Aroma: Bible for 1 Corinthians, 1 John, 1 Peter, 1 Thessalonians, 1 Timothy, 2 Corinthians, 2 John, 2 Peter, 2 Timothy, 3 John, Acts, Colossians, Ephesians, Galatians, Hebrews, Romans, Titus

Formatted for Translators

©2022 Wycliffe Associates
Released under a Creative Commons Attribution-ShareAlike 4.0 International License.
Bible Text: The English Unlocked Literal Bible (ULB)
©2017 Wycliffe Associates
Available at https://bibleineverylanguage.org/translations
The English Unlocked Literal Bible is based on the unfoldingWord® Literal Text, CC BY-SA 4.0. The original work of the unfoldingWord® Literal Text is available at https://unfoldingword.bible/ult/.
The ULB is licensed under the Creative Commons Attribution-ShareAlike 4.0 International License.
Notes: English ULB Translation Notes
©2017 Wycliffe Associates
Available at https://bibleineverylanguage.org/translations
The English ULB Translation Notes is based on the unfoldingWord translationNotes, under CC BY-SA 4.0. The original unfoldingWord work is available at https://unfoldingword.bible/utn.
The ULB Notes is licensed under the Creative Commons Attribution-ShareAlike 4.0 International License.
To view a copy of the CC BY-SA 4.0 license visit http://creativecommons.org/licenses/by-sa/4.0/
Below is a human-readable summary of (and not a substitute for) the license.
You are free to:
The licensor cannot revoke these freedoms as long as you follow the license terms.
Under the following conditions:
Notices:
You do not have to comply with the license for elements of the material in the public domain or where your use is permitted by an applicable exception or limitation.
No warranties are given. The license may not give you all of the permissions necessary for your intended use. For example, other rights such as publicity, privacy, or moral rights may limit how you use the material.

Acts

Chapter 1

Puka reparepana thauna aaloao,Theophilus,na aunilimalima evailarao Iesu ia eulavunu e eve varipa,2veaa palauna gena rova thaorana gena vevaripa auri evirirgirao auri egavuinarao mulinai amana na evairageao kupai.3Gena vi vi mulinai,ia maulina eve vamagaio gena vevaripa auri elerai thao veule tharaparari vogo vagiai.Garo maparari kapana vai vai ila elerai eve vamagaio,e Palau gena basileia thorina evara venirao.Iesu na ila ealu kou agirao thaonai ila evaila iwarao,Jerusalema pigene kali wania,namu amana gena ilagavu pige thaloa,ethoriao neiwao,'' Thau elekuna go amonagiao5wara Ioane naluna eve papasito ole,namu mui nori raurau veaa palauna na pene papasito mui.''6Ila geve koukouo thaonai ia gerenagiao,''Velegaua,Israela elenai basileia pono ole lavu ulewaia orana era pa?7Ila evaila iwarao,''Enori muina pigo ripa orana pa laganina namu amana maauna gena iavuai eripthao gelegelenai.8Namu mui iavu pigo gapi veaa palauna thaamuiai pene mikwara laganinai, e mui thau auilagi lovo lovoku aumui Jerusalemai,Judea e Samaria maparanai e alimapara riki ava vai vai thaorai.''9Iesu velegaua na ethori eilagiao,thaonai ila geairagewai,ia evegapi laaio gemalele agiawai pene thao iloana ila maari epothorao.10Geruao kupamo gemalele agiwai,thaonai au lualua rapua ulo uloai geve rapuao ila epirai ge ruao.11Eau lua luana ila gevaila iwarao,'' Galileia aumui,raagauna mui enai goruao kupa goai rage veniani? E Iesu mui elemuina pe laai peve rage kupai,pogo iara veai veaina vagi pene velavu ule mapigo iatha.''12Olive golona na gelavu ule waio Jerusalemai repana Jerusalema ia veavi thoa thoana velovana no garo apuna.13Geve kwarao,ge ve rageo ovua thaainai, ila geria alu avana.Gethoao auri wara Petero,Ioane,James,Andrew,Philipo,Thomas,Bartholomew,Matthew,James Alphaeus nauna,Simon Zealot,e Judas James nauna.14Ila maparari geve veni vagio gau waunaimo veni vua vuai,ma vavineria,e Mary Iesu inana e wala avana maina.15Wagaro rai Petero wala ava nuanua rai erua laaio,auri no inavuna kapana lua lua veairi neiwao,16''Wala avaku maparamui,wa thakwanai puka thorina pene gugulu,pe veaa palauna na eilagi kuneao Davida muruna na ethori thalo thaloao Judas eilagia veali auri eveamai agirao Iesu geligoao.17Judas ia auavari apua ekoukou(ministry) gavuna namana mai erawaliao.''18(Evana eau na alima waua evoiao gena moira voina na,wanai ia repana na eoupuo,auniparana eo lovo lovo ole inagena maparana eo thakwaraio.19Jerusalemai gealuwai aurana geamonagiao wakapu ge thara vaoao geria karoai ''Akeldama,'' ganina '' Alima ma lalana.'')20'' Salamo pukanai eve alo ole, 'Gena alima pigo kaliwania,auapua maina wanai peene alu';Au apua pigo gapia gena vevai rakinai kapuna pige gapia.'21Wa auna auna,gauri pakurai,au apua iaria athoa kou vanagi vanagi wai Iesu velegaua ethoa oa e ethoa rai ia thaorana,22Ioane gena papasito na ema ma pene thao ia elerana evai rageao garona,ia gena laaiwai eilagi lovo lovoao.''23Aunilimalima lualua gevirigirao,Joseph gegogoawai Barsabbas,tharana apua Justus,e Matthias.24Ila geai rupu alio e negeiwao,'' Goi velegaua aunilimalima thaori oripa rana,eau lualua ono vamagai venimai ariapuna goina povirigia25kapuna pene gapi ekoukou(ministry) thaonai Judas na ekaliwaniao ia elavu ulewaio gena ririwa avanai.'' ila raligoi nuanua rai kati gerakwathao Matthias na egapiao,ia kapana na apuna ria georu auao.
Chapter 2

1Pentecost garona ekwarao garonai ila maparari gekoukouo kapu apunaimo.2Nori rau rau kupana galavu apua eveamaio thagila raava veaina,e ila gealuo numana thaona maparana eraka lova ao.3Ila elerai alova veaina matha geve ware lovo lovo ole,ila apuri apuri thaarai gealu auo.4Veaa palaunai ila gevonuo ma karo vairai gethoriwai,veaa palauna na evaila rawai veaina.5Palau gena aunilimalima vanua vanua maparari, ekupa kapulenai gealuni e Jews aunilimalima ri Jerusalemai gealu wai auri.6Egalavu geamonagiao,uuma gethoa avi avio ge aovo aovo repana ila geamonagirao geria vanua karorai gethori wai.7Ila geve vakalio;negeiwao,''Auna auna ila maparari Galileia karonai gethorini pa?8Wa raagauna ila gamonagirana,apuri apuri thai gawala rageo vanuari karorai gethorinia? Parthian e Medes e Elamites,e Mesopotamiai gealunia,Judeai e Cappadociai,Pontus e Asiai,10Phrygia e Pamphylia,Egypt ai e Libya ava vairi e Cyrene thao venina e au wari wari Roma na geve amaio,11Jew e Proselytes,Cretans e Arabians,gamonagi rana thai gemai vanua karorai Palau gena ulavunu geilagiani.''12Ila maparari geaovo aovo e geve vakalio;maauri geve vailawai,''Egau ganina raagau?''13Namu vairi geve galaigai negeiwai,'' Na pege niuniu wine na pevagi ria.''14Namu Petero kapana na apuna erua agirao,karona eva rageao,evaila iwarao,'' Judea aunilimalima mui e Jerusalemai go aluni maparamui,ethori muina pigo ripatha; thau geku thori igo amonagi ria.15Eaunilimalima nori pege niuniu na gothoriania veaina,evanamona pe pogipogi valivu valivuna roera.16Namu epe peroveta auna Joel na eilagi thalo thaloao:17'Palau neiwao, garo kapi kapirai,'Thau palauku pana lavu gatha aunilimalima maparari thaarai.Mui naumui maluaneri e vavineri pige peroveta,gemi au valivu pige maa vanagi,gemi au ola ola ila nivi pige nivi agiri.18Auna auna thau geku veala veveni auri thaarai e vavineri wagaro rai thau palauku pana lavuga raia,ila pige peroveta.19Kupa uunai vailia pana vamagairia e vailia alimaparai,lala,alova e kovu.20Garo pene make pene muuna e vue pene make lala kapi Velegaua gena garo evirigiao garona pene veamai.21Wagaro anai riari velegaua tharanai gegogoni ila pene vamauliria.'22Israela aunilimalima mui ethori igo amonagiria:Iesu auni Nazareta ia aunilimalimai Palauna eva gapitore agimuio olema nanamarai e vailia e vevakali vailiari Palau na eva magairao nuanuamuiai ia thaona na,mui ripamui.23E au eve veni vanagi agiao Palau gena uamagi maavuai e thaonekai;e mui,rova nori ripamui aurana satauro ai go naero rageao ewaregao.24Namu Palauna eva laai waiao,warega vi vina thaona na elauao,repana warega noai gena iavu pene rogo kikilagia.25Davida na ia eilagiao, 'Velegaua thauna aiani thau vilakuai,ia thau imaku ripana epinai pe thau paana ala laiwa laiwa.26Gauri pakurai thau thaoku enamao e mathaku evereleo.Emaina thau auniparaku wara veraramaniai pene mauli.27Thau palauku olopu wagari poono veniri,pa goi gemu veaa melona apuna poraga peene iatha.28Mauli olemana ova magai venikuo; goi vilamuna thau thaoku namana pono vavonua.'29Vewala, thauna mui availa thakwa thakwa muini Davida olemana,pe ia ewarega e gekulia,e ia gena kalani veole egaroa ia elerai gauna era.30Gaurai,ia peroveta auna apua ealu e eripa Palauna ia eilagavu venia garo apua ia kalakala na apua gena vele aluaunai pene alu.31Iana eiathao vilari garorai raaga pene wala e Keriso gena laai wai ethoriao,pe ia olopu wagari elerai nee ri waniao,o ia auniparana na poraga nee iathao.32E Iesu-Palauna evalaaiao,thai mapara maina gaiathao.33Gauri pakurai,pe tou laai mai Palau imana ripana gena avanai eilagavu veni maio gauna veaa palauna amana elenana,elavugathao pogo iatha e pogo amonagia.34Davida Iesu kupai amana na eve tou ragea veaina nee verage,namu ia neiwao,'Velegaua geku evailao,'' Imaku ripana avanai ono alu35pene thao gemu vukuku auri goi gagemu ole auna patana pana oleria.''36Gauri pakurai,Israela numa auri maparari pigo varipa ria Palauna ia vele rakina e Keriso eveniao,Iesu na muina go satauroao.''37Ethori geamonagiao,ila thaori geve aoleao,thaonai Petero e veunagi auri gerenagi rao,'' Vewala thaina raaveaina pagara ala?''38Thaonai Petero na ila evailarao,'' Igo valavu wai e apuri apuri, papasito iavuna pigo gapia Iesu Keriso tharanai pe, galama mui pene vuligiri,e veaa palauna gena veveni elemuiai pigo rawali ria 39Repana ilagavu pe mui gemi e mui naumui e kapu rauai gealuni auri e aunilimalima maparari velegaua ia gera Palau pene gogo.''40Thori ia vogo thaorana Petero eve vamagaio e enogi nogi rao,''Emoira kalakala na thaona na veva mauli pigo avua.'' 41Gena thori geamonagiao e gegapi rageao ge papasito rao,wagaro anai aunilimalima maparana thagana oioi geria mauli velegaua geveniao.42Maauri geve veni vagio keriso gena veunagi auri geria vevaripai e koukou ai,parawa ala avaluanai e veni vuavuai.43Aunilimalima maparari elerai kali ethoa oao,vailia irau irau Keriso gena veunagi (apostles) auri thaorana gewala wai.44Geve vauna aunao auri gekoukouo e garia gau maparari apuna mo,45geria numa e rinaa gevoi agirao aunilimalima geware venirao, veaolea auria mai.46Garo mapara rai gau wauna mo pakunai rupuai geve veni vagio.Ila maina geria numa thaorai parawa geala avaluarawai,geve gani veveniwai verele e manau auria ila,47palau geva rageawai aunilimalima maparari geva nama thawai veva mauli gerawaliwai auri velegauna ila auri eva vogorawai.
Chapter 3

1Evana Petero e Ioane rupu gethoa veniao ora gauna no terei koloku veairi.2Thaonai au apua ia ewalao kau kau gevua thao ao rupu thoaoa thoaoa na tharana Ralemana iwavagi(Beautiful).Garo mapararai ia wanai geva alua wai pe rupu thoa venina auri elerai moni enogi wai.3Petero e Ioane rupu na gethoa oawai thaonai eia rawali rao,moni enogi rai.4Petero e Ioane maarana eau geia rogo rogoao,negeiwao,'' thai ono iamai.'' 5Ekau kau auna na ila eiathao,ia gena ririwa thaonai moni apua pige venia.6Namu Petero neiwao,''Silver pa gold thau elekuai noai gau,namu thau na avamiao gauna anavenimu.Iesu Keriso auni Nazareta tharanai,ono thoa.''7Petero imana ripanai erogo,eva laaiao noai gagovana eau gagena e uina iliga gerawalio.8Erulu laaio,kau kau auna erua laaio ethoao; ia Petero e Ioane ria rupu thaonai gethoa oa koukouo ethoa wai namu erulu ragewai,e Palau eva ragea wai.9Aunilimalima mapara rana geiathao ethoao e Palau evaragea wai.10Geia iliao wape Ralemana iwa vagi(Beautiful gate) thoa oanai ealuni moni enogini auna ila geve vakalio e geaovo aovo repana eau elenai eolema ewalao geiathao pakunai.11Solomona gena iali ai Petero e Ioane elerai erogo thaonai aunilimalima na geravu venirao gemalele agirawai.12Petero na eolema eiathao,aunilimalima evailarao,'' Mui Israela aumui raagauna gomalele upu upunia? Raagauna maamui pege gara thai elemai ai,thai maaumai gemai iavuai paga vathoa pa Palau gena iavuai?13Abraham,Isaac, e Iakobo, geria palau e ia amari geria Palau,gena veunagi auna Iesu velegaua peva ragea.Eau muina goruao e gouu vanagiao Pilato elenai namu Pilato nee ririwao repana noai gena galama.14Veaa e thakwa thakwa vagi auna goruao,namu muina vagi vagi auna apuna goririwa ao gova mauliao.15Mauli gaana govagiao,auna Palau na waregana eva laai ao-eolema thai maa maina gaiathao.16 Veva auna auna iavunai ia tharanai,ia tharana na eau goiani e goripathao,peva iliga. Veva auna auna Iesu thaona na auniparana peva nama iwavagia maparamui vilamuiai.17Wala avaku evana,thau ripaku mui veguruguai gomaulinia,emai gevai muinia veleria maina.18Namu Palau na peroveta auri thaorana eilagi thalo thalo ao,wara ia gena Keriso pene vi vi, evanamona emi gugulu nia.19Gauri pakurai,igo valavu wai,igo vaai wai,pe galama mui mapara ri pene tou vagiri,pe mamilagi nanamari pigo rawaliri velegau elena na;20e mathara paranai iana Keriso pene uua evirigiao mui gemi,Iesu.21Palau na Basileia na pene rawalia auna ia mo pene thao gau maparari pige veole vathakwa,Palauna ethoriao rauvagi vega gena peroveta veaari auri thao rana.22Moses na ethoriao, Palau velegaua na peroveta auna apua thau veaiku pene vamagaia ma wala avamui thaomui ai.Pene vailamui thori ri maparari pigo amonagi ri.23Pene wala gauna wara riai thori peene amonagi auna wara aunilimalima thaorana pene vagavu vaguia.24Unamu,Peroveta auri Samuela gena laganina e mulinai geve amaio aurana mai,egaro geilagi lovo lovoa.25Mui peroveta auri nauri, Palauna ilagavu kala kalamui evailarao gauna thaona na,Abraham evailao veaina,' Goi vua vuamu thaorana alimapara maparana veva nama pene rawalia.'26Palau gena vealaveni auna eva kamurageao mulinai,mui elemuiai eveuu mai kuneao,pe mui pene vanama mui thaona na,aunilimalima maparari gemi moira mauli rana pigo vaai wai.''
Chapter 4

1Petero ma Ioane goina aunilimalima gethori venirawai thaonai,rupu veleri e rupu geiamatha wai auri e Sadducees geve amaio ila elerai.2Ila geve raulea vagio repana Petero e Ioane goina aunilimalima gevaripara wai e Iesu gena laai wai waregana gevara vara agiawai.3Ila raligoi geligo rao tipura numai geve ole oarao pene thao rapari eluvao.4Namu aunilimalima vogovagina evali geamonagiao thaonai gegapirageao;geve vauna aunao aunilimalima no thagana imaima.5Rapa eluvao geria vevai veleri,rupu veleri,e vekuneagi auri geve koukouo Jerusalemai.6Annas rupu velena kamuna wanai auna wara,e Caiaphas,e Ioane,e Alexander,e rupu velena kamuna wala wala na maparari.7Petero e Ioane ila nunuarai geva alu alirao, gerenagi rao,'' Riai gena iavuai,pa riai tharanai,eulavunu muina goalani?''8Thaonai Petero,veaa palauna na evavonuao,ila evailarao,'' Mui aunilimalima gokune agirana,e vanua veleri,9pere thai egaroa pogoro avu iaiamai vi vi auna vanama vanama na pakunai,raaga pakunai eau eve vanamao,10iga vamagaia vilamuiai e Israela aunilimalima ria maina,eau mui vilamuiai eruao auniparana nama iwa vagi Iesu Keriso auni Nazareta tharanai,auna muina go satauroa,namu Palau na waregana eva laaia.11Iesu Keriso ia vauna,mui numa au alana goilagi raava,namu ia eveoleo rupu vauna kamuna.12Nama auapua elenai nee miao,ekupa kapulenai maa thara apua nee miao ethara namo ia pene vamauli ri.''13Petero e Ioane geria nuagaua geiathao e gevalavu rawalio ila ipo aunilmalima, noai gethaoneka,ila gekali leao,gemi valavu rawalio Petero e Ioane wara Iesu ria gethoa kou wai.14Repana kau kau auna enamao ila ria gerua kouo,pige thori vewai avana egauao.15Kaosela alu kouna mulinai veunagi auri geva thoa rai rao,ila maauri geve vaila wai.16Ila negeiwai,'' Eau lua lua iana raa paara ala iwari? Repana ilana vekalilea ulavununa apua pege vawala,Jerusalemai gealuni aunilimalima rana rau vagi pege ripatha;ia piana ilaiwa wapa.17Namu vevaripa apua eolea evali pigene ole lovo lovoa aunilimalima thaorai,rova eveniri etharai auapua pigene thori venia.''18Thaonai ila gegogo oathao,rova gevenirao Iesu tharanai vevaripa e thori thori apua pigene ole waia.19Namu Petero e Ioane geria vevano lavu uleai gevail iwarao,''Ari apuna thakwanai Palau vilanai mui iga vagelemui pa Palau,muina igo vevaovoa.20Thai pigana rakwa uari gaiarao e ga amonagirao gauri thori thori rai.''21Venua rage thori mulirai Petero e Ioane geva thoa rao.Ila geria thori mauli avari geavu avao eau lualua iavu pige vavuari,repana aunilimlima mapara rana Palau geva ragea wai repana maarana geiathao.22Eau vevanama maveva kali agina erawaliao auna gena rigolo maparari kapana vai vai.23Geva thoa rairao mulinai,Petero e Ioane geria aunilimlima elerai rupu vele rana e au kakamurana thori gevaila rao thori gevara vara agirao.24Geamonagio thaonai,ila karori geve rage ole uamagi apunaimo Palau elenai negeiwao,''Velegaua kupa,alimapara e rawapara goina oalarao,e thaorai gemiani gauri maparari.25Goi veaa palauna thaona na othorio goi gemu veala veni auna muruna na,thai amamai Davida,' Raagauna avapaa (Gentiles) auri geparuni,e aunilimalima gau noai ganiri gevalavu rana?'26Goi noiwao, 'Alimapara veleri geregari gealu kouo,e vevai auri gekoukouo velegaua e gena Keriso gerua vila agiarao.'27Noria maina na,Heroda e Pontius Pilate,avapaa (Gentiles) auria e Israela aunilimlima ria ila gekoukouo evanuai goi gemu veala veni auna maveaana goina ova iavuao Iesu gerua vila agiao.28Ila ge koukouo pe goi imamuna omaneao e ouamagi thalo thaloao pene wala.29Evanamona,Velegaua,geria nuavevarage ono iari e goi gemu veala veni auri iliga ono veniri pigene thori guguva guguva.30Imamu ono go rairi vi vi pige nama e vailia pige wala goi gemu veala veni auna maveaana Iesu tharanai.''31Ge veni vuavuao mulinai,ila gealuo kapuna maparana eve lugu veluguo,thaonai ila maparari veaa palaunai gevonuo e Palau gena thori mailiga rana gethori agiao.32Maparari geve vauna aunao wara thao e palari apunai auri.Apua nee ila iwa wai iana erawalia wai gauna ia maauna gena,ila garia gau wauna mo.33Wa iavu iwavagi thaona na veala veni auri Iesu Keriso gena laai wai gevara vara agiawai,thaonai veuga ila thaarai ethava auao.34Maparari apua gau waathai nee rapuo,mageria numa pa alima gevoi agirao moniri geve tou mairao
36Joseph,veala veni aurana gegogoa wai Barnabas(ganina vevailiga nauna),ia levite,Cyprus auna apua,37gena alima evoi agiao monina eveamai agiao vealaveni auri gageri reparai emi ole aliao.
Chapter 5

1Evanamona au apua tharana Ananias, garawana Sapphira geria alima gevoi agiao,2alima voina ia gerogo waiao (ia garawana maina ripana),avaamo eveamai agiao veala veni auri gageri reparai emi ole aliao.3Namu Petero neiwao,'' Ananias,raagauna Satani na goi thaomu peva vonua pe veaa palauna po wapa alima voina monina avaa porogo waia? 4Ro voi agia thaonai gaana nori goi pa,e povoi agia mulinai ia nori goi gemu iavu thaonai pa? Eari uamagi apunai goi thomuai eveaina pouamagia? Goi na nori aunilimalima po wapara, namu Palau.'' 5Ananias ethori eamonagirao mulinai eoalio thagana thagana kapi kapina egapiao,geamonagio auri maparari geve vakalio.6Au valivu vira vira geve amaio gethouao,gevua raiao geve kuliao.7Ora oioi gegavu vagio mulirai,Ananias garawana Sapphira emi thoa oao,nori ripana raaga ewalao.Petero na erenagiao,'' Ono vailaku alima pogo voi agia ari kamuna na.'' Sapphira neiwao,aunaauna,voina kamu vagi.''9Thaonai Petero na ia evailao,'' Eari uamagi apunai mui pogo thori kou Palau palauna pigo ala ovoa? Ono iatha garawamu pege vekuli auri gageri oiarana avagaamai,goi ilana ige vua raimu.''10Ia noai gagovana Petero gagena repanai eo alio gena thagila kapikapina egapiao.Au valivu vira vira gemi thoa oao thaonai ia waregana gemi rawaliao,gevuaraiao garawana laganai mageve kuliao.11Rupu aunilimalima ri maparari kalina egapi raavarao e geamonagio auria mai.12Vailia irau irau e olema vaairi irau irau gewalao aunilimalima thaorai veala veni auri elerana geveamai wai.Ila maparari Solomona gena ialiai geve koukouo.13Namu aunilimalima vairi thaori noai iligari ila elerai pige thoa avi;namu ila genuarage agirao aunilimalima na.14Aunilimalima vogo vagi ekalesia maulinai velegaua thaonai gethoa oawai,maluane e vavine vogovagi,15vi vi auria mai thara parai gevua rai rawai,mao mao gaurai geva maorawai o alu au gaurai, pe Petero eveamai wai thaonai ia thaupa thaupana ila thaarai eo auwai ilageria viina genamawai.
17Thaonai rupu velena kamuna elaaio, magena olea auria ila(Sadducees) eolema geiathao vemaauna gevonuo18Iesu gena veala veni auri gegapirao, Tipura numai geve ole oarao.19Lewana pogi thaonai velegaua gena aneru na tipura numa avagaamari geala paarao geva thoa rairao,gevaila iwa rao,20''Thoa rupu thaonai pigo verua aunilimalima maparari emauli thori thorina pigo vara veniri.''21Ethori geamonagiao laganinai rupuai geve thoa oao pogipogi mo vevaripa e vali namana geve varipa agiawai.Namu rupu velena kamuna eveamaio magena olea auria ila,Israela vele vele ria ila,unagi geuuao tipura numai veala veni auri pige veamai agiri.22Namu tipura numa veia maa auri gethao tipura numai geve lavu ulewaio gemi vara varao,23''Tipura numa avagaamari ila loka gavu,veia maa auri thoa oa thoa oai geruao,namu avagaama paga ala paari thaonai ila noai au gau thaonai.''24Rupu veiamaana auna kamuna e rupu velena kamuna ethori geamonagiao thaonai ila repa vi vi kamu vagi gerawaliao geuamagio e raagau maene wala.25Thaonai au apuna eveamaio evailarao,'' Waunilimalima tipura numai muina gove oleri auri pe rupu thaonai geruao aunilimalima geva ripa rana.''26Rupu veia maana auna kamuna e tipura veia maa auna apua ila gethao geve vai lavu ulerao,nori vevagiai repana gekalio orina ila gevaurana.27Geve amai agirao rova veleri(council) auri vilarai gemi vaalu alirao.Rupu vele kamuna na ila evaila rao,28neiwao,'' Thaina mui evanamona gavaila auna auna muini etharai mui pigono vevaripa,namu mui noai goegathagini Jerusalema maparana pelova pe iaiana eau lalana thai thaamaiai orina eo auni.''29Namu Petero e veala veni aurana ila gevaila iwarao,''Thaina Palau piga vagelea,namu nori aunilimalima.30Ia amari geria Palau na Iesu evalaaia auna muina govagia gau upu unai gova gigoa ewarega.31Palau na ia egapi laaia ia imana ripana gena avanai eva aluao ia pene vele e veva mauli auna,Israela pene vaai waia e galama pene ilagi wairia.32Egau thai maa maina giathao e veaa palauna na mai eiathao,Palau geva geleani auri pene veniri.''33Eolea aurana ethori geamonagiao thaonai ila thori geparu gaua vagio e geririwao eveala veveni auri pige vagi waregari.34Namu Parisea auna apua tharana Gamaliel,ia rova eve varipa agiawai ia aunilimalima na matha lagia wai,erua laaio veala veni (apostles) auri evaila rao gau kerunai igo vealu kirikiri.35Thaonai gena aunilimalima evaila rao,'' Israela aumui,uamagi pogo ala gauna eaunilimalima elerai igo ia nama namatha.36Garori pege vanagi thaonai Theudas erua laaio eveilagio ia aunilimalima apua,e aunilimalima maparari inavu vaivai ia gena na gethao.Ia gevagi waregao,e ia geva gelea wai auri maparari geule lovo lovo noai ganiri.37Apua Judas Galileia auna,tentiti garo anai aunilimalima vairi elolo gerevagi rao ia mulinai gethoao.Ia maina elewa lewa,e mulinai gethoa wai auri ge ule lovo lovo.38Evanamona thauna mui availamuini,eaunilimalima elerana igo gerevagi igo kali waniri,pene euamagi o ulavunu aunilimalima gena ia ikanai peene thao.39Namu pene Palau gena muina pigono lovo ripatha;orina ala verauleai muina Palau goveali veniani.'' Pe ila thaori geo alio.40Iesu gena veala veni(apostles) auri gegogo oarao wari iavuri geva vuarao e gevailarao Iesu tharana mapigene ilagi waia,mlinai geva thoa rao.41Ealu kou gekali waniao maverele rana repana ethara pakunai vi vi gerawalio.42Mulina gena avanai,rupu thaonai e numai gethoa oawai,geve varipa wai e vali namana gevara vara agiwai gauna Iesu ia Keriso.
Chapter 6

1Elaganinai Iesu mulinai authoa gevogowai,thaorana vi vi thorina wauna Grecian Jews na gemi rage agiao Hebrew elerai,repana ila geria wapu ware ware thaorai noai geva gele rawai2Auri kapanana lualua na muliai gethoa wai(disciples) auri gegogorao gevailarao,'' Enori nama thaina thori iga kali wania namu thai iga veamai patai ware ware iga ulavunu agiria.3Gaurai igo vevirigi vewala,auri aulaoi apuna igo gapi ria thaomuiai,au vali nama auri,veaa palauna na gevonu nia auri,e ma thaonekari eulavunu ilana pige iamaatha.4Namu thai valu pe veni vua vua pigana kali wania e thori rakwa lovo lovo nai.''5Geria thorina aunilimalima maparana eva verelerao.Pe ilana Setepano gevirigiao,gena veva auna auna kamuvagi auna e veaa palauna na evonuo,e Philip,Prochorus,Nicanor,Timon,Parmenas,e Nicolaus ekalesia valivuna Antioch na eveamaio.6Eaunilimalima geve amai agirao vealaveni aurana thaarai geveni vuavuao e imari reparai geole aurao geva iavurao.7Pe Palauna thori noai au valouna,aunilimalima numerana Jerusalemai ekamuvagio e rupu veleri vogo vagi geve vageleo veva auna aunai.8Setepano,veuga e iavuna evonuo,aunilimalima thao rai vailia e olema vaairi irau irau eva wala rawai.9Avanai olea apua eveilagiwai mathavu auri rupuna, ila Cyrenians,e Alexandrians,e vairi Cilicia e Asia na geve amaio.Eolea ila Setepano ria geila vevauuwai.10Namu ilana Setepano na veaa palauna e thaoneka ethori agia wai gauna rua vila agina ila elerai nori gele gele.11Thaonai ilana aunilimalima vairi geva voirao,gevaila iwa rao,''Mui pigo ila iwa thaina Setepano paga amonagia Palau e Mose ethori rakwa oarana.''12Aunilimalima thaori geganirao,rupu veleri,rova geve varipa agiawai auri,geve amaio Setepano elenai gegapiao geve amai agiao vele kakamuri(council) auri vila rai.13Veilagi rai wapa auri geve amai agirao,negeiwao,''Eauna eveaa kapuna e rova eilagi rakwa oarana.14Thai na paga amonagia ia peila iwa Iesu Keriso auni Nazareta na eava pene lovoae Moses na ia rova eveniri gauri pene potho vagiri.''Maparari ealu kou thaonai gealuo aurana iamo geiaia wai ia vilana iaiana no aneru apua vilana veaina.
Chapter 7

1Rupu velena kamuna eve renagio,''Ethori aunaauna pa?''2Setepano neiwao,''Wala avaku e amaku,igo amonagiku; Vewaa Palauna ia amari Abraham elenai eve vamagio Mesopotamiai ealu wai thaonai,kapinai Haran ai eve aluo;3evaila iwao,' Gemu alimapara ono kali wania e wala walamu,ono vethoa oa alimana ana varipamu.'4'' Thaonai iana Chaldean alimaparana ekali waniao Haran ai eve aluo;wanai ealuo mulinai amana ewaregao,Palauna ealimaparai eveamai agiao,avanai evanamona mui goalunia.5Waua vagi nee venia gena,noaia vagi manori gelegele gagena gaua pene ole aua.Namu ia eilagavu-lewana Abraham noai nauna thaonai-iana alima pene venia e kalakalana ia mulina na pige veami auri geria.6Palauna ia eveaina ethori venia wai,ia kalakala na alima poluai pige alu kirikiri,avanai vi vi maulina pige rawalia pige vagaro oneri e pige gurugu ria rigolo maparari inavu vai vai.7'Namu geala veniani alimaparana thauna pana vaaithoria Palau neiwao,mulinai ila pige thoa rai ekapuai thau pige airupuali veniku.'8Thaonai Palauna Abraham peritome rovana eveniao,thaonai Isaac ewalao,garo aula vaivai mulirai eperitome ao;Isaac na Iakobo eva walao,Iakobo na kwalu vele ri kapanana lualua eva walarao.9'' Repana kuine Josepha elenai geve maauo,Aikupito ai gevoi agiao;namu Palau ia laganai10kepi maparari thaorana elauawai.Palauna maanai josepha evegala gaua vagio e thaoneka eveniao Aikupito geria vele Parao vilanai auna na kawana rakina eveniao gena numa rinaa ri veia maana Aikupito maparana thaonai.11'' Thaonai roge ekwarao Aikupito maparanai e kana anai,vi vi kamu vagi ewalao,ia amari gani gani rawali rawalina egauao.12Namu Iakobo eamonagio Aikupitoai gani gani gauna wara,ia amari euuthai rao geria thoa rai maamana.13Geria thoa vaga lualuanai Josepha wala avana elerai eve vamagaio,thaona na Josepha gena numa auri Parao na eripathao.14Josepha wala avana euulavu ule rao ila amari Iakobo pige vaila pige veamai Aikupito ai,ma wala walana maparari auri,kapana aula oioi apuna e imaima.15Pe Iakobo ethao Aikupito ai evewarega,ia e ia amari.16Ila geve amai agirao Shechem ai Abraham na alima evoiao Hamor nauna elerai avanai gekuli rao.17Ilagavu orana eveaviwai,Abraham eilgavu veniao ilagavuna aunilimalima gekamuwai e gevogo vogo wai Aikupito ai,18pene thao ma vele apua elaa rageo,evele na Josepha nee ripatha.19Ia gera aunilimalima eva raava rawai ia amari eva gaiirawai wala reparepari elori pige vagiri pigene mauli.20'' Wa ora rai Moses ewalao; Palau vilanai ia ewala ralema ralema amana gena numa thaonai vue oioi apuna geia marao.21Gau kerunai geve oleao laganinai Parao vele nauna vavinena na enau vanagiao evakamuao ia naunai.22Moses ethaonekao Aikupito geria thaonekai,ia iwa vagi gena ulavunai e gena thoriai. 23'' Namu ia emi ola rageo rigolona kapana vaivai thaonai valavu emi rawalio wala avana Israela kalakalana vagaa pene thoa ia aliri.24Eiathao thaonai Israela auna apua nori olema namanai geuamagi venia wai, Moses na galamana ealao Aikupito auna evagiao:25ia euamagio thaonai ia wala avana pegere uamagi ripa Palau imana na ila evai rairawai,namu ila noai geuamagi ripa wai.26Rapa eluvao au lualua eiarao geve vagi wai thaonai,ia ethao pene vaila pikapikari e pene vamaino ri,neiwao,' Au mui pe ma wala avamui; namu raagauna gove vagini?'27Namu galama eva wala auna na Moses eroli gerevagiao,neiwao,'Goi riaina iavu evenimuo thai pono ia maamai? 28Goi oririwani thau ono vagiku,walagani Aikupito auna ovagia veaina?'29Mose euleo ethori eamonagiao mulinai;ia ethao Midiana alimapara nai eve alu vaalu auo,wanai eve garawao melo maluane ri lualua eve vawalarao.30'' Rigolo maparari kapana vaivai geva nagio,aneru apua ia elenai eve vamagaio kapu leanai Sinai golona laganai,alovana muu egalawai vailianai.31Moses na alova eiathao,avana emalele agia wai;eve thoa avi avio pene ia nama nama,thaonai velegaua karona elaa rageo,neiwao,32'Thau mui amamui geria Palau,Abraham,Isaako, e Iakobo,' geria Palau. Moses enukeo nee ririwao pene iatha.33'' Velegaua na evaila iwao,'Gagemu tamakari ono alavagiria,repana goi oruao avana wara veaa alimanai oruao.34Thau geku aunilimalima geria vi vi auna auna paiatha Aikupitoai;Geria agi paamonagia,gaurai thau pami rivo ila pana vairairia;ono veamai evanamona,Thauna goi auumunia ono thao Aikupitoai.'35''Moses ia geruatha,gevaila thorina,'Goi riaina eva iavumu thai pono ia maamai?'-auna pe ia Palauna na euuao ulavunu lualuai pene vele e pene vevai rai.Palau aneru imanai eve vamagaio Moses elenai muu thaonai.36Moses na Aikupito na evai rairi,vevakali viliari e vailia maveva kali agiri eva walarao Aikupito ai,wapa rawa paranai,e kapu leanai rigolo kapana vai vai thaorai.37''E Moses namo Israela auri evaila iwari,'Mui thao muina peroveta auna apua pene vamagaia,thau veaiku.'38Eaue ia kapu leanai alukou thaonai(in the assembly in the wilderness) Sinai golo nai aneruna ethori veniao,ia amaria ila gethoa kouo,e auna na mauli thori thori egapirao ia pene veniria.39'' Namu ia amarana noai gegapi rageao;ila elerana geroli paauao,ila thaorai ila valavuri gelavu ulewaio Aikupitoai.40Wa oranai Aaron gevailao, 'Thai gemai Palau vairi ono maneri pe thai pige vai mai.Namu Moses na Aikupito na thai evai raimaio,auna thai nori ripamai ia elenai raaga pewala.'41Pe ilana poromakau apua gemaneao e veveni gauna apua geve amai agiao ekaivakuku geveniao,gevereleo repana ila imarana gemaneao gauna.42Namu Palau eala iwao ila eva makerao viu vue uluvu ai geai rupu alivenirao,peroveta auri geria aloalo na eilagiao gelegele nai,'Israela numana aumui igo amonagi rigolo kapana vai vai kapu leanai,thau poromakau govagi rawai gauri go venikuwai pa?43Muina Molech gena rupu gogapi rageaoe Rephan palauna gena viu,e kaivakuku go mane rao gauri go airupu alivenirao;e thauna mui anatou vanagi mui Babylonia mai igo vanagia.'
50Thau imakuna egau maparari naa maneri pa?'51''Mui awa awa aunilimalima mui,thaomui noai go peritome ri e egamui,vanagi vanagi veaa palauna gova waiani;amamui geala wai veai veairi vagi go maulini.53mui aneru na rova geva rua go rawalia, namu noai goroana ole.''
Chapter 8

5Philipi everivo ole Samaria vanuanai Keriso valina veve vara venirao.7Temoni raraavari vogo vagi gethoa raio,gemakala makala wai,vogo vagi kaukau auri gewala agiri viiri genamao.8Wavanuai verele kamu vagi ewalao13Eau Simon maina eve vauna aunao,ia papasito egapi aluo mulinai Philipi elenai ealu thaovegao.Vailia gewala wai e olema irau vavagi gewala wai,ia evalavu avao.15Gemi kwarao,ila thaarai geveni vuavuao pe,ilana veaa palauna pige rawalia gaurai.
Chapter 9

Chapter 10

27Petero goi rowage thori thoriwai thaonai aunilimalima na numa geva vonuao.
Chapter 11

14Iana mui vali namana apua pene mi vara venimui thaona na goi e magemu numa auri veva mauli pigo rawalia.'
Chapter 12

Chapter 13

27Jerusalemai,mageria vele gealuni,ilana noai geia iliara,namu ilana peroveta thoriri geva gugulu rana, tapati garori mapararai georu rana ilana ia geilagi ra'avani.
Chapter 14

22Ekalesia aunilimalima ri palau ri geva iliga rawai,geria veva auna aunai pige rua iliga iliga,negeiwai,'' Vi vi vogo vagi thaorana ia Palau na Basileiai peve thoa oa.''
Chapter 15

Chapter 16

Chapter 17

5Namu noai geve vauna auna wai Jews aunilimalima ri,vema'auna gevonuo,maketi ai moira aunilimalima ri gegogo koukourao,vanua thaonai galavu gevarageao.Jason gena numa auri gemakala venirawai,Paulo e Silas ige vai rairi aunilimalima elerai.
Chapter 18

27Gena ririwa ekamuo pene vanagi thao Achaia,auavana na geva iligao Achaiai ekalesia gealo venirao gevaila rao pige thaloa.Ekwarao laganinai,veugai geve va auna aunao auri iana eva'ava raramanithao.
Chapter 19

36Goiatha ni egau noai vawai venina,gaurai mui pigono galavu galavu e vaila vailai pigono ulavunu.
Chapter 20

1Galavu galavu egavu vagio mulinai,Paulo na ekalesia auri unagiri euo,evailigarao evagagathao ia ethoao Macedonia ethoa veniao.
Chapter 21

Chapter 22

Chapter 23

1Paulo alukou auri maparari vilari ne'e ia guguva agirao thaonai neiwao,'' Wala avaku,Thau Palau vilanai mamilagi nanamarai mo ami mauli maini pene veami egaroa.''
Chapter 24

Chapter 25

Chapter 26

12 Thau eveaina amauliwai,garo apua rupu vele kamuna gena thorina athoao Damaseko(Damascus) Evana ono rua la'ai;egauri pakurai thau goi elemuai pave vamagai,pana gapi la'aimu veala veni aunai e thau evana poripaku e kapinai pana varipamu gauri ilagi lovo lovo ri auna;
Chapter 27

12Repana thagi taemurai euapo rairaina nori nama,gaurai rawa parai au ulavunu vogona geria vegavu inai,ila enana geravuwai gethaowai Phoenix taoninai,thagi gevealu venia wai.Phoenix ia Crete uapona emiao avana,ia vagi iliwa e thavala geria veamai avana eva'ai veniao.14 Garavuo gagova gelena nori rau rau lovo rai ethoa raio alimapara na.21Garo vogo rawaparai evule vulerao ganigani noai geganio,thaonai Paulo erua la'aio evailarao, '' Thau karoku muina goro amonagiao,ia Crete natha i ara ravu raio,ekepi e gau rakwa e'ere walao.
Chapter 28

25 Ila thaorai noai gegapi rageao,ila gethoao Paulona ethori eilagiao mulinai: '' Mui amamui peroveta Isaiah thaona na ethori va'anamao.27Repana eaunilimalima thaori mu'una vavagi,ila egarana noai geamonagi vagini,e ila ma'aria maina gekana gavurao.Pene thao ilapige veia,egarana pige amonagi,thaorai uamagi ulu pige rawalia e pige va'ai wai,pe thauna ila pana lamori ri.'''28 Gaurai mui pigo ripa Palau gena vevamauli peu'ua mulimuli (Gentiles,) auri geria e ilana wara pige amonagia.'' 29

Romans

Chapter 1

1Paulo, Iesu Keriso gena veala veveni auna, egogokuo unagi au thoa agi eole gerevagikuo Palau gena vali namana pakunai,2gena thori veaana thaonai geilagavu agiao gena peroveta aurana, 3ia nauna ulana na lala na eilagiani veainai ia Davida kalakalana.4Veaa Palauna thaona na ia geilagi lovolovoao maiavuna,Palau naunai pige ilagia warega thaona na pene laaiwai, Iesu Keriso ia gera Vele.5Ia thaona na ia veuga e ekalesia maulina arawaliao veva auna auna karo veamonagiai alimapara maparana thaonai, ia tharana pakunai.6Ealimapara aravarai, mui maina egogomuio mui Iesu Keriso gena.7Romai goaluni aumui maparamui,Palauna eulamagi muini e egogomuio ia gena veaa aunilimalima mui: Palau ia amari e Iesu Keriso ia gera vele, geria maino e veuga thaamuiai pene mia.8Reparepana,Thau geku Palau avanamani Iesu Keriso thaona na maparamui pakumuiai,repana mui gemi veva auna auna alimapara maparanai geilagi lovolovoani.9Repana Palau thau au ilagi lovolovoku,thau ia palaukuai gena aulavunu nia ia nauna gena vali namai,vanagi vanagi thauna mui ailagimuini.10Thau geku veni vuavua thaorai eari tharaparai elemuiai para veamai,evana Palau gena ririwa emi magainia thau ave amainia elemuiai.11Geku ririwa kamu para ia mui,pe thauna veaa palauna gena veveni vairi para venimui,mathara paranai para vailigamui.12Ganina thau maina maveaoleaku muina mapigo vailigaku,apuri apuri gera veva auna auna thaorana, muina e thauna.13Vewala, Thau aririwani thaonai mui pigo ripa,thau wa geku ririwa kamu pana veamai elemuiai ( namu thau avelou rage wai pene veamai evanamona valu),pe matharaparanai pana aviavi mui elemuiai ma vevaavua vairi elerai aalao veaina.14 Greek,vanuapolu auri,thaoneka e awa awa auri elerai thau mageku gapitore.15Pe, gaurai thau paala maavu valinamana pana varavara agia mai mui Romai goaluni aumui elemuiai.16Thau vali namana opi matha nai naa opi mathani,repana epe Palau iavuna nama pakunai,geve vaauna auna nia auri maparari geria, Jews auri pige kune mulinai Greek auri.17Gauna thaonai Palau gena thakwa thakwa emagainia veva auna auna na pene thao veva auna auna, eve alo auo veaina, '' Thakwa thakwa auri ila veva auna aunai pige mauli.''18Palau iavuna kupana emagainia,Palau noai geripathani e nori ala thakwa thakwai auri elerai,ilana nori ala thakwa thakwa thaonana auna auna (truth) gerogo waiani.19Repana Palau raa pige ripa iwa ila elerai magaivagi.Repana Palauna ila mathaai evairana.20Ia ralemana noai iaiari gauri,iavu mia vanagi vanagi e kupa ralemana,gemagai vethalevao alimapara gena ma ma ovo ovona na vega,geve alaole gauri thaorana.Pe ila noai geria thori mauli avari.21Repana ilana Palau geripatha, ilana noai geva rageawai ila geria Palauai,o noai geva namatha wai.Namu,ila geria valavuai geawa awaole,thaori noai ganiri ge muuna vagiole.22Ila geve ilagiwai ila thaoneka, namu ila geawa awaole.23Peene gavuvagi Palauna vewaana,mageria ika aunilimalima veairi,pa manu,gage gau vai vai maganiri, e alimaparai gevirini gauri.24Gaurai Palauna ila euu vanagirao thaori ririwamagiri avanai milo kapunai,pe ila auniparari pigene mathalagiri maauri thaorai.25Epe ilana Palau gena auna auna wapana gepothoao,e Palau imana gau alari geairupuali venirawai namu nori Palau velegaua,auna gevarage vanagi vanagiani. Amen.26Repana egau pakurai,Palauna ila euuvanagirao nori vemathalagi maulina olemanai,vavine nanamari gegapi pothoagirawai vavine raraavaria ila.27Veainamo, maluane geria veauava nanama nanama vavineila gekaliwanirawai alimapara ririwamagina na evairawai.Maluane eveairi gealawai noai gematha wai eala geala agirawai maavari thaorai e geria alakepi voiri maaurana gegapirao.28Repana ila geria vevaripa thaorai Palau noai geva auna auna wai,ila repa vevili evenirao,pe ila nori olema nanamari pige vamagairia.29Ila nori alathakwa thakwana,moirana,vetharina,gevonuo.Ila velivuna,vagivagina,vevaraavana e uamagi raraava rana gevonuo.Ila vewane,30vevaraava,Palau au guruguna,vevaoloa,karoverave,ala raava gevawala rana auri;ila mageria karoverave ama e ina elerai.31Ila noai geria valavu,noai geria veva auna auna,nuari moira vavagi,e venuavi nori ripari.32Palau gena mauli rova ila ripari,pe eveairi gemaulini auri ila waregageririwani.Namu nori ilamo eveaina gealani,mavairi gealani veaina ilamai gealani.
Chapter 2

1Gauri pakurai mui noai gemi thori mauli avari,mui ainilimalima,gove vaaithorini,maapua ova aithoriani goi maaumu ove varaavani.Goi riai ove vaaithorini goi gauna mo oripani.2Namu ia ripari Palau gena vevaaithori wara auna auna na eilagiraiani,thaonai eulavunu geala agiani auri thaarai pene eoau.3Namu eia pogoro uamagiao,goi aunilimalima,eveairi gealani auri ova aithori rana,namu goi wa veaina mao alani.Palau gena veva aithori thaona na goi pono veule mauli pa?4Pa ia gena rinaa vewaa vewaa ri ouamagi kiri rana,iavu vua no rawaliani,e veva aoma? Goi maripamu Palau gena nama na goi pene vaimu wala wai pono rawalia?5Namu evanamo mui thaomui vau veairi e kutoumui roai gewalawai pe gove ole koukouni iavu vua garona goalaveniani,garona Palau thakwa thakwai pene veva aithori garona pene vemagai.6Palauna aunilimalima geria ala geriai pene vavoi auri:7riari geria vaigauai,ala nanamarai ila vevarage pigerawali,vemathalagi,e noai valavu vevili vevili,ila mauli vanagi vanagi pene veniri.8Namu riairi ila maauri geve uamagi veveni ni,auna auna noai gegapi rageani namu nori mauli thakwa thakwa gegapi rageani iavu e paru raavana vagi ila elerai pene magai.9Aunilimalima maparari diabolo maulina gemauli agiani auri elerai,Palauna ila elerai veware e mamilagi raava raavana vagi pene vamagai veniria,Jews pige repa repa, e Greek maina.10Namu vevarage,vemathalagi e maino pene veamai alanama auri elerai,Jews elerai pene kune,e maina Greek auri.11Palau apuamo genana na peene thao.12Repana vogovagi rova noai geva gelea ila pige warega noai rovari,e vogovagi gewaregao rova gemathalagiao ila rovana pene vaaithoriri.13Nori rova geamonagiani auri ila thakwa thakwa Palau vilanai,namu rova gemauli agiani auri ila veole vathakwa.14Namu rovana nee rawalirana auri (Gentiles) ila rova geva geleani,ila maauri geve rovani,lewana ila erova thaonai noai au.15Eolemana ila eva magairana ila kutourai rova geve aloauo.Ila geria ala olemarana evamagairana,e maauri geria valavuna ila pene varaavari pa pene rua kanari16emai Palau elenai.Eolema pene wala garonai Palauna ainilimalima geria vevuni mauliri pene ilagi rairi,thau geku vali namanai, Iesu Keriso thaonai.17Namu pene mui maaumui gove ilagini Jews e rova thaanai goruani e Palau thaonai gove vaoloani,18e gena ririwa goripa rana e rovana evailamuini gauri gova auna auna rana;19e pene mui thao vepotho gorawaliao apuapu govairana,muuna auri geria mathaa,20awa awa auri gova thakwa thakwa rana,melo kimukimuri gova riparana,e rova thonai thaoneka e auna auna olemana goripathao,thaonai mui gemi mauli ra eva lou iwani?21Mui mavairi gova riparana,mui maaumui noai gove varipani? Mui na lema gowapaa agiani,mui mago lemani pa?22Mui pigono vewapa lema nogoini,mui magove wapalemani pa? Muina kaivakuku go gurugurana,rupu thaonai mago lemani pa?23Rova thaonai gove vaoloani,Palau tharana noai gomatha lagiani avarai rova mago ala ra'avani pa? 24Eve alo auo,'' Muli muli (Gentiles) aurana Palau tharana noai gematha lagiani, repana mui pakumuiai.''25Peritome na mui eole vathakwa muini pene rova gogapi rageani,namu pene rova pigo ala raava,mui gemi peritome ia nori peritome ai pene veilagi.26Pene nori peritome auna na rova evageleani,thaonai ia peritome ai mapaara ilagia?27E nori peritome auna na rova eva geleani,thaonai iana mui mapere varaavamui pa? Repana mui elemuiai rova e peritome, emiao namu muina rova goala raavani.28Repana ia nori Jews auna ia apuna vagi mulimuli ai; veainamo peritome ia mulimuliai evegapini auniparai.29Namu ia Jews auna apuna thaonai,e peritome wara thao(heart) gena ririwai,veaa palauna thaonai,nori aloaloai.Eaunilimalima veaina ia gena vevanama nori aunilimalima elenana eveamaini, namu Palau elena na.
Chapter 3

