¹О родословие на Исуса Христа,чаво на Давид,чаво на Авраам. ²Авраам биянгяс Исаак; Исаак биянгяс Яков; Яков биянгяс Юда тай лескере прален; ³Юда биянгяс Фарес и Зара таро Тамар;Фарес биянгяс Есром:Есром биянгяс Арам;⁴Арам биянгяс Аминадав;Аминадав биянгяс Наасон; Наасон биянгяс Саламон; ⁵Саламон биянгяс Вооз тари Раав; Вооз биянгяс Овид тари Рут; Овид биянгяс Есей; ⁶а Есей биянгяс цар Давид.⁷Соломон биянгяс Ровоам; Ровоам биянгяс Авия;Авия биянгяс Аса; ⁸Аса биянгяс Йосафат;Йосафат биянгяс Йоарам;Йоарам биянгяс Озия;⁹Озия биянгяс Йоатам; Йоатам биянгяс Ахаз; Ахаз биянгяс Езекия; ¹⁰Езекия биянгяс Манасия; Манасия биянгяс Амон; Амон биянгяс Йосия; ¹¹а Йосия биянгяс Ехония тай лескере прален ко време на преселението андо Вавилон.¹²А след о преселение андо Вавилон Йехония биянгяс Салатиил; Салатиил биянгяс Зоровавел; ¹³Зоровавел биянгяс Авиуд; Авиуд биянгяс Елиаким; Елиаким биянгяс Азор; ¹⁴Азор биянгяс Садок; Садок биянгяс Ахим; Ахим биянгяс Елиуд;¹⁵Елиуд биянгяс Елеазар; Елеазар биянгяс Матан; Матан биянгяс Яков, ¹⁶а Яков биянгяс Йосиф, е Мариякоро ром, колатар бияндило Исус, Който пенелпес Христос*. ¹⁷Тай чука, соси родовя таро Авраам джи ко Давид си дешущар; таро Давид джи ко преселение андо Вавилон-дешущар родовя; тай таро преселение андо Вавилон джи ко Христа-дешущар родовя.¹⁸А о рождение на Исуса Христа* сине чука: след като сине сгодиме Лескири дай и Мария за Йосиф, преди те киденас пес,ой араклили непразно таро Святия Дух. ¹⁹А лакоро ром о Йосиф, понеже сине праведно, апа на мангелас те изложинел ла, намислингяс те мукел ла тайно.²⁰Но като мислинелас давка, аке, ангели таро Дел явисало леске андо суно тай пенгяс: Йосифе, чаво е Давикескоро, мадара те лес те ромня e Мария; соскето о зачениме анде лате си таро Святия Дух. ²¹Ой ка биянел мрушес, колес ка наречинес Исус*; соскето Ов си, ковато ка спасинел пе народос ленгере безехендар.²²А всичко давка ачило, за те сбъднинел пес о пендо таро Дел чрез о пророки, който пенел: ²³"Аке и девица ка заченинел тай ка биянел Мрушес: тай ка пенелпес Емануил" ковато значинел о Дел аменцар.²⁴Тай Йосиф, като ухтинило андаро соиба, кергяс сар заповедингяс леске о ангели таро Дел тай приемингяс пе ромня; ²⁵но на пенджаргяс ла, жи кай ой на биянгяс пе първоне Мрушес; тай наречингяс лес Исус.

¹А като бяндило о Исус андо Витлеем Юдейски, ко диеса е тагареске Ирод, аке, мъдреци таро изток але андо Йерусалим. ²Тай пенде: кате си о Юдейско тагар, Ковато бяндило? Соскето диклам Лескири звезда на изток тай алам те поклонинас амен Леске. ³Като шунгяс давка о тагар о Ирод ,смутисало,тай цело Йерусалим лесар.⁴Затова кидингяс саворе народна главна свещеникия тай книжникя тай разпучелас лен кате требва те бянгиол о Помазаники. ⁵А он пенде леске: Андо Витлеем Юдейски; соскето чука си пишиме таро пророки: ⁶,,Ту да,Витлееме,пув Юдова, нисар на синян най-цикни машкар о Юдова началства, соскето тутар ка проиклол Вожди,ковато ка овел пастири Мере народоске Израил.⁷Тогава Ирод викингяс тайно мъдреците тай внимателно научингяс лендар о време, като явисали и звезда. ⁸Тай като бичалгяс лен андо Витлеем, пенгяс ленге: Джан разпучен внимателно е Чавеске; тай като аракен Лес, известинен манге, за те джав меда те поклонинаман Леске.⁹А он, като шунде е тагарес, гелепеске; тай аке, и звезда,която диклесас на изток, пирелас англал ленде, жи кай авел тай спирисали ко тан, кате сине о Младенеци. ¹⁰Като дикле и звезда,залошанде твърде бут.¹¹Тай като дине андо кер,дикле е Чавес лескере Даясар и Мария,тай пеле,тай поклонисале Леске;тай путренас пе съкровища,принесинде Леске даровя:злато,ливан тай смирна. ¹²Тай понеже сине предопредиме таро Дел андо суно тена иринен пес ко Ирод,он гелеспеске авере дроместар пере странате.¹³А след като геле песке, аке, ангели таро Дел явисало андо суно на Йосиф тай пенгяс: Ухти, ле е Младенцос тай лескере дая тай наш андо Египет, тай ачов оте докато на пенав туке; соскето о Ирод ка родел е Чавес, за те погубинел Лес ¹⁴.Тай чука Ов, ухтинило, лилас е Чавес тай Лескере дая машкар и рат тай гело андо Египет, ¹⁵Кате ачило джикаи о Ирод на муло; за те сбъднинел пес о пендо таро Дел чрез о пророки, който пенел: ,, Таро Египет викингиом ме Чес."¹⁶Тогава Ирод, като дикляс, кай сине подигравиме таро мъдреци, разярисало твърде бут тай бичалгяс те погубинен соси мъжка чаве андо Витлеем тай андо соси лескере околностя, таро дуи бреш тай на теле, според о време, което бе внимателно сиклистило таро мъдреци.¹⁷Тогава испълнисало о пендо чрез о пророк Йеремия, който пенел: ,, ¹⁸,,Гласос шуниол в Рама, роиба тай баро ридание; Рахил оплаквинел пе чадонен, тай на мангел те утешинел пес, соскето нанаистале вече."¹⁹А като муло Ирод, аке, ангели таро Дел явисало андо суно на Йосиф андо Египет тай пенгяс: ²⁰Ухти, ле е Чавес тай Лескере дая тай джа анди Израилево пув; соскето муле окола, колато мангенас о животос е Чавескоро. ²¹Тай чука, ов ухтинило, лилас е Чавес тай Лескере дая тай ало анди Израилево пув.²²Но като шунгяс, кай над Юдея царувинел Архелай, наместо лескоро дад о Ирод, даралас те джал оте; тай предопредиме таро Дел андо суно, отеглисало андо Галилейска пределя, ²³тай ало, та заселисало еке градосте, наречиме Назарет; за те сбъднинел пес о пендо таро пророкя, кай ка наречинел пес Назорей.*

¹1 Околе диесенде ало Йоан Кръстител тай проповединелас анди Юдейско пустиния, като пенелас: ²Покайнен тумен, понеже наближингяс о небесно тагарипе. ³Соскето давка сине, каскето хоратинелас пес чрез пророк Исая; който пенел: ,,Гласос екескоро, който пищинел анди пустиния; приготвинен о дром е Девлеске! Права керен о пътекес за Леске!''⁴А давка Йоан пиравелас облекло камилсконе козинатар тай кожено пояси около кръста си; а лескоро хабе сине акриди* тай диво авгин. ⁵Тогава авенас паш лесте таро Йерусалим, цело Юдея тай цело Йорданско околност, ⁶тай кръстиненас пес лестар анди река Йордан, като исповединенас пе безеха.⁷7 А като дикляс, кай бут таро фарисея тай садукея авенас те кръстинен пес лестар, пенгяс ленге: Рожби ехидни! кой предопредингяс тумен те нашен таро идещо гняви? ⁸Затова, принесинен плодове, съответстваща на покаяние; ⁹тай на мислинен те пенен: Авраам си амаро дад; соскето пенав туменге, кай о Дел ащи далке барендарда те въздигнинел чавен на Авраам.¹⁰А о товер да пашлол вече ко корени е кащенге; тай чука всяко каш, ковато на дел лачо плоди, отсечинел пес тай анди яг чивел пес. ¹¹Ме кръстинав тумен паниеса за покаяние; но Окова, Който авел палал манде, си по силно мандар, комуто на синиом достоино те поднесинав Лескере сандаля; Ов ка кръстинел тумен с Светия Дух тай ягаса. ¹²И лопата си андо вас Леске тай Ов здраво ка очистинел гумното, Си тай ка кидел По житос анди житница, а и плява ка тарел анди неугасимо яг.¹³Тогава Исус ало тари Галилея ко Йордан ко Йоан, за те кръстинел пес лестар. ¹⁴А Йоан въспиринелас Лес, казвайки: Ман симан нижда те кръстинаман Тутар, а Ту ли авес паш манде? ¹⁵Исус в отговор пенгяс леске: Мук акана, соскето чука подобавинел те испълнинас всичко, ковато си право. Тогава Йоан муклас Лес.¹⁶Тай като кръстисало, Исус веднага иклистило таро пани; тай аке, путердиле Леске о небеса тай дикляс е Девлескоро духос, кай ухлел сар куши тай мукелас пес упрал Лесте; ¹⁷тай аке гласос таро небеса,който пенелас:Давка си мо възлюбиме Чаво,анде колесте си Моро благоволение.

¹Тогава Исус сине отведиме таро Духос анди пустиния, за те овел изкушиме таро бенг. ²Тай след като постингяс саранда диес тай саранда ракя, най-после бокалило ³тай, о искусители ало тай пенгяс Леске: Ако синян е Девлескоро Чаво, заповедин далка бара те ачон маренде. ⁴А Ов във отговор пенгяс: Пишиме си: ,, Ма само мареса ка живинел о мануш, но всеконе словоса, ковато иклол е Девлеске таро муи."⁵Тогава о бенг ингалгяс Лес андо свято градос, поставингяс Лес ко крило е храмиескоро, тай пенгяс Леске: ⁶Ако синян е Девлескоро Чаво, чив тут теле; соскето си пишиме: ,,Ка заповядинел пе ангеленге за Туке; тай вастенде ка вазден тут, да не би те чалавес анде баресте те пире.''⁷Исус пенгяс леске: Пишиме си още: ,,Тена изпитвинес е Девлес,тере Девлес." ⁸Пак ингалгяс Лес о бенг еке бут уче планинате, покажингяс Леске соси царства е светоскере тай ленгери слава тай пенгяс Леске: ⁹Всичко давка ка дав Тут, ако перес те поклонинес тут манге.¹⁰Тогава Исус пенгяс леске: Махнин тут, Сатана; соскето си пишиме: ,, Е Девлеске, тере Девлеске те поклонинес тут тай само Леске те служинес.'' ¹¹Тогава о бенг муклас Лес; тай аке, ангеля але тай прислужвинде Леске.¹²А като шунгяс Исус, кай Йоан сине предиме е властиенге, оттеглисало анди Галилея. ¹³Тай като напуснингяс Назарет, ало тай заселисало андо Капернаум край о езерос*, андо Завулонова тай андо Нефталимова пределя;¹⁴за те сбъднинел пес о пендо чрез пророк Исая, който пенел: ¹⁵,, и Завулоново пув тай и Нефталимово пув, край о езерос, окотар Йордан, езическа Галилея., ¹⁶народос, ковато бешелас анди тъмнина, дикляс бари светлина., тай околенге, кате бешенас анди страна е мрачноне сянкаса, ленге изгреингяс светлина.''¹⁷Оттогава Исус започнингяс те проповядвинел, пенелас : Покаинен тумен, соскето наближингяс о небесно царство.¹⁸Тай като пирелас край о Галилеиско езеро, дикляс дуе прален - Симон, наречиме Петър, тай лескоро прал Андрей, кай чиен мрежа андо езеро, понеже сине рибаря. ¹⁹Тай пенел ленге: Пирен палал Манде тай Ме ка керав тумен ловци манушенгере. ²⁰Тай он веднага мукле о мрежес, тай геле палал Лесте.²¹Тай като отнакляс оттар, диклес авере дуе прален - Яков Заведеев тай лескоро прал Йоан, кай кърпинен пе мрежес анди ладия пе дадеса Заведей; тай викингяс лен. ²²Тай он ко сахати мукле и ладия тай пе дадес, тай геле палал Лесте.²³Тогава Исус пирелас ки цело Галилея тай поучинелас андо синагогес ленгере, тай проповядвинелас о благовестие е тагарипнаскоро, като изцеринелас всякаква болестя тай всяко немощ машкар о народос. ²⁴Тай разнесисаило слухи за Леске ки цяло Сирия; тай аненас паш Лесте соси насвален, страдаща разноне болестиендар тай мъкендар, долде от бяс, епилептикя тай парализирана; тай изцерингяс лен. ²⁵Тай палал Лесте пиренас баре множества тари Галилея тай Декапол, таро Йерусалим тай Юдея, тай окотар Йордан.

¹А Исус, като дикляс множества, искачисаило ко хълми; тай като бешло, Лескере ученикия але паш Лесте. ²Тай като путергяс По муи, сикавелас лен, пенелас: ³Блажена о чоре по дух, соскето си ленгоро о тагарипе небесно. ⁴Блажена о скърбяща, соскето он ка утешинен пес.⁵Блажена о кротка,соксето он ка наслединен и пув. ⁶Блажена, колато гладувинен тай жадувинен е правдаке, соскето он ка наситинен пес. ⁷Блажена о милостива, соскето он ка овен помилвана. ⁸Блажена о чиста по сърце, соскето он ка дикен е Девлес.⁹Блажена о миротворция, соскето он ка наречинен пес е Девлескере чаве. ¹⁰Блажена о гониме заради е правдаке, соскето си ленгоро о тагарипе небесно.¹¹Блажена синиен, като хулинен тумен тай гонинен тумен, тай хоратинен хохавнес против туменде всякакво канилипе задари Манге; ¹²лошанен тай веселинен тумен, соскето си бари тумари награда ко небеса; понеже чука гониненас е пророкиен, колато сине англал туменде.¹³Туме синиен о лон ки пув. Но ако о лон си би лондо, сосар ка осолинел пес? Ов вече нисоске на струвинел, освен те чивелпес аври тай те газинел пес таро народос. ¹⁴Туме синиен и виделина ко светос. Градос, поставиме хълмиесте, нащи гаравелпес.¹⁵Тай като тарен светилос, ма товен лес телал о шиники, но ко светилники, тай ов светинел саворенге, колато си кере. ¹⁶Също чука нека светинел тумари виделина англал о народос, за те дикен тумаре лаче дела тай те прославинен тумаре Отециес, Който си го небеса.¹⁷Тена мислинен, кай алом те разрушинав о закони или е пророкиен? на алом те разрушинав, а те изпълнинав. ¹⁸Соскето истина пенав туменге: Докато пренакел о небес тай и пув, ни иек йота, ни иек черта таро закони нанаи те пренакел, докато всичко на сбъднинел пес.¹⁹Тай чука, който нарушинел иек калкендар най-цикне заповедя тай сикавел чука е манушен, най-цикно ка пенелпес андо небесно тагарипе; а който изпълнинел лен тай сикавел чука е манушен, ов ка наречинел пес велико андо небесно тагарипе. ²⁰Соскето, пенав туменге, кай ако тумари правда на отнакел и правда е книжникиенгири тай е фарисенгири, нисар нанай те дел андо небесно тагарипе.²¹Шунгиен, каи сине пендо е старовременоненге: ,, Ма мудар; тай който мударел,изложинел пес на съд ". ²²Апа Ме пенав туменге,кай всекой който гневинел пес пе пралеске би причинакоро,излагинел пес на съд;тай който пенел пе пралеске Вас , излагинел пес ко Синедриони; а който пенел леске ,, Канилея би гогялеа", ка овел виновно за ко огнено пъкали.²³Тай чука, като принесинес то дари ко олтари,ако оте спомнинес туке кай те пралес си варесо против туте, ²⁴мук то дари оте англал о олтари тай жа първо помирине тут те пралеса, тай тогава ела,тай принесин то дари.²⁵Помирине тут те противникиеса по сиго, джи кай синян ко дром леса карик о съдилище , данеби то противники те предел тут ко съдияс,а о съдияс те предел тут ко служители,тай те овес чивдо анди тъмница. ²⁶Истина пенав туке: Никак нанай те иклос отар, жи кай на исплатинес о последно кодрант.²⁷Шунген кай, уло пендо:,, Ма прелюбодействине." ²⁸Но Ме пенав туменге, кай всекой който дикел жувля,за те мангел ла,вече прелюбодействингяс да ласа ан пе сърцесте.²⁹Ако ти десно як съблазнинел тут,икал ла тай чив ла;соскето по-лачес си туке те погининел иек те телесноне частиендар,а ма то цело телос те овел чивдо андо пъкали. ³⁰Тай ако то десно вас съблазнинел тут,чин лес тай чив лес;соскето по-лачес си туке те загининел иек те телесноне частиендар,а ма то цело телос те жал андо пъкали.³¹Още уло пендо: ,, Който мукел пе ромня нека дел ла разводно писмо. " ³²А пък Ме пенав туменге, кай всекой, който мукел пе ромня,освен по причина на прелюбодейство,керел ла те прелюбодействинел; тай който пранденел е ачавдияке,ов прелюбодействинел.³³Шунгиен още,кай сине пендо е старовременоненге: ,, Ма престъпвин ти клетва,но испълнин англал о Дел те клетвес". ³⁴Но Ме пенав туменге: Никак тена хан совеля;нито ко небес,соскето си престоли е Девлеске; ³⁵нито ки пув, соске си подножие Лескере пиренге; нито андо Йерусалим,соскето си градос е великоне Тагареске.³⁶Нито тумаре шеренде те хан совеля;соскето нанащи те керен ни иек бал парно или кало. ³⁷Но тумаро хоратиба те овел: , Ва,ва! тай Нака,нака! а со си далкестар повече,си таро лукаво.³⁸Шунгиен,кай уло пендо : ,, як якаке,дант дандеске". ³⁹А пък Ме пенав туменге: ма противинен тумен е каниле манушеске; но ако чалавел тут декой ки десно чам,ирине леске окоя да.⁴⁰Далкеске,ковато мангел те съдинел пес туса тай те лел то гад, мук леске ти горнода дреха. ⁴¹Който принудинел тут те пирес леса иек миля, жа леса дуи. ⁴²Де околес, който просинел тутар;тай ма отвратин тут далкестар,ковато мангел туке на заем.⁴³Шунгиен, кай уло пендо: ,, Дехе те ближнонес, а мразин те неприятелес". ⁴⁴Но Ме пенав туменге: Дехен тумаре неприятелен тай молинен тумен далкенге,колато гонинен тумен; ⁴⁵за товен чаве тумаре Отециеске, Който си ко небеса; соскето Ов керел По кам те изгреинел упрал о каниле да упрал о лаче да тай дел бришим е праведноненге да е неправедноненге да.⁴⁶Соскето,ако дехен само околен,колато дехен тумен,сави награда перелпес туменге? На керен ли давка о бирникя? ⁴⁷Тай ако поздравинен само тумаре прален,со особено керен? На керен ли давка о езичникя? ⁴⁸Тай чука, овен съвършена тумеда, сарто си съвършено тумаро небесно Отеци.

¹Внимавинен тена керен тумаре дела е правдакере англал о мануша ,за те дикен тумен; иначе нанай те овел тумен награда ко Отца тумаро, Ковато си ко небеса. ²Тай, като керес милостиния,ма шуняр англал туте, сар керен о лицемерия ко синагогес тай ко улицес за те овен хвалиме таро мануша; Истина пенав туменге: Он получинде вече пери награда.³А като керес ту милостиния,нека то лево вас на жанел со керел то десно, ⁴за те ачол тери милостиния в тайно;тай торо Отец,Който дикел в тайно ка въздел туке наяве.⁵Тай като молинен тумен,ма овен саро лицимерия;соскето он дехен те молинен пес,стояща ко синагогес тай ко ъгъля е улиценге,за те дикен лен о народос; истина пенав туменге,он получинде вече пери награда. ⁶А ту, като молинес тут, де те вътрешноне стаичкате,тай като пандес то вудар,помолине тут тере Отециеске, Ковато си в тайно; тай то Отеци Който дикел в тайно,ка въздел туке наяве. ⁷А като молинен тумен, ма хоратинен излишна думес, сар о езичникя;соскето он мислинен,кай ка овен шунде пе буте хоратибнаске.⁸Тай чука,ма овен сар ленде ;соскето тумаро Отеци жанел состар нуждаинен тумен,преди туме те манген Леске. ⁹А туме молинен тумен чука: Отче амаро, Който синян андо небеса, те светинел пес Торо алав! ¹⁰Те авел Торо тагарипе; те овел Тери воля сар ко небеса, чука ки пув;¹¹де амен авдиес о ежедневно маро; ¹²таи простин аменге амаре дълговя,сарто амеда простингям амаре длъжникиенге; ¹³Тай ма въведине амен в изкушение,а избавине амен таро лукавя,соскето о тагарипе си Торо и сила,тай и слава, жи ко векове. Амин.¹⁴Соскето,ако туме простинен е манушенге ленгере безеха ,то о Небесно Отеци ка простинел туменгеда ¹⁵Но ако туме на простинен е манушенге ленгере съгрешения, Ов, тумаро да Отеци нанаи те простинел тумаре съгрешения.¹⁶А като постинен, ма овен унила,сар о лицемерия;соскето он помрачинен пе муя,за те дикен лен о народос кай постинен; истина пенав туменге,он получинде вече пери награда. ¹⁷А ту,като постинес, помажин то шеро тай истов то муи, ¹⁸за тена дикен тут о мануша,каи постинес,но Отец ти,Който си в тайно; таи Отец Който дикел в тайно ка въздел туке наяве.¹⁹Ма киден туменге съкровища ки пув, кате молецос тай ръжда разяждинен лен тай кате о чора подкопинен тай чорен. ²⁰А киден туменге съкровища ко небес, кате ни молец, ни ръжда разяждинен, тай кате чора на подкопинен, тай на чорен; ²¹соскето, кате си то съкровищес,оте ка овел то сърцесда.²²И як си светилос е телоскири; тай, ако ти як си здраво,то цело телос ка овел осветиме; ²³но ако ти як си болнаво, то цело телос ка овел помрачиме. Тай ако и светлина туте си тъмнина, то кити бари ка овел и тъмнина! ²⁴Никои нащи слугувинел дуйе господариенге, соскето или ка мразинел иекес, а ка задехел околес, или карик иекесте ка привържинел пес,а околес ка презиринел. Нащи слугувинен е Девлеске тай е мамониеске!²⁵Далкеске пенав туменге: Ма хан холи тумаре животоске,со ка хан или со ка пиен, нито те телоске, со ка уриес. Нанаи ли о животос повече таро хабе, таи о телос таро шехя? ²⁶Дикен о небесна птицес, кай на сеинен,нито жънинен,нито ко житницес киден; тай пак тумаро Небесно Отеци парварел лен. Туме на синиен ли бут по скъпа лендар?²⁷Тай кои тумендар ащи с грижи те прибавинел иек лакът на ръста си? ²⁸Тай шехиенге соске хан холи? Раздикен о полска кремовя, сар барион; на трудинен пес, нито предат; ²⁹но пенав туменге , кай дори о Соломон ки савори пери слава на уриелас пес сар иек лендар.³⁰Но ако о Дел чука уриавел и полско чар, която авдиес иси ла, а тася чивен ла анди пещ, нанай ли бут повече те уриавел тумен,маловерци? ³¹Тай чука ма хан холи тай ма пенен: Со ка хас? или: Со ка пияс? или: Со ка уряс?³²(соскето всичко давка роден о езичникя); понеже о Небесно Отеци жанел, кай нуждаинен тумен всичко далкестар. ³³Но първо роден Лескоро тагарипе тай Лескири правда; тай всичко давка ка прибавинел пес. ³⁴Далкеске ма даран за тася, и тасярин ка хал холи песке. Достатъчно си е диесеске лескоро зло.

¹Ма съдинен,за тена овен съдиме. ²Соскето саве присъдаса съдинен, салкаса ка съдинен тумен, тай саве меркаса меринен, салкаса ка меринелпес туменге.³Тай соске дикес и съчица анди як те пралеске,а на усетинес и греда тере якате? ⁴Или сар ка пенес те пралеске: Мук ман те икалав и съчица те якатар; а аке, тере якате иси греда? ⁵Лицемерина, първо икал и греда тере якатар тай тогава ка дикес ясно, за те икалес и съчица те пралеске тари як.⁶Ма ден свето варесо е риконенге, нито чивен тумаре бисеря англал о баличе,тена стъпчинен лен пе пиренца тай като иринен пес, те разкъсинен тумен.⁷Манген, тай ка ден тумен; роден, тай ка аракен; чукинен, тай ка путрен туменге, ⁸соскето саворе колато манген, получинен; който родел, ка аракел; тай далкеске кате чукинел, ка путрен. ⁹Иси ли машкар туменде мануш,ковато ако мангел леското чаво маро,те дел лес бар, ¹⁰или, ако мангел мачо, те дел лес сапес?¹¹Тай чука, ако туме, колато синиен злобна, жанен те ден блага тумаре чавен ,кити повече Отец Ковато си андо небеса, ка дел блага далкен кате манген Лестар! ¹²Тай чука, всичко со манген те керен о мануша туменге, давка керен тумеда ленге; соскето давка си и същина е закониескири тай е пророкиенгири.¹³Ден тари тесно порта, соскето бухли си и порта тай пространно си о дром, ковато ингалел в погибел, тай мнозина си далка кате накен лендар. ¹⁴Понеже тесно си и порта тай стесниме си о дром ,ковато ингалел ко животос, тай малцина си далка кате аракен лен.¹⁵Пазинен тумен хохавне пророкиендар, колато авен туменде овчоне шехиенде, а андрал си вълця грабителя. ¹⁶Таро плодове ленге ка пенджарен лен. Кидел ли пес дракин трънендар, или смокиня от репеи? ¹⁷Също чука всеко лачо каш дел лачо плоди, а о канило каш дел каниле плодове.¹⁸Нанащи лачо каш те дел каниле плодове; или канило каш те дел лаче плодове. ¹⁹Всеко каш, ковато на дел лачо плоди, чинел пес таи чивел пес анди яг. ²⁰Тай чука таро плодове ленге ка пенджарес лен.²¹Не секои, който пенел манге: Девла! Девла! ка дел андо небесно тагарипе, но който вършинел и воля на Отца ми, Който си ко небеса. ²²Далке диесесте бут ка пенен манге: Девла! Девла! ма тере алавесте ли прорукувингям, ма тере алавесте ли бесовиен гонингям таи ма тере алавесте ли извършингям велика дел? ²³Но тогава ка заявинав ленге: Нисар на пенджаргиом тумен; жан туменге мандар туме,колато вършинен беззаконие.²⁴Тай чука, всекои, който шунел далка Мере думес тай изпълнинел лен, ка оприличинел пес разумноне манушесте, ковато построингяс по кер на канара; ²⁵тай задиняс бришим, але о реки, запудинде о балвала тай устремисале упрал далке кересте; но ов на пело, соскето сине основиме на канара.²⁶Тай всекои, който шунел далка Мере думес тай нана изпълнинел лен, ка оприличинел пес на неразумно мануш, ковато построингяс по кер ки поши ; ²⁷тай задиняс бришим, але реки тай запудинде о балвала тай устремисале упрал далке кересте; тай ов пело, тай о периба лескоро уло баро.²⁸28 Тай като о Исус свършингяс далка думес, о народос чудинелас пес Лескере учениесте; ²⁹соскето поучинелас лен сар иек, който исилес власт, а ма сар ленгере книжникя.

¹А като ухлило таро хълми, последвинде Лес баре множества. ²Тай аке, иек прокажено ало паш Лесте, тай поклонинел пес Леске тай пенел: Девла, ако мангес, ащи очистинес ман. ³Тогава o Исус прострингяс по вас, доприсало жи лесте тай пенгяс: Мангав; ов очистиме. Тай ко сахати очистисали лескири проказа.⁴Тай о Исус пенгяс леске: Дик тена пенес давка никаске; но за свидетелство ленге, жа покажине тут е свещеникиеске тай принесине о дари ковато о Мойсей заповедингяс.⁵А като диняс андо Капернаум, иек стотники ало жи Лесте тай молинелас пес леске тай пенел: ⁶Девла, мо слугас пашлол аменде парализириме тай бут мъчинел пес. ⁷А ов пенгяс леске: Ка авав тай ка изцелинав лес.⁸О стотники в отговор пенгяс: Девла, на синиом достоино те дес телал ме стряхате; но пен само дума, тай мо слугас ка оздравинел. ⁹Соскето меда синиом подвластно мануш, ковато пък симан подчинена манге войникя; тай пенав калкеске: Жа, тай ов жал; тай авереске: Ела!, тай ов авел; а ме слугаске: Кер давка!, тай ов керел лес. ¹⁰О Исус като шунгяс давка, чудисало тай пенгяс колкенге, кате авенас палал Лесте: Истина пенав туменге, андо Израил на араклом дики вяра.¹¹Но пенав туменге, кай мнозина ка авен от изток и запад, тай ка бешен с Авраам, Исаак, тай Яков андо небесно тагарипе. ¹²а о чада е тагарипнаскере ка овен чивте ки външно тъмнина; оте ка овел роиба тай скърцане данденца. ¹³Тогава Исус пенгяс е стотникиеске: Жа туке; сарто повервингян, чука нека те овел туке. Тай о слугас оздравингяс ко също сахати¹⁴Тай като ало Исус ко кер на Петър, дикляс кай лескири сасуи пашлол насвали трескатар. ¹⁵Тай доближисало жи ко вас лаке, тай и треска мукляс ла; тай ой ухтинили,тай прислужвинел лас Леске.¹⁶А като ратило, анде паш Лесте мнозина долде бесовиендар; Тай ов гонингяс е духовиен иеке думаса, тай изцелингяс саворе насвален ; ¹⁷за те сбъднингиол о пендо таро пророк Исая, който пенел: " Ов лилас упрал Песте амаре немощя, тай амаре болестя понесингяс".¹⁸Тай о Исус, като дикляс покраи Песте бут народос, заповедингяс те накен отвъд о езерос. ¹⁹Тай ало иек книжники тай пенгяс леске; Учителю, ка пирав палал Туте кате да те жас. ²⁰Исус пенгяс леске: Е лисицен си леговища тай о небесна птицес -гнезда; а о Човешко Чаво нанай кате по шеро те подслонинел.²¹А авер таро ученикя Леске пенгяс: Девла, позволине манге първо те жав те паронав ме дадес. ²²Но Исус пенгяс леске: Пир палал манде тай мук о муле те паронен пере мулен.²³Тай като диняс иеке ладияте, о ученикия Лескере дине палал Лесте. ²⁴Тай аке, бари буря ваздисали андо езерос,тай о вълни покриненас и ладия; а Ов совелас. ²⁵Тогава приближисале,ухкярде Лес тай пенде: Девла, спасине амен,загининас!²⁶А Ов пенгяс ленге: Соске синиен даравне,маловерци? Тогава ухтинило, смъмрингяс и балвал тай о вълни, тай ачили бари тишина. ²⁷А о мануша чудиненас пес,тай пененас: Саво си Давка,кай и балвал,тай о вълни покоринен пес Леске?²⁸Тай като ало ки отвъдно рик, ки Гадаринско* пув, ресле Лес дуи долде бесостар, колато иклонас таро миморя чука свирепа, кай никои нащине накел далке дроместар. ²⁹Тай аке, пищинде тай пененас: Со иси тут аменца,Ту, е Девлескоро Чаво? Нима алан ате преди време те мъчинес амен?³⁰А дуре лендар исине баро стадос баличе,колато пасиненас. ³¹Тай о бесове молиненас пес Леске: Ако гонинес амен,бичал амен андо стадос е баличенца. ³²Тай пенгяс ленге: Жан. Тай он,като иклиле,геле андо баличе; тай аке о цело стадос мукляс пес тари стръмнина андо езерос тай муле андо пани.³³А о свинаря нашле тай като геле андо градос, разкажинде всичко, тай давка, кате ачило колкенца долде бесовиендар. ³⁴Тай аке, цело градос иклило те посрещнинел Исуса; тай като дикле Лес, помолинде Лес те жал песке ленгере пределендар.

¹Тогава Ов диняс иеке ладияте тай накло, тай ало Пере градосте. ²Тай аке анде паш Лесте иеке паралитикиес, товдо на постелка; тай о Исус, като дикляс и вяра ленгири пенгяс е паралитикиеске: Дерзай, мочо простинен пес те безеха.³Тай аке, десаве таро книжникя пенде песке: Кавка богохулствинел. ⁴А о Исус, като ахалило со мислинен, пенгяс: Соске мислинен канилипе ан тумаре сърцеденде? ⁵Соскето со си по-лесно те пенав: ростинен пес те безеха, или те пенав: Ухти тай пир? ⁶Но за те ахалон , кай о Човешко Чаво иси Лес власт ки пув те простинел грехове (тогава пенел е паралитикиеске): Ухти, вазде ти постелка тай жа туке туменде.⁷Тай ов ухтинило тай гело пе кересте. ⁸А о множества, като дикле давка, дараниле тай прославинде е Девлес, Ковато диняс саика власт е манушен. ⁹Тай о Исус, като накелас отар, дикляс иеке манушес, лескоро алав си Матей, бешелас ко бирничество; тай пенгяс леске: Пир палал Манде. Тай ов ухтинило тай последвингяс лес.¹⁰Тай като бешло ки софра андо кер, аке, мнозина бирникя тай грешникя але тай бешле е Исусеса тай Лескере ученикиенца. ¹¹Тай о фарисея, като дикле давка, пенде Лескере ученикиенге: Соске хал тумаро Учители е бирникиенца тай е грешникиенца?¹²А Ов, като шунгяс давка, пенгяс: О здрава нанай лен нужда лекариестар, а о насвале. ¹³А жан тай сиклон со значинел "'Милост мангав, а ма жертва'', соскето на алом те призовинав е праведнонен, а е грешнонен на покаяние.¹⁴Тогава але паш Лесте е Йоанескере ученикя тай пенде: Соске аме тай о фарисея постинас бут, а Тере ученикя на постинен? ¹⁵Исус пенгяс ленге: Ащи ли о свадбаря те жалинен, жикаи си ленца о жамутро? Ка авел обаче време, като ка лен е жамутрес; тай тогава ка постинен.¹⁶Никой на сивел пуране шехя неве платоса; соскето и кръпка ка парагиол таро шехя тай о паравдо ка ачол по-канило.¹⁷Нито чорен неви мол ко пуране меховя; иначе, о меховя парион, и мол изтечинел тай о меховя хабингион. А наливинен неви мол андо неве меховя, тай о дуи да запазингион.¹⁸Като хоратинелас ленге давка, аке, иек началники ало, поклонинелас пес Леске тай пенелас: Ми чаи аке акана мули; но ела тай тов То вас упрал лате, тай ои ка ухкиел. ¹⁹Тай Исус като ухтинило, гело палал лесте а също Лескере ученикя да.²⁰Тай аке, иек ромни,която сине ла кръвотечение дешудуи бреша, приближисали из палал тай допирисали жи ки пола ко шехя Леске; ²¹соскето пенелас песке: Ако само допиринаман жи ки шехи Леске, ка оздравинав. ²²А Исус като ирисало тай дикляс ла, пенгяс: Дерзай, мичаи, тери вяра изцелингяс тут. Тай таро също сахати и ромни оздравингяс.²³Тай като ало о Исус ко кер е началникиеске, тай дикляс е свирачиен тай о народос разтревожиме пенгяс: ²⁴Жан туменге,соскето и чаи нана мули а совел. Тай он асанас Леске.²⁵А като гонинде е народос, Ов диняс тай долгяс ла таро вас; тай и чаи ухтинили. ²⁶Тай давка разшунгяс пес ки цело койка рик.²⁷Тай като Исус жалас песке отар, палал Лесте пиренас дуи коре, колато пищиненас: Смилине тут упрал аменде, Сине Давидов! ²⁸Тай като диняс кере, о коре приближисале карик Лесте; тай о Исус пенгяс ленге: Верувинен ли кай ащи керав давка? Пенде Леске верувинас, Девла.²⁹Тогава Ов доприсало жи ко яка ленге тай пенгяс: Нека те овел туменге според тумаре вярате. ³⁰Тай ленгере яка путердиле. А Исус заръчингяс ленге строго, като пенгяс: Внимавинен никои тена жанел давка. ³¹А он, като иклиле, разгласинде и слава Лескири ки цело койка страна.³²Тай като он иклонас, аке, анде паш Лесте иеке лалоре манушес,долдо бесостар. ³³Тай след като сине гониме о бесос, о лалоро захоратингяс; тай о множества чудиненас пес тай пененас: Нисар на дикляс пес савка варесо андо Израил. ³⁴А о фарисея пененас:Чрез о началники е бесовиенгоро Ов гонинел бесовиен.³⁵Тогава Исус обикалянелас саворе градове тай гава тай поучинелас ко синагогес ленге проповядвайки о благовестие е тагарипнаскоро; тай изцелинелас секакво болест тай секакво немощ. ³⁶А като дикляс о множества, смилисало упрал ленде соскето сине отрудена тай пръсната сар овце, колато нанай лен овчари.³⁷Тогава пенгяс Пе ученикиенге: И жетва си изобилно, а о работникя - хари; ³⁸далкеске, молинен тумен е Господариеске е жетвакоро те бичалел работникя ки жетва Леске.

¹Тай като викингяс Пе дешудо ученикиен, диняс лен власт упрал о нечиста духовя, те гонинен лен тай те изцелинен всекакво болест тай всекакво немощ.²А аке о алава е дешудо апостоленгере: о първо , Симон ковато пенел пес Петър, тай Андрей, лескоро прал; Яков Зеведеев тай Йоан, лескоро прал; ³Филип тай Вартоломей; Тома тай Матей о бирники; Яков Алфеев тай Тадей*; ⁴Симон Зилот* тай Юда Искариотски, ковато прединяс Лес.⁵Калка дешудуи души изпратингяс Исус тай заповедингяс ленге: Ма пътувинен карик о езичникя тай андо самарянско градос ма ден; ⁶но по-лачес жан ко нашалде бакре е Израилевиенге ко кер. ⁷Тай като жан, проповединен, тай пенен: О Небесно тагарипе наближингяс.⁸Насвален изцелинен, мулен възкресинен, прокаженонен очистинен, бесовиен изгонинен; даром приемингиен, даром ден. ⁹Ма лен нито златос,нито сребро, нито медно монета тумаре поясиенде, ¹⁰нито чанта дромеске, нито дуи гада, нито потиня, нито тояга; соскето о работники заслужинел пери прехрана.¹¹Тай колесте да те овел градосте или гавесте, като ден, разпучен кои анде лесте си достоино тай оте ачон жи каи жантуменге. ¹²А като ден андо кер, поздравинен лес. ¹³Тай ако о кер си достоино , нека авел лесте тумаро мири; но ако нанаи достоино , тумаро мири нека иринел пес карик туменде.¹⁴Тай ако декои на приеминел тумен, нито шунел тумаре думес, като иклон таро кер леске, или колке градостар, тресинен о прахос тумаре пирендар. ¹⁵Истина пенав туменге: По-локо ка овел о наказание ки Содомско тай Гоморско пув ко съдно диес, отколкото колке градоске.¹⁶Аке, ме бичалав тумен сар овце машкар вълциенде; овен разумна сар о сапа тай незлоблива сар о кушя. ¹⁷Тай пазинен тумен таро мануша, соскето ка ден тумен на събори тай пе синагогиенде ка марен тумен. ¹⁸Ва! тай англал о управителя тай тагара ка извединен тумен ашал Манге, за те свидетелствинен ленге тай е народоске.¹⁹²⁰19 А като ка преден тумен, ма даран сар или со ка хоратинен,соскето ко също сахати ка дел пес туменге со те керен. 20 Соскето на синиен туме, колато ка хоратинен, а о Духос на Отца ви ,Ковато ка хоратинел ан туменде.²¹Прал пралес ка предел мерибнасте, тай дат чавес; тай чаве ка ухкиен против пе родителенде тай ка мударен лен. ²²Ка овен мразиме саворендар поради Мере алавесте; а които устоинел жи ко крайос, ов ка овел спасиме. ²³А като гонинен тумен иеке градостар, нашен авересте; соскето истина пенав туменге: нанаи те пирен о Израилева градовя, жикаи авел о Човешко Чаво.²⁴О ученики нанаи по-горно пе учителестар, нито о слугас по-горно пе господариестар. ²⁵Достатъчно си е ученикиеске те овел сар пе учителесте тай о слугас сар пе господариесте. Ако е стопаниес е керескоро наречинде Веелзевул, то кити повече о домашна лескере!²⁶Тай чука, ма даран лендар; соскето нанай нищо покрито, савото нанаи те открингиол, тай тайно, савото нанай те ахалол. ²⁷Давка, кате хоратинав туменге ко тъмно, пенен лес ко светло; тай со шунен канесте, прогласинен лес таро покривя.²⁸Ма даран колкендар, кате мударен о телос, а и душа нанащи мударен; а по-скоро даран Колкестар, Ковато ащи и душа , тай о телос да те погубинел андо пъкали. ²⁹На бикнен лил пес дуи чирикле иеке асарийеске? Тай пак ни иек лендар нанай те перел ки пув без и воля на Отца ви. ³⁰А туменге о бала да ко шеро си саворе генде. ³¹Ма даран; туме синиен бут по-скъпа таро чирикле.³²Тай чука, всекои, който изповединел Ман англал о мануша, ка изповединав лес Меда англал о Отца ми, Ковато си ко небеса. ³³Но, всекои, който отречинел пес Мандар англал о мануша, ка отречинаман Меда лестар англал о Отец ми, Ковато си ко небеса.³⁴Тена мислинен, кай алом те анав мири ки пув; нана алом те анав мири, а мечи. ³⁵Соскето алом те настроинав " мануш против пе дадесте, чаи против пе даяте, тай бори против пе сасате; ³⁶тай о неприятеля е манушескере ка овен о домашна лескере."³⁷Който дехел дадес или дая повече Мандар, нанай достоино Манге; тай който дехел чес или чая повече Мандар, нанай достоино Манге. ³⁸Тай който на лел по кръстос тай на пирел палал Манде, нанай достоино Манге. ³⁹Който аракел по животос, ка нашалел лес; тай който нашалел по животос ашал Манге, ка аракел лес.⁴⁰Който приеминел тумен, Ман приеминел; тай който приеминел Ман, приеминел Калкес, Ковато бичалгяс Ман. ⁴¹Който приеминел пророкиес, соскето си пророки, награда пророкиескири ка получинел; тай който приеминел праведникиес, соскето си праведники, награда праведникиескити ка получинел .⁴²Тай който напоинел иекес калке цикнендар само иеке чашаса шудро пани, соскето си Моро ученики, истина пенав туменге, нисар нанай те нашалел пи награда.

¹А Исус, като свършингяс о наставления карик о дванадесет Пере ученикя, занакло отар те поучинел тай те проповединел ко градовя ленге. ²А Йоан, като шунгяс анди тъмница о деловя на Христа, бичалгяс пе ученикиендар те пенен Леске: ³Ту ли синян Кавка, Който си те авел, или аверес те жарас?⁴Исус в отговор пенгяс ленге: Жан, пенен е Йоанеске давка, кате шунен тай дикен: ⁵Коре дикен, куца пирен, прокажиме очистинен пес тай кашуке шунен; муле сине възкресиме тай е сиромасиенге проповединел пес о благовестие. ⁶Тай блажено ковка, ковато на съблазнинел пес ашал Манге.⁷Тай като он жанас песке, о Исус почнингяс те хоратинел е народоске таро Йоан: Со иклилен те дикен анди пустиния? Тръстика ли тари балвал разлюлиме. ⁸Но со иклилен те дикен? Мануш ковле шехиенде ли урявдо? Аке, далка кате пиравен ковле шехя, си царсконе дворециенде.⁹Но соске иклилен? Пророкиес ли те дикен? Ва, пенав туменге, тай по бут пророкиестар. ¹⁰Давка си ковка за колеске си пишиме: " Аке Ме бичалав Ме вестителес англал Тере лицесте, ковато ка устроинел То дром англал Туте."¹¹Истина пенав туменге: Машкар о биянде жувлендар нана ваздисало по-баро таро Йоан Кръстител; обаче о по-цикно андо небесно царство си по-баро лестар. ¹²А таро диеса на Йоан Кръстител жи акана о небесно царство насила лел пес, тай колато насилинен пес, грабинен лес.¹³Соскето саворе пророкя тай о закони пророкувинде жи ко Йоан; ¹⁴тай, ако манген те приеминен лес, кавка си о Илия, ковато сине те авел. ¹⁵Кас иси кана те шунел, нека шунел.¹⁶А состе те опреличинав кавка поколение? Ов препел чавенде, бешле ко пазаря, колато пищинен пе другариенге: ¹⁷Башалгям туменге, тай на келген; ридаингям, тай на жалингиен.¹⁸Соскето ало о Йоан, ковато ни халас ни пиелас, тай пенен: Бяс иси лес. ¹⁹Ало о Човешко Чаво, Ковато хал тай пиел; тай пенен: Аке мануш лакомо тай винопиицос, амал е бирникиенгоро тай е грешникиенгоро! Но и мъдрост оправдинел пес пе деловиендар.²⁰Тогава почнингяс те коринел е градовиен, кате извършисале по бут Лескере великоне деловиендар, коленге на покаисале: ²¹Горко туке, Хоразине! горко туке, Витсаидо! Соскето, ако сине извършиме андо Тир тай Сидон о велика дела колато извършисале туменде, он одавна ка покаиненас пес в вретише тай пепел. ²²Но, пенав, туменге: на Тир тай Сидон о наказание ка овел по-леко ко съдно диес, отколкото туменге.²³Тай ту Капернауме, жо ко небеса ли ка издигнинес тут? Нака! жи ко ади ка ухлес! Соскето ако сине извършиме андо Содом о велика дела, колато извършисале анде туте, ов жи авдиес ка ачол. ²⁴Но пенав туменге, кай ко съдно диес о наказание е Содомиескере пув ка овел по-локо, отколкото туке.²⁵Околе времесте Исус захоратингяс, тай пенгяс: Благодаринаман Туке, Отче, Девла ко небес тай ки пув, соскето гарагян давка таро мъдра тай таро разумна, а открингян лес е младенциенге. ²⁶Ва, Отче, соскето чука дикляс пес Туке угодно. ²⁷Всичко си Манге предиме Таро Моро Отец; тай никой на пенджарел е Чавес, освен о Отец; нито пенджарел декой Отца освен о Чаво тай окова,ковато о Чаво ка благоволинел те откринел Лес.²⁸Елан паш Манде саворе отрудена тай обременена, тай Ме ка успокоинав тумен. ²⁹Лен Моро иго упрал туменде тай сикловен Мандар; соскето синиом кротко тай смирено по сърце; тай ка аракен покой тумаре душенге. ³⁰Соскето Моро иго си благо, тай Моро бремес си локо.

¹По колке времесте, иеке съботате, Исус накелас турял о посивя; а о ученикя Лескере, като бокалиле , започнинде те чинен класовя тай те хан. ²А о фарисея, като дикле давка, пенде Леске: Дик, Тере ученикя керен со нанай позволиме те керел пес в събота.³А Ов пенгяс ленге: На четингиен ли со кергяс о Давид, като бокалило ов таи о рома, колато сине леса, ⁴сар диняс в Божия дом тай халас таро присъствена маре, колато на сине позволиме те хал ни ов, ни колка, кате сине леса, а само о свещеникя?⁵Или на четингиен ко закони, кай ко съботно диес о свещеникя ко храми нарушинен и събота, тай пак нанай виновна? ⁶Но пенав туменге, кай ате иси Иек, Който си повече таро храми.⁷Но ако жаненас со значинел: " Милост мангав, а ма жертва", нанайас те осъдинен е невиннонен. ⁸Соскето о Човешко Чаво си Господари е съботакоро.⁹Тай като занакло отар, ало ки синагога ленге. ¹⁰Тай аке, оте сине мануш шуке вастеса; тай за те обвининен е Исусес, пучле Лес: Позволиме ли си те изцелинел пес в събота?¹¹Тай Ов пенгяс ленге: Кова тумендар, ако си лес иек овца, тай ой ко съботно диес перел анди яма, нанай те долел ла тай те икалел ла? ¹²А кити по-скъпо си о мануш тари овца! Затова позволено си те керел пес лачипе ко съботно диес.¹³Тогава пенгяс е манушеске: Протегине то вас. Тай ов протегнингяс лес; тай ов ачило здраво сар околесте. ¹⁴А о фарисея, като иклиле, наговоринде пес против Лесте, сар те погубинен Лес.¹⁵Но Исус, като ахалило давка, цидисало отар; тай мнозина геле палал Лесте, тай Ов изцелингяс лен саворен. ¹⁶Тай заръчингяс ленге тена разгласинен за Леске; ¹⁷за те сбъднинел пес о пендо чрез о пророк Исая, ковато пенгяс:¹⁸" Аке Моро служители, Колес избирингиом, Моро възлюбиме, анде Колесте си о благоволение Ме душакоро; ка положинав Мо Духос Лесте, тай Ов ка възвестинел правосъдие е народоске.¹⁹Нанай те споринел, нито ка пищинел, нито ка шунел декой Лескоро гласос ко площадя. ²⁰смажиме тръстика нанай те пагел, тай замъждяло фитили нанай те угасинел, жи каи икалел правосъдие към победа. ²¹Тай Лескере алавесте о народос ка надявинен пес".²²Тогава анде паш Лесте иекес долдо от бяс, коро тай лалоро; тай изцелингяс лес, тай чука о лалоро захоратингяс да, задикляс да. ²³Тай саворе множества смаисале; тай пененас: Тена овел Кавка о Давидово Чаво?²⁴А о фарисея, като шунде давка, пенде: Кавка на гонинел е бесовиен, освен чрез о началники е бесовиенгоро, Веелзевул. ²⁵А Исус, като жанелас ленгере мислес пенгяс ленге: Всеко тагарипе, разделиме против песте, запустинел; тай нисаво гради или кер, разделиме против песте, нанай те устоинел.²⁶Ако Сатана гонинел Сатана, ов разделисало против песте; тогава сар ка устоинел лескоро царство? ²⁷Тай далкеске, ако Ме чрез Веелзевул гонинав бесовиен, чрез касте гонинен лен тумаре възпитаникя? Затова он ка овен туменге съдииес.²⁸Но ако Ме чрез Божия Дух гонинав бесовиен, то о Божие царство ало упрал туменде. ²⁹Или, сар ащи те дел декой ко кер е силноне манушеске тай те ограбинел лескири покъщнина, ако първо на пандел е силнонес? Тай тогава ка ограбинел лескоро кер. ³⁰Който нанай Манца,ов си протиив Манде; тай който на кидел Манца, разпилинел.³¹Далкеске пенав туменге: Всеко безех тай хула ка простинел пес е манушенге; но и хула против о Духос нанай те простинел пес. ³²Тай ако декои пенел дума против о Човешко Чаво, ка простинел пес леске; но ако декои пенел дума против о Свято Духос, нанай те простинел пес леске, нито калке светосте, нито ко бъдещо.³³Или керен о каш лачо тай лескоро плоди лачо; или керен о каш канило тай лескоро плоди да канило; соскето таро плоди пенджаргиол о каш. ³⁴Рожбес ехидна! Сар ащи хоратинен лачо, като синиен каниле? Соскето далкестар, кате перел о сърцес, хоратинел о муи. ³⁵О лачо мануш пе лаче съкровищестар икалел лаче букя; а о канило мануш пе каниле съкровищестар икалел каниле букя.³⁶Тай пенав туменге, кай секоне чуче хоратаке, която пенен о мануша, ка отговоринен ко съдно диес. ³⁷Соске те хоратендар ка оправдинес тут тай те хоратендар ка осъдинес тут.³⁸Тогава десаве таро книжникя тай о фарисея отговоринде Леске: Учителю, мангас те дикас знамение Тутар. ³⁹А Ов в отговор пенгяс ленге: Нечестиво тай прелюбодейно поколение мангел знамение, но авер знамение нанай те дел пес леске, освен о знамение на пророк Йона. ⁴⁰Соскето, сарто о Йона уло андо воги е морсконе чудовищеске трин диес тай трин ракя, чука о Човешко Чаво ка овел андо сърцес е пувяке трин диес тай трин ракя.⁴¹О Ниневийска мруша ка явинен пес ко съдос далке поколениеса тай ка осъдинен лес, соскето он покаисале чрез и Йоново проповед; а аке, ате иси Иек, Ковато си повече таро Йона.⁴²И Южно царица ка явинел пес ко съдос далке поколениеса тай ка осъдинел лес, соскето ой али таро крайща е пувяке, за те шунел и Соломоново мъдрост; а аке, ате иси Иек, Ковато си повече таро Соломон.⁴³Като о нечисто духос иклол таро мануш, ов накел таро безводна тана те родел покой, но на аракел. ⁴⁴Тогава пенел: Ка иринав ман ме кересте, катар иклилом. Тай като авел, аракел лес чучо, шулавдо, тай наредиме. ⁴⁵Тогава жал тай лел паш песте ефта авер духовя, по-каниле лестар, тай като ден, живинен оте; тай о последно състояние колке манушескоро ачол по-канило таро първо. Също чука ка овел далке да нечестивоне поколениеса.⁴⁶Като Ов още хоратинелас е народоске, аке, Лескири даи тай Лескере прала бешенас аври тай мангенас те хоратинен Леске. ⁴⁷Тай декои си пенгяс Леске: Аке, Ти даи тай Те прала бешен аври тай манген те хоратинен Туке.⁴⁸А Ов в отговор калкеске, ковато пенгяс Леске давка пенгяс: Коя си Ми даи? Тай кола си Ме прала? ⁴⁹Тай като прострингяс вас карик Пере ученикиенде, пенгяс: Аке Ми даи тай Ме прала! ⁵⁰Соскето, който вършинел и воля на Отца Ми, Ковато си ко небеса, ов си Манге прал тай пен, тай даи.

¹Ко също диес Исус иклило керал тай бешло край о езерос. ²Тай кидисале турял Лесте баре множества, затова Ов диняс тай бешло иеке ладияте; а о цело народи бешелас ко брегос.³Тай хоратинелас ленге бут притченца, пенелас: Аке, о сеячи иклило те сеинел; ⁴тай като сеинелас, десаве зърна пеле карик о дром; таи о птицес але, тай изкълвинде лен. ⁵А авер пеле ко канариста тана, кате на сине бут пръст; тай бут сиго поникнинде, соскето на сине дълбоко почва; ⁶а като изгреингяс о кам, табиле тай понеже на сине лен корени шукиле.⁷Авер па пеле машкар о каре; тай о каре бариле тай заглушинде лен. ⁸А аве пеле лаче пувяте тай дине плоди, кова стократно, кова шестдесет, кова тридесет. ⁹Кас иси кана те шунел, нека шунел.¹⁰Тогава приближисале о ученикя тай пучле Лес: Соске хоратинес ленге притченца? ¹¹А Ов в отговор пенгес ленге: Туменге си дадено те жанен о тайнес на небесното царство, а ленге нанай дадено. ¹²Соскето, кас иси, леске ка дел пес тай ка овел лес в изобилие; а кас нанай, лестар ка лел пес давка со иси лес.¹³Далкеске хоратинав ленге притченца, соскето, задикен, а на дикен; зашунен, а на шунен, нито ахалон. ¹⁴Упрал ленде изпълнингиол о Исаево пророчество ковато пенел: " Каненца ка шунен, а нисар нанай те ахалон; тай якенца ка дикен, а нисар нанай те дикен.¹⁵Соскето о сърцес калке люденгоро си задебелиме, тай пе каненца паресте шунен,тай пе яка склопинде; да не би те дикен пе якенца тай те шунен пе каненца, тай те ахалон пе сърцеса,тай те иринен пес, тай Ме те изцелинав лен."¹⁶А тумаре яка си блажена, соскето дикен, тай тумаре кана - соскето шунен. ¹⁷Соскето, истина пенав туменге, кай мнозина пророкя тай праведникя мангле те дикен давка, ковато туме дикен, но на дикле, тай те шунен давка, ковато туме шунен, но на шунде.¹⁸Тай чука, шунен со значинел и притча е сеячиескири: ¹⁹Паш саворенде, колато шунен о слово е царствоскоро тай нана ахалол лес, авел о лукавия тай грабинел о посяно андо сърцес леске; ов си о посяно ко дром.²⁰А о посяно ко канариста тана си давка,ковато шунел о слово тай веднага с радост приеминел лес; ²¹корени обаче нанай лес анде песте, но си привременно; тай като ачол напаст или гонение поради о слово, ко сахати отперел.²²А о посяно машкар о каре си давка, ковато шунел о слово; но о светска грижес тай и примамка е барвалипнаскири заглушинен о слово тай ов ачол безплодно. ²³А о посяно ки лачи пув си давка, ковато шунел о слово тай ахалол лес, ковато да дел плоди, тай принесинел - кова стократно, кова шестдесет, кова тридесет.²⁴Авер притча предложингяс ленге, като пенгяс: О небесно царство опреличингиол манушесте, ковато посеингяс лачо семес пе нивате; ²⁵но като совенас о мануша, о неприятели ленгоро ало тай посеингяс плевела машкар о житос, тай гело песке. ²⁶Тай като поникнингяс злакът тай панляс плоди,тогава появисале о плевела да.²⁷А о слуги е домакиниескере але тай пенде леске: Господарю, на посеингян ли лачо семес те нивате? Тогава катар си о плевела? ²⁸Ов пенгяс ленге: Десаво неприятели кергяс давка. А о слуги пенде леске: Ако си чука, мангес ли те жас те оплевинас лен?²⁹А ов пенгяс: На мангав; тена сар плевинен о плевела, те оскубинен заедно ленца о житос да. ³⁰Мукен те барион о дуида заедно жи ки жетва; а по време ки жетва ка пенав е жетвариенге: Киден първо о плевела тай панден лен на снопове тарибнаске, а о житос прибиринен ме житницате.³¹Авер притча предложингяс ленге, като пенгяс: О небесно царство препел на синапово зърно, ковато мануш лилас тай посеингяс пе нивате; ³²ковато наистина си по-цикно таро саворе семена, но, като бариол, си по-баро таро злаковя тай ачол каш, чука че о небесна птицес авен тай подслонинен пес ко клоня леске.³³Авер притча пенгяс ленге: О небесно царство препел на квас, ковато иек ромни лилас тай замесингяс трине мериенде брашно, жи кай втасинел саворо.³⁴Всичко давка Исус пенгяс е народоске притченца, тай би притченгоро на хоратинелас ленге; ³⁵за те изпълнингиол о пендо чрез о пророки, ковато пенел: " Ка путрав Мо муи притченца; ка пенав о гаравдо още таро създание е светоскоро."³⁶Тогава Ов муклас е народос тай ало кере. Тай о ученикя Лескере приближисале жи Лесте тай пенде: Обяснин аменге и притча е плевеленгири ки нива. ³⁷А в отговор Ов пенгяс: О сеячи е лаче семескоро си о Човешко Чаво; ³⁸и нива си о светос; о лачо семес, давка си о чада е царствоскере; а о плевела си о чада на лукавя; ³⁹о неприятели ковато посеингяс лен, си о бенг; и жетва си о свършеки е векоскоро; а о жетваря си ангела.⁴⁰Тай чука сар киден о плевела тай тарен лен анди яг, чука ка овел ко свършеки е векоске. ⁴¹О Човешко Чаво ка бичалел Пе ангелен, колато ка киден Лескере царствостар всичко ковато съблазнинел, тай колка, колато керен беззаконие, ⁴²тай ка чивен лен ки огнено пещ; оте ка овел роиба тай скърцане данденца. ⁴³Тогава о праведна ка блеснинен сар о кам андо царство на Отца си. Кас иси кана те шунел, нека шунел.⁴⁴О небесно царство препел иманесте, гаравдо анди нива, ковато като аракел лес мануш, гаравел лес, таи пе лошаляте жал тай бикнел всичко, со иси лес, тай кинел даика нива. ⁴⁵О небесно царство препел още търговцосте, ковато роделас шукар бисеря, ⁴⁶тай като аракел иек скъпоценно бисери, жал тай бикнел всичко,ковато сине лес, тай кинел лес.⁴⁷О небесно царство препел още мрежате, чивти андо езерос, тай кидингяс маче секоне видостар, ⁴⁸тай като периол, цидинде ла ко брегос тай бешле, тай кидинде о лаче андо съдовя, а о каниле чивте.⁴⁹Чука ка овел ко свършеки е векоске да; о ангела ка иклон тай ка отлъчинен е нечистивонен машкар о праведна, ⁵⁰тай ка чивен лен анди огнено пещ; оте ка овел роиба тай скърцане данденца.⁵¹Исус пенгяс ленге ахалилен ли всичко давка? Он пенде Леске: Ахалилам. ⁵²А Ов пенгяс ленге Затова всеко книжники, ковато учингяс за е небесноне тагарипнаске, препел домакиниесте, ковато икалел таро съкровище поро нево тай пурано. ⁵³Тогава Исус, като свършингяс даика притча, занакло отар.⁵⁴Тай като ало ки родина Пери, поучинелас лен ко синагогес ленгере, чука че он чудиненас пес тай пученас пес: Катар иси Калке манушес каика мъдрост тай далка чудотворна силес? ⁵⁵Нанай ли Ов о чо е дърводелцоскоро? Лескири даи на пенел ли пес Мария тай Лескере прала - Яков тай Йосиф Симон тай Юда? ⁵⁶Тай Лескере пеня нанай ли саворе аменде? Катар си Лес всичко давка?⁵⁷Тай съблазниненас пес анде Лесте. А Исус пенгяс ленге: Нисаво пророки нанай без почит, освен Пере родинате тай Пере кересте. ⁵⁸Тай на керел оте бут велика дела таро неверие ленге.

¹Андо ковка време о четверовластники Ирод шунгяс о слухи, ковато пиравелас пес е Исусеске; ²тай пенгяс пе слугенге: Давка си о Йоан Кръстител - ов възкръснингяс таро муле тай далкеске калка силес действинен чрез лесте.³Соскето о Ирод долгясас Йоан тай вържингяс лес тай панлас лес анди тъмница ашал и Иродиада, и ромни лескере пралескири о Филип; ⁴понеже о Йоан пенелас леске: Нанай туке позволиме те лес ла. ⁵Тай мангелас те мударел лес, ама даралас таро народос, соскето мислиненас лес за пророк.⁶А като ало о рожден ден на Ирод, и Иродиадиново чаи келгяс англал о кидиме тай угодингяс е Иродиеске. ⁷Затова ов совеласа обещингяс лаке те дел, ла со да те мангел леске.⁸А ой, сикавди пе даятар, пенгяс: Де ман ате на блюдо о шеро на Йоан Кръстител. ⁹О цари наскърбисало; но ашал е совеленге тай ашал е бешленге леса заповедингяс те дел пес лаке.¹⁰Тай бичалгяс те обезглавинен е Йоанес анди тъмница. ¹¹Тай анде лескоро шеро на блюдо тай дине лес е чаяке, а ой ингалгяс лес пе даяке. ¹²А лескере ученикя, като але, ваздинде о телос тай паронде лес; тай геле тай пенде е Исусеске.¹³Тай Исус, като шунгяс давка, цидисало отар е ладияса уединеноне танесте коркоро; а о народос, като ахалило, гело палал Лесте пеша таро градове. ¹⁴Тай Ов като иклило, дикляс баро множество, смилисало упрал ленде тай изцелингяс ленгере насвален.¹⁵А като ратило, о ученикя але паш Лесте тай пенде: О тан си уединено тай о времес напреднингяс: мук е народос те жан ко гава те кинен песке хабе.¹⁶А Исус пенгяс ленге: Нанай нужда те жан; ден лен туме те хан. ¹⁷А он пенде Леске: Иси амен ате само панч маре тай дуи маче . ¹⁸А Ов пенгяс: Анен лен ате паш Манде.¹⁹Тогава, като заповедингяс е народоске те бешен ки чар, лилас о панч маре тай о дуи маче, дикляс карик о небес тай благословингяс; тай като пагляс о маре, диняс лен е ученикиенге, а о ученикя - е народоске ²⁰Тай саворе хале тай чаларде пес; тай ваздинде окола къшея -дванадесет перда кошя. ²¹А колка, кате хале, сине панч хилада рома освен ромня тай чаве.²²Тай ко сахати Исус традингяс е ученикиен те ден анди ладия тай те жан англал Лесте ки отвъдно рик, жи кай мукел е народос. ²³Тай като муклас е народос, качисало ки планина те молинел Пес коркоресте. Тай като ратило, Ов сине оте коркоро. ²⁴А и ладия сине вече машкар о езерос, бутиме таро вълни, соскето и балвал сине насрещно.²⁵А ки четвърто стража машкаират Ов ало карик ленде, като пирелас упрал о езерос. ²⁶Тай о ученикя, като дикле Лес кай пирел упрал о езерос, смутисале тай пенде, кай си призраки, тай даратар пищинде. ²⁷А Исус веднага захоратингяс ленге тай пенгяс: Дерзайнен! Ме синиом; ма даран!²⁸Тай О Петър пенгяс леске: Девла, ако синян Ту, пен манге те авав паш Туте упрал о пани. ²⁹А Ов пенгяс: Ела! Тай Петър ухлило тари ладия тай гело упрал о пани, те жал ко Исус. ³⁰Ама, като дикляс и балвал силно, даранило тай като потънинелас, пищингяс, тай пенгяс: Девла, избавине ман!³¹Тай о Исус веднага протегнингяс по вас, долгяс лес тай пенгяс леске: Маловерецо, соске усъмнисалян? ³²Тай като дине анди ладия, и балвал утихнингяс. ³³А колка, кате сине анди ладия, поклонисале Леске тай пенде: Наистина, Ту синян Девлескоро Чаво.³⁴Тай като накле о езерос, але анди Генисаретско пув. ³⁵Тай като пенджарде Лес отар о мруша, бичалде ки цело окоя околност тай анде паш Лесте саворе насвален; ³⁶тай молиненас Лес те допиринен пес жи ки пола Лескере шехиенде; тай кити допиринде пес, изцелинде пес.

