¹Ng'atutietab Obadiah. Mwoe Kiptaiyat Kamuktoindet ko uu ni agobo Edom;Kegas ng'alek che bunu Kamuktaindet, ak ki kiyokto tonondoindet kwo ole mi bororiosiek, koleji, ong'eetye! ongeng'eetye kegirinde inendet eng' luget. ²Geero, tun aminginin eng' bororiosiek ; tun kesasin mising'.³Ki koberberin menotetab muguleldang'gung' ee, inye ne imenyeole kibetak eng' rwandet ne mwoe eng' mugulemdanyi kole ''Ng'o ne imutwo ng'weny?." ⁴Mbo ngitiriren iwe barak miising' ko u kipsiichit, mbo ngiteech kesweng'ung' eng' ole mi kokelik, arorokun eng' oloto, mwoe Kamuktaindet ne toror ⁵Ngot kobkjin chorik , ngot kobkjin rebiik kemoi kebarin ne tia anyun! Tos machoorse konyor che yame? Ngot kobokjin biko che bute sabibuk, ko tos ma bagaaktoi turenik?. ⁶Kishaktoi ano tugukab Esau! kicheengtoi ano konoraikyi che ung'otin!.⁷Murenik tugul che ki onamegei ko oonin agoi kiwato. Murenik che ki oting'ege kalyet ko kenin ak kosiirin inye. Icheget che ame makatiang'ung' kondenin mesteet. Mami kaguiyetabge eng' inendet. ⁸Eng' betunoto, mwoe Kamuktoindet ne toror "Ang'eme biko che utaatin che bo Edom , ak ang'em naet eng' tulweetab Esau ? ⁹Ak toptobensot murenik che nyigoonen, ee Teman, si kobiit kebar chii age tugul eng' tulwetab Esau eng' barisiet.¹⁰Tichin tewernatet amu koromnateet ne ki iyachi tupcheng'ung' Jacobo, ak kebarin ak keistin kogeny. ¹¹Eng' betut ne kiitononi eng' pitonin eng' betut ne kiribe toek tukguukyi ak kochut kipsagarek ormarichokyi, ak kosach barbarek agobo Jerusalem, ko kiokarge ak agenge eng' icheket.¹²Ago matigeer betutab wering'ung' eng' betutab ng'emisienyi, amu baibaitu eng' bikab Juda, eng' betutab ng'emisieng'wai; nda ing'alaal eng' menotet eng' betutab pichiindo. ¹³Amechut ormarichitab biikyu eng' betutab nyalildangwai; Amogeer usisieng'wai eng' betutab nyalildang'wai, nda onam tuguukwai eng' betutab nyalildang'wai. ¹⁴Ametonone ole tuyechini ortinwek ile si itilde bikyi che chililsot; Amekoite bikyi che ng'etu eng' betutab bichiindo.¹⁵Amu kariikyi betutab Kamuktaindet ne Toror , bororiosiek tugul ko u kiyai keyaun ko u noto; weekyinigei meting'nug' boisieniguk. ¹⁶Amu ko u ye ki oeise eng' tulwenyutugul ne tilil, eise ko u noto kotugul bororiosiek. Eise ak ko lugui kokerkeitge ak tuguuk che ki maa komii.¹⁷Ago bitu che chilisot eng' tulwetab Zion, ak ko tililit, ak konam gotab Jakobo tuguukab bichoto kobunji. ¹⁸Ak koek gotaab Jakobo maat, ak koek gotab Josep liplipenet, ak koek gotaab Esau mobek, ak kolalyo eng' gotaab Esau amu kagomwa kamugtaindet ne Toror ng'olyondonito"¹⁹Biko tukul che bunu Negabu konamu tulwetab Esau ak choto che bo Shephela konamu koretab Pilisstic. ak konam emetab Ephiraim, ak emetab Samaria, ak konam emetab Benjamin ak emetab Gilead kobunji.²⁰Luulenik che bo lugonito bo Israel ko amu emetab Kanaan kot koit Sarepat.Ak luulenikab Jerusalem che mi Sarepat, ko koname nganasok che mi Negabu. ²¹Bendi Sanunik agoi barakutab Zion komonkyi tulwetab Esau, ak kobunji baunatet Kamuktoindet ne Toror.

¹Maonatet ne kigeer maotyot Habakuk. ²"Ee Jehovah, aguursei agoi auyo, ak megase? arirjinin aleen, "Chemarget" ago mesoru.³Amu nee si iborwo yaityo ak igonoo ageer tugun che yaachen? Mi tainnyu ng'emisiet ak chemarget; mito boryet ak kong'etei suryeet. ⁴Amu noto anyun kochoriren ng'atutyet , ama ko tononi imanda eng kirwoget ne kirwochi. Amu imuti kiptengekinik che bo iman, noto anyun kimaasi kirwoget.⁵"Ogeer kira bororiosiek che ma iyani, ak obwaat ak okwong'ye mising! Amu awendi ayae kiy eng betusiekwok, ne moyani mbo nda kimwaiwok. ⁶Amu ogeero! Ang'eeti Kaldeik -bororyet ne korom ama rare kiy-choto tile kwenutap emet ak koib meng'otosiek chema chekwai. ⁷Kolkolen icheket ak makanye chi; indoitoe icheket kirwokeng'wai ak torornateng'wai.⁸Chepcheben kogeny mbartanyisiekwai kosiir cheplangok, ak ko ngwenen kosir suik che bo koskoleny. Iboortogei bikwai che ikwerye mbartanyisiek ak ko bunu ole loo- tirirendos ko u kipsichit ne choktoi kowendi koamisyei. ⁹Pwonii tugul agobo chemarget; chang'indang'wai kobendi ko uu koristab ong'atet, ak ak koruruchi lulenik ko uu ng'aniek.¹⁰Ee, chotei laitorinik, ak kororichini bounik eng' inendet: rorichini irimet age tugul; amu iyumi temburyek , ak koip. ¹¹Iwiktogei ko uu usonet , ak kosiito , ak konam ng'ogisto; inendet ne kamuktaindennyi kimnatenyi.¹²"Tos me boe koigeny, inyee, ee Jehovah Kamuktaindennyu,inendet ne Tilil ne nennyu? Makimeisotii. Ee Jehovah, ki kichopchi inendet kirwoget; ak ee inyee rwandet , ki igimiti ineendet si kobiit kitigon.¹³Inyene itinye konyek che tililen kot ko mechame igeer yaityet, amechame igeer kamaset , amu nee anyun si igere che yaei kaberberisiet , ak isise ye igere kiptengekyot kolugui chito ne bo iman kosiir inendet? ¹⁴Ak igochini biko kogergeit ak njirenikap araraita,kogergeit ak tuguuk che ichutegei , che matinye bounindet?¹⁵Name icheket tugul kateet ne uu kombet, name icheket regereywondennyi ne kiname njirenik, ak koyumji regereiywondennyi ne oo: baibaitu anyun ak kogasgei. ¹⁶Engjini anyun regereiywondennyi ne kiname njirenik, ak kobeeji nyandutik regereiwondennyi ne oo; amu nyorunee choto tugukyi che bo talbisto, ak amitwpgikyi che chaang'. ¹⁷Tos tumdoi anyun tuguuk che mi regereiwondennyi, ama bagaktoi inendet kobar bororyosyek kotugul?

¹Atonone oldanyu ole aripsee, ak atebee baragutab teekset ne koi, ak atobende si ageer kiito ne mwaiwo inendet ak kito ne awoljini agobo rirekyu.²Ak ki wolwo Jehovah, kolejo, " sir ng'ang'utyet ak iyai kotook eng tuguuk che kisirei ,si kobiit komuuch kolabate chito ne somani. ³Amu bo ng'ang'utyet betusyek che ki king'at, ak kochoktoi kotokyinigei kagesunet,ama mwaei lembech. Agot ngo engei, igany inyee; amu nyonii iman, ma ienegei.⁴Ogeer, kagomen muguleldannyi, malitit inendet, ago sobei ne bo imanda eng kayanennyi. ⁵Ee, kenindet divaik, ak ko chito ne ichaugei ne matebee kaa; ne ibaroi magennyi ko uu ye mi che ki kobek ak uu meet inendet ak ma piyonyi, ago iyumjigei bororyosyek tugul, ak kobasyigei biko tugul.⁶Tos ma mwaei bichuto tugul karagutyet agobo chichito, ak komwaei kalewenet ne sasisyei agobo inendet ak komwaei kole, bwo! Inendet ne tesyinigee che ma chechii! Tyanitu? Ak Bwo! Ineendet ne ipchinigei tuguk che kiname besendo?' ⁷Tos mang'eetos eng chokyinet icheget che susin , akkogos che iimin, ak iegu barunaikwai? ⁸Amu ki iluul bororyosiek che chaang', iluulin aginye biko tugul che ng'etunotin; amu korotikap biko, ak amu koromnateet ne ki kiyachi emet, ak nganaset ak biko tugul che menyei oloto.⁹'Bwo inendet ne tachei kelunet ne ya agobo konyi , si kobiit koteech keswennyi eng ole toroor, si kobiit kesor eng eutap yaityet'. ¹⁰Ki ichop tewernatet agobo koong'ung', ye kingi bar che chaang', akiyachi tengekto sobondang'ung'. ¹¹Amu tuun waachei koita eng inaatut, ak kowol bambaniat eng ketiik.¹²Bwo! Ineendet ne tegee nganaset korotiik, ak kogimite nganaset tengekto.' ¹³Ogeero, tos ma punu Jehovah ne bo lugosyek kole boiyechini biko tuguk che bekyini maat ak koiimegei bororyosiek ne bo buch? ¹⁴Amu nyiei ng'weny naetab toroornatetab Jehovah , ko uu yo nyiei beko araraita.¹⁵'Bwo eng inendet ne igochini chitap kokwennyi maiyek , inyee ne itesyini ng'woneng'ung' , ak igochini kogeny kobogit, si kobiit igeer icheket komi aach ingor.' ¹⁶Kanyiin tewernatet ne kata torornatet: ee aginye, si ikergeutuge ne ma kimuratan: kiwekyinin kikombetab eutab tai nebo Jehovah, ak kotbe tewernateet ne samis torornateng'ung'.¹⁷Amu tuchin koromnatet ne ki kiyachi Lebanon , koboto Barisyetab tyong'ik, ne ki igochi icheget koiyweis; amu korotigab biko, ak koromnateet ne kiyachi emet, koboto nganaset ak biko tugul che menyei oloto.¹⁸Tilei nee kanamwt ne ki kiwai,kot koyai muswogindet;ak tilei nee kanamwet ne kitanyi, ak kanetindetab lembechek, kot koomang' kitong'indet ne yaei, kot kotany kanamonik che ma twegu? ¹⁹Bwo inendet ne leejini ketit, "Kosu!" Ak ne leejini koita ne ma twegu, "Ngeet!" Tos ineetisyei nito ? Ogeero, ki kiligee thahabu ak fedha, ama tinyei kambuset eng' kwenunyi agot ngatigin. ²⁰Ago mi Jehovah hekalunnyi; ingosiis ng'weny komugul eng tainnyi.

¹Saaet ne ki sa maotyot Habakuk , kouu eng Shigionoth. ²Ee Jehovah, ki agas ng'aleguk , aiyweisyei: Ee Jehovah, ing'eet boisyeng'ung' eng kasaritanyo; Yai kotook eng kasarinyo; i eng naan rirenet eng neregeguk.³Kinyo Kamuktaindet eng Teman, ki nyo ineendet ne Tilil eng tulwetab Paran. Kituch torornatennyi kipsengwet, ak ki nyi ngw'eny kalosunennyi.⁴Ki uu kakweng'ennyi lapkeiyet ; kimong'une eunnyi lapkeiyet ne uu ne bo keelyegap asista : Ak kimito yoto ole kiung'e kamuktaennyi. ⁵Ki indoe inendet koroito , Ak ki mang'une keelyekyi kalyeleet ne uu maat.⁶Ki tonon ak kokwa ng'weny; ki keer ak kotumdum bororyosyek. Ak ki seriet mbo tulondook che bo koigeny; ki ing'urukyo tulondook chebo koigeny. Orenyi ko bo koigeny.⁷Ki ageer emaisyegap Kushan komi nyalilda: kibotanso tuguuk che kioiye emet che bo Midian. ⁸Tos ki nereekyi Jehovah ainoosyek? Tos ki nyo nereeknateng'ung agobo ainosyek, anan agobo araraita, kot ilaany paraisisyeguk, ak ilany karisyeguk che bo luget che bo yetunet?⁹Ki kityaach kwangeng'ung; ki bo iman ngolyotab kayasyosyek ne ki kiyasyechi bororyosiek . Ki ibete emet ainoosyek. ¹⁰Ki iyweis tulondook ye kingogerin; kisiirto usonetap araraita; kitul orititab nyanjet, ak konamji barak enunekyi.¹¹Kitononso asista ak arawet eng meng'ooteng'wai, eng lapkeiyetab kotyeguk kobendi, eng kaluunetab ng'oting'ung ne ilyeli. ¹²Ki ibun emet ineregotii, eng neregek ko ki ityech bororyosyek.¹³Ki imong'u agobo yetunetab bikuk , agobo yetunetab ne ilaat neng'ung' ; ki iguoten kandoindetab kootab kiptengeginik, ing'aanye lumeiywot agoi kaatit.¹⁴Ki toore kiplitokyi kandoindetab biikyiche bo lugeet: kibwa ko uu kipchurki uu kipchurchuryet kole kosera: ki uu boibondangw'ai che amei kibananook eng ung'oot. ¹⁵Kityege inyee araraita parasisyeguk , ak irurugote beko che kimeen .¹⁶Ki agas, ak king'eta moet , ki botan kutinnyu eng cheet noto. Ki nunio kawoikyuak ki abotan eng ole ki ami: Ki agany enyg siisinetabgei agobo beetitab nyalilda, ne nyoonii koityini biko che ki ibookyech.¹⁷Amu ngot koma yiei mogoiwet, anan koma ruryo ketiikap sabibuk; koek buch boiyetab mseituni, ama biitu amitwogik eng mbareenik; Ak kebar akwotisyegap keechirek eng biusiek , ama komi akwotisyegab tuga eng piusiek, ko ayae ni.¹⁸Abaibaitu kora eng Jehovah . Abaibaitu eng Kiptaiyat Kamuktaindetap sarunennyu. ¹⁹Kimnatennyu Jehovah, Kiptaiyandennyu, ak yaei keelyekyu kogergeit ak che bo cheptirgichet. Ak komutataa eng orisiek che tororeen . Koityi ne oo eng butiik che bo kibugandetab inoik.

¹Bukuit nebo oretab Jesio Kristo, weritab Daudi, weritab Abraham. ²Kisich Abraham Isak, ak kisich Isak Jakobo nebo Juda, ak chE tupcho. ³Ak kisich Juda Pares ak Zera eng' Tamar, ak kisich Pares Hesron ak kisich Hesron Ram.⁴Ak kisich Ram Aminadab, ak kisich Aminadab Nason, ak kisich Nason Salomon. ⁵Ak kisich Salomon Boas eng' Rahab, ak kisich Boas Obed eng' Ruth, ak kisich Obed Jesii. ⁶Ak kisich Jesii Laitoriat Daudi. Ak kisich Daudi Solomon eng chepyosetab Uriah.⁷Ak kisich Solomon Reoboam, ak kisich Reoboam Abija, ak kisich Abija Asa. ⁸Ak kisich Asa Jeosapat; ak kisich Jeosabat Joram, ak kisich Joram Usia.⁹Ak kisich Usia Jotam, ak kisich Jotam Ahas, ak kisich Ahas Hesekia. ¹⁰Ak kisich Hesekia Manase, ak kisich Manase Amon, ak kisich Amon Josia. ¹¹Ak kisich Josia Jekonia ak che tupcho eng' betusiek che kiga kimut biko koba Babulon .¹²Ak kingo kagemut koba Babulon, ak kisich Jekoniah Sealtiel, ak kisich Sealtiel Serubabel.¹³Ak kisich Serubabel Abiud;ak kisich Abiud Eliakim; ak kisich Eliakim Asor .¹⁴Ak kisich Asor Sadok, ak kisich Sadok Akim, ak kisich Akim Eliud.¹⁵Eliud ne kikwandab Eleasar, Eleasar ne ki kwanitab Matan, Matan ne kikwanitab Jakobo. ¹⁶Jakobo ne ki kwanitab Josep boiyotab Maria ne kisich Jeiso ni kiguure Kristo. ¹⁷Kiek ebenwek tugul taman ak ang'wan kong'etee Daudi agoi kamutet ne kigimut biko koba Babulon, ak kiek ebenwek taman ak ang'wan, kong'ete ng'emut koba Babulon agoi Kristo.¹⁸Sigetab Jesio Kristo ko kibiit eng oret ne u ni. Kingo kagochamyechi Josep Kotungei ak Maria kametab Jesio, ko kingo tomo kotuiyo, kotook kele managat inendet eng' Tamirmiriet Ne Tilil. ¹⁹Ako kimoche Josep, sandenyi , kole kobagakta eng' ung'ot amu kima cham kotewer inendet eng' taitab biko, amu ki chi ne bo imanda inendet.²⁰Ago kingoto kobwati tuguchuto, komongji inendet malaikaiyatab Kiptaiyat eng' karuotitoet, kole, "Josep weritab Daudi ameiywei imutyigei Maria chepyoseng'ung' amu managat inendet eng' Tamirmiriet Ne Tilil. ²¹Tun sichei inendet werit ne saru bikyii eng' tengekwogikwai".²²Ak kiyoogis tuguchu tugul, si kobiit kosulda ne kiga mwa kiptaiyat eng' maotiot kole, ²³"Keer, anyun manochi bergeiyat ak kosich werit, ak keguure kainennyi Imanueli"---- ne ngeweech ko, "Mito Jehovah kobotech."²⁴Ak king'eet Josep eng' rwondonyi ak koeei ko u ye king'at malaikaiyatab kiptaiyat ak kimutyigei chepyosennyi. ²⁵Ak kima rikyi inendet agoi kosich werit. Ak kiguree kainennyi Jeiso.MatayoKurget 1

¹Ako kingo kagesich Jeiso eng' Betlehem nebo Judea eng' betusiek che kibo laitoriat Herod, keer anyun kipka Jerusalem biko che ng'omen kobunu kongasis koteeboti kole , ²"Mi ano inendet laitoriatab Yahudik ne kagesich? Amu kokigeer kogeliennyi eng' kongasis, ak kagibwa kegutungji inendet." ³AK kingogas noto laitoriat Herod, koimgee, koboto Jerusalem komugul.⁴Kiyum Herod tisiik che eechen tugul ak sirik chebo biko, ak koteebe kole, "Kisigchini ano Kristo?" ⁵Ak kiwolji koleji, "Kisigyini Betlehem nebo Judea, amu kisir maotiot ko u noto kole, ⁶'Ee inye Betlehem, emetab Juda, ma kele itigin mising eng' kandoikab Juda, amu mong'unenen bounindet ne tun egu mestewotab bikyu Israel."'⁷Kigur anyun Herod eng' ung'ot biko che ng'omen, si kogin ak konai kole kitoogu au kogeliet. ⁸Kiyokto koba Betlehem ak kileji, oba ocheng' komie lekwet ne mining. Ng'o kaonyoru inendet obka omwowo si anyo agane akutungji inendet."⁹Ak kingo kagogas ng'alegab laitoriat, koba bandangwai, ak ogeer anyun kiindoji icheket kogeliet ne kiga koroo eng' kong'asis kot koit ak kotonon eng' baragutab ole kimi lekwet ne mining. ¹⁰Ago kingogeer kogeliet noto koboiboitu eng' boiboiyet ne neo mising.¹¹Ak kiba got orit ,ak kigeer lekwet ne mining koboto kamennyi Maria. Ak kibutyi ng'weny ak kogutungji inendet. Kitiach konoraikwai che bo komonutiet ne kindet kogochi inendet, kagochinoikab tahabu, tuguk che nyamdut ak tuguuk che u igomoik. ¹²Kiiteechi Jehovah icheget eng' koruotitoet koleji, amoweekyige ole mi Herod, ak konaam anyun oret age koba emengwai.¹³Ak kingo kagoba icheket, komongji malaikaiyatab Kiptaiyat Josep eng' karuotitoet koleji, "Ngeet, imut lekwet ne mining ak kamennyi, ak omwechi Misiri. Otebee oloto agoi tun amwoun, amu chengei Herod kobar lekwet ne mining." ¹⁴King'eet anyun kembout noto Joseph komut lekwet ne mining ak kamet koba Misiri. ¹⁵Ak kitebee oloto agoi kome Herod. Kisulda anyun nito ng'olyot ne kimwa Kiptaiyat kobun maotiot kole, "Kiaguur werinnyu komong eng' Misiri".¹⁶Kingogeer Herod, anyun kole kiken inendet biko che ng'omen, konerech mising. Ak kiiyokto kebar leguk tugul che ng'etik che ki mi Betlehem ak eng' tabanwekyi tugul kong'etee chebo kenyisiek aeng ak korek ng'weny, kosubge ak kasarta ne kigamwa biko che ngomen.¹⁷Kisulda anyun eng' betunoto ng'olyot ne kigamwa maotiot Jeremia kole, ¹⁸"Kigigas tuget eng' Rama, rirek ak kateiyet ne kindet ko rirjini Rael legukyi, ak kitai kesaisai amu ki ma komi."¹⁹Ak kingo kagome Herod, ogeer anyun komongji malaikaiyatab Kiptaiyat Josep eng' Misiri eng' karuotitoet ak koleji, ²⁰"Ng'et imut lekwet ne mining' koboto kamenyi, oba emetab Israel, amu kogomeiyo icheket che kichenge kobar lekwanoto mining." ²¹King'eet anyun Josep, ak komut lekwet koboto kamet, ak kobwa emetab Israel.²²Ago ye kingogas kole bou Arkelau Judea eng' bounatet ne kibo kwandanyi Herod, koiywei kwo oloto. Ak kingoteechi Jehovah eng karuotitoet kowechigee komostab Galili ²³ak kiwo kotebe ng'anaset ne kiguure Nasaret. Ak kosulda nito ne ki kamwa maotik, kole kiguure inendet Nasaretintet.Kurget 2

¹Ak kinyo eng' betusiechoto Johana kabatisanindet koamdaati eng' surkwenutab Judea kolen, ²" Osigu, amu kagorik bounatetab kipsengwet." ³Amu inendet ne ki kamwa maotiot Isaia kole, "Tugetab inendet ne kursei eng' surkwen, kolen 'Ochob oretab Kiptaiyat, olitit ortinwekchi."⁴Ak kiiloochi Johana sambutab tambesaik, ak kirotegei birirwetab muito eng suwennyi. Ak ki amitwogikyi ko chereng'enyik ak kumiatab kertit. ⁵Ak kimong' bikab Jerusalem ak Judea komugul ak komoswek che legite Jordan koba ole mi inendet. ⁶Ak kibatisan inendet icheket eng' Ainet ne kiguure Jordan, kong'anyei tengekwogikwai.⁷Ago ye kingogeer che chang che bo Parisaik ak Sadukaik kobwanjini kabatisanenyi, koleji icheket," Legochu bo erenok che ng'wonen, ng'o ne keteiywok oyestae nerekek che bwonii?. ⁸Oiiye anyun logoek che nyoljini sigunet. ⁹Ama tobwat eng' kwenung'wong omwoe ole, 'kitinye kwandanyo Abraham.' Amu amwawok ale imuchi Jehova kong'eetyi Abraham leguk eng' koichu.¹⁰Mbo raa ko kigendeno aiywet tikitikab ketik tugul. Ago kitile anyun ketit age tugul ne ma iye logoek che kororon ak kewirji mat. ¹¹Abatisonok iman eng' beko ne bo sigunet. Ago tinyei kimnatet kosiiro inendet ne rubwo, ma nyolunot mbo aipchii kweonikyi. Ibatisonok inendet eng' Tamirmiriet Ne Tilil ak eng mat. ¹²Tinye eng' eunyi keibenyi ak kotilili komie kieng'ut ak koumji nganuk chokennyi. Ak kobelei metetek eng mat ne ma ki muchi kebar."¹³Kinyo anyun Jeiso kobunu Galili, agoi Jordan ole ki mito Johana si kobiit kibatisan. ¹⁴Ago kimachei Johana kotai, kolejini, "Kanyol ibatisana inyendet, ago kechonjo ane?" ¹⁵Ago kiwolji Jeiso koleji, Chamjii raa, amu kanyoljech kesulde imanda tugul." Ko u noto kocham anyun Johana.¹⁶Ak kingo kagebatisan, komong anyun Jesio kolong' eng' beko, ak ogeero, kiyaatagis kipsengwetisiek. Ak kigeer Tamirmirietab Jehovah kowolu ko uu cheptuget ak kotonoon eng barakunyi. ¹⁷Ogeer anyun, kimong' tuget kobun kipsengwet, ne kimwa kole, "Ni ko werinnyu ne achame. Abaibai mising agobo inendet."Kurget 3

¹Kiimut anyun Tamirmiriet Jeiso kwo agoi surkwen si kotiem inendet oindet. ²Ak ye kingo kagorugutgei betusiek artam ak kemousiek artam, koam inendet rubet. ³Ak kinyo tiemindet ak koleji inendet, "Ngot ko ii weritab Jehovah, ing'at koichu koek makatinik." ⁴Ago kiwolji Jeiso kole, "Sirat kole, 'masobei chito eng' makatiat inege, ago eng' ng'olyot age tugul ne mong'une kutitab Jehovah."'⁵Yeityo komut Chesawilyet inendet kwo nganaset ne tilil ak komut kolany ole toror mising nebo kotab hekalut, ⁶ak koleji inendet, "Ngot ko ii weritab Jehovah, iwirjigei ng'weny, amu sirat kole, "Ng'ate inendet malaikaisiekyi asi koribin inye,' Ak ko kalapten eng' eunekwai, si matui koita keldang'ung."'⁷Kileji Jeiso inendet, "Sirat kogeny kole, 'Metiem Kiptaiyat Jehovah neng'ung."' ⁸Kogeny, ko kiimut Chesawilyet inendet kwo tulwet ne kooi mising ak koborchi bororosiek tugul che bo ng'weny koboto torornateng'wai. ⁹Ak koleji, inendet, "Agonin tuguchu tugul, ngot ibutyi ng'weny ak ikutungcho."¹⁰Kileji Jeiso anyun inendet, "Ui eng yu Chesawilyeni ! Amu sirat kole, "Kutungji Kiptaiyat Jehovah neng'ung, ak iboisiechi inendet inegei." ¹¹Ak kibagakta Cheswilyet inendet anyun, ogeero, kibwa malaikaisiek ak koboisiechi inendet.¹²AK ko kingogas Jeiso kole ki kerat Johana kwo inendet Galili. ¹³Ak kibagach Nasaret ak kwo kotebe Kapernaum, ne mi tabandab araraita eng' emetab che bo Sebulun Naptali.¹⁴Si kosulda ne kiga mwa maotiot Isia kole, ¹⁵"Emetab Sebulun ak emetab Naptali, emet ne legite araraita, Jordan bitonin, Galili ne bo bororiosiek! ¹⁶Biko che kitebee tuindo ko kakogeer lapkeiyet ne o, ak che mito ngnaset ak che kitebsot eng' koreet nebo urwetab meet, ko kichoorchigei lapkeiyet."¹⁷Kong'ete yoto kotoi Jeiso koamda ak kole, "Osigu, amu kagorik bounatetab kipseng'wet."¹⁸Ak ngo wendote tabandab araraita ne bo Galili, kogeer biko aeng che tupcho, Simion ne kiguure Petero ak Andrea wering'wai, kowirjinoti regereiywot (borowonik) ne kinome njirenik eng araraita, amu ki ramikab njirenik. ¹⁹Ak koleji, "Obwa, orubwa anee si ayaak oegu ramikab biko." ²⁰Ak kibagakta ngunoto regereiywekwai ak korub inendet.²¹Ak kingoto kowendi eng' oloto, koroo biko aeng che tupcho Jakobo weriab Sebedi, ak Johana wering'wai. Kimito moingetab beko koboto Sebedi kwandangwai, konabe regereiywekkwai. Ak kiguur icheket, ²²ak kibagakta eng' sainoto moinget ak kwandngwai ak korub inendet.²³Ak kiwendot Jeiso eng' Galili komugul, konetisioti eng' sinagogisiekwai, ak koamdaati logoiywek che tililen che bo bounated, ak kosoobi che tinye korotwek alak tugul ak mianwek alak tugul eng' kwenutab biko. ²⁴Ak kimanda ngalek agobo inendet eng' Syria komugul, ak kigimutyi inendet biko tugul che miandos che kinam korotwek ak ng'woninwek che terotin, ak che kitinye oik, ak che kitanuitos, ak che ki meiyotin borwek, ak kisoob icheket tugul. ²⁵Ak kirub inendet tuiyosiek che eechen che kibunu Galili, ak Dekapoli, ak Jerusalem ak Judea ak bitetabJordan.Kurget 4

¹Kingogeer Jeiso tuiyosiek, kolany tulwet barak. Ak kingo kagotebi ng'weny kobwonji alamalyenyi ole mi inendet. ²Ak kiyat kutinyi ak konet icheket koleji, ³"Boiboen che bononsot eng' tamirmiriet amu neng'wai bounatetab kipsengwet. ⁴Boiboen che iteitos amu tun kigoigoi.⁵Boiboen che talaen; amu tun bunjini ng'weny. ⁶Boiboen icheket che ame rubet ak melelda agobo imanda, amu tun ko biyongdos. ⁷Boiboen che tinye rirgei, amu tun nyoru icheket rirenet. ⁸Boiboen che tililen eng mugulelwek, amu tun keerei Jehovah.⁹Boiboen che yaei kalyet, amu kiguure werikab Jehovah. ¹⁰Boiboen che keusausi agobo imanda, amu neng'wai bounatetab kipsengwet.¹¹"Oboiboitu ye churok biko ak ye usausok ak komwaitaenak yaityo age tugul,ak kotamak agobo ane. ¹²Oboibaitu ak ogasgei mising amu oo melektang'wong' eng' kipsengwet. Amu kigiusaus ko u noto maotik che kimi eng tai.¹³"Oi munyekab ng'weny. Ago ngot ko kakobet anyinyindo munyek, keanyinyindoi ano kogeny? Ago ma kobo kiy, kobate ketarta koba sang ak kotiegat biko. ¹⁴Oii lapkeiyetab ng'weny. Ago magimuchi keuny nganaset ne mi tulwet barak.¹⁵Ak mainoomi biko tait, ak kondeno kitonget orit, ago indenoi kito ne tonone ak kokwenji biko tugul che mito eng got. ¹⁶Ingkokweng'ta lapkaiyeng'wong' ko u noto eng' taitab biko si komuch kogeer boisionikwok che kororon ak kotoror kwandang'wong' nemi kipsengwet.¹⁷"Amat obwat ole ki anyo ang'em ng'atutiet anan ko che bo maotik. Ki manyo abut ago asulda. ¹⁸Amu amwowok iman ale agoi kosiirto kipsengwet ak ing'weny, ago masirtoi mbo tisiet anan kiy ne tigin eng' ng'atutiet, agoi tun kosulda tuguk tugul.¹⁹Noto anyun, chi age tugul ne butei ng'atutiet mbo agenge ne kitigin eng' ng'tutichu, ak konet biko ko u noto, keguure inendet ne tigin eng' tugul eng' bounatetab kipsengwet. Ago chi tugul ne yaei ak koneti choto keguure inendet ne o eng' bounatetab kipsengwet. ²⁰Amu amwowok ale ngot ko masiir imandang'wong' imanda ne bo Sirik ak Parisaik, ko moite bounatetab kipsengwet matiny.²¹"Kiogas ole kigileji icheket che bo keny 'merumisiei,' ak 'age tugul ne rumisie ko kagorikyi kiruoget.' ²²Ago amwowok ale, age tugul ne nerkchini ne tupcho ko kagorikyi kiruoget; ak age tugul ne lejini ne tupcho, 'ii chi buch!' ko kagorikyi kapkiruoget; ak age tugul ne mwoe kole, "solwoni!" ko kagorikyi Gehenna oldab mat.²³Noto anyun ye imache igoite kagochinen'ung' eng' kaptisisiet, ak inan eng' oloto ile, ting'enen ne otupche ng'olyo, ²⁴ibagakte eng' oloto kagochineng'ung' eng' taitab kaptisisio ak iwe anyun ochamnyege si ichoni igoitei kagochineng'ung'.²⁵Ochamyegei ak bunyondeng'ung' koto imi oret koboto inendet si ma imutyin bunyondeng'ung' kiruogindet, ak ribindet ak eng let ketoorjin korgoret. ²⁶Amwaun iman ale, memong'u eng' oloto matiny agoi iyaakte sendiyot nebo let.²⁷Ki kogas kele kigimwa kele amoipge. ²⁸Ago amwowok ale age tugul ne kerei chepyoso, ak kogase kuruiyo tuwai ak inendet, ko kagoipge ak inendet eng' muguleldonyi.²⁹Ak ingoyain kondang'ung' nebo tai iterteren, ibalu ak iwirte. Amu keigei eng' inye ngo betenen kebeberta agenge eng' borto kosir ketorji oretab mat (gehena) bortong'ung' komugul. ³⁰Ak ngo nachin eung'ung 'nebo tai itil ak iwirte. Amu keigei eng' inye ngo betenen kebeberta agenge eng' borto kosir kwo oretab mat bortong'ung' tugul.³¹Kigimwa kogeny kele, 'Age tugul ne onei chepyosenyi kogochi anyun siret nebo besiet.' ³²Ago amwowok ale age tugul ne one chepyosenyi ama eng' sokset, ko kayai inendet koek chebaigeiyat. Ago age tugul ne ituni chepyosonata ne kigeon, kogayai ibetabge.³³Kiogas kogeny, kele kigemwachi icheget chebokeny, keleji 'Amemurte eng' 'lembech, ago yachi kiptaiyat kayosiosiekguk.' ³⁴Ago amwowok ale, amomurte mbo ngatigin, agobo kipsengwet, amu ng'echeretab Jehova noto; ³⁵nda ko agobo ng'weny, amu keldebesaikab kelyekyi; anan agobo Jerusalem amu ng'anasetab laitoriat ne o.³⁶Nda imurte agobo meting'ung' amu memuchi iyai sumeiyot agenge koleelit anan kotuuit. ³⁷Ago ingoek ng'alaleng'wong' Ee ko Ee, oloo ko oloo ak kiy age tugul ni sire chuto kobunu inendet ne ya.³⁸"Kiogas kele, kigimwa kele 'konda eng' konda ak keldet eng' keldet.' ³⁹Ago amwawok ale, amogerte chito ne ya. Ago age tugul ne irobochin togilgilietab tai komatirabach togilgilietab tai, ako iweekyi korabach komosta niin age.⁴⁰Ak ngomache komutyin chi age tugul kapkiruok komoche kosarenin sumbeng'ung', igooji ko ib ngorieng'ung' kora. ⁴¹Ak age tugul ne birjinin iwe mailit agenge obe tuwai malisiek aeng'. ⁴²Igochi inendet ne somin, amotubtochi batai inendet ne mechei kobesenenin .⁴³"Kiogas kele kigimwa kele, " Cham chitab kokweng'ung' ak isas bunyondeng'ung'. ⁴⁴Ago amwowok ale, ocham bunikwok ak osochi icheket che inyolilok, ⁴⁵asi oegu werikab kwandang'wong' ne mi kipsengwet. Amu igochini asistanyi kotilji che yaachen ak che kororon, ak iyokchini ropta che bo imanda ak che mo bo imanda.⁴⁶Amu ngot ko ochome icheket che chomok ko nee melekto ne otinye? Tos mayoe ko u noto mbo taagikab aisurut? ⁴⁷Ak ngot ko ogatii che otupche kityo, ko koyai nee ne siirei alak? Tos mayae ko u noto bororiosiek? ⁴⁸Noto anyun oegu akweget che igesunotinge ko u ye igesunotge Kwandang'wong' ne bo kipsengwet.Kurget 5

¹"Oripge si moyai imandang'wong' eng' taitab biko si kogeerok icheket, ngoyai ko u noto ko monyoru melekto eng' Kwandang'wong' ne mi kipsengwet. ²Noto anyun ye kegoite kagochinoiguk che bo rirenetab ge, ko matibaraste eng' tain'gung', ko u ye yoei chombilik eng' sunagogisiek ak eng ortinwek si kobbiit konyor kalasunet kobun biko. Amwowok iman ale kagonyor icheket melektong'wai.³Ago ngigoite kagochinoik, ko matanai eung'ung' nebo kataam kito ne yoei eung'ung' ne bo tai. ⁴Si kobiit kobunji ung'ot konunoiguk. tiseiywekuk. Ak kokonin melekto Kwandang'ung ne keerei eng ung'ot.⁵Ak ye osoei ko mouitu chombilik amu chomei icheket kosae kotonondos eng' sunagogisiek ak ormarichok si kobiit kogeer biko icheket. Amwowok iman ale kagonyor icheket melektong'wai. ⁶Ago inye ye imache isa, iwe gongung orit, ak ye kaiger kurget, isa Kwandang'ung, ne keerin en ung'ot. ⁷Ak ngosaei ko matotes ngalegab buch ko u yo yae bororiosiek; amu leen kigosyini icheket amu chang'indab ng'alekwai.⁸Noto anyun amokergeituge ak icheket, amu ingen Kwandang'wong tuguk che omakchinige agot kotomo osom inendet. ⁹Noto anyun osa ko u ni: Kwandanyo ne mi kipsengwet ing'otililit kaineng'ung'. ¹⁰Ingonyo bounateng'ung. Ingoyaak mageng'ung eng' ing'weny ko u yo yaakse eng' kipsengwet.¹¹Konech amitwogigcho che bo rani. ¹²Ak inyoiwech kaat lelutikyo, ko u ye kinyochini kaat che lelwech. ¹³Amemutech ole mito tiemutiet, ago soruech eng' ne ya.¹⁴Amu ngot onyochini kaat biko kachililutikwai konyoiwok kaat agine Kwandang'wong' ne bo kipsengwet. ¹⁵Ago ngot ko monyochini kaat biko kachililutikwai ko manyoiwok kaat agine Kwandang'wong' kachililutikwok.¹⁶"Kogeny ng'orugutgei ko mokergeitugei ak chombilik, eng' togochik chebo cholatet; amu wale togochikwai, si kogeer biko kole koirugutge. Amwowok iman ale kagonyor ichek melektang'wai. ¹⁷Ago ye irugutge inye, iil meting'ung' ak iun togeng'ung' ¹⁸si mageer biko kole irugutigei ago si kogeer Kwandang'ung' ne mi eng' ung'ot; ak kokonin melekto Kwandang'ung' ne kerei eng ung'ot.¹⁹"Amogonorjige konoraik eng chogenikab ng'weny, ole amei kutiek ak kutuk ak olibutei chorik ak kochor. ²⁰Ako ogonorjige konoraik eng' kipsengwet ole maamei kutiek anan kutuk, ak ole mabute chorik ak kochor. ²¹Amu ole mi konorueng'ung', komito oloto muguleldong'ung' agine.²²Taitab borto konda. Noto anyun ngo kararan kondang'ung' ko nyiitat bortong'ung komugul lapkeiyet. ²³Ago ngo ya kondang'ung' ko nyiitat bortong'ung' komugul tuindo. Noto anyun ngot koek tuindo lapkeiyet ne mi oring'ung' ko o tuindo ne tia anyun! ²⁴Mami chi ne imuchi koot kiptainik aeng' amu ago kosas age ak kocham age nda konamge ak age,ak kosas age. Maimuchi ioot Jehovah ak mokornontit.²⁵Amwowok anyun ale, mogerer met agobo sobeng'wong' eng' che oame, nda che oee nda agobo borwekwok, tuguuk che oloochi. Tos ma sire sobondo amitwogik, ak masire borto ngoroik? ²⁶Otopen taritik che bo barak. Kagolse ama kesisie ama iumjini choge, ago baei icheket Kwandang'wong' ne bo kipsengwet. Tos ma ogeigeen akwee mising' kosiir icheket?²⁷Ak imuchi ng'o eng' akwee ne eng kereretab met komuchi kotesyi sobenyi koindab agenge ne bo eut? ²⁸Ak amunee anyun si ogerer met agobo ng'oroik? obwat taptok che bo kertit ole bititoi. Maboisie ago maleti ngoriet. ²⁹Ago amwowok ale, mbo Solomon eng' talbistonyi tugul ko kimailagat ko u agenge eng' chu.³⁰Ngot kologchini Jehovah ko u noto suswek chebo kertit che mi rani ak karoon kewirji mat ko tos mayaiwok ko u noto kosiir, eeh akwee che otinye kayanet ne kitigin? ³¹Noto anyun amogerer met ak ole, 'Ngo si keam nee?' anan 'Ngo si kee nee?' anan 'Kiloochi nee koek ngoroik ?'³²Amu cheng'e tuguchu tugul bororiosiek, amu inget Kwandang'wong' ne bo kipsengwet kole, omache tuguchuto. ³³Ago ocheng' korok bounatennyi ak imandannyi si keteswok tuguchu tugul. ³⁴Noto anyun amogerer met agobo karon amu emegee ak kaimutikchii betutab mutai. Tinye betut age tugul yaitienyi.Kurget 6

¹Amoruokchi, si magirwokwok. ²Amu kiruoget ne oruochi ko tun keruogunenok noto, ak eng' kerutiet ne ogeree ko tu kegerunenok.³Ako kaine asi igeere betbetiat ne mi kondab ne otupche, ago megere musukwet ne mito kondang'ung' inyendet? ⁴Ara imwochindoi ano ne otupche ilejini inganemun betbetiat (bambaniat) eng' kondang'ung'; ago mito musukwet kondang'ung inyendet? ⁵Ee chombilindoni! icheru korok musukwet eng' kondang'ung' si igeer anyun komie inemu betbetiat eng' kondab ne otupche.⁶Amogochi tuguk che tililen sesenik, anan owirji torok sonoek che tinye kamanutiet ne o. Amu tieche eng' kelyekwai, ak koweekchogei ak kogererak.⁷"Osom, si kegonok. Ocheng' si onyoru. Ogonygony si keyotwok. ⁸Amu age tugul ne some kegochini, ak ne chenge konyoru, ak inendet ne igonygonyi keotyini. ⁹Nda mi ng'o eng' akwee ne ngo' som werinnyi makatiat, kogochi koita? ¹⁰Anan ngo som njiriot ko tos igochi erenet?¹¹Ngot onget anyun akwee che o yachen ogochi legukwok kogochinoik che kororon ko tos siire mising ne tia kwandang'wong' ne mi kipseng'wet? Tos maigochini che some inendet tuguk che kororon? ¹²Noto anyun tuguk tugul che omoche koyaiwok biko, ko kanyol oyachi agiche ko u noto, amu nito ne mwae ng'atutik ak maotik.¹³Obun anyun kurget ne mariich. Amu kurget ne baraa ak oret ne tebes ko noto ne wendi ng'emisiet ago chang' che bune oranata. ¹⁴Ago mariich kurget ak ko bichii oret, ne wendi sobondo, ak ng'ering' che nyoru.¹⁵"Oribge maotik chebo lembech, che bwonjinok eng' ngoroik che bo kechirek ago suik che ame bich. ¹⁶Onae icheket eng' logoekwai. Tos iyumi biko sabibuk eng' katok, nda logoekab monmoonik eng' katablelinik? ¹⁷Ko u noto anyun, ketit age tugul ne kararan koiye logoek che kororon, ago ketit ne ya koiye logoek che yachen.¹⁸Ma imuchi ketit ne kararan koi logoek che yachen ama imuchi ketit ne ya koi logoek che kororon. ¹⁹Ketit age tugul ne maiye logoek che kororon ketile ak kewirji mat. ²⁰Noto anyun, onae icheket eng logoekwai.²¹Ma tugul che kuro kole ' Kiptayandani, Kiptaiyandani,' che tun kochute bounatetab kipsengwet, ago icheget ichegee che yae magetab Kwanda ne mi kipsengwet. ²²Eng betunoto komwae che chang' kole, 'Kiptaiyandani, Kiptaiyandani, tos kima kiyai maoinatet eng' kaineng'ung', ak kigion oik eng' kaineng'ung' ak kigiae eng' kaineng'ung' boisionik che chang' che bo kimnatet?' ²³Ak amwochini anyun icheket eng' yoto ale, 'Mangenok kong'ete agoi! Oistoenoge akwee che oyae yaityo!'²⁴"Noto anyun , age tugul ne kasei ng'alekyu ak koyae kegergei ak chito ne ng'om ne kiteech gonnyi ruandet barak. ²⁵Ak kingo robon ak kous koristo neo, konyo kutyat ne ak korus koyoto, ago ma ilul amu kiga kiteekchi ruandet barak.²⁶Ago age tugul ne kasei ngalekyu ama yaei ko kegerkeite chito ne berber ne kiteech gonnyi eng' ng'aniek. ²⁷Ak kingo robon, kobka bekab kutiat, ak kicho kibuket ak korus goyoto, ak kilul, ak kieet mising lulennyi."²⁸Ak kingotar Jeiso ng'alechu kokwong'io tuiyosiek akobo kanetisiennyi, ²⁹amu kiinet icheket ko ne tinyei kimnatet, ama kergeit ak sirikwai.Kurget 7

¹Ak ko kingowol Jeiso eng' tulwet korub inendet tuiyosiek che eechen. ²Ak ogeer anyun kicho chi ne kiome mogondosaik ak kogutungji indet, kole, 'Kiptayandani, ngimache, imuchi itililo. ³Ak kiiyogoito Jeiso eunnyi ak kotiiny inendet, kolen, "Atinye maget. Tililitu" Ak kitililit chichoto eng' sainata eng' mogondoisik.⁴Ak kimwochi Jeiso chichoto koleji, "ripge amat imwochi chi age tugul. Ago ui ak iborjige tisiindet, yeitio igoite tiseiwot ne king'at Musa, si koek barnatet eng' icheget."⁵Ak ye kingo kagomongji Kapernaum, kochonji Kiptayatab bogol kosaisai inendet ⁶ak koleji, "Kiptaiyandani , imioni ago meat bortab otwongindennyu eng' gaa kasat mising" ⁷Ak kileji Jeiso inendet, "Anyoni asoobi inendet."⁸Ak kiwolji, kiptayandanoto bo bogol kole, "Kiptaiyandani, manyolunot inyoo gonnyu. Ago mwa ng'olyo kityo ak kosobe otwogindennyu. ⁹Amu aii chi mbo ane ne kiboiwo, ak atinye asarik che abou, ak ngomwochi ni, alenji ui kwo; ak ngomwochi age aleji nyo, kocho ak ngomwochi otwoginendennyu aleji yai ni koyae." ¹⁰Ago kingogas Jeiso nito kokwong' ak koleji icheket che kirube inendet, "Amwowok, iman ale tomo anyoru chi ne tinye kayanet ne tee ni eng' Israel.¹¹Ak amwowok ale, bwonii che chang' eng' kong'asis ak cherongo kobwa kotebi ak Abraham, ak Isak, ak Jakob eng' bounatetab Kipsengwet. ¹²Ago kitoorjini werik che bo bounatet tuindo ne bo sang; ole mito rirek ak nyeetab kelek. ¹³Kileji anyun Jeiso kiptaiyandanoto, "Ui gong'ung'! Ingeyaun ko u ye kaiyan." Ak kisob eng' sainata otwogindennyi.¹⁴Ye kingwo Jeiso kaitab Petero kogeer chebyosetab igoi nebo Petero ne kiruei kotinye cheptigoniet. ¹⁵Ak kitiiny inendet eut , ak kibagakta inendet cheptigoniet. Ak kingeet koboisiechi inendet.¹⁶Ak kingo moche koimen, komutyi Jeiso biko icheket che chang che kitinye oik. Ak kioon tamirmirik eng' ng'olyot ak kosoob tugul che kimiandos. ¹⁷Si kobiit kosulda ne kigamwa maotiot Isaia, kole, "Kisut inendet nyalulnatennyo, ak kokesen mianwekcho."¹⁸Ak kingoro Jeiso tuiyosiek che eechen koga imuut inendet, kong'at kole kwo kwoiyo bitet niin age bo araraitab Galili. ¹⁹Ak kinyo sirindet age ak koleji "Konetindeni, arubin eng' wui age tugul ole iwendi". ²⁰Ak kileji Jeiso, "Tinye lelwek kebenonik, ak tinye taritikab barak keswonik, ago matinyei weritab chi ole ichuktoi inendet metinnyi."²¹Ak kimwochi age ne bo alamalayet koleji, "Kiptaiyandani, chomwo korok awo atub kwandanyu." ²²Ak kileji Jeiso, "Rubka bakakte che meiyotin kotub chekwai che meiyotin."²³Ak kingo kagolany moingetab beko korub inendet alamalyennyi. ²⁴Ogeero, king'et koristo ne kindet eng' araraita kot koluum moingetab beko. Ako kiinuchi Jeiso. ²⁵Kibwa anyun alamalyenyi kong'eet inendet koleji, "Soruech, Kiptaiyandani; kagibegu!".²⁶Kilenji Jeiso icheget, "Kaine si oiywei anyun, akwee che otinye kayanet ne tigin?" King'eet anyun ak koger kong' koristo ak kisis anyun araraita mising. ²⁷Ak kikwongio murenichoto, kole "Chi nee chichi, ne kasei iit inendet mbo koristo ak araraita?"²⁸Ak ye kingoit Jeiso bitoniin emetab Gadarenik, kotuiyo inendet ak biko aeng' che kitinyei oik. Ak kibunu oldab kererisiek ago ki koromen mising, koto kime muchi chi kosiirto oranato. ²⁹Ak ogeer anyun, kiwaakcho, kole, "Kiting'egee nee ak inye Weritab Jehova? Kecho yu inyalilech kotomo koit betut?"³⁰Ak ki kimi akwet nebo torook che chang che kiageti eng' ole loo. ³¹Ak kisom Jeiso oik kole, "Ngionech kemandee, iyoktech kebe kechut akwet ne bo torook."". ³²Ak kileji Jeiso ichek, "Oba!". Ak kimanda koba kochut torook, ak ogeer ne matianit koruai mising akwet komugul koregto chepng'esut koba araraita, ak kobekji beko.³³Ak kiyesta che kiiyoki torook choto koba ng'anaset ak komwaita kiy age tugul ak mising kito ne kiga kiyachi che kitinye oik. ³⁴Ogeer anyun, kimong' sang' nganaset komugul kobka kotuiyo ak Jeiso. Ak kingogeer inendet kosom kwo eng' koreng'wai.Kurget 8

¹Kilany Jeiso moingetab beko, ak kolanda nganasennyi. ²Ogeer anyun, kigimutyi inendet chito ne kimioni ne ki meat borto korue eng' kitogut. Ak kingogeer Jeiso kayaneng'wai, koleji chito ne ki meat borto, "Weri, nyiganitu. Kagenyoun kaat tengekwogiguk."³Ak ogeer, anyun kimwa alak che bo sirik eng' mugulelwekwai kole, "Mwoei chichi ng'alek che yaachen agobo Jehovah." ⁴Ak kinai Jeiso kabwotutikwai ak koleji, "Kaine si obwat yaitiet eng' mugulelwekwok? ⁵Amu nee ne nyumnyum, kemwa kele kagenyoun kaat tengekwogiguk; nda kemwa kele 'ng'eet ak iwe?' ⁶Ago si onai ole tinye kimnatet weritab chi eng' ng'weny konyochi kaat biko tengekwogik" koleji anyun ne meat borto, "Ngeet ib kitogung'ung' ak iwe kang'ung.'"⁷King'eet anyun ak kwo kanyi. ⁸Ago kingoro tuiyosiek, koiywei, ak kolos Jehovah, ne kikegochi kimnotet biko ne u noto. ⁹Ak kingosiirto Jeiso eng' oloto, koroo chito ne kigiguure Matayo kotebe ole kitooge aisurut; ak kileji "rubwa" kong'eet anyun ak korub inendet.¹⁰Kingo tebi Jeiso ng'weny koamis eng' koot, ogeer anyun, kobga taagikab aisirut ak kipteng'eginik ak koamis koboto Jeiso ak alamalyennyi. ¹¹Ago kingogeer Paraisik, koleji alamalyennyi, amu nee si koamisie konetindeng'wong ak taagik che bo aisurut ak kiptengeginik?"¹²Ako kingogas Jeiso, koleji icheket, "Momochei biko che chomegei chepkerichot, kobate che miandos. ¹³Ago oba akwee, obonetge kito ne iboru ng'olyondoni: 'Amache rirenetabge ago ma tiseiywot.' Amu kima nyo aguur chebo imanda, ago kiptengeginik."¹⁴Kibwonji anyun alamalyetab Johana ak koleji, "Amu nee si kerugutigei ache ak Parisaik konyil che chang' ago merugutigei alamalyeng'ung'?" ¹⁵Ak kileji Jeiso, "Tos imuchi icheket che kogiguurji katunisiet konyolilyo koto komi ak sandet? Ago bwonii betusiek che tun kiistoe sandet icheket, ak korugutge anyun.¹⁶Maimuchi chi konapchi akwot ne leel ngoriet ne os, amu kereri akwot ne leel ngoriet ne os, ak koyait kosiir ole ko kererat.¹⁷Ama indenoi biko divaik che leelach lolotinwek che osen. Amu kereri lolotinwek ak kotartagee divaik ak kobek lolotinwek, ako kindeni divaik lolotinewek che leelach, ak koribogis tuwai."¹⁸Ye kingo takomwochini icheket ng'alechu, ogeero, kicho bounindo ak kong'urukyi inendet ak kole "Kagome cheptanyu raa, ago nyo igonoor inendet eung'ung si kosob inendet." ¹⁹Ak king'eet Jeiso korub inendet, ak kiirub alamalyennyi agichek.²⁰Ogeero, chepyoset ne kimondoe korotik eng' kenyisiek taman ak aeng', kiirubu Jeiso eng' let, ak kotiiny tabandab ngorienyi. ²¹Amu kimwa eng' muguleldonyi kole, "Ngot atiiny kityo ngorienyi, asobe." ²²Ago kiweechge Jeiso kogeer inendet, ak kole, "Chebi nyigantitu; kagobsoobin kayaneng'ung'." Ak kisob chepyoset kongete sainata.²³Ak kingoit Jeiso kaitab bounindet ak kogeer che kuute ndurerusiek ak biko che ki boldos. ²⁴Koleji, "Oistege; amu mame chepto ago inuuchi." Ago kirorichi icheket inendet eng chotet.²⁵Ago kingo kageon tuiyet koba sang' kwo got ak konam eutab cheboto, ak kong'eet inendet. ²⁶Ak kigos ng'olyondenoto eng' emonoto komugul.²⁷Ak kingosiirto Jeiso kwo eng' oloto korub inendet kipkoratinik aeng'u. Kiwogoti ak kolen, "Rirenech, eeh weritab Daudi!" ²⁸Ak kingo kakwo got kobwonji inendet kipkoratinichoto. Ak koleji Jeiso, "Oyaani ole amuchi ayai nito? Komwa kole, "Eeh kiptaiyandeni."²⁹Kotwa anyun konyekwai ak kole, "Ingoek eng' akwee ko u kayaneng'wong'," ³⁰ak kiyotogis konyekwai. Ak king'at Jeiso mising' koleji, "Amogany konai chi." ³¹Ago kiba, ak koleetat ng'olyot agobo inendet eng' emonoto komugul.³²Ak ye kingo bendi bichoto aeng, ogeero kigimutyi Jeiso chito ne namat kut ne kitinyei oindet. ³³Ak kingo kageon oindet, kong'alal chito ne namat kut. Ak kikwong'io tuiyosiek kole" Kitomo kegeere ne u ni eng' Israel!" ³⁴Ak kimwa Paraisik, kole "Onei oik koboisie kimantet nebo oik"³⁵Ak kitoi Jeiso kowendot eng nganasok tugul che eechen ak che mengeechen, Konetisioti eng' sunagogisiekwai, ak koamdaati logoiywek che tililen chebo bounatet, ak kosobooti che miandos eng' koroito age tugul ak eng' nyalulanet age tugul. ³⁶Ago kingogeer tuiyosiek koriree icheket amu ki nyorotin ak koiyestootin, ko u kechirek che matinyei mestewot.³⁷Kileji anyun, alamalyennyi, "O kesisiet iman, ago ng'ering kiboitinik. ³⁸Noto anyun osa kiptaiyat ne bo kesisiet, si kobiit koyokyi kiboitinik kesisienyi."Kurget 9

¹Ak ko kingo kagong'at Jeiso alamalyennyi taman ak aeng', kwo eng' oloto konetisiot ak koamdoi eng nganasokwai. ²Ak kingogas Johana eng' korgoret boisionik che bo Kristo, koyoktoe alamalyennyi ng'olyo ³ak kotebe inendet kole, "Tos ii inendet ne choni nda kigonye age?"⁴Ak kiwolji Jeiso koleji, "Oba bandang'wong' ak omwochi Johana tukuk che ogose ak che ogeere. ⁵Kertoi che koriotin, ak kobendoti che solomonik, kitilili che tinyei mogondosaik ak kastoi che ming'iotin ak king'eeti che kikomeiyo, ak keamjini kibananok logoiywek che tililen. ⁶Ak baibai age tugul ne makinagi agobo ane".⁷Ak kingo takobendi bichu bandang'wai, kotoi Jeiso komwochi tuiyosiek agobo Johana koleji, "Kingomande surkwen oroo nee--tegat niitumdumi usonet? ⁸Ago kiomande oroo nee--chito ne ilochi ngoroik che tangusen? Tos iman, olo, icheket che iloochi ngoroik che tangusen komenye gorikab laitorinik.⁹Ago kiomandei obe ogeer - maotiot? Ee, amwowok ale siirei inendet maotiot. ¹⁰Nito ko inendet, ne kigisir kele, 'ogeer anyun, ayoktoi kiboitiondennyu kondoenin ne chobei oreng'ung eng' taing'ung'.'¹¹Amwowok iman ale tomo kobiit ne siirei Johana kabatisanindet eng' che kisich kwonyik. Ago inendet ne mining mising eng' bounatetab kipsegwet ko o kosiir inendet. ¹²Ak kong'ete betusiek che bo Johana kabatisanindet agoi raa koruechini biko bounatetab kipsengwet, ak namei biko che koromen eng' kimnatet.¹³Amu kimaotenyo maotik tugul ak ng'atutik agoi koit betusiekab Johana; ¹⁴ak ngomoche otaach ko u nito, ko Elijah nito ne nyonii. ¹⁵Inendet ne tinye itit che kostoe kogas.¹⁶Ago agergeite nee ebeni? kerge ak leguk che tebsot eng' orisiekab aldaisiet ak koguure alak, ¹⁷ak kole 'kigeguutwak kurerut ak ki ma ourerenie; kigiteiye ak kima oririe.'¹⁸Amu kicho Johana ak kima amis nda koee divaik ak ki omwa ole "tinyei oindet.' ¹⁹Kicho weritab chi koamis ak koeiso ak komwa biko kole, 'otopen chito ne chemoetyo ak eeindetab divaik choruetab togikab aisurut ak kipteng'eginik!' Ak naat ng'omnotet kele bo iman eng' boisionikyi."²⁰Kitoi anyun koger kong' nganasok che kigiyoe boisionik che bo kamuktaet che chang' kosiir, amu kimosik. ²¹"Bwo eng inye we Korasin! Bwo eng inye we Betsaida! Amu nda kiga kiyai eng' Tyre ak Sidon boisionik che bo kamuktaet che kigiyai eng' akwee nda kiga kosik keny kolaach kuniok ak koiilege aronik. ²²Ago amwowok ale, kaigaitu tun Tyre ak Sidon eng' betutab kiruoget kosiirok.²³Ak inye, Kapenaum, ko tos kitororin agoi kipsengwet? Olo, ichortoige agoi oldab che kigobek. Amu nda kiga kiyai eng' Sodom boisionik che bo kamuktaet che kigiyai eng' inye ko nda mito agoi rani. ²⁴Ago amwowok ale tun kaigaitu emetab Sodom eng' betutab kiruoget kosiirin."²⁵Eng' betusiechoto komwa Jeiso kole, "Alosun inye, we Kwanda, Kiptaiyatab kipsengwet ak ng'weny amu kiiung'e tuguchu che ng'omen ak che iguitos, ak kiing'onji icheket legoi che mengechen. ²⁶Ee Kwanda, amu kicham inye eng' kereng'ung'. ²⁷Kigogono tukuk tugul Kwanda ama mi ne inget Werit, kobate kwanda, ama mi ne inget kwanda kabate Werit, ak chi age tugul ne chamei Werit kong'ongjini.²⁸Obwonjo akwee tugul che oiimige ak che ogeseni tuguk che nyigisen, si agonok kamuung'et. ²⁹Olaach kaat choginnyu ak onetenage, amu atalaa ak atinye kamining'itetabge eng' mukuleldo, asi onyoru kamung'eet eng' sobonwekwok. ³⁰Amu nyumnyum chokinnyu ak wisis milennyu."Kurget 11

¹Eng' betusichoto kobun Jeiso mbarenikab beka eng' betutab sabato ak kiome rubet alamalyennyi ak kitoi kobor mesisekab beka ak koam. ²Ago kingoroo Paraisaik koleji inendet, "topen yaei alamamlyeng'ung' ne ma chamdaat eng' ng'atutik keyai eng' Sabato."³Ago kileji icheket, "Tomo osoman kito ne kiyai Daudi ye ki ngoame rubet, ak che ki mito ak inendet? ⁴Kiwo gotab Jehovah ak koam makatinikab kabartaet, che ki ma chamdaat eng' ng'atutik koam inendet koboto che kimito ak inendet, kobate tisiik ichege.⁵Tomo osoman eng' ng'atutik, kele ing'waniti tisiik Sabato eng' hekalut, ama kiityini icheket tengekto? ⁶Ago amwowok ale eng yu komi ne o kosiir hekalut.⁷Ago nda kionai kito ne kimwoe eng ni, 'Amache rirenetabge momoche tiseiywot,' nda ma ogikyini che malel kiy. ⁸Amu Weritab chi ko Kiptaiyat ne bo Sabato."⁹Ak kiwo eng' oloto, agoi sunagoging'wai orit. ¹⁰Ogeer anyun, kimi chi ne meat eut. Ak kiteebe Parisaik Jeiso koleji, "Tos chamdaat eng' ng'atutik kesoob chi eng' betutab sabato?" si kobiit komwaitae tengekto.¹¹Ak kileji ichek Jeiso, ano chi eng' akwee ne tinye kechiriet agenge, ak ngo ko rorokyi kebenet betutab sabato ko tos mabolu komong? ¹²Siirtoot anyun ne tia kamanutietab chito eng' kechiriet noto anyun chamdaat keyai ne kararan eng' betutab sabato."¹³Ak Kimwochi Jeiso anyun chichoto koleji ,"Chul eung'ugung". Ak kichul ak kosob kogergeitge ak eut nin age. ¹⁴Ak kimanda anyun Paraisik ak koruoch agobo inendet ole bortoi.¹⁵Ak ye kingonai Jeiso, kwo eng' oloto, ak kirub inendet tuiyet ne o ak kisoob ichek tugul. ¹⁶Ak king'at ichek kole, si maibarta inendet, ¹⁷si kosulda ne ki kamwa maotiot Isaia kole,¹⁸"Oroo, otwogindennyu ne kialewen, chamanennyu, ne baibai sobondonnyu eng' inendet. Andeni inendet Tamirmiriennyu si komwochi bororiosiek kiruoget.¹⁹Mang'ichinige nda kobol; nda ko kas chi kutinnyi eng' ortinwekab nganaset . ²⁰Mairii tegat ne sisot; ama imisi inendet kitambit ne iyeni agoi koyokto kiruoget ne iterterisie, ²¹ak imang'u bororosiek kainennyi."²²Kigimutyi anyun chito ne kitinyei oindet, ne korat, ak ne namaat kut; ak kisoob inendet kot to ngalal ak kogeerto chito ne kimagertoi. ²³Kokwongio tuiyosiek tugul an kole, tos weritab Daudi nito?²⁴Ago kingogas Paraisik kole, "Maone chichi oiK, kobate eng' Beelsebul, ne o ne bo oik." ²⁵Ak kingonai Jeiso kabwatutikwai, koleji icheket "Bororiet age tugul ne pcheegei ko ma tononi, ak nganaset nda ko got age tugul ne pcheegei ko matononi.²⁶Ak ngot ko ng'et Chesawil ko on chesawil, ko kapcheigee inegei. Tonondoi ano anyun baunatenyi? ²⁷Ak ngot ko aone oik eng' Beelsebul, koone eng' ng'o werikwok? Eng nito anyun ko egu icheket che tun iruokwok.²⁸Ago ngaone oik eng' Tamirmirietab Jehovah ko kagoitwak anyun bounatetab Jehovah. ²⁹Nda imuktoi ano kwo chi gotab chito ne kim si kosare anyun tugukchi, kotomo korat inendet? Si komuc anyun kochore tugukchi che mi gonnyi. ³⁰Inendet ne magimi tuwai, kogirindaa ak inendet ne makiyumi tuwai koseeri.³¹Noto anyun amwowok ale kinyochini kaat biko tengekto age tugul, ak ng'olyot age tugul ne ya, ago ne mwaei ng'olyo ne ya agobo Tamirmiriet ko makinyochin kaat. ³²Ak age tugul ne mwoitoe yaitio weritab chi kenyochini kaat; ago age tugul ne mwoitoe yaitio Tamimiriet, ko ma kinyochini kaat eng' ng'wenyuni kimi anan ko eng' ne nyoni.³³Oyai ketit kogararanit ak logoekyi koek che kororon, nda oyai ketit koyait anan logoekyi, amu kinae ketit logoekyi. ³⁴Akwee legukab erenok amu oi cholwokik, omuktei ano akwee che oyachen, omwa tuguk che kororon? Amu ng'ololi kutit che nyiitat muguleldo. ³⁵Chi ne kararan korong'u tugul che kororon che bunu konoruennyi ne bo mugulelndannyi, ak rang'u chito ne ya tuguk che yaachen kobun konoruennyi ne bo muguleldo ne ya.³⁶Ak amwowok ale ngolyot age tugul ne bo buch ne mwoei biko ko tun tetu tuguchoto eng' betutab kiruoget. ³⁷Amu kiityinin imanda eng' ng'aleguk, ak kigikyinin eng' ngaleguk."³⁸Kiteeb anyun alak chebo sirik ak Parisaik kole, "Konetindoni, kimache kegeer kaborunet ne iboruech." ³⁹Ago kiwolji Jeiso koleji,"Eeh akwee ebendo ne ya ne cheng'e kaborunet ak magigochin kaboruno age tugul, kobate koborunetab maotiot Jona. ⁴⁰Amu ko u ye kimito Jona betusiek somok ak kemousiek somok moetab njiriot ne o mising; ko u noto tun tebe Weritab chi betusiek somok eng' muguleldab ng'weny.⁴¹Tun tonondos murenik chebo Ninebe koboto ebeni eng' kiruoget ak kogikyi amu kisik eng' mwaitaet nebo Jona; ak oroo, mi ne o kosiir Jona eng yu.⁴²Ng'eete tun laitoriat chepyoset ne bo murot ne bo tai koboto ebeni eng' kiruoget, ak kogikyi icheket. Amu kibun tabanwekab ng'weny chepyosoni si kogas ng'omnatetab Solomon, ak ogeer anyun mi yu ne o kosiir Solomon.⁴³Ago ngo kakomong'une chi tamirmiriet ne muruon, kwo kobunot ole yaamat, kocheng'oti ole imung'e amanyoru. ⁴⁴Noityo komwa kole 'Awektige gonnyu ole kiamong'une; ak ngoit konyor ko mami kiy-- ak ko ibugot ak ko chobot. ⁴⁵Kwo anyun komut tamirmirik alak tisab che yacheen kosiir inendet ak kochut ak komeny oloto, ak eng' let koyaitu atebtab chichoto kosiir ne kibo tai. Egu ko u noto eng' ebeni ya."⁴⁶Kingoto kong'ololjini Jeiso tuiyosiek, ogeer, kitonondos eng' sang' kamet ak che tupcho, kocheng'ee kong'ololji inendet. ⁴⁷Ak kimwochi anyun chito age koleji, "Keero tononi eng' sang' komet ak che otupche chenge kongololun."⁴⁸Ago kiwolji Jeiso chito ne kimwochini inendet koleji, "Ng'o kamennyu ak che werik che ketupche?" ⁴⁹Ak kochul eunnyi kotokyi alamalyennyi, ak kole, "Otopen, chu kamennyu ak che kitupche! ⁵⁰Amu age tugul ne yaei magetab Kwanda ne mi kipsengwet, noto werit ne ketupche, ak chepto ne kitupche, ak kamennyu."Kurget 12

