi, waasi ndjongo. ³⁹Yesu awa wongweeli: edjei olamu ate okenge ndi linge likoki mbai oken, ate okobatisama la la libatisa linge likoki mbai abatisami, ⁴⁰Kasi la oyabati la lilome la mbai inga la liali la mbai, linge lidengiti mbai, ekohama ndji la wango wongesama laho.⁴¹wa liomo, wa okaali ndjongo, wa bandia waasi obe la Yakobo iwo la Yoana ⁴²Yesu a wawelia mpe a waaselia ate: weewi ate wango wakondengaka nda makumu lamiki, wakolakisa makomu mawu, wa to wa nungu wakoheneseke wato wakeke odidi.⁴³Eti ndenge kikima la ndondo enu kasi moto ongo obali ate adje eloko ndondo eenu, adjee motuke ee wamiino wande; ⁴⁴mpe ongo obali odjei moto opoo ndondo éenu, adjee motuke la sambo kpaa. ⁴⁵Laate mana o moto adii,te ate wa mokelele, kasi laa okeli mpe ahii bomoi wonde la tina emoto kpaa.⁴⁶Wa umali la yeeliko. mpe ango epumbali Yesu, la watuke wande la wato ngbii, monga Time,Balatimai, mogwi maiso, ayabatali kelekele ee mboka. ⁴⁷Aokali ate edjei Yesu onazaleta, njongo abandali otii mpoyi, Yesu mana o Davidi, njoka mbai magba! ⁴⁸Wato ngbi wamotekesia ate atiyase, kasi ahumbali mpoyi mbalalambala la moli motetelake; monga Davidi njokela magba!⁴⁹Yesu, ayamalia,pe aasia mowelani ala; wamowelia mogwi maiso, wamowaselia: atetesa wenge, amala, akowelaka. ⁵⁰Mogwi maiso alumbia mokoto mondé, pe aamalia, akia aatié Yesu.⁵¹Yesu amowaselia: ndéema ebali owo ate iyokelelé? Labuni, Balatimani awongolia njongo, ibali ate iyeene. ⁵²Yesu amwaselia: keké ondimi oowe ewokalesi. la mbuse aenia, amotutia, Yesu la bomoi.

Chapter 11

¹Kaikonde, ango edjaki iwo oyandongbei lahuwé e Yelusalema, la Betpage pe la Betania, lamokoli mo Oliva, Yesu awatomia wato waalé ndondo é watutiani wandé. ²Awaaselali ate: Kèkeni, la moki mungo modjéi liwoso lasu inga olingélani ndondo ehoo, okogbotoni mana o meme, wamobati la moliki; moto twèti atelaki likolo landé modukolani odjèni laindé. ³Inga moto aowaselani até okeli ndjongo alikambo la nde? moongoselani: likumu adjei la posa nde, akoodheni odje la inde.⁴Watutiani wandé wakagbotia mana meme wamonangi la moliki ébeté ekelekele émoki; wamodhukolia ⁵Wadi wato wango wayamalaki ongo wabandia hoasi la iwo até: ndalikambo eemodhukolakani ino mana o meme? ⁶Wawawongoselia ndéngé Yesu awaaselali. Asé wa amodheia wakia.⁷wamodjélia Yesu la mana o meme, asé walumbia wisindje wahu Yesu ayabatia likolo.⁸wato ngbi wadjaali obati wisindjè la mboka, weeti, mite mingi miteni iwo la wilanga. ⁹Wango wa djaali liwoso la wango wambuse wa djaali ohumbi pui: pambola ongo moto akodja la kombo é likumu. ¹⁰Likumu lo taata osu Dawidi lipoti odjii! hosana ongo oyeti likolo!¹¹Yesu alingélali la moki mo Jelusalema ndondo étepélo adhendia wiholo kpa. Ango ewumali pokwa, awongoyia la Betania iwo la watutiani wande liomu la iwale. ¹²Mbuse e lisiyo likima walongoyia Betania Yesu aokali ndjala.¹³La lihele aenia mote mo figuié éngé edjàki la kasikasi asé akiya o dhendi inga akogboto te maa ema likolo. Ango eumia indé ongo atigbote ema tèeti ndji kasikasi, etidjali, engele eho wotake. ¹⁴Yesu aasia la mote muho: moto tueti atilaka kine pukapuka eowe. Watutiani wande wa mookali.¹⁵Ango eumali iwo la Yelusaleme, Yesu alingelali la tepelo; apotali oumbi la wango wadjali otambi la osombi ndondo e tepelo. Alumbali wa mesa ma wato wango wadjakali okalambi wambele, la ngbelengo e wato wango wadjaakali otambi mbulu. ¹⁶Ase atitiké moto tueti ototi ema ndondo é tepelo.¹⁷Adjàali otéi la oasi: édhingami ti, moguta mombai ekowelana ébeté eohakongi la miki kpa? Kaiko ino okalambia eho eholo e wato wa iwa. ¹⁸Iloko e wanganga e Mwengei la makumu mawatiesakoli mibeko, wamookali; wadjali oluki nda ndenge e kokoka iwo omooli, wadjali owangi la loyi ate watokpa wadjali ondjimi matiesakoli mande. ¹⁹Ase ango pokwa ewumali Yesu apumbali la gbata.²⁰Boo e liso lilandji, wahetali ebete e mote mo figi; watutiani waenia mote mo figi moomaali swa tee la ndjili. ²¹Ndjongo petelo amoasélia: likumu moté mungo mobumakoli owe mogwi kpà tée la ndjili.²²Yesu awawongosélia até: mondjimelani Mwengéi. ²³Mèmene iyoasélini ino, inga moto mwesi aasa la muu mokoli ate: longwa ango yalumba la malia masungu inga atikoke ndondo e motema monde, kasi andjimi ate enge easi inde ekowuma, akoene ekoengemana.²⁴La ndjongo, iyowaselini: ema kpa ekoongoni ino la maongi, ndjimani ate ototigani, enge ekoohekelemani. ²⁵Ango eyamaliani ino likolo la oyakongi, inga odjeini la ema esi mbe likolo e maangua, molimbesa laate sangwa ongo odjei likolo alimbese obe e owe. ²⁶Inga ino otilimbeseni, sangbanu ongo odjei ongo likolo atiolimbesani.²⁷Wakekia alidji la Yelusaleme, la enge engele Yesu adjali osombi sombi ndondo e etepelo; wiloko wa wanganga Mwengei, la watiesakoli wa mibeko la wilokowato wadjaali atie inde. ²⁸Wamowaselali: nda okumu e kokelaka owe dji sambo, alidji ndai aohi ehele okumu?²⁹Yesu awawongoselia: mbai pe ikohuelakani poopoo esi, wongoselani mbai; mbai pe ekowaselani nda okulu ikokelaka dji sambo. ³⁰Patisa enge e Yoani edji likolo inga e wato? Ndjaselani mbai.³¹Wandolali iwoamene: inga towongosa ate: edji likolo, akoasa ate: woni otimondjimelalini? ³²Inga towongosa ate edji la wato,.. wawangali wato laate iwokpa wayewali ate Yoani adjali mosakoli. ³³Wamoongoselia Yesu: toyewiti. Yesu awawongoselia, mbai pe itiowaselani nda okumu ekokelaka mbai djisambo.

Chapter 12

¹Alèeti Yesu àwoasélia la masèpkè. moto mwesi aonali ilanga évinyo àalingali, atoongia liwela, alidi ahia watuké wandé wa elanga, mbuse akia ookendo ²Lisio la obuki, oomia, otomia mosali mondé mwesi etie watuké wandé wa elanga, ate atote vinyo. ³Wamo mo helià, wa mobingià, wa moongosia mahoo ohola.⁴Amotomia aléetsi wèeti mosali; wamobingia amoto; ⁵aléeti wamookisia osambo. Amotumia ongoosatu, wa molia; aléeti; wato ngbi, waabingia ingawowaolia.⁶atikolaki la mana oondé olibalano; a motomia mbuse, aasia: wakomo tosa a likambo adjei manaombai. ⁷Watuké wa elanga waasia: indé moto aotikalela élisi; djakani, tomoolé, élisi ekototikalela.⁸wa mohelai, wamoolia, wa molumbia kèlekèle: e ilanga. ⁹sikandjo, memenè elakàngo akokela woni? akodja, akoola djingé tuké dja élanga, akoha elanga la djéeti wato.¹⁰Tangeni maamadingami? Libukeli wamai molako walumbali ewumia liklulé làandako; ¹¹Loyi luho lilongwi etiémwéngéi; e wungami à maiso masu. ¹²walukià omoheli, wawangià wato. wayewalitè edjei likambo lawundé Yesu àasiengé lise. wamotikia, wa kia.¹³Wa motomelia Yesu wéeti wafalizéo la wéeti wato wa Elode, alikambo wa motote la eyaseli indé. ¹⁴wadia omowaseli: mwalimo, toyewite odjéi olamu, aléeti otiasumbwaka la moto; alikambo otidendakà la elongi é moto, okwasakà sambo dja mwéengei la mèemenè. Endimami, ofuti pako ée Sezalo? Tokoki ofuti totikoké ofuti? ¹⁵Yesu ayewia lokuta lowu, awongosia: Woni oomekaka inombai?djelani mbai la falanga ého iyene.¹⁶Wamodjelià falanga; Yesu awàaseli : elé edjéi elongi endai? aleti madingami ma ndai? wa mongoseli ée Sezalo. ¹⁷Yesu àwawongoselia, hàa Sezalo engée é Sezalo et à Mwéengei ée Mwéengei wamokamoya.¹⁸Wasadukia, wango wakwasakà te obasi oti, wadjia etéi yesu, wa mohwélia: ¹⁹mwalimu, Moize atokomelali: inga manango omotomwesi agwa, atikia moli, awotiti la indé, manango akoyika moli ongo ongweli, aloyite amowotele manango wana.²⁰Ndjokandé, édjéi atiésu wato sambo. ongo olioso ayikia moli, agwa atikiti mana. ²¹ongo owalé amototia moli omanango, angwa atikitii mana. Ikelamia ndjongo longo osato, ²²iwoo kpàa sambo watikiti mana. ²³mbuse éwu moli agwia. Lisio la Obasi, ndai akodja moli ondé? àaloyi iwo kpàa wa moyiki.moyiki.²⁴Yesu àwa wongoselia: otiwungéni otiyeweni modingami tè, otétélaké é Mwéngei? ²⁵Lisiyo obasi pele watitota wali, te wali wati tota pelé, iwo kpàa wako djia nda wandjelu likolo.²⁶aloyi edéndi obasi ewato wagi, otitangàali, ndondo ebuku Moize tè, Mwengéi amowaselali a moté mokéké: idjei mwenéi o Abalama Mwengéi o Izaka la Yakobo? ²⁷Mwéngei ati Mwzéngei é gbii; kasi wango wa bomoi. Odjeini laowusi.²⁸Ndjokàndé mwesi ewa ilokowato owoyokia wakogulanakà, yesu awoongoliseli wa Sadukio, engbundu elamu, adjia peneindé amohwelia: ndamobéko moyeti djeti mibeko? ²⁹Yesu amowongoselia: engé eliwoso: okà, Isalayele, likumu, mwéengi esu, adjei indé mokikima likulu, ³⁰Okobala Mwéengi owe lamoteme moowe mobimba, amolimo moowe mobimba, la lomungo moowe mobimba, la otétélaké loowè. ³¹Engé awalé: okomobala miino owe nda omwe amene owabali. mobeko tueti eeti mibeko mwale.³²Eloko moto aasia: kekedhingè, mwa limo; owasi olamu te Mweengéi adjei mokikima, oweti atii ndaa indé, ³³aléeti omobali la motema moowe mobimba, la lomungo oowe, la molimo moowe mobimba, la otétélaké la oowe mobomba, mbuse mobala miino owe ndu oowe amene, éeti otumbi mbeka la ooli. ³⁴Yesu aeniate awongosi la okengi, amwaselia: otilihele moki e Mwengei. moto twetei atilukali omohweli popoo.³⁵Yesu abandia aleeti otei ndondo etepelo, aasia: Woni iloko wa kwasakatè Klisto adjei mana o Dawidi? ³⁶Dawidi inde amene atumisamali la molimo mosatu, aasi: likumu aasi la likumu la mbai, abata la ewo embai epele tée ikokela wanguna waowe isuleli emakolo maowe. ³⁷Dawidi indé amené akomowelaka likumu, ndandenge akoki odjei mana ondé? wato wa djali omoyoki mwemu.³⁸Awaaselia ndondo emateya mandé: Abania ni la iloko; wabali osombi la lobe elai, owahi mbote iholo ewato ngbi, ³⁹wawonoko ibete eliwoso la wasinogoga, la kiti eliwoso la wa feti. ⁴⁰wakopwesaka wali wango wagweli pelé milako, la okosi; wakokelaka mabondeli malaimalai. wakosambisama oyeti.⁴¹Yesu aabatali lihoso la eholo wakolumbaka mabonza, akodenda ndengé wato wakolumbaka falanga. ⁴²Moli otundake ongo ongweli molome, abatia wibende iwale keke keke enge ekokaki inde osombi te la okoke.⁴³Yesu awelia wayekoli wandé aasia: iyowaselini meéné moli olo odjangi molome motundaké ahekeli oeti wango walumbi ngbi.⁴⁴iwo walumbi enge elongwesi iwo la iho engé éeti; kasi inde alumbi engé edjaki indé leho, énge etikalaki laokali

Chapter 13

¹Ango yesu apumbia a tepelo, mwesi la wayekoli amohaselia a te: motyasakoli denda ndénge mabukeli maa la ma minguta ²Yesu amonongweselia: denga mu monguta lisungu? te libukeli liesi etitikale likolo la leeti libukeli.³Aa batali la mokili ma olive, liwoso la tepelo, Yakobo, Yoane la Andele we mohelia. ⁴To asela nda hengele ekohuma eho, ndo ilembo ekotoyinia ate dingé wihoo wikokokisama.⁵Yesu abatia awaaselia: djàa la likeli moto twet ohiokosakeni. ⁶Wato wakodja la nkombo embai, la ohasi: edjei mbai wakokosa wato ngbi ino.⁷Inga oyokani mboli ate Wita, wigeleli la midudu dja kindo ohidjakeni la owangi, dingé sambo esengeli okelani, kasi gboo ehumakiyo. ⁸mokii mwesii mikosana la djeti mikii okondi ikosana la djeeti okondi mbume ikoningana, ndjala ikoningana, ango edjei obandi ehodidi.⁹Tota ekenge ino amene. wako kambani la wa bilo, wakobingani mabukeli la sinagoga; wakomalesani atye wako guverner la makinji atina embai, la te ewayekele oyewani. ¹⁰liwoso mboli ndamu ehasane la mikii kpaa.¹¹Tango wakodja okawi ni ino, otiyatungiseni liwoso, engé ekowasani ino, hino kasi asani enge ekodjeleni ino la enge ngonga, laate eti dje ino okwasaka kasi elimo satu. ¹²Wa huma wakoo olana, sango la mana; wana wakoyama lela waboti. sango la mana wakoholana. ¹³Wato kpàa watiyobalani, la tina embai, ongo okohela motema tee la gboo akokala.¹⁴Inga okoheneni, libete hosoto, ekobatakà ebete ekokitii, hengele heho wango wadjei à yudea wabandi otili la mokoli. ¹⁵Ongo odjei likolo la ndako ati adjimba ototi ema la ndako. ¹⁶moto ongo adjei la elenga atiwongwa kine mbuse ototi isindje.¹⁷Magbà la wali wakodjalemi la wango wakonu nge saka mawe le maiso maho. ¹⁸Moongoni Mwengei ate djii sambo iti ume lisiyo la piyo. ¹⁹Laate mongo masiyo pasi ekodja makasi, laate tee Mwengei akeli moki pasi tueti ekokaniti la eho. ²⁰Inga likulu atete nelate wato maa masiyo laate ewume okwe, te moto tueti ati koke okali, kasi likumu akelali ndjongo la likambo la wango wa onami.²¹Igna moto asala inondjo: denga klisto adjei ala adjei Ongo. oti ndimakeni. ²²Laate waklisto wamoleho wakodjia wakokela makamwesi,la wilembo laokosi wa ononi inga ekoki odjei ndjongo. ²³Angatalani wadhengani olamu: iyoyewesini lihoso.²⁴Kasi la masio maho; mbuse eodjidji, wuse ekwakukula, ndeboo etobata kine; ²⁵Minoto mikokpa la mbumé, okulu edjei likolo ekokpa sese. ²⁶Ndjongo, okoeneni mana omoto akodja la mapata laokulu kpa lamwemu. ²⁷akowatoma waanzelu wande, akowabatesa waonami la ihoho inei, gbo embumé la gbo elikolo.²⁸Tota liteya emote emosuké. ango itape wango ilembeli, eumesia ngasi, ekoyewakate ngonga emoi ewumia pene odi. ²⁹Inga okoweneni djinge sambo ewumia okelani, yewakani te mana omoto awumia pene la odji.³⁰Iyowaselini meemene: mamahota mati eta ndi dji sambo ekelami ga. ³¹likolo la mbume ekoeta, kasi maloba ma mbai eta hete. ³²kasi lisio la edje ehengele, moto tweti ayewi waandjelu wa likolo, te mana, kasi wawa inde amene.³³Tota okengi, sindjilani alidji wakongani oyewini ti lisio linge djinge sambo ekowuma. ³⁴Ekodjàa nda moto ongo oki okendo, adeiya molaka monde,ahekelia okondji la mituke wande, ahinia moto la moto la misala mandé. ahaselia moabati molango adengake.³⁵Angatalami laate oyewiniti engele ekodja meemene ndako. Inga kolokolo, inga likolo inga boo. ³⁶Wangani ate atiyogboteni ndji olali la hiloo. ³⁷Inge edjeini mbai owasili ikoasaki la ino kpàà.

Chapter 14

¹Etikali masiyo maale ate feti e pasika la okoke odjangi okundji ewume. Makumu ma wa kanga e Mwengei la watie sakoli e mibeko wa lukali omoheli Yesu la ma mungo mbe te wa moole. ²Asé waàsia até; étidjé wusé e olipati; alikambo até wato wakokéla monga.³Ango édjàkali indé Bétania, la molako e Simo omoto mbala, moli mwèsi alingélia ango édjàkali indé olaki,atotia molangi , mo-malasi ma lumba makasi, la matiyo mosungu, adukolia molangi mwèsi, asuakolia la moto mo Yesu; ⁴Wato wadji wopotia wasi iwo mène la oki motéma mobé: nda ndéngé obitisi malasi mango ma motio ndjo? ⁵Ewongokoli até watambé mango malasi la motio mosungu, wahe wato watu ndake wapotia omotoni ongo moli.⁶Asé yesu awaselia até, woni okomotungisaka ni? akéli loi wèsi wolamu àatié mbai. ⁷Inga odjéni la wodjangi àatié nu, okowakélélani sambo ndamu masio kpàa. kasi otidja kine la mbai masio kpa. ⁸Akéli éma éngé éengi la indé; amanoli maita ma lumba la wenge wa mbayi laate etikali, maakeki. ⁹Wasélini mèmène,wibété kpàa wikoasana mboli ndamu, la moki kpàa , wakoasa la loyi wa oholo moli nda ekeli inde.¹⁰Yuda Mokeliota, mwès owatutiani liomu la wale, akia àatié makumu ma Mwengei laate amotambé Yesu atié éwu. ¹¹Ango ookia iwo ndjoongo, waémelia ngbii, wamo wonélia wambèle. asé Yuda alukia ndénge até amokawe.¹²Wusé wo poo wungo wo lindjangi mana, inge lisiyo wakolaaka iwo wusé lo Pasika. watutiani wa yesu wamwasélia éni ébali owe até tokawongèle ébete é Pasika? ¹³Asé awatomia watutiani wandé wale, asé awasélia kekeni ongo la gbata, okogbotononi la moto mwèsi kpàali molugu mo malia la moto, motutiani. ¹⁴Engé ébeté ekolingela indé , asani la mèmène mongu ta: Likumu asiaté. nda ébeté ekolakambai Pasika la watutiani wa mbai.¹⁵Asé akowoéngani ébete elamu, édjei la wiabatele wilamu, ango ndé ekowo ngele iso la olaki lipati la pasika. ¹⁶Watutiani wakia, wakaumia la gbata, wagbotia wiho kpàa nda éwaselali indé ase wawongela pasika.¹⁷Ango odjia kolokolo, adjia la watutiani wandé liomu la wale. ¹⁸Ongo odjakali indé la mésa olaki, yesu asiaté: iwaseli ni mèmène , mwèsi oonu, ongo okolaka la mbai, ebete eikima, inde nde okokawa mbai.¹⁹Wapotia okimagba, ase omwaseli, mwèsi la mwèsi ate édjéi mbai.²⁰Awaseli ate, mwèsi ongo oliomu la wale, ongo okobongake iso lainde ma wo la sani. ²¹Mèmene mana omoto akokeke ndenge edingamii ho ase magba la moto ongo omokawu. ekelaki ate édjé wolamu ùoto oho atiwotame.²²Ango odjakali iwo olaki, Yesu atotia wokoké, ase, mbuse e omwongi Mwengei, abukia, awahekeyelia, asia ate, totani ehele édjéi wenge wa mbai. ²³Mbuse eho atotia ekutu; amwongia Mwengei awahekelia wakenge iwo kpàa. ²⁴Ase awaselia: ehele edjéi makila ma mbai, makila ma wouma, mango mahani la wato kpàa. ²⁵Iwaselini mèmene, ito kenga kine djiidji pukapuka dja vino ndiango okokenga mbai wuse wokokee mbai aatie Mwengei.²⁶Ango aseselia iwo olembi lembo, wakia la mokili mo-oliwa. ²⁷Yesu asalia ate: ino kpaa okokiosakolani; nda edingami eho: iko binga sindjili ewa meeme, wakoya ndjana.²⁸Kasi, mbuse embai obasi, la logo, ikoeta liwoso lanu ongo Galilai. ²⁹Petelo amwaselia: inga wino wa mbai wa sakela, iti sakela.³⁰Leho Yesu awaselia: owe la likolo la keke, liwoso ate koko ilele, mbala iwale, owo okowungwana mbai mbala isato. ³¹Kasi Petelo awongwanelia la moli motetelake: ekodja olamu mbai igwe lowe. mongindji, iti owungana, aseko iwo pkaa wasia udi djongo.³²E wa keeli mbuse ebete eweli iwo Getesemani, Yesu asia la mongindi monde: lambela ni mbai ala ongo ekoya kongaka mbai la wawa. ³³Atelali Petelo, Yakobo la Yoani, abandali oyo kiboo la magba.³⁴Awaselia: molimo mombai moyoki magba tii la logo, tikalani a la otitaleni.³⁵Awongwea akua la mbume asiate Mwengei la oyakongindjo, inga obali ehele lihe ngonga like lihele la mbai. ³⁶Aasali alidji: abba wawa sambopkaa ekoki atie owe, longwesela mbai wu woi wodiake etidjée! linge libali mbai kasi linge libali owe.³⁷ndjongo akia etie wa tutiani wa nei awa gbotia wa langali ndjongo asia la Petelo: Simoni olangali oyakongiti engali te la sa kikima? ³⁸wiilangaleni akongo la tina ate woti lilengele la omekame, elimo ewongelami kasi wenge etumi la okwi. ³⁹Awa deiya mbala ewale ayakongia alidi.⁴⁰Ewongo onde awagboti ndi la ilo, late maiso mau madjali la oliti, watiyewali eyano e mowongoli. ⁴¹Ewongoende mbala esato awaselia: ate langala aseni ahomesani! ase sikandjo! sa ekoki denga mana omoto wamokawia la mawo ma wato wabe. ⁴²amala toleke denda motongo otambi mbai ageleli.⁴³Ndjii akwasaka, Yudasi mwesi la wa liomo la iwale, aumia la wato wango wakpali wiwuni, la mite wango wa tomamate la wa tuke wa Mwengei la wa dingi emibeko, la iloko wato. ⁴⁴Moto ongo omotambali awainukeiya: ongo ookalua mbai lainde, inde ongo moto helani oke la inde. ⁴⁵ango eumalinde andongbia kelekele le Yesu asia: Rabi! ayaluiya la inde. ⁴⁶asekowango wato wa mobongia mawo npe wa mahelia.⁴⁷Mwesi la wa liomo la iwale adjakaliango; amesia auni atenia mwesi la wa tuke litoi. ⁴⁸Yesu asali la iwo: wodji late ohele mbai la iwuni la mite nda moto oyiwa?⁴⁹Idjali la ino, masio kpa la molako e Mwengei, ikoteyaka, kasi otihelalini mbai. Kasi ehele ekelami, laate madingo, atilia. ⁵⁰Iwo kpa wa modeeli aseko atilali obangu.⁵¹aseko mana opele Gedhihelake, walukali omoheli. ⁵²Kasi alumbali esindje awatilia lingbegbele.⁵³Wamohelali wakia lainde atie likumu ewatuke wa Mwengei, ongo eyabatali watuke kpaa wiloko wamolako mo engali la wa dingi kpaa. ⁵⁴Petelo awatuteya tée la ndondo e saa emolako emomotuke mo Mwengei ayabati laiho wakotoko misa.⁵⁵Likumu ewakuke wa Mwengei la wadi kpaa wadiali oweli wato wa wahe te litatoli likikima linge likoki iwo oakei Yesu, kasi watieheneli. ⁵⁶Wato ngbi wadjaali ohi matatoli malokuta kasi mango matatoli mati djaali okokani.⁵⁷Weti wadi la sambo owahi ndi moleho la tinde einde la hasaka: ⁵⁸Tomookali okohasa: yogbalola ehele monguta limaani la maho ma wato, mbuse e masiyo masato ikomaa eti linge limaaniti la wato . ⁵⁹Te la djinge sambo kpaa liaaki iwo ohengemeni etidjali.⁶⁰Aseko likumu watuke wa Mwengei aamalia liwoso lau, amophuelia pwopwo Yesu, owongoliti lundu balate kikima la di sambo ekohasaka iwo owe kpaa? owongoliti te lundu? ⁶¹Yesu ayabatali logo atiwongwesali. Likumu ewatuke wa Mwengei amohuelia aladji: odjei Masiya mana o Mwengei ⁶²Yesu amongoselali: edjei ndjongo. okweneni mana omoto ayabati la ewo elilome la okulu e mwengei, ayadjimbi la lipata.⁶³Likumu eyatuké wa Mwengei asalakolia wisindje, ndandenge elukana iso djeeti poopo ndi inde amene aasi ga? ⁶⁴ookiniango nda etangakoli indé Mwengei. Owasini woni? Iwokpaa wamowongoselia awongi la logo. ⁶⁵Weeti wamosweelia iikahu pe wamolihia mbanda, laomobingi ibotu omowa seli aaate: ndai obingi asakine !mbuse la djenge odidi kpaa wa tuké wawongoya la indé wakomobinga⁶⁶Petelo aabatali la lingalala aenia motuke mwesi omoli ongo ebeteé elikumu ewatuké wa Mwengei. ⁶⁷Amwenia petelo ayabati amisa amodhengia pe amwaselia: owe pe odja ebete kikima la yesu onazalete. ⁶⁸petelo awungania , aasia: iyewiti, itiyewaka ema enge ebali owo ondjaseli. Alongweiya ango, akia obatami. Koko elelia.⁶⁹Mana omoli motuke olikumu amwenia petelo alidji, abandjia aleeti owasi la wango wadjaki la indé: oholo moto adje la wango wato. Awungania aleeti. ⁷⁰Mbuse, wango wadjaki ango waasia aleeti a petelo: edjei ndjongo odjei la wango wato, owe odjei mogalileya.⁷¹Abandia owabumakoli la olapi ndai: imoyewiti ongo moto okwasakani la indé. ⁷²Gbunduka, koko ebekua. Petelo amungolia mango ma mwasela li Yesu ate: lihoso te koko ebekwe mbala iwalé, okowungana mbai mbala isato. Amungoli enge Yesu amwasekali, alelali.

Chapter 15

¹Lamwengele mo boo, tuke dja engali wakondi wawelali wiloko la wadhindi mandigo, la wasanedrina, walingelali likita, wa motambia Yesu, wamonangia ndiki wa kia lainde okaa mohi atie Pilato. ²Pilato amowelali Yesu: owe likumu lawayuda? ée wasigaa. ³tuke dja Mwengei adjakaali omopelegeli bali ngbii etie likumu la mokii.⁴Pilato amohuelia aleeti, owongwesiti ema téeti? denga sambo wakoohelesaka. ⁵Kasi Yesu atihali eyano, ndjongo likumu Pilato akamwali.⁶La mwengelee lipati. wadjakali omesi moto mwesi la eselegbeè (boloko), ongo odjaali iwo omoongi. ⁷Enge mwengele adjaali la moto mwesi wamowelali Balabasi ongo odjaaki la mokulu ebete eikima la wato wa paima, wango wamoolali moto ango ememeleli iwo. ⁸ndjoongo wato wasungu wabandalini ohongi ate akele ndenge ehahana inde la owakeleli.⁹Pilato a wawongweselaali ndjoo: obalini motike likumu awa Yuda? ¹⁰La likambo aewali ate makumu ma engali wakondji iwo nde wamohaakali aloi la likunia. ¹¹Kasi tuke dja engali wakondji, wa ndongbali ebele ewato watomia awaumisele nde mobalabasi.¹²Aleeti Pilato, adjaali owa wongweselia: ikele woni la moto ongo oko mowelakani ino ate likumu la wayuda? ¹³La mbala kikima wa humbia ate mobakani la ekulusu.¹⁴Pilato aasia la iwo aléeti ndjo; nda loi ekeli inde? tée ndjongo wa humbàali ate: inokakani la mokakani la ekusu. ¹⁵Ndjngo Pilato, la olukani mwemu la ndjinge osungu o wato, awaumeselali Balabasi; mbuse e mopiesi, fimbo a wahiia la Yesu la oka mobati la ekulusu.¹⁶Masaze wakii la Yesu ndondo ée molako, ee likumu; mpe wa welia itutaki la wa masaze. ¹⁷Ango wa mo kpalesia esindje tanake mpe wa modjabeya kéeke la moto. ¹⁸wakomohaka mibale ate: mbaa owe likumu wayuda.¹⁹Wa mobingali motée la moto, wa mosuelate ikaha, amayaa magigindji, wa momeeli mahuli la omohekeli otua. ²⁰Mbuse wa mondjidia la mbanda , wa komotangaka, wa motubia isindje, la mbuse kiala inde oka mwakei la ekulusu. ²¹Wa djuiya okulu la opkali ekulusu e Yesu, wa mwenya moto mwesi ako longwaka la mobele kombo ee ndée Simoni ongo akwayabataka la moki mo sirene,sango Alexandre, la rifisi,²²Sikadjo wakia la Yesu la moki mokowelaka iwo Gologota, eluki waasi ate ebete enge ekokundaka iwo wato. ²³Wa mohali maana madjii ate kenge,ndjongo watibalali ototi. ²⁴Mbuse ee omobaki la ekulusu; wa bandia okawani isindje la weewi ungo okoki ondjuimoto la moto.²⁵Ango edjaali mwengele ee isatu, mpe wamobakia la ekulusu. Wa dhingi sambo ndinge imokawi iwo, ongo likoolo la moto monde ate: owe likumu mo wa yuda. ²⁶Likolo la mote wakomali tina emowolali wo ongo: likumu e wayuda. ²⁷La mbuse eho wabakaali iwa waale mongindji la inde, iwa eesi la ewoo elilome, ongo weeti a liali, ²⁸Ango endjei ekokesami la ndenge e aasali engbata Mwengei: adjaali mongindi la wato wango wandjali la odidi.²⁹Mpe wango wadjaali weeti la mboka wako motangaaka mpe la owangbungwanesi: owe moto, waasi ate: owe kine moto ongo opakaali obuki monguta mo Mwengei ase omee mbuse emasioo masato. ³⁰Yakalesa kine, yandjimba kine la enge ekulusu.³¹Ndenge kikima nda edjaali tuke dja Mwengei wakondji , wakosekeeké la wango weeti, waasi ate awakalesali wango weeti, aseko inde amene ataya kalese. ³²Klisto kumu mo isalayele ayandimbe sikandjo la enge mote mo monyoko, laate omongumye; tee wango wandjaali la inde mongindi wa omotangia.³³Ango eumali mwengele emotoba likolo elingelaali la enge moki kpaa, tee mwengele molibwa. ³⁴la enge mwengele mo libwa,Yesu ahumbaali pwi la moli motetelake ate: Eli, Eli, lamasabakatani? inga wakukola ekwasaaka ate: Mwengei ombai, Mwengei ombai laande edei owe mbai? ³⁵Weeti wango wadjaali ango keekele, ndi enge mwengele iwo wanbandaali waasi ate: denga! akomowelaka Eli.³⁶ndjongo moto mwesi aki obangu, aluliali linuka eesi la vinyo gagake abatia la mongendu,mbuse amohekelia ate angenge, aseko aasia ate modeeyo! tondenge inga Elia akodja omondimbi ango. ³⁷Mbuse Yesu ahumbaali pui ase ateniali motema. ³⁸Mbuse lido mo tepelo mosaleiya likolo tee seese.³⁹Kaiko ase likumu mo wa soda aamalaali liwoso la inde, ahewali ate atenyali motema ndi la enge mwengele okelami ungo loi; aasia ate: memene oholo moto adjei mana o Mwengei. ⁴⁰Weeti wali wa dengaki la lihele,la ndondo eewu Malia magadala la Malia nango Yakobo, ongo mokeke Yose la Salome. ⁴¹Ongo odjaali iwo sombi la inde la omokeleli la enge mwengele edjaaki iwo ongo la Galileya,la wali weeti ekeli iwo lainde ongo la yeluzaleme.⁴²Liwoso ate huse alye, wadjali olengeli o sambo o la lisio la sabata. ⁴³yozefu onngo owa alimatayo ongo adjaali motei mosungu, ongo,okomokaaka wato wa wangali. ongo okeeliaatie pilato,la hongi wenge Yesu. ⁴⁴Pilato awelaaki toosate agbi ndji sika ndjo, owa welia wa lambiani wa nde inga agbi gala.⁴⁵Tango mokondji ewa soda a mowaselia, Pilato amohia Yozefu ebembe. ⁴⁶ndjongo asombaali lini enge elamu mpe adimbaali molonda o molingia la line olamu amolangeya la mbila enge etongate iwo ndondo e mabukeli, mbuse akukolya modipo a lihia la monoko mo eho. ⁴⁷Mbuse Mali Magadala la Moli nango Yosefu wa ndjaali ondengi ebete enge.

Chapter 16

¹Ango lisio eyenga etali, Malia magadala la Malia nango Yakobo la Salome wasombia maita malumba enge elamu, alikambo ate wake omomunoli Yesu maita ²lioso linge la poo wakia okandengi mbila. Tango eboo ango ekelongia wuse.³Wakoasaka iwo amene ndai akolongolo libukeli alikambo tolingele ongo ambila. ⁴kasi ango edengali iwo waenali ate libukeli logui linge lidjali esungu eliongui.⁵Walingelia mbilia wa moenia elengi mwesi mpe opele abatia la ewo molome akpalia isidje ebubake wawangali. ⁶Awaselia otiwangi moto okomolukakani Yesu Nazarete atikine ndenga ebete innge elangalaki inde. ⁷Kasi kekeni oasili wahekoli wande la Petelo wa mobilia ongo la galileya ongo nde okomogbotoni la ndenge owowa selalini iwo.⁸Wapumbia a mbila wa tilia wa wongweya la owongi enge eweniho ango waesiliti moto alikambo la Mwengei.⁹Yesu abasiali boo lisio la liwoso la poso, aeenia liwoso la mali, magadala ango ewumbali nde la milomo mbe sambo ¹⁰Malia akia wa sumbeli wa wekoli wa Yesu mboli awa gbotoli la magba la oleli. ¹¹ango yokia iwo mboli te adjei la bomoi alidi Malia a;oweneli wati ndimali.¹²Mbuse ewo, Yesu aapumbia wayekoli waale ndenge eeti tango edjaki iwo oke a motulu. ¹³Wadja owasumbeli weeti mboli watindime.¹⁴Mbuse eho awapumbelia liomo lesi wango wadjakali ameza,awasemia ino odjei la motema motekelake; alikambo wadjangi ondimi mano moto abasi. ¹⁵Awaselia kekeni, okasombi mboli la moki mobimba, wase la mboli elamu la mabota pkaa. ¹⁶ Ongo okondi mela mbai akopata watisimo akokla kasi ongo ati ndima akogua.¹⁷Okombo mbai okoyumba la milimo mibe wakwasa la minoko miholi ¹⁸Denga ilembo ekowabiliaka wango wakondima kombo e mbai: wako pumbisa milimo mbe, wa kowasi minoko moholi.¹⁹Amgo asiselia inde owasi atelia likolo, abatia la ewo la mboli. ²⁰Wayekoli wa keli osakoli mboli ndamu iho kpaa likumu adjali owa sungi adjali okeli sambo mingi la ondimesi maloba.

Luke

Chapter 1

¹Wato ngbi wakeli makasi té wakome sambo djinge ikelami la iso, ²Ndenge iwo wango wandjali oweni la maiso wato komeli tée la ebandeli ewo mpe wawumi wa minisitele e loyi; ³Mbai mpe idjwali mokano aloyi ibiliyali djinge sambo kpa tée la ebandeli, te iyo dhingele la molongo owe Teyophila ⁴Laate oyewe la meemene m tiasakoli enge etoti owe.⁵La tango e Helode, likumu e Yudeya, edjali la kanga Mwengei la kombo e Zakali, la litoto e yabiya, moli ondé adjali la oliye ewanawali e Aloni, adjali owelani Eli Sabatha. ⁶Iwo kpa wadjali olamu la mayiso ma Mwengei wadjali odendeli la olamu mati ya sakoli la motomami e likumu. ⁷Wati djali la wana, elizabeta atidjali owoti, iwo kpa wa wumali mbange.⁸Tango edjali Zakali okeli otomo o ende enganga Mwengei edjali ngonga ende, awona mali la djeke. ⁹Mbuse ee Saselodose, la olingeli a Tepelo e likumu ate ohe palafé. ¹⁰liwoke ewato edjaki saa la owangi, ngonga e palafe.¹¹Anzelu likumu amowumelalia Zakali, aa moliya ngambo e lilome eholo e palafé. ¹²Mamungo ma moyetali Zakali oyeni anzelu, alidji atumali la boo. ¹³Kasi anzelu amowaselia: Otiwange Zakali, oloyi owangi oowe endimani. Moli oowe Elizabeta akowota mana opele; okomaha kombo e Yowana.¹⁴Akodja etie oowe ema e mwemu la alegrese wato ngbi wakoyemele la owatami onde. ¹⁵Aloyi akondja mote mosungu liwoso e Mwengei atikenga vinyo, té masanga kpa engé ekolangwisaka, akotumisama la molimo satu tée osali e nango.¹⁶Akowangosa wana wa isalayele ngbi olikumu Mwengei owu. ¹⁷Ako somba liwoso e Mwengei la molimo la okulu e Eliya, laate awongose mitema ewa wawa ngambo e wana wa ndjangi la kandela e meemene laate amowongele likumu wato wango wa koki.¹⁸Zakali aasiya la anzelu: ikoyewa nda ndenge? laate iwumiga mowange; alidji moli ombai masiyo mandé mpe makiya lihele. ¹⁹Anzelu a mowaseliya: idjei Gabiliyele, ikowamalaka liwoso e Mwengei, itomani té iyo wasele, alidji iyo sumbele eele mboli ndamu. ²⁰Denda, oti gbuka kine, okowasa ndji lisiyo linge djinge sambo ekowuma, olikambo ati ndime maloba ma mbayi, engé ekohengemene la ngonga eho.²¹La engé ngonga, wato wadjali olambeli Zakali, la okomwi ndenge ewumweyindé ongo ndondo e Tepelo. ²²Tango epumbia inde, ati waaselali, wa yewali té ayeni saki ndondo e Tepelo, adjali owakeleli la maho, atikalali bubu. ²³Tango masiyo mande ma otomo masiliya, awongoliya atie inde.²⁴Ma masiyo mbuse, Elizabeta, moli onde, awumali la lami, Aayisiya ndeboo itano, adjali owusi: ²⁵Edjei la ngolu likumu a kelali mbayi, olambi mayiso mandé likolo la mbayi laate alongose soni embayi liwoso la wato.²⁶La sandja e motoba, anzelu Gabiliyele atomamali la Mwengei la moki mwesi mo Galileya, mowelami Nazaleta, ²⁷Atié mana omali mwesi atiyewali pele wose e moto mwesi la molako mo Davidi la kombo e Edjefu. kombo emana ongo otiyewe pele edjali maliya. ²⁸Anzelu alingeliya etié inde aasia ihoyi mbaa, owe ongo ngolu ewohekelami, likumu adjei la owe. ²⁹Emo etelali la enge eyaseli, maliya aahuwelia inga enge mbaa eyenga woni.³⁰Anzelu amowaselia: otiwange; maliya; laate adjwi ngolu liwoso e Mwengei. ³¹Denda, okokpala lemi, okowota mana pele oko mohu kombo e Yesu. ³²Akodja osungu, akowelama mana ongo oyeti likolo, likumu Mwengei ako moha ngbelengo e likumu e Davidi, sango. ³³Likumu lande likodja a molako mo Yakobo libela, alidji likumu lande liti la osali.³⁴Maliya aasiya la anzelu: ekokelama nda ndenge iyewiti pele? ³⁵Anzelu amowongeseliya: molimo satu ekodja likolo e wowe, okulu enge eeti likolo ekodiha la elimo endé. ehonde mana osatu ongo oko wotama la owe akowelama mana o Mwengei.³⁶Denda, Elizabeta, manguwa, adjei pe la lemi, mana mwesi la owange onde, ongo odjali iyo omoweli ekomba adjei la ndebo motoba elemi: ³⁷Laate ema teeti ekokiti odjangi atie Mwengei. ³⁸Maliya aasia: idjei motuke mo likumu, ekelame la mbayi ndandenge eyasi owo: anzelu omodeyia.³⁹Ndi laenge engele, malia amalia, pe akeli obangu a moki mwesi dja mikoli mikoli aliwange mwesi dja wa Yuda. ⁴⁰Alingelia la monguta dja Zakalia, a mohekelia Elizabete mbaa. ⁴¹Ndjongo Elizabete ayokali mbote malia, mana ayabandali a solo, pe atumali la molimo santu.⁴²Inde apamali la moli mosungu: pe ahasali ate apambwamia kati e wali kpàa, pe pukapuka enge edjéi la solo epambwamia. ⁴³Nda wahaselia mbai ate nango likumu o mbai akodjaka ahue embai. ⁴⁴Denga, nda iyokali moli la mbote la owe a matoi mambai, mana ndondo esolo dja mbai ahumbwali la oemeli mingi. ⁴⁵Ohemeli edjéi la moli andimia, late sambo kpàa enge Mwengéi amohaselali wekokokisama.⁴⁶Pe malia ahasali ate: molimo mo mbai ekokumisaka Mwengéi. ⁴⁷Pe elimo mombai ekoki ti oya tonesi ohemeli mingi a tina e Mwengéi, mokalesi mo mbai.⁴⁸Nda oheni ate motuke monde omoli adjéi moto pamba. Denda, obandi sikalandjo mabota kpàa wakotolo mbai moto o mwemu. ⁴⁹Nda moto okulu akelelia mbai misala misungu, pe kombo ende edjéi mosatu.⁵⁰Magba ende edjéi likolo la wato wango wa komowangaka inde mabota la mabota. ⁵¹Akelia la okulu a mawo mande; awahandia wango wadjéi la elolo a mamungo la mitema mawu.⁵²Awadimbia wato wa okulu a kiti dja makumu, pe awadjambia wato pamba. ⁵³Atumesia wato wa ndjala la wihoo wilamu, pe awongosia wato wa ogumake mawo ohola.⁵⁴Adia osalesi Isalaele, mokeleli monde, late amungole aleti motema magba lende. ⁵⁵Nda ahaali lawa wawa wasu, atie Abalayama la momboto monde libele.⁵⁶Malia ayabatali ebete kikima la Elizabeti inga sandja isato pe awongwali ebete ende.⁵⁷Tango enge Elizabeti ekokali ate awote pê awotali mana opele. ⁵⁸Wato wango wa lisukaka la wo wonde wayokali ate Mwengéi amosu moli inde motema mo magba, pe wabandali ohemeli ebete kikima la inde.⁵⁹La lisio la mwambe, wamotenali mana oho kombeni pe amowelali Zakalia, nkombo e sango onde. ⁶⁰Kasi nango adjali la loi woasaka, ahasia: te ndjongo, mowelakani ate Yoane. ⁶¹Ndjongo wamohaselali inde moto mwesi a libota la owe ati la enge kombo.⁶²Ndjongo wamowelia sango onde la wilembo inga abali wamowele ndai. ⁶³Zakalia awongoli makoti, pe adingali: kombo wende Yoane. Ndjongo iwo kpàa wakamwali.⁶⁴Ambala esi monoko monde modukwamali, pe olemi onde opumbali, abandali owasi, pe opamboli Mwengéi. ⁶⁵Wato kpàa wango wadjali oyabati alisukaka ewu wawangali, walandali ohaseli sambo kpàa. Enge a moki mosungu dja mokoli mo Yudea. ⁶⁶Pe wato kpàa wango wayokali eho wahisali a mitema ewu, pe wandjali ohasi: oholo mana akondja ndai? late ewoo la Mwengéi edjéi penza la inde.⁶⁷Zakalia, sango onde, otimali la molimo mo santu atiesakolali ate. ⁶⁸Opabwame Engali, mwenge o Isalaele, nda akebesi ga wato wande la owa sikoli iwo.⁶⁹Atopumbeselio iso ndjeka dja mokalo la monguta mo Davidi, mokeleli onde. ⁷⁰Ndi nda ndenge eleholi inde a monoko la mowasakoli wande gala. ⁷¹Ate akotokalesa iso awanguna wasu pe mawo la wango wakototonaka iso.⁷²Late atohinye iso motema magba a tina ewa sangbasu pe amungole aleti ondimani onde mosantu. ⁷³Nda ndenge amola Pelali sangbasu Abalayama. ⁷⁴Late akoke otopûmbesi, mbuse tolongwe a mawo dja wanguna wasu, tomokelele inde otomo esatu la owangi te. ⁷⁵Osombi liwoso lande la osembo pe la omowangi masio kpàa a bomoi wose.⁷⁶Owe, mana mokeke, okodja owelami motiesakoli molikolo; ango okosomba liwoso la elongi e Mwengéi la owongeli mboka ende. ⁷⁷Mbuse ohekeli wande kandela ate akowakelesa a mboka e olimbisi masumu mawu.⁷⁸Atina magba e Mwengéi osu, la tina magba maho tokohene liwusawuse opumbi tokodendaka likolo. ⁷⁹La ekeli wuse la wato wango wa sese a wango wamotulu la wango walihohela la logo. Atina osombesi mangbanda masu mboka e logo.⁸⁰Kaikoase mana oho adjali obeki aumia la okulu la elimo adjali ndi la manganga tee lisio enge eyahiniali liwoso la isalayele.

Chapter 2

¹Engé e mobeko mose zale ogisité wakele tange wato wa moki kpa. ²tango e liwaso edjali tango kilinisi likumu e silia. ³Watokpa wakeli oyakomesi,moto la moki monde.⁴Edjefu indé mpe ateliya a galileya, alongoya nazalette, akiya a yudeya, la moki modandi, betelema,aloyi adjali la molako alidji la oliye o Davidi. ⁵Laate ake owakomesi iwo la molia, wasé onde, adjali elemi.⁶Tango edjali iwo ongo use enge malia akokali ogboti ounia, ⁷Awotiyu mana onde oliwoso opele. Amolingiya, amolangesiya la elakeli ewa meme, aloyi eti djali la ebete la iwo owa buti a ndako efutelake.⁸Edjali nde lenge eholo, wa wokoli wa meme wa djali alokolo wakobate laka nama djawu. ⁹Denda,anzelu olikumu awawumeliya, kembo eli kumu ewalingia.¹⁰kasi anzelu awaaselise: otiwa ngeni, ekodja la wato kpa ema emwemu; ¹¹Keke, a moki modavidi, mokalesi mowe aowata melini adjei, adjali kilisito, likumu. ¹²Denda enge elembo eko yewani ino: okogbotoni mana mwesi wa molingi alidji alangali a elakeli enama.¹³Ndi lenge ngonga ongo anzelu aboliani la weeta wanzelu, wa mokumisia, mwengei waasia; ¹⁴Kembo e Mwengai oyeti likolo, logoo a mbume la wango wadjei la mi tema milamu.¹⁵Tango waatikia wa wongoyia likolo, wa wakoli meme waa sania: toke tee ongo a beteleme, to dende enge ewumi ongo; enge likumu otoyewisi. ¹⁶Wakia obangu, wagbotia maliya la edjefu, la mana mokeke alangali la elekeli e nama.¹⁷Mbuse e weni, waasia enge ewaaselli iwo la loyi loowolo mana mokeke: ¹⁸Iwo kpa watumiya la okamwi lenge edjaki wa wokoli wa meme owaaseli. ¹⁹Malia adjali oyisi djinge sambo kpa, adjali obundoli a motema. ²⁰Wawekoli wa meme wa wongwali, la kembo la omokomisi alidji lenge eeni iwo, eengemani leenge ewa waselali.²¹Masiyo mwambi, laate mana atename kombeni, wa mahia kombo Yesu, kombo enge easali anzelu liwoso te mana a lingeli a solo e nango.²²Alidji, tango masiyo ma opetolami e kokali, ndende mobeko mo Moize, Edjefu la malia wakali la inde a yelusalema, laate wa mo inye la likumu; ²³Ndenge edhingami la mobeko e likumu, Mana ongo opele ongo owotami liwoso wa mohe la likumu, ²⁴La ohekeli likabo ilwa iwale, ndandenge edhengami la mobeko e likumu.²⁵Denda edjali Ayelusaleme moto pele mwesi nkombo ende Simeona, moto ongo adjali sombi olamu pe mowangi, adjali olambeli obondisami dja Isalale, pe elimo santu edjali likolo lande. ²⁶Aleeti amohiniali a mboka elimo santu ate atahene logo liwoso amohene Kilisito e Mwengei.²⁷Adjali a tepelo, la okulu dja elimo. Tango waboti walingesalia la mana mokeke Yesu laate a mokelele inde ndenge wingbundu ewongi. ²⁸Inde amototali a mawo mande apambolali Mwengéi, mpe ahasia. ²⁹Sikalandjo Mwengéi, owe odeiya motuke wowe ake la logo, sa ndenge ohasali.³⁰La tina maiso ma mbai eheni ndja mokalesi. ³¹Ongo ewangeli a maiso la wato wa miki kpàa. ³²Wuse late ehenese miki, pe kembo la Isalaele, wato wa owe.³³Sango la nango wadjali ndi okamwi la sambo kpàa enge wadjali owasi a tina ende. ³⁴Simeona awapamboli iwo ahasali la malia, nango: Denda, oholo mana ayabati a tina olumbesi pe oyamalesi wato mingi la Isalaele, a tina edje lembo enge wato wako aselaka obe. ³⁵Pe laowe mene ewuni mosungu ekoswa molimo mo owe late mamungo ma mitema mingi ehenene.³⁶Edjali pe la moeni omoli, Ana, mana o Fanwele, la libota Ashere. Moli oho ahumali la mbula ngbii pendja, pe ayabatali la molome onde mbula sambo mbuse oyikani atikalali onde. ³⁷Dja ndi mogweli molome, pe la mibu tuku mwambe la inéi, atiumali a tempelo, ayahekeleli la Mwengéi likolo la wuse ndondo owakilisi la oyakomgi. ³⁸Mamungo mawongwea, inde kine ndi la hengele ehoo, akumesia Mwengéi, pe akohasaka atina e Yeu atie wango kpàa wadjali olambeli osikolami dja yelusaleme.³⁹Ango wasilisalia okeli sambo kpàa la otutei wingbndu wa Mwengéi, Josefu la malia wawongwali la Galileya, ongo la Nazarete, liwange ewu. ⁴⁰Kaiko, mana ohoo adjwali obeki la okulu, atumali la okenge, pe libalano e Mwengéi edjali likolo lande.⁴¹Wawoti wa Yesu wadjali oki mbula kpàa a Yelusaleme, la lipati la pasika. ⁴²Ango eumesi inde mibu liomo la iwale wakeli a lipati ehoo ndi ndenge wamesanali oki. ⁴³Aleti, ango masio epotoli oweti, wawongwali, mana Yesu atikalia a Yelusaleme. Sango la nango watiyewali. ⁴⁴Wakanisali ate adjali la ebiba wato wango wadjaki okeli la iwo konde, wasombali lisio mobimba. Mbuse ehoo wabandali omolukani atie wato wa libota pe atie wato wango wayewani la iwo.⁴⁵Ase, nda watimoheneli inde wawongwali a Yelusaleme la omolukani. ⁴⁶Mbuse e masio masato, wamogbotoli inde a tempelo, ayabati ndando e watiesakoli, wamo mo yokaka pe akowa huelaka oopo. ⁴⁷Wango kpàa wadjali omoyoki wadjali sa okamwi a mayele mande la ewongweliseli onde.⁴⁸Ango wawoti wande wamohenia, wakamwali, nango amohaseli ate: Mana ombai , otokelia iso ndjo la tina ende? denga, sangwa la mbai tosombia moto oolukani. ⁴⁹Ase inde awahaseli ate: a tina ende ino okolukakani mbai? ino woyewitini ate mbai ikokelaka sambo dja wawa? ⁵⁰Ango watiyewali enge ekowaselaka iwo.⁵¹Ase adimbali ebete kikima la iwo la oki Nazarete, pe adjali ndi oyadimbesi liwoso lawu. Nango abaniali dinge sambo kpàa a motema monde. ⁵²Pe Yesu abekali la kondela, pe la wenge la libalano, liwoso e Mwengéi pe liwoso la wato.

Chapter 3

¹Mbuse e liomo itano likumu wonde mokondji Cezar, ango mpe Pilato adjali Gouvelenele a Yudeya Helode likumu e Galilayi, manango Philipo likumu e Iture etuka e Talakonite, Lisaniasi likumu e Liabilene ²Masio ma nganga e Mwengei likumu Anna e Caife moaseli mo wawa amoaseliya Yoana mana o Zakali ndondo e manganga.³Ango osombaki a moki mosungu kelekele e yoluani adjali osakoli patisa enge edjei elembo e okukoli motema alikambo la olimbisi e masumu.⁴Ase ango edingami la buku esaseleli e Isaya: moli e moto mongongo manganga akopamaka la motulu wongeleni mboka e Mwengei.⁵Mawela kpa ekodhikana, wa mikoli kpa miko adjimba enge wa bebesaki eko wongo, mboka enge wa bebesake mako wongo. ⁶Aleeti wenge kpa ekohene ondimi e wawa.⁷Adjali owaseli wato ngbi wango wadjali ototi patisimo atié inde: wana wa ndjoo, ndai owoyinyei otili limeme ligeleli?⁸Inyani misala ma okukwami, otiabate oaselani ino amene: todjei la Abalayama nda tata? iyo waseleni la lingelibukeli Mwengei akokiopumbesi weeti wana wa Abalayana.⁹Engboma eyabatiga la masisa mo mote: mote mungo mokowota mbuma mbée wa tene walumbe la misa.¹⁰Wato ngbi, watomia, waasa: tokoki okeli woni? ¹¹Awawongoselia ongo odjei la wisidje iwale amowekele ongo odjangi,ongo adjei la ema e lakake akele ndi ndjongo.¹²Wa putesi pako wadjakali la ototi batisimo, wa moaselia: molakesi, nda ndenge koki iso okeli? ¹³Awawongoselia otiwonge likolo enge easamiali ino.¹⁴Wa soda mpe wamowelia: iso, nda ndenge ekoki iso okeli? awa wongoselia: otitoni ema e mo la otetelake la oyiwi wato, e melani la liputi lanu.¹⁵Sikandjo nda ndenge wato wadjaki omolambi mpe wadjali owaweli iwoamene a mitema mawu eeti tango Yoana ase adjei Masiya. ¹⁶Awawongoselali aasi la iwo ate mbai iko obateseniino a malia moto mwesi motetelake o eti mbai akodjaka. ehongiti odukoli miliki ma ikpokpo ende, inde akobatisa ino la elimo satu mpe la misa.¹⁷ende epoli mbuma edjei la ewo ende a likambo la opetoli amene ebete ende e otangi mbuma mpe ogbotonesi a molako monde mungo moisake ilaka ase akotumba mposo ewo la misa mungo motolimanaka.¹⁸Ango Yoana adjaaki owalendisi wato weeti sungu mpe owa sumbeli mboli mdamu. ¹⁹Ongo yowanu adjali omotekesi ati moyike Helodiasi moli o maanango alidi la sambo mbe ekelali inde. ²⁰Helode abakisali alidi odjeti sambo enge omonangaki Yoana a boloko.²¹Kaiko nde engele wato kpaa wa batisamaki Yesu mpe abatisamaki ango engele adjaaki inde ohakongi likolo edukuanaki. ²²Djimbelia nda ebenga elimo satu emwa ase mooli mookali likolo e asia: odjei mana ombai olibalano iyobali ngbii.²³Yesu engele ebanda te inde otomo wonde adjaali la mbula tuku isato wa djaaki okenesi ate adjei mana e Yozefa, mana ehele, ²⁴Mana e Mateo, mana o Melesi, mana Yanayim mana o Yozefu.²⁵Mana o Matatiasi mana o Amosa manao naumama, mana o Elisi, mana o Nagayi. ²⁶Mana o Mahata, mana o Matatiasi, mana o Semeyi, mana Yosesi mana o yuda.²⁷Mana o Joana, mana o Lena, mana o Zolobabel, mana o Satakiti, mana o Neri. ²⁸Mana o Melaki, mana o Adi, mana o Kasama, mana o Alamadama, mana o Er, ²⁹Mana o Yesu, mana Matha, mana o Levi.³⁰Mana o Simeo, mana o Yuda, mana oYozefu, mana o Eliakime, ³¹Mana o Melea, mana o Mena, mana o Malata, mana o Nata, mana o Dawidi, ³²Mana o Isaya, mana o Jobede, mana o Boze, mana o Salomo, mana o nama,³³Mana o Aminadabe, mana o Adime, mana o Alani, mana o Esilome, mana o Falese, mana o Yuda, ³⁴Mana o Yakobo, mana o Isaka, mana o Abalayama, mana o Otara, mana o Nakore, ³⁵Mana o Serite, mana o Rago, mana o Fale, mana o Ebere, mana o Sala.³⁶Mana o Kaina, mana o Afasa, mana o Seme, mana o Nowe, mana o Lamete, ³⁷mana o Matisala, mana o Enoki, mana o Jolede, mana o Malele, mana o Kaina, ³⁸Mana o Enose, mana o Adama, mana o Mwengei.

Chapter 4

¹Yesu atumesamia la molimo satu olongoya la Jordani pe molimo mo motomia ongo odjaka manganga. ²Ongo omekehekeni la esisi masio tuku inei wuse la likolo odjangi olaki kati emango masio ndjongo, mbuse emango masio ndjongo aokia djala.³Esisi a mwaselia ndjo: Inga odjéi mana o mwengéi, asa la ma mabukeli makukwane makoke. ⁴Yesu amowongoselia ate: madingo masiate: moto atikalaka sa la ilaka ilakake.⁵Esisi emotombolia likolo la mokoli, amoineisia okondji o mbume.⁶MPe asia lainde ikohekele u otetelake, la okumu ehele moki okodji, late waheli mbai, ikoki ohi la moto ongo omobali mbai. ⁷Pe inga oya konga la mbai, mbai ikohekele uwo.⁸Yesu amohongoselia: longua longuango Etota! madhingani moasi ate: okoki omongumbameli la omokeleli ndji likumu mwengei oowe,⁹Esisi, emototia ekia lainde ongo la Yelusalem, amoyamalesia likolo la tempelo mpe asia aleti: inga odjéi mana mwenge alumba yo ongo sésé late edingami djongo. ¹⁰Akohekele mitindo edje wadjelu la tina owe late wobatele. ¹¹Pe wakokpala la mawo mau late makolo maowe ma titime hesele.¹²Yesu amowongoselia: easani ate itikoke omomeki likumu Mwengéi. ¹³Mbuse omomeki la sambo ebele esisi emotilia, Yesu atikalia inde¹⁴Yesu atumesamia la otetelake molimo awongoya a Galilea, mpe mboli ende eyandjia la miki mango ma kelekele. ¹⁵Ateyakali la Sinagoga, pe okumu wonde osombia ibete kpaa.¹⁶Awongoia la Nazareth amoki mungo mobekalinde, okokani la okoko owu alingelia la Sinagoga use oyenga ayamalia late atange buku . ¹⁷Pe wamohekelia buku e mosakoli Isaya: ohengesia kasi dja buku akadjua ebete esi ekomate.¹⁸Molimo mo Mwengei modjéi likolo la mbai, late amunoli mbai la maita late iteye sango ndamu etie watundake atomi koto mbai ate ikalese wato wango wadjéi la mitema mikodjoi. ¹⁹Late tuke ikangolame, wango wakpi waiso waene ate, wango wako nyokwamaka wakale, alidji la otiesakoli mbula eholi e likumu.²⁰Mbuse eho adikia madingo amongoselia mosali, mpe ayabatia. Wato wango kpàa wadjakalia la losambo wa kukolia maiso atie nde. ²¹Pe abadia owaseli: keke eheli djinge sambo ilongoiya mbaio otangi makokesamioa kekehele. ²²Wato kpàa wadimia misala mande, pe wakamoya la maloba mango makumaka la monoko monde: wadjali owasi ate Teolo nde mana o Yozefu?²³Yesu awaaselia okowaselani mbai ehele lisekpe: monganga akalesa owe amene, alidi okowasani la mbai, kela ala la moki moowe djinge samboeyoki iso okeli la Kapelenauma. ²⁴pe abakesia asiate: iwaselini meemene mosakoli te mokikima wakokio mondimaka la moki monde.²⁵Ikowaselakani meemene: edjakali latango e mosakoli Elia wali wa gbelete pele ngbii la Isalaahele tango edikamali likolo ilanga isato la sandja motoba, edjakate la odjangi wilaka la moki mobimba. ²⁶Tango eho Eliya atitomanaate ebete tweti la wango wali molongose ndi moli ongo gbeleli molome ongo la Saleta la moki mo Sidon. ²⁷Edjakate la wato ipuisi la Isalayelela enge hengele e osakoli Elisa, tweti la iwo ati peto la mite molongose ndi Namana oto o Siliya.²⁸Iwo kpàa wamemelia la sinagoga tango okia iho djinge sambo. ²⁹Wayamalia, pe wa humbwa la inde la moki, pe wakia lainde te la songe mokoli e liwange ongo omaliwo monguta, pe wawongoia lainde obangu te ongo sésé e mokoli. ³⁰Kasi Yesu aetia ndondo ehu pe akia.³¹Ayadjimbia la moki mo Capelenauma la liwange la Galile, pe abandia otei huse o Sabata. ³²Wakamwali la mateya mande odjali otei nda moto odjei la okumu.³³Edjakali la ndondo esinagoga moto mwesi odjakali la molimo mbe ambandali ohumbi pui makai. ³⁴Nda loyi edjei atie iso la owe: Yesu o Nazalete owe odji ate otowungese, iyoyewi olamu odjei mosatu ongo Mwengei amotomi.³⁵Yesu amokelia minga, pe asia: dika monoko mowe pe pumba atielo moto esisi emolumbia ndondo e losambo pe mopumbia ndondo ende odjaki omokeli obe. ³⁶Wato kpàa wawangia, wabadjia wasani osu sambo eyinyei woni? akohumbaka la isisi pe yo mowanganga! ³⁷Mboli ende ebengea la moki mobimba.³⁸Opumbi wonde la Sinagoga akia la monguta mo simo. Okio osimo adjakali la fefele, wamwaselia likambo laho. ³⁹Oyakukolia ngambo ende pe aumbia la fefele eho fefele emosilia mbala kikima, pe ayamalia pe abadiaomosaleli.⁴⁰Mbuse ehuse oli wakadjia la wato wa ikoni ndenge la ndenge, pe awabatelia mawo mwesi la mwesi pe awakalesia. ⁴¹Milimo mbe mipumbia edje wango wato wadjali ohumbi pui la owasi: odjei mana o Mwengei, Awa kelia matata, abalakali ate wakpome late minge miliko miewakali ate inde adjéi kilisito.⁴² Tango etania huse, apumbia akia ebete e manganga. Wato engbii wabandia omoluki, tee waka mokpotia watibalakali ate wakabuane lainde. ⁴³Awaselia ate: ewongi pe ike Ameti miki la okatei mboli poli e Mwengéi, late la tina eho nde etomami mbai. ⁴⁴Ndjongo abandali otei iholo kpaa la wasinagogo e Galilea.

Chapter 5

¹Tango Yesu aumali kelekele e ligbutu e Nazalete, mpe wato ngbii wayandogbali ongo edjaali inde la ooki luundo o Mwengei, ²Aenia keekele emalya maamasula keekeke iwaale, ndjongo wato wanduki wayadjimbia la okpoli witanga. ³Atelya la wato eesin enge edjaaki Simoni, amoongia ate andongbe waato lihele e mbume, sikandjo ayabata, mpe ango la wato abandia owateyiwato.⁴Ango etimei inde la waasi, aasia la Simoni: yandongba ongo ebeki malia, mpe lumba itana eowe la malia. ⁵Simoni amowongweselia: moteisakoli , iso tokeli otomo likolo kpaa tooliti ema; kasi, la luundo wowe, ikolumba etanga. ⁶Alumbia etanga, atotia suu sungu, mpe etanga eatiaa. ⁷Wawelali wiino wahu wango wadjaaki la eeti waato la odii oasungi wadia mpe watumesia djinge waato waale, elukali olindi.⁸Ango eenia iwo ndjo, Simoni Petelo, akpia la mauli ma Yesu, mpe aasiandjo: otiyatole la mbai, la loyi atembai idjei moto omasumu. ⁹Iwo la wato wango wa djali la inde la wato waumali la owangi la likambo la djinge suu eolali iwo. ¹⁰Wadjaki iwo amene Zaki mpe la Yoani mana o Zebedeyo, watingali mongindi la Simoni, ndjongo Yesu aasia la Simoni: otiwange te, obandi keke okodja molobi ma wato. ¹¹Mpe wandingbia waato kondolo, wa dheyia kpaa, mpe wa motuteya.¹²Yesu adjali la moki mosungu eesindjoo, mpe denga, moto mwesi mokwe la ekoni embala, a moenia, amomaelia mauli, mpe amwaselia aya kongia lainde: likumu lambai, inga obala, kalesambai. ¹³Mana o Mwengei amobatelia mawo, amohelia, aasia: kala, ndji la enge tango ekoni embala emosiha.¹⁴Alaho amotekesia ate atiasele moto tweti. kasi, keke oya inyei la watuke Mwengei, mpe waha likolo la tina e mokalo mowe oengemeni la mandingo ma Moyize, late enge ema ewandimese.¹⁵Otwa onde obangiali la moki, mpe wato ngbii wadjawali odji la omooki mpe late wakale la wikoni djau. ¹⁶Aseko inde, aya lomolali akia la manganga, mpe aya kongali.¹⁷Lisio liesi Yesu akoteyaka , wafalizeyo mpe la watiasakoli wa mibeko wadjali ango wayabati, wadii ongo la wato waGalileya, la wa Yuda mpe la wato wa Yelusaleme; mpe okolu e likumu edjei waneni la okalesi.¹⁸Mpe denga, wato, wamodjeleli moto ogui makolo alangali la litoko, wakolukakali omolingesi la omobati liwoso e inde. ¹⁹Nda ndenge edjangali holo emolingesake la loyi e kaka e wato, watelali likolo e molako wa soyia wa modjimbesia la litoko lande liwoso la Yesu.²⁰Yesu aenia andimi owu, Yesu aasi: manima, masumu mowe malimbisami. ²¹Wa tiasakali mibeko la wafalisayo wabandali omungoli mpe la waasi: oholo ndjo adjei, ndai ongo okoki olimbisi masumu, eti ndi Mwengei inde amene?²²Yesu, ayewaali sambo dinge emungolaki iwo kpaa, atotia liloba mpe awahuelia: nda sambo emungolaki ino a loho eino? ²³Ndaeema ongo edjei pete, okoki waasi: masumu ma oye malimbisane, te waasi ate yamala, mpe somba? ²⁴Laate ayeweni ate mana o moto adjei ala ambume la okulu olimbisake masumu: mbai yoluhuelini mboka, ase la moto obukanaki makolo, oyotomi aasia la moto ogui ma kolo, omalakola litoko lowe keke la makolo mowe.²⁵Ongo moto oyamalali, ndjinge wako mweneki watotya litoko lilangalaki inde, mpe akia la molako monde, amogumei Mwengei. ²⁶Iwo kpaa wadjaali la oyahueli, mpe wa mogumeya Mwengei, watumisamiali mwemu, wabandi waasi lainde: iso tweni keke sambo dinge yeenekiate iso.²⁷Mbuse eeho, Yesu apumbia, mpe aenia mo putisi pako la kombo e Lewisi, moto aabotali la molako mo putesaka la inde ate: tutia mbai. ²⁸Mpe, adheyia kpaa, ayamalya, mpe amotuteiya.²⁹Lewi amohekelali wilaka wisungu ongo la molako monde, mpe waputesi pako ngbii weeti wato walakali ebete eikima la inde. ³⁰Wafalisayo mpe la wadingi wabandia ondungwani, mpe waasia la wa tutiani ate: nda ndenge ekolakaka ino mpe la okengi la waputesi pako mpe la wato wango wakokalaaka obee? ³¹Yesu, atotya loyi, aasia laiwo: etii wango wakokalaaka olamu nde wadjei la posa e okali, kaasi wakoni. ³²Mbai iditii owaweli wato wolamu kasi oweli wato wabe ate wa kukoli ekelelisia lande wayekoli wa Yoani la wango wa Felisayo wakokilaka wilaka, wa Yakobo mbala la mbala, kasi wango waowe wakolakaka wa koke ngaka.³³Asi la iwo: wayekoli wa zaa, nda wango wa falizeyo, kilani wilaka la enwenwe mpe la oyatoti, tee eko enga mwengele lakake mpe la okengi. ³⁴Yesu awawongoselia: inga owe la wato la fete e liwala okokini owa okokini owalangalesi ndola ndji molome oliwala adjei ongo? ³⁵Kasi masio wakolongola molome ndondo ewu wakokila wilaka mango masio.³⁶Yesu aawahali lisekpe liesi moto tweti atitotaka esuki e esindje eholi laate abambe esindje egala inga okela ndjongo abetesi esindje eholi alidji esuki eesindje epoli eengemeniti la esuki e esindje egala.³⁷Mpe moto tweti atabonge mana moholi ndjongo la mokeba mo gala, tee inga mana maholi ma kwaate mokebe, ekosuakana, mpe mokeba mokobitanei; ³⁸Kaasi ewongi obongi mana la mokeba moholi. ³⁹Alidji moto tweti atibalaka okenge lihoso, maana magala mbuse maana eholi, inga ndjongo okoasa ate: Magala maeti maana poli,

Chapter 6

¹Easemia,wusé wo sabato ewelami mbuse la poo ase Yesu akpandesania la wilanga wa bule. Watutiani wandé wadjakali olongosi poso asé walaka,mbuse eodjipakisi la mowo. ²Wafalisai wadi waasia la indé nda likambo likokelaka ino sambo ndjingé ikokiti okelani wuse wo sabato.³Yesu awawongoselia: otitangalini nda ekelali Davidi, ango emwanali ndjala, indé la wato wango wandjakali indé la iwo; ⁴Woni nda elengelali inde la monguta mo Mwengei, aotia wokoke wungo woindjake, alakia, awahekelia wango wadjakali iwo la inde, wungo wotekesami ate moto atilake,ndji wanganga wa Mwengéi wakoki olaki? ⁵Ase awaselia: mana omoto andjéi menemene e sabato.⁶Eumia, wodi wuse wo sabato, ase Yesu alingelia la sinagonga, ase abandia otiesakoli amogbotia moto mwesi ewo ende ekakati. ⁷Wadingeli la wafalisai, ate wa momeke Yesu inga akomokalesa moto wuse wo sabato: edjali ngonga ate waluke ndenge eomokawi. ⁸Kasi aewali mamungwene mawu, ase aasia la moto ongo djali la ewo ekakati: amala ase, ase abata ango la wodja. alongoya, ase amalia likolo.⁹Ase Yesu awaselia ate: iyohuelini inga edjéi wolamu omokalesi moto wolamu te, okeli olamu to okeli obe lisio la sabata. ¹⁰Ase,awadedia iwo kpàa, aasia la moto ongo: nanola ewo owe. akelia ndjongo, ase ewo ende ekalia. ¹¹Wamemelia makasi, wabandia waasani iwo la iwo nda ema ekomokela iwo Yesu.¹²La enge engele,Yesu akia la mokoli okaakongi,ase akelia ongo likolo mobimba woakongi la Mwengei. ¹³Ango otaniani wuse, awawelia watutiani wande, ase awonia liomu la wale, wango wawahali inde nkombo.¹⁴Simoni wamoweli petelo, Andele,manango; Yakobo; Yowane;Pilipo; Batelemi. ¹⁵Matia,Toma,Yakobo monga Alipa,Simoni ongo owelani zelota, ¹⁶Yuda mana o Yakobo, la Yuda mokeliota ongo motambali.¹⁷Adjimbia la iwo mongindi ase aamalia la ebetesi edjei wolamu, ango odjakali ebele ewato la watutiani wa nde la ebele ewato wango wakalongwali la Yudea, la Yerusaleme, la moki e Sidona.wadjali la likambo la omooki la ate wakale la wikoni wau. ¹⁸Wango wadjakali okwesi la wisisi wibe wakalali. ¹⁹Ase wato ngbii walukia ate wamopote wenge, alikambo ate wokulu wungo madjakali aatie ende madjakali owakalesi iwo kpaa.²⁰Ango ndjoongo Yesu,alongosia maiso awadendia watutiani,aasia ate: Mwemu la ino wango wa ndjangi nde wokumu wo Mwengéi wodjei la ino. ²¹Mwemu la ino wango wandjei la ndjala ango ino okogbetani mwemu la wango wakolelaka sika ahala ango ino okwemele.²²Mwemu la ino ango okotonakaniwato, ango okoumbaka iwo la ino la otangakoli ino,la obitesi nkombo ndamu, la Mana omoto nda odjéini wato wabe. ²³Emeleni la wungo wuse, ase humbwahumbwani la woemeli, denda lisute lanu lisungu lindjéi ongo likolo; nde ndjoongo ewakelakali iwo wasangbau wawakela waaseli.²⁴Kasi magba la ino,wato wagumake,alikambo ate okondjini walamu wonu kpàa.²⁵Ase magba la ino wango wagbeti ase mbuse okookani ndjala.²⁶Magba, ango okowaselakani wato kpàa wolamu, alikambo ate endjéi sambo ehenge nde watata wau wandjakali woasi la waaseli wa moleho.²⁷Ase ikoaselakani ino wango wokoyokakani: balani wanguna wonu, wakelani olamu; la wango wako otonakani. ²⁸Pambolani wango wako lakelakani obe oyakongila wango wakotangakani ino.²⁹Inga moto aobinga la likeke mwesi moekeli eti ase motongo a opwesi mokoto elikolo otitone mohekele te esindje enge sese. ³⁰Mohekele moto kpaa ongo ohongi iwe ase inga moto a opwesi iwo wowe oti wonge ate ahongwesele.³¹Aleeti ndji nda nbdenge ino okobalakani wato waheokeleni ino kelelani iwo ndji ndjongo. ³²Ase inga okobalakani wango wakobalakani ino ewo edjnei la nda litomba atie ino? laate te wapangano wakobalaka wango wakobalaka pe iwo. ³³Ase inga wokokelakani olamula wango wakokelakani ino olamu oho e djei a nda litimba atie enu? te wapanganu pe wakokelaka ndji ndjongo. ³⁴Aleeti inga oko,bekisakani wango weewini ate wakowongwesele ino, eho edjei nda litomba atie enu? te wapangano p,e wakobekisaka odjangi oluki matabisi atie wapangano weti laate la mbuse watote enge wahekeleli.³⁵Ase balani wanguna wanu wakelani olamu wabekisani odjengi oluki matabisi likiani odjui ma ema la mbuse; ase mbano wonu ekodja osungu wakodja wana la ongo weti likolo laate inde akokelelaka wato wango wati la ondimi pe wato wabe sambo dja oemeli. ³⁶Djaakani wato dja motema magba ndi nda sangbanu adjei moto o motema magba.³⁷Aleeti deeni osambesi laate watiosambesani te keke deeni olumbesi wato la sambo laate watiolumbesani la sambo te keke. dukolelani wato ase wako dukolelani ino.³⁸Hekelekeni, ase wato wakohekeleni ino wakoswa la mabenga wonu wiwo ngbi enge epkotokoli, wadjadjesia etumia laate wakomekeleni ino la epimo enge wokomekeleni iwo.³⁹Ndjongo ahekeleli iwo aleeti lisekpe mwesi: moto ngo ogwi maiso akokiti o inyei moto ngo ogwi maiso mboka. te ndjongo? iwo kpaa waale wakokwa la liwela. ⁴⁰Mano o kelasi a etiti motiesiakoli onde, ase moto kpaa ongo o inyami olamu olamu akodja nda motiesiakoli wonde.⁴¹Nda ndenge okoeneke okasi a maiso e mino owe, ase otieneke osoto enge edjei ndondo e maiso lowe? ⁴²Nda ndenge okoki ohaseli miino owe; dhee mbai ilongose osoto enge edjei ndondo e maiso lowe otieneke osoto enge edjei atie owe? moleho, longosewo osoto la maiso mo owe, ase okohene olamu ndenge ohumesi osoto enge edjei la maiso e miino owe.⁴³Motee molamu etikpalaka pukapuka obe ndinda motee mobe eti kpalaka pukapuka elamu. ⁴⁴Laate mote la motee ekoyewanaka la pukapuka djande wahibukaka a motee lawa keke te.⁴⁵Moto molamu akopumbesaka sambo dja olamu la olamu enge ehisi inde a motema monde ase moto mobe akopumbesaka sambo mbee la obe enge eyisi inde; laate monoko nonde ekohasaka ndji sambo enge etumi a motema.⁴⁶Djongo atina ende okowelakani mbai nkolo! nkolo! ase otikelakani sambo enge mbai ikohasaka. ⁴⁷Moto kpaa ongo akodjaka atie mbai pe akoyokaka loi lo mbai ase akokelelaka eho ayengemeni la ndai? ⁴⁸Ayengemeni la moto ongo omaali monguta enge atongali liwela molindake pe ase abatali mikolo la mabukeli ndjongo ango pela edjali ewale embingambingali monguta eho, ase etikwali esungu te laate emaanali olamu.⁴⁹Aleeti motongo akoyokaka pe aikelelaka, aengemeni la moto ongo omaali monguta likolo la ngene ase atibatali olamu, ango edjeeli pela ebingabingali ewo ase la mbala kikima ekwali.

Chapter 7

¹Ango esesali Yesu wasi djinge sambo kpaa atie wato, ase akia la kapalanaume.²Ongo ndjongo likumu mwesi owa sodo adjaali la mituke monde ongo omobalakali inde ngbii, moto oho adjali la ekoni ahue e logo. ³ Ango okali inde mboli e Yesu, awatomali la weeti wiloko wato ewa Yuda wake o mokongi adje omokulesi motuke monde. ⁴Waumia atie Yesu, wamowongia ate: oho a wongi la omokeleli enge. ⁵Inde abali moki mosu, inde moto otomaeli ehele Sinagoga.⁶ndjongo Yesu akia la iwo mongindji. Ango ewuma inde pene imolako monde, likumu ewa soda atomali wato la omowasele Yesu ate likumu otiatungese. Mbai edjei ndai laate olingela la molako mo mbai? ⁷Nde la ndjongo etiya ene olamu adjii mbai amene odjii ati owe. Kasi asa saa loyi loyikima motuke mo mbai akokala. ⁸Alikambo ate mbai idjei sese e makumu ma mbai, idjei la masadje sese e mbai. Inga iyasa la mwesi, keke ase akoke, enga lya sa alidji djaka! akadja, inga yasa la moto ombai iwotomi: kela ndjo! ase akokela ndindjongo.⁹Ango okali Yesu, djihinge sambo, am ondimolioholo moto yakukolia, awaselia wato selini tee ala la Isalayeli etimowene moto otimake iyowa wango wamotuti. ¹⁰wato wango wawatomali likumu ewa soda kapiteni,wawongoya la monguta, wa mogbotia moto owotomu, ndi akaliga wolamu.¹¹Mbuse eho Yesu akia la gbata e waine watutiani wande la wato ngbii wakia la inde mongindi. ¹²Ango ewana inde la moduhe mo gbata, wato wakpali molonda okii la moho la kabali, e mana opele mwesi omoli ongo ogweli molome, wato wa djaali la moli oho mongi ndje. ¹³Ango e mwenali likumu moli oho, amoyokelali magba la motema amawaseliaate: otilele. ¹⁴mbuse eho Yesu akia ahue a bandia sanduki wato wango wagbalali molonda wamalia: Yesu asia: mana opele yasi la owe! amala likolo! ¹⁵Moto mogwake alongoya, aabatia ase apotia okpomi. Yesu amohekelia la nango.¹⁶wato kpaa wawangia, wamo emelia mwengei, waasia: mwaseli mosungu aumiga atie su! wasia koto Mwengei aumiga owakalesi wato wande. ¹⁷ndondo e Yudea kpaa wibeta wa keleele kpaa wato waokia mboli a lungo loi ekeli Yesu.¹⁸Watutiani wa Yoani mopatesi wa mwaselia sambo djinge. Yoani awelalia wato wale ndondo ewu. ¹⁹Ase awatomia atie likumu la omohueli ate: odjei moto ongo wewi iso ate ageleli, inga tomolambele odi? ²⁰ango eumia iwo atie yesu, wa moaselia; Yoani mopatesi, atotomi iso ate tohuele: odjei motoongo wewi iso ate ageleli inga tomolambele odi?²¹la engele eho Yesu awakalesia wato ngbii wa wikoni, la wato wango waliti wenge wibe la awaduholia wato ngbii maiso. ²²mbuse eho awawongoselia watutiani wa Yoani, mopatesi: kekeni omwaseleni yoani mopatesi loi wungo woeni ino wungo woki ino: wato wagbi maiso wakoeneke, wato wabukakani makolo wakosombaka, wato wa ekoni e mbala wakooka, wato wadikami matoi wakokalaka wato waguaki wakosusuaka, wato wango wadjangi wa kokaka mboli ndamu. ²³mwemu la moto ongo obanei wondimi wonde!²⁴ango okio watutiani wa Yoani, Yesu apotia wasi loi wo Yoani, atie wato ngbii asia, dengakininanda ema ongo la lisobe? mboli djinge ikoni nganesaka ehoho? ²⁵Ndjongo okadengakini nde? moto ongo okpali wisindje wilamu? ase wato wango wakpali wisindje wa motio moatasungu, la wato wa wadjenge ngbii wadjei la minguta ma makumu. ²⁶Ndjongo okadendakini nde? mwaselia? memena yoiwaselini, la wato kpa moto tueti atimoete Yoani .²⁷Alika mbo ate Yoani adjei moto ongo eyasi e kpa ta e Mwengei la gbondo ende: mwengei aasia: denda imotomi motomani mo mbai liwoso la owe, alikambo la odukoli mboka alikambo la owe. ²⁸Yesu asia alidi: yasi la ino: ndondo e wato wango wawotami la moli tweti odjei mo sunguomoleki Yoani, ase moto ongo ongo odei mokeke oleki la moki e Mwengei adjei mosungu omoleki inde.²⁹wato kpaa la wandombe wa oputesimamelo; wadjali omooki Yesu, waewali ate Mwengei adjali memene; ase wapatali watisimo e Yoani. ³⁰Ase wafalisayo la wa mwalimo wapui watonia mwano mo Mwengei alekambo lawu, ase watonia lipatesi la Yoani.³¹Yesu asia koto: ikowa kokanesa wato wa ehele engele lande? ³²Wadjei nda wana wango wabati la ebete e liho; wakowaselaka iwo ameme ate: tobinge lalini ino malinga ase otiwinalini te! toolembali elembo dja magba ase oti lelalini te!³³Alikambo Yoani mopatesi adjali inde atilakali wokoke te, la atikengali ase woasa lini: adjali la molimo mobe. ³⁴Mbai man a o moto edjia ikolakaka la ikokengaka, ase woasiani: modendani oholo moto akomungwaka ndi olaki la okengi wino, inde aewani la wato wali. ³⁵Ase wato wa wondimi wakoeneke la wohola ate lokenge wo Mwengei wodjei memene.³⁶Mofalisayo mwesiamowelia Yesu la olaki la monguta monde yesu aumia atie nde, ase aabatia la mesa. ³⁷Moli mobe mwesi adjali la moki moho, angae okali inde ate Yesu akolakaka la mongutha mo Mofalisayo akadjia la molangi mokelami alibanga la malasi. ³⁸Aamali mbuse, la makolo na Yesu. Adjaali oleli, adjaali oluleyi makolo ma yeni la poo, la ohuholi la sue djande, ambo mbia moho alidji omonolali malasi.³⁹Ango woenia ohongo mafalizayo omowelali Yesu luhungo loi asia la motema monde inde oholo motoadjaaki memene mwaseli nda amwewi ohongomoli okomobandaka ate adjei moli mobe.⁴⁰Yesu apotia wasi la Mofalisayo simo, edjei la ma loi wokele la owaseli, Simo asia mwalimo; asa.⁴¹Yesu asia: wato wale wadjali la nongo e moto ongo okahaka nongo mwesi adjalila nongo e wadjenge tuku itano. ⁴²Nda ndenge idjangali iwo falanga efutake. Ongo moto awalimbisia iwo wale ndai okomobala ohongao moto oleki? ⁴³Simona awongosia: imungoli ongo odjei la nongo sungu oleki. Yesu amwaselia owongosiga wolamu.⁴⁴Mbuse eho Yesu akukolia atie moli ase asia la Simo omweni oholomoli? mbai ilingeli la monguta mo owe, ase otihekele mbai malia ma wakpoli la makolo ma mbai te, ase oholo moli akpoliga mbai mokolo la malia ma maiso mande, ase akuholiga la sue ndjande. ⁴⁵Otihekele mbai mobale la wasasi tee ndinda elengeli mbai la monguta inde adeiti opotopoti, makolo lo mbai la ombombi.⁴⁶Otisuele mbai maita lamoto ase inde asuiga malasi la makolo ma mbai. ⁴⁷La ngo iwaseli libalano lisungu lienesi inde, enesi ate masumu mande ngbii malimbisami kasi ongo wakomolimbisa maakeke abali keke.⁴⁸Asembuse Yesu asia la moli oho: masumu ma owe malimbisamia. ⁴⁹Wato wandjaki olaki la Ysesu mongindinwasia la mitema mawu: oholo moto adjei ndai? ongo wongi olimbesi masumu? ⁵⁰Ase Yesu amwaselia moli: wondisi wowe wookalesi owe.

Chapter 8

¹Mbuse eho Yesu akeeli gbata la gbata, ase mokii moosaa la mokii moosaa. atie sakolia alidji awa sumbelia mboli ndambu ookumu e Mwengei wakomotutiaka. ² La ndambo e wali wango kalali la milimo mibe la wikoni; maliya edjali iwo omoweli magadala ongo omopumbesali witita sambo. ³La Yoani, moli o kuza kapita o Elode la Suzana la weti wali wango wadjali ohekeli wihoo djau a tina owasalesi iwo.⁴Sikalandjo ango ebiba e wato wayaboleali ebete kikima la wato wadjaali odi a mokii la mokii wakodja atie inde. awahaselali iwo la lisepke liesi: ⁵Mohoni mwesi apumbali oki ohoni mboto ende pe ango edjaali inde ohoni pukapuka eheti ekwali pembeni e mboka wakpotokolali eho, pe mbulu e likolo walakali eho. ⁶Ndambo eeti ekwali likolo la libukeli pe mbuse opumbi ekaukali laate etidjaali la malia te.⁷Ndambo eeti ekwali ndondo e keke, ase keke enge ebekali la eho ebete kikima ewolali eho ani. ⁸Ndamboeeti ekwali a mbume enge elamu, ase mbuse ebekali e wotali, puka puka mbo kama la mokama. Ango esiselali ide owasi, aasia alidji la mooli mo pamake: ongo odjei la matoyi maake.⁹Ase watutiani wande wabamdali omoweli ndimbola la enge lisekpe. ¹⁰Inde ahasali ate: ino okoki la oyewi wihisaneli mosantu e likumu Mwengei, ase ikohasaka la weti ndi la wingbundu laate te wakodendaka, watiyeneke, te ndenge ekoyoka iwo watihele tinate.¹¹Sikalandjo ndimbola e ndakisa enge eholele: mboto edjei liloba e Mwengei. ¹²Enge ekowali pembeni e mboka edjei wato wango wayoki, la mbuse etota edia alongosia liloba a mitema mawu laate watindime pe watikale. ¹³Enge ekwali likolo e libukeli edjei wato wango inga wayokia liloba, wayambia eho la ohemeli, ase wati la mindili te; wandimia tango keke, ase atango amekamia iwo wadeiya ondimi.¹⁴Enge ekwali likolo la keke ehonde wato wango wayoki, ase nda sambo e mabundo, la ohemeli sambo dja moki, puka puka djahu eti komelali. ¹⁵Enge ekwali likolo la mbume e olamu edjei wato wango mbuse e oyoki liloba la motema molamu, wat tike onde wawu, wa wotia mbuma.¹⁶Moto te mwesi mbuse ololesi mwinda, monde adhihe obati sese epee, ase okobataka eho ndi la katini alidji watibaka sese eepe,wakobandaka likolo la mesa alikambo inga motoalingela a molako ayene. ¹⁷Laate djinge sambo eyisami ekoyewana alidji sambo djinge etiye wane ekopumba a hoho. ¹⁸Eho enge kebani la ndenge okoyokakami, laate moto ongo odjei, la iwo ngbi, wokomohekele ngbii, ase moto ongo ati la ema te, mopuesa te enge keke enge ebateli inde motema.¹⁹Sikalandjo nango la wa ma nango wadjali atie inde ase ogbotoni, la inde latina ewato wadjali ngbi. ²⁰Ndjongo wamohaselali inde ate: ngwa la wa mangwa wahamali ongo saa, wabali ate wa ohene. ²¹Inde awawongweselia ate: ima ombai a wa manima wa mbai edjei wango wakoyokaka liloba e Mwengei pe wakobalaka eho.²²A lisio liesi, Yesu iwo la watutiani wande walingelali a masuwa, ase ahasali la iwo ate: tokpande a ngambo eti e malia ndjongo wakeeli. ²³Tango edjali iwo oki, Yesu adjali olangali ilo. Ehoho ekelali ngbii, pe malia ebandali olingeli a masuwa pe wadjali pene e olindji.²⁴Mbuse wayekoli, wakeli ebete elangalaki inde pe wamosusolia wahasia; motiesi, topoti ogwi! ango esusoiya inde apamelia ehoho malia ebandali owadjimbi, ali ase logo elingelia. ²⁵Ndjongo awahaselia ate: eni ondimi wonu? ase wawangali ngbii, wakamwali mingi, wahasia: oholo adjei mpedja ndai? laate adjei ohekeli te la ehoho pe malia wingbundu e eho ekomoyokaka?²⁶Waadjimbali la moki mo Wagesenia, mungo modendani la Galilaya. ²⁷Ase ango Yesu aandjimbia la mbume, motopele mwèsi o mungo moki, adjali la milimo ebele. eumoya masio atokpalaka esindjè te atidjaali owabati la molako ndji la kabuli.²⁸Amoenya Yesu, apamia akuya la makolo mande,aasia la moli mosungu:iso la owe todjéi loi,Yesu mana o Mwengéi olikolo? yaleli la owe, otiudjeenese mbai wodidi.²⁹Ase Yesu asia la enge esisi eume atie moto oho. Alikambo ewumuyi gaala ekomokweseke masio kpàa wani obaniakali,la omonangi seni la wibende la makolo, kasi adjakali otenakoli wiho kpàa wimonangakali iwo.ase adjali otomalali la djinge witota owabati la manganga.³⁰Yesu amohuelia:nkombo owe ndai? amowongoselali: ngbii laate wadjali ngbi la wenge wande. ³¹Ase wamongokoli Yesu atiwalumbe la liwele lilindake.³²Edjakali ango, la mokoli, lihoke lisungu la walu. Ase wisisi Yesu ate walingele la liwoke laho, awandimelia.³³Wisisi wipumbia atie motooho, wilingelia la liwoke la ngulu, owa longwali emokli, eyasuali la ligbutu iwogbali waguali³⁴Ango eyenia wato wango wadjali obanei djege ngolu, watilia obangu akasumboli la gbata la miki mikeke. ³⁵Wato wakia okeni nda ekelani sambo djaho, wakia ahue djéi Yesu ase wamogbotia ongo moto omoumali milimo aabati la makolo mande akpali esindjè eklamu,lomungo wonde woumia wolamu ndjongo ewawangesia makasi.³⁶Wango waeneli nda oleki sambo djaho wawaselia wato nda ekali moto o milimo mbe. ³⁷Wato kpàa wa moki Gerasa wasia la Yesu ate alongwe ahue la iwo, alikambo ewawangesali makasi Yesu atilia la wato awongoya.³⁸Ongo moto omoumali milimo mbe amwongia wabate iwo la inde kasi Yesu aumbia la inde aasia ate:³⁹Wongwa la ndako ase akowasela ndjinge kpàa eyokeleli Mwengéi.Akia adjawaselia la gbata ndjinge sambo kpàa imokeleli Yesu.⁴⁰Ango ewongoya Yesu, wato ngbii wamoemelia, alikambo iwo kpàa wandjakali omolambeli.⁴¹Ase denda amoemia moto mwèsi nkombo ende yalusi ongo odjéi likumu la Sinagoga. Akuya la makolo mande,ase aasia lainde ate alingele la ndako eende. ⁴²Alikambo ate andjali la mana omoli ombula liomi la iwale anguali, ango okia Yesu wato wabandali omopotipoti.⁴³Ndiango,moli mwèsi andjali la ekoni ewoumi makila mbuse ewilanga liomu la wiale,ongo osilali wambele wande kpàa aatie e minganga, tee ango moto tweti te amokaleli. ⁴⁴Aandongbia mbuse eende ase ahelia esindjè e Yesu ndila engele eho makila madeya omoumi.⁴⁵Ase Ysu aasia ate: moto mwèsi aheli mbai? wato kpàa wawungania,Petelo la wato wango wandjakali ango waasia ate:likumu,ebele ewato watumi a la gboo ase walengi la owe, ase woasia ate:Ndai oheli mbai? ⁴⁶Kasi Yesu awongosia ate:Moto mwèsi aheli mbai alikambo yewi ate wokulu wondjumi mbai.⁴⁷Ongo moli, aeniate loi wungo wouminga saa, akia andja kpamakpame akuya la makolo mande,aasia liwoso la wato kpàa nda emoheli inde nda ndenge ekali inde la mbala kikima. ⁴⁸Yesu amwaselia: Mana o mbai omoli wondi wo owe wokalesi, keke logoo.⁴⁹Ango edjakali inde owasi moto mwesi alongoyi la molako mo likumu mo sinagogi asia ate: Mano owe omoli agwi, atimwaselake likumu. ⁵⁰Kasi Yesu, aokya ndjoongo amwaselia likumu la Sinagoga: otiwangete ndimela mana akokala.⁵¹Ango eumia inde la moguta atekesia ate moto twèti atilingele la inde mongindi, elingele ndi petelo,la Yoani ase la yakobi, ase la sango la nango ongo mana. ⁵²Wato kpàa walelia waokia magba masungu: ase Yesu aasia ate:deeni oleli,agwiti,kasi alali wilo.⁵³Ase wamosekia,waasia ndi ate agui.⁵⁴Kasi amohelia la mawo; aasia la moli mopambake: Mana, amala. ⁵⁵Ase elimo ende emowongoya,ndiango aamalia; ase Yesu awaseli ate wamohewilaka alake. ⁵⁶Wawoti wa ongo mana omoli waahuelia, awaselia ate watimwaselake moto te weti sambo ndjinge.

Chapter 9

¹Yesu awawelia wango liomu la wale, awahekelia wokulu la makoki likolo la ndiwa,la makoki ma okalesi wikoni. ²Awatomia osakoli wokumu wo Mwengéi,la owakalesi wato wa wikoni.³Otiikakeni ema teeti ango okia ino, awaaselia ate,esuki emote,te wapasa te wokoke,te waambele woidjakeni la wisindjè wasese wiale. ⁴Minguta kpàa mikolingela ino abatani ango,angonde eobalini iwo.⁵Ase inga wato watiwoemeleni, umani la enge gbata,ase huholani motuluemo makolo manu,ehoemesi wobe wou. ⁶Wakia ase waumia moki la moki,osakoli mboli ndamu,la okalesi wato.⁷Herode modengeli aokia sambo ndjinge yasanali la ndjinge ilkali,ase mamungwene mamosilia. Alikambo ate wato wadi wakoasaka ate Yoane ongo asusoi gaala logo. ⁸Wato wadi, waasia ate Elia ongo olimwali,ase wadi waasia ate mwesi o waaseli ongo osusoi gaa. ⁹Kasi Herode asali ate,mbai imotenali Yoane moto; ndai kasi ongo,enge ekokaka mbai ndjinge sambo?ase amolukia ate omoene.¹⁰Waapositolu, wakawongoya,wa mwaselia Yesu sambo kpàa ndjinge ikeli iwo. Awatotia lainde mongindi, wakia ebete esi aati e gbata esi enge ewelani ate Betesaida. ¹¹Ebele ewato waewia,wamotuteya.Yesu awaemelia, ase awaselia likambo la wokumu wo Mwengéi; awakalesia wango wandjakali la mposa eokali.¹²Ango abandia wuse otitimi, wango liomu la wale waandogbia ahue la inde wa mwaselia ate wawongosa wato, la ate wake la miki la wibete winge windjéi ahue, wakonde ebete elangalake la ndenge eokali; la ate iso tondjéi ala la lisobe. ¹³Yesu awaaselia ate ino wahekeleni wilaka. Ase wamowongoselia ate:Eondjéi sa la makoke matano la su iwale la qte toke iso mene toke okasombi wilaka wa wato kpàa. ¹⁴Kaiko nde wato wandjaali koto itano, Yesu awaselia watutiani wande ate waaselani waabate la mbume wato la wato melengo mwèsi wato tuku itano.¹⁵Wakelia ndindjongo, wawaaselia iwo kpàa waabate la mbume. ¹⁶Yesu atotia mango makoke matano la ndinge su iwale, ase alongosia maiso dendia likolo, amapamboya.mbuse abukkolia,awahekelia watutianiwawakawele wato. ¹⁷Iwo kpàa walakia wagbetia ase waonia wisuki winge witikali, mindjangi liome la miale.¹⁸Wuse woesi Yesu aakongokoli saa inde mene, andjakali la watutiani wande, awahueliaate ebete e wato wakwasaka ate mbai indjéi ndai?¹⁹Wamowongoselia ate: Yoane mobatesi; wadi ate, Elia, mwèsi owaaseli wa gala osusoyi.²⁰Awahuelia, ino okwasa kani ate mbai indjéi ndai? Petelo awangoselia ate: Kilisito o Mwengei. ²¹Yesu awatekesia makasi ate watimwaselake moto twèti. ²²Aasia alidi ate ewongi wolamu ate Mana omoto aene wodidi ngbii, wato wagala wakomolumba mla wadingeli la wakawi la wato wabe, wakomoola, ase akosusua wuse wo misato.²³Mbuse eho awaselia iwo kpàa inga moto abali ate atutie mbai, aatone inde mene, akpale mosalaba monde masio kpàa, ase atutie mbai. ²⁴La ate ongo obali okalesi wenge wande akowungesa, kasi ongo okowungesa wenge wande la likambo la mbai ako kala. ²⁵Ase nda ema ekokondja moto inga andjwa moki mwèsi kpàa, kasi awungesa wokongi wonde.²⁶Alikambo ate ongo okooka nsoni la likambo la mbi la sambo nda mbai, Mana omoto akomookela nsoni, ango okondja inde la wongengi wonde, la wungo wo Wawa la waahumbwa wausatu. ²⁷Iwoaselini memene, wato wadi wango wandjéi ala watoguate ndi waene wokumu wo Mwengei.²⁸Elekia msio mwambi mbuse ewasi ndjinge sambo,Yesu awatortia lainde Petelo, Yoani la Yakobo,ase atelia la mokoli la okaakongi. ²⁹Ango wakongokoli inde,elongi ende ekukwania, wisindjè wande wiumia pèe oleki.³⁰Ase denda,wato wale wakokpomesanaka la inde: endjakali Moise la Elia, ³¹Wango weueneli la wongengi ase wapotia woasi woki wonde wokelame la Yelusaleme.³²Petelo la wino wande wandjakali la wilo;kasi,ango okosusoya iwo,waenia wongengi wo Yesu la watpo wale wandjéi la inde mongindi. ³³Ango edenia inde la wango wato wale la Yesu,Petelo amoaselia ate: Likumu,endjéi wolamu toabate ahala; tokele minguta misato, mwèsi mo owe,mwèsi mo Moise, mwèsi mo Elia. Atiewakali enge ema la sakali inde.³⁴Ango andjakali inde woasi, lipata liesi; ase lipata liesi liwadihia; ase watutiani wa wangia wamwenia akolingela la mapata. ³⁵Ase mooli mwèsi mwasia la mapata, mwasia ate: oholo andjéi Mna ombai omwoni mbai mookani. ³⁶Ango ookania mungo mooli ndjoongo, Yesu atikalia inde moikima. watutiani wadakia longoo,ase te omwaseli moto, la enge engele la sambo ndjinge yeneli iwo.³⁷Wuse wodi wolekia,ango wandjimbakali iwo la mokoli, liwoke la wato ebele wakanjia liwosa la Yesu. ³⁸Ase denda,awondja wo wato moto mwèsi apamia: Likumu, iwongi, modenda mana ombai opele, andjéi mana ombai moikima opele. Esisi emohelia, ndiango ahumbia pui. ³⁹Ase esisi emohelia makasi eomokwèse emoumesa mahulo la monoko, ekomokelaka makasi, mbuse ende okwakwi la mbume. ⁴⁰Iwaongia watutiani wa owe waumbe la eho, ase iwo te okoki.⁴¹Liwota lindjangi wondimi la liyaimbi, ewawongoselia Yesu, ikoumwa l ino tee nda eengele, la ikonanga ino motema la sambo ndjanu ndjaka la mana wo we. ⁴²Ango eumia inde ahue, esisi emolumbia la mbume, emohelia makasi. Kasi Yesu aumbia la esisi ebe, amokalesia mana ase mowongosia atie sango.⁴³Ase iwpo kpàa waahuelia la wosungu wo Mwengéi. Kaiko nde mwèsi la mwèsi wandjakali waahueli la sambo kpàa ndjinge ikelakali Yesu, asia la watutiani wande: ⁴⁴La ino okani wolamu luhulu loi: Mana omoto awongi wamokawe la mawo ma wato. ⁴⁵Kasi watutiani watiokali lungo loi, loi loho woyaisali, ate watioke gbondo eho ase wawangia omohueli gbondo eho.⁴⁶Kaiko nde mamugwene ma wadjelia la elimo, la wewi inga ndai odjéi moto mosungu la kati eewu. ⁴⁷Yesu, aenia mamunwene mau la ndondo e motema amootia mana mokeke, amobatia ahue wande. ⁴⁸Ase awaselia ate: ongo moto okomoemele mana mokeke oholo la nkombo embai, aeeli mbai amoeli ongo atomali mbai. Inga moto adja mokeke liwoso la nu kpàa, inde ondjéi mosungu.⁴⁹Yoani aotia loi ase asia telikumu,iso to mwèni moto mwèsi akoumba la wisisi la nkomboeowe; ase iso tomotekesia, alikambo ate atotuteiti iso. ⁵⁰Otimotekeseni, Yesu awawongoselia; alikambo ate moto ongo oti motone monu adjéi atienu.⁵¹Ango eumia eho engele ende olongoi la mokili eumia ahue, Yesu aotia mamungwene ma okii la Yerusaleme. ⁵²Awatomia liwoso lande wasumbi mboli, wakia la mboka ase walingelia la ebete esi ewasamalia, alikambo lka omowongeleli ebete eabatake. ⁵³Kasi waeniti te, alikambo ate aanali okii la Yelusaleme.⁵⁴Watutiani, Yakobo la Yoani, waenia ndjoongo wasia ate: Likumu obali ate toonge misa minde ongo likolo miwalongose?⁵⁵Yesu aakukolia aatie wu, aenia ndjoongo, asia ate, awatekesia, aasia ate: wewitini enge ema akwasakani ino. ⁵⁶Inga mana omoto andji te la owungesi milimo ma wato, kasi la owakalesi. Ase wakia atie edi.⁵⁷Ango ondakali iwo la mboka; moto mwèsi amwaselia ate: Likumu, ikotutia wiati kpàa wikoke owe. ⁵⁸Yesu amowongoselia ate: masika mandjéi la wibete wilangalake, mbulu ndja likolo indjéi l wilako: kasi Mana omoto ati la ebete ebatake moto.⁵⁹Aasia la odi: Eutia mbai. Ase awongosia ate: Likumu dee yo mbai ike okamokundi wawa. ⁶⁰Kasi Yesu aasia la inde ate: dee wato wagwake wakundane iwo mene ase owe, keke kaase loi lo wokumu wo Mwengei.⁶¹Odi aasiate:Ikotutia,Likumu,dee yo mbai ikawasela wato wa monguta mo mbai. ⁶²Yesu amowongoselia ate: kpàa ongo obati gaa wiho wande wibukelaki la seleti, la odendi mbuse,ati wolamu la wokumu wo

Chapter 10

¹Mbuse eho, Likumu aonia watutiani tuku sambo awa tomia wale wale la miki misungu mpe ibete kpàa ibete winge ibalakali nde oki.²Awaselia: elanga edjéi esungu kasi watuke wadjéi wakeke. Akongani la memene elanga laate atome watuke la obuki.³Kekeni. Dhenga, iyotomini nda wana wa kondolo ndondo e pange. ⁴Otikpaleni ema te e kikima, te wuka te wikpokpo, otihekelekeni moto ewo la mboka.⁵A minguta minge mikolingela ino asayoni liwoso: otwa e Mwenei odje la mu monguta. ⁶Inga edja la moto mwesi ologoo, logoo enu ekoyabata likolo lande, inga te ndjongo okowongwa etie nu.⁷Abatani la mungo monguta, lakani pe kengani iho kpàa ekohohekeleni iwo late motuke awongi la liputa. otikeni monguta la monguta.⁸La miki misungu minge mikolingela ino, la kanio ilaka kpàa winge ikohekeleni ino.⁹Kalesani wato wa ikoni wango wakogboto ino pe waaselani ate okumu wo Mwengéi wo umi la hue.¹⁰Kasi la miki minge mikolingelani ino alidji mitiooyambani ino amalani la mboka pe asani ate.¹¹TOhuholani la limemu te motubu e gbata enu enge ehelanaki la matindji masu; ase yewani ate okumu wo Mwengei e wumiga ahue. ¹²Iyowaselini ate enge lisio, Sodome akweene odjidji maa keeke kasi enge moki ekweetela.¹³Magba la owe, Kolazina! magba laowe, Betesada laate inga sambo dja kamwake makelamali atie ino, ekelamali ongo la Tile, la Sidonia, ekokiti oeti masio ngbi late wakukule mitema mau pe wakpale saki mpe wayabate la miwutu.¹⁴Tile la Sidonia wa tidja la loi la use wungo osambesamake nda ino. ¹⁵Kasi owe Kapalanauma, eyadjambi owe tee likolo la mapata, okoyadjimba sésé tee la ehomeli e logo.¹⁶Ongo akookani ino, andjoki mbai, ongo akootonani, atoni mbai, mpe amotoni ongo otomi mbai.¹⁷Wango wato tuku sambo wawongwali la mwemu wa mwaselia ate: Likumu, te mindjili, la isisi itotosi la tina e kombo e owe. ¹⁸Yesu awawongoselia ate: imweni esisi olongwi likolo tee okpi la mbume nda libuga. ¹⁹Dhenda mbai iyohekelini okumu ate osombeni likolo la ndjo, likolo la gake, pe otetelake likolo la moto kpàa ongo okokelaka likaka la mbai, pe ema te ekikima etiokelani. ²⁰Otiemeleni ango e otosini isisi, emele ate inga kombo e owe edhingami ongo likolo.²¹La enge engele Yesu atumisamali la mwemu e molimo satu, asia ate: iyodemei owe wawa, laate owe nde okelali likolo la mbume, laate oyisi dji sambo atie wato walomungo, pe wakandela, kasi oenisi sambo djao atie wana wakeke, iyemeli la ndenge ekeli owe ndjongo.²²Iho kpàa wawa nde opekeleli mbai, moto toeti ayewi ndai adjei mana, inga etidje wawa, te ndai odjei wawa, inga etidje mana, alidji la ongo mana amoyinei.²³Ayakukolia atie watutiani wande awaselia iwo amene ate: mwemu la maiso mango meeni sambo djinge iyeni ino. ²⁴ Iyowaselini ate, wasakoli ngbi la makumu walukali oeni dji sambo eeni ino, kasi waeniti, alidji ooki enge ekookakani ino, kasi watioke.²⁵Mwalimo o mibeko ma Moise aamalia, aasia la Yesu, la omomeki: Likumu ikele woni laate itote mokalo mo libela? ²⁶ Yesu amwaaselia ate: edhingani woni la mobeko mo Moize? Eni e tangi owe? ²⁷Amowongoselia: okomobala Likumu, Mwengéi e owe la motema mo owe kpa, la molimo mo owe kpa, la otetelake e owe, la omungo o owe, alidji mobala miino owe nda owe amene. ²⁸ Yesu amwaselia, oasi olamu; kela ndjongo, okokala.²⁹Kasi inde, abalia nda ate ayagalele, asia la Yesu: ndai odjéi miino o mbai? ³⁰Yesu awongwanelia oasi, aasia: Moto mwesi a longwali la Yelusalema la oki la Eliko. Akpia la mawo ma wato wabe, wamopuesia ihoo kpàa,wa mobingia ibhotu, wakia, wamodheyia pene e logo.³¹Nganga Mwengei mwesi nda nano aetali ndji enge mboka, amwenia ongo moto, amolumbelia ehoi, amobabia. ³²Molevi mwesi, awumia enge ebete, amwenia, amobabia.³³Kasi Mosamalia mwesi odjakali la okendo, awumia ango, atumali la magba ango emwenia inde ongo moto olangali la mboka.³⁴Amototia amokpolia pota amomunolia maita la maana, amobatia likolo la punda ende, akamotikia la lopitalo laate wamosalese, abongia ewo la wuka wonde aumesia Falanga yale amohekelia memene lopitalo, asiaa lainde ate.³⁵Mosalesa oholo moto djinge Falanga ikohungesa owe ango ekowongwa mbai ikoowongosela.³⁶Ndondo e wango wato wasato ndai pendja odjéi minoongo moto akwali la mawo ma wato wabe? ³⁷Motiesakoli o mibeko awongosia: Ongo omookelali magba. Yesu amwaselia: keke owe mpe kela ndjongo.³⁸Ango edjali osombi Yesu la watutiani wande la mboka, walingelia la moki mwesi ndjo mpe moli mwesi oyewani la kombo e Malata awa yambia la monguta monde.³⁹Inde adjakali la manango koto o moli omowelakali iwo Malia, ayaabatakali la makolo ma Yesu ooki mateya mande.⁴⁰Malata ahelanali la tomo ngbi e monguta. Akadjia asia la Yesu ate: enge edjei olamu Malia ayabati ango sa pamba te ogamesi mbai? Mwasela agamese mbai. ⁴¹Yesu amowongoselia ate: Malata, Malata okoyatungesaka alidji okowabingakolaka la sambo ngbii. ⁴²Kasi Malia aoni emesi emotiyo enge eti mopuesama.