¹Тогава але паш о Исус фарисея тай книжникя таро Йерусалим тай пенде: ²Соске Тере ученикя престъпинен о предиме е старейшиненге, понеже на товен пе васта, като хан маро? ³А Ов в отговор пенгяс ленге: Соске тумеда ашал тумаро предание, престъпинен и Божия заповед?⁴Соскето о Дел пенгяс: " Почитине те дадес тай те дая"; тай: " Който хоратинел зло пе дадеске или пе даяке, непременно те мударел пес." ⁵Ама туме пенен: Който пенел пе дадеске или пе даяке: Кавка моро имане, колеса ащи те помагинес туке, си подариме е Девлеске, ⁶ов ащи тена почитинел пе дадес или пе дая. Чука ашал тумаре преданиеске осуетингиен е Девлескири дума.⁷Лицемери! Лачес пророкувингяс Исая туменге, като пенгяс: ⁸" Калка люде приближинен пес жи Манде пе моса, тай почитинен Ман пе вущенца; но о сърцес ленгоро бешел дуре Мандар. ⁹Обаче напразно кланинен пес Манге, като преподавинен за поучения манушескере заповедя."¹⁰Тай като викингяс е народос, пенгяс ленге: Шунен тай ахалон! ¹¹Ма давка со дел андо муи, осквернинел е манушес; а давка ковато иклол таро муи, ов осквернинел е манушес.¹²Тогава приближисале о ученикя тай пенде Леске: Жанес ли, кай о фарисея възмутисале, като шунде далка думес? ¹³А Ов в отговор пенгяс: Всеко растение, ковато Моро Небесно Отеци нана садингяс, ка изкоренингиол. ¹⁴Мукен лен; он си коре водачя; а коро корес ако водинел,о дуида ка перен анди яма.¹⁵О Петър пенгяс Леске: Обяснине аменге кайка притча. ¹⁶А Ов пенгяс: Тумеда ли още нана ахалон? ¹⁷Нана ахалон ли, кай всичко ковато дел андо муи, накел андо воги тай чивел пес наври?¹⁸А ковка, кате иклол таро муи, иклол таро сърцес тай ов осквернинел манушес. ¹⁹Соскето таро сърцес иклон каниле помислес, мударибе, прелюбодейства, блудства, чорибе, лъжесвидетелства, хулес. ²⁰Давка осквернинел манушес, а о хабе би истовде вастенца нана осквернинел лес.²¹Тай Исус, като иклило отар, оттеглисало анди Тирска тай Сидонска пределя. ²²Тай аке, иек ханаанка иклили колке танендар тай пищингяс: Смилине тут упрал манде Девла, Сине Давидов! ми Чаи зле мъчинел пес, от бяс. ²³Но Ов на отговорингяс лаке нито дума. Тай о ученикя але, тай молиненас пес Леске, като пененас: Бичал ла, соскето пищинел палал аменде.²⁴А Ов в отговор пенгяс: Ме синиом бичалдо само ко нашалде овце таро Израилево кер. ²⁵А ой али, тай кланинелас пес Леске тай пенелас: Девла, помагине манге. ²⁶Ов в отговор пенгяс: Нанай прилично те лелпес о маро е чавенгоро тай те чивел пес е риконенге.²⁷А ой пенгяс: Ва, Девла; ама о риконе да хан таро трохес, колато перен тари софра ленгере господариенге. ²⁸Тогава Исус в отговор пенгяс лаке: О, жено, бари си тери вяра; нека овел туке според те желаниесте. Тай лакири чаи оздравингяс ко също сахати.²⁹Тай Исус, като занакло отар, ало ко Галилейско езерос; тай качисало ко хълми, тай бешелас оте. ³⁰Тай але паш Лесте баре множества, колато сине лен песа куца, коре, лалоре, недъгава тай бут авер, тай товде лен англал о пире Леске; тай Ов изцелингяс лен; ³¹чука че о народос чудинелас пес, като дикелас лалоре те хоратинен, недъгава оздравинде, куца те пирен тай коре те дикен. Тай прославинде е Израилевоне Девлес.³²А Исус викингяс Пе ученикиен тай пенгяс: Жално си манге е народоске, соскето трин диес вече бешен паш Манде тай нанай лен со те хан; а на мангав те мукав лен бокале, тена прималинел ленге ко дром. ³³О ученикя Лескере пенде: Катар те овел амен ко уедиме тан дики маре, кай те парварас савка баро множество? ³⁴Исус пенгяс ленге: Кити маре иси тумен? А он пенде: Ефта тай хари маче . ³⁵Тогава заповедингяс е народоске те бешен ки пув.³⁶Тай като лилас о ефта маре тай о маче, благодарингяс тай пагляс; тай диняс ко ученикя, а о ученикя - е народоса. ³⁷Тай хале саворе, тай чалярде пес, тай ваздинде окола къшея, ефта перда кошницес. ³⁸А колка, кола хале, сине четири хиляди мруша, освен ромня тай чаве. ³⁹Тай като мукляс е народос, диняс анди ладия тай ало андо Магаданска пределя.

¹Тогава о фарисея тай о садукея але паш о Исус тай за те изпитвинен Лес, мангле Леске те покажинел ленге знамение таро небес. ²А Ов в отговор пенгяс ленге: Като ракиол, пенен: О време ка овел шукар, соскето о небес лолиол;³а андявин: авдиес о време ка овел канило, соскето о небес лолиол намръщено. Туме жанен те разтълкувинен о муи е небескоро, а о знамения е времескере нанащи! ⁴Зло тай прелюбодейно роди мангел знамение, но авер знамение, нанай те дел пес леске, освен о знамение на (пророк) Йона. Тай мукляс лен,тай гело песке.⁵А о ученикя, като накле и отвъдно рик, бистерде те лен маро. ⁶Тай Исус пенгяс ленге: Внимавинен тай пазинен тумен таро кваси е фарисеиенге тай е садукенге. ⁷Тай он разисквиненас машкар песте, тай пененас: Давка си, соскето на лилам маро. ⁸А Исус, като ахалило давка, пенгяс: Маловерци, соске разисквинен машкар туменде, понеже нанай тумен маро?⁹Още ли нахалон тай на помнинен о панч маре на петте хиляди жене, тай кити кошя кидингиен: ¹⁰Нито о ефта маре на четирите хиляди жене тай кити кошницес кидингиен?¹¹Сар нахалон, кай ма ашал мареске пенгиом туменге те пазинен тумен таро квасос е фарисеиенге тай е садукенге? ¹²Тогава он ахалиле, кай нана пенгяс ленге те пазинен пес таре марескоро кваси, а таро учение е фарисеиенге тай е садукенге.¹³А Исус, като ало ко околноскя на Кесария Филипова, пучляс Пе ученикиен, тай пенгяс: Според о мануша о Човешко Чаво кой си? ¹⁴А он пенде: Иек пенен, кай си о Йоан Кръстител; авер па - Илия; а авер - Еремия или иек таро пророкя. ¹⁵Пенел ленге: А според туменде кой синиом Ме? ¹⁶Симон Петър в отговор пенгяс: Ту синян о Помазаники,о Чаво е живде Девлескоро.¹⁷Исус в отговор пенгяс леске: Блажено синян, Симоне, чавея Йонов, соскето плът тай рат нана открингяс туке давка, а Отец Ми, Ковато си андо небеса. ¹⁸Апа Меда пенав туке, кай ту синян Петър, тай калке канарате ка съградинав Мери кангери; тай о портес е адоскере нанай те надделинен.¹⁹Ка дав тут о ключовя за ко небесно царство; тай со пандес ки пув, ка овел панло андо небеса, а со развържинес ки пув, ка овел развържиме ко небеса. ²⁰Тогава пенгяс е ученикиенге никаске тена пенен, кай Ов си Исус о Помазаники.²¹Оттогава Исус почнингяс те известинел Пе ученикиенге, кай требва те жал андо Йерусалим, тай бут те страдинел таро старейшинес, главна свещеникя тай о книжникя, тай те овел мудардо, тай ко трето диес те овел възкръсниме. ²²Тогава Петър лилас Лес ригате тай почнингяс те мъмринел Лес, като пенелас: О Дел те смилинел пес туке, Господи; давка нанай те ачол Туса. ²³А Ов ирисало тай пенгяс на Петър: Махнин тут Мандар, Сатана; ту синян Манге съблазан; соскето на мислинес за Божиите неща, а е манушескере.²⁴Тогава Исус пенгяс Пе ученикиенге: Ако мангел декой те авел палал Манде, нека отречинел пес пестар, нека ваздел по кръстос, тай чука нека те следвинел Ман. ²⁵Соскето, който мангел те спасинел по животос, ка нашалел лес; а а който нашалел по животос ашал Манге, ка аракел лес. ²⁶Понеже сави полза е манушеске, ако спечелинел цело светос, а по животос нашалел? Или со ка дел мануш в замяна пе животоске?²⁷Соскето о Човешко Чаво ка авел анди слава на Отца Си Пере ангеленца; тай тогава ка въздел саворенге според лескере деловя. ²⁸Истина пенав туменге: Ате бешен десаве, колато нанай те вкусинен мериба, жи кай на дикен о Човешко Чаво, кай авел андо Поро царство.

¹Тай палал о шесто диес Исус лилас Петър, Яков тай лескере пралес Йоан, тай ингалгяс лен иеке уче планинате коркоресте. ²Тай преобразисало англал ленде;Лескоро муи светингяс сар о кам, а Лескере шехя ачиле парне сар и светлина.³Тай аке, явисале ленге Мойсей тай Илия, колато хоратиненас пес Леса. ⁴Тай Петър захоратингяс, тай пенгяс е Исусеске: Девла, лачес си те овас ате; ако мангес, ка керав ате трин шатрес Туке иек, е Мойсейеске иек тай иек е Илияске.⁵А жикай ов още хоратинелас, аке, светло облаки засенингяс лен; тай аке, таро облаки гласос, ковато пенгяс: Кавка си Моро възлюбено Чаво, анде Колесте си Моро благоволение, Лес шунен. ⁶Тай о ученикя, като шунде давка, пеле упрал мосте тай бут дараниле. ⁷А Исус приближисало паш ленде, допирингяс пес жи ленде тай пенгяс: Ухкиен, ма даран! ⁸Тай он, като ваздинде яка, на дикле никас, освен Исус коркоро.⁹Тай като ухленас тари планина, Исус пенгяс ленге: Никаске ма съобщинен далке видениеске, жикай о Човешко Чаво на възкреснинел таро муле. ¹⁰О ученикя Лескере пучле Лес: Соске тогава пенен о книжникя, кай Илия требе първо те авел?¹¹А Ов в отговор пенгяс: Наистина Илия авел тай ка възтановинел всичко. ¹²Но пенав туменге, кай Илия вече ало, тай на пенджарде лес, но керде леса со мангле песке. Също чука о Човешко Чаво ка страдинел лендар. ¹³Тогава о ученикя ахалиле, кай хоратинел ленге за Йоан Кръстител.¹⁴Тай като але ко народос, приближисало жи Лесте иек мануш, ковато пело кочиенде англал Лесте тай пенгяс: ¹⁵Девла, смилине тут упрал ме честе, соскето си епилептики тай зле страдинел; понеже перел анди яг тай често андо пани. ¹⁶Тай анде лес паш Тере ученикиенде; но он нащине изцеринен лес.¹⁷Исус в отговор пенгяс: О, роде невярващо тай извратено, жи кана ка овав туменца, Жи кана ка търпинав тумен? Анен лес ате паш Манде. ¹⁸Тай Исус смъмрингяс е бесос, тай ов иклило лестар; тай о чаво оздравингяс таро също сахати.¹⁹Тогава о ученикя але паш о Исус коркоресте тай пенде: Соске аме нащине гонинас лес? ²⁰Ов пенгяс ленге: Ашал тумаре маловериеске. Соскето истина пенав туменге: Ако иси тумен вяра кити синапово сърнос, ка пенен калке планинаке: Местин тут атар оте, тай ой ка местинел пес; тай нищо нанай те овел туменге невъзможно. ²¹А кавка роди на иклол, освен молитваса тай постиеса.²²Тай като бешенас анди Галилея, Исус пенгяс ленге: О Човешко Чаво ка овел предиме андо васта е манушенге, ²³тай ка мударен Лес; тай ко трето диес ка овел възкресиме. Тай он бут наскърбисале.²⁴А като але андо Капернаум, о събирачя е дуие драхменгере за ко храми приближисале паш о Петър тай пенде: Тумаро Учители на платинел ли о дуи драхмес? ²⁵Ов пенгяс: Платинел. Тай като диняс кере, Исус изпреварингяс лес, тай пенгяс леске: Со мислинес, Симоне, О земна царе кастар киден данъки или налоги? Пе чавендар или таро чужда?²⁶А като пенгяс: Таро чужда, Исус пенгяс леске: Като си чука, ленгере чаве си свободна. ²⁷Но за тена съблазнинас лен, жа ко езерос, чив въдица тай икал е мачес, ковато първо закачинел пес, тай като путрес о муи лакоро, ка аракес иек статири; ле лес тай де лес ленге Манге тай туке.

¹Ко също времес о ученикя але паш о Исус тай пенде: Кова си по - баро андо небесно царство? ²А Ов викингяс иеке чавес, тай тогяс лес машкар ленде тай пенгяс: ³Истина пенав туменге, ако на иринен тумен тай на ачон сар о чаворе, нанай те ден андо небесно царство.⁴Тай чука, който смиринел пес сар калке чавесте, ов си по - баро андо небесно царство. ⁵Тай който приеминел иеке салке чавес Мере алавесте, Ман приеминел. ⁶А който съблазнинел иекес калке цикнендар, колато верувинен Манде, леске ка овел по лачес те закачинен ки мен леске баро воденично бар тай те потънинел андо морска дълбочини.⁷Горко е светоске ашал о съблазес! Соскето си неизбежно те авен съблазес; но горко колке манушеске, ашал колеске и съблазан авел! ⁸Ако съблазнинел тут то вас или те пире, чин ла тай чив ла; по-лачес си туке те дес андо животос куцо или недъгаво, отколкото дуие вастенца или дуи пире те овес чивто анди вечно яг.⁹Тай ако съблазнинел тут ти як, икал ла тай чив ла; по-лачес си туке те дес андо животос иеке якаса, отколкото те овен тут дуи яка тай те овес чивто андо огнено пъкали.¹⁰Внимавинен тена презиринен ни иекес калке цикнендар; соскето пенав туменге, кай ленгере ангела андо небеса винаги дикен о муи на Отца Ми, Ковато си андо небеса. ¹¹Соскето о Човешко Чаво ало те спасинел о погинало.¹²Сар дикел пес туменге? Ако десаво мануш иси лес шел овце тай иек лендар заблудингиол, на мукел ли деветдесет и девет тай на жал ли ко планини те родел е заблудимена? ¹³Тай като аракел ла, истина пенав туменге, ов лошанел лаке побут, отколкото за деветдесет и девет незаблудена. ¹⁴Също чука нанай и воля на Отца Ви, Ковато си андо небеса, те загининел ни иек калке цикнендар.¹⁵Тай ако съгрешинел туке то прал, жа, покажине леске и вина лескири машкар туте тай лесте коркоро. Ако шунел тут, спечелингян те пралес. ¹⁶Но ако на шунел тут, ле туса още иекес или дуиен, тай таро муи дуие, или трине свидетеленге те потвърдинел пес секо дума.¹⁷Тай ако на шунел лен, пен давка е кангеряке; но ако на шунел е кангеря да, овел туке сар езичники тай бирники.¹⁸Истина пенав туменге: Со вържинен ки пув, ка овел вържиме ко небеса; тай со развържинен ки пув, ка овел развържиме ко небеса. ¹⁹Пак пенав туменге, кай ако дуи тумендар съгласинен пес ки пув за соске да те овел варесо, ковато те манген, ка овел ленге дендо таро Отца Ми, Ковато си андо небеса. ²⁰Соскето,кате дуи или трин си кидиме Мере алавесте, оте синиом Меда машкар ленде.²¹Тогава Петър приближисало тай пенгяс Леске: Девла, кити дром, като съгрешинел манге мо прал, те простинав леске? Ефта дром ли? ²²Исус пенгяс леске: На пенав туке ефта дром, а дешуефта дром по ефта.²³Далкеске о небесно царство препел иеке цариесте, ковато манглас те предикел сметка пе слугенца. ²⁴Тай като почнингяс те преглединел, анде паш лесте иекес, ковато дължинелас леске десет хиляди талантя. ²⁵Тай понеже нанай соса платинел, лескоро господари заповедингяс те бикнен лес, лескере ромня тай лескере чавен, тай всичко, со сине лес, тай те платинел о дълги.²⁶Далкеске о слугас пело, кланинелас пес леске тай пенелас: Господарю, ов търпеливо карик манде тай ка платинав туке всичко. ²⁷Тай о господари далке слугаскоро, понеже жалинелас лес, муклас лес тай простингяс леске о заеми.²⁸Но давка слугас, като иклило, араклас иек пере съслужителендар, ковато дължинелас леске шел пеняза; тай долгяс лес, тай задушинелас лес, тай пенгяс: Платине давка, со дължинес манге. ²⁹Далкеске лескоро съслужители пело, молинелас пес леске тай пенгяс: Ов търпеливо карик манде тай ка платинав туке.³⁰Но ов на мангелас, а гело тай чикяс лес анди тъмница - те пашлол, жи кай изплатинел о дълги. ³¹А о служителя лескере, като дикле со ачило, бут наскърбисале; тай але, тай пенде пе господариеске всичко, со ачило.³²Тогава о господари лескоро викингяс лес тай пенгяс леске: Нечестиви слуго! ме простингиом туке о цело ковка дългос, понеже молингян тут манге. ³³На требваше ли туда те смилинес тут упрал те служителесте, сар меда смилисалом упрал туте?³⁴Тай о господари разгневисало леске, тай прединяс лес ко мъчителя те изтезавинен лес, жи кай изплатинел цело дълги. ³⁵Чука Моро Небесно Отеци ка постъпинел туменца, ако на простинен таро сърцес всекои пе пралеске.

¹Тай Исус, като свършингяс далка думес, тръгнингяс тари Галилея тай ало ко пределя на Юдея отвъд о Йордан. ²Тай баре множества пиренас палал Лесте; тай Ов изцелингяс лен оте.³Тогава але паш Лесте фарисея, колато, изпитвиненас Лес, тай пенде: Позволиме ли си е манушеске те мукел пе ромня по всекакво причина? ⁴А Ов в отговор пенгяс: На четингиен ли, кай Ковка Ковато сътворингяс лен, сътворингяс лен отначало ром тай ромни, тай пенгяс:⁵" Далкеске ка мукел о мануш пе дадес тай пе дая тай ка привържинел пес карик пе ромняте; тай о дуи ка овен иек плът"? ⁶Чука че нанай вече дуи, а иек плът. Тай чука, давка, ковато о Дел съчетингяс, о мануш тена разлъчвинел лес.⁷Пенен Леске: Тогава Мойсей соске заповедингяс лакоро ром те дел ла разводно писмо тай те мукел ла? ⁸Пенел ленге: но Поради тумаре коравосърдечиесте Мойсей муклас тумен те мукен тумаре ромниен; отначало на сине чука. ⁹Тай пенав туменге: Който мукел пе ромня, освен за прелюбодейство, тай пранденел авераке, ов прелюбодействинел,тай който пранденел е муклаке, оф прелюбодействинел.¹⁰Пенен Леске о ученикя: Ако си савка о задължение е ромескоро карик и ромни, по - шукар тена пранденел. ¹¹А Ов пенгяс ленге: Нанащи саворе те приеминен давка слово, а далка каске си дадено. ¹²Соскето иси скопция, колато чука си бианде тари утроба пе даякири; иси па скопция, колато сине скопена таро мануша; а иси скопция, колато коркоре пес скопинде ашал о небесно царство. Който ащи приеминел давка слово нека те приеминел.¹³Тогава анде паш Лесте чаворен, за те товел васта упрал ленде тай те молинел пес; а о ученикя смъмринде лен. ¹⁴Но Исус пенгяс: Мукен е чаворен тай ма спиринен лен те авен паш Манде, соскето салкенгоро си о небесно царство. ¹⁵Тай тогяс васта упрал ленде, тай занакло отар.¹⁶Тай аке, иек момъки ало паш Лесте тай пенгяс: Учителю, саво лачипе те керав, за те овел ман вечно животос? ¹⁷А Ов пенгяс леске: Соске пучес Ман е лачипнаске? Иек Дел иси, Ковато си лачо. Но ако мангес те дес андо животос, спазвине о заповедя.¹⁸Пенгяс леске: Кола? Исус пенгяс: Калка: Ма мудар; ма прелюбодействине; ма чор; ма лъжесвидетелствине; ¹⁹почитине те дадес тай те дая; тай дехе те ближнонес сарто тут.²⁰О момъки пенгяс Леске: Всичко давка спазвингиом от тернипнасте; со още на доресел манге? ²¹Исус пенгяс леске: Ако мангес те овес съвършено, жа, бикин то имоти тай де е чорен; тай ка овел тут съкровищес ко небеса; тай ела, тай следвине Ман. ²²Но о момъки, като шунгяс далка думес, гело песке наскърбиме; соскето сине мануш буте имотиенца.²³А Исус пенгяс Пе ученикиенге: Истина пенав туменге, мъчно ка дел барвало андо небесно царство. ²⁴При това пенав туменге: По - лесно си камила те накел таро иглена кана, отколкото барвало те дел андо Божие царство.²⁵А о ученикя, като шунде давка, чудисале бут тай пенде: Като си чука, кой ащи те спасинел пес? ²⁶А Исус дикляс лен тай пенгяс ленге: Е манушенге давка си невъзможно,но е Девлеске всичко си възможно. ²⁷Тогава Петър в отговор пенгяс Леске : Аке, аме муклам всичко тай последвингям Тут; амен со ка овел?²⁸А Исус пенгяс ленге: Истина пенав туменге, кай ко обновление всичконаске, като о Човешко Чаво ка бешел Пе славноне престолесте, туме, колато последвингиен Ман, също ка бешен на дешудуие престоленде те съдинен е дешудуие Израилева племена.²⁹Тай секои, ковато мукляс кера, или прален или пениен, или дадес, или дая, или ромня, или чавен, или нивес ашал Мере алавеске, ка получинел шелкратно тай ка наслединел вечно животос. ³⁰Обаче мнозина първа ка овен последна, а последна - първа.

¹Соскето о небесно царство препел стопаниесте, ковато иклол ко зазоряване те наеминел работникиен пе лозеске. ²Тай като условингяс пес е работникиенца по иек пенязи ко диес, бичалгяс лен пе лозесте.³Тай като иклило около трето сахати, дикляс аверен, кай бешенас ко пазари чуче; ⁴тай ленге пенгяс: Жан тумеда ко лозес; тай со си право, ка дав тумен. Тай он геле.⁵Пак, като иклило около о шов тай около о еня сахати, кергяс о също. ⁶А като иклило около дешуиек сахати, аракляс аверен, кай бешен, тай пенгяс ленге: Соске бешен ате цело диес чуче? ⁷Он пенде леске: Соскето никой нана наемингяс амен. Пенгяс ленге: Жан тумеда ко лозес тай со си право, ка получинен.⁸Като ратило, о стопани е лозескоро пенгяс пе настойникиеске: Викине е работникиен тай платине ленге и надница, като почнинес таро последна тай следвинес жи ко първа. ⁹Тай чука, але о наемиме около о дешуиек сахати тай получинде по иек пенязи. ¹⁰А като але о първа, мислиненас песке, кай ка получинен повече; но онда получинде по иек пенязи.¹¹Тай като получинде лес, зароптаинде против о стопани, като пенде: ¹²Калка о последна керде бути само иек сахати; тай пак приравнингян лен аменца, колато понесингям и тегота е диесескири тай о татипе.¹³А ов в отговор пенгяс иекеске лендар: Амала, нана онеправдинав тут. Нана условингян ли тут манца иеке пенязиеске? ¹⁴Ле туке торо тай жатуке; мери воля си те дав калке последнонес, сарто тукеда.¹⁵Нанай ли манге позволиме те керав мереса, со мангав? Или тери як си завистливо, соскето ме синиом лачо? ¹⁶Чука о последна ка овен първа, а о първа - последна.¹⁷Тай Исус, като делас андо Йерусалим, лилас дванадесете ученикя коркоресте, тай ко дром пенгяс ленге: ¹⁸Аке, дас андо Йерусалим тай о Човешко Чаво ка овел предиме ко главна свещеникя тай книжникя; тай он ка осъдинен Лес мерибнасте, ¹⁹тай ка преден Лес ко езичникя, за те подигравинен,те марен Лес и те разпънинен Лес; тай ко трето диес ка овел възкресиме.²⁰Тогава и даи е Зеведевиенгере чавенгири приближисали жи Лесте заедно пе чавенца, като кланинелас пес Леске тай мангелас варесо Лестар. ²¹А ов пенгяс лаке: Со мангес? Пенгяс Леске: Заповедине калка мере дуи чаве те бешен,анде Тере царствосте - иек отдясно, а иек отляво.²²А Исус в отговор пенгяс: Нажанен со манген. Ащи ли пиен и чаша, която иси Ме те пияв? или те кръстинен тумен е кръщениеса, колеса Ме кръстинаман? Пенде Леске: Ащи. ²³Ов пенгяс ленге: Мери чаша наистина ка пиен тай е кръщениеса, колеса Ме кръстинаман, ка кръстинен тумен; но те бешен отдясно Манде тай отляво Манде на зависинел Мандар те дав, а ка дел пес околкенге, за коленге сине приготвиме таро Отца Ми. ²⁴Тай о дешуиек, като шунде давка, възнегодувинде против о дуи прала.²⁵Но Исус викингяс лен тай пенгяс: Туме жанен, кай о управителя е народоскере господарувинен упрал ленде тай о баре ленгере властвинен упрал ленде. ²⁶Но машкар туменде нанай те овел чука; но който мангел те ачол баро машкар туменде, ка овел туменге служители; ²⁷тай който мангел те овел първо машкар туменде, ка овел туменге слугас; ²⁸също сар о Човешко Чаво нана ало те служинен Леске, а те служинел, тай те дел По животос откупи за мнозина.²⁹Тай като иклонас таро Ерихон, баро множество пирелас палал Лест. ³⁰Тай аке, дуи коре, бешле край о дром, като шунде, кай о Исус накелас, пищинде: Смилине тут упрал аменде, Девла, Сине Давидов! ³¹А о народос смъмрингяс лен, за те траниен; но он още по-силно пищиненас: Смилине тут упрал аменде, Девла, Сине Давидов!³²Тай чука, Исус спирингяс, викингяс лен тай пенгяс: Со манген те керав туменге? ³³Пенен Леске: Девла, те путергион амаре яка. ³⁴А Исус смилисало тай допрингяс пес жи ко яка ленге; тай веднага задикле, тай цидинде палал Лесте.

¹Тай като приближисале жи ко Йерусалим тай але андо Витфагия ко Елеонско хълми, тогава о Исус бичалгяс дуие ученикиен тай пенгяс ленге: ²Жан андо гав , ковато си мамуял туменде; тай веднага ка аракен панли ослица тай ослес ласа; отпутрен лен тай анен лен Манге. ³Тай ако декои пенел туменге варесо, пенен: Е Девлеске требен; тай веднага ка бичалел лен.⁴А давка ачило,за те сбъднингиол о пендо таро пророки, ковато пенгяс: ⁵" Пенен е Сионовоне чаяке: Аке, торо Цари авел паш туте, кротко, тай бешло оселесте, тай ослесте, рожба е ослицакири."⁶Тай чука, о ученикя геле тай керде, сарто пенгяс ленге о Исус: ⁷анде е ослица тай е ослес тай зачивте упрал ленде пе шехя; тай Ов бешло упрал ленде. ⁸А и по-бари част таро множество бухларелас пе шехя ко дром; авер па чиненас клоня таро каща тай бухларенас лен ко дром.⁹А о множества, колато пиренас англал Лесте, тай колато следвиненас Лес, пищиненас: Осанна е Давидовоне Чавеске! Благословиме, ковато авел е Девлеске ко алав! Осанна андо висини! ¹⁰Тай като диняс андо Йерусалим, о цело градос раздвижисало ; тай пученас: Кова си кавка? ¹¹А о народос отговоринелас: Ов си о пророки, Исус, Ковато си таро Назарет Галилейски.¹²Тай Исус диняс андо Божио храми, гонингяс саворен, колато бикненас тай киненас андо храми, тай пречивкяс о масес е среброменителенгере тай о столовя колкенгере, колато бикненас е кушиен, тай пенгяс ленге: ¹³Пишиме си: " О кер Моро ка пенел пес молитвено кер", а туме керен лес разбойническо вертепи. ¹⁴Тай десаве коре тай куца але паш Лесте андо храми; тай Ов изцелингяс лен.¹⁵А о главна свещеникя тай книжникя, като дикле о чудесна дела, колато кергяс, тай о чаве, колато пищиненас андо храми: Осанна е Давидовоне Чавеске!, възнегодувинде тай пенде Леске: ¹⁶Шунес ли со пенен калка? А Исус пенгяс ленге: Шунав. На четингиен ли нисар: " Таро муи е младенциенге тай е сучещоненге приготвингян хвала"? ¹⁷Тай като мукляс лен, иклило аври таро градос жи ки Витания, кате да пренощувингяс.¹⁸А ки андиавин, като иринелас пес андо градос, бокалило. ¹⁹Тай като дикляс иек смокиня ко дром, ало паш лате, но нана араклас нищо лате, само иек листа; тай пенгяс лаке: От акана на оте тена овел плоди тутар жи ко векос. Тай и смокиня шукили ко сахати.²⁰Тай о ученикя, като дикле давка, почудисале тай пенде: Сар ко сахати шукили и смокиня? ²¹А Исус в отговор пенгяс ленге: Истина пенав туменге: Ако иси тумен вяра тай нана усъмнинен тумен, ма само ка керен о кердо е смокиняса, но даже ако пенен калке хълмиеске: Вазде тут тай чив тут андо морес, ка ачол. ²²Тай всичко, со да те манген в молитва, като верувинен, ка получинен.²³Тай като ало андо храми, о главна свещеникя тай о народна старейшинес але паш Лесте, жи кай поучинелас, тай пенде: Саве властяса керес калка букя? Тай кой диняс Тут дайка власт? ²⁴А Исус в отговор пенгяс ленге: Ка пучав тумен Меда иек въпроси, колесте ако отговоринен Манге, то Меда ка пенав туменге саве властяса керав далка букя.²⁵О Йоаново кръщение катар сине? Таро небес ли, или таро мануша? Тай он разисквиненас машкар песте, тай пененас: Ако пенас: Таро небес, Ов ка пенел аменге: Тогава соске на повервингиен лес? ²⁶Но ако пенас: Таро мануша, дарас таро народос; соскето саворе иси лен Йоан за пророк. ²⁷Тай чука, в отговор е Исусеске, пенде: На жанас. Пенгяс ленге Ов: Нито Ме пенав туменге саве властяса керав далка букя.²⁸Но сар дикелпес туменге? Иеке манушес сине дуи мруша; тай ало ко първо тай пенгяс леске: Мочо, жа кер бути авдиес ко лозес. ²⁹А ов в отговор пенгяс: На мангав; ама после разкаисало тай гело. ³⁰Ало колкесте да, колеске пенгяс о също. Тай ов в отговор пенгяс: Ме ка жав, господарю! Ама на гело.³¹Кой таро дуи изпълнингяс пе дадескири воля? Пенде: О първо. Исус пенгяс ленге: Истина пенав туменге, кай о бирникя тай о блудницес изпреваринен тумен андо Божие царство. ³²Соскето Йоан ало паш туменде те сикавел туменге о дром е правдакоро, а на повервингиен леске; о бирникя обаче тай о блудницес повервинде леске; а туме, като диклен давка, даже на разкаисален по-късно палал далкесте, за те повервинен леске.³³Шунен авер притча. Исине иек стопани, ковато садингяс лозес, оградингяс лес с плет, хранлас лесте лини тай съградингяс кула; тай като диняс лес под наем земеделциенге, гело песке. ³⁴Тай като наближингяс о време е плодовиенге, бичалгяс пе слугиен жи ко земеделция те прибиринен лескере плодове.³⁵А о земеделция долде лескере слуген, иекес марде, аверес мударде, а е третонес баренца замервиненас. ³⁶Пак бичалгяс авере слугиен, побут таро първа; ленгеда керде също. ³⁷Най-после бичалгяс паш ленде пе чес, като пенелас: Ка почетинен ме чес.³⁸Но о земеделция, като дикле е чес, пенде машкар песте: Кавка си о наследники; елан те мударас лес тай те присвоинас о наследство лескоро. ³⁹Тай като долде лес , чивте лес аври таро лозес тай мударде лес.⁴⁰Тай чука, като ка авел песке о стопани е лозескоро, со ка керел калке земеделциенге? ⁴¹Пенде Леске: Е злосторникиен люто ка погубинел, а о лозес ка дел под наем авере земеделциенге, колато ка ден лес на време о плодове.⁴²Исус пенгяс ленге: На четингиен ли нисар ко Писания: " О бар, ковато чивте о зидария, Ов ачило шеро ко ъгъли; таро Дел си давка, тай чудно си амаре якенде"?⁴³Далкеске пенав туменге, кай о Божие царство ка лел пес тумендар тай ка дел пес ко народос, ковато принесинел о плодове Лескере. ⁴⁴Тай който перел упрал далке баресте - ка смажинел пес; а упрал касте перел, ка пръснинел лес.⁴⁵Тай о главна свещеникя тай о фарисея, като шунде о притчес Лескере, ахалиле кай хоратинел ленге; ⁴⁶ама, като мангле те долен Лес, дараниле таро народос, понеже считиненас Лес пророкиеске.

¹Тай Исус почнингяс пак те хоратинел ленге притченца, като пенелас; ²О Небесно царство препел цариесте, ковато кергяс бияв пе ческе. ³Ов бичалгяс пе слуген те викинен е канименен ко бияв; ама он нана мангле те авен.⁴Пак бичалгяс авере слуген, тай пенелас: Пенен е поканимененге: Аке, приготвингиом мо обеди; ме юнци тай ме угоена си заклана, тай всичко си готово; елан биявесте.⁵Ама он пренебрегнинде и покана тай загелепеске, иек пере нивате, а авер пе търговияте; ⁶а окола долде лескере слуген, тай билажаса оскърбинде лен тай мударде лен. ⁷Тай о цари разгневисало, бичалгяс пе войски, тай мударгяс колке убиициен тай таргяс ленгоро градос.⁸Тогава пенгяс пе слугенге: О бияв си готово, а о каниме насине достойна. ⁹Далкеске жан ко кръстопътища тай кити аракен, канинен лен биявесте. ¹⁰Тай чука, колка слуги иклиле ко дрома , тай кидинде саворен, кити аракле - каниле, тай лаче; тай о бияв пердило гостиенца.¹¹А о цари, като диняс те предикел е гостиен, дикляс оте иеке манушес, ковато на сине урявдо биявескере шехиенца. ¹²Тай пенгяс леске: Амала, ту сар динян ате, без те овен тут биявескере шехя? А ов траниелас.¹³Тогава о цари пенгяс е служителенге: Панден лескере пире тай лескере васта тай чивен лес анди външно тъмнина; оте ка овел роиба тай скърцане данденца. ¹⁴Соскето мнозина си призвана, а малцина избрана.¹⁵Тогава о фарисея геле тай съветвиненас пес сар те долен Лес ко хоратиба Леске. ¹⁶Тай бичален паш Лесте пе ученикиен заедно е Иродианенца, те пенен: Учителю, жанас, кай синян искрено тай истински учинес андо Божио дром, тай нанай Тут грижа никастар, соскето на дикес о муи е манушенгоро. ¹⁷Пен аменге, Ту сар мислинес? Право ли си те дас данъки е кесариес, или нака?¹⁸А Исус ахалило о лукавство ленгоро тай пенгяс: Соске изпитвинен Ман, лицемерция? ¹⁹Покажинен Манге и данъчно монета. Тай он анде Леске иек пенязи.²⁰Ов пенгяс ленге: Каскоро си кавка образи тай надписи? ²¹Пенен Леске: Кесарево. Тогава пенел ленге: Като си чука, ден о кесарово е кесариес, а о Божие е Девлес. ²²Тай като шунде давка, он зачудисале тай като мукле Лес, геле песке.²³Ко също диес але паш Лесте садукея, колато пенен, кай нанай възкресение; тай пучле Лес: ²⁴Учителю, о Мойсей пенгяс: Ако декои мерел би чавенгоро, лескоро прал нека пранденел лескере ромняке тай те ваздел потомъки пе пралеске.²⁵А машкар аменде сине ефта прала; тай о пъво прандесало, тай муло; тай като насине лес потомъки, муклас пе ромня пе пралеске; ²⁶също о второ, тай о трето - жи ко ефта. ²⁷А палал саворенде мули и ромни да. ²⁸Тай чука, ко възкресение каске таро ефта ка овел ромни, соскето он саворе уле ласа?²⁹А Исус в отговор пенгяс ленге: Заблудинен тумен, като на жанен о Писания, нито е Девлескири сила. ³⁰Соскето ко възкресение нито женинен пес, нито омъжвинен пес, но си сар Божии ангела ко небес.³¹А за възкресение е муленге на четингиен ли ковка, ковато о Дел хоратинел туменге, като пенгяс: ³²" Ме синиом Дел Авраамово , Дел Исааково тай Дел Яковово"? Ов нанай Дел е муленге, а е живденге. ³³Тай о множество, като шунгяс давка, чудинелас пес ко учение Лескоро.³⁴А о фарисея, като шунде, смълчингяс е садукеиен, кидисале заедно. ³⁵Тай иек лендар, законники, за те изпитвинел Лес, задиняс лес въпроси: ³⁶Учителю, коя си и бари заповед андо закони?³⁷А Ов пенгяс леске: " Те възлюбинес Господа, тере Девлес, те целоне сърцестар, те целоне душатар, тай те целоне умиестар." ³⁸Дайка си и бари тай и първо заповед.³⁹А второ, подобно сар лате, си кайка: " Те възлюбинес те ближнонес сарто тут". ⁴⁰Калке дуие заповедиенде крепинен пес о цело закони тай о пророкя.⁴¹Тай като сине кидиме о фарисея, Исус пучляс лен: ⁴²Со мислинен е Помазаникиеске? Каскоро чаво си? Пенен Леске: Давидово.⁴³Пенел ленге: Тогава сар о Давид чрез о Духос пенел Леске Дел, тай пенел: ⁴⁴" Пенгяс о Дел мере Девлеске Беш отдясно Манде, докатоположинав Те враговиен Тере подножиесте"?⁴⁵Ако о Давид пенел Леске Дел, сар си лескоро Чаво? ⁴⁶Тай никой нащине отговоринел Леске ни дума; нито па дръзнингяс декой далке диесестар те задел Леске въпрося.

¹Тогава Исус захоратингяс е народоске тай Пе ученикиенге, тай пенгяс: ²Ко Мойсеево седалище бешен о книжникя тай о фарисея; ³затова всичко, со заръчингяс туменге, керен тай пазинен, но според ленгере дела ма постъпинен; понеже хоратинен, а на керен.⁴Соскето свържинен паре тай непоносима бремена, тай налагинен лен упрал и пике е народоске; а коркоре он наманген нито пе наиеса те мърдинен лен. ⁵Но вършинен пе саворе дела, за те дикен лен о мануша; соскето разширинен пе филактериес тай керен баре пе полес пе шехиенгере.⁶тай дехен о първо тан ко угощения, тай о първа столовя ко синагогес, ⁷тай о поздравя ко пазаря, тай те пенен пес таро мануша учителя.⁸Но туме ма пенен тумен учителя; соскето иек си тумаро Учители, Христос, а туме саворе синиен прала. ⁹Тай никас ки пув па наречинен тумаро отец; соскето иек си тумаро Отеци - небесно. ¹⁰Ма пенен тумен наставникя да; соскето иек си тумаро Наставники, Христос.¹¹А о по - баро машкар туменде нека овел туменге слугас. ¹²Но който възвишинел пес, ка смиринел пес; тай който смиринел пес, ка възвисинл пес.¹³Но горко туменге, книжникя тай фарисея, лицемерция! Соскето панден о небесно царство англал о мануша; понеже коркоре туме на ден, нито нито калка кате ден мукен лен те ден. ¹⁴Горко туменге, книжникя тай фарисея, лицемерция, Соскето изхан о кера е вдовициенгере, даже като за показ керен дълга молитвес; далкеске ка приеминен по - баро осъждане. ¹⁵Горко туменге, книжникя тай фарисея, лицемерция! Соскето морес тай суша обикалянен, за те добиинен иеке последователес; тай като ачол савка, керен лес рожба е пъкалеске дуи дром повече тумендар.¹⁶Горко туменге, коре водителя, колато пенен: Ако декой хал совела упрал о храми, нанай нищо; но ако декой хал совела упрал о златос е храмиеске, задължинел пес! ¹⁷Безумна тай коре! Кай кова си по - баро, о златос ли, или о храми, ковато осветлингяс о златос?¹⁸Пенен още: Ако декой хал совела упрал о олтари, нанай нищо; но ако декой хал совела упрал о дари, ковато си упрал лесте, задължинел пес. ¹⁹Безумна тай коре! Кай кова си по - баро, о дари ли, или о олтари, ковато освещинел о дари?²⁰Тай чука, който хал совела упрал о олтари, хал совела упрал лесте тай всичко, ковато си ипрал лесте. ²¹Тай който хал совела упрал о храми, хал совела упрал лесте тай Колкесте, Ковато обитинел анде лесте. ²²Тай който хал совела упрал о небес, хал совела упрал о Божие престоли тай Колкесте, Ковато бешел лесте.²³Горко туменге, книжникя тай фарисея, лицемерция! Соскето ден десятъки таро джоджени , копъри тай кимиони, а пренебрегнингиен о най - важна букя андо закони - о правосъдие, и милост тай и верност; но далка требваше те прилагинен, а окола тена пренебрегнинен. ²⁴Коре водителя, колато прецединен комари, а и камила гълтинен!²⁵Горко туменге, книжникя тай фарисея, лицемерция! Соскето чистинен о външно е чашакоро тай е блюдоскоро; а андрал си перда грабежия тай насилство. ²⁶Кореа фарисеино! Чистине първо о вътрешно е чашакоро тай о блюдос, тай те овел ленгири външност да чисто.²⁷Горко туменге, книжникя тай фарисея, лицемерция! Соскето препен варосане гробниценде, колато аврял дикион шукар, а андрал си перда муликане кокаленца тай всекаквоне нечистотаса. ²⁸Също чука тумеда аврял дикион е манушенге праведна, ама андрал перда лицемериеса тай беззакониеса.²⁹Горко туменге, книжникя тай фарисея, лицемерция! Соскето зидинен о гробницес е пророкиенгере тай поправинен е миморя е праведноненгере, тай пенен. ³⁰Аме, ако живинасас ко диеса амаре даденге, нанайас те съучаствинасас ленца ко проливане о рат е пророкиенгоро. ³¹Чука свидетелствинен против туменде, кай синиен чаве колкенгере, колато избинде е пророкиен.³²Допълнинен тумеда и мярка тумаре даденгири. ³³Сапа! Рожбес ехидна! Сар ка избегнинен осъждането андо пъкали?³⁴Далкеске, аке, Ме бичалав жи туменде пророкия, мъдреци тай книжникя; иекен лендар ка мударен тай ка разпънинен, а аверен лендар ка марен андо синагогес туменге тай ка гонинен лен таро градос жи ко градос; ³⁵за те авел упрал туменде саворо праведно рат, проливиме ки пув, таро рат е праведнонеске Авел жи ко рат на Захария, е Варахиевиескоро чаво, колес мударгиен машкар о светилище тай о олтари. ³⁶Истина пенав туменге: Всичко давка ка авел упрал калке поколениесте.³⁷Йерусалиме! Йерусалиме! Ту, ковато избинес е пророкиен тай баренца мударес е бичалден жи туте, кити дром манглом те кидав тере чада, сарто кокошка прибиринел пе пилциен телал пе криленде, ама на мангенас! ³⁸Аке, тумаро кер мукел пес пусто. ³⁹Соскето, пенав туменге, от акана нанай вече те дикен Ман, жи кай на пенен: Благословиме, Ковато авел е Девлескере алавесте.

¹Тай като иклило Исус таро храми, тай жалас песке, о ученикия Лескере приближисале те покажинен Леске о здания е храмиескер. ²А Ов в отговор пенгяс ленге: На дикен ли всичко давка? Истина пенав туменге: Нанай те ачол ате бар упрал баресте, ковато тена сринингиол.³Тай като бешелас ко Елеонско хълми, о ученикия але паш Лесте коркоресте тай пенде: Пен аменге кана ка овел давка тай саво ка овел о белеги за Тере пришествиеске тай за о свършеки е векоскоро? ⁴Исус в отговор пенгяс ленге: Пазинен тумен тена заблудинел тумен декой ; ⁵соскето мнозина ка авен Мере алавесте, тай ка пенен: Ме синиом о Помазаники, тай ка заблудинен мнозина⁶Тай ка шунен за войни тай слуховя за войни; но внимавинен тена смутиненн тумен; понеже далка букя требва те ачон; но давка още нанай о свършеки. ⁷Соскето ка ваздел пес народос против народосте тай царство против царство; тай разноне таненде ка овел бок тай трусовя. ⁸Но всичко давка ка овел само начало на страдания.⁹Тогава ка преден тумен на оскърбление тай ка мударен тумен; тай ка овен мразиме саворе народостар ашал Мере алавеске. ¹⁰Тай тогава мнозина ка отстъпинен тари вяра, тай иек авресте ка преден пес, тай иек аврес ка мразинен пес. ¹¹Тай бут лъжепророкя ка появинен пес тай ка заблудинен мнозина.¹²Тай понеже ка умножингиол о беззаконие, и любов е мнозинствоскири ка охладнинел. ¹³Но който устоинел жи ко крайос, ов ка овел спасиме. ¹⁴Тай давка благовестие е царствоскоро ка овел проповедиме ки цело вселена за свидетелство саворе народоске; тай тогава ка авел о свършеки.¹⁵Далкеске, като дикен и мерзост, която анел запустение, за колаке хоратинел пророк Даниил, бешли ко свято тан (който четинел, нека ахалол), ¹⁶тогава колка, кате си анди Юдея, нека нашен андо планини; ¹⁷ковато араклол е кереске ко покриви, тена ухлел те лел о букя пе керестар; ¹⁸тай който араклол анди нива, тена иринел пес напапале те лел пе шехя.¹⁹А горко е непердоненге тай кърмещите колке диесенде! ²⁰Далкеске, молинен тумен тена случинел пес о бягство тумаро евендеске или ко съботно диес; ²¹соскето тогава ка овел бари скръб, кате нана ули таро началос е светоске жи акана, тай со да нанай те овел. ²²Тай ако на съкретинеен колка диеса, нанай те избавинел пес нито иек плът; но ашал е избраноненге, колка диеса ка съкратинен пес.²³Тогава ако декой пенел туменге: Аке, ате си о Помазаники, или оте си, ма верувинен; ²⁴соскето ка появинен пес лъжепомазаникя тай лъжепророкия, колато ка покажинен баре знамения тай чудеса, чука че те заблудинен, ако си възможно е избранонен да. ²⁵Аке, предскажингиом туменге.²⁶Тай чука, ако пенен туменге: Аке, Ов си ки пустиния - ма иклион; или: Аке, Ов си андо вътрешна стаиес - ма верувинен. ²⁷Соскето, сарто и светкавица иклол от изток тай дикиол чак до запад, чука ка овел о пришествие е Човешконе Чавескоро. ²⁸Кате овел и трупос, оте ка киден пес о орли да.²⁹А веднага палал и скръб околке диесенде о кам ка потъмнингиол, и луна нанай те дел пи светлина, о звезди ка перен таро небес тай о небесна силес ка разклатингион.³⁰Тогава ка явинел пес ко небес о знамение е Човешконе Чавескоро; тай тогава ка заровен саворе земна племена, като ка дикен е Човешконе Чавес те авел ко небесна облакя силаса тай баре славаса. ³¹Ка бичалел Пере ангелен силноне тръбноне гласоса; тай он ка киден Лескере избранонен таро штар вертища, тари иек крайос е небескоро жи колкесте.³²А сиклон и притча тари смокиня: Като о клоня лакере ковлон тай развинен листовя, жанен, кай си паше о нилай. ³³Също чука тумеда, като дикен всичко давка, те жанен, кай Ов си паше жи ко вудар.³⁴Истина пенав туменге: Давка поколение нанай те пренакел, жи кай нана сбъднингиол всичко давка. ³⁵О небес тай и пув ка пренакен, но Мере думес нанай те пренакен.³⁶А колке диесеске тай сахакиеске никой на жанел, нито о небесна ангела, нито о Чаво, а само о Отец.³⁷Тай сарто сине о Ноева диеса, чука ка овел о пришествие е Човешконе Чавескоро. ³⁸Соскето, сарто колке диесенде англал о потопи ханас тай пиенас, жениненас пес тай омъжвиненас пес жи ко диес, като Ной диняс андо ковчеги, ³⁹тай нана усетинде, жи кай ало о потопи тай завлечингяс саворен, чука ка овел о пришествие е Човешконе Чавескоро.⁴⁰Тогава дуи ка овен ко полес; иек лелпес, а окова мукелпес. ⁴¹Дуи жувля ка мелинен анди мелница; иек лелпес а окоя мукелпес. ⁴²Затова бдинен, соскето на жанен кова диес ка авел тумаро Дел.⁴³Но давка те жанен, кай ако о домакини жанел кова сахати ка авел о чор, ов ка бдинел тай нанай те мукел те подкопинен лескоро кер. ⁴⁴Затова, овен тумеда готова; соскето ко сахати ковато на мислинен, о Човешко Чаво ка авел.⁴⁵Тай чука, кова си о верно тай разумно слугас, ковато о господари лескоро поставингяс упрал пе слугиенде; за те дел лен хабе навреме? ⁴⁶Блажено си ковка слугас, колескоро господари, като ка авел песке, аракел лес, кай керел чука. ⁴⁷Истина пенав туменге, кай ка поставинел лес упрал пе целоне имотиесте.⁴⁸Но ако ковка слугас си канило, тай пенел ан пе сърцесте: Мо господари бависало, ⁴⁹тай ов почнинел те марел пе служителен, тай те хал тай пиел е пияниценца, ⁵⁰о господари колке слугаскоро ка авел ко диес, като ов нана жарел лес, тай ко сахати, ковато нажанел, ⁵¹тай като марел лес паресте, ка определинел лескири участ е лицемериенца; оте ка овел роиба тай скърцане данденца.

¹Тогава о небесно царство ка опреличингиол деше девиценде, колато лиле пе светилникя тай иклиле те посрещнинен е жамутрес. ²А лендар панч сине неразумна тай панч разумна. ³Соскето о неразумна, като лиле пе светилникя, на лиле масло песа. ⁴Но о разумна, заедно пе светилникиенца, лиле масло ан пе съдовиенде.⁵Тай жи кай бавинелас пес о жамутро, додремисало саворенге тай засуте. ⁶А машкар и рат шунде пища: Аке о жамутро авел! Иклон те посрещнинен лес!⁷Тогава саворе колка девицес ухтиниле тай приготвинде пе светилникя. ⁸А о неразумна пенде е разумноненге: Ден амен тумаре маслостар; соскето амаре светилникя мерен. ⁹А о разумна в отговор пенде: Ако на ресел аменге да, туменге да; по - лачес жан ко продавачия тай кинен туменге.¹⁰Тай жи кай он жан те кинен, о жамутро ало; тай о готова дине леса ко бияв, тай о вудар панлило. ¹¹После але колкада девицес тай пенде: Девла, Девла, путер аменге! ¹²А Ов в отговор пенгяс: Истина пенав туменге, нана пенджарав тумен. ¹³Тай чука, бдинен; соскето на жанен ни о диес, ни о сахати, колесте о Човешко Чаво ка авел.¹⁴Соскето си сарто като мануш, ко жаиба анди чужбина, викинел пере слуги тай предел ленге по имане. ¹⁵Иекес диняс панч талантя, аверес дуи, аверес иек, секас според и способност лескири; тай цидингяс. ¹⁶Веднага кавка, кате получингяс о панч талантя, гело тай търгувингяс ленца, тай спечелингяс още панч талантя.¹⁷Също кавка да, ковато получингяс о дуи, спечелингяс още дуи. ¹⁸А кавка, кате получингяс о иек, гело хранляс анди пув тай гарагяс о парес пе господариескере.¹⁹Като накло дълго време авел о господари калке слугенгоро тай мангел ленге сметка. ²⁰Тай като приближисало кавка, ковато получингяс о панч талантя, ангяс още панч талантя тай пенгяс: Господарю, ту динян ман панч талантя; аке, спечелингиом още панч. ²¹О господари пенгяс леске: Шукар, лачо тай верно слугас! Ко хари улан верно, ко бут ка поставинав тут; де анди радост те господариеске.²²Приближисало кавка да, ковато получингяс о дуи талантя, тай пенгяс: Господарю, ту динян ман дуи талантя; аке, спечелингиом още дуи талантя. ²³О господари пенгяс леске: Шукар, лачо тай верно слугас! Ко хари улан верно, ко бут ка поставинав тут; де анди радост те господариеске.²⁴Тогава приближисало ковка, ковато получингяс иек таланти, тай пенгяс: Господарю ме жанавас тут, кай синян строго мануш; жънинес, кате на сеингян, гай кидес, кате на пръскингян; ²⁵тай като даранилом, гелом тай гарагиом о таланти анди пув; аке, иси тут торо.²⁶А о господари лескоро в отговор пенгяс леске: Канило тай лениво слугас! Жанесас, кай жънинав, кате на сеингиом, тай кидав, кате на пръскингиом; ²⁷ту требеше те внесинес ме парес ко банкерия тай като аломас манге, ка лавас моро лихваса.²⁸Далкеске, лен лестар о таланти тай ден лес колкеске, кате иси лес деш талантя. ²⁹Соскето всекас, кас иси, ка дел пес, тай лес ка овел в изобилие; а калкестар, кате нанай лес, лестар ка лел пес давка да, со иси лес. ³⁰А калке безполезноне слугас чивен анди външно тъмнина; оте ка овел роиба тай скърцане данденца.³¹А като ка авел о Човешко Чаво Пе славаса, тай саворе свята ангела Леса, тогава ка бешел Пе славноне престолесте. ³²Тай ка киден пес англал Лесте саворе народовя; тай ка отлъчинел лен иек аврестар, сарто о овчари отлъчинел е овцен таро бузня; ³³тай ка поставинел е овцен Пе десноне ригатар, а е бузниен тари лево риг.³⁴Тогава о Цари ка пенел колкенге, колато си Лескере десноне ригатар: Елан, туме благословиме таро Отца Ми, наслединен о тагарипе, приготвиме туменге таро създаване е светоскоро. ³⁵Соскето бокалилом, тай парваргиен Ман, ожаднингиом, тай напоингиен Ман; странники улом, тай прибирингиен Ман; ³⁶нанго улом, тай уряген Ман; насвало улом, тай посетингиен Ман; анди тъмница улом, тай споходингиен Ман.³⁷Тогава о праведна в отговор ка пенен Леске: Девла, кана диклям Тут бокало, тай парваргям Тут; или жадно, тай напоингям Тут? ³⁸Тай кана диклям Тут странники, тай принирингям Тут; или нанго, тай урягям Тут? ³⁹Тай кана диклям Тут насвало или анди тъмница, тай споходингям Тут? ⁴⁰А о Цари в отговор ка пенел ленге: Истина пенав туменге: Понеже кергиен давка иекеске калкендар таро наи - скромна Мере прала, Манге кергиен лес.⁴¹Тогава ка пенел калкенгеда, колато си Лескере лявоне ригатар: Жан Мандар, туме проклета, анди вечно яг, приготвиме е бенгеске тай лескере ангеленге. ⁴²Соскето бокалилом, тай на парваргиен Ман; ожаднингиом, тай нана напоингиен Ман; ⁴³странники улом, тай на прибирингиен Ман; нанго улом, тай на урявгиен Ман; насвало тай анди тъмница улом, тай на посетингиен Ман.⁴⁴Тогава онда в отговор ка пенен: Девла, кана диклям Тут бокало, или жадно, или странники, или нанго, или насвало, или анди тъмница, тай на послужингям Туке? ⁴⁵Тогава в отговор ка пенел ленге: Истина пенав туменге: Понеже на кергиен давка ни иекеске калкендар таро наи - скромна, Манге да на кергиен лес. ⁴⁶Тай калка ка жан андо вечно наказание, а о праведна - андо вечно животос.

¹Тай Исус като свършингяс саворе далка думес, пенгяс Пе ученикиенге: ²Жанен, кай след два дена ка овел и Пасха тай о Човешко Чаво ка овел предиме на разпятие.³Тогава о главна свещеникя тай о народна старейшинес кидисале андо дворос е първосвещеникиеске, ковато пенелас пес Каиафа, ⁴тай наговорисале те долен е Исусес пирнипнаса, тай те мударен Лес; ⁵но пенде: Тена овел ко празники, за тена ачол вълнение машкар о народос.⁶А като Исус уло анди Витания, андо кер е прокаженонеске Симон, ⁷приближисали жи Лесте иек ромни, която сине ла алабастрено съдос буте скъпоне мироса, ковато чорелас ко шеро Леске, като бешелас ки софра. ⁸А о ученикия, като дикле давка, възнегодувинде, тай пенде: Соске прахосвинел пес давка? ⁹Соскето давка мирос ащине те бикинел пес баре сумаке, която те раздел пес е сиромасиенге.¹⁰Но Исус като пенджаргяс давка, пенгяс ленге: Соске досадинен е ромняке? Ои кергяс лачо делос Манге. ¹¹Соскето о сиромася винаги араклон машкар туменде, но Ме не винаги араклиовав.¹²Соскето ои, като чоргяс давка мирос упрал Ме телосте, кергяс лес, за те приготвинел ман паромнаске. ¹³Истина пенав туменге: Кате да те проповединел пес кавка благовестие ко цело светос, ка разкажинел пес лакере спомениеске тай давка, ковато ои кергяс.¹⁴Тогава иек таро дешудуи, наречиме Юда Искариотски, гело ко главна свещеникя тай пенгяс: ¹⁵Со ка ден ман, тай ме ка предав Лес туменге? Тай он меринде леске триянда сребарникя. ¹⁶Тай от тогава ов роделас удобно случай те предел Лес ленге.¹⁷А ко първо диес е празникиеске е безквасноне маренге о ученикия але паш о Исус тай пенде: Кате мангес те приготвинас Туке, за те хас и Пасха? ¹⁸Ов пенгяс: Жан ко градос паш еди-кой си тай пенен леске: О Учители пенгяс: Мо време си паше, туте ка празнувинав и Пасха Ме ученикиенца. ¹⁹Тай о ученикия керде сарто пенгяс ленге о Исус, тай приготвинде и Пасха.²⁰Тай като ратило, Ов бешло ки софра е дешудо ученикиенца. ²¹Тай като ханас, пенгяс: Истина пенав туменге, кай иек тумендар ка предел Ман. ²²А он, пренаскърбена, почнинде саворе, иек по иек, те пенен Леске: Тена овав ме Девла?²³Ов в отговор пенгяс: Кова топинел по вас заедно Манца андо блюдос, ов ка прердел Ман. ²⁴О Човешко Чаво жал, сарто си пишиме Леске; но горко колке манушеске чрез колесте о Човешко Чаво ка овел предиме! Лачес ка овелас далке манушеске, ако на биянгиолас. ²⁵Тай Юда, ковато прединяс Лес, в отговор пенгяс: Тена овав ме Учителю? Исус пенгяс леске: Ту пенгян.²⁶Тай като ханас, Исус лилас маро, благословингяс тай пагляс лес, тай като делас лес е ученикиенге, пенгяс: Лен, хан-давка си Моро телос.²⁷Лилас и чаша да, тай като благодарингяс, диняс лен тай пенгяс: Пиен латар саворе; ²⁸Соскето давка си Моро рат е ( неве) заветиеске, ковато чориол за мнозина за прощаване е безехенге. ²⁹Но пенав туменге, кай от акана нанай вече те пияв далке плодиестар е лозяке жи колке диесесте, като ка пияв лес туменца нево андо тагарипе Мере Отециеске.³⁰Тай като гилябинде химни, иклиле ко Елеонско хълми. ³¹Тогава Исус пенгяс ленге: Туме саворе ка съблазнинен тумен поради Манде кайка рат; соскето си пишиме: " Ка поразинав е пастириес; тай о овци е стадоскере ка разпръснингион." ³²А след като ка овав възкръсниме, ка изпреваринав тумен анди Галилея.³³А Петър в отговор пенгяс Леске: Дори саворе те съблазнинен пес поради Туте, ме нисар нанай те съблазнинаман. ³⁴Исус пенгяс леске: Истина пенав туке, кай кайка рат, преди те загилябел о башно, трин дром ка отричинес тут Мандар. ³⁵Петър пенгяс Леске: Ако ачол нужда те мерав да Туса, пак нанай те отричинаман Тутар. О също пенде саворе ученикя.³⁶Тогава Исус гело ленца иеке танесте, наречиме Гетсимания; тай пенгяс Пе ученикиенге: Бешен ате, жи кай жав оте те молинаман. ³⁷Тай като лилас песа Петър тай е дуиен Зеведеева чаве, лилас те скърбинел тай те тъгувинел. ³⁸Тогава пенгяс ленге: Ми душа си прескръбно жи мерибнасте; побешен ате тай бдинен заедно Манца.³⁹Тай като пристъпингяс хари нангле, пело упрал мосте тай молинелас пес, тай пенелас: Отче Моро, ако си възможно, нека отнакел Ман дайка чаша; ма обаче, сарто Ме мангав, но сарто Ту мангес. ⁴⁰Тай ирисало ко ученикия, тай аракляс лен засуте, тай пенгяс е Петреске: Сар, нанащине ли иек сахати да те бдинен Манца? ⁴¹Бдинен тай молинен тумен, за тена перен в изкушение. О духос си подро, а о телос немощно.⁴²Пак гело второ дром тай молисало, тай пенгяс: Отче Моро, ако нанай възможно те отнакел Ман кайа чаша, без те пияв ла, нека овел Тери воля. ⁴³Тай като ало пак, араклас лен засуте; соскето ленгере яка сине натегнала. ⁴⁴Тай пак муклас лен тай гело те молинел пес трето дром, като пенгяс пак о съща думес.⁴⁵Тогава ирисало ко уеникия тай пенгяс ленге: Още ли совен тай почивинен? Аке, о сахати наближингяс, като о Човешко Чаво предел пес ко васта е грешникиенге. ⁴⁶Ухкиен те жас Аке, приближинел пес кавка, ковато предел Ман.⁴⁷Тай докато Ов още хоратинелас, аке, о Юда, иек таро дешудуи, ало, тай леса- баро множество чуриенца таи сопиенца, бичалде таро главна свещеникя тай таро народна старейшинес. ⁴⁸А ковка, ковато пределас Лес, динясас лен знаки, тай пенгяс: Колес чумидав, Ов си; долен Лес.⁴⁹Тай веднага приближисало жи ко Исус тай пенгяс: Здравей, Учителю! Тай чумидингяс Лес. ⁵⁰А Исус пенгяс леске: Амала, за соске алан, кер лес. Тогава пристъпинде, товде васта ко Исус тай долде Лес.⁵¹Тай аке, иек калкендар, кате уле е Исусеса, прострингяс вас, икалгяс по мечи тай като чалагяс е слугас е първосвещеникиескерес, чингяс лескоро кан. ⁵²Тогава Исус пенгяс леске: Ирине то мечи лескере танесте; соскето саворе, колато долен пес мечиеса, таро мечи ка загининен. ⁵³Или мислинес, кай нащи молинаман на Отца Си, тай Ов ка бичалел Манге още акана по бут таро дешудуи легиона ангела? ⁵⁴Но сар ка сбъднинен пес о Писания, кай давка требе те овел чука?⁵⁵Ко също сахати пенгяс Исус е народоске: Сар мамуял разбойникиесте ли иклилен чуриенца тай сопиенца те долен Ман? Секо диес бешавас тай поучинавас андо храми, тай на долгиен Ман. ⁵⁶Но всичко давка ачило, за те сбъднингион о пророческа писания. Тогава саворе ученикия мукле Лес тай разнашле.⁵⁷А калка, кате долдесас Исус, ингалде Лес ко първосвещеники Каиафа, кате уле кидиме о книжникя тай старейшинес. ⁵⁸А Петър пирелас палал Лесте удурал жи ко дворос е първосвещеникиеске; тай като диняс андре, бешло е слугенца те дикел о крайос.⁵⁹А о главна свещеникя тай цело синедрион роденас хохавно свидетелство против Исус, за те мударен Лес; ⁶⁰обаче нана аракле, макар кай але бут хохавне свидетеля. Но после але дуи тай пенде: ⁶¹Кавка пенгяс: Ащи разрушинав е Девлескоро храми, таи трине диесенге пак те съградинав лес.⁶²Тогава о първосвещеники ухтинило тай пенгяс Леске: Нищо ли на отговоринес? Со свидетелствинен калка против Туте? ⁶³Но Исус траниелас. О първосвещеники пенгяс Леске: Дав Тут совеля упрал о живдо Дел те пенес аменге, Ту ли синян о Помазаники, Божие Чаво? ⁶⁴Исус пенгяс леске: Ту пенгян. Но пенав туменге: От акана на оте ка дикен е Човешконе Чавес, бешло отдясно ки Сила тай авел ко небесна облакя.⁶⁵Тогава о първосвещеники чингяс пе шехя тай пенгяс: Ов богохулствинел! Сави нужда си амен вече таро свидетеля? Аке, акана шунгям богохулство. Туме со мислинен? ⁶⁶А он в отговор, пенде: Изложисало мерибнаскоро наказание.⁶⁷Тогава чунгаденас Лес андо муи тай бутиненас Лес; а авер чалавенас Лес шамаря тай пененас: ⁶⁸Пенджар, Помазаниче, кой чалагяс Тут.⁶⁹А Петър бешелас аври андо дворос; тай иек слугиния али паш лесте гтай пенгяс леске: Туда улан е Исусеса Галилееца. ⁷⁰А ов отречисало англал саворенде, тай пенгяс: Нанахаловав со хоратинес.⁷¹Тай като иклило ко предверие, дикляс лес авер слугиня тай пенгяс калкенге, кате уле оте: Кавка да уло с Исус Назарянина. ⁷²Тай Петър пак отречисало совеласа: Нана пенджарав е Манушес.⁷³Още хари тай приближисале колка да, колато бешенас наблизо, тай пенде на Петър: Наистина туда синян лендар, соскето торо говори издел тут. ⁷⁴Тогава ов почнингяс те проклининел пес тай те дел пес арманя: Нана пенджарав е Манушес. Тай ко сахати о башно забашляс. ⁷⁵Тай диняс пес годи Петър о думес на Исус, Ковато пенгясас: Англал още о башно те забашляс, трин дром ка отречинес тут Мандар. Тай ов иклило аври, тай руно горко.