1Pe wa thaorana Jews auna raa eve reparepa iwani? Peritome gena nama raagau? Ia gau kamuna waua tharapara maparari thaorai,Repa repana vagi Jews ila Palau gena vevamagai ai geve raramani auo.3Pere raaveainai Jews vairi ila noai geria veva auna auna? Palau gena veva auna auna guguluvagi ila mapegere ala vagia pa? 4Peene wala ripa,Palau iana peripatha thaonai ia auna auna vega,lewana aunilimalima maparana ia wapa auri. Eve alo auo'' Goi verauleai pono magai goi thakwa thakwa vagi gemu thoriai,e verauleai pono alu vanagi vanagi veva aithoriai pono veamai laganinai.''5Pene ia gera nori ala thakwa thakwana Palau gena thakwa thakwa pe vamagaia,iana raaga paara ilagia? Ia paara ilaiwa Palau ia nori thakwa thakwa ia gena iavu ia thaarai pene ole aua? (Thau e aunilimalimai aila vevauunia.)6Peene wala ripa.Pe Palauna alimapara raa pere vaaithori iwa?7Pene Palau gena thori auna auna na thau geku wapa thaorana ia ava mapararai geva rageani,wa raagauna thau galama aukuai rogeva aithorikuni? 8Eveaina paara ilagiao,thai wapai geilgi maini,vairana geilagimaini thai gathorio,'' Ala raava eulavunu agia pe nama pene veamai''? Vevaaithori ila thaarai wara ipo vethaleva.9Evana maraagau? Thai maaumai gave thori gavuni pa? Noaia vagi.Thaina rauvagi Jews e Greek, gailagi raavarao maparari,ila galama thaonai.10Repana evealo auo:'' Au apua ealimaparai iwavagi nee auo,noaia vagi.11Uamagiripa auna apua nee aluo.Palau avu giugiuna auna apua nee aluo.12Maparari geva ai waio gelavu uleo.Ila maparari noai ganiri. Eala namani auna apua noai au,noaia, i apuavagi maina noaia.''13'' Ila rono ronori wara warega legana veala pa.Ila mathari geve varaavao.Gelema poison wara ila mururi pipirai.''14'' Ila pokari vevaraava na e thori vewaairana gevonuo.''15'' Ila kapuri thaorana lala pige lavuga rairi.16Raava e vi vi wara ila geria tharapara.17Eaunilimalima ila maino tharaparana noai geripathao.''18'' Ila maarai Palau kaliagina noai gau.''19Evanamona ia ripari rovana raaga eilagiani,rova kapulenai gemaulini auri ethori venirana.Ethara parai muru maparari pige vekanagavu,e alimapara maparana ia magena thori Palau elenai.20Repana aunipara apua ia vilanai rovana peene ole vathakwa.Repana rova thaona na galama thaonekana eveamaini.21Nori rova thaona na Palau gena thakwa thakwa iana aripathao. Ia rovana e peroveta aurana geilagi raiao,22gauna wara Palau gena alathakwa thakwa veva auna auna Iesu Keriso thaona na geve vauna auna nia auri maparari geria.Iwavagi apua noai au.23Aunilimalima maparana egalamao Palau vewaana laganai emieo upao.24Ia veugana na noai voinai eole vathakwa rao,Iesu Keriso gena veva mauliai.25Palauna Iesu Keriso eveveni agiao venuavi aluauna veaina veva auna auna thaona na ia lalana thaonai.Keriso eveveni agiao ia gena rova vamagaina,repana galama kuneri eilagiwairao26gena veva aoma thaona na.Egau maparari gewalao repana ia gena thakwa thakwa olemana evamagaiao elaganiai.Ewala iwaole pe ia maauna na pene va auna auna ia iamo,e aunulimalima pene varipari iana aunilimalima pene ole vathakwa veva auna auna Iesu Keriso thaona na.
28Ikanai thaina gailagiani aunilimalima pene veole vethaleva tharaparana apuna vagi veva auna auna nori rova ulavunu aginai.29Palau Jews mo auri geria Palau pa? Ia mai nori avapaa auri geria Palau pa?Unamu,avapaa auria(Gentiles) mai geria Palau.30Pene,raaveaina Palau apuna vagi,Peritome iana pene olevathakwa veva auna auna mo thaona na,e Peritome veva auna auna mo thaona na.31Iana rova thaona na veva auna auna mapaara pothovagia? Peene wala ripa,namu iana rova pegapi roana olea.
Chapter 4

1Aunilimalima gera uamagiai ia amari Abraham,na raaga erawalia?2Pene Abraham ulavunu na eole vathakwa,ia maganinai ere vevaoloani,namu nori Palau vilanai.3Puka veaana thorina raagau neinia? '' Abraham na Palau eva auna auna wai,e ia geilagiao amonagi iwavagi auna.''4Evana ulavunu auna ia eulavununia,voina egapiani gauna wara nori veveni gauna, namu ia gavuna.5Namu nee ulavununia auna namu,Palau noai geripathani auri eole vathakwa rana, ia gena veva auna auna wara eveoru nia ala thakwa thakwa.6Davida na mai nee ulavunuo auna thaanai veva nama eilagi veniao,repana Palauna ala thakwa thakwai eiao.7Ia neiwao,'' Rovana na nee gapi vanagi vanagi rana auri ila eilagi wai rana e galamari eilagi wairana ila genamani.8Palauna gena galama gena galama peene oruria auri ila genamania.''9Thaonai eveva nama Peritome mo gegapio auri thaarai eveilagi auni pa, Peritome noai gegapio auri thaarai? Repana ia naainia,'' Abraham wara gena veva auna aunai ia Thakwa thakwa vagi.''10Eolema iana raa erawali iwa ao? Ia Peritome egapiao mulinai pa ree egapi thaonai? Nori Peritome mulinai,egapi kuneao.11Abraham na peritome vailiana egapikuneao gauna ala thakwa thakwa,veva auna auna thaona na ia peritome ree gapia thaonai.Ganina wara peritome noai gegapi namu geve vauna auna nia auri maparari amari kamuna,pene alu pe thakwa thakwa ila thaarai pene veole au.12Ia maina geve peritome ole auri amari,e nori peritome mo auri namu,Abraham gena veva auna auna gagena kapurai pige thoa auri wa thakwa thakwa maulinai pene oru auri,kapinai pertome pige gapi.13Ealimapara Abraham e kalakala na pige vele agia ilagavuna evenirao,nori rovana thaona na eveamaio namu ala thakwa thakwa veva auna auna thaona na.14Pene riairi rova thaonai gemaulini pige vele ila geria veva auna auna wara ovaona,e ilagavu wara noai ganina.15Rova raava eveamai agiani,namu noai rova avanai,wanai noai thoa vanagi.
17evealo auo gelegelenai,'' Thauna goi avamagaimuo alimapara maparana amaria.''Abraham vilanai emagaio ia eve raramanio,gauna wara Palau,warega gauri mauli evenirana e noai gemagainia gauri eva magairana gogona evegogo agiani.18Veraramaniai ia eve vauna aunao,ia alimapara maparana iana pene naua, eva ilao gelegelenai, '' Goi kalakalamu maina veairiamo.''19Ia gena veva auna aunai nee moirao,ia auniparana waregai euamagi auao (repana ia rigolona no inavuna),e garawana Sarah gena melo vawala mai ia gaua.20Namu repana Palau gena ilagavu pakunai,Abraham veva auna aunai nee moira.Namu ia veva auna aunai iliga erawaliao e Palau vevarage eveniawai.21Ia eve vauna auna vagio Palau na ia eilagavu veniao gaunai,e ia mai ririwamagina gemiao e ilagavu pene vagugulua.22Wagauri pakurai eolema maina ''eveoru auo ia thaanai thakwa thakwa maulina.''23Namu thoriai '' ethori veniao'' nori ia geregana pakunai gevealo ole.24Eila maina ia gera geve alo ole,e ia elerai mai pene veole au ia elenai geve vauna auna ni,iana Iesu ia gera vele waregana eva laaia.25Iesu Keriso eve veni agiao ia gera thoa awa awa pakurai e elaaiwai ia pe veole vathakwa pakunai.
Chapter 5

1Repana ia ave ole vathakwao vevauna auna thaona na,ia Palau ria amaino ole ia gera vele Iesu Keriso thaona na.2Ia thaona na mai ia gera thoa oa ia elenai veva auna auna thaona na eveugai aaluo,e ia ave releni Palau vewaana raramani nai.3Nori egaumo, namu ia maina peverele ia gera vi vi ai.Ia ripari vi vi iliga eveamai agiani.4Iligana ala nama eveamai agiani,e ala namana veraramani eva walani,5e veraramani nee veole leani repana Palau ulamagina ia kutou rai evelavu gaa ole,ia evenirao palauna veaa palauna thaona na.6Ia moira thaonai ro amauli wai thaonai,orana auna auna nanai Keriso Palau noai geripani auri geria ewaregao.7Ia gauavagi au apua ala thakwa thakwa auna gena pene warega,veaina mo au apua ala nama auna apua gena pere warega.8Namu Palau mauna gena ulamagi eva magaiao ia elerai, repana ia galama thaorai amauli wai thaonai,Keriso ia gavurai ewaregao.9Kamu iwa vagina Keriso lalana na ia eole vethaleva rao,gauna na ia pene vamauliri Palau gena paru thaona na.
11Nori eolema mo,namu ia avereleni Palau thaonai ia gera vele Iesu Keriso thaona na,ia thaona na evanamo eve kapawai iana arawaliao.12Pe gaurai,aunilimalima vuana apuna thaona na galama alimaparai ethoa oa,ethara parai warega galama thaona na ethoa oa.E warega ethoa lovo lovo aunilimalima maparari egapiri,repana maparari ge galama.13Pene thao rova emi veole,galama alimaparai roemia wai,namu galama noai au oruna rova noai gau thaonai.14Noai tharaparana vagi,warega eveleo Adam gena laganina pene veamai Moses gena laganiai,lewana noai ge galamao Adam gena karo verave veaina,ia veaiveaina auna pene veamai.15Namu veveni ealao gauna nori thoa awa awa auri veairi.Apuna gena iavu iavu na aunilimalima vogo vagi gewarega,iana raaga ma aririwani Palau gena venua vi e veveni auapuna gena venuavi,Iesu Keriso,aunilimalima maparana pakurai ewaregao.16Palauna veveni eve veni agiao nori au apuna vagi galama pakunai.Veva aithorina au apuna egalamao ethoa giuao e veva raava eveamai agiao,namu Palau gena veveni na galama auri vogo ethoa giu rao e veole vathakwa eveamai agiao.17Gauri pakurai au apuna gena galama na warega ia thaona na eveleo vanagio,thaonai riairi veuga gerawali guguluao e mauli thakwa thakwa raa mapige vevele iwa mauliai wa vuana apuna,Iesu Keriso thaona na.18Pe,vuana apuna egalamao aunilimalima maparari raava thaonai evaioarao,veainamo ala thakwa thakwa vaaina apuna ewalao,thaona na veole vathakwa e mauli eveamaio aunilimalima maparari elerai.19Au apuna gena karoveraveai vogovagi galamai geveilagi auo,veainamo karoveamonagi auna apuna thaona na vogo vagi geve ole thakwa thakwao.20Namu rova emithoa oao,galama emi vakamuao.Namu galama ekamuwai avanai,veuga mai ekamu iwavagi wai.21Eolema eveaina ewalao pe,galama waregai eveleo,veaiveaina vagi veuga ala thakwa thakwa thaona na pene vele vanagi vanagi,mauli vanagi vanagiai ia gera vele Iesu Keriso thaona na.
Chapter 6

1Pe iana raaga mae ilagia? Ia galamamo pe vaivaia thaonai veugana ia mapene lauari? 2Peene wala ripa. Ia galamai awaregao,ari uamagi apunai ia galama thaonai emauli thaomo? 3Mui roai goripa vogovagi Iesu Keriso thaonai geve papasito oao wara Iesu Keriso gena waregai mai geve papasito oao?4Ia gethao avunirao alimai,Keriso ria papasito thaona na waregai.Mathara paranai eveaina ewalao,veaiveainai Keriso waregana evalaaiao amana gena vewaai,pe goi e thau mauli valivunai pe thoa.5Pene Keriso gena waregai awarega koukouo,iamaina laai waiai Keriso ria mape laai koukou.6Iana aripathao,ia gera au kuinena Iesu ria eve satauro,pe galama auniparana pene rakwa lovo lovoa.Ewala iwao pe goi e thau galama na mapeene vagaro one wairi.7Riairi gewaregao ila eilagirana thakwa thakwa ma vematha lagiri galama elenai.8Namu pene ia Keriso ila awarega koukouo,ia mai peveva auna auna Keriso ila mai pevemauli koukou.9Ia riparia Keriso waregana elaaiwai,thaonai ia mapeene warega wai;warega noai gena iavu Keriso thaanai.10Warega olemana pe iatha thaonai ia galama pakunai ewaregao,ia vaganamo ewaregao mapeene warega wai.Namu mauli iana emauli agiani maulina wara,ia Palau gena emaulini.11Veainamo, mui maaumuina mai pigo uamagi iaiatha galamai pigo warega,namu Palau gena pigo mauli Keriso thaonai.12Gauri pakurai galamana auniparamui peene vele agiri,orina ia gena ririwamagi alari gogapirage rana.13Auniparamui wauana galama pigono venia,orina eilana mui gemi mauli thakwa thakwa eva raavani.Namu magugulu mui Palau pigo venia waregana gelaaiwaio mauliai auri veairi,e aunipara mui wauana Palau pigo venia iana pene ulavunu agiri thakwa thakwa pakunai.14Galama paka pigono venia peene vele agimui.Repana mui nori rova kapulenai, namu veuga kapulenai.15Pe maraagau? Ia egalama repana ia nori rova kapulenai,namu veuga kapulenai? Peene wala ripa.16Mui nori ripamui,pe goi maaumu oveveni ni pige vagaro onemu,vevagaro one auna wara goina ogapirageani auna? Mui verauleai galama na evagaro onemuini ia gena tharapara wara warega,pa karo veamonagi na eva garo onemuni,ia ala thakwa thakwa tharaparana.17Namu Palau pevaragea.Mui galama na eva garo onemui wai,namu mui thaomuina evai muio,vevaripa goamonagirao gauri gogapi ragerao.18Mui galama thaona na go thoa raio,e mui evana ala thakwa thakwa na eva garo onemuini.19Thau aunilimalima veairi athorini repana mui aunipara mui geria moira gaurai.Repana mui auniparamui epi avaana miloalari e satani govenia ni,veaina mo epi avaana evana ala thakwa thakwa na evagaro one rana veole vathakwa pakurai.20Mui galama na eva garo onemui wai thaonai,mui ala thakwa thakwa elenai mui noai rova mui.21Wa oranai muina raa vuavua gogapiao gauna evana muina go opimatha agiani? Repana gauri voiri wara warega.22Mui evana galama thaona na pogo veluva mui Palau gena vevagao one aumui,veva valivu wai vuavuana go gapiao.Voina wara mauli vanagi vanagi.Galama voina wara warega,namu Palau gena veveni wara mauli vanagi vanagi Iesu Keriso ia gera vele thaonai.
Chapter 7

1Pa mui nori ripamui,wala avaku (thauna rova geripathao auri availa rana),rovana aunilimalima ekuneagiani maulinai ealimaparai?2Vegarawa vavinena ia rovana eligoani repana garawana maluane na roemaulini,namu pene maluane na ewaregani ia vegarawa rovana na eveluva vagini.3Gaurai,pene ia garawana maluane na roemaulini thaonai vavine na maau apua goi gemaulini ia pige ilagia maaporaga vavinena.Namu pene maluane na ewaregani ia rovana nee rawaliani,ia maaporagai pigene ilagia pene ia maau apua goi gemaulini.4Gaurai, wala avaku,mui maina gowaregao rovai Iesu Keriso auniparana thaonai.Ewala iwao pe mui pigo veapuna,ia elenai auna waregana elaai wai,pe mathara paranai vuavua peva wala Palau gena.5Ia aunipara gena ririwai amauli wai thaonai,galama maulina rovana evamagai venirawai,ia auniparari epi avaana ava ulavunu rawai warega vuavuari ava wala rawai.6Namu ia evana rova thaona na athoa raio.Ia erogo gaugau rawai gaunai awaregao.Ewala iwao pe ia veaa palauna valivunai pe mauli nori gau kuinenai.7Pe iana evana raaga mae ilagia? Rova geregana ia galama pa? Noaia vagi.Pere noaia thau na galama paara ripa vagia,pere nori rova thaona na.Thauna vethari aara ripathao pene thao rovana pene ilagia,'' goi poono vethari.'' 8Namu galama paka eia rawalia rova thaona na ririmagi irauirau eveamai agiri thau thaokuai.Pene rova noai gau galama wara waregana.9Ora apua thaonai thau wara mauliku rova noai gau thaonai,namu rova eveamaio laganinai galama emauli waio,thau awaregao.10Mauli pere veamai agia rovana na thau warega evenikuo.11Galama paka erawalio rova thaona na thau eva raavakuo.Rova thaona na thau evagikuo.12Gaurai rova ia veaa,thakwa thakwa e nama.13Pe raaga namana waua ewaregao thau elekuai? Noaia peene wala ripa.Namu galama,mathara paranai pe vamagaia galama,warega eva wala ao thau elekuai nama thaona na,e galama gena vevaina ia pe galama thaonai pe vegalama iwa vagi.14Repana ia ripari rova wara palauai (spiritual),namu thau auniparai.Thau gevoi agiku galama gena veva garo one iavunai.15Thau na aala agirao gauri,thauna na valavu ripa rana.Ulavunu para alari gauri,naala rawai,e agurugu rawai gauri aala rawai.16Pene thauna naa ririwa rawai gauri,aala agirawai,thauna rova ila gaapuna wai,repana rova wara nama.17Namu evana nori thauna aala agiani,namu galama thau thaokuai emauliwai gauna na.18Thau ripaku thau thaokuai,thau auniparaku,gau namana waua nee miao.Ala nama uamagina thau thoakuai eve ononia,namu mauli agina pe ia gaua.19Nama thauna aririwani,thauna naa ala agiani,namu raava maulina thauna naa ririwani,maulina amauli agiani.20Evana pene thauna aririwani maulina naa mauli agia,enori thau namu auapuna thau thaokuai aala ovo ovoani,gauna wara galama thau thaokuai ealuni gauna.21Pe, thauna erova aavuani: Thau mauli namanai ana mauli naini,thaonai devil mai thau elekuai auna era.22Palau gena rova thaonai thau avereleni thaokuna.23Namu rova thauna aia irauani thau auniparaku avari geria ala laiwa laiwa avarai.Rova valivuna thau valavukuai evevagi veniani.Galama rovana na thau egapi tipurakuni aunipara epiavana ririwari thaorai.24Thau ia raava vagi.Eaunipara waregana thaona na riaina pere vairaiku? 25Namu Palau pevaragea Velegau Iesu Keriso thaona na.Pe gaurai,Thau geregakuna Palau gena rova avave nagiani valavukuai.Veaina mo, auniparai galama rovana avave nagiani.
Chapter 8

1Wagauri pakurai riairi evana Iesu Keriso thaonai ila elerai noai veva raava.2Repana mauli palauna rovana na Iesu Keriso thaonai gauna na galama rovana e warega thaona na elaua muio.3Rovana peene alaripatha gauna repana ia auniparai emoirao,Palauna ulavunu na ealao.Ia maauna nauna euao no galama auna veaina galama evoi agiao,galama auniparai eva raavao.4Eolema eva magaiao pe rova iana pene vaguguluao ia thaorai,ia riairi nori aunipara gena ririwai athoani,namu veaa palauna gena ririwai athoani.5Aunipara gena ririwai gemaulini auri ila aunipara ririwana gauri gevagele rana,namu riairi veaa palauna gena ririwai gemaulini auri ila veaa palauna ririwana gauri geva gele rana.6Aunipara ririwanai valavuri geole kikimagirana auri ila warega geavuani,namu veaa palauna elenai valavuri geole kikimagi rana auri ila mauli e maino pige vaia.7Aunipara ririwanai gevalavu kikimagini auri ila Palau geveali veniani,repana Palau gena rovai noai geveilagi raini,pa ririwana noai geva gele rana.8Aunipara ririwana geva kamurana auri ila Palau noai geva vereleani.9Namu,mui nori auniparai namu veaa palauna thaonai,verauleai Palau palauna mui thaomuai emaulini.Namu pene au apua Keriso palauna ia thaonai noai gau ia nori Keriso gena.10Pene Keriso mui thaomuiai,aunipara ia waregana ma vematha lagina galama elenai,namu mui palaumui wara mauliria vematha lagiai ala thakwa thakwa elenai.11Pene Palau palauna na Iesu waregana eva laaia palauna mui thaomuiai emaulini,Keriso evalaaiao auna na mai mui auniparamui mauli pene veniri mui thaomuiai emaulini palauna na.12Gaurai,wala avaku,ia gapitore auri,namu nori aunipara gena,pe aunipara gena ririwai piana mauli.13Pene mui aunipara gena ririwai pigo mauli,mui pigo warega,namu pene veaa palauna gena ririwai aunipara gena ala laiwa laiwa gauri pigo va waregari,mui pigo mauli.14Vogovagi Palau palauna na evairana,eila wara Palau nauna.15Mui nori vevavgaro one palauna gorawaliao pe mui kali ai mapigo mauli wai;namu mui venau vanagi palauna gorawaliao,gaurai ia aagirageni naaini,''Abba,Ama.''16Veaa Palauna maauna ia gera veilagi rai palauna ia palauria ila pe ia Palau nauna.17Pene ia melo nau,thaonai ia maina vele,Palau gena vele. Ia Keriso ria pe vele koukou,pene ia Keriso ila avi vi koukounia,e ia ria mai pe vevewaa koukou Keriso ila.18Thauna auamagiani thaonai eora avi vini namu wagaroanai wa vewaa pene vevamagai veniri pigo vevaovoa gauna ipo irauvagi.19Imana gau alari mapara rana Palau nauna maparari pige alu vathalori.20Alimaparai ia imana gau alari eva magairao ila noai ganiri,nori maauri geria ririwai gemagaio,namu Palauna euamagiao veainai,veraramani ai 21pe imana gau alari maparari vevagaro onena pene olerairi pige kirakira,e wa thaorana Palau naunai vewaa vewaa na mathavuna pige vaia. 22Ia ripari vethaleva Palau imana gau alari maparari avi vini e avewalavini evana maina.
24Everaramaniai ia vevamauli arawaliao.Evana veraramani aiathani gauna ia nori veraramani.Pe riai everaramani ni gauna eia rawaliani? 25Namu pene ia averaramanini gauna noai ia rawaliani ia aomai pevethalo.26Tharaparana apunaimo,veaa palauna eve vaavani ia gera moirai.Gaurai ia nori ripari ia raa paara veni vuavua iwa,namu veaa palauna maauna ia gavurai vi vi noai thori veniri gauri ethori agirana.27Ia aunilimalima thaona eavuani veaa palauna valavuna eripathani,repana ia Palau gena veaa aunilimalimari gavuarai ethorini Palau gena ririwa veainai.28Ia riparia Palau geulamagiani auri,iana namai gau maparari eva ulavunu koukourana,ia gena ririwai egogorao auri geria.29Repana iana eripa thalo thalo rana auri ila mai eva iavuthao ila ia nauna iaiana e ralewanai pige mia,pe ia wala ava maparari thaorai ia kuineai pige gogoa. 30Iana eva iavurao, auria mai egogo rana.Egogo rao auri ila mai eole vethaleva rana.Eole vethaleva rao auria mai,iana eva vewaa vewaa rana.31Egau thori thorirai iana raaga paara ilagia? Pene Palau ia gera avanai,ia riana mapere rua vila agiria? 32Ia nauna wala gerega vagina iana galamana nee vaia ia maparari pakurai,thaonai ari uamagi apunai iana gau mathavuri peene veniri?33Palauna evirigirao auri elerai riaina thori raavana waua pere mivailari? Veole vathakwa auna Palau mo.Eveilagi raavani auna riai? 34Warega auna pe Iesu Keriso-ma wauathai ia elaai wai- ia Palau imana ripana gena avanai,e ia maina ia gavurai Palau elenai ethorini.35Keriso gena ulamagi thaona na ia riaina pere ole veware ri? Raava thaorai,valavu valavu thaorai,vevaraava thaorana,thaka,aminewa thaorana,nuarage thaorana, pa vevagi pauri? 36Eve alo auao veainai,'' Mui gemi nama pakurai thai garo mapararai gevagi mainai.Thai mamoe veaina geuamagi venimaio gevagi maio.37Gauri maparari thaorai thai gailigao eulamagi mainaia auna iavuna thaona na.38Thau thao vepothogi arawaliao warega,o mauli,aneruna,o kaomanina,egaro gemiao gaurana,o rogo pige veamai gauri,raa iavu iwari,geria thaa,o geria ropu,pa gau waua ealimaparai ealao, gauna na Keriso thaonai Palau gena ulamagi thaona na thai pene luvamai.
Chapter 9

1Keriso thaonai thauna mui thori auna auna availamuinia.Thau naa wapania,thau thaoku valavuna na thau evamagaikunia veaa palauna thaonai2thau valu pe venuavi kamu vagi e thau thaokuai vi vi nee ikani.3Thau para ririwa maauku Keriso elena na para gerevagi e para veva raava wala avaku geku lala auri pakurai.4Ila Israela auri.Ila geve nau vanagio,ilagavu,rova vevenina,Palau airupu ali venina, e ilagavu maparari eveni rao.5Ila kalakalari thaorana Iesu Keriso ewalao vematha lagiai aunilimalimai-ia Palau gau maparari gaari.Ia pevarage vanagi vanagia. Amen.6Namu nori wagauri pakurai Palau gena ilagavuai moirao.Emaina nori aunilimalima maparari Israelai gealuni auri ila Israela aunilimalimari auna auna.7Veainamo,nori Abraham kalakalana maparari ia nauna auna auna.Namu,'' Isaaco thaona na goi kalakalamu pene veoru.''8Pe gaurai,aunilimalima nauna wara nori Palau nauna.Namu ilagavuai eilagavu agirao melonauri ila kalakalai geveoru oani. 9Repana ilagavu thorina era: '' Eora veainai thau pana veamai,Sarah na melo maluane na apua pene vawala.''10Nori eiamo,namu Rebekah au apuna namo egarawa,auna ia amari Issako-11nauna roai gewala e gau namana pa raavana waua roai gealatha,pe Palau gena ririwa ganina euamagiao veaina pene mia,nori ala laiwa laiwa pakurai,namu repana ia evegogoni gaurai.-12ia evaila iwathao,'' Kuinena muliaina pene alavenia.'' 13Eve alo auao gelegelenai.'' Iakobo thau na aulamagiani,namu Esau thauna aguruguani.''14Pe iana raaga mae ilagia? Palau elenai noai alathakwa thakwa pa? 15Iana Moses evaila iwao,'' Thauna anuaviirana auri pana nuaviiri,gevi vinia auria ila geria vi viai pana vi au.'' 16Pe,enori ia eririwao gaurai,pa nori ia eravuni gaurai,namu repana Palau ia venuavi Palauna gaurai.17Repana puka thorina na Parao evaila iwao, '' Ganina auna auna era gauri pakurai thauna goi avakamumuo,pe thau geku iavu goi thaomuai pana vamagia,pe thau tharaku alimapara maparanai pige vara vara agia.'' 18Gaurai,Palau gena venua vi eririwarana auri elerai eole auani,e gena ririwa auri iana thaori eva gaurana.19Pe muina thau igo vailaku,''Wa raagauna ia raava roe avuni? Riaina ia gena ririwa erua vila agiani?'' 20Waiwana mo,aunilimalima goi wa riai Palau gena thori ovawai rana? Eve maneo gauna na mane mane auna mapere vaila iwa,'' Raagauna thau eveaina pomaneku?'' 21Kopala ulo mane auna na wa kopala mo apuna thaona na rivu e niuniu perina peene mane ripari?22Pere ariveainai,Palau mai eririwani gena paru pene vamagaia thaorana ia iavuna pene vamagaia,aomai evaigauani thaonai paru mauvuri pere alamaavuri raava pere vawala? 23Pere raaveainai etharaparai pere ulavunu agia pe iagena rinaari ma vewaari pere vamagairia venuavi thaona na ,gauna iana rauvagi eala maavuao? 24Waraagauna pene eolema maina eala maavuao ia gera,egogorao auri gera,nori Jews mo elerana,namu avapaa (Gentiles) mai elerana?25Hosea thaonai mai ethoriao: '' Nori thau geku aunilimalima auri thauna pana gogori,e vavinena nee ulamagirao auri pige veulamagi.26Thaonai epene vemia iwa,ila evaila iwarao,'Mui nori thau geku aunilimalima,'wanai ila mauli Palauna 'naunai pige vegogori.''27Isaraela pakurai Isaiah eagi rageo,'' Lewana Isaraela nauna alima erawaparai vogona,ovaovari pene vamauliri,28velegaua natha alimapara gena garo ikana pene ilagi gugulua auana peene valoa.'' 29Isaiah na ethori kuneao, '' Pene velegaua egau maparari evarepa rana auna ia kalakalari apuana nee kali wanio,ia Sodom veaina,e Gomorrah veaina ara miao.''30Iana raaga maeilagia? Wa avapaa auri (Gentiles) alathakwa thakwa noai geve vagala gala agiawai aurana pege gapia,thakawa thakwa veva auna auna thaona na.31Namu Isaraela ala thakwa thakwa rovana geve vagala gala agia namu avanai roai geve kwara.32Waraagauna noaia? Repana ilana nori veva auna auna nai gegapia namu geulavunu venia.Ila vewaunagi vauri thaarana gevanagi,33evealo auo veaina, '' Igo iatha,Thau Zion thaanai amaoni thau vewaunagi vauna e kepi vawala vauna.Riai eve va auna auna ni evauai ia peene opi matha.''
Chapter 10

1Wala avaku,thau nuanuaku gena ririwa e thau geku noginogi Palau elenai wara ila geria nama anogi agiani.2Thauna ila ailagi rairana repana ila geria ririwa Palau elenai ipo kamu iwavagi,nori thaoneka thaona na.3Palau elena na ala thakwa thakwa maulina eveamaini ila noai geuamagi ulua,geveaoleao maauri geria alathakwa thakwa geavuao,Palau gena ala thakwa thakwa noai geve ilagi raio.4Thakwa thakwa rovana vaguguluna auna wara Keriso geve vauna auna ni auri geria.5Rova thaona na thakwa thakwa eveamaini Moses na ealoao: '' Ala thakwa thakwa rovanai emaulini auna ia ethakwa thakwa thonai pene mauli,''6Namu alathakwa thakwa veva auna auna thaona na eveamini eveaina eilagiani: '' Thaomuai poono ila iwa,' Riai pere verage kupai?'(gauna wara,Keriso pegere mivai rivoa); e poono ila iwa,'Riai alima thaonai ene vethoa oa'' (gauna wara,Keriso waregana thaona na pige vevai ragea).8Namu eraaga eilagiani? '' Thori goi lagamuai,murumu thaonai e kutoumuai.'' Veva auna auna thorina era,thaina gavara vara agiao.9Pene mui murumuina pigo ilaiwa Iesu ia velegaua,e thaomuiai pigo veva auna auna Palauna ia waregana evalaai waia,mui mauli pigo rawalia.10Repana aunilimalima thaona na eve vauna auna nia mauli thakwa thakwa erawaliani,e muru rana eveilagi rainia ia mauli erawaliani.11Puka veaana na eilagiani, '' Maparari elenai geve vauna aunani auri ila opi matha pigene rawali.'' 12Repana Jews e Greek ivua pararai irau apua nee miao.Repana velegauna mo gau maparari geria vele,ila maparari gerinaa ni ia elenai gegogo aunai thaonai.13Riari velegaua tharanai gegogoauni auri wara mauli pige rawalia.14Noai geva auna auna ni thaonai ia raa mapegere gogoveni iwa? Noai geamonagiao thaonai ra mapegere vauna auna iwa? Wapaa auna noai au thaonai ila raa pegere amonagi iwa? 15Thaonai raa pegere wapaa iwa,pere uuria valu pa?--Eve aloauo,'' Vali namana gevara vara agiani auri ila gageri ma ralema ralemari.''16Namu nori mapara rana vali namana gegapi rageao.Isaiah na neiwao,'' Velegaua thai elemaina pege amonagia gauna riaina peva auna auna?'' 17Veva auna auna amonagina eveamini,e thori amonagi Keriso gena thori thaona na.18Namu thau nainia,'' Ila noai geamonagi?'' Unamu,auna auna vagi.'' Ila galavurana alimapara pelovara,e geria thori pethao alimapara ikanai.''19Ma wauathai,thau naini, '' Israela noai geripa?'' Ma manai Moses neiwao, '' Thauna mui ana vavemaa aumui ana ilaiwa mui nori alimapara apua.Alimaparai anailagimui ganina noai gemi uamagi ulu,thauna mui thaomui ana vaparuria.''20Isaiah thaona iliga vagi neiwao, '' thau noai geavuku aurana gerawalikuo.Noai geve renagi agikuo auri elerai akwarao.'' 21Namu Isaraela elerai neiwao,Egaro marau rauna thau imaku agorairana nori karoveamonagi e thaovau aunilimalimari elerai.''
Chapter 11

1Pe thau naini,Palau gena aunilimalima peruari pa? Noaia peene wala ripa.Repana thau maina Isaraela auku,Abraham kalakalana, Benjamin gena kwalu auna.2Palau gena aunilimalima nee ruari ila eripa kunekunerao.Mui nori ripamui puka veaana thorina na Elijah raaga evaila iwao,Palau elenai Isaraela raa eilagi iwao? 3'' Velegaua, goi peroveta auri gevagirao,goi gemu veni vuavua thapaliri gerakwa lovolovorao.Thau geregaku pami iwa,e thau geku mauli maina ige vagavuvagia geririwani.''4Palau gena vevano lavu ule raagau neinia? '' Thau evana maluane thagana aula oioi apuna paala maavuri eila Baal gagena repanai noai geairupuali venia auri. '' Veaina mo eora thaonai ovaovari vairi auria era repana venuavi gena virigi virigi iavunai.6Namu pene venuaviai neni,ulavunu wara noai ganina.Pa noaia venuavi wara noai ganina.7Ma raagau? Israela na gau geavuawai gauna noai gerawalia,namu evirigirao aurana gerawaliao,namu maparari thori gegauao.8Evealo auo veainai: '' Palauna ila ma apuapu ega geala temonina eveni rao,pe ila pigene veia,e pigene amonagi pene veami egaroa.''9Thaonai TaviTa (David) neiwao, '' Geria pata ono olea lee e vaka,geria vewaunagi avana e geria raava pige vavoiria.10Maari ono vamuuna ri pe pigene veia,e rogeri ono ao wagegeri ige mia thaovegaa.''11Thaonai thau naini,'' Ila mage waunagi pa?'' Verauleai noaia.Namu ila geria moirai nama eveamaio aupaa (Gentiles) elerai gauna na ila geve maauo.12Evana pene ila geria moira alimapara rinaa rai,e ava paa auri (Gentiles) geria rinaai gerapuo,pe ila geria ikana ra pere vemia iwa?13Evana thauna mui avapaa aumui (Gentiles) athori venimuini thau veunagi auku mui avapaa aumui (Gentiles) gemi,Thau ave vaoloani geku evanelia (ministry) ulavununai.14Verauleai thau geku aunilimalima rawaniri ana vaparuri ige vemaa au elemuiai.Verauleai vairi evamauliri.15Pene ila geria vevawai ganina alimapara vekapa waina,ila raa pene vegapi rage iwari waregana mauli pige rawalia pa? 16Pene vuavua reparepari geve ole gerevagio,parawa ia maina.Pene lamuna geve ole gerevagio,raga maina vairi mageve ole gerevagio.17Namu pene ragavairi georuo,pene mui,olopu olive gau upuna ragana,ila thaorai pegere vagara aumu,thaonai olivena lamunai pogoro mauli kou,18thaonai waraga thaarai poono vevaoloa.Namu pene mui gove vaoloani,mui pigo ripa enori muina gauupu lamuna gova avani,namu gauupu lamuna na mui eva avamuini.19Pe,goi ono ila iwa,'' Raga pege oru pe thau verauleai ige vagara auku.'' 20Wa aunaauna.Repana ila noai geria veva aunaauna ila ge eovagio,namu mui gorua kikimagio gemi veva aunaauna pakunai.Maaumui pigono vegapi rage,namu pigo kali.21Repana Palauna gauupu ragari nee ole veniri mui maina veaina mo ma peene ole venimui.22Igo iatha,Palau olemana nanamari e gena paru: Palau gena paru Jews thaarai eoauo gemoirao thaonai,namu Palau gena vethao nama mui thaamuiai eoleao,pene mui pigo vaigaua gena alanama thaorai.Pene noaia mui mai pene pai rakwamui.23Lewana, pene ila noai geve vauna aunani maulina gekali waniani,ila pene vathoa oa wairi.Palauna ila pene ole lavu uleria ripa.
25Repana vewala thau naa ririwani mavevakaliagina gauna muina pigono ripatha,pe mui maumui gemi uamagiai orina noai gothaonekani: Israela aunilimalima ri elerai mauli gauagauana ewalao pene thao avapaa auri (Genetiles) nuumera kamukamuai pige mithoa oa.26Israela maparana vevamauli pene rawalia,evealo auo veaina: '' Ziona thaona na vevamauli auna pene veamai.Iakobo gena numa thaona na Palau noai geala veniani rinaari pene alavagi ri,27ewara thau geku ilagavu ila elerai,ila geria galama elerana pana tou gerevagi ri.''28Vali namana(Gospel) na eilagiani gelegelenai,ila mui gemi velivu auri.Namu vevirigina eilagiani veaina,ila eulamagirana repana ila kalakala ri pakurai.29Repana Palau gena veveni e gena gogo wara auana peene vairaua.30Repana mui kunenai Palau karona noai goamonagi wai,namu evana mui venuavi pogo rawalia repana ila geria karoveraveai.31Veaina mo,evanamona e Jew aunilimalima ri ila gekaro veraveni.Ganina wara wa venuavi mui eva ripamuio gauna mai ilana mai mapige rawalia.32Repana Palau na karoverave alari maparari pekana gavuri gena iavuai,pe maparari venuavi pene varipari.33Eke,Palau gena ripa e thaoneka ropuna ila verinaa mae.Ia gena vevaithori thaonekana piana rawalia,e ia olemana aunilimalima gena thaonekana piana rawalia.34'' Palau valavuna riaina eripathani,pa ia riana egavu inani?35Pa,riaina Palau gau repa repana waua eveniao,pe Palau na ia pene veni lavu ulea?'' 36Ia elena na e ia thaona na e iamo elenai gau mapara ri. Iamo elenai vewaa pene mia vanagi vanagi.Amen.
Chapter 12

1Gaurai wala avaku thauna mui apuumuini,Palau gena venuavi pakunai,auniparamui mauliai pigo veveni agiri,veaai,Palauna pene gapi rageri tharaparanai.Mui gemi ulavunu ganina kamuna era.2Ealimapara ralemana na peene wapamui,namu thaomui pigo vavalivu wairi.Eveaina pigo ulavunu avanai mui pigo ripa,nama raagau,pene gapi ragemui,e Palau gena ririwa auna auna na pigo ripatha.3Wa vuega evenikuo thaona na,thauna mui maparamui availamuini: Ma aumui geregamui pigono veuamagi vegapirage,namu pigo uamagi thao veralevai,apuri apuri Palau na gemi veva auna auna evenimuio gelegelerai.4Repana ia aunipara apuna mo namu,gena ala laiwa laiwa avari ia vogo,vagelegele maa e gage ila nori waulavunumo apuna gealani.5Veaina mo, ia auri vogo vagi ia aunipara apuna Keriso thaonai,ia vuari apuri apuri akoukouni.6Ia gera taleni irau irau veuga evenirao gelegelenai.Pene apua eveniao pene peroveta,ulavununa pene ala gena veva auna auna eveniao gelegelenai.7Pene apua eveniao pene veala veni,pene veala veni.Pene apua vevaripa eveniao,pene veva ripa.8Pene apua gena taleni pene vevailiga,pene vevailiga.Pene apua veveni talenina eveniao,pigo kaliwania pene veveni vereleai.Pene apua pene vevai,pene vevai.Pene apua venuavi eveniao,ulavununa pene ulavunuagia thao vethalevai.9Ulamagi nori wapai pene veulavunu agi.Raava pigo rua muiligia;nama pigo rogo kikilagia.10Vewala ava ulamagina gena avanai,maavamui pigo veauava.Pigo veva vele e ma au avamui pigo vematha lagi.11Veala veveni gena avanai,palaumui alaveni rai,pene maigamui Velegaua ala veninai,pigo alavenia.12Veraramaniai pigo verele,vivi thaorai pigo vai gaua,veni vuavua thaorai veva auna aunai pigo rua kikimagi.13Palau gena veaa auria ila veaolea gauri pigo vevailiga agiri.Veala veveni tharaparari vogo pigo avuri avarai pigo mauli.14Geva raavamuini auri pigo vanamari;pigo vevanama namu nori pigo vevaraava.15Geverele ni auria ila pigo verele;geagini auria ila pigo agi koukou.16Ma auavamui thao apunaimo pigo mauli.Vevaoloa uamagirai pigono valavu,mauli lealea auri pigo gapi rageri.Maaumui gemi thaonekai pigono uamagi.17Auapua raavana pigono vavoia.Olema nanamari pigo vamagairi aunilimalima maparari vilarai.18Pene matharaparanai muimo gemi ririwai,mainoai aunilimalima thaorai pigo mauli.19Maaumui vavoi pigono gapi,pigo veulamagi,Palau gena paru tharaparana pigo alamaavua.Repana evealo auo,'' Vavoi thau geku; Thauna pana vavoiri,velegaua neiwao.''20Namu '' pene goi ekukumuni auna ethakani,pono vagani gania.Pene emaluvuani,nalu pono venia.Eala pigo ala agia ia repanai memea ma alovana gothao koukouani.''
Chapter 13

1Thao maparari vevai auri kakamuri elerai pigo vegapi rage,repana maiavu apua noai gau penethao Palau elena na valu pene veami.Egaroa vevai auri kakamuri gemagainia ila Palauna evirigirao.2Gauri pakurai riai vevai auri eva muru vewai rana ia Palau gena rova eva muru vewaiani; e riarana geilagi raavani auri ila maauri Palau gena vevaithori pige rawalia.3Vele geve vaini nori olema nanamari ularana,namu raava ulavunuri pakurai.Iavu iwavagina erogoao auna kalina na no kalini? Alanama pono mauli agia pe ia gena vevanama pono rawalia.4Ia Palau gena veala veveni auna goi gemu nama pakunai.Namu pene goi raava maulina omauli agiani,pono kali;repana veali pauna nori ipo evua awa awani.Repana ia Palau gena unagi authoa agi auna apua,tatani gena mauli ai emaulini auna gena raava evavoirana auna.5Gauri pakurai mui karo pigo veamonagi,nori waiavu mo pakunai,namu valavu neka neka maina.6Egauri pakurai mui maina takiti (taxes) govavoini.Repana vevai auri ila Palau gena unagi au thoa agi,ila ealu kouai noai gethoa rakwa uarini.7Gemi gapitore riairi elerai pigo vavoiri:takiti orari gekwarani pigo takiti,kapa evelavuni pigo vagelea,riai kalina na gokalini pigo kali,vevavele orana ekwarani pigo veva vele.8Auapua elenai gemui gapitore pigene mia.Repana ririgana auna eulamagiani auna na rova evaguguluani.9Rova era,'' Poono vewapa lema,poono vagivagi,poono lema,poono vethari,''e pene ma rova vairi gemiao ia erovana ila ekakapa kourana,'' Goi epimu auna pono ulamagia goi maaumu ove ulamagini veaina.'' 10Ulamagina ririga auna apua nee varaavani.Gaurai, ulamagi ia rova evaguguluani.11Egauri pakurai,orana mui ripamui,evana ora pegapia mui mauuna igo laai. Evana nama vewaa vewaana peve avi vagi nori iana wamamanai ava auna auna veaina.12Pogi pethoa velee,garo peveavi.Gaurai iana muuna ulavunuri maparari eole gerevagiri,mathaa rapuari eligo rageri.13Ethoa no garo mathaanai athoao,nori mulamula raraavari verele rai everele pa niuniu thaorai; nori maaporaga thoarai ethoa pa ririmagi noai ganiri,e nori vemaau thaorai pethoa.14Namu Iesu Keriso peroagi ragea,e aunipara piana warea,orina ririwana evakamurana.
Chapter 14

1Veva auna aunai gemoirani auri,pigo vairageri ila vevauu pigono vaithori ri.2Auapua gena veva auna aunai gau maparari eganini,moira auna ia gau laumo eganini.3Egau maparari eganirana auna na,nee ganini auna peene varaavara;e gau maparari nee ganini auna na,gau maparari eganini auna peene ilagi raava.Repana ia Palauna egapirageani.4Goi riai,maau apua gena unagi thoa agi auna ova aithoriani? Ia gena vele vilanai ia pene rua pa pene eo.Namu ia pene rua,repana ia Palau vilanai pene verua.5Aunilimalima apuana garo vuana apunai auavana euamagi vevaovoani.Apuana garo maparari eve vaovorana waveairiamo.Aunilimalima maauna thaona valavuna na pene vaia.6Riai garo evageleani; Palau gena evageleani;egani gani nia auna ia Palau gavunai egani ganinia.Nee gani ganinia auna,ia Palau gavunai ganiganina eveala vagini;ia maina Palau vevanama eveniani.7Au apua alimaparai ia geregana maauna gena peene mauli,e apua maauna geregana gena peene warega.8Repana ia amaulinia,ia velegaua gena amaulinia,e pene ia pewarega ia Velegaua gena pewarega.Pe lewana ia amaulinia pa pe warega ia Velegaua gena.9Gauri pakurai Keriso ewaregao e emauliwaio,pe iana egau lualua pene vele agiri gewaregao auri e rogemaulini auri.10Namu goi,wa raagauna goi wala avamu ova aithoriani? E goi, raagauna goi wala avamu ovaraavani? Repana ia maparari Palau gena vevaithori aluauna vilanai peverua rage.11Repana evealo auo,'' Thau amaulinia,'' Velegaua neinia,'' ui maparari thau vilakuai pige mi uiali,e matha maparari Palau elenai pige veilagi rai.''12Thaonai ia apuri apuri Palau vilanai pe thori rai.13Wagauri pakurai,ia maauavari piana veva aithori,namu iana eveaina pe uamagia,mauliai vevalou gauri pa vegurugu vailiari wala ava vilari piana ole kanakanari.14Thau ripaku thau Keriso thaonai avepuunia,gau waua geregana ia nori vethaleva.Ia mo geregana na egauri maparari eilagirana nori vethaleva,namu ia elenai ila nori vethaleva.15Pene ganigani pakurai goi wala avamu ova viviani,goi nori ulamagiai omaulinia.Ganigani galamarai pigono vevaraava apuna vagi Keriso ewarega.16Gaurai pigono uamagi nama gauri thaorana raava pigo thori agia.17Repana Palau gena basileia ia nori ganigani e nalu kapuna,namu ia alathakwa thakwa,maino, e verele veaa palauna thaonai.18Riai ethara parai Keriso eala veniani ia Palauna egapi rageani e aunilimalima na geva auna auna nia.19Gaurai,maino gauri pe vevailiga agiria e maavairi pevailigari rinaari thaorai pevepuu gaua gaua.20Ganigani galama rai Palau gena ulavunu pigono varaavara.Gau maparari na vethaleva,namu ia nori nama pene auana gau waua eganiani gauna na apua eva galama nia.21Nama vagi virogo noai gogani nia e wine noai goniunia,pa magau vairi gaurana thaovi vi eva wala rana veau ava thaorai.22Veva auna auna orogoao,pono rogoa goi e Palau ivua paramuiai.Maauna nee veva raavani,eva auna auna nia auna ia enamani.23Aovo aovo auna ia nori gelegele pene ia eganigani nia,repana nori veva auna auna thaona na.Pene gau waua nori veva auna auna(faith) thaona na waia wara galama.
Chapter 15

1Evana ia riairi mailigari auri moira auri geria moira thaorai perua oa,namu nori ia maauri peva vereleri.2Ia apuri apuri epiri auri pe vaverele ri repana wa nama,waveainai ia pe vailiga.3Repana Keriso maauna nee vanamatha.Namu ovo ovonai eve alo auo veaina, '' Geva raava muio veva raavana thau thaakuai emi eo auo.'' 4Alo alo geve alo reparepao gauri wara ia gera giu,tharapara rai aoma e thori veaa ri vevailiga rai ia veraramani pe rawalia.5Evana maino e vevailiga Palauna na eva gaua muini valavu mui apunaimo pige mia maau avamui thaomuiai Keriso na eririwani gelegelenai.6Ethara parai pene ulavunu agia pe,valavu apunai goi muru apunai,Palau e ia gera vele Iesu Keriso amana pigo varagea.7Wagauri pakurai maau avamui igo verawali,Keriso na mai erawalimuio,Palau vevaragenai.8Keriso ia peritome unagina ethoa agiao Palau gena thori auna auna gavunai,ia amari ilagavu evenirao va auna auna ri ularana,9e avapaa (Gentiles) auri Palau pige varagea gena venuavi pakunai.Eve alo auo,''Gaurai thauna goi ana varagemu avapaa (Gentiles) auri arava rai e goi tharamu ana mari varagea.''10Mae thori waini neinia,''Igo verele,mui avapaa(Gentiles) aumui gena aunilimalima ila.'' 11Mae thori waini,'' Palau evaragea,mui avapaa(Gentiles) maparamuina; aunilimalima mapararana evaragea.''12Veaina mo Isaiah neiwao,'' Jesse lamuna pene veamai,ia pene laai avapaa(Gentiles) auri pene vele agiri; ia thaonai avapaa (Gentiles) auri veraramani pige rawalia.''13Evana veraramani Palauna na verelena e maino na pene vavonu mui gemi veva auna auna pakurai,pe veaa palauna iavunai veraramani pigo vaia.14Wala avaku thau maauku maina muina, pogo vuiniku.Thau pami ripa mui namana pogo vonu vonu rage,e thaonekana pogo vonu.Thau paripa mui maaumui mai mapigo vevailiga ripa.15Namu thauna aloalo avakamuani elemuiai gau vairai,mapana vaneka waimui,repana Palauna vewaa evenikuo pakunai.16Eve veni wara thau Keriso Iesu gena unagi auna eukuo avapaa (Gentiles) auri geria,Palau gena vali namana gena rupu velena kamunai,pe avapaa(Gentiles) auri geria veveni pene gapi rageri,veaa palauna na pene vaiavuiri.17Iesu Keriso thaonai maganinai thau pana vevaoloa geku ulavunuai Palau gena ulavunuai.18Thau magau waua thorina paana ilagia namu Keriso na thaokuai eoleao gauna avapaa (Gentiles) auri geria karo veamonagi ulana na.Egau ilathoriai e ala laiwalaiwai gewalani,19vailia e iaia irauri iavuri veaa palauna iavunai.Eolema Jerusalema na pene thao Illyricum ikanai,Keriso valina namana pana thao agi laiwa laiwa pana vagugulua.20Eveainai,thau ririwaku pemia wara vali namana pana wapaa agia,namu nori Keriso tharana geripathao avarai,orina maau apua gagena kapurai moira averawaliani.21Eve alo auo:'' Noai geala maavu veniani evamaini auna pige iatha,noai geamonagio ila pige uamagi ripa.''22Gauri pakurai elemuiai ana veamai naiwai namu lourage iavogo arawaliao.23Namu evanamona,ekapuai thau noai avani thaoku,ave aoleani rigolo vogo aririwani elemuiai para wai kwara.24Ave raramani nia pana iamui Spain thoa veninai nana pana wai vanagi thaonai e pigo vaavaku geku thoa laiwa laiwai nanai,gemi veauava pana wai verele agia velova upaupanai.25Namu thau evanamona athaoni Jerusalemai Palau gena veaa aunilimalima ri geria vevaava gauri athao agirana.26Macedonia e Achaia geria veva nama,geria veveni pege oleria lealea auri Palau gena veaa auri arava rai gemaulini Jerusalemai geria.27Unamu,wa ila geria verele gauna,veveni gauri ila geria.Pene avapaa(Gentiles) auri veaa palauna thaonai gauri geve ware veveni agirao neni,aunipara gaurai Jews na pige vairi repana ulavunu pakunai.28Gaurai,eulavunu maparana pana vagavu vagia e pana ripa maina geria veveni gauri pige rawaliaria,Thau Spain pana thoa venia avanai pana mi thoa iamui.29Thau ripaku thau pana veamai thaonai Keriso gena veva nama guguluna pana veamai agia.30Wala avakuo,thauna mui apuumuini gera vele Iesu Keriso thaonai e veaa palauna gena ulamagiai,evewalavi koukou thau ria veni vuavuai Palau elenai thau pakukuai.31Pigo veni vuavua pe,Judeai karoverave auri thaorana thau pige lauaku e thau geku ulavunu Jerusalemai Palau gena veaa aunilimalima rana pige gapi ragea.32Pigo veni vuavua pe, elemuiai verele ai pana veamai Palau gena ririwai,e mui elemui pikapika pana rawali.33Palau gena maino maparamui thaamuiai pene mia.Amen.
Chapter 16

1Phoebe ia gaari vavinena,pigo valavua ia Cenchrea rupunai veunagi vavineana,2velegaua tharanai pigo gaoi ragea.Epigo ala iwa Palau gena aunilimalima veaari elerai e veva ava eririwani thaonai pigo vaavara,repana aunilimalima vogo vagi peva avari e thau maina maeva vakuo.3Priscilla e Aquila pigo gapi rageria ila Keriso gena ulavunuai gaulavunu koukouni auri,4thau pakukuai geria mauli geve veni agiri.Thauna ila ava namarana e nori thaunamo,namu avapaa(Gentiles) rupuri maparari.5Geria numa rupuri pigo vanamari.Epaenetus geku ulamagi auna pigo vanama,Asia thaona na vuavua reparepana Keriso egapi rageao.6Mary pigo vanamatha,mui pakumuiai eve walavi gaua vagio.7Andronicus e Junias thau wala avaku e gatipura koukou ole.Ila apostolo aurana geripa raava rao,Keriso ilana geripa kunea,thau akapi.8Ampliatus pigo vanama geku ulamagi melona Velegaua thaonai.9Urbanus pigo vanamatha,Keriso thaonai ga ulavunu koukouo,e Stachys geku ulamagi melona.10Apelles maina,Keriso thaonai evegapi laaio.Aristobulus gena numa auri maparari pigo vanama ri.11Herodion thau geku numa auna pigo vanamatha.Narcissus gena numa auri thau geku vevanama pigo veniria ila Palau thaonai gemaulinia auri.12Tryphaena e Tryphosa vevanama pigo veniria,ila velegaua gena geulavunu gaua vagini.Persis maina,ia mai eulamagi gauavagio velegaua pakunai.13Rufus thau geku vevanama pigo venia velegaua na ia e thau inaku evirigi rao.vevanama pigo veniri,Asyncritus,Phlegon,Hermes,Patrobas,Hermas,e wala ava ila ria geulavunu koukounia mapararia ila.15Philologus,Julia,Nereus magaana,e Olympas e Palau gena aunilimalima veaari maparari ila ria gekoukounia maina.16Maauavamui veaa veponana nai pigo vevanama.Keriso na rupu mapara rana gemi vevanama evenimuini.17Evana thau na mui availiga muini,vewala waila pigo uamagiri,veware geva walaa ni auri e rupu gena ravuravu geva louani auri.Muina goripathao gauna ilana geva irauani.Ila elerana pigo thoa gerevagi.18Eaunilimalima veairi ila nori Iesu velegaua gena geulavununia,namu ila garia inage gauri geavunia.Geria thori mamiri nanamarai noai geria kepi auri thaori geole learana.19Vagele gele eia mui gemi vegapiragena ainilimalima maparana perawali alua.Gauri pakurai thauna mui averele agimuini,namu thau aririwani mui pigo uamagi thaoneka pe nama,noai kepimui satani elenai pigo alu.20Palau ia maino palauna satani mui gagemui reparai pene mi laa kirakira.Iesu Keriso gena veuga thaamuiai pene mia.
22Thau e Tertius ealoalo paga aloa mui gava nama muinia,velegaua tharanai.23Thau evairageku auna,Gaius e rupu auri mapara rana geva nama muinia.Taoni monina au iamaana (treasurer) Erastus eva namamuinia e Quartus wala avana maina.26namu evanamo pemi magaai peroveta thoriri thaorana pege ripatha alimapara mapara rana,mauli vanagi vanagi Palauna gena rovai,repana eolemana vegapi rage veva aunaaunai pene veamai agia.27Thaoneka Palauna apuna vagi,Iesu Keriso thaona na pigo vewaa vanagi vanagi.Amen.