Chapter 11

¹Yesu andjakali wakongi la ebete esi ndjoongo.Ango aseselia inde, mwèsi owatutiani wande amwaselia ate: Likumu, topundesa iso waakongi, nda ewapundesali ndjooni watutiani wande.²Awaselia ate: Inga wakongoni, asani ndjo:wawa nkombo eowe ekumesane; wokumu wo owe wodjee.³Ha iso wokoke masio kpàa. ⁴Tolimbesa masumu masu nda ekowalimbesaka iso wino wasu; ase otitodhe la womekami.⁵Awaselia alidji ate:inga mwèsi onu adja la mino onde, ase akamogbotia a likolo amwaselia ate: Manima, bekesa mbai makoke masato. ⁶Alikambo ate manima mwesi adji atie mbai, iti la ema emohake. ⁷Aseko, la ndondo e monguta, manango awongoselia ate: otilembese mbai idhihi gaa moluhe,la wana wa mbai tolangaliga, ikokiti olongoi laate iyohekele makoke. ⁸Iyowaaselini, ingatate akokiti olongoi la omohi la loyi adjei maanango, akolongwa la loyi ate amotungesiga, akomoha djinge kpa idjei inde la eho posa.⁹Ase mbai, iyowaselini: ongo, wakooha; luka, okotota; binga moluhe, wakoodhukola. ¹⁰Ongo okoongo wakomoha, ongo okoluka akotota, wakomodhuhuela ongo okobhingaka modhuhe.¹¹Ndai ndondo enu sango akomoha mana onde libukeli, inga mana amoongo okoke? te inga amoongo su, amohe ndjo te ate amohe su? ¹²Ate inga aongo likei, inde amohe gake? ¹³Inga ino wato wabe, nda edjei ino,oyewini ohi wana wanu wiho wilamu, edjei olamu ndjongo wawa o likolo akohekele elimo satu la wango wakomoongoko.¹⁴Yesu aumbia la etota enge etokpomaka. Ango opumbia enge etota, moto oho abandjia okpomi,ase wato ngbi wamondjimali. ¹⁵Weeti waasia: akowumbaka la witota la kombo e Bezebule likumu e witota.¹⁶Ase wadji wato,la loyi e omomekake, wamoongia elembo enge ekodja likolo. ¹⁷Nda eyewali Yesu mamungwène ma wu, awaaselia ate: wokumu kpàa wokawani eho amene, wobhitani, ase monguta mokubhukia likolo laeti monguta.¹⁸Inga Etoto akawana ndondo eende amene, wokumu wonde wokoamala nda ndenge, alikambo ate ino woasini ate mbai ikoumbaka la Etota la okulu e Bezebule? ¹⁹Ase inga mbai, ikoumbaka la itota la okulu e Bezebule, wana wanu, la kombo endai ekowumbaka iwo la witota? Edjei ndjongo wakodja iwo amene wadjodji wanu. ²⁰Kasi inga edjéi ate ikowumesaka witota la mosei mo Mwengéi, okumu wo Mwengéi wodji etie ino.²¹Kasi inga moto owokulu adja la wisaneli, akodhendaka monguta monde, ema teeti etobitana. ²²Kasi inga moto ongo omoleki la okulu akadjia asane la inde, akomopwèsa wisaneli kpàa winge wibatelaki inde motema, ase akokawakola kpàa wiho winge wipuesi inde. ²³Moto ongo oti atie mbai adjéi motone mo mbai, ase ongo owanesaniti la mbai, akawani la mbai.²⁴Ango elimo mbe epumba la wenge e moto, ekoke la wiholo wiomake, la oluki ohomi. Ango etiene inde, akwasa: ikowongwa la monguta mo mbai ongo opumbali mbai. ²⁵Ase inga auma ongo akogboto ebete ekpasani wolamu mpendja.²⁶Ase akoke,ase akatoti wilimo sambo winge widjéi la otetelake omoyeti, wilingelia la monguta, wiyabatia, moto oho akoumia obe oeti nda ndenge edjakali inde liwoso.²⁷Ango edjakali Yesu oasi ndjongo, moli mwèsi adhumbeya ndondo e wato ngbi, aasia: mogano la solo enge eogbalate la mawele maonungesali! ²⁸Yesu awongosia: Mogano la wato wango wakokaka loyi lo Mwengéi, alidji wakoisaka.²⁹Nda eyakokyaali wato ngbii, apotali oasi: waawato wa keke wadjei moonga; wakoongoko ikamwa; etiwahekelama eeti ikamwa ndji enge e Yona. ³⁰Ndenge kikima nda Yona adjali elembo e wato wa Ninive, ekodja ndjongo la mana o moto la wa wato.³¹Likumu o moli o Midji akoyamala, la lingo lisio e esambake, la wato wa maa masiyo, akowahelesa, la loyi adjali gboo e mbume la ooki kandela e Salomo, ndhenda edjei ala la ongo o moeti Salomo.³²Wato wa Ninive wakoyamala, linge lisiyo lisambake, la wato wa ehele engele, wakowahelesa, la loyi ate wayakukolali la mateya ma Yona, mpe denda, adjei ala oyeti te Yona.³³Moto tweti akokiti olole lotambe abate la ebete eyisani te la seese e eboka, kasi okobata nde la ebete e likolo, la ate wango wakolingela weene hoho ngbai. ³⁴Liso la owe edjei lotambe la wenge wowe. Inga liso la owe edja olamu, aseko wenge wowe kpaa ekodja ngbai, kasi inga liso la owe libitana, wenge wa owe ekodja la la likolo. ³⁵Djaa la oyabanei late hoho linge lidjei wowe etiume likolo. ³⁶Inga wenge wowe kpaa edjei ngbai, esuki teeti etidjaa la molili, ekodjaa masio kpaa la hoho, nda engele enge ekweneseke lotambe mbai.³⁷Ango edjakali Yesu oasi, mofalizeyo mwesi amowelia ake olaki atie inde. Yesu alingelia ayabatia la mesa. ³⁸Mofazeyo aenia la oyahueli la ndenge enge eyakpoliti inde mawo liwoso la olaki wilaka.³⁹kasi Likumu amwaselia: ino, Wafalizeo, okoyagbolokoni saa ekopo la e sani, kasi ndondo etumi la sambo mbe la omemelake. ⁴⁰Wato wadjangi sambo ndamu! Ongo okeli saa atikele pe ndondo? ⁴¹Kawa yo enge edjei owe la eho ndondo, kpaa ekowumela langaa.⁴²Kasi magba la ino, Wafalizeyo! aloyi ate okohaka mwesi la liomu e makabo ma mite milamu, la itutaki kpaa, mpe la djeti songosongo kpaa, kasi okwetakani lihele e omeemene la libalano e Mwengei. Okokakini okeli dji sambo, pe otiwosaneni djinge sambo djeti.⁴³Magba la ino, wafalizeyo! la loyi ate obalini oyabati wiholo wa poo la sinagoga, la ototi mibale la witutaki. ⁴⁴Magba la ino watiesakoli wa mibeko la Wafalizeyo: la loyi ate odjeini nda mbila djinge etieneneke, enge wato wakosombaka likolo laho pe watiyewaka eho.⁴⁵Mwesi ewatiesakoli wa mobeko atotia luundo, amwaaaseli ate: mwalimo, nda easi owe ndjongo, idjei iso pe okototangakolaka. ⁴⁶ Yesu awongosia: magba la ino mpe, watiesakoli wa mibeko! a loyi ate okokpalisakani wato mikpali ma minga migbalake, enge etibandaka ino amene te la mosei moikima.⁴⁷Magba la ino! la loyi ate okomakani mbila ewa sakoli, wango ewaolali wasangbanu. ⁴⁸Oinyeini sambo e watata wanu alidji okondjimesakani djaho, laate iwo, waolate wasakoli, ino okomaakani mbila djawu.⁴⁹La loyi eeho akili o Mwengei easi ndjo: ikowatomela wasakoli la waposolu, wakoola weti, wakwahelesa wadji, ⁵⁰La gboo waonge wato wa ma masio motio ma midjimi e wasakoli kpaa enge eswamate tee la lipoteli e moki. ⁵¹Opoti la midjimi M'abele tee la midjimi ma Zakalya, waolami la milako mpe la minguta ma Mwengei, ndjongo, iyowaaselini, ekohuelama motio la wato wa ma masio.⁵²Magba la ino, watiesakoli wa mibeko! la loyi ate olongwesini pungola e oyewi, ase otilingeleni ino amene, alidji wango walukali olingeli, owatekesiani.⁵³Ango edjali Yesu owaaseli ndjongo, watiesakoli wa mibeko la Wafalizeyo wapotali omwamaleli la omokpomesi sambo ngbi. ⁵⁴Wadjali omwaleleli masala la omoheli la maloba makupumbaka la monoko monde laate wamokambe.

Chapter 12

¹La engele eho, wato ngbi wayaboliali ebete e kikima, wadjaali wato inga mbuka, ase wadjali ohotoni, Yesu apotali owasi liwoso la watutiani ate: huakani la levile e wafalisai wadjei la moleho.²Ase edjeiti la ema esi, enge eyisani, edjange oeneni; alidji eti la sekele esi enge etiyewane. ³La ndjongo, sambo djinge ekowasaka ino la likolo ekopumba la hoho, ase enge wokwasaka ino la moli mo sese la wisuki dja ndondo e monguta, ekwasana a likolo la monguta.⁴Aleeti ikoaselakani ino wino wa mbai: otiwangeni wango wakolaka wenge pe la mbuse wakokiti okeli ema teeti. ⁵Ase ikoeneseni ino moto ongo okokini omowangi: wangani moto ongo mbuse e owoli adjei la okumu e olumbi la misa. Ndji ongo nde iyoyewisini ino mowangani ndji ongo moto.⁶Watitambaka susele itano la ladjene iwale e motiyo mokeke, Mwengei atiwosanaka te mwesi a tina eho. ⁷Ase te swee kpaa dja mito manu etangani. otiwangeni; ino oyetini wa susele la motiyo.⁸Ndjongo ikwaselakani ongo akwasa la hoho liwoso la wato ate mbai la inde todjei la oyokani, mana o moto pe akwasa la hoho liwoso e wahumbua e Mwengei ate adjei la oyokani la inde. ⁹Ase moto ongo owungani mbai liwoso la wato, wakomowungana inde liwoso e wahumbwa wa Mwengei. ¹⁰Ase moto ongo owasi loi la oyamaleli mana o moto, wakomolimbesa ; ase moto ongo otangi elimo santu wata molimbese.¹¹Ango ekookpalani ino la wasinagoga, te liwoso e wadjodji, la makumu, otiasumbweni la ndenge ekwasani ino, te la djinge ekopumbisani ino. ¹²Laate elimo santu ekotiesakolani ino ndji enge engele enge ekokini ino owasi.¹³Moto mwesi ndondo ebiba e wato aasali la Yesu ate: Motiesakili, moyewesa manima o mbai akawole wiho wasu wa uma. ¹⁴Yesu amowongweselia: owe ndai obati mbai djodji te mokawoli wa wiho wanu? ¹⁵Ndjongo aasali la iwo ate: angatalani olamu la posa e okondji wiho, laate mokalo mo moto motidje sa la wiho, ingate adjei la wio ngbi.¹⁶Awahali ehele lisekpe: mbume dja moto ogumake mwesi ewotali olamu. ¹⁷Ndjongo abandali omungoli la motema monde ate: ikokela nde sikalandjo nda eti mbai la ebete la obolei mogono mo mbai? ¹⁸Ndjongo aasali: ikokelaka ndjo. Ikobukolaka minguta ma mbai ma isake la wiho pe ikomaa minge misungu oeti, pe ongo ikobolea pukapuka kpaa pe wihoo ndamu kpaa; ¹⁹Ase ikwasa la molimo mo mbai ate: molimo mo mbai odjei la wihoo wilamu ngbii enge eyisami laate la mbula ngbii. Homa, laka kenga alidji hemela.oyahemelese.²⁰Mwengei amwaselia ate: ekete! la likolo lili wakowongo molimo mo owe ndjongo ndai akotota wiho wiwi obondji? ²¹Edjei ndjongo laate ongo oyayiseli wihoo wa wotio ase ati mogumake la maiso ma Mwengei.²²Yesu aasia la watutiani wande ate: eho lenge ikwaselaka ino ate: dheni oyasumboyi la tina e mokalo monu la enge ekolaka te la enge ekokpala la tina e wenge wanu. ²³Laate molimo eeti wilaka alidji wenge eeti wisindje.²⁴Wadhendani wayanganga, wationaka, watibukaka, wati la ebete eyisake te monguta moisake wiho, Mwengei akowaalakisaka. ²⁵Ndai ndondo enu la oyasumboyi wonde, akoki obakesi te engele eikima la bomoi onde? ²⁶Eho enge inga okokiti okeli loyi enge eeti maakeke, ndandenge okoyasumbwakani la djenge sambo?²⁷Denga olamu nda ekoumaka fulele ndamu: itikelaka otomu, etisonaka esindje, etitongaka esindje; ase ikwaselakani ino: te Salomo inde amene la kembo ende kpaa, atikpalali akpaali nda mwesi le eho te. ²⁸Ndjongo inga Mwengei akokpalisate isoki keke wala wilanga enge ekundu wakolumba la misa, akookpalisani ino oeti, ino wato wa ogemei wokeke.²⁹Eho lenge dheni obundoi enge ekolakani ino la enge ekokengani ino, ase dheni oyasumboyi. ³⁰Laate djinge wiho kpa, edjei wato wa ekaleli mbe wa moki nde wakolukaka. Sangbanu ayewi ate odjeini la posa eho.³¹Lukaniyo okumu wo Mwengei, djeeti wiho wikoohekelemeni oyeti. ³²Otiwangeni oliye eokeke, laate sangbanu aeni olamu oohi okumu.³³Tambani wiho wanu ase hekeleni likawo e motema magba. Kelelani molambola enge eigbaka, likondja linge litisilaka ongo likolo enge iwa etiwumaka aliddji te ekese etibitisaka. ³⁴Ase ebete wihoo wamotiyo midjei motema mo owe mokodja ongo.³⁵Awongeleni alidji miinda manu elole. ³⁶Djani nda ato wango wakolambelaka molome o liwala awongwe, laate wamodhukole modhuhe engele ekouma inde la engele ekobinga inde modhuhe.³⁷Mwemu la watuke wango engele ekouma molome, akowagboto wasusoi! Iyowaselini meemene, akobata mokaba monde, akowaha ibete eyabatake, akoyandongbala owakeleli. ³⁸Awume te ndondo e likolo te gboo e likolo, mwemu la watuke wango inga akowagboto wa susoi.³⁹Oyewini olamu ate inga memene monguta ayewake engele enge moto oyiwa akoki odji, akokaki oyabati angbilia, atikokake odhei wabuke etutu e monguta monde. ⁴⁰Ino pe yawongeleni la loyi mana o moto akodja la engele enge otiyewani.⁴¹Petele amowongoselia: iso nde okotowaselaka li lisekpe, inga edjei e wato kpa. ⁴²Yesu aasia: nda kapita ongo molamu alidji okandela, ongo likumu lande akomobata la osindjili watuke wande kpa ate awahake mawuna minge mibali iwo la engele enge ewongi? ⁴³Mwemu la motuke mungo likumu lande, ango ekowuma inde akomogboto ndji akokela otomo. ⁴⁴Iyowaselini meemene, akomobata ate adje sindjili e wiho kpa.⁴⁵Kaiko nde inga ongo motuke ayaasela ate: likumu la mbai akowumwaka la odji, inga ayabata la weeti watuke wapele la wawali, la olaki, la okengi alidji la olangwi. ⁴⁶Likumu e ongo motuke akodja lisio linge inde atimolambela, la engele enge inde atiyewa. Akomoha etumbu e tetelake, akomobata eholo e kikima la wato wati la omeemene.⁴⁷Motuke mungo ayewali posa e likumu lande kaiko atiyawongelali, alidji atikelelali posa ende te, wakomobhinga pimbo ngbi. ⁴⁸Kaikonde ongo atiyewali gbondo, kasi akelia sambo ndjinge ewongi laobingami, akobingama pimbo keeke. Moto kpa wamohi ngbi, wakomoongo ngbi, alidji moto ongo wamohekeli mokpali mosungu, wakomoongo sungu oyeti.⁴⁹Idji ololei misa la mbume ase inga eloliana, ikoluka alidji nda ema? ⁵⁰Edjei la patisa enge ekoki la mbai ototi, ikookaka magba tee lisiyo linge ndjinge sambo ikoyengemene.⁵¹Okomungolakani ate idji obati logo la mbume? te ndjongo, oyowaselini; idji obati okawani. ⁵²Aloyi, obandji sikalandjo, inga edja la wato watano,la monguta, wasato wako amalela waale, ase waale wako amalela wasato. ⁵³Wato wakokawana: wawa akomomalela mana onde opele ase mana opele akomomalela sango, ima akomomalela mana o moli aseko mana o moli akomomalela nango; okio o moli akomomalela moli o mana aseko moli o mana okomomalela akio onde o moli.⁵⁴Aasia alidji la iwo: engele enge ekoenekeni ino lipata lilongoiya la elangeli e wuse, okwasakani ate: ewongo egeleli, ekokelamaka ndjongo. ⁵⁵Aseko engele ekoenekeni ino ehoho elongoiya la mbole, okwasakani ate ehela etetelake ekodja, ekokelamaka ndjongo. ⁵⁶Wato wa moleho,oyewini odhendji olamu ndenge mbume la likolo ekoeneneke ase nda ndenge otiyeweni odhendeli olamu ehele engele?⁵⁷Ndandenge ino amene oyewini ate lu loyi ndjo edjei meemene? ⁵⁸Engele enge ekokeke la monguna moowe liwoso la djodji, kela obangu ate ango edjei yo owe la mboka, osilisane la inde, la owangi ate aotube liwoso la djodji, alidji djidji atiohe la mawo ma likumu e wapulusu, mbuse pulusu eolumbe la boloko. ⁵⁹Ikowaselakani meemene otipumba; ndji ate opute waadjenge wa wibende e motiyo mokeke enge e gboo

Chapter 13

¹Lainge engele djongo, ndambo e wato wango wadjakali ango, wamosumbelia Yesu enge eetali la wagalileya ate Pilato awanesali makila la enge e nama.²Yesu awawoongoselia ate: ino ondjimi ate wango Wagalileya nde wakeli masumu oyeti wango weti? ongo okeli iwo djongo? ³Kasi, eti djongo, mbai iwaaselini inga otikukoleni mitema manu ,okogbani mpe nda iwo.⁴Kasi wango wato liomu la mwambi wawakpeleli etutu esiloe, toase ate iwo wakelali obe oweti wato kpàa wango wayabati la Yelusalema?

⁶Pe ahekelia li lisekpe: edjakali la moto mwesi adjakali la moto mwesi la elanga ende e vino, akadija late abuke mbuma adjuiti mbuma te kikima.⁷Asia la watuke wa elanga e vino ate dhenga mbula isato djidji ikodjaka ate ilake mbuma la mu mote idjuitiaka, ase tena mu mote late woni ekohelaka mbume pamba?⁸Watuke wa elanga wa mowongoselia: Likumu, modhee yo ehele mbula ndjo! ikotonga liwela kelekele eho, mbuse ikolumba isoki.⁹Etimbala masio mageleli ekowota; inga te ndjongo, okomokoto.¹⁰Ango Yesu atiesakolali ungo wuse la Sinagoga lisio la Sabata. ¹¹Edjakali la moli mwesi odjakali, la esisi, edjali omowumisi eketi; ilanga liomu la mwambi aimbamakali atakoke oyananoli.¹² Ango e mwenia Yesu ongo moli amwaselia: moli, okaliga la ekoni e owe. ¹³Pe amobatelali mawo mpe moli oho akalali mpe amogemeiya Mwengéi. ¹⁴Likumu la Sinagoga amemelia ango omokalesi Yesu moto lisio la Sabata. Asia la wato: edjéi la masio motoba mango makoki ino okeli mosala, djakani okalesame mango masiyo ndjongo, te lisiyo e Sabata.¹⁵Yesu amowongoselia ndjo: Moto mokosake wato! lisiyo e sabata ndondo enu moto tueti atimotokolaka ngombe ende, te punda ende ebete e lakake la omokengesi malia? ¹⁶Oholo moli addjei mana o Abalayama, ongo etota amonangali ilanga liomu la mwambi ekokiti omotokoli la ehele moliki lisiyo la sabata.¹⁷Ango edjakali inde owasi djinge sambo waamaleli wande wabandali ooki soni, kasi ebiba e wato kpa wango wadjakali owemeli la djinge sambo ndamu edjakali okeli Yesu.¹⁸Yesu aasia alidji: nda ema ekwali la okumu o Mwengei, nda ema ekoki mbai oyengemesi la uho? ¹⁹Edjéi nda pukapuka esi e motalada enge moto mwesi atotali, akeeli ooni la elanga ende, ekpomali, ewumali mote mosungu enge mbulu dja likolo widjali owabati la wite wao.²⁰Aasia alidji: nda ema ekoki mbai oyengemesi la okumu e Mwengei? ²¹Edjéi nda levile enge moli mwesi atotali alidji ayisali ndondo e wimekelo isato wisungu dja moteke tee engele mogbuku mokundali.²²Yesu akpandali la miki mikeke mpe misungu, otiesakoli mpe obileyi mboka la oki la Yelusalema. ²³Moto mwesi amohuelia ate Likumu toase edjéi ndji la wato wakeke nde wokokala? Inde amowongoselia.²⁴Kela makasi late olingele la modhuhe mungo mokeke. Laate iyowaselini wato ngbi wakoluka ate walingele kasi watilingela.²⁵Ango ekoyamala memene molako adhike modhuhe, ino wango wadjéi saa kpà okobingani modhuhe, okowasani ate: Likumu, Likumu, to dhukola! Akoowongoselani ate: iyewiti inga odjeini wa ndai. ²⁶Alidji, okopotani owasi ate: tolakali alidji tokengali la owe ebete kikima, alidji otiesakolali la wa mboka ndjasu. ²⁷Akowawongesela ate: iyowaselini, iyewiti inga odjeini wa ndai, longwani ahue e mbai, ino kpaa wato wakokelaka sambo odjangi o meemene.²⁸Ango nde ekodja oleli la olaki maino, late enge engele okomweneni Abalayama, Isaka, Yakobo alidji watiesakoli kpàa la okumu o Mwengéi onu akoolumbani saa.²⁹Wakolongwa likolo la mbole la mabusu kpàa, la ewo e lilome la ewo e moli, la elongéweli e wuse la elangeli e wuse la okulu e Mwengei. ³⁰Njongo ekodja la wato wa mbuse wakowuma wato wa liwoso, wato waliwoso wakowuma wato wa wa mbuse.³¹Ndji ungo use Falizeo wadjia, wamoaselia ate: longwa alandjo keke laate Elode akolukaka aole. ³²Inde awa wongoselia asia ate: kekeni okamwaseleni enge lisika : dhenda, ikowumaka la witota, ikokalesaka wato wa wikoni keke la ekundu; lisiyo la misato ikosilisa. ³³Ewongi ate mbai isombe keke, la e kundu, alidji une use, ekokiti ate motiesakoli agbe saa e Yelusalema.³⁴Yelusalema, Yelusalema, owe moto okolaka watiesakoli, alidji okwabingaka wato wango watomami mabukeli, mbala woni ebalakali mbai ate iwabole wana wowe ebete ekikima? nda ekoboleyaka koko wana wande la mabulu mande, owe otibalali!³⁵Dhenga monguta mowe mokotikala pamba, kasi mbai iwaseli ndjo, otienekineni mbai, tee ekowuma engele enge okwasani: Moto ongo okodja la kombo e likumu, ademiane.

Chapter 14

¹Yesu alingelali use wesi o Sabata, la monguta mo Likumu liesi e wafalizeyo, la olaki ilaka; wa Falizeo wadjali omodendji. ² Moto mwesi wekoni amalali liwoso lande. ³Yesu atotia maloba asia la watiesakoli wa mibeko alidji la wa Falizeyo; etekesami, to edimisami omokalesi moto use o sabata?⁴Iwo kpàa wabatia bii, Yesu amokeeselia ongo moto ewo, amokalesia pe amowongolia. ⁵Mbuse eho awahueliua: ndai ndondo enu inga mana onde te ngombe ende ekpa la liwela, atibumbesa huse o Sabbata? ⁶Waedjali la eyano ewongolake.⁷Mbuse eho awahekelia lisekpe liesi etie wango wato wadjakali ango, awaenia wolukaka oyabati ebete e liwoso. awaselia: ⁸Inga moto aowela la lipati otiyabatake ebete e liwoso laate ekodja la moto mwesi o lokumu okoki odji mbuse. ⁹Laate ongo oweli ino atidje oowaseli: dhee ehele nbgelengo la oholo moto. Okotota soni oki okaabati eholo e gboo.¹⁰Kasi inga waowela la lipati balaka okabati la ngbelengo e e gbo, laate ongo moto ooweli inga adja akoowasela owe ate keke okabate la ngbelengo e liwoso, djongo ekookela mwemu liwoso la wato wango waya bati la owe la mesa kikima. ¹¹Laate moto ongo okoyadjamba, wakomodjimbisa, mpe moto ongo okoyadjimbisa, wakomodjamba.¹²Asia mpe la moto ongo owaweli wato: tango enge okowahekeleke owe wato ilaka wa midji te wa pokwa, otiwawelake wino wowe, te wamangwa, te pe sangwa la ngwa, te wato wasukani la owe la ogumake laate iwope watiowele eeti huse, waokelele nda owakelelali.¹³Inga owongele lipati wawela: watundake, watowabukei makolo, wato wango wo tengulaka alidji la wango wagbi maiso. ¹⁴Okodja la mwemu late iwo watio wongosela owe ema laate okofutama lisiyo e lisekwa la wato walamu.¹⁵Mwesi ewato wango wadjakali la mesa, mbuse ooki mango maloba asia la Yesu: mwemu la moto okolaka ilaka la okumu wo Mwengei! ¹⁶Yesu amowongoselia, asia ate: moto mwesi alambesali ilaka ngbi pe awawelia wato ngbi. ¹⁷La engele eho e ilaka amotomia motuke monde ate akawawela wato, late ilaka iweliga.¹⁸Wato kpàa waongia bolimbisi ate wakokiti odji. Ongo oliwose asia te mbai isombali elanga, djongo iyokeke ndji keke ehele Ndjo late ikahene, limbesa mbai. ¹⁹Ongo weti asia mbai isombali ngombe liomi, keke nde okeke mbai okawalakesi. ²⁰Ongo weti asia ate mbai iyikia moli ndji sikasika ndjo ilongiti oki.²¹Motuke monde awongoyia amwaselia Likumu, la limemu amwaselia motuke monde ate keke obangu la mboka owawele wato ongo la liwange, odje pe la watundake, wato wabukei makolo, wato wagbi maiso, pe watengumi.²²Motuke monde amowongoselia: enge etomi owe, ekelami, kasi iholo widjeiyo.²³Likumu amwaselia keke la mboka wato kpaa wango wakowene owe djaka la iho, late monguta mo mbai motume ²⁴Mbai iyasi ndjo ndondo e wato wango djongo wawelali mbai watilaka ilaka wa mbai.²⁵Wato ngbi wamobilakali Yesu la mboka, ayakukolia pe awadhendjia pe awaaselia.²⁶Inga moto abila mbai, ewongi amotone Sango, nango, moli onde wana wande, wamango wawali la wapele, ayatone pe inde amene ase akoke odjéi motiesakoli mo mbai.²⁷Moto ongo atikpala ekulusu ende amene, aebilake mbai, ata koke odjéi motiesakoli mombai.²⁸La ewo ndondo enu inga aenga omai monguta, ewongiyo abundole olamu odengi inga ekomongo Wadjenge woni. ²⁹Late engele enge ekobanda inde omai esile, late inga atisésé wato wako moseke. ³⁰Wakwasa la inde ate: oholo moto abandji omayi, akokiti osilisi.³¹Ndji la enge engele, inga Likumu liesi inga aluka ate asanese wita la oeti likumu, akoyabatayo la odhendji inga akoki, la wato koto liomu, tango eti, enge ngambo wadjei la wato koto tuku iwale. ³²Tango enge enika inde ate aekoka akoki o watomi wato ate waokane la kimia.³³Inga etidje ndjongo, ndjiyo ongo eti likumu adjei yo lihele, akomotoma moto la oongi logoo.³⁴Mokpa modjéi olamu ngbi , kasi inga mosila oleli oho mokodja kine la tina? ³⁵Eti olamu la mbume, pe la miutu. Late walumbe saa. Ongo odjéi la matoi maokake, awoke.

Chapter 15

¹Waputesi pako la wato wamasumu wadjali ahue e Yesu la omooki. ²Wafalizeo la wa tiesakoli wa pui wadjali ondungwani la oowasi ate: oholo moto akoyambaka wato wabe pe aolakaka laiwo mongindji.³Awaselia li lisekpe: ⁴Ndai ndondo enu inga adja la kondolo kamakikima, inga aungesa esi, ewongiti atikeyo djinge tuku libwa la libwa la esobe, late ake oluki enge esi ewungi tee ekomwene inde? ⁵Ango enia inde enge esi akoekpala la mwemu la makookoto.⁶Ango ewongoiya inde la monguta, awelia wino wande la wato wango wasukami la inde, aasia la iwo ate: yemeleni mongindji la mbai, laate iyeni kondolo embai ewungi. ⁷Edjéi ndenge kikima inga mopagano mwesi akukola motema ekodja la mwemu osungu ongo likolo weti wato tuku libwa la libwa wango walamu wango wakokiti kine okukoli ekaleli.⁸Alidji inga moli mwesi adjei la wadjenge liomu e wibende, inga awungesa esi, ati lolwa lotambe akpase monguta aluke olamu tee ekoene inde eho? ⁹Inga aenia, akowawela waino wande la wango wayabati eholo kikima la inde akwasa: yemeleni la mbai mongindji, laate iyeni adjenge enge ewungisi mbai. ¹⁰Edjéi ndenge kikima ekowaselakani mbai, edjéi la mwemu etie wana wa Mwengéi inga moto mwesi mopagano akukola motema.¹¹Asia aleeti ate: moto mwesi adjakali la wana wapele wale. ¹²Ongo elenge amoaselia sango ate: wawa pekele mbai esuki elikondja wungo okoki la mbai pe sangbu awa kawelelia ogumake wonde.¹³Mbuse emasio makeke ongo elenge atotia ogumake wonde akia la eeti moki mwesi molihele; ongo abitisali ogumake wonde la ekaleli e witeba. ¹⁴Ango esesia inde Falanga kpàa djala EWumia la mungo moki, olaki wonde wowumia la minga.¹⁵Akalukia otomu etie moto mwesi; ongo Likumu amotomia ate akakengelaka nama dja nde.¹⁶Adjali la posa olaki wilakate wangulu, moto tueti adjali omohi te ema.¹⁷Inde amene abandia oyaseli la motema: wawa adjéi la watuke ngbi, pe wadjéi la ilaka ngbi mbai iyogbaka ndjala ahala ndjo.¹⁸Ikolongwa ahalandjo iwongwe etie wawa, ase ikomwasela ate: wawa mbai ikeli obe.¹⁹La maiso ma Mwengéi, alidji la maiso ma owe, wotitotekine mbai nda mana owe, tota mbai nda motuke mowe.²⁰Ayamalia ayadjimbia mboka owongoi etié sango, ndji edjaki inde yo lihele, tango emuenia sango magba ma mokelia akia obangu okamokweli la kingo amolingia. ²¹Mana amwaselia ate: wawa mbai ikeleli likolo obe mpe lowe okokiti kine ototi mbai nda mana owe tota mbai nda motuke mowe.²²Sango asia la watuke wande, kelani obangu djaka la isindjè ilamu sikasikandjo omokpaleseni; mobongani mpe mopete la mosei mpe omokpaleseni wikpokpo la makolo. ²³Djakani la mana o ngombe opele omaita omooleni, tomolake, toemele. ²⁴Laate mana o mbai oholo ogbakali, awongoi la mokalo; awungali, awongoi. Wapotali oemeli.²⁵Ndjoka manango eloko adjakali la ilanga, ango ewongoiya inde la moki aokia sa ngungu la mbonda ikobinga.²⁶Amowelia mou mwesi a mohoelia tina engungu la mbonda.²⁷Motuke moho a moaselia ate mangwa nde owongoi uho wungo oli sangwa mana ongombe opele omatamu, laate amweni wenge olamu.²⁸Inde amemelia, atonia o lingeli ongo la lopango lou, sangbau apumbia ayakongia la inde ate alingele.²⁹Kasi amohongoselia sango: denda mbula ngbi ikokelaka otomu woowe, itibukaka mibeko moowe ; owe use te okikikima ohala mbai mana ongombe opele ate ikele lipati la wino wa mbai. ³⁰Ango owumia mana owe ongo olaki Falanga djowe la wali wa ndumba omokelia lipati.³¹Sango amowongoselia: ate mana o mbai, owe nde odjéi la mbai ebete ekikima, iho ndjo kpàa wa mbai widjéi wowe.³²Ewongi tokele lipati, toemele, laate maangua ongo ogwaki awongoi la makolo, awungaki aenania.

Chapter 16

¹Yesu awaselia alidji watutiani wande ate, moto mwesi ndjongo adjali moto mo gumake ngbii, ase adjali la kapita onde mwesi. Wato wadjali omwaseli ate akobitisaka wiho wande sa ndjongo. ²Ndjongo amowelali amwaselia ate: nda loi okookaka mbai atie owe? hekele mbai laPolo wo wotomu woowe, alikambo ate otoamalela kine alidji wungo wotomu³Ndjongo kapita oho asia la motema monde ate; ikele woni nda epotia Likumu la mbai olongosi mbai la wotomu? Iti la wokulu wo obuki. iongolo? Ikooka soni. ⁴Iyewi wungo wokela mbai alikambo ate wato wabatese mbai la minguta mawu ango okondongose iwo mbai la wotomu.⁵Ase amowelia moto mwesi la mwesi ongo odjali la nongo e Likumu lande ase amwaselia ongo opoo ate: odjei la nongo woni e Likumu la mbai? ⁶Asia ate: teni kama esi e maita ma olive, amwaselia ate tota ekpata e tuku itano.⁷Mbuse eho asia la ongo odji ate, ase owe odjéi la nongo woni? asia ate: saki kama e ndongo. Amwaselia ate, tota ekpata e owe e wookani dhiga tuku mwambi.⁸Ase Likumu lande amondjimali kapita oho.Te nda etidjakali inde moto molamu, alikambo ate aeneseli lokenge wonde. Alikambo ate wana wa muu moki wadjéi la lokenge la ehele engele wou, owaleki wana wa moi.⁹Alidji iyasi la ino ate wakelesani wino wanu la mboka e wogumake enge eti la womemene, alikambo ate ango ekosila woho, iwo wakowemeleni ino la wibete e wabati libela.¹⁰Ongo moto odjéi memene a loi wokeke, adjéi koto memene a loi wosungu, ase moto ongo oti memene te aloi wokeke ati koto memene a loi wosungu.¹¹Nde ndjongo inga otini memene a loi wowogumake wungo wodjangi womemene, ndai okohani ino wogumake wo memene amene? ¹²Ase inga otidjeni memene la ema e moto odji ndai okohani ino ema enu amene?¹³Moto owotomu la ndondo e monguta aengiti odjéi motuke mo makumu male, alikambo ate akomotona ongo, la akomobala ongo odji, te okoahelela la odji la akomodhe odji. Woengitini odjéi mituke ma Mwengéi alidji ma waambele.¹⁴Sikahala wa Falisayo wato wabali wadjenge wadjali oki djihinge sambo kpàa, ase wapotia omoseki.¹⁵Yesu awaselia ate: ino ,nde wato wango wakoatoloko ino amene wato wa memene liwoso la wato ase Mwengéi aewi mitema manu, alikambo ate ema elamu la maiso ma wato edjéi ema e wonalili la maiso ma Mwengei.¹⁶Pui la otiesakoli edjakali tee la Yoani. Pota ndji la engele enge mboli ndamu e wokumu wo Mwengéi ekoasanaka ase wato kpàaa wakogueleke okii atie eho.¹⁷Memene, eti obe ate likolo la mbume lileke la ebete ate ma esuki eikima e pui engesame.¹⁸Moto kpàa ongo oli liwala la moli onde ase amoikia odji, akeliga eteba ase moto ongo omoiki moli ongo ooli liwala la molome onde akokelaka eteba.¹⁹Ase moto mwesi ndjo adjali mogumake, ase adjali okpali wisindje witanake ngbaa la oemeli wuse la wuse, adjali la wiho wilamu wilamu mene.²⁰Ase moto o wiongolo mwesi nkombo ende Azalo, adjali olangali liwoso la modhuhe monde, wenge wande witumu la mpota.²¹Ase inde odjakali la ehoha e olaki wilaka winge widjakali okwakani sese emesa ma moto oho owogumake. Mbwa idjakali odji ohelekoli pota djande.²²Ase mbuse moto wiongolo oho aguya, waahumbua wa mototia wamobatia la mokpoto mo Abalayama. Moto owogumake aguya koto wamokundjia. ²³Ase la ndondo e kabuli adhukolia maiso mande ango edjakali inde la wodjidji, ase omoenia Abalayama lihiele la Lazalo la mokpotomonde.²⁴Ndjongo awelia ase asia ate wawa Abalayama ndjokela mbai magba ase motoma Lazalo alulie mosei monde la malia ase adhokesele mbai la lolemi, alikambo ate ikoeneke wodjidji wo misa minge mikololaka.²⁵Ase Abalayama amwaselia ate: mana otiwosanake ate ango odjakali owe la mokalo odjakali la wiho wilamu wilamu ngbii, ase Lazalo atidjakali la wiho. Sikalandjo aumiga olamu ahala; kasi owe okoeneke odjidji. ²⁶Olongosi djinge sambo kpàa, liwela liesi lisungu litokawanesi iso la ino ase wato wango wabali olongoi ahala wake atie nu waengiti ase la wato wa olongoi ongo la okpandji atie su watikoke okeli.²⁷Moto oogumake asia ate: nda edjéi eho ndjongo iwongi owe, wawa motoma ongo la monguta mo wawa. ²⁸Alikambo ate idjéi la wamanima itano wapele, alikambo ate awasele wolamu wolamu, alikambo ate iwo watindje ahala la wuhuwu²⁹Ase Abalayama asia ate, wadjéi la Moize, la waaseli; wa waoke iwo.³⁰Moto e ogumake aasia: Te ndjongo wawa Abalayama, inga moto mwesi ndondo e wato waguake akee atie wu wakohengese mitema.³¹Ase asia la inde ate inga watimoke Moize la waseli te, watondima koto te moto ongo agui ase abasia la logo.

Chapter 17

¹Ndjongo asia la watutiani wande ate, sambo djinge ikobingesaka ekikimi itodjangaka te. Ase magba la moto ongo okodjaka la djaho.²Ewongi wolamu wa monange libukeli la nkingo linge likokpotokolaka iwo la pukapuka, ase wamolumbe la ebale, la ebete ate amobingese mwesi o wato wakeke ekikimi.³Huakani inga mangua akela lisumu mopamela ase inga ahengese motema, molimbesa.⁴Te inga aokelela obe mbala nsambo la wuse wesi ase adjia atie owe mbala nsambo asia ate ihengesiga motema ewongi omolimbese.⁵Watutiani wasali la Likumu ate totaliela iso wondimi.⁶Ndjongo Likumu asia ate inga odjakini la wondimi wosungu nda pukapuka e Motalade, nda owasini la mote ate abukola ase keke oyawoni la ebale, mote mokootosani.⁷Ndai ndondo eenu ongo odjéi la motuke ongo okobukaka mbume, te ongo okokengeleke nama akoasa la inde engele ewongoiya inde la elanga ate djaka ahala galagala abata la mesa? ⁸Akwasa ndji ate: wongele mbai ilaka, kpala esindje, hekele mbai ilaka tee ekolaka mbai alidji e e kokenga mbai, mbuse eho, owe okolaka alidji okokenga?⁹Akomoemele nde mungo motuke alikambo akeli sambo djinge imotomi iwo ate akele? ¹⁰Ndji ndjongo ino koto ango okosesela ino okeli sambo djinge eyotomini iwo ate okeleni, asani ate todjéi mituke mpamba wungo wokeli iso ewongi tokele.¹¹Ase ango ekeli inde la Yelusalema alekia ndondo e Samalia la Galilea.¹²Ase ango elingelali inde la moki mwesi ndjongo wato wapele liomu wango wadjakali la ekoni e mbala wagbotononia lainde ase wamalali lihele.¹³Wapotali omowaseli: Yesu mwalimo, ndjokela iso magba.¹⁴Ase ango ewaeneli inde asi ala iwo ate: kekeni okayainiani atie wanganga Mwengéi. Ndjongo ango edjakali iwo oki, wakalali ndji la mboka. ¹⁵Ango weneli mwesi owu ate akaliga, akawongoya akomoemeleke Mwengéi la moli mopamake. ¹⁶Ase akuiya panda la sese e makolo ma Yesu ase amohekelia keke dhinge; kaikonde adjali Mosamalia.¹⁷Yesu awongosia ate: te wato liomu nde wakali? ndjongo wango wadji libwa wadjéi eni? ¹⁸Moto tweti te atiwongwali omotemei Mwengéi, ndji moto ongo o etondo edji? ¹⁹Ase asia la inde ate, Amala, keke, wondimi wo owe e okalesi.²⁰Ase wa Falizeyo wamohuelia, nda engele ekodja okumu wo Mwengéi, Yesu awawongoselia: okumu wo Mwengéi wotidja la ndenge enge wato kpàa wakoki oyewi. ²¹Etiyasana ate: adjei ala, inga: adjei ongo, laate dhenda, okumu wo Mwengei wodjei mongindji la ino.²²Ndjongo asia la watutiani: masio mageleli ango ekodja ino la ehoha e woeni wuse wesi wo mana o moto ase otieneni. ²³Ase wato wakwasa la ino ate dhendani ongo! te dhendani ahala! otiumakeni te otiwatutiakeni. ²⁴Aloyi ate, ndji nda ndenge ekobalimaka mokalikali ango ekongengaka muho mokoumaka opoti la ebete esi ongo likolo weneni e Mana omoto ekodja ndji ndjongo.²⁵Ase awongi liwoso aene yo odjidji ngbii la wolie wungo wokomotona inde.²⁶Alidi, ndenge edjakali la masio ma Noa, ekodjaa ndji ndjongo la wuse wo mana omoto.²⁷Wadjakali olaki, la okengi, pele idjakali woiki wali, wadjakali woikesani tee ndji wungo wuse wo Noa alingelali la masua, ase mpela ekadjia, ase ewaolia iwo kpaa.²⁸Ekodjaa koto ndenge edjali eho la masio ma Lota wadjakali olaki la okengi osombi la otambi, oni, omai minguta.²⁹Ase wungo wuse wopumbali Lota la Sodoma, misa misungu milongwali ongo likolo miluya ase miwaolia iwo kpaa.³⁰Ekodjaa ndji ndjongo wuse wungo wokoenene mana omoto.³¹Wungo wuse ndjongo, moto ongo okodjaa likolo la monguta, ase wiho wande widjéi la monguta atiadjimba ototi, te la moto ongo odjéi la ilanga, inde atikawongwa ototi wiho wande.³²Momungwani moli o Lota.³³Moto kpàa ongo okolukaka okalesi wenge wande akowiwungesa waho, ase ongo owungesi waho akobania mokalo.³⁴Ikowaselakani ino la linge lisio, wato wale wakolangala la epe, mwesi akokee mwesi akotikala.³⁵Wali wale wakotanga la eboka eikima mwesi akokee, mwesi akotikala.³⁶Wato wale wakodja la elanga Mwengéi akomotota moesi, akomotika mwesi.³⁷Ndjongo wamowongoselia ate: nda ebete likumu? awaaselia ate: ebete elangali molonda, koka koto ikwabolia.

Chapter 18

¹Ndjongo Yesu awahali ekpangele esi alikambo la owaenesi gbondo ewakongi wiengele kpàa te olembi . ²Asia: la djodji mwesi ndjo atidjakali omowangi Mwesi ongo odjakali omowangi Mwengéi la omodemei moto tweti.³Ase la moki moho, edjakali la moli mwesi ongo ogueleli la molome ase adjakali oki mbala la mbala atie inde la omowaseli ate: kela ate imolonge moto ongo okosambaka mbai la inde.⁴La woumoi wo engele esindjo, adjakali okili. Ase mbuse asia lamotema monde ate: te ndenge itimowangaka Mwengéi, te itimodemiaka moto. ⁵Ase nda moli oholo ogueli molome adjéi wiengele kpàa ondembesi mbai, ikokela ate alonge, laate atidje masio kpa ondembesi mbai.⁶Ndjongo Likumu abakesia: okani nda easi ohongodjodji mobe. ⁷Ndjongo Mwengéi atikela ate loi lo wato wande wango awawonoli inde, wango waomowelakolaka likolo la moi lititenie la womemene nda ekowaeneseke inde motema molai? ⁸Iyowaselini, akowakelela galagala meemene. Ase ango ekodja mana omoto akogboto alidji wondimi ahala la mbume?⁹Awaaselali leeti ekpangele la loyi ewango wadjali owayewi ate wadjei wato walamu, wadjali owatoni weeti wato. ¹⁰Wato waale watelali la tepelo oyakongi; mwesi mofalizeo, ongodji moputesi pako.¹¹Mofalizeo ayamalali apotia oyakongi la owasi sambo dja motema monde ate ee Mwengéi, iyodemei alikambo iti nda wato wadji te, wapuesi, wato wadjangi womemene wato wa eteba te koto nda moputesi mamelo oholo. ¹²IKokilaka wilaka mbala la iwale la poso esi, ikohekeleke esi eesuki e liomu e wiho kpàa wikokondjaka mbai.¹³Ase moputesi mamelo, amalia lihiele atibalakali te odendesi maiso mande likolo, ase adjakali waabingakoli la mokpoto monde la owasi ate ee Mwengéi ndjokela mbai magba mbai moto mobe. ¹⁴Iyowaselini ango oholo moto awongwali la monguta monde, aeneneli nda moto molamu; kasi te Mofalizeo. Eho, moto ongo okowatelesa, akoadjimba, kasi ongo okoadjimbesa, akotela.¹⁵Kaikonde wato wapotali omodjeli la wana wau wakeke wakeke alikambo awapote pote, ase ango weneli wa tutiani ndjongo, wapotia owapameli.¹⁶Kasi Yesu awawelali wana waho wakeke wakeke wadje atie nde; ase asia ate: wadheni wana wakeke wakeke wadjee atie mbai otiwatekeseni, laate okumu o Mwengei wodjei e wato wango waengeni la iwo.¹⁷La meemene ikowaselakani ino ate moto kpàa ongo ondjimi wokumu wo Mwengéi nda mana mokeke te atolingela la wuho te okeke.¹⁸Ase moto mwesi amohuelali poopoo,asia: mwalimo molamu, ikele woni alikambo ikondje liwongoseli la mokalo mo libela?¹⁹Yesu amwaselia ate: lalikambo lande okowelaka owe mbai molamu? moto molamu ati te, longosa sa mwesi Mwengéi. ²⁰Woewi pui, otikelake eteba, otiasake moleho, otiolake moto, otiwake, modemia sangua la ngua.²¹Ndjongo ongo moto asia ate: idemei djinge kpàa tee opoti wo lenge wo mbai.²²Mbuse ewoki ndjongo, Yesu amwaselia ate: edjéi la ema esi enge edjangi owe tamba wiho kpàa winge widjéi owe la waho ase wakawela watundake ase okokondja ema e motio ongo likolo ase djaka tutia mbai.²³Ango okia inde ndjongo aokia magba ngbii alikambo adjali la ogumake.²⁴Yesu amodendia ase asia ate: ekodja loi womonga amene alikambo la wango wadjéi la wadjenge walingele la wokumu wo Mwengéi! ²⁵La memene, olingeli wokamela la bu etonga edjéi petee oleki olingeli wo moto mogumake la wokumu wo mwengei.²⁶Wango wadjali omooki waasali: ndai okoki okali? ²⁷Awaaselia ate: sambo djinge iyengiti okelami, la likkambo la wato, iyengi okelami la likambo la mwengei.²⁸Ase Petele asia ate denda! iso todhei wiho wasu amene ase totuteya owe.²⁹Asia la iwo ate: lamemene iyasi la ino ate eti la moto tweti ongo odhei monguta monde te moli onde, te wamanango wa pele te wamanango wa wali te wawoti te wana alikambo la wokumu wo Mwengéi.³⁰Ongo okodjanga okondji ngbi la ehele engele, la moki mogeleli, te la mokalo mo libela.³¹Ndjongo awawelia watutiani liomi la wale kelekele, ase asia la iwo ate denda! tokotelaka la Yelusaleme ase sambo djinge kpàa idhingamali la waseli alikambo la mana omoto yengesame.³²La ekpangele wakomokawa, la mawo ma wato wa miki ase wakomoseke, ase wakomosambwesa wobe, la wakomosuele nsoi.³³Ase mbuse e omobingi inde pimbo wakomola ase wuse wo misato akosusua.akosusua.³⁴Kaikonde watihelali gbondo e djihinge sambo djaho, la eyaseli enge watiyewali olimboli.³⁵Ango edjakali inde oumi ahue la Yeliho, moto mwesi ogui maiso ayaabatali kelekele e mboka wongongi wiho.³⁶Nda eokali inde wato ngbii wakolekaka, apotali ohuela hueli inga edjéi nde.³⁷Wamoewsia ate Yesu o Nazaleta indongo okolekaka.³⁸Ndjongo apamia ase asia ate Yesu, mana o Dawidi ndjokela mbai magba! ³⁹Ase wato wango wadjakali osombi liwoso wapotia omopameli ate anange monoko, ase adjakali ndji opami abolo alidji oleki ate: mana o Dawidi ndjokela mbai magba.⁴⁰Ndjongo Yesu amalia ase atomia wamodjele la moto oho. Mbuse eho ango oumali inde ahue, Yesu amohuelia ate: ⁴¹Obali iyokele nde? inde asia ate Likumu ipote oeni.⁴²Ndjongo Yesu asia la inde ate pota eni, wondimi wo owe wokalesi. ⁴³Ndji la engele eho apotia oeni ase apotia omotutei inde ase omodemei Mwengéi, alidji ango weneli wato kpàa ndjongo wamodemiali Mwengei.

Chapter 19

¹Yesu, alingelali la Yeliiko, akpandali liwange. ²Edjali la motopele mwesi la kombo Djakayo, adjali Likumu e waputesi mamelo, alidji, adjali moto e ogumake. Alukali oeni Yesu.³Ase atikokalii omweni, la tina e ebiba e wato, laate adjali mokwe.⁴Atilali liwoso, atelia la mote laate amoene, late Yesu apotali oyeti la enge mboka.⁵Sikalandjo ango Yesu awumia la ebete ehoo, adhendali likolo amwaselia: Djakayo, adjimba sese; late keke ikoyabata la monguta mo owe.⁶Djakayo ayadjimbali sese, ase amototali la oyemeli.⁷Ango eenia iwo ndjongo, iwo kpàa wabandali ondungwani, pe owasi ate: alingelia oyabati atie moto ongo owungu.⁸Ase Djakayo, ayamalali liwoso la Likumu omwaaselia: dhenda, Likumu, ndambo dja wihoo wa mbai ekohekele la watundake. Pe ema kpàa epwesali mbai moto, la ohengeli, ikowongola ehoo mbala inéi.⁹Yesu amwaselia: la lisio la keke mokalo molingeli la mu moguta, late inde pe adjei mana o Abalayama.¹⁰Late mana o moto adjali a tina e oluki la okalesi wato wango¹¹Wango wadjali ooki djinge sambo, Yesu ahekeleli alidji eeti ekpangela, late adjali ahue e Yelusaleme, pe wadjali la mamungo ate Okumu e Mwengéi wokoenene ndji enge engele. ¹²Ndongo aasali ate: motopele mwesi la kita a akelali okendo la moki mwesi e lihele laate ayawumese likumu, mbuse awongwe.¹³Awelali mituke mande liomu, awahekelia wambele liomo, mbuse awaaselia: kelani milunga tee ekowongwa mbai.¹⁴Ase wana wa moki wa motonali, alidji wamotomelali wato mbuse ende, waasia ate: tobaliti ate moto oholo awume Likumu lasu.¹⁵Ango ewongwea inde mbuse, e ototi okulu e Likumu, awelali mituke wango awahekeleli iwo wambele, la oyewi nda litomba etoti iwo la milunga.¹⁶Ongo poo adjia, aasia: Likumu, wambele wa owe ewoti wambele liomu .¹⁷Ndjongo amowaselia ate: Edjéi olamu, motuke molamu, late oenesi ate odjéi la omeemene la sambo keke pendja, okotota Okumu likolo la gbata liomu.¹⁸Ongo wale adjia, aasia: Likumu wambele enge owe ebakesi wambele itano.¹⁹Aasali la inde: owepe, tota mokpali la gbata itano.²⁰Weti adjali, ahasia: Likumu, dhenga wambele dja owe, ihisali ehoo la esindjè.²¹Late idjaki oowangi, la loyi odjéi moto o minga; okototaka enge otihisali alidji okobukaka mbuma enge otonali.²²Amwaaselia ate: ikoosambesa ndji la enge eyasi owe la monoko moowe amene; motuke mobe, oyewaki ate idjéi moto ominga, ikootaka enge ehisiti mbai, alidji ikobukaka mbuma enge eoniti mbai. ²³Woni otiyisali wambele waa mbai dja wibende la baki laate ango ekowongwa mbai itote la asumbelia?²⁴Alidji aasia la wango wadjali ango: mopwesani djinge falanga, mohekeleni moto ongo odjei la wambele liomu. ²⁵Wamwaaselia: Likumu inde adjéi la wambele liomu.²⁶Iyo waselini, moto kpàa ongo odjéi la ema wako mohekele ngbi, ase ongo oti la ema, wakomopwesa te enge edjaki inde la eho. ²⁷Watonani wa mbai wango watibalali ate iwume Likumu la wu, djaka la iwo ahala, wawolani liwoso la mbai.²⁸Mbuse oasi ndjongo, Yesu asombia liwoso la ebiba ewato, late atele la Yelusalema.²⁹Ango eyandongbali inde ahue e Betefage la Betania la mokoli wakowelaka mokoli ma oliva, atomali watiesakoli wale.³⁰Aasia: kekeni la moki mungo modhendani la ino; mbuse olingeli ndondo, okogbotoni mana opunda wamonangi moliki, moto tueti atelakiyo likolo lande; motokolani djakani la inde. ³¹Inga moto aohuelani: nda ndenge okomotokolakani? okokini oasi ndjo: Likumu adjéi la posa eho.³²Wango wawatomali wakeeli, wagbotoli ndji nda ndenge Yesu awaaselali.³³Ango wadjali otokoli mana punda wamemene ehoo wawaselali ate: nda ndenge okotokolakani enge mana o punda? ³⁴Wawawongweselali: Likumu adjei la posa eho.³⁵Wakpalali ongo mana o punda atie Yesu, walumbali wisindjè wawu likolo la ongo mana o punda pe wamobatisali Yesu likola laho.³⁶Ango edjali inde osombi, wato wadjali owandji wisindjè wawu la mboka.³⁷Ango ayandongbia inde la Yelusalema,ngambo eyadjimbeli la mokoli mo oliva, watutiani wapotali oemeli, alidji olembeli Mwengéi la moli likolo la loyi e sambo kpaa kamwake eenali iwo. ³⁸Wabandali oasi: opambwame owe Likumu ongo okodjaka la kombo e Mwengéi! logoo e likolo pe ekumesame wiholo wieti likolo.³⁹Ndondo e wato, weeti Wafalisai waasali la Yesu: Motiesakoli, wapamela watutiani wa owe. ⁴⁰ Yesu awawongoselali ate: ikoyewisakani inga iwo waybata logoo mabukeli ma kopama!⁴¹Ango ehumali inde la gbata, Yesu adhengali ateniali la ilelo liko laho, pe aasia.⁴²Inga owe, ososolali a lisio la keke sambo dja logoo! sikalandjo eho eyayisi la maiso ma owe.⁴³Late masio ekodja la tina owe, la tango eho watonani wa owe wakolinga lopango makasi wakokela lisukaka ahue e owe mpe wakonanga owe la lisusuka kpàa.⁴⁴Wakoola, owe alidji wana wa owe ndondo e owe, watidhee libukeli teeti likolo la libukeli eeti, la loyi otibalali oyewi engele enge odhendamaate.⁴⁵Alingelali la tempelo, ase abandali oumbi la wango wadjali otambi.⁴⁶Aasali la iwo: edhingami ate: monguta mo mbai ekodja monguta mo oyatati ase ino, owumesia ehoo ebete e iwa.⁴⁷Adjali ohinye masio kpàa la tempelo. La makumu dja mangumba, la wadingeli la wato wasungu wa miki wadjali olukani omowoli.⁴⁸Ase watiyewali ndenge ototi, late wato kpoàa wamoyokali la owangi.

Chapter 20

¹Mwesi la enge masio, Yesu adjia otiesakoli wato ndondo e tepelo, adjali owasumbeli mboli ndamu. Wiloko e wanganga Mwengei la watiesakoli wa mibeko, la wiloko wadjaali. ²Wamwaaselia: towasela nda okumu okokelaka dji sambo, alidji ndai aohi ehele okumu?³ Awawongoselia: mbai pe ikohuelakani poopo esi, ndjaselani mbai, ⁴Patisa e Yoani edji la likolo inga la wato?⁵Wabandali obundoyi iwo amene: inga towongosa ate: elongoyi likolo, akwasa ate, wonini otimondjimalini? ⁶Alidji inga towongosa ate: elongoyi la wato, watokpa wakotobinga mabukeli, laate, watokpaa wayewi ate Yoani adjali mwaseli.⁷Wamowongoselia: wayewiti inga edji eni. ⁸Yesu awaaselia: mbai pe itiowaselani nda okumu ikokelaka dji sambo.⁹Abandali owaseli wato li lisekpe: Moto mwesi aonali elanga e vino, awahia watuke, akia okendo e masiyo ngbi. ¹⁰ Ango ewumali masiyo mabukake vino, amotomia motuke monde mwesi atie watuke wa elanga e vino, laate wamohekele djinge ebuki iwo la elanga e vino. Watuke wa elanga e vino wamobingia, wamowongosia mawo ohola.¹¹Amotomia weeti motuke monde, wamobhingia inde pe, wamotangia alidji wamowongosia maho ohola. ¹²Amotomia ongo osato, wamokotokolia, alidji waumbia la inde.¹³Memene elanga e vino aasia: ikokela woni? Ikomotoma mana o mbai o libhalano, eti mbala, ango ekomwene iwo, wakomotosa. ¹⁴Kasi ango watuke wa elanga e vino wamwenia, wabhundoyia iwo amene, alidji waasia: dhenda ongo okotikalela la ogumake. Tomoole, laate ogumake eume esu.¹⁵Wamulumbia saa e elanga e vino, alidji wamoolia. Sikalandjo memene elanga e vino akowakela woni? ¹⁶Akodja, akoola wango watuke kpa wa elanga e vino, akoha elanga e vino la weeti wato. Ango eokia iwo ndjongo, waasia: ekokiti odjei ndjongo.¹⁷Kasi Yesu awadhendali, aasia: eyinei woni enge edhingami ate: Libukeli enge elumbali wamai, ewumali likule la monguta? ¹⁸Ongo moto okokwa likolo la enge libukeli, akokondjoa, alidji ongo moto enge libukeli ekomokwela, ekomwandjakola.¹⁹Wiloko e wanganga Mwengei, la wiloko e watiesakoli wa mibeko, walukali ate wamohele ndji enge engele, kasi wadjali owangi wato. Wayewali ate edjei loyi ewu nde Yesu ahali linge lisekpe.²⁰Wabandali omodhendji Yesu, alidji watomali wato wayakele ate wadjei wato walamu laate wamohele la eyaseli e inde amene, ase wamohe la okulu alidji la okumu e likumu e moki.²¹Wamohuelali ehele poopo: Mwalimo, toyewi ate okwasaka alidji okotiesakolaka la meemene, alidji otidhenaka elongi, kasi okotiesakolaka mboka e Mwengei la meemenekpa. ²²Endjimami, inga etindjimane ate toputa limelo e Sezale?²³Yesu ayewali mamungo mau mbe, awawongoselia: woni okwalelekani mbai lisala? ²⁴Inyani mbai enge adjenge. Ehele edjei elongi e ndai alidji madhingo ma ndai? Wawongosia: e Sezale.²⁵Awaaselia: hani Sezale enge e Sezale, enge e Mwengei la Mwengei. ²⁶Watimohelali la ema teeti e obe la enge edjali inde oasi liwoso la wato, wakamwali la ewongweseli ende, wayabatali bi.²⁷Weeti Wasadukayo, wango wakwasaka ate obasi la logo oti, wayandongbali, wamohuelia Yesu ehele poopo: ²⁸Mwalimo, dhenda ehele Moize atodhingelali: inga moto opele ongo oyiki agwa, atikiti wana, maananga akomoyika moli ongo omotiki inde, laate awotele maanango wana.²⁹Kaikonde, edjali la wana wapele sambo. ongo oliwoso ayikali, agwiyia te otiki wana. ³⁰Ongo o wale ayikia ongo moli ogweli, inde pe agwiyia te otiki wana. ³¹Tee ongo osato amoyikia; ekeli ndenge kikima la iwokpa sambo watikiti wana. ³²Mbuse moli pe agwiyia. ³³La obasi e logo, akodja moli ondai? laate iwokpaa wamoyikali.³⁴Yesu awawongoselia: pele la wali wa mu moki wakoyikanaka; ³⁵Kasi wango wakoenene olamu olingeli la moki mungo mokodja, mbuse e obasi e logo, watiyikana alidji. ³⁶Watigwa kine alidji, laate wakouma nda wahumbua, alidji wakodja wana wa Mwengei nda wana wabasi la logo.³⁷Wango wagwi, wabase a logo, ndjongo nde Moize ayenyali engele e maa mote mokeke mungu modjali ololeyi, engele akowelaka likumu, Mwengei o Abalayama, Mwengei o Isaka, alidji Mwengei o Yakobo. ³⁸Kaiko Mwengei ati Mwengei e wato wagwake, kasi wango wakalake, laate iwokpaa wadjei la mokalo la loyi e inde.³⁹Weeti wiloko e watiesakoli mibeko, watotali liloba, waasia: Mwalimo oasi olamu. ⁴⁰Watikokali kine omohueli te poopo esi.⁴¹Yesu awaaselia: woni okokokani oasini ate Masiya adjei mana o Davidi? ⁴²Davidi inde amene aasi ndondo e buku ende e lembo: Likumu amwaseli Likumu la mbai: Abata la ewo e mbai e lilome, ⁴³Tee ikowumisa watonani wa owe wisuleli e makolo ma owe. ⁴⁴Davidi akomowelaka likumu. Ndandenge akoki odjei mana onde?⁴⁵ Ango edjakali wato omooki, aasia la watutiani wande. ⁴⁶Otuandjimeni wiloko wawatiesakoli wa mibeko; wakokpalaka walobe ilai ilai alidji owahi mibele wiholo wisungu, wakolukaka owabati la wangbeleno e liwoso la wasinagoga, la wiholo wilamu la wafeti. ⁴⁷Wakopwesaka wali wagweli milome wiho wau, la okeli maongi malayi malayi la tina oyayisi. Wakosambisama makasi.

Chapter 21

¹yesu atombolia maiso aenia wato wagumake wokohekeleke falanga dja makabo la ekolo e likawo ²Amoenia moli mwesi ogbeli molome ahekelia wana wa falanga wale wa kekewakeke ³Awaaseliate: oholo moli ogbeli molone ahekeli falanga weti wato kpa wango wabongi ewo la libenga e likawo. ⁴Late wango wato wagumake wahekeli falanga djinge iti la otomu kaiko inde ohekeli djinge idjaki inde ladjao ongo la monguta monde.⁵Mbuse, ndenge weeti wato wadjali oasi la loyi e tepelo ndenge etulami eho la mabukeli malamu la iho wikpalami la likawo Yesu asiate. ⁶Lamasio mageleli ehele tepelo ekobukia libukeli tekikima etitikala likolo leeti libukeli ehokpa ekokua sese.⁷Wamohuelia ate nda engele kokelama djinge sambo alidji nda elembo ekoyewesa iso ate engele eho ekokia? ⁸Yesu awaaseliate : yabanyani ate otiwungeni, late wato ngbi wakodja la kombo e mbai wakoasaate : mbai idjei inde, alidji ate: engele eho epotia owumi. Otiwaabile. ⁹Tango ekokani ino mboli e wita alidji wato wakoamalelanaka, otiwangakeni, laate ewongi ate djinge sambo kpa ewume liwoso, kasi eho etidja gboo e moki.¹⁰Awaaselia ate : eeti moki ekosana kindo la eeti moki, eeti okumu la eeti okumu. ¹¹Mbume ekoduduma ebete la ebete, ikoni ikodja ndenge la ndenge, mpe ndjala e ilaka ilakake, ekodja, la sambo e minga, mpe ilembo isungusu ikoenene ongo likolo.¹²Liwoso la djinge sambo wakoolukani ate waowoleni, wakohengelani la makunu ma wasinagoga, wakobongani la wa boloko, wakosambesani liwoso e makumu ma miki misungu, la makumu ma miki mikeke la tina e kombo e mbai. ¹³Djinge sambo okowumelani la tina ate litatoli lanu liyewane.¹⁴Batani la mamungo manu ate otilukeni ndenge enu esambake, ¹⁵Late mbai ikohekeleni maloba mpe kandela liwoso la wanguna wanu watilonga owamaleli ino, te ookokeyi.¹⁶Te wawoti wanu wakookawani, mpe wasangbanu, la wabola wanu, mpe la wato wapembeni, wakoola ngbi ndondo enu. ¹⁷Wato kpa wakootonani la tina e kombo embai ¹⁸Kasi mosue te mokikima mo moto monu motiwunga. ¹⁹La onangi mitema manu okokalesani milimo manu.²⁰Inga oenekeni Yelusaleme elingamia la wasoda, yewakani ate obitani oho owumiga pene. ²¹Late wango wakodja la Judea watile ngambo emikoli, wango wakodja ndondo e Yelusaleme wapumbe, wango wakodja la ilanga watiwongwe kine la moki. ²²Laate ekodja masio mawongosake limemu la oyengemani la sambo djinge idhingami.²³Ekodja makpa etie wali wango wakodja la lemi, mpe wango wakonungia wana late wato wakogba ngbi, latina elimemu e Mwengei. ²⁴Wakokua la mabeha miwotake, wakokee mituke la mikikpa, Yelusalema ekowotono la wango wati Wayuda tee engele ehani la miki esile.²⁵Ekodja la ilembo ndondo e liwusa wuse, ndondo e ndebo, alidji ndondo e minoto. Ahala la mbume miki mikodja la boo, watiyewa ndenge ekelake laate ewale ekoduduma la mbonge. ²⁶Wato wakogba la owangi ndondo e losambo enge ekodja la mbume laate okulu wolikolo wikokawana.²⁷Wakomoene mana omoto ageli ongo la mapata, la okulu la mwemu. ²⁸Ango ekopota ino oeni djinge sambo, djambani mito manu laate mokalo munu mopotia owumi.²⁹ Mbuse awahali ekpangele eesi: Ndendani mote mo figi la mite meeti kpa: ³⁰Tango e okponaka muho ngasi ekoewaka ate engele e elanga ekokia. ³¹ndenge kikima, inga oenekeni djinge sambo ewumia, ewani ate okumu wo Mwengei wowumia pene.³²Iyowaselini meemene ehele olie otieta ndji ndjinge sambo wiume. ³³Likolo la mbume ikoeta, kasi maloba ma mbai matiyeta.³⁴Angatalani inoamene laate mitema manu matilite la oetesi olaki la okengi, la mabundo ma moki, laate lisiyo luho etiowumeleni nda iwa. ³⁵Late ekoyabinga nda lisala likolo la watokpa wa mbume.³⁶La eho oilangaleni ilo, alidji awongoni engelekpa, laate ototeni otetelake la otili djinge sambokpa igeleli, laate owawumeseni likolo liwoso e mana o moto.³⁷La moi Yesu adjakali otiesakoli la tepelo, la likolo adjali oki olangali la mokoli mo weli iwo mokoli mo oliva. ³⁸Watokpa wadjali oki boo atiende laate wamooke.

Chapter 22

¹Lipati la mapa linge lindjangi okundji, linge liweli iwo ate Pasika, liumali ahue.²Wiloko wato wawa nganga Mwengéi la walimo wa pui wadjakali oluki ndenge eomoli Yesu, alikambo wadjaki owa wangi wato.³Ndjongo Satana alingelia la motema mo Yuda ongo omoweli iwo ate Kaliota, mwesi o watutiani wande liomu la wale.⁴Yuda akia okpomesani la wiloko wato wa wanganga Mwengéi ase la wiloko wato wa wamaleli monguta mo Mwengéi nda ndenge ekomokawa inde Yesu la mawo mawu.⁵Waumali la mwemu ase wamowunelia omohi wadjenge.⁶Yuda andimia, ase apotia oluki engele elamu e omokawi Yesu la mawo mawu, ndjongo wato ngbii watiewete.⁷Lisio e mapa edjangi okundi, use oho edjakali iwo ooli kondolo e pasika ewumali.⁸Ndjongo Yesu amotomia Petele la Yoani, awaselia kekeni okawongeli wilaka wa lipati la Pasika alikambo lasu.⁹Wamohuelia: obali ate tokawongele eni?¹⁰Inde awaselia okani! ango okolingela ino la gbata, okogbotononi la moto akpali molugu mo malia. Motutiani ebete enge ekolingela inde.¹¹Ase asani la memene monguta, mwalimo akohuelaka ate esuki e monguta edjéi eni ebete ekolaka iso wilaka wa lipati la Pasika ebete eikima la watutiani wa mbai?¹²Inde akowoiniani ebete esungu la monguta mo likolo, ongonde ekowongelani ino wilaka wa pasika.¹³Wakia, ase wagbotia sambo kpàa nda ewaaselali Yesu ase wawongelia wilaka wa lipati la pasika.¹⁴Ango eengali engele, Yesu aabatia la mesa ebete kikima la watutiani wande.¹⁵Inde awaselia: ibalaki ngbii olaki wilaka wa Pasika ehele mongindi la ino liwoso la mbai woeni wodjidji! ¹⁶Laate, iyowaselini, itilakakine tee ekoengene eho la okumu o Mwengei.¹⁷Ndjongo atotia etotu, a moongia Mwengéi ase asia: totani ehele etutu kawanani ndondo enu.¹⁸Alikambo, iyowaselini sikahala itokenga kine Vino alidi te wokoke tee ndjiango wuse wokodja wokumu wo Mwengei.¹⁹Mbuse eho, atotia mapa, mbuse eakongi la Mwengei abukia awahekelia aasia: ehele edjei wenge wa mbai ikokawa la likambo lanu; kelakanindjo la omungoi mbai. ²⁰Mbuse e olaki atotia etutu awahekelia aasia: kopo ehele edjéi wuuma woholi wo Mwengéi ehele edjéi makila ma mbai mango makosuakana alikambo lanu.²¹Ase dengani moto okawi mbai atie wanguna adjéi la mbai mongindji ahala la mesa! ²²Meemene, mana o moto akoke nda ndenge etenanate, ase maga la moto ongo omokawi ²³Wapotia ohuelani ndondo ewu, ndai opoti oluki okeli lungo loyi.²⁴Watutiani wapotia okokiani makasi, alikambo la oyewi nda moto ndondo ewu odjéi moto mosungu oleki.²⁵Yesu awaselia: makumu ma miki wakokondjaka wato wawu, la wango wakoyinyaka okulu, wawelami wakeli wa lamu.²⁶Enge etidje ndjongo etie ino. Ase moto ongo odjéi mosungu oleki ndondo enu ewongi adje nda mana, ewongi moto ongo okohaka mitinda adje nda moto owotomu! ²⁷Ndai odjéi mosungu oleki, moto owabati la mesa inga moto owotomu? moto owabati la mesa, te ndjongo? wolamu! mbai idjéi ndondo enu nda moto owotomu.²⁸Ino wabatigani la mbai mongindji engele elai ndondo ewomekami wo mbai.²⁹Ndji ndjongo nda ehekeli wawa mbai wokumu, mbai pe iyohekelini ino.³⁰Okolakani alidji okengani la mesa ma mbai ndondo e wokumu wo mbai, okoabatani likolo la ngbelengo dja wokumu alikambo la oteni loi la wiati liomu la wiale wa Isalaele.³¹Likumu Yesu, asia Simoni, Simoni oka! Mondjili aongiga owohehi owe nda ekoheheke wato wahehe pukapuka alikambo la odjikawi djaho la wisoki mpamba.³²Ase iyakongi alikambo la owe ndjongo wondjimi woowe wotilembe; ango ekowongwa owe, waha wamangua woteteli.³³Petele asia la inde; Likumu indjimi wolamu la oki la owe la woyogo mongindji, la ogui la owe mongindji.³⁴Yesu amowongoselia: Petele, iwaseli kekehele, liwoso ate koko e molome ebekwe okwasa mbala isato ate ondjewiti mbai.³⁵Mbuse eho Yesu asia la iwo: ango iyotomeni mbai la opasa te, la saki te ase la sapato te, odjangini nda ema? wawongosia: ema teeti te.³⁶Ase inde awaselia: ase sikahala etikine ndjongo, moto ongo odjéi la opasa, ewongi alitote, ndindjongo moto odjéi la saki ase moto ongo oti la lipata ewongi atambe kasaka ende alikambo ate asombe lipata.³⁷Alikambo ate, yasi la ino ewongi loi luhulu wodhingama la gbondo embai wokokisame, ate inde atangemaate ndondo e wato wabe. La meemene loi wungo wodhingama la gbondo e mbai okokisame.³⁸Watutiani wasia Likumu mapata male madjéi ahala inde asia wungo wokoki.³⁹Apumbia, akia nda ndenge emeseni inde la mokoli mo Olive,watutiani wande wamotuteya.⁴⁰Ango oumia inde la ebete eho, inde awaselia yakongoni alikambo ate otikweni ndondo eomekami.⁴¹Mbuse eho inde ayandongbia ma lihiele la iwo, akwa la mauli ase abandali oyakongi.⁴²Wawa, inga obali longose etotu e wodidi ehele atie mbai ase atikelame nda ebali mbai ase nda ebali owe.⁴³Ndjongo ahumbwa mwesi olikolo aumia alikambo la omohi wokulu.⁴⁴Yesu aokia magba ayakongia alidji makasi oleki. Malia ma wenge mande maumia nda makila mango madokakania la mbume.⁴⁵Mbuse eoyakongi inde alongoya ongo likolo, akawongoya atie watutiani, ase awagbotia walali wilo alikambo walembali la magba.⁴⁶Inde asia la iwo: alikambo lande ekolalaka ino wilo? Amalani likolo, oyakongeni, alikambo ate otikweni ndondo e womekami.⁴⁷Yesu adjali wasi engele eumali wato ngbii, Yuda, mwesi o watutiani wande liomu la wale, adjali oleki liwoso inde aumia ahue e Yesu alikambo la omohi mobale mowalingi la inde.⁴⁸Ase Yesu amwaselia: Yuda, okohaka mobale mowalingi la likambo la omohi mana o moto la mawo ma watonani?⁴⁹Ango wato wango wadjali la Yesu mongindji iwaenia wungo loi wopotia oumi wamohulia: Likumu, ewongi tosane la mapata masu? ⁵⁰Mwesi owu amokotia moto owotomu onganga Mwengéi mosungu, ase amotenia litoi.⁵¹Ase Yesu asia: Otkeleni ndjongo dheni. Atotia litoi e moto oho, ase awngosia.⁵²Mbuse eho, Yesu asia la wiloko wato wa wanganga-Mwengéi, ase la wiloko wato wawadendji wa monguta mo Mwengéi ase la wiloko wato wango wadji omoheli inde: Ogelelini la mapata, la mite nda idjéi iwa? ⁵³Masio kpàa idjaki la ino mongindJi ebete eikima la monguta mo Mwengéi ase otipotalini oheli mbai, ase ehele edjéi engele enu la engele ewokumu wo likolo.⁵⁴ Wamohelia yesu wakia la inde wakamotikia la monguta monganga Mwengéi mosungu. Petele amotuteya, ma lihele mbuse.⁵⁵Ase ndondo egbingi waloliali misa, ase Petele ayabatia ndondo e wato wango wakotoko misa.⁵⁶Moto owotomu mwesi omoli amwenia Petele ayabati kelekele emisa, inde amodendjia Petele makasi, ase asia: oholo moto koto adjaki la Yesu mongindji! ⁵⁷ Petele amokokiali, aasiali: moli, imwewiti. ⁵⁸Mbuse eho moto odi amoenia ase asia: owe koto odjéi mwesi owu.” Ase Petele asia la moto oho ate; iti inde te.⁵⁹Pene la engele esi mbuse, moto odji asia makasi: memene oholo koto adjaki mongindji la inde alikambo ate inde adjéi moto o Galilaya.⁶⁰Ase Petele asia la moto oho yewiti wungo loi wokwasaka owe. La engele eho ango edjakali inde wasi koko e molome ebekoiya.⁶¹Likumu ayakukolia, ase amodendia Petele makasi ndjongo Petele amungolia loi wungo wasali Likumu lainde: Liwoso koko e molome ebekwe okowungana mbai mbala isato ate ondjewiti mbai. ⁶²Petele apumbia ase alelia la magba.⁶³Wato wango wamosekeli Yesu, ase wamobingia.⁶⁴Wamodhihia maiso ase wamohuelia: towasela inso inga ndai oobingi? ⁶⁵Ase wasia lainde sambo ngbii dja wiliko.⁶⁶Wuse wotania wiloko wato wa wa Yuda, wiloko wato wawanganga Mwengéi la walimo wa pui wagbotononia wakadjia la Yesu liwoso la wabolei wou wosungu.⁶⁷Ase wamohuelia towasela iso odjéi Masiya? inde asia la iwo inga iyasa laino, otondjimani mbai. ⁶⁸La inga yohuelani poopoo otowongoselani mbai ema.⁶⁹Obandji ndji keke, mana o moto ekoabata la ewo e lilome e Mwengéi eowokulu. ⁷⁰Ndjongo wato kpàa wahuelia odjéi inde mana o Mwengéi? inde awawongoselia iwo: Owasigani, idjéi inde. ⁷¹Ndjongo wasia: Todjeikineni la posa e wadhemei? Tooki isoamene la monoko monde.

Chapter 23

¹Wayamalia iwo kpaa wakia la Yesu ongo edjei Pilato. ²Wabandali omokambi waasali ate : tomogboti oholo moto ndjo akwasaka la wato ate watindjime mibeko ma Moize, alidji watipute mamelo e Sezale, akwasaka alidji la wato ate inde adjei kilisito, likumu.³Pilato amohuelia : owe nde likumu la wayuda? e edjei mabi, owasiga koto. ⁴Pilato asia la makumu ma wanganga Mwengei, la wato kpaa wadjaki ango: iyeniti loi ungo okeli oholo moto. ⁵Kasi wamwamalelia waasia ate : akowatomaka wato la oya maleli mateya ma Moize obandi la yudea, galilea tee alandjo.⁶Ango eokia pilato ndjongo, ahuelia inga inde adjei moto o galilea; ⁷Ango eokia inde ate adjei moto o sese e okumu e Elode, amotomia ongo edjei Elode, laate mango masio Elode adjakali la Yelusalema.⁸Ango Elode amwenyia Yesu, aemelali laate tee la gala adjali la posa e omweni la djinge sambo edjakali inde ooki, adjakali omolambeli ate amokelele ma ema ekamwesake. ⁹amohuelia poopoo ngbi, kasi Yesu atiwongolali loyi te okikima. ¹⁰Makumu ma wanganga Mwengei la watiesakoli wa mibeko wango wadjakali ango, wadjali omokambi la sambo mbe mbe.¹¹Elode la sindjili djande wadjakali omokeli sambo mbe, la omoseki. Mbuse e omokpalesi esindje etanake, wamowongosia Yesu etie Pilato. ¹²Ndji ungo use, Pilato iwo la Elode waumali wa bola, iwo wato wango watonanali iwo wale mbuse e mbula ngbi.¹³Pilato awaboliali makumu ma wanganga Mwengei, la watiesakoli wa mibeko, la wato; awaaselia: ¹⁴Ino odjelelini mbai oholo moto, owasiani ate akowatomaka wato ate wamalele mibeko ma Moize, kasi imohueli liwoso lanu, mpe itimoene la likambo te likikima e sambo djinge emokambini ino.¹⁵Te ongo kine etie Elode, laate atowongwesi, dhenda oholo moto atikele ema enge ekoki la inde la logo. ¹⁶Kasi mbai ikomopumbesa la boloko mbuse e omobingi pimbo ¹⁷Yenga kpaa edjali mobeko ate wapumbesake moto mwesi la boloko ate wamoole.¹⁸Iwo kpaa wahumbali pui: moolesa Yesu, todheela Balanabasi. ¹⁹Balanabasi alingelate la boloko la loyi e olake wato la djeti sambo mbe mbe.²⁰Pilato aasia alidji la iwo laate amodhe Yesu. ²¹Iwo kpaa wapamia la moli motetelake, wasia: agbe, agbe la ekulusu ²²Pilato awaselia, mbala esato : nda obe okelinde? iyeniti loi ungo oki inde ogbi, ikomodhe mbuse e omobingisi pimbo.²³Kasi wapamia la moli motetelake ate agbe, opami owu obolianali la enge e makumu ma wanganga Mwengei. ²⁴Pilato andjimia owahi enge e ongi iwo. ²⁵Amopumbesia moto ongo odjakali la boloko la sambo mbe mbe,mooli o wato; awahekelia Yesu la posa ewu.²⁶Ango odjaki iwo oki la inde, la mboka, wagbotonia la Simona mo Silene, adjakali owongoyi la ilanga, wamokpalesia ekulusu, late amoikele Yesu ongo mbuse.²⁷Edjakali la wato ngbi wango wadjakali omobileyi, wali wadjali oyabingi mikpoto, la ooki magba la tina ende. ²⁸Yesu ayakukolia asia la wango wali ate: wali wa yelusalema, otileleni la tina e mbai, lelani la tina enu amene la wana wanu.²⁹Late la masiyo mango mageleli wakwasa ate : mwemu la wali wango wikomba, mwemu la wali wati la wana, la wango watinungisaka. ³⁰Wakoyabata oasi la mokoli ate : tokpele, alidji la milindalinda, todhiha! ³¹Inga wakela dji sambo la mote mowesu, ekodja woni la mote moomake?³²Wadjakali pe oki la wato wale wango watingakali la iwo laate wawabake ebete ekikima la Yesu la ekulusu.³³Ango eumia iwo la enge ebete eweli iwo ate mikwa ma moto wamobakia Yesu la ekulusu ebete ekikima la djinge iwa, mwesi la ewo e lilome odji la ewo e liali. ³⁴Yesu asali: wawa walimbesa, la loyi wayewiti ema enge ekokelaka iwo.³⁵Wato wayamalali lihele wakowadhenda. Watiesakoli wa mibeko, la wango wadjakali ango, wadjakali omoseki Yesu, la oasi ate: awakalesali weeti wato; ayakalese inde amene inga adjei Masiya ongo owononi la Mwengei!³⁶Wasodha koto wamosekekeli, wakia ahue ende, wamohiya mana magagake. ³⁷Wasia la inde ate: inga odjei likumu la wayuda, yakalesa yo owe amene! ³⁸Edjakali likolo lande madhingo mango madhingali iwo : oholo adjei likumu la wayuda.³⁹Moto moesi ongo omobakali iwo la ekulusu ebete ekikima la yesu, amotangia asia ate : te owe nde kilisito? yakalesa yo owe amene, mbuse otokalese! ⁴⁰Ongo eti amowongoselia : owe otimowangaka Mwengei? iso kpa todjei la odjidji okikima. ⁴¹Laiso, ekoki ate togbe la loyi tokelali obhe, kasi inde akeliti loyi te lokikima.⁴²Asia la Yesu: mungolaka mbai ango ekodja owe la okumu wowe. ⁴³Yesu amowongoselia : iyowaseli meemene ndji keke ehele okodja la mbai ebete ekikima la Paladizo⁴⁴Edjakali ango la engele e motoba likolo lilingelia la moki kpa tee la engele e libwa. ⁴⁵Moi molimanali, esindje e Tepelo esalanali la odja.⁴⁶Yesu apamia la moli motetelake aasia: wawa iwongosi molimo mo mbai la mawo ma owe. ⁴⁷Ango enia sindjili ndjongo, wamodemeiya Mwengei, waasia: oholo moto adjaali sembo.⁴⁸Wato kpaa wango wadjakali ango mbuse e oeni djinge sambo, wawongoyia wakoyabinga mokpoto. ⁴⁹Wango wato kpa wamoewakali Yesu mpe la wali wango walongwali, lainde tee la Galileya, wayamalali maa lihele, wakodhendaka djinge sambo edjakali oyeti.⁵⁰Edjakali la moto mwesi ndondo e wahi simbisi, moto osambo ndamu, kombo e inde Edjepu. ⁵¹Inde atiyawanesali la mungo mobeko, la djinge sambo, adjali moto o moki mo Alimateyo, liwange la wayuda, inde adjaali olambeli okumu wo Mwengei.⁵²Akeli ogbotoni la Pilato, aongia wenge wa Yesu. ⁵³AmodjimBali la ekulusu, alingali eho la bolangiti, akeli omolangesi a mbila enge ekelami ndondo e mabhukeli, enge watimolangesaliyo moto tueti.⁵⁴Edjakali use elengelake sabata ⁵⁵wali wango walongwali la Yesu tee la galileya wakia la Edjepu ebete ekikima la omokundji Yesu. ⁵⁶Ango ewongoyia iwo, wawongelia malasi. Lisiyo e sabata wahomali la ndenge edhingani la mobeko.

Chapter 24

¹Lisiyo la yenga ,wakeli la hilihili ongo la mbila,wakpali isokisoki elumba elamu enge ewngelali iyo. ²Wagbotoli libukeli lilongoyi liwoso la mbila. ³Walingelia, watigbotoli wenge e likumu Yesu.⁴Ango etidjake iwo oyewi inga enge sambo eyinyei woni,denda walome wale wawapumbelali,wakpali wisinje wingalake. ⁵Watumali la owangi, wayimali wilongi wawu la mbume. Wango pele wawaselia: woni okolukakani moto omokalo ono wato wagwi?⁶Ati ala, abasi. Sumbwani enge awowaselate ino,engele edjaki inde la Galileya.⁷Ekoki ate mana o moto wa mokawe la mawo ma wato wabe, wamobake la ekulusu, abase lisiyo la misato.⁸Ango wadjaali alidi obundoyi maloba ma Yesu. ⁹Tango ewongoiya iwo la mbila, wasumbia djinge sambo kpa la watutiani wande liomu la esi alidji la wato kpa. ¹⁰Waango wadjali osumbi enge mboli la wa posotolu, edjali Malia magadala, Yoana, Malia nango Yakobo alidji la weeti wali wango wadjaali la iwo.¹¹Kasi waokali djinge sambo nda pamba, watidjali owandjimeli wango wali. ¹²Ase Petelo ayamalalia, akia obangu ongo la mbila. Ayayimbia , ahenia ndji isuki dja isindje ekwi la mbume, mbuse awongoiya atiende, akobunduaka la djinge sambo ewumi.¹³Ndji enge lisiyo, watutiani wale wakeli la moki mwesi moweli iwo Emawusu lihele la Yelusaleme inga wakilometele liomu la iwale. ¹⁴Wadjali owasi iyo kpa djinge sambo iyeti.¹⁵Tango edaki iyo okpomi la owasani, Yesu ayandokpia inde amene, akia la iwo mongindji. ¹⁶Kasi maiso mawu mawatekisali ate watimoyewe.¹⁷Yesu awaaselia: okowasakani nde la okosombakani, alidji odjeini la ilongi emagba? ¹⁸Mwesi la ewu kombo ende Kelopasa, amowongoselia: odjei owe amene maamasiyo ala la Yelusaleme ongo oyewiti djinge sambo eeti maamasio?¹⁹Woni? awahuelia. Wamowongoselia: enge e mowumeli Yesu o Nazaleta,ongo odjakali mwaseli ookulu la sambo la oasi liwoso la Mwengei la liwoso la wato, ²⁰Ndenge wiloko wa wakanga Mwengei la wa zuzi wa su wa moheli laate wamowole wamobake alidji la ekulusu.²¹Todjaki oyewi ate inde moto akokaki okalesi Isalayele, kaiko la djinge kpaa,denda keke ehele masiyo masato djinge sambo ikelani.²²Wali wesi la mongindji mosu watokamwesi. Waki la hilihili ongo la mbila. ²³Kasi watigbote wenge wande ; wadji oasi ate waahumbwa wawawimeli, wawaaseli te adjei la bomoyi. ²⁴Aseko weeti la ndondo e wato wango wadjaakali mongindji la iso wakeli la mbila eho, ase wagboti ndji ndjongo nda ndenge wango wali waasi kasi wati moene.²⁵Ndjongo Yesu awaaselia ate: wato wandjangi mayele, wango mitema mawu militi la ondjimi djinge ehasemate la waaseli! ²⁶Etihongoli ate Masia aene odidi la dji sambo laate alingele la elolo ende? ²⁷ Obandi la madhingami ma Moize, oki la waaseli kpaa, awaaselia ndondo e madhingami kpaa djinge sambo ewadhendali.²⁸Ango eyandongbali iwo la moki modjali iwo oki,Yesu alukali oki nda ma lihele. ²⁹Wamotekisali la oyakongi, waasia: tikala la iso laate likolo lipotia oli. Alingelia la iwo.³⁰Aseko ango eyabatali inde la iwo la mesa, atotia okoke eowasi yongolo eopamboli, abokia eho, awahia. ³¹Ndjongo maiso mawu madukwania, wamoyewia, a salamatia liwoso la wu . ³²Ase wayaaselia ate: mitema masu mitidjali obingi ango edjakali inde otowaseli a mboka la otoyignei madhingami.³³Wayamalali ndji enge ngonga, wawongwali la Yelusalema, ongo wawagbotoli wango liomu la esi la weeti ongo eyabondali iwo. ³⁴Wawaaselia ate: likumu abasi meemene, ayeneni pe la Simoni. ³⁵Asa watutiani wawaaselia djinge sambo ewawumelali la mboka, la ndenge emoyewali iwo Yesu engele ebuki inde okoke.³⁶Ndji edjaki iwo owasi Yesu inde amene awapumbelia liwoso lawu awaaselia: logoo edje la ino. ³⁷Watumali la owangi wayewali ate waeni etota.³⁸Awaaseli: woni ekowangani ino? alidji woni maa mamungo mbe makoyabataka la mitema manu? ³⁹Denda mawo ma mbai la makolo ma mbai, edjei meemene mbai. Potoni mbai alidji dendani: etota ti la wini la kua, la ndenge ekohenekeni ino, mbai edjei la eho. ⁴⁰Ango eyasia inde ndjono, awaaenesia maho mande la makolo.⁴¹La eho,la oyemeli owu, watidjaali ondimiyo,wadjaali okamwi. Ase awaaselia: odjeni la ema e lakake ahala? ⁴²Aseko wamohekelia esuki e su e ndjomake. ⁴³Ase atotia ehoo ase alakaki eho la maiso mawu.⁴⁴Ase awaaselia ate: edjei ehonde iyoowaselalini ango edjaali yo mbai la ino: ewongoli ekokesame dji sambo kpaa edhingani la tina e mbai ndondo e buku e mibeko e Moize, la waaseli,la ndondo e lembo.⁴⁵Ase awadukolia mayele laate wayewe olamu madhingani. ⁴⁶Ase aasia laiwo ate: ndjongo e dhinganaali ate,ekoki djinge sambo ewume, ate Masia onyokwame; agwe ase asuswe mbuse e masiyo masato. ⁴⁷laate alikambo la kombo ende okukoli mitema la olimbesi masumu ekoke otiesakolami laa miki kpaa, opoti ala la Yelusaleme⁴⁸Ino odjeini watotoli la djii sambo. ⁴⁹Denda ikootomelani ino enge wawa awunate; la ngambo enu, abatani yo la moki mo Yelusaleme tee ekokpalani ino okulu o likolo.⁵⁰Akia la iwo tee ongo la Betania, aseko mbuse atombolia ewo likolo, awa pambolia. ⁵¹Ango adjali inde owapamboli, akawania laiyo ase abamdia oteli likolo.⁵²Aseko iyo mbuse eomodemei, wawongoiya la Yelusaleme, watumali la oyemeli. ⁵³Wadjali engele kpaa ongo la tepelo, odemei la opamboli Mwengei.

John

Chapter 1

¹La lipoteli edjali engbundu, engbundu edjaali la Mwengei, engbundu koto edjaali Mwengei. ²Inde adjaali la lipotele mongindji la Mwengei. ³Wihoo kpaa wikelanali la mboka ende, koto ema teeti etikelanali inga te la mboka ende.⁴ La inde edjaaki mokalo, mokalo koto modjaali ngbai e wato. ⁵Ngbai ekongalaka la molili, ase molili molongeti eho.⁶Edjaali la moto mwesi atomanali la Mwengei, kombo ende Yoani. ⁷Inde adjaali mototoli, laate ahekele litotoli la loyi e ngbai eho, laate moto kpaa agemeiye eho. ⁸Inde atidjaakali ngbai eho, inde adjaali ohekeli litotoli e ngbai eho.⁹Enge ngbai edjei e meemene, edji la moki la ongalesi moto kpaa.¹⁰Adjaali la moki, moki koto mokelanali la mboka ende, ase moki motimoewali. ¹¹Adjaali atie wato wande, ase wato wande watimoyambali.¹²Ase wango wamoyambali, la wango wagemei kombo ende, owahekeli otomo e odjei wana wa Mwengei. ¹³La ebili ate waononiti la makila, inga te la mwano mo wato wa moki, inga te la mwano mo molome, ase wawotani la Mwengei.¹⁴Engbundu eyakelia wenge, eyabatali ya iso, etumi la ngolu la omeemene, tuenia otwa wonde, otwa nda enge e mana moikima ongo odji likolo. ¹⁵Yoani aambali mboli ende, koto ahumbali, ''Edjei inde ongo aasali mbai, 'Ongo okojaa mbuse e mbai inde nde odjei liwoso la mbai, laate adjaali mogindji la mbai.''¹⁶Tototali iso kpaa Womwengei wonde, koto ngolu likolo e ngolu.¹⁷Pui ehekelanali la mboka e Moize, ase ngolu la womeemene la mboka e Yesu kilisito. ¹⁸Moto tueti amoeni Mwengei; Mwengei mana, ongo odjei la liboliani la wawa, inde omoenesi.¹⁹Dhenda litotoli la Yaoni, engele Wayuda wawatomali ongo la yelusalaema wanganga-Mwengei la Walebi la omehueli ate, ''Owe odjei ndai?'' ²⁰Inde awongosali, te la owungani agemeiyesali, ''Mbai iti kilisito.'' ²¹Wamohuelia, ''Odjei ndai? Odjei Elia?'' Inde awawongoselia, ''Iti inde.'' Waasali, ''Odjei motiesakoli?'' Awongosia ate, ''Te ndjongo.''²²Wamwaselia ate, ''Odjei ndai, laate toke owawongoseli wango watotomali? Oasi woni la loyi e owe?'' ²³Aasia, ''Mbai idjei mowelele e ongo okodhumbiaka la lisobe: 'wongelini mboka e Likumu, nda eyasali motiesakoli Isaya,'²⁴wango wawatomali wdjaali Wapaliseyo, ²⁵wamohuelia alidji ehele poopo, ''lande ekopatisaka owe wato inga oti Kilisito, oti Eliya, oti koto motiesakoli?''²⁶Yoani awawongoselia, ''Mbai, ikopatisaka la malia, ase ndondo enu edjei la moto mwesi ongo omwewitini ino. ²⁷Akodja mbuse e mbai, iti la maengi matokoalke ndjiki dja ikpokpo wande.'' ²⁸Dji sambo ikelanali la Bethania, eeti kambo e yolodani, ongo Yoani adjaakali opatesi wato.²⁹Ekundu eho, Yoani amoenia Yesu akoyandongbaka atie ende, aasia, ''Dengani, oholo adjei mana o meeme e Mwengei, ongo okolongosaka masusu ma moki! ³⁰Edjei inde ongo eyasali mbai, 'Mbuse e mbai, moto mwesi akodja ongo odjaali liwoso la mbai, laate awatomali liwoso la mbai.' ³¹Imoewiti, ase edjei oenesi la Isalayele ate mbai idji opatesi la malia.''³²Yoani asumbali koto ehele litotoli, ''Ieni elimo ekoyadjimbaka likolo, nda elua, eyamalia likolo lande. ³³ Itiimoewakali inde, ase inde moto otomali mbai opatesi la malia, andjaselali mbai, ongo okomoene owe elimo ayadjimbia koto eyamalia likolo lande, inde nde okopatisa la elimo satu.' ³⁴Mbai iyeeni koto igemei ate adjei mana o Mwengei.''³⁵Ekundu eho, Yoani adjaakali ndji ango la watutiani wande waale, ³⁶wamoenia Yesu akwetaka, Yoani aasia ate ''Denda, mana o meeme e Mwengei.''³⁷Ango eokia iwo ndinge sambo eyasali inde, wamotuteya Yesu. ³⁸Yesu ayakukulia, aenia ate wakomotutiaka, aasia la iwoo, ''Ino okolukakani nde?'' Wamowongoselia ate, ''Rabbi''( enge ekukolani ate, '' Moinyei''), ''Owe okoyabataka eni?'' ³⁹Awaaselia, ''Djakani, oeneni koto.'' Wakia, waenia koto ongo edjaaki inde oyabati, wayabatia ebete ekikima la inde wungo wuse, edjaali engele e nei mbuse e limbile.⁴⁰Andele, maanango o Simoni petele, adjaali mwesi ndondo ewu wango waokali engbundu e Yoani, koto e wango wamotuteyali Yesu. ⁴¹Agbotonia yo liwoso la manango Simoni, amoaselia, ''Togbotoni la Masia'' (ongo okuani la ''Kilisito''). ⁴²Akia la inde atie Yesu, Yesu amodendia, aasia, ''Owe simoni monga Yona. okowelana Kepasi'' (enge einyei ''Libukeli'').⁴³Wuse wungo weeti, Yesu alukali oki la moki mo Galilea, agbotonia la Pilipo, aasia la inde, ''Tutia mbai.'' ⁴⁴Pilipo adjaali moto o Betesaida, moki mo Andele la Petele. ⁴⁵Pilipo agbotonia la Natanaeli, amoaselia ate, ''Toeniga ongo Moize adhingi la pui, koto ongo watiesakoli wamoaseleli, Yesu o Nazalete, mana o Edjepu.''⁴⁶Natanaeli amoaselia ate, ''Ema elamu eengi koto opumbi la Nazaleta?'' Pilipo amowongoselia, ''djaaka, oene koto.'' ⁴⁷Yesu, amoenia Nathanaeli, aasia la inde, ''Denga Moisalayele, ongo eti te la kokia!'' ⁴⁸Natanaeli amoaselia, ''Oewi mbai eni?'' Yesu mowongoselia. ''Liwoso ate pilipo aowele, ango edjaaki owe seese e mote mo Pigi, mbai ioeneki.⁴⁹Natanaeli awongosia, ''Rabbi, owe odjei monga Mwengei! Odjei Likumu o Isalayele. ⁵⁰Yesu amowongeselia ate, ''La ebili eyasi mbai ate iyoeni seese e mote mo Pigi, nde ogemeiya? Okoene sambo sungu oeti djidji ndjo.'' ⁵¹Amoaselia koto, ''La omeemene, la omeemene iyoaseli, okoene opoti keke likolo lidhuhuani, waahumbua wa Mwengei wakotelaka la wakoyadjimbaka koto likolo e mana o Moto.''