¹А ки андиавин саворе главна свещеникя тай народна старейшинес съвещиненас пес против Исус, за те мударен Лес. ²Тай като панле Лес, ингалде Лес тай предине Лес ко управители Пилат.³Тогава Юда, ковато прединясас Лес, като дикляс кай Исус уло осъдиме, разкаисало тай ирингяс о триянда сребърника ко главна свещеникя тай старейшинес, тай пенгяс: ⁴Съгрешингьом, кай прединиом невинно рат. А он пенде: Амен со си грижа? Ту мислине лес. ⁵Тай като чикяс о сребърникя андо храми, иклило тай гело, тай обесисало.⁶А о главна свещеникя лиле о сребърникя тай пенде: Нанай позволиме те товас лен ки храмово каса, понеже си цена ратескири. ⁷Тай като съветвиненас пес, кинде ленца и грънчарово нива за паромнаске на чужденци. ⁸Далкеске койка нива пенгяс пес Кръвно нива, сарто пенел пес жи авдиес.⁹Тогава изпълнисало о пендо чрез о пророк Еремия, ковато пенгяс: " Тай лиле о триянда сребърникя, и цена на Оценения Колес оценинде десаве таро израиляния, ¹⁰тай дине лен за грънчаровата нива, според сарто заповедингяс манге о Дел".¹¹А Исус зачило англал о управители; тай о управители пучляс Лес, като пенгяс: Ту о Юдейско Тагар ли синян? А Исус пенгяс леске: Ту пенес. ¹²Тай като обвининенас Лес о главна свещеникя тай о старейшинес, нищо на отговоринелас. ¹³Тогава о Пилат пенгяс Леске: На шунес ли ките букиенге свидетелствинен против Туте? ¹⁴Но Ов на отговорингяс леске ни иеке варесосте; чука че о управители чудинелас пес бут.¹⁵А секоне празникиесте е управителес сине обичай те мукел е народоске иекес таро затворникя, колес манген. ¹⁶А тогава сине лен иек прочуто затворники, ко алав Варава.¹⁷Тай чука като уле кидиме, Пилат пенгяс ленге: Кас манген те мукав туменге- Варава ли или Исус пендо о Помазаники? ¹⁸Понеже жанелас, кай от завист прединесас Лес. ¹⁹Тай като бешелас ко съдийско престоли, лескири ромни бичалгяс жи лесте те пенен леске: Ма кер нищо Калке Праведникиеске; соскето авдиес бут страдингиом андо соиба ашал Леске.²⁰А о главна свещеникя тай о старейшинес убединде е народос те изпросинен Варава, а Исус те погубинен. ²¹О управители в отговор пенгяс ленге: Колес таро дуи манген те мукав туменге? А он пенде: Варава. ²²Пилат пучляс лен: Тогава со те керав с Исус, пендо о Помазаники? Он саворе пенде: Те овел разпниме.²³А ов пенгяс: Че со канило кергяс? А он още по бут запищинде: Те овел разпниме! ²⁴Тай чука Пилат, като дикляс, кай нисар нана помагине, а напротив, кай ваздел пес размирие, лилас пани, товгяс пе васта англал о народос тай пенгяс: Ме синиом невино за е ратеске Калке Праведникиеске; туме мислинен лес.²⁵Тай саворо народос в отговор пенгяс: О рат Лескоро нека те овел упрал аменде тай упрал амаре чадовиенде. ²⁶Тогава муклас ленге Варава; а Исус маргяс тай прединяс Лес на разпятие.²⁷Тогава о войникия е управителескере ингалде Исус ки претория тай кидинде турял Лесте и цело дружина. ²⁸Тай като нангярде Лес, урявде Лес лоли мантия. ²⁹Тай кувде венеци таро каре, тай товде лес ко шеро Леске, тай товде тръстика ки десница Леске; тай като пеле кочиенде англал Лесте, асанас Леске, тай пененас: Здравей, Тагара Юдейски!³⁰Тай чунгаденас Лес, тай лиле и тръстика, тай чалавенас Лес ко шеро. ³¹Тай след като опетнинде Лес, нангярде Лескири мантия, тай урявде Лес, Лескере шехя, тай ингалде Лес те разпнинен Лес.³²А ко иклиба аракле иеке киринеецос, ко алав Симон; лес товде те пиравел о кръстос Лескоро. ³³Тай като ресле иеке танесте, пендо Голгота, ковато значинел Лобно тан, ³⁴дине Лес те пиел мол, ехмиме жлъчкаса; но Ов като вкусингяс, на манглас те пиел.³⁵Тай като разпнинде Лес, разделинде песке Лескере шехя, като чивте жребий!*. ³⁶Тай бешенас, тай пазиненас Лес оте. ³⁷Тай товде упрал о шеро Леске о обвиниение Лескоро, пишиме ачука: Кавка си Исус, о Юдейско Тагар.³⁸Тогава сине разпниме Леса дуи разбойникя, иек отдясно тай иек отляво. ³⁹А о колка кате накенас отар подигравиненас пес Леске, като клатиненас шере тай пененас: ⁴⁰Ту, Ковато разрушинес о храми, тай трине диесенге пак съградинес лес, спасине Тут; ако синян Божие Чаво, ухли таро кръстос!⁴¹Също о главна свещеникя е книжникиенца тай о старейшинес асанас Леске, тай пененас: ⁴²Аверен избавингяс, апа Пес нащи избавинел! Ов си о Израилево Тагар! Нека ухлел акана таро кръстос, тай ка повервинас Лесте.⁴³Уповинелас пес ко Дел; нека избавинел Лес акана, ако си Леске угодно; понеже пенгяс: Божие Чаво синьом. ⁴⁴Е същоне укуриеса асанас Леске о разпната да Леса разбойникя.⁴⁵А таро шесто сахати тъмнина покринелас цело пув жи ко девето сахати. ⁴⁶А около о девето сахати Исус пищингяс силноне гласоса тай пенгяс: Или, Или, лама савахтани?, тоест: Девла Моро, Девла Моро, соске муклан Ман? ⁴⁷Десаве таро бешле оте, като шунде, пененас: Ов викинел Илия.⁴⁸Тай веднага иек лендар прастанило, лилас гъба, топингяс ла андо шут тай като тогяс ла ки тръстика, диняс Лес те пиел. ⁴⁹А окола пенде: Мук! Те дикас дали ка авел Илия те избавинел Лес. ⁵⁰А Исус, като пищингяс пак силноне гласоса, издъхнингяс.⁵¹Тай аке, и завеса е храмиескири чиндили на две от упрал жи теле, и пув закелгяс, о скали париле, ⁵²о миморя путердиле тай бут теловя муле светииенгере уле възкресиме, ⁵³колато,като иклиле таро миморя палал Лескере възкръснениесте, дине андо свето градос тай явисале на мнозина.⁵⁴А о стотники тай колка, кате заедно леса пазиненас Исус, като дикле о земетресение тай всичко, ковато ачило, дараниле бут, тай пенде: Наистина Кавка сине Чаво е Девлескоро. ⁵⁵Оте сине още тай дикенас удурал бут ромня, колато следвиненас Исус тари Галилея, тай служиненас Леске; ⁵⁶машкар коленде сине Мария Магдалина тай Мария, и даи на Яков тай на Йосий, тай и даи Зеведеевиенгере чавенге.⁵⁷Тай като ратило, ало иек барвало таро Ариматея, ко алав Йосиф, ковато също чука учинелас пес ко Исус. ⁵⁸Ов ало ко Пилат тай манглас е Исусескоро телос. Тогава о Пилат заповедингяс те дел пес леске.⁵⁹Йосиф като лилас о телос, пакяргяс Лес шуже плащаницаса, ⁶⁰тай положингяс Лес пере неве миморасте, ковато изсечингяс анди скала; тай като перагяс баро бар е мимораске ко вудар, гело песке. ⁶¹А оте сине Мария Магдалина тай окоя Мария, колато бешенас мамуял о мимори.⁶²Тай ко следващо диес, ковато сине о диес палал о приготовление за ко празники, о главна свещеникия тай о фарисея кидисале ко Пилат тай пенде: ⁶³Господарю, динямамен годи, кай ковка измамники живдесте пенгяс: Слес трин диеса ка възкресинав. ⁶⁴Заповедине о мимори те пазинелпес здраво жи ко трето диес, тена о ученикия Лескере авен тай те чорен Лес, тай те пенен е народоске: Възкръснингяс таро муле. Чука и последно измама ка овел по-канили тари първо.⁶⁵Пилат пенгяс ленге: Лен стража; жан завардинен лес сар жанен. ⁶⁶Он геле тай завардинде о мимори, като запечатинде о бар с помощ тари стража.

¹А като накли и събота, ко разсъмване е първоне диесеске таро курко але Мария Магдалина тай окоя Мария те дикен о мимори. ²Тай, аке, ачило баро труси; соскето ангели таро Дел ухлило таро небес, тай пристъпингяс тай ухлягяс о бар, тай бешло лесте.³Лескоро изгледи сине сар светкавица тай лескере шехя парне сар ив. ⁴Тай пе даратар лестар о страажааря издранас тай ачиле сар муле.⁵А о ангели захоратингяс, като пенгяс е ромниенге: Туме ма даран, соскето жанав, кай роден е разпънатоне Исусес. ⁶Нанайстало ате; соскето възкръснингяс, сарто да пенгяс; елан, дикен о тан, кате пашлолас о Дел. ⁷Жан бързо те пенен е ученикиенге Лескеренге, кай възкръснингяс таро муле; тай аке, Ов жал англал туменде анди Галилея; оте ка дикен Лес; аке пенгиом туменге.⁸Тай он иклиле бързо таро мимори дараса тай баре лошаласа, тай запрастаниле те пенен е ученикиенге Лескеренге. ⁹Тай аке, Исус ресло лен тай пенгяс: Здравейте! А он приближисале, долде пес ко пире Леске, тай поклонисале Леске. ¹⁰Тогава Исус пенгяс ленге: Ма даран; жан, пенен Ме праленге те жан анди Галилея, тай оте ка дикен Ман.¹¹Жи кай он жан, аке, десаве таро стражес але андо градос тай пенде е главноне свещеникиенге всичко, ковато ачило. ¹²Тай он, като кидисале е старейшиненца тай съвещиненас пес, дине е войникиен пердо парес тай пенде: ¹³Пенен, кай о ученикия Лескере але машкар и рат тай чорде Лес, жи кай аме совасас.¹⁴Тай ако слухи далкесе ресел жи ко управители, аме ка убединас лес, а тумен ка избавинас тари грижа. ¹⁵Тай чука, он лиле о парес тай керде, сар уле сикавде. Тай тогава, ковато он пенде, разнесисало машкар о юдея, тай продължинес даже жи авдиес.¹⁶А о дешуиек ученикия геле анди Галилея, ки планина кате Исус определингяс ленге. ¹⁷Тай като дикле Лес, поклонисале Леске; а десаве съмнявисале.¹⁸Тогава Исус приближисало паш ленде тай хоратингяс ленге, тай пенгяс: Диняс пес Манге всеко власт ко небес тай ки пув. ¹⁹Тай чука, жан, сикавен саворе народос, тай кръстинен лен ко алав на Отца тай Сина, тай Святия Дух,²⁰като сикавен лен те пазинен всичко, ковато заповедингиом туменге; тай аке, Ме синиом туменца презало саворе диеса жи ко свършеки е векоске. (Амин.)

¹О началос е благовестиескоро на Исуса Христа, е Девлескоро Чаво; ²сарто си пишиме андо пророк Исася: " Аке, Ме бичалав англал Те лицесте Ме вестителес, ковато ка устроинел Торо дром англал Туте; ³гласос иекескоро, ковато пищинел анди пустиния: Приготвинен и дром е Девлеске. Права керен о пътекес Лескере."⁴О Йоан ало, ковато кръстинелас анди пустиния, таи проповединелас кръщение покаибнаске за опростиба е безехенгоро. ⁵Тай иклолас паш лесте цело Юдейско риг тай о ерусалимция, тай саворе кръстиненас пес лестар анди река Йордан, като изповединенас пе безеха. ⁶А о Йоан пиравелас шехя тари камилско козина тай кожено пояси около пе думесте, тай халас акридес тай диво авгин.⁷Тай като проповединелас, пенелас: Палал манде авел Ковка, Ковато си по-силно мандар, Колеске на синиом достоино те бангиовав те путрав и ремъки Лескере потиниенгоро. ⁸Ме кръстинав тумен паниеса; а Ов ка кръстинел тумен е Святоне Духоса.⁹Презал далке диесенде ало о Исус таро Назарет Галилейски тай кръстисало таро Йоан андо Йордан. ¹⁰Тай като иклило веднага таро пани, диклас, кай путергион о небеса, тай кай о Духос сар куши ухлел упрал Лесте. ¹¹Тай ало гласос таро небеса: Ту синян Моро възлюбиме Чаво; анде Туте си Моро благоволение.¹²Тай сиго о Духос ингалгяс Лес анди пустиния. ¹³Тай уло анди пустиния саранда диеса, изкушиме таро Сатана, тай уло е зверовиенца; тай о ангела служиненас Леске.¹⁴А след като о Йоанес уло предиме е власттиенге, о Исусес ало анди Галилея тай проповединелас о благовестие за е Девлескоро тагарипе, като пенелас: ¹⁵О време изпълнисало тай е Девлескоро тагарипе наближингяс; покаинен тумен тай верувинен андо благовестие.¹⁶А като накелас турял о Галилейско езерос*, диклас е Симонес тай о прал е Симонескоро, о Андрей, кай чивенас мрежес андо езерос, понеже уле рибария. ¹⁷Тай о Исусес пенгяс ленге: Пирен палал Манде, тай Ме ка керав тумен те ачон ловци манушенгере. ¹⁸Тай он веднага мукле о мрежес тай геле палал Лесте.¹⁹Тай като наклопес хари, диклас е Яковиес Зеведеев тай лескоро прал о Йоан, колато чука също уле ан пе ладияте тай кърпиненас о мрежес. ²⁰Тай веднага викингяс лен; тай он мукле пе дадес о Зеведей анди ладия е надничариенца тай цидинде палал Лесте.²¹Тай але андо Капернаум; тай незабавно анди събота о Исус диняс анди синагога тай почнингяс те поучинел. ²²Тай он чудиненас пес Лескере учениеске; соскето поучинелас лен сар иек, ковато иси лес власт, а ма сар о книжникия.²³Тай сиго палал далкесте араклолас анди синагога ленге мануш, долдо нечистоне духостар, ковато пищингяс, като пенгяс: ²⁴( Мук амен!) Со иси Тут аменца, Исусе Назарянине? Тена алан те погубинес амен? Пенджарав Тут Кова синян, о Свято е Девлескоро. ²⁵Но о Исус смъмрингяс лес, като пенгяс: Трание тай икли лестар! ²⁶Тогава о нечисто духос, като сгърчингяс лес, пищингяс силноне гласоса тай иклило лестар.²⁷Тай саворе смаисале, чука кай разисквиненас машкар песте, като пенде: Со си давка? Иек нево учение! С власт заповединел е нечистоне духовиенге, тай он покоринен пес Леске! ²⁸Тай о слухи за Леске разнесисало сиго наеред ки цело Галилейско околност.²⁹Тай като иклиле тари синагога, але е Яковиеса тай е Йоанеса андо кер е Симонеске тай е Андрейеске. ³⁰А е Симонескири сасуи пашлолас насвали трескатар; тай веднага пенде Леске за лаке. ³¹Тай Ов приближисало, тай като долгяс ла таро вас, ваздингяс ла; тай ( ко сахати) и треска муклас ла, тай ой прислужвинелас ленге.³²Тай като ратило, като гаравгиол о кам, анде паш Лесте саворе насвален тай долде бесостар. ³³Тай цело градос кидисало англал о вудар. ³⁴Тай Ов изцелингяс мнозинен, колато страдиненас разноне болестиендар, тай гонингяс буте бесовиен; тай нана позволинелас е бесовиенге те хоратинен, понеже пенджаренас Лес.³⁵Тай андиавин, като сине още рат, ухтинило, тай иклило тай гело анде уединоне танесте, тай оте молинелас пес. ³⁶А о Симон тай колка, колато уле Леса, запрастаниле палал Лесте. ³⁷Тай като аракле Лес, пенде Леске: Саворе роден Тут.³⁸А Ов пенгяс ленге: Те жас аврете, ко паше градовя, тай отеда те проповединав; соскето далкеске иклилом. ³⁹Тай Ов делас андо синагогес ленге ки цело Галилея, като проповединелас тай гонинелас бесовиен.⁴⁰Тай ало паш Лесте иек прокажено, тай молинел пес Леске, пело кочиенде англал Лесте, тай пенгяс: Ако мангес, ащи те очистинес ман. ⁴¹Тай о Исус смилисало, протегнингяс вас, доприсало жи лесте тай пенгяс леске: Мангав; ов очистиме. ⁴²Тай веднага и проказа муклас лес, тай ов очистисало.⁴³Тай ко сахати бичалгяс лес тай заръчингяс леске строго, като пенгяс леске: ⁴⁴Внимавин тена пенес никаске нищо; но свидетелствоске за ленге, жа покажине тут е свещеникиеске, тай принесине те очистимнаске давка, ковато заповедингяс о Мойсей.⁴⁵А ов, като иклило, почнингяс те разгласинел бут тай те разнесинел со ачило, чука че о Исус нащине вече те дел явно анде десаве градосте, но араклолас аври анде уединоне таненде; тай авенас паш Лесте секатар.

¹След неколко диеса Ов пак диняс андо Капернаум; тай разшундило, кай уло андо кер. ²Тай мнозина кидисале, чука кай тай около о вудар нащине киден пес; тай Ов хоратинелас ленге о Словос.³Тай але, тай анде паш Лесте иеке паралитикиес. Штар пиравенас лес; ⁴тай като нащине приближинен пес жи Лесте ашал о народос, разкринде о покриви е керескоро, кате уло, тай путерде лес, тай мукле и постелка, колате пашлолас о паралитики.⁵А о Исус, като диклас ленгири вяра, пенгяс е паралитикиеске: Мочо, простинен пес те безеха. ⁶А сине оте десаве таро книжникия, колато бешенас тай размишлиненас анде пе сърценде: ⁷Кавка соске хоратинел чука? Ов богохулствинел. Кой ащи простинел безеха, освен иек Дел?⁸Тай о Исус, като ахалило ведна Пе духоса, кай чука размишлинен анде песте, пенгяс ленге: Соске размишлинен давка анде тумаре сърценде? ⁹Кова си по-лесно, те пенав е паралитикиеске: Простинен пес те безеха, или те пенав: Ухти вазде ти постелка тай пир?¹⁰Но за те пенджарен, кай и Човешко Чаво силес власт ки пув те простинел безеха (пенел е паралитикиеске): ¹¹Туке пенав: Ухти, вазде ти постелка тай жа те кересте. ¹²Тай ов ухтинило, веднага ваздингяс и постелка тай иклило англал саворенде; чука кай саворе удивиненас пес тай славиненас е Девлес, тай пененас: Нисар на диклам савка варесо.¹³Тай пак иклило турял о езерос; тай о цело множествос авел паш Лесте, тай Ов поучинелас лен. ¹⁴Тай като накелас, диклас е Леви Алфеев, бешло андо бирничество, тай пенгяс леске: Пир палал Манде. Тай ов ухтинило тай цидингяс палал Лесте.¹⁵Тай като о Исус бешелас ки софра андо кер леске, заедно Леса бешенас о ученикия Лескере, тай бут бирникия тай грешникия; соскето уле мнозина тай пиренас палал Лесте. ¹⁶Тогава о книжникия тай о фарисея, като дикле, кай Ов хал е грешникиенца тай е бирникиенца,пенде Лескере ученикиенге: Соске хал (тай пиел) е бирникиенца тай е грешникиенца?¹⁷Тай о Исус, като шунгяс давка, пенгяс ленге: О састе нанай лен нужда лекариестар, а о насвале; нана алом те призовинав е праведнонен, а е грешнонен (покаимнасте).¹⁸А о Йоанова тай о фарисейска ученикия постиненас; тай але, тай пучле Лес: Соске постинен о Йоанова тай и фарисейска ученикия, а Тере ученикия нана постинен? ¹⁹А о Исус пенгяс ленге: Ащи ли о свадбария те постинен, жи кай си ленца о жамутро? Жи кай о жамутро си ленца, нанащи постинен.²⁰Ка авен обаче диеса, като о жамутро ка лел пес лендар, тай тогава, анде далке времесте, ка постинен. ²¹Никой на пресивел кръпка неве платостар пуране шехиесте; соскето и кръпка ка парагиол таро шехя, о нево - таро пурано, тай о паравдо ка ачол по-канило.²²Тай никой нана наливинел неви мол андо пуране меховя; иначе, и неви мол ка парярел о меховя тай хабингион и мол, тай о меховя; но наливинен неви мол андо неве меховя.²³Тай анди иек събота*, като накелас презал о посевя, Лескере ученикия, като пиренас ко дром, почнинде те чинен класовя. ²⁴Тай о фарисея пенде Леске: Дик! Соске керен анди събота со нанай позволиме?²⁵А Ов пенгяс ленге: Нана четингиен ли нисар со кергяс о Давид, като уло анди нужда, тай бокалило ов тай о мруша, колато уле леса? ²⁶Сар диняс андо кер е Девлеске, като о Авиатар уло първосвещеники тай халяс о присъствена маре, колато нанай позволиме никаске те хан, освен е свещеникиенге, като диняс колкенда , колато уле леса?²⁷Тай пенгяс ленге: И събота си керди е манушеске, а ма о мануш е съботаке; ²⁸чука кай о Човешко Чаво си господари е съботаке.

¹Тай диняс пак анди синагога; тай оте сине мануш шукярде вастеса. ²Тай наблюдиненас Лес дали ка изцелинел лес андо съботно диес, тай те обвининен Лес.³Ов пенгяс е манушеске е шуке вастеса: Изправине тут ко машкар. ⁴Тогава ленге пенгяс: Позволиме ли си те керел пес лачипе андо съботно диес, или те керел пес зло? Те спасинел ли пес животос, или те погубинел пес? А он траниенас.⁵А като диклас лен гневиеса, наскърбиме ашал о закоравиме сърца ленгере, пенгяс е манушеске: Протегнине то вас. Ов протегнингяс лес; тай лескоро вас састило. ⁶Тай о фарисея, като иклиле, веднага разберисале е иродианиенца против Лесте сар те погубинен Лес.⁷Тогава о Исус цидисало Пе ученикиенца карик о езерос, тай баро множествос тари Галилея гело палал Лесте. ⁸Тай тари Юдея, таро Ерусалим, таро Идумея, отвъд о Йордан, тай таро тана турял о Тир тай Сидон, иек баро множествос ало паш Лесте, като шунде кити бут чудеса керелас.⁹Тай поръчингяс Пе ученикиенге те услужинен Леске иеке ладиаса ашал о народос, за тена притискинен Лес. ¹⁰Соскето изцелингясас мнозинен, чука кай, колао страдиненас болестиендар, натискиненас Лес, за те допиринен пес жи Лесте.¹¹Тай о нечиста духовя, като дикенас Лес, перенас англал Лесте тай пищиненас, тай пененас: Ту синян е Девлескоро Чаво. ¹²Но Ов строго заръчинелас ленге тена разгласинен Лес.¹³Палал далкесте качисало ко хълми тай викингяс паш Песте колкен, колен мангелас; тай он геле паш Лесте. ¹⁴Тай определингяс дешудуи жене*, за те овен Леса, тай за те бичалел лен те проповединен, ¹⁵тай те овел лен власт те лекувинен болестя тай те гонинен бесовиен. ¹⁶Определингяс: О Симон, колес диняс о алав Петър;¹⁷о Яков Зеведеев тай о Яково прал о Йоан, колес диняс о алав Воанергес, демек,о Гърмеща*; ¹⁸тай о Андрей тай о Филип, о Вартоломей тай о Матей, о Тома тай о Яков Алфеев, о Тадай тай о Симон Зилот, ¹⁹тай о Юда Искариотски, ковато прединяс Лес.²⁰Тай диняс анде иеке кересте; тай о народос пак кидисало, чука кай Ов тай Лескере ученикия нащине те хан маро. ²¹А Лескере близка, като шунде давка, иклиле, за те долен Лес; соскето пененас, кай нанай Песте. ²²Тай о книжникия, колато ухлилесас таро Ерусалим, пененас кай анде Лесте си о Веелзевул тай кай гонинел е бесовиен чрез о началники е бесовиенгоро.²³Но Ов, като викингяс лен, пенелас ленге притченца: Сар ащи о Сатана те гонинел Сатана? ²⁴Ако иек тагарипе разделинел пес против песте, давка тагарипе нащи устоинел. ²⁵Тай ако иек кер разделинел пес против песте, давка кер нащи ка устоинел.²⁶Тай ако о Сатана ухтинило против песте тай разделисало, ов нащи устоинел, но ало лескоро крайос. ²⁷Обаче никой нащи дел андо кер е силноне манушеске те ограбинел лескири покъщнина, ако първо нана пандел е силнонес, тай тогава ка ограбинел лескоро кер.²⁸Истина пенав туменге, кай саворе безеха е човешконе чавенгере ка овен простиме, тай саворе хулес, коленца ащи богохулствинен; ²⁹но ако декой похулинел о Свято Духос, за леске нанай прошка жи ко векос, а си виновно вечноне безехаке. ³⁰Давка пенгяс Ов, соскето пененас: Силес нечисто духос.³¹Тай але Лескири дай тай Лескере прала, тай като бешенас аври, бичалде жи Лесте те викинен Лес. ³²А турял Лесте бешелас иек множествос; тай пенде Леске: Аке, Ти дай тай Те прала аври, роден Тут.³³Тай в отговор пенгяс ленге: Коя си Ми дай? Тай кола си Ме прала? ³⁴Тай като диклас е бешлен турял Лесте, пенгяс: Аке Ми дай тай Ме прала! ³⁵Соскето, ковато керел е Девлескири воля, ов си Манге прал, тай пен, тай дай.

¹Тай пак почнингяс те поучинел турял о езерос. Тай кидисало паш Лесте иек твърде баро множествос, чука кай Ов диняс анде иеке ладияте тай бешелас андо езерос; а о цело множествос уле ко шукипе турял о езерос. ²Тай поучинелас лен бут притченца, тай пенелас ленге анде Пере учениесте:³Шунен: Аке, о сеячи иклило те сеинел. ⁴Тай като сеинелас, десаве зърна пеле ко дром; тай о птицес але, тай изкълвинде лен. ⁵Авер пеле ко канаристо тан, кате на сине бут пув, тай сиго никнинде, соскето на сине дълбоко почва;⁶а като иклило о кам, претабиле, тай понеже на сине лен корени, шукиле. ⁷Тай авер пеле машкар о каре; тай о каре бариле тай заглушинде лен, тай нана дине плоди.⁸А авер пеле лаче пувяте тай денас плоди, ковато бариолас тай умножингиолас, тай принесинде кова триянда, кова пиндудеш тай кова шел. ⁹Тай пенгяс: Кас иси кана те шунел, нека шунел.¹⁰Тай като ачило коркоро, колка, колато уле турял Лесте е дешудонца , пучле Лес е притченге. ¹¹Тай пенгяс ленге: Туменге си дендо те пенджарен и тайна е Девлескере тагарипнаскоро; а колкенге, о авруне, всичко си притчес; ¹²чука кай кола дикен нека дикен, тай тена дикен, тай кола шунен те шунен, а тена ахалон; за тена иринен пес тай те простинел пес ленге (и безех).¹³Тай пенел ленге: Нана ахалон ли кайка притча? А сар тогава ка ахалон саворе притчес? ¹⁴О сеячи сеинел о словос. ¹⁵А колка ко дром, кате сеинел пес о Словос, си салка, колато, като шунен лес, о Сатана веднага авел тай грабинел о посяно анде ленде Словос.¹⁶Също о посяно ко канариста тана си калка, колато, като шунен о Словос, веднага лошаласа приеминен лес; ¹⁷нанаи лен обаче корени анде ленде, а си кратковременна; после, като авел напаст или гонение ашал о Словос, веднага съблазнинен пес.¹⁸О посяно машкар о каре си колка, колато шунде о Словос; ¹⁹но о грижес е светоскере, и примамка е барвалипнаскири тай о пожелания авере букиенгере, като ден анде ленде, заглушинен о Словос, тай ов ачол биплодно. ²⁰А о посяно ки лачи шув си калка, колато шунен о Словос, приеминен лес тай ден плоди, триянда, пиндудеш, тай шелкратно.²¹Тай пенгяс ленге: Далкеске ли анел пес о светилос, за те товен лес телал о шиники* или телал о тан? Ма далкеске ли, за те товен лес ко светилники? ²²Соскето нанаи варесо тайно, ковато тена явинел пес; нито сине варесо спотаено, освен за те иклол наяве. ²³Ако си декас кана те шунел, нека шунел.²⁴Пенгяс ленге също: Внимавинен анде далкесте, ковато шунен. Саве меркаса меринен, ка отмерингиол туменге, туменгеда, кова шунен ка прибавинел пес туменге. ²⁵Соскето, кас иси, леске ка дел пес, а кас нанай, лестар ка лел пес давкада, ковато си лес.²⁶Тай пенгяс: Е Девлескоро тагарипе си също сарто като мануш чивел семес анди пув; ²⁷тай совел, тай ухкиел ират тай о диес; а сар никнинел тай бариол о семес, ов нажанел. ²⁸И пув коркори пестар произвединел, първо стрък, после класос, палал далкесте пълно зврнос андо класос. ²⁹А като узреинел и плоди, ко сахати бичалел о сърпи, соскето али и жетва.³⁰Паш далкесте пенгяс: Состе те опреличинас е Девлескоро тагарипе, или саве притчаса те представинас лес? ³¹Ов препел синаповоне зърносте, ковато, като садинел пес анди пув, си по-цикно саворе семенонендар, колато си ки пув; ³²но като садинел пес, бариол тай ачол по-баро саворе злаковиендар, тай мукел баре клоня, чука кай телал и сянка леске ащи подслонинен пес о птицес таро небес.³³Буте салке притченца прогласинелас ленге о Словос, според сарто ащине шунен. ³⁴А би притчакоро на хоратинелас ленге; но коркоресте обяснинелас Пере ученикиенге.³⁵Тай андо също диес, като ратило, о Исус пенгяс ленге: Те накас окоя рик. ³⁶Тай като размукле е народос, лиле Лес песа анди ладия, чука сарто сине; тай сине авер ладиес Леса. ³⁷Тай ваздисали бари бурия, тай о вълни дине анди ладия, чука кай ой вече периолас паниеса.³⁸А Ов сине ки палуни риг, засуто шерандесте; тай он ухкярен Лес тай пенен Леске: Учителю, нима нанай Тут грижа, кай загивинас? ³⁹Тай Ов, като ухтинило, смъмрингяс и балвал тай пенгяс е езероске: Трание! Утихнине! Тай и балвал спирингяс, тай ачили бари тишина.⁴⁰Тай пенгяс ленге: Соске синиен дики даравне? Още ли нанай тумен вяра? ⁴¹Тай бари дар долгяс лен; тай он пенде песке иек авереске: Кова си Кавка, кай и балвал, тай о езерос покоринен пес Леске?

¹Тай чука, накле окоя рик ко езерос анди Гадаринско* рик. ²Тай като иклило тари ладия, ко сахати таро миморя ресло Лес иек мануш нечистоне духоса.³Ов живинелас ко миморя тай никой вече нащине пандел лес даже веригенца; ⁴соскето бут дрома панденас лес оковенца тай веригенца; но ов чинелас о веригес тай пагелас о оковес; тай никас насине сила те укротинел лес.⁵Тай винаги, ират тай о диес, андо миморя тай ко хълмовя, ов пищинелас тай изпосечинелас пес баренца. ⁶А като диклас е Исусес удурал, прастанило тай поклонисало Леске;⁷тай пищингяс силноне гласоса, тай пенгяс: Со иси Тут манца, Исусе, Чавея е Всевишноне Девлескоро? Дав тут совеля андо Дел, ма мъчине ман. ⁸( Соскето о Исус пенгяс леске: Икли таро мануш, духос нечисто.)⁹Тай о Исус пучляс лес: Сар си то алав? А ов пенгяс Леске: Легион си мо алав; соскето синям мнозина. ¹⁰Тай бут молингяс пес Леске тена бичалел лен аври тари страна.¹¹А оте, ко хълми, пасинелас баро стадос баличе. ¹²Тай о бесовя молиненас пес Леске, като пененас: Бичал амен андо баличе, за те дас анде ленде. ¹³О Исус позволингяс ленге. Тай о нечиста духовя иклиле, тай дине андо баличе; тай о стадос, около дуи хиляда, муклас пес нателе ки стръмнина тай таслиле андо езерос.¹⁴А колка, колато пасиненас е баличен, нашле тай пенде давка андо градос тай андо гава. Тай о жителя але те дикен со ачило. ¹⁵Тай като але паш о Исус, дикле е долдес по-преди таро бесовя, анде колесте сине о легиони, кай бешел урявдо тай смислено; тай дараниле.¹⁶Тай колка, колато диклесас, разкажинде ленге со ачило е долдеса таро бесовя тай е баличенге. ¹⁷Тай он почнинде те молинен пес Леске те жал песке ленгере пределендар.¹⁸Тай като делас анди ладия, кавка, ковато уло долдо бесовиендар, молинелас пес Леске те овел заедно Леса. ¹⁹Обаче о Исус на муклас лес, но пенгяс леске: Жа туке кере тумаренде тай пен ленге саве велика букя кергяс туке о Дел тай сар смилисало упрал туте. ²⁰Тай о мануш цидингяс тай почнингяс те разгласинел андо Декапол саве велика букя кергяс леске о Исус; тай саворе чудиненас пес.²¹Като о Исус пак накло е ладияса окоя рик, кидисало паш Лесте баро множествос; тай Ов сине турял о езерос. ²²Тай ало иек таро началникия е синагогаке, ко алав Яир, тай като диклас Лес, пело англал Лескере пиренде, ²³тай бут молингяс пес Леске, като пенелас: Ми цикни чаи мерел; молинаман Туке те авес тай те положинес васта упрал лате, за те саскиол, тай те живинел. ²⁴Тай Ов гело леса; тай иек баро множествос пирелас палал Лесте, тай о народос притискинелас Лес.²⁵Тай иек ромни, колато сине кръвотечение дешудуи бреша, ²⁶тай бут пострадингясас мнозине лекариендар, тай пропилингяс по цело имоти, без те дикел десави полза, а напротив, ачилосас лаке по-зле, ²⁷като шунгяс за е Исусеске, али машкар о народос изпалал тай допирисали жи ко шехи Леске.²⁸Соскето пенелас песке: Ако само допиринаман жи ко шехи Леске, ка саскиовав. ²⁹Тай ко сахати пресекнингяс лакоро кръвотечение, тай ой усетингяс ан пе телосте, кай изцелисали тари болест.³⁰Тай веднага о Исус, като усетингяс анде Песте, кай иклили Лестар сила, ирисало машкар о народос тай пенгяс: Кой допирисало жи Ме шехиенде? ³¹О учеиникия пенде Леске: Ту дикес, кай о народос притискинел Тут, а пучес: Кой допирисало жи Манде? ³²Но Ов раздикелас, за те дикел калка, която кергяс давка.³³А и ромни, даранили тай издралас, като жанелас со ачило ласа, али тай пели англал Лесте, тай пенгяс Леске и цело истина. ³⁴А Ов пенгяс лаке: Мичаи, тери вяра изцелингяс тут; жа туке с мир, тай ов састи тере болестиатар.³⁵Жи кай Ов още хоратинелас, авен таро кер е началникиеске е синагогакоро тай пенен: Ти чаи мули; соске още затруднинес е Учителес?³⁶А о Исус, като шунгяс о думес, колато хоратиненас, пенгяс е началникиеске е синагогакоро: Ма дара, само верувине. ³⁷Тай никаске на позволингяс те придружинен Лес, освен е Петреске, е Яковиеске тай е Яковове пралеске о Йоан. ³⁸Тай като але жи ко кер е началникиеске е синагогакоро, Ов диклас вълнение тай мнозина, колато ровен тай пищинен бут.³⁹Тай като диняс, пенгяс ленге: Соске вазден шуми тай ровен? О чаво нана муло, а совел. ⁴⁰А он асанас Леске. Но Ов, като икалгяс наври саворен, лилас е дадес тай е дая е чавескерес, тай колка, колато уле Леса, тай диняс оте, кате сине о чаво.⁴¹Тай като долгяс е чавес таро вас, пенгяс леске: Талита куми; ковато значинел: Чае, туке пенав, ухти! ⁴²Тай и чаи веднага ухтинили, тай пирелас, соскето сине дешудуие брешенгири. Тай он смаисале твърде бут. ⁴³Тай бут заръчингяс ленге никой тена ахалол давка; тай заповедингяс те ден ла варесо те хал.

¹Тай о Исус иклило отар тай ало анде Пере родинате; тай Лескере ученикия пиренас палал Лесте. ²Тай като ачило събота, почнингяс те поучинел анди синагога; тай мнозина, като шуненас Лес, чудиненас пес тай пененас: Катар иси Калке манушес всичко давка? Тай сави си Лескири денди мъдрост, тай саве си далка велика дела, керде таро васта Леске? ³Кавка нанай ли о дърводелцос, чаво е Мариякоро, тай прал на Яков тай Йосий, е Юдаске тай е Симонеске? Тай Лескере пеня нанай ли ате машкар аменде? Тай он съблазнисале анде Лесте.⁴А о Исус пенгяс ленге: Нисаво пророки нанай без почит, освен пере родинате, тай машкар пере сродникиенде, тай анде пере кересте. ⁵Тай нащине керел оте нисаво велико делос, освен като положингяс васта малциноне насваленге тай изцелингяс лен. ⁶Тай чудинелас пес ленгере невериесте. Тай обикалянелас о околна гава тай поучинелас.⁷Тай като викингяс е дешудон, почнингяс те бичален лен дуи по дуи, тай диняс лен власт упрал о нечиста духовя. ⁸Тай заповедингяс ленге тена лен нищо за ко дром, освен иек тояга; ни маро, ни торба, ни парес андо пояси; ⁹но те поденен пес сандаля тай тена уриен дуи гада.¹⁰Тай пенгяс ленге: Кате да те ден анде варесаве кересте, ачон анде лесте, жи кай иклон туменге отар. ¹¹Тай ако десаве танесте нана приеминен тумен, нито шунен тумен, като иклон отар, тресинен о прахос тумаре пирендар, свидетелствоске против ленде*.¹²Тай он иклиле тай проповединенас, кай о мануша требе те покаинен пес. ¹³Тай гониненас буте бесовиен, тай мнозине насвален помажиненас маслоса, тай изцелиненас лен.¹⁴Тай о тагар о Ирод шунгяс за е Исусеске (соскето Лескоро алав ачило известно) тай пенелас: О Йоан Кръстител възкръснингяс таро муле тай далкеске калка велика силес действинен чрез Лесте. ¹⁵А авер пененас, кай си о Илияс. Авер па пененас, кай Ов си пророки, сар иек таро пурано време пророкия.¹⁶Но о Ирод, като шунгяс за Леске, пенгяс: Кавка си о Йоан, колес ме обезглавингиом, ов възкръснингяс. ¹⁷Соскето давка Ирод бичалгясас те долен е Йоанес тай те панден лес анди тъмница, ашал е Иродиадаке, ромни лескере пралескири о Филип, понеже лиласас ла ромняке.¹⁸Соскето о Йоан пенелас е Иродиеске: Нанай туке позволиме те овел тут те пралескири ромни. ¹⁹А и Иродиада настроисали против лесте тай мангелас те мударел лес, но нащине; ²⁰соскето о Ирод даралас таро Йоан, като жанелас, кай ов си мануш праведно тай свято, тай пазинелас лес зоралесте; тай като шунелас лес, бут двоуминелас пес со те керел, тай с удоволствие шунелас лес.²¹Тай като ачило сгодно диес, като о Ирод за пе рождениеске кергяс вечеря пе баренге тай е хилядникиенге, тай е галилейсконе старейшиненге, ²²тай и чаи е Иродиадакири диняс тай келгяс, ой угодингяс е Иродиеске тай о бешле леса; тай о тагар пенгяс е чаяке: Манг мандар со мангес, тай ка дав лес туке.²³Тай халяс лаке совеля: Со да те мангес мандар, ка дав тут, даже екваш ме тагарипнастар. ²⁴А ой иклили тай пенгяс пе даяке: Со те мангав? Тай ой пенгяс: О шеро на Йоан Кръстител. ²⁵Тай ко сахати и чаи диняс сиго паш о тагар, тай манглас, като пенгяс: Мангав те дес ман още акана на блюдо о шеро на Йоан Кръстител.²⁶Тай о тагар наскърбисало бут; но пак; ашал пе совеленге тай ашал е бешленге леса, на манглас те откажинел лаке. ²⁷Тай веднага о тагар бичалгяс иеке палачиес, колеске заповедингяс те анел лескоро шеро; тай ов гело, тай обезглавингяс лес анди тъмница, ²⁸тай ангяс лескоро шеро на блюдо, тай диняс лес е чаяке; а и чаи диняс лес пе даяке. ²⁹Тай лескере ученикия, като шунде давка, але тай ваздинде лескоро телос, тай положинде лес андо мимори.³⁰Тай о апостола кидисале паш о Исус тай разкажинде Леске всичко, со керде тай со поучинде. ³¹Тай пенгяс ленге: Елан туме коркоре уединоне танесте тай почивинен туменге хари. Соскето мнозина авенас тай жанас; тай на сине лен време даже те хан. ³²Тай геле е ладиаса уединоне танесте коркоресте.³³А като жанас, о люде дикле лен тай мнозина пенджарде лен; тай саворе градовиендар мукле пес оте пеша, тай изпреваринде лен. ³⁴Тай о Исус, като иклило, диклас иек баро множествос, тай смилисало упрал ленде, понеже сине сар овце, колен нанай овчари; тай почнингяс те поучинел лен бут букя.³⁵Тай като ачило вече късно, Лескере ученикия приближисале паш Лесте тай пенде: О тан си уединено тай вече си късно; ³⁶мук лен, за те жан ко околна местностя тай гава тай те кинен песке маро, соскето нанай лен нищо хабнаске.³⁷А Ов в отговор пенгяс ленге: Ден лен туме те хан. А он пенде Леске: Те жас ли те кинас за дуишел пеняза маро тай те дас лен те хан? ³⁸А Ов пенгяс ленге: Кити маро иси тумен? Жан, дикен. Тай като ахалиле, пенде: Панч, тай дуи маче .³⁹Тай заповедингяс ленге те бешен саворе групенде ки зелено чар. ⁴⁰Тай он бешле редиценде, по шел тай по пинда. ⁴¹Тай като лилас о панч маре тай о дуи маче, о Исус диклас карик о небес тай благословингяс; тай пагляс о маре, тай делас е ученикиен те товен англал ленде; разделингяс о дуи маче саворенге.⁴²Тай саворе хале, тай чалярде пес. ⁴³Тай ваздинде къшея, дешудуи перда кошовя, чука таро мачеда. ⁴⁴А колка, кате хале о маре, уле панч хиляда мруша.⁴⁵Тай веднага традингяс Пе ученикиен те ден анди ладия тай те жан англал Лесте окоя рик карик и Витсаида, жи кай Ов размукел е народос. ⁴⁶Тай като простисало ленца, гело ко хълми те молинел пес. ⁴⁷Тай като ратило, и ладия сине машкарал ко морес, а Ов коркоро ко шукипе.⁴⁸Тай като диклас лен, кай мъчинен пес, като гребинен е весленца, соскето и балвал сине ленге мамуял, около и четвърто стража е ракякири ало паш ленде, като пирелас ко езерос; тай ка отнакелас лен. ⁴⁹А он, като дикле Лес те пирел ко езерос, мислинде песке, кай си призраки тай пищинде; ⁵⁰соскето саворе дикле Лес тай смутисале. Тай веднага Ов захоратингяс ленге, като пенгяс ленге: Дерзайнен! Ме синиом, ма даран!⁵¹Тай диняс паш ленде анди ладия, тай и балвал утихнингяс; тай он бут слисисале. ⁵²Соскето нана ахалилесас о чудос е маренца, но ленгере сърца сине закоравиме.⁵³Тай като пренакле о езерос, але анди Генисаретско пув тай пристанинде ки сушая. ⁵⁴Тай като иклиле тари ладия, веднага о народос пенджарде Лес; ⁵⁵тай запрастаниле ки цело коика околност тай почнинде те анен анде таненде е насвален оте, кате шуненас, кай араклолас Ов.⁵⁶Тай кате да те делас, андо гава или андо градовя, или андо колибес, икаленас е насвален ко пазаря, тай молиненас пес Леске те допиринен пес он поне жи ко полес Лескере шехиенгере; тай кити допириненас пес, изцелиненас пес.

¹Кидисале паш о Исус о фарисея тай десаве таро книжникия, колато алесас таро Ерусалим.²Тай като дикле, кай десаве таро ученикия Лескере хан маро нечистоне вастенца, демек, битовде на одобринде. ³(Соскето о фарисея тай саворе юдея, придържинен карик о предание е старейшиненгоро, нана хан, ако нана истовен пе васта жи ко лактия; ⁴тай като иринен пес таро пазари; нана хан, ако нана истовен пес. Иси бут авер букя, колато приеминде те спазвинен - те товен чашес, шулция тай медна чаре.)⁵Тай чука, о фарисея тай о книжникия пучле Лес: Соске на постъпинен Тере ученикия според о предание е старейшиненгоро, а хан маро нечистоне вастенца?⁶А Ов пенгяс ленге: Лачес пророкувингяс о Исая за туменге, о лицемерия, сарто си пишиме: " Калка люде почитинен Ман пе вущенца, но ленгоро сърцес бешел дуре Мандар. ⁷Обаче напразно почитинен Ман, като преподавинен поучения манушескере заповедя".⁸Туме мукен е Девлескири заповед тай икерен е манушескоро предание (истоиба шулциенгоро тай чашенгоро; тай бут авер подобна букя керен). ⁹Тай пенгяс ленге: Шукар! Туме отчивен* е Девлескири заповед, за те спазинен тумаро предание! ¹⁰Соскето о Мойсей пенгяс: "Почитине те дадес тай те дая," тай " Ковато злословинел дадес или дая, непременно те умъртвинел пес"¹¹Но туме пенен: Ако пенел мануш пе дадеске или пе даяке: Кавка моро имане, колеса ащи помагинес туке, си курбани, демек подариме е Девлеске, тогава си различно; ¹²туме нана мукен лес вече те керел варесо пе дадеске или пе даяке. ¹³Тай чука, отчивен е Девлескоро словос ашал тумаре преданиеске, ковато прединиен; тай керен бут салка букя, подобна далкесте.¹⁴Тай пак викингяс е народос тай пенгяс ленге: Шунен Ман саворе тай ахалон. ¹⁵Нанай нищо аврял о мануш, ковато, като дел анде лесте, ащи осквернинел лес; но калка букя, колато иклон лестар, он осквернинен манушес. ( ¹⁶Ако си декас кана те шунел, нека шунел.)¹⁷Тай като муклас е народос тай диняс андо кер, Лескере ученикия пучле Лес за е притчаке. ¹⁸Тай пенгяс ленге: Нима синиен тумеда чука неразсъдлива? Нана ахалон ли, кай нищо, ковато дел андо мануш аврял, нанащи осквернинел лес? ¹⁹Соскето нана дел андо сърцес леске, а андо воги, тай иклол наври. (Като пенгяс давка, Ов кергяс саворе ястия чиста вече.)²⁰Пенгяс още: Ковато иклол таро мануш, ов осквернинел е манушес. ²¹Соскето андрал, таро сърцес е маанушенге, иклон зла помислес, блудства, чорибе, мударибе, ²²прелюбодейства, користолюбие, нечестие, коварство, сладострастие, лукаво як, хулиба, гордост, безумство. ²³Саворе калка зла букя иклон андрал тай осквернинен е манушес.²⁴Тай като ухтинило отар, гело андо Тирска ( тай Сидонска предела); тай диняс анде иеке кересте, тай намангелас те жанел Лес никой; но нащине гаравел пес. ²⁵А веднага шунгяс за Леске иек ромни, колакири цикни чаи сине ла нечисто духос, тай ой али, тай пели англал о пире Леске. ²⁶( И ромни сине елинка, родом сирофиникианка.) Тай молинелас пес Леске те гонинел е бесос лакере чаятар.²⁷А о Исус пенгяс лаке: Мук те наситинен пес първо о чаве; соскето нанай прилично те лел пес о маро е чавенгоро тай те чивел пес е риконенге. ²⁸А ой в отговор пенгяс Леске: (Ва,) Господи; но о риконеда телал и софра хан таро трохес, колато перен таро чаве.²⁹Тай пенгяс лаке: Калке думенге, жатуке; о бесос иклило те чаятар. ³⁰Тай като гели песке кере, араклас е чавес пашло ки постелка, тай о бесос иклило.³¹Тай като иклило пак ко Тирска предела тай Сидон карик о Галилейско езерос, презал о Декаполска предела. ³²Тай анен паш Леске иеке кашукес тай лалоре манушес, тай молинен пес Леске те положинел вас упрал лесте.³³Тай о Исус, като ингалгяс лес таро народос коркоресте, вложингяс Пе ная андо кана леске тай като чунгадингяс, докоснингяс пес жи ки чиб леске; ³⁴тай диклас карик о небес, въздъхнингяс, тай пенгяс леске: Еффата, демек, путер тут. ³⁵Тай лескере кана ко сахати путердиле, тай и връзка е чибакири развържисали, тай ов хоратинелас чисто.³⁶Тай заръчингяс ленге никаске тена пенен давка; но кити по бут заръчинелас ленге, дики по бут разгласиненас лес; ³⁷соскето удивиненас пес твърде бут тай пененас: Всичко керел лачес; тай е кашукен керел те шунен, тай е лалорен те хоратинен.

¹Презал колке диесенде, като пак кидисалосас баро множествос, тай на сине лен со те хан, о Исус викингяс Пе ученикиен тай пенгяс ленге: ²Жално си манге е народоске, соскето трин диес вече бешен паш Манде, тай нанай лен со те хан; ³тай ако размукав лен бокале ленгере керенде, ка прималинел ленге упрал о дром; а десаве лендар але дурал. ⁴Тай Лескере ученикия отговоринде Леске: Катар ка ащи декой те чалярел калкен мареса, анде калке уединоне танесте?⁵Тай пучлас лен: Кити маре иси тумен? А он пенде: Ефта. ⁶Тай заповедингяс е народоске те бешен ки пув; тай като лилас о ефта маре, благодарингяс, пагляс тай делас Пе ученикиен, за те товен лен. Тай товде лен англал о народос.⁷Исине лен хари маче; тай като благословингяс лен, заповедингяс те товен ленда. ⁸Тай хале, тай чалярде пес; тай ваздинде окола къшея, ефта кошницес. ⁹А колка, колато хале, уле около штар хиляда жене; тай размуклас лен. ¹⁰Тай веднага диняс анди ладия Пе ученикиенца, тай ало андо Далманутанска предела.¹¹Тай о фарисея иклиле тай почнинде те препиринен пес Леса; тай като изпитвиненас Лес, мангле Лестар знамение таро небес. ¹²А Ов въздъхнингяс дълбоко ан Пе духосте тай пенгяс: Соске мангел кавка роди знамение? Истина пенав туменге: Калке родиеске нанай те дел пес знамение. ¹³Тай муклас лен, като диняс пак анди ладия тай накло окоя рик.¹⁴Но Лескере ученикия бистерде те лен маро тай на сине лен анди ладия по бут иеке самуниестар. ¹⁵Тай Ов заръчингяс ленге, тай пенгяс: Внимавинен, пазинен тумен таро кваси е фарисеиенге тай таро квасос е Иродиеске.¹⁶Тай он разисквиненас машкар песте, като пенде: Давка си, соскето нанай амен маро. ¹⁷А о Исус, като ахалило давка, пенгяс ленге: Соске разисквинен, соскето нанай тумен маро? Още ли на дикен тай нана ахалон? Барестар ли си тумаро сърцес?¹⁸Като иси тумен яка, нана дикен ли? Тай като иси тумен кана, нана шунен ли? Тай нана помнинен ли? ¹⁹Като паглом о панч маре е пандже хиляде жененге, кити кошовя, перда кушеиенца ваздингиен? Пенде Леске: Дешудуи.²⁰А като о ефта маре - е штаре хиляде жененге, кити кошницес, перда къшеиенца ваздингиен? Пенде Леске: Ефта. ²¹Тай пенгяс ленге: Нана ахалон ли още?²²Але андо Витсаида. Тай анде паш Лесте иеке корес, тай помолинде Лес те докоснинел пес жи лесте. ²³Тай Ов долгяс е корес таро вас, тай икалгяс лес аври таро гав тай като чунгадингяс ко яка лексе, положингяс лесте васта тай пучлас лес: Дикес ли варесо?²⁴Тай ов, като ваздингяс пе яка, пенгяс: Дикав е манушен; соскето дикав букя сар каща, колато пирен. ²⁵После пак положингяс васта ко яка леске; традингяс лес те втренчинел пе яка тай ов састило, тай дикелас всичко ясно. ²⁶Тай бичалгяс лес лескре кересте, тай пенгяс: Ма те дес андо гав, (нито пен давка декаске андо гав).²⁷Тай иклило о Исус Пе ученикиенца ко гава на Кесария Филипова; тай ко дром пучлас Пе ученикиен: Според о народос кова синиом Ме? ²⁸А он в отговор пенде Леске: Иекенге - о Йоан Кръстител; аверенге - о Илия; а аверенге - иек таро пророкия.²⁹Тогава пучлас лен: А според туменде кова синиом? О Петрес в отговор пенгяс Леске: Ту синян о Помазаники*. ³⁰Тай заръчингяс ленге никаске тена пенен за Леске.³¹Тай почнингяс те учинел лен, кай о Човешко Чаво требе бут те страдинел, тай те овел отчивто таро старейшинес, главна свещеникия тай о книжникия, тай те овел мудардо, тай палал о трин диес те възкръснинел. ³²Тай открито хоратинелас давка. А о Петрес лилас Лес ки риг тай почнингяс те мъмринел Лес.³³А Ов, като ирисалон тай диклас Пе ученикиен, смъмрингяс е Петрес, като пенгяс: Махнин тут, Сатано, тай жа палал Манде, соскето нана дес ти годи е Девлескере букиенге, но е манушенгере букиенге. ³⁴Тай викингяс е народос заедно Пе ученикиенца тай пенгяс ленге: Ако мангел декой те авел палал Мане, нека отречинен пес пестар, нека ваздел по кръстос тай чука нека следвинел Ман.³⁵Соскето ковато мангел те спасинел по животос*, ка нашалел лес; а ковато нашалел по животос ашал Манге тай е благовестиеске, ка спасинел лес. ³⁶Понеже сави полза е манушеске, ако спечелинел о цело светос, а нашалел по животос? ³⁷Соскето, со ка дел о мануш анди замяна пе животоске?³⁸Соскето, ако лажал декой ашал Манге тай ашал Ме хоратенге анде калке блудноне тай грешноне родиесте, ов о Човешко Чаво ка лажал лестар, като ка авел анди слава Пе Отециеске е святоне ангеленца.

¹Тай о Исус пенгяс ленге: Истина пенав туменге: Иси декой атар таро бешле, колато нисар нанай те вкусинен мериба, жи кай нана дикен е Девлескоро тагарипе, ало анди сила. ²Тай палал о шов диес о Исус лилас е Петрес, о Яков тай о Йоан тай ингалгяс само лен иеке уче планинате коркоресте; тай преобразисало англал ленде. ³Лескере шехя ачиле бляскава, бут парне, савето никой който парнярел ки пув нанащи чука те парнярел.⁴Тай явисало ленге о Илия е Мойсейеса, колато хоратиненас е Исусеса. ⁵А о Петрес захоратингяс, тай пенгяс е Исусеске: Учителю, лачес си те овас ате, тай нека керас трин скиниес, Туке иек, е Мойсейиеске иек тай иек е Илияске; ⁶соскето нажанелас со те отговоринел, понеже почнинде те даран бут.⁷Тай явисало облаки, тай засенингяс лен; тай гласос ало таро облаки, ковато пенгяс: Кавка си Моро възлюбено Чаво; Лес шунен. ⁸Тай внезапно, като задикле пес, на дикле вече никас паш песте. освен е Исусес.⁹Тай като ухленас тари планина, затъчингяс ленге тена пенен никаске давка, ковато диклесас, освен като о Човешко Чаво възкръснинел таро муле. ¹⁰Тай он пазиненас даика поръка, като разисквиненас машкар песте со значинел те възкръснинел таро муле.¹¹Тай пучле Лес: Соске пенен о книжникия, кай първо о Илияс требе те авел? ¹²А Ов пенгяс ленге: Наистина о Илияс първо ка авел тай ка възстановинел всичко. Тай сар си пишиме е Човешконе Чавеске? Пишиме си, кай требе те страдинел бут тай те овел унижиме. ¹³Но пенав туменге, кай о Илияс вече ало, тай керде леса сар мангле, според сарто си пишиме за леске.¹⁴Тай като але ко ученикия, дикле турял ленде баро множествос тай книжникия, колато препириненас пес ленца. ¹⁵Тай веднага като диклас Лес о цело множествос, смаисале тай мукле пес, тай поздравинде Лес. ¹⁶Тай Ов пучляс лен: Соске препиринен тумен ленца?¹⁷Тай иек таро народос отговорингяс Леске: Учителю, ангиом паш Туте ме чавес, колес иси лалоро духос. ¹⁸Тай кате да те долел лес, тръшкинел лес; тай ов мукел пеня, скърцинел пе данденца тай вцепенингиол; тай хоратингиом Тере ученикиенге те гонинен е бесос, но нанащине. ¹⁹А Ов в отговор пенгяс ленге: О, роде невярваща, жи кана ка овав туменца? Жи кана ка търпинав тумен? Анен лес паш Манде.²⁰Тай анде лес паш Лесте. Тай като диклас Лес о долдо таро бесос, веднага о духос сгърчингяс лес; тай ов пело ки пув тай валянелас пес запениме. ²¹Тай о Исусес пучляс лескере дадес: Кити време си, от сар ачило леске чука? А ов пенгяс: От цикнярла. ²²Тай бут дром чивел лес анди яг, тай андо пани, за те погубинел лес; но ако ащи керес варесо, смилине тут упрал аменде тай помагине аменге.²³А о Исус пенгяс леске: Ако ащи ( те повервинес)! Всичко си възможно далкеске, ковато верувинел. ²⁴Веднага о дад е чавескоро пищингяс, като пенгяс: Верувинав, (Девла)! Помагине мере невериеске. ²⁵А о Исус, като диклас, кай мукел пес народос , смъмрингяс е нечистоне духос, като пенгяс леске: Духос лалоро тай кашуко, Ме заповединав туке: Икли лестар, тай тена дес вече анде лесте!²⁶Тай о духос, като пищингяс тай сгърчингяс лес силно, иклило; тай о чаво ачило сар муло, чука кай мнозина пененас, кай муло. ²⁷Но о Исус долгяс лес таро вас тай ваздингяс лес; тай ов ухтинило.²⁸Тай като диняс кере, Лескере ученикия пучле Лес коркоресте: Соске аме нащине гонинас лес? ²⁹Тай пенгяс ленге: Кавка роди нисоса нащи иклол, освен молитваса (тай пости).³⁰Тай като иклиле отар, накенас презал и Галилея; тай Ов нана мангелас никой те ахалол давка. ³¹Соскето учинелас Пе ученикиен, като пенелас ленге: О Човешко Чаво ка овел предиме андо васта манушенге, тай ка мударен Лес; тай след като ка мударен Лес, ко трин диеса ка възкръснинел. ³²Но он нана ахалиле далка думес тай даранас те пучен Лес.³³Тай але андо Капернаум; тай като диняс кере, пучлас лен: Со разисквиненас ко дром? ³⁴А он траниенас, соскето ко дром денас пес машкар песте кова си по-баро? ³⁵Тай като бешло, викингяс е дешудуен тай пенгяс ленге: Кова мангел те овел първо, ка овел саворендар последно тай саворенге служиели.³⁶Тогава лилас иеке чавес, поставингяс лес машкар ленде тай, като гушингяс лес, пенгяс ленге: ³⁷Ковато приеминел иеке салке чавес анде Мере алавесте, Ман приеминел; тай ковато приеминел Ман, приеминел ма Ман, а Калкес, Ковато бичалгяс Ман.³⁸О Йоан пенгяс Леске: Учителю, диклам иеке манушес те гонинел бесовиен анде Тере алавесте; тай забранингям леске, соскето на следвинелас амен. ³⁹А о Исус пенгяс: Ма забранинен леске; соскето нанай никой, ковато те керел велико делос анде Мере алавесте, тай те ащи сиго палал далкесте те злословинел Ман.⁴⁰Понеже ковка, ковато нанай против аменде, си карик аменде. ⁴¹Соскето, който напоинел тумен иеке чашаса пани, понеже синиен Христова, истина пенав туменге, ов нисар нанай те нашалел пи награда.⁴²А ковато съблазнинел иекес калкендар таро цикне, колато верувинен анде Манде, за леске ка овел по-лачес те закачинел песке баро воденично бар пе меняте, тай те овел чивто андо морес. ⁴³Тай ако съблазнинел тут то вас, отсечине лес; по-лачес си за туке те дес андо животос недъгаво, отколкото те овен тут те дуи васта тай те жас андо пъкали, анди неугасимо яг, ⁴⁴(кате " о кермо ленгоро на мерел тай и яг на мерел").⁴⁵Тай ако те пире съблазнинен тут, отсечине лен; по-лачес си за туке те дес андо животос куцо, отколкото те овен тут те дуида пире тай те овес чивто андо пъкали, ⁴⁶( кате "о кермо ленгоро на мерел, тай и яг на мерел").⁴⁷Тай ако ти як съблазнинел тут, икал ла; по-лачес си за туке те дес андо Божие тагарипе иеке якаса, отколкото те овен тут те дуида яка тай те овес чивто андо пъкали, ⁴⁸кате " о кермо ленгоро на мерел тай и яг на мерел".⁴⁹Соскето секой ка лонгярел пес ягаса (тай секо жертва ка лонгярел пес лонеса). ⁵⁰Лачо варесо си о лон; но ако о лон ачол билондо, соса ка подправинен лес? Те овел тумен лон анде туменде, тай мири те овел тумен машкар туменде.