¹Eng betunoto ko komanda Jeiso eng' got kwo kotebe tapanutab araraita. ²Ak kiiumjige inendet tuiyosiek che eechen, kolany moingetab beko anyun, ak kotebe ng'weny; ak kitonone tuiyet komugul tabandab araraita.³Ak kimwochi icheket tugul che Chang' eng' kalewenaik, koleji, "Ogeer, anyun kiwo kolindet koleita kesuwek. ⁴Ak kingoto koleitoi, kobutyi kesuwek alak tabandab oret ak kibwa taritik koam ⁵ak kibutyi alak ole mito koik, ole kima kotinyei ny'ung'unyek che chang'; ak kobityo ngunoto amu kima ko tia ny'ung'unyek. ⁶Ago kingo til asista, komel ak kiyomyo amu kima kotinyei tigitik.⁷Ak kiibutyi alak katok; ak kobityo katok ak kogiich. ⁸Ak kiibutyi alak ny'ung'unyek che kororon, ak koiyo alak bokol, alak tamonwogik lo, ak alak sosom. ⁹Inendet ne tinye itik che kostoe, kogas."¹⁰Ak kibka alamalyet, ak koleji, "Kainee si ing'oloji iche eng' kolewenoik?" ¹¹Ak kiwolji ichek koleji, "Kigegonok akwee onai ung'otik che bo bounatetab kipsengwet ago ma kigochi icheket. ¹²Amu age tugul ne tinyei ko tun kigochini si konoyor che chang' kosiir; ago age tugul ne matinyei kesore mbo che katinyei.¹³Noto anyun ang'ololjini eng' kalewenoik amu mbo nda keertoi ko mageere kiy, ak kostoi ama kose kiy nda koguiyo. ¹⁴Ak isuldaat eng' ichek maoinatetab Isaia, ne len 'Eng' kaset ogase ago moguitosi mbo ngatigin, ak eng' keeret, ogeere ago mobestosi mbo ngatigin.¹⁵Amu kwalilenotin mugulelwekab bichu, ak mogostoi komie itikwai, ak kiger icheget konyekwai, si meroo eng' konyegkwai, nda kogas eng itikwai, nda koguiyo eng' mugulelwekwai si kowechge kogeny ak asoob ichek."¹⁶Ago boiboen konyekwok, amu tapentoi ak itikwok amu kostoi. ¹⁷Amu amwowok iman, ale kimache maotik che chang' che bo imanda koroo tuguk che ogeere, ago kima keer, ak kimach kogas ng'alek che ogase ago kima kas.¹⁸Ogase anyun akwee kalewenet ne bo kolindet. ¹⁹Ye kasei chi age tugul ng'olyotab bounatet ama iguiyo, ko chi anyun inendet, kochoni ne ya ak kosaree ne kiga kigolchi muguleldonyi. Nito ko kesuwot ne kigilechi tabantab oret.²⁰Ak inendet ne kigilechi ole mi koik nito inendet ne kose ng'olyot ak kotaach ngunoto eng' boiboiyet. ²¹Ago matinyei tigitik inendet, ago tebche ne matia; ak ngojo nyalilda nda usisiet agobo ng'olyot kobut ngunoto.²²Ak inendet ne kigigolji ole mi katok ko inendet ne kose ng'olyot ak kogiich ng'olyot kererwekab met che bo ng'weny ak kaberberisietab magomatet si mai logoek. ²³Ak inendet ne kigilechi nyung'unyek che kororon ko i inendet ne kase ng'olyot ak koguiyo; ne iyie logoek iman, alak bogol, alak tamanwogik lo, alak sosom."²⁴Kiiborji kalewenet age ichek, koleji, kergei bounatetab kipsengwet ak chito ne kigolji kesuwek che kororon mbarenyi. ²⁵Ago ye kita koruitos biko kocho bunyondennyi ak kogolji chemulbainik ole mito beka ak kwo. ²⁶Ago ye kingo bityo ak koi beka, kotook agichek chemulbainik.²⁷Ak kibwa otwogik chebo chitab got ak kileji, 'Kiptaiyandani, kima igolji kesuwek che kororon mbareng'ung'? kibun ano anyun chemulbainik?' ²⁸'Ak kileji ichek, 'Kiyaei noto bunyot.' Ak kileji otwogik, 'Tos imache kebe kengusate?'²⁹Ago kile, achicha; si ma ng'o ngusu chemulbainik ongusu beka . ³⁰Ingobityo tugul agoi kesisiet; ak eng' betutab kesisiet amwochi kesiik aleji "Oyum korok chemulbainik ak orat ratutik si obeel; ak oyumji chogennyu beka.""³¹Ak kiiborji Jeiso kalewenet age koleji, "Kergei bounatetab kipsengwet ak kesuwotab mogoiwet, ne kiib chito ak kominji mbarennyi. ³²Kesuwoni ko kitigin iman eng' kesuwek tugul ago ngo kagoeet ko o eng' mbarennyi tugul ak egu ketit ne tebe taritik temenikyi."³³Kimwochi kalewenet age koleji. "Kergei bounatetab kipsengwet ak mermerek (biteek) che kinam chepyoso ak kongolta busiek che bo kitongok somok, agoi kogut tugul."³⁴Kimwochi Jeiso tuiyosiek tuguchito tugul eng' kalewanaik; ak kima ng'ololji ichek ama eng' kalewenet. ³⁵Si kosulda ne kiga mwa maotiot kole "Ayate kutinnyu eng' kalewenoik. Amwoe tugul che kigiuny kong'ete kogakilumda ng'weny."³⁶Kibagakta Jeiso tuiyosiek, ak kwo kot orit. Ak kibwonji alamalyennyi koleji, "Iborueech kalewenetab kertit ne mi eng mbaret." ³⁷Ak kiwolji Jeiso kole, inendet ne kikol kesuwek che kororon ko Weritab chi. ³⁸Ak mbaret ko ng'weny; ak kesuwek che kororon ko werik che bo bounatetab Jehovah. Ak chemulbainik ko werikab inendet ne ya, ³⁹ako bunyot ne kigole chuto ko chesawilyet. Ak kesisiet ko kagesunetab ng'weny, ak kesiik ko malaikaisiek.⁴⁰Ko u yo kiyumi chemulbainik ak kebeel eng' mat, ko u noto eng' kagesunetab ng'weny. ⁴¹Iyoktoi Weritab Chi malaikaisiekyi koba koum komoong'une bounatennyi tuguk che inochi biko, ak icheket che yaei tengekto. ⁴²Ak kowirjini mat ne o, ole egu eng' oloto kateet ak nyeetab kelek. ⁴³Ak ikweng'toi anyun che bo imanda ko u asista eng' bounatetab Kwandangwai. Inendet ne tinye itik, kogas.⁴⁴Kergei bounatetab kipsengwet ak tugukab kamanut che ung'otin eng' mbaret. Ne kinyor chito ak kouny. Eng boiboiyet kwo kogosotegei ak koalda tuguk che kitinyei tugul ak koale mbaranoto. ⁴⁵Kogeny, kergei bounatetab kipsengwet ak chemung'araiyat ne cheng'ei sanaek che bo kamonut. ⁴⁶Ak ye kingo kagonyor sanaiyat agenge nebo alyet ne o, kwo koalda tugul che kitinyei ak koal sanaiyandanoto.⁴⁷"Kogeny, ko kergei bounatetab kipsengwet ak regereiywot ne kiname njirenik, ni kigiwirji araraita, ak konam njirenik alak tugul che terotin. ⁴⁸Ak ye kingo kagonyi, kochuut ramikab njirenik kocho tabandab araraita. Ak kotebi ng'weny koyumji che kororon kitongok, ago kowirta che yachen.⁴⁹Egu ko u noto eng' kagesunetab ng'weny. Tun bwoni malaikaisiek ak kobesio che yaachen eng' kwenutab che bo imanda. ⁵⁰Ak kowirji mat ne lalei, ole tuun mi kateeiyet ak nyeetab kelek"⁵¹"Kaoguiye tugucho tugul?" koleji, alamalaikchi "Ee". ⁵²Ak kileji Jeiso ichek, "Amu noto anyun sirindet age tugul ne kikoek alamalyet ak kongen komie ng'alegab bounatetab kipsengwet, ko kergei ak chito ne bo kot, ne inget ole konore tugukyi che bo kamanuut." ⁵³Ak kingo kagotar Jeiso kalewenoichu kwo eng' oloto.⁵⁴Ak kiit emennyi ak konet ichek eng' sunagoging'wai. Kikwong'io anyun ak kole, "Kanyorune ano chichi ng'omnotoni ak ak boisionichu kimen? ⁵⁵Tos ma weritab muswogindet nito? Magiguure kamet Maria? Ak werik che tupcho ko Jakobo, Joseph, Simion ak Judas? ⁵⁶Ak tibik che tupcho kotos ma kimi tugul ak icheget? Kinyorune ano anyun chichi tuguchu tugul?"⁵⁷Ak kiinach icheket ng'alekyi. Ago kileji Jeiso ichek, "Mabetyini maotio teegisto kobate eng' korenyi ak eng gonyi." ⁵⁸Ak kima yai boisionik che chang' che bo kimnotet eng' oloto amu bistoengwai.Kurget 13

¹Kigas anyun eng' betusiechoto bounindet Herod logoiywek agobo Jeiso. ²Ak koleji otwogikyi, "Nito ko Johana Kabatisonindet; ne kagong'eet eng' che kigobek. Noto anyun boisie eng' inendet kimnatosiechu."³Amu kiga konam Herod Johana korat, ak kondeno korgoret agobo Herodias chepyosetab Pilipu wering'wai. ⁴Amu kileji Johana inendet, "Etat eng' ng'atutik obaigei ak kwonyito koek chepyoseng'ung". ⁵Ak kimachei Herod kobar inendet, ago kiiywei biko amu kigiit kele inendet ko maotiot.⁶Ago kingoit betut ne bo sigetab Herod, koureren cheptab Herodia eng' kwen, ak kiibaibait Herod. ⁷Ak kiiyosiechi kogochi kiy age tugul ne kasoom.⁸Ak ye kingo kagong'at kamet komwa kole, "Konoo metitab Johana kabatisanindet eng' tageito". ⁹Kiimgei anyun laitoriat eng ng'olyondoni; ago amu konyit ne kiting'e icheket che kitebsot ak inendet eng' amisiet, kong'at kegochi.¹⁰Ki iyokto anyun ketil metitab Johana eng' korgoret. ¹¹Ak kigiib metinnyi eng' tageito kigochi chepto; ak koipchi kamet. ¹²Kibwa anyun alamalyennyi koib musto ak kotub. Ak kiba komwochi Jeiso.¹³Ak kingogas Jeiso kwo eng' oloto kolany moingetab beko,ak kwo agoi surkwen kotabangei. Ak kingogas tuiyosiek, korub inendet kobun kelyek kong'eete nganasok che echeen. ¹⁴Ak kingo mong' kogeer tuiyet ne o. Ak kirire icheket, ak kisoob bikwai che kimiandos.¹⁵Kingoek koskoleng,' kobwonji alamalyennyi koleji, "Surkwen koroni, ak kagoimen; mete tuiyet koba nganasok, si koaljige amitwogik".¹⁶Ago kileji Jeiso "Manyoljini koba, ogochi kwomis." ¹⁷Ak kileji, "Kitinye eng' yu makatinik muut ak njirenik aeng" ¹⁸Ak kolelji Jeso, "oibwo".¹⁹Ak king'at tuiyosiek kotebi ng'weny eng' suswek. Ak kinam makatinichoto muut, ak njirenik aeng'. Ak kinyal kipsengwet, koberur ak kobutul ak kogochi alamalyennyi makatinik ak kogochi kasubik tuiyosiek, makatinik. ²⁰Ak kiamis tugul kobiong'io. Ak kiium katuganik che kinyi kitongesiek taman ak aeng'. ²¹Icheget che ki amis ko ki legit murenik elufusiek muut ama kiit chepyosok ak leguk.²²Ak kiichirchir eng' Noto alamalyennyi kolany moingetab beko, ak kobate bitonin kondoe inendet; ye kito koyomisi tuiyosiek koba. ²³Ak kingo kagotiagta tuiyosiek koba, kolany tulwet kwo kosa ;akoi koimenji oloto kimito inegei. ²⁴Ago kiga koit moingetab beko araraita kwen, kotumtumen eng' mildaetabgei ne bo beko, amu kigirindoi icheget usonet.²⁵Ak eng' ripset ne bo ang'wan ne bo kemoi kwo ole mi icheget, kobunei araraita barak. ²⁶Ak kingogeer alamalyennyi inendet kobune araraita barak koiyweis ak kole, "Nito ko tamirmiriet"; ak kowokcho amu kaiyweisiet. ²⁷Ago king'oloji Jeiso icheget eng' yoto koleji, "Onyiganitu! ane Nito! Amoiyweisie!²⁸Ago kiwolji Petero koleji "Kiptaiyandani, ngot ko inye ing'ata ajonjin abun beko barak." ²⁹Ak kile Jeiso, "Nyoo." Ak kiwol Petero eng' moingetab beko, kobun beko barak kwo ole mi Jeiso. ³⁰Ago king'oro usonet koiywei. Ak kingotoi kochut beko kowach kole "Kiptaiyandani sorwo!."³¹Ago kichuul Jeiso sainata eunnyi, konam inendetok koleji; "Ee inye ne itinyei kayanet ne tigin, kaine asi isage?" ³²Ak kingo kagolany ichek moinget, kosis usonet. ³³Ak kigutungji inendet icheket che ki mi moingetab beko kole iman ii Weritab Jehovah."³⁴Ako kingo kagolanda, koit emetab Gensaret. ³⁵Ako kingonai bikab koronoto inendet koyokto emonoto komugul komutyi inendet tugul che kimiendos. ³⁶Ak kiigaigai inendet kole kotiny mbo tabandab ngoriennyi, ak kisopcho tugul che kitiny.Kurget 14

¹Kibwonji anyun Jeiso Paraisik ak sirik che kibunu Jerusalem. Koleji, ²"Amu ne si kobistoe alamalyeng'ung' bitonwekab boisiek? Amu amisie kotomo koun eunekwai". ³Ak kiwolji koleji amu nee si obistoe ak akwee ng'atutietab Jehovah amu bitonwekwok?⁴Amu king'at Jehovah kole, 'Konyit Kwandang'ung' ak komet', ak 'Inendet ne mwoe ne ya agobo kwandannyi anan ko kamet komee iman.' ⁵Ago amwoe ale, 'Age tugul ne leljini kwandannyi nda ko kamet kito age tugul ak kolejini, "Kito age tugul ne kata nyolu atoretenen ko koagochi Jehovah." ⁶Ko mateeche inendet kwanda ak kamet; kaowal anyun ng'olyotab Jehovah koek buch amu bitonwekwok.⁷Akwe chombilik! kimaoten Isaiah komie agobo akwee kole, ⁸'Konyito bichu eng' kutuswekwai, ago looen mugulelwekwai eng' ane. ⁹Ago iloswo buch amu ng'atutikab biko konetisiosiek che inetisie."¹⁰Ak kiguur inendet tuiyet kobwa ole mi ak koleji, "Ogase ak oguiye--- ¹¹Ma mi kiy ne bunei kutit che imuruoni chito, ago che mong'une kutit choto che imuruoni chito."¹²Kibwa anyun alamalyennyi koleji, "Tos inget ile kaginach paraisik kangogas mwaoni?" ¹³Ago kiwol Jeiso kole, kesuwot age tugul ne kima kole Kwandannyu ne mi kipsengwet kengusu. ¹⁴Obagakte icheget; kandoik chi koriotin ak ngondochi kipkoratiat kipkoratiat age kororokyini tuwai kebenet."¹⁵Ak kiwolji Petero koleji, "Mwowech kalewenonoto". ¹⁶Ak kile, kaga mbo tomo oguiye ak akwee? ¹⁷Ma onai ole kiy age tugul ne bune kutit kowendi moet komondoi sang'?¹⁸Ago tuguk che mong'une kutit kobunu muguleldo, choto che ing'woniti chito. ¹⁹Amu mong'une muguleldo kabwatutik che yaachen, rumisiosiek, ibetabge, soksosiek, chorsosiek, baornatetab lembech, ngalek che king'alalegei. ²⁰Chuto tuguk che ing'woniti chito; ago ngeamisie eunek che ma kiun koma ing'wanitu chi."²¹Ak kiwo Jeiso eng' oloto, kwo komoswek che bo Tyre ak Sidon. ²²Ak ogeer anyun kimong' eng' komoswechoto chepyoset ne bo canan, korir kole, "rirena eeh Kiptaiyandani inye Weritab Daudi! Tinye oik che chang cheptannyu mising." ²³Ago kimowolji Jeiso ng'olyo. Ak kibka alamalyennyi ak kogaigai inendet koleji, "Oon kwo, amu karirjinotech."²⁴Ago kiwolji Jeiso kole, "Kima kiyokwo kobate anyonji kechirek che betyotin che bo gotab Israel." ²⁵Ago kicho chepyosonata ak kogutunji inendet akolen, "Kiptaiyat toreto." ²⁶Ago kiwol ak kole, "Ma kararan kesare leguk kimnyengwai ak kewirji sesenik."²⁷Ago kimwa kole," Ee kiptaiyandani, mbo sesenik koame che ibutos kong'ete mesetab bikab kobo". ²⁸Kiwolji Jeiso anyun koleji, "Chepyosoni, o kayaneng'ung', ingoyaak ko u noto imoche." Ak kisob cheptonyi eng' sainata.²⁹Ak kiwo Jeiso eng' oloto agoi ole legite araraitab Galili. Ak kilany tulwet, ak kotebi ng'weny eng' oloto. ³⁰Ak kibwonji inendet tuiyosiek che eechen, komutu solomonik, ak che koriotin, che nomotin kut, che bo mugungon, ak alak che chang' ak kondeno ole bo kelyekyi ak kisoob ichek. ³¹Ak kikwong' tuiyet kingoroo kong'alalsot che ki nomotin kut, ko kagosobcho, che ki bo mugungon kobendoti, solomonik kobune kelyekwai, ak kotabentoi che ki koriotin. Ak kiilos Jehovah ne bo Israel.³²Ak kiguur Jeiso alamalyennyi ak koleji, "Atinye rirenetabge agobo tuiyet, amu kogetebi tugul betusiek somok ama tinye kiy ne ame. Amamoche atiagta koba koamoti rubet si matanuiyo eng' oret." ³³Ak kilenji alamalyet inendet, "Kinyorjini ano makatinik che te cho eng' emoni surkwen, si kegochi kobiyongio tuiyet ne te ni?" ³⁴Ak kilenji Jeiso, "Otinye makatinik ata?" ak kile, "Tisab ak njirenik che tiginen che ng'ering'." ³⁵King'at anyun Jeiso tuiyet kotebee ng'weny.³⁶Ak konam makatinichoto tisab ak njirenik; ak komwa kongoi ak kobutul ak kogochi alamalyet. Ak kigochi alamalyet tuiyosiek. ³⁷Ak kiam biko tugul ak kobiyong'io. Ak kiiyum katuganik lolotinwek tisab che murmuranik. ³⁸Ak kiek murenik che kiam elufusiek ang'wan ama kiit chepyosok ak leguk. ³⁹Ak kitiagta Jeiso tuiyosiek koba ak kolany moingetab beko kwo tabanwek che bo Magadan.Kurget 15

¹Kibwa anyun Parisaik ak Sadukaik ak kotiem inendet kosom koborji kaborunet ne bunu barak. ²Ago kiwolji koleji "Yo kagoek koskoleny, omwoe ole, 'moeni mutai' amu birir barak.'³Ak eng kariron, omwoe ole, 'Usei rani, amu birir ak kotong'unot barak.' Onget obesie ole teptoi togetab barak, ago momuchi obesie kaborunoikab betusiek. ⁴Cheng'e kaborunet ebendo ne ya ne bo ibetabge, ago magiborjini kaborunet kobate kaborunetab Jona." Ak kibagaka ichek ak kwo.⁵Ak kingoit alamalyet bitonin age, ko kiutie koib makatinik. ⁶Ak kileji Jeiso, "Oribge mermerek che bo Parisaik ak Sadukaik." ⁷Ak king'ololjigei ichegei kole,"Tos amu ma kiibu makatinik" ⁸Ak kingonai Jeiso komwa kole, "Ee akwee che bo kayanet ne tigin, kaine si ong'ololjige, amu motinye makatinik?⁹Maonai nda maobwati makatinik mut ak kerebonik che te che kioumji?¹⁰Nda makatinik tisab eng' biko elufusiek angwan, ak lolotunwek che te che kioumji?¹¹Kiine si monai ole mangololwok agobo makatinik? Ago oribge mermerek chebo Paraisik ak Sadukaik.¹²Konam anyun kole kama iyomis ichek koribege mermerekab makatiat , ago konetisietab Paraisik ak Sadukaik.¹³Ak kingo che Jeiso komoswekab kaisarea Pilipi kotebe alamalyennyi kole, mwoe biko kole ng'o weritab chi?¹⁴Kole, mwaei alak kole, Johana kabatisenindet; len alak, Elijah kolen alak, Jeremia nda age eng' maotik.¹⁵Koleji ,ago Olen akwek a ng'o ?¹⁶Ak kiwol Simion Petero kole i Kristo weritab Jehovah ne sobe .¹⁷Ak kiwolji Jeiso koleji, "Iberurot inye Simion weritab Jona, amu ma ng'ang'un borto nda ko korotik, ago Kwandanyu ne mi kipsengwet. ¹⁸Ak amwoun agane ale, ii Petero, ak ateeche kanisennyu eng' koita nito. Ak maneneti kimnatosiekab oldab che kigobek.¹⁹Agonin yateiywek che bo bounatetab kipsengwet. Ak kiy age tugul ne irate eng' ng'weny kerote eng' kipsengwe,t ak kiy tugul ne itiachi eng' ng'weny kitiochi eng' kipsengwet." ²⁰King'at mising anyun alamalyet kole ama mwachi chi age tugul kole inendet ko Kristo.²¹Kong'ete yoto kotoi Jeiso komwochi Jeiso alamalyennyi koleji agoi kwo inendet Jerusalem, si kenyalil eng' tuguk che chang' eng' eunekab boisiek ak tisik che eechen ak sirik, ak kebar ak king'eet eng' betutab somok. ²²Ak kimut Petero inendet kwo taban ak kotoi koger Kong', kole "Ngolooit eng' inye, ng'alechu, Kiptaiyandani! Matajonjin nito agoi!" ²³Ago kiwechgei, Jeiso ak koleji Petero, "Wui let eng' ane,Chesawilyeni! Keegu kanagutiet eng' ane, amu maibwoti inye tukugab Jehovah ago tuguk che bo biko."²⁴Ago Kileji Jeiso ayun alamalyennyi, ngo mochei chi korubka, kotaige ak kosut kimurtoiyonennyi ak korubwa²⁵Amu age tugul ne mochei kosor sobondoyi kobeeti; ak age tugul ne ibeti sobondonyi agobo ane konyoru.²⁶Amu keljini nee chi, ngonyor ing'weny komugul ak kobeet sobondonyi? nda to igoito ne chi kowale sobondonyi?²⁷Amu tun choni weritab chi eng' torornatetab Kwandanyi koboto malaikaisiekyi. Ak koyookyi anyun chi age tugul ko u boisionikyi. ²⁸Amwowok iman, ale mi alak eng' che tonondos eng' yu che mochomjomi meet mating, agoi kogeer kochoni weritab chi eng' bounatenyi."Kurget 16

¹At kingobata betusiek lo komut Jeiso Petero, ak Jakobo, ak Johana wering'wai, kolany tulwet ne koi koba ichegei. ²Ak kiwalak eng' taing'wai. Ak kiikwengta togennyi ko u asista, ak kileelagitu ngoroikyi kou lapkeiyet.³Ak ogeer anyun kitook eng' taingwai Musa ak Elijah kong'alalsot ak inendet. ⁴Ak kiwolji Petero Jeiso, koleji "Kiptaiyandani kararan eng' ache kemite yu. Ngichome, amuchi ateech eng' yuto keriosiek somok nengung' age, bo Musa age ak kobo Elijah age".⁵Ak king'oto kong'ololi, kouur icheket boldet ni iluu; ak ogeer anyun kimong'une kutit boldet kole, "Ni ko Werinnyu ne achame, abaibai mising ing' inendet. Ogas iit inendet." ⁶Ak kingogas alamalyet, kobutyo kotobeni ng'weny ak kocholyo mising. ⁷Ak kicho Jeiso ak kotwa ichek koleji, "Ong'etye amoiyweisie." ⁸Ak kingong'et met ko ma iroo chi kobate Jeiso inege.⁹Ak kingoto kowolu eng' tulwet, king'at Jeiso icheket koleji, "Amomwochi chi koborunonito, agoi tun kong'eet Weritab Chi eng' che kikomeyo." ¹⁰Ak kitebee alamalyennyi inendet kole, "Amu nee anyun si komwoe sirik kole choni Elijah korok kondou?"¹¹Ak kiwol Jeiso kole Oman indou Elijah, ak koweech tuguk tugul.¹²Ago amwowok ale kigocho Elijah ak kima nai iche inendet, ago kiechi inendet kiy age tugul ne kimochei mbo ko u nyoto tun nyalili weritab chi agine eng' eunekwai.¹³Konai anyun alamalyet kole king'ololjini ichek agobo Johana kabotisonindet .¹⁴Ak kingo kagobka ole mi tuiyet, kochonji inendet chito, ak kogutungji ak kole, ¹⁵"Kiptaiyandani riree werinnyu, tinye cheptoleit, ak nyalili mising. Amu ibutyini mat konyil che chang' ak kobutyini beko konyil che chang'. ¹⁶Ak koamutyi alamalyeng'ung' ak ma imuch kosoob inendet."¹⁷Ak kiwol Jeiso kole, "Ee ebendo ne matinye kayanet ak komastaat, atebche ak akwe agoi au? Amuitoi agoi au agobo akwe? Imutwa inendet." ¹⁸Ak kitor kong' Jeiso oindet, ak komanda oindet eng' inendet ak kosob weroto eng' sainata.¹⁹Kibwonji anyun alamalyet ole mi Jeiso eng' ung'ot ak kole, "Kaine si ma kimuch ache keon komanda?" ²⁰Ak kileji, "Amu kayaneng'wong' ne tigin. Amu amwowok iman ale ngot otinye kayanet ne te kesuwotab mogoiwet ko nda ngomwochi tulwoni oleji inakte ui olin konoktoi, ak mami kiy ne maimugakse eng' akwe. ²¹Ago mamondoi ne u ni kobate eng' saet ak karugutetabge.²²Ak ye kingo ta kobenie eng' Galili, komwachi Jeiso alamalyennyi koleji, "Kindenoi weritab chi eunekab biko, ²³ak kobar icheket inendet ak king'eet kogeny eng' betutab somok." Kiimgei anyun mising' alamalyennyi.²⁴Ak kingo kagoit Kapernaum, kobwonji Petero ichek che kitoochei drachma aeng che bo aisurut, ak kole, "Magonu konetindeng'wong' drachmaisiek aeng che bo aisurut?" ²⁵Komwa kole, "Eeh". Ak kingwo Petero got orit, kong'ololji Jeiso inendet ak koleji, "Ibwati nee inye Simion?Llaitorinik che bo ng'weny konyorune ng'o aisurut ? Eng' werikwai nda eng' che bo biko alak?"²⁶Ak kiwol Petero kole, "Eng' biko alak," Koleji Jeiso inendet, "Ara anyun itiogotin werik." ²⁷Ago, si ma kinach icheket, iwe araraita ak iwirji kipkomondet, ak njiriot ne kamong' eng' tai, inam; ak ngi yaat kutinyi inyoru sekeliat. Nam noto, ak igoite aisurut agobo ane ak inyendet."Kurget 17

¹Kibwonji alamalyet Jeiso eng' sainato, koleji "Ng'o anyun ne o eng' tugul eng' bounatetab kipsengwet?" ²Ak kiguur lakwet ne tigin kocho ole mito inendet ak kotonone kwenungwai, ³ak kole, "Amwowok, iman ale ngot ko mowologisie ogergeitu leguk che mengechen, ko moite bounatetab kipsengwet.⁴Noto anyun age tugul ne imining'itige ko u lekwani tigin, ko o noto kosir tugul eng' bounatetab kipsengwet. ⁵Ak age tugul ne toochei lekwet agenge ne tigin ne u ni eng' kainennyu ko kataacha. ⁶Ago age tugul ne inachi agenge eng' chuto mengechen, ko keigei kechugta inendet kaatinnyi koitab bai ne kindet ak ketorji orititab araraita.⁷" Bwo ng'weny amu kanagutik! Amu bwonii kanagutik iman; ago bwo eng' chichoto bunu kanagutik! ⁸Ak ngonachin eung'ung' nda keldong'ung' itil ak ak iwirte. Amu keigei eng' inye imongji sobondo i bo mugung' nda i bo kelok kosiir itinye eunek aeng' anan ko kelyek aeng ak kewirjin mat ne bo koigeny.⁹Ak ngonachin kondang'ung' i bolu ak iwirte. Amu keigei eng' inye imongji sobondo ibo kong'ak kosiir itinye konyek aeng' ak kewirjin Gehenna oldab mat.¹⁰Orib si mosas age tugul eng' chuto tiginen. Amu amwowok ale, eng' kipsengwet ko mito malaikaisiekwai kotugul togetab Kwandanyu. ¹¹Amu kicho weritab Chi kosor ne kiga kobet.¹²Olin nee akwek? ngo tinye chi kechirek bogol, ak kwo age kobetot, kotos mabogoktoi chun tomonwogik sogol ak sogol, ak kwo tulondok ak kocheng'at ne betot? ¹³Ak ngonyor, amwowok, iman ale baibaitu agobo noto kosiir chun tomonwogik sogol ak sogol che mabetyo. ¹⁴Mbo ko u noto ko ma magetab kwandang'wong' ne mi kipsengwet kolus agot agenge eng' chu tiginen.¹⁵"Ak ngo lelun ne otupche, iwe ikerkong inendet, iborji lelutiennyi omite tuwai akwege. Ngo kasin, ko kagogelun ne otupche. ¹⁶Ago ngo magasin, imut agenge anan ko aeng' alak, amu si kogimit ng'olyot age tugul ko eng' kutuswekab baorinik aeng' nda ko somok.¹⁷Ak ngo tai kogas icheget, imwochi kaniset. Ako ngo tai kogas kaniset agine, ko ingoige sikoran eng' inye nda taagindetab aisurut.¹⁸Amwowok, iman, ale tuguk alak tugul che orate eng' ing'weny kerote eng' kipsengwet; ak tuguk alak tugul che otiochi eng' ing'weny ketiochi eng' kipsengwet. ¹⁹Amwowok kogeny, ale, ngo chomnyechi aengu eng' ing'weny agobo kiy age tugul ne some koyonchini Kwanda anyun ne mi kipsengwet. ²⁰Amu ole katuiyechi aengu anan ko somok eng' kainennyu, amite kwenung'wai eng'."²¹Kinyo anyun Petero, ak kotep kole," Kiptaiyandani, nyolu anyoochi kaat ne ketupche konyil ata ye kalelwo?". Agoi konyil tisab?" ²²Komwoji Jeiso kole," Momwoun ale konyil tisab, ago, agoi tomonwogik tisab konyil tisab.²³Noto anyun kigergeite bounatetab kipsengwet ak laitoriat agenge, ne ki machei koiit tuguk koboto otwogikyi. ²⁴Ye kingotoi koiit, kemutyi agenge ne kibesen talentaisiek elufusiek taman. ²⁵Ak amu kimotinye kiy ne yooktoe kong'at kiptanyandenyi kealda inendet, osotyonnyi, leguk ak tugul che ki tinyei, si koyaaktae besendo.²⁶Ak kiibutyi ng'weny anyun otwogindenoto kosaisai kole, kiptaiyandani, muitaiwa kitigin, si ayaagun tugul. ²⁷Ak kirire kiptaiyatab otwogindenoto, kotiach inendet ,ak Konyochi kaat eng' besendo.²⁸"28 Ago kimanda otwogindenoto ak konyor age ne kiboisie tuwai ne kibesen inendet denarisiek bogol; ak kinam inendet kaatit ak kole , 'Yookwo che kiibeseneno'. ²⁹Kibutyi ng'weny anyun ne kiboisie Kuwai, kosom inendet, kole kang'wo korok si ayaagun..³⁰Ak kima cham; ago kiwo kotoorji korgoret, agoi koyaak tugul che kiga besen. ³¹Ak king'oroo anyun che kiboisie tugul tukuk che kiyoogis kocholio mising ak kobka komwochi kiptaiyandeng'wai tuguk tugul che kagoyaagis.³²"Ngo ityo koguur anyun kiptaiyandennyi inendet kocho ak koleji, 'Ee otwogindet ne kimegeiya, kianyoun kaat eng' besento tugul amu kiisomo. ³³Tos kima nyoljini aginye irire ne kioboisiei tuwai, ko u yo kiarirenin?'³⁴Ak kinerech kiptaiyandennyi, ak kondeno inendet eunekab biko che birei agoi koyook tugul che kiga besen. ³⁵U noto aiywok agine Kwanda ne bo kipsengwet, ngo monyochi kaat age tugul eng' mugulelwekwok ne otupche".Kurget 18

¹Ak kingo kagotar Jeiso ng'alechu kwo eng' Galili agoi koit tabanwekab Judea, noto ko kesirtoe Jordan komosin. ²Ak kiirub inendet tuiyosiek che echeen ak kiisoob ichek eng' oloto.³Ak kibwonji inendet Parisaik ak kotiem kole, "Tos chamdaat eng' ng'atutik koon chi chepyosennyi agobo kiy age tugul?" ⁴Ak kiwol Jeiso kole, "Tomo osoman ole inendet ne kiyai icheket eng, taunet ko kiyai muren ak tie?⁵Ak kile inendet ne kiyae icheket, 'Agobo nito anyun bogoktoi mureno kwanda ak kamet, ak konamge ak chepyosennyi, ak koek tuwai borto agenge'. ⁶Si ma ko aeng' ago borto agenge, noto anyun che kigotuiyo Jehovah ko matobesio chi."⁷Kileji anyun bichoto inendet, "Kiinee anyun si kong'atech Musa kole kigochini siret ne bo besiet ak keon kwo?" ⁸Komwochi ichek koleji, "Kichomwok Musa oon chepyosokwok amu uuindab mugulelwekwok, ago kima ko u noto kong'ete taunet. ⁹Ak amwowok ale, chi age tugul ne onei osotiondennyi ama eng ng'olyotab sokset ak kotun age, ko kabaige; ak inendet ne ituni ne kigeon ko kabaige."¹⁰Koleji alamalyennyi Jeiso, "Ngoto ateptab muren ak chepyosennyi ko u noto, ko ma kararan ketungei." ¹¹Ago kileji icheket, "Ma imuchi biko tugul kotaach mwaoni, kobate ichek che kigochini. ¹²Amu mito sirorinik che kigisich ko u noto kong'etee motinwekab kametisyekwai ak mito biko che kigimoch, ak mito biko che kiimochge agobo bounatetab kipsengwet. Inendet ne imuch ko ingotaach ni, kotaach."¹³Kigimutyi anyun leguk che tiginen si kobiit kogonoor eunekyi ichek ak kosa, ak kiger kong' alamalyet ichek. ¹⁴Ago kile Jeiso, "Ochomji leguk che tiginen kobwonjo amotoetee amu bo che u choto bounatetab kipsengwet. ¹⁵Ak kiigonoor eunekyi ichek ak kwo eng' oloto.¹⁶Ogeer, anyun kijonji chi age ak kole "Konetindoni ne kiy ne kararan ne tos ayai si anyor sobondab koigeny?" ¹⁷Ak koleji Jeiso, "Kaine si iteebena agobo noto ne kararan? Mi agenge kityo ne kararan, ago ngimoche imongji sobondo, inam ng'atutik."¹⁸Kilejichichoto inendet, "Ng'atutik che u nee?" Ak kile Jeiso, Ameborishe, Moipge, Mechorse, Mebaorionji lembech, ¹⁹Tegis kwandang'ung' ak komet, ak icham chitab kokwet ko u yo ichamege."²⁰Koleji murenoto, "Kiarib tuguchu tugul. Ta ko ng'etunot nee eng' ane?" ²¹Koleji Jesio inendet, "Ngimache iegu ne igesunotge iwe ialde che itinye ak igochi kibananok, si inyoru magornatet eng' kipsengwet; ak irubwa." ²²Ago kingogas murenoto mwaonato kwo eng' koimutik amu kitinye tuguk che chang'.²³Ak kileji Jesio alamalyennyi, "Amwowok iman ale, korom eng' mogoriot komang'ii bounatetab kipsengwet. ²⁴Ak kogeny amwowok ale, nyumnyum eng' tambesiet kochut kondab katet kosiir komongii mogoriot bounatetab Jehovah."²⁵Ak kingogas alamalyennyi ko u noto, ko kikwong'io missing ak kole, "Ara ng'o anyun ne sarunoksei?" ²⁶Ak kiroo Jeiso icheket ak koleji maimugase ni eng' biko, ago imugokse tuguk tugul eng' Jehovah." ²⁷Kiwolji Petero, anyun koleji, "Topen kigebagakte tuguk tugul ak kerubun inye. Kinyoru ne anyun achek?"²⁸Ak kileji Jeiso icheket, "Amwowok iman ale akwe che korubwa, ko tun eng' yaet ne leel ye tun tebee weritab chi ng'echeretab torornatennyi otebe ak akwee ng'echerok taman ak aeng' che bo laitornatet oruokyini ortinwek taman ak aeng' che bo Israel.²⁹Ak age tugul ne kikobagakta gorik, werikwai, tibikwai, kwanda, kamet, leguk anan mbaret agobo kainennyu kotooche konyil bogol ak kobor eng' sobondab koigeny. ³⁰Ago anyun tun egu che chang' che bo tai che bo let, ak koegu che bo let che bo tai.Kurget 19

¹Amu kergei bounatetab kipsengwet ak chitab kobo got ne kimusta kariron kwo kuguur meek (kiboitinik) Kobwa mbarennyi ne bo sabibuk. ²Ak kingo kagochamnyechi ak meechoto kogochi denarit agenge eng' betut agenge, koyokto koba mbarennyi.³Ak kimanda kogeny ko legit sait somok ak koroo alak kotonondos eng' oldab aldaisiet ama tinye boisiet. ⁴Ak kileji, 'Oba ak akwee mbaretab sabibuk, si agonok ne nyolu'. Ak kiba anyun kobois.⁵Kimanda kogeny ko legit sait lo ak eng' sait sogol, akiyai ko u noto. ⁶Ak kimanda Kogeny olo bo sait taman ak agenge ak konyor alak kotonondos ak kileji icheket, 'kainee si otonone oli betut komugul amotinye baisio?' ⁷Kileji anyun bichoto inendet, 'Amu ma koneech chi boisiet'. Koleji icheket, 'Oba ak akwee, "mbaretab sabibuk'.⁸Ak kingoek koskoleny, komwochi chitab kobo mbaretab sabibuk kiboitondenyi ne o koleji, 'Kuur meek ak igochi melekwekwai, itaune ne bo let agoi ne bo tai'. ⁹"Ak kingobwa ichek che kiga kiguur ko legit sait taman ak agenge konyor chi tugul denarit agenge. ¹⁰Ak ko kingobwa che bo tai koleen nyoru che siire, akinyor agiche denarit agenge chi tugul.¹¹Ak kingotaachmelekogikwai, kong'ung'unji chitab kobo got. ¹²Komwa kole, 'Kabois chu bo let sait agenge kityo, ak keyai kokergeitge bichoto ak ache che kagibirtege betut kemugul eng' asista ne ng'wan.'¹³"Ago kiwolji koleji agenge eng' ichek, 'Choruani, ma yaun kiy ne ya. Tos kama kikosyine tuwai denarit agenge? ¹⁴Nam neng'ung ak iwe oreng'ung. Chamennyu ogochi chichito ne bo let ko u ye kagonin inye.¹⁵Tos ma nyoljino ayai ne amache eng' tuguk chu? Nda kaamjin ng'etkong amu ai chi ne kararan?' ¹⁶Ara egu anyun che bo let che bo tai ak egu che bo tai che bo let."¹⁷Ye kingolonye Jeiso Kowendi Jerusalem, komut alamalaik taman ak aeng, koba taban ichegei ak koleji ichek eng' oret. ¹⁸"Oroo, kilonye Jerusalem, ak kekoitoi weritab chi kwo eunegap tisik che echen ak sirik ak kiruokyi kele kome inendet ¹⁹ak kigoito inendet kegochi bororiosiek si ko mor inendet, kobir inendet ak kogartat inendet. Ago eng betutab somok keng'eti inendet"²⁰Kijonji anyun inendet kametab weritab zebedayo koboto werikyi, ak kogutungji ak kosom inendet kiy. ²¹Ak kileji Jeiso, "Imoche nee?" Koleji, "Ng'at ile kotebe werikchu aeng'u age eung'ung nebo tai ak age eungung nebo katam, eng' bounateng'ung."²²Ago kiwol Jeiso kole, "Mongen kito ne osome. Omuchi akwee oee kikombet ne legit aee?" Koleji Inendet, "Kimuchi." ²³Koleji ichek, "Oee iman kikombennyu. Ago ketebe eunnyu nebo tai ak eunnyu ne bo katam ko ma ane ne igoitoi, ago bo icheket che kikochopchi Kwandanyu." ²⁴Ak kingogas chun tamanu, konerekcho agobo choto aeng' che tupcho.²⁵Ago kiguur Jeiso icheget ak koleji, "Onget ole bou eng' kimnatet baunikab bororiosiek ak bou ichek bikwai che eechen. ²⁶Ago ma u noto eng' akwee. Ago age tugul ne moche koek ne o eng, kwenung'wong koek ne kiboitiondeng'wong. ²⁷Ak age tugul ne moche koek ne bo tai eng' kwenug'wong koek otwogindeng'wong, ²⁸Mbo ko u noto kima cho Weritab Chi keboisiechi ago si kobois inendet ak kogoito sobondonyi koek kito ne kitioge che chang'."²⁹Ako kingo mondoi ichek eng' Jeriko, korub inendet tuiyet ne o. ³⁰Kimi kipkoratinik aeng' che kitebsot eng' oret taban ye kingo kas kole siirtoi Jeiso , kowakcho kole ,"Kiptayat, weritab Daudi, rirenech ." ³¹Kiger kong' tuiyet bichoto kole, kosisyo, ako kites kowokcho kole, "Kiptaiyandani rirenech, eeh weritab Daudi."³²Ak kitonon Jeiso, ak koguur ichek ak koleji, "Omoche ayaiywok nee?" ³³Koleji inendet, "Kiptaiyandani, kimoche keyatwech konyekyo." ³⁴Ak kirire Jeiso, ak kitwa konyekwai. Ak kogeerto eng sainata ak korub inendet.Kurget 20

¹Ye kiriktoi Jeiso ak alamalyennyi Jerusalem ak koit Betpage, agoi tulwetab Emitik, koyokto Jeiso aeng' che bo alamalyennyi, ²koleji, oba agoi nganaset ne mi taing'wong', ak onyoru ngunoto sigiriet ne ratat, komi ak moitanyi. Otiach tuwai ak ogetwo. ³Ak ngo mwawok chi kiy, oleji, 'Makyinigei Kiptaiyat', ak kogonok ngunoto."⁴Ak kayaakis chu tugul, si kobit kosulda ne kimwa maotiot kole, ⁵"Omwachi cheptab zion, 'Oroo chonjinin laitoriandeng'ung' ne tala, ak kolong'onu sigiriet--eng moita, moitab sigiriet."'⁶Ak kiba alamalyet ak koyai ko u yo kiiarojin Jeiso icheket. ⁷Ak Kikweri sigiriet ak moitanyi, ak koiitochi ngoroikwai, ak kotebee inendet barak. ⁸Ak kiito che chang chebo tuiyet ngoroikwai eng' oret, ak kotil alak temenikab ketik, ak koiito eng' oret.⁹Ak kimwaoti eng' kutit ne o tuiyosiek che kiindoe inendet ak che kirube koleen, "Hosana weritab Daudi, iberurot Inendet ne choni eng' kainetab Kiptaiyat! Hosanna eng' ole toror mising!" ¹⁰Ak kingoit Jeiso Jerusalem, kochirchiren nganaset komugul kole, "Ng'o ni?" ¹¹Ak kiwol tuiyosiek kole, "Ni ko maotiot Jeiso,ne bunu Nasaret ne bo Galili".¹²Ak kichut Jeiso hekalut. Ak kioon tugul che kioldoisie ak che kiolisie eng' goyoto ak komilda mesosiek che bo walikab chepkondok, ak ng'echerokab che kioldoi cheptugenik. ¹³Ak koleji icheket, "Sirat kele, 'Kiguure gonnyu gotab saet, ago kaowal koek kebenetab chorik." ¹⁴Ak kibwonji inendet eng' hekalut ichek che ki koriotin ak che ing'waldos ak kisoob icheket.¹⁵Ago ye kingoroo tisiik che eechen ak sirik tuguk che kiae che bo kowong'et ak kingogas leguk che komwoei eng' kutit ne o eng' hekalut kole, "Hosanna Weritab Daudi" konerekcho mising. ¹⁶Ak koleji, "Igose tuguk che mwaei ?" Kole Jeiso icheket, "Ee! Ago tomo osoman kele, 'kiiyai inye kalosunet kosulda eng' kutuswekab leguk ak che mengechen?" ¹⁷Ak kibagakta Jeiso icheket ak kwo komanda eng' nganaset kwo Betania ak koru oloto eng kemout.¹⁸Ak karon ye kingowechege kowendi nganaset koam rubet. ¹⁹Ak kingoroo eng' tabandab oret mogoiywet kwo ole mi ko manyorji kiy kobate sogek kityo. Ak kileji ketoto, "Kong'etee rani ko ma iiye logoek agoi koigeny," ak kitoi kores mogoywonoto.²⁰Ak ko kingogeer alamalyet, kokwong'io, kole "Katepto ano si kores mogoiywet sainita?" ²¹Kiwolji Jeiso koleji, "Amwowok iman ale ngo tinye kayanet amosage, ko moyae kityo ne kagoyaak eng mogoiywondoni, ago ngomwochi mbo tulwoni oleji, 'Ngetutin ak kewirjin araraita,' koyaakse. ²²Ak tuguk alak tugul che osome eng' saet oyani otoche."²³Ak kingoit Jeiso hekalut orit, ko kita konetisie kobwonji inendet tisiik che eechen ak boisiek che bo bichoto, ak koleji, "Nee kimnatet ne iyae tuguchu, ak kigonin ng'o kimnatoni?" ²⁴Ak kiwolji Jeiso koleji, "Amoche agine ateebenak ng'olyot agenge, ne ngo'mwowo, amwowok agane kimnatonoto ayae tuguchu.²⁵Kibunu ano kabatisanetab Johana? Bunu kipsengwet nda kibunu biko? Ak kichaamjige kole ngot kemwa kele, kibunu kipsengwet kimwowech inendet kole, 'Kiyai nee anyun si moyan inendet?' ²⁶Ago ngemwa kele, 'Kibunu biko', keiwei tuiyet amu iyoni tugul kole maotiot Johana." ²⁷Ak kiwolji biko Jeiso, koleji, "Makingen". Komwochi agine koleji, "Momwowok agine kimnatet ne ayae tuguchu.²⁸Ago Oleen nee? Kitinye chi werik aeng.' Ak kiwo ole mito weritab ne bo tai, ak koleji, 'Weri ui boisie rani eng' mbaretab sabibuk.' ²⁹Ak kiwol kole, 'Mawendi', ago eng' let kosik ak kwo. ³⁰Ng'oityo kwo ole mito ne bo aeng' ak komwochi ko u noto. Ak kiwol kole, 'Awendi,' ago mawo.³¹Ng'o eng' choto aeng' ne kiyai magetab kwandangwai? Komwa kole, "Ne bo tai." Komwochi Jeiso ichek koleji, "Amwowok iman ale sib kondoenok koitei bounatetab Jehovah taagikab aisurut ak chepkugonik. ³²Amu kichonjok Johana eng' oretab imanda, ago ma oyan inendet. Ago kiiyan inendet taagikab aisurut ak chepkugonik ago akwe ko king'oroo ko ma osigu si kobiit oyan inendet.³³"Ogas kalewenet age. Kimi chito age ne kitinye got ak kiminji sabibuk mbaret ak kong'ot ak kobal kebenet ole kikurung'e logoek ak kotech go ne koi, ak komanakyi meek ak kwo emet age. ³⁴Ak ye kingo kagorik ruratetab logoek koyokto otwogikyi koba ole mi meek, si koib logoekyi.³⁵Ak kinam meek otwogikyi ak kibir age, kibar age, ak kiwir age eng' koik. ³⁶Kiiyokto kogeny otwogik alak che siire che bo tai ak koyochi ichek ko u noto. ³⁷Ak eng' let koyokyi werinyi kole, 'teegisi werinnyu.'³⁸Ago ye kingoroo meet werit, komwochige kole, 'Nito ko ne bo tuguk. Obwa kebar inendet ak kenyaban tuguk che kata tun bunjini inendet.' ³⁹Ak kinam inendet, ak kotoorta komanda eng' mbar ak kobar.⁴⁰Noto anyun kingocho chitab kobo mbaretab sabibuk koyachini nee meechoto?" ⁴¹Kolenji, "Barei chichoto bo mbaret bichoto yaachen eng' mbaret ne ya, ak komanakyi mbaretab sabibuk, meek alak che igochini inendet logoek eng' ruratengwai."⁴²Kileji Jesiso ichek, "Tomo osoman sirutik kele, 'Koita ne kitoiyo teegik ko kigeyai noto koek koita ne bo luita. Kibunu nito Kiptaiyat ak kiek kwong'utiet eng' konyekyo'?⁴³Noto anyun amwowok ale, kisorenok bounatetab Jehovah ak kigochi bororiet age ne yiei logoekyi. ⁴⁴Ak inendet ne ibutyini koi barak koile konyaknyakanak ago age tugul ne tiringjinige koita konyinyirogse."⁴⁵Ak kingogas tisiik che eechen ak Parisaik kalewenaikyi konai kole kang'alali agobo icheket. ⁴⁶Ak ko kingocheng' konam inendet, ko kiiywei tuiyosiek amu kiiyoni kole maotiot inendet.Kurget 21

¹Ak kingo'lolji Jeiso ichek kogeny eng' kalewenaik, koleji, ²Kigergeitege bounatab kipsengwet ak laitoriat agenge ne kiyochi werinnyi igortab katunisiet. ³Ak kii yokto otwogikyi koguur icheket che kiga kemwochi agobo igortab katunisiet ak kima cham kobwa.⁴Kiiyokto kogeny otwogik alak kole, 'omwochi ichek che kiga kemwochi, "Oleji kaachob amitwogikyu. Kageeny eikyu ak alak che akwaen, ak chobotin tuguk tugul. Obwa igortab katunisiet."⁵Ago mamake kiy anan kokas iit ng'alekyi, ak kiba ortinwekwai kwo age mbarennyi, kwo age boisiennyi ne bo mung'aret. ⁶Kong'et alak, konam otwogikyi ak konyalil ak kobar. ⁷Ago kineerech laitoriat, ak kiiyokto lugosikyi kobar rumichoto, ak kobeel nganasengwai.⁸Kimwochi anyuun otwokyi kolenji, 'Chobot katunisiet, ago ma muchini che kigaa ketaach. ⁹Ara anyun oba ole besiechini ortinwek ak oguurji igorta ne bo katunisiet tugul che konyoru. ¹⁰Kiba anyun otwogichoto ortinwek, ak koyum tugul che kinyor, che yaachen ak che kororon. Ak kinyi toek gotab katunisiet.¹¹Ago ko kingo mong' laitoriat kogeer toek, kogeer chito ne kima ilaach ngoroikab katunisiet. ¹²Ak kileji, 'Choruani, kejonde ano oli ametinye ngoroikab katunisiet? Ak kinamak kut mang'alal.¹³Ak king'et laitoriat kole kiboitinikyi, 'Orat chichi kelyek ak eunek, ak owirji sang ole mito tuindo, ole mito rirek ak nyeetab kelek' ¹⁴Amu chang biko che kigiguur, ago ng'ering che kikilewen'¹⁵Kiba anyun Parisaik koruoch ole namdoi inendet eng' ng'alekyi. ¹⁶Ak kiiyokyi kasubikwai koba ole mi inendet, koboto Herodik. Koleji Jeiso, "Konetindoni kingen kele i bo iman, ak ineti oretab Jehovah eng' iman. Ameiwei chi age tugul, ak mechile togochikab biko, ametinye kalotunet. ¹⁷Mwowech anyun, tos ilen nee inyee? Tos chamdaat eng' ng'atutik kegochi kodi kaisari nda ololo?"¹⁸Ago kinai Jeiso yaitengwai ak kole, "Amu nee si otiema akwe chombilichu? ¹⁹Oboruo chepkondet ne bo kodi." Ak kiipchi inendet denarit.²⁰Ak kileji Jeiso "Bo ng'o itondo ak kainet ne siret?" ²¹Koleji inendet, "Bo Kaisari." Koleji Jeiso anyun, "Ogochi Kaisari tuguk che bo Kaisari, ak ogochi Jehovah tuguk che bo Jehovah". ²²Ak ko kingogas, kokwong'io. Ak kibagakta inendet koba oreng'wai.²³Kibwonji inenedet betunoto Sadukai, che mwoe kole, momi ng'eetyetab che kigobek. Ak kiteebe inendet, ²⁴Kole, "Konetindoni, kimwa Musa kole, 'Ngo me chi, ama tinyei leguk, kondi wring'wai chepyosonata si kololji mat wering'wai'.²⁵Kimi kwenunnyo murenik tisabu che tupcho ak kiitunis ne bo tai, ak kime. Amu kima sich lekwa, kondi chepyosennyi wering'wai. ²⁶Kiai ko u noto ne bo aeng' agine ak ne bo somok agoi ne bo tisab. ²⁷ak Kingomeyo tugul, kome chepyoset agine. ²⁸Ara anyun eng' ng'eetyet kobunjini ng'o chepyosonata eng' choto tisab? Amu kiga kotun tugul".²⁹Ago kiwolji Jeiso koleji, "Ochilili amu mongen sirutik anan ko kimnatetab Jehovah. ³⁰Amu eng' ng'eetyet ko maitunisie, ama kigoitoi kitun. Ago kergeitu ak malaikaisiek che mi kipsengwet.³¹Ago anyun agobo ng'eetyetab biko che kigomeiyo, kotomo osoman ne kimwowok Jehovah kole, ³²'Aii Jehovah ne bo Abraham, aii Jehovah ne bo Isak, aii Jehovah ne bo Jakobo'? Jehovah ko ma Jehovah ne bo che kigomeiyo ago bo che saptos." ³³Ak ko kingogas tuiyosiek nito, kokwong'io agobo konetisiennyi.³⁴Ago kingogas Parisaik kole kagonam kut sadukaik ng'alekab Jeiso, koyumge. ³⁵Ak kiteebe agenge ne ng'omotiotab ng'atutik kotieme inendet---- ³⁶Kole, Konetindeni, anono ng'atutiet ne o eng' ngatutik?"³⁷Koleji Jeiso inendet, "Cham Kiptaiyat Jehovah neng'ung eng' muguleldang'ung' komugul, ak eng' sabondong'ung komugul, ak eng' ng'omnoteng'ung' komugul. ³⁸Nito ng'atutiet ne o ak ko ne bo tai.³⁹Ak ne bo aeng ne kerge ak nito ko ni--- 'Cham chitab kokweng'ung ko u ole ichamdoige.' ⁴⁰Tonone ng'atutik tugul ak maotik ng'atutichu aeng'."⁴¹Kingo ta komi Parisaik tugul yoto, kotebe Jeiso icheket ng'olyo. ⁴²Kole ,"Obwati nee akwee agobo Kristo? Weritab ng'o inendet?" Koleji inendet "Weritab Daudi."⁴³Koteebe ichek koleni, "Amu nee anyun si koguure Daudi inendet eng' Tamirmiriet, Kiptaiyat, kolen, ⁴⁴'Kileji Kiptaiyat, Kiptaiyandennyu, "Tebe eungu ne bo tai, agoi andene buniguk keldebesaikab kelyeguk"?⁴⁵Ngot koguure anyun Daudi inendet 'Kiptaiyat', ko werinyi kole nee?" ⁴⁶Ak kima imuch age tugul kowolji inendet ng'olyo, ak kong'ete betunoto agoi, ko mata kogany chi kotebee inendet ng'olyo kogeny.Kurget 22

¹Ak king'oloji Jeiso anyun tuiyosiek ak alamalyennyi. ²Koleji, "Tebe sirik ak Parisaik ng'echeretab Musa. ³Noto anyun oyai ak orib tuguk alak tugul che ng'otok oyai. Ago morub ko u boisionikwai amu mwoe icheket kityo ama yaei.⁴Ee, rotei milotik che nyigisen ak ko che koromen kegeseni, ak kondeno tigigoikab biko. Amenoktoe icheget' mbo eng mornet agenge. ⁵Ago yaei boisionikwai tugul si kogeer biko. Amu yaei koteebeesitu lolotinwek che keibe sirutik ak kobaroi tabanwekab ngoroikwai.⁶Ak kochame ole toogunot eng' igorwek ak nge'echerok che eechen eng' sunagogisiek, ⁷ak kagatosiek eng' oldinwekab aldaisiet ak keguure icheket biko 'Rabbi'.⁸Ago moto geguurenok 'Rabbi,' amu otinye konetindeng'wong agenge kityo, ak otupche akwee tugul. ⁹Ak amoguure chi eng' ng'weng kwanda amu agenge Kwandang'wong', inendet ne mi kipsengwet. ¹⁰Amocham keguurenok 'kanetindet', amu agenge kanetindeng'wong, noto ko Kristo.¹¹Ago inendet ne o eng kwenung'wong koegu kiboitiondeng'wong'. ¹²Ak age tugul ne itororigee kemining'iti , ak age tugul ne imining'itige ketorori.¹³Ago bwo eng akwe, sirik ak Parisaik, chombilik! Ogere bounatetab kipsengwet si machut biko. Amu moite akweget oloto, ak amochamjini che machei koit oloto, koba. ¹⁴Bwo eng akwe sirik ak Parisaik chombilik! Amu oame gorikab mosogik ak osae sautik che koen eng' kenengwong' ¹⁵Bwo akwe, sirik ak Parisaik, chombilik! Amu oaitosi araraita ak emet owal chito kobunjok, ak ngo kagobunjok, oyai inendet koek lekwetab oretab mat (Gehenna) konyil aeng' kosiirok.¹⁶"Bwo eng akwe, kandoik che o koriotin, che omwoe ole, 'Age tugul ne murtoe hekalut ko ma kiy. Ago age tugul ne murtoe tahabu che bo hekalut kotinye besendo'. ¹⁷Akwe salonik che koriotin! Anono ne o, tahabu nda hekalut ne kitilile tahabu?¹⁸Ak, 'Age tugul ne murtoe kaptisisiet ko ma kiy. Ago age tugul ne murtoe kagochinet ne mito kaptisisiet, ko besenindet inendet.' ¹⁹Akwe bichu koriotin! Anono ne o, kagochinet nda kaptisisiet ni itilili kagochinet?²⁰Noto anyun, inendet ne murtoe kaptisisiet, komurtoe kaptisisionoto ak tuguk tugul che mito yoto. ²¹Ak inendet ne murtoe hekalut komurtoe oloto tilil, ak inendet ne menye oloto. ²²Ak inendet ne murtoe kipsengwet, komurtoe ng'echeretab Jehovah ak inendet ne tebe ng'echeranata.²³"Bwo eng akwe, sirik ak Parisaik, chombilik! Amu ogoitei kebebertab taman ne bo Heduosmn ak Bisalik ak kamon, ago kigomete amoae ng'alek che eechen che bo ng'atutik---choto ko imanda ak rirenetabge, ak oegu che kiyoni. Ago kanyoljinok oyae chuto, amobagach chun alak. ²⁴Ee akwe kandoik che koriotin, ogeneni tingwichet ago olugui tambesiet!²⁵Bwo eng akwe, sirik ak Parisiak, chombilil! Amu otilili kikombet ak sanit barak, ago nyiitotin orit chorset ak chameng'wong bo ge. ²⁶Inye Parisaindeni korat! Itilil korok kikombet ak sanit orit, si kobiit kotililitu barak agiche.²⁷"Bwo eng akwe, sirik ak Parisaik, chombilik! Amu o kerge ak kererisiek che kigesal koleelagitu che kororon iman barak eng' keeret, ago nyiitotin orit kowoik che bo biko che kigomeiyo, ak muruonindo tugul. ²⁸Ko u noto, akwe otoogu ko u bikab imanda eng' taitab biko ago nyiitat oring'wong' chombilisiet ak ngogisto.²⁹"Bwo eng akwe, sirik ak Parisaik, chombilik! Amu oteeche kererisiek che bo maotik ak olelesanjini kererisiekab che bo imanda. ³⁰Ak omwoe ole, 'Nda kikimite eng kenyisiekab kwanisiekcho, kita ma kitortoi koboto icheget korotikab maotik.' ³¹Noto obaorionjinige ole oi werikab icheket che kibar maotik.³²Onyiit anyun kerutiet ne bo kwanisiekwok. ³³Akwe erenok, ee legukab erenok che ng'wonen Ochilildoi ano eng' kiruogetab Gehenna?³⁴Noto anyun otopen ayokwok maotik, ak biko che ng'omen ak sirik. Obore alak eng' icheket ak ogortoti alak, ak obire kipcharitit alak eng' icheket eng' sunagogisiekwok, ak ousoti kong'eete nganaset age agoi nganaset age. ³⁵Si kobiit kobwanjok korotik tugul che bo imanda che kigetarta eng' ng'weny kongete korotikab Abel ne ki bo iman agoi korotikab Sakaria weritab Barakia, ne kiobar eng' kwenutab hekalut ak kaptisisiet. ³⁶Amwowok iman ale, bwonjini ebeni tuguchu tugul.³⁷"Ee Jerusalem, Jerusalem ne barei maotik, ak kowire koik icheket che kigiyokun! Kiamach konyil ata aum legukuk ko u yo iumi ngogiet warekchi eng' kebebaikyi ago mocham! ³⁸Otopen, kagebogokwok gong'wong koek kipkubere. ³⁹Amu amwowok ale ma ogeroo kogeny agoi omwa ole, iberurot intendet ne choni eng' kainetab kiptayat."Kurget 23