Chapter 2

¹Masio masato mbuse, edjaali la yenga e liwala la moki mo kanana e Galilea, nango Yesu adjaali ongo. ²Wamowelali koto Yesu ongo la yenga e liwala eho la watutiani wande.³Ango maana masilia, nango Yesu amoaselia ate, ''Wati kine la maana.'' ⁴Yesu amowongoselia, ''Owe oholo moli nda loi iso laowe? Engele e mbai eumakiyo.'' ⁵Nango aasia la wasali ate ''Kelani ndenge ekwasa inde.''⁶Kaikoase edjaali la teni motoba, ehekelenate la Wayuda la loyi e oyalangesi, teni djaho idjaali olingese eesi la eesi la eho wipimeli oyeti mokama. ⁷Yesu aasia la iwo, ''Tumesani malia la teni.'' Watumesia tee la minoko. ⁸awaaselia, ''Tukani sikandjo, katikeni atie meemene yenga e liwala.'' Wakeeli okamotikeli.⁹Ango meenemene yenga amekia malia mango mayakukolia manaa, odjangi oewi enge songo edjei maana; ase wasali wango watukali malia iwo nde waewali, amowela moto opele ongo oiki ¹⁰amoaselia, ''Moto kpaa akohekeleke yo manaa mango mawongi, ase mango mawongiti olamu mbuse ndji wato walangoyiga, ase owe, obanyea manaa malamu tee sikalandjo.''¹¹Ndenge ekelani eho, la Kanana e Galilea; elembo e liwoso enge ekelali Yesu. Aenesia otwa wonde, watutiani wande wamogemeiya.¹²Mbuse eho, Yesu ayadjimbia la kapelanauma, mongindji la nango, wamaanango la watutiani koto, wayabatali ongo masio makeke.¹³Pasika e Wayuda eumali ahue, Yesu atelia la Yelusalema. ¹⁴Agbotia ongo la tepelo watambi wa ngombe, e wameeme, e wilua, la wakukoli wa palanga wayabati.¹⁵Akelia pimbo e ndjiki, aumbia la iwo kpaa la tepelo, la wameeme, la wangombe; aandjia mbela e wakukoli, asuakolia wamesa djawu. ¹⁶Aasia la watambi wa wilua, longoseni wihoo wanu, otiwumeseni monguta mo wawa nda ebete e lihoo.¹⁷Watutiani wande, wamungolia enge edhingani, '' posa e monguta emaiya mbai.'' ¹⁸Wayuda, watotia engbundu, wamoaselia, ''Nda elembo ekoyinyaka owe iso, la okeli ehele ndenge?'' ¹⁹Yesu awongosia, ''Bukani ehele tepelo, la masio masato ikomalesa eho.''²⁰Wayuda waasia, ''Ehele tepelo ekelanali wilanga tuku inei la motoba, ase owe omalese eho la masio masato?'' ²¹Kaikoase, adjaakali oaseli wenge wande. ²²Eho lenge, ango ebasali inde, watutiani wande wamungolia ate aasali eho, wagemeiyali madhingo la engbundu enge Yesu aasali.²³A ngo edjali Yesu la yelusalema, lisio la yenga e pasika, wato ngbii wamogemeiyali la oeni wilembo wiwangesake winge widjaakali inde okeli. ²⁴Ase Yesu atidjaakali owagemeiyeli, la ebili ate awayewali iwo kpaa, ²⁵atidjaali la posa ate wamototolele enge edhengi wato, laate ayewali inde amene enge edjei ndondo e moto.

Chapter 3

¹Edjaali la moto mwesi ndondo e Wapalisao, kombo ende Nikodeme, likumu o Wayuda. ²Inde akeeli atie Yesu la likolo, aasia la inde, ''Moinyei, toewi ate owe odjei motiesakoli ongo odjii atie Mwengei, la ebili ate, moto toeti aengiti okeli wi wilembo wikamwake enge ekokelaka owe, inga Mwengei atidjee la inde.''³Yesu aasia la inde, ''La omeemene, la omeemene, iyoaseli, inga moto atiotane mbala e wale, aengiti la okumu wo Mwengei.'' ⁴Nikodeme aasia la inde, ''Nda ndenge moto aengi alidji owotani ango ooloyia inde? Aengi owongoyi mbala e wale la solo djaa nango, awotane?''⁵Yesu awongosia, ''La omeemene, la omeemene, iyoaseli, inga moto awotaniti la malia koto la elimo, aengiti olingeli la okumu wo Mwengei. ⁶Enge ewotani la moini edjei e moini, ase enge ewotani la elimo edjei e elimo.⁷Otihalimane la ndenge e oasali mbai, 'Ewongi owotani mbala e wale.' ⁸Ehoho ekohohaka ongo ebali eho; okoakaka etale, ase otiewa ongo ekodjaka eho inga ongo e kokeeke eho. Ndenge kikima la moto ongo owotani la elimo.''⁹Nikodeme atotia engbundu, aasia, ''Nda ndenge eho eengi okelani? ¹⁰Yesu amoongoselia, aasia la inde, ''Odjei moinyei mo Isalayele, ase oewiti dji sambo? ¹¹La omeemene, la omeemene, iyoaseli ate, tokoasaka djinge iyewi iso, tokoasaka matotoli la djinge ieni iso. Totiasaka sambo djasu.¹²Inga ino otigemeiyeni ango ekoaselakani mbai sambo dja mbume, okogemeiyani nda ndenge inga iyoaselani sambo dja likolo? ¹³Moto te mokikima ateliti ongo likolo, inga te ongo oyadjimbali likolo, monga moto ongo odjei likolo.¹⁴Laate nda Moize adjambaali ndjo ongo la lisobe, iengi koto ate monga moto adjambane. ¹⁵Moto ongo okomogemeiya inde atigue, ase akondje mokalo molibela.¹⁶Laate Mwengei abalali moki ngbii, ahekelia mana onde moikima, laate moto okomogemeiya atigue, ase atote mokalo mo libela. ¹⁷Laate Mwengei atimotomali monga monde la moki laate asambese mokili, ase laate moki mokale la kole ende. ¹⁸Ongo omogemei, atisambesana, ase ongo otigemeiyaka, asambesaniga laate atigemeiye la kombo e monga moikima o Mwengei.¹⁹Dhenga osambesani wonde: Ngbai edjaali la moki, wato wabali molili te ngbai, laate mamungwene mawu madjei mbe. ²⁰Laate moto ongo okokelaka obe, atoni ngbai, atidja atie ngbai, la owangi ate sambo djande itienene saa. ²¹Ase ongo okokelaka ndenge ewongi la omeemene, akodja atie ngbai, laate sambo djande ienene, akokelaka eho la kole e Mwengei.''²²Mbuse eho, Yesu atingali la watutiani wande, akia la Yudea; ayabatali ongo mongindji la iwo, adjaakali opatesi. ²³ Yoani koto adjaakali opatesi la Enona ahue e Salimi; la ebili, ongo malia madjaakali masungu, wato wadjaakali oki ototi patisa. ²⁴Ango wamohelakiyo Yoani la woyogo.²⁵Ondungbiani eumali la watutiani wa Yoani la Wayuda la loyi e oyalangesi. ²⁶Wakia atie Yoani, wamoaselia, ''Moinyei, ongo odjaaki ino la inde ongo la malia ma Yolodana ongo ototolali owo la kole ende, dhenda, akopatesaka, wato kpaa wakokeeke atie ende.''²⁷Yoani aasia, ''Moto aengi okondji ndji enge emohekelani ongo likolo.'' ²⁸Ino amene odjeini wa demo wa mbai, easi mbai, ''Mbai iti Kilisito, ase mbai itomanali liwoso lande.²⁹Ongo odjei memene moli, edjei inde motopele. Ase manango o motopele, ongo oyamali ango akomolambelaka, adjei la mwemu mosungu ango ekookaka inde moli e motopele. Enge edjei mwemu mo mbai, mungo motumi. ³⁰Eengi inde atele, ase mbai iwongwe sese.³¹Ongo odji likolo, inde adjei likolo e wato kpaa. Ongo odjei la mbume, adjei ndjii ombume, akoasa koto ndji sambo dja mbume. Ongo odji likolo, adjei lokolo e wato kpaa. ³²Inde akototola djinge ieni inde la ioki inde, litotoli lande moto te mokikima abaliti. ³³Ongo oyambi litotoli lande, inde nde ososoli ate Mwengei adjei olamu.³⁴Laate ongo omotomi Mwengei akoasa wingbundu wa Mwengei, la ebili ate Mwengei amohekeli elimo eti la gboo. ³⁵Sango amobali monga, ahekeli sambo kpaa la mawo mande. ³⁶Ongo omogemei monga, akondjiga mokalo mo libela, ase limemu la Mwengei liti likolo lande.''

Chapter 4

¹Ango likumu aokia ndenge Wapalisao waewali ate akopatesaka watutiani ngbii omoyeti Yaoni. ²Ndjongo, Yesu atidjaakali opatesi inde amene, ase watutiani wande nde wadjaakali okeli, ³alongwali la Yudea, awongoiya la Galilea.⁴Ase ango eongoli ate akpande la Samalia, ⁵aumali la gbata e Samalia, enge ewalani Sikale, ahue e elanga e Yakobo enge emohali inde monga monde Edjepu.⁶Ongo edjaali la likaka e Yakobo. Yesu, agenakolali la okendo, ayabatali la litokele e likaka. Edjaali engele e motoba . ⁷Moli mwesi Mosamalia adjaali otuki malia, Yesu aasia la inde, ''Hekele mbai malia makengake makengake.'' ⁸Ango watutiani wande wakeeli la gbata osombi ilaka.⁹Ongo moli Mosamalia aasia la inde, Nda ndenge owo, odjei Moyuda, okoongoko mbai malia makengake, mbai moli Mosamalia?'' Wayuda watiokanaka la Wasamalia. ¹⁰Yesu amowongoselia, ''Inga owe oewaki likao e Mwengei koto ndai ongo okoaselaka ate, 'Pekele mbai malia makengake, eengaki la owe amene omoongi malia makengake, aengaki oohekeli malia ma mokalo.''¹¹Moli oho amoaselia, ''Likumu, owe otii la ema etukelake, likaka koto li lindji. Eni ekotota owe malia maho ma mokalo? ¹²Owe omoyeti sangbasu Yakobo, onge inde amene koto akengali malia maho, la wana wande koto la wameeme wande?''¹³Yesu amoongoselia, ''Moto ongo okokenga ehele malia ndjo, akooka alidji ehoha, ¹⁴ase ongo okokenga malia mango makomoha mbai, atioka kine ehoha, malia mango makomoha mbai ekouma atie inde moto mo malia mango makohumbaka tee la mokalo mo libela.''¹⁵Moli amoaselia, ''Likumu, pekele mbaii mango malia, laate itidjee kine la ehoha, koto itidjake kine otuki malia ahala.'' ¹⁶Yesu amoaselia, ''Kekee, mowela molome o owe, koto owongwe alidjii ahala.''¹⁷Ongo moli aasia, ''Mbai iti la molome,'' Yesu aasia la inde, '' oasi olamu ate, 'iti la molomo.'' ¹⁸Laate odjaali la pele itano, molome ongo edjei owo la inde sikandjo ati molome e owe. Ndjongo oasi meemene.''¹⁹Moli aasia la inde, ''Likumu, ieni ate odjei motiesakoli.'' ²⁰Watata wasu wayakongali la mu mokoli, ase owo oasia ate ebete enge eyakongake edjei la Yelusalema.²¹Yesu aasia la inde, ''Gemeiya mbai, engele egeleli, enge etidjaa kine la mou mokili te la Yelusalema ate okomoganani wawa. ²²Ino okoyakongakani la enge eyewiti ino. Iso, tokoyakongaka la enge eyewi iso, laate mokalo modji la Wayuda.²³Engele egeleli, koto edjiga, ongo wayakongi walamu, wakoyakonga la wawa la elimo koto la omeemene, laate idjei iwo wayakongi wango wawa akowalukaka. ²⁴Mwengei adjei elimo, ewongi la wango wakoyakongaka la inde, wayakonge la inde la elimo koto la omeemene.''²⁵Moli aasia la inde, ''Iewi ate Masia akodjaa, (ongo omoweli iwo Kilisito). Ango ekodja inde, akotoasela sambo kpaa.'' ²⁶Yesu aasia la inde, ''Edjei mbai, ongo okoasaka owe.''²⁷Ongo likolo eumali watutiani wande. Wakamwali la wungo wosololaki inde la ongo moli. La djinge kpaa, te mokikima aasiti ate, ''Akomohuelaka nde?'' Inga, ''Woni akosolalaka la inde?''²⁸Mbuse eho moli atikia ekoko ende, akia ongo la moki, koto aasia la wato, ²⁹djaakani imoeneni moto ongo okusoli sambo kpaa ikelali mbai. Etidjaa Masia?'' ³⁰Wakolongoiya la moki koto wakia atie inde.³¹La enge engele djongo, watutiani wamogogali, wadjaali oasi, ''Rabbi, laka.'' ³²Aasia la iwo, '' Mbai idjei la ilaka winge wiewiti ino. ³³Watutiani wapotali oyahueli iwo la iwo, ''Moto moesi nde amodjeeli ilaka?''³⁴Yesu aasia la iwo, ''Ilaka wa mbai edjei ikele mwano e ongo otomi mbai, iengese koto wotomo wonde. ³⁵Otiaseni ate etikali ndebo inei la obuki pukapuka? Iyoaselini, djambani maiso, dhendani elanga, etaniga la obuki pukapuka. ³⁶Ongo okobuka pukapuka, akotota liputi, koto akoyisa pukapuka la loyi e mokalo mo libela, laate la ongo ooni koto la ongo obuki maemele mongindji.³⁷Laate enge engbundu edjei meemene, 'Ongo okoona, la ongo okobuka.' ³⁸Iotomini okabuki pukapuka djinge itiongalini ino otomo. Wadji wakelali otomo, koto ino olingelalini la otomo wou.''³⁹Ngbii e Wasamalia e enge gbata wamogemeiyali Yesu la sambo djinge iyasali ongo moli, ''Andjaseli mbai, djinge kpaa ikelali mbai.'' ⁴⁰Ango, wasamalia wadjaali ogbotoni la inde, wayakongia ate ayabate la iwo. Ayabatia la iwo masio maale.⁴¹Motango mosumo mo wato wagemeiyali la loyi e wingbundu wa Yesu, ⁴²waasia koto la ongo moli, ''Eeti kine sa la enge easi owe nde togemei, laate tomooki la matoyi masu amene, toewi koto ate adjei Masia, mokalesi mo moki.''⁴³Mbuse e masio maale, Yesu alongoiya ongo la okii la Galilea. ⁴⁴Laate Yesu aasali inde amene ate watimogemeiyaka motiesakoli la moki monde. ⁴⁵Ango eumia inde la Galilea, wayambanali la Wagalilea wango waeneli djinge ikelali inde la Yelusalemama ongo la yenga, Laate iwo koto wakeeli ongo la yenga.⁴⁶go ewongoiya inde la Kanana e Galilea, ongo ekukolali inde malia maana. Edjaali la kapelanauma, motuke mosungu o likumu e likumu, monga monde adjaali la ekoni. ⁴⁷Ango eokia inde ate Yesu aumia la Yudea la Galilea, akia atie inde, amoongia ayadjimbe la inde okamokalesi monga monde, laate adjaakali ahue e logo.⁴⁸Yesu aasia la inde, '' Inga otieneke wilembo koto wikamweseli, oengiti ogemei. ⁴⁹Motuke mosungo o likumu amoaselia, ''Likumu djaka liwoso ate monga mo mbai agwe. ⁵⁰ Yesu amoaselia, ''Keke, mana owe adjei la mokalo.'' Ongo moto agameiyali engbundu enge e moaselali Yesu, ahelia mboka koto.⁵¹Edjaaki inde owongoyi, ango tuke djande adjaali ogbotoni la inde, wamoaselia ate, ''Monga mo owe adjei la mokalo.'' ⁵²Awahuelia nda engele eumali inde olamu, wamoaseliaa: kolokolo, la engele e sambo nde misa mimodheeli.⁵³Wawa ayewia ate edjaali ndji enge engele nde Yesu aasali la inda ate, ''Monga mo owe adjei la mokalo.'' Agemeiyali, inde la liemba lande. ⁵⁴Yesu akelia mbala e wale ekamwiseli mbuse e owongoyi wonde la Galilea.

Chapter 5

¹Mbuse eho, edjaali la yenga e Wayuda, Yesu koto akeeli la Yelusalelema. ²Kaikoase la Yelusalema, ahue e moluhe mo wameeme, edjaali la likaka liesi enge ewalani la ebele ate Betesada, enge edjaali la wipumbeli itano. ³Sese e wipumbeli, wato wa wikoni ngbii walangalali, wango wagui maiso, wango wakotengwaka, wango wagwi makolo. Wadjaakali olambeli ondungbiakani e malia. ⁴Laate ahumbwa adjaaki oyadjimbi la engele, moto o poo ongo okoyadjimba la malia, mbuse e ondungbakani eho, adjaakali okali, inga edjaa te nda ekoni.⁵Moto moesi adjaakali ongo, ongo oumwali la ekoni ende, wilanga toku isato la mwambi. ⁶Ango Yesu amoenia ongo moto alangali, nda eyewali inde ate aetesiga wiengele ngbii la ekoni, Yesu aasali la inde ate, ''Obali mokalo?''⁷Moto o ekoni awongosia, ''Likumu, iti la moto ongo okolumba mbai la likaka inga malia mandungbakana, ase engele ekodjaaka mbai, odji moto ayadjimbiga liwoso la mbai.'' ⁸Yesu aasali la inde ate, ''Amala, tota litoko la owe, koto somba.''⁹Mbala kikima ongo moto akalali, atotia litoko lande, apotali osombi.¹⁰Ndjongo Wayuda wadjaakali oasi la moto ongo okalali la ekoni ate, ''Edjei sabata, etekisani okpali litoko. ¹¹Awawongeselali ate, ''Moto ongo kalesi mbai aasi la mbai ate, 'Tota litoko la owe koto somba.'''¹²Wamohuelali ate, ''Ndai moto ongo oaseli ate, 'Tota eho koto somba?'' ¹³Moto ongo okali la ekoni atiewali inga edjei ndai, laate Yesu alongwali ango, la loyi e ngbii e wato wango wadjaali la ebete eho.¹⁴Mbuse e sambo djaho, Yesu omogbotali ndondo e tepelo, amoaselia ate, ''Dhenda, okaliga, otikele kine lisumu aleeti, laate loyi teeti e mbe etiowume.'' ¹⁵Moto oho akeeli, awaaselali Wayuda ate, edjei Yesu nde moto omokalesi.¹⁶La loyi luho, Wayuda wapotali omoenesi Yesu odjidji, laate adjaaki okeli sambo djaho wuse wo sabata. ¹⁷Yesu awawongoselali ate, ''Wawa o mbai akokelaka tee sikandjo, mbai koto ikokelaka.'' ¹⁸La wungo loyi nde Wayuda walukali ate wamole, laate adjaakali ndji obuki sabata, ase adjaali o moweli Mwengei sango, la ndenge eho ayaengesali la Mwengei.¹⁹Yesu awawongoselia ate, ''La omeemene, la omeemene ikoasaka la ino, mana aengiti okeli loyi te loikima la ndenge ende amene, ase ndji enge wawa akokelaka. Djinge kpaa wawa akokelaka, mana koto akokela ndji ndenge kikima. ²⁰Laate wawa amobali mana, akomoinyaka djinge kpaa inde amene akokelaka, akomoinya koto tomo sungu sungu oeti ehele, laate okamweni.²¹Laate, ndji ndenge wawa akobasesaka wagui, akohekeleke koto mokalo, mana koto akohaaka mokalo la moto ongo omobali inde. ²²Wawa atimosambasaka moto, ase ahekeli esambeseli kpaa atie monga monde. ²³Laate wato kpaa wamogane mana, nda ekomoganaka iwo wawa. Ongo otimoganaka mana, atimoganaka koto wawa ongo omotomali inde.²⁴La omeemene, la omeemene, iyoaselini, ongo okooka engbudnu e mbai, amogemeiya koto ongo otomi mbai, adjei la mokalo mo libela. Atisambesana, ase alongoyi la logo aumia la mokalo.²⁵La omeemene, la omeemene, ikoaselaka ino, engele egelesi, eumiga koto, ongo wagui wakooka moli mo mana o Mwengei, wango wamookali wakokala.²⁶Laate ndji ndenge wawa adjei la mokalo ndondo e inde amene, ndenge kikima koto amohekeli mana onde mboka e odjei la mokalo ndondo e inde amene, ²⁷amohekeli koto okumu esambesake, laate adjei monga moto.²⁸Otikamweni la loyi loho, la ebili ate engele egeleli, enge wango kpaa wadjei la mbila wakooka moli monde ²⁹ wakopumba: Wango wakelali olamu, wakobasa la kole e mokalo, ase wango wakelali obee iwo wakobasa laate wasambesane.³⁰Mbai iengiti okeli loyi te likikima la mamungo ma mbai amene, ndji ndenge ekookaka mbai, ndenge koto ekosambesaka mbai, osambesi koto ekosambesaka mbai edjei meemene, laate itilukaka mwano mo mbai amene, ase mwano e moto ongo otomi mbai. ³¹Inga mbai amene ekohekeleke litotoli la mbai amene, litotoli la mbai eti e meemene. ³²Moto odji nde akohekeleke litotoli la loyi lo mbai, iewi koto ate litotoli linge likohekeleke inde la loyi e mbai lidjei meemene.³³Otomalini wato atie Yoani, inde ahekeleli litotoli la loyi e omeemene. ³⁴Ase mbai itibalaka litotoli linge lilongoyi atie moto, ase ikoasaka djii sambo laate ino okaleni. ³⁵Yoani adjaali lotambe mungo mokololaka koto mokongalaka, obalalini oemeli la ngbai eho engele keke.³⁶Mbai idjei la litotoli linge lieti litotoli la Yoani, laate tomo djinge Wawa o mbai ahaali mbai ikele, tomo djinge ikokelaka mbai, ekohaaka litotoli la kole e mbai ate Wawa atomali mbai. ³⁷Wawa atomi mbai, inde amene ahekeli litiotoli la kole e mbai. Otiokakiyoni moli monde te mbala kikima, oenekiyoni koto mbanda ende. ³⁸Engbundu ende eyabatiti ndondo e ino, la ebili ate otigemeiyakani moto ongo omotomi inde.³⁹Okoluka lukakani ndondo e madhingo, laate okomungwakani ate la mboka e eho, okototani mokalo mo libela, eho koto nde ekohaaka litotoli la kole e mbai, ⁴⁰inga te ndjongo obalitini odji atie mbai laate ototeni mokalo.⁴¹Mbai itigemeiyaka otwa wungo wolongoyi la wato, ⁴²ase iewi ate ino atini la libalano e Mwengei ndondo e ino amene.⁴³Mbai idji la kombo e Wawa o mbai, ase otiambakani mbai, inga moto odji adjaaki la kombo e ende amene, nda omoyambini.⁴⁴Nda denge ekoengani ino ogemei, ango okoyambakani otwa wungu okohekelenekeni ino la ino, otilukakani koto otwa wungo wolongoyi atie Mwengei?⁴⁵Otimungweni ate ikookambani atie Wawa. Moto ongo okookambani edjei Moize, ongo omobatelini ino motema. ⁴⁶Inga ino omogemeiyalini Moize, oengalini ogemei mbai, la ebili ate inde adhingali sambo djinge idhengi mbai. ⁴⁷Inga otigemeiyakani madhingo mande, okogemeiyani wingbundu wa mbai nda ndenge?

Chapter 6

¹Mbuse e djinge sambo, Yesu akeeli ngambo eeti e ligbutu e Galilea, inga ligbutu la Tibelia. ²Wato ngbii wa mobilia; laate weeneli wikamwiseli wenge wekelali inde likolo e wato wa wikoni.³Yesu atelia likolo la mokoli, ayabatia iwo la watutiani wande.⁴(Kaikoase, pasika, yenga e Wayuda eumali ahue.) ⁵Ango edjambia Yesu maiso likolo, aenia wato ngbii wadjia atie inde. Aasia la Pilipo, ''Eni ekosomba iso makoke laate wa wato walake?'' ⁶(Aasali ndjongo la owameki, laate inde amene ayewali enge eengali inde okeli.)⁷Pilipo amowongoselia ate, ''Makoke e wambele kama iwale matienga laate moto mwesi atote te ma esuki.'' ⁸Mwesi e watutiani wande, Andele, manango o Simoni Petele, aasia la Yesu, ⁹''Edjei la elenge mwesi opele adjei la makoke matano, la suu iwale, ase djinge ikokela woni la wa wato ngbii?"¹⁰Yesu asia, ''Wabatesani wango wato.'' Edjaali la isoki ngbii la ebete eho. Wayabatia mine, wadjaaali motango inga koto itano e pele. ¹¹Yesu atotia makoke amohia Mwengei pambo, akawolia la watutiani, wahekelia la wango wadjaaki ango, awahekelia koto suu ndenge ebalali iwo. ¹²Ango egbetali iwo, aasia la watutiani, ''Ononi wisuki kpaa winge witikali laate teeti etiwunge.''¹³Waonia kpaa, watumesia midjangi liomo la iwale e wisuki winge witikalali mbuse e olaki. ¹⁴Ango eeneli wango wato winge wilembo wikamuake djinge ikeleli Yesu, waasali ate, ''Oholo moto adjei meemene motiesakoli ongo odji la moki. ¹⁵Ango eyewali Yesu ate wapotali omodjambi laate wamobate likumu, alongoiya alidji la mokili inde amene.¹⁶Ango eumia pokwa, watutiani wande wayadjimbia la ligbutu. ¹⁷Watelia waato la okpandi ligbutu ate wake la Kapelanauma. La enge engele likolo liliali, Yesu atidjaaliyo atie ewu. ¹⁸Ehoho esungu, ehohia la oteteli, ligbutu lindungbakanali.¹⁹Ango elukali iwo inga wakilometele itano inga motoba, wamoenia Yesu akosombaka likolo e malia adjaaki oyandongbi la waato, iwo wawangia. ²⁰Ase Yesu awaaselia, ''Edjei mbai, otiwangeni.'' ²¹Walukaka ate wamotelese la waato, etiumuali kine wato eumali ebete edjaaki iwo oki.²²Ekundu eho, ngbii e wango watikalali ngambo eeti e ligbutu waenia ate edjaakali ango sa waato eesi, koto Yesu atitelali ndondo mongindji la watutiani wande, ase ate akeeli inde amene. ²³Maato mango malongwali Tibeliasi eumali ahue e ebete elakali iwo makoke mbuse e Likumu oongosi pambo.²⁴Wato waenia ate te Yesu te watutiani wande watidjaali ango, watelali maato wakia la Kapelanauma okamoluki Yesu. ²⁵Wakamogbotia ngambo eeti e ligbutu, wamoaselia, ''Rabbi, nda engele eumi owe ala?''²⁶Yesu aasia la iwo, ''La omeemene, la omeemene, iyasi la ino, otilukakani mbai laate oenelini wilembo, ase laate olakalini okoke, koto ogbetalini. ²⁷Kelani otomo, etidjee la kole e wilaka winge wikobitanaka, ase la wilaka winge wikoumuaka la kole e mokalo mo libela, enge manga moto akohekeleni ino, laate inde nde Wawa Mwengei abati elembo ate amogemei inde.''²⁸Wamoaselali ate, ''Tokele woni la oengesi tomo dja Mwengei?'' ²⁹Yesu aasia la iwo ate, ''Otomo wo Mwengei edjei nde omogemei ongo omotomali inde.''³⁰Wamoaselia ate, ''Nda wilembo wikwamuake wikokelaka owe, laate toene eho koto toogemeiye? Nda otomo okokelaka owo? ³¹Watata wasu walakali mana la esobe, ndenge edhingana, 'Ahali iwo okoke wungo wolongoyi likolo laate walake.'''³²Yesu awaaselia, ''La omeemene, la omeeme, iyaasi la inde, etidjaali Moize nde aohalini okoke wungo wolongoyi likolo, ase edjei wawa o mbai nde ahekelini okoke wo meemene enge elongoyi likolo. ³³Eho lenge, okoke wo Mwengei, edjei ongo oyadjimbi la likolo, akohaka mokalo la moki. ³⁴Waasia la inde alidji, ''Likumu, tohekele iso enge okoke engele kpaa.''³⁵Yesu awaaselia, ''Mbai nde idjei okoke o mokalo. Ongo okodja atie mbai atidjaa kine la gbutu, koto ongo okogemeiya mbai atioka kine ehoha. ³⁶Ase, iyaasi la ino, oenini mbai, otigemeiyakani. ³⁷Wango kpaa wahekeli wawa mbai wakodjaa atie mbai, itiwumba koto la ongo odjii atie mbai.³⁸Laate, iyadjimbali la likolo te la okeli mwano mo mbai, ase mwano mo ongo otomali mbai. ³⁹Kaikoase, mwano mo ongo otomali mbai, edjei ate, itiwungese te mwesi e wango inde ahekeli mbai, ase iwabasese wuse wo gboo. ⁴⁰Mwano mo wawa, edjei ate, moto kpaa ongo omoeni monga, amogemeiya koto, akondje mokalo mo libela, mbai ikomobasesa wuse wo gboo.''⁴¹Wayuda wandugwanali la loyi lande, laate aasali ate, ''Idjei okoke wungo wolongoyi likolo.'' ⁴² Waasali ate, ''Te indeYesu, monga Edjepu, ongo omoewi iso sango la nango? Nda ndenge eyasia inde ate, 'Ilongoyi likolo?''⁴³Yesu awaongoselia ate, ''Otindungwaneni ino amene.'' ⁴⁴Moto tueti atienga odjii atie mbai inga atitomane la Wawa, mbai ikomobasesa wuse wo gboo. ⁴⁵Edhingani la watiesakolo ate, ''Iwo kpaa wakotiesakolana la Mwengei, moto kpaa ongo ooki sambo djinge ilongoyi atie Wawa, koto ayekolia, akodja atie mbai.⁴⁶Moto te moikima amoeniti Wawa, olongwesi ndji ongo odji atie Mwengei, inde, omoeni Wawa. ⁴⁷La omeemene la omeemene, iyaasi la ino, ongo okogemeiya mbai, akondji mokalo mo libela.⁴⁸Idjei okoke e mokalo. ⁴⁹Watata wanu walakali mana la esobe, waguali iwo kpaa.⁵⁰Ehele edjei okoke enge elongoyi likolo, laate ongo okolaka eho, atigwe koto. ⁵¹Idjei okoke e mokalo enge edjii likolo. inga moto alaka enge okoke, akodja la mokalo libela. Okoke enge ekoha mbai, edjei wenge wa mbai, enge ekoha mbai la mokalo mo moki.''⁵²Ongo likolo, Wayuda wadjaakali okokiani iwo amene, waasali ate, ''Nda ndenge oholo moto aengi otohi iso wenge wande ate tolake?'' ⁵³Yesu aasia la iwo ate, ''La omeemene, la omeemene, iyaasi la ino, inga otilakeni wenge e monga moto, koto inga otikengeni makila mande, otini la mokalo ndondo enu.⁵⁴Ongo okolaka wenge wa mbai koto okenga makila ma mbai adjei la mokalo mo libela, mbai ikomobasesa wuse wo gboo. ⁵⁵Laate wenge wa mbai edjei nde ilaka, koto makila ma mbai edjei ema ekengake. ⁵⁶Ongo okolaka wenge wa mbai , koto okenga makila ma mbai akoumwa la liboleyani mongindji la mbai, mbai koto la liboleyani mongindji la inde.⁵⁷Ndji ndenge wawa ongo odjei la mokalo atomi mbai, mbai koto idjei la mokalo la kole e Wawa, moto ongo okolakaka mbai, moto oho akodja la mokalo la kole e mbai. ⁵⁸Ehele edjei okoke enge elongoyi likolo, eti nda mana mango watata wanu walakali, iwo kpaa waguali. Ase ongo okolaka ehele okoke akodjaa la mokalo libela. ⁵⁹Yesu aasali sambo djaho ango edjaakali inde otiesakoli la sinagoga e Kapelanauma.⁶⁰Mbuse e omooki, ngbii e watutiani wande waasali ate, ''Lu loyi eteteli; ndai okooka eho?'' ⁶¹Yesu aewali ate watutiani wande wakondunguana la lu loyi, Aasali la iwo ate, ''Osakelini la loyi luho?⁶²Inga omoeneni monga moto atelia ongo edjaakali inde liwoso? ⁶³Elimo nde ekokalesaka; wenge eti la kole teeti. Wingbundu winge wiasi mbai la ino edjei elimo koto edjei mokalo.⁶⁴Ase wadji ndondo enu watigemeiyaka.'' Laate tee la lipotele Yesu aewali wa ndai wango watigemeiyaka, koto ndai ongo okomotamba. ⁶⁵Aseko ataleya alidji, '' Eho lenge iyasali la ino ate: Moto tueti aengiti odji atie mbai inga Wawa atimohekele mboka.''⁶⁶Ndji la enge engele, ngbii e watutiani wayagulia, wadheiya osombi la inde. ⁶⁷Yesu aasia la walimu la waale, ''Ino koto, obalitini okii?'' ⁶⁸Simoni Petele amowongoselali, ''Likumu, iso tokee atie ndai? Owe nde odjei la wingbundu e mokalo mo libela, ⁶⁹iso koto togemeiga, toewi koto ate owe odjei Mosatu e Mwengei.''⁷⁰Yesu awawongoselia, ''Itionalini ino liomu la waale? Mwesi ndondo enu adjei djabulu.'' ⁷¹Adjaakali oasi la Yuda monga Simoni Mokeliota, laate inde moto abalali omotambi Yesu, inga te ate adjaali mwesi o watutiani liomu la waale.

Chapter 7

¹Mbuse e sambo djaho, Yesu adjaakali ndji osombi la Galilea, la ebili ate atibalali owumi la Yudea, laate Wayuda walukakali ate wamoole. ²Kaikoase, yenga e Wayuda, yenga e masambo, edjaali ahue.³Wamanango wamoaselia ate, ''Longwa ahala, keke la Yudea, laate watutiani wa owe waene koto tomo ngbii ikokelaka owe. ⁴Moto tueti atikelaka sambo la oyaisi inga akolukaka oewani la hoho . Nda ekokelaka owe dji sambo, yainya la moki.''⁵Laate wamaanango watidjaakali omogei inde. ⁶Yesu aasia la iwo, engele e mbai eengakiyo, ase engele e ino edjei kpaa. ⁷Moki oengiti o otonini, ase ekotonaka mbai laate ikototoloko ate tomo djande idjei mbe.⁸Ino telani la yenga; mbai itelakiyo la yenga eho, laate engele e mbai eengakiyo pendja.'' ⁹Mbuse e owaaseli ndjongo ayadjimbia la Galilea.¹⁰Ango wamanango watelali la yenga, inde amene atelali mbuse, te la hoho ase la oyaisi. ¹¹Wayuda wamolukia ongo la yenga la oasi koto ate, ''Adjei eni?''¹²Ndondo e ngbii e wato, wadjaakali osololi sese sese la loyi wonde. Wadji wadjaakali oasi ate, ''Te ndjongo, akowungesaka wato ngbii mboka.'' ¹³Moto tueti atidjaakali oasi la hoho loyi wonde, laate wadjaakali owangi Wayuda.¹⁴Ango eumia yenga awodja, Yesu atelia la tepelo apotali otiesakoli. ¹⁵Waayuda wakamwali, waasia, ''Woni ekoewaka inde madhingo, inde moto otangiti?'' ¹⁶Yesu aasia la iwo ate, ''Mateya ma mbai malongoiti atie mbai, ase atie ongo otomi mbai.¹⁷Inga moto akokelaka mwano mo Mwengei, akoewa inga mateya ma mbai malongoyi atie Mwengei, inga ikoasaka sambo djinge ikolongwaka atie mbai amene. ¹⁸Moto ongo okoasaka sambo djinge ilongoyi atie inde amene, akolukaka otwa wonde amene, ase moto ongo okolukaka otwa e moto ongo omotomi inde, moto oho akoasaka meemene, koto odjangi sambo ndamu eti ndondo ende.¹⁹Moize atihekelalini ino pui? Ase moto tueti ndondo enu akotemeiyaka pui. Ndjoni okolukakani ondjoli mbai? ²⁰ngbii e wango wato wawongosia ate, ''Owe odjei djabulu. wandai wakoolukaka ooli?''²¹Yesu awaongoselia ate, ''Ikeli sa loyi loikima, ino kpaa okamweiyani. ²²Moize aohekelalini otenani kombeni, (etidjaali ate elongoyi atie Moize, ase elongwali la watata), ino okotenakani wato kombeni wuse wo sabata.²³Inga moto akotenanaka kombeni wuse wo sabata laate pui e Moize etibukiye, lande ino okwamalekani mbai la ebili ate imokalesi moto wuse wo sabata? ²⁴Oisambesakeni la otutei enge ekoeneneke, ase sambesani la omeemene.''²⁵Wadji ndondo e wango wakoyabataka la Yelusalema wapotali oasi ate, '' Te oholo moto nde wakomolukaka o mooli? ²⁶Dhenda, akoasaka liwoso la wato, watiasaka koto la inde te loyi. Ase makumu wamoewi ate adjei Kilisito? ²⁷Iso tuewi ebete elongoyi oholo moto, kaikoase engele Kilisito akodja, moto tueti atiewa ebete elongoyi inde.''²⁸Yesu atiesakolali la tepelo. Apamia, ''Ino ondjewini mbai, oewini koto ongo odji mbai. Alidji, idjiti la ndenge e mbai amene, ase ongo otomi mbai adjei pendja, ino omoewitini. ²⁹Mbai imoewi, laate idji atie inde, koto inde moto otomali mbai.''³⁰Walukali omoheli, ase moto te mokikima ayimopotoli, la ebili ate engele e inde etiengali. ³¹Ngbii ndondo e wato waho wamogemeiyali, wapotali oasi koto ate, '' Ango ekodja Kilisito, akokela wikamwiseli oyeti wi wikeli oholo moto?'' ³²Wapaliseo waokali ngbii e wango wato wakondunganaka la sambo djaho, koto wanganga-Mwengei makumu la Wapaliseo watomali sindjili laate wamohele.³³Yesu aasia, ''Idjeiyo la ino engele ekeke, ase ikoke atie ango otomali mbai. ³⁴Okolukelekeni mbai; otindjene kineni mbai, ongo ekodjaa mbai, ino otiumani ongo.''³⁵Wayuda waayaaselia iwo amene, ''Eni ekokee inde laate totimoene? Akokee atie wango wayandji aatie Wageleki, la otiesakoli koto Wageleki? ³⁶Einyei nde wu loyi woasi inde ate, ''Okolukani mbai, otidjeneni mbai, ongo ekodjaa mbai, otiumani ongo?''³⁷Wuse wo gboo, wuse wosungu wo yenga, Yesu ayamalia, apamia, ''Inga moto aoka ehoha e malia adje atie mbai, akokenga. ³⁸Ongo okogemeiya mbai, wiwale e malia e mokalo mikohumba atie inde, nda easi midhingo.''³⁹Ase aasali ndjingo la loyi e elimo enge wango wamogemeiyali wakotota. Laate la enge engele, elimo etidjaakiyo, la ebili ate Yesu atitotaliyo otwa.⁴⁰Mbuse e ooki djinge wingbundu, ngbii ndondo e wango wato ngbii waasali, ''Oholo moto adjei motiesakoli.'' ⁴¹Wadji waasali, ''Adjei Kilisito. Wadji waasali, ''Edjeiyo la Galilea nde ekodja Kilisito? ⁴²Madhingo matiase ate, Kilisito akopumba la litoto e Davidi, koto la moki mo Betelema ongo edjaakali Davidi ayabati?''⁴³Okawani olingelali ndondo e wango wato ngbii la kole ende. ⁴⁴Wadji ndondo ewu walukali nda omoheli, ase moto toeti atimopotoli.⁴⁵Wasindjili waongwali atie wanganga-Mwengei makumu la Wapaliseo, wawaaselia, ''Woni otimoheleni?'' ⁴⁶Wasindjili waongosia, ''Moto toeti aasala nda oholo moto.''⁴⁷Wapalisao wawaongoselia, ''Ino koto owungesanini mboka? ⁴⁸Moesi e makumu inga e Wapaliseo amogemeiyi koto? ⁴⁹Ase ngbii e wango wato watiewali pui, wadjaali wato wawabumakoli.''⁵⁰Nikodeme ( ongo odjaali la likolo atie Yesu, koto ongo odjaali mwesi ndondo ewu) aasali ate, ⁵¹pui djasu ikomohelaka moto liwosoyo emooke, inga koto etiewe enge ekeli nde?'' ⁵²Wamowongoselia ate, ''Owe koto olongoyi la Galilea? Luka laate oene ate te motiesakoli moikima awongiti opumbi la Galilea.⁵³Moto la moto awongoyia atie inde.

Chapter 8

¹Yesu okeeli la mokoli mo Oliba. ²Ndji boo, awongoiya alidji la tepelo, wato kpaa wadjia atie ende; ayabatia apotia owatiesakoli. ³Wiloko la Wapalisao wadjaali la moli omogboti iwo akokelaka eteba. Wamoamalesia awodja e wato ngbii.⁴Wamoaselia Yesu, ''Moinyei, oholo moli tomoheli akokelaka eteba. ⁵Moize ndondo e pui, ahekeli iso mboka obingi mabukeli la ndenge e wa wali. Owe oasi woni?'' ⁶Waasali djongo la omomeki, laate waluke ndenge e omokambi. Ase Yesu ayaimbia, apotali odhingi la moseyi la mbume.⁷Ango edjaaki iwo ndji omohueli, Yesu ayamalia, awaaselia, ''Moto ongo ndondo enu odjangi lisumu, amobinge moto o poo libukeli. ⁸Ayaimbia mbala edji, awongwanelia odhingi.⁹Ango eokia iwo ndjongo, wapundanali la mamungwene mawu, wapotali opumbi mwesi mbuse e odji, opoti ongo odjei eloko tee la elenge o gbo; Yesu atikalali inde moikima la moli ongo odjaaki awodja. ¹⁰Ango eyamalia inde, amoenyia ndji inde, amoaselia, ''Moli, eni wango waopundji? Moto te moikima atiohelese? ¹¹Awongosia, ''Moto te moikima, Likumu.'' Yesu amoaselia, ''Te mbai koto, itiohelesa koto, keke, otikele kine lisumu.''¹²Yesu awaaselia alidji ate, ''Mbai idjei lotambe e moki; ongo okotutia mbai atisomba la molili, ase akodjaa la lotambe o mokalo.'' ¹³Wapalisao waasia la inde, ''Owe okoyatotoloko owe amene, litotoli la owe eti olamu.''¹⁴Yesu awaongoselia ate, ''Inga ikoasaka litotoli la mbai amene, litotoli la mbai lidjei lilamu. Laate iyewi enge songo edji mbai koto ongo ekokeeke mbai, ase ino, oewitini enge songo edji mbai koto ongo ekokeeke mbai. ¹⁵Ino okosambesakani la ndenge e wenge; mbai itimosambesa moto. ¹⁶Inga isambesa, osambesi o mbai edjei emeemene. laate iti mbai moikema, ase Wawa ongo otomi mbai adjei la mbai.¹⁷Edhingani la pui djanu ate litotoli e wato waale lidjei lilamu. ¹⁸Ikohaka litotoli la mbai amene, koto Wawa ongo otomali mbai akototolaka la kole e mbai.''¹⁹Waasia la inde, ''Eni edjei Sangwa?'' Yesu awongosia, ''Ino oewitini te mbai, te Wawa o mbai; inga oewakini mbai, nda omoewini koto Wawa. ²⁰Yesu aasali wingbundu waho la ebete eisake wihoo wa motio engele edjaaki inde otiesakoli la tepelo, ase moto te moikima atimohelali laate engele ende etiengali.²¹Aasali la iwo alidji, ''Mbai ikokeke, ino okolukani mbai, okogbaani la masumu manu. Ongo ekokeke mbai, ino otiengani oumi.'' ²² Wayuda wapotali oasi ate, ''Akoyaola inde amene? Laate aasi ate, ''Otiengani odji ebete ekokeke mbai?''²³Yesu aasali la iwo alidji, ''Ino odjeini wato wa mbume. Mbai, idjei moto o likolo. Ino odjeini wato wa mu moki; mbai, iti moto o mu moki. ²⁴Eho lenge iyasali la ino ate,''Okogbaani la masumu manu. Laate inga otigemeiyakani ate MBAI IDJEI, Okogbaani la masumu manu.²⁵Wapotali oasi la inde ate, ''Owe ndai?'' Yesu awawongoselia, ''Enge eyaselini mbai ino la lipotele. ²⁶Idjei la sambo ngbii e aasake koto e sambesake la kole ino. Ase moto ongo otomi mbai, adjei olamu, enge eokali mbai atie inde, ikoasaka eho la moki. ²⁷Watihelali gbondo ate akoasaka la iwo la kole e Sango.²⁸Yesu aasia la iwo, ''Ango ekomodjambani ino Monga Moto, okoewani ate mbai idjei inde, koto ate itikelaka loyi te kikima la mamungo ma mbai amene, ase ndji ndenge Wawa atiesakolali mbai, ndji ndenge ikoasaka dji sambo. ²⁹Moto ongo otomi mbai adjei mongindji la mbai, atitike mbai moikima, laate ikokelaka ndji wungo wokomoemelesaka. ³⁰Ndenge Yesu adjaaki oasi djongo wato ngbii wamogemeiyali.³¹Yesu aasali alidji la Wayuda wango wamogemeiyali ate, ''Inga otikalani ndondo e engbundu e mbai, okodjaani watutiani wa mbai.'' ³²Okoewani womeemene koto womeemene ekohekeleni ino lipanda. ³³Wamowongoselali, ''Iso todjei wana wa Abalayama, toumakiyo te wuse tuke dja moto. Woni ekoasaka owe ate, ''Okototani lipanda?''³⁴Yesu awawongoselali ate, ''La womeemene, iyasi la ino ate: Moto kpaa ongo okokelaka lisumu, adjei motuke mo lisumu.³⁵Kaikoase motuke motiumwaka libela la monguta, mana nde akoumwaka libela. ³⁶Inga mana aohiani lipanda, okoumani la lipanda.³⁷Iyewi ate odjeini wana wa Abalayama; ase okolukakani ondjoli mbai, laate engbundu e mbai wolingelitiaka atie enu. ³⁸Ikoasaka enge ema eeni mbai atie Wawa, koto ino okelakani mango maoki ino atie sangbanu.''³⁹Wamoaselia ate, ''Sagbasu edjei Abalayama. Yesu aasali la iwo ate, ''Inga odjeini wana wa Abalayama, nda okelini tomo dja Abalayama. ⁴⁰Ase okolukakani ate odjoleni mbai, moto ongo iyasi la ino meemene wungo wooki mbai atie Mwengei. Abalayama atikelali djongo. ⁴¹Ino okelakani tomo dja sangbasu.'' Waasali la inde ate, ''Iso toti wana wa mese; todjei la sangbasu moikima: Mwengei.''⁴²Yesu aasali la iwo ate, ''Inga Mwengei adjaaki sangbanu, nda obanili mbai, laate ekalongoyi atie Mwengei, koto eho edjei mbai ahala, mbai koto idjiti la ndenge e mbai amene, ase inde moto otomi mbai. ⁴³Woni etiewakani ino easeli e mbai? Edjei laate oengitini ooki engbundu e mbai. ⁴⁴Ino olongoyini atie sangbanu etotana, obalini koto oengesi posa e sangbanu. Inde adjaakali mooli-mo wato ango epotali inde, atiahelelali koto la omeemene, laate womeemene woti ndondo ende. Engele ekoasaka inde moleho, akoasaka la otutei mamungo mande amene, laate adjei moto o moleho koto sango moleho.⁴⁵Ase nda ekoasaka mbai ndji meemene, otigemeiyakani mbai. ⁴⁶Ndai ndondo enu akogemeiyesa mbai ate idjei la lisumu? Inga ikoasaka meemene, ndjoni otigemeiyakani ino mbai? ⁴⁷Moto ongo odjei o Mwengei, akookaka wingbundu wa Mwengei. Eho lenge ino otiokakani laate otini wa Mwengei.''⁴⁸Wayuda wamowongweselali ate, ''Totilonge ango easi iso ate odjei Mosamalia, koto ate odjei la djabulu?'' ⁴⁹Yesu awongwesali ate, ''Iti la djabulu; ase ikomoganaka Wawa o mbai, ino okosambwesaka mbai.⁵⁰Mbai itilukaka otwa o mbai amene; edjei la moto mwesi ongo okolukaka koto akosambesaka. ⁵¹La omeemene, la omeemene, ikoasaka la ino ate, inga moto akotemeiyaka engbundu e mbai, atiene logo te wuse.''⁵²Wayuda waasali la inde ate, ''Sikandjo toewi ate odjei la djabulu. Abalayama agwi, watiesakoli koto wagwi, ase owe oasia, ''Inga moto akotemeiyaka engbundu e mbai, atioka te lumba e logo.' ⁵³Owe omoyeti sangbasu Abalayama ongo ogwi? La watiesakoli wagwi. Owe odjei ndai?''⁵⁴Yesu awongwesali ate, '' Inga ikoyahaka otwa wo mbai amene, otwa wo mbai woti la kole. Wawa o mbai nde moto akohaka mbai otwa , inde ongo e aasi ino ate adjei Mwengei onu. ⁵⁵Kaikoase, omoewitini, inga iyasaki ate itimoewe, iengaki odjei moto o moleho nda edjei ino. Ase imoewi, ikotemeiyaka koto engbundu ende. ⁵⁶Abalayama, sagbanuu, atumali la mwemu ango emungwali inde oeni wuse wo mbai, aeneli atumali la mwemu.''⁵⁷Wayuda waasali la inde ate, ''Owe oengesakiyo wilanga tuku itano, ndjongo omoene Abalayama?'' ⁵⁸Yesu aasali la iwo ate, ''La omemene, la omeemene iyasi la ino ate, ''Liwoso ate Abalayama adjee, MBAI IDJAALI.'' ⁵⁹Waonoli mabukeli laate wamobinge, Yesu ayaisali, apumbali la tepelo.

Chapter 9

¹Ango edjaakali Yesu oeti, amoenia moto mwesi ogui maiso, tee owotani wonde. ²Watutiani wande wamohuelali ate, ''Rabbi, ndai okelali lisumu, oholo moto ,inga wawoti wande, laate awotane la maiso magwi?''³Yesu owongosia ate, ''Oholo moto akeliti lisumu, te koto wawoti wande, ase laate tomo dja Mwengei ienene la hoho atie inde. ⁴Ewongi ate ikele tomo djande djinge itomali inde mbai ndjiyo wuse wodjei. Likolo ligeleli, moto toeti atienga kine okeli otomo. ⁵Nda edjeiyo mbai la moki, idjei ngbai e moki.''⁶Mbuse e oasi ndjongo, asua soi la mbume, anuya mbume la soi djaho, mbuse atotia djinge mbume amunolia mokpodho muho la maiso ma moto oho. ⁷Aasali la inde ate, ''Keke oyakpole la elindo e Siloama'' (enge ekukolani ''Motomani''). Akeeli ayakpolali koto, awongwali ndji akoeneke.⁸Wiino wande koto la wango wamoeneli liwoso akoongoko, waasali ate, Eti ongo moto odjaakali oyabati akoongoko?'' ⁹Weeti waasali ate, ''Edjei inde.'' wango weeti waasali ate, ''Te inde, aengani nde la inde.'' Moto oho aasali ate, ''Edjei mbai.''¹⁰Waasali la inde ate, ''Nda ndenge maiso ma owe madhuhuani?'' ¹¹Awongosali ate, ''Ongo moto omoweli iwo Yesu akelali mateke la mbume, amunolali mbai la maiso, aasali la mbai ate, ''Kekee oyakpoli la siloama. Ndjongo ikeeli oyakpoli, ipotali oeni. ¹²Waasali la inde ate, ''Eni moto oho?'' Awongosali ate ''Iyewiti.''¹³Wakpalelali Wapalisao moto ongo odjaakali liwoso mogui maiso. ¹⁴Kaikonde, wuse wungo Yesu akelali mateke e mbume, amodhuholali maiso, edjaakali wuse wo sabata. ¹⁵Wapalisao wamohuelali la mbala ewu, nda ndenge eeneli inde. Awaaselali ate, ''Amunolali mateke la maiso ma mbai, iyakpolali, koto ikoeneke.''¹⁶Weeti Wapalisao wapotali oasi ate, ''Oholo moto alongoyiti atie Mwengei, laate atitemeiyaka sabata. weeti waasali ate, ''Nda ndenge oholo moto adjei moto o masumu aengi okeli wilembo e ehele ndenge?'' Okawani elingelali ndondo ewu. ¹⁷Wamoaselali moto ongo oguali maiso ate, ''Nda edhuholi inde owe maiso, oasi woni la loyi lande? Moto oho aasali ate, ''Adjei motiesakoli.'' ¹⁸Wayuda watigemeiyali ate atiguali maiso koto aumali oeni, tee wawelali wawoti e moto oho ongo oumali oeni.¹⁹Wawahuelali ate, ''Oholo mana onu ongo easi ino ate awotani maiso magui? Nda ndenge ekoeneke inde sikalandjo?'' ²⁰Wawoti wande waongosali ate, ''Toewi ate adjei mana osu koto awotanali maiso magui.'' ²¹Ase nda ndenge ekoeneke inde sika, nde toewiti, inga te ndai omodhuholi maiso, toewiti koto,mohuelani inde amene, adjei eloko moto. aengi oasi inde amene.''²²Wawoti wande waasali ndjongo la owangi Wayuda, laate wayuda waokanali ate inga moto aasa la hoho ate amoewi Yesu ate adjei Kilisito, waumbe la moto oho la sinagoga. ²³Eho lenge wawoti wande waasali ate, ''Adjei eloko moto. Mohuelani inde amene.''²⁴Wapalisao wawelali mbala ewale moto ongo ogwali maiso liwoso, waasali la inde ate,''Mohekele Mwengei otwa. Iso toewi ate moto oho adjei la masumu.'' ²⁵Awongosali ate, ''Inga adjei la masumu, mbai iyewiti. Loyi liesi linge liewi mbai edjei, ''Idjaakali moto ogwi maiso, ase sikandjo, ikoeneke.''²⁶Waasali la inde ate, ''Aokelali woni? nda ndenge aodhuholali owe maiso?'' ²⁷Awawongoselali ate, ''Iyoaseligani, ase otiokeni! Ndjoni ebalini ino ooki eho alidji? Ino koto okolukakani nde oumi watutiani wande?''²⁸Wamotangali iliko, waasali ate, ''Owe nde odjei motutiani monde, iso todjei watotiani wa Moize. ²⁹Iso toewi ate Mwengei aasali la Moize, ase ohongo moto, toewiti ebete elongoyi inde.''³⁰Moto oho awawongoselali ate, ''Ehele edjei loyi likamwesake, ate ino oewitini eni elongoyi inde, kaikoase adhuholi mbai maiso. ³¹Toewi ate Mwengei atiokaka wato wamasumu, ase inga moto akomowangaka Mwengei koto akokelaka mwano monde, Mwengei akomookaka moto oho.³²Tee la gala etiokanate te wuse ate moto mwesi adhuholi maiso la moto ongo owotani maiso magwi. ³³Inga ongo moto atidjake atie Mwengei nda atienge okelani ndjongo. ³⁴Wamowongeselali ate, ''Owe owotami kpaa ndondo e masumu, ase okototiesakolaka?'' Waumbali la inde.³⁵Yesu aokia ate waumbali la inde la sinagoga. Ango agbotonoli la inde, amoaselia, ''Omogemei monga Mwengei?'' ³⁶Awongosali, ''Edjei ndai, Likumu, laate imogemeiye? ³⁷Yesu amoaselia, ''Omoeni, ongo okoaselaka, edjei inde.'' ³⁸Aasia, ''Igemei, Likumu.'' Amaiyali mauli liwoso lande.³⁹Yesu amoaselia, ''Idji la moki la osambesi, laate wango weeniti, waene, koto wango wakoeneke waume wato wagwi maiso. ⁴⁰Weeti Wapalisao wango wadjaali la inde, ango eokali iwo ndjongo, wamoaselali, ''Iso koto todjei wagwi maiso?'' ⁴¹Yesu awawongoselia, ''Inga ino odjaakini wato wango wagui maiso, nda otidjeeni la lisumu, ase sikandjo okoasakani ate, 'Tokoeneke,' lisumu lanu lidjeiyo.''

Chapter 10

¹''La omeemene, la omeemne ikoasaka la ino, moto ongo otilingela la lopango e wameme la modhuhe muho, ase alingelia la ebete eeti, moto oho adjei iwa, koto mooli. ²Ase moto ongo olingeli la modhuhe, adjei mobanyei mo meme.³Sindjili e modhuhe akomodhuhuela. Wameme wakookaka moli monde, akowelaka wameme wande la kombo, akoyakpala saa. ⁴Ango epumbesia inde wango wande kpaa, akoeta liwoso ewu, wameme koto wakomotutia, laate waewi moli monde.⁵Watimotutia modjidji, ase wako motila lihele, laate waewiti moli mo wadjidji.'' ⁶Yesu awaselia li lisekpe, ase watiewali inga sambo djinge ekoasaka inde la iwo einyei woni.⁷Yesu awaaselali alidji, ''La omeemene, la omeemene, iyoaselini, idjei modhuhe mo wameme. ⁸Wango kpaa wadjaali liwoso la mbai wadjei waiwa koto waoli, ase wameme watiwaokali.⁹Mbai idjei modhuhe. Inga moto alingela ya mbai akokala, akolingela koto akopumba; akogboto ebete e isoki elakake. ¹⁰Wato wa iwa wakodjaaka ndji oiwi, oteni kingo koto obitesi. Mbai idji laate wameme wadje la mokalo mo libela, koto watote eho ngbii.¹¹Mbai idjei mobanyei e wameme molamu. mobanyei o wameme molamu akohekeleke mokalo monde la kole e wameme wande. ¹²Moto ongo omototi iwo la otomo, ongo oti mobanyei mo wameme koto ongo wameme waho wati wande, ango ekoene inde mbwa e motulu egeleli, akowadhee wameme koto akotila, mbwa e motulu ekohela wameme koto ekowandjakola. ¹³Moto ongo omototi iwo la otomo akotila laate akokelaka la kole e wadjenge koto atiyasumbwa la wameme.¹⁴Mbai, idjei mobanyei molamu e wameme, iyewi meme dja mbai, meme dja mbai koto iyewi mbai. ¹⁵Ndji ndenge Wawa andjewi mbai koto ndenge e moyewi mbai Wawa. Ihekeli mokalo mo mbai la kole e meme dja mbai. ¹⁶Idjeiyo la djeeti meme winge wiumakiyo la wu lopango, ewongi koto odji la iwo; wakooka moli mo mbai, ekouma lisai liikima, ekodjaa koto la mobanyei mo wameme moikima.¹⁷Wawa abali mbai, laate ihekeli mokalo mo mbai, laate itote eho alidji. ¹⁸Moto toeti apuesiti mbai eho, ase ihekeli eho mbai amene. Idjei la okumu e ohekeli eho, idjei koto la okumu e ototi eho alidji. Itoti ehele tomani atie Wawa.''¹⁹Okawani elingelali alidji ndondo e Wayuda la kole e wingbundu waho. ²⁰Ngbii ndondo ewu waasali ate, ''Adjei la djabulu, akoni koto boli. Lande ekomookakani ino?'' ²¹Weeti wadjaakali oasi ate, ''Enge eti wingbundu e moto ongo odjei la djabulu. Djabulu koto aengi odhuholi maiso e wato wango wagwa maiso?''²²La engele eho yenga e odhuholi edjaakali okelani la Yelusalema. Edjaakali engele e pio, ²³Yesu adjaaki osombi ndondo e tepelo la modhuhe mo Salomo. ²⁴Wayuda wamolengali, wapotali koto omoaseli ate, ''Tee nda engele okodhee milimo masu la oyahueli hueli? Inga odjei Kilisito toasela la hoho.''²⁵Yesu awawongoselali, ''Iyowaselalini, ase otigemeiyakani. Tomo djinge ikokelaka mbai la kombo e Wawa o mbai eho nde ekohekeleke litotoli la kole e mbai. ²⁶Ase otigemeiyakani, la ebili ate otini wameme wa mbai.²⁷Wameme wa mbai wakookaka moli mo mbai, iwaewi koto, wakotutiaka koto mbai. ²⁸Ikoahekeleke mokalo mo libela, watigua alidji, moto te moikima atiwapuesa la mawo ma mbai.²⁹Wawa o mbai, nde ahekeli mbai iwo, edjei esungu oyeti wihoo weeti kpaa, moto toeti akopuesa eho la mawo ma Wawa. ³⁰Mbai la Wawa todjei moto moikima.'' ³¹Wayuda waonoli mbala edji mabukeli la omobingi.³²Yesu awaaselali, ''Iyoinyalini tomo ngbii wilamu djinge ilongoyi atie Wawa. La tomo djaho, la loyi e nda otomo ekobingakani ino mbai mabukeli?'' ³³Wayuda wamowongoselali ate, ''Totiobingaka mabukeli la otomo eesi ndamu, ase la iliko, laate owe, te ndenge edjei owe moto, oyawumesi Mwengei.''³⁴Yesu awaaselali ate, ''Etidhingane la pui djanu ate, 'Iyaasali, ''Ino odjeini wamwengei'''? ³⁵Inga awelali wamwengei wango engbundu e Mwengei eyasanali, kaikoase engbundu e Mwengei eengiti olimani, ³⁶okoasakani la mbai enge Wawa asatesi, atomi koto la moki ate, ''Okotangaka, laate iyasi ate, 'Idjei Monga Mwengei?³⁷Inga itikelaka tomo dja Wawa o mbai, otigemeiyeni mbai. ³⁸Ase inga ikokelaka eho, inga te otigemeiyakani mbai, gemeiyani te tomo djaho, laate oeweni koto odjaakeni ndji oewi ate Wawa adjei ndondo e mbai, mbai koto idjei ndondo e Wawa.'' ³⁹Walukali alidji omohele, ase atilali la mawo mau.⁴⁰Akeeli alidji ngambo eeti e Yolodani ebete enge Yoani adjaakali opatesi la lipotele, ayabatali ongo. ⁴¹Wato ngbii wadjaali atie inde, wapotali koto oasi ate, ''Meemene, Yoani atikelali te elembo eesi, ase sambo kpaa djinge Yoani aasali la kolo e oholo moto idjaakali meemene.'' ⁴²Wato ngbii wamogemeiyali ongo.

Chapter 11

¹Moto moesi adjaali la ekoni, Lazalo, moto o Betania, moki mo Malia la manango o moli Malata. ²Edjaali Malia ongo omomunolali Likumu malasi la makolo, amohuholali koto la sue djande, edjaali manango Lazalo nde odjaali la ekoni.³Wamanango wa wali wamotomelali Yesu mwendji, waasali ate, ''Likumu, denga, moto ongo okomobalaka owe adjei la ekoni.'' ⁴Ango e okali Yesu ndjongo, aasali ate, '' Kole e enge ekoni eti ate agwe, ase edjei nde la kole e otwa e Mwengei, laate Mana o Mwengei atote otwa la mboka eho.''⁵Kaikoase, Yesu adjaakali omobali Malata la manango o moli, koto la Lazalo. ⁶Ango e okali inde ate Lazalo adjei la ekoni, aetesia masio maale la enge ebete edjaaki inde. ⁷Mbuse eho aasali la watutiani wande ate, ''Towongwe alidji la Yudea.''⁸Watutiani wamoaselali ate, ''Rabbi, ndji sikandjo Wayuda walukali o obingi mabukeli, owongwe alidji ongo?'' ⁹Yesu awongosali ate, ''Wuse woti e engele e liomu la iwale? Inga moto asomba la wuse atisakela, la ebili ate akoene ngbai e moki.¹⁰Ase inga moto asomba la likolo akosakela laate ngbai eti la inde.'' ¹¹Mbuse e winge wingbundu, awaaselia ate, ''Mangbasu Lazalo alangali, ase ikomosusola.''¹²Watutiani wamoaselia, ''Likumu, inga alangali akokala.'' ¹³Kaikoase, Yesu aaselali logo lande. Ase wamungolali ate akoaselaka ohomi e ilo. ¹⁴Aseko Yesu aasia la iwo la hoho ate, ''Lazalo agwi.¹⁵Mbai ikoemeleke la kole enu la ndenge etidjaakali mbai ongo, laate ino ogemeiyeni. Tokeni ongo atie inde.'' ¹⁶Toma, ongo wadjaakali omoweli Liasa, aasali la wiino wande watutiani ate, ''Iso koto toke, laate togwe mongindji la Yesu. ''¹⁷Ango eumia Yesu, akpotoli ndji Lazalo akeliga masio manei la mbila. ¹⁸Betania edjaaki ahue e Yelusalema, wakilometele inga isato. ¹⁹Wayuda ngbii wadjaali owabondesi Malata la Malia ndenge egbali mangbau. ²⁰Ango ookia Malata ate Yesu aumali, akia ogbotoni la inde, ase Malia ayabatali la monguta.²¹Malata aasali la Yesu ate, ''Likumu, inga odjaaki ahala nda manima atigbali. ²²Ase sikandjo, iyewi ate djinge kpaa ekomoongo owe Mwengei, akoohekele owe.'' ²³Yesu aasali la inde ate, ''Mangwa akobasa.''²⁴Malata amowongoselali ate, ''Iyewi, akobasa la libasi wuse wo gboo. ²⁵Yesu aasli la inde ate, ''Mbai idjei libasi koto mokalo; moto ongo okogemeiyaka, inga te agwa, akowongwa la mokalo; ²⁶moto kpaa ongo odjei la mokalo koto akogemeiyaka mbai atigba te wuse. Ogemei eho?''²⁷Malata aasali la inde ate, ''Ndjongo, Likumu, igemei ate odjei Kilisito, Monga Mwengei, ongo ogeleli la moki.'' ²⁸Mbuse ende oasi ndjongo, okeeli amoweli manango Malia. Aasia la inde la ondungwani ate, '' Motiesakoli adjei ahala koto akowelaka. ²⁹Ango e okia Malia ndjongo, ayamalali obangu, akia atie inde.³⁰Yesu atilingelali yo la gbata, adjaaki yo ndji la ebete enge Malata amogbotoli. ³¹Wayuda wango wadjaakali mongindji la inde la monguta, wango wadjaakali omobondesi, ango eenia iwo Malia ayamalia obangu akia, wamotutiali, wamungolali ate akokeke la mbila la okaleli.³²Ango eumia Malia la ebete enge edjaakali Yesu, amoenali, akpali la makolo mande, aasali la inde ate, ''Likumu, inga odjaaki ahala, nda manima atigwali.''³³Ango Yesu amoenia akolelaka koto Wayuda wango wadjaakali la inde mongindji wakolelaka, Yusu aokali magba koto mamungwene mamosombali; ³⁴aasali la inde ate, ''Eni emolangeyini ino?'' Waasali la inde ate, ''Likumu djaka oene. ³⁵Yesu alelia.³⁶Wayuda wapotali oasi ate, ''Denga ndenge edjaakali inde omobali Lazalo!'' ³⁷Weeti ndondo ewu waasali, ''Inde moto odhuholali maiso ma moto ongo ogwi maiso, atiengali nde okeli ate oholo moto atigbe?''³⁸Yesu atungesanali ndondo e inde amene, akeeli ongo la mbila. Edjaali mwange koto libukeli lisungu linge lidhihali iwo la modhuhe. ³⁹Yesu aasia, ''Longoseni linge libukeli. Malata manango o Lazalo aasia la inde ate, ''Likumu, alumbiga, laate ekeliga masio manei nde adjei ango. ⁴⁰Yesu amoaselia, ''Mbai itioasele ate, inga ogemeiya, okoene otwa wo Mwengei?''⁴¹Walongosia libukeli e ebete enge emolangeyali mogwi. Yesu adjambia maiso likolo, aasia, ''Wawa, iyohekeli pambo la enge eoki owe mbai. ⁴²Ase atie mbai, iyewi ate okondjokaka mbai wiengele kpaa, ase iyasi la kole e wa wato ngbii walingi mbai, laate wagemeiye ate owe nde otomali mbai.''⁴³Mbuse e inde oasi ndjongo, apamia la moli motetelake, ''Lazalo, pumba!" ⁴⁴Moto ongo ogwali apumbali, makolo la mawo malingani la wisindje, mbanda ende enangani la esindje. Yesu aasali la iwo ate, ''Motokolani, koto modheeni ake.''⁴⁵Wayuda ngbii wango wadjaali omodhengi Malia, ango eenia iwo sambo djinge ikelali Yesu, iwo kpaa wamogemeiyali. ⁴⁶Ase wadji ndondo ewu wakeeli atie Wapalisao, wawasumbelali sambo djinge ikelali Yesu.⁴⁷Wanganga-Mwengei makumu la Wapalisao walingesali likita lisungu, wapotali oasi ate, ''Tokele woni? Oholo moto akokelaka wilembo ngbii. ⁴⁸Inga tomodhee sa ndjongo, iwo kpaa wakomogemeiya, Waloma wakodjaa otopuesi ehele ebete esu koto ehele moki mosu.''⁴⁹Mwesi owu, Kaipa, ongo odjaki nganga-Mwengei mosungu la enge elanga, aasali la iwo, ''Ino otiewakani ema teeti. ⁵⁰Otimungakani ate edjei la mbano enu ate moto moikikima agbe, la ebete ate moki mosungu moolane la loyi e moto moikima.''⁵¹Atiasali la ndenge ende amene. Ase nda edjaakali inde nganga-Mwengei mosungu la enge elanga, adjaakali otiesakoli ate, Yesu awongoli ogwi la kole e moki; ⁵²te sa la kole e moki muho, ase koto laate awanese wana wa Mwengei wango wayandji wiati la wiati liwoke liikima. ⁵³Opoti wungu wuse, wakelali likita laate wamoole.⁵⁴Eho lenge Yesu atidjaakali osombi alidji la hoho ndondo e Wayuda, ase alongwali ango, akeeli la moki mwesi enge ehuani la esobe, la gbata enge ewelani Epalaima. Ayabatali ongo mongidji la watutiani wande. ⁵⁵Yenga e pasika e Wayuda eumali ahue, wato ngbii walongwali la moki muho la oteli la Yelusalema liwoso la pasika la oyalangesi.⁵⁶Wadjaakali oluki omooli Yesu, wadjaakali oaselani iwo la iwo la tepelo, ''Omungoyini woni? Atidja la yenga? ⁵⁷Kaikoase wanganga-Mwengei makumu la Wapalisao wawatomali wato ate, inga moto mwesi ayewi ebete edjei Yesu, eongi awaewese laate wamohele.

Chapter 12

¹Masio motoba liwoso la pasika, Yesu aumali la Betania, ongo ebete edjaali Lazalo ongo omobasesali inde ndondo e wato wagbake. ²Ongo wamowongeselali ilaka, Malata adjaaki okeli tomo, Lazalo adjaki mwesi la wango wadjaali la mesa mongindji la inde. ³Malia atotali molangi mo maita ma lumba e palanga sungu, amomunolali Yesu la makolo alidji ahuholia maita la swe dja moto monde. Monguta motumali la lumba e malasi.⁴Mwesi o watutiani, Yuda Mokeliota, monga Simoni, inde moto okomotama inde, aasia, ⁵''Lande etitambane ma maita e lumba la palanga kama isato laate towahekele wato wa magba? ⁶Asaali ndjongo te la loyi e wato wa magba, ase laate inde adjei moto o iwa, koto nda ehelali inde libenga la palanga, adjaakali ototi ndjinge edjaakali iwo oisi ongo.⁷Yesu aasia, ''Modheeni abanyali ehele maita ma lumba la lisio liombanake la mbai. ⁸Ino adjeini la wato magba masi kpaa. Ase otidjaa kine la mbai.''⁹Ngbii e Wayuda waewali ate Yesu adjaali ongo, iwo wadjaali, te sa la loyi e Yesu, ase laate wamoene koto Lazalo, ongo omobasesali inde tee ongo la wato wagbake. ¹⁰Wanganga-Mwengei makumu walingali likita laate wamole koto Lazalo. ¹¹Laate la loyi lande, Wayuda ngbii wadjaakali oki ongo koto wadjaakali omogemei Yesu.¹²Ekundu eho ngbii e wato wango wadjaali la yenga e pasika, ango eokali iwo ate Yesu adjaakali odji la Yelusalema, ¹³watotia mangalala ma mbila wakia liwoso lande, la opami, ''Hozana! Pambo la ongo okodja la kombo e Likumu, Likumu o Isalayele.''¹⁴Yesu abgotia mana o punda ayabatia likolo lande; ndji ndenge edhinganali ate, ¹⁵''Otiwange mana o moli o Siona; denga, Likumu la owa ageleli, denga Likulu la owe ayabati likolo la mana o punda.''¹⁶Watutiani wande watiewaliaka kole e sambo djaho liwoso; ase ango e totia Yesu otwa ase wadjaali oewi ate sambo djaho edhinganali la kole ende koto wamokelelali sambo djaho.¹⁷Wango wadjaali la Yesu engele emowelali inde la kunda koto amobasesali tee ongo la wato wagbake wadjaakali ndji ohekeli litotoli. ¹⁸Eho lenge, ngbii e wato, nda eokali iwo ate akelali enge elembo, wadjaali koto wagbotonoli la inde. ¹⁹Wapalisao wayasania iwo la iwo, ''Dengani, otilongakani; moki mokotutiaka inde.''²⁰Wageleki wadji wadjaakali ndondo e wato wango watelali la oyakongi la yenga eho. ²¹Wakia atie Pilipo moto o Betania e galileya, wapotali o moongi, waasia, ''likumu tobali omoeni Yesu.'' ²²pilipo adjaali omoaseli Andele; Andele la Pilopo wadjaali omoewesi Yesu.²³Yesu awawongoselia ate, ''Engele egeleli laate mana o moto atote otwa. ²⁴La omeemene, la omeemene, iyasi la ino, inga pukapuka e ndongo etikuwe la mbume, koto etigwe, ekotikala sa pukapuka eesi, ase inga egwa, engele eho nde ekowota pukapuka ngbii.²⁵Ongo okobalaka mokalo monde akowungesaka eho, ase ongo kotonaka mokalo monde la mu moki akobanya akobanya eho la kole e mokalo mo libela. ²⁶Inga moto abala okeleli mbai, atutiye mbai, ongo ekodjaa mbai, ongo koto ekodjaa motuke mo mbai. Inga moto akelela mbai Wawa koto akomogana.²⁷Sikandjo molimo mo mbai modjwika minga, koto ikoasa woni? Wawa kalesa mbai iyete ehele engele? Ase inga te djongo edjei la loyi luho nde iwumi la ehele engele. ²⁸Wawa kpalesa kombo e owe otwa. Ndjongo moli mwesi molongwali la likolo atw, ''Ihekeliga eho otwa koto ikohekele eho otwa alidji.'' ²⁹Wato wango wadjaali ango wango waokali waasali ate ''Edjei nde ngombe weeti waasia ate; ahumbwa nde okokpomaka la inde.''³⁰Yesu awongosali ate, ''Mu moli motipumbe la loyi e mbai, ase la loyi lanu. ³¹Sikandjo osambesi e moki ekokelanaka: Sikala likumu e mu moki akolumbana sa.³²Ase mbai ikolongosene ala sese ikotota moto kpaaa okodja atie mbai.'' ³³Adjaakali oasi ndjongo, la ohinyei nda logo enge ekogba inde.³⁴Ngbii e wato wamowongweselali ate, ''Tookali la pui ate kilisito akoumwa libela; ase nda ndenge easi owe ate ewongi mana o moto adjambane? ³⁵Yesu aasali la iwa ate, ''Ngbai ekodja mongindji la ino la ma engele keke alidji. sombani engele enge edjeiyo ino la ngbai, laate molili motiolongeni. Moto ongo okosombaka la molili atiewaka eni ekokeeke inde.³⁶Ango edjeini ino la ngbai eneseni ogemei ndondo e ngbai eho, laate oumeni wana wa ngbaii.'' Yesu aasali djinge sambo, mbuse eho akia oyaisi lihele la iwo.³⁷Inga te ate akeleli wilembo ngbii liwoso lawu, watimogemeiyali ³⁸laate engbundue Isaya motiesakoli eengane, ''Likumu, ndai ogemei mateya maoki iso, ndjongo ewo e Likumu eeneni atie ndai?''³⁹Kole enge watiengali ogemei edjaali ehele, laate Isaya aasali alidji ate, ⁴⁰''Aoli maiso mawu, atetisi mitema mawu, laate watiene la maiso mahu watitene kole la mitema mawu, watigemeiye, laate itiwakalese⁴¹Isaya aasali dji sambo ango eeneli inde otwa wonde, akpomali koto la loyi lande. ⁴²Te makumu ngbii wamogemeiyali, ase laate Wapalisao, watidjaakali omogemei la hoho laate watiumbe la iwo la wasinagoga. ⁴³Laate wabalali otwa dja wato oeti enge e Mwengei.⁴⁴Yesu apamali aasali ate, ''Moto ongo ogemei mbai agemeiti sa mbai ase amogemei koto ongo otomi mbai, ⁴⁵moto ongo okoene mbai, akomoeneke koto ongo otomi mbai.⁴⁶Idji nda ngbai la moki, laate moto kpaa ongo okogemeiya mbai, atiabate la molili. ⁴⁷Inga moto akookaka lengbundu e mbai, koto atibanyaka eho, mbai itimosambesa, laate itidje omosambesi moto, ase okalesi moki.⁴⁸Moto ongo okodhendja mbai, ongo otiyambaka engbundu e mbai adjei la ongo okomosambesa. Engbundu enge easi mbai nde ekomosambesa lisio la gboo. ⁴⁹Laate itiase la ndenge e mbai amene, ase Wawa moto otomi mbai, inde nde andjaseli mbai inde amene engbundu ewongi iyasele koto enge ekoasaka mbai. ⁵⁰Yewi ate pui ende edjei mokalo mo libela. Eho lenge, sambo djinge ekoasaka mbai, ndji ndenge Wawa andjaselali mbai eho, ikoasaka eho ndji ndjongo.''

Chapter 13

¹Liwoso la yenga e pasika, Yesu aewali ate engele ende eumi laate alongwe la mu moiki la oki ongo odjei Sango, Yesu nda ebalali inde wato wande wango wadjaaki la moki, awabalali tee la gboo. ²Ango edjaakali iwo olaki ilaka wa pokwa, djabulu alingelali la motema mo Yuda Mokeliota monga Simoni, amohia mamungwene matambake Yesu.³Nda eyewali Yesu ate Wawa akoha witondo kpaa la mawo mande koto ate alongwali atie Mwengei, koto akokeeke atie Mwengei- ⁴ayamalali la wilaka wa pokwa, alangeyali wisindje wande e likolo, atotia esume ayanangali la eho. ⁵Alidji aswiya malia la sani, apotali okpoli makolo ma watutiani, ahuholali eho la esume enge eyanangali inde.⁶Aumia atie Simoni Petele, petele aasia la inde, ''Likumu, okpolia mbai makolo?'' ⁷Yesu amoowongoselia ate, ''Wungo okeli mbai, otiewa sikandjo, ase okwewa mbuse.'' ⁸Petele amwaseli ate, ''Otikpolo mbai makolo te wuse.'' Yesu amowongoselia, ''Inga itiokpole otitota likao mongindji la mbai.'' ⁹Simoni Petele awongosia ate, '' Likumu te sa makolo, ase mawo la moto.''¹⁰Yesu aasali la inde ate, ''Moto ongo okpoli wenge akodjaaka la posa wamokpole sa makolo; ase inde alangi wenge kpaa. Ino alangini, ase te ino kpaa'' ¹¹(Laate Yesu aewali moto ongo okomotamba; eho lange aasali ate, ''Te ino kpaa nde olangini.'')¹²Ango esiselia inde owakpoli makolo koto okpali wisindje wande e likolo koto oyabati alidji la mesa, aasali la iwo ate, ''Oewini loyi wungo wokeli mbai ino?'' ¹³Ino okombelakani mbai ate, moinyei, koto Likumu, oasini olamu laate idjei ndjongo. ¹⁴Inga iyokpoloni makolo, mbai Likumu koto moinyei, ingo koto owongini okpoloni makolo ino la ino. ¹⁵Laate iyohekelini ekpangeli, laate, ndenge ekelini ino mbai, ino koto kelani ndji ndjongo.¹⁶La omeemene, la omeemene, iyasi la ino ate, motuke amoetiti likumu lande, koto moto ongo otomani amoetiti moto ongo omotomi. ¹⁷Inga wewani dji sambo, mwemu la ino inga okokelelakani eho. ¹⁸Iyasiti la ino kpaa, iyewi wato wango iwaoni. Ase edjei laate madhingo maengane, ''Moto ongo okolakaka okoke ebete eikima la mbai ayamaleli mbai.''¹⁹Opoti sikandjo, ikoewesaka la ino liwoso ate eho ekelane, laate ango ekokelana eho oeweni ate IDJEI. ²⁰La omeemene iyasi la ino ate, ''Ongo omoyambi moto ongo omotomi mbai, ayambi koto mbai, koto moto ongo oyambi mbai , ayambi koto ongo otomi mbai.''²¹Mbuse e oasi djinge sambo, Yesu atungesanali la molimo monde, ahali litotoli koto aasali ate, ''La omeemene, la omeemene, iyasi la ino ate: Mwesi la ino akotamba mbai.'' ²²Watutiani wadenganali iwo la iwo, watidjaakali oewi inga ndai akomoaselaka.²³Likolo la mokpoto mo Yesu, mwesi e watutiani wande ayabatali, ongo Yesu adjaaki omobalali ngbii. ²⁴Simoni petelo amokelelali elembo la moto, aasali la inde ate, ''Yewesa inga akoaselaka eho ndai.'' ²⁵Motutiani oho owongosali wenge mbuse e mokpoto mo Yesu, aasali la inde ate, ''Likumu, edjei ndai?''²⁶Yesu awawongoselali ate, ''Edjei moto ongo okomoha mbai esuki e okoke enge elindeyi mbai la sani. Djongo mbuse e olindeyi esuki eho e okoke, atotali, ahali koto eho la Yudasi.²⁷Mbuse e ototi esuki eho e okoke, etota amolingelali. Ndjongo Yesu amoaselali ate, ''Enge ekokelaka owe, kela eho galagala.''²⁸Kaikoase, te mwesi e wango wayabatali la pesa ayewali kole enge inde aasali la iwo. ²⁹Weeti wadjaaki omungoyi ate, nda Yudasi adjaaki oheli libenga e mbela, Yesu adjaaki omoewesi ate, ''Somba wihoo winge todjei la eho posa la yenga, te ahe wato waotundake ma ndambo. ³⁰Mbuse e ototi esuki e okoke eho, apumbali mbala kikima. Edjaakali likolo.³¹Ango epumbia Yudasi, Yesu aasali ate, ''Sikandjo Monga moto atotia otwa, koto Mwengei atotia otwa la kole ende. ³²Inga Mwengei inde amene akomoha otwa, akomoha otwa la mbala kikima. ³³Wana wa mbai, idjei la ino engele keke alidji. Okolukani mbai, koto ndji ndenge iyasali la Wayuda ate, ''Ebete ekoke mbai, ino otiengani oumi, iyasi la ino ndji ndenge eho sikandjo.³⁴Ikohekelekeni ino pui eholi, balanani ino l ino; ndenge ebali mbai ino, ino koto balanani ino la ino. v 35 La ndenge eho wato kpaa wakoyewa ate odjeini watutiani wa mbai, inga obalanani ino la ino.''³⁶Simoni petelo aasali la inde, ''Likumu, enii ekoke owe?'' Yesu amowongoselali ate, ''Ongo ekokeke mbai, otienga otutei mbai sikalandjo, ase okotuteya mbai mbuse.'' ³⁷Petele aasali la inde, ''Likumu lande itienga o otutei owe sikalandjo? Ikohekele molimo mo mbai la loyi e owe.'' ³⁸Yesu amowongoselia ate, ''Lande ekohekele owe molimo mo owe? La omeemene ikoasaka la owe ate, ''Koko etibekwa, inga otiwungane mbai mbala isato.''

Chapter 14

¹Mitema maniu mitiabande. mogemeiyani Mwengei; gemeiyani koto mbai. ²La monguta mo Wawa ibete widjei ngbii, inga etidje ndjongo nda iyasi la ino ikokeke owongeli wibete. ³Inga ekoke mbai okawongeli ino wibete, ikowongua aladji ikototani ino, la ebili ate ebete enge edjei mbai ino koto odjeeni ango.⁴Woyewini songo ekoke mbai, koto woyewini mboka. ⁵Toma aasia la Yesu, ''Likumu, toewiti songo ekoke owe tokoewa mboka nda ndenge? ⁶Yesu aasia la inde, ''Mbai idjei mboka, meemene koto mokalo. Moto atieta atie Wawa inga atiete la mbai. ⁷woewini mbai, omoewini koto Wawa. Opoti sikandjo omoeweni omogemeini koto.''⁸Pilipo aasia la Yesu, ''Likumu, toinyia iso Wawa ekoenga la iso.'' ⁹Yesu aasia la inde, ''Masio ngbii idjei la ino mongindji, woasini ata ondjewitini mbai, Pilipo? Moto ongo ondjeni mbai amoeni Wawa. Nda ndenge okoasaka ate, ''Toinya iso Wawa?¹⁰Otigemeiyaka ate mbai idjei ndondo e Wawa koto Wawa ndondo e mbayi? Sambo djinge ekoaselakani mbai inoi, iyasiti mbai amene; ase Wawa ongo odjei ndondo e mbai, inde moto okokelaka sambo ndjande. ¹¹Gemeiyani mbai ate, idjei ndondo e Wawa koto Wawa ndondo e mbai; gemeiyani te la kole e sambo djaho.¹²La omeemene, la omeemene iyasi la ino, ongo okogemeiya mbai akokela sambo djinge ikeli mbai koto akokela sambo sungu oyeti djidji, laate ikokeke atie Wawa. ¹³Kpaa ndjinge e koongoni ino la kombo e mbai ikokela eho, laate Wawa atote otwa atie mana. ¹⁴Inga oongoni ema la kombo e mbai, ikokela eho.¹⁵Inga obalani mbai, banyani pui dja mbai, ¹⁶mbai, ikomoongo Wawa, akohekeleni ino mogamesi adjee mongindji la ino libala. ¹⁷Elimo emeemene wato wa moki watimoyamba, laate watimoene koto watimoewa. Ase ino okomoewani laate akoabata la ino koto akodja la ino.¹⁸Itiotika ino wana wa magba, ikowongua aladji atie ino. ¹⁹Etikali ma keke moki motindjene kineni mbai, ase ino okondjeneni mbai. Laate mbai idjei la mokalo, ino koto okodjaani la mokalo. ²⁰Linge lisio okoewani ate mbai idjei ndondo e Wawa, ino ndondo e mbai koto mbai ndondo enu.²¹Ongo oiki pui e mbai koto akotemeiyaka eho, moto oho nde akobalaka mbai, Wawa koto akomobala, mbai koto ikomobala, ikoyainyia la inde.'' ²²Yudasi (dheke mokeliota) aasia la Yesu, ''Likumu, nda loyi epumbi laate oyainye la hoho atie iso ase te atie moki?''²³Yesu amowongoselia, ''Inga moto abala mbai, akobanya engbundu e mbai. Wawa akomobala tokodja atie inde, koto tokokela ebete eyabatake atie inde. ²⁴Moto ongo otibalaka mbai, atitemeiyaka wingbundu wa mbai. Engbundu enge ekookaka ino eti e mbai, ase e Wawa ongo otomi mbai.²⁵Ikoasaka la ino dji sambo laate idjei la ino ebete ekikima. ²⁶Mogamesi oho, elimo satu ongo okomotoma Wawa la kombo e mbai akoasela ino sambo kpaa, koto akowongolela ino sambo kpaa djinge iyoaselelalini. ²⁷Iwotikelini logoo e mbai. Iwohekelini ino eho te ndenge moki motihaka eho. Mitema manu mitiabande koto mitigenakole la mbangi.²⁸Ookalini ndenge iyasali la ino ate, ''Ikia koto ikowongwa atie ino. Inga obalalini mbai, wokodjaani la mwemu laate ikia atie Wawa. Laate aeti mbai. ²⁹Sikandjo iyasi la ino dji sambo liwoso ate eume, laate ango ekouma djaho ogemeiyeni.³⁰Itiasa kine ndjo la ino, laate memene moki ageleli. Ati koto la okumu likolo la mbai, ³¹ase moki moewe ate mbai ikomobalaka Wawa, ndji ndenge Wawa atomi mbai, ikokelaka ndji ndjongo. Yamalani, tolongweni ahala.''

Chapter 15

¹Idjei mote mo bino, Wawa adjei meemene elanga. ²Etei enge etiwota bukabuka, Wawa akogbonda; koto etei enge okowota pukapuka, wawa akoewongele, laate e wote pukapuka olamu.³Ino olangigani la engbundu enge eyaselini ino mbai. ⁴Abatani ya mbai, koto mbai ikoyabata ya ino. Nda etei etienga owoti pukapuka, inga etiahelele la mote, djongo ino koto otiengani owoti pukapuka, inga otiboleyaneni la mbai.⁵Mbai idjei mote, ino odjeini etei. Ongo okoyabata ya mbai, mbai koto ikoyabata ya inde, akowota pukapuka ngbii, laate inga odheeni mbai, otiengani okeli ema teeti. ⁶Inga moto atiyabate ya mbai, akolumbama saa nda etei enge eomake, wakoetota koto wakoelumba la misa, ekolongola. ⁷Inga oyabatini ya mbai, koto inga wingbundu wa mbai woyabati ndondo enu, ongoni ema kpaa ebalini ino, ekokelana ndjongo atie ino.⁸Wawa o mbai akototaka otwa la wu loyi, djaakani ndji owoti pukapuka ngbii koto oyinyei ate odjeini watutiani wa mbai. ⁹Ndji ndenge Wawa abali mbai, mbai koto iyobalini ino. Yabatani la libalano la mbai.¹⁰Inga obanyani pui dja mbai, okotikalani ndondo e libalano la mbai, ndenge mbai koto itemei pui dja Wawa koto itikali ndondo e libalano lande. ¹¹Iyasi la ino djinge sambo, laate mwemu mo mbai modjei ndondo e ino, koto mwemu monu motume meke.¹²Pui e mbai eho lele, balanani ndenge mbai oyobalini ino. ¹³Eti la libalano lisungu oeti enge e ehekeleke mokalo mo owe la kole e wiino wa owe.¹⁴Ino odjeini wiino wa mbai inga okelani sambo ekoaselakani mbai ino. ¹⁵Itiowelani tuke laate motuke atiewaka enge ekokelaka likumu lande. Ase iyowelini ino wiino, laate sambo djinge eoki mbai atie Wawa o mbai, iyoaselini ino djaho.¹⁶Ino oonitini mbai, ase mbai nde ionini ino, koto iyobatini ino la wotomo laate okeeni, odjake kotoni owoti pukapuka laate pukapuka djanu edjaake. Laate kpaa djinge ekomoongoni ino Wawa la kombo e mbai akohani ino. ¹⁷Enge etomini mbai ino, edjei obalaneni ino la ino.¹⁸Inga moki mootonani, oewini ate motonali mbai liwoso ate etoneni ino. ¹⁹Inga odjeini wato wa moki, nda moki mobalini ino, laate odjeini wango wande. Ase nda eti ino wato wa moki, ase ionini ino la moki, eho lenge moki mootonini ino.²⁰Mungolakani engbundu enge iyoaselelalino ate, Motuke amoetiti likumu lande; inga waenesali mbai odjidji, wakoenese koto ino odjidji, inga watemeiyali engbundu e mbai, wakotemeiya koto enge enu. ²¹Wakokelani sambo djaho kpaa la kombo e mbai, laate wamoewiti ongo otomi mbai. ²²Inga itidjaake oasi la iwo, nda wati la lisumu; ase sikandjo wati la loyi eyalongesake la kole e lisumu lawu.²³Moto ongo okotonaka mbai, amotoni koto Wawa. ²⁴Inga itikelali ndondo ewu tomo djinge moto toeti akelaki yo, nda watidjee la lisumu, ase sikandjo waeni koto watonia mbai la Wawa. ²⁵Ase edjei laate engbundu enge edhingana la pui djau eengesane ate, 'Watonali mbai sa pamba.'²⁶Ango ekodja mogamesi, ongo okomotoma mbai ongo atie Wawa, elimo e meemene, enge elongoyi atie Wawa, inde akohekele litotoli la kole e mbai. ²⁷Ino koto la ngala enu, ewongi ohekeleni litotoli laate odjaalini mongindji la mbai tee epotali mbai.

Chapter 16

¹Iyoaselini dji sambo laate etidjee ebete enu esakelake. ²Wakoumba la ino la wasinagoga. Ase engele egeleli ango moto kpaa ongo akoolani ino akomungwa ate amokeleli Mwengei otomo wosatu.³Wakokela ndjongo laate wamoewiti Wawa koto mbai. ⁴Iyasali la ino dji sambo, laate ango engele eho ekodja omungoleni ate iyasate la ino. Itiasali la ino sambo djaho liwoso laate idjaali la ino mongindji.⁵Ase sikandjo ikokeke atie ongo otomali mbai, inga te ndjongo moto toetio ndondo enu atihuele mbai, 'Enin ekokeke owe? ⁶Ase laate iyasi la ino dji sambo, magba matumi la mitema manu. ⁷Ase ikoasaka la ino la omeemene ate, ''edjei la loyi e kole enu nde ekokeke mbai, laate inga etikee, mogamesi atidjaa atie enu te wokeke, ase inga ikee, ikootomelani inde.⁸Ango ekodja inde, akoha moki elembo egemeisake la kole e lisumu koto la kole e sambo ndamu koto la kole e lisambesi-⁹la wungo wodhengi lisumu, laate watigemeiyaka mbai; ¹⁰mbuse la kole e sambo ndamu, laate ikokeke atie Wawa koto otieneni mbai alidji; ¹¹koto la gboo, la kole e osambesi, laate likumu e mu moki asambesani.¹²Idjeiyo la sambo la oaselini ino, ase otiewani sikandjo. ¹³Ase ango ekodja inde, elimo eho e meemene, akoinyani ino ndondo e omeemene kpaa, laate atiasa la ndenge ende amene, ase sambo djinge ioki inde nde akoasa, akotiesakola koto atie ino sambo djinge igeleli. ¹⁴Inde akoha mbai otwa laate akotota djinge idjei e mbai, akootiesakolani ino eho.¹⁵Wihoo kpaa winge widjei Wawa la eho, widjeei dja mbai. Eho lenge iyasali ate akototaka ndondo e ema enge edjei e mbai, akotiesakolaka eho atie ino. ¹⁶Etikali engele keke otieneni kine mbai, etikali koto engele keke okoeneni koto mbai alidji.''¹⁷Watutiani wande wadji wahuelanali iwo la iwo ate, ''Einyei woni dji sambo ekoasaka inde la iso ate, 'Etikali engele keke otieneni kine mbai, etikali engele keke okoeneni mbai alidji, koto, laate ikokeke atie Wawa?'' ¹⁸Waasali ate, loyi linge liasi inde ate, etikali engelele keke einyei woni? Toewiti nde ekoasaka inde.''¹⁹Yesu aewali ate wakobalaka omohueli poopo, aasali la iwo ate, ''Okolukakani oewi la ndondo enu lu loyi, laate iyasi ate, ''Etikali engele keke otieneni mbai alidji, koto etikali engele keeke alidji okoeneni mbai? ²⁰La omeemen, la omeemene, iyasi la ino ate, ''Okolelani, okopamani la ilelo, ase magba manu makoyakukola mwemu. ²¹Moli, ango ekowotaka inde, akodjaaka la magba, la ebili ate engele ende eengi; ase ango awotia mana onde, atisumbwaka kine wodjidji woho alidji la mwemu enge ate moto awotani la moki.²²Ino koto, la omeemene okookakani sikandjo magba, ase ikoeneni ino alidji, koto mitema manu mikoemele, koto moto atilongosa mwemu monu. ²³La lisio laho otihuelani mbai te poopo eesi. La omeemene iyasi la ino ate, inga omoongoni Wawa ema la kombo e mbai, akohekeleni ino eho. ²⁴Tee sikala oongokiyoni ema te eesi la kombo e mbai. Ongoni, okototani, laate mwemu monu motume boto.²⁵Iyasi la ino dji sambo la ekpangeli, ase engele egeleli itiasa kine la ino la ekpangeli, ase ikoasa la ino la hoho sambo idhengi Wawa.²⁶La lisio laho, okoongoni la kombo e mbai, iyasiti koto la ino ate ikoongo Wawa la kole enu, ²⁷laate Wawa inde amene akobalaka ino ngbii, laate ino obalini mbai koto ogemeini ate ipumbali nda moenesi o Mwengei. ²⁸Ilongwali atie Wawa idjia la moki, alidji ikodheke moki ikoongwaka atie Wawa''²⁹Watutiani wande waasali ate, ''Ndenga, sikandjo okoasaka la hoho, otiasaka la masekpe. ³⁰Toewi ate oewi sambo kpaa, koto kole eti ate moto aohuele poopo. Eho lenge, togemei ate olongwali atie Mwengei'' ³¹Yesu awawongoselali ate, ''Ogemeiyani sikandjo?³²Dhengani, engele egeleli, edjiga koto ango ekoyaandjani ino moto la moto la monguta monde, koto okodheeni saa mbai amene. Kaikoase iti saa mbai amene, laate Wawa adjei mongindji la mbai. ³³Iyasi la ino dji sambo ndjo laate la mboka e mbai odjeeni la logoo. La moki odjeini la odjidji, ase djaani la mogalia, mbai ilongiga moki.''

Chapter 17

¹Mbuse e oasi Yesu, andengia likolo, aasia, Wawa, engele eengia, moha mana owe otwa laate mana owe aohekele owe koto otwa-²la ndenge omohekeli okumu likolo e moto kpaa o wenge, laate iwo kpaa wango owahi inde, awahekele mokalo mo libela.³Kaikonde, mokalo mo likolo edjei waoyewe, owe, Mwengei moikima, alidji ongo omotomi owe, Yesu kilisito. ⁴Iohekeli otwa la mbume laate isilisi otomo wungo wohekeleli owe mbai ikele. ⁵Sikandjo owo Wawa, hekele mbai otwa ahue e owe amene, otwa wungo wodjaakali mbai la eho ahue e owe liwoso ate moki mokelane.⁶Iyewisi kombo e owo atie wato wango opekeli mbai iwo ahala la moki. wadjaali wa owo koto opekeli mbai la iwo, koto wabanyei engbundu e owo. ⁷Sikandjo waewi ate sambo kpaa epekeli owe mbai elongoyi atie owe, ⁸laate wingbundu winge wihaali owe mbai, iwahekeli eho kpaa, wayambi eho koto waewi amene ate ipumbali nda moenesi mo owe, wagemei koto ate otomali mbai.⁹La iwo nde ekoyakongoko mbai. Itiakongoko la kole e moki, ase wango ohekeli mbai, laate wadjei wa owe. ¹⁰Wihoo wa mbai kpaa widjei wa owe, koto wa owe widjei wa mbai, koto itoti otwa ndondo ewu. ¹¹Mbai iti kine la moki, ase iwo wadjei la moki, koto mbai igeleli atie owe. Wawa mosatu, wabanya la kole e otwa e owe enge ehi owe mbai, laate wadje moikima ndenge iso koto todjei.¹²Ango edjaali mbai la iwo la moki, iwabanyali la kombo owe, iwabanyei wango wapekeli owo, koto te mwesi owu atibitesane, longosa ndji mana mbumakolo laate madhingo maengesane. ¹³Sikandjo igeleli atie owe, ikoasaka sambo djaho la moki laate iwo watume la mwemu mo mbai. ¹⁴Ihekeli iwo engbundu e owe, ase moki e watoni, laate wati wato wa moki, ndenge koto mbai iti moto o moki.¹⁵Iongiti la owe ate owalongose la moki, ase laate owabanye la obe. ¹⁶Iwo wati wato wa mu moki, ndenge mbai koto iti la mu moki. ¹⁷Wasatisa iwo la omeemene. Engbundu e owe edjei meemene.¹⁸Ndji nda etomi owo mbai la moki, mbai koto iwatomi la moki. ¹⁹Laate ikoyasatisaka la kole ewu, la ebili ate iwo koto wasatisane la omeemene.²⁰Itiwakongelaka saa iwo, ase koto wango wakogemeiya mbai la mboka ewu ²¹laate iwo kpaa wadje la liboleyani, nda owe, Wawa, odjei la liboleyani mongindji la mbai, nda mbai koto idjei la liboleyani mongindji la owe. Laate iwo koto wadje la liboleyani mongindji la iso, laate moki mogemeiye ate otomali mbai.²²Iwahekeli iwo otwa wungo ohekeli mbai, laate iwo koto wadje moikima ndenge iso todjei moikima: ²³Mbai la liboleyani mongindji la iwo, owe koto la liboleyani mongindji la mbai, laate wadje la liboleyani womeemene, la ebili ate moki moewe ate otomali mbai koto obali iwo ndenge koto obali mbai.²⁴Wawa, ibali ate ebete enge ekodja mbai iwo koto wadje mine, laate waene otwa wo mbai wungo wohi owe mbai, laate obalali mbai liwoso la lipotele e moki.²⁵Wawa o sambo ndamu, meemene moki moewiti owe, ase mbai iyoewi owe; koto iwo waewi ate otomali mbai. ²⁶Iwaewisi kombo e owe, koto ikoewesa eho, laate libalano linge libalali owe mbai la eho edje ndondo ewu koto mbai la liboleyani mongindji la iwo.''