¹Тай ухтинило отар тай ало андо Юдейска предела, тай о тана отвъд о Йордан; тай о народос пак кедисале паш Лесте; тай по Пере обичаиесте Ов пак поучинелас лен. ²Тай десаве фариесея приближисале тай пучле Лес, за те изпитинен Лес: Позволиме ли си е мрушеске те мукел пе ромня? ³В отговор Ов пенгяс ленге: Со заповедингяс туменге о Мойсей? ⁴А он пенде: о Мойсей позволингяс те пишинел разводно писмо тай те напуснинел ла.⁵А о Исус пенгяс ленге: Заради тумаре коравиме сърцеденге пишингяс туменге кайка заповед; ⁶обаче таро началос е създаниескоро о Дел кергяс лен ром тай ромни.⁷Далкеске ка мукел о мануш пе дадес тай пе дая тай ка привържинел пес карик пе ромняте*, ⁸тай о дуи ка овен иек плът; чука кай нанай вече дуи, а иек плът. ⁹Тай чука, ковка, ковато о Дел съчетингяс, мануш тена разлъчинел.¹⁰Тай кере о ученикия пак пучле Лес за далкеске. ¹¹Тай Ов пенгяс ленге: Който напуснинел пе ромня тай пранденел авераке, прелюбодействинел против лате. ¹²Тай ако ой напуснинел пе ромес тай пранденел авереске, ой прелюбодействинел.¹³Тогава анде паш Лесте чаворорен, за те докоснинел пес жи ленде; а о ученикя смъмринде лен. ¹⁴Но о Исус, като диклас давка, възнегодувингяс тай пенгяс ленге: мукен е чавен те авен паш Манде; ма възпиринен лен, соскето салкенгоро си о Божие тагарипе.¹⁵Истина пенав туменге: Който на приеминел о Божие тагарипе сар чаво, ов нисар нанай те дел анде лесте. ¹⁶Тай гушкингяс лен, тай благословингяс лен, като положингяс Пе васта упраленде.¹⁷Тай като иклолас дроместе, декой запрастанило, пело кочиенде англал Лесте тай пучлас Лес: Гудлея Учителю, со те керав, за те наслединав вечно животос? ¹⁸А о Исус пенгяс леске: Соске пенес Манге гудлея? нокой нанай гудло, освен иек Дел. ¹⁹Жанес о заповедя: ,, Ма мудар; Ма прелюбодействине; Ма чор; Ма лъжесвидетелствине; Ма увредине; Почитине те дая тай те дадес."²⁰А ов пенгяс Леске: Учителина, всичко давка спазингиом ме тернипнастар. ²¹А о Исус, като диклас, възлюбингяс лес тай пенгяс леске: Иек на доресел туке; жа, бикин всичко, со иси тут, тай де е чорен, тай ка овен тут съкровища ко небес; тай ела следвине Ман. ²²Но лескоро муи посърнингяс далке думендар, тай ов грело песке наскърбиме, соскето сине мануш буте имотиенца.²³А о Исус озърнисало тай пенгяс е ученикиенге: Кити мъчно ка ден андо Божие тагарипе колка колато си лен барвалипе! ²⁴А о ученикия смаисале Лескере думендар. Но в отговор о Исус пак пенгяс ленге: Чада, кити си мъчно те ден андо Божие тагарипе (колка ,колато уповинен пес ко барвалипе)! ²⁵По-лесно си камила те накел презал о иглена кана, отколкото о барвало те дел андо Божие тагарипе.²⁶А он удивисале твърде бут тай пенде Леске: Тогава кой ащи спасинел пес ? ²⁷О Исус диклас лен тай пенгяс: Е манушенге давка си невазможно, но ма е Девлеске да; соскето за е Девлеске всичко си възмоижно. ²⁸О Петър почнингяс те пенел Леске: Аке, аме муклам всичко тай последвингям Тут.²⁹О Исус пенгяс: Истина пенав туменге: Нанай мануш, ковато те муклас кер, или прален, или пениен, или дая, или дадес, или чавен, или нивес ашал Манге тай ашал о благовестие, ³⁰тай тена получинел стократно акана, андо настоящо време, кера тай прала, тай пеня, тай даиен, тай чавен, тай нивес, заедно е гонибнаса, андо идещо светос*-вечно животос. ³¹Обаче мнозина първа ка овен последна, а о последна - първа.³²А като уле дроместе за Ерусалим, о Исус пирелас англал ленде; а он удивиненас пес, тай колка, колато следвиненас Лес, уле обзета даратар. Тай като кидингяс е дешудуиен, почнингяс те пенел ленге давка, ковато ка сполетинелас Лес: ³³Аке, аме иклас за Ерусалим, тай о Човешко Чаво ка овел предиме е главноне свещеникиенге тай е книжникиенге; тай он, като осъдинен Лес мерибнасте, ка преден Лес е езичникиенге; ³⁴тай ка поругаинен пес упрал Лесте, ка чунгаден Лес, ка марен Лес тай ка мударен Лес; а палал о трин диес ка вазкръснинел.³⁵Тогава приближисале жи Лесте о Яков тай о Йоан, о Зеведеева чаве, тай пенде Леске: Учителина, мангас те керес аменге, со да те мангас Тутар. ³⁶А Ов пенгяс ленге: Со манген те керав туменге? ³⁷Он пенде Леске: Де амен те бешас, иек Те десноне ригатар, а иек Те левонатар анде Тере славате.³⁸А о Исус пенгяс ленге: Нана жанен со манген. Ащи ли пиен и чаша, която Ме пияв, или те кръстинен тумен е кръщениеса, колеса Ме кръстинаман? ³⁹Он пенде Леске: Ащи. А о Исус пенгяс ленге: И чаша, която Ме пияв, ка пиен, тай е кръщениеса, колеса Ме кръстинаман, ка кръстинен тумен; ⁴⁰но те бешен отдясно Манге или отляво Манге, нана зависинел Мандар, а ка дел пес колкенге, за коленге уло приготвиме.⁴¹А о деш, като шунде давка, задолде те негодувинен против о Яков тай о Йоан. ⁴²Но о Исус викингяс лен тай пенгяс ленге: Туме жанен, кай колка, колато считинен пес управителенге е народоске, господарувинен упрал ленде, тай ленгере баре властвинен упрал ленде.⁴³Но машкар туменде нанай те овел чука; а ковато мангел те ачол баро машкар туменде, ка овел туменге слугас; ⁴⁴тай ковато мангел те овел първо машкар туменде, ка овел слугас саворенге. ⁴⁵Соскето наистина о Човешко Чаво нана ало, за те служинен Леске, но те служинел тай те дел По животос откупи мнозиненге.⁴⁶Але андо Ерихон; тай като иклолас таро Ерихон Пе ученикиенца тай иек баро множествос, о Тимеево чаво о Вартимей, иек коро просяки, бешелас турял о дром. ⁴⁷Тай като шунгяс, кай сине о Исус о Назаряни, почнингяс те пищинел, като пенелас: Исусе, Чаво Давидово, смилине тут упрал манде! ⁴⁸Тай мнозина смъмриненас лес, за те траниел; но ов още по бут пищинелас: Чаво Давидово, смилине тут упрал манде!⁴⁹Тай чука, о Исус спирингяс тай пенгяс: Викинен лес. Викинде е корес тай пенде леске: Дерзайне, ухти, викинел тут. ⁵⁰Тай ов чивкяс по шехи тай хърпингяс, тай ало паш о Исус.⁵¹Тай о Исус захоратингяс тай пенгяс леске: Со мангес те керав туке? О коро пенгяс Леске: Учителина, те дикав. ⁵²А о Исус пенгяс леске: Жатуке, тери вяра изцелингяс тут. Тай ов веднага задиклас, тай цидингяс палал Лесте ко дром.

¹Тай като приближиненас пес карик о Ерусалим, жи ки Витфагия тай Витания паш о Елеонско хълми, бичалел дуиен таро ученикия Пере тай пенел ленге: ²Жан андо гав, ковато си мамуял туменде, тай щом ден анде лесте, ка аракен панло осели, ковато нисаво мануш още на бешло лесте; путрен лес тай анен лес. ³Тай ако декой пенел туменге: Соске керен давка? Пенен: Е Девлеске требел; тай веднага ка бичалел лес ате.⁴Тай чука, он геле тай аракле иеке оселес, панло жи ко вудар, аври турял о дром, тай путерде лес. ⁵Тай десаве таро стояща оте пенде ленге: Со керен, тай путрен е оселес? ⁶А он отговоринде ленге, сарто пенгясас о Исус; тай мукле лен.⁷Тай анде е оселес паш о Исус, тай чивте упрал лесте пе шехя; тай Ов бешло упрал лесте. ⁸Тай мнозина бухлярде пе шехя ко дром, а авер - клоня, като чиненас лен таро каща. ⁹Тай калка, кате пиренас англал, тай калка, колато авенас палал ленде, пищиненас: Осанна! Благословиме, Ковато авел анде Девлескоро алав! ¹⁰Благословиме о тагарипе амаре дадескоро о Давид, ковато авел (анде Девлескоро алав); осанна андо висини!¹¹Тай о Исус диняс андо Ерусалим, андо храми, като раздиклас всичко, понеже вече ратилосас, гело анди Витания е дешудуиенца. ¹²А ки андиавин, като иклиле тари Витания, Ов бокалило.¹³Тай като диклас удурал иек разлистиме смокиния, ало, дане те аракел варесо лате; но като ало жи лате, нана араклас нищо, само иек листа, соскето на сине о времес е смокиненге. ¹⁴Тай Ов захоратингяс, като пенгяс лаке: От акана на оте никой тена хал плоди тутар жи ко векос. Тай Лескере ученикия шунде давка.¹⁵Тай але андо Ерусалим; тай о Исус, като диняс андо храми, почнингяс те гонинел колкен, колато бикиненас, тай колка, колато киненас андо храми, тай претурингяс о масес е среброменителенгере тай о столовя колкенгере, колато бикненас е кушиен. ¹⁶Тай на позволинелас те пренесинел декой саво да те овел съдос презал о храми .¹⁷Тай поучинелас, като пенелас ленге: Нанай ли пишиме: ,, Мо кер ка пенел пес молитвено кер саворе народоске"? А туме кергиен лес ,,разбойническо вертепи". ¹⁸Тай о главна свещеникия тай о книжникия шунде давка; тай роденас начини сар те погубинен Лес, соскето даранас Лестар, понеже цело народос удивинелас пес Лескере учениесте. ¹⁹А като ракиолас, Ов иклолас аври таро градос.²⁰Тай чука, като накенас андиавин, дикле и смокиния шукили таро корени. ²¹Тай о Петрес диняс пес годи тай пенгяс Леске: Учителина, дик, и смокиния, колато Ту проклинингян, шукили.²²А о Исус в отговор пенгяс ленге: Те овел тумен вяра андо Дел. ²³Истина пенав туменге: Който пенел калке планинаке: Вазде тут тай чив тут андо морес, тай нана съмнинел пес анде пе сърцесте, но повервинел, кай ковка, ковато пенел, сбъднинел пес, ов ка ачол.²⁴Далкеске пенав туменге: Всичко, со манген анди молитва, верувинен, кай получингиен лес, тай ка сбъднингиол туменге. ²⁵Тай като изправинен тумен молитвате, простинен, ако иси тумен варесо против декасте, за те простинел тумаро Отеци, Ковато си ко небеса, тумаре безеха. ( ²⁶Но ако туме нана простинен, то о Отеци тумаро, Ковато си ко небеса, нанай те простинел туменге тумаре безеха.)²⁷Тай але пак андо Ерусалим; тай като жалас андо храми, авен паш Лесте о главна свещеникия, о книжникия тай о старейшинес тай пенен Леске: ²⁸Саве властяса керес давка? Или кой диняс Тут дайка власт те керес давка?²⁹О Исус пенгяс ленге: Ка задав тумен Меда иек въпроси; отговоринен Манге, тай Меда ка пенав туменге саве властяса керав давка. ³⁰О Йоаново кръщение таро небес ли сине, или таро мануша? Отговоринен Манге.³¹Тай он разисквиненас машкар песте, като пененас: Ако пенас: Таро небес, ка пенел: Тогава соске на верувингиен лес? ³²Но ако пенас: Таро мануша... (даранас таро народос; соскето саворе искрено считиненас е Йоанес пророкиеске). ³³Тай чука, в отговор е Исусеске пенде: Нана жанас. О Исус пенгяс ленге: Нито Ме ка пенав туменге саве властяса керав давка.

¹Тай почнингяс те хоратинел ленге притченца: Иек мануш садингяс лозес, оградингяс лес плетиеса, хранляс лини, тай съградингяс кула, тай диняс лес под наем земеделциенге, тай гело андо странство. ²Тай ко време е плодиескоро бичалгяс иеке слугас жи ко земеделция те прибиринел лендар о плоди е лозескоро. ³А он долде лес, марде лес тай бичалде лес без нищо.⁴Тай пак бичалгяс жи ленде авере слугас; тай леске да разбинде о шеро тай без те лажан оскърбинде лес. ⁵Бичалгяс аверес, колес мударде; тай мнозина авер, колендар иекен марде, околен мударде.⁶Още иек сине лес, иек възлюбено чаво; лес бичалгяс последно жи ленде, като пенелас: Ка почетинен ме чавес. ⁷А калка земеделция пенде машкар песте: Кавка си о наследники; елан те мударас лес, тай о наследство ка овел амаро.⁸Тай чука, долде лес, тай мударде лес тай чивте лес аври таро лозес. ⁹Тай тогава со ка керел о стопани е лозескоро? Ка авел тай ка погубинел калке земеделциен, а о лозес ка дел аверенге.¹⁰Нана четингиен ли давкада Писание: ,, О бар, ковато отчивте о зидаря, Ов ачило о шеро е ъгълескоро; ¹¹таро Дел си давка, тай чудно си анде амаре якенде"? ¹²Тай о първенци мангле те долен Лес (но дараниле таро народос), понеже ахалиле, кай за ленге пенгяс дайка притча. Тай мукле Лес, тай геле песке.¹³Тогава бичален паш Лесте десавен таро фарисея тай таро Иродиания, за те уловинен Лес андо думес Леске. ¹⁴Тай он, като але, пенде Леске: Учителина, жанас, кай синян искрено тай нанай Тут грижа никастар; соскето нана дикес ко муи е манушенге, но учинес о Божие дром според и истина. Право ли си те дас данъки е кесариес, или нака? ¹⁵Те дас ли, или тена дас? А Ов, като ахалило ленгоро лицемерие, пенгяс ленге: Соске изпитвинен Ман? Анен Манге иек пенязи те дикав лес.¹⁶Тай он анде Леске. Тогава пенгяс ленге: Каскоро си кавка образи тай надписи? Тай он пенде Леске: Е кесариескоро. ¹⁷Тай о Исус пенгяс ленге: Ден о кесарово е кесариес, тай е Девлескоро е Девлес. Тай он зачудисале Леске.¹⁸Палал далкесте але паш Лесте садукея, колато пенен, кай нанай възкресение; тай пучле Лес: ¹⁹Учителина, о Мойсей пишингяс аменге, кай ако декаске мерел прал тай мукел ромня, а чавес нана мукел, то лескоро прал те лел лескере ромня тай те ваздел потомъки пе пралеске.²⁰Тай чука, исине ефта прала; тай о първо лилас ромня, тай като муло, нана мукляс потомъки. ²¹Лилас ла о второ, муло, тай нана мукляс потомъки; също о трето. ²²Лиле ла о ефтада, тай нана мукле потомство. А палал саворенде мули и ромнида. ²³Андо възкресение* каске лендар ка овел ромни? Соскето о ефтангеда ули ромни.²⁴О Исус пенгяс ленге: Ма далкеске ли заблудинен тумен, понеже нана жанен о Писания, нито е Девлескири сила? ²⁵Соскето, като ка възкреснинен таро муле, нито женинен пес, нито омъжвинен пес, но си сар ангела ко небес.²⁶А за е муленге, кай овен възкресиме, нана четингиен ли анди книга е Мойсейеске, ко тан е къпинаке, сар о Дел хоратингяс леске, като пенгяс: ,,Ме синиом Дел Авраамово, Дел Исаково тай Дел Яково"? ²⁷Ов нанай Дел е муленге, а е живденге. Туме бут заблудинен тумен.²⁸А иек таро книжникия, ковато ало тай шунгяс лен, като препириненас пес, като диклас,, кай отговорингяс ленге лачес, пучлас Лес: Коя заповед си първо саворендар? ²⁹О Исус отговорингяс: И първо си: ,,Шун, Израилю; о Дел, амаро Дел, си иек Дел; ³⁰тай те възлюбинес е Девлес, тере Девлес, те целоне сърцеса, те целоне душаса, те саворе гогяса тай те саворе силаса". ³¹А и второ (подобно лате) си: ,, Те възлюбинес те ближнонес сар туте". Авер заповед по-бари калкендар нанай.³²Тай о книжники пенгяс Леске: Превъзходно, Учителина! Ту право пенгян, кай о Дел си иек; тай нанай авер, освен Лесте; ³³тай те дехел Лес мануш все сърцестар, пе саворе гогяса, тай пе саворе силаса, тай те дехел пе ближнонес сар песте, давка си бут повече таро саворе всеизгаряния тай жертвес. ³⁴Тай о Исус, като диклас, кай отговорингяс разумно, пенгяс леске: Насинян дуре таро Божие тагарипе. Тай никой вече на дръзнингяс те задел Леске въпрося.³⁵Тай като поучинелас андо храми, о Исус захоратингяс, като пенгяс: Сар пенен о книжникия, кай о Помазаники си Давидово Чаво? ³⁶Коркоро о Давид пенгяс чрез о Свято Духос: ,, Пенгяс о Дел* мере Девлеске: беш отдясно Манге, жи кай положинав Те враговиен за Тере подножиеске". ³⁷Коркоро о Давид пенел Леске Дел; тогава сар те овел лескоро чаво? Тай баро множествос шунелас Лес удоволствиеса.³⁸Тай анде Пе поучениесте пенелас: Пазинен тумен таро книжникия, колато дехен те пирен премениме тай те приеминен о поздравия ко пазаря, ³⁹тай о първа столовя ко синагогес, тай о първа тана ко угощения; ⁴⁰калка, колато хан о кера е вдовиценгере даже като покажимнаске принесинен дълга молитвес. Калка ка приеминен по-баро осъждение.⁴¹Тай о Исус, като бешло мамуял и съкровищница, дикелас сар о народос мукел парес анди съкровищница; тай мнозина барвале мукенас бут. ⁴²А иек чорори вдовица али тай муклас дуи лептес, демек, иек кодранти.⁴³Тай викингяс Пе ученикиен, тай пенгяс ленге: Истина пенав туменге: Кайка чорори вдовица муклас по бут саворендар, колато мукен анди съкровищница; ⁴⁴соскето он саворе мукен пе излишакестар, а ой пе немотиятар муклас всичко, со сине ла, по цело имоти.

¹Като иклолас таро храми, иек Лескере ученикиендар пенгяс Леске: Учителина, дик, саве бара тай саве здания! ²А о Исус пенгяс леске: Дикес ли калка баре здания? Нанай те ачол ате бар баресте, ковато тена срининел пес.³Тай като бешелас ко Елеонско хълми мамуял о храми, о Петрес тай о Яков, тай о Йоан тай о Андрей пучле Лес коркоресте: ⁴Пен аменге, кана ка овел давка? Тай саво ка овел о знаки, кана всичко давка ка предстоинел те изпълнингиол?⁵А о Исус почнингяс те пенел ленге: Пазинен тумен тена подмаминел тумен декой. ⁶Мнозина ка авен анде Мере алавесте тай ка пенен: Ме синиом о Помазаники, тай ка подмаминен мнозинен.⁷А като шунен войненге тай слуховя войненге, ма смутинен тумен; давка требе те ачол; но давка нанай още о свършеки. ⁸Соскето народос ка ваздел пес против народосте, тай тагарипе против тагарипнасте, ка овен трусовя разноне таненде, ка овел бок; а калка букя си само о началос е страдимнаскоро.⁹А туме внимавинен туменге; соскето ка преден тумен събориенде, тай андо синагогес ка марен тумен; тай англал о управителя тай тагара ка овен изправиме ашал Манге, за те свидетелствинен англал ленде. ¹⁰Обаче требе първо те проповединел пес о благовестие саворе народоске.¹¹А като ка ингален тумен, за те преден тумен, ма безпокойнен тумен англал далкесте со ка хоратинен; но со ка дел пес туменге анде далке сахатиесте, давка хоратинен; соскето на синиен туме, колато хоратинен, а о Свято Духос. ¹²Прал пе пралес ка предел мерибнасте, тай дад- чавес; тай чаве ка вазден пес против пе родителенде, тай ка мударен лен. ¹³Тай ка овен мразиме саворендар ашал Мере алавеске; но ковато устоинел жи ко крайос, ов ка овел спасиме.¹⁴Тай като ка дикен и мерзост която анел запустение (за колаке хоратинел о пророки о Даниил), стоящо оте, кате на подобинел (който четинел, нека ахалол), тогава колка, колато си анди Юдея, нека нашен ко планини; ¹⁵тай който си ко покриви пе кереске, тена ухлел анде пе кересте, нито те дел те лел варесо лестар; ¹⁶тай който си ки нива, тена иринел пес напапале те лел по шехи.¹⁷А горко е нечученге тай е кърмещоненге презал далке диесенде! ¹⁸Паш далкесте, молинен тумен тена ачол давка* ко евент; ¹⁹соскето презал колке диесенде ка овел скръб, небивало жи акана таро началос е създаниескоро, ковато о Дел създиняс, нито ка овел сайка. ²⁰Тай ако о Дел на съкратинелас колка диеса, нанайас те избавинел пес ни иек плът; но ашал е избраноненге, колато Ов избирингяс, съкратингяс о диеса.²¹Тогава, ако пенел туменге декой: Аке, ате си о Помазаники, или: Аке, оте си, ма верувинен; ²²соскето ка появинен пес хохавне помазаникия тай хохавне пророкия, колато ка покажинен знамения тай чудеса, за те подмаминен, ако си възможно, е избраноненда. ²³А туме внимавинен; аке, предскажингиом туменге всичко.²⁴Но презал колке диесенде, палал колке скърбате, о кам ка тъмнонгиол, и луна нанай те дел пи светлина, ²⁵о звезди ка перен таро небес, тай о силес, колато си ко небес ка разклатинен пес. ²⁶Тогава ка дикен е Човешконе Чавес,сар авел ко облакя, баре силаса тай славаса. ²⁷Тай тогава ка бичалел е ангелен тай ка киден Лескере избирименен таро щар вертища, таро крайос е пувяке жи ко крайос е небеске.²⁸А сиклон и притча тари смокиния: Като лакере клоня вече ковлон тай развинен листа, жанен, кай си паше о нилай; ²⁹също чука тумеда, като дикен, кай ачол давка, те жанен, кай Ов си паше паш о вудар.³⁰Истина пенав туменге: Кавка поколение нанай те пренакел, жи кай нана сбъднингиол всичко давка. ³¹О небес тай и пув ка пренакен, но Мере хоратес нанай те пренакен. ³²А за колке диесеске или сахатиеске никой нажанел, нито о ангела ко небеса, нито о Чаво, а само о Отец.³³Внимавинен, бдинен (тай молинен тумен); соскето нажанен кана ка ачол о времес. ³⁴Понеже давка ка овел, сарто като мануш, като жал анди чужбина, мукел по кер тай дел власт пе слуген, секас лескири бути, заповединел е вратариеске те бдинел.³⁵Тай чука, бдинен (соскето нажанен кана ка авел о господари е керескоро - ират ли, или машкар ират, или като гилабен о башне, или андиавин), ³⁶тена, като ка авел неочаквано, те аракел тумен засуте. ³⁷А со пенав туменге, саворенге пенав: Бдинен!

¹А палал о дуи диес ка овелас и Пасха тай о Празники е безквасноне марескоро; тай о главна свещеникия тай о книжникия роденас случай те долен Лес пирнипнаса тай те мударен Лес. ²Соскето пененас: Тена ачол ко празники, за тена ваздел пес вълнение машкар о народос.³Тай като Ов уло анди Витания, тай бешелас ки софра ко кер е Симонеске о прокажено, али иек жувли, колато сине алабастрено съдос мироса чистоне тай скъпоценноне нардиеса; тай като паглас о съдос, чоргяс о мирос Лескере шересте. ⁴А сине десаве, колато, негодуваща, пененас машкар песте: Соске чука прахосало о мирос? ⁵Соскето давка мирос ащине бикнелпес за по бут таро трин шел пеняза, тай и сума те раздел пес е чороренге. Тай роптаиненас против лате.⁶Но о Исус пенгяс: Мукен ла; соске досадинен лаке? Ой кергяс лачо делос Манге. ⁷Соскето о чоре винаги араклон машкар туменде тай кана манген, ащи керен ленге лачипе; но Ме нана аракловав винаги машкар туменде. ⁸Ой кергяс давка, ковато ащине; предварингяс те помажинел Мо телос за погребимнаске. ⁹Истина пенав туменге: Катеда те проповединел пес о благовестие ко цело светос, ка разкажинел пес анде лакере паметяте давка, ковато ой кергяс.¹⁰Тогава о Юда Искариотски, ковка, ковато сине иек таро дешудуи, гело ко главна свещеникия, за те предел Лес ленге. ¹¹Он, като шунде, лошанде тай обещинде те ден лес парес. Тай ов роделас сгодно случай те предел Лес.¹²А ко първо диес е Празникиеске е безквасноне марескоро, като колиненас жертвес за е пасхаке, Лескере ученикия пенде: Кате мангес те жас тай те приготвинас, за те хас и пасха? ¹³Тай Ов бичалгяс дуиен Пе ученикиендар тай пенгяс ленге: Жан андо градос; тай ка ресел тумен мануш, ковато пиравел стомна паниеса; пирен палал лесте. ¹⁴Тай кате дел, пенен е стопаниеске далке керескоро: О Учители пучел: Кате си и приготвиме за Манге и приемно стая, кате ка хав и пасха Ме ученикиенца?¹⁵Тай ов ка сикавел туменге иек бари упруни стая, бухлярди тай готово; оте приготвинен аменге. ¹⁶Тай чука, о ученикия иклиле тай але андо градос; тай аракле, сарто пенгясас ленге; тай приготвинде о пасха.¹⁷Тай като ратило, Ов ало е дешудуиенца. ¹⁸Тай като бешенас ки софра тай ханас, о Исус пенгяс: Истина пенав туменге: Иек тумендар, ковато хал Манца, ка предел Ман. ¹⁹Он почнинде те скърбинен тай те пенен Леске иек по иек: Тена овав ме?²⁰А Ов пенгяс ленге: Иек таро дешудуи си, ковато топинел заедно Манца андо блюдос. ²¹Соскето о Човешко Чаво жал, сарто си пишиме за Леске; но горко за калке манушеске, чрез колесте о Човешко Чаво пределпес! Лачес ка овел далке манушеске, ако нана бияндилосас.²²Тай като ханас, о Исус лилас маро, тай като благословингяс, пагляс, тай диняс лен ай пенгяс: Лен (хан); давка си Моро телос. ²³Лилас и чашада, благодарингяс тай диняс лен; тай он саворе пиле латар. ²⁴Тай пенгяс ленге: Кавка си Моро рат е (неве) заветиескоро, ковато чориол мнозиненге. ²⁵Истина пенав туменге, кай нанай вече те пияв таро плоди е лозаке жи колке диесесте, като ка пияв лес нево андо Божие тагарипе.²⁶Тай като гилябинде химни, иклиле ко Елеонско хълми. ²⁷Тай о Исус пенгяс ленге: Туме саворе ка съблазнинен тумен (ашал Манге кайка рат); соскето си пишиме: ,,Ка поразинав е пастириес, тай о овце ка разпръснингион."²⁸А палал Мере възкресениесте ка предваринав тумен анди Галилея. ²⁹А о Петрес пенгяс Леске: Ако савореда съблазнинен пес, ме обаче - нака.³⁰Тай о Исус пенгяс леске:Истина пенав туке, кай авдиес, кайка рат, англал те гилабел о башно дуи дром*, ту трин дром ка отречинес тут Мандар. ³¹А ов твърде разпалиме пенелас: Ако ачол нужда те меравда Туса, пак нанай те отречинаман Тутар. О също пенде саворе.³²Тай але иеке танесте, наречиме Гетсимания; тай пенгяс Пе ученикиенге: Бешен ате, жи кай помолинаман. ³³Тай лилас Песа е Петрес, е Яковес тай е Йоанес, тай задолгяс те тревожинел пес тай те тъгувинел. ³⁴Тай пенгяс ленге: Ми Душа си прескръбно жи ко мериба; побешен ате тай бдинен.³⁵Тай като гело хари нангле, пело ки пув; тай молинелас пес, ако сине възможно, те отнакел Лес давка сахати, като пенелас: ³⁶Авва, Отче, за Туке всичко си възможно; отнак Ман калке чашаса; ма обаче со мангав Ме, но со Ту.³⁷Тай авел, тай аракел лен засуте; тай пенел е Петреске: Симоне, совес ли? Нащине ли иек сахати те бдинес? ³⁸Бдинен тай молинен тумен, за тена перен андо изкушение; о духос си бодро, а о телос немощно. ³⁹Тай пак гело тай помолисало, като пенгяс о съща хоратес.⁴⁰Тай като ало пак, араклас лен засуте, соскето ленгере яка натегниндесас; тай нажаненас со те отговоринен Леске. ⁴¹Тай трето дром ало, тай пенгяс ленге: Още ли совен тай почивинен? Достатъчно си! Ало о сахати! Аке, о Човешко Чаво предел пес андо васта е грешникиенге. ⁴²Ухкиен те пирас; аке, приближинел пес ковка, ковато предел ман!⁴³Тай веднага, жи кай Ов още хоратинелас, ало о Юдас, иек таро дешудуи, тай леса иек множествос чуриенца тай сопиенца, бичалде таро главна свещеникия, книжникия тай о старейшинес. ⁴⁴А ковка, ковато пределас Лес, динясас лен знаки, като пенгяс: Колес чумидав, Ов си; долен Лес, тай ингален Лес, като пазинен Лес зоралесте. ⁴⁵Тай като ало, веднага приближисало жи Лесте тай пенгяс: Учителина! Тай чумидингяс Лес. ⁴⁶Тай он товде васта упрал Лесте тай долде Лес.⁴⁷А иек таро бешле оте икалгяс пи чури тай чалагяс е първосвещеникиескере слугас, тай чингяс лескоро кан. ⁴⁸Тай о Исус захоратингяс, като пенгяс ленге: Сар мамуял разбойникиесте ли иклилен чуриенца тай сопиенца те долен Ман? ⁴⁹Секо диес улом паш туменде тай поучинавас андо храми, тай нана долгиен Ман; но давка ачило, за те сбъднингион о Писания. ⁵⁰Тогава саворе мукле Лес тай занашле.⁵¹Тай десаво си момъки следвинелас лес, пакярдо плащаницаса нангесте; тай он долде лес. ⁵²А ов, като муклас и плащаница, нашло нанго.⁵³Тай ингалде е Исусес ко първосвещеники, паш колесте киден пес саворе главна свещеникия тай о старейшинес, тай о книжникия. ⁵⁴А о Петрес следвинелас Лес удурал жи ко дворос е първосвещеникиеске, тай бешелас андре заедно е служителенца, тай такярелас пес ки яг.⁵⁵Тай о главна свещеникия, тай о цело синедриони роденас свидетелство против о Исус, за те мударен Лес, но нана аракенас. ⁵⁶Соскето мнозина лъжесвидетелствинде против Лесте, но ленгере свидетелства на сине съща.⁵⁷Палал далкесте десаве ухтиниле тай лъжесвидетелствинде против Лесте, като пенде: ⁵⁸Аме шунгям Лес те пенел: Ме ка разрушинав кавка храми кердо вастендар тай трине диесенге ка керав авер, ма вастендар. ⁵⁹Но чукада ленгере свидетелства на сине съща.⁶⁰Тогава о първосвещеники изправисало машкарал тай пучлас е Исусес, като пенгяс: Нищо ли нана отговоринес? Со свидетелствинен калка против Туте? ⁶¹А Ов траниелас тай нана отговорингяс нищо. О първосвещеники пак пучлас Лес, като пенгяс Леске: Ту ли синян о Помазаники, Чаво е Благословименескоро? ⁶²А о Исус пенгяс: Ме синиом; тай ка дикен е Човешконе Чавес, бешло отдясно е Силаке тай авел е небесноне облакиенца.⁶³Тогава о първосвещеники парагяс пе шехя тай пенгяс: Сави нужда си амен вече свидетелестар? ⁶⁴Шунгиен о богохулство; сар дикелпес туменге? Тай он саворе осъдинде Лес, кай заслужинел мерибнаскоро наказание. ⁶⁵Тай десаве почнинде те чунгаден Лес, те гаравен Лескоро муи, те бутинен Лес тай те пенен Леске: Ахалов. Тай о служителя, като долде Лес, чалавенас лес шамаря.⁶⁶Тай като о Петрес сине теле ко дворос, али иек таро слугиниес е първосвещеникиеске; ⁶⁷тай като диклас е Петрес, кай такярел пес, задиклас пес анде лесте тай пенгяс: Туда улан е Назаринянеса, е Исусеса. ⁶⁸А ов отречисало, като пенгяс: Нито жанав, нито ахаловав со хоратинес. Тай иклило аври ко предверие; тай о башно загилябингяс.⁶⁹Но и слугиния диклас лес тай пак почнингяс те пенел е бешленге оте: Кавка си лендар. ⁷⁰А ов пак отречисало. След хари о бешле оте пак пенде е Петреске: Наистина синян лендар, соскето синян галилеяни (тай то хоратиба съответствинел).⁷¹А ов почнингяс те проклининел тай те хал совеля: Нана пенджарав калке манушес, за колеске хоратинен. ⁷²Тай ко сахати о башно загилябингяс второ дром*. Тай о Петрес диняс пес годи о хоратес, колато о Исус пенгясас леске: Англал те гилябел о башно дуи дром*, трин дром ка отречинес тут Мандар. Тай като размислингяс далкеске, заруно.

¹Тай ки андиавин о главна свещеникия е старейшиненца тай е книжникиенца, тай о цело синедриони незабавно съвещинде пес, тай като панле е Исусес, ингалде Лес тай предине Лес ко Пилат. ²Тай о Пилат пучлас Лес: Ти о Юдейско тагар ли синян? А Ов отговорингяс леске: Ту пенес. ³Тай о главна свещеникия обвининенас Лес буте букиенде.⁴А о Пилат пак пучлас Лес, като пенгяс: Нищо ли нана отговоринес? Дик ките букиенге обвининен Тут! ⁵Но о Исус нищо вече нана отговорингяс, чука кай о Пилат чудинелас пес.⁶А ко празники ов мукелас ленге по иеке затворникиес, колес ка манген. ⁷А анде колке времесте исине декой си ко алав Варава, панло заедно колке бунтовникиенца, колато андо време ко бунти кердесас мудариба. ⁸Тай о народос качисало тай почингяс те мангел таро Пилат те керел ленге со сине обичай те керел.⁹А о Пилат в отговор пенгяс ленге: Манген ли те мукав туменге е Юдейсконе тагарес? ¹⁰(Понеже жанелас, кай о главна свещеникия тари завист предине Лес.) ¹¹Но о главна свещеникия подбудинде е народос те манген по-лачес те мукел ленге е Варавиес.¹²О Пилат пак в отговор пенгяс ленге: Тогава со те керав Калкеса, Колеске пенен Юдейско тагар? ¹³А он пак запищинде: Разпнин Лес!¹⁴А о Пилат пенгяс ленге: Кай саво канилипе кергяс? ¹⁵Тогава о Пилат, като мангелас те угодинел е народоске, муклас ленге е Варавас, а е Исусес маргяс тай прединяс Лес ко разпниба.¹⁶Тай о войникия ингалде Лес андре андо дворос, демек, анди претория, тай викинде целоне дружина. ¹⁷Тай урявде Лес пурпурно мантия, кувде венецида таро тръня, тай товде лес ко шеро Леске. ¹⁸Тай почнинде те поздравинен Лес чука: Здравей, Тагара Юдейско!¹⁹Тай чалавенас Лес ко шеро тръстикаса, чунгаденас Лес, тай перенас кочиенде, тай кланиненас пес Леске. ²⁰Тай след като подигрависале Леске, нангярде Лес и пурпурно мантия, урявде Лес Лескере шехя, тай икалде Лес аври те разпнинен Лес. ²¹Тай традинде те пиравел Лескоро кръстос десаво си Симон Киринеец, о дад е Александрескоро тай на Руф, ковато накелас ко ириба тари нива.²²Тай ингалде е Исусес ко тан Голгота, ковато значинел Лобно тан. ²³Тай денас Лес мол, ехмиме смирнаса, но Ов нана приемингяс. ²⁴Тай като разпънинде Лес, разделинде песке Лескере шехя тай чивенас жребий за ленге, кой со те лел.²⁵А сине о трето сахати, като разпнинде Лес. ²⁶А о надписи Лескере обвинениескоро уло пишиме чука: О Юдейско Тагар. ²⁷Тай Леса разпнинде дуие разбойникиен, иек отдясно Леске тай иек отляво Леске. ( ²⁸Тай изпълнисало о Писание, ковато пенел: ,,Тай е беззаконикиенца числисало,")²⁹Тай колато накенас отар хулиненас Лес, като клатиненас шере тай пененас: Аиде, акана! Ту, ковато разоринес о храми тай трине диесенге пах керес лес, ³⁰спасине Тут тай ухли таро кръстос.³¹Подобно тай о главна свещеникия е книжникиенца асанас Леске машкар песте, като пененас: Аверен избавингяс, апа Пес нащи избавинел! ³²О Помазаники, о Израилево Тагар, нека ухлел акана таро кръстос, тай те дикас тай те повервинас. Тай и разпниме Леса хулиненас Лес.³³Тай като ало о шесто сахати, ачили тъмнина ки цело пув, тай траингяс жи ко еня сахати. ³⁴Тай ко еня о сахати о Исусес пищингяс силноне гласоса: ,, Елои, Елои, Лама Савахтани?", ковато значинел: Боже моро, Боже моро, соске муклан Ман? ³⁵Тай десаве таро бешле оте, като шунде, пенде: Аке, викинел е Илияс.³⁶Тай иек запрастанило, топингяс гъба андо шут, тогяс ла ки тръстика тай диняс Лес те пиел, като пенелас: Мукен Лес! Те дикас дали ка авел о Илияс те снеминел Лес. ³⁷А о Исус, като издиняс силно гласос, издъхнингяс. ³⁸Тай и завеса е храмиескири паравдили донде от упрал жи теле.³⁹А о стотники, ковато бешелас мамуял Лесте, като диклас, кай чука (пищингяс тай) издъхнингяс, пенгяс: Наистина Кавка Мануш сине Чаво е Девлескоро. ⁴⁰Сине още жувля, колато дикенас удурал, машкар коленде сине и Мария Магдалина, тай и Мария, и дай е цикне Яковескири тай е Йосийяскири, тай е Саломияскири; ⁴¹колато, като уло анди Галилея, пиренас палал о Исусес тай служиненас Леске; сине бут авер жувля, колато алесас Леса андо Ерусалим.⁴²Тай като вече ратило, понеже сине Приготвително диес, демек, мамуял и събота, ⁴³ало о Йосиф тари Ариматея, иек видно съветники, ковато коркоро жарелас о Божие тагарипе, тай осмелисало те дел паш о Пилат тай те мангел е Исусескоро телос. ⁴⁴А о Пилат чудисало дали си вече муло тай като викингяс е стотникиес, пучлас лес дали вече си муло.⁴⁵Тай като сиклило таро стотники, отстъпингяс о телос е Йосифеске. ⁴⁶Тай ов кингяс плащаница тай като снемингяс Лес, пакяргяс Лес анди плащаница тай положингяс Лес андо мимори, ковато уло изсечиме анди скала, тай перагяс бар упрал о вудар е мимораске. ⁴⁷А и Мария Магдалина тай и Мария, е Йосивеиескири дай, дикенас кате положинен Лес.

¹А като накли и събота, и Мария Магдалина, и Мария, и Яковово дай, тай Саломия кинде ароматия, за те авен те помажинен Лес. ²Тай андо първо диес е куркеске але ко мимори бут рано, като изгреингяс о кам.³Тай пененас машкар песте: Кой ка перавел аменге о бар таро вудар е мимораске? - соскето сине бут баро*. ⁴А като ваздинде яка, дикле кай о бар уло перавдо.⁵Тай като дине андо мимори, дикле, кай иек юноша бешел отдясно, урявдо анди парни одежда; тай бут удивисале. ⁶А ов пенгяс ленге: Ма удивинен тумен; туме роден е Исусес о Назаряни, о разпнато. Ов възкръснингяс; нанай Лес ате; аке о тан, кате положинде Лес. ⁷Но жан, пенен Лескере ученикиенге тай е Петреске, кай жал англал туменде анди Галилея; от ка дикен Лес, сарто пенгяс туменге.⁸Тай он иклиле тай занашле таро мимори, понеже трепети тай ужаси долгяс лен; тай никаске на пенде нищо, соскето даранас.⁹Тай като възкръснингяс рано ко първо диес е куркескоро, о Исус явисало първо е Марияке Магдалина, колатар гонингясас ефта бесовя. ¹⁰Ой гели те известинел калкенге, колато придружиненас Лес, тай колато жалиненас тай ровенас. ¹¹Но он, като шунде, кай уло живдо тай кай ой диклас Лес, нана верувинде.¹²Палал далкесте явисало авере образиеса дуиенге лендар, като пиренас, като жанас андо гав. ¹³Тай он геле тай известинде околенге; но ленгеда на верувинде.¹⁴После явисало е дешуиеке ученикиенге, като уле ки софра, тай смъмрингяс лен за е невериеске тай е жестокосърдечиеске ленгоро, соскето на верувинде колкенге, колато диклесас Лес възкръсиме. ¹⁵Тай пенгяс ленге: Жан ко цело светос тай проповединен о благовестие секоне създаниеске. ¹⁶Който повервинел тай кръстинел пес, ка овел спасиме; а който на повервинел, ка овел осъдиме.¹⁷Тай калка знамения ка придружинен е повярвалонен; анде Мере алавесте бесовиен ка гонинен; неве чиба ка хоратинен; ¹⁸сапен ка долен; а ако пиен варесо мерибнаскоро, ов нисар нанай те поврединел лен; насваленге ка възложинен васта, тай он ка саскион.¹⁹Тай чука, след като хоратингяс ленге, о Дел о Исус възнесисало андо небес тай бешло отдясно е Девлеске. ²⁰А он иклиле тай проповединенас секате, като съдействинелас ленге о Дел, тай подкрепинелас о словос знамениенца, колато придружиненас лес. Амин*.

¹Понеже мнозина предприеминде те съчининен разкази за е съвършеноне потвърдимененге машкар аменде събития, ²сарто предине лен аменге колка, колато отначало уле очевидция тай служителия е евангелсконе словоске, ³диклас пес лачес мангеда, ковато изследвинавас подробно всичко таро началос, те пишинав туке наред далкеске, почтени Теофиле, ⁴за те пенджарес и достовереност е букиенгири, анде коленде улан поучавано.⁵Ко диеса е Юдейсконе тагареске о Ирод сине иек свещеники таро Авиево отреди, ко алав Захария; тай лескири ромни сине таро Ааронова потомция, тай наречинелас пес Елисавета. ⁶Он о дуйда сине праведна англал о Дел, като пиренас непорочно андо саворе Господна заповедя тай наредбес. ⁷Тай нана сине лен чадос, понеже и Елисавета сине неплодно, а о дуйда сине анди напреднало възраст.⁸Тай като свещенодействинелас ов, англал о Дел ко редос пере отредиеске, ⁹ко обичаи е свещеничествоске, леске пело пес по жребий те дел андо Господно храми тай те покадинел. ¹⁰Тай андо сахати е каденеске о цело множествос е люденге молинелас пес аври.¹¹Тай явисало леске ангели таро Дел, бешло отдясно ко кадилно олтари. ¹²Тай о Захария, като диклас лес, смутисало, тай обземингяс лес дар . ¹³Но о ангели пенгяс леске: Ма дара, Захария, соскето тери молитва си шунди тай ти ромни и Елисавета ка биянел туке чавес, колес ка наречинес Йоан.¹⁴Ов ка овел туке лошалаке тай за веселие; тай мнозина ка лошанен лескере биянимнаске. ¹⁵Соскето ка овел велико англал о Дел; мол тай спиртно пииба нанай те пиел; тай ка изпълнинел пес е Святоне Духоса още пе даяке тари утроба.¹⁶Тай още иринел мнозина таро израиляния карик о Дел, ленгоро Дел. ¹⁷Ов ка пирел англал о муи Леске андо духос тай и сила е Илияскири, за те иринел о сърца е даденгере карик о чада, тай о непокорна карик и мъдрост е праведноненге, тай те приготвинел е Девлеске благоразположиме народос.¹⁸А о Захария пенгяс е ангелеске: По состе ка ахаловав давка, соскето ме синиом пуро, ми ромни да си анди напреднало възраст? ¹⁹О ангели в отговор пенгяс леске: Ме синиом Гавриил, ковато бешел англал о Дел, тай синиом бичалдо те хоратинав туке тай те благовествинав туке давка. ²⁰Тай, аке, ка млъкнинес, тай нанай те ащи те хоратинес жи ко диес, като ка сбъднингиол давка, соскето нана верувингян ме думес, колато ка сбъднингион своевременно.²¹Тай о люде жаренас Захария тай чудиненас пес, кай бавинел пес андо храми. ²²А като иклило, нанащине те хоратинел ленге; тай он ахалиле, кай диклас видение андо храми, соскето ов керелас ленге знакя тай ачолас лалоро. ²³Тай като навършисале о диеса лескере служениестар, ов гело пе кересте.²⁴А палал далке диесенде лескири ромни и Елисавета камнили; тай таинелас пес панч масек, като пенелас: ²⁵Чука кергяс манге о Дел ко диеса, като диклас милостиво, за те отнеминел таро мануша и причина те коринен ман.²⁶А ко шов масек о ангели Гавриил уло бичалдо таро Дел андо галилейско гради, наречиме Назарет, ²⁷иеке девицате, сгодиме мрушеске, ко алав Йосиф, таро Давидово кер; а о алав е девицакоро сине Мария. ²⁸Тай като ало о ангели паш лате, пенгяс: Здравей, благодатна! О Дел си туса, благословиме синян ту машкар о жувля. ²⁹А ой бут смутисали лескере думендар тай андо недоумение ули саво ли ка овел давка поздрави.³⁰Тай о ангели пенгяс лаке: Ма дара, Марийо, соскето придобингян е Девлескоро благоволение. ³¹Тай аке, ка камниос анде те утробате тай ка биянес чавес, Колес ка наречинес Исус. ³²Ов ка овел велико тай ка наречинел пес Чаво е Всешивнонескоро; тай Господ Бог ка дел Лес о престоли Лескере дадескоро о Давид. ³³Ка царувинел упрал о Яковово кер жи ко векос; тай о тагарипе Лескоро нанай те овел лес крайос.³⁴А и Мария пенгяс е ангелеске: Сар ка овел давка, след като мрушес нана пенджарав? ³⁵Тай о ангели в отговор пенгяс лаке: О Свято Духос ка авел упрал туте тай и сила е Всевишнонескири ка осенинел тут; далкеске о Свято, Ковато ка биянгиол тутар, ка наречинел пес Божие Чаво.³⁶Тай аке, тери сродница и Елисавета, ой да пе пурибнасте камнили чеса; тай давка си о шов масек лаке, която си наречиме неплодно. ³⁷Соскето о Девлеске нанай невъзможно варесо*. ³⁸Тай и Мария пенгяс: Аке е Девлескири слугиния; нека овел манге според сарто пенгян. Тай о ангели гело песке латар.³⁹Презал калке диесенде и Мария ухтинили тай гели сиго карик и хълмисто риг, анде иеке юдейсконе градосте, ⁴⁰диняс андо Захариево кер тай поздравингяс е Елисавета. ⁴¹Тай щом шунгяс и Елисавета е Мариякоро поздрави, о младенецос закелгяс анди утроба лаке; тай и Елисавета пердили е Святоне Духоса,⁴²тай като пищингяс силноне гласоса, пенгяс: Благословиме синян ту машкар о жувля, тай благословиме си о плоди тере утробакоро! ⁴³Тай состар си манге дайка чест те авел паш манде и даи мере Девлескири? ⁴⁴Соскето, аке, щом ресло о гласос тере поздравиескоро жи ме каненде, о младенеци закелгяс лошало ан ме утробате. ⁴⁵Тай блажено си кайка, която повервингяс, кай ка сбъднингиол о пендо лаке таро Дел.⁴⁶Тай и Мария пенгяс: Величаинел ми душа е Девлес, ⁴⁷тай лошангияс мо духос андо Дел, Спасители моро,⁴⁸соскето дикляс милостиво е нисконе положениеске Пе слугинякоро; тай аке, от акана ка облажвинен ман саворе родовя. ⁴⁹Соскето о Силно извършингяс за манге велика дела; тай свято си Лескоро алав.⁵⁰Тай из роди андо роди Лескири милост си упрал колкенде, колато даран Лестар. ⁵¹Извършингяс силна дела Пере мишцаса; разпръснингяс колкен, колато си горделива андо мислес пе сърцеске.⁵²Ухлагяс владетелен ленгере престолендар тай ваздингяс смиренонен. ⁵³Е бокален пергяс с блага, а е барвален бичалгяс чуче.⁵⁴Помагингяс Пе слугаске о Израил, за те помнинел те покажинел милост ⁵⁵( сарто хоратингясас амаре даденге) карик о Авраам тай карик лескере потомствосте жи ко векос.⁵⁶А и Мария, като побешли ласа около трин масек, ирисали пе кересте. ⁵⁷А е Елисаветаке навършисало о време те биянел; тай биянгяс мрушес. ⁵⁸Тай като шунде о комшидес тай о енданя лакере, кай о Дел покажингяс карик лате велико милост, лошаненас ласа.⁵⁹Тай ко охто диес але те обрежинен е чавес; тай ка наречиненас лес Захария, е дадеске ко алав. ⁶⁰Но лескири дай в отговор пенгяс: Ма, но ка наречинел пес Йоан. ⁶¹Тай пенде лаке: Нанай никой ан те родиесте, който наречинел пес далке алавеса.⁶²Тай пученас лескере дадес знакиенца сар ка мангел ов те наречинен лес. ⁶³А ов манглас дъсчица тай пишингяс калка думес: Йоан си лескоро алав. Тай он саворе почудисале.⁶⁴Тай ко сахати путердиле лескоро муи тай и чиб лескири путердили, тай ов захоратингяс тай благословинелас е Девлес. ⁶⁵Тай дар долгяс саворе ленгере комшиден; тай всичко давка хоратинелас пес ки цело хълмисто риг ки Юдея. ⁶⁶Тай саворе, колато шунде, пазиненас давка пе сърцесте, тай пененас: Саво ли ка овел давка чаво? Соскето е Девлескоро вас сине леса.⁶⁷Тогава лескоро дад о Захария пердило е Святоне Духоса тай пророкувинелас, тай пенел: ⁶⁸Благословиме о Дел, о Израилево Дел, соскето посетингяс Пере люден тай извършингяс изкупление за ленге.⁶⁹Тай въздигнингяс роги на спасение аменге ко кер Пе слугаске о Давид, ⁷⁰( сарто хоратингяс чрез о муи Пе святоненге таро векос пророкия), ⁷¹избавление таро неприятелия амаре тай таро вас саворенге, колато мразинен амен,⁷²за те покажинел милост карик амаре даденде тай те помнинел о свято Поро завети, ⁷³и клетва, коласа заклевисало амаре дадеске Авраам, ⁷⁴те дел амен, те овас свободна таро вас амаре неприятеленге, те служинас Леске без те дарас, ⁷⁵анди святост тай правда англал Лесте, презал о саворе диеса.⁷⁶Ва! Тай ту, чавеа, пророки е Всевишнонескоро ка наречинес тут; соскето ка пирес англал о муи е Девлеске те приготвинес о дрома за Леске. ⁷⁷За те дес Лескере люденге те пенджарен спасение чрез прощаване о безеха ленгере,⁷⁸поради о милосърдие амаре Девлескоро, колеса ка посетинел амен о зори таро свише, ⁷⁹за те осияинел о бешле анди тъмнина тай анди мрачно сянка; тай те насочинел амаре пире андо дром е мириеске.⁸⁰А о чаво бариолас тай крепнинелас по дух; тай уло андо пустиниес жи ко диес, като явисало е Израилеске.

¹А анде колке диесенде иклили заповед таро кесари о Август те керел пес преброяване ки цело пув. ²Давка сине о първо преброяване, от сарто о Квириний управлинелас и Сирия. ³Тай саворе жанас те запишинен пес, секой пере градосте.⁴Тай чука, гело о Йосиф тари Галилея, таро градос Назарет, анди Юдея,андо Давидово градос, ковато наречинел пес Витлеем ( понеже ов сине таро кер тай родос Давидово), ⁵за те запишинел пес е Марияса, която сине сгодиме за леске тай сине непразно.⁶Тай като сине оте, навършисале лакере диеса те биянел. ⁷Тай биянгяс пе първородноне Чавес, пакяргяс Лес, тай положингяс Лес анде иеке яслате, соскето нана сине тан за ленге анди гостилница.⁸Тай ко също тан исине овчария, колато живиненас ко полес тай пазиненас стража ират около пе стадосте. ⁹Тай ангели таро Дел зачило англал ленде, тай и Господно слава осияингяс лен; тай он дараниле бут.¹⁰Но о ангели пенгяс ленге: Ма даран, соскето, аке, благовествинав туменге бари лошали, която ка овел саворе люденге. ¹¹Соскето авдиес бияндило туменге андо Давидово градос Спасители, Ковато си Христос Господ. ¹²Тай давка ка овел туменге о знаки- ка аракен Младенцос, пакярдо тай товдо анде иеке яслате.¹³Тай внезапно, заедно е ангелеса, араклило множество небесно войнство, ковато хвалинелас е Девлес, тай пенел: ¹⁴Слава е Девлеске андо висини.Тай ки пув мири машкар о мануша, анде коленде си Лескоро благоволение!¹⁵Щом о ангеля геле песке лендар андо небес, о овчаря пенде песке иек авереске: Нека те жас тогава жи ко Витлеем тай нека дикас давка, ковато ачило, ковато о Дел изявингяс аменге. ¹⁶Тай але бързо тай аракле е Мария тай е Йосифиес, тай е Младенциес, пашло анди ясла.¹⁷Тай като дикле, разкажинде со уло ленге известиме калке Младенцоске. ¹⁸Тай саворе, колато шунде, удивисале далкестар, ковато о овчария пенде ленге. ¹⁹А и Мария скътинелас саворе далка думес ан пе сърцесте тай размишлинелас упрал ленде. ²⁰Тай о овчария ирисале, славеща тай хвалеща е Девлес всичконаске, ковато шунде тай дикле, според сарто уло ленге пендо.²¹Тай като навършисале охто диес, тай требваше те обрежинен е Чавес, дине Лес о алав Исус, сарто уло наречено таро ангели, преди те уло зачениме анди утроба.²²Като навършисале о диеса за е очистибнаске ленге, според о Мойсеево закони, ингалде Лес андо Ерусалим, за те представинен Лес англал о Дел ²³( сарто си пишиме андо Господно закони, кай " всеко първородно младенеци от мъжки пол ка овел свято е Девлеске") ²⁴тай те принесинен жерва според о пендо андо Господно закони, " дуи гургулицес, или дуи терне кушя".²⁵Тай аке, исине андо Ерусалим иек мануш ко алав Симеон; тай кавка мануш сине праведно тай благочестиво, тай жарелас о утешение е Израилескоро; тай о Свято Духос сине упрал лесте. ²⁶Леске уло открииме таро Свято Духос, кай нанай те дикел мериба, жи кай нана дикел е Девлескере Помазаникиес.²⁷Тай по внушение е Духоске ов ало андо храми; тай като о родителя внесинде е Младенцос е Исусес, за те керен за Леске по обичаи е закониескоро, ²⁸ов лилас Лес пе вастенде тай благословингяс е Девлес, като пенгяс: ²⁹Акана, Владико, мукес Те слугас мириеса, според Ти дума;³⁰соскето дикле ме яка о спасение, ³¹ковато приготвингян англал саворе люденде; ³²светлина те просветинел е езичникиен, тай слава Тере народоске о Израил.³³А Лескоро дад тай Лескири даи чудиненас пес далкеске, ковато хоратинелас пес за Леске. ³⁴Тай о Симеон благословингяс лен тай пенгяс Лескере даяке е Марияке: Аке, кавка Чаво си поставиме за е перибнаске тай е ухтибнаске на мнозина андо Израил тай белегиеске, против колесте ка хоратинелпес; ³⁵Ва! Тай тукеда мечи ка пронизинел ти душа, за те откринен пес о помислес буте сърцеденге.³⁶Сине десави пророчица да Анна, Фануилово чаи, таро Асирово племе,( ой сине анди бут напреднало възраст, като живингяс пе ромеса ефта бреш от цикнярла, ³⁷тай сине вдовица на охтодеш тай штар бреша) която нана отделинелас пес таро храми, кате ират о диес служинелас е Девлеске в пост тай молитва. ³⁸Тай ой, като приближисали ко също сахати, благодаринелас е Девлеске тай хоратинелас за Леске саворенге, колато жаренас о изкупление на Ерусалим.³⁹Тай като свършинде всичко, ковато сине според о Господно закони, ирисале анди Галилея, ан пе градосте Назарет. ⁴⁰А о Младенеци бариолас, крепнинелас тай периолас с мъдрост; тай е Девлескири благодат сине упрал Лесте.⁴¹Тай Лескере родителя жанас секо бреш андо Ерусалим за е празникиеске и Пасха. ⁴²Тай като Ов уло дешудуи бреша, като геле по обичаи ко празники, ⁴³тай като икалде о диеса тай ириненас пес, о чаво Исус ачило андо Ерусалим, без те жанен Лескере родителя. ⁴⁴А он, понеже мислиненас, кай Ов си е дружинаса, накле иек диес дром, като роденас Лес машкар о ендания тай познайникия пере.⁴⁵Тай като нана аракле Лес, ирисале андо Ерусалим тай роденас Лес. ⁴⁶Тай палал о трин диес аракле Лес андо храми, бешло машкар о законоучителя, тай шунелас лен тай пучелас лен. ⁴⁷Тай саворе, колато шуненас Лес, удивиненас пес Лескере разумиеске тай Лескере отговориенге.⁴⁸Тай като дикле Лес, смаинде пес; тай пенгяс Леске Лескири дай: Мочо, соске кергян чука аменца? Аке, То дад тай ме, наскърбиме, родасас Тут. ⁴⁹А Ов пенгяс ленге: Соске те роден Ман? Нана жаненас ли, кай требе те овав андо кер Ме Отцаске? ⁵⁰А он нана ахалиле о думес, колато пенгяс ленге.⁵¹Тай Ов ухлило ленца, тай ало андо Назарет, тай покоринелас пес ленге. А Лескири дай скътвинелас саворе калка думес ан пе сърцесте. ⁵²А о Исус напредвинелас анди мъдрост, андо учипе тай андо благоволение англал о Дел тай о мануша.