1 Corinthians

Chapter 1

1Thau Paulo,Iesu Keriso na egogokuo ia gena veunagi auna Palau gena ririwai,e ia wala avari Sosthenes,2Palau gena rupu Korento ai aumui gemi,riairi gove vavailivu waio Keriso thaonai e egogomuio veaa aunilimalima mui,e kapu irauirauai goaluni Iesu Keriso tharana govarageani,gemi vele e thai gemai vele.3Palau ia amari e Velegaua Iesu Keriso geria veuga e maino thaamuiai pene mia.4Thau geku Palau ava nama vanagi vanagiani mui gemi, repana waveuga Iesu Keriso na mui evenimuio pakunai.5Mauli olemari irauirau thaorai evarinaa muio,thoriai,thaoneka maparari thaorai,6Vagele gelena Keriso valavu thao agina,thorina auna auna mui aravamuiai.7Gaurai Veaa Palauna gena veveni thaorai mui noai go rapuni,mui ipo gove thalonia mo ia gera vele Iesu Keriso gena vevamagai.8Iana mai mui pene vailigamui pene thao ikanai,pe Iesu Keriso gena garo pene kwara garoanai mui noai kepikepi muivagi.9Palau ia veva auna auna gugulu Palauna,iana mui egogomuio ia nauna Iesu Keriso gena koukou thaonai.10Evana walaavaku,thauna mui apuumuini Iesu Keriso tharanai,maparamui pigo thori koukou nuanua muiai veware peene mia.Thauna mui availa muini pigo koukou valavu apunai mo e koukou ganina apunamo.11Veawala,Thau pege vaila vethalevaku,Chloe gena aunilimalima na mui aravamuiai veware emiao.12Thauna egau ailagiani:vaimui nogoinia,'' Thau Paulo goi,'' pa '' Thau Apollos, '' pa ''Thau Cephas goi,pa Thau Keriso goi.'' 13Keriso eve ware avaluao pa? Paulo mui pakumuiai eve satauro ole pa? Mui Paulo tharanai ge papasito muio pa?14Thauna Palau avanama ni mui apua thauna naa papasito ao,Crispus e Gaius mo thauna apapasito rao.15Ethakwana repana auapua peene iwa mui thau tharakuai gepapasito muio.16( Thauna Stephanas gena numa auri apapasito rao.Wathaorai thauna mavairi manaa uamagirana.)17Keriso na thau euukuo nori pana vepapasito,namu thau vali namana pana wapaa agia-nori thori thaonekai,pe orina Keriso gena satauro iavuna nee velavugaani.18Gewaregani auri elerai satauro valina pe,awa awa.Namu ila thaorai Palauna evamaulirana auri,wape Palau iavuna.19Repana evealo auo,'' Thaoneka auri geria thaoneka pana lovori.Thauna geilagi rana iwavagi auri uamagi ulu pana ala veviliria.''20Thaoneka auri ariai? Geve thaoneka iwavagoi auri ariai? Ealimapara ilavevauuna ealani auna ariai?Palauna ealimapara gena thaoneka nee vamakeao awa awai pa? 21Alimapara gena thaoneka pakunai Palau nee ripatha,iana Palau evavereleao awa awa thaona na geve vauna aunao auri vali namana gewapaa venirao.22Jew aunilimalima ri vevakalilea vailiari geavuo e Greek thaoneka geavuo.23Namu thaina Keriso gesatauro ao ga wapaa agiao,gauna na Jew geve lourageo,e Greek geawa awao.24Namu riairi Palauna egogorao,Jew e Greek Keriso thaina ga wapaa agiao ia iavu e thaoneka.25Aunilimalima gena thaoneka wara Palau gena awa awana eiwani,Palau gena moirana aunilimalima gena iliga eiwani.26Walaavaku gemi gogo igo iatha.Nori mui maparamui aunipara thaonekanai go thaonekao.Nori maparamui goiavu iwavagio.Nori maparamui gowala nama vagio.27Namu Palauna awa awa gauri everigirao alimaparai gaurana thaoneka auri eva opi matha rao.Palauna moira gauri alimaparai evirigithao gaurana iliga gauri eva opi matha rao.28Palauna alimaparai verivo vagi gauri thaainai eolerao.Iana mai noai ganiri gauri thaorana maganiri gauri evamagairao.29Eolema evamagaiao pe auapua ealimaparai ia vilanai peene vevaoloa.30Repana Palauna eolema eva walao,evana mui Keriso Iesu thaonai,Palau gena thaoneka ia elerai eveamai agiao.Keriso ia gera thakwa thakwa,veaa maulina,e vevamauli.31Ganina emi magaini,puka veaana na eilagiani,'' Vevaoloa auna pene vevaoloa,Velegaua thaonai pono vevaoloa.''
Chapter 2

2Mui thaomuiai awai alu thaonai,thau naa rirwao gau waua pana ripatha,namu thauna aripao gauna wara Iesu Keriso, e ge satauro ao.3Thau mui elemuiai awai aluo moira thaonai,kaliai,e manukeku.4E thau geku thori e ailagirawai thoriri nori thaoneka thori rai ave vagala galawai.Namu,Veaa Palauna e gena iavu avamagaiawai,5pe mui gemi veva auna auna nori ainilimalima geria thaoneka thaonai pene mia,namu Palau iavuna thaonai pene mia.6Evanamona nuaniola thaorai thaonekai athori thorini,namu nori ealimapara gena thaonekai,o elaganiai geve vaini auri geria thaoneka,repana auri mapige warega.7Namu iana Palau gena thaoneka athoriani,auna auna vevunina,thaoneka vevunina Palauna ia roai awala thaonai evamagaia gauna.8Elaganiai geve vaini aurana noai geuamagi ripani,repana ere ilana gere uamagi ripathao vewaa velena igere satauro ao.9Namu evealo auo gelegele nai, '' apuana nee iatha,ega apuana nee amonagia,auapua thaona na nee uamagia Palauna raaga peala maavua Palau geulamagiani auri geria''-10Palau na egau evamagairao ia elerai Veaa Palauna thaona na.Repana Veaa Palauna ia eavuavuni gau mapararai,lewana Palau gena gau rorpuria mai.11Aunilimalima thaona riaina eripathani,aunlimalima Palau thaonai ealuni auna mo eripathani? Pe gaurai Palau thaona ropuna e vevunina auana nee ripani Palau palauna namo eripathani.12Namu iana nori alimaparana palauna arawaliao namu Palau palauna,pe Palauna gau mathavuri evenirana gauri peripari.13Iana athori agirana thoriai gauri nori aunilimalima gena thaonekai vevaripari ave varipa agirana namu Veaa Palauna, gena vevaripai palau gauri palau aunilimalimari elerai.14Veaa Palauna thaonai nee maulini auna ia Palau palauna elenai gemiani gauri peene rawaliri,repana ia elenai noai ganiri.Iana peene ripari repana ila palauaimo mamilagiri geripa rana.15Veaa Palauna thaonai emaulini auna ia gau maparari evaai vevaovorana,namu iana valu mavairi peene vaaithori ri.16'' Pe riaina Palau valavuna eriparana,pe pene vaila veaina pene Palau pene ala au?'' Namu Palau valavuna pe ia elerai.
Chapter 3

1Vewala thauna,mui nori palauai ana thori venimui,namu aunilimalimai ana thori venimui,melo kimukimuri veaimui Keriso thaonai.2Thauna mui milukai aupumui,nori ganigani gauagaua rai,repana muina pigono gapi ripatha; evanamona maina mui roai goiliga.3Mui aunilimalimai roera. Repana mui thaomuiai vemaau e velivu gemiao,mui nori aunipara gena ririwai gomaulini,e nori aunilimalima olemanai gothoani pa? 4Pene apua neinia,'' Thau Paulo mulina,'' e apua neinia, ''Thau Apollos mulinai,'' mui nori aunilimalima pa? Apollos riai? Paulo riai? Veunagi auri muina gova auna auna rana, ila Velegaua na geria ulavunu maari apuri apuri evenirao.6Thau avaro varo e Apollos na naluna na eva naluri, namu Palauna eva kalari.7Gaurai varovaro auna pa nalu auveni ila piana thori ri.Namu Palau valu pe repana iana evakala rana gaurai.8Varovaro auna nalu auveni ila apuna,ila voiri geria ulavunu gelegelerai pene veveni auri.9Repana ia Palau gena ulavunu auri.Mui Palau gena iulakapu, Palauna eva rualaaiani.10Numa auvarua laaina aripa gauavagiao auku,Palau gena veuga gelegelenai Thauna rugu athava aliao gauna thaanai maauapuana numa ealani.numa varuavaruanai ulavunu auri apuri apuri pige ala maaneka.11Auana marugu apua peene thava, erugu everava kuneo thaanai,ruguna wara Iesu Keriso.12Pene auapua rugu thaanai gold ai,silver,vau vewaa vewaa ri,lao,pa straw,13ia gena ulavunu ganina pene magai,repana maalaganina pene vamagaia.Ia alovai pene ve magai.Alovana ila apuri apuri geria ulavunu raaveaina pene vamagairia.14Pene auapua gena ulavunu emia kikimagini ia voina pene rawalia;15Namu pene apua gena ulavunu nee mia raurauni,ia gena rinaa pene rakwari,namu ia valu maauna vevamauli pene rawalia,no alova thaona na pene ulemauli.16Goi maripamu goi Palau gena rupu e Palau palauna goi thaomuai ealuni? 17Pene auapuana Palau gena rupu pene lovoa,Palauna aunilimalima na maina mauliai pene vagavu vagia.Repana Palau gena veaa mui mai veaina mo.18Au apua maauna peene vevaraava.Pene auapua thaomuiai elaganiai euamagini ia thaoneka vagi,pigo kaliwania pene ''awa awa'' pe pene thaoneka.19Repana ealimapara gena thaoneka wara Palau elenai awa awa.Eve alo auo,'' Thaoneka auri ila geria karoveraveai evakalilearana.''
21Egauri pakurai,aunilimalima apua peene vevaoloa.Gau maparari mui gemi,22Lewana Paulo,o Apollos,o Cephas o alimapara,o mauli,o warega egaroa gauri,o rogo pige veamai gauri.Gau maparari mui gemi,23e mui Keriso e Keriso wara gaana Palau.
Chapter 4

1Keriso gena veunagi aumai e Palau riparipana vevunina veiamaana aumai aunilimalima na thai eveaina pige uamagi venimai.2Veala veni auna ia mave raramani agina auna.3Namu,thau valu pe pigono uamagi kamukamuku,thau muina pigo vaaithoriku pa alimapara kotarai pigo vaaithoriku.Thau maauku mai naa vaaithorikuni.4Thau na naa uamagi rawaliani thau kepi apua avawalao,namu nori waganina thau noai geku kepi.Thau Velegaua na pene vaaithoriku.5Gauri pakurai vevaaithori thorina waua pigono ilagia ora ree kwara thaonai,kapinai Velegaua pene veamai. Muuna gena vevuni gauri pene vamagairia e kutou ganina auna auna na pene vamagaia.Thaonai aunilimalima apuri apuri geria vevanama Palau elena na pige rawaliri.6Evanamona,Vewala mui pakumuiai erova thauna aoleao thau e Apollos elemaiai,pe thai elemaina ethori ganina pigo ripatha, '' Evealo ole gauna thaana na poono vanagi.'' Mui pigono veole lea pakurai, gaurai mui apuamo genana na pigo thao.7Mui maauavamui thaomuiai gemi irau riina eiathani? Gova miarao gauri raa noai gorawali iwari? Pene goina orawaliao gauna wa raagauna ovevaoloani nono rawalia veaina?8Rauvagi gemi ririwa gauri elemuiai gauria nara.Rauvagi mui pogo verinaa.Mui igo vele goalani-nori thai veaimai.Thau geku ririwa thaonai pigo vele, pe muiria paara vele koukou.9Thau geku uamagi thaonai Palau na thai veunagi aurai eole maio no thaupa thaupa veaimai kapikapi ai elaganiai pemi olemai no aunilimalima veaina warega peuvenimai.Thai ealimapara maana-aneru elerai,e aunilimalima elerai.10Keriso pakunai thai awa awa,namu mui thaoneka Keriso thaonai.Thai moira aumai, namu mui mailigamui.Mui gematha lagimuini,namu thai noai gematha lagimaini.11Eora thaonai thai thakana e maluvuna pevagimai,noai gdemai rapua,auniparai wari iavuri gavuani e noai gemai varepa ali avari.12Thai gaulavunu gaua vagini,maaumai imamaiai gaulavunu nia.Nama iari garawalirana avanai, gave vanamani.Geva raava maini avarai, ipo gagaua gauani.13Geilagi raava raava maini avarai mainoai gathorini.Alimapara na thai erua vagimaini e gau raraavari maparari elemaiai evawala rana.14Ethori thauna paalori nori mui pana vamathamui,namu pana ole vathakwamui nauku ulamagi.15Lewana, pene Keriso thaonai mui au iamamui thagana kapanana mui amamui nori vogovogo.Thau mui amamui Keriso thaonai vali namana thaona na.16Gaurai thauna mui apuumuini thau pigo mauli ovo ovoku.17Gaurai thauna Timothy auao,thau geku ulamagi e veva auna auna gugulu melona Velegaua thaonai.Thau olemaku Keriso thaonai, iana mui pene varamui gauna avevaripa agiani kapu mapararai e rupu thaorai.18Evana mui vaimui goparuo,goalani olemana thau mui elemuiai no paana veamai.19Namu thau nori raurau elemuiai pana kwara,pene Palau gena ririwa.Avanai thauna ekaroverave auri, nori thorirai pana thori namu ila geria iavu pana iatha.20Palau gena Basileia nori thoriai eepiauni,namu ia iavuai.21Mui raaga goririwani? Thau matokiku pana veamai pa ulamagai e vethaonama palauna pana veamai agia?
Chapter 5

1Thai vali apua gami amonagiao mui thaomuiai maaporaga ewalani, emaaporaga olemana apuna vevaavua thaorai peene wala ripa : Au apua amana garawana egarawani.2Mui awa awa auna auna.Mui pogoro agi nama pa? Mui thaomuina eveaina gealani auri pigo alavagiri.3Lewana thau noai au auniparai,thau palauai aukunara.Eala eala agiao auna rau vagi gena veva aithori pauua,nanai ara aluo veaina enana pauua.4Ia gera Vele Iesu tharanai gokoukouni thaonai thau muiria palauai, e ia gera Vele Iesu Keriso iavuna wara gauna nara,5eau pigo ole vanagia Satani elenai repana aunipara eala raavani pakunai,pe velegaua gena garoai ia palauna verauleai vevamauli pene rawalia.6Mui gemi vevaoloa wara nori nama.Mui nori ripamui yeast kirikiri iana na parawa maguguluna ene mauliagia.7E yeast kuinena thaona na igo vealathaleva pe mui parawa valivuna pigo mia,pe mui parawa noai mulamulana pigo mia. Repana Keriso, ia gera paseka mamoena eve satauro ole.8Gaurai evelewa iana everele agia,nori yeast kuinena ria,gauna gena ala raraava e gena moira moira kamu vagi.Ia everele parawa noai mulamulana ria, parawana ia auna e mave raramanina.9Thauna mui aalo venimuio maaporaga auria ila pigono koukou.
11Namu evana thauna mui aalo venimuini go gogoani wala avamu,namu ia maaporaga maulinai emaulini,ia augaua auna,kaivakuku eai rupualiveni rana,thoriai muruna nee iamaathani,o ia niuniu auna,o ravu awa awa auna.Eaunilimalima veairia ila pigono ganigani kou.12Rupu kerunai gealuni auri thauna raa ava aithori iwarana? Pe wa raagauna eveairi auri rupu thaonai noai gova aithori rana? 13Namu Palauna gau kerunai gealuni auri eva aithori rana.'' Diabolo auri mui thaomuina pigo alavagiri.''
Chapter 6

1Pene mui apua maauavamu goilavevauu ni,thaonai mui gothoani kotai,nee veva auna auna ni veva aithorini auna vilanai pa,gothaoni Palau gena veaa aunilimalima ri vilarai? 2Mui nori ripamui Palau gena aunilimalima veaa rana alimapara pige veva aithoria? Pene muina alimapara pigo veva aithoria,raagauna egau kimukimuri noai go olevathakwa rana?3Mui nori ripamui iana Aneru mape vaaithori ria? Pe iana vaga vira mauliai kepi gewalani avaaithori rana?4Pene muina mauliai eve vaaithori veari mauliai goalarana,raagauna rupu thaonai noai thararia auri elerai eolema veairi gova walarana? 5Ethori ailagiani repana mui pana vamatha mui.Mui aravamuiai thaoneka auna apua noai au pe vewala ava thaorai ilaveva u pigono thori vanamari? Namu apuana wala avana kotai eoleani,thaonai eolema vevaavua auri vilarai govala agiani.7Waganina wara rovai maauava mui gove vaathorini mui rauvagi elemuiai moira ethoa oani.Wa raagauna kepi iavuna pigono vuatha? Wa raagauna maaumui pigono vewapa? 8Namu mui maaumui gokepini e gowapani thaonai mui walaavamui elerai eala goala agirana.9Mui roai goripa nori ala thakwa thakwa auna na Palauna Basileia peene vaia? Wapa pigono va auna auna ri.Maaporaga,kaivakuku airupuali veniri auri,vewapa lema auri,maluane gemaaporagani,maluane maavari aunipara geve ripani,
11Mui vaimui waveaimui.Namu mui govethalevao,gove vavalivuwaio,Palau vilanai gove ole vathakwao Iesu Keriso tharanai e Palau palauna thaonai.12'' Gau maparari thau elekuai marovari,'' namu nori maparari mageria nama.'' Gau maparari thau elekuai wara,''namu ila apuana thau peene vele agiku.13Ganigani wara inage gena,inage wara ganigani gena,'' namu Palauna ila lualua nee oru rana.Aunipara Palauna ealao nori maaporaga pakunai.Namu aunipara pe Palau gena, e Palauna aunipara gana pene avu.14Palauna Velegaua evalaaiao pe iana mai ia pene valaairi ia gena iavuai.15Mui roai goripa mui auniparamui wara Keriso auavana? Thauna Keriso auavana apua mapara touvagia maaporaga auna apua elenai mapara vevagara aua? Peene wala ripa.16Mui roai goripa pene riau maaporaga vavinena ria gegeno kounia thaonai ia vavinena ria auniparai geapunania. Palauna thorina eilagiao,'' Auri lualua ila auniparai pige apuna.''17Namu riai Velegau elenai egara auni auna ia palau ai geapunani Velegaua goi.18Maaporaga mauliri elerana pigo thoa gerevagi.Aunilimalima na magalama vairi ealarana ia aunipara kerunai,namu maaporagai ia maauna auniparana elenai egalamani.19Mui roai goripa mui auniparamui wara Veaa Palauna gena rupu,goi thaomuai ealuni,goi na ovaiao Palau elena na? Mui roai goripa goi nori maaumu gemu? 20Goi voi apuna na evoimuo.Gauri pakurai Palau pigo varagea ma auniparamuina e ma palau muina,gauna Palau gena.
Chapter 7

1Evana muina thori vairi goalothao: ''Ia nama maluane apuana vavine peene napa aunagia.'' 2Namu repana vealaovo e olema vairi ia raraava pakurai,maluane ia garawana apua pene gapia,e vavine ia garawana maluane apua pene gapia.3Maluane na ia garawana vavinena geno kou iavuna pene venia, e veaina mo vavinena na maluane ma pene venia.4Vegarawa thaonai vavine na maauna auniparana rovana peene alatha maluane na elenai,iavu maluane elenai pene mia.Veaina mo maluane auniparana vavine elenai rovana peene alatha,namu vavine magena iavu mai.5Maaumui pigono vevaraava,namu thori koukouai e velova pigo veveni.Eveaina pigo ala pe gemi ora kamuna veni vuavuai pigo olea.Thaonai mapigo mikoukou wai,pe Satani na mui peene ala ovomui repana maaumui vaigauna noai iligana.6Namu thauna ethori ailagirana enori mavoina e nori rova apua.7Auamagini thaonai mui thau veaiku goro aluo.Namu ia apuri apuri Palauna gera taleni apuriapuri evenirao.Apua etaleni vaaina,e waia wavaai evenirao.8Roai geve garawa e wapu elerai thau naini ia nama ila pigene vegarawa, thau veaiku.9Namu pene ila elerai vaigaua noai gau neni, ila pige vegarawa.Pige vegarawa wara nama vagi repana thaovi vina evagirana.Evana vegarawa auri elerai erova thaina aveveni agiani-nori thauna,namu Velegauna-vegarawa vavinena ia garawana maluanena peene kaliwania 11( ia garawana maluane na pene kaliwania thaonai,ia mapeene vegarawa wai o maluanena goi pige vekapawai), ia gena vegarawa peene raava.12Namu mavairi elerai thau naini-thau, nori Velegaua-pene vewala ava apua ia garawana nori ekalesia vavinena, e gena ririwa ia kamu elenai pene alu,maluane na ia peene rua.13Pene vavine apua ia garawana nori ekalesia auna,e ia gena ririwa iakamu elenai pene alu,vavinena na maluane na peene rua.14Nori ekalesia auna ia eveole gerevagini repana garawana pakunai,e nori ekalesia vavinena ia eveole gerevagini repana vewala ava pakunai.Ma wauathai mui naumui ila nori vethaleva,namu ila geve ole gerevagini.15Namu pene nori ekalesia auna pa vavinena vegarawa thaona na eve ala vagini,pono kaliwania pene thoa.Eolema veairai vewala ava pa vegaua ilagavu rovana na nee rawaliani.Palau na ia egogothao ia maino ai pealu.16Vavine goi raa oripa iwani goi garawamu pono maulia? Pa au goi raa oripa iwani goi garawamu pono vamaulia?17Aunilimalima apuri apuri geria mauli Palauna evenirao gelegele rai pige mauli, e egogorao.Ethau geku rova rupu maparari thaorai.18Auapua mage peritomeao gegogoao pene vevauna auna? Ia nori peritome thaonai peene magai.Au apua veva auna aunai egogoao thaonai ia nori peritome? Ia peritome peene gapi.19Peritome egapio pa nee gapio na nori gau kamukamu waua. Uamagi kamuna vagi wara Palau gena rova gapi rageri.20Aunilimalima apuri apuri pige rua kikilagi geria gogoai avana na Palauna egogorao geve va auna aunao.21Goi vaalu au aumu thaonai Palau na egogomuo pa? Poono veaolea agi gaua gaua.Namu pene goi pono veluva,gauna pono gapi roanaolea.22Vaalu au auna apua pene Palauna egogoani thaonai ia Palau gena alu ailuva auna. Veainamo,aluailuva thaonai ealuo thaonai Palauna egogoao vevaauna aunai ia Keriso gena vaalu au auna.23Goi Keriso na evoimuo, pe aunilimalima na pigene vagaro onemui.24Wala avakuo,raa amauli iwa wai thaonai Keriso na egogorao, veaiveaina vagi pe mauli.25Evana noai geve garawa vagi auri, Velegaua elenai rova apua thauna naa gapiao.Namu thau geku uamagi apuna mo,velegaua gena venuaviai ia maveraramanina. 26Gauri pakurai, thau auamagini repana raava eveamaini gaurai,aaluo veaina pealu wara ipo nama iwavagi.27Goi vavine apua ogarawao pa? Vegarawa poono luvatha. Pene goi ro vegarawa, aumu poono vegarawa. 28Namu pene goi pono vegarawa, goi no galama,e pene iao apua eve garawani,ia nee galamani.Repana vegarawa auri wara ealimapara kepina vogo vagi pige rawalia,gaurai egauri thaorana thauna aole vethaleva muini.29Gaurai thau naini, walaavaku: Ora wara nori kamu.Evana pene thao,magarawari auri pigo kaliwaniri pige mauli nonoai garawari veairi.30Agi auri iaiari nonoai geaginiveaina, verele auri nonoai gevereleni veaina, voivoi auri pigo kaliwaniri iaiari gau nonoai geva kwara veaina,31e alimapara geula agiania auri pigene ala wapa,alimapara ilana ge ula agi guguluani.Repana alimapara eagaroa emiao ralemanai ia gena ikana eveamai veniani.32Thau aririwani thaonai mui valavu vi vi thaorana pigo veluva vagi.Alu gauleana auna ia velegaua gena rinaa ealu veaolea venirana pene nama gaurai.33Namu vegarawa auna ia alimapara gauri eveaolea agirana,pe ia garawana pene vanamatha gaurai-34ia veware ai emaulini. Alu gauleana pa iao ia velegaua gena rinaa gevalavu kamurana,raa pige vealu veware iwa auniparai e palauai. Namu vegarawa vavinena ia alimapara gauri evalavu kamurana,repana ia garawana maluanena pene vaverelea gaurai.35Mui gemi nama gauri pakurai thauna ethori ailagirana,nori pana vara avamui. thauna e thori thakwana ailagiani, pe Palau mulinai thoanai mui vewaunagi pigono rawali.36Pene auapua euamagini ia gena veavu elenai noai gena vemathalagi-pene ia vegarawa rigoolori pege vanagi- avanai ipo pene mia-melona gena ririwana pene vaia. Wa nori galama. Ila pige vegarawa.37Namu pene ia nua gaua auna,gauwauana peene valoua ia thaona auna auna nai eveaina pene mauli,ia gena veavu melo peene vawala, ia pene nama iwavagi.38Pe ia gena veavu pene garawa auna wara mauli namanai pene thoa,e riai vegarawa nee ririwani auna wara ia pene ve nama iwavagi.39Vegarawa vavinena ia garawana maluanena pene roana olea gealu kouni thaonai. Namu pene maluanena ewaregani thaonai,wapu pene vegarawa wai,auana peene koua namu ia ekalesia aurana pige garawa.40Thau geku valavuai ia ia ipo pere alu wara pere nama iwa vagi.E thauna auamagiani thau elekuai Palau palauna auna era.
Chapter 8

1Evana ganigani kaivakuku gevenirana: Ia maparari ripari ia mathaonekari.Thaoneka ia egavuvagini,namu ulamagi ia ekamuni.2Pene auapua euamagini ia gau wauna ripana,aunilimalimana ia gau waua nori ripana.3Namu pene au ana Palau eulamagiani,auna Palauna eripatha ni.4Pe gaurai, kaivakuku avenirana ganiganiri iana aganirana: Ia ripari kaivakuku ealimaparai wara noai gau e mapalau apua noai au, namu Palau apuna vagi.5Lewana palau vogo vagi pige ilagiri, kupai pa alimaparai( egaroa ''palau'' vogovagi e ''vele'' vogovagi),6namu ia elerai Palau wara apuna vagi, ia amari, ia elena na gau maparari geve amaio e ia gena ia amaulini, velegaua Iesu Keriso apunavagi, gaumaparari ia thaona na gemagaio,e ia thaona na ia amagaio.7Namu, ethaoneka nori aunilimalima thaorai emiao.Namu noaia, vairi kaivakuku geairupuali venirawai, e eganigani kaivakuku gevenirawai ganiganiri gegani.Ila valavuri maparari gevevili repana ia moira vagi.8Namu ganigani na ia Palau elenai ia peene vevamagai ri.Ia piana raava pene piana ganigani,o paara ganigani mapere nama.9Namu nakamu pono gaua,nori goi vevamauli orawaliao gaurai veva auna aunai emoirao auna vilamuai penewaunagi ipo pono malele agia.10Pere aunilimalima apuana goi pere iamu,thaoneka aumu,kaivakuku geria rupu thaonai oganigani ni.Enori ia gena moira valavurai gaurai kaivakuku geveni rana ganigani ri eganio pa?11Repana kaivakuku olemari goina oripa vethalevarao,moirana vagi apuna,wala avari pakunai Keriso ewaregao elovoa.12Pene goi wala avamu elerai ogalamani e geria valavu moiramoira thaorai ova raava vagirana, goi Keriso elenai ogalamani.13Gauri,pene ganigani na thau wala avaku eva waunagiao,thau miti mapaana ganiwai,pe thau wala avaku thauna mapaana vamoira waia.
Chapter 9

1Thau vevamauli raa rawalia? Thau nori Keriso gena veunagi auna pa? Mui e thau ia nori Palau gena ulavunu auri pa?2Pene mavairi elerai thau nori Keriso gena veunagi auna, gau kamuna thau ia gena veunagi auna mui elemuiai.Thau velegaua gena veunagi aunai au ilagi lovolovoku auri wara mui.3Thau geavu iaiakuni auri elerai ethori wara thau geku mali.4Ia pe ganigani e peniu riaina erovani? 5Ekalesia vavineri pe garawa riani erovani,veunagi auri veairi,e Velegaua wala avana, e Cephas?6Pa thau e Barnabas mo piga ulavunu pa?7Ri veali auna apua maauna evevavoini gena ulavunuai? Vine iula kapu apua evaroani thaonai ganina nee ganiani? O poromakau eiamarana auna laa kwara ri nee niuni pa? 8Ethori thauna ailagirana aunilimalima gena rovai pa? Rovana ethori mai nee ilagiani pa?9Moses gena rovai evealo auo,'' Poromakau eganigani ni thaonai murunai walo poono auoatha.'' Palauna poromakau euamagi roanaoleani pa?10Palauna nori ia aunilimalima eilagi rana pa? Evealoo wara ia gera evealoo,repana eluani auna ia veraramaniai pene lua,e maora laganinai eaviavini thaonai mave raramanina repana pene wareware gaurai.11Pene thaina kupa rinaari palauai gavaro rana mui thaomuiai,thaonai alimapara gauri iavogo mui elemuiai ga avuani pa?12Pene vairana mui elemuiai eala geva magaiani,pe thaiwa noai gau pa? Namu thai gau mapararai gave puuni orina Keriso valina namana evelou rageni. 13Mui roai goripa rupu thaonai geulavunu ni auri ila rupuna garia ganigani evenirana? Mui roai goripa thapaliai geulavununi auri,thapali thaanai geve veni agirana gauri ilana geware rana? 14Veaina mo, Velegauna gena rova era valinamana (gospel) geilagi lovolovoani auri ila geria mauli valinamana natha pene veniri.15Namu thau eolema veaina apua naa goloani.Nori ealoalo aaloani gaurai thau raa thawai thaonai mui pigo ala maavu.Thau para warega ma nama,namu geku vevarage auana pene ala raava.16Pene thauna vali namana awapaa agiani waraagauna thau ana vevaoloa,repana thauna eulavunu pana ulavunuagia.Thau raavaku maveugaku pene valinamana paana wapaa agia.17Pene maririwa magikuna eulavunu pana alatha thau mavoiku. Namu pene noai thau evenikuo ulavununa raa vagavu vagia.18Pe, thau voiku raagau? Thau awapaani thaonai valinamana voina thauna naa avuani,gaurai thau geku thakwa gospel ai pigono varegatha.19Thau aunilimalima maparari elerana athoa maulio,thau veunagi auku ila maparari geria pe aunilimalima vogo pana vuinia.20Jews elerai thau Jew veairi avawario,repana Jew pana vuiniri gaurai.Rova kapulenai gealuni auri,thau rova kapulenai auri veari avawario, pe ila vogona pana vuiniri.Eolema thauna avamagaiao lewana thau nori rova kapulenai amaulini.21Waila rova mulinai gemaulini auri,thau avawario no rova mulina auna veaina,lewana thau nori Palau gena rova mulinai,namu thau Keriso gena rova kapulenai.Eolema avamagaiao pe rova kerunai gealini auri pana vuiniri.22Moira auri elerai thau amoirao,pe moira auri pana vuiniri.Thau gau mapararai athoa oao,pe vairi pana vamauliri.23Vali namana pakunai gau maparari aulavunu agirao,pe gena vevanama thaorai pana thoa oa.24Mui roai goripa ravu vegalai ravu auri maparari eravuai ila geravuni,namu vuini auna apuna vagi? Pe pono ravu voimu pono gapia.25Ravu auri ila gaumaparari thaorai vaila vaila nori ripari.Ila eveairi gemaulini pe ilana voi pige gapia gauna mapena gavuvagi,namu iana aulavunu agiani voina peene ika gauna.26Wagauri pakurai thauna ravu nori noai ganina pa imaku ipo avarapa awa awa rana.27Namu thau auniparaku aolealiani vaalu auna veaiku,pe mavairi awapaa venirana thau maauku paana verapu mauliai.
Chapter 10

1Thau aririwani thaonai mui pigo ripa,wala avaku,ia amari maparari ila iloa kapulerai e rawaparana gevanagi.2Moses thaonai geve papasito oao iloa e rawapara thaorai,3mapararana palau ganiganina apunamo geganiao.4Mapararana palau naluna apunamo geniuao.Palau vauna thaona na nalu geniuao vauna na ila ethoa giugiurao,wa vau wara Keriso.5Ila vogona elerai Palau nee vereleo,kapuleanai auniparari ava ipo gemao mao agiao.6Egau iana peiari thaonai vaagelegele ikavagina ia gera,ila geria alaraava alari iana piana ala agiri.7Kaivakuku airupu aliveniri maulina piana ripatha,ila vairi gealawai veaina.Eve alo auo veaina,''Aunilimalima gealu aliwai ge ganiwai e geniuwai,ila gelaaiwai geulaulawai.'' 8Maaporaga maulina piana mauli agia,ila vogovagi gealawai veaina.Garoapuna thaonai,aunilimalima maparari thagana kapana lualua,oioi gewarega wai, repana eveaina gemauli wai gaurai.9Keriso geala ovoao, ila vogovagi gelema na evagirawai.10Pigono munemune,ila vogovagi gemune muneo warega aneruna na evagirao.11Egau gewala ila elerai,egaroa ia gera vaagelegele.Gevealo ole ia evariparana-ia gera repana ia gera garo ikari pege kwara.12Gaurai riai euamagini ia mailigana pene ala maaneka pe ia peene eo.13Vealaovo apuana mui peene vagimui repana aunilimalima maparari elerai nee walani gauna.Namu, Palau ia amonagi gugulu Palauna.Muina pigono vawai ripari vealaovorai peene alaovomui.Wa vealaovo thaorai pigo ulemauli tharapararia mai pene varipamui,pe mui pigo iliga.14Gaurai, geku ulamagi aumui,kaivakuku elerana pigo ule gerevagi.15Mui mathaoneka mui aunilimalimari availamuini pe thau geku thori pigo vevaovori.16Vevanama kaputina iana gava namathani,wa nori Keriso lalana ave ware veveni agiani pa? Parawa iana aala avaluani,wa nori Keriso auniparana iana ave ware veveni agiani pa? 17Repana parawa apuna,ia auri vogovagi ia aunipara apuna.Iana parawa apuna thaona na iari iari atou vagini.18Israel aunilimalimari igo iari.Ila nori thapali thanai veveni gauri geganirao auri? Thauna raaga ailagiani? Kaivakuku ia gau arava waua pa? Pa wa ganigani kaivakuku geveniani gauna gauwaua pa?20Thauna vevaavua (gentile) auri geria veveni gauri ailagirana,ila geria veveni gauri temoni (demons) gevenirana nori Palau geveniani.Thau naa ririwani mui temoni (demons) ria pigo ulavunu koukou.21Mui Velegaua gena kaputi e temoni(demons) geria kaputi pigono niuri.Velegaua gena patai e temoni (demons) geria patai pigono alu kou.22Pa iana Velegaua ave vamaa auani pa? Palau iligana iana aiwathani pa?23'' Gau maparari marovari,'' namu nori gau maparari magavuri. '' Gau maparari ila marovari,'' namu nori gau mapararana aunilimalima eva iligani.24Auapua maauna gena nama peene avua.Namu ia epina auna gena nama mai pene avua.25Voivoi kapurai gevoi agirana gauri ipo pono gani, noai verenagina.26Repana '' alimapara pe Palau gena, e gau maparari.'' 27Pene nori ekalesia auna apuana eririwamuni gena numai pigo gani gani,thaonai goi oririwani pono thao,eoleraiani gauna pono gania,poono verenagi eraaga pooleraia.28Namu auapuana goi pene vailamu,'' Egau thapali ai pege veveni agia,'' neni poono gania,pevaila vanekamu auna e valavu nekaneka pakurai-29ma auapua gena valavu nekaneka,thauna nori goi auamagimuni.Wa raagauna thau geku mauli ma au apuana ia gena valavuai pere thori vevaovoa? 30Pene thau ganigani mathaoku auna auna na agapiani,e maina veva namana anogi agiani, wa raagauna thau gevaila raava raavakuni?31Gaurai,muina goniuani e goganiani gauna, o muina raaga goalani,maparari pigo alari Palau vewaa nai.32Jews auri, Greek auri,o Palau gena rupu pigono thori vevawai venia.33Thau gauri mapararai aveaoleani aunilimalima maparari pana vavereleri.Thau voiku naa avuani,namu ila auri vogovagi.Thau eveaina aulavununia pe ila mauli pige rawalia.
Chapter 11

1Thau pigo rakoku,thauna Keriso arakoani veaina.2Evana thauna mui avaragemuini repana muina thau govalavu thaokuni gau mapararai.Thauna mui avaragemuini repana ia gera sene maulina avaripamuio veaiveaina gorogo kikimagiani.3Thau aririwani mui pigo ripa Keriso ia maluane geria repa,maluane ia vavine geria repa,e Palau ia Keriso gena repa.4Aua apua repana ekana gavuani thaonai, eveni vuavuani pa peroveta thori ri eilagirana ia maauna repana ne mathalagiani.5Namu pene vavine apua repana nee kanagavuani, thaonai ia eveni vuavuani pa peroveta thoari ri eilagirana ia repana nee mathalagiani. Ia veainamo noai gena irau lewana ia repana gologolo.6Pene vavine apua repana nee kanagavuani, ia vuina pene pakoti upari. Pene vavine apua mamilagina egapi raavani,vuina pene pakoti upari o pige goloa, ia pigo kaliwania repana pene kana gavua.7Maluane apua ia repana peene kanagavua,repana ia Palau iaiana e ralewana e vewaa ana. Namu vavine ia maluane vewaa ana.8Repana maluane nori vavine thaona na emane raiao, namu vavine maluane thaona na emane raiao.9Repana maluane apua vavine ulanana nee vemaneo,namu vavine maluane ulana na evemaneo.10Gauri pakurai,vavine repanai iavu vailiana evamagaiani repanai,aneru pakurai.11Noaia vagi, Velegaua thaonai,vavine ia nori gerevagi vagi maluane elena na o maluane ia gerevagi vagi vavine elena na.12Repana vavine maluane elena na eveamaini,veaina mo maluane vavine elena na eveamaini. Gau maparari Palau elena na geve amaini.13Maaumui na pigo ia vevaovoa: Vavine apua repana peene kana gavua thaonai Palau mapere veni vuavua venia pa? 14Lagani roari olemarana mui noai gevaramuini,pene maluane apua vuina ia mamawa ia mamilagina ia raraava pa?15Lagani roarana mui noai gevaramuini pene vavine apua vuina ia mamawa,wa nori ia ralemana? Ia vuina Palauna eveniao ia repana gena vekana gavu. 16 Pene apua eririwani ila vevauu egauai,ia elerai ma sene apua noai gau,o Palau gena rupu thaorai.17Namu evevaripa thaona na,thauna mui naa varagemuini.Repana mui gokoukouni thaonai,noai gonamani namu goraava vagini.18Repana ma ma nai,thau ami amonagio rupu thaonai gokoukouni thaonai, mui thaomuiai veware emiao,avaarai thauna ava auna aunani.19Waganina mui thaomuiai mai vairi gethoaraio,thaonai gogapi ragerana auri muina govagelerana.20Mui gomi thoa koukouni thaonai, muina nori Velegaua gena velewa goganiani.21Go ganigani ni thaonai, vairi gegani gani kuneni vairi gekapini.Vairi ethaka rana,vairi geniu maeni.22Mui noai gemi numa pe avarai pogoro vealuali pogoro ganigani e naluniu? Palau gena rupu e noai gauvagi auri mago varaavarana pa? Thauna mui eraaga para vailamui? Thauna mui ana varagemui pa? Eolemai thauna mui paana varagemui.23Velegaua elena na arawaliao gauna mui avenimuio,Iesu Velegaua gelewao poginai,parawa etouao.24Eva namathao mulinai, iana eala avaluao e neiwao,'' E thau auniparaku,mui gemi. Eveaina pigo ala thau pigo valavu thaoku.''25Veainamo ganigani mulinai,kaputi iana etou laaiao neiwao, '' E kaputi wara ilagavu valivuna thau lalakuai.Eveaina pigo ala,pigo niua,thau pigo valavu thaoku.''26Eparawa pigo gania,ekaputi pigo niua, Velegaua gena warega pigo ilagi lovolovoa pene thao gena velavu ulewai.27Gaurai, riairi Velegaua gena parawa geganiani e gena kaputi geniuani nori tharapara namanai,Keriso auniparana e lalana geva raavani.28Aunilimalima thaona pene avu iaia kunea,mulinai parawa pene gania e lalana pene niua.29Riai eganini e eniuni thaonai aunipara nee mamilagiani ia maauna veathori ai egani oani e eniuoani.30Gaurai mui vogovagi moira vavagi e ma vimui, e vaimui gowaregao.31Namu pene ia maauri peavu iaiari thaonai,ia va aithorina peene rawaliri.32Namu pene ia Velegauana pene va aithori ri,ia pethaoneka,pe alimaparana peene varaavari.33Gauri pakurai,wala avaku,ganiganiai gokoukouni thaonai,pigo vethalo aviavi maauavamui.34Pene apua ethakani,ia gena numai pene ganigani,pe gomi koukouni thaonai veva aithori peene wala.E magau vairi aloalo ai goilagirao gauri,thau pana veamai avanai wapana wai varipa mui.
Chapter 12

1Vewala,Veaa Palauna gena veveni avanai,Thau aririwani thaonai mui pigo ripa.2Mui ripamui roai goekalesia thaonai gevaileamuio,kaivakuku goai rupuali venirawai noai gethorini gauri,ari tharapara apunai mui gevaileamuio.3Gauri pakurai,thau aririwani mui pigo ripa,Palau palauna thaona na ethori raini auna pene ilaiwa, '' Iesu ia iaraava.'' Auapua peene ila iwa,''Iesu ia Vele,'' Veaa Palauna namo pene ilagia.4Evanamo veveni gauri irauirau, namu Palau apunamo.5Evanelia oleari irauirau,namu Velegaua apunamo; 6e ulavunu uveri irauirau,namu Palauna mo kapuri maparari thaorai eulavununia.7Ia apuri apuri Veaa Palauna vamagina evenirao voina maparari penama gelegele.8Veaa Palauna na apua pevenia valavu thaoneka thorina,e apua pevenia thaoneka thorina Veaa Palauna apuna namo.9Maapua veva aunaauna pevenia, veaa palauna na mo, e apua vi vi vevanamari palauna na mo pevenia.10Apua ala nanamari iavuna,apua peroveta iavuna palauna na mo peveniria.Apua palau pene alu mamilagiri,apua karo irauirauai pene thori,e apua karo pene vavanagi.11Eila maparari Veaa Palauna apuna na mo eva ulavunurana,aunilimalima apuri apuri evenirana evirigi rana veainai.12Gaurai aunipara apunamo namu auavana vogovagi,Keriso mai waveaina.13Veaa Palauna apunaimo papasito agapiao aunipara apunai ,lewana Jews pa Greek auri,lewana aveligo ole pa athoaraio,ia ealarao Veaa Palauna apunamo peniua.14Repana aunipara ia nori geregana ekoukouni,namu auri iavogo.15Pene gage pene ilaiwa, '' Thau nori ima pe,thau nori aunipara auavana apua,''ia nori gau kirikiri wauna auniparai.16E pene ega pene iwa,'' Repana thau nori maa,thau nori aunipara auavana apua,'' ia nori gau kirikiri waua auniparai.17Ere aunipara maparana ere maa ni,amonagi avana ariai ere miani? Ere aunipara maparana ere egao moe moe avana ariai ere miao?18Namu Palauna aunipara eole vaanamao ealoao gelegele nai.19Ere ila auavari apunamo ere alathao,aunipara ariai ere miao? 20Gaurai ila maauavari,namu aunipara apunamo.21Maa na ima peene vaila iwa,'' thauna goi naa ririwamuni.'' Veainamo repa na gage peene vaila,'' Thauna goi naa ririwamuni.'' 22Namu aunipara auavana vairi moira vavagi wara ianama,23e aunipara auavana vairi ia auamagini thaonai noai ganiri,namu iana ila ava velerana,e ia auavari noai gemagai nia vegaa vegaani auri ila geria nama kamuvagi.24Evana ia auavari gemagai vegaa vegaani auri iana piana valavu veni gauagauari,repana ila rauvagi vevavele gerawaliao. Namu Palauna maparari eva koukourana thaonai,vevavele noai gerawalini auri eva gele kamurana.25Eolema avamagaiao pe auniparai veware peene mia,veainamo koukou thaonai maauvamui naka pigovegau wa olemai.26Gaurai pene apua evi vini,auavana mapararia mai pige vi vi koukou; pa pene apua vevanama kamuna erawaliani auavana mapara rana pige verele agia koukoua.27Mui evanamona Keriso auniparana e apuri apuri eaunipara auavana.28Rupu thaonai Palauna virigi virigi ma mana ealao,reparepana veunagi auri, (apostles) vaga lualuana peroveta auri, (prophets) vaga oioinai vevaripa auri (teachers) mulinai ulavunu maiavuri auri, mulinai vi vi geva namarawai auri,veva ava auri,rupu thaonai ulavunu maari geiama rawai auri, e karo irauirau ai gethori wai auri.29Ila maparari veunagi(apostle) auri pa? Maparari peroveta mo pa? Maparari vevaripa mo auri pa? Maparari iavu ulavunuriamo gealawai pa?30Ila mapara parari vi pige vanamari talenina (gifts) evenirao pa? Ila maparari karo irauirauai gethorini talenina (gifts)evenirao pa? 31Veveni gauri (gifts) kakamuri pigo avuri.Namu thauna tharapara ikavagina vagi apuna pana varipamui.
Chapter 13

