Bible

Bible Text: The English Unlocked Literal Bible (ULB)
©2017 Wycliffe Associates
Available at https://bibleineverylanguage.org/translations
The English Unlocked Literal Bible is based on the unfoldingWord® Literal Text, CC BY-SA 4.0. The original work of the unfoldingWord® Literal Text is available at https://unfoldingword.bible/ult/.
The ULB is licensed under the Creative Commons Attribution-ShareAlike 4.0 International License.

Notes: English ULB Translation Notes
©2017 Wycliffe Associates
Available at https://bibleineverylanguage.org/translations
The English ULB Translation Notes is based on the unfoldingWord translationNotes, under CC BY-SA 4.0. The original unfoldingWord work is available at https://unfoldingword.bible/utn.
The ULB Notes is licensed under the Creative Commons Attribution-ShareAlike 4.0 International License.

To view a copy of the CC BY-SA 4.0 license visit http://creativecommons.org/licenses/by-sa/4.0/

Below is a human-readable summary of (and not a substitute for) the license.
You are free to:

Share — copy and redistribute the material in any medium or format.
Adapt — remix, transform, and build upon the material for any purpose, even commercially.

The licensor cannot revoke these freedoms as long as you follow the license terms.
Under the following conditions:

Attribution — You must attribute the work as follows: "Original work available at https://BibleInEveryLanguage.org." Attribution statements in derivative works should not in any way suggest that we endorse you or your use of this work.
ShareAlike — If you remix, transform, or build upon the material, you must distribute your contributions under the same license as the original.
No additional restrictions — You may not apply legal terms or technological measures that legally restrict others from doing anything the license permits.

Notices:
You do not have to comply with the license for elements of the material in the public domain or where your use is permitted by an applicable exception or limitation.
No warranties are given. The license may not give you all of the permissions necessary for your intended use. For example, other rights such as publicity, privacy, or moral rights may limit how you use the material.

Mark

Chapter 1

¹Taune nyo bo lokoik cho kororon chebo Jeiso Kristo Weritab Jeovah. ²Kile ye kikisir mu ng'orinde Isaiah kile ,' oro' ayoktoi kayoktoindenyu kundoitaening nye chebe areng'ung. ³Kotetab chi nye kurse mu surkwen kubere , Ochob aretab kiptaiyande, ooror woloo wetote.⁴Kicho Joanah kubotisenisie mu surkwen ak kuomdoi kabatisane nye bo sigune akubo nyoetab kaat nyebo tengekwog. ⁵Ako kiba wolo mi inyenda kore komugul nyebo Judea ako togol chebo Jerusalem, ak kiibatisan ichega mu endo nyo kukure Jordan, kumwou ng'okiswokikwak. ⁶Ako kiloche Johana simbab Tambis ako kirategei biriran nyobo mui ako kiame kiberer ak kumat nyobo kertinii.⁷Ako kiamda kule rupko inyenda nyo nyikis kusiro morogeno ang'urukso atiach anokab kweronikyi. ⁸Kiabatisanak mu beek ako botisonok inyenda mu Tamirmirie nyo Tilil.⁹Kicho kabatisenatab Jeiso anyu mu betusiechoche king'ete Nazaret nyobo Galili ak kibatisan Johana inyenda mu Jordan. ¹⁰Neityo ko kakolong'u mu beek kuro kipsengwetis kuyotogis ak kubtyi inyenda Tomiririe kilee cheptuge. ¹¹Ak kimong'u koot mu Kipsengwet kile inyenda ku Werinyu chamanenyu abaibai kusop mu inye.¹² Ak banone kichokyi Tamirmirie inyenda kuwo surkwen. ¹³Ak kitobo mu surkwen betusiek artam kuyome oinde. Ak kitebe ako tiong'in chobo kerti ak kiboisiechini inyenda malaikais.¹⁴Ak kinekakenam Johana kucho Jeiso Galili kuomdote logoi cho kororon chobo Jehova. ¹⁵Kubere kakusirto betusiek ak kakulegitit bounate nyobo Jehova. Osiguak ayan logoi cho kororon.¹⁶Ak kineweti kibine araraita taban nyobo Galili uro Simion ako Andrea Weritab kametab Simion kuwirjinote araraita 'neti' nyo kineme kayak amu ki remikab kayak.

¹⁸Neityo kubakakta netisiakwak ak kurup inyenda.¹⁹Ak kiba katigin kuro Jakobo worop Sebedii, ak Johana wering'wang cho moinge aga kisetenetisiekwak, ²⁰Neityo kukuur ichega ak kibagakta abongwang Sebedii kimi moinge kuboto kibeitinek ak kurup inyenda.²¹Kiba anyu Kapernam ak kiwo inyenda banone Sinagoggi orii betunone bo Sabato ak kunetisio. ²²Ak kkwong'io mu konetisienyi amu kiinet ichega kilee nyo ting'e kimnon kilee siriik.²³Ak kimi banone mu Sinagoging'wangchi nyo kiting'e tomirmir nya ya ak kiwaach, ²⁵Ak kigar kong Jeiso inyenda kile siis, ak imong'u mu inyenda. ²⁶Ak bani kimondoi Tomirmirie nya ya mu inyenda kubirobirtoi inyenda, ak kuwach mu kutee nyo o.²⁷Ak kikwong'io togol ak kotebegei ichegei kule nee nyi? kunnetisio nyo leel! ng'ate mu kimnon akob Tomirmirik cha yachen ak kese iit inyenda. ²⁸Ak kiyomu ng'alekyi banone woldo togol agoi koree togol chobo Galili.²⁹Ak banone ye kinemong'u mu Sinagogi kubka kebe Simion ako Andrea kumii ak Jakobo ak Andrea. ³⁰Kiome esio kametab Jepyose nyobo Simion, kirue, kemwoji banone Jeiso agubo chepyosonone. ³¹Ak kicho kunam eunyi ak kung'eet inyenda ak kimeto osotionde inyenda ak kuboisiechi.³²Ak keseleny , ku kang'ir asis, kumityi inyenda togol cho kimnyonsot ak cho kiting'e 'oiy'. ³³Ak kiyumjigei kokwe kumugul kirgat. ³⁵AK koron kimnye kutukutui kore kung'eet ak kimanda sang kuwo surkwen, kuwo kisa mu wolinee. ³⁶Kirup anyuu Jeiso Simion ak cho kimi ago inyenda. ³⁷AK kinyoru inyenda ak kileji wesing biik togol.³⁸Ak kimwoji ichega kule angeba woldo aga korotinwek alak si neityo aamda mu wolone ambo, amu kiacho agubo nyonee. ⁴⁰AKichoomji anyu inyenda chito nyo kiting'e kumwaoi kusaisai kukutung'ji ak kuleji imuje itililo. ⁴¹Ak kiriregei inyenda ak kiyogoito eunyi kitiny inyenda ak kuleji kaacham . Tililitu.⁴²Ak banone kumwaok chichone ak kitililit.⁴³King' at inyenda kabisa ak banone kuyokto kuwo. ⁴⁴Ak kileji metimwoji chi ng'olyo aku uibandang'ung, borjigei Tisiinde ak igoito akubo tililnteng'ung togol cho king'atMusa, si kulogu baornate mu ichega.⁴⁵Aku kiwo, ak kutou kumwaitata ak kubarta ng'olyondonone kutu matikumuch Jeiso kuwo kore kerotote, agu kitoboto sang mukomoswegab surkwen, kubkonji inyenda cho bunu komostaaga togol.

Chapter 2

¹ Kinesirto betusiek alak, koit kinyile kabernaum, ako kingas biich kule mi go.² Ak kiiyumgei biich cha chaang, kutu mong'otu boroin ambo mu kurgat, ako kimwochi ng'olyo.³ Ako kibwa komutu chiito nye tinye mion nye kima bor kucho wolo mi inyende kukolobu biich ang'wan.⁴ Ako nematukumuch kurikyi nyende amu tuiye, kuyat kot barak kutokyi wolo mi inyende, ako kinekakobut kot, kotortoe kitoki nye kirue chito nye tinye mion nye meat bor.⁵ Ako kiinero Jeso kayaneng'wang', koleji chito nye tinye mionone meat bor, "Weri, kakenyoung' kaat tengekwokiguk."⁶ Ako kimi wolone sirik alak che kitebisot che kibkote mu muguleikwak kibere,⁷" Amunee sikimng'oe chiichi kile nyi? Ang' kikuleel! Ng'o nyemuche kunyooji chii gaat tengekwokikyi kibate agenge, inyende Johovah."⁸ Ak mu yone , kinai Jeso mu Tamirmiryenyi kile bkote kile nyone ichege, koleji, " kainee sabkaat kile nyone mu muguleikwok?⁹ Nee nya nyumnyum kemwachi chiichi nye meat bor , kelechi, 'kagenyoung' kaat tengekwogiguk; nde kelechi 'ng'eet ip kitoking'ung ak iwetote?"¹⁰ Ako si anai ale tinye weritap chii kimnatet mu ng'wony nye nyochini chii kaat tengekwokikyi." kilechi anyu chiichone kimeat porto,¹¹ Amwaung' alejining', ng'eet ip kitoking'ung' ak iwo kong'ung'."¹² Kingeet anyu mu banone kuib kitokinyi akuwechigei mu taitaab biiko togol, ak kuloosu Jehovah kile, "Tomo keroo nyele nyenyi!"¹³ Ak kiiwo kinyile tabanda nyebo araraita, ak kiipka tuyee togol kumugul yo mii inyende ak kuneet kichega.¹⁴ Ak kinesirtoi, kuuro Lawi weritaab Alphayo, kitabee mu wolo kikwae aisurusyek, ak kilechi inyenda, "Rupkaa," ak king'eet ak kurup inyenda.¹⁵ Ak kineemi baani amisye mu kotaab Lawi, ak kimii kubooto kwaikab aisurusyek cha chaang ak kiptengekin kuboto Jeso ak kasubikyi. Amu kimi chachaang ak kiirub inyenda.¹⁶ Ak kineero sirik chebo Parisaik kwaamisye nyende ako kiptengekinik ak kwaikaab asisurusyek, kileechi kasubikyi," kainee sikwamisye ak kuyeeiso inyende ako kwaikaab aisurusyek ak kiptengekinik?"¹⁷Ak kinegas Jeso, kolechi ichege, mamache che chamagei chepkirichonde kibate kibaat cho mionsoot. Kimacho akur chobo iman ago kiptengekin.¹⁸ ak kirugutgei kasubik ab Johana aK chobo Parisaik. Ak kipka anyu kileeji inyende; " Amunee sikirukutgei kasubikaab Johana ak kasubikaab Parisaik ako marugutagei kasubikuk?"¹⁹ Ak kiilechi Jeso kicheka, " Muktoi ano kurukutgei che kuguurchini katunusie netikimi sande kibooto kichega? Kutukumii sande kuboto kichega ko mamuche kurugutgei.²⁰ Ako bwani betisyek chekiistoe sande kichega, kurugutgei anyu bet undone.²¹ Momi chii nye napchini yokwo nyo leel nguryo nyo yoos, si makarer nyoleel nyo yoos ak kutasak wolo kagererak.²²A momi chii nyo kochini divai cha lelachen saaboi cho yoosen. Amu neai kulee nyone, kukerere divaik saabok ak kubetyo kubote saabok chelelachen.²³ Ak kineebune mbarenikab beek betutaab sabato, kutou kasubikikyi kubalata masisyekaab beek.²⁴ Ak kiileji Parisaik inyende ; " Marar kira, kainee si kwai mu betutab sabato kiy nyi mayanat mu ng'atutik?"²⁵ Ak kileeji kichega," Tos kitomo osoman kiito nyekiyai Daudi ye kimakoting'e kiy ak kirebese inyende ak chekimi togol?"

²⁷ Ak kilechi kichega, kigwai sabato akubo chii nde kikwai chii akubo sabato.²⁸ Kilegu anyu weritab chii ambo nyebo sabato.

Chapter 3

¹ Ak kiwo sunagogi kinyile, ak kimi chiito nye kiwitaat eu.² Ak kiruup kichega kinyeenda kile kuro ngitumuche kusoob chichone mu betutaab sabato, si neityo kumwaita.³ Ak kileji chiito nye kiwitaat eu iyony mu kwen.⁴ Ak kileeji kicheega; Tos chamdoi ng'atutik keai nyakararan mu betutab sabato nde keai nya ya? kesoob chii nde kebar?" Ako kisiisyo.⁵ Ak ye kigakomararta komoswek togol mu nerek, kokwong' mu tokolindaab muguleikwak, ak kileji chichoone , "Chuul eung'ung'." Kichuul anyu ak kisob eunyi.⁶ Ak kimanda saang' Parisaik ak sainone anyu kusat ng'aleek ak Herodik ak kuto inyende, si kunai wolo bartoi⁷ Kitabangei Jeso kuboto kosubikyi ak kuba araraita, ak kiruup inyende tuye nyo O nye kibunu Galilaya ak nye kibunu Judea.⁸ Ak Jerusalem, ak Idumea, ak Tengeb Jordan, ak komoswekab Turo ak Sidon. Kibwonji kinyende tuye nyo O kinegas akubo tuguuk cho kiindoon che kiai.⁹ Ak kimwoji kasubikyi kuchob moinge nyo mining nyobo peek amu chang'indaab biko si matitir kinyenda.¹⁰ Amu kikakosoob che chaang' kitilegitityi kinyenda togol che kitinye korotwo che yaachen si neityo kutiiny kinyede.¹¹ Ak mu woi aka togol nyo kiiro kinyende tamirmirik che murwoneen, kobutyi ng'wony mu taitanyi ak kuwokyo kile, "Kinyee kii weritab Jehovah."¹² Ak king'at kichega si mang'aangta inyenda.¹³ Ak kilanda tulwee ak kuguurjigei che kimach, ak kiiba wolo mi kinyenda.¹⁴ Ak kilewen Taman ak aeny si kitebi ako kinyenda, si neityo kuyokto kichega kuba amdae.¹⁵ Ak konyoru kimnatee nyo one oi.¹⁶ Ak simion ne kikigoji kainee age Petero.¹⁷ Ak Jakobo weritab Sebedi,Ak Johana weritambo Jakobo, kikigiji kainee keguree Boanerges, nekiweech kele , weritab Ilat. ¹⁸ Ak Andrea, Pilipu,Bartolomayo, Matayo, Thomas,Jakobo nyebo kaab Alphayo, ak Tadayo ak Simion Kananinde.¹⁹ aK Judas Iskariot ne kialdoi kinyenda. Kiwo go anyu.²⁰ Ak kiyuumgei tuyee kinyile kutumakomuuch ambo kuamisye.²¹ Ak kinegas charwaikyi, kiba kinam kinyenda, amu kimwoe kile kakobet met. ²² Ak kimwa sirik chekibwone Jerusalem, kile, tinye kinyenda Beelsebub, ak onei oik mu kimnatetab nyo O nyobo oi.²³ ak kiguur kichega kipka olo mi a kileji mu kaleweno; "Muktoi ano chesawil kuon chesawil? ²⁴ Ak ngutupcheak bororye kityo, ko momuche bororyonone kotonon.²⁵ Ak ngutupchayak got kityo, ko momuche goyone kutonon.²⁶ Ak ngutung'eet chesawil kiboriegei kinyende kityo, ak ngutupcheak kinyende kityo, komomuche kinyende kotonon ako tinye kinyende wolo kesyinigei.²⁷ Ako momuche chii kuwo got oriit nyobo chiito nyo kim, ak koibe tukukyi ngutu marat korok chichonee kim, si kour gonyi anyu.²⁸ Amwawok iman ale, kinyojini gaat werikab biik tengekwokikwak togol, ak ng'alek alak togol che yaachen che mwae. ²⁹ Ako age togol nye muule Tamirmirye nyotilil, ki mokinyojini gaat kipkoi. ³⁰ Amu kiimwa kile, tinye inyende tamirmirye nyo murwon.³¹ Kipka anyu ambo kaitenyi ako chetupcho ak kotononio mu sang', ak kikuyokto kegur kinyenda. ³² Ak kitebee tuiyee go komut kinyenda, ak kileji,"Iroo o, mi saang kametu ak che o tupche kuwasing."³³ Ak kiwolji kichege koleji, "ng'o kamenyu ak chekitupche? ³⁴ Ak kirototo che kiimut inyende, ak koleji, "Oro okamenyu ak chekitupche." ³⁵ Amu chi aga togol nyo oiye magetab Jehova, ki nyone weri nyo kitupche ak chepto nye kitupche ak kamenyu.

Chapter 4

¹ Ak kutou kinyile kunetisyo mu taban nyobo araraita. Ak kiyumjigei kinyende tuye nyo o kabsa, kutulaany moingetab peek kutebo araraitab peek, ak kotebo tuiyee togol tabandap araraita.³ Ayap it, oroo, " kiwo kolinde koisto kesuyek, ⁴Ak kineisto kochunji alak aree taban, ak kibwa tariit kwam. ⁵ ak kichinji alak wolo mi koin, wolo kimatyana nyung'winyande.⁶ Ak kinebusu asis kibeel ak kiyomnyo amu kimatinye tigiit. ⁷ Ak kibutyi alak wolo mi katoi ak kibiityo katok ak kukiich si maiyo logoek.⁸ Ak kibutyi alak nying'winyande nyakararan ak kiiyo logoek ak kikindoitu ak kotesagis, ak kiiyo Sosom, ak tamanwogik lo, ak kenyil bogol.⁹ Ak kimwa kile , che tinye itiik che gastoe kugasta.¹⁰ Ak ye kimi kinyende kityo, kiteebe kinyende agobo kalewenoichoche kichege che kimuut kinyeenda koboto taman ak aeng'. ¹¹ Ak kileji, " Kagekonok akwe anai ung'otye nyebo baunatetab Jehovah. Ako kichege chemi sang', keyaijini tuguk togol mu kalewano. ¹² si mu korotee kuroti amabesot, ak mu kase kugase ama nae. Si maweigei ak konyoji gaat.¹³ Ak kileji kichega ,tos monget akwe kalewenoni? Ibere anaitoi ano kalewenaik togol ¹⁴ Istoi istoinde ng'olyonde.¹⁵ Ak chochee mi tabandap aree, wolo kiistoe ng'olyonde, ak ye kakogas, kucho banone chesawil ak kunamu ng'olyonde, nyekikigolji kichega.¹⁶ Aku chu kakiistoji wolo mi koik, bani kakugas ng'olyonde, kitaach mu boiboiyo. ¹⁷ Matinye choche tigit akutabee mu betusiek kongering' akinecho nyalilda nde ku kaimetabgei akibo ng'olyonde kibutsoot nyi matiny.¹⁸ Aku alak ku cho kakiistoji wolo mi katoi; choche ku chi nekakugas ng'olyonde, ¹⁹ akineitu koimutekab ng'wony, ako berberyetab mogornate, ako makutekab tuguuk alak, kutitir ng'olyonde si masich logoek. ²⁰ Ku choche kakiistoji nyung'winyek chokorornen, ku chi gase ng'olyonde, akitaach, akiiyo logoek sosom, ako tamanwokik lo, ako bogol."²¹ Kileji kichega, "Makiibu tait akegoji kitonget ariit nde kuuretab kitook, aku kigojine wolo tonone. ²² Momit kiy nyaung'at nyi nemi kayain keng'onye, nde ng'olyo nyibo ung'ot nyi ma nemi kayain tooku. ²³ Netinye chi itiik chi kastoe kigas."²⁴ Kimwoji kichega kileji, "Oribegei tuguuk cho agase, karutye nyo abimane ku nemi kayain kekarunenok aketaswok. ²⁵ Amu kinyenda nyatinye kinemi kayain kegojini, aku kinyenda nyi matinye kiy ku nemi kayain kesare ambo chatinye."²⁶ aku kimwa kile, "Kargei laitornatetab Jehova ako chii nyaisyini kasuiyekji ng'wony, ²⁷ akuru aking'eet, kemoi ako beet, akibiityo kasuyek akiyeetu, akimonget wolo bititoi. ²⁸ Chute ng'wony kityo; akurutu, neityo kicho meti, neityo kuywai beek. ²⁹ Akinemi bani kikururyo beek, kiibu kinyenda chepksei amu kait kasisyo."³⁰ Kile, "Kiroge nee laitornatetab Jehovah nde nee kalewene nyo muche kemwaitae? ³¹ Krgei ako kasuyondop aradali, nyi nekakeminji ng'wony, ambo ti mining' kisiir kasui togol chami ng'wony, ³² ku ne kakemin, kubiite kiyetu kisiir ketik togol chami mbar, akisich tamoik cho echen kitimch kitekji tariit kaswenikwak urwenyi."³³ Aku mu kalewenaik alak chatya chile choche, ku king'ololjini kichega ng'olyonde kile bani kimuche kigas. ³⁴ Aku mong'ololji kichega kimoboisye kaleweno, akineet tuguuk togol kasubikji kimi taban kichega bungo.³⁵ Akinemi bani kait kaseleny mu betunone, kileji kichega, "Ngelangte tengeni." ³⁶ Akinebagata tuye, kumit kinyenda amu kimi maingetab beeko. Aku kimi moingonik alak kiboto kinyenda. ³⁷ King'eet anyu kibuuge nyo korom, aku kiryebe beeko chamildogei moinge akoi kitilegitit kinyiy bei.³⁸ Kimi kinyend moinge let kurwe mi kiy nyikitagale met; kitou king'eet kinyenda kileji, "Konetindoni, memagenech kiy aku kakibogu?" ³⁹ Kinemi bani kang'eet, kigar kong' kibuge, aking'ololji araraita kile, "Tonon! Siis!" Kitonon anyu kibuuge akisiis araraita.⁴⁰ Kileji kichega, "Kaine soiyweisyo? Akoi ra ku motinye kayana?" ⁴¹ Kiiywoisyo kisob akimwojigei kibere, "Ng'oo nyenyi nyi gase it kibuuge ako araraita?"

Chapter 5

¹ kiit kichega tenge aka nyibo araraita, akoi koretab Gerasenik. ² Akinemi bani kakulong'u mu maingetab beeko, kutuyo ako chiito aka nyakimanye wolo kimi kererisyek, aku kitinye tamirmiraik cha yachen.³ Kimenye wolo mi kererisyek aku kimakimi chii nyikimuche kitikirat mu nyororosyek. ⁴ Amu kikakerate kinyenda mugurek ako nyororosyek kinyil chatya, aku king'atyine nyororsyek akitonoton mugurek; aku kimakimi chii nyikimuche kiboyu kinyenda.⁵ Kiwogoote betusyek togol, kemoi ako beet mu kererisyek ako tulonok akitilegei mu koin. ⁶ Kinero kinyende Jeso mu wolo lou, kilabat wolo mi akikutung'ji.⁷ Akiwaach mu kote nyo u kile, "Itinyeno nee kinyee Jeso Weritab Jehovah nyotoror kisob? Asoming mu Jehova ale kitimenyalila." ⁸ Amu kikaleji kinyenda, "Mong'u mu chichi, kinyee tamirmirye nyangaya!"⁹ Kitebee kinyenda kileji , "Ng'oo kaineng'ung'?" Kiwolji kile ,"Kainenyu ku Chong'indo amu kichang'." ¹⁰ Kisoom kinyenda kisob kile kitimaon kimang'ta mu emonone.¹¹ Aku kimi acheikab torook tagetab tulwe kwogetsoot. ¹² Aku kisoom kileji, "Yanweech kechut torook." ¹³ Kiyanji kichega, aku kimang'ta tamirmiryek chayachen kiba kuchut torook. Kirwai acheikab torook chi wolo bo elupusyek aeny kiroktoe ng'atwa kibe kitakjigei araraita.¹⁴ kirwoi anyu che kiyage torook kiba kimwaitata mu nganase ako mu kore togol. Kipka anyu biiko kuro kiyo kiayak. ¹⁵ Kipka wolo kimi Jeso akuro kinyenda nyi kikakinam oik, kitabe kikakilach nguraikji, aku kikaku korornitu kapkotutekji kinyenda nyi kitinye chang'indab oik; aku kicholyo biichoche.¹⁶ Kimwaita baorinak kimwoji biiko kiyo kiayak mu inyenda nyi kitinye oik, ako kiyo kichonji torook kinyile. ¹⁷ Kitou biiko kimwoji kinyenda kile kuwo mu koreng'wang'.¹⁸ Bani lonye maingetab beeko, kisaisai kinyenda nya kitinye oik kile kitabe tuwai. ¹⁹ Kimochamji Jeso aku kileji kinyenda, "Ui gaa wolo mi charwaikuk akiboorji tuguuk cho kiindon chi kakwoyung' kiptaiyande, ako kile bani kakiborung' rirane." ²⁰ Kitou bandanyi akutou kimwaitata mu Dekapolis tuguuk cho kiindon chi ki aiji Jeso kinyenda, aki kwong'io biiko togol.²¹ Kinekakilang'ta Jeso kinyile mu mainge kuwo tengeni, kururukjigei tuye nyo kiindo kimi kinyenda wolo legite araraita. ²² Kicho agenga mu baunikab kanise nyi kikugure Jairo, aku kinero kinyenda kubutyi kelyekji, ²³ akusoom kinyenda kileji, " Legit kima cheptonyu nyomining'. Choo kochi kinyenda eunekuk, si kisop." ²⁴ Kiba anyu kiboto kinyenda.²⁵ Kimi chepyosa aka nyi kikakimang'tae kareti kanyisiek taman ak aeny. ²⁶ Kikakinyalil kinyenda kisob akibo chepkirichinek chatya amu kikakugoita tuguukji chi kitinye akumotoret kiy, aku kitasak mnyondo kiyait. ²⁷ Kinegas akibo Jeso, kicho kurubu kinyenda ako tuye nya kimi let akutiiny nguryenyi.²⁸ Kilejigei, "Ngotiiny ambo nguraikji, kusoobo." ²⁹ Kinetiny, kisiis mang'taetab karatik akigas mu bortanyi kile kikisob mu koimutyenyi.³⁰ Kinenai Jeso kile kakiistogei kimnate, kuwekjigei tue akile, "Ng'oo nyi katiny nguraikju?" ³¹ kileji kasubikji kinyenda, "Irooti wolo teno tuye aibere ng'oo nyi kataya?" ³² Kukus kong kitobondo kimache kinai kile ng'oo nyi katiiny?³³ Aku kicho chepyosonone kunget kiyo kakeaiji, akubutyi taitanyi kichole akibotene, akimwoji kinyenda imande togol. ³⁴ Kileji kinyenda, "Jebi, kakusoobing' kayaneng'ung', ui mu kalye akisop mu mnyondang'ung'."³⁵ kinetiking'olole kinyenda, kipka biik chi kibunu kotaab baunindetab kanise, kile,"Kikima jeptang'ung'. Katiimji nee konetinde?"³⁶ Aku ma mage kiy Jeso ng'olyonde nyi kakimwa, kileji baunindetab kanise, "Matiywai, yan kityo." ³⁷ Kimatikichamji chii kurup kinyenda kibate Petero, ako Jakobo, ako Johana weritambo Jakobo. ³⁸ Kiit kichega kotab baunindetab kanise aku kiiro biiko chi kiimagei kiboto chariirsot akuteisoot kisob.³⁹ Kinemi bani kowo Jesogo, kileji biichoche, "Kainee saimagei akariirsot? tomo kima lakwe aku kanuch kibaat." ⁴⁰ Kutou kiroorji kinyenda akumul. Kinemi bani kakuoon kinyenda biichoche kiba sang', kumit abootab lakwe ako kamenyi kibotochi kimi ako kinyenda akiwo go wolo kimi lakwe.⁴¹ Kinemi bani kanam eutab lakwe, kileji, "Talitha koum," nyi nekiwech kibere, "Jebi, amwoung' ale ng'eet!" ⁴² King'eet jebone akiwetote; ( kibo kanyisyek taman ako aeny). Mu yone ku kinam kichega kwong'ut nyo ou. ⁴³ King'at kinyenda kichega kisob kile kitimanai chii ng'olyondoni, akimwaita kegoji lakwnone tuguuk choome.

Chapter 6

¹ Kimong'u kinyenda mu woline akoi ngansetab emenyi, kibetote ako kasubikji. ² Kineit sabato kutou kunetisyo mu kanise, aku kikwong'io chatya chi kigas kinyenda akiber, "Nyorune ano chiichi tuguuchu? Nee ng'omnatni kiki goji chiichi? Nee baisyonichu nyikisen aiyakse mu eunekji? ³ Ibere ma muswoginde nyenyi weritab Maria, nyatupcho ako Jakobo, Joses, Juda, ako Simion? Ibere momi walyenyi tibiikwak kibotech?" Aku kinyoru koromindo mu kinyenda.⁴ Kileji Jeso kichega, "Nyoru maotyondo konyit, kibte mu korenyi, ako bikaab arenyi ako mu gonyi." ⁵ Kimatukumuch kwai kwong'utyo a togol mu wolone kibate biiko kongering' cho kimnyansoot chi kigoji eunekji akusoop kichega. ⁶ Aku kikwong' kinyenda kisob mu bistoeng'wang'. Aku kiwetote kinyenda nganasok kunetisyote.⁷ Kuguur anyu taman ako aeny , akutou kuyokto kibetate aeny aeny, akugoji kichega kimnate kubel tamirmirai cha yachen. ⁸ Akung'at kichega kileji, "Kitimoip kiy mu banda kibate kirokwo kityo; ambo makatya nde saap, nde chepkondoi mu lol. ⁹ Aba aloche kweronik aku matalach sumbotik aeny.¹⁰ Bani kikaba go aka togol, atebi yone akoi kitaba mu wolone. ¹¹ Aku woldo aka togol nyi matachaak, akimacham kigasak, bani kamang'ta mu wolone, alalakta teritek chami kelyekwok si neityo kiloku baornate mu kichega."¹² Kimang'ta akwamtata kile kimiji kisugu biiko. ¹³ Kion oik chatya, akuile mwaita chatya chekimnyonsoot akusoop kichega.¹⁴ Kigas laitoriande Herod akibo nyone, amu kikakinayk kainetab Jeso akile alak," kiking'eet Johana kabotisaninde mu chi kikubok, nyone anyu baisye kimnatosyechu mu ariinyi." ¹⁵ Kimwa alak kile, "Elijah kinyenda." Kile alak, "Maotyo kinyenda nde kargei ako maotikab keny."¹⁶ Aku kinegas Herod kie, "Johana nyenyi nyi kiatile meti, kiking'eet." ¹⁷ Amu kikakuyokto kinyenda biiko, kiba kinam Johana akirat mu korkoree, amu Herodias chepyosop pilip wering'wang', amu kikakibgei kinyenda ako chepyosonone.¹⁸ Amu kimwoji Johana Herod kileji, " Taye ng'atutek itabe ako chepyosop wering'wong'." ¹⁹ Aku kinarekji Herodias kinyenda aki kimach kebar . Aku mamuch. ²⁰ Amu kiiywai Herod Johana, aku kiriip, kunget kile chii nyibo imanda aki tilil. Kinegas Herod ng'alekji, kuimgei kisob; nganda kicham kibaibaijini kigas kinyenda.²¹ Kiit anyu beetu nyi mijini, nyi kiaiy Herod boiboiyetab betutab sigenyi, kwoichi biik cho echen, kiptainak, ako chi togunotin chibo Galilaya. ²² Kinecho go jeptab Herodias akinyal, kubaibai Herod ako kichega che kimi kitabisoot mu amisyo kiboto kinyenda, aku kileji laitoryande ebone, "Soom kiy aka togol nya imache sokoning'."²³ Aku kisirbanji kile, "Kiy aka togol nyaisomo, agoning', ambonti kamas nyibo laitornatenyu." ²⁴ Kimang'ta kiwo imwoji kame kile, "Asoom nee?" Aku kileji kamat, "Maitab Johana kabatisaninde." ²⁵ Ki neityo kucho kuchogu akoi wolo mi laitoryande akisoom kile, "Amoche matitab Johana kabatisaninde mu kiseru."²⁶ Kichol anyu laitoryande kisb; amu sirbanenyi, ako mu kichega che kitabisot kwomisye, ku matikitaye kinyenda. ²⁷ Ara kiyoktolaitoryande askarinde aka mu cho kiripse, kung'at keibu matitab Johana. Kuw anyu kitil matitab Johana mu korgre. ²⁸ Akeibu matinone mu kiseru akegoji jebone, akugoji jebone kamite. ²⁹ Kinegas kasubikji akibo ng'olyondonone, kipka akusut bortanyi, akitub.³⁰ Kipka anyu kayoktoik wolomi Jeso akimwoji kinyenda kiy aka togol che kiaiy ako cha kikaneet. ³¹ Kimwoji kichega kileji, "Apka akwega bungo taban wolo le suurkwen si neityo amung'jo katigin." Amu kichaang cha kipkoni akibeti, amu kimakitinye ambo boroin nyoomisye. ³² Aku kiba kichega bungo akoi maingetab beek kilongta suurkwen.³³ Aku kirotote biiko kichega kibeti akinai chatya, akurwai kiba woline kibagenga kibunu nganasok togol akindoe kichega. ³⁴ Akinelany Jeso kuuro tuye nyo kiindo akiriire kichega, amu kigargei ako kechir nyi kimatinye mastewo, akutou kuneet kichega tuguuk chatya.³⁵ Kinemi bani mache kiimen kore, kipkonji kinyenda kasubikji akile, "Suurkwen koroni, akimaje kiimen sai. ³⁶ Mate biiko kibejigei akoi nganasok cholegiten sikwoljigei tuguuk choome."³⁷ Kiwolji kileji, "Agoji akwege amitwogik." kilji, "Keba keal makatinak chibo dinarisiek bogol enysi kegoji kwam?" ³⁸ Kileji kichega, "Atinye makatinak ata? Aba aroo." Kinemi bani kikinai, kile, "Makatinak muut ako samakinak aeny."³⁹ King'at kitabe iiko togol suswek cho nyalilen kururuchgei. ⁴⁰ Ara kitabe ng'wony kitatgei kibae bogol akibae konom. ⁴¹ Kinam makatinachoche mut ako samakinak aeny, akimarar kipsengwet, kiberur, akibutilabutil makatinak. Kugoji kasubik sikigoji tatang'wang'; akipchaiji kichega togol samakinachoche aeny.⁴² Kiomisyo togol akoi kitibiyong'cho. ⁴³ Kiyum katuganik ha kinyiy karebotinwek taman ak aeny chibo makatinak ako samakinak. ⁴⁴ Kichega che kiam makatinachoche ku ki murenik elupusyek mut .⁴⁵ Banone kwai Jeso kasubikji kilany maingetab beek si kindoe kinyenda kiba tengeni akoi Betsaida, satogol kitikityoktoi tuye kiba. ⁴⁶ Kinekakibagakta kichega, kuwo kilany tulwe kisa. ⁴⁷ Kineit kaseleny, kimi mainge kwenutab araraita, kimi kinyenda kityo kore nyi yamat.⁴⁸ Kinero kichega kinyalilsoot mu boisyetab makangonik chi kikwerye maige, amu kimuitojine kibuge kichega, kicho wolo mi kichega mu ripsee nyibo ang'wan nyibo kemoi kiwetote araraita barak. Kimache kisirtoe kichega. ⁴⁹ Kinemi bani kiiro kichega kinyenda kiwetote mu araraita barak, kile kichega, abere tamirmir, aku kiwokjo. ⁵⁰ Amu kiiro kichega togol kinyenda, akucholyo. Kitwekji ichega kileji, "Anyiganitu! Ai kinyenda. Kitimocholyo."⁵¹ Kilany kinyenda mainge kiwo wolo mi kichega, kisiis kibuge. kikwong'io kisob biichoche, ⁵² amu kimanai kichega akibo makatinak amu kitogolen muguleiywekwak.⁵³ Kinemi bani kikilang'ta, kiit koretab Genesaret akirat mainge mu ngeku. ⁵⁴ Kinemong'u mu mainge, kinai biiko kinyenda mu sainone, ⁵⁵ akirweiyoto mu koronone kimugul, akitou kumutu cho mnyonsoot mu kitogusyekwak , kiba wolokikakigasyi kinyenda.⁵⁶ Aku woldo aka togol wolo kimong'ji nganasok cho mengechen nde cho kindon, nde eme, kigoji cho mnyonsoot wolo mi sirosyek. Kisoom kichega kinyenda kile nteme ngaap kicham kitwai ambo tabanutab nguryenyi; aku togol cha kitiiny kinyenda ku kisopcho.

Chapter 7

¹ Kiyumjigei kinyenda Parisaik ako alak my siriikchi kikabun Jerusalem.² Kuuro alak mu kasubikji kwome makatinak mu eunek chi maun chii. ³ Amu nemaun eunek kikaram Parisaik ako Yahudik Ku moomisyo, kirube atabetab boisiek. ⁴ Bani bunu sirosiek, Ku nemaungei Ku moomisyo. Akimito atebosiek alak chatya chi kitaach si kiriip kikaram, kile kaunetab kukombosiak, tarenik ako tuguuk chibo sugunwek.⁵ Kitebe Parisaik ako sirik Jeso kileji, " Kaine kasubikuk simabetote kile wolo le atebosiekab boisiek, aku omisie kimoun eun?"⁶ Kimwoji kichega kileji," Kisip kimwa Isaiah kisob akibo akwe kiplasgeinachu, kile bani sirat kile, 'Konyito biichu mu kotiwaikwak, akilowen muguleiywekwak mu anee. ⁷ Loswo kilen; ng'atutekab biik konetisye cho nete.'⁸ Abokogtoi ng'atutekab Jehovah akanam atewbosiekab biik." ⁹ Kileji kichega, "Atayakwe kisob ngatutekab Jehovah, si neityo ariip atebeng'wong'! ¹⁰ Amu kile Musa, "Konyit abnoong'ung' ako kameng'ung', aku kinyenda nyi mwoe yaityo akibo aboonyi nde kame, kimee kisob '¹¹ aku amwoe ole, neleji chii aboonyi nde kamenyi, "Kiyo kata toreteno ku korban' (nekiwech u kagojine), ¹² kimakitikichamchi anyu kinyenda kutoret abonyi nde ku kamenyi. ¹³ Aiy anyu ng'olyondetab Jehovah kuloku kileen mu atebeng'wong' nyi kiang'at. Akoiye tuguuk alak chatya chile choche."¹⁴ Kiguur tuye kinyile kipka wolo mi kinyenda akileji, "Agase akwega togol si neityo anai. ¹⁵ Momi kiy nya mi chii sang' nyi newo aritinyi kumuche kinyere chichone. Aku tuguuk chi mong'une chiito cho muche kinyere chii. ¹⁶ Ngitinye chii itiik chi kastoi ikasta."¹⁷ Kinemi bani kikung'unda tuye kuwo go, kitebee kitebee kasubikji akib kalewenone. ¹⁸ Kileji kichega, "Ibere motinye ambo akwege kaguyo? Morotikwe kile kiy aka togol nyami sang' akiwo ariit kimomuche kinyere chii, ¹⁹ Amu mochut mugulaitanyi aku chute moe, sikmang'ta kiba karti? Kilee nyone ku kitilil jeso amitwogik togol.²⁰ Aku kile, " Kiy nyi mong'une chii ku nymuche kinyere chii. ²¹ Amu mong'une ariit, mu muguleitab chii, kapkotutek cha yachen: soksee, chorso, barisye, ibetapgei, ²² Kasetab myat, yaityo, lambach, magee nya ngaya, kong' ngaya, ng'alek chayachen, menote, ako berberyo. ²³ Mong'une ariit tukuchwechu togol yachen akinyere chii."²⁴ King'eet kinyenda mu woline akuwo akoi tabanwegb Tiro ako Sidon. Kiwo goot aka akima mach kinai chii, aku kimamuch kuwinyak. ²⁵ Mu sainone, kinegas chepyose aka nyi kitinye jeptanyi nyomining' nyi kikanam tamirmirye nyangaya, kuwo akubutyi kelyekji. ²⁶ Kibo Yunanik hcepyosonone, nyi kibunu koretab Uropoenike. Aku kisoom kinyenda kile kuoon oinde mu jeptanyi.²⁷ Kileji kinyenda, "Ngebai lagok kirok amu masikjini kenam amitwogikab lagok akewirji sikaiyei." ²⁸ Aku kiwolji kinyenda kileji, Ee, kiptaiyande, akob sikaiyei kichega kwome amitwogik chibo lagok chi tirndoi mu kuriretab mese.²⁹ Kileji anyu chepyosonone, "Ui anyu amu ng'olyondoni; kamang'une oinde jeptang'ung'. ³⁰ Kiwo anyuchepyosonone goonyi akinyoru lakwe kurwe munkitok, kikakimong'une oinde.³¹ Kimang'ta kinyile mu tabanwegab Tiro akiwo kuweer Sidon akoi kiit araraita nyibo Galilaya mu tabandap Dekapolis. ³² Kemityi kinyenda chii nyile cheminy akitogol koot; kisoom kile kugonor kinyenda eunyi.³³ Kumit chichone kuwo taban mu wolo mi tuye, akuchuukta morinekji itiikab chichone, neityo kung'utyi akitwai ng'alyaptanyi. ³⁴ Kimarar kipsengwet, kumbuus akileji, "Epeta!" Nyone ku, "Yatage" ³⁵ Mu yone anyu, kiyotegiis itiikji akutyachak ng'alyaptanyi, aking'alal kikaram.³⁶ Aking'at kichega kile kiti mo mwoji chii, aku kinetas king'at kichega, kitas anyu biichoche kimwaitata. ³⁷ Kikwong'io kisob kisiir kibere, "Kikwaiy tuguk togol kikaram ; kanye kigasta akob cheming'otin aking'alal chi namotin koot."

Chapter 8

¹ Mu betusiechoche, nyi kimi kinyile tuye nyo ou, akimatinye kiy nyoome. Kuguur Jeso alamalyenyi kika wolo mi kinyenda akileji, ² Arire tuye amu kakitabi kiboto ra mu beusyek somok aki matinye kiy nyoome. ³ Aku ngitang'unda kiba woldong'wang' kimaam kiy, kumuche kimistoi mu are; akibunu alak wolo lou. ⁴ Kuwolji kasubikji kile, "Muche kinyorji ano chii makatin mu emoni suurkwen chi muuche kibae biichu kitibiyong'nyo?"⁵ Kitebe kichega kileji, "Atinye makatiak ata? Kile tisop. ⁶ King'at tuye kitebi ng'wony. Kinam makatinachoche tisop, kugoito kongoi, akibutil, akugoji alamalyenyi sikugoji taitang'wang' sikigoji tuye.⁷ Aku kitinye kinyile samakinak chomengechen kongering' aku kinekakiberur, king'at kugoji choche taing'wang'. ⁸ Kiomisyo anyu kitibiyong'nyo; aku kiyum katugnik aku kiyam karebotinak tisop. v 9 Ki biich chi wolo bo elupusyek ang'wan. Kitagta anyu kibejigei. ¹⁰ Kineityo anyu kilany maingetab beek kiboto alamalyenyi, kiba kamastab Dalmanuta.¹¹ Aku kipka Parisaik akutou kugwingwiny kinyendakimache kaborune nyi bunu kipsengwet, kutyeme kinyenda. ¹² Kumbus nyo nyigis mu tamirmiryenyi, akile, "Amunee sikiwese abeni kaboruno? Amwowol kisob ale, ma akoi kegoji abeni kaboruno. ¹³ Aku kimete kichega, akilany maingetab beek kinyile akilang'ta tenge aka.¹⁴ Aku kiyutye kichega kuib makatinak. Kimakitinye kiy mu mainge kibate makatiande agenga kityo. ¹⁵ Aku kitigon kichega kileji, " Aribegei biitekab Parisik ako biitekab Herod."¹⁶ Aku king'oljigei kichega , kibere makitinye makatinak. ¹⁷ Aku kine nai Jeso, kileji, "Kainee sonyinyisot amu motinye makatinak? Tomo anai kiy nde moguisot? Tikitogolen muguleiwekwok?¹⁸ Atinye konyek , akimomarartoi? Akotinye itiik, Mogostoi? ¹⁹ Bani kiabutilji makatinak muut biiko eluusiekmut, ku kikiim karebotinwek ata chibo katuganik?"²⁰ Ako tisop mu biiko elupusiek ang'wan, ata karebotinwek chi kinyiy chi kiayimikwe? ²¹ Kileji, " Tomo aguiye?"²² Kipa akoi Betsaida. Aku kimityi biiko kinyenda chii nyile chepkorot akisom Jeso kitiny kinyenda. ²³ Kinam Jeso eutab chepkorotyondononeakimit kimang'tae kokwonone; Kinemi bani kikung'utyi konyekji akugonor eunyi kinyenda, kitebe kinyenda kileji, " Keroo kiy?"²⁴ Kinyal barak, akile, "Arotii bich chkargei ako keet chibeti. ²⁵ Neityo kugonor eunekji kinyile konyekji, kimararta chichone, akisoop, akuro tuguuk togol kisob. ²⁶ Kigany Jeso kuwejigeigaa, akileji, "Kitimewo kokwe aka togol nde imwitata."²⁷ Kuwo anyu Jeso ako alamalyenyi akoi kokwotinwekab Kaisaria Pilipu; Kinemi aree kitebe alamalyenyi kile, "Mwoe biik kile aine ng'oo? ²⁸ Kiwolji kinyenda kile, "Bere alak iinye Johana kabotisaninde. Kimwoe alak kile, 'Elijah'. Akibere alak ii agenga nyibo maotinek."²⁹ Kitebe kichega kileji, Ang' akwe amwoiyakwe kile aine ng'oo? Kuwolji Petero kile, "iinye Kristo." ³⁰ King;at Jeso kichega kileji motomwoji chii akibo kinyenda.³¹ Kitou kuneet kichega kile, michini kinyalil weritab chi mu tugun chatya; akitai kinyenda boisiek ako tisiik cho echen, ako siriik, akebar, akinemi betutab somok king'eet. ³² Aku kimwa ng'olyondonone kutoogu. Kumit Petero kinyenda taban akutou kigar kong' kinyenda.³³ Akuwechgei Jeso akimarar alamalyenyi, akikar kong' petero akile, " Ui let mu ane chesawil! Amu mepkote tuguukab Jehovah, ako tuguukab biik." ³⁴ Kuguur anyu tuye kiboto alamalyenyi kipka olo mi kinyenda akileji kichega, " Ngiti mache chii kurupkaa, Kitaigei akusut kimurtoiyondenyi, akurupka.³⁵ Amu aka togol nyimache kusoru sabondanyi kuboote, aku kinyenda nyiboote sabondanyi akibo anee ako logoiwek chokorornen kusoru. ³⁶ Amu nyoru keljin nee chii kinyoru ng'wony kimugul akuboot sabondanyi? ³⁷ Koitoi nee chii kuwale sabondanyi?³⁸ Amu aka togol nyi chistogei mu ane kiboto ng'alekju mu abeni bo sookse ako aben nyibo tengek, kutuun chistojini kinyenda weritab chii bani kachu mu torornate nyibo aboonyi kiboto malaikain chotililen."

Chapter 9

¹ Kileji kichega, "Amwowok kisob ale, mite yu alak chi tononsoot chi machamchame kimeiywa akoi kuturo laitornatetab Jehovah kichoni mu kamuktae." ² Kinebata betusyek lo, kumit Jeso Petero, Jakobo ako Johana kilang'ta tulwe nyo goi. Kiwalak Jeso mu taitang'wang', ³ akilelakitu ngureikji kisob kile teluji, nyimomi uninde ng'wony nyimuche kuun kile nyone.⁴ Kitoogu mu taitang'wang' Elijah ako Musa, king'ololsoot ako Jeso. ⁵ Kileji Petero Jeso, " Konetindoni, kararan kemi yweyu, ngetech koryosyek somok, nyong'ung' aka, kibo aka Musa, kibinji Elijah aka." ⁶ (Kimonget kiyo mwoe amu kikochol kisob.)⁷ Kucho bolde Kutuch kichega akumong'une boldanone ng'alale kile, "Nyi ku Werinyu, chamanenyu; agas it kinyenda!" ⁸ Kinemi bani kamararta mu yone kuro kamaswek togol, kimatuguro chii kimii kiboto kichega kibate Jeso kityo.⁹ Kinetikirogu mu tulwe barak, king'at kichega kileji kitimomwoji choo tuguk chi karo akoi kiting'eet weritab chi mu chi kikubok. ¹⁰ Ki riip ng'olyondonone akitebegei akibo kaguyetab ng'etye.¹¹ Kitebe kichega kinyenda kile, "Amu nee sikimwoe siik kile choni Elijah kirok?" ¹² Kileji kichega, "Kisb, sibe kichoni Elijah kirok si kiwech tuguk togol kile akinya. Kitapto ano anyu si kesir akibo weritab chi kele bine nyalilda nyo ou akeit kinyenda kuloku kleen? ¹³ Aku amwowok kile, kikicho Elicha aku kikwoiji kinyenda kiy aka togol nyi kimache kichega kile bani kikisir akibo kinyenda."¹⁴ Kinepka wolo mi alamalye, kuro tuye nyo ou kumuut kichega, aku kitepsee kinyenda alak mu siriik. ¹⁵ Kinero tuye togol kinyenda, kikwong'io kisob, kirweiyo kiba kugat kinyenda. ¹⁶ Kitebe kichega kile, " Ami atebegei nee ako kichega?"¹⁷ King'et chi aka mu tuye aiwolji kinyenda kile, " Konetindoni, kamutung' werinyu. Tinge tamirmir nyoiye kinyenda kitimong'olole. ¹⁸ Tembele kinyenda akiwirjine ng'wony, akipkone bugs kot, akinyiye kelat, akitogolit. Kiamwoji kasubikuk kuon kimong'u mu kinyenda aku mamuch." ¹⁹ Kiwolji kichega kile, " We, abeni moyene, atabe ako akwe akoi ayu? Mutwa kinyenda."²⁰ Kumutu anyu werikai wolo mi kinyenda. Kinero oinde Jeso, kuwirta kinyenda banone kimisto. Kuwirjigei werone ng'wony akipkane buga kot. ²¹ Kitebe Jeso aboonyi kile, " Kitou kitabe kinyenda kile nyenyi king'ete ayu?" ²² Kiwolji kile, "Kicham kiwirtoi kinyenda kitiwirjini ambo ma' nde kuwirji mbo bei kityeme kung'om kinyenda. Nemuche iyai kiy aka togol, iriirenech akitoretech."²³ Kileji Jeso, " Kele ngitimuche? Muchage kiy aka togol mu chi aka togol nyo yene." ²⁴ Kiwach abootab werone banone kile, Ee, ayene! Toreto samuch ayan." ²⁵ Kinero Jeso tuye kirwou wolo mi kinyenda, kikar kong' oinde kile, " Tomirmiryoni bo kimnam kot ako ming'at, kang'ating' ale, mong'u mu kinyenda, akiti maichut aritinyi kinyile."²⁶ Kuwach oindekai akibakach kisob aku neityo kimong'u sang'. Kitabe werikai kile chi nyikima, kitile chatya,"Kikima kinyenda." ²⁷ Kinam Jeso eunyi akikalab barak, king'eet werigai.²⁸ Kinecho Jeso kot, kitebe kasubukji mu ung'ot kile, " Kikaine si makimuchiche Leon?" ²⁹ Kileji kichega, "Kiy nyile nyenyi kimokumuche keon kibate mu saet."³⁰ Kimang'ta mu woline kuweer Galilaya. Kimo mache kinai chi wolo mito, ³¹amu kimi kinete kasubikji. Kileji kichega, "Kigoitoi weritab chi mu eunekab biik akebar kinyenda. Bani kikebar, king'eet kinyile mu betuab somok." ³² Aku kinanai ng'olyondonienyi aku kiywei kiteeb kinyenda.³³ Kipka agoi Kapernaum. Bani kakuchut ko kiteeb kichega kile, "Nee kiyi amikwe ang'olole mu are?" ³⁴ Aku kisiisyo. Amu kitebegei kichega mu are kibere ng'o nyo ou. ³⁵ Kitabe ng'wony akiguur taman ak aeny togol akileji, "Ngiti mache chi si kiloku nyibo tai, kiloku nyibo let mu togol akibaisyeji togol."³⁶ Kinam lakwa kamining' akigoji taing'wang'. Kikalap mu eunekji akileji kichega, ³⁷ "Aka togol nyitooje aka mu lokochu mengechen mu kainenyu, ku kataacha; aku aka togol nyi toocho ku mataachane aku kataach kinyenda nyikiyokwo."³⁸ Kileji Johana kinyenda, "Konetindoni, kaguroo chii kuone oik mu kaineng'ung' ketaye, amu kimarubech." ³⁹Aku kileji Jeso, " Kitimataye; amu momi chii nyo iye boisio nyimobo kimnate mu kainenyu, akumuch kikwarkwar kimng'a kiy nyangaya akibo anee.⁴⁰ amu kinyenda nyimakartech kinyonyoo. ⁴¹ Amu aka togol nyi konok beek mu kukomba aiyee amu abakwe Kristo, amwowok kisob ale, mabatyini melekatanyi.⁴² Amu aka togol nyi nyere aka mu chwechu mengechen chi yono, ku kaikai mu kinyenda keratyi gatinyi koiba bai nyo ou akewirji araraita. ⁴³ Aku ne nyerening' eung'ung' itil. Kaikai mu kinyee imon'ji sabonda ii chemugung', kisiir itinye eunek aeny akiwo aretab maat, maat nyi ma nuchage. ⁴⁴wolo mo boku kotikwak akimanuchege maat.⁴⁵ Akinenyerening' keldong'ung', itil. Amu kaikai mu kinyee imong'ji sabondo ibo kel agenga, kisiir kewirjing' Geena ibo kelyek aeny. ⁴⁶ wolo mo bogu kuikwak akima nuchage.⁴⁷ Akinenyerening' kong'tang'ung', ibolu. Kaikai mu kinye iit laitornatetab Jehovah ibo kong' agenga, kisiir kewirjing' Geena itinye konyek aeny. ⁴⁸ wolo mobogu kutikwak, akimonuchage maat.⁴⁹ Amu chii aka togol kegojine chumbiik mu maat. ⁵⁰ kororneen chumbiik, akune kakubet anyinyindab chumbiik, kwoitoi nee sikuchomu chumbi kinyile? Ngitabe chumbiik mugulitang'wong' akotabe mu kalya akwega mu akwega."

Chapter 10

¹ King'eet anyu Jeso mu woline akiwo akoi tabanwekab Judea ako tengetab Jordan. Kiyumjige kinyenda tuyosyek kinyile. Aku kineet kichega kinyile kile bani kicham kwoiye. ² Kipkonji kinyenda Parisaik kutyeme kile, " Ibere chamtayat mu ngatutek kuon chii chepyosenyi?" ³ Kiwolji Jeso kileji, " King'atak musa kile nee?" ⁴ Kuwolu kile, "Kicham Musa kesir sire nyibo besyot si kuon kuwo."⁵ Aku kileji Jeso kichega, "amu togolindab Muguleiywekwok ku kisirwak Musa ng'atutyonone. ⁶ Aku king'ete taune nya kikwai ng'wony, ku kiaiy Jehova kichega muren ako chepyoso.⁷ Amu ngolyondonienyi, kibagoktoi chii aboonyi ako kamenyi akinamgei ako chepyosenyi; ⁸ akuloku choche aeny borto agenga. Si maku aeny akuloku borto agenga. ⁹ Choch anyu kikutuyo Jehova, kiti mabesyo chii."¹⁰ Bani kimi go kitebe alamalyenyi akibo ng'olyodonienyi. ¹¹ Kileji kichega, " Chii aka togol nyione chepyosenyi akuip aka, ku kibaigeya. ¹² Ambo chepyosa kinyile neon bondenyi akuipgei ako boonde aka, ku chebaigeiya."¹³ Aku neityo kemityi kinyenda lakoi chomengechen, si neityo kitiiny kichega, aku kigar kong' alamalyenyi kichega. ¹⁴ Aku bani kinai Jwso, kinarech akileji kichega, "Achamji lakok cho mengechen kipkonjo; kitimatye kichega, amu bo baunatetab kipsengwet cho le chu.¹⁵ Amwowok kisob ale, chi aka togol nyi motoche baunatetab Jehovah kile lakwa nyo mining' kimochute woline matiny. ¹⁶ Kikalab lagok mu eunekji akuberur akukonor eunekji kichega.¹⁷ Bani katou bandanyi, kilobotyi chito aka kinyenda akugutung'ji, akitebee kile, " Konetindoni kararan, aiyane nee sonyoru sabondab koigeny? ¹⁸ Kileji Jeso, "Amu nee sikureno nyakararan? Momi chii nyakararan kibate Jehovah kityo. ¹⁹ Inget ng'atutek, Matirumisye, amoipkei, kitimechorso, kitimmwaitaye chii lambach, kitimeng'olse, konyit aboong'ung' ako kameng'ung'."²⁰ Kileji chikai, "Konetindoni, kioriip tuguchwechu king'ete kitomining'." ²¹ Kimarar Jeso kinyenda akicham. Akileji kinyenda, "Kong'otung' kiy agenga kityo mu kinye. Ui alde tuguuk togol chaitinye akigoji kibananok, si nyoru mogornate mu kipsengwet, akichoo irupka. ²² aku kigarer met mu ng'olyondonone akuwechigei kuimatogei amu kitinye kinyenda tuguuk chatya.²³ Kuro Jeso kamaswek togol akileji alamalyenyi, " Koroom nyatyana mu biich chole mogoro kimong'ji baunatetab Jehovah!" ²⁴ Kukwong'io alamalyenyi mu ng'alekji. Aku kileji Jeso kinyile, "Lagochu, korom nyatyana kemong'ji baunatetab Kauktainde! ²⁵ Kaigai ambo mu tambus kuchut kong'tab sindanu kisiir kumong'ji mogoryo baunatetab Jehovah."²⁶ Kukwong'io kichega kisob akilejigei, "Ara ng'oo nyikisoru?" ²⁷ Kimarar Jeso kichega akile, " Mu biich ku momuchage, aku mo mu Jehovah. Amu muchage kiy aka togol mu Jehovah." ²⁸ Kutou Petero king'ololji kinyenda kile, " Roo kira, kikematache kiy ak togol akerupung'."²⁹ Kileji Jeso, "Amwowok kisob ale, momi chii nyikikimete got nde werikwak nde ku tibikwak nde ku yonyi nde abonyi nde lagokyi nde mbarenyi akibo ane ako logoi chokorornen ³⁰ nyi monyoru kinyil bogol ra mu kenyisyechu: Goriik, ako weriik, ako tibiik, ako yootinek, ako lagook, ako mbaretinak, kiboto nyalilwogik, ako mu betusyek chi pkoni, sabonda nyibo koigeny. ³¹ Amu chatya chibo tai kiloku chibo let, aku chibo let kuloku chibo tai."³² Kimi ichega are kibeti kilong'toi Jerusalem, aku kindoiye Jeso kichega. Kikwong'io alamalyenyi, akuyweisyo chikirupu mu let. Aku neityo kumit Jeso taman ak aeny taban kinyile akitou kimwoji kiyo aiyege mu kinyenda kilegit. ³³ "Aroo, kibeti kelong'toi Jerusalem, aku kigojini weritab chii eunekab tisiik cho echen ako siriik. Akerwogji kirogee nyibo mei akegoji eunekab bororyosiek. ³⁴ Sikimuul kinyenda, akeng'utyi, akebir kinyenda, akegeet kinyenda. Aku nemi betutab somok king'eet."³⁵ Kiriikji kinyenda Jakobo ako johana werikab Zebedi akileji, " Konetindoni, kimaching iaiywech kiy aka togol nyakisoming,." ³⁶ kileji , "Amache aiiwak nee?" ³⁷ Kilji, "Koneech ketebi aka eung'ung' nyibo tai ako aka eung'ung' nyibo katam."³⁸ Kuwolji Jeso kichega kile, " Mongetikwe kiyo asome. Amuchakwe ayaee kukombe nyo aiyeene nde kebatisanak mu kabatisane nyiki botisaneno?" ³⁹ Kileji, "Kumuche." ⁴⁰ Aku ketebi eunyu nyibo tai nde nyibo let ku ma anee nyigoitoi, aku bo kichega chi kikechapji."⁴¹ Aku kinegas alamalaik chu tamanu, kitou kinerekji Jakobo ako Johana. ⁴² Kuguur Jeso kichega kipka wolo mi kinyenda akileji, " Onget so ole kichega chi kiite kele boyu bororyosiek, kiboyu kichega, aku kichega chile kiptainak kityame kundiji kichega.⁴³ Aku ma le yone mu akwe. Chi aka togol nyi makjinigei kuloku nyo ou mu akwe, ku akoi kiloku kiboityondeng'wong'. ⁴⁴ Aku chii aka togol nyimakjinigei kiloku nyibo tai mu akwe ku akoi kiloku kiboityondo chitogol. ⁴⁵ Amu kimocho weritab chii sikebaisyeji, aku kicho sikiboisyo, akugoita sabondanyi kiloku kiy nyikitiyegei chatya."⁴⁶ Kipka akoi Jeriko. Bani kimang'tae Jeriko ako alamalyenyi kiboto tuye nyo ou, ku itabe mu aree taban Bartimayo weritab Timayo, kipkarotyo nyokisoomse. ⁴⁷ aku kinegas kile Jeso nyibo nasaret, kitou kiwaach akile, "Jeso, Weritab Daudi, rirena!" ⁴⁸ Kugar kong biko chatya kileji kisiis. Aku kitas tai kuwach akoi kile , "Jeso weritab Daudi, rirena!"⁴⁹ Kitonoon Jeso aking'at kegur kinyenda. kuguur anyu kipkorotyonde akileji, "Nyikanitu! Aking'eet kakuguring' kinyenda." ⁵⁰ Kuwirji taban nguryenyi akuchulgei akuwo wolo mi jeso.⁵¹ Kuwolji Jeso kinyenda akile, "imeche aiyung' nee?" Kile, "Raboni, amache amararta." ⁵² Kileji Jeso kinyenda, " Ui bandang'ung', kikusobing' kayaneng'ung'." Kimararta anyu banone akitou kirip kinyenda mu aree.

Chapter 11

¹ Bani kipka akoi Jerusalem, kiriigu Petpage ako Betany mu tulwetab yemitek, kuyokto Jeso kasubikji aeny, ² akileji kichega, "Aba akoi kokwe nyami tabanunyo. Bani kait woline, anyoru warwap sigiryo nyi tomo kilany chii. Atyach akamutwa.³ Netebak chii kile kainee sa aiiy kile nyenyi? oleji mache kiptaiyande akeweku akoi yweyu kinyile.⁴ Kiba anyu akinyoru warwetab sigirye kiratat mu sang' nyibo kobor, mu wolo besyot aree, kityaach. ⁵ Kitebe biko alak che kitononsoot mu yune kileji, "Omi oiye nee, ngotyoche warwetab sigiryo?" ⁶ Kimwoji kichega kile bani kimwoji Jeso; aku king'unda bichoche kichega kibejigei.⁷ Kirong'u anyu warwetab sigirye kicho wolo mi Jeso, akiitoji ngureikwak sigirye; akitabe Jeso sigiryonone. ⁸ Akiito biko chatya nguraikwak mu aree; akugoji alak tamenikab ketik chekitile mu mbaren. ⁹ Akimwoyote mu koote nyo ou chokindoe ako chekirupe kibere, "Hosana! Berurot kinyenda nyi joni mu kainetab Kiptaiyande. ¹⁰ Berurot laitornate nyi joni nyibo kwandanyo Daudi. Hosana mu wolo toror kisob!"¹¹ Aku kimongji Jerusalem, akuwo hekalu ariit, aku kinemi bani kakurototo tuguuk togol, aku kikakuloku kasaleny, kuwo anyu Betania kiboto taman ak aeny. ¹² Akinemong'u kichega karon mu Betania, kwam ruba kinyenda.¹³ Aku kinero mogoiywo muwolo lou nyakitinye sageek, kucho, kibere nteme ngaap kinyorji kiy. Akineit yone mi ketone, kimonyorji kiy kibate sageek kibat, amu kitomo kiit betu nyo rursoot logoekab mogoiyonik. ¹⁴ Kileji ketone, "King'ete rani ku makwomening' chii logoi akoi koigeny". Aku kigase kasubikji.¹⁵ Kipka akoi Jerusalem: akiwo Hekalu ariit, akitou kuoon cho kialdoisye ako chokiolisye mu Hekalu, akikobui mesosyek chibo wlikab chepkondokako ng'achorosyek chibo chekioldoi cheptugenik. ¹⁶ akimachamji chii aka togol kibun Hekalu kiibe kiy.¹⁷ Aku kineet kichega kile, "Kikisir kele, 'Konyu ku gotab saet nyibo korotinwek togol!' Aku kikaiykwe kuloku kabenetab sarik. ¹⁸ aku kigas tisiik cho echen ako siriik , akiwas wolo bartoi kinyenda, amu kika kukwong' tuiye kimugul akibo konetisyenyi. ¹⁹ Aku kineloku kasaleny kimang'ta mu nganase.²⁰ Aku kinemibani siirtoi kichega karon, kuro mogoiywekai ku kakiyaam akoi tikitakji. ²¹ Kipkaat anyu Petero, kileji, "Konetindoni, kairoo, kikiyam mogoiywekai kebane."²² Kiwolji jeso kileji, Ayan Kamuktainde. ²³ Amwowok kisob ale, chii aka togol nyi lejini tulwoni, 'kany keng'usung' akewirjing araraita,' kimasajage mumuguleitanyi, akuyan kile suldoi tuguuk chi kamwa, kunyoru tuguchoche.²⁴ Nyone ayu amwowok ale, kiy aka togol nyo osome mu saet, ayan ole kaatach, akonyoru. ²⁵ Aku ngitinye chii ng'olyo, bani atononsot asoe, anyoiji gaat, sikinyoiywok gaat lelutekwok Aboong'wong' nyami kipsengwet." ²⁶ Aku ngitimonyoiji gaat akwega, kimanyoiwook gaat lelutakwok Aboong'wong' nyami kipsengwet.²⁷ Aku kipka kinyile Jerusalem; aku kinemi bani kitikuweti mu Hekalu, kipkonji kinyenda tisiik cho echen, ako siriik, ako boisiek. ²⁸ akitebee kinyenda kile, "Nee kimnatoni nyi iiye tuguchu? Nde ng'oo nyigoning' kimnatoni iiye tuguuchu?"²⁹ Kileji Jeso kichega, "atebenok ambo anenda ng'olyo agenga, akowolwo, somwowok kimnate nyo aiiye tuguchwechu. ³⁰ Ibere kibunu kabatisanetab Johana kipsangwet nde kibunu biich? Awolwo."³¹ Aku kitebegei kichega bungo kile, "Ngele kibunu kipsengwet, kile kinyenda, 'kwai nee anyu simayan?' ³² Aku ngele kibunu biiko, amu kiywai kichega biiko, amu kikakuyan biiko togol kile ki maotyo Johana kisob. ³³ Kuwolji Jeso kileji , "Makunget." Kileji Jeso anyu, 'Mamwowok ambo anenda kimnate nyo aiye tuguchoche."

Chapter 12

¹ Aku kitou kuneet kichega mu kalewenaik kile, " kimiinji chito aka sabibu mbare, aku ng'oot, akibal kabene wolo kinyabire sabibuk, akiteech got nyagoi, akimotoji meeik , akiwo koree aka. ² Akineit betusyekab kasisyo, kuyokto otwoginde kuwo wolo mi meik, si neityo kunyorji meichoche logoekab mbare nyibo sabibu. ³ Kenam kinyenda akebir akeon kinyenda kuwo kileen.⁴ Kuyokto kinyile otwoginde aka, kebir kinyile metinyi, akitawer. ⁵ Akuyokto aka kinyile, kibar kinyenda, kuyokto alak chatya; kebir alak, kebar alak.⁶ Kitikitinye anyu agenga, nyone ku werinyi nyakichamat. Kiyokto kinyenda mu let kuwo wolo mi kichega kile, "konyite werinyu." ⁷ King'ololjigei meichoche kile, 'Nyenyi nyi name tuguuk, apka kebar kinyenda si kendiiy tuguuk.'⁸ Kinam kinyenda akibar, akiwirta kimang'ta mu mbaretab sabibuk. ⁹ Aye nee anyu chito nyibo mbaretab sabibu? choni anyu kibare meichohe akimatyi meik alak mbaranone bo sabibu.¹⁰ Na asoman sirutichu, "Koita nyakitai teekik, ku kikwai nyone kuloku matitab luuita*. ¹¹ Kibunu ng'olyondoni Kiptaiyande, aku kwong'ut mu konyekjo?" ¹² Aku kiwase wolo namtoi kinyenda, aku kiywai tuye, amu kinai kile kamwa kalewenoni akibo kichega; aku kibagakta kinyenda akibejigei.¹³ Aku kikiyokji parisaik alak chibo Herodik, sikitekane ng'alekji. ¹⁴ Ku kinepka kileji kinyenda, "Konetindoni, kuunget kele ibo iman, akimeite chii aka togol, amu meroti itoon nyibo chii, aku ineete kisob areetab Jehovah. Ibere chamtoi ng'atutek kegoji kodi Kaisari nde machamtoi? ¹⁵ Kigoita nde olo? Aku kinai kinyenda chombilenywa.Akileji kichega, " Amunee satyama? Akono kira dinariande saroo."¹⁶ Aku kiipchi. Kileji kichega, "Bo ng'oo itoondoni ako siraani?" Kileji "Bo Kaisari". ¹⁷ Kileji Jeso kichega, "Ogoji Kaisari tuguuk chibo Kaisari, akogoji Cheptailel Chibo Cheptailel". Aku kikwong'io kisob akubo kinyenda.¹⁸ Aku kipkonji kinyenda Sadukaik, chimwoe kile, momi ng'etye, akitebe kinyenda kile, ¹⁹ Konetindoni, kisirwech Musa kile, "Ngitima weritambo chii akimete chepyosenyi, akimosich lakwa, kundiy wering'wang' chepyosonone, sineityo kuloiji ma' wering'wang'.²⁰ Kimi werik tisabu chekitupcho: akuobisyo weri nyo ou, kima akimosich lakwa; ²¹ Aku kindiiy weri nyibo aeny, akima kimosich lakwa; aku kiaiy kile nyone ambo mu nyibo somok. ²² Aku kimachone lakwa kichega togol ki tisab. Nyibo let kima ambo chepyosekai. ²³ Nemi kayain betutab ng'etye kubinjini ng'oo chepyosekai? Amu kikibinji choche tisap."²⁴ Aku kileji Jeso kichega, "Ma nyone nyikigonk aleel, amu monget sirutek nde ku kimnatetab cheptailel? ²⁵Amu nemi tuun neng'etyo kichega kimong'u mu che kikubok, kimakutunisyo akimaketune, amu tabisoot kile malaikain mu kipsengwet.²⁶ Aku akibo biiko chekikubok kebere tuun ng'etsoot ku tomo asoman mu kitabutab Musa, mu wolo kimi keti nyakilaye, kile bani kimwoji cheptailel kinyenda kileji, Ai Ceptailelitab Abraham, aku aii Cheptailelitam Isak, aku aii Cheptailel nyibo Jakobo?" ²⁷ Kinyenda ku ma Cheptailelitab chekikubok, aku bo chi sapsoot. Kialelikwe kisob."²⁸ Aku kicho aka mu siriik, akigas kitebegei, aku kinenai kile kiwolji kichega kikaram, kitebe kinyenda kile, "Nyono ng'atutye nyibo tai mu togol?" ²⁹ Kiwolji Jeso kileji, Nyibo tai ku nyi; "Agas ee Israel, Kiptaiyat Cheptaile nyitoror ku kiptaiyande agenga. ³⁰ Cham Cheptaileling'ung' mu muguleitang'ung' togol, ako mu sabondang'ung' togol, ako mu ng'omnateng'ung' togol, ako mu kimnateng'ung' togol. ³¹ Nyibo aeny ku nyi, 'Cham chiitab kokweng'ung' kile wolo ichamtogei. Momito ng'atutye aka nyo ou kisiir chu."³² Aku kileji siriinde, Man konetindoni, kikimwa kikaram kile kinyenda ku agenga; akimomi aka kibate kinyenda. ³³ aku ngacham kinyenda mu muguleitang'wong' togol, ako mu nae togol, ako mu kimnate togol, aku acham chitab kokwe kile bani achamtogei, kusiire choche kagojinaik chikibele ako tisaiwek. ³⁴ aku kinero Jeso kile kakuwolu mu ng'omnate, kileji, "Makilou mu laitornatetab Cheptailel." Aku matikikany chii kitebe ng'olyo aka togol.³⁵ Aku kinemi bani kinetisyo mu Hekalu, kimwa kile, "Kaine sikimwoe siriik kibere Kristo ku Weritab Daudi? ³⁶ Kimwa Daudi kinyenda mu tamirmirye nyotilil kile, Kimwaji Kiptaiyat kiptaiyandenyu kile, "Tabe eunyu nyibo tai, akoi agoji bunikuk keldebesaikab kelyekju.'" ³⁷ "Kuree anyu Daudi kinyenda kiptaiyat; kulagundoi ano anyu Werinyi? Aku kigas it anyu kinyenda tuye nyo ou.³⁸ Aku mu konetisyenyi, kileji Jeso kichega, Aribegei siriik chi chame kibetote kuloche nguraik cho koen ako torokse mu wolo kyoldoisye, ³⁹ ako ng'achorosyek chibo tai mu kanisosyek ako kamaswek chibo tai mu tumwek. ⁴⁰ akisare mosogik gorikwak, usoe sautek chokoenkung'olse; nyoru biichu kirwoge nyo ou kisiir.⁴¹ Aku kitabe kitakjinigei wolokiyumjini tuguuk chakigotoi, kuuro wolo koitoi tuye sendeisyek wolo kiyumjini; aku kigoji mogorek alak sendeisyek chatya. Aku kicho mosoge aka nye ki kibanania, akugoita sendeisyek aeny chi aechinyo ako chepkonda agenga.⁴³ Kugur kasubikji anyu kipka wolo mi kinyenda akileji, "amwowok Kisob ale, kkugoita mosogoni le kibanania chi sire chi kakugoita biiko togol chigojini tugukwak wolo kiyumjini. ⁴⁴ Amu kakugoita kichega tuguuk chibo chang'indab tugukwak; aku kakugoita mosogani chebo banandanyi togol chekitinye, ambo cha kasabe."

Chapter 13

¹ Aku kinemi bani mang'toi Jesu mu Hekalu, kileji agenga mu kasubikji, "konetindoni, roo, kororindab koichu, ako kororindab goriichu!" ² Kiwolji Jeso kinyenda kileji, "Irooti goriichu koen? Mo tuun ng'otu koita agenga mu baragutab aa, nyi matuun kewirjini ng'wony."³ Aku bani kitikitabe ng'wony mu tulwetab yemitek wolo takjinigei ako Hekalu, kitebe Petero, ako Jakobo,ako Johana, ako Andrea kimi kichega bungo kile, ⁴ "Mwowech, ayakisoot tugchu ayu? Aku nee kaborune nyiboru kile kakiriiku kusulda tuguuchu togol?"⁵ Kutou Jeso kileji, "Aripgei si mabotok chii. ⁶ Pkoni kayain chatya mu kainenyu, kibere aii kinyenda! Akubot chatya.⁷ Aku ngagas akubo lugosiek ako ng'alek akibo boryosiek, kutumocholyo; amu kasikji kwoiyagis kile nyone aku tomo kuit kabogune. ⁸ Amu setyine kore aka kore aka, aku setyine laitrnate akalaitornate aka. Akucho kiprong'rong mu kamaswek alak; akucho rubosyek . Tuguchwechu ku taune nyibo ng'wonin.⁹ "Aku ariipgei akwega amu tuun kimitok kapkirwok, akebirok mu kanisosiek, akatononye mu taitab bunik ako laitorinak akibo anee, sikiloku baornat mu kichega. ¹⁰ Aku kasikji si keamta logoi chokororoneen kuityi korotinwek togol.¹¹ Aku bani kakiratak akugochik eunekab biiko, itimagarer met akubo kiyo amwoe, aku kiy aka togol nyikigonok sainone, ku nyone nya amwoe amu ma akwe cho ang'olole aku tamirmirye nyotilil. ¹² Akwalda chii wering'wang' kebar, akwalda aboi lakwenyi, akung'eetyi lagok sigikwak akugoita kebar. ¹³ Akusasak biiko togol akubo kainenyu. Aku kichega cho muitoi akoi let kesoruu.¹⁴ Aku tuun ngaroo kiy nyakuweche nyibo ng'emisyo ketonone wolomatonone ( kany kinai chii nyasomane), ngurwoichi anyu chami Judea tulonik: ¹⁵ Aku kitima roku chii nyami goot barak nde kunemu kiy nyami go, ¹⁶ Akutu mawechgei chii nyami mbar kuwo kuip nguryenyi.¹⁷ Aku Pwo mu kichega chi tomono ako kichega chetinye lagok chirersoot mu betusyechoche! ¹⁸ Aku asai si ma nemi kayain kwoyagis mu betutab kaitityo. ¹⁹ Amu loku nyalilda mu betusyechoche, che kitomo kuloku kile nyone, king'ete taunetab ayetab ng'wony, nyaki aiy cheptailel, akoi rani, akumaku ayekisye kile nyone kinyile akoi. ²⁰ Aku nda kimatil kiptaiyande betusyek kunwogitu kitamakisaru chii, aku kitil betusyek amu cho lewenotin cha kikelewen.²¹ Aku ngulechok chii mu betusyochoche, aroo, onyi Kristu mi woli, nde, roo mi wolii, ku kitimayan. ²² Amu pkoni kristoik chibo lambach, ako maotik cibo lambach, akubortoi kaborunoik ako kwong'utek si kubeet, ambo cho lewenotin nemuchage. ²³ Ariipse anyu. Kasip amwowok tuguuk togol.²⁴ Aku mu betusyechoche ne kakibata nyalildanone, kuimen asista, akima kukwenye arawa. ²⁵ Chunu kogelik mu barak, akutumtumekisyo kimnatosyek che mi kipsengwet. ²⁶ Aku neityo kuuro weritab chii kuchoni mu bolik mu kimnate nyo ou kiboto tililindo. ²⁷ Aku neityo kuyogu malaikanakji, akuyum togol chi lewenotin kubunu usonik ang'wan, king'ete tabandab ng'wony akoi tabndab kipsengwet.²⁸ Anetegei kalewenetab mogoiywo, bani kaking'arng'aritu tamenik, akung'etyo sageek, anai kile kakiriigu kasisye. ²⁹ Lee nyone ambo mu akwe, ngaroo tuguchu kwoiyekisoot, anai kile kakuriigu kinyenda, mi kirgotik.³⁰ Amwowok kisob kile, masirtoi abendani kitomo kusulda tuguuchwechu togol. ³¹ Sirtoi kipsengwet ako ng'wony, aku masirtoi ng'alekju. ³² Aku momi chii nyo nget akibo betunone nde ku sait, akob ambo malaikain mu kipsengwet, nde ku Weri, aku kibate Aboo kibat.³³ Ariipse anyu, akany akosoe amu monget kile loku nee. ³⁴ Kargei ako chii nyakimete gonyi akuwo koree aka, akigoji otwogikji kimnate, chii aka togol ako boisienyi, akung'at ribinde kuriipso.³⁵ Ara anyu ariipse amu monget sait nyaitu chiitab kibo goot; muche ku kasaleny, nde ku kemoi kwen, nde ku saikai kachai kipsoiywo, nde ku karoon. ³⁶ Si necho kinyachak, ki manyowok arusoot. ³⁷ Kiyo ami amwowok ku amwochini chii togol ale, ariipse.