¹Андо дешупанч бреша таро царуване е кесариескоро о Тиберий, като о Понтий Пилат сине управители на Юдея, а о Ирод четверовластники анди Галилея тай лескоро прал о Филип четверовластники анди Итурейско тай Трахонитско риг, тай о Лисаний четверовластники анди Авилиния, ²ко първосвещенство на Анна тай Каиафа, о Божие словос ало карик о Йоан, о Захариево чаво, анди пустиния.³Тай ов обикалянгяс цело риг около о Йордан тай проповединелас кръщение на покаяние за прощение е безехенге,⁴сарто си пишиме анди книга е думенца е пророкиескере о Исая: " Гласос иекескоро, ковато пищинел анди пустиния: Приготвинен о дром е Девлеске, права керен о пътекес за Леске.⁵Всеко долина ка периол. Тай всеко планина тай хълми ка снишингиол; о банге пътекес ка ачон права, тай о неравна тана гладка дрома; ⁶тай всеко плът ка дикел е Девлескоро спасение".⁷Тай чука, ов пенелас е множествоске, колато иклонас те кръстинен пес лестар: Рожбес ехиднини! Кой предупредингяс тумен те нашен таро идещо гняви?⁸Принесинен плодове, съответстваща на покаяние; тай ма почнинен те пенен туменге: си амен о Авраам дадеске. Соскето пенав туменге, кай о Дел ащи калке барендар те ваздел чада е Авраамеске.⁹А о товер да пашлол вече ко корени е каштенге: тай чука, всеко каш, ковато нана дел лачо плоди, отсечинел пес тай анди яг чивелпес.¹⁰Тай о множества пученас лес, тай пенен: Тогава со те керас? ¹¹А ов в отговор пенгяс ленге: Кас иси дуи гада, нека те дел калкес, колес нанай; тай кас иси хабе, нека керел о също.¹²Але бирникия да те кръстинен пес, тай пенде Леске: Учителю, аме со те керас? ¹³Ов пенгяс ленге: Ма манген нищо по бут далкестар, ковато си туменге определиме.¹⁴Пученас лес войникия, тай пенен: А аме со те керас? Пенгяс ленге: Ма насилвинен никас, нито клеветинен; тай задоволинен тумен тумаре заплатендар.¹⁵Тай понеже о люде сине андо недоумение, тай саворе размишлиненас анде пе сърценде е Йоанеске, тена овел ов о Помазаники, ¹⁶о Йоан отговорингяс саворенге, като пенгяс: Ме кръстинав тумен паниеса, но авел Ковка, Ковато си по-силно мандар, Колеске на синиом достоино те развържинав о ремъки е потиниенгоро; Ов ка кръстинел тумен е Святоне Духоса тай ягаса.¹⁷Ов икерел и лопата ан Пе вастесте, за те очистинел лачес По гумно тай те кидел о житос анди житница Пери; а и плява ка тарел анди неугасимо яг.¹⁸Тай буте авере увещаниенца ов благовестинелас е люденге. ¹⁹А о четверовластники о Ирод, ковато сине изобличиме лестар ащал и Иродиада, пе пралескири ромни, тай ашал саворенге злиненге, колато кергясас о Ирод, ²⁰прибавингяс карик о всичко авер давкада, кай панлас е Йоанес анди тъмница.²¹Тай като кръсисале саворе люде, като кръстисало о Исус тай молинелас пес, путердило о небес ²²тай о Свято Духос ухлило упрал Лесте андо телесно образи сар куши, тай гласос ало таро небес, ковато пенелас: Ту синян Моро възлюбиме Чаво; анде Туте си Моро благоволение.²³Тай о Исус сине на около триянда бреша, като почнингяс те поучинел, тай, като мислиненас, уло чаво на Йосиф, ковато уло чаво Илиево, ²⁴а Илий- Мататов; Матат, Левиев; Леви- Мелхиев; Мелхи- Яанаев; Яанай- Йосифов;²⁵Йосиф- Мататиев; Мататия- Амосов; Амос- Наумов; Наум- Еслиев; Если- Нагеев; ²⁶Нагей-Маатов; Маат- Мататиев; Мататия- Семеев; Семей-Йосифов; Йосиф- Юдав;²⁷Юда- Йоананов; Йоанан- Рисов; Риса-Зоровавелов; Зоровавел- Салатиилев; Салатиил-Нириев; ²⁸Нири- Мелхиев; Мелхи- Адиев; Ади-Косамов; Косам- Елмодамов; Елмодам- Иров; ²⁹Ир- Исус; Исус- Елиезеров; Елиезер- Йоримов; Йорим- Мататов; Матат- Левиев;³⁰Леви- Симеонов; Симеон- Юдов; Юда- Йосифов; Йосиф- Йоананов; Йоанан- Елиакимов; ³¹Елиаким- Мелеев; Майнан- Мататов; Матата-Натанов; Натан- Давидов; ³²Давид- Есеев; Есей- Овидов; Овид- Воозов; Вооз- Салмонов; Салмон-Наасонов;³³Наасон- Аминадавов; Аминадав- Арамов; Арам- Есронов; Есрон- Фаресов; Фарес- Юдов; ³⁴Юда- Яковов; Яков- Исааков; Исаак- Авраамов; Авраам- Таров; Тара- Нахоров; ³⁵Нахор-Серухов; Серух- Рагавов; Рагав- Фалеков; Фалек- Еверов; Евер- Салов;³⁶Сала- Каинанов; Каинан- Арфаксадов; Арфаксад- Симов; Сим- Ноев; Ное- Ламехов; ³⁷Ламех- Матусалов; Матусала- Енохов; Енох- Яредов; Яред- Малелеилов; Малелеил- Каинанов; ³⁸Каинан- Еносов; Енос- Ситов; Сит-Адамов; а Адам- Божий.

¹А о Исус, пердо Святоне Духоса, като ирисало таро Йордан, уло водиме таро Духос ки пустиния саранда диеса, ²кате уло изкушиме таро бенг. Тай нана халас нищо презал далке диесенде; тай като накле пес он, Ов бокалило.³Тай о бенг пенгяс Леске: Ако синян Божие Чаво, заповедине калке бареске те ачол маро. ⁴А о Исус отговорингяс леске: Пишиме си: " Ма само мареса ка живинел о мануш ,но всеконе Божие словоса".⁵Тогава, като ингалгяс Лес иеке планинате учипнасте тай покажингяс Леске саворе тагарипнадес ,е вселенакере андо иек мигос време, о бенг пенгяс Леске: ⁶Туке ка дав савори власт тай слава калке тагарипнаске соскето манге си предиме, тай ме дав ла, каске мангав. ⁷Тай чука, ако поклонинес тут манге, всичко ка овел Торо.⁸А о Исус в отговор пенгяс леске*: Пишиме си: " Е Девлеске, торо Дел, те кланинес тут, тай само Леске те служинес".⁹Тогава ингалгяс Лес андо Ерусалим, поставингяс Лес ко крило е храмиеске тай пенгяс Леске: Ако синян Божие Чаво, чив тут атар теле ; ¹⁰соскето си пишиме: " Ка заповединел Пе ангеленге за Туке те пазинен Тут; ¹¹тай вастенде ка вазден Тут, тена чалавес анде баресте те пире".¹²А о Исус в отговор пенгяс леске: Пендо си: " Тена изпитвинес е Девлес, торо Дел." ¹³Тай като изчерпингяс всеко изкушение, о бенг оттеглисало Лестар жи десаво време.¹⁴А о Исус ирисало анди Галилея е силаса е Духоскири; тай слухи разнесисало за Леске ки цело околност. ¹⁵Тай Ов поучинелас ко синагогес ленге; тай саворе прославиненас Лес.¹⁶Тай ало андо Назарет, кате ухло отхраниме, тай по Пере обичаиесте диняс анди синагога иек съботно диес, тай ухтинило те четинел. ¹⁷Тай подине Леске и книга е пророкиескири о Исая; тай Ов, като путергяс и книга, араклас о тан, кате уло пишиме:¹⁸" О Духос е Девлескоро си упрал Манде, соскето помажингяс Ман те благовестинав е сиромасиенге; бичалгяс Ман* те прогласинав освобождение е пленникиенге, тай проглеждане е коренге, те мукав на свобода е угнетонен, ¹⁹те прогласинав о благоприятно Господно бреш."²⁰Тай като панлас и книга, ирингяс ла е служителеске тай бешло; а о яка саворенгере анди синагога уле впита анде Лесте. ²¹Тай почнингяс те пенел ленге: Авдиес изпълнисало давка писание анде тумаре каненде. ²²Тай саворе засвидетелствинде Леске, тай чудиненас пес е благодатноне думенге, колато иклонас Лескере мостар. Тай пененас: Кавка нанай ли о Йосифово чаво?²³Тай Ов пенгяс ленге: Без това ка пенен Манге кайка поговорка: Лекарю, изцерине тут; ковато шунгям, кай ачолас андо Капернаум, кер лес атеда анде Тере родинате. ²⁴Тай пак пенгяс: Истина пенав туменге, кай нисаво пророки нанай приемиме ан пе родинате.²⁵А пенав туменге наистина: Бут вдовицес сине андо Израил ко диеса е Илияске, като панлило о небес трине брешенге тай шове масекиенге, тай ачили бари бок ки цело пув; ²⁶тай нито паш иекате лендар нана уло бичалдо о Илия, а само иеке вдовоцате андо Сарепта Сидонска. ²⁷Чука също бут прокажена сине андо Израил андо време е пророкиеске о Елисей; но никой лендар на сине очистиме, а само о сириицос о Нееман.²⁸Като шунде давка, саворе, колато уле анди синагога, пердиле с гняв ²⁹тай, като ухтиниле, икалде Лес аври таро градос, тай ингалде Лес ки стръмнина е хълмиеске, колесте ленгоро градос сине съградиме, за те чивен Лес теле. ³⁰Но Ов накло машкар ленде тай гело песке.³¹Тай ухлило андо галилейско градос Капернаум, тай поучинелас лен андо съботно диес; ³²тай удивиненас пес Лескере учениеске, соскето Лескоро словос сине с власт.³³Тай анди синагога сине мануш, долдо таро духос нечистоне бесостар; тай ов пищингяс силноне гласоса: ³⁴Ех, со иси Тут аменца, Исусе Назарянине? Нима алан те погубинес амен? Пенджарав Тут Кова синян- о Свято Божие.³⁵Но о Исус смъмрингяс лес, тай пенгяс: Млъкнин тай икли лестар. Тай о бесос, като повалингяс лес англал саворенде, иклило лестар, без нисар те поврединел лес. ³⁶Тай саворе смаинде пес, тай хоратиненас машкар песте, тай пенде: Саво ди давка словос, кай Ов с власт тай сила заповедингяс е нечистоне духовиенге, тай он икльон? ³⁷Тай слухи разнесисало за Леске ко саворе околна тана.³⁸Тай като ухтинило, тай иклило тари синагога, диняс андо Симоново кер. А и Симоново сасуи ули долди тари силно треска: тай молиненас Лес за лаке. ³⁹Тай Ов, като зачило упрал лате, смъмрингяс и треска, тай и треска муклас ла; тай ко сахати ой ухтинили тай прислужвинелас ленге.⁴⁰Тай като залезинелас о кам, саворе, колато сине лен насвале таро разна болестия, анде лен паш Лесте; а Ов, като положингяс васта всеконе иекеске лендар, изцелингяс лен. ⁴¹Още бесовя да пищенца иклонас таро мнозина, тай пененас: Ту синян о Божие чаво. А Ов смъмринелас лен тай нана мукелас лен те хоратинен, понеже жаненас, кай си Помазаники⁴²Тай като дислило, Ов иклило тай гело андо уединено тан; а о народос роделас Лес, авелас паш Лесте тай мангелас те задържинел Лес, за тена жал песке лендар. ⁴³Но Ов пенгяс ленге: Околе градовиенге да требе те благовестинав о Божие тагарипе, понеже далкеске синиом бичалдо. ⁴⁴Тай проповединелас андо галилейска синагогес.

¹А иеквар, като о народос притискинелас Лес те шунел о Божие словос, Ов бешелас ко Генисаретско езерос. ²Тай диклас дуи ладиес, спириме край о езерос; а о рибария иклилесас лендар тай товенас пе мрежес. ³Тай като диняс иекате таро ладиес, която сине Симоново, помолингяс лес те отдалечинел ла хари тари суша; тай бешло, тай поучинелас е народос тари ладия.⁴Тай като престанингяс те хоратинел, пенгяс е Симонеске: Оттеглине и ладия карик о дълбоко тай чивен тумаре мрежес уловимнаске. ⁵А о Симон в отговор пенгяс: Учителю, цело рат трудисалам тай нищо на уловингям; но Тере думате ка чивав о мрежес. ⁶Тай като керде давка, уловинде твърде бут мачо, чука кай чинионас ленгере мрежес. ⁷Тай кимнинде пе съдружникиенге анде колке ладияте те авен ленге на помощ; тай он але, тай перде о дуида ладиес- дики, кай ка потъниненас.⁸А о Симон Петър, като диклас давка, пело англал о Исусова кочя тай пенгяс: Жатуке мандар, Девла, соскето синиом грешно мануш. ⁹Понеже ов тай саворе, колато сине леса, удивисале е уловиеске таро мачо, ковато долде, ¹⁰също о Яков тай о Йоан, чаве е Заведейескере, колато сине Симонова съдружникия. А о Исус пенгяс е Симонеске: Ма дара; от акана манушен ка ловинес. ¹¹Тай като извлечинде о ладиес ки суша, мукле всичко тай тръгнинде палал Лесте.¹²Тай като уло иекесте таро градовя, аке мануш, ковато уло цело прокажиме, като диклас е Исусес, пело пе мосте тай помолисало Леске, тай пенгяс: Господи, ако мангес, ащи те очистинес ман. ¹³А Ов протегнингяс вас тай доприсало жи лесте, тай пенгяс: Мангав, ов очистиме. Тай ко сахати и проказа муклас лес.¹⁴Тай Ов пенгяс леске никаске тена пенел далкеске: Но за свидетелство ленге, жа, пенгяс, тай покажине тут е свещеникиеске, тай принесине те очистимнаске според сарто заповедингяс о Мойсей.¹⁵А и вест за Леске още по бут разнесинелас пес; тай баре множества киденас пес те шунен тай те изцелинен пес пе болестиендар. ¹⁶А Ов оттеглинелас пес андо пустиниес тай молинелас пес.¹⁷Тай андо иек далке диесендар, като Ов поучинелас, оте бешенас фарисея тай законоучителя, але секоне гавестар на Галилея, Юдея тай Ерусалим; тай сила таро Дел сине Леса те изцелинел.¹⁸Тай аке, мруша, колато ингаленас постелкате иеке манушес, ковато сине паралитики; тай опитисале те денгярен лес андре тай те товен лес англал Лесте. ¹⁹Но понеже нана аракенас катар те денгярен лес андре ашал о народос, качинде пес ко покриви, тай презал о керемидес мукле лес е постелкаса англал о Исус.²⁰Тай Ов, като диклас ленгири вяра, пенгяс: Човече, простинен пес те безеха. ²¹Тогава о книжникия тай о фарисея почнинде те препиринен пес, тай пенен: Кова си Кавка, Ковато богохулствинел? Кой ащи те простинел безеха, освен иек Дел?²²Но о Исус, като диклас о разисквания ленгере, пенгяс ленге в отговор: Соске разисквинен анде тумаре сърценде? ²³Кова си по-лесно - те пенав: Простинен пес те безеха, или те пенав: Ухти тай пир? ²⁴Но за те пенджарен, кай о Човешко Чаво силес власт ки пув те простинел безеха (пенгяс е паралитикиеске:) Пенав туке: ухти, вазде ти постелка тай жа туке кере.²⁵Тай ко сахати ов ухтинило англал ленде, ваздингяс кавка, состе пашлолас, тай гело пе кересте, като славинелас е Девлес. ²⁶Тай он саворе удивисале тай славиненас е Девлес, тай перда с боязън, пененас: Авдиес диклам пречудна букя.²⁷Палал далкесте о Исус, като иклило, диклас иеке бирникиес, ко алав Леви, бешло андо бирничество тай пенгяс леске: Пир палал Манде. ²⁸Ов муклас всичко тай като ухтинило, тръгнингяс палал Лесте.²⁹А о Леви кергяс Леске баро угощение ан пе кересте; тай сине бут бирникия тай авер, колато бешенас ки софра ленца. ³⁰А о фарисея тай ленгере книжникия роптаиненас против Лескере ученикиенде, тай пенен: Соске хан тай пиен е бирникиенца тай е грешникиенца? ³¹О Исус в отговор пенгяс ленге: О здрава нанай лен нужда лекариестар, а о насвале. ³²Нана алом те призовинав е праведнонен, а е грешнонен на покаяние.³³Тай он пенде Леске: О Йоанова ученикия често постинен тай керен молитвес, чука о фарисея да, а Тере хан тай пиен. ³⁴О Исус пенгяс ленге: Ащи ли те траден е свадбариен те постинен, жи кай си ленца о жамутро? ³⁵Ка авен обаче диеса, като о жамутро ка отнеминел пес лендар; тогава, презал колке диесенде, ка постинен.³⁶Пенгяс ленге още притча: Никой отдиринел кръпка неве шехиендар те товел ла пуране шехиенде; иначе о неве шехя да съдиринен пес, тай и кръпка таро неве нана препел е пураняса.³⁷Тай никой нана наливинел неви мол андо пуране меховя; иначе и неви мол ка пръснинел о меховя, тай ов коркоро ка чориол, тай о меховя ка изхабинен пес. ³⁸Но требе те наливинел пес неви мол андо неве меховя. ³⁹Тай никой, след като пилас пурани мол, нана мангел неви, соскето пенел: О пурано си по лачо.

¹Тай иек събота , и първо палал о дуи диес е Пасхаке , като накелас Ов презал о посевя, о ученикия Лескере чиненас класовя тай ханас, като стривиненас лен вастенца. ²А десаве таро фарисея пенде: Соске керен давка, ковато нанай позволиме те керел пес събота?³О Исус в отговор пенгяс ленге: Нана четингиен ли давка, ковато кергяс о Давид, като бокалило, ов тай о мруша, колато сине леса, ⁴сар диняс андо Божие кер, лилас о присъствена маре, тай халас, тай диняс колкенда, колато уле леса- маре, колато нанай позволиме те хал никои, а само о свещеникия? ⁵Тай пенгяс ленге: О Човешко Чаво си господари е съботаке.⁶Койка да събота диняс анди синагога, тай поучинелас; тай оте сине иек мануш, колескоро десно вас шукилосас. ⁷Тай о книжникия тай о фарисея наблюдавиненас Лес дали анди събота ка изцелинел лес, за те ащи обвининен Лес. ⁸Но Ов жанелас ленгере помислес тай пенгяс е манушеске е шуке вастеса: Ухти тай изправине тут ко машкар. Тай ов ухтинило тай изправисало.⁹Тогава о Исус пенгяс ленге: Пучав тумен: Со си позволиме те керел мануш анди събота- лачипе ли те керел, или канилипе, те спасинел ли животос, или те погубинел? ¹⁰Тай като диклас саворен, пенгяс е манушеске: Протегнине то вас. Тай ов кергяс чука; тай лескоро вас оздравингяс. ¹¹А он пердиле дениле яростяса тай хоратиненас машкар песте со ащи керен е Исусеске.¹²Презал колке диесенде о Исус иклило ки планина те молинел пес тай прекарингяс цело рат анди молитва карик о Дел. ¹³Тай като дислило, викингяс Пе ученикиен тай избирингяс лендар дешудуи жене, колен наречингяс апостола:¹⁴Симон, колес наречингяс Петър, тай лескоро прал о Андрей, Яков тай Йоан, Филип тай Вартоломей, ¹⁵Матей тай Тома, Яков Алфеев тай Симон, наречиме Зилот, ¹⁶Юда, е Яковескоро прал, тай Юда Искариотски, ковато ачило предатели.¹⁷Тай като ухлило заедно ленца, Ов спирингяс иеке равноне танесте; спирисале оте баро множество таро ученикия Леске, тай бари навалица таро люде тари цело Юдея тай Ерусалим тай таро Тирско тай Сидонско крайморие, колато алесас те шунен Лес тай те изцелинен пес пе болестиендар; ¹⁸също о измъчиме таро нечиста духовя изцелиненас пес. ¹⁹Тай цело народос стараинелас пес те допиринел пес жи Лесте, соскето сила иклолас Лестар тай изцелинелас саворен.²⁰Тай Ов ваздингяс яка карик Пе ученикиенде, тай пенгяс: Блажена туме, сиромасия; соскето си тумаро о Божие тагарипе. ²¹Блажена, колато гладувинен акана; соскето ка наситинен тумен. Блажена, колато ровен акана; соскето ка заасан.²²Блажена синиен, като мразинен тумен о мануша, тай като отлъчинен тумен пестар тай хулинен тумен, тай отчивен тумаро алав сар канило, ашал о Човешко Чаво; ²³лошанен колке диесесте тай келен, соскето, аке, бари си и награда тумари андо небеса; понеже ленгере дада чука керенас е пророкиенца.²⁴Но горко туменге, о барвале; соскето приемингиен вече тумари утеха. ²⁵Горко туменге, колато акана синиен наситена; соскето сиго ка бокалон. Горко туменге, колато акана асан, соскето ка жалинен тай ка ровен.²⁶Горко туменге, като саворе мануша хвалинен тумен, соскето ленгере дада чука керенас е хохавне пророкиенца.²⁷Но туменге, колато шунен, пенав: Дехен тумаре неприятелен, керен лачипе калкенге, колато мразинен тумен, ²⁸благословинен калкен, колато дентумен арманя, молинен тумен калкенге, колато керен туменге пакост.²⁹Калкеске, ковато чалавел тут иеке ригатар, ирине окояда; тай калкеске, ковато лел то упруно шехи, ма откажине то гад да. ³⁰Де секас, които мангел туке; тай ма манк те букя колкестар, ковато лел лен.³¹Тай сарто манген те керен о мануша туменге, чука тумеда керен ленге. ³²Понеже ако дехен само колкен, колато дехен тумен, сави благодарност перел пес туменге? Соскето о грешникия да дехен колкен, колато дехен лен. ³³Тай ако керен лачипе само колкенге, колато туменге керен лачипе, сави благодарност перел пес туменге? Соскето о грешникия да керен о също. ³⁴Тай ако ден заеми само калкен, колендар надявинен тумен те получинен лес обратно, сави благодарност перел пес туменге? Соскето о грешна грешнонен ден заеми, за те лен лес песке напапале.³⁵Но туме дехен тумаре неприятелен, керен лачипе тай назаем ден, без те жарен те лен напапале; тай тумари награда ка овел бари, тай ка овен чада е Всевишнонеске; соскето Ов си благо карик о неблагодарна тай каниле. ³⁶Овен милосърдна, сарто тумаро Отеци си милосърдно.³⁷Ма съдинен, тай нанай те овен съдиме; ма осъждинен, тай нанай те овен осъждиме; просинен, тай ка овен простиме;³⁸ден, тай ка делпес туменге; лачи мярка, натъпкано, стърсено, препълнено ка ден тумен анди пазва; соскето саве мяркаса меринен, салкаса ка отмервинел пес туменге.³⁹Пенгяс ленге иек притча: Ащи ли о коро корес те водинел? Нанай ли те перен о дуида анди яма? ⁴⁰О ученики нанай по-упруно пе учителестар; а всеко ученики, като усъвършенствинел пес, ка овел сар пе учителесте.⁴¹Тай соске дикес и съчица те пралеске анди як, а на усетинес и греда ан тере якате? ⁴²Или сар ащи пенес те пралеске: Прала, мук ман те икалав и съчица те якатар, като ту коркоро нана дикес и греда, която си ан тере якате? Лицемерецо, първо икал и греда тере якатар, тай тогава ка дикес ясно, за гте икалес и съчица, която си те пралеске анди як.⁴³Соскето нанай лачо каш, ковато дел канило плоди, нито па канило каш, ковато дел лачо плоди. ⁴⁴Понеже всеко каш пере плодиестар пенджарел пес; соскето нана киден смокинес таро каре, нито чинен драка тари къпина.⁴⁵О лачо мануш таро лачо съкровищес пе сърцеске икалел лачипе; а о канило мануш пе каниле съкрошищестар икалел канилипе; соскето колкестар, ковато перел лескоро сърцес, хоратинел лескоро муи.⁴⁶Тай соске зовинен Ман: Господи! Господи!, а на керен кавка, ковато пенав? ⁴⁷Всекой, които авел паш Манде тай шунел Мере думес тай изпълнинел лен, ка покажинав туменге упрал касте препел. ⁴⁸Препел манушесте, ковато, като строинел кер, о изкопинел тай задълбочинел, тай положинел о основес упрал и канара; тай като ачило наводнение, и река устремисали упрал далке кересте, но нанащине клатинел ла, соскето сине здраво построиме.⁴⁹А които шунел тай нана изпълнинел, препел манушесте, ковато строинел кер ки пув, би основенгоро; тай като упрал лате устреминел пес и река, ко сахати рухнингяс; тай о срутване лескоро сине баро.

¹1 След като свършингяс саворе Пере речия карик о люде, колато шуненас Лес, о Исус диняс андо Капернаум.²А десаве стотникиескоро слугас, ковато сине леске мило, боледувинелас жи мерибнасте. ³Тай като шунгяс е Исусеске, бичалгяс жи Лесте десаве юдейска старейшинес те помолинен Лес те авел тай те изцелинел лескере слугас. ⁴Тай он але паш о Исус, тай молиненас пес Леске усърдно, като пененас: Ов заслужинел те керес леске давка; ⁵соскето дехел амаре народос, тай ов построингяс аменге и синагога.⁶А като о Исус пирелас ленца тай нана сине вече дуре таро кер, о стотники бичалгяс жи Лесте амален те пенен Леске: Господи, ма кер туке трудос, соскето нана синиом достоино те дес телал ме сряхате; ⁷далкеске да на счетингиом ман достоино те авав паш Туте; пен само дума, тай мо слугас ка оздравинел. ⁸Соскето меда синиом мануш, поставиме под власт, тай иси ман подчинена манге войникия; тай пенав иекеске: Жа, тай ов жал; тай авереске: Ела!, тай авел; тай ме слугаске: Кер кавка!, тай керел лес.⁹Като шунгяс давка, о Исус почудингяс пес леске, ирисало тай пенгяс е народоске колато пиренас палал Лесте: Пенав туменге, нито андо Израил араклом дики вяра. ¹⁰Тай като о бичалде ирисале андо кер, аракле е слугас оздравяло.¹¹А сиго палал далкесте о Исус гело иеке градосте, наречиме Наин; тай Леса пиренас Лескере ученикия тай иек баро множество. ¹²Тай като приближисало жи ки градско порта, аке, изнесиненас мулес, иек чаво пе даяке, която сине вдовица; тай ласа сине баро множество таро градос. ¹³Тай о Дел, като диклас ла, смилисало упрал лате тай пенгяс лаке: Ма ров. ¹⁴Тогава приближисало тай доприсало жи ко носилос; а о носачия спиринде. Тай пенгяс: Чавеа, пенав туке, ухти. ¹⁵Тай о муло ваздисало тай бешло, тай почнингяс те хоратинел. Тай о Исус диняс лес лескере даяке.¹⁶Тай дар долгяс саворен, тай славиненас е Девлес, тай пенен: Велико пророки ваздисало машкар аменде; тай: О Дел посетингяс Пере люден. ¹⁷Тай давка, ковато пененас, разнесисало за Леске ки цело Юдея гай ки цело околност.¹⁸Тай о ученикия е Йоанескере известинде леске всичко давка. ¹⁹Тай о Йоан викингяс дуиен пе ученикиендар, тай бичалгяс лен ко Дел те пенен: Ту ли синян Ковка, Ковато иси те авел, или аверес те жарас? ²⁰Тай като але Лесте о мануша, пенде: О Йоан Кръстител бичалгяс амен жи Туте те пенас: Ту ли синян Ковка, Ковато иси те авел, или аверес те жарас?²¹Тай ко също сахати Ов изцелингяс мнозинатаро болестия тай язвес, тай зла духовя, тай мнозиненге подарингяс зрение. ²²Тогава в отговор пенгяс ленге: Жан тай съобщинен е Йоанеске кавка, ковато диклен тай шунгиен, кай коре задикен, куца запирен, прокажена очистинен пес тай кашуке зашунен; муле възкресинен тай е сиромасиенге проповединел пес о благовестие. ²³Тай блажено ковка, ковато нана съблазнинел пес ашал Манге.²⁴А като геле песке о бичалде таро Йоан, о Исус почнингяс те хоратинел е народоске таро Йоан: Со иклилен те дикен анди пустиния? Тръстика ли тари балвал разлюляно? ²⁵Но со иклилен те дикен? Манушес ли анде ковле шехиенде урявдо? Аке, о великолепно урявде тай колка, колато живинен разкошно, си андо тагаренгере дровци. ²⁶Но со иклилен те дикен? Пророкиес ли? Ва, пенав туменге, тай по бут таро пророки.²⁷Кавка си ковка, за колеске си пишиме: " Аке, Ме бичалав Ме вестителес англал Тере мосте, ковато ка устроинел Мо дром англал Туте". ²⁸Пенав туменге: Машкар о биянде таро жувля нанай по-баро таро Йоан; обаче, о по-цикно андо Божие тагарипе си по-баро лестар.²⁹( Тай саворе люде тай о бирникия, като шунде давка, признавинде е Девлескири правда, соскето кръстиндесас пес е Йоанескере кръщениеса. ³⁰А о фарисея тай о законникия осуетинде е Девлескири воля спрямо песте, понеже нана кръстинде пес лестар.)³¹А состе те уподобинав е манушен калке поколениестар? Тай состе препен? ³²Он препен чавенде, бешле ко пазари, колато пищинен иек авереске, тай пенен: Башалгям туменге, тай нана келгиен; ридаингям, тай нана руниен.³³Соскето о Йоан Кръстител ало, ковато нито маро хал, нито мол пиел, а пенен: Бяс иси лес. ³⁴Ало о Човешко Чаво, ковато хал тай пиел, тай пенен: Аке мануш лакомо тай винопиицос, амал е бирникиенге тай е грешникиенге. ³⁵Но пак и мъдрост оправдинел пес пе саворе чадовиендар.³⁶Тай иек таро фарисея поканингяс Лес те хал леса; тай Ов диняс андо фарисеево кер тай бешло ки софра. ³⁷Тай аке, иек жувли таро градос, която сине грешница, като ахалили, кай бешел ки софра андо фарисеево кер, ангяс алабастрено съдос мироса. ³⁸Тай като зачили палал ко пире Леске, тай ровелас, почнингяс те обливинел Лескере пире асвенца. После коселас лен пе баленца, чумиделас лен тай макелас лен е мироса.³⁹А като диклас давка о фарисеи, ковато поканингясас Лес, пенелас анде песте: Кавка ако сине пророки, ка жанелас коя тай сави си и жувли, която допиринел пес жи Лесте, кай си грешница. ⁴⁰А о Исус в отговор пенгяс леске: Симоне, иси ман варесо те пенав туке. А ов пенгяс: Учителю, пен!⁴¹Десаво си заемодавцос исине лес дуи длъжникия; о иек дължинелас панч шел динария, а окова пинда. ⁴²Тай понеже нана сине лен соса те платинен леске, ов простингяс е донгеда. Тай чука, кова лендар ка задехел лес по бут? ⁴³В отговор о Симон пенгяс: Мислинав, кай ковка, колеске простингяс по бут. А Ов пенгяс леске: Право отсъдингян.⁴⁴Тай като ирисало карик и жувли, пенгяс е Симонеске: Дикес ли калке жувля? Диниьом ан те кересте, тай ту пани Ме пиренге нана динян; а ой асвенца пергяс Ме пире, тай пе баленца кослас лен. ⁴⁵Ту целувка нана динян Ман; а ой, отсар диниьом, нана престанингясн те чумидел Ме пире.⁴⁶Ту маслоса нана помажингян Мо шеро; а ой мироса помажингяс Ме пире. ⁴⁷Далкеске пенав туке: Простинен пес лаке бут безеха (соскето ой дехингяс бут); а каске хари простинел пес, ов хари дехел.⁴⁸Тай пенгяс лаке: Простинен пес туке те безеха. ⁴⁹Тай калка, колато бешенас Леса ки софра, почнинде те пенен машкар песте: Кова си Кавка, ковато безеха да простинел? ⁵⁰Тай пенгяс е жувляке: Тере вяра спасингяс тут; жа туке мириеса.

¹Тай сиго палал далкесте о Исус пирелас градос градестар тай гав гавестар те проповединел тай те благовестинел о Божие тагарипе; тай Леса сине о дешудуи ученикия, ²тай десаве жувля, колато уле изцелме таро зла духовя тай болестиендар: Мария, наречиме Магдалина, колатар иклиле ефта бесовя, ³тай и Йоана, и ромни е Иродовоне настойникиескири Хуза, тай Сусана, тай бут авер, колато услужвиненас лен пе имотиеса.⁴Тай понеже кидисало баро множество, тай авенас паш Лесте всеконе градостар, пенгяс притчаса: ⁵О сеячи иклило те сеинел по семес; тай като сеинелас, иек пело ко дром; тай затъпкисало, тай о небесна птицес изкълвинде лес. ⁶А авер пело ки канара; тай щом поникнингяс, шукило, соскето на сине влага.⁷Авер па пело машкар о каре; тай заедно леса бариле о каре тай заглушинде лес. ⁸А авер пело лаче пувяте тай като барило, диняс шелкратно плоди. Като пенгяс давка, пищингяс: Кас иси кана те шунел, нека шунел.⁹А о ученикия Лескере пучле Лес о значение калке притчакоро. ¹⁰Ов пенгяс: Туменге си дадено те жанен о тайнес е Девлескере тагарипнаскоро; а околенге проповединел пес притченца, чука че, като дикен, тена дикен, тай като шунен, тена ахалон.¹¹Аке о значение е притчакоро: О семес си о Божие словос. ¹²А о посяно ко дром си калка, колато шуненас; тогава авел о бенг тай отнеминел о словос ленгере сърцедендар, тена повервинен тай те спасинен пес. ¹³О пело ки канара си калка, колато, като шунен приеминен о словос лошаласа; но он, като нанай лен корени, за време верувинен, а като авел изпитание, отстъпинен.¹⁴О пело машкар о каре си колка, колато шуненас, тай като жанпеске, заглъхвинен грижендар тай барвалипнастар, тай житейска удоволствия, тай нана ден зрело плоди. ¹⁵А о посяно ки лачи пув си калка, колато, като шунен о словос, икерен лес андо искрено тай лачо сърцес, тай ден плоди постоянствоса.¹⁶Тай никой, като тарел светилос, нана учарел лес съдоса, нито товел лес телал о легло, но товел лес ко светилники, за те дикен и светлина калка, колато ден. ¹⁷Соскето нанай варесо тайно, ковато нанай те ачол явно, нито потаено, ковато нанай те ахалол пес тай нанай те иклол наяве. ¹⁸Далкеске, внимавйнен сар шунен; соскето, кас иси, леске ка дел пес; а кас нанай, лестар ка отнеминел пес давка да, ковато мислинел, кай си лес.¹⁹Тай але паш Лесте Лескири даи тай Лескере прала, но ашал о множествос нанащине те приближинен пес жи Лесте. ²⁰Тай известинде Леске: Ти даи тай Те прала бешен аври тай манген те дикен Тут. ²¹А Ов в отговор пенгяс ленге: Дай Мери тай прала Мере си калка, колато шунен о Божие словос тай вършинен лес.²²А анде иеке колке диесенде Ов диняас анди ладия Пе ученикиенца тай пенгяс ленге: Те накас ки отвъдно рик е езероске. Тай отплавинде. ²³А като плавиненас, Ов засуто; тай бурно балвал устремисали упрал о езерос, тай о вълни заливиненас лен, чука че сине анди опасност.²⁴Тай але, тай ухкяренас Лес, тай пенде: Наставниче! Наставниче! Загининас! А ов ухтинило тай смъмрингяс и балвла тай о развълнувиме пани; тай уталожисале, тай ачили тишина. ²⁵Тай пенгяс ленге: Кате си тумари вяра? А он, даравне, чудиненас пес тай пененас песке иек авресте: Кова ли ка овел Кавка, Ковато заповединел е балваленге да, е паниеске да, тай он покоринен пес Леске?²⁶Тай пристигнинде анди Герасинско* рик, която си мамуял и Галилея. ²⁷Тай като иклило ки суша, ресло Лес таро градос десаво мануш, колес исине бесовя, тай от дълго време нана ургясас шехя, тай анде кересте нана живинелас, а андо мимория.²⁸Ов, като диклас е Исусес, пищингяс, пело англал Лесте тай силноне гласоса пенгяс: Со иси Тут манца, Исусе, Чаво е Всевишноне Девлескоро? Молинав ман Туке, ма мъчине ман. ²⁹Соскето о Исус заповедингясас е нечистоне духоске те икльол таро мануш. Понеже бут дром долелас лес; тай панденас лес веригенца тай оковиенца, тай пазиненас лес; но ов чинелас о връзкес тай о бесос гонинелас лес ко пустиниес.³⁰Тай о Исус пучлас лес: Сар си то алав? А ов пенгяс: Легион; соскето бут бесовя динесас анде лесте. ³¹Тай молиненас Лес тена заповединел ленге те жан анди бездна.³²А оте сине баро стадос свине, ковато пасинелас ки горичка, тай о бесовя помолинде Лес те позволинел ленге те ден анде ленде. Тай позволингяс ленге. ³³Тай като иклиле о бесовя таро мануш тай дине андо свине, о стадос муклас пес ки стръмнина андо езерос тай таслиле.³⁴А о свинария, като дикле со ачило, нашле тай известинде далкеске андо градос тай андо гава. ³⁵Тай като иклиле те дикен со ачило, тай але паш о Исус, аракле е манушес, колестар иклилесас о бесовя, бешло е Исусеске ко пире, урявдо тай смислено; тай дараниле.³⁶Тай калка, колато диклесас давка, разкажинде ленге сар изцелисало о бесно. ³⁷Тай о цело множествос тари Герасинско околност молиненас пес Леске те жал песке лендар, соскето уле обзета тари бари дар; тай Ов диняс анди ладия, тай завърнисало.³⁸А о мануш, колестар иклилесас о бесовя, молинелас пес Леске те овел Леса; но о Исус бичалгяс лес, като пенгяс: ³⁹Ирине тут те кересте тай разкажине саве букя кергяс туке о Дел. Тай ов гело, тай разгласингяс ко цело градос саве букякергяс леске о Исус.⁴⁰А като ирисало о Исус, о народос посрещнингяс Лес лошало, соскето саворе жаренас Лес. ⁴¹Тай аке, ало иек мануш ко алав Яир, ковато сине началники е синагогакоро, тай пело англал о пире е Исусеске, тай молинелас Лес те дел андо кер леске; ⁴²соскето сине лес иекори чаи, на около дешудуи бреша, тай ой сине мерибнасте. Тай като жалас, о народос притискинелас Лес.⁴³Тай иек жувли, колато сине кръвотечение таро дешудуи бреш, тай динясас лекариенге по цело имоти, без те ащи излекувинел пес никастар, ⁴⁴приближисали изпалал, тай доприсали жи ки пола Лескере шехиенгири; тай ко сахати престанингяс лакоро кръвотечение.⁴⁵Тай пенгяс о Исус: Кой доприсало жи Манде? Тай като саворе отричиненас пес, о Петър тай колка, колато сине Леса, пенде: Наставниче, о народос притискинел Тут тай гнетинел, а Ту пенес: Кой доприслао жи Манде?. ⁴⁶Но о Исус пенгяс: Декой доприсало жи Манде, соскето Ме усетингиом, кай сила иклол Мандар.⁴⁷Тай и жувли, като диклас, кай нанащи гаравел пес, али разтрепериме тай пели англал Лесте, тай пенгяс Леске англал саворе люденде по сави причина доприсалисас жи Лесте, тай сар ко сахати оздравингясас. ⁴⁸А Ов пенгяс лаке: Мичаи, тери вяра изцелингяс тут, жа туке мириеса!⁴⁹Жи кай Ов още хоратинелас, ало десаво таро кер е началникиеске е синагогакоро тай пенгяс: Ти чай мули; ма затруднине е Учителес. ⁵⁰А о Исус, като шунгяс давка, отговорингяс леске: Ма дара; само верувине, тай ой ка избавинел пес.⁵¹Тай като ало андо кер, нана муклас никас те дел Леса, освен о Петър, о Йоан, о Яков тай о дад, тай и даи е чаякири. ⁵²Тай саворе ровенас тай оплаквиненас ла. А Ов пенгяс: Ма ровен; соскето нана мули, а совел. ⁵³А он асанас Леске, понеже жаненас, кай мули.⁵⁴Но Ов долгяс ла таро вас тай пищингяс: Чае, ухти! ⁵⁵Тай ирисало лакоро духос, тай ой ко сахати ухтинили; тай Ов заповедингяс те ден ла варесо те хал. ⁵⁶Тай о родителя лакере удивисале; а Ов заръчингяс ленге тена пенен никаске со ачило.

¹Тай като викингяс е дешудон, диняс лен сила тай власт упрал саворе бесовиенде, тай те изцелинен болестия. ²Тай бичалгяс лен те проповединен е Божие тагарипе тай те изцелинен е насвален.³Тай пенгяс ленге: Ма лен нищо за ко дром- ни тояга, ни торба, ни маро, ни парес, нито те овен тумен по дуи гада. ⁴Тай анде коле кересте ден, оте бешен, тай отар тръгнинен дроместе.⁵Тай ако декой нана приеминел тумен, като икльон колке градостар, тресинен о прахос тумаре пирендар за свидетелство против ленде. ⁶Тай он тръгнинде, тай жанас ко гава, тай проповединенас о благовестие, тай изцелиненас всекате.⁷А о четверовластники о Ирод шунгяс всичконаске, ковато ачолас, тай сине андо недоумение; соскето десаве пененас, кай о Йоан възкръснингяс таро муле; ⁸авер па; кай о Илия явисало; а авер, кай иек таро старовременна пророкия възкръснингяс. ⁹Тай пенгяс о Ирод: е Йоанес ме обезглавингиом; но кой си Кавка, за Колеске шунав салка букя? Тай мангелас те дикел Лес.¹⁰Тай като ирисале о апостола, разкажинде е Исусеске со извършиндесас; тай Ов лилас лен тай оттеглисале коркоресте анде уединоне танесте карик иеке градосте, наречиме Витсаида. ¹¹А о множества, като ахалиле давка, геле палал Лесте; тай Ов посрещнингяс лен с готовност, тай хоратинелас ленге е Девлескере тагарипнаске, тай изцелинелас колкен, колато сине лен нужда таро изцеление.¹²Тай като почнингяс о диес те превалинел, о дешудуи приближисале тай пенде Леске: Размук е народос, за те жан андо околна гава тай колибес те нощувинен тай те аракен песке хабе, соскето ате синям уединоне танесте. ¹³Но Ов пенгяс ленге: Ден лен туме те хан. А он пенде: Нанай амен по бут таро панч маре тай дуи маче, освен ако на жас тай кинас хабе саворе каалке люденге? ¹⁴( Соскето сине около панч хиляда мруша). Тай пенгяс Пе ученикиенге: Траден лен те бешен купчинкенде по около пинда жене.¹⁵Он керде чука тай традинде саворен те бешен. ¹⁶А Ов лилас о панч маре тай о дуи маче, диклас карик о небес тай благословингяс лен; тай като паглас лен, диняс е ученикиен те товен англал о народос. ¹⁷Тай хале, тай саворе наситисале; тай ваздинде о къшея, колато ачиле лен, дешудуи кошя.¹⁸Тай иеквар, като Ов молинелас пес коркоресте, тай о ученикия сине Леса, пучляс лен: Според о народос кова синиом Ме? ¹⁹А в отговор он пенде: Иек пенен, кай синян о Йоан Кръстител; а авер - о Илия; авер па, кай иек таро старовременна пророкия възкръснингяс.²⁰Тогава пенгяс ленге: А според туменде кой синиом? О Петър в отговор пенгяс: О Божие Помазаники*. ²¹А Ов заръчингяс ленге тай заповедингяс тена пенен давка никаске, като пенгяс: ²²О Човешко Чаво требе бут те страдинел, те овел отхвърлиме таро старейшинес, о главна свещеникия тай о книжникия, те овел мудардо тай ко трин диес те овел възкресиме.²³Пенгяс още саворенге: Ако мангел декой те авел палал Манде, нека те отречинел пес пестар, нека пиравел по кръстос секо диес тай нека следвинел Ман. ²⁴Соскето който мангел те спасинел по животос, ка нашалел лес; а който нашалел по животос ашал Манге, ов ка спасинел лес. ²⁵Понеже сави полза е манушеске, ако спечелинел цело светос, а нашалел или ощетинел пес?²⁶Соскето, ако лажал декой Мандар тай Ме думендар, ов о Човешко Чаво да ка лажал лестар, като ка авел ан Пере славате тай анди слава на Отца, тай е святоне ангеленгири. ²⁷А пенав туменге и истина, иси декой таро ате стояща, колато нисар нанай те вкусинен мериба, жи кай на дикен о Божие тагарипе.²⁸Тай около охто диес след като пенгяс давка, Ов лилас Песа Петър, Йоан тай Яков тай качисало ки планина те молинел пес. ²⁹Тай като молинелас пес, о види Лескере москоро изменисало, тай Лескоро облекло ачило парно тай бляскаво.³⁰Тай аке, дуй мруша хоратиненас песке Леса; он сине о Моисей тай о Илия, ³¹колато явисале анди слава тай хоратиненас Лескере мерибнаске, която предстоинелас те изпълнингьол андо Ерусалим.³²А о Петрес тай колка, колато сине леса, налегнингяс лен соиба; но като ухтиниле, дикле и слава Лескири тай е дуие мрушен, колато бешенас Леса. ³³Тай като он разделиненас пес Леса, о Петрес пенгяс е Исусеске: Наставниче, лачес си те овас ате; тай нека те керас трин скиниес, Туке иек, е Мойсейеске иек, тай иек е Илияске, без те жанел со хоратинел.³⁴Тай жи кай пенелас давка, ало облаки, тай засенингяс лен; тай о ученикия дараниле, като дине андо облаки. ³⁵Тай ало таро облаки гласос, ковато пенгяс: Кавка си Моро Чаво. Лес шунен! ³⁶Тай като престанингяс о гласос, о Исус араклило коркоро. Тай он замълчинде тай презал колке диесенде нана пенде никаске нищо далкестар, ковато диклесас.³⁷Тай ко следващо диес, като ухлиле тари планина, ресло Лес баро множествос. ³⁸Тай аке, иек мануш таро народос пищингяс: Учителю, молинаман Туке те дикес ме чес, соскето си манге единствено чадос. ³⁹Духос долел лес тай ов изведнъж запищинел, тай о духос сгърчвинел лес чука, кай ов запенинел пес, тай като згърчинелес, едвам напуснинел лес. ⁴⁰Тай помолингьом Тере ученикиен те гонинен лес, ама нанащине.⁴¹О Исус в отговор пенгяс: О, роде невярващо тай извратено! Жи кана ка овав туменца тай ка търпинав тумен? Ан те чавес ате. ⁴²Тай жи кай още авелас, о бесос тръшнингяс лес тай сгърчингяс лес силно; а о Исус смъмрингяс е нечистоне духос, изцелингяс е чес тай ирингяс лес лескере дадесте.⁴³Тай саворе удивиненас пес е Девлеске ко величие. А жи кай саворе чудиненас пес всичконаске, ковато керелас, Ов пенгяс Пе ученикиенге: ⁴⁴Вложинен ан тумаре каненде калка думес, соскето о Човешко Чаво ка овел предиме манушескере вастенде. ⁴⁵Но он нана ахалиле давка слово; ов сине покриме лендар; за тена ахалон лес; а даранас те пучен Лес далке словоске.⁴⁶Тай ваздисало машкар ленде препиране кова лендар ка овел по-баро. ⁴⁷А о Исус, като диклас со си ко сърцес ленге, лилас иеке чавес, поставингяс лес паш Песте тай пенгяс ленге: ⁴⁸Който приеминел калке чавес анде Мере алавесте, Ман приеминел; тай който приеминел Ман, приеминел Калкес, ковато бичалгяс Ман; соскето, ковато си най-цикно машкар саворенде туменде, ов ка овел баро.⁴⁹А о Йоан захоратингяс, тай пенгяс: Наставниче, диклам иеке манушес те гонинел бесовиен анде Тере алавесте тай забранингям леске, соскето на пирел аменца. ⁵⁰А о Исус пенгяс леске: Ма забранинен леске; соскето, ковато нанай против туменде, карик туменде си.⁵¹Тай като навършиненас пес о диеса те възнесинел пес, Ов ирингяс По муи карик о Ерусалим. ⁵²Тай проводингяс англал Песте пратеникиен, колато геле тай дине иеке самарянсконе гавесте те приготвинен за Леске. ⁵³Но нана приеминде Лес, соскето Лескоро муи сине ириме карик о Ерусалим.⁵⁴Като дикле давка, Лескере ученикия о Яков тай о Йоан пенде: Господи, мангес ли те заповединас те перел яг таро небес тай те изтребинел лен сарто кергяс о Илия? ⁵⁵А Ов ирисало, тай смъмрингяс лен; тай пенгяс:'' Туме нана жанен саве духосте синиен; соскето о Човешко Чаво нана ало те погубинел човешка души, а те спасинел.'' ⁵⁶Тай геле авере гавесте.⁵⁷А като пиренас ко дром, иек мануш пенгяс Леске: Ка следвинав тут, кате да те жас. ⁵⁸О Исус пенгяс леске: Е лисицен иси лен леговище тай о небесна птицес - гнездовя; а о Човешко Чаво нанай кате шеро те подслонинел.⁵⁹А авереске пенгяс: Пир палал Манде. А ов пенгяс: Господи, позволине манге първо те жав те паронав ме дадес. ⁶⁰Но Ов пенгяс леске: Мук е мулен те паронен пере мулен; а ту жа тай разгласине о Божие тагарипе.⁶¹Пенгяс аверда: Ка авав палал Туте, Господи; но първо позволине манге те сбогувинаман ме домашноненца. ⁶²А о Исус пенгяс леске: Никой, ковато тогяс по вас ко ралос тай дикел напапале, нанай за ко Божие тагарипе.

¹Палал далкесте о Дел определингяс авер ефтадеш жене тай бичалгяс лен по дуй англал Песте всеконе градосте тай танесте, кате само Ов ка жалас. ²Тай пенгяс ленге: И жетва си изобилно, а о работникия хари; далкеске молинен тумен е Господариеске е жетвакоро те бичалел работникиен Пе жетвате.³Жан: Аке, Ме бичалав тумен сар бакре машкар вълциенде. ⁴Ма пиравен ни кесия, ни торба, ни потиня тай никас ко дром ма поздравинен.⁵Тай анде коле кересте ден, първо пенен: Мири калке кересте! ⁶Тай ако си оте декой разположиме карик о мири*, тумаро мири ка почивинел лесте; но ако нанай лес, ка иринел пес туменде. ⁷Тай андо също кер бешен тай хан, тай пиен со товен туменге; соскето о работники заслужинел пери заплата. Ма местинен тумен кер керестар.⁸Тай као ден десаве градосте, ако приеминен тумен, хан со товен туменге, ⁹тай изцелинен е насвален анде лесте, тай пенен ленге: О Божие тагарипе наближингяс жи туменде.¹⁰А като ден десаве градосте, ако нана приеминен тумен, иклон ко улицес леске тай пенен: ¹¹Тай о прахос, ковато полепнингяс амаре пиренде тумаре градостар, отърсвинас туменге; все пак обаче те жанен, кай о Божие тагарипе наближингяс. ¹²Пенав туменге: По- локо ка овел о наказание на Содом колке диесесте, отколкото калке градоске.¹³Горко туке, Хоразине! Горко туке, Витсаидо! Соскето, ако извършиндесас пес андо Тир тай Сидон о велика дела, колато извършисале туменде, отдавна ка покаиненас пес, бешле андо вретище тай пепел. ¹⁴Но на Тир тай Сидон ка овел по- локо ко страшно съдос, отколкото туменге. ¹⁵Тай ту, Капернауме, жи ко небеса ли ка ваздес тут? Жи ко ади ка смъкнинес тут.¹⁶16 Който шунел тумен, Ман шунел; тай който отхвърлинел тумен, Ман отхвърлинел; а който отхвърлинел Ман, отхвърлинел Колкес, Ковато бичалгяс Ман.¹⁷Тай о ефтадеш ирисале лошаласа тай пенде: Господи, анде Тере алавесте о бесоведа покоринен пес аменге. ¹⁸А Ов пенгяс ленге: Дикльом Сатана, пело таро небес сар светкавица. ¹⁹Аке, дав тумен власт те газинен сапенде тай скорпиониенде, тай власт упрал и цело сила в врагоскири; тай нищо нанай те поврединел тумен. ²⁰Обаче ма лошанен далкеске, кай о духовя покоринен пес туменге; а лошанен,кай тумаре алава си пишиме ко небеса.²¹Ко също сахати о Исус лошангяс чрез о Свято Духос тай пенгяс: Благодаринав Туке, Отче, Господи е небеске тай е пувяке, кай гарагян давка таро мъдра тай разумна, а открингяс лес е младенциенге. Ва, Отче, соскето чука дикляс пес Туке угодно*.²²Всичко си Манге предиме таро Отца Моро; тай освен Отец, никои нана жанел Кова си о Чаво; тай никои нана жанел Кова си о Отец, освен о Чаво тай ковка, колеске о Чаво ка благоволинел те откринел Лес.²³Тай като ирисало карик о ученикия, пенгяс ленге коркоресте: Блажена о яка, колато дикен кавка, ковато туме дикен. ²⁴Соскето пенав туменге, кай бут пророкия тай тагара мангле те дикен давка, ковато туме дикен, тай на дикле, тай те шунен давка, ковато туме шунен, тай на шунде.²⁵Тай аке, десаво законники ухтинило тай изпитвинелас Лес, тай пенел: Учителю, со те керав, за те наслединав вечно животос? ²⁶А Ов пенгяс леске: Со си пишиме андо закони, сар четинес? ²⁷А ов в отговор пенгяс: " Те възлюбинес е Девлес, тере Девлес, те всичконе сърцеса, те всичконе душатар, те всичконе силаса тай те всичконе умиеса, тай те ближнонес, сар тут". ²⁸О Исус пенгяс леске: Право отговорингян; кавка кер, тай ка живинес.²⁹Но ов, понеже мангелас те оправдинел пес, пенгяс е Исусеске: А кова си моро ближно? ³⁰В отговор и Исус пенгяс: Десаво мануш ухлелас таро Ерусалим андо Ерихон; тай налетингяс разбойникиенде, колато нангярде лес тай ранинде лес, тай геле песке, като мукле лес полумуло.³¹А случайно десаво свещеники ухлелас колке дроместар тай като диклас лес, занакло песке ки отсрещно риг. ³²Също иек левити, като ресло далке танесте тай диклас лес, занакло песке ки отсрещно риг.³³Но иек самарияни, като пътувинелас, ало ко тан, кате сине ов, тай като диклас лес, смилисало, ³⁴приближисало, тай превържингяс лескере ранес, като изливинелас ленде масло тай мол. После качингяс лес пе собственоне добичесте, ингалгяс лес анде иеке гостилницате тай погрижисало леске. ³⁵Тай околе диесесте икалгяс дуи динария, тай диняс лен е гостилничариеске тай пенгяс: Погрижине тут леске; тай со харчинес по бут, ко ириба ме ка платинав туке.³⁶Кова калкендар таро трин дикел пес туке те покажингяс пес ближно калкеске кате пело машкар о разбойникия? ³⁷Ов пенгяс: Ковка, ковато покажингяс леске милост. О Исус пенгяс леске: Жа тай туда кер чука!³⁸Тай като пиренас ко дром, Ов диняс иеке гавесте; тай десави ромни, ко алав Марта, приемингяс Лес пе кересте. ³⁹Ла исине пен, ко алав Мария, която бешли ко пире е Девлеске тай шунелас о словос Лескоро.⁴⁰А и Марта, като залисвинелас пес буте шетимнаса, пристъпингяс тай пенгяс: Господи, нанай ли Тут грижа, кай ми пен муклас ман коркори те шетинав? Пен лаке те помагинел манге. ⁴¹Но о Дел в отговор пенгяс лаке: Марто, Марто, ту грижинес тут тай безпокоинес тут буте букиенге, ⁴²но иек си потребно; тай и Мария избирингяс о лачо дяли, ковато нанай те отнеминел пес латар.

¹Тай като Ов молинелас пес иеке танесте, като престанингяс, иек Лескере ученикиендар пенгяс Леске: Господи сикав амен те молинас амен, сарто о Йоан сикавгяс пере ученикиен.²А Ов пенгяс ленге: Като молинен тумен, пенен: Отче амаро, Ковато синян андо небеса, те светинел пес Торо алав; те авел Торо тагарипе, те овел Тери воля, сарто ко небес, чука ки пув;³де амен всеко диес амаро ежедневно маро; ⁴тай простине амаре безеха, соскето аме коркоре простинас всеконе амаре длъжникиеске; тай ма въведине амен андо изкушение но избавине амен таро лукавия.⁵Тай пенгяс ленге: Ако декас тумендар иси амал тай жал паш лесте машкар ират, тай пенел леске: Амала, де ман назаем трин маре, ⁶понеже иек моро амал ало кере дроместар тай нанай со те товав англал лесте; ⁷тай ако ов андрал в отговор пенел: Ма безпокойне ман; о вудар си вече заключиме тай ме чаве си манца андо тан; нанащи те ухкяв те дав тут; ⁸пенав туменге, кай даже ако нана ухкиел те дел лес, соскето си лескоро амал, ов поради лескири настойчивост ка ухкиел тай ка дел лес кити требел леске.⁹Меда пенав туменге: Манген, тай ка дел пес туменге; роден, тай ка аракен; хлопинен, тай ка путрелпес туменге. ¹⁰Соскето всекой, ковато мангел, получинел; ковато родел, аракел; тай калкеске, ковато хлопинел, ка путрелпес.¹¹Тай кова си давка дад машкар туменде, ковато, ако мангел леске лескоро чо маро, ка дел лес бар? Или, ако мангел леске мачо, наместо мачо, ка дел лес сап? ¹²Или, ако мангел аро, ка дел лес скоприони? ¹³Тай чука, ако туме, колато синиен каниле, жанен те ден блага тумаре чадовиен, кити по бут о Небесно Отеци ка дел о Свято Духос колкен, колато манген Лестар!¹⁴Иеквар Ов гонинелас иеке лалоре бесос; тай като иклило о бесос, о лалоро захоратингяс, тай о народос почудисало. ¹⁵А десаве лендар пенде: Чрез о началники е бесовиенгоро, о Веелзевул, гонинел е бесовиен.¹⁶А авер, като изпитвиненас Лес, мангенас Лестар знамение таро небес. ¹⁷Но Ов, като жанелас ленгере помислес, пенгяс ленге: Всеко тагарипе, разделиме против песте, запустинел, тай кер, разделиме против песте*, перел.¹⁸Чука също, ако о Сатана разделинел пес против песте, сар ка устоинел лескоро тагарипе? Понеже пенен, кай гонинав е бесовиен чрез Веелзевул, ¹⁹тай ако Ме чрез о Веелзевул гонинав е бесовиен, тумаре последователя чрез касте гонинен лен? Далкеске он ка овен туменге съдиес. ²⁰Но ако Ме е Девлескере наеса гонинав е бесовиен, ов о Божие тагарипе ресло жи туменде.²¹Като о силно въоражиме мануш пазинел по дворос, лескоро имоти си андо безопасност. ²²Но като иек по-силно лестар нападнинел тай надвинел, лел лескоро саворо оръжие, колесте надявинелас пес, тай разделинел со грабинел лестар. ²³Ковато нанай Манца, против Манде си; тай ковато нана кидел заедно Манца, ов разпилинел.²⁴Като о нечисто духос иклол таро мануш, ов накел таро тана би паниескоро тай родел спокойствие; тай като нана аракел, пенел: Ка иринаман ме кересте, катар иклильом. ²⁵Тай като авел, аракел лес шулавдо тай наредиме. ²⁶Тогава жал тай лел песа ефта авер духовя, по зла лестар, тай като ден, живинен оте тай о последно състояние колке манушескоро ачол по канило таро първо.²⁷Като хоратинелас давка, иек ромни таро множество силноне гласоса пенгяс Леске: Блажено и утроба, която пирагяс Тут, тай о гърди колато сучингян. ²⁸А Ов пенгяс: По-лачес пен: Блажена колка, колато шунен о Божие слово тай пазинен лес.²⁹А като о народос киделас пес около Лесте, почингяс те пенел: Кавка поколение си нечестиво поколение; мангел знамение, но авер знамение нанай те дел пес леске, освен о знамение е пророкиескоро о Йона. ³⁰Соскето, сарто о Йона ачило знамение е ниневийциенге, чука о Човешко Чаво ка овел калке поколениеске.³¹И южно царица ка явинел пес ко съдос е манушенца калке поколениестар тай ка осъдинел лен, соскето али таро крайща е пувякере те шунел и Соломоново мъдрост; а аке, ате иси по бут таро Соломон.³²О ниневийска мруша каа явинен пес ко съдос калке поколениеса тай ка осъдинен лес, соскето покаисале чрез и Йоново проповед; а аке, ате иси по бут таро Йона.³³Никой, като тарел светилос, нана товел лес андо зимники, нито телал и шиника, но ко светилники, за те дикен и светлина колка, колато ден. ³⁴О светилос те телоскоро си тери як. Като ти як си здраво, ов то цело телос си осветиме; а като си болнаво, то телос да си андо мраки. ³⁵Далкеске, внимавине да не би и светлина анде туте те овел тъмнина. ³⁶Ако о цело торо телос овел осветиме, без те овел лес тъмно част, ов цело ка овел осветиме, сарто като о светилос осветинел тут пе сияниеса.³⁷Като хоратинелас, иек фарисеи поканингяс Лес те обедвинел лесте; тай Ов диняс тай бешло ки софра. ³⁸А о фарисеи почудингяс пес, като диклас, кай Ов нана товгяс пес първо англал о обеди.³⁹Тай о Дел пенгяс леске: Акана туме, о фарисея, чистинен о авруно е чашакоро тай е паницакоро; а тумаро андрунипе си пердо грабежиенца тай нечестиеса. ⁴⁰Несмислена! Кавка, Ковато кергяс о авруно, нана кергяс ли о андрунода? ⁴¹По-лачес чистинен о андруно; тай аке, всичко ка овел туменге шужо.⁴²Но горко туменге, фарисея, соскето ден десятъки таро джожени, таро седефчес тай таро всекакво зеленчуки, а пренебрегвинен о правосъдие тай и Божия любов. Давка требваше те керен, а ковка да тена пренебрегвинен.⁴³Горко туменге, фарисея! Соскето дехен о първа столовя андо синагогес тай о поздравия ко пазария. ⁴⁴Горко туменге! Соскето синиен сар миморя, колато на личинен, чука че о мануша, колато пирен ленде, нана жанен.⁴⁵Тай иек таро законикия в отговор пенгяс Леске: Учителю, като пенес давка, аменда коринес. ⁴⁶А Ов пенгяс: Горко туменгеда, законикия, соскето товаринен е манушен бремеса, колато паресте пиравен пес; а коркоре туме нито иеке наеса нана допиринен тумен жи ко бремена.⁴⁷Горко туменге! Соскето градинен о гробницес е пророкиенгере, а тумаре дада избинде лен. ⁴⁸Тай чука, туме свидетелствинен е деловиенге тумаре даденгеренге тай съгласинен тумен ленца; соскето он избинде лен, а туме градинен ленгере гробницес.⁴⁹Далкеске и Божия премъдрост пенгяс: Ка бичалав ленге пророкия тай апостола, тай икен лендар ка мударен тай гонинен; ⁵⁰за те изискинел пес калке поколениестар о рат саворе пророкиенгоро, ковато си проливиме таро създаване е светоскоро - ⁵¹таро рат е Авелеске жи ко рат на Захария, ковато загинингяс машкар о олтари тай о светилище. Ва! Пенав туменге, ка изискинел пес калке поколениестар.⁵²Горко туменге, законикия! Соскето отнемингиен о ключос е знаниескоро; коркоре туме нана диниен, тай калкенге кате ден попречингиен.⁵³Тай като иклило отар, о книжникия тай о фарисея почнинде яростно те преследвинен Лес тай те предизвикинен Лес те хоратинел за още буте букиенге, ⁵⁴като дебниненас Лес, за те уличинен Лес варесоске Лескере думендар.