1Pene thau pana thori aunilimalima matharai pa aneru veaiku.Namu pene thau elekuai ulamagi noai gau,thau galavukumo kamu taramu ovaona veaina.2Pere thau elekuai perovet talenina gauna era thaonai auna auna e thaoneka vevuniri maparari ripaku,e thau geku veva auna auna (faith) na golo pana ala laiwa laiwari.Namu pene thau elekuai ulamagi noai gau,thau noai ganiku.3Lealea auri thau geku rinaa maparari pana veniri,thau auniparaku pige kapua.Namu pene thau elekuai ulamagi noai gau,thau gau waua paana rawalia.4Ulamagi ia aoma e ala nama.Ulamagi ia nee veva raavani e vevaoloani.Ia nori karoverave 5pa ala ulu ulu.Ia nori maauna eve uamagi veveni ni. Ia nee paru vaila vailani o ia raava nee orurana.6Ia nori alathakwa thakwai nee vereleni.Namu ia auna auna everele agiani.7Ulamagi gau maparari evagelerana,eva auna auna rana,eraramani rana,e evepuuni gau mapararai.8Ulamagi noai gena ika.Peroveta thori ri pige gavuvagi.matha maparari pige rakwauari.Thaoneka maina pene gavu vagi.9Repana ia ripari peroveta thori ri iana iariamo aripa rao.10Namu iwavagina vagi pene veamai,ovaovari gauri maparari ila pige gavu vagi.11Thau melo melokuai,thaonai thau athori lala lalawai,avalavu lala lalawai,geku ala maparari lala veaiku.Thau ami aukamuo,lala alari maparari akaliwanirao.12Namu evana ia no veia rivoai aveiani,noaia everua vila agi.Evana thau ianamo aripathao,namu thau anaripa gugulu thau go ripa gugulukuo veaina.13Namu egau wau oioi ila gemiani: veva aunaauna,veraramani, e ulamagi.Eila thaorai iwavagina vagi wara ulamagi.
Chapter 14

1Ulamagi pigo vepuu agia e veaa palauna gena veveni (gifts) gauri pigo roana oleri,pe mui mai pigo peroveta.2Riai karo irauai ethorini auna ia nori aunilimalima ethori veniani namu Palau ethori veniani.Au ana ia amonagi ripatha repana iana palauai gau vevuniri gauri eilagirana.3Namu eperovetani auna na aunilimalima evaripa rana,evailiga rana, e eva gaua rana.4Krao irauai ethorini auna ia maauna eva iligani,peroveta thorinai eva vanagiani auna na rupu eva iligani.5Thau geku ririwa thaonai mui maparamui karo irauai pogo thori.Namu pere nama iwavagi wara pogoro peroveta.Eperovetani auna iana karo irauai ethorini auna eiwani (pene thao auana pene vavanagia thaona na rupu pene vailiga).6Namu wala avaku,pene thau pana veamai thaonai karo irauai pana mi thori,thauna mui raa para vailiga iwamui? Thauna paana ala ripa,pene thao thauna mui pana thori venimui maavanagiai,thaonekai,pa peroveta thorirai pa vevaripa tharapara rai.7Pene galavu galavu gauri galavuri waregari-vagele gele kita pa ukelele-thaonai tiuni irauna apua nee thoaraini,aunilimalima raa pegere ripa iwa ekitana pa ukelele na raa tiuni geva magaiani? 8Pene veali kipina geiviliani thaonai galavuna mairau,veali auri ravaa pegere ala maavu? 9Veainamo mui elemuiai.Pene mui thori go olerana vevilivavagi,aunilimalima na goina thori ra pegere uamagi ripa iwa? Goi pono thori namu au ana goina thori pene ripatha.10Ealimaparai karo vogovagi e noai aovoaovori,ila maganiri.11Pene thau karo apua ganina nori ripaku,thori auna elenai thau wara aupolu,thau maina aupolu ia elenai.12Pe mui elemuai mai veainamo.Veaa Palauna gena ulavunu iaiana namana,ririwamui pege kamu taleni eveni muio gaurai igo iliga nogoini, rupu varua laaianai.13Pe karo irauai ethorini auna ia pene veni vuavua pe karo pene vavanagia.14Pene thau karo irauai pana veni vuavua,thau palauku pene veni vuavua,namu thau valavuku peene vua.15Thau raaga ana ala? Thau palauku ila iga veni vuavua,namu thau maina valavuku ila pana veni vuavua. Thau palauku ila piga mari,e thau maina valavuku ila mapiga mari.16Orina, pene goina Palau ovarageani ma palauna ila,thaonai mulimuli auna na ''Amen'' raa pere ilagi iwa, pene goi vevanama thorina ooleani thaonai ia nori ripana goina raaga oilagiani?17Mui gove vanamani ikavagini,namu maaunilimalima apua iliga nee rawalini.18Thau Palau avanama nia, thau karo irauai athorini veaina mui maparamui noai gothorini.19Namu rupu thaonai thau thori aiari imaima mo pana ilagiri mavairi pana varipari,thaonai thori aiari thagana kapana na mathakuai.20Wala avaku,lala valavurai pigono valavu.Namu diabolo elenai,melo kimukimuri veairi pigo mauli.Namu valavumuai pigo valavu aukamu.21Rovai evealo ole, '' Aunilimalima matha polu auri e aupolu mururi pipirai,thauna eaunilimalima pana thori veniri.Ilana maina thau pigene amonagiku,'' Velegaua neiwao.22Gaurai, matha wara vailia apuna,roai ge ekalesia auri geria,nori ge ekalesiao auri.Namu peroveta thoriria ia vailia apua, ekalesia geria,nori roai ge ekalesia auri geria.23Wagauri pakurai, pene, rupu maparana pene mi thoakoukou maparari karo irauaimo pige thori, thaonai mulimuli auri e nori ekalesia auri pige mi thoa oa,ilana mui raaga pegere ilagi iwamui?24Namu ere mui maparamui goro perovetani thaonai nori ekalesia auri pa mulimuli auna apua ere mithoa oao ia thao vepotho ere mirawaliao thori maparari amonagirai.Thori maparari geve ilagio gaurana ia pige va aithoria.25Ia thaona vevunina maparana pere vathoa raia. Ganina wara ia vilana na ere eo alini Palau ere ai rupu aliveniao. Iana ere ilagi lovolovoani auna auna Palau mui thaomuiai.26Vewala mulinai ma raagau? Mui gomithoa koukouni thaonai,apua magena mari, apua vevaripa,apua maavanagi,apua karo irauai ethorini,pa apua karo vavanagi auna.Gau maparari pigo alari pe rupu pigo varua laaia.27Pene au apua karo irauai ethorini,thaonai ila auri lualua pa oioi pige alu,thaonai vagari vagari pige thori,mulinai vevavanagi auna na pene vavanagia.28Namu pene veva vanagi auri noai au neni,ila pigene galavu galavu rupu thaonai.Ila maauri pige vevaila e Palau ria.29Peroveta auri lualua pa oioi pige thori,thaonai vairi pige amonagi thaona na eve ilagini gauna pige ripatha.30Pene aunilimalima apua airupuali thaonai, Veaa Palauna gena vevaripa apua evamagaiani,ewapaani auna pige vaila pene varawa.31Mui apuri apuri pigo peroveta,pe thaona na ripa pigo rawali e pigo iliga.32Peroveta auri palauri iavuri wara peroveta auri geria iavu kapulenai.33Reapana Palau wara nori thori vevili vevili Palauna,namu ia maino Palauna.Rupu maparari thaorai,Palau gena aunilimalima veaari geria rova wara era.34Vavine rupu thaorai ila pigene thori thori.Ila noai geria iavu pige thori thori.Namu ila vematha lagiai pige alu,rovana eilagiani gelegelenai,35Pene ila geririwani gau waua pige ripatha,ila garawari numai pige verenagiri.Mamilagina ipo nori nama vagi vavine rupu thaonai pene thori thori.36Palauna thori mui elemuina eveamai pa? Mui mo geregamuina gorawaliao pa?37Pene au a maauna euamagini ia pene peroveta pa veaa palauna thaonai,thauna paalori gauri iana pene vaauna aunari ila Palau gena rova.38Namu pene au ana egau nee ia iliarana,ia mapigono ia ilia.39Gaurai,vewala,peroveta ulavununa pigo ririwa magia,e karo irauai gethorini auri pigono kouri.40Gau maparari pigo ulavunu agi nama namari e thakwarai pigo alari.
Chapter 15

1Vewala evana thauna mui maavaripa waimuini,vali namana thauna mui avara venimuio,gorawaliao gauna thaanai mui go ruao,
3Mui elemuiai avara vara agiao,ia vali repa repana vagi e iwavagina arawaliao gauna,puka thorina na eilagiani veainai,Keriso ia gera galama pakurai ewaregao,4ia gekuliao,garo vaga oioi mulirai elaai waio puka thorina na eilagiani veaina.5Keriso Cephas elenai evevamagaio,avana na ethao auri kapana na lualua elerai;6thaonai vewala ava maparari inavu imaima elerai vagari eve vamagaio.Vogona egaroa rogemaulini,vairi raavari gewaregao.7Ia James elenai maeve vamagaio,mulinai veunagi auri maparari elerai.8Kapikapina vagi, thau elekuai evevamagaio,no awala nuagauao.9Thau veunagi auna kapikapina vagi.Thau keriso gena veunagi aunai pigene gogoku repana thauna Palau gena rupu aala raavathawai.10Palau gena veuga iavunai thau egaroa thau,e ia gena veuga thau thaokuai nori ulaulai.Repana,ila maparari thaorai thau aulavunu gaua.Namu wape nori thau,Palau veugana thau thaokuai.11Lewana ila pa thau,thai ga wapaa e mui gove vauna aunao.12Evanamo Keriso geilagiani ia waregana elaaiwai,wa ariuamagi apunai mui vaimui nogoini warega auri pigene laaiwai? 14e ere Keriso eere laaiwaio neni, thai gemai wapaa wara noai ganiri e mui gemi veva auna auna maina noai ganina.15E thai maina Palau gena veilagi lovolovo wapa aumai,repana thaina gailagi raiao,Palau na Keriso waregana evalaaia. Warega auri pigene laai,pene Keriso nee valaaia.16Pene warega auri pigene laai,Keriso mai waregana peere laai;17e pere Keriso waregana peere laai,mui gemi veva auna auna wara noai ganina e mui gemi galama thaorai rogoro aluni.18Keriso thaonai gewaregao auria mai gelewa lewao.19Gaurai egaro maulinai ia Keriso elenai peveraramani,repana aunilimalima maparana evevili vevilinia.20Keriso ia gewaregao auri geria vuaga reparepana, waregana eva laaiao. 21Repana warega aunilimalima apuna elena na eveamaio,laaiwai mai auapuna elena na maeve amaio.22Adam thaonai maparari ge warega,pe veaina mo Keriso thaonai maparari pige mauliwai.23Namu ila apuri apuri Keriso gena rovai pige rua: Keriso, ia vuaga repa repana e riairi Keriso gena auri ila pige mauliwai gena veamai ai.24Thaonai ikana pene kwara,Basileia pene veveni agi vanagia amana elenai,iana vevai iavuri,vele rakiri e iavu irau irau maparari pene alavagiri.25Ia pene vele penethao ia geveali veniani auri maparari ia gagena repanai pene ole aliri.26Ia gena velivu auna (last enemy) pene vagavu vagia wara warega.27Pe '' gau maparari ia gagena repanai peole aliri.'' Namu pene neinia '' iana gau maparari peoleria,'' ia magaivagi emagainia gagena repanai peolealiri auna nee oru auani.28Pene gau maparari ia kapulenai,nauna mai ia iavuna kapulenai mapene thoa oa,pe Palau gau maparari thaorai auna era.29Warega gena geve papasito ole raa ige ala iwa? Pene ila waregana pigene laai vagi, raagauna ila ge papasito rao? 30Wa raagauna ia ora mapararai ia nuarage maulinai aaluo?31Thau garo mapararai awaregani.Ewara thau geku vevaoloa gauna mui elemuiai,Keriso Iesu ia gera vele thaonai thauna agapiani.32Thauna raaga arawaliani aunilimalima geria valavuai,pene Ephesus ai no olopu paeri veairi avevagi veniri,pene warega pigene laai wai? ''Egani e eniu, repana ia rapalua pe warega.''33Pigene vai vevilimui: '' Koukou raraavari mamilagi nanamari geva raava rana.'' 34Igo valavu nekaneka.Pigo mauli thakwa thakwa.Galama thaorai pigono mauli. Repana mui vaimui Palau riparipana thaonekana elemuiai noai gau.Thau eveaina athorini pana vamatha mui.35Namu au apua pene iwa, '' warega raa geva laai iwarana, e ila ra aunipara veainai pige mia? 36Mui awa awa auna auna. Goina ovaroani gauna ia peene kala pene thao ia pene warega rogo.37Goina ovaroani gauna nori aunipara ovaroani,namu gau vua. Ia verauleai wheat o magau waua.38Namu Palauna aunipara pene venia ia gena ririwai,gau vua apuri apuri veairai aunipara pene veniri.39Aunipara maparari nori waveairiamo.Aunipara apua auilimalima,apua alimapara maganina,manu e rawapara maganina.40Kupai mai aunipara magauria wara e alimaparai mai.Namu kupa auniparana vewaana irau,aolimapara auniparana vewaana irau.41Garo vewaana apua,vue mai vewaana maapua,e viu vewaari maapua.Viu apuri apuri vewaari irau irau.42Veaina mo warega geria laai waiai.Eve varoni gauna ia pene lewalewa,e elaaiwaini gauna ia peene lewalewa.43Nee vevaro vethalevani; ia vewaai elaaini.Moira thaonai evevaroni; ia iavuai elaaini.44Ipo auniparai eve varoni; ia palauai elaai ni.Pene aunilimalimai aunipara apua gauna era, Palauai aunipara mai gauria era.45Emaina evealo auo, '' Aunilimalima reparepana Adam palauna maulina emauliwai.'' Adam kapikapina iana palauai(in spirit) mauli eveveniagiao.46Palauna (spiritual) nee veamai kune namu aunipara, mulinai Palauna(spiritual).47Aunilimalima reparepana alimaparana eveamaio,kakavuna thaona na evemaneo.Aunilimalima vaga lualuana ia kupana eveamaio.48Alimana eveamaio veainai alimapara auri ila alimai geve maneo,veainamo kupa auri ila kupana geve amaio.49Ia awalao alimana emaneao auna iaiana e veaiveainai,iana kupa auna iaiana e gegelana veaina mape rakoa.50Evana thauna ethori ana ilagia,wala avaku,virogona e lalana Palauna basileia poono vaia.Veainamo warega gaurana pigene warega gauri pigene gaanari.51Igo iatha. Auna auna vevunina ana vailamui: Ia maparari piana warega,namu ia auniparari wara pige vepothowai.52Ora iana kiri kiri thaonai vepotho perawalia,ma gena vaipue iana thaonai,kipi kapikapina galavunai.Kipi galavuna pene rage,warega pige laai pigene lewalewa,thaonai ia vepotho perawalia.53Eaunipara pene gavuvagi gauna na peene gavu vagi gauna pene ole aua,pene gavu vagi auniparana na peene gavu vagi auniparana pene ole aua.54Namu pene gavuvagi auniparana na peene gavuvagi auniparana pene ole aua,thaonai evealo auo thorina eauna aunani,'' Warega vuini na pelavunokoa.''55'' Warega, goi gemu vuini ariai? Warega,goi poragamu ariai?''56Warega poragana wara galama,e galama iavuna wara rova.57Namu Palau pevanamatha,iana ia iliga evenirana ia gera vele Iesu Keriso thaona na.58Gaurai,wala avaku,pigo rua kikimagi pigono ala laiwa laiwa.Velegaua gena ulavunu thaorai pigo thoa oa,repana mui ripamui mui gemi ulavunu nori ulavunu awa awana.
Chapter 16

1Evana mui gemi veveni gauri Palau gena veaa auri elerai: Thauna Galatia thaonai rupu availarao veaina mui mapigo ala au.2Week mamana garo repepanai,mui apuri apuri gau wauana pigo ole gerevagiri pigo ole veniri.Eveaina pigo ulavunu agia pe thau pana veamai thaonai mui pigono veaolea.3Thau pana veamai thori magai aloalori govirigithao auri pana veniri e pana uuri e veveni gauria ila pige thao Jerusalemai.4Pene nama iwavagi thau mai ilaria piga thoa,5Thau Macedonia na pana vanagi mui elemuiai pana veamai.Repana thau Macedonia na pana vanagi.6Verauleai mui elemuiai pana alu,pe muina thau pigo vaavaku geku thoa laiwalaiwa tharapara rai.7Thauna mui nori evenamo pana iamui namu ipo pana thoa vanagi avanai.Pene Velegauna na ora pene virigia,velova ia kamuna pana gapia elemuiai.8Namu thau Ephesus ai pana alu pene thao pentecost garonai,9repana avagaama peve alapa thau geku,wanai ulavunu pekamu.10Timothy pene veamai,thaonai pigo ia maatha kalimuina peene kali,repana ia Palau gena ulavunuai eulavununia,thau veaiku.11Auapuana mui peene wapa vevilia.Mainoai pigo vaavatha,pe pene veamai thau elekuai.Thauna ia walaava vairia ila athalorana.12Evana ia wala avari Apollos,thauna ia availiga gauavagiao maauavana ila mui pige thoa iaalimui.Namu wa nori ia gena ririwai evena ia pene veamai.Pene ia gelegelea avanai wapene veami.13Ava pigo ia nama namari,gemi veva auna aunai pigo rua kikilagi,pigo ala maluane,pigo iliga.14Gauri maparari ulamagiai pigo ulavunuagiri.15Setepano gena numa auri mui ripamui,ila ekalesia reparepari Achaia ai,ila maparari geve veni vagio Palau gena aunilimalima veaa ri elerai.Evana thauna mui apuumuini,16eaunilimalima veairi elerai pigo vemathalagi e mavairi thai gevaava maini Palau gena ulavunuai.17Thau avereleni setepano,Fortunatus e Achaicus geria veamai ai.Mui noai au thaonai kapumuiai gerua oa.18Repana thau palauku geva iligao e mui maina.Pe gaurai, eaunilimalima veairi pigo ia iliari.19Asia rupuna aurana gemi veva nama pege uua.Aquila e Priscilla velegaua tharanai geva namamuini,e geria rupu auria ila geria vanuai.20Wala ava mapara rana geva nama muini.Maparamui veaa veponanai pigo veponana.21Thau, Paulo ealoalo maauku imakuna paaloa.22Pene auapuana Palau nee ulamagiani,verauleai ia raava thaonai.Ia gera vele veamai.23Velegaua Iesu gena veuga thaamuiai pene mia.24Thau geku ulamagi Iesu Keriso tharanai thaamuiai pene mia. Greek geria thori kakamuri e karo vavanagi thoriria < char ralema= '' fqa '' > Amen olea kapana lualua vaivai ikanai.Namu Greek geria karo kuinena iwavagiri e vavanagi aloalori vogo vagi ila elerai Amen ikana gena avanai gauri noai gau.

2 Corinthians

Chapter 1

1Thau Paulo, e Timothy ia wala avari,Iesu Keriso gena veunagi aumai Palau gena ririwai,Palau gena rupu Korentoai,e Palau gena aunilimalima veaa mui maparamui Achaia alimaparana thaonai gemi.2Palau ia amari e gera vele Iesu Keriso geria veuga e maino thaamuiai pige mia.3Palau,ia gera vele Iesu Keriso amana pe varagea.Venuavi maparari amana e thao vevagaua Palauna.4Palau na ia gera veaolea thaorai thaori eva gaurana rana,pe mavairi geria veaolea thaorai iana ila thaori mape vagauari.Mavairi thaori pe vagauari Palauna ia thaori evagaua rana veaina.5Keriso ia pakurai evi vio veaina,ia Keriso thaonai thao pe vevagaua.6Namu pene thaina vi vi garawaliani,thao vevagaua e nama pe mui gemi; e pene thai thaomai geva gaua rana,wa thao vevagaua wape mui gemi.Mui gemi thao vevagaua ulavununa wara eulavunu vethalevani,pene thaina garawliao vi vinai pe vi vi koukou.7Thai gemai veraramani mui elemuiai wara noai aovo aovona,repana thai ripamai vi vi gove ware veveni agirana,veaina thai gemai thao vevagaua mai gove puu agirana.8Vewala ava thai gaririwani thaonai mui mapigo ripa,Asiai raa kepi veairi garawalirao.Thai iligamai maparari geve gavu vagio,gemai mauli mai gave uamagirao.9Rova meauna vagi thamaiai geoleao wara piga warega(death sentence).Namu veraramani nori thau maaumai elemai ai gaoleao,namu Palau elenai gaoleao,repana iana mo warega evalaai rana.10Iana thai warega thaona na evairai maio.Gemai veraramani ia elenai gaoleao repana thai ripamai iana mo thai pene vai raimai.11Eolema thai thaamaiai pene vawala ripa,repana gemi vevava gemi veni vuavua thaorai govalavu maini.Vogovagina Palau pige varagea thai gavumaiai,repana geria veni vuavua thaorana thaina emamilagi vewaa vewaa na garawaliao.12Epe thai gemai vevaoloa gauna: Thai thaomaina eva magaiani,alimapara thaanai Palau gena veaa e iavu thaona na nori aunipara thaonekanai namu Palau gena veuga thaonai.13Pigo ripatha e pigo uamagi ripatha gauna gaalo venimuini,gave raramanini maparana pigo uamagi ripatha 14ava vairai gouamagi ripamaio veaina,pe thai pigo vevaoloa agimai Iesu Keriso gena garoai,thaina mui mapiga vevaoloa agimui.15Repana thau noai aovo aovoku,thau mui elemuiai pana veamai kune,pe thoa wari wari namari lualua pigo rawaliri.16Geku uamagi thaonai Macedonia thao veninai pana wai ia alimui.Thaonai Macedonia na pana velavu ulewai mapana mithoa oa e avana na pigo uuku Judeai pana thao.17Eveaina auamagi wai thaonai thau aila veravewai pa? Aunilimalima geria uamagiai avalavuni, pe thau naini ''namu,namu'' e noaia,noai oranaimo?18Namu Palau ia veva aunaauna gugulu Palauna, ia ''Namu'' e ''Noaia.'' egau wau lualua vaganaimo piana thori geleri.19Palau nauna Iesu Keriso,Silvanus,Timothy e thauna elemuiai gavara vara agiani ia nori ''Unamu'' e ''Noaia'' ia vanagi vanagi ''Unamu''20Repana Palau gena ilagavu maparari thaonai gemiani gauri ila ''Unamu mo.''Gaurai iamo thaona na ia naainia ''Amen'' Palau vewaa nai.21Evanamona,Palauna thai mui elemuiai pethori gavumai Keriso thaonai e pe gapi laai mai,22gena orugavu thaamaiai peolea e Veaa Palauna peveni mai thaomaiai,rogo pige wala gauri rua vila agiri iavuna eveni maio.23Palau thauna agogoani pe, thau au ilagi raiku repana thau naa veamaio Korento ai ganina mui ora kamuna ia pana venimui.24Enori mui gemi veva aunaaunai piga ala laiwa laiwa mui ulana na,namu thai muiria pe ulavunu koukou gemi verele pakunai,gemi veva aunaauna gorua kikilagio thaonai.
Chapter 2

1Thau maauku auamagio thaonai,vi vi thaorai mapaana veamai wai.2Pene thauna ava vi vimuio,thau riaina pere vailigaku namu auri pe mui thauna avavi vi muio pa?3Thauna aloalo thakwanai paaloa,pe thau pana veamai thaonai pegere varaavaku aurana pige vavereleku.Thau ave vauna auna nia maparamui elemuiai thau geku verele e mui gemi verele ila waveairiamo.4Thau na mui aalo venimuio veaolea iakamu thaona na,thaoku evi gauavagio,e ma agiagiku maina.Thau naa ririwao pana vavi vimui.Namu,thau aririwani pigo ripa thau geku ulamagi ari rpouna mui elemuiai.5Pene auana eva vi vimuini,ia nori thaumo elekuai evawalao,namu matharapara nai-pigono thori thaoraga-maparamui elemuiai.6Eau apuna mapara muina iavu gova vuani wara kapurai.7Evana nori iavu vua namu,ia gena raava pigo valavu lewalewari,e pigo vagaua.Eveaina pigo ala pe alu venuaviina peene vavanagia.8Thauna mui availigamuini,uuma vilarai gemi ulamagi ia elenai pigo vamagaia.9Thauna mui aalo venimuio ganina auna auna era,pe thauna mui pana ala ovo mui e pana ripa mui gau mapararai gove gapirageni.10Pene muina auapua gena raavai noai goilagi auani,thauna mai auna gena raavai naa ilagi auani.Thauna naa ilagi auani-pene gau maparari naa ilagi aurana- mui maina gemi galama noai geveilagi aunia Keriso vilanai.11Ewara auna auna pe Satani na ia peene wapari.Repana ia gena valavu ealarana gaurai ia nori awa awa.12Thau Troas ai athao thaonai Velegauna avagaama apua ealapa venikuo,Keriso valina namana ave wapaa agiao.13Thau palauai naa pikapikao repana wala avaku Titus wanai naa rawaliao.Pe thau agapi laaio athoao Macedoniai athao.14Namu Palau pe varagea,ia Keriso thaonai ekune agirana vevakalileai.Thai thaomaina ia gena thaoneka mamina aroma aromana ava mapara rai ethoa lovo lovo ole.15Pene ia Palau gena Keriso mamina aroma aromana wara,vevamauli gerawaliao e warega auri thaorai gealuo auri geria.16Ge waregani auri elerai,ia aroma apuna waregana pene thao warega.Vevamauli gerawaliao auri, ila aroma apuna maulina pene thao mauli.Eriaina egau pere iwari?17Ia nori aunilimalima vogovagi veairi Palau gena thori gevoi agiani voiri gegapirana.Noaia,thao vethalevai,Keriso thaonai gathorini,Palauna euumaio,Palau vilanai
Chapter 3

1Thai e maaumai gave varageni pa?Thori vevarage aloalori mui gemi na pa thai gemai na iana noai aririwarana,vairi gealani veaina,ia veaina aalani pa?2Mui geregamui ia gera vevarage aloalori,ia kutourai geve aloo,aunilimalima na georu rana e geripa rana.3Mui pigo veole magai mui Keriso gena aloalo apua,thaina gami oleao.Ia nori inika penina evealo o namu mauli Palauna palauna na ealoao.Ia nori vau kuiniani thaarai eve alo o,namu aunilimalima kutourai evealo o.4Keriso thaonai enuagaua thaina garawaliao Palau vilanai.5Ia maauri piana vegapi rage egau maparari ia elerana geveamaini.Namu ia gera vegapirage peiatha thaonai Palau elena na pene veami.Ia wara Palau na ia olerao ilagavu valivuna gena ulavunu auri.Eilagavu peiatha thaonai ia nori aloalo ai namu Veaa Palauna thaona na.Repana aloalo pene veva warega namu Veaa Palauna ia mauli eve veni agiani.7Evana warega eva walani ulavunu na-aloalo vauai geve aloauo-ma vewaa vewaa na,evewaa na mai Israela nauna maari ewathao Mose vilana ia amumugavuna mai egauao.Repana ia vilana vewaa na pakunai, evewaa mai elewa lewa wai.8Veaa Palau na gena ulavunu ai wa raa vewaa iwana pene magai?9Pene veva raava ulavununa magena vewaa,pe ala thakwa thakwa ulavunu na vewaa na ma ari kamuna pene magai.10Wagaro rai vewaa emagaiwai,namu vewaana egaroa egavu vaginia repana evana vewaana na evanagiani.11Pe,pene gegavu vagini gauri ma vewaa ri,pige mia vanagi vanagi gauri thaarai vewaa ari kamuna maperemia.12Repana ia elerai veraramani apuna emiao,ia mailigari.13Ia nori Moses veaina,vilana rapua na eole gavua wai pe,Israela nauna na wa vewaa egavuvagi wai noai geia gugulua wai.14Namu ila thaori vekanagavu.Pene veamai egaroa ila gavu kuinena georuani thaonai,wa vila rakwa gavu rapuana roemiao.Ia nee veala vagi,repana Keriso mo thaonai ia pene veala vagi.15Egaroa mai veaina mo,Moses gena puka georu rana thaonai rapuana(veil) ila thaori ekana gavurana.16Namu pene auapua Velegaua elenai eve amaini thaonai,erapua(veil) eve ala vagini.17Evana Velegaua wara Veaa Palauna.Palau palauna ealuni avanai wara mauli noai voina.18Evana ia maparari,vilari noai rapuari,Palau vewaana peiatha.Ia ave potho vanagio wa vewaa vewaa veaina,apuna na alaarageo maapuarai,Velegaua elena na,ia Veaa Palauna.
Chapter 4

1Gaurai,repana ia eolea(ministry) agapiao,e ia venuavi arawaliao ia piana moira.2Ia gera olema vevuniri e opi matha tharapara ri aruathao.Ia karoveraveai noai amaulini e Palau gena thori noai aulaula agiani.Auna auna aveveni agiani,aunilimalima maparari elerai aveilagi raini Palau vilanai.3Namu pene iana vali namana vekanagavu,ia evekanagavu ni gewaregania mo auri elerai.4Ila geria avanai,e alimapara Palauna na ila thaori eva apuapurana.Ganina gerawaliani,vali namana mathaana e Keriso vewaana noai geia ni,Palau iaiana e ralewana.5Thai maaumai noai gave ilagini,namu Iesu Keriso ia Velegaua,e thai mui gemi veunagi auri Iesu pakunai.6Palau neiwao '' Mathaa muuna thaona na pene lala rai.'' Ia ia thaorai emathaao,Palau gena vewaa e thaoneka mathaana pene veniri Iesu Keriso vilanai.7Namu erinaa kopala ulori thaorai gaolerao,pe eiavu emagaivagini ia Palau gena nori thai gemai.8Tharapara irau irau thaorai vi vi garawalini,namu nee vavanagimaini.Thai evailigamaini namu nori mamilagi raavai.9Thai geva raava maini namu nori gerua muligi maini:geva eomaini namu nori gelovo maini;10Iesu Keriso gena warega aunipara maiai garoagi laiwa laiwani,pe Iesu gena mauli thai aunipara maiai pene vevamagai.11Repana thai maulimai aumai wara Iesu pakunai waregai gathoa vanagio,pe Iesu gena mauli thai auniparamai ai pene veva magai.12Pe warega thai elemaiai eulavunu nia,namu mauli mui elemuiai eulavunu nia.13Namu ia elerai veva aunaauna palauna apunamo evealo auo gelegelenai: ''Thau ave vauna aunani,e thai athorio.''Thai maina gave vauna aunani,pe thai maina gathorio,14Repana ia ripari Iesu Velegaua evalaaiao auna na mai ia pene valaai ria Iesu ila e muiria pene vevai mairi ia vilanai.15Egau mapararia wara mui pakumuiai,pe veugana na aunilimalima vogovagi ethao venirana pe vevanama pene kamuvagi Palau vewaana pene kamukamu.16Pe pigono moira.Lewana auniparai ia agavuvagini,namu ia thaorai ia ave vavalivuwai ni garo mapara rai.17Evi vi malaga malagana ia eala maavurana vewaa meau meauna apuna eneveamai noai oruoruna.18Repana iana nori aiarana gauri peavuri,namu noai aiarana gauri peavuri.Aiarana gauri ila mageria ika,namu noai aiarana gauri ila mia vanagi vanagi.
Chapter 5

1Ia ripari pene gera numa alimaparai aalu agirana numari pige velovo,Palauna ia numa gaua pene veniri.Enuma nori aunilimalima imarana gealao,namu numa mia vanagi vanagi kupai.2Epalai numa thaonai ia avi vini,aririwani thaonai gera kupa rapuarai paara verapua.3Eia auamagi ririwamagiani repana peroagi auri thaonai ia nori auniparari ovari pige rawaliri.4Ia ethama thamai aaluni thaonai ia avi vini,e meau meau arawalini.Ia aririwani thaonai pe verapua.Ia peverapua,pe magena ika gauna maulina pene nokoa.5Egau ealamaavuao ia gera auna wara Palau,auna na ia Veaa Palauna evenirao Palauna na rogo pige wala gauri iavuri ia eveniao.6Gaurai vanagi vanagi valavumui pige iliga.Pigo uamagi thao iavanuai auniparai,ia mave paari velegau elena na.7Repana ia veva aunaaunai athoani,nori aveiani avanai.8Pe ia valavu iliga pa rawalia.Ia aunipara elena na pe gerevagi e vanuai Velegaua ila.9E iagera uamagi kamuna,lewana ia avapaai pa vanuai,ia pevanamatha.10Repana ia maparari Keriso gena vevaithori aluauna pe rua vila agia,pe ia apuri apuri auniparai anamao pa araavao voiri pene veniri.11Gaurai,Palau kalinai akalini,iana aunilimalima apuurana.Ia raaveairi auri ia Palauna ia eia vethaleva vagirana,gaurai mui mai elemuiai pigo gapi vethalevara.12Thaina nori mui gava galagala muini thai maigo ia waimai.Thai pigo varagemai ganina gaveni muini,pe auniparai gemagainia ganina pigo ia rawalia namu nori thaoai emiao gaunai.13Pene thai repamai geravu leao,wape Palau gena;e pene thai valavumai thakwa thakwai,epe mui ulamuiai.14Keriso gena ulamagina thai eva aiwaimaio,repana thai ripamai egau:Aunilimalima apuna ewaregao aunilimalima maparari pakurai,pe gaurai maparari gewaregao.15Maparari gavurai ewaregao,pe gemaulini auri ila maauri geria pigene mauli namu ia gena pige mauli repana ila pakurai ewaregao e elaaiwaio.16Egauri pakurai,evanamona pene thao aunilimalima gena gegelai piana vaithoria,repana Iesu vagaa eveaina ia ma uamagi venia.Namu evana iana auapua piana vaithori waia eolemai.17Gaurai,pene auapua ia Keriso thaonai ia peve valivuwai.Gau kuineri pege gavu vagi.Igo iatha,ila pege vevalivu wai.18Egau maparari wara Palau elena na geve amaio.Keriso thaona na ia ekapa wairao e vekapawai ulavununa ia evenirao.19Gauna wara,Keriso thaona na Palauna alimapara ekapawaiani geregana na,geria raava nee orurana.Thai elemai ai vekapawai valina eoleaa piga vevaripa agia.20Thai Keriso gavunai gegapi laaimaio,Palau gena nogi nogi thai thaomaina euuao.Thaina mui ganogimuini ,Keriso pakunai: ''Vekapawai ai Palau elenai pigo thao''21Keriso iana eveveni agiao ia gera galama pakurai.Ia noai galamana auna.Eulavunu eawlao pe ia pethakwa thakwa Palau gena ia thaonai.
Chapter 6

1Keriso ria peulavunu koukou,thaina mai gapuumuini Palau gena veuga ipo pigono gapi awa awa.2Repana ia neiwao,''Ora nanamari thaorai thauna goi avagelemuo,nama garonai thauna goi avaa avamuo.''Ono iatha,evanamona ora namana.Ono iatha,evanamona wara nama garona.3Auapua vilana gau wauana thaina noai gakana gavuani,repana thai noai gaririwani gemai olea(ministry) pige ilagi raava.4Thai gegelamai ai e gemai ralewai maaumai gava magai maini thai Palau gena veunagi auri.Thai ia gena veunagi auri vanagi vanagi,meaumeauai,gauagaua thaorai,5auniparai wari iavurai,tipurai,vevagi thaorai,ulavunu gagauarai,noai mau namanama,thaka thaorai,6thaovethalevai,thaonekai,vaigauai,alanamai,Veaa Palauna thaonai,ulamagi aunaauna nanai.7Thai ia gena veunagi auri thori auna auna thaonai,Palau gena iavu thaonai.Thakwa thakwa rapuari garoagi rana aulimai ai e ripa maiai.8Thai gaulavunu nia vevavele ai e nori vevavele ai,veva raavai e veva rageai.Geilagi wapa wapa maini namu thai auna aunai gaulavunu nia.9Thai gaulavunu nia ia ia mai nonoai geripa maio,namu gauwa thai geripa gauavagi maio.Thai gaulavunu waregani namu igo- iatha-thai rogamaulini.Thai gemai ulavunu ralewana e gegelana pakunai iavu geva vuamaini nori geva warega maini.10Thai mave nuavi mai gaulavunu nia,namu gaverelenia.Lealeai gaulavunu nia namu vogo vagi paga va rinaa ri.Ovao mai gaulavunu nia namu gau vogo vagi garawaliani.11Auna auna maparana mui, Korento, paga vaila venimui e thai thaomai pege vealapa vagi.12Mui nori thaina paga thaleva mui,namu mui maaumui thaomuiai pogo vethaleva.13Evanamona thori gelegele ai-Thau na no melo melo availa rana-maaumui thaomui pigo alaparia maina.14Keriso noai geva auna aunania auria ila pigono vewalo kou.Thakwa thakwa maulina e rova nee vageleani auna raa pegere koukou iwa?Mathaa e muuna raa pegere koukou iwa? Keriso e wapa auna ra pegere thori kou iwa? Ekalesia auna e nori ekalesia auna raa pegere vepuu iwa?16Palau gena rupu e kaivakuku raa pegere thori koukou iwa? Ia mauli Palauna gena rupu,Palauna ethoriao veaina: '' Thau ila thaorai pana alu e thaorai pana thoa.Thau ila geria Palau,e ila thau geku aunilimalima.''17Gaurai,''Thaorana ono thoa rai, e ono veole gerevagi,''Velegaua neiwao.''Milo gauna waua poono napa aunagia,pe thauna goi pana vai ragemu.18Thau mui amamui,e mui thau nauku maluaneri e vavineri,'' iliga iwavagi Velegauna neinia.
Chapter 7

1Ulamagi aumui,ia eilagavu thaorai aaluo,ia evamilo rana gauri maparari thaorana evethaleva auniparai e palauai.Veaa maulina mo pevai vaia Palau kalinai.2Thai gemai ovua pigo ala maavuri.Thai na auapua noai gava raavao.Auapua gavaa noai gaveniao paauapua thaana na noai garulu vanagio.3Ethori thauna ailagiani nori mui ava raava muini,repana thauna mui availamui mui thai kutoumai ai,pe ia pe waregakoukou e pe mauli koukou.4Thau geku veraramani kamuvagi mui elemuiai e thauna mui avaragemuini.Thau ailiga gauavagio. Verelena avonu vagio lewana vewaunagi thaorana avanagini.5Macedoniai gave amaio thaonai,auniparamai noai gepikapikao.Namu,tharapara ia vogoai kepi garawalio gau kerunai e kali gau thaonai.6Namu Palau,moira thaorai eve vailigani evailigamaio Titus gena kwarai.7Nori Titus mo gena kwara na thai iliga garawaliao.Titus na vevagaua erawaliao mui elemuina gauna na mai thai evailiga maio.Mui gemi veawari thaguguna,venuavi, e gemi vevalavu thao thau elekuai.Pe thau averele gauagauani.8Thau geku aloalona eva veugamuio,thauna naa veva vua agiani.Auna auna thau ave olomario thau geku aloaloa na mui eole veugamuio,namu ipo velova upaupanai.9Thau evana avereleni repana nori mui govi vio gaurai,namu mui gemi venua vina mui gowala waio.Muina Palau venua vi na apuna goripathao,mui gau waua noai gova regatha repana thai pakumaiai.10Palau thaonai venuavi rana wala wai eveamai agiani e nama evaguguluani nori vevavuai.Alimapara venuavi rana warega eveamai agiani.11Igo iatha,Palau thaonai venuavina na gaukamu kamu wauna peva wala mui thaomuiai.Mui iwa vagimui gemi ririwamagi thaomuiai gauna na mui eva magaimuini mui lewalewa mui.Mui iwa vagimui gemi kali,thoa rarama,ririwamagi,thaonai rova pene veole.Gau maparari thaorai mui maaumui gove ole magaio mui lewalewa mui ethoriai.12Auna auna thauna mui aalo venimuio,nori kepiaualagi pakurai,pa kepiai getipurao,namu mui gemi ala nanamari thai elemai ai muina pigo ripari Palau vilanai.13Egauna thai vevailiga garawalio.Thai maaumai gemai thao vevagaua thaanai,thai gave verele gauavagini repana Titus gena verele,repana ia palauna mamilagina muina govanamao.14Thau mamilagiku noai geraavao ia elenai ave vaoloa agimuio.Veaina mo,gau maparari gavailamuio wara auna auna,Titus elenai gava ragemuiwai pe auna auna.15Gemi veauava ia elenai ipo iwa vagina maparamui gemi vegapirage evalavu thaorana,kaliai e manuarage muina govai rageao.16Thau avereleni repana thau geku veraramani kamuvagi mui elemuiai.
Chapter 8

1Vewala ava, thai gaririwani igo ripa,Palau gena veuga peve veni agia Macedonia rupu ri elerai.2Thoru thoru e Wapu thoa iaaliri koukouna thaonai,geria verelena e geria lealea thaorana rinaa kamu vagi ethoa avio.3Thau maakuna aiathao geve veni gauavagio,emai geveveni vanagio,maauri geria ririwai4ilana thai geririwa maio pere matharapara nai Palau gena veaa auri elerai eulavunu piga veware veveniagia.5Thai na gauamagiao veaina nee walao,namu ila Velegaua elenai geve veni kuneo e thai elemai ai Palau gena ririwai.6pe thaina Titus gavailao,iana eulavunu rauvagi pe varepatha,e veuga ulavununa pene vagugulua.7Namu mui gau mapararai go ala vaa namani-veva auna aunai,thoriai,olema irauirau thaorai,e gemi ulamagi thai elemai ai.Emai evuga ulavunu na thaonai mui mapigo ulavunu.8Thauna ethori ailagiani e nori rova.Namu,ethori ailagiani pe mui gemi ulamagi raa veaina ma aunilimalima vairi elerai.9Mui ripamui ia gera Velegau Iesu Keriso gena veuga.Lewana ia rinaa velena,mui pakumuiai ia emi lealeao,pe ia gena lealea thaorana mui pigo verinaa.10Eolemai thuna mui gavuina anavenimui pe mui pene vaavamui.Rigolo apuna pevanagi,muina gauwauna nori ipo goulavunu agiao,namu mui goririwao goulavunu agiao.11Evanamona igo vagavu vagia.Wa ririwamagi e iliga thaona goulavunu agiao muina mai ikanai pigo veamai agia.12Pene mui veaina eala pigo ala agia ia nama e pene vegapirage gauna.Ia repana wara auapua elenai gau evamiao,namu nori noai gau auna.13Eulavunu wara nori rova pe mavairi kapuri pige gapiri thaonai mui pigo vi vi.Namu,pigo nama gelegele.14Eoranai mui vogo thaonai geria ririwa pigo vagelea.Ila maina veaina mo mui gemi ririwa mapige vagelea,pe pigo vegele gele.15Evealo auo:''Gau vogo evaia auna gauwaua nee kaliwania,e maune etoua auna nee veaolea.''16Palau pevaragea,repana Titus thaonai wavenaka auamagiao evamagaiao mui gemi.17Ia nori thai gemai nogi nogimo egapi rageao, namu ia mai eririwa gauavagiao.Ia maauna gena ririwai mui elemuiai eveamaio.18Ia wala avari apua paga uua ia goi enai rupu mapararai Keriso valina namana ilagi ilaginai geva rage gaua vagiani.19Nori wa ia mo,ia rupuna egapi laaiao thairia piga thoa veuga ulavununa piga alatha.Evemathalagi wara Palau geregana gena e thai gemai ririwa magi piga veva ava.20Aunilimalima apuana thai pene munemune agimai noai gavi agiani repana eulavunu era uuma geria.21Thaina veva vele ulavununa nakana ga gauani,nori Palaumo vilanai,namu aunilimalima mai vilarai.22Thaina ma wala ava mai maga uuani ila ria.Tharapara iavogo thaorai ga alaovoao thaonai ulavunu iavogo thaorai ia ikavagina.Ia evana thaona peolealia repana gena uamagi veraramani mui elemuiai.23Titus,ia thau auavaku e ulavunu auna mui gemi.Namu ia wala avari,ila rupuna peuuria.Ila keriso gena.24Pe,gemi ulamagi pigo vamagaia elerai, e gave vaoloa agimuini ganina rupu pigo varipari.
Chapter 9

1Palau gena aunilimalima veaa ri geria airupuali olemanai.thauna mui paana alo venimui.2Mui gemi ririwamagi thau ripaku,gauna thau na Macedonia auri elerai ave thori vevaoloa agia.Thauna availari Achaia erigolo pevanagi rigolonai vega geala maavuo.Mui gemi ririwamagina pogo va ala laiwa laiwari.
4Orina Macedonia auna apua thau goi gave amaini thaonai mui nori alamaavu, ia opimatha perawali.-Thauna mui thorimui naa ilagiri-repana thau mageku veraramani mui elemuiai.5Thau auamagio wa thakwanai wala ava pige thoa reparepa pe,veveni gauna goilagavu agiao gauna pige ala maavua.Pene veala maavu nama pe,ia mui gemi veva nama gauna namu nori vepotho gauna.6Thori repana era: Evarovaro ula ulani auna ia aviavia ai mapene avi ulaula.Vevanama pakurai evaro varoni auna ia vevanama mapene aviragea.7Aunilimalima maparari thaorana pene vairi veainai pige veveni,8E Palau veugana na mui pene vavonu pora eomui,ora mapara rai mui gemi ririwa gauri mapararia thaorai.Eauna auna vagi pe,ala nama mapara ri thaorai pene veni wai veni waimui.9Eve alo auo veaina:''Gena rinaa ewarelovo lovorana lealea auri eveni rana.Ia gena thakwa thakwa maulina pene mia vanagi vanagi.''10Varo varo gauri iula auala evni rana,e parawa ganigani eveveni agirana,auna maina pene venia e gena gau varovaro maina vogovagi mapena venia.Goi gemu mauli thakwa thakwa(righteousness) iula thoa oanai pene vakamua.11Tharapara e olema irau irau thaorai mui pigo verinaa iwavagi,e pigo vemia gelegele. Palau elenai vevanama pene veamai,thai thaomaina.12Eulavunuai nori Palau mo, gena aunilimalima veaa ri geria ririwa pe vageleri,namu olema irau irau thaorai Palau vanama vanama nai pe vonu pora eo.13Paga alaovo mui thaonai, eulavunu na mui pemi ole magaimui,Palau mai pigo varagea Iesu Keriso valina ilagi lovolovo nai.Palau mai pigo varagea goveni rana thaonai e aunilimlima maparari.14Ilana mui geuamagi muini e gemi geveni vuavua ni. Eolema geva magaiani repana Palau gena vewaa kamuvagi geia rawaliani elemuiai.15Palau pe vanama gauagaua mauliai,repana gena veveni noai vagelegeleri thaamuiai pakurai.
Chapter 10

1Thau Paulo,na availamuini,Keriso thaonai vemathalagiai e uamagi aukamuai mui vilamuiai thau naa thori thorini,namu athoa paani thau geku thoriai iliga vagi.2Thauna mui anogimuini,mui lagamuiai thaonai maauku paana veilagi mailigaku.Namu thau auamagini thaonai thau pana thori mailigaku,ia geilagirana aunipara gena ririwai amaulinia auri elerai.3Lewana ia auniparai amaulinia,ia nori aunipara vealinai avealini.4Repana iana aveali agirana rina ri wara nori aunipara vealinai.Namu ila mageria iavu palauai,iliga kapuri pige lovori.Ila vevauu noai ganiri geve amai agirana.5Palau gena thaoneka geilagai raavani gauri pe varaavari.Valavu irauirau maparari karo veamonagiai Keriso elenai peveamai agiri.6Ia aala maavuni karoverave olemari maparari auri iavu pevavuari,pene thao mui gemi karo veamonagi maparana pene gugulu.7Igo ia vethaleva mui vilamuiai raaga emiao.Pene auapua ia thao vepothogi pe rawalia ia Keriso gena ia maauna pene valavu thao ia Keriso gena,ia veairiamo ia Keriso gena.8Velegauna eiavu evenimaio thaona na, thau ia kirikiri no pana vevaoloa nori mui piga varaavamui namu piga vailigamui,gaunai thau paana opi matha.9Thau naa rirwani pene magai,mui thauna aloalona mui pana vakalimui.10Aunilimalima vairi negeini,''Ia gena aloalo aunaauna e iavuvavagi,namu ia auniparai moira vagi.Ia gena thori noai ganiri piana amonagiri.''11Aunilimalima pigo varipari thai gemai aloalo ai paga aloa veaiveaina,piga wai rua ali gemai ala laiwa laiwai mapigo ia rawalia.12Thai maaumai noai gave ole gerevagini,o mavairi elerai gave vaovomaini vevaoloai.Namu ila maauri pigeia vevaovori e pige veia vanagi thaonai ila thaori ovaori.13Namu thai,vevaoloana peene vavanagimai.Thai gemai vevaoloa Palauna eveni maio gelegelenai piga ulavunu agi aua.14Mui elemuiai gave amaio thaonai thai noai gave thori vanagio. Mui reparepa vagi garawalimuio Keriso gena vali namana thaona na.15Mavairi geria ulavunuai,thaina noai gathori varage varageri mavairi thaarai.Namu, thai gemai veraramani wara mui gemi vevaauna auna pene kala,pe thai gemai ulavunu mui nuanuamuiai pene raga lovolovo.16Thaina eia paga raramania,pe thaina vali namana piga wapaa agia maalimapara vairai.Makapu vairai geulavunuo gauri thaina pigana vevaoloa agiria.17''Vevaoloa auri pige vevaoloa,Velegaua thaonai pigo vevaoloa.'' 18Nori maauna eveilagi auna ia eva auna auna nia.Namu,auna wara Velegauana eva auna aunania.
Chapter 11