Chapter 14

¹ Aku kinebata betusyek aenyu, kuitu tumdab Paska ako makatinak chi magoji chii biita: aku kiwase tisiik cho echen kiboto siriik wolo meche kinam mu ng'olsee, si neityo kibar kinyenda. ² Amu kile kichega "Kitimakany kenam kinyenda mu tumdo si ma bolyo biiko."³ Aku bani kimi jeso Betania mu gotab Simion nyakitinye mogondoi, kitikitabe mu mese, kucho chepyose aka nye kitinye chupo nyakimi mwaita nyaanyiny nyibo kamonutye nyo ou, akutui chupoinone akurongji mwaita metinyi. ⁴ Aku kimi alak che kinereksoot kibere, "Amu nee si kenyernyere mwaitani? ⁵ Amu kata yame mwaitani kealdae che sire dinarisiek bogol somok, akegoji kibananok." Aku kinyinyiiji kinyenda.⁶ Aku kileji Jeso, "Amete; kainee saim kinyenda? Kaiiwa boisie nyakararan. ⁷ Amu atinyakwe betusiek togol kibananok, aku mi woi aka togol ngamach, amuche aiji nyakararan: amu momiane sait aka togol kibotakwe. ⁸ Kikwai nyimuche, kasip kuil bortanyu kitomo ketupo. ⁹ Aku mwowok kisob ale, wolo togol wolo kiamji logoi chokororneen mu ngwony kimugul kemwoitoi ambo kiyi kaiy chepyosoni, aku loku nyenyi nyakipkote kinyenda."¹⁰ Aku kiwo Judas Iskariot, nyi aka mu taman ak aeny, wlo mi tisiik cho echen, sineityo kwoldoji kichega. ¹¹ Aku bani kigas kichega, kibaibaitu akikasinio kegoji chepkondoi. Aku kiwas sait nyi yame kealda kinyenda.¹² Aku mu betu nyibo tai nyibo makatinak chi mogoji chii biita, bani kiyenye warwetab pasaka, kitebe alamalyenyi kileji, " Imeche keba ano sikechapung' wolo iame pasaka?" ¹³ Aku kiyokto alamalaikji aeny kileji, " Aba akoi kokwe aku ngotuye chii nyikolopu ter nyibo bei, arup kinyenda; ¹⁴ aku wolo togol wolo mong'jini kinyenda, aleji chitap kaita, ' kele konetinde mi ano gonyu nyibo taek, wolo achoni aame tumdab pasaka kiboto alamalyenyu?¹⁵ Aku borwok kinyenda goot nyo ou nyibo barak nyi chobot akitataat, achapkech wolone " ¹⁶ Kiba anyu alamalaik, akoi kiti iit kokwe kinyoru kile bani kikakimwoji kichega, kiba anyu kichep igortab paska.¹⁷ Aku kinei kasaleny, kicho kiboto alamalaikji taman ako any. ¹⁸ Aku bani kitikimi amisyo, kile Jeso, " Amwowok kisob ale, aldoo agenga mu akwe, kinyenda nyikwomisot tuwai. ¹⁹Kutou anyu kicholyo akiteb chitokol agenga agenga kile, "Ara anee?"²⁰ kuwolji Jeso kileji, Nyone ku agenga mu akwe taman ako aeny, kinyenda nyikinoktoi tuwai makatyande mu bokili. ²¹ Amu weti weritab chii kile bani sirat akibo kinyenda. Aku pwo! mu chichone nyi aldoi weritab chii. Kitakaikai ambo nde kimokisich."²² Bani kitikimi kwomisyo, kinam Jeso makatyande, akiberur, akibutul. Akugoji kichega akileji, "Anam nyi. Nyenyi ku bortanyu." ²³ Kinam kigombe akimwaita kongoi, akugoji kichega, akitou kiya togol.²⁴ kileji kichega, " Chwechu ku karatikju chibo arorutye, karatiik chi tartogei akibo chachaang'. ²⁵ Amwowok kisob ale, mokoiyee kinyile chibo logoekab zabibuk agoi kiit betu nyo aiyee chalelachen mu baunatetab Cheptailel."²⁶ Bani kikakukwor tyendo, kibejigei akoi tulwetab Yemitek. ²⁷ Kileji Jeso kichega, "Kisaretok akwe togol amu kikisir kele, " Abire mastewonde sikisarat kechirek."²⁸ Aku bani kikeng'eta, awo tai andoenak akoi Galilaya." ²⁹ Kileji Petero kinyenda, "Ambo ntasarat togol ku ma anee nyone."³⁰ Kileji Jeso kinyenda, "Amwaung' kisob ale, "rani kemoi ku machaye kipsoiywo nyibo aeny kimetaya kinyil somok." ³¹ Kimwa Petero mu kotee nyo ou kile, "Nemichini ambo kemeyo tuwai kisiir ataying'." Kimwa ambo kichega togol kile nyone.³² Kiba kitiit wolo kikure Getsemane, akileji alamalye, atab mu yu awo asa." ³³ Kumit Petero ako Jakobo ako Joana. kutou kicholyo akuimgei. ³⁴ Kileji kichega, "Imagei sabondayu nyibo mei kisob. Ang'otu mu yweyu akoriipso."³⁵ Kuwo tai katigin, akubutyi ng'wony akisa, kile, "Ntomuchage ntasirtoeno sainyenyi. Kile, "Aboo, kwanda, Muchakisoot tuguuk togol mu kinye. Istoeno kigombani, aku ma mu chamenyu akou mu chameng'ung'."³⁷ Kuwechgei akunyoru kichega kurusoot, akileji Petero, " Momuche ambo amarartoi mu sait agenga? ³⁸ Aripse akasoe simonyoru tyamisye. Chame muguleito kisob aku nyalnyal borto." ³⁹ Kuwo kinyile taban akisa, kiboisie ng'alek chakae.⁴⁰ Bani kawechgei kinyile, kunyoru kchega kurusoot, amu kikakinyakisituu konyekwak. Mamuch kinai kiyo woljine kinyenda. ⁴¹ Kicho kinyile nyibo somok akileji kichega, "Aruye anyu sai amuung'nye; Kikiyam ; kikiit sait; Aroo, kagealdoji weritab chi eunekab kiptangakinek. ⁴² Ang'etye keba, amu kikiriigu kinyenda nyi aldoo."⁴³ Bani kitikimi king'olole, kucho Juda, agenga mu taman ako aeny, kiboto tuye cho kitinye rotonikab chok ako kirokon, kibunu wolo mi tisiik cho echen kiboto siriik ako boisiek. ⁴⁴ Aku kikakuororji aldoinde kichega kileji, "Kinyenda nyowire asak ku kinyenda nyone. Anam akamut kinyenda akoriibote." ⁴⁵ Kineitu Juda, kitakjigei Jeso, akileji, "Konetondoni," Akutou kuwire asak. ⁴⁶ Kenam anyu kinyenda akimit.⁴⁷ Kungusu rotwenyi nyebo chok agenga mu chakitononsot mu wolo legit, akitil ititab otwogindetab tisinde nyo ou. ⁴⁸ Kiwolji Jeso kileji, "Komong'u ako rotoon chibo chok ako kirokon kile biich chisetyine choriin, abka anama? ⁴⁹ Kiomite kibotok betusiekije togol anetisye mu kanissiek akima anama. Aku kayak kile nyenyi sikusulda sirutye." ⁵⁰ Kibakakta kichega togol kinyenda akirwei.⁵¹ King'otu mureno kibaat nyakirup Jeso nyakitinye anga nyebo katania nyakilooche. Bani kikinam Jeso, ⁵² kimeto angekai kiloche akilabat kileen kimetinye nguryo.⁵³ Kumit anyu Jeso kuwo wolo kimi tisinde nyo ou; Kururukjigei kinyenda tisiik cho echen kiboto boisiek ako siriik. ⁵⁴ Kirip Petero kinyenda mu wolo lou, akoi kuit chepkaterutab kootab tisinde nyo ou, akitabjigei kiboto kiplugotinek kuywe ma'.⁵⁵ Kiwaas anyu tisiik cho echen kiboto kirwogik togol baornate akibo Jeso sineityo kibar. Aku manyorji kiy aka togol. ⁵⁶ Amu king'et chatya kibaorian lambach akibo kinyenda aku manamgei baornateng'wang'.⁵⁷ Kitou kitononyo alak akibaorian lambach kile, " ⁵⁸ Kikigas kimwoe kinyenda kibere abute kanisani nyakikiteche eunek mu betu agenga akatech mu betusiek somok nyimakiteche eun." ⁵⁹ Ku ambo nyone kinyile ku manamgei baornateng'wang'.⁶⁰ Kitonon anyu tisiinde nyo ou mu kwenung'wang' akitebe Jeso kile, "Mewolu kiy? Nee nyi baoryanjini biichu?" ⁶¹ Aku kisiis kimowolu kiy. Kitebe kinyile tisinde nyo ou kile, " Iinye Kristu weritab nyaberurot?" ⁶² Kileji Jeso aii; aku tuun kayain arooti weritab chii kitabee eutab tai nyibo kamuktae kichooni mu boolik chebo kipsengwet."⁶³ Kikareer nguraikji tisiinde nyo ou kibere, tikemage nee baorinak alak? ⁶⁴ kikagas ngalek cha yachen chi mwoye: apkotakwe nee?" Kurwokji togol kile nyoljine mee. ⁶⁵ Kitou alak kung'utyi kinyenda akutuch togenyi, akuluch, akileji, "Ngoorse" Kinam kinyenda ribiik akirabach.⁶⁶ Aku bani kiti kimi petero wolibo chepkater ngwony, kicho aka mu tibiik chi otwogikab tisiinde nyo ou wolo mi kinyenda. ⁶⁷ Aku kinero Petero kuywee ma', Kimisyi kong' akileji, "Kimi ambo kinyende ako Nazaretindoni, Jeso?" ⁶⁸ Kitai Petero kile, "Monget akumomuche ambo anai kiyo imwoe." Aki mang'ta kuwo chepkater; Aku kichai anyu kipsoiywe.⁶⁹ Kimarar anyu cheptonone kinyenda akutou kimwoji cho kitononsot kileji, "Agenga nyenyi mu kichega." ⁷⁰ Kitai kinyile. Aku nyi matyana, kileji biikai kitononsoot mu wolo kilegite petero, "nyibo kisob, ku ii agenga nyebo kichega amu ii Galilainde."⁷¹ Kutou kibanishe akisirben kile, "moget chichi amwoyakwe." ⁷² Aku nyi matyana kichai kipsoiywo nyibo aeny. Kupkaat anyu Petero ngolyondonone, kile bani kikakimwoji Jeso kinyenda kile, "Kitomo kichai kipsoiywo kinyil aeny, ku itayo kinyil somok." Aku bani kiipkaat ng'olyondonone, kiriir.

Chapter 15

¹ Aku neityo bani kakiyech kitat ng'alek tisiik cho echen kiboto boisiek ako siriik, ako kapkirwoge togol akirat jeso, akumut kuwo kugoji Pilato. ² Aku kitebe Pilato kile, "Ara ii nye Laitoriandetab Yahudik?" Kuwolji kileji, "Kikimwanye." ³ Kutou kutaam kinyenda tisiik cho echen mu tuguuk chatya.⁴ Kitebe kinyile Pilato kile, "Mewolu kiy? Rokee tuguuk chatya chakamwaitanening' biichu." Kisiisyigei Jeso matukuwolu ng'olio kitikwong' Pilato.⁶ Aku kicham kutyokyini biich pilato kimonjororyonde agenga mu betutab tumdo, aka togol nyakasom kichega. ⁷ Aku kimi chiitake nyakikure Baraba nyakiratat kiboto kichega chekikimwaitae chomso, kichega chekikakubarisho mu chamsonone. ⁸ Kilangta biiko kiba wolo mito Pilato kiba kisoom kile wolo kicham kwoye tai.⁹ Kuwolji Pilato kileji, "Ara amache atyokwok Laitoriandetab Yahudi?" ¹⁰ Amu kikakinai kile kigoita kinyenda tisiik cho echen amu ng'atkong'. ¹¹ Aku kicheer tisiik cho echen biiko kileji ketyokji Baraba.¹² kiteebe kinyile Pilato kileji, "Aitoi nee nyu chiichi aguure Laitoriandetab Yahudik?" ¹³ Kibolyo kichega kinyile kile, "Agargaat!"¹⁴ Kileji Pilato kichega, "Kainee chichi nyangaya?" Aku kibolyo kichega kiya kibere, "Agargaat kinyenda mu kimurtoiyo." ¹⁵ Amu kimache Pilato kibaibai tuiye, kutyokji kichega Baraba, akigoita Jeso ku kakebire kipchoriti sikegargaat.¹⁶ Aku kimut kinyenda kiplugotinek kuwo kapkirwok ariit, nyakigure Praitoriam, akegur kiplugotinek togol kipka. ¹⁷ Akulogji ngure nyo arus nyo birir, ako ngatietab katoi, akugoji metinyi; ¹⁸ akurou kitoroch kinyenda kile, "Kitoroching' Laitoriandetab Yahudik!"¹⁹ Kukwer metinyi mu kirokwo, akung'utyi, akugutungji kulosu kinyenda. ²⁰ Aku bani kikumulmul kinyenda, kunguste nguryekai nyo aru nyo birir, akulokji ngureikji. akemutu kuwo sang' kugargaat mu kimurtoyonde. ²¹ Kibirji chitake nyakisirtoi nyakigure Simion nyebo Kirene, (abotab Aleksanda ako rupo), nyakichone kore aka, kuip kimurtoiyondetab Jeso.²² Akemut kinyenda kiwo wolo kiguree Golgota, ( mu kote aka keguree emetab Terta). ²³ akegoji divaik chakikiwar ako tuguuk alak chakargei ako ikomoi, aki mataach. ²⁴ Kigargaat kinyenda akipchaijigei nguraikji akiseer barbarek sikenai nyiteno nyaibe chii aka togol.²⁵ Ki saitab somok bani kikigargote kinyenda. ²⁶ Kesir ng'alek chebo kataamse mu barakunyi kele, "Laitoriandetab Yahudik." ²⁷ Aku kikikargaat kinyenda kiboto chorik aeny, aka mu eunyi nyebo tai, ako aka mu eunyi nyebo katam. ²⁸ (Aku kisulda siret nyakikisir kele, kikiit kinyenda kiboto kiptengekinek).²⁹ Chi aka togol nyakisirtoi ku kimule kinyenda kibere, "Aah! Inye nyaibute hekalu akitech mu betutab somok, ³⁰ sarugei akiwolu mu kimurtoyonde ."³¹ Kumuul kile nyone ambo tisiik cho echen, kiboto siriik kibere, " Kisoru alak, ko momuche kusarugei. ³² Nguwolu anyu banienyi Kristo, Laitoriandetab Israel mu kimurtoyonde, si neiyo keroo akeyan. " Akob chekikikargaat kiboto kinyenda ku kimuul kinyile.³³ Kineit sait lo, kutou kutuit koree akoi sait sogol. ³⁴ Aku kineit sait sogol, kuwaach Jeso kile, "Eloi, Eloi, Lama sabaktani?" Mu kote aka kibere, "Kamuktaindenyu, Kamuktaindenyu, amu nee sibakakta?" ³⁵ Kinegas alak chekitononsot mu wolo kilegit, kie, "Aroo anyu mi kugure Elijah."³⁶ Kilabat chitaka kunyiit siki sponji akiyokoitoe kirokwo akigoji kiya, akile ngutebi kile nyone. Kile chikai, "kany keroo nechoni Elijah kuchoru kucho ng'wony." ³⁷ Kuwaach anyu Jeso mu kote nyo ou, akima. ³⁸ Kitou kibalak ange nyekimi hekalu kipkane aeny king'ete barak akoi ng'wony.³⁹ Aku kinero chemogetab kiplugotinek pogol, nyakitonone mu wolo legite kinyenda, kile kikima kile nyone, kile, " Ko ki weritab Kamuktainde chichi." ⁴⁰ Aku kimi chepyosok chekiroti mu wolo lou: kimi kiboto kichega Maria Magdalena, Maria kametab Jakobo nyomining' ako nyebo Joses, ako Salome; ⁴¹ chekirupe akibaisyejini kinyenda bani kimito Galilaya; kiboto chepyosok alak chatya chekilong'u Jerusalemkiboto Jeso.⁴² Aku kineloku kaaleny, amu kibetutab chabee, amu nyone ku ki betu nyakindoune Sabato, ⁴³ kucho Joseph nyebo Arimatea Chito nyakigonyitot nyebo kapkirwog nyakikanye ambo kinyenda Laitornatetab Kamuktainde, Akuwo kap Pilato mu nyikanate kisoom bortab Jeso. ⁴⁴ Kukwong Pilato amu kikakima Jeso; kuguur kiplugotyondetab bogol, kitebe ne kikakima kuloit.⁴⁵ Aku bani kikakinai pilato king'ete kiplugotyondonone, kugoji anyu Joseph borone. ⁴⁶ Kuwo anyu kwal ange nyebo katani, kichoru kinyenda akitae anganonen bo katani, akugonorji kereri nyeki kakebal mu koita nyo ou; akimilji koi nyo ou kigare kirgetab kereri. ⁴⁷ Aku kiroti Maria Magdalena ako Maria Kametab Joses wolo kakigoji kinyenda.

Chapter 16

¹ Aku kinesirto sabato, kwaal Maria Magdalena ako Maria Kametab Jakobo, kiboto salome, nyamtutek sikipka kiile bortab Jeso. ² Aku kineit karoon betu nyibo tai nyibo wiki, kiitu kereri ku kakubusu asis .³ Aking'ololjinigei kibere, "Sikimildawech ng'oo koita mu kirgetab kereri?" ⁴ Aku kinero, ku kikakemilda koyone amu ki ou kisob.⁵ Bani kichut Kereri, kuro muen nyakitabe kamastab tai nyakiloche nguryo nyo leel, aku kikwong'io. ⁶ Kileji kichega, "Kitimokwong'io. Ami awase Jeso Nazaretinde, nyakikikargat; Kiking'eet! Makimi yu. Amararge wolo kikakugonorji kinyenda. ⁷ Aku aba akomwoji kasubikji ako Petero; aleji kikundoenak kuwo Galilaya, arooti kinyenda mu woline, kile bani kikakimwowok."⁸ Kimang'ta sang' mu kereri, akurwei amu kibotonsot akukwong'io, aku mamwoji chii kiy amu kicholyo.⁹ Aku kineng'eet anyu Jeso mu betutab tai nyibo wiki, kiborjigei kurook Maria Magdlena, kinyenda nyakichorune Jeso oik tisap . ¹⁰ Kiwo kimwoji kichega chekimi kiboto kinyenda bani kitikimi kichalsot akiriirsot. ¹¹ Aku bani kigas kichega kile tikisabe, aku kiroo chepyosonone, ku kimayan.¹² Kinekakibata ayu tuguchu, kiborjiei aeny mu kichega kibeti mu aree mu koree aka. Kiba anyu kimwoji chuu alak, aku mayan chuche kinyile.¹⁴ Kinebata nyone, kiborjigei taman ak aeny kitabisot mu amisye; akikar kong' mu pistoeng'wang' ako togolindab muguleiywekwak, amu kimayan kichega chekiro kinyenda king'ete bani king'eet. ¹⁵ Kileji kichega, " Aba ng'wony togol amchinote logoiwek chokororonen biiko togol. ¹⁶ Kinyenda nyoyene akebatisan kesaru, aku kinyenda nyimayane, u nemi kayain kerwogjini.¹⁷ Aku rupe kaborunoichu kichega cho yene: one oik mu kainenyu; akung'olole ngalale nyoleel; ¹⁸ name erenoi, akuneya tuguuk chokete biich ku manyoru ng'wonin nyi matiny. Konore eunekwak biich chi mnyansoot akusopcho."¹⁹ Kinemi bani kikung'alal ako kichega kiptaiyande Jeso, kemut anyu kinyenda kuwo kipsengwet, akitabe eutab tai nyibo Cheptailel. ²⁰ Aku kiba anyu kwamta mu wolo togol, kibaisie Kiptaiyande kiboto kichega, akukimit ng'olyonde mu kaborunoik che kirube.

Luke

Chapter 1

¹Amu kikukoji eunekwak cha chang kutat ng'alek akubo tukuchoche kikusulta togol mu kwenunyo, ²kile yo kikonech ache kibaorinik cho kikoro king'ete tai, ako cho ki kibaitinik cho bo ng'olyonde. ³Kiaro anenda ole kararan, atetung mu sire kikaanai anenda wolo kipkanda tuguk togol kungete tai, ee inye nyo itogunot Teopilo, ⁴Si neityo inai mu iman ng'aalechoche kikeneting.⁵Kimi mu betusiek cho bo Herod laitoria nyobo Judea, tisinde aka nyo kikure Zakaria nyobo aretab Abija;ako kitinye chepyosa nyo kisalu kap Haron, kainenyi ku ki Alsabet. ⁶Ako kibo iman icheka tuwai mu tai nyobo Jehova, kibetote mu ng'atutik togol ako ng'ate nyibo kiptaya , kimatinye ng'oki. ⁷Ako kimatinye lakwa, amu ki son Alsabet aku kikakuyositu tuwai.⁸Ak kinemi rokondap kaptisisio mu tai nyibo Jehovah kile tate nyebo ripsenyi. ⁹Kule biteetap rokondap tiseinot ku kikilewen inyenda kuo Kapkoros kubel korosek (nyamdutik). ¹⁰Ako kimito bik chachang sang kusoe netese tai mu sait nyo kikibele korosek.¹¹Ako king'eetyi Malaikaya nyibo Kiptayandenyo aku tonone kamastap tai nyibo kapkorusu nyokibele korosek. ¹²Aku kinero Zakaria malaikayndani, ku kichol kisob. ¹³Aku kilechi Malaikayande Zakaria, amechol amu kakekosung sautikuk. Tikisiche chepyoseng'ung' Alsabet lakwa nyo weri ak ikure kainenyi Johana.¹⁴Aku inyoru boiboyo ako cherat , aku boiboitu bik chachang amu sikwenyu. ¹⁵A mu mu tai kiyeku chi nyo oou mu konyekaap yaintenyo, yeku nyimo yee divai nda ku komen, aku kinyite tamirmirie nyo tilil kung'ete kimi moetap kamitenyi.¹⁶Aku wekyini lagok cho bo Israel chachang kinai Jehovah Yaindeng'wang'. ¹⁷Ak kuwetoto mu taitap togenyi mu tamirmir ako kimnon nyobo Elija, si kuweech muguleiwek cho bo abotinak kuro lakok ak kuwal ng'elelik si kiba mung'omnon nyobo iman, si kichob bik cho chobotin mu Jehova.¹⁸Ako kiteeb Zakaria malaikayande kile, "Anae nee ng'olyondoni? amu ane ku kikayositu ako kikuchang'it kenyisiek chebo chepyosenyu." ¹⁹Aku kiwolji malaikyande kileji, "Ane oi Gabriel nyo atonone mu tai nyobo Jehova kakiyokwo, sang'ololung ak aibung' ng'aal cho kororonen. ²⁰Mi kile nyi, namaksaing' kot amemuche ing'alal agoi betu nyo oyegisot ng'aalechu amu meyan ng'alechu cho mu tai kuoyekisho.²¹Aku kikany bik Zakaria Kutu chosho amu kikaigei mu kaptisisie. ²²Ako kineng'etu sang', mamuch king'alanji bik, aku kinai bik kile, kakuro kiy nyibo kwong'ut mu kaptisisie, ak king'alanji bik mu eun, aku kitebo kipnamkot. ²³Ako kine wany betusiek chebo rokondap kaptisio kuwo kaitanyi.²⁴Aku kinesirto betusiechoche kimanach Alsabet chepyosenyi ako kiunygei aroik mut ak kimwa kile, ²⁵" ki iywa kile nyenyi Kiptaya mu betusiek cho kibkata si ki istoegei rengso nyebo biich. "²⁶Aku kiyokto Jehovah malaika Gabriel arawetab lo kuwo nganasetab Galili nyo kikure Nazaret, ²⁷Kuwo wolo kimito chepto nyo kitomo kutuyo ako muren aka togol kibate kika echamji muren nyo kikure Joseph nyibo kotab ambo Daudi. Chebone kiberegei ku kikukure Maria. ²⁸Aku kicho malaikayande wolo mi chebone akukat, ak kileji, "Inye nyo iberurot mising! mi Kiptaya kuboting." ²⁹Aku kinero Malaikayande kuimgei akutebgei kile yekune ng'olyondoni ako kakatyoni.³⁰Aku kileji Malaikayande inyenda, "matiywai, Maria, amu ki inyoru chamat mu Jehovah. ³¹Rokee, imanache ak isich weri. Ak ikure kainenyi 'Jeiso'. Yeku nyo ou inyenda akekure weritap inyenda nyotoror kisir togol. Kochini Kiptayande luge nyo kibo ³²Daudi. ³³Aku boyu kotab Jakobo akoi, amoboku boyunatenyi."³⁴Aku kileji Maria Malaika, "Teptoi ano ng'olyondoni kemwowo, amu monget muren?" ³⁵Ako kiwolji malaikayande kileji, " chorjiningei tamirmirie nyo tilil ak inyoru urwetab kamuka nyobo inyenda nyotoror, nyone anyu kekure nyo tiilil weritab Jehova, inyende nyo kisiche.³⁶Rogeee, manakat weri kira tupchengung Alsabet, nyenyi ku arawetab lou, wet kisiche wweri inyende mu yosindanyi nyo kika kukure son. ³⁷Amu mu Jehova ku momi kiy nyo momucheke." ³⁸Ako kile Maria, " rogee, aii otwokinde nyobo Kiptayande, nguayak kiy aka togol kileyo chame." Ako kibakakta malaikayande inyende.³⁹Ako king'eet Maria betusiechoche kuchakta akoi taun nyoboo Juda nye kimi koretap tulonik. ⁴⁰Ako kiwo kap Sakaria ak kutoroch Alsabet. ⁴¹Ako kinekas Alsabet torochetab Maria, kibiren lakwe mu moenyi ak kinyiy inyende tamirmirye nyo tilil.⁴²Ako king'alal mu kutii nyo ou , kile itinye berur mu Jepyosok, ako iberurotinyende nyo isiche kung'ete moengung. ⁴³Ako kile, kiyekundo ano ng'olyondoni, kutu cho iyotap kiptayandenyu? ⁴⁴Amu, rogee, yo kineit itikyu ng'olyo nyobo torocheng'ung kibiren lakwe mu moenyu mu boiboiyo. ⁴⁵Ako iberurot chebone ki itejini amu iyekse ng'alek cho ki kimwoji inyenda cho ng'ete yain.⁴⁶Ako kile Maria, " losu sobondanyu Yain, ⁴⁷Ako baibai tamirmirienyu amu Jehova sorunindenyu.⁴⁸Amu karo nyarate nyebo otwokindenyi nyo chepto, amu rokee, kingete rani ku kureno abenwok togol nyo baibai. ⁴⁹Amu ka kuiywa kamuktainde nyo bo kamuktae togol ako tilil kainenyi.⁵⁰Ako tebe rirkeinyi kung'ete aben akoi aben. ⁵¹Kikubor kamukenyi mu eunyi, ako kikoseer chomentos mu kabwotutikab muguleiywekwak.⁵²kakuwolune kiptainak mu ng'achorokwak, ako kikutoror chonyerotin. ⁵³Kakunyityi cho rabosot tukuk cho kororon , akuon makorek kiba kilen.⁵⁴Kikutoret otwokindenyi Israel si kubkat rirkeinyi ⁵⁵(kile yo king'alalji abotinekyo) mu Abraham ako kasuyekji mu aakoi.⁵⁶Ako kitebo Maria ako Alsabet lekit aroik somok, ako kinepata kiwo konyi. ⁵⁷Ki it anyu betu nyokiyam kisikisio Alsabet ako kisich weri. ⁵⁸Ako kikas anyu chebo kwokenyi ako chebo arenyi akubo borot nyo kinyoru inyende mu rireno nyebo Yaindenyo ako kiboiboitu kiboto inyende.⁵⁹Ako kineit anyu betutap sisit kibka kumuratan lakwe.Kimache kikure 'Sakaria' kainetab abonyi. ⁶⁰Ako kiwolu iyonyi kile, "olo aku kikure Johana." ⁶¹Ako kileji bik inyenda, "momi chi mu areng'wong nyo kikure kainani."⁶²Ako king'alalji bichoche abotap lakwemu eun kitebe kaine nyo meche kekure. ⁶³Ako kisom akubo nyo kisire ak kisir, "kainenyi ku Johana." Ako kikwong'io bik togol.⁶⁴Ako kiyatak kutinyi banone ako kitalkisit ng'elyeptanyi. Ako king'alal kulosu Jehovah. ⁶⁵Kichonji cholotio cho kimeng'isie kuboto icheka, ako kikimwaita ng'alechu togol kiyomu koretap tulon nyebo Judea. ⁶⁶Ako ng'alek cho kikas togolko kikonore mukuleiywekwak kutebekei kule, "yekune lakwani?" Amu kimito eutab Yainde kiboto inyenda.⁶⁷Ako kinyii tamirmire nyo tilil abonyi Sakaria, ako king'orso kile, ⁶⁸" Berurot Yainde Jehova, nyebo Israel, amu kakurutochi bikyi ako kakutiach.⁶⁹Ako kakung'et kuino nyebo torornot mu kotab Daudi kayokindenyi ⁷⁰(kile yo king'alal mu kutuwaikap orkoikyi cho tililen, cho kimi king'ete ku kakitou ng'weny), ⁷¹kisoruech mu bunikyo , ako mu eunakap togol cho sasech.⁷²Sinetyo kirire sikikyo akubkat rirkeinyi nyo tilil, ⁷³Sirbene nyo kisirbenji sikindenyo Abraham. ⁷⁴Si kumuch kukonech, ku kakusoruech mu eunekap bunikyo, si ke oot inyenda ku mo kiyweisie ⁷⁵Mu tililin ako mu iman mu tainyi mu betusiekap sobenyo togol.⁷⁶Ako inye lakwani, kikurening orkoiyo nyobo inyenda nyotoror mising amu iweti mu tai nyobo kiptaya, indoe si neityo isat oretinekyi, ⁷⁷si kochi bikyi nao nyebo yetuno mu nyoab kaat nyebo tengekwekwak.⁷⁸Mu mugulei nyo riregei nyebo Jehova nyonyo, ⁷⁹si kkukweny icheka cho mi tuin ako cho mi uruo nyebo meei si kundochi kelyekyo kutu iit aretap kalye.⁸⁰Ako kinar lakwanone ako kitesak kimnate mu tamirmirie ako kimeng'ote surkwen akoi betu nyo kiborjigei Israel.

Chapter 2

¹King'ete anyu ng'atutie Kaisari Augusto mu betusiechoche kile kesir kainakap bik togol cho soopsot mu kore. ²Nyo bo tai sirisioni yo ki bauninde Suria, Kureno. ³Kiba anyu toggol si kesir chi togol mu ng'anasenyi.⁴Kiilong'u ambo Joseph mu Galili king'et ng'anase nyobo Nasaret akoi Judea kutu it ng'anase nyebo Daudi nyo kikureBethlehem amu kibo inyenda kotab Daudi amu kibo arenyi. ⁵Si kisich kesir inyendakuboto murarenyi Maria nyo ki chi oou.⁶Ako kiit siketap lakwe kutu kumi wolone. ⁷Ako kisich werinyi nyebo tai akulaakyi ngg'uroik chebo lakwandi akuu mukonji kaptich amu kimo mi boroin mu kotap teek.⁸Ako kimi koronone mesewek cho kitebisot mu kewe kiribe akweng'wang nyebo kechir kemoi. ⁹Aku kitonon malaika nyebo Kiptayande mu wolo legite kicheka, ako king'elelji lilindo nyebo Kiptayande komoswok togol: kucholyo anyu ksob.¹⁰Ako kileji malaikayande kicheka, "Kitimocholyo; orokee, aibkok logoi cho koronen chobo boiboiyo nyo ou choityini biko togol. ¹¹Amu kikesikwok Yetinde rani mu meng'ote nyebo Daudi! nyone ku Kristo Kiptayande! ¹²Ako nyi koborune mu akwe, aba anyoru lakwe nyo kikilakyi ng'oroik chebo lakwandi akurwe Kapng'ereb.¹³Aku kimito mu banine kibote malaikayandanone lugosiek chachang chebo kipsengwet kulosu Jehovah kibere, ¹⁴" Bo tegisto Jehovah mu wolo toror kisob ako kalya mu ng'wony mu bik cho chomotin mu kinyenda."¹⁵Ako kine kakuwektakei malaikainak kuba kipseng'wet, kilejigei mesewechoche, ngeba akoi Bethlehem, si neityo kero ng'olyontonienyi kakuuayak nyo kakuboruech kiptayande. ¹⁶Aku kibka anyu kuchoku, ako kinyoru Maria ako Joseph ako lakwe kurwe kapng'erep.¹⁷Ako kinero kumwaita ng'olyonde nyo kakemwachi akubo lakwanone. ¹⁸Ako kikwong'io togol cho kikas ng'alechoche kimwachi mesowek. ¹⁹Ako kirib Maria ng'alechoche togol kunonote mu mukuleitanyi. ²⁰Aku kikatitakei anyu mesowek, kutorore Jehovah ak kulosunote mu tuguk togol chekigas ako chokiro, kile bani kikakimwoji kichega.²¹Aku kineit betusiek sisiit cho kimuratane kinyenda kekure kainenyi Jeso kile bani kika kumunji malaikaayande kutomo kemanach.²²Ako kine kakusirto betusiek chebo katilileng'wang kile ng'atutie nyebo Musa, kumutu inyende kucho Jerusalem si kegoji Kiptayande. ²³Kile yo kikiisir mu ng'atutie nyebo kiptayande kele kikuure nyo tabanat akubo kiptayande weri aka togol nyo yote yiote. ²⁴Ako kikoito korosionde kile yo kikimwa mu ng'atutie nyebo kiptayande kele cheptukenik aeny nda ku warek aeny chebo cheptuken.²⁵Ako arokee, kimi chito aka Jerusalem nyo kikikure Simion ako ki chi nyebo iman ako kikonyite Jehovah, nyo kikenye kakaika nyobo Israel aku kitabe mu Tamirmirie Nyotilil inyende.²⁶Ako kika kung'anji Tamirmirie Nyotilil inyende kile moroti meei kutomo kuro Kristo nyebo Yainde.²⁷Kicho anyu hekalu mu Tamirmirie ako kinemutu sikik lakwe Jeso si neityo kugochi inyende kile atepto nyebo ng'atutie. ²⁸Kinam anyu lakwe mu eunekyi ako kilosu Jehova kile, ²⁹" Ee Kiptayande, ichamjiini ra otwokindeng'ung kuwo mu kalya kile ng'olyondeng'ung.³⁰Amu kakuro konyekju yetunengu'ung, ³¹nyo kiitat mu tai nyobo bik togol. ³²Lapkeiyo nyobo ng'atutie nyo king'anjini bororosiek ako torornot nyobo bikuk Israel.³³Ako kikwong'io Joseph ako kame nyebo lakwe akubo tukuchoche kikamwa akubo inyende. ³⁴Aku kiberur Simion kicheka akileji Maria Kamenyi , rooke kakikochi lakwani si kubutyo cha chang ak kung'eetyo cha chang mu bikab Israel, ako kaborune nyikitaye. ³⁵Ambo inyende mu tai kutore rotwetap chok muguleitang'ung si neityo kuyategis kabwatutik chebo muguleiywek chebo biko cha chang.³⁶Ako kimite akob Anna cheptap Panuel, nyo ki maotio nyobo aretap Aser nyo kikakuyosit kisob. ³⁷Aku kiitebo kile mosok kenyisiek tamonwok sisiit ako ang'wan ki mang'etitoi sang nyebo kapkoros akiloosu , kirukutegei kuboto somutik kemoi ako bet. ³⁸Ako kicho mu betunone akukochi Jehovah kongoi ako kingalalji togol cho kikenye katiaga mu Jerusalem akubo inyende.³⁹Ako kine kakuwany togol kile ng'atutie nyebo Kiptayande, kiwektakei kiba Galili akoi emeng'wang Nasaret. ⁴⁰Ako kinar lakwe, ako kitasak kimnate ako kinyiy ng'omnate ako kimi miendo nyebo Jehova kiboto Inyende.⁴¹Kicham Kibeti sikikyi kenyi aka togol Jerusalem mu tumto nyobo pasaka. ⁴²Ako kinebo kanyisiek taman ako aeny kilaany icheka Jerusalem kile atabe nyebo tumto. ⁴³Ako kinewong'u betusiek cho weektoekei kungg'etu lakwe Jeso mu Jerusalem ako kimanai sikikji . ⁴⁴Ako kibere mi kiboto bik cho kibeti togol kiba anyu bandap betu kimugul ako kiwas inyende mu kwenutap bikap areng'wang ako cho kingetkei.⁴⁵Ako kinemonyoru inyende kuwektakei Jerusalem, kuwasata.⁴⁶kiop wolobo betusyek somok sikenyorji inyende kapkoros. ⁴⁷Ako kineboku betusiek somok kunyorji inyende kapkoros kitabe mu kwenu nyobo konet, kukase ng'alekwak aku teepse icheka. Kikwong'io togol akibo ng'omnatenyi ako wolutakji.⁴⁸ Bani Kiro kinyenda, kukwong'io. Kileji kamenyi, "Weri, amunee si aiywech kile nyi? Rokee, kikiwasating ako abong'ung' nyibo kwong'ut." ⁴⁹ Kileji kichega, amune sawasata? Kimanaikwe kile kimagat aiy boisionikab Aboonyu? ⁵⁰ Aku kimanai kichega kiyo kimwoe mu ng'alechoche.⁵¹ Kuwektage anyu ga Nazaret aku kigonyite kichega. Kugonorta kamenyi mu mugulaitanyi tuguchwechu togol. ⁵² Aku kitastai Jeso kinar mu ng'omnate ako atepto, akutasak mu chametab Jehovah ako biiko.

Chapter 3

¹Ako mu kenyitap taman ak mut nyebo laitornate nyebo Tiberio Kaisare-yo ki bouninde nyebo Judea, Pontia Pilato ak Herod ku ki kiruokinde nyebo Galili ak ki iruokinde nyebo Iturea ako Trakoniti, Pilipu tupchetap Herod, ki Lusania kiruokinde nyebo Abelene, ²mu betusiek chebo tisikcho eechen, Anas ako Kaipas, kuityi anyu ng'olyonde nyebo Jehova Johana weritap Sakaria mu surkwen.³Ako kicho kamoswek togol che bo tabonwokik che bo Jordan kuomtote akubo kabatisane ak sikuno nyebo nyoetab kaat nyebo tengekwok.⁴Kile yo kikisir mu bukui nyebo ng'alek chebo orkoiyonde Isaya kele, "Kut nyebo chi nyo nyowoje mu surkwen kibare, ataat aretap Kiptayande, ochuloote wolo werote.⁵Mu let kelong'u keewe aka togol ak kira kiribribe tulwe akatogol nyo oou ako nyo mining, ⁶ako mu let kuroti bik togol torornot nyebo Jehovah.⁷Kimwochi anyu tuiyosiek cho kibeti wolo mi inyenda, si kubatisan kileji aya akwe lagok che bo erenoi chebo ng'wono, ng'onyi kotewok arwoune nerek cho mi tai?⁸Oyiyo anyu beek choyemekei ako sikuno amotou amwa mu mukuleiywekwok ole, kitinye abonyo Abraham, amu amwowok ole mu koichu kumuche Jehovah kung'etyi Abraham lakoi.⁹Ambo ra ku kakikonor aiywe tikitekap ketik, nyone anyu, keti aka togol nyo mayee beek cho kororon, keyebe ak kewirji ma.¹⁰Ako kitebe inyende bik che kimi tuiyosiek kile, " kiai ne anyu?" ¹¹ako kiwolji icheke kileji, "inyende nyo tinye sumbotik aeny, kukoji nyo matinye, aku nguai kile nyone akob nyotinye cho kiame."¹²Ako kibka akob cho kitoche koti si kebatisan, ak kileji inyenda, "konetindoni, kioyache nee?" ¹³ako kimwochi icheka kileji, amamake bik tuguk cho sire cho kiking'at¹⁴Ako kitebe akob askarik kileji, "kiai nee acheka? ako kileji amomui chi aka togol, nda asare chi kiy ak ng'uyamak melekwekwok.¹⁵Ako ki ne mi bik kukanye kito nyo iyake ak kukerere met mu mukuleiywekwak bik togol akubo Johana, kibare ngutos Kristo inyenda. ¹⁶Kiwolji Johana icheka togol kileji, "abotisenok mu beek iman, ako choni inyenda nyo kim kusiiro, nyo momuchino atiach anok che bo kweyonikyi, batisenok inyenda mu tamirmirie nyo tilil ako mat.¹⁷Tinye mu eunyi ako tilile kukaram ng'wonyu ak kuyumji nganok chokenyi ak kibeel¹⁸Kiamji anyu bik logoik chokororonen kiboto kotukonut alak cha chang. ¹⁹aku kine kakukar kong Johana kirwokinde Herod akubo Herodia Chepyose nyibo wering'wang, ak akubo tukuk togol cho yaachen cho kikakuai Herod. ²⁰Kitesyi nyenyi anyu chu togol , kukochi kukar Johana mu kaprotut.²¹Ako kine kakebatisan bik togol, ak kakebatisan ambo Jesiso, ako kinesoe kuyatak kipsengwet, ²²ako kichorjikei inyende tamirmirie nyo tilil, mu kerkein nyobo cheptuge ako king'etune kut kipsengwet kile, inyende ku i werinyu nyo acheme abaibai kusop mu inyee.²³kilekit jeiso kenyisiek sosom, kibere icheka ki weritab Josop, weritab Heli, ²⁴weritab Matat, weritab Lawi, weritab Melki, weritab Janai, weritab Josop,²⁵Weritab Matatia, weritab Amos, weritab Naum, weritab Eli, weritab Nagai, ²⁶weritab Maat, weritab Matatia, weritab Semein, weritab Josop, weritab Joda,²⁷weritab Joanan, weritab Resa, weritab Serubabel, weritab Saltiel, weritab Neri, ²⁸weritab Abdi, weritab Kosam, weritab Elmodam, weritab Er, ²⁹weritab Jose, weritab Eliesar, weritab Jorim, weritab Matat, weritab Lawi,³⁰Simion, weritab Juda, weritab Josop, weritab Jonam, weritab Eliakim, ³¹weritab Melea, weritab Mena, weritab Daudi, weritab Jesii, weritab Obed, weritab Boas, weritab Salmon, weritab Nason,³³weritabAminadab, weritab Arni, weritab Hasron, weritab Peres, weitab Juda, ³⁴weritab Jakobo, weritab Isak, weritab Abraham, weritab Tera, weritab Tera, weritab Nahor, ³⁵weritab Seruk, weritab Reu,weritab Peleg, weritab Eber/weritab Sela.³⁶weritab Kainan, weritab Arpaksad, weritab Sem, weritab Noa, weitab Lamek, ³⁷weritab Metusela, weritab Enock, weritab Jared, weritab Madaleel, weritab Kainan, ³⁸weritab Enos,weritab Seet, writab Adam, weritab Jehovah.

Chapter 4

¹Ako kiweechkei Jeiso king'eete Jordan kunyiitat Tomirmirie nyo tilil , ako kimut Tomirmirie kuwo surkwen. ²Aku kitebo betusiek artam kiyome oinde, aku ma am kiy mu betusiechoche, kirabas.³ Aku kiwolji oinde kile, " ne ii weritab Jehova ing'at koi kulegu makatia." ⁴Aku kiwolji Jeiso inyenda kileji, "kikisir kele, mosobe chii mu makatia kibaat."⁵Ako kimit anyu oinde kulany, kuwo kuborji bororioshek togol cho bo ngweny mu ksaranee. ⁶Kileji anyu oinde inyenda akoning kimnotoni togol , amu kikukono, aku akochini akatogol nyo amekyini. ⁷Netiloswo anyu, mu tainyu, kubinjining togol.⁸Ako kiwolji Jeiso kileji, kikisir kele, ilosu Kiptaiyande Jehova nyong'ung, ak ioot inyende gei.⁹Kiimit anyu inyenda Jerusalem, kuwo kutonone kipkeshebutab kaptisisie, ak kileji neti ii weritab Jehova isokorji ng'wenymu yu, ¹⁰amu kikisir kele, iyooku malaikainakyi akubo inye si kuribing, ¹¹ak kutaaching mu eunekwak si motui koi keeldong'ung.¹² Aku kiwolji Jeso kileji, "Kikimwa kele,'Matityem Kiptaiayande Kamuktaindeng'ung'.'" ¹³ Kinetar chesawilye katyemutye aka togol, kibakakta kinyenda akiwechigei.¹⁴ Kuwechgei anyu Jeso Galilaya mu kimnatetab Tamirmirye Nyotilil: aku kiit logoiywek korotinwek togolakibo kinyenda mu wolo legite woline. ¹⁵ Aku kinetisyo mu kanisosyekwak aku kilosu biiko togol kinyenda.¹⁶ Kucho anyu Nazaret wolo kinarji, kuwo kanise mu betutab sabato, kile bani kicham kiweti, akitonon si kisoman, ¹⁷ aku kikigoji kinyenda bukuinyi mamanat nyibo maotyo Isaiah. Aku kisyach bukui, kinyoru wolo kikisir kile,¹⁸ "Mi Tamirmiryetab Kiptaiyande kiboto' amu kiila si neityo aamchi kibananok logoiywek chokororonen: Kiyokwo si neityo aamchi che ratotin katyage, si neityo kimararta chepkorotinak, akatyach che kikinyalil, ¹⁹ Si neityo aamta kenyi nyi chamat mu Kiptaiyande."²⁰ Akitugur bukui akugoji kiboityonde akitabjigei ng'wony. Kimisyi kinyenda biiko togol che kimi kanise. ²¹ Aku tou kileji biichoche, "Kakusulda rani sirutyoni mu itiikwok." ²² Aku kibauryanji togol kinyenda akukwong'io mu ng'alek chibo kororonye chi kamong'une kotenyi: Aku kile kichega , "Ibere ma weritab Josep nyenyi?²³ Kuwolji kichega kileji, Kisob, kisob amwowok kalewenoni, 'Isopgei inye chepkiricho!' Akomwoe ole, 'Aiy choche ako kichega mu koroni ng'ung' tuguuk togol chi kikegas kele kiayak mu Kapernaum.' ²⁴ Akileji, "Amwowok kisob ale, 'Momi maotyondo nyi chamakse mu korenyi.²⁵ aku amwowok ale, 'Kimi mosokikchatya Israel mu betusyek chekibo Elijah, bani kikakigar kipsengwet kenyisiek somok ako aroik lo, bani kikocho rubee nyo ou kore togol; ²⁶ Akimakuykto Elija kuwo wolo mi aka togol mu kichega, kibate kiwo serepta mu koretab Sidon akoi kotab chepyoso aka nyikisiirto bondenyi. ²⁷ Aku kimito chatya che kitinye mogondosai mu Israel mu betusyegp maotyo Elija; aku kimakusoop chi mu kichega kibate Naman kityo Siryaninde."²⁸ Aku kinyiy nerega kichega togol mu kanise kinegas ng'alechwechu. ²⁹ Akin'etyo akitorta kinyenda kimang'ta mu nganase, akumit kuwo tulwe barak wolo kitech nganaseng'wang' kimache sikitortae chemng'eisu. ³⁰ Aku kisirtoe kwenung'wang akiwechigei woldo aka.³¹ Ak kichorjigei anyu Kapernaum nganase nyibo Galilaya. Akunet biik mu betutab sabato. ³² Aku kikwong'io mu konetisyenyi amu kitinye kimnate ng'olyondenyi.³³ Aku kimi chi kanise nye kitinye tamirmiryetab oinde nyangaya, nyakiwaach mu wagee nyo ou, ³⁴ kile, Bakaktech, kitinyegei nee ako kinye Jeso nyibo Nazaret? Kejonyee sineityo ibarech? Kanaing' akinye ale ii nyo Tilil nyibo Kamutainde."³⁵ Kigar kong' Jeso kinyenda akileji, "Siis, akimong'u mu kinyenda." Aku kinekakiwirchi oinde kwenung'wang' kimong'une kinyenda anyu kimatukwaita kiy. ³⁶ Kukwong'io biichoche togol aking'ololjigei bungo kile, "Nee ng'olyondoni? Amu kang'at mu kimnate ako kamuktae tamirmiraik che yachen si kimong'u." ³⁷ Aku kiit anyu logoiywek kamaswek togol chibo koronone akibo kinyenda.³⁸ Aku kimang'ta mu kanise akuwo kapSimion. Kimnyone kametap chepyosop Simion, aku kisaisai biiko Jeso akibo kinyenda. ³⁹ Akitonon mu wolo legit akikar kong' mnondo; kibakakta kinyenda mnyondo, ak nyi mtyanit kutou kibaisyechi kichega.⁴⁰ Aku bani kilegit kung'urta asis, kumityi biiko togl biikwak che kimnyonsoot mu korotwo chatya: aku kigonor eunekji aa togol mu kichega akusoop. ⁴¹ Kimong'une anyu oik biik chatya, kuwooche kibere, "Kinyende ku ii wertab Jehovah. Kigar kong' Jeso kichega machamji kutwogu amu kinget ichega kile, kinyenda ku Kristo.⁴² Akinemi bani kikiyech , kimong'u mu woline kuwo suur kwen. Kiwasata tuyosyek kinyenda kiba wolo mi kimache kikarta kinyenda kiti mawo kibakakta kichega. ⁴³ Aku kileji kichega, "Kamijo aamta logoiwek chokorornen chibo Laitornatetab Jehovah mu nganasok alak: amu kikiyokwo akibo nyone. ⁴⁴ Aku kiamtata anyu mu kanisosiek chibo Galilaya.

Chapter 5

¹Ak kind tukugiiche tube intense ak kigase ng'olyonde nyebo Jehova,Akitonon inyende mu tabandab araraitab Genesaret. ²Ak kiiro mengonik aeny cho bo beek kuyongsot mu taabandab araraitab, aku kikaku kuwalu remik kiba guun arokwak cho kiname kayaaik.³ Ak kilany tirbe (menge) aka nyo kibo simon kisom kile, kunikte katigin mu tabandab araraita. Ak kitebo ng'wong anyu aak kunet tuiyosiek kimi tirbe (meli).⁴ Ak kine wany king'alole, kileji simion, Ti rany tirbe(meli) kuwo wolo chang beek aramisio.⁵ Ak kiwolu Simion kile, kiptanyandan kigubosio kemoi kimugul amo kinyoru kiy, agu arektoe anwe amu g'ol yendung.⁶ Ak kine kaguaii kile nyone, kinam kayakik cha chang kiti ng'etyo anakwak.⁷ Ak kigur bik cho kibosie togol cho kimi tirbe (meli) ak kile kibka kitoret; kibka anyu ak kinyiit tirbosiek yuwai, kiti tou tirbosiek (melisiek) kinyekisiotu.⁸ Ako kineero simion Petero, kubutyi kutung'okop jesu ak kile istoenogei amu ai chi nyeo tengek ee kiptayandani.⁹ Amu kikwong ako togol cho kimito kiboto inyende akubo kayakik cho kika nam.¹⁰ Kikwong'o kira ambo Jacobo ako Johana werikab Zebedee, cho kiboisie togolkiboto Simion.Ak kileji jesu Simion, ameyweisio king'ete (banienyi) iyegu nyo irame bik.¹¹ Ak kine kagurong'u tirbosiekwong (moingonikwong) kibka tabadab araraita, kibakakata togol ak kurub inyende.¹² Ak kine ti kimii nganasee aka, orokee, chito nyo ki nyiitat mogondasaik (kimwaok), ak kine ro inyende jesu, kubut kiiebta mo, ak kisaisai kile, kiptayandani, ngiticham imuche itililo.¹³ Ak kiyogoito jesu angu enyi, ak kitwai ak kile, kaacham, tililitu.Ak banone kibakakta (kisobcho) magondosaik(kimwok) inyenda.¹⁴ Ak king'at anyu kileji, ame mwochi ago ui iborjigei tisiinde ak igoito cho bo katilileng'ung, kile yo king'at musa kiyegu baornate mu icheka.¹⁵ Ak kitesang mising (kiiya) kiyesta kiserat lagoikyi: ak kiyumkei kokwotinwek cha chang kibka si kukas ng'alekyi ak kisoob mu mionwokwak.¹⁶ Ako kitabangei inyende kityo kiwo sur ak kisa.¹⁷ Ako kiinetisio mu betu aka mu betusiecho che ak kimi pariaik ako kontik cho bo ng'atutik kitebisot mu wolone. cho king'ete nganase aka togol nyo bo Galili ako nyo bo Judea ako nyobo Jerusalem ak kimi kimnote nye bo kiptayande kiboto inyende kusoobe bik.¹⁸ aK orogee kisakanu bik chito mu kitooku nyomeat borto, ak kiwas are nyo mute kuwo go, ak kumukonji inyende taitanyi.¹⁹ Ak kine matu unyoru wolo mute kuwo go amu kichang bik kilany kibirbir ak kurektoe inyende kitokunyi kuwer wolo ki kisheb akoi kwenu mu tai nyebo jesu²⁰ Ak ki nero jesu kayaneng'wang, kileji, chichi, kakenyong kaat tengekwogiguk.²¹ Ak kitou sirik ako parisaik kubkat akubo ny'olyondonone kile, ng'o nyenyi mwae ng'alechu yaache? Ng'o nyo muche kinyoji chi kaat tengekwok kibate Jehovah kityo?²² Ako ki nenai jesu anyu kapkotikuch kiwolji kileji, abkote nee mu muguleiywekwok? ²³ Neee nyo nyumnyum , ne kile kakinyong kaat tengekwokikuk, nda kele ng'eet ak iwedote.²⁴ Ako si kisich anai ole tinge kimnote weritab chi mu ngony kinyoji kaat bik tengekwokik, kileji chito nyo ki meat borto, Amwoung ale ng'eet ib kitoking'ung ak iwo kong'ung.²⁵Ak king'eet anyu banone mu taingwong ak kuib kito nyo kishebe, ak kuwo kongi kulosunote Jehovah.²⁶ Ak kikwong'io icheka togol ak kulosu jehovah ak kinyii icheka kaiyweisio, ak kile kagero rani tukur cho kikwong'e.²⁷ Ak kinesirto tukuchu kiwo kinyoru taakinde nyebo aisuru, nyo kiguure lawi kitebe mu wolo kitooge aisuru, ak kileji Rubka.²⁸Ak kibakakta togol ak kurub inyende.²⁹ Ak kisetyi lawi inyenda tumto nyo ou mu konyi ak kimi tuye nyo ou nyebo taagikap oisuru ak bik alak cho kitebisot mu amisie kibito inyenda.³⁰ Ak king'ung'unyji pariaik ako sirikwak alamalyenyi, kile, kele nee so aamisio ak ayeeiso kiboto taagikab aisuru ak kiptengekiri?³¹ Ak kiwolji jesu kileji, mamage kiy chepkiricho bik cho chanagei, kibate cho mianatin.³²Kima cho aguur cho bo iman, ako kiptengekin si kisiku.³³ Ak kileji inyende; irukutegei kinyil cha chang alamalye nyebo Johana. ak kisaae, ak inye kile nyo ne ambo cho bo parisaik ako amisie choguk ak kiyeise.³⁴ Ak kileji jesu icheka, Tos amuche agochi kurukutyi cho kakikuuji tumto kutu kumi sande kiboto icheka?³⁵ Ako bkooni betusiek cho mu tail keistoe icheka sande, kurugutkei anyu mu betusiechoche.³⁶ Ak kimwachi icheka anyu kaleweno kinyile kileji, momi chi nyo kerere yokwo nyo bo ngurio nyo leel ak kinapchi ngurio nyo yos amu ne eii kile nyone ki kerere nyone lell, ak kinyile kimanamagei yokwonde nyo leel ako nyo yoss.³⁷ Amo mi chi nyo ndeni divai cho leela chen sabok cho yosen ne eii kile nyone ku kerere divaik sabok ak kirandagei ak king'amagis sabok.³⁸ Akp ngoljini kende divaik cho leelacheen sabok cho leelachen.³⁹ Amo mi chi cho neka kiya divaik cho bo keny ku tu kumach cho leelachen amu mwoe kile kororon cho bo keny.

Chapter 6

¹Ak kiwere baenikab bai mu betutab Sabato, ak kibatas alamalyenyi mesisekab bai, kibirir ak kinyiy. ²Ako kimwa walak cho bo Parisaik kile, amu nee saiy , mu bebutab Sabato nyo ma chamaat mu ngotutek?³Ak kiwolji Jeiso kileji, tomo osoman agob ng'olyondoni, nyo kiay Daudi , yo kinerabas kiboto cho kimito ako inyenda. ⁴Ak kiwo kotab Jehova ak kunomu makatinakab cho bo kabartaa, kuam ak kubutuiji cho kimi kuboto inyenda ambo, cho chamtayat mu ng'atutik kuam chi kibate tisiik bungo. ⁵Ak kimwoji Icheka kileji, Weritab chi ki Kiptaiya nyobo Sabato.⁶AK kiwo kaptisisie mu sabato aka , ak kunetisio, ak kimi chi wolone, nyo kimeeat eunyi nyo bo tai. ⁷Ak kiriib inyenda Sirik ako Parisaik kile, kuro ne muche kusoob chi mu betub Sabato , si kinyoru aree nyo toomee. ⁸Ak kinai kobkotuutikwak, ak kileji chichone nyokiting'e eu nyo kimeaat, ng'eet tonon mu kwen. Ak king'eet kutonon.⁹Ak kileji Jeiso icheka, ateebok, ole, tos yanaat mu ng'etutik keii nya karam mu sabato, nda keii nya ya? ¹⁰Ak kimun Jeiso bik togol, neityo kileji chichone, chuul eung'ung, ak kiay kile nyone, ak kisob eunyii kilee tai. ¹¹Ak kiiywenyo ak kitebekei kito nyoitooi Jeiso.¹²Kiwo Jeiso betusichoche, tulwe kisa, ak kisa Jehova kemou kumugul. ¹³Ak kine yeech kukuur alamalaikyi, ak kulewen mu choche taman ak aeny, ak kukuure kaineng'wang Cho Kiyoktoi.¹⁴Simion, nyo kikukure kainenyi aka Petero, ako Andrea wering'wang, ak Jakobo ako Johana, ak Pilipo ako Bartolomeo. ¹⁵Ak Matayo ako Thomas, ako Jakobo weritab Alphayo, ako Simion nyo kaine aka ku Selote. ¹⁶Judas weritab Jakobo, ako Judas Iskariot nyo ki ng'wektoinde.¹⁷Ak kirokto kiboto icheka, ak kitonone yo ribrib kiboto tuiye nyo oou nyo bo alamalyenyi, ako bik cha chang cho kibkone Judea kumugul ak Jerusalem, ako tabandab araraita nyo bo turo ako Sidon, cho kibkoni si kikas inyenda, ak kesoob mu mionwekwak. ¹⁸Ak kisoob icheka cho kinyelile tomirmirik cha yaachen. ¹⁹Ak kiwas tuiye kumugul kutwai inyenda, ak kusoob icheka togol.²⁰Ak kimararata alamalyenyi , ak kile, oboiboi akweka cho oi bonon, amu nyong'wong bounote nyo bo Jehova. ²¹O boiboi akwe cho arobosot banienyi amu mitai ororsot.²²O boiboi akwe, yo ng'omok bik, ak kubesiok, ak kuchorok, ak kiwirtoi kaineng'wong, kile ya akubo weritab chi. ²³O boiboiyu mu betunone, ak osokoryo mu boiboiyo, amu orogee,o konuneng'wong mu Kipsengwet, kiichi obotinekwok maotik kile nyoone.²⁴Ako bwa akwe cho oii mogore amu kaatach kakaikaeng'wong. ²⁵Bwo akwe, cho abiyong'otin rani, amu tai arobosot , Bwo akwe cho arorsot rani, amu mu tai oteisot ak orirsot.²⁶Bwo akwe , yo omwoe bik togol cho kororon akubo akwe, amu kikuo chi kile nyone, abotinakwak maotik cho bo lambach.²⁷Ako amwowok akwe cho agase, acham bunikwok o ichi cho kororon icheka cho ng'omok. ²⁸aberur icheka cho bonok,ak asochi icheka cho usok.²⁹Ak inyenda nyo roboching tokilkilie aka, ikochi tokililie nyi aka, ak inyenda nyo serening ngurieng'ung ku metae akob sumbeng'ung. ³⁰Gochi chi aka togol nyo soming , ak inyenda nyo serening tuguguk ku matiticham kuweekung kinyile.³¹Ak kile yo ameche kuiywak bik, aichini akob akwe kilee nyonee. ³²Ngutacham anyuu icheka ho chomok , atinye kongoi nee, amu akob kiptengekin ku oiye kile nyonee. ³³Aku netoichi ch koromen biik cho iywok cho koromen, onyorjini nee? ³⁴Ak nobesenchi biik cho oyone ole mu tai onyorjini , oting'e kongoi nee?, amu akob kiptengekin kubsenchini kiptengekinek alak si kunyoru cho teno chakiche.³⁵Ako acham bunikwok ak aiy nya kararan , ak obesento , amakany onyoru kinyil aka, si kiyetu ko nuneng'wong ak oyeku werikab inyenda nyo toror mising amu talaai inyenda mu icheka cho meting'e kongoi ako cha yaachen. ³⁶Ologuu cho ting'e rirgei kilee kwandang'wong nyo ting'e rirgei.³⁷Amoruokyi, si ma makiruokwok mu tai, amokikyi si ma kikikyok mu tai, atiach si ketiachak mu tai.³⁸Okoito, si kekonok mu tai, kerutie nya kararan nyo kikukor nyo kikisasach kuturarai, choche cho mu tai kukochini biik, teketikwak,amu kerutie nyo okere ku nyonee nyo kikerunenok akob akwe mu tai.³⁹Ak kimwochi koleweno kileji, muuche kipkorotio kundoichi kipkorotiond aka? ⁴⁰Mesire alamalye konetindenyi, ako inyenda nyo kikunetaak kikerkeitu ako konetindenyi.⁴¹Ak amu nee siroti kiy nyo mi kondab tupcheng'ung , aku menone kito nyo mi kondang'unginyende? ⁴²nda imuktoi ano ileji wering'wong, tupchenyu kany onemung kiy nyo mi kondang'ung amebkote kito nyo mi kondong'ung inyende? Ee, Kiplasgeiyandani, nomu korook kito nyomi kong'tang'ung' sinemararta ikaram imuch anyu inomu kiy nyimi kong'tab wering'wong'.⁴³Amu momii keet nya kararan nyo yiee beekyi cha yachen, amomii keti nya yah nyo yiee beekyi cho kororon. ⁴⁴Amu kineye keti aka togol beekyi, amu mobute bik beekab mogoi mu kotooi, ak mobute biik beekab sabibu mu kotooi.⁴⁵Nomuu chito nya kararan kito nya kararan kito nya kararan king'eete konorue nya kararan nyo mi muguleldonyi, aku nomu chito nya ya kito nyo mi muguleldonyi , amu cho mwoe kutinyi ku cho nyiitat muguleito.⁴⁶Amu nee so kureno Kiptaiya, Kiptaiya, amo iye tuguk cho amwoe? ⁴⁷Chi aka togol nyo chonjino, ak kugas ng'alekyu ak kuai aborwok chi nya karkei. ⁴⁸Karkei inyenda ako chi nyo teeche ko nyo kibal kuwo ng'weny missing, ak kukochi lumeiwonde koito ak kine chang'it beek kurus kutia koyone, ama much kutitim amu kika kiteech kikaram.⁴⁹Ako inyenda nyo kese, amaiye,ku karkei ako chito nyo kiteech kot nyingwinyek ama lumdangweny lumeiwonde, ak kurus beekab kutia,ak kilul banone, aku kietu luletab koyonee.

Chapter 7

¹Ak kine kakumwoji ng'alekyi togol itikab biik, kuwo KAAPARNAUM.²Kimi Kiptaiyande nyobo bogol, nyo kiting'e kiboitionde nyo kicheme kot, aku kimione kiboitiondonone nyo kilegit kima. ³Ak kine kass akubo Jeiso, kuyokto inyenda boishekab Yahudik, kiba kumwochi kucho kusoob kuboitiondenyi. ⁴Ak kine iit icheka wolo mii Jeiso, kisaisai inyenda missing, kileji ,nyoljini inyenda ioychi kile nyone. ⁵amu cheme bororienyo ,ak kiteekwech kapkorosunyo.⁶Kiwo anyu Jeiso kuboto icheka . Ak kine ma kulou mu koyone, kuyokto kiptaiyandanone choronokyi kuba wolo mi inyenda ak kileji, Kiptaiyandani, matitiimkei amu anee kumooi chito nyo yemegei icho konyuu. ⁷Kile nyone, akob ane ku mo iitekei ole acho wolo imi, mwa ng'olyo kibat ak kusob kuboitiondenyu. ⁸Akob ane, ambo ndo i chi nyo kuboiywo, ating'e asikarik cho aboyuu, aku noleji nyi ui, kuwo, ak noleji aka, choo, kucho, ako noleji kiboindenyu aiy nyi,kuaiy.⁹Ak kine kass Jeiso ng'alechwechu, kukwong akubo inyenda , ak kileji tuiye nyo kirube inyenda, amwowok ole tomo anyoru kayana nyo ou nyo teno nyi, acha akob mu Israel. ¹⁰Ak kine weektakei anyu cho kika kuyokto kuba kaa, kinyoru kuboitiondonone ku kikusob.¹¹Ak kine kakusirto betunone, kuwo kaptisisie nyo kikikure Nain, ak kiba alamalyenyi kiboto inyenda, ako tuiye nyo ou. ¹²Ak kine rikta kirketab kaptisisie, orogee,kikisute musto , nyo ki werii nyo kisich kame kityo, ak ki mosok chepyosonone, ak kimi kiboto inyenda bii chachang cho bo kaptisisie. ¹³Ak kine ro kiptaiyande inyenda, kirire,ak kilji,mati tirir. ¹⁴Ak kirikta yo lekite ak kitwai kito nyo kikimumile ak kitonio anyu cho kimumile. Ak kileji Jeisoinyenda, Narananikomwoung ole,ng'eet. ¹⁵Ak king'eet anyu nyo kika kima, ak kitou kung'alal. Ak kikoji iyonyi.¹⁶Ak kicholyo togol, ak kulosu Jehova, kile kakung'eet mu kwenunyo orkoiyo nyo ou ak kakurutoji Jehova bikyi. ¹⁷Ak kiyomu ng'olyondonone akubo inyenda Judea kumugul, ak korotinwek togol cho kilekite wolone.¹⁸Ak kimwochi alamalyetab Johana inyenda tukuchwechu togol. ¹⁹Ak kiguur Johana biik chobo alamalyenyi aeny ak kuyokto kuba wolo mi kiptaiyande, kiteebe kile, tos inyende nyo chonii , nda kikany aka? ²⁰Ak kine iit biik wolo mi inyenda, kileji koyokwech Johana kobotiseninde kebka wolo imii kile, tos inyende nyo ichonii, nda kikany aka.?²¹Mu banone kusoob chachang cho kimionsot mu mionwok ako tomirmirei cha yacheen ak kukochi kubkorotoi cha chang kumararta. ²²Kiwelji kileji, aba , amwochi Johana tukuk cho koroo ako cho kakass, kokochi kipkorotin kumararta ak kubetata cho kong'wolsot, ketilil cho keting'e mokondosai, ak kukasta cho koming'iotin, ak keng'eet cho ki kikobok, keomjini kibananoi ng'alek cho kororon.

²⁴Ak kind kakiba cho kiyoktoi Johana, kitou kimwochi tuiyosiek akubo Johana, mile, kiong'etito surkwen aroo nee? ²⁵ako ki naba sang arakwe nee? chito nyo kilooche ngureik cho tongusen? Akas anyu, ichekacho looche ngureik bo leles, ak cho meng'isie mu telbis, kumito korikab laitorin. ²⁶Ako ki naba sang arakwe nee? Maotio, ee, amwowok ole sire maotionde.²⁷Nyenyi nyo kikisir akubo inyenda, kele orogee, ayoktoi kuboitiondenyu kundoening mu bounote nyobo Jehova ku ou kisir inyenda. ²⁸Amwowok ole, mu cho ksich chepyosoi ku momi nyo ou nyo sire Johana, kubate inyenda nyo mining mu kabatisanab Johana.²⁹Aku kine gas biik togol, Kuboto tokikab aisuru,kuiityi imanda Jehovah, amu kika kubatisan mu kabatisanetab Johana. ³⁰Aku kitai Parisaik ako ng'omotikab ng'otutik, kiruokutikab Jehovah, mo mokyigei kicheka, amu kima batisan kinyenda icheka.³¹Aku kile kiptaiyande, omuustoi nee bikab abeni aku kargei ako nee? ³²Kargei ako logoi cho tebisot wolo kioltoisie, ak kukurekei, kibere,kikekutwak kururusiek, aki mo tiensot,kikirirjok aku moririo.³³ Amu kicho Johana kobotisoninde, aki ma am makatia nde ki divai, akamwoiyakwe anyu ole , ting'e oinde. ³⁴Kicho weritab chi kuomisyo ak kuyeiso, ak amwoe ale, orogee, chemoetio chichi, ak yeiin divai, choruetab tokikab aisuruu ako kiptengekin. ³⁵Aku nayat ng'omnote kele bo iman mu lagokji togol.³⁶Aku kimach aka mu Parisaik kile keomisyo ako kinyenda. Aku kiwo kotab Parisointenone ak kutebo ng'weny kuomisyo. ³⁷Ak orogee, chepyose aka nyo kimito nganase, nyo ki kiptengekyo, kine nai kile, tebe ng'weny Jeiso kuomisyo mu kotab Parisointenone, kuib chubo, nyo kimito mwai nyo ng'utoi nya anyiny. ³⁸Ak kutonon mu let wolo legite kelyeki, kirire, ak kutou kutokyi lokik kelyekyi, ak kimilekei kelyekyi ak kuile mwaiyonee.³⁹Ak ki nero nyone Parisoindenone kukure inyenda, kimwa mu arinyi, kile, nda ko orkoiyo chichi nda kikinai kile ng'o chepyosoni katwai inyenda, ak nyole nee, kile kiptengekyo. ⁴⁰Ak kiwelji Jeiso inyenda kileji, Simion ating'e ng'olyo nyo ameche amwoung. Ak kile konetindoni, mwa anyu.⁴¹Kile kimii besendoindo anum nyo kiting'e besenikyi aeny, kibesen aka denrisiek bogol muut ak kibesen aka konom. ⁴²Ak kinemakiting'e kiy nyo yoktoe, kinyoji kaat icheka tuwai. Ng'o anyu mu icheka tuwai nyo cheme inyenda inyenda kisir? ⁴³Kiwolu Simion kile, abere inyenda nyo kikinyoji kaat cha chang. Ak kileji kairuoch kikaram.⁴⁴Ak kisekyigei chepyose, ak kileji Simion, iroti chepyooni? kaacho kong'ung ame kono bei ounee kelyekyu, ako kokitokyi logikab chepyosoni kelyekyu ak kubuuke sumeekyi. ⁴⁵Me ng'ututa, aku inyenda, king'eta acho kutomo kimeto kung'utute kelyekyu.⁴⁶Meiile metinyu mwai,ako kakuile chepyosoni kelyekyu mwaita nyo nyomdut. ⁴⁷Kile nyone,amwoung anyu ale, kakenyoji kaat tengekwokikyi cho ka chang, amu cheme missing, ako inyenda nyo kinyojini kaat katikin kicheme ambo katikin.⁴⁸Kileji chepyosonone, kakenyoung kaat tengekwogikuk. ⁴⁹Ak kitou icheka cho kimi kuomisie kuboto inyenda, kumwa mu ariting'wang kile ng'o nyi kitenyojini biik tengekwokikwak? ⁵⁰Ak kileji chepyose, kakisorung kayaneng'ung, ui mu kalya.

Chapter 8

¹ Kinebata nyone, nyi matyanitn kimanata nganasok cho echen ako cho mengechenkwomdote ak kimwoitote logoichokororneen chebo baunate nyibo Jehovah, aku kimi tamanu ak aeny kiboto kinyenda. ² Ako chepyosok alak che kikakusoob mu tamirmiraik chayachen ako myonwogik: Maria nyikikugure Magdalena, nyikimong'une oik tisabu. ³ Ako Joanna, chepyosop Kuza, kiboityondop Herod, ako Susana, Ako chepyosok alak cha chaang' chekoisyejini kinyenda mu tugukwaak.⁴ Ako kineyumgei tuye nyo ou, akupkonji kinyena biiko kung'ete nganase aka togol,kumwoji kichega kalewono kile; ⁵ Kiwo kolindo kuisto kasuyekyi, aku kinemi bani tukiistoi, kichinji alak aree taban, aku kikityarata akwaam taritek chebo barak. ⁶ kichinji alak yatya, aku kinebiityo, kuyomnyo amu manyoru beei.Aku kichinji alak katoi kween, aku kibiityo katok kiboto kasuyechoche aku kikititir. ⁸ Aku kichinji alak nyung'winyek chokororneen aku kibiityo aku kiyi aka togol bogol. Ak kine tikimi kimwoe tuguchu, kimwa mu kote nyo ou kile, " Nyo tinye iit nyogostoe kigasta.⁹ Kiteebe alamalyenyi wolo taptoi kalewenonienyi. aku kile, " kigonok akwee anai ung'otoik chebo baunatetab Jehovah, ako kimwachini alak mu kalewenoik, si nemararta, kimorooti kiy, si ne kase, kimanaye.¹¹ Onyi wolo mwoitoi anyu kalewenoni; kasuyek ku ngolyondob Jehovah. ¹² aku chochee mi aree taban ko kichega che kikugas , neityo kucho chesawil kunomu ng'olyonde mu muguleiywekwak si manyoru kuyan ak kesoru. ¹³ Aku kichega chimi yatya barak, ku kichega chi negas ng'olyonde kuyan mu boiboiyo akumatinye tigiit, yane aku nyimatyana, kuchuchujgei mu betu nyibo yoomso.¹⁴ Aku kasuyek che kichinji wolo mi katoi, ku kichega che kikigas aki nemi bani kikiba, kititir kereretab met ak mogornondi, ak boiboiyo nyibo tugukab sabe, akimoiiyo beek cho nyitotin. ¹⁵ Aku kasuyek chi kichinji nying'winyek chokororneen, ku kichega che nekakugas ng'olyonde, kinam kikaram mu muguleiwek cho toloen aku kararan ako kiiyo beek mu kagiletabgei.¹⁶" Momi chi nyi ne kakunam tait kituge kiy, nde kugoji kurerop kitok, kigojini kiy nyi tonone tait, si neityo kisich kuro lapkeyo biko togol chipkonigo. ¹⁷ Amu momi kiy nyikiwinye nyi ma tuun tooku,aki momi kiy nyi bo ung'ot nyi ma tuun nayeke mu wolo lapkei. ¹⁸ Ara, agaste anyu kikaram, amu aka togol nyi tinye ku tuun kegojini, aku nyi ma tinye, ku tuun kesare agob nyemoe kile atinye."¹⁹ Kipka anyu ambo iyonyi ako chotupcho aku kimamuch kirikyi amu kichaang' biiko. ²⁰ aku kikimwoji keleji, " mi kuyonye iyong'ung' ako tupchosyegk mu sang', mache kunyorung'." ²¹Kiwolji Jeso kile, " iyonyu ako tupchosyekyu ku kichega che gase ng'olyondetab Jehovah aku ai.²² Aku kilaany moingetab peek betu aka mu betusyechoche, kiboto alamalyenyi, akuleji "Ngelandae araraita keba tngeni." Kutou anyu kiba. ²³ Aku kinemi bani tikibeti, kuru Jeso kunuuch. Kicho anyu usone nyo ou araraita kitimache kinyiy beeko moinge kiticholyo.²⁴ Kipka anyu alamalye wolo mi kinyenda akung'eet kile, ' Konetindoni! Konetindoni! kikimach kemeiyo!" kinget anyu akigar kong' usone ako wasetabkei nyibo beek: kisiis anyu araraita kumuny. ²⁵ Akileji kichega, "mi ano kayaneng'wong'?" kuyweisyo aku kwong'yo, kilejigei kichega, "Ngoo chichi anyu nyi ng'ate usene ako bei kitigas iit kinyenda."²⁶ Kiit anyu koretab Gerasenik, nyitakyinigei Galili. ²⁷ Ako kinecho tabandab araraita, kutuyo kinyenda ako chiito aka nyikichone nganase nyikitinye oi aku kimakuloje nguroi mu betusye chatya aku kimamenye go ako kitebee kererisyek.²⁸ Aku kinemi bani kiro Jeso, kuwaach akibutyi taitanyi, akimwa mu kotee nyo ou kile, " Ating'ening' nee, weritab Jehovah Nyotoror kisob? Asoming' ole kitimenyalila. ²⁹ Amu king'at tamirmirye nyangaya kimong'u mu chichone. Amu kikakinam betusyek chatya aku kikiribe kinyenda kisob aku kikakirate sirimwei ako mugurek, aku king'atyine tuguk che kikirate, aku kione oinde kinyenda kuwo suur kween.³⁰ Kiteeb Jeso kile, " Kurening' ng'oo? Kuwolu kile, "Chatyaa" Amu kikakuchut kinyenda chesawilok chatyaa. ³¹ Kitastai kisom kinyenda kitimang'at kichega kiba kebene nyimatinye wolo bokyini.³² Aku kimi wolone acheik chatya chibo torook che kiagetsoot mu tulwe taban, aku kisoom anyu oik kisob kile, kechamji kuchut toroochoche, aku kikichamji. ³³ Aku kimong'u anyu oik mu chichone, akiba kuchut torook, aku kirwoi acheikab torook kung'urta chepsururto akoi araraita oriit akoi kubok.³⁴ Aku kinero che kiyagishe tuguk cho kiiyakis, kurwai akiba kimwaita mu nganase ako mu koore akubo nyone. ³⁵ aku kiba kuroo kito nyikiayak, aku kipka wolo mi Jeso, kunyoru chiichone nyi kimong'une oik, kitebe mu kelyeb Jeso, kilaagat aku kitinye ng'omnatenyi; aku kiywoisyo.³⁶ Aku kimwoji kichega chokiroti tuguk che kiiyegis, wolo kikisopto chichone kitinye oik. ³⁷ Ako kisom anyu biiko togol chibo wolo legite koretab Gerasik Jeso kuwektagei kibakakta kichega amu kikakuyweisyo kisob. Aku kilaany moingetab beek aku wektagei.³⁸ Kisoom anyu chikai kimong'une oiik kile kiba tuwai, aku kileji Jeso, ³⁹" Wechigei kong'ung' akimwaita tuguk cho echen chikyaung' Jehovah." Ako kiwo anyu kimwaitata mu nganase kimugultuguk choeche chekyoiji Jeso.⁴⁰ Ako kinewektagei Jeso, kitaach tuye amu kikanye biiko togl kinyenda. ⁴¹ Aku aroo nyu, kicho chitaga nyi kugure Jairo, ki bauninde nyibo kaptisisyo, ako kibutyi keyekab Jeso akusoom kinyenda kile kcho konyi ⁴² amu kitinye cheptanyi nyi kinyenda kityo, nyibo kenyisiek nyi bo wolo bo taman ak aeny, nyimi kimeyote. Ako nele bani weti, ko kikichakis tuye kumut kinyenda.⁴³ Aku kimito chepyose aka nyikibeti kereti kenyisyek taman ak aeny, nyi kikakibaisye tuguukyi togol mu chepkerichinek, aku kimamuch kinyenda kusoob mu kichega togol. ⁴⁴ kucho anyu kuweeru let nyibo Jeso, akutiiny ngurienyi taban, aku banone kisisyo keretik makibeti.⁴⁵ Aku kile Jso, " Ng'oo nyi katinyo? kinetiyo togol, kile Petero ako cho kimi kiboto kinyenda, konetindoni, kariching tuye aku kikiching. ⁴⁶ Aku kile Jeso, " Kakutinyo chii ; amu kanai ale kakimandaena kimnate.⁴⁷ Bani kinero chepyose kile momuche kuwinygei, kucho kibotononu akubutyi ng'wony mu tainyi, akimwaita mu taitab biiko togol kiyo kigoji kutiiny kinyenda ako wolo kisoopta banone. ⁴⁸ Aku kileji, " Chebi, kakusooping kayaneng'ung. Ui mu kalya.⁴⁹ Ako kineti king'olole, kucho chii nyiking'ete korop baunindetab kapkoros, kile, " Kakima cheptang'ung' matitiyim konetinde." ⁵⁰ Ako kinegas Jeso, kuwolji jairo, "Iroo meiywoisyo, iyan kibaat si kesoop."⁵¹ bani kineit got, kimatikichamji chii aka togol kuwo go kibate kinyenda, ako Petero, ako Juhana, ako Jakobo, ako abootab chebone kiboto iyonyi. ⁵² Kiriirsoot anyu biko togol akubo kinyenda, ako kileji, " Moriirsoot, au ma ma' kinyenda aku koru kibat." ⁵³ Aku kitou kurorji kinyenda akuseng'eny, amu kinget kile kikakima.⁵⁴ Kinam eutab chebone akiguur kile, " Chebi, ng'eet." ⁵⁵ Kikotugei anyu tamirmiryenyi, aking'eet banone. King'at kile kegoji kiy nyikwome. ⁵⁶ Kukwong'io kisob sikikyi, aku king'at kichega kitimomwoji chii kiyo kyayak.