¹Ak kimanda Jeiso eng' hekalut kwo bandanyi. Ak kibwanji alamalyennyi ak koborji inendet teeksosiekab hekalut. ²Ago kiwolji kole, "Ogere tuguchu tugul?Amwoko, iman ale, mang'etune koita agenge baragutab age, ne ma kiwirjini ng'weny."³Ak ko kingotebche ng'weny eng' tulwetab Emitik, kobwanji inendet alamalyennyi eng ung'ot, ak kole, "Mwaiwech, egu au tuguchu? Ak tun ko nee kaborunetab chonuneng'ung ak bekunetab ng'weny? ⁴Ak kiwolji Jeiso koleji, "Oripge si mebeetok chi. ⁵Amu bwanei che chang' eng kainenyu. Mwoe kolen, 'Ai Kristo,' ak kobeet che chang'.⁶Tun ogose agobo lugosiek ak ng'alek che bo baretabge, oripge si mocholie amu bwoni tuguchu ne matiny; ago tomo koit kagesunet. ⁷Amu wendi ko setyini bororiet age bororiet age. Ak kobiit rubosiek ak botanetab ng'weny eng' orisiek che terotin. ⁸Ago tuguchu tugul ko taunetab ng'woninwek che u che bo sigisiet.⁹Ak kondenok anyun ole mito nyalilda ak kobarak. Ak kosasok bororiosiek tugul agobo kainennyu. ¹⁰Ak kinachi che chang' anyun, ak kong'gwektoige, ak kosasge age ak age. ¹¹Ak tun ng'eetos maotik che chang' che bo lembech ak kobeeti che chang.¹²Ak amu tesoksei yaitiet, kogaitititu chamyetab che chang' ¹³Ago inendet ne muitoi agoi kagesunet kesaru. ¹⁴Ak keamdooti logoiywechu kororon bo bounatet eng' ngweny komugul koek baornatet eng' bororiosiek tugul. Ak koit anyun kagesunet.¹⁵"Ak ngogeer anyun kito ne kisase ne bo ng'emisiet, ne kimwa maotiot Daniel, kotonone ole tilil "(ingoguiyo inendet ne somoni), ¹⁶"Ngorwechi tulondok anyun icheket che mi Judea, ¹⁷ak inendet ne mi got barak ko mo wol kole si konem tuguk che mi gonnyi, ¹⁸ama weechge let inendet ne mi mbar si koib ngoriennyi.¹⁹Ago bwo eng' ichek che managotin ak ch tinye leguk che mengechen eng' betusiechoto! ²⁰Osa anyun si mabiit mweeng'wong' eng' betusiekab kaititindo nda eng' betutab sabato. ²¹Amu egu anyun nyalilda ne kindet, ne kitomo kobiitu kong'ete taunetab ng'weny agoi raa, ama ma kobiitu kogeng. ²²Ngot ko ki ma kitil konwogitu betusiek choto, nda magisoru chi. Ago kikitil betusiechoto agobo che lewenotin.²³Ngo mwowok chi age tugul eng' betunoto kole, 'Oroo mi oli Kristo' nda 'mi oloo, ko ma toyan. ²⁴Amu ng'eetos Krisoisiek che bo lembech ak maotik che bo lembech, ak kobortoi kaborunoik ak kwong'utik che kindon, si ngomugak kobeet mbo che lewenotin. ²⁵Ogeer anyun, kaasib amwowok kotomo sait.²⁶Noto anyun, ngemwowok kele, 'Ogeer, mito inendet surkweni ko mat obe. Anan, 'Oroo mito inendet got ne bo orit' ko mat oyan. ²⁷Amu u yo mong'u kalyelet eng' kong'asis, ak kotok agoi cherongo, ko u noto chonunetab Weritab Chi. ²⁸Oldo age tugul ole mito musto, korurugchinige oloto motonyik.²⁹"Ak ne matiana ko kagogesge nyalinda ne bo betusiechoto, kotuitu asista, ama kokwengtoi arawet, ak kororok kokelik eng' kipsengwet, ak ketumtum kimnatosiek che bo kipsengwet.³⁰Ak kotook anyun eng' kipsengwet kaborunetab Weritab Chi, ak koteiyo anyun bororiosiek tugul che bo ng'weny ak koroo konyonii Weritab Chi eng' baragutab bolik chebo kipsengwet eng kimnotet ak torornated ne o. ³¹Ak koyoktoi malaikaisekyi eng cheet ne o ne bo iriaget, ak koum lewenikyi kobunu usonaik ang'wan, kong'ete tabandab kipsengwet agoi tabandab age.³²Onetege anyun kalewenetab mogoiywet. Ngo ng'arng'aritu kipsakatinikyi (temenikyi) ak kong'otyo sogek onai ole legit kesisiet. ³³Ko u noto ak akwe, ngo roo tuguchu tugul onai ole kagolegtit, inendet, mito kurgotik.³⁴Amwowok, iman ale masiirtoi ebeni, ama isulda tuguchu tugul.³⁵Sirtoi kipsengwet ak ng'weny ago masirtoi ng'alekyu.³⁶Ago manoei chi age tugul agobo betunoto ak sainoto manoei mbo malaikaisiek che bo kipsengwet, nda ko Werit, ago Kwanda inege.³⁷Kou ole kiteptoi betusiechu ki bo Noa, egu ko u noto chonunetab Weritab Chi. ³⁸Amu u eng' betusiechoto ko kitomo kobiit maranet kiamisie ak kieese, kitunisie ak kiigoitoi kitun agoi betut ne kiwo Noa melit orit, ³⁹ak kima nai icheket agoi koit maranet ak koges ichek tugul,--egu ko u noto nyonunetab Weritab chi.⁴⁰Tun boisie murenik aengu' eng' mbar kimuti age, kebagakta age. ⁴¹Ng'oise chepyosok aeng'u eng' koitab bai agenge; kimuti age ak kebagakta age. ⁴²Oripse anyun, amu monget betut ne chonii Kiptaiyandeng'wong.⁴³Ago onai ole, nda kiga nai chitab kobo got kole sait anono ne chonii chorindet nda kiripsei ak nda kimo kochomdoi kebut gonnyi. ⁴⁴Noto anyun ochoboge ak akwe amu choni weritab chi eng' sait ne mobwotyini ole choni.⁴⁵"Ng'o anyun otwogindet ne kiyani ak ko ng'o ne kiindeno kiptaiyandennyi kotononji gonnyi ak kogochi biko amitwogikwai eng' betut ne eme? ⁴⁶Baibai otwogindonoto, ngo weechgei kiptaiyandennyi konyor koyoe ko u noto. ⁴⁷Amwowok iman ale indenoi inendet koboi tuguk tugul che tinye.⁴⁸Ago ngo mwa otwogindet ne ya muguleldonyi kole, 'Ta koenige Kiptaiyandennyu', ⁴⁹Ak kotoi kobir che otwogik koboto inendet, ak koamisie ak koeise koboto che bogitos, ⁵⁰Ko choni anyun kiptaiyatab otwogindonoto eng' betut ne leen inendet machoni ak sait ne menget. ⁵¹Ak kobir inendet missing ak kogochi inendet keberbertanyi koboto chombilik, ole eng' oloto komi rirek ak nyeetab kelek.Kurget 24

¹"Kikergeite anyun bounatetab kipsengwet bergeinik taman, che kiib taisiekwai, koba kotorokta sandetab katunisiet. ²Kisalon mut eng' ichek ak, king'omen mut. ³Amu kingoib che salon taisiekwai ko ma ipto ichek kopoto mwanik. ⁴Ago kiib che ng'omen mwanik eng' chuboisiekwai koboto taisiekwai.⁵Ak kingoto koenige sandet, kobirto met tugul ak konukyo. ⁶Ago kibiit waaget kemoi kwen, 'Oroo kagoit sandet! Omonde ak otoroch inendet.'⁷King'eetyo anyun bergeiniechoto tugul, kochob taisiekwai. ⁸Ak kileji anyun, che salonoi che ng'omen, 'okonech mwanikwok amu meche komisogis taisiekyo.' ⁹Ago kiwolji che ng'omen koleji, "Amu maemech achek ak akwe, kaigai oba ole mi che oldoi ak oaljige.'¹⁰Ak kingoto kobendi koalisie koit sandet ak komongii anyun che chobotin, igortab katunisiet ak inendet, ak kigiger kurget. ¹¹Ak eng' let kobga bergeinik chagei agiche ak kole 'Kiptaiyandani, Kiptaiyandani yatwech.' ¹²Ak kiwolji koleji, 'Amwowok, iman ale mangetok.' ¹³Noto anyun oripse amu monget betut nda ko sait.¹⁴"Amu u yo kimache kwo chito emet age. Ak koguur otwogikyi, ak kogochi tugukyi. ¹⁵Kiigochi age talentaisiek mut, kogochi age aeng, kogochi age agenge. Kikigochi age tugul ko u kamugennyi, ak kwo chichoto bandanyi. ¹⁶Kiwo anyun inendet ne kitaach talentaisiek mut kwo koboisie, ak kinyor talentaisiek alak mut.¹⁷Ko u noto agine ne kitaach aeng' ko kinyor aeng' alak. ¹⁸Ago kiwo ne kitaach agenge kwo kobolji ng'weny ak kouny feda ne bo kiptaiyandennyi.¹⁹Kingobata anyun betuisiek che chang' kocho kiptaiyatab otwogichoto, ak koiit koboto icheget. ²⁰Ak kicho inendet ne kiga taach talentaisiek mut koibu talentaisiek mut alak. Ak kole, 'Kiptaiyandani kigonoo talentaisiek mut. Keer anyun angchu talendaisiek mut alak che kitesogis.' . ²¹Kileji, kiptaiyandennyi kiiyai ne kararan otwogindeni kararan ago ne kiyoni! Koiegu ne kiyoni eng' tuguk che ng'ering' kandenin anyun ibou tuguk che chang'. Mongji anyun boiboiyetab kiptaiyandeng'ung.'²²Ak kicho agine ne kigataach talentaisiek aeng' ak kole 'Kiptayandeni kigono talentaisiek aeng. Keer anyun kianyoru talentaisiek alak aeng'. ²³Kilenji kiptaiyandennyi, 'Kiiyai ne kararan otwogindoni kararan ago ne kiyoni, koiegu ne bo iman eng' tuguk che ng'ering' kandenin ibou tuguk che chang'. 'Mongji anyun boiboiyetab kiptaiyandeng'ung.'²⁴Ak kicho agine ne kiga taach talentait agenge ak kole, 'Kiptaiyandani, kiangetin ale ii chi ne korom, igese eng' ole ma igolji kiy ak ium eng' ole ma ilechi. ²⁵Ak kiaiywei, ak kiawe auny talentaing'ung eng' ng'weny. Angni anyun, ee naam king'ung.'²⁶Ago kiwolji Kiptaiyandennyi ak koleji, 'Inye otwogindet ne ya ak ko chemeatia, kiinai ile agese eng' ole ma gol, ak aumi eng' ole kima alechi. ²⁷Kiga nyoljin anyun indene fedaisiekyu ole teseksot fedaisiek nda kaatach ko kaweechge chechu koboto che kitesak.²⁸Noto anyun osare inendet talentait ak ogochi inendet ne tinye talentaisiek taman. ²⁹Amu kigochini age tugul ne tinye si konyor che chang' kosir. Ago kisore inendet ne matinye mbo ne tinye. ³⁰Ak owirji anyun otwogindet ne matilei kiy tuindo ne bo sang', ole egu rirek ak nyeetab kelek'.³¹"Tun kacho Weritab Chi eng' torornatenyi koboto malaikaisiek tugul, kotebe anyun ng'echeretab torornatennyi. ³²Ak kiyumji tainyi bororosiek tugul,ak kokwei ichek kobesio, ko u ye ibestos mestewot kechirek ak ng'ororek. ³³Ak kondeno kechirek eunnyi ne bo tai ak ng'ororek eng' eunyibo katam.³⁴Yeityo komwochi laitoriat ichek che mi eunnyi ne bo tai koleji, 'obwa, akwe che oberurotin che bo Kwanda, onam bounatet ne kigechobwok kong'ete ko kagilumda ng'weny. ³⁵Amu kiama rubet, ak kiogono aam, kiama melel ak kiogono aee; ki aii too ak kiotaacha; ³⁶Ki amite aach ngor, ak kiolaksewo, ki amiani ak kiobwa otopeno; kiomi korgoret ak kiobwonjo.'³⁷Kowolji anyun che bo imanda koleji, 'Kiptaiyandani, kigiroin au koamin rubet ak kebain? nda koamin melel akikikoni iee? ³⁸Ak kigiiroin au ko ii too, ak ketachin? nda imi kumetinye ngor ak kelokun, ³⁹Ak kigiiroin au imiani nda eng' kergoret ak kebwonjin? ⁴⁰Ak kowolji laitoriat koleji, 'Amwowok iman ale ko u yo kioyochi agenge eng' tupchosiechu chu, mbo chu tiginen eng' tugul ko kioyaiywo.'⁴¹Koleji anyun ichek che mi eutab katam, oba eng' ole ami akwe che o chubotiin, oba mat ne bo koigeny ne kigechopchi oindet ak malaikaisiekyi. ⁴²Amu kiama rubet, ak mokono aam, kiama melel ak kima ogono aee; ⁴³Ki aii too ak kima otaacha, kiami aach ngor, ak kima olokwo, kiamioni ak eng' korgoret, ak kimo obwa otopeno.'⁴⁴Kowol anyun agiche ak kole, 'Kiptaiyandani kigiroin au koamin rubet nda melel nda ko i too, nda imi aach ngor, nda imioni, nda imi korgoret ama kiboisieun?' ⁴⁵Kowolji anyun kole, 'Amwowok iman, ale, ko u yo mo yachi agenge eng' chu tiginen eng tugul ko ma oyaiywo.' ⁴⁶Ak bendi chu ole mi nyalilda ne bo koigeny ago bendi che bo imanda ole mi sobondab koigeny."Kurget 25

¹Ye kingo kagotar Jeiso ng'alechuto tugul, koleji alamalyennyi, ²"Ongen ole ye ibata betusiek aeng'u koek *Paska, ak keng'wekta Weritab Chi kegartat eng' kimurtoiyot."³Ki yiumgei anyun tisiik che eechen ak boisiekab bichoto eng' seremutab gotab tisindet ne o, ne kiguure Caiaphas. ⁴Ak kichaam ichek ng'alek kole si kobiit konam Jeiso eng' ng'alset, ak kobar inendet. ⁵Ago kimwa kole, "Mayoei noto eng' betusiekab igorta, si mang'eet bolatet eng' biko."⁶Ak kingo mito Jeiso Betania, eng gotab Simion ne kiamei mogondosik, ⁷konyo ole mi inendet chebyoset ne kitinyei chubait ne mi mwaita ne nyamdut ne bichii mising' alyennyi ak korong'ji metitab Jeiso ko kita koamisie. ⁸Ago kingoroo alamalyet konerekcho kole, "Bo nee kaseroni? ⁹Amu kota kialdoi mwai eng alyet ne o, ak kigochi kibananok."¹⁰Ago kingonai Jeiso, koleji, "Kaine si oiim chebyosoni? Amu kayaiywo boisiet ne kararan? ¹¹Amu omi ak kibananok kotugul, ago mami ane kobotok kogutul.¹²Amu kingo rong'ji mwaita bortonyu, ko kachopcho tubennyu. ¹³Amwowok, iman, ale eng' oldo tugul ole tun kiamdaate logoiywechu kororon eng' ng'weny komugul kemwoei agine ne kagoyai chebyosonita koek ne kinondoe inendet."¹⁴Kiwo anyun agenge eng' choto taman ak aeng' ne keguure Judas Iskariot, ole mito tisiik che kindon (eechen) ¹⁵ak kole, "Ochome ogono nee si andene inendet eunekwok?" Ak kiigamanji inendet fedaisiek sosom. ¹⁶Ak kong'ete yoto kocheng' boroindo ne ng'wektoe inendet.¹⁷Ak kibwonji alamalyet Jeiso eng' betutab tai ne bo betusiekab makatinik che ma kindeno mermerek, ak koleji, "Imoche kechobun ano ole iome *Paska?" ¹⁸Ak kile, "Oba nganaset ole mi chi anum, ak oleji, 'Kale Konetindet, "Kagorik sainnyu. Ayaei Paska eng' gong'ung koboto alamalyennyu." ¹⁹Ak kiyai alamalyet ko u ye king'at Jeiso; ak kichob Pasaka.²⁰Ak ko kingoek koskoleny kotebi eng' amisiet koboto alamalyet taman ak aeng'. ²¹Ak kingo to koamisie; kole, "Amwowok, iman ale ng'wektoo agenge eng' akwe." ²²Ak kiimge mising ak kotoi komwochi inendet age tugul koleji, "Tos ane, Kiptaiyandani?"²³Ak kiwol ak kole, "Inendet ne kagichukte tuwai eng' tabet noto ne ng'wektoo. ²⁴Wendi Weritab Chi , ko u ye kigisir agobo inendet. Ago bwo eng chichoto ne king'wektoe Weritab Chi! Kita keigei eng' chichoto nda kima kisich." ²⁵Ak kimwa Judas ne king'wekoi inendet kole, "Tos anee, Rabbi?" Koleji inendet, "Kaimwa inyegee."²⁶Ak kingo'amisie, konam Jeiso makatiat, ak koberur, ak kobutul ak kogochi alamalyet, ak kole, "Onam ak oam. Ni ko bortonyu."²⁷Ak kinam kikombet ak komwa kongoi ak kogochi icheket, ak koleji, "Oee, akwe tugul chuto. ²⁸Omu chuto ko korotikyu che bo arorutiet che kitumdoi agobo che chang agobo nyoetab kaat ne bo tengekwogik. ²⁹Ago amwowok ale, kong'ete raa, koma aee kogeny che bo logoechu bo sabibuk, agoi betunoto ne aee che leelach kobotok eng' bounatetab Kwanda."³⁰Ak ye kingo kagotien tiendo, komanda koba Tuliwetab Emitik. ³¹Koityo komwochi Jeiso ichek koleji, "Kinochok akwe tugul agobo ane kemouni amu sirat kole, 'tun akwere mestwot ak koyesta kechirek che bo okwet.' ³²Ago tun ko kageng'eeta, andoenok awendi Galili."³³Ago kimwoji Petero koleji , "Mbo nginach tugul agobo inye, ko magoi kinacha ane." ³⁴Koleji Jeiso, "Amwaun iman ale kotomo kochei kipsoiywet kemouni, iesio konyil somok." ³⁵Koleji Petero, "Agot ngo nyolu ame koboten ko motoin." Kimwa ko u noto alamalyet tugul.³⁶Ak kiwo anyun Jeiso koboto icheget ole kiguure Getsemane ak koleji alamalyennyi, "otebi eng' yu si ko to awo yun asa." ³⁷Ak kiimut Petero ak werik aeng' che bo Zebedii ak kotoi koimge ak konyigisit muguleldonyi mising. ³⁸Kimwochi ichek anyun koleji, "Iimegei mising sobondanyu agoi meet. Otebee yu ak oripse koboto."³⁹Ak kiwo tai ng'atigin, ak kobutyi ng'weny ak kosa, kole, "Ee Kwanda, ngomugoksei kosiirtoeno kikombani ago, ma ko u ye amoche ane, ago ko ye imache inye." ⁴⁰Ak kicho ole mi alamalyet ak konyor ichek koruitos ak koleji Petero, "Nee momuchi mbo oripse koboto sait agenge? ⁴¹Oripse ,ak osae si mochut tiemutiet. Chamei tamirminet iman, ago nyalulilat borto."⁴²Kiwo kogeny ne bo aeng ak kisa kole, "Eeh Kwandanyu, ngo ma chamdaat kosiirtoeno kikombani, ama aee, ko ingoyaak anyun mageng'ung." ⁴³Ak kicho kogeny, ak konyor icheket koruitos, amu kinyigisen konyekwai. ⁴⁴Ak kibagach icheket kogeny, kwo nebo somok, ak kisa koketyi ng'alegita.⁴⁵Ak kinyonji anyun Jeiso alamalyet, ak koleji, "Torutosi kora ak omunnyi? Ogeer, kait sait, ak kangeng'wekyi Weritab Chi eunekab kiptengeginik. ⁴⁶Ong'eetye kebe. Ogeer kagolegitit inendet ne ng'wektoo."⁴⁷Ak kingoto kong'ololi, koit Judas, agenge eng' taman ak aeng,' koboto biko che chang' che tinyei rotonikab chok ak kurungusiek kobunu oldab tisiik che eechen ak boisekab biko. ⁴⁸Ak kiiborji ichek kaborunet, inendet ne king'wektoi Jeiso kole, "Inendet ne ang'ututu ko inendet noto. Onam."⁴⁹Ak kichonji Jeiso eng' yoto, ak kole, "Chamge, Rabbi!" ak kong'utut inendet. ⁵⁰Ak kileji Jeiso, "Choruani, yai kito ne kechonjini." Ak kibwa anyun bichuto, ak koyogoito eunekwai konam Jeiso.⁵¹Ak ogeer anyun, kiiyogoito eunyi age eng' ichek che kimi koboto Jeiso ak kong'us rorwenyi bo chok ak kotil otwogindetab tisindet ne O, kong'eti itinnyi. ⁵²Koleji Jeiso anyun, "Wekyi rotweng'ung ole kami' amu begu eng' rotonikab chok tugul che namei rotonikab chok. ⁵³Nda ileen ma muchi asoom Kwandanyu, ak koyokwo malaikaisiek che siirei lugosiek taman ak aeng?' ⁵⁴Ago isuldoitoi ano anyun sirutik che leen egu ko u nito ne matiny?"⁵⁵Kileji Jeiso tuiyosiek eng' sainoto, "Komong'u obwa onama, ko u yo osetyini inendet ne rebindet? Cham kemite tugul ak anetisiei eng hekalut ama onama ⁵⁶Ago kayaagis chu tugul si kobiit kosulda sirutik che bo maotik." Ak kibagakta inendet anyun alamalyet tugul ak komweiyo.⁵⁷Ak icheget che kiga nam Jeiso ko kiimut inendet kwo gotab tisiindet ne O ne kiguure Kaiapa, ale kiga koumjige sirik ak boisiek. ⁵⁸Ak kirubat Petero inendet eng' ole loo agoi kiyeng'utab tisiindet ne O. Ak kiwo got, ak kotebi ng'weny koboto askarik, kole, si koroo ole wetoi.⁵⁹Ak kicheng' tisiik che eechen ak kapkiruoget komugul baornatet nebo lembech agobo Jeiso, si kobiit kobar inendet. ⁶⁰Ak kimanyor, nga nda kibwa baorinik che chang' che bo lembech. Ago eng' let kobwa aeng'u ⁶¹ak kole, kimwa chichi kole, "Amuchi ang'em heklut ak atech eng' betusiek somok".⁶²Ak kitonon tisiindet ne O, ak koleji ,"Mewolu kiy? Nee baornatani baorionjinin bichu?" ⁶³Ak kisis Jeiso. Ak kileji tisiindet ne O "Ang'atin eng' Jehovah ne sobei ale mwowech ngot ii Kristo, weritab Jehovah" ⁶⁴Koleji Jeiso, "Kaimwa inyendet. Ago amwowok ale, kong'ete rani ak tun ogere Weritab Chi kotebchei eng' eutab tai ne bo kamuktaet ak kochoni eng' barakutab bolik che bo kipsengwet".⁶⁵Kigerer anyun tisiindet ne O ngoroikyi kole "Kagomwa ne ya ta kemage nee baorinik alak? Ogeer anyun, kaogas raa mwaet ne ya? ⁶⁶Olen nee?" kowol kole, Nyoljini kome."⁶⁷Yeityo kosingilji togennyi ak koluch ak korabach alak ⁶⁸ak kolejini, "Maotenwech, inye we Kristo. Ng'o ne ne kakwerin?"⁶⁹Ak kitebchei Petero eng' kiyeng'utab got, ak kiwo kiboitio ne chepto ole mito inendet, ak koleji, "Kemite aginye koboto Jeiso Galilindet." ⁷⁰Ago kitai eng' taitab tugul kole, "Monget noto imwoe."⁷¹Ak kingo kagomanda kwo Chepketer, koroo chepto age inendet ak koleji ichek che kimito oloto kimito, "Chichi agine ko komito koboto Jeiso Nasaretindet." ⁷²Ak kitai kogeny eng' kayosioet kole, "Mongen chichito!"⁷³Ak ne matianit, kobwa che kitonondos eng' ole legit ak koleji Petero, "Iman ii agenge ne bo bichoto, amu kang'angten ole ing'alaltei." ⁷⁴Ak kitoi anyun kochubis, ak komurto kole, "Mongen chichito," ak sainata kochei kipsoiywet. ⁷⁵Ak kibwat Petero ng'oloyot ne kiga komwa Jeiso kole kotomo kochei kipsoiywet itoo konyil somok. Ak kimanda sang' ak korir eng' ng'wanindo.Kurget 26

¹Ak kingo kagoech, koruoch tisiik tugul che eechen ak boisiekab bichoto agobo Jeiso si kobar inendet. ²Ak ye kingo kagorat inendet, komut kwo kogochi Pilato, ne ki gavena.³Ye kingoroo Judas anyun, ne king'wektoi inendet, kole kagiruokyi Jeiso komwa ndara ak koweekyi tisiik che eechen ak boisiek fedaisiek sosom, ⁴ak kole, "Kaayai ngokisto amu kaang'wekte korotik che matinye tengek." Ago kile ichek, "Botech nee ache? Iraroti inyenge." ⁵Ak kiwirji fedaisek hekalut, ole tilil ak komanda, ak kiwo anyun kogetge.⁶Ak kinam tisiik che eechen fedaisiek ak kole, "Ma chamdaat eng' ng'atuiet kendeno chu ole kiumjini tuguk che kigoitoi amu bo korotik." ⁷Ak kiiruoch, ak kial mbaretab cheptereniot si ketupchi toek. ⁸Noto anyun, kigiguure mbaranato, "Mbaretab Korotik" agoi rani.⁹Kisulda anyun ne kiga kimwa eng' Jeremia maotiot, kole, "Kiib fedaisiek sosom, alyetab inendet ne kiga kigomonji, ne kigaman alak eng' legukab Israel, ¹⁰ak kiigoito ichek koale mbaret nebo cheptereniot ko u yo king'ata kiptaiyat."¹¹Ak kitonon Jeiso anyun eng' taitab bounindet, ak koteebe bounindet inendet koleji, "Tos ii inye Laitoriatab Yahudik? Ak kileji Jeiso, "Kaimwa ko u noto." ¹²Ak kingotaam inendet tisiik che echeen ak boisiek ko mawol kiy. ¹³Kimwochi anyun Pilato inendet koleji, "Megose ole teno baornatet ne baorianjinin bichu?" ¹⁴Ak kima wolji kiy, mbo ng'olyot agenge ko to kwong' mising gavana.¹⁵Ak kicham kotiokyini bounindet kimonjororiat agenge nikacham biko icheket eng' betutab igorta. ¹⁶Ak kitinyei kimonjororiat age ne kikorom ak kotoogunot ne kigiguure Barabas.¹⁷Kingo kakoumgei anyun koleji Pilato, "Ng'o ne omoche otiokwok? Baraba anan Jeiso ne kigiguure Kristo?" ¹⁸Amu Kinai kole kagigoito Jeiso kegochi inendet eng' ng'etkongda. ¹⁹Ak kingoto kotebe ng'echeretab kiruoget, koyokyi chepyosennyi ng'olyo kole, "Ameite kiy chicho matinye lelut. Amu kanyoru nyalilwogik che chang' rani eng' karuotitoet agobo inendet."²⁰Ak kibirji tisiik che echeen ak boisiek tuiyosiek kole kosom Baraba ak kobar Jeiso. ²¹Ago kitebee gavana icheket koleji, "Omache atiokwok anono eng' chu aeng'?" Ak kile, "Barabas." ²²Kileji Pilato anyun icheket, "Aite nee anyun Jeiso ne kiguure Kristo?" Kowol anyun tugul, "Ingegartat inendet."²³Ak kile, "Amu nee, kayi nee ne ya?" Ago kibolyo mising ak kolen, "Igartat inendet". ²⁴Noto anyun ko kingoroo Pilato mata komuch kiy, ago kitesak bolotet konam beko ak koun eunekyi eng' taitab tuiyet ak kole, "Matinye tengek eng' korotigab chichi bo iman. Ogeer akwege."²⁵Ak kiwol biko tugul kole, "Ingotebenech korotikyi ak eng' legukyo." ²⁶Kiitiokyi anyun Baraba icheket, ago kibir Jeiso kipchoritit ak kogoito kegartat.²⁷Kiimut anyun asikarikab gavana Jeiso kwo got ne O ne bo bounatet ak koumjige inendet askarik tugul. ²⁸Ak kiireegune ngoroikyi, ak kolookyi sambut ne birir. ²⁹Ak kichob kutwet ne bo katok ak kondeno metinnyi, kondeno kiroktab tegat eunnyi ne bo tai. Ak kigutingio eng' tainnyi ak kochot kole, "Kigatin Laitoriatab Yahudik!"³⁰Ak kisingilji inendet ak konam tegat ak kokwerakweri metinnyi . ³¹Ak ye kingo kago chot inendet, koreegune ngorionoto ak kolaakyi inendet ngoroikyi ak komut kegargat.³²Ye kingomong'u, konyor chitab kurene, ne kiguure Simion, ak kibirji inendet koib kimurtoiyondennyi. ³³Ye kingoit ole kiguure Golgota noto ko kele, "Oldab terta." ³⁴Kogochi ichek inendet siki koee che kiging'olda tuguk che ng'wonen. Ago kingo kagochamcham, kotai koee.³⁵Ak ye kingo kagogartat inendet, kopchechige ngoroikyi eng' kaseretab barbarek, ³⁶ak kitebi ng'weny korib inendet eng' oloto. ³⁷Ak kiindeno metinnyi barak kataamset agobo inendet ne kigisir kele "NI KO JEISO LAITORIAT NE BO YAHUDIK".³⁸Ki Kigigartat inendet ak choriik aeng', agenge eutab tai ak age eng' euut ne bo kaatam. ³⁹Kichurachur inendet che kisiirtoi kowirwiri metewaikwai ⁴⁰ak koleen, "Inye ne ing'eme hekalut ak iteech eng' betusiek somok saruge! Ngot ko ii weritab Jehovah wolu eng' kimurtoiyot."⁴¹Kichurchur ko u noto agiche tisiik che eechen koboto sirik ak boisiek koleen, ⁴²"Kisor alak; ame much kosorge inendet laitoriatab Israel. Ngowol raa eng' kimurtoiyot si keyan inendet.⁴³Koimong'u Jehovah, ngosor inendet raa, ngoto moche Jehovah kotiach inendet. Amu kile agot, Aii Weritab Jehovah." ⁴⁴Kichurachur agiche ko u noto choriik che kiga kigartat koboto inendet.⁴⁵Kituit anyun emonoto komugol kong'eete sait lo agoi sait sogol. ⁴⁶Ak ye kingoit olo bo sait sogol koguurso Jeiso eng' kutit ne o kole " Eli, Eli lama sabaktani?" noto ko, "Jehovah nenyu, Jehovah nenyu kaine si ibagakta?" ⁴⁷Ak kingogas alak eng ichek che kitonodos eng oloto, kole, "Kuure chichi Elija."⁴⁸Eng' yoto kolabat age eng' ichek kwo konem sibonjit, ak konyiit siki ak kondeno tegat ak kogochi koee. ⁴⁹Kimwa anyun chun alak kole, "Obagakte. Ongetepchi ng'o choni Elija si kosor inendet." ⁵⁰Ak kiguurso Jeiso kogeny eng' kutit ne O ak kogoito tamirmiennyi.⁵¹Ogeer, anyun kigerer anget ne kigitiche hekalut koek aeng' kongete barak agoi ng'weny, ak kitumtumen ng'weny ak kibetogis ruandosiek. ⁵²Kiyotogis kererisiek, ak kiging'eet borwekab biko chechang' che tililen che kiruitos. ⁵³Kingo kagong'eet Jeiso komong' bichoto agiche eng' kererisiekwai komong'ji nganaset ne tilil koborjige che chang.⁵⁴Ye kingo keree kiptaiyatab bogol ak icheget che kimi koboto inendet kogeere Jeiso kogeer botanetab ng'weny ak tuguk che kiyoogis koiywei mising' kole, "Iman Weritab Jehovah chichi." ⁵⁵Kimi eng' oloto chepyosok che chang' che kitopeni eng' ole loo che kiga kobendat ak Jeiso kong'ete Galili koboisiechinoti inendet. ⁵⁶Ki Maria, Magdalene, age eng' chepyosochoto koboto Maria kametab Jakobo ak Joses, ak kametab werik chebo Sebedi.⁵⁷Kingo kagoek koskoleny' kocho mogoriot nebo Arimatea, ne keguure Josep ne ki alamalyetab Jeiso agine. ⁵⁸Kiwo chichoto olemito Pilato kwo kosom mustab Jeiso. Ak king'at Pilato anyun kegochi.⁵⁹Ak kiib Josep musto, ak kotaae angetab katanit ne tilil, ⁶⁰ak komogon eng kererinnyi ne leel ne kiga kobal eng' ruandet. Ak komilji koita ne o kurget ne bo kererit, ak kwo. ⁶¹Ak kimito yoto Maria Magdalene, ak Maria age, kotebsot eng' taitab kererit.⁶²Eng betut ne bo aeng,' noto betut ne kiirube chobet, koumjige Pilato tisiik che eechen ak Parisak. ⁶³Ak koleji, "Kiptaiyandani, kinoni, kele kimwa kenindenoto koto kosobe, kole, 'Ngo bata betusiek somongu ang'eet kogeny.' ⁶⁴Ng'at anyun kerib kererit kemoi ago betut nebo somok si mabwa alamalyennyi kochor inendet koib, ak komwochi biko koleji, 'Kagong'eet inendet eng' che kigomeiyo,' si mayait kenisiet ne bo let kosir nebo tai."⁶⁵Koleji Pilato icheket, "Otinye ribik. Oba oreng'wong ak orib komie ko u yo omuchi." ⁶⁶Koba anyun, ak korib kererit komie, kong'och koita komi ribik koboto icheket.Kurget 27

¹Kingo legit kobek betutab sabato, ko katoi koech emet, eng' betutab tai ne bo wigit, kobka Maria Magdalene ak Maria age kotopen kererit. ²Ak kibotan ng'weny mising, amu kiwol eng' kipsengwet malaikaiyatab kiptaiyat, ak kicho komilda koita ak kotebe koyata.³Ki u kalyelet itondanyi, ak ki leelach mising' ngoroikyi ko u teluji. ⁴Kibotonio ribik amu kiiywei inendet ak kogergeitge ak biko che kagobek⁵Ak kiwolji malaikaiyat chepyosok koleji, "Amwoiywei akwe, amu anget ale ocheng'e Jeiso ne kigigartat. ⁶Ma komi yu; amu kagong'eet ko u yo kiga mwa. Obwa otopen ole korue Kiptaiyat. ⁷Ak obe ochakte omwochi alamalyennyi oleji kagong'eet eng che kigobek. Ak ogeero kagondoenak inendet kwo Galili.Ogere inendet eng' oloto. Ogas, kaamwowok."⁸Ak kiba kochakta eng' kererit eng' kaiyweisiet ak boiboiyet ne o kiruai koba komochi alamalyennyi. ⁹Ak kituiye Jeiso icheket ak koleji, "Chamge!" Ak kibwa konam kelyekji ak kogutungji inendet. ¹⁰Ak kileji Jeiso icheket, "Amoiywei. Oba omwochi che kitupche koba Galili. Ak kgeero eng' olindo."¹¹Ye kita kobendi, chepyosok ogeer anyun komong'ji nganaset alak eng' ribik, ak komwochi tisiik che eechen tuguk tugul che kagoyoogis. ¹²Ak ye kingo kagoumgei koboto boisiek ak koruoch kogochi askarik fedaisiek che chang' ¹³ak koleji, "Omwa akwe ole kobwa alamalyennyi kemoi ak kochor inendet ak koib keruitosi.'¹⁴Ak ngo kas gavena ng'olyondonito, kegaigai inendet ak kesoruok eng' nyalilda." ¹⁵Kotaach anyun fedaisiek ak koyai ko u ye kaging'at. Ak kimanda ng'olyondonito eng Yahudik agoi rani.¹⁶Ago kiba Galili alamalyet tamanu ak agenge, agoi tulwet ole kiga koarorji Jeiso. ¹⁷Ye kingo keer inendet kogutungji ago kisage alag.¹⁸Ak kijonji Jeiso ichek ak kong'ololji koleji, "Kagegono kimnateet tugul eng' kipsengwet ak ng'weny. ¹⁹Noto anyun oba, ak oyai bikab bororosiek tugul koek alamalaik, obatisan ichek eng' kainetab Kwanda ak ne bo Werit ak ne bo Tamirmiriet Ne Tilil.²⁰Oneet icheket korub tuguk tugul che kaang'atak. Ak otopen, ami kobotok eng' betusiek tugul, agoi kagesunetab ng'weny."Kurget 28

¹Nito ko taunetab logoiwek che tililen che bo Jeiso Kristo , Weritab Jehovah. ²Ko u ye kigisir eng maotiot Isaia kole, "Keero, ayoktoi kiboitiondennyu kondoenen, inendet ne chobei orengung. ³Kutitab chi ne kursei eng surkwen, 'Ochob oretab Kiptaiyat; olitit ak ochuul ortinwekchi."'⁴Kinyo Johanna, kobatisanishe eng surkwen ak koamdoi kabatisanet ne bo sigunet agobo nyoetab kaat ne bo tengekwogik. ⁵Ak kiba ole mi inendet emet komugul ne bo Judea ak tugul che bo Jerusalem. Ak kibatisan icheget eng ainet ne kiguure Jordan, kong'anyei tengekwogikwai. ⁶Ak kiilochi Johana sambut ne bo tambesik ak kiratee suwenyi birirwetab muito, ak kiamei cherengendet ak kumiatab tumin.⁷Ak kiamda kole, "rubwo inendet ne kim kosiiro; ak manyolunot ang'uruuk atiach anokab kweonikyi. ⁸Kiabatisanak eng beko , ako ibatisanok eng Tamirimiriet ne Tilil."⁹Ak eng betusiechoto ko kinyo anyun Jeiso kobunu Nasaret ne bo Galili, ak kiibatisan Johana inendet eng ainet ab Jordan. ¹⁰Yeityo ko mi kolong'u eng beko, kogeer kipsengwetisiek koyatogis, ak kochorjigei inendet Tamirmiriet ko u cheptuget. ¹¹Ak kimong' tuget eng kipsengwet kole " ii Werinnyu ne achame. Abaibai missing agobo innye".¹²Ak eng kasarato kochirchir Tamirmiriet inendet kwo surkwen. ¹³Ak kitebi eng surkwen betusiek artam kotieme Chesawilyet. Ak kitebche ak tiongik che bo tumin, ak kiboisiechi inendet malaikaisiek.¹⁴Ako kingo kakenam Johana, konyo Jeiso Galili koamdoi logoiwek che tililen che bo Jehova. ¹⁵Kimwa kole "Kagosulda betusiek, ak kakorik bounatetab Jehovah, osigu ak oyan logoiywek che tililen.¹⁶Ak ye kiwendi kobunei tabandab Araraita nebo Galili, kogeer Simon ak Andrea weringwai kowirjini araraita regereiywot ne kinamee njirenik, amu ki ramikab njirenik icheket. ¹⁷Ak kileji Jeiso, "Obwaa, orubkaa, si ayaak oegu ramikab biko." ¹⁸Ak kobagakta regereiywekwai eng yoto ak korub inendet.¹⁹Ak kingo wendi Jeiso kitigin, kogeer Jakobo weritab Sebedi, ak Johana weringwai, che kimi moinget agichee kochobei regereiywekwai. ²⁰Ak kiguur icheket ak kibagakta kwandang'wai Sebedi komi moinget koboto otwogik, ak korub inendet.²¹Kiba anyun Kapernaum, ak kiwo inendet sunagogit orit betunoto bo Sabato ak konetis. ²²Ak kikwong'io eng kanetisienyi, amu kineti icheket ko u ne tinye kimnatet ama ko u sirik.²³Ak kimi eng sinagoging'wai chi ne kitinye tamirmiriet ne muruon ak kiwaach, ²⁴kole, "Kiting'ege nee ak inye, Jeiso ne bo Nazareth? Kenyo ing'emech? Angenin ale ii ne Tilil Ne bo Jehovah!" ²⁵Ak kiger kong Jeiso inendet kole, "Sis ak imong'u eng inendet." ²⁶Ak ye kimandoi tamirmiriet ne muruon eng inendet, kobirobirto inendet, ak kowachei eng tuget ne o.²⁷Ak kitang'angyo tugul, ak koteebegei ichegei kole, "Nee ni? Konetisiet ne leel ne tinye kimnatet! Ng'atei agot tamirmirik che muruonen ak kasei it inendet!" ²⁸Ak kiba ng'alekyi oloo tugul agoi koratinwek tugul che bo Galili.²⁹Ak ye kingomong' eng sinagogit, kobwa gotab Simon ak Andrea, koboto Jakobo ak Johana. ³⁰Kikanam cheptigoniet kametab osotiot ne bo Simon ak kirueiinendet kiyo, ak komwachi icheket Jeiso agobo inendet. ³¹Ak kinyo, konam eunyi ak kong'eet inendet; ak kimeto cheptigoniet inendet, ak kotoi koboisiechi icheket.³²Ak eng koskoleng'unoto ko kakorokta asista, komutyi inendet tugul che kimiandos ak che kitinye oiik. ³³Ak kiiyumjige nganaset komugul eng kurgat. ³⁴Ak kiisoob che chang che kimiandos eng mianwogik che terter ak koon oik che chang komanda, ak kima chamji kong'alalyo amu kiingen oichoto inendet.³⁵Ak karon mising kota kotui, kong'eet ak komanda sang kwo surkwen kosa eng ole ma mi chi. ³⁶Kicheng anyun inendet Simon ak che ki mi koboto inendet. ³⁷Ak kinyor inendet ak koleji, " Cheng'in biko tugul."³⁸Ak komwochi ichek kole, "Ongebe oldo age, nganasok alak, si kobiit aamda eng oloto agine amu kianyo agobo nito." ³⁹Ak kiwa sinagogisiekwai che bo Galili komugul, koamdoti ak koonei oik.⁴⁰Kinyonji anyun inendet chito ne kitinyei mogondosik. Kogutungji ak koleji, "Ngicham imuchi, itililo." ⁴¹Ako amu kirire inendet, ko kiiyogoito eunnyi Jeiso ak kotwa inendet, kolejini, "Achame. tililitu." ⁴²Ak eng kasarata kobagakta mogondosaik chichoto, ak kotililit inendet.⁴³Ak king'at inendet mising, kobagakta inednet kowechige. ⁴⁴Ak kilenji, "Amat imwachi chi ng'olyo, ago wui bandang'ung ak iborjige tisiindet, ak igoite agobo tililindang'ung tuguk che king'at Musa, si koek baornatet eng icheket."⁴⁵Ago kiwo ak kotoi komwaitaat mising ak kobarastaat ng'olyondonoto, kot komata komuch Jeiso kwo nganaset kegeeroti, ago kitebote sang eng komoswekab surkwen. kibwonji anyun inendet che bunu komoswek tugul.

¹Kingobata betusiek che ng'ering, komongji kogeny Kapernaum, ak kogas biko kele, mito gaa. ²Ak kiiyumgei biko che chang, kot ko mang'et boroindo agot eng kurgat: ak koamchi icheket ng'olyot.³Ak kibwonji biko alak komutu chito ne kitinye miando ne meat borto, konyo ole mi inendet; kogesenu biko ang'wanu. ⁴Ago kingo mata komuch korikyi amu ki chang biko, kosuul kot barak ole ki mi Jeiso, ak kingo kagobut, kochoortae kitogut ne kirue chito ne ki tinye miando ne meat borto.⁵Ak kingogeer Jeiso kayaneng'wai, koleji chito ne tinyei miando ne meat borto, "Weri, kagenyoun kaat tengekwogiguk". ⁶Ago kimito yoto sirik alak che kitebsot, ak kiibwat eng mugulelwekwai kolen, ⁷"Imuktoi ano komwa chichi ko u ni? Mwaei ne ya mising! Ngo ne imuchi konyochi chi kaat tengekwogik kobate Jehovah inege?"⁸Ak eng yoto konai Jeiso eng tamirmirienyi kito ne kibwati eng oriting'wai. Komwoji icheket kole, "Kainee si obwat tuguchu eng mugulelwekwok? ⁹Nee ne keigei, amwachi chito ne tinyei miando ne meat borto kele, 'Kagenyoun kaat tengekwogiguk; anan kele, 'Ng'eet, ib itogung'ung ak iwendote'?¹⁰Ago si onai ole tinye Weritab Chi kimnatet eng ng'weny konyochi kaat agobo tengekwogik," koleji chito ne kitinye miando ne meat borto, ¹¹"Amwaun ale, ng'eet, ib kitogungung ak iwe gong'ung." ¹²King'eet anyun ko u noto, ak koib kitogunnyi, ak komanda eng taitab biko tugul, ak kikwong'io tugul, ak kotoror Jehovah, kolen, "Tomo kegeere kiy ne u nito."¹³Ak kiwo kogeny tabandab araraita, ak kibwa tuiyet komugul ole mi inendet, ak kinet icheket. ¹⁴Ak ye kiisirtoi, kogeer Lawi weritab Alphayo kotebche eng ole kitaage aisurut, ak koleji inendet, "Rubwa." Ak king'eet ak korub inendet.¹⁵Kiamisie Jeiso eng kotab Lawi ak kimi taagikab aisurut che chang ak kiptengeginik koboto koboto inendet ak alamalyennyi, amu kimi che chang, ako kirub inendet. ¹⁶Ak kingogeer sirik, che ki Parisaik koamisiei inendet koboto kiptengeginik ak taagikab aisurut, koleji alamalyennyi, "Kainee si koamisie ak koeeisei inendet koboto taagikab aisurut ak kiptengeginik?"¹⁷Ak ye kingogas Jeiso, kolenji ichek, "Mamache chi ne chamege chepkericho; che miandos kityo ch mache chepkerichot. Kima anyo aguur che bo imanda, ago kiptengeginik."¹⁸Ak kiirugutege alamalyetab Johana ak che bo Parisaik. Ak kibwa anyun biko alak koleji inendet, "Amune si korugutege alamalyetab Johana ak alamalayetab Parisaik ago mairugutege alamalyeng'ung?" ¹⁹Ak kileji Jeiso icheket, "Imuktoi ano korugutge che kagiguurji katunisiet ko ta komi sandet koboto icheget? Kota komi sandet koboto ichek ko maimuchi korugutge.²⁰Ago bwanei betusiek che keistoe sandet ichek, ako eng betusiechoto, korugutege anyun. ²¹Mami chi ne napchini ngoriet ne leel ngoriet ne os. Si magerer ne leel ne os, ak kotesak ole kagerer.²²Ama mi chi ne indenoi divaik che leelach lolotinwek che osen. Amu ngo yai ko u noto kogereri divaik lolotinwek, ak kobetyo divaik koboto lolotinwek. Ago kindenoi divaik che leelachen lolotinwek che leelach."²³Ak eng betutab Sabato ko kibunei Jeiso mbarenikab beeka, ak kitoi alamalyennyi kobor mesisekab beeka ak kotese tai kobendi. ²⁴Ak kileji Parisaik inendet, "Keero, kaine si koyai eng betutab sabato kito ne kigitai eng ng'atutik?"²⁵Ak kileji icheget, "Tos kitomo osoman kito ne kiyai Daudi ye kima kotinye kiy ako kiamei rubet--- inendet, ak che kimi koboto inendet--- ²⁶kiwo gotab Jehovah eng betusiek chebo tisindet ne o Abiathar, ak koam magatinikab kabartaet, che tayotin eng ng'atutik kele makiamei kobate tisiik ichegei, ak kogochi che kimi koboto inendet agichek?"²⁷Ak kile Jeiso, "Kigiyai Sabato agobo chi, kima kiyai chito agobo Sabato. ²⁸Noto anyun, Weritab Chi ko Kiptaiyat, agot ne bo Sabato."

¹Ak kiwo sunagogit kogeny, ak kimi chito ne ki resot eut. ²Ak kirib biko alak inendet kole kogeer ngo tos isoob chichoto eng betutab sabato si kobiit komwaita inendet.³Ak kileji chito ne resot eut, "Ng'et ak itonon eng yu kwenutab chi tugul." ⁴Ak kileji biko, "Tos chamdoi ng'atutik keyai ne kararan eng betutab Sabato anan keyai ne ya; kesor sobet, anan kebar?" Ago kisisyo.⁵Kigeer icheget che kimi komoswek tugul eng neregek, koimgee amu uuindab mugulelwekwai, ak koleji chichoto, "Chuul eung'ung." Kichuul anyun, ak kisob eunnyi. ⁶Ak kimanda sang Parisaik ak kotoi anyun kochob ng'alek ak Herodik agobo inendet, si konai ole bortoi.⁷Ak kiitabangei Jeiso ak alamalyennyi, ak koba araraita, ak kirub tuiyet ne o ne kibunu Galili ak ne kibunu Judea ⁸ak che bunu Jerusalem ak Idumea ak bitetab Jordan ak komoswekab Turo ak Sidon. Kibwonji inendet tuiyet ne o ,ye kingogas agobo tuguk che eechen che kiyae.⁹Ak kimwachi alamalyennyi kochobji moinget ne mining ne bo beeko amu chang'indab biko, si machiil inendet. ¹⁰Amu kiga kosoob che chang, kot kochonji inendet age tugul ne kitinyei korotwek che yaachen si kobiit kotiiny inendet.¹¹Ak eng uitugul ye kageer inendet tamirmirik che muruonen, kobutyi ng'weny eng tainyi ak koteiyo kole, "Inye ko i Weritab Jehovah." ¹²Ak king'at icheket mising si mamwaita inendet.¹³Ak kilany tulwet anyun, ak kiguurjigei che kimache, ak kibwonji inendet. ¹⁴Ak kilewen taman ak aeng (che kiguure che kiyoktoi) si kotebi ak inendet, si kobit koyokto icheket koba amdaetab logoiyot, ¹⁵ak konyor kimnatet ne onee oik. ¹⁶Kilewen taman ak aeng: Simon, ne kigochi kainet Petero;¹⁷Jakobo weritab Sebedi, ak Johana wering'wai, che kiigochi icheket kainet koguure Boarnerges, noto ko werikab ilat; ¹⁸ak Andrea, Pilipu, Bartolomayo, Matayo, Tomas, Jakobo ne bo kap Alpayo, ak Tadayo, ak Simon ne Kananindet, ¹⁹ak Judas Iskariot, ne king'wektoi inendet.²⁰Ak kiwo gaa, ako kiiyumge tuiyet kogeny, kot ko mata komuch agot koamis. ²¹Ak ye kingogas bikab konyi, koba konam inendet eng kimnatet amu kimwa kole, "Kagosogor met." ²²Ak kimwa sirik che kichorunegei Jerusalem, kole, "Tinyei inendet Beelsebul" ak "Onei oik eng kimnatet ne o ne bo oik."²³Ak kiguur Jeiso icheket kobwanji inendet, ak koleji eng kalewenaik, "Imuktoi ano Setani koon Setani?" ²⁴Ak ngo pcheak bounatet inegei eng inegei, ko maimuchi bounotonoto kotonon. ²⁵Ago ngo pcheak got inegei eng inegei, ko maimuchi goyoto kotonon.²⁶Ak ngo ng'eet setani koboriegei inegei, ak ngo pcheak inegei, ko maimuchi kotonon, ago kagoit kagesunenyi. ²⁷Ago maimuchi chi kwo got orit ne bo chito ne kim ak kosare tugukyi ngot ko ma rat korok chi choto kim, si kong'em gonnyi anyun.²⁸Amwawok iman ale, kinyochini kaat werikab biko tengekwogikwai tugul, agot ng'alek alak tugul che yaachen che mwaaei, ²⁹ago age tugul ne chubei Tamirmiriet ne Tilil ko magoi kenyochi kaat koigeny, ago tinyei ng'ogisto ne bo koigeny." ³⁰Ak kimwa Jeiso ko unoto amu kimwoe icheget kole, "Tinyei inendet tamirmiriet ne muruon."³¹Ak kicho anyun kamet ak werikwai ak kitononio eng sang. Ak kigiyokto keguur inendet. ³²Ak kitebchei tuiyet ko kaimut inendet, ak kileji inendet, "Mito sang kameting'ung ak werikwok ak tibikwok kochengin."³³Ak kiwolji icheket, koleji, "Ng'o kamennyu ak che kitupche?" ³⁴Ak kigeer che kiimut inendet, ak koleji, "Ogeero, chu mi yu ko kamennyu ak che kitupche! ³⁵Amu chi age tugul ne yaei magetab Jehovah, noto ko werit ne kitupche, ak chepto ne kitupche, ak kamennyu."

¹Ak kitoi kogeny konetis eng tabandab araraita, ak kiiyumjige inendet tuiyet ne o mising. Ak kilany moingetab ne kimi araraita, ak kotebe. Kotebe anyun tuiyet tugul komogul tabandab araraita. ²Ak kiinet icheket tuguk che chang eng kalenawaik, ak eng konetisiennyi, ko kimwochi icheket ko u ni.³"Ogaste! Ak kiwo kolindet kolee kesuwekchi. ⁴Ak kingoleta, kobutyi keswek alak oret taban, ak kibwa taritik ak koam. ⁵Ak kiibutyi alak ole mi koik, ole kima ko tia nyung'unyek. Ak kibityo anyun kochok, amu ki ng'ering nyung'unyek.⁶Ago kingotil asista, kobel, ak kiyaamnyo, amu kima kotinye tigitik. ⁷Ak kiibutyi kesuwek alak ole kimi katok. Kibityo anyun katok ak kogiich, si maiiyo logoek.⁸Ak kiibutyi kesuwek alak nyung'unyek che kororon ak koiiyo logoek ak koechegitu ak kotesakis ak kiiyo sosom, ak tamanwogik lo, ak konyil bogol." ⁹Ak kimwa kole, " Age tugul ne tinye itik, kogasta.¹⁰Ak kingo mito Jeiso inegei, koteebe che kikaimut inendet kobot taman ak aeng agobo kalewenaichoto. ¹¹Ak kileji icheget, "Kagegonok akwe onai ung'otiet nebo bounatetab Jehovah. Ago icheket che mito sang, keyachini tuguk tugul eng kalewanaik, ¹²si eng keeret kogeerei ama ibestos, ak eng kaset kogasei, ama iguitos, si mawekchige Jehovah ak kenyochi kaat.¹³Ak kilenji icheket, "Tos mongen akwe kalewenoni? Onoitoi ano anyun kalewenaik tugul?" ¹⁴Letoi letoindet ng'olyot. ¹⁵Ak chuto che mito tabandab oret, ole kiletae ng'olyot. Ak ye kagogas, kocho kasarata Setani, ak konem ng'olyot ne kagegolji icheget.¹⁶Ak chu ko kesuwek choto che kagikolji ole mi koik, ak ye kagogas ng'olyot konam ngunoto eng boiboiyet. ¹⁷Ak matinye choto tigitik eng orit, ak tebsot eng betusiek che ng'ering. Ago ngo ng'eet nyalilda anan ko usisiet agobo ng'olyot, ngunoto anyun kenach ak kobutyo eng kayanet.¹⁸Ak alak ko che kagikolji ole mi katok. Choto ko icheget che kase ng'olyot, ¹⁹ago ng'et kaiimutikab ng'weny ak kaberberisiet ne bo magornatet, ak magutik che bo tuguk alak kobwa ak kogiich ng'olyot, si maie logoek. ²⁰Ak choto che kigikolji nyung'unyek che kororon ko icheget che kasei ng'olyot, ak kotaach ak koiiyo logoek, sosom, ak tamanwogik lo, ak konyil bogol.²¹Ak kileji Jeiso icheket, "Tos iibu tait kocho kot orit si indene kitonget orit anan ko kureretab kitogut? Iibu anyun ak indene kito ne tonone. ²²Amu mami kiy ne ung'at ne matun kenae, ago mami kiy ne bo ung'ot ne matun kesule. ²³Age tugul ne tinye itik che kostoe, kogas!"²⁴Ak kimwochi icheket kole, "Oribge tuguk che ogase, amu kerutiet ne ogeree ko tun kegerunenok noto, ak keteshinowok alak. ²⁵Amu inendet ne tinye, ketesyini ak inendet ne matinye, keibe mbo che tinye."²⁶Ak kimwa kora kole, "U bounatetab Jehovah chito ne koljini kesuwekyi ng'weny. ²⁷Ak koru kemoi ak kong'eet bet, ak kobityo kesuwek ak koechegitu, nga nda maingen ole bititoi. ²⁸Yiei ng'weny beka inegei: Indoune suswot, yeityo konyo metit, yeityo koiywa beka. ²⁹Ago ye kagorurio beka, eng yoto anyun koip ringet amu kait kesisiet."³⁰Ak kimwa kogeny kole," Kigergeite nee bounatetab bounatetab Jehovah, anan nee kalewenet ne kibortoe? ³¹Kergei ak keswotab karadali, ne, ye kageminji nyung'unyek, ko agot nganda mining eng keswek tugul che mi ng'weny. ³²Ko ye kagegol, kobit koeet, kosiir ketik tugul che bo ng'weny, ak kosamum kot komuchi koure uruennyi taritikab barak.³³Ak eng kalewanoik che chang' che u chuto komwochi ng'olyot ko u ye kiimuchi kogas, ³⁴Ak kima mwochi bichoto kiy komotesyi kalewenet. Ago kitetyi alamalyennyi ng'alek tugul ko mi taban ichegei.³⁵Ak kingo kagoek koskoleny eng betunoto, koleji icheket, "Ongelande bitonin." ³⁶Ak kibagakta tuiyet ak koba koboto Jeiso, eng moingetab beko. Ak kimi moingonik alak che mengech koboto ne kibunei inendet. ³⁷King'eet anyun usonet ne korom, ak korus moinget beek che mildogei, kot ki legit konyi beko moinget.³⁸Ago kimi Jeiso inendet moinget ole bo let, korue kito ne kitiie metit. Kiing'et anyun inendet, ak kolenji, "Konetindoni, memake kiy inye ago legit kemeiye?" ³⁹Kong'eet anyun, ak koger kong usonet, ak koleji araraita, "Kalyet! Ak sis! Kibeg anyun usonet, ak kosis mising.⁴⁰Ak kileji ichek, "Kalya si oiyweisie? Tomo onyoru kayanet?" ⁴¹Ak kiiyweis mising, ak kolejigei ichegei, "Ng'o nito, ne kase iit inendet agot koristo ak araraita?"

¹Ak kiit bitet age ne bo araraita, agoi emetab Gerasenik. ²Ak kingo kangomong' eng moingetab beko, eng yoto anyun kotuiyo ak chito ne bunu oldab kererisiek ne tinyei tamirmiriet ne muruon.³Kimenyei chichoto oldab kererisiek. Kima komi chi ne kita komuchi korat inendet, agot eng sirimdo; ⁴Amu kiga kerate inendet mugurek ak sirimwek konyil che chang, ago king'etyei sirimwek ak kotonaton mugurek. Kima komi chi ne kiimuchi koboi inendet.⁵Ak kiwaagoti betusiek tugul, kemoi ak bet, eng kererisiek ak tulonok, ak kiwogei ak kotilegei koik che ng'atiben. ⁶Kingogeer Jeiso eng ole loo, kolabat ole mi ak kogutungji inendet.⁷Kowaach eng kutit ne o kole, "Ating'enen nee inye Jeiso, Weritab Jehovah ne Toror Mising? Asomin eng Jehovah inendet, ale amenyalila." ⁸Amu kilejini inendet, "Mong'une chichi, inye tamirmiriet ne muruon."⁹Ak kiteebe inendet koleji, "Kigurenen nee?" Ak kileji inendet, "Kainennyu ko Chang'indo,amu kichang." ¹⁰Ak kisom inendet mising kole, ama on komanda eng emonoto.¹¹Ak kimi tegeiyatab tulwet akwet ne o nebo torok che kiagetos, ¹²ak kisom inendet koleji, "Chamwech kechut torok." ¹³Kichamji anyun; ak kimanda tamirmirik che muruonen koba kochut torok, ak kiruai akwet kochortaege chemng'esut koba araraita, ak ki olo bo elfusiek aeng torochoto ak kibekchi araraita.¹⁴Ak rweiyo anyun che kiiyagi torok komwaita eng nganaset ak eng emet, ak kiba anyun biko kogeer kit ne kigagoyaak. ¹⁵Ak kibwa ole mi Jeiso, ak kogeer chito ne kitinye oik, inendet ne kitinye oik che chang,' kotebchinige, ko kagolaach ngoroik ak kagong'omit, inendet ; ak kiiyweis bichoto.¹⁶Icheket che kigeerei tuguk che kiyaakis eng chito ne kitinye oik komwachi icheket kiy tugul ne kiyaak, koboto ole katepto torok. ¹⁷Ak kitoi kogaigai inendet kole kwo eng kiwotosiekwai.¹⁸Ak kingomi kolanyei moingetab beko, kogaigai inendet ne kitinye oik kole kotebi tuwai. ¹⁹Ago kima chamji Jeiso, ago kileji, "Ui gong'ung ak ole mi chebo oreng'ung, ak imwoji tuguk che kagoyaun Kiptaiyat, ak ko u ole kagorirenen." ²⁰Ak kinam banda anyun ak kotoi koamda eng Dekapoli tuguk che eechen che kigayachi inendet Jeiso, ak kikwong'io biko tugul.²¹Ak kingo kagolanda Jeiso kogeny eng moinget kwo bitonin, koyumjigei inendet tuiyet ne o, amu kimi tabandab araraita. ²²Ak kinyo age eng bounikab sunagogit, ne kiguure Jairo, ak kingogeer inendet, kobutyi kelyekyi. ²³Ak kisom inendet mising kogeny ak kogeny, koleii, "Legit kome cheptannyu ne mining. Asomin inyo igonor inendet euneguk inendet si kosob, ak kotebi kochamegei." ²⁴Ak kiwo koboto inendet, ak kirub inendet tuiyet ne o ak kiigiich inendet.²⁵Kimi anyun chepyoset age ne kiga komandae korotik kenyisiek taman ak aeng. ²⁶Kiga konyalil mising eng eunekab chepkerichinik, ak kiga koboisie tugukyi tugul che kitinye, ama toret kiy ago kitesak miando koyait. ²⁷Ak kingogas agobo Jeiso, kocho let ne bo inendet eng tuiyet ak kobisingchige biko che ki chang ak kotiiny ngoriennyi.²⁸Amu kile, Ngatiiny mbo ngoroiky kityoi, asobe." ²⁹Ak kingo tiiny inendet, kosis ole kabunu korotik ak kigas eng bortannyi kole, kagisoob eng koroitannyi.³⁰Ak eng kasarata konai Jeiso inegei kole kagomanda kimnatet eng inendet. Kowelelgei eng tuiyet ak kole, "Ng'o ne katiiny ngoroikyu?" ³¹Ak kileji alamalyennyi inendet, "Igeere ko kaigichin tuiyet, ak ilen, "Ngo ne katinyo?"' ³²Ago kigusgong Jeiso si kobiit kogeer kole ng'o ne kayai kioto.³³Ak king'et Chepyosonoto, kongen kito ne kigagoyaak eng inendet, kobutyi tainnyi, koiyweisie ak kobotani, ak komwachi imanit tugul. ³⁴Ak kileji inendet, " Cheptonnyu, kagosoobin kayaneng'ung. Ui eng kalyet ak isob eng miandang'ung."³⁵Kingo ta kong'alali inendet, kobwa biko che bunu oldab bounindet ne bo sunagogit, ak kole, "Kagome cheptang'ung. Amu nee asi ta iimii kanetindet?"³⁶Ago kingo kas Jeiso ng'olyondonoto ko ma mage kiy, koleji bounindetab sunagogit, "Amechol. Iyan kityo." ³⁷Ak ma chamji chi korub inendet, kobate Petero, Jakobo ak Johana weritab mbo Jakobo. ³⁸Kiit anyun gotab bounindetab sunagogit ak kigeer biko che ki boldos, koboto che rirtos ak koteeitos mising.³⁹Ak ye kingo kochut got, koleji bichoto, "Kai nee si owasege ak orirtosi? Ma me lekwet, ago inuuchi." ⁴⁰Ak kirorichi inendet ak kochot. Ago ye kingo kagoon inendet bichoto tugul koba sang, komut kwandab lakwet ak kamet koboto che kimi ak inendet ak kwo go ole mi lakwet.⁴¹Ak ye kingo kagonam eutab lakwet, koleji, "Talita koumi! ye kiwal ko, "Chebi mining', amwaun ale ng'eet." ⁴²Ko u noto kong'eet cheboto ak kowendot (amu ki bo kenyisiek taman ak aeng). Eng yoto anyun kokwong'io eng kwong'et ne o. ⁴³Ak king'at icheket mising kole amat konai chi ng'olyondonito. Ak kileji icheket kogochi ki ne amei.