1Thau geku ririwa thaonai,muina awa awa alari thau elekuai pigooro vawala ri. Namu noaia, wa auna auna muina alana govawalani elekuai.2Thau mui elemuiai mageku vemaa au.Thau palau vemaa aunai ama au muini,repana mamanai vegarawai, au apuna elenai ailagavu muio.Thau ailagavuo mui pana vamagai mui noai kepikepimui vagi Keriso elenai.3Wa ari veainai, thau pami kali Satani na Eva ewapao gena karoverave alarai,mui valavumui orina gevevilinia Keriso gena tharaparai gothoao thaona na.4Pe,pene auapua pene veamai ma Iesu apua pene meilagia,nori thaina gawapaa agiao Iesuna.Pa palauai ma Veaa palauna apua govairageani,namu nori muina gorawalia Veaa Palauna.Pa orina ma vali namana apua gove rawaliani,nori muina gorawali kuneao gauna.Eila pigo iari,e pigo uamagi vevaovo nama namari.5Evaneliai iwavagiria geria oruoruai thau nori oruwani.6Namu pene thau uuma vilarai thori ripana naa ripatha namu athorini,mui pigo ripa thaoneka ripana avuavunai thau nori naa thao.Tharapara iavogo thaorai e gau iavogo thaorai egau mui elemuiai gava magairao.7Thau maauku aveva aomao pe mui pige varagemui,thau agalamao pa? Repana Palau valina mui elemuiai awapa agiao noai voina vagi.8Ma rupu vairi thoriai thauna alemarao thau gekuna gethao pe, thauna mui gemi ririwa pana vageleria.9Thau mui elemuiai awai alu thonai thau mageku ririwa vairi, namu thauna mui naa vaveaoleamui. Thau geku ririwa gauri vewala ava Macedonia na geveamaio aurana geva gelerao.Gau maparari thaorai veaoleaku thaorai thau thaokuaimo gemia wai,naa ririwa wai pana vaveaoleamui,pe thau paana irau waveaina mo pana ala.10Repana Keriso gena auna auna thau thaokuai,thau geku vevaoloa peene ika Achaia kapuri vairi thaorai.11Wa raagauna? Thauna mui naa ulamagimuini gaurai? Palaumo geregana ripana.12Thauna ulavunu avaravuani gauna paana rakwauaria,pe pige ilagi raavaku wa thau geku,e ila pige vevaoloa pige iwa, wa ila geria- namu ila pige ripa ilana ulavunu gealani gauna thaina mai ulavunu mo gaalani.13Eaunilimalima veairi ila veunagi wapa auri, e vevaraava auri.Ila Keriso veaiveaina vagi gealani namu, ila wapa auri.14Enori kalilea gauna,Satani maina eala wapaole mathaa anerunai.15Manori kalilea gauna,pene ia gena vealaveni auri,geala wapani iaiari no alathakwa thakwa veunagi auri veairi.Ila geria ala olemarana pene vamagairia.16Thau ma thori waini: Au apua poono uamagi thau pagi.Namu pene mui nogoinia thau pagi,pagikuai pigo gapi rageku pe thau pana vevaoloa.17Ma iligaku athori vevaoloani,ailiagiani gauna-nori Velegaua pere thori veaina athorini-Thau pagi auna veaina athorini.
19Mui pagi auria ila go koukouo. Mui maaumui go thaonekao.20Goi pono ole rai auapuana goi pene valeipamu,ia gena ririwaimo pono thoa,iana goi pene iwamu pa vilamu pene voa gavua.21Thau nainia na opimatha alana,thaina piga ala agia ipo ia gaua.Pene apua evevaoloani-Thau pagi veaiku athorini-Thau maina anavevaoloa.22Ila Eberu auri? Thau maina Eberu. Ila Isaraela auri? Thau maina Isaraela. Ila Aberaamo kalakalana?Thau maina Aberaamo kalakalana.23Ila Keriso gena veunagi auri? (Thau athorini enoma pe pagiku.) Thau rauvagiai.Thau eulavunu meauvagi alaao,tipura vogo vagi athoao,auniparakuai wari iavuri vogovagi arawalirao,warega thaona na vaga vogo vagi athoa vanagio.24Jew elerana thau vaga imaima,thaonai ''vaga kapana vaivai ri auniparaku warina gewariao.''25Vaga oioi aulina gewarikuo.Vagana vauna gethapakuo.Vaga oioi rawaparai poutiai eraavao.Rawapara leanai pogi apuna e garo apuna apuka agirao.26Geku thoa vogovagi wai makali agiri vogo anavu rao,vethari auri vogovagi thaorana avanagio,geku aunilimalima kalirana akalio,vevaa vua auri kalirana na kalio,Taoni kakamuri kalirana naa kalio,kapulearai naa kalio,rawapara kalina na naa kalio,Vewala ava wapa auri kalirana naa kalio.27Eulavunu gauavagi thauna athoa vanagiao,gauagaua thaorana,noai pogi nanamari,thaka e maluvu thaorana,agani waka wai,milu e ovaokuvagi.28Egau maparari thaorai,thau geku veaolea garo mapararai wara rupu maparari ave aolea agirana.29Riai e moirani,e thau naa moirani? Riai ewaunagini,thau thaoku nee vivini?30Pene thau pana vevaoloa,thau geku moira pana vevaoloa agia.31Palau Iesu Velegaua amana,avarage thaovegaani auna,ripana thau naa wapani.32Damasekoai,Aretas velevelena gena aukamuna apuana Damaseko eiama wai auna na thau pene ligoku eririwa wai.33Namu, thau patiketi thaonai aaluoao kokena geva gigo uvalekuo,avana na auleo.
Chapter 12

1Thau pana vevaoloa,namu gau waua peene wala.Namu thau pana thao Palau elenai maavanagi e nivi pene veniku.2Auapua Keriso thaonai aripathao evana rigolo kapanana e vaivai pege vanagi ia riai-aunipara thaonai pa kerunai,thau nori riripaku,Palau ripana-kupa vanuana oioi thaonai averawaliao.3Thau ripaku eau-ia auniparai, pa nori auniparai,thau nori ripaku,Palau ripana-4Paradaiso ai ave rawaliao e aamonagi rao gauri ma kaliagiri auana peene thori ripari.5Eau gavunai thau ana vevaoloa.Namu thau maauku gavukuai thau paana vevaoloa,namu geku moira valu.6Pene thauna ana virigia ana vevaoloa,thau nori awa awa,repana thau wara thori auna auna pana ilagia.Namu thau vevaoloa mo paana vaivaia,pe auana thau peene uamagi veni gauagauaku,namu iana thau thokuai pene ia e pene amonagia pana veaolea agia.7Paana vevaoloa gauagaua orina Palau gena vevamaa vanagi thau elekuai alearana,gau vekinivekini apua thau evenikuo,Satani gena veunagi auna apua euao thau pene varaavaku-orina thau vevaoloana eva vanagikuni.8Thauna Palau vaga oioi anogi venuaviao egau pakunai,pe thau elekuna pene tou gerevagia.9Namu Palau neiwao, ''Thau geku venuavi goi elemuai wara pemi lavuku,repana moira thaonai iliga emiao.'' Pe thau geku moira pana vevaoloa agiri,thaonai Keriso thau thaokuai pene alu.10Gaurai thau Keriso pakunai aruani moira thaorai,kepi thaorai,thori velea veveni thaorai,e mamilagi raraavari thaorai.Thau amoirani thaorai,thau ailigani.11Thau ami pagio. Muina thau gova oaruikuo,pe muina thau pogoro varageku.Evaneliai geilagirana iwavagi auria ila noai gave gelegeleni,lewana thau noai ganiku.12Keriso gena veunagi auri auna aunari wara mui thaomuiai,aoma,vailia,e olema iwavagiri geva magairawai.13Wa ari uamagi apunai mui nori iwavagimui rupu maparari thaorai,namu thau vuaku apuna noai vewaunagiku mui elemuiai? Geku kepiai galamaku pigo ilagi wairi.14Igo iatha,Thau evana paala maavu mui elemuiai vaga oioina ana veamai.Uamagi vewaunagi thau elekuai pigono ala repana thauna nori mui gemi rinaa pathoa veniri.Thau na mui aririwamuini.Melo nau ila ama e ina geria pigene ole konekone.Ama e Ina ila melo nau garia pige ole konekone.15Thau ana veveni vagi e anaveoleali mui palaumui pakurai.Pene thauna mui aulamagi gauvagimuini,thau pogoro ulamagi malaga malagaku pa?16Namu veai veaina vagi,mui veaolea naa venimui.Namu repana thau geku vigirage,thauna mui avakalilea muio.17Aunilimalima aurao auri thaorana papamui maapurao pa?18Thauna Titus availao mui elemuiai pene veamai, e vewala ava lualua mai.Titus na mui papamui mae apurao pa?Ia thara apunai mo noai athoa pa? Ia kapu noai ave lavuo pa?19Muina gouamagiani thaonai eora mapararai thai mui elemuiai gave thori kanakanani pa? Palau vilanai,Keriso thaonai gemai thori maparari wara muimo vailiga agimui thoriri.20Thau aguguvani, pana veamai thaonai nori gemi ririwai pana mirawalimui.Thau akalini thau nori mui gemi ririwai pigo rawaliku.Thau pami kali verauleai ila vevau,vemaau,paruthoriri,vekuku,vewane,vethori muligi,vegurugu alari pige wala.21Thau akalini pana velavu ulewai thaonai,thau geku Palauna thau pene vaaomaku.
Chapter 13

1Ewara thau geku vaga oioina mui elemuiai aveamaini. ''Vevaila raava raava maparari pige veole rai ganiri aunilimalima lualua pa oioina pige ole vathakwari. (witnesses)''2Thau geku thoa vaga lualuanai gegalama kuneo auri e mavairi availarao,Thau ma thori waini: Thau pana veamai wai thaonai auri thauna ila paana vageleri.3Thauna mui ethori availamuini repana mui noai gove vauna auna ni Keriso thau thaokuna ethori raini.Keriso mui elemuiai nee moirani.Namu ia iavu iwavagi mui thaomuiai.4Repana ia moirai ge satauroao,namu ia maulina Palau iavuna thaonai.Ia maina moira vavagi ia thaonai,namu Keriso ria pemauli Palau iavunai mui thaomuiai.5Maaumui thaomui igo avuri,pene mui veva auna auna thaonai.Maaumui igo vealaovo.Mui maaumui noai gouamagi ripani Iesu Keriso mui thaomuiai?-Pene thao,auna auna, mui na veala ovoai gomoirao.6Thau nainia muina pigo veripatha wa vealaovo noai avaeoa.7Evana ia pe veni vuavua mapiana kepi wai.Thau aveni vuavuani nori iana veala ovo avanagiao pakunai.Namu thau geku veni vuavua wara mui pigo mauli thakwa thakwa,ia iaiarai veala ovoai amoirao.8Repana ia auna auna(truth) gau wauana piana vawaia,namu auna auna mo gena pemauli.9Thai gamoirani thaonai gavereleni e mui goiligani.Thai gaveni vuavuani mui pigo nama gugulu.10Thau ra wai kwara thaonai thauna mui eveaina aalo venimuini,pe thau pana wai kwara thaonai thau geku iavuai paana ala thaoraga venimui-eiavu Palauna evenikuo gauna mui pana vailigamui,namu nori pana kere lovo lovo mui.11Ikanai,walaavaku,pigo verele.Koukou ulavunurai pigo ulavunu,pigo vevailiga,maavamui pigo thori koukou,mainoai pigo mauli.Pe,maino e ulamagi Palauna mui ila pigo alu.12Maauavamui veaa veponanarai pigo veponana.13Palau gena auri veaa rana geva namamuini.14Iesu Keriso gena veuga,Palau gena ulamagi,e Veaa Palauna gena veauava maparamui thaamuiai pene mia vanagi vanagi.

Galatians

Chapter 1

1Paulo,ulavunu auna- nori aunilimalima na geuukuo,namu Iesu Keriso e Palau ia amarana,waregana evalaiiao- 2vewala ava mapararia e thau, Galatia rupuri gemi:3Veuga thaamuiai pene mia, e Palau ia amari e velegaua Iesu Keriso gena maino na pene kune agimui, 4ia gera galama pakurai ia maauna eve veni vagio,pe ia eraava maulina thaona na, pene vai thairi ia gera Palau e amari gena ririwai, 5vewaa ia gena pene mia vanagi vanagi. Amen.6Thau ami vevakalini Keriso gena veuga thaonai egogomuio auna elena na velee vagi goeo lavu uleni. Thau avevakalini muina vali irauna apuna pogo vaai venia, 7nori ma vali namana apua gauna nara, namu nanai aunilimalima vairi kepi geva wala rana e geririwani Keriso valina ige pothowaia.8Namu pene thai pa kupa aneruri apuana, Keriso valina namana gavara venimuini, na vali gerakwani auri ila Palau iavuna pige vua. 9Ma manai gathoriao veaina,pe thauna maana ilagi waia,''Pene aua ana vali polu apua evara venimuini, pigo kaliwania Palau iavuna iana pene vua. ''10Pe, thauna evanamona aunilimalima pa Palau gena vevirigi aavuani? Thau aavu aavuni aunilimalima pana vaverelea pa? Pene thau avewalavini aunilimalima pana vaverelea neni, thau nori Keriso gena veunagi auku.11Thau aririwani thaonai mui pigo ripa vethaleva, vali thauna avara vara agiani valina nori aunilimalima valina. 12Thau nori auana e uuvenikuo, pa geva ripakuo. Namu Iesu Keriso na maavanagiai eva magai venikuo.13Mui ripamui thau geku mauli kuinena Judaism thaonai, Palau gena rupu thauna ava raava gaua vagia wai e mai pana lovoa naiwai. 14Judaism thaonai thau avekuneagio, thau geku ulu auri e geku aunilimalima thaorana. Thau amaku geria sene maulinai, thau vemaau kamuvagi thaonai amauli wai.15Namu Palauna, thau egogo gerevagikuo ianaku inagena thaonai gena vewaa thaonai,16evereleo ia nauna thau elekuai evamagaiao pe,thauna ia pana wapaa agia vevaavua auri elerai,thaonai thau nori mamanai vega virogo e lala athori venithao.17Palau gena ulavunu ai gekuneo Jerusalemai gealu wai auri elerai thau naa thao,namu thau athao Arabia avana na avelavu uleo Damaseko ai.18Rigolo oioi mulirai thau jerusalemai, avanai Cephas averipathao ia elenai garo kapanana imaima aalu agirao. 19Thau Palau gena veunagi apua naa rawaliao namu, James mo velegaua wala avana. 20Thauna mui aalo venimuini gauna, Palau vilanai thau nori awapani.21Wana na thau athoao Syria e Cilicia alimapara rai. 22Keriso thaonai, Judeai rupu gemiao thau noai geripaku. 23Ila geamonagio negeiwai,''Wa au ia evaraavathawai evana,iana ava auna auna ni thorina evara vara agiani. ''24Palau ilana gevanama ni thau pakukuai.
Chapter 2

1Rigolo kapana na vaivai mulirai,thau e Barnabas magave rage waio Jerusalemai,Taitus thauna avaiauao.
3Lewana Taitus ia thau lagakuai,e ia mai Greek auana nee vailao peritome egapio.4Wapa auri geve amaio vevuniai gemi rune maiwai,Iesu Keriso gena iavu thaina gathoa agia gaunai.Ila geria ririwa thaonai thai pige vaulavunu mai ila geria,5mamanai noai gave ilagi raio pe,vali namana auna auna na mui elemuiai pene mia kikilagi.6Namu vele kakamuri,(ila raa ulavunu gerogothao,thau noai geku thori wanai,Palau nori velemo geriana ethaoni)-auri thauna ailagirana noai geria thori thau elekuai.7Veaina mo ila, geripao thau vali namana evaikuo,roaigeve peritome auri ularana,Petero veaina, ia vali namana evevailiga agiawai geve peritome auri elerai.8Palau, Petero thaonai eulavunuo peritome auri evailiga rana veaina thau elekuai mai eulavununia vevaavua auri ularana.9James,Cephas, e Ioane, ila rupu gena kearepa,Palau gena vewaa geia iliathao thau elekuai,koukou iavuna maparana thau Barnabas goi geveni maio.Ila genamuao ila pige thao peritome auri elerai,thai piga thao vevaavua auri elerai.10Ila geria ririwa apuna mo geoleao lealea, auri piga valavuri,repana thauna uluvunu athoa agiao gauna wara, lealea auri pana thoa ia aliri.11Namu,Cephas Antioch ai eveamaio thaonai,thau na vilanai ailagi raavao repana ia eleao.12Aunilimalima vairi James elena na gevamio,Cephas vevaavua auria ila geganiganiwai geiathao.Namu Cephas elenai geveamaio ia ethoa gerevagio vevaavua auri elerana. Ia ekalio repana geririwa wai peritome pige gapi.13Jews aunilimalima ri mapararia mai,epagi oleanai gethoa auo.Barnabas mai mage vai veviliao geria pagi alarai.14Thauna aithao thaonai,ila olemari nori vali namana gena tharaparai gethoao,thauna ila vilarai Cephas raava raavao,'' Pene goi Jew aumu namu vevaavua auri veaina omaulinia,e nori Jew veaimu,vevaavua auri goina ovailarana Jew veairi raa pegere mauli iwa?''15Ia awalao Jews lalana eilagiani nori vevaavua galama auri;16Namu ia ripari,auapua rova ulavunu na peene ole vathakwa na,veva auna auna mo Iesu Keriso thaonana.Ia maina veva auna auna Iesu Keriso thaonana arawaliao pe ia pene veole vethalevari,nori rova ulavununa thaonana.Rova ulavununa auapua peene veole vathakwa.17Namu pene,ia avewalavini pe veole vathakwa Keriso thaonai,ia maina galama auri pe, Keriso na galama eva ragea ni pa?auna auna vagi noaia.18Pene thauna gau waua avaravani, ava rua laaiwaiani thau aripani thau rova auaala ravana.19Rova thaonai thau pana warega rova gena,pe thau Palau gena pana mauli.20Thau Keriso goi gave satauro.Thau evana nori thau amaulini namu Keriso thau thaokuai emaulini.Mauli thauna evana auniparai amauliagiani wara,veva auna aunai Palau nauna thaonai,ia thau eulamagikuo e maauna evevenio thau pakukuai.21Palau vewaana thauna naa ole gerevagiani,pene thakwa thakwa rova thaona na pere veamai,neni Keriso gena warega noai ganina.
Chapter 3

1Awa awa Galatia aumui.mui navuamui riana eovorao? Mui maamui aiai rai Iesu Keriso evevagigo ragei eve satauro ole.2Egaumo wauna mui elemuina aririwani anaripa:Veaa Palauna muina gorawaliao rova ulavununa thaona na pa goamonagiao gauna vevauna auna nanai?3Mui awa awa pa? Mauli Veaa Palauna thaona na gomama thao, evana auniparai igo vagavu vagia pa?4Gauri vogo vagi ipo go vi vi agi awawa rao pa-pene waveaina noai ganina pa?5Veaa Palauna evenimuini e vevakalilea alari evawala rana thaomuiai,rova ulavunuri thaorana pa amonagi veva auna aunai?6Abraham veaina ''Palau eva auna aunao alathakwa thakwai eilagiao,''7Veainamo pigo uamagiulu,veva aunaauna auri wara ila Abraham nauna.8Eve alo auo,pe ia thaoa Palauna vevaavua auri pene ole vathakwa ri veva auna auna thaona na,vali namana ewapaa agi thalo thaloa Abraham elenai neiwao,''Goi thaomuna alimapara maparana vevanama pene rawalia.''Pe,riari veva aunaauna thaonai gemaulini ila ge namani,ila Abraham ila eva nama koukou rana repana ia veva aunaauna auna.10Riari rova ulavunu na thaonai geve raramani nia,ila iavu meauna apuna kapulenai gealuo;repana eve alo auo,''Riari ila rova pukanai geve alo gauri noai geva gelerana namu gemauli agirana.''11Evana magai vagi,Palau vila nai auapua rovana peene ole vethalevatha,repana ''Thakwa thakwa auri ila wara veva aunaaunai pige mauli.''12Namu rova ia nori veva aunaauna,(faith)''Rova ulavununa eulavunu agiani auna ia rova pene mauli agia.''13Keriso na ia rova gena venavua ovo(curse of the law) thaona na eva maulirao,ia gavurai ia erua oao-repana eve alo auo, ''Gau upuai egigoni ia raava pene rawalia''-14pe Abraham gena veva nama pene veamai vevaavua auri elerai Iesu Keriso thaonai,pe veva aunaauna thaonai Veaa Palauna gena ilagavu pe rawaliria ripa.15Wala avakuo,aunilimalima karorai anakaro.Auapua na ilagavu apua eoleani rova thaonai auana peene ole muligia pa gau waua mapeene ole aua.16Evana ilagavu ri wara Abraham e kalakalana elerai eolerao.Ia nee ilaiwani ''kalakalari,'' elerai waganini auri ia vogo, namu apuna vagi,''goi kalakalamu elenai,'' auna Keriso.17Thauna gau ailagiani gauna era: Rova eve amaiorigolo inavu vaivai e kapana oioi mulirai,thaonai Palauna ilagavu rauvagi evarua emiawai.18Gaurai pene enama rova thaona na eveamini neni,ia nori ilagavu thaona na eveamini.Namu Palauna Abraham eveniao ilagavu ai.19Pe ma raagau,evanamo,rova ganina raagau? rova eveoleo ganina thoa awa awa pakunai,pene thao Abraham kalakala na eilagavu agiao auna pene veamai.Rova aneru thaorana geoleoao thori gelegele auna apuna thaona na.20Ethori gelegele auri ia vogo,namu Palau wara apuna mo.21Pe rovana Palau gena ilagavu ekalani pa? auna auna vagi noaia.Pene rova apua eveoleo gauna na mauli pere veveni agia neni,thakwa thakwa maulina wara rovana pere veamai.22Namu Palau gena thorina na gau maparari galama kapulenai evatipura rana.Palau eala iwao repana,eilagavuo iana pene vamauliri veva aunaaunai Iesu Keriso thaonai aunilimalima riamo.23Veva aunaauna reeveamai thaonai,ia rovana eligorao,atipurao pene thao vevaauna auna pene vevamagai.24Pe wa oranai rova ia gera veiama auna pene thao Keriso eveamaio,pe ia vevaauna auna na pene luvari.25Namu evana veva aunaauna eveamaio,ia nori veiama auna iavuna kapulenai.26Mui maparamui Palau nauna veva aunaaunai Iesu Keriso thaonai.27Mui vogo vagi papasito iavuna gogapiao Keriso thaonai mui Keriso gena rapuai gove rapuao.28Lewana mui Jew o Greek,vele geria goulavunu nia pa noai,vavine o maluanemui maparamui apuna vagi Iesu Keriso thaonai.29Pene mui Keriso gena,mui Abraham kalakalana e melo vele gena ilagavu gelegele nai.
Chapter 4

1Melo vele naini,ia melo nau,vele geria geulavununia auria ila noai gena irau,lewana ia rinaa velena apua.2Namu veiama auri vairi kapulerai ealuni,pene thao amana na garo pene virigia garonai.3Veaina mo ia melo melo thoanai,ia alimapara gena vevaripa kimukimuri thaorai amauliwai.4Namu ora guguluna ekwarao laganinai Palau nauna euraiao,vavine apua thaona na ewalao,rova kapulenai ewalao.5Palau na eolema evawalao repana,ia rova thaona na pene vairairi pe ,ia pene nau vanagiri ia nauna.6Repana mui melo nau,Palau na ia thaorai ia nauna palauna euoathao,auna egogo rageni,''Abba,Ama.''7Pe mui evana nori vaalu oa aumui namu,melo nau,pene melo nau,neni mui maina vele iavunai Palau thaona na.8Namu waora pege vanagi thaorai muina Palau noai goripatha,mui vaalu oa aumui veairi geria rinaa iavurai gevaimui wai namu,nori Palau gena iavuai.9Namu evana Palau pogo ripatha o Palauna mui eripamuio,thaonai wa ariapunai moira mago lavu ule veniani e melo melo geria vevaripa awawari goriparana? Mui vaaluoa aumui veairi maigo alu wai pa?10Muina garo e vue valivuri e lagani thoari e rigolo goriparana.11Thau ami vevakalini mui elemuiai,verauleai thau geku ulavunu muiria wara noai ganina.12Vewala anogimuini,thau pigo rakoku,repana thau mui veaimui.Thau elekuai mui noai gokepi.13Namu mui ripamui aunipara vi vina pakunai thauna,geku ma mana vali namana avara venimuio.14Lewana, thau auniparaku iaiana na mui veala ovo gorawaliao,thau noai goruakuo pa goilagi raavakuo.Namu muina thau govai ragekuo no Palau gena aneru apua veaina,pa no Iesu Keriso veaina.15Mui gemi vevanama evana ariai? Thau ave ilagi raiole,ere matharaparanai mui maa mui goro ipo thairao,thau goro venikuo.16Pe,thau mui gemi vekuku auna repana thauna mui thori auna auna availamuini gaurai pa?17Ila geve maa auni pige vai vanagimui,namu noai ganinai.Ila geririwani mui muru mui ige kouri pe ila elerai pigo vemaa au.18Vemaa au gau namana,ma ganirai wara nama,e nori thau mui elemuiai thaonai.19Nauku kimukimu mui,thau melo ewalani vi vina elekuai mapemi rage pene thao Keriso mui thao muiai pene amo.20Geku ririwa thaonai evana mui lagamuiai para alu karoku para vairaua,repana mui thaokuai gove ononia.21Igo vailaku,goi riai rova oririwamagiani,namu rova noo vageleani?22Eve alo auo,Abraham nauna lualua,apua veala veveni vavine na thaona na e apua vegarawa thaona na.23Veala veveni vavinena thaona na ewalao melona aunipara gena ririwana,namu vegarawa thaona na ewalao melona ia eveilagavu agio melona.24Ethori pige veilagi magai wara eveaina,e vavine lualua na ilagavu lualua geva magairana.Apua wara Sinai golona na peve ami e ia nauna peva walari ila vaalu oa melori,e wara Hagar.25Hagar Sinai golona Arabiai eva magaiani;e iana evana Jerusalemana eva magaiani,ia ma nauna vaalu oai gealuo.26Namu e Jerusalema gau unai wara noai voina,gauna ia inari.27Eve alo auo,''Pono verele,ovaomu vagi melo noo vawala vagio;ono agi rage e verele pono makala agia melo vawala vi vina no rawalivagia;repana vawala rakwa vavineri nauri pege vogovagi namu nori vavine au kaparai gealuo vavineri.''28Namu mui,vewala,Isako veaina, mui wara ilagavu melori.29Wa oranai aunipara gena ririwai ewalao auna na,Veaa Palauna thaona na ewalao auna elivuao.Egaroa mai veaiveaina.30Veaa thorina na raaga eilagiani? ''Vaalu oa vavine na ma nauna ono uupaari.Vaalu oa vavinena nauna na vegarawa thaonai peva wala melo gena rinaa ilana pigene wareri.''31Gauri pakurai,wala avaku,ia nori vaalu oa vavine na nauna,namu vegarawa vavinena nauna.
Chapter 5

1Mathavuna vagi Keriso na ia mauli noai voina evenirao.Pigo rua kikilagi,gauri pakurai,vaalu oa auri veairi mapigono mauli.2Igo iatha,thau Paulo na availamuini pene mui maau mui gove peritome nia neni, Keriso na vevanama apua pigono rawalia.3Thau maave ilagirai waini maparamui elemuiai,riai pene maauna eveperitome ni, ia rova maparana pene gapi ragea.4Goi Keriso elena na ove alavagini,goi rovana pene ole vethalevamu;goina vewaa poono mauli mamilagia.5Veaa Palau na thaona na e veva auna aunai thakwa thakwa mave raramanina pe alu vathaloa.6Keriso thaonai peritome pa nori peritome ia nori gau wauatha,namu veva aunaauna mo ulamagi thaonai pene ulavunu.7Mui go ravu vaanamao.Auna auna gapiragenai riaina evaloumuio?8E vevalou nori mui egogomuio auna elena na eveamaio.9Yeast kirikiri iana na parawa ari kamuna ia eva mauliani.
11Vewala,pene thauna peritome roagoloani,wa raagauna thau roge livukuni? Waganina Satauro gena vevawaunagi thau elekuna peveala vagi.12Riai rana mui geva loumuini, thau geku ririwa thaonai ila maauri pige vevoro.13Vewala, mui egogo oamuio mauli mathavunai,noai voina.Namu nori noai voina gaurai galama thaonai mapigo thoa oawai;namu ulamagiai maavamui pigo auava.14Repana rova maparana wara eve vaguguluni rova apunai: '' Goi epimu auna pono ulamagia goi maaumu ove ulamagini veaina.''15Namu pene mui gove guruguni,e maavamui gove varaavani,pigo veia ma mui nori maavamui govevagini.16Namu thau nainia,Veaa Palauna thaonai pigo thoa e raava maulinai pigono mauli.17Repana raava maulina wara Veaa Palauna na nee ririwarana e Veaa Palauna na raava maulina mai nee ririwani.Eila lualua noai geve opini,pe goina oririwarana gauri poono ala agiri.18Pene mui Veaa Palauna na evai muini neni,mui nori rova kapulenai.19Raava maulina gauri ila magai vagi; maaporaga,nori thao vethaleva,vewane,20kaivakuku airupu ali veniri,megamega,paru,vemaa au,paru vaila vaila,vekuku,veware,velivu,niuniu,niuniu vereleri,egau veairi.Thau na mui availamuini,availa kunemuio veaina,eveaina gemaulini auri ila Palauna Basileiai pigene vethoa oa.22Namu Veaa Palauna vuavua na wara ulamagi,verele,maino,aoma,vealaveveni,olema nama,veva aunaauna,23nuani ola e vaigaua; eila elerai noai rova.24Keriso gena aunilimalima ri ila mauli kuneri Keriso ria gewarega agiria Satauro ai gegavu vagi.25Pene ia Veaa Palauna thaonai amaulinia, Veaa Palauna thaonai mai mape thoa.26Ia piana vevaraava,maa auvari thaorai,piana velivu.
Chapter 6

1Vewala,pene apua ethoa leani riai veaai oaluo aumuna pono vailiga Veaa Palauna iavuna thaonai.Maaumui naka pigo vegau pe, vealaovo pigono rawali.2Gemi meau meau pigo veva agiri maauvamui thaomuiai,pe Keriso gena rova pigo vagugulua.3Pene apua euamagini ia iwavagi neinia,namu iape noaia vagi, ia maauna eve varaavani.4Maaumui gemi ulavunu gavuri pigo iari,thaonai vevaoloari apuri apuri thaomuiai pige mia,nori mavairi elerai.5Repana ia apuri apuri gera meau pevuari.6Thori eripathani auna na gau nanamari erawalirana thaonai, evaripathani auna ila pene veware veveni agiri.7Pigene vai leamu.Palau noai geve galaiga agiani,auana evaroani gauna veaiveaina mapene gapia.8Au a vuavua raraavari gena galama thaorai evaro rana,auna ia ala raavana na pene vavoia.Veaa Palauna thaonai evaro varoni auna,Veaa Palauna elena na ia mauli vanagi vanagi pene vaia.9Mauli nama maulinai,peene lepeiri orana auna auna na pene kwara ia pe maora,pene ia piana moira.10Gaurai,eora mathavuna thaonai,aunilimlima maparari pevanamari auri veva auna aunai gemaulini auri.11Igo iatha aloalo ari kakamuri imakuna aalo venimuini.12Auniparai veva nama gealarana aurana mui gepuu muini peritome igo gapia negeini.Ila eveaina gealani wara Keriso gena Satauro vi vina gethoa gegelagiani.13Maauri geve peritomeo aurana rova noai geroana oleani,namu ila geririwani mui peritome igo gapia pe, mui auniparamui ilana pige vevaoloa agiri.14Namu thau maauku naa vevaoloani,namu Velegaua Iesu Keriso valu gena Satauro thaonai,repana alimapara eve satauro thau geku e thau alimapara gena.15Peritome pa nori peritome,thauna na nagau naa oru rana namu veaolea pemi kamu gauna wara vevalivuwai.16Eolemai riari gemaulini auri,tharai maino e venuavi pene mia veilivu,e Israela geria Palau.17Evanamona pene thao,auana thau kepiai poono mioleku,repana thau auniparakuai Iesu gena vailia avuathao.18Vewala, Velegau Iesu Keriso gena vewaa mui palaumui ila pige alu. Amen.

Ephesians

Chapter 1

1Paulo,Keriso Iesu gena veunagi auna Palau gena ririwai,Palau gena aunilimalima veaa mui Epesoai,Iesu Keriso elenai gemi veva auna auna kamu vagi.2Vewaa e Maino mui gemi ia gera Palau ia amari e Velegaua Iesu Keriso elerana.3Palau ia gera velegau Iesu Keriso amana pe varagea,repana ia eva namathao,palaua vevanamarai kupai Keriso thaonai.4Alimapara gena ma mai Palauna ia evirigithao,pe ia pe veaa e noai kepikepiri pealu ia vilanai ulamagiai.5Kapi ia pene nau vanagi ri ia evirithao,ia nauna Iesu Keriso thaonai gena ririwa gelegele nai.6Ia gena venau vanagi ia elerai ganina emi magainia,gena veuga vewaa vewaana thaona na iana eulamagi iwa vagiao auna ia evenirao noai voina.7Iesu Keriso thaonai iana vevamauli arawaliao,ia lalana thaona na e galama veilagiwai ewalao,ia gena rinaa vewa vewaari thaorana.8Ia gena vewaa ia thaarai ethava aliao,uamagi ripai e thaonekai.9Palau gena ririwa ganina vevunina,ia elerai eva magaiao repana iana eiathao ia vereleo,gauna Keriso ai evamagaiao,10Eia thao ao e evalavuao ora pene vegugulu, oranai gau maparari pene gapi koukouri,kupai e alimaparai repa apunamo kapulenai pige vemia,Keriso mai.11Keriso thaonai ia egapi laairao vele.Ia euamagi reparepa vagirao,maa auna gena valavuai,repana egau maparari ia gena ririwai eulavunu agirana.12Palauna ia egapi laairao ia pe veleava pe, ia reparepa auri Keriso elenai peveraramani,gena vewaa vevaragenai.13Auna auna thorina goamonagiao,mui mai Keriso thaonai gemi nama valina e Veaa Palauna thaonai eole oamuio,14nama pevevaia thori gavu auna wara ia,pene thao pe vevai gugulua gena vewaa vevaragenai.15Egauri pakurai,gemi veva auna auna aamonagiao Iesu Velegaua thaonai e gemi ulamagi Palau gena aunilimalima veaa ri elerai,
17Thau geku veni vuavua thaorai,ia gera vele Iesu Keriso, vewaa amari, iana thaoneka palauna e thaonekana maavanagina pene veni mui.18Thau geku veni vuavuai naini thaomui maari pene vathaliri,pe wa veraramani pigo ripatha raagauna egogomuio e ia gena rinaa vewaa vewaari pigo rawaliri Palau gena veaa aunilimalima ri aravarai.19Geku veni vuavua thaorai anogini pe noai vagelegelena iavuna pogoro ripatha ia riari ave vauna auna ni elerai,ia gena ulavunu iliga iwavagi ai.20E iavu wara iavunamo Palauna Keriso thaonai eulavunu agiao,waregana evalaiao e kupa vanuanai ripana gena avanai eva alu aliao.21Keriso eva aluao gauunai vagi,raa vele iwari e vevai rakiri e iavu iwa vagi auri thaarai iana pene vele agiri,thara irau irau pige ilagiri,Keriso ia pene vele,nori e uluai mo,namu rigolo rogeve kapi mainia mai.22Palauna gau maparari Keriso gaena kapulenai eolerao e rupu eveniao gau maparari erepathao.23Rupu ia auniparana,ia maguguluna nori avana.
Chapter 2

1Namu mui, mui gowaregao gemi thoa awa awai e galamai.2E thoa awa awa e galamai mui go mauliwai alimapara thalewanai.Mui thagila velena gena iavuai gomauliwai,karoverave auri nauri elerai na temoni eulavunu nia.3Eaunilimalima veairi thaorai ia mai amuilio,galama maulina aririwa magiawai, e aunipara gena ririwa avakamu ra wai.Ia alimaparai iavu vua melori,aunilimalima maparari veairi.4Namu Palau venuavi ai rinaa vagi repana gena ulamagi pakunai gaurai ia eulamagi rana.5Thoa awa awai awaregao thaonai,eva mauli wai rao Keriso thaonai-veuga thaona na vevamauli go rawaliao.6Palauna ia eva laai koukourao Keriso ria,e Palauna ia eva alu koukourao kupa vanuanai Keriso Iesu thaonai,7pe rigolo geve kapi maini rigolo rai,oru ava oru ava rinaa ri pene varipari gena veuga evamagaiao ia elerai Keriso Iesu thaonai.Veuga thaona na mui veva mauli gorawaliao,veva aunaauna thaona na,enori mui elemuina evamaio,e wara Palau gena veveni,9nori ulavunu na,pe auapua peene vevaoloa.10Repana ia Palau gena ulavunu auri,Keriso thalewana e gegelanai emanerao ulavunu nanamari pevawalari Palauna rauvagi vega euamagiao ia gera,pe maulinai pe thoa.11Gaurai pigo uamagi thao mui vevaavua auniparai.Mui wara ''nori peritome''aunilimalima na imarana geulavunu agiani geilagiani ''peritome.''12Wa ora rai mui Keriso ria mavepaamui,vanua polu Israela aunilimalimari elerai,aupolu ilagavu mauana elenai,noai gemi veraramani e noai gemi Palau ealimaparai.13Namu evana Iesu Keriso lalana na pemi vathoa avimui Palau elenai.14Repana ia iagera maino.Lualua eva apunao.Ia auniparana na ia ewarerawai kanana elovoao.15Gauna wara rova ealavagirao pe,iana aunilimalima valivuna apua ia thaonai pene vamagaia,gaurai maino evawalao.16Keriso na aunilimalima ekapa waiani aunipara apunai Palau elenai satauro thaona na,mauli ravaravana eva waregani.17Iesu na maino eveamai agiao paa rarau auri e eleveavi auri elemuiai.18Iesu thaona na Veaa Palauna apunai ia gera avagaama eveala pa ni amana elenai.19Gaurai,mui vevaavua aumui evana mui nori aupolu pa vanua polu.Namu mui vanua ava Palau gena veaa aunilimalima ri e Palau gena numa auri.20Mui Palau gena veunagi auri e peroveta auri geria iligai goruao, e Iesu Keriso mui gemi mauli vauna.21Ia thaonai numa maparana erua koukouni e ekalani Velegaua thaonai.22Ia thaonai mui mai gove olekoukouni ala laiwalaiwa avana Palau gena Veaa Palauna thaonai.
Chapter 3

1Egau pakurai, thau Paulo Iesu Keriso gena atipurao mui vevaavua aumui pakumuiai.2Palau gena veuga thaona na,gena veunagi ulavunu na thau evenikuo mui ulamuina.3Thau na mui aalo venimuini,repana maavanagi arawaliao gelegelenai.Ma manai aalo venimuio wara,auna auna vevunina gauna era.4Ealoalo pigo orua thaonai,Keriso auna auna na vevunina thaokuai auamagiani pigo ripatha.5Ma kalakala vairi thaorai eauna auna noai geva magaia aunilimalima nauri elerai.Namu evanamona Veaa Palauna na peva magaia veunagi auri e peroveta auri elerai,ila everigi gerevagirao eulavunu ulana na.6Auna auna vevunina wara era,vevaa vua auri ila Keriso veleavana,e auniparai ila maauavari,Iesu Keriso thaonai ilagavu pige wareri vali namana thaona na.7Thau evali namana gena ulavunu auna,Palauna gena veveni e veuga iavurai evenikuo gena ulavunu iavunai.8Thau elekuai-lewana Palau gena veaa auri thaorai thau kapivagiku-evewaa eve veni agiao,vevaavua auri pana wapaa veniri Keriso gena noai gerawalirana rinaa ri,9pe ia gena uamagi pana ole raia mathaai, aunilimalima mapara elerai-rigolo vogo vevuniai emia wai Palau thaonai, auna na egau maparari ealarao.10Euamagi wara rupu thaorai geripathao pe,vevai auri e aukakamuri kupai pige ripa Palau gena thoneka vogo vagina geripathao.11Eolema ewalao ia gena kupa uamagina gelegelenai, iana eva guguluao ia gera vele Iesu Keriso thaonai.12Keriso thaonai ia nuagaua e tharapara ma vaigaua arawaliani repana ia gera veva auna auna pakunai.13Gaurai thauna mui anogimuini, pigono moira,repana thau avi vini mui pakumuiai, wara mui gemi verele gauna.14Egau pakurai thau auialini ia amari elenai,15numa auri maparari kupai e alimaparai tharari avaorana.16Thau aveni vuavuani pe,ia gena vewaa rinaa rinaa rana pene vailigamui pigo iavu,ia palauna thaona na,palauna rau vagi thaomuiai.17Thau geku veni vuavua thaorai Keriso mui thao muiai pene alu veva aunaauna thaona na pe,gena ulamagiai lamulamu mui pige veole.18Pe mui pigo uamagi ripa Palau gena veaa auria ila,thavana raagau,mawana,thaana,e ropuna,
20Palau peiatha thaonai,iana anogi rana pa auamagirana ia gena iavu ia thaorai emagaini gelegelenai,21ia pevanamatha rupu thaonai e Iesu Keriso thaonai ulu mapara parari geria pene thao vanagi vanagi.Amen.
Chapter 4

1Thau,gauri pakurai,Velegaua gena vevatipura auku,egogomuio gogona pigo roanaolea.2Apuumuini pigo mauli,thaonai aukamu e thaovethalevai e manauai,ulamagiai pigo koukou.3Veaa Palauna gena vevakoukou maino na thaonai pigo mauli.4Aunipara apunamo e Veaa Palauna apunamo,veainamo mui egogomuio veraramani apunai mo.5Emaina Palau apunamo,veva aunaauna apunamo,papasito apunamo,6e Palau apunamo e gau maparari amari,thaarai,thaorana e thaorai maparari.7Ia apuri apuri veuga evenirao Keriso gena ripa vevenina gelegele nai.8Evealo auao: '' Ia pene verage gau unai,geve gapi kapanio auri iana evairao,e aunilimalima ia gena veveni gauri evenirao.''9''Everageo,'' ganina raagau namu ia maina maeve rivo ole alima kapinai?10Everivo ole wara auna mo,maeve rageo kupa uunai vagi pe,gau maparari pene vaguguluri.11Keriso na vairi veunagi auri evenirao,vairi peroveta auri evenirao,evanelia auri,vairi venaka au e vevaripa auri(teachers.)12Eulavunu eve veni agirao repana Palau gena veaa auri pene vaavari ulavunuai e Keriso auniparana varualainai.13Keriso auniparana roevarua laiani pene thao, ia maparari veva auna aunai pe vekoukou e Palau nauna gena thaoneka pe rawalia,e nuari pigegaua thaona na Palau pe ripa gugulua.14Keriso na ia evailigarana nori melomelo veairi pe,thapoana ethao thaorana,vevaripa irauirau ri no thagi,elavu laiwalaiwa rana,e aunilimalima geria wapa alarana gewaparana.15Namu,pe thori auna auna ulamagiai,tharapara vogoai ia thaonai pe ola rage auna ia repa,auna wara, Keriso.16Keriso na aunipara maparana evarualaiani,thaonai ia virogona eole koukouani,ava wauri wauri geulavunu koukouni,thaorana aunipara geregana ekalani ulamagiai.
18Ila geria valavu uluai ila thaori muuna vavagi,Palau gena mauli thaona na geve ole gerevagini,repana vegurugu ila thaorai,e ila thaoria mai gagaua vavagi.19Ila matha nori ripari e maauri gevalavu lala lalani,e nori thaovethaleva roge mauli agiani.20Namu Keriso waveainai muina pigono ripatha.21Thau ripaku muina ia goamonagiao,e ia thaonai geva ripamuio,auna auna wara Iesu thaonai emiao.22Mui gemi mauli kuinena gauri pigo kaliwaniri vevaripana wara geveni muio,au ola pigo ole gerevagia.Eau ola vevilina ia kamu repana ia gena ririwamagi awaawari vogo.23Mui geva ripamuio pigo vevalivu wai valavumuiai,24e au valivuna pigo ole aua,Palau ralewana e gegelanai evemaneo auna-aunaaunai thakwa thakwai e veaai.25Gaurai,wapa pigo kaliwania,maauavamui thori auna aunai pigo vevaila,repana ia maauavari koukouai amaulinia.26Pono paru namu,poono galama.Goi gemu paru garona poono vaeoa.27Satani gena avagaama poono alapatha.28Elemani auna mapeene lema wai.Ia pene ulavunu,ulavunu nanamari imana na pene vawalari pe,ganiri lealea auri pene ware veniri.29Thori mamilori murumuina pigene thoa rai.Veva ava thoriria mo pigo oleri pe, mavairi pigo vailigari geria veaolea thaorai,thaorana mavairi gemi thori amonagirai iliga pige rawalia.30Palau gena Veaa Palauna pigono vavi via, repana iana mui elauamuio.31Mamilagi raraavari pigo ole gerevagiri,thori karoverave, paru,ilavevauu,thori auvagi auvagi,e diabolo alari mapara ri.32Maparamui pigo venama veveni,thaovethaleva,galama pigo veilagi wai maava mui,Palauna Keriso thaonai galama mui eilagi wairao veaina.
Chapter 5

1Wagauri pakurai,veama uarai Palau pe rakoa.2E ulamagiai pe thoa,Keriso na eulamagirao veaina ia maauna eveveni vagio, ia pakurai veveni gauna iwavagina Palau elenai.3Thaomuiai maaporaga, pa valavu veviliri,o augaua uamagiri pigono alari repana eila nori mauli namana Palau gena veaa auri elerai.4Noai mauli milomilo,noai thori awa awa,vegalaiga awa awari noaia-egau maparari ila nori mauli namana.Namu muina gau pogoro mauli agia gauna wara veva nama veveniri.5Eia maina pigo ripatha,maaporaga,nori thao vethaleva, o augaua aunilimalima na-ia vagelegelena-kaivakuku gaari- ia Keriso e Palau geria basileiai peene vethoa oa.6Auana thori waparana peene wapamui,repana egauri pakurai Palau gena paru wara karoverave melo ri thaarai pene mi oau.7Gaurai, pigo koukou agiri.8Kunenai mui muuna,namu evanamo mui velegau thaonai mathaai.Mathaa nauna veairi pigo thoa9(repana mathaa vuavuana wara gau maparari thaorai namaiwavagi,alathakwa thakwa, e auna auna),10e Palau raagau ai evereleni gauna pigo avua.11Muuna nee vuani ulavunu ria ila pigono koukou,namu pigo thori rairia.12Ma opi mathana lewana gau vairi ilana vevuniai geala rana.13Namu mathaana gau waua muunai eva magaiani thaonai ia peene vevuni ripa.14Gemagainia gauri wara mathaa. Gaurai eilagi iwani,''Laai mau aumui,e waregana igo laai, e Keriso goi thaamuai pene lala ali.''15Mui raa gomauli iwani avari igo ia nama namari-nori awa awai namu thaonekai pigo mauli.16Eora pigo ia nama namari repana egaro amauli agirana wara Satani gena.17Gaurai,pigono awa awa,namu Palau gena ririwa raagau pigo ripatha.18Waini ai pigono niu vanagi,repana karoverave maulina evawalani.Namu Veaa Palauna na pigo vonu,19mauavamui thaomuiai salamo thori rai pigo vethori veveni e veaa marirai,pigo marimari e thaomuiai velegaua pigo wavuri agia,20gau maparari thaorai vevanama mo pigo vaivaia ia gera vele Iesu Keriso tharanai Palau ia amari elenai,21maauavamui thaomuiai pigo veripa veveni repana Keriso pakunai.22Vegarawa vavinemui, mui garawamui elerai pigo veilagi rai,velegau elenai veaina.23Reapana maluane ia vavine erepani,veaina mo Keriso ia rupu repana,e iana mai evamauliao.24Namu rupu Keriso elenai ethori raini,veaina mo vavine ila gau mapararai ila garawari elerai pige thori rai.25Vegarawa aumui,mui garawamui vavineri pigo ulamagiri,Keriso na rupu eulamagiao veaina e rupu pakunai maauna eve venivagio.26Keriso rupu pakunai maauna eve venivagio pe,rupu pene vaveaara,evuligiao gena thori maveaana na,27pe ia maauna elenai pene veveni agiawaia mavewa vewana,noai makuku makukuna,o noai milomilona vagi,namu veaa e noai kepikepina vagi.28Veaiveainai,maluane ila maauri garawari pige ulamagiri ila auniparari geulamagi rana veaina.Riai garawana eulamagiani auna iamaauna eveulamagini.29Auapua auniparana maauna na peene gurugua,namu ia pene ia maatha e nakana pene gaua,Keriso na rupu eia mathani e nakana egauani veaina,30repana maparari apunamo ia auniparanai.31'' Egauri pakurai maluane ia inana e amana pene kaliwaniri,ia magarawana pige vekoukou ila raligoi pige apuna.''32Eauna auna vevunina wara kamuvagi-namu thauna Keriso e rupu ailagirana.33Gaurai maluane,mui garawamui pigo ulamagiri maaumui gove ulamagini veaina,e vavine na maluane na pene mathalagia.
Chapter 6

1Melo mui ianamui e amamui karori pigo amonagiri velegaua thaonai,repana e rakwanai.2''Mui inamui e amamui pigo vageleri''(rova reparepana ma ilagavuna),3''pe ia pene mia nama elemuiai e gemu mauli gagovana pene rau alimaparai.''4Amana, melo thaona poono vavia.namu ia pono mirage agia vevathaoneka e Palau gena vevaripa thaonai.5Veva aluoa aumui,alimapara veleri geria goulavunu nia auri karori pigo amonagiri vemathalagiai e venuarage agiai thaomui auna auna rai.Karori pigo amonagiri,Keriso karona poro amanagia veaina.6Nori gealuni vilarai,karo veamonagi pigo vamagaia avanai pige verele, namu Keriso gena auri veaina,Palau gena ririwa thaomuai evamagaiani.7Thaomu maguguluna na pono veala veveni,no Keriso oalaveniani nori aunilimalima,8repana ia ripari riai alanama pene ala agia auna gavuna namana velegaua na pene venia,lewana ia vaalu au pa noaia.9Alimaparai goveleni,aumui gova ulavunu rana auria mai veaina mapigo vageleria.Pigono vakaliri.Mui ripamui goi enai vele namu goi pono ripa goi gemu vele kamuna vagi pe kupai,wanai au apua genana na peene thao.10Ikanai,Velegaua thaonai pigo iliga ia gena iliga thaonai.11Palau gena veali rapuari maparari pigo ole auri,pe mui pigo rua kikilagi satani gena uamagi euamagi rana uamagirai.12Repana ia gera veaolea wara nori aunipara e lala elenai,namu palauai alimaparai geveleni,iavuri,e alimapara muuna na thaguguna,e temoni raraavari geria iavu kupai gealuni gauri elerai.13Gauri pakurai Palau gena veali rapuari maparari igo ole auri thaamuiai,pe raava muina pigo rua vila agia,gau maparari mulirai,pigo rua kikilagi.14Pigo rua kikilagi,auna auna kapamuiai pigo walo aua,alathakwa thakwa koma muiai pigo olea,15vali namana maino na pigo thoa agia.16Olema irauirau thaorai veva aunaauna malina pigo vua laaia,pe satani gena taraki irau irau maparari pigo vawairi.17Nama vewaa vewaa na repa gauna pigo olea repamuiai,e Veaa Palauna gena veali pauna,Palau gena thori.18Veni vuavua maparari e noginogi,palauai pigo veni vuavua ora mapara rai.Ikanai,pigo veia ma mailigamui na, Palau gena aunilimalima veaa ri geria goveni vuavuani thaonai.19Thau geku pigo veni vuavua,thau orina thori waua evenikuni muruku pana alapaatha thaonai.Pigo veni vuavua orina,vali namana aunaauna na vevunina ailagiraiani.20Evali namana pakunai thau aveleo lekeani ai gerogokuo,ana thoria pana iwa thaonai mailigakuna pana thoria.21Tychicus,vewala ava ulamagina e Velegaua thaonai veva aunaauna gugulu veunagi auna na,gau maparari pene vaila mui,thau olemaku ari veaina.22Thauna ia mui pauu venimui egauri pakurai,pe mui pigo ripa thai olema mai raa veairi,pe iana mui thomui pene vailigari.23Maino wala ava maparamui gemi,e ulamagi maveva aunaauna na Palau ia amari e gera Vele Iesu Keriso elerana.24Iesu Keriso go ulamagiani thaomui noai kepikepiri auri maparamui thaamuiai vewaa pene mia.