Chapter 9

¹ Kiguur any taman ak aeny kiyumgei akigoji kimnate ako baunate kuboyu oik togol akusoop cho mnyonsoot. ² Akuyokto kwamta laitornatetab Jehovah, akusoop cho mnyonsoot.³ Kileji, " Kitimoib kiy mu bandng'wong', ambo kirokwo, nde lol, nde makatia, nde fedhaisyek, akitimoib simbotik aeny. ⁴ Aku got aka togol nyi among'jini, atebi wolone agoi aba.⁵ Aku chii aka togol nyi motochok, ngamanda, mu nganasanone, alalakta teritek mu kelyekwok sineityo kuloku baornate mu kichega." ⁶ Kiba anyu kibinoto nganasok kwomtoi logoi chokororneen akusobote biik mu woldo aka togol.⁷ Kigas anyu kirwoginde Herod tuguuk togol che kyoyogis; kiimgei kisob amu kimwoe alak kile kiking'eet Juhana mu chikikubok. ⁸ Kibere alak kikitogu Elija: kibere alak kiking'eet aka mu maotik chi kibo keny. ⁹ Aku kile Herod, " Kyatil metitab Juhana, aku ng'oo anyu chiichi agase tuguuk chou chu akubo kinyenda?" ako kiwas kile sa roo kinyenda.¹⁰ Kinemi bani kikugotugei kayaktoik, kimwoji kichega tuguk chi ki ai. Kimit kichega kiba taban bungo akoi nganase nyikikure Bethsaida. ¹¹Aku kinenai tuyosyek, kirup kichega. Kitaach kichega aking'ololji akibo laitornatetab Jehovah, akusoop kichega chi kimache kisopcho.¹² Kinemi bani mache kiimen, kipka anyu tamanu ako aeny akileji kinyenda, " Lechii tuye kibejigei sikiit nganase ako koore, sikinyoru wolo rusoot, ako amitwigik." Amu kimi kichega suur kween. ¹³ Kileji kichega, " Ogoji akwega amitwogik." Kile, "Makitinye kiy kibate makatinak mut ako samakinak aeny; kibate keba kealji amitwogik biichu togol. ¹⁴ Amu kibo wolo bo murenik Elipusyek muut, kileji kasubikyi, acheb kitabi ng'wony aku akany kibeate konom konom.¹⁵ Akukiai anyu kile nyone, aku chep togol kitabi ng'wony. ¹⁶ Aku kinam makatinakai muut ako samakinak aeny akimarar barak akuberur, akibutil; akigoji kasubikyi sineityo kugji kabureito. ¹⁷ Kiomisho anyu agoi kibiyongcho; agoi keyum katukanik chiking'otu, kiloku kerebotinwek taman ak aeny.¹⁸ Kinemi bani soe kityo, ki kimi kasubikyi kiboto kinyenda. kitebe kichega kile, " Mwoe tuyosyek kile aine ng'oo?" ¹⁹ Kuwolji kile, " Juhana kabotisaninde. Kibere alak Elija, kibere alak kiking'eet maotionde aka mu chiki bo keny.²⁰ Kileji kichega, " Ang' akwee abere akwe aine ng'oo?" kuwolu petero kile, " Ii Kristo nyibo Jehovah." ²¹ Aku kitigon kichega , aki ng'at kileji matimwoji chii ng'olyondonienyi. ²² kile, " Kikiyam weritab chii kinyalil mu tuguk chatyang', akitai boisyek kinyenda ako tisiik cho echen ako siriik, akebar, akung'eet mu betutab somok."²³ Kimwoji togol kileji, " Ngimache chii aka togol kirupkaa, kikany kitaigei kinyenda akiip kimurtoyondenyi betu aka togol akirupkaa. ²⁴ Chii togol nyimche kusoru sabondanyi, kuboote; aku chii togol nyuboote sabondanyi akubo anee, kinyone nyi soruu.²⁵ amu nyoru keljin nee chii nenyoru ng'wony kimugul akubetgei, nde kesare sabondanyi?²⁶ Amu chii aka togol nyi ililonjino ako ng'alekyu, ku tuun ililonjine kinyenda weritab chii chichone bani tuun choni mu torornatenyi, ako nyibo Aboo ako nyibo malaikaisyak chotililen. ²⁷ Akamwowok nyibo kisob ale, mito alak mu chotononsoot mu yu chi matuun kichamcham kimeiywa matiny, agoi kuuro laitrnatetab Jehovah."²⁸ Akinemi bani kikubok betusyek chile wolo bo sisit, king'ete bani kimwa ng'alechoche, kimit Petero ako Juhana ako Jakobo, kulang'ta tulwee kiba kisai. ²⁹ kinemi bani kitikisoe, kuwalak itondo nyibo togenyi, akilelagitu nguroikyi kiti talil biich.³⁰ Aroo anyu, king'ololyo biiko aenyu kiboto kinyenda,. K i Musa ako Elija; ³¹ chikitogu mu talilindo, aking'ololsoot akubo meenyi nyikimache kusulda mu Jerusalem.³²³² Ako kinukyo ambo Petero, kiboto kichega chikimi kiboto kinyenda, akinemi bani kikosu, kuuro talilyenyi, ako bichoche aeny chi kitononsoot kiboto kinyenda. ³³ Kinemi bani mache kubesyo ako kinyenda, kileji Petero, " Kanetindoni, kakararanit amu kakimii yweyu; siketeech koryosyek somok, nyong'ung' aka, kibo Musa aka, kibo aka Elijah." (Kimwoe kimonget kito nyi mwoe).³⁴ Bani kitikimwoe ng'alechoche, kicho bolde, akituch kichega; akuywoisyo bani kichut bolde. ³⁵ Kicho ng'alala, mu boldee akile, " Nyi werinyu nyikikalewen; agas iit kinyenda." ³⁶ Kinebata ng'alalanone, kutoku Jeso kityo. Kisiisyo anyu akima mwoji chii mu batusyochoche kiy aka togol akibo kiy nyikiro.³⁷ Aku beetu nyikirupe betunone,bani kurogu mu tulwee, kutuyo ako tuye nya oo. ³⁸ Aroo anyu, kibol chito aka mu tuye kile, " Konetindoni, asoing' ale riree werinyu amu nyenyi kibat nyi kikisich. Roo soo, name tamirmirye kinyenda aku nyimatyana, kuwaach akibirobirtogei kitipkane bugaa kotenyi. Akunyaliil kisob akimachame kimanda. ⁴⁰ Aku kiorirji kasubikuk aleji kuoon akikimamach."⁴¹ Kuwolji Jeso kileji, Ee, abeni matinye kayana akukwong'ot. Atabee kibotok akomuitoi akibo akwee agoi ayu? Mutu wering'ung kucho yu." ⁴² Kinetikichoni,kiwirji ng'wony oinde kinyenda akibirobirto kisob. Kigar kog' Jeso tamirmirye nya ngaya, aku soop lakwee, akugoji abonyi.⁴³ Akonkikwong'io togol akubo ooindo nyibo Jehovah. Akinemi bani kutukukwong'soot akubo tuguk chi kyai Jeso, kileji kasubikyi; ⁴⁴ "Nguchut ng'alechu itikwok amu tuun kugoitoi weritab chii kuwo eunekab biiko." ⁴⁵ Akimanai kichega mwayanone; kiunyak mu kichega si manai. kuywai kitebe kinyenda akibo mwayanone.⁴⁶ Kutou kitebgei kile, "Ng'oo nyoloku nyokiindo mu achee?" ⁴⁷ Kinenai Jeso kapkotutikab muguleikwak, kinam lakwa katigin akugoji wolo legite kinyenda. v 48 kileeji kichega, " Chii aka togol nyitooche lakwani katigin mu kainenyu, kutochoo, aku chii aka togol nyitochoo, kutoche kinyenda nyikiyokwo. Amu kinyenda nyile katigin mu akwee kuloku nyokindo.⁴⁹ Kuwolji Juhana kileji, "Kiptayandani, kakiroo chii kuone oik mu kaineng'ung' aku kakitae amu makibetote togol." ⁵⁰ Kileji Jeso, Kitimatae, kinyenda nyi makartook ku nyong'wong'⁵¹ Aku kikakilegitit kisob kiitita betusyek nyikitoche kinyenda mu barak, kielgei kutokyi togenyi Jerusalem. ⁵² Kuyokta chiibe ng'alek kundoe kinyenda, kiba anyu kumongji kokwetab Samarik si kichapchi kiy aka togol. ⁵³ Aku mataach kinyenda amu kikakitakyi togenyi kuwo Jerusalem⁵⁴ Aku Kinero kasubikyi Jakobo ako Juhana, kileji, " Kiptayande, ara imache keng'at maat kicho mu kipsengwet, sikiwany kichega?" (Kile bani kioye Elija). ⁵⁵ Kiwekjigei kichega akigar kong'. ⁵⁶ Kiba anyu kokwee aka.⁵⁷ Aku kinemi bani kitikibeti mu aree, kileji chito aka, " Arupung mu wolo togol nyi iweti." ⁵⁸ Kileji Jeso kinyenda, " Tinye cheptibin kabonotikwak, akitinye taritek chebo bara keswen, akimatinye Weritab chii wolo konoree metinyi.⁵⁹ Kileji aka, "Rupkaa." Aku kileji chichone, "Kiptayat, chamng'oo kirok awo atub abonyu." ⁶⁰ Kileji, "Bakakte chi boku kutup chakwak chi boku; akiwo kinyende ng'alekab laitornatetab Jehovah.⁶¹ Kile aka kinyile, " Tuun arupung' kiptaiyat, ako chamwo kirok awo aleji bikab gonyu saisere. ⁶² Ako kileji Jeso kinyenda, " Momi chii nyiname mogombetab einak aku kus kong' nenyoljine laitornatetab Jehovah.

Chapter 10

¹ Kinesirto tuguchu, kilewen Kiptaiyande alak tamanwogik tisab, akuyokto kibae aeny kundoe kinyenda kiba kokwe ka togol, ako kamasta aka togol wolo tuun were kinyenda. ² Kileji kichega, "Ou kasisie aku kongering' kasik, nyone anyu, asom kiptaiyande nyibo sikumuch kuyokji kasik kasisyenyi.³ Abe ortinwekwok, aroo, kayoktok kile wareb kechir mu kwenutab sui. ⁴ Kitimoib loletab chepkondoi, nde lengu, nde kweron, aku kitimatoroch chi mu are.⁵ Got aka togol nyochute, amwa kirok ole, 'Ngitebi kalye mu goi!' ⁶ Aku ngimi weritb kalye yone, kitabe kalyeng'wong' mu kinyenda, aku ngitimomi, kuwekjogei akwega. ⁷ Atebi goyone, aku kiy aka togol nyogonok , aam akoyeisye, amu michini kiboitio melektanyi. Kitimabetata king'ete got aka akoi got aka.⁸ Kokwe aka togol nyi kochut, akitachak, aam kiy aka togol nyi kakugonok. ⁹ Akasobon chi mnyonsoot mu wolone. Akoleji kichega, 'Kakirikchok baunatetab Jehovah.'¹⁰ Aku kokwe aka togol nyo ochute, akimatachak, aba ortinwekji akole, ¹¹ 'Kakipukjok ambo teritekab kokweng'wong', chi kanam kelyekjo, aku anai kile: kikilegitit baunatetab Jehovah.' ¹² Aku amwowok kile, tuun kaigaitu sodom mu betunone kisiir kokwonone.¹³ Pwo kinye Chorasini! Pwo kinye Betsaida! Amu nde kikwai mu Tiro ako Sidon boisionik chebo kwong'e, kile bani kikwai mu akwe, nde kika kusugu keny kuloche kuniyos akitabisot kap aroon. ¹⁴ aku tuun kaigaitu mu Tiro ako sidon mu kirwoge kusirok. ¹⁵ Ako kinye Kapernaum, muche ketororing' iwe kipsengwet? Olo, kuwirchining' ng'wony akoi woldap chekikimeiyo.¹⁶ Kinyenda nyigasok, kugoso ambo anenda, aku kinyenda nyitayok ki kataya ambo anenda, aku kinyenda nyi tayo, ku taye ambo kinyenda nyikayokwo"¹⁷ Kiwechgei bichoche tamanwogik tisob ak aeny mu boiboiyo akile, "Kiptaiyande, akob chesawilok ku kakasech iit mu kaineng'ung' " ¹⁸ kileji jesu kichega, " Komi arotii chesawil kuwolu mu kipsengwet kile karyala. ¹⁹ Aroo, kagonok kimnon samuch atyar erenok ako tokoloi, akamukta kimnote togol nyibo bunyonde aku momi kiy nyomuche king'omok. ²⁰ Aki kitimobabaitu mu ng'olyondoni, amu gasok iit oik, aku abaibaitu amu sirotin kainaikwok mu kipsengwet."²¹ Mu banone ku kibaibait Jeso mu Tamirmirye nyotilil, akile, " Awekung' kongoi kinye Aboo, kiptaiyande nyebo kipsengwet ako ng'wony, amu kiwinye tuguchu biiko chong'omen ako chonget akiborchi kichega lagok chomengechen, ee, Aboo, amu kichamak kile nyone mu taitang'ung'.²² Kigono tuguuk togol Aboo: momi chii nyonget werii kile ng'o, kibate Aboo, akimonget chii Aboo kile ng'oo, kibate werii aku chii aka togol nyichame Werii, kuborjine kinyenda."²³ Kuwekjigei alamalyenyi akileji mu ung'ot, "Berurotin konyek choroti tuguk choroti. ²⁴ Amu amwowok ale, kimache maotik chatya kiboto laitorinak kuuro tuguk chorotikwe akumamuch kuuro, aku kimache kugas tuguk che agasakwe akimamuch kigas."²⁵ Aroo, kitonon kimng'omutyonde aka nyibo ng'atutek kutyam kinyenda kile, "Konetindoni, aiye nee sineityo nemi kayaiin anyoru saondanyibo koigeny?" ²⁶ Kiwolji Jeso kile, "Kikisir nee mu ng'atutek? kisomaninye kile nee?" ²⁷ Kuwolu kinyenda kile, " Cham kiptayande Kamuktaindeng'ung', mu muguleitang'ung' togol, ako mu sabondang'ung' togol, ako mu kimnateng'ung' togol, ako mu ng'omnateng'ung' togol, akicham chitab kokweng'ung' kile wolo ichamtogei." ²⁸ Kileji Jeso, " Kewolu kikaram. Aiy kile nyenyi sinyoru sabon."²⁹ Akinemi bani mache kukaramitgei, kileji Jeso, "Ng'oo chitab kokwenyu?" ³⁰ Kuwolji Jeso kileji, "Kiwo chitaka kingete Jerusalem akoi Jeriko, Kutuyo ako chor chekisare nguroikji akubir, akibakakta akilegit kima.³¹ Aku kicho tisinde aka aranone, aku kinero kinyenda kibin taban. ³² Aku kineitu Lawinde yone kimi chichone , kuro akroop taban.³³ Aku kineweti Samarinde mu bandanyi kiitu wolo kimi chichone, aku kinero kiriire. ³⁴ Kuwo wolo mi kinyenda akiratyi kimwook akiile mwai ako divai akikalapji sikiryenyiakumit kuwo gotab taek akiriip kinyend. ³⁵ Aku kineyech kunomu dinarisiek aeny akukoji chitab kibo goot akileji riib chichi ako tuguuk alak togol che inyoe chesire chu si nemi kayoin nawechgei acho ayokung'.³⁶ Mu biichu somok ipkote ile ng'o nye chitap kokwenyi mu chichone kibir chori? ³⁷ Aku kileji, " Kinyenda nyakiriire chichone."³⁸ Aku kinetikimi bandang'wang' kuchut nganase aka aku kitaach mu gonyi chepyose aka nyikugure Martha. ³⁹ Aku kitinye cheptang'wang nyikigure Maria nyakitebekelyegap Jeso kigase ng'olyondenyi.⁴⁰ Aku kiimgei Martha mu boisionik chatya, aku kicho wolo mi kinyenda akileji, "Kiptaiyandani, ngimemekenye kiy tupchenyu nyakabakakta aboisyo kityo? Mwoji kutoroto. ⁴¹ Aku kiwolji Jeso kile, "Martha, Martha, riipgei meimjigei tugun chatya, ⁴² amu kito agenga nyikimache, aku kikilewen Maria kamasta nyakararan nyimakisare.

Chapter 11

¹ Kinemi bani kisoe Jeso mu woldo aka, akinewong'u, kileji aka mu alamalyenyi, "Kiptaiyandani, netech wolo kisoitoi kile bani kinet Johana alamalyenyi."²Aku kileji kichega, "Bani asoe, amwa ole, " Aboo, ngulosunot kaineng'ung', ngucho baunateng'ung' (nguayak mageng'ung' mu ng'wony kileyo mu kipsengwet).³ Konech amitwogikjo mu betu aka togol. ⁴ akinyoiwech gaat lelutikjo amu achee kenyoijini gaat chalelwech. Matigonech kotyomut.⁵ Akileji , "Ng'oo mu akwe nyitinye charwa akiwo wolo mi kinyenda kemoi kwen, akileji 'Charwani, kono makatinak somok abesen, ⁶ amu kakiitu charwenyu nyichone rutoi, akimotinye kiy nyogojini. ⁷ Kuwolji nyi mi go kileji, ' Kitimeiima, kikagar kirgenyu aku kikeruyo ako lagokju; momuche ang'eet akoning'. ⁸ Amwowok ale, akob ndimang'et kugoji amu charwenyi, ku amu somsenyi, kuchoni kuung'et kugoji kiy aka togol nyimache.⁹ akomwowok ane ale asom sikegonok; awas sonyoru; akonykony sikeyotwok. ¹⁰ Amu aka togol nyisome kegojini, akunyoru nyowese, aku kinyenda nyikonykonye keyotyini.¹¹ Aku kung'oo mu akwe nyi aboo nyi nesom wernyi makatia kumuche kugoji koi? Nde nesom samakia kumuchekugoji eren kugere samakiande? ¹² Nde ngusom mayaya kumuche kugoji togool? ¹³ Ngongetikwe cha yachen akoji lagokwok tuguuk chokororoneen, sire katyana kagoitoe nyogojini Abong'wong' nyimi kipsengwet Tamirmirye Nyotilil kichega chosome kinyenda?"¹⁴ Kion anyu kinyenda chesawilye nyinamat kut. Aku kinekakimang'ta chesawilye, king'alal anyu nyekinamat kut, aku kikwong'io anyu tuiyosyek. ¹⁵ Aku kile alak, " One chesawilok mu Beelzebul, laitoriande nyibo chesawiloi."

¹⁷ Aku kinai kinyenda kapkotutikwak kileji, "Biik togol cho pchayegei kung'omogee, ambo koot aka togol nyipchayegee kiluule.¹⁸ Aku ngipchaigei ambo chesawil kuyongtoi ano bororyenyi? Amu amwoe ole, aone chesawiloi mu Beelzabub. ¹⁹ Ngutu aone chesawiloi mu Beelzabub, kuone werikwok mu ng'oo? Nyone anyu aakojini kichega kuloku kirwogikwok. ²⁰ Aku ngutu aone chesawilok mu mornetab Jehovah, ku kakichonjok anyu baunatetab Jehovah.²¹ Aku chii nyitinye kimnatee akutinye karikji choriibe gonyi kutebisoot tugukji mu kalya. ²² Aku bani kachonji chiit nyatogol kisiir kinyenda, akubel , kisare anyu kinyenda karikji togol chicham kuribegei akupchaita barunaikji. ²³Kinyenda nyimakimi tuwai ku tayo, aku kinyenda nyi moime kiboto, kusariete.²⁴ Bani kamang'ta tamirmirye nyaya mu chiito, kisiir wolo momi beek, kuwosote wolo mung'ee. Aku bani matukunyoru, kile, 'Awektogei gonyu wolo kiachone.' ²⁵ Aku neit, kunyoru got kikebuch akechob kukararanit. ²⁶ kuwo anyu akumutu amirmiraik alak tisap chayachen kusiir kinyenda kuchut anyu arit akumeny wolone; akuyeitu meetab chichone kusiir nyebo tai."²⁷ Aku kitikimwoe ngalechu, kimwa chepyose aka mu tuye kile, "Berurot moe nyikisijing aku berurotin kitinaik chekireer." ²⁸ Aku lile kinyenda, " Berurotin kichega chi gase ng'olyondop Jehovah akuriip."²⁹ Aku bani kiyumjigei kinyenda tuiyosiek, kutou kimwa kile, " Abeni ku abendo nya ya. Wase kaboruno, aku makugochini kaborune aka togol kibate koborunetab Jona. ³⁰ Amu kile yokiloku kaborune Jona mu biikab Nineve, kile nyone ambo weritab chi mu abeni.³¹ Tuun ng'ete Laitoriande nyi chepyoso, nyibo murot tai mu kirwoge kiboto biikab abeni, akurwogji kichega amu kiwer tabenwekab ng'wony kujo kigas ng'omnatetab Solomon, aku aroo, mi yu chiito nyo ou kusiir Solomon.³² Tuun yong'soot bikab Nineve kiboto abeni mu kirwoge, akurwogji amu kisigu kichega mu amtaetab Jona aku aroo, mi yu nyo ou kusiir Jona.³³ Momi ambo egenga, nyi nekakunam tait kugoji kureretab kitonge, aku kojini kiy nyoyong'e tait si neityo kuro lapkeiye chibeti go. ³⁴ Taitab bortang'ung' ku kong'tang'ung'. Nekararan kong'tang'ung', ku nyitat bortang'ung' lapkeiye. Aku ne ngaya kong'tang'ung', ku nyitat bortang'ung' tuindo. ³⁶ Ngu tu nyitaat bortang'ung' kimugul lapkeiye, akimetinye wolo le tuin, ku le bortang'ung' ambo tait nyo kwenye lapkeiyenyi kilapkeit mu kinye."³⁷ Kinewany kung'olole, kimwoji Parisainde aka kiba kwomisye tuwai mu gonyi. Kuwo anyu Jeso akitebi ng'wony akwomisyo. ³⁸ Kikwong' anyu Parisainde amu kiomisye Jeso kimoun eun kirook kitomo keamisyo.³⁹ Kileji Kiptaiyande, "Akwe Parisaik aune kukombe barak kibot sani aku ariting'wong' ku nyitaat sarisie ako yaityo. ⁴⁰ Akwe cho oi solwoi! Kinyenda nyi koiye sang' ku maiy ambo oriit? ⁴¹ kokochinoik chebo tuguuk chimi orit, ak aroo, tililitu tuguuk togol mu akwee.⁴² "Aku Pwo! akwe Parisaik amu goitoi kabeberwekab taman nyebo hedosmon ako ketik chomengechen, ako taye imanda ako chomnyetab Jehovah. Kaigai ke aiy mu imanda ako chamnyetab Jehovah, ku makimeto keaiy tuguuk alak ambo.⁴³ Pwo akwe Parisaik , amu achame ng'echorok cho tororen mu kapkorososiek ako torochse nyibo konyit mu sirosiek. ⁴⁴ Pwo akwe, amu akargei ako kebenonik chi motoku che binote biik barak akimanae."⁴⁵ Kileji kimn'gomutyonde aka nyibo ngatutik kile, "konetindoni, kiyo imwoe ku kemulech ambo achega." ⁴⁶ Kileji Jeso, " Pwo akwe, konetikab Ng'atute! Amu akalepchini biiko mile nyonyagis chimomuche kikalap, aku momuche ambo akwega atiiny ambo mu moren agenga.⁴⁷ Pwo mu akwe, amu ateche kererisikab maotik aku kibare kwanisiekwok kichega. ⁴⁸ Kioleku anu baorinak aku achomnyejini boisionikab kwanisiekwok amu kichega che kibare aku akwe cho oteche kererikwak.⁴⁹ Kile nyone anyu, kile ng'omnatetab Jehovah, ' kiayokji kichega motik ako chokiyoktoi, ak kenyaliil akeber alak mu kichega. ⁵⁰ Si neityo komage abeni karatikab maotik togol chi kikitarta king'ete kelumta ng'wony. ⁵¹ King'ete karatikab Abel, akoi karatikab zakaria nyi kikueet mu kwenutab kaptisisyo ako gotab Jehovah. Ee, amwowok, ale kayain kemage abeni kikaram.⁵² Pwo akwe kimng'omutinek chibo ng'atutek amu aibe kipungue nyibo ng'omnate; mo chute orit aku akartoi ambo cho chute."⁵³ Bani kimang'ta Jeso mu woline, kutou siriik ako Parisaik kitai kinyenda akutitiyo mu tugun alak chatya, ⁵⁴ kiriip kile ndemo ngaap kinyoru ng'olyo nyi chone kotenyi.

Chapter 12Mu saisiechoche, bani kiyumgei elupusiekab biik chachaang' chebo tuiye, kututyargei, kutou kimwoji anyu alamalyenyi kileji, " Aibegei biitekap Parisaik cho aitogei.

² Aku momikiy nyo ung'at nyi ma tuun naykse. ³ Amu kiy aka rool nyo amwoe mu tun ku tuun kegase mu lapkeiyo, aku kiyo kyochomjigei itin mu got ariit ku tuun kemwoitoi mu got barak.⁴ Amwowok, charwaikju, kitimaiywai chokeete borto, aku nebata, kimakitinye kiyo tukwoye kinyile. ⁵ Aku atewok sanai kinyenda nyimagat aiywai; aiywai kinyenda, nyi bani kakibar, kitinye kimnate kuwirjok Gehena. Ee, amwowok kile, aiwaiy kinyenda.⁶ Iile makioldoe taritek muut mu chepkondok aeny cho mengechen? Aku momi ambo agenga nyi kuyutye mu taitab Jehovah. ⁷ Aku ambo sumeekwok chebo met togol ku itotin. Kitimo iweisyo. Asirakwe taritichoche mengechen.⁸ Ak amwowok ale, " Aka togol nyi borto mu taitab biik ku tuun bortoi ambo weritab chi chichone mu taitab malaikainak chibo Jehovah. ⁹ Aku kinyenda nyi tayo mu taitab biik ku tuun ketaye kinyenda mu taitab malaikainakab Jehovah. ¹⁰ Aka togol nyi mwoe ng'olyo nya ya akibo weritab chii kenyojini gaat; aku kinyenda nyimuule Tamirmirye Nyotilil, kimakinyojini gaat kinyenda.¹¹ Aku nemi bani kakimitak wolo mi sinagogisiek, ako taitab kirwogik, ako paunik, ku kitimacholyo akibo kiyo awolu nde kiyo amwoe: ¹² amu netok Tamirmirye nyotilil mu sainone kiyo magat amwa."¹³ Kileji anyu chiitaka mu tuye, "Kanetindoni, mwaji weri nyakitupche kipchaiwo tugukjo." ¹⁴ Aku kileji kinyenda, ' Chichi, ng'oo nyi kogono aloku kirwoginde nde pchainde mu akwe?" ¹⁵ Aku kileji kichega, "Aroo, akoripkei mu kasetab myat togol: amu matabe sabondap chi mu chang'indap tuguuk cho tinye."¹⁶ Kumwoji kalewene kileji, " Kimi mogorionde aka nyakiruryo tuguuk mu mbarenyi kisob. ¹⁷ Aku kipkat mu muguleitanyi kile, 'Aiye nee amu motinye wolo agonoree bekju? ¹⁸ Aku kile, aiye kile nyi; abute chogenikju stech cho echen kisiir chu: sagonoree beekju ako tuguukju togol chokororneen. ¹⁹ Si neityo aleji sabondanyu, "Sabondanyu, itinye tuguuk chatya chokororneen aku konorotin chi yame kanyisiek chatya, muuny, amisye, yeeise akibaibaitu."²⁰ Aku kileji Jehovah ii barbarinye, kimache sabondang'ung kemouni po rani. Ara sikibinji ng'oo anyu tuguchoche kakicheb? ²¹ Kuwong'u anyu Jeso kile, " Le nyone chiito nyigonorjinigei mogornate kinyenda kityo nyi ma mogoryo mu Jehovah."²²Kileji anyu Karupikji, kile nyone anyu amwowok kile, kitimacholyo akibo sabeng'wong' mu tuguuk choome nde akibo bortong'wong kiyo aloche. ²³ Amu siire sabe amitwogik, akusire borto ngurei.²⁴ Apkaat kira chepkiragoi, magolse akimakasisye, akimatinye wolo konore nde choge; aku Jehovah nyi baye: asirakwe taritek kinyil ata! ²⁵ Ara ng'oo mu akwe nyimuche kigareer met si kitas koindanyi mu kakwaiye agenga nyibo eu? ²⁶ Ngitimomuche anyu aiy ambo kiy katigin, ku amunee anyu sagerer met akibo tuguuk alak?²⁷ Apkaat taptoi, wolo piititoi; maboisyo nde kuletso; aku amwowok ale, ambo Solomon mu boiboiyenyi togol, ku kima kulumbane kile aka mu chwechu. ²⁸ Aku ngitilokjini Jehovah kile nyone suuswek chibo kewani chamito rani ainei mutai kewirji ma' ara ibere sire nytyana anyu kulokwok akwe chotinye kayane nyomining'!²⁹ Kitimawas cho ome nde cho aiyee aki magasegei.³⁰ Amu wase tuguuchwechu bororiosiek togol chami ng'wony: akunget aboong'wong' kile amakjinigei tuguchwechu.³¹ Ak awassikwe Laitornatetab Jehovah siketoswok tuguuchwechu togol. ³² Kitimaiywai akwee akwoiye nyomining'; amu baibai Aboong'wong' kugonok Laitornate.³³ Aalde chotinye sokoite kagojinai sanapchigei sumbotik chimoyosiitu, ako konorwe mu kipsengwet nyimopoku, wolo mariikjine choori, akumoome kuyut. ³⁴ Amu wolo mito konorweng'ung' ku wolone wolo mito muguleitang'ung' kinyile.³⁵ "Ngiratagis suwenikwok, aku ngiloyo taisyekwok; ³⁶ Akagargeitu ako biiko chikanye kiptaiyandeng'wang' kubunu tumdap katunisie: sinecho akigonygony, kiyotyi kirge sainone.v 37 baibaiyen otwogichoje chi nyoru kiptaiyandanone kiriipse necho. Amwowok kisp ale, ratagei kinyenda akicheb biichoche kitabe ng'wony mu wolo amisye akuwo kibai kichega. ³⁸ Akinecho mu riipse nyibo aeny, nde nyibo somok, akinyorto kile nyone, kibaibaiyen anyu otwogichoche.³⁹ Aku anai nyi kile, ndikoonget kiptaiyandetab goot sait nyichoni choriinde, ndariipse ndimapagoktoi gonyi kibit choriinde. ⁴⁰ Achapgei ambo akwega amu choni werutab chi mu sait nyimopkote."⁴¹ Kileji anyu Petero, "kiptaiyande, mwoweche kalewenoni, nde imwojini biiko togol?" ⁴² Kile anyu kiptaiyande, "Ng'oo anyu ribinde nyikiyane aking'om, nyigojini kiptaiyandenyi kitononji gonyi, akugoji amitwogikwak chiyame mu beetu nyimakjine? ⁴³ Baibai otwogindonone nyi nyoru kiptaiyandenyi kwoe kile nyone. ⁴⁴ Amwowok kisob ale, gojini chichone kitononji tuguukji togol.⁴⁵ Aku ngimwa otwogindonone mu muguleitanyi kile, ' Koye kiptaiyandenyu masip kiitu,' akitou kibir otwogik chile murenik ako tibiik, akwomisyo akuyeiso kitibogit. ⁴⁶ Wechegei anyu kiptaiyande nyibo otwogindonone mu betu nyikamaganye, ako mu sait nyi manae akibir kisob akipchaiji kamastanyi kiboto hi matinye kayane.⁴⁷ Aku otwogindonone nyi konget magetab kiptaiyandenyi, aki machapgei, nde kwai kile magenyi, kibire birutik chatya; ⁴⁸ Aku kinyenda nyi kimonget akwai tuguuk chinyolu biree, kebire pirutek chongering; aku aka togol nyakigojini chatya, ku nemi kayain kemage chatya: aku kinyenda nyikigojini kiriip tuguuk chatya, kinemi kayain kemage kinyenda cho siire.⁴⁹ " kiachoo awirji maat ng'wony, nee anyu nyitomache nekakilai ra! ⁵⁰ Aku atinye kabatisane nyinemi tuun kebotisaneno; marich katyana agoi kusulda!⁵¹ Abere kiocho agonu kalya kicho ng'wony? Amwowok kile olo, aku pesyot. ⁵² Amu king'ete ra, kipchaiyagei biiko mutu chami got agenga, aku saregei somoku aenyaku saregei aenyu somok. ⁵³ Pchayage aboi ako werii, ako werii, ako aboi, kamite ako cheptanyi ako chepto ako kamitenyi, ako kamitetab weri kiboto chepyosetab weri, ako kametab weri ako kametab werii."⁵⁴ Kimwoji anyu tuye kile, "Naroo kilong'u boldecherongo, wolo mache kirobon aku kwaiyak kile nyone anyu. ⁵⁵ Aki naroo koristo nyichone murot tai ole mache kiitu kamayu nyang'waan aku kwaiya kile nyone. ⁵⁶ Kiplasgeinachu, onget anai wolo taptoi ng'wonyu ako kipsengwet; kainee anyu si manai wolo taptoi betsyechu?⁵⁷ "KAine simorwoch akwege bungo akibo tuguuk chibo imanda? ⁵⁸ Amu netobeti ako bunyondeng'ung' taitab kirwoginde, igilgei abeti mu aree si kimating si makumiting' taitab kirwoginde akimitying kirwoginde askarinde, akitorjing' askarinde korgore. ⁵⁹ Amwaung ale, maagoi imongu mu wolone akoi iyakta chepkonde nyibo let."

Chapter 13

¹ Kimi bik alak mu betusiechoche chekimwaji kinyenda akibo Galilaek chekiburuch Pilato karatikwak ako tiseiwekwak. ² Kowolji Jeso akileji , "Ara imwoe ile Ki kiptengegin bichoche bo Galili kisiir Galilaek togol amu kinyoru nyalilwokichu? ³ Amwowok kile achicha, aku ngitimosigu, akwe togol, abogu togol kile nyone.⁴ Nde choche taman ak sisit chakishap got nyo goi mu siloam, akibar, ara amwoe ole ki kiptengegin kisiir bik togol che kimi Jerusalem? ⁵ Awowok ale achicha, aku ngimosigu, ambo akwe aboku togol kile nyone."⁶ Ako kimwa kalewenaik, kileji, " Kimi chito aka nyekitinye mogoiywo nyekikakiminji mbarenyi nyibo sabibu; aku kicho kimarar logoek chibo ketone aku kimanyorji. ⁷ Kileji ribindetab mbarani bo sabibu, 'Iroo, kenyini ku nyibo somok achoni anaye logoek mu mogoiywoni akimonyorune kiy. Yab kuluul, amune sikwome nying'winyek kileen?'⁸ Akiwolji kileji, Kiptaiyandani, nguteb kenyini si asemberji akokoji sige. ⁹ aku ngi yii logoek kung'ete ra ku kararan, aku ne mo yii ayab anyu kuluul."'¹⁰ Kinetisyo anyu Jeso mu sinagogisiek mu betitab sabato. ¹¹ Ak aroo, chepyoso aka nyekitinye tamirmir nyibo nyaluulnat kenyisiek taman ak sisiit, aku kikakung'uruch amu kimakumuche kuchulgei.¹² Kinero Jeso kinyenda, kuguur akileji, 'chepyosoni, kaketiaching' mu Nyalulnateng'ung'. ¹³ Aku kigonor eunekji kinyenda, kuchuulak kile nyone akulosu Jehovah. ¹⁴ Kinerech anyu baunindetab Sinagogi amu kisoob Jeso chito mu betutab sabato. Kimwoji anyu tuye kileji, 'Mito betusiek Lo che michini kiboisyo biiko, abka anyu mu betusiechoche si kesoobok, aku ma mu betutab sabato."¹⁵ Kuwolji Kiptaiyat kileji, "Akwe chombilik, ara matyoche aka togol mu akwe eitanyi ndeku sigiryenyi mu kibiiy mu betutab sabato akurany kuya bei? ¹⁶ ara chepyosoni cheptab Abraham nyi kikurat chesawil kenyis taman ak sisiit, ara moyene ketiach mu ratutyoni mu betutab sabato?"¹⁷ Aku bani kitikimwoe ng'alechwechu, kililanjo bunikji aku baibaitu tuye kimugul akibo tuguuk chotororen che kiaiy kinyenda.¹⁸ Kimwa anyu Jeso kile, Kargei baunatetab Jehovah ako nee, aku amuche akargeit ako nee? ¹⁹ Kargei ako kosuyondop karadali, nyakanam chiito akuminji mbarenyi, kibiit akuloku ket nyo ou, aku kipka tariit chibo barak akitabee tamaikji."v 20 Aku kimwa kinyile kile akargeit baunatetab Jehovah ako nee? ²¹ Kargei ako biita chekinam chepyoso akuwarware bisha chibo karebotin somok, aku kiguutu togol."²² Aku kibnote Jeso kokwotin cho echen, kunetisyote kitakjinigei aretab Jerusalem. ²³ Kileji chito aka, " Kiptaiyandani, ara ngering' chi nemi tuun kesaru?" ²⁴ Ogilgei abun kirge nyamarich, amu amwowok kile, Chaang' cho tyeme kubun, aku momuche kubun.²⁵ Aku tuun kang'eet chitab kobo got, akugar kirge, atou anyu atonone sang' agonygonye kirge abere, Kiptaiyandani, yotwech, aku wolwok kinyenda kile, 'Mongetok ako wolo abunu'. ²⁶ Atou anyu ole, ' kikwomisie akeyeiso mu taing'ung' aku inetisyo mu artinwekjo.' ²⁷ Aki wolwok kinyenda kile, ' Amwowok ale, mongetok ako wolo abunu. Aba mu wolo amite, akwe togol kiboitinekab lambach!'²⁸ Loku anyu riira ako nyiyetab kelek bani aroti Abraham ako Isak Jakobo ako maotik togol mu baunatetab Jehovah, aku kiwirchinok akwe sang'. ²⁹ Tuun pkoni king'ete kong' asis ako cherongo, ako murot nyibo katam ako murot nyibo tai, akutbe ng'wony akwomisyo mu taitab Jehovah. ³⁰ Anai nyi, chi loku chibo let ku tuun loku chibo tai, ako chibo tai ku tuun loku chibo let."³¹ Kipka Parisaek alak mu sainone akileji, 'Ng'eet mang'te uui mu woli, amu mache kibaring' Herod. ³² Kileji Jeso, 'Aba akomwoji cheptibinone aleji, 'Roo, amite aone oik akosoobe biik rani ako mutai, aku mu betutab somok, ku kikait magenyu.' ³³ Aku konyolu awo bandanyu rani ako mutai ako betu nyibo somok amu mamijini kimeechi maotyondo sang' nyibo Jerusalem.³⁴ Ee, Jerusalem, kinye nyaibare maotik akiwire kichega chi kioyogung'. Kiamach kinyil ata anyu ayum lagokju kile ngok nyiyimjini chilchilenikji kabebaikji, aku kimamachikwe nyenyi. ³⁵ Aroo, kakemete kong'wong'. Amwowok kile, marooto agoi ole, 'Berurot kinyenda nyi choni mu kainetab Kiptaiyat.'"

Chapter 14

¹ Kinemi betu aka nyibo sabato, bani weti gotab kondoindetab Parisaek si kwomisyo, ku kiriipote kinyenda. ² Aku kimi chi tainyi nyikikakunun borto. ³ Aku kitebe Jeso Kimng'omutinekap ng'atutikap Yahudik ako Parsaik kile, " Ibere Chamtayat mu ng'atutek Kesoob chi mu betutab sabato, nde olo?"⁴ Aku kisiisyo. Kinam Jeso eunyi akusoob kinyenda, akung'unda kuwechigei. ⁵ Kileji kichega, "Ngoo mu akwe nyi tinye sikiryenyi nde ku eitanyi nyi nechut kaben ku ma nomu amu betutab sabato?" ⁶ Kisiisyo togol aku kimamuch kuwolu kiy mu ng'alechoche.⁷ Aku kinenai Jeso kile kilewen ng'echorokab tai kichega che kikakigur tumdo, kimwoji mu kalewenaik kile, ⁸ "Bani kataaching' chi mu tumdab katunisiye, iro metebe ng'echeretab tai, amu muuche kimi chii nyikakitaach nyi konyitoot kisiir kinyende. ⁹ Bani kaitu chiito nyi katochook tuwai, kilejing' 'Kochi chito nyi aka kitabe woldang'ung', aku mu tawernat iweti itabe ngacheretab let.¹⁰ Aku nekitaaching', iwe akitabe ng'acharetab let, si neitu kinyenda nyikatooching' ku muche kilejing', 'Charwenyu, choo tabe tai woli.' Ku kegonyiting' mu taitab kichega togol chomi mese. ¹¹ Amu chii aka togol nyitroregei, ku kewolune, aku aka togol nyiwolunegei ku ketorore."¹² Kileji Jeso kinyile chikai katooche kinyenda, "Neguurchi chii amitwogik nde tumdo, ku kitimetaach charwaiguk, nde ku werikwok nde ku bikab areng'ung', nde ku bikaab kokweng'ung' chile mogoro, amu muuche kugoting' betu aka kutaaching, aku kagekotung'.¹³ Aku nechob amitwogik, iguur kibananok, cho ng'wolsoot, chemugungon ako chepkorotoi, ¹⁴ Aku sikeberuring' amu matinye kichega kiyo kotung'. Amu kigotung' mu betutab ngetietab imanda."¹⁵ Aku kinegas agenga mu che kimi togol mese agenga kiboto Jeso ng'alechu, Kileji kinyenda, "Beruot kinyenda nyi nemi tuun kwomisye mu baunatetab Jehovah!" ¹⁶ aku kileji Jeso kinyenda, "Kimi chi anum nyekicheb amisye nyo ou akutaach chatya. ¹⁷ Aku kineit saitab amitwogik, kuyokto kiboitiondenyi kileji kichega che kikakitaach, 'Apka amu kakichobokis ra kiy aka togol.'¹⁸ Kutou togol kuwolu kiy nyi katae. Kileji chito nyibo tai, 'Kaal mbare aku magat awo sineityo aroo. Kaigai chamwo. ¹⁹ Kimwa aka kile, kaal einak mut chibo chogik akaweti atyeme, kaigai chamwo awo. ²⁰ Kile aka, kaatun chepyosenyu, ara anyu machoni.'²¹ Kicho anyu kiboitondekai akileji kiptaiyandenyi ng'alechoche. Kinarech anyu chikai bo got akileji kiboityondenyi, 'Ui chakta ortinwek chokindon ako cho mengechen, mu eme akimutu kibananok, cho ng'wolsot, ako chemugungon.' ²²Kileji Kiboityonde, 'Kiptayandani, kiyo keng'ata, ku kikeyai aku tikimi boroindo.²³ Kileji anyu kiptaiyande, kiboityondenyi, ;Ui anyu artinwek chokindon ako rotyosyegab mbarenik akisaisai kipka go sineityo kinyiy gonyu. ²⁴ Amu amwowok ale momi ambo agenga nyi kiagur nyichamchame amitwogik."²⁵ Kimi anyu tuye nyo ou kibeti kiboto kinyenda, aku nyi matyanit, kuwecgei akileji kichega, ²⁶ "Nemache chii aka togol kichonjo, akimasase aboonyi, ako kamenyi, ako chepyosenyi, ako lagokji, ako werikwak ako tibikwak, ako ambo kitai sabondanyi, kimomuche kiloku alamalyenyu. ²⁷ Aka togol nyi maibe kimurtoyondenyi akurupka kimoloku alamalyenyu.²⁸ Amu ng'o mu akwe nyinemeche kiteech got nyogoi, kimatabe ng'wony kirook akuit ngutumuche kitinye tuguuk chomuche kuwang'tae? ²⁹ Si ma ngutonon tekse ku matukumuch kuwany, kitou biiko kuchurochur kinyenda, ³⁰ kile, 'Kitou chichi kitekso akumatukumuch kuwang'ta.'³¹ Nde Ng'oo laitoriande nyiweti kibargei ako laitoriande aka, akimatabe ng'wony korok akirar wolo taptoi ngutumuche kinyenda ako biiko elupu taman kutuiyo akibargei ako nyotinye biiko elupu tiptem? ³² Ki nemomi, bani mi kiboriotinek chu alak wolo lou, kuyokto ng'olyo sikitebe akibo kalya. ³³ Nyone anyu, chi aka togol mu akwe nyimomuche kimete tuguukji togol kimomuche kuloku kiboityondenyu.³⁴ Kororoneen chumbik, aku nebot chumbi anyinyindanyi, kimuktoiano keweku kuloku chumbi kinyile? ³⁵ kimakitile kiy mu nying'winy. Kuwirtoi. Nyi tinye itiik chi kastoe, kikasta.

Chapter 15

¹ Aku kipka anyu tookikab aisrusyek ako kipng'okiinek wolo mi Jeso sikikas it kinyenda. ² Kunyinyiyo Parisaik kibto sirik kibere, " tooche chichi kipng'okiin akwomisie ambo ambo ako kichega."³ Kimwoji Jeso kichega kalewenoni, ⁴ " Ng'o chii mu akwe nyo tinye kechirek bogol nyi nebet agenga mu choche ku mobokotoi choche tamanwogik sogol ak sogol mu suur kween akuwo kuwasata nyone kabet akoi kunyoru? ⁵ Aku nekakunyoru, kuwire gaat akubaibit.⁶ Aku nekakiit gonyi, kuguur charwaikyi kiboto bikab kokwenyi, akileji, 'Ngeboiboitu togol amu kikonyoru kechenyu nyikikakibet. ⁷ Amwowok anyu kile, ambo tuun kuloku nyone boiboiye mu kipsengwet nesugu kipng'okio agenga kusiir biiko tamanwogik sogol ak sogol chi mamache kusugu.⁸ Nde ku chepyoso agenga nyetinye chepkondok taman, aku nebet agenga, monome tait , akubuch got, akuwas mutyo akoi kunyoru? ⁹ Aku bani kikunyoru, kuguur charwaikyi togol ako bikab kokwenyi, akileji, 'Ngeboiboitu togol mu kikonyoru chepkondenyu nyikikakubet. ¹⁰ Kile nyone ambo, amwowok , mito boiboiye mu taitab malaikaisyekab Jehovah mu kipng'okio agenga nyi kosugu."¹¹ Kileji Jeso, " Kimi chi nyekitinye werikyi aeny, ¹² aku kileji weri nyomining abonyi, ' Aboo, konoo tugukchu che tuun bunjino.' Aku kipchaichi tugukwak tuwai.¹³ Aku kinebata betusiek chi matyana, kuyum werikai mining' tugukchi togol akiwo koree aka nyolou, kuwo kusaret mu woline tugukchi mu ateb nyangaya. ¹⁴ Bani kikuwany tugukchi togol, kucho kemei korekai togol, kutou anyu werkai kinyalil.¹⁵ Kuwo kukaktagei chito aka nyibo koronone, nyekiyoktoi kinyenda kibaichi nguron mu mbarenyi. ¹⁶ Kimache werone kwam tuguk chekyome nguronik amu kimogoji chii kiy nyoome.¹⁷ Aku kinepkatita werikai kimwa kile, ' Tyana kiboitinekab abonyu chotinye tuguk choome kiyam kutung'otu aku kibarane ruba mu yu! ¹⁸ Ang'ete mu yu akowechigei wolo mi abonyu, akoleji, " Aboo, kikolelji kipsengwet akolelung'. ¹⁹ makisikjini ambo kegureno wering'ung'; aiya aloku agenga nyibo kiboitineguk."²⁰ King'eet anyu akuwo wolo mi abonyi. Aku bani kitikimi wolo lou, kuuro abonyi kinyenda, aku kiriire, akulabat akubutyi katinyi akuwire asak. ²¹ Kileji weri kinyenda, " Aboo,kikolelji kipsengwet akalelung'. Makisikjini ambo kegureno wering'ung'.²² Kileji aboi kiboitinekyi. ' Aibu ochokune ngurie nyakararan kusiir togol akolokyi, akokochi peteyo eunyi, akolokyi kweron kelyekyi. ²³ Akomutu moita nyayakwai akayeny. Akany keboiboitu akeamisye! ²⁴ Amu werinyu nyenyi kikakima aku ra ko kikusob. kikukubet , aku ra ku kikutoku.' Kutou anyu kiboiboitu.²⁵ Aku kimi weri nyo ou mbar. Bani kicho kilekititu mu kaita, kigas tienwo ako biich chinyolsoot. ²⁶ Kuguur agenga mu kiboitinek akitebe kile muche kinee ng'alechu. ²⁷ Kileji kiboityondekai kinyenda, 'Kikucho wering'wong' gaa akikikuyeny abong'ung' moita nyayakwai amu kikunyoru kinyenda kichamagei.'²⁸ Kinarech anyu weri nyo ou akitai ambo kuwo go orit , akoi kucho abonyi sang' kusaisai kinyenda. ²⁹ Kuwolu werikai ou akileji abonyi, ' Roo, kenyisyechu togol chang' kikobeisyeung', akitomo abut ngatutyeng'ung', akitomo ambo ikonoo warwab araa sabaibaitu ako charwaikyu, ³⁰ akineitu wering'ung' nyekiam tugukuk ako chemilain, iyengji moita nyayakwai.'³¹ Kileji aboi kinyenda, 'Weri, kimi tuwai betusyek togol, aku tugukyu togol ku chokuk. ³² Aku kasikjini keboiboitu akenyal, amu wering'wong' ki kikakima, aku ra kisabe, kikakubet aku ra ki kakenyoru.''

Chapter 16

¹ Kimwoji kinyenda alamalyenyi kinyile kile, " Kimi chi nyekimogoryo nyekitinye ribin nyekitononjini konyi, akikimwa kele sariete tugukab mokoryondonone. ² Kiguur anyu mokoryondonone kinyenda akileji, ' Nee nyi agase akibo kinye? Kono koitetab ribseng'ung' amu mailoku ribindenyu.'³kile ribindonone mu muguleitanyi, 'Aiye nee ra amu kakisto kiptayandeyu mu boisie? Akimotinye kimnen abotisye, akimokenye asomsoote. ⁴ Anget kiyo aiye, sinemi bani kakichorwo mu boisie, kitacha biik mu gorikwak.'⁵ Aku kiguur aka togol mu basenikab kiptaiyandenyi, akileji nyibo tai, ' Kibesen ata tugukab kiptaiyandenyu?' ⁶ Kile, ' Terenik bogol chibo mwai.' Kileji, ' Nam kartasing'ung' akisir konom ichokyi. ⁷ Neityo kileji aka, ' Ang' kinye kibesen ata?' Kileji ' terenik bogol chibo ngano.' Kileji, ' Nam kartasing'ung' akisr tamanwogik sisit.'⁸ Kisas kiptaiyande otwogindonone kimobo iman amu kiiy mu ng'omnen. Amu ng'omen werikab ng'wonyuni kwoiye ngal ak biik kisiir werikab lapkeiyo. ⁹ Akamwowok ole, anamegei charwai mu aretab mogornondi nyi mobo iman, si tuun nebok kitachak mu gorikwak chibo koigeny.¹⁰ Amu kinyenda nyikiyene mu tugun kongering, keyene mu chatya, aku kinyenda nyimakiyene mu kongering, kimakiyee mu chatya. ¹¹ Lee nyone anyu, nemeloku nyekiyene mu mogornondi nyi mobo iman, ku ng'o nyine yenok mu mogornondi nyibo iman? ¹² Nemoloku chekiyane mu tuguukab chito aka, ara ikure ng'o anyu nyekonok tuguk che chokwok?¹³ Momi otwogindo nyimuche kuot kiptainak aeny, amu muche kisas aka, akicham aka, nde kinamgei ako aka, kisas aka. Memuche iot Jehovah ako mogornondi."¹⁴. Kigas anyu Parisaek chekichame chepkondoi tuguchoche togol, akurorji kinyenda. ¹⁵ Kileji kichega, " Akwee chi oitogei nyakararan mu taitab biiko akunget Jehovah muguleiwekwok amu kiy nyitorore biik, ki banat mu taitab Jehovah.¹⁶ Kitebe ngatutik ako maotik akoi kiitu Juhana. King'ete batunone akoi, keamtoi logoiwek chokororneen chebo baunatetab Jehovah, akityeme chitogol kutorta arenyi kuwo yune. ¹⁷ Akunyumnyum kusiirto kipsengwet ako ng'wony, kisiir kebut siruutye agenga nyibo ng'atutik kiyait.¹⁸ aku chii aka togol nyi oone chepyosenyi akuib aka, ku kibaigeya, aku chii nyiibe chepyoso nyikionu bondenyi ku kibaigeiya.¹⁹ " Ak kimi chii anyu nye ki mogoryo nyekiloche ngurye nyo arus nyobirir nyachikinin, aku kiboiboitegei betu aka togol mu mgornatenyi. ²⁰ Aku kii kibanania nyi kikugure Lazaro nyi kikuyoto mu kurgenyi akinyiyotin kimng'ooi bortanyi. ²¹ Aku kimache kebaye tuguk chekichundoi mu masetab mogoryondonone, ee, kipkoni ambo sesenik akimel kimng'ookyi.²² Aku kiit kima kibananiandekai betu aka, aku kimit kinyenda malaikain akoi kugoji tagetab Abraham. Kima ambo mogoryondekai aku kikitub, ²³ ako bani mito woldap chekikibok, kinyal barak aku kiiro Abraham mu wolo kilou aku kimi Lazaro tagenyi.²⁴ Aku kiriir akile, " Aboo Abraham, riirena akiyogu Lazaro kuchukta bei walistab mornenyi, sikiruswo ng'alyaptanyu amu ami ng'wonin mu mai laye.'²⁵ Aku kileji Abraham, 'Weri , pkaat bani kinesabe, kinyoru tuguuk chokororneen, kile nyone lazaro, kinyoru tuguk chayachen, aku ra kekoikoye kinyenda mu yu, aku inye ku imite ng'wonin. ²⁶ Aku nyosire chu togol, kikugoji ng'atwa nyo ou nyo besyotech ache ako akwe, si neityo chomeche kulong'u mu woli kipka wolo amikwe kumomuche, aku momi nyolong'u king'ete wolone akoi wolo kimiche.'²⁷ Kileji mogoryondekai, ' Kasoming abonyu abraham, kile yoktowo kinyenda kuw gotab abonyu, ²⁸ amu atinye werikyo mut, si neityo kutechi si mapka woli mito nyalil nyo ou.'²⁹ Kileji Abraham, ' Tinye kichega Musa ako maotik ; kany kigas kichega.' ³⁰ Kuwolu mogoryondekai kile, ' Olo, aboo Abraham, newo chii wolo mi kichega nyichone wolo mi chikikubok , ku sugu. ³¹ Kileji Abraham kinyenda, 'Ngitumagas Musa akomaotik, ku magase ambo ntisaisai chii nyichone wolo mi chekikubok."

Chapter 17

¹ Kileji kasubikyi, " Pkoni kanakutek matiny: aku pwo! Mu chichonee bunu! ² Ki takaigai mu kinyenda keratyi katinyi koibabai nyo oo, akewirji araraita, kusiir bani nache aka mu chu mengechen.³ Oripkei: nelelung' tupcheng'ung' nyo otupche, igar kong', aki ne sugu, inyoji gaat. ⁴ Ako nelelung' kinyil tisab mu betu agenga, akugotugei wolo imi kinyil tisab kibere, kaasugu, inyoji gaat.⁵ Kileji che kiyoktoi kiptaiyat, " Taswech kayanenyo." ⁶ Kileji kiptaiyat, " ndotinye kayane nyotene kasuyondop aradali, ku namwoji mogoiywoni oleji , keng'usung' si keminjing' araraita, kukosok iit.⁷ Aku mi ng'oo mu akwee nyitinye kiboityonde nyibatisye nde nyo yagee kechirek nyolejini bani kaitu mu mbar, " Joo tabee ng'wony amisye?" ⁸ Tos ma kaigai kileji kinyenda chopko tuguk cho ome kermenge akiboisyewo, agoi aamisye akayeiso, si neityo iyamisye akiyeiso kinyende?⁹ Ara wekyine otwogindonone kongoi amu kai tuguk che kakaking'at kwai? ¹⁰ Le nyone mbo kayoin mu akwee, bani kikaai tuguk togol che kaking'atak ; amwa ole kii otwogik chi matile kiy; kakeai chi kasikyi keai.¹¹ Bani kitikimi aree kuweti Jerusalem kubun kwenutab Samaria ako Galilaya. ¹² Aki nemi bani komong'ji kokwee aka, kutuyo ako murenik taman chikitinye mogondoi, chekitononsoot mu wolo loou. ¹³ Kuwokcho kile, " Jeso kiptaiyat, riranech."¹⁴ Kinemi bani kiro kichega, kileji, " Aba oborjigei tisiik." Aku kinemi bani kakiba, kitililitu. ¹⁵ Aku kineero aka mu kichega kile kakusop, kuwechgei kulosunonu Jehovah mu kotee nyo oou. ¹⁶ kibutyi kelyekyi kuwekyi kongoi; aku ki Samarinde chichone.¹⁷ Kuwolji Jeso kile, " Kimotilil taman? Aku mi ano chagai sogoolu? ¹⁸ Ara motogu ambo agenga nyakawejgei kugoji kolosune Jehovah, kibaate kibat toondoni?" ¹⁹ Kileji kinyenda, "Ng'eet siwe, kakusoboning' kayaneng'ung'"²⁰ Aku kinemi bani kitebee Parisaik kile, joni oyu laitornatetab Jehovah, kuwolji kichega kile, " Majonii laitornatetab Jehovah kerotonu: ²¹ aki ma kimwoe kele, oroo, mi woli! Nde onyi mi wolii! Oroo, mi laitornatetab Jehovah kwenung'wong'."²² Kileji kasubikyi, tuun pkoni betusyek chi nemi tuun amache aroo betu agenga nyibo weritab chii , aki morotii. ²³ Aki nemi tuun kilejinok , 'oroo, mi wolii! Oroo, mi woli! Kitimaba nde arup kichega: ²⁴ amu lee karyalee nyiryalune kamasta aka mu kipsengwet, aku kweny agoi kamasta aka mu kipsengwet: kinemi tuun kile nyone weritab chii mu betunyi.²⁵ Aku kargee anyu kenyalil mu tugun chatyaang', akutai kinyenda abendeni. ²⁶ Aku kilee bani kipkondoi mu betusyekab Noah, kinemi tuun kuloku nyone mu betusyekab weritab chii. ²⁷ Kyomisye, kiyeisye, kwobogei, akegoitoi alak keob, agoi betuu nyikiwo Noah moinge ariit, aku kiicho kutyande, akibar kichega togol.²⁸ Kile nyone ambo wolo kipkanda mu betusyekab Lot; kikwomisye, akeyeiso, kikwolisye, akealdoisye, kikukolse, aketekse; ²⁹ aku mu betu nyikimanda Lot mu Sodom kirooben maat ako koin che laisoot che kibunu kipsengwet akibar togol.³⁰ Lee nyone mu betu nyikibooru weritab chii. ³¹ Mu betunone, kitimoroku kinyenda nyimi goot barak, kuib tugukyi chemito go; aku kitimakotugei kinyile kinyenda nyimi mbar.³² Apkaat chepyosop Lot. ³³ Aku kinyenda nyo wese kusoru sabondanyi kuboote, aku aka togol nyiboote sabondanyi kiriipe.³⁴ Amwowok ole tuun rusoot biko aenyu mu kitogu agenga mu kemoyunone, kimite aka, kebagakta aka. ³⁵ Tuun ng'oise chepyosok aenyu kibagenga, kimite aka, kebagakta aka. ³⁶ Tuun mito biko aenyu mbar, kimite aka, kebagakta aka.³⁷ Aku kitebe kinyenda kile " Ano kiptayat?" Aku kileji , wolo mi muusto, kiyumjinigei motonyik.

Chapter 18

¹ Kimwoji anyu kalewene kile, Sikyini kesai betusyek togol, aki kitimoloku soroton. ² Kileji, " Kimi kokwee aka kirwogindo nyi kimakuywei Jehovah, aki makiite chii.³ ako kimi mosogee aka mu kokwonone nyikichoni sait aka togol wolo mi kinyenda, akilejini besyewo imandanyu nyibo kisob ako bunyondenyu. ⁴ Aku kitaye mu betusyek chatyaang', aku nemi let, kimwa mu moenyi kile, ' ambo ntimoiywei Jehovah, aku moiite chii, ⁵ aku amu nyaliloo mosogoni, aichini imandanyi si ma kujoni sait aka togol kusumbono.'⁶ Kile kiptayande, " Agas anyu kito nyokimwa kirwoginde nyi mobo iman. ⁷ Ara moichini Jehovah imanda biiko chi kikilewen, cho rirjine kinyenda beet ako kemoi, aku muitoi kinyenda akibo kichega?" ⁸ Amwowok ole, aichini kinyenda kichega imanda kuchokyini. Sineityo tuun nejo weritab chii , kunyoru kayane mu ng'wony.⁹ Aku kimwoji kinyile alak kalewenoik chiki mong'u kile bo kichega imanda, akusase biiko alak. ¹⁰ Kileji, " Kilaany biko aenyu kiba kisai mu kapkoros, Parisainde aka, ku ki toogindetab aisuruuk aka.¹¹ Kitonon Parisainde, akusaai, aku ng'alal kityo kile, " Jehovah, amwoung' kongoi amu makargeine ako biiko alak cho serebich tugun, chi mobo iman,cho ibagei, nde chiichi tooche aisurusyek. ¹² Arugutagei kinyil aeny mu wiki, agoitoi kabebertab taman mu tuguk togol chonyoru."¹³ Aku tononon chiito nyitoche aisurusyek mu wolo loou aku macham ambo kimarar kipsengwet, akuluchgei tagat, akile, " Jehovah, rirena amu ai kipng'okiyo." ¹⁴ Amwowok ale ii,kiwechigei chiichone gonyi nyikikuloku nyibo iman, kisiir chiito nyii aka, amu chii aka togol nyisutagei barak, kewolune kucho ng'wony, aku chiito nyi ibagei ng'wony, kesute kuwo barak."¹⁵ Aku kimutyi biiko kinyenda manyurinak si neityo kutiiny kichega, aku kinemi bani kiiro kasubikyi, kigar kong'. ¹⁶ Kuguur Jeso kichega kipka wolo mi kinyenda, akileji, " Achamjii lagok chomengechen kipkonjoo, amu bo chile chwechu laitornatetab Jehovah. ¹⁷ Amwowok ksoob ale, chii aka togol nyi motooche laitornatetab Jehovah kilee lakwa katigin, kimemong'jini woline nyi matiny."¹⁸ Kitebe kinyenda chemogee aka kile, " Konetindoni kararan, sikjini aai nee sineityo anyoru sobon nyibo koigeny?" ¹⁹ Kileji Jeso, " amunee si kureno nyakararan? Momi chii nyakararan kibate agenga kibat, nyone ku Jehovah. ²⁰ Ara inget ng'atutik, motoibgei, mebarishe, mechorso, matimwaa lambach, konyit aboong'ung' ako kameng'ung'?" ²¹ kimwa kile, "Kioriip tuguchu togol king'ete kitoi naran."²² Kinemi bani kigas Jeso kileji, " Tikikartayat kito agenga mu kinye; ui alde kiy aka togol nyoitinye akigoji kibananok, sinyoru konorwee mu kipsengwet, akijoo irupka. ²³ Bani kigas kinyenda tuguchu togol, kichol ksob, amu ki mogoryo.²⁴ Bani kiiro Jeso kinyenda, kimwa kile, " Koroom katyana mu chii nyile mogoryo kimongji laitornatetab Jehovah! ²⁵ Amu nyumnyum mu taambus kuchut kongtab sindanu kisiir kimongji mogoryo laitornatetab Jehovah."²⁶ Kimwa anyu cho kigase kile, " Ng'oo anyu nyi kisoru?" ²⁷ Kimwa kile, "Tuguuk chimomuchagee mu biiko, kumuchagee mu Jehovah."²⁸ Kiwa Petero kile,"Roo anyu , kikematache tugukyo akerupung'." ²⁹ Aku kileji kichega, "Amwowok ksob ale, momi chii nyikikibakakta goot, nde chepyosenyi, nde chotupcho, nde ku sikikyi, nde lagok, akubo laitornatetab Jehovah, ³⁰ nyimo nyoru chatyang' kisiir mu betusyechu, ako sobon nyibo koigeny mu betusyek chipkoni kayaiin."³¹ Bani kimutu anyu taman ak aeny kipka wolo mi kinyenda, kileji, "Aroo anyu, kiloonye kebeti Jerusalem, si kisikji tuguk togol chikimwa maotik akubo weritab chii. ³² Amu kigojini kinyenda eunekab pororyosyek si kechurochur, aketewer, akeng'utyi. ³³ Akebiree kipchoritii, akebar, aku ng'eet mu betutab somok."³⁴ Aku kimanai kichega tuguchwechu ambo agenga. Ako kiunyogis ng'alechu mu kichega, Akimamuch kubesyo tuguuk che kikimwa.³⁵ Aku kinerikta Jeriko, ku kitabee ng'wony chiitaka nyile chepkorot mu aree taban kusoomse. ³⁶ Kinegas kusiirtoi tuye, kuteeb kile "Nee chu?" ³⁷ Kuwolji kichega kinyenda kileji, Jeso nyibo Nazaret nyone sirtoi.³⁸ Kuwaach chigai kile, "Jeso, weritab Daudi, rirenaa." ³⁹ Kigar kong' kinyenda biiko chi ki ndoe, kileji siis. Kitastai kinyile kuwaach kile, " Weritab Daudi, rirenaa."⁴⁰ Kutonon Jeso akung'at kemutu kuwo wolo mi kinyenda. Aku kinemi bani kikiriigu, kitebe kinyenda kileji, ⁴¹ " Imache ayuung' nee?" kuwolu kile , "Kiptayande, amache amararta."⁴² Kileji Jeso , "Marartee." Kakusoboning' kayaneng'ung'."⁴³ Nyimatyanit, kimararta aku sob kinyenda, akulosunoto Jehovah. Bani kinero tuye togol kumugul, kugonyit Jehovah.

Chapter 19

¹ Aku kimi Jeso kuwetote kubun aretab Jeriko. ² Kimi chii nyekikugure Zakayo ki nyo ou mu togikab aisuru aku kimogoryo.³ Kityeme kuro akinai akibo Jeso, aku kimamuch kuro mu tuye amu kinwach kinyenda. ⁴ Kilabat kundoi mu biik akilany mogoiywo sikuro kinyenda amu kibune aranone.⁵ Kineitu Jeso yone, kimarar barak akileji kinyenda, "Zakayo, wolu choku amu kayam rani aru gong'ung'."

⁷ Bani kinero biik togol kilenyenyi, kutou kunyinyiyo kibere, " Kiwo kitebe gotab chi nyile kipng'ogiyo."⁸ Aku kitonon Zakayo akileji, "Kiptaiyandani, anamu kamas chibo tuguukchu akogoji kibananok, aku ne kiaibe chii tuguukji mu lambach, awekjini kinyil ang'wan. ⁹ Kileji Jeso, "Kakicho rani sorune koyi, amu kinyenda ambo ku weritab Abraham. ¹⁰ Amu kicho weritab chi kusoru biiko chobetytin."¹¹ Bani kitikimi kigase tuguchu, kitas tai kimwoji kalewene amu kilegite Jerusalem, amu kipkote kile muche kucho baunatetab Jehova kuchoku. ¹² Kimwoji anyu kile, "Kimi chi anum nyikitokunot nyikiwo kor aka nyolou kuwo kitokjigei baunate si neityo kuwechgei.¹³ Kiguur kiboitinekji taman akugoji chepkondokji kiboisie mu mung'ara akoi tuun kuwechgei. ¹⁴ Amu kikakisas biik kinyenda ku kiyokto ng'olyo kurupe kinyenda kile, makemache chichone kitikicho kuboiwech. ¹⁵ Aku kineit kuwechgei, ku kakunyoru kinam baunate, king'at anyu kegur kiboitinekji cho kigoji chepkondokji kipka wolo mi kinyenda, si kinai chi kinyoru chi aka togol mu mung'arenyi.¹⁶ Aku kicho nyibo tai akile, "Kiptaiyandani, kianyoru chepkondok alak taman mu chi kigono.' ¹⁷ Kimwoji kinyenda kileji, 'Kiaiy nyakararan kiboityondoni kararan. Amu kiyanaksa mu kongering' itinye kimnnate iboyu korotinwek taman.'¹⁸ Kucho nyibo aeny akile, "Kiptaiyandani, kitasakis mutu mu chepkondokuk mut chi kigono. ¹⁹ Kiwolji kinyenda kile, boyu korotinwek mut."²⁰ Kicho aka kinyile akile, 'Kiptaiyandani, aronju chepkondoguk, kikakonorta aratyi anga, ²¹ amu kiaiywaing amu ii chii nyokorom. Inemu mu nyi metot, akikase chimekol.'²² Kileji chikai kinyenda, 'Kirwogung' mu ngaleguk chikemwa mu koteng'ung' kiboityondoni ya. Kinget inye ile aine chii nyokorom anomu nyi kimogoji ng'wony aku akase che kimakol. ²³ Ara kainee simekonorji chepkondokju konorwe nyikiwolowole ndame ngapanyoru ku kakitasakis?'²⁵ Kileji biiko kinyenda, 'Kiptaiyat, tinye alak taman.'²⁶ Amwowok ale, chi aka togol nyotinye ketasyini, aku kinyenda nyimatinye, kesare ambo chotinye. ²⁷ Ako amutu anyu bunikju kipka wolo amite chikimamach baunatenyu sineityo abar mu tainyu."²⁸ Aku kinebata kimwoe kile nyenyi, kitas tai kuwo akoi Jerusalem.²⁹ Kinewo agoi kirikji wolo legite Betpage ak Betany, mu tulwetab emitik, kuyokto koyoktoikji aeny, ³⁰ kileji, Aba akoi kokwe nyi legit. Bani kikochut kokwonone, anyoru warwap sikiryo nyi tomo kilany chi. Atyach akamutwa. ³¹ Netebak chi kile, 'Amune si atyach?' Amwoji ole, 'Mache Kiptaiyande."³² Kiba anyu che kikiyokto akoi kinyoru kile bani kikamwoji kiptaiyande. ³³ Aku kinemi bani kitikityoche Moitab sikirye, kileji chi, 'Kaine satyach moitab sikirye? ³⁴ Kuwolji kileji, 'Mache kiptaiyande.' ³⁶ Bani kitikiweti, kuitote nguraikwak mu aree.³⁷ Kiwo anyu akoi kirikji ng'wenyutab tulweab emitik, kutou anyu chang'indab kasubik kibaibaitu akulosu Jehovah mu kote nyo ou akibo yautik choechen cho kiiro, ³⁸ kile, "Berurot Laitoriande nyi choni mu kainetab Kiptaiyat! Kalye mu kipsengwet ako torornate nyimi barak."³⁹ Kimwoji Parisaek alak chi kami tuiye ako kinyenda kile, "Konetindoni, kaigai kar kong' kasubikuk" ⁴⁰ Kuwolji Jeso akileji, "Amwowok ole, nesisyo chwechu ku ambo koichu kumuche kuwokjo."⁴¹ Kinerikta Jeso nganase, kiriir aibo nyone. ⁴² Akileji, nde konget betuni bo rani tuguuk choipkok kalya! Aku ra ku kikewiny mu konyekwok.⁴³ Amu pkonjinok betusyek chi tate bunikwok katerusyek mu kamaswek togol akitou kigiching wolo togol. ⁴⁴ Akuwirching' ng'wony kiboto ambo lagoguk. Mametoi koi ambo agenga kutonone aka amu kimenai sait nyo kichonjining'."⁴⁵ Aku kiwo akoi gotab sautik akutou kimanda togol cho kioldoisye, ⁴⁶ akileji kichega, "Kikisir Kele, "Gonyu ku gotab sautik; aku kikaikwe kuloku gotab chorik."⁴⁷ Aku kinetisye Jesu betusiek togol mu gotab saet. Kiwosote kinyenda tisik cho echen kiboto siriik kiache si king'om amu ki kandoik kichega chebo biik. ⁴⁸ Aku kimonyoru wolo muche kwai kiy amu kimi biiko togol kigase iit kinyenda kikaram.