Chapter 18

¹Ango esisali inde oasi sambo djaho, Yesu apumbali mongindji la watutiani wande wakpandali wakeeli ngambo edji e mokeli engele e pio e Kidelona, ebete edjaakali elanga eesi, inde la watutiani wande walingelali ongo. ²Yudasi, ongo omotambali ayewali enge ebete, laate Yesu adjaakali mbala ngbii oboleyani la ebete eho mongindji la watutiani wande. ³Yudasi atotali ebiba e wasoda koto wapulusi e wanganga-Mwengei makumu koto la Wapalisao wadjaali ongo la wikekene, la matambe.⁴Yesu, ayewali sambo kpaa djinge ikomoumela apumbali, aasia la iwo ate, ''Okomolukakani ndai?'' ⁵Wamowongoselali ate, ''Yesu o Nazaleta.'' Yesu aasia la iwo, ''Mbai ndolo.'' Yudasi, ongo omotambali ayamalali mongindji la iwo.⁶Ango eyasali Yesu la iwo ate, ''Mbai ndolo,'' wawongali mbuse wakwiya la mbume. ⁷awahuelia aleti ate, ''Okomolukakani ndai? Wawongosia alidji, ''Yesu o Nazaleta.''⁸Yesu awongosali ate, ''Iyasiga la ino ate Mbai ndolo. Inga edjei mbai nde okomolukakani ino, wadheini iwo wake.'' ⁹Aasia ndjongo laate engbundu eengesane enge eyasali inde ate, ''La wango wahi owe mbai, imoungisi te moikima.''¹⁰Simoni Petele, ongo oikali kpoka, atubali eho amobingia motuke o nganga-Mwengei mosungu, amokotia litoyi e lilome. Kombo e moto opele oho, Malakusi. ¹¹Yesu aasia la petele ate, ''Wongola Kpoka la mokpokobo. Kopo enge epekeli Wawa ate ikenge, iengiti okengi eho?''¹²Lisai e wasoda la makumu ma wasoda la wapulusi e Wayuda wamohelali Yesu, wamonangakolali koto. ¹³Wakiya la inde yo liwoso ebete e Anasi, laate inde adjali okio wo Kaipa, ongo odjali nganga-Mwengei mosungu la enge elanga. ¹⁴Kaipa nde moto ohali Wayuda mango mamungo ate edjei la kole ewu moto moesi agwe la kole e wato.¹⁵Simoni petele adjaakali omobileyi Yesu, inde la motutiani modji. Motutiani eho ayewanali la ngnga -Mwengei mosungu, alingelali koto mongindji la Yesu la lopango e nganga-Mwengei mosungu. ¹⁶Petele atikalali ongo saa la monoko mo lopango. Motutiani oho odji, ongo oyewanali la nganga-Mwengei, apumbali okasololi la sindjili e moluhe, amolingesali Petele ndondo.¹⁷Motuke mo moli ongo odjaki obanyei moluhe, aasali la Petele ate, ''Owe koto otidje mwesi o watutiani wa ongo moto?'' Inde aasali ate, ''Te mbai.'' ¹⁸Tuke la wapulusi wayamalali ango, waloliali misa e magala, la ebili ate okundu edjaali, wadjaali ooti misa. Petele koto ayabatali mongindji la iwo akootoko misa.¹⁹Nganga-Mwengei mosungu amohuelali Yesu la enge edhengi watutiani wande la mainyei mande. ²⁰Yesu amowongoselali ate, ''Iyasali la hoho la moto kpaa, idjaakali otiesakoli masio kpaa la wasinagoga koto la watepelo, ongo Wayuda wadjaakali ogbotoni, itiasali loyi te loikima la oyaisi.'' ²¹Lande ekopwelaka owe mbai? wahuela wango wandjokali sambo djinge iyaasali la iwo. Dhenga iwo waewi sambo djinge iyasali.'' mbai.''²²Mbuse e oasi djinge sambo, mwesi o wapulusi ongo ayamalali ango amobambolali Yesu la mbanda, aasali koto la inde ate, ''Ndenge ehele nde okomowongweselaka nganag-Mwengei mosungu?'' ²³Yesu aasali la inde ate, ''Inga iyasi obe, ndjenesa obe wuho; ase inga iyasa olamu, ndjooni obingia mbai?'' ²⁴Anasi amotomali la miliki ongo atie Kaipa nganga-Mwengei mosungu.²⁵Simoni petele adjali ango akootoko misa. Waasali la inde ate, '' Owe koto otidje mwesi o watutiani wande? Awunganali aasali ate, ''Te mbai.'' ²⁶Mwesi o watuke e nganga-Mwengei mosungu ongo odjaali moto e oliye e moto ongo Petele amokotoli litoyi, aasali ate, ''Itieneli owe koto la elanga mongindji la inde?'' ²⁷Petele awunganali alidji; ase la mbala kikima koko ebekoyia.²⁸Wamolongosali Yesu atie kaipa, wakeeli la inde la monguta mo likumu o gbata. Edjaakali boo, ase iwo amane watilingelali la monguta e likumu e gbata, laate watiyabitese djongo waenge olaki yenga e pasika. ²⁹Pilato apumbali saa atie ewu, aasali ate, ''Okomopundakani oholo moto la nda loyi?'' ³⁰Wamowongoselali ate, ''Inga oholo moto atidjaakali mokeli e sambo mbe, nda totimokawe la mawo ma owe.''³¹Pilato aasali la iwo ate, ''Mototani ino amene omosambeseni la obileyi pui djanu.'' Wayuda waasali la inde ate, ''Totihekelane mboka e olake moto.'' ³²Kpaa djinge laate engbundu e Yesu eengesane enge easali inde la oineyi logo e nda ndenge eongoli la inde ogwi.³³Pilato alingelali alidji la monguta mo likumu o gbata, amowelali Yesu aasali la inde ate, ''Owe odjei likumu e Wayuda?'' ³⁴Yesu awongosali ate, ''Owe amene nde oasi ndjongo, inga wato waeti nde woaseli owe eho la kole e mbai? ³⁵Pilato amowongoselali ate, ''Idjei Moyuda, mbai? moki mo owe koto wanganga-Mwengei makumu waokawi owe la maho ma mbai. Okeli nde?''³⁶Yesu awongosali ate, ''Okumu wo mbai woti e ehele moki. Inga wokumu wo mbai wodjaaki la ehele moki, nda tuke dja mbai wasani laate itikawane atie Wayuda. Ase nde wokumu wo mbai elongoyiti ahala. ³⁷Pilato aasali la inde ate, ''Owe odjei likumu? Yesu awongosali ate, ''Owe amene oasi ate idjei likumu. Edjei la kole eho nde ewotani mbai, edjei koto la kole eho nde edji mbai la moki, laate ihekele litotoli la loyi e omeemene. Moto kpaa ongo adjei ngambo e omeemene, akookaka moli mo mbai.''³⁸Pilato aasia la inde, ''Womeemene wodjei nde?'' Mbuse e oasi ndjongo, apumbali alidji atie Wayuda aasali la iwo ate, ''Imoeniti oholo moto la obe te kikima. ³⁹ Ase nda edjei wotata ndondo enu ate iyopumbeselakeni moto mwesi la pasika. La eho obali iyopumbeseleni likumu o Wayuda? ⁴⁰Iwo wapamali alidji ate, ''Te oholo moto, ase Balanabasi.'' Kaikoase Balanabasi adjaakali moto o iwa.

Chapter 19

¹Pilato amototali Yesu, amobingesia pimbo. ²Wasoda wamokelelali lingboka e keke, wamokpalesia la moto, wamokpalesali koto esindje e likolo etanake-boloo. ³Wapotali odji atie inde, la oasi ate, ''Mobale, Likumu o Wayuda!'' Wadjakali koto omobamboli inde la mbanda.⁴Pilato apumbali alidji saa, aasali la iwo ate, ''Denga, imokpali atie enu ono saa laate oeweni ate imoeniti la obe te weesi.'' ⁵Yesu apumbali saa, akpali lingboka e keke koto esindje e likolo etanake-boloo Pilato aasali la iwo ate, ''Denga, Moto oho indolo!'' ⁶Ango wanganga-Mwengei la makumu la wapulusi wamoenali, wapamali ate, ''Mwakiani la ekulusu, mwakiani la ekulusu!'' Pilato aasali la iwo ate, ''Mototani ino amene, mwakiani la ekulusu laate mbai imweniti la obe te kikima.''⁷Wayuda wamowongoselali ate, ''Todjei la pui eesi, la otutei pui eho, eengi la inde ate agbe laate ayaumesi monga Mwengei.'' ⁸Ango eokia pilato wungo loyi, awangali nee. ⁹alingelia la ebete esambesake, aasia la Yesu, ''Owe odjei moto o nda ati?'' Ase Yesu ati wongoselali.¹⁰Pilato aasali la inde ate, ''Otiasaka la mbai? Otiewe ate idjei la okumu e opumbesi owe koto idjei la okumu e oaki la ekulusu? ¹¹Yesu amowongoselali ate, ''Otiengake odjei la okumu likolo la mbai te ma keke inga eho etihanali atie owe tee ongo la likolo. Eho lenge moto ongo okawi mbai atie owe adjei la lisumu lieti lisungu.''¹²La loyi eho, pilato alukali omoumesi inde, ase Wayuda wapamali ate, ''Inga omoumesa oholo moto, oti miino o Kaisala. Moto kpaa ongo ayaumesi likumu ati manango o Kaisala.'' ¹³Mbuse e Pilato ooki djinge wingbundu, amokpalali Yesu saa, ayabatali la ngbelengo esambesake, la ebete ewelani likputuka e mabukeli, ase la Ebele, ''Gabata.''¹⁴Edjei wuse e wongelake pasika, edjaali engele e motoba. Pilato aasali la Wayuda ate, ''Dengani, Likumu lanu!'' ¹⁵Iwo wapamali ate, ''Molongose, molongose; mwakia la ekulusu!'' Pilato aasali la iwo ate, ''Imwake la ekulusu Likumu lanu?'' Wanganga-Mwengei makumu wawongosali ate, ''Toti la likumu odji ndji Kaisala.'' ¹⁶Pilato amokawali Yesu atie iwo laate wamwake la ekulusu.¹⁷Yesu akpalali ekulusu, apumbali akia la ebete eweli iwo ebete e Mokuwa mo moto, enge ewelani la Ebele, ''Gologota.'' ¹⁸Ongo wamobakali la ekulusu, la wato wadji mongindji la inde, mwesi ngambo, mwesi ngambo, ase Yesu awodja.¹⁹Pilato adhingali madhingo, abatali eho likolo la ekulusu. Edhinganali ate: YESU O NAZALETA LIKUMU O WAYUDA. ²⁰Wayuda watangali mango madhingo, laate ebete emwakiali iwo Yesu edjali ahue e gbata. Edhinganali la Ebele, la Latini, koto la Geleki.²¹Wanganga-Mwengei makumu la Wayuda waasali la pilato ate, ''Otidhinge, 'Likumu o Wayuda,'' ase dhinga, 'Adjaki oasi ate, ''Idjei Likumu o Wayuda.''''' ²²Pilato awongosali ate, ''Enge edhingi mbai idhingiga.''²³Mbuse e omwakeyi Yesu, wasoda watotali wisindje wande e likolo wakawolali eho la inei, ndambo eesi atie soda mwesi mwesi; koto esindje e ndondo. Esindje eho e ndondo etitonganali la wisuki, eluanali kpaa opoti likolo tee sese. ²⁴Waasanali iwo la iwo ate, ''Totisalakole eho, ase tobinge djege la oewi inga ekodja e ndai. Ekelanali ndjongo la oengesi madhingo enge edhingana ate, ''Wakawanali wisindje wa mbai wa likolo, koto walumbelali esindje e mbai djege. ''Wasoda wakelelali sambo djaho.''²⁵Ahue e ekulusu e Yesu nango, manango o moli o nango wayamalali ango, la Malia moli o Kelopasi, la Malia Magadalena. ²⁶Ango emweneli Yesu nango la motutiani mungu inde amobalali nee wayamalali ango, aasali la nango ate, ''Moli, modhenga mana owe!'' ²⁷Mbuse aasali la motutiani oho ate, ''Modhenga, ngwa!'' Ndji enge wuse motutiani muho amototali la monguta monde.²⁸Mbuse eho, ango Yesu aewali ate sikandjo sambo kpaa iengisani, laate madhingo maengesane, aasali ate, ''Idjei la ehoha e malia.'' ²⁹Teni eesi edjakali ango etumi la bino magagake, watotali mbumbundju djinge itumi la bino eho magagake wabatia la mote mo izope, wakpalali eho la monoko monde. ³⁰Ango ekengia Yesu bino eho egagake, aasali ate, ''Eengesani.'' Aimbali moto monde, atenali ohomi.³¹Ndjongo Wayuda, ango edjakali engele ewongelake, laate wato wagui watitikale likolo la ekulusu wuse wo sabata (laate wuse wuho wo sabata edjaakali esungu), wamoongoli Pilato atome wawabukakole makolo koto walongose wato wagui la ekulusu. ³²Wasoda wadjaali wabukakolia makolo e moto o poo, koto e moto odji ongo omwakiali iwo mongindji la Yesu. ³³Ango eumali iwo atie Yesu, nda eyewali iwo ate agwiga, watimobukakolali makolo.³⁴Inga te ndjongo, mwesi o wasoda amomaali likonga la mopandji, mbala kikima makila la malia mapumbali. ³⁵Moto ongo oeneli eho ahali litotoli, koto litotoli lande lidjaali meemene. Moto oho aewi ate akoasaka sambo dja meemene, laate ino koto ogemeini.³⁶La omeemene djinge sambo ikelanali laate madhingo mango madhingani ate, ''Te mokua monde te mokikima motibukie.'' ³⁷Songo eti, madhingo maasi ate, ''Wakodhenga atie moto ongo wamomaali.''³⁸Mbuse ewo, Edjepu o Alimateo, ongo odjaakali motutiani mo Yesu ase la oyaisi laate adjaakali owangi Wayuda, amoongoli Pilato alongose wenge wa Yesu; Pilato amohali mboka. Eho lenge, adjaali olongosi wenge wande. ³⁹Alidji Nikodema, moto ongo adjaali poo atie Yesu la likolo, adjaali la mila, la aloa, e litele inga kama eesi.⁴⁰Atotali wenge wa Yesu walingali eho la wisuki e wisindje ebete kikima la wisoki e lumba ndamu, ndji ndenge Wayuda wadjaakali la ehahaneli ewongesake ndenge e oombi wenge wa wato. ⁴¹Kaikoase, la ebete enge wamwakeyali la ekulusu elanga edjali ango, ndondo e elanga eho edjaali la mbila eholi, enge ndondo eho edjaali lambila enge moto toeti alangianali aho. ⁴²Ongo nde, la oyawongeli e Wayuda, wamolangeyali laate mbila eho edjali ahue.

Chapter 20

¹Lisio la liwoso la poso, Malia Magadala akeeli boo la mbila, ndji la hilihili, aeneli libukeli lilongoyiga la mbila. ²Akeeli obangu atie Simoni Petele aetia koto atie motutiani odji ongo Yesu amobalali ngbii, awaaselali ate, ''Wamolongosiga Likumu la mbila, toewiti songo emodhei iwo.''³Petele la motutiani muho odji wapumbali, wakia la mbila. ⁴Iwo waale mongindji wapotali obangu, ase motutiani muho odji amoetali Petele la obangu, aumali ongo la mbila moto o poo. ⁵Ango eyaimbia inde, aenia mambusu ma wisindje milangali, ase atilingelali ndondo.⁶Simoni Petelo amobiliali mbuse, alingelia la mbila eho. Aenia mambusu milangali la mbume ⁷litambala linge limonangali iwo la moto mo Yesu litidjali ebete e kikima la mambusu maho, ase elinganali la moliki muho amene.⁸Djongo la engele eho, motutiani muho odji ongo oumali poo la mbila, alingelali koto la mbila, ania koto agemeiya. ⁹Laate watiewaliyo madhingo mango ate, ''Aongoli obasi tee la wagwi. ¹⁰Ase watutiani waho waongwali atie ewu.¹¹Ase Malia adjaakaliyo ayamali saa ahue e mbila eho, adjaakali oleli. Ango edjaakali oleli, ayaimbali la odhendji ndondo e mbila. ¹²Awenia waahumbwa waale wakpali wisindje wibubake, wayabati ebete e moisali iwo Yesu, mwesi la moto, mwesi ngambo e makolo. ¹³waasali la inde, ''Moli okolelaka nde?'' Awawongoselali ate, ''Wamolongosi Likumu la mbai, iyewiti ebete enge e moisiga iwo.''¹⁴Ango eyasali inde ndjongo, ayakukolali amoenia Yesu ayamali, ase atiewali ate edjei Yesu. ¹⁵Yesu aasli la inde ate, ''Moli, okolelaka nde? Okomolukaka ndai?'' Nda emungolali inde ate edjei sindjili o elanga, aasali la inde ate, ''Likumu, inga omolongosi, ndjewesa mbai, inga omolangeyi eni, imotote.''¹⁶Yesu aasali la inde, ''Malia.'' Ango eyakukolia inde aasia la Ebele, ''Labuni enge eyasi ate ''Mwalimo.'' ¹⁷Yesu aasali la inde ate, ''Otipote mbai, laate itelakiyo atie Wawa, ase keke wagboto wamanima walehela ate, ''Ikotelaka atie Wawa o mbai koto Wawa onu, koto atie Mwengei o mbai koto Mwengei onu.'' ¹⁸Malia magadalena akeli owaaseli watutiani ate, ''Imoeni Likumu,'' koto ate inde omoaseli ndjinge sambo.¹⁹La pokwa e linge lisio, lidjali lisio la poo e poso, midhuhe ebete edjaakali watutiani minanganali, la owawangi Wayuda, Yesu adjaali, ayamalia ndondo ewu, aasia la iwo ate, ''Logoo edje la ino.'' ²⁰Mbuse e oasi ndjongo, awainyali mawo mande koto mopandji monde. Watutiani waemelali ango emoenali iwo Likumu.²¹Yesu awaaselia mbala eeti ate, ''Logoo edje la ino. Nda ndenge Wawa atomi mbai; mbai koto ikootomakani.'' ²²Ango eyasali Yesu ndjongo, awahuhuelia, aasia la iwo ate, ''Tumani la elimo satu. ²³Wango ino okoalimbesani masumu inga e nda ndenge, walimbesani eho. Inga onangani enge e wato inga e nda ndenge, ekonangana.''²⁴Toma, mwesi o watutiani liomu la waale, ongo odjaakali iwo omoweli liasa, atidjaakali mongindji la iwo ango edjaali Yesu. ²⁵Waeti watutiani waasali la inde ate, ''Tomoeni Likumu.'' Ase inde awaaselali ate, ''Inga itiene elembo e sete la mawo mande, koto inga itilingese moseyi mo mbai la elembo e sete eho, koto inga itibate ewo e mbai ndondo e mopandji, itigemeiya te wuse.''²⁶Mbuse e masio mwambi watutiani wande wadjaali alidji ndondo e monguta, Toma adjaali mongindji la iwo. Yesu adjaali, inga te ate midhuhe minanganali, ayamalali awodja ewu, aasali ate, ''Logoo edje la ino.'' ²⁷Mbuse asia la Toma ate, ''Lingesa mosei mowe, koto dhenga mawo ma mbai, tota ewo e owe lingesa eho la mopandji mo mbai. Dhee kokia, ase djaa la ogemei.''²⁸Toma amowongoselia ate, ''Likumu o mbai koto Mwengei o mbai.'' ²⁹Yesu aasali la inde ate, '' Ogemei laate oeni mbai? Mwemu la wango wakogemeiyaka, inga te waeniti.''³⁰Yesu akelali alidji wilembo djeeti liwoso la watutiani djinge itidhinganali la ehele buku, ³¹ase dji sambo idhingani laate ogemeini ate Yesu adjei Kilisito, monga Mwengei, koto ate nda ekogemeiyaka ino, ototeni mokalo la kombo ende.

Chapter 21

¹Mbuse eho Yesu ayainyali alidji atie watutiani wande la ewale e Tibeliasi. Ayaenesali la ehele ndenge: ²Simoni Petele la Toma, ongo odjaali iwo omoweli liasa, la Natanaela moto kana e Galilea koto wana wa Zebedeo la watutiani wande wadji waale wadjaakali iwo kpaa mongindji ³Simoni petele aasali la iwo ate, ''Ikia akaluki su.'' Iwo waasali la inde ate, ''Iso koto toke mongindji la owe. Wapumbali watelia andondoli, ase la likolo eho watihelali te ema.⁴Ango eumali otani boo, Yesu ayamalali la likitikolo, watutiani watiewali ate edjei malia kasi watoma tiewali ate Yesu awumika ala. ⁵Yesu aasali la iwo ate, ''Wana otini la ema elakake? '' Wamowongolali ate, ''Toti la eho. ⁶Aasali la iwo ate, ''Lumbani etanga la ewo e lilome e andondoli okotota.'' Walumbali eho, ase watiengali kine oguli eho la ebili ate su idjaakali ngbii.⁷Djongo motutiani ongo obalali Yesu aasali la petele ate, ''Likumu inde ndolo.'' Ango eokali Simoni Petele ate edjei Likumu, ayanangali esindje ende e saa laate adjaali lingbengbele, ayalumbali la ewale. ⁸Wango weeti watikalali la andondoli eho ekeke, laate watidjaakali lihile e kondolo inga wametele tuku libwa, wagulali etange eho e su. ⁹Ango esawoya iwo, waeneli misa e magala ebatanani ango, suu eitani la makoke.¹⁰Yesu aasali la iwo ate, ''Djakani la su djinge elongoiya ino ooli.'' ¹¹Simoni Petele atelali andondoli agulali etanga kondolo etumi la su sungu kama eesi la tuku itano la isato, ase inga te su idjaali ngbii etanga etisanali.¹²Yesu aasali la iwo ate, ''djakani tolake.'' Te mwesi o watutiani atidjaakali la okulu la omohueli ate, ''Owe ndai? Laate waewali ate edjaali Likumu. ¹³Yesu ayandongbia, atotia okoke, awahekelia, ndenge kikima koto la suu. ¹⁴Edjaali mbala esoto eyainyali inde la watutiani mbuse e obasi wonde tee atie wagwi.¹⁵Mbuse e olaki, Yesu aasali la Simoni Petele ate, ''Simoni monga Yoani, obali mbai oyeti ehele?'' Petele amowongoselali ate, ''Ndjongo Likumu, oewi ate ikoobalaka ngbii. Amoaselali ate, ''Lakesa wana wa meme wa mbai.'' ¹⁶Aasali la inde mbala ewale ate, ''Simoni, monga Yoani, obali mbai?'' Petele aasali la inde ate, ''Ndjongo Likumu, oewi ate iyobali ngbii.'' Yesu aasali la inde ate lakesa wana wa meme wa mbai.''¹⁷Aasali la inde mbala esato ate, ''Simoni monga Yoani, obali mbai?'' Petele aokali magba laate amoaselali mbala esato ate, '' Okobalaka mbai ngbii? Aasali la inde ate, ''Likumu owe oewi sambo kpaa, oewi ate ikoobalaka ngbii. Yesu aasali la inde ate, ''Lakesa wana wa meme wa mbai.'' ¹⁸La omeemene la omeemene iyasi la owe ate, engele edjaaki owe elenge, odjaakali oyanangi libele owe amene koto osombi wiati kpaa wibalali owe, ase ango ekouma owe mowange okonanola mawo ma owe moto odji akoohela libele, akookpala owe eholo enge etibale owe.''¹⁹Akelali ndjongo la oinei logo wungo ekoha inde la eho Mwengei otwa. Ango esisali inde oasi eho, aasali la Petele ate, ''Bilia mbai.''²⁰Petele ayakukolali aenia mbuse ewu motutiani ongo Yesu amobalali ngbii akobiliaka, edjei inde ongo, la wilaka wa pokwa alangeyali wenge la mokpoto mo Yesu aasali koto la inde ate, ''Likumu ndai akootamba?'' ²¹Ango emoenia inde, Petele aasali la Yesu ate, ''Likumu, ndjongo oholo moto?''²²Yesu aasali la inde ate, ''Inga ibala ate awumwe tee ekodja mbai, eodhengi owo? Owe bilia mbai.'' ²³Engbundu eho esombali ndondo e wamangbasu, ate motutiani moho atigba. Kaikoase, Yesu atiasali la inde ate, atigba, ase nde, ''Inga ibala ate aumwe tee engele ekodja mbai eodhengi owe?''²⁴Motutiani moho nde moto akohaka litotoli la kole e dji sambo koto inde nde moto odhingali dji sambo, koto toewi ate litotoli linge likohaka inde lidjei meemene. ²⁵Edjaali koto sambo djinge ikelali Yesu, djinge inga kpaa edhinganali mwesi la mwesi eho, imungoyi, moki muho amene motiengali wabuku djinge edhingani.

Acts

Chapter 1

¹Teopile, la litanda la mbai e poo, iyasi djinge kpaa Yesu apotali okeli la otiesakoli koto, ²tee lisiyo linge etelali inde la likolo, mbuse e inde ohi tomani la mboka e elimo satu atie tutiani wango awaonali. ³Mbuse e oeni odjidji, ayaeneseli la mokalo atie iwo la wilembeli ngbii e omeemene. Aeneneli la iwo masiyo tuku ineyi, adjakali koto owaaseli sambo djinge edhendji okumu wo Mwengei.⁴Nda ndenge edjalikali inde la iwo, awahali tomani ate: ''Otilongwe la Yelusalema, ase lambelani ema enge Wawa awunali, enge iyoaselalini ino.'' ⁵Yoani adjakali opatesi la malia, ase ino, la masiyo makeke, okopatisanani la molimo satu.⁶Ango wayutiani wabolianali wamohuelia ate: ''Likumu, ndji la ehele engele nde ekowongoselaka owe Isalayele okumu?'' ⁷Awawongoselali ate: etiodhendeni ino la oyewi engele la masiyo mango Wawa abati sese e okumu wonde amene. ⁸Ase okototani okulu engele molimo satu ekodja likolo lanu, okodjani watotoli wa mbai la Yelusalema, la Yudea kpaa, la Samalia, tee la gboo e moki.⁹Mbuse e oasi ndjongo, Likumu Yesu adjambanali likolo ndji wakomodhendaka, lipata limodhihia la maiso mawu. ¹⁰Ango edjaki iwo ndji odhendji likolo, engele edjakali inde oki, dhenda, wato waale wakpali wisindje bubake wawapumbelali.¹¹Waasali ate: ''Pele dja Galilea, ndjoni eyamalini ino okodhendakani likolo? Yesu ongo, odjakali la ino akpalania koto likolo, akodja koto ndji ndjongo ndenge emoenini ino akotelaka likolo.''¹²Wawongwali la Yelusalama, walongwali la mokoli mungo moweli iwo mokoli mo Oliba, enge edjei ahue e Yelusalema, la lihele e okendo e lisio liesi. ¹³Ango elingelali iwo, watelia la mwange e likolo ongo ehahanali iwo odjei, wadjakali Petelo, Yoani, Yakobo, Andele, Pilipo,Toma, Batelemi, Matia, Yakobo mana o Alope, Simoni moto o mogalia, la Yudasi mana o Yakobo. ¹⁴Wayabondali, iwo kpaa wananganali la oyakongi, mongindji la wadji wali la Malia nango Yesu, la wamanango wa pele.¹⁵La mango masio, Petelo ayamalali liwoso la wamanango, iwo kpa wadjali kama esi la iwale, aasali, ¹⁶wamanima, eongoni madhingo maengane, enge elimo satu eyasali liwoso la monoko mo Davidi la loyi e Yudasi, ongo osombesali wango wamohelali Yesu.¹⁷Adjali la iso, atotali lisango e wu otomo. ¹⁸Oholo moto, asombali elanga e liputi e logo, akwali liwoso, aatanali, solo djande kpaa ipumbali. ¹⁹Ehele loyi eyewani la wato kpaa wango wayabati la Yelusalema, eho lenge la monoko mowu, wakowelaka elanga eho ''Akeledama'' epoti oasi ''Elanga e makila.²⁰''Laate edhingani la litanda e lembo ate, ' ebete ende eyabatake etikale ohola, moto koto atiyabate ongo'; moto odji koto atote mokpali monde.'²¹Ewongi, la wango wasombali la iso masio kpaa ango edjakali Likumu Yesu la iso, ²²opoti la patisa etotali inde la Yoani tee lisio linge litotanali inde ndondo esu, mwesi la pele djaho awume mototoli e obasi wo Yesu mongindji la iso. ²³Wahia wato waale: Edjepu ongo owelani Balasabasa, wamosingiali Yusitusi, la Matiasi.²⁴Wakelali ehele oyakongi: Likumu, owe nde oyewi mitema ma wato kpaa, inya iwo waale omooni ndai, ²⁵laate atote wu otomo koto wotutiani, enge Yudasi adheeli koto atutiali mboka ende amene. ²⁶Wabingia djege, djege emokwelia Matiasi, ase aboleyanali ebete esi la watutiani lomi la esi.

Chapter 2

¹Ango lisio la patekote e potali oumi; wadjakali iwo kpaa ebete kikima. ²Mbala kikima moli epumbali likolo nda ehoho enge edjei la lihohela, etumali la monguta ongo oyabatali iwo. ³Ndemo nda e misa eeneneli atie iwo koto eyakawanali, koto mwesi la mwesi eyabatali likolo la moto e moto ndondo ewu. ⁴Iwokpaa watumali la elimo satu koto wapotali oasi la minoko madji nda elimo edjali owahekeli iwo mboka la oasi.⁵Kaikwase, Wayuda weeti, la pele djinge wakowangaka Mwengei, wadjaali oyabati la Yelusalema walongwali la mikii kpaa minge midjei sese. ⁶Ndjongo, ango modudu muho mopumbali, ebiba e wango wato wayaboleali koto wakamwali ngbii, te pamba moto la moto adjaali owaoki iwo wakoasaka la monoko monde mo saa. ⁷Iwo kpaa watikalali mono ohola koto watumali la okamwi, waasali koto ate: ''Dengayo, wango kpaa wakoasaka wadjei wato wa Galilea?⁸Nda ndenge tokookaka, moto la moto ndondo esu, la monoko monde enge ewotamali iso la eho. ⁹Wapalate la Wamede la Waelama, la wato wango wakoyabataka la Mesopotamia, la Yudea, la Kapadosi, Poti la liwange e Azia, ¹⁰la Piligia la Pamipilia, Ezipito la wisuki wa Libia winge widjei ngambo e Silene, la wato wango wadjei ahala, wango wadjaali la Loma, Wayuda la wa Pozelita, ¹¹wato wa Keleta la Walabe, tokowaokaka wakoasaka sambu sungu e Mwengei la minoko masu.¹²Iwo kpaa watumali la okamwi la osombesi koto mamungene; wadjakali oyaaseli iwo la iwo, lu loyi eengi oasi woni? ¹³Kaikwase weeti wadjakali owaseki, wadjali koto oasi ate: wagbeti bino elelake.¹⁴Ase Petele ayamalali mongindji la watutiani liomo la esi, adjambali moli monde, aasali la wango wato ndjo: ''Pele djaa Yudea koto ino kpaa wato wayabati la Yelusalema, yewani wu loyi koto tambani litoyi la wingbundu wa mbai. ¹⁵Meemene, wa wato walangoyiti maana nda ndenge ekomungwaka ino, laate ehele edjei engele esato e wuse.¹⁶Ase ehele edjei sambo djinge eyasanali la mboka e motiesakoli Yoele ate: ¹⁷Mwengei aasi ndjo: La masio ma gboo, ikoswela wato wa ndenge kpaa ndambo e elimo e mbai, koto wana wanu wa pele la wana wanu wa wali wakotiesakala koto wilenge wanu wakoene wieneseli koto mbange djanu wakolota saki.¹⁸Edje te tuke dja mbai dja pele koto la tuke dja mbai dja wali ikowaswela iwo ndambo e elimo e mbai la mango masio, iwo koto wakotiesakola. ¹⁹Ase ikohekele makamwesi la oyinyei sambo djinge ekodja ongo likolo koto wilembo la mbume ahala sese, makila koto misa la ligite e milungu.²⁰Wuse ekoyakukola koto la likolo, ndebo koto ekoyakukola la makila liwoso ate eume lisio lisungu koto e otwa e Likumu ekodja. ²¹Ase moto kpaa ango okodhumbeya kombo e Likumu akokala.²²Pele dja Yisalayele, okani ehele wingbundu: Yesu o Nazaleta oholo moto Mwengei aaselali liwoso lanu la tomo e tetelake koto la makamwesi eenesake sambo djinge igeleli koto la wilembo winge Mwengei akelali la mboka ende ndondo enu, nda ndenge eyewini ino amene. ²³Oholo moto, nda moto ongo okawani la otutei mwano mungo mwananate koto la oyewi wungo Mwengei adjei la eho eyewake sambo liwoso, ino omobakali la ekulusu la mawo e wato wango wakobukaka pui koto omoolalini. ²⁴Ase Mwengei amobasisali, la ndenge alongosali ehelani e logo, laate etiengali okelani ate ahelane ndji la eho.²⁵Laate Davidi aasi la loyi londe ate: Ikoeneke engele kpaa Likumu liwoso la maiso ma mbai, la ebili ate adjei la ewo e mbai e lilome, laate itiyabande te ma keke. ²⁶Eho lenge motema mo mbai modjei la mwemu, lolemu lo mbai etume la iyelo, aleeti wenge wa mbai ekohoma la liwuna.²⁷Laate otitika molimo mo mbai ndondo e mbila, otiha koto mboka ate moto o owe molamu ahole. ²⁸Oyewesi mbai mboka e mokalo, okotumesa mbai la mwemu e mbanda e owe.²⁹Wamanima, ehani la mbai iyoaseleni te la mbangi, la loyi enge emodhendji tata osu Davidi, ongo ogwali, wamoombali koto mbila ende edjei ndondo e iso tee la masio makeke. ³⁰Ndenge edjakali inde motiesakoli aleeti ayewali ate Mwengei amolapelali ndai ate akomobata moto mwesi la litoto lande likolo e ngbelengo e inde. ³¹Aenali liwoso koto aasali la loyi e obasi wo Kilisito ate atidheeneli ndondo e mbila, koto wenge wande witihololi.³²Edjei Yesu nde Mwengei amobasisali, todjei iso kpaa watotoli e loyi loho. ³³Adjambanali la ewo e lilome e Mwengei, atotali koto atie Wawa elimo satu enge ewunanali, aswia enge ekoeneke ino koto ekookaka ino.³⁴Laate Davidi atitelali la likolo, ase aasi inde amene ate: Likumu aasali la Likumu la mbai ate: ''Abata la ewo e mbai e lilome ³⁵tee ekobata mbai mitone ma owe nda esuleli e makolo ma owe.'' ³⁶Monguta kpaa mo Yisalayele moyewe la omeemene ate Mwengei amowumesi Likumu koto Kilisito, Yesu oho ongo omobakani ino la ekolusu.³⁷Mbuse e ooki ndjongo, mitema mawu mikondjuali, waasali la Petele koto la watutiani wadji ate: ''Wamangbasu tokele woni?'' ³⁸Petele awaaselali ate: ''Kukolani ekaleli enu alidji mwesi la mwesi onu apatisane la kombo e Yesu Kilisito, la ototi wolimbesi e masumu manu, aleeti okototani likawo e elimo satu. ³⁹Laate liwuna lidjei etie ino, la wana wanu koto la wango kpaa wadjei lihele, la wango kpaa Likumu Mwengei osu akowawela atie inde.''⁴⁰Aleeti, la wingbundu ngbii ahali litotoli koto adjakali owahekeli mogalia, aasia ate: Yakalesani la ehele oliye ehinani. ⁴¹Wango wagemeiyali engbundu ende la motema kpaa wa patisanali, koto la lisio laho milimo inga mbuka isato ikalali. ⁴²Wadjakali oyahekeli la matiesakoli e watutiani, koto oboliani iwo la iwo, olaki la oyakongi.⁴³Bhoo edjakali okueli molimo kpaa, koto la makamuesi eenesake sambo djinge igeleli, la wilembo wipotali okelani la mboka e watutiani. ⁴⁴Wango kpaa wagemeiyali wadjali ebete eikima, ⁴⁵wadjakali otambi wihoo wau koto la ogumake wau, koto okawoli la moto kpaa wambele etotali iwo, ndenge moto la moto adjakali la ewongoli.⁴⁶Wadjakali masiyo kpa oboleani la Tepelo, wadjakali olaki okoke ewu ndondo e milako, aleeti wadjali ototi ilaka wawu la mwemu koto la oyahohisi motema, ⁴⁷wadjakali o mogani Mwengei, koto wato kpaa wadjakali owaenesi logoo. Aleeti Likumu adjakali olingesi masio kpaa la losambo wango wadjakali okali.

Chapter 3

¹Petele la Yoani watelali mongindji, la engele e oyakongi, edjali engele e libwa. ²Edjali la molome mwesi motengwaka e wotamake, wadjali omokpali, koto omobati masio kpaa la moluhe mo tepelo, linge liweli iwo Olamu, laate aongake makao ma osikana atie wango wakolingelaka la tepelo.³Moto oho, amwenia Petele la Yoani waokeke olingeli la tepelo, apotali oongi laate atote makao ma osikana.⁴Pitele, mongindji la Yoani walumbali ehoi ya inde, ase Petele aasia ate: ''Todhenda iso.'' ⁵Ase awadhengia la mwano kpaa, la odhendeli ate akotota ema te esi ya iwo. ⁶Sikandjo Petele asia la inde: ''Iti la palata la wolo, ndjongo djinge edjei mbai la eho eho nde ikoha la owe: La kombo e Yesu Kilisito o Nazaleta, yamala koto somba.⁷La eho, Petele amohelali la ewo e lilome, amwaamalesia, ndji la enge engele, mangbanda e makaolo mande la mouli mande matetelali. ⁸Ahumbwali ayamalia, ase apotali osombi, alingelali mongindji la iwo ndondo e tepelo, adjali osombi ohumboi la omogani Mwengei.⁹Wato kpaa wa mweneli akosombaka koto akomoganaka Mwengei. ¹⁰Wamwewali ate edjakali inde ongo odjali oyabati la oongi makao ma osikana la moluhe Molamu e tepelo, watumali la oyahueli koto la owangi la loi wungo emowumelali.¹¹Nda etiwadheli inde Petele la Yoani, wato kpaa watilali obangu ya iwo, la ebete edjakali iwo oweli etombo e salomona. ¹²Ango eenali Petele ndjongo, aasali la wato waho ate : ''Pele dja Isalayele, lande ekoyahuelakani ino la wu loi ndjo? lande ekotodhendakani ino, nda edjei la otetelaki wosu amene te inga la mboka esu nde ekeli ata tomosombese oholo moto?¹³Mwengei o Abalayama, la Isaka, la Yakobo, Mwengei o watata wasu, ahekeli otwa atie motuke monde, Yesu ongo omokawalini ino koto omowungani liwoso la Pilato, ongo olukali omodhei. ¹⁴Omowunganyani moto mosatu koto moto molamu, ase oongalini molome mwesi, mooli mo wato, ate waoeneseleni ino magba e omodhei.¹⁵Omooliani Likumu o mokalo, ase Mwengei amosusolali tee ongo la wagwi, iso todjei watotoli e loyi laho. ¹⁶Eho lenge, kombo ende, la mboka e ogemei osu la kombo ende, etetelesia moto ongo okomodhendakani ino koto ongo omoyewini, koto ogemei wungo wodjei la mboka ende emoumesia oholo moto la mokalo la maiso manu kpaa.¹⁷Ase sikandjo, wamanima, iyewi ate okelalini la odjangi oyewi, ndji ndenge makumu manu koto wakelali. ¹⁸Ase Mwengei aengesi wungo ounali inde atie watiesakoli wande, ate Kilisito onde akoene odjidji.¹⁹La ndjongo, kukolani esombeli enu, koto yakukolani laate masumu manu malimane ²⁰laate gboo e limbile edje atie Likumu inde amene koto laate amotome Kilisito ongo obatani la kole enu, Yesu.²¹Ongo likolo eengi omobanye tee wiengele winge Mwengei akowongosa sambo kpaa poli ndenge eyasali inde la monoko mo watiesakoli wande wasatu la engele e gala. ²²Moize aasali ate: Likumu Mwengei akowumeselani ino ndondo e wamangbanu motiesakoli mwesi nda mbai. mookani la otutei sambo kpaa enge ekoasani inde la ino. ²³Molimo kpaa ongo otimooka motiesakoli moho, akoolana ndondo e wato kpaa.²⁴Edjei ndjongo, watiesakoli kpaa opoti la Samuele, la wango wamotuteali mbuse, wango kpaa waasali, watiesakolali koto ma masio la hoho. ²⁵Odjeini wana wa watiesakoli koto la ogemeiyani wungo Mwengei akelali mongindji la watata wanu, ango eyasali inde la Abalayama ate: La mogono mo owe maliye kpaa e mbume ekopambwana. ²⁶Edjei atie ino yo nde Mwengei amwamalesali motuke monde, amotomali laate aopambweni koto la olongosi mwesi la mwesi onu la tomo djande mbe.

Chapter 4

¹Kaiko nde ango Petele la Yoani wadjakali oasi la wato, wanganga Mwengei makumu la wasindjili wa tepelo koto la wasadukai wawapumbelali. ²Wayatungesali nda edjakali iwo otiesakoli wato, koto la otiesakoli la hoho obasi e wagwi la enge emodhendji Yesu. ³Wawabatali mawo, wawabatali koto la woyogo tee lisio linge libilei. ⁴Ndji ango ngbii e wango waokali engbundu eho wagemeiyali; motio mo pele ewumali inga koto itano.⁵Wuse wungo wobilei, makumu wagbotonoli la Yelusalema. ⁶La Anasi nganga Mwengei likumu la Kaipa la Yoani la Alezandele la wango kpaa wadjakali wato wa oliye e wanganga Mwengei likumu. ⁷Wabatali Petele la Yoani la odja ewu, wadjakali ohueli ate: ''La nda okulu inga la kombo e ndai ekelini ino lu loyi?''⁸La eho Petele, nda etumesalanali inde la elimo satu, aasali la iwo ate: Makumu ma wato koto la wagbolo, ⁹inga tosambesana keke, la loyi e sambo ndamu enge ekelani atie moto o ekoni, la oyewi inga la mboka e ndai oholo moto akali, ¹⁰Eewane la ino kpaa, koto la wato kpaa wa Yisalayele, ate la kombo e Yesu Kilisito o Nazaleta, ongo omobakalini ino la ekulusu, ase Mwengei amobasesia tee ongo la wagwi, la mboka ende nde oholo moto opele ayamali liwoso lanu la wenge tetelake.¹¹Yesu Kilisito adjei libukeli linge lilumbali ino wamai monguta, eho nde ewumali moika e monguta. ¹²Mokalo eti la oeti moto; laate kombo eeti eti ala sese enge ehani ndondo e wato, enge eongi la iso okali la mboka eho.¹³Ango eenali iwo oasi wo hoho e Petele la Yoani, ndjongo wakamwali, laate waewali ate wadjei wato wango watitange kelasi . Wadjali oewi olamu ate wadjakali mongindji la Yesu. ¹⁴Ango edjakali iwo odhendji ohongo moto okalali ayamali mongindji la iwo, watidjakali la loyi loasake.¹⁵Ase wawahali mboka ate wapumbe la Sanedelina, wapotali oyahueli iwo la iwo, ¹⁶waasali ate: Tokokela woni la wa wato? Laate la omeemene pendja elembo esi esungu ekelani la mboka ewu, enge eeneni la hoho la wato kpaa wango wayabati la Yelusalema, toengiti koto owungani eho. ¹⁷Ase, laate loyi luho litiandjane alidji la oeteli ndondo e wato, towayewese la oani ate, watiase la kombo eho alidji la moto te moikima. ¹⁸Wawawelali iwo, wawatekisali ate waase te watiesakole la kombo e Yesu.¹⁹Ase Petele la Yoani wawaongoselali ate: Inga edja sambo ndamu la maiso ma Mwengei ate tookeni ino la ebete ete tomooke Mwengei, ino amene tenani loyi. ²⁰Iso toengiti odhei oaseli djii sambo eeni iso koto eoki iso.²¹Ango esisali iwo owaaseli la oani, wawapumbesali, laate watieneli loyi te luesi la owahi etumbu koto la loyi e wato, la ebili ate iwo kpaa wadjakali omohi Mwengei otwa la loyi wungo wokelanali. ²²Laate oholo moto atie inde elembo eho e mokalo ekelanali adjakali la wilanga oyeti tuku inei.²³Mbuse e opumbi, Petele la Yoani wakeeli atie wato wau amene, wawaaselali sambo kpaa djinge wanganga Mwengei la wagbolo waasali la iwo. ²⁴Ango eokali iwo ndjongo, wadjambali mili mau la oboliani pendja atie Mwengei, waasali koto: ''Motiesakoli, odjei Mwengei ongo okeli likolo, mbume, ewale la wihoo kpaa winge widjei ndondo eho. ²⁵Koto ongo la mboka e elimo satu oasali la monoko mo tata osu Davidi, motuke mo owe ate: ndjoni minga miumia la miki koto wato wa miki wakobundwaka ndji sambo djinge idjangi kole?²⁶Makumu ma mbume wayamalia la makumu wayaboliali nda moto moikima la omoyamaleli Likumu, koto la omoyamaleli moto onde okpulani maita.²⁷Kaikoase, Elode la Pose Pilato la wato wa miki, mongindji la wato wa Yisalayele, wayaboliali ndondo e ehele gbata, la omwamaleli motuke mo owe mosatu Yesu, ongo owe omokpulali maita. ²⁸Laate ikokelaka sambo djinge ewo e owe koto mwano mo owe eyanali liwoso ate ekopumba.²⁹Ase sikandjo, Likumu, ene ndjangi djau, ndjongo ehekele mituke ma owe maengi eyaselake engbundu e owe la mohandja. ³⁰Ango okonanolaka ewo e owe la okalesi koto ango wilembo koto makamwesi eenesake sambo djinge wikodja, ekokelanaka la kombo e motuke mo owe mosatu Yesu. ³¹Ango esisali iwo oyakongi, ebete enge eyaboliali iwo edudumali, iwo kpaa koto watumali la elimo satu wadjali oaseli engbundu e Mwengei la mohandja.³²Ebiba e wango wagemeiyali wadjakali la motema sa mwesi koto la molimo sa mwesi, koto moto tueti adjakali oasi ate enge ema edjei e inde amene la wihoo winge widjakali inde la eho. Ase wawanesali wihoo kpaa mongindji. ³³La okulu wosungu watutiani wadjakali ohekeli litotoli la kole e obasi e Likumu Yesu, koto magba masungu edjakali ngbii atie iwo kpaa.³⁴Moto tueti ndondo ewu adjakali la odjangi, laate wango kpaa wadjakali la wilanga inga minguta, wadjakali otambi eho koto okpali makuta ma wihoo winge witambani ³⁵wadjakali otiki eho la mawo ma watutiani. Mbuse eho wadjakali okawoli eho moto la moto la ndenge eengani la posa ende.³⁶Edjepu, ongo watutiani wamohali kombo Balanabasi, ongo inga wakukola einei Mana o mohandja, inde Molebi, mana o moki mo Sipelelusi, ³⁷atambali mobele monde akpalali wadjenge abatali eho la makolo ma watutiani.

Chapter 5

¹Kaikoase, molome mwesi kombo ende Ananiasi la Safila moli onde, atambi ema ende, ²ase aisali esuki e wadjenge, moli onde koto ayewali eho, akpalali sa esuki abatali eho koto la makolo ma watutiani.³Ase Petele aasali ate: ''Ananiasi ndjoni Etota aohi mogalia la omokosi elimo satu koto oisi esuki e wadjenge e elanga? ⁴Engele kpaa enge edjakali atie owe, koto mbuse e otambi, etidjakali ndji la mawo ma owe? Woni eyanali owe loyi e ehele ndenge la motema mo owe? Otikose wato, ase omokosi Mwengei. ⁵Ango Ananiasi aokali enge engbundu, akwali sese atenali motema, owangi wotetelake ehelali wango kpaa waokali eho. ⁶Wapalanga wa pele wayamalali, wamolingali la wisindje, wamokpalali saa, koto wamoombali.⁷Mbuse e wiengele inga isato, moli onde alingelali, atiewali loyi wungo wokelanali. ⁸Petele aasali la inde ate: ''Ndjasela mbai, ino waale otambalini elanga la mu motio?'' Inde aasali ate: ''Ndjongo, la mu motio.''⁹Ndjongo Petele aasali la inde: ''Ndjoni ookanini ino waale laate omomekeni elimo e Likumu? Dhenga! makolo ma wango wamoombali molome o owe idjei la monoko mo moluhe.'' ¹⁰La mbala kikima akwali la makolo mande atenali koto motema. Engele elingelali djinge palanga dja pele, wamogbotoli agwi, wamokpalali koto saa, wamoombali inde koto ahue e molome onde. ¹¹Owangi etumisanali la lingomba kpaa la wango kpaa waokali sambo djaho.¹²La mawo ma watutiani wilembo ngbii koto la sambo kamwake e eenesi sambo ndjinge ikodja edjakali ndji okelani ndondo e wato. Wadjakali oyabolei la etombo e Salomona.¹³Te mwesi ndondo e wato wadji adjakali la mogalia e oboliani mongindji la iwo. Kaikoase wato wadjakali owagani.¹⁴Motango mo wango wamogemeiyali Likumu, modjakali oteli, pele la wali, ¹⁵wapumbesali wato wa wikoni te la wamboka wisungu, la owalangesi ongo la wipe wikeke koto la matoko, laate ango ekoeta Petele, inga te elima ende pamba ekomogaa te mwesi la iwo. ¹⁶Ebiba e wato wango walongwali la wagbata winge wisukiani la Yelusalema, wadjakali oyabondji, wadjakali okpali wato wa wikoni, wango koto wahelani la milimo mbee, iwo koto kpaa wakalali.¹⁷Ase nganga Mwengei mosungu la wango kpaa koto wadjakali mongindji la inde, ma lingomba e Wasadukai enge edjakali la enge engele, wayamalali, koto watumalali la zua ¹⁸wawahelali watutiani, wawabatali la woyogo e wato kpaa.¹⁹Ase la likolo ahumbwa o Likumu adhukolali miluhe ma woyogo, awapumbesali saa, aasali koto, ²⁰Kekeni, ango ekoyamalani ino la tepelo, asakani la wato wingbundu kpaa widhengi mokalo. ²¹Ango eokiya iwo ndjongo, walingelali boo la tepelo, ase wapotali otiesakoli. Kaikoase ango nganga Mwengei mosungu la wango koto wadjakali mongindji la inde wadjali, waboliali Sanedelina koto limbutukele e wiloko kpaa e wana wa Yisalayele, watomali wato wake owatoti la woyogo.²²Ase ango eumali wapulusu ongo, watiwagbotali kine ndondo e woyogo, ndjongo wawongwali, la okasumbi mboli, ²³''iso togboti woyogo edhihani olamu, wasindjili wayamali koto olamu la miluhe, ase ango edhukolia iso, totimogbote moto te moikima.²⁴Ango likumu e tepelo la wanganga Mwengei makumu waokia engbundu eho wasilali lokenge la loyi e sambo eho, wadjakali oyahueli inga ekosuka woni. ²⁵Ase moto mwesi adjali o waaseli: denga! Pele djinge owabatalini la woyogo, wadjei la tepelo, wayamali, wakotiesakolaka wato.²⁶Ase likumu e tepelo akeeli mongindji la wapulusu wande, wadjali la iwo, te la minga, laate wadjakali owawangi wato ate watiwabinge mabhukeli. ²⁷Ndjongo wadjakali la iwo wawamalesali la monguta mo Sanedelina. Nganga Mwengei mosungu awahuelali, ²⁸wawongosali ate: Tootekisalini la hoho ate otitiesakoleni kine la ehenge kombo, ase, denga! Otumesiani Yelusalema la matiesakoli manu, okoanakani odjeesi makila e moto oho likolo lasu.²⁹Petele la watutiani wadji waongosali ate: '' Toengi omotemei Mwengei laate adjei Likumu la ebete e otemei wato. ³⁰Mwengei e wasangbasu amobasisali Yesu, ongo omoolali ino, la omobaki la ekulusu. ³¹Mwengei amoyamalesali moto oho adje Likumu koto Mokalesi la ewo ende e lilome, la ohekeli Isalayele nano ekukolake motema koto e olimbesani masumu. ³²Todjei watotoli e sambo djaho, ndenge kikima koto elimo satu, enge Mwengei ahekeli la wango wakomotemeiyaka.³³Ango eokali iwo ndjongo, wamemelali, wapakali koto owaoli. ³⁴Ase Mopalizeyo mwesi kombo ende Gamaliela, motiesakoli mo pui ongo wato kpaa wakomotemeiyaka nee, ayamalali la Sanedelina, atomali ate wapumbese makeke watutiani.³⁵Ase aasali la iwo ate: ''Pele dja Isalayele, huakani la wungo obali ino okeli wa wato. ³⁶Laate liwoso e masio mango Tedasi ayamalali, adjakali oasi ate inde pendja adjei moto, ase ebiba e pele inga kama inei, walingelali la lingomba lande. Ase aolanali, koto wango kpaa wadjakali omotemei wayandjanali, wasilala koto iwo kpaa. ³⁷La mbuse ende, Yudasi mo Galileya, ayamalali la masio madhingesake kombo, agulali koto wato mbuse ende. Ase moto oho aguali, wango kpaa wadjakali omotemei wayandjanali.³⁸La sambo djinge ikoetaka sikalandjo, ikoasaka la ino ate: Otilingeleni la sambo e wa wato, ase wadheeni, la ebili ate inga mungo mwano, te inga wungo otomo elongoyi la wato, ekokwa. ³⁹Ase inga elongoi atie Mwengei, otiengani okwesi. Okahuakeni laate okodjani osanesi Mwengei.⁴⁰Wamookelali, wawawelali watutiani, wawabingali pimbo, wawaaselali koto ate wadhe oasi la kombo e Yesu, wawadheeli. ⁴¹Walongwali liwoso e Sanedelina, waemelali laate watoloni wato wango waongi la osambo la loyi e kombo e Yesu. ⁴²Masio kpaa, la tepelo koto la monguta mwesi la mwesi wadjakali oaseli la otiesakoli mboli ndamu enge edhendji Yesu Kilisito.

Chapter 6

¹La masio maho, ango motio mo watutiani modjakali otaleyani, ondunguani epumbali atie Wayuda wa monoko mo Geleki la loyi e Wayuda wa monoko mo Ebele, la ebili ate wadjakali owosani la engele ekawolake wilaka e masio kpaa wali wau wango wagueli pele.²Ndjongo, watutiani liomo la iwale wawawelali wango watutiani kpaa atie iwo, koto waasali ate: ''Eti olamu ate iso todhe engbundu e Mwengei laate tokawole wilaka wilakake la wamesa.'' ³Ndjongo, wamanima , lukani ndondo enu pele sambo e mogano molamu, wango watumi la elimo koto la lokenge, laate towabate la mokpali mungo mo kole. ⁴Ase iso toyahe kpaa la oyangongi la otomo e engbundu.⁵Loyi wungo woasali iwo, e emeseli ngbii e enge wato kpaa. Wamoonoli Setepano, moto ongo otumi la ogemei koto la elimo satu, Pilipo, la Polokolo, Nikanola la Timona, la Palamenasi, Nikolasi, moto o moki mo Atiokia ongo oyakukolali mo Yuda.⁶Wawabatali la odja e watutiani, mbuse e oyakongi, wawabatelali mawo.⁷Engbundu e Mwengei edjakali obeki, koto motango mo watuytiani modjakali oteli ngbii ndondo e Yelusalema, koto ngbii e wanganga Mwengei wapotali otemei ogemei.⁸Kaikoase Setepano, ongo otumali la ngolu koto la okulu, adjakali okeli makamwisi masungu eenesake sambo djinge wikodja koto wilembo wisungu ndondo e wato. ⁹Ase wato wadji ndondo e wango wadjakali o welani Sinagoga e wakpolani, la wato wa Silena, la wato wa Alesandelia, la wango walongwali la Silisia la Azia, wayamalali la omokokeyi Setepano.¹⁰Ase watiengali oyamali liwoso e lokenge koto e elimo enge inde adjakali oasi la eho. ¹¹Wandongbali wato laate waase ate: ''Tomooki akoasaka wingbundu e omotangi Moize la Mwengei.''¹²Wamemeleseli wato, wiloko la wagbolo, wamohelali, wamokpalali la Sanedelina.¹³Wapumbesali watotoli wa moleho, wango waasali ate: ''Oholo moto atidheeke oasi sambo mbe la ehele ebete mosatu koto la loyi e pui. ¹⁴Tomooki akoasaka ate, Yesu o Nazaleta oho akobitesa ehele ebete koto akokalamba ekaleli enge etohali Moize. ¹⁵Wango kpaa wayabatali la sanedilina wadjakali omodhendji, waeneli ate mbanda ende edjakali nda mbanda e ahumbwa.

Chapter 7

¹Nganga Mwengei mosungu aasali ate: ''Djinge sambo widjei ndjongo?'' ²Setepano assali ate: ''Pele, wamanima koto wawawa, ookani mbai: Mwengei o otwa apumbelali tata osu Abalayama ango edjakali inde la Mesopotamia, liwoso ate apote oyabati la Halana; ³aasali la inde ate: pumba la moki mo owe, koto wamangua, keke la moki mungo mokooinya mbai.⁴''Apumbali la moki moho mo Wakalideya, apotali oyabati la Halana. Ongo mbuse ango sango akuali, Mwengei amolongosali la enge ebete eyabatali inde laate ake la moki mungo ino oyabati sikalandjo. ⁵Atimohali lisango te liikima, te mbume enge eengani la osungu e ligilili e lokolo, ase omowunelali nde omohi eho laate edje ema ende, koto e litoto lande mbuse ende, inga te ate la enge engele atidjakaliyo la mana.⁶Mwengei aasali la loyi laho ate, lisango lande likodja wato wango wakoyabata wadjidji la moki mo wadjidji, koto wato waho wakoawumesa tuke, wakoaenese koto odjidji wilanga kama inei. ⁷Ase moki muho mungo iwo wakokelela nda tuke, mbai okosambesa eho, mbuse e sambo djaho, wakopumba, wakokelela mbai koto otomo mosatu la ehele ebete. ⁸Mwengei amohali koto Abalayama ogemeyani etenanake kombeni, la eho amootali Isaka, amotenali kombeni la lisio la mwambi, Isaka amootali Yakobo, Yakobo awotali makumu liomo la maale e watata.⁹Watata waumali la zua atie Edjepu, wamotambali la Ezipito; ase Mwengei adjakali mongindji la inde ¹⁰amobanyali la odjidji wonde kpaa, amohali koto ngolu koto lokenge la maiso ma Palao likumu o Ezipito. Amobatali la osombesi Ezipito la monguta monde koto kpaa.¹¹Ndjala ekwali Ezipito kpaa la Kanana, wodjidji weesi wosungu, watata wasu watidjaakali kine la ilaka. ¹²Ase Yakobo aokali ate wilaka ilakake widjei la Ezipito, atomali wasangbasu mbala e poo. ¹³Koto la mbala e wale Edjepu ayainyali atie wamanango, koto oliye wo Edjepu eyewanali atie Palao.¹⁴Edjepu awatomali wamanango wake omoweli Yakobo sango la wato kpaa e oliye wonde, iwo kpaa wadjakali wato tuku sambo la itano. ¹⁵Yakobo ayadjimbali la Ezipito, aguali, watata wasu koto waguali. ¹⁶Wenge wau wikpalanali la Sekema koto wawalangeyali la mbila enge Abalayama asombali la motio e wadjenge e palata atie wana wa Hamola la sekema.¹⁷''Ango engele edjakali owomi la hue laate liwona wungo Mwengei atiesakolali la hoho atie Abalayama eengesane, wato waotanali ngbii, waumali ngbii la Ezipito, ¹⁸Tee engele enge odji likumu apumbali la Ezipito, ongo otimoyewali Edjepu. ¹⁹Akelelali moki mosu lokenge lobe, agugali wasangbasu laate wapumbese wana wau wakeke, la ebili ate watiwadhee la mokalo.²⁰La engele eho, Moize awotamali, awongali koto te la maiso ma Mwengei; wamobanyali ndembo isato la monguta mo sango. ²¹Ango emolumbali iwo, mana o moli o Palao amoliali koto amowokololi nda mana onde amene.²²Moize atiesanali la lokenge kpaa e Waezipito, aumali la otetelake la ogbomeli koto la tomo djande. ²³Ango elanga ende e tuku enei edjakali oyeti, amungolali la motema ate ake awadhendji wamaanago, wana wa Isalayele. ²⁴Ango eeneli inde mwesi ongo wadjakali omokeli obe, amolingelali, awongosali obe la loyi e moto ongo wadjakali omoenesi odjidji la ooli ongo Moezipito. ²⁵Inde adjaali omungoyi ate wamanango wakoewa ate Mwengei moto obali owakalesi la ligamesi e ewo ende, ase watiewali ndjongo.²⁶La lisio linge libileyi awapumbelali ango edjakali iwo osani, amekali owongosi logoo ndondo ewu, aasia: '' Pele, odjeini wana wauma. Woni ekokelanakani ino obe? ²⁷Ase ongo odjakali omokeli manango obe, amohilali, aasali ate: ''Ndai aobati owe likumu koto djodji osu?'' ²⁸Otilukaaka ate ondjole mbai nda emoolali owe Moezipito kolokolaka?²⁹Ango eokia Moize enge engbundu, atilali, awumali oyabati modjidji la moki mo Midiana, ongo ewotali inde wana wa pele waale. ³⁰Ango eengali wilanga toku inei, ahumbwa mwesi amopumbelali la esobe e mokoli mo Sinai ndodno e lolemu wo misa e ma mote e keke.³¹Ango eenali Moize ndjongo, ayahuelali la loyi enge eenali inde; ango edjakali inde oyandongbi la odhendji olamu, moli mo Likumu mokpomali, ³²Idjei Mwengei e watata wa owe, Mwengei o Abalayama, koto o Isaka koto o Yakobo, nda ongilimi e moetelali Moize atimekali alidji odhendji ongo.³³Ndjongo Likumu aasali la inde: tuba wikpokpo e makolo ma owe, laate ebete eyamali owe, edjei mbume mosatu. ³⁴Eeni wodjidji e wato wa mbai ongo la moki mo Ezipito, ioki oyatati wou, koto iyadjimbi laate iwakalese. Djaka sikandjo, ibali ate iyotome ongo la Ezipito.³⁵Moize oho, ongo omowunganali iwo, waasali ate, ndai aobati owe likumu koto djodji? Inde moto oho nde Mwengei amotomali nda likumu koto nda mokalesi la ligamesi e ewo e ahumbwa ongo omopumbelali inde la ma mote enge e keke. ³⁶Edjaali Moize nde awapumbesali mbuse e okeli sambo kamwake e eenesake sambo djinge wikodja koto wilembo la Ezipito koto la ewale etanake koto la esobe wilanga tuku inei. ³⁷Inde nde Moize ongo oasali la wana wa Isalayele ate: 'Mwengei akomalesela ino ndondo e wamangbanu, motiesakoli mwesi nda mbai.³⁸Inde nde odjakali ndondo e liboliani la esobe mongindji la ahumbwa ongo odjaakali oasi la inde la mokoli mo Sinai koto mongindji la watata wasu, atotali koto wingbundu mosatu e mokalo la ohekeli ino. ³⁹Ase watata wasu watibalali omotemei, wadjaakali omotoni, la mitema mawu wawongwali la Ezipito. ⁴⁰Waasia la Alona ate: Totulela iso wamwengei wango wakosomba liwoso lasu. Laate Moize oho, moto ongo otopumbesali la moki mo Ezipito, toewiti nda ema emoumeli.⁴¹Ndjongo watulaali mana ongombe, watelesali mbeka atie elima eho, wapotali oemeli la tomo e mawo mau. ⁴²Ase Mwengei ayakukolali, awakawali laate wakelele miyoto ma likolo, ndenge edhingani la ahala e watiesakoli, etidjakali atie mbai nde ohalini nama enge eolani koto wambeka la oumoyi e wilanga tuku inei la esobe, monguta mo Isalayele?⁴³Ase edjakali nde hema e Moloke koto wenge e mwengei Lepana enge ekpalalini ino, wilima winge wikelalini ino la oyakongi la eho: ndjongo ikookpalani lihele oyeti Babilona.⁴⁴Watata wasu wadjakali la hema e litotoli ndondo e esobe, ndji ndenge Mwenge ahekeleli pui ango edjakali inde oasi la Moize akele eho la otuteyi enge eeneli inde. ⁴⁵Watata wasu wango watotali lisango laho, walingesali koto eho mboka esi la Yosuwa la moki mo wapagano, enge Mwengei aumbali la iwo liwoso la watata wasu. Hema eho eumuali ongo tee masio ma Davidi. ⁴⁶Davidi atotali ngolu la maiso ma Mwengei, aongoli koto nano ndamu e omototeli Mwengei o Yakobo ebete eyabatake.⁴⁷Ase Salomo moto omomayelali Mwengei monguta. ⁴⁸''Inga te ndjongo, ongo oeti likolo atiyabataka, la minguta minge mikelani la mawo. Ndji ndenge motiesakoli akoasaka, ⁴⁹Likolo lidjei ngbelengo e okumu o mbai, mbume edjei ebete ebatelake makolo ma mbai. Monguta e nda ndenge ekomaalelani ino mbai? Likumu aasi ndjongo, koto eni ebete e mbai ehomake? ⁵⁰Eti ewo e mbai nde ekelali dji sambo kpa?⁵¹Ino wato wa mito mangbongi koto wango wadjangi otenani kombeni la mitema koto la ma matoyi, odjeini engele kpaa oyameleli elimo satu; ndenge watata wanu wakelali, ino koto okokelakani ndji ndjongo. ⁵²Ndai watata wanu watimodjebeleli ndondo e watiesakoli? Waolali wango watiesakolali poo la kole e djaake e Moto molamu, ongo ino oumiani sikala ndjo watambi koto waoli wande, ⁵³ino wato watotali pui enge ehanali la mboka e waahumwa ase otitemeiyalini eho.⁵⁴Ango eokali iwo djinge sambo, wakondjoli la mitema mau, wapotali koto omolakeli Setepano maino. ⁵⁵Ase inde, nda etumali inde la elimo satu, adhendali likolo, aenali otwa wo Mwengei koto Yesu ayamali la ewo e lilome e Mwengei. ⁵⁶Setepano aasali: ''Dhenda, ieni likolo lidhukwani koto mana o moto ayamali la ewo e lilome e Mwengei.''⁵⁷Wahumbali pui esungu la oyadhiki matoyi, iwo kpaa wakwali likolo lande. ⁵⁸Mbuse e omolumbi saa e gbata, wapotali omobingi mabukeli. Watotoli walangesali wisindje wau e likolo la makolo e mwenga mwesi omoweli iwo Saulo.⁵⁹Wadjakali ndji omobingi Setepano mabukeli, ango edhumbiali inde, aasali ate: ''Likumu Yesu, yamba molimo mo mbai.'' ⁶⁰Mbuse e inde okpii la mauli, ahumbali pui etetelake ate: ''Likumu, otiwatangele ehele lisumu.'' Mbuse e oasi ndjongo alangalali ndondo e logo.

Chapter 8

¹Saulo agemyali logo e Esetepano. La lisio laho, odjidji ewumelali lingomba la Yelusalema; iwo kpaa longosa ndji watutiani, wayaandjali la miki mikeke e Yudea koto la Samalia. ²Ase pele djinge wakomowangaka Mwengei, wamokpalali Setepano la oki o moombi, wamolelali koto nee. ³Saulo, apotali oenesi lingomba odjidji la ndenge mbe. Adjakali olingeli la monguta mwesi la mwesi opumbesi pele la wali, adjakali owalumbi la woyogo.⁴Wango wayandjali, wakeli ebete la ebete la otiesakoli mboli ndamu e engbundu.⁵Pilipo ayadjimbali la gbata e Samalia, apotali otiesakoli Kilisito atie iwo.⁶Ebiba e iwo kpaa, wadjakali oyangatali la sambo djinge Pilipo adjakali oasi, ango edjakali iwo ooki la odhendji wilembo winge widjakali inde okeli. ⁷Laate woto ngbii wadjakali la milimo mibe, milimo miho midjakali ohumbi pui la otili. Wato wagui makolo la wango wakotenguaka wakondjali mokalo. ⁸Mwemu esungu edjakali la gbata eho.⁹Ase la gbata eho molome mwesi adjakali, kombo ende Simoni, ongo, liwoso e djinge sambo, adjakali okeli tomo dja lilando, adjakali okamwesi moki mo Samalia, adjakali oasi inde adjei moto mwesi mosungu. ¹⁰Iwo kpaa opoti la wana wakeke tee la wiloko wadjakali omogemei la oasi ate: ''Oholo moto adjei okulu wo Mwengei, enge eengi owelani osungu. ¹¹Wadjakali omogani, laate apotali owakamwesi tee la gala la tomo djande dja lilando.¹²Ase ango emogemeiyali iwo Pilipo, ongo odjakali otiesakoli mboli ndamu e wokumu wo Mwengei koto e kombo e Yesu Kilisito, wapotali opatisani, pele la wali. ¹³Simoni inde amene koto aumali mogemei, ase, mbuse e opatisani, ahelanali engele kpaa la Pilipo, adjakali okamwi la oeni ndenge wilembo koto tomo sungu e okulu edjakali okelani.¹⁴Ango watutiani wa Yelusalema waokali ate Samalia eyambia engbundu e Mwengei, wawatomelali Petele la Yoani. ¹⁵Iwo wayadjimbali, wakongali la loyi e iwo laate watote elimo satu. ¹⁶La ebili ate elimo satu etimodjimbelaliyo moto te moikima ndondo ewu, ase wapatali sa la kombo e Likumu Yesu. ¹⁷Ndjongo Petele la Yoani wawabatelali mawo, wapotali ototi elimo satu.¹⁸Ango eenia Simoni ate elimo satu edjakali ohekelani engele watutiani wabatelali wato mawo, alukali owahi wadjenge. ¹⁹Aasia ate, ''Hekele mbai koto ehele okulu, laate moto kpaa ongo okomobatela mbai mawo atote elimo satu.''²⁰Ase Petele amwaselali ate: ''Dhee ate palata dja owe ebitane mongindji la owe amene, laate omungoi ototi likao e pamba e Mwengei la wambele. ²¹Oti la likao koto la lisango la lu loyi, laate motema mo owe monanolaniti la maiso ma Mwengei. ²²Ndjongo, kukola motema la obe e owe, koto yakonga la Likumu, laate inga liengi likodja, oani e motema mo owe elimbesane. ²³Ikoeneke ate otumi la ngenge koto moliki monangake e odjangi sambo ndamu.²⁴Simoni awongwesali ate: ''Pele ino nde yakongani la Likumu la loyi wo mbai ate te esi e sambo djinge easi ino etiwumele mbai.''²⁵Ango esisali iwo ohekeli litotoli lilamu koto la oaseli engbundu e Likumu, wawongwali la Yelusalema, wadjakali koto otiesakoli mboli ndamu la miki ngbii ma Samalia.²⁶Kaikoase ahumbwa mwesi o Mwengei, amoumelali Pilipo, amwaselia: Yamala, keke la sidi, la magalasano enge eyadjimbi la Yelusalema tee la Gaza. (''Edjei mboka e esobe.) ²⁷Ndjongo ayamalali, ase akeeli, dhenga, mokube mwesi moto o Etiopia, moto mosungu ongo odjakali omokeleli kandasa likumu moli e wato wa Etiopia, inde koto nde adjakali odhendeli ogumake wonde kpaa. Akeeli la Yelusalema la oyakongi.²⁸Adjakali owongoi ayabati la likalo lande adjakali otangi la moli mopamake motiesakoli Isaya.²⁹Elimo eyasali la Pilipo ate: ''Yandongba, yahelela la ehele likalo.'' ³⁰Pilipo akeli obangu la lisuka e likalo, amookali inde akotangaka la moli mopamake motiesakoli Isaya, aasali la inde ate: ''Okoewaka pendja sambo djinge ekotangaka owe?'' ³¹Inde amowongoselali ate: Iengi oewi eho nda ndenge, inga moto atitiesakole mbai? Ayakongali la Pilipo atele ayabate koto mongindji la inde.³²Kaikoase esuki e madhingo enge edjakali inde otangi la moli mopamake edjaki ehele ndjo: ''Nda meme, akpalanali la ebete eolanake, koto nda mana o meme ongo otilelaka liwoso e moteni swe djande, inde koto atidhukolali monoko monde.'' ³³La owumoi wo ayadjimbesi wonde, osambesi emolongwesanali. Ndai okoasela sambo e oliye wonde? Laate mokalo monde elongosani ahala la mbume.³⁴Mokube amowongoselali Pilipo ate: ''Iyatati la owe, motiesakoli akoasaka lu loyi la kole e ndai?'' La kole ende amene inga la kole e moto odji? ³⁵Pilipo, adhuholali monoko, nda epotali inde la madhingo maho, amotiesakololi mboli ndamu enge emodhendji Yesu.³⁶Ango edjakali iwo osombi la mboka, waumali la ebete enge edjakali malia, mokube aasali ate: ''Denga, malia maama, nde ekotekesa mbaa ate ipate? ³⁷Pilipo aasali: ''Inga ogemei la motema mo owe kpaa, eho eengi okelani.'' Mokube awongosia: ''Igemei ate Yesu Kilisito adjei mana o Mwengei. ³⁸Mokube amalesali likalo, iwo kpaa waale wayadjimbali la malia, Pilipo la mokube, Pilipo amopatisali.³⁹Ango epumbia iwo la malia, elimo e Likumu emokpalali Pilipo, mokube atimweneli kine. Mokube awongwanelia okendo wonde la mwemu. ⁴⁰Ase Pilipo adjaali oyaeni ate adjei la Asedoda, akpandali koto moki muho kpaa, adjakali koto ndji otiesakoli mboli ndamu la wagbata kpaa tee eumali inde la Kaisalia.

Chapter 9

¹Ase Saulo, nda edjakali inde oani koto oluki owaoli watutiani wa Likumu, akeeli atie nganga Mwengei mosungu ²amoongoli wikpata la loyi e wasinagoga winge widjei la Damasi, laate ahele koto akpale la Yelusalema, moto kpaa ongo okomogboto inde, ongo ogemei mango matiesakoli, edje pele inga wali.³Ndjongo nda edjakali inde la okendo, aumali ahue la Damasi, la gbutugbu, ngbai esi elongwali likolo, engalali la lisukasuka lande; ⁴akwali la mbume, aokali moli mwesi eyasia la inde ate: ''Saulo, Saulo lande okoeneseke mbai odjidji?⁵Saulo awongosali: ''Owe ndai, Likumu?'' Likumu awongosali: ''Edjei mbai Yesu ongo okomoeneseke owe odjidji.⁶Ase yamala, lingela la moki wakoasela enge ewongi la owe okeli. ⁷Pele djinge wadjakali oki la inde mongindji, wayamalali bii, waokali, la omeemene, modudu mo moli mwesi, ase watimoeneli moto.⁸Saulo ayamalali, inga te ate maiso mande maduhuanali matidjakali oeni ema. Wamohelali ewo, wamokpalali la Damasi. ⁹Ayabatali masio masato odjangi oeni ,olaki, la okengi¹⁰Ongo la Damasi motutiani mwesi adjakali ongo, kombo ende Ananiasi. Likumu aasali la inde la mboka e saki ate: ''Ananiasi!'' Ananiasi awongosia: « Mbai ndolo Likumu.'' ¹¹Likumu aasali la inde: «Yamala, keke la mboka enge ewelani Alima, koto la monguta mo Yudasi, moluka moto mwesi kombo ende Saulo, moto o Talasisi. Laate denga, akoyakongaka. ¹² Aenia la saki moto opele mwesi kombo ende Ananiasi alingelia, amobatelali koto mawo laate awongwanele oeni.»¹³Ase Ananiasi awongosali: ''Likumu, ioki atie wato ngbii mboli e ohongo moto pele, sambo ngbii mbembe djinge awakelali wasatu wa owe la Yelusalema. ¹⁴Koto ango edjei inde la okumu wungo wanganga Mwengei makumu wamohekeli inde ehelake la miliki wango kpaa wakodhumbeyaka kombo e owe.'' ¹⁵Ase Likumu aasali la inde ate: keke, laate ohongo moto opele adjei teni enge ewoni mbai la okpali kombo e mbai atie wapagano koto atie makumu, koto atie wana wa Isalayele; ¹⁶Ikomoinya la hoho ngbii e sanbo djinge ekoenele inde odjidji la loyi e kombo e mbai.¹⁷Ananiasi akeeli, alingelali la monguta muho, amobatelali mawo, aasali koto ate: ''Saulo, manima, Likumu, Yesu ongo o opumbelali la mboka enge edjaki owe odji, atomi mbai ate owe oene alidji, koto otume la elimo satu.'' ¹⁸La mbala kikima, wihoo wiesi nda poso dja su elongwali la maiso mande ekwali, apotali koto oeni, ayamalali, apatali koto; ¹⁹alakali wilaka, oteteli ewongwali la wenge. Saulo aetesali ma masio la watutiani wango wadjakali la Damasi.²⁰La mbala kikima inde apotali otiesakoli la wasinagoga ate Yesu adjei mana o Mwengei.²¹Wango kpaa wadjakali o mooki, wadjaakali oyahueli, la oasi ate: ''Oholo eti moto opele ongo odjakali oandji wato wango wakodhumbeyaka ehenge kombo la Yelusalema, koto ongo odjaki ahala la kole ehele pendja, awakpale iwo la miliki atie wanganga Mwengei makumu? ²²Ase, Saulo adjakali alidji ndji ototi okulu ngbii, adjakali koto owasukesi Wayuda wango wadjakali oyabati la Damasi ango edjakali inde oenesi ate Yesu adjei Kilisito.²³Mbuse e masio ngbii Wayuda walingeli likita laate wamoole. ²⁴Mwano mowu modjali oewani atie Saulo. Wadjakali olambeyanali la moluhe use la likolo, laate wamoole. ²⁵Watutiani wande wamototali, wamodjimbali la likolo la mboka e ngungu esi enge edjaakali la etutu, wamodjimbali ndondo e modjangi.²⁶Ango ewumali inde la Yelusalema, Saulo akeli oyakokei la watutiani, ase iwo kpaa wadjakali omowangi, laate watigemeiyali ate adjei motutiani. ²⁷Aseko Balanabasi adjaali omogamesi, akeli la inde atie watoma, Saulo awasumbelali mboli ndenge emoenali inde Likumu la mboka koto ate inde asololali la inde, koto ndenge eyaselali inde la mogalia la kombo e Yesu ndondo e Damasi.²⁸Ayabatali mongindji la iwo, adjakali olingeli koto opumbi la Yelusalema. Adjakali oasi la mogalia la kombo e Likumu Yesu ²⁹adjakali osololi la obatelani kokia la Wayuda wa monoko mo Geleki. Ase iwo wadjakali olukani wa moole. ³⁰Ango wamanima wayewali loyi luho, wamodjimbali la Kaisalia, wamotomali la Talasisi.³¹Lingomba e Yudea kpaa, e Galilea la e Samalia elingelali la engele esi e logoo, edjakali omaani; koto nda edjakali eho osombi la omowangi Likumu la ligamesi e elimo satu edjakali obeki. ³²Petele abengeyali la meki maho kpaa, ayadjimbali koto atie wasatu wango wadjakali oyabati la Lida.³³Ongo amogbotoli moto mwesi kombo ende Eneasi, ongo olangalali la epee wilanga mwambi laate aguali makolo. ³⁴Petele aasia la inde: Eneasi, Yesu Kilisito akookalesaka. Yamala, wongela koto epee e owe. Ayamalali la mbala kikima.³⁵Wato kpaa wa Lida la wango wa Salona, wamweneli inde, wayakukolali atie Likumu.³⁶Ase la Yope edjakali la motutiani mwesi kombo ende Tabita, ongo, inga wakukola einyei ate Dolokasi. Inde atumali la sambo ndamu koto la makao e motema magba enge edjakali inde ohekeli. ³⁷La masio maho akwali la ekoni, agwali. Wamokpololi, wamolangeyali la mwange mo likolo.³⁸Nda Lida esukiani la Yopa, ango eokali watutiani ate Petele adjei la moki moho, wamotomelali pele iwale la oyakongi la inde ate: ''Toongi la owe, otiene minga odji atie iso.'' ³⁹Petele ayamalali, akeli mongindji la iwo. Ango eumali inde ongo, wakeeli la inde la mwange mo likolo, wali kpaa wango wagweli pele wadjali atie inde, wadjakali oleli la oinyei wisindji wa sese koto wa likolo winge Dolokasi awasonelali ango edjakali inde mongindji la iwo.⁴⁰Petele apumbesali moto kpaa saa, amaali mawuli, ayakongali, ayakukolali ongo edjaaki wenge, aasia: ''Tabita, amala! Adhuholali maiso, ango emwenia inde Petele, ayabatali.⁴¹Petele amohali ewo, amoyamalesali, awelali wasatu la wali wango wagueli pele, awainyali iwo inde la mokalo. ⁴²Loyi luho, eyewanali la Yopa kpaa, wato ngbii waumali wagemei wa Likumu. ⁴³Petele aumwali la moki mo Yopa masio ngbii, ayabatali la monguta mo Simoni mowongeli mo ekombaka e nama.

Chapter 10

¹Kaikoase moto pele mwesi adjakali la Kaisalia, kombo ende Koloneli, likumu e liboleani e wasoda wa Italia. ²Inde adjakali moto ongo oyahi la oyakongi koto ongo okomowangaka Mwengei mongindji la wato kpaa wa monguta monde, adjakali ohekeli wato makao e motema magba koto engele kpaa okeli iyongolo atie Mwengei.³Ahue e engele e libwa e wuse, aeneli ngbai la saki, ahumbwa mwesi o Mwengei alingelia atie inde, aasia la inde ate: ''Koloneli!'' ⁴Koloneli amodhendali ahumbwa, ndenge eumali inde owangi, aasali ate: ''Nda loyi, Likumu?'' Ahumbwa amwaselali ate: ''Oyakongi wo owe koto makao ma owe e motema magba eteli liwoso la Mwengei, koto aosumboyi owe. ⁵Sikandjo watoma wato ongo la Yopa koto mowela Simoni, ongo omoweli iwo Petele. ⁶Moto oho ayabati modjidji atie Simoni mwesi ndjo, mowongeli ekombaka e nama, monguta monde mosukiani la ewale.⁷Ango ahumbwa ongo odjakali oasi alongoiya, Koloneli awelali pele e wato wande wa otomo e monguta la soda mwesi ongo oyahali la oyakongi ndondo e wato wango wakomokelelaka engele kpaa. ⁸Koloneli awasumbelali mboli kpaa, awatomali la Yopa.⁹Ekundu eho, ango edjakali iwo la okendo owu, wadjakali koto oyandongbi la gbata, Petele atelali likolo la monguta ahue e engele e motoba laata ayakonge.¹⁰Aokali ndjala, alukali olaki, ndji wakomowongelekeyo ema ndakake, akwali la ehei, ¹¹aenali likolo lidhuhania, ema esi eyadjimbia nda esindje esungu ekandani songo kpaa inei, edjali oyadjimbi la mbume. ¹²Ndondo eho nama ndenge kpaa e makolo manei, nama djinge ikogulumaka la mbume la mbulu dja likolo.¹³Moli mwesi emodjeleli ate: ''Yamala, Petele, wola koto laka.'' ¹⁴Ase Petele aasai ate: ''Te ndjongo Likumu, laate ilakakiyo ema te esi e osoto inga koto e gbomoko.'' ¹⁵Moli muho mwasali la inde alidji, la mbala e wale ate: ''Owe dhee oweli osoto wihoo winge wilangesi Mwengei.'' ¹⁶Ekelanali ndjongo mbala esato, la mbuse eho enge esindje ewongwali likolo.¹⁷Kaikoase, ango adjaakali oyahueli inga ungo oeni inde la saki edjei la nda kole, dhenga! pele wango wawatomali Koloneli wadjakali ohueli monguta mungo moyabati Petele, wayamalali la moluhe. ¹⁸Wahuelali poopo inga Simoni ongo omoweli iwo Petele akoabataka ango.¹⁹Ango edjaaki Petele oyahueli la loyi e saki eho, elimo easali la inde ate: Dhenga! Pele isato wakoolukanaka.'' ²⁰Yamala koto yadjimba sese, keke mongindji la iwo, otikokeye, laate mbai moto iwatomi. ²¹Petele ayadjimbali sese atie pele djaho, aasali ate: ''Dhenge! mbai nde moto okomolukakani ino. Odjini ahala la nda kole?²²Waasali ate: Koloneli Likumu mwesi o wasoda, moto o sambo ndamu koto moto ongo okomowangaka Mwengei, moto ongo moki kpaa mo Wayuda ekoaselaka la ndenge ndamu, inde ainyani la ahumbwa mwesi mosatu, la oowelesi owe ongo la monguta laate aoke sambo djinge widjei owe la eho la omoaseli. ²³La ndjongo, Petele awalingesali koto awabatesali. La ekundu eho, ayamalali, akeeli la iwo mongindji, koto wamanima wadji wango walongwali la Yopa wakeeli mongindji la inde.²⁴La ekundu eho, walingelali la Kaisalia. Koloneli adjakali owalambeli, agbotonesali wato wa oliye wonde, koto wiino wande wa otomo.²⁵Ango elingelali Petele, Koloneli adjaali ondongbani la inde, akwali sese e makolo mande, ayaimbali. ²⁶Ase Petele amwamalesali, aasia: ''Yamala! Mbai koto idjei ndji moto.''²⁷Ango edjaalii Petele okpomesani la inde, alingelali, agbotoli wato ngbii wayakokeyi. ²⁸Aasali la iwo ate, ''Ino oewini ate ewongiti la Moyuda aboleyane inga te oyandongbi ahue e moto e moki modji. Ase Mwengei aenesi mbai ate iengiti omoweli moto te mwesi osoto inga te gbomoko. ²⁹Eho lenge idji, odjangi obati kokeya ango ewelali ino mbai. Eho lenge ikohuelakani kole enge ewelini ino mbai.''³⁰Koloneli amuaselali ate: ''Ekeliga masio manei, ango edjaki mbai oyakongi ndondo e monguta mo mbai la engele e libwa, dhenga, moto opele mwesi awumalali liwoso la mbai la wisindje wingalake. ³¹Aasali ate, Koloneli! oyakongi e owe eokani alidji egemeiyani koto, makao ma owe e motema magba emungwani la maiso ma Mwengei. ³²La ndjongo, toma wato la Yopa, mowela Simoni, ongo omohi iwo kombo Petele. Moto oho akoyabataka la monguta mo Simoni, mowongeli ekombaka e nama, ahue e ewale. ³³La ndjongo, iwatomi wato atie owe, okeli olamu la ndenge edji owe ahala. Ndjongo sikala iso kpaa todjei liwoso la maiso ma Mwengeila la ooki sambo kpaa Mwengei akoumesa atie owe.³⁴Petele adhuholali monoko monde, aasali ate: ''Meemene ieni ate Mwengei atiwonoko mbanda. ³⁵Ase ndondo e maliye kpaa, ongo okomowanga koto okokela sambo ndamu agemeiyani la inde.³⁶Awatomelali wana wa Isalayele engbundu la owatiesakoli mboli ndamu e logoo la mboka e Likumu Yesu Kilisito, inde adjei Likumu e wato kpaa. ³⁷Ino oewini wungo wokoasanaka wiati kpaa ndondo e Yudea, opoti la Galileya mbuse e lipatisa linge litiesakolate Yoani; ³⁸linge limodhendji Yesu o Nazaleta, ndenge Mwengei amomunolali maita e elimo satu koto la okulu. Akpandali moki moho kpaa, adjakali okeli olamu koto okalesi wango kpaa waeni odjidji la etota, laate Mwengei adjakali mongindji la inde.³⁹Iso todjei watatoli e sambo kpaa djinge wikeli inde la moki mo Wayuda koto la Yelusalema. Wamobakali la ekulusu, wamoolali koto. ⁴⁰Mwengei amobasisali moto oho lisio la misato, amodhendesali la hoho, ⁴¹te atie wato kpaa, ase atie watotoli wango waonanate la Mwengei liwoso, atie iso, wato wango tolakali koto tokengali mongindji la inde mbuse e obasi wonde ndondo e wagui.⁴²Atomali totiesakoli wato koto la ohekeli litotoli lilamu ate inde adjei Moto ongo obatani la Mwengei la odjei mosambesi e wato wa mokalo la wango wagui. ⁴³Watiesakoli kpaa wakohekeleke li litotoli la kole ende, ate moto kpaa akomogemeiya inde, akolimbesana masumu la kombo ende.⁴⁴Ndji ango edjaaki Petele oaseli sambo djaho, elimo satu ewadjimbelali wango kpaa wadjakali ooki engbundu eho. ⁴⁵Wagemei wango wadjaali la Petele mongindji, wango wadjakali weesi la wango watenani kombeni, wakamwali, laate likao e elimo esatu ekosuanaka likolo e wapagano.⁴⁶Laate wawaokali wakokpamaka la madji minoko koto wakomogemeiyaka Mwengei. Ndjongo Petele awongosali ate, ⁴⁷''Moto aengi nde otonesi malia laate wa wato watienge opatisani iwo wato wakondji elimo satu ndji ndenge iso koto tokondji?'' ⁴⁸ Atomali ate wapatesane la kombo e Yesu Kilisito. Wamoongoli ate ayabate ma masio mongindji la iwo.

Chapter 11

¹Watutiani la wa maanango wango wadjali la Yudea waokali ate wapagano koto wayambali engbundu e Mwengei. ²Ango etelali Petele la Yelusalema, wagemei wango watenani kombeni wapotali okokeyani la inde; ³Wadjaali oasi ate: ''Akeeli la monguta e wato wango watenaniti kombeni, alakali koto mongindji la iwo!''⁴Ase Petele apotali oasi koto owalumboleli loyi leesi liesi, aasia, ⁵idjakali oyakongi ongo la gbata e Yopa, ndondo e ehei, ieneli saki, ema esi eengemeni la esindje ebubake enangani la wisuki waho ineii, edjali oyandjimbi likolo, epotali odji atie mbai. ⁶Ango edjakali mbai odhendji olamu, ieneli nama djinge ikosombaka la makolo manei, la nama e motulu, la wandjoo, la wambulu wa likolo.⁷Iokali koto moli mwesi mokoaselaka mbai ate: Amala, Petele, ola koto laka! ⁸Ase iyaasali: Te lisio, Likumu; laate ema e osoto te enge egbomoko etilingela la monoko mo mbai. ⁹La mbala e wale enge moli eokanali alidji likolo easali ate, enge Mwengei alangesi, owe otidhende ate edjei osoto. ¹⁰Moli moho mowongosali mbala esato, Mbuse eho wihoo waho kpaa wiwongwali likolo.¹¹Denga, ndji la enge engele, pele isato wayamalali liwoso la monguta mungo modjaakali iso, walongwali la Kaisalia, wawatomali atie mbai. ¹²Elimo easali la mbai ate keke mongindji la iwo, itikokeye te okeke. Ase wa wamanima koto motoba wakeeli mongindji la mbai, tolingelali la monguta e moto opele oho. ¹³Atoaselali ndenge emoeneli inde ahumbwa ayamali la monguta monde koto ndenge emoaselali inde ate, toma wato la Yopa, mowela Simoni, ongo okomowelaka iwo Petele. ¹⁴Akoasela sambo djiinge ekokalesa owe la wato kpaa wa monguta mo owe.¹⁵Ango adjali mbai oasi, elimo satu ewadjimbelali , nda ndenge etoyadjimbelali la lipotele. ¹⁶Eho lenge imungolali alidji engbundu e Likumu, ndenge edjaaki inde oasi ate: Yoani apatesali la malia, ase ino okopatesanani la elimo satu.¹⁷Eho lenge, inga Mwengei awahekeli likao ndenge ahali koto iso wango tomogemeiyali Likumu Yesu Kilisito, mbai ndai laate ienge omotekesi Mwengei? ¹⁸Mbuse e iwo ooki ndjongo, wagemeiyali, wamohali koto Mwengei otwa, waasia: ''Meemene, Mwengei ahekeli koto wapagano nano e okukoli motema la loyi e mokalo.¹⁹Wango wayandjali la odjidji wungu epumbali likolo e Setepano, wakpandali tee la Penisia koto la Sipele, koto la Antiokia, ase watidjakali oasi loyi atie moto te moikima, ndji atie Wayuda. ²⁰Ase ndondo ewu edjaakali la wato wadji wa Sipele koto wa Silena wango walongwali la Antiokia, wapotali osololi la wato wango wakoasaka monoko mo Geleki, wadjaakali otiesakoli mboli ndamu e Likumu Yesu ²¹Ewo e Likumu edjali la iwo, aleeti wato ngbii wango waumali wagemei, wayakukolali ngambo e Likumu.²²Mboli enge ewadhengi eumali la matoyi e lingomba linge lidjaakali la Yelusalema, wamotomali Balanabasi tee ongo la Atiokia. ²³Ango ewumali inde, aleeti aeneli magba ma Mwengei, aemelali, apotali owahekeli iwo kpaa mogalia ate, wanangane la Likumu la motema moikima. ²⁴Laate adjali moto molamu, atumi la elimo satu koto la oyambi. Ngbii e wato wadjaali atie Likumu.²⁵Balanabasi akeeli la Talasisi, la omoluki Saulo wiholo kpaa. ²⁶Ango emobgotoli inde, adjaali la inde la Atiokia. Eho lenge ekelanali ate elanga kpaa wadjakali oboleyani mongidji la iwo la lingomba koto watiesakolali ngbii e wato, koto edjaali la Atiokia nde watutiani wawelanali mbala e poo wakilisito.²⁷La masio maho watiesakoli walongwali la Yelusalema, wayadjimbia la Atiokia. ²⁸Mwesi la iwo, kombo ende Agabusu, ayamalali, apotali otiesakoli la mboka e elimo ate ndjala esungu ekokwele mbume kpaa enge eyabati wato. Ehele ndjala ekwali la engele e Kolode.²⁹Watutiani watotali mwano, moto la moto la oengemeni la enge edjei inde la eho, la owatomeli wamangbawu wango wayabati la Yudea. ³⁰Wakelali ndjongo; watomali eho atie wikolo la ewo e Balanabasi la Saulo.

Chapter 12

¹Ndji la enge engele, likumu Elode atotali mwano e oenesi odjidji wadji ndondo e wato wa lingomba. ²Amoolesali la kpoka Yakobo, manango o Yoani.³Nda eeneli inde ate edjaali olamu la maiso ma WaYuda, omohelesali koto Petele. Edjaali lisio e okoke edjangi maana. ⁴Mbuse e omoheli la omolingesi la woyogo, abanyamali la miduhe manei, modhuhe la modhuhe modjaali la wasoda wanei, laate aanali omopumbesi liwoso la wato mbuse e pasika.⁵Petele ayisanali ndondo e woyogo, lingomba edjakali ndji oyakongi la Mwengei la kole ende. ⁶Ango Elode abalali omopumbesi Petele liwoso la wato, la likolo laho Petele alangalali ilo ndondo e wasoda waale ahelani la miliki miale, wasindjili liwoso la modhuhe wadjakali obanyei woyogo.⁷Denda, ahumbwa o Mwengei ayamalali ahue ende, ngbai esi engalali la monguta mo woyogo. Amobingali Petele la mopandji, aasia: Amala galagala! mikulu mikwali la mawo mande. ⁸Ahumbwa oho amoaselali ate: hela mokaba mo owe koto miliki ma wikpokpo ma owe, akelali ndjongo. Gboo ahumbwa amoaselali: kpala mokoto mo owe, koto bilia mbai.⁹Petele apumbia, amobiliali koto. Atiewali ate enge edjakali okelani la mboka e ahumbwa edjali meemene, adjakali oeni ate edjei saki. ¹⁰Mbuse e oyeti ebiba e wasindjili wa liwoso la wawale, waumali la modhuhe mo libende epumbelake la gbata, eyadhuholali liwoso lawu eho amene. Wapumbali, wayandongbali la mboka, ahumbwa amodheeli.¹¹Ango eyawongolia Petele inde amene, aasali: ieni sikandjo ate Likumu amotomali ahumbwa onde, akalesi mbai la mawo ma Elode koto la enge Wayuda wadjali olambeli. ¹²Mbuse e omungoli, akeeli la monguta mo Malia, nango Yoani, ongo omohali iwo kombo Malako, ongo wato wabolianali wadjakali oyakongi.¹³Ango ebingia inde modhuhe mo monguta, mana o moli mwesi o otomo, kombo ende Loda, adjaali odhendji inga edjei ndai. ¹⁴Ango eokali inde moli mo Petele, la mwemu atidhuholali modhuhe, ase alingelali obanu ndondo, ahali mboli ate Petele ayamali liwoso la monoko mo modhuhe. ¹⁵Waasali la inde: okondji boli. Ase inde agemeiyesali la okulu ate edjei ndjongo. Wapotali oasi ate: Edjei ahumbwa onde.¹⁶Ase Petele atikalali ndji ango akobingaka modhuhe, ango odhuholali iwo, wamoenali, wakamwali. ¹⁷Petele, adjambali ewo laate wayabate logoo, awaaselali ndenge Likumu amopumbesali la woyogo, aasali alidji ate: Moaselani Yakobo la wamangbasu dji sambo. Mbuse eho apumbali, akiya la eeti eholo.¹⁸Ango ewumia boo, ewedje edjakali ndondo e wasoda la oewi nde emoumeli Petele. ¹⁹ Elode, amolukali wiholo kpaa, nda etimoenali inde, asambesali sindjili, atomali ate wawahekele etumbu. Alongwali la Yudea ayadjimbali la Kaisalia ayetesali ma masio ongo.²⁰Elode adjali la limemu la loyi e wato wa Tila la Sidonia. Wadjali oluki ookani la inde, mbuse e omolongi Balasitusu, ongo odjakali obanei mwange mo likumu, waongoli logoo, laate moki mowu modjali ototi ilaki ongo la moki mo likumu. ²¹La kolokolo eho, Elode akpalali wisindje e okumu, ayabateli la ngbelengo ende e okumu, adjakali owaaseli sambo.²²Wato wadhumbeyali: ''Moli mo mwengei, eti e moto!'' ²³Ndji la enge engele, ahumbwa o Likumu amobingali, la ebili ate atimohali Mwengei otwa. Agwali, kusu emolingelali mbala kikima.²⁴Ase engbundu e Mwengei edjakali oteli, koto oyandjani. ²⁵Balanabasi la Saulo, mbuse e osilisi tomo djawu, wawongwali la Yelusalema, wadjali la Yoani, ongo wamoweli Malako

Chapter 13

¹Ndondo e lingomba linge la atiokia edjakali la watiekoli la wayinei. Iwo waawa, Balanabasi la Simeona ongo edjaakali iwo o moweli Nigela, koto Manaena ongo otangali kelasi mongindji la Elode likumu o moki, la Saulo. ²Ango edjaaki iwo oyakongi la Likumu la okili wilaka, elimo satu aasali ate, ''Batelani mbai Balanabasi la Saulo la otomo wungo ewaweli mbai la kole eho.³La mbuse wakilali wilaka, wayakongali koto wawabatelali mawo, wawadheeli ate wake.⁴Balanabasi la Saulo, watomanali la elimo satu, wayadjimbali la Selukia, walongwali koto ongo wasombali la andondoli la oki ongo la Sipele.⁵Ango eumali iwo la Salamisi, wapotali otiesakoli engbundu e Mwengei la wasinagoga e Wayuda. Yoani adjaakali la iwo nda mogamesi.⁶Ango esisali iwo okpandji esii eho kpaa tee la Paposi, wagbotonoli la moto opele mwesi, ongo odjaakali lilando, motiesakoli mo moleho, Moyuda mwesi la kombo Bala-Yesu.⁷Adjaakali mwesi e wato wa memene esii, selegisi Paulosi, moto opele mwesi o lokenge. Amowelali Balanabasi la Saulo atie inde, adjaakali koto la ehoha eokake engbundu e Mwengei. ⁸ASe lilando Elimasi ( kombo ende ekukolani ndjongo) awamalelali iwo, apotali oluki omowungesi memene esi la ogemei.⁹Ase Saulo ongo odjei koto Polo nda etumali inde la elimo satu, amodhengali olamu ¹⁰aasali ate, moto otumi la moleho e ndenge kpaa koto ekaleli mbe e ndenge kpaa, owe mana o etota, owe motone mo sambo ndamu, otidhee obitesi mboka dja Likumu djinge inanolani?¹¹Sikandjo dhenga, ewo e Mwengei edjei likolo la owe, maiso ma owe koto makogba, otiene kine ngbai e wuse la ma engele. Ndji la enge engele ligite la molili momokwelali, apotali otatelitateli la oluki wato wamohele ewo. ¹²Memene esii, ango eeneli inde wungo loyi wokelania, aumali mogemei laate akamwali la matiesakoli ma Lkumu.¹³Wato waho mongindji la Polo watotali okendo o ewale opoti la Paposi waumali la Pelega ndondo e Pamipulia. Ase Yoani awadheeli, awongwali la Yelusalema. ¹⁴Iwo walongwali ongo la Pelega, waumali la Atiokia e Pisidia. Walingelali la sinagoga la lisio la Sabata, wayabatali. ¹⁵Mbuse eotangi pui, watiesakolali liwoso la wato kpaa, makumu ma sinagoga wawatomeleli wato, waasia: ''Wamangbasu, inga odjeini la loyi wungo woengi ogamesi wato asani eho.¹⁶Polo ayamalali, awahahelia ewo; aasali, ''Pele dja Isalayele la ino wato kpaa wango wakomowangaka Mwengei, okani. ¹⁷Mwengei e wa wato Isalayele, aonoli watata wasu, abekisali wato waho ango eyabatali iwo wadjidji la moki mo Ezipeto, awapumbesali koto ongo la ewo etetelake. ¹⁸Koto la engele e wilanga tuku inei ahelali motema la esombeli ewu la esobe.¹⁹Mbuse e inde ooli miki sambo la moki mo Kanana, akawolali moki la iwo la olumbi djege. ²⁰Kpaa enge la owumoyi e wilanga kama inei la tuku itano. Mbuse e sambo djaho awahali wasambesi tee la motiesakoli Samuele.²¹Opoti la enge engele wamoongoli likumu, Mwengei awahali Saulo mana o Kisi, moto opele e oliye e Benyamina, wilanga tuku inei. ²²Mbuse e omolongosi, awamaleselali Davidi nda likumu. Ongo inde ahali litotoli la loyi londe , aasali koto ate: Imooni Davidi mana o Yesa, moto opele ongo nda motema mo mbai, ongo okokela sambo kpaa djinge widjei mbai la posa eho.²³Tee la wana e moto oho la otutei liwuna lande, Mwengei adjeleli Isalayele mokalesi, Yesu. ²⁴Liwoso ate Yesu aume, Yoani atiesakolali la hoho atie wato kpaa wa Isalayele patisa enge edjei elembo ekukolake motema. ²⁵Ango eumali Yoani ahue e gboo e mboka ende, adjakali oasi ate, ''Ino omongoini ate mbai idjei ndai? Mbai iti inde.'' Ase, denga, moto mwesi ageleli mbuse e mbai, ongo iengiti otokoli miliki e wikpokpo djande.²⁶Wamanima, wana wa oliye wa Abalayama, la wadji wango wadjei ndondo enu wango wakomowangaka Mwengei, engbundu e mokalo etodjeeli iso.²⁷Laate wato wango wayabati la Yelusalema la makumu mau, watimwewali Moto oho, ase, ango edjakali iwo okeli nda wasambesi, waengesali sambo djinge iyasanali la watiesakoli, sambo djinge ikotanganaka la moli mopamake sabata kpaa.²⁸Inga te watieneli loyi te loikima ehekelake etumbu e logoo, waongali la la Pilato ate aolane. ²⁹Ango eseselali iwo oengesi sambo kpaa djinge idhingani la kole ende, wamodjimbali la ekulusu, wamolangeyali la mbila.³⁰Ase Mwengei amobasesali ndondo e wagwi. ³¹Inde aeneni masio ngbii la iwo wango walongwali mongindji la inde tee ongo la Galilea oteli la Yelusalema. Iwo wango wadjei sikandjo watotoli wande atie wato.³²Iso koto tokoosumbelakani mboli ndamu la liuna enge ehani atie watata wasu, ³³ate Mwengei aengesi eho atie iso wana, la ndenge amobasesali Yesu, nda edhinganate eho la lembo e wale ate, owe odjei mana o mbai, mbai koto iumiga sangwa. ³⁴Loyi linge ate amobasesalii ndondo e wagwi laate atiwongo kine ndondo e oholi, aaseli eho ate: ikoohani sambo e motema magba, enge edjei meemene, enge eunali mbai la Davidi.³⁵Eho lenge aasi koto la lembo edji ate, 'Otidhee mosatu mo owe ahole.' ³⁶Laate Davidi akelali mwano mo Mwengei enge eyewanali la engele inde, alangalali ndondo e logoo, wamolangeyali mongindji la watata wande, aholali koto. ³⁷Kaikoase, moto ongo omobasesi Mwengei inde atihole.³⁸Eho lenge, dheeni eyewane la ino, wamanima, ate la mboka e moto oho, olimbesani e masumu etiesakolani atie ino. ³⁹Ndji la kole ende moto kpaa ongo ogemei alongesani la sambo kpaa, djinge litiengake ino olongi la mboka e pui.⁴⁰Eho lenge, okakebeni ate wungo oasani la watiesakoli etikwele ino. ⁴¹Dengani, ino wadhendeyi, yahuelani koto salamatani! laate mbai ikokelaka otomo oesi la masio manu, otomo ungo otigemyani ino te inga moto akoolumbwelakani ino la hoho.⁴²Ango edjakali Polo la Balanabasi opumbi, wato wayatatia la iwo laate wawaasele djinge sambo la Sabata e mbuse. ⁴³Ango eyaandjia liboleyani e sinagoga, ngbii e Wayuda, la wato wa esii wango wadjakali omosambeli Mwengei wamobiliali Polo la Balanabasi, wango wakpomesanali la iwo, wawahali mogalia ate watikale la logoo e Mwengei.⁴⁴La Sabata e mbuse, ahue e wato kpaa wa moki wayaboleyali la ooki engbundu e Likumu. ⁴⁵Ango eenia Wayuda wato ngbii, watumali la zuwa, wapotali oyamaleli, la wiliko, sambo djinge Polo adjakali oasi.⁴⁶Ase Polo la Balanabasi waasali la mohandja ate, edjaki olamu ate engbundu e Mwengei etiesakolane liwoso atie ino. Nda ekolumbaka ino eho, okoenekeni koto ate owongitini la mokalo mo libela, denga, toyakukolia atie wapagano. ⁴⁷Laate Likumu atotomi la ehele engbundu: '' Iyobati nda ngbai e wapagano, laate odjee mokalo tee la gboo e mbume.''⁴⁸Ango eokia wapagano ndjongo, waemelali, la ogani koto engbundu e Likumu. Wango kpaa wadjakali la ekaleli enge ewongi la mokalo mo libela, waumali wagemei. ⁴⁹Engbundu e Likumu edjaki ndji oyandjani la moki muho kpaa.⁵⁰ Ase Wayuda wawamemelisali wali wamogano wango wadjakali omosambeli Mwengei la wato wasungu wa gbata, wapumbeselali Polo la Balanabasi minga, wawalumbali saa e milelo e moki mowu. ⁵¹Ase Polo la Balanabasi wawahuholelali limungele e makolo mawu, wakeeli la moki mo Ikoniumu. ⁵²Watutiani wadjakali otumi la mwemu koto la elimo satu.