Colossians

Chapter 1

1Thau Paulo,Keriso Iesu gena ulavunu auna, Palau gena ririwai,e Timoteo ia wala avari,2Palau gena veaa aunilimalima mui,e veva auna aunai Keriso thaonai,Colossae ai gomaulini aumui gemi.Vewaa mui gemi,e Palau ia amari gena maino thaamui pene mia.Iesu velegaua amana,Palau gava namani e gemi gaveni vuavua vanagi vanagi ni.4Gami amonagio,gemi veva auna auna,Iesu Keriso thaonai e Palau gena auri maveaari,thaarai ulamagi gova magaiani. 5Eulamagi elemuiai emiao,repana veraramani peve ole maavu kupai pigo vaia.Everaramani goamonagi kuneao,Palauna thori thaonai gaua vali namana,6Elemuiai pemi kwara.Evali namana,ia evuani e pekala lovolovo alimapara riki ava vai vai ai. Veaina mo mui elemuiai mae walani,go amonagiao pene veami egaroa e Palau vewaana thaonai auna auna goripao.7Valina era muina go ripathao,nuani veulamagi melona Epaphras elena na,ia Keriso gena veunagi auna ma iligana apua,thai tharamai ai.8Epaphras na gemi ulamagi eva magaiao,veaa palauna thaona na.9Repana eulamagi pakunai,gaamonagiao garona na pene veami egaroa,mui gemi gaveni vua vua vanagi vanagini.Palau ga nogiani,ia gena ririwai gena thaonekana,pene vavonumui e palauai pigo uamagi ripa.10Thai gaveni vuavuani mui gemi pe,mamilagi nanamarai Palau gena tharai pigo thoa.Thai gaveni vuavuani,ala nama vuavuarai pigo vua,e Palau gena thaonekai pigo kala.11Thai gao alini,iliga pigo rawalia,olema irau irau thaorai,Palau gena vewaa iavuna thaonai.12Thai gemai aoaliai,mui maverele muina ia amari Palau pigo vanamatha,repana iana mui eolemuio gena mathaa,gomi veware agiani.13Iana ia evai raithao,muuna iavuna thaona na eole vanagirao,nauna eulamagi iwavagiao auna gena basileiai,14ia thaona na vevamauli arawaliao,galama ilagiwai ewalao.15Palau noai iaiana, ralewana e gegelana eva magairao,gau maparari geria malia melona.16Ia thaona na egau maparari geve alao,kupai e alimaparai gemia ni gauri maparari,maveiaveiari e noai veiaveiari gauria mai.Lewana,ra vele iiwari alu auri,pa kawamani,pa iavu rakiri gerogothao auri,egau maparari ia thaona na gemagaio ia gena.17Egau maparari gekapio,ia kunekuneo vega,ia thaonai gau maparari geve rogo koukouni.18Aunipara repana ia,rupu.Ia mamana e wala reparepana warega thaorai,pe gau maparari thaorai,ia gena ruarua kapuna reparepai vega.19Palau evereleo repana,ia ma guguluna ia thaonai pene alu,20pe,vekapawai ia nauna thaona na,pene gapia ia geregana gena.Palau na maino evawalao ia gena satauro ma lalana thaona na.Palau na gau maparari geregana na ekapawairao,lewana kupai e alimaparai gemiani gauri.21Orari pege vanagi thaorai,Palau elenai ia au polu,valavunai ia gena vegurugu auri e ala raava thaonai.22Namu evanamona,mui pekapa waimui,auniparana na warega thaona na.Eolema eva magaiao,pe, mui pigo veaa,noai galama mui,vethaleva vagi ia vilanai pigo alu,
24Mui gemi thau avi vio,thau evanamona averele ni,evi vi iana paara vi vi agi koukoua,ia auniparana pakunai,gauna rupu eilagiani.25Thauna erupu ailagiani,rupuna gena veunagi ulavunu na aulavunu agiani,Palauna eulavunu evenikuo mui gemi,Palau gena thori pene gugulu ularana.26Vevuni auna auna eveole malao,rigolo vogo e ulu vogo mai pege vanagi,evana pemagaai Palau gena veaa auiri elerai.27Palau gena ririwa thaonai eauna auna vevunina,pene vamagaia ila geria, pe vevaavua auria pige ripa,e rinaa vewaa vewaa na wara Keriso mui thaomuiai,gauna vewaa mave raramanina.28Palau gailagaiani,gava namani,e valina namana gave varipa agiani,thaonekai,pe aunilimalima maparari pige iliga Palau thaonai.29Velegau pakunai thau avewalavio e aulavunuo,Velegaua iliganai iavuna thau thaokuai aulavunu agiani.
Chapter 2

1Thau aririwani mui pigo ripa,thauna vewalavi ari kamuna,aalao mui,Laodicea auri, e thau roai geripaku auri.2Thau aulavunuo pe,ila thaori pige iliga ulamagiai pige koukou,thaonai Palau gena auna auna vevunina,pige ripatha gauna wara, Keriso.3Ia thaonai ripa e thaoneka ge mia vevunio.4Thauna eathori iwani repana,orina mui gewapa muini.Lewana thau mui lagamuiai noai au,namu thau palauai auku nara elemuiai.Thau averele ni repana, olema mui nanamarai pana wai rawalimui e, gemi vevauna auna iligana Keriso thaonai pakunai.6Keriso ovairageao,iathaonaimo pigo thoa.Ia thaonai lamulamu mui pige kala,elenai pigo verape au,veva auna auna thaonai pigo alu,ge varipamui gelegelenai,e veveni ai pigono moira.8 Aunilimalima na thori inainai, thori ovaorai pigene wapa mui,aunilimalima olemana vega,e alimapara ralemana na evairana,nori Keriso ralemana na.9Ia thaonai Palau guguluna emaulini aunilimalimai.10Mui pogo gugulu,Keriso thaonai auna na iavu irau irau maparari ekune agirana.11Ia thaonai muina peritome gogapiao nori aunilimalima na geve veniagiani gauna,namu Keriso gena peritome thaonai.12Papasito thaonai,gove kuli koukouo,ia thaonai mago laaiwaio veva auna auna thaona na,Palau iavunai Keriso waregana eva laaiao.13Mui gemi galama thaorai,gowaregao e aunipara peritome nai,mui iaria eva mauli muio e gemi galama maparari eva lavu lewalewa rao.14 Ia gera gapitore,eala vagirao.E tou gerevagithao enaero ragethao satauro ai.15Vele rakiri iavuri,maparari eala milurao uuma vilarai satauro na ethoa vanagirao.16Pe, auana goi peene vailamu,ganigani gaurai,niuniu gaurai, pa velewa garori,o vue valivuna verele na pa,tapati garori.17Eila rogo pige veamai gauri thaupa thaupari namu,Keriso valu pe, rawanina.18Wapai gau geavuni auri, e aneru geai rupualiveni rana aurana,pigene wapa vanagimu gavumu namana thaona na.Eila maarana geiarana gaurai ia geoani.
20Ealimapara palauri pakurai,Keriso goi gowarega koukouo,ra gauna alimapara ro ovageleani e gena rova ovavenagirana:21''Poono vagelea, poono mamia,o poono napa aunagia''?22Egau maparari pige gavuvagi,mageria ulavunu,repana ila aunilimalima geria rovai e vevaripai.23Erova peiari thaonai e au apuna gena,e aunipara eva ralemani, namu aunipara gena nama veaoleana nee uamagiani.
Chapter 3

1Pene Palauna,goi e Keriso evalaai muio,kupa gauri pono avu thaori,avanai Keriso Palau ripana gena avanai ealuni.2Kupai gemiani gauri pigo valavuri,nori alimaparai gemiani gauri.3Repana goi owaregao,gemu mauli evevinio Keriso ria Palau thaonai.4Keriso goi gemu mauli, goi ia goi vewaai pigo vevamagai koukou wagaro anai.5Pigo vawaregari,alimaparai go au avarana auri-maaporaga,milo alari,alimapara gauri ririwamagi veniri,augaua,ila kaivakuku.6Eveairi gauri pakurai,Palau gena iavu wara nauna ge karo veraveni auri thaarai pene lavugatha.7Egau veairi thaorai,mui gothoa wai e thaorai go mauliwai.8Namu evanamona egau maparari elemuina pigo ala vagiri-ala gaana gaana,paru,uamagi awaawari,thori awa awari,murumuina pigene thoa rai.9Maavamui pigono vewapa,repana eau kuinena pogo ala vagia gena vevaripa gauria ila,10evana goi au valivuna poroagi aua,thaonekai eve vavalivuo,emaneao auna iaiana e ralewanai.11Avanai wanai noai Greek e Jew,peritome e noai peritome,noai karoverave,Scythian,vaalu au,alu awaawa,namu Keriso mo gau mapararai,gauri thaorai ia mo.12Gaurai mui Palauna evirigimuio,veaa e ulamagi aumui kutoumui ai venua vi igo olea,veala veveni,aoma,vaigaua evemathalagi.
14Egau maparari thaarai,ulamagi pono roana ole,repana nama eva walani repana auna auna.15Keriso gena maino na gemu mauli pene vele agia.E maino na mui egogomuio aunipara apunai.Gaurai Palau pigo vanamatha.16Keriso gena thori thaonai pigo mauli.Thaonekai pigo vevaripa e pigo veva iliga salamo ai e mariai e veaa marirai.Thaomuiai vevarage ai Palau pigo mari venia.17Gau maparari oalarana thoriai pa gegelai,gauri maparari Iesu Velegaua mo tharanai.Palau pigo vanamatha ia thaonai.18Vavine,garawa mui elerai veripa veveniai pigo mauli,repana Velegauna eririwani maulina era.19Maluane garawamui pigo ulamagiri,mamilagiri pigono varaavari.20Melo mui ianamui e amamui karori pigo amonagiri repana epe Palau gena verele gauna.21Ama mui naumui pigono varaavari,orina iliga noai gerawalini.22Vegapi oa aumui,alimapara velerana gegapimuio auri karori pigo amonagiri,nori maari ai airaimo pigo ulavunu,thao vevaverele ularana,namu ila noai au thaonai thaomui maauna aunari pigo ulavunu.Palau kalina na pigo kali.23 Goina raa ulavunu oalani thaonai,ma palaumuna Velegaua gena,nori aunilimalima geria.24Goi ripamu Velegaua elena na goi voi pono rawalia.25Pene au a ala thakwa thakwai nee maulini,ia nori ala thakwa thakwa voina pene gapia, apua mo genana na peene thao.
Chapter 4

1Alimapara velemui,gova ulavunu rana auri,gavuri auna auna pigo veniri,repana mui mai pigo ripa mui magemi vele kupai.2Veni vuavua,pigono moira agia.Vevarage veveniri thaorai pigo ala maavu.3Thai gemai mapigo veni vuavua koukou,pe,Palauna thori avagaamana apua pene alapatha,pe Keriso vevunina auna auna na pene veilagi.Gaurai thau ligoligo ai aaluo.Pigo veni vuavua pe thauna pana ole vethalevatha,geku thori thaorai.5Mulimuli auri gothori venirana thaonai, thaonekai pigo thori veniri pe,ora iakamu pigo rogo waia.6Gemi thori thaorai veugai mo.Mamilagiri pige tamena,thaonai goi pono ripa ila apuri apuri ra ponovagele iwari.7Thau olemaku,Tychicus na wapene varamu.Ia ulamagi melona,mailigana,Palau gena vegapioa melona apua.8Thauna mui pa u venimui,pe thai olema mai raa veaina pene varamui,e mui thaomui pene va iligari.9Thau na ia Onesimus goi pa uria,ia mailigana e ulamagi melona e ia mui auavamui apua.Enai gewalao gauri maparari pige varamui.10Aristarchus,gatipura koukouni auna gena vevanama peuua,Barnabas wala avana Mark ia elena na thori ogapirawai; pene elemuai eveamini pono vairagea11e maina Jesus matharana apua Justus.Jew aunilimalima ri aravarai,Palau gena basileia ulavunu aumai ipo era.thau thaoku gevagauao auri.12Epaphras na eva namamuini.Ia mui auavamui apua e Iesu Keriso gena venagi auna.Venivua vua thaorai mui gemi evewalavi gauvagini,pe mui pigo rua kikilagi Palau gena ririwa maparari thaorai.13Thau na ia ailagiraiani,ia mui gemi eulavunu gauavagini, e Laodecia gealuni auri, e Hierapolis ai gealuni auria mai.Ulamagi auna Luka vi vi eva namarana auna,e Demas raligoina geva namamuini.15Vewala ava Laodeciai e Nympha,gena numai rupu emiao gauna gava namamuini.Ealoalo mui thaomuiai eveoruni,Laodecia rupunai mai pigo oru raia,Laodecia geria aloalo maina pigo oru raia.17Archppus pigo vaila,Velegaua thaonai ulavunu ogapiao ulavununa pono vagugulua.18Eveva nama thau imakuna paaloa-Paulo.Thau imaku lekeaniri pigo valavu thaori.Veuga mui thaamuiai pene mia.

1 Thessalonians

Chapter 1

1Paulo,Silvanus,e Timothy thessalonia rupuna gemi paga uua,Palau ia amari e iagera vele Iesu Velegaua thara rai.veuga e maino mui thaomuiai pene mia.2Thaina noai gavalavu lewalewamuini,Palau gava namani mui pakumuiai,gemai veni vuavua thaorai.3Ia amari Palau vilanai,gavalavu thaomuini gemi veva auna auna pakurai,ulamagiai goiligavi ni,veraramaniai go ruani ia gera velegaua Iesu Keriso thaonai.4Walaavaku Palau na eulamagi muini,ia riparia iana mui evirigimuio,5repana vali namana mui elemuiai eveamaio,nori thoriai mo,namu iavuai,veaa Palauna thaona na,e mave vauna auna na.Veaina mo mui mai goripao,thai raa aunilimalima veaimai,mui thaomuiai mui pakumuiai.6Muina thai e Velegaua gorakomaio,thori gorawaliao gauagauai na maverelena veaa Palauna genana na.7Ganina namana ewalao,iaia namana gova magaiao,Macedonia e Achaia maparana thaonai,aunilimalima geve va auna aunao.8Mui elemuina Velegaua gena thori,ethoaraio nori Macedonia e Achaia ai mo,namu mui gemi veva aunaauna ethoaraio kapu maparanai.Wagauri pakurai thaina raaga mapagara ilagia.9Ila maauri geveamaini thai gemi vaila maini,mui thaina raa vegapirage veaina mui elemuiai gava magaiao,e mui raa gova aiwai iwao kaivakuku elerana evana mauli e Palau auna auna na goalaveniani.10Egaroa muina ia nauna gothaloani kupana ene veamai,waregana eva laaia auna- Iesu,iana ia raava iavuna thaona na elauarao.
Chapter 2

1Wala avaku mui ma aumui ripamui,thai gemai veamaio mui elemuiai nori thoa awa awana.2Mui ripamui ia Philipi ai avi vio e aopimathao.Thai Palau thaonai iliga garawaliao Palau valina namana vewalaviai gavara venimuio.3Thai gemai vekuneagi wara nori kepiai,nori thao lekalekai,pa wapai.4Namu thai Palau na eva auna auna maio,vali namana veraramani nai,thai na gathori agiao, nori aunilimalima piga va verelea,namu Palau.Palau namo ia thaori eripa rana.5Thai nori vevaraava thoriri gaveamai agirao, pa auagau thorina piga thori gavuri-Palau ia gera veilagirai auna.6Thai vevanama aunilimalima elerana noai ganogio,o mui elemuina pa ma vairi elerana.Thai nama vairi gara thori venirao,repana Keriso gena veunagi auri.7Namu, thai ga aomao vavine para nauri geala nakanaka rana veaina.8Eveainai,mui mai ga awarimuio.Thai gavereleo nori Palau valina namana mo vevailiga aginai namu,thai gemai mauli mai.Muina thai gonaka maio e go auavamaio.9Ia gera veaolea e iligavi go valavu thaorana.Pogi e garo aulavunu wai,pe thaina mui mamilagimui noai gava raavarao,Palau valina namana ilagi ilaginai.10Muina goiathao,e Palau na maina,veaa,thakwa thakwa,noai kepikepina vagi thi gegela mai gove vauna aunao elemuiai.11Veaina mo,mui ripamui,apuri apuri elemuiai thai olema mai goripathao,no melo nau veairi gaalamuio.12Ga puumuio,gava iligamuio,Palau gena ririwa tharaparanai pigo thoa,repana iana mui egogomuio ia gena Basileia thaonai vewaa thaonai.13Egauri pakurai Palau thaina gava namani vanagi vanagi,Palau gena vali thai elemaina gorawaliao,pigo gapi ragea nori aunilimalima gena thori,namu auna auna ia Palau gena thori,mui elemuiai eulavununia gova auna auna nia veaina.14Wala avaku mui,Palau gena rupu pigo rakoa,Judea thaonai Iesu Keriso thaonai.Repana muina mai gauriamo mago vi vi agiri gemi vanua auri elerana,Jews auri geva vi viri veaina 15Iesu Keriso e Peroveta auri aurana gevagiri,thai aurana gegiu rai mai.Palau ilana noai geva verelea ni.Namu ila aunilimalima maparari gegalama venirana.16Vevaa vua auri piga thori veniri,nagai ila thai geva waimai.Wamauli ganina gerawaliao ila geria galama geva vonu auna auna rao.Namu Palau iavuna na ila pene vethoa vanagiri ikana gena avanai.17Wala avaku,thai elemuina avewareo,gagova gelena aunilimalimai nori kutouai.Thai gemai ririwa kamu laumuiai pagara ai au.18Thai gaririwani piga veamai elemuiai-Thau Paulo,vagana e maana veamai wai -namu Satani na ekoumaio.19Pe thai gemai veraramani raagau,pa verele,pa vevaoloa korona na,Iesu Keriso vilanai gena veamai ai?20Repana mui thai gemai vewaa e verele.
Chapter 3

1Gauri pakurai,piga ulavunu nori gelegele,gauamagio ere namao Athens ai geregana gara kaliwaniao.2Thaina Timothy,ia wala avari e gera ulavunu auna ga uuao Palau gena Keriso gena vali namana thoa aginai,pene vailigamui gemi veva aunaauna pakunai.3Pe auapua na peene ala laiwa laiwa vi vi thaorana.Mui riapamui vethaleva ia eulavunu pakunai ia evirigirao.4Auna auna vagi,goi elemuai gawai alu thaonai gavaila thalo thalomuo,evi vi pene wala thaonai ewalao goi ripamu.5Gauri pakurai,thau pana rogo gaugau avari geve leao,thau athori uuo pe goi gemu veva auna auna pana ripa.Verauleai vealaovo auna na eala ovomuo thaorana ia gera iliga vi noai ganina.6Namu Timothy goi elemuna eveamaio,vali namana emi kwara agiao gemu veva auna auna e ulamagi emi vara vara agiao.Evaila maio goina thai roo ovalavu maini,e oririwani poro ia mai e thai maina gaririwani goi mapagara iamu.7Vewala,egauri pakurai goi na thai ovailiga maio,repana gemu veva auna auna pakunai,thai gemai vi vi e mamilagi raraavari thaorai.8Evana ia amaulini,pene goi pono rua kikilagi Velegaua thaonai.9Thaina raa vevanama iiwari Palau pagara venia goi gavumuai,repana verele pekamu vagi,ia gera Palau vilanai goi elemuai?10Pogi e garo gaveni vua vua gauavagini,vilamu pagara iatha,thaonai omirani kapurai piga vailigamu.11Ia gera palau e ia amari geregana,e gera vele Iesu, thai gemai tharapara pene ole magamagatha goi thawai venimuai.
Chapter 4

1Ikana gena avanai,vewala,thaina goi gapuumuni e gavailigamuni vele Iesu tharanai.Thai gemai thori goina oamonagirana,goi raa pono gegela iwa thaonai Palau pono vaverelea,veainamo pono mauli pe, goi pono iligamo pono vaivaia.2Goi ripamu raa thori veairi Iesu thaonai gavenimuo.Epe Palau gena ririwa,goi gemu vepothogi maulina,goina maaporaga maulina othoa gegelagiao,4mui apuri apuri ripamui gemi gai raa pigo gegela agi iwari veaa ai e vemathalagiai.5Alimapara ririwamagina elemuiai nee veono nia(vevaa vua veairi Palau noai geripatha ni).6Au apua wala avana eolemai peene varaavara.Repana egau maparari thaorai ia vavoigapi auna,thaina goi gavailamuo veaina.7Repana ia Palauna egogorao,nori milo vegogonai egogorao, namu veaa vegogonai egogorao.8Gaurai riai eia eva waiani auna iana nori, aunilimalima eva waiani namu,Palau evawaiani,auna na gena veaa Palauna evenimuo.9Vewala ava ulamagiri thorirai,auana goi eveaina peene alo venimu,mui maaumui Palauna evaripamuini maauavamui gove ulamagini.10Eolema veaina pigo vamagaia vewala ava maparari elerai Macedonia thaonai.Namu thaina mui ga puu muini emauli veaina pigo vepuu agi gaua gaua.11Mui mai gapuu muini pigo mauli thaonai,noai galavumui,gemi ulavunu maaumuina pigo iamaari, e imamui pigo vaulavunuri,gavailamuio veaina,12Pe mui pigo thoa thaonai pigo thoa vethaleva,mulimuli auri vilarai gau waua pigono avua.13Mui na mai pigo ripari,waila gemauo auri,pe waila gevi vini auri veairi pigono vi vi,auri noai geria veraramani.14Pene ia ave vauna aunani Iesu ewarega e laaiwai,veainamo Palauna Iesu thaonai gewaregao auria Iesu ila pene vevai mairi.15Velegauana thori ai gaurai gava ila muini,ia riairi mauliri aaluo velegaua aalu vathaloani,gemauo auri vilarana piana vevanagi.16Velegaua maauna kupana pene mirivo.Ia pene veamai pene gogo makala,aneru karorai,Palau gena kiupili ila, thaonai Keriso thaonai gewaregao auri pige laai reparepa.17Thaonai ia mauli auri,aalu waio auri eila ria peverage koukou iloa thaorai,kupa uunai Velegaua peve rawalia.18Wagauri pakurai maauavamui mui pigo vevailiga ethoriai.
Chapter 5

1Vewala evanamona,lagani roari e ora eiari,mui thaina pigana alo venimui.2Mui maaumui ripamui vethaleva vagi,Velegaua gena garo eveamaini ia lema auna veaina pogi thaonai.3Pige ila iwa,'' Maino e Nama iwa,'' neni ila thaarai raava iwavagina pene kwara vevapolu.Vi vi na mamilagina no vavine na melo evawalani evi vini veaina.Ila noai geria ulemauli tharari.4Namu mui wala avaku,mui nori muunai pe, wagarona mui no lema auri veaimui pene thoa vanagimui.5Repana mui maparamui mathaa nauna e garo nauna.Ia nori pogi nauna pa muuna.6Gaurai ia piana mau,mavairi gealani veaina.Namu ia pe ala maavu e thao vethalevai pe alu.7Gemauni auri ila pogi nauna e ge niuniuni ila pogi nauna.8Repana ia garo nauna,ia neka nekai pe alu veva aunaauna pe ole aua e ulamagi komarai peolea,e nama veraramanina reparai peole aua.9Palauna ia evirigirao nori raava rua vila agina ulanana,namu nama pevaia gera vele Iesu Keriso thaona na.10Ia ia pakurai ewaregao,pe lewana ia amauo pa erori ia Keriso ria peve maulikou.11Gauri pakurai maauavamui pigo vevailiga,gove vailiga agiani veaina.12Vewala,ganogimuini,thaomuiai gemi geulavunu ni auri pigo vanamari,e geia maa muini Velegaua thaonai e geva nama muini auri pigo mathalagiri.13Pigo varageri ulamagiai geria ulavunu pakurai.Maino mui nuanua muiai pene mia.14Vewala, gava iligamuini,noai gemauli thakwa thakwani auri pigo vaila vagiri,moira auri pigo vailigari,moira auri pigo vaavari e manau ai maparari pigo ala veniri.15Pigo ia namanama ri, auana raava na raava peene vavoia.Namu, nama pigo avu thaoa maauavamui thaomuiai.16Pigo verele vanagi vanagi.17Veni vua vua pigono kaliwania.18Gau maparari thaorai Palau pigo vanamatha.Epe Palau gena ririwa Iesu Keriso thaonai mui gemi.19Veaa Palauna pigono moialia.20Peroveta thori ri pigono ilagi raavari.21Gau maparari pigo veva ovori,enamani gauna pigo gapi roanaolea.22Raava gauri maparari elerana pigo thoa gerevagi.23Palau gena maino na pene vaveaa gugulumui.Palaumui maguguluri,auniparamui,e thagilamui noai kepikepiri pige mia,ia gera Vele Iesu Keriso alu vathalonai.24Ia amonagi guglu ia mui egogo muio,auna na maene gogo waimui.25Vewala, thai gemai mapigo veni vua vua.26Thai gemai veaa veponana vewala ava maparari pigo veniri.27Thau na mui Velegaua tharanai availamuini ealoalo ia wala avari ma vairi vilarai ealoalo pigo oru raia.28Ia gera Vele Iesu Keriso gena veuga thaamuiai pene mia veilivu.

1 Timothy

Chapter 1

1Paulo,Iesu Keriso gena ulavunu auna,Palau gena rova gelegelenai,gera veva mauli auna,e Iesu Keriso gera veraramani auna,2Timoteo gena,melo auna auna na veva aunaauna thaonai;Palau ia amari e Iesu Keriso, ia gera vele,vewaa ri,geria venuavi,e maino thaamuai pene mia veilivu.3Thau Macedonia athoa veniawai,thaonai availamuo Epheso ai pono alu wai,pe vevaripa irau irau geve varipa agirana auri pono ole thakwa thakwa ri.4Orina inaina irau irau e kalakala noai ganairi,gauri gegapi roana ole rana.Eolema veairana ilavevauu eva wala rana namu,nori Palau gena ririwa veva aunaauna thaonai evailigani.5Evanamona,rova lagilagina wara,ulamagiai thao vethaleva,valavu nekaneka,e veva aunaaunai.6Aunilimalima vairi,egau gekaliwani thao,namu thori awawari geole rana.7Ila geririwani rova ige vevaripa agia namu, ilana gethori rana e geva aunaauna rana gauria mai,ila nori ripari. 8Namu ia ripari,rova ia nama pene,emauli agi nama nama ni.9Ia ripari,rova evealao nori ala thakwa thakwa auri pakurai namu,rova noai geva geleani,karoverave,galama,Palau noai gegapi rageani.Rova eveoleo ganina,riari amari e ianari gevagi vunirao,e vagivagi auri 10Maaporaga auri,aunilimalima gelemani auri,wapa auri,evanelia wapa auri,e thori nanama ri gekalarana auri.11Eveva ripa wara,vali namana vewaa vewaa,Palau gena vevaripa thaona na, thau pe raramaniku.12Iesu Keriso ia gera vele,thauna ava namani.Thau evailigakuo,evirigikuo geku veva aunaauna iligavagi gaurai eulavunuai ai eolekuo.13Thau vagivagi auku,ekalesia alivurawai,naa veoruwai.Thau Palauna enua viikuo,repana thau naa veva aunaauna wai thaorana,ala awaawari aala agirawai.14Velegaua vewaana na,veva aunaauna e ulamagi Keriso thaonai,gauna na avonu pora eo.15Evali,mave raramanina,pono gapi ragea maganina,repana Iesu Keriso alimaparai eveamaio,galama auri pene vamauli ularana.Ravana vagi apuna thau.16Egauri pakurai,thau enua viikuo pe,thau thaokuna Iesu Keriso na vaigaua pene vamagaia.Elenai mauli vanagi vanagi,geve raramani agiani auri geria vagelegele eva magaiao.17Evana, vele alu vanagi vanagi,noai laganina,noai iaiana,Palau apuna vagi,pe mathalagia e pe varagea eora pene thao noai ikana.18Timothy nauku,thauna erova, goi vilamuai aoleani,goi ge peroveta agimuo,evevagi namanai goi pono vevagi,19veva aunaauna e valavu nekaneka pono rogo kikimagia.E thori gerua muligia auri geria veva aunaaunai gewaunagio.20Eila veairi,Hymenaeus e Alexander,thauna Satani elenai aole vanagirao,pene varipa vethalevari vevaraava nori gau namana.
Chapter 2

1Gaurai gau repa repana wara,thauna availigamuni noginogi,venivuavua,e vevanama veveni gauri,aunilimalima maparari elerai pigo ulavunu agiri,2Vele maparari e veia maa auri maparari,thaarai pe maino ai e mauli noai galavu galavurai na,Palau mo thaonai.3Eolema ia nama e Palau ia gera vevamauli auna na egapirageani.4Ia gena ririwa kamu aunilimalima,maparari vevamauli pige rawalia e auna auna thaonekana pige ripatha.5Repana,Palau apuna vagi, Palau e aunilimalima gavurai,thori auna mai apuna,auna ia Iesu Keriso.6Ia maauna eve venio,ia maparari evoi rao vailiana,mai oranai vega ewalao.7Gauri pakurai,thau egapi laaikuo pana vekune agi e gena ulavunu auku-Thauna goi thori auna auna availamuni,thau naa wapani-e vevaavua auri,veva aunaaunai e auna aunai geria veva ripa auna.8Gaurai,aunilimalima maparari kapu mapararai,pie veni vuavua e imari maveaari pige ulaairi,thaonai nori paruai pa ila veva uai.9Veaina mo vavine pige verapua vethaleva,iliga e vaigaua thaorai,nori rapua ma ralemaralema rai pa voiri olaria gaurai,10Namu vavine iaiana eva magaiani verapuarai,veaa thori thori rai pige thori,ulavunu nanamari thaorai.11Vavine ia ripa ene rawali pene iwa,ia noai galavuna e noai uamagi vevuniri.12Vavine apua thauna iavu naa veniani,ia pene vevaripa pa maluane iavuna peene iwatha namu,ia amumuai pene mauli.13Repana,Palau na Adam emane reparepao,nori Eve.14Adam vewapa ovo nee rawalio namu,vavine vewapaovo erawalio thaonai egalamao.15Namu ia melo vawala orarai,Palauna ia pene lauara,pene ila ulamagi,veva aunaauna e thao vethalevai pige mauli.
Chapter 3

1Ethori mave raramanina:Pene aua ene vekuneagi pene iwa,ia ulavunu namana eririwani.2Gaurai vekune agi auna ia nori ila vevauu auna.ia garawana apunamo,nori paru auna,vemathalagi auna,wari au valarage e ia vevaripa auna.3Ia nori niuniu auna,nori ila vevauu auna,na ia manau e maino auna.Ia mai nori moniai pene oa gauagaua auna.4Ia gena numa thaona maulina pene ia ma vethaleva auna,e ia nauna na mai vemathalagiai karona pige amonagia.5Pene aua gena numa thaona ia ma venina nori ripana,Palau gena rupu iana ra pere ia ma iwa?6Ia nori ekalesia valivu auna,pe ia orina vevaoloana evagiani,raavai eve eo oani diabolo veaina.7Ia maina au vali nama,mulimuli auri elerai,pe ia mamilagi raraavari thaorai orina eve thoa oani,diabolo vakana thaonai.8Rupu Veleri,veairiamo ila vemathalagi auri,nori niuniu auri,e nori wapai gau gethori gaana rana auri pa augaua auri.9Ila mai auna auna emagaio valavu nekanekai pige rogoa auri.10Ila maina rupu thaonai pige va auna auna kuneri,kapi pige ulavunu repana ila noai geria kepi.11Veaina mo,Rupu Veleri garawari vemathalagi geripao vavineri,nori vewane vavineri,nori muru vewaivewai vavineri,namu thao vethalevai ulavunu thaorai.Ila mai nauri e geria numa mauliri geva vanamarana vavineri.13Riari ge ulavunu namao auri,ruarua namana ila geria,e veva aunaauna Keriso thaonai iavuna ilana pige vaia.14Thau na egau maparari goi aalo venimuni,auamagini garo apua elemuai pana kwara.15Orina ave rogowaini,gaurai thauna goi aalo venimuni pe,Palau gena numa thaonai goi ra pono gegela iwa,mauli vanagi vanagi Palauna gena rupu ailagiani,aunaauna kearepana e ruguna.16Ia mapararana ava auna aunao,Palau maulina vevunina ia kamuvagi,''Ia auniparai eve vamagaio,veaa Palauna iavuna ia thaonai,aneruna geiao,alimaparana eva auna aunao,e vewaai eve rage ole.''
Chapter 4

1Evana,Veaa Palauna na eilagi vethaleva vagiani,kapinai ora vairi thaorai,aunilimalima vairana veva aunaauna pige kaliwania,vevailea palauri pige vageleri e temoni geria veva ripa pige gapi rageri 2wapa maulinai,valavu nekaneka apua pigene rawalia.3Aunilimalima gewapa rana pe,geve garawa garawani,ganigani vairi rovari gealarana pigene ganiri,na wape Palauna ealarao pige nogia thaonai pene vanamari,auna auna geripathao geva auna auna nia aurana gau geripao gauna.4Gau maparari,Palau na ealarao ila ia nanama.Ganigani gauna anogi agiani,pene vanama Palauna nee vawaiani.5Repana ia Palau gena thorina e veni vuavuana eva valivuani.6Pene wala avamu vilarai,egau pono ole rairi neni,goi wara Iesu Keriso gena veunagi auna namana.Veva aunaauna thorirana e vevaripa thoriri nanamari ogapiragerana gaurana elovamuo.7Gare apaena alimapara inainari geolerana gauri poono gapirageri.8Aunipara ririwana,gena nama ia nori kamu,namu ia palauri gena ririwa ia kamuvagi.Repana egaro maulina e rogo eveamaini maulina,ilagavuna iana erogoao.9Evali ia mave raramanina,e pono gapiragea,repana ganina kamuvagi.10Thai gave walavio e ga ulavunu gaua vagio,eveaolea pakunai.Palau elenai gave raramani ni,ia aunilimalima maparana evamauliao,velena namu geve va auna aunaniamo auri.11Pono ilagi lovolovoa e egau ailagirana gauri pono veva ripa agiri.12Nori goi melo valivumu,gaurai pono guguva na,geve vaauna auna ni elerai iaia namana,pono vamagaia,thoriai,olemamuai,ulamagiai,amonagiai e thao vethalevai.13Thaonai uuma vilarai oruoru,vevaripa,e wapaai nuamu ene gaua,pene thao thau pana veamai.14Gemu rinaa,evenimuo thaomuai pono valavua,nori ipo orawaliao namu eveperoveta agio,rupu vele rana thamuai imari geole aurao iavuna thaonana.15Egau nakari pono gauri.Thaorai pono alu,pe goi gemu ulavunu olemana pige ripatha.16Maamu gemu mauli e vevaripa oalarana gauri pono ia vethalevari.Eolema poono kaliwania.Repana eala veainai,goi e geamonagimuni auri vevamauli pigo rawalia.
Chapter 5

1Au ola gemu olea thaonai poono vaila,raava raavari.Ia vele parai pono vailiga.Melo valivu no wala avamuai pono puuri,2vavine ola no inamu,vavine valivu no gaamu veairi,thao vethalevai pono vairi.3Wapu pono vagele ri,wapu auna auna ri.4Namu pene wapu apua ma nauna pa ma upuna,ila pono vailari geria numa thaonai ro veala vevni ripa kunea.Ama,ina geria nama pige vavoiri,repana eveainai Palau everele ni.5Wapu auna auna pono ia,ia geregana emaulini,ia Palau elenai eve raramanini,garo e pogi mapararai Palau elenai eveni vuavua ni.6Namu ri vavine alimapara ralemanai emaulini,ia waregana lewana ia roemaulini.7Evevaripa maina pono veniri,pe ila noai kepikepiri pige mauli.8Namu pene auapua,gena rawali thaorai ia walawalana nee iani,ia veva aunaauna thaona na eveovo vagi ni, iana noai geve va auna aunani auri geria raava mai eiwarana.9Geria rigolo kapana aula oioi na pene vewai rage,ila wapuai tharari pono alo uvaleri,ia garawana apuna vavinena.10Ia vavine vali nama vavine na,i gena numa thaona eia maani vavinena,au polu vairageri ripana,e Palau gena veaa auri gageri evuligirao,e ulavunu nanamari maparari thaorai ia iliga vagi.11Namu wapu vavine valivuri,ila tharari poono alo oari.Repana ila aunipara ririwana na pene vevairi,thaonai orina geve garawa waini.12Eveainai,mamilagiri ori gera avani,repana ilagavu reparepana ge ala raavani.
14Gaurai,thau aririwani thaonai Iao pige vegarawa,melo pige vawala,pe numa ulavunu ri pige iamari,orina Satanina ila thaorana ia evagirana.15Repana vairi rauvagi geva aiwaio Satani mulinai pege thoa.Pene wapu apua,ia Keriso thaonai emaulini,thaonai ia gena numa thaonai wapu gealuo,iana pene vaavari pe rupu meau meau peene venia,pe rupuna geria veaolea thaorai pene vaavari.17Vevai nama auri,Palau na thoriai e veva ripa aginai,geulavunu vaa namani,ila gavuri nanamari iana pigo veniri.18Repana eveaina evealo auo,''Poromakau thanai muzzle apua poono ole aua,ia muu eganini thaonai'' e ''eiligavi ia mavoina.''19Ila vevauu apua,au kuineri elerana poono gapiaragea,pene thao auavamu lualua pa oioi vilarai neni ia pene nama.Galama auri,uuma vilarai pono vathakwa thakwari,pe mavairi pige guguva.21Thauna goi availamuni,Palau,Iesu Keriso,e geve virigio aneruri vilarai,erova pono gapi roana oleri,e vairiamo geria na poono thao.22Veva iavu ulavunu ri ipo poono ala guilagiri.Mavairi geria galama thaorai,poono thori au.Goi pono veole gerevagi vega,thao vethalevai.23Nalu poono niu gauagaua,namu wine iana pono gapi,inagemu e gemu vii ulana na.24Aunilimalima vairi geria galama,uumana geripathao,ila vilarai veva aithori pige vethoa oa.namu galama vairi mulina na mageve amini.
Chapter 6

1Gaigorai no walo geva pairao auri,geria vele geria pige ulvunu gaugaua.Eveaina pige ulavunu pe Palau tharana e gena vevaripa pigeene ilagi raavara.2Pene Palau geva auna auna ni,auri geria geulavunu ni,eila mai mapige mathalagiri,repana ila wala avari.Ila geria pige ulavunu gauagaua.Repana eveala veni auri thaorana nama eveamaini auri,ila Palau geva auna aunani auri.Egau pono ilagi rairia e pono vevaripa agiria.3Pene auana vevaripa wapa eve varipa agiani,e Iesu Keriso gena vevaripa nee vaauna auna ni e veaa palauna gena vevaripanee ririwani,4ia e awa awani e gauwaua nee ripanai.Ia nori nuani ola,ia ila vevauumo,paru,thori galama galama mo,valavu awa awaria mo ripana,5Repa vevili auri ila geilavevauu vanagi vanagini.Auna auna maulina geala lewalewani,e ila geria valavu thaonai,ekalesia maulina wara moni vogona eveamaini tharaparana.6Palau na ia gera mauliai,evawala rana gauri pegapi roana oleri,ia vina kamuvagi,repana ia alimaparai ave amaio gau waua noai avetou maia,pe warega mai gau waua mapiana tou aua.8gaurai ia ririwari pevaguguluria gauna wara, gera ganigani e rapua verele rana pene vairi.9Rinaa maulina geririwani auri,ila veala ovoai,ge rawalini,maauri vakari geoleni.awa awa e vivi gauri vogovagi thaorai ge thoa oani,gaurana mauli eala raavani.10Moni ulamagina ia raava lamulamuna.Geririwa magiao auri ila geria vevauna auna thaorana,ge eo luluo maauri vi vi kamuvagi thaona na gevanagini.11Namu mui Palau gena auri,egau veairi thaorana igo thoa gerevagi.Ala thakwa thakwa,veaa maulina,amonagi ma iligana,ulamagi e valavu au kamu maulina pono gapi roana olea.12Veva auna auna vevagina namanai,pono vevagi.mauli vanagi vanagi pe roana ole,repana ia egogorao ganina era,e mai ove ilagi raio uuma vogovagi vilarai.13Thau na goi Palau vilanai availamuni,auna na egau maparari mauli evenirana,e Pontius Pilate vilanai,eveilagi rai vaanamao,14pe rova pene rogo kikimagia,noai kepina,pa vevaraga pene thao Iesu Keriso pene velavu ulewai.15Keriso gena velavu ulewai,Palau gena ririwa oranai pene vamagaia-Palau ia enama iwa vagio,ia Vele iwavagina,ia eveleni e pene vele vanagi vanagi.16Iamo geregana peene warega,mathaa irauvagi apuna thaonai ealuni.Au apuana ia peene iatha,iaiana pene vamagaia.17Rinaa auri maparari ono vailari,pigene vevaoloa e geria veraramani rinaai pigene olea,repana ila pige lewalewa gauri.namu ila Palau elenai pige veraramani.rinaa auna aunari ia evenirao iana peverele agiri.18Pono vailari ala nanamari pige ala agiri,ulavunu nanamarai pige verinaa,geria rinaa pige wareware agiri.19Eveainai,ila mauri geria rua kikimagi avana geva ruani,rogo pene veamai,thaona mauli auna auna na pige rawalia.20Timothy nauku,Palau na evenimuo gauna nakana pono gaua.Thori awa awarana pigene wapa vevilimu.21Au vairana egau geilagiri auna auna,avarana veva aunaaunai geleao.

2 Timothy

Chapter 1

1Thau paulo,Iesu Keriso gena veunagi auna,Palau gena ririwai,mauli eilagavuao Keriso Iesu thaonai,2ethawaini Timoteo elemuai,aulamagimuni melona: Vewaa,Veuga, e Maino, Palau ia amari e Keriso Iesu ia gera vele elena na.3Thauna Palau avanama ni,thau kalakalakuna geala venia veaina,thau na mai aala venia ni,thaoku vethalevana na,auamagi thaomuni,pogi e garo geku veni vuavua thaorai.4Gemu maani valu auamagi thaorana,aririwani pana iamu pe,thau thaoku verele na pene vonu.5Goi gemu veva auna auna iligana gemi vaila venikuo,goi upumu vavinena Lois e inamu Eunice mai naveaina mage mauli,thau naa aovoaovo ni goi mai thaomuai,veaina maene mauli.6Thauna goi ma karo vara waimuni,ganina era Palauna evenimuo rinaa na thaomuai,vevaiavuna thau na goi avenimuo,pono mole rapurapua.7Repana Palau na ia nori kali palauna evenirao,namu iavu,ulamagi e vevathaoneka palauna.8Ia gera vele valina ilagi lovolovo nai,poono opi matha,pa thau Paulo ia pakunai atipurani.Vi viai vali namana pono wapaa agia,Palau iavuna thaonai.9Palau na ia eva maulirai e egogorao veaai.Nori ia gera ulavunu pakurai namu,Palau maauna gena valavu e veugai.Iesu Keriso thaona na egau maparari eveni rao,kapinai egau maparari gewala.
11Eveainai gaurai thau gegapi laaikuo,pana wapaa,veunagi auna,e vevaripa auna.12Eolema mo pakurai thau avi vio,namu thau naa mathani,repana thau ripakau, auna thauna avaauna auna ni.Thau pami uamagi vethaleva,ia thau pene iamaku auna,pene thao wagaro pene kwara.13Thau elekuai po amonagia gauna,pono roana olea repana ia vevaripa namana,veva auna aunai e ulamagiai,Keriso thaonai.15Goi ripamu Asia thaonai,mapararana pege mi vane waniku,pami gerega Phygelus e Hermogenes maina mapege thoa.17Romai mai ealu thaonai, thau eavu vigivigikuo pene thao,everawalikuo.18Palauna pene nuaviia wagaro pene kwara garo aanai.Goi ripamu vethaleva vagi,olema irauirau thaorai,Epheso ai eva avakuo.
Chapter 2

1Gauri pakurai,nauku pono iliga veugai,Keriso thaonai.2Thau elekuai poamonagiri,gauri ia auavari vogo vagina pege ripari,vevauna auna elerai pono vevaripa agia,pe mavairi mapige varipari3Gauagaua evi vi agi koukoua,Iesu Keriso gena veali aurai.4Veali auna apua ia peene veali,pene gena numa thaonai vewaunagi perawali,pe ia gena au kakamuri pere vaverele ri.5Veaina mo,pene aua ravu vegalai ene ravu neini,ia gavuna peene gapia pene thao rova na ro pene iatha.6Auna auna,iula kapuai eulavunu gauagaua ni auna,ia gavuna ganiganiri egapi kunerana.7Thauna ailagi rana gauri ono valavuri,Palauna goi uamagi ulu pene venimu pailagiri gaurai.8Poono vevalavu lewalewa,Iesu Keriso ia Tavita vuavuana,waregana elaaiwai.Thau geku evanelia valina namana na eilagiani gelegele nai,9Vi vina thauna pami rawalia,imaku pege ligoligori,no vagi vagi auna apua veaina.namu palau gena thori noai geligoa.10Gaurai gau maparari,thauna arua vila agirao,gevirigirao auri geria,pe ila mai Keriso thaonai nama emiao gauna pige vaia kupa vewaana ila.11Ethori wauna ia mave raramanina,''Pene ia Keriso ria awarega koukouo,ia maina Keriso ria pevemauli kou.12Pene ia agapiragea ni ia Keriso ria pe vevele koukou.Pene ia pe vawaia,neni ia mai pene veva wairi.
14Ethori ailagirana gauri,pono vanekari.Palau vilanai pono gavu inari Palauna thori pigene ila vevauu agia; noai gena nama,amonagi auri geria mamilagi pene varaavara.15Ma ririwamagimu Palau vilanai pono veole rai,iavu ogapio ulavunu auna,raagauna goi ono matha,goi pe auna auna thorina ove varipa agiani.16Ulavunu geva lourana thori ri,pono iwa thaori,repana veaa maulina thaona,ori ove ovovagini.17Ila geria thori ia gavaa veaina ethoa lovolovoni.Ila thaorai wara,Hymenaeus e Philetus,18auna auna thaona na gethoa vevilio.Ila negeiwao,laaiwai rau vagi ewalao,pe vairi geria veva aunaauna thaorai ge ole learao.19Palau gena rua kikimagi avana emiao,eveaina eve alo ole: ''Velegaua ripana riari ia gena''e riari Palau tharana geilagiani auri, ila nori thakwa thakwa maulina thaona pige gerevagi.''20Rinaa numana gaua thaonai,nori gold e silver gemiao.Wanai maina wulu e kopala gemiao.Eila vairi mageria ulavunu, e vairi ila noai geria ulavunu.21Pene aua noai gena ulavunu thaona eve thalevani,ia maganina.Ia eveole gerevagini,vele elenai gena ulavunu kamuvagi,ulavunu nanamari ularana eve ala maavuni.22Koloamu rigolori, ririwamagiri ono kaliwaniri.thakwa thakwa,veva aunaauna,ulamagi e maino ai Velegaua gegogo veniani auria ila igo mauli kou,thao vethalevai.Namu verenagi awa awari e noai ganiri verenagiri poono vageleri.Goi ripamu nagauna ila vevauu eva walani.24Palau gena veunagi auri ila noai geila vevauu ni.Ia uuma maparari pene nama veniri,pene vevaripa,e aomai pene alu.25Iana amumuai,noai geririwani auri pene vathaonekari.Palau na ila verauleai,vaaiwai pene varipari auna auna thaonekanai.26Ila valavu nekaneka pige rawali wai,Satani gena vaka pige kaliwania,ia gena ririwai egapirao mulinai.
Chapter 3

1Namu egau pono ripatha: Garo kapikapirai,mauli ene vegauagaua vagi.2Aunilimalima maauna ene veulamagi,moni ulamagina ene kamu,maauri ige vevarage,ige vevaoloa,ige veva raava,ama e ina karori pigene amonagiri,noai vegapirage e veaa mauliri ige gavu vagi.3Vewareai ige mauli,pigene vekapawai,vagivagi ige wala,noai vaigaua,paru ai ige mauli,nama pigene ulamagia.
5Ralewarai e gegelarai,wara veaa maulina namu,Palau gena iavu ige ilagi raava.Eaunilimalima veairi elerana pigo gerevagi.6Vairi ila maluane,numa thaorai gethoa oani awa awa vavineri ge wapa rana.E vavine wara galama na gevonuo,alimapara rinaa rana gewapa rairana.7E vavine ila, roge ripani garo mapararai,namu ilana auna auna thaonekana roai geripatha.8Veaiveai namo,Jannes e Jambres Moses geva muru vewaiao,evevaripa wapa aurana auna auna gerua keru agiao.Ila maluane namu,valavurai vevili,ila geria veva auna aunai gemagaio ila wapa auri.9Namu ila paari pigene veole.Ila geria awa awa maulina uuma na ige ia rawalia,ila waveairi auri.10Namu goi thau geku,vevaripa,olemaku,ganina raagau,veva aunaauna,vi vi gagovana,ulamagi,vaigaua,11vevaraava, vi vi,thaonai thau elekuai raaga ewala,Antioch ai,Iconium ai,e Lystrai.Veva raava arua vila agia.Maparari thaorana,Palauna thau elauakuo.12Veaai e Iesu Keriso thaonai geririwani pige mauli ila pige varaavari.13Raava aunilimalima ri,ila raava na pige thao pige veraava vagi,vairi pige vevai leari14Namu goi,po ripari e ova auna aunao,gaurai pono rua kikimagi.Goi ripamu riai elenai oripathao.15Goi koloa koloa muai vega ealoalo maveaa ri oripathao.Eveainai thaonekamu pene kamu,Keriso thaona na nama pono vaia.16E thori maparari,Palauna eva veaa thao.Ia maganina,rupu gena ravuravuai,thao vepothoai,vevathaoneka,e thakwa thakwa vevaripanai.17Palau gena auri ila pige iliga e pige ala maavu,ulavunu nanamari ularana.
Chapter 4

1Palau e Iesu Keriso vilarai,thauna erova aveveni agiani,repana iana warega e mauli auri pene vaai thoriri repana gena veamaiwai ulana na.2Thori pono wapaa agia; pono ala maavu,lagani roari pono iari avanai.Pono vevaila raava raava,pono vathaonekari,e pono vailigari,e vaigauai pono vevaripa.3Orana pene kwara,aunilimalima na evevaripa pigene ririwari.Namu ila maauri geria ririwai, vevaripa auri ige gapiri,ilana geririwa rana thoriria ila egarana pige laauvale.4Auna auna thorina ila noai geririwani pige amonagia,ila ige vaaiwai myths ige vaai veniri.5Namu goi valavumu nekanekai pige mia,gau mapararai.Mauli gauagauna pono vi vi agia;evanelia ulavununa pono ulavunu agia;gemu ulavunu pono vagugulua.Thau paala maavu,pave lavuga rai.Pana veva gaga orana pekwara.7Ula namanai paula;Ravu vegala pava gugulua;Veva auna auna parogo kikilagia.8Mauli thakwa thakwa korona na,pe ole maavu thau geku,vevaithori auna na pene veniku wagaro anai,nori thau mo na,gena velavu ulewai geulamagiani auria mai.9Pono velee,pono veamai elekuai.10Demas na thau mape kaliwaniku.Alimapara pe ulamagia pethoa,Thessalonicai.Crescens pethoa Galatiai,e Titus pethoa Dalmatiai.11Luka mo geregana thau lagakuai.Mareko pono vai aua raligoi pigo veamai,repana ia gena ulavunu ia kamu thau elekuai.12Tychicus thauna pa ua Ephesus ai.13Troas ai Carpus elenai rapua akaliwania gauna pigo tou aua,e puka,parchments pigono valavu lewalewari.14Alexander,auli avanai eulavunu ni auna na auniparaku peva vi vi gaua vagia.Palauna gena ala olemarai pene vavoia.15Ia elenai mai nakamu pono gaua repana iana thori aoleri thori ri iana nee ririwari.16Geku thori mamana garonai,noai au rua kwaruku.mapararana gekaliwaniku ave geregao.17Namu Palau na erua kwarukuo,eva iligakuo pe thau thaokuna,vali namana pene veilagi gugulu,pe vevaavua auri mapararana pige amonagia.Lion pokarana velaua arwaliao.
19Geku veva nama pono veniria,Priscilla,Aquila e Onesphorus magena numa auri.20Erastus ia Corinth ai ealu waio, namu Trophimus ma nakulana akaliwaniao,Miletus ai.21Ia pono ala velee, orina gaumaena lagani roana na ewaiao rana.Eubulus,Pudens,Linus,Claudia, e wala ava maparari geria vevanama pege uua gemu.22Velegaua na palaumu pene naka.Veugana pene auavamu.