Chapter 20

¹ Aku kinemi bani nete biik mu betu aka, mu kanise, akwomtoi logoiwek chokorornen, kipkonji kinyenda tisiik cho echen kiboto siriik, ako boisiek kiwase kinam Jeso. ² Ako kimwoji kinyenda kileji, "Mwowech iyoe tuguchu mu kimnatetab ng'oo? Aku ng'oo nyaakigoning' kimnatoni?"³ Kiwolji akileji kichega, "Atebenok ambo anenda tebut akowolwo. ⁴ Kabatisanetab Johana ku kibunu kipsengwet nde kibunu biich?"⁵ King'ololjigei kichega bingo kile, "Nekimwa kele kibunu kipsengwet kile kwaine si mayan kinyenda? ⁶ aku nekimwa kele kibunu biich, kuwirech biiko togol mu koin; amu kiyane kichega kile ki maotyo Johana."⁷ Kuwolu kile, "Makunget wolo kibunu." ⁸ Kileji Jeso kichega, "Ambo ane kimomwowok kimnate nyo aiye tuguchu."⁹ Aku kitou kimwoji biiko kalewenoni kile, "Kimin chii sabibu mu mbar akimotoji meik akiwo kore aka kitabe betusiek chatya. ¹⁰ Aku kineit betu kiyokji otwokin meichoche si neityo kugoji kichega kinyenda logoekab mbaranone. Aku kibir meik kinyenda aku oon kuwo kileen.¹¹ Aku kiyokto kinyile otwokinde aka; aku kikibir nyone kinyile aketewer akeoon kiwo kileen. ¹² Aku kiyokto kinyile nyibo somok aku kikigoten kinyenda aketorji sang'.¹³ Aku kile chitab kobo mbare, "Aiy nee anyu? Ayoktoi werinyu chamanenyu: ntime ngaab kugonyit kinyenda. ¹⁴ Aku kinero meik kinyenda, king'ololjigei kichega kile, "Nyenyi nyi nemi kayain kibinji tuguuk: ngebar anyu si neityo kendii tuguuk."¹⁵ Aku kikitorta kimang'ta mu mbaretab sabibuk akibar. Itoi nee anyu chitab kobo mbare biichoche? ¹⁶ Choni anyu kinyenda akibar meichoche togol, akigoji biiko alak mbaretab sabibuk." Kinegas kichega, kimwa kile, "Olo, matikany kuloku nyone."¹⁷ Aku kimilji kong' kichega akile, "Nee anyu nyi kikisir kele, 'Koita nyakitai tegik, ku kiaiy nyone kuloku koitab luuita?' ¹⁸ Aku chii aka togol nyabutyini koitanone kuile kunyaknyakene; aku kinyenda nyabutyini koitanone kunyirnyirake."¹⁹ Aku kiws siriik ako tisiik cho echen kimache kinam kinyenda mu sainone; aku kiywai kichega biiko: amu kinai kile kimwoe kalewenoni akibo kichega. ²⁰ Aku kiriboto kichega kinyenda akuykt sageik, cho aitogei kuloku chibo imanda, sineityo kiname kinyenda ng'alekji, sikikoito kinyenda kuwo taitab baunate ako kimnatetab bauninde.²¹ Aku kitebe kinyenda kile, "Konetindoni, kinget kele imwoe akinetisyo mu imanda, aku metiy chi , aku ineete iman aretab Jehovah. ²² Ara chamtoi ng'atutek kegoji kodi Kaisari nde olo?"²³Aku inai Jeso ng'olseng'wang' akileji kichega, ²⁴ "Aborwo dinarii, bo ng'oo itondoni ako sirutek chotnye?" Aku kile bo Kaisari.²⁵ Aku kileji kichega, "Agoji kaisari tuguuk chibo kaisari, akogoji Jehovah tuguuk chibo chibo Jehovah, ²⁶ Aku kimomuche kiname mwayanone mu taitab biiko, aku kikwong'io mu wolunenyi akisiisyo.²⁷ Aku kipkonji kinyenda sadukaik alak, kichega chimwoe kile momi ng'etye aku kitebe kinyende kile, ²⁸ " Konetindoni, kisirwech Musa kile, 'Nema wering'wang' chi, akutinye chepyose nyitomo kisich lakwa, kundiye wering'wang chepyosonone sikiloichi ma wering'wang'.'²⁹ Kimi anyu werik tisabu che kitupcho, aku kiobisyo weri nyibo tai, akima kimosich lakwa, ³⁰ aku kindiy weri nyibo aeny; ³¹ kile nyone ambo nyibo somok, akoi kile nyone ambo nyibo tisop, kiboku togol kimosich lakwa. ³² Aku kinebata kima ambo kinyile muraranone. ³³ Koyoin mu ng'etyee anyu kuloku chepyosetab ng'oo mu kichega? Amu kiop kichega togol ku tisop."³⁴ Kileji Jeso kichega, "Obisyo werikab betusyechu akugoitoi keib. ³⁵ Aku chekiite kele michini kunyoru betusyechoche pkoni, ako ng'etye mu chi kikubok, ki mmatuun ibisyo nda kegoito keob. Amu makumuche kibok akoi, amu kargeitu ako malaikain, aku kichega ku werikab Jehovah, amu werikab ng'etye.³⁷ Aku ng'etsoot che kikubok amu kiboru ambo Musa mu srutik cho tililen. Bani kikkisir akibo karti nya kilaye bani kikure kiptayat Kamuktaindetab Abraham, ak Kamuktaindetab Isak, ak Kamuktaindetab Jakobo. ³⁸ Kinyenda ku ma Jehovetab che kikubok, aku b chi sapsoot amu sapsoot togol mu kinyenda."³⁹ Aku kiwolji siriik alak kileji, "Konetindoni, kaimwa kikaram." ⁴⁰ Amu kima tikikany kichega kitebe kinyenda tebut aka togol kinyile.⁴¹ Aku kileji kichega, "Taptoi ano si kimwoe kichega kile, 'Kristo ku weritab Daudi? ⁴² Amu kimwa Daudi kinyenda mu bukuitab tyenwogikab kolosune, kile, 'Kileji kiptaiyande kiptaiyandenyu Tabe eunyu nyibo tai⁴³ Akoi aiy bunikuk kiloku Ng'echeretab kelyeguk.'⁴⁴ Kure anyu Daudi kinyenda Kiptiyande kulokundoi ano anyu werinyi?"⁴⁵ aku kimwoji anyu alamalyenyi kigase biiko togol kileji, ⁴⁶ "Aripgei mu siriik chi chame kibetote kiloche nguroik chi koen, akichame torochisyo mu siiro, ako ng'achorosyekab tai mu kanisosyek, ako kamaswek chibo tai mu tumwek; ⁴⁷ Akisare mosogik korikwak, akusoe satek cho koen kung'oolse; tuun nyoru chwechu kirwoge nyo ou kisiir."

Chapter 21

¹ Ako Kirk Jeso mogorek kugojine lolee konunoikwak kakochinoikwaak. ² Ak kiro anyu mosokee aka nyo kikibanania kugojine sentisiek aeny cho mengechen³ Ak kile amwowok iman ale kochoru kibanania cha chang kisiir chi tugul.⁴ Amu konemu chu togol mu chang'indang'wang' solo kigojini konunoik ako kakugoji kinyenda mu banandanyi togol cho katinye akob chikasabe⁵ Ama kingota kongololi alake akobo ole kikitektai ak kekararanda kapkorosie (hekalu) eng koik cho kororonen ak ole kikoitoi konunoik kole.⁶ Eng anyu tuguchu tugul oroti (otobene) ko tun Bwanei betusiek che mangetu koi akot agenga eng barakutab ake kiwirjini ingony tugul.⁷ Ako kikitebe keleji konetindoni logu tuguchoche ak kole nee kabarune yo machei kuriku tugu choche.⁸ Ak kiwalu kile oripkei si makibetok amu tun Bwoni biik cha chang eng kainenyu ak kobere (kole komwole) inyenda onai ole kakori betusiek amarub icheka.⁹ Kogeny ye tun ogas akobo ligosiek, bororiosiek chorsosiek ma cholio(maorogenso) amu kayam (kanyol) koborukei tuguchoche korok kosib kosulda asi kotonon kagesune.¹⁰ Komwaji anyu icheka kole tun komi luk. nyo bwoni bororie ake kosetini borororie ake ambo laitoria ake kosetini bouninde ake.¹¹ Ak kotoku anyu bororiosiek cho kondoni ( choeechen) chobo ingony ak kotoku rubosiek (kemeusiek) cho chang ak kobwa korotwo cha chang koboto kamuisosiek ak kaborunoik cha chang cho bunu kipsengwet.¹² Ago ngo tomo kotoku (kobitii) tuguchu tugul konemok konok eng euno kwak ak onyalilak ak komutak oba. sii nagokisiek ak korkorosiek komutik taitab alaitorinik ak baunik akobo kainenyu.¹³ Oyu ku baornat eng okwe.¹⁴ Oleku anyu chobo kchinotin eng mugulwekwok asi masib okerer met akobo ole owotundoi ngal.¹⁵ Amu akonok kuti ak ngomnate nyo memuche bunikwok tugul kota kotebenak kiy anan kota koratak (kokikohok) kotitirok.¹⁶ Amu nhwektok (altok) sigikwok akot tupchosiekwok koboto biikab orengwong ak chorondok ak kebar alak eng okwe.¹⁷ Ak kowechok (kosasak) biik tugul akobo kainenyu.¹⁸ Ako mabetei akot sumeiyo agenga nyo mi mati weikwok.v 19 Ako eng muita engwong onyoru sobonwekwok.²⁰ Ara anyu ye tun oker (oro) lugosiekab bororosiek kemut (koyomu) jerusalem onai ole kakorik ngemisienyi (kakesune). ²¹ Olebetie (ngoniji) omwechi tulonokab judea ak omanda cho mi kwenetab kokwo nyone (nganasanyone) ak konaba orit okwe chomi koronone (ememonone)²² Amu chu ko betusiekab mugetut (yaktae) si kobiit kosulda (kotoku) tuguk tugul che kikisir.²³ Bwoe eng icheka chetinye chereritos (chorere) eng betusiechoche amu biitu( biichindo) kolkolie nyoo eng ingony ak nerekek eng biiko.²⁴ Ak kobutio cha chang eng ngatibindab orwetabchok ak kemut che kakenam (lulenik) koba ole mi bororosiekab jerusalem akoi kosulda betusiekwak.²⁵ Asi kotoku (kobiitu) kabarunoik eng asista eng arawa ak eng kokelai (kechu) ak kotoku eng ingony kolkolindo (koromna) nyo korom eng boronosiek bekjine nyo mi kemute Ararai (nyanje) boeko komuldoik.²⁶ Ak komeiyo (koboku) biichi mugulelwo eng cholotio nyobo kaywesio amu kaywaetab tuguchoche bwoni ingony amu itimdime kimnatosiekab kipsengwetisiek.²⁷ Amu betunone kero nyu weritab chi kochoni eng boli eng kimnatetab torornate nyo o lilindonyi.²⁸ Ak ye kakiro anyu koyaekis tuguchoche tugul ongetmet (oyatmet) ekwok. otoben barak amu kakorik katia natngwong.²⁹ Ak kimwachi icheka kalewenoni kole oro mogoiywo ak ketik tugul.³⁰ yo kongarngaritu sosek (ingatio) onai ole kakoriku kosigie okwe.³¹ Kongeny onai anyu okweka ole yo koyaikis tuguchoche kokakoriku alaitornate baunatetab kamuktainde.³² Amwowok iman iman masiirtoi ibini ko masulda tuguchu togol.³³ Siirtoi kipsengwet ako ng'wony ako masiirtoi ng'alekchu.³⁴ Ako oripkei anyu okwekei si manyi mugulwekwok (kinyandi) sunondi, bokit, ak kaimutab sobetab betusiechu (konyachak) kochonjok kou meste(kombo).³⁵ Lenyone anyu kombe yaani maste chochini chi tugul nyo menye ongonyi komugul.³⁶ Oripse anyu betut ake tugul ak osoe si kobiit obelisie (otertisie) ak ochililie eng tugucoche bwoni ak otono taitab weritab chi³⁷ Ak kinetisie eng kapkorobu (hekalu) beti ake tugul bet ak kimandoi kemout ake tugul koweti kotebe tulwe nyo kigure tulwetab Emitik.³⁸ Kimishini inyenda biiko tugul eng kapkorosu si komuch kogas inyenda.

Chapter 22

¹ Kikakilegitit any tumdo nyibo makatinak che makiware biita, nyikukuree Paska. ² Aku kiwase anyu tisiik cho echen ako siriik wolo bartoi Jeso, ako kiywai kichega biiko.³ Aku kichut chesawil orititab Judas, nyi kikuguree Iskariot, nyi ki agenga mu taman ak aeny. ⁴ Kiwo Judas kung'alal ako tisiik cho echen, ako kiptainak, wolo aldoitoi Jeso mu kicheka.⁵Kiboiboitu anyu bichoche aku kichomnyeji kugoji kinyenda rapiya. ⁶ kicham anyu kinyenda , aku kiwas boroin nyomuche kwalda mu wolo ma legite biich.⁷ Aku kiit anyu betutab makatinak chimokiware biita, betu nyi kiyenye warwab kecha nyibo paska. ⁸ Kuyokta anyu Petero ako Juhana, kileji, " Aba anyu si achapkech amitwogikab paska si keam ." ⁹ Kileji, " Imache keba kechapee ano?"¹⁰ Kuwolji kichega kile, " Aroo, bani omong'jini nganase, akotuye chii nyakalabe torop beiy, arup kinyenda wolo weti agoi goot oriit. ¹¹ Aku omwoji chito nyibo goot oleji, ' Tebe konetinde kile mi ano gootab taek, wolo amuche aame paska kiboto koyoktoikyu?"¹² Kuborwok anyu goot nyo oo nyimi barak nyi chobotin tuguuk togol: acheb anyu mu wolone. ¹³ Kiba anyu , aku kinyoru kile wolo kikakemwoji. kicheb anyu amitwogik chibo paska.¹⁴ Aku kinemi bani kii sait, kitebi ng'wony kinyenda kuboto kayoktoikyi. ¹⁵ Akileji kichega, "Atinye magee nyo oo aam paskaini kubotok kitomo anyalil. ¹⁶ Akomwowok ale, ma koome kinyile agoi kusulda mu baunatetab Jehovah."¹⁷ Kinam Jeso kukombee, aki bani kikugoita kongoi, kile, " Anam nyi, akapchaichigei akwekee. ¹⁸ Amu amwowok kile, mo koyee kinyile chebo logoekab sabibuk agoi kiitu baunatetab Jehovah."¹⁹ Aku kinam makatyande, aku bani kikugoita kongoi, kibutil, akugoji kichega akileji, " Nyenyi ku bortanyu, nykukoitoi akubo akwee. Ai kile nyenyi sapkatena." ²⁰ Kinam kukombee kinyile bani kikuwany amitwogik chibo kaseleny, akile, " Nyenyi ku kukombe nyibo ararutye nyoleel mu karatikyu, chikitartoi akubo akwee.²¹ Aku amararte kikaram, mito eutab chito nyo aldoyo yweyu kuboto mu mesani. ²² Amu weti weritab chii kule bani kikagemakta. Aku pwo mu chichone aldoisye!" ²³ Kutou king'alal akwekee bungo akutebegei kibere si kele ng'o mu kichega nyoiye kile nyenyi.²⁴ Kung'eet kinyile poloto mu kichega akubo sikele ng'oo mu kichega nyo ou. ²⁵ Kileji kichega, "Laitorinakab koree ku kiptainak mu kichega, aku kimnate mu kichega keguree ayiik chibo tuguk chokororneen.²⁶ Aku masikyini kuloku nyenyi mu awee. Aku akany kuloku chii nyo ou mu akwe kikargeit ako chii kamining' aku kinyenda nyo ndoiye kaigei chii nyo otisye. ²⁷ Amu ii, ng'oo nyo oou, kinyeda nyi tebe mesa nde nyenda nyi boisyo? Ma kinyenda nyi tabee mesa? Aku amine kubotok aku anenda nyoiye boisye.²⁸ Aku akwee cheki katas tai kuboto ambo mu katyemutikyu. ²⁹ Kikachopkok baunate agob ntachopko ambo anenda aboonyu baunate, ³⁰ kile si neityo omisye akoiyese mu mesenyu mu baunatenyu, si tuun atebisot ng'echerokab baunate orwokyini ortinwek taman ak aeny chebo Israel.³¹ "Simion, Simion, marartee kikaram, maching' chesawil, kile sa sesing kile nganu. ³² Aku kikasoung kile kitimachunda kayaneng'ung', Bani kaiwechgei let kinyile, ikimit tupchosyekuk."³³ Kileji petero kinyenda, " Ki ptaiyat, achobot keba tuwai ne ko korkoret, nde kimeiwa." ³⁴ Kuwolji Jeso kile, " Petero, amwowung'ole, kutomo kichai kipsoiwo mu betunienyi, ku itoyo kinyil somok bere mengotoo."³⁵ Kimwoji anyu Jeso kichega kile, " Bani kioyoktok ku kimotinye lol,nde lengu, nde kweron, ibere kibetwok kiy?" ³⁶ Akumwoji kile, " Aku ra, nyitinye lole, ikany kwop, aku kile nyone ambo nyotinye lengu. Aku kinyenda nyimatinye rotwob chok ku agoi kwalda nguryenyi akwoljigei agenga.³⁷ Aku amwowok kile, kiyo kikisir akubo anee ku agoi kusulda, ' kikiit kinyenda ako kiptengekinek.' Amu kiyo kikisip kemwa akubo anee ku agoi kusulda." ³⁸ Kimwa kicheka kile, " Kiptaiyat, roo! mi yu rotonikab chok aenyu." kileji " Kikiyam.³⁹ Kimmong'u sang' anyu, akuwoagoi tulwetab Yemitik kile ataptanyi, aku kirup alamalye kinyenda. ⁴⁰ Kinemi bani kikiit woline, kileji kichega, "Asai si mochutok katyemutik."⁴¹ Kuwo taban katigin mu kichega wolo lee nekiwirta koi kuite,kugutuny akusai, ⁴² kile, "Aboo, ngicham iistoeno kukombani, aku ma kile magenyu, aku nguayak kile mageng'ung'."⁴³ Ako kimong'ji kinyenda malaikaiyandenyikibunu kipsengwet kicho kukimit kinyenda. ⁴⁴ Aku bani kimi kinyenda nyalilda nyang'wan, kutastai kisai ksob aku kikargeit kayotikyi ako keretichi tokjini ng'wony.⁴⁵ bani king'et mu saenyi,kucho wolo kimi alamalyenyi akunyoru kichega kurusoot amu cholotyo ⁴⁶ ako kileji kichega, " Amune soruiyo? ang'etyo kasai, si mochut katyemut."⁴⁷ Bani kitukumi kung'olole, aroo, kimong'u tuiye nyo ou kiboto Judas agenga mu taman ak aeny, kundojine kichega. Kucho kilegitityi Jeso sikileji asak. ⁴⁸ Aku kileji Jeso kinyenda, "Judas, kinye nyi kealda weritab chii mu asak?"⁴⁹ Ako kinero chikimi ako Jeso kiyo kiayak, kile, " Kiptaiyat , keyapichee mu rotwop chook?" ⁵⁰ Kiyap agenga mu kichega kiboityondop tisiindet nyo oukitil itinyi nyibo tai. ⁵¹ kileji Jeso, " Kikiyam nyone!" Kitiny itikai akusoop kinyenda.⁵² Kimwoji Jeso tisiik cho echen, ako kiptainakab hekalut, ako boisiek che kipka chi ki mamache kinyenda, kikapka kutung'onu rotwoip chook ako kurungus. Kileji , "Ngapka ako rotwoip chook ako kurungus, apkoni aname choriin? ⁵³ Bani kiomi ako akwee betu aka togol mu kanise, kikimanamanekwe. Aku saing'wong' nenyi iis, kimnate nyibo tuindo."⁵⁴ Kenam anyu kinyenda akemut kiwo agoi kotap tisiinde nyo ou. Aku kirup Petero kilou. ⁵⁵ Bani kikulai maat mu kwenutab got akutebi ng'wony togol, aku kitebee Petero kwenungwang'.⁵⁶ Kuro kiboityonde aka nye chepto mu lapkeiyetab maat, kimarar kikaram akile, " Kimi ambo chichi ako kinyenda." ⁵⁷ Kutiyo Petero akimwa kile " Chepyosoni, mongetine ambo kinyenda" ⁵⁸ Aku nyimatyana kinyile,kuuro chitaka kinyenda akileji, "Inye ambo agenga mu kichega." Kuwolji Petero kile, "Chichi, mobane bichooche."⁵⁹ Kinebata kiy nyile sait agenga, kileji chitaka, "Iman , kimi chichi ako kinyenda, amu Galilinde kinyenda." ⁶⁰ kileji Petero, " Chichi, monget kiyo imite imwoe." Banone kitikimi kungolole, kichai kipsoiwo.⁶¹ Kuwechgei anyu kiptaiyat, akuuro Petero. ako kipkaat Petero ng'olyondetab kiptaiyat, bani kileji kinyenda, " Kitomo kichai kipsoiwo rani, ku itoyo kinyil somok." ⁶² Kuwo Petero sang' akiriir mu ng'wonin.⁶³ Kutou biikai che kiname Jeso kumul akibir. ⁶⁴ Kutuch kinyenda konyin akilejini, " Ngor! kile ng'o nyi katuyung'?" ⁶⁵ Kimwa ng'alek chtya chayachen kimwaitae Jeso, akutongoe kinyenda.⁶⁶ Bani kikakiyeech kore, kuyumgei boisiek togol, tisiik cho echen, ako siriik. Kimit kinyenda kuwo kapkirwogeng'wang' ⁶⁷ akujeji, " Ngutii Kristo, imwowech." Aku kileji kichega,"Agop ndomwowok kumoyane ⁶⁸ Aku ngiti atebenak, kumowolu.⁶⁹ Aku king'ete ra akitas tai, kutabee weritab chii eutab tai nyibo kamuktae nyibo Jehovah." ⁷⁰ Kimwa togol kile, "Ara ii anyu weritab Jehovah?" kileji kichega, "Kikamwakwe ole aii kinyenda." ⁷¹ Ako kile kichega, "Tikemage nee baornate aka? Aku kikegas achega mu kotenyi."

Chapter 23

¹King'etyo anyu tuiye kimugul akimit Jeso kuwo taitab Pilato. ² Kutou kutaam kinyenda kile, "Kikinyoru chichi kinyere korenyo, akitaye kugoji kaisari kodi, akimwoe kinyenda kile ai Kristo laitoriande."³ Kitebe Pilato kinyenda kileji, " Iinye laitoriandetab Yahudik?" kuwolji Jeso kile, "kaimwa." ⁴ Kileji Pilato tisiik cho echen kiboto tuye togol kile, "Monyorji lelut chiichi." ⁵ aku kisimji ksob kile, " Kikinyere kinyenda biiko mu konetutikyi mu wolo togol mu Judea kutoune Galilaya akoi ambo mu wolyenyi."⁶ Ako kinegas Pilato ng'olyondonone nebo chichi Galili. ⁷ Kinenai kile bo kinyenda baunate nyibo Herod, kuyokta kemutyi Jeso Herod, amu kimi Jerusalem betusiechoche.⁸ Kinero Herod Jeso, kibaibait ksob amu kimeche kung'ete keny kuuro kinyenda, amu kikakigas tuguk chatyang akibo kinyenda, aku kimeche kuuro kwong'ute aka kwayak mu kinyenda. ⁹ Kiteeb Herod kinyenda mu ng'alek chatya akimowolji kiy. ¹⁰ Aku kiyongsoot tisiik cho echen ak sirik ak kutou kumuul kinyenda kiya.¹¹ Aku kiai kinyenda Herod kimining'it ak askarikyi ak kumulmul ak kilokyi ngurye nyakararan ksob akuwekyi Pilato kinyile. ¹² Aku kiloku Herod ako Pilato charwai kung'ete betunone, amu kikakisirgei kichega mu tai.¹³ Kuguur anyu Pilato tisiik cho echen ak baunik kiboto biiko kipka togol, ¹⁴ Akileji kichega, " Kamutwa chichi akamwayakwe kile nyere biik, aroo anyu, bani kiateb chichi tebut mu taing'wong' ku monyorji chichi lelut aka togol mu ng'alechoche kiatamekwe kinyenda.¹⁵ Olo, ambo Herod kinyenda; amu kawechwech kinyenda aku aroo nyu, mai kiy kinyenda nyinyoljine meet. ¹⁶ Kile nyone anyu, abire kinyenda akatyach." ¹⁷ (Amu ki yanat mu ng'atutye ketyach chito agenga mu betutab tuumdo).¹⁸ Aku kibolyo togol kibere, "Istee chichi akityokwech Barabba." ¹⁹ Barabba ki chi nyiki kakirat mu korkore akibo pchayate nyi kiai mu nganase, ako barisie.²⁰ King'ololji Pilato kinyile kimeche kutyach Jeso. ²¹ Aku kibolyo kinyile kile, "Kargaat kinyenda, kargaat kinyenda." ²² Aku kimwoji kichega kinyil somok kileji, " kainee, nee lalutye nyi kai chichi? Monyorji chichi lelut aka togol nyi nyoljine kima." Nyone anyu bani kakabir, atyoktoi kinyenda.²³ Aku kitas tai kibolyo kiya, kimache kile kekargaat. kibelisho anyu boloteng'wang'. ²⁴ Kitil anyu Pilato kirwoge kile bani kimoktoi kichega. ²⁵ Kutyach anyu kinyenda nyi kikaketorji korkoree mu kabesyet a rumisye. Akukoito Jeso kile wolo kimoktoi kichega.²⁶ Bani kitikimi kimite kinyenda, kinam simion kureninde, nyi kichone koree aka akukoji kinyenda kimurtoyonde kuib kirupe Jeso.²⁷ Aku kirupe tuye nyo oo nyebo biik kiboto chepyosok che woksoot akirirjinote kinyenda. ²⁸ Kuwekyigei Jeso kichega akileji, " Tibichu bo Jerusalem, kitimorirchane, orirchigei ak lagokwok.²⁹ Amu oroo, pkoni betusiek chi nemi tuun bere kichega, 'berurotin soonisiek, ako mootin chi mosikisyo, ako kitinai chi moreer chi.' ³⁰ Akutou kileji tulonoi, ' oluulchech', akileji kipteen, 'otuchech.' ³¹ Amu ne aiye ng'al chile chu bani nyaliil keti, kuleku nee anyu bani kikiyam?"³² Aku kimi meren aenyu kipng'okiin che kikimite kiboto kinyenda keba kegeet.³³ Bani kiitu woldo aka wolo kuguure "Terta" ku wolone wolo kikikargaate kinyenda kibote chorikai aeny, agenga mu kamastanyi bo tai, ak agenga mu kamastanyi bo katam. ³⁴ Kima Jeso kile, " Aboo, nyoji gaat amu monget kiyo aye." Kutou kipchaijigei nguroikyi mu biretab kura.³⁵ Aku kiyong'soot biik kurooti aku imi baunik kurorjini kinyenda kibere, " Kisoru biko alak . Kany kusorugei anyu kinyenda, ngiti Kristo nyibo Jehovah nyelewenot."³⁶ Kichurochur ambo askarik kinyenda, akilekitityi kinyenda, akugoji siki, ³⁷ akibere, " Neinye laitoriandetab Yahudik, ne mesarugei." ³⁸ Aku kimi sirutik barakutab metinyi che kikisir kele, "NYI KU LAITORIANDE NYEBO YAHUDIK."³⁹ kutou kuchurochur agenga mu kimng'okiinakai aeny kikakikargaat kile, " Meinye Kristo? sorugei kinyende akisorwech achega." ⁴⁰ Aku kar koong nyi aka kileji, " Meiyweinye ambo Jehovah, akimi kirwogee agenga? ⁴¹ Akubo iman kirwogee nyonyo amu kakikonech kile boisionikyo. Aku ma ai chichi kiy nya ngaya."⁴² Akimwa kile, " Jeso, aipkata tuun bani ichoni mu laitornateng'ung'." ⁴³ Kleji Jeso kinyenda, " Amwoung' iman ale, king'ete rani kemi tuwai Paradiso."⁴⁴ Aku ki wolo bo sait lo, kutou kiimen eme togol agoi sait sogol. ⁴⁵ Aku kimkileye asis. aku kibalak angee nyibo kapkoros kipkane aeny.⁴⁶ Kuwaach Jeso mu kote nyo ou kile, " Aboo, kagonor sabondanyu euneguk." Bani kimwa kile nyenyi, kima kinyenda. ⁴⁷ Aku kinero chemogetab kiplukotinek bogol kiyo kiayak, kulosu Jehovah kile, " Kibo iman chichi ksob."⁴⁸ Bani kinero tuiye togol chekimi kubaoriane kiyo kiayak, kuwektagei kuluchotagei tagat. ⁴⁹ Aku kichega togol che kinget kinyenda, ako chepyosoi che kirupe kinyenda king'ete Galili, kutonone taban kuroti tukuchwechu.⁵⁰ aku aroo, chito nyiki kugure Joseph, chito nyibo kapkirwok. Ki chii nyakararan kinyenda. Kimayan chichi tetutikwak ako boisieng'wang'. ki chii nyi kibo Arimatea, kokwetab Yahudik, aku kiwese kinyenda baunatetab Jehovah.⁵² Kiwo chichone wolo mi Pilato kuwo kusoom bortab Jeso. ⁵³ Kuwolune kucho ng'wony , akirte anga nyotilil, akikelepchi kebene nyibo koita, nyekitomo ketupchi chii.⁵⁴ Aku kibetutab kechapkei amu kikakirigu sabato. ⁵⁵ kikapka chepyosoi chi kimi akombo Jeso kurupu, aku kiiro kebene ako wolo kikikonorta bortanyi. ⁵⁶ Kuwektagei kiba kichop nyomdutek ako mwaita. Akumuuny mu betutab sabato kile bani mwoioi ng'atutye.

Chapter 24

¹ Ako karon mu betutab tai nyibo wiki, kipka agoi kererit, kutung'onu mwanik chong'utoi cho onyinyen che kikichabe. ² Kunyoru kikemilda koita mu kererit. ³ Kuchut oriit, aku manyoru bortab Kiptaiyat Jeso.⁴ Ak kingap monyoru borto, kukwong'io akubo nyone. Oroo anyu, kiyong'soot murenik aenyu mu wolo lekite kichega, cho kitinye nguroik cho talilebich. ⁵ Bani kitikimi kucholsoot chepyosokai akung'uruch togochikwak agoi ng'wony, kileji chepyosokai, " Amunee si tomi awese nyi sabe mu chikikimeiyo?⁶ Makimi yu, aku kikeng'et: anaan kiy nyikimwowok bani kitikimi Galilaya, ⁷ kibere akoi kekoji weritab chi eunekab bikab ng'oki, ak kekargat, aking'et mu betutab somok kinyile."⁸ kunaan anyu ng'alekyi. ⁹ Ak kuwektagei mu kereri akiba kimwoji ng'alechu togol taman ak agenga ako alak togol. ¹⁰ Ki Maria magdalena, Joanna, Maria kametab Jakobo, ako chepyosok alak chekimi kibote kichega chekimwoji che kiyoktoi ng'alechoche.¹¹aku kiiro bichoche ng'alechoche kile tongoi aku kimayan chepyosochoche. ¹² aku king'eet Petero akulabat akoi kereri, king'urukso, akimarar oriit, kuuro nguroik kibat. Kuwechigei Petero gaa kukwong'ote mu kiyo kiayak.¹³ Oroo anyu, kibeti kichega aenyu betunone kokwe aka nye kikuure Emau, nye kibandaab mailisiek tisop king'ete Jerusalem. ¹⁴ kimi king'ololjinegei akubo tuguchwechu togol kioyogis.¹⁵ Kimi kile nyi, bani kitiking'olole, akitebtebegei tugun, kicho Jeso kirikyi kichega akiba togol. ¹⁶ Ako kigar kiy konyekwak simanai kinyenda.¹⁷ Kileji Jeso kichega, " nee ng'alechu ang'ololekwe aenyu akobeti?" Kutononio kineregotin. ¹⁸ Kuwolji aka mu kichega nye kikukuree Kleopa, akileji, " Iinye too kityo mu Jerusalem nyi menget tuguk che kioyogiis mu woline betusyechu?"¹⁹ Kileji Jeso, " Nee tuguukchuche?" Kileji, "Tuguuk chekioyogis akubo Jeso nyibo Nazaret, nye ki maotio nyekioye kwong'ut choechen, ako ki konetinde nyo ou mu taitab Jehovah ako biiko togol. Ako kikoito tisiik choechen ako kirwogik, akerwokyi kirwoke nyibo mei akekargat kinyenda.²¹ Aku kikimong'u kele kinyenda nyotioche Israel. Ee, akinyesire togol, ku ra ku betutab somok king'ete kwoyogis ng'alechu.²²Aku kinyile, kugonech chepyosok alak chi cham kemi togol kwong'utye aka bani kikamusta kereri karoon. ²³ Bani kimonyoru bortanyi, kipka kuboronu, kiiro kinyile ng'ong'ut kubunu malaikain chekimwa kile sabe kinyenda. ²⁴ Aku kiba akoi kereri murenik alak che kikimi togol akunyoru kile bani kimwoji chepyosokai. Ako kimaaro kinyenda."²⁵ Kileji Jeso kicheg, " Ee, solwoichu, aku aye mutyo muguleikwok kuyan mu tuguk togol che kimwa maotik! ²⁶ Kimonyolji Kristo kinyalil mu tuguchu sikiwo agoi torornatenyi?" ²⁷ Aku kitou king'ete Musa ak mu maotik togol, aku kiborji kichega mu sirutik togol ng'alek akibo kinyenda.²⁸ Aku kinerikta kokwe wolo kibeti, kuwo Jeso kile mache kusirto. ²⁹ Ako kisoom kichega kile, "Tebe kibotech amu kikirikta kiimen." Aku kiwo Jeso kitebi ako kichega.³⁰ Ak bani kitebi togol ng'wony si kwomisie, kinam makatyande, akiberur, akubutil akugoji kichega.

³² Kilejigei kichega, " Kimoloyotin muguleiwekyo kineng'ololwech mu aree, bani kuyotwech sirutik?"³³ Ak king'etyo sainone akiwektagei Jerusalem. Kutuyo ako taman ak agenga kururuchagei ako che kimi ako kichega, ³⁴ kimwoe kile, " Kiking'eet Kiptaiyat ksob, ako kiborjigei Simion." ³⁵ ako kimwoji ng'alek che kiiyogis mu aree, ako wolo kinaita kichega Jeso bani kubutile makatia.³⁶ Bani kitikimi kimwoe ng'alechu, kutonon Jeso kinyenda mu kwenung'wang', akileji kichega, " Ngimi kalye kibotok." ³⁷ Aku kicholyo akuyweisyo akubere kichega kiro tamirmir.³⁸ Kimwoji Jeso kile, " Amunee socholye? Aku aunee sikimong'u tebutek mu muguleikwok. ³⁹ Aroo eunekyu ako kelyekyu sanai kile ai kinyenda. Atiinyo akarota. Amu matinye tamirmiryo banyek ak kowoi, kile bani oroto atinye." ⁴⁰ Bani kikimwa kile nyenyi, kuborji kichega eunekyi ako kelyekyi.⁴¹ Aku kitomo kuyan kichega amu boiboiye nyikitinye ako kwong'utek. Kileji Jeso kichega, " Otinye kiyo kyome?" ⁴² Kugoji kinyenda komos nyibo samakya nyikikiwatan, ⁴³ kinam kinyenda akwaam mu taing'wang'.⁴⁴ Kileji kichega, " Chwechu ng'alekyu chekiamwowok bani kiomi ako akwee, kile togol che kikisir mu ng'atutek chebo Musa ako maotik ako mu tienwogikab kalosune akibo ane ku agoi kusulda."⁴⁵ Kiyat anyu ng'omnotoshekwak sikinyoru kinai sirutek. ⁴⁶ Kileji kichega, " Ako kikisir kele yamagei kinyalil Kristo akung'eet kinyile mu chekikubok mu betutab somok. ⁴⁷ Yamagei anyu kemwaita akibo sugune ako nyoetab gaat chibo ng'okiswogik mu kainenyi mu koorotinwek togol, kutoune Jerusalem.⁴⁸ Aikwee baorinak chebo tuguchu. ⁴⁹ Aroo, ayokwok kayomisetab Aboonyu. Ak ang'otu mu nganase agoi kelokwok kimnate nyobunu barak."⁵⁰ Ako kindoiji Jeso kichega agoi kiit wolo legite Betania. Kwop eunekyi barak akuberur kichega. ⁵¹ Ako kiayak kile nyi, bani kitikimi kuberure kichega, kimete kichega akekalab kuwo barak kipsengwet.⁵² Kutou kulosu kinyenda akuwektagei Jerusalem mu boiboiye nyo ou. ⁵³ Ako kimi knise betusiek togol kulosu Jehovah.

John

Chapter 1

¹ Mu taune ku kimito ng'olyo, aku kimito ng'olyonte mu Jehovah, aku ki Jehovah ngolyonte. ² Kimi kinyenda ako Jehovah mu taune. ³ Kiku aiy tuguk togol mu kinyenda; aku momi kiy ambo agenga nyiki biitu nyimomi kinyenda.⁴ Mu kinyenda ko kimi sabonda, aku sabondanone ku ki lapkeiyetab biiko. Aku kikwenye lapkeiye mu tuindo, akumamukta tuindo lapkeiyonone.⁶ Kicho chii nyokiyoku Jehovah nyikikugure Johana. ⁷ Kicho chiichone kuloku baoryande, si kubauryonji lapkeiye, si neityo kuyan biiko togol mu kinyenda. ⁸ Ki ma lapkeiye kinyenda , aku kicho si neityo kubaoryan akibo lapkeiyonone.⁹ Kimi lapkeiye nyibo ksob , nyi choni ng'wony , nyokwong'jini chii togol.¹⁰ Kimi ng'wony kinyenda, aku kikuaiy ng'wony mu kinynda, aku kimanai ng'wonyu kinyenda. ¹¹ Kicho akubo chachii, aku kimataach kinyenda biikchi.¹² Aku togol chikitaach kinyenda, ku kigoji kamuga kuloku lagokab Jehovah, kichega cho yane kainenyi, ¹³ che kimokisich me kereti, nde mu magetab borto, nde mu magetab chi, aku mu Jehovah.¹⁴ Aku kiloku ng'olyonde borto, aku kimong'isho kibotech. ( Ako kiguroo torornatenyi, torornate nyakargei ako nyobo nyikikisikch kiyenda kityo kubunu Aboo), kunyitat kororindo ako imanda. ¹⁵ Kibaurian Johana akibo kinyenda akuwaach, kile, " Kinyenda nyenyi amwoitoi ale, ' Kinyenda nyorupko, kuloku nyibo tai mu ane, amu kimi tai kinyenda mu ane.' "¹⁶ Amu kikitach achee togol mu kanyitenyi ako korrindo mu kororindo. ¹⁷ Amu kikugonu ng'atutye mu Musa, aku kororindo ako imanda ku kicho mu Jeso Kristo. ¹⁸ Momi chii nyikiguro Jehovah akoi, Jehova weri kityo nyiking'ong'wech nyakikisich kityo, nyami tagetab Aboo.¹⁹ Aku nyenyi ku ki baornate nyibo Johana, bani kiyoku Yahudik tisiik ako lawik wolo kimi kinyenda sikitebe kile, " Iinye ng'o?" ²⁰ Aku king'any kinyenda, aki matai, aku king'any kile, " Moiine Kristo." ²¹ Aku kitebe kinyenda kile, "Ara inye ng'oo anyu? II Elijah?" Aku kile , " Mo ii kinyenda." kileji, " Ara iinye maotio?" Kuwlu kile , " Olo."²²Akoi kileji anyu kinyenda, " Ara iinye ng'oo, sikemuch kewolji kichega chikiyokwech? Imwoe nee akibo kinyende?" ²³ Kile, " Aii kotetab chii nyowoche mu surkwen 'Achul aretab kiptaiyande' "²⁴ Alak anyu chekikuyoku ko ki Parisaik, ²⁵ aku kitebe kinyenda kile, " Amune anyu sibatisanisie neme ii anyu Kristo nde ku Elijah, nde ku maotio?²⁶ Kuwolji Johana Kichege kile, " Abotisanisie mu bei. Aku mu kwenung'wong', kuyonye chi nyimongetikwe. ²⁷ Kinyende nyorupko, ku momuche ambo atyach borowinekab kweronikyi." ²⁸ Kioyokisot tuguchu mu Betania mu kamasina bo Jordan, wolo kibotisanisie Johana.v 29 Mu betu nyikirupe kuro Johana Jeso kuchoni wolo kimi kinyenda kimwa kile, " Aroo, Warwab keche nyibo Cheptailel, nyoibe ng'okistab ngwony! ³⁰ Kinyenda nyenyi nyekiomwoe kile, 'Kinyenda nyorupko ku ou kusiro, amu kimi tai mu ane.' ³¹ Aku kimonget kinyenda, aku sikemuch keborte kinyenda mu Israel kile kyacho abotisanisie beek."³² Kibaorian Johana kile, " Kiaroo Tamirmirye kuwolu mu kipsengwet kile cheptuge, kicho kitabe kinyenda. ³³ Kimanai kinyenda, aku kinyenda nyekiyokwo abotisanisye mu bei kilejo, ' Kinyenda nyikiro Tamirmirye kuwolu akuyong'e, ku kinyenda nyibatisanisye mu Tamirmirye Nyotilil.' ³⁴ Kiaroo aku abaoriane kile nyenyi ku Weritab Cheptailel."³⁵ Kinyile, mu betu nyikirupe, bani kutonone Johana ako kasubikyi aeny, ³⁶ Kuro Jeso kuwetote, kimwa kile, " Aroo, warwap keche nyibo Cheptailel!"³⁷ Kigas kinyenda kasubikai chi aenyu kimwoe kile nyine akutou kurp Jeso. ³⁸ Kuwechgei Jeso akuro kichega kurupe kinyenda akileji kicheg, " Amikwe awosote nee?" Kuwolu kichega kile, "Rabbi" ( nekuwech kebere "Konetin"), " Itebenye ano?" ³⁹ Kileji kichega, " Apka aroo." Kipka anyu kuro wolo kitabee kinyenda; kitabe kiboto kinyenda betunone, amu kikakuriikta kuit sait taman.⁴⁰ Agenga mu kasubichoche aeny chikikgase Johana kung'olole akurup Jeso ku ki Andrea, weritambo Simion Petero. ⁴¹ Kisip kunyoru nyabe tai wering'wng' Simion akileji, " Kikenyoruche Mesia" ( Nyinekuwech ku "Kristo"). ⁴² Kumutu kinyenda wolo kimito Jeso, akuro Jeso kinyenda akileji, " Iinye Simion weritab Johana. Akoi kekureing' Kepa" ( nyi nekuwech ku "Petero").⁴³ Betu nyikirupe, bani kimache Jeso kimang'ta kuwo Galili, kunyoru Philipu akileji, "Rupka." ⁴⁴ Banone nyikichone Philipu Betsaida, koroob Andrea ako Petero. ⁴⁵ Kunyoru Philipu Nataniel akileji, " Kikenyoru kinyenda nyekisir Musa mu ng'atutek ako maotik: Jeso Weritab Joseph nyibo Nazaret."⁴⁶ Aku kileji Nataniel kinyenda, " Muche kuchone kiy nyakararan Nazaret?" Kumwoji Philipu kinyenda kile, "Choo si roo." ⁴⁷ Kinero Jeso Nataniel kichoni wolo mi kinyenda, akimwa akibo kinyenda kile, " Aroo Yahudinde kisob, nyimatinye berberye!" ⁴⁸ Kileji Nataniel kinyenda, " Kenaena nee?" Kuwolji Jeso kileji, " Karoting' bani imi mogoywo kel, bani tomo kuguring' Philipu."⁴⁹ Kuwolji Nataniel kile, " Rabbi, iinye Weritab Jehovah; iinye Laitoriandetab Israel!" ⁵⁰ Kuwolji Jeso kinyenda kile, " Bani kolejing' ' Karoting' imi mogoywo kel, itou iyan? Tuun iroti tuguk cho echen chosire chu." ⁵¹ "Amwowok kisob kisob ale, tuun aroti kipsengwet kiyotage, ako kilonye malaikain chibo Jehovah akuchorchigei Weritab chi."

Chapter 2

¹ Mu betu nyibo somok, ku kimi katunisyo nyikimi Kana nyibo Galilaya, aku kimi woline kametab Jeso. ² Kikakitach Jeso kiboto kasubikji mu katunisyonone.³ Kinemi bani kirarta divaik, kileji kametab Jeso kinyenda, "Makitinye kichega divaik," ⁴ Kileji Jeso kinyenda, "Chepyosani, Kitiyegei nee ako kinye? Tomo kuit saitinyu." ⁵ Kileji kame otwogik, kiy aka togol nyamwowok aaiy."⁶ Aku kimi woline tarenik lo cho echen chebo beek, chebo koik, kile ateptab katililetab Yahudik, u kiyame aka togol debaisiek muut nde ku lo. ⁷ Kileji Jeso kichega, "Anyiit beeko terenichoche." Kunyiit anyu ksob. ⁸ Akileji, "Asiil anyu ra akoipchi nyo ou nyebo tuumdo" Kuipchi anyu.⁹ Aku kinechamcham nyo ou nyibo tumdo beeko chikikuloku divai, akimanai wolo kibunu (akukinget otwogik che kasiile peek), kuguur nyo ou sande ¹⁰ akileji, "Goitoi chii togol divaik chokororeen korook, akinemi bani kikiya biiko, kugonu chima kororneen: kaigonor inyee chokororneen akoi sai."¹¹ Taune nyenyi nyibo kaborunoikji che kiaiy Jeso mu Kana nyibo Galilaya, aku kibortoi torornatenyi, aku kiyan kinyenda alamalyenyi.¹² Kinebata nyenyi kuwo Kapernaum, kiboto kamenyi ako chetupcho, ako alamalyenyi: akibeen mu woline betusiek chi matyana.¹³ Aku kikakiriiku pasaka nyebo Yahudik, aku kilang'ta Jeso Jerusalem . Akunyoru kitabisoot mu Hekalu chekialdoi eik, ako kechirek ako cheptugenik ako wolikab chepkondoi:¹⁵ Aku kiai siteetab anook chekisach, akuoon togol kiman'gta mu Hekalu, kiboto kechirek ako eiik, akitarta chepkondok chebo walik akugobui mesosyekwak. ¹⁶ Akileji kichega cheki aldoi cheptugenik, " Aib tuguchu kiba mu woli; Aku tumaita gotab Abonyu kuloku siro."

¹⁸ Kiwolji anyu Yahudik kileji, "Iboruech kaborune nyono, amu iyanye tuguchu?" ¹⁹ Kuwolji Jeso kile, "Abut Hekaluni aku ang'ete mu betutab somok."²⁰ Kile anyu Yahudik, " Kikitech ache Hekaluni mu kanyisiek Artam ak lo, akiberenye ang'ete mu betusiek somok?" ²¹ Aku king'olole kinyenda Hekalu nyi nyone ku bortanyi. ²² Aku bani kikung'et kinyenda mu meet, kupkaat anyu alamalyenyi kile kikamwa kile nyenyi, aku kiyan kichega sirree, ako ng'olyonde nya kikamwa Jeso.²³ Bani kitikimi Jerusalem mu tumdab pasaka, kuyan biiko chatya kainenyi bani kiiro kaborunoik cheki aiy. ²⁴ Aku kimayan Jeso kichega amu kinget kichega togol, ²⁵ aku amu kima kimage kiy chi nyabaoriane akibo chii aka; amu kinget kinyenda kiy nyami ariitab chi.

Chapter 3

¹ Kimi chi nyibo Parisaik nyiki kugure Nikodemo, ki bauninde nyikibo Yahudik. ² Kicho chichone wolo kimito Jeso kemoi, akileji, " Rabbi, kunget kele ii konetinde nyibunu Jehovah, aku momi chii nyoiye kaborunoichu iiyenye, ngiti momi Jehovah kiboto kinyenda."³ Kuwolji Jeso kile, " Amwaung' kisob ale, nemokisich chii mu sigee nyoleel, kimomuche kuro Laitornatetab Jehovah." ⁴ Kileji Nikodemo kinyenda, " Kisiktoi ano chii kinyile bani kikuyosiit? Muche kuwektagei moetab iyonyi sikesich kinyile?"⁵ Kuwolji Jeso kileji, " Amwoung' kisob ale, nemakisich chi mu beek ako Tamirmirye Nyotilil, ku momong'jini laitornatetb Jehovah. ⁶ Nyi kikisich mu borto ku borto, aku nyi kikisch mu Tamirmir ku Tamirmir.⁷ Kutumekwong' amu kamwoung' ale magaat kesichok mu sige nyolel. ⁸ Kuute koris wolo mache; igase tugenyi, aku memuche inai wolo chone nde ku wolo weti. Ara le nyone ambo chii nyikisiche mu Tamirmirye nyotilil."⁹ Kuwolu Nikodemo akileji kinyenda, " Pkondoi ano tuguchu?" ¹⁰ Kuwolji Jeso akileji, " Iinye konetindetab Israel, aku memuche inai tuguchu? ¹¹ Amwoung' kisob ale, kiwoe kiyo kunget, akebaorian kiyo kuroti. akumoyene baornatenyo.¹² Ngomwowok tuguk chibo ng'wony akumoyene ii, ara omuktoi ano ngomwowok tuguk chibo kipsengwet? ¹³ Momi chii nyikikulang'ta kipsengwet kibate weritab chii nyikiwolu mu kipsengwet.¹⁴ Aku kile bani kikargat Musa erene mu suurkween, ku akoi ambo kekargat weritab chii kile nyone, ¹⁵ si neityo kunyoru chii togol nyiyane kinyenda sabondab koigeny.¹⁶ Amu kicham Jehovah Ng'wony kisob, akoi kugoita werinyi nyikikisich kityo, si mabet chii aka togol nyoyene kinyenda, aku sikinyoru sabonda nyibo koigeny. ¹⁷ Amu kimoyoku Jehovah werinyi kucho kurwokji ng'wony, aku si kusoru ng'wony mu kinyenda." ¹⁸ Ma kirwogjine chii nyi yane kinyenda: aku chii nyi mayane kinyenda kerwogjine, amu mayan mu kainetab weri agenga nyibo cheptailel.¹⁹ Aku nyenyi kirwoge, amu ki chonji lapkeiye ng'wony, aku kicham biiko tuin kisiir lapkeiyo, amu kiyachen boisionikwak. ²⁰ Amu chii aka togol nyo iiye nyangaya, ku machame lapkeiyo, aku mochoni kinyenda wolo mi lapkeiyo si motoku boisyonikji. ²¹ Kile nyone anyu, choni wolo mi lapkeiyo kinyenda nyo iiye imanda, si neityo keborta boisionikji kele ki aiy mu Jehovah."²² Kinebata nyone, kuwo Jeso kiboto alamalyenyi akoi koretab Judea. Aku kiben betusiek chatya mu woline kubotisanisie. ²³ Aku kibotisanisye ambo Johana mu Aenon, wolo kilegite Salim, amu kimi beko chatya woline, aku kipka biiko kebatisan. ²⁴ Amu kitomo kerat Johana mu korgore.²⁵ Kipka anyu tebutek mu alak chibo karupikab Johana ako Yahudionde akibo katilile. ²⁶ Kiba wolo mi Johana akileji kinyenda, " Rabbi, botisanisye kinyenda nyi kiomi tuwai mu Jordan kamasii, nyekibaoryanenye akubo kinyenda , akupkonjine kinyenda biiko togol."²⁷ Kuwolji Johana kile, " Momuche kitaach chi kiy ne makigoji mu kipsengwet. ²⁸ kyobaoryanji akweka bani kikamwa ale, ' mo ii Kristo', ako abere kikuyokwo andoune kinyenda.'²⁹ Sande kinyenda nyatinye murare. Aku baibai kisob charwetab sande, nyi tonone kigase kinyenda, amu kotetab sande:suldayat anyu boiboiyenyu. ³⁰ Magat kinyenda kitas kuyetu aku amining'ite anenda.³¹ Kindo kinyenda nyibunu barak kisiir togol. kinyenda nyibo ng'wony, kung'olole chibo ng'wony. Aku kinyenda nyichone kipsengwet ku kiindo kusir togol. ³² Baoryanjine kinyenda kiyo kiro ako kiyo kigas, aku momi chii nyiyane baornatenyi. ³³ Kinyenda nyitoche baornatenyi ku kikugoji ng'ong'senyi kile bo iman Jehovah.³⁴ Amu kinyenda nyiiyoku Jehovah ku ng'olole ng'alekab Jehovah. Amu mo konu kinyenda Tamirmiryenyi mu karaiwo. ³⁵ Chame aboi weri aku kikugoji kiy aka togol eunyi. ³⁶ Amu chi aka togol nyi yane weri kitinye sabondo nyibo koigeny, aku kinyenda nyi ma yane weri ku moroti sobon, aku tebe nerekwekab Jehovah barakunyi."

Chapter 4

¹ Kinemi bani kinai Jeso kile kikigas Parisaik kile kikwai Jeso biiko kuloku karupikji ak kubotisane chesire chibo Johana ² (aku ki ma Jeso nyikibatisanisye, aku ki karupikji), ³ king'et mu Judea akuwo kinyile Galilaya.⁴ aku kimagat kubun kinyenda Samaria. ⁵ Kiit anyu nganasetab Samaria, nyikigure Sykar, nyilegite koore nyikigojini Jakobo werinyi Joseph.⁶ Aku kimi woline kebenetab bei nyibo Jakobo. Kitabe anyu Jeso wolo legite kabenetab beko amu chosindap bandanyi. Ki wolo bo sait Lo. ⁷ Kucho chepyoso nyibo Samaria kuram bei: kileji Jeso, "Gono bei aiya." ⁸ Amu kikaba karupikji nganase kwal amitwogik.⁹ Kileji anyu chepyosekai bo Samaria, "Katepto ano si somo bei chekiye akiinye Yahudio akoine chepyoso nyibo Samaria? (Amu kimanamagei Yahudik ako Samariek). ¹⁰ Kuwolji Jeso kileji, "Nde kenget konune nyibo Jehovah, ako kinyenda nyalejining, 'Gono bei aiya' katakakisom kinyenda aku katakakugoning' bekab sabon."¹¹Kileji chepyosekai, " Kiptaiynde, metinye kiyo kisile beko akulou kabene. Inyorjininye ano anyu bechoche bo sabon? ¹² Ii ounye kisiir aboonyache Jakobo nyikigoneche kabenoni, nyakiye kinyenda ako werikji kiboto tuukji?"¹³ Kuwolji Jeso kileji, "Aka togol nyaiye bechu kitikwome malal kinyile, ¹⁴ aku aka togol nyaiye beko chogojini, ki makwome malal akoi, aku loku beeko cho agojini kong'tab bei mu kinyenda, chi kuutu akoi sabondab koigeny."¹⁵ Kileji chepyosekai, " Kiptaiyande, gono bechoche si makwomo malal aku makachoni arame bei mu woli lou." ¹⁶ Kileji Jeso, "Ui akigur bondeng'ung' akapka yweyu."¹⁷ Kuwolji chepyosekai kile, "Motinye boiyo." Kileji Jeso , "Kaimwa kikaram kile metinye boiyo, ¹⁸ amu kikitabe ako boisyek muut aku kinyenda nyomi tuwai ki ma bondeng'ung'. Kiyo kaimwa kibo kisob."¹⁹ Kileji chepyosekai, " Kiptaiyandani, kikaroo ale ii maotyo. ²⁰ Kisoe abootinakjo mu tulwoni; aku aberakwe Jerusalem ku wolo magat kisae biiko."²¹ Kileji Jeso kinyenda, " Yana, choni sait nyimakesoe Aboo mu tulwoni, nde ku Jerusalem. ²² Asoe akwe nyi monget, aku kisoe ache nyikunget, amu bunu yetune Yahudik.²³ amu choni sait, aku kikuit ambo ra, bani soe Aboo soik chibo iman mu Tamirmirye Nyotilil ako imanda: amu wosote Aboo chi lee choche kuloku chisoe kinyenda. ²⁴ Jehovah ku Tamirmirye, aku magat biiko chi soe kinyenda, kisa mu Tamirmirye ako imanda."²⁵ Kileji chepyosekai, "Anget ale choni Mesia (nyikigure Kristo): necho kinyenda, kimwowech tuguuk tgol. ²⁶ Kileji Jeso kinyenda , "Ai kinyenda nyomi ang'ololung'."²⁷ Kipka anyu karupikji aku kikwong'io amu king'olole ako chepyoso, aki momi chi nyikimwa kile, "Wase nee?" nde "Amunee siking'alal ako kinyenda?"²⁸ Kibakagta anyu chepyosekai tarenyi nyibo bei akuwo kokwe akimwoji biiko kile, ²⁹ " Apka aroo chiito nyi kakimwowo tuguuk togol chi ki ai akinya. Ara Kristo nyenyi?" ³⁰ Kimong'u anyu mu kokwe akipka wolo kimi kinyenda.³¹ Kinetikipkoni, kisom kasubikji kinyenda kile, "Rabbi, amisye." ³² Kileji kichega, "Atinye amitwogik cho ame chimongetikwe." ³³ Kilejigei anyu karupikji, "Ara kikiipchi chii kiy nyi kaam?"³⁴ Kileji Jeso, "Amitwogikju ku aiy magetab kinyenda nyikiyokwo, akatar boisyenyi. ³⁵ Momwoye akwe kile, 'Tomo arawosiek ang'wanu sikiit kasisye?' Aroo, amwowok ale, amararte kira akaroo mbarenik, kikilelagitu , kikiyam kekas! ³⁶ Kinyenda nyikase kinyoru melekto akururuch logoek chibo sabondab koigeny, si neityo kibaibaitu tuwai, kinyenda nyikole ako nyikase.³⁷ Amu bo kisob mwayani, amu, koole aka, kikase aka. ³⁸ Kayoktok anyu akas chimonyalilji. Kikinyalilji alak akikanam akwe togolindab boisyeng'wang'."³⁹ Kiyan anyu kinyenda Samarinak chatya chibo kokwonone amu ng'olyondetab chepyosonone nyikibaorian kile, "Kimwowo tuguk togol chi kiaiy akinya." ⁴⁰ None anyu, kinepkonji kinyenda Samariek, kisom kile kitebi kiboto kichega: akiben mu woline betusiek aeny.⁴¹ Amu kiyan alak chatyang' amu ng'olyondenyi. ⁴² Kileji chepyosekai, "Kiyene banienyi aku ma mu ng'olyondeng'ung' aku kikegasyigei akenget kisob kele nyenyi ku Yetindetab ng'wony.⁴³ Aku kinebata betusychoche aenyu, king'eet mu wolone akuwo Galilaya. ⁴⁴ Amu kibaorian Jeso kinyenda kile, " Matinye maotiondo tegis mu korenyi." ⁴⁵ Aku kinecho anyu Galilaya, kitaach kinyenda bikab Galilaya ku kikaguro tuguk togol chi ki aiy kinyenda mu Jerusalem mu tumdo, amu kikaba kiboto kinyenda tumdo.⁴⁶ Kicho anyu kinyile Kana nyio Galilaya, wolo kiwole bek kuloku divai. Aku kimi kiboityonde aka nyibo kaplaitoria nykimnyone werinyi mu Kapernaum. ⁴⁷ Kinegas kile kikimong'u Jeso mu Judea kicho Galilaya, kuwo wolo mi kinyenda akusoom kuchorugei ku sobon werinyi, amu kilegit kima.⁴⁸ Kileji anyu Jeso kinyenda, " Ngutu maroo kaboruneik ako kwong'utek kumoyene matiny." ⁴⁹ Kileji kiboityonde, "Kiptaiya, chorugei kitomo kima lakwenyu." ⁵⁰ Kileji Jeso kinyenda, "Uinye, sabe weringung'." Kuyan anyu chichone ng'olyonde nyikikamwoji Jeso akuwechigei.⁵¹ Aku bani kitikichortogei, kutuyo ako otwogik akileji, "Sabe wering'ung'." ⁵² Kitebe anyu kile, kakaigaitu kityana?" Kileji anyu biichoche, "Kibagakta kinyenda esse amutun sait tisab."⁵³ Kinai anyu aboi kile ki sainone nyikimwojini Jeso kilejini , "Sabe wering'ung'." Kiyan anyu kinyenda kiboto gonyi togol. ⁵⁴ Nyone kaborune nyibo aeny nyiki aiy Jeso king'ete kimong'u mu Judea kucho Galilaya.

Chapter 5

¹ Kinesiirto tuguchu , kucho tumto nyobo Yahudik, aku kiwo Jeso Jerusalem ² Aku mi tabar Jerusalem nyokuguree Betesda mu koteetab Hebranik nyi legite kirgetaab kechirek nyi kitinye chepkaterusyek mut. ³ Kiruusot mu wolone biik chatyaang' che kimnyansot, chepkorotin, cho ng'wolsoot, ako chekimeitoi borwek, che kinoobe kebalji bei.⁴ Amu kicho malaikaiyatab Kiptaiyat tabarta betusiek alak, kicho kibal beek si kesobone chii togol nyosib kochute akuwashigei bei mu miondo akatogol nye kating'e.⁵ Aku kimi yonee chito age nyokikimnyaan kenyisyek Sosom ak Sisit., ⁶ Aku kineero Jeso chiichone kurwee, akinai kile kilee nyone kenyisiek chatyaang' kileji, "Imeche kesoboning'?"⁷ Kuwalji chichone kileji, "Kiptaiyandani , motinye chii nyotorjinoo tabarta newosugei beek, nomi achoni kusiib kuwo chiito aka. ⁸ Kileji Jeso anyu, "Ng'eet iib kitoking'ung' akiwo.⁹ Kisob chigai banone, akinam kitokinyi akiwechigei.¹⁰ Kileji anyu Yahudik inyende nyokikusobon, " Betutaab sabato nyenyi, machamaat mu ng'atutik iib kitoking'ung'." ¹¹ Kuwolji kicheeka kileji, "Kamwowo kinyende nyokosobono kilecho iib kitoking'ung' akiwo.¹² Kitebee anyu bichochee inyende kileji, "Ng'oo chichone komwoung' kile iib kitoking'ung' akiwo?" ¹³ Aku kimanai kinyende nyokikusobon kile ng'o amu kikakiwechigei Jeso amu kimi biiko chatya wolone.¹⁴ Kinesirto nyone, kinyorji kinyenda kapkoros ak kileji, "Ang'ii, kakesobing? Iroo mati aiy ng'oki simochoonjing' kiy aka nyosire nyone. ¹⁵ Kiwo anyu chichone, ak kimwoji Yahudik kileji Jeso nyokisobon inyenda.¹⁶ Ki iim anyu Yahudik Jesu amu ng'olyondonone amu kyai tukuchu mu betutab sabato. ¹⁷ Aku kiwolji Jesu kileji, " Boisie Aboo akoi betusiek togol, ak aboisienee ambo." ¹⁸ Kiwaas anyu Yahudik kele kebar kinyenda amu nyonee amu kimakonyit betutaab sabato aku mwoe kile Jehovah Abonyi, akwaitagei kikargeit ak Jehovah. Kimwoe Jeso kile tiyegei kinyenda Aboo.¹⁹ Kiwolji anyu Jeso kichega kileeji,"Amwowok kisob, kisob, ale, ma aiye kiy werii kityo aku nyorooti kiiye Aboo , amu tuguk togol cho iye kinyenda, kiiye ambo kinyenda werii kile nyone. ²⁰ Amu chame Aboo werii, aku borjini tuguk togol cho iye kinyenda ak kuboorji boisiosyek cho echen chesire choche sikiloku kwong'ut²¹ Amu kileyo ng'eete Aboo chokikimeyo,akusobon, kusobone ambo werii kilee nyone che mache. ²² Amu marwogjini chii Aboo aka togol, ako kiikugoji kirwogee togol werinyii. ²³ Si neityo kutaach togol werii kile bani toche Aboo. Chii togol nyimatooche werii kimatooche Aboo nyokiyogu kinyenda.²⁴ Amwowok kisob ale, kinyenda nyakase ng'olyondenyu, akuyaan kinyenda nyokiyokwo, kitinye sobondab koikeny, akumaweti wolo mi kirwogee, aku kakumong'unee mei komong'ji sobon.²⁵ Amwowok kisob ale, chonii sait, aku, ra, nyoite kugas kicheka chokikimeyo kotetaab weritaab Jehovah, aku kichega chokase, kisabsoot.²⁶ Amu kile bani tinye Aboo sobon kityo kile nyone, kikukooji werii kutebi ako sobon. ²⁷ Aku kikukoji Aboo kimnatee kwai kirwogee amu weritab chii kinyenda.²⁸ Matacholye mu nyenyi, amu chonii sait nyokase chii togol nyomi kererit kotenyi ²⁹ aku ng'etyo: cho kyai chokororneen keng'eetyini sobondab koigeny, aku togol che kiyai cha yaachen, keng;eetyini kirwogee.³⁰ Momuche aii kiy anende kityo, amoche kile bani agase, ak bo iman kirwogenyu, amu mawase aii kilee magenyu aku kile magetaab kinyenda nyokiyokwo. ³¹ Ngabaoryanjigei anende kityo, kiloku kleen baornatenyu. ³² Mi age nyobaoryane akubo anee, ak anget kile baornate nyokonu kibo iman.³³ Kioyokyi ng'olyonde Johana, ak kibaoryanji imanda. ³⁴ Aku baornate nyotoje ku mobunu chii, ako amwoe tuguchu sikobiit kesorwok. ³⁵ Ki tait Johana nyo kilae ak kokwenykwenye, aku kiacham aboiboitune lapkeiyenyi mu betusiek che matya.³⁶ Aku baornate nyo Atinye ku ou kusiir nyobo Johana, ako boisionik togol chokigono Aboo, sacho atar, boisionik kisob cho baoryane kile anee nyokiyokwo Aboo. ³⁷ Aku Aboo nyokiyokwo, kobaoriani iman akubo anee. Tomo agas kotenyi mu sait aka togol aku tomo aroo itondanyi. ³⁸ Amu tebe mu akwee ng'olyondenyi amu moyane kinyenda, nyo kiyokwo Jehovah.³⁹ Cham asyoche mu sirutik amu abwotyini ale otinye sabondab koigeny mu chochee, aku chochee che baorianjini. ⁴⁰ Aku mochome abwonjo sineityo anyoru sabonda.⁴¹ Matoche kalosune mu biik, ⁴² aku angetook ale motinye chomnyetaab Jehovah mu oring'woong'⁴³Kiojoo mu kainetab Abo, amataach necho aka mu kainenyi , otoche inyenda, ⁴⁴Omuche mu nee anyu ayan kolosuno, amo wese kolosuno nyobunu Jehova nyomi inyenda kityo ?⁴⁵Momwowok mu Aboo, mi aga nyo ngetok, Musa nyone, nyo yenakwe, ⁴⁶Amu nda kiyan Musa, ndoyene, amu kikisir akubo ane. ⁴⁷Amu ngumoyene surutikji, kumuktoi ano ayan ng'alekyi?"

Chapter 6

¹ Kinebata tuguchu , kuwo Jeso tengeni bo araraita nyibo Galilaya, nyone kekure araraitab Tiberia. ² Kirup kinyende tuye nya o, amu kiro koborunoik cho kiichi chokimnyonsoot. ³ Aku kilanda Jeso tulwe, kuwo kutabe ng'wony mu woline kiboto alamalyenyi.⁴ Aku kikakiriku paska tumdo nyibo Yahudik. ⁵ Kinemararta Jeso, kuro tuye nyo o kujonjini kinyenda, kileji Philipu, " Kwole ano makatinak sikwam biichu? ⁶ ( Kimwae kile nyenyi kutyeme Philipu, amu kiinget kinyende kiyo aiiye.)⁷ Kuwolji Philipu kinyenda kile, " Mayame kichega makatinak chibo dinarisiek bogol aeny, sikinyoru aka togol katigin." Kuwolu agenga nyibo alamalyenyi nyikegure Andrea, weritambo Simion Petero, kileji Jeso, " Mi yu weri aka nyotinye makatinak mut chibo sairi ako samakink aeny, aku yame nee chu anyu mu biiko chetene chu togol?"¹⁰ Kile Jeso, " Achep biiko kitebe ng'wony." Aku kimi suswek chatya woline. Kimuny anyu biiko; ki wolo bo elupusiek mut murenichoche. ¹¹ Kinam anyu Jeso makatinak; aku bani kikugoita kongoi, kiropji kichega che kitebisot ng'wony, kile nyone ambo samakinak, cho tene cho mache. ¹² Kinemi bani kikibiyongcho, kileji kasubikji, " Ayum katuganik chi king'otu, si neityo kimomi kiy nyibete."¹³ Kuyum anyu katuganichoche, aku kinyiit kerebotinwek taman ak aeny katuganichoche bo makatinak mut chibo sairi, chi kang'otune kichega cho kaamisye. ¹⁴ Kinemi bani kiro anyu biichoche kaborune nyikiai kile, " Nyenyi anyu maotionde nyibo kisob nyi jonjini ng'wony." ¹⁵ Kinenai Jeso kile legit si kipka kinam kinyenda mu kimnate, si kwai kinyenda kuloku laitoria, kuwo kinyile tulwe kinyenda kityo.¹⁶ Kineloku kasaleny, kuchortagei kasubikji kiba araraita. ¹⁷ Kilany moingetab beek kilang'ta araraita kiba kapernaum. Aku kikakutuit kore aku kitomo kicho Jeso wolo kimi kichega. ¹⁸ Aku kiwasegei araraita amu kiwase koristo nyo o.¹⁹ Kineba anyu mu araraita wolo bo mailisiek somok nde somok ako mutan, kuro Jeso kuwetote mu araraita barak, aku kirikji moinge : aku kiyweisyo. ²⁰ Aku kileji kichega, " Anee, kitimaiywai. ²¹ Kicham anyu kitaach kinyenda mu moinge, aku nyi matyana, kiit moinge kore wolo kibeti.²² Betu nyikirupe, kuro tuiye nyikitonone mu araraita tengoni, kile momi moinge aka togol woline kibate agenga, aku kimalany jeso moingonone kiboto kasubikji, aku kikaba kasubikji akweka bungo. ²³ Aku kipka moingonik alak mu Tiberia wolo legite wolo kiome makatinak bani kikakugoita kiptaiyt kongoi.²⁴ Kinero anyu tuye kile momi Jeso woline nde ku kasubikji, kilany kichega moingonik kipka kapernaum kuwosonu Jeso. ²⁵ Bani kinenyoru Jeso mu tengeni bo araraita, kileji kinyenda, " Rabbi, kejoninye ayu woli?"²⁶ Kuwolji Jeso kichega kile, " Amwowok kisob ale, amikwe awoso ma mu kaborunoik cho kioro, aku amu kiam makatinak abiyongcho. ²⁷ Kitimoboisye mu amitwogik chi bogu, aku aboisiechi amitwogik chitabisot akoi sabonda nyibo koigeny nyikonok weritab chi, amu kikung'ooch kinyenda Jehovah kwanda.²⁸ Kileji anyu kichega kinyenda, " Keaiy nee sineityo keai boisionik chibo Cheptailel?" ²⁹ Kuwolu Jeso akileji kichega, " Nyi boisietab Cheptailel: ale ayan nyikiyogu kinyenda."³⁰ Kileji nyu kichega kinyenda, " Nee anyu kaborune nyi iyoe , sineityo keroche akeyaning'? ³¹ Iyoenye nee? Kyam abotinekchache mana mu suur kween, kile bani kikisir kele, ' Kikigoji kichega makatinak chi kibunu kipsengwet si kwam.'"³² kuwolji Jeso kichega kile, " Kisob, kisop, kimo Musa nyi kigonok makatyandanone kibunu kipsengwet, Aku gonok Aboo makatyande nyi bunu kipsengwet. ³³ Amu makatyande nyi bunu Jehovah, ku nyone choni mu kipsengwet si kugoji ng'wony sabonda." ³⁴ Aku kileji kichega, " Kiptaiyat, konech makatyandonone akoi."³⁵ Kileji Jeso kichega, " Aii makatyande nyibo sabon; chi aka togol nyochonjino ku moome rupa akoi, aku chi aka togol nyi yono kumokwome malal akoi. ³⁶ Aku kikomwowok ale kioroto akumoyene. ³⁷ Chi aka togol nyigono Aboo kuchonjo, aku aka togol nyichonjino ku maone.³⁸ Amu kiacho king'ete kipsengwet, mo si aiiy magenyu, aku mu magetab kinyenda nyiki yokwo. ³⁹ Nyi ku magetab kinyenda nyi kiyokwo, ale, mu togol chekigono kinyenda, kitimabeteno ambo agenga, aku nemi kayain ang'eete mu betu nyibo let. ⁴⁰ Amu nyi magetab Aboo, ale, chii aka togol nyiroti weri, akuyan kinyenda, kinyoru sabondab koigeny; akong'ete kinyenda mu betutab let."⁴¹ Kunyinyiyo anyu Yahudik akibo kinyenda amu kimwa kile, " Aii makatyande nyikicho ng'wony kubunu kipsengwet." ⁴² Kimwa kile , " Ma Jeso nyenyi weritab Josep, nyikunget abonyi ako iyonyi? Ara amune ra sikimwoe kile , 'Kiacho ng'wony abunu kipsengwet'?"⁴³ Kuwolu Jeso akileji kichega, " Kitumonyinyiyo akwega bungo. ⁴⁴ momi chi nyomuche kichonjo nemachuut Aboo nyikiyokwo, akong'ete kinyenda mu betutab let. ⁴⁵ Kikisir mu maotik kile, ' Chii aka togol kenete mu Jehovah. Aka togol nyikikugas mu Aboo, aku kikunetgei, kichonjino.⁴⁶ Ma kele kiguro aka togol Aboo, kibate kinyenda nyikichone Jehova, kiguro kinyenda Aboo. ⁴⁷ Amwowok kisob ale, chi aka togol nyi yene kitinye sabondab koigeny.⁴⁸ Aii makatyandetab sabon. ⁴⁹ Kiam abotinokwok mana mu suur kween, aku kimeiyo.⁵⁰ Nyi ku makatyande nyikicho kibunu kipsengwet, nyi neam chi kimamee. ⁵¹ Aii makatyande nyisabe nyichoni kubunu kipsengwet. Neam chi aka togol makatyandani, kisabe koigeny. Makatyande nyogonu ku bortanyu akubo sabeetab ng'wony."⁵² Kutou anyu Yahudik kinarekjo kichega bungo akibere, " Muktoi ano chichi kugonech bortanyi keam?" ⁵³Kuwolji anyu Jeso kichega kile, " Amwowok kisob ale, nema aam bortab weritab chi akayee karetikji, kumonyoru sabon mu ariting'wong'.⁵⁴ Kinyenda nyi ame bortanyu akiya karetikju kitinye sabondab koigeny, aku ang'ete kinyenda mu betu nyibo let. ⁵⁵ Amu bortanyu ku amitwogikab iman, aku karetikju ku yeise nyibo iman. ⁵⁶ chi aka togol nyoome bortanyu akuyaa karetikju kimenyo akamenye kinyenda.⁵⁷ Kile bani kiyokwo Aboo nyisabe, akosabe mu Aboo, aku chii nyi amo, kusabe ambo mu ane. ⁵⁸ Nyi makatyandanone nyikicho king'ete kipsengwet, ma nyikiam abotinak akumeiyo. Neam chi makatyandani kumenyisot koigeny." ⁵⁹ Aku kimwoe Jeso tuguchu mu sinagogi bani kunetisyo mu Kapernaum.⁶⁰ Bani kinegas chatya mu kasubikji, kimwa kile, " Koroom ng'olyondoni: muche ng'o kigas?" ⁶¹ Aku kinai Jeso mu arinyi kile kinyinyisot kasubikji mu ng'olyondonienyi, kileji kichega, ile ma kikuimak nyenyi?⁶² Ara loku nee anyu ngutu aroo weritab chi kulonye barak wolo kimi tai? ⁶³ Tamirmirye nyi aitoi sabon; matile kiy borto. Ng'alek cho amwowok ku Tamirmirye aku sabon.⁶⁴ Aku mi alak mu akwe chi moyene." Amu kinget anyu Jeso king'ete taune kile ng'oo chikimoyene aku ng'oo nyi tun kualdoi kinyenda. ⁶⁵ Aku kile, " Nyone kamwowok, ale, momi chii nyichonjino kibate nyigojini Aboo."⁶⁶ Amu nyenyi, kutou kuchuchujgei chatyang' mu alamalyenyi, akimatikibetata ako kinyenda. ⁶⁷ Kileji anyu Jeso choche taman ak aeny, " Abeti ambo akwega?" ⁶⁸ Kuwolji kinyenda Simion Petero kile, " Kiptaiyande, kibejinache ng'oo? Itinye ng'alek chibo sabondab koigeny, ⁶⁹ aku kikeyan akenget kele ii Nyotilil Nyichone Jehovah."⁷⁰ Kileji Jeso kichega, "Ibere kimolewenok, taman ak aeny, akichesawilye aka mu akwe?" ⁷¹ Kimwoe anyu akibo Judas nyibo kap Simion Iskaryot, amu kinyenda nyiki agenga mu taman ak aeny nyikimache kwalda Jeso.