Chapter 14

¹La Ikoniumu, Polo la Balanabasi walingelia mongindji la Wayuda la sinagoga, wadjaki oasi olamu, ngbii e Wayuda la Wageleki waumali wagemei. ²Ase Wayuda wango watigemeiyali wawamemelisali, walolisali koto limemu e milimo e wapagano laate wawatone wango wamangbasu.³Wayetesali engele ngbii ango, wadjakali oasi la mogalia la okumu wungo wolongoyi atie Likumu, ongo ohali litotoli la loyi e engbundu e magba mande la ndenge ahali mboka ate wilembo la makamwesi eenesake sambo djinge igeleli ekelane la mawo ma Polo la Balanabasi. ⁴Wato ngbii wa gbata eho wakamwali, ndambo wadjakali ngambo e Wayuda, ase wadji ngambo e watutiani.⁵Kaikoase, ango wapagano, la Wayuda, la makumu mawu koto walukali owasambwesi, la owabingi mabukeli, ⁶ango ewayewisali iwo loyi luho, watilali la wagbata wa Likaonia, Lisitela, la Deleba, koto la miki minge mihuani la djaho, ⁷ongo wadjakali ndji otiesakoli mboli ndamu.⁸La Lisitela, moto opele mwesi ayabatali ongo, ongo ogua makolo, moto okotengulaka tee la solo dja nango, atisombate te ma keke. ⁹Moto opele oho adjakali ooki ndenge Polo adjakali oasi, Polo amodhengali, aenali ate adjei la ogemei laate aume olamu. ¹⁰Amoaselali la moli mompamake ate, ''Amala ngbi la makolo ma owe.'' Ahumbwali apotali osombi.¹¹Ango eenali ebiba e wato loyi wungo wokeli Polo, wadjambali mili mawu, waasia la monoko mo Likaonia ate: ''wamwengei waumia nda wato, koto wayadjimbeli iso.'' ¹²Wamowelia Balanabas, ''Djeusu,'' ase Polo ''Helemesi,'' laate inde adjakali moto o poo la oasi. ¹³Koto nganga mwengei o djeusu, ongo tepelo ende edjakali liwoso la gbata eho, akpalali wangombe wa pele la mawoke ma pulele ongo la midhuhe, abalali ohekeli mbeka, inde la ebiba eho e wato.¹⁴Ase ango watutiani Balanabasi la Polo, waokia djongo wasalakolali wisindje wau walikolo, wahumbwali ndondo e enge ebiba e wato, wahumbali pui, ¹⁵waasali ate: ''Pele, la nde ekokelekani ino ndjongo? Iso koto todjei wato wango wadjei la mageni ndenge kikima la ino, koto tokotiesakolaka mboli ndamu atie ino, laate odheeni sambo djinge dja pamba, odjeeni atie Mwengei o mokalo, ongo okelali likolo la mbume, la ewale koto la wihoo kpaa winge widjei ndondo eho. ¹⁶La maliye mango mayeti, ahali mboka ate miki kpaa mitutie mboka djau amene.¹⁷Ase te nda etiyadheeleli inde odjangi ohekeli litotoli, ndenge aokelelalini ino olamu, ndenge aohekelalini ino wiwongo tee la likolo, koto wiengele ewotake pukapuka, ndenge atumesali mitema manu la wilaka wilakake koto la mwemu. ¹⁸Te easali iwo djinge sambo, Polo la Balanabasi walongali la minga otekesi ebiba e wato waho laate watiwahe mbeka.¹⁹Ase Wayuda weesi ndjo wadjaali walongwali la Atiokia la Ikoniumu wawagemeiyesali ebiba e wato waho. Wamobingali Polo mabukeli, wamogulakolali saa e gbata, wamungolali ate agui. ²⁰Ango watutiani wamolingali, ayamalali, alingelali la gbata. Ekundu eho alongwali mongindji la Balanabasi la oki la Deleba.²¹Mbuse e otiesakoli mboli ndamu la gbata eho koto la owumesi wato ngbii watutiani, wawongwali la Lisitela, la Ikoniumu koto la Atiokia. ²²Wadjakali ohekeli milimo ma watutiani okulu, wadjakali owahekeli mogalia ate, wahelane ndondo e ogemei, la wi wingbundu, ''Ewongi la iso olingeli la okumu wo Mwengei la mboka e odjidji ngbii.''²³Wawabatelali wiloko la lingomba liesi liesi, wayakongali mbuse e okili wilaka, wawakawali la mawo ma Likumu ongo omogemei iwo. ²⁴Wakpandali Pisidia, wakeeli la Pamipilia. ²⁵Mbuse e osisi oasi engbundu e Pelega, wayadjimbali la Atalia. ²⁶Walongwali ongo, watotia andondoli wakia la Atiokia, ongo wabatanali la mawo e magba masungu ma Mwengei la loyi e otomo wungo woengesali iwo.²⁷Ango eumali iwo wakokiali lingomba, wapotali oasi sambo kpaa djinge ikeli Mwengei la mboka ewu, koto ndenge adhuhuelali wapagano modhuhe mogemeiyake. ²⁸Wayetesali engele ngbii mongindji la watutiani waho.

Chapter 15

¹Pele djeesi walongwali la Yudea, wapotali otiesakoli la wamangbasu la Atiokia, la oasi ate: ''Inga otitenaneni kombeni la obileyi pui dja Moize, oengitini la mokalo.'' ²Ango okawani la kokia esi e minga epumbali ndondo ewu, wamangbasu watotali mwano ate Polo la Balanabasi la weeti ndondo ewu watele atie watutiani la wiloko ongo la Yelusalema la osisi enge kokia.³Watomanali la lingomba, wakpandali Penisia la Samalia, wadjakali oaseli loyi liesi liesi linge lidhendji okukwani e wapagano, wadjakali ohekeli wamangbasu kpaa mwemu.⁴Ango eumia iwo la Yelusalema, wayambanali la mwemu esungu la lingomba, la watutiani, la wiloko e mangomba, wawayewisali ngbii e sambo djinge Mwengei akelali la ewo ewu.⁵Ase wato wadji e ma lingomba liesi e Wapalizeo wango wagemeiyali, wayamalali la wangbelengo djawu, waasali ate: ''Eengi owatenesi kombeni, koto owainei ate watemeiye pui dja Moize. ⁶Watoma, la wiloko wa lingomba, wayakokeiyali la obundoyi loyi loho.⁷Ango eumia la kokia etetelake, Petele ayamalali, aasia la iwo ate, wamanima, ino oewini ate opoti lisio la poo Mwengei aonali ndondo enu ate la monoko mo mbai wapagano waoke engbundu e mboli ndamu koto wagemeiye. ⁸Mwengei ongo okoyewaka atotolali la ndenge awahali iwo elimo satu, ndji ndenge akelali eho koto atie iso. ⁹Atisombosanali koto iso la iwo, ase alangesali mitema mau la mboka e ogemei.¹⁰La ndjongo, lande edjei ino sikandjo omomeki Mwengei la ndenge ekoatomakani ino la otetelake watutiani waengese sambo djinge te watata wasu te iso totiengali oengesi? ¹¹Ase tokobataka nde motema ate tokokala la mboka e magba masungu e Likumu Yesu, ndenge kikima la iwo.¹²Wango wato kpaa wadakali bii, wapotali omooki Balanabasi la Polo ango edjakali iwo oyewisi wilembo ngbii la sambo kamwake enge eenesake sambo djinge igeleli djinge Mwengei akeli la mboka ewu ndondo e wapagano.¹³Mbuse eho wadheeli okpomi, Yakobo awongosali ate, ''Wamanima, ookani mbai.'' ¹⁴Simeona aseseli olumboli olamu ndenge ndji liwoso Mwengei adji la ooni ndondo e wapagano wato wango wakpali kombo ende.¹⁵Wingbundu e watiesakoli eokani la djaho, ndji ndenge edhingana ate, ¹⁶''Mbuse e sambo djaho, ikowongwa, ikoma koto monguta mo isoki mp Davidi enge ekwate; ikoma alidji wiholo winge wibitani, ikomalesa eho alidji. ¹⁷Laate wango watikali ndondo e wato wamoluke Likumu, mongindji la wapagano kpaa, wato wango wawelani la kombo e mbai, Likumu aasi ndjongo, inde ongo okokelaka sambo djaho. ¹⁸Likumu ayewisali dji sambo tee la gala.¹⁹Eho lenge, imungoi ate, eti olamu obati minga atie wapagano wango wakoyakukolaka atie Mwengei. ²⁰Ase towadhingele ekpata ate watone wihoo winge wiumesani onalili la wilima, la pite, la nama djinge wipotani koto la makila. ²¹Laate tee la masio ma gala Moize adjei la wato wango wakomotiesakolaka gbata la gbata, laate akotanganaka la moli mopamake la wasinagoga sabata kpaa.²²Watoma la wiloko wa lingomba, mongindji la lingomba kpaa waenali olamu watome pele wango waononi ndondo ewu wake la Atiokia mboka kikima la Polo la Balanabasi. Ndjongo wamoonali Yudasi, ongo omoweli iwo Balasabasi la Sila, wato wango wakosombesaka sambo ndondo e wamangbasu. ²³Watomali ekpata la ewo ewu ate, ''Watoma la wiloko wa lingomba, wamaangbanu, atie wamangbasu wango wadjei la Atiokia koto la Silia, la Silisia wango wadjei wapagano: Mobale!²⁴Nda eoki iso ate wadji wango walongwali atie iso wabatini ino la ewedje la wingbundu wau, walukali obulungi milimo manu, inga te ate iso totiwainyali ndjongo, ²⁵iso kpaa tookani, toeni koto olamu ooni pele laate totomeleni ino mongindji la wamangbasu wa libalano, Balanabasi la Polo, ²⁶wato waho wakawi milimo mawu la loyi e Likumu lasu Yesu Kilisito.²⁷Towatomi Yudasi la Sila, laate iwo koto waasele sambo djaho la monoko. ²⁸Laate elimo satu la iso koto amene toeni olamu ate totiotalieleni alidji edji mokpali, ndji sambo djinge dja kole: ²⁹djaakani ndji otoni wihoo winge wihekelani mbeka la wilima koto la makila, koto la nama djinge ipotani, la pite koto. Inga oyabanyani olamu la sambo djaho, okodjani olamu. Tikalani olamu.³⁰La ndjongo, ango edheeli iwo wato waho wake, wayadjimbali la Atiokia, wakokiali ngbii e wango wato, wawahali okpengbeite eho. ³¹Ango esiselali iwo otangi, waemelali la mogalia moho. ³²Yudasi la Sila nda edjakali iwo amene koto watiesakoli, wahali mogalia la wamangbasu waho la sambo ngbii, wawahali koto okulu.³³Mbuse e oetesi ma engele, wamangbasu wawadheeli wake la logoo atie wango wawatomali.³⁴Sila aeneli olamu otikali.³⁵Polo la Balanabasi waumwali la Atiokia, wadjakali oteyi la otiesakoli, mongindji la wadji ngbii, mboli ndamu e engbundu e Likumu.³⁶Mbuse e masio Polo aasali la Balanabsi ate, towongweyo la wagbata kpaa etiesakolali iso engbundu e Likumu, la odhengi inga wamangbasu wadjei nda ndenge.³⁷Balanabasi abalaki omototi Yoani, ongo owelani Malako. ³⁸Ase Polo atieneli olamu omokpali inde mongindji la iwo, laate awadheeli la Pamipilia, atikeeli mongindji la iwo la otomo.³⁹Mosio moumali ndondo ewu, wakawanali, moto la moto la mboka ende; Balanabasi amototali Malako atelali andondoli akia la Sipele. ⁴⁰Ase Polo amoonoli Sila, akeeli koto, wamangbasu wamodheeli ate ake la logoo e Likumu. ⁴¹Akpandali Silia la Silisia, adjakali ohekeli mogalia la mangomba.

Chapter 16

¹Polo aumali la Deleba alidji la Lisitela, denga motutiani mwesi adjaki ongo kombo ende Timoteo, mana o moli mwesi Moyuda ongo odjakali mogemei, ase sango Mogeleki. ²wamanima wa Lisitela la wango wa Ikoniumu wadjakali oasi olamu la loyi londe. ³polo abalali ate moto oho atinge la inde, amotenali kombeni la loyi e Wayuda wango wadjakali la winge wiholo, laate iwo kpaa wayewali ate sango adjei Mogeleki.⁴Ango edjakali iwo oeti la wagbata, wadjakali owahi wango wadjakali ongo tomani djinge watoma la wiloko wa lingomba wango wadjakali la Yelusalema watotali laate watemeeiye djaho. ⁵Mangomba maumali la oteteli e ogemei, wato wadjakali otaleyani masio la masio.⁶Polo la wato wande wakpandali Piligia koto la moki mo Galatia, laate elimo awatekisali watiase engbundu la gbata e Azia. ⁷Ango eumali iwo ahue e Misia wayawongelali laate walingele ongo la Bitinia, aseko elimo e Yesu etiwahali mboka. ⁸Waetali ahue e Misia wayadjimbali la Tolase.⁹Aseko la likolo, polo aeneli saki: Moto mwesi o Masedonia ayamalia, adjaki oyakongi la inde la oasi ate, ''Etani la Masedonia otogamesi iso.'' ¹⁰Ango eeneli Polo enge saki, tolukali mboka e oki la Masedonia, tohelali gbondo ate Mwengei atoweli iso la owatiesakoli iwo mboli ndamu.¹¹Mbuse e owumi la Toloasi, tototali okendo wo ewale, tosombali mbala kikima tee la Samotalasi, ase la lisio linge libileyi, towumali la Napolisi. ¹²Tolongwali ongo, towumali la Pilipi, gbata enge esombesani la Loma, enge eyeti kole la gbata e Masedonia. Towumwali la gbata eho, toetesali ma masio. ¹³Wuse o sabata topumbali saa e modhuhe enge esukiani la ewale, ebete enge emungwali iso ate edjei ebete e oyakongi. Toyabatali topotali oasi la wali wango wayakokiali.¹⁴Moli mwesi kombo ende Lidia, motambi wisindje wa ngbaa-boloo, moto o gbata e Tuatila, moyakongi o Mwengei, adjaakali ooki. Likumu adhuholali motema monde laate abata mamungwene mande la sambo djinge idjakali oasi Polo. ¹⁵Ango inde la wato wa oliye wonde watotali patisa, ayakongali la iwo ate: ''Inga oeneni ate idjei moto omeemene la maiso ma Likumu, lingelani la monguta mo mbai, yabatani.'' Atogemeisali la mohandja.¹⁶Ango edjakali iso oki la ebete e oyakongi, mana o moli mwesi e otomo ongo odjakali la elimo eesi, etota mwesi etiesakolake sambo djinge iyaisi, agbotonoli la iso. Adjakali olingeseli wamemene wande wambele ngbii la otomo wotiesakolake sombo djinge igeleli. ¹⁷Mana o moli oho adjakali omotutei Polo la iso, opami koto la dji wingbundu: ''Wa wato wadjei tuke dja Mwengei Ongo-Oyeti-Likolo, wango wakotiesakolakni ino mboka e mokalo.'' ¹⁸Akeli djinge sambo la oumoyi e masio ngbii. Polo alembali, ayakukolali, aasali la elimo eho ate: ''Iyowaseli la kombo e Yesu Kilisito ate opumbe la wenge wande.'' Apumbali ndji la enge engele.¹⁹Ango wamemene wande waeneli ate mwano mowu mototake wambele ekia, wamohelali Polo la Sila, wawagulali la liho atie makumu. ²⁰Wakeeli la iwo atie makumu ma moki, waasia: ''Wa wato wakolingesaka ewedje la gbata esu, wadjei Wayuda. ²¹Wakotiesakolaka wikaleli winge witekisani la iso Waloma togemeiye, te tokelele.²²Ebiba e wato waendjelali Polo la Sila; la makumu ma moki, mbuse e wabamboli, watomali wato wawabinge makobo. ²³Mbuse e owabingi wakobo, wawalumbali la woyogo, wamoaselali sindjili o woyogo ate awabanye olamu. ²⁴Ndenge emotomali owo ndjongo, awalumbali la woyogo e ndondo, ahelali koto mokolo mawu la winangeli makolo.²⁵La etete, Polo la sila wadjakali oyakongi la omogani Mwengei la lembo, wato wa woyogo wadjakali owaoki. ²⁶La gbamuka, mbume edudumali la oteteli, makule ma woyogo koto madudumali. Miluhe midhuhuanali ndji la enge engele. Miliki minge minanganali wato kpaa mitokwanali.²⁷Ango esuswali sindjili e woyogo la ilo, aenali ate miluhe ma woyogo midhukwani, agulali kpoka ende alukali owaoli, amungwali ate wato wa woyogo watili. ²⁸Ase Polo adhumbiali la moli mopamake ate: ''Otiakele obe, iso kpaa todjei ahala.²⁹Sindjili e woyogo aongoli matambe, ahumboiya ndondo, nda owangi emohelali, akwali liwoso la Polo la Sila la mwemu, ³⁰awaumesali saa, aasali ate: ''Wawawa, ikele woni laate ikale?'' ³¹Polo la Sila, waongolali ate: Mogemeiya Likumu Yesu okokala, owe la wato wa monguta mo owe.''³²Wamoaselali la wato kpaa wa monguta monde engbundu e Likumu. ³³Awakpalali ndji la enge engele e likolo, akpololi wa pota wau, iwo kpaa, inde la wato wande wapatali odjangi oumoyi. ³⁴Awalingesali la monguta monde, aandali pesa liwoso lau, aemelali ngbii inde la wato wamonguta monde laate sikandjo amogemeli Mwengei.³⁵Ango etania wuse, makumu ma moki wawatomali wapolisi wake oasi ate: ''Wapumbesa wango wato.'' ³⁶Sindjili e woyogo amoaselali Polo wingbundu wau ate: ''Makumu ma moki wawatomi wato laate ino waale opumbeni. Sikandjo pumbani, kekeni logoo.''³⁷Ase Polo aasali la iwo ate: ''Watobingali pimbo liwoso la wato kpaa odjangi tokwesane la loyi, iso Waloma, watolumbia koto la woyogo, wakotyolumbaka sikandjo saa la oyaisi? Te ndjongo! Iwo amene wadje opumbesi iso saa.'' ³⁸Wapolisi wasumbelali makumu ma moki enge mboli, iwo wawangali ango eokali iwo ate Polo la Sila wadjei Waloma. ³⁹Wadjaali, wayakongali la iwo, mbuse e owapumbesi, wawaongoli ate walongwe la gbata eho.⁴⁰Polo la Sila wapumbali la woyogo, wakeeli la monguta mo Lidia. Ango eeneli iwo wangbasu, wawahali mogalia, mbuse wakeeli.

Chapter 17

¹Polo la Sila waetali la Amipipolisi koto la Apolonia, waumali la Tesaloniki, ebete sinsgoga esi e Wayuda edjakali. ²Polo alingelali ongo atie iwo, ndenge ehahanali inde okeli, la oumoyi e sabata isato adjakali okeleli madhingo la osololi la iwo.³Adjakali olimboli la ohekeli elembeteli la madhingo ate ewongoli Kilisito aene odjidji, koto abase la wagwi, adjaki koto oasi ate: ''Inde adjei Kilisito, Yesu, ongo ekotiesakolaka mbai ino.'' ⁴Wadji ndondo ewu, waumali wagemei wayakokiali mongindji la Polo la Sila, koto ngbii e Wageleki wango wadjakali oyakongi la Mwengei koto wali ngbii wamogano wakelali koto ndjongo.⁵Ase nda eokali Wayuda zua, watotali mongindji la iwo wato wabe ndondo e wato wango wakobengiaka la liho, wakelali limbutukele liesi, walingesali ewedje la gbata. Wadjeleli monguta mo Yosona, wapotali oluki opumbesi Polo la Sila atie wango wato. ⁶Nda etiwagbotoli iwo, wamokpalia Yasona la wamangbasu wadji atie makumu ma gbata, wapamali ate, ''Wa wato wakukoli mbume djinge eyabati wato, waumi koto ahala. ⁷Yosona awayambi olamu. Wato waho kpaa wakokelaka sambo dja oyamaleli Kaisala, waasi ate likumu odji adjei, inde Yesu.''⁸ La djinge wingbundu wabatali ewodje la mito ma wato la makumu ma gbata. ⁹Ase mbuse e ototi ndanga enge eengi atie Yosona la wadji nde wawadheeli ate wake.¹⁰Ndjiango la likolo, wamangbasu watomali Polo la Sila la Belona, ango eumali iwo ongo, walingelali la Sinagoga e Wayuda. ¹¹Kaikonde wa Wayuda wadjaakali la mamungwene malamu owaeti wango wa Tesaloniki, la ebili ate wayambali engbundu la ehoha etetelake oyeti, wadjaakali odhendeli madhingo olamu masio la masio la oyewi inga sambo djaho idjei ndjongo. ¹²Ngbii djau waumali wagemei, ndenge kikima wali ngbii Wageleki wa mogano la pele koto ngbii.¹³Ase ango eokali Wayuda wa Tesaloniki ate Polo atiesakoli koto engbundu e Mwengei ongo la Beloya, wadjali koto ongo la owahili la omemelesi ngbii e wato. ¹⁴La mbala kikima wamangbasu wamotomali Polo ake tee la ewale, ase Sila la Timoteo watikalali ango. ¹⁵Wango watingali la Polo wamokpalali tee la Atene, la ewongo, mbuse e ototi ndendji ate inga eengi Timoteo la Sila wadje obangu atie inde.¹⁶Ango edjakali Polo owalambeli la Atene, molimo monde eokali limemu ndondo ende la ndenge eeneli inde ate gbata eho etumi la wilima. ¹⁷La sinagoga apotali osololi la Wayuda la wapagano koto wango wadjakali omowangi Mwengei, masio la masio, la maho, mongindji la wango wadjakali ango.¹⁸Ase wato wadji Wapilodjope, Waepikila la Wasetoa, wapotali osololi la inde la obatani kokia, wadji wadjakali koto oasi ate, ''Nda ema ehele esopa abali oasi?'' Wadji: ''Eeneni nda ate adjei motiesakoli e wamwengei o wadjidji.'' Waasali ndjongo la ebili ate adjakali otiesakoli mboli ndamu e Yesu koto libasi.¹⁹Wamohelali Polo wamokpalali la Aleopadja, waasali ate, ''Toengi toewe inga matiesakoli maholi mango makoaselaka owe madjei nde?'' ²⁰La ebili ate okolingesaka djeeti sambo djinge eokakiyo iso la matoyi masu. Eho lenge, tobali toyewe inga sambo djaho epoti oasi wani.'' ²¹(Wato kpaa wa Atene la wadjidji wango wadjakali oyabati ongo wadjakali oyetesi engele ewu e ototi ehoho te la eeti ema ndji la oyewisi inga ooki ma loyi esi e poli.)²²Polo ayamalali la wodja e Aleopadja, aasali ate, ''Pele dja Atene, la ndenge edhendji mbai, la sambo kpaa, oenenini ate ayahekelini la owangi wamwengei oyeti wato wadji kpaa. ²³Laate, ango edjakali mbai oyeti la odhendji olamu wihoo wanu wa oyakongi, ieneli koto la etombeli esi enge likolo laho edhingani ate: ''Atie Mwengei ongo otiewane.'' Ndjongo, inde ongo ino ohelanini la inde inga te ate otimoyeweni, inde ongo ekotiesakalakani mbai ino.²⁴Mwengei ongo okeli moki la wihoo kpaa winge widjei ndondo eho, nda edjei inde Likumu e likolo la mbume, atiabataka la watepelo winge wikelani la mawo. ²⁵Atikelanaka wotomo e mawo ma wato, nda nde akodjangaka ema, laate inde amene moto okohaka wato kpaa mokalo, ohatiani koto wihoo kpaa.²⁶La loyi e moto mwesi akelali wihoo kpaa e wato, la oyabati la etando kpaa e mbume, abatali koto wiengele winge wibatana la milelo minge mibatani holi winge wato wayabati, ²⁷laate wamoluke Mwengei, inga eonga wamoluke la omekimeki wiati la wiati wamotote koto, inga te ndjongo, ati lihele la mwesi la mwisi osu.²⁸La ebili ate la mboka ende nde edjei iso la mokalo, tokosombaka koto todjei, ndenge wadji ndondo e wapueti wanu waasa, 'Laate todjei koto oliye wonde.'' ²⁹Eho lenge, ndenge edjei iso oliye wo Mwengei, eengiti ate tomungwe ate Mwengei adjei nda wolo inga palata inga libukeli, nda elima enge eemani la akili koto la otomo wo moto.³⁰Meemene, Mwengei anangi maiso la wiengele winge widjangi oyewi, ase sikandjo akoewisaka la wato e wiholo kpaa ate ewongi la iwo kpaa wakukole mitema. ³¹La ebili ate abati wuse woesi wungo wokosambesa inde la womeemene mbume djinge wato wayabati la mboka e moto mwesi ongo omooni inde, koto awahekeli wato kpaa ndanga ndenge emobasesi inde tee la wato waguake.³²Ango eokali iwo loyi e obasi e wato waguake, wadji wamodendjiali Polo; ase wadji waasali ate, ''Tokooka owe la wongu loyi te mbala edji.'' ³³Eho lenge Polo alongwali ndondo ewu. ³⁴Ase wato wadji waaboleyali mongindji la inde waumali wagemei, enge ndondo ewu Deonisiusi mosambesi e tilibinalo e Aleopage, la moli mwesi kombo ende Damalisi la wadji wato mongindji la iwo.

Chapter 18

¹Mbuse e sambo djaho, Polo alongwali la Atene, akeeli la Koliti. ²Amogbotoli Moyuda mwesi kombo ende Akila, moto o Poti ongo olongwali sikandjo la Italia, la moli onde Pisila, la ebili ate Kolode aasali la Wayuda kpaa walongwe la Loma. Inde akeeli atie iwo, ³nda edjaakali iwo okeli otomo woikima, ayabatali la monguta mowu, wadjaakali koto okeli otomo, laate otomo wowu wodjakali omai wahema.⁴Polo adjakali oasi la oyatii la Sinagoga sabata kpaa, adjakali owagemeisi Wayuda la Wageleki. ⁵Kaikoase ango elongwali Timoteo la Sila la Masedonia wayadjimbia, Polo ayahali kpaa la otomo wodhendji engbundu, adjakali ohekeli Wayuda litotoli la oenesi ate Yesu adjei Kilisito. ⁶ Ase mbuse, nda edjakali Wayuda oyamaleli la oasi obe, ahuholali wisindje wande, aasali koto la iwo ate, ''Makila manu madjei la mito manu amene; mbai ilangi. Opoti sikandjo okokeeke atie Wapaganogano.''⁷Ase apumbali ongo, akeeli olingeli la monguta e moto mwesi kombo ende Titiusi Yusutusi, moyakongi mwesi o Mwengei; ongo monguta monde mohelani la sinagoga. ⁸La engele eho Kilisipusi, kumu o sinagoga amogemeiyelali Likumu, ndenge kikima koto wato kpaa wa monguta monde. Ngbii ndondo e Wakoliti wango waokali wapotali ogemei la opatisani.⁹Likumu amwaselali Polo la saki la likolo ate, ''Otiwange, djaaka ndji oasi, otidhikake monoko. ¹⁰Laate idjei mongindji la owe, moto tueti okoodjele owe la o okeli obe, la ebili ate edjei la wato ngbii la ehele gbata.'' ¹¹Polo ayabatali ongo elanga esi la ndebo motoba, owapundesi engbundu e Mwengei ndondo ewu.¹²Ase ango edjakali Galio likumu o gbata e Akaya, Wayuda kpaa wamomemelelia Polo, wakia la inde la ngbelengo e lisambi; ¹³waasia ate: ''Oholo moto akogemeiyesaka wato wayakonge la Mwengei ndenge eeti, enge esomboni la pui.¹⁴Ango Polo alukali odhuholi monoko, Galio aasali la Wayuda ate, ''Ino Wayuda, inga edjaki la ekpeli esi te la loi wesi wobe, ikelaki ate inange motema la ookini ino engele ndai. ¹⁵Ase, inga edjaa kokia e wingbundu la wakombo koto la pui ndondo enu, enge eodhendjini ino amene. Ibaliti odjei mosambesi e sambo djinge.''¹⁶Galio aumbali la iwo la ngbelengo e lisambi. ¹⁷Ndjongo iwo kpaa wamohelali Sositenesi, kumu o sinagoga, wapotali omobingi liwoso la ngbelengo e lisambi. Ase Galio atiasumbwali te wokeke la sambo djinge kpaa.¹⁸Kaikoase, Polo atikalali masio masungu la Kolito. Mbuse eho ayaambia la wamananango ase alingelia la andondoli, akia la Sili, iwo la Pilisila la Akila. Ango edjengeli inde sue la Kekelea, la ebili ate adjakali la elako. ¹⁹Waumali la Epeso, Polo amotikali Pilisila la Akila ongo, ase inde amana alingelali la sinagoga la osololi la Wayuda.²⁰Inga te ate wamoongoli ate aumwe la iwo ma engele ndai, atigemeiyali. ²¹Ase ahali mobale, aasali la iwo ate, ''Ikowongwa alidji atie ino inga Likumu abala.'' Atotali mboka e ewale la Epeso.²²Ango eyadjimbia inde la Kaisalia, atelia la Yelusalema la ohekeli lingomba mobale, mbuse ayadjimbali la Atiokia. ²³Mbuse e oetesi ma engele ongo, Polo ahelia mboka, aetali la ebete esi tee la edji ebete la moki muho mo Galatia koto la Piligia, adjakali ohekeli mogalia la watutiani kpaa.²⁴Moyuda mwesi kombo ende Apolo mana o moki mo Alezandelia, mwaasi sambo ndamu, aumali la Epeso, ayewali koto madhingo olamu. ²⁵Apolo ayinyesanali la monoko, la mboka e Likumu, nda edjakali inde ololi la elimo, apotali otiesakoli la oyinyei la ndege ndamu sambo djinge imodhendji Yesu, ase ayewali ndji patisa e Yoani. ²⁶Apolo apotali otiesakoli la mogalia ndondo e sinagoga. Ase ango Akila la Pilisila wamookali, wamototali mongindji la iwo, wamwenesia la hoho mboka e Mwengei la ndenge ndamu alidji oeti.²⁷Ango edjakali inde la ehoha e kpanake la Akaya, wamangbasu awawadhingelali watutiani ekpata, wawahali mogalia ate wamoyambe olamu. Ango eumali inde ongo, awagamesali wango wagemeiyali la loyi e magba masungu. ²⁸Apolo adjakali oenesi wato la hoho ate Wayuda wausi mboka, ango edjakali inde oenesi la mboka e madhingo ate Yesu adjei Kilisito.

Chapter 19

¹Ango edjakali yo Apolo la Kolito, Polo aumali la Epeso mbuse e okpandji la mboka enge eyeti miki, agbotonoli la wadji watutiani ongo. ²Polo aasali la iwo ate, ''ototalini elimo satu ango egemeiyalini ino?'' Iwo wamowongweselali ate, ''Tookaki yo ate elimo satu ekodjaaka.''³Polo aasia la iwo ate, ''Ototini nda patisa?'' Wamoongweselia, ''Patisa e Yoani.'' ⁴Polo aasali ate, ''Yoani apatisali la patisa enge edjei elembo ekukolake motema, adjakali oaseli wato ate, wamogemeiyele moto ongo ogeleli mbuse ende, iyenyei ate omogemei Yesu.''⁵Ango eokali iwo ndjongo wapatali la kombo e Likumu Yesu. ⁶Ango Polo awatambelia iwo mawo, elimo satu edjimbelali iwo, wapotali okpomi la minoko madji koto la otiesakoli. ⁷Iwo kpaa wadjakali pele inga liomu la iwale.⁸Ango elingelali Polo la sinagoga, aasali la mohandja la oumoyi e ndebo isato, adjakali oasani la wato la djinge idhendji wokumu wo Mwengei la owagemeiyesi wango wadjakali omooki. ⁹Ase weeti wadjaaki ndji otetelesi mitema mau, watidjakali koto ogemei, la ndenge wadjakali oaseli obe la loyi e mboka liwoso la wato ngbii, Polo alongwali atie iwo awakatolali la watutiani. Apotali otisakoli la kalasi e Tilanusi. ¹⁰Akelali ndjongo wilanga wiale, ndjongo wato kpaa wango wadjaki oyabati la moki mo Azia waokali engbundu e Likumu, Wayuda la Geleki.¹¹Mwengei koto adjakali okeli tomo sungu e okulu la mawo ma Polo, ¹²wadjakali ototi mambusu la wisindji wa otomo e wenge wande, la owakpaleli wato wa wikoni, wikoni wau widjakali osili, milimo mibe koto idjakali opumbi.¹³Ase Wayuda wadji wango wadjakali osombasombi, wango wadjakali opumbesi milimo mibe, wamekali koto otoli komnbo e Likumu Yesu atie wango wadjakali la milimo mibe, waasia, ''Ikootomakani la kombo e Yesu ongo okomotiesakolaka Polo.'' ¹⁴Kaikoase, ndjenga sambo e moto mwesi kombo ende Sekeba nganga Mwengei likumu Moyuda, wadjakali okeli ndjongo.¹⁵Ase elimo mbe ewongoselali iwo ate, ''Imoyewi Yesu, imoyewi koto Polo; ase ino wandai?'' ¹⁶Moto ongo odjaaki la elimo mbe awahumbwelelali iwo kpaa, ahotokolali wesi la wesi la iwo, awaetali la okulu, ndjongo watilali la monguta muho lingbengbele, wakondjokonoli. ¹⁷Loyi luho loewanali la wato kpaa, Wayuda la Wageleki wango wadjakali oyabati la Epeso; mbangi ewalingelali iwo kpaa, kombo e Likumu Yesu edjakali ndji ototi mogano.¹⁸Ngbii ndondo e wango waumali wagemei wadjakali odji olumboli la oyewesi tomo djau la hoho. ¹⁹Ngbii e wango wadjakali okeli tomo dja malando, wakokeyali wahala wau ebete eikima, watumbali eho la maiso ma wato kpaa. Watangali motio moho kpaa waenali ate eengali la motio e wadjenge wa palata koto tuku itano. ²⁰La ndenge esi e okulu, engbundu e Mwengei edjakali obeki la olongi.²¹Mbuse e djinge sambo, Polo aanali la motema monde ate, mbuse e okpandji Masedonia la AKaya, akoke Yelusalema, aasali, ''Mbuse e oumi ongo iengi koto oeni Loma.'' ²²Polo atomali wato waale ndondo e wango wadjakali omokeleli la masedonia, Timoteo la Elasita, ase inde amene atikalali ma engele ekeke la moki mo Azia.²³La enge engele minga misungu mipumbali ongo la Epeso la loyi e mboka. ²⁴Laate moto mwesi kombo ende Demetiliusi, motuli mo Palata, la otomo wonde emaake minguta mikeke e oyakongi e Alatemisi, adjakali olingeseli wato wa tomo wa otata wadjenge ngbii. ²⁵Awaboleyali koto la wango wadjakali okeli la wihoo e ndenge eho, aasali ate, ''Pele, oyewini olamu ate ogumake wosu ekolongwaka la wu otomo.²⁶Okoenekeni koto okookakani ndenge Polo oho, te ndji la Epeso ase wiholo pene e kpaa la moki mo Azia, agemeiyesi wato ngbii. Awatomia wagemeiye eeti mamungo, aasia, ''Wamwengei wango watulani la mawo wati wamwengei. ²⁷Wuko etisuke ndji la wungo loyi ate otomo wungo wosu wokosila mogano, ase alidji ate tepelo e mwengei-moli mosungu Alatemisi ekotolono ema pamba, te wosungu wonde wungo moki kpaa mo Azia la mbume djinge wato wayabati ekoyakongaka, etikali ma keke eume pamba.''²⁸Ango eokia iwo ndjongo, nda etumali iwo koto la limemu, wato waho wapotali opami, waasia, ''Alatemesi o Waepeso adjei mosungu.'' ²⁹Gbata kpaa etumali la minga, iwo kpaa wayasuali la ebete e wiyoka, wakpalali la oteteli mongindji la iwo Gayusi la Alisitalakisi, Wamasedonia, wiino wa Polo la okendo.³⁰Polo abalali olingeli ndondo atie wato waho, ase watutiani watimohali mboka. ³¹Wadji wiloko wa Azia, wango wadjaaki wiino wande, wamotomelali mwendji la omwaseli ate atilingese mokalo monde la huko la ebete e iyoka. ³²Wadji wadjakali opami la loyi eeti, koto wadji loyi eeti, laate liboliani lidjakali la minga, ngbii ndondo e wu watiewali nda ema eyaboleyi iwo.³³Iwo kpaa wamototali Alezandela ndondo e ngbii e wango wato, Wayuda wamohilali liwoso. Alezandela akelali elembo la ewo ende, abalali osambi la loyi e inde amene liwoso la wato waho. ³⁴Ase ango eyewia iwo ate inde adjei Moyuda, iwo kpaa wapamali moli sa mwesi ahue e wiengele wiale ate, ''Alatemisi e Waepeso adjei mosungu.''³⁵Ango modhingi sambo e gbata adakisali ngbii e wango wato bii, aasali ate, ''Pele dja Epeso, ndai ndondo e wato atiewe ate gbata e Waepeso edjei mobanyei e tepelo e Alatemisi mosungu koto la elima enge ekwali tee ongo likolo? ³⁶Ndjongo, nda sambo djaho eengiti obatani kokia, ewongi ate ogbuteseni mitema, otikeleni koto sambo la obangu. ³⁷Laate okpalitini wato wango wadjei wato wayiwa la watepelo, wati koto wato wango wakomotangakolaka mwengei osu o moli.³⁸Eho lenge, inga Demetiliusi la wato wa tomo dja mawo wango wadjei mongindji la inde wadjei la loyi e moto mwesi ndjo, masio masambake madjei, makumu koto wadjei. Wadje opundani. ³⁹Ase inga okolukakani ema eeti oyeti wungo, eho ewongi otenani la liboleyani nda ehahani iso. ⁴⁰Laate todjei la huko e opundani ate todjei wato wa ewedje la loyi e keke, nda eti la ema teeti enge eengi otohekeli iso mboka e oenesi kole e ehele liboleyani e ewedje. Ango esisali inde oasi djinge sambo, aongoli liboleyani liandjane.

Chapter 20

¹Ango etitimali ewedje, Polo awelali watutiani, mbuse e owahekeli mogalia la owahekeli mobale e okawani, apumbali la oki la Masedonia. ²Mbuse e okpandji winge gbata la ohekeli mogalia la wango wadjakali ongo la sambo ngbii, adjaali la Geleki. ³Mbuse oetesi ndebo isato ongo, nda Wayuda wamokelelali likita ango edjakali inde ahue e oki la andondoli la Sili, atotali mwano e wongwake la Masedonia.⁴Wango wadjakali osombi mongindji la inde edjakali , Sopatela mana o Pilusi mo Yabeloya, Alisitalaka la Sekundusi wato wa Tesaloniki, Gayusi mo Yadeleba, la Timoteo, koto la Tisiki, la Tolopimi, wato wa Azia. ⁵Iwo wakeeli liwoso, wadjakali otolambeli iso la Toloasi. ⁶Ase iso tolongwali la Pilipi, tototali mboka e ewale mbuse e masio e makoke mango matikundaka, todjaali atie iwo la Toloasi mbuse e masio inga matano. Ongo toetesali masio sambo⁷La lisio la yenga, ango egbotonoli iso la olaki okoke, Polo apotali owatiesakoli, laate abalali oki ekundu eho, agulali matiesakoli mande tee la etete. ⁸Matambe ngbii madjakali la mwange e likolo ongo eyaboleyali iso.⁹Mana opele mwesi, kombo ende Etisi, ayabatali la lininisa, adjakali la ilo. Ango Polo adjakali oguli matiesakoli mande, ilo emogulali, akwali olongoyi ngbalando esato e monguta tee la mbume, wamolongosia ndji aguiga. ¹⁰Polo ayadjimbali la mbume, ayalumbali likolo lande, amolingali koto la mawo, aasali ate, ''Otiyasumbweni, laate molimo monde modjei ndondo ende.''¹¹Atelali alidji likolo, abukia okoke, alakia. Mbuse e okpomi engele ndai tee otani o wuse, ase akeeli. ¹²Wamototali palanga oho la mokalo, wabondesanali koto.¹³Toetali sikala liwoso ongo edjakali andondoli, tokeeli la andondoli tee la Asosi. Toanali omototi Polo, la oengani la tomani djande, laate abalali okeli okendo la makolo. ¹⁴Ango andongbanali la iso la Asosi, tomolingesali la andondoli, ase tokeeli la Mitilena.¹⁵Ango elongwali iso ongo ekundu eho, towumali ngambo enge edhendani la Kiosi. Ase ekundu eho toyamalali ma keke la Samosi, mbuse e lisio laho, toumali la Mileta. ¹⁶Laate Polo atibalali oyamali la Epeso, la ebili ate atienge oetesi engele ndai la Azia; laate adjakali okeli galagala la oumi la Yelusalema lisio e yenga e Patekote inga akodja la nano.¹⁷Ongo la Mileta atomali wato la Epeso, la oweli wiloko wa lingomba. ¹⁸Ango eumali iwo atie inde, aasali la iwo ate, ''Oyewini olamu ndenge, opoti lisio la poo enge ehotoli mbai mbume e moki mo Azia, idjakali mongindji la ino engele kpaa. ¹⁹Imokelelali Likumu nda motuke la elimo eyatitimesake, la po, la omekani enge eumelali mbai la loyi e makita mbe e Wayuda. ²⁰Itiyatekisali oyinyei ino sambo kpaa djinge idjakali la kole inga otiesakoli ino la wibete e wato kpaa koto la munguta la monguta, ²¹itotololi Wayuda la Wageleki olamu olamu sambo djinge idhendji okukoli motema atie Mwengei koto omogemeiyeli Likumu lasu Yesu.²²Dhenga sikandjo, ihelani la elimo, ikokeeke la Yelusalema, inga te ate iyewiti nda sambo djinge ikoumela mbai ongo, ²³longosa ndji ehele, moki la moki elimo satu edjei mbala la mbala ototoleli mbai ango ekoasaka eho ate, miliki la wodjidji ekolambelaka mbai. ²⁴Ase itidhendelaka molimo mo mbai ate edjei la kole ngbii atie mbai, ema e kole nde iengese la mwemu obangu wo mbai la otomo wungo itotali atie Likumu Yesu, la ohekeli litotoli olamu la loyi e mboli ndamu e magba masungu ma Mwengei.²⁵Dhenga sikandjo, iyewi ate ino kpaa wango itiesakolalini okumu, otieneni kine mbanda e mbai. ²⁶Iototini ino watotoli la lisio la keke ate ilangi la makila ma wato kpaa. ²⁷Laate itiatekisali oyewisini ino mwano kpaa mo Mwengei.²⁸Okakebeni la kole e ino amene, koto la kole e lingomba kpaa enge elimo satu e obatini ino wabanyei la ndondo eho. Laate obanyeni liboleyani e Mwengei enge inde asombali la makila ma mana onde moikima. ²⁹Iyewi ate mbuse e oki wo mbai, mbwa mbe dja mitulu wakolingela ndondo enu, watikelela koto lingomba sambo ndamu.³⁰Ndondo enu pele wakoyamala, wakotiesakola sambo dja moleho la oguli watutiani wabileye iwo.³¹Eho lenge otilangaleni ilo. Otiosaneni ate wilanga wisato likolo la wuse idjakali oaseli mwesi la mwesi la po. ³²Sikandjo ikoodhekeni la mawo ma Mwengei koto la engbundu e magba masungu mande, engbundu enge eengi omayi ino koto ohekeli ino lisango ndondo e wango wasatisani.³³Itinonali palata e moto, te wolo, te wisindje koto. ³⁴Ino amene oewini ate ma mawo maengesali wihoha wa mbai koto e wango wadjaki mongindji la mbai. ³⁵Ienesini ino la sambo kpaa ate la okeli otomo otetelake ndenge eho nde oongini ogamesi wango wadjei wato wamageni, koto otiosaneni wingbundu wa Likumu Yesu, ango inde amene aasali ate,''Mwemu mokawake moeti mototake.''³⁶Mbuse e oseseli oasi djinge sambo, amaali mauli mongindji la iwo kpaa, ayakongali. ³⁷Iwo kpaa watobiali la wilelo nee, wamokweleli Polo la kingo, wamombomboli la magba. ³⁸Waokali magba masungu la engbundu enge aasali inde ate watiene kine mbanda ende alidji. Ndjongo wakeeli omotiki la andondoli.

Chapter 21

¹Ango ekawania iso la iwo la magba, tototali mboka e ewale, la obangu tosombali toumali la gbata e Kosi, ase ekundu eho la Lode, koto olongoyi ongo tee la Patala. ²Ango egbotoli iso andondoli eesi enge ekokpandaka la Penesia, totelali eho, tokeeli.³Mbuse e oeni esi e Sipele, todheeli eho la ewo e liali, tobiliali Sili, toamalali la Tila laate ongo nde andondoli eongoli odjikesi wihoo waho. ⁴La oluki luki toeneli watutiani, toyabatali ango masio sambo. Ase la mboka e elimo wadjakali omoaseli Polo mbala la mbala ate atike la Yelusalema.⁵Ango eseselia iso oengesi masio maho, topumbali koto tokeeli, iwo kpaa la wali la wana wadjaali otiki iso tee la saa e gbata. Tomaali mauli la kondolo, toyakongoli, ⁶tohanali mobale, iso totelali andondoli, ase iwo wawongwali atie iwo.⁷Ango eseselali iso okpandji la Tila, toumali la potolemaisi. Tohekeleli wamangbasu mobale, toyabatali mongindji la iwo lisio liikima. ⁸Ekundu eho, tokeeli toumali la Kaisalia, tolingelali la monguta mo Pilipo moenesi mboli ndamu, ongo odjakali mwesi e pele sambo e mogano molamu, toyabatali mongindji la inde. ⁹Moto opele oho adjakali la wana wawali wanei, waseka, wango wadjakali otiesakoli.¹⁰Ango edjaaki iso oumoi masio ngbii, motiesakoli mwesi kombo ende Agabusi, alongwali la Yudea. ¹¹Adjia atie iso, atotali mokaba mo Polo, ayanangali makolo la mawo, aasali ate, ''Elimo satu easi ndjo, 'Moto ongo odjei meemene mu mokaba, Wayuda wakomohela ndjo la Yelusalema, wakomokawa la mawo ma wapagano.'''¹²Ango eokali iso ndjongo, iso la wato e eholo eho topotali oyatati la inde ate atitele la Yelusalema. ¹³Polo awongosali ate, ''Okokelakani nde la ilelo koto la ogenesakoli mbai motema? Iyawongeli te saa la loyi ehelanake, ase laate ikogwa la Yelusalema la loyi e kombo e Likumu Yesu.'' ¹⁴Nda etidjakali inde ogemei, iso togemeiyali eho la dji wingbundu, ''Mwano mo Likumu ekelane.''¹⁵La mbuse e masio maho tohelali wihoo wasu koto totelali la Yelusalema. ¹⁶Wadji ndondo e watutiani wa Kaisalia wakeeli koto mongindji la iso, la okpali iso atie moto ongo toengali oyabati atie inde Manasona mwesi ndjo, moto o Sipele, mwesi e watutiani wa poo.¹⁷Ango eumali iso la Yelusalema, wamangbasu watoyambali la mwemu. ¹⁸Ekundu eho, Polo alingelali mongindji la iso atie Yakobo, koto wiloko kpaa wadjakali ongo. ¹⁹Polo awahali mobale, apotali owaewisi ema esi la esi la sambo kpaa djinge Mwengei akelali atie wapagano la mboka ende.²⁰Mbuse e owaoki iwo, wapotali omohekeli Mwengei otwa, wamoaselali koto ate, ''Okoeneke, manima, ndenge wato ngbii e wagamei wadjei la ndondo e Wayuda. Iwo kpaa wadjei la mogalia la loyi e pui. ²¹Waokali ondungwani la loyi e owe ate okotiesakolaka Wayuda wango wayabati ndondo e wapagano ate wamotone Moize, okoaselaka iwo ate watitene wana wau kombeni koto watisombe la otutei wikaleli winge wiyewani.²²Tokele woni? La omeeemene wakoewa ndji ate odiga.²³La ndjongo kela nda ekotiesakola iso owe. Pele inei wadjei la iso ala, wango wadjei la ndai ewu. ²⁴Tota wango pele, keke oyalangesi mongindji la iwo, putela iwo sambo kpaa, laate wadjengene sue. La ndenge eho, moto kpaa akoewa ate ondunguani wungu waewisali iwo la loyi e owe edjei e moleho, ase ate owe okosombaka alima, owe amene koto okobanyaka pui.²⁵Ase la loyi e wapagano wango wagemei, totomi eteneli enge etoti iso ate ewongi watone wihoo winge wihekelani mbeka la wilima, la otoni makila, la wihoo winge wipotoni la pite. ²⁶Polo akpalali pele djaho ekundu eho, ayalangesali mongindji la iwo. Alingelali la tepelo, la oyewesi masio woni eongoli oeti la loyi e olangesani wuho, tee ango likao e ongoli ehekelani la loyi e moto la moto.²⁷Ango epakali masio maho sambo weengi, Wayuda weeti wango walongwali la Azia, ango e moenia iwo Polo ndondo e tepelo, wangalesia wato ngbii, wamobatali mawo. ²⁸Wadjakali opami, ''Pele dja Isalayele, togamesani iso. dengani moto oholo akoinyaka wato kpaa wiati la wiati ate wadendeye wato wasu, pui la ehele ebete. Aleeti awalingesi Wageleki ndondo e teplo, awumesia ehele ebete esatu onalili. ²⁹Laate liwoso wamoeneli Tolopimi moto o Epeso la gbata mongindji la inde, eho lenge wadjakali omungoyi ate Polo amolingesi la tepelo.³⁰Moki kpaa momemelia, wato kpaa waboleyanali, wamohelali Polo, wamogulia saa e tepelo, wadhihia moluhe mo tepelo la loga. ³¹Ango edjaaki iwo oluki mboka la omooli Polo, mboli emoumelia likumu o ebiba e wasoda ate Yelusalama kpaa edjei la minga.³²Mbala kikima atotali wasoda la makumu wamu, ayadjimbali obangu atie iwo. Ango emoenia iwo likumu o wasoda la wasoda wadheeli omobingi Polo. ³³Likumu o wasoda ayandongbali ahue amopotoli Polo, awatomali ate wamohele la miliki miale. Apotali oluki oewi inga edjei ndai koto nda loyi ekeli inde.³⁴Ase wadji e wango wato ngbii wapotali opami la edji loyi, waadji koto la edji loyi. Nda inde amene atiengali oyewi te loyi eesi la omeemene la ehele ewedje, atomali ate wamokpale Polo la monguta e wasoda. ³⁵Ango eumia inde la eteleli, sambo ebitanali la oeteli, ndjongo wasoda wamokpalali Polo la loyi e ongali o wato ngbii. ³⁶Laate ngbii e wato waho wadjakali ndji otutei, wadjaki opami, ''Moolani!''³⁷Ango epaki Polo olingeli la monguta mo wasoda, amoaselali likumu oho o wasoda ate, ''iengi ototi mboka la oasi loyi liesi?'' Likumu o wasoda amoaselali ate, ''Okoasaka monoko mo Geleki? ³⁸Eti owe Moezipito ongo, la masio mayeti apumbesali minga, akpalali la esobe pele koto inei wango wadjakali la wiwuni?''³⁹Polo aasali ate, ''Idjei Moyuda, o Talasi ndondo e Silisia. Idjei mana o moki e gbata enge eyewani olamu. Ndjongo iyakongi la owe pa mbai mboka iase la wato.'' ⁴⁰Ango likumu o wasoda amohia mboka, Polo ayamalali la witeleli, akelelali wato elembo la ewo ende. Ango elingelali logoo, aasali la iwo la monoko mo Ebele. Aasia ate,

Chapter 22

¹''Wamanima la wa wawa, okani osambi wo mbai liwoso lanu sikandjo.'' ²Ango eokia iwo ate akoasaka la iwo la monoko mo Ebele, wadakali alidji bii la oeteli, waasali koto ate,³Idjei Moyuda, iwotami la Talasi e Silisia, ase itangi kalasi la mu moki la makolo ma Gamaliela. Itiesanate la otutei okulu e pui e wa tata. Idjakali moto o mogalia la loyi e Mwengei, ndenge ino koto kpaa odjeini la eho la masio ma keke.⁴Ibheteleli ehele mboka tee la logo. Idjakali oheli pele la wali la miliki koto owatomi la woyogo, ⁵nganga-Mwengei mosungu la liboleyani kpaa e wiloko waengi ototoli la loyi e mbai. Itotali koto matanda atie iwo la loyi e wamangbasu wango wadjei la Damasi, ikeeli koto okpali wango wadjakali ongo wahelani la miliki la odji la iwo la Yelusalema laate watote etumbu.⁶Idjaaki okii ndjongo, ango eyandongbia mbai ahue e Damasi, ahue e mbile, ngbai esi engalelali mbai. ⁷Ikuali la mbume, iokali mooli mwesi moasali la mbai ate, 'Saulo, Saulo, ndjoni okoeneseke mbai odjidji? ⁸Mbai iwongwesali ate, 'owe ndai, Likumu?' Aasali koto la mbai ate, 'Mbai Yesu, o Nazaleta, ongo owe okomoeneseke odjidji.'⁹Kaikoase, wato wango wadjaki mongindji la mbai waeneli ngbai eho ase watiokali mooli mungu modjaki oaseli mbai. ¹⁰Iyasali ate, 'Ikele nde, Likumu?' Likumu aasali la mbai ate, 'Yamala, keke la Damasi, ongo wakoewesa owe sambo kpaa djinge ewongi la owe okeli.' ¹¹Nda etidjakali mbai oeni ema la loyi e otwa e enge ngbai, iwumali la Damasi, idjaki ogulani la ewo e wango wadjaki mongindji la mbai.¹²Ongo Ananiasi, moto opele ongo okomowangaka Mwengei la obileyi pui, koto adjaki la matotoli malamu atie Wayuda kpaa wango wayabatali ongo. ¹³Adjali atie mbai, ayamalali ahue e mbai, aasali la mbai ate, ''Saulo, manima, ene alidji.'' Idjambali maiso la omodhendji ndji la enge engele.¹⁴Aasali koto ate, Mwengei o watata wasu awoni owe laate oyewe mwano monde, koto omoene Moto molamu, koto ooke mooli mooli monde. ¹⁵Laate okodjaa mototoli monde la wato kpaa la sambo kpaa ieni owe la wioki owe. ¹⁶Sikandjo okolambelaka nde? Yamala, tota patisa, dhumbeya kombo ende laate okpole masumu ma owe.¹⁷Mbuse iwongwali la Yelusalema, idjaaki oyakongi ndondo e tepelo, ilengelali la saki. ¹⁸Imoenia inde akoasaka la mbai ate, ''Kela obangu, pumba galagala la Yelusalema, laate watigemeiya litotoli la owe la loyi e mbai.''¹⁹Iyasali ate, 'Likumu, iwo amene wayewi ate idjaaki olingesi la woyogo wango wakogemeiyaka owa, la owabingi pimbo la wasinagoga djiesi kpaa. ²⁰Koto ango eswani makila ma Setepano mototoli mo owe, mbai pendja iyamalali ango, idjakali ogemei, la obanyei wisindji wa mokpoto e wango wadjaki omooli. ²¹Ase aasali la mbai ate, ''Keke, ikootoma lihele atie wapagano.''²²Wamookali tee la wungo loyi ndjongo. Wadjambali miili mawu, waasia ate, ''Molongosa moto e ehele ndenge la mbume, laate ationgoli odjei la mokalo.'' ²³Nda edjaaki iwo ohumbi la olumbi wisindje wau wa mikpoto likolo, la oyandji limungele likolo, ²⁴kumu o wasoda atomali wasoda ate wamolingese Polo la monguta mo wasoda, aasali koto wamobinge pimbo laate aase, ndjongo akoewa olamu nda kole enge iwo wakopamaka la loyi ende.²⁵Ango emolangeya iwo laate wamobinge pimbo, Polo aasali la kumu o wasoda ongo odjaaki ango mine ate, ''Pui ehekeli ino mboka ate obingeni pimbo la moto ongo odjei Moloma ongo okwiti te la loyi loikima?'' ²⁶Ango eokia likumu o wasoda ndjongo, akeeli atie kumu o wasoda, amoaselali ate, ''Obali okeli nde? Denga ongo moto adjei Moloma.''²⁷Kumu o wasoda ayandongbia ahue, amoaselali ate, ''Yewesa mbai, odjei Moloma?'' Polo aasali ate, ''Eiye.''²⁸Kumu o wasoda awongwesia ate, ''mbai isombi ehele osomi e mana o moki la wambele ngbii.''Ase Polo aasia ate, ''Ase mbai iwotani nde la eho.²⁹Ndji la enge engele, wato wango wabalali omobingi pimbo laate aase, walongwali ahue ende, koto kumu o wasoda apotali owangi ango eyewali inde ate adjei Moloma la ndenge emonangali inde la miliki.³⁰Ekundu eho, ango ebalali likumu oewi la omeemene kole enge Wayuda wakomopundaka, amotokolali Polo, atomali ate wanganga-Mwengei wayakokeye la likita lisungu. Amodimbali Polo, amoamalesali ndondo ewu.

Chapter 23

¹Polo adengali makumu ma likita lisungu, aasali ate, ''Wamanima, isombi liwoso la Mwengei la oewi wolangi tee la lisio la keke. ²Nganga-Mwengei mosungu Ananiasi ahali mboka la wango wadjaki ahue ende ate wamobinge la monoko. ³Eho Polo aasia la inde ate, ''Mwengei akoobinga, owe etutu enge emunolani mondo, oyabati la osambesi mbai la ookani e pui, la ndenge ekotomaka owe wato ate wabinge mbai?⁴Wango wayamalali ango waasali ate, ''Okomotangakolaka nganga-Mwengei mosungu o Mwengei?'' ⁵Polo aasali ate, ''Wamanima, itiewake ate adjei nganga-Mwengei mosungu. Laate edhingani ate, ''Oengiti oasi obe la kumu e wato wa owe.'''⁶Ango eyewali Polo ate ndondo ewu edjakali la Wasadukai koto la Wapalisai, apotali ohumbi pwi ndondo e likita lisungu ate, ''Wamanima, idjei Mopalisai, mana o Wapalisai. Ikosambesamaka la loyi e mwano e libasi e wato waguake.'' ⁷Ango easia inde ndjongo, likaka eumali ndondo e Wapalisai la Wasadukai, mongindji mokawanali. ⁸Laate Wasadukai wakoasaka ate libasi liti, ahumbwa koto ati, elimo koto ati, ase Wapalisai wakogemeiyaka sambo djaho kpaa la hoho.⁹Ndjongo ondungbiani wotetelake epumbali, wiloko wadji e mongindji e Wapalisai wayamalali, wapotali oasi la mosio mosungu ate, ''Toeniti obe teeti atie oholo moto. Ase inga elimo eesi, te ahumbwa mwesi asololali la inde?'' Totisane la Mwengei. ¹⁰Ase ango eumia likaka lisungu ndondo ewu, kumu o wasoda awangali ate wakomotenakola Polo wisuki, ndjongo aasali la wasoda ate wayadimbe omolongosi Polo ndondo ewu, wamolingese la monguta mou.¹¹La likolo linge libileyi Likumu ayamalali ahue ende, aasali ate, ''Dja la mogalia, laate nda ehekeli owe litotoli lilamu la Yelusalema la sambo djinge idhengi mbai, ndenge kikima koto oengi ohekeli litotoli la Loma.''¹²Ango otania wuse, Wayuda wakelia likita libe, walapali koto ate obe ewakwele, inga walaka te wakenga liwoso ate wamoole Polo. ¹³Edjakali wato oyeti tuku inei nde wakelali linge likita libe la olapi enge enangani la mwano mbe.¹⁴Wakeeli atie wanganga-Mwengei makumu la wiloko, waasali ate, ''Toteniga ndai ate totilaka, totikenga koto tee ekomoola iso Polo. ¹⁵Ndjongo ndi sikandjo, ino la likita lisungu moewisani kumu o wasoda la hoho kole enge inde awongi odjimbeseli ino inde nda odjeini nde la posa e odhendeli loyi londe la ndenge ndamu. Ase liwoso ate aume ahue, iso tokoyawongela laate tomoole.''¹⁶Ase mana o manango o Polo o moli aokali mboli e lisala linge limobatelali iwo Polo, adjaali olingeli la monguta e wasoda la omoewesi Polo. ¹⁷Polo amowelali mwesi e makumu o wasoda atie inde aasali ate, ''Mokpala oholo mana opele atie likumu o wasoda, la ebili ate adjei la ma loyi e moaselake.''¹⁸La ndjongo, akeeli la inde okamotiki atie likumu o wasoda, aasali ate, ''Polo moto o woyogo aweli mbai atie inde, aongia mbai ate imokpale oholo mana opele atie owe, la ebili ate adjei la ma loyi e oaselake.'' ¹⁹Kumu o wasoda amohelali ewo, akia kelekele, apotali omohueli iwo waale ate, ''Nde ebali owe oaseli mbai?''²⁰Mana opele oho aasali ate, ''Wayuda waokani ate waonge owe omodjimbe Polo la likita lisunu e ekundu nda wadjei nde la posa e oewi olamu enge emodhendji.'' ²¹Ase loyi lo kole edjei, owe otibale ate waogemeiyese, laate pele djau oyeti tuku inei wamobateli lisala, walapi koto ate watilaka watikenga koto inga watimooleyo. Wayawongeli sikandjo, wakolambelaka ate liwuna lilongwe atie owe.''²²Kumu o wasoda amodheeli ongo mana opele ate ake mbuse e omoaseli ate, ''Otimoewese moto toeti ate ondjaseli mbai.'' ²³Awawelali waale ndondo e makumu ma wasoda, aasali ate, ''Wongeleni wasoda kama iwale la osombi tee la Kaisalia, la wasoda koto tuku sambo wango wakosombaka la punda, la wasoda koto kama iwale e makonga, la engele e isato e likolo.'' ²⁴Wongeleni koto wa nama wango wakokpalaka mikpali laate emokpale Polo, emoumese koto Polo olamu atie likumu o moki Peliki.²⁵Adhingali ekpata la ehele ndenge: ²⁶''Mbai Kolode Lisiasi, atie moto o mogano likumu o moki Peliki, mobale. ²⁷Wayuda wamoheli oholo moto opele, walukaki ate wamoole, ase mbai idjaali obangu la ebiba e wasoda, imokalesali, laate ioki ate inde adjei Moloma.²⁸Nda elukali mbai oewi olamu kole enge edjaakali iwo omopundi, imodjimbali la likita lisungu ewu. ²⁹Idjaali oewi ate wadjaki omopundi la loyi e pui djau, ase te la loyi enge ewongi la logo inga te la woyogo. ³⁰Nda endjaseli iwo mbai ate likita liesi libe ekowongelanaka la omokeli moto opele oho obe, imotomi inde atie owe la loga, ihii engbundu atie wapundi wande ate waase mbe djande liwoso la owe.''³¹Wasoda waho wamototali Polo la otutei engbundu enge etotali iwo, wamokpalali la likolo la Atipatilisi. ³²Ekundu eho, wahekeleli mboka la wasoda wango wakosombaka la punda ate wahele mboka mongindji la inde, ase iwo waongwali la monguta e wasoda. ³³Wasoda wango wakosombaka la punda walingelali la Kaisalia, wamohali likumu o moki ekpata eho, wamoinyali koto Polo.³⁴Ango etangali likumu o moki ekpata eho, amohuelali Polo inga adjei moto e nda moki. Ango edjaali inde oewi ate adjei moto o Silisia, ³⁵Aasali ate, ''Ikooka owe olamu ango ekodja wapundi wa owe. Atomali ate wamobanye la monguta e likumu Elode.''

Chapter 24

¹La mbuse e masio matano Ananiasi nganga-Mwengei mosungu, ayadimbali la Kaisalia la ndambo e wiloko wa moki, la moaseli mwesi la kombo Teletulusi, wamopundali Polo liwoso e likumu o moki. ²Ango emowelia iwo Polo, Teletulusi apotali omopundi atie likumu o moki, aasia, ''Nda edjei iso la logoo wosungu la owe, koto nda okalambi ekokelanaka la mu moki la kole e mamungwene ma owe ma wongesake sambo liwoso; ³la wiengele kpaa koto alidji la wiholo kpaa, tokoyambaka eho, Moto o mogano Peliki, la dombwa ehele eyeti osungu.⁴Ase ibaliti wohelesi engele ndai la ogani owe, ndjongo iyakongi la owe ate la magba masungu ma owe otooke la ma sambo keke. ⁵Laate tomoeni oholo moto opele ate adjai huko esungu, akopumbesaka koto minga atie Wayuda kpaa wango wayabati la meki kpaa. Adjei mosombesi e ma lingomba liesi e Wanazaleta. ⁶Amekali koto obitesi tepelo nde emoheli iso, tolukali omosambesi la obilei pui djasau.⁷Ase Lusiasi kumu o wasoda aumali. Amolongosia la mawo masu la otetelake. ⁸Ase ahia modeko atie wapundi wande laate wadje atie owe. Ango owe amana okomohuela, okoewa womeemene e sambo kpaa djinge ekomopundaka iso. ⁹Wayuda koto wagemeiyali, waasali ate sambo djaho idjei ndji ndjongo.¹⁰Ase ango likumu o moki abandali moto la ohekeli Polo mboka easake, Polo awongosali ate, ''Nda eyewi mbai ate owe odjei mosambesi molamu e mu moki wilanga ngbii, igemei la motema mwesi osambi sambo dja mbai. ¹¹Oengi oewi owe amene ate opoti lisio liteli mbai la Yelusalema la oyakongi, eyetakiyo masio liomu la maale. ¹²Ango egbotoli iwo mbai la tepelo, itidjaakali obati kokia la moto inga te oboleyi ebiba eesi e wato, la wasinagoga te la gbata.¹³Waengiti oenesi omeemene e sambo djinge wakopundaka mbai la eho sikandjo.¹⁴Ase ikoyambolaka wu loyi liwoso la owe ate, la odhendeli mboka enge ekowelaka iwo ma lingomba, la ndenge eho nde mbai ikomokelelaka Mwengei o watata wa mbai otomo wosatu, laate ikogemeiyaka sambo kpaa djinge iyaselani la pui, djinge idhingani koto la watiesakoli. ¹⁵Ibati motema atie Mwengei, motemu mungu wa wato koto wakodjaaka la eho, ate libasi likodja, e wato walamu la wato wabe. ¹⁶Mbai ikobata motema mo mbai la loyi wuho ate engele kpaa idje la oewi enge ekoenesaka ate ikeliti obe teeti liwoso la Mwengei la liwoso la wato koto.¹⁷La mbuse e wilanga ngbii iwongwali ndondo e moki mo mbai okawi makao e motema magba la ohii mbeka. ¹⁸Ango edjaaki mbai okeli sambo djaho, wagbotoli mbai iyalangesi ndondo e tepelo la ndenge ewongoni, te mongindji la wato ngbii te koto la ewedje. Ase Wayuda wadji e moki mo Azia wadjaakali ango. ¹⁹Ewongoki la iwo koto odjei ala liwoso la owe la ohelesi mbai, inga waeneli mbai la loyi liesi libe.²⁰Inga te ndjongo, pele djinge idjei ala waase iwo amene obe wungo waeneli mbai la eho ango eyamalali mbai liwoso la likita lisungu, ²¹longosa ndji loyi loesi wungo wodhumbeyali mbai ango eyamalali mbai ndondo ewu ate, ''Ikosambesamaka ndondo enu la loyi e libasi e wato waguake.''²²Ase Peliki, ongo oewaali olamu sambo djinge idhengi mboka, aandjali wato ate wadje nbuse. Aasali ate, ''Ango Lusiasi kumu o wasoda akoyadjimba ikotena sambo djanu.'' ²³Amotomali likumu o wasoda ate wamobanye Polo, ase watimohele miliki ongo la woyogo, atimotekese koto moto tueti e wato wande omogamesi.²⁴Mbuse e ma masio, Peliki adjali iwo la moli onde Dulusila, ongo odjaakali Moyuda, amotomi moto okamoweli Polo, amookali koto la loyi lodhendji omogemeiyeli Kilisito Yesu. ²⁵Ase ango einyali inde sambo dja omeemene, la oyatekesi, la lisambesi wungo wogeleli, Peliki aokali boo, awongwesalii ate, ''Sikandjo kekeyo, ase inga engele eesi ndamu eenane ikoowela alidji.''²⁶Adjaaki koto la molambe ate Polo akomoha wambele, eho lenge adjaakali omoweli mbala la mbala la osololi la inde. ²⁷Ase la mbuse e mbula iwale Polokisi Pesitusi ayadjimbali la ebete e Peliki, ase nda Peliki abalali ate Wayuda waemele la inde, amotikali Polo anangani la woyogo.

Chapter 25

¹Masio masato mbuse e olingeli e Pesitusi la okumu wonde, alongwoali la Kaisalia, atelia la Yelusalema. ²Wanganga-Mwengei makumu la iloko wa Wayuda, wamopundali Polo liwoso lande, wapotali oyatati la inde, ³wadjaaki omoongi ate awaokele magba, la omokoesi Polo, atome wamowele la Yelusalema, kaikoase wadjaakali omoaleli lisala la omooli la mboka.⁴Pesitusi awongosali ate Polo adjei la woyogo e Kaisalia, inde amene koto akobalaka okii ongo la loga. ⁵Aasali alidji ate, ''Wango wadjei la okumu ndondo enu, wayadjimbe mongindji la mbai wamopunde, inga loyi lopundake wodjei atie moto oho.''⁶Pesitusi aetesali masio mwambi inga liomu ndondo ewu, ayadjimbali la Kaisalia, ekundu eho, ayabatali la ngbelengo e masambi, atomali ate wadje la Polo atie inde. ⁷Ango oumali inde, Wayuda wango wayadjimbali tee la Yelusalema wayamalia ango omolingi, wadjaali omopundi la sambo ngbii koto e sungu sungu djinge etiengali iwo oenesi womeemene woho. ⁸Polo awongosali la osambi ate, ''Ikeliti obe te oikima la loyi e pui e Wayuda, inga te la tepelo, inga te la kole e Kaisalia.''⁹Ase Pesitusi nda ebalali inde ate Wayuda wamoemele, amowongoeselali Polo ate, ''Ogemei oteli la Yelusalema la osambesani liwoso la mbai la loyi e dji sambo ndjo?'' ¹⁰Ase Polo aasali ate, ''Ikoyamalaka liwoso la ngbelengo e masambi e Kaisalia, enge owongi la mbai osambesani. Iwakeliti Wayuda obe te woikima nda ndenge owe amene okoeneke eho.¹¹La ndjongo inga idjaa moto mobe, inga koto ikeli loyi liesi wungo woengi la logo, itoniti logo. Aseko inga sambo djinge ikohelesaka iwo mbai idjangi kole moto te moikima aengiti okawi mbai atie ewu saa ate awaemelese .Ibali oki osambi atie Kaisala.'' ¹²Mbuse e Pesitusi osoyi ndungu la wato wande, awongosali ate, ''Nda eongi owe oki osambi atie Kaisala; okoke atie Kaisala!''¹³Ambuse e masio, likumu Agilipa mongindi la Belenisa waumali la Kaisalia la omodhendji Pesitusi. ¹⁴Edjaki iwo oetesi masio ngbii ongo, Pesitusi amosumbelali likumu mboli e Polo ate, ''Molome mwesi adjei ala, ongo omotiki Peliki la woyogo.'' ¹⁵Ango edjaaki mbai la Yelusalema, wanganga-Mwengei makumu la iloko wato wa Wayuda wadjaali oasi sambo djinge imodhengi, waongoli la mbai ate imokwese. ¹⁶Iwawongweselali ate Waloma watidjaaka la ehahaneli ekawake moto la loyi eokeli wato magba, liwoso ate moto oho ongo opundani aenane la wapundi wande atote nano esambake loyi wungo wopundani inde la eho.¹⁷Eho lenge ango edjaali iwo ala, itiumwali, ekundu eho iyabatali la ngbelengo e masambi, itomali ate wamowele moto opele oho. ¹⁸Ango eyamalali wango wamohelesali, watimopundali te la eesi e sambo mbe djinge idjaaki mbai omomungweli. ¹⁹Aseko wadjaaki ndji obatani la inde kokia la ndenge ewu eyakongake la Mwengei, la loyi koto e Yesu mwesi ndjo ongo ogwa, ase ongo Polo adjaaki ndji oasi ate adjei la mokalo. ²⁰Mbai iyawedjaali la kole e kokia eho likolo e djinge sambo, imohuelali inga akogemia oki la Yelusalema osambesani ongo la sambo djaho.²¹Aseko Polo aongoli ate wamobanye laate loyi lotenane la okumu wosungu, ndjongo itomaali ate wamobanye tee ango ekomotoma mbai atie kaisala. ²²Agalipa aasia la Pesitusi ate, ''Ibali ate imooke koto moto oho mbai amene.'' Pesitusi aasali ate, ''ekundu okomooka.''²³Ekundu eho, Agilipa la Belenisa wadjaali la ndenge e otwa, walingelali la monguta e masambi mongindji la makumu e wasoda koto la wato ngbii e gbata. Pesitusi atomali, wadjaali la Polo. ²⁴Pesitusi aasali ate, ''Likumu Agilipa la ino kpaa wango wadjei mongindji la iso aha, omwenini oholo moto ongo Wayuda kpaa waongoli mbai la Yelusalema koto ahala, wadjakali opami ate ewongiti kine la inde odjei la mokalo.²⁵Mbai ieneli ate akeliti loyi lungo liengi la logo. Ase ango inde amene aongoli ate ake okasambi atie Moto o mogano mosungu, itotali eteneli e omotomi. ²⁶Ase la loyi lande, iti pendja la loyi e modhingelake Likumu la mbai . Eho lenge imopumbesi liwoso lanu, la oeteli liwoso la owe, Likumnu Agilipa. la ebili ate, mbuse eho lisambesi likokelana, ienge ototi ma loyi limodhingake. ²⁷Laate iyewi ate omotomi mohelani la woyogo odjangi oasi obe wonde edjei loi lo ekete.

Chapter 26

¹Agilipa aasali la Polo ate, ''Ehekemeli la owe mboka la oasi la loyi e owe amene.'' Ndjongo Polo ananolali ewo ende ase apotali oasi la osambi ate. ²''La sambo kpaa djinge Wayuda wakambi mbai la eho, Likumu Agilipa, ikoyatangaka moto o mwemu nda edjei liwoso la owe nde iengi osambi la lisio la keke, ³la ebili ate, owe oewi olamu ehahaneli kpaa koto wakokia kpaa ndondo e Wayuda. Eho lenge iyakongi la owe ate ooke mbai la motema ndayi.⁴La enge edhengi mokalo mo mbai opoti olenge wungo wobeki mbai la eho tee lipotele e moki mo mbai koto la Yelusalema. ⁵Wayuda kpaa waewi mbai liwoso tee la lipotele waewi, inga wabala ototoli, ate la otutei ma lingomba linge lieti sambo tetelake la losambo lasu, idjaali Mopalisayo.⁶Sikandjo ikosambesanaka la loyi e liwuna linge Mwengei ahali watata wasu. ⁷Liwuna linge maliye liomu la maale masu wakolambelaka ototi liengesi laho, la okeleli Mwengei otomo likolo la wuse, edjei la lu loyi nde Wayuda wapundi mbai la eho , Likumu. ⁸Lande, egemeitiaka ino ate Mwengei akosusolaka wato waguake?''⁹Mbai ikobundwali la motema mo mbai ate, ewongi la mbai okeli sambo ngbii la owamaleli kombo e Yesu moto o Nazaleta. ¹⁰Ikelelali eho la Yelusalema. Ibatali la woyogo wasatu ngbii, laate itotali wotomo wuho atie nganga-Mwengei likumu, engele eengali oolani, idjaakali ooni oolani. ¹¹Idjaaki owahekeli iwo etumbu mbala la mbala la wasinagoga kpaa, idjaakali owahili la otetelake ate waungane ogemei. Nda edjaakali mbai la limemu lawu, ikeeli lihele tee la oenesi iwo odjidji te ongo la djieti gbata.¹²Ndji la mogalia muho, ango edjaakali mbai oki la Damasi, la otomo e wanganga-Mwengei makumu; ¹³la mbile, ieneli la mboka, likumu, ngbai eesi wungo woeti ongali wo wuse ebingia tee ongo likolo la lisuka suka la mbai la wango koto wadjaaki oki la mbai mongindji. ¹⁴Ango ekwiya iso kpaa la mbume, iyokia moli mwesi moasia la mbai la monoko mo Ebele ate, 'Saulo, Saulo nda ndenge okoeneseke owe mbai odjidji? Ekodja la owe minga oyamaleli misete.'¹⁵Ase mbai iwongolali ate 'Owe ndai, Likumu?' ase Likumu oasali ate, 'Mbai Yesu ongo okomoeneseke owe odjidji. ¹⁶Longwa la mbume, yamala la makolo ma owe, la ebili ate edjei la loyi e ehele kole nde iyaenesi atie owe, la ooni owe nda mokeleli la mototoli e sambo djinge ieni owe koto la sambo djinge ekoenese mbai owe la enge edhengi mbai; ¹⁷iwooni ndondo e wa wato koto e wapagano, wango ekotomaka mbai owe atie iwo, ¹⁸la owadhuholi maiso, la olongosi iwo la likolo laate waume la hoho koto owalongosi la okulu e mondjili laate wadje atie Mwengei, laate watote olimbesi e masumu koto lisango ndondo e wango wasatisani la mboka e ogemei wou atie mbai.'¹⁹Eho lenge, Likumu Agilipa, itiengali okokeyi saki eho e likolo; ²⁰ase atie wango wadjaakali poo la Damasi koto atie wango wadjei la Yelusalema, la moki kpaa mo Yudea, koto atie wapagano, ikpalali mboli ehele ate, ''Ewongi la iwo okukoli motema koto oyakalambi atie Mwengei koto la okeli tomo djinge ienesi ate wakukoli motema. ²¹Edjei la loyi e sambo djaho nde Wayuda wahelali mbai la tepelo, walukali ondjoli mbai.²²Kaikonde, nda ndenge etoti mbai ligamesi linge lilongoyi atie Mwengei ikohaka tee lisio la keke litotoli atie wato wakeke koto la wato wasungu, ase itidjaali oasi loyi lodji, ndji enge Watiesakoli la Moize waasali ate ewongi okeleni-²³ate kilisito awongi oeni odjidji, nda moto o poo ongo obasi longwa la wagwi, awongoli otiesakoli ngbai atie wa wato koto la wapagano.''²⁴Ango edjaakali Polo oasi sambo djaho ndondo e osambi wonde, Pesitusi aasali la moli mopamake ate, ''Polo oyekoli ngbii e owumesia boli.'' ²⁵Ase Polo aasali ate, ''Ikoniti boli, Pesitusi Moto o Mogano, ikopumbesaka nde wingbundu wimeemene koto la mamungwene malamu. ²⁶Likumu ongo ikoasaka liwoso lande, la eyaseli wo hoho ayewi sambo djaho olamu; laate mbai igemei pendja ate la dji sambo ndjo edjeiti te la eesi enge inde adjangi oewi; laate loyi luho etikelenali la ebete eisanake.²⁷Likumu Agilipa akowagemeiyaka Watiesakoli? Iyewi ate okowagemeiyaka.'' ²⁸Ase Agilipa aasali la Polo ate, ''La ma engele keke okogemeiyesa mbai iume Mokilisito?'' ²⁹Aseko Polo aasia ate ''Edjei la ma engele keke, inga koto mbuse e engele ndai, ikoemele nee liwoso la Mwengei ate te ndji owe moikima ase koto wango kpaa wakookaka mbai keke, oumeni ndenge edjei mbai, longosa ndji djii miliki.''³⁰Ase likumu ayamalali, ndenge kikima koto la likumu o moki, la Belenisa, la wato koto wango wayabatali mongindji la iwo; ³¹ase ango edjaakali iwo opumbi, wadjaakali oasi iwo la iwo, ''Oholo moto ndjo akeliti loyi te lokeke linge liengi la logo te woyogo.'' ³²Alidji, Agilipa aasali la Pesitusi ate ''Waongoki omodhei oholo moto inga ationgake oki osambi atie Kaisala.''

Chapter 27

¹Ango eteneli etotanali la loyi esu ate toke la andondoli ongo la Italia, wahali Polo la wato wadji wa woyogo la mawo ma likumu mwesi o wasoda, kombo ende Yuliesu, e ebiba e Ogisito. ²Tolingelali la andondoli enge elongoyi la Adelamitiumu, enge edjaakali oki la wibete winge wisukani la malia ma moki mo Azia. Topotali oki, Alisitalaka adjaakali mongindji la iso, inde moto o Masedonia e Tesaloniki.³Ekundu eho, toyamalali la Sidonia, ongo Yuliusi adjakali la motema mo wouma atie Polo, ahali koto Polo mboka e oki okawadhengi wino wande la okatoti ligamesi atie iwo. ⁴Mbuse e olongoi ongo, tolekia kelekele e esii e Sipele, la ebili ate ehoho edjakali obingi liwoso. ⁵Tosombali ndondo e ewale, kelekele e Silisia la Pamipilia, toyamalali la Mila e Lisia. ⁶Ongo likumu o wasoda agbotoli andondoli eesi e Alezandelia enge edjaakali oki la Italia, atotelesali iso ndondo eho.⁷Ndondo e masio masungu tosombakali petee, la monga ngbii toumali la Kinidi, nda etotekesali ehoho ate totikee lihiele la mboka eho, tosombali kelekele e Keleta e Salomoni. ⁸Mbuse e osombi la monga kelekele eho, toumali la ebete eesi enge ewelani, makitikolo malamu, enge edjaaki ahue e gbata Lasea.⁹Toetesali engele ngbii, eumali sikandjo huko osombi la andondoli laate otoni wilaka e lisio lidhihake masumu lietali. Polo ahaali limungoli, ¹⁰aasali la iwo ate, ''Pele ieni ate ehele okendo e andondoli ekopumbesa huko, te sa e wihoo winge widjei la andondoli, ase koto la loyi e milimo masu.'' ¹¹Ase likumu o waSoda amookelali nde mosombesi andondoli la meemene andondoli la ebete e obilei sambo djinge iyasali Polo.¹²Nda etidjaakali likitikolo laho olamu la oetesi engele e pio ongo, ndjongo wato ngbii wango wadjakali ndondo e andondoli waonoli ate tolongwe ango, la oluki inga wakoenga oumi te la Penesia la oetesi engele eho. Ango nde likitikolo e Keleta enge edhukwani la nolodi-esiti koto la sudi-esiti. ¹³Ango epotali ohohi ehoho e sudi maa keke, wabundoali ate mwano mowu moengesani. Watelesali longo, andondoli epotali osombi kelekele e Keleta.¹⁴Ase mbuse ehoho esungu enge eweli iwo ate hilikana eyadjimbia olongoi likolo la mokoli mo esii. ¹⁵Ango andondoli ebinganali la oteteli, etiengali koto omalesi moto la ehoho, toyadheeleli, tokpalanali. ¹⁶Toetali la Sudi e esii ekeke enge eweli iwo ate Koda, inga te ndjongo edjaakali minga laate totote te ma waato enge edjaaki mbuse e andondoli.¹⁷Mbuse e otelesi eho la andondoli, wapotali okeleli miliki misungu la oamalesi andondoli, nda edjaakali iwo owangi okanangani la ngene e Silitisi, wadjimbali wihoo winge wikosombesaka andondoli, la ndenge eho wayadheelia ehoho ewasombese. ¹⁸Kaikoase, nda edjaakali iso obingani la ehoho eho la ndenge mbe, ekundu eho wapotali olongosi wihoo wilitake ndondo e andondoli.¹⁹La lisio esato, la mawo mau amene walumbakolali wihoo wa andondoli la malia. ²⁰Ango ekelali masio ngbii wuse la minoto mitidjaakali oeneni, koto nda ehoho enge edjaakali otobingi iso etidjaakali ekeke, lomungo wosu wokalake wosilali.²¹Ango ekelali iwo engele ndai odjangi olaki ilaka, Polo oyamalali awodja ewu, aasali ate, ''Pele, ewongoli ondjokini mbai, inga totihelali mboka e ewale tee la Keleta, nda totiene ehele huko. ²²Sikandjo ikoongoko la ino odjeeni la motema e mogalia, laate molimo teeti ndondo enu ekosalamata, ndji andondoli muho amene nde mokobitana.²³Laate la likolo la keke, ahumbwa mwesi o Mwengei ongo odjei mbai moto onde koto ongo mbai ikokelelaka otomo wosatu, ayamalali ahue e mbai ²⁴aasia, 'Otiwange, Polo. Ewongi la owe oyamali liwoso la Kaisala, koto, dhenga! Mwengei aohiga la magba pendja wango kpaa wakokelaka okendo mongindji la owe la andondoli.' ²⁵Eho lenge, pele, djaani la motema e mogalia! La ebili ate ikomogemeiyaka Mwengei ate ekokelana ndji ndenge endjaseli inde mbai. ²⁶Ase malia makotolumba kelekele e esii eesi.''²⁷Ango likolo e liomu la inei liliali, iso todjaakali ndji okpalani wiati la wiati likolo e ewale e Adelia, awodja e ewale, wato wa otomo e andondoli wapotali oeni nda wakoyandongbaka ahue e ma mbume. ²⁸Wanangia longo elitake ongo gboo la moliki moesi, ase walumbia la malia Waengeya, waenia ate malia malindi metele tuku isato la sambo, wakia ma lihiele walumbia alidji moliki moho, waenia ate malia malindji ango metele tuku iwale la mwambi. ²⁹Nda edjaakali iwo owangi ate totinangane la mabukeli la ebete eesi ndjo, walumbali longo inei mbuse e andondoli, wamalesa eho, wadjakali olambeli la motema mohelake ate wuse wotane.³⁰Wato wa otomu e andondoli wadjakali oluki ate watile, wadjimbia andondoli mokeke ndondo e malia la okosi ate wapotia olumbi longo edji liwoso la andondoli. ³¹Polo asia la likumu o wasoda koto la wasoda ate, ''Inga wa wato watiabate ndondo e andondoli, watikala. ³²Wasoda watenali moliki mungo mohelali andondoli mokeke, wadheeli eho eke.³³Ango eumia ahue e otani wo wuse, Polo apotali ohekeli wato kpaa mogalia ate walake wilaka, aasali ate, ''Denda keke edjéi masio liomu la manei okolambelakani, otilakaka kotoni te ema teeti. ³⁴Eho lenge, iwongini ino olakeni ilaka laate edjei libanyeli lanu, la ebili ate te swe eesi e moto monu motibitana.'' ³⁵Mbuse e oasi djongo, atotali koto wokoke, amohali Mwengei pambo liwoso la iwo kpaa. Abukali eho, apotali olaki.³⁶Iwo kpaa waumali la otetelake, wapotali iwo amene olaki ilaka. ³⁷Iso kpaa todjaakali wato kama iwale la tuku sambo la motoba. ³⁸Ango egbetali iwo ilaka, wapotali olumbi ndongo la malia la okokoli woliti wo andondoli.³⁹Ango etanali wuse, wato wa otomu e andondoli watiewali moki muho, ase waeneli ebete eesi malia malingeli la mbume la likitikolo e ngene, watotali mwano inga ekoenga, onangi andondoli la likitikolo laho. ⁴⁰Mbuse e oteni walongo wadheeli eho ekwe la ewale, ndji la enge engele watokolali miliki e wakai, mbuse e otelesi esindje e liwoso e andondoli la ehoho, watutiali likitikolo. ⁴¹Ase waumia la mokoli mwese mongene enge ewale ekolumbelaka eho malia wiati kpaa wiale, waamalesali andondoli ango, mbanda e andondoli enanganali la oteteli, etidjaakali koto obandani, ase esuki enge mbuse epotali obitani la ndenge e bo.⁴²Wasoda watotali mwano ate waole wato wa woyogo weesi kpaa, laate moto tueti aenge obingi malia la otili. ⁴³Ase likumu o wasoda abalali omokalesi Polo, atekesali koto iwo oengesi mwano mou. Atomali wango waewi obingi malia ate wayalumbe la ewale, wasawe kondolo. ⁴⁴Wango wadji wakowatutia mbuse, woyahelele la mite, wango wadji woyahelele la wisuki wa andondoli. La ndenge eho ekelanali ate wato kpaa wasawe kondolo odjangi huko.

Chapter 28

¹Mbuse e okali wosu, tookali ate kombo e esii eho edjaali Malita. ²Wato wa moki muho watoeneselali magba, watoyambali la mwemu ngbii, walolesali misa la loyi e ewongo enge edjaaki oloyi koto la loyi e pio.³Ase Polo andukaali kula laate alumbe la misa. ndjoo mwesi epumbali la djinge kula otili ehela, eyahelelali la ewo e Polo. ⁴Ango eenia wato wadjaaki ango la esii nama eho e ngenge eyaheleli la ewo e Polo, wayaasania iwo iwo ate, ''Oholo moto meemene adjei mooli mo wato, inga te ate alongwali la huko e malia, womeemene wungo ekoongoko ohekeli etumbu etimodhee ate adje la mokalo.''⁵Ase Polo abandali ewo ende, ndjoo eho ekpia la misa, ndjongo Polo aokiti te oembi. ⁶Wadjaakali omolambeli inga ewo ekomokunda te ogwi mbala kikima. Ase mbuse e olambeli engele ndai, odjangai oeni loyi te kikima emoumeli, wakukolali mamungo mau, wapotali oasi ate adjei mwengei mwesi.⁷Ahue e ebete eho, moto mosungu e esii eho, kombo ende Pubiliusi. Adjaakali la mbume djande, atoyambali olamu, atobatali koto atie inde masio masato la logoo. ⁸Eumaali, sango pubiliusi aembaali ekoni e oteli misa la osolo e makila. Polo akeeli okamodhengi, ayakongali, abatali mawo likolo lande, akalali. ⁹Mbuse eho, wato wadji wa esii eho wango wadjaakali la wikoni, wadjaaaki koto odji atie inde, wadjaakali ototi mokalo. ¹⁰Watotemeiyali nee. Ango epotali iso ototi okende e andondoli, watohali ilaka kpaa winge wiengi la okendo wosu.¹¹La gboo e ndebo esato, tototali andondoli eesi enge elongwali la Alezandelia, enge eetesali engele e pio la esii eho, moto mo andondoli eho edjaali la elembo,''Wana wa Djeusu.'' ¹²Towumali la Sulakusa, toyabatali ongo masio masato.¹³Tolongwali ongo, tosombali kelekele, toumali la Legiuma. Mbuse e lisio liesi, ehoho eesi e sudi ehohali, toumali la Puteoli ekundu eho. ¹⁴ Togbotoli wamaangbasu la moki muho, watoongoli ate toyabate mongindji la iwo poso eesi. Edjaakali la ndenge eho nde eumali iso la Loma. ¹⁵Ango eokaali wamaangbasu mboli esu wadjaali tee la likitikolo e Apiusi ebete elangalake edjaali ndi minguta isato, laate wandongbane la iso. Ango Polo awaeneli, amohali Mwengei pambo, atetelali koto wenge.¹⁶Ango eumali iso la Loma, wamohia Polo mboka e oyabati inde amene mongindji la soda ongo odjaali olambiani la inde. ¹⁷Mbuse e masio masato Polo awelali wiloko wa Wayuda. Ango eyaboleyali iwo, apotali oasi la iwo ate, ''Pele, inga te ate itikelali ema eesi ebe atie wato, te la wihahaneli e watata wasu, ikawanali nda moto o woyogo tee ongo la Yelusalema la mawo ma Waloma.'' ¹⁸Mbuse e Waloma osambesi mbai, wabalali odhei mbai, la ebili ate itidjaali te la loyi loikima atie mbai enge ewongoki la logo.¹⁹Ase nda Wayuda watonali loyi luho, ihilanali la oongi ate ike osambi liwoso la Kaisala, ase etidje nda nde idjei la loyi loesi epundake moki mo mbai. ²⁰Eho lenge, iongoli la oyakongi ate isolole la ino, la ebili ate edjei la loyi e mokalo mo Isalayele nde inangani la mi miliki.²¹Iwo waasali la inde ate, ''Tototakiyo ekpata teeti enge elongoyi la Yudea la loyi e owe, moto tueti ndondo e wamangbasu wango wadji atohi iso mboli inga te otoaseli iso loyi loesi lobe la kole e owe. ²²Ase tomungoyi ate edjei olamu tooke atie owe amene wungo wokomungwaka owe, laate la omeemene, la wungo wodhendji ma enge lingomba, toewi ate wiati kpaa wato wakoaselaka eho obe.''²³Wiloko waho ebete eikima la Polo waonoli wuse woesi, wuse woho wadjaali wato ngbii ogbotoni la inde la ebete enge edjaakali inde ayabati. Awalumbwelelali loyi luho la ohekeli litotoli lilamu la loyi e okumu wo Mwengei, la olukani owagemeiyesi la enge emodhengi Yesu, la owainyei pui dja Moize koto e watiesakoli, opoti boo tee la pokwa. ²⁴Wadji wagemeiyali sambo djinge iyasanali, ase wadji watigemeiyali.²⁵Nda edjangali ookani ndondo ewu, wapotali oki, Polo aasali la iwo ate, ''Elimo satu aasali olamu ango edjaali oasi la watata wasu la mboka e motiesakoli Isaya. ²⁶Inde aasali ndjo, ' keke atie wa wato, aasa koto ate, ''Okookani, ase otihelani kole; odhengi, okodhengani ase otieneni.²⁷Laate motema e wa wato eteteliga, koto la matoyi mawu, waoki odjangi okeli te ema, walimi koto maiso mawu, laate watiene la maiso mawu koto watioke la matoyi mawu, koto watihele kole la motema mowu, watiyakukole, laate itiwakalese'''²⁸Paulo aasali a leeti, ate, ''Yewani ate, mokalo mo Mwengei etomani atie wapagano, iwo wakooka eho pendja.'' ²⁹Ango easia Polo ndjongo, Wayuda wakeeli la mosio iwo la iwo.³⁰Polo ayabatali wilanga wiale kpaa la monguta monde amene eputelake, adjali owayambi wato kpaa wango wadjaakali oki omodendji. ³¹Inde adjaali oinei iwo okumu wo Mwengei la otiesakoli sambo idhendji Likumu Yesu Kilisito la hoho, koto la womeemene odjangi litekesi.

Romans

Chapter 1

¹Polo, motuke mo Yesu Kilisito pe moto ongo owelani laate adje toma, ongo aononi laate atiesakole mboli ndamu e Mwengei. ²Enge Mwengei aunaali la mboka e watotoli wande pe la madhingo masatu, ³la loyi e mana onde ongo owotamali moto la litoto e Dawidi.⁴Ongo, ngambo e elimo satu, atangamali mana o Mwengei la okulu e libasi mbuse e logo: Yesu Kilisito Likumu lasu. ⁵Ongo la mboka ende tototi magba masungo e kelake otomo mosatu e toma la oinei la mboka e kombo ende wato wa miki kpaa etemeya e ogemei; ⁶miki atie ino pe owelanini laate odjeeni wato wa Yesu Kilisito.⁷Atie wato kpaa wadjei la Loma, wato wango Mwengei awabali, wango awaweli laate wadje wasatu: Magba masungu pe logoo e Mwengei sangbasu pe e Likumu Yesu Kilisito edje la ino.⁸Liwosoyo kpaa, imowongoseli Mwengei o mbai dombwa la mboka e Yesu Kilisito, la loyi e ino kpaa, laate la miki kpaa wato wakoaselaka mboli e ogemei wonu. ⁹Laate Mwengei, ongo ikomokelelaka otomo mosatu la molimo mo mbai la loyi e mboli ndamu e mana onde, ayewi ndenge ikootolokoni wiengele kpaa la oyakongi wo mbai, ¹⁰ikoyakongoko ate sikalandjo, inga ekoenga, sambo dja mbai e gboo esombe olamu la mwano mo Mwengei laate idje atie ino.¹¹Laate idjei la ehoha etetelake e oeneni la ino, la ebili ate iohekeleni ma likao e elimo laate oumeni la otetelake. ¹²Inga, kaikoase, laate tohekelane mohandja, moto la moto adje la mohandja la ogemeyi e odji, enge enu eumese mbai la mohandja pe enge e mbai eumese ino pe la mohandja.¹³Wamanima, ibali oyewi ate mbala ngbii ikoanaka odji atie ino, kasi tee sikalandjo itotiti mboka, laate itote pe ma pukapuka atie ino ndenge kikima pe la miki mingi mitikali. ¹⁴ Idjei la nongo e Wageleki pe e Wabalabala, e wato wa lokenge pe e wikete. ¹⁵Ndjongo idjei la ehoha etetelake e otiesakoli ino wato wango wayabati la Loma mboli ndamu.¹⁶Laate itiokelaka mboli ndamu ndundu, aseko, eho nde okulu wungo Mwengei akokelelaka la ebili ate moto kpaa ongo odjei la ogemei akale, Moyuda liwoso, pe alidji Mogeleki. ¹⁷Laate olamu wo Mwengei wokoeneneke la ogemei wungo moto adjei la eho pe eho ekobekisaka ogemei wonde ndenge edhingani ate: Kasi moto molamu la ogemei akodja la mokalo.¹⁸Limemu e Mwengei ekolongwaka likolo pe odjimbeli ekaleli kpaa edhendeake Mwengei pe sambo kpaa edjangake womeemene e wato wango wakodhihaka womeemenene la sambo djinge idjangi womeemene. ¹⁹La ebili ate loyi wo Mwengei wungo waengi iwo oyewi ekoeneneke la hoho ndondo ewu, laate Mwengei akoeneseleke iwo eho la hoho.²⁰Laate wikaleli wande winge witieneneke ekoeneneke la hoho tee la lipotele e moki, la ebili ate ekoeneneke la mboka e wiho winge ekeli inde, okulu wonde wo libela, pe Womwengei wonde, eho lenge wati te la ema teeti eyaselake. ²¹La ebili ate, inga te ate wamoewali Mwengei, watimoganali ndenge wakomoganaka Mwengei, pe watimohali dombwa, kasi mamungwene mau eumali e wikete pe motema mou mungo modjangi lokenge eumali molili.²²Inga te ate waasa ate wadjei wato wa lokenge, kasi waumia wato waboli. ²³Pe wadheiya omogani Mwengei ongo otiholoko waumia ogani elima e moto ongo okoholoko pe e mbulu pe e nama ikosombaka la mangbanda manei, pe la wandjoo.²⁴Eho lenge la obilei wihoha e miteme mawu, Mwengei awadheiya iwo wakele sambo dja onalili, laate wenge wau amene wioke ndundu. ²⁵Wango waonoli ogemei moleho la ebete e ogemei meemene e Mwengei pe wayakongali pe wakelelali wiho winge wikelami la otomo wosatu la ebete e oyakongi pe okeleli Moto ongo okelali eho, ongo opambwani libela la libela. Ame.²⁶Eho lenge Mwengei awadheiya watutie wihoha e wanesake wenge la ndenge e ndundu, la ebili ate wali wau wadheiya ndenge enge ewongi owanesi wenge, waumia owanesi wenge la ndenge enge ewongiti. ²⁷Pele pe ndenge kikima wadheiya ndenge enge ewongi owanesi wenge la moli pe waumia olongoli pendja la ehoha etetelake iwo la iwo, pele la pele, wakokelaka sambo dja ndundu pe wakototaka liputi kpaa, enge ewongi la liwunga lau.²⁸Nda etoni iwo ototi oyewi wo meemmene e Mwengei, Mwengei awadheiya watotie mamungwene mango atigemeyaka, laate wakele sambo djinge iwongiti.²⁹Watumi la sambo djinge idjangi omeemene, la obe, la wononi, la motema mobe, la mohela, la ekaleli e oolake wato, la mosio, la ekosako, la lokenge mbe, wadjei wato wa ndungwanake, ³⁰waasani sambo mbembe ndondo ewu amene, mitone ma Mwengei, wato wa ogene, wato wa elolo, wato wango wakoyaganaka, wato wango wakolukaka ndenge poli ekelake sambo mbe, wato wango watitemeyaka wa sangbau la wa ngbau. ³¹Wadjangi lokenge, watiengesaka mauna mau, watibalanaka ndondo e lowela, wadjangi motema magba.³²Inga te ate wayewi olamu pui e ekaleli elamu e Mwengei, ate wato wango wakokelaka djinge sambo wawongi la logo, wadjei ndji wakokelaka eho, watisuke ango, kasi wakoemeleke pe la wato wango wakokelaka sambo djaho.

Chapter 2

¹ Odja te ndai, moto, owe moto okotenaka sambo, oti la loyi eyasake inga okosambesaka. Laate, ango ekotenaka owe sambo e wiino wa owe, okoyahelaka owe amene, la ebili ate owo ongo okosambesaka okokelaka pe ndji ndjongo nda iwo. ²Toyewi ate Mwengei akosambesaka wato wango wakokelaka djingi sambo, pe osambesi e Mwengei ekotutiaka omeemene.³Kasi owe moto, omungoi ate okotila osambesi e Mwengei ango okotenaka sambo dja wato e ndenge enge, kaiko owe pe okokelaka ndjinge sambo? ⁴Inga nde okodhendjiaka wogumake e wolamu wonde pe ekaleli ende enangake motema, pe e motema molai monde? la ebili ate otiewe ate womoto wo Mwengei eengi ookpali owe okukole motema?⁵Kasi nda edjei owe la motema motetelake, pe otonia okukoli motema, okoyawelelaka nde limemu lisio la gboo pe Mwengei akoenese limemu laho lisio linge akosambesa wato walamu.⁶Wuse wungo wokomoputa inde moto la moto la otutei tomo djande.⁷Akohekele mokalo mo libela atie wango wakolukaka otwa, mogano la wenge winge witiholoko la ndenge wakodjaaka la mohandja la tomo ndamu.⁸Akoenese oendji la limemu atie wato wango wabali misio pe wango watitemeyaka womeemene kasi wakotemeyaka sambo djinge idjangi womeemene. ⁹Wodjidji la wilelo wikodja atie wato wango wakokelaka sambo mbembe, liwoso yo atie Moyuda, ase mbuse atie Mogeleki.¹⁰Otwa, mogano la logoo atie moto kpaa ongo okokelaka enge edjei olamu, Moyuda liwoso, ase mbuse Mogeleki. ¹¹La ebili ate Mwengei ationoko mbanda.¹²Wato wango waewiti pui, ase wakokelaka masumu, wakogua inga te ate watidjakali la pui, kasi wato kpaa wango waewi pui ase wakokelaka masumu, wakosambesama la otutei pui djaho.¹³La ebili ate, la maiso ma Mwengei, wato walamu wati wango wakookaka pui, kasi wango wakotemeyaka pui dja Mwengei nde wakotangama wato walamu. ¹⁴Engele wato wa miki minge wati la pui wakokelaka sambo dja pui ndji nda ndege edjei iwo wato, wato waho, inga te ate watidjaka la pui, wadjei la pui la mitema mau amene.¹⁵Iwo nde wato wango wakoeneseke ate sambo dja pui isiakani la mitema mau, ango oewi wou ekototoloko mongindji la iwo pe, la mamungwene mau amene, ekoapundaka inga pe ekowalongisaka. ¹⁶Eho ekokelama la lisio linge Mwengei la mboka e Yesu Kilisito akosambesa sambo dja wato djinge iisana, la otutei mboli ndamu enge ekotiesakolaka mbai.¹⁷Kaikonde, inga wakoowelaka Moyuda pe okobataka motema la pui pe okoyaganaka la loyi e Mwengei, ¹⁸pe oewi mwano monde pe okogemeyaka sambo ndamu ngbii la ebili ate waotiesakolate pui la monoko; ¹⁹pe okogemeyaka ate odjei mosombesi e wato wagwi maiso, hoho e wato wango wadjei la molili, ²⁰monanoli e wikete, motiesakoli e wana wakeke pe moto ongo onangi gbondo e sambo e lipoteli e oewi pe e omeemene enge edjei ndondo e pui.²¹Ase owe moto ongo okotiesakolaka wato wadji, otiyatiesakolaka owe amene? owe moto okotiesakolaka ate otiyiwe, otiyiwaka? ²²Owe moto okwasaka ate, wato watikele eteba, ndjoni ekokelaka owe eteba? Owe moto ongo otoni pui, ndjoni ekoiwaka owe la ndondo e watepelo?²³Owe moto ongo okoyaganaka la loyi e pui, okomookesaka Mwengei ndundu okokelaka nsambo djinge itekesani la pui? ²⁴Laate, kombo e Mwengei ekotanganaka la miki, la loyi e ino, ndji nda ndenge edhingani.²⁵Meemene, otenani kombeni edjei la kole ndji inga okotemeyaka pui, kasi inga okobukaka pui, oteneni kombeni e owe eumia odjangi otenani kombeni.²⁶Eho lenge inga moto ongo otenaniti kombeni, akotemeyaka maongani ma omeemene ma pui, odjangi oteneni wonde ekotangema nda otenani kombeni, te ndjongo? ²⁷Pe moto ongo wenge wande eteneniti kombeni, ango ekoengesaka inde pui, akoosambesa owe moto odjei la pui enge edhingani pe otenani kombeni kasi okobukaka pui.²⁸Laate Moyuda etidje moto ongo odjei ndjongo saa, ndji ndenge kikima pe otenani kombeni edjeiti ongo okoeneneke saa e wenge .²⁹Kasi Moyuda omemene edjei nde moto ongo odjei ndjongo la ndondo, pe otenani kombeni e inde edjei enge e motema la elimo, kasi te e pui djinge isiakani. Mogano e moto oho elongoiti atie wato, kasi atie Mwengei.