Titus

Chapter 1

1Paulo, Palau gena ulavunu auna e Iesu Keriso gena unagi authoa agi,veva aunaauna auri geriaPalau gena virigivirigi aunilimalimari e auna auna thaonekana veaa maulinai ila geapuna ni,2mauli vanagi vanagi geve raramani agiani, Palau nee wapani,eilagavuo ulu maparari thaorai.3Orana auna aunai ia gena thori eva magaiao wapaa thaorana,thau eole oakuo Palau ia gera vevamauli auna na.4Titus gemu,nauku auna auna gera veva aunauna thaonai.Veuga e Maino ia Palau ia amari e Keriso Iesu gera veva mauli auna elena na.Eulavunu pakunai goi thauna akaliwanimuo Crete ai,pe no ole thakwa thakwari gauri pono ole vathakwari e vevai auri pono vaiavuri,vanua mapararai availamuo veaina.6 Vevai auna ia noai kepikepina auna,vegarawa auna ia garawana apuna,nauna ila veva aunaauna melori,e nori karoverave melori.7Vekune agi auna ia Palau gena numa veiamaana auna,ia mai noai kepikepina auna.Ia peene vegurugu,peene paru vaila vaila ia nori niuniu auna,ia nori galama auna,e nori augaua auna.8Ia wari pene ala veni auna,e nama eauavani auna.Ia valavu nama auna,thakwa thakwa,veaa,e nee paru vaila vailani auna.9Iana mave raramanina,valina eamonagiao thorina pene rogo kikimagia pe, iana mavairi pene vailigari vevaripa nanamarai e ia geva louani auri pene ole vathakwari.10Repana thori karoverave auri vogo vagi,poka ovao e veva raava auri,peritome thori thorinai.11E thakwanai pono vaila ri pige rakwa uari.Ilana pigeere vevaripa agiri vevariparana numa auri vogo vagi geva vi vi rana.12Ila geria peroveta auna apua neiwao,''Cretans vanagi vanagi wapa auri,ila diabolo,lepei auri.''13E thori wara aunaauna,gauri pakurai pono ole thakwa thakwari,pe ila geria vevauna aunai galavuri pige nama,14Jews geria rova noai geva gele rana, o aunilimalima geria rova noai geva gelerana, aunaauna thaona na ge eo gerevagini.15Riairi ila vethaleva, gaumaparari vethaleva.Namu riairi vevili thaonai e noai geve vauna aunani,gauwaua vethaleva noai gau,namu ila valavuri e uamagiri wara vevilivagi.16Ila geria thoriai Palau ila ripari namu,geria ala laiwa laiwana nee vamagaiani.Ila mamiri ia raraava,nori karo veamonagi, e nori gelegele ulavunu nanamari pige ulavunu agiri.
Chapter 2

1Namu goi,vevaripa thaorai pene mia vaanama,kapurai pono thori.2Au ola pono varipari pigene paru velee velee,pige valavu namanama,veva auna aunai pige mauli,ulamagiai,e veala veveni ai.3Vavine kuineri pono varipari,geria olema pige ia wairi,nori pige valavu guilagi,o wine na pene va moirari namu,nama pige vevaripa agia,4vavine valivu pono varipari garawari e nauri pige ulamagiri,5mamilagi namai,vethalevai,numa iamaa namai,e garawari pige vageleri,Palau na thori pigene ilagi raava.6Veaina mo,au valivu pono vailigari valavu namai pige mauli.7Olema maparari thaorai goi maaumu iaia namana pono vamagaia gemu ulavunuai.Gemu vevaripa thaorai,gemu ulavunu ganina e vua vuana pono vamagairia,8e vali thakwari pe aunilimalima na pigene ilagi raava ri,pe goi riaina goi eilagi raavamuni,ia pene opimatha,repana thai pige ilagi raavamai avari pige avu avari.9Vele kakamuri geria geulavunu nia auri, pigo varipari geria vele karori pige amonagiri,pige vaverele ri namu, nori pige ila vevauu veniri,10pigene lemari namu veva auna auna namana pige vamagaia,pe gauri maparari thaorai,Palau ia gera vevaripa thaorana pige vanama.11Palau vewaana pemi magai,aunilimalima maparari geria nama pakunai.12Gauna na thai evaripa maio alimapara gena olema e nori Palau gena mauli,rua keruagina ripana garipao, e maaumai piga mauli,thakwa thakwai,veaa maulinai eulu thaonai,13thaonai thai vilamai garona paga alu tharama venia,veraramaniai gera Palau e veva mauli velena Iesu Keriso gena veva magaiai.14Iesu maauna eve venio,raava thaona ia elauathao,ia maauna na pene ole vethaleva epene ole vewareri ulavunu nanama ri geulavunu agirana auri pakurai.15Egau pono thori agiri,aunilimalima pono vailigari ulavunu ri pige alari,maiavuna pono ole vathakwari.Auana goi ilamu peene vevauua.
Chapter 3

1Pono vailari vevai auri e vekuneagi auri pige vageleri,ulavunu nanamari maparari pige ala maavu veniri,2apua poono varaava,noai vevagi, e pono manau,aunilimalima maparari elerai veala veveni pono vamagaia.3Garori pege vanagi thaonai ia noai valavuri e karo veraveai amauliwai.Ia vevaileai e olema irau irauna e alimapara ralemana na evairawai.Ia Satani thaonai amauliwai.Ia mamiri ia raraava maavari ave kukuwai.4Namu Palau ia vevamauli auna,e gena ulamagi aunilimalima pakurai emi magaio,5nori ulavunu thakwa thakwa pakunai,namu gena venuaviina ia evamaulirao,wala wai thaona na e veva valivu Veaa Palauna thaona na.6Palau na ia thaarai elavugathao,ia gera vevamauli auna Iesu Keriso thaona na,7ia vewaana na eole vathakwa rao pe,iaria pevele, mauli vanagi vanagi pevaia.8Evali ia mave raramani agina.Thau aririwani pono thori agi gauagauari,pe riairi Palau elenai geve va auna aunao auri,pige ala maaneka ulavunu nanamari thaorai.Ethori ila ia nanama e maganiri ainilimalima maparari elerai.9Ila vevauu e kalakala awa awari pigo kaliwaniri,e rova ilavevauu agina mai pigo kaliwaniri.Eila noai ganiri e noai geria nama.10Mui thaomuiai veware evawalaani auna pigono vagelea,pene vagana o vaga lualua govaila vagiani mulinai,11Mui pigo ripa eaunilimalima veairi,ila mauli namana thaona na geve ole gerevagini,gegalamani e maauri geve varaavani.12Thau na Artemas e Tychicus pana uuri thaonai,pono veamai lele thau elekuai Nicopolis ai,repana gaukala laganinai thau wanai pana thao.13Rova evevaripa agiani auna,Zenas e Apollos geria tharapara pono alari,pono uuri pe,pigene veaolea.14Ia gera aunilimalima maauri pige ripa,ulavunu nanamarai velee velee ririwari pige vageleri e ila pige vuavua.15Thau ila aumai mapara maina,gava nama muini. Veva auna aunai geulamagi maini auri gava nama rana.Veuga mapara mui thaamuiai pene mia.

Hebrews

Chapter 1

1Kunenai Palauna,peroveta auri thaorana ia kalakala ri,ethori venirawai ora vogo e olema vogo vagi thaorana.2Namu egaro kapikapirai,ia melo nau apua thaona na ia ethori venirana,auna evirigiao egau maparari pene vele agiri.Ia thaona na Palauna alimapara ealao.3Ia Palau iavuna mathaana,e ia olemana aunilimalimai eva magaiao.Gena thori iavuna thaona na,gau mapararia mai erogo aviavi rana. Galama ethalevao mulinai,ia vele iwavagina ripana gena avanai ealu auo.4Ia iavuna na aneru eiwarana,thara egapiao tharana na mai, aneru tharari eiwarana.5Pe, ari aneru apuna Palau na evaila iwao,''Goi thau nauku, pa egaroa thau goi amamu''?Pa ari aneru apuna evailao,''Iana thau pene amaku,e ia thau naukuai pige ilagia''?6Veainamo,Palauna ewala kuneo alimaparai eveamai agiao thaonai, neiwao ''Palau gena aneru mapararana,ia pige airupuali venia.''7Aneru iana eveaina eilagirao,''Iana ia gena aneru palauri ealathao,e gena veala veni auri alova galagala.''8Namu melo elenai, neiwao ''Goi gemu terona,Palau, ia mia vanagi vanagi.Goina pono vele agia vanua na,ia ala thakwa thakwa vanuana.9Goi ala thakwa thakwa oulamagiani,ala wagege wagege oguruguani.Wagauri pakurai,Palau goi gemu Palau, goi peva iavumu, verele rigana na perigamu, nori goi auavamu veairi.''10''Maamanai,velegaua, goina alimapara gena rugu orakwari.Kupa goi imamu gau alana.11Ila pige gavu vagi,namu goi poono gavu vagi.Ila pige kirakira, pige gavu vagi rapua veairi.12Goina pono thouri velavu aliali rapuana veaina, e pono pothori rapua ripiripi ri veari.Namu goi poono irau, veaiveaimu e goi rigolomu noai oruoru ri.''13Namu e ari aneru apuna,Palau na evaila iwao,''Ripaku gena avanai ono alu,pene thao geveali venimuni auri,thaarai goi gagemu pono ole auri pige pikapika?''14Aneru maparari gepalauo,veala veveni ularana e nama pige rawalia,auri nakari pige gauri?
Chapter 2

1Gaurai,pa amonagia thorina pe gapi roanaolea,orina ia vepaari aoleni.2Pene evali, aneru na geilagiao wara mave raramanina,karo verave auri maparari,noai aovo aovo iavu pige vua, 3Gera ule mauli avana ariai, e nama vewaavewaa na rua muliginai? Enama valina,maamanai Palauna eve varipa agia,e geamonagia aurana,thai elemaiai gemi vagalualuao. 4Oranai mo,Palauna evamagaiao,vailiai,vevekalilea alarai,e iavu iwavagi alarai, e veaa Palauna gena veveni gauri, gena ririwai ewarethao.5Ealimapara nori aneru pakurai, eve amaio gauna iana athoriani,6Namu au apua,ava wauathai ethori magaio, neiwao,''Aunilimalima e raagau pe, goina ia oroanaoleani? pa aunilimalima nauna ia riai pe nakana ogauani?7Aunilimalima oalao thaonai,aneru iavurana geiwani,namu goina ia vewaa e vemathalagi korona na ovaroagiao.8Gaumaparari, veiama iavuna goina ia oveniao.'' Ia genaiavu kapulenai, gaumaparari Palauna eolerao.Nori ia iavuna kapulenai pige mia, gauria mai Palauna nee kaliwaniria.Namu evanamona,nori gau maparari ia gena iavu kapulenai gemiao.9Namu eiatha thaonai,wa ora iana kirikiri ai aneru na ia iavuna geiwao,Iesu ia vewaa e vemathalagina ekorona ao,gena vi vi e warega pakunai,pe ia Palau gena veuga thaona na,warega pene mamia ia maparari pakurai.10Palau elenai wa veaina,repana gau maparari gemagainia ia gena,e ia thaona na melo vogo vagi nama pige rawalia.Nama velena evamagaiao,thakwanai gena vi vi thaona na.11Egau lualua, evevavalivuo auna e gevavalivuao auna ila raligoi wa numa mo auri.Pe, vewala avai pene gogori, ia peene matha. 12Ianeiwao,''Thauna goi tharamu, wala avaku elerai pana vara vara agia,pana mari agimu koukou thaorai.''13Manei nia, ''Thau ia elenai pana veraramani.'' E manei nia, ''Igo ia, thau auku era,e melori palau na pe veniku.'' 14Gaurai melo, lala e virogo ai emauli vewareo, Iesu veaina mae maulio, pe warega iavuna thaona na,warega iavuna erogoao auna pene vagavuvagia, auna Satani. 15E auna auna,pene vamauliri, warega kalinana gekalio, no tipura auri veairi gemauliwai,geria alu rigolorai.16Auna auna, ia nori aneru eva avarana namu, Abraham kalakalana.17Pe, gena raava aria, olema irauirau thao rai, ia wala avana gemauli veairi mape mauli, pe ia venua vii, e amonagiai, rupu velena kamuna rakina, pene gapia,kupa rinaari ularana, e aunilimalima gera galama thori gavuna.18Repana Iesu ma auna evi vi o e vealaovo erawalio, gaurai vealaovo ge rawalini auri iana pene vaavari.
Chapter 3

1Wala avaku veaamuio, kupa vegogona,go mauli vewareagiani.Iesu pigo valavu thaoa,veala veni auna e galama ilagi wairi,velena kamuna.2Ia gena veva auna auna iliga vagi, Palau gena gapi laai auna, Moses veaina, Palau gena numa thaonai,gena vevaauna auna iliga vagi.3Iesu vewaana na e iavuna na,Moses eiwani repana,pene numa apua gevarua laaiani thaonai,numa evaruani auna gethoria ni, nori numa geilagiani.4Numa au varua wara iavogo namu,gau maparari evaruathao auna wara Palau.5Moses Palau gena numa thaonai,gena vevaauna auna iliga vagi,vilari garorai pige wala, gauri eilagi thalo thalo rao.6Namu Keriso,ia gena vevaauna auna iwavagi, ia nauna gena numa veiamanai eoleao.Goi e thau ia gena numa, pene ia gera iliga e veraramani ai perogo kikimagi,epe ia gera vevaoloa gauna.7Gaurai,Veaa Palauna na eilagiao gelegelenai; ''Egaroa ia karona goamonagiani 8thaomui pigono vagauari,no paruai kapuleanai vealaovoai.9Mui kalamui, karoveraveai thau geala ovokuo,wa rigolo kapana vaivai,thaorai thau geku olemaku ilana geiathao.10Gaurai wa ulu elerai,thau naa vereleo.Thau naiwao 'Ila vanagi vanagi,thaori nori vethaleva.Thau olemaku ilana noai ge ripatha.'11Thau athori paru wai naiwao, thau geku pikapika kapunai ila pigene vethoa oa.'12Pigo veia ma,wala avaku Palau elenai noai geve vaauna aunani auri pigo iari, orina mauli Palauna elena na gevailea muini.13Garo mapararai, ma auavamui pigo veva iliga,pe galama iavuna na apua peene vamoira.14Ia evanamona,Keriso pa mi auavatha veraramani peroana olea,ma mana na pene thao ikanai.15eolma geilagia,''Egaroa,pene ia karona oamonagiani,thaomu poono vagaua paruai.''16 E riai, Palau karona eamonagia thaonai eala vewaio? E nori Mose na Aikupito na evai rairao auri pa?17Palau na,wa rigolo kapana vaivai thaorai,riairi eparu venirao?Ge galamao auri pa, kapu leanai waregai geo alio auri?18E riairi evaila vagirao,ia gena pikapikai pigene vethoa oa,ia karona noai geamonagia wai auri pa? 19Iana pa riparatha, ia gena pikapikai noai gethoa, repana noai geria veva auna auna.
Chapter 4

1Repana gena pikapika, eilagavu venirao kapuna veala pa emiao, pe ala ma neka orina noai ave kwarani.2Vali namana goi e thau ge vailathao, ila mai veaina mage vailathao.Veva aunaaunai noai gekoukou wai,evali namana nee eo lavugalao.3Ia ave vaauna aunao auri,wa pikapika arawaliao ethoriao gelegelenai,''Thau mageku iavu,thau nainia,thau geku pikapikai pigene vethoa oa.''Lewana ealimapara ruguna ulavununa evagavu vagirao.4Garo aulaoioi apuna naava wauathai ethoriao; ''Palau garo vaga aula oioi apuna garoaanai epikapikao.'' 5Veainamo e olea mo thaonai,manei nia ''Thau geku pikapikai pigene vethoa oa.''6Gaurai, vairi wa pikapikai pige vethoa oa, e vali namana ge amonagi kuneao auri,noai geve thoa oa repana ila geria karo verave pakurai.7Gaurai Palau na garo apua evirigiao,ethara vaoao, ''Egaroa''Tavita thaona na thoriai ethoriao; ''Egaroa pene ia karona go amonagiani thaomui pigono va gauari.''8Pene ila Joshua na ila pikapika evenirao,Palauna ma garo apua eere ilagiao. 9Gaurai alupika garona, emiao Palau gena aunilimalima geria.10Riai Palau gena pikapikai ethoa oani,ia gena ala laiwalaiwa thaorana mai epikapikani,Palau ealao veaina.11Pe uamagi thaoa, e pikapika garona pe vagelea,waila ge karo veraveo veaina, piana ala.12Repana Palauna gena thori,ia mauli e thakwa thakwa vagi,pau epi ava lualua ma ma ri eiwani.Aunilimalima kutouna e palauna,e mai iliga kala auri evoro lovolovorana.13Palau vilanai,gau waua peene vevuni.Gau maparari magaivagi,ia apuri apuri magera thori Palau vilanai.14Repana, ia magera rupu velena kamuna apua, kupa vanuari,thaarana evanagio, auna Iesu, Palau nauna gaurai gera veva auna aunai pe rogo kikilagi.15Repana,ia noai gera rupu velena kamuna apua,auna na ia pene nuaviri, gera moira thaorai.Namu ia elerai au apuna auna era,ia veairi veala ovo e rawalio, auna ia noai galama na.16Gaurai e thao ma vai gauari, gena Terona vewaa vewaana laganai,pene nuaviri e vewaana perawalia veaolea tharai.
Chapter 5

1Aunilimalima thaorana,rupu veleri gevirigi rana aunilimalima gavurai,Palau elenai geria galama ilagiwai ulavununai. 2Ia thao vethalevai,noai gevevageleni auri elerai e gemoirao,repana moira iavuna ia elena. 3Wagauri pakurai,ia maina maauna gena galama eilagi wairana veaina, aunilimalima mai geria galama eilagiwai rana.4Eulavunu nori ia ma una na egapiao.Ia Palauna egogoao,Aaron egogoao veaina.5Veaina mo,Keriso ma una na rupu velena rakina nee gapiao,namu evailao auna neiwao, ''Goi thau nauku egaroa; thau goi amamu.''6Maava wauathai maeve thoriao,neiwao ''Goi rupu velena pono alu vanagi vanagi,Melchizedek gena rova kapulenai.''7Alimaparai emauliwai garorai,Keriso e aoali makala wai,Palau egogo venia wai ma agiagina na,ia ripana waregana pene vamaulia, thaonai ia karona eamonagiao,evageleao repana ia veaa maulinai,emauli wai. 8Lewana ia Palau nauna ia karo veamonagi vi vi thaona na eripithao.9Ia eala iwavagiao,veaina emaulio,pe riai rana ia karona geamonagiani,nama vewaavewaa na mauli na ia gena.
12Mui ala iwanana vevaripa aumui goro aluni,noai mui auvaripamui go avuni, Palau gena thori melomelo,gevariparana gegelarai ige varipamui.Mui miluka goririwani,nori ganigani gaugauna.13Pene auapua ia miluka mo pene niu,ia noai gena thaoneka Palau na thori ai,repana ia lala roera.14Namu ganigani gauagaua wara aunilimalima kakamuri geria.Geria nuani ola valavu rai,gevalavu aukamuni nama e raava geripathani.
Chapter 6

1Keriso valina namana,melo melo gevariparana veva ripana ekaliwania na,nuaniola uamagirai euamagi.Wala wai piana kinirugua,ulavunu waregari thaorana namu vevauna auna Palau thaonai mo,
3Thai na mai eala piga ala agia, pene Palauna pene namua.4Ene ve gaua vagi,eveairi auri elerai mathaa gerawaliao,kupa taleniri gemamirao,veaa palauna iavuna gemami ao auri elerai, 5e Palau gena thori mamina namana ge mamia,roge veamini uluna iavuna,6Namu ila ge eo lavu ulewaio,wala wai maulina pige lavu ule venia pige iwa,ila elerai ipo gauagauana.Ganina wara,Palau nauna ilana mage satauro waiani e vuvuarai geva opi mathaani.7Kupa naluna eniuani alimanam ia nalu eveniani,e ia ganigani namana evawalani,eulavunu agiani auna gena,ia Palau elena na vevanama erawaliani.8Namu pene ia gau vekala vekala e muu gekalani,ia noai ganina,raa vana ene waiaoa nori raurau.ia gena ikana wara alova egalani avanai.9Vewala, lewana thai eveaina gathorini,thai gavaauna aunani rogo gau nanamari pige wala muigemi.10Repana Palau nori wapa.Iana mui gemi ulavunuai e tharanai ulamagi gova magaiao, Palauna peene valavu lewa lewamui,repana gena aunilimalima maveaari,veala veveniai go alavenirana,e rogo ala venirana.11Apuri apuri,gaia vegala vegala muini,eveainamo pigo ala pene thao ikanai pe gemi veraramani pene veauna auna.12Eveainamo, pigono lepei,veva auna aunai ge maulio,ilagavu gerawalirao, auri pigo ala ovo ovo ri.13Palau gena ilagavu,ealao Abraham elenai,ia geregana eilagavuo repana, maau apua ia thaanai ma noai au pe, auna vilanai pere ilagavu.14Ia neiwao,''Thauna goi anavanama mu e kalakalamu vogo vagi ana venimu.''15Gaurai Abraham na wailagavu egapi roana oleao,vaigauai evethalowai.16Aunilimalima gethori ilagavuni,thaonai aukakamuri vilarai,ge ilagavuni,aloalo evealoni pe ila vevauu,noai gewalani.17Palau gena ririwa raagau, pene ole magai vagia,auana mapeene pothoa gauna ia eilagavuo,gena ilagavu aloaloai eva auna aunao.18Gau wau lualuana,eva auna auna rao gauri era; Palau nori wapa Palauna,ia riari aule maulio,vevailiga kamuvagi perawalia,alu veraramani vilarai pemia alu veninai.19Eveainai ia palauri,noai verakaverakana,mave raramani agina, eve roko alini,avana na ovua kana oru thaonai eve thoa oani. uamagi maveraramani na ethoa oani gau thaonai,20Enai Iesu ethoa reparepao,ia gavurai.Ia rupu velena kamuna rakina egapiao,pene vele vanagi vanagi,Melchizedek gena rova iavuna kapulenai.
Chapter 7

1Melchizedek ia Salem geria vele, ia mai iavu iwavagi palauna gena rupu velena apua,iana mai Abraham veali na evelavu uleo eva namao velena. 2Abraham na vealiai, egapirao rinaari maparari evele elenai e ta itirao. Melchizedek ganina''ala thakwathakwa geria vele'' e ia mai Salem geria vele ganina ''Maino velena''. 3Ia noai amana,noai inana,noai kalakalana,ia noai laganina e noai ikana,ia palau nauna eala ovo ovoani,ia rupu velena apuna pene alu vanagi vanagi.4Eau, iavuna ari kamuna paara iao,Abraham velevelena mai, veali ai rinaa egapirawai rinaa ria mai, ia elenai e taiti rawai. 5Moses gena rova gelegelenai,levi nauna maparari rupu veleri rakiri gegapio, auri ila wala avari elerai ta iti pige koko,lewana ila Abraham kalakala na.6Namu Melchizedek gena kalakala geavuao thaonai,ila thaorai noai georu rawaliao,namu Abraham ia elenai ta iti eva voi wai e evanamao ilagavu ealarao auna.7Au aana mapeene ilagi raava,ge rawali kamuwai aurana,ge rawali kiri wai auri geva avarawai.8Veaina mo,ta iti ekokoani auna ia mapene warega,ma wauathai,ia peene warega ia pene alu vanagi vanagi. 9thori vagele gelenai,levi oleana auri ila ta iti gekokowai,ila mai Abraham thaona na ta iti ge ole wai.10Levi ree magai thaonai,Melchizedek e Abraham geve rawalio.11Pene evanamona, levi kalana na rupu gevele agiani thaonai mamilagi ia nama,thaonai wa ragauna. rupu velena apua maene vegapi Melchizedek gena rova kapulenai namu nori Aaron gena rova kapulenai? 12Gaurai pene rupu velena valivuna apua, pene vegapi rova mai valivuna apua mapene veole.13 Iana athoriani gauna wara,ma kwalu apua geria,namu ila apua kula tha nai re ulavunu.14Evanamona emi maga inia,judah thaona na ia gera vele ewala rageo,thaonai Moses na mai ekwalu nee ilagi raiao ila rupu pige vele agia.15 Thaina gathoriani pe magai vagi,pene rupu velena apua pene mirage Melchizedek veaina. 16Ia rupu velena rakina egapiao nori kalakalana geria rovai, namu,peene lovolovo maulina iavuna kapulenai. 17repana eve alo auo,''Goi rupu velenai pono alu vanagi vanagi Melchizedek gena rova iavunai.''18Rova kunena eve ole gerevagi nia repana, ia noai iligana e noai gena ulavunu,19{ Repana rovana gau waua namana ne vawala},namu, veraramani eole raiao,thaona na Palau laganai ia eva thoa avirana.20Mavairi rupu velena rakiri ge gapio,thaonai,auana nee vauna aunao,21Namu ia rupu velena, rakina egapiao thaonai,Palau na eva auna aunao neiwao,''Palau pe thori ilagavu,ia valavuna mapeene vairauri; Goi rupu velena evana pene thao vanagi vanagi.''22Veainamo,rova namana iavuna mai Iesu pevenia.23Kunenai rupu vele ri,auri vogovagi,namu waregana geria ulavunu evalouao.24Namu,repana Iesu pene alu thaomo,ia rupu velena rakina egapi raovegao.25Repana ia thaona na Palau ge avu thaoani auri,ila mauli ma gugulu pene veniri,repana ia gena mauli orarai ila gavurai,Palau ethori veniani. 26Pere nama iwa vagi, rupu velena,kamuna apua paara gapia,pene veaa auna,noai kepikepina,vethaleva vagi,galama auria ila noai gealu kouni,e geva rageani kupa thainai vagi.27Ia nori e rupu veleri kakamuri veairi,pe garo mapararai ia e aunilima geria galama eilagiwairana.Evawalao vagana vagi,ewalao mapeene wala wai,ia maauna eve venio.28Rovana rupu veleri aunilimalima evirigirana thaonai ila mageria moira.Namu thori eva auna aunao,auna rova mulinai eveamaio,melo nau a egapi laaiao eveala iwavagio.
Chapter 8

1Evana iana thori maana wara era;ia magera rupu velena kamuna,ia kupa thainai ealuni, velena gena teronai, ripana gena avana alu aunai ealualio.2Ia veala veveni auna,kapu ma veaana thaonai,terona rawanina auna auna na,nori aunilimalima na gevarua gauna namu, Palau velegaua na evaruao.3Rupu veleri kakamuri ila geve virigini thaonai,ila veveni gauri wau lualuai, pige veveni, rawali e garivu eo gaurai.4Pere Iesu alimaparai pere alu, rupu velena rakina na peere gapia ripa,repana vairi gealuo veveni geala rana, rova gelegelenai.5Ilana kupai gewalani,veaina ealimaparai,geala ovo ovoani vagelegele,Palauna Mose evaila ravualiao.terona varua varua nai;Palau neiwao,''ono ia egauri maparari,pono ulavunu agiri golo unai avaripamuo veaiveai na vagi pono ulavunu agia.''6Namu evanamo,keriso raki namana apua pegapia, e maina rova namana auna ilagavu nanama ri thaarai everape auo.7Pere wa rova kunena,noai kepina wa ragauna, rova vaga lualuana iana agapirageani.8Pe Palauna aunilimalima elerai,kepi erawaliao thaonai,ia neiwao,''Igo ia garo geve amaini,garorai thauna Israel numa na auri, e Judah numana auri elerai rova valivuna pana varua.9E rova nori ila kalakala ri rova aveniri rovana veaina,pe wa garo anai ila imarai arogo Aikupito na avaithairao.repana thau geku rova ilana noai geva gelea,thauna ila naa oru rana.10Rovana era,Israel numana thaonai ana thava alia, wa garo mulirai,Palau neiwao.Thau geku rova ila valavurai ana alo auri,e ila kutou rai mai ana alo auri.Thau ila geria Palau,e ila thau geku aunilimalima.11Ila wala avari pa epiri auri,ilana ethori pigene vailari,''Palau pono ripatha.''repana mapararana thau ige ripaku,kikimurana pene verage kakamuri. 12Geria ala raava thaorai, ila ana nuavi ri, e geria galamai paana uamagi auri.13E rova thauna ailagiani ''valivuna''iana emi thori raiani,rova kuinena ia pe kuine,pe pekuine gauna ia pene verakwa oa.
Chapter 9

1Rova reparepana ia, magena veni vuavua rovari kimukimuri,e alimapara rupunai. 2Terona apua geala maavuao,ovua reparepana thaonai,lamepa oleau ruaruana,teipolo,areto parawana,eava tharana,veaa kapuna.3Rapuana evekanaoru,maovua apua,tharana veaa iwavagi kapuna.4Ia gena kula patana maparana,gold awa awa.rova mauana mai,gold na gethava gavua.thaona gena avanai manna geurao perina maparana mai gold,e Aaron na kwalaki erogoa wai gauna,e rova kapanana kuini anina.5Rova mauana thaanai,Cherubim mavewaa ri,galama ilagiwai perina alapaana,geo gavuani,thaina pigana ilagi giugiua.6Egau maparari geve alamaavu wai mulirai,rupu veleri ila Terona mulinai gethoa oa wai geria ulavunu geala rawai.7Ovua lualuanai,rupu vele na kamuna mo ethoa oa wai,rigolo apuna thaonai vagana,ovaona nee thoa oa wai,namu ia lala etou auwai ia gena galama, e aunilima lima geria galama ilagi wairi pakurai.8Veaa palauna na, evariparana veaa iwavagi ovuana nee magai nia repana, Terona reparepana na thoa oa thoa oa erua gavua ni,gaurai veaa iwavagi kapuna nee magainia.9Egaroa maulina eolema na eva gelegelea wai.gau wau lualua arawalirana, e garivu eo gauri aveamai agirana, Palau elenai thaonai, ekalesia auna thaona nee vethalevani.10Ila valavuri geve ononi,ganigani e niuniu gaurai,seneai geripathao koukouri,aunipara gena rova,pene thao rova valivuna pene veamai.11Keriso eveamaio, rupu velena kamunai,wara gau nanamari rogo pige wala pakurai.Iesu evanagio Terona kamuna, e iwa vagina vagi thaona na,ethoa vanagio nori aunilimalima na gealao terona na, e nori ealimapara gena.12Nori nani e poromakau lalarai,namu Iesu maauna lalanai,veaa iwavagi kapunai,vaganamo ethoa oa,nori vagalualua,repana iana mauli vanagi vanagi pevaia gaurai.13Poromakau e nanikoti lalari e heifer rinurinu na ge epali aurao, auri ila aunipararia mo geve thalevao.14Iesu lalana veaa palauna thaona na,Palau nee vawaiao,vaga vira pere veveni agia,ia valavu ri ala thalevarai,warega gauri thaorana,Palau ala veninai?
16Warega auna apuana,ririwa apua ekaliwaniani,mauli auna apuana mai pene ilagia. 17Warega ewalani thaonai,eririwa geilagi raavani,na maulina thaonai thori waua nee walani.18Rova reparepana eruaolaaio lala iavuna thaona na. 19Aunilimalima maparari thaarai Moses na rova eole uvaleao,iana poromakau, e nanikoti lalari,nalu,wool lala lala ri,rova ealo rao alo alori, e aunilimalima maparari lalana epalirao.20Thaonai ila evailarao ''E wara rova lalana Palau na pe uua mui gemi.''21Veainamo,lala Terona thanai erakwa lovolovoao e geulavunu agirawai rinaari thaarai mai. 22Moses gena rova gelegele nai,gau maparari lalana ethaleva rao.Lala peere rivo,galama ilagi wai noai gau.23Gaurai magani lalarana,kupai gemiao veairi,ealimparai pige thalevari na veaina.Namu,kupai gemiao gauri ila veveni iwavagina apuana na wapene pene thalevari.24Repana keriso veaa iwavagina kapunai ethoa oao, avana nori aunilimalima imarana geulavunu agia gauna,namu rawanina ge ala ovo ovoa gauna.Namu ia kupa vanuanai, geregana eve thoa oa Palau vilanai pene magai ia pakurai.25Ia eve thoa oao,nori vagaiavogo maauna pene veveniagia, rupu veleri, kakamuri gealawai veaina pe, rigolo mapara rai,veaa iwavagi avanai, ge thoa oa wai lala polu ge tou oa rawai,26Pere nori auna auna, ia vaga vogovagi, ere vi vi o alimapara gena mama na.Namu evanamo,garo ikarai pemi magai,galama pakunai geregana eve veni vagio.27Aunilimalima veairi,gera warega vagana,nori vaga lualua,mulinai veva aithori eveamaini perua vila agia.28Veaina mo keriso,amana na vagana mo eve veni agiao,ia gera galama pene tou vagiri,ene veamai wai,ia nori galama ene mi vagelea,namu ia gethaloani auri geria nama pene veamai agia.
Chapter 10

1Rovana, nama pene wala nori wava aimo apunai. Palau elenai gethoa avini,ila pigene ve iwavagi, repana galama ilagiwai ulavunu na,vaaina apunaimo evegapini rigolo rigolo.2Egalama ilagiwai ulavununa ere veole alio pa? ekalesia auri galamari vagariamo, gere veilagiwaini galama geere vageleani.3Namu wa galama,ilagiwai ulavunu rana aunilimalima,eva uamagi rawalia waia wai, rigolo mapararai.4Ia gaua, poromakau, e nanikoti lala rana aunilimalima galamana peene vuligi vagi ripa.5Keriso alimaparai eveamaio thaonai,ia neiwao,''garivu eo e veveni gauri,ririmagiri elemui noai ge mia namu,aunipara apua pogo ala maavua thau geku;6Kula patana thaanai veveni gauri e galama ilagi wai veveni gaurai mui noai goverele.7thaonai thaunaiwao,'Igo iatha,thau aukuera- puka veaana thaonai,thau gealo magaiikuo goi gemu ririwa, pana ala agiri.''8Reparepanai ia neiwao,''Wa nori galama ilagiwai veveni gauri,kula thaana vevenina,pa ma veveni vairi elemuiai ririwa magiri gekamuo.Eve veni gauri maparari, rova gelegelenai geve ulavunu agini.9Thaonai,ia neiwao,''Igo iatha thau aukuera,gemu ririwa pana ala agiria.'' 10Wa ririwa thaona na, ia ave valivu waio,Iesu Keriso eveveni agiao thaona na.11Garo mapararai, rupu veleri ge rua pukani,palau gena geulavununi. Gauriamo,gau valivuna apua noaia-gaurana nee alavagirawai. 12Namu Keriso eve venio thaonai,vagana vagi galama maparari eva gavu vagi thao,egaroa ia Palau ripana gena avanai ealuni.13Ia eve thaloni,pene thao ia ge livuani auri ia gagena ila thaarai,pene ole auri.14Veveni apunavagi thaona na ia eva valivu iwavagirao,pe alu thao vega.15Veaa Palauna, maina ethori magaio.Reparepana ia neiwao,16''E rova thauna, pana ole ila geria wagaro mulirai,vele gaua neiwao.Thau geku rova,ila kutourai pana olea oa, e valavurai pana alo oa.''17Thaonai, manei wao,''geria galama e ala awa awa mauliri, thau na mapaana valavu wairi.'' 18Galama vekapawaina emiani avanai,galama veilagi wai veveni na apua,mapeene vegapi wai.19Vewala,gera pevaigauamo ,Iesu Keriso lalana iavunai,veaa iwa vagi kapunai pe ve thoa oa. 20Mauli valivuna, e namana, repana rapuana eve kanagavuo ovuana peala paatha ia gera,auniparana na. 21Repana evana,rupu velena kamunavagina, Palau gena numa evele agiani.22Ethao venia, mathaori auna aunari,gera veva auna auna ma gugulu rai,valavuri eole vethaleva ri,nalu rawani na auni para ri pevuligiri.23Everogo kikimagi,piana moira veraramani,ailagiao peroana olea, repana eilagavuo auna ia mave raramanina.24 Pe vewala wala e maavari pe veva iliga,olema nanamari pe vawalari uamagiri thaorai pige kamu.25Aluao aluao, piana kaliwaniri,vairi gealao veaina.ma auavari pe veva iliga gaua gaua repana garo pege veavi.26Pene ia galama mo pe vai vaia,auna auna thaonekana aripao mulinai,galama ilagiwai iavuna ia elerai peene mia. 27Tharapara apuna vagi,veva aithori ma kaliagina,na pe rua thalori,Palau gelivua ni auri alova iavu kolokolo ila geria.28Pene auana Moses gena rova eilagi raavani,ia pene warega thaonai,ia pigene nua viia,aunilimalima lualua pa oioi vilarai. 29Vi vi arikamuna pere rawalia,pene auana Palau nauna,ia gagena kapulenai eoleani,rova lalana eilagiani nori veaa,lalana na ia eva valivuao,pa veuga palauna evaila raava raavao?30Iana aripathao auna neiwao, ''Paru thau geku; Thauna pana vavoi lavu ulea.''Veainamo, '' Velegaua gena aunilimalima iana pene va aithoria.'' 31Makali agina,gauna wauna ala leai, Palau imana thonai pe veo oa.32Wagaro kuneri pigo valavu thaori,vi vi thaorai oveaolea wai thaonai, veva malaga orawawliao. 33Vuvuarai,ge ilagi raava mui wai,gevevagi venimuiwai, thaonai go va iliga rawai, evi vi veaina ge rawaliao auria ila.34Ge tipurao auri go nua virao,veveni gauri maverele muina, go gapi rage rao.mui geregamui ripamui,pgo rawali gauna ia mia vanagi vanagi.35Gaurai, gemi nua gaua pigono rogo eoa,repana ia voina kamu iwavagi.36Veala veveni,thaomuai pene mia pe, Palau gena ririwa pono vagugulua,eilagavuo gauna pono rawalia.37''Ora iana nori kamu thaonai,eveamaini auna ene veamai.38Ala thakwa thakwa auna,wara veva auna aunai pene mauli.Pene ia pene varu lavu ule, thau ia elenai noai geku verele.39Namu ia nori waila ge varu lavu uleo, raava gelavu ule veniao,auri veiairi namu, ia veva aunaaunai akoukouni, e palau ri nakari agau rana,
Chapter 11

1Evanamona,veva auna aunai noai aiarana gauri auamagi raramanirana,pe rawaliri.2Eveainai,ia kalakala ri geria veva auna aunai,gevamatha lagirawai. 3 Vevauna aunai,ia aripani alimapara Palau gena rovai eveulavunu agio,pe magai gauri nori, magai gauri thaorana gemagaio.4Veva auna aunai, Abel na veveni namana, Palau eveniao nori Kaino na,gaurai Palau na ia eilagiao thakwa thakwa,thorina nanamari eilagirao, e veva auna aunai Abel egaroa, roe thorini lewana ia ewaregao.5Veva auna aunai mo,Enoch Palau na e ve gapi rageao,pe warega ia maana na nee iatha.ia noai gerawalia repana,Palauna egapiao,ma vairana ge ilagia ia Palau eva vereleawai auna.6Evanamona,pene veva auna auna noai gau,Palau vaverelena ipo gauagauana.Gaurai au apua, Palau elenai veamai eririwani thaonai,ia pene veva auna auna,Palau emaulinia e geavuani auri voiri pene veniri.7Veva auna aunai,Noah Palauna evailao,maana na nee iao gauna ewalao.Palau gena vekwaru namai, Noah na poti ealao gena numa auri eva mauli rao.Noah na eulavunu ai alimapara eve pothomouo, ia ala thakwa thakwa velenai geilagiao,gena veva auna auna pakunai.8Veva auna aunai, Abraham egogoao laganinai,Palau eva geleao,egapi laio,ethoao,noriripana kapuna ethoa veniao.9Gena veva auna auna, pakunai ilagavu alimaparanai, no va alu au auna apua eve aluo.thama thamai Isako e Iakobo ealu agirao.
11Sarah mae iatha,veva auna aunai mo,melo apua eva walao,Abraham ,melo nau ulavununa emi magaio ia melo apua pene naua.eolema ewalao lewana ia eau ola vagio,ia geilagiao vevauna auna iwavagina auna Palauna gena ilagavu ia elenai ethori repa repathao.12Gaurai eau vuana apuna,elena na gena warega eveavi thaonai,kalakalana kupai e viu vovogori,o alima vogona, oru ava oru ava.13Veva auna auna gemaulio,raavari gewarega,thori ilagavu ganiri noai gerawaliri.Aiarana e avathoarana, wa raurauna vega geve ilagi raini ila, vaalu au pa aupolu ealimaparai negeinia.14Ege thori iwani auri,geve ilagi magainia,ila alu ali avari geavuni.15Ere ila geria, vanua gekaliwaniri gere valavu lavu ulerana,ila gere lavu ulewai.16Namu ila vanua namana geririwa,vanuana kupai.gauri pakurai Palau nee mathani ia pige gogoa ila geria Palau,repana geria vanua gaua eala ma vuao.17Veva aunaaunai, Abraham eala ovoao,nauna eve veni agiao.Nauna wala geregana eve veni agiao repana eilagavu veniao gaurai.18Repana Abraham elenai eilgavuo neiwao,''Isaako thaona na goi kalamu pige tharavaori.''19Abraham ripana,Palauna Isaako waregana pene valaai waia,thori ai pe ila gria thorina Palauna,ia eveni lavu uleao.20Veva auna aunai mo,Isaako na Iakobo e Esau eva namathao.21Veva auna aunai mo, Iakobo na Jiosepa nauna maparari eva namathao.Iakobo eaoalio, gena toki thanai eovaapeo thaonai.22Veaina mo, jiosepa gena garo ikari eve amai venirawai,thaonai Israela na Aikupito,na pige thoa rai e ia iligana pige tou auri.23Veva auna aunai,Moses ewalao vue oioi gevamalao,repana geiao thaonai melo namana apuna ewalao.25Ia eririwao,pige vara ava Palau gena aunilimalima ria, ila pige vi vi koukou namu,nori rinaa maulinai.26Repana keriso na, rinaa e Aikupito rinaa na eve vaovo rao,thaonai keriso na rinaa geiwa vagio.ia gavuna pene rawalia, gaurai avana eia rogorogo ao.27Moses na Aikupito, ekali wani ao veva auna aunai.ia Aikupito velena gena paru nee vi agiao.28Veva auna aunai,iana paseka velewana,e lala epali, ulavunu na erogo gau gaurao,pe Aikupito ai malia melo ri, warega temonina evagirao thaonai, Israela,malia melo ri, nee napa aunagirao.29Veva auna aunai,ila wapa rawaparana elaio, thaonai gevanagio.Aikupito auri ila mulirai, ige vanagi negei wao rawapara na enokothao.30Veva auna aunai mo,Jericho kana na eo lovolovo,garo vaga aula oioi apuna gethoa makeao mulina.31Veva auna aunai mo,Rahab ma poraga vavinena nee warega, karo verave auria ila,repana iana vaau vaau auri, maino ai evai ragethao.32Thauna eraaga mapara ilagia,orana thau pemi waithaoku,pene Gideon,Barak,Samson,Jephthah,David,Samuel,e peroveta auri inaina na ana vailamu,thau geku ora nori kamu.33Veva auna aunai,veali ai vanua vairi gegapiri,thakwa thakwai geulavunu,ilagavu gerawaliri.lion pokari gekou ri,34alova thaguguna geva puea,pau maari garerana mauli gerawali,vii rara avari thaorana genamao,veali ai geiligao,e vanua polu auri veali ai gevuini rao.35Vavine geria warega,laaiwai ai gerawali wairi.vairi gevagirao repana thoarai noai geririwao,repana laaiwai valivuna pige mamilagia gaurai.36Vairi vealaovo gerawali,gewari rawai,gevegala iga agirawai,geligorao e mai getipurao.38alimaparana egurugu raavarawai.kapulearai raavari ge lo makemakewai,golo thaorai,vau uluri ovua rai, lega thaorai ge alu wai.39E aunilimalima,Palauna eva auna aunari,repana geria veva auna aunai,ilagavu eilagiao ilagavuna noai gerawalia.40Palau uamagi nama iwavagina apua ia gera ealao,pere ia noai au ila pigeere nama.
Chapter 12

1Thai evanamo,Keriso valina geilagi lovolovoani auri vogo vagina pege rua kana mai,gaurai meaumeau gauri e eva galamarana gauri eole aliri.Thaori vethalevarana,ravu vegala pemia gauna eala maavu venia. 2Iesu evagelea, ia veva auna auna e mauli thakwa thakwa,gaana.Verele ia vilanai eia thaoao,satauro egapi rageao lewana ma opi mathana,mulinai Palau gena Basileia terona na thaanai,ripana gena avanai eve alu auo.3Pe pigo uamagi thaoa,galama aurana geregana geveali veniawai,gaurai thaomui ai pigono moira orina eulavunu go kaliwaniani.4Mui galama roroai gova waia e gove vagi venia,eulavunu ia lala mai eonia. 5Venau namai egogomuio, veva iliga thorina mai go uamagi lewalewao.''Nauku velegaua gena vegavuina,thorina pigono gapi malaga malaga,evathakwa thakwa muini thori ri pigo gapi roana ole ri.6Repana Velegaua na ewari rana auri ila eulamagi rana,e enaurana auri ila mai eva vi vi rana.''7Mauli vi vi wara veva thaoneka.Palauna goi enaumuni,goi ove nauni veaina.E ari ama apuna nauna nee gavu inani?
9Eveaina,ia alimaparai,amari auria era,ia gegavu ina rana e amatha lagirana.Pe,ia vaga vira ia amari Palau ai elenai paara veilagirai e paara mauli. 10Ia amarana ge gavuina rana,ealimapara maulina velovana upaupana maulinai, geuamagiani nama iwavagi.namu Palauna ia egavuinara,ia gera nama pakurai,repana ia gena veaa maulina pe vevaia wareagia.11Noai vegavuina mamilagina,no verele namu ia ma vi vina.namu ikana gena avanai,ala thakwa thakwa,vuavuana geripani aurana pige vaia.12Gaurai imamui e uimui igo go ilolori.13Gagemui thoathoari avari pigo ala magari,pe kaukau auri pigene waunagi,namu ila veva nama pige rawalia.14Vaigauai aunilimalima thaorai maino ai e veaai pigo mauli repana,pene egau noai gau,Velegaua poono ia rawalia. 15Pigo veia ma, Palau vewaanai apua peene rapu,e mamilagi rara avari pigene wala,orina eawari muini.16Pigo veia ma, noai maaporaga, Palau thao nai ne mauli wai, Esau emauli veaina,kuine iavuna ganigani mereki apuna na evoi agia.17Mui ripamui mulina gena avanai ia vevanama enogiao thaonai,nee gapi rageao,repana vethao nama nee ririwao,ia elenai,egaua vagio lewana ia ma agiagina na enogiwai.18Repana mui na golo pogo ragea,e nori pene venapa aunagi golona,ia alova ene gala thao muunai,noai veia,e thagila raavai.19Muie nori kipi karona igo amonagia avana pogo veamai,nori thori galavuri,pa thori thori avana. 20Gevaila rao thorina,noai geva geleao;''Lewana magani apuana egolo pene napa aunagia,ia vauna pige thapa maea.''21Moses na eiathao laganinai neiwao, ''Thau pave kali raava e anukeni.''22Mui Zion golonai pogo veami,mauli vanagi vanagi Palauna gena vanuai,kupa Jerusalema na,aneru ragana ragana gevereleni vanuana.23Kuineai gewalao rupunai pogo veami, e tharari kupai geve alo ole vanuana.Palau elenai pogo veami,gau maparari pene vaai thori ri,e ge iwavagio e palau ai ala thakwa thakwa vanuana.24Mui Iesu elenai pogo veamai,rova valivuna eilgavuao agiao auna,e lalana eve ala kewao,gena thori thonekai, Abel lalana mai eiwao.25Ethorini auna karona,noai goruao. Ila noai geria ule mauli avana pene, alimaparai,evailarawai auna noai geva geleawai, Pe,ia ra paara ule mauli iwa,pene kupa auna na i ethori venirana thaonai. 26Vagana vagi,ia karona na alimapara elugulugu ao.Namu ia eilgavuo neiwao, ''Vaganamo nori alimapara mo pana lugulugua na,kupa vanuari maina.''27Ethori, ''Vagaamo'' ganina era, gara mavuvu gauri pige velugueo,mamanai ealarao gauri thaorana,pigene gara mavuvu gauri ila pige mia wai.28Repana iana arawaliani vanuana, ia peene ve lugulugu vanuana,gaurai Palau pe varagea,pe airupuali venia,ma verele rana e auna aunai.29Repana ia gera Palau ia alova eamuamuani.
Chapter 13

1Vewala ava ulamagiri,pigono kaliwaniri.2Wari ala veniri, pigono valavu lewalewa ri. E olema veairai vairi aneru,gevai rageo namu noai geripao.3Tipura numai, ge aluni auri pigo valavu thaori,no mui ria go alu kouni.Geala gurugu agirana auri pigo valavu thaori,pigo vevaovoa no muiria aunipara apunaimo.4Maparamui vegarawa ulamagiri pigo roana ole ri,vegarawa auri geria maau avari ila vethalevai pige mia,repana Palauna maaporaga auri e vewapa lema auri, iana pene vaai thoriri.5Moni pigono ulamagia, thaomuai peene ve ono gauagaua.Elemuai gova miarao gauri pigo roana oleri.repana Palau maauna neiwao, ''Thauna goi paana kaliwanimu,e paana rua muligimu.''6Pe veroana ole,iliga pee veveni,thaona na peila iwa,''Velegaua thau geku veva auna; thau paana kali.Au ana raaga mapere ala thau elekuai?''7Gemi vevai auri,pigo vevaovori Palauna thori,gevara venimuo,e ila geria ala olemaria mai pigo veva ovori.Geria veva auna auna pigo ala ovo ovoari.8Iesu Keriso,ia nee irauni,walagani,egaroa e vanagi vanagi.9Vevaripa irauirauna, peene vai vevilimui.Goi thaomu Keriso vewaana na,pene vailiga namu, nori ganigani na repana,ganigani ai geoani auri, ila ganigani na peene va avari.10Rupu thaonai,kula patanai geulavunu ni auri,ila noai geria iavu pige ganigani.11Repana,galama pakurai rupu velena kamuna na magani lalari,emi tou oa rana veaa kapunai,thaonai ila auniparari numa mulina ge kapurana.12Iesu vanua mulinai evi vio,aunilimalima pene vavalivuwaia maauna lalana na.13Gaurai,ethao venia vanua mulinai, gena opimathai everua kou.14Repana ia enai noai gera alu vanagi vanagi vanuana apua.Rogo pene veamai vanuana iana ro athaloani.15Iesu Keriso thaonai,gera vevarage Palau pe veni ragea,mururi pipirana ia tharana pe varagea.16Ala nama piana valavu lewalewa,e ma auavari pe veva ava,repana eveveni veairai, Palau everele ni.17Vevai auri,karo ri pigo amonagi ri e pigo vageleri,repana mui palau mui ilana genaka rana,aurana mui pige ilagi raimui.Karo pigo veamonagi,pe vevai auri,ma verele rana ulavunu pige alari,namu nori galalai,repana eolema wara noai ganina goi elemuai.18Gemai pigo veni vuavua,pe thai thaomai pige vathaleva,pe ulavunu piga ala nama namatha.
20Evanamona,Palau ia maino, warega thaona na mamoe vevai auna nama iwa vagina,eva laai wai ao auna Iesu Keriso,lalana iavunai,21gau nanamari eveni muio,pe ia gena ririwa pigo ala agia, e thai thaomai ai pigo ulavunu epe Palau gena verele gauna,Iesu Keriso thaona na veva nama pene mia vanagi vanagi.Amen.22Walaavaku,thauna availigamuini,vevailiga thorina pigo roana olea aalo venimuio.23Pigo ripa mai ia wala avari Timoteo pege vathoa raia tipurana, piga wai thoa ia alimui pene eve amai veleeni elekuai.24Veva nama ethaoni, gemi vevai auri elerai,e Palau gena veaa aunilimalima maparari elerai.Italy aurana mai geva nama muini.25Keriso vewaana maparamui, thaamuiai pene mia.