Chapter 7

¹ Kinekakosirto tuguk togol, kurutoto Jesu mu Galili, amu kimamuch kuwetote mu Judea, amu kiwosote Yahudik kibar kinyenda. ² Aku kikakoriiku tumwekab Yahudik chibo kapkorosu.³ Kimwoji tupchosyekji kileji, wejigei mu wolyenyi akoi Judea sikurotii mestewekuk boisyonik cho iye. ⁴ Amu momito chii nyi iye akuwinye kiy nyimache kubortoigei amu ngiaye tuguchu togol ibarjinigei ng'wony."⁵ Amu tupchosyekyi kinyile kumayaan kinyeenda. ⁶ Kiimwoji anyu Jesu kicheega kileji, tomo kiit betunyu aku chobot nyong'wong', ⁷ Masasook ng'wony ako sasoo anenda amu abaoriani ale boisionik chemi ng'wony ku yaachen.⁸ Aba akwe tumdo aku tomo aweti anenda tumone amu tomo kucho betunyu kosulda. ⁹ Aku kinga komwoji kichega tukuchoje kitabjigei mu Galili.¹⁰ Kinemi bani kikiba tupchosyekyi tumdo, kuwo mbo kinyenda akimabortagei, aku kuwinyotegei, ¹¹ amu kiwosote Yahudik kinyenda mu tumdo kole mi ano kinyende.¹² Ak kimi kanyinyiosyek chatyaang mu biik akubo kinyenda, amu kile alak kararan chichi, kile alak, makararan amu takyini tuye wolo ya, ¹³ ako momwoe chi ng'olyo kutoogu akobo kinyeenda amu kikiywaii Yahudik.¹⁴ Aku kineit kwenutab tumdo kuwo Jeso kapkoros ak kunetisyo. ¹⁵ Kukwong'io anyu Yahudik ak kile, " Kinaita ano chichi sirutik ako tomo kuneetgei." ¹⁶ kuwolji anyu Jeso kileji, " Konetisyoni ki manyanyu aku bo kinyenda nyokiyokwo.¹⁷ Ngimache chii aka togol kwai magetab Kamuktainde, kunai konetisye ngitibo kamuktainde, anan ang'olole chajuu kityo. ¹⁸Chi aka togol nyomwoe ng'alekyi kinyenda kowase katororenyi, ako chii aga togol nyowase katororetab nyokiyogu kinyende, kibo chichone iman, aku momii chi nyo mobo iman mu kinyenda.¹⁹ Ibere kimagonok Musa ng'atutie? Aki momi chii mu akwe nyomuche kurip ng'atutie. Amunee si awasa sabara? ²⁰ kiwolu anyu tuiye kile, " Kinye itinye oinde. Ng'o nyowese kubaring?"²¹ Kuwolji Jeso kile, "kyai boisie agenga ako akwe ako kiokwong'io akwe akibe nyenyi. ²² Kigonok Musa yatisye (akimebere kibo Musa, aki kibo boisyekwok), aku ayotitoi chi betutab sabato.²³ Ngeyotitoi chi mu betutab sabato si mobutok ng'atutietab Musa, ku amunee si anerekyo bani kasobon chi kitusob mu betutab sabato? ²⁴ Amarwoch kilee bani aroti oko arwoch kirwogee nyebo iman²⁵ Kimwa biik alak chekipkonee Jerusalem kile, " Ma chikaye nyenyi kiwosote si kebar?" ²⁶ aku aroo kira, ng'olole kutoguu aku momi chii nyomwojine kiy. Ibere monget baunichu kile kristo nyenyi? ²⁷ aku kingetiche wolo bunu chichi. Aki nemi bani joni Kristo, kimomi chii nyonget wolo jonee."²⁸King'alal anyu Jeso mu kotee nyokindo mu kapkoros, akunetisyo kile, "Angetanekwe togol aki angetikwe wolo abunu, aku kimajoo anenda kityo aku kinyenda nyokiyokwo kibo imanda, aki mongetikwee kinyenda. ²⁹ Anget kinyenda amu kiajonee kinyenda ako kiyokwo anenda."³⁰ Kityam anyu aree aka togol wolo kinamtoi kinyenda aku momi chi nyokinamee kinyenda eunyi amu kitomo kiit saisyekyi. ³¹ Aku kiyan anyu tuyee kinyenda, akoi kimwa kile, " Bani joni anyu Kristo ii, ibere muche kwai kaborunoik kisiir chu aye chiichi?" ³² Kigas anyu Parisaik tuye kuchomchome tukuchu akibo Jeso, ak kuyokto anyu tisiik chokindoon ak parisaek che kiptainik, kiba kinam kinyenda.³³ Kuwolji anyu Jeso kile, "Tomi kubotook mu saisyek kongering, sowechigei awo wolo mi kinyenda nye kiyokwo." ³⁴ Tuun awoso akumonyorwo aku wolo amite kumomuchakwe anyorwo."³⁵ kimwojigei anyu Yahudik kile "Weti ano chichi nyimakumuche kenyoru? Tos weti wolo mi kichega chekiyesyoji Yunanik si koneet Yunanik? ³⁶ Nee anyu ng'oliondoni kamwa kile awosoo akumonyorwo, ako wolo amite kimamuche abkaa?"³⁷ Eng betu nebo let betunone kibo tumdo, kutonon Jesu mu kapkorosu akimwa mu kotee nyokindo kile," Chii aka togol nyome malal, kijonjoo kinyenda sikinyoru kiyaa. ³⁸ Chii aka togol nyoyonoo, kilee bani mwoitoi sirutik, kuroot ainosiekab sobon mu moenyi."³⁹ Ako kimwoe kile nyone akubo Tamirmirye, nyi nemi choyene kinyenda kutuub kutooche; kitomo kegoji kichega Tamirmirye amu kitomo ketoror Jeso⁴⁰ Ak kinegas alak chekimi tuye ng'alechoche, kile nyenyi ki Orkoiyo kusob." ⁴¹kole alake; " Nynyi ki Kristo, ako kile alak "Tos bunu Kristo Galili? ⁴² Tos kimamwa sirutik kile chone Kristo iyoteetab Daudi, aki chonee Beteleem kokwe nyo kibunu Daudi?"⁴³ kibiitu anyu toyet mu kwenutab biko akibo kinyenda. ⁴⁴ ak kimach alak kenam kiyenda ako kimanam chi⁴⁵ kipka anyun kiptainik wolo mi tsiik chokindoni ak parisaik ak koleji, "kainee si mamutu kinyenda?" ⁴⁶ Kiwolu anyu kiptainik kole, " Kitomo kong'olole chi kile nyi."⁴⁷ Kowolji anyu Parisaek koleji," Kabetyook ambo akweka? ⁴⁸ Kikuyaan ambo baunik ak Parisaek kinyenda? ⁴⁹ Ako tuyoni che monget ambo ng'atutik ki banotin."⁵⁰ Kileji Nikodemas (agenga nyibo Parisaik, nye kikakuwo wolo kimi kinyenda akinyatai), ⁵¹ Tos rwokyini chi ng'atutyenyo kitomo ambo kegsyi chi ng'alekyi ak kenai kito nyi kiai?" Kuwolji ak kumwoji kile, " Ichonee ambo kinyende Galili? Wasawas ak iroo kile momi orkoyonde nyichonee Galili.⁵³ Kiwo anyu chii togol konyi.

Chapter 8

¹ Kiwo Jeso tulwetab yemitik. ² kimusta karoon kuwo kapkoros aku kibwa biik wolo kimii kinyenda , ak kitebi ng'wony ak kunet kichega. ³Aku kimutu siriik ako parisaek chepyoso agenge nyo kikinyorji ibetabkei. Kukoji kinyende kwen.⁴ Akuleji," konetindoni, kakinam chepyosoni kimi mu boisyetab ibetabkei. ⁵ Aku mu ng'atutikab musa, ko kiking'aat kele chii nyole nyi kewire koin, ara imwoe nyee nee?" ⁶Kimwa kile nyenyi kityeme sikinyoru kiy nyomwoitoe kinyeenda, aku king'uruch Jeso ak kisir ng'wony mu mornenyi.⁷ Aku kinetikitese tai kutebtebe tebutik, kitonon ak kimwoj kichega kileji, " Ngutou chii nyonget kile motinye ng'oki ak kulegu nyibo tai kiwire mi koi. ⁸ Aku ng'uruch kinyile akisir ng'wony mu mornenyi.⁹ Kinegas kilee nyenyi, kibejigei mu agenga agenga kutounee chokindoon. Kung'etu anyu Jeso ako chepyosekai bincho kutonone mu kween. ¹⁰ Kitonon Jesu anyu akile " Chepyosani mi ano biikai che kamutung? Momi mbo agenga nyorwokung'?" ¹¹Kuwolu kile, " Kiptayendenyu, momi chii." Kuwolji anyu Jesu kile ambo anenda kimamuche arwogung'. Wejigei aki matitiyai ng'ogi kinyile."¹² Kimwoji Jeso kichega kinyile kileji, "Ai lapkeiyetab ng'wony, aku kinyenda nyorupko, kimakuwetote mu tuin aku nyoru lapkiyetab saboon." ¹³ Kumwoji anyu Parisaek kile, " Kinyende kityo nyoibaurianjinigei; aku mobo iman anyun baornateng'ung'."¹⁴ Kowolji anyu Jeso kile , " ambo nta abaoryanjinigei, kibo iman baornatenyu. Amu anget wolo kiachonee ak anget wolo aweti, ako akwee kimonget wolo kiachone nde wolo aweti. ¹⁵ Arwochakwee kilee magetab porto; aku marwokyinane chii. ¹⁶ Aku ntorwojanee, kibo iman kirwogenyu amu ma anenda kityo, ami kiboto Aboo nyokiyokwo.¹⁷ Ee, aku kikisir mu ng'atutyeng'wong' kele bo iman baornate nyobo biiko aeny. ¹⁸ Anenda nyo abaoryanjinigei ak Aboo nyo kiyokwo kubaoryane akubo anee."¹⁹ Kiteebe anyu kichega kinyende kile, " Mi ano Abong'ung'? Kiwolji Jeso kile, " Mongetanekwe aki monget ambo Abong'wane; Amu ntakianayanekwe, katekiganai ambo Abong'wane kinyile. ²⁰ Kimwoe kinyenda ng'alechoje mu wolo kukonoree chepkondoi baani kunetisyo mu kapkoros, aki kimomi chii nyokinam kinyenda amu kitomo kiit saisyekyi.²¹ Kimwoji kichega kinyile kile, " Kawejigei bandanyu, aku awosoo akoi akoi tuun abeku mu ng'okistong'wong'. Wolo aweti komomuche abkaa." ²² Kile anyu Yaudiek, "Ara muche kibargei? Amu kamwa kile , wolo aweti kimomuche abkaa?"²³ Kileji Jeso kichege, "Akwee ki abunu ng'wony; ak abunuu anenda barak. Mabunu anee ng'wanyuni. ²⁴ Ara anyu amwowok kile, amesoot togol mu tengeketang'wong. Aki nemayan kile ANEE nyi , ki amesoot mu tengektang'wong',"²⁵ Kiteeb anyu kichega kinyenda kile, " inye ng'oo?" Kiwolji jeso kile, ' Kikamwowok king'ete taune. ²⁶ Atinye tuguk chatyaang' chamwae akarwoje akibo akwee. Ara anyu, kinyenda nyo kiyokwoo kibo iman, ak amwojini ng'wony tuguk che kiagas mu inyenda. ²⁷ Ako kimanai kile mwojini kichega agibo Aboo.²⁸ Kileji anyu Jeso bani kagekargaat weritab chii, anai anyu betunone kile ai kinyenda, amu ma aiye kiy anenda kityo. kilee bani kineeta Aboo amwowok anyu tuguchu. ²⁹ Kinyenda nyokiyokwo, kimi kiboto, aki mabakakta anenda kityo, amu sait aka togol ayae tuguk choboiboite kinyenda." ³⁰ Bani kinemwoe Jeso ng'alechu, kuyan biik chatyaang' kinyenda.³¹ Kimwoji anyu Jeso Yahudichoje kikuyan kinyenda kile, " Ngiti otebi mu ng'olyondenyu, ko alogu anyu alamalyenyu; ³² Aku onae imanda akutyachaak iman.³³ Kowolji kile, " Kiiche areetab Abraham aki tomo keloguche otwokikaab chii; imuktoi ano ile kityochook?"³⁴ Kowolji Jeso kile, " amwowok iman iman ale, chii aka togol nyo aiye tengek ki otwogindetab tengek. ³⁵ Matabee otwoginde agoi tuun; ako tebee werii akoi tuun. ³⁶ Ara anyun, ngitityaching werii, iloku nyatyagat ksob.³⁷ Anget kile abakwee aretab Abraham; akawasakwe si abara amu motinye ng'olyondenyu wolo tebe mu akwee.³⁸ Amwae che kiaroo mu Abonyu, aku akwee ambo oyae che oroti mu abong'wong'.³⁹ Kowolji ak kimwoji kile, " Abonyoo Abraham." Kiwolji Jeso kile, " Ngiti abunukwee areetab Abraham, kitooiyakwe tuguk chekioye Abraham. ⁴⁰ Aku ra, awasakwe si abara, chiito nyokimwowok imanda nyo kiagase kubunu Jehovah. Kimayai Abraham tuguchu. ⁴¹ Oiyakwe tugukab abong'wong'." Kuwolji kile, " Kimakisijeech mu soksee; ako kitinyache Abonyo: Jehovah."⁴² Komwoji Jeso kichega kileji," Nde ko abong'wong' Jehovah, kitachamanekwe, amu kiajonee Jehovah ako amitee yu; ako kimaajoo anenda kityo ako kiyokwoo kinyenda. ⁴³ Amunee si maguisotikwee ng'alekyu? ⁴⁴ Abakwee abong'wong' Chesawil, aki achamakwee ayai tuguukab abong'wong'. Kiruumin abong'wong kung'ete keny aki kimatonone imanda amu kimomi imanda mu kinyenda. Bani ng'olole lambach, king'olole kile wolo lee kinyenda amu kiplambachwaa , aku abootab lambach.⁴⁵ Aku baani amwae iman, kimomachakwee oyana . ⁴⁶ Ng'o mu akwee nyomuche kurwokwo kile atinye ng'ogi? Amunee si moyonoo bani amwowok tuguk chebo iman? ⁴⁷ Chii akatogol nyobo Jehovah, kigase ng'alekab Jehovah; akwee kimogase amu akwee kimobo Jehovah."⁴⁸ Kowolji yahudik akimwoji kile, " Ara kimakimwaje iman kile ichonenye Samaria aki iting'enye oin?" ⁴⁹ Kimwoji anyu Jeso kile moting'otanee oin, aki akonyitanee Aboonyu, ako arenyanekwee.⁵⁰ Anee kimawasanee torornatenyu, mi chiito agenga nyiwase akirwokyi. ⁵¹ Amwowok iman iman ale, chii aka togol nyiriibe ng'olyondenyu, kimatuun kurotii kimeiwa."⁵² kimwoji anyu Yahudik kile, " Kakenai rani kile itinye nyee oin. Kima Abraham kiboto maotik alak; akimwoenye kile, 'chii akatogol nyiriibe ng'olyondenyu, kimatuun kichamcham kimeiywa.' ⁵³ Ara i ounye kisiir abonyache Abraham nyikima? Kimeiyo ambo maotik. Ara iyoitonyegei kilee ii ng'oo?"⁵⁴ Kuwolji Jeso kile, "Ngiti atororgei anenda kityo kiloku kleen tororenyu; Abong'wane kibaat nyitororoo, kinyenda nyamwoyakwee kile Jehova nyong'wong'. ⁵⁵ Akwee kutomo anai kinyenda, ako angetinee. Ako ndamwa ale monget kinyenda ,ku aloku kiplambachwa kilee akwee, aki anget kinyenda aki ariibe ng'olyondenyi. ⁵⁶ Kibaibait abong'wong' baani kiro betunyu; kiiro kinyenda akuboiboiji."⁵⁷ Kileji anyu Yahudiek, " Tomo iit inye kenyisyek konom ako kiironye Abraham?" ⁵⁸ kuwolji Jeso kile ," Amwowok iman iman ale "Kitomo kibiit Abraham, ko kiomitee.⁵⁹ Kikwai anyu koin kimeche sikiwiree ako kiwejigei Jeso mu ung'oot mu kapkorosuu.

Chapter 9

¹ kimi anyu Jeso kisirtoi mu aree, aku kiiro chii nyolee chepkorot king'etee kesich. ² kutebe kasubikyi kinyende kile, " 'Rabbi', ibere ng'oo nyi kiai ng'oki mu chichi ako sikikyi, sikesich kinyende kukorot?"³ Kowolji Jeso kile, "Mayai chichi ng'oki aka togol akimayai ambo sikikyi, ako sikimuch kutogu boisionikab Jehovah mi kinyenda. ⁴ Kimeje keai boisionikab kinyende nyokiyokwo kitiki beet koree. Chonii anyu kemou nyimaumuje chii kitikuai boisye. ⁵ Baani kitomite ng'wony, ku ai lapkeyetab ng'wony."⁶ Kinekakimwa Jeso ng'alechu, kong'utyi ng'wony ak kitangwar ng'atatya kiboisye ng'ulekyi, akuilee ng'atatyandonone konyekab chiito nyo kigorot. ⁷ Akimwoji kile, " Wui, akiun mu tabartaab Siloam" (Nekiweech ki keyookta). kiwo anyu kuun, akuwechgei kikakutobondo.⁸ Kumwa anyu bikaab kokwee ako kichega chekikakuroo kinyende betuage kusoomse kile, " Ang' ii, ma chikinye nyenyi nyakai kicham kitebee sikisomse?" ⁹ Kimwa alak kile" Kinyenda." Kumwa alak kile, " Olo, kargei ako kinyenda." Ako kimwa kinyenda kile, " Anenda."¹⁰ Kitebe kinyende kileji, " Kiyotogiis konyegukee kile nee?" ¹¹Kuwolji chiikai kileeji, " Mi chii nyoguree kainenyi Jeso, nyokiilee konyekyu ng'atatya, akilecho ui ak iun mu tabartab Siloam. Ang'eet anyu akowo aun akonyoru marartaenyu." ¹² Kuteeb kinyende kile, " Miono kinyenda?" Kuwolu kile "Monget."¹³ Kumut anyu chii chone kicham kukoroot kemityi Parisaik. ¹⁴ Kibetutaab sabato betunone kitangware Jeso ng'atatek ak kuyootyi kinyenda konyekyi. ¹⁵ Kiteeb kinyile Parisaik wolo kinyorunto marartaenyi. Kuwolji kileji, "Kiile ng'atatek konyekyu ak kiawo awo aun aki sai amuche amararta."¹⁶ Kimwa anyu alak chebo Parisaik kile, " Mobunu Jehovah chichi amu maribe ng'atutikaab sabato." Kumwa alak kile, " Muktoi ano chii nyole kiptengekyo kwai kaborunoi chele chu?" Ako kicho anyu pchayate mu kwenung'wang'. ¹⁷ Kuteeb kinyile chiikai nya kilee chepkorot kile, " Kemwanye kile nee akibo chichi, kung'etee kineyat konyekuk?" Kuwolji chiikai kichepkorootya kile, " Maotio kinyenda." ¹⁸ Kimayan anyu Yahudik kile kikoroot anyu chiichone ako sai kakimararta, akoi kuguur sikikyi.¹⁹ Kuteeb anyu sikikyi kileji, " Ara wering'wong' nyi nyo amwoe kile kikisiche kukoroot? ²⁰ Aku kuwolji anyu sikikyi kile, " Kinget kele werinyo nyenyi aku kikisich kikoroot. ²¹ Wolo kinyorji marartaenyi, kimakunget, aki chichoo kiyaat konyekyi kimakingatiche. Atebe kira kinyenda amu chii nyokindo. Muche kimwoitojigei ng'alekyi."²² Kimwa ng'alechu sikikji amu kiiywei Yahudik, amu kisip kichomnyeji Yahudik kile neng'any chi aka togol kile Kristu kinyenda, ku kewirtoi kuwo sang' mu kanise. ²³ Kimwa anyu sikikji amu nyone kile atebe, amu kakuyetu kinyenda.²⁴ kikuur anyu nyibo aeny biichoche cichone kikorat akileji koji Jehovah kalosune: kinget kile kiptengekjo chiichi. ²⁵ Kuwolu anyu kinyenda kile, " Monget anyu ne kiptengekcho chichone. kiy agenga nyonget kityo: kioi chepkorot ako amarartoi banienyi."²⁶ Kileji anyu kinyenda kichega, "Kaiiyung nee? Kayatito ano konyekuk?" ²⁷ Kuwowlu kile, " kikamwowok aku mogase! Amune si amache agas kinyile? Amache akweka kinyile aloku alamalyenyi?"²⁸ Kutou kumul kinyenda kileji, iinye alamalyenyi, aku ache kei alamalyetab Musa. ²⁹ Kingetiche kele king'alal Cheptailel ako Musa, aku mokunget kele bunu ano nyi."³⁰ Kuwolji chiikai akileji kichega, Kwong'ut nyenyi anyu, amu mongetikwe aku kikiya konyekwane. ³¹ Kunget kele magase Cheptailel kipng'okiin; aku nelosu chii aka togol Cheptailel, aku aiy magenyi, kugase kinyenda.³² King'ete kitougei ng'wonyu kutomo agas chii nyiyote konyep chii nyakikisich kugorot. ³³ Ndama bunu chichi Kamuktainde, nde momi kiy nyi aiye. ³⁴ Kuwolji kinyenda kileji, "Kikisikting kisob ng'oki ainetech?" Akitorta kinyenda kuwo sang'.³⁵ Kigas Jeso kile kikutorta kinyenda kuwo sang, nyibo kanise, kinyoru kinyenda akileji, "Iyanenye weritab Cheptailel?" ³⁶ Kuwolu kile, "Ng'oo nyone kiptaiyande, si neityo ayan kinyenda?" ³⁷ Kuwolji Jeso kileji, "Kikironye kinyenda aku nyika nyenyi ang'ololsotikwe tuwai." ³⁸ Kile kinyenda, "Kiptaiyande, Ayane." Kikutungji akulosu kinyenda.³⁹ Aku kile Jeso, "Kiachoo ng'wonyuni mu kirwoge, si neityo kimararta chi mamarartoi." ⁴⁰ Kigas tuguchwechu alak chebo Parisaik chekimito kiboto kinyendaakileji, "Ara makimarartoiche ambo?" ⁴¹ Kileji Jeso kichega, Nde koigwe chepkorotoi, kitamotinye ng'oki, aku amwoeakwe kile 'kimarartoi', aku ng'otu ngokistong'wong' kibotok."

Chapter 10

¹ "Amwowok kisob kisob ale,chi aka togol nyimochute kobor nyibo kibiyutab kechirek, akusire karwa nde ku ar aka, ku chorin aku sarin chichone.² Aku kinyenda nyichute kobor, ku mastawo nyibo kechirek.

⁴ Aku nekakiyatita kinyenda chachi togol kiba sang', kundoi si kurup kechirek kinyenda amu nget kotenyi.⁵ Marupe chi nyile too, aku rwaisot amu monget kotiwaikab taek." ⁶ Kimwoji Jeso kichega kalewenone, aku manai kichega kile nee tuguchoche kakimwoji.⁷ Kimwoji anyu Jeso kichega kinyile kileji, " Amwowok kisob, kisob, ale, ai koborutab kechirek. ⁸ Kichega togol kindouneno, ku chorin aku sarin, aku magas iit kechirek kichega.⁹ Ai koboru. nechutu aka togol kubunwo, kesoru; weti ko ako sang' aku nyoru wolo agete. ¹⁰ Choni chorinde sikichor, akubar, akinyernyere kibat. Kiacho sineityo kinyoru sabon, akutepto sobonone kiyam.¹¹ Ai mastawonde nyakararan. Koitoi mastawonde nyakararan sabondanyi akibo kechirek. ¹² Aku kinyenda nyile otwogin ku ma mastawonde, aku ma machaji kechirek, kurotonu suyonde kichoni, akimete kechirek akisorugei, akinam suyonde, akusaret. ¹³ Labate kinyenda amu otwogin aku ma mage kiy kechirek.¹⁴ Ai mastawonde nyakararan, akonget chachu, akungoto chachu. ¹⁵ Ngoto Aboonyu, akonget Aboonyu, akokoitoi sabondanyu akibo kechirek. ¹⁶ Atinye kechirek alak chi mobo kibiyuni. Magat ayumu choche ambo, si kigas kotenyu sineityo kiloku kibiyu agenga ako mastawonde agenga.¹⁷ Nyone anyu ku amune sikichomo Aboo: amu agoitoi sabondanyu sineityo anyoru kinyile. ¹⁸ Momi chi nyisareno, aku agoitoi anenda kityo. Atinye kimnate agoito, aku atinye aib kinyile. Kianyorung'atutyoni kubunu Aboonyu."¹⁹ King'eet toiye kinyile mu kwenutab Yahudiek akibo ng'alechwechu. ²⁰ Kimwa chatya mu kichega kila, " Tinye oin aku chebiywo. Amunee sagas it kinynda?" ²¹ Kimwa alak kile, " Ma ng'alek chwechu chibo chii nyatinye oin. Muche oin kiyat konyekab chepkorotyo?"²² Aku ki betutab tumdo nyikitobonegei mu Jerusalem. Ki betutab kaititye, ²³ aku kiwetote Jeso mu kanise mu chepkotorutab Solomon. ²⁴ Kitou kumuut kinyenda Yahudiek akiwoji kinyenda kile, " Ikanych kekanyisie agoi ayu ketiytiysot? Ngu ti inye Kristo imwowech kikaram."²⁵ Kuwolji Jeso kichega kile, "Kiamwowok aku moyanakwe. Boisionik chi aiye mu kainetab Aboonyu ku choche chibauriane akibo ane. ²⁶ Aku momucakwe ayan amu moikwe kechirekju.²⁷ Kase kechirekju kotenyu; anget kichega, akurupko kichega. ²⁸ Agochini kichega sabondab koigeny; aki mamesot, akumomi chi nyisareno mu eunekju.²⁹ Ou Aboonyu nyikigono kichega, kisir togol, aki momi chi nyomuche kisar kichega mu eutab Aboo. ³⁰ Ai agenga ako Aboo." ³¹ Kinam anyu Yahudiek koin kimache kuwiir kinyenda kinyile.³² Kuwolji Jeso kichega kileji, "Kikoborwok boisionik chokorornen chatya kubunu Aboo. Ara amache awiire amu kai boisio nee?" ³³ Kuwolji Yahudik kinyenda kileji, "Makuwiriing' amu boisie nyakararan, aku amu chotisye, amu iinye chii, akiitogei kile ii Cheptailel."³⁴ Kuwolji Jeso kile, " Kimakisir mu ng'otutikwok kele, 'Kiamwa ale aikwe cheptalelisiek?'" ³⁵ Ne kigure kichega chptalelisiek, ku kichonji ng'o ng'olyondetab Cheptailel (akimamuche kebut sirutek), ³⁶ Ara amwoe akibo kinyenda nyekitaban Aboo akuyoku kicho ng'wony, olejini, "Ichotisie" amu kiole aiy Weritab Cheptailel?³⁷ Ngitmoiyane boisionikab Aboonyu, kitimayana. ³⁸ Aku ngutu aiyane, ambo ngutu moyono, aku ayan sineityo anai akoguyo mi Aboo oritinyu akomi ane oritab Aboo." ³⁹ Kutyem kinam kinyenda kinyile, aku kiwechige kichilil mu eunekwak.⁴⁰ Aku kiwo kinyile kisiir kamasta aka nyibo Jordan wolo kibotisanisie Johana mu tai, akitabchigei woline. ⁴¹Kipk biiko chatya wolo mi kinyenda akileji, " Kimaii Johana kobruno aka togol, aku tuguk togol che kimwa akibo chichi kibo kisob." ⁴² Kuyan kinyenda biiko chatyaa mu woline.

Chapter 11

¹ Kimi anyu chito aka nyekimnyone nyekikugure Lazaro. Ki chi nyebo emetab Betania, koreta Maria ako cheptang'wang' Marta. ² Ki Maria nyenyi nyekiile kiptaiyat kuile mwaita akupuge kelyekji sumeekji, nyekitinye wering'wang' Lazaro nyekimnyone.³ Kiyokto tibichoche ng'olyo kiityi Jeso kile, "Kiptaiyandani, roo, mnyone kinyenda nye ichame." ⁴ Kinegas Jeso kile nyone, kile, "mobo mei mnyondonone, bo torornatetab Jehovah, ako kelosune weritab Jehovah nyone."⁵ Aku kichame Jeso Marta ako ceptang'wang' kiboto Lazaro. ⁶ Kinegas kile mnyone Lazaro, kitikitebi betuiek aeny mu wolo kimi. ⁷ Kinebata nyenyi anyu, kileji alamalyenyi, "Ngeba Judea kinyile."⁸ Kileji alamalyenyi kinyenda, "Rabbi, banienyi ku kawase Yahudik kuwiring' mu koin akiweti woline kinyile?" ⁹ kuwolji Jeso kileji, "Ibere momi saisiek tamanu ak aeny mu betu? Newechinotogei chi beet kumotuitogei, amu roti lapkeiyetab ng'wony.¹⁰ Kile nyone anyu, newetote chi kemoi, kutuitogei amu momi lapkeiye mu kinyenda." ¹¹ Kimwoe tuguchu, aku kinebata kileji kichega, " Kanuch chorwenyo Lazaro, aku aweti sowo ang'eet kinyenda mu rwondo."¹² Kileji anyu kasubikji kinyenda, "Kiptaiyandani, ngu tunuche, koko tukisabe." ¹³ Kimwoe anyu Jeso akibo meenyi, Aku kibere kichega mwoe akibo rwondo nyekinuksot. ¹⁴ Kimwoji anyu Jeso kichega kisob kileji, "Kikima Lazaro.¹⁵ Abaibai akibo akwe amu kimomi woline sineityo ayan. Ngeba woline mi kinyenda." ¹⁶ Kileji anyu Thomas, nyekikugure Didumo, alamalye chu alak, "Ngeba ambo achega sineityo kebogu kiboto Jeso."¹⁷ Bani kiitita Jeso woline, kinyoru kile koko kikitebe Lazaro kebene betusiek ang'wan. ¹⁸ Kilegite anyu Betania Jerusalem, ki wolo bo mailisiek aeny. ¹⁹ Kikapka Yahudik chatya wolo mi Marta ako Maria, sikigaigai kichega akibo wering'wang'. ²⁰ Kinegas anyu Marta kile choni Jeso, kuw kutorokta kinyenda, ako kimito kitabe Maria mu go.²¹ Kileji Marta anyu Jeso, "Kiptaiyandani, nde kimi yu, kitama mee weri nyekitupcho. ²² Ambo ra, ku anget kile kiy aka togol nyoisome Jehovah, kugoning'." ²³ Kileji Jeso kinyenda, "Tiking'ete wering'wong' kinyile."²⁴ Kileji Marta kinyenda, " Anget kile tiking'ete kinyile mu ng'etye mu betutab let." ²⁵ Kileji Jeso kinyenda, "Ai ng'etie ako sabondo; aka togol nyoyene akibo ane, ambo ngitima, ku sabe; ²⁶ Aku aka togol nyi sabe akuyene akibo ane ki ma mee. Ayanakwe nyenyi?"²⁷ Kileji kinyenda, "Ee, Kiptaiyandani, ayene ale iinye Kristo, Weritab Cheptailel, nyichoni ng'wony." ²⁸ Bani kikakimwa kile nyenyi, kuwo kugur cheptang'wang' Maria mu ung'ot. Kileji, "Mito yu konetinde akuguuring." ²⁹ Kinegas kile nyenyi, kichokji king'eet auwo wolo mi kinyenda.³⁰ Aku kitomo kiit Jeso kokwonone, aku kitikimi wolo kituiyeji Marta kinyenda. ³¹ Kineero anyu Yahudik che kimi go kugoigoiye kinyenda, kile kang'eet Maria kuchokji akuwo sang', kurup kinyenda, kupkote kile kowo kebene kirire woline. ³² Kineit Maria woldo nyikimi Jeso akuro kinyenda, kubutyi kelyekji akileji, "Kiptaiyandani, nde kimi yu, katimamee werinyo nyekitupche."³³ Kinero Jeso kinyenda kiriire, ako Yahudik chekipka kurupu kinyenda kiriirsot, kigas king'wan mu muguleitanyi, akuchol, ³⁴ kileji, kiagonorji ano?" Kileji kinyenda, "Kiptaiyandani, choo roo." ³⁵ Kiriir Jeso.³⁶ Kimwa anyu Yahudik kile, " Aroo anyu wolo kichamtoi Lazaro!" ³⁷ Aku kimwa alak kile, "Momuche ambo chichi nye kiyote konyekab kipkorotyo, kuro ambo si ma me chichi?"³⁸ Kigas anyu Jeso kinyile kung'wan mu muguleitanyi, akuwo kebene. Ki kebene nye kikigare koita. ³⁹ Kileji Jeso, "Amilde koita." Kileji Marta , cheptambo Lazaro, nyenyi kikakima, Jeso, "Kiptaiyandani, banienyi ku kikunun borto, amu king'ete bani kima ku betusiek ang'wan." ⁴⁰ Kileji Jeso kinyenda, "Ibere kimomwoung' kile, ngiyan, iroti torornatetab Jehovah?"⁴¹ Kiisto anyu koita. Kimarar anyu Jeso barak akile, "Aboo, amwaung' kongoi amu kegasa it. ⁴² Kianai ale igoso sait aka togol, aku amu tuiyoni tonone mu yu, kamwa kile nyenyi si ma ngap kuyan kile kinye nyikeyokwo."⁴³ Bani kikakimwa kile nyenyi, kuwach mu kote nyo ou kile, "Lazaro, choo sang'!" ⁴⁴ Kimong'u sang' anyu kinyenda nyikikakima kirototin kelyekji ako eunekji mu nguraik, aku kikirate metinyi anga. Kileji Jeso kichega, "Atyach kinyenda akakany kuwechigei."⁴⁵ Kiyan anyu kinyenda chatyaa chibo Yahudik che kikapka wolo mi Maria akuro tuguuk che kiaiy Jeso, auyan kinyenda. ⁴⁶ Aku kiba alak wolo mi Parisaik akimwoji tuguuk che ki aiy Jeso.⁴⁷ Kiguur anyu tisiik cho echen kiboto Parisaik tuiyetab kirwogik akileji, " Kyoye nee? Aiye chichi kaborunoik chatya. ⁴⁸ Nekimete kinyenda kile nyenyi, kuyene kinyenda biiko togol; akipka Romanik kusut korenyo kiboto emenyo."⁴⁹ Kileji aka mu kichega nyekigre kaiyapa, nyeki tisinde nyo ou kenyinone, "Mongetikwe kiy. ⁵⁰ Monget kile kaigai kima chito agenga mu akwe akibo biiko kisiir ibok emenyo togol."⁵¹ Kimamwoe kinyenda kile nyenyi kityo. Aku ki tisinde nyo ou kenyinone, ku king'ore kile akoi kima Jeso kimeji koree; ⁵² aku ma koree kityo, aku sikisikji kiyum lagokab Jehovah chekisarat sineityo kuloku agenga. ⁵³ King'ete anyu betunone akitas tai kitat wolo bartoi Jeso.⁵⁴ MAtikiwetote Jeso anyu mu wolo togu mu Yahudik, aku kiwo mu wolone kuwo kore nyakilegite suurkwen akoi kokwe aka nyekigure Epraim. Kitapchigei woline ako alamalyenyi. ⁵⁵ Kikakirigu *Paska nyibo Yahudik, aku kibeti chatya mu eme kilang'ta Jerusalem kitomo kiit paska sineityo kutililgei kichega.⁵⁶ Kiwas anyu Jeso, akilejigei kutononsoot mu hekalu, "Apkotakwe nee? Ibere machoni tumdo?" ⁵⁷ Kikakimwa tisiik cho echen kiboto Parisaik kile, nenai chi aka togol wolo mi kinyenda, kimwou sineityo kicheg kinyenda.

Chapter 12

¹ Aku kitukimi betusiek lo si kwe paska, kucho Jeso Betania wolo kimi Lazaro nyo kiing'et Jeso kumong'u mu cho kibok. ² Kichapchi kichega kinyenda amitwogik chibo kaseleny kibaisiejini Marta, au kimi Lazaro kiboto chekiamisie ako Jeso. ³ Kunemu anyu Maria mwaita nyong'utoi nyaanyiny, nyibo ratili agenga, nyyibo komonute nyo ou, akuile kelyekab Jeso, akubuke sumeekji kelyekji. kinyiy anyu ng'utoiyetab mwaita nyo anyiny got togol.⁴ Aku kile Juda Iskariot, nyo agenga nyobo alamalyenyi nyokimache kwalda kinyenda, ⁵ "Amune si makualda mwayone ng'utoi nyaanyiny mu dinarisiek bogol somok akegoji kibananoi?" ⁶ Kimwoe kile nyenyi anyu, ma kele kirire kibananoi, aku amu kichorin. Kitinye loletab chepkondoi aku kichore kiyo kikigoji arit.⁷ Kile Jeso, "Amete kugonorji betutab tubenyu. ⁸ Amu mi kibananok kibotok betusiek togol. Aku momiane ako akwe betusiek togol."⁹ Kinai anyu biiko chatya chibo Yahudik kile mi Jeso woline, aku kipka ma akibo Jeso kityo aku sineityo kuuro Lazaro kinyile, nyikikakung'eet Jeso kinyenda mu chi kikubok. ¹⁰ Aku kirwoch tisiik cho echen kile kebar Lazaro kinyile, ¹¹ amu kikakitabangei chatya mu Yahudik kiba kuyan Jeso amu kinyenda.¹² Betu nye kirupe, kipka biiko chatya tumdo. Bani kigas kile choni Jeso Jerusalem, ¹³ kinam tamoikab sostinek, akuba kutorokta kinyenda, aku kimwoe mu kote nyo ou kile, "Hosana! Berurot kinyenda nyi choni mu kainetab kiptaiyande,nyone ku Laitoriandetab Israel."¹⁴ Kinyoru Jeso warwetab sikiryo akilany; kile bani kikisir kele, " Matiywai, ee cheptab Sion; ¹⁵ roo, choni Laitoriandeng'ung' kubunu warwap sikiryo."¹⁶ kimanai alamalyenyi mu tai tuguchoche, aku kinemi bani kikutoror Jeso, kipkat anyu kichega kile kikakesir tuguchwechu akibo kinyenda aku kikwoiji kichega kinyenda tuguchoche.¹⁷ Kibaorian anyu tuye nyo kimi kiboto kinyenda bani kugure Lazaro kimong'u mu chi kikubok. ¹⁸ kiba anyu tuye kutorokta kinyenda amu kigas kile kikakwai kaborunonienyi. ¹⁹ Kimwojigei anyu Parisak kile, "Aroo, moiyakwe kiy nyakararan; aro, kikusoop kinyenda biiko tool chibo ng'wony."²⁰ Aku kimi Yunanik mu kichega chekilong'toi kiba kusa mu tumdo. ²¹ Kipka anyu wolo kimi pilipu nyibo Betsaida mu Galilaya, akutbe kinyenda kile, "Kiptaiyandani, kimache keroo Jeso." ²² Kuwo Pilipu kimwoji Andrea, kuwo Andrea kiboto Pilipu akimwoji Jeso.²³ Kuwolji Jeso kichega kileji, Kikiyam sait Ketoror weritab chi. ²⁴ Amwowok kisob kisob ale, namachinji ng'wony baiywandetab ngano, akima, kung'otu ki baiywande kityo; aku ngima, kuiyee Logoek chatya.²⁵ Kinyenda nyo chame sabondanyi kupote; aku kinyenda nyipote sabondanyi mu ng'wonyuni ku riipe kutit sabondab koigeny. ²⁶ Ngitibaisyewo chii aka togol, ikany kurupka; aku wolo amite, kimi kiboityondenyu ambo. Ngutubaisyewo chii, kugonyite Aboo kinyenda.²⁷ Imagei sabondanyu banienyi aku amwoe nee anyu? Aboo, saramu sainienyi? Aku kiachonjing saini amu ng'olyondonienyi. ²⁸ Aboo, toror kaineng'ung'." Kimong'u anyu kote nyo ou mu kipsengwet kile, "Kiatoror nyenyi aku ta torore kinyile. ²⁹ Kimwa anyu tuiye nyo kitonone mu woline kugase kile katul, alak kibere kang'alolji malaika kinyenda."³⁰ Kuwolji Jeso kile, " Machoneno kotoni, aku akibo akwe. ³¹ Kaitu anyu kirwogetab ng'wonyuni: aku kaketorta anyu nyo ou nyibo ng'wony kimng'ta.³² aku bani kakikalapta awo barak mu ng'wony, amityigei biiko togol." ³³ KImwoe kile nyenyi kuboru mee wolo meitoi.³⁴ Kuwolji anyu tuiye kinyenda kile, "Kikegas mu ng'atutek kele tabe Kristo koigeny. Tabe kile nee anyu simwa ile kikiyam keuito weritab chii?" Ng'oo werine bo chii? ³⁵ Kileji anyu Jeso, "tikimi lapkeiye mu kwenung'wong' mu betusiek chi matyana. Abetote bani totinye lapkeiyo, si manamak tuindo: aku chi aka togol nyiwetote tuindo ku monget wolo weti. ³⁶ Netotinye lapkeiye, ayan lapkeiye, sineityo aloku werikab lapkeiyo." Kimwa Jeso ng'alechu akiwo kuwinyegei kichega.³⁷ Aku bani kikwai ambo kaborunoik chatya chatene cho mu taing'wang', kimayan kinyenda. ³⁸ Ki ayak nyenyi sineityo kusulda ng'olyondetab maotionde Isaiah, nyakimwa kile, "Kiptaiyande, kiyan ng'oo ng'alekjo? Aku kikeng'ong'ji ng'oo eutab kiptaiyande?"³⁹ Mamuch anyu kuyan amu ng'olyondonienyi, amu kimwa Isaiah kinyile kile, ⁴⁰ "Kikitich kinyenda onyekwak, aku kikugoji kinynda muguleiwak kutogolitu; si moro konyekwak, nde kinai mu muguleikwak sikugotugei, akasoop kichega."⁴¹ Kimwa Isaiah tuguchu amu kiro torornatenyi; aking'alal akibo kinyenda. ⁴² Aku kiyan kinyenda chatya ambo mu baunik; aku mang'aany kinyenda amu Parisaik, simakuon kichega mu kanise. ⁴³ Amu kichame kolosunetab biiko kisiir kolosunetab Jehovah.⁴⁴ Kimwa Jeso mu kote nyo ou kile, "Kinyenda nyo yono, ki mayana anenda, ako kayan kinyenda nyekiyokwo. ⁴⁵ Aku kinyenda nyiroto kuroti kinyenda nyekiyokwo.⁴⁶ Kiachoo aloku lapkeiye mu ng'wony, si makitabe mu tuin chi aka togol nyoyeno. ⁴⁷ Akinegas chii aka togol ng'alekju, akimoriip, kimorwogjini kinyenda: amu kimachoo arwogji ng'wony , aku kiachoo asoru ng'wony.⁴⁸ kinyenda nyitayo, akimatooche ng'alekju, kitinye nyarwokjine: ng'olyonde nyikamwa, ku nyarwogjine kinyenda mu betutab let. ⁴⁹ Amu kimamwoe anenda kityo, aku kikono Aboo nyekiyokwo, ng'atutye nyimagat amwa ak nyimagat amaata. ⁵⁰ Akonget kile sabondab koigeny ng'atutyenyi: tuguuk chamwoe anyu kile bani mwowo Aboo, amwoe kile nyone."

Chapter 13

¹ Aku kinemi bani tomo kuit tumdab Paska, kinai Jeso kile tomo kuit sainyi nyiweti mu ng'wony kuwo wolo mi Aboo, bani kikicham chachii chimi ng'weny, kicham anyuakoi betutab let. ² Aku mu saitab amitwogikap kasaleny, ku kakugoji chesawil aldoisyo muguleitab Judas Iskariot, nyibo kap Simion.³ Ku kakinai Jeso kile kakugoji Aboo tuguuk togol eunekji, akile kibunu Jehovah, akuweti wolo mi Jehovah, ⁴ king'eet mu amitwogik akugoji taban ngureikji, akinam angee nyekibuchegei akitichegei. ⁵ Akirongji beeko sani akutou kuun kelyekab kasubikji, akupuge anganone katichegei.⁶ Kicho anyu wolo mi Simion Petero. Neityo kileji Petero, "Kiptaiyandani, ara iunenye kelyekju?" ⁷ Kuwolji Jeso akileji kinyenda, " Kito nyomache aiiy sai, ku menget banienyi, aku tukuite tuun inai. ⁸ Kileji Petero, Meunenye kelyekju. Kuwolji Jeso kileji, "Ngitimaunung, ku maketing'ekei kiy. ⁹ Kileji Simion Petero kinyenda, "Kiptaiyande, ma kelyekju kityo, ak eunekju kinyile ak metinyu.¹⁰ Kileji Jeso kinyenda, " Kinyenda nyi kikuungei kimakimache kuungei kinyile, kibate kelyekji, amu unot kinyenda: aku aunotinikwe, aku ma akwe togol. ¹¹ A(mu kinget nyimache sikwaalda kinyenda, kimwa amu nyone kile, " Ma unotin togol.")¹² Kinemi bani kikuun anyu kelyekwak, akinomu nguroikji, akitebi ng'wony kinyile, kileji, "Ara onget kiyo kaiwak? ¹³ Ogureno Konetinde, ako kiptaiyande: akomwoe kikaram, amu ai kinyenda. ¹⁴ Ne ane anyu nyo ai Kiptiyande ako konetinde, nyikaun kelyekwok, ku magat anyu mu akwe aunjigei kelyekwok. ¹⁵ Amu kaborwok sineityo aiy ambo akweka kile bani kaiiwak.¹⁶ Amwowok kisob, kisob, ale, Ma ou otwogindo kusiir Kiptaiyandenyi, aku ma ou kinyenda nyi kikiyogu kisiir kinyenda nyi yoktoi. ¹⁷ Nganai tugchu ku abaibaitu nga aiy. ¹⁸ "Momwoe akibo akwe togol: anget chi kyolewen, aku si kusulda sirutye nyi kile, ' kinyenda nyi ame makatyandenyu, ku kaking'eet kwaryandenyi akuaiwo nya ngaya.¹⁹ Masip amwowok kirook kitomo kusulda, sineityo nesulda, ayan ole aii kinyenda. ²⁰ Amwowok kisob, kisob, ale, kinyenda nyitooche aka togol nyo oyogu ku kataacha, aku kinyenda nyitoocho, ku kataach kinyenda nyi kiyokwo."²¹ Kinemi bani kakimwa Jeso kile nyone, kuimgei mu muguleitanyi, akibaurian kile, "Amwowok kisob, kisob, ale, aldo aka mu akwe." ²² Kimarargei anyu kasubik, akimanai kile ngu mwoe akibo ng'oo.²³ Aku kimi mse agenga nyibo kasubikji ya kitiyegei tagetab Jeso, nyakichamat mu Jeso. ²⁴ Kutwai anyu Simion Petero kinyenda kileji, Mwowech, ara mwoe kinynda akibo ng'oo?" ²⁵ Kileji anyu nyakitiegei tagetab Jeso, "Kiptaiyande, ng'oo nyine?"²⁶ Kuwolu anyu Jeso kile, "Kinyenda nyi anoktoi makatyande akogoji kinyenda." Aku kinekakunokto anyu makatyande, kugoji Judas nyibo kap Simion Iskariot. ²⁷ Kinebata makatyande, kuchut chesawil kinyenda. Kileji Jeso kinyenda anyu, "Aiy chokji kiyo imache i aiy."²⁸ Momi chi nyikinai mu chikimi mese kwomisye kile kamwoji kinyenda kile nyenyi amu nee. ²⁹ Kibere alk mu kichega kileji Jeso, "Ui aal tuguk chikimache mu tumdo", amu kiting'ote Juda loletab chepkondoi, nde kileji kugoji kiy kibananok. ³⁰ Kinekakitaach anyu Judas makatyande, kuwechigei sang' banone. Ki saitab kemoi.³¹ Kinewechigei Judas, kimwa Jeso kile, "Kaketoror anyu banienyi weritab chi, aku kaketoror Jehova mu kinyenda. ³² Aku tuun torore Jehovah kinyenda mu oritinyi, akutorore kinyenda mu sainone. ³³ Lagochu mengechen, totebe kibotok nyi matyana. Tuun awoso: aku kile bani kiamwoji Yahudik kile, 'Wolo aweti kimomuche apka', amwowok banienyi akwega kile nyone.³⁴ Akonok ng'atutye nyoleel, ale, achomnye ; kile bani kiachamak, achomnye akwega. ³⁵ Naye biiko togol kile aikwe kasubikju ngochomsoot."³⁶ Kileji anyu Simion Petero, "Kiptaiyandani, iweti ano?" Kuwolji Jeso kile, " Wolo aweti, kimemuche irupka sai; aku tuun irupko." ³⁷ Kileji Petero, "Kiptaiyandani, kainee smamuche arupung' ambo sai? Agoitoi sabondanyu akibo kinye. ³⁸ Kuwolji Jeso kileji, "Igoitoi sabondang'ung' akibo anee? Amwaung' kisob, kisob, ale, kitomo kichai kipsoiywo, itayo kinyil somok."

Chapter 14

¹ "Kitimogoji muguleiywekwok kuimgei: ayan Jehovah; aku ayana ambo anenda. Mito goriik chatya mu kotab Aboo; nde kima lee nyone, ndakikamwowok; aweti achopkok koree. ³ Aku bani kikachopkok koree, achoni kinyile amutok; si wolo ami amite ambo awega.⁴ Aku wolo aweti, onget aree. ⁵ Kileji Tomas, "Kiptaiyandani, makunget wolo iweti, kinaitoi ano anyu aree?" ⁶ Kileji Jeso, "Ai aree ako iman, ako sabondo; machonjini chii Aboo akima mu anee ⁷ Nde kianaya, nde kikanai Aboo kinyile: aku anai kinyenda anyu king'ete ra, aku kioroo kinyenda.⁸ Kileji Pilipu, "Kiptaiyande, borwech Aboo, sikiyamech. ⁹ Kileji Jeso, "Kiketobo togol ako akwee betusyek chatya, akutomo inaya Pilipu? Kinyenda nyikikuroota, ku kikuro Aboo. Ara imwoe kile borwech Aboo amune anyu?¹⁰ Ibere meyene ile ami mu Aboo ak Aboo mu ane? Ng'alek chamwowok ku mamwoe anenda kityo: aku Aboo nyimenyo nyi aye boisionikji. ¹¹ Yana amu ami mu Aboo, ak Aboo mu anee: nde ayana akibo boisionik kichega.¹² Amwowok kisob, kisob , ale, "Kinyenda nyi yono, ku aiye kinyenda boisionik cho aiye, ak kwai boisionik cho echen mu chwechu: amu aweti wolo mi Aboo. ¹³ kiy aka togol nyo asome mu kainenyu, aiye , si kekonyit Aboo mu werii. ¹⁴ Ngosom kiy aka togol mu kainenyu, aiye kiyone.¹⁵ Ngachama, oriibe ng'atutekju. ¹⁶ Aku asome Aboo, akugonok kagaigainde aka, sikitebi kibotok koigeny. ¹⁷ Nyone ku Tamirmirye Nyotilil nyibo iman, nyimomuche ng'wonyu kitaach; amu morooti kinyenda, akima nae kinyenda, aku onget kinyenda; amu tabee kibotok , aku tuun tabee mu oring'wong'.¹⁸ Mabakagtook kile bonoon, achonjinok. ¹⁹ Tikimi katigin smakuroto ng'wonyu, aku arooto amu asbe asopsoot akwega. ²⁰ Mu betunone anaye kile ami mu Aboo, ako akwee mu anee, ako anee mu akwee.²¹ Kinyenda nyetinye ng'atutekju, akiriibe, ki nyone nyi chomoo, aku kinyenda nyi chamoo, ku chamat mu Aboo, akochame kinyenda akong'ong'jigei kinyenda." ²² Kileji Judas (Ma Iskariot), "Kiptaiyandani, kainee sing'ong'wechgei kimeng'ong'jigei ng'wony?"²³ Kuwolji Jeso kileji, "Ngichama chii akiriip ng'olyondenyu, akicham Aboo kinyenda akepkonji kinyenda, akemeny kiboto kinyenda. ²⁴ Kinyenda nyi machamo ki maribe ng'alekju, akimanyanyu ng'olyonde nyi agase aku bo Aboo nyikiyokwo.²⁵ Kamwowok tuguchu kitomi kibotok. ²⁶ Aku netok tuguuk togol kagaigainde, Tamirmirye Nyotilil, nyi yogu Aboo mu kainenyu, akupkotwok tuguuk togol chi kiamwowok. ²⁷ Abogokwok kalye, agonok kalyenyu: magonook kile bani gonu ng'wonyu. Matakany kuimgei muguleikwok, nde kuiywoisyo.²⁸ kikagas kile bani kamwowok ale, aweti, akochoni wolo omite. Nitachama, ku abaibaitu amu aweti wolo mi Aboo, amu ou Aboo mu anee. ²⁹ Kamwowok ra kitomo kayak sine kakwayak, ayan.³⁰ Mong'ololwok kiya, amu choni nyo ou nyibo ng'wony, akimatinye kiy mu anee; ³¹ aku sikinai ng'wonyu kile achame Aboo aku kile bani kigono Aboo ng'atutye, aiye kile nyone. Ang'etye keba."

Chapter 15

¹ "Ai keti nyibo kisob nyibo sabibuk, aku semberinde ku Aboo. ² Tile tame aka togol nyimi mu anee nyi maye logoek, akitiliil tame aka togol nyi ye logoek si kiyi logoek alak.³ Atililien banienyi amu ng'alek chi kikamwowok. Amenyo si omenyok. Kile bani momuche tame kiyi logoek kinyenda kityo, ngiti mamenye keti, kumomuche ambo akwega ngitimomenyo.⁵ Ai ketitab sabibuk, aku akwe tamoik: kinyenda nyimenyo, akomeny kinyend, ki nyone nya iyee logoek chatya: amu momuche aiy kiy akwege bungo nemomi kibotok. ⁶ Ngitima menyo chii, kewirtoi kinyenda kile tametab keti, si kiyam, sikiyum biiko akiwirchi ma' sikiloyo. ⁷ Ngitomenyo, akimenyok ng'alekju, asom anyu kiy aka togol nyomeche, sikeaiwok.⁸ Kigonyite Aboo mu nyenyi, bani aiyee logoek chatya; sineityo oloku kasubikju. ⁹ Kile bani kichama Aboo, ku kiachamak anenda ambo. Atebee mu chomnyenyu.¹⁰ Ngutoriibe ng'atutekju, akotebee anyu mu chomnyenyu, kile bani kiorip ng'atutek chibo Aboo, akotebi mu chamnyenyi. ¹¹ Kamwowok tuguchu sikitebi mu akwe boiboiyenyu, sineityo kusulda boiboiyeng'wong'.¹² Ng'atutyenyu nyi, ale, achomnye kile bani kiachamak. ¹³ Matinye chii chomnye nyasire nyi, ale, kugoitochii sabondanyi akibo charwaikji.¹⁴ Aikwe charwaikju, ngutai tuguuk chi ang'atok. ¹⁵ Mogurenok otwog, amu ma naiye otwokindo kiy nyoiye kiptayandenyi; aku kagurenok charwai amu kang'ang'wok tuguuk togol che kiagase Aboo.¹⁶ Ki moleweno, aku kiolewenok akagonok ale aba akoiiyo logoek ; sineityo kitebi logoekwok; sineityo kugonok Aboo kiy aka togol nyo osome mu kainenyu. ¹⁷ Ang'atwok tuguchu ale , achomnye.¹⁸ Nesasak ng'wonyu, anai kile kikisasa kitomo kisasak. Nda koikwe chibo ng'wony, nda chame ng'wonyu chachii: aku amu mo bakwe ng'wony, aku kiolewenok mu ng'wony, kisasook anyu amu nyenyi.²⁰ Apkaat ng'olyonde nyi kiamwowok, 'Masiire otwogindo kiptaiyandenyi.' Ngutikiuso anenda, kuusakwe ambo, ngutukinam ng'olyondenyu, kiname nyong'wong' ambo. ²¹ Aku aiywook tuguchu togol akibo kainenyu, amu mnai kinyenda nyikiyokwo. Ndakimachoo ang'ololji kichega, kitamatinye tangek, aku banienyi, ku atinye kiyo tyokegei akibo tangektang'wang'.²³ Kinyenda nyi sasoo ku kasaas Aboo. ²⁴ Ndakima aiy mu kwenung'wang' voodoo nilkima aiy chitaka, nde katimatinye tangek: aku ra ku kakigarech aku kakisaseech anenda ako Aboo. ²⁵ Au si kusulda ng'olyonde nyekikisir mu ng'atutikwak, kele, 'Kisasa kileen.'²⁶ Nemi bani kikucho kagaigainde, nyi nemi tuun ayokwok kibunu Aboo, Tamirmirye Nyotilil nyibo iman, nyibunu Aboo kicho kibaoryanjo. ²⁷ Akabaoriene ambo akwega amu kiomii kibotoo king'ete tai.

Chapter 16

¹ "Kamwowok tuguchu si ma kartak. ² Kuonook mu kanisosik. Choni sait nyipkote chi togol nyi barok kile aichini Jehovah boisie.³ Aku aiye tuguchu amu manai Aboo nde ku anee. ⁴ Aku kamwowok tuguchu si necho saing'wang', amuche apkaat ole, kiomwowok akibo chwechu. Aku kimomwowok tuguchu king'ete tai , amu kiomi kibotok.⁵ Aku ra kowo wolo mi kinyenda nyikiyokwo, aku momi chi makwe nyitebeno kile, 'Iweti ano?' ⁶ Amu kamwowok tuguchu, ku kanyiy muguleiwekwok cholotyo. ⁷ Aku amwowok nyibo kisob; kararan mu akwee ngowo: amu ngiti ma wo kimachonjinok kagaigainde; aku nowo, ayokwok kinyenda.⁸ Nemi bani kakucho kagaigainde, kuborji ng'wony akibo tangekto ako imanda, ako kirwoge, ⁹ akibo tangekto amu mayana; ¹⁰ akibo imanda, amu aweti wolo mi Aboo, akimakoroto kinyile, ¹¹ akibo kirwoge, amu kikirwogji nyo ou nyibo ng'wonyuni.¹² " Totinye tuguuk chatya chi kata tamwowok, amu mokomuchakwe amuita banienyi.¹³ Aku nemi bani kocho kinyenda , Tamirmirye Nyotilil nyibo imanda, kindoiwok akoi amang'ta togol: amu mamwoe chachi kityo, aku mwoe tuguuk togol chigase, akung'ong'wok tuguuk chipkoni. ¹⁴ Tororoo, amu name chachu akung'ong'wok.¹⁵ Chachu tuguuk togol chatinye Aboo, nyone kamwa ale, name chachu akuborwok." ¹⁶ "Tomo katigin simakoroto kinyile, akimi katigin kityo saroto. "¹⁷ King'ololjigei anyu alak mu kasubikji kile, "Neenyi kamwowech kile 'Mi katigin simakoroto, akimi katigin sarota, amu aweti wolo mi Aboo?' ¹⁸ Kile anyu, "Nee nyi kamwa kile, 'Mi katigin?' Makunget kiyo mwoe."¹⁹ Kinai cheso kile mache biichoche kitebee kinyenda, aku kileji, "Ibere atebegei akwege akibo ng'olyondoni kikamwa ale, 'Mi katigin si makoroto, akimi katigin kinyile sarota? ²⁰ Amwowok kisob, kisob, ale, ariirsot akawoksot akubaibai ng'wonyu. Acholsoot, aku kuweche cholotyeng'wong' kuloku boiboiyo. ²¹ kile chepyoso nyating'e tomono bani mache kisigisyo, bani kait sainyi, aku bani kikisich lakwe, kimakipkote ng'wonin kinyile, aku loku boiboiye amu kakesiku chii kicho ng'wony.²² Nyone anyu, otinye cholotye banienyi: aku tarotook kinyile, amu baibai muguleiwekwok, akima sarenok chii boiboiyeng'wong'. ²³ Akimatebeno kiy betunone. Amwowok kisob, kisob, ale, 'Ngitosom Aboo kiy aka togol kugonok mu kainenyu. ²⁴ Tomo asoom kiy mu kainenyu: asoom si anyoru, sineityo kusulda boiboiyeng'wong'."²⁵ Kamwowok tuguchu mu kalewene: aku choni sait, nymakang'ololwok mu kalewene, aku aborwok kikaram akibo Aboo.²⁶ Asome betunone mu kainenyu: amwowok ale, atebee Aboo kiy akibo akwe; ²⁷ amu chamok Aboo kinyenda amu kiachama, aku kiayan ole kiabunu Aboo. ²⁸ Kiabunu Aboo, akachonji ng'wony; abakagtooi ng'wony kinyile, akakatitagei wolo mi Aboo.²⁹ Kileji kasubikji, " Aroo, ing'olole banienyi kikaram kutoogu, akima imwoe kalewene." ³⁰ Kunget ra kele inget tuguuk togol, aki ma magat chi kutebening' kiy: Kuyene mu nyenyi kele kibunu Jehovah. ³¹ Kiwolji Jeso kileji, " Ayeno ra?³² "Aroo, choni sait, ee, kikicho ambo sai, bani kiistok, kuwo chi togol bandanyi, akabagakta anenda kityo, amu mi Aboo kiboto. ³³ Kamwowok tuguchu sineityo anyoruneno kalye. Otinye nyalilda mu ng'wony! Aku oloku nyogon amu kikobel ng'wony.

Chapter 17

¹ Bani kikakimwa Jeso ng'alehu, kimarar barak kipsengwet, akile, "Aboo, kikuit sait itoror Wering'ung'; sineityo kutororing' wering'ung'. ² Kile bani kigochi kinyenda kimnate kiboyu biiko togol, sikiyam kugoji sabon nyibo akoi mu chi togol nyikigochi kinyenda.³ Oronyi sabon nyibo koigeny: ale kinaing' Jehovah nya kinyenda nyibo kisob, ako Jeso Kristo, nyikiyogu. ⁴ Kiotororing' mu ng'wony amu kiatar boisie nyikigono aiy. ⁵ Ak ra anyu, ee, Aboo, tororo mu kinyende kityo mu torornate nyikiotinye akinye kemi yuwai kitomo kiitu ng'wonyu.⁶ Kioborji kaineng'ung' biiko chekigono mu ng'wony. Ki choguuk akigono aku kikiriip ng'olyondeng'ung'. ⁷ Kikinai ra kile bunung' tuguuk togol che kigono. ⁸ Amu kogoji kichega ng'alek che kigono aku kitaach, aku kikinai kisob kile kiobunu wolo imi, aku kikiyan kile kiyokwo.⁹ Asoe akibo kichega: mosoe akibo ng'wony, aku asoe akibo kichega chekigono: amu chachu. ¹⁰ Aku tuguuk togol chachu ku chokuk, aku chokuk ku chachu, aketororoo mu kichega. ¹¹ Aku mokomite ng'wony, aku mi ng'wony chu, akochoni wolo imi. Aboo Nyotilil, riip mu kaineng'ung' kichega chekigono, sineityo kuloku agenga., kile ache.¹² Kioriip mu kaineng'ung' kichega che kigono, bani kitikemi ako kichega: Kioriip kichega akimobet ambo agenga mu kichega, kibate weritab botot; si kusulda surutye. ¹³ Kachonjing' banienyi, akomwoe tuguchu mu ng'wony, sineiyto kusulda boisyenyu mu kichega. ¹⁴ Kiogoji ng'olyondeng'ung'; aku kiwech ng'wonyu kichega, amu mo bo ng'wony, kile bani mobo ng'wony anenda.¹⁵ Mosoe ale mut kichega mu ng'wony, aku ale iriip kichega mu kinyenda nya ngaya. ¹⁶ Mapo ng'wony kichega kile bani mopo ng'wony anenda. ¹⁷ Tilil kichega mu imanda: imanda ng'olyondeng'ung'.¹⁸ Kile bani kiyokwo acho ng'wony, kile nyone kayokto kichega kiba ng'wony. ¹⁹ Au atobonegei akibo kichega si neityo ketaban kichega mu imanda.²⁰ Akimosoe akibo chu kityo, aku asoe akibo kichega che nemi tuun kiyono amu ng'olyondeng'wang'; ²¹ sineityo kuloku kichega togol agenga. Kile bani iminye Aboo, mu anee, ako anee mu kinye, sineityo kitebi kichega mu achee: sineityo kuyan ng'wonyu kile kiyokwo .²² Akogoji kichega torornate nyikigono; sineityo kulogu agenga kile bani kii agenga achega; ²³ anee mu kichega, ako kinyee mu anee, sikiloku kichega choiititotin mu agenga, si neityo kinai ng'wonyu kile kiyokwo, aki chame kichega kile bani ichomo.²⁴ Aboo, amache ale kitebi kibotoo mu wolo ami, kichega che kigono, si neityo kuuro torornatenyu nyikigono; amu kichama kitomo kelumta ng'wony.²⁵ "Ee, Aboo nyibo imanda, kimongeting' ng'wonyu, aku kiongeting', aku kikinai chu kile kiyokwo.

Chapter 18

¹ Kinemi bani kikimwa Jeso ng'alechu, kiba ako alamalyenyi kilang'ta tengoni nyibo aine, nyikugure Kedron, wolo kimi mbare, wolo kiwo kinyenda, kiboto alamalyenyi. ² Aku kinget koronine Judas, nyakichomtoi kinyenda, amu kicham kuweti Jeso woline kiboto alamalyenyi. ³ Aku kinemi bani kikunyoru Judas lugetab kiplogotinek, ako kiptainak chebunu tisiik choechen ako Parisaik, kipka kitinye taisyek ako ramertinek ako karigab luge.⁴ Kiwo anyu Jeso ku kakinai tuguuk togol chipkonjine kinyenda akileji, " Awese ng'oo?" ⁵ Kuwolji kile, "Jeso niybo Nasaret." Kileji Jeso ai kinyenda."Kitonone Judas kinyenda, nyekichomtoi kichega.⁶ Bani kimwoji anyu kile, "Ai kinyenda", Kibae batai akutirindoi. ⁷ Kitebee anyu kichega kinyil kile, "Awese ng'oo?" Akile, "Jeso nyio Nasaret."⁸ Kiwolji Jeso kile, "Kikomwowok kile ai kinyenda: nyone anyu, chi wosoo ang'unde chu kiba." ⁹ Si kusulda ng'olyonde nyikimwa kile, "Mabeteno ambo agenga mu choche kigonoo."¹⁰ Kung'usu anyu Simion petero rotwetab chok nye kitinye, akiyap kioityondetab tisiinde nyo ou, kiyap itinyi nyibo tai. Kikugure otogindonone Malko. ¹¹ Kileji Jeso anyu Petero, "wekji rotwee choke: ibere mo aiyee kugombe agenga nyikigono aboo?"¹² Kinam anyu lugee ako kiptaiyande nyo ou, ako kiptainak chibo Yahudik Jeso akirat kinyenda. ¹³ Akumityi Anas kirook; amu ki kabigoi nyibo kaiapa, nyi kitisinde nyo ou kanyinone. ¹⁴ Kaiapa nyone nyekiborjine Yahudik kile, michini kimeji chito agenga biiko.¹⁵ Kurup anyu Simion Petero Jeso, ako aka nyibo alamalye, kiba goot ariit kiboto Jeso akoi kapkirwogetab tisinde nyoou. ¹⁶ Kitonone Petero mu sang' wolo legite kirge. Kimang'ta anyu chichone agenga mu alamalye nye ki kinyenda kityo ako tisinde nyo ou, akung'ololji chepto nyekiriibe kirge, kemutu Petero kicho go.¹⁷ Kileji anyu chepto nyekiriibe kirge Petero, "Meinye agenga mu alamalyetab chichi?" Kile , "Ma anee." ¹⁸ Aku kitononsoot mu yone otwogikab kiptainak, che kikakilai maat nyibo nasen, amu kikaitit, akuywe maat: aku kitonone Petero kinyenda kiboto kichega kuywee maat.¹⁹ Kitebe anyu tisinde nyo ou Jeso akibo alamalyenyi ako konetisyenyi. ²⁰ Kiwolji Jeso kileji, "Kiong'ololji ng'wony , akimauny ng'olyo; kionetisyo betu aka togol mu kanisosiek ako kapkorosusiek, wolo tusoot Yahudik togol, akimamwa kiy mu ung'oot. ²¹ amunee si tebena? Tebee kichega che kigas kiyo kamwoji. Roo, nget chucho tuuk chi kiamwa."²² nemi bani kikimwa Jeso kile nyenyi, kurabach aka mu kiptainak che kitononsot mu yone kile, " Iwoljini tisiinde no ou kile nyone?" ²³ Kuwolji Jeso kile, "Ngitikamwa nya ngaya, ibaoryan akibo nyone ngaya: aku ne kararan, ku amunee rabacha?" ²⁴ Kuyokto anyu Anas kinyenda kuratat kuwo kap Kaiapa, tisinde nyo ou.²⁵ Aku kitonone Simion Petero kuywee maat. Kileji anyu kichega kinyenda, "meinye agenga ambo nyibo alamalyenyi?" Kitai kile, "Ma ane." ²⁶ Kile otwoginde aka nyibo tisinde nyi tilya ako chikai kiyebe Petero itinyi, "Ibere kimaroting imi mbar ako kinyenda?" ²⁷ Kitai Petero kinyile ; aku mu sainone, kichai kipsoiwo.Kikimut anyu Jeso king'ete kap Kaiapa kuwo praitoria: aku kiti ki karoon kiya; aku maba kichega praitoria ariit, sima ng'onitu, aku sineityo kwam Paska. ²⁹ Kimang'ta Pilato anyu kuwo wolo mi kichega, akile, "Nee ng'olyo nyi arwogjinoe chichi?" ³⁰ Kuwolji kileji, " Nda ka ma cholwogin chichi, katimakimutu kinyenda kucho taing'ung'."³¹ Kileji Pilato kichega anyu, " Anam kinyenda akwega akorwogji kile ng'atutyeng'wong'." Kileji anyu Yahudik , "Machamat mu achee kegeet chii aka togol. ³² Kimwoe kile nyenyi sineityo kusulda ng'olyondetab Jeso nyiimwa kiboru mee wolo meitoi.³³ Kuwo anyu Pilato kinyile praitoria ariit, akuguur Jeso kileji, "Ibere iinnye laitoriandetab Yahudik?" ³⁴ Kuwolji Jeso kile, "Kemwa ng'olyondoni kinyende kityo nde kakimwoung' akibo anee?" ³⁵ Kuwolji Pilato kile, " Aine Yahudio? Kakumutung' tainyu biikuk ako tisiik cho echen. Kiaiy nye nee?"Kuwolu Jeso kile, " Mobo laitornatenyu ng'wonyuni. Nde bo ng'wonyuni laitornatenyu, ku kata aiye borye alamalyenyu si ma kugocho eunekab Yahudik: Ara anyu banienyi ku mo bo laitornatenyu woli." ³⁷ Kileji anyu Pilato kinyenda, ara ii laitoria so?" Kuwolji Jeso kile , "Kaimwa ile ai laitoria. Kikisichu amu nyenyi, aku kiachoo ng'wony amu nyenyi, sineityo abaorianji imanda. Chii aka toogl nyibo imanda kugase kotenyu."³⁸ Kileji Pilato, "Nee imanda?" Kinemi bani kikimwa kile nyenyi, kimang'ta kinyile wolo mi yahudik, akileji, "Manyorjane lelut kinyenda. ³⁹ Aku otinyakwe atabe , ole atyokwok aka mu paska: ara omeche atyokwok laitoriandetab Yahudik?" kibolyo anyu kinyile , kile, Ma chichi, aku Barabba!" Aku anyu ki choriin Barabba.

Chapter 19

¹ Kinam anyu Pilato Jeso, akibire kipchoriti. ² Aku kitaiy kiplugotinek ng'atye nyibo katoi akugoji meti, akulokji nguryee nyo arus nyobirir. ³Akipka wolo mi kinyenda akile, " Kitororing', Laitoriandetab yahudik!" Akirabach kinyenda.⁴ Aku kimang'ta Pilato kinyile, akileji kichega, "Aroo, kamutwak kinyenda kucho taing'wong' sineityo anai kile manyorchane kinyenda lelut. ⁵ Kung'etu anyu Jeso sang', ku karat metinyi mu ngatietab katoi, kulogonu ngurionone nyorus nyobirir. Kileji anyu Pilato, " Aroo, chichi anyu!" ⁶ Kinero anyu kinyenda tisiik cho echen ako kiptainak, kibolyo kile, " Agargat! Agargat! Kileji Pilato, "Amut akwega kinyenda akagargat, amu manyorji lelut."⁷ Kuwolj Yahudik kileji, "Kitinye ng'atutye, aku kamichi kima amu ng'atutyonone, amu kaitagei kile weritab Jehovah. ⁸ Bani kinegas anyu Pilao mwayanone, kuiyweisyo kiya. ⁹ Kuwo kinyile Praitoria ariit, akileji Jeso, "Ichonenye ano?" Mawolji Jeso kiy kinyenda.¹⁰ Kileji anyu Pilato kinyena, "Meng'ololwo? Menget ile atinye kimnate atyaching' akotinye kimnate agargating'?" ¹¹ Kuwolji Jeso kileji, "Katametinye kimnate iiywa kiy ndekamakugoning' mu barak; nyone anyu, tinye kinyenda nyikigocho euneguk tangekto kusiir."¹² King'ete yone kuwas Pilato kutyach kinyenda: aku kibolyo Yahudik kile, " Ngutitach chichi, ku maki ii charwetab Kaisari: renye Kaisari chi aka togol nyoitogei kuloku laitoria. ¹³ Kinegas anyu Pilaro ng'alechu, Kumutu Jeso kimong'u sang' akutabe ng'wonymu ng'acharetab kirwoge mu wolo kugure "Tatetab koik," aku kikugure mu kotetab Hebranik ,"Gabbata."¹⁴ Ki chabetab Paska betunone: aku ki wolo bo sait lo. Kileji Pilato Yahudik, "Aroo, Laitoriandeng'wong'!" ¹⁵ Kibolyo bichoche kile, "Iste kinyenda! Iste kinyenda! Gargat kinyenda!" Kilji Pilato kichega, "Agargat laitorianden'wong'?" Kuwolu tisiik cho echen kile, "Makitinye laitoria kibate Kaisari. ¹⁶ Kugoito anyu Pilato kinyenda kegargat. Kinam anyu kichega Jeso akumut.¹⁷ Kumut anyu Jeso kimang'ta, kuibe kimurtoyondenyi kinyenda kityo, akoi wolo kigure "Koretab Terta." Nyikigure mu kotetab Hebranik, "Golgota: ¹⁸ wolo kikigargat kinyenda kiboto biiko alak aeny, aka kamasi, ako aka kamasi aku kimi Jeso kwen.¹⁹ Kisir anyu Pilato sire akugoji kimurtoyonde: kikisir anyu kile, JESO NYIBO NASARET, LAITORIANDE NYIBO YAHUDIK. ²⁰ Kusoman anyu Yahudik chatya sirutyonienyi: amu kilegite kokwe wolo kikigargate Jeso: aku kikisir mu kotetab Hebranik, ako Romanik , ako Yunanik.²¹ Kileji anyu tisiik cho echen chibo Yahudik Pilato, "Kitimesir kile Laitoriandetab Yahudik, aku kimwa kinyende kityo kile, 'Ai laitoriandetab Yahudik.'" ²² Kuwolu Pilato kile, "Kiyo kikasir ku kikasir.²³ Bani kikugargat anyu kiplugotinek Jeso, kinam anyu nguroikji, akupchai kipkane kamoswek ang'wan, kuib kiplugotyo aka togol kamasta aka; aku ile nyone ambo sumbe, aku kimatinye sumbe wolo kikituye,kikinap kuloku agenga king'ete barak akoi kapklien. ²⁴ Kilejigei anyu kichega bungo, "Kitimagany kebaal, aku akany ketil mang'an , sikenai chito nyabunjine: si kusulda sirutye nyimwoe kile, "Kipchaichigei nguroikju, akilotyigei ngurienyukiai anyu kiplugotinek tuguchwechu."²⁵ aku kiyong'sot mu wolo legite kimurtoyondetab Jeso kamenyi, cheptambo kamenyi, Mary chepyosop Klopa ako Maria makdalena. ²⁶ Bani kiiro Jeso kamenyi, kiboto alamalye nyi kichame, kuyong'sot mu yone, kileji kamenyi, "Chepyosoni, roo, wering'ung'!" ²⁷ Kieji anyu almalye, "Roo, kameng'ung'!" King'ete sainone kumut alamalyekai chepyosonone kuwo gonyi.²⁸ Kinebta nyenyi, kinai Jeso kile kakuwong'ugei tuguuk togol, sineityo kusulda sirutye, kimwa Jeso kile, "Ka ama malal." ²⁹ kikakegoji yone tare nyo kinyitat siki: kunyiit anyu sipongi akuyokoijine sosyo, kugoji kotenyi. ³⁰ Bani kakitaach Jeso siki, kimwa kile , "Kikubok". Kuabuch metinyi akugoita Tamirmiryenyi kuwo.³¹ Amu kichabee aku kima kimakjine borwek kitabee kimurtoiyo mu sabato,(amu ki ou betunone bo sabato), kusoom Yahudik Pilato kile keriy kelyekwak akechoru. ³² Kipka anyu kiplugotinek, akuriy kelyegab nyibo tai, ako nyibo aeny nyi kikigargat kiboto Jeso. ³³ Aku kinepka wolo mi Jeso, akuro kile kikima, kimatikiriy kelyekji.³⁴ Aku kitore ng'oti karastanyi aka nyibo kilugotinek, aku nyi matyana, kimong'u karetik ako bei. ³⁵ Aku kibaoryan kinyenda nyekiiro, aku bo kisob baornatenyi : aku kinget kinyenda kile mwoe iman si neityo ayan akwega.³⁶ Kiayogis tuguchu sineityo kusulda sirutye nyi kile, "Makiriye kowenyi." ³⁷ akimwoe sirutye aka kile, "Tuun rotii kichega kinyenda nyakitore."³⁸ Kinebata tuguchu, kuwo Joseph nyibo Arimatea, nyi ki agenga nyibo karupikab Jeso mu ung'ot, amu kiywai Yahudik, kusoom Pilato kile kusut bortab Jeso. Kichamji Pilato. Kucho anyu kuip bortanyi. ³⁹ akucho kinyile Nikodemo, nyakichonjini Jeso kemoi akinya tai. Kuibu tuguuk chakargei ako igomoi chekikiware nyamdutek alak, che kibo wolo bo ratilisiek bogol.⁴⁰ Kusut anyu bortab Jeso, akitai mu ngureik chibo katanik kiboto nyamdutik, kile ateptab Yahudik bani tubisyo. ⁴¹ Kimi mbare wolo kikigargate kinyenda, aku kimi mbaranone tose nyoleel nyakitomo ketupchi chii. ⁴² Kikugoji anyu Jeso wolone amu ki betutab chabetab Yahudik, amu kilegit tose.

Chapter 20

¹ Kucho tose Maria Makdalena karoon kikorir kore mu betu nyibo tai nyibo wiki, kuro koita kikemilda mu tose. ² Kilabat kitiit wolo mi Simion Petero ako aka nyibo alamalye nyekichame Jeso, akileji kichega, " Kikeib Kiptaiyande mu tose akimokunget wolo kikugoji kinyenda."³ Kiwo anyu Petero ako alamalyekai kitakjigei tose. ⁴ Kirwoi tuwai kitosotogei, kilabat nyi aka nyibo alamalye kindoe Petero akisip kiit tose. ⁵ Akineng'urukso kuuro ariit, kuuro nguroikab katanik kiitoyotin.⁶ Kicho anyu Simion Petero kurubu kinyenda akiwo kuchut tose akuuro nguraik chibo katanik kuitoyotin. ⁷ Ako ange nyikimito metinyi, ku kimomi kiboto nguroik chibo katanik, aku kikutugur kityo mu ariinyi.⁸ Kuwo ariit kinyenda nyibo alamalye nyekisip kiit tose, aku kiro akuyan. ⁹ Amu kitomo kinai sirutye nyekile, "Ng'ete kinyile nyi matiny mu chi kikubok. ¹⁰ Kiba gaa anyu choche chibo karupik.¹¹ Aku kitonone Maria mu tose sang' , kiriire: akinemi bani kitikiriire, kung'uruch akukoito tose, ¹² aku kiiro malaikainak aeny chakilelechen nguroik kitabee ng'wony, aka mu wolo bo meti ku aka ku wolo bo kelyeek, mu wolo kimi bortab Jeso. ¹³ Akileji, "Chepyosai kainee siriir?" Kileji kichega, "Amu kakeib Kiptaiyandenyu akimonget wolo kakugoji kinyenda."¹⁴ Kinemi bani kakimwa kile nyone, kuwechgei, kuuro Jeso, akimanai kile Jeso nyone. ¹⁵ Kileji Jeso, "Chepyosoni, kainee siriir? Iwase ng'oo?" Kipkote kile kinyenda ku ribindetab mbare, akileji, "Kiptaiyandani, ngikeib kinyenda, mwowo wolo kakugoji soib kinyenda."¹⁶ Kung'ololji Jeso kinyenda kileji, "Maria!" Kokus kong akileji mu kotetab Yahudik "Rabboni!" Nekiwech ku, "Konetindoni." ¹⁷ Kileji Jeso kinyenda, "Kitimetinyo amu tomo alang'ta wolo mi Aboo, aku ui wolo mi tupchosyekju ,akileji 'Along'toi kap Aboo, aku Aboong'wong' , Jehovenyu aku Jehoveng'wong'.' " ¹⁸ Kucho Maria Makdalena kileji karupikji, "Kioroo Kiptaiyande," akimwoji tuguchu kinyenda.¹⁹ Kinemi kasalong'utab betunone nyibo tai mu wiki, bani kikakigar kirgotik, mu wolo kimi karupik, amu ki ywei Yahudik, kicho Jeso kitonone kwenung'wang', akileji, "Ngitobo kalye mu akwe." ²⁰ Kinemi bani kakimwa kile nyone, kuborji eunekji ako karastanyi. Kiboiboitu anyu karupik bani kiro Jeso.²¹ Kileji Jeso kinyile, "Ngitobo kalye mu akwe: kile bani kiyokwo Aboo, ayoktook ambo akwega kile nyone." ²² Akinemi bani kikimwa kile nyone, kumbusyi akileji, "ataach Tamirmirye Nyotilil. ²³ Chi aka togol nyonyoijini gaat ng'okistanyi, kenyoijini gaat, aku aka togol chi ataye anyoji gaat, ketaye kenyoji gaat."²⁴ Aku kimomi Tomas nyi kikugure Didumo, nyi ki aka nyibo taman ak aeny kiboto kichega bani kichoni Jeso. ²⁵ Kileji anyu chu alak chibo alamalye, "Kikeroo Kiptaiyande." Kileji Tomas kichega, "Ngiti maroo mu eunekji birutek chibo kipchumerinak, akachukta mornenyu berutikab kipchumerinak akogoji eunyu karastanyi, ku moyene."²⁶ Aku kinebata betusyek sisiitu, ku kimi alamalyenyu got, aku kimi Tomas kiboto kichega. Kucho anyu Jeso kukorotin kurgotik, akutonon mu kwenung'wang', akimwa kile, "Ngutebi kalye mu akwee." ²⁷ Kileji tomas, "Yogoyu morneng'ung', akiroo morneng'ung' akigoji karastanyu, si meloku ny matinye kayane, aku yan."²⁸ Kiwolji Toma kileji, "Kiptaiyandeyu, ak Jehovenyu!" ²⁹ Kileji Jeso kinyenda, "Kikiyan amu kairoto: berurotin kichega chiyane ki maro."³⁰ Ki aiy anyu Jeso kaborunoik alak chatya, mu taitab karupikji chi ma sirtin mu bukuini. ³¹ Aku kikisir chu, si neityo ayan ale Jeso ku Kristo Weritab Jehovah; sineityo bani ayene anyoru sabonda mu kainenyi.