Chapter 3

¹Moyuda aeti wadji wato la nde, inga otenani kombeni edjei la nda kole? ²Aeti la sambo kpaa. Liwoso liwosoyo, laate wawahali iwo maloba masatu ma Mwengei.³Sikalandjo toase woni? Inga wadji Wayuda wadjangi ogemei, odjangi ogemei wou eengi okeli ate womeemene wo Mwengei etikele otomu? ⁴Te, te wokeke! kasi dhee eenane ate Mwengei akoasaka meemene, inga te ate moto kpaa akoasaka moleho, ndji ndenge edhingani ate: Laate owe oenane moto molamu la maloba ma owe pe olonge engele ekosambaka owe.⁵Kaikoase, inga odjangi womeemene wosu epumbesia la hoho womeemene wo Mwengei, tokoasa nde? Mwengei adjangi nde womeemene ango ekopumbesaka inde limemu lande? ( ikoasaka ndenge ekoasaka moto). ⁶Te, te wokeke! inga ndjongo, Mwengei akosambesa moki nda ndenge?⁷Kaiko ase inga la loyi e moleho mo mbai womeemene e Mwengei eeneni la hoho alidji la loyi e otwa wonde, nda ndenge sikandjo wakwesi mbai la loyi ate idjei moto mobe? ⁸Pe nda ndenge totiase, ndenge wadji wato wakotohengelaka iso ate tokoasaka: Dhee tokele obe la ebili ate sambo ndamu edje? Wato waho wakokondja eguele esungu enge eengemani la omeemene.⁹Toase woni? iso nde todjei ebete enge eeti wolamu? Te ndjongo! La ebili ate liwoso toenesali ate Wayuda la Wageleki iwo kpaa wadjei wato wamasumu.¹⁰Ndji ndenge edhingani ate: Moto tueti adjei moto molamu, te te mokikima.¹¹Moto tueti ati la lokenge e ookake; moto tueti akomolukaka Mwengei.¹²Wato kpaa wadheiya mboka, iwo kpaa waumia pamba; moto tueti akokelaka olamu, te te mokikima.¹³Mooli mowu edjei mbila e ohola, wakokelelaka olemu wowu la ohengeli. Ngenge e ndjoo edjei la wihulu wau. ¹⁴Pe monoko mowu etumi la liwuna mbe pe la maloba mbe.¹⁵Mangbanda mawu makokeke obangu oswi makila. ¹⁶Obitisani la magba widjei wiati kpaa ekosombaka iwo. ¹⁷pe wayewiti mboka e logoo. ¹⁸Omowangi Mwengei eti la iwo te wokeke.¹⁹Toewi ate nsambo kpaa djinge ekoaselaka pui easi djaho la wango wadjei sese e pui, laate monoko kpaa modhikane pe moki kpaa edje la huko liwoso la Mwengei. ²⁰Eho lenge moto te moikima akotangama moto molamu liwoso lande la sambo dja pui, la ebili ate la mboka e pui nde lisumu eyewani olamu.²¹Kasi sikahala nda ndenge pui eti kine, wolamu wo Mwengei eenani la hoho, ndenge pui pe watiesakoli watotoli la loyi laho; ²² Wolamu wo Mwengei la mboka e omogemei Yesu Kilisito, la loyi e wato kpaa wango wadjei la ogemei. La ebili ate woetisani woti.²³Laate wato kpaa wakeli lisumu watiwumaka la otwa wo Mwengei, ²⁴ase edjei nda watoti likao e pamba la ndenge ekotangemaka iwo wato walamu la magba masungu mande, la okpolani enge ekpolani iwo la lisango enge Yesu Kilisito aputali.²⁵Mwengei amokawali adje likao lidhihake masumu la mboka e ogemei la makila mande. Akelali ndjongo la oenesi wolamu wonde amene, laate adjakali olimbesi masumu mango makelamali gala engele Mwengei adjakali onangi motema, ²⁶la oenesi olamu wonde amene la ehele engele, laate adje moto molamu inga te ate ango akotangaka moto ongo okomogemeyaka Yesu ate adjei moto molamu.²⁷Ndjongo, loyi eyaganake edjei eni? Eti kine. La nda pui? Enge e tomo? Te, kasi la pui enge e gemeyaka. ²⁸La ebili ate toeni ate moto akotangamaka moto molamu la ogemei kasi te la sambo dja pui.²⁹Ndjongo Mwengei adjei saa Mwengei o Wayuda? Ati Mwengei o witondo wadji? eiyee! inde adjei pe Mwengei e witondo wadji koto. ³⁰Inga meemene Mwengei adjei ndji moikima, ongo okotanga wato wango watenani kombeni wato walamu la loyi e ogemei, pe akotanga wato wango watitenane kombeni wato walamu la ogemei wou.³¹Tokolongosaka nde pui la ogemei wosu? Te, te okeke! Tokogemeyesaka nde pui.

Chapter 4

¹Tokoasa woni la loyi e Abalahama, tata osu, atotali nde la otetelake wonde amene? ²Inga Abalahama atangamate moto molamu la sambo djande, aengali oyagani, kasi te la maiso ma Mwengei. ³Ndjongo, lidhingo liasi woni? Abalahama amogemeyali Mwengei, ase aenenali moto molamu.⁴Ase moto ongo okokelaka otomo akokondja liputi, liputi laho liti makao ma mpamba, edjei nda nongo ende. ⁵Kaiko, moto ongo okelitiaka wotomo, ase amogemei inde ongo okotangaka moto ongo okomodhendjiaka Mwengei ate adjei moto molamu, wogemei wonde etangemi womeemene.⁶Ndji ndenge Dawidi pe aaselali mwemu la moto ongo Mwengei amoeni moto molamu, te loyi e tomo. ⁷Mwemu e wato wango walimbesi tomo djau e bukake pui pe wango Mwengei adhihi masumu mawu. ⁸Mwemu la moto ongo Likumu atitoloko masumu mande.⁹Mwemu moho modjei saa e wato wango wateni kombeni inga pe alidji koto la wato wango watenaniti? Laate tokoasaka ate: Ogemei wo Abalahama ekelali ate wamotole moto molamu. ¹⁰Kasi nda engele wamotololi ndjongo? Mbuse e inde otenani kombeni inga ndji atenanakiyo? Eti engele etenanali inde kombeni kasi ndji atenanakiyo.¹¹Abalahama akondjali elembo, epoti oasi atenanali kombeni, eho edjei elembeteli e sambo ndamu djande pe la ogemei wungo adjaakali la eho engele enge atenanakiyo kombeni, laate awume wawa e wato kpaa wango wadjei la ogemei inga te ate watitenanali kombeni, laate wawatole wato walamu. ¹²Adjei pe wawa e wana wango watenani kombeni, te ndji e wato wango wakohelanaka la otenani kombeni, kasi pe la wato wango wakotutiaka mboka e ogemei enge sangbasu Abalahama adjakali la eho ndjiyo atenanakiyo kombeni.¹³Ase etidjiakali la loyi e pui nde Abalahama inga litoto lande atotali liwuna ate akodja mototi e lisango e moki mwesi ndjo, kasi edjakali nde la loyi e sambo ndamu enge elongoyi la ogemei.¹⁴Inga wato wango wakonanganaka la pui wadja watoti wa lisango, ogemei eumia ema pamba alidji liwuna pe elongoyi.¹⁵Meemene, pui ekweseke moto limemu e Mwengei, kasi ongo ebete eti pui, obuki pe pui eti.¹⁶Eho lenge ekelamali la loyi e ogemei, la ebili ate eho elongoi la logoo wosungu, laate litoto lande kpaa motote liwuna, ndji enge etinanganaka la pui, kasi pe enge ekonanganaka la ogemei e Abalahama. Inde adjei Wawa osu kpaa, ¹⁷Ndji ndenge edhingama ate: Iyobati owe Wawa e witondo ngbii.Eho ekelamali la maiso ma Moto ongo inde amogemeyali, eengi oasi Mwengei, ongo okowongosaka wato waguake la mokalo pe akowelaka wiho winge witi nda widjei.¹⁸Inga te ate atidjakali la ema emohake mwano, adjakali la mwano pe la ogemei, ate akouma wawa e witondo ngbii ndenge eyasanali ate: Litoto la owe likodjaa ndjongo.¹⁹Ase ogemei wonde wotilembali, adhendelali wenge wande la engele eho nda eguala, laate adjakali la wilanga kama esi, pe alidji solo e Sala nda eguala.²⁰Ase la liwuna e Mwengei, Abalahama atidjangali ogemei pe atidjakali la kokia, kasi aumali nde la okulu la loyi e ogemei wonde, amoganali Mwengei. ²¹Agemeyali meemene ate aengi pe oengesi sambo djinge aunali. ²²Eho lenge, wamotololi moto o meemene.²³Ase, liloba linge ate: wamotololi, etidhinganali la loyi e inde amene. ²⁴Kasi pe la loyi e iso wango wakotolama wato wa meemene, laate tomogemeye inde ongo amosusoli Yesu Likumu lasu tee ongo la wato waguake. ²⁵Inde akawanali la loyi e masumu masu, ase inde asusuali tee ongo la wato waguake la otoli iso wato wameemene.

Chapter 5

¹ Eho lenge, nda etoloni iso wato wameemene la loyi e ogemei, dhee todje la logoo mongindji la Mwengei la mboka e Likumu lasu Yesu Kilisito. ²Enge la mboka ende, la ogemei pe, toengi oyandongbi ahue e Mwengei la ototi logoo wosungu eho, enge akotoeneseleke iso sikandjo; pe dhee toemele la mwano mungo modjei iso la eho e ototi otwa wo Mwengei.³Etisuke sa ango, ase toemele pe ndondo e wodjidji, la ebili toyewi ate wodjidji ekowotaka edjeeli e odjeyi la mogalia. ⁴Edjeeli e mogalia ekokelaka ate Mwengei amogemeye moto, ogemei wuho ekowotaka mwano, ⁵mwano muho etiokisaka soni, laate libalano e Mwengei etumi la mitema masu la mboka e elimo satu, enge etohi inde iso.⁶La meemene, ango edjakali yo iso la olembi, la engele enge ebatana, Kilisito aguelali wato wa masumu. ⁷Edjei monga mosungu ate moto agemeye omogueli moto omemene; kasi engele edji moto aengi te omogueli moto molamu.⁸Ase la oenesi ate Mwengei atobali iso, Kilisito atoguelali iso, engele edjakaliyo iso wato wa masumu. ⁹Eho lenge, nda etolania iso sikandjo wato wa meemene la mboka e makila mande, tokokala pendja la limemu e Mwengei.¹⁰Laate inga, ango edjakali iso mitone, towongosali ookani la Mwengei la mboka e logo e mana onde, sikalandjo ango ewongosia iso ookani, tokokala la mokalo monde. ¹¹Etisuke sa ango, kasi tokoemeleke la Mwengei la mboka e Likumu lasu Yesu Kilisito, ongo otowongosi iso sikala la ookani.¹²Eho lenge, ndji ndenge lisumu lilingelali la moki la loyi e moto moikima pe logo la loyi e lisumu, ndenge kikima pe logo eyandjani atie wato kpaa la ebili ate iwo kpaa wakelali lisumu. ¹³Laate liwoso pui edje, lisumu lidjaali la moki, kasi watimotangelaka moto lisumu inga pui etidje.¹⁴Ase logo esombisali opoti Adama tee la Moize, esombisali te wango watikelali lisumu nda lisumu e Adama engele ebukali inde pui, inde ongo aengali la moto ongo aongooli odji. ¹⁵Ase pukapuka e likao esomboni la enge e liwunga. Laate inga la liwunga e moto sa mwesi wato ngbii waguali, logoo wosungu e Mwengei la likao e pamba, enge ehanali mongindji la logoo wosungu la mboka e moto sa mwesi Yesu Kilisito, ehi wato ngbii wolamu enge eenganiti la olamu teeti.¹⁶Pukapuka e likao eho e pamba esomboni la sambo djinge ekelamali la loyi e lisumu e moto sa mwesi oho. Laate lisambi enge edjali mbuse e liwunga sa esi enge epumbesali etumbu, ase likao linge lidjali mbuse e mawunga ngbii ekelamali ate wato watolane wato wa meemene. ¹⁷Laate inga la liwunga e moto sa mwesi logo esombesali la mboka e moto oho, wango wadjakali ototi ngbii e logoo wosungu pe e likao e pamba e omeemene wakodja la mokalo pe wakosombesa la mboka e moto sa mwesi, Yesu Kilisito.¹⁸Eho lenge, nda la loyi e liwunga sa liesi, wato wa ndenge kpaa, wakwesamali, ndji ndenge kikima pe la loyi sa esi ewumesake wato meemene, wato wa ndenge kpaa watoloni wato walamu la loyi e mokalo. ¹⁹La ndenge odjangi etemeya e moto sa mwesi ewumesali ngbii e wato wato wabe, ndenge pe etemeya e moto sa mwesi ewumesali wato ngbii wato walamu.²⁰Kaikonde Pui edjali oyakpobi laate liwunga liwume ngbii. Ase ebete lisumu liwumali ngbii, logoo wosungu eenesanali ngbii alidji oyeti. ²¹Ndji ndnge kikima lisumu lisombesali ebete kikima la logo, logoo wosungu pe esombese la mboka e womeemene la loyi e mokalo mo libela la mboka e Yesu Kilisito Likumu lasu.

Chapter 6

¹Ndjongo tokoasa woni? ewongi tonangane la okeli masumu la ebili ate magba ma Mwengei matume ngbii? ²Te, te wokeke! Nda eguali iso la sambo dja masumu, nda ndenge kine eengi iso alidji oyabati ndondo e masumu? ³Wewini ate ino kpaa wango wapatisani ndondo e Yesu Kilisito, opatisanalini ndondo e logo londe?⁴Eho lenge, toombanali mongindji la inde la patisa esu ndondo e logo e inde, ndji ndenge Kilisito abasali tee ongo la wato waguake la okulu e otwa e Wawa, iso pe todje la mokalo moholi. ⁵Inga toyabondji la inde la logo nda enge e inde, edjei meemene ate tokoyabonda pe la inde engele ekobasa iso la libasi nda inde.⁶Toewi ate womoto wosu wo gala, wobakamali la kulusu la inde, laate wenge wasu e masumu etikele ema alidji, laate iso totidje kine mituke e lisumu. ⁷La ebili ate moto ongo oguiga aputi nongo e lisumu lande.⁸Inga toguiya ebete ekikima la Kilisito togemei ate tokodja pe la mokalo mongindji la inde. ⁹Toyewi ate Kilisito abasali tee ongo la wato waguake, atigua kine alidji; logo eti kine la okumu likolo lande.¹⁰La ebili ate logo wungo eguali inde aguali la olongosi lisumu mbala kikima la libela. Ase mokalo mungo modjei inde la eho, adjei la eho la loyi e Mwengei. ¹¹Ndenge kikima pe ino, aeneni ate odjeini meemene wato waguake la sambo dja lisumu, ase wato wa mokalo la loyi e Mwengei la mboka e Yesu Kilisito.¹² Eho lenge, otidheeni ate lisumu lisombese wenge wanu enge ekoguaka laate otemeyeni wihoha e waho. ¹³Otihekeleni kine alidji wisuki wa wenge wanu laate widje wisaneli e odjangi sambo ndamu, ase yahekeleni atie Mwengei laate odjeeni wato wango waguali pe sikandjo odjeini la mokalo, pe mohekeleni Mwengei wisuki wa wenge wanu laate widje wisaneli e sambo ndamu. ¹⁴La ebili ate, lisumu liengiti odjei la okumu likolo lanu, laate otini sese e pui, ase odjeini sese e logoo wosungu.¹⁵Ndjongo, nda ema? tokokela nde lisumu laate toti sese e pui, ase sese e logoo wosungu? Te, te wokeke. ¹⁶Oewitini ate inga okoyahekelekeni la moto mwesi odjeini mituke la omotemei inde, odjeini watuke wande nda ekomotemeyakani ino? Mituke ma lisumu la ogui inga mituke ma etemeya la ototi womeemene.¹⁷Ase kekedhinge la Mwengei laate odjaakalini mituke ma lisumu sikala owumigani otemei la motema mateya mango makondjalini ino. ¹⁸Nda ekpolonigani ino la lisumu, owumigani mituke ma womeemene.¹⁹IKoasaka la eyaseli e womoto la olembi e wenge wanu. La ebili ate ndji ndenge ehekelelini ino wusuki wa wenge wanu widje tuke dja ndenge e bukake pui, laate wibuke pui, sikala pe hekeleni wisuki wa wenge wanu widje tuke ma omeemene laate wikele sambo e wosatu. ²⁰Engele edjakali ino tuke dja lisumu, womeemene wotidjakali likumu lanu. ²¹Nda pukapuka etotalini ino engele eho? Sambo djinge ekookakani ino sikala soni. Laate gboo e sambo djaho edjei logo.²²Ase sikahala, nda ekaligani ino la loyi e lisumu, owumigani tuke dja Mwengei, pukapuka djanu edjei mokalo monu e wosatu, pe la gboo mokalo mo libela. ²³Laate liputi linge lisumu likoputaka edjei logo, ase likao linge lihekeli Mwengei mpamba lidjei mokalo mo libela la mboka e Yesu Kilisito Likumu lasu.

Chapter 7

¹Wamanima, eengi nde odjei ate oewitini, (laate ikoasaka la wango waewi pui,) ate pui edjei la okumu likolo e moto engele edjei inde la mokalo?²La ekpangele, moli ongo oiki anangani la molome onde la pui engele edjeiyo molome oho la mokalo; ase inga molome onde agua, alongoiya la pui e molome onde. ³Eho lenge, engele edjeiyo molome onde la mokalo, inga auma moli o odji moto, wakomotolo inde moli o eteba. Ase inga molome onde agua, alongoiya la pui e inde, eho lenge inga auma moli o odji molome, ati moli o eteba.⁴Ndjongo wamanima wa mbai, la odhendeli pui, ino pe ogualini la mboka e mbeka e wenge wa Kilisito, laate oumeni wato wa odji moto, e moto ongo asusuali tee ongo atie wato waguake, laate tomowotele Mwengei pukapuka. ⁵Laate ango edjakali iso obilei wihoha wa wenge, wihoha wa masumi minge misuswanali la pui, edjakali okeli otomo la wisuki wa wenge wasu laate towote pukapuka e logo.⁶Ase sikahala, topumbiga sese e pui, laate toguiya la odhendeli ema enge etonangaki iso la woyogo. Laate todje tuke la ndenge poli e elimo, ase te la ndenge e gala la pui djinge idhingani.⁷Ndjongo tokoasa nde? pui idjei nde lisumu? Te, te wokeke! Meemene nda itiewe lisumu inga pui itidjaake. Pe, la ekpangele, nda iyewiti ononi inga pui itiasake ate : oengiti ononi ema e moto. ⁸Ase pui ehekeleli lisumu mboka e owoti la motema mo mbai wihoha e ndenge kpaa, pe inga pui etidjaake nda lisumu liguala.⁹Gala idjakali la mokalo liwoso ate pui idje, ase engele pui edjaali, lisumu ewongwali alidji la mokalo, ase mbai iguali ¹⁰pe ehele pui edjakali la loyi e mokalo, mbai ieneli eho ate edjei la loyi e logo.¹¹Laate pui ehekeleli lisumu mboka, ndjongo eho egulali mbai pe eolali mbai la mboka e pui eho. ¹²Eho lenge, pui djaho amene idjei mosatu, alidji pui eho edjei mosatu pe e omeemene pe wolamu.¹³Ndindjongo loi wungo wodjei wolamu nde eumelali mbai logo? Te, te wokeke! Ase lisumu, laate eenane ate edjei lisumu, ewotelali mbai logo la mboka e ema enge edjei olamu, laate la mboka e pui, lisumu eume ema e masumu oyeti. ¹⁴Toewi ate pui idjei ema e elimo, ase mbai idjei la wenge e moeni, itambanali laate idje motuke mo lisumu.¹⁵Laate enge ekokelaka mbai iyewiti eho. Laate enge ebali mbai, itikelaka eho, ase enge etoni mbai nde ikokelaka eho. ¹⁶Ndjongo, inga ikokelaka loi wungo wobaliti mbai, igemei ate pui iyeti wolamu.¹⁷Ase sikahala ongo okokelaka eho etikine mbai, kasi nde lisumu linge liyabati ndondo e mbai. ¹⁸Laate iyewi ate ndondo e mbai olamu etiyabataka ndondo e mbai, easi nda ate ndondo e wenge wa mbai, ikobalaka okeli olamu, ase itiwumaka okeli eho.¹⁹Laate olamu wungo wobali mbai itikelaka eho, ase obe wungo wobaliti mbai eho nde ekokelaka mbai. ²⁰Kaiko ase, inga enge ebaliti mbai eho nde ekokelaka mbai, eho eti lisumu la mbai moto ikokelaka eho, kasi lisumu linge liabati ndondo e mbai. ²¹Eho lenge, ieni ehele pui atie mbai: Engele ebali mbai okeli enge edjei olamu, enge edjei obe nde edjei atie mbai.²²La motema mo mbai, ikoemeleke la pui e Mwengei. ²³Ase ikoeneke la wisuki wa wenge wa mbai eeti pui enge ekosanaka kindo la pui e mamungwene ma mbai pe enge ekokpalaka mbai monangani atie pui e lisumu linge lidjei la wisuki wa wenge wa mbai.²⁴Idjei moto o magba! ndai okokalisa mbai la wenge winge wikogulaka mbai wiengele kpaa la logo? ²⁵ Mwengei atote pambo la mboka e Yesu Kilisitu Likumu lasu! Eho lenge, la mamungwene ma mbai idjei motuke mo pui e Mwengei, kasi la wenge wa mbai idjei motuke e pui e lisumu.

Chapter 8

¹Ase sikahala, huko eti kine atie wato wango wayabolei ebete eikima la Yesu Kiklisito. ²Laate pui dja elimo enge ekohaaka mokalo mongindji la Yesu Kilisito elongosi owe la pui e lisumu pe e logo.³Ase, ema enge eengakiti okeli pui laate wenge edjakali olembesi, Mwengei akelali eho la ndenge amotomali Mana onde moikima la wenge enge edjei nda enge e masumu la olongosi lisumu, alidji atenelali lisumu etumbu la wenge. ⁴Eho, womeemene enge eongoni la ogemei eengali atie iso wango wakokalaka te la ndenge esu e wenge, kasi la ndenge e elimo. ⁵La ebili ate wato wango wakobiliaka wihoha wa wenge wakoyahekeleke la sambo djinge ibali wenge, ase wato wango wakobiliaka elimo la sambo dja elimo.⁶La ebili ate onangani la wihoha wa wenge ekohaka logo ase onangani la sambo dja elimo ekohaka mokalo la logoo. ⁷Laate onangani la wihoha wa wenge einei motone mo Mwengei, laate eho etitemeyaka pui e Mwengei, kaiko eengiti pe otemei eho. ⁸Kaikoase wango wadjei la ekaleli e wenge watimoemelese mwengei.⁹Kaikoase, ino otuteitiakani sambo dja wenge, ase okotutiakani sambo dja elimo, inga elimo e Mwengei edjei ndondo enu. Ase inga moto atidje la elimo e Kilisito, moto oho ati moto onde. ¹⁰Ase inga Kilisito adjei ndondo enu, meemene wenge wanu wigua la loyi e lisumu ase Molimo modjei la mokalo la loyi e sambo ndamu.¹¹Inga elimo e moto ongo omobasisali Yesu tee ongo la wato waguake eyabati ndondo e ino, moto ongo omobasasili Kilisito tee ongo la wato waguake akokela pe ate wenge wanu enge ekoguaka edje la mokalo la mboka e elimo e inde enge ekoyabataka ndondo e ino.¹²Eho lenge, wamanima, toongoniti otutei wenge la osombesi mokalo mosu la obilei wihoha wa wenge. ¹³Laate inga osombesani mokalo monu la otutei wihoha wa wenge okoguani meemene, ase inga oolani tomo dja wenge la ligamesi e elimo, okokalani.¹⁴Wato kpaa wango wakosombesamaka la elimo e Mwengei wadjei wana wa Mwengei. ¹⁵Laate otitotalini elimo e wotuke enge ekohekeleke alidji owangi, ase ototalini nde elimo enge ekeli ate Mwengei aototeni ino pe aowumeseni wana wande, enge la mboka eho tokodhumbiaka ate: Abba, Wawa!¹⁶Elimo eho amene ekototoloko mongindji la elimo esu ate todjei wana wa Mwengei. ¹⁷Inga todja wana, todjei pe watoti wa lisango, watoti wa lisango e Mwengei, ase watoti wa lisango mongindji la Kilisito, inga tokoeneke odjidji mongindji la inde laate totote pe otwa mongindji la inde.¹⁸Ikomungwaka ate wodjidji e ehele engele eti ema liwoso la otwa enge ekoenene la mboka esu. ¹⁹Wiho kpaa winge wikelama wikolambela la ehoha etetelake oeneni e otwa e wana wa Mwengei.²⁰Laate wiho winge wikelama eumesamali ema pamba, te la ndenge eho amene ase la loyi e moto ongo oumesali eho ndjongo, la loyi e mwano ²¹ate wiho winge wikelama ekolongwa pe la wotuke eholake pe ekotota lipanda e wana wa Mwengei enge etumi la otwa. ²²Laate toewi ate, wiho kpaa winge wikelama widjei ndji wikotilelaka mongindji pe wikoeneke odjidji mongindji tee sikala.²³Etisuke sa ango, ase iso amene pe wango todjei la pukapuka e liwoso, epoti oasi elimo, iso amene tokoyatilelaka la mitema masu, ango ekolambelaka iso la ehoha etetelake Mwengei atotote pe atowumese wana wande, tokpolame la wenge wasu la mboka e lisango .²⁴Laate toKaliga ango edjei iso la mwano moho. Ase mwano mungo mokoeneneke eti mwano, la ebili ate ango moto akoeneke ema, akabatelaka eho mwano? ²⁵Ase inga tokobatelaka ema enge etieneke iso mwano, tokolambela eho la edjeeli eikake egalela.²⁶Ndenge kikima elimo pe ekotogamesaka la olembi wosu. La eho totiewaka enge eengi la oongi ndondo e oyangongi wosu, ase elimo inde amene ekotoaselelaka iso ango ekotilelaka iso, inga te ate maloba matipumbaka. ²⁷kaikoase moto ongo okodhendaka mitema akoewaka enge elimo ekolukaka, laate eho ekoaselelaka wasatu la obilei mwano mo Mwengei.²⁸Twewi ate Mwengei akokelaka ate tomo djande kpaa ehane mawo la loyi e wolamu e wango wakomobalaka Mwengei, wango wawelani la obilei mwano monde. ²⁹Laate wango inde awagemeyali poo aanali pe liwoso ate waengane la ndenge enge mana onde adjei, laate adje mana o poo ndondo e wamaanango ngbii. ³⁰Alidji wango inde awaonoli poo, awawelali pe iwo, pe wango inde awawelali, awatololi wato walamu. La gboo, wango inde awatololi wato walamu, awahekeli pe iwo otwa.³¹Tokoasa kine alidji nde? inga Mwengei adjei ngambo esu, ndai okoki otokeli iso obe? ³²Inde ongo otimoisali mana onde amene, ase amohali la loyi e iso kpaa, ndjoni atotiha pe iso mongindji la inde wiho wadji la logoo pendja?³³Ndai okopunda wato wango Mwengei awaoni? Mwengei inde moto okowatoloko wato walamu. ³⁴Ndai okokwesa iwo la loyi? Moto te mokikima, laate Yesu Kilisito aguali inde moto adjei la ewo e lilome e Mwengei, pe moto akotoaselelaka iso.³⁵Ndai okokawola iso la libalano e Kilisito? Mbeti, inga ekoni, inga odjidji, inga ndjala, inga lingbengbele, inga huko, inga ewuni? ³⁶Ndji ndenge edhinganaate: La loyi e owe wakotobataka la logo la olayi wo wuse, wakotoeneke iso nda meme e oolake.³⁷Ase ndondo edjinge sambo kpaa tokolongaka la ligamesi e moto ongo otobalali iso ngbii. ³⁸Laate igemei ate edje logo, inga mokalo, inga waahumbwa, inga makumu, te sambo e ma masio, te djinge wikodja, te wokulu, ³⁹te wolai, te wolindji, te wikelamu, wiengiti otokawoli iso la libalano e Mwengei enge edjei atie Yesu Kilisito Likumu lasu.

Chapter 9

¹Ikoasaka meemene ndondo e Kilisito. Ibukitiaka moleho, laate oyewi wo mbai ekototoloko mongindji la mbai la elimo satu ²idjei la magba masungu pe la ekoni enge etisilaka la motema mo mbai.³Laate ikobala nde ate mbai amene, moto ibumakolami, ikawane la Kilisito la loyi e wamanima wa mbai, wato wa moki mo mbai. ⁴Wato wa Isalayele, wango Mwengei awatotali pe awaumesali wana wande pe wango otwa, la ogemei, la likao e pui, la otomo wosatu, la mauna edjei ewu. ⁵Wadjei watata, pe atie ewu nde Kilisito awotamali mana owu; Mwengei ongo odjei likolo e wiho kpaa, apambwame libela la libeala. Amen.⁶Ase, easiti ate liloba e Mwengei etilongali. La ebili ate eti ate wato kpaa wango wakowotamaka la Yisalayele nde wadjei Wayisalayele. ⁷Eti pe ate la loyi ate iwo wadjei litoto e Abalahama nde iwo kpaa wadjei wana wande, ase: Enge ekowelana litoto la owe ekodja la mboka e Isaka.⁸Easi nda ate, wana wa litoto e Abalahama wati pendja wana wa Mwengei, ase wana wa liuna nde wa watoli litoto laho. ⁹Laate liloba e liuna edjaakali ndjo: Igeleli la engele nda enge pe Sala akowota mana opele.¹⁰Kaikoase liwuna litisukali sa ango, ase ehanali alidji engele Lebeka akpalali lemi e maasa la molome sa mwesi oho, Isaka tata osu ¹¹laate engele etiwotamaliyo iwo pe watikelaliyo loyi te mwesi e olamu inga te e mbe, laate mwano e Mwengei ewonoke etidhendele tomo, ase nde moto ongo owelani, ¹² waasali la inde ate, eloko akodja motuke e elenge. ¹³Ndji ndenge edhingama ate: Imobalali Yakobo, ase imotonali Esau.¹⁴Ndjongo tokwasa nde? Mwengei ati la omeemene? Te, te wokeke. ¹⁵Laate aasali la Moize ate: ikomookela magba moto ongo obali mbai omookeli magba, pe ikodja la wouma la moto ongo obali mbai odjei la inde wouma. ¹⁶Eho lenge, etidhendelaka moto ongo omobali inde inga moto ongo okotilaka obangu, ase nde Mwengei, ongo odjei la motema magba.¹⁷Lidhingo liasali la Palao ate: Idhei owe odje la mokalo la loyi e ehele gbondo: laate la mboka e owe ienese okulu wo mbai, pe laate kombo e mbai etiesakolame la mbume kpaa. ¹⁸Eho lenge, moto ongo inde abali omookeli magba akomookela magba, ase moto ongo inde abali omodhei ate aume moto motetelake, akomodhe aume moto motetelake.¹⁹Okoasa la mbai ate: Woni adjeiyo ndji aopamelaka wato? Woni ayamalelali mwano monde enge eenisani la hoho? ²⁰Ase owe, moto, odjei ndai laate omodhuhuelele Mwengei monoko? Ema enge etuli iwo eengi oasi la moto ongo omotuli ate: Ndjoni otuli mbai ndjo? ²¹Motuli teni ati nde la okumu likolo e mbume e mondo la okeli la mbume sa eho kikima teni esi la loyi e otomo e mogano, edji la loyi e otomo edjangi mogano?²²Kaikoase inga Mwengei, inga te ate abala oenesi limemu lande pe okulu wonde anangali wateni e limemu enge ewongi la oolani? ²³Toase woni inga abala oenesi wogumake e otwa wonde atie wateni e magba enge ebatali inde liwoso la loi e otwa? ²⁴Inga atowelali iso te sa atie Wayuda, ase koto atie wadji witondo?²⁵Edjei ndenge aasali eho koto atie Hosea: Wango watidjali wato wa mbai ikowawola iwo wato wa mbai, koto moli ongo otidjakali moli o mbai o libalano ikomowela moli o mbai o libalano. ²⁶Koto la ebete enge waasali la iwo ate: Otini wato wa mbai, ongo nde wakoawela iwo wana wa Mwengei o mokalo.²⁷Isaya koto akopamaka la loyi e wato wa Isalayele ate: Inga te ate motango mo wana wa Isalayele modja nda ngene e malia masungu, wato wango watikali nde wakokala. ²⁸Laate Likumu akoongo mbume awongose monoko, akokela eho galagala. ²⁹Ndji ndenge Isaya aasali eho gala ate: Inga Likumu e wokulu kpaa atitodheleke iso litoto, nda towumali nda Sodomo, pe nda toengali la Gomola.³⁰Ndjongo tokoasa nde? Ate wato e wadji witondo, inga te ate watidjakali otutei womeemene, watotali womeemene, womeemene elongoi la ogemei. ³¹Ase inga te ate Isalayele akobiliaka pui esi e womeemene, atiengesali pui eho.³²La loyi lande? Laate atutiali eho, te la ogemei, ase la tomo. Wasakelali ekikimi la libukeli esakelake ekikimi, ³³ndenge edhinganali: Dhenda! Ikobataka la Siona libukeli esakelake pe libukeli linge likoesake, ase moto ongo ogemeli eho atioka soni.

Chapter 10

¹Wamanima, ehoha e motema mo mbai pe oyakongi wo mbai atie Mwengei la loyi ewu edjei ate wakale. ²Laate ikowatotoloko iwo ate wadjei la mohandja la loyi e Mwengei, ase te la woewi womeemene. ³Nda eyewiti iwo womeemene wo Mwengei ase wakolukaka obati enge ewu amene, watitemeyali womeemene wo Mwengei.⁴Laate Kilisito adjei gboo e pui, la ebili ate moto kpaa ongo odjei la ogemei adje moto o meemene. ⁵Laate Moize adhingi la loyi e womeemene enge edji la pui ate : Moto ongo onanganali la omeemene e pui akodja la mokalo la mboka eho.⁶Ase womeemene wungo wolongoi la ogemei ekoasaka ate: Otiase la motema mo owe ate: Ndai okotela likolo? ( eengi oasi, laate amodjimbe Kilisito sese; ⁷inga ndai okoyadjimba la liwela lilindake? (eengi oasi, laate apumbese Kilisito tee ongo la wato wa guake).⁸Ase eyasi woni? Liloba lidjei ahue e owe, la monoko mo owe koto la motema mo owe. Eengi oasi, liloba egemeyake, enge ekotiesakolaka iso. ⁹Inga okoyambolaka la hoho liloba laho la monoko mo owe ate Yesu adjei Likumu, mpe okogemeyaka la motema mo owe ate Mwengei abobasisali tee ongo la wato waguake, okokala. ¹⁰Laate la motema nde moto akogemeyaka la loyi e omeemene, ase la monoko nde moto akolumbolaka la hoho la loyi e mokalo.¹¹Lidhingo ekoasaka ate: Moto tueti ongo omogemei inde akooka soni. ¹²Laate osomboni woti atie Wayuda la Wageleki, laate wato kpaa wadjei wa Likumu sa mwesi ongo okopambuaka ngbii wato kpaa wango wakomodhumbiaka inde. ¹³Laate moto kpaa ongo okombelela kombo e Likumu akokala.¹⁴Nda ndenge ekombelela iwo moto ongo omogemeiti iwo? Woni ekoyamba iwo moto ongo eokiti iwo mboli ende? Nda ndenge ekooka iwo mboli inga moto o otiesakoli ati? ¹⁵Pe wakotiesakola nda ndenge inga watiwatome? Ndji ndenge edhingama ate: Mangbanda ma wango wakotiesakoalaka mboli ndamu e sambo ndamu edjei olamu pendja.¹⁶Ase, iwo kpaa watibalali mboli ndamu. Laate Isaya akoasaka ate: Likumu, ndai ogemeleli lu loyi eoki iso? ¹⁷ Ogemei ekolongwaka la loyi wungo wooki moto, pe loyi wungo wooki moto ekolongwaka la mboka e liloba e Kilisito.¹⁸Ase ikohuelaka: Otiokalini ndjongo? Eiye, meemene, modudu mowu eokani la mbume kpaa, pe maloba mawu tee la gboo e mbume ebete eyabati wato.¹⁹Kaikoase iyasi ate: Isalayele atiewali? Moize moto oasi liwoso ate: ikookesani ino zua la moki mungo moti moki, ikookesani ino limemu litetelake la moki mwesi modjangi lokenge.²⁰La loyi e Isaya,aumia la mohandja pe aasia: Wango watidjakali oluki mbai waeneli mbai. Iyaeneseli atie wato wango watidjakali ohueli mbai. ²¹La enge edhendji Isalayele aasi ate: Iyandji mawo ma mbai lisio kpaa atie wato wango wadjangi etemia pe wakoaselaka mbai obe.

Chapter 11

¹Ikohuelaka ate: Mwengei awalumbi wato wande? Te, te wokeke. Laate mbai mpe edjei moto o Isalayele o litoto e Abalayama la Elombo e Bezamina. ²Mwengei awalumbiti wato wande, wango inde awagemeyali liwoso. Otieweni nde enge lidhingo liasi la loyi e Elia, engele apundali Isalayele atie Mwengei? ³Likumu, iwo wato waoli watiesakoli wa owe, wabukakolia ibete winge wa otumbelakali iwo makao, itikali ndji mbai moikima, waolukaka koto ate wandjole mbai.⁴Ase liloba e Mwengei easi la inde woni? Idhei pele mbuka sambo la loyi la mbai amene enge liwuli litiayimbele Bala. ⁵Ndenge kikima la ehele engele edjei iso, edjei la ndambo e wato wango watikali alidji waononi koto la ngolu.⁶Ase inga idja la ngolu, eti kine la loyi e tomo, inga ndjongo, ngolu etiti kine ngolu. ⁷Woni? Ema enge edjakali oluki Isalayele atitotali eho, ase wato wango waononi watotali eho. Mitema ma wango watikalali mitetelali. ⁸Ndji ndenge edhingama ate: Tee lisio la keke, Mwengei awahekeli iwo elimo e ilo, maiso mango matieneke, la wiyokeli winge witiokaka.⁹Davidi koto aasi ate: Mesa mau eume lisala , etanga koto ema enge ekobingisaka ekikimi alidji ndenge e liputi lawu. ¹⁰Maiso mawu maume pii laate watiene alidji, waimba mokongo engele kpaa.¹¹Ikohuelaka ate: Wasakelali nde ekikimi pe wakuali amene okwi? Te, te wokeke. Ase la ekikimi enge esakelali iwo, mokalo modjeelia wato wa witondo. Ndjongo loyi luho eokese iwo zua. ¹²Sika ndjo inga ekikimi enge esakelali iwo ehekelia pambo la wato wa witondo, ndjongo motio mowu kpaa etihekele pambo ngbii oyeti?¹³Ase sikala ikoasaka la ino wato wa witindo, nda edjei mbai toma e witondo ikoyagana la wotomo wo mbai. ¹⁴Mbuse ikookesa moki mo mbai zua la ebili ate ikalese wato wadji ndondo e iwo.¹⁵Laate inga engele iwo walumbania ehekelia wato wa miki mboka waongose ookani la Likumu, ekodja nda ndenge engele ekoyambama iwo? Ekodja nda waguali waongoiya la mokalo? ¹⁶Inga ndambo enge edhendelani nda pukapuka e liwoso edjei wosatu, mogbuku kpaa e moteke pe modjei ndjongo. Inga mondjili modja wosatu, witee pe wikodja ndjongo.¹⁷Ase inga weeti witee witenanali ase owe, inga te ate odjei mote mo oliba e motulu, oyaekeyali la eho pe oumali ototi wolamu la mondjili e maita e mote mo oliba, ¹⁸otiagane liwoso la witee waho. Kaikoase inga okoyaganaka liwoso laho, otiosanake ate owe okpaliti mondjili, ase mondjili nde moogbali owe.¹⁹Owe okoasa ate: winge witee witenali iwo, laate mbai iyakiane ango. ²⁰Edjei meemene. Watenali eho laate etidjakali la ogemei, ase owe okoyamalaka la loyi e ogemei. Dhee odjeyi la mamungwene e oyadjambi, ase djaa nde la owangi. ²¹Laate inga Mwengei atidheeli witee e waho amene, atiodhee pe owe.²²Dhenda logoo e Mwengei pe etumbu e inde. Etumbu la wango wakuali, ase logoo e Mwengei atie owe, inga otikaliya ndondo e logoo wonde. Inga te ndjongo, owe pe okotenana.²³Ndjongo pe, inga wadhee odjeyi wato wango wati la ogemei, wakoyakiana, laate Mwengei aengi owaakeyi alidji. ²⁴Laate inga owe, waotenali la mote mo oliba e motulu amene pe waowakiali la mote mo oliba e elanga, inga te ate eengiti odjei ndjongo, ndjongo witee e mote moho amene ekoyakiana olamu oeti te la mote moho amene mo oliba?²⁵Wamanima, mbai ibaliti ate ino odjangeni ehele sekele wosatu, laate otidjeeni wato wa lokenge la maiso manu amene: Ate motema mo wato wadji wa Isalayele eumia oteteli tee motio kpaa mo wato e witondo ekotuma.²⁶Pe la ndenge eho Isalayele kpaa ekokala, ndji ndenge edhingama ate: Mokalesi akolongwa la Siona pe akolongosa analili la elembo e Yakobo, ²⁷Eho edjei ogemeyani wo mbai la iwo, ango ekolongosa mbai masumu mawu.²⁸La enge edhengi mboli ndamu, iwo wadjei mitone la loyi e olamu e ino, ase la ooni enge Mwengei awaoni wadjei wato wango Mwengei abali la loyi e watata wau. ²⁹Laate Mwengei atioka magba la sambo ndjinge iheheli inde koto oweli wungo eweli inde.³⁰Laate ndji ndenge etitemeiyakalini ino Mwengei la engele e gala ase sikala aokeli ino magba laate watitemeiyali. ³¹Ndenge kikima iwo pe sikala watitemeye, pe aokeli ino magba, laate aokele pe iwo amene magba sikala. ³²Laate Mwengei awadhei iwo kpaa wahelane la woyogo e mokalo enge edjangake etemeiya, laate awaokele iwo kpaa magba.³³Wogumake wo Mwengei pe wokenge wonde pe woewi wonde edjei ngbii pendja! Witeneli wande e lisambesi eengiti oewani pe mboka djande eengiti oeneni . ³⁴Ndai oewi mamungwene ma Mwengei, mpe ndai mohekeli o simbesi e inde?³⁵Alidji ndai omokawelali Mwengei liwoso, laate Mwengei amowongosele? ³⁶Laate wiho kpaa wilongoyi atie inde pe la mboka e inde pe la loyi e inde. Adje la otwa libela la libela. Amen.

Chapter 12

¹Ndjongo wamanima, iyakongi la ino la magba ma Mwengei ate kawani wenge wanu mbeka e mokalo, e wosatu, enge Mwengei aengi ogemei. Ekodja atie ino otomo e lokenge. ²Otiaengeseni la sambo e ma masio, ase yakalambani, wumesani mamungwene manu maholi, laate oyagemeiseni ino amene mwano mo Mwengei enge edjei olamu pe eengi ogemeiyani pe etumu la sambo ndamu.³La magba masungu mango waenelesi mbai ikoewesaka moto kpaa ndondo enu ate: Atibundue ate akoetaka ndenge edjei inde pendja, ase abundue nde la ndenge enge ekoenesaka ate adjei la mamungwene ndamu, moto la moto la obilei wosungu e ogemei enge Mwengei amohekeli.⁴Nda odjei iso la wisuki ngbii la wenge sa ekikima, ase wisuki kpaa witidjee sa la otomo esi. ⁵Ndenge kikima nda iso, inga te ate todjei wato ngbii, todjei wenge sa esi ndondo e Kilisito,ase todjei wisuki, enge wesi kpaa edjei manango la odji.⁶Todjei la makao ndenge la ndenge la obilei magba masungu mango maeneseleli iwo iso. Inga etiesakoli, totiesakole la obilei ogemei wungo watohekeli iso. ⁷Inga otomo, toyahekele la otomo wuho, inga moto ongo okotiesakolaka, ayahekele la otiesakoli wonde. ⁸Inga moto ongo okohekeleke mohandja, ayahekele la ohi mohandja monde, inga moto ongo okokawaka, akele eho la ewo petee, ongo odjei likumu akele otomo monde la mwemu, moto ongo okookelaka wato magba, akele eho la mwemu.⁹Libalano lanu etidje la ekosako; tonani enge edjei obe, nanganani la enge edjei olamu. ¹⁰La libalano e wouma, balanani la motema. La ohekelani mogano, djaakani wato wa poo.¹¹Otidjeeni wikete la tomo djanu. Lolani la elimo. Mokelelani Likumu nda tuke. ¹²Hemeleni la mwano. Djaani la mohandja engele e odjidji, yahekeleni la oyakongi. ¹³Wakawelani wasatu la obilei wihoha wau. Djaakani la edjeeli e yambake wadjidji.¹⁴Pambuani wango wakoenesakani ino odjidji; wapambuakani pe otiwabumakoleni. ¹⁵Hemeleni la wango wakoemeleke; lelani mongindji la wato wango wakolelaka. ¹⁶Wasumbuani wadji nda ekoyasumbuakani ino amene; otidjaakeni la mamungwene e oyadjambi, ase djaakani la mamungwene e oyatitimesi, otiwumeni wato wa lokenge la maiso manu amene.¹⁷Otiwongoseni obe la obe. Kelakani nde sambo djinge idjei olamu la maiso ma wato kpaa. ¹⁸Inga eenga, inga eodhendani ndji ino, djaani logoo la wato kpaa.¹⁹Wamanima wa libalano, moto ongo o okelini ino obe, otimowongoseleni obe ase dhelekeni nde limemu e Mwengei ebete. Laate edhingani ate: Owongosi obe edjei loyi la mbai; mbai ikoongosa obe, Likumu aasi ndjongo. ²⁰Inga motone mo owe adja la ndjala, mohekele ilaka alake, inga adja la ehoha e malia, mohekele malia akenge, laate ango ekokelaka owe ndjongo okobataka magala ma misa la moto monde. ²¹Otidheele obe e olonge, ase kelaka olamu la olongi obe.

Chapter 13

¹Ewongi ate moto kpaa awatemeye makumu mango wadjei liwoso, laate okumu kpaa edji atie Mwengei. Okumu wou edjei la molelo enge ebatani la Mwengei. ²Eho lenge, moto ongo okoyamalelaka wokumu amaleli pe ewongeseli e Mwengei; wango wamaleli eho wakosambesama.³Laate wato wango wakowangaka makmu eti wato wango wakokelaka olamu, ase nde wango wakokelaka sambo mbe. Ndjongo, owe obaliti ate owangake wokumu? Djaaka okeli sambo ndamu, pe ekoogana owe. ⁴Laate okumu edjei motuke mo Mwengei atie owe la olamu e owe. Ase inga okokelaka enge edjei obe, wanga; laate etikpalaka ewuni sa pamba; laate eho edjei ekeleli e Mwengei, ekowongosaka obe la okweseli limemu la moto ongo okokelaka obe. ⁵Eho lenge, ewongi la ino owaokeli, te ndji sa la enge limemu ase alidji la loyi e lokenge wonu.⁶Edjei la loyi laho nde ekoputakani ino lomeya, laate wadjei watuke wa Mwengei la loyi e olamu e wato kpaa, wakokelaka engele kpaa la kole eho pendja. ⁷Wawongoselani iwo kpaa enge ewongi la iwo: Ongo oongi lomeya, lomeya; ongo oongi liputi, liputi; ongo oongi wamowange, mowangani, ono oongi mogano, mogano.⁸Otidjeeni la nongo e moto te moikima, longose ndji nongo e libalano. Laate, moto ongo okomobalaka miino onde aengesi pui. ⁹Laate ahala o pui: otikelake eteba, otiolake moto, otiyiwake, oengiti ononi ema e moto, pe edji pui etangemi la okue la ehele engbundu: eoongi o mobale miino owe nda owe amene. ¹⁰Libalano litikelaka moto obe. Eho lenge, libalano lidjei liengesani e pui.¹¹Kelakani ndjongo pe laate oyewini ehele engele, engele enu esusuake la ilo eengi, laate sika mokalo musu eumia lahue, oeti engele enge eumali iso wagemei. ¹²Likolo likia lihele, boo eumiga ahue la otani. Tolongose sambo kpaa dja likolo, tokpale wisaneli wa hoho.¹³Nda la use ndjo, tosombe la wikaleli wilamu, te la lipati e litema, te la olangui, te la ekaleli mbe ewanesake wenge pe te la esombeli e soni, te la mosio pe te la djua. ¹⁴Ase mokpalani nde Likumu Yesu kilisito, otikelakeni djaho la mwemu mo wenge.

Chapter 14

¹ Moyambani moto kpaa ongo oti la ogemei otetelake, ase otimosambeseni la popo djinge ikoyahuelaka inde. ²Moto odji adjei la ogemei pe akolakaka ema kpaa, ase moto ongo oti la ogemei otetelake akolaka ngasi.³Moto ongo okolakaka atimodendje moto ongo otilakaka, koto moto ongo otilakaka atimosambese moto ongo okolakaka. Laate Mwengei amoyambi ongo moto. ⁴Owe ndai laate omosambese motuke moeti moto? Inga okui inga oyamali emodhendji ndji likumu lande. Ase akoyamala laate Mwengei aengi omoyamalesi.⁵Moto odji akoeneke ate li lisio lieti li lisio. Moto odji akoeneke ate li lisio lidjei nda masio madji kpaa, moto la moto agemese pendja la mamungwene mande amene. ⁶Moto ongo oyewi okawoli masio akokelaka eho la loyi e Likumu, koto ongo otikelaka eho akokelaka la loyi e Likumu. Moto ongo okolakaka kpaa akolakaka la loyi e Likumu, laate akomoganaka Mwengei. Alidji moto ongo otilakaka atilakaka la loyi e Likumu, kaikoase akomoganaka Mwengei.⁷Laate moto toeti ndondo esu akoyakalesaka inde amene, alidji moto tueti ndondo esu ayaguesaka la inde amene. ⁸Laate inga todja la mokalo, tokokalaka la mwano mo Likumu, koto inga togua, tokoguaka la mwano mo Likumu. Eho lenge edje te totoni inga te togui, todjei wato wa Likumu. ⁹Laate Kilisito aguali pe awongwali la mokalo la loyi eho, laate adje Likumu e wato waguake la wango wa waatonoke.¹⁰Ase ndjoni ekomosambesaka owe maangwa? alidji ndjoni ekomodendjaka owe maangwa? La ebili ate iso kpaa tokoyamala liwoso e ngbelengo esambesake e Mwengei. ¹¹Edhingani ate: Likumu aasi: Nda edjei mbai meemene la mokalo, mauli kpaa maimbamele mbai, koto olemo kpaa ekomogana Mwengei.¹²Moto la moto akosamba liwoso la Mwengei inde amene. ¹³Totiyasambese kine iso la iso, ase huakani ate moto atibate ekikimi inga lisala liwoso la maanango.¹⁴Iyewi pe igemei pendja ndondo e Likumu Yesu ate ema teeti ekodjaaka la onalili, ase inga moto akodhendelaka ema esi nda edje la onalili, ema eho eumi onalili atie inde. ¹⁵Laate inga maangwa akoyaokisaka magba la mboka e ema elakake, osombiti kine la libalano. La ema e owe elakake otibitese moto ongo Kilisito amogueli.¹⁶Eho lenge, otidheeni ate waaseleni ino obe la loyi e sambo ndamu djinge ekokelakani ino. ¹⁷Laate okumu wo Mwengei einyeiti olaki la okengi, ase einyei nde sambo ndamu, logoo koto mwemu mongindji la elimo satu.¹⁸Laate moto ongo odjei motuke mo Kilisito pe akokelaka wungo loyi agemeiyani la Mwengei pe agemeiyani la wato. ¹⁹Eho lenge totuteye sambo djinge ekobataka logoo alidji sambo djinge ekotohekeleke mohandja.²⁰Otibitese otomo wo Mwengei sa la loyi e ilaka. Meemene wilaka kpaa wilangi, ase edjei obe olaki ema esi inga ema eho ekomobingesaka odji ekikimi. ²¹Edjei olamu otoni olaki mweni e nama inga okengi bino inga okeli ema esi ndjo enge ekomobingesaka miino owe ekikimi.²²Ogemei wungo wodjei owe la eho, djaa la eho la loyi e owe amene la maiso ma Mwengei. Mwemu la moto ongo otiyaganaka la loyi wungo weeni inde ate wodjei olamu. ²³Ase inga odja la kokia, ayakwesia la loyi inga alaka, laate atilakaka la ogemei. Ema kpaa enge etikelame la ogemei edjei lisumu.

Chapter 15

¹Iso wango wadjei la otetelake ewongi la iso tokpale olembi e wango wateteliti, pe totiyaemelese iso amene. ²Moto la moto ndondo esu amogamese miino onde la enge edjei olamu laate emohe egalela.³Laate Kilisito atiyaemeleseli inde amene. Ase ndji ndenge edhinganali ate: Wiliko e wato wango wakootangakolaka, wikweli mbai. ⁴Laate sambo djinge kpaa idhinganali liwoso idhinganali laate etotiesakole iso, la ekaleli esu edjaake la egalela koto la liyakongi linge lilongoyi la madhingo, todje la mwano.⁵Sikandjo Mwengei ongo okohekeleke edjeeli e odjei la egalela koto liyakongi ekelate ate ndondo odjeeni la mamungwene nda enge e Yesu Kilisito adjakali la eho. ⁶Laate mongindji moikima koto la monoko moikima, moganani Mwengei koto Wawa e Likumu lasu Yesu Kilisito. ⁷Eho lenge, yambanakani ndji ndenge Kilisito atoyambali iso la loyi e otwa wo Mwengei.⁸Laate ikoasaka ate Kilisito aumali pendja motuke mo wango watenani kombeni la oenesi ate Mwengei adjei la omeemene pe ogemeisi mauna mango inde awahali watata wau, ⁹laate wapangano wamogane Mwengei la loyi e motema magba monde. Ndji ndenge edhingani: Eho lenge ikoogemeiya la hoho ndondo e miki pe ikobingela kombo e owe ndundu.¹⁰Aaasi alidji ndjo: Djaani la mwemu, ino miki, mongindji la wato wande. ¹¹Pe alidji: Moganani Likumu, ino miki kpaa, pe wato wa miki kpaa wamogane.¹²Isaya aasi aleeti ndjo: mana mwesi akouma la liemba e Yese, pe moto ongo okopumba la osombesi miki akodja; miki wakomobatela mwano mou.¹³Mwengei ongo okohekeleke mwano aotumeseni ino la mwemu pe la logoo kpaa la ogemei wonu, laate otumeni la mwano la okulu e elimo satu.¹⁴Sikala ndjo wamanima, mbai amene pe igemei ate ino otumini pe la wolamu. Laate otumini la woyewi kpaa, pe ate oengini oyani simbisi ino la ino.¹⁵Ase ikoodhingelakani la hoho ma sambo djeeti, nda ikoobundolakani ino alidji, la loyi e logoo wosungu enge Mwengei andjeneseleli mbai. ¹⁶Laate idje motuke mo Yesu Kilisito atie miki la loyi e olamu wou kpaa, iyalingesi la otomo wosatu e mboli ndamu e Mwengei, laate likao, einyei, winge miki wagemeiyane, wasatisane la elimo satu.¹⁷Eho lenge, ikoyaganaka la loyi e Yesu Kilisito la sambo e dhengi Mwengei. ¹⁸Itimeke kine alidji oaseli sambo teeti longosa ndji sambo djinge Kilisito akelali atie mbai laate miki mitemeye, la mboka e engbundu e mbai pe la otomo wo mbai, ¹⁹la okulu e wilembo pe la sambo kamwake enge ekoeneseke sambo djinge ikodja, la okulu e elimo satu, eho lenge opoti Yelusalema tee la mboka e Ililikume itiesakolali olamu mboli ndamu e Kilisito.²⁰La ndenge eho nde itotali mwano motiesakolake mboli ndamu, ibete winge kombo e Kilisito etiewanali, laate itimaye likolo e moboko e moto odji. ²¹Ase ndji ndenge edhingani: Atie wango atitiesakolamate wakoene, wango watioke wakohela kole.²²Edjei alidji la loyi eho nde mbala ngbii itidjali la engele e owumake ongo atie ino. ²³Ase nda sikala ndjo nda ndji gbata, itikine la moki mungo otomo otikelame pe tee ma wilanga idjei la ehoha e owumake ongo atie ino.²⁴Engele ekoke mbai la Esipanye, ikoanaka liwoso yo, ango ekotota mbai okendo la oki ongo, iodhendeni ino pe okeni odhei mbai la mboka mbuse e ogbeti te maa keke la mwemu e odjei mongindji la ino. ²⁵Ase sikala ndjo ipoti oki Yelusalema laate ikelele wasatu.²⁶Laate wango wadjei la Masedonia pe la Akaya waemeli ohekeli wilaka wau likao atie wato wa otundake wango wadjei ndondo e wasatu wango wadjei la Yelusama. ²⁷Iwo waemeli okeli ndjongo, ase wadjei la nongo e wasatu wango wadjei la Yelusalema. Laate inga wapagano watota pe wiho wa elimo e wango wato, wapagano iwo pe wadjei la nongo e owakeleli iwo djinge wiho kpaa wiwongi la wenge.²⁸Engele ekosesa mbai okeli eho pe owaumeseli iwo pukapuka eho la ndenge ewongi pendja, ikoeta atie ino ango ekoke mbai la Esipanye. ²⁹Iyewi ate ango ekodja mbai atie ino, igeleli la mapamboyi ngbii e Kilisito.³⁰Wamanima, sikala ndjo ikoohekelekeni ino egalela la mboka e Likumu lasu Yesu Kilisito pe la libalano e elimo satu, ate ooleni wenge mongindji la mbai la oyakongi atie Mwengei la loyi e mbai. ³¹Laate wato wango wati la ogemei wango wadjei la Yudeya watikele mbai obe pe wasatu wango wadjei la Yelusalema wagemeye otomo wungo ikowakelelaka. ³²Ndjongo ango ekowuma mbai atie ino inga edja mwano mo Mwengei, ihane egalela mongindji la ino.³³Mwengei ongo okohekeleke logoo adje la ino kpaa. Amen.

Chapter 16

¹Ikooosumakani Poibe mangasu o moli, motuke e lingomba linge lidjei la Kekeleya, ²moyambani inde wolamu ndondo e Likumu la ndenge enge ewongi la wasatu, pe laate omogameseni la sambo kpaa enge ekodja inde la ehoha e ligamesi lanu, laate inde amene pe agamesali wato ngbii, la mbai pe.³MOhekeleni Pisika mobale la Akwila, wiino wa mbai wa otomo ndondo e Yesu Kilisito, ⁴wango wabatali mokalo mowu la huko la loyi e molimo mo mbai, te ndji mbai amene ase mangumba kpaa e miki madji tokoahekeleke pambo.⁵Hekeleni mobale la lingomba linge lidjei la monguta mowu. Hekeleni mobale la manima o mbai o libalano Epeneto, ongo odjei pukapuka e poo la Aziya la loyi e Kilisito.⁶Hekeleni mobale la Malia ongo ookelelalini ino tomo tetelake. ⁷Hekeleni mobale la Andolonikusu la Yuniasi, wato wa liemba la mbai pe wahelani nda mbai. Wango wadjei wato wasungo ndondo e watomani koto waumoyi ngbii ndondo e Kilisito oeti mbai.⁸Hekeleni mobale la Ampliatusi, miino o mbai o libalano ndondo e Likumu.⁹Hekeleni mobale la Ulubano, miino osu e otomo ndondo e Kilisito, pe la manima o libalano Sitakisi. ¹⁰Hekeleni mobale la Apelesi, moto ongo ogemeiyanali ndondo e Kilisito. Hekeleni mobale la wato wa monguta mo Alisitobulu.¹¹Hekeleni mobale la Elodiona, moto o liemba la mbai. Hekeleni mobale la wato wa monguta mo Nalasisa wango wadjei ndondo e Likumu.¹²Hekeleni mobale la Tilipana pe la Tiliposa, wali wango wakokelaka wotomo wo tetelake ndondo e Likumu. Hekeleni mobale la Pelisisi maangbasu o libalano, laate akelali tomo ngbii e tetelake ndondo e Likumu. v 13 Hekeleni mobale la Lupusi, moto ongo owononi ndondo e Likumu, pe la nango koto ima ndji ango.¹⁴Hekeleni mobale la Asunikilita, Pilegona, Helemesi, pe la wamangbasu wango wadjei mongindji la iwo.¹⁵Hekeleni mobale la pilologasa la Yulia, la Neleusi la manango o moli, pe la Olipasi, pe la wasatu kpaa wango wadjei mongindji la iwo. ¹⁶Hekeleneni mobale la ombomboni esatu. Mangomba kpaa ma Kilisito waohini ino mobale.¹⁷Wamanima, sikalandjo, ikoongoko la ino, ate huakani la wato wango wakolingesaka okawani pe sambo ndjinge ikolingesaka osakeli enge etiokane la matiesakoli djinge waotiesakolini ino, pe tonani odjei mongindji la iwo. ¹⁸Laate wato ehenge ndenge wamokelelitiaka Kilisito Likumu lasu, ase wakokelaka solo djawu amene. La eyaseli e leleke pe e emogano wakogulaka miteme e wato wango wakokosanaka pambapamba.¹⁹Wato kpaa waewi etemia enu atie Likumu. Ndjongo iyemeli la loyi lanu, ase ibali ate odjeeni wato wa lokenge e sambo djingi widjei wolamu, ase wato wango wati la huko e sambo djinge widjei obe. ²⁰Mbuse e ma engele keke, Mwengei ongo okohekeleke logoo akomobata etota sese e mangbanda manu. Magba masungu e Likumu lasu Yesu Kilisito edje la ino.²¹Timoteo, miino o mbai e otomo aohekelini mobale, la Lukiusi, Yosana la Sosipatela wato wa liemba wa mbai. ²²Ase mbai Teletiusi moto odhingi ehele ekpata iyohekelini mobale ndondo e Likumu.²³Gayusi, moto ongo oyambi mbai la lingomba liesi kpaa aohekelini ino mobale. Elasita moto ongo okobaniaka wadjenge e gbata, aohekelini mobale, la Kwalatusi manano. ²⁴Magba ma Likumu lasu Yesu Kilisito madje la ino kpaa! Amen.²⁵Mwengei aengi otetelesi ino la ndenge e mboli ndanu enge ekotiesakolaka mbai, matiesakoli e Yesu Kilisioto, la otutei eeneseli e sekele mosatu enge eisanali engele ndai pendja ²⁶ase enge eeneni sikala la hoho pe enge eyewisani la madhingo e watiesakoli ndondo e witondo kpaa la ookani e sombeli e Mwengei o libela laate wamogemeiye pe wamoteiye.²⁷Mwengei, ongo inde amene nde moto o lokenge, atote otwa la mboka e Yesu Kilisito libela la libela. Amen.

1 Corinthians

Chapter 1

¹Polo, moto ongo owelani laate idje toma e Yesu Kilisito la mwano mo Mwengei, koto Sositene mangbasu, ²atie lingomba e Mwengei enge edjei la Koliti, atie ino wango wasatisani ndondo e yesu Kilisito, enge ewelani ino laate odjeni wasatu, mongindji la wango kpaa kakodhumbiaka wiyati kpaa kombo e Likumu lasu, Yesu Kilisito, Likumu lawu koto osu. ³Ngolu osungu pe logoo e Mwengei Sangbasu koto la Likumu Yesu Kilisito edjeni la ino.⁴Ikomohaka Mwengei pambo engele kpaa la kole enu la ngolu wosungu e Mwengei enge eeneselali inde ino la mboka e Kilisito. ⁵Laate awowumesalini wato wa ogumake la loyi kpaa enge emodhendji inde, la liengi kpaa eyasake koto la oewi kpaa, ⁶La ndenge pe litotoli la loyi e Kilisito emaani ngbi atie ino.⁷Inga totutia olamu, odjangitini te nano esi, ango ekolambelaka ino la motema mohelake lieneseli e Likumu lasu Yesu Kilisito. ⁸Akootetelisani tee la gboo, laate otihekeleni mboka la loyi te esi enge eengi iwo o opundjini ino la eho lisio la Likumu lasu Yesu Kilisito. ⁹Mwengei adjei meemene, inde moto owelali ino ate odjeeni mongindji la mana onde Yesu Kilisito Likumu lasu.¹⁰Iyatombi la ino, wa manima, la kombo e Likumu lasu Yesu Kilisito, ate oasakeni ino kpaa la ookani, pe ate okawani etidje ndondo e ino, ase djaakani nde liwoke liikima la esombeli eikima koto la mamungwene maikima. ¹¹Laate wato wa monguta mo Kolowe wandjaseli mbai sambo djanu, wamanima, ate okawani wodjei ndondo e ino.¹²Ibali oasi ndjo: mwesi mwesi onu akoasaka ate: Mbai idjei moto o Polo, ase mbai o apolosi, ase mbai moto o Kepa, ase mbai moto o Kilisito. ¹³Kilisito akawani? Polo abakemali la ekulusu la kole ino? inga, opatalini la kombo e Polo?¹⁴Ihi pambo atie Mwengei la ndenge itimopatisali moto te moikima ndondo enu, longosa ndji Kilipusu iwo la Gaiyusu. ¹⁵Laate moto toeti atiase ate opatalini la kombo e mbai.¹⁶Ipatesali koto liwota la Setefanasi. Owalongosi iwo, iyewiti inga imopatisali moto odji.¹⁷Laate Kilisito atitomali mbai la opatisi, ase otiesakoli mboli ndamu, te la lokenge eyaselake, laate ekulusu e Kilisito etisile okulu.¹⁸La ndenge eho, mwendi mo ekulusu modjei boli atie wato wango wabitani, ase iso wango wakali, modjei okulu wo Mwengei. ¹⁹Laate edhingani ate: ikobitisa lokenge e wato wa lokenge koto ikosisa akeli e wato wa akili.²⁰Eni edjei moto o lokenge? eni edjei eloko e pui? Eni edjei moto okokia la ehele mwengele? Mwengei atiumese lokenge e moki boli? ²¹Laate nda lokenge e Mwengei, moki la mboka e lokenge laho, eyewiti Mwengei, Mwengei aeneli olamu ate la mboka e boli e ema enge ekotiesakolamaka, akalese wango wakogemeiyaka.²²Wa Yuda wakoongoko wilembo, Wageleki wakolukaka lokenge. ²³Ase iso, tokotiesakolaka Kilisito ongo obakemali la ekulusu, atie Wayuda lidjei loi lobe, atie wapagano edjei boli.²⁴Ase, atie wango wawelani, Wayuda la Wageleki, Kilisito adjei okulu wo Mwengei koko lokenge wo Mwengei. ²⁵Laate ema e Mwengei enge edjei boli, edjei la lokenge oeti wato, koto ema e Mwengei enge elembi, edjei la okulu oeti wato.²⁶Laate okoenekeni owelani wungo inde aoweleni ino, wamanima: ate te wato ngbii wa lokenge e ndenge e moini nde wawelani. Te wato ngbii wa okulu. Te wato ngbii wa mogano. ²⁷Ase Mwengei aoni witondo wa ehele moki modjei boli, laate aenge ookesi wato wa lokenge soni, pe Mwengei aoni witondo wa mu moki mungo modjei la olembi, laate aenge ookesi miki mitetelake soni.²⁸Mwengei aoni witondo wa pamba wa moki koto witondo winge witi la kole, witondo winge witi, laate aumese pamba witondo winge widjei. ²⁹Laate moto tueti o moeni atiyagane la maiso ma Mwengei.³⁰Edjei la nano e inde nde ewumi ino wato wa Yesu Kilisito, ongo oumi atie iso lokenge wungo wodji atie Mwengei, koto womeemene koto osatisani koto osombani. ³¹Laate edje pendja ndenge edhingani ate,'' Moto ongo okoyaganaka, ayagane la Likumu.''

Chapter 2

¹Ngambo e mbai, wamanima, ango edjaali mbai atie ino, itidjaali la ekpomeli e kamwesake, inga la lokenge ekamwesake laate iyotiesakoleni ino liiseli mosatu e Mwengei. ²Laate itotali eteneli eyewake ema teeti ndondo e ino, longosa ndji Yesu Kilisito, pe inde abakemali la ekolusu.³Idjali atie ino la olembi pe la mbangi koto la odjadji. ⁴Pe eyaseli e mbai koto sambo djinge itiesakolali mbai etidjaakali la engbundu e ogemeisi e lokenge, ase la tomo djinge edjaakali oenesi elimo pe okulu, ⁵laate ogemei wonu wodje, te la lokenge wo wato, ase la okulu wo Mwengei.⁶Kaikoase, tokoaselaka lokenge atie wato wango waoloyi, ase te lokenge e ehele engele inga pe te enge e makumu ma maa masio, wango waengi oumi pamba. ⁷Ase tokoaselaka lokenge e Mwengei ndondo e liiseli mosatu, lokenge wungo woisani, enge Mwengei aanali la loyi e otwa wosu liwoso wato wabate maongeseli mawu.⁸ Lokenge wuho, moto te moesi e makumu e maa masio ayewala eho, laate inga wayewali eho, nda watimobakali Likumu ongo otumi la otwa la ekulusu. ⁹Ase ndji ndenge edhingani: '' Liso litiene, pe litoyi litioke, pe etidjake pe la motema mo moto, sambo djinge Mwengei aongela la loyi e wango wakomobalaka.''¹⁰Laate iso nde Mwengei aenesi eho la mboka e elimo ende, laate elimo ekolukalukaka ndondo e sambo kpaa, edjee te sambo elindake e Mwengei. ¹¹Laate ndai ndondo e wato ayewi mabundo ma moto inga etidje ndi molimo mo moto mungo modjei atie inde? Ndenge kikima pe moto tueti ayewi sambo dja Mwengei, longosa ndji elimo e Mwengei.¹²Ase iso, tototiti elimo e moki, kasi elimo enge edji atie Mwngei, laate toyewe sambo ndamu etohekeli Mwengei la nano ende.¹³Pe tokoaselaka sambo djaho, la engbundu enge etitiesane la lokenge e wato, ase la linge litiesani la elimo, ango tokowanesaka sambo dja elimo la engbundu e elimo.¹⁴Ase moto o moyeni atitemeyaka sambo dja elimo e Mwengei, laate lidjei nda boli la maiso mande, pe aengiti oyewi eho, laate e eengi odhengani la ndenge e emolimo. ¹⁵Moto ongo osombesami la elimo, akodhendaka sambo kpaa pe inde amene atisambesama la moto te mokikima. ¹⁶La ndenge eho, ndai ongo oyewi lobundo e Likumu laate amwenye inde?

Chapter 3

¹La mbai, wamanima, itiengali oasi la ino nda wato wa elimo, ase nda wato wa moyeni, nda wana wakeke la ndondo e Kilisito. ²Iyohekelelini ino mawele, ase te ema elakake, laate otidjakaliyoni pendja la okulu; te sikalandjo pe otiniyo la okulu.³Laate odjeiniyo ndji wato wa moyeni. La ebili ate nda djuwa la mosio edjei ndondo enu, odjeiniyo wato wa moyeni, okosombakani nda ndenge ekosombaka wato, te ndjongo? ⁴Laate ango mwesi asia ate: Mbai,edjei moto o Polo! pe weeti: Mbai, Apolosi! otidjeeni ndji wato? ⁵Ase Apolosi adjei ndai? Polo adjei ndai? Wakeleli wango la mboka ewu owumalini wagemei, nda Likumu ahekeleli moto la moto.⁶Mbai iyonali, Apolosi aswali malia ase Mwengei adjaali obekesi. ⁷La ehoo moto ongo okoonaka ati ema, ndenge kikima la ongo okosuaka malia, ase ndji Mwengei moto ongo okobekisaka.⁸Kaikwase moto ongo akoonaka la moto ongo akosuaka malia wadjei ndenge kikima, ase moto la moto akolia liputi lande la otutie otomo wungo okeli inde. ⁹Laate todjei wato wango wakokelaka ebete kikima la Mwengei. Ino odjeini elanga e Mwengei, enge edjei oonani, la monguta mo Mwengei.¹⁰La odhengeli magba masungu e Mwengei enge eenesi inde atie mbai, ibatali moboko nda mobanei dja tomo oholo adjei moto o lokenge, ase oeti moto akomaaka likolo laho. Ase moto la moto ahuake la ndenge enge akomaaka likolo laho. ¹¹Laate moto tueti aengi obati maeti moboko longwese ndji enge ebatana, oholo edjei Yesu Kilisito.¹²Kaikwase, inga likolo e moboko moho moto amayia la wolo, la palata, la mabukeli ma motio, la mabaya, la isoki, la ndele, ¹³tomo la moto la moto ekoenene la hoho, laate wuse ekoenese eho. La ebili ate ekoenene la mboka e misa. Pe misa nde ekoenese ndenge otomo e moto la moto odjei.¹⁴Inga wu otomo moto amayi likolo e moboko muho motikalia, moto oho akotota liputi; ¹⁵ase inga otomo wo moto wolongolia, moto oho akotikala mawo ohola, ase inde amene akokala, kaikwase inga ndjongo ekodjaa nda aeti nde la misa.¹⁶Woewitini ate ino odjeini tepelo e Mwengei, pe ate elimo e Mwengei eyabati ndondo enu? ¹⁷Inga moto abitesa Tepelo e Mwengei, Mwengei akomobitesa. La ebili ate tepelo e Mwengei edjei mosantu, tepelo eho nde ino.¹⁸Moto atiyakose. Inga moto mwesi ndondo enu akobunduaka ate adjei moto o lokenge la ehele engele ndjoo, aume ekete, laate aume moto o lokenge. ¹⁹Laate lokenge e mu moki ndjo wodjei ekete la maiso ma Mwengei. La ebili ate edhingama ate ''akohelaka wato wa lokenge ndondo e mamungo mbee djau amene''. ²⁰Aleeti Mwengei ayewi ate mamungo ma wato; dja lokenge edjei pamba.²¹La ehoo moto atiyatelese la la loyi e wato. laate wihoo kpaa widjei wanu. ²²Edje te Polo, te Apolosi, te Kepa, te moki, te mokalo, te ogwi, te wihoo winge widjei sikalandjo, te winge wigeleli. ²³Wihoo kpaa widjei djanu, ase ino wodjeini wato wa Kilisito, pe Kilisito adjei moto o Mwengei.

Chapter 4

¹Moto, atodendele iso ate todjei tuke wasese e Kilisito, pe wabanei wiiseli esatu e Mwengei.²Aleeti, la wu loyi, ema enge wakolukaka atye wbanei, edjei ate moto aenane olamu.³Kaikwase atie mbai, edjei loyi liesi likeke ate isambesame la ino, inga te la okumu wesi djaa wato. Te mbai pe itiadhendele mbai amene. ⁴Laate etieneke ema teeti enge ekokwesaka mbai. Inga te ndjongo ieneniti moto molamu la loyi eho, ase moto ongo akodhendelaka mbai edjei Likumu.⁵La ehoo otisambeseni ema teeti liwoso la engele ehoo, tee ekodjaa Likumu, inde ongo okoumesa la hohoo sambo djinge iyaisi la likolo, pe akoenese la hohoo sambo dja mitema. Pe la engele ehoo moto la moto akotota mogano monde enge edjii atie Mwengei.⁶Kaikwase, wamanima,iyenesi dinge sambo la ndenge eumesi ehoo ekpangele enge ekoaselaka mbai amene la Apolosi la olamu lanu pe la kole esu, ino oyekoleni ehele eyaseli, '' otikeni lihele oyeti sambo djinge edhingani'' laate mwesi mwesi la ino atikunde la elolo pe otiyeneni ate moto ndjoo ayeti moto ndjoo. ⁷Laate ndai osombonesi owe la odji? Ndema enge edjei owe la ehoo enge watihekeleli owe ohekele? Kaikwase inga wahekeli owe eho ohekele, nda ndenge ekoyaganaka owe nda watihali owe ohi?⁸Ino ogbetigani! woumigani wato wa ogumake! iso toti, ino amene opotigani oyamaleli pe ikoemele ate opoteni oyamaleli laate iso pe toyamalele ebete kikima la ino. ⁹Laate iyeni nda Mwengei alaleyi iso watoma la ebete egboo nda wato wango wabatani la loyi e logo. Laate toumia ema edhendake liwoso la moki, pe liwoso la wahumbwa pe liwoso la wato.¹⁰Iso todjei wikete la loyi e Kilisito; ase ino odjeini wato wa lokenge ndondo e Kilisito. iso togenakoli, ase ino odjeini la okulu. Ino odjeini la kombo ndamu, iso todjei la nsoni. ¹¹Tee la ehele engele enge todjei ndji tokookaka ndjala, pe alidji la posa e malia; la odjangi wisindje, pe obingamibingami, la odjangi ebete eyabatake.¹²Pe oeni odjidji la otomo enge tokokelaka la mawo masu amene. Ango wakotangakolaka iso, topambwake; ango wakotoeneseke odjidji tonangaka motema. ¹³Ango wakobitesaka lokumu lasu, toyakongake. Toumia nda onalili e mokii, ema enge etonani la witondo kpaa, tee sikalandjo.¹⁴Ikodhingaka dji sambo ndjo laate itiokeseni ino soni, ase la oyangatalanisi ino nda wana wa mbai wa libalano. ¹⁵Inga, te wodjeini la watiesakoli nkoto liomu ndondo e Kilisito, la omeemene otini la wasangbanu ngbii, laate ndondo e Yesu Kilisito mbai iwumia sangbanu la mboka e mboli ndamu. ¹⁶La eho, ikoyakongaka la ino ate owumeni wakongoli wa mbai.¹⁷Eho lenge ikootomelakani ino Timoteo laate adjei mana o mbai o libalano pe la omeemene ndondo e Likumu pe akoobundolelani ino ndenge e mbai e okeli la otomo e Yesu Kilisito, ndji la ndenge ikotiesakolaka wibete kpaa pe la masambo esi la esi. ¹⁸Wato weeti wakundji la elolo, nda ndenge itidja atie ino.¹⁹Ase mbuse ema masio makeke ikodja atie ino, inga Likumu abala. Pe itiluka ate iyewe wingbundu e wango wakokundaka la elolo, ase ndji okulu wowu. ²⁰Laate okumu wo Mwengei eti sambo dja oasi ase sambo e okulu. ²¹Obalini nde? Idjee atie ino la mote inga la libalano pe la elimo oyadjimbesi?

Chapter 5

¹Mboli eokani ate Pite edjei ndondo e ino, pe pite ehele ndenge etidjaaka te atie witondondo, ate molome mwesi amototia moli o sango. ²Pe otumisanini la elolo! oengalini nde odjei ndondo e magba, laate molome ongo akeli sambo djawo alongwe atie ino?³La mbai, inga te la wenge iti, ase la elimo idjei. Imosambesiga moto ongo okeli ndjongo, nda nde idjei ango. ⁴La kombo e Likumu lasu Yesu, ango okogbotononi ino, la elimo e mbai mongindji la okulu e Likumu lasu Yesu. ⁵Mohekeleni Satana moto eho laate moyeni monde mobitesane, pe ate molimo mokalesane la lisio e Likumu.⁶La kole enge ekoyaganaka ino eti olamu. Oewitini ate te ma lebile keke ekokundjisaka mogbuku e moteke? ⁷Longweseni lebile e gala, laate odjeni mogbuku mo holi e moteke, nda mosisa ekundesake moti ndondo e ino. Laate Kilisito eyeteli esu ahekelani mbeka. ⁸Totikele lipati laho, la lebile gala, la lebile e sambo mbe pe la ekaleli e mbe, ase la okoke eti la lebile e omeemene pe e olamu.⁹Iyodhingelini ino ekpata ate dheeni oboliani la wato wa pite.¹⁰Epoti oasi ate todhe oboliani la sambo kpaa e wato wa pite e mu moki inga wato wa litema la wango wakopwesaka, te la wayakongi e wilima. Inga ndjongo ewongi ate olongweni la moki.¹¹Sikalandjo idhingelini ino ate dheeni oboliani la moto kpaa ongo owelani manima, ongo odjei moto o pite, te moto o litema, la ongo okoyakongoko la wilima, la motangi la molangoyi o maana la ongo okopwesaka, otilakeni ebete kikima la ongo moto okokelaka djinge sambo.¹²Laate osambesi wato wa saa, edhendi mbai la nde? Ino otisambesakeni wato wa ndondo? ¹³Ango Mwengei akosambesaka wango wa saa. Molongosani moto mobe ndondo enu.

Chapter 6

¹Ndai ndondo enu, inga adja la nongo e manango nda ndenge eengi inde oongi omeemene atie wato wadjangi omeemene, ase te atie wasatu? ²Oyewitini ate wasatu nde wakotena sambo dja wato? Alidji inga edja ate ino wato wakosambesa moki, otiongeni nde osambesi sambo kekekeke? ³Oyewitini ate iso tokosambesa wahumbua? Ndjongo te nda ndenge etienga iso sambo dja mu mokalo?⁴Inga oengini osambesi sambo e mu mokalo, edjei wato wango wadendjiani la lingomba nde okowabatakani wasambesi? ⁵Iyasi ndjongo la ookesi ino soni. Meemene, moto mwesi o lokenge ati ndondo enu ongo okoenga osambesi ndondo e wamanango? ⁶Ase manango akokeeke la manango la osambi, pe eho liwoso la wato wadjangi ogemei!⁷La eho, meemene okwigani amene okwi la ndenge ekopundanakani ino la ino la osambi. Nda ndenge etigemeiyakani ino ate waokeleleni obe? Nda ndenge etiyadhelekeni ino laate waobubeni? ⁸Ase ino nde okowakelelaka wato sambo mbe pe owabubakoli, kaikoase wadjei wamangbanu!⁹Oyewitini ate wato wadjangi sambo ndamu wakotota lisango e okumu e Mwengei? Otiakoseni: edje te wato wa pite, te wato wango wakoyakongoko la wilima, te wato wa eteba, te wango wayakukoli wenge ate waume wali inga pele, te pele wango wakolangalaka la wiino wau pele, ¹⁰te wato wayiwa, te wato walitema, te walangoyi wa maana, wato wailiko, pe wapwesi iwo kpaa watitota lisango e Mwengei. ¹¹Kaikoase edjakali la wadji ndondo enu wadjakali la ndenge enge. Ase okpolonigani, ase osatisanigani, ase otolonigani wato wa sambo ndamu la kombo e Likumu lasu Yesu Kilisito pe la elimo e Mwengei osu.¹²''Sambo kpaa ehameli mbai,'' ase sambo kpaa etihaka kole.'' sambo kpaa ehameli mbai'', ase itidhee ema teeti edje la okumu likolo la mbai. ¹³''Wilaka wilakake edjei olamu la loyi dja solo, pe solo koto edjei olamu la loyi e wilaka wilakake,'' ase Mwengei akoebitesa kpaa. Wenge eti la loyi e pite, ase la loyi e Likumu, pe Likumu adjei la loyi e wenge.¹⁴Ase Mwengei amosusolali Likumu pe akotosusola iso la logo la okulu wonde. ¹⁵Oyewitini ate wenge djanu widjei wisuki dja wenge e Kilisito? La eho, ikolongosa nde wisuki wa wenge wa Kilisito pe iwumese eho wisuki wa wenge e moli o ndumba? Itikela ndjongo!¹⁶Oyewitini ate moto ongo owanesi wenge la moli o ndumba awumiga wenge kikima la inde? Laate, aasi ate: Iwo wale wakouma moyeni moikima. ¹⁷Ase moto ongo oyabondji la Likumu adjei elimo eesi la inde.¹⁸Tilani pite! Madji masumu kpaa makokelaka moto madjei saa e wenge wande, ase ongo okeli pite, akokelelaka wenge wande amene lisumu.¹⁹Otiyeweni ate wenge djanu widjei Tepelo e elimo satu enge edjei ndondo e ino, pe enge etotalini ino atie Mwengei? Otiyeweni ate otini wato la kole ino amene? ²⁰Laate osombamalini la motio mosungu. La eho, mohekeleni Mwengei otwa la wenge wanu.

Chapter 7

¹La loyi e sambo djinge idhingali ino: ''Edjei olamu moto o pele atimoike moli.'' ²Ase nda ndege pite iyandjani wiholo kpaa, molome mwesi adjee la moli onde moikima pe moli moikima adjee la molome onde moikima.³Ewongi ate moto pele amohekele moli onde libalano liongi la inde pe moli akele ndji ndjongo atie molome onde. ⁴Moli ati la okumu likolo la wenge wande amene, ase molome onde moto odjei la okumu. Ndenge kikima, motopele ati la okumu e wenge wande, ase moli onde moto odjei la okumu.⁵Otihumelaneni eho, longosa ndji inga ino wale ookanini la engele enge ebati ino. Laate oyaheleni la okili pe la oyakongi; mbuse wongwani ebete kikima. La mbangi ate Etota atiomekeni la odjangi oyatekesi wonu.⁶Iyasi ndjongo la oenesi ate eengi okelani, ase eti nda pui.⁷ Ibalali ate moto kpaa adje nda mbai. Ase moto la moto atoti likawo lande atie Mwengei, moto la moto la ndenge e inde.⁸La wango waikakiyo pe la wali wagweli pele, iyasi ate edjei olamu la iwo otikali nda mbai. ⁹ Ase inga watienge onangi motema, waike, laate eyeti olamu oiki la ebete ate ogue la ehoha.¹⁰Atie ino wango waikiga, ikoasaka, te mbai amene, ase Likumu osu, ate: Moli atikawane la molome onde. ¹¹Inga moli akawaniga la molome onde, atilingele kine leeti liwala, inga te ndjongo wawongele iwo la molome onde, pe molome atikawane la moli onde.¹²Ino wango waeti, ikoasaka ndjo, Mbai nde iyasi, ase te Likumu: inga mangbasu adja la moli ongo omogemeiti Mwengei, kaikoase moli oho agemei oyabati la inde, mangbasu oho atikawane la inde. ¹³Inga koto moli aikania la molome ongo omogemeiti Mwengei ase agemei oyabati la inde, atikawane la molome onde. ¹⁴La ndenge eho, molome ongo amogemeiti Mwengei akototaka mbano e osantu e moli onde, pe koto moli ongo amogemeiti Mwengei akototaka mbano e osatu e mangbasu o pele oho. Inga te ndjongo, wana wanu wakodja onalili, ase sikala ndjo wadjei wasatu.¹⁵Ase inga moto ongo omogemeiti Mwengei akolukaka okawani, akawane. Mangbasu o pele inga o moli ati la wotuke la loyi laho, ase Mwengei aowelini ino la logoo. ¹⁶Laate, moli, nda ndenge eyewi owe inga otikalesa molome o owe? Te, molome, nda ndenge oyewi inga otimokalesa moli o owe?¹⁷Loyi liesi saa, ndenge Likumu ahekeli moto la moto likawo, moto la moto asombe la ndenge enge Mwengei amoweli inde. Ndenge eho nde ikotiesakolaka la mangomba kpaa. ¹⁸Moto awelanali nde atenanali kombeni? Atiwume moto ongo otenani kombeni. Moto awelanali nde atitenanali kombeni? Atitenanali kombeni. ¹⁹Otenani kombeni eti la ema, pe odjangi otenani kombeni eti koto la ema, ase ema edjei la kole nde otemei pui dja Mwengei.²⁰Moto la moto atikale la ndenge edjei inde engele Mwengei amowelali inde. ²¹Odjakali motuke ango ewelanali owe? otiyatungese la loyi laho, ase inga pe oengi owumi la lipanda, hela nano eho. ²²Laate moto kpaa ndondo e Likumu ongo owelanali ango edjakali inde motuke, adjei mosombani e Likumu. Ndenge kikima pe moto ongo owelanali ango edjei inde la lipanda adjei motuke mo Kilisito. ²³Osombanalini la motio mosungu: Otiwumeni tuke dja wato.²⁴Wamanima, moto la moto atikale atie Mwengei ndenge ewelanali inde, abanye ookani wonde mongindji la Mwengei.²⁵La enge edhendji seka, iti la pui ehake enge edji atie Likumu, ase ihekeli ndenge eeni mbai, nda moto ongo Likumu akomookelaka magba laate adje meemene. ²⁶La eho, ieni lu loyi eedjei olamu, la odhendeli minga minge midjei ahala atie iso, ate edjei olamu ate moto atikale ndenge edjei inde.²⁷Ohelani la moli mwesi? Otiluke okatoli libalano laho. Ohelaniti la moli mwesi? Otiluke ndenge eikake moli. ²⁸Inga oika, okeliti lisumu, inga koto moseka aikia akeliti lisumu. Kaikoase, wango wakoikaka wakoene odjidji ndondo e moyeni mowu, ase mbai ibaliti ate wungo loyi eowumeleni ino.²⁹Ase enge ebali mbai oasi, wamanima: Engele edjei ekwe. Eho lenge wango wadjei la wali wadje nda wato wango wati la wali. ³⁰Alidji wango wakolelaka wadje nda wango waleliti, wango wadjei la mwemu nda wango wati la mwemu, wango wakosombaka nda wango wati la ema teeti. ³¹Pe wango wakoemelaka la moki nda wango watiemelaka la moki, laate sambo dja mu moki ekoyakukolaka.³²Kaiko, ikobala ate otiyasumbweni. Molome ongo oikiti akoyasumbwaka la sambo dja Likumu, ndenge aengi ogemeiyani la Likumu. ³³Ase molome ongo oiki moli akoyasumbwaka la sambo dja moki, ndenge aengi ogemeiyani la moli onde- ³⁴akawani. Alidji, moli ongo oikakiyo, pe moseka, ayasumbwe la sambo dja Likumu, laate adje mosatu la wenge pe la elimo. Kaikoase moli ongo oikiga akoyasumbwe la sambo dja moki, ndenge aengi ogemeiyani la molome onde.³⁵Iyasi dji sambo la olamu wonu amene, laate itiobatani moliki la kingo. laate iyokpaleni ino la enge ewongi pe la enge eenesi omokeleli Likumu otomo engele kpaa, odjangi obati mamungwene la djeeti sambo.³⁶INga moto aene ate akokelelaka wose wonde obe, inga inde aetesa ema e lipoteli e wolenge, pe inga eengi okelani ndjongo, akele enge ebali inde. Akeliti lisumu. Waikane la iwo. ³⁷ Ase inga moto ongo oyaheli la motemma monde, wamotomiti la otetelake, ase la ndenge ende amene, pe inga atota mwano inde amene ate ayabate likombe akeli olamu. ³⁸Ongo oikani la wose wonde, akeli olamu, ongo oikaniti la wose wonde akeli olamu oyeti.³⁹Moli anangani la molome onde ango edjei yo inde la mokalo. Ase inga molome agua, akotikala ohola pe aengi oyikani la molome ongo okobala inde. Ase ndji ndondo e Likumu. ⁴⁰La mamungwene ma mbai, akodja la mwemu ngbii oyeti inga atikala ndenge edjei inde. Imungoyi ate mbai pe idjei la elimo e Mwengei

Chapter 8

¹La sambo djinge idhengi nama ndjinge ihekeli iwo la oyakongi e wilima: Toewi ate iso kpaa todjei la oyewi. Oyewi ekokundesaka la elolo, ase libalano likomaanaka. ²Inga moto ayewa ema esi, ayewakiyo eho ndenge eengi inde oyewi ema eho. ³Ase inga moto akomobalaka Mwengei, moto oho ayewani la inde.⁴La loyi elalakake nama djinge wihaani la oyangongi e wilima: Toewi ate elima eti ema la moki, pe ate Mwengei adjei moikima. ⁵Laate edjei la wato wango wawelani wamwengei, edje likole te la mbume, ndenge wamwengei wadjei ngbii pe makumu wadjei ngbii, ⁶La iso, todjei la Mwengei muesi, inde Wawa, ongo wiho kpaa widji la inde, pe koto Likumu adjei muesi, Yesu Kilisito, ongo wiho kpaa widjei, pe iso tokokalaka.⁷Kaikoase, oewitini enge edjei la wato kpaa. Ase wadji, nda ehahani iwo la elima tee sikala, wakolakaka wilaka nda ema enge ehani mbeka la elima. Pe lokenge wowu nda eteteliti eho eumia onalili.⁸Ase ema elakake etiohani ino mogano la maiso ma Mwengei. Inga totilake, totidjanga ema, pe inga tolaka, totitota pe kole teeti. ⁹Ase angatalani laate edje te nda ndenge otomo wonu etiwume ekikimi ekoesake wango wadjei la olembi. ¹⁰Laate inga moto aowene owe, owe moto ongo odjei la oyewi, oyabatia la olaki la tepelo eesi ndjo e wilaka, oyewi e moto oho ongo odjei la olembi etihana egalela tee olaki wilaka winge wihani la wilima?¹¹Meemene la oyewi e owe, moto ongo olembi, akobitanaka, mangua ongo Kilisito amoguelali. ¹²Ango ekowakelelakani ino wamangbanu lisumu e ndenge enge, pe olongoli oyewi wou enge eteteliti, okomokelelakani Kilisito lisumu, ¹³La eho, inga ema elakake ekobingesaka manima ekikimi, itilaka kine moyeni mo nama te makeke, laate itimobingese manima ekikimi.

Chapter 9

¹Itidjee la lipanda? iti toma? Itimwenali Yesu Likumu lasu? Ino otdjeeni otomo wo mbai ndondo e Likumu? ²Inga atie weeti wato itidjee toma, idjei pendja ndjongo atie e ino. Laate odjeini olombo e otutiani wo mbai ndondo e likumu.³Osambi wo mbai atie wango wakokambaka mbai eho lele: ⁴Etitohekelane olaki la okengi? ⁵Etitohekelane alidji okpali mongindji la iso mangbasu o moli muesi nda moli ongo omoyiki iso, ndenge wadji watoma pe wamanango wa Likumu pe Kepa wakokelaka eho? ⁶Tango eeti, edjei ndji mbai la Balanabasi nde totienge okeli otomo e woyeni?⁷Ndai okokelaka otomo o soda pe akoyaputaka inde amene? Ndai ongo okoonaka elanga e bino pe atilakaka pukapuka djaho? Pe ndai ongo okobanyaka meme odjangi okengi mawele maho? ⁸Dji sambo eyasi mbai, etidjaka la ekeleli e wato? Pe pui etiaselaka pe djinge sambo?⁹Laate edhingani la pui e Moize, '' eengiti la owe onangi meme monoko ango ekotaunaka inde pukapuka''. Mwengei akobatelaka mpe meme motema? ¹⁰Inga koto edjei nde la loyi wosu nde akoasaka eho? Meemene edjei la loyi wosu nde eho edhingani, laate moto ongo okotiaka elanga ewongi la inde oti elanga la mwano pe ongo okotangakolaka pukapuka ewongi la inde okeli ndjongo la mwano etotake ndambo ende. ¹¹Inga toona atie ino wilaka wa elimo, edjei nde loyi losungu inga tobuka atie ino wiho wa wengé?¹²Inga weeti wato waokalelaka eho atie ino, iso toengiti okaleli eho oyeti? Inga te ndjongo totikelelake otomo oho, ase tokohelaka nde motema la dji sambo kpaa laate totidhihe mboka la mboli ndami e kilisito. ¹³Otiyeweni ate wango wakokelaka sambo mosatu, wakolakaka wilaka e tepeto, la wango wakokelaka la etumbeli wadjei la ndambo ewu la etumbeli? ¹⁴Ndenge kikima pe, Likumu ahali wango wakotiesakolaka mboli ndamu mboka ate wakalele pe mboli ndamu.¹⁵Ase mbai itikelelali dji sambo. Meemene, inga idhingi dji sambo etidje ate edje djongo atie mbai. Ekoeta nde olamu ate igue la ebete ate-moto tueti aumese pamba kole enge ekoyaganaka mbai. ¹⁶Inga ikotiesakolaka mboli ndamu, eti la loyi e mbai kole eyaganake, laate edjei nde mokpali mungo wabati likolo la mbai. Pe magba la mbai inga ititiesakole mboli ndamu!¹⁷Inga ikokelaka eho la motema molamu, idjei la liputi. Ase inga itikelaka eho la motema molamu, ndjongo enge mokpali moyamaleli mbai. ¹⁸Liputi la mbai edjei nde? Edjei ohi pamba mboli ndamu enge ekotiesakolaka mbai; laate itikelele la ndenge mbe wotomo wo mbai ndondo e mboli ndamu.¹⁹laate, inga te ate idjei la lipanda atie wato kpaa, iyakeli mutuke mo wato kpaa, laate itote wato ngbii oyeti. ²⁰Pe la ndenge eho atie Wayuda, idjali nda Moyuda laate itote Wayuda. Atie wango wadjei sese e pui, iwumali nda ongo odjei sese e pui, inga te ate mbai amene itidjali sese e pui. Laate iwatote wango wadjei sese e pui.²¹Atie wango wadjangi pui, iwumali nda idjangi pui, te ndenge itidjange pui atie Mwengei, ase idjei la sese e pui atie Kilisito, laate ienge ototi wango wadjangi pui. ²²Ilembeli, la wango walembi, laate itote wango walembi. iwumali ndenge e wato kpaa, laate inga la nda ndenge ikalese wato kpaa. ²³Ikokelaka ndjongo la loyi e mboli ndamu, laate itiesakole eho mongindji la wadji.²⁴Otiyeweni wango wakotikalaka obangu la iyoka e otili obangu, wakotilaka obangu iwo kpaa ase mwesi nde akotota mbano? Tilani la ndenge etotake mbano. ²⁵Alidji, moto kpaa ongo okoyaboliaka la momekano, akoyatekisaka la sambo kpaa. Alidji wakokelaka ndjongo laate watote sapo enge ekohola. Ase iso tokele ndjongo la ototi sapo enge etiholo. ²⁶Mbai, ikotilaka obangu, eti nda iyoka, ikobingaka wibotu, eti nda ekobingaka ehoho. ²⁷Ase ikobingakolaka wenge wa mbai, pe owumesi eho nda motuke, laate mbuse e otiesakoli wadji, mbai amene itiatonese.

Chapter 10

¹Wamanima, etibale ino owosaneni ate wasangbasu wadjakali iwo kpaa sese e lipata, pe iwo kpaa wa ngbandali ewale esungu. ²Wapatali iwo kpaa ndondo e Moize la mboka e lipata laho aleeti la ewale esungu, ³iwo kpaa walakali ilaka e elimo. ⁴Aleeti iwo kpaa wakengali malia ma elimo. La ebili ate wakengali la libukeli e elimo enge edjakali owabilei, pe libukeli laho edjali Kilisito.⁵Ase ngbii ndondo e iwo watidjali olamu la mayiso ma Mwengei, wagwali la esobe. ⁶Djii sambo ewumia ekpangele esu, laate iso totidje wato wango wakodjaaka la ehoha e sambo mbe.⁷Otiwumeni wayakongi e wilima, nda wadji la iwo, ndji ndenge edhingani ate: Wato wayabatali olaki la okengi, wayamalali la iyoka. ⁸Totiyahekeleni la pite, ndenge wadji la iwo wakelali pite, pe wakuali, koto tuku iwale la isato la lisio liesi.⁹Totimomekeni Kilisito, nda e momekali wadji la iwo, pe wagwali la ndjo. ¹⁰Otidjeni pe wato wango wabali ondungwani, nda wadji la iwo wandungwanali, pe waolanali la mooli.¹¹Djinge sambo ewawumelali laate etoinye nda ekpangele, aleeli edhinganali laate etotiesakole iso wango towumi gboo e ma masiyo. ¹²Ndjongo, ongo oyewi ate ayamali likolo angatale laate atikwe. ¹³Omekani teeti eowumelini ino enge etiwumelaka wato kpaa. aleeti Mwengei, ongo otiakukolaka, aengiti ohekeli mboka laate omekani eyete wokulu wonu, ase la mboka e omekani akowongela koto mboka e opumbi, laate oengeni oheleli eho motema.¹⁴La ndjongo, wamanima wa libalano, tilani oyakongi e wilima. ¹⁵Ikoasaka nda wato wango walokenge, ino amene yadhendani la enge eyasi mbai. ¹⁶Kopo e lipamboli enge ekopambwaka iso, einyeiti oboleyani la makila ma Kilisito? okoke enge ekobukaka iso, eyinyeiti oboleyani la wange wa Klisito? ¹⁷Laate ango okoke edjei sa eesi, iso nda edjei iso ngbii, tokeli wenge eesi, laate tokolakaka iso kpaa ndji enge okoke eesi.¹⁸Dhendani Isalayele e wenge. wango walakali nama djinge ihekelanali la wambeka watiboleyanali la etumbeli? ¹⁹Iyase woni? mweni mungo mohani mbeka e elima, edjei ema? Inga pe elima edjei ema?²⁰Ase iyasi nde ate wiho winge witondo wakohaka mbeka, wakohaka eho la mindjili, ase te atie Mwengei, pe mbai ibaliti ate ino oboleyaneni la mindjili. ²¹Oengitinini okengi kopo e Likumu, aleeti kopo e mindjili, oengitini olaki la meza e Likumu, aleeti la meza e mindjili. ²²Tobalini oluki limemu e Likumu? Todjei la okulu omweniti?²³Sambo kpaa ehani mboka, ase eti sambo kpaa nde edjei la okele. Sambo kpaa ehani mboka, ase te sambo kpaa nde ekokalesaka. ²⁴Moto tweti atiluke liputi lande amene, ase moto la moto aluke enge e miino onde.²⁵Lakani enge kpaa wakotambaka la liho, te la oyahueli la oyewi wunu. ²⁶Laate mbume edjei e Likumu, la enge kpaa edjei ndondo eho. ²⁷Inga moto ongo otigemeiye aowela, inga obali oki, laka enge kpaa wakoha, te la oyahueli la oyewi.²⁸Ase inga moto mwesi aasa la ino ate, ''ehele edjei ema ehani mbeka,'' otilakeni eho, la loyi e moto ongo oenesi eho pe la loyi e oyewi. ²⁹Iyasi oyewi, te enge e owe amene, ase enge e moto odji. Laate, nda kole lipanda la mbai esambesane la oyewi e moto odji? ³⁰Inga ikolakaka la pambo, ndjoni waasele mbai obe la ema enge ihekeli pambo la loyi eho?³¹La eho, edje okolakakani inga okengi inga okeli nda ema edji, kelakani sambo kpaa la loyi e otwa wo Mwengei. ³²Huakani ate otiwumeni wato wango wakobingesaka Wayuda la Wageleki koto lingomba e Mwengei ekikimi. ³³Ndenge mbai pe ikoemeleseke wato kpaa la sambo kpaa, itilukaka kole e mbai amene ase enge e wato ngbii, laate iwo wakale.