¹Ak kimanda eng oloto; ak konyo agoi emennyi, ak kiirub inendet alamalyennyi. ²Ak kingoit sabato, kotoi konetis eng sunagogit. Kigas biko che chang inendet ak kokwong'io. Komwa kolen, "Kinyorune ano chichi kanetisiosiechui?" "Ago nee ng'omnatoni kigigochi chichi?" "Nee kwong'utichu che yae eng eunikyii?" ³"Tos ma muswogindetab bakoinik nito, weritab Maria, ago ne tupcho ak Jakobo, Joses, Juda, ak Simon? Tos ma kimite tugul kobo tibiikwai?" Ak kinyor kanagutiet eng Jeiso.⁴Ak kileji Jeiso icheket, "Mabetyini maotio teegisto, kobate eng emennyi, ak eng chebo orennyi, ak che bo gonnyi." ⁵Ak kimata komuch koyai boisiet age tugul ne kim eng oloto, kobate bik che ng'ering che kimiandos che kigonoor eunekyii ak kisoob icheket. ⁶Ak kikwong inendet amu bistoengwai. Ak kiwendot nganasok konetisioti.⁷Ak kiguur anyun choto taman ak aeng ak kotoi koyokto kobee aeng aeng ak kiigochi kimnatet koterter tamirmirik che muruonen, ⁸ak king'at icheket kole, amat koib kiy nebo bandangwai agot makatiat, anan ko lolet, anan chepkondok eng lolet kobate kirokto kityo--- ⁹ago kolaach kweonik, ak amat kolaach sumotik aeng.¹⁰Ak kileji icheket, "Got age tugul ne obendi, otebi eng yoto agoi obe eng oloto. ¹¹Ak oldo age tugul ne mataachak, ama cham kogasak, ye omande eng oloto, olelekte temburiek che mi kelyekwok si kobiit koek baornatet eng icheket."¹²Kimanda anyun ak kobarasta kole kanyol kosik biko. ¹³Ak kion oik che chang, ak koile mwaita che chang che kimiandos, ak kosoob icheket.¹⁴Ak kigas laitoriat Herod agobo noto, amu kiga konaak kainetab Jeiso. Ak kole alak, "Kagong'eet Johana Kabatisanindet eng che kibek, noto anyun boisiei kimnatosiechu eng orinnyi." ¹⁵Ago kimwaei alak kole, "Elija inendet." Ak kile alak kora, "Maotio inendet, anan u age eng maotik che ki mi keny."¹⁶Ago ye kingogas Herod, kole, "Johana nito, ne kiatile katit; ne kageng'eet." ¹⁷Amu kiga koyokto Herod kenam Johana ak kerat eng korgoret agobo Herodias (chepyosetab Pilip wering'wai), amu kiga kobaige tuwai.¹⁸Amu kimwochi Johana Herod koleji, "Ma chamat eng ng'atutik iib chepyosetab wering'wong". ¹⁹Ak kinerech Herodia inendet ak kicheng kobar inende, ago ma imuch, ²⁰amu kiiywei Herod Johana; amu kiingen kole inendet ko chi nebo imanda ak ko tilil, ak kirib inendet. Ak kingogas Herod ng'alekyii, koiimngei mising, ago kigasyi inendet eng boiboiyet.²¹Ak kibiit kasarta eng betut ne kiyai Herod igorta ne bo betutab sigennyi ak koyachi bikchi che eechen, kiptainik, ak che toogunotin che ki mi Galili. ²²Ak kichut got orit cheptab Herodia ak koureren kobaibai Herod ak icheket che kitebsot eng' amisiet koboto inendet. Ak kitebe laitoriat cheboto, koleji " Soma kiy age tugul ne imache, si agonin."²³Ak kimurto kole, "Kiy age tugul ne isoma, agonin, agot kebebertab bounatennyu." ²⁴Ak kimanda, ak koleji kamet, "Asom nee?" Ak kileji, "Metit ne bo Johana kabatisanindet." ²⁵Ak kilabat cheboto kochakta agoi ole mi laitoriat, ak kosom kole, "Amache ale igona nguno metit ne bo Johana kabatisanindet eng' tageito."²⁶Nga nda kiyai noto koimge anyun mising' laitoriat, ko kima kosikchini kotae inendet amu kiga komurto eng taitab icheget che kitebsot eng' amisiet. ²⁷Ak ngunoto koyokto laitoriat askarindet age eng' che kiripse, ak kong'at keib metitab Johana. Kiwo anyun kotil metit eng' korkoret. ²⁸Kiib anyun metoto bo Johana eng' tageito ak kogochi cheboto, ak kong'et cheboto kogochi kamet. ²⁹Ak ye kingogas alamalyennyi agobo ng'olyondonoto, kobwa kosut bortonyi, ak kondeno kererit.³⁰Ak kiiyumjigei Jeiso che kiiyoktoi ak komwochi inendet tuguk tugul, kit age tugul ne kiga koyai, ak kiy age tugul ne kiga konet. ³¹Ak kimwachi icheket koleji, "Obwa akwege taban ole surkwen, si omuuny kitigin." Amu kichang' che kibwanei ak kobendi, ak kima kotinyei agot boroindo ne amisie. ³²Ak kiba anyun ichegei eng' moingetab beko ole surkwen.³³Ak kigeeroti biko kobendi, ak kinai che chang' ak kiruai koba oloto kibagenge kobunu nganasok tugul, ak kondoe icheget. ³⁴Ak kingoit tabandab ainet, kogeer tuiyet ne o, ak korirei icheket, amu ki u kechirek che matinye mestowo. Ak kitoi konet icheket tuguk che chang'.³⁵Ak ye kimache koimen, kobwanji inendet alamalyennyi, ak koleji, "Surkwen oli, ak machei koimen nguno. ³⁶Itiagte biko koba emet ak nganasok che mi komoswek ole legit, si koaljigei tuguk che amei."³⁷Ak kiwolji koleji, "Ogochi akwe amitwogik." Ak kileji inendet, "Kibe keal makatinik che bo denariek bogol aeng', si kigochi koam?" ³⁸Ak kimwoji icheket kole, "Otinye makatinik ata? Oba ogeer. "Ak kingo kagonai, kole, "Makatinik mut ak njirenik aeng."³⁹Ak king'at biko tugul kole kotebi ng'weny eng' suswek che nyalilen. ⁴⁰Ak kiteb ng'weny korurugotin ak kotetatge, kobee bogol ak kobee konom. ⁴¹Ak kinam makatinichoto mut ak njirenik aeng,' ak kochile kipsengwet koberur ak kotonaton makatinik ak kogochi alamalyennyi si kondeno taitab biko. Ak kipchechi icheget tugul kora njirenichoto aeng'.⁴²Ak kiamis tugul koto biyong'io. ⁴³Ak koyum katuganikab makatinik, konyi kerebonik taman ak aeng', ak che bo njirenik agichek. ⁴⁴Ak icheget che kiam makatinichoto ko ki murenik elfusiek mut.⁴⁵Yeityo kochirchir alamalyennyi kolany moingetab beko, kondoe inendet koba bitonin agoi Betsaida, kingomi kosaisereti inendet tuiyet koba. ⁴⁶Ak ye kingo kagobagakta icheket, kwo tulwet barak kosa. ⁴⁷Ak kiit koskoleng ago kiga koit moinget kwenutab araraita, ak kimi inegei emet ne yaamat.⁴⁸Ak kingogeer icheget konyalildos eng' boisietab mugangok che kikwerie moinget, amu kigirgireni koristo. Ak kingo legit sait angwan ne bo kemoi, konyonji icheket, kowendote araraita barak, ak kimache kosiirtoe icheget. ⁴⁹Ago kingogeer icheket inendet kowendoti eng' araraita barak, kolen icheget tamirmir, ak kowokcho, ⁵⁰amu kigeer inendet, ak kocholyo. Ak ngunoto anyun kotwekyi icheket, ak koleji, "Onyiganitu! anendet! amoiyweisie!⁵¹Ak kilany moinget kwo ole mi icheket, ak kisis koristo mako kirgireni. Kikwong'io mising icheket. ⁵²Amu kima nai icheket agobo makatinik. Amu ki uuen mugulelwekwai.⁵³Ak ye kingo kagolanda, koit emetab Genesaret, korat moinget eng' ngegut. ⁵⁴Ak ye kingomong' eng' moinget konai biko inendet eng' sainoto, ⁵⁵ak koruaai eng' koronoto komugul, ak kotoi komut che miandos eng' kitogusiekwai, koba ole kiga kasyi kele mito inendet.⁵⁶Ak oldo tugul ole kimong'ji kochut nganasok che mengechen, anan ko che eechen, anan emet, ko kindenoi che miandos oldab sirosie. Kisaisai inendet kole kochamji kotiiny agot tabandab ngoriennyi, ak kisopcho tugul che kitiiny inendet.

¹Kiyumjingei inendet Parisaik, ak alak eng sirik, che kibunu Jerusalem.²Ak kigeer alak eng alamalyennyi koamei makatinik eng eunek che muruonen, noto ko, eunek che ma kiun. ³(Amu maamisie Parisaiik ak Yahudik ngot ko maiun eunekwai komie, korube biteetab boisiek. ⁴Ngo bunu Parisaiik oldab aldaisiet, ko ngot ko maiungei, ko maamisiei: ak mitei bitonwek alak che chang, che kitaach si korib komie, ko u kaunetab kikombok, ak terenik, ak tuguk che bo sugunwet kobot che kiamisie.)⁵Ak kiteebe Jeiso Parisaik ak sirik kole, "Kainee si mabendote alamalyeng'ung korube biteetab boisiek, ago ame makatinik eng eunek che muruonen?"⁶Kimwachi icheket koleji, "Kisib komaoten Isaia iman agobo akwe chombilik. Ko u ye sirat, kole, "Teegiso bichu eng kutuswekwai, ago looen mugulelwekwai eng ane. ⁷Ago iloswo buch, koneti ng'atutikab biko koek konetisiosiek che inetisie.'⁸Obagaktoi ng'atutietab Jehova ak onam mising biteetab biko." ⁹Ak kileji icheket, "Ochei, ongen otaiye iman ng'atutietab Jehovah, si kobiit oriib biteengwong! ¹⁰Amu kile Musa, 'Tegis kwandang'ung ak komet', ak, 'Inendet ne mwaitae yaitio agobo kwandanyi anan kamet, kebare ne matiny.'¹¹Ago omwae akwe ole, 'Ngoleji chi kwandanyi anan ko kamet, "Kito ne kata atoretenen ko Korban," (ye kiweech ko, Kagochinet), ¹²ko u noto ko mata ochamji anyun inendet kotoret kwandanyi anan kamet. ¹³Oyae ng'olyotab Jehovah koek buch eng biteeng'wong ne kiong'at ak oyapte. Ak oyae tuguk alak che chang che u choto.¹⁴Ak kiguur tuiyet kogeny kobwa ye mi inendet, ak koleji, "Ogasa, akwe tugul ak oguiye. ¹⁵Mami kiy ne bunu chito sang ne imuchi kong'wanit inendet ngo chut orinnyi. Ago tuguk che mong'une chito, ko choto che ing'waniti chi. ¹⁶Ngo tinyei chi itik che kastoe, kogas.¹⁷Ak kingobagakta Jeiso tuiyet ak kwo got orit, koteebe alamalyennyi agobo kalewenonoto. ¹⁸Ak kileji icheket, "Tos tomo onyoru kaguiyet ak akwee? Mongen ole kiy tugul ne mi chi sang ak kwo orit, ko magoi imuch kong'wanit chi; ¹⁹amu ma chute muguleldanyi, ago chute moet, ak komanda koba kertit?" Ak eng ng'olyondoni kobarasta Jeiso kole tililen amitwogik tugul.²⁰Ak kimwa kole, "Kito ne mong'une chito ko noto ne ing'waniti chito. ²¹Amu mong'une orit eng muguleldab chi kabwatutik che yaachen, sokset, chorset, rumisiet, ²²ibetab ge, ng'etkongda, yaitiet, kenisiet, maget ne ya, kong ne ya, ng'alek che yaach, menotet, ak berberyet. ²³Mong'une orit tuguchuto tugul yaachen ak kong'wanit chito."²⁴Ak king'eet eng oloto kwo tabanwekab Turo ak Sidon. Kingoit ko kiwo got, ago kima mach konai chi, ago kima imuch koung'ak. ²⁵Ak ngunoto konyo chepyoso age ne kitinyei chepto ne mining ne kiga nam tamirmiriet ne muruon, kingogas agobo inendet, konyo kobutyi kelyekyii. ²⁶Ak ki bo Yunanik chepyosonoto, ne kisalu bororietab Suropoinike. Ak kisom inendet kole koon oindet eng cheptanyi.²⁷Ak kilechi inendet, "Ingobiyongyo leguk korok. Amu ma nyalu kenam amitwogikab leguk ak kewirji sesenik." ²⁸Ak kiwolji inendet koleji, "Eeh, Kiptaiyandani, agot sesenik koamei eng kureretab meset, amitwogik che iroroi che bo leguk."²⁹Ak kileji chepyosonoto, "Amu tuguk che kemwa, itiagat iwechige. Kagomanda oindet eng cheptang'ung." ³⁰Ak kiwektage gonnyi ak konyor lakwet koruei eng kitokut, ako kagomong'une oindet.³¹Ak kimanda kogeny eng tabanwekab Turo, ak kobun Sidon kot koit araraita ne bo Galili, ak kiwo agoi kwenutab tabanwekab Dekapoli. ³²Ak kigimutyi inendet chi agenge ne ki ming'at, ak ko uui kut, ak kosom si kobiit kogonoor inendet eunnyi.³³Ak kiimut chichoto kwo taban eng tuiyet, ak kichukta morikyi itikab chichoto, ak kong'utyi ak kotwa ng'elyeptanyi. ³⁴Ak kinyal anyun kipsengwet, kombus, ak koleji, "Epata," noto ko kakile, "Yatage." ³⁵Ak kiyatogis anyun itikyi, ak kotiagak kit ne kiratei ng'eleptanyi, ak kong'alal komie.³⁶Ak king'at icheket kole amat komwachi chi. Ago kingoteshi kong'at icheket, koteshi anyun bichoto komwaitaat. ³⁷Ak kikwong'io mising, kolen, "Kagoyai tuguk tugul komie. Igochini kogasta agot che ming'otin ak kong'alalyo che namotin kut."

¹Eng betusiechoto, ko kimi kogeny tuiyet ne o, ak kima kotinyei kiy ne amei. Koguur Jeiso alamalyennyi kobwa ole mi inendet ak koleji, ²"Arire tuiyet amu kagotebi koboto nguno ko betusiek somok ama tinyei kiy ne amei. ³Ak ngot atiagte koba korikwai ama am kiy, kotanuitos eng oret. Ak kobunu alak ole loo." ⁴Ak kiwolji alamalyennyi kole, "Kimuchi kenyorji ano makatinik eng emoni surkwen che imuch kobai bichu tugul kot kobiyongyo?"⁵Ak kiteebe icheket koleji, "Otinye makatinik ata?" Ak kole, "Tisab." ⁶Ak king'at tuiyet kotebee ng'weny. Kinam anyun makatinichoto tisab, komwa kongoi, ak kobutul. Ak kogochi alamalyennyi, si kondeno taing'wai, ak kogochinot tuiyet.⁷Ak kitinye kogeny njirenik che mengechen che ng'ering, ak kingo kawekta kongoi, kong'at kondeno choto agichek taing'wai. ⁸Kiamis anyun kot kobiongyo, ak kiiriach katuganik, ak kinyi lolotinwek tisab. ⁹Ak ki biko olo bo elfusiek ang'wan. ak kisaiseret koba. ¹⁰Ak yeityo anyun kolany moingetab beko koboto alamalyennyi, koba komoswekab Dalmanuta.¹¹Ak kibwa Parisaik, ak kotoi kotebtebee inendet ng'alek. Komache kaborunet ne bunu kipsengwet, kotiemei inendet. ¹²Ak kiimbus ne nyigis eng tamirmirennyi, ak kole, "Amu nee si kocheng'ei ebeni kaborunet? Amwawok iman ale, magoi kigochi ebeni kaborunet." ¹³Ak kibagakta icheket, ak kolany moingetab beko kogeny, ak kolanda bitet age.¹⁴Ak kiutie alamalyennyi koib makatinik. Ak kima kotinyei kiy eng moinget kobate makatiat agenge kityo. ¹⁵Ak kiitigon ichek, koleji, "Oripge, ak oribege mermerekab Parisaik ak mermerek che bo Herod."¹⁶Ak king'alaljige alamalyet ichegei, kolen, agobo makatinik che kimakotinye. ¹⁷Ak kingonai Jeiso, kotebe icheket kole, "Kainee si otebegee agobo makatinik che motinye? Tomo onai, anan tomo oguiye? Tos uuen mugulelwekwok?¹⁸Otinye konyek, amogeere kiy? ak otinye itik, amogastoi? Amaonani? ¹⁹Kingabutulji makatinik mut bik elfusiek mut, ko kinyi kerebonik ata katuganik che kigoyum? Koleji inendet, "Taman ak aeng."²⁰"Kingabutul makatinik tisab eng biko elfusiek angwan, ko kinyi lolotinwek ata katuganik che kigoyum?" Ak koleji, "Tisab." ²¹Ak kimwa kole, "Tomo oguiye?"²²Ak kiit anyun Betsaida. Ak kigimutyi inendet chi ne korat ak kosom kotiny inendet. ²³Ak kinam eutab kipkoratiandanato ak komut komanda inendet eng nganaset. Ak ye kingo kagong'utyi konyekyi ak kogonoor eunekyi inendet, koteebe kole, "Tos igeere kiy?"²⁴Ak kiinyal barak, ak kole, "Ageere bikoche u ketiik che bendoti." ²⁵Ak kiigonor eunekyi kogeny konyekyi, ak kiyat konyekchi chihoto, ak kisob, ak kogeer tuguk tugul komie. ²⁶Ak kitiagta Jeiso kwo gaa, ak koleji, "Amewe nganaset agot kitigin."²⁷Ak kiwo anyun Keiso ak alamalyennyi agoi nganasok che bo Kaisaria Pilipi. Ak kiteebe alamalyennyi eng oret, koleji, "Mwaei biko kole aii ng'o anee?" ²⁸Ak kiwolji inendet koleji, "Len ii Johana Kabatisanindet. kolen alak, 'ii Elija,' ak len alak, "ii agenge ne bo maotik."'²⁹Ak kitebee icheget kole, Ago olen okwee a ii ng'o? Kowolji Petero koleji, "ii Kristo" ³⁰Ak king'at icheket kole, amat komwachi chi age tugul agobo inendet.³¹Ak kitoi konet icheket kole matiny agoi konyalil Weritab Chi eng' tuguk che chang', ak kotaiyo inendet boisiek ak tisiik che eechen ak sirik ak kebar, ak ye igesgei betusiek somogu, kong'eet kogeny. ³²Ak kimwa ng'olyondonoto kogase chi tugul. Ak kinam Petero inendet ak kotoi koger kong'.³³Ago kiwelelge Jeiso ak kogeer alamalyennyi ak koger kong' Petero ak koleji, "Ui let eng' ane, Chesawilyeni! Amu mebwati tugukab Jehovah, ago tugukab biko." ³⁴Kiguur anyun tuiyet koboto alamalyennyi kobwa ole ki mito inendet ak koleji icheket, "Ngo machei chi age tugul korubwa, koesioge, ak kogesen kimurtoiyondennyi, ak korubwa.³⁵Amu age tugul ne machei kosor sobondanyi kobeeti, ak age tugul ne ibeeti sobondanyi agobo ane ak logoiwek che tililen kosoru. ³⁶Amu nyoru borot nee chi, ngonyor ngweny komugul, ak kobeet sobondannyi? ³⁷Tos igoitoi nee chi kowale sobondanyi?³⁸Amu age tugul ne ililani agobo ane koboto ng'alekchu eng' ebenito bo sokset ak tengek, ko tun ililandoi agine Weritab chi inendet, ye tun nyonii eng' torornatetab Kwandanyi koboto malaikaisiek che tililen."

¹Ak kileji icheket, "Amwawok iman ale, mito yu alak eng' chu tonondos che magoi chamcham meiyat kotomo kogeer bounatetab Jehova konyonii eng' kamuktaet." ²Ak kingobata betusuiek lo, komut Jeiso Petero ak Jakobo ak Johana kotogosta tulwet ne koi, koba koek ichegei. Ak kiwalak eng' taingwai. ³Ak kilil bich ngoroikchi mising', kolelagitu mising kosir teluchi; mami mwetindet ngweny ne imuchi komwet koleelagitu ko u choto.⁴Ak kitook eng' taingwai Elija ak Musa, ak king'alalsot koboto Jeiso. ⁵Ak kiwol Petero koleji Jeiso, "Konetindoni, kararan amu ki mi yu, kararan keteech keriosiek somok neng'ung age, ko bo Musa age, ko bo Elija age." ⁶(Amu kima kongen kiy ne mwae amu kicholyo mising.)⁷Ak kinyo boldet kotuch ichek. Ak kimong anyun tuget eng boldet, kole, "Ni ko werinnyu, chamanennyu. Ogas iit akwee inendet." ⁸Ago kigusgong' ngunoto kogeer komoswek tugul, ago mageer chi, kobate Jeiso inegei ak icheget.⁹Ak kingoregu eng' tulwet, kong'at icheket koleji, amat komwachi chi age tugul tuguk che kogeer agoi kong'eet Weritab chi eng' che kigomeiyo. ¹⁰Ak kirib ng'olyondonoto, ago kitebege ichege eng ichege agobo " keng'eet eng' che kigomeiyo" kole tos nee.¹¹Ak kiteebe inendet kole, "Amunee si ko mwae sirik kole agoi konyo Elija korok?" ¹²Ak kileji icheket, "Iman nyonii Elija korok ak koweek tuguk tugul. Amu nee anyun si kesir agobo Weritab Chi kele agoi konyalili eng tuguk che chang' ak kiit koek buch? ¹³Ago amwawok ale kigocho Elija, ak kigiyachi agine kito age tugul ne kimachei icheket, ko u yo kigisir agobo inendet."¹⁴Ak ye kigabwa ole mi alamalyet, kogeer tuiyet ne o ko kaimut icheket, ak sirik che kitebtepse icheket. ¹⁵Ak ye kingogeer Jeiso, kokwong'io tuiyet komugul mising', ak koruai kotorokta inendet ak kogat. ¹⁶Ak kiteebe alamalyennyi kole, "Ong'usang'usige agobo nee?¹⁷Kowolji chito age eng' tuiyet, kolenji, "Konetindoni, kaamutun werinnyu. Tinye inendet tamirmiriet ne namakse kut, amemuji kong'alal. ¹⁸Ak olo tugul ole kanamji kowirjinoti ngweny eng' kimnatet, ak komong'une bugaat kutinyi, ak konyeei kelek, ak yamta. Kaamwochi alamalyeng'ung koon komanda; ago ma imuch." ¹⁹Ak kiwolji anyun icheket koleji, "Ee, ebendo ne matinye kayanet, atebje kobotok kot kotianit? Amuitojinok agoi au? Omutwa inendet."²⁰Ak kiimutyi icheket inendet Jeiso. Ak ye kingogeer tamirmiriendonoto Jeiso, kobirobirto weroto mising'. Ak kibutyi weroto ng'weny, komilmilgei ak komong' bugaat eng kutinyi. ²¹Ak kitebee Jeiso kwandanyi koleji, "Kinamei kong'etee au kiito?" Ak kile, "Kong'ete ko lekwa. ²²Ak kigowirji konyil che chang' mat ak ole mi beok, komache kobar inendet. Ak ngimuchi iyai kiy age tugul irirenech ak itoretech."²³Ak kilenji Jeiso, "Ngimuchi? Imugaksei tuguk tugul eng' inendet ne iyani." ²⁴Ak kiwach anyun kwandab lekwanoto, ak kole, "Ayani! toreto eng bistoennyu." ²⁵Ak kingogeer Jeiso tuiyet koruou tugul, koger kong' tamirmiriet ne muruon, koleji, "Inye tamirmiriet ne namat kut ak ko ii ming'at, kang'atin ale, mong'u eng inendet, ak amatata ichut inendet kogeny."²⁶Ak kingo kagowaach ak kobirto weroto mising', komanda. Ak kigergeitge werotoak ne kogome, kot komwa che chang kole" Kagome." ²⁷Ago kinam Jeiso eut ak kong'eet kotonon, ak kitonon anyun weroto.²⁸Ak ye kingo kakwo got Jeiso, koteebe alamalyennyi inendet komi ichegei, kole, "Amu nee si ma kimuch ache keon?" ²⁹Ak kileji icheket, maimuchi komanda ne u ni eng kiy age tugul kobate saet ak karugutetab amitwogik."³⁰Kiba anyun eng' oloto, ak kobun kwenutab Galili. Ak kima mach konai chi age tugul. ³¹Amu kiineti alamalyennyi. Kolejini, "Kigoitoi Weritab chi kwo eunekab biko, ak kobar inendet. Ak ye kagebar, kong'eet kogeny, ko kagobata betusiek somogu." ³²Ago kima nai icheket ng'olyondonoto, ak kiiywei koteebe inendet.³³Ak kibwa Kapernaum. Ak kingo ka kochut got koteebe icheket koleji, "Ka nee ng'alek che komwaonu eng' oret?" ³⁴Ago kisisyo. Amu king'usang'usige ichege eng' ichege eng' oret kolen ng'o ne o. ³⁵Kitebee ng'weny anyun, ak koguur choto taman ak aeng' ak koleji icheket, "Ngo mache chi koeg ne bo tai, koeg ne bo let eng' tugul ak koek otwogindetab tugul."³⁶Ak kinam lekwa ne mining ak kondeno kwenung'wai. Ak kogeleb eng eunekyi ak koleji, ³⁷"Age tugul ne taache lekwa ne u ni eng' kainenyu, ko kataacha; ak age tugul ne kataacha, ko mataacha ane, ago inendet ne kiiyokwo."³⁸Kileji Johana inendet, "Konetindoni, kogigeer chi koonei oik eng' kaineng'ung' ak kogitae, amu koma ko rubech." ³⁹Ago kile Jeiso, "Amotae amu mami chi ne yaei boisiet ne bo kimanatet eng' kainennyu ak komuch kochepchebit komwaitaena yaitio.⁴⁰Amu inendet ne magirindoech ko nenyo. ⁴¹Amu age tugul ne konok beekab kikombet oee eng kainenyu amu o bo Kristo, amwawok iman, ale, mabetyini melektanyi.⁴²Ago chi age tugul ne inachi agenge eng' che mengechen che iyana, ko kaigai eng' inendet kerotyi kaatinyi koitab bai ne o, ak kewirji araraita. ⁴³Ak ngong'wilin eung'ung', itilte. Keigei eng' inye imong'ji sobondo iboe mugung' kosir itinye eunek aeng' ak iwe gehena, mat ne ma imisokse. ⁴⁴Ole mabegu kutikwai, ama misokse mat.⁴⁵Ak ngong'wilin keldang'ung', itilte, keigei eng' inye imong'ji sobondo iboe kelok kosiir kewirjin Gehenna ibo kelyek aeng'. ⁴⁶Ole mabegu kutikwai, ama misokse mat.⁴⁷Ak ngong'wilin kondang'ung', ibalu. Kaegei eng' inye iit bounatetab Jehova iboe kong'ak, kosir kewirjin Gehenna itinye konyek aeng', ⁴⁸Ole mabegu kutikwai ama misokse mat.⁴⁹Amu kindenoi chi age tugul munyek eng' maat. ⁵⁰Kororon munyek, ago ngobet anyinyindang'wai munyuk, ko ta ondenoi nee si kochom kogeny? Ingotebe munyek eng kwenung'wong', ak otebi eng' kalyet akwege eng' akwege."

¹Kimanda anyun Jeiso eng' oloto ak kwo komaswekab Judea agoi bitetab Ainetab Jordan, ak kiiyumjige inendet tuiyosiek kogeny. Ak kiineti icheket kogeny ko u ye kicham koyaei. ²Ak kibwonji inendet Parisaik, koteebe kotieme inendet, kole, "Tos chamdaat eng' ng'atutik koon chi kwondonyi?" ³Ak kiwolji Jeiso koleji, "Nee ne king'atak Musa?" ⁴Ak kile icheket, "Kichamji Musa muren kosir siret ne bo besiet ak si koon indet kwo."⁵Ago kileni Jeiso icheket, "Kisirwak ng'atutionoto Musa amu uuindab mugulelwekwok, ⁶ago kong'ete taunetab yaetab ng'weny, ko 'kiyai Jehova icheket muren ak tie.'⁷Ak amu noto kobagaktoi chi kwanda ak kamet, ak konamgei ak osotiondennyi, ⁸ak koek choto aeng' borto agenge. ⁹Choto anyun che kagotuiyo Jehova, ko mat kobesio chi."¹⁰Ak kiteebe alamalyennyi inendet kogeny agobo tuguchuto eng' got orit. ¹¹Ak kileji icheket, "Chi age tugul ne onei chepyosennyi, ak kotun age, ko kayai ibetabge. ¹²Agot chepyosonoto agine ngo bagakta boiyondennyi, ak kotun age, ko ka yai ibetabge."¹³Ak kigimutyi inendet leguk che mengechen, si kobiit kotiny icheket, ak kiger kong' alamalyennyi. ¹⁴Ago kingogeer Jeiso, konyit ak koleji icheket, "Ochamji leguk che mengechen kobwonjo, amoete icheket, amu bo baunatetab Jehova che u chu.¹⁵Amwawok iman ale, chi age tugul ne mataachei bounatetab Jehovah ko u lakwet ne mining' ko machute oloto matiny." ¹⁶Ak kiganab leguk eng eunekyi ak koberur kogonori eunekyi icheket.¹⁷Ak ye kiwendi eng' oret, kolabatyi chito age inendet, ak kogutungji ak koteebe kole, "Konetindoni kararan, ayai nee si anyor sobondo ne bo koigeny?" ¹⁸Ak kileji Jeiso inendet, "Kainee si iguureno ne kararan? Mami chi ne kararan, kobate agenge inendet Jehova inege. ¹⁹Inget inye ng'atutik: 'Amerumisie, amoipge, amechorse, amebaorianji lembech, Amekenisie, Tegis kwandang'ung ak komet."²⁰Ago kileji chichoto, "Konetindoni, kiarib tuguchuto tugul kong'ete a mining." ²¹Kigeer anyun Jeiso inendet, ak kocham. Ak koleji, "Ta ko rartaat kito agenge eng' inye. Uui, alde tuguk tugul che itinye ak igochi kibananok, si inyoru magornatet eng' kipsengwet. Ak inyo iruba." ²²Ago kigerer met agobo ng'olyondonoto, ak kwo eng' arogenet amu kitinye inendet tuguk che chang'.²³Ak kigeer Jeiso komoswek tugul, ak koleji alamalyennyi, "Korom ne tia koit bounatetab Jehovah che tinyei magornatosiek!" ²⁴Ak kikwong'io alamalyennyi eng' ng'alekchi. Ago kimwochi Jeiso kogeny koleji, "Legochu, korom ne tia eng' ichek che tiiegei magornatosiek koit bounatetab Jehovah! ²⁵Nyumnyum eng' tambesiet kochut kondab katet ne kinobisie, kosiir komongji magoriot bounatetab Jehovah."²⁶Ak kikwong'io icheket mising' ak kolejige ichege eng ichege, "Ara ng'o anyun ne imuchi konyor sorunet?" ²⁷Ak kigeer Jeiso icheket ak kole, "Maimugaksei eng' biko, ago ma u noto eng' Jehovah." Amu imugaksei tuguk tugul eng' Jehovah." ²⁸Kitoi anyun Petero koleji, "Geero, kigebagakte tuguk tugul ak kigerubin."²⁹Ak kile Jeiso, "Amwawok iman ale, mami chi ne kibagach got, anan werikwai, anan tibikwai, anan kamet, anan kwanda, anan leguk, anan mbarenik, agobo ane, ak logoiwek che tililen, ³⁰ne manyoru konyil bogol nguno eng' butusiechu, gorik, ak werikwai, ak tibikwai, ak kametishekwai, ak leguk, ak mbarenik, koboto usisiosiek, ak eng' betusiek che tun bwanii, sobondab koigeny. ³¹Ago tun egu che chang' che bo tai che bo let, ak koek che bo let che bo tai."³²Ak kimi ichek eng' oret kotogostoi Jerusalem, ak kiindoi Jeiso. Ak kikwong'io alalmalaik, ak kicholyo che kirube icheket. Ak kiitaban kogeny Jeiso choto taman ak aeng' ak kotoi komwachi icheket tuguk che ityini inendet kolegit. ³³"Ogeero, kitogostoi Jerusalem, ak kigoitoi Weritab Chi kwo eunekab tisiik che eechen ak sirik. Ak koruokyi kiruoget ne bo meet, ak kondeno inendet eunekab bororiosiek. ³⁴Ago churochuri inendet, ak kong'utyi, ak kobire kipcharitit, ak kobar inendet. Ak ye ibata betusiek somogu kong'eet kogeny."³⁵Ak kirikyi inendet Jakobo ak Johana, werikab Sebedi, ak koleji, "Konetindoni, kimache iyaiywech kiy age tugul ne kisomin." ³⁶Ak kileji icheket, "Omache ayaiywok nee?" ³⁷Ak kileji, "Konech ketebee, age eung'ung' ne bo tai, ak age eung'ung' ne bo katam, eng' torornateng'ung'."³⁸Ago kiwolji Jeiso icheket, "Mongen kit ne osome. Tos omuchi oee kikombet ne aee? anan kibatisanenak kabatisanet ne kibatisanena?" ³⁹Ak kileji inendet, "Kimuchi." Kolenji anyun Jeiso icheket, "Kikombet ne aee ko tun oee ak akwe, ak kabatisanet ne kibatisanena ko tun kibatisanenok. ⁴⁰Ago ma ane ne igoitoi kotebe chi eunnyu ne bo tai anan eunnyu ne bo katam, ago bo icheget che kigechopchi."⁴¹Ak ye kingogas alamalyet chun tamanu, kotoi konerekyi mising' Jakobo ak Johana. ⁴²Ak kiguur Jeiso icheget kobwa ole mi, ak koleji icheket, "Ongen ole icheget che kiiti kele bou Bororiosiek, koyaegei koek kiptainik eng' icheket, ak chekwai che eechen kobou icheket.⁴³Ago ma u noto eng' akwe. Ago age tugul ne machei koek ne o eng' akwe agoi koek ne boisiewok, ⁴⁴ak chi age tugul ne mache koek ne bo tai eng' akwe agoi koek otwogindetab tugul. ⁴⁵Amu kima nyo Weritab chi si keboisiechi, ago si kobois inendet ak kogoito sobondanyi koek kito ne kitiage che chang."⁴⁶Ak kiit anyun Jeriko. Ak kingomanda eng Jeriko, koboto alamalyennyi ak tuiyet ne o, ko kitebche eng' oret taban, Bartimayo weritab Timayo, inendet kipkoratiat ne somsei. ⁴⁷Ak ye kingogas kole, nito ko Jeiso ne bo Nasaret, kotoi kowaach ak kole, "Jeiso, Weritab Daudi, rirena!" ⁴⁸Ak kiger kong' che chang' kole, kosis. Ago kites kowaach mising' kole, "Weritab Daudi, rirena!"⁴⁹Ak kitonon Jeiso ak kong'at keguur inendet. Ak kigiguur kipkoratiandanato, keleji, "Nyiganitu! Ng'eet, Kuurin inendet." ⁵⁰Ak kiwirta ngoriennyi, ak koriakta, kwo ole mi Jeiso.⁵¹Ak kiwolji Jeiso inendet koleji, "Imache ayaun nee?" Ak kile chichoto korat, "Rabboni, amache ageerto." ⁵²Ak kilenji Jeiso inendet, "Ui bandang'ung' kagosoobin kayaneng'ung'. Ak kigeerto kasarata anyun, ak korub inendet eng' oret.

¹Ak ye kingorikta Jerusalem, ak Betpage ak Betania, eng' tulwetab Emitik, koyokto aeng' eng alamalyennyi ²ak koleji, "Oba nganaset ne mi taing'wong'. Ak onyoru eng' sainato oite, moitab sigiriet ko ratat, ne tomo koket chi. Otiach, ak ogetwo. ³Ak ngo teebenak chi kole, 'Kainee si oyai ko u ni?' oleji, 'Makyinige Kiptaiyat ak kogonok ogetu anyun ngunoto."'⁴Kiba anyun, ak konyor moitab sigiriet ko ratat, eng' sang'utab ormarich, eng' ole besiechin ortinwek ak kotiach. ⁵Ako kitebee alak che kitonondos eng oloto koleji, "Oyae nee, ngotiachi moitab sigiriet?" ⁶Komwachi icheket ko u ye kiga mwachi Jeiso, ak kibakach bichoto icheget kobechige.⁷Ak kiket moitab sigiriet konyo ole mi Jeiso, ak kiito ngoroikwai eng sigiriet; ak kitebe Jeiso sigirionoto. ⁸Ak kiito biko che chang ngoroikwai eng' oret, ak kiindenoti alak temenikab ketik che kitilei eng' mbarenik. ⁹Ak kimwaoti eng' kutit ne o che kiindoi, ak che kiirube, kolen, "Hosanna! Iberurot inendet ne nyonei eng' kainetab Kipataiyat. ¹⁰Iberurot laitornatet ne nyonii, ne bo kwandanyo Daudi! Hosanna eng' ole toror mising!"'¹¹Ak kimong'ji Jerusalem ak kwo hekalut orit ak ye kingo kagogeerot tuguk tugul. Ak amu kiga koek koskoleny kwo anyun Betania ak taman aka aeng'. ¹²Ak kingomong' icheget karon eng' Betania, koam rubet inendet.¹³Ak kingogeer eng' ole loo mogoiwet ne tinyei sogek, kwo kolen tamangab konyorji logoiyat, ak kingoit ye mi ketoto, ko ma konyorji kiy kobate sogek kityo, amu kitomo koit betusiek che rure logoekab mogoonik. ¹⁴Ak kileji ketoto, "Kong'ete nguno ko ma koamenen chi logoek agoi koigeny." Ak kigasei alamalyennyi.¹⁵Ak kiit Jerusalem, ak kiwo hekalut orit, ak kotoi koon che kialdaisiei ak che kialisie eng hekalut. Ak koabuch mesosiek che bo walikab silingisiek, ak ng'echerok che bo che kialdoi cheptugenik. ¹⁶Ak kima chamji chi age tugul kobun hekalut koibe kiy ne imuchi kealda.¹⁷Ak kiinet koleji icheket, "Tos ma sirat kole, 'Kiguure gonnyu gotab saet ne bo bororiosiek tugul'? ago kaoyai akwek koek kebenetab chorik. ¹⁸Ak kigas tisiik che eechen ak sirik, ak kocheng ole bartoi inendet. Amu kiiywei inendet amu kiga kwong'io tuiyet komugul agobo kanetisiennyi. ¹⁹Ak kingoek koskoleny, komanda eng' nganaset.²⁰Ak kingosiirtoi icheket karon, kogeer mogoiywonoto ko ka koyaam kot koit tigitik. ²¹Kobwat anyun Petero ak koleji, "Konetindoni, keero! kakoyaam mogoiywondoni koichube."²²Kowolji Jeiso koleji, "Oyan Jehovah. ²³Amwawok iman ale chi age tugul ne lejini tulwoni, 'Kitutin ak kewirjin araraita,' ako mabistoe eng' muguleldanyi ak koyan kole isuldoi tuguk che kamwa kosuldoi, ko noto ne yae Jehovah ak konyoru tuguchoto.²⁴Noto anyun amwawok ale: Tuguk alak tugul che osome eng' saet, oyan ole kaotaach, ak onyoru. ²⁵Ak ye otonon osae, ko chi ne tinye chi ng'olyo ko agoi onyochi kaat, si konyoiywok kaat lelutikwok Kwandang'wong' agine Kwandang'wong' ne mi kipsengwet. ²⁶Ago ngo monyochi kaat akwe ko manyoiywok kaat lelutikwok Kwandang'wong' agine ne mi kipsengwet."²⁷Ak kibwa kogeny Jerusalem. Ak kingota kowendoti eng' hekalut, kobwanji inendet tisiik che eechen, ak sirik, ak boisiek. ²⁸Ak kiteebe kole, "Nee kimnatet ne iyae tuguchu, anan ng'o ne kigonin kimnatoni iyae tuguchoto?"²⁹Ak kilenji Jeiso icheket, "Ateebenok ak ane ng'olyot agenge. Owolwo, si amwawok kimnatet ne ayae tuguchoto. ³⁰Tos kibunu kabatisanetab Johana kipsengwet anan kibunu biko? Owolwo."³¹Ak kitebege ichege eng icheke kolen, "Ngele, 'Kibunu kipsengwet,' kole inendet, 'Kiyai nee anyun si moyan?' ³²Ago ngot kele, 'Kibunu biko,'....Ko kiiywei biko, amu kiga koyan biko tugul kole maotiot Johana. ³³Ak kiwolji Jeiso kole, "Magingen." Ak kileji Jeiso anyun, "Mamwawok agot ane kimnatet ne ayae tuguchoto."

¹Ak kitoi konet icheket eng' kelewenaik. Ak kole, "Kiminji chito age sabibuk mbaret, ak kong'ot, ak kobal keringet ole kirurung'e sabibuk. Ak kiteech got ne koi ak komanakyi kolikab sabibuk (meek), ak kwo emet age. ²Ak kingoit betusiekab kesisiet, koyokto otwogindet kwo ole mi meek, si kobiit konyorune meechoto logoek che bo mbaretab sabibuk. ³Ak kinam inendet, ak kobir, ak koon kwo buch.⁴Ak kiiyokyi kogeny otwogindet age, ak kibir metinnyi ak kotewer. ⁵Ak kiiyokto age, ak kobar inendet. Ak kiiyokto alak che chang', kobir alak ak kobar alak.⁶Kita kotinyei anyun chito agenge ne iyoktoi, noto ko werinnyi ne chemat. Kolejige, 'Konyiti werinnyu.' Kiiyoktto inendet eng let kwo ole mi icheket. ⁷Ago king'alalso meechoto ichegei, kolen, 'Nito ne namu tuguk. Obwa, kebar inendet, si kindii tuguk.'⁸Ak kinam inendet, ak kobar, ak kowirta komanda eng' mbaret ne bo sabibuk. ⁹Yaei ne anyun chitab kobo sabibuk? nyonii anyun kobarei meechoto ak komanakyi meek alak mbaranato ne bo sabibuk.¹⁰Tom osoman sirutichu? 'Koita ne kitoiyo tegiik, kigiyai noto koek koitab luita. ¹¹Kibunu ng'olyondoni Kiptaiyat, ak ko bo kwong'ut eng' konyekyok"' ¹²Ak kingobata nito ko kicheng'ei Yahudik ole namdoi Jeiso amu kinai kole kamwa kalewenoni agobo icheket. Ago kiiywei tuiyet. Ak kibagakta inendet ak koba.¹³Ak kiiyokyi Parisaik alak ak che bo Herodik, si korate ng'alekyi. ¹⁴Ak kingobwa, koleji inendet, "Konetindoni, kingen kele i bo iman, ameiti chi age tugul, amu megeere itondab chi, ago ineti iman oretab jehovah. Tos chamdoi ng'atutik kigochi kodi Kaisari, anan machamdoi? ¹⁵Kigoite anan olo?" Ago kinai inendet chombilileng'wai, ak koleji icheket, "Kainee si otiema? Oibwa denarit ageer."¹⁶Ak kiipchi Jeiso denarit agenge. Ak kileji icheket, "Bo ng'o itoni ak sironi?" Ak koleji, "Bo Kaisari." ¹⁷Ak kileji Jeiso, "Ogochi Kaisari tuguk che bo Kaisari, ak ogochi Jehovah tuguk che bo Jehovah." Ak kikwong'io mising agobo inendet.¹⁸Ak kibwanji inendet Sadukaik, che mwaei kole mami ng'eetyet. Ak koteebe inendet, kole, ¹⁹"Konetindoni, kisirwech Musa kole, 'Ngo me werit ne tupcho ak chi, ak kobagakta chepyosennyi, ama sich lekwa, kondii wering'wai chepyosonoto, si kobiit kolalji maat wering'wai.'²⁰Kimi werik tisabu che kitupcho, ak kiitunis werit ne o, kome ama sich lekwa. ²¹Ako kiindi agine ne bo aeng', kome ama sich lakwa, ak kiindi noto agine ne bo somok. ²²Ak ma biitune tugul tisab lekwa. Let kome agine chebiosonoto. ²³Tun eng' ng'eetyet kobunjini ng'o eng' icheket chepyosonoto? Amu kiga kobunji choto tisab."²⁴Ak kileji Jeiso icheket, "Tos ma noto ne kigonok olel, amu mongen sirutik anan ko kimnatetab Jehovah?" ²⁵Amu ye tun ng'eetyo icheket komong' eng' che ki komeiyo, ko maitunisie, ama kituni, ago u malaikaisek eng' kipsengwet.²⁶Ago agobo bik che kigobek kele tun ng'eetos, ko tomo osoman eng' bukuitab Musa, eng' ole kimi kertit, ko u ye kimwachi Jehovah inendet, koleji, 'Aii Jehovah ne bo Abraham, ak aii Jehovah ne bo Isak, ak aii Jehovah ne bo Jakobo'. ²⁷Inendet ko ma Jehovah ne bo che kigobek, ago bo che soptos. Olele mising."²⁸Ak kinyo age eng' sirik ak kogas koteebegei, ak kinai kole kawolji ichek Jeiso komie. Koteebe inendet, kole, "Nee ng'atutiet ne bo tai eng' tugul?" ²⁹Kowolji Jeiso koleji, "Ne bo komonut ko ni, "Ogaso, ee, Israel; Kiptaiyat Jehovah nenyo ko Kiptaiyat agenge. ³⁰Ak icham Kiptaiyat Jehovah neng'ung' eng muguleldang'ung' komugul, ak eng' sobondang'ung' komugul, ak eng ng'omnateng'ung' komugul, ak eng kimnateng'ung' komugul.' ³¹Nebo aeng' ko ni, 'Cham chitab kokweng'ung' ko u yo ichamege.' Mamito ng'atutiet age ne o kosir chu."³²Ak kileji sirindet, "Iman, Konetindoni! Kaimwa komie, ile inendet ko agenge ama mi age kobate inendet. ³³Ak kecham inendet eng muguleldo komugul, ak eng' kaguiyet komugul, ak eng' kimnatet komugul, ak ngocham chi chitab kokwenyi ko u yo chamege kosiirei noto kagochinoik tugul che kibeelei ak tiseiywek." ³⁴Ak kingogeer Jeiso kole kawol eng' ng'omnatet, koleji, "Ma i loo eng' bounatetab Jehovah." Ak kingobata noto ko mata kogany chi koteebe ng'olyo age tugul.³⁵Ak ye kiinetisie Jeiso eng' hekalut, komwa kole, "Kainee si komwaei sirik kole, Kristo ko weritab Daudi? ³⁶Kimwa Daudi inendet, eng' Tamirmiriet ne Tilil, kole, 'Kimwachi Kiptaiyat Kiptaiyandennyu, kole, "Tebee eunnyu ne bo tai, agoi andene buniguk keldebesaikab kelyeguk."' ³⁷Kuure Daudi inendet 'Kiptaiyat,' koegundoi ano anyun Kristo weritab Daudi?" Ak kiepchi iit tuiyet ne o inendet eng' boiboiyet.³⁸Ak eng' konetisiennyi koleji Jeiso, "Oribge sirik, che chamei kobendat kolaachi ngoroik che koen ak kagatosiek eng' oldinwekab aldaisiet, ³⁹ak ng'echerok che bo tai eng' sunagogisiek ak oldinwek che bo tai eng' igorwek. ⁴⁰Ak korebe icheket mosogik gorikwai, ak kosaei sautik che koen si kogeer biko. Nyoru bichu kiruoget ne o kosiir."⁴¹Ak kitebee ng'weny Jeiso kotokyigei ole kiyumjini tuguk che kigoitoi; kogeer ole indoitoi tuiyet chepkondok ole kiyumjini. Ak kiindeno magorek alak chepkondok che chang'. ⁴²Ak kinyo mosoget age ne kibanania ak kondeno sendeisiek aeng', che u kebeberta ne mining' ne bo denarit.⁴³Ak kiguur alamalyennyi kobwa anyun ole mi inendet, ak koleji, "Amwawok iman ale, kagonde mosogani banan che siirei che kagondeno biko tugul che kendeno tugukwai ole kiyumjini. ⁴⁴Amu kagondeno icheket tugul che bo chang'indab tugukwai. Ago kagondeno inendet che bo banandannyi tugul, che katinyei, agot che kosobee."

¹Ak ye kimandoi eng' hekalut, koleji age eng' alamalyennyi, "Konetindoni, keero, kit ne u koichu ak ole u teeksoni!" ²Ak kileji Jeiso, "Tos igeere teeksosiechu eechen? Matun ng'etu koita agenge eng' baragutab age, ne magiwirjini ng'weny."³Ak kingotebchei ng'weny eng' tulwetab Emitik ye tokyindos ak hekalut, koteebe inendet Petero ak Jakobo ak Johana ak Andrea komi ichegei, kole, ⁴"Mwawech, yaaksei tuguchuto auiyo? Ak nee kaborunet ne tun iboru kole karik kosulda tuguchuto tugul?"⁵Ak kitoi Jeiso koleji, "Oribge si maibeetok chi. ⁶Bwanii tun che chang' eng' kainennyu, kolen, 'Aii inendet,' ak kobeeti che chang'.⁷Ak ye tun ogas agobo bariosiek ak ng'alek agobo baretabge, ko mocholie; yaakistos tuguchuto ne matiny , ago tomo koit kagesunet. ⁸Amu setyini bororiet age bororiet age, ak setyini bounatet age bounatet age. Ak kobiit botanetab ng'weny eng' orisiek che chang' ak kobiit rubosiek. Tuguchoto ko taunetab ng'woninwek che uu che bo sigisiet.⁹"Ago oribge akwee. Amu tun kimutyinok kapkiruok, ak kebirok eng' sunagogisiek. Ak oteleli eng' taitab bounik ak laitorinik agobo ane, si koek baornat eng icheket. ¹⁰Ak kanyol keamji korok logoiywek che tililen bororiosiek tugul.¹¹Ak ye tun kimutak kapkiruok, ak kindenok eunekab biko, ko mat ogerer met agobo kito ne tun omwae. Ago kit age tugul ne kigonok eng' sainato; ko noto ne omwae: amu ma akwee che ong'alali, ago Tamirmiriet ne Tilil. ¹²Ak kong'wektai chi wering'wai kebar, ak kong'wekta kwanda lakwennyi. Ak kong'eetyi leguk sigikwai, ak kogoito kebar. ¹³Ak kosasak biko tugul amu kainennyu. Ago ne muitoi agoi let, kesoru noto.¹⁴"Ago tun ngogeer kito ne kisasei ne bo ng'emisiet kotonone ole ma nyoljini kotonone," (ingoguiyo ne somani), ingomwechi anyun che mi Judea tulonok, ¹⁵ama chortage chi ne mi got barak anan kwo go, si kobiit konem kiy eng' gonnyi, ¹⁶amat koweektage chi ne mi mbar kwo koib ngoriennyi.¹⁷Bwo eng icheket che manakotin ak che chuchuni eng' betusiechoto! ¹⁸Ak osa si matun ko yaak choto eng' betusiek chebo kaititindo. ¹⁹Amu egu nyalilda eng' betusiechoto, ne kitom koegu ko u noto kong'ete taunetab yaetab ng'weny ne kiyai Jehovah, agoi nguno, ama kobiitu ko u noto kogeny agoi. ²⁰Ak nda kima til kiptaiyat betusiek konwagitu, ta ma kisoru chi. Ago kitil betusiechoto amu che lewenotin.²¹Ak ngolejok chi eng' betusiechoto, 'Ogeero, mi Kristo oli!' anan, 'Ogeero, mito olin!' ko mat oyan. ²²amu ng'eetos kristoisiek che bo lembech, ak maotik che bo lembech, ak kobortoi kaborunoik ak kwong'utik, si kobeet, agot che kigelewen, nda imugaksei. ²³Ago oribge! Ogeero, kasib amwawok tuguchu tugul.²⁴"Ago eng' betusiechoto ko kagobata nyalilata, 'kotuuit asista, ama koluu arawet, ²⁵ak kororok kokelik eng' kipsengwet, ak kotumdumgei kimnatosiek che mi kipsengwetisiek.' ²⁶Eng' sainato kogeer anyun Weritab chi kochonii eng' bolik koboto kimnatet ne o ak torornatet ne o. ²⁷Yeityo koyokto malaikaisiekchi ak koyum lewenikyii, kobun usonaik ang'wan, kobunu tabandab ng'weny agoi tabandab kipsengwet.²⁸Onetge kelewenetab mogoiywet. Ngong'arng'aritu temenikyii ak kong'atyo sogek, onai kole karik kesisiet. ²⁹Ko u noto ak akwee, ye ogeer kosuldoi tuguchu, onai kole kagorik inendet, mi kurget.³⁰Amwawok iman ale, masiirtoi ebeni, ama isulda tuguchoto tugul. ³¹Siirtoi kipsengwet ak ng'weny, ago masiirtoi ng'alekchu. ³²Ago mami chi ne naei agobo betunoto anan sainato, agot malaikaisiek che mi kipsengwet, agot Werit, kobate Kwanda inegei.³³"Oripse anyun! Okang'isie ak osae amu mongen ole sait ata. ³⁴U chi, ne kibagach gonnyi, ak koruto emet age, ak kogochi otwogikyii kimnatet, chi age tugul ak boisiennyi, ak kong'at ribindet koripso.³⁵Oripse anyun amu mongen ye itu chitab kobo got; ngo koskoleny, anan kemoi kwen, anan ye iteei kipsoiywet, anan karon. ³⁶Si ma nyachak ak konyoruok orutosi. ³⁷Ak ng'olyot ne amwawok akwee amwachini tugul, ale: Oripse!"

¹Ak kigang'et betusiek aeng'u si kobiit igortab pasaka ak makatinik che ma kindenoi mermerek. Ak kicheng'e tisiik che eechen ak sirik ole imuktoi konam Jeiso eng' ng'alset, si kobiit kobar inendet. ²Amu kile icheget, "Ama tokany kenam eng' igorta, si mabolyo biko."³Ak ye kimi inendet Betania eng' gotab Simon ne kiamei mogondosik, kota kotebche eng amisiet, konyo chebioset ne kitinye chubait ne mi mwaita ne nyamdut ne bo kamanutiet ne o. Ak kitui chubainoto, ak korong'ji metinnyi. ⁴Ak kimi alak che kinerektos eng' orit kolen, "Amu nee si kibeet buch mwai? ⁵Amu kata yamei kealdae mwai che siirei denarisiek bogol somok, ak kigochi kibananok." Ak kibolji inendet.⁶Ago kile Jeiso, "Obagakte. Kainee si oiim inendet? Kagoyaiywa boisiet ne kararan. ⁷Amu otinye kotugul kibananok, ak eng' olo tugul ngomache, omuchi oyachi ne kararan, ago mami ane kobotok agoi. ⁸Kagoyai ne imuchi. Kasib koiil bortanyu agobo tubenyu. ⁹Ak amwawok iman ale, oloo tugul ole kiamjini logoiywek che tililen eng' ng'weny komugul, kemwaitoi agine ne kayai chebiosoni si kobiit koek kabwatet agobo inendet."¹⁰Ak kiwa Judas Iskariot, ne ki age eng' taman ak aeng', ole mi tisiik che eechen, si kobiit kong'wekyi icheget. ¹¹Ak kingab kagas icheket tisik che eechen, koboiboitu, ak koarorji kole igochini inendet fedaisiek. Ak kitoi kocheng' sait ne yamei si kong'wekta inendet.¹²Ak eng' betutab tai ne bo makatinik che ma kindeno mermerek, ye kienyei aruetab Pasaka, koleji alamalyennyi, "Imache kebe ano si kechobun ole iame Pasaka?" ¹³Ak kiiyokto aeng' che bo alamalyennyi, koleji, "Oba nganaset, ak otuiye chito ne ibu teretab beko. Orub inendet. ¹⁴Ak oldo tugul ole mong'jini inendet, oleji chitab kobo got, 'Kale konetindet, "Mi ano gonnyu ne bo toek, ole anyone aame igortab Pasaka koboto alamalyennyu?"'¹⁵Ak koboruok inendet got ne o ne bo barak ne tetat komie. Ochobwech oloto." ¹⁶Kiba anyun alamalyet, kot koit nganaset, konyor ko u ye kaga kemwachi, ak kichob anyun Pasaka.¹⁷Ak kingoek koskoleng, kocho koboto taman ak aeng. ¹⁸Ak ye kitebche eng' amisiet, kole Jeiso, "Amwawok iman ale, ng'wekto agenge eng' akwe, inendet ne kiamisiei tuwai." ¹⁹Kotoi anyun koimgee icheket tugul, ak koleji inendet agenge agenge, "Tos ane?"²⁰Ak kileji icheket, "Noto ko agenge eng' taman ak aeng', ne kiroktoi tuwai makatiat eng' bakulit. ²¹Amu wendi Weritab Chi, ko u ye sirat agobo inendet. Ago bwo eng chichoto king'wektae Weritab Chi! Kita keigei eng' chichoto ko ma kisich."²²Ak kingo amisiei icheget, konam makatiat, ak kingo kagoberur, kobutul. Kiigochi icheket ak kole, "Oam ni. Nito ko bortanyu." ²³Ak kinam kikombet, ak kingo kagomwa kongoi, kogochi icheket ak koee tugul. ²⁴Ak kileji, "Chu ko koroktikchu che bo arorutiet, che tumdogei agobo che chang'. ²⁵Amwawok iman ale, ma aee kogeny che bo logoekab sabibuk, agoi betunoto ne aee che leelach eng' bounatetab Jehovah."²⁶Ak kingo kagotien tiendo, komanda koba tulwet ne bo Emitik. ²⁷Koleji Jeiso icheket, "Kinachok akwee tugul ak ometoo anege, amu kigisir kele, 'Akwere mestowot, ak koyesta kechirek.'²⁸Ago, ye kaging'eeta, andoenak awe Galili." ²⁹Ago kileji Petero, "Agot ngo meten tugul, ko mameten anee."³⁰Ak kileji Jeiso inendet, "Amwaun iman ale, rani---- kemouni--- kotomo kochei kipsoiywet konyil aeng', itaiyo konyil somok." ³¹Ak kimwa eng' kimnatet ne o kole, "Mbo nda makat kemeiye tuwai, ko magoi atain." Ak kimwa agichek tugul ko u noto.³²Ak kiit koret ne kiguure Getsemane, ak kileji alamalyennyi, "Otebe yu, ye asae." ³³Ak kiimut Petero ak Jakobo ak Johana, ak kitoi koimge ak ko orogen mising. ³⁴Ak kileji icheket, "Iimegei sobondanyu mising,' agoi meet. Otebe yu ak oripse."³⁵Ak kiwo tai kitigin, ak kobutyi ng'weny Jeiso ak kosa kole ngomugaksei kosiirtoe inendet sainato. ³⁶Ak kimwa kole, "Abba, Kwanda, imugakse tuguk tugul eng' inye. Istaeno kikombani. Ago, ma ko u ye amache, ago ko u ye imache."³⁷Ak kiwechge ak konyor icheket koruitos, ak koleji Petero, "Simon, imi irue? Ma imuch iripse agot sait agenge? ³⁸Oripse ak osae si mochut tiemutik. Mache tamirmiriet iman, ago nyalulat borto." ³⁹Ak kiwo kogeny ak kosa komwa ng'alekita.⁴⁰Ak kinyo kogeny ak konyor koruitos, amu kiga nyigisitu mising' konyekwai. Ak kima kongen kit ne wolji inendet. ⁴¹Ak kinyo ne bo somok ak koleji icheket, "Toruitosi ak omuunyi? Kagoem! Kagoit sait. Ogeero! Kageng'wekyi Weritab Chi eunekab kiptengeginik. ⁴²Ong'etye, ongebe. Ogeer anyun, kagorik inendet ne ng'wektaa."⁴³Ak ngunoto kota kong'alali, kocho Judas age eng' taman ak aeng', koboto tuiyet che tinyei rotonikab chok ak siarisiek, kobunu ole mi tisiik che eechen ak sirik ak boisiek. ⁴⁴Ak kiga koarorji ng'wektaindet icheket, koleji, "Inendet ne ang'ututi, ko inendet noto. Onam, ak omut ak oribote." ⁴⁵Ak kingoit Judas, kwo eng' sainato ole mi inendet, ak kole, "Rabbi," ak kong'utut inendet. ⁴⁶Ak kiiyogoito bichoto eunekwai ak konam inendet.⁴⁷Ago king'us rotwennyi bo chok age eng' ichek che kitonondos eng' ye legit, ak kotil ititab otwogindetab tisiindet ne o. ⁴⁸Ak kiwolji Jeiso koleji, "Komong'u ak rotonikab chok ak siarisiek, ko u ye osetyini chorindet, si onama? ⁴⁹Ko ngomii kobotok betusiek tugul eng' hekalut ak anetisiei, ak kima onama. Ago kayaak ni si kobiit kosulda sirutik." ⁵⁰Ak kibagakta icheket tugul che kimi ak Jeiso inendet, ak korweiyo.⁵¹Ak kirub inendet mureno age, ne kiilaachi anget inegei ne bo katanit. Ak kingonam bichoto inendet, ⁵²kometo ngorionoto bo katanit, ak kolabat ach ngor.⁵³Kiimutyi Jeiso anyun kwo ole mi tisiindet ne o. Ak koyumjigei inendet tisiik tugul che eechen, ak boisiek ak sirik. ⁵⁴Ak kirub Petero inendet eng' ole loo, agoi koit kieng'utab gotab tisiindet ne o. Ak kitebche koboto ng'atiik, koue maat.⁵⁵Kicheng anyun tisiik che eechen ak kapkiruoget komugul baornatet eng' Jeiso si kobiit kobar inendet. Ago kimanyor agot agenge. ⁵⁶Amu kibaorinji che chang' lembech agobo inendet, ak ma namgei baornateng'wai.⁵⁷Ak kitononio alak kobaorian lembech agobo inendet; kole, ⁵⁸"Kigigas komwaei inendet kolen, 'Abute hekaluni kigiyae eunek, ak ateech age eng' betusiek somok ne magiyae eunek."' ⁵⁹Ago eng' noto ko ma namgei baornateng'wai.⁶⁰Kitonon anyun tisiindet ne o eng kwenung'wai ak kotebee Jeiso, kole, "Mewolu kiy? Nee ni baorianjinin bichu?" ⁶¹Ago kisis ama wol kiy. Kitebee kogeny tisiindet ne o, kole, "ii Kristo inye, Weritab Ne Iberurot?" ⁶²Ak kile Jeiso, "Aii inendet; ak tun ogeere Weritab Chi kotebche eng' eutab tai ne bo kamuktaet, konyonei eng' bolik che bo kipsengwet."⁶³Ak kigerer ngoroikyi tisiindet ne o, kolen, "Tos ta kemage nee baorinik alak? ⁶⁴Kaogas ng'alek che yaach che mwaei. Obwati nee?" Ak kiiruokyi tugul che ki mito kole nyoljini meet. ⁶⁵Ak kitoi alak kosingilji inendet ak kotuch togennyi ak koluche ak koleji, "Ng'orse!" Ak kinam ng'atiik inendet ak kobir.⁶⁶Ak kingota komi Petero kieng'ut ole bo ng'weny, konyo age eng' tibiik che bo otwogikab tisiindet ne o. ⁶⁷Ak kingogeer Petero koue mat, kochilji kong inendet, ak koleji, "Koimii aginye koboto Nasaretindonoto, Jeiso." ⁶⁸Ago kitai kole, "Mangen, amaguitosi choto imwae." Ak kimanda kwo kotokchige kurget. Ak kochei anyun kipsoiywet.⁶⁹Ak kigeer cheboto inendet, ak kotoi kogeny komwachi che kitonondos eng ole legit, koleji, "Chichi ko agenge eng' icheget!" ⁷⁰Ak kitai kogeny. Ak ne matia koleji icheket kogeny che kitonondos eng ole legit Petero, "Iman ii agenge eng' icheket, amu ii Galilindet."⁷¹Ak kitoi kochubge, ak komurtoi, kole, "Mangen chichi omwae." ⁷²Ak ngunoto kochei kipsoiywet ne bo aeng'. Ak kiinan anyun Petero ng'alekab Jeiso, ko u ye kiga komwachi Jeiso inendet kole, "Kotomo kochei kipsoiywet konyil aeng', itayo konyil somok". Ak kingonan ng'olyondonoto, korir mising.

¹Ak eng kariron ko kaech, kotet nga'lek tisiik che eechen koboto boisiek ak sirik, ak kapkiruoget komugul. Ak korat Jeiso, ak komut kwo. Ak kigochi inendet Pilato. ²Ak kitebe Pilato kole, "Tos ii Laitoriatab Yahudik?" Ak kiwolji koleji, "Kaimwa." ³Ak kiitaam inendet tisiik che eechen eng' tuguk che chang'.⁴Ak kitebee Pilato kogeny, kole, "Mewolu kiy? Keero tuguk che chang' che kagotaamjin bichu! ⁵Ago mata kowol ng'olyo Jeiso, kot kokwong' Pilato.⁶Kicham kotiakyini Pilato biko kimonjororiot agenge eng' betutab igorta, ne kagosom icheket inendet. ⁷Ak kimi chito age ne kigiguure Baraba, ne ki ratat koboto ichek che kichaamsei, icheget che kiga ko rumis eng' chaamsonoto. ⁸Kitogosta tuiyet ak kotoi kosom inendet koyachi ko u ye cham koyaei kotugul.⁹Ak kiwolji Pilato ichek, koleji, "Tos omache atiakwok Laitoriatab Yahudik?" ¹⁰Amu kiga nai kole, kiigoito tisiik che eechen inendet amu ng'etkong'. ¹¹Ak kiilal tisiik che eechen tuiyet komwa kole, kitiakyi Baraba.¹²Ak kiwol Pilato kogeny kole, "Aite nee anyun Laitoriatab Yahudik?" ¹³Ak kibolyo ichek kogeny, kole, "Igartat inendet eng' kimurtoiyot."¹⁴Ak kileji Pilato icheket, "Koyai yaitio nee?" Ago kibolyo icheket mising' kole, "Igartat inendet eng' kimurtoiyot." ¹⁵Ak amu kimache Pilato kobaibai tuiyet, kotiakyi anyun Baraba. Ak kibire Jeiso kipcharitishek ak kogoito si kobiit kigartat.¹⁶Ak kiimut askarik inendet kwo kapkiruok orit, ne kiguure Praitorium; ak kiguur askarik tugul kobwa. ¹⁷Ak kiilaakyi ngoriet ne arus ne birir, ak kikesen kutwetab katok, ak kondeno metinnyi. ¹⁸Ak kitoi kogat inendet kopirjini surut kole, "Kigatin, Laitoriatab Yahudik!"¹⁹Ak kikwer metinnyi eng'kiroktab tegaat, ak kosing'ilji inendet. Ak kogutung'io ak kolos inendet. ²⁰Ak kingo kagotachatach inendet, koreegune ngoriet ne arus ne birir, ak kolaakyi ngoroikyi, ak kiimut kwo sang' kogartat eng kimurtoiyot. ²¹Ak kibirji chito ne kisiirtoi, Simonne ne bo Kurene, kwandab Aleksandro ak Rupo, kobunu koret age, koib kimurtoiyotab Jeiso.²²Ak kimut inendet kwo oldo ne kiguure Golgota, ye kiweech kelen, Oldab terta (rokyetab metit). ²³Ak kiigochi divaik che ng'olot ak tuguk che u igomoik, ago ma eei inendet. ²⁴Ak kigartat inendet ak kopchechigei ngoroikyi, ak koser barbarek, konai ne te ne ibei askarindet age tugul.²⁵Ak kiigartat inendet inendet, ko kait sait somok. ²⁶Ak kigisirji ng'alekab kataamset agobo inendet metinnyi barak kele, "LAITORIAT NE BO YAHUDIK." ²⁷Ak kiigartat chorik aeng koboto inendet; agenge eng' eunnyi ne bo tai ak age eng' eunnyi ne bo katam. ²⁸Ak kiisulda anyun siret ne mwaei kole, Ak kigiit inendet koboto kiptengeginik.²⁹Ak kichurochur che kisiirtoi, kowirwiri metigoikwai, ak kolen, "Haa! Inye ne ibute hekalut, ak iteeche eng' butusiek somok, ³⁰soruge, ak ichoruge eng' kimurtoiyot!"³¹Ak kichurochur inendet ko u noto tisiik che eechen agichek, koboto sirik kole, "Kisoru alak, ago maimuchi kosorgei. ³²Ingochorgei nguno Kristo, Laitoriatab Israel, eng' kimurtoiyot, si kobiit kegeer ak keyan." Ak kimor inendet kora agichek che kigigartat koboto inendet.³³Ak kingoit sait lo, koimenit emet komugul agoi sait sogol. ³⁴Ak eng sait sogol kowaach Jeiso eng kutit ne o kole, "Eloi, Eloi lama sabaktani?" ye kiweech kelen, Jehovah nenyu, Jehovah nenyu, kebagakta amu nee?" ³⁵Ak kingogas alak che kitonondos eng' ye legit, kole, "Ogeer anyun, kuurei Elija."³⁶Ak kilabat chito age, konyiit siki *sibonjit, ak kondeno tegat, ak kogochi koee. Ak kole, chichoto "Ingotebi ko u noto; ongegeer ngo nyonii Elija kochorge konyo ng'weny." ³⁷Kowaach anyun Jeiso eng tuget ne o, ak kochamji tamirmiriet kwo, ak kome. ³⁸Kigerer anget ne kiga kibesie hekakut kwen kong'ete barak agoi ng'weny.³⁹Ak kingogeer kiptaiyat ne bo kenyisiek bogol; ne kitononi eng' ole legite, inendet, kogoitoi tamirmiriet kwo ko u noto, kole, "Iman ko Weritab Jehovah chichi." ⁴⁰Ak kimi agichek chebiosok che kigerei eng' ole loo. Eng icheget ko kimi Maria Magdalena ak Maria kametab Jakobo ak ne bo Joses ak Salome. ⁴¹Che kirube ak koboisiechini inendet ye kimi Galili. Koboto chebiosok alak che chang' che kitogosune Jerusalem koboto inendet.⁴²Ak kingoit koskoleng , amu ki betutab chobet, amu ki noto ko betut ne indoune sabato, ⁴³konyo Josep ne bo Arimatea. Ki chito ne konyitot ne bo kapkiruok, ne kiigeni agine bounatetab Jehovah. Ak kiwo gab Pilato eng' nyiganatet kosom bortab Jeiso. ⁴⁴Ak kikwong' Pilato amu kiga kome; ak kiguur kiptaiyatab bogol, koteebe ngo kagome Jeiso.⁴⁵Ak kingo kagonai eng eng' kiptaiyandanato kole kagome Jeiso, kogochi anyun Josep borto. ⁴⁶Ak kiga kwal Josep anget ne bo katanit. Ak kichoor inendet kong'ete kimurtoiyot, ak kotae anganato bo katanit, ak kondeno kererit, ne kiga kebal eng' koita ne o; ak kimilji koita kogere kurgetab kererit. ⁴⁷Ak kigeerei Maria kametab Joses ole kagindeno bortab Jeiso.