¹Машкар далкесте, като кидисало иек бутхилядно множествос, дики, кай иек аврес тъпчиненас пес, Ов почингяс те хоратинел Пе ученикиенге: Англал всичконасте пазинен тумен таро фарисейско кваси, ковато си лицемерно.²Нанай нищо покрито, ковато нанай те открингьол, тай тайно, ковато нанай те ахалол пес. ³Далкеске, ковато хоратингиен на тъмно, ка шунел пес ко светло; тай со пенгиен канесте андо андруне стаес, ка прогласинел пес таро покриви.⁴А туменге, Мере амала, пенав: Ма даран калкендар, колато мударен о телос тай палал далкесте нанащи нищо по бут те керен. ⁵Но ка предупрединав тумен кастар те даран: Даран Колкестар, Ковато, след като мударгяс, иси лес власт те чивел андо пъкали. Ва! Пенав туменге, Лестар те даран.⁶Нана бикнен ли пес панч чирикле дуие асариенге? Тай ни иек лендар нанай бистердо таро Дел. ⁷Но туменге о бала ко шеро си саворе генде. Ма даран; туме синиен бут по-скъпа таро чирикле.⁸Тай пенав туменге: Секой, който изповединел Ман англал о мануша, ка изповединел лес о Човешко Чаво англал о Божия ангеля; ⁹но ако отречинел пес декой Мандар англал о мануша, ка овел отречиме англал о Божия ангеля. ¹⁰Тай всеконес, ковато ка пенел дума против о Човешко Чаво, ка простинел пес леске; но ако декой похулинел е Святоне Духос, нанай те простинел пес леске.¹¹Тай като ингален тумен андо синагогес тай англал о началства тай властя, ма безпокойнен тумен сар или со ка отговоринен, или со ка пенен. ¹²Соскето о Свято Духос ка сикавел тумен ко също сахати со требе те пенен.¹³Тай декой таро множествос пенгяс Леске: Учителю, пен ме пралеске те разделинел манца о наследство. ¹⁴А Ов пенгяс леске: Човече, кой поставингяс Ман машкар туменде те съдинав или те делинав? ¹⁵Тай пенгяс ленге: Внимавинен тай пазинен тумен всеконе користолюбиестар; соскето о животос е манушескоро нана съсоинел пес таро изобилие лескере имотиескоро.¹⁶Тай пенгяс ленге притча, като пенгяс: О нивес иеке барвалескере биянде бут плоди. ¹⁷Тай ов размишлинелас анде песте: Со те керав, соскето нанай ман кате те кидав ме плодове? ¹⁸Тай пенгяс- Аке со ка керав: Ка перавав ме житницес тай ка строинав по-баре, тай оте ка кидав ме саворе жита тай ме блага. ¹⁹Тай ка пенав ме душаке: Душо, иси тут бут блага, натрупиме буте брешенге; успокойне тут, ха, пи, веселине тут.²⁰А о Дел пенгяс леске: Глупецо! Кайка рат ка изисквинен ти душа; а кавка, ковато приготвингян, каскоро ка овел? ²¹Чука ачол калкеса, ковато кидел имоти песке, тай нана барвалол андо Дел.²²Пенгяс още Пе ученикиенге: Далкеске пенав туменге, ма безпокойнен тумен тумаре животоске, со ка хан, нито те телоске, со ка уриен. ²³Соскето о животос си по бут таро хабе, тай о телос - таро облекло.²⁴Раздикен е вранен, кай на сеинен, нито жънинен; лен нанай нито съкровищницес, нито житница, но пак о Дел парварел лен. Кити по-скъпа синиен туме таро птицес! ²⁵Тай кой тумендар ащи гриженца те прибавинел иек лакъти карик пе ръстиесте? ²⁶Тай чука, ако о най-цикно варесо нанащи керен, соске безпокойнен тумен авереске?²⁷Раздикен о кремовия сар барион; нана трудинен пес, нито прединен; но пенав туменге, кай дори о Соломон анде саворе пере славате нана уриелас пес сар иек лендар. ²⁸Тай ако о Дел чука урявел и полско чар, която авдиес иси ла, а тася чивен ла анди пещ, кити по бут ка урявел тумен, маловерция!²⁹Тай чука, ма роден со те хан тай со те пиен, тай тена овен тумен съмнения ан тумаре гогиенде; ³⁰соскето всичко давка роден о езичникия ко светос; а тумаро Отеци жанел, кай нуждаинен тумен далкестар.³¹Но роден о Божие тагарипе тай всичко давка ка прибавинел пес туменге. ³²Ма дара, цикно стадос, соскето тумаро Отеци благоволингяс те дел тумен о тагарипе.³³Бикнен тумаро имоти тай ден милостиния; керен туменге кесиес, колато нана овехтинен, неизчерпаемо съкровищес ко небеса, кате чор нана приближинел пес, тай ковато молеци нана хал. ³⁴Соскето кате си тумаро съкровищес, оте ка овел тумаро сърцес.³⁵Тумаро думо те овел препасиме тай тумаре светилникия тарде; ³⁶тай овен коркоре туме прилична манушенге, колато жарен пе господариес те иринел пес биавестар, за те путрен леске незабавно, щом авел тай похлопинел.³⁷Блажена колка слуги, каскоро господари аракел лен жангале, като авел песке; истина пенав туменге, кай ка препасинел пес, ка традел лен те бешен ки софра тай ка авел те прислужвинел ленге. ³⁸Тай ако авел ки второ стража, или ки трето стража, тай аракел лен чука, блажена си колка слуги.³⁹Но давка те жанен, кай ако о стопани е керескоро жанелас анде коле сахакиесте ка авел о чор, ка бдинел тай нанай те мекел те подкопинен лескоро кер. ⁴⁰Овен, тумеда готова; соскето ко сахати, като на мислинен, о Човешко Чаво ка авел.⁴¹Тогава о Петър пенгяс: Господи, само аменге ли пенес кайка притча, или саворенге? ⁴²О Дел пенгяс: Тай чука, кова си ковка верно тай благоразумно настойники, колес лескоро господари ка поставинел упрал пе слугенде, те дел лен навреме о определено хабе? ⁴³Блажено ковка слугас, каскоро господари, като авел песке, аракел лес, кай керел чука. ⁴⁴Истина пенав туменге, кай ка поставинел лес упрал пе селоне имотиесте.⁴⁵Но ако ковка слугас пенел ан пе сърцесте: Мо господари забависало, тай почнинел те марел е чавен тай е чаиен, те хал, те пиел тай те макярел пес, ⁴⁶ов о господари колке слугаскоро ка авел андо диес, като ов на очаквинел лес, тай андо сахати, ковато на жанел, тай като марел лес паресте, ка определинел лескири участ е неверноненца.⁴⁷Тай ковка слугас, ковато жанелас и воля пе господариескири, но нана приготвисало, нито постъпингяс ки воля леске, ка овел бут мардо. ⁴⁸А ковка, ковато нана жанелас тай кергяс варесо, ковато заслужинел мариба, хари ка овел мардо. Тай секас, колес си бут дадено, бут ка изисквинел; тай каске бут поверинде, лестар по бут ка изисквинен.⁴⁹Яг алом те чивав ки пув; тай со по бут те мангав, ако вече табили? ⁵⁰Но иси ман кръщение, колеса требе те кръстинаман; тай кити измъчвинав ман, жи кай извършингиол!⁵¹Мислинен ли, кай алом те дав мири ки пув? Нака, пенав туменге, но по-скоро раздяла. ⁵²Соскето от акана наоте панч иеке кересте ка овен разделиме, трин против дуиенде, тай дуй против триненде. ⁵³Ка разделинен пес дад против о чаво тай чаво против пе дадесте; дай против и чай, тай чай против и дай; сасуй против и бори, тай бори против и сасуй.⁵⁴Пенелас още е народоске: Като дикен облаки те ваздел пес таро запад, веднага пенен: Бришим ка дел, тай чука ачол. ⁵⁵Тай като пудел южно балвал, пенен: Ка ачол жега, тай ачол. ⁵⁶Лицемерция! О муи е пувякоро тай е небескоро жанен те разтълкувинен, а кавка времес сар нана жанен те разтълкувинен?⁵⁷А соске тумендар нана съдинен со си право? ⁵⁸Соскето, като жас те противникиесте те явинес тут англал о управители, постараине тут ко дром те помиринес тут леса, тена завлечинел тут ко съдияс тай о съдияс те предел тут ко служители, тай о служители те чивел тут анди тъмница. ⁵⁹Пенав туке, нисар нанай те иклос отар, жи кай нана изплатинес о най-последно петачес.

¹Андо също времес присъствиненас десаве, колато известинде е Исусеске за е галилеянтиенге, каскоро рат о Пилат смесингяс ленгере жертвенца. ²Тай Ов в отговор пенгяс ленге: Мислинен ли, кай калка галилеяния уле най-грешна саворе галилеяниендар, понеже пострадинде чука? ³Пенав туменге: Не; но ако нана покаинен тумен, саворе чука ка загининен.⁴Или мислинен ли, кай колка дешуохто жене, упрал коленде пели и Силоамско кула тай мударгяс лен, уле престъпникия по бут саворе манушендар, колато живинен андо Ерусалим? ⁵Пенав туменге: Не; но ако нана покаинен тумен, саворе чука ка загининен.⁶Пенгяс кайка притча: Десаво сине лес андо лозес садиме смокиния; тай ало те родел плоди лате, ама нана араклас. ⁷Тай пенгяс е лозариеске: Аке, трин бреш сар авав те родав плоди калке смокиняте, ама на аракав; отсечине ла; соске те изтощинел и пув?⁸А ов в отговор пенгяс леске: Господарю, мук ла кавка нилай да, жи кай храндав около лате тай насипинав тори; ⁹тай ако палал далкесте дел плоди, лачес, но ако не, ка отсечинес ла.¹⁰Тай иек събота Ов поучинелас анде иеке синагогате. ¹¹Тай аке иек ромни, колато сине духос, ковато причининелас лаке немощя от дешуохто бреш; ои сине сгърбиме тай нащине нисар те изправинел пес.¹²А о Исус, като диклас ла, викингяс ла тай пенгяс лаке: Ромние, освободиме синян те немощятар. ¹³Тай положингяс васта лате; тай ко сахати ои изправисали, тай славинелас е Девлес. ¹⁴А о началники е синагогакоро, като негодувинелас, далкеске кай о Исус анди събота изцелингяс ла, захоратингяс, тай пенгяс е народоске: Иси шов диес, анде коленде требе те керел пес бути; анде ленде авен тай лекувинен тумен, а ма ко съботно диес.¹⁵Но о Дел в отговор пенгяс леске: Лицемерция! Анди събота нана отвържинел ли секо иек тумендар по воли или о осели таро яслес тай ингалел лес, тай напоинел лес? ¹⁶А кайка Авраамово чаи, колато о Сатана икерелас панли цела дешуохто бреша, на требваше ли те овел освободиме калке връзкатар андо съботно диес?¹⁷Тай като пенгяс давка, Лескере саворе противникия лажаниле тай о цело народос лошанелас саворе славноне деловиенге, колато вършиненас пес Лестар.¹⁸Тай пенгяс: Состе препел о Божие тагарипе тай состе те уподобинав лес? ¹⁹Препел синаповоне зърносте, ковато мануш лилас тай посеингяс пе градинате; тай ов бариолас тай ачило каш, тай о небесна птицес подслониненас пес ко клончета леске.²⁰Тай пак пенгяс: Состе те уподобинав о Божие тагарипе? ²¹Препел квасосте, ковато иек ромни лилас тай замесингяс трине меренде брашно, жи кай втасингяс саворо.²²Тай Пе дроместе за Ерусалим накелас презал о градовя тай презал о гава тай поучинелас. ²³Тай декой си пенгяс Леске: Господи, малцина ли спасинен пес? А Ов пенгяс ленге: ²⁴Дикен те ден таро тесно вудар; соскето пенав туменге, мнозина ка стараинен пес те ден, тай нанай те ащи.²⁵След като ухкиел о домакини тай пандел о вудар, а туме, ачилен аври, почнинен те хлопинен ко вудар тай пенен: Господи, путер; а Ов в отговор пенел туменге: Нана жанав тумен катар синиен, ²⁶тогава ка почнинен те пенен: халам тай пилам англал Туте, тай амаре улиценде поучинесас. ²⁷А Ов ка пенел: Пенав туменге, нана жанав катар синиен; жан туменге Мандар саворе туме, колато вършинен неправда.²⁸Оте ка овел роиба тай скърциба данденца, като ка дикен е Авраамес, Исаак, Яков тай саворе пророкия андо Божие тагарипе, а тумен- изпъдиме аври. ²⁹Тай ка авен таро изток тай запад, таро север тай юг, тай ка бешен андо Божие тагарипе. ³⁰Тай аке, иси последна, колато ка овен първа, тай иси първа, колато ка овен последна.³¹Андо също сахати але десаве фарисея, колато пенде Леске: Икли таай жа туке атар, соскето о Ирод мангел те мударел Тут. ³²Тай пенгяс ленге: Жан, пенен калке лисицаке: Аке, гонинав бесовиен тай изцелинав авдиес тай тася, тай ко трето диес свършинав. ³³Обаче требе авдиес тай тася, тай потася те пътувинав; соскето нанай възможно пророки те загининел аври таро Ерусалим.³⁴Ерусалиме! Ерусалиме! Ту, ковато избинес е пророкиен тай баренца мударес е бичалден жи туте, кити дром манглом те кидав тере чадовиен, сарто и кокошка прибиринел пе пилциен телал пе криленде, но на манглен! ³⁵Аке, тумаро кер мукел пес туменге пусто; тай пенав туменге, нанай те дикен Ман, жи кай на пенен: Благословиме, Ковато авел андо Господно алав.

¹Иек събота, като диняс те хал маро андо кер иекеске таро фарисейска началникия, он наблюдавиненас Лес. ²Тай аке, англал Лесте сине десаво мануш, насвало от воднянка. ³Тай о Исус, захоратингяс е законикиенге тай е фарисеиенге, пенгяс: Позволено ли си те целинел декой анди събота, или нака?⁴А он траниенас. Тай Ов, като долгяс е манушес, изцелингяс лес тай муклас лес. ⁵Тай пенгяс ленге: Ако перелас о осели или о воли декаске тумендар андо кладенеци, нанаяс ли ов ко сахати те извлечинел лес андо съботно диес? ⁶Тай нанащине отговоринен далкесте.⁷Тай като забележинелас сар о поканиме избириненас о първа столовя, пенгяс ленге притча: ⁸Като поканинел тут декой биявесте, ма беш ко първо столос, тена уло каниме десаво по-почетиме тутар, ⁹тай те авел кавка, ковато поканингяс тут да лес да, тай пенел туке: Отстъпине кавка тан калке манушеске; тай тогава ка почнинес лажаса те заеминес о последно тан.¹⁰Но като поканинен тут, жа тай беш ко последно тан, тай като ка авел кавка, ковато поканингяс тут, те пенел туке: Амала, нак по-упре.Тогава ка овел тут почит англал саворенде калкенде, колато бешен туса ки софра. ¹¹Соскето всекой, ковато възвишинел пес, ка смиринел пес, а ковато смиринел пес, ка възвисинел пес.¹²Пенгяс калкескеда, ковато поканингясас Лес: Като дес обеди или вечеря, ма канине те амален, ни те прален, ни те енданиен, нито барвале комшиден, тена поканинен тут онда, тай те овел туке отплатиме.¹³Но като дес угощение, поканине сиромасиен, недъгава, куца, коре; ¹⁴тай ка овес блажено, соскето, понеже лен нанай соса те отплатинен туке, ка овел туке отплатиме андо възкресение е праведноненгоро.¹⁵Тай като шунгяс давка иек таро бешле Леса, пенгяс леске: Блажено ковка, ковато ка хал маро андо Божие тагарипе. ¹⁶А Ов пенгяс леске: Десаво си мануш диняс бари вечеря тай канингяс мнозина. ¹⁷Тай андо сахати е вечеряке бичалгяс пе слугас те пенел е поканименге: Елан, понеже всичко си вече готово.¹⁸А он саворе почнинде единодушно те извининен пес. О първо пенгяс леске: Кингиом манге нива тай требе те иклав те дикав ла; молинав тут, считине ман за извинено. ¹⁹Авер пенгяс: Кингиом манге панч чифтя воловя тай жав те опитинав лен; молинав тут, считине ман за извинено. ²⁰А авер пенгяс: прандесалом, далкеске нанащи авав.²¹Тай о слугас ало тай пенгяс давка пе господариеске. Тогава о стопани, разгневиме, пенгяс пе слугаске: Икли скоро ко градска улицес тай пътекес, тай ан ате е сиромасиен, недъгавонен, корен тай куцонен. ²²Тай о слугас пенгяс: Господарю, со заповедингян, ачило, тай още тан иси.²³Тай о господари пенгяс е слугаске: Икли ко дрома тай ко оградес, тай кити аракес, убедине лен те ден, за те периол мо кер; ²⁴соскето пенав туменге, кай никой колке манушендар, колато уле поканиме, нанай те вкусинел ме вечерятар.²⁵А баре множества пиренас заедно Леса; тай Ов ирисало, тай пенгяс ленге: ²⁶Ако авел декой паш Манде тай нана намразинел пе дадес, пе дая, пе ромня, пе чадовиен, пе прален тай пе пениен, а още по собствено животос, нанащи овел Моро ученики. ²⁷Който на пиравел поро кръстос тай на пирел палал Манде, нанащи овел Моро ученики.²⁸Соскето, кова тумендар, като мангел те съградинел кула, нана бешел първо те пресметнинел о разноскес, дали ка овел соса те доикалел ла? ²⁹Тена, като положинел основа, а нанащи доикалел, саворе, колато дикен, те почнинен те асан леске тай те пенен: ³⁰Кавка мануш почнингяс те градинел, но нанащине доикалел.³¹Или кова тагар, като жал на война мамуял авере тагаресте, нанай те бешел първо те съветвинел пес, ащи ли с дешхиляда те устоинел против калкесте, ковато авел мамуял лесте с бишхиляда? ³²Иначе, жи кай ковка си още дуре, бичалел посланикиен те манген условия мириеске. ³³Тай чука, ако декой тумендар нана отречинел пес всичконастар, со иси лес, нанащи овел Моро ученики.³⁴Лачо варесо си о лон, но ако о самото лон обезсолингьол, соса ка подправинел пес? ³⁵Ои нана струвинел нито е пувяке, нито ториеске; чивен ла аври. Кас иси кана те шунел, нека шунел!

¹А саворе бирникия тай грешникия приближиненас пес паш Лесте те шунен Лес. ²А о фарисея тай о книжникия роптаиненас, тай пенен: Кавка приеминел грешникиен тай хал ленца.³Тай Ов пенгяс ленге кайка притча: ⁴Кова тумендар, ако иси лес шел овце, тай нашалел пес леске иек лендар, нана мукел деветдесет и девет анди пустиния, тай нана жал палал и нашалди, жи кай аракел ла? ⁵Тай като аракел ла, ваздел ла пе пикенде лошало.⁶Тай като авел песке кере, викинел пе амален тай пе комшиден тай пенел ленге: Лошанен манца, кай аракльом ме нашалде овца. ⁷Пенав туменге, кай също чука ка овел по бут лошали ко небес иеке грешникиеске, ковато каинел пес, отколкото за деветдесет и девет праведникия, колен нанай лен нужда таро покаяние.⁸Или коя ромни, иси ла деш драхмес, тай нашалел иек драхма, нана тарел светилос, нана шулавел о кер тай на родел грижливо, жи кай аракел ла? ⁹Тай като аракел ла, викинел пе амалиниен тай пе комшийкен тай пенел: Лошанен манца, соскето аракльом и драхма която нашалгьомас. ¹⁰Също чука, пенав туменге, иси лошали англал о Божия ангеля иеке грешникиеске, ковато каинел пес.¹¹Пенгяс още: Десаво мануш сине лес дуи мруша. ¹²Тай о по-цикно лендар пенгяс пе дадеске: Модат, де ман мо дяли, ковато перелпес манге таро имоти. Тай ов разделингяс ленге о имоти.¹³Тай ма палал о хари диеса о по-цикно чаво кидингяс песке всичко тай гело анде дуре ригате, тай оте прахосингяс по имоти пе разпусноне животоса. ¹⁴Тай като пропилингяс всичко, ачили бари бок анде колке ригате; тай ов пело андо лишение.¹⁵Тай гело, тай присъединисало карик иеке гражданиесте колке ригакоро, ковато бичалгяс лес ко полета пере те пасинел баличен. ¹⁶Тай мангелас те чаларел пес е рожковиенца, колендар ханас о баличе; но никой нана делас лес.¹⁷А като ало песте, пенгяс: Кити наемникия ме дадескере иси лен излишъки таро маро, а па ме мерав бокатар! ¹⁸Ка ухкяв те жав ме дадесте тай ка пенав леске: Модат, съгрешингиом против о небес тай англал тут; ¹⁹нана синиом вече достоино те наречинаман торо чаво; кер ман сар иек те наемникиендар.²⁰Тай ухтинило, тай ало пе дадесте. А като сине още дуре, диклас лес лескоро дад, смилисало тай като запрастанило, чивгяс пес ки мен леске, тай чумиделас лес. ²¹Пенгяс леске о чаво: Модат, съгрешингиом против о небес тай англал туте; нана синьом вече достойно те наречинаман торо чаво.²²Но о дад пенгяс пе слугенге: Сиго изнесинен и най-шукар премяна тай урявен лес, тай товен ангрусти ко вас леске тай потиня ко пире леске; ²³анен о угоено телес, тай заколинен лес тай нека те хас тай те веселинас амен; ²⁴соскето кавка моро чаво сине муло, тай оживингяс, нашалдо уло, тай араклило. Тай почнинде те веселинен пес.²⁵А о по-баро чаво лескоро сине ки нива; тай като авелас песке тай приближингяс жи ко кер, шунгяс гила тай хоровя. ²⁶Тай викингяс иекес таро слуги, тай пучлас со си давка. ²⁷А ов пенгяс леске: То прал ало песке тай то дад заколингяс е угоеноне телес, соскето приемингяс лес здраво.²⁸Тай ов холангяс тай нана мангелас те дел; тай лескоро дад иклило, тай молинелас лес. ²⁹А ов в отговор пенгяс пе дадеске: Аке, дики бреша керав туке бути тай нисар нана престъпингиом десави тери заповед; но пак манге дори ярес нана динян нисар те повеселинаман ме амаленца; ³⁰а щом ало песке кавка торо чаво, ковато халас то имоти е блудниценца, за леске заколингян о угоено телес.³¹А ов пенгяс леске: Мочо, ту синян винаги манца тай всичко моро си торо. ³²Но прилично сине те развеселинас амен тай те лошанас, соскето кавка торо прал сине муло, тай оживингяс, нашалдо уло, тай араклило.

¹Пенгяс още пе ученикиенге: Десаво барвало сине лес настойникки, колес клеветинде англал лесте, кай разпилинел лескоро имоти. ²Тай ов викингяс лес, тай пенгяс леске: Со си давка, ковато шунав за туке? Де сметка те настойничествоске; соскето нанащи вече те овес настойники.³Тогава о настойники пенгяс песке: со те керав, като мо господари отнеминел мандар о настойничество? Нанай ман сила те храндав, те просинав лажав. ⁴Диниоман годи со те керав, за те приеминен ман пе керенде, като ка овав отстраниме таро настойничество.⁵Тай чука, като викингяс саворе длъжникиен пе господариескере, пенгяс е първонеске: Кити дължинес ме господариеске? ⁶А ов пенгяс: Шел мерес масло. Тай пенгяс леске: Ле то записи тай пеш сиго, тай пишине пинда. ⁷После пенгяс авереске: А ту кити дължинес? Тай ов пенгяс: Шел мерес житос. Пенел леске: Ле то записи тай пишине охтодеш.⁸Тай о господари лескоро похвалингяс е неверноне настойникиес, соскето остроумно постъпингяс; соскето о мануша калке векоскере си по-остроумна спрямо поро поколение таро просветена чрез и виделина. ⁹Тай Ме пенав туменге, спечелинен туменге амален посредством неправедно барвалипе, тай, като привършинел пес, те приеминен тумен андо вечна жилища.¹⁰О верно андо най-хари тай андо бут си верно, а о неверно андо най-хари тай андо бут си неверно. ¹¹Тай чука, ако андо неправедно барвалипе нана улен верна, кой ка поверинел туменге о истинско барвалипе? ¹²Тай ако андо чуждо нана улен верна, кой ка дел тумен тумаро?¹³Нисаво служители нанащи служинел дуие господариенге; соскето или ка намразинел иекес тай околес ка задехел, или ка привържинел пес карик иекесте, а околес ка презиринел. Нанащи служинен е Девлеске тай е мамониеске!¹⁴А всичко давка шуненас о фарисея, колато сине сребролюбция, тай асанас Леске. ¹⁵Тай пенгяс ленге: Туме синиен, колато покажинен тумен праведна англал о мануша; но о Дел жанел тумаре сърца; соскето ковка, ковато ценинел пес учо машкар о мануша, си мерзост англал о Дел.¹⁶О закони тай о пророкия сине жи ко Йоан; оттогава о Божие тагарипе благовестинел пес тай секой усилиеса дел анде лесте. ¹⁷Но по-лесно си о небес тай и пув те пренакен, отколкото иек точка таро закони те перел.¹⁸Всекой, ковато напуснинел пе ромня тай пранденел авераке, прелюбодействинел; тай който пранденел напуснименаке роместар, ов прелюбодействинел.¹⁹Исине десаво барвало, ковато уриелас пес андо мораво тай висони, тай секо диес веселинелас пес бляскаво. ²⁰Исине иек сиромахи, ко алав Лазар, покрито струпеиенца , колес товенас те пашлол англал и порта леске, ²¹като мангелас те парварел пес таро пело тари софра е барвалеске; а о риконе авенас, тай лижиненас лескере ранес.²²Тай о сиромахи муло; тай о ангеля ингалде лес андо Авраамово лоно. Муло о барвало да, тай уло пароме. ²³Тай андо ади, като сине ко мъкес тай ваздингяс яка, диклас удурал е Авраамес, тай е Лазарес анде лескере обятиенде.²⁴Тай ов пищингяс, тай пенгяс: Отче Аврааме, смилине тут упрал манде тай бичал е Лазарес те топинел о крайос пе наиескоро андо пани тай те разхладинел ми чиб, соскето синьом ко мъкес анде калке пламакиесте.²⁵Но о Авраам пенгяс: Мочо, спомнине туке, кай ту получингян тере блага приживе, а о Лазар - о канилипе; но акана ов ате утешинел пес, а ту мъчинес тут. ²⁶Тай освен всичко давка, машкар аменде тай туменде си утвърдиме бари бездно, чука че колка, колато ка манген те накен атар карик туменде, тенащи, нито па отар те пренакен карик аменде.²⁷А ов пенгяс: Като си чука,молинав тут, отче, те бичалес лес ме бащиноне кересте; ²⁸соскето иси ман панч прала, за те предупрединел лен, тена авен он да калке мъчителноне танесте.²⁹Но о Авраам пенгяс: Иси лен о Мойсей тай о пророкия; нека шунен лен. ³⁰А ов пенгяс: Ма, отче Аврааме, но ако жал ленде декой таро муле, ка покаинен пес. ³¹Тай ов пенгяс леске: Ако нана шунен е Мойсейес тай е пророкиен, ов таро муледа те възкръснинел декой, пак нанай те убединен пес.

¹Тай пенгяс Пе ученикиенге: Нанай възможно тена авен о съблазнес; но горко колкенге, чрез коленде авен! ²По-лачес ка овел леске те окачинел пес иек баро воденично бар лескере меняте тай те овел чивдо андо морес, а ма те съблазнинел иек калкендар таро цикне.³Внимавинен туменге. Ако прегрешинел то прал, смъмрине лес; тай ако покаинел пес, простине леске. ⁴Тай ефта дром андо диес ако съгрешинел против туте, тай ефта дром иринел пес карик туте тай пенел: Покаинаман, простине леске.⁵Тай о апостола пенде е Девлеске: Приде аменге вяра. ⁶А о Дел пенгяс: Ако иси тумен вяра, кити синапово зърнос, ка пененас калке черницаке: Изкоренине тут тай насадине тут андо морес, тай ка шунел тумен.⁷А кова тумендар, ако иси лес слуга те оринел леске или те пасинел леске, ка пенел леске веднага, щом авел песке тари нива: Де те хас? ⁸Напротив, нанай ли те пенел леске: Приготвине варесо те вечеринав, стегин тут, тай пошетине манге, жи кай хав тай пияв, тай палал далкесте ту ка хас тай ка пиес?⁹Нима ка благодаринел пе слугаске, кай кергяс со уло заповедиме? На верувинав. ¹⁰Също чука тумеда, като керен всичко, ковато си туменге заповедиме, пенен: Аме синям безполезна слуги; кергям само давка, ковато улам длъжна те керас.¹¹Тай андо Поро пътуване карик о Ерусалим Ов накелас и граница машкар и Самария тай Галилея. ¹²Тай като делас иеке гавесте, ресле Лес деш прокажена, колато, като спиринде дурал, ¹³пищинде силноне гласоса, тай пенде: Исусе Наставниче, смилине тут упрал аменде!¹⁴Тай като диклас лен, пенгяс ленге: Жан, покажинен тумен е свещеникиенге. Тай като жанас, очистисале. ¹⁵Тай иек лендар, като диклас, кай си изцелиме, ирисало тай силноне гласоса славинелас е Девлес, ¹⁶тай пело мосте ко пире е Исусеске, тай благодаринелас Леске. Тай ов сине самарияни.¹⁷А о Исус в отговор пенгяс леске: Нана очистисале ли деш? А кате си окола еня? ¹⁸Нана араклиле ли авер те иринен пес тай те възден слава е Девлеске, освен кавка другоплеменики? ¹⁹Тай пенгяс леске: Ухти тай жа туке; тери вяра изцелингяс тут.²⁰А о Исус, пучло таро фарисея кана ка авел о Божие тагарипе, в отговор пенгяс ленге: О Божие тагарипе нана авел чука, кай те забележинел пес; ²¹нито ка пенен: Аке ате си! Или: Оте си! Соскето, аке о Божие тагарипе си андре анде туменде.²²Тай пенгяс е ученикиенге: Ка авен диеса, като ка манген те дикен поне иек таро диеса е Човешконе Чавескере, тай нанай те дикен. ²³Тай като пенен туменге: Аке, оте си! Или: Аке, ате си! Тена жан, нито те прастан палал ленде. ²⁴Соскето, сарто и светкавица, като блеснинел таро иек крайос е хоризонтиескоро, светинел жи околе крайосте е хоризонтиескоро, чука ка овел о Човешко Чаво анде Пере диесесте .²⁵Но първо Ов требе те пострадинел бут тай те овел отхвърлиме калке поколениесар. ²⁶Тай сарто ачило андо Ноева диеса, чука ка овел андо диеса е Човешконе Чавеске; ²⁷ханас, пиенас, прандененас жи ко диес, като о Ной диняс андо ковчеги, тай ало о потопи, тай погубингяс лен саворен.²⁸Чука също, сарто ачило андо Лотова диеса; ханас, пиенас, киненас, бикненас, садиненас тай градиненас, ²⁹а андо диес, като о Лот иклило таро Содом, яг тай сяра навалинде таро небес тай погубинде лен саворен;³⁰подобно калкесте ка овел андо диес, като о Човешко Чаво ка явинелпес. ³¹Андо ковка диес, ковато аракльол ко покриви пе кереске, ако лескере вещя си кере, тена ухлел те лел лен; също ковато си ки нива, тена иринел пес напапале.³²Помнинен е Лотиескере ромня. ³³Който мангел те спечелинел по животос , ка нашалел лес; а който нашалел лес, ка опазинел лес.³⁴Пенав туменге, анде колке ракяте дуи ка овен иеке леглосте; иек ка лел пес, а окова ка мукел пес. ³⁵Дуй жувля ка мелинен заедно; иек ка лел пес, а окоя ка мукел пес. ³⁶Дуй ка овен ки нива; иек ка лел пес, а окова ка мукел пес. ³⁷Отговоринен леске, тай пенен: Кате, Девла? А Ов пенгяс ленге: Кате си о трупос, оте ка киден пес о орела.

¹Пенгяс ленге иек притча далкеске сар требва всякога те молинен пес тай тена перен духом, тай пенгяс: ²Анде десаве градосте исине иек съдияс, ковато таро Дел нана даралас тай е манушес на зачитинелас.³Андо също градос исине иек вдовица, която авелас лесте тай пенелас леске: Отде манге право спремо мо противники. ⁴Но ов за известно време нана мангелас. А после пенгяс песке: При все, кай таро Дел нана дарав тай е манушес нана зачитинав, ⁵пак, понеже кайка вдовица досадинел манге, ка отдав лакоро право, тена изморинел ман пе безкрайноне дохожданиеса.⁶Тай о Дел пенгяс: Шунен со пенгяс о неправедно съдияс! ⁷Тай о Дел ли нанай те отдел о право Пере избраноненге, колато пищинен карик Лесте о диес тай ират, те бавинелда пес спрямо ленде? ⁸Пенав туменге, кай ка отдел ленгоро право сиго. Обаче, като ка авел, о Човешко Чаво ка аракел ли вяра ки пув?⁹Тай декаске, колато уповиненас пес песте, кай си праведна, тай презириненас околен, пенгяс кайка притча: ¹⁰Дуй жене дине андо храми те молинен пес, о иек фарисей, а окова бирники.¹¹О фарисей, като изправисало, молинелас пес анде песте чука: Боже, благодаринаман Туке, кай нана синьом сар околе манушенде, грабитела, неправедна, прелюбодейция тай особено ма сар калке бирникиесте. ¹²Постинав дваж андо курко, дав десятъки всичконастар, ковато придобинав.¹³А о бирники, като бешелас дуре, нана мангелас дори пе яка те ваздел карик о небес, но чалавелас пес ан пе колиниесте тай пенелас: Боже, ов милостиво карик манде, о грешники. ¹⁴Пенав туменге, кай кавка ухлило пе кересте оправдано, а ма ковка; соскето всекой, ковато възвишинел пес, ка смиринел пес, а ковато смиринел пес, ка възвисинел пес.¹⁵Анде още паш Лесте пе младенциен, за те докоснинел пес жи ленде; а о ученикия, като дикле, смъмринде лен. ¹⁶Но о Исус викингяс лен тай пенгяс: Мукен е чавен те авен паш Манде тай ма спиринен лен; соскето салкенгоро си о Божие тагарипе. ¹⁷Истина пенав туменге: който нана приеминел сар чаво о Боже тагарипе, ов нисар нанай те дел анде лесте.¹⁸Тай десаво си началники пучлас Лес, тай пенгяс: Благи Учителю, со те керав, за те наслединав вечно животос? ¹⁹А о Исус пенгяс леске: Соске наречинес Ман благо? Никой нанай благо, освен иек Дел. ²⁰Жанес о заповедя: " Ма прелюбодейсвине"; " Ма мудар"; " Ма чор"; " Ма лъжесвидетелствине"; " Почитине те дадес тай те дая"; ²¹А ов пенгяс: Всичко давка пазингьом от тернярла.²²О Исус, като шунгяс лес, пенгяс леске: Иек още нана ресел туке. Бикин всичко со иси тут тай разде е сиромасиенге, тай ка овел тут съкровищес ко небес; ела тай следвине Ман. ²³Но ов, като шунгяс давка, наскърбисало бут, соскето сине бут барвало.²⁴Тай о Исус, като диклас лес, пенгяс: Кити мъчно ка ден андо Божие тагарипе колка, колато иси лен барвалипе! ²⁵Соскето по-лесно си камила те накел презал о иглена кана, отколкото барвало те дел андо Божие тагарипе.²⁶А колка, колао шунде давка, пенде: Тогава кой ащи спасинел пес? ²⁷А Ов пенгяс: О невъзможно е манушенге е Девлеске си възможно.²⁸А о Петър пенгяс: Аке, аме муклам амаро тай последвингям Тут. ²⁹А Ов пенгяс ленге: Истина пенав туменге, нанай никой, ковато те муклас кер или ромня, или прален, или родителен , или чадовиен ашал о Божие тагарипе, ³⁰ковато тена получинел многократно по бут андо сегашно времес, а андо идещо светос - вечно животос.³¹Тай като лилас е дешудуиен паш Песте, пенгяс ленге: Аке, възлизинас андо Ерусалим тай ка изпълнингиол е Човешконе Чавеске всичко, ковато си пишиме чрез о пророкия. ³²Соскето ка овел предиме ко езичникия, колато ка поругаинен пес упрал лесте тай безсрамно ка оскърбинен Лес, тай ка чунгаден Лес, ³³тай като марен Лес, ка мударен Лес; тай ко трето диес ка възкръснинел.³⁴Но он нана ахалиле нищо далкестар; тай о смисели далке думакоро уло гаравдо ленге, тай нана ахалонас давка, ковато пенелас пес.³⁵А като Ов приближинелас жи ко Ерихон, иек коро бешелас край о дром те просинел. ³⁶Тай като шунгяс, кай накел народос, пучлас со си давка. ³⁷Тай пенде леске, кай о Исус о Назарияни накел.³⁸Тогава ов пищингяс, тай пенгяс: Исусе, Чаво Давидово, смилине тут упрал манде! ³⁹А калка, колато пиренас англал, смъмринде лес, за те траниел; но ов още по бут пищинелас: Чаво Давидово, смилине тут упрал манде!⁴⁰Тай чука, о Исус спирингяс тай заповедингяс те анен лес Леске. Тай като приближисало, пучлас лес: ⁴¹Со мангес те керав туке? А ов пенгяс: Господи, те задикав.⁴²Тай о Исус пенгяс леске: Дик; тери вяра изцелингяс тут. ⁴³Тай ов веднага задиклас, тай тръгнингяс палал Лесте, като славинелас е Девлес. Тай саворе люде, като дикле давка, въздине хвала е Девлеске.

¹Палал далкесте о Исус диняс андо Ерихон тай накелас презал о градос. ²Тай аке, иек мануш, ко алав Закхей, ковато сине началники е бирникиенге тай барвало,³мангелас те дикел кова си о Исус, но нанащине ашал о народос, соскето сине харно. ⁴Тай запрастанило нангле, тай качисало иеке черницате, за те дикел Лес; понеже ка накелас презал колке дроместар.⁵О Исус, като ало калке танесте, диклас нупре тай пенгяс леске: Закхее, ухли сиго, соскето авдиес требе те престоинав те кересте. ⁶Тай ов сигяргяс те ухлел, тай приемингяс Лес лошаласа. ⁷Тай като дикле давка, саворе роптаиненас, тай пенен: Паш грешноне манушесте диняс те бешел.⁸А о Закхеи ухтинило тай пенгяс е Девлеске: Господи, аке от акана дав екваш ме имотиестар е сиромасиенге; тай ако десар ограбингьом декас, иринав леске четирикратно. ⁹Тай о Исус пенгяс леске: Авдиес ачило спасение калке кересте; соскето кавкада си Авраамово чаво ¹⁰Понеже о Човешко Чаво ало те родел тай те спасинел о погинало.¹¹Тай като шуненас давка, Ов прибавингяс иек притча, соскето сине паше жи ко Ерусалим, тай он мислиненас песке, кай о Божие тагарипе веднага ка явинел пес. ¹²Далкеске пенгяс: Десаво благородники гело далечноне ригате те получинел за песке царско власт тай те иринел пес.¹³Тай викингяс дешен пе слугендар, тай диняс лен деш мнасес; тай пенгяс ленге: Търгувинен далкеса, жи кай авав. ¹⁴Но лескере граждания мразиненас лес тай бичалде палал лесте посланикя те пенен: Нана мангас кавка те царувинел упрал аменде. ¹⁵А като получингяс и царско власт тай ирисало, заповедингяс те викинен колке слуген, коленге динясас о парес, за те ахалол со припечелинде чрез о търгуване.¹⁶Ало о първо тай пенгяс: Господарю, тери мнаса спечелингяс деш мнасес. ¹⁷Тай пенгяс леске: Шукар, лачеа слуго! Понеже ко бут хари покажингян тут верно, нека овел тут власт упрал деше градовиенде.¹⁸Ало о второ тай пенгяс: Господарю, тери мнаса принесингяс панч мнасес. ¹⁹А пенгяс лескеда: Ов туда упрал пандже градовиенде.²⁰Ало авер тай пенгяс: Господарю, аке тери мнаса, която пазинавас скътано анди кърпа; ²¹соскето даравас тутар, понеже синян срого мануш; ваздес давка, ковато нана положингян, тай жънинес, ковато нана посеингян.²²О господари пенгяс леске: Ка съдинав тут те собственоне думенца, зло слугас. Жанесас, кай синиом строго мануш, ваздав давка, ковато нана положингьом, тай жънинав, ковато нана сеингиом; ²³тогава соске нана вложингян ме парес анди банка, тай ме, като ававас манге, ка прибиринавас лен е лихваса?²⁴Тай пенгяс е присъстващоненге: Лен лестар и мнаса тай ден ла калкесте, колес иси деш мнасес, ²⁵( Пенде леске: Господарю, лес вече иси деш мнасес!)²⁶Пенав туменге, кай всекаске, кас иси, ка дел пес; а калкестар, колес нанай, лестар ка отнеминел пес давкада, ковато си лес. ²⁷А колка мере неприятеля, колато нана мангенас те царувинав упрал ленде, анен лен ате тай посечинен лен англал манде.²⁸Тай като пенгяс давка, о Исус тръгнингяс нангле, като ухлелас за Ерусалим.²⁹Тай като приближисало жи Витфагия тай Витания, жи ко хълми наречиме Елеонски, бичалгяс дуиен таро ученикия тай пенгяс ленге: ³⁰Жан андо гав, ковато си мамуял туменде, анде колесте като ден, ка аракен иеке оселес, панло, колес, нисаво мануш нана възседингяс;путрен лес тай анен лес. ³¹Тай ако декой пучел тумен: Соске путрен лес? Пенен чука: Е Девлеске требел.³²Тай о бичалде геле, тай аракле лес, сарто пенгясас ленге. ³³Тай като путерде е оселес, лескере стопания пенде: Соске путрен е оселес? ³⁴А он пенде: Е Девлеске требел. ³⁵Тай анде лес жи ко Исус; тай като наметнинде пе шехя ко осели, качинде е Исусес. ³⁶Тай като накелас Ов, о люде бухларенас пе шехя ко дром.³⁷Тай като вече наближинелас те превалинел о Елеонско хълми, о цело множествос ученикия починде те лошанен тай велегласно те славинен е Девлес саворе великоне деловиенге, колато диклесас, тай пенде: ³⁸Благословиме о Тагар, Ковато авел андо Господно алав; мири ко небес тай слава андо висини!³⁹А десаве таро фарисея машкар о народос пенде Леске: Учителю, смъмрине Те ученикиен. ⁴⁰Тай Ов в отговор пенгяс: Пенав туменге, кай ако калка траниен, ов о бара ка пищинен.⁴¹Тай като приближисало тай диклас о градос, туно леске, тай пенгяс: ⁴²Те жанесас ту, ва! Ту, поне анде калке тере диесесте, давка, ковато служинел те мириеске; но понастоящем си гаравдо те якендар.⁴³Соскето ка авен упрал туте диеса, като тере неприятела ка вазден могила около туте, ка обсадинен тут, ка стеснинен тут отвред, ⁴⁴тай ка разоринен тут, тай ка избинен те жителен анде туте, тай нанай те мукен анде туте бар баресте; соскето ту на пенджаргян о времес, като улан посетиме.⁴⁵Тай като диняс андо храми, почнингяс те гонинел колкен, колато бикненас; тай пенелас ленге: ⁴⁶Пишиме си: " Тай мо кер ка овел молитвено кер", а туме кергиен лес " разбойническо вертепи".⁴⁷Тай поучинелас секо диес андо храми. А о главна свещеникия, о книжникия тай о народна първенци стараиненас пес те погубинен Лес; ⁴⁸но нана аракенас со те керен, понеже саворе люде вслушвиненас пес те шунен Лес.

¹Тай андо иек таро диеса, като поучинелас е люден андо храми тай проповединелас о благовестие, але о главна свещеникия тай о книжникия е старейшиненца тай хоратиненас, тай пенен Леске: ²Пен аменге, саве властяса керес давка? Или кова си Ковка, Ковато диняс Тут каика власт?³Тай в отговор пенгяс ленге: Ка задав тумен Меда иек въпроси, тай отговоринен Манге: ⁴О Йоаново кръщение таро небес ли сине, или таро мануша?⁵А он разисквиненас машкар песте, тай пенде: Ако пенас: Таро небес, ка пенел: Соске нана верувингиен лес? ⁶Но ако пенас: Таро мануша, саворе люде ка мударен амен баренца, соскето си убедена, кай о Йоан сине пророки.⁷Тай отговоринде, кай нана жанен катар сине. ⁸Тогава о Исус пенгяс ленге: Нито Ме пенав туменге саве властяса керав давка.⁹Тай почнингяс те пенел е люденге кайка притча: Иек мануш насадингяс лозес, диняс лес под наем земеделциенге тай гело андо странство за дълго време. ¹⁰Тай андо време е кидибнаске бичалгяс иеке слугас ко земеделция, за те ден лес таро плоди е лозеске; но о земеделция марде лес тай бичалде лес чучо.¹¹Тай бичалгяс авере слугас; а он лесда марде, срамно оскърбинде лес тай бичалде лес чучо. ¹²Бичалгяс третонес; он лесда наранинде тай чивте.¹³Тогава о стопани е лозескоро пенгяс: Со те керав? Ка бичалав ме възлюбеноне чавес; ащи лес те почетинен. ¹⁴Но о земеделция, като дикле лес, разисквиненас машкар песте, като пененас: Кавка си о наследники; нека мударас лес, за те ачол о наследство амаро.¹⁵Тай чивте лес аври таро лозес, тай мударде лес. Тай чука, со ка керел ленге о стопани е лозескоро? ¹⁶Ка авел тай ка погубинел калке земеделциен, тай ка дел о лозес аверенге. А като шунде давка, пенде: Дано тена овел!¹⁷А Ов диклас лен тай пенгяс: Тогава со значинел кавка, ковато си пишиме: " О бар, ковато отхвърлинде о зидаря, ов ачило шеро е ъгълескоро"? ¹⁸Секой, ковато перел упрал калке баресте, ка разбинел пес, а упрал касте перел, ка смажинел лес.¹⁹Тай ко също сахати о книжникия тай о главна свещеникия мангле те товен васта Лесте, соскето ахалиле, кай пенгяс кайка притча против ленде, но даранас таро люде. ²⁰Тай като наблюдавиненас Лес, бичалде съгледвачиен, колато преструвиненас пес, кай си праведна, за те уловинен десави Лескири дума, чука че те преден Лес ко началство тай ки власт е управителеске.²¹Тай он пучле Лес, тай пенде: Учителю, жанас, кай право хоратинес тай учинес, тай анде Туте нанай лицемерие, но учинес о Божие дром според и истина; ²²право ли си аменге те дас данъки е цезариес, или нака?²³А Ов ахалило о лукавство ленгоро тай пенгяс ленге: ²⁴Покажинен манге иек динарий. Каскоро образи тай надписи иси? Тай в отговор пенде: Цезарево.²⁵А Ов пенгяс: Тогава ден о цесарово е Цесариес, а о Божие е Девлес. ²⁶Тай нанащине уловинен варесо андо думес англал о люде; тай зачудиме Лескере отговориеске, траинде.²⁷Тогава приближисале десаве таро садукея, колато твърдинен, кай нанай възкресение, тай пучле Лес, тай пенде: ²⁸Учителю, о Мойсей пишингяс аменге: " Ако мерел декаске лескоро прал, ковато си прандеме, но си бездетно, лескоро прал те лел е ромня тай те ваздел потомъки пе пралеске".²⁹А сине ефта прала; тай о първо лилас ромня тай муло бездетно. ³⁰Тай о второ, тай о трето лиле ла ; ³¹чука също о ефта лиле ла тай муле, без те мукен чавен. ³²А после мули и ромни. ³³Тай чука, ко възкресение каске лендар ачол ромни? Соскето о ефта исине лен ромняке.³⁴А о Исус пенгяс ленге: О мануша калке светоскере пранденен; ³⁵а колка, колато удостоинен пес те ресен ковка светос тай о възкресение таро муле, нито женинен пес, нито омъжвинен пес. ³⁶А тай нанащи вече мерен, понеже си равна е ангеленца; тай сар участникия андо възкресение, си чада е Девлеске.³⁷А кай о муле възкръснинен, давка о Мойсей покажингяс андо тан, кате пишингяс е къпинаке, като наречингяс е Девлес " Дел Авраамоео, Дел Исааково тай Дел Яково". ³⁸Но Ов нанай Дел е муленгоро, а е живденгоро; соскето за Леске саворе си живде.³⁹А десаве таро книжникия в отговор пенде: Учителю, Ту лачес пенгян. ⁴⁰Соскето на смеиненас вече за нищо те пучен Лес.⁴¹Тай пенгяс ленге: Сар пенен, кай о Помазаники си Давидово чаво? ⁴²Соскето коркоро о Давид пенел анди книга ко Псалмес: " Пенгяс о Дел* мере Девлеске: Беш отдясно Манге, ⁴³жи кай положинав Те враговиен Тере подножиесте". ⁴⁴Тай чука, о Давид наречинел Лес Господ, тогава сар си лескоро чаво?⁴⁵Тай като шуненас саворе люде, Ов пенгяс Пе ученикиенге: ⁴⁶Пазинен тумен таро книжникия, колато дехен те пирен премениме тай дехен поздравя ко пазаря, о първа столовя андо синагогес тай о първа тана ко угощения; ⁴⁷колато хан о кера е вдовиценгере тай за показ принесинен дълга молитвес. Он ка получинен по-баро осъждане.

¹Тай о Исус, като ваздингяс яка, диклас е барвален, кай мукен пе даровя анди съкровищница. ²А диклас иеке чоре вдовица, кай мукел оте дуй лептес. ³Тай пенгяс: Истина пенав туменге, кай кайка чори вдовица муклас по бут саворендар; ⁴соскето саворе калка мукле андо даровя е Девлеске пе излишъкиестар , а ой тари немотия пери муклас по цело имоти, ковато сине ла.⁵Тай като десаве хоратиненас е храмиеске, кай си украсиме шукаре баренца тай посветеноне приносиенца, пенгяс: ⁶Ка авен диеса, като калкестар, кате дикен, нанай те ачол ате бар упраал баресте, ковато тена срининел пес.⁷Тай пучле Лес, тай пенде: Учителю, а кана ка овел давка? Тай саво ка овел о белеги, като предстоинел те ачол давка? ⁸А Ов пенгяс: Внимавинен тена заблудинен тумен; соскето мнозина ка авен анде Мере алавесте тай ка пенен: Ме синьом о Помазаники; тай: О време наближингяс. Тена жан палал ленде. ⁹Тай като ка шунен за войни тай размирицес, тена даран; соскето далка букя требе първо те ачон, но нанай веднага о свършеки.¹⁰Тогава пенгяс ленге: Народос ка ваздел пес против народосте тай тагарипе против тагарипнасте; ¹¹тай ка овен баре трусовя, тай разноне таненде бок тай мори; ка овен ужася, тай баре знамения таро небес.¹²А англаал те ачол всичко давка, ка товен васта туменде тай ка гонинен тумен, като преден тумен синагогенде тай андо тъмницес, тай ка икален тумен англал тагаренде тай англал управителенде ашал Мере алавеске. ¹³Давка ка служинел туменге за свидетелство.¹⁴Тай чука, решинен ан тумаре сърценде тена обмислинен предварително со те отговоринен; ¹⁵соскето Ме ка дав тумен чука мъдро те хоратинен*, кай саворе противникия тумаре ка овен безсилна те противостоинен туменге или те противоречинен.¹⁶Тай ка овен предиме даже таро родителя тай прала, енданиендар тай амалендар; тай ка мударен декас тумендар. ¹⁷Тай ка овен мразиме саворендар ашал Мере алавеске. ¹⁸Но бал тумаре шерестар нанай те загининел. ¹⁹Чрез тумари твърдост ка придобинен тумаре души.²⁰А като дикен о Ерусалим, кай си заобиколиме таро войски, давка те жанен, кай наближингяс лескоро запустяване. ²¹Тогава колка, колато си анди Юдея, нека нашен андо планини, а колато си андо градос, нека иклон аври, а колато си андо околностя, тена ден анде лесте. ²²Соскето далка си диеса на въздаяние, за те изпълнингиол всичко, ковато си пишиме.²³Горко е непразноненге тай е кърмещоненге презал колке диесенде! Соскето ка овел баро бедствие анди риг тай гняви упрал о люде. ²⁴Он ка перен телал о остриес е мечиеске тай ка овен ингалде андо плени ко саворе народя; тай о Ерусалим ка овел тъпкиме таро народос, жи кай изпълнингион о времена е езичникиенгере.²⁵Тай ка ачон знамения ко кам, ки луна тай ко звезди, а ки пув - бедствие е народоске, като ка овен андо недоумение, ашал о бучене е мореске тай е вълненге. ²⁶О мануша ка примиринен даратар тай таро очакване е букиенге, колато ка постигнинен и вселена, соскето о небесна силес ка разклатинен пес.²⁷Тай тогава ка дикен е Човешконе Чавес, кай авел андо облаки, силаса тай баре славаса. ²⁸А като ка почнинел те ачол давка, изправинен тумен тай вазден тумаре шере, соскето тумаро изкупление наближинел.²⁹Тай пенгяс ленге притча: Дикен и смокиния тай саворе каща. ³⁰Като дикен, кай покаринен, жанен, кай о нилаи си вече паше. ³¹Също чука тай като дикен, кай ачол давка, те жанен, кай си паше о Божие тагарипе.³²Истина пенав туменге, кай кавка поколение нанай те пренакел, жи кай нана сбъднингьол всичко давка. ³³О небес тай и пув ка пренакен, но Мере думес нанай те пренакен.³⁴Но внимавинен туменге, тена натегнинен тумаре сърца таро преяждане, пиянство тай житейска грижес, тай ресел тумен ковка диес внезапно, сар примка; ³⁵соскето чука ка авел упрал саворенде, колато живинен ко муи целоне пувяке.³⁶Но бдинен всякога, тай молинен тумен, за те сполучинен те избегнинен всичко, ковато предстоинел те ачол, тай те бешен англал о Човешко Чаво.³⁷Тай секо диес Ов поучинелас андо храми; а секо рат иклолас тай нощувинелас ко хълми, наречиме Елеонски. ³⁸Тай саворе люде подраниненас паш Лесте андо храми те шунен Лес.

¹А наближинелас о Празники е безквасноне маренгоро, ковато наречинел пес Пасха. ²Тай о главна свещеникия тай о книжникия обмислиненас сар те мударен Лес; соскето даранас таро люде.³Тогава диняс о Сатана андо Юда, наречиме Искариот, ковато сине таро число е дешудонге; ⁴тай ов гело тай хоратингяс е главноне свещеникиенца тай е началникиенца е стражакере сар те предел Лес ленге.⁵Тай он лошанде, тай обещинде те ден лес парес. ⁶Тай ов съгласисало, тай роделас сгодно случай те предел Лес ленге, ма англал о множество.⁷Тай ачло о диес е безквасноне маренгоро, като требеше те жертвинел пес и пасха. ⁸Тай о Исус бичалгяс е Петрес тай е Йоанес, тай пенгяс: Жан тай приготвинен аменге, за те хас и пасха. ⁹А он пенде Леске: Кате мангес те приготвинас?¹⁰А Ов пенгяс ленге: Аке, като ден андо градос, ка ресел тумен мануш, ковато пиравел стомна паниеса; жан палал лесте андо кер, анде колесте дел, ¹¹тай пенен е стопаниеске е керескоро: О Учители пенел туке: Кате си е гостиенгири стая, анде колате ка хав и пасха Ме ученикиенца?¹²Тай ов ка посочинел туменге бари упруни стая, бухларди; оте приготвинен. ¹³Тай като геле, аракле сарто пенгясас ленге; тай приготвинде и пасха.¹⁴Тай като ало о сахати, Ов бешло ки софра, тай о апостола Леса. ¹⁵Тай пенгяс ленге: Твърде бут мангльом те хав кайка пасха туменца, англал те страдинав; ¹⁶соскето пенав туменге, кай нанай вече те хав ла, жи кай ой нана изпълнингиол андо Божие тагарипе.¹⁷Тай като приемингяс чаша, благодарингяс тай пенгяс: Лен кавка тай разделинен лес машкар туменде; ¹⁸соскето пенав туменге, кай нанай вече те пияв таро плоди е лозаке, жи кай нана авел о Божие тагарипе.¹⁹Тай лилас маро, тай като благодарингяс, паглас лес, диняс лен, тай пенгяс: Кавка си Моро телос, ковато туменге дел пес; кавка керен за Мере възпомениеске. ²⁰Чука лилас и чаша палал и вечеря, тай пенгяс: Кайка чаша си о нево завети анде Мере ратесте, ковато за туменге проливинел пес.²¹Но аке, о вас калкескоро, ковато предел Ман, си Манца ки софра. ²²Соскето о Човешко Чаво наистина жал, според сарто уло определиме; но горко калке манушеске, чрез колесте предел пес! ²³Тай он почнинде те пучен пес машкар песте кова ли лендар ка овел кавка, ковато ка керел давка.²⁴Ачили още препирня машкар ленде кова лендар считинел пес за по-баро. ²⁵А Ов пенгяс ленге: О тагара е народоскере господарувинен упрал ленде тай калка, колато владеинен лен, наречинен пес благодетеля.²⁶Но туме ма чука; а о по-баро машкар туменде нека ачол сар о по-цикно, тай ковато началствувинел - сар колкесте, ковато слугувинел. ²⁷Соскето кова си по-баро: ковка, ковато бешел ки софра ли, или ковка, ковато слугувинел? Нанай ли ковка, ковато бешел ки софра? Но Ме синьом машкар туменде, сар колкесте, ковато слугувинел.²⁸А туме синиен колка, колато устоингиен Манца анде Мере изпитаниенде. ²⁹Далкеске, сарто Моро Отеци завещингяс тагарипе Манге, Меда завещинав туменге ³⁰те хан тай те пиен Ме софрате анде Мере тагарипнасте; тай ка бешен престоленде те съдинен о дешудуи Израилева племена.³¹Тай пенгяс о Дел : Симоне, Симоне, аке, о Сатана изискинел тумен саворен, за те пресеинел тумен сар житос; ³²но Ме молисалом туке, тена отслабнинел тери вяра; тай ту, като иринес тут, утвърдине те прален.³³О Петър пенгяс Леске: Господи, готово синьом те жав Туса анди тъмницада, мерибнастеда. ³⁴А Ов пенгяс: Пенав туке, Петре, о петели нанай те загилабел авдиес, жи кай нана отречисалан трин дром, кай пенджарес Ман.³⁵Тай пенгяс ленге: Като бичалгиом тумен би кесиякоро, би торбакоро тай би потиниенгоро, ачилен ли лишиме варесостар? А он пенде: Нисостар. ³⁶Тай пенгяс ленге: Но акана, кас иси кесия, нека те лел ла, също торбада; тай кас нанай кесия, нека бикнел пе шехя тай те кинел песке чури;³⁷соскето пенав туменге, кай требе те изпълнинел пес упрал Манде давка писание: " Тай карик о беззаконикия уло причислиме", соскето о пишиме за Манге наближинел карик пере изпълнимнасте. ³⁸Тай он пенде: Господи, аке ате иси дуи чуря. А Ов пенгяс ленге: Достатъчна си.³⁹Тай иклило те жал Пе обичаиесте ко Елеонско хълми; палал Лесте геле о ученикияда. ⁴⁰Тай като араклило ко тан, пенгяс ленге: Молинен тумен тена перен адно изкушение.⁴¹Тай Ов отделисало лендар, кити иек чивдо бар, тай като коленичингяс, молинелас пес, тай пенел: ⁴²Отче, ако мангес, отнак Ман калке чашаса; обаче ма Мери воля, но Тери те овел.⁴³Тай явисало Леске ангели таро небес, тай подкрепинелас Лес. ⁴⁴Тай като изпитвинелас мъка, молинелас пес по-усърдно; тай Лескоро поти ачило сар баре капкес рат, колао капиненас ки пув*.⁴⁵Тай като ухтинило тари молитва, ало ко ученикия тай араклас лен засуте тари скръб; тай пенгяс ленге: ⁴⁶Соске совен? Ухкиен тай молинен тумен, за тена перен андо изкушение.⁴⁷Жи кай още хоратинелас, аке иек множество; тай кавка, ковато наречинелас пес Юда, иек таро дешудуи, пирелас англал ленде; тай приближисало жи ко Исус, за те чумидел Лес. ⁴⁸А о Исус пенгяс леске: Юдо, целувкаса ли предес е Човешконе Чавес?⁴⁹Тай калка, колато сине около о Исус, като дикле со ка ачолас, пенде: Господи, те чалавас ли чуряса? ⁵⁰Тай иек лендар чалагяс е първосвещеникиескере слугас тай чингяс лескоро десно кан. ⁵¹А о Исус захоратингяс, тай пенгяс: Стига дики; тай допирисало жи ко кан леске, тай изцелингяс лес.⁵²Тай о Исус пенгяс калкенге кате але против Лесте о главна свещеникия, началникия е храмиескере стражаке тай старейшинес: Сар мамуял разбойникиесте ли иклилен мечовиенца тай сопиенца? ⁵³Като улом секо диес туменца андо храми, нана прострингиен васта против Манде. Но акана си тумаро сахати тай о властване е тъмнинаке.⁵⁴Тай като долде Лес, ингалде Лес, тай денгярде Лес андо кер е първосвещеникиеске. А о Петър следвинелас дурал. ⁵⁵Тай като тарде яг машкар ко дворос тай бешлесас около лате, ов о Петрес да бешло машкар ленде.⁵⁶Тай иек слугиния, като диклас лес бешло жи ко пламъки, задиклас пес анде лесте тай пенгяс: Кавкада сине Леса. ⁵⁷А ов отречисало, тай пенгяс: Жено, нана пенджарав Лес. ⁵⁸След хари авер диклас лес тай пенгяс: Туда синян лендар. Но о Петър пенгяс: Човече, нана синиом.⁵⁹Тай като накло пес около иек сахати, авер декой настоятелно пенелас: Наистина кавкада сине Леса, соскето си галилеяни. ⁶⁰А о Петър пенгяс: Човече, нажанав со пенес. Тай ко сахати, жи кай още хоратинелас, иек петели загилябингяс.⁶¹Тай о Де ирисало, тай диклас е Петрес. Тай о Петрес диняс пес годи о думес е Девлескере, сар пенгясас леске: Англал те загилябел о петели авдиес, ту трин дром ка отречинес тут Мандар. ⁶²Тай иклило аври, тай руно горко.⁶³Тай о мруша, колато икеренас е Исусес, ругаиненас Лес тай маренас Лес, ⁶⁴тай като закривиненас Лес ( чалавенас Лес ко муи, тай ) пученас Лес, тай пенен: Ахалов, кой чалагяс Тут. ⁶⁵Тай бут авер хулес хоратинде против Лесте.⁶⁶Тай като дислило, кидисале о народна старейшинес, о главна свещеникия тай о книжникия тай ингалде Лес пе синедрионесте, тай пенде Леске: ⁶⁷Ако синян Ту о Помазаники, пен аменге. А Ов пенгяс: Ако пенав туменге, нанай те верувинен; ⁶⁸тай ако задав туменге въпроси, нанай те отговоринен.⁶⁹Но от акана наоте о Човешко Чаво ка бешел отдясно е Девлескере славате. ⁷⁰Тай он саворе пенде: Тогава Божие Чаво ли синян Ту? А Ов пенгяс ленге: Туме право пенен, соскето синиом. ⁷¹А он пенде: Сави нужда си амен вече таро свидетелство? Соскето коркоре аме шунгям Лескере мостар.