1 Peter

Chapter 1

1Thau Petero,Iesu Keriso gena veunagi auna na, vanua polu nanai goaluni, e evirigi muio aumui, Pontus na,Galatia na,Cappadocia na, Asia na,e Bithynia na gove amaio, aumui gemi pa uua.2Palau gena thaoneka ekuneo, veva valivu wai avuavuna thaona na, karo veamonagi,e Iesu Keriso lalana e rivo o pakunai,nama thaamuiai pene mia,e mui gemi maino pene kamu.3Palau, e ia gera vele Iesu Keriso amana,iana pe varagea.ia enuavi iwavagirao,ia mauli valivuna mave raramanina,Iesu Keriso gena warega, e laai wai iavuna thaona na peveniri.4Pa rawalia, gauna ia peene lewalewa,gau wauana peene aatha,e mai peene lumulumu.Ia eve ole venio kupai, goi gemu. 5Palau iavuna na mui enakamuini,veva auna auna thaonai nama pe ala maavua,ora kapikapirai pene vevamagaia.6E olema go ripathao,lewana kepi vogo thaorai,mapene ve veugamui. 7E wara, mui gemi veva auna auna ari iligana, vamagai na,gauna na gold mai eiwarana,lewana alovai geala ovoa ni.ia epene wala iwa pe,mui gemi veva auna auna, ganina pene magai,vevarageai, e vemathalagiai Iesu Keriso gena vevamagaiai.8E au noai goiani,namu muina go ulamagiani.Evanamo noai goiani,namu ia elenai gove vauna auna ni e, verele na pogo vonu,verelena noai thori vagele gelena.9Evana mui apuriapuri,gemi vevaauna auna ganiri go rawali rana, muipalau mui geria nama pakurai.10Enama iana athoriani,gauna peroveta aurana ge peroveta agia,e i vewaa mui elemuiai pene veami, ilana ge avu ia ia vagia.11Geria alu amonagiai,geve renagi wai, e ri au elenai pa orana,Keriso palauna pere vevamagai, pere va ripari Keriso gena vi vi e mulinai, verele pene mi kwara gauna.12 Vevamagai gerawaliao,geripao ila nori maauri geve ala veveniwai,namu mui pakumuiai,ge thori agirao gauri,evanamo pege vaila mui,vali namana ge wapaa venimuio, veaa palauna kupa na emirivo,iavunai-aneru na gauri,noai geiathao.13Gaurai,valavumui igo avu nama namari,thao veralevai pigo alu.Gemi veraramani guguluna,Keriso gena iavu thaonai pigo olea,gauna, gena velavu uleai pene venimui.14Karo veamonagi pogo ripatha,go mauli guilagiwai maulina ririwamagina, elemuiai peene veono gauagaua repana, na awa awa maulina.15Namu, mui egogomuio auna ia veaa,gaurai mui mai pigo veaa,gemi mauli olemari thaorai.16Eve alo auo ''Pono veaa,repana thau veaa'' 17Pe, pene goi pono gogo ''Ama''auna eve vaaithori thakwa thakwani, apuri apuri geria ulavunu veairai, gaurai mavalavumu pono thoa.18Mui ripamui,e nori Gold pa Silver na,mui amamui geria pagi alari,goia vanagirao thao rana evai rai muio .19Namu mui Iesu Keriso,lalana noai voina vagi gauna na evoi waimuio,no mamoe veaina noai kepikepina vagi,auna na evamaulimuio.20Alimapara ruguna roai geve rakwa, thaonai Keriso evirigiao namu, ia eora ikaikarai emi veva magaini.21Keriso thaona na Palau gova vauna aunao,repana Iesu waregana eva laai waia, e iavu eveniao pe, mui gemi vevaauna auna e verararamani Palau thaonai pigo oleari gaurai.22Mui palau mui,pogo ole vethalevari,repana karo veamonagina. Vewala ava ulamagina pakunai; Pe ma auavamui pigo veulamagi veveni,nuanua mui ropurana.23Mui pogo wala wai nori pige kirakira gau vuari thaorana namu,peene gavuvagi vuari,Palau gena mauli e mia vanagi vanagi thorina thaona na.24Aunipara ia mu veaina, ia vewaana,olopu muu na, tiare na veaina.muu e lao nia,tiare na mai eovagini,25Namu Palau gena thori ia pene mia vanagi vanagi.''e thori ia vali namana, elemuiai gevara vara agiao.
Chapter 2

1Gauri,raava alari maparari pigo kaliwaniri,vekuku,vevaoloa. 2Wala valivu veairi,pigo alu palau laa kwarana mo pigo valavua,pe mui nama vewaa vewaa thaonai pigo ola.3Pene mui na eolema go mamiovoao,Palau ia nama.4Igo veamai, ia elenai repana ia mauli vauna, aunilimalima na geruatha namu,evau e Palau na evirigiao ia iwavagi ia elenai.5Mui mai mauli vauri veairi,gove varua laaio veaa palauna pene alu avana, thaona na rupu veleri rakiri pigo gapiri, ma veaamui pigo alu,veaa veveniri thaomuina pigo veveni agiri,Iesu Keriso thaonai Palau na pene gapi rageri.6Eve alo auo,eveaina eilagiani; ''Igo iatha thauna,Zion ai avaro aliani,mauli vauna, evevirigio,e iawavagina vagi vauna,ia pige veva auna auna,auri ila pigene opi matha.''7Pove vauna auna,voi goi gemu.namu noai geve vauna auna auri,''Numa au ulavunu agina na vau gerua,epe numa repana,''8E,''vauna aunilimalima eva waunagiani e maeva eo uvalerana.'' ila gewaunagini, repana Palau gena thori noai gegapi rageani,-ila ealathao ganina wara.9Evirigimuio aunilimalima mui,rupu veleri veaari,veaa vanuana,Palau gena rinaa au gaanari,pe,gena olema nama pigo varavara agia,repana iana mui muuna thaona na evai raimuio.
11Geku ulamagi aumui,agogomuini no vaalu au pa aupolu,Aunipara ririwamagina elemuiai pigono vakamua,repana mui palaumui gaurana geveali venirana.12Vevaavua auri vilarai,olema nanamari pigo vamagairia,pe gemi alalea avarai, mui gemi olema nanamarai pige valavu thaomui,Palau pige varagea gena vevamagai garonai.13Rova geiamarana auri,pigo vagele ria, Velegaua pakunai.Vanua veleri karori pigo amonagiri,14Vevai auri kakamuri,ila euurao rova geala ravarana auri iavu pige vavuari, e alanama auri pige varageri.15E Palau gena ririwa,repana ealanama na,thori awa awa auri, mururi pene kanagavuri.17Aunilimalima maparari pono mathalagiri.wala avamu pono ulamagiri.Palau kalina na pono kali. vanua velena pono va velea.18Veala veni aumui,ge iamaamuini auri pigo mathalagiri.Nori namamo auri pigo nama veniri,paru auria mai.19Verele aimo,repana Palau eripathani,evivi awaawani mai eveugani. 20Vevarage ari kamuna poro rawalia,pene goi po kepi thaonai iavuna ovuani?Namu pene goi ala nama pakunai iavuna e vi vina ovuani goi vevarage Palau elena na kamu vagi pono rawalia.21Eveairi gauri pakurai,goi egogomuo,repana Keriso mai goi pakumuai,evi vio.Iana vaagele gele apuna ekaliwaniao,ia mulinai pethoa kapuna pelavuri.22''Ia galama apua nee vawala,muruna na thori mamilona waua nee thoa rai.''23Geva raavawai,nee alavewaio,eviviwai thaonai thori vevakali apua nee ole lavu uleao,namu ia maauna eveole alio veva aithori auna elenai.24Ia maauna na ia gera galama,evuathao auniparanai ela rage agirao, gau upu unai pe galama iligavina,mapiana veala waia na ala thakwathakwa mo maulina pe vaia.Auniparanai gavaa erawalirao,mui gemi vi genamao.25Mui maparamui,go thoa auvagi auvagiwai mamoe veaimui,na evana pogo velavu ulewai,vevai auna elenai mui palaumui aunakari auna.
Chapter 3

1Veaina mo, vegarawa vainemui garawamui maluane ri elerai,pigo mauli thakwa thakwa.Eveaina pigo mauli pe,pene maluane vairi Palau na thori noai ge gapi rageani,ila mui gegelamui e olemamui ia vanagirai ila pigo awariri.2Mui gegelamui e olemamui ai,pige mathalagimui.3Eolema pigo vamagaia nori,verapuai,vuimui pigo au ralema ralemari,pa takei ia iari mavewaa vewaa rai.4Pigo ulavunu agia,nuanuamui ropu rana,aomai e amumuai, Palau na ririwa era.5Kunenai vavine ma veaari,Palau elenai geve raramaniwai,vavineri garawari maluaneri gevagelerawai.6Veaina mo Sarah na Abraham e mathalagia wai,egogoawai velegaua.Mui evanamona,Sarah nauna ala nama pigo agia,pene goi raava kalina na no kalini.7Veainamo,mui maluane magarawamui,pigo veripa veveni pigo mauli repana vavine orina emoirani pakurai.Numa thaona maulinai pigo vele koukou.eveaina pigo mauli pe, mui gemi venivuavua thaorai, vewaunagi pigono rawali.8Gera thori ikari,maparamui,uamagimui pige apuna,ma wala avamui pigo veulamagi,pigo aoma, e thao veralevai pigo mauli.9Raava pigono vavoi lavu ulea,pa geilagi raavamuini pigono vavoi lavu uleri.avaarai mui veva namamo pigo vaivaia,repana mui egogomuio ganina era,pe,mui vevanama iwavagina pigo rawalia.10''Riai eririwani,mauli pene ulamagia e garo nanamari pene iari,mathana na raava peene thoa rai,e muruna pipirai wapa peene mia.11Raava thaona na pene ai wai,ala nama pene ala agia.maino pene avua e pene roana olea.12Velegaua ma anana,thakwathakwa auri eia rana,e ia egana na geria ririwa eamonagirana.Namu Velegaua vilana raava auri eia rogo rogo rana.''13Pene goi ala nama oala agiani,goiwa riaina mapere varaava mu?14Na, pene goi ala thakwa thakwa pakunai ovi vini,veva nama goi gemu.ila eva kalirana, gauna kalina na poono kali.thaomu poono vavi via.15Iesu Keriso, pono olea thaomu ovuanai pene veaa.Pono ala maavu,veraramani orogoao, verenagina orina geve renagimuni.Amumuai e vematha lagiai pono ulavunu agia.16Uamagimu pige mia veraleva,pe gemi mauli namana Keriso thaonai,geilagi raavani pige opi matha repana,mui gevaraavamuni no ala raava auri.17Nama iwavagi,ala nama pakunai ovi vini neni na Palauna eririwani gauna.18Keriso vagana vagi evi vio,galama pakunai.Ia noai galamana vagi,ia galama auri pakurai, e vi vio,ia vepaari gerau vagio, Palau laganai pene veamai agiri gaurai.Ia auniparai gevagiao,na palauai ia maulina.19Palauai evanamo tipurai gealuni auri, palauri eve wapaa venirao.20Palau gena vaigauana,eralo rawai Noah gena garoai ila karoverave auri,poti apua eve ala wai thaonai,Palauna aunilimalima viravira evamauli rao,auri aula vaivai uu thaona na.21Papasito vailiana era,mui peva maulimui evana-nori mui auniparamu milo ri pevuligi vagiri,namu uamagi nekaneka thaona na Palau pono ripatha Iesu Kerso gena laaiwai iavuna thaona na.22Keriso ia Palau ripana gena avanai. Ia kupai eve thoa oa.Aneru,Vele rakiri irauirau, Iavu irau irau raki veleri, ila maparari,pige veilagirai Iesu elenai.
Chapter 4

1Repana,Keriso evi vio auniparai,olemana veaiveainai pono vemali gavu.Riai auniparai evi vio ia galama pegavu vagi ia elenai.2Ganina,eveaina emaulini auna,gena mauli orari maparari thaorai,ia aunipara gena ririwai, nee maulini namu, Palau gena ririwai emaulini.3Gemi ora vogovagi,govaregarao vevaa vua gemaulini veairi,go maulini niuniu,paati awa awari, maaporaga,wapa,e ala raraavari mauliri,kaivakuku go ai rupuali veni rana.4Ila ge uamagini,thaonai olema irauna apuna,mui ila thaorai noai gothoa oani,pe ilana mui geilagi raavamuini.5Mauli e warega ,pene vaai thoriri auna elenai ila mageria thori.6Gauri pakurai vali namana warega auri elerai mai,eve wapaa agiao,lewana ila aunilimalimai vevai thori gerawaliao,palauai Palauna mo pene ririwa veainai pige mauli.7Egau maparari ige gavu vagi,orana eve avini.Gaurai valavumui pige nama,uamagi nekanekai pigo alu,veni vua vua tharaparari ularana.8Egau maparari thaorai,ma auavamui pigo veulamagi veveni,repana ulamagina, galama vogona epotho vagi rana.9Mau avamui pigo veala veveni,pigono vapoivapoi.
11Pene apua ene thori pene iwa,Palau gena thori thaorana pene thori rai.Ene veala veveni pene iwa,Palau na iliga eveniani iligana thaona na pene ulavunu.Eala pigo ala agiri pe,olema irau irau thaorai pe,Palau vevarage pene rawalia Iesu Keriso thaona na.Iesu Keriso vewaana e iavuna pene mia vanagi vanagi.Amen.12Auavakuo,pigono kalilea vi vi meau meauna gorawalinia,no gau irauna waua mamilagina elemuiai ewalani.13Namu pigo verele repana,Keriso gena vi viai pogo vi viau,pe ia vewaana pene vemagai garo anai, mui verele na pigo vevonu.15Pono vi vi nori,ovagi vagio,olemao, pa karo veraveai,veaina.16Namu pene au apua evi vini,ekalesia vi vinai peene opi matha; na ia Palau pene varagea wa thara ila.17Veava aithori orana pekwara,Palau gena numa thaona na ene ma ma,Pene ia ekalesia auri elerana ene ma ma,Palauna thorina noai gegapi rageao auri raa ige alaiwa? 18Pene ala thakwa thakwa auri, elerai vevamauli mai ia gaua,Palau noai geripani e galama auri,ila olemari raa ige mia iwa? 19Gaurai ekalesia vi vinai,Palau gena ririwai gevi vini auri,ila palauri Palau gena oleole kapuna namanai, eolerao.
Chapter 5

1Ulu kuineri auri, mui thaomuiai thauna apuu rana,thau ulukunena auku,e Keriso gena vi vi aiao auku, wa vewaa pene vemagai,pana ve verele agia auku apua; 2Palau gena aunilimalima,gemui vevai kapulerai,pigo kune agiri,veia ma aurai pigo alu,nori mui pigo kune,namu Palau gena ririwai pigo vevai,nori voimu opi matha pono verawalia namu,iliga. 3Gokune agirana oleari thaarai,pigono ala vele,namu ia ia namari pigo vamagairia.4thaonai,Vekuneagi velena pene vemagai,garonai korona mavewaa vewaa na goi pene venimu.5Veaina mo, mui ulu valivu au ola elerai,pigo vemathalagi.Maparamui vealaveveni,e vemathalagina pigo verapua gavu.Repana Palau vevaoloa auri nee ririwarana,ia manau auri eririwa rana.6Gaurai,Palau imana iavuna kapulenai pigo ve ole oa,pe moira thaorai pene tou laaimui.7Gemi meau meau maparari,ia pigo venia repana iana mui enakamuini.8Thao vethalevai pigo mauli,e pigo veia maa.Velivu auna ia laioni veaina,ava makaina, eloagi loagiani ri perawalia ene vagia.9Pigo rua vila agia.gemi vevauna aunai pigo rua kikilagi.repana mui ripamui,wala avamui e alimapara maparanai,vi vi gorawaliani vi vina mai ilana magerua vila agiani.10Iavu irauirau,geria Palauna mui egogomuio gena vewaa ai,Keriso thaonai pe,gemi vi vi mulinai ia maauna na,pene ole lavu ule waimui,pene vailigamui,e pigo ruw kikimagi.
12Thauna Silvanus, ailagiani, melo namana,gena veva aunaauna iliga vagi,gaurai aloalo ia elenai pa uu agia.Thau na mui apuumuini,e elemuiai ave ilagi raini,thauna pa alori gauri ila Palau vewaana auna auna na gauri.13Babilonia vavinena,mui ria gevirigi muio,gena veva nama pe uua,e thau nauku Mark mai gena ulamagi pe uua.14Ma auavamui thaomuiai ulamagiai, pigo veulamagi veveni.Keriso thaonai go maulini aumui thaamuiai maino pene mia.

2 Peter

Chapter 1

1Simona Petero,Iesu Keriso gena veunagi e ulavunu auna,wa veva auna auna vewaa vewaana apuna mo, alathakwa thakwai arawaliao ia gera Palau e vevamauili auna Iesu Keriso thaonai,aumui gemi.2Veuga e Maino na pene vavonumui Palau e Iesu ia gera vele thaonaekana thaonai.3Veaa Iavuna thaonai,gemiao gau maparari mauli e veaa maulina ia evenirao,Palau gena thaoneka thaona na,ia egogorao gena thaoneka e namaiwavagi ai.Ethaona na,ia ilagavu vewaa vewaa na,e iwavagina 4evenirao,pe kupa rinaari pevai koukouri,Satani gena veva raava gauri elerana pe ule gegelagi.5Egauri pakurai,pono iliga gemu veva auna auna thaonai nama pono ole aua,nama thaonai thaoneka pono ole aua,6Thaonekai,vaigaua pono ole aua,vaigauai veala veveni pono ole aua,veala veveni ai veaa maulina pono ole aua,veaa maulinai,vewala ava pono ole aua,vewala ava maulinai,ulamagi pono ole aua.8Pene erinaa goi thaomuai,e pige kala ia gera Vele Iesu Keriso,riparipana thaonekanai poono rapu.9Namu,riai erinaa ia elenai noai gau,ia apuapu vagi nee ripani,ia gena galama kuineri thaorana ethalevao.10Gauri pakurai,pono veaolea gaua gaua,pono ripa gemu gogo e vegapilaai auna auna,pene eveaina pono mauli goi poono eo.11Eveainai,goina verawali iwavagina apuna pono rawalia,ia gera vele e veva mauli auna Iesu Keriso gena Basileia thoathoa nai.12Gaurai,thau alamaavuai ethori mui pana varipamui,lewana mui na goripao e mailigamui auna auna goripao gaunai.13Thauna aumagiani thaonai, ethakwanai mari ethama thamai aaluo thaonai,mui maamui pana ala ero erori thori vevanekai.14Thau ripaku nori rau rau,thau pana gavu vagi,repana gera vele Iesu Keriso na evamagai venikuo.15Thau pana iliga,thau pana thoa mulikuai egau muina pigo valavu thaori.Thai thori vathakwari, noai gaamonagi,thaonai velegaua iavuna e gena veamai wai gavamagaiao,namu thai maamaina ia gena vele iavuna gaiao.17Ia vemathalagi e vewaa ia amari Palau elena na eveamaio,karo apua eveamaio neiwao, ''Ethau nauku aulamagi iwavagini melona,iana thau evaverelekuni.
19Thai elemaiai peroveta thori ri ila auna auna,pigo iliga pigo vagelea,no lamepa apua muunai elalani pene thao rapa eluvani e rapa viuna elaarageni goi kutoumuai.20Iwavagina vagi,mui pigo ripa peroveta thorina apua aua maauna thaona na nee thoa raini.21Peroveta thorina apua, aunilimalima gena ririwana nee veamaini namu,aunilimalima Palau elena na ethori raini Veaa Palauna gena vevai thaona na.
Chapter 2

2Aunilimalima vogo vagi ila geria opimatha mauli rai pige vethoa,e ila thaorana tharapara auna auna na pige veilagi raava.3Ila geria augaua thaorana,evevaripa aurana thori pige vailamui wara ila thaori thori ri.Ila geria vevaraava rau vagi gaigorai pege roagia,e vilarai raava pige rawalia gauna nori emauo.4Repana,Palauna Aneru gegalama thaonai nee lauari.Namu ila Tartarus imanai eolevanagirao,velekeani ai muuna vavarivonai ige alu pene thao vevaithori garona pene kwara.5 Veaina mo e alimapara iana nee laua.Wathaorana iana thakwa thakwa velena Noah e auri aulaoi apuna elauarao,gapaa thaona.6Palauna mai Sodom e Gomorrah emui lewalewarao ge rinurinu ole,epothomou rao, rogo pene wala vagele gelena eva magaiao Palau noai geripani auri elerai.7Namu thakwa thakwa vagi auna Loti, ia Palauna elauathao,rova noai geva geleawai auri thaorana.8Pe, wa thakwa thakwa auna ila thaorai garo mapararai emauli wai,gevagiao repana eiarao e eamonagirao gauri pakurai.9Palau ripana ia geala veniani auri,iana raava thaona na raapene vamauliri iwari,e nori thakwa thakwa auri raapene rogo gaugau iwari pene thao iavu pige vua,veva aithori garoanai.10Ewara auna auna,riairi ealimapara ririwamagina na roe vairana,e Palau iavuna geilagi raavani.Iligai e maauri geria ririwai,ila noai ge guguvani Aneru ilagi raava rai.11Aneru geria iliga e iavu mai kamu vagi,namu ilana Palau elenai ila noai geilagi raava rana.12Namu eaunilimalima,ila magani veairi,pige verogo thaonai raava thaonai pige verakwa oa.Ila nori ripari ila riai geva raavani.Vevaraava thaonai, ilamaina pene varaavari.13Ila geria ala raava voina pige rawalia.Ila geria uamagi thaonai,egaroa rinaa maulina wara verele gauna negeini.Ila geve aani e geve varaavani.Mui ria gomauli kouni thaonai,geria mauli awaawari geverele agirana.15Tharapara auna auna na pege iwathaoa,namu ila na Balaam,Beor nauna gena mauliai gemaulini,nori mauli thakwa thakwa voina egapiani.16Ia maauna gena raava,donki nee thorini gauna na evaila raava raavao,aunilimalima karorai ethorio,peroveta auna paru eilagi raiao.17Eaunilimalima ila nipulu noai naluri,e inova thagina elavu laiwa laiwa rana.Muuna gurunana peve ala maavu ila geria.18Ila poka ovao auri,ealimapara ririwamagina thaorana aunlimalima kepi auri gewapa rana.19Uuma gevaila rana,gau waua peene wala mui elemuiai,namu ila valu pe raavana egapi tipura rana.20Pene ila Iesu Keriso, gena thaoneka thaona na e alimapara gena vevaripa awa awa ri thaonana ge ule mauli,thaonai evana ila mapemi ligoligo wairi,vavoina iavu meauna vagi pige vevua.21Pere nama,Iesu Keriso geere vai rageao ma manai geria mauliai,mauli thakwa thakwa geripathao,e thaonai veaa rovari eveni rao thaorana gegigivagio no nori ripari veaina.22Ethori kamu wara auna auna,ila geria:''Waga elavu ule waini mumuana egani waiani,e pae eriku vethalevani thaonai maelavu ulewaini paliai eve mao alini.''
Chapter 3

Geku ulamagi aumuio,thau na evana mui aloalo vaga lualuana palo venimui,ealo lualua ila thori vevaneka aveni muio pe pigo iliga gaurai 2peroveta auri ma veaa rana thori geveni muio thori ri pigo valavu thaori e ia gera vele e vevamauli auna gena rova apostolo rana gevara venimuio.3Eia pigo ripa kune kunea,vegalaiga auri garo kapikapirai pige veamai.Ila pige vegalaiga e geria ririwa veairai pige ala auvagi auvagi.4Ila pige iwa ''Eilagavuo pene velavu ulewai neiwao gauna ariai? Thai amamai gewaregao pene veami egaroa,gau maparari veai veairi ovo ovona na vega.''5Ila geve valavu lewalewao,ma manai Palauna alimapara e kupa vanuari,thori thaona na eva magairao,nalu thaona na,6repana wa laganirai nalu na alimapara maparana evouao.7Thorina mo thaona na,kupa vanuari e alimapara geve rogowaio alova gena,veva aithori garona pige thaloa e Palau noai geva geleani auri iavu iwavagina pene vavuari.8Geku ulamagi aumuio,pigono vevalavu lewalewa,garo vuana apuna Velegaua elenai wara,no rigolo thagana na veaina,e rigolo thagana na no garo apuna veaina.9Velegaua nee waiponi gena ilagavu thori rai,repana vairi negeinia Velegaua waipovagi.Namu iana goi emathalagimuni.Enori ia gena ririwa mui maparamui pigo warega,namu maparamui pigo ai wai.10Namu, Velegaua gena garo pene kwara no lema auna veaina: Auli gagauari alovana pene galari,e alimapara thaonai gemiao gauri maparari ila pige gavuvagi.11 Pene egau maparari, waolemai pene vagavu vagiri,goi olemamu ra pene vemia iwa? Mui veaa maulinai pigo mauli e Palau velegau gena pigo mauli.12Mui ipo pigo vethalo mo Palau gena veamai garona.Wagaroanai kupa vanuari maparari alovana pene kapu lewalewari,e alova iavuna na auli gauri,pene varere lewalewari.13Namu Velegaua gena ilagavu gelegelenai,ia avethaloni kupa vanuana e alimapara valivuna pige veamai,ala thakwa thakwa auri pige alu avana.14Ulamagi aumui,repana iana egauri aalu vathalorana,pigo veaolea pigono galama Palau vilanai,mainoai.15Paulo na ealo venimuio veaina,ia gera Vele pigo uamagivirigia ia gera nama pene veamai agia.16Paulo gena aloalo mapararai egau eilagithao,egaro valavu ripari ia gagaua.Noai gealu kikimagini e ala guilagi aurana, ethori geilagi vevili veviliani,veainamo Palau gena thori mai mage varaava ni.17Gaurai,geku ulamagi aumui repana ailagirana gauri pogo ripa kuneri,nakamui pigo gau ala karoverave auri elerana,orina gemi veva aunaauna thaorai gomoirani.18Namu,ia gera Vele e vevamauli auna Iesu Keriso gena thaoneka e vewaa, thaonai pigo kala.Iavu ila raligoi geria pene mia egaroa pene thao vanagi vanagi.Amen.

1 John

Chapter 1

1Ma maana vega,iana aamonagiao,ma rana aiao,e anapa aunagiao,mauli thorina.2Veainamo mauli eve vamagaio,iana aiathao,ilagi lovolovona auri ia.Thaina gave varipa agiani,mui elemuiai mauli vanagi vanagi,maulina amana elenai,ia geva ripathao.3Thaina gaiathao e gaamonagiao,maina gailagi raiani mui elemuiai,pe mui e thai pe alu ao koukou.Ia gera alu ao wara,amana e nauna Iesu Keriso ila.4Veainamo mui gaalo venimuini gauri pigo gapiri pe mui gemi verele pene gugulu.5Evali thaina ia elena na gamonagiao, mui elemuiai gailagi raiani:Palau ia mathaa,e ia thaonai noai muuna nee mia o.6Pene ia peilaiwa,ia Palau ria aaluaonia,thaonai muunai athoani,ia awapani e aunaauna noai amauli agiani.7Namu pene ia mathaai athoani,repana ia mathaai,ia maauavari ave auavani koukouai,Iesu Keriso ia nauna lalana na ia gera galama thaorana evuligirana.8Pene ia peilaiwa ia noai gera galama,ia maauri ave varaavani,e aunaauna ia elerai noai gau.9Namu pene ia gera galama pe ilagi rairi,Palau ia amonagi iwavagi ia gera galama pene ilagiwairi,e nori ala thakwa thakwa thaorana pene thalevari.10Pene ia peila iwa ia noai agalamao, ia Palau ailagiani ia wapa Palauna,e ia gena thori mai ia thaorai noai gau.
Chapter 2

1Nauku,thau na egau aalo uvalerana mui gemi,pe mui pigono galama.Namu pene auapua pene galama,ia gavurai ia amari elenai thori auna aunaera,auna Iesu Keriso ia thakwa thakwavagi.2Ia gera galama thori rairi auna,e manori ia mo namu,alimapara maparana mai.3Ia riparai,pene ia aripathao,ia gena rova mai pe vavenagiri.4Au apua pene ilaiwa,''Thau Palau ripaku'' namu gena rova nee roana ole rana ia wapa auna,e aunaauna ia thaonai noai gau.5Namu riai ia gena thori thaonai gemiani,aunaauna vagi Palau gena ulamagi ia thaonai eo lavugalani.Eolemai ia pe ripa ia Palau thaonai:6Riai pene ilaiwa ia Palau thaonai emaulini,ia Iesu Keriso emauli veaina mapena mauli.7Ulamagi aumuio,thauna nori rova valivuna apua mui aalo venimuini,namu rova kuinena ma maana na go amonagiao gauna.Rova kuinena wara thori muina goamonagiao gauna.8Veaina mo thauna mui rova valivuna aalo venimuini,ia aunaauna Keriso thaonai be mui thaomuiai,repana muuna wara egavu vagini, e mathaa aunaauna na pe elalani.9Au apua pene ila iwa ia mathaai emaulinia,namu ia wala avana eguruguani,ia muuna thaonai pene veami egaroa.10Wala avana eulamagiani auna ia mathaai ealuni e gau wauana peena valoua.Namu wala avana eguruguani auna ia muuna thaonai e ia muunai emaulini; ia nori ripana ia arina ethaoni repana,muuna na ia maana ekourana.
13Velepara aalo venimuini,repana mui ripamui auna ma mana na vega.Uluvalivu aalo venimuini,repana raava muina pogo thoa vanagia gaurai.Melomelo aalo venimuini repana ia amari kupai goripathao.14Ama paalo venimui,repana eau mamana na vega goripathao.Ulu valivu paalo venimui repana mui mailiga mui,Palau na thori mui thaomuiai emiani,e raava muina gova waiani.15Alimapara e thaonai gemiao gauri pigono ulamagiri.Pene auana alimapara eulamagiani,ia amari kupai ulamagina ia thaonai noai gau.16Ealimaparai gemiao gauri maparari-ila ainipara ririwamagina gauri,maana eiathana gena ririwamagi gauri,mauli eva ralemathani-ila nori Palau elena na namu alimapara na geve amaini gauri.17Alimapara e gena ririwamagi ia egavu vagini.Namu riai Palau ririwai emaulini auna wara pene mauli vanagi vanagi.18Nauku,evana wara ora kapikapina.Goamonagiao gelegelenai,Keriso wapana eveamainia,evanamona Keriso auala ovo ovona vogovagi geve amaio.19Ia thaorana gethoa rai,namu ila nori ia auavari.Pere ila ia auavari ila iaria paara alu koukou.Namu ila gethoarai,ia pe ripa ila nori ia auavari.20Namu mui veaa auna, elena na iavu gogapio mui maparamui ripamui.21Thauna mui paalo venimui,nori mui aunaauna nori ripamui gaurai,namu mui ripamui e repana aunaauna thaonai wapa noai gau.22Riai wapa auna,Iesu Keriso ewapa agiani? auna ia Keriso ewapa agiani,repana iana amana e nauna ewapa agirana.23Auana nauna ewapa agiani ia elenai amana noai au.Riaina nauna eilagi raiani auna ia elenai amana mai ealuni.24Pigo gapi roana olea gauna wara,mamaanai vega goamonagiao gauna thaomuiai pene mia.Pene muina mamaanai goamonagiao gauna mui thaomuiai pene mia kikilagi,mui amana e nauna thaorai mai gomiao.26Thauna mui paalo venimui ganina, orina eaunilimalima veairana gevailea muini.27Mui valu pe, ia elena na iavu gorawaliao,auna mui elemuiai ealini,e mui mai auaapua manoai goririwaani pene varipamui.Namu ia gena iavuna gau maparari eva ripamuini,wara aunaauna e nori wapa,evaripamuini gelegelenai thaonai pigo alu.28Evanamo nauku,ia thaonai pigo alu pe ia pene vevamagai garoanai ia mailigari e piana opimatha gena veamaiai.29Pene mui ripamui ia thakwathakwa auna,ia peripa mauli thakwanai gemaulini auri ila ia thaona na gewalao.
Chapter 3

1Igo iatha eraa ulamagi apuna ia amarana evenirao,pe ia Palau naunai pegere gogori,namu auri pe aaluo era.Wagauri pakurai alimaparana ia nee riparana,repana alimaparana ia nee ripatha.2Geku ulamagi aumui,ia evanamona wara Palau nauna,ree magaai ia raa pevemia iwa.Ia riparia Keriso pene velavu ulewai garoanai,ia Keriso veaina pevemia, iana pe iatha aiatha veaiveaina.Riairi everaramani ia elenai geoleani auri ila,vethalevavagi repana ia vethaleva vagi.4Maparari gegalamani auri,rova noai geva geleani,repana galamana rova nee vageleani.5Mui ripamui Keriso eve vamagaio wara,galama pene touvagiri pakunai,repana ia noai galamana auna.6Riai Keriso thaonai emaulini auna,ia maapene galamawai.Pene galama vanagi vanagi auna,ia Palau peene iatha e peene ripatha.7Nauku auana peene vai vevilimui.Ala thakwa thakwa auna ia thakwa thakwa,repana Keriso ia thakwa thakwa auna.8Galama evawalani auna ia satani gena,repana satani ma mana na vega egalamao.Egauri pakurai Palau nauna emagaaio,pe satani gena ulavunu maparari pene lovori.9Palau thaonai ewalani auna,ia nee galamani,repana Palau vuavuana ia thaonai gemiani.Ia peene galama wai,galama wai repana ia Palau thaona na ewala raini.10Eveainai Palau nauna e Satani nauna gemagainia:Riai nee ala thakwathakwani auna ia nori Palau gena,e wala avana nee ulamagiani auna mai.11Evali muina mamana na vega goamonagiao:Ia maauavari pe veulamagi veveni.12Ia cain,veaina piana mauli ia Satani gena gaurai ia wala avana evagi waregao.Raa gauna ia arina evagiao?Repana ia ulavunu maparari wara Satani gena,ia arina gena ulavunu wara thakwathakwai gaurai.13Wala avaku mamilagimui pigene lea, pene alimaparana egurugu muini.14Ia ripari ia waregana avanagio,mauliai,repana ia wala avari aulamagirana.Pene aua nee veulamagini ia warega thaonai roealuo.15Pene auapua wala avana eguruguani, ia vagivagi auna.Mui ripamui vagivagi auna apua,ia elenai mauli vanagi vanagi nee miao.16Eveainai ia ulamagi aripani,repana Keriso gena mauli eole aliao ia pakurai.Veainamo ia gera mauli mai peole aliri,ia wala avari pakurai.17Namu pene aua alimapara gena nama evamiao,thaonai wala avana lealeai emaulini eripani,nee nua viiani ia thaona vekanagavu,Palau gena ulamagi ia thaonai raa emia iwao?18Gaurai nauku thoriai e matharana piana veulamagi,namu ala laiwa laiwai e aunaaunai peveulamagi.19Eolema veairi thaorana ia aripanai,ia aunaauna, e ia thaori avamagaiarana ia vilanai.20Pene ia thaorana evailearana,Palau na ia thaori eiwarana,e gau maparari eriparana.21Geku ulamagi aumui,pene ia thaorana nee vailearana,ia magera vaigaua Palau elenai.22Ia elenai penogia gauna pene veniri,repana ia gena rova aroanaole rana,e gera mauliai avavereleani.23Ia gena rova era: ia nauna Iesu Keriso tharana pe vaaunaauna e maauavari peveulamagi veveni,erova evenirao gelegelenai.24Palau gena rova evagelerana auna ia Palau thaonai ealuni,e Palau ia thaonai ealuni.Eveainai ia peripa Palau ia thaorai ealuni,veaa Palauna evenirao thaona na.
Chapter 4

1Ulamagi aumui,Palau irau irau pigono va aunaauna ri.Namu pigo mamilagi ovori,pene ila Palau elena na geveamini,repana peroveta wapa auri vogo vagi pege thoa rai alimaparai.2Eveainai muina Palau palauna pigo ripatha-palau mapararana Iesu Keriso pige ilagia Palau elena na eveamaio,eaunilimalima ole mui pigo ripa ila Palau elena na geve amini,3na Iesu Keriso nori Palau elena na eveamaio negeinia,mui pigo ripa ila nori Palau elena na geve amini.Ewara wapa palauri,muina goamonagirao geveamaini,evanamona rau vagi pege thoa rai alimaparai.4Nauku mui Palau gena,muina ila pogo thoa vanagiri,repana mui thaomuiai ealuni auna na,alimaparai ealuni auna eiwani.5Ila alimapara na geveamaini; wagauri pakurai ila na geilagirana gauri, na alimapara na geveamaini gauri,e alimapara na ila eamonagi venirana.6Ia Palau gena.Riai Palau eripani auna na ia pene amonagiri.Nori palau gena aunilimalima auri ia pigene vageleri.Eveairai iana aunaauna e raava aripatha ni.7Ulamagi aunmui,maavari pe veulamagi,repana ulamagi Palau genana na eveamaini e geve ulamagini auri maparari,Palau thaona na gewalani e Palau geripathani.8Nee veulamagini auna,ia Palau nee ripathani,repana Palau ia ulamagi.9Eulamagi pakunai,Palau gena ulamagi ia nuanuarai eva magaiao,Palau nauna wala geregavagina euao alimaparai eveamaio,ia pakunai ia pemauli.
11Geku ulamagi aumui,pene Palau na ia eulamagi rao,ia mai maauavari peveulamagi.12Auapuana Palau peene iatha.Pene ia maauavari aveulamagini Palau iathaorai ealuni,e gena ulamagi thakwa thakwa vagi ia thaorai.13Eolemai ia aripani ia Palau thaonai aaluni, e Palau ia thaorai ealuni,repana Palau na veaa palauna iavuna iari iari ewarevenirao.14Veaina mo iana aiathao,e peilagi lovo lovoa auri ia,Palau na nauna euuao ealimapara pene vamaulia.15Riai ethori raini,Iesu Palau nauna auna thaonai Palau ealuni,e ia Palau thaonai ealuni.16E maina,ia aripao e ave vaunaauna ni Palau na ia eulamagirao.Palau ia ulamagi,e ulamagiai emaulini auna,ia Palau thaonai ealuni,e Palau ia thaonai ealuni.17Wagauri pakurai,eulamagi ia thaorai eve ole vethalevao pe,veva aithori garonai ia pene vailigari repana ia iamo,aua genana na peene thao,ia alimaparai amaulini auria mai.18Ulamagi thaonai kali nee miao.Ulamagi iwavagina na kali eilagi vethakawa oani,repana kali iavu pene vevua.Namu ekalini auna ia ulamagi thaonai ree veole vethaleva.19Ia ave ulamagini, repana maamanai Palau na ia eulamagirao.20Pene aua pene ilaiwa, ''Thauna Palau aulamagiani,namu ia wala avana eguruguani ia wapa auna.repana ia wala avana eguruguani auna eiathani,namu Palau nee iathani raa pere ulamagi iwa.21E maina,erova wara Palau elena na eveamini: Riai Palau eulamagiani auna, ia mai wala avana pene ulamagia.
Chapter 5

1Riai eve vauna auna ni neinia,Iesu Keriso ia Palau nauna,e riai amana eulamagiani ia mai melo eva walao melona mai eulamagiani.2Palau nauna maparari raa pe ulamagi iwari, ia na aripathao tharaparana era:Palau iana aulamagiani thaonai gena rova mai pe gapirageri.3Palau ulamagina olemana era: ia gena rova pe roana oleri.E ia gena rova ila nori ia gagaua.4Riari, Palau elena na gewalao auri ilana,alimapara iavuna geiwani.Ewalimuna alimapara eiwao,ia gera veva aunaauna maina.5Alimapara riaina eiwathao?Eve vauna auna ni Iesu ia Palau nauna auna na.6Auna era nalu e lala iavuna thaona na eveamaio:Iesu Keriso.Ia nori nalu mo thaona na eveamaio,namu nalu e lala thaorana.7Ia gau wau oioi na geilagi magaiani:8Veaa Palauna,nalu e lala.Eila oioi wara thori koukou ai.9Pene aunilimalima na ia pige ilagi rairia,Palau eilagi raiani auna ia iavuna eiwa vaginia.Palau eva magaiani ina ina wara era,ia au ilagi lovolovona ia ewala auna ia nauna Iesu Keriso.10Auapua Palau nauna elenai eve vauna auna ni,ia Palau inaina na ia thaonai emiani.Pene aua nee veva auna auna ni ia Palau na eva wala,ia wapa auna,repana ia nee veva auna auna ni,Palau ilagi lovolovo na auna Iesu Keriso elenai.11Veilagi lovolovo auna era:Palauna ia mauli vanagi vanagi eveni rao,e emauli wara ia nauna thaonai.12Nauna eroana oleani auna ia elenai mauli emiao.Nauna nee roana oleani auna ia mauliai pene ve rapu.13Egau maparari paalo venimui pe, mui pigo ripa mui mauli vanagi vanagi pigo vaia-mui gemi Palau nauna tharanai gove va aunaauna ni aumui.14Enua gaua ia vilanai iana pagapia pe,pene ia gena ririwai penogia ia pene amonagiria.15Pene ia aripani ia eamonagirana,gera noginogi thaorai,ia peripa vethaleva ia gera nogi mapararai ia pene vageleria.16Pene aua wala avana egalamani, namu nee waregani,ia Palau elenai pene veni vuavua pe, Palauna gena mauli pene veni waia.Galama thaorai warega noai gerawalini,auri thauna ailagirana.Galama apua gauna nara warega eva walani;gaurai thau na nori galamana ailagiani Palau elenai pene veni vuavua agia.17Nori mauli thakwa thakwa wara galama,namu galama apua gauna nara warega nee vawalani.18Ia ripari,Palau elena na ewalani auna ia noai galamana.Palau elena na ewalani auna,Paluna ia eroana oleani,Satani na ia peene varaava ripa.19Ia ripari ia Palau elena na aveamaio,e ia ripari vethaleva ealimapara maparana ia Satani iavuna thaonai emiao.20Namu ia ripari,Palau nauna eveamaio ia valavu ulu evenirao pe, ia aripathao ia auna auna.E maina ia, ia thaorai auna,ia nauna Iesu Keriso.Eia Palau auna auna e mauli vanagi vanagi.21Nauku kaiva kuku elerana pigo thoa gerevagi.

2 John

Chapter 1

1Velevele muina pene thao,vevirigi vavine mui ma naumui,auna aunai aulamagi muini-nori thau mo,namu auna auna geripathao aumui mapara mui-2wa auna auna emiani ia thaorai,pene mia vanagi vanagi.3Palau ia amari,e nauna Iesu Keriso gena veuga,venuavi, e maino ia thaarai pene mia veilivu auna aunai e ulamagiai.4Thau paverele gauvagi repana,mui naumui vairi parawaliri,mauli auna auna nai gethoani,Palauna rova arawaliao veainai.5Vavine apuumui ni,-nori rova valivuna apua aalo venimuini,namu maamanai vega rova aamonagiao gauna-pe ia maauavari peveulamagi.6Ewara ulamagi pe, ia gena rova gelegele nai pethoa au.Rovana era muina go amonagiao ma manai,rovana thaonai pigo thoa.7Wapa auri vogo vagi pege thoa rai alimaparai,ilana Iesu Keriso eaunilimalimao noai geilagi raiani.Eila veva raava auri e Keriso wapana auri.8Ma aumui igo ia mui,avewalavi agirao gauri pigono rogo eori,pe vaigaua pe ia voiri gugulu ri pene veveniri.9Riai vilana ethoa veniani,Iesu Keriso gena vevaripa ne vavenagirana,auna Palau ia elenai noai au.Evevaripa eroana olerana auna ia amana e nauna thaorai emaulinia.10Pene auapua eveamaini evevaripa nee vevaripa agiani,gemi numai pigono vai rageri,e pigono vageleria.11Geva gelerana auri ila,raava maulinai gemauli koukouni.12Gauri vogo vagi para alo venimui,namu naa ririwani aloaloai pana alo venimui.Namu thau pana veamai elemuiai,pe vealu vila agi pana vara venimui pe,ia gera verele pene gugulu.13Go virigiao ia gaari vavinena, nauna geria vevanama pege uua mui gemi.

3 John

Chapter 1

1Thau veleparana Gaius, gemu pauua aulamagimuni auna aunai.2Geku ulamagi aumu,gemu aveni vuavuani pe, goi pono nama e pono iliga,palaumu eiligani veaina.3Thau averele gaua vagio,ia wala avari gemi kwarao valimu namana gemi ilagiao,aunaauna oilagi lovolovoani veainai othoa auni.4Thau ma verele apua naa verele agiani,namu thau nauku aunaaunai gethoa ni verelena elekuai ekamu iwavagini.5geku ulamagi aumu,amonagi guguluna vagi omauli agiani,vewala ava vairi geria oulavunu nia,e au wari wari alaveniri poripatha 6Gemu ulamagi geiathani ekalesia auri vilarai.Geria thoai ogapi u vethalevarana Palau na pere gapi uri veaina,7repana ethara pakunai gethoa raio,vevaa vua elerana gau waua noai getouao.8Wagauri pakurai eveairi auri pe vai rageri pe, ia pe ulavunu koukou auna auna pakunai.9Thauna ekalesia oleana, aaloveniao namu Diotrephes,namu ia maauna eve ilagini iamo iwavagi,gaurai nee gapi rage mai.10Gaurai pene thau pana veamai,thauna ia pana gogoa,pana ripa ia raaga ealani,thai eilagi raava maini moirai eilagimaini.Nori wagaumo,wala ava nee vai ragerao, namu iana mai ma vairana pige vai rageri auri, evaila wairao e rupuna eole rai thao.11Geku ulamagi aumui,raava pigono ala ovo ovoa namu,nama pigo mauli agia.Mauli nama emauli agiani ia Palau gena auri; raava emauli agiani auna ia Palau nee ripathani.12Demetrius ia Palau au ilagi lovolovona ewalao,auna aunai.Ia maina Palau ilagi lovolovona auri pe, ia gera inaina wara aunaauna.13Gauri vogo vagi para alo veni mui,namu naa ririwani aloalo ai pana alo venimui.14Namu thau auamagini peverawali,pevealu vila agi thaonai pethori thori.15Maino goi thaamuai pene mia.Ia auavarana geva namamunia.Thai tharamaiai nanai ia auavari gemai veva nama pono veniri.