¹Ak kingo kagosirto sabato, koal Maria Magdalena, ak Maria kametab Jakobo, ak Salome, nyamdutik si kobwa koiil bortab Jeiso. ²Ak eng' karonet nebo betutab tai ne bo wigit, koba kererit ko kachor asista.³Ak king'alaljinige ichegei kole, "Mildoiywech ng'o koita eng' kurgetab kererit?" ⁴Ak kingong'et met, kogeer ko kagemilda koita, amu ki o mising'.⁵Ak kingochut kererit, kogeer muren kotebche eng' komostab tai, ne ilaachi ngoriet ne leel; ak kikwong'io. ⁶Ak kileji icheket, "Amokwong'ie. Ocheng'e Jeiso, Nasaretindet, ne kiga kigartat. Kagong'eet! Ma komi yu. Ogeer ole kiga kimokonji inendet. ⁷Ago oba, omwachi alamalyennyi ak Petero, oleji, 'Kagondoenak kwo Galili. Ogeere inendet eng' oloto, ko u ye kiga komwawok."'⁸Ak kimanda sang' eng' kererit ak korwei; amu kibotanso ak kokwong'io. Ak mamwachi chi kiy amu kiiywei.⁹Ak kingong'eet Jeiso anyun karon mising', eng' betutab tai ne bo wigit, kochonji korok Maria Magdalena, inendet ne kiga kocherune Jeiso oik tisab. ¹⁰Kiwa komwachi icheget che kimi koboto inendet, ye kita korirtos ak koteitos. ¹¹Ak kingogas icheket kole sobei, ak kole kagogeer inendet chebiosonoto, ko ma iyan.¹²Ak kingobata tuguchu, kong'angjige eng' itondo age aeng' eng' icheket kingobendi eng' koret age. ¹³Kiba anyun ak komwachi chun alak, ak kima iyan choto agiche.¹⁴Ak kingobata noto, kong'ang'jige icheget taman ak agenge kotebsot eng' amisiet ak koger kong' amu bistoeng'wai ak uuindab mugulelwekwai, amu kima iyan icheget che kigeer inendet ko kagong'eet. ¹⁵Ak kileji, "Oba ng'weny komugul, oamjinote logoiywek che tililen biko tugul. ¹⁶Inendet ne iyani ak kibatisan kesoru, ago inendet ne maiyani ko tun kiruokyini.¹⁷Kaborunoichu ko rube icheket che iyani: Onei oik eng' kainennyu. Ak kong'alalsot kutuswek che leelachen. ¹⁸Namei erenok eng eunekwai, ago ngo ee tuguk che barei bich, ko manyoru ng'wanindo ne matiny. Igonoori eunekwai biko che miandos ak kosopcho."¹⁹Ye kingo kagong'alal ak icheget, Kiptaiyat Jeiso, kimut anyun inendet, kwo kipsengwet, ak kotebe eutab tai ne bo Jehovah. ²⁰Ak kiba anyun, koamdaat eng' olo tugul, kobois Kiptaiyat koboto icheket, ak kogimit ng'olyot eng' kaborunoik che kiruboti icheket.

¹Amu kigonde eunekwai che Chang kotet ngalek akobo tukuchoto kikosulda eng kwenunnyo, ²ko u yo kigogonech , che kii baorinik che kigeer kong'ngete taunet ak che kii kiboitinik chebo ng'olyot. ³kiageer agine ale , kararan atetun eng siret ko kaanai agine ole kibitunda tuguk tugul kong'etee taunet ,wei inye ne itoogunot Teopilo, ⁴asi kobiit inai eng iman ng'alechoto kiginetin.⁵kimi eng betusikab herod , laitoriatab judea tisiindet age ne kigiguure sakaria ne bo oretab Abija , ak kitinye chepyoset ne kibo oretab Aron;⁶ak kigiguree kainenyi Lisabet. Ak kibo iman icheket tuwai eng taitab Jehova, kibendote ng'atutik tugul ak tetutik chebo kiptayat, ama tinye lelut.⁷Ak kima tinye lakwa amu Lisabet ne ki soon ak kia ko osegitu tuwai.⁸Ak yo kita koyaei boisietab tisisiet eng taitab Jehova kou tetutikab ripsenyi. ⁹Ko u ateptab boisitab tisisio; ko kigikwei inendet kwo kapkorosutab Kiptayat kobeel korosek. ¹⁰Ak kimi sang tuiyet komugul ne bo biko kosae eng sait ne kibelee nyamdutik.¹¹Ak kimongji Malaikaiyatab kiptaiyat kotononi komastab tai ne bo kapkorosut ne kigibelee nyamdutik . ¹²Ak kingogeer Sakaria koimge ak kochut inendet nyokoriet. ¹³Ago kileji malaikaiyat inendet amaiyweisie Sakaria , amu kagegosun somengung ak kosigun chepyosengung Lisabet werit ak iguure kainenyi Johana.¹⁴Ak inyoru boiboiyet ak kagasetabge ak boiboitu biko che chang eng sigenyi. ¹⁵Amu tun egu ne o eng taitab Kiptaiyat, ama eei divaik nda ko maiywek, ago kinyiiti Tamirmiryet ne Tilil, kong'etee komi moetab kamet.¹⁶Ak wekchinige legukab Israel che chang Kiptayat Jehovah nying'wai. ¹⁷Ak kowendot eng taitab togennyi eng tamirmiryet ak kimnatetab Elija asi kowaal mugulelwek che bo kwanisiek kotokchige lleguk ak kowaal ngelelik asi kobendat eng ng'omnatetab chebo iman asi kochochi Kiptaiyat biko che chobotin agobo inendet.¹⁸Ak kileji Sakaria Malaikaiyat anae nee ng'olyondenito? amu kiaositu ak kigotar kenyisiek che chang chepyosenyu. ¹⁹Ak kiwolji malaikayat kole , aii Gabriel ne atononi eng taitab Jehovah Kagiyokwo ang'alalun ak aibun logoiwechu kororon. ²⁰Ak keer anyun, namoksen kut amemuchi ing'alaal agoi tun betut ne bitu ng'alechu amu maiyan nag'alekchu che tun isuldoi eng betung'wai ne chamat.²¹Ak kiigany biko Sakaria kotokwong'io amu kenge eng kapkorosut. ²²Ak ye kingomong sang koma komuji kong'alalji icheget ak kinai icheget kole imuchi kagogeer kaborunet ne bo kwong'ut eng kapkorosut ak king'alajine bichoto eut ak konget ko namat kut. ²³Ak yo kingakotar betusiekkab otisiennyi kowejigei gaa.²⁴Ak kingobata betusiechoto komanach chepyosenyi Lisabet ak kiunyge arawek mut ak komwa kolw, ²⁵koyaiwa kou nyito Kiptaiyat eng betusiek che kinaana asi koistoeno sosisiet ne tigeno biko.²⁶Ak arawetab lo kookto Jehovah malaikayat Gabriel kwo kokwet ne o ne bo Galili ni kiguure Nasaret, ²⁷kwo oritab chepto bergeiyat ne kiga kechamji murenet age ne kiguure Josep ne bo oretab Daudi ak kigiguure bergeiyandonoto Maria. ²⁸Ak kicho ole mi cheboto ak kileji chamge inye ne ichamat mising mi Kiptaiyat akinye. ²⁹Ago kiimge mising inendet eng ngallalenoto ak kibwat kole, egu nee kogatisioni?³⁰Ak kileji malaikaiyat inendet , ameiywei Maria , amu kainyoru chamet eng Jehovah . ³¹Ak geer anyun imanachii ak tun isiche werit ne kiguure kainennyi Jeiso. ³²Egu ne o ak tun keguure weritab inendet ne toroor mising, ak kogochini kiptaiyat jehovah ng'echeretab laitornatet ne bo kwaninnyi Daudi. ³³Ak tun laitorani eng gotab Jacobo koigeny , ama tinnye ole begune bounatennyi.³⁴Ak kileji Maria malaikayat egundoi ano ng'olyoni ko u nee, ako mangen muren? ³⁵ak kiwolji malaikayat koleji chonjinin Tamirmiryet ne Tilil ak kotuchin kimnatetab inendet ne toror mising , nyoto anyun ne kiguree ne Tilil, weritab Jehovah inendet ne tun kisiche.³⁶Ak keer anyun , managat aine Lisabet tupcheng'ung , ak tun siche werit eng osindonnyi. Ni ko arawet ne bo lo eng inendet ne kigiguure sonet. ³⁷Amu ma mi kiy ne maimugoksei eng' Jehovah." ³⁸Ak kileji Maria geer anyun ai chepto kiboitiot nebo Kiptaiyat . Ak ngo yaak kosupke ak ng'olyondeng'ung . Ak kiwo malaikayat kobagakta inendet.³⁹Kitonon anyun Maria eng betusiechoto kwo kochakta emetab tulonok , agoi emetab Judea. ⁴⁰Ak kichut gotab Sakaria ak kogaat Lisabet. ⁴¹ak kingogas Lisabet kagatetab Maria akobiren chereret eng moet ak kiinyi tamiririet ne Tilil Lisabet.⁴²Ak king'alal eng kutit ne o kole iberurot inye eng chepyosok tugul ak iberurot iendet ne isiche. ⁴³Kakikonyito ane ne tia koto cho kametab kiptayandennyu? ⁴⁴amu keero kingoit kagatisiet itik chu, kobiren chereret eng moennyu eng boiboiyet ne o. ⁴⁵Ak baibai chepyosonoto iyani amu tun kiotitoi tuguk che kigemwachi inendet che bunu Kiptaiyat.⁴⁶ak kile Maria , ilosu sobondannyu Kiptaiyat, ⁴⁷ak kigasge tamirmiriennyu eng Jehovah Kiptaiyandennyu.⁴⁸Amu kigeer nyalulnatetab kiboitiondennyi ne chepto amu ogeer anyun kong'etee rani kokurno ibinwek tugul ne iberurot. ⁴⁹Amu kagoeiwa inendet ne tinye kamuktaet tuguk che echen , ak tilil kainennyi.⁵⁰ak nyoru nyoetab gaat icheget che konyiti inendet kong'ete ibindo age agoi age. ⁵¹Kigobor kimnatet eng eunnyi, ak kiyesta che menyotin eng kabwatutikab mugulelwekwai.⁵²Kigowir ngweny bounik eng ng'echerokwai, ak kagosor che nyorotin. ⁵³Kagobai che amei rubet tuguk che kororon, ak kagoon makorek koba buch.⁵⁴Kagotoret kiboitiondennyi Israel , asi konam rirenetabge. ⁵⁵Ko u ye king'alalji kwanisiekcho eng Abraam ak iyotennyi agoi koigeny .⁵⁶Ak kimeng'iis ak Maria Lisabet arawek che legit somok ak koweektage kwo gaa. ⁵⁷Ago kiit anyun betut ne sigisie Lisabet kosich werit. ⁵⁸Ak kigas bikab orennyi ak kokwet kole kakotesyi kiptaiyat kaberuret kwonyoto ak kibaibait koboto inendet.⁵⁹Ak kingoit betut ne bo sisiit kobwa icheget kimuratan lakwet. Ago kimache koguure Sakaria kosubge ak kainetab kwandannyi. ⁶⁰Ak kiwol kamet ole , ololo, kiguure Johana . ⁶¹Ak kileji icheket inendet , mami chi eng orengwong ne keguure kainanato .⁶²King'alajige icheget eng eunek ak kwanitab lekwet kotebee kainet ne mache kemunchi. ⁶³Kisom kito ne kisire ak kosir kole Johana kainennyi, ak kikwong'io tugul .⁶⁴Koyatak anyun kutinnyi eng kasarta noto ak kotiag ng'elyeptanyi ak kong'alal kolos Jehovah. ⁶⁵Ak kichut icheget nyogoryet tugul che kimen'ikab komosechoto ak kigimwaita ngalek chuto tugul eng emetab tulondok che bo Judea. ⁶⁶kinde mugulelwekwai icheget tugul che kigas ng'alechu , tos eegu lekwa ne u nee nyito? Amu kimi koboto inendet eutab kiptaiyat.⁶⁷Ak kinyi inendet kwandannyi Sakaria Tamirmiryet ne Tilil ak kimaoten kole, ⁶⁸iberurot Kiptaiyat Jehovah ne bo Israel amu kirutochech ak kosoor bikchi.⁶⁹Kago kutwech ryambutab sarunet eng gotab Daudi kiboitiondennyi, ⁷⁰ko u ye kimwa eng kutuswekab maotickchi che tililen che kimi kong'ete eng keny, ⁷¹asi kosorwech eng bunikcho ak eng eunekab tugul che saseech.⁷²Asi korire kwanisiekcho, ak konaam kayamisennyi ne tilil, ⁷³murtoetab ne kibokokchi kwandannyo Abram. ⁷⁴asi komuch kogoneech ko kagosorwech eng eunekab bunikcho keboiechi inendet ama eng nyokoret, ⁷⁵eng imanda ak tililindo eng taitannyi eng betusiekcho tugul.⁷⁶Wei lakwani kiguuren maotiotab inendet ne toror ne bo iman , amu iwendi eng taitab kiptaiyat indoo asi imuch ichob ortinwekab chi, ⁷⁷asi kogochi bikchi naet ne bo sarunet eng nyoetab kaat nebo tengekwogikwai.⁷⁸Amu eng rirenosiekab Jehovah nenyo, si kochojech lapkeiyet ne bunu barak , ⁷⁹si koluuchi icheget che teptos eng tuindo ak che mi urwetab meet si kondochi kelyekcho kotoit oretab kalyet.⁸⁰Ak kiet lekwanato ak kinyor kimantet eng Tamirmiriet , kimeng'ot tumoo agoi betut ne kiborjige Israel.

¹Kigiyok ng'atutiet kobun Kaisari Agusto eng betusiechoto kole, kesir kainaikab biko tugul. ²Kaitosionito ko kibo tai eng baunatetab Suria Kureno ko gobena nebo Asiria. ³Kwo anyun chi tugul emenyi , kokwenyi asi kesir.⁴ak kiwo agine Josep kolany kong'etee Galili komandae kokwetab Nasaret agoi Judea, emetab Daudi , ne kiguure Betlehem amu akot agine ko kibo oretab Daudi. ⁵Kimut inendet chamanennyi maria ne kia koborge komie kole managat, asi keiit.⁶Ak kigisich lekwet koto komi oloto. ⁷Ak kisich werinnyi ne bo tai ak kolokchi ngoroikab leguk ak komogonchi ng'erebtab tuga, amu kima komi korik che kerutos eng gotab toek.⁸Ak kimi kora mestowek kokwonoto che kiribe kiyakikwai kemoi. ⁹Ak kitonon malaikaiyatab kiptaiyat eng ole legite icheget ak kikweny lilindab Kiptaiyat komoswekwai tugul , konyogoritu anyun mising .¹⁰ak kileji malaikaiyat icheget moiyweisie, ogeer anyun ami aibwok logoiwek che kororon chebo boiboiyet ne o che ityini biko tugul. ¹¹Amu kagesikwok rani yetindet eng emetab Daudi , noto ko Kristo Kiptaiyat! ¹²Ago nyito ko kaborunet eng akwe , onyoruu lekwet ko kagitaachi ngoroikab lekwandit , kagi mogonji ng'erebto ne amisie tuga.¹³Ak kimi eng kasarta koboto malaikayandonoto che chang che bo kipsengwet kolosu Jehovah kobere, ¹⁴bo tororindo Jehovah eng ole toror mising ak kalyet eng ngeny eng biko che chamotin eng inendet.¹⁵kingab kagobechigee malaikainik ko ba kipsengwet kong'alaljigei mestewechoto , ongebe agoi Betlehem si kobiit kegeer ng'olyondonito kakoyaak , ne kagomwaiwech Kiptaiyat. ¹⁶Ak kiba kochakta ak kinyor Maria ak Josep ak lekwet ne kagimogonchi ng'erebtab tuga.¹⁷Ak ye kingagoger komwaita eng emotinwek che loen kiito ne kiagemwochi agobo lekwanoto. ¹⁸Ak kikwong'io icheget tugul che kigas ng'alek che kimwachi mestewek. ¹⁹Ago kigas Maria ng'alechoto k kobwati eng mugulelndonnyi. ²⁰Ak kiweektage anyun mestewek kolosu Jehovah , korori eng tuguk tugul che kagogas che kagogeer, ko u yo kaga kemwachi.²¹Ak kinggosirto betusiek sisitu kemuratan inendet ak keguure kainennyi Jeiso, kainet ne kia komunchi malaikaiyat kotomo kemanach.²²ak kingoitita betusiekab katililet kosubge ak ng'atutikab Musa komut inendet kwo Jerusalem si kigochi ak kiptaiyat. ²³Ko u ye kigisiir eng ng'atutikab Kiptaiyat kole , kigure werit age tugul ne kipyator ne tilil agobo Kiptaiyat. ²⁴ak kigoito korosek korubge ak ng'atutikab Kiptayat che kia keng'at cheptugenik aeng anan arek aeng chebo cheptugenik.²⁵Ak ogeer anyun, kimi chi eng Jerusalem ne kigiguree simion ,ago ki chi ne kaminen ak kosigunot ko kanye tegisto ak sarunet ne bunu Israel ak kinyiitat Tamirmiriet ne Tilil. ²⁶Ak Kiga kong'anji inendet Tamirmiriet ne Tilil kole , magere meet kotomo kogeer Kristo nebo Kiptaiyat.²⁷. Ak kinyo eng tamirmiriet ne tilil kapkorosut ak kingomut sigik lekwet Jeiso si koyachi inendet kou ateptab ng'atutiet, ²⁸konam anyun inendet Lekwet eng eunekchi ak kolos Jehovah kole, ²⁹wei Kiptaiyat , iyonjini ak nguno kiboitiondeng'ung kwo eng kalyet kosubge ak ng'olyondeng'ung.³⁰Amu kagogeer konyekchu soruneng'ung, ³¹ne kichob eng taitab biko tugul. ³²Lapkeiyetab ne bo ng'ang'utiet ne kia iboji bororiosiek, ak toror natetab biguk Israel.³³Ak kikwong'io Josep ak kametab lekwet eng ng'alek tugul che kigimwa agobo inendet. ³⁴kiberur simion icheket ak koleji Maria kamennyi, keer anyun , kigigoon lekwani si kebutyo che chang ak kong'eetyo che chang eng Israel asi koek kaborunet ne tun kitoee- ³⁵(wei nito inendet ko tun torin rotwetab chok muguleldong'ung) si kotok kabwotutikab mugulelwekab biko che hang.³⁶Ak kimito ana agine, cheptab Panue ne kimaotio, ne kibo oretab Asha. kigago osit mising , kimeng'is ak boyonyi kenyisiek tisap kong'ete ngitun, ³⁷ak ki mosok ne kia ko rikta kenyisiek tamonwogik sisit ak ang'wan , ak kimomondoi eng kapkorosut , kolosu ak koboto karugutetabgei ak samuti bet ak kemoi. ³⁸Ak kinyo eng kasarta noto ak kogochi Jehovah kongoi ak king'alalji tugul che kignaye sarunet eng Jerusalem agobo inendet.³⁹Ak kinga koyai tuguchuto tugul korubge ak ng'atutikab kiptaiyat koweektage kobun Galili agoi tun koit emeng'wai Nasaret. ⁴⁰Ak kieet lekwet ak kotesak kimnatet, ak kinyi ng'omnatet : ak kimi mieindab Jehovah koboto inendet.⁴¹Kicham kobendi sigikchi Jerusalem kenyiit age tugul eng igortab pasaka. ⁴²Ak king koit kenyisiek taman ak aeng, koba agoi Jerusalem kou ateptab igorwek. ⁴³Ak kingotar betusiek ak kowektagee , konget lekwet Jeiso eng Jerusalem ak kima nai sigikchi. ⁴⁴Kibwat icheget kole mii tugul , kiba banda nebo betut agenge ak kicheng inendet eng kwenutab kikab oret ak che kingengee.⁴⁵Ak kingo manyor inendet , kotil kwektage jerusalem kocheng'aat. ⁴⁶Ak yo kingobeek betusiek somogu konyorji inendet kapkorosut kotebche eng kwenutab kanetik koepchin it ng'alekwai ak kotepsee icheget. ⁴⁷Ak kikwong'io icheget tugul che kigase3 ng'alekchi amu naenyi ak ole kiwaundoi.⁴⁸ak kingogeer kikwong'io ak koteebe kamenyi inendet koleji lekwani amunee asi iyaywech kou nito, keer anyun ane ak kwaning'ung ko kagecheng'in ak keimigei. ⁴⁹. Ak kileji icheget amunee asi ocheng'a ? ma onai ole kanyoljo ayai boisietab kwandannyu? ⁵⁰Ak meguiyo icheket ng'olyondonoto kimwochi.⁵¹Kiba koregto ak icheget agoi tun Nasaret ak kigase iit icheget ak kinde kamet ng'alechoto tugul eng muguleldannyi. ⁵²kitesak ng'omnatetab Jeiso ak etunet ak mieindo eng Jehova ak biko.

¹Eng kenyitab taman ak mut ko ki laitoriat Taiberia Kaisari , ye ki gabena nebo Judea Pontio pilato ak Herod ko ki kiruogindet nebo Galili, ak ki kiruogindtab Iturea ak Trachoniti , pilipu werit ne tucho ak Herod , ak Lusania ko Kiruogindet nebo abilene, ²eng betusiek che bo tisisiet ne o nebo Anas ak Kaiapa koityi ng'olyotab Jehovah Johana Johana weritab Sakaria eng tumoo.³Ak kinyo komoswek tugul eng tabanutab Jordan koamdoti kabatisanetab sigunet agobo nyoetab kaat ne bo tengkwogik .⁴ko u kigisir eng bukuitab ng'alekab maotiot Isaiah kole tugetab nyoto agenge ne rire eng tumoo kole, ochopchige nyonunetab kiptaiyat ak okararan ortinwekchi.⁵Tun kenyiti kererut age tugul , ak tun kiribribi tulwet age tugul ne o ak ne mining ak che kunuren kechule, ak che ortinwek che sing'oren ketabululi, ⁶ak chi age tugul konyoru sarunatetab Jehovah.⁷Kimwochi Johana anyun tuyosiek che kibendi ole mi inendet asi kebatisan koleji, oii akwee legukab erenokab ng'wonet ngo ne kagoteiwok omweunee nerekekab ne tun nyonii?⁸Oii anyun logoek che muchini sigunet ama taomwa eng mugulelwekwok ole kiboe kwandannyo Abram amu amwawok ale imuchi Jehovah koboisie koichu kochopchi Abram leguk.⁹Mbo nguno ko kaginde aiywet tigitikab ketik , nyoto anyun ketit age tugul ne maie logoek che kororon ketile ak kewirji ma.¹⁰Ak kitebe inendet tuiyet kole, ara tos kiyai nee anyun? ¹¹Ak kiwolji inendet icheket kole chi age tugul ne tinye ngoroik kogochi ne matinye ak agine ne tinye amitwogik koyai ko u noto.¹²Kibwa akiche taagikab aisurut si kibatisan ak kotebe inendet , kanetindoni kiyai nee? ¹³Kowolji koleji matoyach aisurut che chang kosir che mache bounatet.¹⁴Ak kiteebe askarik agichek kole kiyae nee anyun ache? Amomu chi age tugul, amotaam chi eng lembech ak koyamak chepkondok che onyoru.¹⁵Ak kingota koganye biko kolen itu Kristo, koleptos eng mugulelwekwai biko tugul agobo Johana, kobeere ng'o tos kristo inendet. ¹⁶Kowolji Johana icheget tugul koleji iman abatisonok eng beko ago nyoni inendet ne o kosiiro ne maumuchi mbo atiach anokab kweonikchi, ibotisonok inendet eng Tamirmiriet ne tilil ak maat.¹⁷Tinye kebet eng eunnyi ak kotilili komie kiyeng'ut ak koyumji nganuk chogennyi ago beele metetek eng mat ne ma rese.¹⁸Kiamji anyun biko logoiywek che kororon ak kotigonutik che chang. ¹⁹Ago ye kingo kagoger kong Johana kiruogindet Herod agobo Herodia , chepyosetab wering'wai Pilip ak tugul che yachen che kia koyai Herod, ²⁰kotesyi chuto anyun ak chun tugul , kowir korgoret.²¹Ak yo kingo kagibatisan biko tugul, ak kagibatisan Jaiso agine ak yo kitesetai kosae koyatak kipsengwet, ²²ak kichorjige inendet tamirmiryet ne tilil ne kerge ak cheptugetak komong'une tuget kipsengwet kole inyendet ko ii werinnyu chamanennyu abaibai mising eng inye.²³Ak kingotau Jeiso konetisiennyi , ko ki legit kenyisiek sosom (kobere bik ) weritab Josep weritab Heli, ²⁴ne ki weritab matat, weritab Lawi, weritab Melki, weritab Janna, weritab Josep.²⁵Weritab Matias weritab Amos, weritab Naum, weritab Esli, weritab Nagai, ²⁶weritab Maat , weritab Matias, weritab semei, weritab, Josep, weritab JudahJuda.²⁷Weritab Joanan , weritab Resa, Weritab Saobabel, weritab solatiel, weritab Neri, ²⁸weritab Melki, weritab Adi, weritab Kosam, weritab Elmadam, weritab Er, ²⁹weritab Jose, weritab Elieza, weritab, Jorim, weritab Matat, weritab Lawi.³⁰Weritab Simion, weritab Juda, weritab Josep, weritab Jonan, weritab, Eliakim, ³¹weritab Melea , weritab Menam, weritab Matata, weritab Nathan , weritab Daudi, ³²weritab Jesse ,weritab Obed, weritab Boaz , weritab salmon , weritab Nasion.³³Nasion weritab Aminadab , weritab Admin, weritab Arom, weritab Pres, weritab juda, ³⁴weritab Jakobo, weritab Isaak, weritab Abram, weritab Tera, weritab Nhor, ³⁵weritab sarug , weritab Reu, weritab Palak, weritab Eber, weritab Sela.³⁶Weritab kainan , weritab Arpaksad , weritab sem , weritab Noa, weritab Lamek, ³⁷weritab mMetusela, weritab Enok, werritab Jared , weritab Mahalel , weritab Kainan, ³⁸weritab enos, weritab Set, weritab Adam, weritab Jehovah.

¹Kiwechge Jeiso konyiitat tamirmiriet ne tilil kobunu Jordan, kondochini tamirmiriet kowendote eng tumoo kwen, ²amu ki betusiek artam ko kitiem chesawilyet. Ak ng betusiechoto ko kiru kut agoi tun kobeek betusiek , kogas kole ame rubet.³Ak kileji chesawilyet, ngot ii weritab Jehovah ityem iwaal koichu koek amitwogik. ⁴Ak kiwolji jeiso inendet koleji kigisir kele masabe chi eng makatiat inege ama ng'olyotab Jehovah kotugul.⁵Ak kimut chesawilyet kwo tulwet barak ak kobarji ematinwek tugul chebo ngweny eng kasarta ne nwaach. ⁶Ak kileji anyun chesawilyet inendet , agonin kimnatoni tugul ,ak bounatet komugul, amu kigegona ak amuchi agochi chi age tugul ne kachaam. ⁷ak anyun ngitikutungjo ak iloswa akonin tugul.⁸ak kiwolji Jeiso koleji , istoenoge chesawilyeni kigisiir kele, ilosu Kiptaiyat Jehovah neng'ung ak iboisiechi inege⁹Ak kimut kwo Jesrusalem , kwo kotonone kimonjokutab got ne tilil ak koleji , ngoto ii weritab Jehovah isogorte iwe ngweny eng yu. ¹⁰Amu kigisiir kele kiyogu malaikaisiek agobo inye asi koribin . ¹¹Ak konamatin eng eunekwai koto matui koi keldong'ung.¹²Ak kiwolji Jeiso , kigimwa kele, metiem Kiptaiyandeng'ung Jehovah. ¹³Ak kingotar inendet tiemisiet , kobagakta eng kasarta ne nwaach.¹⁴kiwektage Jeiso Galili eng kimanatetab tamirmiryet ak kiletage logoiwekchi eng emeet tugul ak che legite oloto agobo inendet. ¹⁵kinetis eng kapkorosusiekwai ak kilos inendet biko tugul.¹⁶Ak kinyo anyun Nasaret , emt ne kietune ak eng ateptonyi kwo kapkorosut betutab sabato kou ye kicham kowendi. ¹⁷ak kigikochi inendet bukuitab maotiot Isaia. ak kisiach bukuit, konyor ole kigakisir kele,¹⁸mi tamirmirietab kiptaiyat ak ane amu kigiila asi aamdoji kibananok logoiywek che kororo, kiyokwao asi amuch aamdoji che iimige katiaget, asi komuch kogeerto kipkoratinik , ak atiach icheget che kigigoten, ¹⁹si amuch aamda kenyit ne chamat eng Kiptaiyat.²⁰Ak kiger bukuit ak kowekchi kogeny kiboitiot ak kotebi ngweny. ak kichilji kong inendet bik o tugul che kimi kapkorosut. ²¹ak kiytou koleji icheget , kagosulda rani sirutieni eng itikwok. ²²ak kigeercgige tugul inendet ak kokwong'io eng ng'alek che bo kororindo che kimong'une kutinyi, ak kile icheket , tos ma weritab Josep nyito?²³Ak kiwolji icheget kole iman , ara ngamwowok kalewenet , tos imuch konyage chepkericho, ko u yo kigegas kito ne kiyaak eng Kapenaum , tos yaak kora eng emaning'ung. ²⁴Ak kileji amwowok iman ale mami maotio ne chamakse eng emenyi.²⁵Ago amwowok imanda ale , kimi mosokik che chang israel eng betusiekab Elija yo kingkegeer kurkotikab kipsengwet kenyisiek somok ak arawek lo, yo kimi rubet ne o emet komugul. ²⁶Ago kimakiyokto Elija kwo gotab age tugul eng icheket kobate serepta eng kokwetab Sidon , ago koityi chepyoso ne ki mosok. ²⁷Ak kimi che chang che kitinye konjorio eng Israel eng betusiekab maotiot Elisha ago kima kisoobbage tugul eng icheget kobate Naaman nebo siria.³⁰²⁸Ak kinerekcho tugul eng kapkorosut kingogas ng'alechoto. ²⁹Ak king'eetio ak kookta inendet komanda eng kokwet ak kimut kwo chepngesutab tulwet barak ole kigateech korik asi korta inendet kobun met. 30 Ak kibun kwenung'wai ak kwechige.³¹

¹Ak kingota kochikchini tuiyet inedet ak kogase ng'olyotab Jehovah , kotonon inendet eng tabandab araraita ne bo Genesaret. ²Ak kigeer moingonik aeng che bo beko ko teleldos eg tabandab araraita ago kima komi namikab njirenik, kiba koun netisiekwai che kinamee njirenik. ³Ak kilany moinget age ne kibo simion kosom koole konaktae kwo ainet orit kitigin. Ak kitebee ngweny anyun ak konet tuiyosiek eng barakutab moinget.⁴Ak ye kinga kotar konetishee , koleji simion kweri moinget ta konakta orit ole chang beko , ak orekte netisiekwok konamis. ⁵Ak kiwolji simion koleji inendet Kiptayandani kogiboisie kemoi koech ama kinyoru kiy, ago amu ng'olyondeng'ung arekti netit. ⁶Ak kingo yai choto tugul ko kinam njirenik che chang ak kegerer netingwai . ⁷Ak kiguur choronokwai che kimi moingonik alak asi kotort, kobwa anyun ak konyiit maingonik tuwai, kot kotoi moingonik koba kebeber.⁸Ago kingogeer simion petero , kobutyi kutung'oikab Jeiso ak kole weechige eng yub amu aii kiptengekchoo eeh kiptayandani. ⁹Amu kikwong'io , ak tugul che kimi ako inendet agobo njirenik che kiga konam. ¹⁰Ak kiwong'io aiche Jakobo ak johana werikab Sebedi che kiboisie tugul eng kibagenge ak Simion . Ak kileji Jeiso simion , ameiyweisie kong'eete nguno iegu ne irame biko. ¹¹Ak yo kingo kagokweri moingonikwai kobwa tabandab araraita , kobgakta tuguk tugul ak korub inendet.¹²Ak kingo ta komi kokwet age , kogimi chi ne kinyitat konjoriosiek , ak yo kingo geer bindendet Jeiso , kobut kosyeb mo , ak ko saisai kole kiptayandani , ngicham imuchi inyaa. ¹³Ak kiogoito anyun eunyi kotiny inendet ak kole amuchi anyain . Ak kasarata koistoke konjoriok eng inendet¹⁴Ak king'at anyun koleji koto memwoji chi ago weui ak iborjige tisindet ak igoite chebo kanyaet, ko u yo king'at Musa koek baornatet eng icheget.¹⁵ago kiletage koem bororiosiek che chang che loen agobo inendet , ak kibwa tuiyosiek konyo kogas tugul ak asi konya icheget tugul agobo mianwekwai. ¹⁶Ago kiistoke kwo tumoo kwen bo kosa.¹⁷ak kingo to konetisie eng betut age ko mui Parisaik ak kanetikab ng'atutik koteptos eng oloto , xhe kibunu kokwotunwek tugul chebo Galili ak judea ak Jerusalem ak kimi kamuktaetab kiptaiyat ak inendet si nkonya icheket.¹⁸Ak keer anyun kigimut chi age komi eng kitogunyi ne kimakong'ete , ak kicheng oret ne imuchi komut inendet agoi tait ab Jeiso. ¹⁹ak kingo mata konyor oret amu chang'indab biko , kolany Kipkesiekut ab kot ak kochorta inendet komi kitogunyi agoi kwenut eng taitab Jeiso.²⁰kingo geeer Jeiso kayaneng'wai koleji chichi, kagenyoun kaat tengekwogiguk. ²¹Ak kitoi sirik ak paresaik, kobwat agobo logoiyondonoto kole, ng'o nyito mwae ng'alechu yaachen? ng'o ne imuchi konyochi chi kaat ne ma jehovah inege?²²Ago yo kingo nai Jeiso kabwatutikwai , kowolji koleji, obwati nee eng mukulelwekwok? ²³Nee ne keigei, ngele kiginyoun kaat tengekwogiguk, nda ngele , ng'eet ak iwechigei? ²⁴Ako si onai ole tinye kimnatet weritab chi eng ngweny konyochi kaat biko tengekwagik ( koleji chito ne kimeat borta) Amwaun ale ng'eet kesen kitogung'ung ak iwechigei kong'ung.²⁵Ak king'et kasarata anyun eng taingwai ak kiib kitokunyi ak kwo konyi kolosunoti Jehovah. ²⁶Ak kikwong'io icheket ak kilos Jehovah ak kicholyo mising kolen , kagegeer kwong'utik che chang rani.²⁷Ak kingobata tuguchoto tugul kwo tai konyor taagikab aisurut ne kigiguure Lawi kotebche gweny eng ole kitaage aisurut ak koleji rubaa. ²⁸ak kibagakta tuguk tugul ak korub inendet.²⁹Ak kigkwongji Lawi eng koinyi ak kimi taagikab aisurut che chang ak biko alak che kiteptos ngweny tugul koamistos ak inendet. ³⁰ak king'ung'ungji parisaik ak sirikwai kayaktoik, kole kaine asi oamisiei ak oeisei ak taagikab aisuru ak kiptengekinik? ³¹ak kiwolji Jeiso koleji mamage kiy chepkerichot biko che chamege , kobate che miandos. ³²Kima nyo aguur che bo iman ago kiptengeginik si kosiik.³³Ak kileji inendet, irugutige konyil che chang kayoktoikab johana ak kosaa ak yae ko u noto agiche che bo parisaik a koamisie cheguket ak koeise. ³⁴ak kileji Jeiso icheket tos omuchi orugut che kagiguurji katunisiet koto komi sandet ak icheget? ³⁵Ago bwanii betisiek che tun istoege icheget sandet , korugutgei anyun eng betusiechoto.³⁶Ak kimwochi icheget kalewenet kogeny koleji mami chi ne kereri kebeberta ne bo ngoriet ne leel ak konapchi ngoriet ne os , amu ngo yai ko u noto ko palei nyoto leel ak kogeny ko manamege kebeberta ne leel ak ne os.³⁷Ama mi chi ne rongjini divaik che lelach lolotinwek che osen, ngo yai ko u noto ko kereri divaik lolotinwek ak kotumda ge ak kong'emogis lolotinwek. ³⁸Ago muchini kendeno divai che leelach lolotinwek che leelachen . ³⁹Ama mi chi ne ngo kagoe divaik chebo keny koto komache che leelach, amu mwae kole anyinyen che bo keny.

¹ak kibune mbarenikab bek eng betutab sabato ne bo aeng , ak kibutotkayaktoikchi mesisekab bek kobore ak konyei. ²Ak kimwa alak chebo parisaik kole , amu nee so yai eng betutab sabato ago ma chamdaat eng ng'atutik.³Ak kiwolji Jeiso koleji, tomo osoman mbo ngolyondoni , ne kiyai Daudi yo kingo am rubet koboto che kimito ak inendet? ⁴Ak kiwo gotab Jehovah ak kocher makatinik che bo kabartaet koam ak kogochi che kimi koboto inendet agiche, che ki ma chamdaat eng ng'atutik koam chi age kobate tisiik ichege . ⁵Ak kiwolji icheket koleji mbo weritab chi ko Kiptayatab sabato.⁶Ak kiwo kapkorosut eng sabato age ak konet biko, ak kimi chi ne kimeat eunnyi nebo tai. ⁷Ak kitopeni siriik ak parisaik , ngoto tos konya chi eng betutab sabato, nda ma ra konyor oret ne itamee. ⁸Ago kinai kabwatutikwai ak koleji chichoto kia kome eunnyi, ng'eet , tonon eng kwen akking'eet ak kotonon.⁹Ak kileji Jeiso icheket, atebenok ale tos chamdaat eng ng'atutik keyai ne kararan eng sabato, nds keyai ne ya? kesor sobon nda kebar? ¹⁰Ak kigeerot Jeiso biko tugul ak koleji chichoto, chuul eung'ung ak kiyai kou nyoto ak kisoob eunnyi. ¹¹Ak kinerekcho ak koruruchge tugul ak kotet kito ne imuchi koita Jeiso.¹²Kiwo Jeiso anyun eng betusichoto tulwet kosa , ak kisa Jehovah kembout komugul. ¹³Kingoech , koguur kayoktoikchi, ak kilewen eng choto taman ak aeng che kiguure kainengwai che kiyoktoi.¹⁴Simion ne kiguure kainenyi ne bo aeng Petero, ak Andrea ne tupcho ak Jakobo, ak johana ak Pilipu, ak Bartolomayo, ¹⁵ak Matayo ak Tomas ak Jakobo, weritab Alpayo ak Simion ne kiguure selote, ¹⁶ak Juda weritab Jakobo, ak Judas iskariot ne ki ng'wektaindet.¹⁷Ak kibwa koreek ak inendet ak kotonone ye ribrib koboto tuiyet ne o nebo kayaktoi ak bikoche chang che kibunu Judea komugul ak Jerusalem ak tabandab nyanjet ole bo komostab Turo ak sidon kibwoni kogase inendet ak kisoobcho eng mianwekwai, ¹⁸ak kigisoob icheget he kiinyalili tamirmirik che yaachen. ¹⁹Ak kicheng tuiyet komugul kotiiny inendet amu kibunu inendet kamuktaet, ak kisobcho icheget tugul.²⁰Ak kitoben koyoktoikchi ak kole, oberurotin akwee che oi bonon , amu neng'wong bounatetab Jehovah. ²¹Oberurotin akwe che amok rubet nguno, amu tun obiyongtosi, oberurotin akwe che orirtosi nguno amu tun orortosi.²²Oberurotin akwe che sosok biko ak kotabanak ak kochurok ak kemwaita kainengwong kole ya, agobo weritab chi. ²³Oboiboitu eng betunoto ako sokorye eng boiboindo amu oger anyun , O melektang'wong eng kipsengwet , amu kiyochi kwanisiekwok maotik ko u nyoto.²⁴Ako mutyo akwe che oi magore ! amu kiotaach kagaigaeng'wong. ²⁵Mutyo akwe che obiyongyotin nguno amu tatuun koamok rubet. Mutyo eng akwe che ororitosi nguno! amu tatun otei ak orirtosi!²⁶Mutyo akwe yo mwoe biko tugul che kororon agobo akwe! amu kigoyachiko u nyoto kwanisiekwai maotik che bo lembech.²⁷Ago amwowok akwe che ogase ale ocham bunikwok , oyachi che kororon icheget che sosook. ²⁸Oberur icheket che chubok ak osachi icheket che matinye kong ne kerenok.²⁹Ak inendet ne irabachin togilgiliet age, igochi togilgiliet age ak inendet ne sarenin ngorieng'ung ko me-ete mbo sambung'ung. ³⁰Igochi age tugul ne some ak inendet ne sarenen tukuguk ko mata ta iwekune kogeny.³¹Ak kou yo omache koyaiwok biko , oyachi ak akwe kou noto. ³²Ngocham anyun icheget che chamok, otinye melekto nee? amu mbo kiptengeginik kochame agiche icheget che chame. ³³Ak ngo yachi che kororon icheget che yaiywok che kororon , otiny kongoi omu mbo kiptengeginik koyae kou noto. ³⁴Ak ngibesendochi biko che ibwotii ile tun wegu, otinye kongoi nee? amu mbo kiptengekinik ko besendochini kiptengekinik alak asi konyor che teno chegichet.³⁵Ago ocham bunikwok , ak oyai ne kararan , ak obesende , amogany onyoru kogeny si koeet melektang'wong , ak oegu werikab inendet ne toror mising ,. amutalaa inendet eng icheget che matinye kongoi ak che aachen. ³⁶Oegu che tinye rirge amu ko u kwandang'ong ne tinye rirenetab ge.³⁷A moruokchi , asi makirwokwok , amos, uschi chi asi tun koma kisuschok, otiach asi tun kitiachak ,³⁸ogoite asi tun kegonok, okere ne kararan ne kigi nyit, ne kisachasach koto korara, choto che tun indoi biko tegetikwok. Amu kereiwekwok ne ogeree ko nyoto ne tun kigerurenok ak akwe.³⁹Ak kimwoji alewenet koleji , imuchi kipkoratiat kondochi kipkoratiat? Tos mororokchi tuwai kebenet? ⁴⁰Masiire kayoktoik kanetindetago inendet ne kigonetak kogergeitu ak kanetindennyi.⁴¹Amu nee si geere betbetiat ne mite kondab werit ne otupche, ago mebwati musukyet ne mi kondang'ung inendet? ⁴²Nda imuktoi ano ileji lemeng'ung tupchenyu , inganemun betbetiet ne mito kondang'ngung ago mebkat musukyet ne mi kondang'ung inyendet? wei chombilindoni inemu korok musukyet ne mi kondang'ung inyendet si yo kaigeerte komie , imuch anyun inemu betbetiat ne mi kondab tupcheng'ung.⁴³Amu mami ketit ne kararan ne iye logoek che yachen , ama mi ketit ne ya ne iye logoek che kororon. ⁴⁴Amu naat ketit age tugul eng logoek che iye, amu mabute biko logoekab mogoonik eng katok ak abute biko logoekab sabibu eng ketitab katok.⁴⁵Inemu chito ne kararan kito ne kararan kobun konoruet ne kararan ne mi muguleldannyi, ak i nemu chito ne ya kito ne ya kobunu konorwennyi ne ya ne mi muguleldannyi, amu che mwae kutinyi ko che nyiitat muguleldo.⁴⁶Amu nee si oguurena kiptaiyat amoyae tuguk che amwae? ⁴⁷Chi age tugul ne nyonjino ak kogas ngalekchu ak koyai , aboruok kit ne kerge. ⁴⁸Kerge inendet ak chito ne teche got ne kibaal kwo ngweny missing ak konde tiik atyet ak ye kingo changit beek korus beekab kutyat ama imuch kotumtum, amu kig kiteech komie.⁴⁹Ago inendet ne kase ama yaei ko kerge ak chito ne kiteech goy eng nyung'unyek ama lumji ngweny tiik , kirus beekab kutyat ak kilul kasarata ak kieet luletab koyoto.

¹Ak kingobata, nyoto ne matia kowendote kokwatunwek cheechen ak che mengechen, ak koborjini ak komwaitati logoiwek che kororon che bo bounatetab Jehovah, ak kimi tamanu ak aeng koboto inendet, ²ak chepyosok alak che kiga kosoob eng tamirmirik che yaachen ak miianwek , Maria ne kiguure Magdalena ne kimandae chesawilok tisabu; ³ak Joana kwondab chusa kiboitiotab Herode, ak Susana ak aak che chang , che kiboisiechini inendet eng tugukwai.⁴Ak kingo tuyoge tuiyet ne o , ak kobwanji inendet che kibunu kokwert age tugul , kong'alal eng kalewenet kole: ⁵kiwo kolindet koiss kesuuek chi, ak yo kita koletoi kobutyi alak oret taban, ak kigitiekgatak koam taritik che bo barak. ⁶Ak kibutyi alak atiet ak kingoruut koyamio, amu manyor beko.⁷Ak kibutyi alak kwenutab katok, ak kitor katok koboto kesueechoto ak kogiich. ⁸Ak kibutyi alak nyung'unyek che kororon, ak kiruut ak koi age tugul bogol. Ak ye kita komwae tuguchu, komwa eng kutit ne o, kole inendet ne tinye itik che kostoe, kogas.⁹Ak kiteebe kayoktoikchi ole teptoi kalewenoni . ¹⁰Ak kile kagigonok akwe onai ung'otik che bo bounatetab Jehovah, ago kimwachini alak eng kalewenoik asi yo keertoi ko mageere kiy, asi yo kase ko manae.¹¹Kalewenonoto ko ni kesuek ko ng'olyotab Jehova. ¹²Ak choto mi oret taban ko icheget che kigogas nda ityo konyo chesawilyet, ak koisto ng'olyot eng mugulelwekwai si manyor kayanet ak kesor. ¹³ak icheget che mi atiet barak ko yo kagas ngalek koyan eng boiboiyet ak matinye tigitik , iyani kitigin, ak kochuchuch ge eng betutab tiemutik.¹⁴ak che kibutyi katok ko icheget che kigas ak ye kakoba kotitir kereretab met ak magornondit ak boiboiyetab tugukab soboni, ama iiyo logoek che nyiitotin. ¹⁵ak che mi nyung'unyek che kororon ko icheget che yo kagogas ng'olyot konam komie eng mugulelwek che bo muitaet ak ko kararonen , ak koiiyo logoek eng kagiiletabge.¹⁶Mami chi ne yo kagonaam tait kotuche kiy nda konde kureretab kitogut, ago indenoi kito ne tonone tait si komuch kogeer lapkeiyet biko. ¹⁷Amu mami kiy ne ung'at ne matun koboruge, mami kiy ne keunye ne matun naakse eng ole lapkei. ¹⁸ogaste komie amu age tugul ne tinye ko tun kigochini ak inendet ne matinye , ko tun kesare mbo ne len tinye.¹⁹Ak kibwa konyor inendet kamet ak che tupcho ago maimuch korikchi amu chang'indab biko. ²⁰Ak kigimwachi lkeleji tonondos komet ak che otupche eng sang mache kogeerin. ²¹ago kiwolji koleji , kamenyu ak tupchosiekchu ko chu kase ng'olyotab Jehovah ak koyai.²²Kilany moingetab beko eng betut age ak koyoktoik ak koleji , ongelandae araraita kebe bitoni, kotoi anyun koba tai. ²³Ak kingo to kobendi koru ak konuch Jeiso, kowasokis beko eng araraita, kotumtum ak komache konyi beko moinget orit ak kichonji ng'oyondit.²⁴Ak kibwa ole mi inendet , ak kong'eet , koleji kanetindoni, kanetindoni, legit kemeiye! kong'eet anyun ak koger kong katumtumet ak wasetab ge nebo beko , kosis anyun araraita komung'io. ²⁵Ak kileji icheket , mi anao kayaneng'wong? kiyweis ak kokwong'io , kolejige ichege ng'o chichi anyun ne itononi mbo beekab araraita che kawasakis kot kogas iit inendet.²⁶Kiit anyun emetab Gerasenik ne legityini Galili. ²⁷Ak yokingonyo tabandab araraita kotuiyo ak inendet chito age ne kibunu kokwet ne kitinye chesawil, ak kima kolaachi ngoroi kongete betusiek che chang, ak kima komenye go, ago kitebe kererisiek.²⁸Ak kingo geer Jeiso , kowaach ak kobutyi tainyi ak komwa eng kutit ne o kole , atingenin ne Jeiso weritab Jehovah ne toror mising? kasomin ale amenyalila. ²⁹Amu kingat tamirmiriet ne ya komong eng chichoto, amu kiga nam betusiek che chang, ak kigiribe missing, ak kiga korate irimwek ak mugurek, ak king'etye tuguk che kirate ak kione chesawilyetbinendet kwo tumoo kwen.³⁰Ak kitebe Jeiso koleji, kigurenen ngo? Ak kile che chang, amu kiga chut chesawilok che chang inendet. ³¹Ak kisom kole, si ma ng'at koba kebenet ne matinye ole bekchini.³²Ak kimi oloto torok che chang che kiagetos eng tulwetak isom icheget missing kole kochamji kochut torochoto, koyanji anyun. ³³Ak kimonganyun chesawilok eng chichto ak kochut torok , ak kirwai torochoto chang ko chortage chemgasut koba araraita ak komeiyo.³⁴Ak kingo geer mestewek tugul che kibiit korweiyo koba komwaita eng kokwatunwek che eechen eng emet agobo nyoto. ³⁵Kiba kogeer kito ne kogoyaak , ak kibwa ole mi Jeiso , konyor chichoto kigamandae chesawilok kotebche eng kelyekab Jeiso kolagaat ak kotinye ng'omnatennyi ak kiiywei.³⁶ak kimwachi icheget che kageere tuguk che kabiit ole kagisopto chito ne kitinye chesawilok. ³⁷Ak kisom anyun biko tugul che ole legite emetab Gerasenik kole, kwo kobagakta icheget , amu kichut icheget kayweisiet ne o, ak kilany moingetab beko ak koweektage.³⁸Ak kisom inendet chito ne kimandae chesawlyet kole kotebi tuwai, ago kimwachi , koleji wechigei, ³⁹iwektege gong'ung ak imwaite tuguk che eechen che kagoyaun Jehovah, ak kiwo anyun komwaitat eng kokwet ne okomugul tuguk che eechn che kagoyachi Jeiso.⁴⁰Ak yo kiweekse Jeiso kotach tuiyet amu kiganye biko tugul inendet. ⁴¹Ak geer anyun, kinyo chito age ne kigiguree Jairo ne ki agenge eng kandoikab kapkorosutak kobutyi kelyekab Jeiso ak kosaisai inendet kole, konyo gonyi, ⁴²amu kitinye cheptonyi ne ki inege ne kibo olo bo kenyisiek taman ak aeng ak kilegit kome. Ago kirurukchigee tuiyosiek inendet kowendi.⁴³Ak kimi chepyoso age ne kimondoe korotik kenyisiek taaman ak aeng ne kiga koboisiei tugukchi tugul eng chepkerichinik, ama imuch kosoob inendet age tugul eng icheget. ⁴⁴kinyo anyun kobun let eng inendet ak kotwa tabandab ngoriennyi ak kasarata kosisyo korotik.⁴⁵Ak kile jeiso ng'o ne katinyo? Ak kiingo tiiyo chitugul, koleji Petero konetindoni, karichkin biko che chang ak kagegichin. ⁴⁶Ago kile Jeiso kagotinyo chi, amu kaanai ale kagomanda kimnatennyu.⁴⁷Ak kingogeer chepyosonoto kole ma imuch koung'ak konyo tai kobotananu, ak kobutyi ngweny eng tainnyi ak komwaita eng taitab biko tugul kito ne kayai kotiiny inendet ak ole kagisoopto inendet eng kasarata. ⁴⁸Ak kileji chebi, kagosoobin kayaneng'ung , wui eng kalyet.⁴⁹Ak yo kita kong'alali kocho chi ne kibunu kotab baunindetab sinakogit, kole kagome cheptang'ung ama tata iim kanetindet. ⁵⁰Ako kogas Jeiso, kowolji koleji, matiywei iyan kityo si kisob.⁵¹Ak ye kingo kagoit got koma chamji che age tugul kwo got koboto inendet, kobate Petero ak Johana ak Jacobo ak kwanitab cheboto ak kamet. ⁵²Ak kirirtos biko tugul ak kowaaktos agobo inendet ago kile , morirtosi, amu ma me inendet ago inuchi. ⁵³Ak kirorichi inendet anyun kochwees , amu kingen kole kagome.⁵⁴Ago kinam inendet eutab cheboto ak koguur kole ng'eet! ⁵⁵koweechge anyun tamirmirienyi, ak kong'eet kasarata ak king'at kole kigochi kiy ne ame. ⁵⁶Koleji amomwachi chi age tugul kito ne kagoyaak.

¹Ak kigur kayoktoikchi tugul taman ak aeng kogachi icheket kimnatet ak bounatet koboi chesawilok tugul ak kossob che miandos. ²Ak kiyokto koamda bounatetab Jehovah ak kosoob che miandos.³koleji amoib kiy ne bo bandang'wong' mbo kirokto nda lolet, nda makatiat, nda ko chepkondok, amoibote sumbotik oeng. ⁴Ak kot age tugul ne ko mongji, otebee oloto agoi obe.⁵Ak alak tugul che mataachok , ye omande eng kokwonoto olelekte temburiek eng keelyekwok si koek baornatet agobo icheket. ⁶Koba anyun kobunot kokwatunwek koamdoi logoiwek che kororon, ak kosoobot eng ole tugul.⁷Ak kigas anyun kirwogindet Herodtuguk tugul che kigoyaak. kiimge mising amu kimwae alak kole, kagong'eet johana eng che kimeiyo, ⁸ak kibere alak , kagotook Elija, ak kobere alak , kong'eet age eng maotik cho ki bo keny. ⁹Ak kile Herod, kiatil metitab Johana , ago ngo anyun chichi ne agase tuguk che u choto agobo inendet? Ak kicheng kogeer inendet.¹⁰Ak kingoweek che kiyoktoi, komwachi inendet tuguk che kagoyai. Ak kimut icheget koba taban ichege agoi kokwet ne kiguure Betsaida. ¹¹Ago kingonai tuiyosiek korub, ak kitaach icheget a kong'alalchi agobo bounatetab Jehovah, ak kiisob icheget che kimache kisoob.¹²ak yo kimache koimen, kobka anyun tamanu ak aeng koleji inendet, oonde tuiyet koba si koit kokwotunwek ak emet , si konyor ole rutos ak amitwogik, amu kimi tumoo kwen. ¹³Ago kileji icheget, ogochi akwee amitwogik, ak kile magitinye kiy kobate makatinik mut ak njirenik aeng , kobate kebe kealji amitwogik bichu tugul. ¹⁴Amu ki oloo bo elfusiek mut murenik. ak kileji kayoktoik, ochob kobebee ng'weny ak ingobeate konom.¹⁵Ak kiyai anyun kou nyoto, ak kichob tugul kotebe ng'weny. ¹⁶Kinam makatinichoto mut ak njirenichoto aeng ak konyaal barak kipsengwet, ak koberur ak kimurmur ak kogachi kayoktoik kogochi tuiyet. ¹⁷Ak kiamis kot kobiyong'io tugul ak kigium murmuranik che kingeet eng kerebonik taman ak aeng.¹⁸Ak yo kisae inege, ko kimi kayoktoik koboto inendet ak kitebe icheget koleji, mwae tuiyosiek kole aii ng'o? ¹⁹kiwolji icheket koleji, len johana kabatisanindet, kobere alak Elija, kobere alak kagong'eet maotiot eng che kibo keny.²⁰n Ak kileji icheket, ago obere akwe aii ng'o? Ak kiwol Petero kole , ii Kristo ne bo Jehovah. ²¹Ago kitigon icheket , ak kung'at kolechi amomwachi chi ng'olyononito, ²²kole kanyolji weritab chi konyalil eng tuguk che chang ak kotai boisiek inendet ak tisiik che eechen ak sirik ak kebar ak king'eet eng betutab somok.²³Kimwochi icheket tugul , ngo mache chi age tugul korubwa, ko taigee ak koib kimurtoiyondennyi betut age tugul ak koruba. ²⁴Amu age tugul ne mache kosor sobondannyi kobeti, ak age tugul ne ibeeti sobondannyi agobo ane, ko nyoto ne soru. ²⁵Tos keljin nee ne nyoru chi koboi ingweny komugul ak kobet sobondannyi?²⁶Amu age tugul ne jistoenogee ak ng'alekchu kotun ajistoege agine weritab chi chichoto tun nyoni eng torornatetenyi, ak ne bo kwand, ak nebo malaikaisiek che tililen. ²⁷Ak amwowok iman ale mito alak eng che tonondos eng yu che magere meiya kotomo kogeer bounatetab Jehovah.²⁸Ak kingobek betusiek alo bo sisit kong'etee ngomwa ng'alechoto , komut Petero ak Johana ak Jakobo kolanda tulwet koba kosa. ²⁹ak yo kito kosae, kowalak itondab togenyi ak kolelagitu ngoroikchi koto lil bich.³⁰Ak ogeer ak king'ololyo ak inendet biko aengu, che ki Musa ak Elija, ³¹kingoto eng lilindo ak kiga ng'alal agobo meenyi ne kimache kosulda eng Jerusalem.³²Ak kia kobirto met Petero koboto icheget che kimi ak inendet, ago kingokos, kogeer lilindannyi ak bichoto aeng che kitonondos koboto inendet. ³³Ak kingomache kobesio ak inendet koleji Petero Jeiso, kanetindeni, kararan amu kimi yuto , si keteech keriosiek somok, neng'ung, age kobo Musa, age kobo Elija. komwaoe ama nai kito ne mwae.³⁴Ak yo kita komwae tuguchuto, konyo boldet ak kotuch icheget ak kiiyweis ye kingochut boldet. ³⁵Ak kimong tuget eng boldet ak kole , ni ko werinnyu ne kialewen ogas inendet. ³⁶Ak yo kingobata kutinoto, kotook Jeiso inegee ak kosisyo anyun ama mwachi chi eng betusiechotokito age tugul ne kiga kogeer.³⁷Ak betut ne kirube betunoto yo kingoregu eng tulwet , kotuyo ak inendet tuiyet ne o. ³⁸Ak keer anyun , kowaach chito age eng tuiyet kole kanetindeni, asain ale rire werinyu amu kiasiich inegee. ³⁹Ak keer anyun , name inendet tamirmiriyet ak kowaach , ak kobiabirtage, kotobun bugaat kutinyi, konyalil mising ama chame kobagakta. ⁴⁰Ak kiasaisai kayoktoikuk ale koonda ago ma imuch.⁴¹Ak kiwolji Jeiso koleji, wei, ibini matinye kayanet ak kogunur, atebche kobotok ak amuitoi agobo akwe agoi au? Imutu wering'ung konyo yu. ⁴²Ak kingota konyoni, kowirji ngwony chesawilyet inendet ak kobirabirtage mising. ago kiger kong Jeiso tamirmiriet ne ya ak kosoob lakwet, ak koweekchi kwandanyi.⁴³ak kikwong'io tugul agobo kimnatet ne o nebo Jehovah. Ago kingoto kokwongtos tugul agobo tuguk che kayai Jeiso koleji kayaktoikchi, ⁴⁴ingochut ng'alechu itikwok amu tun kigoitoi weritab chi, kwo eunekab biko. ⁴⁵Ago ma iguiyo icheket mwaenoto kiung'ak si manai ak kiiywei kotebe inendet agobo mwaonoto.⁴⁶Kotoi anyun kotebege ichegee eng ichegee kole anonoo eng ache ne egu ne o? ⁴⁷Ak kingonai Jeiso kabwatutikab mugulelwekwai konam lakwet ne mining ak konde ole legit inendet ⁴⁸ak kileji icheget , chi age tugul ne taache lakwani mining eng kainenyu ko kataacha, ak chi age tugul ne taacho ko kataach inendet ne kiyokwo. Amu age tugul ne mining eng akwe tugul , ko ne o.⁴⁹Ak kiwolji Johana koleji kanetindeni kigeer chi koone chesawilok eng kaineng'ung ak kigitae amu magi bendoti tugul. ⁵⁰Ago kileji Jeiso inendet amotae inendet, amu inendet ne magertook ko neng'wong.⁵¹Ak ye kilegit mising koit betusiek che kitache inendet eng barak, kogiljige kotokchi togenyi ak kwo Jerusalem. ⁵²Koyokto che ibe ng'alek koba kondoe inendet, koba anyun komandae kokwet age nebo Samarik ak kochopchi ole tebe. ⁵³Ak ma taach inendet , amu kiga kotokchi togenyi kwo Jerusalem.⁵⁴Ak yo kingogeer kayaktoik Jakobo ak Johana koleji, kiptayandani tos imache keng'at kweir mat ne bunu kipsengwet si kotar icheget ko u ye kiyai Elija? ⁵⁵Ago kwekchjige kogeer icheget, ak koger kong, ⁵⁶amu kimanyo weritab chi si kobar sobonwek, ago si kosor, ak koba anyun nganaset age.⁵⁷Ak kingota kobendi eng oret, koleji chito age arubin oloo tugul iwendote. ⁵⁸Koleji Jeiso inendet, tinye lelwek kebenonik, ago tinye taritik che bo barak keswenikwai ago matinye weritab che ole indenoi metinyi.⁵⁹Ak kileji age rubwa, ago kileji chichoto kiptaiyandani, chmwo awo korok atub kwandanyu. ⁶⁰Ak kilji mete che meiytos kotub chekwai, ago wui inye ak iamdate ng'alekab bounatetab Jehovah.⁶¹Kole age, agine arubin kiptaiyat , chomwo korok awo amwachi bikab gonnyu saisere. ⁶²Ago kileji Jeiso inendet mami chi ne name magombetab eik, ak kogus koger let, ne nyoljini bounatetab Jehovah.