¹Тогава о цело множество ленгере мануша ухтиниле тай ингалде Лес ко Пилат. ²Тай почнинде те обвининен Лес. Араклам Калкес, кай развратинел амаре народос, забранинел те дел пес данъки е кесариеске тай пенел за Песке, кай си Помазаники Тагар.³А о Пилат пучлас Лес, тай пенел: Ту ли синян о Юдейско тагар? А Ов в отговор пенгяс леске: Ту право пенес. ⁴Тай о Пилат пенгяс е главноне свещеникиенге тай е народоске: Ме нана аракав нисави вина анде Калке Манушесте. ⁵А он по-настойчиво пенде: Ов вълнувинел е люден, понеже поучинел ки цело Юдея, като почнингяс тари Галилея тай ресло даже жи ате.⁶А о Пилат, като шунгяс давка, пучлас дали о мануш си галилеяни. ⁷Тай като ахалило, кай си тари Иродово област, бичалгяс Лес жи ко Ирод, ковато също сине андо Ерусалим презал калке диесенде.⁸А о Ирод, като диклас е Исусес, бут лошангяс, соскето отдавна мангелас те дикел Лес, понеже шунелас за Леске; тай надявинелас пес те дикел Лес те керел десаво знамени. ⁹Тай пучелас Лес буте думенца, но Ов нищо нана отговорингяс. ¹⁰А о главна свещеникия тай о книжникия бешенас тай силно обвининенас Лес.¹¹Но о Ирод пере войникиенца, презиринелас Лес, след като подигрависало Леске, урявгяс Лес андо великолепно шехи тай бичалгяс Лес обратно ко Пилат. ¹²Андо също диес о Ирод тай о Пилат сприятелисале машкаар песте, соскето англал далкесте враждувиненас иек против авересте.¹³Тогава о Пилат викингяс е главноне свещеникиен, е началникиен тай е народос, тай пенгяс ленге: ¹⁴Ангиен манге Калке Манушес сар иек, ковато развратинел е люден; но аке, ме разпучлом Лес англал туменде, тай нана араклом анде Лесте нисави вина относно ковка, за колеске обвининен Лес.¹⁵Нито па о Ирод араклас; соскето бичалгяс Лес обратно жи аменде; тай аке, Ов нана кергяс нищо, ковато заслужинел мерибнаскоро наказание. ¹⁶Тай чука, като накажинав Лес, ка мукав Лес. ( ¹⁷А ов задължинелас пес те мукел ленге секоне празникиесте по иеке затворникиес.)¹⁸Но он саворе иеке гласосте пищинде, тай пенде: Махнин Калкес тай мук аменге Варава ¹⁹( ковато, за десави размирица, ачили андо градос, тай за мударибнаске, уло чивто анди тъмница).²⁰Тай о Пилат пак пищингяс ленге, като мангелас те мукел е Исусес. ²¹А он пищиненас, тай пенде: Разпнине Лес! Разпнине Лес! ²²А ов трето дром пенгяс ленге: Кай саво зло кергяс Ов? Ме нана аракав анде Лесте нищо достойно мерибнаске; тай чука, като накажинав Лес, ка мукав Лес.²³Но он настоявиненас силноне гласовиенца, като мангенас те овел разпниме; тай ленгере гласовя надделинде. ²⁴Тай о Пилат решингяс те изпълнинел со манген. ²⁵Муклас колкес, колес мангенас, ковато за размирица тай мудариба уло чивто анди тъмница; а е Исусес прединяс ки воля ленге.²⁶Тай като повединде Лес, долде десаве Симонес Киринеец, ковато иринелас пес тари нива, тай товде лесте о кръстос, за те пиравел лес палал о Исус.²⁷Тай палал Лесте пирелас баро множество таро люде тай таро жувля, колато ровенас тай жалиненас за Леске. ²⁸А о Исус ирисало карик ленде тай пенгяс: Чая ерусалимска, ма ровен Манге, а ровен туменге тай тумаре чадовиенге;²⁹соскето, аке, авен диеса, като ка пенен: Блажена о неплодна тай о утробес, колато нана бянде, тай о колин, ковато нана кърмингяс. ³⁰Тогава ка почнинен те пенен е планиненге: Перен упрал аменде; тай е хълмиенге: Покринен амен. ³¹Соскето, ако керен давка е суровоне кащеса, со ка ачол е шукеса?³²Тай Леса ингаленас авере дуиен, колато сине злодейция, за те погубинен лен.³³Тай като ресле ко тан, наречиме Лобно, оте разпнинде Лес тай е злодейциен, о иек отдясно Леске, а окова отляво. ³⁴А о Исус пенгяс: Отче, простине ленге, соскето нажанен со керен. Тай като разделинде Лескере шехя, чивте жребий за ленге.³⁵Тай о люде бешенас, тай дикенас. Още о началникия ругаиненас Лес, тай пенен: Аверен избавингяс; нека избавинел Пес, ако Кавка си о Божие Помазаники, Лескоро Избраники.³⁶Също о войникия подигравиненас пес Леске, като приближиненас пес тай поднесиненас Леске шут, тай пененас: ³⁷Ако синян о Юдейско тагар, избавине Тут. ³⁸А упрал Лесте сине надписи: Кавка си о Юдейско тагар.³⁹Тай иек таро увиснала ко кръстос злодейция хулинелас Лес, тай пенел: Нали Ту синян о Помазаники? Избавине Тут тай амен! ⁴⁰А окова в отговор смъмрингяс лес, като пенгяс: Таро Дел да ли нана дарас ту, ковато синян телал о също осъждане? ⁴¹А аме справедливо синям осъдиме, соскето получинас о заслужиме далкеске, ковато кергям; а Кавка нана кергяс нищо канило.⁴²Тай пенгяс: (Господи) Исусе, де тут годи манге, като ка авес ан Те Тагарипнасте*. ⁴³А о (Исус) пенгяс леске: Истина пенав туке, авдиес ка овес Манца андо рай.⁴⁴А сине вече около о шов сахати, тай тъмнина покривинелас и цело пув жи ко еня сахати, ⁴⁵като потъмнингяс о кам; тай и завеса е храмиескири раздерингяс пес ко машкар.⁴⁶Тай о Исус пищингяс силноне гласоса, тай пенгяс: Отче, анде Тере вастенде предав Мо духос. Тай като пенгяс давка, издъхнингяс. ⁴⁷Тай о стотники, като диклас со ачило, прославингяс е Девлес, като пенгяс: Наистина Кавка Мануш сине праведно.⁴⁸А саворе множества, але калке гледкаке, като дикле со ачило, ириненас пес, като маренас пес ан пе колиниенде. ⁴⁹А саворе Лескере познайникия тай о жувля, колато алесас палал Лесте тари Галилея, бешенас дурал тай дикенас давка.⁵⁰Тай аке, иек мануш ко алав Йосиф, ковато сине съветники , мануш лачо тай праведно, ⁵¹ковато нана съгласингясас пес е намерениеса тай е делоса ленгоро - таро юдейско гради Ариматея, мануш, ковато очаквинелас о Божие тагарипе, -⁵²гело ко Пилат тай манглас е Исусескоро телос. ⁵³Тай като лилас лес, пакяргяс лес е плащаницаса тай положингяс лес андо мимори, изсечиме анди скала, кате никой още на сине положиме.⁵⁴Тай сине Приготвително диес, тай и събота настъпинелас. ⁵⁵Тай о жувля, колато алесас Леса тари Галилея, пиренас палал тай дикле о мимори, тай сар сине положиме Лескоро телос. ⁵⁶Тай като ирисале, приготвинде ароматия тай миро; тай анди събота почивиненас песке според и заповед.

¹А андо първо диес е куркескоро, андиавин рано, о жувля але ко мимори, аненас о ароматия, колато приготвиндесас. ²Тай аракле о бар отвалиме таро мимори. ³Тай като дине, нана аракле о телос е Девлескоро е Исусескоро.⁴Тай като сине андо недоумение далкеске, аке, зачиле англал ленде дуи мруша ослепителноне облеклоса. ⁵Тай обзета даратар, он навединде пе муя жи ки пув; а о мруша пенде ленге: Соске роден е живдес машкар о муле?⁶Нанайстало ате, но възкръснингяс. Ден тумен годи со хоратинелас туменге, като сине още анди Галилея, ⁷като пенелас, кай о Човешко Чаво требе те овел предиме андо васта грешноне манушенге, те овел разпниме тай ко трето диес те възкръснинел.⁸Тай дине пес годи Лескере думес. ⁹Тай като ирисале таро мимори, известинде всичко давка е дешуиекенге тай саворенге околенге. ¹⁰А он сине и Магдалина Мария тай и Йоана, тай и Мария, и Яково дай, тай окола жувля ленца, колато пенде далка букя е апостоленге.¹¹А калка думес дикле пес ленге чуче приказкес, тай нана верувинде. ¹²А о Петър ухтинило тай прастанило ко мимори, тай като надникнингяс, диклас само о саваня; тай гело пе кересте, тай чудинелас пес со ачило.¹³Тай аке, андо също диес дуи лендар жанас анде иеке гавесте ко алав Емаус, шовдеш стадиес дуре таро Ерусалим. ¹⁴Тай он хоратиненас песке машкар песте всичконаске ковка, ковато ачилосас.¹⁵Тай като хоратиненас тай разисквиненас, коркоро о Исус приближисало тай пирелас ленца; ¹⁶но ленгере яка удържисале тена пенджарен Лес.¹⁷Тай пенгяс ленге: Саве си далка думес, колато разменинен машкар туменде, като пътувинен? Тай он спирисале натъжиме. ¹⁸Тай иек лендар, ко алав Клеопа, в отговор пенгяс Леске: Само Ту ли синян пришълеци андо Ерусалим тай на жанес со ачило оте калка диеса?¹⁹Тай пенгяс ленге: Кова? А он пенде Леске: Со ачило е Исусеса о Назаряни, Ковато сине пророки, силно андо делос тай андо словос англал о Дел, тай англал саворе люденде; ²⁰тай сар амаре главна свещеникия тай началникия предине Лес те овел осъдиме мерибнасте, тай разпнинде Лес.²¹А аме надявеинасас амен, кай Ов си Ковка, Ковато ка изкупинел о Израил. Тай освен всичко давка, вече си трето диес, от сар ачило давка.²²Паш далкесте десаве жувля машкар аменде смаинде амен, колато, като геле андиавин ко мимори ²³тай нана аракле Лескоро телос, але тай пенде, кай дикле видение ангеленгоро, колато пенде, кай Ов уло живдо. ²⁴Тай десаве колкендар, колато сине аменца, геле ко мимори, тай аракле чука, сарто пенде о жувля; а Лес нана дикле.²⁵Тай Ов пенгяс ленге: О, немислена тай мудна ко сърцес те верувинен всичко, ковато хоратинде о пророкия! ²⁶Нана требеше ли о Помазаники те пострадинел чука тай те дел ан Пе славате? ²⁷Тай като почнингяс таро Мойсей тай саворе пророкиендар, ълкувинелас ленге о пишиме за Леске андо саворе писания.²⁸Тай приближинде о гав, анде колесте жанас; а Ов икерелас пес, сар кай жал по-дуре. ²⁹Но он подканиненас Лес, тай пенен: Ачов аменца, соскето си привечер, тай о диес вече превалингяс. Тай Ов диняс те ачол ленца.³⁰Тай като бешло ленца ки софра, лилас о маро тай благословингяс, пагляс тай диняс лен. ³¹Тай ленгере яка путердиле, тай пенджарде Лес; а Ов ачило невидимо за ленге. ³²Тай пенде машкар песте: На таблолас ли анде аменде о сърцес, като хоратинелас аменге ко дром, като тълкувинелас о Писания?³³Тай андо също сахати ухтиниле тай ирисале андо Ерусалим, кате аракле кидиме е дешуиекен тай калкен, колато сине ленца, ³⁴колато пенде: О Дел наистина възкръснингяс тай явисало е Симонеске. ³⁵Он па разправиненас со ачило ко дром тай сар пенджарде Лес, като пагелас о маро.³⁶Тай като хоратиненас за далкеске, коркоро о Исус зачило машкар ленде тай пенгяс ленге: Мир вам! ³⁷А он стреснисале тай дараниле, като мислиненас, кай дикен духос.³⁸Тай Ов пенгяс ленге: Соске смутинен тумен? Тай соске породинен пес салка мислес анде тумаре сърценде? ³⁹Дикен Ме васта тай Ме пире, кай синиом Ме о също; пипинен Ман тай дикен, соскето духос нанай маса тай кокала, сарто дикен, кай Ман иси. ⁴⁰Тай като пенгяс давка, покажингяс ленге Пе васта тай Пе пире.⁴¹Но понеже он лошалатар още нана верувиненас тай чудиненас пес, Ов пенгяс: Иси ли тумен ате варесо хабнаске? ⁴²Тай дине лес час таро пеко мачо( тай парчес медено пита). ⁴³Тай лилас, тай халас англал ленде.⁴⁴Тай пенгяс ленге: Калка си о думес, колато хоратинавас туменге, като улом още туменца, кай требе те изпълнингиол всичко, ковато си пишиме Манге андо Мойсеево закони, таро пророкия тай андо псалмес.⁴⁵Тогава путергяс ленгири годи, за те ахалон о писания. ⁴⁶Тай пенгяс ленге: Чука си пишиме, кай о Помазаники требе те страдинел тай те възкръснинел таро муле андо трето диес, ⁴⁷тай кай требе те проповединел пес анде Лескере алавесте покаяние тай опрощение е безехенге машкар саворе народосте, като почнинел пес таро Ерусалим.⁴⁸Туме синиен свидетеля далкеске. ⁴⁹Тай аке, Ме бичалав упрал туменде о обещано таро Отца Моро; а туме бешен андо градос (Ерусалим), жи кай урявен тумен силаса упрал.⁵⁰Тай ингалгяс лен жи иеке танесте мамуял и Витания; тай ваздингяс Пе васта те благословинел лен. ⁵¹Тай като благословинелас лен, отделисало лендар, тай възнесисало андо небес.⁵²Тай он поклонисале Леске, тай ирисале андо Ерусалим баре лошаласа; ⁵³тай уле постоянно андо храми, (хвалеща тай) благославяща е Девлес. ( Амин)

¹Ко начало сине о Слово; тай о Словос сине андо Дел; тай о Словос сине о Дел. ²Ов ко начало сине андо Дел. ³Всичко чрез Лесте ачило; тай би Лескоро на ачило нищо далкестар, ковато ачило.⁴Анде Лесте сине о животос тай о животос сине светлина е манушенге. ⁵Тай и светлина светинел анди тъмнина; а и тъмнина на схванингяс ла.⁶Явисало мануш, бичалдо таро Дел, ко алав Йоан. ⁷Ов ало за свидетелство, те свидетелствинел е Светлинаке, за те повервинен саворе чрез лесте. ⁸Нана сине ов и светлина, но ало те свидетелствинел е светлинаке.⁹И истинско Светлина, която осветлинел секоне манушес, авелас андо светос.¹⁰Ов сине андо светос; тай о светос чрез Лесте ачило; ама о светос нана пенджаргяс Лес. ¹¹Перенде ало, ама Лескере на приеминде Лес.¹²А колкенге, колато приеминде Лес, диняс право те ачон Божия чада, демек калкенге, колато верувинен Лескере алавесте; ¹³колато бияндиле ма ратестар, нито тари плътско похот, нито тари мъжко похот, а таро Дел.¹⁴Тай о Словос ачило плът, тай живингяс машкар аменде; тай диклям и слава Лескири, слава сар на Единородния таро Отца, кай сине пердо с благодат тай истина. ¹⁵О Йоан свидетелствинел за Леске тай пищинелас: Аке ковка, за Колеске пенгиом, Ковато авел палал манде, изпреварингяс ман, понеже сине по-нангле мандар.¹⁶Соскето аме саворе приемингям Лескере пълнотатар тай благодат упрал благодат; ¹⁷понеже о закони сине дендо чрез о Мойсей, а и благодат тай и истина але чрез о Исуса Христа. ¹⁸Никой нисар на дикляс е Девлес; о Единородно Чаво, Ковато си андо лонос е Отцаске, Ов изявингяс Лес.¹⁹Тай аке о свидетелство, ковато о Йоан диняс, като о юдея бичалде жи лесте свещеникиен тай левитиен таро Ерусалим те пучен лес: Ту кова синян? ²⁰Ов изповедингяс, тай нана отречисало; ов изповедингяс: Нана синиом ме о Помазаники. ²¹Тай пучле лес: Тогава кова? О Илия ли синян? Тай пенгяс: Нана синиом. О пророки ли синян? Тай отговорингяс: Нана синиом.²²Тогава пенде леске: Кова синян, за те дас отговори колкен, колато бичалде амен; со пенес за туке? ²³Ов пенгяс: Ме синиом " гласос иекескоро, ковато пищинел анди пустиния: Право керен о дром е Девлеске", сарто пенгяс о пророк Исая.²⁴А о бичалде сине таро фарисея. ²⁵Тай пучле лес, като пенде леске: А соске кръстинес, ако на синян о Помазаники, нито о Илия, нито о пророки.²⁶В отговор о Йоан пенгяс ленге: Ме кръстинав паниеса. Машкар туменде бешел Иек, Колес туме на пенджарен, ²⁷Ковка, Ковато авел палал манде, ( Ковато изпреварингяс ман), за Колеске на синиом достоино те развържинав о ремъки е потиниенгоро. ²⁸Давка ачило анди Витания*, отвъд Йордан, кате о Йоан кръстинелас.²⁹Ко следващо диес о Йоан дикел е Исусес, те авел карик лесте, тай пенел: Аке о Божие Бакро, Ковато пиравел и безех е светоскири! ³⁰Кавка си, за Колеске пенгиом: Палал манде авел мануш, Ковато изпреварингяс ман, соскето сине по-нангле мандар. ³¹Тай ме на пенджаравас Лес; ама алом тай кръстинав паниеса за далкеске, за те овел Ов изявиме на Израил.³²Тай о Йоан свидетелствувинел, тай пенел: Диклом о Духос те ухлел сар куши таро небес тай те почивинел упрал Лесте. ³³Тай ме на пенджаравас Лес; ама Ковка, Ковато бичалгяс ман те кръстинав паниеса, Ов пенгяс манге: Ковка, упрал Колесте дикес те ухлел о Духос тай те почивинел упрал Лесте, Ов си, Ковато кръстинел с Святия Дух. ³⁴Тай диклом, тай свидетелствинав, кай Кавка си Божие Чаво.³⁵Ко следващо диес о Йоан пак бешелас дуиенца пе ученикиендар. ³⁶Тай като дикляс е Исусес, като накелас, пенгяс: Аке о Божие Бакро!³⁷Тай о дуи ученикия шунде лес те хоратинел чука, тай геле палал о Исус. ³⁸Тай като ирисало о Исус тай диклас, кай авен палал Лесте, пенгяс ленге: Со роден? А он пенде Леске: Равви ( ковато значинел Учителю), кате живинес? ³⁹Пенгяс ленге: Елан тай ка дикен. Але тай дикле кате живинел, тай ачиле паш Лесте давка диес. Сине около деш о сахати.⁴⁰Иек таро дуи, колато шунде таро Йоан за Леске тай последвинде Лес, сине о Андрей, прал на Симон Петър. ⁴¹Ов първо араклас пе пралес Симон тай пенгяс леске: Араклам Месия ( ковато значинел Помазаник. ⁴²Като ингалгяс лес ко Исус, о Исус задикляс пес анде лесте тай пенгяс: Ту синян Симон, чаво Йоново; ту ка пенес тут Кифа (ковато значинел Петър*).⁴³Ко следващо диес о Исус манглас те жал анди Галилея; тай аракляс Филип, тай пенгяс леске: Ела палал Манде. ⁴⁴А о Филип сине тари Витсаида, таро градос на Андрей тай Петър. ⁴⁵О Филип араклас Натанаил тай пенгяс леске: Араклам Колкес, за Колеске пишингяс о Мойсей андо закони тай за Колеске пишинде о пророкя, Исус, о Йосифово чаво, Ковато си таро Назарет.⁴⁶О Натанаил пенгяс леске: Таро Назарет ащи ли те иклол варесо лачо? О Филип пенгяс леске: Ела тай дик. ⁴⁷О Исус дикляс Натанаил те авел карик Лесте тай пенгяс за леске: Аке истинско израиляни, анде колесте нанай лукавство. ⁴⁸О Натанаил пенгяс Леске: Катар пенджарес ман? О Исус в отговор пенгяс леске: Англал те викинел тут о Филип, диклом тут като улан телал и смокиня.⁴⁹О Натанаил отговорингяс Леске: Учителю, Ту синян Божие Чаво, Ту синян Израилево тагар. ⁵⁰О Исус в отговор пенгяс леске: Понеже пенгиом туке: Диклом тут телал и смокиня, верувинес ли? По бут далкестар ка дикес. ⁵¹Тай пенгяс леске: Истина, Истина пенав туменге, (от акана) ка дикен о небес путердо, тай о Божия ангела те възлизинен тай те ухлен упрал о Човешко Чаво.

¹Ко трето диес сине бияв анди Кана Галилейска тай е Исусескири дай сине оте. ²Тай о Исус, тай Лескере ученикя сине каниме ко бияв.³Тай като свършингяс и мол, е Исусескири дай пенгяс Леске: Мол нанай лен. ⁴А о Исус пенгяс лаке: Со иси машкар Манде тай туте, ромние? Мо сахати още нана ало. ⁵Лескири дай пенгяс е слугенге: Со пенел туменге, керен.⁶А оте сине шов каменна делвес, поставиме истоибнаске по юдейско обичай, колато киденас по дуи или трин мерес. ⁷О Исус пенгяс ленге: Перен о делвес паниеса. Тай перде лен жи упре. ⁸Тогава пенгяс ленге: Чорен акана тай ингален е настойникиеске е угощениескоро. Тай он ингалде.⁹Тай като о настойники е угощениескоро вкусингяс таро пани, акана ириме молате, тай на жанелас катар си (но о слуги, колато перде о пани, жаненас), о настойники е угощениескоро викингяс е жамутрес тай пенгяс леске: ¹⁰Всеко мануш товел първо и лачи мол, а о по-долно- след като макярен пес; ту задържингян и лачи мол жи акана.¹¹Давка извършингяс о Исус анди Кана Галилейска, сар начало Пе знамениенге, тай явингяс Пи слава; тай о ученикия Лескере повервинде анде Лесте.¹²Палал далкесте ухлило андо Капернаум, Ов тай Лескири дай, тай оте бешле ма бут диеса.¹³Тай като наближинелас и Пасха е юдеиенгири, о Исус диняс андо Ерусалим. ¹⁴Тай араклас андо храми е продавачиен е воловиенгере, овце тай кушя, тай калка кате бешенас тай размениненас парес;¹⁵тай кергяс бичи таро вървес, тай гонингяс лен саворен таро храми, сарто е овцен тай е воловиен; чоргяс о парес е среброменикиенгере тай прекатурингяс о масес ленгере; ¹⁶тай калкенге, кате бикненас е кушиен пенгяс: Вазден калкен атар; ма керен Мо Бащино кер, кер на търговия.¹⁷Лескере ученикия спомнинде песке, кай си пишиме: " И ревност за Тере кереске ка хал Ман". ¹⁸Ко поводи далкеске, о юдея, захоратинде, тай пенде Леске: Саве знамениеса ка сикавес аменге, кай иси тут власт чука те керес? ¹⁹В отговор о Исус пенгяс ленге: Разрушинен кавка храми, тай трине диесенге ка ваздав лес.²⁰А о юдея пенде: За четиридесет и шест бреша сине градиме кавка храми, а Ту трине диесенге ли ка ваздес лес? ²¹Но Ов хоратинелас е храмиеске Пе телоскоро. ²²Тай чука, като уло възкресиме таро муле, Лескере ученикия спомнинде песке, кай пенгясас давка; тай повервинде ко Писание, тай ко словос, ковато о Исус хоратинелас.²³Тай като сине андо Ерусалим, ки Пасха, презало празники мнозина повервинде Лескере алавесте, като дикенас о знамения, колато керелас. ²⁴Но о Исус на доверинелас пес ленге, соскето пенджарелас соси манушен ²⁵тай соскето Лес насине нужда те свидетелствинен Леске декой е манушеске, понеже коркоро жанелас со иси андо мануш.

¹Машкар о фарисея исине иек мануш ко алав Никодим, юдейско началники. ²Ов ало паш Исус ират тай пенгяс Леске: Учителю, жанав, кай таро Дел алан учители; соскето никой нащи керел далка знамения, колато Ту керес, ако о Дел нанай леса.³О Исус в отговор пенгяс леске: Истина, истина пенав туке, ако на биянгиол декой упрал, нащи дикел о Божие тагарипе. ⁴О Никодим пенгяс Леске: Сар ащи пуро мануш те биянгиол? Ащи ли второ дром те дел ки утроба пе даяке тай те биянгиол?⁵О Исус отговорингяс: Истина, истина пенав туке, ако на биянгиол декой таро пани тай таро Духос, нащи дел андо Божие тагарипе. ⁶О бияндо тари плът си плът, а о бияндо таро Духос си духос.⁷Ма чудине тут, кай пенгиом туке: Требе те биянгион упрал. ⁸И балвал пудел, кате мангел, тай шунес лакоро шуми; ама на жанес катар авел тай кате жал; чука си секаса, които биянгиол таро Духос.⁹О Никодим в отговор пенгяс Леске: Сар ащи овел давка? ¹⁰О Исус в отговор пенгяс леске: Ту синян израилево учители, тай на жанес ли давка? ¹¹Истина, истина пенав туке, давка, ковато жанас, хоратинас, тай свидетелствинас за далкеске, ковато диклям, ама на приеминен амаро свидетелство.¹²Ако е земноне букиенге хоратингиом туменге тай на верувинен, сар ка верувинен, ако хоратинав туменге е небесноненге? ¹³Тай никои нана възлизингяс андо небес, освен Кавка, Ковато ухлило таро небес, демек, о Човешко Чаво, Ковато си андо небес.¹⁴Тай сарто о Мойсей ваздингяс е сапес анди пустиния, чука требва те овел ваздиме о Човешко Чаво, ¹⁵тай секои, които верувинел Лесте, (тена погининел,но) те овел лес вечно животос.¹⁶Соскето о Дел дики възлюбингяс о светос, кай диняс Пере Единородноне Чавес, за тена погининел нито иек, ковато верувинел Лесте, но те овел лес вечно животос. ¹⁷Понеже о Дел нана бичалгяс в Чавес андо светос те съдинел е светос, но за те овел о светос спасиме чрез Лесте. ¹⁸Който верувинел Лесте, нанай осъдиме; който нана верувинел, си вече осъдиме, соскето на повервингяс андо алав е Единородноне Божие Чавеске.¹⁹Тай давка си о осъждение: и светлина али андо светос, тай о мануша дехинде и тъмнина по-бут тари светлина, соскето ленгере дела сине зла. ²⁰Понеже секой, които керел зло, мразинел и светлина, тай нана жал карик и светлина, да не би те откринен пес лескере дела; ²¹но който постъпинел според и истина, жал карик и светлина, за те явинен пес лескере дела, понеже си извършиме таро Дел.²²Палал далкесте ало о Исус Пе ученикиенца анди Юдейско пув; тай оте живинелас ленца тай кръстинелас. ²³Също о Йоан кръстинелас андо Енон, паше до Салим, соскето оте исине бут пани; тай о люде авенас тай кръстиненас пес. ²⁴Понеже о Йоан още на сине чивто анди тъмница.²⁵Тай чука, възникнингяс препирня тари рик е Йоанескере ученикиендар иеке юдеиеса относно о очистване. ²⁶Тай але паш о Йоан, тай пенде леске: Учителю, Ковка, Ковато сине туса отвъд Йордан, за Колеске ту свидетелствингян, аке, Ов кръстинел, тай саворе жан паш Лесте.²⁷О Йоан в отговор пенгяс: Мануш нанащи лел упрал песте нищо, ако нанай леске дендо таро небес. ²⁸Туме коркоре синиен манге свидетеля, кай пенгиом: На синиом ме о Помазаники, но синиом бичалдо англал Лесте.²⁹О жамутро си,ковато силес невяста, а о амал е жамутрескоро, ковато бешел тай шунел лес, лошанел бут е жамутрескере гласоске; тай чука кайка мери лошали си перди. ³⁰Ов требва те бариол, апа ме те цикниовав.³¹Ковка, Ковато авел упрал, си саворендар по-горно; който си тари пув, земно си, тай земно хоратинел. Който авел таро небес, си саворендар по-горно. ³²Со дикляс тай шунгяс, за леске свидетелствинел; но никои на приеминел о свидетелство Лескоро. ³³Който приемингяс Лескоро свидетелство, потвърдингяс, кай о Дел си истинно.³⁴Соскето Кавка, Ковато о Дел бичалгяс, хоратинел е Девлескере думес; понеже Ов нана дел Лес о Духос с меркаса. ³⁵О Отец дехел е Чавес тай прединяс всичко Лескере вастесте. ³⁶Който верувинел андо Чаво, иси лес вечно животос; а който на приеминел е Чавес, нанай те дикел животос тай е Девлескоро гневи ачол упрал лесте.

¹Тай чука, като о Исус ахалило, кай о фарисея шунде, кай Ов придобинел тай кръстинел по бут ученикия таро Йоан, ²( макар коркоро о Исус тена кръстинел, а Лескере ученикия), ³напуснингяс Юдея тай гело пак анди Галилея.⁴Тай требваше те накел презал и Самария. ⁵ай чука, ало андо иек самарийско градос, наречиме Сихар, паше жи ко землище, ковато о Яков диняс пе чес е Йосифес.⁶Оте сине о Яковово кладенеци. Тай о Исус измориме таро пътуване, бешелас чука жи ко кладенеци. Сине около о шесто сахати. ⁷Али иек самарянка те начерпинел песке пани. О Исус пенгяс лаке: Де Ман те пияв. ⁸( Соскето Лескере ученикия гелесас андо градос те кинен хабе.)⁹И самарянка пенгяс Леске: Сар Ту, Ковато синян юдеи, мангес пани мандар, която синиом самарянка? ( Соскето о юдея нана общувинен е самаряниенца.) ¹⁰О Исус в отговор пенгяс лаке: Ако жанесас о Божие дарос тай Кова си Давка, Ковато пенел туке: Де Ман те пияв, ту ка мангесас Лестар, тай Ов ка дел тут живдо пани!¹¹И ромни пенгяс Леске: Господине, нито почерпалос иси тут, а о кладенеци да си дълбоко; тогава катар иси тут о живдо пани? ¹²Нима синян по-баро амаре дадестар таро Яков, ковато диняс амен о кладенеци, тай коркоро пиелас лестар, тай лескере чада, тай о добитаки лескоро?¹³О Исус в отговор пенгяс лаке: Секой, който пиел далке паниестар, пак ка ожаднинел; ¹⁴а който пиел таро пани, ковато Ме ка дав лес, нанай те ожаднинел жи ко векос; но о пани, ковато ка дав лес, ка ачол анде лесте извори паниескоро, ковато извиринел вечноне животоске.¹⁵И ромни пенгяс Леске: Господине, де ман давка пани, за тена ожаднинав, нито те пирав дики дром жи ате те икалав. ¹⁶О Исус пенгяс лаке: Жа, викине те ромес тай ела ате.¹⁷В отговор и ромни пенгяс Леске: Нанай ман ром. Пенгяс лаке о Исус: Право пенгян, кай нанай тут ром; ¹⁸соскето пандже ромен ангян, тай кавка, кате акана иси тут, нанай туке ром. Давка право пенгян.¹⁹Пенгяс Леске и ромни: Господине, дикав, кай Ту синян пророки. ²⁰Амаре дада анде калке хълмиесте кланиненас пес; а туме пенен, кай андо Ерусалим си о тан, кате требва те кланинас амен.²¹Пенгяс лаке о Исус: Ромние, верувине Ман, кай авел сахати, като нито само калке хълмиесте, нито андо Ерусалим ка поклонинен тумен на Отца. ²²Туме поклонинен тумен далкеске, ковато нажанен; аме поклонинас амен далкеске , ковато жанас; соскето о спасение си таро юдея.²³Но авел сахати, тай ало да вече, като о истинска поклонникя ка поклонинен пес на Отца с дух и истина; соскето салка мангел о Отец те овен о поклонникя Лескере. ²⁴О Дел си духос; тай колка, колато кланинен пес Леске, с дух и истина требе те кланинен пес.²⁵Пенгяс Леске и ромни: Жанав, кай ка авел Месия (ковато наречинел пес Помазаники); Ов, като ка авел, ка явинел аменге всичко. ²⁶Пенгяс лаке о Исус: Ме, Ковато хоратинав туса, синиом Месия.²⁷Далке времесте але Лескере ученикя тай почудисале, кай хоратинел ромняса; но никой на пенгяс: Со родес, или: Соске хоратинес ласа?²⁸Тогава и ромни мукляс пи стомна, гели андо градос тай пенгяс е манушенге: ²⁹Елан те дикен мануш, ковато пенгяс манге всичко, со кергиом. Тена овел Ов о Помазаники? ³⁰Он иклиле таро градос тай жанас карик Лесте.³¹Машкар далкесте, о ученикя молиненас е Исусес, тай пененас: Учителю, ха. ³²А Ов пенгяс ленге: Ман иси хабе те хав, за колеске туме на жанен. ³³Далкеске о ученикия пененас машкар песте: Тена декой те ангяс Леске варесо хабнаске?³⁴Пенгяс ленге о Исус: Моро хабе си те керав и воля Колкескири, Ковато бичалгяс ман, тай те свършинав Лескири бути. ³⁵Нана пенен ли: Още щар масек, тай и жетва ка авел? Аке, пенав туменге, вазден тумаре яка тай дикен, кай о нивес си вече парне жетваке. ³⁶Който жънинел, получинел заплата тай кидел плоди вечноне животоске, за те лошанен заедно, който сеинел да, който жънинел да.³⁷Соскето далке отношениесте истинно си и дума, кай иек сеинел, а авер жънинел. ³⁸Ме бичалгиом тумен те жънинен давка, за колеске нана трудисален; авер трудисале, а туме диниен андо наследство ленгере трудостар.³⁹Тай далке градостар бут самаряня повервинде анде Лесте ашал о думес е ромнякере, която свидетелствинелас: Ов пенгяс манге всичко, со кергиом. ⁴⁰Тай чука, като але о самаряня паш Лесте, молинде Лес те ачол паш ленде; тай бешло оте дуи диес.⁴¹Тай още мнозина повервинде ашал Лескере учениесте; ⁴²тай е ромняке пенде: Аме верувинас ма само ашал далкеске, ковато пенгян аменге, понеже коркоре шунгям тай жанас, кай Ов си наистина (о Помазаники) о Спасители е светоскоро.⁴³Палал о дуи диеса иклило отар тай гело анди Галилея. ⁴⁴Соскето коркоро о Исус заявингяс, кай пророкиес нанай почит анди родина леске. ⁴⁵Тай чука, като ало анди Галилея, о галиланя приеминде Лес, като дикле всичко ковато кергяс андо Ерусалим ко празники; соскето онда гелесас ко празники.⁴⁶Тай чука, о Исус пак ало анди Кана Галилейска, кате кергясас о пани молате. Тай сине иек царско чиновники, колескоро чо сине насвало андо Капернаум. ⁴⁷Ов, като шунгяс, кай о Исус ало тари Юдея анди Галилея, гело паш Лесте тай помолингяс Лес те ухлел тай те изцелинел лескере чес, соскето сине мерибнасте.⁴⁸Тогава о Исус пенгяс леске: Ако на дикен знамения тай чудеса, нисар нанай те повервинен. ⁴⁹О царско чиновники пенгяс Леске: Господине, ела, жи кай нана муло мо чаво. ⁵⁰Пенгяс леске о Исус: Жатуке; то чо си живдо. О мануш повервингяс и дума, която пенгяс леске о Исус, тай гелопеске.⁵¹Тай като Ов ухлелас карик пе кересте, лескере слуги ресле лес тай пенде, кай лескоро чо си живдо. ⁵²А ов пучлас лен коле сахакиесте ачило леске по-локо. Он пенде леске: Ибло ко ефта о сахати и треска муклас лес.⁵³Тай чукао дад ахалило, кай давка ачило ко също сахати, като о Исус пенгяс леске: То чо си живдо. Тай повервингяс ов, тай лескоро цело кер. ⁵⁴Кавка второ знамение кергяс о Исус, като ало пак тари Юдея анди Галилея.

¹Палал далкесте сине юдеиско празники, тай о Исус диняс андо Ерусалим. ²А андо Ерусалим, паше жи ки Овчо порта, араклол къпалня, наречиме по еврейски Витезда, колато сине панч предверия. ³Анде ленде пашлонас множество насвале, коре, куца тай парализирана (колато жаренас о движение е паниескоро. ⁴Соскето от време на време ангели ухлелас анди къпалня тай раздвижинелас о пани; а който първо делас палал о раздвижиба е паниескоро, оздравинелас саве болестиатар да те овелас насвало).⁵Тай оте сине иек мануш, насвало от трианда тай охто бреша. ⁶О Исус, като дикляс лес те пашлол ахалило, кай от дълго време вече боледувинел, пенгяс леске: Мангес ли те оздравинес?⁷О насвало отговорингяс Леске: Господине, нанай ман мануш те мукел ман анди купално, като раздвижингиол о пани; жи кай авав ме, авер ухлел англал манде. ⁸О Исус пенгяс леске: Ухти, вазде ти постелка тай пир.⁹Тай ко сахати о мануш оздравингяс, ваздингяс пи постелка, тай лилас те пирел. А давка диес сине събота.¹⁰Далкеске о юдея пенде е изцелимеске: Събота си тай нанай туке позволиме те ваздес ти постелка. ¹¹Но ов отговорингяс ленге: Ковка, Ковато изцелингяс ман, Ов пенгяс манге: Вазде ти постелка тай пир.¹²Пучле лес: Кова мануш пенгяс туке: Вазде ти постелка тай пир? ¹³А о изцелиме нажанелас кова си; соскето о Исус цидисалосас отар, тъй като сине множество народос далке танесте.¹⁴Палал далкесте о Исус араклас лес андо храми тай пенгяс леске: Аке ту синян здраво; ма съгрешине вече, за тена сполетинел тут варесо по-канило. ¹⁵О мануш гело тай известингяс е юдеиенге , кай о Исус, Ковато изцелингяс лес.¹⁶Тай далкеске о юдея гониненас е Исусес, соскето керелас далка букя в събота. ¹⁷А о Исус отговорингяс ленге: О Отец Моро кергяс бути жи акана, Меда керав бути. ¹⁸Далкеске о юдея мангенас още побут те мударен Лес; соскето ма само нарушинелас и събота, но керелас е Девлес Поро Отеци, тай чука керелас Пес равно е Девлеса.¹⁹Далкеске о Исус пенгяс ленге: Истина, истина пенав туменге: нанащи о Чаво те керел Коркоро Пестар нищо, освен давка, ковато дикел те керел о Отец; понеже со керел Ов, подобно о Чаво да керел лес. ²⁰Соскето о Отец дехел е Чавес тай покажинел Леске всичко, ковато керел Коркоро; ка покажинел Леске калкендар да по-баре букя, за те чудинен тумен туме.²¹Понеже, сар о Отец възкресинел е мулен тай съживинел лен, чука о Чаво съживинел калкен колато манген. ²²Соскето о Отец на съдинел никас, но диняс е Чавес те съдинел саворен, ²³за те почитинен саворе е Чавес сарто почитинен е Отециес. Който на почитинел е Чавес, на почитинел Отца, Ковато бичалгяс Лес.²⁴Истина, истина пенав туменге: който шунел Моро учение тай верувинел анде Калкесте, Ковато бичалгяс Ман, иси лес вечно животос тай нанай те авел на съд, но пренакло таро мериба андо животос.²⁵Истина пенав туменге: Авел сахати, тай ало да вече, като о муле ка шунен о гласос е Девлескере Чавескоро, тай колато шунен лес, ка живинен.²⁶Соскето, сар о Отец иси лес животос анде Песте, също чука диняс е Чавес да те овел Лес животос анде Песте; ²⁷тай диняс Лес власт те извършинел съдос, соскето си о Човешко Чаво.²⁸Ма чудинен тумен далкеске; соскето авел сахати, като саворе, колато си андо миморя, ка шунен Лескоро гласос, ²⁹тай ка иклон; колка, колато керенас лачипе, ка възкресинен животоске, а колато керенас зло, ка възкресинен осъдимнаске.³⁰Ме нанащи керав нищо Мандар; съдинав, сарто шунав; тай Ми присъда си справедливо, соскето намангав Мери воля, а и воля на Отца, Ковато бичалгяс Ман. ³¹Ако свидетелствинав Ме Манге, Мо свидетелство нанай истинно. ³²Авер си, Ковато свидетелствинел Манге; тай жанав, кай о свидетелство, ковато Ов дел Манге, си истинно.³³Туме бичалгиен е Йоанеске; тай ов засвидетелствингяс е истинаке. ³⁴(Обаче о свидетелство, ковато Ме приеминав, нанай таро мануш; но пенав давка, за те спасинен тумен туме.) ³⁵Ов сине о светилос, ковато таблолас тай светинелас; тай туме манглен те лошанен за хари време лескере светибнаске.³⁶Но Ман иси свидетелство по-баро таро Йоаново; соскето о дела, колато о Отец диняс Ман те керав, самото о дела, колато керав, свидетелствинен Манге, кай о Отец бичалгяс Ман. ³⁷Тай о Отец, Ковато бичалгяс Ман, Ов свидетелствинел Манге. Нито Лескоро гласос шунгиен декана, нито Лескоро образи диклен. ³⁸Тай нанай тумен Лескоро слово постоянно анде туменде, соскето нана верувинен Калкес, Колес Ов бичалгяс.³⁹Туме изследвинен о Писания, понеже мислинен чрез ленде те овел тумен вечно животос, тай он си, колато свидетелствинен Манге, ⁴⁰тай пак наманген те авен паш Манде, за те овел тумен животос.⁴¹Почит таро мануша нана аракав; ⁴²но жанав, кай тумен нанай тумен анде туменде е Девлескири любов.⁴³Ме алом ко алав Ме Отециеске, тай нана приеминен Ман; ако авел авер пере алавесте, лес ка приеминен. ⁴⁴Сар ащи те повервинен туме,колато приеминен почит иек аврестар, а на роден и почит, която си таро Едино Дел.⁴⁵Ма мислинен, кай Ме ка обвининав тумен англал о Отца; иси иек, ковато обвининел тумен - о Мойсей, колесте туме облегнинен тумен. ⁴⁶Соскето, ако верувиненас е Мойсейес, ка верувиненас Манда; понеже ов Манге пишингяс. ⁴⁷Но ако на верувинен лескере писаниенде, сар ка верувинен Мере думенде?

¹Палал далкесте о Исус гело ки отвъдно рик ко Галилейско, демек, о Тивериадско езерос. ²Тай палал Лесте пирелас баро множество; соскето дикенас о знамения, колато керелас упрал о насвале. ³Тай о Исус изкачисало ко хълми, тай оте бешелас Пе ученикиенца.⁴А наближинелас о юдейско празники, и Пасха. ⁵О Исус като ваздингяс яка тай диклас, кай авел карик Лесте народос, пенгяс е Филипеске: Катар те кинас маро те хан калка? ⁶(А давка пенгяс, за те изпитинел лес; соскето Ов жанелас песке со ка керелас.)⁷О Филип отговорингяс Леске: За двеста динария маро нанай те ресел ленге, за те лен саворе по хари. ⁸Иек таро ученикия Леске, о Андрей, прал на Симон Петър, пенгяс Леске: ⁹Ате иеке чавесте араклон панч ечемична маре тай дуи маче; но со си он за дики манушенге.¹⁰О Исус пенгяс: Траден е манушен те бешен. А далке танесте исине бут чар; тай чука, бешле около пет хиляди мруша на брой. ¹¹Тай о Исус лилас о маре тай, като благодарингяс, раздиняс лен е ученикенге а он е бешленге чука таро маче да, кити манген. ¹²Тай като чаларде пес, пенгяс Пе ученикиенге: Киден о останала къшея, за тена нашалгиол нищо.¹³Тай чука, таро панч ечемична маре кидиндде тай перде дешудуи кошя къшеиенца, ачила калкендар, кате хале. ¹⁴Тогава о мануша, като дикле о знамение, ковато кергяс, пенде: Наистина, Кавка си о Пророки, Ковато ка авелас андо светос. ¹⁵Тай чука, о Исус като ахалило, кай ка авен те лен Лес насила, за те керен Лес тагар, пак цидисало коркоро ко хълми.¹⁶А като ратило, о ученикия Лескере ухлиле ко езерос ¹⁷тай дине анди ладия, тай жанас отвъд о езерос андо Капернаум. Тай вече ратилосас, а о Исус още нана алосас паш ленде; ¹⁸тай о езерос вълнувинелас пес, понеже пуделас силно балвал.¹⁹Тай като гребиндесас около бишупанч или трианда стадии, дикле е Исусес, кай пирел упрал о езерос тай приближинел карик и ладия; тай дараниле. ²⁰Но Ов пенгяс ленге: Ме синиом; ма даран! ²¹Тогава сине готова те лен Лес анди ладия; тай веднага и ладия араклили ки суша, карик колате жанас.²²Ко следващо диес о народос, ковато бешелас отвъд о езерос, като дикласас, кай оте нанай авер ладия, освен иек, тай кай о Исус нана динясас Пе ученикиенца анди ладия, но кай о ученикия Лескере цидиндесас коркоре ²³( обаче авер ладиес алесас тари Тивериада паше жи ко тан, кате халесас о маро, след като о Дел благодарингяс),²⁴тай чука, о народос, като диклас, кай о Исус нанай оте, нито Лескере ученикия, он коркоре дине анди ладия тай але андо Капернаум, тай роденас е Исусес. ²⁵Тай като аракле Лес отвъд о езерос, пенде Леске: Учителю, кана алан ате?²⁶В отговор о Исус пенгяс ленге: Истина, истина пенав туменге, роден Ман ма соскето диклен знамения, а соскето хален таро маре тай чаларгиен тумен. ²⁷Керен бути ма хабнаске, ковато аравгиол, а хабнаске, ковато траинел вечноне животоске, ковато о Човешко Чаво ка дел тумен; соскето Бог Отец Лес потвърдингяс Пе печатиеса.²⁸Далкеске он пенде Леске: Со те керас, за те вършинас е Девлескере дела? ²⁹О Исус в отговор пенгяс ленге: Давка си е Девлескоро делос, те повервинен анде Калкесте, Колес Ов бичалгяс.³⁰Тогава пенде Леске: Кай Ту саво знамение керес, за те дикас тай те повервинас Туке? Со керес? ³¹Амаре дада хале и манна анди пустиния, сарто си пишиме: " Маро таро небес диняс лен те хан".³²Далкесте о Исус пенгяс ленге: Истина, истина пенав туменге, ма о Мойсей диняс тумен маро таро небес; а Мо Отец дел тумен о истинско маро таро небес. ³³Соскето е Девлескоро маро си о маро, ковато ухлел таро небес тай дел животос е светос. ³⁴Он пенде Леске: Девла, де амен винаги давка маро.³⁵О Исус пенгяс ленге: Ме синиом о маро е животоскоро; който авел паш Манде, нисар нанай те бокалол, тай който верувинел Манде, нисар нанай те ожаднинел. ³⁶Но пенав туменге, кай туме диклен Ман тай пак на верувинен. ³⁷Всичко, ковато дел Ман о Отец, ка авел паш Манде, тай който авел паш Манде, нисар нанай те гонинав лес;³⁸соскето ухлилом таро небес ма Мери воля те вършинав, а и воля Калкескири, Ковато бичалгяс Ман. ³⁹Тай аке и воля Калкескири, Ковато бичалгяс Ман: всичконастар, со диняс Ман, тена нашалав нищо, но те възкресинав лес ко последно диес. ⁴⁰Соскето давка си и воля Ме Отцаскири: всекой, който дикел е Чавес тай повервинел анде Лесте, те овел лес вечно животос, тай Ме те възкресинав лес ко последно диес.⁴¹Тогава о юдея възроптинде против Лесте, соскето пенгяс: Ме синиом о маро, ковато ухлило таро небес. ⁴²Тай пенде: Нанай ли кавка о Исус, о Йосифово чаво, колескере дадес тай дая аме пенджарас? Сар пенел Ов акана: Ме ухлилом таро небес?⁴³О Исус в отговор пенгяс ленге: Ма роптайнен машкар туменде. ⁴⁴Никой нащи аве паш Манде, ако нана привлеинел лес о Отец, Ковато бичалгяс Ман, тай Ме ка възкресинав лес ко последно диес. ⁴⁵Пишиме си андо пророкя: " Саворе ка овен сикавде таро Дел". Всекой който шунгяс таро Отца тай сиклило, авел паш Манде.⁴⁶Ма кай диклас декой Отца, освен Ковка, Ковато си таро Дел. Ов диклас Отца. ⁴⁷Истина, истина пенав туменге: Който верувинел ( анде Манде), иси лес вечно животос.⁴⁸Ме синиом о маро е животоскоро. ⁴⁹Тумаре дада хале и манна анди пустиния тай все пак муле.⁵⁰Кавка си о маро, ковато ухлел таро небес, за те хал декой лестар тай тена мерел. ⁵¹Ме синиом о живдо маро, ковато ухлило таро небес. Ако хал декой далке марестар, ка живинел жи ко векос, ва! Тай о маро, ковато Ме ка дав, си Мери плът, ( която Ме ка дав) за е светоскере животоске.⁵²Тогава о юдея лиле те препиринен машкар песте, тай пененас: Сар ащи Кавка те дел амен те хас тари плът Леске? ⁵³Далкеске о Исус пенгяс ленге: Истина, истина пенав туменге, ако нана хан и плът е Човешконе Чавескири тай на пиен о рат Лескоро, нанай тумен животос анде туменде.⁵⁴Който парварел пес Мери плът тай пиел Мо рат, иси лес вечно животос; тай Ме ка възкресинав лес ко последно диес. ⁵⁵Соскето Мери плът си истинско хабе, тай Моро рат си истинско пииба. ⁵⁶Който парварел пес Мери плът, тай пиел Моро рат, ов пребъдвинел анде Манде тай Ме анде лесте.⁵⁷Сарто о живдо Отеци бичалгяс Ман, тай Ме живинав чрез Отца, чука ковкада, ковато парварел пес Манца, ка живинел чрез Манде. ⁵⁸Кавка си о маро, ковато ухлило таро небес; ковка, ковато парварел пес далке мареса, ка живинел жи ко векос, а ма сар тумаре дада хале и манна тай муле. ⁵⁹Давка пенгяс о Исус анди синагога, като поучинелас андо Капернаум.⁶⁰Тай чука, мнозина таро ученикия Леске, като шунде давка, пенде: Паро си давка учение; кой ащи те шунел лес? ⁶¹Но о Исус, като жанелас анде Песте, кай о ученикия Лескере негодувинен против далкесте, пенгяс ленге: Давка ли съблазнинел тумен?⁶²Тогава со ка пенен, ако дикен о Човешко Чаво те дел оте, кате уло преди? ⁶³О Духос си, Ковато дел животос; и плът нищо на ползвинел; о думес, колато хоратингиом туменге, духос си тай животос си.⁶⁴Но иси декой тумендар, колато на верувинен. Соскето о Исус отначало жанелас кола си невярваща тай кова си давка, ковато ка пределас Лес. ⁶⁵Тай пенгяс: Далкеске пенгиом туменге, кай никой нащи авел паш Манде, ако нанай леске диме таро Отца.⁶⁶Ашал далкеске мнозина таро ученикия Леске отстъпинде тай на пиренас вече Леса. ⁶⁷О Исус пенгяс е дешудонге: Тена манген тумеда те жан туменге? ⁶⁸О Симон Петър отговорингяс Леске: Господи, паш касте те жас? Тут иси думес вечноне животоске ⁶⁹тай аме верувинас тай жанас, кай Ту синян ( о Помазаники, Чаво е живде Девлескоро).⁷⁰О Исус отговорингяс ленге: Ма Ме ли избирингиом тумен е дешудон, тай иек тумендар си бенг? ⁷¹Ов хоратинелас за Юда Симонов Искариотски; соскето ов, иек таро дешудуи, ка пределас Лес.

¹Палал далкесте о Исус пирелас ки Галилея; соскето на мангелас те пирел ки Юдея, понеже о юдея мангенас те мударен Лес. ²А наближинелас о юдейско празники Шатроразпъване.³Далкеске Лескере прала пенде Леске: Занак атар тай жа анди Юдея, чука че Тере да ученикия те дикен о дела, колато керес; ⁴соскето никои, който мангел коркоро те овел известно, нана керел варесо скришно. Щом керес калка дела, явине Тут андо светос.⁵(Соскето нито Лескере прала верувиненас Лесте.) ⁶А о Исус пенгяс ленге: Моро време още нана ало; а тумаро време винаги си готово. ⁷Тумен о светос нанащи мразинел; а Ман мразинел, соскето Ме заявинав за леске, кай лескере дела си нечестива.⁸Жан туме ко празники; Ме нанай още те жав калке празникиесте, соскето Мо време още нана ало. ⁹Тай като пенгяс ленге давка, ачило песке анди Галилея.¹⁰А като Лескере прала геле ко празники, тогава Ов да гело, ма явно, а тайно десар си. ¹¹А о юдея роденас Лес ко празники тай пененас: Кате си Ковка?¹²Тай исине за Леске бут глъчка машкар о народос; иек пененас: Лачо мануш си; авер пененас: Нанай, ама заблудинел е народос. ¹³Обаче никои на хоратинелас открито за Леске поради и дар таро юдея.¹⁴Но като преполовинелас пес вече о празники, о Исус диняс андо храми тай почнингяс те поучинел. ¹⁵Тай о юдея чудиненас пес тай пененас: Сар жанел Кавка книга, като нана учингяс? ¹⁶О Исус в отговор пенгяс ленге: Моро учение нанай Моро, а Колкескоро, Ковато бичалгяс Ман.¹⁷Ако мангел декой те керел Лескири воля, ка ахаловел дали о учение си таро Дел, или Ме Мандар хоратинав. ¹⁸Който хоратинел пестар, родел пери слава; а който родел и слава Колкескири, Ковато бичалгяс Лес, Ов си истинско тай анде Лесте нанай неправда.¹⁹Нана диняс ли тумен о Мойсей о закони? Но пак никой тумендар нана изпълнинел о закони. Соске манген те мударен Ман? ²⁰О народос отговорингяс: Бяс иси тут. Кой мангел те мударел Тут?²¹О Исус в отговор пенгяс ленге: Иек делос кергиом тай саворе чудинен тумен Манге ашал леске. ²²О Мойсей диняс тумен о обрязване, ( ма кай си таро Мойсей, но таро дада); тай събота обрязвинен е манушес.²³Ако обрязвинел пес мануш в събота, за тена нарушингиол о Мойсеево закони, Манге ли гневинен тумен, далкеске кай напълно изцелингиом манушес в събота. ²⁴Ма съдинен по изглед, а съдинен справедливо.²⁵Тогава декой таро ерусалимция пенде: Нанай ли Кавка о мануш, Колес манген те мударен? ²⁶Аке, Ов явно хоратинел, тай нищо на пенен Леске. Да не би о първенци положително те жанен, кай Кавка си о Помазаники. ²⁷Обаче Кавка жанас катар си; а като ка авел о Помазаники, никой нанай те жанел катар си.²⁸Далкеске о Исус, като поучинелас андо храми, пищингяс, тай пенгяс: Ман да пенджарен, тай катар синиом жанен; тай Ме коркоро Мандар нана алом, но истинно си Кавка, Ковато бичалгяс Ман, Колес туме нана пенджарен. ²⁹Ме пенджарав Лес, соскето синиом Лестар, тай Ов бичалгяс Ман.³⁰Тай чука, мангенас те долен Лес; но никой на товгяс вас упрал Лесте, соскето о сахати Лескоро още нана алосас още. ³¹Обаче мнозина таро народос повервинде анде Лесте, като пененас: Като ка авел о Помазаники, нима ка керел по бут знамения калкендар, колато Кавка кергяс? ³²О фарисея шунде, кай чука мълвинел о народос за Леске; тай о главна свещеникя тай о фарисея бичалде служителен те долен Лес.³³А о Исус пенгяс: Още хари време синиом туменца тай тогава каа жав паш Колкесте, Ковато бичалгяс Ман. ³⁴Ка роден Ман тай нанай те аракен Ман; тай кате синиом Ме, туме нанащи авен.³⁵Далкесте о юдея пенде машкар песте: Кате ка жал Кавка, кай нанай те ащи те аракас Лес? Да не би те жал паш о разпръсната машкар о гърция тай те поучинел е гърциен? ³⁶Со значинен калка думес, колато пенгяс: Ка роден Ман тай нанай те аракен Ман; тай кате синиом Ме, туме нанащи авен?³⁷А ко последно диес, о велико диес е празникиеске, о Исус зачило тай пищингяс, тай пенгяс: Ако декой си жадно, нека авел паш Манде тай те пиел. ³⁸Който верувинел анде Манде, реки таро живдо пани ка затавден андрал лесте ,сарто пенгяс о Писание.³⁹А давка пенгяс за е Духоске, Колес о вярваща анде Лесте ка приеминенас; соскето о (Свято) Духос още на сине дендо, понеже о Исус още нана прослависалосас.⁴⁰Тогава десаве таро народос, колато шунде далка думес, пенде: Наистина Кавка си о Пророки. ⁴¹Авер пененас: Кавка си о Помазаники. Декой па пенелас: Нима тари Галилея ка авел о Помазаники? ⁴²На пенгяс ли о Писание, кай о Помазаники ка авел таро Давидово потомство тай таро градос Витлеем, катар сине о Давид?⁴³Тай чука възникнингяс раздори ашал Леске машкар о народос. ⁴⁴Тай декой лендар мангенас те долен Лес; но никой на товгяс васта упрал Лесте.⁴⁵Тогава о служитела але ко главна свещеникя тай ко фарисея; тай он пенде ленге: Соске нана ангиен Лес? ⁴⁶О служителя отговоринде: Нисар мануш на хоратингяс чука( сарто Кавка мануш).⁴⁷А о фарисея отговоринде ленге: Тумеда ли синиен заблудиме? ⁴⁸Повервингяс ли анде Лесте декой таро първенци или таро фарисея? ⁴⁹Но кавка простолюдие, ковато на жанел о закони, проклето си.⁵⁰О Никодим, ковато сине иек лендар, (о също, ковато гелосас паш Лесте (ират) по-рано), пенгяс ленге: ⁵¹Амаро закони осъдинел ли е манушес, ако първо на шунел лес тай нана ахалол со керел? ⁵²Он в отговор пенде леске: Тена овес туда тари Галилея? Роде тай дик, кай тари Галилея пророки нана ваздисало.⁵³53 Тай секой гелопеске кере.

¹А о Исус гело ко Елеонско хълми. ²Тай рано андиавин пак ало андо храми; а саворе люде авенас паш Лесте, тай Ов бешло, тай поучинелас лен. ³О книжникя тай о фарисея анде (паш Лесте) иеке ромня, долди в прелюбодейство, тай като поставинде ла ко машкар, пенде Леске:⁴Учителю, кайа ромни сине долди андо делос на прелюбодейство. ⁵А о Мойсей заповедингяс аменге андо закони те мударас салкен баренца; Ту со пенес за лаке? ⁶Тай давка пенде те изпитинен Лес, за те овел лен за соске те обвининен Лес. А о Исус бангило нателе тай пишинелас наеса ки пув.⁷Но като постоянствиненас те пучен Лес, Ов изправисало тай пенгяс ленге: Ковато тумендар си безгрешно*, нека първо те чивел бар упрал лате. ⁸Тай пак бангило нателе, тай пишинелас наеса ки пув.⁹А он, като шунде давка, иклонас песке иек по иек, като почнинде таро по-пуре тай следвинде жи ко последна; тай о Исус ачило коркоро, тай и ромни, кате синепеске, ко машкар. ¹⁰Тай като изправингяс пес, о Исус пенгяс лаке: Ромние, кагеле калка, (колато обвининенас тут)? Никой ли на осъдингяс тут? ¹¹Тай ой отговорингяс: Никой Девла. О Исус пенгяс: Нито Ме осъдинав тут; жа туке тай от акана ма съгрешине вече.¹²Тогава о Исус пак хоратингяс ленге, тай пенгяс: Ме синиом и светлина ко светос; който следвинел Ман, нанай те пирел анди тъмнина, но ка овел лес и светлина е животоскири. ¹³Тогава о фарисея пенде Леске: Ту коркоро свидетелствинес за Туке; Торо свидетелство нанай истинно.¹⁴О Исус в отговор пенгяс ленге: Ако те свидетелствинав да за Манге, пак Мо свидетелство си истинно; соскето жанав катар алом тай на кате жав; а туме нажанен катар авав или на кате жав. ¹⁵Туме съдинен по плът; Ме на съдинав никас. ¹⁶Тай даже ако съдинав, Мери присъда си истинно, соскето на синиом коркоро, но Ме синиом, тай о Отец, Ковато бичалгяс Ман.¹⁷Тай андо закони, ва, тумаре закониесте, си пишиме, кай о свидетелство дуие манушенгоро си истинно. ¹⁸Ме синиом, Ковато свидетелствинав Манге; тай о Отец, Ковато бичалгяс Ман, свидетелствинел Манге.¹⁹Тогава пенде Леске: Кате си Торо Отеци? О Исус отговорингяс: Нито Ман пенджарен, нито Ме Отециес; ако пенджаренас Ман, ка пенджаренас Ме Отециес да. ²⁰Далка думес Ов хоратингяс анди съкровищница, като поучинелас андо храми; тай никой на долгяс Лес, соскето о сахати Лескоро още нана алосас.²¹Тай пак пенгяс ленге о Исус: Ме жаманге; тай ка роден Ман, но анди безех тумари ка мерен. Кате жав Ме, туме нанащи авен. ²²Далкеске о юдея пенде: Тена мударел пес, тай пенел: Кате жав Ме, туме нанащи авен?²³Тай пенгяс ленге: Туме синиен калкендар, колато си теле; Ме синиом колкендар, кате си упре. Туме синиен калке светостар; а Ме на синиом калке светостар. ²⁴Дале причинаке пенгиом туменге, кай ка мерен анде тумаре безехенде; соскето, ако на повервинен, кай синиом давка, ковато пенав, анде тумаре безехенде ка мерен.²⁵А он пенде Леске: Ту кова синян? О Исус пенгяс ленге: Англал всичко, Ме синиом именно давка, ковато пенав туменге. ²⁶Бут букя исиман те хоратинав тай те съдинав за туменге; но Кавка, Ковато бичалгяс Ман, си истинско; тай со шунгиом Лестар, давка хоратинав е светоске. ²⁷Он нана ахалиле, кай хоратинел ленге за Отца.²⁸Тогава о Исус пенгяс: Като ка вазден е Човешконе Чавес, тогава ка пенджарен, кай синиом кавка, ковато пенав, тай кай Мандар нищо на керав, но ковато сикавгяс Ман о Отец, давка хоратинав. ²⁹Тай Кавка, Ковато бичалгяс Ман, Манца си; Нана муклас Ман коркоро. Ме керав всякога давка, ковато си Леске угодно. ³⁰Като хоратинелас давка, мнозина на повервинде анде Лесте.³¹Тогава о Исус пенгяс калкенге колато повервинде анде Лесте юдея: Ако пребъдинен Мере учениесте, наистина синиен Мере ученикия; ³²тай ка пенджарен и истина, тай и истина ка керел тумен свободна. ³³Отговоринде Леске: Аме синям Авраамово потомство тай нисар жи акана нана улам никаске слуги; сар пенес Ту: Ка ачон свободна.³⁴О Исус отговорингяс ленге: Истина, истина пенав туменге, всекой, които керел безеха, слуга си е безехаке. ³⁵А о слугас нана ачол вечно андо кер; о чаво ачол вечно. ³⁶Ако о Чаво освободинел тумен, ка овен наистина свободна.³⁷Жанав, кай синиен Авраамово потомство; но пак манген те мударен Ман, соскето Моро учение нана кидел пес анде туменде. ³⁸Ме хоратинав давка, ковато диклом анде Мере Отециесте; също тумеда керен давка ковато шунгиен тумаре дадестар.³⁹Он в отговор пенде Леске: Амаро дад си о Авраам. О Исус пенгяс ленге: Ако синиенас Авраамова чада, о Авраамова дела ка керенас. ⁴⁰А акана манген те мударен Ман, о Мануш, Ковато пенгиом туменге и истина, която шунгиом таро Дел. Давка о Авраам нана керелас. ⁴¹Туме керен о дела тумаре дадескере. Он пенде Леске: Аме на синиам биянде таро блудство; иек Отеци иси амен, о Дел.⁴²О Исус пенгяс ленге: Ако сине о Дел тумаро Отеци, то туме ка дехенас Ман, соскето Ме таро Дел иклилом тай алом; понеже Ме нана алом Мандар, но Ов бичалгяс Ман. ⁴³Соске нана ахалон Моро словос? Соскето нанащи шунен Моро учение. ⁴⁴Тумаро дад си о бенг тай манген те керен о похоти тумаре дадескоро. Ов сине открайа човекоубиицос тай нана устоингяс анди истина; соскето анде лесте нанай истина. Като хоратинел хохаиба, перестар хоратинел, соскето си хохавно, тай е хохаибнаскоро дад.⁴⁵Но понеже Ме хоратинав и истина, туме нана верувинен Ман. ⁴⁶Кова тумендар обвининел Ман безехаке? Тай ако хоратинав и истина, соске нана верувинен Ман? ⁴⁷Ковато си таро Дел, ов шунел е Девлескере думес; туме затова нана шунен, соскето на синиен таро Дел.⁴⁸О юдея в отговор пенде Леске: На синям ли права, като пенас, кай синян самаряни тай иси тут бяс? ⁴⁹О Исус отговорингяс: Нанай Ман бяс; но Ме почитинав Ме Отцас, а туме позоринен Ман.⁵⁰Но Ме нана родав слава Манге; иси Иек, Ковато родел тай съдинел. ⁵¹Истина, истина пенав туменге: ако декой опазинел Моро учение, нанай те дикел мериба жи ко векос.⁵²О юдея пенде Леске: Акана жанас, кай иси тут бяс. о Авраам муло, също о пророкя да; а Ту пенес: Ако декой опазинел Моро учение, нанай те вкусинел мериба жи ко векос. ⁵³Нима Ту синян по-баро амаре дадестар таро Авраам, ковато муло? О пророкя да муле. Ту саво керес тут?⁵⁴О Исус отговорингяс: Ако славинав Ме Ман, Ми слава си нищо; о Отеци Моро, си Ковато славинел Ман, за Колеске туме пенен, кай си тумаро Дел; ⁵⁵тай пак на пенджаргиен лес. Но Ме пенджарав Лес; тай ако пенав, кай на пенджарав Лес, ка овав сар туменде хохавно; но Ме пенджарав Лес тай пазинав Лескоро словос. ⁵⁶Тумаро дад о Авраам ликувинелас, кай ка дикел Моро диес; тай диклас лес, тай лошангяс.⁵⁷О юдея пенде Леске: Пинда бреша още нанай тут, а е Авраамес ли диклян? ⁵⁸О Исус пенгяс ленге: Истина, истина пенав туменге, преди те биангиол о Авраам, Ме синиом. ⁵⁹Тогава лиле бара те чивен упрал Лесте; но о Исус гарагяс пес тай иклило таро храми ( наклосас; тай чука гело песке).