Chapter 11

¹Djaani wakongoli wa mbai, ndenge mbai koto edjei mokongoli mo Kilisito. ²Itioganakani ino pamba, ase la sambo kpaa okobundwakani mbai pe okonanganakani la ekaleli ndji ndenge iyohalini eho. ³Ibali oyeweni ate likumu e molome edjei Kilisito, pe likumu e moli edjei molome, pe likumu e Kilisito edjei Mwengei. ⁴Molome kpaa ongo akoyakongaka inga otiesakoli adhihi moto atimoganaka likumu lande.⁵Ase moli kpaa ongo akoyakongaka inga otiesakoli adhihiti moto, atimoganaka likumu lande. Eho edjei nda akokoli suwe djande. ⁶Laate, inga moli atiyadhihe moto, akokole koto suwe. Ase inga edjei soni la moli okokoli suwe inga oteni suwe, ayadhihe.⁷Laate molome aengiti odhihi moto, laate adjei elima koto otwa e Mwengei. Ase moli adjei otwa e molome. ⁸Laate molome atilongwali atie moli, ase moli alongwali atie molome.⁹Alidji molome atikelanali la kole e moli. Ase moli akelanali la kole e molome. ¹⁰Eho lenge moli aengi odjei la elembeteli e okumu la moto monde la loyi e waahumbwa.¹¹La enge kpaa, ndondo e Likumu, moli aengiti odjei inga te la mboka e molome, ndenge kikima pe molome aengiti odjei inga te la mboka e moli. ¹²Laate, ndenge moli alongwali atie molome, ndenge kikima pe molome adjali la mboka e moli. Ase wiho kpaa wilongoyi atie Mwengei.¹³Dhendani ino amene: edjei olamu moli ayakonge la Mwengei odjangi odhihi moto? ¹⁴Moki muho amene motiotiesakolakani ino ate inga molome adja la suwe ndai, edjei soni la inde? ¹⁵Ase inga moli adja la suwe ndai, edjei otwa la inde? La ebili ate wamohate suwe la odhihi moto. ¹⁶Inga moto mwesi abali otoni, toti la enge ekalali, te mangomba ma Mwengei mati la eho.¹⁷Ase ango ekoaselakani mbai ino dji sambo, itioganakani. Laate oyabati wungo ekoyabatakani ino eti la loyi ate owumeni olamu, ase la loyi ate owumeni obe. ¹⁸Laate liwoso, ango ekoyabatakani ino eholo kikima, ikookaka ate okawani edjei ndondo e ino, pe ikogemeiyaka ma keke ate edjei ndjongo. ¹⁹Laate ewongi pe ate okawani keke keke edjei ndondo e ino, laate wato wango wagemeiyani waenane koto la hoho ndondo e ino.²⁰Eho lenge, ango endongbaniani ino ebete ekikima, iti la olaki wilaka wa olangali wo use e Likumu, ²¹Laate, ango ekolakakani ino eho, moto la moto akolakakayo liwoso wilaka wande e olangali wo use, ase odji adjei la ndjala, ase odji alangwe maana. ²²Otini la minguta la olaki pe okengi? Inga okodendjiakani lingomba e Mwengei, alidji okookesi wango wadjangi soni? Iyowaseleni woni? Iyoganeni? La wungo loyi iengiti o oganini ino.²³Laate mbai itotali atie Likumu wungo loyi ihali pe la ino, ate Likumu Yesu, la ehele likolo ewongoli la inde okawani, atotali okoke. ²⁴Pe mbuse e ohi Mwengei pambo, abukali eho pe aasali ate: Totani, lakani. Ehele edjei wenge wa mbai enge ebukani la loyi e ino. Kelakani ndjongo la osumboyi mbai.²⁵Ndenge kikima, mbuse e olaki, ototia etutu, alidji aasia: elale kopo edjei e wuma eholi e makila ma mbai. Kelani ndjo la osumboyi mbai masiyonkpaa ekokengani ino. ²⁶Laate mbala kpaa enge ekolakakani ino ehele okoke la okengi ehele etutu, okotiesakolakani logo wo Likumu, tee ango ekowongwa inde.²⁷La ndjongo, moto ongo okolaka okoke inga okengi ehele etutu e likumu la ndenge enge ewongiti, adjei la huko la loyi e wenge pe la makila ma Likumu. ²⁸Moto la moto ayagemeiyese ate awongi mbuse e ayadhendji olamu inde amene, pe la ndenge eho, alake okoke alidji akenge etutu eho. ²⁹Laate moto ongo akolakaka inga akokengaka la ndenge mbe, te ate ayewe olamu wenge wa Likumu, akolakaka inga akokengaka huko wonde amene. ³⁰Eho lenge, ngbii ndondo e ino wadjei la wileme, la wikoni, alidji ngbii wagbakani.³¹Inga toyaewigani ndenge edjei iso, totisambesana. ³²Ase, ango esambesaniya iso, edjei Likumu nde akotonanola iso, laate totikpe mongindji la moki.³³La ndjongo, wamanima wa mbai, ango eyaabatini ino la olaki eho, okanani weesi la weesi. ³⁴Inga moto adjei la ndjala, alake ebete ende, laate otiyabondeni la loyi e osambesani. Alidji sambo djinge itikali ikowongele eho ango ekowuma mbai.

Chapter 12

¹Wamanima la djinge idhengi likao e elimo, ibaliti ate odjangeni oyewi. ²Oewini ate, ango odjakalini ino wapagano, odjakalini ayadheli oki la ino la wilima winge witikpomaka, ndji ndenge edjakali ino okpalani. ³Ndjongo, ibali oyeweni ate, moto tueti inga akoasaka la mboka e elimo e Mwengei atiasa ate: Yesu abumakolani! Alidji moto tueti atiasa ate: Yesu adjei Likumu, inga te la mboka e elimo satu.⁴Kaikonde makao madjei ndenge la ndenge, ase Elimo edjei ekikima. ⁵Tomo egamesake wato idjei ndenge la ndenge, ase Likumu adjei moikima; ⁶Tomo idjei ndenge la ndenge, ase Mwengei moikima, ongo okokelaka djinge tomo kpaa ndondo e wato kpaa.⁷Kaikonde, Elimo ekweneneke atie moto la moto la loyi e kole esi ndjo. ⁸Laate eyaseli e lokenge ehekelani atie odji la mboka e elimo, eyaseli e oewi atie odji la obilei ndji Elimo eho.⁹La odji, ogemei la mboka ndji e Elimo eho, atie odji makao makalesake la mboka ndji e Elimo eho. ¹⁰La odji koto okeli tomo tetelake, atie odji matiesakoli, atie odji oyewi kole e wingbundu winge widji la Elimo, atie odji minoko ndenge la ndenge, atie odji olimboli minoko. ¹¹Ase tomo djiesi kpaa, Elimo ndji esi eho nde ekokelaka, ekokawelaka moto la moto ndenge nda ebali eho.¹²Ndji nda edjei wenge wikima, ase la wisuki ngbii, pe la wisuki kpaa e wenge waho, inga te ate ekodjaka ngbii, edjei wenge sa esi, Kilisito adjei ndji ndjongo. ¹³Laate, la omeemene, la mboka e Elimo sa esi iso kpaa topatali la wenge sa esi, Wayuda inga Wageleki, tuke la wango wa lipanda, watokengesali iso kpaa Elimo sa esi.¹⁴Laate wenge witi sa esuki eikima, ase wikelani la wisuki ngbii. ¹⁵Inga ekolo easa ate, '' la loyi eti mbai ewo iti esuki e wenge, eti la ndenge eho nde ekodhee odjei esuki e wenge.'' ¹⁶Inga litoi liasa ate,'' la loyi eti mbai liso, iti pe esuki e ewenge,'' eti la loyi laho nde ekodhee odjei esuki e wenge. ¹⁷Inga wenge kpaa edjakali liso, ooki eengali odjei eni? Inga wenge kpaa edjekali litoi, ooki lumba eengali odjei eni?¹⁸Ase sikala Mwengei abati wisuki wa wenge waho, wesi la wesi eho, nda ebali inde. ¹⁹Inga waho kpaa widjakisa esuki eikima, nda wenge wilukaki ate widjee eni? ²⁰Sika wisuki wa wenge widjei ngbii, ase wenge sa wikikima.²¹Liso litiasa la ewo ate, ''Iti la ehoha e owe.'' Te moto mwase la makolo ate, ''Iti la ehoha enu.'' ²²Ase wisuku wa wenge winge wikoeneneke ate wilembi, wiho nde widjei la kole esungu, ²³ase, wisuki wa wenge winge wikweneke iso ate widjei la mogano mokeke tokowitemiaka waho ngbii eyeti, pe la ndenge eho, wisuki wasu wa soni, wikowongoko ngbii oyeti. ²⁴Sikala wisuki wasu winge widjei wilamu witidjaaka la ehoha e ema teeti. Inga te ndjongo, Mwengei awanesali wisuki wa wenge, ahekelia mogano ngbii la esuki enge edjakali eho odjangi.²⁵Okawani oti ndondo e wenge laate wenge edjei ekikima la wisuki ngbii. ²⁶Ase inga esuki esi ekookaka ekoni, wisuki kpaa wa wenge wikooka ekoni mongindji la eho; te inga esuki esi edja la mogano, wisuki kpaa koto wikoemele mongindji la eho. ²⁷Ino odjeini wenge wa Kilisito ase odjeini wisuki wande, ino kpaa, mwesi la mwesi odjeini wisuki.²⁸Ase Mwengei awabati wato ndondo e lingomba, liwoso watoma, e wale waaseli, esato watiesakoli, mbuse eho sambo kamwesake, mbuse eho makao makalesake, sambo gamesake sungu, oinyei, oasi minoko ndenge la ndenge. ²⁹Iwo kpaa wadjei watoma? Iwo kpaa wadjei waaseli? Iwo kpaa wadjei watiesakoli? Iwo kpaa wakokelaka sambo kamwesake?³⁰Iwo kpaa wadjei la makao makalesake? Iwo kpaa wakokpomaka minoko ndenge la ndenge? Iwo kpaa wakokukolaka minoko? ³¹Lukani la egalela makao mango mayeti olamu. Kaikoase ibali oinyei ino mboka enge eyeti kpaa.

Chapter 13

¹Inga ikokpomaka la minoko ma wato te e waahumbwa. Ase inga itidjee la libalano, idjei nda esuki e engbongolo enge edjangi ema ndondo te nda ngelengele enge ekobingaka iwo. ²Ase, inga idjei la likao e witiesakoli pe iyewi koto sambo eyaisake esatu kpaa, pe iyewi sambo kpaa, la inga idjei la ogemei wosungu wungo oengi olongosi te mikoli. Ase inga itidjee la libalano iti ema. ³Inga iwakawela wato wango wadjangi wilaka, inga ikawa wenge wambai ate, laaate iyagane, inga itidjee la libalano, ase ogemei wo mbai woti la ema.⁴Libalano lidjei la motema molai lidjéi la wouma. Libalano liti la zua, litiaganaka, litiahutoesaka la elolo ⁵litikelaka sambo dja soni, litilukaka ototi la oeteli, litihaka limemu, litiisaka limemu. Litiisaka sambo mbe la motema. ⁶Litiemeleke la sambo djinge idjangi womeemene, ase ibali sambo djinge idjei meemene. ⁷Likolimbesaka kpaa, likogemeiyaka sambo kpaa, edjei la mwano la sambo kpaa, ekodjaaka la mohandja e sambo kpaa.⁸Libalano litisilaka te keke. Inga edjaa sambo djinge iyaisi ikosila, edje minoko, ekosuka, edje oewi, wokosalamata. ⁹Laate todjei la woewi wokeke, ase tokwasaka sambo iyaisi la wokeke. ¹⁰Ango ekodja ema enge edjei kpaa, enge ekeke ekosalamata.¹¹Ango odjakali mbai mana mokeke, idjakali okpomi nda mana mokeke, idjakali omungoi nda mana mokeke, ango oumia mbai eloko moto iwosania djinge dja wolenge. ¹²La keke tokweneke ma pii, la talatala, ase tokoene maiso la maiso. La keke iyewi ma ndambo, ase ikoewa olamu, ndji ndenge eyewani mbai. ¹³Sikahala wi wiho wisato witikali: ogemei, mwano la libalano. Ase enge eyeti kpaa edjei libalano.

Chapter 14

¹Lukani libalano, lukani la egalala makao ma elimo, ase la oyeteli enge etiesakolake. ²Laate moto ongo okwasaka la monoko mwesi ndjo, aasiti la wato, ase la Mwengei. Laate moto atioka, ase akwasaka wasekele esatu la mboka e elimo. ³Kaiko nde moto ongo okotiesakolaka, akomaaka koto la ohi mohandja koto la ohekeli egalela.⁴Moto ongo okoasaka la monoko mwesi ndjo, akoyamaaka inde amene, ase ongo okotiesakolaka, akomaaka lingomba.⁵Ikoemele inga ino kpaa oasani la minoko madji, ase ibali pendja ate otiesakoleni. Moto ongo okotiesakolaka amweti ongo okwasaka la minoko madji, longosa ndji inga akukola eho laate Lingomba limaame. ⁶Ase sikahala, wamanima inga iyasa la ino minoko madji, ikookelelani ino nde inga itiase la eeneseli inga te la wewi, inga te etiesakoli, inga te la litio liesi ndjo?⁷Inga winge widjangi ohatiani, wikoumesaka moli, nda mweka, te esandjo inga etietesane nda ndenge ema enge ekobinganaka la mweka inga te esandjo ekwewana? ⁸Ase inga lihili litiwumese sambo la hoho, ndai okoawongele la wita? ⁹Ndindjongo pe inga ino, la mboka e wolemi, okoumesakani sambo djinge iti petee la ohelesi gbondo, nda ndenge ekwewana sambo djinge iyasani? Meemene okwasani nde la ehoho.¹⁰Eengi odjei ate ndenge easake edjei ngbii la moki, ase ndenge teeti edjangi olumbolani. ¹¹Ase inga itiewe gbondo e loi wungo oasani, ikodjaa modjidji la maiso ma moto ongo okwasaka, koto moto ongo okoasaka akodjaa modjidji la maiso ma mbai.¹²Ndji nda ino, nda edjei ino la ehoha e makao ma elimo, lukani otumeni la eho, laate lingomba limaame. ¹³La ndjongo, moto ongo okwasaka la monoko mwesi ndjo, akonge laate aenge okukoli eho. ¹⁴Laate inga ikoyakongoko la monoko mwesi ndjo, edjei likao la mbai e elimo nde ekoyakongoko, ase lomungo wo mbai woti ema teeti.¹⁵Ekelane woni? Ikoyakongo la likao e elimo, ase ikoyakongo koto la mamungwene ma mbai. Ikolemba lembo dja oemeli la likao e elimo, ase ikolemba koto lembo e oemeli e mamungwene ma mbai. ¹⁶Inga edjei ndjongo, inga okohekeleke mwemu la likao liesi ndjo e elimo, nda ndenge moto ongo oyabati la ebete e moto mpamba akoasa ''Amen'' la mwemu ma owe, nda atiewe sambo djinge ikoasaka owe?¹⁷Okowongosaka pambo la ndenge ndamu, ase odji amaaniti. ¹⁸ Ikomowongoselaka Mwengei pambo nda ekwasaka mbai la minoko oleki ino kpaa. ¹⁹Ase, la ndondo e lingomba ikoemele nde oasi wingbundu itano la lokenge wo mbai, laate ienge koto oinyei wadji la monoko moholi e wingbundu koto liomu la monoko mwesi ndjo.²⁰Wamanima, otidjakeni wana la ndenge e okpomi, ase djaani wana la obe. Kaikonde djaani wiloko wato la ndenge e okpomi. ²¹Edhingani la Pui ate, ''Ikwasa la waa wato la minoko ma wadjidji, koto la wingbundu e wadjidji, ase te ndjongo watondjoka mbai, ndjongo eyasi Likumu.²²La ndjongo, oasi la minoko madji edjei elembo, te atie wagemei. Ase atie wango wati la ogemei, kaiko nde otiesakoli wodjei atie wato wango wadjangiti ogemei, ase atie wato wango wadjei la ogemei. ²³La ndjongo, inga lingomba liesi kpaa liabolia ebete eikima, ase iwo kpaa wakokpomaka la minoko madji, ase wato pamba te wato wango wadjangi ogemei walingelia ndondo, watoasa ate ino odjeini la ekoni e boli?²⁴Ase inga ino kpaa okotiesakolaka ase moto mwesi ongo oti la ogemei, te moto mpamba alingelia, apamelania la wato kpaa, adhendelania olamu la wato kpaa. ²⁵Wasekele dja motema monde eenania la hoho, ndjongo akokua la panda ende, koto akoyakongo la Mwengei, akoasa: Mwengei adjei ndondo enu.²⁶Tokele woni, wamanima? Ango obolianiani ebete eikima, mwesi adjei la lembo esi ndjo, odji adjei la litio liesi ndjo, odji adjei la eeneseli esi ndjo, odji adjei la monoko mwesi ndjo, odji adjei la olumboli esi ndjo. Sambo kpaa ikelana la omaani. ²⁷Inga moto akwasaka la monoko mwesi ndjo, esuke la wango wale te wasato, pe moto la moto la mokombe monde, pe moto mwesi akukole. ²⁸Ase inga moto ongo okukolake monoko ati, moto oho adake bi la lingomba, pe aase la inde amene koto la Mwengei.²⁹Alidji, watiesakoli wale te wasato waase, ase wango wadji wadhenge wolamu wolamu.³⁰Ase inga eeneseli esi edja atie moto odji engele oyabati inde ango, ongo o liwoso adhike monoko.³¹Laate ino kpaa oengini otiesakoli moto la moto la ngala ende, la ebili ate wato kpaa wapundesane koto wato kpaa wadje la mohandja. ³²Laate makao ma elimo e watiesakoli ewongi otekisani ndji la watiesakoli. ³³Laate Mwengei ati Mwengei o ewodje, ase o logoo. Nda la Mangomba ma wasatu kpaa.³⁴Wali wadake bi la mangomba, laate watiwahe mboka eyasake, ase wayatitimese nda eyasi pui. ³⁵Inga wabali oewi loi wesi ndjo, wawahuele walome wau la monguta, laate edjei osambo moli aase la lingomba. ³⁶Edjei nde atie enu engbundu e Mwengei epumbali? Inga ndji atie ino nde eho eumali?³⁷Inga moto mwesi agemeiya ate adjei motiesakoli, te akondji likao e elimo, agemeiye sambo djinge ikoodhingelakani ino, laate edjei pui e Likumu. ³⁸Ase inga moto mwesi adjangia oyewi, atikale sa ndjongo.³⁹La ndjongo, wamanima, lukani la egalala witiesakoli, ase woitekesakeni eyaseli e minoko madji. ⁴⁰Ase sambo kpaa ikelane la ndenge e mogano koto la ekalakala.

Chapter 15

¹Sika ndjo wamanima ikoaselakani ino mboli ndamu enge ewaselalini mbai, enge ekondjali ino, enge ndondo eho oyamaliani, ²enge ndondo eho koto okaligani, la wingbunu winge iyotiesakolalini ino mboli ndamu, inga okoyahelelakani la eho, inga te ndjongo ogemei wonu woti la kole.³Iyopundesalini ino liwoso la sambo kpaa mapundesi mango makondjali mbai amene, ate Kilisito agwali la loi e masumu masu la odhendeli Madhingo, ⁴alidji aombanali, ase inde asusuali mbuse e masio masato la odhendeli madhingo.⁵Inde amopumbelali Kepa, la mbuse eho watutiani wande liomu la wale. ⁶Mbuse eho, awapumbelali wamaangbasu wadji oyeti kama itano mbala kikima. Wango ngbii djawu wadjei yo tee sikandjo, ase wadji waguali gaa. ⁷Mbuse eho amopumbelali Yakobo, koto mbuse watutiani kpaa.⁸La gboo, mbuse ewu kpaa andjumelali mbai koto, nda atie mana ongo owotami mangombe. ⁹Laate mbai idjei mokeke owaleki watutiani kpaa. Iyengiti koto owelani motutiani, la ebili ate iyeneseli lingomba la Mwengei wodjidji.¹⁰Ase la loyi e magba ma Mwengei, idjei ndji nda edjei mbai. Koto magba mango mabatali inde atie mbai etikeeli pamba, ase ikelali wotomu owaeti watutiani wadji kpaa. Kaikoase eti mbai, ase magba ma Mwengei mango madjei la mbai mongindji nde makokelaka.¹¹Nde ndjongo inga te loi wolongwa atie mbai, inga te wolongwa atie wu loi wungo wokoasaka iso wodjei wungo wogemeiyali ino.¹²Inga tokoasaka ate Kilisito asusoi gaa ndondo e wato wagwake, ndjongo nda ndenge wato wadji ndondo enu wakoasaka ate obasi e wato waguake eti? ¹³Ase inga meemene obasi e wato waguake eti, Kilisito koto atisusuali; ¹⁴Ase inga Kilisito atisusuali, te oasi wosu wodjei pamba.¹⁵Alidji, toenani koto ate tokoasaka moleho la kombo e Mwengei, la ebili ate tomohengeli Mwengei sambo la ndenge toasi ate inde amosusolali Kilisito, kaikoase atimosusolali, inga meemene, wato waguake watisusuaka. ¹⁶Laate inga wato waguake watisusua, Kilisito koto atisusuali. ¹⁷Ase inga Kilisito atisusuali wogemei wonu wodjei mpamba, odjeiniyo ndondo e masumu manu.¹⁸La wango walangali ndondo e logoo mongindji la Kilisito wawusigaa mboka. ¹⁹Inga ndji la ehele mokalo nde tomobatelali Kilisito mwano, todjei amene wato wa magba owaleki wato kpaa.²⁰Ase sika ndjo, Kilisito asusoi tee atie wato waguake, inde pukapuka e liwoso e wango walangali ndondo e logo. ²¹Laate ndji nda edjali logo la mboka e moto moikima, ndji ndjongo, obasi e wato waguake edji koto la mboka e moto moikima.²²Ndji ndenge wato kpaa wakoguaka ndondo e Adama, wato kpaa koto wakowongosana la mokalo ndondo e Kilisito. ²³Ase moto la moto adjei la mokalakala monde: Kilisito adjei moto osusoi liwoso la wu, mbuse eho wato wa Kilisito ango ekouma inde.²⁴Mbuse eho, gboo ekouma, ango ekowongola inde okumu atie Mwengei onde koto Wawa, ango ekoola inde oyamaleli kpaa, okumu kpaa, okulu kpaa. ²⁵Laate eengi Kilisito aamalele tee engele Mwengei akobata mitone mande kpaa sese e makolo mande. ²⁶Motone mo gboo mungo mokomola inde modjei logo.²⁷Laate Mwengei ''abatali wihoo kpaa sese e makolo mande''. Ase ango easia inde ate wihoo kpaa wibatani sese, ekoeneseke la hoho ate atitange moto ongo abatali wihoo kpaa sese ende. ²⁸Engele ekobata Mwengei wihoo kpaa sese ende, Mana inde amene koto akoyabata sese e Moto ongo abatali wihoo kpaa sese e wokumu wonde, laate Mwengei adje sambo kpaa atie moto kpaa.²⁹Inga te ndjongo, wango wakopatisamaka laate wadje wato waguake wakokela woni? Inga wagbaakana watisusua, ndjoni iwo koto wakopatisamaka laate wadje ndenge eho? ³⁰Ndjoni koto todjei ndondo e huko engele kpaa?³¹Lisio la lisio ikodjaaka liwoso la logo! Wamanima ikogemeisaka eho la mboka e mwemu enge edjei mbai la eho la loyi enu ndondo e Yesu Kilisito Likumu lasu. ³²Inga la ndenge e wato, isanali la wambau mbe la Epeso, eho edjei la nda kole atie mbai? Inga wato waguake watosusua, ''tolake tokenge koto, la ebili ate lekundu tokogua.³³Otiakosakeni: '' Wabola mbe wakobitesaka wikaleli wilamu''. ³⁴Susuani! Wongwelelani mamungwene manu malamu la nenge enge eokani la sambo ndamu, otikelakeni koto lisumu, laate wadji watimoyewe Mwengei. Ikoasaka ndjongo laate iyokese ino soni.³⁵Moto odji akoasa ate: Wato waguake wakosusua nda ndenge? Wakodja la wenge e nda ndenge? ³⁶Odjei ekete! Ema enge ekoonaka owe itiwongwaka la mokalo inga etiguakeyo liwoso.³⁷Ema enge eoni owe la mbume, eti pukapuka enge ekotoo. Edjei pukapuka mpamba, eengi koto odjei pukapuka e mondongo te pukapuka e ema edji kpaa. ³⁸Ase Mwengei akohekeleke eho wenge ndenge inde amene abali, koto la mogono mwesi la mwesi la wenge waho amene. ³⁹Moeni kpaa etidjaaka moeni e ndenge kikima, ase moeni modji modjei mo wato, moeni modji modjei mo nama, moeni modji modjei mo mbulu, modji koto modjei mo su.⁴⁰Wenge wa likolo koto widjei, wenge wa moki widjei. Ase otwa e wenge wa likolo edjei la ndenge eho, enge e mbume koto edjei la ndenge eho edji. ⁴¹Otwa e wuse edjei la ndenge eho, otwa e ndebo koto edjei la ndenge eho, otwa e minoto edjei la ndenge eho. Wenge la wenge edjei la otwa eho.⁴²Edjei koto ndjongo la loyi e obasi e wato waguake. Eho eonani ndondo e oholi, esusuani la odjangi oholi. ⁴³Eonani ndondo e soni, esusuani ndondo e otwa. Eonani ndondo e olembi, esusuani ndondo e okulu. ⁴⁴Eonani wenge e moeni, esusuani wenge e elimo. Inga wenge wa moeni modjei, enge e elimo koto edjei.⁴⁵Edhingana koto ate, '' Moto o poo Adama aumali elimo e mokalo''. Adama o mbuse aumali elimo enge akohaka mokalo. ⁴⁶Ase eti enge e elimo nde ekodjaka poo, edjei enge e wenge, enge e mbuse nde enge e elimo.⁴⁷Moto o liwoso alongwali la mbume akelanali la miisu . Moto o wale alongoyi ongo likolo. ⁴⁸Ndenge moto ongo okelanali la miisu adjei, wango koto wakelani la miisu wadjei ndji ndjongo, ndenge moto o likolo adjei, wango wadjei wato walikolo wadjei ndji ndenge eho. ⁴⁹Ndji ndenge tokpalali elima e moto ongo okelanali la miisu, tokokpala koto elima e moto oho o likolo.⁵⁰Wamanima, ehele edjei loi wungo wopotia mbai woasi, ate moeni la makila eengiti okondji lisango e wokumu wo Mwengei. Oholi koto eengiti ototi lisango e odjangi oholi. ⁵¹Dhenda! Ikoaselakani ino sekele esi mosatu: Iso kpaa totilangala ndondo e logo, ase tokouma ndenge eti iso kpaa.⁵²Mbala esi nda olimi maiso ango ekoboma mweka mo gboo. Laate mweka mokobomana, wato waguake wakosusua, wato wango watiholo, iso koto tokowuma ndenge eti. ⁵³Laate wenge winge wiholoke wikokpala winge witoholoko, pe wenge winge wiguake wikokpala winge witiguaka.⁵⁴Ase ango enge eholoke ekokpala odjangi oholi, enge koto eguake eengi okpali odjangi ogui, engbundu eho ekoenga enge edhingana ate: ''Logo elongosani libela.'' ⁵⁵Logo, wolongi wo owe wodjei eni? Logo esueli e owe wodjei eni?⁵⁶Esueli enge ekohekeleke logo edjei lisumu, ase wokulu e lisumu elongoyi la pui. ⁵⁷Ase kekedhinge la Mwengei ongo okotohaka iso lilonga la mboka e Likumu lasu Yesu Kilisito!⁵⁸Ndjongo, wamanima wa mbai wa libalano, yamalani gboo. Otiabandeni, kelani wotomu wo Likumu la motema mohelake, laate oyewini ndondo e oboliani wonu mongindji la Yesu wotomu wungo wokokelakani ino woti pamba.

Chapter 16

¹La enge edhengi okongoli makao mango ma wasatu, ndji ndenge iwahali mangomba ma Wagalatia matiesakoli, ino koto kelani ndjongo. ²Lisio kpaa e liwoso la poo e poso, mwesi la mwesi la ino ndondo e monguta monde ayise ma ema la odhendeli wihoo winge widjei inde la eho, ndjongo ango ekodjaa mbai makao matikongolane la engele eho.³Ango ekodja mbai, wato kpaa wango ekowagemeiyani ino la mboka e ekpata, ikowatoma wakpale likao lanu e magba la Yelusalema. ⁴Inga ewongi la mbai okii koto ongo, ikotinga la iwo mongindji la mbai.⁵Ase ikodjaa atie enu ango ekosilisa mbai okpandji Masedonia, laate ikokpandaka Masedonia. ⁶Imungoi ate ikoyabata inga ikoetesa engele e pio mongindji la ino, laate okeni otiki mbai la mboka ongo ekoke mbai.⁷Laate ibaliti oeni ino ndji ango ekoeta mbai. Ikoanaka oyabati maa keke mongindji la ino, inga Likumu aha mboka. ⁸ Ase imungoi oyabati ahala la Epeso, tee wuse wo Patekote, ⁹laate modhuhe mosungu, enge ekohekeleke mboka la otomu, edhukuani liwoso la mbai, ase wayamaleli wadjei ngbii.¹⁰Inga Timoteo auma, kelani la ndenge enge ekoenese ate okomuemelekeni wolamu, laate inde akokelaka wotomu wo Likumu, nda mbai. ¹¹Ewongiti ate moto tweti amoenele. Mogamesani la okendo ewongwake atie mbai la logoo. laate awume atie mbai, ikomolambalaka mongindji la wamangbasu. ¹²Laate, la loi wo mangbasu Apolosi, iyakongoli la inde ngbii ate adje atie enu mongindji la wamangbasu, ase mwano monde motidjali te okeke la odji sikala. Ase akodja ango ekotota inde nano ndamu.¹³Huakani, ahelelani la ogemei, djaani wato wa mohandja, wato watetelake.¹⁴Kelani wotomu wonu kpaa la libalano.¹⁵Ikoohekelekeni ino egalela, wamanima, oyewini ate liwota e Setepano wadjei pukapuka e poo e Akaya, wayahi koto la owakeleli wasatu, ¹⁶Ino koto yadjimbesani liwoso e wato e ehenge ndenge liwoso koto o moto kpaa akohaka mawo pe okokelaka otomo etetelake.¹⁷Idjei la mwemu la odji e Setepano la Polutunatusi la Akaikusi. wadjei ahala, laate wakokelaka ebete enu la ebili ate otini ahala. ¹⁸Laate wahekele mohandja la molimo mo mbai koto enge enu. La eho gemeiyani wato e enge ndenge.¹⁹Mangomba ma Mwengei mango madjei la moki mo Azia waohekelini mobale. Akila la Pisika mongindji la lingomba linge lidjei la monguta mou waohekelini ino mobale la motema kpaa ndondo e Likumu. ²⁰Wamangbasu kpaa wango wadjei ahala waohekelini ino mobale. Hanani mobale la ombomboni esatu.²¹Mbai Polo, iyohekelini mobale la mawo ma mbai amene. ²²Inga moto atimobale Likumu eongi wamobumakole. Likumu lasu, djaka! ²³Magba masungu e Likumu Yesu Kilisito edjee la ino. ²⁴Libalano la mbai lidje la ino kpaa mongindji ndondo e Yesu Kilisito.

2 Corinthians

Chapter 1

¹Polo ntoma e Yesu Kilisito la mwano mo Mwengei, la mangbasu Timoteo, la lingomba la Mwengei linge lidjei ongo la Kolito, la wasatu kpaa wango wadjei la Akaya djiesi kpaa. ²Wouma wosungu la logoo e Mwengei sangbasu, koto la Likumu Yesu Kilisito edjeeni la ino.³Mwengei koto Wawa o Likumu lasu Yesu Kilisito apambwame ngbii. Wawa o motema magba koto Mwengei o obondisami kpaa. ⁴Ongo okotobondisaka iso ndondo e wodjidji wosu kpaa, laate iso koto towabondese wango wadjei ndondo e wodjidji, la obondesami wungo wobondisami iso atie Mwengei.⁵Laate ndenge e wodjidji la loyi e Kilisito wotumi atie esu ndji la ndenge eho wobondisami wungo wokokondjaka iso wotumi la mboka e Kilisito. ⁶Kaiko nde edja te ate todjei ndondo e wodjidji, edjei la obondisami wonu, koto la mokalo monu. Edja te ate tobondisami, edjei la obondisami wonu enge ekokelaka la ohekeli ino mohandja, la wodjidji e ndenge kikima la enge iso koto tokoeneke. ⁷Ase mamungwene masu atie ino matiabandaka, nda eyewi iso ate, ndenge ino okoenekeni odjidji mongindji la iso, ndji ndjongo okobondisamani la iso mongindji.⁸Wamangbasu ndondo e Kilisito, tobali ate oeweni sambo djinge idhendji wodjidji wungo wotoumelali iso la moki mo Azia. Laate todjakali ndondo e wodjidji wosungu wungo woetali wokulu wosu. Ndjongo todjakali owangi te la loyi e mokalo mosu.

¹⁰Ongo otokalesi iso la logo, akotokalesa koto, mwano mosu modjei atie inde ate akotokalesa iso alidji.¹¹Ino koto oengini otogamese iso la ndenge oyakongi wonu la loyi wosu. Laate wato wahekele pambo la kole esu, la loyi e enge ema etohekeli iwo la wouma la wapanda wa wato ngbii wango wakoyakongoko.¹²Tokoyaganaka la loyi eho, enge koto oyewi wosu ekohekeleke litotoli lasu, eho lele: Toyasombesali la moki, la oeteli atie ino, la osatu pe la omeemene enge elongoyi atie Mwengei, te la lokenge e moto o moeni, ase la wouma wosungu e Mwengei. ¹³Totiodhingelalini ino djeeti sambo, longosa ndji ndjinge iyewini ino wolamu la ndjinge ikogemeiyakani ino, la djinge iyeni mbai ate okogemeiyani eho tee la gboo. ¹⁴Ndji ndenge koto ogemeiyalini ino ate iso todjei mogano monu, ndji ndjongo ekodja eho wuse e Likumu lasu Yesu.¹⁵La ndjongo nda ebati mbai motema la enge ndenge, iyanali odji liwoso atie enu, laate okondjeni nano e wale la odjei la mwemu. ¹⁶Ibalaki ate iyete liwoso atie enu, liwoso ate eleke la Masedonia, ase ango ekolongwa mbai la Masedonia, okeni otiki mbai la mboka la oki wo mbai la Yudea.¹⁷La ndjongo, ango eanali mbai ndjongo, ititotali sambo la ndenge e iyoka. Inga sambo djinge ikoanaka mbai, ikoanaka eho la ndenge e moeni, laate ekodjaa atie mbai mbala kikima, ndjongo la te ndjongo. ¹⁸Edjei meemene ate Mwengei moto ewongi omobateli motema la sambo djinge toaselalini ino etidjaali ndjongo la te ndjongo.¹⁹Laate Mana o Mwengei, Yesu Kilisito, ongo otiesamakolali atie enu la mboka esu, epoti oasi ate, la mboka e mbai la Silibano, la Timoteo. Etidjali ''ndjongo pe te ndjongo.'' Ase atie inde edjakali ndji '' ndjongo''. ²⁰Laate djinge idhengi mauna ma Mwengei kpaa, madjei ndji ''ndjongo'', alidji edjei koto atie inde nde tokoasaka ''Amen'' atie Mwengei, la loyi e otwa wonde!²¹Moto ongo otowanesi iso la ino ate todjei wato wa Kilisito, la moto ongo otokpuli iso maita edjei Mwengei. ²²Abatia koto elembo ende likolo lasu, ase atohekelia iso liwuna ema enge egeleli, easi ate elimo la mitema masu.²³Sikala ikomombelelaka Mwengei adje mototoli la loyi e molimo mo mbai amene ate edjei la loyi e obanyei ino nde idjitiyo la Kolito. ²⁴Eti ate todjei makumu e ogemei wonu, ase todjei wiino wa otomo la loyi e mwemu monu, la loyi e ogemei wonu nde oyamalini.

Chapter 2

¹Imungoi mbai amene ate itiwongwe kine atie enu alidji la magba. ²Laate inga iwookesani ino magba ndai kine odji okopekele mbai mwemu, ingate moto ongo omookesi mbai magba?³Idhingali loyi luho, laate ango egeleli mbai itiwume la magba la loyi e wango iyengali odjei la mwemu! Laate iyobatelini ino kpaa motema ate mwemu mungo modjei mbai la eho edjei enge e ino kpaa. ⁴Edjei la odjidji, la magba la motema, la poo ngbii nde iyodhingelini ino, eti ate iokeseni ino magba, ase laate oeweni libalano linge likoobalakani mbai ino.⁵Inga moto mwesi aokesia magba, eti mbai nde amookesi magba, ase ino kpaa la omeki wesi ndjo, iyasi ndjongo laate engbundu e mbai itidjee la otetelake oyeti molelo. ⁶Pamela enge wato ngbii wahekeli eengi ndjongo atie ongo moto. ⁷Ndjongo, sikahala, oengini omookeli magba, la wouma, la omobembelesi, edjee te la nda ndenge, moto oho alinde la magba mande mango mayeti molelo.⁸Ikoohekelekeni mogalia ate woeneseleni alidji libalano linge likomobalakani ino. ⁹Laate edjei koto la loyi luho nde ikoodhingelakani ino, la oewi olamu womeemene e loyi wungu e odhendjini ino, inga okomotemeiyakani Mwengei la sambo kpaa.¹⁰Loyi kpaa wungo ekomolimbesani ino moto la magba, mbai koto ikomolimbesa. Inga ilimbesi ema esi atie moto mwesi, ikeli ndjongo la loyi enu, liwoso la Kilisito. ¹¹Laate Mondjili atitolonge iso, la ebili ate tomoewi olamu la lokenge wonde.¹²Kaiko nde ango eumali mbai la Toloasi, la otiesakoli mboli ndamu, la kole e Kilisito, modhuhe moesi moduhuanali liwoso la mbai, la wotomu wo Likumu. ¹³Itihomali la molimo mo mbai la ndenge etimogbotoli manima Tito, ase iwahali mobale ase ikia la Masedonia.¹⁴Mwengei atote pambo, inde moto adjei otosombesi iso engele kpaa, la mokalakala mo walongi ebete eikima la Kilisito, adjei ookesi lumba e woewi wonde wiati kpaa la mboka esu.¹⁵Laate atie Mwengei todjei la lumba wolamu wo Kilisito, ndondo e wango wakokalesamaka, la ndondo e wango wakogwaka.¹⁶Atie wadji, lumba e logo, enge okohekeleke logo, atie wadji lumba e mokalo, enge ekohekeleke mokalo. Ase ndai owongi la djinge sambo? ¹⁷Edjei iso, laate toti wango wakotambaka engbundu e Mwengei, nda ekokelaka wadji wato, ase iso tokoasaka la womeemene, nda wato watomani la Mwengei, la maiso ma Mwengei, la Kilisito mongindji.

Chapter 3

¹Topotia nde alidji oyaaseli iso amene? Mbala edji todjei la ehoha e wikpata, nda wato wadji laate etoasele iso atie ino inga enge edji ongo odjei ino? ²Ino nde ekpata esu, enge edhingani la mamungwene masu, enge eewani pe enge ekotangamaka la wato kpaa. ³Eenesi la hoho ate ino odjeini ekpata e Kilisito enge edhingani la iso nda wikeleli, edhinganiti la malia ma ekpata, ase la elimo e Mwengei o mokalo, te likolo e mabukeli, ase likolo la witando e moeni, likolo la mitema.⁴Edjei la loyi e Kilisito nde ekomobatelaka iso Mwengei motema la ndenge eho. ⁵Easiti ate iso towongi la ndenge esu amene la oeni ate ema ehele elongoyi la iso amene, ase owongi esu elongoyi atie Mwengei. ⁶Atowongeli iso mpendja, la odjei wakeleli wa ogemei eholi, te la pui djinge idhingani, ase la elimo. Laate pui djinge idhingani ikohaka wodjidji wo logo, ase elimo ekohaka mokalo.⁷Inga pui djinge idhingani ekohaka logo, la djinge itenali iwo madingo la mabukeli edjaali la otwa, ndjongo wana wa Yisalaele watiengali odhengi mbanda e Moize, la loyi e otwa e mbanda ende, otwa wungo woengali olongosani. ⁸Nda ndege wotomo wohake elimo wotidjee la otwa ngbii oyeti?⁹Inga pui djinge idjakali ohekeli etombu edjei la otwa, wotomu woumesake wato la wolamu wungo woleki, edjei la otwa wosungu oleki ! ¹⁰Ema enge eumesali iwo la engele egala ema e otwa, elongosani otwa la loyi luho, la loyi e otwa wungo woleki eho. ¹¹Laate inga ema enge edjaki ate walongose, walingesali eho la otwa, ema enge edjei eumwake, ewongi odjei la otwa ngbii oleki.¹²Nda odjei iso la mwano e ehele ndenge, tokoasaka la hoho pendja la omeemne. ¹³Tokeliti nda engele ebatali Moize litambala la mbanda ende, laate wana wa Yisalaele watidhenge la woangatali gboo e ema enge ewongokoli olongosani.¹⁴Ase mamungwene mawu malembali. Laate tee lisio la keke, litambala linge lidukwanaki yo engele ekotangaka iwo ogemei wo gala, laate elongosani nde la mboka e Kilisito. ¹⁵Tee lisio la keke, engele kpaa enge wakomotoloko Moize, litambala lidjei la mitema mawu.¹⁶Ase inga moto ayakukolia atie Likumu, litambala likolongwaka.¹⁷Kaikonde Likumu adei elimo, laate ebete edjei elimo e Likumu, lipanda wodjei koto ango. ¹⁸Ase iso kpaa, la mbanda djinge idhuhuani, nda talatala, tokongengisaka otwa wo Likumu , tokoyakukolaka la owumi la ndenge enge e elima esi ndjongo, olongoyi la otwa tee la otwa, ndenge pendja Likumu, ongo odjei Elimo, akokelaka.

Chapter 4

¹La eho, la ebili ate la motema mowouma wo Mwengei tokondji dji tomo, toengiti owungesi mwano. ²Tolumbi sambo djinge ikoisanaka, djinge ikookisaka soni, tobaliti aleeti esombeli e be, totibitesa kine engbundu e Mwengei. Ase la ndenge ekoeneseke iso womeemene la hoho, la maiso ma Mwengei tokoumaka ekpangele ndamu la loyi e oyewi wo meemene atie wato kpaa.³Inga mboli ndamu enge ekotiesakolaka iso edhihana, edhihani nde atie wato wango waguake. ⁴Wato wango ndondo ewu Mwengei o ehele engele adhihi mamungwene ma wato wango wadjangi ogemei, la ebili ate ongali wo mboli ndamu e otwa enge emodhendji Kilisito, ehele edjei elima e Mwengei.⁵Laate enge ekotiesakolaka iso, eti iso amene, tokotiesakolaka nde Yesu kilisito ate adjei Likumu pe iso amene ate todjei tuke djanu la loyi e Yesu. ⁶Laate Mwengei nde moto aasali ate: wuse wongale tee ongo la molili.'' Pe angali ndondo e mitema masu, la ongali woho la oyewi e otwa wo Mwengei la mboka e mbanda e Kilisito.⁷Todjei la ema e motio ndondo e teni e mbume, laate okumu wungo woyeti otetelake edjee e Mwengei, ase te enge elongoyi atie iso. ⁸Topotoni la ndenge kpaa ase totiatane, tosilali lokenge ase totidjangali mboka e pumbake. ⁹Tokoeneke wodjidji, ase todheeniti, tokolumbamaka la mbume, ase togbakaniti. ¹⁰Engele kpaa, tokokpalaka wiholo kpaa la wenge wasu wodjidji wo logo mungo wamueneseli Yesu, laate mokalo mo Yesu moenane koto la hoho la wenge wasu wungo ekoguaka.¹¹Laate iso wango todjei la mokalo, todjei wiengele kpaa oeni logo la maiso la loyi e Yesu, laate mokalo mo Yesu moenane la hoho la wenge wasu enge ekoguake. ¹²Logo esukami la iso, ase mokalo koto mosukami la ino.¹³Nda edjei iso la elimo egemeiyake eikima, enge edhinganali la loyi luho ate: ''Mbai igemei, eho lenge iyasali, ''iso koto todjei la ogemei, eho lenge tokoasaka. ¹⁴Toewi ate moto ongo omosusolali Likumu Yesu, okotosusola koto mongindji la Yesu, akotoyinya koto mongindji la ino. ¹⁵Laate sambo djinge kpaa edjei la loyi lanu, laate magba masungu enge etaleyanali ngbii etume la loyi e pambo enge wato ngbii wakohaka, la loyi e otwa wo Mwengei.¹⁶Totiungese mwano, ase inga ndenge e moto enge todjei saa ekobitanaka, meemene, ndenge e moto enge todjei ndondo ekowumaka oholi masio la masio. ¹⁷Inga te ate wodjidji wodjei e engele ekue, ehohi koto, ekotootelaka otwa elitake la oyeteli pe enge edjei e libela. ¹⁸Tokodhengaka te enge ekoeneneke, ase enge etieneke. Laate wihoo winge wikoeneneke widjei engele ekue, ase wihoo winge witieneneke widjei e libela.

Chapter 5

¹Toewi ate inga wenge wasu wa mbume, ehele hema, ebitania, tokotota pendja wenge winge wilongoyi atie Mwengei, wenge winge wikelaniti la mawo, enge edjei libela ongo likolo. ²Laate ndondo e wenge enge eyabatake, tokotilelaka, todjei la ehoho etetelake la okpalake enge e iso amene e likolo ³laate mbuse e okpali eho, totitotane kine lingbengbele.⁴Iso wango todjei ndondo e hema enge ekotilelaka iso, toeni odjidji. Laate ema enge ebali iso eti ate tolongose eho, ase edjei nde okpali enge edji, laate mokalo molindese ema enge ekoguake. ⁵Ongo otokelali iso edjei Mwengei, ongo otohekeli iso nanga e Elimo.⁶Todjei engele kpaa la mogalia toewi koto, engele kpaa todjei ndondo e wenge, todjei lihele la Likumu. ⁷Laate tokosombaka la ogemei, ase te la oeni. ⁸Todjei la mwano, tokoemeleke koto odjei lihele e wenge la oyabati mongindji la Likumu.⁹Oho wungo tokokelaka la oteteli ate edje te ate toyabati ebete eikima la inde, te todjei lihele la inde, togemeiyane la inde. ¹⁰Ewongi la iso toenesane la hoho liwoso la ngbelengo e osambesi e Kilisito. Laate moto la moto akondje enge eongi la inde la loyi e sambo djinge ikelamali la wenge. L a odhendeli sambo djinge edjakali inde okeli, edje djinge ndamu, te djinge mbe.¹¹Nda eyewi iso gbondo ewangake Likumu, todjei ndji tokowagemeiyesaka wato, ase toenani la hoho la maiso ma Mwengei. Kaikonde, idjei la mwano ate toeneni koto la hoho la lokenge wonu. ¹²Totiyaasela kine atie ino, ase tokohekelekeni ino nano eyaganake la loyi e iso, laate odjeeni la engbundu ewongolake atie wango wakoyaganaka la sambo djinge ikoeneneke saa, ase te la djinge ikolongwaka la motema.¹³Inga tokonoli boli, edjaali la mogano e Mwengei. Ase inga todjei wato wa mamungwene ndamu, edjei la loyi enu. ¹⁴Laate libalano linge lidjei Kilisito la eho etokpalesi mokpali. Laate enge eeni iso eho lele: Kilisito aguelali wato kpaa, ndjongo, la ndenge eho, wato kpaa waguali. ¹⁵Kilisito aguelali wato kpaa , laate wango wadjei la mokalo, watidjee kine la mokalo la loyi ewu amene, ase la loyi e moto ongo oguali pe asusuali la loyi ewu.¹⁶Eho lenge, opoti sikandjo, tomoyewiti moto te moikima la ndenge e wenge. Inga te ate tomoyewali Kilisito la ndenge e wenge, sikandjo, tomoyewiti kine alidji ndjongo. ¹⁷Inga moto mwesi aboliana mongindji la Kilisito, awumiga ekelamu eholi. Sambo djande dja gala iyeti, ndenga sambo djande kpaa okowuma sambo poli.¹⁸Wihoo kpaa widji atie Mwengei. Inde moto otoongosi la ookani mongindji la inde amene la mboka e Kilisito. Atohi koto otomo ate towongosane ookani. ¹⁹Epoti oasi, Mwengei ndondo e Kilisito akoongosaka moki la ookani la inde amene, atidhengali maunga mawu, atohali koto engbundu ewongosake ookani.²⁰Iso todjei watoma la ebete e Kilisito. Nda nde Mwengei akoyakongaka la iso. La ebete e Kilisito, tokoyakongoko ate: Wongwani la ookani mongindji la Mwengei. ²¹Kilisito moto ongo otiewali lisumu, Mwengei amowumesali lisumu la kole esu, laate towume wato walamu wa Mwengei la mboka e inde.

Chapter 6

¹Nda ekokelaka iso otomo mongindji la Mwengei, iso koto toyakongi la ino ate otigemeiyeni magba ma Mwengei, mbuse oosaneni kole eho. ²Laate Mwengei asi ate: La engele enge egemeiyani, iookalini, koto la lisio liesi e mokalo, iyogamesalini. Dhenga, sikalandjo nde engele enge egemeiyani, Dhenga sikalandjo nde lisio e mokalo. ³Totibingesaka wato ekikimi te la loyi loikima, laate watitote loyi liyasake la otomo wosu.⁴La sambo kpaa, tokohekeleke ekpangele ndamu ate todjei tuke dja Mwengei, la ekaleli eyikake mogalia la sambo ngbii, la odjidji, la iyongolo, la magba. ⁵La obingani, ndondo e woyogo, ndondo e minga, ndondo e sambo tetelake, ndondo e odjangi ilo la likolo, ndondo e wiengele edjangake wilaka wilakake. ⁶Tokoyinyaka koto ndondo e olangi, ndondo e oyewi, ndondo e motema molayi, ndondo e magba, ndondo e elimo satu, ndondo e libalano linge lidjangi ekosako. ⁷La engbundu e omeemene, la okulu wo Mwengei, la mboka e wisaneli e sambo ndamu e ewo e lilome la ewo koto e liali.⁸Ndondo e otwa koto ndondo e osambo, ndondo e kombo mbe la mogano koto molamu; nda wato wamoleho kaikonde wato wango wakoasaka womeemene. ⁹Nda wato wango watiewane kaikonde wato wango wayewani, nda wato wango wakoguaka kaikoase, wato wango watoni, nda wato wango wahelani, kaikoase watihelane la logo. ¹⁰Todjei nda wato wa magba, ase tokoemeleke engele kpaa, todjei nda wato waotundake, ase tokowaumesaka wato ngbii wato waogumake, nda wato wango wati la ema kaikoase todjei la wihoo kpaa.¹¹Todhukoli minoko masu laate toaseleni ino la hoho, Wakolito, mitema masu midhukoania. ¹²Otihianeni ndondo esu, ase ohianini ndondo e libalano e motema monu amene. ¹³Eho lenge, nda liputi la loyi laho-ikoasaka nda nde atie wana wakeke-ino koto yadhukolani.¹⁴Otihelaneni la ekaleli e mbe ebete eikima la wato wango wati wagemei. La ebili ate nda wobola wodjei ndondo e sambo ndamu pe obuki pui? Inga koto ngbai la likolo ekowanesana la nde? ¹⁵Alidji, nda wookani wodjei ndondo e Kilisito la Biliali? Inga nda ema moto o sambo ndamu adjei la eho mongindji la moto ongo oti mogemei? ¹⁶Nda ookani wodjei ndondo e tepelo e Mwengei la wilima? La ebili ate iso todjei tepelo e Mwengei o mokalo, ndji ndenge Mwengei aasali ate: ''Ikoyabata ndondo ewu, ikosomba koto ndondo ewu, ikodja koto Mwengei owu, iwo koto wakodja wato wa mbai.''¹⁷Eho lenge, pumbani ndondo ewu, yakatolani la iwo, Likumu aasi ndjongo, otipoteni koto ema enge edjei gbomoko, mbai koto ikooyambani ino. ¹⁸Mbai ikodja sangbanu, ino okodjani wana wa mbai wa pele la wa wali, Likumu moto okondji okulu kpaa nde oasi ndjongo.

Chapter 7

¹La eho, nda edjei iso la mawuna maho, wamanima wa libalano, toyalangese la gbomoko kpaa e wenge koto e molimo. Toenesake ate tokomowangaka Mwengei laate wosatu wosu wodjee wungo woengi.²Tohekeleni iso ibete la mitema manu. Tomokeleliti moto obe, tomobitesiti moto, tomolakeliti moto. ³Itiasaka ndjongo laate iokweseni ino. Laate ilongoyi oasi eho liwoso ate odjeini ndondo e mitema masu la logo, la odjei koto la mokalo mongindji la iso. ⁴Ikoasaka la ino la hoho koto la omeemene. Ikoyaganaka la loyi enu. Itumi la obondisani, itumi la mwemu ngbii la odjidji kpaa wungo wokoeneke iso.⁵Ango ewumali iso la Masedonia, wenge wasu witihomali, todjali oeni odjidji e ndenge kpaa, kindo edjali saa, owangi ndondo e motema. ⁶Kaikonde Mwengei, ongo okobondjisaka wango wagenakoli wenge, atobondjisali la owumi wo Tito. ⁷Eti djaali sa la owumi wonde, ase la libondjisi linge inde abondjisamali la eho la loyi enu, la ndenge atokpalelali iso alidji mboli e ehoha etetelake e ino, magba manu, egalela koto e ino la loyi e mbai. Ndjongo iyemelali alidji oyeti.⁸Eho lenge inga te ate iokesalini ino magba la ekpata e mbai, itiasumbwaka la loyi laho. Inga te ate la lipoteli iyasumbwali la loyi laho, ieni ate ekpata eho eokesali ino magba, inga te ate la engele ekeke. ⁹Mbai idjei sikandjo la mwemu, iti sa laate ookalini magba, ase laate ookalini magba tee la okukoli motema. Laate ookalini magba mango maengani la mwano ma Mwengei, laate otiwungeseni ema te eikima atie iso. ¹⁰Laate magba mango maokani la mwano ma Mwengei ekokpalaka la okukoli motema la mokalo mungo moto atiene eho obe mbuse. Ase magba ma moki ekowotaka logo.¹¹Laate dhenga lu loyi pendja: magba mango maokalini ino eokani la mwano e Mwengei, ewotelali ino, nda olimbesi, nda oyalangesi, nda limemu, nda mbangi, nda ehoha etetelake, nda egalela, nda owongisani e obe! La sambo kpaa, ino oyaenesalini ate olangini la sambo kpaa. ¹²Inga iodhingelalini ino, itikelali eho la loyi e moto ongo okelali obe, te la moto ongo wamokelelali obe, ase nde olimbesi enu atie iso eenane la hoho ndondo enu la maiso ma Mwengei.¹³Eho lenge iso tobondjisani. Kaikoase, longosa obondjisani wosu, toemelali alidji ngbii la oyeteli la loyi e mwemu mo Tito, la ebili ate molimo monde mowumi la mohandja la kole e ino kpaa. ¹⁴Laate inga iyagana ma keke atie inde la loyi e ino, itiaokese soni. Nda esisiga iso oaseli ino sambo kpaa la omeemene, ndenge kikima oyagani wosu liwoso la Tito eenani ate edjei enge e meemene!¹⁵Alidji, libalano lande e motema enge akoobalakani ino etumi alidji, ango akobunduaka etemeya wonu kpaa, ndenge omoyambalini la owangi koto la odjadji. ¹⁶Idjei la mwemu laate la sambo kpaa, iengi odjei la egalela la loyi wonu.

Chapter 8

¹Wamanima, tobali weeweni nda ndenge magba ma Mwengei maeneni ndondo e mangomba ma Masedonia. ²La engele e omekani weesi wosunu ndondo e odjidji, mwemu mowu esungu koto wotundake wowu etetelake ekelali ate likao lawu lieenene alidji ngbii.³Laate ekelanali la odhendeli maengi mawu, ikototoloko eho, oyeti te maengi mawu, ⁴ango iwo amene wadjakali oyakongi la iso ate wakondje mano ndamu ehekeleke wilaka wa magba la ohi koto mawo la otomo wungo woengali okelani la kole e wasatu. ⁵Wakelali loyi wungo weyetali mwano mosu, liwoso liwoso wayahali atie Likumu koto atie iso la mwano mo Mwengei.⁶Eho etotomali iso la omohekeli Tito egalela ate, nda inde moto apotesali eho ndondo e ino, ndji inde koto asukese atie ino wotomo wuho e ohekeli wihoo wa libalano. ⁷Kaikonde, ndji ndenge etumuni ino la wihoo kpaa, la ogemei, koto la engbundu koto la oyewi, koto la etingia kpaa, la libalano wungo iso tokoobalakani ino, yahekeleni la enge otomo ehekeleke wihoo wa magba.⁸Iyohitini mopele, ase la loyi e etingia e wadji wato koto la loyi eyewake womeemene e libalano lanu, nde ikoasaka ndjongo. ⁹Laate oyewini magba masungu e Likumu lasu Yesu Kilisito, ate inga te ate adjaali moto e ogumake, aumali moto o otundake la loyi e ino, laate owumeni wato wa ogumake la mboka e otundake wonde.¹⁰Ndjongo ikoohakani mamungo ma mbai ndondo e wu loyi: laate lu loyi edjei la gbondo atie ino, laate eyetiga elanga esi otidjaakalini okeli, ase odjaakalini koto obali okeli. ¹¹Sikalandjo, dheeni koto okeli eho, laate ndji ndenge ekelalini ino obangu la loyi wungo wodhendji obali okeli, ndenge kikima dheeni okeli loyi luho, la odhendeli enge edjei ino la eho. ¹²Inga liwoso liwoso ehoha etetelake edjei, ekogemeiyana ngbii pendja la odhendeli enge moto adjei la eho, ase te la odhendeli enge moto ati la eho.¹³Laate ibaliti ate etidjee petee atie wadji. Ase odjidji atie ino. ¹⁴Ase ate, la mboka e owokani, wihoo winge wiyeti ngbii atie ino edhihe sikala otundake wowu, laate wihoo winge wiyeti ngbii atie iwo edjee koto odhihi otundake wonu, ndjongo weengani wodje. ¹⁵Ndji ndenge edhingana ate: ''Moto ongo odjakali la ngbii atidjakali la ngbii oyeti, koto ongo odjakali la maa keke atidjakali la maa keke oyeti.''¹⁶Tomowongosele Mwengei pambo la ndenge abati la motema mo Tito etingia ndenge kikima atie ino. ¹⁷Inde agemei loyi eongi iso atie inde, ase, nda edjei inde la etingia etetelake, akodjaaka atie ino la mwano monde amene.¹⁸Tokomotomaka ebete eikima la mangbasu ongo mogano monde la loyi e mboli ndamu eyandjani la mangomba kpaa. ¹⁹Aleeti, mangomba wamooni laate adje miino osu e okendo la loyi e likao laho e magba enge eongi la iso okawoli la loyi e otwa e Likumu koto la oenesi ehoha etetelake esu ekelake.²⁰Tokokelaka ndjongo laate totoni ate moto atote loyi etoaselake iso obe la loyi e enge likao lisungu linge eongi la iso okawoli. ²¹Iso tokowongeleke sambo la omeemene, te ndji la maiso ma Likumu, ase la maiso ma wato kpaa.²²Alidji, tokowatomaka mongindji la mangbasu ongo toeneli mbala la mbala la sambo ngbii ate adjei la etingia , ase ongo sikala adjei la etingia ngbii oyeti laate akoobatelakani ino motema. ²³Kaikoase inga popo edjei la loyi e Tito, inde adjei miino o mbai koto moto ongo ikokelaka la inde la kole enu; inga koto la loyi e wamangbasu, iwo wadjei watoma wamangomba koto otwa e Kilisito. ²⁴Wadhendesani elembeteli e libalano linge lidjei ino la laho koto la sambo djinge iyagali iso la loyi enu, liwoso la mangomba.

Chapter 9

¹Kaikoase la loyi wungo wodhendji otomo wuho la wasatu, eti te la kole ate iyodhingeli ino. ²Laate iyewi ehoha enu enge ekoyaganaka mbai la eho atie wato wa Masedonia la loyi enu ate Akaya eyawongeli ekeliga sikala elanga esi. Koto mogalia monu mosusoli ngbii ewu.³Ase ikowatomaka wamangbasu, laate oyagani wungo ekoyaganaka iso la loyi enu etidjee ohola la loyi laho, ase nde oyawongeleni, ndji ndenge eyasali mbai eho ate okoyawongelani. ⁴Inga te ndjongo, edje la nda ndenge, inga wato wa Masedonia wadja mongindji la mbai koto waogbotia ino oyawongelitini, iso-itoni oasi ino-tooke soni la ndenge ebatali iso motema ndjongo. ⁵La eho, iyeneli olamu ohekeli mogalia la wamangbasu wadjee atie ino liwoso, wawongele koto libela la libela likao lanu e motema molamu, enge esilali owunani liwoso, laate la ndenge eho, elambelane nda likao enge ehekelani la motema molamu, ase te nda ema enge epuesani.⁶Ase la likao laho, moto ongo otionaka ngbii, atibuka koto ngbii; moto koto ongo okoonaka ngbii akobuka koto ngbii. ⁷Moto la moto akele ndenge emungoyi inde la motema monde, te la ondungwani koto te la ohilani, laate Mwengei akobalaka moto ongo okohekeleke la mwemu.⁸Mwengei aengi okeli ate magba masungu mande kpaa etume atie ino, ate, ango edjei ino engele kpaa la enge eengi la ino la sambo kpaa, odjeeni la eho ngbii pendja la tomo kpaa ndamu. ⁹Ndji ndenge edhingana ate: ''akawi wihoo ngbii, ahekeli wato wa otundake, olamu wonde wokowumua libela la libela.''¹⁰Mwengei ongo okohaka mooni mogono ngbii la okoke koto elakake akoha koto akotalia mogono laate ooneni, akotalia koto pukapuka ngbii e sambo ndamu enu. ¹¹La sambo kpaa okotumakani la ogumake la ndenge e likao linge likopumbaka la mboka esu pambo atie Mwengei.¹²Laate otomo wungo okokelanaka la wolamu e wato kpaa , etidjee sa la oengesi olamu wihoha e wasatu, ase edjei laate pambo ngbii ehekelane atie Mwengei. ¹³Laate la elembeteli enge otomo wuho ekohekeleke, wakomohaka Mwengei otwa laate ino okotemeiyakani mboli ndamu enge emodhendji Kilisito, ndenge ekoaselakani ino eho la hoho ate okotemeiyakani, koto laate odjeini la okawi la makao manu atie iwo koto atie wato kpaa. ¹⁴Mongindji e oyakongi wungo wokokelaka iwo la loyi enu wakookaka koto ino ehoha etetelake la loyi e magba masungu e Mwengei enge eyeti atie ino. ¹⁵Pambo la Mwengei la loyi e likao lande esunu, enge eengiti olimbolani.

Chapter 10

¹Sikandjo, mbai, Polo, iyakongi la ino la motema mo dee koto la magba ma Kilisito, inga te ate ikoeneneke moto mokeke ndondo enu, kaikoase engele enge eti mbai ongo ikoaselakani ino sambo la mogalia!- ²Iyakongi la ino, otitomeni mbai ate iinye mogalia, ango ekodja mbai ongo, ndenge eyani mbai ototi witeneli witetelake atie wango wakotoeneke nda nde tokosombaka sa ndenge edjei iso la wenge.³Laate inga te ate tokokalaka la ndenge e wenge, totisanaka kindo la odhendeli ndenge edjei iso la wenge. ⁴Laate wisaneli wa kindo djasu widjei la okulu wungo wodji atie Mwengei la okwesi wihoo winge wimaani la oteteli.⁵Laate tokokweseke mamungwene koto ema kpaa edjambani enge ekoyamalelaka oyewi wo Mwengei, todjei koto owumesi lomungo kpaa mohelani laate emotemeiye Kilisito. ⁶Toyawongeli koto la ohekeli etumbu la sambo kpaa edjangake etemeiya, ndji engele enge etemeiya enu ekoenga.⁷Okodhendakani ema kpaa nda ekweneneke eho saa. Inga moto mwesi akoyaenaka ate amogemei Kilisito, ayewe koto inde amene lu loyi: Ate nda emogemei inde Kilisito, iso koto tomogemei. ⁸Laate inga te ate eengi mbai oyagani ma ngbii la loyi e wokumu wungo Likumu atohekeli iso la omaani wonu ase te la obukiani wonu, itiokisana soni.⁹Ibaliti odjei la ehoha e oluki owangesi ino la madhingo ma mbai. ¹⁰La ebili wakoasaka ate: ''Wadhingo mande maliti ndowu la otetelake, ase odjei wonde amene moto edjei la mageni eyaseli ende edjei pamba.''¹¹Ewongi moto ongo okoasaka ndjongo ayewe olamu ate, ndji ndenge iso todjei la wingbundu wasu la wikpata engele eti iso ongo, ndji ndenge tokodja la tomo engele ekodja iso ongo la ino. ¹²Totimekaka oyabati la mongindji e wadji inga oyaenganesi la wadji wango wakoyaaselaka iwo amene. Meemene, ndenge wakoyamekaka la iwo amene la oyaenganesi la iwo amene wati la lokenge.¹³Atie iso, totiayagana la saa e milelo e ebete enge watohali, ase la odhendeli molelo e moki mokeke mungo Mwengei atohali iso, ndenge awumesali eho tee atie ino. ¹⁴Meemene, tokiti lihele oyeti molelo nda nde totiwumali tee atie ino, ango todjaaki otiesakoli mboli ndamu enge edhendji Kilisito.¹⁵Totiyaganaka la saa e molelo e ebete enge watohali iso, la tomo mitetelake e odji moto, ase todjei nde la mwano ate, nda ogemei wonu ekobekaka, towume wato wasungu ndondo enu la odhendeli moki mokeke mosu. Ndjongo tokowuma wato wasungu oyeti. ¹⁶Laate tokotiesakola mboli ndamu la miki minge midjei lihele oyeti ino, laate totiyagane la ebete enge ewongeliga moto odji.¹⁷Ase nda eyasi madhingo ma Mwengei: ''Moto ongo okoyaganaka, ayagane la Likumu.'' ¹⁸Ndjongo, eti ate moto ongo okoyaaselaka inde amene nde agemeiyani, ase nde moto ongo Likumu amogemei.''

Chapter 11

¹Ibali oheleni motema la ma boli e mbai. Kaikoase, meemene okonangakani motema la sambo dja mbai. ²Laate ikookelakani ino zua, zua enge eokani la mwano mo Mwengei, laate mbai pendja iwunali oikesi ino la molome sa mwesi, laate iyopumbeseni ino nda moseka mwese olangi atie Kilisito.³Ase ikowangaka ate edje la nda ndenge, nda ndjo emogulali Eba la mamungwene mbe djande, mamungene manu ebitesane koto elongwe la omeemene koto la olangi la wikaleli winge wiyongi la Kilisito. ⁴Laate meemene, inga moto adja otiesakoli Yesu ongo osomboni la ongo iso tomotiesakolali, inga koto ototani elimo enge esomboni la enge etotalini ino, inga koto mboli ndamu enge esomboni la enge eokalini ino, nangakani motema la sambo e moto oho, la odjangi otenani.⁵Laate ieni ate edjeiti te la loyi liesi linge mbai idjei sese la watoma wasungu. ⁶Ase inga ehaneliti mbai la oasi, meemene iti ndjongo la oyewi. Kaikoase la ndenge kpaa toenesali ino eho la hoho la sambo kpaa.⁷Inga koto ikelali nde obe nda eyadjilikisali mbai laate ino odjambane? La ndenge iyotiesakolalini ino mboli ndamu e Mwengei la libalano, odjangi oongi liputi? ⁸Mangomba madji, iwapuesali enge edjaakali iwo la eho la ndenge egemeiyali mbai okondji wihoo wau laate oyogameseni. ⁹Kaikonde ango edjakali mbai mongindji la ino koto idjangali, itimokpalesali moto te moikima mokpali, la ebili ate wamangbasu wango walongwali la Masedonia wahekelali mbai wihoo ngbii winge widjangali mbai. Itonali la ndenge kpaa oliti ndowu atie ino ikodja koto ndji ndjongo.¹⁰Engele kpaa enge womeemene wo Kilisito ekodja ndondo e mbai, oyagani kpaa enge ekoyaganaka mbai la loyi e gbata e Akaya etisila. ¹¹Lande easi mbai ndjo? Laate itiobaleni ino? Mwengei ayewi ate iyobalini nee.¹²Ikodjaa ndji okeli enge ekookelelakani mbai, laate isukese ekosako e wango wadjei la ehoha e moleho la oenesi ate waengani la iso ndondo e otomo wungo wokoyaganaka iwo. ¹³Wato waho wadjei watoma wa moleho, wakeli wa tomo e ohengeli, wango wokoyapumbesaka nda watoma wa Kilisito.¹⁴Loyi ehuelake eti. Laate Etota inde amene akoyainyaka nda ahumbwa e liwusawuse. ¹⁵Ndjongo, eti loyi losungu inga tuke djande koto wakoyainyaka nda wato walamu. Ase gboo ewu ekodja la obiliani la tomo djau.¹⁶Iyaasi aleeti, eengiti ate moto mwesi adhenge mbai nda moto okoni boli. Kaikoase inga omungwani ate idjei ndjo, gemeiyani mba te ndenge eho nda boli, laate mbai koto ienge oyagani ma keke. ¹⁷Enge ekoasaka mbai, itiasaka eho la ndenge etutiake Likumu, ase nda woboli, la oyabateli motema oyeti molelo mungo mokoeneneke atie moto ongo okoyaganaka. ¹⁸Nda wato ngbii wakoyaganaka la wenge, mbai koto okoyagana.¹⁹Laate ino okohelakani motema la mwemu pendja, e sambo e wato wa boli, la ebili ate odjeini wato wa lokenge. ²⁰Okonangakani motema la sambo e moto ongo okoowumesakani ino tuke, moto kpaa ongo okolakaka wilaka winge widjei ino la eho, moto kpaa ongo okoyadjambaka likolo la ino, moto kpaa ongo okoobingakani la mbanda. ²¹Idjei la soni e oasi, toyinyali mageni la loyi luho. Ase inga moto odji akoeneseke mogalia la loyi esi ndjo-ikoasaka la woboli-mbai koto ikoeneseke mogalia la eho.²²Wadjei Waebele? Mbai koto idjei. Wadjei wa Isalayele mbai koto. Wadjei la litoto e Abalayama? mbai koto. ²³Wadjei tuke dja Kilisito? Ikowongosaka nda moto okoni boli, mbai iyeti pendja: La sambo tetelake ngbii oyeti, la wawoyogo ngbii oyeti, la kutuki oyeti molelo, la owumi ahue e logo mbala la mbala.²⁴Mbala itano, Wayuda wabingali mbai pimbo tuku inei longosa esi. ²⁵Mbala isato ibinganali mabolo, ibinganali mabukeli mbala kikima, mbala isato ilindali la andondoli, iyetesali likolo liikima la wuse woikima ndondo e malia malindake. ²⁶La okendo mbala la mbala, la mabhoma e wiwale, la mabhoma e wato wayiwa wango wakoyiwaka la mboka, la mabhoma mango malongoyi atie wato wa mbai amene, la mabhoma mango malongoyi atie wadjidji, la mabhoma ndondo e gbata, la mabhoma ndondo e esobe, la mabhoma ndondo e libandji, la mabhoma ndondo e wato wamoleho.²⁷La otomo etelake, la oameli koto, la walikolo ondjangi ilo mbala la mbala, la ndjala koto la ehoha e malia, la odjangi olaki wilaka mbala ngbii, la piyo la lingbengbele. ²⁸Longose ndjinge sambo dja saa, edjei la ema esi ekoeneseke mbai odjidji masio kpaa, oyasumboyi la loyi e mangomba kpaa. ²⁹Ndai ogenakoli, ase mbai igenakoliti? Ndai osakeli, ase ihutiti la limemu?³⁰Inga ewongi la oyagani, ikoyagana la sambo djinge idhendji mageni ma mbai. ³¹Mwengei koto Wawa e Likumu Yesu, ongo oengi la mogano libela la libela ayewi ate itihengaka.³²Ongo la Damasi, likumu e gbata e likumu Aletasi adjaali obaneyi moki mo wato wa Damasi la oheli mbai. ³³Ase wadjimbali mbai ndondo e modjangi mwesi mo mbohi, la lininisa linge lidjaali la etutu, ase itilali la mawo mande.

Chapter 12

¹Iyengi oyagani, eti la kole, ase ikoyeta nde la wieneneli wikamwake koto la wieneseli wa Likumu. ²Imoyewi moto mwesi ongo, la liboliani mongindji la Yesu Kilisito, ekeliga wilanga liomu la inei, inga la wenge, iyewiti, inga koto saa e wenge, iyewiti, Mwengei moto oyewi- adjambanali la esuki esato e likolo. Inga akeli la wenge e inde inga koto te la wenge e inde, mbai iyewiti, ase Mwengei oyewi.³Imoyewi moto oho-inga la wenge inga koto saa e wenge, iyewiti, Mwengei ayewi-⁴ate akpalanali ongo la paladiso aokali koto wingbundu winge wiengiti oasani, enge ehaniti mboka la moto akpome eho. ⁵Ikoyagana la loyi e moto oho, ase itiyagana la loyi e mbai amene, longosa ndji mageni ma mbai.⁶Inga ibala oyagani mbai amene, itidja ekete, laate ikoasa nde meemene. Ase itoni, laate moto mwesi atitaliele mbai djeeti sambo oyeti enge ekoeneke inde atie mbai te enge ekookaka inde atie mbai. ⁷Ndji ndenge wieneseli wiyeti ngbii. Eho lenge, laate itiyadjambe oyeti molelo, wahali mbai keke la wenge, ahumbwa mwesi e Etota, laate adjake ndji obamboli mbai, la ebili ate itienge oyadjambi oyeti molelo.⁸Mbala isato iyatombali la Likumu ate amolongose lihele la mbai. ⁹Ase inde aasali la mbai: " Magba masungu ma mbai atie owe eengi ndjongo. Laate okulu wo mbai ekowumaka la oengi ndondo e mageni. La eho, la mwemu oyeti, ikoyagana nde la loyi e mageni ma mbai, laate okulu wo Kilisito wodje nda hema likolo la mbai. ¹⁰La ehele ndenge ikoemeleke la magani, la wiliko, la iongolo, la odjidji, la magba, la loyi e Kilisito. Laate engele edjei mbai la mageni, engele eho pendja nde edjei mbai la oteteli.¹¹Idjakali boli ango edjakali mbai oyagani, ase ino otonesalini mbai. Laate ino nde oengalini oaseli. Laate itiyaenesali inga te la loyi loikima ate idjei sese e watoma wasungu wanu, te ndenge eti mbai ema.¹²Wilembo e watoma eenesanali ndondo enu la odjei la mohandja e ndenge kpaa, la wilembo koto la sambo kamwake enge ekoeneseke sambo djinge ikodja koto la tomo e okulu. ¹³La nda loyi linge liumalini ino sese e mangombna madji mango matikali! Inga etidje sa la loyi lungo ate mbai itilitali ndowu atie ino. Limbesani mbai la ungo wodjangi womeemene!¹⁴Denga! Ehele edjei mbala esato ekoyawongelaka laate idje atie ino, kaikoase itidja mokpali monu. Laate itilukaka wihoo winge widjei ino la eho, ase ino amene. Laate eti wana nde waengi oyisi wilaka la loyi e wawoti wau, ase wawoti la loyi e wana wau. ¹⁵La ndenge e mbai, la mwemu eyetelake, ikohekele wihoo wa mbai kpaa koto ikohekele kpaa la loyi e milimo manu. inga ikoobalakani ino ngbii ndjo, iengi nde obalani ma keke?¹⁶Inga te ndjongo, itiokpalesalini mokpali, kaikoase, okoasakani ate idjei la lokenge e be koto iototalini la lokenge e ekosako. ¹⁷La wato wango iwatomi atie ino, itiolakelalini la mboka e moto moikima, te ndjongo? ¹⁸Iyakongali la Tito koto imotomali mangbasu adje mongindji la inde. Tito atiolakelalini te ma keke, te ndjongo? Tosombali la elimo eho esi, te ndjongo? La obilei lipopo eikima, te ndjongo?¹⁹OKomungwakani ate ehele gala tokolukaka oyalongesi atie ino? Edjei liwoso la Mwengei nde tokoasaka la loyi e Kilisito. Ase, wamanima wa libalano, sambo kpaa idjei laate omaaneni.²⁰Idjei la mbangi, ate, la owumi wo mbai atie ino itiogboteni ndenge ebali mbai koto itienene atie ino ndenge ebali ino, ase idjei la mbangi ate igbote nde mosio, djua, mihela, ogulani, otongoni, ondungwani, okundji la elolo, ewedje. ²¹Idjei la mbangi laate ango ekowuma mbai alidji, etimbala Mwengei o mbai aengi ookesi mbai soni ndondo enu, koto iengi oleli la loyi e wato ngbii wango gala wakelali masumu ase watikukolali mitema la onalili wou koto pite koto esombeli e soni enge eyahekeleli iwo la eho.

Chapter 13

¹Ehele edjei mbala esato enge ekodjaka mbai atie ino. La monoko mo watotoli wale te wasande nde loyi kpaa eengi ogemeiyani. ²Iyaaselali eho poo koto, nda nde idjei alidji ongo la mbala ewale kaikoase sikalandjo iti kine ongo, ikoasaka libela la wango wakelali masumu liwoso koto la wadji kpaa wango watikali, ate inga pendja idja alidji, itimodhee moto te moikima.³La ebili ate ino okolukakani sambo djinge ikoenese ate Kilisito akoasaka ndondo e mbai. La ndenge eho. Inde ati moto o mageni atie ino, ase adjei moto o okulu ndondo e ino. ⁴Ndjongo, Kilisito abakemali la ekulusu la loyi e mageni, ase adjei la mokalo la loyi e okulu e Mwengei. Edjei koto meemene ate todjei wato wa mageni mongindji la inde, ase tokodja la mokalo mongindji la inde la loyoi e okulu e Mwengei atie ino.⁵Yamekani ino amene inga odjeini ndondo e ogemei. Yadhendani inga odjeini nda ndenge. Ino otiyayewakani ate Yesu Kilisito adjei ndondo la ino? Aasa nde inga odjeini nde wato wango walongosani. ⁶Imungoi olamu ate iso, toti wato wango walongosani.⁷Sikandjo, toyakongi la Mwengei ate otikeleni loyi luesi e mbe, eti ate iso amene toenene nda wato wango wagemeiyani, ase nde laate ino okelakeni enge edjei olamu amene, inga te ate iso toeneni wato wango watitolane. ⁸Laate toengiti okeli ema teeti la oamaleli omeemene, ase ndji enge edjei la loyi e omeemene.⁹Iso tokoemeleke masio kpaa makodjaka ino la okulu Inga te ate iso todja te la mageni. Linge likoongoko iso la lu loyi edjei onanolani wonu. ¹⁰Dhenda ndenge eho nde edhingi mbai ndjo te ndenge edjei mbai lihele: Laate, ango ekouma mbai, itienene nda moto o monga, la otutei okumu wungo wohekeli Likumu mbai e wongelake ase eti ate ebitesake.¹¹Wamanima, la osukesi, abatani la mwemu, wongeleni sambo djanu, helanani mawo manu la ookani koto la logoo. Mwengei ongo obali wato kpaa koto ongo obali logoo akodja la ino.¹²Hananani mobale la ombomboni esatu. Wasatu kpaa waohekelini mobale.¹³Magba ma Likumu Yesu Kilisito, koto libalano la Mwengei koto oyabondji e elimo satu edje la ino kpaa.

Hebrews

Chapter 1

¹Mwengei, ongo la engele e gala, adjali oasi la watata wasu la mboka e watiesaakoli mbala la mbala pe la ndenge ngbii.²Kasi la gboo e ma masio, atoaselia la mboka e Mana, ongo omobati inde moto o lisango e wiho kpaa, pe la mboka e inde akelali wiho kpaa winge widjei la molongo kpaa.³Mana oho akoeneseke dombwa e Mwengei pe adjei elima e inde, pe akohelaka wiho kpaa la liloba e otetelake wonde. Mbuse e okpoli masumu masu ayabatia la ewo e lilome e okumu la wibete wiyeti likolo.⁴Awaetia waahumbwa, laate atoti lisango e kombo eesi elamu oyeti enge ewu.⁵Nda ekpangele, ndondo e waahumlbwa asala la ndai ate: Owe odjei Mana o mbai, kekehele mbai iwumia sangwa? Pe alidji: Mbai ikowuma sango pe inde akowuma Mana o mbai?⁶Kasi ango emotomia inde alidji mana o inde o liwoso la mbume enge wato wayabati, akoasaka ate: Waahumwa kpaa wa Mwengei wamomayele mauli. ⁷Alidji, akoaselaka la waahumbwa ate: Akokelaka waahumbwa milimo, pe watuke wande la olamu e wato kpaa olemi o misa.⁸Kasi aasali la Mana ate: Mwengei adjei ngbelengo e owe e okumu libela la libela. Ekongo e okumu e owe edjei ekongo e omeemene.⁹Obalali odjei moto molamu, otonali sambo e bukake pui. Eho lenge Mwengei, Mwengei e owe, aokpulia maita ma mwemu owaeti wiino wa owe.¹⁰Ase alidjii, owe, likumu la lipotele,okelali mbume la likolo widjei tomu dja mawo ma owe.¹¹Eho mene ekobitaka, kasi owe okotikala libela, kasi eho ekosulika nda esindje.¹²Pe okobalaka eho nda kasaka, ase eho ekwahengese nda esindje. kasi owe odjei ndji nda ekodjaka owe ase wilanga wowe witisila.¹³Kasi la ndondo e waahumbwa aasali la ndai ate : Abata la ewo e mbai e lilome tee ndji ekowabata mbai watonani wa owe nda esiko la makolo ma owe? ¹⁴Iwo kpaa watidje wilimo winge wikokelaka wotomu, la loyi e wolamu wo wato kpaa, wawatomi la loyi e owakeleli wato wango wakotota lisango e libela?

Chapter 2

¹Eho lenge, tokoki obateli dji sambo tookali motema, laate totikpalame lihele la mboka.²Laate inga lu loyi eyasamali la mboka e waahumbwa eyamalali gboo, pe loyi kpaa ebukake pui pe loyi kpaa e odjangi otemei etotali etumbu e omeemene, ³Tokotila nda ndenge inga totona mokalo mosungu? Mungo mokalo ndjongo likumu lasu aasali liwoso, pe enge wato wango wamookali watoeneseli ate edjei meemene.⁴Mwengei agemesali demu ewu la wienesi e sambo ndjinge sungusungu la sambo dja oyahueli ase la likao la Elimo-Santu lihami la ndenge e obali wonde.⁵Ase ndjongo, eti la okumu e waahumbwa nde Mwengei abati moki mungo mogeleli nde moho mokoaselaka iso.⁶Kasi mwaseli mwesi ainyaali la ebete esi: Moto adjei ndai laate omomungole? Te mana o moto laate amobanye?⁷Omokelali mokeke la sese e waahumbwa, omokpalesali wokumu wo dombwa pe e etemia, ase omobatali Likumu e tomu dja mawo ma owe.⁸Obatali wiho kpaa sese e makolo mande. Kaiko nde, sikalandjo, totienekeyo wiho kpaa sese e okumu wonde.⁹Kasi tokomoeneke yesu, ongo obatami maa keke sese e waahumbwa, akpali elembo e dombwa pe e mogano, laate aeneli wodjidji pe aguali, la loyi ate, la mboka e magba masungu e Mwengei aguele moto kpaa.¹⁰Ewongoki ate oholo moto wiho kpaa widjei la dombwa e inde ase la mboka e inde wiho kpaa widjei, ango okeli inde ate wana ngbii wadjee la dombwa, amomesali kapita ongo wakokalaka la mboka e inde moto oengi la mboka e wikoni.¹¹Laate moto ongo okosatisaka, la wango wasatisami, iwo kpaa walongoi atie moto moikima, nde eho lenge atiokaka ndundu la owaweli ate wamanango.¹²Ango okwasaka inde ate: Ikotiesakola wamanima nkombo e owe, ikogana owe la lembo la ndondo e liboliani.¹³Ase alidji ate: Ikomobatela motema. Ase alidji ate: Denda, mbai la wana wakeke wango wapekeleli Mwengei mbai.¹⁴Ndendjongo, nda wana wakeke wadjei la makila, la moini mo ndenge e womoto, inde koto adjali ndji ndjongo la loyi ate, la mboka e logo wonde, abitese kpaa moto ongo oengi ohekeli logo, einei ate mondjili.¹⁵Pe ahekele wohola la wato kpaa wango, la loyi e wangake logo wabatamali la otuke la wokali wou oesi kpaa.¹⁶La memene, atiwagamisaka waahumbwa, kasi akogamesaka liwota la Abalayama.¹⁷Nde ndjongo, aengaki oumi nda wamanango la sambo kpaa, la loyi ate aume nganga-Mwengei mosungu o motema magba, ongo omemene e sambo dja Mwengei, la loyi ate, ahekele likao lodhihake masumu ma wato.¹⁸Ndji ndjongo, nda eeneli indemene wodjidji, ango odjakali inde omekami, aengi owagamesi wango wakomekamaka.

Chapter 3

¹Eho lenge, wamanima wasatu, ino wango wawelami la oki likolo, momungwani wolamu motomani la nganga-Mwenei e ogemei ongo okomogemeyaka iso la hoho, Yesu. ²Adjakali moto molamu atie Moto ongo omobatali inde ndjongo, nda ndenge koto Moize adjali moto molamu la monguta monde kpaa atie Moto oho.³Laate inde atangamate ate awongi la dombwa ngbii omoleki Moize, la loyi ate moto ongo okomaaka monguta akodjaka la etemia ngbii oleki monguta.⁴Monguta kpaa moto nde okomaka, kasi ongo omaali wiho kpaa edjei Mwengei.⁵Moize adjakali moto o wotomu molamu la monguta mwesi kpaa mo ohongo Moto ndjongo.⁶Kasi Kilisito adjakali Mana molamu la monguta mo Moto oho. Iso todjei monguta mo Moto oho, inga tee la gboo todjei engele kpaa oasi la hoho, pe la memene pe la oyaheleli la sambo djinge ikototomaka iso toyagane la molambia mungo wodjei iso la woho.⁷Eho lenge, ndji ndenge ekoasaka Elimo-santu: La wuse wokeke inga ookani moli monde ⁸Otitetesakeni motema monu, nda e ngele ememelake e otetelake, nda lisio wungo womekami wopumbate la lisobe.⁹Ebete enge emekali watata wanu mbai, te nda eeneli iwo tomu dja mbai la woumoi wo wilanga tuku inei.¹⁰Eho lenge, ilembali li liwota, ase ndjongo iyasali ate wawu ngake wiengele kpaa mboka dja mitema mawu, pe watiewe mboka e mbai.¹¹Ase ndjongo ilapali ndai la limemu la mbai ate: Watilingela la ohomi wo mbai.¹²Wamanaima angatalakani laate mwesi onu aume la motema mobe, mungo modjangi ogemei, laate amodhee Mwengei o mokalo.¹³Kasi djaakani ohani egalela lisio la lisio la engele enge owelami ate keke, moesi onu, oume motema motetelake, la loyi e okulu e ekosako e lisumu.¹⁴Laate, tokoumaka wato wango wakowanesanaka la sambo dja kilisito, ndji inga toahelela la oteteli la sambo djaho ibatelali iso motema la lipotele ase tee la gboo.¹⁵La engele ekwasaka iwo ate: La wuse wokeke, inga wookani moli monde, otidjeni la limemu la mitema mamu nda engele e ookake limemu enge etetelake.¹⁶Laate, wandai, waokali pe te ndjongo watumolali limemu wo Mwengei? Edjali wato kpaa wango wapumbali la Ezipito la esombeseli e Moize? ¹⁷Alidji wandai wango Mwengei awalembali la owumoi wo wilanga tuku inei? Edjali wato wango wakelali lisumu, wango milonda mau milangalali la lisobe, te ndjongo? ¹⁸Kasi wandai wawalapelali inde ndai ate: Watolingela la ohomi wonde, eti wango wadjangali etemia? ¹⁹Eho lenge, tokweneke ate, watilingelali, laate wadjangali ogemei.

Chapter 4

¹Kasi toyawangese, la loyi ate liwuna lilingelake la ohomi wonde wodjeiyo, tohuake ate moesi onu toeti atitikale mbuse.²Laate watotiesakolali iso mboli ndamu, ndenge wawatiesakolali iwo, kasi sambo djinge iwaselali iwo etiwakelali ema teeti, la liloba enge eokali iwo, laate watidjali la ogemei la wango wagemeyali.³Laate, iso wato wango wagemei, tokolingela la wohomi woho, ndenge eyasali inde ate: Ilapali ndai la limemu la mbai ate: watilingela la ohomi wo mbai, te ndenge tomo djande esukali tee la lipotele e moki. ⁴Laate, aaselali lisio la sambo la ebete eesi ate: Pe Mwengei ahomali la lisio la sambo la tomo djande kpaa djinge ekelali inde, ⁵pe la ebete eho, asia alidji ate: watilingela la ohomi wo mbai.⁶Eho lenge, nda etikali ate wango wadji wakolingela la ohomi woho, pe wango wadji waokali mboli ndamu liwoso watilingelali, laate wadjangali etemia, ⁷Mwengei abatia alidji wuse weesi ndjo, ango iyasia inde, mbuse e engele elai, la lembo e Davidi ate: Kekehele, ndji nda ndenge eyasamali liwoso ate: Kekehele inga ookani dumbei dja nde, otiumeseni mitema manu mitetelake.⁸Laate inga Yosua awalingesali la ebete esi ehomake, nda mbuse, Mwengei atiyaselali eeti wuse. ⁹Eho lenge, etikali ohomi weesi wo sabata, la loyi e wato wa Mwengei. ¹⁰ Laate moto ongo olingeli la ohomi wo Mwengei, ahomi koto la tomu djande, ndji ndenge ehomali Mwengei la tomu djande. ¹¹Tokele kpaa djinge iyengi, laate tolingele la ohomi woho, galaa moto mwesi akue ase atutie ekpangele eho e odjangi etemia.¹²Laate liloba e Mwengei wodjei la mokalo, pe wodjei la woteteli, pe wowoti oleki ewumi kpaa enge edjei la maino maale, ase ekolingelaka tee la okawanesi molimo la elimo, pe matonga la maita maho, pe eengi oyewi mamungene la miano ma mitema. ¹³Eti la ekelamo teeti enge edjangi woeneni la hoho la maiso mande, kasi wiho kpaa widjei lingbengbele, pe wikweneneke la hoho la maiso ma moto ongo okowongosa monoko atie inde.¹⁴Nda odjei iso la nganga-Mwengei mosungu ongo olingeli likolo, Yesu, mana o Mwengei, tonangane la oenesi la hoho ate tomogemei. ¹⁵Laate nganga-Mwengei mosungu ongo odjei iso la inde, eti moto ongo oengiti otookeli iso magba la olembi wosu, kasi edjei nde moto ongo okpalemali la sambo kpaa nda iso, kasi ati la lisumu. ¹⁶Toandongbe la eyaseli e hoho, pe la omemene, la hue e ngbelengo e okumu o magba masungu, laate Mwengei atookele iso magba pe atoenesele magba masungu engele edjei iso la ehoha e ligamesi.

Chapter 5

¹Laate nganga-Mwengei mosuungu ongo omokondji iwo la ndondo e wato, wakomobataka la loyi e wolamu wo wato la sambo dja Mwengei, laate ahe makao la mbeka, la loyi e masumu.²Aengi oenesi magba atie wato wango wadjangi oyewi, la wango wawusi, laate inde koto adjei la olembi wonde. ³Nde la ndjongo, aengi ohie makao, la loyi e masumu mande amene pe la mango ma wato.⁴Moto atitotaka ehele etemia la ndenge ende amene, kasi ndji la engele enge emoweli Mwengei, nda emowelali inde Alona. ⁵Ndenge kikima nda kilisito atiahali dombwa inde mene laate aume nganga-Mwengei mosungu, kasi akondjali dombwa atie moto ongo omwaselali ate: Owe odjei mana o mbai, keke mbai iumia sangwa.⁶Ndi nda ndenge easi inde la ebete edjii ate: Odjei nganga-Mwengei libela la libela nda Melekisedeki.⁷La masio mango edjakali inde la wenge wa moeni, Kilisito ayatatali pe alidji aongali ongo odjakali la makoki e omokalesi la logo, la opami pe la po, ase amookali ase amogemeyali la edjeli e inde ewangake Mwengei.⁸Te ndenge edjakali inde mana, ayekolali etemeya la sambo djinge egbotonoli inde la djaho.⁹Ase, mbuse ewoumi moto ongo weengi la sambo kpaa, akondjali mokpali moyinyake wato la mokalo mo libela, wato kpaa wango wakomotemiaka. ¹⁰Laate Mwengei amowelali nganga-Mwengei mosungo nda Melekisedeki. ¹¹Todjei la sambo ngbii dja oasi la loyi la inde, pe olumboli djaho edjei monga laate odjeini ma toi gboo.¹²Laate meemene la odhendeli engele enge elekesali ino, edjakali ate odjeeni watiesaakoli, kasi odjeni alidji la posa ate moto mwesi aotiesakoleni, olongoi la lipotele, la matio ma lipotele, dja maloba mosato e Mwengei, pe odjeini nda moto ongo odjei la ehoha e mawele, kasi te wilaka witetelake. ¹³Kaikonde, moto kpaa ongo okonungaka mawele, ayewiti loi lungo wolamu laate adjei mana mokeke.¹⁴Kasi wilaka witetelake widjei wa wiloko wato, wango makoki mawu mayewake, nda ndenge wakokelelaka eho, emeseni okawoli obe la olamu.

Chapter 6

¹Eho lenge, nda sikandjo edhei iso matio ma lipotele ma Kilisito, tokele kpaa todje wiloko wato, totibatekine alidji moboko, eyasi nda ate oyekoli alidi matio ma ohengesi motema la odhei tomo djinge iwotitiakapukapuka, pe omogemei Mwengei, ²matio mango madhengi patisa pe la omobateli moto mawo, obasi e wato waguake, la osambesi wo libela.³Pe ehonde, eengi la iso inga pendja Mwengei abala.⁴Laate wango wadjei ngbai mbala kikima libela, pe wango waoki oleli e likao e pamba e likolo, pe la wango wakondji Elimo Santu, ⁵pe wango waoki oleli e liloba lilamu e Mwengei pe etetelake e sambo ndjinge igeleli. ⁶Kasi wadheiya eho, waengiti kine owongosami laate wahengese motema laate wadjei iwo amene omobaki alidji Mana o Mwengei la ekulusu pe omookesi soni la maiso ma wato.⁷Inga mbume djinge ikokengaka malia ma ewongo enge ekoluelaka eho mbala la mbala, pe la mbuse eho ekotooko ndunda djinge ikolakamaka la wato wango waonelali eho, ekototaka koto opamboyi wo Mwengei. ⁸Kasi inga eho iwota keke la ma mbuku wakondjilumba la hue e mbumakolo, gboo eho wakolongosa eho.⁹Kaiko nde la loyi lanu, ino wamanima wa libalano, te ndenge ekoasaka iso djongo togemei memene ate odjeini olamu owaeti iwo pe okotutiakani sambo djinge ikookpalani la mokalo. ¹⁰Laate Mwengei adjangiti olamu laate awosane wotomu wonu la libalano lieneseleli ino nkombo e inde, la ndenge ewakelelani ino wasantu pe odjeini ndji okowakelakani.¹¹Tobali ate mwesi la mwesi la ino aenese egalala e ndenge eho laate adje la elikia etetelake tee gboo, ¹²laate otiwumeni wisekeleke, kasi watutei e wango wakokondja lisango e liwuna la mboka e ogemei pe la motema molai.¹³Laate ango Mwengei amohali Abalayama liwuna lande nda etiengali inde olapi ndai la nkombo e odji moto ongo omoeti inde, alapali ndai la nkombo e inde amene.¹⁴Aasia: meemene ikoopambwa ngbii mpendja pe ikoowumesa ngbii pendja.¹⁵Eho lenge, Abalayama mbuse e oenesi motema molai akondjali liwuna laho.¹⁶Kaikonde, wato wango wakolapaka ndai la nkombo e moto ongo owaleki iwo, ase la ndai ndjawu ekoseselaka kokia kpaa, laate edjei nanga ewu enge egemei pui. ¹⁷Ndenge kikima pe Mwengei, ango eanali nde oenesi la hoho wakondji wa lisango e liwuna ate mwano monde motikukuanaka, akelali eho la ndai. ¹⁸Laate la sambo iwale djinge itokukuanaka djinge la loyi eho Mwengei aengiti te maa keke obuki moleho, iso wango watili ase tokia okayaisi atie Mwengei toaselane la otetelake laate tohele elikia enge ebatani liwoso lasu.¹⁹Elikia wungo wodjei iso la eho wodjei nda longo la molimo, ase eteteli gboo, ase elikia eho ekotolingesaka iso mbuse e lido, ²⁰atie moto ongo oleki liwoso alingelali la loyi esu, Yesu, ongo oumi nganga-Mwengei mosungu nda Melekisedeki libela la libela.

Chapter 7

¹Laate Melekisedeki oho, likumu mo Saleme, nganga-Mwengei o Mwengei ongo oeti likolo, ongo ogbotonoli la Abalayama ango elongwali inde ooli makumu ase amopambwali. ²Ase ongo Abalayama amohali esi la esuki e liomu e wiho kpaa, adjei liwoso liwoso, inga wakukola Likumu e wato walamu, alidji adjei koto nda likumu la Saleme, easi nda ate Likumu e logoo. ³Nda eti inde la sango, ati la nango, ati la mokalakala mo watata, masio ma nde mati la lipotele, pe okali wonde woti la gboo kasi adjei nda Mana o Mwengei, adjei nganga-Mwengei libela la libela.⁴Dendani adjakali moto mosungu mene! Moto oho Abalayama likumu la liwota ahekeleli esi la esuki e liomu e wiho winge wipundjali inde la wita. ⁵Wana wa Lebi wango wakototaka wotomu wowu wo onganga-Mwengi, watoti tomani e okeli moloko atie wato, esi la esuki e liomu la otutei pui, einei atie wamangbau, te ango olongoyi iwo la liwota la Abalayama. ⁶Kaiko Moto ongo mokalakala mo watata wande molongoiti atie ewu akondjali esi e esuki e liomu atie Abalayama ase amopambwali moto ongo okondjali mawuna.⁷Kaiko nde kokia iti, moto ongo odjei mokeke apambwamia la moto ongo omoeti. ⁸Ase wato wango wakondjali liwoso esi e esuki e liomu edjei wato wango wakoguaka, kasi ongo omoaseli iwo mbuse, edjei moto ongo omotondoli iwo ate adjei la mokalo. ⁹Alidji, dhee ikelele li liaseli, la mboka e Abalayama te Lebi ongo okokondjaka esi e esuki e liomu akoputaka esi e esuki e liomu, ¹⁰Laate adjakali la solo e tata e inde engele Melesesedeki agbotonoli la Abalayama.¹¹Inga edjei eengake ekodjaka meemene la ligamesi e wonganga-Mwengei ewalebi ( laate wonganga-Mwengei wuho wodjali la mboka kikima la Pui djinge wawahali wato ase edjali loi lo gbondo,) nda gbondo, edjakali alidji ate nganga-Mwengei odji aume nda Melekisedeki ase waase ate adjei nda Alona? ¹²Laate, nda wonganga-Mwengei ekokukwanaka, pui koto iengi okukwani.¹³Laate moto ongo waaseli dji sambo adjei moto o liwota ladji, ongo moto tweti akelala wotomu ongo la etumbeli. ¹⁴Laate eyewani lahoho ate Likumu lasu alongwali la Yudea, liwota linge Moize atiaselali ema teeti enge edendji wonganga-Mwengei.¹⁵Ase eyewani alidji la hoho e oleki ate, nda Melekisedeki nganga-Mwengei odji akopumba. ¹⁶Ongo oumi ndjongo, te la otutei sambo djinge idhingami ndondo e pui enge edhendi sambo djinge idjei ahala la mbume kasi nde otutei wokulu wo mokalo weesi wungo wokokiti obitani. ¹⁷Laate edhingami ndjo: Odjei nganga-Mwengei libela la libela nda Melekisedeki.¹⁸Eho lenge, walongosali pui dja liwoso laate itidjakali la okulu, alidji itidjakali la kole. ¹⁹Laate pui itiumesali ema teeti ema eengake, kasi odji e oani wesi wungo woleki olamu ekelali eho, enge la mboka eho tokoyandongbaka la hue e Mwengei.²⁰Alidji ndenge eho ekelamali la olapi ndai. ²¹Kasi edjei la wato wango watiume wanganga-Mwengei la ndai, kasi edjei la moto mwesi ongo oumi nganga-Mwengei la ndai e moto ongo omoaselali ate: Mwengei alapi ndai ase atioka magba ate odjei nganga-Mwengei libela la libela.²²Edjei ndjongo nde Yesu aumi moto ongo ohami nanga e ogemei enge eyeti olamu. ²³Alidji, ngbii waongoli ate waume wanganga-Mwengei mbuse e wango wadji laate logo etidjiakali owahi mboka e okeli ndjongo. ²⁴Kasi inde nda edjei inde la mokalo libela la libela ati la moto ongo oengi ototi eholo e inde e wonganga-Mwengei.²⁵Nde ndjongo aengi koto owakalesi wato wango wakwandongbaka atie Mwengei la mboka ende, laate adjei engele kpaa la mokalo e oasi la loyi ewu. ²⁶Laate nganga-Mwengei mosungu e ndenge enge, edjei meemene ongo owongi la iso, moto omeemene, ongo oti la obe, ati la osoto, akatolani la wato wabe, adjambani oleki likolo.²⁷Ati la ehoha e ohekeli mbeka masio la masio nda ekokelaka wango wanganga-Mwengei wasungu, liwoso la loyi e masumu mande amene ase la mbuse mango ma wato. Laate akelali ndjongo mbala kikima la libela ango eyakawali inde. ²⁸Laate pui idjali owabati wato wango walembi wanganga-Mwengei wasungu, kasi loi e ndai linge lidjali mbuse e pui likobataka nde Mana moikima ongo oumesami moto ongo oengi la djiesi kpaa libela la libela.

Chapter 8

¹Sambo djinge ikwaselaka iso, limungwene la gbondo laho leli: Todjei la nganga-Mwengei mosungu e ndenge eho, ase ayabati la ewo e lilome e ngbelengo e wokumu la wokumu wosungu ongo likolo.²Moto owotomu la loyi e wato kpaa la ebete e santu, ase la hema ememene enge emali likumu kasi moto te.³Laate nganga-Mwengei mosungu kpaa abatami la ohekeli makao la mbeka; eho lenge ewongoki inde koto adje la likao la ohekeli.⁴Kaiko nde inga adjaki ahala la mbume, nda ati nganga-Mwengei laate edjei la wato wango wakohaka makao la otutei pui. ⁵Kaikonde wakokelaka wotomu mosantu wungo wodjei ekpangele pe elima e sambo djinge idjéi ongo likolo, nda Moize ango elukali inde omai hema akondjali wotomu atie Mwengei aasia ate: huaka ate okele sambo kpaa la otutei ndenge enge wowenesi ongo la mokoli.⁶Kasi sikahala Kilisito okondji otomu weesi wolamu oleki la loyi e wolamu wo wato kpaa, eho lenge adjei koto mookanisi mo ogemani wesi wolamu oleki, enge ebatanii la otutei pui, pe ehelami la mawuna wilamu oleki. ⁷Inga ogemani wungo wo liwoso wotidjake la wobe nda wungo wo wale woti la kole.⁸Laate Mwengei akowapamelaka wato ango okwasaka inde ate: Likumu asiate, Dhenda masio mageleli ase ikokela wogemani woholi la monguta mo Isalaele la mongula mo Yuda. ⁹Etidja la otutei ogeimani wungo wokelali mbai la watata wau la wuse wungo wohelali mbai ewo ewu, la owapumbesi iwo la mokili mo Ezipito, laate watiabatali ndondo e ogemani wo mbai, eho lenge edheli mbai owabanei, Likumu aasi ndjongo.¹⁰Kasi denda wogemani wungo wokokela mbai la monguta mo Isalaele, mbuse e masio maho nda easi Likumu: Ikobata pui dja mbai la mamungwene mawu pe ikodjidhinga la mitema mawu; pe alidji ikodja Mwengei owu, pe iwo wakodjaa wato wa mbai.¹¹Wato tueti watitiesako mana o moki, te maanango ate: Moyewa Likumu, alikambo ate iwo kpaa wakondjewa mbai, olongoi ongo odjei mokeke la ongo odjei mosungu la ndondo ewu.¹²Alikambo ate ikowaokela magba la tomu djawu idjangi wolamu, la itomungwa kine alidji masumu mawu.¹³Ango eyasia inde: Ogemani woholi aseseli mokombe enge egala, kaiko nde ema nge esili mokombe pe ewoloyia ewumia ahue e osalamati.