¹Kingobata tuguchuto tugul , kolewen kiptaiyat biko alak tamanwokik tisab ak koyokto aeng aeng kole, kondoe inendet koba kokwet age tugul ak komosta age tugul ole bunoti. ²Ago kileji icheket, o kesisiet. ago ng'ering kesick nyoto anyun osom kiptaiyat nebo kesisiet asi komuch koyokchi kesiik kesisienyi.³Oba ortinwekwok , ogeer anyun, kayoktok kou arekab kechirek eng kwenutab suik. ⁴Amoib lolet, nda chepkondok, nda ko kweonik, amokat chi eng oret.⁵Ak got age tugul ne omongjini, omwa ole ingo tebi kalyet eng koii. ⁶Ak ngo mite werikab kalyet yoto, kotebe kalyeng'wong inendet, ak ngoto mami, koweekchinoge akwee. ⁷Ak otebe goyoto anyun ak tuguk che konok oam ak oee amu nyoljini kiboitiot melektonyi, amoitote gorik.⁸Ak kokwet age tugul ne omongjiniak kotaachak oam tuguk che kakindeno taing'wong ⁹ak osoob che miandos eng oloto, ak oleji icheget kagorikchok bounatetab Jehovah.¹⁰Ago kokwet age tugul ne omongjini amataachak omande obe ortinwekchi ak omwa ole, ¹¹kagibukchok temburiek che bo kokweng'wong che kanam kelyekcho, ago onai ni ole kagorik bounatetab Jehovah. ¹²Ak amwawok ale tun keigeitu sodom eng betunoto kosiir kokwonoto.¹³Aya we Korasin! Aya we Betsaida! amu nda kiga kiyai eng Turo ak sidon boisionik chebo kamuktaet ko u che kogiyai eng akwee nda kiga kosikkeny, ak kotebe aronik ak kolachi kuniok. ¹⁴Ago tun keigeitu Turo ak Sidon eng kiruoget kosiirok. ¹⁵Ak inye Kapernaum, tos tun kitororin iwe kipsengwet? Kiwirjinin nwenykoto iit ole mi che kigobek.¹⁶Inendet ne kosok kogkagokasa agane, ak inendt ne took kagotaa agane, ak inendet ne taa kotoe inendet ne kiiyokwo.¹⁷Kiweechge anyun bichoto tamanwogik tisabu eng boiboiyet, ak komwa kole kiptaiyandani mbo chesawilok kogaseech iit eng kaineng'ung. ¹⁸Ak kileji kiageer cheswlyet kororoku eng kipsengwet ko u kalyelet. ¹⁹Ogeero kaagonok kamuget si omuch otiech erenok ak melmelwek ak oterter kimnatet tugul ne bo bunyot, ak mami kiy ne imuchu kong'emak. ²⁰Ago amoboiboitu amu ng'olyondoni, amu kasok iit chesawilok, ago oboiboitu amu sirotin kainaikwok eng kipsengwet.²¹Eng kasarato, kobaibait Jeiso eng tamirmiriet ne tilil ak kole , aweegun kongoi, we kwanda, kiptaiyat nebo kipsengwetak ngweny , amu kiung'e tuguchu che ng'omen ak che ingenak kiborji chererok, we kwandanyo, amu kichamak ko u nyoto eng taing'ung²²Kigogono tuguk tugul kwanda, ak mami chi ne inget werit kobate Kwanda, ama nai chi Kwanda kole ng'o, kobate werit ak chi age tugul ne chame werit koborchi.²³Ak kiweekchige koger kayoktoik, ak koleji eng ung'ot, iberurotin konyek che keere tuguk che ogere. ²⁴Amu amwawok ale kimache maotik che chang ak laitorinik kogeer tuguk che ogeere , ago kima geer ak kimache kogas tuguk che ogase ago kima kas.²⁵Ak ogeero, kitonon ng'omotiot age ne bo ng'atutik kotiem inendet kole kanetindeni, ayae ne si tun anyoru sobondab koigeny? ²⁶Ak kileji , kigisir ne eng ng'atutik, isomandoi ano? ²⁷ak kiwolji inendet koleji, cham kiptayat Jehovah nyeng'ung eng muguleldang'ung komugul, ak eng sobondang'ung komugul ak eng kimnateng'ung komugul, ak eng ng'omnateng'ung komugul, ak icham chitab kokweng'ung ko u yo ichamegee. ²⁸Ak kileji, kewolu komie, yai kou nyoto si isob.²⁹Ago amu kimache kokararan ge koleji Jeiso, ngo chitab kokwenyu? ³⁰Kowolji Jeiso koleji, kirekto chito age Jerusalem agoi Jeriko, ak kituiyo ak chorik che kisare ngoroik ak kobir ak koba, kobagakta kolegit kome.³¹Ak kirekto tisiindet age oranato, ak kingogeer inendet korob taban. ³²ak ye kingoit lawindet yoto, ak kogeer korob taban agine ko u nyoto.³³Ago ye kita kowendi samarindet ageeng bandanyi, koit ole mi chichoto, ak ye kingogeer inendet korire. ³⁴Kwo ole mi inendet koratyi ole kagibir ak kosochinot mwaita ak divaik ak kikelepchi chichoto sigiryenyi ak komut kwo gotab toek, ak korib inendet. ³⁵ak mutai, koneem denarisiek aeng kogachi chitab kobo kot ak koleji rib inendet ak tuguk alak tugul che kotesakis, ko tun kawechge anyo ayaagun.³⁶Eng chuto tugul ko somok ibeere ng'o ne kiek chitab kokwenyi eng chichoto kituye chorik? ³⁷ak kile inendet ne kirire chichoto. Ak kileji Jeiso wui, iyai ko u nyoto.³⁸Ak ye kito komi bandang'wai komogji anyun kokwet age ak kitaach eng gonnyi chepyoso age ne keguure Marta. ³⁹Ak kitinye cheptong'wai ne kiguure Maria ne kitebche eng ole bo kelyekab Kiptaiyat kogase ng'olkyondennyi.⁴⁰Ago kingortot Marta agobo boisionik che chang, ak konyonji inendet ak koleji, kiptaiyandani memake kiy ak kameto tupchennyu abois kityo? Mwachi so konyo kotoreto. ⁴¹Ak kiwolji kiptaiyat Jeiso koleji Marta, Marta igereri met ak iimige agobo tuguk che chang, ⁴²ago kito agenge ne kamache , amu kagolewen Marta kebeberta ne kararan ne ma kisore.

¹Ak kingota kosae eng orit age , ak kingotar koleji age eng kayoktoikchi, kipatayandani, inetech kesa, ko u yo kineti Johana kayoktoikchi.²Ak kileji icheket yo osae, omwa ole, kwandannyo ne mi kipsengwet, ingotililit kaineng'ung, ingonyo bounateng'ung , ingoyaak megengun'ung eng ng'weny ko u eng kipsengwet.³Koneech amitwogikcho eng betut age tugul. ⁴Ak inyoiwech kaat tengekwogikcho, ko u ye kinyochini kaat besenikcho, amemutech ole mi tiemisiet.⁵Ak kileji , ngo eng akwe ne tinye chorweny ak kwo ole mi kemoi kwen, ak koleji choruenyu toreto makatinik somok abesen, ⁶amu kagoi choruennyune bunu rutoi, amatinye kiy ne agochini. ⁷Kowolji ne mi go koleji, amate iima, kaager kurget ak kageruiye ak agokchu, ma muchi ang'eet akonin. ⁸Amwawok ale , mbo ngo mang'eet kogochi amu chorwenyi, ko amu somenyi ko ne igochini kong'eet kogochi kiy tugul ne mache.⁹Ak amwowok agine ale osom si kekonok, ocheng si onyoru, ogonygony si keyotwok. ¹⁰Amu age tugul ne some kegochini, ak age tugul ne cheng'e konyoru, inendet ne igonygonyi keyotchini.¹¹Ng'o eng akwe kwanda, ne ngosom werinyi makatiat kogochi koita? nda tos ngosom njiriot kogachi erenet? ¹²Nda ngosom koitab ingokchet, ko tos igochi melmeldo? ¹³Ngong'eet akwe che oyaachen ogochi lagokwok tuguk che kororon, siire anyun ne tia kagoitoet ne igochini kwandang'wong ne mi kipsengwet, Tamirmiriet ne Tilil icheket che some inendet?¹⁴Ak kingo onda chesawilyet eng ne namat kut, ak yo kingo kago manda chesawilyet, kong'alal anyun ne ki namat kut, kikwong'io tuyosiek. ¹⁵Ago kimwa alak kole ondoi chesawilok komanda eng Beelsabul,laitoriat ne bo chesawilok.¹⁶Ak kitiem alak, inendet komage kaborunet ne bunu kipsengwet. ¹⁷ago kinai kabwatutikwai, koleji bororiet age tugul ne pcheege ko ng'emakse, ak kot age tugul ne pcheegei kolule.¹⁸Ak ngo besioge agine chesawil kotonondoi ano bororienyi? Amu omwae ole aone chesawilok eng Beelzebul. ¹⁹Ngotko aone cheswilok eng beelzebul kooone weri kwok eng ngo? nyoto anyun ne igochini icheget koek kirwogikwok. ²⁰Ago ngoto aone chesawilok eng mornetab Jehovah, ko kakochonchok anyun bounatetab Jehovah.²¹Ak chi ne tinye kimnatet ak kotinye karikchi che ribe gonyi, koteche tugukchi eng kalyet, ²²Ak yo kanyo chito ne kim kosiir inendet ak koterter kosare anyun inendet karikchi tugul che cham kowalege, ak kopcheita sakanikchi. ²³inendet ne magimi tuwai kogirindo, ak inendet ne magiyumi tuwai kosertoi.²⁴Yo kago manda tamirmiriet ne ya eng chito kosiir ole mami beko, kocheng'ote ole imung'e ak yo mata konyor, komwa anyun kole kawektege gonyu ole kiabunuu. ²⁵Ak yo kaiit, konyor kobugot ak ko chobot. ²⁶Kwo anyun komut tamirmirik tisab alak che yaachen kosiir inendet, kochiut anyun orit ak komeny oloto, ak yaitu atebetab chichoto kosiir ne bo tai.²⁸²⁷Ak yo kita komwae ng'alechu, komwa chepyoso age eng tuiyet kole, iberurot moet ne kisichin, ak kinaik che kichuchun. Ago kile inendet iberurotin kosiir che kase ng'olyotab Jehovah ak korib.²⁹Ak yo kingorurukchige inendet tuiyosiek kotoi komwa kole, ibini ko ibindo ne kunuur , cheng'e koborunet, ago magikochini kaborunet kobate kaborunetab Jona ne ki maotiot. ³⁰Amu kiek Jona kaborunet eng bikab Ninebe, ko u noto weritab chi eng ibini.³¹Tun ng'ete laitoriat ne chepyoso nebo murot tai eng kiruoget koboto bikab ibini ak koruokchi icheket, amu kibunu tabanwekab emet konyo kogas ng'omnatetab Solomon, ak ogeero mito yu ne o kosiir Solomon.³²Tun tonondos bikab Ninebe ak ibini eng kiruoget ak kiruokchi, amu kisik icheget eng amdaetab Jona ak ogeero, mi yu ne o kosir Jonah.³³Mami chi ne ngo kagonaam tait konde ole ung'at nda kitonget orit anan ko kurere, ago indeno kito ne tononi si komuch kogeer lapkeiyet che bendi kot. ³⁴Taitab bortang'ung kondang'ung, ingo kararan kondang'ung ko nyiitat bortang'ung komugul lapkeiyet, ago ngo ya kondang'ung konyiitat bortang'ung agine tuindo. ³⁵Keer anyun ngo lapkeiyet ne mi oriting'ung nda ko tuindo. ³⁶Ngo nyiitaat bortang'ung komugul lapkeiyet amatinye ole tui, kolapkeitu anyun bortang'ung tugul, ko u ye konin lapkeiyet tait ne ikwengtoi komie.³⁷Ak yo kita kong'alali, koguur parisaindet age kwo koamis tuwai, ak kiwo go ak kotebingeny koamis. ³⁸Ak kingogeer parisaindet kokwong, amu kiamis ama iun eut korok.³⁹koleji kiptaiyatakwe parisaik ouni barak tageito ak ketubet, ago nyiitat oriting'wong suiyondit ak yaitiet. ⁴⁰Akwe oberberen , inendet ne kyae sang ko ma ne kiyae orit agine? ⁴¹Ogoite kagochinoik che bo tuguk che mi orit ak ogeero, tililitu tuguk tugul eng akwee.⁴²Ago mutyo akwe parisaik! ogoitoi kebebertab taman ne bo ketik che mengech che nguu, ak che bo sage alak tugul, ak ometoi kiruoget ak chamyetab Jehovah, ago kita muchini oyai chuto amomete chun alak.⁴³Mutyo akwe parisaik! amu ochame ng'echerok che tororen eng kapkorosusiek ak kagatisiet ne kigatok eng orisiekab oldoisiet. ⁴⁴Mutyo akwe siriik ak parisaik! Okerge ak keringonik che matoogu, ama nae biko che bunoti barak.⁴⁵Ak kiwolji ng'omotiot age nebo ng'atutik koleji, kanetindoni, ngoto imwa ko u nyoto ko ketewerech agache. ⁴⁶Ak kole mutyo akwe ng'omotikab ng'atutik! amu okelepchini biko milotik che nyigiseneng laiset, ago akwe ko motwae milotichoto mbo eng mornet agenge.⁴⁷Mutyo akwe! amu oteeche kererisiekab maotik ago kibare kwanisiekwok. ⁴⁸Kioegu anyun baorinik ak ochamnyechi boisionikab kwanisiekwok, amu icheget che kibare ak oteeche akwe kererisiekwai.⁴⁹Kile anyun ng'omnatetab Jehovah , amu nyoto tun aokchini maotik ak che kiyokjtoi, ak kobar alak eng icheket ak konyalil alak. ⁵⁰Si komuch koruokyi ibini karotikab maotik tugul che kigitumda kongete ko kakilumda ngweny, ⁵¹Kongetee korotikab Abel agoi korotikab Sakaria ne kime eng kwenutab kaptisisiet ak gotab Jehovah. Wei amwawok ak tun ketebe ibini.⁵²Mutyo akwe ng'omotikab bg'atutik! amu kiosut yateiwot ne bo ng'omnatet ama obe orit akweget ak kiogerte che kita chute orit.⁵³Ak yo kingomong eng oloto kotoi sirik ak parisaik korikchi inendet mising ak kochikchi, si komuch komwa ng'alek che chang, ⁵⁴koribe kole ndamangab konyor ng'olyo ne mang'une kutinye asi koratee inendet.

¹Eng kasarata, yo kingoruruchge biko ngisiat che bo ntuiyet, koto kotiech ge ichege, kosib kotoi koleji kayoktoik, oistoegee bitekab parisaik, nyoto chombilisiet.²Ago mami kiy ne tuchot ne matun kesule nda ne ung'at ne matun naakse. ³Amu kiy age tugul ne omwae eng tuindo kotun kegase eng ole lakei, ak che kiochamji itit eng got orit kotun kemwoitoi eng got barak (kipkesieb).⁴Ak amwawok choronkchu ale , amoiywei che bare borto, ng'otyo ko mata komuch koyai kiy age. ⁵Ago ateiwok si onai inendet , ne nyolu keiwei. Oywei inendet ne ngo kagobar komuchi kowirji maatab kipchulio. Wei amwawok ale , oywei inendet.⁶Tos makialdae taritik mut che mengechen kebebertab mut, ne bo tongiloisiek ? ama metoo Jehovah mbo agenge. ⁷Ago iitotin sumeek tugul che bo metigoikwok. Amoiywe anyun, osiire akwe taitik che chang che mengechen.⁸Ak amwawok ale, age tugul ne iborto eng taitab biko kotun ibortoi agine weritab chi chichoto eng taitab malaikaisiek che bo Jehovah, ⁹ago inendet ne taya eng taitab biko kotun ketoe agine eng taitab malaikaisiek che bo Jehovah. ¹⁰Ak age tugul ne mwae ng'olyo ne ya agobo weritab chi, kenyochini kaat, ago inendet ne chube tamirmiriet ne Tilil ko maginyochini kaat inendet.¹¹Ak yo ka kimutak oritab kapkorosusiek ak bounik , ko mata olebche agobo kito ne owolu nda ko ne omwae, ¹²amu inetok Tamirmiriet ne Tilil eng kasarata kito ne muchini omwa.¹³Kileji anyun chito age eng tuiyet kanetindoni, mwachinowo werit ne kitupche kopcheiwo kebebertanyu nebo tugukab gaa. ¹⁴Ago kileji inendet, chichi, ngo ne kindeno aek kiruogindet ana ko pcheindet eng akwe? ¹⁵Ak kileji icheget, ogeer, ak oribge eng magetab tugun, amu metebche sobondab chi eng chang'utikab tuguk che tinye¹⁶Ak kimwach kalewenet koleji kimi magoiot age ne kiga rur mbarenyi mising, ¹⁷ak kibwati eng muguleldanyi kole, ayae nee amu matinye ole agonore bekchu? ¹⁸Ak kile, ayae ko u ni abute chogenikchu si ateech che eechen kosiir chu, si agonore bekchu, ak tugukchu tugul che kororon. ¹⁹si aleji sobondannyu, sobondannyu, itinye tuguk che chang che kororon che konorotin che ime kenyisiek che chang, imuny, amisie, eise, ak ibaibaitu.²⁰Ago kileji Jehovah, ii berber inye kimache sobondang'ung kembouni bo rani, tos bunjini ng'o anyun tuguchoto kiinyorchige? ²¹Uu nyoto anyun chito ne konorjinige magornatet inege, ne ma magorio eng Jehovah.²²Kileji anyun kayoktoikchi,nyoto anyun , amwawok ale, amogerer met agobo sobeng'wong , eng tuguk che oame, nda agobo borwekwok eng tuguk che olaachi. ²³Amu siire sobet amitwogik, ak sire borto ngoroik.²⁴Obwat chepkuginik, amu makole, ama kese, ama tinye ole konore nda choget , ago Jehovah ne bae. Osiire taritik konyil ata! ²⁵Ak ngo eng akwe ne imuchi ko kogerer met si kotes koindanyi eng koindab kekwa agenge ne bo eut? ²⁶Ngo momuchi anyun oyai mbo kiy kitigin , ko amu ne anyun si ogerer met agobo tuguk alak?²⁷Obwat taptok, ole bitito, maboisie, nda koletis, ago amwowok ale , mbo solomon eng tagurtanyi tugul, ko kima kolochige ko u agenge eng chuto. ²⁸Ago ngolakchi Jehovah ko u nyoto suswek che bo kewet che mi rani ak karon kowirji ma, ko tos siire ne tia anyun kolaakwok, akwe che otinye kayanet ne mining!²⁹Amo cheng che oame, nda che oee, ama namak kaimutik. ³⁰Amu chenge tuguchuto tugul bororiosiekab ngweny , ago inget Kwandang'wong kole omakchinige tuguchuto.³¹Ago ocheng akwe bounatetab Jehova, si ketewok tuguchuto tugul. ³²Amoiywei akwe amu ong'ering, amu baibai kwandang'wong kogonok bounatet.³³Oalde che otinye, si ogoite kagochinoik. Onapchige lolonik che maosegitu, konorutik eng kipsengwetisiek ne mabegu, ole marikchini chorik ama ng'eme talamik. ³⁴amu ole mi konorweng'ung, ko oloto ole mi muguleldong'ung agine.³⁵Ongegimit suwetikcho ak ingololyo taisiekwok, ³⁶ak ogerggeitu ak biko che kanye kiptaiyandengwai kowechgei kobunu tumtab katunisiet si ngo nyo ak kogonykony koatyi kasarata.³⁷Iberurotin , otwogichoto, che nyoru kiptayandanoto koribse ye nyo amwowok iman ale ratege ak inendet ak chobe bichoto koteb ngweny eng ole amisie ak kwo kobai icheget. ³⁸Ak ngo nyo eng ripset ne bo aeng, nda ne bo somok , ak konyor ko u nyoto, ko iberurotin anyun otwogichoto.³⁹Ago onai ni ole nda kinget kiptaiyatab go kasarta ne nyoni chorindet ta kiripse ko to kima kobagaktoi gonyi kobut chorindet. ⁴⁰Ochopge ak akwe amu nyoni weritab chi eng kasarta ne mobwati.⁴¹Koleji anyun Petero, kiptayandani, imwawech ache kalewenoni nda imwachini biko tugul? ⁴²kole anyun kiptayat ngo anyun ribindet ne kiyoni ak ko ngom, ne indoi kiptayandenyi kotononji gonyi, ak kogochi amitwogikwai che ame eng kasarta ne makaat? ⁴³Baibai otwogindonoto, ne nyoru kiptaiyandenyi koyae ko u nyoto. ⁴⁴Amwowok iman ale, indeno chichoto kotononji tugukchi tugul.⁴⁵Ago ngo mwa otwogindonoto eng muguleldanyi kole, igeigei kiptayandennyu masib koit, ak kotoi kobar otwogik che murenik ak che tibik , ak koamis ak koeeiso ak kobogit, ⁴⁶weechege anyun kiptaiyat ne bo otwogindonoto eng betut ne kama kiganye ak eng kasrata ne mane, ak kobir mising , ak kopchechi kebebertanyi koboto che matinye kayanet.⁴⁷Ak otwogindonoto ne kiinget ole magdo kiptaiyandennyi, ama kochopge nda koyai ko u magenyi, kebire birutik che chang. ⁴⁸Ago inendet ne kima konget ak koyai tuguk che muchini biret , kebire birutik che ng'ering. Ak age tugul ne kigigochi che chang kotun kemage che chang; ak indet ne kigochi korib tuguk che chang kotun kimage inendet che sire choto.⁴⁹Kianyo awirji maat ngweny, ne anyun amache nda kokagolal kasarita! ⁵⁰Ago atinye kabatisanet ne tatuun kibatisanena, kamarigityo ne tia agoi koitita.⁵¹tos obere kiacho agonu kalyet konyo ngweny? amwawok ale , ololo ago besiet. ⁵²Amu kong'etee rani kopcheegee biko mut che mi got agenge, taitos somogu, aeng ak kotoiyo aeng somok. ⁵³Pcheegee kwanda ak werit, ak werit ak wanda, kamet ak cheptannyi, ak chepto ak kamet, ak chepyosetab werit ak kametab werit.⁵⁴Kimwachi anyun tuiyet koleji, yo ogeer kotogosu boldet eng cherongo ole mache korobon ak koaak ko u nyoto. ⁵⁵ak yo ogeer chepchurchuryet ne churchureni murot ne bo tai , ole mache koit kemeut ne ng'wan, ak koyaak ko u nyoto. ⁵⁶Kipchabairumisiek onget obesie ole teptoi ngweny ak kipsengwet, kainee anyun si monai ole teptoi betusiechu?⁵⁷Kaine si moruoch akwege agobo tuguk chebo imanda? ⁵⁸Amu yoto obendi ak bunyondeng'ung taitab kiruogindet, igiilge obendi eng oret si koundin, si mata ngomutin taitab kiruogindet, ak komutyin kiruogindet ribindet ak kotoorjin riibindet korkoret. ⁵⁹Amwaun ale magoi imong'une oloto agoi iyaakte tongiloyot ne bo let.

¹Kimi biko alak eng betusiechoto che kimwoji inendet kole mii Galilik che kingol pilato korotikwai ak tiseiwekwai. ²Ak kiwolji kole tos ibwati ile Galilik chu ko ki kiptengekin kosir Galilik tugul amu kinyalilyo? ³Amwowok akwe ale ngoto mosigu obeku ko u noto.⁴Nda kochoo taman ak sisit che kilulji kot eng Siloam ak kobar icheket kobwati ole kii kiptengekin kosir biko tugul ce kemeng'ikab Jerusalem? ⁵Amwowok akwe , olo ngoto mosigu obeku ko u nyoto.⁶Ak kimwa kolewenoik kole kimi chi ne kikol mokoiywet eng mbarenyi , ako kiwechke kocheng logoek amanyor akot agenge. ⁷Ak kimwoji kiboitiot nebo mbareni koleji kiawechkei eng kenyisiek somok kinyacheng logoek eng mogoiwoni amanyoru. til kolul amune si koamei nyungunyek buch⁸Ak kiwolji koleji kiptayandani ngotebi kenyini inege si asemberji ak andene ng'atatek. ⁹Ak ngotomaii logoek nda koii kongete rani komie, ak ngotomaii atil anyun kolul.¹⁰Ak kinetisie eng kapkorosut egenge eng betutab sabatho. ¹¹Ak keero kimi chepyoso ne kimongeete kenyisiek taman ak sisit ak kigeng'uruch ak kimemuchi kotonon.¹²Ak kingogeer Jeiso inendet kokur ak koleji chepyosoni kaketiachin. ¹³Ak kikonor eunegchi inendet ak kitonon ak kolos Jehovah. ¹⁴Ak kinerech kandoindetab kapkorosunoto amu kinyoiso Jeiso eng betutab saet ak kimwoji biko kole , mi betusiek Lo chebo boisiet si kobwa keenya, ama eng betutab Sabato.¹⁵Ak kiwolji kiptaiyat kole kiptengekinichu tos eng akwe tugul otiachi tukwok nda ko sikiroikwok ak okweri koee beko? ¹⁶Ak cheepyosoni ne cheptab Abraham ne kiraat chesawil kenyisiek taman ak sisit makimuchi ketiach eng betutab saet?¹⁷Ak kingoto komwae ng'alechu , konerekyo bunikyik ak kokass koya, ak kiboiboitu biko tugul ak koloos Kiptaiyat.¹⁸Kimwa kole kergei bounatetab kiptaiyat ak nee? tos keerge ak nee? ¹⁹Tos keerge ak kesuiyotab logoiywet ne kisuut chi ake ak kowirchi mbarenyi ak korut ak koek ketit komie ne o ak kitekchi taritik korikwai barakutab sokeek.²⁰Ak kimwa kogeny kole tos kerge bounatetab kiptaiyat ak nee? ²¹Tos kergei ak bitek che kiuny chepyoso ak kongol mang'ang'a somok ak busiek okoi tun koruryo tugul.²²Ak kiwo inendet kubuunot kokwatunwek ak suktosiek konetisiote ak koruto kotokchigei Jerusalem. ²³Ak kileji chito ake, kiptayandeni tos mii che ng'ering che tun kesoru? Ak kiwolji kole, ²⁴ogiljigei ochut kaborut ne marich, amu amwowok ale iite kocheng kochut che chang orit amemuch konyor.²⁵Ak tun kang'eet chitab kobo kaita ak koger kurget ak otou otononse eng sang ak ogonygony kurget, ak ole kiptaiyandani yatwech ak kowolwok inendet kole mangenok ak ole obunu. ²⁶Kitou icheket kole kikeamisie ak keere tugul ak kinetisie eng ortunwekcho. ²⁷Ak tun mwae kole mangen ole obunu obechigee oistoenokee akwe yaikab cholwok.²⁸Ako tun anyun ko mi rirek ak nyeetab kelek nda tun ogeer Abram ak Isak ak Jacobo ak kiboitinikab kiptaiyat ak kewirchok akweket sang. ²⁹Ak tun bunu kongasis ak cherongo ak chebunu murot tai ak chebunu murot kataam ak kotebi ingweny eng oltab kiptaiyat. ³⁰Ak keero mi che bo let che tun egu chebo tai ak mi che bo tai che tun egu che bo let.³¹Kibwa parisaik eng betunoto ak koleji nget ak iwechike amu mache Herod si kobarin. ³²Ak kileji icheget oba omwachi cheleleinoto oleji keero aone oik ak anyaii biko rani ak mutai ak betut nebo somok ko kaatar boisiennyu. ³³Ago awendi bandanyu rani ak karoon ak betut ne rube amu magoi keng'em kiboitiotab kiptaiyat eng sang ne bo Jerusalem.³⁴Ee Jerusalem, Jerusalem, inye ne ibare kiboitinikab kiptaiyat ak iwire ng koiik icheget che kakiok. Kiamach konyil ata aruruch legukuk ko u ingokiet ne iruruchi arekchi eng kebebaickchi ako mochaam. ³⁵Keero kikebokokun kong'wong koek kiratia ak amwawok ale mokero agoi tun omwa ole iberurot ne kichoni eng kainetab kiptaiyat.

¹Ak kingwo kotab bounintet agenge ne o nebo parisaek koamis eng betutab sabato, keribot inendet. ²Ak keero , kimi chi eng taitanyi ne kitinye kanuket ne ya. ³Ak kitebe Jeiso kongololjini kirwogikab ng'atutik ak parisaek, koleji tos chamtaat kiinya chi eng betutab saet?⁴Ak kisisyo, ak kimuut inendet ak konya ak kotiakta kowejikee. ⁵ak kimwoji icheket koleji, ng'o eng akwee ne ngochut sikiryenyi nda ko eitonyi keben komosoru amu betutab sabato? ⁶Ak kisiisyo icheket eng ngalek tugul, mawolji kiy.⁷Ak kimwoji kalewenet eng icheket che kikakikurji tumdo, koker icheget koleweni ngecherok chebo tai, kowolji icheket koleji, ⁸Ngoto kakiguurjin tumdab katunisiet, ngot koitebee ngecherok chebo taai , ngotocho chi neo ne kekonyiti ako kakikuur inendet. ⁹Ak si konyo agenge eng akwek tugul che kakiguurok ak kolejin ikochi chichi ng'echeret nebo tai , itou anyun iwe ng'echerokab let ak ing'ortoti.¹⁰Ago ngekuurin iwe itebe ng'echerok chebo let, asi ngo cho chito ne kaguurin komuchi kolejin , chorwenyu imuchi itebe ng'echerok che mi tai, ak inyoru anyun tegiis eng kwenutab che oamisiei tugul. ¹¹Amu age tugul ne itororige , kemining'iti, ago ne imining'itigee ketorori.¹²Ak kileji anyun chichoto kigataach inendet, kole tos ngichob amitwokikab bet nda ko che bo koskoleny, ko matiguur choronokuk che otupche, nda ko tilionutikuk, nda ko magorekab kokwet, ak ile si tun koguuro icheket ak kowegun chekuget.¹⁴¹³Ago ngichob amiwokikab tumdo, iguur che bonondos, ak chebo mugungonik, ak che ingwoldos ak che koriotin, si keberurin, amu matinye icheket cheweegun amu tuun kewegun eng ng'etietab chebo iman.¹⁵Ak kingogas tuguchuto chito age ne kiamistos tugul , kowolji koleji, iberurot inendet ne tun koamisie eng bounatetab Jehovah. ¹⁶Ago kileji, kimi chito ne kichob amitwogikab koskoleny ak kotaach che chang. ¹⁷Ak kiyokto otwogindenyi eng saitab amitwogik koguur che kiga kemwoji keleji kobwa, amu kagocobokis tuguk tugul.¹⁸Ak Kiwool tugul eng kibagenge amu nee si memuchi kobwa. Nebo tai kowolji, kiaal mbaret ara awendi bo ageere, ara asome itiaktaa. ¹⁹Ak kiwol age kole, kiaal eikchu c chokisiek mut, awendi atieme ara asomi iitiaktaa. ²⁰Ak kole age koatun kwandannyu ara mamuchi acho.²¹Ak kwechke otwogindenyi ak ng'alek tugul che kiwol bichoto. Koepchi iit mokoryonyi ak kinerech mokoryotab koot, koleji otwogindenyi, wui ichakte iwe ortinwek che eechen ak che mengechen eng emet ak imutu kibananok, chebo mgungonik, che ingwaldos ak che koriotin. ²²Ak kile otwogindonoto, kiptayandani, kigoyaak amu kou ye keng'aat, ako manyi biko.²³Koleji anyun kiptaiyat otwogindennyi, ui ortinwek che eechen ak rotiosiekab marenik ak isaisai kobwa go , si konyi konyu. ²⁴Amu amwoun ale bicho tugul ki kagur ko makoi chamcham amitwokikchu.²⁵Ak kiba inendet ak sikom neo ak kiwechke inendet kogeer let ak kole, ²⁶ngo wekchoke chi ak mata saas konunyi ak kamet ak kwondonyi, ak legukchi ak che tupcho ak tibikwai, wei ak sobondanyi, ko makoi oegu kayoktoikchu. ²⁷Ak chi age tugul ne makeseni kimurtoiyonyi ak korupkaa ko makoi koegu kayoktoindenyu.²⁸Amu ngo eng akwe ne mache kotech got ne koi ko mateb ngweny korok ak kotet ak koit , ngoto tinye tuguk che imei kotar tekset? ²⁹Si ma ngakotononio tiik koitita ko maimuch kotar , keero ketou kechotachot inendet ne keerei, ³⁰kole kitoi chichi koteekso ago ma imuch kotar.³¹Nda ngo laitoriat ne wendi boriet ak laitoriat age korok ko tomo kotebi ng'weny korok ak kotebee bikchi ngoto imuuchi elubusiek tamanu koborio ak chito ne tinye elubusiek tiptem? ³²Nda ngoto tokomi age ole loo koyokto ng'olio ak komach inendet koyai kalyet. ³³Ara anyun chi age tugul eng akwe ne mabogoktoi tugukchi tugul ko maimuchi koek kayoktoindenyu.³⁴Munyek ko kororon, ako ngo ne teese anyinyindonnyi ko kakobek, anan kianyinyindoi ano kokeny? ³⁵Ma ko bo kiy eng emet agot eng eng kapng'ataat. Kiwirtoi kityo. Inendet ne tinye itiik che kikostoe, koep iit.

¹Ak kiriikyi inendet taagikab koti tugul ak kiptengekinik asi kogas inendet. ²Ak kiing'ung'ungyo parisaik ak siriik kele taachei chichi kiptengekinik ak kaamisiei tugul.³Ak kimwoji icheket kalewenoni koleji, ⁴ngo chi eng akwe ne ngo tinyei kechirek bogol ak ngobet agenge eng choto ke tos mabagakta choto tamanwogik sogol ak sogol eng tumoo kwen ak kwo kocheng'aat noto kobet agoi kenyor? ⁵Ak kingonyor konde tigikyennyi ak kobaibait.⁶Ak kingoit gaa , koguur chorondokyi ak bikab kokwet kururuch, ak koleji ongebaibaitu ak ane amu kanyoru kechennyu ni kya kobet. ⁷U nyoto anyun amwowok ale , egu nyoto tun boiboiyet eng kipsengwet eng kiptengekyot agenge ne kasiik, sirei bik che bo iman tamanwogik sogol ak sogol chemamage kiy sigunet.⁸Ngo chepyoso ne tinye tongiloisiek taman,ak ngobet tongiliot agenge , ko tos mailal matap romoriot ak kobuch got ak kocheng missing agoi konyor? ⁹Ak kingonyor koguur chorondokyi ak bikab kokwet koruruch ak koleji ongebaibaitu ak ane , amu kaanyoru tongilyonnyu ne kia kobet. ¹⁰U nyoto anyun amwowok ale mitei baiboiyet eng malaikaisiekab kiptaiyat eng kiptengekyot agenge ne kasik.¹¹Ak kile , kimi chii anyun ne kitinye werikyi aeng, ¹²ak kileji werit ne mining konunyi, aboo, kona tuguk ce tun ipchewo, ak kipchechi icheket tugukchi.¹³Ak kingobata betusiek che ng'ering , korach weroto tugukchi tugul, ak kwo emet ne loo, kwo konyernyere eng oloto tukukchi eng atepto ne ya. ¹⁴Ak kingo kagotar tugul konyo rubet ne o emonoto, kotoi anyun kobanan.¹⁵Ak kiwo inendet kotisyike chi ne bo emonoto ak kwo koyokto koyaga torok eng mbaret. ¹⁶Ak kimache missing kole kobiyony metetek che kiame torok amu kimegochi chi kiy age tugul.¹⁷7Ak kibwat komwa kole, tia otwogikab aboonyu che tinye amitwogik che eme koto nget, ago ami ko kabara ruba eng yu! ¹⁸Angeete ak awe ole mi konunyuak aleji, aboo kiacholwogenji kipsengwet ak eng taing'ung. ¹⁹Ma ko nyaljino kie kegureno wering'ung, ingaeku agenge eng otwogiguk.²⁰King'eet anyun kw ole mi konunyi. Ago kingo to komi ole loo, kogeer inendet konunyi ak korire inendet, ak kilabat kwo ak koleji aasak ak kong'utut. ²¹Ak kileji weri, Aboo kiacholwogenji kipsengwet , ak eng taingun'ung, ak ma ko nyoljino koto keguureno wering'ung.²²Ago kileji konut otwogikyi oibu ochogune ngoriet ne kararan ne sirei tugul ak ondenochi muguriot mornenyi ak olookyi kweinik. ²³Ak ogetu moita ne nerat ak oeny si keamak keboiboitu! ²⁴Amu werinnyu ne kia kome, ago kagosob kogeny, kia kobet ak kwanyoru, kitoi anyun koboiboitu.²⁵Ak kimi werinyi ne o mbar ak kingorik olelegit got kogas cheetab tiendo ak ureriet. ²⁶Ak kiguur agenge eng otwogik, ak kotebe kole nee tuguchu. ²⁷Ak kileji kagoit kesendang'ung ak kagoenji aboong'ung moita ne nerat amu kagotaach inendet kotakosabei.²⁸Ak kinerech ak kitai kwo go ak komong knunyi sang kosaisai. ²⁹Ago kiwolji konunyi koleji, keero kiaotin eng kenyisiek che chang ama but ng'atutieng'ung ak kima igonoo arua asi keboiboitu ak choronokchu, ³⁰ago ki ngakonyo wering'ung ne kibogoam tugukuk ak chepkugonik iengji anyun moita ne nerat.³¹Ak kilji weri, imi uwai betusiek tugul ak tugukchuu tugul kocheguk. ³²Ak kanyolu keboiboitu ak kegaasge amu kesendang'ung nyi ko kia kome , ago kagosob kogeny, kia kobet ago kakenyoru.

¹Ak kilji kayoktoikchi, kimi chi ne kimokorio ne kitinyei ribindetab konyi ne kiging'ololen kele kinyernyere tugukab mogorionyi. ²Ak kiguur inendet ak koleji nee ngalechu aagase akobo inye, iboru kira boisietab ripseng'ung, amu ageere ale imuchi maiegu ribindetab konyu kogeny.³Ak kimwa ribindonoto eng muguleldonnyi kole, ngo sayai nee anyun? Amu kigoistoo kiptayandennyu eng boisiet amatinnye kimnatet abatis, ale asomso ko katewerge. ⁴Kaanai kito ne ayae, asi ngo kageona eng boisiet, komuchi kotaacha eng gorikwai.⁵Ara kiguur icheket tugul che tinyei besendab kiptayandennyi ak koleji nebo tai, itinye inye besenwokik che tia chebo kiptayandennyu? ⁶Ak kileji, terenik bogol chebo mwanik, ak kileji nam balalieng'ung ak isir konom. ⁷Koleji age kibesen inye ata? Kole terenik bogol chebo nganuk, ak koleji nam balalieng'ung ak isir tamanwogik sisiit.⁸Ak kiloos kiptaiyat otwogindonoto ima kobo iman, amu kayai eng ngomnotetamu ngomen werikab ngwenyuni eng ibindagwai kosiir werikab labkeiyet. ⁹Ak amwawok ale ochengchige chorondok eng oretab magornondi asi tun ngog, ndama tun ngogesgei ,, ndama tun kotaachak eng gorikab koigeny.¹⁰Inendet ne kiyani eng che ng'ering, kiyani agine eng che chang, ak inendet ni makiyani eng che ng'ering ko makiyani eng ole mi che chang. ¹¹Ngoto ki maiegu nebo iman eng magornatet ne ma bo imanda , ko ngo ne imuchi koyanin eng magornatosiekuk che bo iman? ¹²Ak ngoto kimata iegu ne kiyani eng tugukab chito age ko tos ngo anyun ne konok tuguk chekwok?¹³Mami otwogindet ne imuchi koboisiechi kiptainik aeng, amu akoi konyernyere age, ak kocham age, nda konamgei ak age ak kosaas age. Momuchi oboisiechi Kiptaiyat ak magornotet.¹⁴Ak anyun Parisaik che kichame silingisiek ko kigas tuguchoto tugul ak kororichi inendet. ¹⁵Ak kileji, akweget che okararanige eng taitab bik, ago inget kiptaiyat mugulelwogikwok, amu age tugul ne iloosubik ko machamdaat eng taitab kiptaiyat.¹⁶Kitebi ng'atutik ak maotik agoi koit Johana . Kong'eete betunoto keamdoi logoiwek che tililen che bo bounatetab kiptaiyat, ak mangjini chi age tugul eng kimnatet. ¹⁷Ago wisiis kosiirto kipsengwet ak ng'weny, kosiir kebut sirutiet agenge ne bo ng'atutik.¹⁸Age tugul ne oone chepyosenyi ak kotun age kobaegei, ak chito ne ituni inendet ne kiagoon sandennyi ko chebaigeiya.¹⁹Kimi chi anyun ne kimagorio ak kiloji ngoroik che kiga kimarmare che arusen ne birir ago ki nyikisen, ago ki kiptaguria ne kiamisie komie betut age tugul. ²⁰Ak kimi kibanania ne kisome ne kigiguree Lasaru, ne kigakimogon eng kurgenyi, ago kitinye mook eng bortannyi tugul, ²¹ak kimache inendet kebae tuguk che irarau eng mesetab mogoriandeni ago kibwa seseni ak komeel mookab chichoto.²²Ak kisiirto kibananianoto etut age, ak kimutyi malaikaisiek inendet konde tegetab Abram, ak kime agine magoriondonoto ak kigitub, ²³ak kingo mi oritab che kigobek konyal barak komi nyalida neo, koger abram komi ole loo komi Lasaru tegennyi.²⁴Ak kite ak kole , Aboo abram rirena ak ikoji Lasaru kotiny beko eng walitab mornennyi , si kotiswo ng'elieptannyu amu ami ngw'anindo eng mai lalei mising.²⁵Ago kile Abram, weri inaan ile kingo isobe ko kiinyoru tugukuk che kororon, ko u nyoto Lasaru kinyoor agine tuguk che yaachen, ago ra kibaibai inendet eng yu, ago inye imi ng'wanindo ne o. ²⁶Ak tabanutab tuguchu tugul, ak eng kwenunnyo komi kererut ne o ne ibesiech ache ak akwe asi che mache kolong oloo omi ko maimuchi, ak che mache kolong oli kimi ko maimuchi.²⁷Ak kile asaisain anyun baba ale iyokte inendt kwo gotab kwandannyu- ²⁸amu atinye tupchosiekchu mut, kwo koteechi icheket asi mabwa ole mi nyalilda ne o.²⁹Ak kileji Abram, tinye Musa ak maotik, ngogas icheket. ³⁰Ak kileji ololo Aboo abram, ago ngoto wo chi ole miicheget ne bunu oritab che kikomeiyo ko sigu. ³¹Ak kileji inendet ngoto magas chebo Musa ak maotik, kotoe koyan mbo chito ne ng'ete eng che kikomeiyo.

¹Ak kileji Jeiso kayoktoichi, imuchi ko memukakse, age anyun ko bwani kaimutik ne matiny, mutyo eng inye ne bunun! ²Kita keigei eng inendet keratyi koitab bai katinyi ak kewirji ainet neo , kosir kotaachtach che mengechen kobutyo.³Oripge akweket , ingoto lelun ne otupche ikergong, ak ngoto siik inyochigaat. ⁴Ak ngoto lelun konyiil tisap eng betut agenge ak kowechke konyiil tisap ak kole kaasiku, inyochi kaat.⁵Ak kileji che kiyoktoi, kiptayandani, tesweech kayanenyo. ⁶Ak kile kiptaiyat, ngot ko itinye kayanet ne kerke ak kesuekab karandila, imuchi imwoji mogoiywoni ile ketutun imang'une tikitik ak keminjin ainet ne o, ak kogasak iit.⁷Ago mi ngo eng akwe ne tinye otwogindet ne ibatisiei nda kobae tuga, ne leji yo kait kobunu mbar, nyo itebi ngweny ak iamisie? ⁸Tos maleji inendet, keigei ichobwa tuguk che aame ak igona, ngo kaamisie ak aeise asi ngaitie, imuchi iamisie ak ieise aginye?⁹Tos wekji kongoi otwogindennyi amu kayai tuguk che kakearorji? ¹⁰Ara u nyoto eng akwe , ngaoyai tuguk tugul che kaororwok, omwa ole kii otwogik che matilei kiy, kagiyai kityo tuguk che kikakiororwech keyai.¹¹Ak kingo mi oret kowendi Jerusalem, kobunu kwenutab Samaria ak Galili. ¹²Ak kingo it suktet age kotuyo ak murenik taman che kiame kerenganik, kinondos eng ole loo ¹³ak kigurso eng kimnatet neo, kole Jeiso kiptaiyat rirenech.¹⁴Ak kingogeer icheget koleji oba bonyoru tisiik, ak kingobendi kotililitu. ¹⁵Ak kingogeer agenge eng icheket kole kagosob, kowektage ak kotienot eng kutiit ne o kolosunoti Jehovah. ¹⁶Ak kibutyi kelyekab Jeiso komwachini kongoi. Ak ki samarindet chichoto.¹⁷Ak kimwa Jeiso , kole , tos ma ka taman che kakisoob? miano chigei alak sogolu? ¹⁸Tos mi mbo alak che kawechke kolos Jehovah nda kipsirtoyondoni kityo. ¹⁹Ak kileji inendet ngeet ak iwechike kagonyain kayaneng'ung.²⁰Ak kingo teebe parisaek koleji tos choni au bounatetab Jehovah, kiwolji icheget koleji, machoni kegeronu. ²¹Ama kimwoei kele geero mitei oli, nda komi olin! ogeero mito bounatetab Jehovah kwenung'wong.²²Ak kimwoji kayoktoikchi koleji tatun bwani betusiek che omache ogeer betut agenge ne bo weritab chi, ago maomuchi ogeer. ²³Ak tun kelejinok ogeer mi yu, nda ogeermi yun amat obe , nda oub icheket. ²⁴Amu kerge ak kaweket ne ilyelune kebeberta age eng kipsengwet ak kokwenyi agoi komoswek alak chebo kipsengwet, tun u nyoto weritab chi agine eng betunyi²⁵Ago iite konyalil inendet eng tuguk che chang ak kesaas eng ibini. ²⁶Ak ko u ye ki u eng betusiekab Noa, ko u nyoto agine eng betusiekab weritab chi. ²⁷Kiamis, koeiso ak kiib chepyosok che chang, kigoito ketun, agoi betut ne kichu Noa maingenyi ak kinyo chemurwambei ak kibar icheket tugul.²⁸Kerge ak betusiek che kibo lot, kiamisie , kieise, kialisie, kiodoi, kigolso ak kitekso. ²⁹Ago betut ne kimanda Lot eng Sodom ak kirobon maat ak koik che laldoskobun kipsengwet ak kobar icheket tugul.³⁰Ko u nyoto anyun , ngoit betut ne kiboru weritab chi. ³¹Eng betunoto, chi age tugul ni mi got barak matiwalu chisut tugukuk che mi got oriit, ko u nyoto matiwechke mbo inyo ne imite mbar koto mewechke.³²Onaan chepyosetab Lot. ³³Age tugul ne tieme kosor sobondannyi kobeeti, ak age tugul ne ibeti sobondannyi kesoru³⁴Amwawok ale eng kembounoto, kenyoru bik aeng eng kitogut ageneg, kimuti agenge kemeto age. ³⁵Tun ng'oisei chepyosok aengu kibagenge, kimuti age kemeeto age. ³⁶Tun mi biko aengu mbar, kimuti age kemeto age.³⁷Ak kitebe inendet koleji, ano kiptayandani. ak kileji ole mi musyot, korurukchinige oloto motongwek agiche.

¹Kimwachi anyun kalewenet ole nyolu kosa betusiek tugul ama meiyo mugulel, ²kolwji kimi kirwogindetab ng'atutik eng kokwet age , ne kimogokonyiti Jehovah ak kimeiti chi.³Ak kimi mosog eng kokwonoto ak kinyor inendet ak koleji yoktowo mogetut eng bunyondennyu. ⁴Ak kitai eng betusiek che chang, ago eng let komwa eng muguleldannyi orit , agot ngo maiyweiJehovah , amaitii chi, ⁵ago amu inyolilo mosogeni, kole ayoktoji mogetut, ngototo konyil kochoni atkai kora,si mako choni konyil age koimo.⁶Ak kile kiptaiyat ogas kiito ne kimwa kirwogindet ne kunuur. ⁷Tos mayaji Jehovah imanda che lewenotin che rirjini inendet bet ak kemoi? Igae ge iman inendet eng icheget? ⁸Amwowok ale yachini inendet icheket imanda kochokchini, ago tun ngo wechge weritab chi , kotos nyoru kayanet eng ingweny?⁹Ak kimwoji kalewenet eng icheket che kiyonige kole, kibo imanda , ak kochoos biko tugul. ¹⁰Koleji kiba biko aeng kotogosta kotokchige kapkorosut bo kosa, agenge ko ki parisaindet, ko age ko ki togindetab aisurut.¹¹Kitonon parisaindet kosa, komwa inegei ko u ni kole, Jehovah amwaun kongoi amu ma kikerge ak biko alak, che chorik, che mobo iman, che ibege, nda ko togindoni bo koti. ¹²Arue kut konyil aeng eng egosiek tisap, agoiti kebebertab taman eng tuguk chu che anyoru.¹³Ak kitonon tagindetab aisuru eng ole loo ago macham kochil kipsengwet, kobir tegenyi kolen , Jehovah nyoiwo kaat lelutikchu. ¹⁴Amwawok , kirekto chichi kwo konyi ko koek nebo iman kosiir nin age, amu age tugul ne itororege kemining'iti , ak age tugul ne imining'itige kotun ketorori.¹⁵Kigimutyi inendet chererok si kootiny , ak kingogeer kayoktokchi koger kong. ¹⁶Ago kiguur Jeiso icheket kobwa ak koleji, ochamji lagok che mengech kobwa ama totaee amu bo che u chu bounatetab Jehovah. ¹⁷Amwawok iman ale age tugul ne mataache counatetab Jehovah ko u lekwet ne mining ko magoi kochut oloto ne matiny.¹⁸Ak kiteebe bounindet age kol, kanetindoni makaat ayai ne ane si anyor sobondab koigeny. ¹⁹Ak kileji Jeiso , amu nee si iguureno ne kararan , mami age ne kararan kubate agenge noto ko Jehovah. ²⁰Ingen ng'atutik, amoipge, amerumisie, amechorse, amemwa lembech, tegis kon ak komet. ²¹Ak kile kiarib tuguchuto tugul kong'ete amining.²²Ak kingogas Jeiso koleji toko betoot kito agenge eng inye, alde tugul che itinye ak iropchi che banandos asi inyoru konorwet eng kipsengwet, ak irupka. ²³Ak kingokas inendet tuguchu kochool mising amu ki mogorio kosoob.²⁴Ak kingogeer Jeiso inendet, komwa kole korom ne tia eng che tinye magornandit kochuutbounatetab Jehovah! ²⁵Amu nyumnyum eng tamesiet kochutkondab katet kosiir kochut magoriot bounatetab Jehovah.²⁶Kimwa anyun che kigase kole, ara ng'o anyun ne kesoru? ²⁷Kiwolji Jeiso anyun kole, tuguk che koromen eng biko komugakse eng Jehovah.²⁸Kowol Petero kole, keero, kagebagakte tugukcho tugul ak kerubin. ²⁹Ak kileji icheket, kole amwawok iman ale mami chi ne kimeeto got nda ko sigiik nda ko chetupcho, nda ko chepyoset nda ko leguk agobo sobondab koigeny, ³⁰ne manyoru che changkosiir eng betusiechu, ak sobondab koigeny eng betusiek che bwani.³¹Kimut taman ak aeng koba ole mi ak koleji ogeero , bgebe agoi Jerusalem, ak kosulda tuguktugul che kisiir maotik agobo weritab chi. ³²Amu kindeni inendet eunekab bororiosiek asi kechoo, ak kitewer, ak kesingilji. ³³A kibire kipchoritit ak kebar ak kong'eet kogeny eng betutab somok.³⁴Ak kimanai icheket tuguchoto mbo agenge, ak kiung'ak ngalechuta eng icheket ak kimaibesio tuguk che kikamwa.³⁵Ak kingorikta Jeriko, kotepche ngweny eng oret taban kipkoratia ak kosomse., ³⁶ak kingogas kosirtoi tuiyet keteeb kole nechu. ³⁷Ak kimwochi icheket koleji , Jeiso ne bo Nasaret ne sirtoi.³⁸Ak kiwaach kole Jeiso weritab Daudi rirena. ³⁹Ak kiger kong inendet anyun che kiindoi, kole kosis, ago kiteshi kowaach mising kole, weritab Daudi rirena.⁴⁰Ak kitonon Jeiso ak kong'at kimutyi inendet kwo ole mi, ak kingo rikta koteebe inendet , ⁴¹kole imache ayaun nee? Ak kile kiptaiyandani amache ageerto.⁴²Ak kileji Jeiso, keerte. Kagosobin kayaneng'ung. ⁴³Kigeerto anyun kasarata ak korub inendet kolosunoti Jehovah ak kingogeer tuiyet komugul kogonyit Jehovah.

¹Kimongji ak kobun kwenutab Jeriko. ²Ak keero, kimi chi ne kigigure Sakayo ne ki ne o eng taagikab aisurut ak ki mogorio³Ak kicheng'e kogeer Jeiso, ak konai kole ng'o inendet, ak kimaimuch amu tuiyet amu kinwach. ⁴Ak kilabat kondoe ak kolany mogoiywet barak si kogeer amu kigas kole bunu oranata.⁵Ak kingoiit Jeiso yoto, kochil ketoto ak kiger inendet Sakayo, ak koleji, tiem woluamu rani arue kong'ung. ⁶Ak kiwol eng chokchinet ak kotaach inendet eng boiboiyet. ⁷Ak kingogeer bichoto kongunynguny tugul, kole kawa kotebi eng gotab chito ne kiptengekcho.⁸Ak kitonon Sakayo akkoleji Kiptaiyat, keero kiptayandani, akochini kibananok kebebertab tugukchu, ak ngoto mi chi age tugul ne kiaibe kiy eng kenisiet awekchini konyil angwan. ⁹Ak kileji Jeiso kagonyo sarunet rani goi, amu weritab Abram agine inendet. ¹⁰Amu kinyo weritab chi kocheng ak kosor ne kia kobet.¹¹Ak kingoto kogase tuguchu, kitees ak komwa kalewenet, amu kilegit Jesrusalem, ak kibwati icheget kole toogu bounatetab Jehovah eng baanata. ¹²Kimwa anyun kole, kimi chi anyun ne togunot eng emonoto ne kiwo ole loo bo konaam bounatet kobunji ak kowechke.¹³v 13 Ak kiguur otwogikchi taman ak kogochi robiisiek taman, ak koleji oripwo agoi tun awechke. ¹⁴Ago kisaas inendet bikab emenyi, koyokto ng'olyot korube inendet kole makimache chichi koboiywech. ¹⁵Ak kingowechke kogeny, kakonam bounatet kiguur inendet otwogikchi tugul che kigochi robiisiek , asi konai kole kinyor age tugul ata eng boisiet ne kiyai.¹⁶Kinyo ne bo tai ak kole , kiptaiyandani, kinyor robiisiekuk robiisiek alak taman. ¹⁷Ak kileji inendet kiyai ne ko kararanit amu kiyai ne mie eng kito ne mining, kagonin kokwatunwek taman ibou.¹⁸Ak kinyo ne bo aeng ak kole kiptaiyandani robiiisiekuk ko kinyor robiiseiek muut alak. ¹⁹Ak kileji nyoto agine bou kokwatunwek muut.²⁰Ak kinyo age ak kole kiptayandani , aranyi robiiyeng'ung, ne kia konorun komie, ²¹amu kiaiywein , amu ii chi ne korom , inemu ne ngoto kimende ngweny , nda ko iges che kima igol.²²Koleji anyun inendet, aruogun agobo ne kemwa eng kuting'ung inye otwogindeni ya kiigen ile ai chii ne korom, anemu ne ngoto kimande ngwony ak agese che kima agol. ²³Kiyainee anyun si mende robiisiekchu ole kiwalawali , nda kaanyoru ko kaitu koboto che kitesakis.²⁴Ak kimwochi icheket che kitonondos eng ole legit , osare inendet robiisiek ak ogachi inendet ne tinye robiisiek taman. ²⁵Ak kileji icheket inendet, Kiptayandani, tinye inendet robiisiek taman.²⁶Amwawok ale chi age tugul ne tinye kigochiniago inendet ne matinye, kesore mbo ne tinye. ²⁷Ago omutu anyun bunikchutu chuget kobka yu che machameaboi asi obar eng tainnyu.²⁸Ak kinga komwa ko u nyoto, kwo kondo kolonye kotokchinige Jerusalem.²⁹Ak kinga kagorikchi Betpage ak Betania, eng tulwet ne kiguure tulwetab emitik, koyokto aeng che ki kayoktoikchi, ³⁰koleji oba agoi oiit kokwet ne mi taing'wong ak ngoiit ogeer nmoitab sigiriet ne ratat ne tomo kolany chi, otiach ak ogetu. ³¹Ak ngoto teebenak chi age tugul , kole kaiine asi otiachi? Oleji anyun makchinige kiptayat.³²Koba anyun che kiga kiyokto ak konyor ko u ye kiga mwachi inendet icheket. ³³Ak kingo to kitiachi moitab dsigiriet koleji bikab kobo , kaiiine asi otiach moitab sigiriet? ³⁴Ak kileji makchinige kiptaiyat. ³⁵Ak kikweri kwo ole mi Jeiso ak kiitochi ngoroikwai eng moata bo sigiriet, koketyi Jeiso ak kolany Jeiso barak. ³⁶Ak kingo wendi koiito ngoroikwai eng oret.³⁷Ak kingorikchi tegeiyatab tulwetab emitikkotoi tuiyet tugul nebo kayoktoik koboiboitu ak kolos Jehovah eng kutit ne o agobo boisionik tugul che bo kamuktaet che kiga kogeer. ³⁸Kolen iberurot laitoriat ne nyonii eng kainetab kiptaiyat! kalyet eng kipsengwet ak barak ne toror.³⁹Ak kileji parisaek alak che bo tuiyet inendet , kanetindoni ker kong koyoktoikuk. ⁴⁰Ak kiwolji koleji, amwowok ale ngoto ko sisyo chu koboldos mbo koik.⁴¹Ak kingorik kogeer kokwet ak korirji, ⁴²kolen nda kengen eng betuni , tuguk che bo kalyet! Ago nguni ko kagoung'ogis eng konyekuk.⁴³Amu bwani betusiek che tun teechei buniguk kererusiek eng komoswek tugul ak kekerjin go eng komoswek tugul. ⁴⁴Ak kiwirji ngweny ak leguguk che mi orengung ama bagagun mbo koita agenge ne mi baragutab age amu kima inai betutab rutoitong'ung.⁴⁵Ak kiwo kapkorosut orit ak koonda chw kialisie ak che kioldoisie, ⁴⁶koleji icheket kigisiir kele , egu gonnyu gotab saet, ago kaoyai koek kebenetab chorik.⁴⁷Ak kiinetisie betut age tugul eng kapkorosut. Ak kicheng tisiik che echen ak sirik ak che toogunotin eng biko kebar inendet. ⁴⁸Ak manyor kito ne kiimuchi koyai amu kepchini it biko tugul inendet mising

¹Ak kingo neti biko eng betut age eng Kapkorosut, ak koamdoi logoiywek che miach, kobwa tisiik che eechen ak sirik konyor inendet ak kitesonu boisiek. ²Ak kimwochi inendet koleji mwawech, iyae tuguchu tugul eng kimnatetab ngo? nda ko ngo ne kigonin kimnatoni.³Ak kiwolji koleji ateebenok agine ngolyo ak owolwo. ⁴Kabatisanetab Johana ko kibunu kipsengwet nda kibunu biko?⁵Ak kingololjige ichege , kole ngot kemwa kele kibunu kipsengwet, komwa kole koine asi moyan inendet? ⁶Nda kimwa kele kibunu biko, kowirech biko tugul eng koik amu kiyoni icheket kole ki maotio Johana.⁷Ak kiwol kole , kimaimuch komwa ole kibunu. ⁸Ak kileji Jeiso icheket, mbo ane ko mamwowokkimnatet ne ayae tuguchu.⁹Ak kitoi komwachi biko kalewenoni, kole kikol chi sabibuk eng mbar ak ko bokokchi bich alak k kwo emet age ne loo eng betusiek che chang. ¹⁰Ak kingoit betut koyokchi otwogindet bichoto asi kogochi icheket inendet logoekab mbaranoto, ago kibir bichoto inendet ak koon kwo buch.¹¹Ak kiyokto kogeny otwogindet age ak kigibir noto agine ak ketewer ak koon kwo buch. ¹²Ak kiyokto kogeny ne bo somok , kebir aine ak kowirji sang.¹³Ak kile chitab kobo mbaret, atyaene anyun? Ayakti werinnyu ne achame nda mangab kogonyit. ¹⁴Ak kingogeer bichoto inendet kong'alaljige ichegei kole nyiito ne tun bunchi tuguk , ngebar inendet nda ma tun kendie tuguk.¹⁵Ak kitoorta komanda eng mbaretab sabibuk ak kobar. Ara itoi nee anyun chitab kobo mbaret bichoto? ¹⁶Nyoni anyun inendet ak kobar bichoto tugul ak kogochi biko alak mbaretab sabibuk. Ak kingogas icheket, komwa kole ololo matkoek nyoto!¹⁷Ak kichiilji kong icheket ak kole , nee anyun ne kigisir: koita ne kisas tegik ko nyoto ne ka koek toloitab lugta? ¹⁸Ak chi age tugul ne ibutchin koita koile konyaknyakani ak inendet ne ibutchini koita kong'ae koek bumbus.¹⁹Ak kicheng sirik ak tisiik che eechen konam inendet banata , ak kiiywei icheket biko amu kinai kole mwae kalewenoni agobo icheket. ²⁰Ak kiribot icheket inendet ak koyokto segeik che kiyaegei koek che bo iman asi koname inendet ngalekchi asi kogoito inendet kwo tai ne bo bounatet ak kimnatetab bounindet.²¹Ak kitebee inendet kole kanetindoni kinget kele imwae ak inetisiei eng iman ago metitii chi ak ineti iman oretab Jehovah. ²²Tos chame ng'atutik kegochi aisurut kaisari nda olo?²³Ago kinai kenisiengwai, ak kileji icheket, ²⁴obaruo tongiloyot, bo ng'o itondo ak sinitik che tinye. Ak kile bo Kaisari.²⁵Ak kileji icheket ogochi kaisari tuguk che bo kaisari ak ogochi Jehovah tuguk che bo Jehovah. ²⁶Ak kima imuch koname ngalechoto eng taitab biko ak kikwongio eng wolunennyo ak kisisyo.²⁷Ak kibwa alak eng sadukaik, konyor inendet icheget che mwae kole mamito ngeetyet ak kiteebe inendet, ²⁸kole kanetindoni kisirwech Musa kole ngo ne werit ne otupche , ago tinye chepyoset ne tomo kosich lekwa kondi ne otupche chepyosonoto asi kolalji mat kesendannyi.²⁹Kimi anyun werik tisabu che kitupcho ak kitunii ne bo tai ak kime ko masich lekwa, ³⁰ak kiindi ne bo aeng. ³¹Ak ko u noto nebo somok ak kiek ko u nyoto tugul ko tisab kibek komasich lekwa. ³²Ak kingobata kome agine chepyosonata. ³³Ara anyun tun koegu chepyosetab ng'o eng icheget? Ago kitun icheket tugul ko tisab.³⁴Ak kiwolji Jeiso icheket kole, werikab turgui kotunisie ak keildoi alak ketun. ³⁵Ago che kiityini kele nyoljinikonyor betusiechoto bwani ak ng;etyet eng che kikobek, ko ma tun itunisie ama kigoitoi ketun. ³⁶Amu ma komuchi kobek kogeny, amu kergeitu ak malaikaisiek ak icheket ko werikab Jehovah amu werikab ng'eetiet.³⁷Ago ng'etoos che kigobek, kiibor Musa agine eng ole kigisir agobo kertit , ole kiguure kiptaiyat , Jehova ne bo Abram ak Jehovah ne bo Isak ak Jehovah ne bo Jakobo. ³⁸Inendet ko ma Jehovah ne bo che kigobek, ago bo che saptos, amu saptos tugul eng inendet.³⁹Ak kiwolji sirik alak koleji kanetindoni, kaimwa komie . ⁴⁰Amu kimata kogany icheket koteebe inendet teebut age tugul kogeny.⁴¹Ak kileji icheket, oteptoi ano asi komwae icheket kole Kristo ko weritab Daudi? ⁴²Amu kimwa Daudi inendet eng bukuitab tienwogikab kolosunet kole, kileji kiptaiyat kiptaiyandennyu tebe eunnyu ne bo tai, ⁴³agoi tun ayai buniguk koek ngecheretab kelyeguk. ⁴⁴Kuure anyun Daudi inendet kiptaiyat, ara egundoi ano anyun werinnyi?⁴⁵Ak kimwachi kayoktikchi kogasei biko tugul koleji, ⁴⁶oripge eng sirichu che chame kobendoti kolaachi ngoroik che koen ak kochamei kakatisiet eng siroisiekab oldoisiet ak ngecherok che bo tai eng igorwek. ⁴⁷Ak kosare mosogik gorikwaiak kosae sautik che koen, kogenisie. Ta tun nyoru biko che u chuto kiruoget ne o mising.

¹Ak king'eet metit ak ak kogeer mogorek kodenoi konunoikwai ole kirurukchini. ²Ak kigeer mosoget age ne ki kibanania kondoi ndururusiek aeng che u kebebertab robiisiek. ³Ak kile amwawok iman ale, kagokoon mosogoni banan che siirei chi tugul. ⁴Amu kagonde chi tugul eng chang'indang'wai ole kindoi kagochinoik, ago kagonde inendet eng banandannyi tugul che tinye mbo che kosobee.⁵Ak kingo ta kong'alali alak agobo kapkorosut ole kikararanda eng koik che kororon ak kagochinoik kole, ⁶Eng tuguchu ogeere, ko tun bwani betusiek che mang'etune koita mbo agenge , eng baragutab age , ne ma tun kiwirjini ngweny.⁷Kiteebe kole kanetindoni egu anyun tuguchuto auyo? Ak unee kaborunet ne tun mache korik kosulda tuguchuto? ⁸Ak kile oripge asi ma kibeetok , amu tun bwani biko che chang eng kainennyu kolen aiinendet , ak kagorik betusiek , amorub icheket. ⁹Ak nda tun ogas agobao lugosiek ak chemarget ko mato cholye, amu nyalunot kosub kosulda tuguchoto korok, ago tomo korik kagesunet.¹⁰Koleji anyun icheket, tun setyini bororiet age bororiet age , ak setyini bounatet age bounatet age. ¹¹Ak kobiit botanet che eechen chebo ng'weny ak kemeito eng orisiek alak ak mianwokik ak kobiit kamuisiet ak kaborunoik che eechen che bunu kipsengwet.¹²Ago ngo tomo kobiit chuto konamok eng eunekwai ak konyalilak ak komutak obe kapkorosusiek ak korgorosiek komutak taitab laitorinik ak bounik agobo kainennyu. ¹³Egu kasartab baornatet eng akwe.¹⁴Oegu che otile eng mugulelwekwok asi mosib oimchige agobo ole owoldi, ¹⁵amu agonok ngalekab ng'omnatet ne maimuchi bunikwok tugul kowolkiy nda kogirindaak.¹⁶Ak kong'wektak sigikwok ak che otupche ak chhe bo oreng'wong ak choronok ak kobar alak eng akwe. ¹⁷Ak kosasaak biko tugul agobo kainennyu. ¹⁸Ak mabete sumeiyot agenge ne bo metigoikwok. ¹⁹Ak eng muitaeng'wong onyoru sobonwekwok.²⁰Ak tun ngoger lugosiek komuuti Jerusalem, onai anyun ole kagorik ngemisienyi. ²¹Ingo mwechi anyun che mi Judea tulonok ak ingomanda che mi kwenutab kokwet ak mata koba orit icheket che mi emonoto. ²²Amu chuto ko betusiekab mugetut asi kobiit kosulda tuguk tugul che kigisir.²³Aya wee akwe che tinye che chuchunieng betusiechoto! amu bitu bichiindo ne o eng ngweny ak nerekek eng bichuto. ²⁴Ak kobutyo icheket eng ngatibindab rotwetab chok , kimut che kaluulyo koba bororiosiek tugul, ak kotiechatiech bororiosiek Jerusalem agoi kosuldabetusiekab bororiosiek.²⁵Ak kobiit kabarunet eng asista ak eng arawet ak eng kogelik , ak kobiiteng ng'weny bichiindab bororiosiek, ak kwonget amu kamuutetab ainet ne o ak beko che mildogei. ²⁶Ak kobek mugulelwekab biko amu cholatet ak eng kanyisietab tuguk che bwanjini ngweny amu kitumdumi kimnatosiekab kipsengwet.²⁷Ak eng betunoto kogeer anyun weritab chi konyoni eng boldet koboto kimnatet ak torornatet ne o. ²⁸Ak ngotoi kosulda tuguchuto ogeer barak ak ongeet metigoikwok, amu karik katiageng'wong.²⁹Ak kimwachi icheket kalewenet kole, ogeero mogoiwet ak ketik tugul. ³⁰Ne ngorut ogeere ak onae akwe ole karik kesisiet. ³¹U nyoto anyun ak akwe ngo geer koyaagis tuguchuto onai ole karik bounatetab Jehovah.³²Amwawok iman ale, masirtoi ibini agoi kosulda tuguk tugul. ³³Kipsengwet ak nweny kosiirtoi ak magoi siirto ngalekchu.³⁴Ago oripge anyun akwe asi manyi mugulelwekwok eeiset akbogitet ak kaimutikab sobetab betusiechu asi matun konyachak betunoto, ³⁵konamak ko u mestet , amu u nyoto tun nyonjini biko tugul che menyei ngweny komugul.³⁶Ago oripge eng betut age tugul ak osaeasi onyoru oterterisie, ochilile tuguchoto tugul bwani ak otononye eng taitab weritab chi.³⁷Ak kiinetisie ebg kapkorosut ak betut age tugul ak kimondoi kembout age tugul kowendi kotepche eng tulwe ne kigiguure tulwetab emitik. ³⁸Ak kimuschini biko tugul inendet eng kapkorosut asi komuch kogas inendet.