Chapter 21

¹ Kinebata tukuchwechu kiborjigei Jeso alamalye mu araraita nyibo Tiberia; kiborjigei kile nyi; ² Kimito kichega togol, Simion Peteroako Thomas nyikigure Didumo, ako Nathaniel nyiboKana nyibo Galilaya, ako werikab Zebedayo, ako aeny alak chibo alamalyenyi. ³ Kilei Simion Petero, kowo awaram samakinak. Kileji chuu alak kibeti ambo achega kiboto kinyende. Kiba anyu akilaany maingetab beek: manam anyu kiy kemounone.⁴ Aku kinemi bani mache kiyeech koree, kitonon Jeso mu taban: ku kimanai alamalye kile Jeso . ⁵ Kileji anyu Jeso, Lagochu, otinye kiy nyi ome? Kiwolji kileji Olo. ⁶ Kileji kichega awirji regeiwondeng'ong' nyakiname samakinak kamastab tai nyibo mainge sineityo anyoru. Kuwirji anyu aku matikumuch kuchuut amu kichang'it samakinak.⁷ Kimwoji agenga mu alamalye nyone nyakichame Jeso, Petero, kileji, "Kiptayande Nyenyi!" Kinegas Simion Petero kile Kiptaiyande, kilach kotinyi (amu kimatinye nguryo) akucho araraita. ⁸ Aku kipka chu alak chibo alamalye kibunu mainge nyomining' (amu kimalowen mu ngegut, amu ki wolo bo kwautik chebo eu pogol aeny), Kuchuut regeiwondonone mi samakinak. ⁹ Nyone anyu kineit ngegut, kuuro mu yone maat nyebo nasenik akuwatanat samakya mu yone ako makatya.¹⁰ Kileji Jeso, aibu samakinak chi karame sai. ¹¹ Kilany Simion Petero mainge, akuchuut regeiwonde Kucho taban, aki nyiitat samakinak chokindon, bogol agenga ak konom ak somok: aku ambo ntakichang samakinak ku kimagerer regeiwondonone.¹² Kileji Jeso kichega, "Apka aamishe ." Makany aka togol mu alamalye kitebe kile , "Ii ng'oo?" Amu kinget kile kiptaiyande. ¹³ Kicho anyu Jeso akinam akinam makatyande akugooji, kiboto samakinak kinyile. ¹⁴ Nyenyi ku nyibo somok kuborjinigei Jeso alamalye, king'ete bani king'eet mu che kikubok.¹⁵ Bani kikwomisho anyu, kileji Jeso Simion Petero, "Simion Weritab Johana, ibere ichomo ksiir chu?" Kileji kinyenda, "Ee, Kiptaiyande, inget ile achaming'." Kileji, Bai warekju." ¹⁶ Kileji kinyile nyibo aeny, "Simion weritab Johana, ichomo?" Kileji, "Ee, Kiptaiyande inget ile achaming'." Kileji, Yage Kechirekju."Kileji nyebo somok, Simion weritab Johana, Ichomo?" Kuyweisyo Petero amu kateb kinyil somok kibere 'ichomo?' Aku kileji , "Kiptaiyande, inget tuguuk togol: inget ile achaming'." Kileji Jeso kinyenda, "Bai kechirekju." ¹⁸ Amwaung' ksob ale, bani kitoi mining' ku kiilochagei, akiweti wolo imache, aku nemi kayain iyoositu, ku iitoi eunek sukuloogung' chitage, akumiting' wolo memache."¹⁹ Kimwa kile nyenyi kiboru wolo taptoi meet nye tororee Jehovah. aku bani kikakimwa kile nyone, kileji, "Arupka."²⁰ Kuwechgei Petero akuuro alamalye nyekichame Jeso Kurupe; kutiyegei tagetab Jeso mu amisyetab kasaleny, akileji, "Kiptaiyande, ng'oo nyenyi aldoing'?" ²¹ Kinero Petero kinyenda, kileji Jeso, Aiye nee chiichi?"²² Kileji Jeso, ngutomache kitabiagoi tuun achoo , image nee? Rupkanye. ²³ Kiyom anyu ng'olyondonienyi tupchosiek, kile ma mee chiichone agenga mu alamalye: aku kimamwoji Jeso kinyenda, kileji mamee." Aku kileji, "Ngutamach kitabe agoi tuun achoo image nee?"²⁴ Nyi anyu ku alamalye nyi baorinjini tuguuchu aku nyakisire tuguchwechu akinget kile bo kisob Baornatenyi. ²⁵Aku kimi kinyile tuguk alak chatya che kiaiy Jeso che ndakisire aka togol, abere kitamayame ngwony kitabusiek che kitakisirchini.

Romans

Chapter 1

¹ Paulo, nyi otwogindetab Jeso Kristo, nyi kikuguur kuloku kayoktoin nyekikitobonji logoi chokororneen chibo Jehovah. ² che kikisip keoror mu maotik mu sirutik cho tililen, ³ logoi chokororneen akibo werinyi, nyi kikisich mu kasuyekab Daudi mu borto.⁴ Amu kubunu Tamirmirye nyotilil ku kikimwaita mu kimnate kuloku weritab Jehovah mu ng'etye nyibo mei, Jeso Kristo kiptaiyandenyo. ⁵ Kikitaach mu kinyenda kororindo ako kayoktae, ako kasetab iit nyibo kayane mu bororiosiek togol amu kainenyi. ⁶ Kugurook ambo akwe oloku chibo Jeso Kristo.⁷ Mu akwee togol chomite Roma cho chamanikab Jehovah akikugurook aloku bikyi chotililen; ngutebo myeindo ako kalye nyobunu Jehovah abonyo nyi Kiptaiyandetab Jeso Kristo.⁸ Nyibo tai, awekjini Jehovah nyanyu kongoi mu Jeso Kristo mu akwe togol, amu kayaneng'wong' nyekibarastoi mu ng'wony kimugul. ⁹ Amu Jehovah baoryandenyu, nyo aote mu tamirmiryenyu mu logoi chotililen chebo werinyi, ole atase tai ang'olole akibo kinye. ¹⁰ Osome ole ntemengap onyoru boroin kilegit achoo wolo omi mu magetab Jehovah.¹¹ Amu atinye magee arotok, si neityo akonok konunotyondetab tamirmirye, si kikimitok. ¹² Nyone anyu, ami anobe kagaigaet mu akwe kubunu kayanetab alak, ako nyong'wong', ako nyanyu.¹³ Ara anyu chekitupche momoche otebi kimanai ole, kiamach kinyil chatyang' achonchook (ako kikekarta agoi ra), si neityo anyoru logoek alak ambo mu akwe kile ambo mu bororiosiek alak. ¹⁴ Ai nyekiyoche mu Yunanik, ako che ma Yunanik, ako cho ng'omen ako solwoi. ¹⁵ Kile nyone anyu, kile bani amuche, ku achobot amwowok logoi chokororneen akwe cho omite Roma.¹⁶ Aku mochistoi mu logoi chokororneen chebo Jeso amu nyone ku kimnen nyibo kiptaiyande sikutyachak mu chitogol nyiyene mu Yahudik ako Yunanik. ¹⁷ Aku mu nyenyi keng'ong'u imanitab Jehovah king'ete kayane akoi kayane, kile bani sirat kele, " Kinyenda nyibo imanda kusabe mu kayane."¹⁸ Kikeng'any nerekwekab Jehovah kubunu kipsengwet akibo bistoe togol ako yaitye togol nyebo biiko, che kartoi imanda mu yaityo. ¹⁹ Amu tugukab Jehovah cho ngototin ku tooku mu kichega. Amu kikung'oongji Jehovah kichega.²⁰ Amu king'ete keai ng'wony, keroti tuguukji togol chekimotoku, ambo kimnatenyi nyibo koigeny, ambo kinyeda kisob ku Jehovah. si moloku kichega chetinye lotania; kunaye akutoogu kikaram kimnate nyibo koigeny ako ataptab Jehovah che ngaap motoku mu tuguk che kiai kinyenda, si moloku kichega chetinye lotania; ²¹ Amu kinekakinai Jehovah, ku malosu kinyenda kile Jehovah, nde kimwoji kinyenda kongoi. Aku kiloku solwoi mu kapkotutikwak akutuitu muguleiwekwak chi matinye nae.²² Amu kimwoe kile king'omen ako kiloku salwei. ²³ Aku kiwal torornatetab Jehovah kukargeit ako itondo nyibo chiito nyi yaitu, ako chibo tariit, ako chibo tiony nyibo kelyek ang'wan, ako chibo tuguuk chochutegei ng'wony.²⁴ Nyone anyu, ki bokokji Jehovah kichega makutikab muguleiwekwak si kirup simnyonde, si kitaawer borwekwak kichega mu kichega. ²⁵Amu kiwal imanda nyibo Jehovah kuloku lambach, akulosu akuoot kiy nyekikwai kusiir yainde, nyi berurot koigeny .Amen.²⁶ Amu nyenyi, kikubogokji Jehovah kichega makutek chibo tawernate. Kiwal chepyosokwak atebto nyakararan kuloku nyima kararan. ²⁷ Kile nyone, ambo murenik ku kikibakata atepto nyibo chepyosokwak akukaegei kichega mage nyi laye, kwoichinigei murenik mu murenik nyimokararan, akutooche kichega melekto nyiyamagei ako yaityeng'wang'.²⁸ Aku kile bani kitai Jehovah kutebe naeng'wang', kibokokji kichega kapkotutek chekikinyerakis, si kwai tuguk chimasikjine.²⁹ Ku kikenyiit tuguuk chi mobo iman,sogornate, kasetab myat, yaityo, ngatkong'ta, barisye, boryot, kenisye, suryot, chepkilowin, ³⁰ cho tinye namkong', chi machame Jehovah, cho koromen, cho mensoot, cho unyagei, cho kitou tuguuk chayachen, cho magase iit sikik, ³¹ che matinye nae, cho bute koyomisutek, che matinye chamnyot, che matinye riranetabgei:³²che ambo tunget ng'atutyetab Jehovah nyibere, sikjini kimeiyo kichega cho aiye tuguuk chole chu, kimooiye kichega chole chu aku chomnyejini kiboto kichega cho aiye tuguchwechu.

Chapter 2

¹ Ara anyu metinye wolo ichilile , inye nyaitile kirwok mu chii aka, amu neitile kirwoke mu chitaka, imi irwokjinigei, amu kinye nyaitile kirwok ki iiye nye tuguchoche. ² Amu kinget kele, namagei kirwogetab Jehovah ako imanda akibo kichega cho aiye tugun chile chwechu.³ Aku mache inai ile, inye chiito nyoirwokjini chito aka, ipkote ile ichilile kirwogetab Jehovah akiiye kinyende kile nyone? ⁴ nde isase mogornotosyek chibo kororinienyi ako muitaenyi, ako tolosyenyi akimenai ile mityining'sugune kororindab Jehovah?⁵ Aku mu togolindang'ung' ako muguleitang'ung' nyi matinye sugune, ikonorchinagei nerekwa kibinchi betutab nerekwa, ako ng'ang'utyetab kirwoge nyibo imanda nyibo Jehovah; ⁶ nyi nemi tuun kugojini chitogol kile boisionikji:⁷ Aku kochine sabondab koigeny kichega chiwase mu muitae ako mu boisionik chokororneen, torornate ako tekisto ako chi mayaitu.⁸ Aku kichega chile ng'alelik akimagase it imanda, akugase it nyi mobo imanda,kuloku birate ako nerekwa, ⁹ nyalilda ako koromindo, mu sabondab chii aka togol nyi iiye yaityo, nybo Yahudionde kirook, ako nyibo Yunaninde.¹⁰ Aku torornate ako tegisto ako kalye mu chii aka togol nyo aiye nyakararan, nyibo Yahudinde korook ako Yunaninde: ¹¹ amu matiye Jehovah biiko. ¹² Amu ki kiiy togol tengek chatya kimomi ng'atutek kiboku mu ngatutek, aku che kiiy tengek mu ng'atut, kerwogjine mu ng'atut.¹³ Aku momi gasik chibo ng'atutye chekiite kile bo iman kibate kichega chi iiye kile wolo mwoitoi ng'atutye keite kile bo imanda. ¹⁴ Amu neiye bororiosiek chematiny ng'atut mu ateptang'wang' tuguk chibo ng'atut ku boyugei kichega.¹⁵ Iboru nyone boisietab ng'atutye nyi sirat mu muguleiywekwak kuborjini kichega ng'omnateng'wang' akumwoitogei kichega mu kichega mu kapkotutikwak nde kusarugei.¹⁶ Mu betu nyirwokyini Jehovah tuguk choung'otin chibo biiko, kile logoik chu chokororneen mu Jeso Kristo.¹⁷ Aku nekigurening' Yahudio, akitiyegei ng'atutie, akichoyegei mu Jehovah, ¹⁸ aku inget magenyi, akichame kikaram tuguk cho kororneen kisiir, amu kineting' ng'atutye, ¹⁹ akiit ile ii kandoinde nyebo chepkorotin, lapkeiye kichega chemi tuin, ²⁰ kotigoninde nyibo cho berberen, konetinde nyibo lagok chomengechen, nyaitinye mu ng'atutye karkeindab nae ako imanda, ara muktoi ano kinyere wolo iteptoi mu sabeng'ung'?²¹ Kinye nyainete alak, memuchenye inetgei kinyende, kinye nyaiamdoi akibo chorso, ara ichorsenye? ²² Kinye nyaimwoe kile amete ibetabgei, ara iiyenye ibetabgei? Kinye nyeisase kanomon, ara kinye nyeichore chimi kapkorosu?²³ Kinye nyailasegei ng'atutie, ara itawere Jehovah mu bistoetab ng'atutie? ²⁴ Amu kibane kainetab Jehovah mu kwenutab bororiosyek, amu akwee akargei kile bani kikisir.²⁵ Amu torete kisob kamuratane ne ii yaindetab ng'atutie, aku ngi ii butindetab ng'atutie, ku kikuloku kamurataneng'ung' nyi ma kamuratana. ²⁶ Neriip anyu ng'alekab ngatutie kinyenda nyi makimuratan, ara makiite kinyenda kele muratanat? ²⁷ Aku ara ma tuun rwogung' kinyenda nyi makimuratan mu atabenyi, ngutuyai ng'atutye kusulda, kinyende nye ii butindetab ng'atutye akitinye ng'atutek che sirotin ako kamuratane?²⁸ Amu ma yahudio kinyenda nyi Yahudio mu borto barak, aki ma kamuratane nyibo borto barak, ²⁹ Aku Yahudio kinyenda nyi Yahudio mu ariit, ako kamuratane nyone nyibo muguleito mu sabondo, ma mu siret, nyi kolosunenyi ki mopo biik akubo Jehovah.

Chapter 3

¹ Tinye porot nee anyu Yahudinde? Nde nee torote nyibo yotisho? ² Ou mu aar aka togol: nyibo tai ku amu kikigoji Yahudik kitononji ng'alekap Jehovah.³ Amu loku nee nematinye alak kayane? Kayaneng'wang' nyi momi, kumuche kuwal imanda nyibo Jehovah kuloku kleen? ⁴ Olo; Malee nyone: nguloku nyibo iman Jehovah, akuloku kiplambachwa chii aka togol ,kile bani sirat kile,si neityo kegoning' imanda mu ng;aleguk, amu muche ibelishe bani kurwogung'.⁵ Aku ngitikonyite aebenyo nyimobo imanda, imanda nyibo Jehovah, kitikemwoe nee anyu? Ara mo bo imanda Jehovah nyi choni mu nerekwa? (Ang'olole kile biko). ⁶Olo; malee nyone , amu nda lee nyone ntarwokyindoi ano Jehovah ng'wony?⁷ Aku ngu tasak imanda nyibo Jehovah mu lambachtanyu agoi torornatenyi, ku amu nee si kitikerwogwo kile kipng'okio? ⁸ Amu nee si ma kimwa (kile bani kimwoitoenech nyangaya ako kile bani yane alak kile kimwoyache) keele, ngeai chayachen, si neityo kipka chokororneen? bo iman kirwogeng'ung'.⁹ Nee anyu? kikororneen kisir kichega? Olo, ambo katigin. Amu kikakisip kemwaitae Yahudik ako Yunanik kele mi kichega togol mu baunate nyibo ng'okisto.¹⁰ Amu sirat kele: Momi nyibo imanda, olo, momi mbo agenga¹¹ momi chii nyo nget, momi nyiwase Jehovah. ¹² Kikimasta togol, kikuloku chi matile kiy; momi chi nyi aye chokorornen,olo,momi ambo agenga.¹³ Moogwekwak kile keben nyi yataat; kiboisye berberisho mu ng'alyepkaikwak, Mi ng'wonetab erenok kotiwaikwaak oriit. ¹⁴ "Chi nyitaat kotiwaikwaak banisye ak ng'wonindo."¹⁵ Chepcheben kelyekwak kitarta kereti; ¹⁶ Mi artinwaikwak nyernyerishe ako nyalilda. ¹⁷ Akimanai biichwechu aretab kalya ¹⁸ Mo mii kaiyweishye nyikiywai Jehovah mu taitab konyekwak.¹⁹ Aku kinget kele tuguk alak togol chi mwoe ng'atutye, kimwojine kichega chimito mu baunatetab ng'atutye; si neityo keroo kote aka togol, aku sikemityi ng'wony togol kirwogetab Jehovah. ²⁰ Amu momi chii nyikimwoitoe imanda mu tainyi mu boisionikab ng'atutye; amu bunu nae nyibo ng'okisto ng'atutye.²¹ Aku ra kakung'anyak imanda nyibo Jehovah aku ma mu ng'atutik, nyibauryane ng'atutye ako maotik__ ²² ambo imanda nyibo Jehovah nyi mi mu kayane mu Jeso Kristo mu kichega togol chi yane; amu momi kabesyee.²³ Amu kikwai togol ng'oki, aki maityine torornatetab Jehovah, ²⁴ chekimwaitoe imanda kleen mu myeindanyi mu katyage nyimi mu Kristo Jeso.²⁵ Nyi kigoji Jehovah Kristo Jeso kuloku kaptisisyo mu kayane, mu keretikyi, si keborta imandanyi, mu kachundae nyibo ng'okiswogik, chi kikisip keai mu muitaetab Jehovah, ²⁶ amu kabortaetab imandanyi mu betusyechwechu, si neityo kuloku kinyenda nyibo imanda aku loku nyekimwoitoe imanda kinyenda nyitinye kayana mu Jeso.²⁷ Mi ano anyu kachaunetabgei? kikekerji sang' mu ng'atutye nyile nee? Nyibo boisyonik? Olo, mu ng'atutyetab kayane. ²⁸ Kiite anyu kile kimwoitoe chii imanda mu kayane aku ma mu boisyonikab ng'atutik.²⁹ Nde Jehova ku Jehovah nyibo Yahudik kityo? Ara ma Jehovah nyibo bororyosyek kichega? Ee, bo bororyosiek kichega.³⁰ Kile bani agenga Jehovah, aku kemwoitoe imanda che kiiyaat, aku kemwoitoe imanda che makiyaat.³¹ Ara keai anyu ng'atutye kuloku nyi matile kiy amu kayane? Olo, ma kilee nyone; ki kimite ng'atutye.

Chapter 4

¹ Kimwoe nee anyu mu Abraham, abonyo kinyoru nee mu ateptab borto? ² Amu nde kikakiityi Abraham imanda mu boisionik, kutinye kinyenda nyilosunegei, aku ma mu betutab Jehovah. v 3 Mwae nee anyu sirutek ? "kiyan Abraham Jehovah aku kikiityi kinyenda imanda."⁴ Aku kinyenda nyi boisie, ku mkiityini melektanyi kele bo kororinie, aku bo basendo. ⁵ Aku kinyenda nyi mo aiye boisie aku yane akibo imanda nyibo nya ngaya, keite kayanenyi kele bo iman.⁶ Ambo kile bani kimwa Daudi akibo kaberure nyibo chiito nye ityine Jehovah imanda aku mo mu boisionik. ⁷ Kile, Baibaiyen kichega cheki kenyoiji gaat ng'okistang'wang',Ako che kiketuch ng'okistang'wang'⁸ Baibai chito nyi matuun ityiini kiptaiyat ng'okisto.⁹ Ara kimwoe berurtani akibo che kikimuratan, nde ambo kichega chi makimuratan? Amu kimwoe kele, " Kikiityi Abraham kayanenyi kibinji imanda." ¹⁰ kikiitindo ano anyu? Kikakemuratan nde kitomo? Ma bani kikakemuratan ako bani kitomo kemuratan.¹¹ Kitaach Abraham kaborunetab kamuratana, ngokse nyibo imanda nyibo kayane nyekitinye kitomo kemuratan. si neityo kiloku abootab kichega togol cho yene ambo kitomo kemuratan si neityo keityi kichega imanda. ¹² Akuloku abootab chekikemuratan, mu kichega chi mobo kamuratana kityo, aku chibeti mu katyaretab kayananone bo aboonyo Abraham nyekitinye bani kitomo kemuratan.¹³ Amu kimakukojini Abraham ako kasuyekji arorutye mu aree nyibo ng'atutye kele kibinji ng'wonyu, ako mu imanda nyibo kayane. ¹⁴ Amu ngutuloku chiname tuguuk chebo ng'atutye, ku kikuloku kleen kayane, aku kike aiy arorutye kuloku nyi matile kiy. ¹⁵ Amu ibu ng'atutye nerekwa, aku mu wolo momi ng'atutye, ki momito bistoe.¹⁶ Bunu kayane amu nyenyi, si neityo kuloku nyibo kororinie si mawalak arorutye mu iyate togol, ma choche bo ng'atutye kityo, aku choche chibo kayanetab Abraham, nyi aboonyo achega togol. ¹⁷ ( Kile bani sirat kele, "Kaiing' iloku abotab bororiosiek chatya") ma taitab nyikikiyan kinyenda nyone ku Jehovah, nyo soobe che kikibok aku kuure tuguuk chi momito kile mito.¹⁸ Kiyan mu komong'uno yo kimakimi kiy nyi kimong'u, sineityo kuloku abotab bororiosyek chatya, kikakemwa kile nyone kele, " Tenitu choche iyoteng'ung'" ¹⁹ Aku kimatartar mu kayane bani pkote bortanyi kile nyikikima, ( bani kikakitar wolo bo kanyisiek bogol) ako Sara nye kikakisiirto betusiek chibo iyoote.²⁰ Ee, kimapka kibistoe nyi kibwote arorutyetab Jehova, aku kitasak kikiil mu kayane kutoror Jehovah. ²¹ Aku kinget kikaram kile kito nyakikuoror Jehovah, kumuche kwai kinyenda kusulda. ²² Mu nyone anyu kikiityi kinyenda imanda.²³ Aku kimakisir akibo kinyenda kityo kele kikiityi kinyenda. ²⁴ Aku kikisire ambo akibo achee, aku kiityinech chekiyane kinyenda nyaking'eet Jeso kiptayandenyo kimong'u mu che kikubok. ²⁵ Kinyenda nyenyi nyikikukoitoi akibo bistoenyo, aku kiking'eet si neityo kiityech imanda.

Chapter 5

¹ Kitinye kalya ako Jehovah mu abonyo Jeso Kristo amu kikimwaitaenech imanda mu kayane ² Ako kigunyoru mu kinyenda keitito mu kayane kororonindo kuyonye; ako keboiboitu mu kamong'unetab torornatetab Jehovah.³ Ako male nyone kibat, ako ngebaibaitu mu nyalildanyo, kinget kile konu nyalil muitai; ⁴ ako konu muitae tyemisyo;ako konu tyemisyo komong'uno: ⁵ mogonu komong'uno kejisto amu kigerong'ji chomnyetab Jehovah mugulelwekyo mu tamirmirye nyotilil ni kikegonech.⁶ Amu netikenyolulyotin, kima Kristo akibo che yachen mu betu nyi kikelewen. ⁷ Amu korom kima chii akubo chiinyibo iman:aku abere kenye chito aka kima akibo chii nyakararan.⁸ Aku borwech ache Jehovah chamnyenyi, amu tikei kipng'ogiinek, kima Kristu akubo ache. ⁹ Aku nyosire ksob anyu, ku kakemwaitaenech imanda mu nerekekab aboo mu kinyenda.¹⁰ Amu nee kitikei bunik,kigituyech ako Aboo mu meetab werinyi, nyesire mising anyu, kagetuyech, kesorwech mu sobondanyi. ¹¹ Aku ma lee nyone kibat, ako kiboiboen achega mu aboo, mu Kiptayandenyo Jeso Kristo, amu kigenyoru mu kinyenda kotuise¹² Nyone anyu kile yo kimengji ng'wony tengek mu chiito agenga, ako meet mu tengek; kiityi anyu meet biko togol, amu kiiy togol tengek. ¹³ Amu kimingiot tengek akoi kuit ng'atutik;aku makiite tengek ne momi ng'atutik.¹⁴ Aku kiboyu meet kung'ete Adam akoi Musa, agob mu kichega che kimai tengekto nye kergei ako bistoetab Adam nye kiitondab kinyenda nye kituun konyu.¹⁵ Aku mele bistoito konunetab chomyot. Amu kinebok chachang' mu bistoetab agenga, ku kitasakis ksb kisiir mu che chang' kororindab Aboo, ako konunet mu kororindab chito agenga, Jeso Kristo.¹⁶ Aku makargei kiy nyabitune konune ako kiy nyabitune tengektab chito agenga akoi kogikyine, aku kicho konunetab chomye mu bistaunik cha chang' akoi kaityinetab iman. ¹⁷ Amu kiboyu meet mu bistoetab agenga; nyesire kisoob anyu, kuboyu mu sobondoakweka chi toche changindap kororindo ako konunet nyebo iman mu agenga, nyone Jeso Kristo.¹⁸ Nyone anyu kile bani kipkonji biko togol kirwoge akoi kakikyine mu bistietab agenga, kile nyone kipkonji biko togol konune nyekikoitoi kleen, agoi kaityinetab iman nyebo sobondo mu boisie agenga nyebo iman. ¹⁹ Amu kile bani kiloku chachaang' kiptengekinek mu bistoetab chito agega, kile nyone kwoye chachang kuloku chebo iman mu kasetab it nyibo agenga.²⁰ Ako kicho ng'atutie sineityo kutasak bistoe; aku kinetasak tengekto, ku kitasak kororindo kisob kisir. ²¹ si kile bani kikiboyu tengekto mu mei, kile nyone boyu kororindo mu iman agoi sobondab koigeny mu Jeso Kristo Aboonyo.

Chapter 6

¹ Kimwoe nee anyu? ketas tai ketabe mu tengek si kisich kitasak ayebindo? ² Olo, ma kilee nyone, achee che kikimeiyo mu tengek kemuktoi ano kesopcho mu tengek? ³Nde manaikwee kile kichega togol chekikibatisanji jeso Kristo ku kikibatisanji meenyi?⁴ Nyone anyu ku kikutubech kiboto kinyenda mu kabatisane akoi mee. Kiayak kile nyenyi si keng'eet Jeso mu chikikubok mu torornate nyibo Aboo, si neityo ambo kinyile kebetata mu sobonda nyoleel. ⁵ Amu nekakeuiyech ako kinyenda mu kerkeindab meenyi, ku ketuiyech ambo mu kerkeindab ng'etyenyi.⁶ Kinget kile nyenyi kele kikukargaat nyonyo nyobo keny kuboto kinyenda sineityo kenyernyere bortab tengek. Kiaiyak kile nyenyi sineityo makeloku cho rototin mu tengek . ⁷ kinyenda nyi kikima ku tyachat mu tengek.⁸ Aku nekikemeyo kibotoKristo, ku keyane kinyile kele kisapsoot kiboto kinyenda. ⁹ Kinget kele king'ete bani kikung'eet Kristo mu che kikubok, ku makimee kinyile; makumuche kuboyugei meya mu kinyenda.¹⁰ Amu kimeiywe nyikima ku kimechi tengek kinyil agenga kibat. Aku sabee nyi sabe kinyenda ku sabe mu Jehovah. ¹¹ Mu kile nyone, kimache anai akwega kile kiomechi tengek , aku asopsoot mu Jehovah mu Kristo Jeso.¹² Kile nyone anyu, kitimoyenji tengek kubyugei mu borwekwok si neityo agas iit makutikji. ¹³ Kutumayan ogoji tengek kamastab borwekwok kuloku kariik chi mo kororneen. Aku agojigei Jehovah kile chi sapsoot cho komong'une che kikibok, aku agoji jehovah kamstab borwekwok kuloku kariik che kiboisie mu imanda. ¹⁴Aku kitimoyenji tengek kuboyugei mu akwe. Amu momikwe mu ngatutye ako mu myeindo.¹⁵ Nee anyu? keai tengek amu ma kimimu ng'atutye, aku kimi mu myeindo? Male myone. ¹⁶ Mongetikwe so kile ngi agojigei akweka aloku otwogik aloku otwogik mu kinyenda nyo aote? Ngutobo tengekto akoi meee, nde abo abo kasetab iit akoi imanda?¹⁷ Aku kimwojini Jehovah kongoi amu akwe che kioi otwokikab tengek aku ra ku kikagas iit kungete muleiwekwok konetisye nye kikukonok. Amu kiketyachak mu tengekto aku kikeayak aloku otwogikab imanda.¹⁹ Ang'olole kile ateptab biiko amu terterindab borwekwok: amu kile bani kikokoite kamaswekab borwekwok kuloku otwogikab simnyonde ako tengek akoi tengek, kile nyone ogoi kamaswekab borwekwok kuloku otwogikab imandaakoi tililindo. ²⁰ amu bani kittoi otwogikab tengekto, ku atyogotin mu imanda. ²¹ Kiotinye logoek nee mu betusyechoche mu tuguk cho olilone ra? Amu kabogunetab tuguchwechu ku mei.²² Aku ra ku kaketachak mu tengekto, aku kikoloku otwogikab Jehovah, otinye logoekwokakoi tililindo, aku wolutie ku sobonab koigeny. ²³ Amu melektab tengek ku kimeiywa, ako konunetab Jehovah ku sabondab koigeny mu Kristo Jeso kiptaiyandenyo.

Chapter 8

¹ Nyone anyu, makimii kirwoge mu kichega che mi mu Kristo Jeso.² Amu kikityacha ng'atutyetab Tamirmiryetab sobon mu Kristo Jeso among'u mu ng'atutyetab ng'oki ako meya.³ amu kiy nyikimuch kwai amu terterindab borto, kuyogu Jehova werinyi mu kergeindab bortab ng'oki si kuloku kakochinoe nyibo ng'okisto sikititir ng'okisto mu borto. ⁴ sikisikji kusulda kayomisetab ng'atutye mu achee chimakirupe borto, aku chi rupe Tamirmirye Nyotilil. ⁵ amu kichega chi rupe borto, kipcheyekse met mu tugukab borto, aki kichega cho rupe Tamirmirye, kupcheyekse met mu tugukab tamirmirye.⁶ Amu kapcheyetab met nyibo borto ki kimeywa aku kapcheyetab met nyibo Tamirmirye ku sobon ako kalya. ⁷ Amu kapchetab met nyibo borto ku bunyondi u Jehovah, amu magase ng'atutyetab Jehovah aku momuche:⁸ ako kichega chi mi borto kitamene kubaibai Jehovah.⁹ Ara anyu, momikwee mu borto aku amikwe mu tamirmirye, ngumenyok tamirmiryetab Jehovah. Aku ngitimatinye chii Tamirmiryetab Kristo, ku ma nyanyi ¹⁰ aku ngimi Kristo ako akwee, ambo ntikikim borto mu ng'oi, kusabe sobondo mu imanda.¹¹ Ngimenyok anyu tamirmiryetab kinyenda nyaking'et Jeso kumong'u mu chi kikubok, kusoobe borwekwok chi boku kinyenda nyaking'et Kristo kumong'u mu chi kikubok mu tamirmirenyi nyimanye mu akwee.¹² Nyone anyu chekitupche, kii chekiyoche, ma mu borto, si kerupe borto. ¹³ Amu ngarup borto, aboku nyi matiny, ako ngebar mu Tamirmirye nyotilil boisionikab borto, asopsoot.¹⁴ Amu togol chi ndojine Tamirmirye Nyotilil ku werikab Jehovah chochee. ¹⁵ Amu kimaatach kinyile muguleitab otwognate nyigonok aiyweisye, ako kiataach Tamirmirye nyotilil nyiki kwaenak aloku lagokab Jehovah. Mu yone anyu ne kirire kele, "Aboo kwanda".¹⁶ Kubauriene Tamirmirye Nyotilil kinyenda ako muguleiwekyo kile kii lagokab Jehovah. ¹⁷ Ako nekii lagok, ko kii che bunjinech tuguk, che bunjinech tuguukab Jehovah ako che bunjinech tuguk ako Kristo nya kinyalilsoot kiboto kinyenda, si ketororech kiboto kinyenda.¹⁸ Amu aiite ale nyalildab betusyechu kima sikyini kegergeit ako torornate nyi nemi kayain keng'ong'wech. ¹⁹ Amu kanye kisob aku kanye yae kimugul ng'anyet nyibo werikab Jehovah.²⁰ Amu kikugoji yae togol kugas kito nyi matile kiy, ma kile bani mache, ako amu kinyenda nyikigoji kugas kile nyone mu kamong'une. ²¹ Si kisikyi ketyaach yae kimugul kinyile mu otwognate nyibo nyernyere agoi katyaknate nyibo torornatetab lagokab Jehova. ²²Amu ki nget kele mootinye aku gase kung'wan yae kimugul kibotech agoi ra.²³ Aku ma kile nyone kityo, ako ambo mu achee che kitinye tongoanikab Tamirmirye Nyotilil, kemootinysot achega mu oriit, kekanye ke aitayech keloku lagok, nyone katyagnatetab borwekyo. ²⁴ Amu kisarwech mu kamang'une; aku kamang'une nyikirooti ku ma kamang'une; amu ng'oo nyimong'u nyone rooti?

²⁶ Aku torote kile nyone kinyile Tamirmirye nyotilil terterindonyo: amu ma kinget kesai kile bani skyine; aku saiwech tamirmirye Nyotilil kinyenda mu matinyoshek chi ma kimuche kemwa. ²⁷ Ako kinyenda nyi syoche muguleiwekyo kiyo pkote Tamirmirye Nyotilil, amu soe akibo biko chotililen kile magetab Jehovah.²⁸ Amu kinget kele kichega chi kikeguur kile magenyi. ²⁹ Amu Jehovah nyikisip kinai kichega, ki kinyenda nyisip kilewene kichega si kikargeit ako itondab werinyi, si kuloku nyibo tai mu chotupche chi chaang.³⁰ Ako kichega che kisip kilewen, kuguur choche, aku chochee chi kikuguur, ki kikemwaita imanda, ko kiketoror.³¹ Kimwoe nee anyu mu tuguchwechu? Ngimi Jehovah kamastanyo, ku ng'oo nyibesyech? ³² Kinyenda nyi ki ma riire werinyi, nyikigonu kinyenda akubo achee togol, ara ma gonech tuguk togol mu ayabee kiboto kinyenda?³³ Ng'oo nyitoome che kilewen Jehovah? Jehovah nyiityine imanda. ³⁴ Ng'oo kinyenda nyititirjine? Kristo Jeso nyikima, Ee, kinyenda nyiking'et kumong'une chikikubok, nyimi eutab tai nyibo Jehovah nyisaiwech.³⁵ Pchaech ng'oo mu chomyetab Kristo? Nyalilda nde koromindo, nde usiisye, nde rupee , nde iwe kleen nyimetinye nguryo, nde kurumo, nde rotwop chook? ³⁶ Kile bani kikisir kele, "kibarech betu kimugul akibo kinyee; kikeitech kile kechirek che kiyenye."³⁹³⁷ Ako kii kabelik ambo kisiir mu tuguchu togol mu kinyenda nyi kichamech. ³⁸ Amu anget kikaram ale momuche kibesyech meyat nde sobondo, nde malaikaisyek togol, nde baunatosiek, nde tuguuk chimito, nde tuguuk chipkoni, nde kiy aka togol nyikikwai mu chomyetab Jehovah, nyi mi mu Kristo Jeso Kiptayandenyo.

Chapter 10

¹ Tupchosyekyu, magetab muguleitanyuako somenyu mu Jehovahakibo Israel ku ale kesoru kichega. ² Amu abauriane akibo kicheka kile tinye kagiletabgei akibo Jehovah, aku mo mu nae.

⁴ Amu kristo ku kabokjinetab ng'atutie akoi imanda mu aka togol nyi yane. ⁵ Amu kisir Musa kile, chi nyo iiye imanda nyibunu ng'atutie, kisabe mu nyone.⁶ Aku mwoe imanda nyibo kayane kilenyi: " Kitimemwa mu mugulaitang'ung' kile, ' Ng'o nyilongtoi kipsengwet?' (Nyone ku kemutu Kristo kurogu). ⁷ Aku kitimemwa kile, ' Ng'o nyiweti kusogorjini kabene nyo lou?'" ( nyne ku, kemutu Kristo kulong'u barak mu che kikubok).⁸ Aku mwoe nee? " Lekitening' ng'olyonde Mi koteng'ung' aku mi muguleitang'ung'." Nyone ku ng'olyondetab kayane nyi kwomtoi . ⁹ Amu nging'aany mu koteng'ung' ile Jeso ko ki kiptaiyat, akiyane mu muguleitang'ung' ile king'eet Jehovah kinyenda kimong'une che kikubok, kesorung'. ¹⁰ Amu yane chii mu muguleito akoi imanda aku ng'onye mu kote akoi sorune.¹¹Amu mwoe sirutek kile, " aka togol nyi yane kinyenda kima kikochini kulilan. ¹² Amu momi kabesye nyibo Yhudio ako Yunaninde, amu kiptaiyandanone ku kiptaiyandetab togol, aku ayabe mu chi aka togol nyi kuure kinyenda. ¹³ Amu aka togol nikure kainetab kiptaiyande, kesoru.¹⁴ Kurtoi ano anyu kichega kinyenda nyitomo kuyan? Aku yondoi ano kinyenda kichega chi tmo kigas akibo kinyenda? Aku gastoi ano aku mo amtoinde? ¹⁵ Aku amtoitoi ano aku makiokto? Ambo bani sirat kile, " korornen nyatyana kelyagab kichega chi amtoi logoi chokorornen!"¹⁶ Aku ma kichega togol chekigas it logoi chokororneen. Amu mwoe Isaiah kile, " Kiptaiyande kikuyan ng'oo ng'alekcho?" ¹⁷ Choni anyu kayane mu gasee, aku choni gasee mu ng'olyondetab Kristo.¹⁸ Aku atebe ole, ara kimagas? Ee iman, " Kiwo tweguneng'wang' kibindo koore kimugul,aku kiba ng'alekwak akoi wolo bokjine ng'wonyu."¹⁹ Aku amwoe kile, "Kimanai Israel? kisip kimwa Musa kile, Akochinok ng'atkong'ta mu nyone nye ma bororie; atochok mu borrie nyi matinye nae."²⁰ Aku ki kanyan kisob Isaiah aku kimwoe kile, "Kinyorwo kichega chi mawasa; Kyotogu mu kichegachi ma teba."²¹ Akumwoe akibo Israel kile, " Kyoitochi eunekchu mu betu kimugul biiko chi magse iit aku chi ng'alelik.

Chapter 11

¹ Omwae ole kitoorta kamuktainde bikji olo male nyone amu ai israelinde ambo anenda nyobo kosuwekab Abraham nyobo aretab Benjamin.² Kima toorta kaamuktainde biikyi cho kikakonai anan monai nyo mwoe siret akobo Elijah? kile yo kindano inyenda isrealik eng taitab kamuktainde kile.³ Kiptaiyandani kikakobar maotukuk ak kikoluul ole kitisisie (kapkoros) ara kangetu ane kitio ako wase sabondanyu.⁴ Ako mwae nee walunetab kamuktainde ? katukyikei mureni elifusiek tisab cho makutungji Baal.⁵ Akot eng betusiechu komitocho ngotu ak icheka cho lewenotin chokororenen.⁶ Ako ambo ngobo kororenin koma kobo boisionik ngot kole nyone komatu kuleku cho koromen cho kororenen.⁷ Ara nee ? kimanyoru isreal nye kichengote ako kinyoru lewenik ak kikoria chu alak.⁸ Kile yo sirat kele kigagachi kamuktainde icheka tamirmiretab roun nyonyigis (kabusie nyoo) ak konyan cho makere kiy ak itin cho makasei kiy akoi betuni.⁹Ak mwae Daudi kole ingoleku mesengwang (mestet) kerebe ak kisere (rigeito) ak kanagut koboto yaktae eng icheka.¹⁰ Ngotukokis kanyekwak si maroti kiy ak iyai batosiekwak kongurukokis betusiek tugul.¹¹ Omwae anyu ole tos kiterterioto kotobubutio? olo male nyone ako kichonji sarunetab yetune bororosiek eng kabutenhwang si kogochi icheka koam ngetkong.¹² Ngot koleku kabutengwang magornotosiekab ingony ak koleku bototengwang magornotosiekab Bororosiek kosiire nyitiana nyiyatangwang.¹³ Ako Angalolwok okwe cho boe Bororiosiek kole nyoi nyo kiyoktoi nyobo borortosiek Atorore Boisienyu.¹⁴ Asi kwam ngetkong icheka cho ki borto agenga ak ane eng ake tugu ak kesoru alak eng icheka.¹⁵ Amu ngo tortaengwang katuiyetab ingony kotos nee anyu tagetab icheka kobate kitio sobonda nyobunune cho kimeiyo (kibek)¹⁶ Ak ngo tilil kayumanik (tongoaniat) ko tilil komugul akine ak ngo tilil tigitiot ko tililen akine Tamoik.¹⁷ Ngot ko kikiriy tumenik alak ak inye ne i emitab kertii ko kinamnyening icheka eng kwenungwang ko kioyenda koboto icheka tikitie ak yakwoyetab emitit.¹⁸ Ko matiwalkei (ichaukei) ile isire Tamenik (kipsagatinik) ako ngot iwalkei koma inye nyo ikasene tikitie ako tikitionde nyo kesening.¹⁹ Imwae anyu ile arie tamenik si makinabcho.²⁰ Kararan keriy icheka amu chalwotangwang ak itonon inye engkayanengung amewalkei(ilaskei) ako nyweisie.²¹ Amu ngo kimarire kamuktainde tamenik cho kibo ketone nda ki inye ko marirenen ak inye.²² Toben anyu ole kararan ak ole koromnatetab kamuktainde eng icheka cho kibatio eng kolkolindo (koromnte) ako eng inye ko kararan nietab kamuktainde ngitebe eng kararanienyi ngole nyone ketililin ak inye.²³ Ak ngo matebi icheka eng lelutikwak(chalwokkwat) konomdoikei amu imuche kamuktainde konomunyo icheka kogeny (kinyilei).²⁴ Amu ngo kigetililing eng emait nyobo kertini (timin) eng bitenyi ak kimnatenyi nyo bo Emdit nyakararan nyo makobo kertini (timin) eng bitonyi ko sire ne tia anyu kinanatetab tamenik cho kibo akinga eng emdingwang.²⁵ Amu mamache oleku (oeku) che monget ingotioni (choungotin) che kitpche si moitkei ole ongomen eng lasatengwong bokri bototengwong ole kayam isreal kolkolindo (uindo) eng kebeber (komosok) akoi kocho kanyitetab bororiosiek.²⁶ Ak kole nyone anyu kesoru isreal tugul kile yo sirat kele tun komongune sion katainde ak koistoe jakobo chalwok (lelut) tengek.²⁷Ak mi murtoenyu (arorutienyu) eng icheka ye tun aisto tengekwokykwa (lelutikwak)²⁸ Ako bunik icheka eng okweka amu logoiywek cho kororonen eng ngaliotab lewene nyobo chamanik icheka amu kwanisiek.²⁹ Amatinye ndara konunoikab kamuktainde ak kergenyi.³⁰ Ako kole yo kiongelelji (makonyit) kamuktainde eng betusiekoche kagosirto ako akoi rani ko kaonyoru rirenetabgei eng lelutikwak (chalwokta) ( bistoenywa).³¹ Ara anyu inyone akiche cho kikochalwoken (kikobistoe) si konyoru kiche rirenetabgei eng rirenetabgei nyo kikeberuok..³² Amu kikoratie kamuktainde tugul chalwok (lelut) si kobiit korire tugul.³³ Ee anyu tianitu oindo (nyokindo) nyo bo makarnatosiekab ngomnate ak naetab kamuktainde ak kiruokutikyik cho maisiokaksei (cho makisioche) ak ortinwekyik chemango kigase (cho makimuche)³⁴ Ngo nyo kikonai kabwatutikab kiptaiyande anan ngo nyo kikoleku konetindenyu.³⁵ Anan ngo ne kikosib kokochi kiy korok asi kobiit koyakch inyenda kogeny (kinyilei)³⁶ Amu bo inyenda ak kobunu inyenda ak kowekchinikei inyenda tuguk tugul Binjini inyenda torornate koigeny amin.

Chapter 12

¹ Nyone anyu chekitupche, asomok kisob mu rirenosiekab Jehovah ale, akoite borwekwok kuloku tisoiwo nyisabe, nyi tilil, nyi tachakse mu Jehovah, nyone ku boisyeng'wong nyosikjini. ² Kitimakargeitgei ako atebetab betusyechu, aku akany kewalak mu kalelitetab kapkotutikwok, si neityo anai kikaram magee nyakararan nyibo Jehovah, nyitochekse ako nyobokjinotgei.³ Aku amwojini chii aka togol nyimi kwenung'wong' , mu kororindo nykikegono, akimatipkotyigei chi kile toror kisir nyakatene kipkaat, aku kipkaat nyi yame, kile bani kojine Jehovah chii aka togol karaiwondetab kayane.⁴ Amu kile bani kitinye kamaswek chatya mu borto agenga, akimatinye kamaswek togol boisie agenga; ⁵ Kile nyone mu achee chi kichang' kii borto agenga mu Kristo, aku kii kasta aka togol nyibo aka.⁶ Aku kitinye konunoik co ng'ule kile kororin nyikikegonech, ngu maonate, akany keamte kile wolo teno kayanenyo. ⁷ Ne konunotyondeta aka kiboisyo, akany kiboisyo. Kinetinye aka konunotyondetab kunetisyo, akany kunetisyo. ⁸ Ne konunotyondetab aka kukaigaisyo, akany kukoigoisyo. Ne konunotyondetab aka kugoito, akany kugoito mu ayebindo. Kinyenda nyi boyu, akany kuboyu; aku kinyenda nyariregei, akany kiriregei mu boiboiye.⁹ Nguloku chomnye nyimatinye ng'olse. wirta kisob nyone ya; akinam nyone kararan. ¹⁰ achomnye mu chamnye nyile nyibo tupchosyek; nguiit chito ako chito aka kisiir kinyende mu tegis.¹¹ Mu kogiletabgei, kitimologu soroton. agilgei kisob mu tamirmirye aote Kiptaiyande. ¹² abaibaitu mu kamang'une; amuitoi mu nyalilda, agiljigei sae . ¹³ Atoret cho tililen mu tuguuk chi bonoi. Aiyebitu mu taek.¹⁴ Aberur kicega chausok; aberur kitimaban. ¹⁵ Abaibaitu kiboto cho baibaiyen, rirye kiboto chorirsoot. ¹⁶ Aloku chatinye kapkate agenga akwega mu akwega. Aku kitimapkaat mu aretab lasat, aku ayan aipgei ng'wony. Kitimoloku cho ng'omen mu kapkotutikwok .¹⁷ Kutumoyoktojigei yaityo mu yaityo. Aiichigei chokororneen mu taitab biiko. ¹⁸ Ngitimuchage mu akwe, atebi kiboto biiko togol mu kalya.¹⁹ Chamanichu kitimyakta mugotut, aku agoji boroindo nerekwa: amu sirat kile, " Nanyu yaktaetab mugetut; ayoktoi, mwoe Kiptaiyat." ²⁰ " Neam rupa bunyondeng'ung', ibai, neam malal, igoji bei kiya. Amu bani aiye kile nyone, ku kerurukji ng'osotyo matinyi." ²¹ Matikany kimukting' yaityo aku mukte yaityo mu nyakararan.

Chapter 13

¹ Ngugas iit chi togol baunatosyek cho echen, amu momi baunato kibate nyibo Jehovah. Baunate nyi mito ku kilawene Jehovah. ² Nyone anyu kinyenda nyikartoi baunate ku bistoi ng'aturyetab Jehovah; aku kichega chebistoi kuwasyinigei kirwok.³ Amu mobo bauninek kamuise mu boisionik chokorornen aku mu cha yachen. Aku ara meywei baunate? Ai nyakararan si nyoru kolosune mu nyone. ⁴ Amu kinyenda ku kiboityondetab Jehovah mu kinye nyi iiye nyakararan. Aku ngi iiy nyangaya, iyweisyo; amu moibote rotetab chok kleen: amu kinyenda ku kiboityondetab Jehovah, yoktoindetab mugetut akibo nerekwa mu kinyenda nyo aiye yaityo. ⁵ Nyone anyu, makaat agas iit ma mu nerekwa kityo, aku mu kapkate.⁶ Amu ng'olyondonienyi, agoitoi aisurut ambo, amu kichega ku kiboitinekab boisietab Jehovah cho kilchinigei sait aka togol kiyone. ⁷ Akochi togol tuguuk che sikjini; kodi mu kinyenda nyi sikjini kodi; aisuru mu kinyenda ni sikjini aisuru; kaiyweisye mu kinyenda nyi sikjini kaiyweisye, tegisto mu kinyenda nyi sikjini tegisto.⁸ Kitimobasen chii kiy aka togol, aku ochomnye: amu kinyenda nyichame chitab kokwenyi, kusuldoe ng'atutye. ⁹ Amu mu mwayanone kimwoe kile, " Kitimoibgei, kitimebarisye, kitimechorso, kitimekany king'atying kong' kiy nyibo chii," aku ngimi ng'atutye aka, keyum togol mu ng'olyondoni kele, cham chiitab kkweng'ung' kile wolo ichamtoigei. ¹⁰ Moichine chomnye kiy nyangaya chiitab kokwenyi, nyone anyu chomnye ku kasuldaetab ng'atutye.¹¹ Mu kile nyone anyu, onget betusyek ole kiki iit sat nyi magt ogosu mu rwondo. Amu kikirikchech ra sorune kisiir bani kikiyane mu tai. ¹² Legit kisiirto kemou, kikirigu beetu, nyone anyu angewolune boisyonikab tuin, akelaach garikab lapkeiyo.¹³ Abetate kile bani magat, kile bet, ma mu wasetabgei, nde bogite, nde ma mu sokse, nde mage myangaya, ma mu bolote ako ng'atkong'. ¹⁴ Aku alach Kiptaiyat Jeso Kristo, kitimogoji borto boroin si aiiy magutikji.

Chapter 14

¹ Ataach kinyenda nyi tartar mu kayane, aku si ma neityo arwokyi kapkotutikyi ² Tinye chito aka kayane kwam tuguk togol: aku kinyenda nyi tartar kwome nguyek.³ Aku kitimasas nyo omishe nyi moomishe, aku kitimarwogyi nyi moomishe kinyenda nyo omishe; amu kikitaach Jehovah kinyenda. ⁴ Inye ng'oo nyi irwogyini otwogindetab chito aka? Tonone nde tirindoi mu kiptayandenyi. Ee , kiname kitonon; amu muuche kiptayat kinam kinyenda kitonon.⁵ Iite chitaka betu aka kisiir betu aka. Iite chita aka betu aka togol kikargeit. Kany kinai chii aka togol mu ng'omnatenyi. ⁶ Kinyenda nyiripe beetu kiripjine kiptayande, aku kinyenda nyo omishe, kwomishe mu kiptayande, amu mwojine Jehovah kongoi, aku kinyenda nyi moomishe, kimoomishe mu kiptayande aku mwojine Jehovah kongoi.⁷ Amu momi chii aka mu achee nyi sabe sabenyi, aku momi chii aka nyi mee meenyi. ⁸ Amu ngesapsoot, kesapsoot mu kiptayande, aku ngepoku kepoku mu kiptayande: nyone anyu ngesapsoot nde kepoku kebo kiptayande. ⁹ Amu kima Kristo akibo nyenyi, aku kisob sikiloku kiptayande nyibo chi kikibok ako chesapsoot.¹⁰ aku amunee inye sirwokyini nyi otupche? Nde kinyile ii, amune si iite nyotupche kuloku kleen? Amu tuun ketononsot achee togol mu taitab ng'echeretab kirwogee nyibo Jehovah.¹¹ Aku kikisir kele; "kile bani asabe, mwoe kiptayat, ku tuun kutungjino kutung'to aka togol, akulosu ng'alyepta aka togol Jehovah."¹² Nyone anyu tuun tatyini chii aka togol Jehovah ataptanyi. ¹³ ara anyu matikerwogyigei kinyile: kaigai orwoch kile nyi, kele matikoji chii konogut aretab nyi otupche, nde kiy nyikojini kubut.¹⁴Anget aki kikanai kikaram mu kiptayande Jeso, ale momito kiy nying'wonitu kityo; kibate mu kinyenda nyiite kiy kile ng'wan, kingwonitu mu kinyenda. ¹⁵ Amu ngutuchol nyiotupche mu amitwogik ki maiweti mu chomye. Kitimebar kinyenda mu amitwogikuk nyi kimechi Kristo.¹⁶ Matakany kemwaitae kororindong'wong yaityo. ¹⁷ Amu laitornatetab Jehovah ku ma omisho ako yeiso, aku bo iman ako kalya ako boiboiyo mu Tamirmirye Nyotilil.¹⁸ Amu kinyenda nyi oote Kristo mu tuguchwechu, kuboiboye Jehovah ak keyanjine biiko. ¹⁹ Nyone anyu, ngerup tuguk chikitechegei achega mu achega.²⁰ Aku kitimawechwech boisyetab jehovah mu amitwogik. Tililen tuguk togol kisob, aku yachen mu chito nyi ame mu kanagut. ²¹ Kararan nemakyam banyek nde keyee komek nde keai kiy aka togol nyinache tupcheng'ung'²² Kayane nyi itinye, itepte kinyende kityo mu taitap Jehovah. Baibai kinyenda nyi matinye nyi rwogyine mu kiyone kikiyanjigei kinyenda kityo. ²³ Aku kinyenda nyitinye saget kikikyine ne am, amu moome mu kayane, aku aka togol nyi mobo kayane ku ng'oki.

Chapter 15

¹ nyone anyu michinech ache che kitogolen kesagan nyalildab chematogolen, ama kibaibaigei achega binjo. ² kany kubaibai aka togol mu achee chitab kokwenyi amu nyone nyakararan, si kitechak³ Amu kimabaibaigei Kristo inyenda kityo; aku kile bani kikisir kele, "kikuitio anenda chursetab kichega che kichuring. ⁴ Amu tuguk alak togol che kikisir keny ko kikisir sikenetegei, si kenyoru komong'une mu muitae ako kagaigae nyebo sirutik.⁵ Ankugonok anyu Jehova nyebo muitae ako kagaigaye aloku chotinye kapkate agenga akweka mu akweka kileyo mache Kristo Jeso. ⁶ Si neityo atoror Jehovah kinyenda Abootab kiptaiyandenyo Jeso Kristo mu magee agenga ako kote agenga. ⁷ Nyone anyu atooche, kile yo bani kitachak Kristo kinyenda mu torornatetab Jehovah.⁸ Amu amwoe anyu ale kigei Kristo kuloku kiboityonde nyebo kamuratane akubo imanitab Jehovah, si kiit kogimit arorutik che kikigoji kwanisyekyo. ⁹ Aku si kitoror bororyosiek Jehovah amu rirenenyi kile bani kikisir kele; " Nyone anyu alosung mu kwenutab bororyosiek ak atyenji kaineng'ung'."¹⁰ Ako kimwa kinyile kile, "Abaibaitu akwee bororyosiek kiboto bikyi. ¹¹ Ak kinyile, " Alosu Kiptayande , akwee bororyosiek togol; ak kany kulosu biko togol kinyenda."¹² Mwoe Isaia kinyile kile, "kayoin kichoni tigityondetab Jese ak kinyenda nyi nemi kayoin ng'ete akuboyu bororyosiek; aku mu kinyenda kunyoru bororyosiek mungsee.¹³ Nyone anyu, ngunyitak Jehovah nyibo kamong'une boiboiyo togol ako kalya, sineityo atasakisye mu kayane, mu kamuktaetab Tamirmirye Nyotilil.¹⁴ Ak kaanai kinyenda agane akubo akwe, chokitupche, ole onyitotin mu kororonie, onyitotinkwe mu nae togol, ak kinyile omuche otigongei.¹⁵ Ako asirwok akubo ng'alek alak mu nyiganate nyosiire, kile yo apkotok kinyile amu kororonie nyebo Jehovah. ¹⁶ ole kikoloku kiboityondob Kristo Jeso mu bororyosiek, aboisio mu logoiywek chokororneen chebo Jehovah, sineityo oloku kagoitoetab bororyosiek nyotochakse, ku kakitabn mu Tamirmirye nyotilil.¹⁷ Nyone anyu atinye kolosunenyu bo gei mu Kristo Jeso mu tuguk chi takyinigei Jehovah. ¹⁸ Amu mogenye ang'alal agupo tugun alak togol kibate choche cho kyai Kristo mu ane, akupo kasetab it nyibo bororyosiek mu ng'olyonde ako yae, ¹⁹ Mu kamuge nyibo kaborunoik ako kwong'utik mu kamuktaetab Tamirmirye Nyotilil; nyone anyu kung'ete Jerusalem ako kamoswekyi akoi Iluriko, ku kiamdata kikaram logoiywek chokororneen chebo Kristo.²⁰ Ee, aiye nyone kuloku kiy nyo otorjinigei ole amda logoiywek chokororneen mo mu wolo kikemwaitae kainetab Kristo, si mateech mu lumoiywondetab chiito aka. ²¹ Aku kile bani kikisir kele, "Rotii kicheka chi kimapkonji logoiywekyi, ako tuun nae kichega che tomo kigas."²² Kigekartaa anyu kinyil chatya si ma chonjok. ²³ Aku kile yo motinye woldo aka togol mu kamoswechu, ako kile bani atinye mu kenyisyechu chang' emosto achonjok.²⁴ Mu woi togol nyi nemi tuun aweti Spania (amu among'u arotook mu bandanyu, si netyo ayomisoo mu bandanyu, si nemi kayoin kakiyama atebe nyikikitebi togol ako akwee".²⁵ Aku ra, aweti Jerusalem awo aboisyeji biko chotililen.²⁶ Amu kicham kisob Makedonia ako Akai kibasyi tugun biko chi banansot mu kwenutab chotililen mu Jerusalem. ²⁷ Ee, kikicham kichega kisob ng'oliondonienyi aku kichega ku kabesenikwak. Amu ngukikeyai bororyosiek kuloku yamdoik chebo tugukwak chebo Tamirmirye, kisikyini mu kicheka kiyakta mu boisye nyo boisyejini mu tuguuk chibo borto.²⁸ Nemi bani kakawong'u anyu nyenyi, ako ailee kichega logoechu , acho aweru woldong'wong' aweti Spania. ²⁹ Ako anget ale bani kakachonjok , achoni mu nyiyetab kaberurtab Kristo.³⁰ Asomok kisob, anyu cho kituphe mu kiptayandenyo Jeso Kristo, ak mu chomyetab Tamirmirye, ale ogilgei kibote sautikwok cho osoe Jehova akibo ane. ³¹ Sineityo kityacha mu kichega chi magastoi mu Judea, si kuloku boisyenyu nyi atinye akubo Jerusalem nyotochakse mu chotililen. ³² Si amuch achonjok mu boiboiyo mu magetab Jehova, ak anyoru kamung'e kibotok.³³ Ngitebi Jehovah nyebo kalye kibotok akwee togol. Amen.

Chapter 16

¹Kakonorok Poibe cheptanyo nyi kiboityonde nyibo kanise nyomito konkrea, ² ale ataach kinyenda mu kiptayande kile bani magat mu chotililen, ak atoret kinyenda mu kiy aka togol nyomagenok, amu kinyenda ambo ko ki toretinde mu alak chatia, ambo ane.³ Agat Prisila ako Akwila che ki kiboitinek togol mu kristo Jeso, ⁴ cho ki kiboitin chokigoita sobonwekwak akubo sabondanyu, cho amwojine kongoi aku ma ane kityo, ambo kanisosiek togol chebo bororyosiek. ⁵ Agat kanise nyimi kong'wang'. Agat Epeneto nyi achame kisob, nyobo tai kitaach Kristo mu koretab Asia.⁶ Agat Maria , nyikiboisyewok mu boisye nyo ou. ⁷ Agat Androniko ako Junia, nyibo arenyo, che kikirat kibooto, chotokunotin cho kiyoktoi, kichega che kimi mu Kristo kitomo ayan ane. ⁸ Agat Ampliato nyi chamat kisob mu kiptayande.⁹ Agat Urbano kiboityondenyu mu Kristo ako Stako nyi achame. ¹⁰ agat Apele nyi chamat mu Kristo. Agat chebo kotab Aristobulo.

¹² Agat Truphena ako Truphosa,cho boisye mu kiptayande. Agat Persis chamane nyi kiboisye kisob mu kiptayande. ¹³ Agat Rupo nyi kikilewen mu kiptayande, ako kamenyi nyo kamenyu ambo ane. ¹⁴ Agat Asunkrito, ako Plekon, ak Herme, ak Patropa Ak Herma, ako tupchosyek chimito kiboto kichega.¹⁵Agat Pilologo ako Julia, ako Nereo ako cheptang'wang', ako Olumpa, ako tupchosyek togol chomi kiboto kichega. ¹⁶ Agatgei mu asak nyotilil. Agatok kanisosyek togol chebo Kristo.¹⁷ Asomok anyu tupchosyekyu, ole aroo kicheka cho ng'ete kabesyo ako kanagut, cho manamagei ako konetisye nyo kianetgei. achalegei kichega. ¹⁸ Amu kichega chole choche ki ma oote kiptayandenyo, aku oote mootinwekwak, aku berbeere muguleiwekab cho lipkoben mu ng'alekwak cho talgusen chebo buch (chemaigut).¹⁹ Amu kikigasak mu biiko togol kaseng'wong' bo iit. Nyone anyu abaibai mu akwee, ako amache aloku cho ng'omen mu nyakararan, akoloku salwoi mu yaityo. ²⁰ Amu tuun tuye Jehovah chesawilye mu kelyekwok kilekit. Ngutebi kibotok kororindo nyebo kiptayandenyo Jeso Kristo.²¹Gatook Timoteo nyikiboisye tuwai, ako Lukiko, ako Jason, ako Sosipatro, nyibo arenyo. ²² Ane Tertio nyi kosire barwani, agatakwe mu kiptayande.²³ Gatok Gaio nyikigara mu gonyi, ako kanise togol. Gatok Erasto nyinamu chepkondok mu nganase, ako Kuarto wering'wang'. ²⁴ Ngitebe kibotok kororindab kiptayandenyo Jeso Kristo. Amen.²⁵ Ara anyu mu kinyenda nyomuche kikimitok kile logoiwekyu cho kororneen, ako amdaetab Jeso Kristo, kile ng'ang'utie nyebo ung'ot, nyikikakiuny kisiis king'ete betusiek chebo keny, ²⁶ aku kakung'anyak ra, aku mu sirutik chebo maotik, kilee ng'atutietab Jehovah nyibo agoi, ku kakuborji bororyosiek togol ako kasetab it nyibo kayane_²⁷ bo jehovah nyong'om kityo torornate koigeny, mu Jeso Kristo. Amen.

1 Corinthians

Chapter 1

¹Paulo nyo kigiguur kulegu nyo kiyoktoi nyobo Jeiso Kristo mi magetat Jehovah, ak sostene tupchenyo. ²Kisirjini kanisetab Jehovah nyo mi Korinto, ichege cho kigitaban mi Kristo Jeiso, cho kigiguur kulegu cho tililen, kuboto togol cho kuure kainetab kiptayandengwang Jeiso Kristo mi kamosta aga togot, kiptayandengwang agu nyo nyo: ³Inguteb kubotok miendo ak kalye nyi chonee Jehovah kwendanyo ago kiptayande Jeiso Kristo.⁴Amwochini Jehovah nyanyu kongoi betu aga togoh agubo akwe, amu koromnyetab Jehovah nyo kigikonok mi Kristo Jeiso. ⁵Amu kigeiiyak alegu mogorek kusop mi inyende mi kiy aga togol, mi ngalek togot, ak nae togol; ⁶Kule nyu kigigimil baurnotetab Kristu mi akwe.⁷Si maletu mi konune aga togol; aganye ng’ang’utielab kiptayandenyo Jeiso Kristo. ⁸Nyo igimitok agine agoi tel, ku motinye kiy nyo kirwogunenok mi betutab Jeiso Kristo. ⁹Jehovah gu nyo kiyene kigeguurok mi inyende abwanji yamdeetab werinyi Jeiso Kristo.¹⁰Asomok kusop anyu, cho kitupche, mi kainetab kiptayandenyo Jeiso Kristo, ale, amwa togol kito agenge, si mabitu kobesiosiek mi kwenungwong; agu solegu cho begegchinotin kipagenge mi kabwate agenge ako mi kirwoge agenge. ¹¹Amu kiguboruo icheke cho mi gotab kloe agubo akwe, tupchosiekyu, kule mi toiyosiek kwenungwong.¹²Kito anyu nyo amwae ku nyi, ale, mwae agu togol mi akwe, kule, a bo Paulo; ak a bo Apolo; ak a bo Kepa; ak a bo Kristo. ¹³Tos pcheat Kristo? Tos kigigargatuok Paulo? Ndo kigibotisonjok kainetab Paulo?¹⁴Amwachini Jehovah kongoi amu ma batisan chi mi akwe, kubate Krispo ago Gaio. ¹⁵Si mamwa chi aga togol kule kigibatisanjok kainenyu. ¹⁶Ak kiabatisan chobo gotab stepana agichei monget kugeny, ngu kitaabatisan chi aga.¹⁷Amu maiyokwo Kristo abatisanisio, agu aanda logoiwek cho koromen: ma mi ng’omote nyobo ng’alek, sim o kiiy kimurtoyondetab Kristo kulegu buch.¹⁸Amu berberindo ngolyontetab kimurtoyonde mi ichege cho betsot, agu mi ache cho kisoru ku kimnotetab Jehovah. ¹⁹Amu kigisir kele, ang’eme ng’omnotetab cho ng’omen, ak atay koguiyetab ichege cho igusot.²⁰Mi ano nyo ng’om? Mi ano sirinde? Mi ano kiptuyotyonde nyobo kenyisiechu? Tos ma iiy Jehovah ng’omnotetab ngwenyini kuberberit? ²¹Amu mi ng’omnote nyobo Jehovah ku ma nai ng,eny Jehovah mi ng’omnotenyi, kicham Jehovah kusoru ichege cho iyone, mi berberindo nyobo ng’olionde nyo kiomdoi.²²Amu some Yaudik koborunoik, ak cheng’e Yunanik ng’omnote. ²³Agu kiomdoi ache Kristo nyo kigikargat, nyo konogut mi Yandik, akku berberindo mi Bororiosiek.²⁴Ago mi ichege cho kigiguur, Yaudik kuboto yunanik, Kristo ku kamuktaetab Jehovah, ak ng’omnatetab Jehovah. ²⁵Amu berberie nyobo Jehovah ku ngom kusiir bik; ak nyalulnatetab Jehovah ku kim kusiir bik.²⁶Amu oroo kuurseng’wong-o, tupchosiechu, ale ma kiguur cha chang’ cho ng’omen mi atebetab borto, ndo choc hang’ cho kimen, ama cha chang’ cho toogunotin. ²⁷Agu kilewen Jehovah tuguk cho berberen chobo ng’weny, si kukochi cholotie cho ng’omen; ak kilewen Jehovah tuguk cho nyolulyotin chobo ng’weny si kugochi cholotie tuguk chokemen.²⁸Ak kilewen Jehovah tukuk cho ma taogunotin chobo ng’weny, ak tuguk cho kisase, ak tuguk cho momito, si kuwal kulegu buch tuguk cho mito. ²⁹Si malasgei chi aga togol mi taitab Jehovah.. ³⁰Agu obo inyende akwe mi Kristo Jeiso, nyo kikiiy mi ache kulegu ng’omnate nyo chonee Jehovah, ak imanda, ak tililindo, ak kaliage. ³¹Si kilegu, kule yo kigisir kele, inyende nyo ilosugei, ku ingulosugei mi kiptayande.

Chapter 2

¹Ak yu kiojonjok, tupchosiechu, ku kima acho mi anyinyindab ng’alale ndo nyobo ng’omnote, acho aboruok ung’otietab Jehovah. ²Amu kiabegegchi ale mamache anai kiy aga togol mi kwenung’wong’ kubate Jeiso Kristo, inyende nyo kigigargat.³Ak kiami kubotok mi nyalule, ak mi kaiweisie, ago mi botane nyo o. ⁴Ak ng’alelenyu ak ng’oliondennyu nyo kiamdoi ku kimaku ng’alekab kagaigae chobo ng’omnote, agu mi koborunetab tamirmirie ago nyobo kamugtae. ⁵Si matonone kayaneng’wong ng’omnotetab bik, agu mi kamuktaetab Jehovah.⁶Agu kimwae ng’omnote mi kwenutab cho igesunotingei; agu ng’omnote nyo mobo betusiechu, ndo nyobo baunikab betusiechu, cho moche kulegu buch. ⁷Agu kimwae ng’omnotetab Jehovah mi ung’otie, nyonee nyo kigeuny, nyo kiga si kung’at Jehovah agubo torornatennyo yu kitomo kubiitu ng’weny.⁸Nyo manaye mbo agenge mi baunik chobo betusiechu; amu nda kiganai, nda kimakurgargate kiptayandetab torornote. ⁹Agu kule yu kigisir kele, tukuk cho kima iroo Konda, ama kasiti, ak nyo kima chut muguleitab chi, tuguk alak togol cho kichobchi Jehovah ichege choc home inyende.¹⁰Agu king’ang’wech Jehovah mi tamirmirie amu isioche tomurmimire tuguk togol, mbo tuguk chobo orii chobo Jehovah. ¹¹Amu tos chi ng’o nyo inget tugukab chi, kubate tomirmirietab chichonee, nyo mito inyende? Kulee nyonee momi chi nyo inget tugukab Jehovah, kubate tamimirie nyobo Jehovah.¹²Agu kima kitaach tomirmirie nyobo ng’weny, agu tomirmirie nyobo Jehovah; si kenai tuguk cho kigugonech Jehovah buch. ¹³Tuguchoche agiche cho kimwae, ma mi ng’alek choi nete ng’omnotetab chi, agu choi nete tarmirmirie; kirogendoe tugukab tomirmire ago tugukab tomirmirie.¹⁴Mataache chito nyo mi mi atebetab borto tuguk chobo tamirmirietab Jehovah: amu berberindo mi inyende. Ak temene kubesio tuguchoche, amu noyokse mi termirmirie. ¹⁵Agu inyende nyo mi atebetab tomirmirie kubesot tuguk togol agu mo mii chi nyo ibesot wolo teptoi chichone. ¹⁶Amu ng’o nyo kigunai kabwatutikab kiptayande, si kuniit kunet inyende? Agu kitinye ache kabwatutikab Kristo.

Chapter 3

¹Kitemena anyu, cho kitupche, ang’alalwok kule bik cho mi mi atebetab tarmirmirie, agu kule bik cho mi mi atebetab borto, kule cho manyuronik mi Kristo. ²Kiaguenak chego, me abaenak amitwokik cho togolen; amu kitomo amuch, achicha, mbo banienyi kutomo amuch.³Amu tomite mi atebetab borto, amu kule yu mi kwenung’wong’ ng’etkonda ago borie, tos momi mi atebetab borto, ak abetote kule biteetab bik? ⁴Amu yu mwae aga kule, A bo Pauo? ak kubere aga, A bo Apolo? Tos mo ii bik? ⁵Nee anyu Apolo? Ku nee Paulo? Kiboitinik cho kigonok ayan; ak kule yo kigochi kiptayande aga togol.⁶Kiagole, kubise Apolo; agu kibiit Jehovah. ⁷Nyone anyu matile kiy nyot kole, ndo nyo ibise, agu Jehovah nyo ibite.⁸Nyone anyu, inyende nyo kole akinyende nyo ibise ku agenge, agu tun nyoru aga togol melektanyi inyegei kule boisiennyi. ⁹Amu ki kiboitinikab Jehovah cho kiboisie kuboto inyende, akwe ku aiy boretab Jehovah, gotab Jehovah.¹⁰Kialumde lumeiwo kule teginde nyo o nyo ng’om, kule mieindab Jehovah nyo kigikono; ak teche chita aga barakunnyi. Agu ingurib chi aga togol wolo teegtoi mi barakunnyi. ¹¹Amu momii lumeiwondo aga nyo imuche chi kulumda kubate nyone kigelum Jeiso Kristo.¹²Agu neteech chi baragutab lumeiywondonone mi tahabu, feda, koik chobo komonut nyo o, ketik, suswek, mobek. ¹³Tun king’anye boisietab chi aga togol, amu tun ng’anye betu, amu king’anye mi mat, ak kutiem mat wolo tebtoi boisietab chi aga togol.¹⁴Ngu tebe boisietab chi aga togol nyo kiteech barakunnyi, kutooche inyende melekto. ¹⁵Ngu lai boisietab chi aga tigol, kubetos tugukyi, agu kisoru inyende, agu kule nyo kisoru mi mat.¹⁶Manget akwe ale aiy hekalu nyobo Jehovah, agu menyok tamirmirietab Jehovah? ¹⁷Ak ngung’em chi aga togol hekalutab Jehovah k utu ng’eme Jehovah inyende, amu tilil hekalu nyobo Jehovah akwe nyone.¹⁸Amata kuberbegei chi. Ngubwate chi aga togol mi kwenung’wong’ kule ng’om mi betusiechu, ku ingulegu nyo berber, si kubiit kulegu nyo ngom. ¹⁹Amu ng’onote nyobo ng’wenyini ku berberindo mi Jehovah. Amu kigisir kele, inyende nyo name cho ng’omen mi ng’alsengwang. ²⁰Ak kugeny, ing’et kiptayande kabwatutikab cho ng’omen, kule buch.²¹Nyone anyu amata lasgei chi biki amu tuguk togol ku chokwok. ²²Ngu Paulo, ndo Apolo, Kepa, ndo ng’wenyini, ndo sabondo ndo meet ndo tuguk cho mito anan tuguk cho bwanii, tuguk ku chokwok. ²³Ak obo Kristo, ak Kristo kubo Jehovah.

Chapter 8

¹Nele anyu agubo tuguk cho kiyengjini konomonik, kinget kele kitinye ache togol nae mene nae, agu teekse chominye. ²Ne bere chi aga togol inget kiy aga togol, ku tomo kunsi kule yo konyolu kunai. ³Agu ngu chame chi aga togol Jehovah, ku nayaat chi chone mi inyende.⁴Nyone anyu mi amen yobo tuguk cho kiyengjini konomonik, kinget kele momi konomwe nyo kiy mi mi ng’weny, ama nai Jehovah aga kubate agenge. ⁵Amu mbo nganda mito cho keguure cheptalelisiek, ne mi kipsengwet ndo mi ng’wenyi kule yo mito cheptalelisiek cha chang, ak kiptainik cha chang. ⁶Agu mi ache kumito Jehovah agenge, inyende kwanda, nyo bwanee tuguk togol ak ache mi inyende, ak kiptayande agenge, Jeiso Kristo, nyo mi tukuk togol amu inyende, ago ache mi inyende.⁷Agu momii nayata mi bik togoli agu kule yo kiguneta alak konomonik agoi raa, kuame kule kito nyo kakiyengji kanamwe, ak murwonitu kabwatengwang nyo nyalulat.⁸Agu amitwokik ku ma kito nyo imatech kerikyi Jehovah, nda ne ma kiamisie, ku mararwech kiy, nda negiamisie ku matesake kiy. ⁹Agu aripse si malegu kanagut kimnateng’wong mi cho nyolulyotin. ¹⁰Amu neroting chi inye nyo itinye nae, iamisie mi hekalu nyobo konomwe, ku tos manyiganitu kabwatenyi, negutu nyalulat kutu am tuguk cho kiyengjini konomonik?¹¹Ak luse inyende nyo nyalulat amu naeng’ung’ inyende tupche nyo kimechi Kristo. ¹²Ak lee nyone anyu, yu aiichini tengek tupchosiek, ak agoten kabwatang’wang’ nyo nyalulat, ku kaichi tengek Kristo. ¹³Nyone anyu, ngutu inoche amitwogik nyo kitupche, ku maaame banyek agoi, si manach nyo kitupche.