Chapter 9

¹Sikaalandjo wogemani wo gala wodjakali la pui la wotomu monsatu, pe la ebete esantu eho la moki. ²Laate wamalisali esuki eliwoso e hema ase ndondo, edjakali la emaleseli e matambe, la mesa la makoke maenesake, ase wawelia eho ebete esantu.³Mbuse e lido e wale, edjakali la esuki e hema enge eweli iwo ate ebete enge eeti wosantu. ⁴Edjali la ema etumbake mpaka la malasi enge ekelami la wolo la sanduku e wogemei enge edihami eesi kpaa la wolo enge edjakali la etotu e wolo, enge edjakali la mana, la motongo mo Alona linge litooli fulele la wipe e ogemani. ⁵Likolo laho edjakali la wakeluba wa dombwa enge elima ewu edjakali odhihi edhiheli e odhihake masumu. Ase ehele eti engele eyaselake loyi liesi liesi e djinge wiho.⁶Mbuse e omai wiho waho ndjongo, wanganga-Mwengei wadjakali olingeli la esuki e liwoso e hema eho iengele kpaa la okeli tomu esatu. ⁷Ase enge esuki e wale ndji nganga-Mwengei mosungu inde amene nde odjakali olingeli mbala esi la elanga esi, atilingelakali te inga ati la makila, enge edjakali inde ohi la loyi lande amene ase la loyi la masumu ma wato, mango ma djakali iwo okeli la odjangi oyewi.⁸Elimo santu edjakali woenesi la hoho ate mboka e olingeli la ebete monsatu etienenekeeliyo engele enge hema e liwoso edjakali ango. ⁹Eho edjei ekpangele la engele enge ebatama, enge eengi sikala, pe tee sikandjo, makao ma mbeka makohanaka, kaikonde maho makokiti omohi moto ongo okokelaka wotomu wosantu woyewi wolamu wungo wowongi. ¹⁰La enge edhengi wilaka, Maana la patisa ndenge la ndenge. Eho edjakali iongolo dja pui enge edhendji wenge, pe eongani tee la engele enge ebatama laate enanole sambo.¹¹Ase ango odjali Kilisito Nganga-Mwengei mosungu o sambo ndamu ndjinge ikelami, aetali la hema sungu enge ekoki oleki, enge ekelamiti la mawo easi nda ate eti ndondo e wiho winge wikelami la moki. ¹²Ase alingelali la mbala kikima libela, la ebete esantu, te la makila ma meme, te la makila ma wana wa ngombe, kasi la makila mande amene, ase atokondjelali wosikolami wo libela.¹³Inga makila e wameme pe e wangombe wapele, pe la miisu ma ngombe e moli minge mikomisaka iwo likolo la wato wango wadjei la wonalili, makosatisaka tee okpoli wenge, ¹⁴ndjongo makila ma kilisito, mango la mboka e elimo esi e libela, ayakawali atie Mwengei, te la litono, ekokpolo woyewi wolamu wosu, te la oyeti tomu ndjinge itiwotaka pukapuka laate tomokele Mwengei o mokalo wotomu wosantu? ¹⁵Eho lenge adjei mookanesi e ogemiani oholi, la ebili ate, wango wawelani wakondje liwuna e lisango wolibela; laate logo londe lodjali la owasikoli la mboka e lisango e sambo e bukake pui djinge ikelamali la ogemiani wo gala.¹⁶La ebili ate ebete enge edjei ogemiani, moto ongo okeli ogemiani woho, ewongi ate ague. ¹⁷La ebili ate ogemiani ekogemianaka la wa mbeka enge e olami laate etigemianaka la engele enge moto ongo okeli adjei la mokalo.¹⁸Eho lenge ogemiani wo gala etipotali odjangi makila.¹⁹La ebili ate ango Moize awayewisali wato kpaa mitomani kpaa etutiake pui, atotali makila ma wana wangombe wapele la mango ma meme la malia la lene tanake ngbaa la mote mo izope ase amiselali ahala, inde amene la wato kpaa waasali ate.²⁰Ehele ndjo edjei makila mango Mwengei aohekelini ino tomani ate oengeseni.²¹Amisali makila pe la hema ase la teni kpaa dja wotomu la wolamu wo wato kpaa.²²Wiho wiesi kpaa wikokpolonoko la makila la otutei pui ase inga makila matisuakane wookeli magba woti.²³Ewongoki ate ekpaangele e dji sambo djinge idjei ongo likolo ilangake la ndenge ndjongo, ase sambo mene dja likolo ilangi la wambeka mango maleki djinge mbeka. ²⁴Laate Kilisito alingelali la ebete esantu enge ekelamiti la mawo, enge edjei elima e sambo dja meemene, kasi nde ongo likolo mene laate aenene sikahala liwoso la Mwengei mene la loyi e esu.²⁵Eti pe ate ayakawali mbala la mbala, ndenge nganga-Mwengei mosungu akolingelaka elanga la elanga la makila mande amene. ²⁶Inga edja ndjongo, nda akweneke wodjidji mbala la mbala tee ndiango epota mokili. Kasi sikahala aeneni mbala kikima la libela la osukesi sambo dja ehele engele la olongosi lisumu la mbeka lande amene.²⁷Nda ekolambelaka wato logo mbala kikima la libela, kasi mbuse eho osambesami, ²⁸Kilisito akawamali mbala kikima la libela laate akpale masumu ma wato ngbii, ase mbala ewale enge ekouma inde etodja kine la olongosi masumu ase wato wango wakomolukaka la ehoha etetelake la loyi e wokali wou wokomwene.

Chapter 10

¹Laate nda edjei pui elima e sambo ndamu djinge igeleli, ase eti omenemene wosambo, la makao mango makohaka iwo wiengele kpaa elanga la elanga, wato waengiti, te wokeke owumesi wango wakoandongbaka ahue, wato wango wakoki. ²Inga ndjongo, wambeka matiengake ohani? Laate wango wakokelaka wotomu mosantu, la wango walangi mbala kikima la libela watiengake kine alidji woewi masumu. ³Kasi wambeka mango madjei nde ohundoli masumu elanga la elanga.⁴La ebili ate makila ma wangombe dja pele la mango ma meme maengiti olongosi masumu.⁵Eho lenge, ango edji Kilisito la moki, akoasaka ate: otibalali mbeka la makao, kasi owongeseleli mbai wenge.⁶Otindimali makao matumbake pe likao la loyi emasumu. ⁷Ndjongo iyasali ate: Denda! idji nda ndenge edhikami la loyi la mbai, la elingani e ahala, okeli mwano mo owe Mwengei.⁸Mbuse e oasi liwoso ate: Otibalali pe otigemeyali wambeka e makao, alidji la makao matumbake, la likao e loyi e lisumu; wambeka djinge ikohanaka la otutei pui. ⁹Mbuse eho asia ate: Denda! idji okeli mwano mo owe. Alongosi ema e poo laate abate ema enge e wale. ¹⁰La mwano moho, iso tosatisami la likao la wenge e Yesu-Kilisito mbala kikima la libela.¹¹Alidji nganga-Mwengei kpaa akoamalaka wuse la wuse la okeli wotomu mosantu, la loyi e wolamu wo wato kpaa pe la ohekeli wambeka waho mbala la mbala la ebili ate maho maengiti olongosi masumu. ¹² Ase Kilisito, mbuse e ohekeli mbeka kikima la loyi e masumu libela pe ayabatali la ewo e lilome e Mwengei. ¹³Opoti ndjiango akolambelaka tee mitone mande wakohotono nda esuleli e makolo mande. ¹⁴La loyi e mbeka sa kikima awaumesi wato wango wadjakali osatisami wato wango waengi libela la libela.¹⁵Alidji Elimo santu ekototoloko la loyi esu, laate la mbuse easali ate, ¹⁶Likumu aasi ate: Denda wogemeyani wungo wokokela mbai la iwo, mbuse e masio maho. Ikobata pui dja mbai la mitema mawu ikodjidinga djaho la mamungwene mawu.¹⁷Easi alidji ate: Itomungwa alidji masumu mawu pe la tomu djawu dja obuki pui. ¹⁸Kaiko nde ongo olimbesi iwo masumu maho, likao e loyi e lisumu liti kine.¹⁹Eho lenge, wamanima, nda edjei iso la egalala la okeleli mboka e lingelake la ebete esantu eho, la ligamesi e makila ma Yesu. ²⁰Enge etodhuhuelelali inde iso nda mboka poli pe e mokalo enge eleki la lido, nda oasi ate wenge wande. ²¹Ase nda edjei iso la nganga-Mwengei mosungu moikima ongo okobaniaka monguta mo Mwengei, ²²dhee ate, la mitema ma omeemene, toyandongbe ongo la ogemei wotetelake, nda okpolomi mitema masu la sambo mbe pe wenge wasu wikpolomi la malia mango malangi.²³Toaselake mwano mosu la hoho pe totiabingabinge la ebili ate moto ongo ohali liwuna adjei wolamu. ²⁴Toluanake laate tohanake egalela la ebili ate todje la libalano pe tokele tomo ndamu. ²⁵Totidhee ogbotononi wosu, nda ehahani wato wadji okeli, kasi tohane egalela pe tokelake ndjongo la oeteli ango ekweneke iso wuse woho woumia ahue.²⁶La ebili ate inga tohahana okeli lisumu la wogeno mbuse e okondji woewi wungo wolamu wo memene, mbeka edji eti la la olimbesi masumu. ²⁷Kasi tokolambelaka ndji lisambesi liesi liwangesake, pe la olemo wo misa minge mikolongosa wayamaleli wa Mwengei.²⁸Moto kpaa ongo odhendei pui dja Moize akogwaka la monoko e watotoli wale, te wasato, pe watimookelaka magba. ²⁹Ndjongo la limungwene lanu moto ongo omohoti mana o Mwengei pe la ongo oeni makila ma ogemeyani pamba enge emosatisali iwo la maho, la ongo otangi elimo e magba masungu pe adendeiya eho aengiti okondji etumbu e sungu oyeti?³⁰La ebili ate tomoyewi moto ongo oasali ate: owongosi wobe edjei loi wombai, mbai nde okowongosaka; pe alidji ate: Likumu akowasambesa wato wande. ³¹Edjei loi weesi e wangesake okwi la mawo ma Mwengei o mokalo.³²Kaiko nde mungwani engele kpaa masio ma poo mango mbuse e oenisami ngbai, odjalini la egalela e wita wiesi wisungu la ndondo e wodjidji. ³³La wiengele wadji, waotangakolalini ino pe waowenesalini ino odjidji liwoso la wato nda ebete e wioka, ase la wiengele wadji waowenesalini wodjidji mongindi la wango wadjakali ogbotoni la sambo djaho. ³⁴La ebili ate ookelalini wango wadjakali la woyogo magba pe ogemeyalini la mwemu wato wango waopuesalini wiho wanu laate oyewalini ate odjeini la ema esi elamu oleki pe enge ekoumwaka.³⁵Otidhekeni oaasi la hoho pe la omeemene, laate liwongoseli laho lidjei lisungu. ³⁶Laate oengini odjeni la edjeli e odjei la mohandia, laate mbuse e okeli mwano mo Mwengei, okondjeni ema enge e owunelalini inde.³⁷La ebili ate etikali ma engele keke, ase moto ongo ogeleli akodja pe atoumwa.³⁸Kasi moto molamu o mbai akokala la ogemei ,ase inga awongwa mbuse, molimo mo mbai motiemele la inde. ³⁹Iso toti wato wango wakowongwaka mbuse la obitani, kasi todjei nde wato wango wadjei la ogemei laate tobanye molimo mo mokalo.

Chapter 11

¹Ogemei wodjei edjeli e olambeli la motema moesi kpaa wiho winge wikomungwaka owe okondji, edjei elembeteli enge ekweneseke womemene wosambo inga te etieneneke. ²Laate la mboka eho nde litotoli ehamali la loi e wato wa engele e gala. ³La ogemei tokoewaka ate la liloba Mwengei, wiho winge widjei la milongo ewongisami, eho lenge enge ekoeneneke elongoyi la wiho winge witieneneke.⁴La ogemei nde Abele amohali Mwengei mbeka e motio mosungu, oyeti enge e Kaina, la mboka e ogemei woho litotoli lihanali ate adjei moto molamu, Mwengei ahali litotoli la loi e likao lande; pe la ogemei wonde, inga te agwi, adjeiyo ndji akokpomaka.⁵La ogemei Enoka akpalamate ebete edji laate atiene logo, ase atieneneli ebete teeti la ebili ate Mwengei amokpalali ebete edji; laate liwoso akpalame ebete edji akondjali litotoli ate amoemeleseli Mwengei. ⁶Inga moto atidje la ogemei akokiti omoemelesi inde te wokeke laate moto ongo okoyandongbaka ahue e Mwengei ewongi agemeye ate inde adjei , pe aumake moto ongo okohaka liwongoseli la wato wango wakomolukaka inde la ehoha etetelake.⁷La ogemei Noa, mbuse e okondji huaka e Mwengei, la sambo djinge itienenekeli yo, amowangali Mwengei pe amaali masuwa la owakalesi wato wa monguta monde; ase la ogemei uho akpeseli moki la loi, ase aumali mototi e lisango e olamu linge lilongoi la ogemei.⁸La ogemei Abalayama ango ewelamali inde, atemiali la ndenge ekeeli inde la ebete enge ewongokoli la inde okondji lisango; ase akeeli, te ndenge etiyewali inde atie eni edjakali inde okii. ⁹La ogmei ayabatali modjidji la moki mo liwuna, nda ase moki mo wadjidji, ase ayabatali la wahema ebete eikima la Isaka la Yakobi, wakondji wa lisango e liwuna liesi eho mongindji la inde. ¹⁰Laate adjakali olambeli gbata enge edjei la miboko ma meemene, gbata enge Mwengei inde amene moto omai pe akeli.¹¹La ogemei pe Sala inde amene atotali okulu e okpali lemi e litoto, inga ate aetesali wilanga wa owoti, la ebili ate adhendelali moto ongo ohali liwuna ate adjei meemene. ¹²Eho lenge pe la moto sa moikima ongo oengi iso oasi ate odjaki moto mogwake, wana wawotamali ngbii, nda minoto ma likolo pe koto nda ngene dja kelekele e ewale, watiengakali otangemi.¹³Iwo kpaa wagwali la ndondo e ogemeit, inga te etitotali iwo wiho winge wiwawunelali iwo , kasi waeneli la lihele, pe waemelali la waho ase waasali la hoho ate wadjei wadjidji pe wato wango wayabati la moki moho la engele ekuwe.¹⁴Wango wakwasaka djinge sambo wakoeneseke la hoho ate wakolukaka amene ebete ewu amene.¹⁵ Kaiko nde inga wadjakali saa omungoi ebete enge elongwali iwo, nda waengali owongwi. ¹⁶Kasi sikahala wadjei la ehoha e ebete enge eleki wolamu, easi nda ate e likolo. Eho lenge Mwengei atiwaokelaka ndundu, ate awelame Mwengei owu, laate awawongeleli gbata.¹⁷La ogemei Abalayama, ango emekamali inde, toengi oasi ate amokawali mana onde Isaka mbeka, pe moto ongo ototali liwuna la mwemu, aengali okawi mbeka mana onde saa moikima ongo omowotali inde, ¹⁸inga ate easanali atiende ate: Enge ekowelana momboto mo owe, ekodja la mboka e Isaka.¹⁹Abalayama amodhendelali Mwengei aengali omosusoli tee ongo la wagwi, pe tee la logo, amototali alidji la ndenge e elima.²⁰La ogemei Isaka amopambwali Yakobi la Esau la sambo djinge wiengali ogeleli. ²¹La ogemei Yakobi ango eumali inde ahue e logo amopambwali mana mwesi mwesi la wana wa Yodjepu, ase ayakongoli ango oyaimbali inde la gboo e motongo monde. ²²La ogemei Yodjepu, ango eumali gboo e wokali wonde, aaselelali wopumbi wo wana wa Isalaele; pe ahali tomani la loyi e mikwa mande.²³La ogemei Moize la owotami wonde wawoti wande wamoisali ndebo isato mbuse e owotami wonde, la ebili ate wamoeneli mana ayetali owongi, ase watiwangali tomani e Likumu. ²⁴La ogemei Moize, ango ebekali inde, atonali watimowele ate mana o mana moli o Falao. ²⁵Agemeyali oeni wodjidji la wato wa Mwengei mongindji, ebete ate adje la mwemu engele ekue enge elongoi la lisumu. ²⁶Laate adhendelali nsoni e Kilisito nda ogumake wo sungu oyeti wiho wa motio wa Ezipito, la ebili ate adjakali odhendji la wangatali atie ekodja oputami.²⁷La ogemei Moize alongwali la Ezipito. Atiwangali limemu la likumu te, atetelali gboo, nda edjakali inde weni Moto ongo otoeneneke.²⁸La ogemei akelali Pasika pe akpulali makila la ebili ate mooli atiwabande wana wango wawotami liwoso la Isalaele.²⁹La ogemei waakpandali ewale e tanake nda mbume ndjomake, kasi wato wa Ezipito walindali ango emekali iwo okpandji eho. ³⁰La ogemei witutu wa Yeliko wikwali mbuse e olingami masio sambo. ³¹La ogemei Lahaba moli o ndumba atigwali te mongindji la wango watidjali la etemia, la ebili ate awayanbali wadjake la logoo.³²Ikwasa kine nde alidji? engele ekodjanga mbai inga iyasela alidji Zedeo ,Balake, Samisona, Yepeta, Davidi la Samuele la waaseli wadji. ³³Wango la mboka e ogemei walongali makumu ma wita, wakelali wolamu womeemene, wakondjali mawuna, wahelali minoko ma wasimba. ³⁴Wasesali okulu wo misa, watilali maino ma ewuni, wadjakali olembi kasi waumali la wotetelake, waumali mabande ma wita, wawatilesali mawoke ma wasoda ma wadjidji.³⁵Wali wagbotonoli la wato wau wagbake la obasi; ase wadji wato waeneli wodjidji wotetelake la ebili ate watigemeyali okpolami la mboka e lisango e ndenge esi ndjo, laate watote libasia linge lileki olamu. ³⁶Wadji wakondjali omekami wou la ndenge ewasekeli iwo pe wawabingali pimbo, oyeti te enge, wawanangali mindjota ase la woyogo. ³⁷Wawabingali mabukeli, wamekamali. Wagwali logo e wiwini. Wadjakali oki wiati la wiati, wakpalali wikombaka dja kondolo la e wameme, wadjakali odjangi, waeneli wodjidji, wawabeteleli.³⁸Ase moki motiwongoli la iwo te, wadjakali oki wiati la wiati la wisobe, la mikoli, la buu dja mabukeli, la mawela ma mbume.³⁹Kaikonde iwo kpaa, inga te ate litotoli ehamaali la loyi ewu la ogemei owu, watikondjali ema enge e wawunelali iwo.⁴⁰La ebili ate Mwengei adjakali otoeneli iso lihiele ema esi e olamu oyeti, la ebili ate iwo watiwume wato wango waengi inga te iso.

Chapter 12

¹Iso koto, nda edjei iso la lipata lisungu ndjo e watotoli linge litolingi iso, tolongose woliti kpaa e lisumu linge likotohelaka petee. Pe todje la egalela ango ekotilaka iso obangu la migbondo minge midjei liwoso la su. ²Ango okomodhendelaka iso kapita pe moengesi e ogemei wosu, yesu. La mwemu mungo mobatamaali liwoso lande adjali la mogalela e omobaki la ekulusu, atiokali soni, ase ayabati la ewo e limo e ngbelengo e wokumu wo Mwengei. ³Momungwani moto ongo odjei la egalala la sambo dja oyamaleli e ndenge enge e wasumuki, laate otiadheleni la okuwi e elambake.⁴La wita winge wikosanaka ino la lisumu laho, osanakiyoni te tee la makila. ⁵Kasi owosanini mohandja enge ekoaselaka ino nda wana ate: Mana o mbai otidheeke etemia e Likumu pe otilembeke wenge ango eonanoli inde. ⁶Ndindjongo Likumu akonanolaka moto kpaa ongo omobali inde; akobingaka pimbo moto ongo inde akomotoloko nda mana.⁷Odjeini la mohandja la loyi e witumbu. Mwengei akookelakani sambo nda ebili e wana. Laate nda mana ongo sango atimohaka etumbu? ⁸Kasi inga odjangiani etumbu enge ekondjaka wato kpaa ondjeini mene wana wa mese, kasi te wana wa monguta.⁹Alidi wasangbasu wadjei wato nda iso wango wakotohekeleke iso witumbu. Ase todjakali owatemei, ndjongo Wawa o mokalo mosu e elimo, tokokiti owadjikisi liwoso lande oleki laate todjee la mokalo? ¹⁰Wasangbasu watohali iso witumbu la masio makeeke ndenge nda eenekeli iwo olamu; kasi Mwengei akotohaka ndjongo la wolamu wosu la ebili ate iso todje wasantu nda inde. ¹¹Etumbu teeti etodjaka loi lo mwemu engele enge ekohanaka eho, kasi ekodjaka nde magba, kaikonde mbuse eho, ekowotelaka wango watiesakolami la eho pukapuka e logoo, easi nda ate wolamu wo meemene.¹²Hani egalela la mawo mango malembi pe la mauli mango ma teteliti. ¹³Ase nanolani mboka dja makolo manu la ebili ate esuki enge elembi etilongwe la litonga, kasi ekale nde okala.¹⁴Tutiani odjei logoo la wato kpaa, pe tutiani wu wosatisami, inga wotidje moto tweti atomoene Likumu. ¹⁵Huakani mene la ebili ate moto tweti atidjange magba ma Mwengei laate mondjili te mweeti mokombeni mowotame alidji molingese ewedje pe etiwumese wato ngbii la wonalali. ¹⁶Moto o pite atidje, te moto ongo otitemiaka sambo mosantu nda Esau, ongo okawali wotomu wonde wo mana o poo la loyi e maa ema elakake. ¹⁷La ebili ate oyewini ate mbuse alidji, ango obalakali inde ototi lisango e opamboi, wamotonali inde laate te ango olukakali inde la wilelo mene okukoli mamungwene ma sango, atiengali kine.¹⁸Laate ino otiandongbeni ahue e ema enge eengini ino opoti mungo moalengi la misa, te linge lidjei la lipata e molili la e likolo te e ehoho. ¹⁹Te enge ekolelaka nda lihili, te enge eengani la etale, ango ookali wato mungo moli, wayakongoli ate watiwakpobele kine loi lodji. ²⁰La ebili ate wu wotomu wodjakali minga atie iwo: inga nama esi etima mu mokoli, ewongi wabinge nama eho mabukeli. ²¹Eeneneli eho edjakali la bo, eho lenge Moize aasali ate: Ikowangaka pe ikodjadjaka!²²Kasi ino oyaandongbini ahue e mokoli mo Siona pe la gbata e Mwengei o mokalo, Yelusalema e likolo, pe la wambuka e waahumbwa wande. ²³La wogbotononi wosungu pe la oboleani wo wana wa poo wango wadhingama nkombo ongo likolo, ase la Mwengei mosambesi o wato kpaa, ase la mokalo mo elimo mo wato walamu wango waumi wato wango waengi. ²⁴ La Yesu mookanesi e ogemeyani e eholi, ase la makila ma omisi, enge ekoasaka wolamu oleki makila mango ma Abele.²⁵Huakani ate otitoneni moto ongo okwasaka. La ebili ate inga watikalali, laate watonali omooki moto ongo odjakali ohekeli ohuake e Mwengei ahala la mbume, iso koto totikala te wokeke, inga tokuka maleke la moto ongo okwasaka olongoi ongo likolo. ²⁶La engele eho moli monde modudumisali mbume la oeteli, kasi sikahala ahekeli liwuna aasi ate: Etikali mbala kikima alidji enge itidudumisa sa mbume, kasi pe la likolo.²⁷La wungo woasi ate: Etikali mbala kikima alidji eenesi ate olongosami wo wiho winge wikodudumaka la oeteli, nda wiho winge wikelana, laate wiho winge witidudumaka witikale. ²⁸Eho lenge, nda ewongi la iso okondji wokumu weesi wungo woengiti odudumi, todjaake ndji tokokondja logoo wosungu, wungo la mboka eho toengi omokeleli Mwengei wotomu mosantu la ndenge egemeyani, la owangi Mwengei o bo. ²⁹Laate Mwengei osu adjei pe misa minge mikolongosaka.

Chapter 13

¹Djani la libalano, nda ekobalanaka wana wa akali.²Otiwosanakeni ekaleli eyambake wadjidji, laate la mboka eho nde wadji wayambali waahumbwa, ase watiyewali.³Wamungwakani wango wahelami la woyogo nda ohelamini la iwo mongindji; pe la wango wakoeneke odjidji, la ebili ate ino koto odjeiniyo ndondo e wenge. ⁴Liwala lidje la etemia ndondo e wato kpaa, pe epe e liwala etidje la wonalali laate Mwengei akowasambesa wato wapite la wato wa iteba.⁵Wokali wonu wotidje la libalano e wadjenge, emeleni la wiho winge widjei ino la waho sikahala. Laaate asi ate; itiodhe owe te wokebe pe itookila te wokeke. ⁶Laate todje la egalala mene ase toase ate: Likumu adjei mogamesi mo mbai; itowanga. Moto aengi okeli mbai nde?⁷Wa mungwakani wango wakokambakani ino, wango wakoaselakani ino engbundu e Mwengei, pe ango o kodhendaka ino pukapuka elamu e esombeli ewu, tutiani esombeli ewu. ⁸Yesu Kilisito adjei ndenge kikima kolokolo, keke libela pe libela la libela.⁹Otihahaneni la matiesakoli ma weeti wato. Laate edjei olamu motema motume la wouma wosungu kasi te la wiho wilakake, winge wango ayahekeli la djaho, watotiti kole. ¹⁰Todjei la etumbeli eesi enge wango wakokelaka wotomu mosantu la hema waengiti olaki wilaka waho. ¹¹Laate milonda e wanama Winge wikokpalaka nganga-Mwengei mosungu makila maho, la ebete esantu, la loyi e masumu, makotumbamaka kelekele e Moki.¹²Eho lenge Yesu koto, laate asantise wato la makila mande aeneli wodjidji kelekele e moluhe.¹³Eho lenge topumbali atie inde kelekele e moki, tokpale nsoni enge ekpalali inde. ¹⁴Laate toti la moki temweti ahala mungo mokoumwaka seko, kasi tokolukaka nde la ehoha etetelake moki mungo mogeleli.¹⁵La mboka ende, tohekele Mwengei mbeka e mogano wiengele kpaa, easi nda ate pukapuka dja wiwulu wasu wingo wikotoloko nkombo ende la hoho. ¹⁶Ase otiwosanakeni okeli wolamu pe la owakaweli wato wadji wiho, la ebili ate Mwengei akoemeleke la makao eenge ndenge. ¹⁷Watemiakani wango wakopundesakani ino pe oyatitimesakeni liwoso la wu, laate wakobaniaka milimo manu nda wato wango wakowongosa monoko, laate wakelake eho la mwemu, kasi te la walelaleli, laate ekodja liboma atie inu.¹⁸Akongokoni la loyi la su laate togemei meemene ate todjei la woewi wo meemene laate tobali todje memene la sambo kpaa. ¹⁹Ikoohekelekeni ino mohandja, kelakani ndjongo, laate iyowongweleni alidji.²⁰Sikala Mwengei o logoo, ongo owumesali tee ongo la wato wagwake mobanyei mosungu mo wapate, la makila ma ogemeyani e libela, Likumu la su Yesu, ²¹Aohekeleni ema kpaa enge elamu, la okeli mwano monde, akele ndondo esu, la mboka e Yesu Kilisito sambo ndamu la maiso mande, adje la mogano libela la libela! Amen!²²Iyowongini, wamanima, nangani motema la loi wungo wo mohandja, laate, meemene, itiodhingeleni ekpata e sambo ngbii. ²³Yewakani ate maangbasu Timoteo apumbi ga la woyogo, inga adja gala, ikodja la inde mongindi odjaodengi ino.²⁴Wahani mobale wango wakokambakani ino, pe la wasantu kpaa. Wango wadjei la Italia waotomelini ino mobale. ²⁵Logoo wosungu edje la ino kpaa! Amen.

Revelation

Chapter 1

¹Ehele edjei eeneseli e Yesu Kilisityo enge Mwengei amohali inde la oenesi tuke djande sambo djinnge iengali okelani mbuse e ma engele keke. Amotomali ahumbwa onde, koto la mboka ende aenesali eho la wilembo atie motuke monde Yoani, ²ongo ototololi la kole e engbundu enge Mwengei ahali koto la kole e litotoli linge lihali Yesu Kilisito, la sambo djinge kpaa ieneli inde. ³Mwemu la moto ongo okotangaka la moli mo pamake koto la ongo okookaka sambo e ehele Buku e sakweli, koto la ongo okotemeiyaka sambo djinge idhingani ndondo, laate engele enge ebatana eumia ahue.⁴Yoani atie e masambo sambo mango madjei la moki mo Azia: Ngolu la logoo edje la ino enge elongoyi atie ongo odjei koto ongo odjaakate, koto ongo ogeleli, atie milimo sambo minge midjei liwoso la ngbelengo ende e okumu, ⁵koto la Yesu Kilisito mototoli mo meemene, Mana o poo koto moto o poo ongo obasali, koto likumu e okumu wo mbume. Inde ongo otobali koto otolongosi iso ndondo e masumu masu la makila mande ⁶inde ongo otoumesi iso makumu, wanganga-Mwengei la kole e Mwengei onde koto Sango inde Yesu adje la otwa libela la libela. Amen.⁷Dhenga, ageleli ongo la mapata, liso kpaa likomoene, te wango wamoolali, la wango wamomaali likonga, maliye kpaa dja mbume wakoyabanya la odjidji la kole ende. Ndjongo. Amen.⁸Likumu Mwengei aasia ate, ''Idjei Alapa koto Omega,'' ongo odjéi, ongo adjaakali koto ongo okodjaa, Mokondji e okulu kpaa.⁹Mbai, Yoani magbanu ndondo e odjidji la okumu la okandi motema mongindji la ino ebete eikima la Yesu. Wakpalali mbai la esi enge eweli iwo patimosi la kole e engbundu e Mwengei la omototoli Yesu. ¹⁰Itotanali la elimo wuse e Likumu iokali mbuse e mbai moli motetelake nda kelelo.¹¹Mokoasaka ate ''Djinge sambo ikoeneke owe dhinga djaho la buku koto toma djaho ndondo e masambo sambo-ongo la Epeso ,Sumuluna, Pelagame Tiatila,la Salada,Piladelepia koto Laodikia.''¹²Iyakalambali la oewi nda moli mungo modjaakali oaseli mbai. Mbuse e mbai oyakalambi ienia yaamalelo e matambe sambo ma wolo. ¹³la odja e yamaaleselo wa matambe sambo ma wolo imoenia moto mwesi ongo okuani la Mana o Moto akpali lobe, ayanangi litambala e wolo la mokpoto.¹⁴Moto monde to sue djande idjaali buluu nda mapata mabubake-maiso mande nda ligbagba e misa. ¹⁵Ihoteli wande nda motako molangake engele ekokalaka eho ndondo e ligbagba e misa, moli monde nda modudu mo malia masungu makohumbaka. ¹⁶La ewo ende e lilome aiki Minoto sambo, adjaaki opumbesi kpoka enge ewoti wiati kpaa la monoko monde, mbanda ende ekobataka nda wuse.¹⁷Ango emoenia mbai, ikpia la makolo mande nda moto mogbaake. Abatelia mbai ewo ende e lilome la oasi ate, ''Otiwange. Idjei moto o poo koto o gboo ¹⁸moto o mokalo, igbali dhenga idjei la mokalo la masio madjangi gbo. Iyiki mapungola ma logo e mbila.¹⁹Dhinga djinge sambo ieni owe djinge idjei koto djinge ikouma mbuse.²⁰Maisani dja minoto sambo minge mieni owe ma ewo ende e lilome koto wiyamaleselo wa matambe sambo ma wolo: Minoto Sambo milimboli nda tuke djande Sambo ndondo e masambo saambo koto wiyamaleselo wa matambe sambo einei mangomba Sambo.''

Chapter 2

¹Modhingela ahumbwa e lingomba la Epeso: 'Dhenga sambo iyaasi moto ongo oheli minoto sambo la ewo ende e lilome ongo okosombaka awodja e iyamaleselo wa matambe sambo ma wolo. ²iyewi sambo dja owe la tomo dja owe la okandi motema mo owe. Iyewi ate otiwakandelaka wato wabe motema. Owameki wango wadjaki oyaenesi nda watutiani kaikoase wati watutiani, oeni koto ate wadjei wato wa moleho.³Okandi motema koto oeni odjidji la kole e kombo e mbai, koto otiadheelali. ⁴Ase sambo djinge iwoeni obe sa ndenge edheyi owe libalano la owe e poo. ⁵Mungola ebete enge ekpali owe kukola motema mo owe koto wongwanela tomo dja owe dja poo. Inga te ndjongo ikodja galagala ilongose emaleselo e lotambe e owe la ebete eho inga otikukole motema.⁶Denga ema enge edjei owe la eho: Okotonaka tomo dja lingomba e Nikolausi djinge mbai koto ikotonaka.⁷Ongo odjei la matoi aoke sambo djinge ikoasaka elimo la mangomba. Ongo okolonga ikomohekele alake pukapuka e mote mo mokalo mungo modjei la Paladiso e Mwengei.''⁸Modhingela ahumbwa e lingomba e Similuna: Dhenga sambo iyaasi moto o poo koto o gboo, ongo ogbaali koto owongoiya la mokalo: ⁹Iyewi tomo dja owe, odjidji wa owe, otundake wa owe kaikoase odjei la ogumake. Iyewi wiliko e wato wango wakoasaka ate wadjei Wayuda, kaikoase wati Wayuda. Wadjei nde sinagoga e Etota.¹⁰Otiwangake sambo djinge ikoene owe odjidji. Dhenga! Djabulu akowahelesa weeti wato ndondo enu la woyogo laate ino omekeneni koto okototani masio liomu ma magba. Amala ngbii tee la logo, ikohekele lingboka e mokalo. ¹¹Ongo odjei la matoi aoke djinge sambo ikoasaka elimo la mangomba: Ongo okolonga atiene odjidji wo logo wungo wo wale.''¹²Modhingela ahumbwa e lingomba e Pelegame: Denga sambo djinge iyasi moto ongo oiki kpoka enge ewoti ngambo kpaa iyale: ¹³Mbai iyewi ebete enge ekoyabataka owe, iyewi ate edjei eyabatelo e djabulu. Ase ohelani la kombo e mbai koto owunganiti ogemei atie mbai, inga te la masio mango Atipasi, mototoli mo mbai, ongo omoolali iwo liwoso lanu, ebete eyabati Djabulu.¹⁴Ase iyoto la obe e dji sambo: Odjei la wato wango wagemei matiesakoli ma Balama ongo omotomate Balaka abate ema esakelake liwosa la wana wa Isalayele laate walake nama djinge wihekelani mbeka la wilima koto wakele oseka. ¹⁵Ndenge kikima la owe koto odjei la wato wango wabaliti odhei matiesakoli e ma lingomba e Nikolanusi.¹⁶Eho lenge kukola motema mo owe. Inga otikele ndjongo, ikodjaaka galagala, ikosana la iwo kindo e kpoka e ndai e monoko mo mbai.¹⁷Moto ongo odjei la matoi aoke sambo djinge ikoasaka elimo la mangomba. Ongo okolonga, ikomohekele ndambo e mana enge eisani koto ikomohekele libukeli libubake koto la libukeli laho kombo eesi eholi edhingani enge moto te moikima ayewiti, longosa ndji moto ongo ototi eho.''¹⁸Modhingela ahumbwa e lingomba la Tiatila: Monga Mwengei, ongo odjei la maiso nda lolemo o misa, koto makolo mande nda motako molangi aasi dji sambo: ¹⁹Iyewi sambo dja owe, koto libalano la owe koto ogemei wa owe koto otomo wa owe koto edjeeli e owe enangake motema, iyewi koto ate sambo djinge ikokelaka owe sikandjo idjei ngbii oyeti djinge dja poo.²⁰Ase djinge ieni mbai obe etie owe: Omodheeli Zezabele, oholo moli ongo oyaumesi motiesakoli. Akotiesakolaka koto akowungesaka tuke dja mbai laate wakele oseka koto walake wilaka winge wihekelani mbeka e wilima. ²¹Mbai imohekeleli engele laate akukole motema, ase atibalaka okukoli motema ate adhe oseka wonde.²²Dhenga! Etikali ma keke imolumbe la epe e ekoni, koto iyokese wango wakokelaka eteba la inde odjidji, inga watikukole motema ate wadhee tomo djande.²³Ikowaola wana wande la odjidji wo logo, mangomba kpaa makoewa ate idjei ongo okodhendaka ndondolindo la mitema. Ikoputa moto la moto la tomo djande.²⁴Ase ikoasaka ndjongo atie wadji wanu wango wadjei la Tiatila, wango wagemeiti matiesakoli maho, wango waewiti olindake o Djabulu, ndenge iwo amene wakoasaka ate, 'itiotaliani meeti mikpali.' ²⁵Sa nde, enge edjei ino la eho, heleni eho olamu tee ekodja mbai.²⁶La ongo okolonga koto la ongo okela tomo dja mbai tee la gboo, ikomoha okumu likolo la miki kpaa. ²⁷Akosombesa wato la motongo monde mo ebende, wakoyandjana nda teni e mbume, ndenge mbai koto itotali okumu atie Wawa o mbai.²⁸Mbai ikomohekele monoto mo boo. ²⁹Ongo odjei la matoi aoke sambo djinge elimo ekoasaka la mangomba.'''

Chapter 3

¹Modhingela ahumbwa e lingomba e Salade: Dhenga sambo djinge iyasi moto ongo odjei la milimo sambo ma Mwengei la minoto sambo. ''Iyewi tomo dja owe. oewani ate odjei la mokalo, kaikoase ogbala. ²Huaka koto ehekele mogalia la wihoo winge witikali winge wiumali ahue e logo, laate igboti ate otiengese sambo dja owe kpaa liwoso la Mwengei o mbai.³Mungola engele kpaa ndenge ekondji owe koto ndenge eoki owe koto djaaka ndji obanyei eho koto kukola motema. Inga otisuswe, ikodja nda iwa, koto otiewa te ma keke engele enge ekoopumbela mbai. ⁴Sikandjo ongo la moki mo Salade odjei la wato wango watiumesali wisindje wau wa mokpoto onalili, wakosomba mongindji la mbai la wisindje winge wibubi, laate waongi la eho.⁵Ongo okolonga akokpala wisindje wibubake, itilongosa kombo ende la buku e mokalo, ikoasa kombo ende liwoso la wawa la waahumbwa wande. ⁶Ongo odjei la matoyi aoke sambo djinge ikoasaka elimo la mangomba.''⁷''Modhingela ahumbwa e lingomba e Piladelepi: Dhenga enge eyasi Moto ongo odjei Mosatu-ongo okoasaka meemene, ongo odjei la pungola e Davidi, ongo okodhuholaka koto moto toeti akoenga onangi. ⁸'''Iewi tomo dja owe. Dhenga, ibati liwoso la owe modhuhe moluhuani enge moto toeti akoenga odhihi, laate odjei la okulu makeke koto obanyei engbundu e mbai koto owunganiti kombo e mbai.⁹Dhenga! Ikohekele wato wa sinagoga e etota wango wakoasaka ate wadjei Wayuda, kaikoase wati Wayuda-ase akokosaka, ikokela ate wadje oyaimbi la makolo ma owe koto ikokela ate waewe ate mbai iyobali. ¹⁰Nda ebanyei owe engbundu enge eokali owe la kole e edjeeli e mbai e nangake motema, mbai koto ikoobanya owe la engele emekanake, enge ekodja la mbume kpaa ebete wato wayabati, la omeki wato wango wayabati la mbume. ¹¹Ikodjaaka sikasika ndjo. Hela la oteteli enge edjei owe la eho, laate moto atitote lingboka la owe.¹²Ongo okolonga ikomobata likule la tepelo e Mwengei o mbai. Atipumba kine aleeti ikodhinga likolo lande kombo e Mwengei koto kombo e moki mo Mwengei o mbai (Yelusalema epoli, enge ekolongwaka la likolo atie Mwengei o mbai koto oyadjimbi), koto kombo e mbai epoli. ¹³Ongo odjei la matoi aoke sambo ikoasaka elimo la mangomba.'''¹⁴Modhingela ahumbwa e lingomba la Laodikia: Dhenga enge easi Amen, mototoli molamu koto omeemene. Lipotele e wokelesani e Mwengei aasi! ¹⁵Iyewi tomo dja owe. Iyewi ate oti dee, oheliti koto. Ibalaki odje dee inga pioo. ¹⁶Nda edjei owe djongo oti pio oti koto misa mbai ikootohola owe la monoko mo mbai.¹⁷Laate owe oasi ate, idjei la okumake koto ipundji ogumake koto iti la posa e ema teeti, ase oewitini ate odjei la moto o ekoni koto moto o magba, moto o otundake, la moto ongo ogwi maiso koto lingbengbele. ¹⁸Ikohekeleke owe toli laate osombe edjei mbai wolo wungo wolangesani la misa laate oume moto o ogumake, osombe koto wisindje wibubake laate okpale laate soni e lingbengbele e owe etienene, koto osombe mosisa mo maiso laate omunole la maiso ma owe, djongo okoene.¹⁹Ikopamelaka koto ikohaka etumbu la wango kpaa iwabali. Eho lenge nanga motema koto kukola motema. ²⁰Dhenga, mbai iyamali la moluhe ikobingaka kokoko. Inga moto aoka moli mo mbai koto adhuholia moluhe ikolingela la monguta monde koto ikolaka mongindji la inde, inde koto mongindji la mbai.²¹Ongo okolonga ikomoha mboka ayabate mongindji la mbai la ngbelengo e mbai e okumu ndenge koto mbai ilongali, iyabati koto mongindji la Wawa o mbai la ngbelengo ende e okumu. ²²Ongo odjei la matoi aoke sambo ekoasaka elimo e mangomba.'''

Chapter 4

¹Mbuse eho, mbai idhengakali iyenia maluhe modhukoania ongo likolo. Moli mo liwoso mungo mookali mbai, nda moli mo kelelo mokaosaka la mbai ate, ''Tela alandjo, okoinia sambo ndjinge ikouma mbuse e masio mango mageleli.'' ²Mbala kikima ihelanali la elimo, dhenga, ngbelengo eesi e okumu e likolo, koto moto mwesi ayabati la ngbelengo eho e okumu. ³Moto ongo oyabatelali adjaali nda libukeli e yasipe koto nda libukeli e motio etanake, koto monama mwesi edjaali olingi ngbelengo eho. Edjaakali nda emelode.⁴Ngbelengo e okumu tuku iwale la inei elingali ngbelengo e okumu eho, ieneli mbange tuku iwale wayabati. Wakpalali wisindje wibubake, wakpalali mangboka ma wolo la mito mawu. ⁵Mikalikali la miili la wakake edjaakali opumbi la ngbelengo eho e okumu, koto matambe sambo e misa edjaakali ololi liwoso la ngbelengo eho e okumu, matambe maho mainyei milimo sambo e Mwengei.⁶Liwoso e ngbelengo e okumu eho edjei la ewale eengani la malia mango maanangi libukeli. Awodja koto la kelekele e ngbelengo e okumu eho wikelamu winei e mokalo winge witumi la maiso liwoso koto la mbuse.⁷Ekelamu e liwoso e mokalo edjei nda simba, ekelamu ewale edjaali nda mana o ngombe opele, ekelamu esato edjakali nda moto o moki, ekelamu onei adjakali nda ndjio enge ekohumbwaka.⁸Wikelamu wiho inei, widjei la mapapu motoba motoba, witumi la maiso wenge kpaa koto la ndondo. Koto witihomaka, likolo la wuse ndji oasi, ''Mosatu, mosatu, mosatu Likumu Mwengei e okulu kpaa ongo odjaali odjei koto ogeleli.''⁹Engele kpaa wikelamu e mokalo wikohekeleke otwa la mogano la pambo atie Ongo oyabati la ngbelengo e okumu, ongo odjei la mokalo libela la libela, ¹⁰djinge mbange tuku iwale la inei wakoyaimbaka liwoso la Ongo oyabati la ngbelengo e okumu, wakolumbaka mangboka mawu liwoso la ngbelengo e okumu, wakoasaka, ¹¹''Owe oengi, Likumu lasu koto Mwengei osu, owe mosatu, tota otwa, mogano la okulu, laate okelali wihoo kpaa alidji la mwano mo owe wihoo kpaa wikelani koto widjei.''

Chapter 5

¹Mbuse eho iyenia la ewo e lilome e ongo oyabati la ngbelengo e okumu aiki Buku esi edjei la madhingo ndondo koto sa, winangani la wilembo sambo.²Imoenia koto ahumbwa mwesi motetelake akolumbolaka la moli motetelake, ''Ndai owongi odhukoli buku la otokoli wilembo waho?''³Moto te mokikima ongo likolo, te ahaka la mbume te sese e mbume, aengali adhuholi buku inga te odhengi. ⁴Mbai idjaakali oleli ngbii la ebili ate moto te moikima ationgoli odhuholi buku inga te odhengi eho. ⁵Mwesi o mbange aaselia mbai, ''Dhee ilelo. Dhenga! Simba e etondo e Yuda, mondjili mo Dawidi, inde olongi odhukoli buku eho koto obuki wilembo waho sambo.''⁶Iyenia awodja e ngbelengo e okumu koto wikelamu inei wa mokalo koto awodja e mbange, mana o meme ayamali nda ahani la mbeka. Adjaali la ndjeka sambo, la maiso sambo, djinge idjei milimo sambo minge mitomani la mbume kpaa. ⁷Akadjia, atotia buku la ewo e lilome e ongo oyabati la ngbelengo e okumu.⁸Ango etotia inde buku, wikelamu inei e mokalo koto mbange tuku iwale la inei wayaimbali liwoso e mana o meme. Mwesi la mwesi ewu aikali mote la kopo e wolo etumi la malasi, djinge idjei mayakongi ma wasatu.⁹Walembali lembo epoli: ''Owongi la ototi buku la otokoli wilembo waho sambo. Laate oolanali koto la makila ma owe osombelali Mwengei wato e maliye kpaa koto la miki kpaa koto la witondo kpaa. ¹⁰Owaumesia iwo makumu koto wanganga-Mwengei la kole e Mwengei, koto wakokondja mbume.''¹¹Idengakali koto iyokia moli mwesi e ebiba e waahumbwa wango wadjaki la lisuka suka e ngbelengo e okumu koto wikelamu inei e mokalo koto la mbange, motango mowu modjaali miliade la milaide, koto la koto. ¹²Wadjaki oasi la moli mopamake, ''Mana o meme ongo oolanali, awongi ototi okulu, ogumake, kandela, otetelake, otwa la pambo.''¹³Wikelamu winge widjei ongo likolo, koto la mbume, koto sese e mbume, ndondo e ewale, koto wihoo kpaa winge widjei ndondo eho, ekoasaka ate, ''La ongo oyabati la ngbelengo e okumu koto la Mana o meme lipamboli koto mogano koo otwa koto otetelake edje libela la libela.'' ¹⁴Wikalamu waho inei e mokalo easali ate, ''amen! Mbange wayaimbali, wayakongali.

Chapter 6

¹Mbai idhengakali, iyenia mana o meme adhuholia elombo esi ndondo e wilembo sambo, iokia mwesi o wikelamu eho inei e mokalo easia la moli nda mo ngombe ate, ''Djaka.'' ²Mbai idhengakali, ienia punda bubake koto la Moto ongo odjakali likolo laho adjakali la otolo. Wamohali lingboka, apumali akolongaka koto la olongi tee gboo.³Ango edhuholia inde elembo ewale, iokia ekelamu ewale e mokalo easia ate, ''Djaka!'' ⁴Punda tanake epumbali, wahali Moto ongo odjakali likolo lande mboka elongosake logoo la mbume laate wato waene. Wamohali kpoka esi esungu.⁵Ango edukolia Mana o meme elembo enge esato, Iokia ekelamu esato e mokalo easia ate, ''Djaka!'' Idhendali, ienia punda esi eindake, ongo odjakali likolo laho wamohekelia emekeli oliti la ewo ende. ⁶Mbai iokia nda moli ndondo e wikelamu inei e mokalo easia, ''Oliti esi e opunga la lopata wesei, koto oliti isato e ologa la lopata weesi. Ase otibitese maita la bino.⁷Ango edhukolia inde elombo enei, iokia ekelamu enei e mokalo easia, ''Djaka.'' ⁸Mbai idengia, ienia mpunda esi edjei la langi ndenge landenge, ongo odjakali likolo laho wamowelakali ate logo, koto masio ma logo mamobiliakali. Wamohekelia okulu laate aole wato ndambo enei e mbume la mongonga, la gbutu, la pese koto la mbau mbe e mbume.⁹Ango edhukolia inde elembo etano, ienia sese e etumbeli milimo ma wato wango waolanali la loyi e engbundu e Mwengei koto la otomo etotolake enge edjaakali iwo la eho. ¹⁰Wapamali la moli motetelake, ''Tee la nda engele Motiesakoli Mosatu koto Molamu ekoumwa owe osambesi, koto owongweseli wato wango wayabati la mbume obe la kole e makila masu?'' ¹¹Wawahekelali moto mwesi mwesi owu lobe ebubake, wawaselia ate wahome ma keke alidji, tee engele enge motango e wiino wau tuke koto wamangbau wango wadjaki ahue e oolani nda iwo mokoenga.¹²Mbai idengakali, ango eluholia inde elembo e motoba, mbume kpaa edudumia. wuse woumia pii nda likolo, ndebo kpaa eumia nda makila. ¹³Minoto ma likolo mikpia la mbume, nda mote mo pigi engele ekoyabandaka eho la ehoho, ekokoesaka wapigi eho enge etaniti. ¹⁴Likolo liyawongolia nda ekoimbaka eho litoko, koto wisii la mikoli milongoiya la ebete eho.¹⁵Makumu ma mbume, wato wasungu wasungu, makumu ma wasoda, wato wagumake, wato watetelake, tuke, koto wato wa lipanda, wayahisia sese e mawela ma matale koto ma mikoli. ¹⁶Wakoasaka ndji la mikoli koto la matale ate, ''Tokpeleni iso toisani iso liwoso la mbanda e ongo oyabati la ngbelengo e okumu koto liwoso la limemu e Mana o meme. ¹⁷Wuse wosungu e limemu lande eumia, ndai okokala?''

Chapter 7

¹Mbuse eho ienia waahumbwa wanei wayamali la gboo enei e mbume, wadjaaki oheli wihoho winei e mbume laate etihohe la mbume, te la ewale, te koto la mote. ²Imoenia ahumbwa odji alongoiya la epumbeli e wuse, akotelaka, adjaaki la elembo e Mwengei o mokalo. Apamia la moli motetelake wa waahumbwa wanei wahaani mboka e obitesi mbume la ewale: ³Otikeleni obe la mbume koto te la ewale, koto te la mite , lambelaniyo tee ango ekosesa iso obati tuke wa Mwengei osu wilembo la mbanda ewu.''⁴Iokali motango mo wango wabatanali elembo koto kama la tuku inei la inei e wango wabatanali wilembo la maliye kpaa e Isalayele. ⁵La elombo e Yuda koto liomu la iwale e wango watotali elembo, la elombo e Lubeni koto liomu la iwale, la elombo e Gada koto liomu la iwale, ⁶La elombo e Asele, koto liomu la iwale, la elombo Napitali, koto liomu la iwale, la elombo e Manase, koto liomu la iwale,⁷La elombo e Simeona, koto liomu la iwale, la elombo e Lebi, koto liomu la iwale, la elombo e Isakala, koto liomu la iwale, ⁸la elombo e Zabuluni, koto liomu la iwale, la elombo e Edjepu, koto liomu la iwale, la elombo e Bezamina, koto liomu la iwale wango wakondjali elembo.⁹Mbuse e sambo djaho ieneli mbai, dhenga! Ebiba e wato wango Moto te moikima akoenga otangi motango, walongoyi la miki kpaa, witondo kpaa, minoko kpaa, wayamali liwoso la mana meme, wakpali wisindje wibubake, waheli mangalala la mawo, ¹⁰koto waahumbwa kpaa wayamalali kelekele e ngbelengo e okumu koto e mbange koto e wikelamu inei e mokalo, waimbali mbanda sese liwoso la ngbelengo e okumu koto wayakongoli la Mwengei, waasia, ''Mokalo edjei atie Mwengei osu ongo oyabati la ngbelengo koto la mana o meme!''¹¹Waahumbwa kpaa wayamalali kelekele e ngbelengo e okumu koto e mbange koto e wikelamu inei e mokalo, waimbali mbanda la mbume liwoso la ngbelengo e okumu. Wayakongali la Mwengei, ¹²waasia, ''Amen! Lipamboli, la otwa, la lokenge, la pambo, la mogano, la okulu, la otetelake edje la Mwengei osu libela la libela! Amen!''¹³Mwesi ndondo e mbange aasia la mbai ate, ''Wango wakpali walobe wibubake, iwo nde wandai, walongoi eni?'' ¹⁴Iasaali la inde, ''Likumu, owe oewi,'' Inde andjaselali mbai ate, ''Iwo wadjei wato wango walongoi la odjioji wosungu, wakpoli walobe wau koto waumesia eho ebubake la makila e mana o meme.¹⁵Eho lenge, wadjei liwoso e ngbelengo e okumu e Mwengei, wakomokelelaka otomo mosatu likolo la wuse la tepelo ende. La ongo oyabati la ngbelengo e okumu akoanda monguta monde likolo lawu. ¹⁶Watioka kine gbutu, watioka ehoha e malia, wuse koto etiwabinga, koto ehela etetelake. ¹⁷Laate Mana meme ongo odjei awodja e ngbelengo e okumu akoasombesa tee la moto mo malia ma mokalo, Mwengei akohuhola poo kpaa la maiso mau.

Chapter 8

¹Ango edhukolia inde kpaka esambo, likolo litikalia logoo ahue e esuki eengele kikima. ²Ienia koto waahumbwa sambo wayamali liwoso la Mwengei, wawahali kelelo sambo.³Ahumbwa odji adjaali, ayamalali koto la etumbeli, adjaali la ekeleli e wolo e paka la malasi, wamohali ngbii e paka la malasi la ohekeli eho likao ebete ekikima la oyakongi e wasatu kpaa likolo e etumbeli e wolo enge edjaaki liwoso la ngbelengo e okumu. ⁴Miliengu ma paka la malasi milongwali la ewo e ahumbwa oho, etelali mboka kikima la oyakongi e wasatu liwoso la Mwengei. ⁵Ahumbwa oho atotia ekeleli eho e paka la malasi, atumesali eho la ma mdambo e misa e etumbeli eho, wakaki wibingali, miili miokanali, wiseseleki epumbali koto mbume edudumali.⁶Waahumbwa sambo wango wadjaki la mahili sambo wayawongelali la obomi eho. ⁷Ongo o liwoso abomia lihili lande, ewongo e malanga ma misa ewanesani la makila, elumbania la mbume,eesi e wisuki isato e mbume elongolali, eesi e wisuku isato e mite elongolia, koto ngasi mbesu ilongolia.⁸Ahumbwa owale abomia lihili lande, ema eesi nda mokoli mosungu enge edjaaki ololeyi misa elumbanali la ewale. Eesi e wisuku sambo e ewale eumali makila, ⁹eesi e wandambo isato e wikelamu winge wikodjaaka la ewale, winge widjei la milimo migbaali, eesi e ndambo esato e wandondoli ebitanali.¹⁰Ahumbwa osato abomali lihili lande, monoto mwesi mosungu enge edjaakali ololoyi nda lotambe elongwali la likolo, ekwiyia, ekwelali eesi e ndambo esi wiwale koto e wilindo. ¹¹Kombo emungo monoto edjei Mbondo. Eesi e wisuki isato e eumali djia, wato ngbii wakwali la kole e malia eho, laate edjiali.¹²Ahumbwa o nei abomali lihili lande, eesi e wisuki isato e wuse la eesi e wisuki isato e ndebo la enge e minoto ebitanali, laate eesi e wisuki waho isato elie pii koto lisio e wisuki isato e wuse etidje la ngbai e liwusa wuse la likolo koto ndenge kikima.¹³Mbai idengakali, koo iokia ndjio eesi enge edjaaki ohumboyi awodja e likolo ekoasa la moli motetelake ate, ''Magba, magba, magba wa wato wango wayabati la mbume, la kole e mahili mango matikali, winge waahumbwa wasato wapotia obomi.''

Chapter 9

¹Ahumbwa otano abomali lihili lande. Ienia monoto molongoiya likolo mokuya la mbume. Wamohekelia pungola e liwela lilindake. ²Adhukolia liwela lilindake, milungu mitelia likolo la enge liwela nda milungu ma misa minge misungu, liwusa wuse elimanali la ehoho koto la milungu e liwela laho.³Ndondo e milungu wapepe wahumbia, wayandjia la mbume, wawahekelia okumu wungo oengani la okumu wungo wodjei gake la eho ala la mbume.⁴Wawaaselia ate watikele obe la isokisoki wa mbume, te la migono miikima, te la mote moikima, ase ndji wato wango wadjangi kpaka e Mwengei la mbanda djau.⁵Ehekeleni aleti la iwo ate watiwole wato, ase wawaenese odjidji ndebo itano koto monga mokokela iwo ekodja nda monga mokokelaka gake inga etwa moto. ⁶La mango masio, wato wakoluka logo, ase watitota logo, wakodja la ehoha e logo ate wague, ase logo ekotila lihele lau.⁷Wango wapepe wakwani la punda djinge iwongelani la kindo. Likolo la mito mau wadjei la magbaka makwani la wolo, koto mbanda djau ikwani la mbanda e wato. ⁸Wadjei la sue ikoani nda sue dja wali koto maino mau makoani la maino ma Simba. ⁹Wadjakali la ngwa ikoani la ngwa dja ibende, koto modudu mo mambulu mau, makwani la modudu mo mokolo e wapunda wango wakotilaka obangu la wita.¹⁰Wadjakali la mikondo koto la wikuseli nda wagake, okulu djau eenesake wato odjidji ndebo itano idjei la mikondo mau. ¹¹La mito mau, edjaali nda likumu, ahumbwa o liwela lilindake. La Ebele kombo ende Abadona, la Geleki kombo ende Apoliona. ¹²Magba mango ma liwoso maetia. Dhenga magba male mageli mbuse eho.¹³Ahumbwa o motoba abomia lihili lande, iokia moli mwesi mopumbia ndondo e ndjeka inéi djinge idjakali likolo e etumbeli e wolo liwoso la Mwengei, ¹⁴easia la ahumbwa o motoba ate, ''Tokola wahumbwa wanei wango wanangani ahue e ewale Epalata.'' ¹⁵Adhuholali waahumbwa waho wanei, wango wawongelanali la kole e engele eho koto lisio laho koto ndebo eho koto elanga eho, la ooli mwesi e wisuki isato e wato.¹⁶Motango mo wato wango wakomaka wita modjakalali miliadee miale e wamiliade. Mungo motango mookali mbai. ¹⁷Mbai ieneli motango mo wapunda la saki, koto wango wadjakali likolo la djinge punda wakpali wibanyei mikpoto nda langi e misa koto e boloo nda yaseti koto e langi e mosaka nda supulu edjaaki opumbi la minoko mawu.¹⁸Eesi e wisuki isato e wato wagbali la madjidji maho masato: Misa, milungu koto supulu enge edjaaki opumbi la minoko mawu. ¹⁹Okulu e wapunda edjaaki la minoko mau koto la mikondo mau, laate mikondo mau midjaaki nda wandjo koto widjaaki la mito, widjaki oenesi wato odjidji la mito.²⁰Wato wango watigbali la djinge odjidji watikukolali mitema la sambo mbembe dja mawo mau, laate watimaeli mauli mindjili, wilima ma wolo, koto e palata, koto e ebende, e libukeli, e mote enge etieneneke, etiokaka, etisombaka. ²¹Watikukolali mitema laate wadhee ooli, koto tomo djau e milimo mibe, la oseka ewu koto la iwa.

Chapter 10

¹Ieneli ahumbwa odji motetelake akoyadjimbaka likolo, akpali palata koto manama adjei likolo la moto monde. Mbanda ende edjaaki nda liwusa wuse, makolo mande madjaki nda misa. ²Aikakali la ewo ende ma buku esi keke edhukoani. Abatia ekolo ende e lilome la ewale, koto ekolo ende eliali likolo la mbume.³Adhumbeya la moli motetelake, nda ekohumbaka simba. Ango edumbiali inde ngombe sambo iokesia mili mau.⁴Ango eokesia ngombe sambo miili mau, ipakali odhingi, iokakali ongo likolo moli mwesi mokoasaka ate, ''Isa djinge sambo easi ngombe sambo, koto otidhinge djawo.''⁵Ahumbwa ongo omoenali mbai ayamali likolo la ewale koto likolo la mbume adjambia ewo ende e lilome ongo likolo. ⁶Alapia la kombo e ongo odjei la mokalo libela la libela, ongo okelali likolo koto la wihoo winge widjei ndondo, mbume la wiho winge widjei ndondo, koto la ewale koto la wihoo winge widjei ndondo, ahumbwa oho aasia, ''Engele edjaake etidja kine. ⁷Ase la masio mango ahumbwa o sambo akobinga, ango akouma ahue e obomi lihili lande, sekele mosatu e Mwengei ekoengana la otutei mboli ndamu engo atiesakolali tuke djande.''⁸Moli, mungo mookali mbai ongo likolo, mwaselia mbai alidji ate, ''keke, tota ehele ma buku keke edhuhuani enge edjei la ewo e ahumbwa ongo oyamali la ewale la mbume. ⁹Ikeeli atie ahumbwa oho, imoaseli ate apekele mbai ma buku enge keke enge edhuhuani. Andjaselia mbai ate, ''tota buku eho koto mele eho, ekodja djaa la solo dja owe, koto la monoko mowe ekolele nda wei.''¹⁰Itotia enge buku la ewo e ahumbwa imelesia, edjakali la monoko mo mbai nda woyi, ase ango emelesia mbai solo dja mbai itumia la odjiake. ¹¹Mpe wandjaselia ate, ''Itiesakole aleeti atie wato wa miki koto la witondo, koto minoko, koto makumu ngbii.''

Chapter 11

¹Wapekelia mokombe nda motongo. La oasi ate, ''Owe amala, pima osungu e ebete mosatu e tepelo e Mwengei koto e etumbeli koto la wato wango wakoyakongoko ongo. ²Lopango enge edjei saa e ebete mosatu e tepelo, dhee eho saa, otipime wosungu woho, laate wahekeli eho wapagano. Iwo wakohoto gbata mosatu la makolo ndebo tuku inei la iwale.³Ikotoma watotoli wa mbai waale wakpali makunya ate watiesakole masio koto esi la kama iwale la tuku motoba.'' ⁴Iwo nde mite miale ma olibe koto wiyamaleselo wa matambe wiale widjei liwoso la kumu o mbume. ⁵Inga moto abala ate awakele obe, misa mikouma la minoko mau la owoli mitone wau, inga moto aluka ate awakele obe akogba la enge ndenge djongo.⁶Wadjei la okulu enangake likolo ate ewongo etilue la masio mango matiesakoli iwo, wadjei la okulu ekukolake malia makila koto e ohekeli ,mbume odjidji e ndenge kpaa la enhele kpaa enge ebali iwo. ⁷Ango ekosesa iwo litotoli lawu, nama e mbume enge ekotelaka la liwela lilindake ekoasanesa wita, akowalonga, koto akowawola.⁸Milonda mau mikodja la lingalala lisungu e liwange (enge eweli iwo la engbundu e Sodomo koto e Ezipito), ongo e mobakali iwo la ekulusu Likumu lau. ⁹Wato wa miki, la maliye, la minoko, la witondo wakodhenda milonda mawu masio masato la ndambo. Watihekele mboka ate milonda mawu milangesane la mbila.¹⁰La wato wango wayabati la mbume wakookaka mwemu iwo amene, wakoemeleke koto, wakotomelana koto makao, laate watiesakoli waho waale wakoeneseke wato wango wayabati la mbume odjidji. ¹¹Ase mbuse e masio masato la ndambo, elimo e mokalo e Mwengei enge edji atie Mwengei ewalingelali. Wato wango wadjaaki owadhendji wawangali. ¹²Waokia moli mwesi motetelake molongoiya likolo moasia la iwo ate, ''Telani alandjo!'' watelia ongo likolo la lipata, koto mitone mawu wadjaaki owadhengi.¹³La engele eho mbume e dudumali koto eesi e esuki liumu e liwange akwali. Odudumi wuho e mbume eolali wato koto sambo, wango watikalali wawangali, wamoganali Mwengei o likolo. ¹⁴Magba ewale eyeti. Dhenga! Magba esato egeleli sikandjo.¹⁵Ahumbwa o sambo abomali lihili lande, miili mitetelake mipumbali ongo likolo, miasali ate, ''Okumu e moki eumia okumu o Likumu lasu koto e Kilisito, akosombesa libele la libela.''¹⁶Mbange tuku iwale la inei, wango wayabataki liwoso la Mwengei, la wangbelengo ewu e okumu, waimbali mbanda sese, wayakongoli la Mwengei. ¹⁷Waasia ate, ''Tohekeli owe pambo, Likumu Mwengei mototi e okulu kpaa, ongo odjei koto adjaaki, laate ototi okulu e owe osungu koto opotia osombesi.¹⁸Maliye wamemelia, koto limemu la owe edjaali, la engele enge ebatani laate wato wagwake wasambesane, koto ohekele liputi la tuke dja owe watiesakoli koto wasatu koto la wango wakotemeiyaka kombo e owe, wato wakeke la wato wasungu, koto obitese wango wakobitesaka mbume.''¹⁹Ebete mosatu e tepelo e Mwengei enge edjei likolo edhuhuanali, koto sanduki e ogemei onde eeneneli ndondo e ebete mosatu e tepelo nde. Ongbungwani epumbali, miili miokanali, koto ngombe egbamali, koto la mbume edhudhumali, ewongo e malanga eluali.

Chapter 12

¹Elembo eesi esungu epumbia ongo likolo: Moli mwesi okpali liwusa wuse, ndebo edjaaki sese e makolo mande, lingboka eesi e minoto liomu la iwale la moto monde. ²Adjakali la leni, adjaaki opami la ekoni koto la otomo e wotake.³Eeti elembo koto eenenia ongo likolo: Dhenga! Dalagona mwesi mosungu enani ngbaa, adjei la mito sambo koto la ndjeka liomu koto la mangboka sambo la mito mande.⁴Mokondo monde mogulaka eesi e ndambo e isato e minoto dja likolo, koto adjilumbia ono sese. Dalagona ayamalali liwoso la moli oho ongo obalali owoti, laate ango ekowota inde, emolake.⁵Awotali mana, mana opele, ongo okosombesa maliye kpaa la pimbo e ebende. Mana onde akpalanali ongo likolo atie Mwengei koto ongo la ngbelengo e okumu wonde. ⁶Moli oho atilali ongo la esobe, la ebete enge emowongeselali Mwengei, laate wamolakese ongo masio koto esi la kama iwale la tuku motoba.⁷Wita wimaya ongo likolo. Mikaeli la waahumbwa wande wamaiya wita la Dalagona, koto Dalagona la waahumbwa wande wasanali. ⁸Ase Dalagona atidjaali la okulu. Watidjali kine la ebete ongo likolo. ⁹Dalagona eho mosungu alumbanali sese-inde ndjo e ebende, enge emoweli iwo Djabulu koto Etota, ongo okokosaka mbume kpaa ebete eyabati wato, alumbania la mbume, koto waahumbwa wande walumbania la mbume mongindji la inde.¹⁰Iokali ongo likolo moli mopamake mokoasaka ate: ''Sikandjo mokalo, motogbotia, koto okulu, la okumu e Mwengei osu, la okumu o Kilisito onde edji, laate mopundi o wamangbasu alumbani la mbume, inde moto okopundaka wamangbasu likolo la wuse liwoso la Mwengei osu.¹¹Wamolongali la kole e makila ma mana o meme koto la kole e engbundu e litotoli lawu, watibalali koto milimo mau odjangi owangi logo. ¹²Eho lenge, eengi la ino oemeli, likolo, koto ino wango wakoyabataka likolo, magba la mbume koto la ewale, laate Etota eyadjimbeli ino, adjei la limemu litetelake, laate ayewi ate adjei la engele keke!¹³Ango enia dalagona ate alumbani la mbume, emoenesali moli ongo omowotali mana opele odjidji. ¹⁴Wamohali moli oho mambulu maale e ndjio mosungu laate ahumbwe la esobe tee la ebete ende, ongo omolakesali iwo la oumoyi e engele eesi koto la miengele lihele e mbanda e ndjo eho.¹⁵Ndjo eho etoholali malia nda ewale la monoko monde mbuse e moli oho, laate emolindese la wale eho. ¹⁶Ase mbume emogamesali moli, koto mbuse iluholali monoko muho emelia malia ma ewale mango matoholali ndjo la monoko monde. ¹⁷Dalagona amemelali la moli oho, koto akeeli omai wita la litoto e moli oho wango watikalali, wango wakotemeiyaka tomani dja Mwengei, koto wadjei la otomo e ototoli la kole e Yesu. ¹⁸Ayamali likolo la ngene e ewale.

Chapter 13

¹Ienia koto mbau mbe epumbia la ewale, edjei la ndjeka liomu la mito sambo, la ndjeka djaho mangboka liomu, ase la mito maho kombo dja iliko.²Mbau mbe enge eeneli mbai edjali nda mpange. Makolo mande madjali nda Uluse monoko monde nda simba. Dalagona amohali mbau eho okulu wonde koto ngbelengo ende e okumu koto okumu osungu.³Yenia moto monde mwesi nda ekondjoi ahue logo, okondjoi wonde wo logo wokalia. La mogano mbume kpaa emobiliali mbau mbe eho. ⁴Wamogani dalagona laate amohali mbau mbe eho okumu, koko wayakongoli la mbau mbe eho la ehele engbundu, ''Ndai odjei nda ehele mbau mbe?'' Koto ''Ndai oengi osani la inde wita?''⁵Wamohekelia monoko mokwasaka sambo mbe sambo ndjinge ileki obe, wamohekelia okumu laate akondje ilanga tuku inei la iwale. ⁶Aluholia monoko monde la omoaseli Mwengei sambo mbe, la otangi nkombo ende la ebete ekwabataka inde, la wango koto wakwabataka ongo likolo.⁷Wamohekelia ate asane la wasatu koto awalonge. Wamohekelia okumu laate awakondje wato wango wadjei ahala la mbume, wato wa minoko kpaa, la miki kpaa.⁸Wato kpaa wango wakwabataka la mbume wakoyakonga la inde, wango nkombo djau itidhinganali la buku e mokalo e Mana o meme ongo oolanali, tee la lipotele e moki.⁹Ongo odjéi la wiokelo aoke!¹⁰Ongo moto okoke la wombo, akoke ndi la wombo, ongo okola la etogo wakomoola ndi la etogo. ango nde oiki mpiko la ondimi o wasantu.¹¹Alidji iyenia mbau mbe eeti epumbia la mbume, adjéi la ndjeka iwale nda enge e meme, adjaki owasi nda Dalagona. ¹²Nama eho ekelelakali okumu wo mbau enge e liwoso ndji ango mine edjei mbau eho, mbau eho ekelakali ate wato kpaa wango wadjei la mbume wayakonge la mbau enge e liwoso enge mpota ende e logo ekaliaga.¹³Edjaaki okeli sambo sungu sungu. Edjaaki okeli ate inga te misa milongwe likolo eyadjimbe tee la mbume la maiso ma wato.¹⁴ekoakosaka la wato wango wayabati la mbume la makamwisi mango ma mohekeleli iwo mboka liwoso la mbau mbe, ekoewesaka wato wango wayabati la mbume ate wakele elima e mbau mbe eho ease koto eolese wato kpaa wango watiakongoko la elima e mbau mbe eho.¹⁵Wamohekelia okulu okpomesake mbau mbe eho, mbuse eho mbau mbe ekpomia koto easia ate moto kpaa ongo oti la elombo e mbau wamoole.¹⁶Edjaaki otomi moto kpaa; wato wakeke la wango wasungu, wato waogumake la wango waotundake, wato wa lipanda la tuke, watote elembo la ewo ewu epele te la mbanda ewu. ¹⁷Ate moto te mokikima atienge osombi te otambi inga atidje la elembo, la kombo e nama koto motango mo kombo ende.¹⁸Alandjo ongo odje la lokenge. Ongo odjéi la lomungo obolesane motango mo nama, laate edjei motango mo moto pele, koto motango monde modjei kama motoba la tuku motoba la motoba.

Chapter 14

¹Idhendia, koto ienia, mana omeme ayamali la mokoli e siona, mongindji la inde wato koto kama la tuku inei la inei, wango wadjali la nkombo ende la nkombo e sango, idhingani la mbanda wa ewu.²Iokia ongo likolo etale, nda etale e malia masungu minge makohumbaka koto nda etale e ngombe enge egbami, etale eokaki mbai edjeiyaka nda walembi wango wakolembaka la djegedje, wakobingaka djegedje ewu.³Walembakali lembo epoli liwoso la ngbelengo e okumu, liwoso la wikelamu winei winge widjei la mokalo la mbange. Moto tweti atiewakali lungo lembo, inga te wato koto kama tuku inei la inei, wango wakalesanali la mbume.⁴Edjali wango watiyabitesali la wali, wadjei seka. Wakomobiliaka mana o meme ibete kpaa ekokeke inde. Wakalesamiaka ndondo e pele, nda pukapuka dja liwoso dja Mwengei, dja mana omeme koto. ⁵La minoko mau ekosako etieneneli, laate watieneneli la obe.⁶Imwenia koto ahumba mwesi akohumbwaka ongo likolo aiki mboli ndamu enge eengiti osili, laate awasumbele wato wango wakwabataka la mbume, la miki kpaa la maliye kpaa, la minoko kpaa, la wato koto kpaa. ⁷Asakali la moli mopamake ate, ''Mowangani Mwengei, mohani odongo, la ebili ate engele ende esambesake ewumia, eho lenge yakongoni la Ongo okeli likolo la mbume, ewale la wilua.''⁸Oeti koto- ahumbwa-ahumbwa ongo owale, abiliali, adjaaki oasi koto ate, ''Akpia, akpia, babilona mosungu, ongo okengesiaka miki kpaa mana mande malangwesake ma ondumba wonde.''⁹Oeti koto ahumbwa ongo osato awabilioali, adjaki oasi la moli mopamake, ''Inga moto ayakonga la mbau la ema enge emokwi, inga koto adja la elembo la elongi ende te la ewo ende, ¹⁰Inde koto akokenga, bino e limemu la Mwengei, enge etiwanese iwo la ema koto etiswane la kopo e limemu lande, akoene odjidji la misa koto la supulu liwoso la waahumbwa wasatu koto liwoso la Mana o meme.¹¹Milungu ma odjidji mawu mikotelaka libela la libela, likolo la wuse wango wakoyakongoko mbau mbe eho koto elima eho koto moto kpaa ongo okondji elembo e kombo eho watihomaka. ¹²Ahala nde wasatu, wango wakotemeiyaka tomani dja Mwengei, koto wakomogemeiyaka Yesu, waongi onangi motema.''¹³Iokia koto moli mwesi molongoyia likolo, moasia, ''Dhinga ndjo: Mwemu la wagui ndondo e Likumu, elimo easi ate, ''Wahome laate wakelali tomo tetelake, laate sambo djau ekoabilia.''¹⁴Idendia, koto ienia, lipata libubake, ongo likolo la lipata moto mwesi ayabati okwani wonde nda Mana o moto, likolo la moto monde adjei la lingboka e wolo, aiki la ewo ende ema ewotake. ¹⁵Oeti ahumbwa apumbali la ebete mosatu e tepelo, adhumbeiya moto ongo oyabati la lipata eho la moli motetelake: ''Lumba ewuni eowe enge ewotake, buka pukapuka, laate engelenge ebukake pukapuka eumia, laate pukapuka itania''. ¹⁶Ongo oyabatiaka ongo la lipata alumbia ewuni ende la mbume, wabukali pukapuka e mbume.¹⁷Ahumbwa odji koto apumbali la ebete mosatu e tepelo enge edjei likolo, ende koto aheli ewuni ewotake. ¹⁸Ahumbwa odji koto apumbali la etumbeli adjaki la okumu likolo la misa. amodhumbeyali ongo oiki ewuni enge ewotake la moli motetelake ate, ''Lumba ewuni e owe ewotake, kokeya mambutu ma pukapuka e mote mo bino e mbume, laate pukapuka eho etaniga''¹⁹Ahumbwa alumbia ewuni ende ewotake la mbume, akokeiya bino e mbume, alumbali eho koto la epoteli esungu e bino e limemu e Mwengei. ²⁰Wahotoli pukapuka la epoteli eho e bino saa e liwange, koto makila mapumbali la epoteli eho e bino etelia tee la wibende e magago e punda, la olayi e metele koto esi la kama motoba.

Chapter 15

¹Yenia koto ongo likolo elembo eti esungu enge eyahueli: Waahumbwa sambo waiki madjidji sambo, eho nde madjdji ma gboo, laate la mboka eho nde limemu la Mwengei ekoenga .²Ienia ema enge edjaaki nda ewale etalatala enge ewanesani la misa, wato wango walongali mbau mbe koto elima eho koto motango e kombo eho wayamali ahue e ewale eho e talatala, wadjei la wadjegedje e Mwengei.³Wakolembaka lembo e Moize, motuke mo Mwengei, koto lembo e Mana o meme, waasi ndjo: ''Likumu Mwengei Mokondji e okulu kpaa, tomo dja owe midjei sungu. Likumu o libela, mboka dja owe widjei wilamu koto meemene. ⁴Ndai otiowanga owe, Likumu, koto atiha kombo e owe otwa? Laate ndji owe nde odjei meemene. Witondo kpaa wakodja oyakongi liwoso la owe, laate sambo ndamu e pui dja owe eeneni la hoho.''⁵Mbuse e sambo djinge ieneli mbai, koto tepelo e hema e litotoli, edhukoania ongo likolo.⁶Waahumbwa sambo wango wadjaaki la madjidji sambo wapumbali la ebete mosatu, wakpali wisindje wilangi e ngelingeli, wakpali koto mikaba ma wolo la mikpoto mau.⁷Mwesi e wikelamu inei e mokalo ahali waaumbwa sambo djaho teni dja wolo winge witumi la limemu e Mwengei, ongo odjei la mkalo libela la libela. ⁸Tepelo etumali la milungu la kole e otwa e Mwengei koto la kole e okulu wonde. Moto te moikima atiengali olingeli la ebete mosatu tee engele madjidji maho sambo e waahumbwa waho sambo eengali.

Chapter 16

¹Iokia moli mwesi motetelake elongoi la tepelo easia la waahumbwa waho sambo ate, ''Kekeni osuakoli teni sambo e limemu e Mwengei la mbume.''²Ongo o liwoso akia, asuia teni ende la mbume; pota mbe ewabingia wato wango wadjali la elembo e mbau mbe, la wango wayakongoli la elima eho.³Ongo o wale asuia teni ende la ewale. Eumali makila nda enge e moto ongo ogwi, koto milimo kpaa e mokalo eguali, koto wikelamu kpaa e mokalo winge widjaali la ewale igwali.⁴Ongo osato asuia teni ende la ewale asuia koto la wiloa wa malia, eumali koto makila. ⁵Imookia ahumbwa ongo o malia aasia ate, ''Owe ongo odjei koto odjaali, Moto omeemene, odjei moto molamu, laaate ototi witeneli eho. ⁶Laate wasuali makila ma wasantu koto e watiesakoli, owahekelia makila laate wakenge, waengi la maho.⁷Iokia etumbelo easia ate, ''Ndjongo, Likumu Mwengei Mokondji e okulu kpaa, witeneli e lisambesi e owe edjei meemene koto olamu.''⁸Ongo onei asuia teni ende likolo la liwusa wuse, emohekelania awalongose wato la misa. ⁹Wato walongolia la ehela esungu, waaselia obe kombo e Mwengéi ongo odjei la okumu likolo la djinge sambo mbe. Watonia oongi olimbesi la omohekeli Mwengei mogano.¹⁰Ongo otano asuia teni ende ndondo e okumu e mbau mbe, okumu wonde eumali la molili, wato wayatwakolia malemi. ¹¹Wamoaselia Mwengei obe Mwengei ongo o likolo, la odjidji wou, watonia omoongi Mwengei olimbesi la tomo djawu.¹²Ongo o motoba asuia teni ende likolo la ewale Epalate. Malia maho mahuali, laate mboka ewongesani la makumu wango walongoyi ongo la epumbeli e liwusa wuse. ¹³Ienia wingbundu isato e elimo mbe enge edjaaki nda monoko mo ndjoo, nda monoko mo mbau mbe, koto la monoko mo motiesakoli o moleho. ¹⁴Laate edjei wingbundu e milimo mibe, minge mikokelaka wikamweseli koto minge mikokeke atie okumu e mbume kpaa, ebete eyabati wato wango wa mbume, la owabolei la kindo e wuse wo Mwengei ongo oteteli.¹⁵Dhenga! Ikodjaaka nda iwa! Mwemu la wango walangaliti ilo, la ongo okowongeleke wisindje wande, laate atisombe lingbengbele laate atiene soni ende.'' ¹⁶Awaboleia la ebete eweli owo la Ebele Alamagedo.¹⁷Ongo o sambo asuia teni ende la ehoho. Moli mwesi motetelake e pumbali ongo la tepelo, elongoi la ngbelengo e okumu moasia ate: ''Ekelania!'' ¹⁸Mikalali mipumbali, miili miokanali, ngombe engbumali, mbume edudumali la ndenge enge ekelanakiyo opoti oyabati e wato la mbume. ¹⁹Gbata enge esungu ekawania la isuki isato, mawange dja mikuali, Mwengei amomungolali Bbilona mosungu, laate amohekele teni ende e logo.²⁰Wisii kpaa itilia, mikoli itieneneli kine. ²¹Ewongo e malanga esungu enge libukeli liesi liesi edjaakali la oliti inga e mbela eesi, elongwali la likolo, eyadjimbelia wato. Wamotangali Mwengei la odjidji woho e ewongo e mabukeli, laate odjidji woho wodjaali osungu.

Chapter 17

¹Mwesi o waahumbwa sambo wango wadjaki la teni sambo, adjaali akpomesanali la mbai ate, ''Djaka iyoenese esambeselo e moli o ndumba, ongo oyabati likolo la malia masungu, ²ongo makumu ma mbume wakelali la inde ondumba, koto wato wa mbume wakengeli la inde bino e ondumba wonde.''³Akpalia mbai la okulu e elimo la lisobe, imoenia moli ayabati likolo la mbau mbe e langi etanake enge etumi la nkombo e wiliko. Edjei la mito sambo la ndjeka liomu. ⁴Moli oho akpalali esindje etanake-boloo koto etanake ngbaa, ayawongeli wenge la wihoo wa wolo, la mabukeli e motio, la wangbengbe. Aikali la wo ende teni e wolo, etumi la sambo mbe djinge dja ondumba wonde. ⁵La mbanda ende nkombo, edhingani ndjo: ''Babilona mosungu, nango o wali wa ndumba la sambo mbe djinge dja mbume.''⁶Imwenia ongo moli alangoia makila ma wasantu la makila ma watotoli wa Yesu. Ango emoenia mbai, okamwi wosungu egbotoli mbai. ⁷Ahumbwa andjaselia mbai ndjo, ''Nde ekokamwaka owe? Ikoewesa sekele e moli koto e mbau mbe enge emokpali, ongo odjei la mito sambo la ndjeka liomu.⁸Mbau mbe enge eeni owe edjaki, ase eti kine, inga te ndjongo etikali makeke epumbe la liwela lilindake, ekoke ongo la obitesani. Ango ekoene iwo ndenge mbau mbe enge edjaki ase eti kine, inga te ndjongo ekodja, wato wango wayabati la mbume wakokamwa la mwemu, ase kombo djau idhingani la buku keke e mokalo tee la lipoteli e moki.⁹Mine ahala ewongi odjei la kandela enge eboliani la lokenge. Mito sambo mienesi nda mikoli sambo, djinge iyabati moli. ¹⁰Edjei koto la makumu sambo: Watano wakwi, mwesi adjei, ongo odji adjaki yo, ango ekodja inde, atiumwa.¹¹Mbau mbe enge edjali, enge etikine, eho amene edjei likumu o mwambi. Ase elongoi la iwo sambo, koto ekokeeke la obitesani.¹²Ndjeka liomu djinge ieneli owe einyei makumu liomu, wango watotakiyo okumu, ase wakondjiga okulu wadje makumu la engele eesi mongindji la mbau mbe enge. ¹³Iwo kpaa wadjei la lomungo lokikima, eho lenge wakohaka mbau mbe okulu koto okumu wou. ¹⁴Wakosana wita la Mana o meme, mana omeme akowalonga, ongo edjei inde Eloko e wiloko, Likumu la makumu-wato wango wawelani koto waononi koto wango wadjei meemene wakolonga mongindji la inde.''¹⁵Ahumbwa aasia la mbai, ''Malia mango maeneli owe, mango mayabati moli o ndumba, mainei wato, miki, minoko.¹⁶Ndjeka liomu djinge ieni owe la mbau mbe, wakomotona moli oho o ndumba, wakomolongosa wisindje, wakomotika lingbengbele, wakolaka ndjini ndjande, wakomolongosa koto la misa. ¹⁷La ebili ate Mwengei abatiga la mitema mau waengese mamungo mande, la oengesi mamungwene mau amene ehake mbau mbe okumu wou, tee engele wingbundu wa Mwengei wikoengesana.¹⁸Moli ongo omoeneli owe, edjei gbata lisungu enge edjei la okumu likolo e makumu ma mbume.''

Chapter 18

¹Mbuse e sambo djaho, imoenia ahumbwa odji alongoi ongo likolo. Akoyadjimbaka la okumu wosungu, mbume engalali la otwa wonde. ²Apamali la moli motetelake ate, '' Akwia, akwia, Babilona mosungu! eumia eyabatelo e milimo mbe, koto ebete ekwabataka milimo kpaa minge mbe, ebete ekwabataka mbulu kpaa ndjinge mbe, koto nama kpaa itonani. ³Laate miki kpaa wakokengaka bino ende e ondumba, makumu ma mbume miyalumbia ongo ndondo e ondumba wonde, wato wagumake wa mbume wayagumesia la okulu e ogumake wonde.''⁴Iokia moli modji ongo likolo moasia ate, ''Pumbani ndondo ende, wato wa mbai, laate otilingeleni ongo ndondo e masumu mande, otiyawaneseni koto la odjidji wonde. ⁵Laate masumu mande makaumiga tee ndji ongo likolo koto Mwengei asumboiya obe wonde. ⁶Moputani ndenge kikima nda eputiaka inde, mowongweselani mbala iwale la oengani la tomo djande. La teni enge esuiyaka inde mosuelani mbala iwale.⁷Ndenge eyaganali inde koto eyabatali inde la ngbii e wihoo wamotio enge etidjakali inde ookeli soni, mohani koto nongo e ndenge eho. La motema monde akoasaka ndji ate, ''Idjei likumu, iti moli ongo ogueli molome, itiene koto odjidji te ma keke,' ⁸La ndenge eho, la lisio likikima, odjidji wonde ekouma, logo, la magba, la ndjala, akolongola la misa ngoo laate Likumu Mwengei ongo omosambesi, ateteli.''⁹Makumu kpaa ma mbume, wango wayalumbali la inde ebete ekikima la ondumba wonde la ogumake wonde, wakoswa poo wakoyasumbwa la kole ende, ange ekoene iwo milungu ma obitesani wonde. ¹⁰Wakoyamala lihehe la owangi odjidji wonde, wakoasa ate, ''Magba, magba, Babilona mosungu, moki mo okulu! La engele ekikima e sambeselo e owe eumia.¹¹Wato wa ogumake wa mbume wakoumesa poo la kole ende, laate moto te mokikima atisomba kine wihoo wau-¹²Wihoo winge wa wolo, wa palata, mabukeli mango ma motio, e maayaka, la lini ewongake, la wisindje tanake ngbaa, la wihoo kpaa winge winge wikelani la pembe e mbongo, la wiho paa wikelani la mabaya e lumba ndamu, e motako e wibende koto e malabe, ¹³la kinamoni, la amomo, la paka e malasi, la maita e lumba ndamu, la maita ma olibe la mteke ndamu, la ndongo, la nama, la wameme, la wapunda, la makalo, la tuke, la milimo ma wato.¹⁴Pukapuka djinge ibaliaka molimo mo owe ikia lihele la owe, wihoo winge wilamu koto wihoo wa owe wingengake ebitania, watiene koto eho alidji.¹⁵Wato wa mombongo e winge wihoo, wango wayagumesali lai nde, wakwamala lihele, la owangi odjidji wonde, wakopumbesa poo wakodja koto la oleli wo logo. ¹⁶Wakoasa, ''Magba, magba! moki mosungu mungo mokpaliaka wisindje wamondjele alingamiaka la wolo, la mabukeli ma motio, la engele ekikima likondja lande kpaa libitisania! ¹⁷Wato kpaa wango wakosombelaka la enge ebete ndjongo, la wato wango wakosombaka la andondoli la wasombesi wa andondoli, wakoyamala lihele.''¹⁸Wahumbali pui, ango eenia iwo milungu ma odjidji wonde. Waasali ate, '' Nda gbata eengani la ehele gbata esungu? ¹⁹Waswakali limungele la mito mau, walelakali wadjakali la magba, wahumbakali pui ndjo: Magba! magba! gbata esungu ebete eyagumesali wato kpaa wango wadjei la wihoo winge wikosombaka la ewale, la engele ekikima abitesania.'' ²⁰Likolo emela la kole ende, la ino koto wasantu, wa toma, la watiesakoli, ino koto emeleni! laate Mwengei aokeleliani oyengebene ango emosambesi inde.''²¹Aseko ahumbwa mwesi atotia libukeli enge ekuani la enge ekonuelaka eho pukapuka alilumbia la ewale, asia ndjo, ''Ndjo nde ekolumbana Babilona, gbata esungu la mbala kikima, atienene kine alidji. ²²Watioka kine atie owe etale ewango wakobingaka kidale, la wango wakobingaka ndundu, la wango wakelelo, la wango wakotulaka, waigboto kine atie owe etali enuake pukapuka.²³Ngbai e lotambe etingala kine atie owe, moli mo molome o liwala te mo moli o liwala motiokana kine atie owe, laate wango watambesakali wihoo wo owe wadjakali wato wango waewanake la mbume, la ebili ende miki kpaa midjimbisamiaka la owe. ²⁴La ebili ende yainde waeniaka makila ma watiesakoli la mawasantu ma wato kpàa wango wa wateniaka iwo kingo ahala la mbume.''

Chapter 19

¹Mbuse e sambo djaho, iokali moli mwesi etetelake nda moli e ngbii e wikelamu wa likolo, wokoasaka ate, '' Alleluia! okalesani, otwa, koto okulu edje atie Mwengei. ²Laate wisambeselo wande widjei meemene koto wilamu, laate amosambesi inde moli ondumba ongo obitesali mbume la ondumba wonde, awongoselia ewo e moli oho obe la makila ma tuke djande.''³Wasia mbala ewale: ''Alleluia! Milungu mande mikotelaka libela la libela.'' ⁴Mbange tuku iwale la inei la wikelamu winge widjei la mokalo inei wamosembelia Mwengei ongo oyabati la ngbelengo e okumu, waasia ate, ''Amen. Alleluia!''⁵Moli mwesi mopumbali la ngbelengo e okumu, moasali ate, ''Modombani Mwengei osu ino kpaa tuke djande ino wango wakomowangaka, wana la wiloko wato.''⁶Iokali moli mwesi enge edjaki nda moli e ngbii e wikelamu koto nda modudu e malia masungu enge ekohumbaka la otetelake, koto nda ogbami wo ngombe, easia ate, ''Alleluia! Laate Likumu, Mwengei osu Mokondji e okulu kpaa, abatia okumu onde.⁷Toemeleni koto todje la mwemu, tomohe koto otwa, laate elambo e mana o meme eumia, koto moli onde ayawongeli.⁸Amohekelia esindje enge ekongengeke, la ongengi wungo wolamu, esindje eho elamu edjei tomo ndamu ma wasantu.⁹Ahumbwa andjaselia mbai ate, ''Dhinga: Mwemu la wato wango wawelani la ilaka e liwala e Mana o meme.'' Aewesali mbai alidji ate, ''Ehenge edjei engbundu e meemene e Mwengei.'' ¹⁰Ikwia la makolo mande laate iyakonge la inde, aasia la mbai ate, ''Otiakonge la mbai! Idjei mangwa o wotomo, koto motuke mo wamangwa wango wadjei la otomo e ototoli Yesu. Yakonga la Mwengei laate witiesakoli wihekelani nde la omototoli Yesu.''¹¹Yenia koto likolo liluhuania, yenia punda e langi bubake. Ongo oyabatakali likolo la punda kombo ende omeemene koto olamu, akosambesaka akosanaka koto wita la oyengebene. ¹²Maiso mande madjali nda misa, la moto monde wilembo ngbii, adjeiaka koto la nkombo esi ekomiaka iwo moto tweti atiewakali nkombo eho, ndi inde amene. ¹³Akpaliaka esindje edjeiaka la makila, kombo ende engbundu e Mwengei.¹⁴Wasoda wango wadjei ongo likolo wamotutiakali likolo la punda bubake, wakpali isindje wibubake. ¹⁵La monoko monde ewuni ewotake epumbakali, laate abinge la eho miki, akowasombesa la pimbo e ebende. Akohotoko koto pukapuka la eboteli e bino e limemu e Mwengei Mokondji e okulu kpaa. ¹⁶La esindje ende la ebelo ende wadhingali kombo: Likumu e makumu, engali e waengali.''¹⁷Imoenali ahumbwa ayamali ongo la liwusa wuse, apamali la moli motetelake, aasali la mbulu kpaa ikohumbwaka ndondo e likolo ate, ''Djakani ahala, gbotononi la yenga esungu enge ekeli Mwengei. ¹⁸Laate olakeni ndjini dja makumu, la ndjini dja makumu ma wasoda koto la ndjini dja wato kpaa, tuke, wato wakeke wakeke la wango wasungu wasungu.''¹⁹Yenia koto mbau mbe, koto la makumu ma mbume, la wasoda wawu wayaboleiya laate wasane wita la ongo oyabatali likolo la punda la wasoda wande.²⁰Mbau mbe ehelanali mongndji la motiesakoli o moleho, ongo okelakali liwoso lande wikamwiseli winge indjimesakali inde wango watotali elembo e mbau mbe la wango wayakongoli la elima eho, wawalumbali iwo kpaa la misa minge mikololaka la supulu.²¹Wango weti wagwia la ewuni enge epumbakali la monoko mo ongo oyabatakali likolo la punda, mbulu kpaa wigbetia la ndjini djau.

Chapter 20

¹Yenia ahumbwa akoyadjimbaka ongo likolo, aiki pungola e ebete e logo koto la mindjota la ewo ende. ²Ahelia dalagona, ndjo enge egala, enge emoweli iwo djabulu, inga etota, amokandjia la mindjota wilanga koto eesi. ³Amolumbia la ebete e logo, alihia abatia elembo la ebete enge elingelake, laate atikose kine wato, ndji ango ekoenga wilango koto. Mbuse ango wakomoluhola ma engele keke.⁴Yenia koto wangbelengo e okumu, edjaali la wango wayabatelali eho, wawahali okulu esambesake. Yenia milimo ma wato wango watenanali mito la omototoli Yesu la kole e Mwengei, la wango watiyakongoli la mbau mbe koto la elima eho, la wango watitotali wilembo la wilongi wau koto la mawo mau wawongoia la mokalo, wakondjia la Kilisito wilanga koto eesi.⁵Wato wagbake wango watikalali watiwongwali la mokalo tee ango ilanga koto eengali. Ehele nde obasi wo poo.⁶Mwemu la wango wasuswali mbala e liwoso! logo lo wale loti la okumu atie ewu; wakodja wanganga-Mwengei wa Mwengei koto wa Kilisito, wakokala la inde ilanga koto eesi.⁷Ango ekoenga ilanga koto, Satana akopumba la woyogo ende. ⁸Akopumba la owakosi wato wango wayabati la wisuki inei e moki Goge la Magoge, la kole e kindo. Motango mowu modjaali nda ngene e ewale.⁹Wayaandjali la mbume kpaa, walingali ebete edjaki oyabati wasatu koto gbata enge ebala iwo. Ase misa milongwali likolo eyadjimbia ewalakia. ¹⁰Djabulu ongo odjaakali owakosi wato alumbanali la misa e supulu ebete mbau mbe la motiesakoli o moleho wadjaakali, wakoene odjidji likolo la wuse libela la libela.¹¹Yenia ngbelengo esungu e okumu ebubake, la moto ongo oyabatali likolo laho. Mbume la likolo etilali litilali liwoso lande, etidjaakali kine la ebete. ¹²Iwenia wato wagwake wato wasungu wasungu la wato wakeke wakeke, wayamalia liwoso la ebete e okumu. Buku iluhuania. Ase buku enge eeti edjaali buku e mokalo. Wato wango wagbake wasambesanali la sambo djinge idhingani la wabuku waho, la otutei tomo djau.¹³Ewale ewongolia wato wagbake wango wadjeiaka ongo, logo wo mbila ewongwesali wato wagbake wango wadjaali ongo, moto la moto asambesanali la otutei tomo djande. ¹⁴Logo la mbila elumbania ongo la misa. Logo lo wale wuho, misa. ¹⁵Moto ongo otidhingiaka iwo kombo ende la buku e mokalo wamolumbali la misa.

Chapter 21

¹Yenia likolo poli la mbume poli, laate likolo egala la mbume gala eetali, koto ewale etidjaakali kine. ²Yenia koto gbata mosatu, Yelusalema poli, elongoyi likolo atie Mwengei, ekoyadjimbaka ewongesani koto nda moli o liwala ongo owongeli wenge la kole e molome onde.³Iokia moli mwesi motetelake elongoiya la ngbelengo e okumu, easia ate, ''Dhenga ebete eyabatake e Mwengei edjei ebete eikima la wato, akoyabata la iwo koto wakodja wato wande. Mwengei inde amene akodja la iwo. ⁴Akohuhola poo e maiso mau kpaa, logo etidja kine, etidja kine te logo, te odhumbeyi, te ekoni koto etidja kine, odjidji etidja kine. Sambo dja gala iyeti.⁵Ongo oyabatali la ngbelengo e okumu aasali ate, ''Denga! ikokelaka sambo kpaa poli. Asia koto, ''Dhinga, dji sambo idjei dja meemene.'' ⁶Aasali koto la mbai, ''Ekelania! Mbai idjei Alipa koto Omega, moto o liwoo koto o mbuse. Ongo odjei la ehoha e malia ikomoha pamba malia mango malongoyi la likaka e malia ma mokalo.⁷Ongo okolonga akotota lisango e wihoo waho, ikodja Mwengei onde, inde koto akodja mana o mbai. ⁸Ase wato wa mbangi la wango wadjangi ogemei, la wango wa osoto koto wa onalili, la waoli wato, la wato wa pite, la wango wakokelaka tomo e milimo mbe, la wango wakoyakongoko la wilima, la wato wa moleho likao lawu ekodja ndondo e misa minge mikololaka. Enge einyei logo e wale.''⁹Mwesi o waahumbwa sambo wango waikakali teni sambo djinge itumi la odjidji sambo ongo o gboo adjia, aasali ate, ''Djaka ahala. Ikoinya owe moli o liwala o mana o meme. ¹⁰Akpalia mbai la okulu a elimo likolo mokoli mosungu koto ndai andjineia mbai moki mosantu, Yelusalema, ongo odil kakali olongoi ongo likolo atie Mwengei, la otwa e Mwengei.¹¹Yelusalema edjei la otwa wo Mwengei, koto ongali woho wodjei nda libukeli e motio , nda libukeli e yasipe enge ekongalaka nda malia ma malanga.¹²Olai woho wodjeiaka wosungu adjali la milango liomu la miale, likolo la minge milango ndjongo waahumbwa liomu la wale, la kombo idhingani, djinge dja mawota liomu la male ma wana wa isalaele.¹³Ngambo ekolongwaka liwusawuse milango misato, ngambo e likolo milango misato, ngambo e midi milango misato, ngambo ekolangalaka moi milango misato.¹⁴Etutu e gbata eho edjakali la mabukeli liomu la iwale e moboko, likolo la minge miboko ndjongo nkombo liomu la iwale dja watutiani wa mana omeme.¹⁵Ongo odjakali wasi la mbai adjakali la mokombe nda ema epimelake nda wolo, la opimi moki milango mande la witutu wande.¹⁶Moki muho modjali nda ma enge edjei la wisuki winei, olai wo moki wokokanali la wokwe. Apimia moki la mokombe, atotia wipimo koto liomu la iwale; wolai, okwe la ango awodja ienganali. ¹⁷Apimia etutu, atotia wipimo kama la tuku inei, epimo e moto enge edjali e aahumbwa.¹⁸Etutu eho wakeliaka la ema eweli iwo ate yasipe, moki modjali mo wolo mokwania la ema eweli io ate talatala.¹⁹Miboko ma enge etutu ndjongo e moki miwongesanali la mabukeli ma motio ma ndenge kpaa: moboko mungo mo liwoso modjali la ema eweli iwo ate yasipe, mungo mo wale modjali mosapili, mosato mo kalasedwane mungo monei mo Emelode.²⁰Mungo motano mo Salodonisi, mungo mo motoba mo Saladwone, mungo mo sambo mo kilizolia, mungo mo mwambi mo Belila, mungo mo libwa mo Topaze, mungo mo liomu silisopalase, mungo mo liomu la moikima mo yaseti, mungo mo liomu la iwale mo Ametisiti.²¹Milango liomu la miale maho midjali la mabukeli ma motio mpe ombeli wesi wesi adjakali la libungeli liesi liesi la motio ebete e liwange edjakali la wolo olamu, nda kopo enge ekoeneneke ngambo kpaa. ²²Itieniaka kine molako ndondo e moki; laate Mwengei inde amene aumiga molako inde amene, la mana omeme.²³Moki muho moidjali kine la mposa e moi posa e sandja la ongengesi moki, laate otwa o Mwengei ekomongengeseke, mana o meme bendele ende.²⁴Miki kpaa mikosomba la ongengi wonde, makumu ma mbume wakomoha otwa djau. ²⁵Milango mande mitilihana la wuse, laate likolo litidja.²⁶Wakomoha otwa la mogano e miki kpaa, ²⁷ase ema kpaa enge eti mosatu koto moto kpaa ongo okokelaka loyi eesi e osoto koto akobukaka moleho atilingela ongo, ndji wango wadhingani la buku e mokalo e Mana o meme nde wakolingela.

Chapter 22

¹Andjineia mbai e wale eesi e malia ma mokalo, elangi nda malanga. Makopumbaka liwoso la ngbelengo e okumu e Mwengei koto e mana omeme. ²Tee la wodja e lingalala eho esungu. La ngambo e ewale, la ngambo eetiedjaaki la mite ma mokalo enge edjaki owoti pukapuka mbala liomu la maale, edjaki ohi pukapuka eho ndebo la ndebo. Ngasi e mite maho edjaali la okalesi miki.³Ema ebe etidja kine. Okumu wo Mwengei la omana omeme wokodja ndondo e moki, wasali wande wakomokelela wakoene koto mbanda ende. ⁴Nkombo ende ekodja la mbanda djau. ⁵Likolo litidja ikine, watidja kine la posa e lotambe, laate Mwengei inde amene akowangengele. Wako kala ilanga la ilanga.⁶Asia la mbai: Dji sambo idjei meemene, Engali Mwengei o milimo ma watiesakoli, amotomia ahumbwa wonde la owainei wasali wande sambo djinge ikuma ndjindjo.⁷''Denda! Igeleli ndi ndjo. Mwemu la ongo okobanya sambo dja etiesakoli dja ehele buku.''⁸Mbai Yoani, ongo ookali ongo koto oeneli dji sambo. Ango eokiaka mbai koto eeniaka mbai, ikwia la makolo ma ahumbwa ongo ondjiniakali mbai djinge sambo, la oyakongi la inde. ⁹Asia la mbai, ''Otiakonge la mbai! Idjei mangwa o wotomo, ongo koto o wamangwa watiesakoli, la wango wakobanyaka sambo dja ehele buku. Yakonga la Mwengei.''¹⁰Asia la mbai: Otikande sambo dja esakweli dja ehele buku. Laate engele enge ebatana eumiga. ¹¹Moto ongo okokelaka sambo mbe akele alidji sambo djaho mbe, moto o osoto akele alidi osoto. Moto molamu akele alidji wolamu, koto mosatu aume alidji mosatu.''¹²Denda, igeleli ndi ndjo, owongosi obe edjei atie mbai, koto omoputi moto la moto oengani la tomo ikelali inde.¹³Idjei ALipa koto Omega, moto o liwoso koto ongo ogboo.¹⁴Mwemu la wango wakokpoloko wisindje wawu, la odjui mote mo mokalo, la olingeli ongo la molako mo moki.¹⁵Ono saa mbua, wato wa osoto, wakeli sambo djinge mbe mbe, wasambeli wikeko, la wango wabali obuki lokuta!¹⁶Mbai Yesu, imotomi ahumbwa o mbai laate awoeneseni dji sambo la mangomba idjei ongo omolumbiaka iwo moto o liwota la Davidi, monoto mungo moko ngengeke boo.¹⁷Elimo la moli o liwala wakoasaka ate, ''Djaka. Ongo odjei la ehoha e malia adje, moto kpaa ongo obali, ototi malia ma mokalo e pamba.¹⁸Ikomwaselaka ongo okokaka sambo dja esakweli dja ehele buku: Inga moto ataleya ema esi Mwengei akomotaliela odjidji enge edhingani la ehele buku. ¹⁹Inga koto moto alongese ema esi sambo djinge idjéi la ehele buku e esakweli, Engali koto akomolongese ongo la mote mo omoi ongo koto la moki mosato, midingami la ehele buku.²⁰Ongo odji sambo asi ndjo, Ee, igeleli ndindjo. Amen! djaka Likumu osu Yesu! ²¹Ngolu e Yesu edje la ino kpaa! Amen.

Formatted for Translators

Habakkuk

Haggai

Matthew

Mark

Luke

John

Acts

Romans

1 Corinthians

2 Corinthians

Galatians

Ephesians

Philippians

Colossians

1 Thessalonians

2 Thessalonians

1 Timothy

2 Timothy

Titus

Philemon

Hebrews

James

1 Peter

2 Peter

1 John

2 John

3 John

Jude

Revelation