¹Kirik anyun tumdo nebo makatinik che ma kinde bitek ne kiguure pasaka. ²Ak kicheng tisiik che eechen ole imuch kobarta inendet amu kiiywei icheket biko.³Ak kichut ceswilyet Judas ne kigiguure Isacriot, ne ki age eng taman ak aeng. ⁴Ak kiwo kong'alal ak tisiik che eechen ak kiptainik ole ng'wektochindoi Jeiso inendet.⁵Ak kiboiboitu anyun bichoto ak kichomyechi kogochi inendet robiisiek. ⁶Kochaam anyun inendet ak kocheng boroindo kongwekchi inendet icheket eng ole mami biko che chang.⁷Ak kiit anyun betut ne bo makatinik che makindeno bitek, betut ne kikanyol koeny arutab pasaka. ⁸Ak kiyokto Petero ak Johana kole oba ochabwech Pasaka asi kobiit keam . ⁹Ak kileji , imache kebe kechobe eng ano?¹⁰Ak kileji icheket ogeero , ngomande eg kokwet ne o kotuyenok chito ne ibei teretab beeko, orub inendet ago i got orit ole wendi. ¹¹Ak omwachi chirtab kobo kot oleji katebenen kanetindet kole , mi ano gotab toek ,ole achoni aame pasaka koboto kayoktoikchu.¹²Koborok anyun got ne o ne mi barak. Ochob anyun tetutik tugul eng oloto. ¹³Ak kiba anyun ak konyor ko u yo kaga kemwachi ak kichob pasaka.¹⁴Ak kingoit sait koteb ngweny koboto che kiyoktoi. ¹⁵Ak kileji icheget, eng aget ko koamach aam pasaka ak akwe kotomo anyalil. ¹⁶Amu amwawok ale, kong'ete nguni ko maaame agoi kosulda eng bounatetab Jehovah.¹⁷Ak kitaach kikombet , ak kingo kagogoito kongoikole,onam ni ak opchechige akwegee. ¹⁸Amu amwawok ale kong'etee nguni ko ma aee che bo logoekab sabibuk agoi koit bounatetab Jehovah.¹⁹Ak kinam makatiat ak kingo kagomwa kongoi kobutul ak kogochi icheget ak kole ni ko bortnnyu ne kigoitoi agobo akwek , oyai ko u ni eng kabwatet ne obwateno. ²⁰Ko u nyoto kikombet agine , kingobata amitwogik che bo kosgoleny, kole arorutiet ne leel kikombani eng korotikchu che kitumdoi agobo akwe.²¹Ago ogeero ni eutab inendet ne ng'wektaa koboto eng mesani. ²²Amu wendi weritab chi iman ko u ole kiging'at, ago ayoo eng chichoto ng'wektoi inendet! ²³Ak kitoi anyun kotebegei ichegei kole ng'o eng icheket ne yae kii.²⁴King'eet anyun tiiyet eng kwenung'wai kole ngo ne keiti kele ne o eng icheket. ²⁵Ak kileji icheket, laitorinik eng bororriosiek ak icheket che tinye bounatet eng icheket keguure toretik.²⁶Ago ma u nyoto eng akwe ago ingokerkeitge ne o eng akwe ne mining, ak inendet neo koigei ne ootisie. ²⁷Ng'o ne o anyun, inendet ne tebche eng omisiet nda inendet ne ootisie? tos ma inendet netebche eng amisiet? Ago ami kwenung'wongko u chito ne ootisie.²⁸Ago akwe ko u che kiotebi koboto eng kanyalilet. ²⁹Ak kaagonok bounatet ko u yo kigogona kwandannyu, ³⁰asi kobiit oamisie ak oeeise mesenyu eng bounatennyu, ak tun otebe ngecherok che bo laitornatet oruokchini ortinwek taman che bo Israel.³¹Simion, Simion, keero kagosom chesawilyet kole konamak asi kosesak ko u nganuk. ³²Ago kiasa agobo inye asi maibut kayaneng'ung ak yo kaiwalage, igimit che otupche.³³Ak kileji inendet, kiptaiyandani , kaachobge kebetuwai korgooret, mbo meet. ³⁴Ak kimwa kole amwaun Petero kotomo kochei kipsiywet rani, iitoe konyil somok ile mengeno.³⁵Ak kileji icheket kinga yoktok ko motinye mbo lolet nda ko ngoroik che iwale ak kweonik , ko tos kirarwok kiy eng akwe. Ak kile mararweh kiy. ³⁶Ak kileji ago inendetne tinye lolet koibot nguni, ak u nyoto ngoroik che iwale agine , ak inendet ne matinye rotwetab chok koalda ngorienyi asi koale.³⁷Amu amwawok ale kiito ne kigisir ko konyol kosulda eng ane kele kigitesta inendet koboto kiptengeginik, amu tinye kagesunet ng'al;ek che kigisir agobo ane. ³⁸akkile kiptayandani, keero mi yu rotonikab chok aengu. Akkileji icheket kagoem.³⁹Komong sang anyun ak kwo agoi tulwetab Emitik , ak kirub kayoktoikchi inendet. ⁴⁰Ak yo kingo kagoit oloto,koleji icheket, osa asi mochut tiemutik.⁴¹ak kiistoege icheket yo itei koita ngewirta, ak kokutuny kosa, ⁴²kole Baba , ngicham iistoeno kikombani. ago a ko u magenyu, ago ingoyaak ko u mageng'ung.⁴³Ak kimongji inendet malikaiyat ne kibunu kipsengwet kogimit inendet. ⁴⁴Ak yo kimi nyalilda inendet ne ngwan koteshi kosa mising ak kigergeitu aotikchi ak korotik che sachini ngweny.⁴⁵Ak kingoit eng saennyi konyo ole mi kayoktokchi, ak konyor korutos amu kaimutik ⁴⁶ak kitebe icheket , kaine asi oruiye? ong'eetye osa asi mochut tiemutik.⁴⁷Ak kingota ko ngalali , ogeero tuiyet koboto inendet ne kiguure Judas age eng taman ak aeng, kindoune icheket ak korikchi inendet Jeiso asi kong'utut, ⁴⁸ak kileji Jeiso Judas ing'wektooi weritab chi eng ng'ututet?⁴⁹Ak kingogeer che kimi koboto inendet kito ne mache koyaak kole kiptaiyandani ieb eng rotwetab chok? ⁵⁰Ak kinget age eng icheket che otwogindetab tisiindet neo , ketil itinyi ne bo tai. ⁵¹Ak kiwolji Jeiso koleji obagakte, kagoem! Ak kitiny itinnyi ak kosoob inendet.⁵²Ak kileji Jeiso tisiik che eechen, ak kiptainikab kapkorosut ak boisiek che kigabwa kogiringda inendet, kobwa ak rotonikab chok ak siarissiek, kou yo bwanjini chorindet? ⁵³Yo koami kobotok betut age tugul eng kapkorosut, ko ma onyonama eng eunekwok, ago kasartang'wong nito ak kimnatet ne bo tuindo.⁵⁴Kinam anyun inendet ak komut kwo gotab tisiindet ne o. Ak kirub Petero eg ole loo. ⁵⁵Kingo kakolal mat eng kok kotebe ngweny tugul, ak kitebe Petero kwenung'wai.⁵⁶Ak kingo geer chepto age inendet kotebche eng ole mi lapkeiyetab mat kochilji kong inendet kole , kimi chichi agine koboto inendet. ⁵⁷Ago kitai kole, chepyosoni, mangen inendet. ⁵⁸Ak ne matia kogeer chito age ak kole ii agenge aginye eng icheket. Ak kile Petero, chichi ma ii agenge eng icheket.⁵⁹Ak kingo bek olo bo sait agenge, kokimkim chito age eng kimnatet kole, iman kimi chichi agine koboto inendet, amu Galilindet inendet. ⁶⁰Ak kile Petero, chichi mangen cho imwaei. Ak ngota komwae kochei kipsoiywet kasarata.⁶¹Ak kiguskong anyun kiptaiyat ak kotopen Petero, ak kinan Petero ng'olyotab Kiptaiyat ko u yo kiga komwachi kole kotom kochei kipsoiywet rani, itayo konyil somok. ⁶²Akkimanda sang kwo koriir eng ng'wonindo.⁶³Ak kichwess biko Jeiso che kiname inendet ak kobir. ⁶⁴bak kitich knyekchi ak koteebe kole, ng'orse , ngo ne kamasin? ⁶⁵Ak kimwa ng'alek alak che chang che yaachen agobo inendet kochweschwesi.⁶⁶Ak kingoeech koruruchge boisiekab bichoto, tisiick che eechen ak sirik. Ak kimut inendet kwo kapkirwogengwai kole, ⁶⁷ngoto ii Kristo imwawech. ago kileji icheket mbo ndamwawok ko moyani, ⁶⁸ak ngoto atebenak ko mowolu.⁶⁹Ago kongeete nguni kotebee weritab chi eutab tai ne bo kamuktaet ne bo Jehovah. ⁷⁰ak kile icheket tugul, tos ii weritab Jehovah anyun? koleji omwae ole aii inendet. ⁷¹Ak kile icheket, ta kemage nee baornatet age? Ako kagegas acheget kobun eng kutinyi.

¹Ak king'eetio tuiyet komugul ak komutchi inendet Pilato. ²Kitoi anyun komwaitae ngaal kole, kiginyoru chichi komaasi bororienyo ak koete kegochi aisurut kaisari inendet, ak kolen ai Kristo , laitoriat.³Ak kitebee Pilato, kole, ii laitoriatab Yahudik? Kiwolji kole kaimwa. ⁴Ak kileji Pilato tisiik che eechen ak tuiyosiek manyorji lelut chichi. ⁵Ago kititirjimising kole kiibei biko, konetoti eng Judea komugul, kotoune Galili agoi koit olito.⁶Ago kingogas Pilato ngolyondonoto, kotebee kole ngot ko tos Galilindet chichi. ⁷Ak kingonai kolebo bounatetab Herod , koyokto kemututa Jeiso kwo ne kimi inendet agine Jerusalem betusiechoto⁸Ak kingogeer Herod Jeiso, kobaibait mising, amu kimache kong'etee keny kogeer inendet, amu kia ko kas tuguk che chang agobo inendet ak kimache nda keer kwong'utk koyaak eng inendet. ⁹Kiteepse inendet eng ngalek che chang ago ma wol kiy. ¹⁰Ak kitonondos tisiik che eechen ak siriik, kititirji inendet eng kimnatet.¹¹Kiimining inendet Herod ak askarikchi ak kochoosinendetak kolakchi ngoriet ne kararan mising ak kowekta ole mi Pilato kogeny. ¹²Ak kiek chorondok pilato ak Herod eng betunoto, amu kita kosastos icheget eng tai.¹³Ak kiguur Pilato tisiik che eechen ak bounik koboto biko kobwa tugul ¹⁴ak koleji icheket, komutwa chichi ak komwa ole imoosi biko, ak ogeero kaatebee anendet eng taing'wongak manyorji chichi lelu eng ng'alechoto omwaitae inendet.¹⁵Ololo, mbo Herod agine , amu kawekkwech inendet ak ogeero, ma yai kiy inendet ne nyoljini meet! ¹⁶Noto anyun , abire inendet asi atiakta. ¹⁷Amu ki ng'atutiet kotiakchi agenge eng betutab tumdo.¹⁸Ak kibolyo tugul, kole iste chichi ak itiakwech Barabas. ¹⁹Barabas ko chi nekiga ketoorji korgoret akobo wasetab biko eng nganaset ak borisiet.²⁰Ak king'ololji Pilato icheket kogeny komache kotiach Jeiso. ²¹Ako kibolyo icheket kole igartat eng kimurtoiyot, igartat inendet. ²²Ak kimwachi icheket nebo somok koleji, kayai nee ne ya chichi? Manyorji ngolyo inendet ne nyoljini kome. Noto anyun abire inendet asi atiach.²³Ak kitees kobolyo mising ,komache kole kigartat. Ak kiyai kutuswekwai koyan Pilato. ²⁴Ak kitilanyun Pilato kiruoget koyaak ko u ye kimache icheket. ²⁵Ak kitiakchi inendet ne kiga ketoorji korgoret agobo wasetab biko ak borisiet ne kigo soom icheket. Ago kiigoito inendet Jeiso asi koyachi ko u ole moktoi.²⁶Ak kingo ta komuti inendet kogiich Simon kurenindet, ne kibunu koret age, ak kikilapchi kimurtaoiyot asi koib korube Jeiso.²⁷Ak kirub tuiyet neo ne bo biko koboto chepyosok che kiwaktos ak korirjinoti inendet. ²⁸Ago kigushikong Jeiso icheket, koleji tibichu bo Jerusalem, matorirye agobo ane , ago orirjige ak legukwok.²⁹Amu ogeero , bwoni betusiek che tun len icheket iberurotin sononik ak mootinwek che iiyo ak kinaik che ma kichuchun. ³⁰Ngoiyo kotoi icheket kongalalji tulonok olulchech, ak koleji tulonok che mengechen kotuch. ³¹Amu ngotko yai tuguchu eng keti ne nyalil, koteptoi ano anyun eng ne yaamat.³²Ak kimi kiptengekinik aengu che kigimuti koboto inendet asi ba kobar.³³Akkingoi yo kiguure calvary, ko yoto ole kigigartate inendet ak kiptengekinichoto age eng komostab tai ak age eng komostab katam. ³⁴Ak kile Jeiso, Aboo, nyochi kaat icheket amu ma nai kito ne yaei. Ak kipchechige ngoroikji eng wirtoisietab barbarek.³⁵Ak kitononyo biko kogeere, ak kirorichi inendet bounik, kole kisoru alak. Ingosoge kira ngo Kristo nyito, ne lewnot ne bo Jehovah.³⁶Ak kichurachur agiche askarik inendet kobwani ole mi me inendet, kogochi maiyek che midililen, ³⁷kolen , ngiti ii laitoriatab Yahudik isoruge. ³⁸Ak kimi sirutik eng barakutab metinnyi che mwae kolen, NI KO LAITORIAT NEBO YAHUDIK.³⁹Ak kichuachur inendet ageneg eng kiptengeginichoto kiga kigartat kole tos ma ii Kristo inye? Soruge ak isorwech agache. ⁴⁰Ago kiwol age ak koger kong kole meiweii Jehovah mbo inye ak imi kiruoget agenge ak inendet? ⁴¹Ago bo iman nyinyo amu kagigonech kou boisionikcho, ago mayai chichi kiy ne ma nyolunot.⁴²Ak kileji Jeiso, inaana yo tun inyoni eng bounateng'ung. ⁴³Ak kileji Jeiso inendet, amwaun iman ale, kitebche tuwai rani eng paradiso⁴⁵⁴⁴Ak olo bo sait lo, kobiit tuindo eng emet komugul agoi sait sogol, ak kimato kokwengtoi asista, ak kigereerak kwenutab anget ne kigo kiito eng ole tilil nebo ekalut kobun aeng.⁴⁶Ak king'alal Jeiso eng kutit ne o , kole Aboo, kaande tamirmiriennyu euneguk, ak kingo ka komwa nyitokogoito tamirmiriet. ⁴⁷Ak ingogeer kiptaiyatab bogol tuguk che kayaagis kolos Jehovah, kole ngagaa kibo iman chichi.⁴⁸Ak kingogeer tuguk che kiyaagis tuiyosiechoto tugul che kigaruruchge asi korat setio, kowektage, kowektagei kolugoti tegetik. ⁴⁹Ak kitonondos eng ole loo tugul che kiingen ge ak chepyosok che kirubu inende kobunu Galili kole asi kogeer tuguchoto.⁵⁰Ak ogeero, kimi chi anun ne kigiguure Joseph, ne ki chitab kapkirwok chi ne kaminen ak ki chi ne kirube imanda. ⁵¹Ak kima cham chichoto kiruogeng'wai ak boisionikwai. Ki bo Arimatea, koretab Yahudik , ne kigonye agine bounatetab Jehovah.⁵²Kiwo chichoto ole mi pilato ak kosom bortab Jeiso. ⁵³Kiwolune kocho ngweny ak komaise nget ne nyigiis ak momogoon eng kererit ne kikabalchi koita, ole kitomo ketupchi chi age.⁵⁴Ak betut ne kigichobekee ak kika korik sabato. ⁵⁵Ak kirubu chepyosok che kigabwa koboto inendet kobunu Galili ak kogeer kererit ak ole kigakimogonda bortanyi. ⁵⁶Ak kiwektage koba asi kocob nyamdutik ak mwanik ak komuny eng betutab sabato komungyo ko u ng'atutiet.

¹Ak eng betut ne bo tai nebo wikit ko kariroon emet, kobwa kererit koibu nyomdutik che kiga kochob. ²Ak kinyor ko kagemilda kota eng kererit. ³Ak kichut kererit oriit ak manyor bortab kiptaiyat Jeiso.⁴Ak kingab komi kotobtomentos agobo nyoto ogeero kitonondos eng yo legit icheket murenik aengu che tinye ngoroik che lile bich. ⁵Ak kingo to kocholdos, kong'urukcho kotorjini togochikwai ngweny, koleji icheket amu nee so chengee che sabdos eng oritab che kikobek?⁶Ma komi yu, kakong'eet, onnan kito ne kimwawok yo kito komi Galili, ⁷kole kanyol kendeno eunekab kikab tengekto, weritab chi ak kigartat , ak kong'eet eng betutab somok.⁸Ak kinaan anyun ng'alekchi ⁹ak kiwechke kobunu kererit ak komwaji tuguchu tugul icheket taman ak agenge ak biko alak tugul. ¹⁰Ki Mariamagdalena ak Joan, ak Maria kametab Jacobo, ak chepyosok alak che kobotoge, che kimwachi che kiyoktoi tuguchuto.¹¹Ak kiu ngalekwai tangoi eng che kiyoktoi, ago maiiyan icheket chepyosok. ¹²ak king'eet petero ak kolabat ole mi kererit, koit ak kole geero mi ngoroik che nyikisen ichegei, ak kiwo kokwong'oti agobo tuguk che kago yaagis.¹³Ak geero, kiba biko aengu eng icheket kokwet ne kigure Emmau ne kima ko loo mising ki mailisiek somok kong'etee Jerusalem. ¹⁴Ak kingololjige tugul agobo ng'alechuto tugul kiyaagis¹⁵Ak kingo ta kong'alaljinatege ak kotebege, korikchi Jeiso icheket ak koba tugul. ¹⁶Ako kigerogis konyekwai si manai inendet.¹⁷Ak kileji icheket, nee ng'alechu omwachinotige akwegee obendi? ¹⁸ak kiwolji age eng icheket ne keguure Kleoa, koleji, tos ii inye too eng Jerusalem asi menai tuguk che koyaagis oloto eng betusiechu?¹⁹Ak kileji icheket, nee tuguchuto? ak kileji tuuk che kiyaak agobo Jeiso ne bo Nasaret ne ki maotiot ne ki ki eng boisiet ak ng'olyo eng taitab Jehovah ak eng biko tugul, ²⁰ak kou ole kiingoito tisiik che eechen ak bounikcho kiruokchi kiruoget ne bo meet ak kigartat.²¹ Ago kigitinye kayanet kele inendet ne itiachi Israel. Wei ak koboto choto tugul ko betutab somok rani kongeete ngaa kobata ngalechuto.²²Ak kagoneech chepyosok alak che kigimi tugul kekwong ole ki mustaita kererit. ²³Ak kinga mato konyor bortanyi , kobwa kole kamongji icheket, malaikaisiek che kamwa kole inendet. ²⁴Ak kaba alak kererit che kami kobotech. , konyor kou nyoto ko u yo kiga mwa chepyosok, ago ma keer inendet.²⁵Ak kileji anyun bichoto, ochei we abusanichu ak ko nyalulen mugulelwek che mayani tuguchu tugul che kiga komwa maotik. ²⁶Kima kosikchini Kristo konyalil eng tuguchu asi komangji torornatennyi? ²⁷Kitoi kongeet Musa ak maotik tugul ak kiiarorji icheket eng sirutik tugul ngalek agobo inendet.²⁸Ak kingorikta kokwet , ole kibendi, kaegei inendet ne mache kosiirto. ²⁹Ak kikimkim inendet koleji iyanech itebi ak che amu karikta koimen ak mache koratarat, ak kiwo go kotebi tugul.³²³⁰Ak ye kingo kagotebi ngweny tugul koamisie konam makatiat koberur, kobutul ak kogochi icheket. ³¹Ak kiyotogis konyekwai, konai inendet kobetio eng taingwai. 32 Ak king'eetyo eng sainata koweektagee.³³Ak kingeetyo eng sainata koweektage Jerusalem; ak kinyor taman ak agenge ko keruruchke ak che ki mii koboto icheket, ³⁴kole kangeet kiptaiyat iman, ak koborjige Simon. ³⁵Ak kimwachi ngalek che kayaak eng oret, ak ko u yo kagonyit inendet kobutuli makatiat.³⁶Ak kingo to kongalale tuguchu, kotonon Jeiso inendet eng kwenung'wai, ak koleji icheget ingotebi kalyet eng akwe. ³⁷Ago kiorogenio ak koiweis, ak kibwati kole kageer tamirmir.³⁸Ak kileji icheket kocholji nee? Ak amu nee si kongeeto kereretab met eng mugulelwekwok? ³⁹Ogeer eunekchu ak kelyeckchu, ole anee, nyito. Onam ak ogeer amu matinye tamirmiriet borto ak kowoik, kou yo ogeere atinye. ⁴⁰Ago kinga komwa ni kobarji icheket eunekchi ak kelyekchi.⁴¹Ak ki tomo koyan icheket amu boiboiyet , ak kwonget. Koleji icheket Jeiso otinye kiy ne kiame eng yu? ⁴²Ak kigochi kebebertab injiriot ne kigibo eng beko, ⁴³ak kinam ak koam eng taing'wai.⁴⁴Ak kileji icheket, chu ko ng'alekchu che kigamwawok yo kingo tami kobotok, ko u yo kinyol kosulda tuguk tugul, che kigisir eng ng'atutik chebo Musa, ak eng Maotik ak eng tienwogikab kolosunet agobo ane.⁴⁵Koyat anyun ng'omnatosiekwai asi kobiit konai sirutik. ⁴⁶Ak kileji icheket kigisir ko u nyoto kele, nyoljini Kristo konyalil ak kong'eet kogeny eng che kigobek eng betutab somok. ⁴⁷Ak keamdaat ent bororiosiek tugul sigunet ak nyoetab kaat ne bo tengekwogikeng kainennyi kotoune Jerusalem.⁴⁸Oii akwe baorinik eng tuguchuto. ⁴⁹Ak ogeero, ayogu kayamisetab Kwandannyu kotebi eng akwe. Ago otebi akweket eng nganaset agoi kilaakwok kimnatet ne bunu tororot.⁵⁰Ak kitokosta kondochini Jeiso agoi tun koit Betania. Ak kinamji barak eunekchi ak koberur icheket. ⁵¹Ak kingo ta koberuri icheket kobagach icheget anyun ak kikimut kwo kipsengwet.⁵²Ak kiilos inendet ak koweektage Jerusalem eng boiboiyet ne o. ⁵³Ak kimi kotugul kapkorosut kolosu ak koberuri Jehovah.

¹Eng' taunet ko kimi ng'olyot ak kimi ng'olyot ak Jehovah, ak ki Jehovah ngolyot. ²Kimi inendet ak Jehovah eng' taunet. ³Kigiyai tuguk tugul eng' inendet, ak kimagiyai kiy age tugul ne kiga keyai ne kima yai inendet.⁴Kimi sobondo eng' inendet, ak ki lapkeiyetab biko sobonoto. ⁵Ak iluu lapkeiyet ing' tuinto, ak kima iterter tuinto lapkeiyonoto.⁶Kinyo chi ni kiyook Jehovah, ni kigiguure Joana. ⁷Kinyo chichoto koek baoriat, si kobaorianji lapkeiyet, si kobit koyan biko tugul amu inendet. ⁸Kima ko lapkeiyonoto inendet, kobate kinyo si kobaorianji lapkeiyonoto.⁹Kimi lapkeiyet ne bo iman ne nyoni ng'weny, ni kwengjini chi tugul.¹⁰Kimi ng'weny inendet, ak kigiyai ng'weny ing' inendet ak kima nai ng'weny inendet. ¹¹Kinyonji chechi,ak kima taach inendet bichoto chii.¹²Ako tugul chi kitaach inendet, ko kiigochi kamuget koek legukab Jehovah, choto che iyani kainennyi. ¹³Icheget che kigisich, ama eng' korotik nda eng' magetab borto,nda eng' magetab chi, ago eng' magetab Jehovah.¹⁴Ak kiek ng'olyot borto, ak komeny kwenunyo ak kigigeer torornatennyi, torornatet ne bo ne kigisich inegei kobun Kwanda, ne nyitat kororindo ak imanda. ¹⁵Kibaorianji inendet Joana ak kogurso kole," Inendet ni, ne kiamwoitoi ale, inendet ne rubko ko egu nebo tai eng' ane, amu ki bo tai inendet eng' ane".¹⁶Amu kigitaach ache tugul che bo nyienyi, ak korororindo eng' korororindo. ¹⁷Amu kigigon ng'atutiet eng' Musa. Ako kibwa korororindo ak imanda eng' Jeiso Kristo. ¹⁸Mami chi ne kigogeer Jehovah kong'ete; kobate kigong'ang'wech inendet werit ne kigisich inegei ne mi teget ab Kwanda.¹⁹Ak ni baornatetab Joana, ye king'oyok Yahutik tisiik ak Lawik kobwa kong'ete Jerusalem si kotebe Joana koleji, "i ngo inye?" ²⁰Ako kimwa inendet Johana ama tiiyo, kole inendet ko ma Kristo. ²¹Ak kitebe inendet koleji nee anyun? Elija? ak kile, ma inendet. I maotiontonoto? ak kile, "achicha".²²Ak kileji anyun inendet, i ng'o inye? si kobit keibchi wolunet icheget che kaiyokwech. Imwoe ile i ng'o inyendet?. ²³Ak kile a i kutitab chi ne kursei eng' surkwen, olitit oretab Kiptaiyat kou ye kimwa maotiot Isaiah.²⁴Ak icheget che kigagiyok ko bo Parisaik, ²⁵Ako kitebe icheget inendet, koleji, "Kaine anyun si i batisianisiei, ama i Kristo, nda Elija, nda maotiondonoto?"²⁶Kowolji Joana bichoto koleji, abatisianisie beko ago tononi eng' kwenung'wong' age ne mong'et. ²⁷Inendet ne rubwo ko chamat kondo amanyoljina atiach anokab kweonikyi. ²⁸Kiyaogis tuguchuto eng' Betania, Jordan komosin,ole kibatisanisie Joana.²⁹Eng' betut ne kirube, kogeer Joana Jeiso konyonjini, ak kole, ogeero Aruet ne bo Jehovah ne ibei tengektab ng'weny, ³⁰Inendet ni ne kiamwa ale, rupwo chito ne egu ne tai eng' ane amu ki bo tai eng' ane. ³¹Kima ang'et ane inendet, ago si kobit kibarta inendet eng' Israel, anyo anyun amu noto abatisianisie beko.³²Ak kibaorian Joana kole, "kiageer tamirmiriet kowolu eng' Kipseng'wet kou cheptuget, ak kotebe inendet. ³³Kima ang'et inendet ago inendet ne kiyokwa abatisane beko, ko inendet ne kimwaiwa kolejo, chichoto igeere kochorchinige Tamirmiriet ak kong'et, Konoto ne ibatisane Tamirmiriet ne Tilil. ³⁴Ak kiageer, ak abaorian ale nito ko weritab Jehovah".³⁵Kogeny eng' betut ne kirube ko kitononi Joana ak alak aeng' che bo alamalienyi, ³⁶Ak ye king'ogeer Jeiso kowendoti, kole, "ogeero, aruet ne bo Jehovah!"³⁷Kogas alamalaichoto aeng' kongalali ak korup Jeiso. ³⁸Ak kigusgong' Jeiso ak kogeer icheget korupu, ak kole ochenge nee? ak kiwolji koleji "Rabbi" ( ye kiwech ko konetindet), imenye ano? ³⁹Koleji icheget, obwa si ogeer. kibwa anyun kogeer ole menyei, ak kotebi ak inendet betunoto; Ki olobo sait taman.⁴⁰Agenge eng' aeng' ne kigas Joana kongalali ak korup inendet, ko ki Andrea ne tupcho ak Simon Petero. ⁴¹Kisib konyor Simon ne tupcho tuwai, ak koleji inendet kagenyoru Mesia ( yekiwech ko Kristo). ⁴²Kiimutyi inendet Jeiso ak kigeer Jeiso inendet, ak koleji, "i Simon weritab Joana. ta kegurenen Kepa "( yekiwech ko "Petero").⁴³Kimach anyun Jeiso kwo Galili eng' betut ne kirube, ak kinyor Pilipu ak koleji "rubwa." ⁴⁴Kibo Pilipu Betsaida, ng'anasetab Andrea ak Petero. ⁴⁵Kinyor Pilipu Natanael ak koleji, kagenyoru inendet ne kisir Musa eng' Ng'atutiet ak maotik, Jeiso ne bo Nasaret, weritab Josep.⁴⁶Ak koleji Natanael, inendet, "tos imuchi kiy age tugul ne kararan kobun Nasaret?" Koleji Pilipu inendet, nyo si igerjige. ⁴⁷Kigeer Jeiso Natanael konyonjini inendet, ak kole, "ogeer o, Israelindet iman, matinye kenisiet." ⁴⁸Koleji Nataniel inendet, kenaena nee?, kowolji Jeiso koleji, ye katom kogurin Pilipu ye kemi Mokoiywet kel, ko kageerin.⁴⁹Kowolji Natanael koleji, "Rabbi, i weritab Jehovah, i laitoriatab Israel!" ⁵⁰Kowolji Jeiso koleji, iyani amu kamwaun ale, kaagerin ye kemi mogoiwet kel?, tatun igeere tuguk che echen che sirei chu. ⁵¹Ak kimwachi inendet kolechi, amwaun "Iman iman ale, tatun ogeere kipseng'wet koyatoksei ak kolonye Malaikaisiek ab Jehovah ak kowolu weritab chi".

¹Ak eng' betutab somok, ko kimi katunisiet eng' Kana ne bo Galili, ak kimi oloto akine kametab Jeiso. ²Ak kiga kigurji katunisiet Jeiso agine koboto alamalyennyi.³Ak kingoror divaik, koleji kametab Jeiso inendet, "makotinye biko divak". ⁴Koleji Jeiso inendet , Chebiosoni kiting'ege nee ak inye? tomo koit sainyu". ⁵Kimwochi kamet otwogik koleji, "kiy age tugul ne kamwowok, oyai".⁶Ak kimi yoto terenik lo che eechen che bo beko, ago bo koik kou bitetab katililetab yahudik, kiyamege age tugul ak debeisiek mut nta ko lo. ⁷Koleji Jeiso iche, "onyit beko terenichoto," kiinyit anyun mising'. ⁸Ak kileji Otwokik,"osilu ak oibchi ra bounintetab tumto, ak kiipchi anyun".⁹Ak ye kingochamcham bounintetab tumdo beko che kagoek divaik amanai ole kabunu (ago kinget otwogik che kisile beko) kogur anyun bounintet sandet. ¹⁰Ak koleji, "igoitoi chi tugul divaik che onyinyen korok, ak ye kagoe biko mising', kogon che ma onyiny, ago kaigonor inye divaik che onyiny agoi nguno."¹¹Taunet nito ne bo kaborunoikyi ne kiyai Jeiso eng' Kana ne bo Galili; kiibortoi torornatenyi, ak kiyan inendet alamalyenyi.¹²Kingobata nito kochortage kwo Kabernaum, koboto kamet ak che tupcho ak alamalyenyi agiche, ak kobeni oloto betusiek che matia.¹³Ak kigarik Paska ne bo yahudik, ak kitogosta Jeiso Jerusalem. ¹⁴Ak kinyor kotebye eng' hekalut icheget che kialdoi eik, kechirek ak cheptugenik, koboto walik ab siling'isiek.¹⁵Ak kiyai kipcharitit ne bo o rogoonik che kisach, ak koon komanda eng' hekalut, koboto kechirek ak eik, ak koranda siling'isiek che bo walik ak koabuch mesosiekwai. ¹⁶Ak kilechi icheget che kialdoi cheptugenik, "oib tuguchu koba eng' yu; amoyai gotab Babanyu koek ole oyae mungaret".¹⁷Ak kinyonji kabwatet alamalyenyi ne kigisir kele "ama ng'etkong'da agobo gong'ung'". ¹⁸Ak kiwolji anyun Yahudik Jeiso koleji, "nee kabarunet ne iborwech ( iboru) amu iyae tuguchu?" ¹⁹Kowolji Jeiso koleji "ong'em hekaluni si ang'eet kogeny eng' betusiek somok."²⁰Kile anyun Yahudik, kigiteech hekaluni eng' kenyisiek artam ak lo, tos ing'eet inye eng' betusiek somok?. ²¹Ago king'alali inendet agobo hekalut ne noto ko bortanyi. ²²Ye king'ong'eet anyun inendet komong' eng' che kibek, kobwat alamalyenyi kole kiga komwachi iche ng'olyondonoto ak kiyan sirutiet ak ng'olyot ne kigamwa Jeiso.²³Ye kimi Jerusalem eng' igorta nebo betutab Paska, koyan biko che chang' eng' kainenyi kogere kaborunoik che kiyai. ²⁴Ago kima chamdage Jeiso amu king'et biko tugul. ²⁵Ak kima mage kiy kobaorian chi agobo chito age, amu king'et inendet kito ne mi chi orit.

¹Kimi chi ne bo Parisaik, ne kigigure Nikodemo, ki bounindet nebo Yahudik. ²Kinyo chichoto ole kimi Jeiso kemoi ak koleji "Rabbi, king'et kele i konetindet ne bunu Jehovah, amu mami chi ne imuchi koyai kaborunaichu iyae inye ngo mami Jehovah koboto inendet."³Kowolji Jeiso koleji, "amwaun komie Iman, iman ale ng'ot ko ma kisich chi eng' siget ne leel ko magoi imuch kogeer bounadetab Jehovah." ⁴koleji Nikodemu inendet, "kisiktoi ano chi ye kagoosit? imuchu kogetyige moetab kamenyi kogeny, ak kesich?"⁵Kowolji, Jeiso Iman iman koleji, " Amwaun ale ng'ot koma kisich chi eng' beko ak Tamirmiriet, ko makoi imuch komong'ji bounadetab Jehovah." ⁶Ne kigisich eng' borto ko borto ak ne kigisich eng' Tamirmiriet ko Tamirmiriet.⁷Amekwong' amu kamwaun ale 'kanyol kesichok eng' siget ne leel.' ⁸Usyin koristo ole mache; ak igase cheenyi ago meng'et ole bunu nda ko ole wendi. kou noto chi age tugul ne kigisich eng' Tamirmiriet."⁹Kowolji Nikodemu koleji, "imuchi kobitunda ano tuguchu?" ¹⁰Kowolji Jeiso koleji, "i konetindet ab Israel ako meguitosi tuguchu? ¹¹Amwaun Iman, iman ale, kimwae ne king'et ak kebaorianjini ne kigeg'eer, amotache baornadenyo.¹²Ndamwawok tugul che bo ng'weny amoyani, omuktoi ano oyan ng'amwawok tuguk che bo kipseng'wet? ¹³Mami chi ne kigotogosta Kipseng'wet, kobate inendet weritab chi ne kinyo kobun Kipseng'wet.¹⁴Ak kou ye kiigartat Musa erenet eng' ong'atet, kigartati kou noto weritab chi matiny, ¹⁵Si konyor sobondab koigeny tugul che iyani eng' inendet.¹⁶Amu kicham Jehovah ng'weny mising,' kot kogoito werinyi ne kigisich inegei, si malus age tugul ne iyani inendet, ago si konyor sobondab koigeny. ¹⁷Amu kima iyokyi Jehovah werit ng'weny koruokyi ng'weny, ako si kesor ng'weny eng' inendet. ¹⁸Makiruokyini chi ne iyani inendet, ago inendet ne maiyani ko kageruokyi, amu ma iyan eng' kainetab Weritab Jehovah ne kigisich inege.¹⁹Ak ni kiruoget: amu kinyonji ng'weny labkeiyet ak kicham biko mesundeito kosiir labkeiyet, amu ki yachen boisionikwai. ²⁰Amu sose lapkeiyet chi age tugul ne yae yaitio, ama nyoni ole mi lapkeiyet si mang'ong'og'is boisionikyi. ²¹Ago nyoni ole mi lapkeiyet inendet ne yaei imanda, si kobiit kobarta boisinikyi, kele kigiyai eng' Jehovah.²²Kingobata tuguchu konyo Jeiso ak alamalyennyi emet ne kiguure Judea; ak kibeni oloto koboto icheget, ak kobatisanis. ²³Ak kibatisanisie Johana agine eng' Aenon ne legite Salim, amu kimi beko che chang' oloto, kibwa biko ak kigibatisan, ²⁴Amu kitomo ketorchi Johana korgoret.²⁵Kibiit anyun tebutiet eng' alak che bo alamalyetab Joana ak Yahudik agobo katililet. ²⁶Ak kibwanji Johana ak koleji, "Rabbi, ibatisanisiei inendet ne kimi koboten eng' Jordan komosin, kiigebaorian agobo inendet ak bwanjini inendet biko tugul."²⁷Kowolji Joana koleji, "Magoi imuch chi kotaach kiy ng'o ma kigochi eng' kipseng'wet. ²⁸Kiobaorianjo akweget ole kiamwa ale, 'ma a i Kristo' ago 'kigiyokwa andoune inendet'.²⁹Sandet inendet ne tinye mureret, ago baibai mising' choruetab sandet ne tononi koepchini iit inendet amu kutitab sandet ; isuldaat anyun boiboiyenyu. ³⁰Nyoljini inendet kolandae ne matiny, ago ajujuji ne matiny.³¹O inendet ne bunu barak kosiir tugul, inendet ne bo ng'weny kobo ng'weny, ako ngololi che bo ng'weny, inendet ne bunu barak ko O kosiir tugul. ³²Baorianjini inendet kito ne kigogeer ak ne kigogas, ama mi chi ne taache baornatenyi. ³³Inendet ne kagotaach baornatenyi ko kagonde ng'oksenyi kole bo iman Jehovah.³⁴Amu ng'alali ng'alekab Jehovah inendet ne kiyogu Jehovah amu magonu inendet Tamirmiriet eng' karogendoet. ³⁵Chame Kwanda Werit ak kigonde tuguk tugul eunyi. ³⁶Tinye sobondab koigeny ne iyani Werit ama geere sobondo ne magose iit Werit, ago tebe nereg'ek ab Jehovah baragunyi."

¹Ye kingonai Kiptaiyat kole kigogas Parisaik kole kiyai Jeiso biko koek alamaliyiet ak kobatisani chisiire che kibatisan Joana, ²(Ngaanda ma Jeiso inendet ne kibatisanisiei ago alamalienyi). ³Kon'geet eng' Judea kwo kogeny Galili.⁴Ak ki kanyol kobun samaria. ⁵Kiit anyun nganaset ne bo Samaria, ne kiguure Sukar, ne legite koret ne kiigochi Jakobo werinyi Josep.⁶Ak kimi oloto keringetab beek chebo Jakobo. Kitebyei anyun Jeiso eng' ole legite oinetab beko, amu ng'etatetab bandanyi, ki olobo sait lo. ⁷Kinyo kobogoriot ne bo Samaria kosiil beko, koleji Jeiso "kono beko aee". ⁸Amu kigaba alamalyenyi nganaset koal amitwogik.⁹Kileji anyun chepyoset ne bo Samaria inendet, "katebto ano si isoma beko iee, ago inye ko i Yahudiot, ak ane ko a i chepyosetab Samaria? "Amu manamege Yahudik ak Samarik". ¹⁰Kowolji Jeiso koleji, "nda keng'en konunetab Jehovah, ak inendet ne kalejin, kono beko aee,' nda kesome inendet si kogonin bekab sobon."¹¹Koleji, chepyoset"Kiptayandani, metinye kiit ne isiile beko ago loo oinet, inyorjini ano anyun bechoto bo sobon? ¹²Tos i o inye eng' Kwandanyo Jakobo ne kigonech oinet, ne kiee inendet ak lagokyi ak tukyi?"¹³Kowolji Jeiso koleji, "age tugul ne eei beechu kota koamei melelda kogeny, ¹⁴ago age tugul ne eei beko che agochini, ko ma koame melel agoi, ago egu beko che agochini kondab beko eng' inendet che kutu agoi sobondab koigeny."¹⁵KolejiJeiso chepyosanoto, ''Kiptayandani, kono bechoto si ma koamo melel si ma a nyoni asile bechu." ¹⁶Koleji Jeisochepyosanoto, ''ui, ak iguur boiyondeng'ung' ak obwa yuto."¹⁷Kowolji chepysanoto koleji, ''matinye boiyot'', koleji Jeiso, "kaimwa komie, ile metinye boiyot ¹⁸Amu ki otebi ak boisiek mut, ak inendet ne omi tuwai raa ko ma boiyondeng'ung', kaimwa iman. eng' nyito."¹⁹Koleji chepyosanoto, "Kiptaiyandani, kaageer ale i maotio. ²⁰Kisae kwanisiekyo eng' tulwoni ak olen akwe, Jerusalem ole kanyol kosae biko".²¹Koleji Jeiso, chepyosani, iyana, choni sait ne ma osae Kwanda eng' tulwoni, nda ko eng' Jerusalem. ²²Osae ne mong'et. Kisae ache ne king'et, amu bunu yetunet Yahudik.²³Ago choni sait, ago kagoit raa ye saei Kwanda saei che bo iman, eng' Tamirmiriet ak imanit, amu chenge Kwanda che u choto koek che sae inendet. ²⁴Jehovah ko Tamirmiriet, ak kanyol kosa inendet eng' Tamirmiriet ak iman che saei inendet.²⁵Koleji chepyoset, "anget ale nyoni Mesia (ne keguure Kristo), ng'o nyo inendet, komwawech tuguk tugul." ²⁶Koleji Jeiso inendet, ane ni, angalalun."²⁷Kibwa anyun alamalyenyi ak kigwong'io amu king'ololi ak chepyosanoto ago mamwochi chi koleji "ichenge nee,?"nda "kalya si ong'alal ak inendet?"²⁸Kibagakta anyun chepyosanoto terenyi bo bei, ak kwo nganaset, ak komwachi biko koleji, ²⁹"Obwa ogeer chito ne kagomwowo tuguk tugul che kiayai atkinye kora, tos Kristo nito?" ³⁰Kimong' anyun nganaset kobwa ole mi inendet.³¹Kingota kobwoni, kosom alamalyenyi inendet kole, "Rabbi, amisie". ³²Ago kileji iche, "atinye amitwogik che aame che mongen.'' ³³Kolejige anyun alamalyenyi, "Tos kagoipchi chi kiy ne ame?"³⁴Koleji Jeiso,amitwogikyu ko ayai magetab inendet ne kiyokwo ak agesu boisyenyi. ³⁵Momwae akwe ole ta komi aroek ang'wanu si koit kesisiet? Ogeero, amwawok ale, ong'et met, ak ogeer mbarenik, ole kagolelagitu, kagoem keges. ³⁶Inendet ne kese kotaache melekto, ak koumi logoek che bo sobondab koigeny, si koboiboitu tuwai ne kole ak ne kese.³⁷Amu bo iman mwaoni, kole age ko kese age. ³⁸Kiayoktok oges che kima nyalilji, kigonyalilji alage ak kaonam akwe uuindab boisyengwai."³⁹Kiiyan anyun inendet Samarik che chang' che bo ng'anasanato amu ng'olyotab chepyoset, ne kibaorian kole "kamwawa tuguk tugul che kiayai atkinye kora." ⁴⁰Noto anyun ye kingobwanji inendet Samarik, kosom kole kotebi koboto iche, ak kibeni oloto betusiek aeng'.⁴¹Ak kiiyan che chang' amu ng'olyondenyi. ⁴²Koleji chepyoset, "kiiyani raa, ma amu nga'laleng'ung', ago amu kagegasyige ak kingen kele nito ko Yetindetab ng'weny."⁴³Ak king'obata betusiechoto aengu, kong'eet eng' oloto kwo Galili. ⁴⁴Amu kibaorian Jeiso inendet kole, matinye maotiondo tegisto eng' emenyi. ⁴⁵Ak kingonyo anyun Galili, kotaach inendet Galilik, ko kagogeer tuguk tugul che kiyai eng' igorta ne kimi Jerusalem, amu kigaba agiche igorta.⁴⁶Kinyo anyun Jeiso kogeny Kana ne bo Galili ole kigayae beko koek divaik, ak kimi kiboitiot age ne bo kaplaitoriat ne kimiani werinnyi eng' Kapernaum. ⁴⁷Ye kingogas kole kagomong' Jeiso eng' Judea konyo Galili, kwo ole mi inendet, ak kosom kochorge kosob werinyi amu ki legit kome.⁴⁸Koleji anyun Jeiso inendet, "ngot ko mogeer kabarunoik ak kwong'utik ko magoi oyan matiny." ⁴⁹Koleji kiboityondonoto, "Kiptaiyandani, wolu kotomo kome lekwenyu." ⁵⁰Koleji Jeiso ui inye, sobe wering'ung', koyan anyun chichoto ng'olyot ne kimwachi Jeiso ak kwo.⁵¹Ak ye kita kowolu kotuiyo ak otwogikyi ak komwochi koleji sobe wering'ung'. ⁵²Kotebe anyun kole, "kogaigaitu kotia?" koleji anyun bichoto inendet, "kobagakta eset inendet amut eng' sait tisab."⁵³Konai any'un Kwanda kole ko sainoto ne komwachini Jeiso koleji "sobe wering'ung'." Ak kiiyan inendet ak konyi komugul. ⁵⁴Nito kaborunet ne bo aeng' ne kiyai Jeiso kong'eete ng'omong' eng' Judea konyo Galili.

¹Kingobata tuguchu kobiit igorta ne bo Yahudik ak kolang'ta Jeiso Jerusalem. ²Ak kimi Jerusalem tamboiyot ne kainenyi ko Betesta eng' kutitab Hebranik, ole legite ormarichetab kechirek ne kitinye keterusiek mut. ³Ak ki chang biko che kimiandos, che ki koriotin , che matinye kelyen, anan ko che meiyotin borwekwai ko kiruitos eng yoto. ⁴Amu kichorchige Malaikayat ne bo Kiptaiyat tamboiyot betusiek alak kowendi kowase beko eng' miondo age tugul ne kitinye.⁵Ak kimi yoto chito age ne kiga komian kenyisiek sosom ak sisit. ⁶Ako kingogeer Jeiso chichoto korue, ak konai kole kiu noto eng' betusiek che chang', koleji "imache kesoobin?"⁷Kowolji chichoto kimiani koleji, "Kiptaiyandani, matinye chi ne indea Tamboiyot ko kawasge beko amu ng'otanyoni kosib kowolu age." ⁸Koleji Jeiso anyun, "ng'et ib kitokung'ung' ak iwechige."⁹Ak kisob chichoto ng'unoto ak koib kitogunyi ak kwo ak ki sabato betunoto.¹⁰Kileji anyun Yahudik inendet ne ki kisob, "betutab Sabato rani, ma chamdaat eng' ng'atutik iib kitog'ung'ung'." ¹¹Ago kiwolji icheget koleji, "inendet ne kagosobo, ko kamwaiywo kolecho 'ib kitog'ung'ung ak iwe."'¹²Kotebe anyun bichoto inendet kole, "ng'o chichoto kamwaun kole 'ib kitog'ung'ung' ak iwe'?" ¹³Ago inendet ne kigagisoob ko kima nai kole ng'o inendet ne kisoobi, amu kiga kwo Jeiso ago kimi biko che chang' oloto.¹⁴Kingobata noto, konyorji Jeiso inendet Hekalut, ak koleji, "keer, kagisobin, amata ta iyai teng'ek si manyonjin kito age ne ya ne sirei ni." ¹⁵Kiwo anyun chichoto ak komwachi Yahudik kole Jeiso ne kigaisoob inendet.¹⁶Kigius anyun Jeiso Yahudik amu ng'olyondonoto amu kiyai tuguchu eng' betutab sabato. ¹⁷Ak kiwolji Jeiso icheget koleji, "boisie Babanyu agoi kora, ak aboisiei agane." ¹⁸Kicheng' anyun Yahudik mising kole kobar inendet amu ma kele kityo kibistoe ng'atutik, ago kimwachi kole Jehovah ko Kwandanyi, koyaege kogergeit ak Jehovah.¹⁹Kiwolji anyun Jeiso iche koleji, "amwowok Iman, iman ale mayae kiy werit inege, ago ne keere koyaei Kwanda, amu tuguk che yae inendet koyae agine werit ko u nyoto" ²⁰Amu chame Kwanda werit ak koborjini tuguk tugul che yae inendet, ak ta koborjini boisionik che eechen che sire chu, si kobiit okwong'ie.²¹Amu kou ye ing'eeti kwanda che kigobek ak kosoobi, isoobi werit kou noto agine che mache. ²²Amu mairuokyini Kwanda chi age tugul, ago kigogochi werit kiruoget tugul. ²³Si kobit koteegis tugul werit ko u ye teegisi Kwanda. inendet ne ma teegisi Werit ko ma teegisi Kwanda ne kiyok inendet.²⁴Amwowok Iman, iman ale, inendet ne kase ng'olyondenyu ak koyani inendet ne kiyokwo, kotinye sobondab koigeny, ama wendi ole mi kiruoget, ago kagomong' eng' meet komong'ji sobondab koigeny.²⁵Amwowok Iman, iman ale, nyonei sait, ak kagoit sait ne kase che kigobek kutitab weritab Jehovah ak sabtos icheget che kase.²⁶Amu kou ye tinye Kwanda sobondo inege, ko u noto kigogochi Werit konom sobondo, ²⁷Ak kigochi kimnatet koyai kiruoget amu inendet ko weritab chi.²⁸Amokwong'e nito, amu nyoni sait ne tun kase kutinyi tugul che mi kererisiek, ²⁹Ak komong': ng'eetyini sobondo che kiyai ne kararan, ak kongeetyi kiruoget icheget che kiyai ne ya.³⁰Mamuchi ayai kiy anegei, aruochi kou ye agase, ako bo iman kiruogenyu amu machenge ayai magenyu ago magetab inendet, inendet ne kiyokwo. ³¹Ng'otgabaorionjige ko ma bo iman baornatenyu. ³²Mi age ne baorianjina ak ang'et ale bo iman baornatet ne baorinjina.³³Kiyokyi ng'olyot Joana ak kibaoryanji imanda. ³⁴Ago motooche baornatet kobun chi, ago amwae tuguchu si kobit kesoruok. ³⁵Ki tait inendet ne kilole kokwengisie ak kiocham oboiboitune lapkeiyenyi eng' betusiek che matia.³⁶Ago baornatet ne atinye ko O kosir ne bo Joana, amu boisionik che kigona Kwanda ages, ko choto che ayae, ako choto che baorianjina kole kiiyokwo kwanda. ³⁷Ak kibaorianja Kwanda inendet ne kiyokwa, tomo ogas kutinyi kong'ete ole kiigoi nda ogeer itondanyi. ³⁸Ama tebye eng' akwe ng'olyondenyi amu maoyan inendet ne kiiyogu Jehovah.³⁹Osiachi sirutik olen otinye sobondab koigeny eng' choto kobate choto che baorianjino. ⁴⁰Ago mochame obwanjo si kobit onyoru sobondo.⁴¹Matooche kalosunet nebunu biko ⁴²Ago ang'enok ale motinye chamyetab Jehovah eng' oriting'wong'.⁴³Kianyo eng' kainetab Babanyu, ama otacha, ng'onyo age eng' kainenyi otoche inendet. ⁴⁴Omuktai ano oyan che otaagege kalosunet ne bunwok akweget, amochenge kalosunet ne bunu Jehovah ne inegei?⁴⁵Amobwat ole ang'angtok eng' Kwanda, mi age ne ng'ongtok, noto ko Musa ne omong'u. ⁴⁶Amu nda kigoyan Musa ko nda ko yono, amu kisir agobo ane. ⁴⁷Ago ng'o moyani sirutikyi, omuktoi ano oyan ng'alekyu?"

¹Kingobata tuguchu, kwo Jeiso bitet age ne bo Araraitab Galili, noto ko Araraitab Tiberia. ²Ak kirub inendet ne o amu kigeer kaborunoik che kiyochi che miandos. ³Ak kilany Jeiso Tulwet kwo kotebi ng'weny ak alamalyennyi.⁴(Ak kigarik Paska, igorta ne bo Yahudik.) ⁵King'onyal barak ak ko geer tuiyet ne o, konyonjini inendet, koleji Pilipu, "kiole ano makatinik che ome bichu?" ⁶(Kimwoe kotieme inendet, amu king'et kito ne kimoche koyai).⁷Kowolji Pilipu inendet koleji, "mayome icheget tugul magatinik che bo denarisiek bogol aeng' si konyor agetugul kitigin." ⁸Koleji inendet age nebo alamalieynyi, Andrea ne tupcho ak Simon Petero ne agenge eng' alamalieyenyi, ⁹"Mi yu werit age ne tinye Magatinik mut che bo sairi ak injirenik aeng', ago tos eme nee anyun chuto eng' biko che tee chu?"¹⁰Kimwa Jeiso kole, "ochob biko kotebi ng'weny." Ak kimi suswek che chang' oloto. Kitebi ng'weny anyun ak ki olobo elfusiek mut murenjoto. ¹¹Kinam anyun jeiso makatinik ak ye kingo kagogoito kongoi, kopchechi alamalyennyi ak kiropchi icheget che kitepyei ng'weny ak kou noto agiche injirenik che tee che kimoche. ¹²Ak ye kingo biyong'io, koleji alamalyennyi, "oyum katuganik che kang'et si mabet kiy."¹³Koyum anyun katuganichoto ak konyit kerebonik taman ak aeng', choto ko katuganikab makatinik mut che bo sairi che kang'etune icheget che kiomisie. ¹⁴Ye kingogeer anyun bichoto kabarunet ne kiyai, kole "ni maotiot iman ne nyonjini ng'weny." ¹⁵Kingonai Jeiso kole legit kobwa si konam inendet eng' kimnatet, koyai inendet koek Laitoriat, kwo kogeny tulwet inegei.¹⁶Ak ye kingoek koskoleng', kowol alamalyennyi koba araraita. ¹⁷Ak kilany moingetab beko kolandae araraita koba Kapernaum ak kigagoimen ak kotom koit Jeiso ole kimi icheget. ¹⁸Ak Kiwasege araraita amu kiuse usonet ne o.¹⁹Kingo kagoba anyun eng' araraita olo bo mailisiek somok nda somok ak kebeber, kogeer Jeiso kowendoti eng' araraita barak ak konyo korikyi moinget koyweis. ²⁰Ago kileji icheget, "ane, amoiyweisie." ²¹Kocham anyun kotaach inendet eng' moinget, ak kiit moinget ngunoto emet ole kibendi²²Ki betut ne kirube noto kogeer tuiyet ne kimi eng' araraita bitonin; kole mami moinget age oloto kobate agenge noto kiga lany alamalyenyi ichegei ago kimalany Jeiso koboto alamalyenyi. ²³Ago kibwa moingonik alak kobunu Tiberia ole legite koret ole kiame makatinik ye kingo kago koito Kiptaiyat kongoi.²⁴Ye kingogeer tuiyet anyun kole mami Jeiso oloto anan alamalyennyi, kolany iche moingonikab beko ak koba kapernaum kocheng'oti Jeiso. ²⁵Ak ye king'onyor inendet eng' bitet age nebo araraita, koleji, "Rabbi, koinyoni au oli?"²⁶Kowolji Jeiso icheget koleji, "Amwawok Iman, iman, ale, ocheng'o ma amu kogeer kaborunoik ako amu koam makatinik ak obiyong'ie. ²⁷Amogiljige oboisie agobo amitwokik che begu,ako ogiljige ocheng' amitwokik che tebyei agoi sobondab koigeny che konok weritab chi: amu kigong'och inendet Kwanda, ne inendet ko Jehovah."²⁸Kileji anyun icheget inendet, "kiyai nee si kobit keyai boisinikab Jehovah?" ²⁹Kowolji Jeiso koleji, "ni boisietab Jehovah, ale oyan inendet ne kiiyogu Jehovah."³⁰Koleji icheget inendet, "ne kaborunet ne iyae si kegeer ak keyanin? Nee ne iyae? ³¹Kiam kwanisiekyo Mana eng' ong'atet ko u ye kigisir kele 'kiigochi icheget Makatiat ne bunu Kipseng'wet koam."'³²Koleji anyun Jeiso icheget, "amwowok Iman, iman, ale, kima ko Musa ne kigonok Magatiandanoto kibunu Kipseng'wet, ago konok Babanyu Makatiat ne bo iman ne bunu Kipseng'wet. ³³Amu makatiat ne bo Jehovah ko noto wolu eng' Kipseng'wet ak kogochi ng'weny sobondo. ³⁴Koleji anyun iche inendet, "Kiptayandani, konech makatiandani eng' kotugul."³⁵Koleji Jeiso icheget, "A i makatiat ne bo sobon, inendet ne nyonjino ko mogose rubet ago, ak inendet ne iyano ko maome melel agoi. ³⁶Ago amwowok ale, koogero, amoyoni. ³⁷Bwonjino tugul che kono Kwanda ak inendet ne nyonjino ko maone matiny.³⁸Amu kiawolu eng' Kipsengwet ma si ayai magenyu ago magetab inendet ne kiyokwo. ³⁹Ak ni magetab inendet ne kiyokwo ale eng' tugul che kigono inendet ko mabeteno agot agenge ago tatun ang'eeti eng' betutab let. ⁴⁰Amu ni magetab Babanyu, ale chi age tugul ne keere werit ak koyan inendet konyoru sobondab koigeny ak ang'eeti inendet eng' betutab let."⁴¹King'ung'ngung'so anyun Yahudik agobo inendet amu kimwa kole "A i makatiat ne kowolu eng' Kipseng'wet." ⁴²Ak kimwa kole, "tos ma Jeiso nito weritab Josep ne king'et Kwandanyi ak Kamet? Kotepto ano anyun si komwa kole 'kiachoruge eng' Kipseng'wet'?"⁴³Kowolji Jeiso anyun koleji "among'unyng'ung'se akwege eng' akwege. ⁴⁴Maimuji chi konyonjo ama ichut Kwanda ne kiyokwo, ak ang'eeti inendet eng' betutab let. ⁴⁵Kigisir eng' maotik ak king'eeti tugul eng' Jehovah, age tugul ne kagogas eng' Kwanda ak kagonetge konyonjino.⁴⁶Molen kigogeer chi age tugul Kwanda, kobate inendet ne bunu Jehovah, kigogeer inendet Kwanda. ⁴⁷Amwowok Iman, iman, ale inendet ne iyani kotinye sobondab koigeny.⁴⁸A i makatiat ne bo sobon. ⁴⁹Kiam kwanisiekwok mana eng' ong'atet ak kibek.⁵⁰Ni makatiat ne wolu eng' Kipseng'wet ne ng'oam chi ko mamee. ⁵¹A i makatiat ne sobe ne kiwol eng' Kipseng'wet, ng'oam chi age tugul makatiandani kosobe koigeny, ee, ak bortonyu makatiat ne agoitoi agobo sobondo ne bo ng'weny.⁵²Kiborio anyun Yahudik ichegei kole "imuktoi ano chichi kogonech bortanyi keam?" ⁵³Koleji Jeiso anyun icheget, "amwowok Iman, iman ale, ng'oto moam bortab weritab chi ak oee korotikyi ko motinye sobondo eng' oring'wong'.⁵⁴Inendet ne amei bortanyu ak koe korotikyu kotinye sobondab koigeny ak ang'eeti inendet eng' betutab let. ⁵⁵Amu omdit iman bortonyu, ak korotikyu ko che kiee iman. ⁵⁶Inendet ne ome bortanyu ak koee korotikyu, komenyo ak amenye inendet.⁵⁷Kou ye kiyokwo Kwanda ne sobe, ak asobe amu Kwanda, kou noto inendet ne amo, ko sobe agine amu ane. ⁵⁸Ni makatiandanato ne kiwol eng' Kipseng'wet, ma kou ye kiam Kwanisiek ak kobek, inendet ne ame makatiandani kosobe koigeny." ⁵⁹Kimwa tuguchu eng' sunagogit kota konetisiei eng' Kapernaum.⁶⁰Ye kingogas ni che chang' eng' alamalyennyi, komwa kole, "wei ng'olyondoni, imuchi ng'o kogas?" ⁶¹Ago kinai Jeiso eng' oritinyi kole ing'unyng'ung'jini alamalyennyi ng'olyondonito, koleji icheket, "tos kagonachak nito?"⁶²Ara tos teptoi ano anyun ng'ot go tun ogeer weritab chi kotogostoi ole kimi atkinye? ⁶³Tamirmiriet ne igoitoi sobondo, matile kiy borto, tamirmiriet ak sobondo ng'alek che kamwowok.⁶⁴Ago mito alak eng' akwe che maiyoni. Amu kinai Jeiso koboch taunet icheget che maiyoni ak inendet ne kimoche kong'wekta inendet. ⁶⁵Ak kile, "amu nito anyun' kamwowok ale, magoi imuch chi konyonjo kobate ne igochini Kwanda."⁶⁶Kongete yoto, kochuchuchge che chang' che bo alamalyennyi amata kobendot ak inendet. ⁶⁷Kileji anyun Jeiso choto taman ak aeng', "ara obendi ak akwe?" ⁶⁸Kowolji anyun Simon Petero koleji, "Kiptaiyandani, kibendi ole mi ng'o? Itinye ng'alek chebo sobondab koigeny, ⁶⁹ago kigiyan ak kenai kele i ne tilil ne bo Jehovah."⁷⁰Kowolji Jeiso icheget koleji, "kima alewenok taman ak aeng', ago oindet age eng' akwe?" ⁷¹Kimwoe anyun agobo Judas ne bo kap Simon Iscariot, amu ine ne kimoche kong'wekta inendet ng'anda ki agenge eng' taman ak aeng'.