Chapter 9

¹To o atiakat? Mo ane nyo kiyoktoi? Tos ki maro Jeiso kipaiyandenyo? Tos mo ii boisienyu akweka mu kiptayande? ²Ak ngutu mo ii nyo kiyoktoi mu alak, ku a ii nyo kiyoktoi mu akwe, amu ng’ochetab kamuktaindenyu ku akwe mu kiptaiyande.³Nyenyi anyu nyo asurunekei mu icheka cho kitoo. ⁴Tos makitinye kimnote keam ak keyee? ⁵Tos makitinye kimnate kemutata chepyoso nya yanat? Kile alak cho kiyoktoi, ako tupchosiek chebo kiptaiyande ako kepa? ⁶Nda ane kityo ako Barnaba, cho mokitinye kimnoro kebakakta boisie?⁷Tos ng’o askarinde nyo boisie tukukyi? Ng’o nyo tote logoek nyo moome logoekyi? Nda ng’o nyo yagi wara amo luei chego chego warechoche? ⁸Tos amwoe tukuch kile atebtab bik? Nda mamwoe ambo ng’atutie choche?⁹Amu kikisir mu ng’atutie nyebo mussa kile amerat kuti nyebo eito net tiore beek kibore. Tos bkote missing akubo eik. ¹⁰Nda mwoe kibat amu ache? Ee kikisir amu ache, amu inyenda nyo kolse, kimache kukolso mu kamang’uno, ak inyenda nyo bore kiborso kumong’u kile nyorchini kiy. ¹¹nyu kikulojok tukukab tamirmirie, ku tos kiy nyo on ngekas tukumwok chebo borto.¹²Ngutu tinye bik slsk yamtaa mu kamukanienye kiboiywok, ku tos makimuche kisiir? Aku mo kiboisie acheka kamukanienyi, aku kimuitoi mu tukuk togol si makikarta lokoiko cho kororon cheobo Kristo. ¹³Tos monget ole icheka togol cho boisie akubo tukuk cho tililen kuame tukuk chebo kapkoros ak icheka choribe kaptisisie kitinye kamastangwang kiboto kaptisisie? ¹⁴King’at kile nyone kiptaiyande kile icheka cho andoote lagoik cho karoron kisobsor mu lagoik cho kororon.¹⁵Aku tomo aboisie tukuchoche akob akenga, amosire tukuchu ole keiywa kile nyone, amu kata kaikai ama kisiir kuwal chi torornate nyu kiyeku buch. ¹⁶Amu ngaamta logoik cho korororo, ku motinye kiy nyo alosunegei, amu makat aii kile nyone, bwo mu ane ngutio maamta logoichu kororon.¹⁷Amu nai nyi mu makenyu anenda kityo, atiye konuno(melekto) aku ngutu mabo makenyu anenda kityo, atinye ripse nyo kikiyanwa. ¹⁸Nee anyu konunenyu? Nyone ki nyi, yo amdoi logoik cho kororon, aiye logoichoche kororon kiyeku nyo maboto konune, si mabosie kamukenyu missing mu logoiywek cho kororon.¹⁹Ambo nda kaitakat mu bik togol, ku kiakei ayeku nyo ratat akubo togol si kumuch anyoru cho sirtootin. ²⁰Aku mu yahudik, ku akiakei yahudio si kumuch anyoru yahudik, mu icheka cho kimi mu ng’atutie, amo kele ami anenda mu ng’atutie, aku si kumuch anyoru icheka cho mi mu ng’atutie.²¹Mu icheka cho momi mu ng’atutie, ku kaikei ambo anenda chi nyo momi mu ng’atutie. ²²Mu cho nyaluliotin kiayeku nyo nyalulat, si ndamo ngab anyoru cho nyolulatin, kioyeku tukuk togol mu bik togol, si ndamo ngab asor alak mu aree aka togol ²³Aku aiyee tukuk togol smu logoik cho kororon si kumuch anyoru yamdae mu mu icheka.²⁴Monget ole icheka cho balikei mu labata kurweye togol aku akenga nyonyoru konuno? Arwei anyu sonyoru. ²⁵Aki chi aka togol. Iye anyu icheka nyone nyone si kinyoru kutwe nyo ng’amakee. ²⁶Alabate anyu kile nyone, ma kile nyo sake, aiye anyu kanaletabkei kile nyone, mo kile chi nyo bire wolo buch. ²⁷Ako abire bortanyu, aka abon Inyenda, si mo ne koomji bik alak ku tuu Ketaya.

Chapter 10

¹Momeche anyu cho kitupcho, ole, oyeku cho monget, kile kimito kwanishekyo togol kwongutab bolde, ak kiwer togol nyanje. ²Ako kikibotisenji togol Musa mu bolde ako mu nyanje, ³Ako kiam togol amisie akeng’a nyebo tamirmirie. ⁴Ako kiya togol yee akenga nyebo tamirmirie amu kiyee togol mu yatie akenga.⁵Aku kimabaibaitune kisob Jehovah cha chang mu icheka, amu kikuser mu ong’ate. ⁶Kiyeku tokuchu anyu koborunoikyo, si makimakyi kei tukuk cha yaachen kile yo kimakyikei icheka kisir.⁷Amoyeku cho soe konomonik, kile alak mu icheka, kile yo kikisir kele, kitebi bik ng’wony kuamisio ak kiyeiso, ak king’eetyo kibiren. ⁸Amo kany kesokse, kile yo kiaii alak mu icheka, ak kabutyo alak mu betu akenga elfusiek tiptemu ako somok.⁹Nda ketiem kiptayende, kile yo kitiam alak mu icheka, aku kibar eronoi. ¹⁰Amoto ng’unynyunyo kile, yo king’unnyng’uny alak mu icheka, aku kibok mu ng’eminde.¹¹Kiiyekis anyu tukuchwechu mu icheka sikiyeku kaboruno, aku kikisir akubo kateunenyo acheka cho kakujoncheck kakesunetab kanyisiek. ¹²Amu nyone anyu ngiribkei sim abut, inyenda nyo bkote kile tonone. ¹³Kimanak yomse kibate nyone muche kimuitae chi togol ako bo iman Jehovo nyo mocho-mtoyok keyomok kisiir nyo teno nyo omuche.¹⁴Amu nyone anyu chamanikyu, aistoekei kanamoni. ¹⁵Ang’olole kile yo ang’ololjini bik ch ng’omen, obesio kito nyo amwoe. ¹⁶Kikombe nyebo kaberure, nyo kiberure, kimo yamtae nyebo bortab Jesu? ¹⁷Amu ache cho kii bich chachang, ku kii makatiande akenga, borto akenga, amu kiome acheka togol makatiande akenga.¹⁸Orogee Israel kisob mu atebetab borto, tos matinye yamdae ak kaptisisie icheka cho ame tiseiywek? ¹⁹Amwoe nee anyu? Amwa ole kiy kito nyo kiyengjini konomon? Nda kiy konomwe?²⁰Aku tukuk cho koiboi bororosiek kiyengjini oii, aku mo Jehova; amomeche aii yamtae ako oii. ²¹Momuche aye kikombe nyebo kiptayande ako kikombe nyebo oii, momuche aam mu mese nyebo kiptayande, ako nyebo oii. ²²Nda kitoche kiptaiyande kinyoru ng’etkong? Tos kitinye kimnon kisiir inyenda?²³Chamtoyotin tukuk togol, akum o tuku togol cho nyolu, chamtoyotin tukuk togol, akum o tukuk togol cho teeche. ²⁴Amotiweshikei chi chachi kityo, akua ako chebo chitab kokwenyi.²⁵Kiy aka togol nyo kiotoi mu wolo kiyengse aam, motateeb kiy amu kabkata. ²⁶Amu bo kiptayande ng’wony ako cho nyiitotin ng’wony. ²⁷Ne kuurok aka mu icheka cho moyanotin kile kabayak aku amoche aba, ku kiy aka togol nye kakikochi taingwong aam, amateeb amu kabkate.²⁸Aku ne leechock chi aka togol, kakikoitoi kiyi kiyeku tiseiywo, ku motaam, amu inyenda nyo kakuborung ak amu kabkate. ²⁹Kabkata nyo amwoe ku mo nyong’ung aku bo aka, amu kele nee, si keruokyi katiakenyu kabkate aka? ³⁰Ngutu atooche mu kongoi, ku amunee si kemwaitaena yaitio mu kito nyo kookoito kongoi?³¹Kile nyone anyu, ng’oome, nda oyee, nda ambo mu kiy aka togol nyo oiye, aii togol otororw Jehovo. ³²Amanach yahudik nda ku yunanik, nda ku kanisetab Jehovo. ³³Ambo kile yo aboiboi bik togol mu tukuk togol, mowese kelchinenyi kityo, aku kelchino nyebo cha chang si kumuch kesoru.

Chapter 11

¹Oyeku chorubko kile yo arube Kristo. ²Aloswok anyu ra amu abkoto mu tukuk togol, ak oribe konetisie kile yo kiamwowok. ³Aku amoche anai, kile metitab muren aka togol ku Kristo, aku metitab chepyoso(korko) ku muren, aku metitab Kristo ku Jehovo. ⁴Muren aka togol nyo soe nda kuomtoi logoik ku karat metinyi, ku kakuchuur metinyi.⁵Aku chepyoso aka togol nyo soe nda kuomtoi logoik ku yatat metinyi, ku kakuchuur metinyi, amu kakarkeitkei ako chi nyo kobuch met. ⁶Amu ngu motikot metib chepyoso ku makat ketilji sumeek; aku ng’utu lilone chepyoso ngetilji sumei, kimache kitich metinyi.⁷Masikchuni kisob mu muren kikar metinyi, amu inyenda kerongetoi ako torontetab Jehovo, aku chepyoso ku torornotetab Muren. ⁸Amu kimo ng’eete mureno chepyoso, aku king’eete chepyoso muren.⁹Aku kimo kiton keei muren akubo chepyoso, ako kikiaii chepyoso akubo muren. ¹⁰Amu nyenyi anyu, kimakat chepyoso kitinye kaboruno nyebo bounate mu metinyi, amu malaikaislak.¹¹Aku momi chepyoso ngu momi mureno, ak momi mureno ngu momi chepyoso mu kiptaiyante. ¹²Amu kilee yo king’eete chepyoso muren, kile nyone ambo mureno kisiche chepyoso, aku ng’eete tukuk togol Jehovo.¹³Oruoch kira bunjo, tos sikyini mu chepyoso kisa Jehovo kimo tikot met? ¹⁴Tos monetok ambo biteetab borto, kile netinye mureno sumoek cho koen, ku kalilana mu inyenda? ¹⁵Aku ngitinye chepyoso sumeek cho koen, ku torornote mu inyenda, amu kikikochi sumeekyi kitikekei. ¹⁶Aku ngumache chi kitiyo, kimo kitinye bitee nyole nyone nda mu kanisosiek chebo Jehovo.¹⁷Aku nang’otok mu ng’olyondoni kumoloswok amu oyumekei mo akubo cho kororon aku akubo cha yaachen. ¹⁸Amu nyebo tai mu togol, nayumekei mu kanise akase kele mito kabesiosiek mu kwenung’wong ak ayane mu kabebar ole lee nyone. ¹⁹Amu mito nyematiny kabesiosiek mu kwenungwong sikumuch kutoku chebo iman mu kwenungwong.²⁰Nayumekei(tusot) anyu, ku momuchekee keam tunutab kiptayande. ²¹Amu mu amisiengwong kisib kunemu aka amisie(amitwokik) kitomo aka, aku rabese aka kibokite aka. ²²Nee? Motinye korik cho aamisie ak oyeisee, nda osase kanise nyebo Jehovo, ak okochini kalilana icheka cho matinye? Amwowok nee anyu, tos aloswok mu ng’olyondon moloswok.²³Amu kiataaach mu kiptaiyande nyone kiakonok anenda, kile yo kinam makatiande kiptaiyande Jesu mu kemounone kikichomtoe inyenda. ²⁴Aku kine kakumwa kongoi, kubutilobutul, ak kile nyenyi ku bortanyu nyo nyong’wong oiye nyi ononeno.²⁵Kele nyone ambo kikombe, kine kakuamisio kile kikomboni ku arorotie nyo leel mu korotikyu oiye nyenyi, betusiek togol noyee obkoteno. ²⁶Amu betusiek togl, noome makatiandani ak oyee kikomboni, abortoi mee nyebo kiptayande akoi kuitu.²⁷Kile nyone anyu, chi aka togol nyo ame makatiande, nda kiyee kikombe nyebo kiptaiyande amosikyini, kuibchinikei kiruoke nyebo borto ako korotikab kiptaiyande. ²⁸Aku ngusiachkei chi, kitomo kuam mukatiande nda kiya kikombe. ²⁹Amu inyenda nyo ame ak kiya, kuome ak kiyee kiruoke ngu mobesio borto. ³⁰Amu nyenyi anyu kunyolulsot cha chang mu kwenung’wong, ak kumiansot ak kuruisot.³¹Au ngutu ketikonekei, kimo tun keruokwech. ³²Aku neki ruokwech kutikonech kiptaiyande sim o tun kekichech kiboto ng’wony.³³Kile nyone anyu cho kitupcho ngotuyo oamisio akasyino. ³⁴Ngu rabese chi aka togol, kuomisio mu ka, si mabunjit katuyeng’wong bo kei nyebo kiruok Aku ng’alek cho katil kinaitu, acho asat(achob).

Chapter 12

¹Banienyi anyu agibo konunoik chebo tamirmirie cho kitupche, kimomeche ologu che monget. ²Onget ole kingitoii Bororiosiek, ko kigir etok aba weldab konomonichoche che metwegu kile yo kigikochinowok. ³Nyone anyu ogonok anai ole monu chinyo ngelole mu tamirmirietab Jehovah nyo mwoe kile Jeiso ku chubot; amomichi nyo muche kimwa kile, Jeiso ki kiptaiyat; kibate mu tamirmirie nyotilil.⁴Banienyi anyu, kimito konunoik cho besiotin, agu agenda tamirmirie. ⁵Agi mito ripsosiek cho besiotin, agu agenga kiptaiyande. ⁶Ak mito boisionik che besiotin, agu agenga Jehovah, nye iye tuguk togol mu togol.⁷Agi kigochini chi aga togol koborunetab tomirmirie kumuch kitoretegei. ⁸Amu kigigoche chito aga ngeliondetab ngomnete mu tamirmirie, ak kegochini aga ngeliondetab nae, mu tamirmirionone.⁹Kigochini aga kayane, mu tamirmirionone ak kigochini aga konunoikab kosoobe, mu tomirmirionone agenga; ¹⁰Ak kigochini aga boisionikab kamuge, akh aga maotnete, ak aga kobesietab tamirmirie ak aga kotuwaik cho mgulongule; ak aga kawektaetab kotiwaik. ¹¹Agi beisie chwechu togol tamirmirie nye nyone agenga, kipchechini aga togol keleyo mekyini.¹²Amu kile yo agenga borto, ak kitinge kemeswek chachang’, ak kemeswek togol chebo borto agob nde chang’, ku borto agenga; kile nyone inyenda Kristo. ¹³Amu mu tamirmirie agenga ku kigibatisenchech ache togol kelogu borto agenga kutiogotinn, ak kigigonech achege togol keye tamirmirie agenga.¹⁴Amu borto, kimo kamasta agenga, agi chang’. ¹⁵Ngiti mwa keldo kile, amu moii eu, ku mobo borto; Ara anyu mobo borto amu nyone? ¹⁶Ara ngitimwa hi kite, Amu moii kondo, kimobo anyu borto; ku kibere mobo borto amu nyone? ¹⁷Nde borto kimugul ko kondo, ku ndemi ano kastae? Nde borto kimugul ki hi, ki mi ano anyu kongutoe?¹⁸Agi raa kigugochi Jehovah kemeswek, aga togol mu icheke, mu borto, kile yo kacham inyendee. ¹⁹Ak ndo togol ki kemasta agenga, nde mi ano borto? ²⁰Ago raa ki kemeswek ichekee cha chang’, agi agenga borto.²¹Amomuche kondo kileji eu, momeyening kiy: nde kinyile, momuche meti kileji kelyek momegenok kiy. ²²Agi nyosire kiiya ki, kemeswechoche be borto chole kibere momuche kiy ki choche cho megotin. ²³Ak kemeswechoche be borto, che kite kele matiana chamengwang ki choche che kilo kyini chame nyo ou mu togol; ak kemeswekyo che metinge kororonie ki choche cho tinye kororenye nyo ou mu togol. ²⁴Amu kemeswekyo cho tinye kororonye, kimeche kiy: agi kiitui yo Jehovah borto, kugochini tegise nyo ou kisiir kamasta kirerji.²⁵Si mecho kebesie mu borto; agi si kiripgei mu ripse agenga, kemeswechoche, kirib aga aga. ²⁶Ak nginyelile kamasta agenga, kinyelilsot kemeswek togol kibote nyone; nde ngegonyite kamasta agenga, kibeibeitu kemeswek togol kibote nyone. ²⁷Banienyi anyu, akwe ki ai bortab Kristo, ak ai kemesekab borone, agatogol mu akwe.²⁸Ak kigundeno Jehovah alak mu kanise, chebo tai ki chekiyoktoi chebo aeny ki maotik, chebo somok ki konetik, neityo ki kwengutik, neityo ki konunoikab kosoobe, torotosiek, kondoinate, ak kotiwaik cho ngulongule. ²⁹Bere anyu togol ki che kiyoktoi? Bere togol ki maotik? Bere togol ki konet? Bere togol ki yeikab kweng’utik?³⁰Bere tinge togol konuneikab kosoobe? Bere ngelole togol kotiwaik cho ngulongule? Bere welowek togol kotiwaik? ³¹Agi awas kiiya konunoik cho kindon. Ak oborwok are nya kararan kisoob nyo sire togol.

Chapter 13

¹Agab ndongelole kotiwaikab bik ak chebo malaikaisiak, amotinye chomnye, ki kolegu kibigan nyo chee, nde sani nyebo kibigan nyo bele. ²Agob ngitotinye konune nyebo maotnete, akonget ungate togol ak nae togol, ak ngotinye kayane togol, kitamuch onto tulonok, agi motinye chomnye, ki ai kilen. ³Agob ngitogoito tuguk togol abae beno nak ndogoito bortonyu kebel, agi motinye chomnye kimegelwo kiy.⁴Mitoi chomnye, agitalai; ametinye chomnye ngatkong, melesekei chomnye amemene. ⁵Ame iye nye menyolu, amewesyinigei chachi kityo, amo iite tegisio amoite yeityo. ⁶Mabaibai mu nyemebo imanda, agibaibai mu imanda. ⁷Sise mu tuguk togol, yene tuguk togol, mongu tuguk togol, muiti mu mu tuguk togol.⁸Mereru chomaye agoi: agi ngime maotenosyek kikeyein kuwongugei, ngi mi kotuwaik cho gulotin kikeyein sisot, ngi mi nae, ki keyein wongugei. ⁹Amu kinget mu kamasta, ak keamdoi mu kamasta. ¹⁰Agi yo keyein kocho nyo wongunotgei , kuwongugei anyu kamasone.¹¹Yo kyoii lakwa, ki kiongelole kile lakwa, kyobesot kile lakwa, kyionone kile lakwa: raa ki koolegu chi nyo ou, ki kokometo tuguk ab lakwandii. ¹²Amu raa keroti mu kiyoi, mu tomir miron, agi keyein ki togoch mu togoch, raa ong’et mu kamasta; agi keyein onee kile yo kigena ya. ¹³Agi tebee raa kayane, komong’une, chomnye chwechu somok; agi nyo ou mu chwechu ki chorumnye.

Chapter 14

¹Arub chomnye, ak awas kiiya konunoik chebo tamirmirie, agi nyo sire ku amda logoiywek. ²Amu inyendee nyo ng’elole mu kote nye megigese ki meng’eloljini bik, agi Jehovah; amu megese chi, agi mwoe ungotio mu tamirmirie. ³Ai inyendee nyo amdoi kingeloljini bik ngalekabteekse, ak kogimite, ak kagaigae. ⁴Inyendee nyo ngelole mu kote kiteechegei inyende kityo; ki inyendee nyo amdoi kiteeche kanise.⁵Amokwok anyu akwe togol ang’alal mu kotiwaik, agi nyo sire ki amda; ak ou inyendee nyo amdoi kisir inyendee nyo ngelole mu kotiwoik, agi togol kuweech, si kiit kiteechak kanise. ⁶Agi raa anyu, cho kitupche, ngitochonjok ong’elole kotiwaik, otoretenok nee, ngitimongelolwol mu ng’ang’e nde mu nae, nde mu andae, nde ki mu konetisie?⁷Agap tunguk chosepsot, cho teisot, nde kururu nde ketube, ne mobesio cheengwang, keneitoi ano nye kignute nde nye kibite? ⁸Amu ngichee riambuu chee nye mekigwisot ki ngo nyo chebegei agibo luge? ⁹Alee choche agop akwe, ngiti mongololio mu ngalek cho neekse, keneitoi ano kito nye kekemwa? Amu angeloljini we lo kilen.¹⁰Lee kile mito kotiwaik cha chang chongulo ngule mi ngweny, agi monii nyemetinye kiy nyoboru. ¹¹Ngiti monget anyu kito nyo mwoe tugul choche, eolegu bunotio mu inyendee nyo ngelole, kilegui bunotio mu ane.¹²Alee choche ak akwe, kargei ak yo Ameche kisoob konunoikb tamirmirie, awas mi kogiletabgei tuguk cho kochini kanise kiteechak. ¹³Nyone anyu inyendee nyo ngelole mu kote, angisa si kiweech ng’alek. ¹⁴Amu ngaa mu kote nye mekesegee, kisoe tamirmirie nyu, agi metinge logoek ng’omnetenyu.¹⁵Nee anyu? Asae mu tamirmirie, ak esoe mu ngomnate ak atiene mu ngomnete ane. ¹⁶Amu ngimelee nyone, ko ngeberure mu tamirmirie, kimwaitoi ano Amen yo koitoi kongoi, inyendee nyo tebe welo mi che mo netegei amu menee kiy nyo mwoe?¹⁷Amu kisoob, igoitoi inye kongoi kigaraam agi monyoru nyi aga kiy nyo muche kiteech inyendee. ¹⁸Amwochini Jehovah kongoi, ole angelole kotiwaik kisirok akwe togol. ¹⁹Agi achame amwa ngalek mut mu ngomnetenyu mu kanisa, si anet bik alak agop ichege; kisir amwa ngalek elifusiek tamau mu kote nye megigese.²⁰Che kiptuche, amolegu logok mu ngomnate agi alegu logok chenyerotin mu yeitio, ago alegu che kagiyetu mu ngomnete. ²¹Kigisir mu ngetutie kile, angeloljini bichu mu bik chebo kotiwaik alak, ak mu kotuwaikab taek; ak agop ngile nyone ki magasa mwoe kiptaiyat.²²Nyone anyu kotiwaik kibo koborune, me mu icheke cho yenotin, agi mu icheke chi moyenotin: agi amdae kino koborune mo mu che moyenotin agi mu icheke cho yene. ²³Nyone anyu nguyumgei kanise kimugul ak kingalal togol mu kotiwaik che megigese, ak ngibka go bik che manetgei, nde ki che moyenotin, ki bere memwoe kile ai kibiywo?²⁴Agi nguamda togol, agicho go chi agenga nye mayanat, nde ki nye manetgei, gigar kong togol inyendee ak kuruokyi togol inyendee. ²⁵Ak kingonye ungatikab muguleitenyi; ak kibutyi ngweny anyu kungurukse kulosu Jehovah, kimwoe kibere, mi Jehovah kwenungwong kisoob.²⁶Nee anyu che kitupche? Yo kayumgee kitinge aga togol tiendab kolosune, ak konetisie ak ng’ang’utie ingiyeegis tuguk togol kitechegis. ²⁷Ngi ngalal chi aga togol mu kote nye nyemegigese, kingalal arenyu, nde ki chemesire somok ak kanykurupgei; ak kanykuweech chito aga. ²⁸Agi ngimoni weegindetab ngalek, kisis mu kanisa ak kingeloljigei inyegei ak Jehovah.²⁹Ak kanygingelolso maotik arenyu nde kisomok; kanyguguyo alak. ³⁰Agi ngengongji ngelio aga nyotebe mu yone, ki ngisis nyi kibetai.³¹Amu omuche akwe togol amda agenga agenga, si kiyam kunetgei togol, ak kinyoru kagaigae togol. ³²Ak kese it tamirmirikab maotik maotik. ³³Amu Jehovah kime Jehovah nyebo bolote; agi bo kalia kile mu kanisosiek togol chebo che tililen.³⁴Kanygisisio chepyoso mu kanisosiek: amu mekichemjini icheke kingalala, agi ngigas it, kile yo mwoe ngatutik. ³⁵Ak ngimeche icheke kunetgei kiy, ki ngiteebe menongoteikwak mu gaa, amu kalilana ngingalala chepyoso mu kanise. ³⁶Nee anyu? Bere akwe che kimengunenok ngeliondetab Jehovah? Nde kibwonjok agwegei?³⁷Ngitubkote chi aga togol kile inyendee ki maotio, nde ki chi nyo mi mu atebtab tamirmirie, ki nginai tuguk che asirwok, kile choche ku ngatutietab kiptaiyat. ³⁸Agi ngimonget chi aga togol kiy, ki ngilogu kimanai.³⁹Nyone anyu, che kitupche, awas kiiya amda amatatay kengalal mu kotiwaik chemegigee. ⁴⁰Agi ngiiyegis tuguk togol kile yo nyolu ak mu chebe nyakararan.

Chapter 15

¹Oboruok anyu, che kitupche, banone logoiywek che kororon, che kiaamwok choche kiataach choche ambo che ayong’e. ²Kisorunenok choche ambo, mu ngalek, che kiaamwok ngi tanam kikaram ngiti kimayan boch.³Amu kiogonok mu tai nyone kiataach mbo anende ole kime Kristo agubo tenge kwogikyo kile ye mwoe sirutik. ⁴Agu kigitub, ak kiging’eet mu betutab somok kile ye mwoe sirutik.⁵Agu kimongji kepa, neityo kumongji taman ak oreny. ⁶Neityo kumongji tupchosiek che siire bogol mut kimi togol che ti kimi agoi rani, che chang mu ichege, agu kigiruiyo alak. ⁷Neityo kumongji Jacobo neityo, kumongji che kiyoktoi togol.⁸Ago let mu togok kumongja agane kile nye kigiosu. ⁹Amu oi nyo mining mu che kiyoktoi nye monyolu keguureno nye kiyoktoi, amu kious kanisetab Jehovah.¹⁰Agu mu kororonindab Jehovah ole kito nye ole mu koroninchonyi nye kigigono ku molegu boch, agu kioboisie missing asiir ichege togol agu me ane aga mieindab Jehovah nye himi kuboto. ¹¹Ngi ane anyu nde ki ichege, keamdoi oi togol agu lee nyone kiayan mbo okwe.¹²Aru anyu, hekiamdoi Kristo kele kigingeet kumongu mu che kimeiyo, ki teptoi ano si kimwoe alak mu kwenung’wong kile momi ngeetye nyebo che mesot? ¹³Agu ngiti momi ng’eetye nyebo che mesot, gu kogo maging’eet Kristo ambo? ¹⁴Ak ngiti kima king’eet Kristo ko boch anyu amdaenyo, ku boch mbo kayanengwong.¹⁵Ee aku kagenyoruech kele ki baorinik chebo lembech che bo Jehovah, amu kigebaorian agubo Jehovah kele kiing’eet Kristo nye kogo ma ingeet Jehovah ngiti ko magingeete che begu. ¹⁶Amu ngiti ko megingeete che begu, ki kims kingeet Kristo mbo. ¹⁷Aku ngi kima kingeet Kristo ku boch kayanengwong ki to mi mu tengekwogikwok.¹⁸Nyone anyu, ichege chu kiguruiyo mu Kristo ku kigibetyo. ¹⁹Ngiti ko kegimong’u Kristo mu soboni kityo ki kogo ki bik che tinye rirek kisiir togol.²⁰Agu kigingeet anyu Kristo kimongu mu che kirokyo kiborietie nyebo ichege che rusot. ²¹Amu kile ye kichone meet chi ku kichone chi mbo ngeetye nyebo che begu.²²Amu kile ye begu togol mu Adam kile nyone tuu kesoobe togol mu Kristo. ²³Agu chi togol mu komostanyi, Kristo ku kiborietie nebata ku ichege chebo Kristo mu chonunenyi.²⁴Ne sirto kiit anyu let, ye tun igoitoi inyende bounate kugochi Jehovah, inyende kwanda ye tun kaguwongu bounate togol ak kimnate togol ak kamuktae. ²⁵Amu kanyolu kulaitoran inyende matiny, agoi kute bunikyi togol atebeseikab kelyekyi. ²⁶Bunyonde nyebo let nye tun king’eme ku meet.²⁷Amu kigute tuguk togol debesaikab kekyek kugas it inyende. Agu ye mwae kile kiteni tuguk togol kogas it inyende kutoogu kele mebote inyende nye kite tuguk togol kugas it. ²⁸Ak ye tun kagite tuguk togol kugas it inyende, mu betumone anyu kete weri mbo kugas it inyende nye kite tuguk togol kugas it inyende, si kulegu Jehovah togol mu togol.²⁹Nde iye nee any ache kigibotisanji che kigirok? Ngiti kogo megingeete iman che noksot, ku kainee anyu si kebatisan choche agubo ichege? ³⁰Ku amu nee anyu si kemi ngoyondi sait age togol?³¹Abauriane mu kobosunonone mi mu okwe che kitupche, nye atinye mu Kristo Jeiso kiptayandenyo ole ame betu age togol. ³²Ngo kigibargeuu ak tiong’ik mu Epeso kile biteetab bik atinye borot nee anya. Ngi kogo megingete che roksto ongeomisie ak keyee amu kiroksot mutai.³³Amagany keberberak, Ngeme chorwaik cha yachem atepto nya kararan. ³⁴Ogosu mu imanda amataiy tengek, amu monget alah Jehovah, Omwoe nyenyi si agonok olilonse.³⁵Agu mwoe chi age kile, kingeetitoi ono che kigimeiyo? Ak bwone mu borto nye lee nee? ³⁶Inye nyr iberber nyone nye igole inyende, ku mosobe ngiti mame.³⁷Ak nyone nye igole, ku megole borto nye tun biitu agu kesuyonde buch, abere biitune nganok, nde tuguk alak. ³⁸Agu gochini Jehovah borto kile yo boiboi inyende, ak kugochini kesuyonde age togol bortanyi kityo. ³⁹Banyek togol ku mo agenge, agu mi alak che bo bik, ak alak chebo tiongik ak alak chebo teritek ak alak chebo samakinak.⁴⁰Mito borwek chebo kipsengwet, aku mito borwek chebo ngweny, agu terjin telunate nyebo choche bo ngweny. ⁴¹Mito lapkeiye nyebo asista ak lepkeiye age nyebo arawe ak lepkeiyo age nyebo kogelik amu ter kogelye age ak mu lapkeiye.⁴²Kile nyone ambo ngeelyetab che mesot kigole mu ngemisie kingete ku magomi ngemisie. ⁴³Kigole ko momi teegisto ak tun kengete mu telunate. Kigole mu nyalule ak tun kingete mu kamuktae. ⁴⁴Kigole borto nye kigisiktoi, kingete borto nyebo tamirmirie. Ngo mi borto nye kigisiktoi ku mi mbo nyebo tamirmirie.⁴⁵Kile nyone mbo kigisir kele kilegu chito nyebo tai Adam chito nye sobe, kilegu Adam nyebo let tamirmirie nyo koitoi sobondo. ⁴⁶Agu moteni nyone bo tamirmir agu nyone bo borto, neityo ku nyone bo tamirmirie.⁴⁷Chibo nyebo tai kubo ngwent bo nyengwenyek, chito nyebo oreny kubo kipsengwet. ⁴⁸Kile wolo teptoi nyebo nyengwenyek kile choche mbo chebo nyengwenyek, ak kile wolo teptoi nyebo kipsengwet le choche mbo chebo kipsengwet. ⁴⁹Ak kile nye kigiib itoundab chitob nyengwenyek ku tun kiibe itoudab chitab kipsengwet mbo.⁵⁰Amwoe nyi anyu tupchosiechu ole momuche banyek ak konotik kunyoru bounetab Jehovah, amomuche nye nune kunyoru nye manune. ⁵¹Oro o omwowok ungotie mekirusot ache togol agu kiwelech ache togol.⁵²Mu nye matia mu komismisetab Konda, mu iriage nyebo ket, amu cheei iriage si kengeet che kigomeiyo kumakotinye nune ak kewalech. ⁵³Amu kenyolu kulaach nye nune nye manune ak kanyolu kulaach nyenyi mee nye ma mee.⁵⁴Agu ye tun kagotaach nyenyi nune nye manune ak kulach nyenyi mee Nyema mee kusulda anyu mwae ne kigisir kele, kagelugui meet mu kabelisir. ⁵⁵Ee meet mi amo mi ano kabelengung? Ee meet mi ano ngwonindongung?⁵⁶Ngwonindab meet ku tengek al kimnatetab tengek ku ngatutik. ⁵⁷Agu kigochini Jehovah kongoi nye konech kabelisie mu kiptaiyandenyo Jeiso Kristo.⁵⁸Nyone anyu che kiptuche che achame ogimegitu amagany kengeyak oiye otese betusiek togol boisietab kiptayande amu onget ole mobo boch boisiengwong nyo korom mu kiptaiyande.

Chapter 16

¹Raa anyu agubo kayumanik agubo bik cho tililen, kule nyu kiang’at kanisosiek chobo Galatia, ai yak akwe kule nyone. ²Ingukonor chi aga togol mi akwe mi betu nyobo tai nyobo wikii, kule cho te cho kanyoru, si mabiitu kayumisi mi boni achoni.³Ak yu tun aitu, ayokte alak togol cho kiolewen kubote baronok, kuib tukuk chobo aiyebindang’wong kuba Jerusalem. ⁴Ak ngutu nyolu awe agane, keba togol.⁵Agu achonjinok, yu kaawerate Makedonia, amu awerote Makedonia. ⁶Agu abere achonii ketebi ak akwe mi betusiek alak ndo mbo mi betusiekab katitie, si kubitu omonorsewo akwe mi bandanyu mi komosta aga togol wolo awetii.⁷Amu mamache arotok banienyi asirtoi mi are, amu among’u ale atebe kubotok nyo matia, ngu cham kiptayande. ⁸Agu totebe Epeso agoi betutab Pentekost. ⁹Amu kagiyatwo kurge nyo o nyo nyoljini boisionik, ak mi bunik choc hang.¹⁰Ngutu anyu kucho Timoteo, ku inguteb kubotok ama mi koiweisie, amu boisie inyende mi boisietab kiptayande kule yu aiye aka ne. ¹¹Amata sas chi inyende anyu. Agu omonorsechi inyende mi bandanyi mi kalye si kucho wolo amite, amu aganye inyende kuboto cho kitupche. ¹²Agu mi ng’alekab Apolo nyo kitupche, kiasom inyende kusop ale kuchonjo kuboto tupchosiek, ak kima ku magennyi mbo kamining kucho banienyi, agu ta kuchonii nenyoru boroindo.¹³Oripse, olumdegei kukaraam mi kayane, atbi kule murenik, agimegitu. ¹⁴Ingoiyaak mi chamnye togol cho aiye.¹⁵Asomok anyu kusop cho kitupche longet chobo gotab Stephano, ale ichege tongoanik chobo Akaya, ak kichuljigei kuboisiechi cho tililen. ¹⁶Ale agas it akwe chole chu, ak chi aga togol nyo torete mi boisie ago nyo birtoegei boisie.¹⁷Ak aboiboi mi chonunetab Stepana al Partunato ago Akaiko, amu kinyiitwa ichege nyone nyo rorunot mi komostong’wong. ¹⁸Amu kimuungji tamirmiriennyu ago nyong’wong anai anyu kukaram ichege chole choche.¹⁹Igotok kanisosiekab Asia. Igotok Akula ak Priska kusop mi kiptayande, kuboto kanise nyo mi kong’wang. ²⁰Igotok tupchosiek togol. Agatgei mi kagate nyo tilil.²¹Kagatenyu nyienyi ane Paulo mi eunyu. ²²Ngutu mochome chi aga togol kiptayande, ku ingulegu nyo banat. ²³Inguteb kubotok mieindap kiptayande, Jeiso Kristo. ²⁴Inguteb chomnyennyi kubotok togol mi Kristo Jeiso.

Galatians

Chapter 1

¹ Paulo nyekikiyoktoi ( mo nyebo bich amoyokuchi, aqakiyoku jeiso, ak jehovah abonyi - nye kinget inyente kingete meet).² Ak togol chetubecho chekimi kuboto ak inyenta kikisirchi kanisosiak chebo Galatia.³ Ngitobo kibotok rirene ako kalye, nyongete Jehobo kwwanda ako kiptayandenyo jeiso kristo.⁴ Nyekikoitekei akobo ngokiswokikyo sikiserwech mu betusiechu bo yeityo mu ngweny kile makee nyebo jeiso nyongo aki obo.⁵ Nye myanyi torornete akoi akoi iman.⁶ Akwenye amu aistokei achoktoe inyenta nyekikikok mu rivana nyebo kristo, aba onyoru lokoi chokororon chongule.⁷ Chemengule, Miwalak choimok, akumuche kikarta chokororon chebo kristo.⁸ Akob nguache, ntakumalaikaya ngongete kipsengwek nyomuche kuamtowok lokoik alaak chongule kisir chekikkuomtowok, aakany kiyoku nyabanat inyenta.⁹ kilayo kikakemwwa mi tai, akomwoe rakinyilaka kilenyone ole ngutu omwok chitokol lokoik ala togol chokororon chongule mu cho chatacch, kuyoku nyabanat inyenta.¹⁰ Ami osiosoe bich nte jeobo? nte owese abaibai bich? ngutu tosoisoe bich kimoii kibotyo nyebo kristo.¹¹Ami omwowok chekitubche ole lokoik chokororn chekuomtoi akubo ane, kimengete chi,¹² Aki mataach kubuni chi, ama kineta, aku mu koborune nyebo kristo.¹³ Amu kiakas akubo ngalalenyu mutai, mu kayanetab yeutik, kile yochousous kapkorosutab jeobo akanyer nyere.¹⁴ Ak chatesetai mu kayanetab yeutik kisi chekiki tenityo chatia mu korenyu okilegei missing kisir atebtab kwanisiakyo.¹⁵Aku kinebaibai jeobo, nyekitabana kingete moetab kamitenyu, aku kuro mu rirenyi.¹⁶ sikuboru werinyi mu ana, sikumuch aamta inyenta mu bororosiek alak, aku matebechi.¹⁷ Ama lany Jerusalem wolo kimi icheka chekisib kuyoku koyoktoik mu ana ak kiowo Arabia akawechkei owo Damaseus.¹⁸ Ak kinesirto kenyisiek semok alany owo Jerusalem soborchikei kepas ak oben mu woline betusiek taman ak mut.¹⁹ Aku moroo alak mu kuyotoiik, kibate Jacobo nyotubcho ak jeiso.²⁰ Ara anyu tukuk cho asirwok, oroke, mutaitab jeobo lambach.²¹ kinebata ocho keretaab siria ako cilisia.²² Ak kitomo kurobo tokoch kanisosiakab Judea chekimi mu kristo.²³ Amu kikakikas kibat, kile inyenta nyakiuseech mu betusiekab tai rani kuomtoi kayane nyrki kakingom.²⁴ Ak kilosu Jeobo amu ane.

Chapter 2

¹ Kinebata anyu kenyisiek tamanu ak angwan alanta kinyile awo Jerusalem ako Barnaba amute Tito.² Ak kialanta mu ng'angutie ak kiotetyi ichekee lokoiywok chhokororenen ch mwoitoitote mu kwenutab biik alak agu mu ing'at mu ichekee cho tugunotin si mologu mu oor agat togol nye alepete kilenn nnde nye kialabat kilen.³ Agu mo kibirji Tito nye yenuninde nye kimii tuwai kele kemuratan.⁴ Amu tupchosiek chebo lambach che kigimutu kipka arit keng'onu che kiitu mu ung'oti kugot katiagenyo nye kitinge mu kristo jeiso si neityo kundenech otwoknot.⁵ mu ichege che kimakigas iit akob mu sait agenga si neitio imaitab logoywek cho kororon kubotok.⁶ Agu ichege che kigiite kele toogunotin ngilet yotuptoi ichegee kime kii mu nee matiytiye Jehovah chi amwoe ole, meteswo kiy ichege cho toogunotin.⁷ Agu yo kiro ichekee kuie kigikono arib logoiywek che kororon agubo icheke che maguimurotene kile mbo Pereto che kimuratene.⁸ Amu inyentee nye kimuktochi Petero kulogu nye kiyoktoi mu che kimurotane u kimuktawo agane kilee nyone akubo biik alak.⁹ Ak kinginai Jacobo ak kepa ak Johan, ichegee che kigiit kele kiptelengunek, kororonie nye kigugono, kugono ak Barnaba eutab tai nyebo yamdae si neitio keba oldab biik alak, kuba ichege oldab che kimuratene.¹⁰ Kibate kimakwech ichekee kenaan kibanonok; kinyone nye kiotinyee kokiletabgei ale aiye.¹¹ Agu yo kogocho kepa Antiokia akarta inyendee agoi amu kiyeme inyendee kiruogee.¹² Amu ye kitomo kubwa alak che kibunu kap Jacobo, ku kiamisie ak biik alak: ak kinepka kuwektagei let kutabangei, kuiywai ichege che bo kamuratanee.¹³ Ak kiiberberisio yahudik alak ichegee kiboto inyendee kititito Barnaba mu koberbenisiengwang.¹⁴ Aku nga koroo kile mabetote mu lititiu kile imantab logoywek cho kororonen amuochi keba mu taitangwang togol otechi, ngiti inyee nyeii yahudio itebee kile alak, amu kilee yahudik irongtoi ano biik alak kuloku yahudik?¹⁵ Achee che kii Yahudik mu sikwo amakii kiptengegin chebo biik alak.¹⁶ Aku kinget kele mekiitchini chii imanta mu boisyonikab ng'etut, ako mu kayanee mu jeiso kristo, kikiyan ache mu kristo jeiso sineityo kmriityech imanda mu kayanyee mu kristo amo mu boisonikab ng'etutie: amu mekiitchini chii imanda mu boisionikab ng'etutie.¹⁷ Aku ye kite kewese ketiiyech imanda mu kristo kenyorwech ak ache kele kii kiptengegin, ara kristo ku kiboitiondetab tengek? Acha me lee nyadee.¹⁸ Amu ngitatech tukuchochee kikokobit, kukobartagei ale oii bistoi.¹⁹ Amu anee kukiomechi ngetutie mu ngetutie, si neityo asobo mu jehovah.²⁰ kigigargata kiboto kristo, aku asobe, aku maku anee,akusobe kristo mu nee, akusobondo nye asobe banieni mu asobe mu kayanee nye mito mu weritab jehovah, nye kichama, ak kikoitogei akubo anee.²¹ mwole kororinietab jehovah kuloku kilen, amu nde bunu imanda, ng'etutie ku kima kristo kilen.

Chapter 3

¹ Ee Galatiechu solwoi, ng'o nyo kibanak, akwe cho ki kikonor jeiso kristo taitab konyekwok kutooku kele keki gargaat?² Nyi kibaat nyo ameche anetenagei, kyaatach Tomirmirie mu Ngotutitie, nda mu kase nyyo bo kayane?³ Ngu kogo oi solwoi kile nyo ne? Ne kiotou mu Tormirmirrie, Ameche banienyi ologu cho obokyi notin mu borto?⁴ Ngu kyonyolilyo mu tuguu cha chang kilen? Netikileu mman.⁵ Ngu inyenda anyu nyo konok Tomirmirie ak kuiye kwongutik mu kwenunungw'ong, ku ngu oye mu boisionikab ng'otitie, nda mu kase nyo bo kayaua?⁶ Ambo kile yo kiyan Abraham Jehovaa, ak kigiityi inyenda kibinyyi imanit,⁷ Onget anyu ale ichega cho bo kayaue, ku werikabb AAbraham choche.⁸ Ak kirub kuro surutie kile iityini Jehova imanda Bororiosiek mu kayane, ku kirub kuomji logoi cho koromen Abbraham, kileji, kuberuree bororiosiek togol mu inye.⁹ Nyone anyu, kuberure ichekaa cho bo kayane kuboto Abraham nya yanaat.¹⁰ Amu togo cho mi mu boisionikab ngototie, kumito mu banee: amu kikisir kele, banat chi aka toggol nyo me tebee mu tuguk togol cho kikisir mu kokuitab ngotutie, kuaiy choche.¹¹ Toogu anyu kele, momi chi nyo kiityinni imanda mu ng'otutie mu taitab Jehova: amu, sobe nyo bo imanda mu kayane;¹² ak mo bo ng'ototie kayane, aga, inyenda nyo oiye choche kusobe mu choche.¹³ kitiachech kristo mu benichetab nyo kilogu inyenda banee agubo ache: amu kigisir kele, bant chi aga togol nyo kissegeueue mu keti:¹⁴ si kisich kuchonji Bororiosiek koberuretab Abraaham mo kristo jeiso; si kisich ketaach kaororetab Tomirmirie mu kayane.¹⁵ cho kutupche, amwoe ku le bitetaab chi: Ambo ne kaororitab chi nyone, ku ne kagigimit, ku mome chi nyo wele kuchogu buka (kilen), nda kitesyi.¹⁶ Kigumwojini anyyu Abraham kaororotuchoche ak kosuiyekyi; momwoe kele, gochini kosuiyondenyi, kule yo kachangiit; agu ku le yo Agenga, kile, Ak mu kosuiyondeng'ung nyone ku kristo.¹⁷ Ammwoe nyi anyu ale;kosyine nyo kisub kugimit (kuuyisis) Jehova, nyone ng'otutie nyo kichoni kuga kusirto kenyisiek togol aangwwan ako sosom, ku mowole kulogu buch, kele, su kwaiy arorutie kulogu nyo motile kiy.¹⁸ Amu ne bunu koundiee nyotutie kuma kubo arorutie anyu: agu kiidochi KIGIGONU NG'OTUTIK MUNEE?¹⁹Nee angu ng'otutie?kigitas amu bistoutek, agoi kuit kosuiyonde arorutionone; ak kikiti kon mu malaikainak mu eutab kotuiyoinde. ²⁰Kottuiyoinde anyu ku mo bo aagengai agu Jehova ku agenga.²¹ Ngu kortoi Ng'otutie arorutikab Jehova? Achaa mo le nyone: amu nde kiga kegonu ng'atutie nyo muche kusoob, nda kibinjini mmna ng'otutie.²² Agu kigiretyi sirutie tuguk togol kimuetetab tengektoi, si kisich kugochi cho yene,arorutie mu kayane mu jeiso kristo.²³ Agu yo kitomo kucho kayane, ku kigiribech mu ng'otutie kiga kirateech agoi kuita kayane nyo tun kebooru mu let. ²⁴ kilogu anyu ng'otutie koletindenyo nyo mu tyinech kristo , si kisich keiityech imanda mu kayane.²⁵ Agu banienyi anyu, ku kakucho kayane ku ma kuboiwech konetinde.²⁶ mu akwe togol oik werikab jehovah, mu kayane, mu kristo.²⁷ Amu cho te mu aakwe cho kikebotisonjok kristo ku kya lach kristo.²⁸ Momuchegee kele mi yaludio nda yuuniinde, amo mii otwogindo, nda nya tiagat, amo mi nyo muren nda nyo chepto amu akwe togol oii agenga mu kristo jeiso.²⁹ Ak ngu to bo kristo, ku oii kesuiyekab Abraham angu cho neme tuguk kile arorutie.

Chapter 4

¹Agu amwae ale yu to kulakwa kiyende nye tau name tuguk ko mangale kinyende ako otwogin, ambo nda kinyende ko kiptaiyatab togol.² ago mi mu eutab ngatik ako ribik agoi kuit betu nye kingatyi kwanda.³ kile nyone ambo ache, kingiti keii lagok, ku kigi rarotin mu konetisiosiek che botai che bo ngany.⁴ Ago yu kingoit brtu nye kiyamgei, kuyoku jehovah werinyi nye kisich chepyoso, kosich mu ngatutie.⁵ si kumuch kotiach kicheka che kimi mu ngatutie, si kumuch keach keloku werik.⁶ Ak amu oi werik, ku kiiyokyi jehovah Tamirmiretab werinyi muleywekcho nye rivei, kile Abaikwan.⁷ mu nyone anyu ma koi otwogin kinyile, ago ai weri, aku ngo weri kuoi namin nye bo tuguk mu kwanda.⁸ Ago mu betunone, kima nget kamuktoin ki kioi otwogindab kichege che kima kii cheptalelisiek che ma bo iman.⁹Ago ra kakonan, amu nee anyu kakonayok akwe Jehovah, amu nee anyu si aweenayak let kinyile oweegiguk konetisos che bo tai che terteren ako che bo banan mu choche omache aweekjieikotwoknatekwang kinyile.¹⁰ orib betusiek, ako ariok, ako woli teptoi betusiekab kenyi, ako kenyisiek.¹¹ Aiyweishe agubo akwe, si malegu nye kabirtege buch mu or age togol agobo akwe,¹² Amosok kusob, che kiptupche ale atebi kilee anee, amu ane ale akwee. kima aiywa nya ya.¹³Ago onget ale kiamwok logoiwek cho koromen mu tai, amu terterndab borto.¹⁴ Ako kima sas katiamut che kiotinye agubo bortanyu, jehovah, kile kristo jeiso.¹⁵ mi ano anyu boiboiyononengwong amu amwok, iman ale nde kimugakse, ta kiabolu kenyekwok aka kona.¹⁶ ara anyu kaalegu bunyondengwong, amu kamwawok nyebo iman.¹⁷ ingaljinogei kowesotok mu aree nye ma kararan, ee, mache, kile kegerjoni san, su kisich kiwasaka kicheke.¹⁸ Ago kararan alegu che kiwosok mu kagiletabngu betusiek togol agubo kii nye kararan; ako ma ye ami kobotok kibat.¹⁹ lagokchu che mengechen, che anyoruneno ngwanin nye bo sirwo kinyile agoi kiyaak chiristo mu akwe.²⁰ ee, katamache ale nde kami kibotok ra, ako awal kotenyu amu aiimeke agobo akwe.²¹ Amwawo, akwe che amache atebe kandoisietab ngatutie, ara mogose ngatutie?²² Amu kigisir kele, kitinye Abraham werik avery, age mu chepto nye kiptwogin ako age mu chepyosenyi nye kitiayat.²³ Agoo kigisich mu borto kinyendee nye bo chepto nye otwogin, ago kisich mu arorutie kinyende nye bo chepyose nee kitiagat.²⁴ Tuguchuachu ku kaleweno amu chuachu kun arorutei areny; kibunu age tulwelab sirku, nye siche lagok mu otwognet, nyone ku Hayan.²⁵ Ako Hagar nyenyi ku tulwelab ssinai mu Arabia, ako iboru jerusalem nye bo ra, amu mi mu otwognet kiboto lagokchi.²⁶ Ago jerusalem nye mi barak kitiagat nyenyone ki kamenyo.²⁷ Amu kigisir kile, baibaitu inye nye megase ngwanindab sigisio Amu chang lagokab kinyenda nye tinye bondenyi.²⁸ Ache aanyu che kiptupche, kukei lagokab arorutine, kile isak.²⁹ Ago anyu, kile kinyendee nye kigsich mu borto ku kiginyalil kinyende nye kigisich mu Tamirmir kile nyone anyu akoi, ra.³⁰ Ago mwae nee siruta? ou chepyosoni otwogin kiboto werinyi amu maname tuguk weritab chepyosoni nye otwogin kiboto weritab chepyosee nye itiagat.³¹ Nyone anyu, che kitupche, ma ki lagokab chepyose nye itiagat.

Chapter 5

¹kutiachech kristo mu katiagat otouenye kikaran anyu, amatikeratak kinyile mu cgogitab atwoknet.² oroo, amwawok ane paulo, ale negimuratanak, ki motinye keluno mu kristo.³ Ee, amwachini kinyile chi age togol nye kimuratene, ale, kiyaache kinyenda kuai ngatutie kimugul.⁴ iatoiye ako kristo, akwe che amache keityok imanda mu mgatutie, kiabatye mu kororonyo.⁵ Amu kigenye kamangune nye bo imanda mu Tamirmiie mu kayana.⁶ Amu mu christo jeiso ku matile kiy kamuratana, nde ngu mu kimuratan, ago kayane nye boisie mu chamnye.⁷ kioruae kikaram, bgo nyi kiranyak si magas it iman.⁸ mabunu kagaigani kinyenda nye kiguurok.⁹ igutu betek kongengune kerutie togol.¹⁰ Atinye kamangune mu akwe mu kiptaiyat, ale amolegu che tinye kabwatat che ngule.¹¹ Ago ane angu chekitupche ngi tu aamdote kamuuratana, ku kalya si kota keusausa (kenyalda) ? ku kaya kigeisto anyu kanagutietab kimurtayo ¹² katamache anyu ale kistogei ichege che iluluchok.¹³ Amu akwe cho kitupche, ku kigigurchok katiaga, ago moboisie katianganwong kuleku boroin nye bo bortoo, ago aboisiechge akweka mu akweka mu chamnye.¹⁴ Amu isalda, ngatutik togol mu ngolyo agenga nyone ku nyi; cham chitab kokwengun kule wolo ichamdoigei.¹⁵ Ago ngu asuruge ako aomege akwege, oripgesi marunge.¹⁶ Amu amwae angu ale, abendate mu Tamirrmiriee, si mayai magetab borto.¹⁷ Amu machei borto kisob kigirinda Tmirmirie, ako Tamirmirie kigirindaa borto; amu kirindogei chwechu tuwai, si mai tuttuk che omacee.¹⁸ Ago ngondoiwok Tamirmirie, ku momito bounatetab ngatutie.¹⁹ Toogunotin anyu boisonik che bo borto ,choche ku chu sokset sindo maget nyo ga agubo tuguk che yaach.²⁰ saetab kanamon bonisho, bunyondi, suriot, ngetkong nerekwa toiyoshek, besios, pscheut.²¹ kong nye ya bogiit keiyanda ako alak chele chua chweechu. kasib ateeywok agubo chu, kile nyoo kusib ateeywok, ale kichege che yak tuguk chele chwechu ku manyoru bounatetab jeehovah.²²Ago logoiyotab Tamirmirie ku chamnyot, boiboiy, kalya, muitai, jlaseo, karoronio, atepto nye kiyane.²³ kamingunetab ge, ribetab ge: mami ngatilie nye tenye chwechu.²⁴ Ako kicege che bo kristo jeiso ku kigigartat borto kiboto magutikchi ako kasetab mu che bo chwechu.²⁵ ngu kesopsot mu Tamirmirie.²⁶ Amat kilosuge buch, ama ketachatachge, amat koamseche ngetkong.

Chapter 6

¹ cho kutupcho, ambo ne kuuyorji chi lelut, ku akwe cho oboe Tamirmirie, oweegu chito nyo le nyone mu Tamirmirie nyobo mutyone; ak iripgei si mo kityaming aginyende.² otoretgei mu nyolilwogik, aiy kusilda ng'otutikab kristo.³ Amu ngut obkotegei chi kule ai kiy, agu kogo mo kiy, ku kenegei inyenda,⁴ Agu ngitiam chi aga togol boisienyi, si kuunyoru angu kito nyo losunegei inyenda, aka momi chi aga.⁵ Amu kesene chitogol sabenyi inyenda( kityo)⁶ Agu nguyamda tuguk togol cho kororn inyenda nypo kinete ng'olyo, ako inyenda nyo netisie.⁷ Amatin keganak magigengene jehovah; amu kiy aga togol nyo kolee chi, ku tuy kese nyone agine.⁸ Amu nyenda nyo keljini bortonyi, kutuu kese mu borto ng'omisie; aga inyenda nyo koljini Tamirmirie kutuu kese mu Tamirmirien sobondo nyo bo koigeny.⁹ Amakany kechoshe keoye boisionik cho koromen (mia): amu tuu kikese ku kait betunyi ne magutonui.¹⁰ Nyone angu, kile yo kitinge boroin, ku ongeichi bik togol nyaa karam, aga nyo sire ku icheka cho bo ketab kayane.¹¹ Oroo anyu sirutik cho eechen cho kaasorunenak mu enyyu aungee:¹² Togol cho te cho mechei telunate (lelesta) mu borto ,ku birjinok kule kemuratanak; agu si mogi uso icheka agubo kumurtoiyonde kristo.¹³ Ambo ichega cho kimurotone, ku meribe ng'otutei agu meche kule kemuratan, si kulosunegei borwekwok.¹⁴ Agu nguloit mu ane alaskei kubata mu kumurtoiyonde nyo bo kiptaiyandenyo jeiso kristo, nyo mu nyone ku kigargaat ng'weny agubo ale, ak ane agubo ng'weny.¹⁵ Amu mo kiy kauratane, nda ne maa kimoratan, agu yautie nyo leel. ¹⁶ Ak ngutobo kalye icheka togol cho bedode mu ng'otutionei, ak rirenetabgei, ak mu israel nyobo jehova.¹⁷ kingete banienyi ku matutu konyalila chii ama aibote asutote mu bortonyu berutikab jeiso.¹⁸ cho kutupche ngutobo kuboto tamirmirekwok miendab kiptayandenyo jeiso kristo amen (mman)

Ephesians

Chapter 1

¹ Paulo nye kiyoktoi nyebo Kristo Jeso mu magetab Jehovah, asirjini biik chotilileen cho mi Epeso kupote chobo kayane mu Kristo Jeso. ² Ngutebi myeindo ak chamnyeetab Jehovah Aboo ak Kiptaiyat Jeso Kristo.³ Iberuroot Jehovah Abootab Kiptayandenyo Jeso Kristo, kinynde nyo kikuberurech mu kaberure aka togol mu Tamirmirye ,mu kamastaab kipsengwet mu Kristo. ⁴ Kile bani kikelewenech mu kinyenda kung'ete bani kikilumda ng'wony, kile ketebi mu atepto nyotilil ak nyematinye tisya mu mararetab chomnyenyi.⁵ Kileyo bani kikesub kelewenech, kesicheech kelogu werikyi mu Jeso Kristo mu kinyenda , kuu chame nyakararan nyebo makenyi.⁶ Agoi kolosunetab torornatetab myeindanyi, nyo kikegonech mu ayebindo mu chamyee.⁷ Ne kitinye mu kinyenda katyagenyo, mu korotiik, noetab gaat nyobo tengetanyo, kilee mogornosyekab myeindanyi, ⁸ cho kiai kutasagis mu achee mu ng'omnatee togol ak naet.⁹ Kukakuborwech ung'otyee nyobo magenyi kilee chamnyenyi nyakararan nye kicheb mu kinyende,¹⁰ agoi tononjine nyebo ripseetab kasarta nyoyamagei si kuyum tuguuk togol mu Kristo, tuguuk chomi kipsengwet, ako tuguuk chomi ng'wony mu kinyenda.¹¹ Nekiyaech mu kinyende keloku borotenyi, ku kasib kelewenech kilee mgetab kinyenda nye yae tuguk togol kile kabwatetab magenyi. ¹² sikenyoru keloku, kalosunetab torornatenyi, achee che kikasub kemong'u Kristo.¹³ Kiagas ako akwee mu kinyenda ng'olyondetab iman, logoiwek chokororonen chobo yetuneng'wong'- mu kinyendee nye kingokakoyan , ku kukunachak mu Tamirmirye nytilil nyobo ararutye. ¹⁴ nye tongoanietab porotenyi mu kalosunetab torornatenyi.¹⁵ Amu nyone anyu, kingo kaagas akibo kayane nyemi kwenung'wong' mu Kiptayat Jeso ako chomyee mu togol cho tililen. ¹⁶ ko mataasiis akoito kongoi akobo akwee ako amwowok mu sautikyu.¹⁷ Ale ngikonok Jehovah nyobo kiptayandeyo Jeso Kristo, Aboo nyobo torornate, tamirmirye nyebo ng'omnate ako ng'ang'utie nyebo naetab kinyende. ¹⁸ ko kakokwenyegis konyekab muguleywekwok, si kisich kunai kito nyole kamang'unetab kursenyi, ako mogornotosyekab torornate nyebo portanyi, mu che tililen.¹⁹Ako kuto nyole oinde nye sirtoot nyebo kamuktaenyi mu ache che kiyane, kile boisionone bo kimnatetab kamuktaenyi, ²⁰nye kiyai mu Kristo ye kineng'eet kinyende kimong'u mu che kibok, ako kunde kinyende kitebe eunyi nyobo tai mu kamastab kipsengwet, ²¹nyetoroor kusiir laitornatet togol, ako baunatet, ako kamuktaet,ako kiptainatet, ako kainet, ako togol nyamwayat, ma kito mu kenyisyechu ,aku mu chuchee pkoni.²² Ak kikigoji tuguuk togol kigas it keldebesaikab kelyekyi, ak kugoji kinyenda kuloku meti mu tuguuk togol mu kanisee, ²³ nyone ko bortanyi,nyiyeetab kinyenda nyo nyiite togol mu togol.

Chapter 2

¹Ak kikisobook akwee mu kyomeyotin mu ng'okiswogikwok, ak yaityeng'ong'. ² cho kiobetote mu keny kile atebtab ng'wenyuni, arube nyaoo nyobo kimnatetab barak, nyebo tamirmirye nyibaisye ra mu werikab rengso. ³che kikimenyache togol kwenung'wang' mu makutik cheyachen chebo bor, kaiye makutik chebo borto, ako kapkotutik ak kikii lagok chekinerekyini mu sigee, kila alak⁴aku Jehovah nyile mogorio mu rirnetab kei, mu chomnyenyi nyo oo nyakichamenech,⁵Ambo ntakimeotin mu yaitwogikyo, ku kikisobeech mu Kristo, kikesorwok mu myeindo. ⁶ Ak kiki ng'etech kibto kinyenda ak kukoneech ketebi kiboto kinyenda mu komoswekab kipsengwet mu Kristo Jeso. ⁷ Sikebortee mu kenyisyek chepkoni mokornotosiek chebo myeindanyi mu tolosyo, nyo tokyinigei Jeso Kristo.⁸ Amu kikesorwok mu myeindo, ak kayane amu mang'etenok nyenyi, konunee nebo Jehovah, ⁹ Amobo boisyonik , simalasgei chi, ¹⁰ amu kiiche boisyenyi achega chekikwaech mu Kristo Jeiso akibo boisyoni chokororoneen, chekisiib kitat Jehovah sikebetate acheka.¹¹ Nyone anyu abkaat kile akwee chekioii bororyosyek mu borto akinya, chekikurenk chemakiyaat mu kichega che kikuree yootik mu borto che kikiyae eun ¹² Kiomi taban mu Kristo betusyochoche, che kioii kibinotin mu bororietab Israel, ak kioii too mu koyomisutik chebo ararutye, kimotinye kamong'uno aaak kimotinye komong'une mu ng'wonyuni.¹³ Ak ra mi Jeso Kristo ako akwee chekiolowen mu betusyek alak, kikakegonok ariiku mu korotikab Jeso Kristo.

¹⁵Amu kikakuwaany bunyodi mu bortanyi, ng'atutye nyebo ng'atutik nyomito mu kayomisee, sikumuuch kwai mu kinyenda chochee aeny kuloku chito agenga nyoleel, kwaii kalyee.¹⁶ Akutuyo kichega tuwai mu borto agenga a Jehovah, mu kimurtoyonde, kikakibar bunyondi mu nyone.¹⁷ Ak kicho kwomwok kalye akwee chekioloween ak kalya mu kichega chekilekiten, ¹⁸ Amu kinyoruu tuwai mu kinynda arenyo mu tamirmirye agenga, nyoitech wolo mi kwanda.¹⁹ Amu nyone anyu mo koiikwee too ak kibunotin aku aikwee bikaab bororye agenga ak chotlilen, ak chebo kotab Jehovah. ²⁰ Kiketecha mu lumtae chebo chekiyoktoi ak maotik Kristo Jeso kinyenda ki koita nyo kiindo nyib taban (likia). ²¹ nyekituyechini tekse ako togol nyokinomnyo kileku agenga, kiketor kileku kapkoros nyotilil mu kiptayande. ²² kikitechaak akob akwee aloku agenga mu kinyenda. wolo menye Jehovah mu tamirmirye.

Chapter 3Amu nyenyi, anee Paulo, kimonjororyetab kristo Jeso akubo akwee biik.

² Ngi kiagas akibo koyongjinetab kororontaab Jehovah nye kikikono akubo akwee.³ Kileyo kikiborwo mu ng'atutye ung'otye kile yo kiarub asir mu tai mu ng'alek cho ng'ering'. ⁴ Si yo asome, amuche anai ng'omnatenyu, mu ung'otyetab kristo. ⁵ Nyemakiborji werikaab biik mu abanwek alak kileyo kake ng'ong'ji ra che kiyoktoi chachii chotililen ako ng,orik mu Tamirmirye.⁶ kele biik ku yamtoikaab nametab tuguk ako yadoikab kamaswekab porto ako amtoikab ararutye mu Kristo Jeso, mu logoiywek chokororneen. ⁷ che kikeyanak aloku kiboityo kile konunetab kororonindo nebo jehovah nye kikono kile yo boisye kamuktaenyi.⁸ Kikigono boiboiyoni anee, nyomining' mu biiko togol chotililen chebo Jehova, aamji biiko mokornotosyekab Kristo cho masichekisoot. ⁹Ako kikoji biiko togol kito nyakargei koyonjinetab ung'otye nye kikakiuny king'ete kenyisyek che kikisirto, mu Jehovah, nyokitou kwai tuguk togol.¹⁰ Si neityo kunayak mu kanisee ra ng'omnate nyo O nyebo Jehovah mu laitonatosyek ako baunatosyek mu komoswekaab kipsengwet, ¹¹ kile magetaab koigeny nyekisip kekwai mu Kristo Jeso Kiptaiyandenyo.¹² kiting'e mu kinyenda kayane ako kamang'une, kirikyini kinyenda amu kiyene kinyenda. ¹³ Mu nyone anyu asomok ale, makany kumeyook mugulei amu nyalilanyu akubo akwee choche ku torornateng'wong'.¹⁴ Amu nyenyi anyu agutung'jini Aboo. ¹⁵ Nyo nyorune kinyenda kineng'wang' aree aka togol nyebo kapchii, mu ipsengwet ako ng'wony. ¹⁶ Sineityo kukonook kile mogornotosyekaab torornatenyi. Agilye anyu mu kamuktae mu Tamirmiryenyi mu chiito nyebo oriit.¹⁷ Sineityo kimeny Kristo muguleikwook mu kayanee, si neityo yo otinye tililet ako lumdae mu chomye. ¹⁸ Onyoru kimnate aai kuboto togol cho tililen ale tene tebesindo, ako koindo, ako tororindo, ako loundo nyaweti ng'weny. ¹⁹ Ako anai chamnyetaab Kristo nyo siree nae sineityo kenyiitaak nyiye togol nyebo Jehovah.²⁰ Ngibinchi anyu kinyenda nyomuche kiy kisoop kinyende kisiir togol co kisome nde chekibwote kile kamuktae nyeboisye mu ache.²¹ torornate mu kanise ako mu kristo Jeso akoi abanwek togol chebo koigeny akoi koigeny. Amen.

Chapter 4

¹ Nyone ayu anee nyoi kimonjororyo mu kiptayat, asomok kikaram kile, abetate kile yo nyoljini kuursee nyo kikekurok. ² Mu kamining'etabgei togol ako mutyone, kiboto muitae, omiytojinigei mu chamnyee. ³ Ogiilesei oriibe yamdae nyobo tamirmirye mu ratutyetab kalye.⁴ Agenga porto aku agenga Tamirmirye, kile yo kikekurook mu kamong'une agenga nyobo kuurseng'wong;⁵ Kipayat agenga, Kayanee agenga, kabatisanee agenga, ⁶ Jehovah agenga nye Abotaab togol aku mii mu togol.⁷ Ako kikukoji aa togol mu ache kororouyo kile kakwae nyobo konunetab Kristo. ⁸ Mwoe kile nyone anyu kile, " Kinelanda barak, kumiit luulenik cho kikakurwoch ak kekoji biik kagojinoik⁹ Nyone anyu ng'olyondonyenyi, mwae, kikelanda, mwae kile kikelanda, kunee anyu, kibaate kele kilany agine kuwo komoswekab ng'wony oriit kiya. ¹⁰ ( kinyenda nyo kiwalda mu kinyenda nyo kilanda kiya kisiir kipsengwetisyek togol si kisich kunyiit tuguk togol.)¹¹ Ak kikikoji alak kuloku che kikiyktoi , ak alak orgoik, ak alak chomwoitote logoiwek chokororneen, ak alak mastewek aku konetik, ¹² si kwai chotililen kulogu cho bokjinotin akubo boisyetab otisyee akubo tekseetab porbo Kristo.¹³ Akoi keit ache togol yamtaetab kayane, ak naetab weritab Jehovah, akoi kelogu chii nyobokyinot agoi kakwae nyobo yetunatetab nyiyeetab Kristo.¹⁴ Si matikogu lagook che kutortoi kiba kamasi ako kamasi ak keiboteh mu koriis aka togol nyobo konetisye , mu ng'olsetaab biik mu ng'omng'omutye mu kaberberisyetab lelutye. ¹⁵ Aku king'olole nyobo iman mu chomnyee, si kekerkeitu mu tuguk togol, mu kinyenda, kinyenda nyolee met, nyonee ku Kristo. ¹⁶ Mu kinyenda kerobokei ak ketuisoot porto togol, mu nyonee nyo konu komosta aka togol, kile kakwoutye nyobo boisye nyobo kamastab aka togol, si kitaas porto mu teksee nyotechegei kinyenda mu chomnyee.¹⁷ Amwoe anyu nyi, abauriene mu kiptayat, ak si matikebetata kileyo betote bororiosyek akiche mu kapkotutikwak chobo buch. ¹⁸ Cho timirmirennayutikwak cho kikwai kulogo kipsagarek mu sabondab Jehovah, amu solwondi nyomi mi kichega, amu tokolindaab muguleikwaak, ¹⁹ cho kikojigei mage nya ya akibo tuguuk cha yachen, amu kikuboku kisopsoot, si kwai simyoo togol mu suyondi.²⁰ Aku kimanetgei Kristo kile nyone, ²¹ nye kiagas kinyenda ak kunetaak mu kinyenda kileyo mi iman mi Jeso, ²² ale ang'usu chiito nyobo keny, nyone atebeng'wong' nyobo akinya, nyo ng'omokse kile magutek cha yachen chobo kanise.²³Si awalakisye aloku mu Tamirmiryetab nayutikwaak, ²⁴ak alaach chito nyoleel nyo kikwai mu Jeso, mu imanda ak tililindo nyobo iman.²⁵ Ara anyu, oistoyegei kilowo ak ang'ololnjinigei nyebo iman, chii togol ako chiitab kokwenyi, amu kii togol komoswek aka togol nyobo aka. ²⁶ Anerkye, ako kitimai tengek, mataany kung'uur asis kitonereksoot. ²⁷ Amatakoji boroin oinde,²⁸ kinyenda nyo kichoriin ki matitikichoorso, ako kaikai kiboisyo kwai mu eunekyi nyone karam sikinyoru kisikji kito nyokochini chiito nyobenene. ²⁹ Matakany kijoone ng'olyo kotuwaikwook kara nyomuche kutekso kileyo makat si kisich kukochi kororindo kichega cho gase. ³⁰ Ak motokoji cholotyo Tamirmirye nyotilil nyobo Jehovah nyokikindoenok ng'olse agoi betutab katyage.³¹ Nguistagei mu akwee ng'wonindo togol ak nyitate, ak nereksek, ak bolote, ak banisie, kiboto yaityo togol, ³² a atebi mu tolosio akwega mu akwega, ariregei, ak anyoijinigei gaat, kileyo kinyoiwok gaat Jehova mu Kristo.

Chapter 5

¹ Aloku anyu ribikaab Jehovah, kile lagok cho kichame. ² ak abetatee chamnyee kileyo kichamak Kristo agine, ak kugoitagei akubo ache, kuloku kakochino ak tiseiwo mu Jehovah nyong'utoi nyomtiit.³ Ak kile, yo makat mu biik cho tililen kimating'alale mu kwenung'wong sooksee a sinyondi togol nde kasetab miat. ⁴ Nda tawernat, nda ng'alaletab abusnat, nda ki roryoo nyebo ng'alek cha yaach; monyolu chochee; ago kaigai kakoitoetab kongoi.⁵ Amu anget nyenyi iman ale momi chii nyo sookse nda chiitab simnyoo nde ngogase miat, nyone nyosoe kanamon, momi mu chu nyo nyoru borote, mu baunatetab Kristo mu Jehovah.⁶ Amatuberberakchii mu ng'alek chomanamegei ako kiy amu chonjini nareknate nyebo Jehova werika ng'elenate amu tukuchwechu. ⁷ Nyone anyu matai yamtai agenga ako kichega.⁸Amu ki ou mesundeito mu betusiek alak, aku au lapkeiye banienyimu Kiptayat: abetata kilee lagokab lapkeiyo. ⁹Amu logoyondob lapkeiyo ko mu kororindo, a imanda ak imanit. ¹⁰Si anai nyone tochokse mu kiptaiyat, ¹¹amaiy yamtaya ako bikaab tuindo, cho mating'e beek, aku kaigai akar koong. ¹²amu tuguk choiye kichega mu ung'oot ku tewrnate ne kile kemwa.¹³ Aku tuguk togol cho kigere kong' ku ng'onyekse mu lapkeiyo amu kiy aka togol nyokibortoi ku lapkeiyo. ¹⁴ Nyone anyu mwoe kinyenda kile, kosu inyee nyo irue, ak ing'eet mu kichega cho kikuboku ako kikukwanying' Kristo.¹⁵ Aripkei anyu mu wolo atoptoi mu banwokwok mo kilee cho mong'omen ako kilee cho ng'omen. ¹⁶ Aboisye boroinwek kikaraam amu yachen betusiek. ¹⁷ Nyone anyu mataberberitu ako aguye kito nyole magetab kiptaiyat.¹⁸ Amatabokitye mu mayek cho ibu mage nya ya. Ako nginyiyaak Tamirmirye, ¹⁹ Ong'ololjinigei mu tyenwokikab kolosunee ak tyenwokikab Tamirmirye otyene tyendo nyorure mu muguleikwok mu Kiptaiyat; ²⁰ Ogoitoi kongoi kotogol akibo tuguk togol mu kainetab kiptayandenyo Jeso Kristo, agojini Jehovah kinyenda Aboo.²¹ Omining'igei mu kaiweisyetab Kristo.²² Cepyosochu , ogas iit boisiekwok, kilee yo agase iit kiptaiyat. ²³ amu boonde ku metitab chepyoso, kile Kristo agine ku metitab kanise, kinyenda yetindetab porto. ²⁴ Ak kile yo kase iit kanise Kristo, kile nyone kiche chepyosoi mu boikwak mu kiy aka togol.²⁵ Boisyechu, acham chepyosokwok, kile Kristo agine nykicham kanise, ak kugoitagei akubo kinyenda. ²⁶ Si kisich kutabaan ku kakutilil mu konunetab beek mu ng'olyo, ²⁷ Si kisich kumityigei kanise, nyone nyobo torornate, nyo matinye kwintaan nyole nyone, aku kuloku nyotilil nyo metinge berut.²⁸ Kilee nyone, magaat boisyek akiche kucham chepyosokwak kile bani chame borwekwak kichegei; kinyenda nyo cheme chepyosenyi kichamegei kinyenda. ²⁹ Ako momi chii nyosase bortanyi ako baye akuriibe, kile kito nyoichini akine Kristu kanise; ³⁰ amu, kii komoswek chobo portanyi.³¹ Amu ng'olyondoni, kubokoktoi chi abonyi ako iyonyi ak kunamgei ak chepyosenyi ak kuloku kicheka tuwai porto agenga. ³² Ou ung'otyoni aku ng'olole akubo Kriso ako kanise. ³³ Aku ngicham chii aka togol chepyosenyi kileyo chamtogei, ak ngukonyit chepyosee bondenyi.

Chapter 6

¹ Lagochu, agas it sigikwok mu kiptaiyat, amu kararan nyone. ² "Teech aboong'ung' ako komet" (nyone ng'atutie nyobo tai nyoting'e kayomise.) ³ Si kusich kukararanit mu kinye ak imeng'ishe kenyis chatyaa mu ng'weny.Ako akwee kwanisiechu, ama tach atach logokwok si manerekcho, ako abai kichega mu katikonut ako kateunetab kiptayat.⁵ Otwokichu , agas iit kicheka che kiptainikwok mu borto, mu kaiyweisye ako botane, ako mu muguleito togol kileyo agase iit Kristo. ⁶ Ama mu otwoknatet nye kirotii kile yo kiboiboite biik, ako kilee otwogikab Kristo, aaiye boisyetab Jehovah mu muguleito.⁷ Aaiye boisye mu chamnye, kile mu kiptayat ako ma kile mu biik. ⁸ Anget ale kiy ako togol nyokararan nye iye chii aka togol, kituun taache nyone kinyile mu kiptayat, ngurataat nde ngutyagat.⁹ Ako akwee kiptainichu, aichii kicheka ambo akwee kile nyone, amorosyini, anget ale mi kipsengwet kiptayandeg'wong' ako nyong'wong' , ama mi mu kinyenda tiytiye nyebo biik.¹⁰ Nyebo let anyu aleku che kiimen mu kiptaiyat, ako mu kimnatetab kamugenyi, ¹¹ Alaach garikab luge chebo Jehovah, sikumuch akirinda kabrberisyetab oinde.¹² Amu mobo kabelenyo bakey porto ako korotik, ako bo laitornatosiek, ako mu kimnatosiek mu baunikab ng'wonyuni chebo tuindo, mu lugosyekab tamirmirik chebo yaityo mu komoswekap kipsengwet . ¹³ Nyone anyu anam garikab lugee kimugul, chebo Jehovah, si kisich amuch agirinda mu betu nye ya, ako ye kakai togol atononie.¹⁴ Atononye anyu ki kagaormen suwenitikwok mu imanit ku kakalaach karnosyekab tagat nyebo imanda. ¹⁵ Ak aratyi kelyekwok bekyine nyebo logoik che kororon chebo kalya. ¹⁶ Ako anam kuboto chu togol long'etab kayane togol chebo maat chebo kinyende nye ya.¹⁷ Ako anam kutwetab yetune, ako anam rotwetab chok nyebo tamirmirye, nyone ng'olyotab Jehovah. ¹⁸ Asa betusyek togol mu tamirmirye kuboto saet togol ako kagaigae, aku aripse mu choche mu kagiletapgei togol ako kagaigaie togol akibo togol che tililen .¹⁹ Ak aka sa akubo ane sikesich kegona twegune, ataat kotenyu, abarta mu nyiganat ung'otie nyebo logoi che kororon. ²⁰ Amu ai tononjininde nyebo nyone mu sirimwek, sikisich ang'alal mu chwechu, mu nyikanate kile bani sikjini amwa.²¹ Ako si kisic ambo akwe anai ng'alekyu wolo ateptoi, kimwowok tuguk togol Tukuko, chamane nye kitupche ye kiboityo nye kiyane mu kiptaiyat. ²² Nye kiyokwok mu ng'olyondoni, si asich onai ng'alekyo aku kugaigai kinyende muguleikwok.Ingoteb kalye kubotok tupchosyek ako chamnye, ako kalya chebunu Jehovah Aboo ako Kiptaiyat Jeso Kristo. ²⁴ Ngitebi kororindo kiboto kichega togol che chame kiptaiyandenyo Jeso Kristo mu atepto nyi mang'amake.