¹Тай като занакелас, дикляс иекес коро бияндо мануш. ²Тай Лескере ученикия пучле Лес, тай пенде: Учителю, ашал каскири безех, лескири или лескере родителенгири, ов бияндило коро?³О Исус отговорингяс: Нито ашал лескири безех, нито лескере родителенгири, но за те явинен пес анде лесте е Девлескере дела. ⁴Аме требе те керас о дела Калкескере, Ковато бичалгяс Ман, бискаи си диес; авел и рат, като никой нащи керел бути. ⁵Като синиом андо светос, и светлина синиом ко светос.⁶Като пенгяс давка, чунгадингяс ки пув, кергяс чик е чунгадеса тай маклас е чикаса лескере яка ; ⁷тай пенгяс леске: Жа, тов тут анди къпално Силоам( ковато значинел: бичалдо). Тай чука, ов гело, тогяс пес тай ало прогледнало.⁸А о комшидес тай колка, колато диклесас лес по-преди, кай сине коро, пененас: Нанай ли кавка, ковато бешелас тай просинелас? ⁹Иек пененас: Ов си; авер пененас: Нака, а препел упрал лесте. Ов пенгяс: Ме синиом.¹⁰Далкеске пенде леске: Тогава сар путердиле те яка? ¹¹Ов отговорингяс: О Мануш, Ковато пенел пес Исус, кергяс чик, маклас ме яка тай пенгяс манге: Жа ки Силоам тай тов тут. Тай чука, гелом, тай като тогиом ман, задиклом. ¹²Тогава пенде леске: Кате си Ов? Пенел: Нажанав.¹³Ингалде ко фарисея о някогашно коро. ¹⁴А сине събота, като о Исус кергяс и чик тай путергяс лескере яка. ¹⁵Тай чука, пак пученас лес о фарисея сар задиклас. Тай ов пенгяс ленге: Чик тогяс ме якенде, тогиоман тай дикав.¹⁶Далкеске десаве таро фарисея пененас: Кавка Мануш нанай таро Дел, соскето на пазинел и събота. А авер пененас: Сар ащи грешно мануш те керел салка знамения? Тай възникнингяс раздори машкар ленде. ¹⁷Пенен пак е кореске: Ту со пенес за Леске, като путергяс те яка? Тай ов пенгяс: Пророки си. ¹⁸Но о юдея на верувиненас, кай ов уло коро тай задиклас, жи кай нана викинде е родителен е продиклескере,¹⁹тай пучле лен, тай пенде: Кавка ли си тумаро чо, за колеске пенен, кай бияндило коро? А акана сар дикел? ²⁰О родителе в отговор пенде: Жанас, кай кавка си амаро чо тай кай бияндило коро; ²¹а акана сар дикел, нажанас; или кой путергяс лескере яка, нажанас; лес пучен, ов си на възраст, коркоро нека хоратинел песке.²²Давка пенде лескере родителя, соскето даранас таро юдея; понеже о юдея вече споразуминдесас пес машкар песте те отлъчинен тари синагога колкес, ковато ка признавинел Лес, кай си Помазаники. ²³Далке причинаке лескере родителя пенде: Ов си на възраст, лес пучен.²⁴Тай чука, викинде второ дром е манушес, ковато сине коро, тай пенде леске: Възде слава е Девлеске; аме жанас, кай Кавка Мануш си грешники. ²⁵А ов отговорингяс: Дали си грешники, нажанав; иек жанав, кай улом коро, а акана дикав.²⁶Далкеске пенде леске: Со кергяс туке? Сар путергяс те яка? ²⁷Отговорингяс ленге: Пенгиом туменге аке акана, тай на шунгиен; соске манген пак те шунен? Тена манген тумеда те ачон Леске ученикия? ²⁸Тогава он изругинде лес, тай пенде: Ту синян Лескоро ученики; а аме синям Мойсеева ученикия. ²⁹Аме жанас, кай на Мойсей о Дел хоратингяс, а Кавка нажанас катар си.²⁸²⁹28 Тогава он наругинделес тай пенде: Ту синян Лескоро ученики; а аме синям Моисеева ученикя. 29Аме жанас, кайн е Моисеске коркоро о Дел хоратингяс, а калкес нажанав катар си.³⁰О мануш в отговор пенгяс ленге: Давка си о чудно, кай туме нажанен катар си, но пак путергяс ме яка. ³¹Жанас, кай о Дел на шунел е грешникиен; но ако декой си благочестиво тай керел е Девлескири воля, лес шунел.³²А па таро векос нана шундилоте путергяс декой о яка манушекере бяндо коро. ³³Ако на сине Кавка Мануш таро Дел, нанай те ащи нищо те керел. ³⁴Он в отговор пенде леске: Ту цело андо безеха синян бияндо, тай амен ли сикавес? Тай гонинде лес наври.³⁵Шунгяс о Исус, кай гонинде лес наври тай като араклас лес, пенгяс: Ту верувинес ли андо Божие Чаво? ³⁶Ов в отговор пенгяс: А кой си Ов, Девла за те верувинав Лесте? ³⁷О Исус пенгяс леске: Тай диклан Лес, тай Който хоратинел туса, Ов си. ³⁸А ов пенгяс: Верувинав, Девла; тай поклонисало Леске.³⁹Тай о Исус пенгяс: Съдимнаске алом Ме калке светосте, за те дикен о невиждаща, а о виждаща те королон. ⁴⁰Колка таро фарисея, колато сине Леса, като шунде давка, пенде Леске: Тена овас амеда коре? ⁴¹О Исус пенгяс ленге: Ако синиенас коре, нанайас те овел тумен безех, но понеже акана пенен: Дикас, и безех ачол туменге.

¹Истина, истина пенав туменге: Който нана дел таро вудар ки кошара е овценге, но прехърпинел авретар, ов си чор тай разбойники . ²А който дел таро вудар, овчари си е овценге.³Леске о вратари путрел; тай о овце шунен лескоро гласос; тай викинел пере овцен алавесте, тай икалел лен. ⁴Като икалел саворен, пирел англал ленде; тай о овце следвинен лес, соскето пенджарен лескоро гласос.⁵А чуждоне манушес нанай те следвинен, но ка нашен лестар; соскето нана пенджарен о гласос е чуждоненгоро. ⁶Кайка притча пенгяс ленге о Исус; но он нана ахалиле со хоратинел ленге.⁷Тогава о Исус пак пенгяс ленге: Истина, истина пенав туменге: Ме синиом о вудар е овценгоро. ⁸Саворе, колато але англал Манде, си чора тай разбойникя; но о овце нана шунде лен.⁹Ме синиом о вудар; презал Манде ако дел декой, ка овел спасиме тай ка дел , тай ка иклол, тай паша ка аракел. ¹⁰О чор авел само те чорел, те заколинел тай те погубинел; Ме алом, за те овел лен животос, тай те овел лен изобилно.¹¹Ме синиом о лачо пастири; о лачо пастири по животос дел е овценге. ¹²Ковато си наемники, а ма овчари, тай нанай стопани е овценге, дикел е вълкиес, кай авел, тай като мукел е овцен, нашел; тай о вълки грабинел лен тай разпръснинел. ¹³Ов нашел, соскето си наемники, тай нанай лес грижа е овценге.¹⁴Ме синиом о лачо пастири тай пенджарав Мерен, тай Мере Ман пенджарен, ¹⁵също сарто о Отеци пенджарел Ман, тай Ме пенджарав е Отециес; тай Ме дав Мо животос е овценге. ¹⁶Авер да овце иси Ман, колато нанай калке кошаратар, тай лен требва те анав; тай ка шунен Мо гласос; тай ка ачон иек стадос иеке пастириеса.¹⁷Далкеске дехел Ман о Отец, соскето Ме дав Мо животос, за те лав лес пак. ¹⁸Никой нана лел лес Манге, но Ме Мандар дав лес. Иси Ман право те дав лес, тай иси Ман право пак те лав лес. Кайка заповед получингиом Ме Отециестар.¹⁹Ашал калке думенге пак възникнингяс раздори машкар о юдея. ²⁰Мнозина лендар пененас: Бяс иси Лес тай денило си; соске шунен Лес? ²¹Авер пененас: Калка думес нанай манушескере, долдо от бяс. Ащи ли бесос те путрел яка коренгере?²²Тай настъпингяс андо Ерусалим о празники е освещениескоро ко храми. Евент сине; ²³тай о Исус пирелас андо Соломоново треми е храмиеске. ²⁴Тогава о юдея заобиколинде Лес тай пенде Леске: Жи кана ка икерес амен в съмнение? Ако синян Ту о Помазаники, пен аменге ясно.²⁵О Исус отговорингяс ленге: Пенгиом туменге тай на верувинен. О дела, колато керав андо алав Ме Отцаске, он свидетелствинен Манге. ²⁶Но туме на верувинен, соскето на синиен Мере овцендар.²⁷Мере овце шунен Мо гласос тай Ме пенджарав лен, тай он следвинен Ман. ²⁸Тай Ме дав лен вечно животос; тай он нисар нанай те загининен, тай никой нанай те грабинел лен Ме вастестар.²⁹Мо Отец, Ковато диняс лен Манге, си по-баро саворендар; тай никой нащи грабинел лен таро вас на Отца. ³⁰Ме тай о Отец иек синям. ³¹О юдея пак лиле бара, за те мударен Лес.³²О Исус отговорингяс ленге: Бут лаче дела сикавгиом туменге таро Отца; за кова калке деловиендар мнген те мударен Ман баренца? ³³О юдея отговоринде Леске: Ма за лаче делоске мангас те мударас Тут баренца, а за богохулство тай соскето Ту, като синян мануш, керес Тут Дел.³⁴О Исус отговорингяс ленге: Нанай ли пишиме анде тумаре закониесте: "Ме пенгиом, богове синиен туме"? ³⁵Ако си наречиме богове колка, карик коленде ало о Божие слово ( тай о пишиме нащи те нарушингиол), ³⁶то Калкеске, Колес о Дел осветингяс тай бичалгяс ко светос, пенен ли: Богохулствинес, соскето пенгиом: Ме синиом Божие Чаво?³⁷Ако на керав о дела Ме Отцаскере, ма верувинен Ман; ³⁸но ако керав лен, то, макар тена верувинен Ман, верувинен ко дела, за те пенджарен тай ахалон, кай о Отец си анде Манде тай Ме андо Отца. ³⁹Пак мангенас те долен Лес; но Ов нашло таро васта ленге.⁴⁰Тай гело отвъд Йордан, ко тан, кате о Йоан по-преди кръстинелас, тай ачило оте. ⁴¹Тай мнозина але паш Лесте; тай пененас: о Йоан на кергяс нисаво знамение; но всичко, ковато пенгяс о Йоан за Калкеске сине истинно. ⁴²Тай оте мнозина повервине анде Лесте.

¹Иек мануш ко алав Лазар, тари Витания, таро гав на Мария тай лакири пен и Марта, боледувинелас. ²(А и Мария, колакаро прал о Лазар сине насвало, сине койка, която помажингяс е Девлес мироса тай косляс Лескере пире бе баленца.)³Тай чука, о пеня бичалде жи Лесте те пенен Леске: Девла, аке, ковка, колес дехес, си насвало. ⁴А о Исус, като шунгяс давка, пенгяс: Кайка болест нанай мерибнаскири, но си за е Девлескере славаке, за те прославинел пес о Божие Чаво чрез лате.⁵А о Исус дехелас е Марта тай лакере пеня, тай е Лазарес. ⁶Тогава, от сар шунгяс, кай сине насвало, ачило дуи диес ко тан, кате араклолас. ⁷А палал далкесте пенгяс е ученикиенге: Те жас пак анди Юдея.⁸Пенде Леске о ученикия: Учителю, акана о юдея мангле те мударен Тут баренца, тай пак ли оте жас? ⁹О Исус отговорингяс: Нали иси дешудуи сахакя андо диес? Ако пирел декои о диес, нана препъвинел пес, соскето дикел и виделина калке светоскири.¹⁰Но ако пирел декой ират, препъвинел пес, соскето нанай осветлиме. ¹¹Давка хоратингяс тай после пенгяс ленге: Амаро амал о Лазар засуто; но Ме жав те ухкярав лес.¹²О ученикия пенде Леске: Девла, ако засуто, ка оздравинел. ¹³Но о Исус хоратинелас лескере мерибнаске; а он мислиненас, кай хоратинел почивибнаске андо суно. ¹⁴Далкеске о Исус тогава пенгяс ленге ясно: О Лазарес муло.¹⁵Тай ашал туменге, лошанав, кай нана улом оте, за те повервинен; обаче нека те жас паш лесте. ¹⁶Тогава о Тома, наречиме Близнак, пенгяс е съученикиенге: Те жас амеда, за те мерас Леса.¹⁷Тай чука, като ало о Исус, аракляс, кай о Лазар сине штар диес андо мимори. ¹⁸А Витания сине паше жи ко Ерусалим кити дешупанч стадиес; ¹⁹тай мнозина таро юдея сине ки Марта тай Мария те утешинен лен ленгере пралеске. ²⁰Тай и Марта като шунгяс, кай о Исус авелас, гели те посрещнинел Лес; а й Мария още бешелас кере.²¹Тогава и Марта пенгяс е Исусеске: Господи, те овесас Ту ате, нанаяс те мерел мо прал. ²²А акана да жанав, кай со да те мангес таро Дел, о Дел ка дел Тут. ²³Пенгяс лаке о Исус: То прал ка възкресинел.²⁴Пенгяс Леске и Марта: Жанав, кай ка възкреснинел е възкресениеса ко последно диес. ²⁵О Исус пенгяс лаке: Ме синиом о възкресение тай о животос; който верувинел анде Манде, те мерел да, ка живинел; ²⁶тай никой, който си живдо тай верувинел анде Манде, нанай те мерел жи ко векос. Верувинес ли давка?²⁷Пенел Леске: Ва, Господи, верувинав, кай Ту синян о Помазаники, о Божие Чаво, Ковато требваше те авел ко светос. ²⁸Тай като пенгяс давка, гели те викинел скришом пе пеня е Мария, тай пенелас: О Учители ало тай викинел тут. ²⁹Тай ой, щом шунгяс давка, ухтинили бързо тай гели паш Лесте.³⁰О Исус още нана ало андо гав, а сине ко тан, кате посрещнингяс Лес и Марта. ³¹А о юдея, колато сине ласа кере тай утешиненас ла, като дикле, кай и Мария ухтинили бързо тай иклили, геле палал лате, като мислиненас кай жал ко мимори те ровел оте. ³²Тай чука, и Мария, като али оте, кате сине о Исус, тай дикляс Лес, пели англал о пире Леске тай пенгяс Леске: Господи, те овесас Ту ате, нанаяс те мерел мо прал.³³О Исус, като диклас ла, кай ровел, тай о юдея, колато придружиненас ла, кай ровен, разтъжисало анде Пе Духосте тай смутисало. ³⁴Тай пенгяс: Кате положингиен лес? Пенен Леске: Господи, ела тай дик. ³⁵О Исус просълзисало.³⁶Тогава о юдея пененас: Дик кити дехелас лес! ³⁷А десаве лендар пенде: Нанащине ли Кавка, Ковато путергяс о яка е корескере, те керел, чука кай кавка да тена мерел?³⁸А о Исус като тъжинелас пак анде Песте, ало ко мимори. Сине пещера, тай лате сине привалиме бар. ³⁹О Исус пенгяс: Местинен о бар.И Марта, и пен е мулескири, пенгяс Леске: Господи, кандел вече, соскето штар диес си андо мимори. ⁴⁰Пенгяс лаке о Исус: Нана пенгиом ли туке, кай ако повервинес, ка дикес е Девлескири слава?⁴¹Тай чука, местинде о бар. А о Исус ваздингяс яка на упре тай пенгяс: Отче, благодаринаман Туке, кай шунгян Ман. ⁴²Ме жанавас, кай Ту винаги шунес Ман; но давка пенгиом ашал о народос, ковато бешел наоколо, за те повервинен, кай Ту бичалгян Ман.⁴³Като пенгяс давка, пищингяс силноне гласоса: Лазаре, икли аври! ⁴⁴О муло иклило, о васта тай о пире пакярде андо саван тай лескоро муи забрадиме кърпаса. О Исус пенгяс ленге: Отпакярен лес тай мукен лес те жал песке.⁴⁵Тогава мнозина таро юдея, колато алесас ки Мария тай дикле давка, ковато кергяс о Исус, повервине анде Лесте. ⁴⁶А десаве лендар геле ко фарисея тай пенде ленге со кергяс о Исус.⁴⁷Тогава о главна свещеникя тай о фарисея кидинде съвети тай пенде: Со керас аме? Соскето Кавка Мануш керел бут знамения? ⁴⁸Ако мукас Лес чука, саворе ка повервинен анде Лесте; тай о римланя като ка авен, ка отнеминен и страна да амари, амари народност да.⁴⁹А иек лендар ко алав Каиафа, ковато сине първосвещеники презал кавка бреш, пенгяс ленге: Туме нищо нажанен, ⁵⁰нито мислинен кай туменге си по-лачес иек мануш те мерел е люденге, а ма те загининел о цело народос.⁵¹Давка нана пенгяс пестар, но понеже сине първосвещеники презал ковка бреш, предскажингяс, кай о Исус ка мерел е народоске, ⁵²тай ма само е народоске, но за те кидел да иекесте о разпръсниме Божия чада. ⁵³Тай чука, колке диесестар он съветвиненас пес те мударен Лес.⁵⁴Далкеске о Исус вече на пирелас явно машкар о юдея, но отар гело ки местност, паше жи ки пустиния иеке градосте, наречиме Ефраим, тай оте ачило е ученикиенца. ⁵⁵А наближинелас и юдеиско Пасха; тай мнозина тари провинция геле андо Ерусалим англал и Пасха, за те очистинен пес.⁵⁶Тай чука, он роденас е Исусес тай като бешенас андо храми, хоратиненас машкар песте: Сар дикелпес туменге? Нанай ли те авел ко празники? ⁵⁷А о главна свещеникя тай о фарисея издинесас запове, ако ахалол декой кате си, те пенел, за те долен Лес.

¹А шов диес англал и Пасха о Исус ало анди Витания, кате сине о Лазарес, колес Ов възкресингяс таро муле. ²Оте приготвинде Леске вечеря тай и Марта прислугвинелас; а о Лазарес сине иек калкендар, колато бешенас Леса ки софра. ³Тогава и Мария като лилас иек литъри мирос таро чисто тай скъпоценно нарди, помажингяс о пире е Исусескере, тай пе баленца косляс о пире Лескере; тай о кер пердило с благоухание таро мирос.⁴Но иек таро ученикия Леске, о Юда Искариотски, ковато ка пределас Лес, пенгяс: ⁵Соске на бикиндило кавка мирос за триста динария, за те разден пес е сиромасиенге? ⁶А давка пенгяс ма соскето сине лес грижа е сиромасиенге, а соскето сине чор, тай като икерелас и каса *, лелас далкестар, ковато мукенас анде лате.⁷Тогава о Исус пенгяс: Мукен ла; понеже пазингяс лес за ко диес Ме погребениеске. ⁸Соскето о сиромасия всякога араклон машкар туменде, но Ме нана аракловав всякога.⁹А баро множество таро юдея ахалиле, кай си оте; тай але ма само ашал е Исусеске, но за те дикен е Лазарес да, колес възкресингяс таро муле. ¹⁰А о главна свещеникя нахоратинде пес те мударен е Лазарес да, ¹¹соскето ашал леске мнозина таро юдея жанас тари рик е Исусеске тай верувиненас анде Лесте.¹²Ко следващо диес иек баро множество, ковато алосас ко празники, като шунде, кай о Исус авел андо Ерусалим, ¹³лиле палмова клоня тай иклиле те посрещнинен Лес, като пищиненас: Осанна! Благословиме Ковато авел анде Девлескоро алав, о Израилево тагар!¹⁴А о Исус, като араклас иеке ослес, бешло упрал лесте, според сарто си пишиме: ¹⁵" Ма дара, мичаи Сионова. Аке, торо Тагар авел, бешло на осле".¹⁶Лескере ученикия отначало нана ахалиле давка; а като прослависало о Исус, тогава динепес годи, кай давка сине пишиме за Леске, тай кай давка керде Леске.¹⁷Тай о народос, ковато сине Леса като викингяс е Лазарес таро мимори тай възкресингяс лес таро муле, свидетелствиненас далке чудоске. ¹⁸Ки също причина посрещнингяс Лес о народос да, соскето шунде, кай кергяс давка знамение. ¹⁹Далкеске о фарисея пенде машкар песте: Дикен, кай нищо нана постигнинен! Аке, о светос жал палал Лесте.²⁰А машкар колкенде, колато але на поклонение ко празники, исине десаве гърция. ²¹Тай он але ко Филип, ковато сине тари Витсаида Галилейска, тай помолинде лес, тай пенде: Господине, мангас те дикас е Исусес. ²²О Филип авел тай пенел на Андрей; а о Андрей тай о Филип па пенен е Исусеске.²³А о Исус в отговор пенгяс ленге: Ало о сахати те прославинел пес о Човешко Чаво. ²⁴Истина, истина пенав туменге, ако о житно зърно на перел ки пув тай на мерел, ов ачол песке самотно; но ако мерел, дел бут плоди.²⁵Който дехел по животос, ка изгубинел лес; тай който мразинел по животос калке светосте, ка запазинел лес вечноне животоске. ²⁶Ако служинел декой Манге, Ман нека те последвинел; тай кате синиом Ме, оте ка овел Мо служители да. Който служинел Манге, лес ка почетинел Мо Отеци.²⁷Акана Ми душа си развълнувано; тай со те пенав? Отче, избавине Ман калке сахатиестар? Но далкеске алом калке сахатиесте. ²⁸Отче, прославине То алав! Тогава ало гласос таро небес: Тай прославингиом Лес, тай пак ка прославинав Лес. ²⁹Далкесте о народос, ковато бешелас оте, като шунгяс о гласос, пенгяс: Гръм си. Авер па пенде: Ангели хоратингяс Леске.³⁰О Исус в отговор пенгяс: Кавка гласос нана ало ашал Манге, но заради туменге. ³¹Акана си съдос калке светосте; акана о князи далке светоскоро ка овел чивдо на аври.³²Тай като ка овав Ме ваздиме тари пув, ка привлечинав саворен паш Манде. ³³А като пенелас давка. Ов диняас. те ахалол пес саве мерибнастар ка мерелас.³⁴А о народос отговорингяс Леске: Аме шунгям таро закони, кай о Помазаники пребъдвинел жи ко векос: тогава сар пенес Ту, кай о Човешко Чаво требе те овел ваздиме? Кова си Давка Човешко Чаво? ³⁵Тай о Исус пенгяс ленге:Още хари време и светлина си машкар туменде. Пирен, бискай иси тумен и светлина, за тена ресел тумен и тъмнина. Който пирел ки тъмнина, нажанел кате жал. ³⁶Бискай иси тумен и светлина, верувинен ки светлина, за те ачон просветиме чрез и светлина. Давка хоратингяс о Исус, гело тай гарагяс пес лендар.³⁷Но кай кергясас да дики знамения англал ленде, он пак нана верувиненас анде Лесте; ³⁸за те изпълнингиол о пендо таро пророк Исая, ковато пенгяс: " Господи, кова амендар повервингяс колкесте, ковато шунгям"?³⁹Он далкеске нащине верувинен, соскето о Исая още пенгяс: ⁴⁰" Коряргяс о яка ленгере, тай закоравингяс ленгере сърца, за якенца тена дикен тай сърцеса те ахалон, тай те иринен пес тай те изцелинав лен.⁴¹Давка пенгяс о Исая, соскето дикляс и слава Лескири тай хоратинел Леске. ⁴²Но пак мнозина таро първенци повервинде. Лесте. Но ашал о фарисея нана изповединде Лес, за тена овен отлъчиме тари синагога. ⁴³соскето дехинде и похвала таро мануша по бут тари похвала е Девлескири.⁴⁴А о Исус пищингяс тай пенгяс Който верувинел анде Манде, ма Манде верувинел; а Калкесте, Ковато бичалгяс Ман. ⁴⁵Тай който дикел Ман, дикел Колкес, Ковато бичалгяс Ман.⁴⁶Ме алом сар светлина ко светос, за тена ачол анди тъмнина никой който верувинел анде Манде. ⁴⁷Тай ако шунел декой Ме думес тай нана пазинел лен, Ме нана съдинав лес; соскето нана алом те съдинав е светос, а те спасинав е светос.⁴⁸Който отчивел Ман тай нана приеминел Ме думес, иси кой съдинел лес; о словос, ковато хоратингиом, ов ка съдинел лес ко последно диес. ⁴⁹Соскето Ме Мандар нана хоратинав; Но о Отец Ковато бичалгяс Ман, Ов диняс Ман заповед со те пенав тай со те хоратинав. ⁵⁰Тай жанав, кай ковка, ковато Ов заповедингяс, си вечно животос.Тай чука давка, ковато хоратинав, хоратинав лес чука, сарто пенгяс Манге о Отец.

¹А англал о празники на Пасхата о Исус, жанелас, кай ало Лескоро сахати те пренакел калке светостар карик о Отца, като дехингясас Перен, колато сине ко светос, жи ко крайос дехингяс лен. ²Тай като сине готово и вечеря като вече о бенг внушингяс андо сърцес на Юда Симонов Искариотски те предел Лес.³като жанелас о Исус, кай о Отец прединяс всичко ко васта Леске, тай кай таро Дел иклило тай ко Дел жал. ⁴ухтинило тари вечеря, нангило Пи мантия, лилас кърпа тай препасингяс Пес. ⁵После пергяс пани андо умивалники тай почнингяс те товел о пире е ученикиенгере тай те косел лен е кърпаса, коласа сине препасиме.⁶й чука, авел ко Симон Петър. Ов пенел Леске: Господи, Ту ли ка товес ме пире? ⁷О Исус в отговор пенгяс леске: Давка, ковато Ме керав, ту акана нажанес, но после ка ахалос. ⁸О Петръ пенгяс Леске: Ту нанай те истовес мере пире жи ко векос. О Исус отговорингяс леске: Ако нана истовав тут, нанай тут дяли Манца. ⁹О Симон Петър пенел Леске: Господи, ма само ме пире, но мо шеро да.¹⁰О Исус пенел леске: Който нанило, нанай лес нужда те товел авер, освен пе пире, но си цело чисто, тумеда синиен чиста, но ма саворе. ¹¹Соскето Ов жанелас колкес, ковато ка пределас Лес далкеске да пенгяс: Ма саворе синиен чиста.¹²А като тогяс ленгере пире тай лилас пи мантия, бешло пак тай пенгяс ленге: Жанен ли со кергиом туменге? ¹³Туме пенен Манге Учители тай Дел; тай лачес пенен, соскето синиом савка. ¹⁴Тай чука, ако Ме, Дел тай Учители, тогиом тумаре пире, то тумеда синиен длъжна иек авресте те товен тумаре пире. ¹⁵Соскето диниом тумен примери те керен тумеда, сарто Ме кергиом туменге.¹⁶Истина, истина пенав туменге: о слугас нанай по-горно пе господариестар, нито о бичалдо си по-горно колкестар, ковато бичалгяс лес. ¹⁷Като жанен давка, блажена синиен, ако керен лес. ¹⁸Нана хоратинав туменге саворенге; Ме жанав кас избирингиом; но давка ачило, за те сбъднингиол о Писание: " Който хал Мо маро, ов ваздингяс пери патум против Манде".¹⁹От акана пенав туменге давка варесо, англал те ачол, тай като ка ачол, те повервинен, кай синиом Ме давка, ковато пенгиом. ²⁰Истина, истина пенав туменге: който приеминел колкес, колес Ме бичалав, Ман приеминел; тай който приеминел Ман, приеминел Калкес, Ковато бичалгяс Ман.²¹Като пенгяс давка, о Исус развълнувисало анде Пе духосте тай заявингяс, тай пенгяс: Истина, истина пенав туменге, кай иек тумендар ка предел Ман. ²²О ученикия дикенас пес машкар песте, недоуминенас за каске хоратинел.²³А ки софра иек таро ученикия, колес о Исус дехелас, облегнисалосас ко Исусово коланос. ²⁴Далкеске о Симон Петър кимвинел леске тай пенел леске: Пен аменге за каске хоратинел. ²⁵А ов, като ирисало карик о Исус, пучляс Лес: Господи, кова си?²⁶О Исус отговорингяс: Ов си ковка, за колеске ка топинав бука тай ка давла леске. Тай чука, като топингяс бука, лилас тай подиняс ла на Юда Симонов Искариотски. ²⁷Тай тогава, след и бука, Сатана диняс анде лесте; тай чука, о Исус пенгяс леске: Со керес, кер лес по-сиго.²⁸А никой таро бешле ки софра нана ахалиле соске пенгяс леске давка; ²⁹соскето десаве мислиненас, понеже о Юда икерелас и каса, кай о Исус пенел леске: Кин, со требел аменге за ко празники, или: Де варесо е сиромасиен. ³⁰Тай чука, като лилас и бука, ов веднага иклило; а сине ират.³¹А като иклило, о Исус пенгяс: Акана прослависало о Човешко Чаво, тай о Дел прослависало анде Лесте; ³²тай о Дел ка прославинел Лес анде Песте, тай сиго ка прославинел Лес. ³³Чавален, още хари синиом туменца. Ка роден Ман тай сарто пенгиом е юдеиенге, чука туменге да пенав акана: Кате жав Ме, туме нанащи авен.³⁴Неви заповед дав тумен: Те дехен тумен иек авресте; сарто Ме дехингиом тумен, чука тумеда те дехен тумен иек авресте. ³⁵Далкестар ка ахалон саворе, кай синиен Мере ученикия, ако иси тумен любов машкар туменде.³⁶О Симон Петър пенгяс Леске: Господи, кате жас? О Исус отговорингяс: Кате жав, нанащи акана те авес палал Манде, но после ка авес. ³⁷О Петър пенгяс Леске: Господи, соске тенащи авав палал Туте акана? Мо животос ка дав за Туке. ³⁸О Исус отговорингяс: То животос ли Манге ка дес? Истина, истина пенав туке, о башно нанай те загилабел, преди те отричинес тут трин дром Мандар.

¹Тена смутинел пес тумаро сърцес; туме верувинен ко Дел, верувинен Манде да. ²Ко кер Ме Отцаске иси бут обиталища; ако нана сине чука, Ме ка пенавас туменге, соскето жав те приготвинав туменге тан. ³Тай като ка жав тай приготвинав туменге тан, пак ка авав тай ка лав тумен паш Манде, чука че, кате синиом Ме, те овен тумеда.⁴Тумеда жанен на кате жав тай о дром жанен. ⁵О Тома пенел Леске: Господи, нажанас кате жас; а сар те жанас о дром? ⁶О Исус пенел леске: Ме синиом о дром тай и истина, тай о животос; никой нана авел паш о Отца, освен чрез Манде. ⁷Ако пенджаргиенас Ман, ка пенджаренас Ме Отцас да; от акана пенджарен Лес тай диклен Лес.⁸О Филип пенел Леске: Господи, покажине аменге е Отцас тай достатъчно си аменге. ⁹О Исус пенел леске: Дики време синиом туменца тай на пенджарес ли Ман, Филипе? Който диклас Ман, дикляс е Отцас; сар пенес ту: Покажине аменге е Отцас?¹⁰Нана верувинес ли, кай Ме синиом андо Отца тай кай о Отец си анде Манде? О думес, колато Ме пенав туменге, ма Мандар хоратинав лен; но о пребъдващо анде Манде Отеци керел Пере дела. ¹¹Верувинен Ман, кай Ме синиом андо Отца тай кай о Отец си анде Манде; или па верувинен Ман поради о дела.¹²Истина, истина пенав туменге, който верувинел анде Манде, о дела, колато керав Ме, ов да ка керел лен; тай по-баре лендар ка керел; соскето Ме жав ко Отца. ¹³Тай со да те манген Мере алавесте, ка керав лес, за те прославинел пес о Отец андо Чаво. ¹⁴Ако манген варесо Мере анде алавесте, давка ка керав.¹⁵Ако дехен Ман, ка пазинен Мере заповедя. ¹⁶Тай Ме ка мангав таро Отца, тай Ов ка дел тумен авер Утешители, за те пребъдвинел туменца жи ко векос. ¹⁷О духос е истинакоро, Колес о светос нанащи те приеминел, соскето нана дикел Лес, нито пенджарел Лес. Туме пенджарен Лес, соскето Ов пребъдвинел туменца таи анде туменде ка овел.¹⁸Нанай те мукав тумен сиракя; ка авав паш туменде. ¹⁹Още хари,тай о светос нанай вече де дикел Ман, а туме ка дикен Ман; понеже Ме живинав, тумеда ка живинен. ²⁰Колке диесесте ка пенджарен, кай Ме синиом андо Отца Моро, тай туме анде Манде, тай Ме анде туменде.²¹Кас иси Мере заповедя тай пазинел лен, ов дехел Ман; а който дехел Ман, ка овел възлюбиме таро Отец Моро, тай Ме ка възлюбинав лес, тай ка явинав Ман леске. ²²О Юдас (ма Искариотски) пенгяс Леске: Господи, по сави причина ка явинес Тут аменге, а ма е светоске?²³О Исус в отговор пенгяс леск: Ако дехел Ман декой, ка пазинел Мо учение; тай о Отец Моро ка дехел лес, тай Аме ка авас паш лесте тай ка керас обиталище анде лесте. ²⁴Който нана дехел Ман, на пазинел Ме думес; тай о учение, ковато шунен, нанай Моро, а на Отца, Ковато бичалгяс Ман.²⁵Давка хоратингиом туменге, жи кай синиом оше туменца. ²⁶А о Утешители, о Свято Духос, Колес о Отец ка бичалел Мере алавесте, Ов ка сикавел тумен на всичко тай ка дел тумен годи всичко, ковато пенгиом туменге. ²⁷Мири мукав туменге; Моро мири дав тумен; Ме нана дав тумен, сарто о светос дел. Тена смутинел пес тумаро сърцес, нито те дарал.²⁸Шунгиен сар Ме пенгиом туменге: Жаманге, тай пак ка авав паш туменде. Ако дехенас Ман, ка лошаненас, кай жав ко Отца; соскето е Отец си по-баро Мандар. ²⁹Тай акана пенгиом туменге давка, преди те ачол, тай, като ка ачол, те повервинен. ³⁰Ме нанай вече бут те хоратинав туменца, соскето аве о князи (калке) светоскоро. Лес нанай нищо анде Манде; ³¹но давка ачол, за те пенджарел о светос, кай Ме дехав Отца тай кай сарто заповедингяс Манге о Отец, чука керав. Ухкиен те жасаменге атар.³⁰Ме нанаи още бут те хоратинав туменцар, соскето аво о князи далке светоскоро. Лес нанай нищо лестар Манде. ³¹Но давка ачол, за те ахалол о светос, кай Ме дехав Отца тай сарто заповедингяс Манге Отца, чука керав. Ухкен, те жасаменге атар.

¹Ме синиом и истинско лоза тай о Отеци Моро си о земеделцос. ²Всеко пръчка анде Манде, която нана дел плоди, Ов отрежинел ла; тай всеко, която дел плоди, очистинел ла, за те дел повече плоди.³Туме синиен вече чиста чрез о учение, ковато хоратингиом туменге. ⁴Пребъдвинен анде Манде, тай Ме анде туменде. Сарто и пръчка нанащи дел плоди коркори пестар, ако нана ачол ки лоза, чука тумеда нанащи, ако нана пребъдвинен анде Манде.⁵Ме синиом и лоза, а туме синиен о пръчкес; който пребъдвинел анде Манде, тай Ме анде лесте, ов дел бут плоди; соскето, отделиме Мандар, нанащи керен нищо. ⁶Ако декой нана пребъдвинел анде Манде, ов си чивто наври сар пръчка тай шукиол; тай киден лен, тай чивен лен анди яг, тай он таблон. ⁷Ако пребъдвинен анде Манде тай Ме думес пребъдвинен анде туменде, манген со да те желаинен, тай ка овел тумен.⁸Анде далкесте прославинел пес о Отеци Моро те ден бут плоди; тай чука ка овен Мере ученикия. ⁹Сар о Отец възлюбингяс Ман, чука Меда възлюбингиом тумен; пребъдвинен анде мере дехимнасте.¹⁰Ако пазинен Мере заповедя, ка пребъдвинен анде Ме дехимнасте, сарто Меда опазингиом о заповедя Ме Отециескере тай пребъдвинав анде Лескере дехимнасте. ¹¹Давка хоратингиом туменге, за те овел Мери лошали анде туменде, тай тумари лошали те ачол перди.¹²Кайка си Мери заповед; те дехен тумен иек авресте, сарто Ме дехингиом тумен. ¹³Никас нанай по-бари любов далкестар те дел по животос пе амаленге.¹⁴Туме синиен Манге амала, ако керен давка, ковато заповединав туменге. ¹⁵Нана пенав туменге вече слуги, соскето о слугас нана жанел со керел лескоро господари; а тумен наречинав амала, соскето явинав туменге всичко, ковато шунгиом Ме Отециестар.¹⁶Туме нана избирингиен Ман, но Ме избирингиом тумен тай определингиом тумен те иклон андо светос тай те принесинен плоди, тай тумаро плоди те овел траино; тай со да те манген таро Отца анде Мере алавесте, те дел тумен. ¹⁷Давка заповединав туменге: те дехен тумен иек аврес.¹⁸Ако о светос мразинел тумен, жанен, кай Ман намразингяс англал туменде. ¹⁹Ако синиенас таро светос, о светос ка дехелас поро; а понеже на синиен таро светос, но Ме избирингиом тумен таро светос, далкеске о светос мразинел тумен.²⁰Помнинен и дума, която пенгиом туменге: О слугас нанай по-горно пе господариестар. Ако Ман гониненас, туменда ка гонинен; ако опазинде Моро учение, тумарода ка пазинен. ²¹Но всичко давка ка керен туменге ашал Мере алавеске, соскето нана пенджарен Колкес, Ковато бичалгяс Ман. ²²Ако нана ававас тай нана хоратинавас ленге, безех нанаяс те овел лен; акана обаче нанай лен извинение пе безехаке.²³Който мразинел Ман, мразинел Ме Отцас да. ²⁴Ако нана керавас машкар ленде о дела, колато никой авер на кергяс, безех нанаяс те овел лен; но акана дикле тай намразинде Манда, Ме Отециес да. ²⁵Но давка ачол, за те изпълнинел пес о пишиме андо закони ленге слово: "Намразинде Ман би причинакоро".²⁶А като ка авел о Утешители, Колес Ме ка бичалав туменге таро Отца, о Духос е истинакоро, Ковато иклол таро Отца, Ов ка свидетелствинел Манге. ²⁷Но тумеда свидетелствинен, соскето улен Манца таро началос.

¹Давка пенгиом туменге, за тена съблазнинен тумен. ²Ка отлъчинен тумен таро синагогес; даже авел сахати, като секой, ковато мударел тумен, ка мислинел кай принесинел служба е Девлеске.³Давка да ка керен, соскето нана пенджарде нито е Отециес, нито Ман. ⁴Но Ме пенгиом туменге далка букя, тай като ка авел о сахати ленгоро, те помнинен, кай пенгиом лен туменге. Отначало на пенгиомлен туменге, соскето улом туменца;⁵а акана жав паш Колкесте, Ковато бичалгяс Ман; тай никой тумендар нана пучел Ман: Кате жас? ⁶Но понеже пенгиом туменге давка, скръб изпълнингяс тумаре сърца. ⁷Обаче Ме пенав туменге и истина, туменге си по-лачес те жав Ме, соскето, ако нана жав, о Утешители нанай те авел паш туменде; но ако жав, ка бичалав Лес туменге.⁸Тай Ов, като ка авел, ка обвининел е светос безехенге, правдаке тай съдоске; ⁹безехенге, соскето нана верувинен Манде; ¹⁰правдаке, соскето жав ко Отца, тай нанай те дикен Ман вече; ¹¹а съдоске, соскето о князи калке светоскоро си осъдиме.¹²Иси Ман още бут букя те пенав туменге; но нанащи те понесинен лен акана. ¹³А като ка авел Ковка, о Духос е истинакоро, ка упътвинел тумен секоне истинаке; соскето нанай те хоратинел Пестар, но ковато шунел, давка ка хоратинел, тай ка известинел туменге е букиенге колато авен. ¹⁴Ов Ман ка прославинел, соскето Мерестар ка лел тай ка известинел туменге.¹⁵Всичко, ковато си е Отециес, си Моро; далкеске пенгиом, кай Мерестар, като лел, ка известинел туменге. ¹⁶Още хари, тай нанай те дикен Ман; тай пак хари, тай ка дикен Ман.¹⁷Далкеске десаве таро ученикия Леске пенде песке машкар песте: Со си давка, ковато пенел аменге: още хари, тай нанай те дикен Ман; тай пак хари, тай ка дикен Ман; тай кавка: соскето жав ко Отца? ¹⁸Тай пенде: Со си давка, ковато пенел: Още хари? Нана жанас со мангел те пенел.¹⁹О Исус, като ахалило, кай манген те пучен Лес, пенгяс ленге: Далкеске ли пучен тумен машкар туменде, соскето пенгиом: Още хари, тай нанай те дикен Ман; тай пак хари, так ка дикен Ман? ²⁰Истина, истина пенав туменге, кай туме ка заровен тай ка заридаинен, а о светос ка лошанел; туме ка скърбинен, но тумари скръб ка ирингиол лошалате. ²¹Жувли, като биянел, си в скръб, соскето ало лакоро сахати; а като биянел е чавес, нана помнинел вече пе мъкес ашал и лошали, кай бияндило мануш ко светос.²²Тумеда акана синиен наскърбиме; но Ме пак ка дикав тумен тай тумаро сърцес ка лошанел, тай тумари лошали никой нанай те лел ла туменге. ²³Тай колке диесесте нанай те пучен Ман нисоске. Истина, истина пенав туменге: со да те манген таро Отца анде Мере алавесте, Ов ка дел лес туменге. ²⁴Жи акана нищо нана манглен анде Мере алавесте; манген,тай ка получинен, за те овел тумари лошали перди.²⁵Давка хоратингиом туменге притченца. Ачол сахати, като нанай вече те хоратинав туменге притченца, а ясно ка известинав туменге е Отцаске.²⁶Колке диесесте ка манген анде Мере алавесте; тай нана пенав туменге, кай Ме ка мангав таро Отца туменге; ²⁷соскето коркоро о Отец дехел тумен, понеже туме възлюбингиен Ман тай повервингиен, кай Ме таро Отца иклилом. ²⁸Иклилом таро Отца тай алом ко светос; тай пак напуснинав о светос тай жав ко Отца.²⁹Пенен Лескере ученикия: Аке, акана ясно хоратинес тай нисави притча нана пенес. ³⁰Акана синям увериме, кай Ту всичко жанес, тай нанай нужда те пучел Тут декой, за те отговоринес леске. Далкесте верувинас, кай иклилан таро Дел. ³¹О Исус отговорингяс ленге: Акана ли верувинен?³²Аке, ачол сахати, даже ало да, те разпръснинен тумен секой перенде, тай Ман те мукен коркоро; обаче нана синиом коркоро, соскето о Отец си Манца. ³³Давка пенгиом туменге, за те овел тумен анде Манде мири. Андо светос иси тумен скръб; но дерзайнен: Ме победингиом о светос.

¹Давка като хоратингяс о Исус, ваздингяс Пе яка карик о небес тай пенгяс: Отче, ачило о сахати; прославине Те Чес, за те прославинел Тут о Чаво, ²сарто динян Лес власт упрал и всеко плът те дел вечно животос саворен, колен динян Лес.³А давка си вечно животос, те пенджарен Тут, о Единно Истинно Дел, тай Исуса Христа, Колес бичалгян. ⁴Ме прославингиом Тут ки пув, като свършингиом о делос, ковато Ту динян Ман те керав. ⁵Тай акана прославине Ман, Отче, ан Туте е славаса, която синеман ан Туте англал о създание е светоскоро.⁶Изявингиом То алав е манушенге, колато динян Ман таро светос. Он сине Тере, тай Ту динян лен Манге, тай он опазинде Торо слово. ⁷Акана жанен, кай всичко, со динян Ман, си Тутар; ⁸соскето о думес, колато динян Ман Ту, ме прединиом лен ленге, тай он приеминде лен; тай наистина жанен, кай Тутар иклилом, тай верувинен, кай Ту бичалгян Ман.⁹Ме за ленге молинав ман; нана молинав ман е светоске, а за калкенге, колен динян Ман, соскето си Тере. ¹⁰Тай всичко Моро си Торо, Торо Моро тай Ме прославинав Ман анде ленде. ¹¹Нана синиом вече андо светос, а калка си андо светос, тай Ме авав паш Туте, Отче Свято, пазине ан Те алавесте калкен, колен динян Ман, за те овен иек, сарто синям Аме.¹²Жи кай улом ленца, Ме пазинавас анде Тере алавесте калкен, колен динян Ман; опазингиом лен тай нито иек лендар нана погинингяс, освен о предиме* на погибел, за те изпълнинел пес о пишиме. ¹³А акана авав паш Туте; но жи кай синиом още андо светос пенав давка, за те овел лен Мери лошали перди анде ленде. ¹⁴Ме прединиом ленге Торо словос; тай о светос намразингяс лен, соскето он нанай таро светос, сарто Меда на синиом лестар.¹⁵Нана молинав Ман те лес лен таро светос, но те пазинес лен таро лукавия. ¹⁶Он нанай таро светос, сарто Меда нана синиом таро светос. ¹⁷Осветине лен чрез и истина; Торо словос си истина.¹⁸Сарто Ту бичалгян Ман андо светос, чука Меда бичалгиом лен андо светос; ¹⁹тай ашал ленге Ме освещинав Ман, за те овен онда осветиме чрез и истина.²⁰Тай ма само ленге молинав ман, но за колкенгеда, колато ка повервиненас анде Манде чрез о учение ленгоро, ²¹те овен саворе иек; сарто Ту, Отче, синян анде Манде, тай Ме анде Туте, чука он да те овен анде Аменде, за те повервинел о светос, кай Ту бичалгян Ман.²²Тай и слава, която Ту динян Ман, Ме диниом ла ленге; за те овен иек, сарто Амеда синям иек; ²³Ме анде ленде тай Ту анде Манде, за те овен съвършена андо единство; за те пенджарел о светос, кай Ту бичалгян Ман тай възлщбингян лен, сарто възлюбингян Манда.²⁴Отче, мангав кате синиом Ме, те овен Манца калкада, колен динян Ман, за те дикен Мери слава, която динян Ман; соскето възлюбингян Ман англал о създание е светоскоро.²⁵Отче праведно, о светос нана пенджаргяс Тут, но Ме пенджаргиом Тут; тай калкада пенджарде, кай Ту бичалгян Ман. ²⁶Тай явингиом ленге Торо алав, тай ка явинав, тай и любов, коласа възлюбингян Ман, те овел анде ленде, тай Ме анде ленде.

¹Като хоратингяс давка, о Исус иклило Пе ученикиенца отвъд о потоки Кедрон, кате сине градина, анде колате дине Ов тай Лескере ученикия. ²А о Юдас, ковато пределас Лес, жанелас давка тан; соскето о Исус често киделас пес оте Пе ученикиенца. ³Тай чука, о Юдас, като лилас иек дружина войникия тай служител таро главна свещеникя, тай фарисея, ало оте фенериенца, факленца тай оръжия.⁴А о Исус, като жанелас всичко, ковато ка сполетинелас Лес, иклило тай пенгяс ленге: Кас роден? ⁵Отговоринде Леске: Е Исусес о Назаряни. О Исус пенгяс ленге: Ме синиом. Ленца бешелас о Юдас да, ковато пределас Лес.⁶Тай като пенгяс ленге: Ме синиом, он цидисале напапале тай пеле ки пув. ⁷Пак пучлас лен: Кас роден? А он пенде: Е Исусес о Назаряни.⁸О Исус отговорингяс: Пенгиом туменге, кай синиом Ме; тай чука, ако роден Ман, мукен калкен те жанпеске; ⁹( за те изпълнингиол и дума, пенди Лестар: Калкендар, колато динян Ман, нана нашалгиом ни иекес).¹⁰А о Симон Петър, като сине лес чури, измъкнингяс лес, чалагяс е слугас е първосвещеникиескерес тай чингяс лескоро десно кан; а о алав е слугаскоро сине Малх. ¹¹Тогава о Исус пенгяс е Петреске: Тов и чури анди ножница. И чаша, която диняс Ман о Отец, тена ли пияв ла?¹²Тай чука, и дружина, о хилядники тай о юдейска служителя долде е Исусес тай панле Лес. ¹³Тай ингалде Лес първо ко Анна; соскето ов сине о састро е Каиафиескоро, ковато сине първосвещеники презал калке брешесте. ¹⁴А о Каиафа сине ковка, ковато съветвинелас е юдеиен, кай си по-лачес иек мануш те загининел е люденге.¹⁵Тай палал о Исус пиренас о Симон Петър тай иек авер ученики; тай давка ученики, като сине познато е първосвещеникиеске, диняс е Исусеса андо дворос е първосвещеникиеске. ¹⁶А о Петър бешелас наври жи ко вудар; тай чука, окова ученики, ковато сине познато е първосвещеникиеске, иклило, тай пенгяс е вратаркаке тай денгяргяс е Петрес.¹⁷Тай и слугинка вратарка пенгяс е Петреске: Туда ли синян таро ученикия Калке манушескере? Ов пенел: Нана синиом. ¹⁸А о слуги тай о служителя наклалинде о жарави, соскето сине шил, тай бешенас, тай такяренас пес; а о Петрес да бешелас ленца тай такярелас пес.¹⁹А о първосвещеники пучляс е Исусес Лескере ученикиенге тай Лескере учениеске. ²⁰О Исус отговорингяс леске: Ме хоратингиом явно е светоске, винаги поучингиом ко синагогес тай андо храми, кате саворе юдея киден пес, тай нищо нана хоратингиом скришно. ²¹Соске пучес Ман? Пуч колкен, колато шуненас Ман, со хоратингиом ленге; аке, он жанен со пенавас.²²Като пенгяс давка, иек таро служителя, ковато бешелас паше, чалагяс шамари е Исусес тай пенгяс: Чука ли отговоринес е първосвещеникиеске? ²³О Исус отговорингяс леске: Ако хоратингиом варесо канилипе, покажине о канилипе; но ако лачо - соске марес Ман? ²⁴Тай о Анна бичалгяс Лес вържиме ко първосвещеники Каиафа.²⁵А о Симон Петър бешелас тай такярелас пес; тай пенде леске: Нана синян ли туда Лескере ученикиендар? Ов отречингяс, тай пенгяс: Нана синиом. ²⁶Иек таро слуги е първосвещеникиеске, сродники колкеске, кате о Петрес чингяс лескоро кан, пенгяс: Нали диклом тут ме анди градина Леса? ²⁷Тай о Петрес пак отречисало; тай ко сахати загилябингяс башно.²⁸Тогава ингалде е Исусес таро Каиафа анди претория; а сине рано. Но коркоре он нана дине анди претория, за тена осквернинен пес, тай те ащи хан и пасха. ²⁹Тогава о Пилат иклило паш ленде тай пенгяс: Состе обвининен Калке Манушес? ³⁰В отговор пенде леске: Ако нана сине Ов злодеицос, нанаяс те предас Лес туте.³¹А о Пилат пенгяс ленге: Лен Лес туме тай съдинен Лес според тумаре закониесте. О юдея пенде леске: Аменге нанай позволиме те умъртвинас никас ³²( за те изпулнингиол о словос , ковато пенгяс о Исус, като делас те ахалол пес саве мерибнастар ка мерелас).³³Тай чука, о Пилат пак диняс анди претория, викингяс е Исусес тай пенгяс Леске: Ту о Юдейско Тагар ли синян? ³⁴О Исус отговорингяс: Тутар ли пенес давка, или авер хоратинде туке за Манге? ³⁵О Пилат отговорингяс: Кай ме юдеи ли синиом? Торо народос тай о главна свещеникя предине Тут манде. Со кергян?³⁶О Исус отговорингяс: Моро тагарипе нанай калке светостар; ако сине Мо тагарипе калке светостар, Ме служителя ка бориненас пес тена овав предиме ко юдея. А акана Мо тагарипе нанай атар. ³⁷Далкеске о Пилат пенгяс Леске: Тогава Ту тагар ли синян? О Исус отговорингяс: Ту право пенес, соскето Ме синиом тагар. Ме далкеске бияндилом тай далкеске алом андо светос, те свидетелствинав е истинаке. Всекой, който си тари истина, шунел Моро гласос.³⁸О Пилат пенгяс Леске: Со си истина? Тай като пенгяс давка, пак иклило ко юдея тай пенгяс ленге: Ме нана аракав нисави вина анде Лесте. ³⁹А туменде иси обичай те мукав туменге по иекес ки Пасха; манген ли те мукав туменге о Юдейско тагар? ⁴⁰Тогава он пак запищинде: Ма Калкес, а Варава. А о Варава сине разбойники.

¹Тогава о Пилат лилас е Исусес тай маргяс Лес. ²Тай о войникия кувде венеци таро трънес, товде лес ко шеро Леске так като урявде Лес мораво шехи, ³приближисале жи Лесте тай пененас: Здравей, Тагара Юдейско! Тай чалавенас Лес шамаря.⁴Тогава о Пилат пак иклило наври тай пенгяс ленге: Аке, икалав Лес туменге наври, за те пенджарен, кай нана аракав нисави вина анде Лесте. ⁵Тай чука, о Исус иклило наври, пиравелас о трънено венеци тай о мораво шехи. О Пилат пенгяс ленге: Аке о Мануш! ⁶А като дикле Лес о главна свещеникя тай о служителя, пищинде: Разпнине Лес, разпнине Лес! О Пилат пенгяс ленге: Лен Лес туме тай разпнинен Лес; соскето ме нана аракав вина анде Лесте.⁷О юдея отговоринде леске: Амен иси амен закони тай по далке закониесте Ов требе те мерел, соскето кергяс Пес Божие Чаво. ⁸А о Пилат, като шунгяс дайка дума, още по бут даранило. ⁹Тай пак диняс анди претория, тай пенгяс е Исусеске: Ту катар синян? А о Исус нана диняс лес отговори.¹⁰Далкеске о Пилат пенгяс Леске: Манге ли нана хоратинес? Нана жанес ли, кай иси ман власт те мукав Тут тай иси ман власт те разпнинав Тут? ¹¹О Исус отговорингяс леске: Тут нанай те овел нисави власт упрал Манде, ако нанай туке дадено упрал; далкеске по-бари безех иси колкес, ковато прединяс Ман туте.¹²Ашал далкеске о Пилат роделас начини те мукел Лес; о юдея обаче пищиненас, тай пененас: Ако мукес Калкес, нана синян кесарово амал; всекой, който керел пес тагар, си противники е кесариеске. ¹³А о Пилат, като шунгяс далка думес, икалгяс е Исусес наври тай бешло ко съдийско столос, ко тан, наречиме Камменно настлание. А по еврейски - Гавата.¹⁴О диес сине на приготовление е Пасхаке, около шов о сахати; тай ов пенгяс е юдеиенге: Аке тумаро Тагар! ¹⁵А он пищинде: Махнине Лес, махнин, разпнине Лес! О Пилат пенгяс ленге: Тумаре Тагарес ли те разпнинав? О главна свещеникя отговоринде: Нанай амен авер тагар освен о кесари. ¹⁶Тай тогава ов прединяс Лес ленге те разпнинен Лес.¹⁷Тай чука, лиле е Исусес; тай Ов, коркоро като пиравелас По кръстос, иклило; тай ало ко тан, наречиме Лобно, ковато по еврейски пенел пес Голгота, ¹⁸кате разпнинде Лес, тай Леса авер дуи, иекатар тай околе ригатар, а о Исус ко машкар.¹⁹А о Пилат пишингяс надписи, ковато товгяс упрал Лесте ко кръстос. А о пишиме сине: Исус Назарянин, о Юдейско Тагар. ²⁰Давка надписи четинде мнозина таро юдея, соскето о тан, кате разпнинде е Исусес, сине паше жи ко градос, тай о пишиме сине по еврейски, по латински тай по гръцки.²¹А о юдеиска главна свещеникя пенде на Пилат: Ма пишине: о Юдейско Тагар, а - Самозваният Юдейско Тагар. ²²О Пилат отговорингяс: Со пишингиом, пишингиом.²³А о войникя, като разпнинде е Исусес, лиле Лескере шехя тай разделинде лен штаре деловиенде, всеконе войникиес по иек дяли; лиле о гат да. А о гат нана сине сивдо, а изтъкиме от упрал жи теле; ²⁴тогава он пенде машкар песте: Тена раздеринас ла, а те чивас жребий за леске, каскоро те овел; за те изпълнинел пес о Писание, ковато пенел: " Разделинде песке Ме шехя, тай Ме облеклоске чивте жребий. Тай чука, о войникия керде давка.²⁵А ко кръстос е Исусеске бешенас Лескири дай тай Лескере даякири пен, и Мария Клеопова тай и Мария Магдалина. ²⁶А о Исус, като диклас пе дая тай е ученикиес, колес дехелас, ковато бешелас паше, пенгяс Пе даяке: Ромние, аке то чо! ²⁷После пенгяс е ученикиеске: Аке ти дай! Тай колке сахакиестар о ученики прибирингяс ла пе кересте.²⁸Палал далкесте о Исус, като жанелас, кай всичко вече си свършиме, за те сбъднинел пес о Писание, пенгяс: Жадно синиом. ²⁹А като сине товдо оте съдос, пердо шутеса, товде ки исопово тръстика иек гъба, топиме ко шут, тай поднесинде ла ко муи Леске. ³⁰Тай о Исус, като приемингяс о шут, пенгяс: Свършингяс пес; тай бангяргяс шеро, тай прединяс духос.³¹Тай понеже сине о Приготвително диес, за тена ачон о теловя ко кръстос в събота (соскето койка събота сине баро диес), о юдея помолинде е Пилатиес те марен пес о пищяла тай те вазден лен отар. ³²Далкеске але о войникя тай марде о пищяла иекескере, тай околескере, колато сине разпната е Исусеса. ³³Но като але ко Исус тай дикле Лес вече муло, нана марде Лескере пищяла.³⁴Обаче иек таро войникя хевлягряс копиеса Лескере ребра; тай веднага затавдингяс рат тай пани. ³⁵Тай кавка, ковато диклас, свидетелствувинел далкеске, тай лескоро свидетелство си верно; тай ов жанел, кай хоратинел и истина, за те повервинен тумеда.³⁶Соскето давка ачило, за те изпълнинел пес о пишиме: " Кокали Лескоро нанай те пагиол"; ³⁷тай пак авере танесте о Писание пенел: " Ка дикен Лесте, Колес хевлярде".³⁸Палал далкесте о Йосиф тари Ариматея, ковато сине Исусово ученики, но тайно, ашал и дар таро юдея, помолингяс е Пилатиес те позволинел леске те лел е Исусескоро телос; тай о Пилат позволингяс. Тай ов ало тай ваздингяс Лескоро телос. ³⁹Ало о Никодим да, ковато алосас по-рано паш Лесте ират, тай ангяс около шел литра смес тари смирна тай алой.⁴⁰Тай чука, лиле е Исусескоро телос тай пакярде Лес анди плащаница е ароматиенца според о юдейско обичай паромнасте. ⁴¹А ко тан, кате сине разпниме, исине градина, тай анди градина нево мимори, анде колесте още никой нана сине положиме. ⁴²Оте положинде е Исусес ашал о юдейско Приготвително диес; соскето о мимори сине паше.

¹Ко първо диес е куркеске и Мария Магдалина али ко мимори андиавин, жи кай сине още тъмно, тай диклас, кай о бар си ваздиме таро мимори. ²Далкеске прастанили тай али ко Симон Петър тай околе ученикиесте, колес дехелас о Исус, тай пенгяс ленге: Ваздинде е Девлес таро мимори тай нана жанас кате положинде Лес.³Тай чука, о Петрес тай окова ученики иклиле тай геле карик о мимори; ⁴О дуида прастанас заедно, но окова ученики изпреварингяс е Петрес тай ресло първо ко мимори. ⁵Тай като надникнингяс, диклас о плащаницес товде, но нана диняс андре.⁶Палал лесте ало о Симон Петър тай диняс андо мимори; диклас о плащаницес товде, ⁷а и кърпа, която сине Лескере шересте, насине товди е плащаниценца, а свииме отделноне танесте.⁸Тогава диняс окова ученики, ковато първо ресло ко мимори; тай диклас, тай повервингяс. ⁹Соскето още нана ахалилесас о Писание, кай Ов требваше те възкреснинел таро муле. ¹⁰Тай чука, о ученикия ирисале пак пуменде.¹¹А и Мария бешелас жи ко мимори аври тай ровелас; тай чука, като ровелас, надникнингяс андо мимори, ¹²тай диклас дуие ангелен парне шехиенде, бешле оте, кате пашлолас е Исусескоро телос, иек карик о шеро тай иек карик о пире. ¹³Тай он пенен лаке: Ромние, соске ровес? Пенел ленге: Соскето ваздинде мере Девлес тай нана жанав кате положинде Лес.¹⁴Като пенгяс давка, ой ирисали напапале тай диклас е Исусес, кай бешел, но нана пенджаргяс, кай сине о Исус. ¹⁵Пенел лаке о Исус: Ромние, соске ровес? Кас родес? Ой, като мислинелас, кай си о градинари, пенел Леске: Господине, ако ту изнесингян Лес, пен манге кате положингян Лес, тай ме ка ваздав Лес.¹⁶Пенел лаке о Исус: Марийо! Ой ирисали тай пенгяс Леске на еврейски: Равуни! Ковато значинел: Учителю! ¹⁷Пенел лаке о Исус: Ма допирине тут жи Манде, соскето още нана възнесисалом ко Отца; но жа Ме праленде тай пен ленге: Възнесинаман Мере Отециесте тай тумаро Отеци, Мере Девлесте тай тумаро Дел. ¹⁸И Мария Магдалина али тай известингяс е ученикиенге, кай диклас е Девлес тай кай Ов пенгяс лаке давка.¹⁹А ки ират ко също диес, о първо е куркескоро, като о вудар е стаякоро, кате сине о ученикия, сине заключиме, ашал и дар таро юдея, о Исус ало, зачило ко машкар, тай пенгяс ленге: Мир вам! ²⁰Тай като пенгяс давка, покажингяс ленге Пе васта тай Пе ребра.Тай лошанде о ученикия, като дикле е Девлес.²¹Тай о Исус пак пенгяс ленге: Мир вам! Сарто о Отец бичалгяс Ман, чука Меда бичалав тумен. ²²Тай като пенгяс давка, пудингяс упрал ленде тай пенгяс ленге: Приеминен о Свято Духос. ²³Каске простинен о безеха, простиме си ленге, коленге задържинен, задържиме си.²⁴А о Тома, иек таро дешудуи, наречиме Близнак, нана сине ленца, като ало о Исус. ²⁵Далкеске окола ученикия пенде леске: Диклам е Девлес. А ов пенгяс ленге: Ако нана дикав ко васта Леске о ранес таро гвоздея тай нана товав мо най ко ранес таро гвоздея, тай нана товав мо вас ко ребра Леске, нанай те верувинав.²⁶Тай палал о охто диес Лескере ученикия пак сине андре, тай о Тома ленца. А о Исус ало, като сине заключиме о вудар, зачило машкар ленде тай пенгяс: Мир вам! ²⁷Тогава пенгяс е Томаске: Де то най ате тай дик Ме васта, тай де то вас тай тов лес Ме ребросте; тай ма ов невярващо, а вярващо.²⁸О Тома в отговор пенгяс Леске: Господ моро тай Дел моро! ²⁹О Исус пенгяс леске: Понеже диклан Ман (Тома), ту повервингян, блажена колка, колато, без те дикен, повервинде.³⁰А о Исус кергяс англал о ученикия още бут авер знамения, колато нанай запишиме калке книгате. ³¹А калка си пишиме, за те повервинен, кай о Исус си о Помазаники,о Божие Чаво, тай като верувинен, те овел тумен животос анде Лескере алавесте.