¹Ak kingobata tuguchu kowendot Jeiso eng' Galili, amu macham kowendot eng' Judea amu kichenge Yahudik kobar inendet. ²Ak kiga rik igortab Yahudik ne bo keriosiek.³Kileji anyun tupchosiekyi inendet "ui eng' oli agoi Judea, si kogeer alamalyeng'ung' agiche boisioniguk che iyoe. ⁴Amu mami chi ne yae kiy eng' ungot ak kocheng' kobartage ak kotok, ng'iyai tuguchu ibartege eng' ing'weny."⁵Amu agot tupchosiekyi agiche ko kima iyan inendet. ⁶Koleji anyun Jeiso icheget, "tomo koit betunyu ago mi betung'wong' kotugul. ⁷Maimuchi ng'weny kosasaak, ago soso ane amu abaoriani agobo ng'weny ale yachen boisionikyi.⁸Olangte akwe oba igorta; ma longti ane awendi igorta amu tomo kosulda betunyu." ⁹Ak kingo kagomwa tuguchu, kota kotebi eng' Galili.¹⁰Ago ye king'okagolng'ta tupchosiekyi kopa igorta, kolang'ta agine ago ma ibartage ago kiwo ku yo ung'otege. ¹¹Kichenge anyun Yahudik inendet eng' igorta, ak koteeb kole "mi ano inendet?"¹²Ak kimi kang'unyng'unyet ne o eng' tuiyosiek agobo inendet amu kile alak "kararan chichi." kole alak, "achicha imaasi biko koba taban." ¹³Ago ma mwa chi ng'olyo kotook agobo inendet amu kiiywei Yahudik.¹⁴Ago ye kingo kagoit kwenutab igorta, kolang'ta Jeiso kwo hekalut ak konetis. ¹⁵Kokwong'io anyun Yahudik kole "kinaita ano chichi sirutik? Ago tomo konetge." ¹⁶Kowolji Jeiso anyun koleji, "konetisienyu ko ma nenyu ago bo inendet ne kiyokwo.¹⁷Ng'o moche chi age tugul koyai magetab Jehovah, konai konetisioni ng'o bo Jehovah nda amwoe anege. ¹⁸Inendet ne mwoe chechi inegei kochenge torornatenyi, ago ne chenge torornatetab ne kiiyoku ko bo iman, ama mi kiy ne ma bo imanda eng' inendet¹⁹Tos kima konok Musa ng'atutiet? Nga mami chi eng' akwe ne yoe ng'atutiet. Amu ne si ochenge obara?" ²⁰Kowol tuiyet kole, "itinye oindet. Ng'o ne chenge kobarin?"²¹Kowolji Jeiso koleji, kiayai boisiet agenge okwongie akwe tugul. ²²Kigonok Musa kamuratanet (amu noto ko mabun Musa kamuratanet ago bo kwanisiek), ak omuratani chi eng' sabato.'²³Ng'eyotitoi chi eng' betutab sabato si mabutok ng'atutietab Musa, kotos onerekyina amu kasoob chi komie eng' betutab sabato? ²⁴Amoruoch ko u ye ogeere ago oruoch kiruoget ne bo imanda."²⁵Kimwa alak eng' bichoto bo Jerusalem kole, "ma inendet ni ne kochenge iche kobar? ²⁶Ogeero, mwaitoti kotook, ama mwoji kiy iche inendet. Tos ing'et bunik komie kole nito ko Kristo? ²⁷King'et ole bunu chichi, ago ngo nyo Jeiso Kristo ko manae chi ole bunu."²⁸Kingalal anyun Jeiso eng' kutit ne o konetisyei eng' hegalut ak komwae kolen, "ong'eto ak ong'et ole abunu, ako kima nyo anegei ago bo iman inendet ne kiiyokwo ne monget akwe. ²⁹Anget inendet amu abunu ole mi inendet, amu kiiyokwo."³⁰Kicheng' anyun bichoto konam inendet ago manam chi amu kitomo koit betunyi. ³¹Ak kiiyan inendet che chang' che bo tuiyet ak kole, "ngo nyo Kristo kotos yai kaborunaik che siirei chu yae chichi?" ³²Kigas Parisaik kong'ung'ung'jini tuiyet tuguchuto agobo inendet, kiiyok tiisik che eechen, Parisaik ak Kiptainik kobwa konam inendet.³³Koleji Jeiso icheket anyun, "ta ami kobotok ne matia, si awa ole mi inendet ne kiiyokwa. ³⁴Tun ochengo amonyorwo, ak ole ami ko momuji obwa."³⁵Komwachige anyun Yahudik kole, "tos wendi ano chichi ole makinyoru? Tos wendi ole mi iche che kigoyestochi Yunanik konet icheket? ³⁶Nee anyun ng'olyondoni kamwa kole ochengo amonyoruo ak ole ami komomuchi obga?"³⁷Eng' betut ne o ne kibo let eng' igorta, kotonon Jeiso ak komwa eng' kutit ne o kole ngo ame chi melel ko ngo nyonjo ak koee. ³⁸"Inendet ne iyana, ko u olemwoitoi sirutiet, ko bunu moenyi ainosiekab beko che saptos."³⁹Kimwoe nito agobo tamirmiriet ne tun taache icheget che iyani inendet, amu kitomo kegon tamirmiriet, amu kitomo ketoror Jeiso.⁴⁰Kingogas alak che bo tuiyet ng'alechuto, komwa kole, "nito anyun maotiot iman." ⁴¹Ako kimwa alak kole, "nito ko Kristo." kole alage, tos bunu Kristo Galili?" ⁴²"Ma mwoe sirutiet kole mong'une Kristo oretab keswek ab Daudi ak kobun nganasetab Betlehem ole kimi Daudi?"⁴³Kibiit anyun toiyet eng' tuiyet agobo inendet. ⁴⁴Ak kimache alak konam inendet ago ma nam chi inendet.⁴⁵Kiwechge anyun kiptainik kobwa ole mi tisiik che eechen ak Parisaik, kotebe koleji, kalya si momutu inendet?" ⁴⁶Kowol kiptainichoto kole, "kitomo kongololi chi age tugul ko u ni."⁴⁷Kowolji anyun Parisaik iche koleji, "kagibeetok ak akwe? ⁴⁸Kiioyan inendet akwe tugul eng' bounik ak Parisaik? ⁴⁹Ago chubotin bichu manaei ng'atutiet.⁵⁰Kileji Nikodemo (agenge eng' parisaik, ne kigakwo kemoi atkinye eng' tai ole mi Jeiso, ⁵¹"Tos iruokyini chi ng'atutienyo kotomo kogas ng'alekyi ak kenai kito ne yae?" ⁵²Kowolji anyun inendet koleji, "ibunu akinye Galili? Cheng' ak igeer ile mamangune Galili maotiondo."⁵³Kiwechige anyun chi tugul gonyi.

¹Ako kiwo Jeiso tulwetab emitik. ²Ak kimus karon konyo hekalut, ak kibwa biko tugul ole mi inendet, kitebi ng'weny, ak konet iche. ³Kiimut sirik ak Parisaik chepyoset ne kiginamji kesesnatet. Ak kinde inendet kwenut.⁴Koleji inendet, "Konetindoni, kaginam chepyosani koyae kesesnatet. ⁵Kingatech Musa eng' ng'atutiet kole, kiwire koik neu nito, ara tos ilen ne inye?" ⁶Kimwoe ng'olyoni si kosich kito ne itaame, Ago king'uruk Jeiso kosir ng'weny eng' mornenyi.⁷Ago kingo tese tai kotepe inendet, kotonon Jeiso ak koleji iche, "ngotoi nematinye tengek eng' akwe kowir eng' koita." ⁸Ak king'uruk kogeny kosir ng'weny eng' mornenyi.⁹Ak ye kingogas ng'olyondonito, kotoi komanda ak koba agenge agenge kong'ete ne o. Ak king'et Jeiso inege ak chepyosonoto kotononi eng' kwen. ¹⁰Kotonon anyun Jeiso anyun ak koleji" Chepyosani, mi ano iche che kaigikyin? Maigikyin chi?" ¹¹Ak kile "maikigyo chi Kamuktoindoni." Ak kilechi Jeiso, "makigchinin agine. Ui amatiteiyai tengek kogeny."¹²Kimwachi Jeiso anyun icheket koleji, " A lapkeiyet nebo ng'weny, inendet ne rubwo ko ma wendoti eng' tuindo ago nyoru lapkeiyetab sobondo." ¹³koleji Parisaik inendet "ibaoryiajinige ama bo iman baornateng'ung';"¹⁴Kowolji Jeiso koleji, "agot ngabaoryanjinige ko bo iman baornatenyu amu ang'et ole abunu ak ole awendi, ago monget ole abunu nda ole awendi. ¹⁵Oruochi kou magetab borto; Maruokyini chi ane. ¹⁶Ee agot ngaruoch, kobo iman kiruogenyu amu mami anege, ago kimi ak Kwanda ne kiyokwo.¹⁷Ee, ak kigisir eng' ng'atutieng'wong' kele bo iman baornatetab biko aeng'. ¹⁸A i inendet ne baorianjinige ak baoryanjina Kwanda ne kiyokwa."¹⁹Koleji anyun iche inendet, "mi ano Kwandang'ung'?" Kowolji Jeiso koleji, "mongeno among'et Babanyu; Nda kigonaa nda kionai Babanyu agine." ²⁰Kimwa inendet ng'alechu eng' ole kigonore silingisiek ye kinetisyei eng' hekalut ak ma nam chi inendet amu kitomo koit sainyi.²¹Kimwochi anyun icheget kogeny koleji, " awendi ak tun ochengo ak obegu eng' tengektanwong', ole awendi ko momuji obwa." ²²Kile anyun Yahudik, "tos baregei, amu mwoe kole ole awendi ko momuji obwa?"²³Ak kileji iche "obo oli bo ng'weny abo barak, o bo ng'wenduni ma bo ane ng'wenduni. ²⁴Noto kamwowok ale obegu eng' tengekwogikwok. amu ng'o moyani ole A I inendet obegu eng' tengekwogikwok."²⁵Kileji anyun iche inendet, "i ng'o?" Koleji Jeiso, "noto kiamwowok kong'ete taunet. ²⁶Atinye tuguk che chang' che amwoe ak che aruochi agobo akwe ago bo iman inendet ne kiyokwo ak amwochini ng'weny tuguk che kiagas eng' inendet." ²⁷Ago ma iguiyo kole mwochini agobo Kwanda.²⁸Kileji Jeiso iche anyun, "ye kaouite weritab chi, onai anyun eng' betunoto ole A I inendet ama yae kiy anege ago amwae tuguchu kou ye kineta Kwanda. ²⁹Inendet ne kiyokwo kemi tuwai, ma bagakta anege amu ayae kotugul tuguchuto chomokse eng' inendet." ³⁰Ak kingo tokomwoe tuguchu, koyan inendet che chang'.³¹Kilechi Jeiso anyun Yahudichoto kiga koyan inendet, "ngot otebi akwe eng' ng'olyondenyu ko o i alamalyenyu iman; ³²Ak onai imanda ak kotiachak imanda." ³³Kowolji iche inendet koleji, ki keswek ab Abraham ak tomo keegu otwogikab chi age tugul; Ara imuktoi ano ile, 'Kitiochok'?"³⁴Kowolji Jeiso koleji, "amwowok Iman, iman ale, age tugul ne yae tengek ko otwokindetab tengek. ³⁵Ak matebye otwokindet eng' got koigeny, tebyei werit koigeny. ³⁶Ng'otiachak anyun werit, ko otiogotin iman.³⁷Anget ale o i keswekab Abraham ago ochenge obara amu motinye ng'olyondenyu oletebe eng' akwe. ³⁸Amwoe tuguk che kiageer eng' Babanyu ak oyae tuguchoto kiogas eng' kwandang'wong'."³⁹Kowolji kolechi, "Kwandanyo ko Abraham." koleji Jeiso, "nda ki o i legukab Amraham nda kioyae boisionikab Abraham. ⁴⁰Ago nguno ochenge obara, chito ne kamwowok ng'alek che bo iman che kiagas eng' Jehovah. Kima yai kounoto Abraham. ⁴¹Oyoe boisionik che bo kwandang'wong'." Kilechi anyun icheket inendet, "kimagisichech eng' sokset; kitinye Kwanda agenge noto ko Jehovah."⁴²Komwochi Jeiso icheget koleji, "nda ka Kwandang'wong' Jehovah, nda kochama amu kianyo abunu Jehovah, kima nyo anege ago kiyokwo inendet. ⁴³Amu nee si monai choto amwoe? Amu momuchi ogas ng'olyondenyu. ⁴⁴O bo kwandang'wong' oindet ak ochome oyai magutigab kwandang'wong'. Ki rumindet kong'ete taunet ama tononi eng' imanda amu mami imanda eng' inendet. Ye mwoe lembech komwoe agobo tugukyi amu kiplembechwa inendet ak kwanda ne bo lembech.⁴⁵Ago moyana amu amwoe imanda. ⁴⁶Ng'o eng' akwe ne igikyino kole atinye tengek? ngot amwoe imanda ko amu nee anyun si moyana? ⁴⁷Inendet ne bo Jehovah kogasei ng'alekab Jehovah; noto anyun mogose akwe amu mo bo Jehovah."⁴⁸Kowolji anyun Yahudik koleji, "Tos makimwoe ache iman kele i samarindet ak itinye oindet?" ⁴⁹Kowol Jeiso kole, "Matinye oindet ogo agonyiti Babanyu, ak otewero.⁵⁰Ago mocheng'e torornatenyu; Mito agenge ne cheng'e ak koruochi. ⁵¹Amwowok Iman, iman ale, ng'orib chi ng'olyondenyu ko mageere meet agoi."⁵²Koleji anyun Yahudik inendet, "king'et nguno kele itinye oindet. Kigome Abraham ago kigobek maotik; ak imwoe ile 'ngorib chi ng'olyondenyu ko machamchami meet agoi'. ⁵³Tos i o isiir kwandanyo Abraham ne kigome? Ak kigobek maotik. Iyaege inye iegu ng'o?⁵⁴Kowol Jeiso kole, "ngot atororige ko buch torornatenyu; Kwandanyu ne itororo- ne omwoe ole inendet ko Jehovah neng'wong'. ⁵⁵Ak tomo onai inendet, ago ang'et ane inendet. Ak ngot amwa ale mang'et inendet, aegu kiplembechwa ko u akwe, ago ang'et ane inendet ak aribe ng'olyondenyi. ⁵⁶Kibaibai kwandang'wong' Abraham kogeer betunyu; ak kigeer ak kogasgei."⁵⁷Koleji anyun Yahudik inendet, "tomo iit kenyisiek konom ako kiigeer Abraham?" ⁵⁸Koleji Jeiso, "amwowok Iman, iman ale, kingo tomo kobiit Abraham A MI. ⁵⁹"Kinem anyun bichoto koik komoche kowire inendet ago kiunyge Jeiso ak komanda eng' hekalut.

¹Ak ye kingo siirtoi Jeiso, kogeer chito ne ki korat kong'ete ko kagisich. ²Ak kitebe inendet alamalyennyi koleji, "Rabii, ng'o ne kiyai tengekto, chichi anan sikikyi, si kesich ko korat?"³Kowol Jeiso koleji, "kimayai chichi tengekto, nda sikikyi, ago si kobit kotook boisionikab Jehovah eng' inendet. ⁴Kanyol ayai boisionikab inendet ne kiiyokwo ko ta kobeet. Amu nyoni kemout ne ma komuchi chi kobois. ⁵Kote ko to mi ng'weny ko a lapkeiyet ab ng'weny."⁶Ye kingo kagomwa ko u noto, kong'utyi nyung'unyek ak kotangwar ak koiile konyekyi nyung'unyechoto. ⁷Ak kolenji inendet, "ui iunde eng' tamboiyot ab Siloam" (ye kiweech kele "kiyokto"). kiwa anyun koun ak kowechge kokagogerto.⁸Kimwa anyun bikab kokwet ak biko che kigageer eng' tai ko korat ak kole "tos ma inendet ni ne kicham kotebye ak kosomse?" ⁹Kole alak, "inendet". Kole alage, "achicha ago kerge ak inendet." Ago kile chichoto "a i inendet."¹⁰Kolenji anyun iche inendet, "kogiyatita ano konyekuk?" ¹¹Kowol kole, "kotangwar nyung'unyek chi ne kegure Jeiso ak koilie konyekyu ak kolejo 'ui Siloam ak iunde .' Aawe anyun aun ak ageerte." ¹²Kileji, "mi ano inendet?" kowolji koleji, "mongen."¹³Kiimut anyun iche chichoto ki korat eng' tai kwo ole mi Parisaik. ¹⁴Ak sabato betu noto kitangwari Jeiso nyung'unyek si koyaate konyekab chichoto. ¹⁵Kotebe Parisaik kogeny kole katebto ano si igeerte, kowolji icheget koleji, "kaiile konyekyu nyung'unyek chi katangwar, ak kaun, ak agerte."¹⁶Kole alak che bo Parisaik anyun, "mabunu Jehovah chichi amu mariibe Sabato." kole alage, "imuktoi ano chi kipteng'ekyo koyai kaborunoik chi u chu?" Ak kibiit toiyet eng' kwenung'wai. ¹⁷Kigileji kogeny chito ne korat , "imwoe nee agobo inendet, amu kayaat konyekuk?" Ak kiwol kole, "maotio." ¹⁸Ma iyan anyun Yahudik agobo inendet kole kogorat ago kagogeerto agoi koguur sigiikab chichoto.¹⁹Ak kotebe koleji, "tos wering'wong' ni ne omwoe ole kigisich ko korat? Ko katebto ano si kogeertoi ng'uno?" ²⁰Kowol sigikyi kole, "werinyo nito ak king'et kele kigisich ko korat. ²¹Ago making'et ole katepto si kogeerto nguno ak making'et chito ne kayote konyekyi, oteebe amu kagoeet inendet, ng'omwa inegei."²²Kimwa ngalechu sigikyi amu kiiywei Yahudik. Kigagosib kochamnyeji Yahudik kole ngong'aany chi age tugul kole inendet ko Kristo, kibeetoi eng' sunagogit. ²³Amu eng' nito anyun, komwa sigikyi kole, "otebe amu kagoet."²⁴Kiguur ne bo aeng' bichoto, chichoto ki korat ak koleji, "igochi Jehovah kalasunet, amu king'et kele kipteng'ekyo chichi." ²⁵Kowol anyun inendet kole, "ng'o kipteng'ekyo chichoto ko mangen, kit agenge ne angen ko kia korat ago ageertoi nguno."²⁶Koleji anyun iche inendet, "kayaun nee? Kayatita ano konyekuk?" ²⁷Kowolji inendet icheget koleji, "kamwawok ama ogas, kalya si omache ogas kogeny? Omache oegu ak akwe alamalyennyi, tos?"²⁸Kong'emji kut iche inendet koleji "i alamalyennyi, ago kii ache alamalyetab Musa. ²⁹Kingen kele king'ololji Jehovah Musa ago magingen ole bo chichi."³⁰Kowolji chichoto icheget koleji, "kwongut nito anyun amu mongen ole bunu ano, ago kagoyaat konyekyu." ³¹Kingen kele magose Jehovah kipteng'eginik, ago ng'olosu chi age tugul Jehovah, ak koyae magenyi kogase inendet.³²Kong'ete ng'etoi ng'weny ko ma kigas kele kiyat chi konyekab chi ne kigisich kogorat. ³³Nda ma bunu Jehovah chichi ko magoi imuch koyai kiy. ³⁴Kowolji inendet koleji, "kigisikten iman teng'ekwogik ak iyaege inetech?" Ak kitoorta inendet kwo sang'.³⁵Kigas Jeiso kole kagetorta inendet kwo sang', ak ye kingo nyor inendet koleji, " tos iyoni weritab Jehovah?" ³⁶Ak kiwol kole "ngo noto Kiptaiyandani, si kobit ayan inendet?" ³⁷Koleji Jeiso "kaigeer inendet, ago inendet ni ng'ololi ak inye ." ³⁸Ak kile, "Kiptaiyandani, ayoni," ak kigutungji kolos inendet.³⁹Ak kile Jeiso, "kianyo ng'wenyuni amu kiruoget si kobiit kogeerto che magertoi ak kogorio che keertoi." ⁴⁰Kigas tuguchuto alak che bo Parisaik che kimi koboto inendet ak koleji, "kigoryotin agiche?" ⁴¹Koleji Jeiso, "nda kiogoryotin akwe, nda motinye tengek, ago amu nguno omwoe ole kigeertoi, kotebye anyun tengektong'wong'."

¹Amwowok Iman , iman ale, chorin ak ko rebin inendet ne mabunu kurget ak kochut biutab kechirek, ago sire kerwa. ²Ago mestowotab kechirek inendet ne bune kurget.³Yotyini inendet ribindetab kurget ago kose kechirek kutinyi ak koguur kechirekyi eng' kainaikwai ak kondoe iche. ⁴Ye kagomanda tugul koba sang', kondoe ak korub kechirek inendet amu ingen kutinyi.⁵Ak marube toondet ago mwee, amu manoe kutitab toek. ⁶Ak kimwochi Jeiso iche kalewenoni ago maiguiyo iche kole nee tuguchoto kiga mwochi.⁷Koleji anyun Jeiso iche kogeny, "amwawok Iman, iman ale, a i kurgetab kechirek. ⁸Chorik ago rebik tugul che kindouneno ago ma kas kechirek ichee.⁹A i kurget.Ngwo chi age tugul go ne buno ane, kesoru ak kwo ak komanda sang' ak konyor ole kiyage. ¹⁰Nyoni chorindet si kochor ak kobar ak kong'em. Kianyo si kobit konyor sobondo ak kotebto sobondo inne.¹¹A i mestowot ne kararan, igoitoi mestowot ne kararan sobondanyi agobo kechirekyi. ¹²Ago inendet ne otwogin ne ma mestowot ama chitab kobo kechirek kogere konyoni kimaget, kobokoktoi kechirek ak komwei ak konyo kimagetiet ak konam iche ak koyesta. ¹³Komwee inendet amu otwogin ak mamoge kiy kechirek.¹⁴A i mestowot ne kararan ak anget kechirekyu ak kong'eno chechu. ¹⁵Kou ye ing'eno Kwanda ak angen Kwanda ak agoitoi sobondanyu agobo kechirek. ¹⁶Ak atinye kechirek alak che ma bo biuni, kanyol aget choto agiche si kogas kutinyu ak koek akwet agenge ak mestowot agenge.¹⁷Chomo anyun Kwanda amu noto, amu agoitoi sobondanyu si kobit anam kogeny ¹⁸Masoreno chi ago agoitoi anege, atinye kimnotet agoito ak atinye kimnatet anam kogeny, kiataach ng'atutioni eng' Babanyu."¹⁹Ak kibiit toiyet kogeny eng' Yahudik agobo ng'alechuto. ²⁰Ak kile che chang' eng' iche, "tinyei oindet ago ame iywek, kalya si ogas inendet?" ²¹Kole alage, "ma bo ng'alechu chi ne tinyei oindet. Tos imuchi oindet koyat konyekab chito ne korat?"²²Ak kimi igortab katabanet eng' Jerusalem ak ki betusek ab kaititindo, ²³Ak kiwendot Jeiso eng' hekalut eng' keterut ne bo solomon. ²⁴Kibwa anyun Yahudik komut inendet ak koleji "igonech ketebi eng' saget kot kotianit? Ng'ot i Kristo imwoiwech komie."²⁵Kowolji Jeiso koleji, "kiamwowok amoyoni boisiosiek che ayae eng' kainetab Babanyu ko choto che baoryianjino. ²⁶Ago moyoni amu mo bo kechirekyu²⁷Kase kutinyu kechirekyu ak angen iche ak korubwo. ²⁸Ak agochini iche sobondab koigeny ak magoi lusyo amasareno chi eng' eunyu.²⁹O Babanyu ne kigono iche kosiir tugul ama mi chi ne imuchi kosar iche eng' eutab Baba. ³⁰Ane ak Kwanda ko ki agenge. ³¹Konam anyun Yahudik koik kogeny kolen kowir inendet.³²Kowolji Jeiso koleji, "kaborwok boisiosiek che chang' che kororon che bunu Kwanda, owiro agobo boisio nee eng' choto? ³³Kowolji Yahudik inendet koleji, "makiwirin amu boisiet ne kararan ago amu mulset, inye ne i chi iyaege iegu Jehovah."³⁴Kowolji Jeiso bichoto koleji, "tos ma sirat eng' ng'atutieng'wong' kele kiamwa ale o i cheptailelisiek? ³⁵Ng'o kigoguure inendet iche cheptailelisiek, icheket che kinyonji ng'olyotab Jehovah, (ako ma imukogse kebut ngatutiet), ³⁶Tos omwoe agobo inendet ne kitabaan Kwanda ak koyokto kwo ng'weny olejini 'imulsei amu kiole a i Weritab Jehovah'?³⁷Ng'ot ko mayai boisiosiekab Kwandanyu, ko mat oyana. ³⁸Ago ng'ot ko kiayai, ko agot ng'o moyana, oyan boisiosiek si kobit onai ak oyan ole mi Kwanda eng' ane ak ane eng' Kwanda." ³⁹Kicheng' anyun kogeny konam inendet ago kichilile eng' eunekwai.⁴⁰Ak kiwo kogeny Jordan komosin ole kibotisionisie Joana eng' tai ak kitebi eng' oloto. ⁴¹Ak kibwonji inendet che chang' ak komwa kole "kima yai Joana kaborunet ago tuguk alak tugul che kimwa Joana agobo chichi ko bo iman." ⁴²Ak kiiyan inendet che chang' eng' oloto.

¹Kimian chito age ne keguure Lasaro ne bo Betania Ng'anaset ne bo Maria ak chepto ne tupcho ak Marta. ²Nito ko Maria ne kiil Kiptayat ak kouuse kelyekyi sumeekyi ne kimioni tupchenyi Lasaro.³Kiiyokyi tipichoto tupcho inendet ng'olyot koleji, "Kiptayandani, keero, imioni inendet ne ichome." ⁴Ago kingogas Jeiso nito, komwa kole, "ma bo meet mionito ago bo torornatetab Jehovah ak kilosune noto weritab Jehovah."⁵Ak anyun kichome Jeiso Marta koboto Maria ne tupcho tuwai ak Lasaro. ⁶Kingogas kole mioni kota kotebi betusiek aeng' eng' ole kimi. ⁷Kingobata nito, koleji alamaliennyi, "ongebe anyun Judea kogeny."⁸Koleji alamalyet, "Rabbi, kocheng'e Yahudik kowirin eng' koik ak iwendi olindo kogeny?" ⁹Kowolji Jeiso koleji, tos momi saisiek tamanu ak aeng' eng' betut? Ng'o wendot chi eng' bet ko makinachi amu keerei lapkeiyetab ng'wenyuni.¹⁰Ago ng'o wendot chi kemoi, kinachi amu momi lapkeiyet eng' inendet." ¹¹Komwa tuguchu ak ye king'obata koleji icheket, "inuchi chorwenyo Lasaro, ago awendi ang'eeti inendet eng' ruondo."¹²Koleji anyun alamalyennyi inendet, Kiptaiyandani, ng'ot konuuchi ko ka ga tokosobe." ¹³Ago kimwoe Jeiso agobo meenyi, nga kilen iche alen mwoe agobo ruondo ne kagonuuch. ¹⁴Kimwochi anyun Jeiso iche komie koleji, "kagome Lasaro.¹⁵Ago abaibai agobo akwe amu kimomi olindo si kobit oyan. Ago ongebe ole mi inendet." ¹⁶Koleji anyun Tomas ne keguure Didumo alamalyet chun alak, "ongebe ak ache si kobit kebegu ak inendet."¹⁷Ye king'oit Jeiso anyun, konyor kole kiga kotebe kererit betusiek angwan. ¹⁸Betania ko kilegite Jerusalem, ki olo bo mailisiek aeng'. ¹⁹Ak kigabwa che chang' che bo Yahudik kogaigai Marta ak Maria agobo weringwai. ²⁰Kingogas anyun Marta kole nyoni Jeiso, kwo kotorokta inendet ago kita kotebi Maria eng' got.²¹Koleji Marta anyun Jeiso, "Kiptaiyandani, nda kiimi yu ta kima komee werit ne ketupche. ²²Ago ang'et mbo raa ale, kito age tugul ne isome Jehovah kogonin Jehovah." ²³Koleji Jeiso inendet, "ta kong'eete tupcheng'ung'."²⁴Koleji Marta inendet, "ang'et ale ng'eete eng' ng'eetyet ne bo betutab let." ²⁵koleji Jeiso, "A ng'eetyet ak sobondo; inendet ne iyono agot ng'ome, ko ta kosobe; ²⁶Ak chi age tugul ne sobe agoyono, ko ma mee matiny. Tos iyoni inye nito?"²⁷Koleji "wei, Kiptaiyandani, ayoni ale i Kristo weritab Jehovah ne nyoni ng'weny." ²⁸Ak ye kingo kagomwa nito chepoto, kwo koguur Maria chepto ne tupcho eng' ung'ot koleji, "mi yu konetindet ago kuurin." ²⁹Ak ye king'ogas nito, kong'eet kochakta kwo ole mi inendet.³⁰Ago kitomo koit Jeiso nganaset ago ki kitogomi ole kigatuiyo ak Marta. ³¹Kiirub anyun Yahudik, chepoto che kimi tugul eng' go kogoigoi, ye king'ogeer kong'eet Maria kochakta komanda sang', kolen wendi kererit korire eng' oloto. ³²King'oit anyun Maria ole mi Jeiso ak kogeer inendet, kobutyi kelyekyi ak koleji, "Kiptaiyandani, nda kiimi yu nda kimakomee werit ne ketupche."³³King'ogeer Jeiso anyun inendet korire, ak korirtos agiche Yahudik che kigabwa koboto inendet, kogas kongwan mising' eng' Tamirmiriet ak kochol; ³⁴Kole, "kionde ano?" Koleji, " Kiptaiyandani nyo keer." ³⁵Korir Jeiso.³⁶Kole anyun Yahudik, "ogeer anyun o, ole kiichamdoi inendet Lazaro." ³⁷Ago kile alak eng' iche, kigatemene nee chichi ne kiyote konyekab chito ne ki korat koger,ago ka koyai chichi mame ?"³⁸Kogas anyun Jeiso kong'wan kogeny eng' orinyi, konyoni kererit. Ki kebenet ne kiga kigere koita kurget. ³⁹Kole Jeiso, "oiste koita." Koleji Maria chepto ne tupcho ak Lazaro, "Kiptaiyandani, kogosamisit amu kong'etege ng'ome, ko betusiek angwan. ⁴⁰Koleji Jeiso inendet, "kama mwoun ale ng'iyoni, igeere torornatetab Jehovah?"⁴¹Koisto anyun koita ak king'et met Jeiso ak kole, "Baba, amwoun kongoi ale kaigasa. ⁴²Ak kaanai ale igoso eng' ui tugul ago kaamwa ni amu tuiyoni tononi eng' yuto si kobiit koyan kole kiiyokwo."⁴³Ak ye kingo kagomwa ko u noto, komwa eng' ne o kole, "Lazaro, mongu!" ⁴⁴Komong' anyun inendet ne kiga kome ko rototin eunek ak kelyek eng' ngoroik che bo kererit, ak kigakirate togenyi anget. koleji anyun Jeiso bichoto, "otiach ak ounde kwo."⁴⁵Kiyan anyun inendet che chang' che bo Yahudik che kigabwa ole mi Maria ak kogeer tuguk che kiyai Jeiso. ⁴⁶Ago kiba alak ole mi Parisaik ak komwochi iche tuguk che kagoyai Jeiso.⁴⁷Kiguur anyun kiruoget tisiik che eechen ak Pharisaik ak kole "kiyai nee? Amu yae chichi kaborunoik che chang'. ⁴⁸Ng'ot kebagakte inendet ko u ni koyoni inendet biko tugul asi kobwa Romanik kosarenech emenyo ak bororyenyo."⁴⁹Ak age eng' icheget ne kigiguure Kaiapa ne ki tisiindet ne o kenyinoto koleji, "monget akwe kiy age tugul. ⁵⁰Monget ole kororonitu eng' akwe ngomechi chito agenge biko si ma bet bororiet komugul."⁵¹Kima komwoe inegei nito. Ago kimaoten amu ki tisiindet neo inendet eng' kenyinoto, kole kanyol komechi Jeiso bororiet; ⁵²Ma agobo bororiet nito inege, ago si kobiit koum legukab Jehovah che yestootin si kobiit koek agenge. ⁵³Kong'etege betunoto anyun ak kwo tai, koruogot agobo ole bortoi inendet.⁵⁴Mata kowendot Jeiso anyun eng' ole toogu eng' Yahudik ago kiwo eng' oloto agoi emet ne legite surkwen eng' nganaset ne kiguure Epraim ak kitebi eng' oloto koboto alamalyennyi. ⁵⁵Kigarik Paska ne bo Yahudik ak kiba che chang' eng' emet kolangta Jerusalem kotomo koit Paska koba koanyinyige.⁵⁶Ak kichenge anyun icheget Jeiso, ago ng'alalchinige ichegei eng' ichegei kotononsot eng' hekalut ago len, "obwati nee akwe? Tos olen manyoni inendet igorta?" ⁵⁷Kiga ng'at tisiik che eechen ak Parisaik kole ng'onai chi age tugul ole mi inendet, komwoi si kobiit konam icheget inendet.

¹Ak kingota komi betusiek lo si koit Paska, konyo Jeiso Betania ole kimi Lasaro ne kiging'eeti komong' eng' che kibek. ²Kichopchi iche inendet eng' oloto amitwogik che bo koskoleng', koboisiechi Marta, ago kimi Lasaro koboto iche che kiamisie. ³Kinem anyun Maria mwaita ne bo kamanutiet neo ne kibo ratilit agenge ak koile kelyekab Jeiso ak kobuge sumeekyi kelyekyi ak kinyi got nyamdutiet ne bo mwaita.⁴Ago kile Judas Skariot ne ki agenge ne bo alamalyennyi ne kimoche kongwekta inendet. ⁵"Ko amu nee si ma kialdae mwai denarisiek bogol somok si kigochi kibananok?" ⁶Kimwa ni anyun ma amu kirire kibananok ago amu ki chorin ago kitinyei lolet ak koibe tuguk che mi orit.⁷Kole Jeiso, "Obagakte kogonorji betutab tubenyu. ⁸Amu mi kibananok kobotok kotugul ago mami ane ak akwe kotugul."⁹Kinai anyun biko che chang' che bo Yahudik kole mi oloto, ak kibwa ma agobo Jeiso inege ago si kobiit kogeer Lasaro agine ne kiga kong'eet inendet eng' che kibek. ¹⁰Ago kiruoch tisiik che eechen kole kobar Lasaro agine; ¹¹Amu kiitabang'e che chang' che bo Yahudik koba koyan Jeiso amu inendet.¹²Ak eng' betut ne kirube noto, kogas tuiyet ne o ne bo biko che kigabwa igorta kole nyoni Jeiso Jerusalem, ¹³Konam temenik che bo sosik ak koba kotorokta inendet ak komwa eng' kutit ne o kole Hosana! iberurot inendet ne nyoni eng' kainetab kiptaiyat noto Laitoriatab Israel."¹⁴Ak ye kingo kagonyor Jeiso moitab Sigiriet; kolany ko u ye kigisir kele, ¹⁵"A meiywei inyee cheptab Sion; keer o, nyoni Laitoriandeng'ung' kobunu moitab Sigiriet."¹⁶Kima iguiyo alamalyennyi eng' tai tuguchuto ago kingo kagitoror Jeiso, kobwat anyun iche kole kigisir tuguchuto agobo inendet ak kiga keyachi inendet tuguchuto.¹⁷Kibaorian anyun tuiyet ne kimi koboto inendet ye kiguure Lasaro eng' kererit ye king'eeti inendet eng' che kibek. ¹⁸Kiba anyun tuiyet kotorokta inendet amu noto kigagogas kole kiyai kaborunouni. ¹⁹Kimwochige anyun Parisaik ichege kole, "ogeero, ma oterter amu; ogeero, kagorub inendet biko tugul che bo ng'weny."²⁰Ak kimi Yunanik alage eng' che kiba kotogosta koba kosa eng' igorta. ²¹Kibwa bichoto anyun ole mi Pilipu ne bo Betsaida ne bo Galili ak kotebe inendet kole, "Kiptaiyandani, kimoche kegeer Jeiso." ²²Kinyo Pilipu komwochi Andrea ak kobwa tuwai Pilipu ak Andrea komwochi Jeiso.²³Ak kiwolji Jeiso koleji, "kait sait ne kitorore weritab chi. ²⁴Amwowok Iman, iman ale, ng'o ma me baywat ne ibutyini nyung'uny'ek, kotebche inegei; ago ng'ome, koiyie logoek che chang'.²⁵Inendet ne chome sobondonyi kobeeti ak inendet ne sose sobondanyi eng' ng'wenyuni koribe kot koit sobondab koigeny. ²⁶Ngo boisiewo chi age tugul, ko nyolu korubata ak si ole ami komi oloto agine kiboitiondenyu. Ng'oboisiewo chi, koteegisi inendet Kwanda.²⁷Nyolili nguno sobondanyu ago amwoe nee anyun? Baba, soruo eng' saini'? Ago kianyonji saini amu ng'olyondonito. ²⁸Baba itoror kaineng'ung', kimong' anyun tuget eng' Kipseng'wet kole, kiatoror ak ta atorori kogeny." ²⁹Kimwa anyun tuiyet ne kitononi eng' oloto kogose kole katul, kole alak "kangololji malaikayat."³⁰Kowolji Jeiso koleji, "kama nyo kutini agobo ane, agobo akwe. ³¹Kabiit nguno kiruogetab ng'wenyuni: Ak kagitoorta anyun nguno ne o ne bo ng'weny komanda.³²Ak ye kiuito eng' ng'weny, amutyige biko tugul." ³³Ago kimwa ni kobortoi meet ole meitoi.³⁴Ak kiwolji anyun tuiyet inendet koleji, "kigegas eng' ng'atutik kele tebyei Kristo koig'eny. Teptoi ano anyun si imwa ile kanyol keuto Weritab chi? Ng'o weroto bo chi?" ³⁵Koleji Jeiso anyun, "ta komi lapkeiyet eng' kwenung'wong' eng' betusiek che matia. Obendote eng' lapkeiyet ye ta otinye lapkeiyet si manamak tuinto. Ak inendet ne wendoti eng' tuinto ko manoei ole wendi. ³⁶Ye ta otinye lapkeiyet, oyan lapkeiyet si kobiit oegu werikab labkeiyet." Kimwa Jeiso tuguchu ak kwo kounyege icheket.³⁷Ago ng'a kiga koyai kaborunoik che chang' che te cho eng' taingwai, koma iyan iche inendet. ³⁸Si kobiit kosulda ng'olyotab maotiot Isaia ne kimwa kole, "Kiptayandani, kiiyan ng'o ng'alekyo? Ak kigeng'onji ng'o eutab Kiptaiyat?"³⁹Ma imuchi anyun koyan amu ng'olyondonito amu kimwa Isaia kogeny kole, ⁴⁰"Kigotich inendet konyekwai ak kogochi mugulelwekwai kouegitu si me keere konyekwai nda konai eng' mugulelwekwai ak kowechge ak asoob icheget."⁴¹Kimwa tuguchu Isaia amu kigeer torornatenyi ak kingalal agobo inendet. ⁴²Ago kiiyan inendet che chang' agot eng' bounik ago ma ng'any inendet si ma oon icheget Parisaik eng' sunagogit. ⁴³Amu kichome kalosunetab biko kosir kalosunetab Jehovah.⁴⁴Ago kimwa Jeiso eng' kutit ne o kole, "inendet ne iyono koma iyono ane ago kaiyan inendet ne kiyokwo, ⁴⁵Ak inendet ne keero, kogeere inendet kiiyokwo.⁴⁶Kianyo aegu lapkeiyet eng' ng'weny, si ma kotebye eng' tuinto chi age tugul ne iyono. ⁴⁷Ak ng'o kas chi age tugul ng'alekyu, ama rib komoruokyini inendet amu kima nyo aruokyi ng'weny ago kianyo asoru ng'weny.⁴⁸Inendet ne toyo ama tooche ng'alekyu, kotinyei ne iruokyini. Ng'olyot ne kiamwa ko noto ne iruokyini inendet eng' betutab let. ⁴⁹Amu kima mwoe anege, kigono Kwanda ne kiiyokwo ng'atutiet ne kanyol aamda. ⁵⁰Ak ang'et ale sobondab koig'eny ng'atutienyi, tuguk che amwoe anyun, ko u ye kimwowo Kwanda amwoe kou noto.

¹Ak ye king'otomo koit igortab Paska, Konai Jeiso kole kagoit sainyi ne wendi eng' ng'weny kwo ole mi kwanda. Ko kagocham chechi che mi ng'weny, kocham anyun agoi betutab let. ²Ak eng' saitab amitwogikab kiskoleng' , kogagonde oindet ng'wektaet muguleltab Judas Iskariot ne bo kap Simon.³Koganai Jeiso kole kagonde tuguk tugul eunekyi ak kole kibunu Jehovah ak kowendi ole mi Jehovah. ⁴Kong'eet eng' amitwogik ak konde taban ng'oroikyi. Ak konam ang'et ne kibugege kotaege. ⁵Ak korongji beko sanit ak kotoi koun kelyekab alamalyet ak kobuche anganato kiga taege.⁶Konyo ole mi Simon Petero, ago kileji Petero, "Kiptaiyandani, tos iuni inye kelyekyu?" ⁷Kowolji Jeiso inendet koleji, "kito ne ayae ko meng'et nguno, ago tatun inae." ⁸Koleji Petero, "magoi iun kelyekyu." Kowolji Jeiso koleji, "ng'o maunin, komagiting'ege kiy." ⁹Koleji Simon Petero inendet, "Kiptayandani, ma kelyekyu kityo, ago eunekyu ak metinyu."¹⁰Koleji Jeiso inendet, "ne kagoung'e ko ma komoche koung'e kogeny kobate kelyekyi amu iunot inne; ounotin akwe ago ma akwe tugul." ¹¹(Amu kiing'et ne kimoche kongwekta inendet ak kimwa amu noto kole "maounotin tugul.")¹²Ak ye kingo kagoun anyun kelyekwai ak konem ng'oroikyi ak kotebi ng'weny kogeny, koleji icheget, "tos ongen ne kaiyaiwok? ¹³Ogureno 'konetindet' ak 'Kiptaiyat', ak omwoe anyun komie, amu a i inendet. ¹⁴Ng'o ane anyun ne a Kiptaiyat ak Konetindet, ne kaun kelyekwok, ko kanyoljok ak akwe ounjige kelyek. ¹⁵Amu kaboruok si oyai ak akwe kou ne kayaiwok.¹⁶Amwowok Iman, iman, ale, ma o otwogindet kosir Kiptaiyandenyi; Ama o inendet ne kigiyok kosiir inendet ne kiiyoku. ¹⁷Ng'onai tuguchuto ko oboiboien ng'oyai. ¹⁸Ma mwoe agobo akwe tugul, ang'et che kialewen ago si kobiit kosulda sirutiet ne kile inendet: 'Ne ame magatiandenyu ko kagong'et kwariandenyi koyaiwo ne ya.'¹⁹Kasib amwowok kong'ete nguno kotomo kosulda si ng'osulda oyan ole A l inendet. ²⁰Amwowok, Iman, iman, akwe ale, inendet ne tooche age tugul ne ayogu, ko kataacha, ak inendet ne toocho ko kataach inendet ne kiiyokwo."²¹Kingo kagomwa Jeiso kou noto, konyor nyalilda eng' tamirmiryenyi ak kobaorian kole, "amwowok Iman, iman, ale, ng'wegto age eng' akwe." ²²Kotobeng'ee anyun alamalyet ama nai kole ng'o, mwoe agobo ngo.²³Ak kimi meset agenge ne bo alamalyet ne kitiegei tegetab Jeiso ne ki chamat eng' Jeiso. ²⁴Kong'wech Simon Petero inendet ak kolechi, "tebe ilechi, tos mwoe agobo ngo?" ²⁵Koleji anyun noto kitiege tegetab Jeiso, "Kiptaiyandani, ng'o noto?"²⁶Kowolji Jeiso anyun kole, "inendet ne agochini kererutiet ye kaaburburte, ak ye king'o kagoburburto kererutiet, kogochi Judas ne bo kap Simon Skariot. ²⁷Ak ye king'o kagotaach kererutiet kochut chesawiliet inendet, koleji Jeiso anyun, "yai chokji ne imoche iyai."²⁸Kimanai chi eng' che kimi amisiet kole kamwochi inendet agobo nee. ²⁹Amu kilen alak eng' icheget, kaleji Jeiso ial tuguk che kimoche eng' igorta amu kiting'oti Judas lolet, anan ko kaleji igochi kiy kibananok. ³⁰Kingo kagotaach anyun inendet kererutiet, komanda ngunoto. Ki kemoi.³¹Ye kingo kagomanda sang', komwa Jeiso kole, "kagitoror ng'uno weritab chi, ak kagitoror Jehova eng' inendet. ³²Ak tun itorori Jehovah inendet eng' orinyi ak kotorori inendet eng' sainato. ³³Leguchu mengechen, ta atebye kobotok ne matia. Tun ocheng'o ak ko u ye kiamwachi Yahudik aleji, 'ole awendi, komomuchi obga.' amwowok nguno ak akwe kou noto.³⁴Agonok ng'atutiet ne leel, ale ochamye ak akwe. ³⁵Eng' nito anyun, konae biko kole, oi alamalyennyu ngochamsoti."³⁶Kileji anyun Simon Petero, "Kiptayandani, iwendi ano?" Kowolji Jeiso koleji, "ole awendi, komemuchi irupga nguno, ago tatun irupgo." ³⁷Koleji Petero, "Kiptayandani, kalya si mamuchi arubun mbo raa? Agoitoi sobondanyu agobo inye." ³⁸Kowolji Jeiso koleji, "igoitoi sobondang'ung' agobo ane? Amwaun iman, Iman, ale, kotom kochei kipsoiywet, itoyo konyil somok."

¹Amogochi mugulelwekwok koimgei. Oyoni Jehovah; oyono agane. ²Mi gorik che chang' gotab Babanyu, nda kima kou noto, ta kiamwowok, awendi achobwok koret. ³Ak ye awe achobwok koret, anyoni kogeny amutok, si ole ami omite ak akwe.⁴Ak ole awendi onget oret." ⁵Koleji Tomas, "Kiptayandani, maging'et ole iwendi, kinoitoi ano anyun oret?" ⁶Koleji Jeiso, "A i oret ak iman ak sobondo; Manyonjini chi Kwanda ama eng' ane. ⁷Nda kionaa, nda kionai Baba agine. Ak kaonai inendet anyun kong'ete raa ak kaogeer inendet."⁸Koleji Pilipu, "Kiptaiyandani, iboruech Kwanda, ago si koemech noto." ⁹Koleji Jeiso, "kigetebi tugul ak akwe betusiek che chang' ako tomo inaa wee Pilipu? Inendet ne kigoroa, kogakoro Kwanda. Amunee anyun asimwa ile, 'iborwech Kwanda'?¹⁰Tos meyoni ile ami eng' Kwanda ak Kwanda eng' ane? Ng'alek che amwowok ko mamwoe anege, ago Kwanda ne menyo ne yaei boisionikyi. ¹¹Iyana amu ami eng' Kwanda ak Kwanda eng' ane, nda oyana agobo boisionik icheget.¹²Amwowok, Iman, iman, ale, inendet ne iyono, koyaei agine boisionik che ayae ak koyae boisionik che eechen che sirei chuto amu awendi ole mi Kwanda. ¹³Ak kito age tugul ne osome eng' kainenyu, ayae si kegonyit Kwanda eng' Werit. ¹⁴Ng'ot osom kiy age tugul eng' kainenyu, ayae kioto.¹⁵Ng'ot ochomo, oribe ng'atutikyu, ¹⁶Ak osome Kwanda , ak kogonok kagaigainet age si kotebi kobotok koigeny, ¹⁷Noto Tamirmiriet ne bo imanda ne maimuchi ng'weny kotaach amu mageere inendet. Ago onget akwe inendet amu tebye kobotok ak tun tebye eng' oriting'wong'.¹⁸Mabagaktook kou kibananok; ago anyonjinok kogeny. ¹⁹Ta komi ng'atigin si ma kogeero ng'weny, ago ogeero akwe, amu asobe, osabsoti ak akwe. ²⁰Eng' betunoto, onai ole ami eng' Babanyu, ak akwe eng' ane, ak ane eng' akwe.²¹Inendet ne tinyei ng'atutikyu ak koribe, ko noto ne chomo, ak inendet ne chomo, ko chamat eng' Babanyu, ak achome inendet ak ang'ong'jinige inendet." ²²Koleji Judas (ma Skariot) "Kiptayandani, kalya si ing'ongwechge ama ing'ong'jige ng'weny?"²³Kowolji Jeiso koleji, ng'o chama chi, korib ng'olyondenyu. Ak kocham Babanyu inendet, kebwonjini ak kemeny koboto inendet. ²⁴Inendet ne machomo ko maribe ng'alekyu ak manenyu ng'olyot ne ogose ago bo Kwanda ne kiiyokwo.²⁵Kaamwowok tuguchu, kota ami kobotok. ²⁶Ago inetook tuguk tugul kagaigaindet, Tamirmiriet ne Tilil ne iyogu Kwanda eng' kainenyu ak kobwotwok tugul che kamwawok. ²⁷Abogokwok kalyet; agonok kalyenyu. Magonok kou ye konu ng'weny. Amokany koimge mugulelwekwok anan koiyweis.²⁸Kaogas ko u ye kaamwowok ale "awendi ak anyoni ole omi'. Ng'ot ochama, ko oboiboitu amu awendi ole mi Kwanda amu o Kwanda eng' ane. ²⁹Ak kamwowok nguno kotom koaak si ye kagoaak oyan.³⁰Makotong'ololwok che chang' mising', amu nyoni ne bounindetab ng'weny, ama tinye kiy eng' ane, ³¹ago si konai ng'weny kole achome Kwanda, ak ko u ye kigono Kwanda ng'atutiet, ayae ko u noto. Ong'eetye kebe."

¹"A ketit ne bo iman, ne bo sabibuk ak semberindet Babanyu. ²Tilei temenet age tugul ne mi eng' ane ne maiyi logoek ak kotilili temenet age tugul ne iyie logoek si koi logoek alak.³O tililen raa amu ngalek che kaamwowok. ⁴Omenya, ak amenyok, ko u ye maimuchi temet koi logoek inegei ng'ot go mamenye ketit, ko momuchi ak akwe ng'ot ko momenyo.⁵Aii ketitab sabibuk, ko o i temenik. inendet ne menyo ak amenye inendet, ko noto ne siche logoek che chang' amu momuchi oyai kiy akwege ngo momi ane kobotok. ⁶Ng'o mamenyo chi, kewirtoi inendet ko u temet si koyam ak koum biko ak kowirji ma ak kololyo. ⁷Ng'ot omenyo, ak komenyok ng'alekyu, osom anyun kiy age tugul ne omeche si keyaiwok.⁸Kigonyiti Babanyu eng' nito ye oiyie logoek che chang' si oegu alamalyennyu. ⁹Kou ye kichama Kwanda, ko u noto kiachamak agine. Otebi eng' chamnyenyu.¹⁰Ng'ot oribe ng'atutikyu, otebye anyun eng' chamnyenyu ko u ye kiarib ng'atutik che bo Babanyu ak atepche eng' chamnyenyi. ¹¹Kaamwowok tuguchu si kotebi eng' akwe boiboiyenyu si kobiit kosulda boiboiyeng'wong'.¹²Ng'atutienyu ni ale, ochomnye kou ye kiachamak. ¹³Motinye chi chomnyet ne siire ni, ale kogoito chi sobondanyi agobo choronokyi¹⁴O i choronokyu ng'ot oyai tuguk che ang'atok. ¹⁵Ma aguurenok otwogik amu manoe otwogindet kit ne yoe Kiptayandenyi, ago agurenok choronok, amu kang'ang'wok tugul che kiagase Babanyu.¹⁶Kima oleweno, ago kialewenok ak kiandeak ale obe ak oii logoek si kobiit kotebi logoekwok si kobiit kogonok Kwanda kito age tugul ne osome eng' kainenyu. ¹⁷Ang'atwok tuguchu ale ochamnye akwe eng' akwe.¹⁸Ng'o sasaak ng'weny, onai ole kigosasa kotomo kosasaak. ¹⁹Nda o bo ng'weny, nda ka chome ng'weny chechi, ago amu mobo ng'weny, ago kialewenok eng' ng'weny, kososok ng'weny anyun amu noto.²⁰Onan ng'olyot ne kiamwowok, 'masiire otwogindet kiptaiyandenyi.' Ng'ot ko kigonyalila ane, konyolilok ak akwe; ngot ko kinam ng'olyondenyu, koname neng'wong' agine. ²¹Ago aiwok tuguchu tugul agobo kainenyu amu manai inendet ne kiiyokwo. ²²Nda kima anyo angololji icheket, nda motinye teng'ek, ago ng'uno komotinye kito ne itiogege agobo teng'ektong'wai.²³Inendet ne soso, ko kasas Babanyu agine. ²⁴Nda kima yai eng' kwenung'wai boisionik che kima yai chito age, nda kima kotinye teng'ek, ago ng'uno ko kagonerech ak kogosasech ane ak Babanyu ²⁵Ago si kosulda ng'olyot ne kigisir eng' ng'atutikwai kele, 'kigosasa buch.'²⁶Ago ye kagoit kagaigaiyanet ne tun ayokwok kobunu Kwanda, Tamirmiriet ne bo imanda ne bunu Kwanda konyo kobaoryanjo. ²⁷Ak obaorioni ak akwe amu kiomi koboto kong'ete taunet.

¹"Kaamwowok tuguchu si ma kinachak. ²Onok eng' sunagogisiek. Ee nyoni sait ne ibwoti chi tugul ne barok kole yochini Jehovah boisiet.³Ak yaei tuguchu amu ma nai Kwanda nds ane. ⁴Ago kamwowok tuguchu si ng'o nyo saing'wai, omuchi onan ole kiamwowok agobo chuto ago kima amwowok tuguchu eng' taunet amu kiami kobotok.⁵Ago kawe nguno ole mi inendet ne kiiyokwo ama mi chi age eng' akwe ni tebeeno kole iwendi ano? ⁶Amu kaamwowok tuguchu ko kanyi mugullelwekwok cholet. ⁷Ago amwowok ne bo iman, kararan eng' akwe ngawe amu ngo mawe, ko manyonjinok kagaigainatet, ago ngot awe, ayokwok inendet.⁸Ak ye kagonyo inendet, kogikyi ng'weny agobo tengekto ak imanda ak kiruoget. ⁹Agobo tengekto ko amu ma iyana; ¹⁰Agobo imanda ko amu awendi ole mi Kwanda, ama ogeero kogeny; ¹¹Agobo kiruoget ko amu kigiruokyi ne o nebo ng'wenyuni.¹²Ta atinye tuguk che chang' che kata ta amwowok ago ma omuchi omuite raa. ¹³Ago ye tun kagonyo inendet tamirmiriet ne bo imanit, kondoiwok agoi oit imanda tugul, amu ma mwae inegei. Ago mwoe tuguk tugul che kase ak kong'ong'wok tuguk che bwoni. ¹⁴Itororo amu name chechu ak kong'ang'wok.¹⁵Chechu tuguk tugul che tinyei Kwanda. Noto kamwowok ale name Tamirmiriet chechu ak koboruok. ¹⁶Tomo ng'atigin si ma ogeero kogeny ak mi ng'atigin kogeny si ogeero."¹⁷Kong'ololjige anyun alak eng' alamalyenyi kole "nee ni kamwowech kole mi ng'atigin si ma ogeero ak mi ng'atigin kogeny si ogeero ak amu 'awendi ole mi Kwanda'?" ¹⁸Kole anyun "nee ni kamwa kole, 'mi ng'atigin'? Ng'o maging'et kito ne mwoe."¹⁹Kinai anyun Jeiso kole mochi kotebe bichoto inendet, ak koleji, "tos otebege akwe agobo ng'olyondoni kaamwa ale, 'mi ng'atigin si maogeero ak mi ng'atigin kogeny si ogeero'? Amwowok Iman, iman, ale, ²⁰orirsoti ak oteisoti, ago baibai ng'weny. Oimigee ak kewole kaimutikwok koek boiboiyet. ²¹Chole tomonet ye moche kosigis amu kait sainyi, ago ye kagosich lekwet, ko ma kononi ng'wonindo kogeny eng' boiboiyet amu kagesikyi chi ng'weny.²²Noto anyun otinye cholet raa, ago ta ageerok kogeny ak boiboien mugulelwekwok ama sarenok chi boiboiyeng'wong' . ²³Ama otebeno kiy eng' betunoto. Amwowok Iman, iman, ale, ngot osom kwanda kiy age tugul eng' kainenyu, kogonok. ²⁴Agoi raa ko tomo osom kiy eng' kainenyu. Osom si onyoru, si kobiit kosulda boiboiyeng'wong'.²⁵"Kaamwowok tuguchu eng' kalewenaik ago nyoni saitb ye ma angalalwok eng' kalewenoik ago aboruok komie agobo Kwanda.²⁶Osome betunoto eng' kainenyu ago mamwowok ale ateebe Kwanda kiy agobo akwe, ²⁷Amu Kwanda inendet ko chomok amu kiochama ak kioyan ole kiabunu Kwanda. ²⁸Kiabunu Kwanda, ak anyonji ng'weny. Abogoktoi ng'weny kogeny ak awektege ole mi Kwanda."²⁹Koleji alamalyennyi inendet, "keero, ingololi raa komie kotook, ama imwoe kalewenet. ³⁰King'et nguno kele, ing'et tuguk tugul , amanyoljini chi kotebenen kiy, kiyoni eng' nito, kele kiibunu Jehovah." ³¹Kowolji Jeiso koleji, " Ara oyani raa?³²Ogeero, nyoni sait, ee, kagonyo raa, ye kiyestook kwo chi tugul oldonyi ak obagakta anege, ago momi anege amu mi Kwanda koboto. ³³Kaamwowok tuguchu si kobiit onyoruneno kalyet. Eng' ng'weny onyoru nyalilda, ago onyiganitu amu kaaterter ng'weny."

¹Kimwa Jeiso ngalechu ak konyal Kipseng'wet, ak kole, "Baba, kago nyo sait itoror wering'ung' so kotororin Werit ²kou ye kiigochi sobondab koigeny tugul che kiigochi inendet.³Ak ni sobondab koigeny: Ale konain, Jehovah ne inyendet inyege ne bo iman, ak Jeiso Kristo ne kiiyoku. ⁴Kiatororin eng' ng'weny amu kaagesu boisiet ne kiigono ayai. ⁵Ak nguno ee Baba, itororo eng' inyendet inyege eng' torornatet ne kiatinye kemi tuwai kotomo kelumda ng'weny.⁶Kiaborji kaineng'ung' biko che kiigono eng' ng'weny. Ki chechu ak kiigono ak kigorib ng'olyondeng'ung'. ⁷Kagonai nguno kole bunun tuguk tugul che kiigono. ⁸Amu kiigochi icheket ng'alek che kiigono ak kigotaach ak konai iman kole kiabunu ole imi ak koyan kole kiiyokwo.⁹Asoe akobo icheget. Mosoe agobo ng'weny agobo icheget che kiigono, amu cheguk. ¹⁰Ak tuguk tugul cheguk ko chechu, ak chechu ko cheguk, ak kiitororo eng' icheket. ¹¹Ak ma amite ng'weny, ako mito ng'weny chu, ak anyoni ole imi. Baba ne Tilil, rib eng' kaineng'ung' icheget che kiigono si kobiit koek agenge ko u ache.¹²Kiarib eng' kaineng'ung' icheget che kiigono ye kota ami ak icheget. Kiarib icheget ama bet agot agenge eng' icheket, kobate weritab luset si kobiit kosulda sirutiet. ¹³Ak kanyonjin nguno ak amwoe tuguchu eng' ng'weny si kobiit konyor icheget kasuldaet ab boiboiyenyu eng' icheket. ¹⁴Kiagochi ng'olyondeng'ung', ak kasas ng'weny icheget amu ma bo ng'weny ko u ye mo bo ng'weny ane.¹⁵Mosoe ale imut icheget eng' ng'weny, ago ale irib icheget eng' inendet ne ya. ¹⁶Ma bo ng'weny icheget, ko u ye ma bo ng'weny ane. ¹⁷Itilil icheget eng' imanda. imanda ng'olyondeng'ung'.¹⁸Ko u ye kiiyokwo anyo ng'weny, ko u noto anyun, kokaayokte icheket koba ng'weny. ¹⁹Ak atabanige agobo icheget si kobiit kotobon icheget eng' imanda.²⁰Amosoe agobo chu kityo, ago asoe agobo icheget che tun iyono amu ng'olyong'wai ²¹Si kobiit koek icheget tugul agenge ko u ye imi inye Baba eng' ane ak ane eng' inye. si kobiit kotebi icheket eng' ache si kobiit koyan ng'weny kole kiiyokwo.²²Ak kaagochi icheget torornatet ne kiigono si kobiit koek agenge ko u ye kii agenge ache: ²³Ane eng' icheket ak inye eng' ane, si kobiit koek icheket che igesunotinge eng' agenge, si kobiit konai ng'weny kole, kiiyokwo ak ichome icheget ko u ye ichomo.²⁴Baba, amoche kotebi koboto eng' ole ami icheget che kiigono si kobiit kogeer torornatenyu ne kiigono amu kiichama kotomo kelumda ng'weny.²⁵Ee baba ne bo Tililindo, ki ma ingeti ng'weny ago kiang'etin ak kigonai chu kole kiiyokwo. ²⁶Kiong'ong'ji icheket kaineng'ung' ako ta ang'ong'jini, si kobiit kotebe icheket chamnyet ne kiichamena ak ane eng' icheket."

¹Ye kingo kagomwa Jeiso ng'alechu, koba ak alamalyennyi kolanda eng' kererut ne kiguure Kedron, ole kimi mbaret ole kiwo koboto alamalyennyi. ²Ak kiing'et koronoto Judas agine, ne king'wektoi inendet amu kicham kowendi Jeiso yoto koboto alamalyennyi. ³Ak kingo kagonyor Judas lugetab askarik, ak kiptainik che bunu tisiik che eechen ak Parisaik, kobwa kotinye taisiek ak romoriek[torchinik], ak Karik ab luget.⁴Kwo anyun Jeiso, ko ganai tuguk tugul che bwonchini inendet ak koleji, "ocheng'e ng'o?" ⁵Kowolji koleji, "Jeiso ne bo Nasaret." Kowolji Jeiso koleji, "A i inendet." Ak kitononi Judas ne king'wektoi inendet, koboto icheget.⁶Ye king'omwochi anyun icheket koleji, " A i inendet," kobun batai ak kobutyo. ⁷Kiteebe anyun inendet icheget koigeny koleji, " ochenge ng'o?" Ak kole, Jeiso nebo Nasaret."⁸Kowol Jeiso kole, "kaamwowok ale, 'A i inendet'. Noto anyun ng'ot ocheng'o, okany chu koba." ⁹Si kosulda ng'olyot ne kimwa kole: Mabeteno mbo agenge eng' choto kiigono."¹⁰Kingus anyun Simon Petero rotwetab chok ne kitinye, ak kotil otwogindetab tisindet ne o, kotil itinyi ne bo tai. Kigigure otwokindenoto Malko. ¹¹Koleji Jeiso Petero, "Weekyi rotwet choget, 'tos maee kigombet ne kigono Kwanda?"¹²Konam anyun luget ak kiptaiyat ne o koboto kiptainikab Yahudik Jeiso ak korat inendet. ¹³Ak komutyi Annas korok, amu ki boiyotab igoi ne bo Kaiaba, ne ki tisiindet ne o eng' kenyinoto. ¹⁴Ki Kaiapa nito ne kiga iiborji Yahudik eng' tai kole, nyolu komechi chito agenge biko.¹⁵Kiirub anyun Simon Petero Jeiso ak age ne bo alamalyet ne kiingetge ak tisiindet ne o, ak koba got orit koboto Jeiso agoi kapkiruogetab tisiindet ne o, ¹⁶Ago kitononi Petero eng' kurget sang'. Kimanda anyun chichoto age ne bo alamalyet ne kiingetge ak tisiindet ne o, ak kong'ololji chito ne kiribe kurget, ak kiimut Petero kochut orit.¹⁷Koleji anyun Chepto ne kiribe kurget, "tos ma i age eng' alamalyet ab chichi?" Kole, "ma ane." ¹⁸Ak kitononsot eng' yoto otwogik ak kiptainik che kiga kolaal mat ne bo nesenik, amu ki kaitit, kotononi Petero agine, koue mat koboto icheget.¹⁹Kiteebe anyun tisiindet ne o Jeiso agobo alamalyennyi ak konetisienyi. ²⁰Kowolji Jeiso koleji, "kiangololji ng'weny, amauny ng'olyo, kianetisie kotugul eng' sunagogisiek ak eng' hekalut ole tuiyechini Yahudik tugul. Amamwa kiy eng' ungot. ²¹Amu nee si iteebena? Teebe iche che kigas kito ne kiamwoji, keero, ing'et chu tuguk che kia mwa."²²Ak ye kingo kagomwa ko u noto, korabach Jeiso age, eng' kiptainik che kitononsot eng' yoto, ak kole, "iwoljini tisindet neo ko u noto?" ²³Kowolji Jeiso koleji, "ngot ko kaamwa ne ya, ibaorian agobo noto ya, ago ng'ot ko kararan, ko amu nee si irabacha?" ²⁴Kiiyokto anyun Annas inendet ko ratat kwo oldab Kaiapa tisindet ne o.²⁵Ak kitononi Simon Petero koue mat. Koleji anyun icheget inendet, "ma i age aginye ne bo alamalyennyi?" kotai kole "ma i inendet." ²⁶kole otwokindet age ne bo tisindet ne o ne tupcho ak chichoto kigatil Petero itinyi, " kima geerin eng' mbar omi ak inendet?" ²⁷Kotiiyo anyun Petero kogeny, ak eng' sainoto; kochei kipsoiwet.²⁸Kiimut Jeiso anyun kengeete gap Kaiaba, kwo Praitoriam, ak kito kogaron mising' ak maba icheget Praitoriam orit si ma ng'wonegitu ago si kobiit koam Paska. ²⁹Kimanda Plato anyun kwo ole mi icheget , ak kole, "nee ng'olyo ne oruokyine chichi?" ³⁰Kowolji koleji, "Nda ka ma ko cholwogin chichi, nda ka ma kimutu inendet konyo taing'ung'."³¹Koleji Pilato icheget anyun, "onam inendet akwe ak oruokyi ko u ng'atutieng'wong'." Koleji anyun Yahudik inendet, "ma chamdaat eng' ache kebar chi age tugul." ³²Si kobiit kosulda ng'olyotab Jeiso ne kimwa koboru meet ole meitoi inendet.³³Kiwo anyun kogeny Pilato Praitorium orit ak kogur Jeiso koleji, "tos I Laitoriatab Yahudik?" ³⁴Kowolji Jeiso koleji, "imwoe ng'olyondoni inyege, nda komwoun alak, agobo ane?" ³⁵Kowolji Plato koleji, "Ma a i Yahudiot, tos a i?" kagomutun tainyu bororyeng'ung' ak tisiik che eechen, kiiyai nee?"³⁶Kowolji Jeiso kole, "ma bo ng'wenyuni Laitornatenyu. Nda ka bo ng'wenyuni Laitornatenyu, ko nda ka yae boriet kiboitinikyu si ma kindea eunekab Yahudik, ago nguno, ko ma bo Laitornatenyu oli." ³⁷Koleji anyun Pilato inendet, "ara I Laitoriat so?" Kowolji Jeiso kole, "imwoe ile, a i Laitoriat. Kigisicho amu nito, si kobiit abaorianji imanda. Kose kutinyu chi age tugul ne bo iman."³⁸Koleji Pilato, "nee imanda?" Ak ye Kongo kagomwa, ko u ni, komanda kogeny ole mi Yahudik ak koleji, "ma anyorji ane lelut inendet." ³⁹Ago amu otinye biteet ole atiakwok agenge eng' Paska, ara omeje atiokwok Laitoriatab Yahudik?" ⁴⁰Ago kibolyo icheget kole, "ma chichi, ago Baraba." nga nda Baraba ko ki chorindet.