Philippians

Chapter 1

¹Paulo elao Timeteo, otwo kikab Jeiso kisirjini togol cho tililen mu jeiso cho mito pilipu, kiboto ribikab kanisa ako kiboiritirik. ²Ingoteb koromie kobota ako kalyet cho ngete Jehovah abonyo (yain) ak kiptaiyat jeiso chirsto³Amwachini Jehovah nyanyu kengoi ako bo kabwatenyu togol a bwatok.⁴Amu somenyu betusiek togol nye asome ako akwe togol nye asome mu Boiboiye togol.⁵Amu yamdaengwong bo logoiwechu kingete betutab tai akoi betuni bo rani.⁶Anget karam ngot'ondonyenyi ala, kinyenda nye kitou boisioni, kararan mu akwe, kinaei kusulta agoi betut jeiso chirsto.⁷kilee nyoo kararan mu ane abwat kile nyenyi akibo akwe togol, amu ami muguleitanyu, amu mu ratenyu ak mu riple, ak kerimit bo logoiweng cho kororon, akwe togol ko che kiyamdoi kobotok koririndo. ⁸Amu jehovah (abor) baoriandenyu, kile atingenok akwe togol emoo mu rirenotiekab jeiso chirsto⁹Ak nyi saenyu, ale chamnyekwong ko much nae togol.¹⁰si amuch anai kikaram tugul togol cho sikatin si alegu che matinye keniti, che matinye kanegut agoi betutab chirsto¹¹Amu kiinyigang kesunyekeb imanda, che ngetee mu jeiso christo, ki kianyoru torornat ak kalosunetab yainde (jehovah)¹²Ara amache, anyu kitupche ale, anai tuguk che kiipkoucho ale kikotoret togok che koroon kiba tai .¹³Kotoku togol anyu ratengu mu christo mu askarik togol che mi kap laitoria, ak mu bik alak togol.¹⁴Ak tinge che chang mu che kiptumpcho nyiganat nyo o kisir, kimwaita ngoiyotab yail ama tinye kunyweis amu tinye kamanguno akibo ratanyu¹⁵mi walak che mwantoi chirsto mu ng'etkong ak surat, kuubrudaol alak kire mu kabwatutik cho kororon.¹⁶Alak kuomdoi, mu chorunyot, kuuget kile kigikona arib logoik cho kororenen.¹⁷Amdoi ambo alak mu toiyot aku ma mu mugulelwo cho leelan kikuree teswa nyalil mu ratanyi.¹⁸Nee anyu? kibatee mu or ake togol, ngitu mu kenita nde ko mu imanit, kemwatoi chirsto, ak abaibai mu nyonee, ee, ak Baibai¹⁹Amu ange ale walak nyenyi kilosu yetunenyu mu saekwong ak nye konu tamirmirietab jeiso christo²⁰Kile nyo kiaganyishe aka a kanye akoi ak kabwate nye ale magikono a christo mu kiy ake togol, kile mutoy kile nyone angu kitorore christo mu Bortanyu ngu mu sobon nde mu meet.²¹Anee anyu ngitosobe ko christo, ak ngaruee kouchin²²Ago ngosobe mu borto ngu nyenyi logoekab boisienyu, ku manget anyu nye alewene.²³Amu kogigi kwenutab tuguk areny, atinye magee awa ketebi ako kristo, amu karam nyone kosiir.²⁴Ago ngetebi mu borto kuyeme kosiir ogobo akwe²⁵Ak atinye kamangunoni aka anget ale atebei, ee, ak tu atabee kobotok akwe togol, agobo tesengwong bo tai ak bobboiboiyo mu kayanai.²⁶Si kisich kitesak kalosunengwong mu christo jesu mu ane, amu ami kobotok kinyile²⁷Ago kileku atebeng'wong nye nyebo logoik che korokon chebo kristo. ngu ach aratok nde ngu mami ane, amuche agas agubo atebengwong; kele atonndos kikaram mu tamirmirie ageuge, mu muguleldo ageuge agilige agubo kayanetablogoik che kororon²⁸Ama komuyok buni mu kiy age togol nyoe kaborune nye toganot nye bo lusat mu kicheka, ayu bo yertunengwong; ak bunu nyone jehovah .²⁹Amu kigigonok agubokristo,mayan kunyendee kityo agu onyaldaye agubo kinyendee.³⁰atinye kugonone kiotena, ak agase ra kele mimu ane

Chapter 2

¹Ngomi yo kicheregei age tugul eng kristo, ngomi saisae age tugul nyobo chomiet, ngo mi yan-mdae age tugul nyo bo koyoktoinde.² ongiit anyu boiboiyengu asi oeku chebo kabwate agenga otinye chamye agenga omi yamdae eng kogoinde Tamirmirie agenga omi kipkutinak.³Omoiyai kiy age tugul eng kamirningetabgei nyo bo nae, ngoit chi age tugl chito age kole kaikai kosiir inyenda. ⁴Amatora chi ahe tugul tugukich kitio ago koro tugukab biik alak⁵ Ngo tebenok atoboni ne kimi eng kristo jeiso.⁶ mbo yo kitinye keergeinda yainde (jehovah) ago matiit kole bo kamanut kole ko keergeit ak kamuktainde.⁷ Ago kiyaigei inyenda koleku buch ak konam keergeinda otwogin asi kosich koleku kergeindab ak biich.⁸ Ago kingotook keergeindab chi eng inyenda ko kiminingitgei kogas it agoi mee ee meetab kimurtoiyonde.⁹Choni anyu ketorore yainde (jehovah) mising agoi kokoji kaine ne siire kainaik tugul. ¹⁰Asi komuch kogutimu kietundo age tugul ngo gas kainetab jeiso kristo agobo age tugul nemi kipsengwet ak ingony koboto nemi ingony orit. ¹¹Asi komwa ngalebta age tugul kole jeiso ko kiptaiyat agoi toropnatetab kamuktainde (jehova) kwanda.¹²Yone anyu chamanikyuk kou yo kiogas it betusiek tugul yo kiami ak ye mami ogas it kosir oboisie sarune nebo korotnateno wong kosulda kalywaet ak botane. ¹³Amu kiy kamuktainde inyenda nyoo boisie eng okwek asi omuch oboisie magenyi nya kararan.¹⁴Oyai anyu tuguk tugul ama eng kangangu anan eng tiyosiek. ¹⁵Asi kotogu oeku che matinye chalwok (lelut) age tugul ago chelibwoben (chekororen) lagokab kamuktainde(jehova) ngomatinye berut (tisia) anan yaitio age tugul eng kwenetab ibindo nyoku nur ak komastayat kokwenyisie kou labkeyosiek che bo ingony. ¹⁶Onam angu ngolionde tab sobonda asi abortoi ne aruuch alosunekei eng betutab kristo ale kimalabat buch ak kimaboise buch.¹⁷ Ee ambo ndakami keronjino kaptisisio agobo otisietab kayanenngwong, abaibai ak ogosekei kobotok okwek tugul.¹⁸ Ak kou ye koni anyu oboiboitu ak okwek ak ogaskei koboto.¹⁹Ago abwate ak amangu eng kiptayande jeiso ale ayakwo Timoteo ko negit asi angor kogoigoinde nya kararan agase akobo atebengwong.²⁰ Au matinye chi nyomi koboto nyokargei kabwatuk ak Tetutik cho kororonem kou chachu jemuge korib iman atebwokikwok.²¹ Amu chengote ichek tugukwak ama tugukab jeiso kristo.²² Ak anget atabenyi nyakararan ale karkai ak lakwe ak kwan ne kichois koboto eng logoiywek che tililen.²³ Abwate ale ayakwok inyenda rani ye kakager ole otebtoi.²⁴ Abwate chebo kiptaiyat ale achoni agane lekiton.²⁵Ak abwate ale kararan ayakwok tupchenyu eparprichito nyo kiboisioji tuwai eng boisietab ribande (askari) ago nyongwong nyo yoktoo ago toretindo nyu eng tuguk chomokchinigei. ²⁶Amu kitingenok emosto nyoo chonyigisen kemwokok kele kimiane inyenda. ²⁷Ee kimiane iman gotko negit kome ko rure yetinde (jehova) inyenda ago ma inyenda kitio agot ane asi maeku netinye arogeno eng arogeno.²⁸ kayogu anyu inyenda eng kakiletagei nyoo asi ngoroo inyenda oboiboitu mising asi kongerengitu kaimutikwok eng orogene.²⁹ otaach inyenda anyu eng kiptaiyande eng boiboiye nyoo ak kakasetagei ak ikonyit tugul eng inyende kou biiko che u inyendaa.³⁰ Amu neget inyenda kome eng boisietab kristo jeiso ago marore sobondanyi asi konyitwa kiy ne rartayat eng boisionikwok cho kioboishebo.

Chapter 3

¹ Ne bo angu cho kitupche oboiboitu eng kiptaiyat amu makaimu iman eng ane asirwak tugu chwe asi gotoretwok ak okweka.² Orupgei sesenik, oripgei yaikab yaitio ak oripgei che rumishe.³ Amu kikimuratanech ak kesoe eng kegoigoindetab kamuktaindet (jehova) ak kelosunegei kristo jeiso ama kitinye kamangune eng borto.⁴Mbo ngobwate chi age tugul kole timye kamangune eng borto atamye ane kamunge nyooo ko siir. ⁵Amu kikiyatita eng bututab sisit amu aboe kesuwekab israel ak aboe oretab Benjamin ebranienin nebo Ebraniek eng ngalekab ngatutie ai parasainde.⁶ Eng kakeletabgei ko kiangalil kaanise eng imanda ne mi eng ngatutie amu kimatinye chalwok (lelut)⁷ Agoboo tuguk che kibo (borat) kochilno ko kakaiiit koek tugu choche buch amu kristo.⁸ Ee iman kakait kabole nyobogei eng tuguk tugul koek che matinyee keljino ak kamanguno eng naetab kristo jeiso kiptaiyandenyu asi abakach tuguk togol ale buch asi anyor kayanet ne mi eng kristo jeiso.⁹ Ak kenyorwo eng inyenda komatinye imandanyu yo bo ngatutie anan choni nyobo kayanet eng kristo iman nyobuni yainde (jehova) eng kayanet.¹⁰ Asi amuch anai inyenda ak kamuktaenyi nyobunu ngatienyi ak amdae nyobunu nyalilwokikchi kekergeitu tuwai eng meenyi.¹¹ Asi amuch anyoru eng oor age tugul atiekei ngetietab che kikobek.¹²Makele kanyoru ama kele leki cho ikesunotgei ago akilimikee tai asi amuch anam cho bwoni asi koyaii kristo konemechogei. ¹³Che kitapche maite ane ale kaanam anan kakaitiy ayae kiy agenga tomo andie tuguk che kimi let eng ane asi ayokochigei tuguk che mi tai. ¹⁴Akiljinikei tai ait ole mi malekto nyobo kursetab barak nyobo kamuktainde eng jeiso kristo.¹⁵Choni anyu kebwat ache tugu che kakeekitu kiy netoreti ngoliondeta kamuktainde asi kenyoru kabwate yainde kamuktainde. ¹⁶Amu nyosire tuguk ko ongebetate keribe kanetisinyo kikeiitiy.¹⁷Che kitupche oleku che yae tuguk che ayae aak oroo icheka che bendote kou kabanune ne ogerenech. ¹⁸Amu betote cha chang che kiamwowok rani agobo icheka ale rirek che bo kotugul che bo kimurtoiyo tab kristo. ¹⁹ne kakesunengwang koboto chorwandii ne cheptaidelnyiwa ko moeengwong cheilosunekei tewernate che ibwate tugukab ingony.²⁰Ago acheka ko bukab kipsegwet chenobe yetindengwong kowech agei kabunu barak nyone ko kristo jeiso. ²¹Ne tun ko wwalei borwekchok che nyalulotin che nyoriotin si koleku kokargeitu ak bortaanyi nyo tilil eng kamuktaenyi ne imache koyhai tuguk tugul kogas it inyenda.

Chapter 4

¹ Nyone anyu Tupchosiekyuk chamanik che atinyenok Emosto ne oboiboienyu ak kutwenyu eng okwek alundegei anyu cgprokyuk eng kiptaiyat.² Asome mising Euodia ak asome kogeny sunuke koeku che bo kabwate agenga eng kiptaiyat.³ Eeasomi inye ne hii kiboitionde ne bo iman koboto ane ale toret chepyosochu amu kiboisie tuguk eng logoiywek cho kikiboitimik tugul he mi kainaikwak bukuitab sobon.⁴Oboiboitu eng kiptaiyat kotugul ak amwoe kinyilei ale oboiboitu. ⁵Onab konayak muitionengwong eng biik tugul kakorigu kiptaiynde ⁶Amoipgei eng kiy age tugul ago eng kiy age tugul ko eng sae ak some koboto kongoi ngonaik somutikwok eng yetinde. ⁷Ago ngorib kalyetab kamuktainde nyo siire kakuiye tugul mugulelwekwok ak kabwatutikwok eng kristo jeiso.⁸ Nebolet angu che kitupche tuguk alak tuguk chebo iman, alak tugul che bo konyit alak tugul che tililen alak tugul chee chanetoyotin ak alak tuhul che kimwae che kororenen amu ngomi koromio age tugul ak ngomi kalosune age tugul obwat tuguchu.⁹ Tuguk che kikinetgei ak che kikitaach che kikogas ak che kogoro eng ane oyai tugu choche ak ngotebe kobotok kauktainde nebo kalyet.¹⁰ Ago kiabaibaitu mising eng kiptaiyat ale kionaya agot rani kinyilee amu kicha ak kinai eng tai ak kabwate nyo iman amu kimakitinye boroundo.¹¹ mangololi ama ale matinye kiy ago asi onetanetagei eng atebe age tugull eng yo atinye ak ye matinye ou nyone.¹² Anget ole atebtoi eng bananda aka anget ole atebtoe yo katasakis tuguk ak kakinetgei ungotietab kabiyong ak kerugut anyoru cha chang ak komanyoru kiy (abanan).¹³ Amu chi age tugul kiyai kiyeng kimnatetab kristo jeiso.¹⁴ Agokiyai nyakararn amu kiatinye yamdae eng nyalildanyu.¹⁵ onget okwe pilipik ole eng taunetab logoiywek cho kororronen ale kikowekche kei eng makedonia ko mabitu kanise negitinye yamdae koboto eng ngoliotetab kagoitoe ak ketoche kobate okweka kitio.¹⁶ Amu agot eng tesanikek ko kikiyokwo tuguk che te che kiabanane.¹⁷ Makele achengote konuni achenge konunoikwok.¹⁸ Ago atinye tuguk tugul che yamoo agot chesirtoo,Abi yongot amu kikataach eng Epradeto tuguk che kibunwok chengutoi ak che angingen korosiot ne tasaksei ak koboiboi kamuktainde yaindenyo¹⁹ Ago nyiiitok yindenyo kiy ge tugul ne nyobanene kou magorotosiekyik eng torornate eng kristo jeiso.²⁰ Raa anyu ngobuch yaindenyo (jehova) inyenda kwaninyo nyotoro kuchulio koigenyak kachulio (koigeny) Amin.²¹Ogat age tugul ngo tilil eng kristo jeiso ak kogotok Tupchosiek che mi koboto.²² igatok tugul je tililen mising agobo icheka che mi kapkaisari.²³ Ingotebo kororonietab kiptaiyat jeiso kristo koboto Tmirmirokwok (atondisiekwok).

Colossians

Chapter 1

¹Paulo, nyo kiyoktoi nyobo Jeso Kristo mu maget nyobo Yain, ako Timoteo nyo kitupche, ²asirjini chotililen ako tupchosiekab kayane chomii kolosae. Ng'umitenok miendo ako kalya nyo bunu Yain nyo Abonyo ako Kiptaiyat Jesu Kristo. ³Kukojini kongoi Yain ako Abotab KIptaiyat Jesu Kristo, kesoiwok mu betusiek togol.⁴Kung'ete kukikas kayaneng'wong' mu Kristo Jesu, ako chomnye nyo oting'ee togol cho tililen, ⁵Akubo kamonguno nyo kikerwokwok mu kipsengwet aku kiakas mu tai kubunu sirutie akubo imanda nyobo logoiywek cho miachen. ⁶cho kikubwonjok mu ng'weny togol kiko yiyo beekwak logoiywek aku yetuu kileyo kiyoe mu akwe king'ete betuu nyakiakas ak alum mieindo nyo bo Yain mu imanda.⁷Kileyo kianetgei mu Epapra nyo kicheme nyo kiyoe boisie togol, nyo mu inye ku kiboitio nde nyo iyanat nyo bo Kristo. ⁸Nyo kiborwech chomnyeng'wong nyo mii mu tamirmirye.⁹Kile nyenyi anyuu, king'etee kekas kumakimuny kesowok ako manget kele ndanyiyak ng'omnatetab magenyi mu naet ako tamirmirietab koguye, ¹⁰kele osiabendate mu or nyonyoluu mu Kiptaiyat nyo boiboe , keyii bai mu boisio akatogol nya kararan ak ketesekishe mu ng'omnatetab Yain.¹¹Kekimekitu mu kimnate, kurupkei ako kimnatenyi nyo toror si kenyoru muitai togol ako tolosiet. ¹²Kemwojini kongoi Abonyo nyo kiayech kelogu akenga mu cho nyoru borotetab cho tililen mu lapkeyo.¹³Nyo kisoruech kemongune kimnatetab mesundei ak kumutyech bounatetab werinyi nyochome. ¹⁴Nyo mu nyenda keting'e katiaket kubunu korotikyi, ambo nyoetab kaat nyobo tengek.¹⁵Nyo nyenda ku tomirmir nyo bo Yain nyo motokuu, kiboreet nyobo tuguk togol chosopsot. ¹⁶Amu, mu nyenda kukikiy tuguk togol chomi kipsengwet ako chomi ng'weny, cho togu ako chomotogu. Ne laitorin, nda kiptainotos, nda kimnatos, kikyai tugun togol kubunu nyenda aku bo nyenda. ¹⁷Aku bo tai nyenda mu tuguk togol aku kubunu nyenda kubka tuguk togol.¹⁸Aku bou nyenda borto, nyo kanise. Nyo ine ko taunet, kiboret mu cho kimeiyo, si mu tuguk togol ku loku nyo tugonot. ¹⁹Amu kibeibeiji Abonyo kile mu inyenda kunyiy meng'ishe, ²⁰amu kikwayak kalya kubunu keretikab kimurtoyondenyi, si kubunu inyenda kechomnye tuguk togol mu inyenda, amwa ale, ngu tuguk chomi ng'weny, nda chomi kipsengwet.²¹Aku akwee cho kika keterak ako buun mu kapkatee mu boisionikwok cho wechotiin, kakechomnyok rani. ²²Mu bortanyi bo banyek kubun meet, si kukoitok oi cho tililen, kimoting'e kiy nyo kulong'onyenok mu taitanyi, ²³Ngutotestai mu kayana nyo tiingot aku yong'ot, ama kutimtimok mu kayane nyobo logoiywek cho kyakas, ako cho kikyoomtoji chi togol nyo kikichob mu ng'wenyutab kipsengwet. Amu nyenyi, keaya Paulo aloku kuboitio.²⁴Nyo raa abaibai mu nyalilwokikyu amu akwe, aku anyite mu bortonyu cho rorunotin mu nyalilwokikab kristo mu bortonyu amu bortanyi, nyo kanise. ²⁵Ako kikiiya ane ak kuboitio, mu magataab yain, nyo kikikono amu akwe, sa sulta ng'olyondetab yain. ²⁶Ambo kwong'e nyo kikuwiny kuungetee keny' ako mu abenwogik, ku nguniku kakeboorji chotililen. ²⁷Mu cheg cho kacham yainde kinai,mokornonti nyobo tororuat nyobo kwong'ee mu cham kiyat, nyo jeisomu akwee, nyokomong'uu nyo bo tororuat.²⁸Nyo kuomtoi, aketechini chii togol, akenete chii togol mu naet togol, kele ndama kikoito chii togol nyo churer mu kristo jeiso. ²⁹Kura, abirtoikei, akilegei kurubkei ak boisie, nyo boisie mu ane mukamuktaet.

Chapter 2

¹Amu amache onai ole okilegei missing akobo okwe, ak ichege che mi Laodikia, ak alak togol che tomo kurota tokoch mu borto. ²Si neityo kekaikai mugulelwekwak ak keropchi mu chomnyet ak mu magornatosiek togol chebo nyietab kakuye, si neityo konai ichege ung'otikab Yainde, inyende, Kristo. ³Kikiuny mu inyende konooraik togol chebo ng'omnatet ako nae.⁴Amwae nyenyi ole si maberberak chi mu ng'aleb lomso. ⁵Amu ambo yo momi ane mu boor omi ak akwe mu tamirmir. Ababai mu atepten'gwong' nye aroti ago kimnateng'wong mu Kristo.⁶Kele ye kiotach aany Kristo Jesu Kiptaya, abetote mu inyenda. ⁷Oloku cho lumtootin, ako teegotin mu inyende ako kekimitok mu kayaneng'wong kile ye kikinetak, akotese amwae kongoi.⁸Oripgei si molulok chi age mu ng'omnatenyi ak koberberisio nye bo buch mu atebosiekab bik mu konetisiosiek chebo tai chebo ng'ony, amo chebo Kristo. ⁹Amu meenye mu inyende mu borto nyie togol nyebo Yainde.¹⁰Ak keiyok olegu cho nyitotin mu inyenda nye metitab kandoinate togol ako kimnate. ¹¹Kikiyatak mu inyenda mu yotisie nye kimakiae eunek mu istoetab bortab banyek ako mu yotisietaab Kristo. ¹²Ko kagetubok ago inyende mu kabatisana, Kiking'etakmu yan inde nye kiinget inyende komongune che kikomeiyo.¹³Okwege che kiobegunotin mmu yaitwokik ak borwekeok che makiyat, kesobok anyu ago inyende ko kakonyoiwech kaat yaitwokikyo tugul. ¹⁴Ko kakobuch sire nyebo arorutie nye kiga kogiliyech nye karech ak Kristo kiborchi kimurtoyo. ¹⁵Ko kikoregubournatos ako kimnatos ak koboru kutoogu ichege mu kimurtoyo.¹⁶ Nyone, anyu makany kuruogwok chi age togol akobo amitwogik nde akobo arawe nye klelundeku betu nyobo kanisa. ¹⁷ Choche ko che urwop tugun che bwone, ako borto kobo Kristo.¹⁸ Amat koserennak kakochiineikwok mu are nyemeche inyenda nyebo komining'etabkei ak kolosunetab malaika ak kogimitgei tuguk che kikoro ak kolasekei kabwotutik chebo borto. ¹⁹ Ama namee kukaraam meti. Ne nyorune borto togol tese mu tese nye bunu yainde ko kakonyoru togol ak konamategei mu tamoik ak tigitik, cho etune etune nyo kikonu Yainde.²⁰ Kile yo kiobeku ako Kristo omong'une konetisiosiek chobo tai chobo ng'wony, amu ne anyu si ogas it ng'alek kile yo asobsot mu ng'wony: ²¹" Amonam nda ochamcham nda otwaa"? ²²Betsot tuguchwechu togol ne koboisie kile ng'atut, ako konetisiosiekab biik. ²³ Tin'ge tuguchwechu kaboruno nyobo ng'omnon mu chame nyobo kolosune ak mu kamining'etabgei, ak nyalilda nyo kinyalile borto. Matorete kiy age togol mu katertere nyobo magutikab borto.

Chapter 3

¹Kule yo kiong'etyo kuboto Kristo kumakat kewas tuguk cho mi kipsengwet wolomi Jeiso Kristo Kutebe eutab tai nyobo Yaindenyo. ² Anam nayun tuguk chomi barak mo chomito ng'onyuni. ³Amu kiobegu, akeuny borwekwok ako Kristo mu Jehovah. ⁴ Nemi tai kutogu Jeiso Kristo nyo inyende ku sobon otogu anyu togol kuboto inyenda mu torornatenyi.⁵Aget, anyu, komoswek chibo borwekwok cho mi ng'wony, choche ku sokso, magutik cho samisen, mage nya ya, ng'etkong, nyone ku saetab konomon.⁶Pkonchini narek chibo Jehovah icheka togol cho renye ng'olyondenyi amu tuguchu. ⁷Mu tai, kioye tuguchu ak omang'isie kuboto tuguchu, ⁸aku moche ometo akwe tuguchu togol choche ku narek, nyitat yaitio, banisio ak ng'alala nya ya nyo bunu kutuwaikwok.⁹Amomwochikei lambach, amu kiotoror chito nyibo keny kuboto rokonyikyi, ¹⁰Ak alach chito nyo leel nyo kiwele kleelit ak kikarkeit ako itondo nyibo inyenda nyo kioye inyenda, ¹¹Wolo matinye boroin yunanin, ako yaudio, nyo kikiyat ako nyimakiyat, kipsirtoyo, sitianin, nyo otisie, nyo ratat, mi togol mu Kristo.¹²Amu o, cholewenotin mu jehovah, chotililen aku chomotin, osich anyun mugulei nyo tinye rirena, nyo tala, nyo mining'itekei, nyibo mutyo ak nyo muitoi. ¹³Amuitochikei ak ayochinigei kaat akweka, ne tinye chi akatogol ng'olyo mu aka, kile yo kinyoiwok kaat Kristo ayai kule nyone. ¹⁴Nyosire tuguchu togol ku chomyot nyo tusot tuguk togol.¹⁵Okochi kuboyu kalya nyibo Kristo mugulelwekwok, kikurchok nyone mu borto akenga ak oloku chotinye kongoi. ¹⁶Ngumenyok kalya nyibo Kristo mu mokornat, mu ng'omnon togol, anetkei tienwok cho kilosune Yaindenyo kuboto tienwok chibo tamirmir, otienchi Yaindenyo mu mugulei nyokasatkei. ¹⁷Kiy akatogol nyo oiye mu ng'olyo nda mu rokony aai togol mu kainetab Jeiso Kristo amwochini Yaindenyo amu inyenda.¹⁸Chepyosochu, akas iit boisiekwok kule yomakat mu Kiptaya. ¹⁹Boisiechu, acham chepyosokwok amokochi ng'wonin. ²⁰Lagochu, agas iit sigikwok mu tuguk togol amu boiboe nyone mising Kiptaya. ²¹Kwanisiekchu, amatachatach lagokwok si mo luluchokis.²²Otwogichu, agas iit kiptainakwok mu kiy agatogol, mu bor, mo kele choboiboe bich mu kong, ako mu mugulei nyoywei Kipatayandenyo. ²³Kiy aka togol nyo oiye aai kung'etune mugulei, kule mu Kiptaya amo bich. ²⁴ Onget ole onyoru mu Kiptaya konuno nyibo borot, aboisiechini Kiptayandeng'wong. ²⁵Amu inyenda nyo oye nyaya kuunyoru yaitionone kiai, amo mi tiytiyo.

Chapter 4

¹Kiptainichu, agochini otwogikwok ak ne nyine bo iman ak ne sikchini, onget akwe kora ole atinye kiptayat mu kipsengwet.²Ogilgei akoi mu saet, oripse mu nyone kiboto kongoi. ³Osoiwech ambo ache si kiyatwech Jehovah kirge nyobo ng'olyo , kemwa kiy nye ung'aat mu Kristo, amu aratat mu nyone. ⁴Si abarta kile woloo siche amwaa.⁵Abendate ng'omnen mu taitab ichege che mi sang, ng'uloku saisiek chebo kamanut mu akwee. ⁶Ingotebi ng'alekwok mu koromin togol. Kuonyinyogis kile muny, si kusikchi anai woloo awaljindoi chi aga togol.⁷Mwawok tukiko ng'alekyu togol, tupche nyo chamat, ako kiboitio nyo yanat kinyende otwogin nye kiboisiei tuwai mu Kiptayandee. ⁸Ne koayakwok amu Ng'olyondoni, si yeityo anai atebenyo si kugaigai mugulelwekwok.⁹Kubote Onesmo tupche nyekiyene ak nyachamat nye age mu akwe mwawok kicheke tukuk togol chebo woli.¹⁰Kigatog Aristarko che kirototin tuwai ak Mariko nyo tupchetab Barnaba, kianyoru ngalek ak kubo nyenda; ng'unyonchok ataach, ¹¹ak Jeiso nyo kukure Justus. Icheka cho imurotonotin chuechu kityo che kiboisie togol akobo bounetetab Jehovah, kichekee che kikologu kageng'ae mu ane.¹²Kigotok Epapra. Nye age mu akwe otwogindetab Kristo Jeso. Igiiligei kisob agobo akwee mu sautikyi, si amuch otonon onyitotin ak onget kikaram mage togol nye bo Jehovah. ¹³Amu amwae agobo kinyende ale tinye kagiletab agobo akwee, ak agobo kicheka che mi Laudica ak kicheka che mi Hierapoli. ¹⁴Kigatok Luka, chepkiricho ak ko chamat ak Dema.¹⁵Ogat tupchosiek che mi Laodika ak Nimpa, ak Kaniset nyemi gonyi. ¹⁶Ak ye kagesoman baruani mi kwenung'wong agoite kesoman kira mu kanisetab Laodika, ak asoman ambo akwee baruani chone Laudika. ¹⁷Ak amwachi Arkipo alechi, "rib boisie nye kiitach mu Kiptayat, si imuch iyai kusulda."¹⁸Kagatenyu ane - Paulo. Mu eunyu, abkaat chu ratotin. Ngoteb karamindo kobotok.

1 Thessalonians

Chapter 1

¹Paulo ak Silvano ak Timoteo nyo kikisirji eng kanisetab Tesalonikek agobo kwanda kamuktaondee koboto kiptaiyat Jesu kristo ingotebe koromie ak kalye nyobu kwanda kamuktainde eng kristo jesu.² kimwajini kamuktaindenye kongoi betusiek tugul agobo okweka tugul eng sautikchok.³kibwatok am kisistos agobo boisionikwok cho bo koromen ak chobo chomie ak muitaetab kamangune eng kiptaiyandeny jesu kristo eng taitab kamuktainde kwandanyo.⁴ Kinget kele kikelewenok che kitup che chamanikab kwanda kamektaindenyi.⁵ ma kele kibwanjok logoiywek cho koromen eng ngalek kityo ago eng kimnate ak ine ak eng kakogainde nyo tilil ak eng nae nyongetokwe ole kiy aachek bich che u ne eng taitangwong akobo okweka.⁶ Ak oeku chocho ak chebo kiptaiyande kokikatach ngoliondoni eng usisie nyobo saisisie nyoo koboto Boiboiye nyobo kakoigoinde nyo tilil.⁷ Akoi oyoku kabarunoik eng tugul che iyanotin eng makedonia ak eng Akaya.⁸ Amu kikokasak ngotiondetab kiptaiyande makubununenok okwe ketyo ago kikasu eng komosta age tugul kayanengwong agobo kamuktainde kotko maki make kiy keruwa kiy agee tugul.⁹ Amu icheka cheibortach ole kikibwanda oldongwong ak kou yekiwekchikei kamuktainde omete kanamonik si kobit oote kamuktainde nyosolse ak kobo iman.¹⁰ Ak kekanye werinyi nyo bunu kipsengwet ne kikinget komongune che kikobok inyenda jesu ne kichokosoruech eng nerekek chebwoni..

Chapter 2

¹Amu onget okwe tupchosiechu ole bwande agoi keitil oldongwong ole kima buch.² onget okwek ole kikinyalilech eng tai ak kotewerech pilipk ago kikinyiganitu eng kamuktaidenyo kemwawok logoihwekcho kororonen chebo kamuktainde eng boriot nyo o mising³Amu mabo wakandenyo (katoiyengo) lelut a an teigekwokik (cha ya chem) anan kabarberisio (ngalso) tewernat lembech.⁴ kou ye kikolewenech kamuktainde ketononji logoiyowekyik cho kororonem kengaloli kou inyenda ma kou cho boiboye biich ago kamuktainde ne tiemelmuguldwekchok⁵ Amu kima kinyoruech eng sait age tugul keboisiiie ngalekab lasatet aman kachaunetabgei kou ye onget okwek ama kingalole eng ungot chebo suimondi eng kiyandai(chemoetio) kei bayraaikab kamuktaindenyo.⁶ Amu makichenge konyit (teegisto) eng biich anan eng okwek anan eng biik alak ye nyigisen eng okwe oyi che kuyoktoi chebo kristo yesu.⁷ ago kitoloen eng kwenungwong kou bainde ne baei lagokyiy.⁸ kou ye kitingenok emosto ne kimagenok eng chamie nyo o mising kele kegonok. ma logoiywek cho kororonen chebo kamuktainde kityo ago sabonwekwok amu kioyeku cho chamotin mising eng ache.⁹ yeobwate tupchosiechu boisionikchok cho kolkolen (chokororuen) che kikibeisiei kemoi ak bet si ma kigochi chi mila nonyigis ake tugul eng okwek che kikemwawok logoiywek cho koro ako kororon chebo kamuktaindenyo.¹⁰ oyi baurainik koboto kamuktainde agobo ole kikitebte acheka eng kwnungwong cho ya notin eng tililundo ak imanda asi matinye chi kiy ne kirukinee.¹¹ kou ye onget okwet ole kilejindoi chi ake tugul kou kwanda ak lagokchik kiteiywok ak ketigonok kebaurie¹² sikobit obendata kou ye nyolu akokararan eng kamuktainde nyone ne kikukurjok eng baunatenyi ak torornatenyi.¹³ kimwajini anyu kamuktainde kongoi amu ngoloindoni amakisistos ye kingetach algalio ne kikigasenak noto ngoliotab kamuktainde ne kiatach ma kou ngoliotab biik ago kou ye mi eng imanda ngoliotab kamuktainde noto agine ne boisie eng okwek che oyanondiin.¹⁴ Amu akwe anyu tupchosiechu ko ki egu yaitab tuguk che kigaei eng kanisosiekab kamuktainde che mi Judea eng kristo jresu amu kianyoru ak okwek nyalilwokik che u chocho eng biikab emengwong agot kou ye kinyor ichek eng yahudiek.¹⁵ che kibar iptaiyat jesu ak maotik ak koenech amu kibaibai kamuktaindeams kinamakei ak Diik tugul.¹⁶ kaetenech kengalolji boorosiek si mabiit kesoru amu yaei kotugul tengekwokyik asi koyam ichek nerekyik agoi let.¹⁷ ago ache anyu tupchosie chu agot Ngomakigerekei ak okwek eng tokoch eng betusiechu ngering kemi eng muguleldo ako kitieme mising kele korotok togoch amu emosto nyoo.¹⁸ Amu kikinach mising kebwa oldangwong agot ane paulo ko kiamach mising ago korata oinde (setani).¹⁹ Amu tos nee kamangunenyo? anan tos nee boiboiyenyo?anan tod nee kutwe nyobo torornate? tos ma okwe eng taitab kiptayandenyo jesu kristo kochoni eng nyonunenyi.²⁰ Amu okwe Torornatenyoo ak boiboiyenyo.

Chapter 3

¹Nyone anyu kingo matakemuch kemuite kebwat kele kakebakatech ache eng etene.² ak kikigogu Timeteo ne tupchenyo ako kiboitiotab kamuktainde eng logoiywek cho kororonen (chemiach) chebo jeiso kristo asi kagemrtok ak kogaikayak agobo kayanengwong.³ si makiwechak kengeyak chi age tugul eng nyalilwokichu amu onget ak okwe ole kikeyaywech choche.⁴ amu iman kingemi kobotok kokikisip komwowok kele kinyoru sasishe(usisie) kou ye biitu ak kosirtoi ak onget ak okwe.⁵ Amu ngaliondoni ko matamuch amaita yagu angu kut ale anai kayanengwong ale tomo kokeamak oinde(koyomok yominde) ak koyoku buch boisienyo nyokorom (yauni)⁶ Ak kinyo Timoteo kobunu oldongwong koibwech logoiywong chebo boiboiyo chebo kayanengwong ak chametabgei ne kinyi kabwate yakararan ne obwotech ache kotugul ak otingenech emosto omeche orotech (okerech) kou e kimache tupchosiechu kerotok(kegerok) ⁷ Amu ngaliondoni anyu tupchosiechu kokikinyoru kagakae eng kwe amu kayanengwong (bichiindanyo) nyo korom ak nyalildanyo amu kayanengwong.⁸ amu kisaptosi rani ngot kelumtagei eng kiptaiyat.⁹ Amu kongoi nee ne kimuchi kegechi kamuktainde kogeny agobo okwek boiboiyo kityo ne kibaibaitune eng taitab kamuktaindenyo.¹⁰ kisae anyu kemoi ak bet si kobiit kero togochikwok asin kewangu nyi rartayat eng kayanengwong.¹¹ ngondochi inyenda kamuktaindenyo ako kwandanyo ak kiptaiyandenyo jesu bandanyo kebwani oldongwong.¹² ingogonok kiptiyat oteseka ak oboroitu eng chamie okwekei eng okwekei ak eng biik tugul kou achek eng okwek.¹³ sikobiitkogimit mugulelwekwok ko matinye kiy ne kimuchi kemoogunenok si mabet tililindo eng taitab kamuktaindenyo ne kwandanyo koboto kiptaiyandenyo jesu nyochoni koboto cho tililen tugul.

Chapter 4

¹ Ne bo let angu Tupchosiechu kesomok mising ak keteiywong eng kiptaiyat jesu kou ye kikataach eng ache ale kayam abitata (konyol obetite) ak obaibai kamuktainde agot yoo obetote ochongitu mising (obaroitie inne).² Amu onget ngautik che kikigonok ache eng kiptaiyat jeiso.³ kele nyone magetab kamuktainde eng katbanengwong asi oistoekei sokse(kasesnot).⁴ si kobiit konai chi age tugul eng okwe si korib bortangi eng tililindo ak kondit (teegisto).⁵ ma eng maget yaiya (nyasamis kasetabmiat) kou bororiosiek che mainget kamuktainde.⁶ Amatata koiyai chi kachililutik (lelutik) eng tupchenyi koyachini nyaiya amu kiptaiat ne yaktoi mugetut age tugul kou ye kisibketeiywong ak kabaurnaik.⁷ ami kimagurech kamuktaindate (sinowmogik) simdo tengekwokuk ako tililindo.⁸ akot ngotko katai koesie chi kotai kamuktaindet nyokonu kagoigoindenyi nyotilil⁹ Agot mayamei kesirwsk agobo chametab tupchosiek amu onetoti okwek eng kamuktainde ak otinyen chamie.¹⁰ amu oyaei kou anyone a an eng tupchosiek tugul chemi makedonia komugul ak keteiywok tupchosiecho kele obaibaitu kosiir ak kosiir.¹¹ ak onetgei osishe otebi eng mutione ak kaminingetab gei oyai boisionikwok eng eunekwok kou ye kikingatab.¹² si kobiit obtata kou ye osobtos eng taitab icheka che mi eng sang so mabanan kiy age tugul.¹³ kageng magimache angu che kiptuche oegu che monget agobo icheka cheruitos kele matochelio ( maorogense) kou bik alak che matinye kamangune.¹⁴ Amu ngeyane kele kime Jesu ak konget kogeny kou nyone angu eng icheka che ruitos eng jeiso kisto imutu kamktainde keboto inyenda.¹⁵ Amu kimwawok ni eng ngaliondtab kiptaiyat kele ache nye kisoptosi che kingetuno tin agoi nyonunetab kiptaiyat ko magoi kindoe icheka che kikorunyo.¹⁶ Amu chorugei (choni) kiptaiyat inyenda nye kipsengwet koboto waganda toengunet nyoo ak kutitab malaikayande nyoo ak riamba (iriget) tab kamuiktaind ak kosib kongetos che kikakobe eng kristo.¹⁷ ak ache anyyu che kisoptos che kingetunotin kekelebech (komutech) koboto icheka eng bolik ketuiye ak kiptaiyat eng soet barak ak ketebi anyu koboto kiptaiyat koigeny ak koigeny.¹⁸ Nyone anyu ogaigaigei okwekkei eng ngalechuto.

Chapter 5

¹ mayamekei (manyolu) anyu che kitupche kosiirwak agobo betusiekk anan kenyesiek.² amu onget okweka kokaram (komie) ole choni(nyonei) betutab kiptiyat kou chorin ne choni(nyoni) kemoi.³ ye mwae icheka (kobare) (kele) kou ngwanindab kobokorio ne machei kosigis amu amakoi kochilil.⁴ Ago okwe tupchosiechu ko momi eng (tuun) mesundei kot ko nyoruok (konyonyok) betunone kou chorin.⁵ amu okwe tugul ko oji werikab lapkeiye ak werikab bet maboe kemoi.⁶ Nyone anyu amakany keruie kou biik alak ago ongerupsee ak kakany keripgei.⁷ Amu icheka cherutos ko rutos kemoi ak icheka che bogitos ko bogitos kemoi.⁸ Ak ache che kiboe bet ongeribgei kelaach karnetabtayat nebo kayanet ak chemie koboto kutwe nyobo kamangunetab yetune.⁹ Amu kimalewenchekk kamuktainde narek ago ole kinyorundoi yetune eng kipyaiyandenyo jeiso kristo.¹⁰ Nye kimechech asi ngogosie anan ngetuitos koboto nyenda kosoptos.¹¹ Nyone anyu ogaigaigei okwekei eng kwekei ak oteecheigei okwekei eng okwekei kou oyaei ak okwek.¹² Ago kisomok che kitupche kele onai ichek che tinyei boisie nyoo eng kwenungwong koboto che boiywok eng kiptaiyat ak kotigonok.¹³ okonyitie icheka mising kosiir eng kalyet okwegei eng boisiongwong ak otebi eng kalyet okwegei eng okwegei.¹⁴ kogeny ketigonok che kitupche kele oteechi che maribe che kigingat (tisiik) ak acher chonyogoren otoret che nyaluliotin ak omuite ak biiko tugul.¹⁵ oro(ogeer) ole mayakir chi age tugul yaitio eng yaitio ago orub nyone kararan kotugul eng chito agoi chito kotko itii biiko tugul.¹⁶ oboiboitu betusiek tugul.¹⁷ osoe kotugul kotomachorirense.¹⁸ omwoe korigoi eng tuguk tugul amu nyone magetab kamuktainde eng kristo jeiso eng okwek.¹⁹ Amatitirto(amakirinda) gogoigoinde.²⁰ Amosas maotanosiek.²¹ otierru korok tuguk tugul ak anam chokoronen.²² ostoegei kiy age tugujl nyaya.²³ Ak ngotabanak nyiiyatetab kamuktainde nebo kalyet aak ngoribokis atabosiekwok ak sobonekwok koboto borwekwok ko matinye kiy ne kimuche kiruogunenwok eng nyonunetab kiptaiyandenyo jeiso kristo.²⁴ inyenda nyo kokuurok ko kinyenda ne kiyamee ne yaei kou nyonee kusuldai.²⁵ Tupchosiechu osaiywech.²⁶ ogat tupchosiek tugul eng kekwaregei nyo tilil.²⁷ (Amurtoi asirben) Ayeisewok eng kiptaiyat.²⁸ Ngootebei kororonietab kiptaiyandenyo jeiso kristo kobotok.

2 Thessalonians

Chapter 1

¹ Paulo ak Salvano ako Timoteo kisirchi kanisetab Thesalonikek mu Jeobo kwandanyo ak kiptayante jeiso kristo.² kitebo kibotok mieinto ak kalya nyobunu jeeobo kwanda ako kiptaiyante jeiso kristo.³ makat kemwochi jeobo kongoi betusiek togol akibo akwe, chekitubche kileyo makal amu nere kayanengwong kusob, akiteseke chomnye ngotingekei akweka tokol.⁴ kitike chaenakei akwe mi kanisosiokab jeobo mu muitaengwong ak kayane mu usisiengwong tokol at nyalilwokikwok chomuitochini.⁵ Nyenyi ki koboruno nyotoku nyobo kirwoke tab iman nyebo jeobo, sineityo kutoku kile abakwe baunetetab jeobo, nyo inyorune nyalilta.⁶ si ne kii yobo iman mu jeobo kiyokchi muketut nyobo nyalil icheka chonyolilok.⁷ Ako akwe choitnekei omungyo ako ache, akwe chekinyelile, mu ngangetab kiptayante jeiso kibunu kisengwet kiboto malaikanak chebo kapmuktaenyi.⁸ mi mat nyoleye, kiyokchi mukotut icheke chemokese lokoik chokovoron chebo kiplayantenyo jeiso kristo.⁹ che tun nyoru biret nyona ki ng'omisio nyobo akoi kikakeisto buroti kiptaya ak mu torornate nyobo kiptetenyi.¹⁰ Nemi betu nyokocho onyenta ketorov mi chachi chokitililen ak kecham icheka tokol choyene amu kikiyan bournatenyo mu akwe, mi betu.¹¹ Nyone anyu kesoiwok betusiek tokol, si kuitok jeobo nyonyo kile ake onyolu mu kursoni ak kusulta makae ak tokol nyobo miein ak boisio ak tokol nyobo kayana mu kamuktae.¹² Sinetyo ketoror kainetab kiptaiyantenyo jeiso kristo mu akwe, mu inyenta kile mientab jeobo nyongo ako kiptayante jeiso kristo.

Chapter 2

¹ Kusomok anyu, cho kutupche, agubo chonunetab kiptaiyandenyo jeiso kristo, ak kayamenyo bogei nyo kiyumjinigei inyende.² si mo tuptobenyo ochokyi mu kapkototikwok, nda aorogenyo, ngat ku mu Tamirmirie, nda mu ng'olyo, nda mu barue nyo obere buuwech, obere kaguitu betutab kiptyat:³ amatu kung'alak chi mukiy aga togol; amu moitu betunone, kubate ndo kotuituie ak keng'any chito nyo botengekto, wwerikb betot,⁴ inyenda nyo korondoi ak kulesegei kugurundoi togol cho kuguure jehova nda cho kilosu, si kutebo anyu mu Hekalutab jehova, kuborugei inyenda kile jehova.⁵ Ngu mobkote, yu kiomi kubotok, wolo kiomwowok tuguchu?⁶ Ak banienyi onget nyone rouyet, si kisikyi keboru mu betusiekyi,⁷ Amu boisie baniangu ng'otietab rengik; kubate mi agenga nyo rouge banienyi agoi keisto.⁸Ak neityo keboru renginde nyo tuu bere kiptaiyat jeiso mu kembusetab katinye ak kuunyere kulogu buchmu ng'ang'etab chonunenyi. ⁹chonuenyi, kunemegei ako boisietab oin kuboto komunget togol ako koborunoik ak kwongutek cho bo lambach. ¹⁰kubeto kenisie togol cho mo bo iman agubo icheka cho lusot; amu ma taach cho mnyetab imanda, si kisich kesoru.¹¹ Amu nyenyi anyu, yokyini jehova icheka kamaset nyo boisie si kusich kuyan kilewe.¹² si kisich keruokyi icheka togol cho ma mayan imani, agu cho kuboiboituue cho mo bo imanda,¹³ Agu makat kemwochi jehovah kongoi kotugul agubo akwe, cho kutupche cho chamanikab kiptaiyat amu kilewenjok jehova yetune kung'ete tounte mu katabanetab Tamirmirie ak kayanetab imani.¹⁴ kiguurok anyu mu choche mu logoi ywekyok cho koromen si kisich ouyorutorruotetab kiptaiyandenyo jeiso kristo.¹⁵ Nyon anyu, cho kutupche, alumdegei, ak onam bitouwek cho kikietak, ngut ku mu ng'olyo nda mu bareenyo (balaal)¹⁶ Banienyi anyu, ngugaigai kiptaiyandenyo nyo jeiso kristo, ak jehova kwandanyo nyo kichamech ak kugonech kagaigae nyo bo koigany ak kamonguue nya kararan mu miemdo.¹⁷ kugaigai muguleiwekyok ak kugiimit icheka mu boisie aga togol nya kararan ako ng'olyonde.

Chapter 3

¹ Nye be let anyu che kitupche asaiywech si kisiich kichakata ngolyotab kiptaiyyat ako ketoror kile wolo teptoi mu akwe aginyende.² si kisiich kesoruech mu bik che ngelel ako che yaachen amu tinye togol kayane.³ Ago kiptaitat ki nye kiyene nye igimitok ako koribok mu nyone ya.⁴ Ako kitinye kama nguno mu kiptaiyat agubo akwe, kile aiye ako toiye tuguk che kingete.⁵Ako ngindochi kiptaiyat muguleywekwok agoi chamyetab jehovah ako muitaetab kristo.⁶ kingatok anyu che kitupche mu kainetab kiptaiyandenyo jeiso kristo kele aistoege tupche age togol nye wetote mu bistoi ama kile bitatee che kionyorunenech⁷ Amu anget akwe kile yo meche ai kile yo kioee; amu kima kitebe ache mu kwenungwong kile bik che manibegei.⁸ Ama kiam amitwogib chi age togol buch ago mu boisie nye togol ako nyokorom keboishee kemoi ako bet, si ma kiim chii age togol mu akwe.⁹ ma amu kele magitinye kimnak, ago si kisiich keige kelegu kaberuro mu akwe, si kisiich ai arubenech.¹⁰ Amu ambo ye kigimi kubolok, ku kijngatak kile nyi, kele ngu macham chii age togol kibois, ku mat kuomisho.¹¹ Amu kigase agubo che maboisie ambo che betote mu bistoe, che maboisie ambo kamining.¹² Ago kingate ako keteechini chele chu mu kiptaiyat jeiso krist, kele kibois mu mutyndi ako kuam amitwogikwak.¹³ Ago akwe che kitupche amochosyo mu yae nye oiye nyo karam.¹⁴ Ako nyi magase it chii chuchone,ama ng'olyondenyo mu baruani ibwat chuchone, ama aimegee kinyenda, si kisiich kinarech.¹⁵ Amoiit kinyende ale bunyo, ago atigon kile tupche.¹⁶ Ra anyu ngigonok kalya kiptaiyat kinyende, nye kiptaiyat nye bo kalyee, mutogol mu wolo togol. i nyoteb kiptaiyat kibotok akwe togol.¹⁷ Kagatenyu ane Paulo mu enyu, nyone kaborune mu barue age togo. Asire anyu kile nyone.¹⁸Igotteb kororindab kiptaiyandenyo jeiso kristo kibototh akwe togol.

1 Timothy

Chapter 1

¹ Paulo nye kiyoktoi nyebo kristo jiso kile ngatutietab jehovah yetindenyo, ako kristo jeiso nye komongunenyo.² Asirjini Timeteo lakwenyu nyebo iman mu kayanei ngutebo kuboting korononie alo rirenetabgei ako kalya nyo bunu jehovah aboo ako kristo jeiso kiptayandenyo.³ kile yo kiosoming ole tebe Epeso, yo kioweti makedoniaa, si neityo ingat biik alak si manet konetisie nyo ngule.⁴ Nde kugas it atindonik ago tetutikab abenwek cho kihisirto, cho metinye wolobekune cho ingete teebut kisir ripsetab boisitab jehovah ngomi mu kayanet, kosoming ra anyu kile nyone.⁵ Aku kasuldaetab ngatution ku chomnye nyo chone mukulento nyo tilil ako kyane nye matinye kenisie.⁶ yo kikokakochilil biik alak mu tukuchuenchu kuyumjigei ngalale nyebo kilen.⁷ Chame kulegu konetikab ngatutie mbo nde manae cho mwoe, nde ngalechoche mwoe mu kimnate.⁸ Agu kinget kele kararan ngatutie, nguboisie chii kile yo makaat.⁹ kunget kile kimakiiy ngatutie kubo chinyebo iman aku kubo bistoik ago ngemik akubo cha yachen ago kiplengekinet, ahubo che matililen ago che moiwei jehovah akubo co bare kwanisiek ako che bare kemitisiek agubo rumik.¹⁰ Akubo cho sokse ako muren cho itegei ak muren ako cho chone biik, ako kiplembechin, ako cho serete lembechek, ako ngimi kiy age togol nyo teey konetisie nyebo iman.¹¹ kile yo mwoe lokoiwek cho kororon chebo torornatetab jehovah nyo berurot, cho kigigona oyongji.¹² omwojini kongoi inyende nye kimaktowo, inyende kristo jeiso kiptayandenyo amu kiito kile aii chito nye kiyene, kukonoro boisie.¹³ Ambo nde kioi chi nye kimorisie mu tai ak nye kiusisie, ako kioigolgol ako kionyoru rirenetab gei ama kioiye ku monget kutome ayan.¹⁴ Ako kitasak koronietab kiptayandenyo kubarait koboto kayanet ako chomnye ngomi mu kristo jeiso.¹⁵Bo iman ngolyondoni, aku nyolu kayanak iyenjini nyo mwoe kile kicho jeiso kristo ngweny kuseru kiptengegil oi nyebo tai mu choche.¹⁶ Aku kianyoru rirenetabgei amu ngolyondoni si neityo kabarta jeiso kristo muitaenyi togol mu ane nyo oii nyebo tai,, kulegu koborune mu ichege che keyein kuyene inyende agoi sobondab koigeny.¹⁷ Ngubunji anyu ra kaitoriat nyebo agoi, nye matogu jehovah nye inyegei Tekisto ago tororinate koigeny ak koigeny amen.¹⁸ kokoning koyomisoni inye kakwenyu Timeteo kile amtaosiek cho kisip kemwa akubo inye si neityo imuch iiy inge nyakararan mu choche.¹⁹ iname kayane ako kabwate nyakararan, cho, kingokagometo alak, kongemogis mu kayane.²⁰ mu choche u Humenayo ako Alexandro, cho kiogochi setani sineityo kenet si memulse.

Chapter 2

¹ Nyebo tai anyu oboru ole ngiiyak somutik, ako sautik ako saisae, ako mwaetab kongoi, akubo biik togol.² Akubo laitorindi ako togol cho tinye bounate, si neityo ketebe kalye ak mutyone mu koiweisie nye kiiwei jehovah ako Tegis.³ kararan nyenyi ako tochege mu taiatab jehovah yetindenyo.⁴ Nyo meche kile kesoru bik togol akunyoru nae nyebo iman.⁵ Amu mi jehovah agenge katniyoinde katuyoinde agenge inyenda kwenutab jehovah ako biik nyone chito kristo jeiso.⁶ Nye kiigoitogei kulegu nye kitioge togol, nye keyeiin kemwotote mu betusiekyi.⁷ kikekocho anyu akubo nyone alegu amdoinde ako nye kiyoktoi ( Amwoe iman, momwoe lembech) konetindetab biik mu kayanet ako imanda.⁸ Amache anyu ole kisae murenik mu kamasta age togol kinepji baraj ennekwak ko momi nerekek ago tiye.⁹kile nyone mu jepyosok ingolachgei mu kolokse nyo nyolu mu tegis ako ribetabgei me mu kesagan sumeek, ak ngoroik chebo komonatiet nyo ou;¹⁰ (Aku kile yo nyoljini chepyosok chobortogei kile biikab jehovah ichege) mu boisionik cho korornen.¹¹ Ngunetgei jepyosok mu mutyone kuboto kasetab it.¹² Aku machamjini jepyosot kanetisie nde kubegu muren aku kutepo mu mutyondi.¹³ Amu kikiy Adam kurok, si keiy awa.¹⁴ Aku kimakiberber adam aku kineka keberber jepyose kubutyi bistoe.¹⁵ Agu kisoru mu sikwo, ngutebe ichege mu kayane ako chomnye ako katabane kuboto ribetabgei.

Chapter 3

¹ Bo mman ng'olyondoni, ne meche chi kulogu ribindeteb kanise, ku kamach boisio nya karam.² kounyolji anyu ribinde kulogu nyo mo kiraotyini ng'olyo nya ma chulat;boutetab chepyose agenga nyo ribege nya chulat ng'omnate, nyo tebe kikaram nyo toche too sarasar kourtisio.³ nyyo mo yie maiya nyo mo birishe; aga nya taalay nyo mo chi nyo bo boriot, nyo mo cheme silingijisiek;⁴ Nyo bogu gouyii kikaram, nyo kochini mu kondi togol kugariit.⁵ Agu ne mami chi wolo boundoi gonyi, kuriptui amo kanisetab jehova?⁶ ama chi nyo kotukuyene? si ne men kubutyi kuruogetab oinde.⁷ Ak kinyile kouyolji kitinge baoruate nya karam mi ichega cho mi sang; si mabotyi teweruate ako chepkeriantab oinde.⁸kile nyone kiboitinikab kanise kouyelu kutebi mu teegis mo cho sebeche ng'alyap, amo choboketsot amo cho kese miat agubo silinjisiek,⁹ cho neme ngotietab kayame mu kabkate nyo tilil.¹⁰Ak makaat ketyan chwechu agiche kurok; ngoiy anyu icheka boisietab kuboitinek ne magirootyi ng'olyo nyo ma chulat.¹¹ kile nyone chepyosok, makaat kutebi mu kondi mokoton, cho ribegei cho kuyene mu tuguk togol.¹² Ngulogu kuboitinekab kanise boisiekab chepyose agenga, kuboyu logokwok ak gorikwak kikaran.¹³ Amu ichega cho kiguboisio kikaram mu boisiononebo keboitiu, kunyoru kondi nya karam, ak nyigauate nyo ou mu kayane nyo mi mu kristo jeiso.¹⁴ kasurung tuguchu, amongu ale achonjining kilekit;¹⁵agu ngutu aengei imuche inai wolo konyolu kutepto mu gotab jehova, nyone kanisetab jehova nyo sobe, kiptolongilu ak tiyondetab iman.¹⁶Ak nye metiny, ku on ung'otie nyo bo kaiywae nyo kiywe jehova, inyenda nyo kitoogu mu borto; kigiityi imani mu Tomirmirie,Nyo kero malaikaisiek,Nyo kikiamda mu Bororiosiek,Nyo kiyan cho bo ng'wong, Nyo kigimit kuwo barak mu tororuote.

Chapter 4

¹ Ago mwai Tamirmirye kutook, kule tiin mu betusiek che itu kilistoegei alak kayanei kuipchin it tamirmik cho ibeete ich ako konetisiosiek cho bo aik,²mu chombilisietab bik cho kigibele katna nye bele bich.³ cho yetee kutunisio, ako koistoegei amitwogik alak, cho kiyai jehovah kole kutaach mu kongoi ichek cho iyani ako ingen iman,⁴ Amu kararn yaitietie age tugul nye bo jehovah, amo mi kiy nye nyolu ketai ngataach mu kongoi.⁵ Amu kitilili mu ngolyotab jehovah ako saet.⁶ Ngut ibwatyi cho kitipche inguchu, Iegu anyu kiboitintee nye kararan mu ng'alek cho bo kayane, ako mu konetisie nye kararan nye kiisab kirub inye.⁷ Ago tae atindonik cho bo tongoi cho manamegei ako oretab jehovah, cho mwaei chebiosok ako igilgei mu kaiywee nye kiywei jehovah, ⁸ amu borete nye matia kagiiletab ge nye bo borto, ago borote mu ttuguk tugul koiiywee nye bo sbon nye mi ra, ako nye bwanii.⁹ Bo man ng'olyondoni ako nyolu kuyanak kusob.¹⁰ Kiai, boisiet nyo o amu sikjini ako kigilegei.amu mi kamongunenyo Jehovah nye sobe,kinyende yetindetab bik togol, ago nye sire kobo bik cho yene.¹¹ Ingat tuguchu ako inet.

¹⁴ Ameng'unda iboisie konune nyo itinye nyekikukonig mu are nyebp amdae,kiboto kakonoretab euneg chebo boisietab kanise. ¹⁵ Igilgigei tukuchwe,igochigei kusob;sikutoku mu bik togol bandangung nyebo tai, ¹⁶ Ripgei ako irip konetisieng'ung; Tepte tukuchwe amu ngiai nyone isorugei kubote ichegee cho kesing.

Chapter 5

¹ Mebobolchi boyo, ako ngololechi kile abongwang murenik kile che otubcho, chepyosok kile kamitisiak.² chepyosok chemengachen kile tibik che otubcho, mu tililinto tokol³ Konyit mosokik che mosokik iman.⁴ Aku ngitinya mosoke aka tokol lokok nte mokochonik, kunetkei kurok kubarta kaiwae nyekimei jeobo mi bikap kongwang, ak kuborchi sikikwak torote, amu tolche kee nyengi mu tai nyebo jeobo.⁵ Ak inyenta nyo mosok iman, nyotebe kityo kitinye komongunenyi mu jeobo, akitebto somut ak sout kemoi ak bet.⁶ Ako inyenta nyosuyekei kukakima kisobe.⁷ Ngat tukuchu, sikitebi icheka kimetinya tewernat.⁸ Aku ngimeribechi bikchii ak nyosira ki chebo konyi, kikakitai kayana, ak kiiya kisir chito nyomayan.⁹ Amatikesirchi wolo kisirchini mosokik kitomo kiit kenyisiek tamonuokik lo, nyo ki chepyosetab chito agenga,¹⁰ Nyokimwoitoe inyenta boisionik chokororon, ngiti kikibai lokok,ngiti kikitaach taek, ngiti kikuun kieliekab chotililen,ngiti kikiloret chonyoelilsot, ngiti kikukilkoi muboisie akatokol nyakararan.¹¹ Aku tai mosokek chomengachen, Amu ne kakiren kristo kimach ketun.¹² Tinye kirwoke, amu kakimete kayanengwang nyebo tai.¹³ kipoto nyone anyu kunetkei kiyeku sorotony, aki kulumoto korin, akuu mo soroton kibat, aku chomik ak kicham kilowo, kingololote tukuk che mokororen.¹⁴ mi nyone anyu acheme ketun mosokik chetikime ngechen, sikisich lokok ak kirib kot, amokochi boroiti bunyonte kochorso mu oi aka tokol.¹⁵ Ambo rani kikikiba taban alak kurub chesewil.¹⁶ Ngitinye murono nte kichepyoso ngayanat mosokik, ngitoret anyu iceka, simonyoru nyikisinto kanise, aki toret che mosokik kisob.¹⁷ Ngeeityi boisiek chobou kikaram, Tekisto kinyil ereng nyosire ko ichekee choiya boisie nyonyikis nyobo konetisietab lokoib chokororon.¹⁸ Amu mwoe sirutie kile amerat kotelab eei nyotiore bek kuboorse, ak muchini kiboityo melektenyi.¹⁹ Ametach kotomso akibo boiyo, kibate mu boorinik aeeng nnte kisomok.²⁰ kaukong mi taitab bik icheka tokol chouye tengek sikuiwai alak ombo.²¹ kangatiny mi taitab jeobo ako jeiso kristo ako malaikaisiek ole irib tukuchu, Amesibitil kirwoke ameii kii aka tokol mi welat.²² Ame konor chi aka tokol asun mi chokchino nte ii nyamtaya ak ng'okisokikab bik alak, ribkei mi tililin.²³ Kingete ra kimatitiye bei kibat, ako boisie difaik chongering amu moengung, amu mioniokuk chebo akeny.²⁴ Tokunotin ng'okiswokikab biik alak, ntoe kibeti kivwoke ak chebo bik alak bik alak ambo kirube icheka .²⁵ kile nyone ombo, mito boisonik chokororon chotoku ako chemole choche kime winyekisie.

Chapter 6

¹ ingoiit otwogik alak togol che ratotin kile sikjini kiptainikwak teegisto togol, si ma kiban kainab jehovah ako konetisie.² Ako kicheka che tinye kiptain che iyonotin ku mati sas kiche amu kichega che nyoru torete ku che iyane ako ki chamanik inet ngalechu aki teechi.³ Ngunete chu age togol konetisie nye ter ama chame ngalak che bo iman, ngalekab kiptaiyandenyo jeiso kristo ako kanetisie nye nmagei ako atobto nye bo kaiywesietab jehovah.⁴ kimene ama naei kiy ago tinye kororonio agubo teebutik ako tiiyetab nalik che bunu ngetkong, surie, napkong kabwatut che yaachen.⁵ borietab bik che kiging'e megib kabwatutikwak, ako che sere imanit, kibere kaiywee nye kinywee jehovah ku are nye kbore.⁶ Agu kaiywee nye kinywei jehovah kiboto yametab ge mu tuguk che kitinye, ku borote nyo o.⁷ Amu kima kiibu kiy kicho ng'ony.⁸ Agu kitinye amitwog ako ngoroik; yamech choche.⁹ Agu kicheka che machei kuloku mokore kubutyini yomso ako chepkeryaw ako magut chatia che berberen, che ibu ngwanin che laguye biik kiba ngemisio ako lusat.¹⁰ Amu chametab silingis, tigitio agenge nye bo yaitwong alak togol.che kijing'asyigei akutororgei mu arogeng cha chang.¹¹ Agu inye ee chitab jehovah, matee tuguchu; ako irub imanda ako kaiywa nye kinywei jehovah, kayawa chamyot, muitae, mutyon.¹² Ai luge nye kararan nyebo kayana, nam sobondo nye bo koigeny, nyone nye kijigenwik, ako ingany ngange nye kararan mu taitab ngololik chatia.¹³ Kangatiny anyu mu taitab jehovah, nye ribe tuguk togol kisopcho, ako mu taitab kristo jeiso nye kibaorian nga'nge nye kararan mu taitab paulo pilato.¹⁴ Ale irib ngatutie manyoru nerut, nye magimuche keger kongi agoi toogunetab kiptaiyandenyo jeiso kristo.¹⁵ nye tan ibortoi mu betusiekyik, mu kinyende nye iberurot ako kamuktain kityo, laitoria nye bo laitorinik, ako kiptaiyat nye bo kiptainik.¹⁶ nye tinye kityo sobondab koigeny, nye menye mu lepkeiyo, nye magimuche kenkyi; nye tomo kuro chii ama kimuche kero: ngubunji kinyende teegisto ako kamuktae koigeny amen¹⁷ Ng'at magorekchebo betusiechu, si mamenio, nde kunde kamangunengwang magornatosiek che matonondos, ago mu jehovah kiyende nye konech tuguk togol mu anyebinsi kisiich kebaibaitune.¹⁸ ile kuai nye kararan, si kisuch kuleku magorek mu boisionik che kororon, si kichobogis kugoito, kiymegei, ako alak.¹⁹ kigoworjigei lumda nye kararan, agubo betusiek che bwani, si kisiich kiriam sobondo nyone nye bo iman.²⁰ Ea, Timoteo, rib anyu nyone kigegonik, istoege ngale che manemagei ako aretab jehovah ako kabaletab ge nye nae nyone kiguure mulembech nae.²¹ nye kirub alak ako kiguchilil ,u kayane ingoteb kororonie kubotok.

2 Timothy

Chapter 1

¹ Paulo nye kiuoktoi, nyebo kristo jeiso mu maketab jeobo, kile ororutietab sobonto ngomi mu kristo jeiso.² Asirchini Timeteo, weringu nyo a cheme ngitobe kiboting mieinto, rirane, ak kalya chobunu jeobo kwanda akoo jeiso kristo kiptaiyantenyo³ Amwochini jeobo kongoi, nya oote kila yo kiote kwanisiakchu chebo tai mu kapkate nyotilil ole mosise kapkate nyo obkoting mu somistikyu, kemoi ako bet.⁴ Itinge omosto oroting, onone akibo lokikok, ssikinyiiya boiboiye.⁵ Kiinepkwotwo kayane nyemetinye kenit nyo mi mu inye, nyekitinye kirok mu koko lois, ak kamet Eunice, ak oyane ole manying akob inye.⁶ Obwotung amu nyenyi ole itesi konune nyabo jeobo, nyoni mu inye- amu kakonoretab euneky.⁷ Amu kimokonech eobo tamirmir nyebo cholotio ako nyebo kimnon, ak chomiot, ak kapkata nyakararan.⁸ Amechisto baurnatetab kiptayantenyo. nteko ana nyaratat ako nam yamtae nyebo nyalil amu lokoit hokororon kile yo teno kamuktaetab jeobo,⁹ Nye kiserwach aki kurach, mu kurse nyotilil, mekile boisiorikyo, ako kile makenyi ak mentonyo, nya kikikonech mu kristo jeiso kitono ketoo mgweny.¹⁰ Aku kakutoku rani mu tokunetab kristo jeiso, nye kikuwany mei, aki kuibu sobon ak ngomisie nyemakimi, mu lokoik chokororon.¹¹ kikukono akibo nyone ayeku omtoin ak nyekiyoktoi, ak konetin nyebo chema kumuratan.¹² Onyoru anyu nyalilwokik akobo tukuchu; ako mo chuse, mu onget inyenda nyo kiayan ak oyane ole muche kirib nyone kiokochi inyenta okoi betunone.¹³ Nam kerkeitab ngalek chebo iman chekika sena mu kayane ak chomtiye ngomi mu kristo jeiso.¹⁴ Rip tuku chokoto riren, mutamirmirrya nyyo tilil nyo menyech.¹⁵Inget ile tokol chomi Asia kikuistakei choche ki phygellus ak Hermogenes ¹⁶Ngukochi kiplayante kirana kotab onesiphorus, amu kitoroto kinyil chatia, amo chiso ratwenyu. ¹⁷Ak kinemi Roma kiwasa mu kokiletab koi, ak kinyorruo. ¹⁸Ngukochi kipyat inyenta kinyoru rirana nyobo kiptayat mu betunone, ak inget kikaram wotote boisie nye kii mu Epheso nya ingat kikaram.

Chapter 2

¹ Kimutu anyu, lakwenyu mu mien nyo mito mu kristo jeiso.² Ako tuguk cho kiigasena mu kwentab baoriu cha chang; gochi choche biik cho kiyne cho muche kunguet alak icheke.³ Nam yamdae nyo bo nyalil, kile askerinde nya kararan nyobo kristo jeiso.⁴ momi asikerich nyo ne mi rogony, kuretyinigei tugu cho bo ng'wemji si kisich kubaibai nyo kisiree inyenda kilogu asikerioche:⁵ Aguu ngutu kaiy chi agine kobeletabgei mu urerio (biire) ku mokigochini kutwe ne mobolisio kile yomwoe ng'otutik.⁶ Makaat kolinde nyo iye boisie nyo tokol, kusub kusururcho bo tai.⁷ Bkaat kikran kito nyo omwoei amu kining kiptaiyat koguye mu tukak togol.⁸Bkat jeiso kristo nyo kinget mu cho kikimeiyo nyo bo kosuiyekab Daudi; kile logoiwek cho kororon. ⁹nyo onyorune nyalil agoi mousoromatosiek ku le chi nyo iye yeityoi; agu maratat ng'olyotab jehova. ¹⁰Nyone anyu, amuitoi mu tuguk togol amu cho kikelewen si kubiit kunyoru agiche yetune nyo mu kristo jeiso kuboto tornotetab koigeny.¹¹ Bo mman ng'oly oudoni: Amu ngu kikebogu kuboto inyenda, kesobsot kuboto inyenda.¹² ngemuita kutuu kebou kubotto inyenda, ngut ketoyo inyenda, kutuu kuteech agine.¹³ ngu mu ki bo mman kutebe inyenda mu iman; amu momuche kutaigee.¹⁴ Bkotyi icheka tukuchwechu, ngat icheka mu taitab kiptayat si mobel gei agubo cho moginyorjinii kiy, cho nyere (ng'ome) icheka cho kose.¹⁵ Giilgei ibartagei ile kiguyoningg jehova ilogu kuboitionte nyo monyol kuchol, nyo boisie kikaram ng'olyondetab imani.¹⁶Istoegei ngalek cho menemegei ako aretab jehova: amu tesekse kuyoogitu kusiir mu yaitie, ¹⁷ak ame ng'olyondengwong kile chesergech;mu icheka kultumenayo ak pileto; ¹⁸bik cho kiguchiliil mu imanda, mwoe kule kigusiirto ng'eetyee, ak kuwelele kayanetab bik alak.¹⁹ Agu tonone iumeiwonde nyotokol nyo bo jehova kitinge ng'oksou kele, inget kiptaiyat icheka chachii; ak, nguistoegei yaitie, aga togol nye mwoe kainetab kiptaiyat.²⁰ Ago mu got nyo ou ko momi terenikab tahabu ak fedha kibaat, agu cho bo ketik ak ngung'unyek agicheki aku bo alak teegis, ku ma bo alak teegis.²¹ Ngutiliilgei anyu chi mutuguchwechu kulogu teree nyo bo teegisto, nyo tabaanat, nyo nyoljini kuboisie kiptaiyande, nyo kigichepchi boisie aa togol nya karamo.²² Agu mwee magut cho bo naram, ak urub imanda, chomye, kayane, kalye, kuboto icheka cho kuure kiptaiat mu muguleikwek cho titilen. ²³ Agu tai teebutikcho berberen cho mo bunu konetisie, inget ile yiee bororiosiek.²⁴ Amo makaat otwogindob kiptaiyat kuiy boriot agu kulogu nya talai mu togol, nya sarsar kunetisio, ag muitoi,.²⁵ nyo kere kong nin mutyone icheka cho kurundoi, ndamangab kugochi jehova icheka sugune nyo bo naetab imani, ²⁶ ak kusorugei icheka kumong'une mestetab oinde, ku kaguluue icheka si kiiy magenyi.

Chapter 3

¹ Aku nai nyi ile bwoni mu betusiekab let egosiek che kolgolen.² Amu legu biik cho chemegei ichegei, cho cheme silingisiek, cho chongei cho menset cho boisie lasat cho lenye sikikwak cho metinye kongoi cho tililen.³ cho metinye chomnyot cho metinye nyoetab kaat cho tomse meribegei, cho Togolen, cho mamache chokororonen.⁴ Ngongoik kibasen losugei, cho chame lle kosir kulegu cho chame jehovah.⁵ cho tinge kerkein nyebo kaiwaa nye kiywei jehovah ako tae kimnini nyebo kaieanone! istoege choche akiche.⁶ Amubwanane choche cho itote korik, ak kuluul chepyosok che selwei cho tinye cholwogik cha chang cho ndochini makut cho ngule.⁷ cho netegei betusiek togol, aku makoi kityi naetab iman.⁸ Aku kile Janne ak Jamtre cho kikirinda musa kiiye chu agiche kile nyone kurundoi imanda bik cho kikongemegis ngomalosiekwak, che betyotin mu taretab kiyana.⁹ Aka matese - tai: amu eooge berberindongwang mu biik togol kule nyebo chagai agiche.¹⁰ Ako kiirub inye konetisienyu atebe, kiy nye alokyinigei, kayane, mutyone, chomnye, muitae;¹¹ usisiosiek, ngalilwogik tuguchoche che kibwonjo mu Antiokia ak ikonia ak lustra, kiamaite mu usisiosiechoche togol ak kisorwo kiptaiyat mu choche togol.¹² Ee, togol cho mache kotebi mu atebe nya kararan mu kristo jeiso, kunyoru usisie.¹³ Ako tesakee kiptengegin ak kenik mu yaityo kuberberrisie ak keberbere.¹⁴ Aku tebe inye mu tugul che kiinetgei ak che kikinoissenyi inget ichege che kinetegei.¹⁵ Ak kongete ii lakwa ko kinget sirutik cho Tililen cho muche kongomitiny agoi yetune, mu kayane nyo mito mu kristo jesu.¹⁶ Chone kobusetab jehovah age togol, ak kotorete mu konetisie mu karkongie, mu kotechine, mu kotigone ngomi mu imanda¹⁷ Si kisich kilegu chitab jehovah nye inyende nye kikichob kulegu nye ititaat mu boisie age tugul nye kararan.

Chapter 4

¹kanyaitu anyu mu taitab jehovah ako christo jeiso nye tun iruokchini che sepsot ako che kigubok, ako mu toogun ako mu bonatenyi ²Amde ng;olyo chobge mu betu nye isichini ako mu betu nye ma isichini itigon karkong, igiil, mu multae togol ako konetidie.³ Amu chomi betu nye matun epchin ambo kamining konetisie nye bo iman ago tinye itik che ututos, iyumsinigu konetik che rube magutikwak.⁴ ako koteiyo kunepchi it iman ako komasta kurub atindon che bo buch.⁵ Ago ripge inye mu tuguk togol muite mu nyalil ai boisietab amdaetab logoik che kororon. ai boisiengung kusulda.⁶ AMu kigoitoa rani, ako kigiit betushek cheawetii.⁷ kikai nye nye kararan, kaawonji labate, kiarib kayane.⁸ kuboch va ku kageworuo kutwe nye bo iman, nye tun kona kiptaiyat, nye bo iman, mu betunone, ago ma anekityo ago kichege togol agiche che kigo cham toogunenyi.⁹Igiilgechonjo ku ¹⁰legit. Amu kujibagakta dema, ki kigicham ngwenyuni bo betusie chu, ako kwo tesalonike; kuwo kureske Galatia, kiwo tito dalmatia¹¹ Luka kito nyemi kiboto, imutu ako kibwa tuwai amu toreto muboisie.¹² Ago kiayokte tikiko kiwo Epeso.¹³ ye icho iibu sumet ak bukusheki ago nye sirei ko magatok che kisire che kiabagaketi karpo mu troa.¹⁴ kiiywa nyo ya ksob aleksandrakitongin nye bo karinok tuu yaakchini kiptaiyat kile boisionikchini.¹⁵ Ribege kinyende amu nyere ngalekchoksob.¹⁶ ma michii nye kitoreta mu wolunye nye bo tai, kibagakta togol ama kutyi kicheka ngolndoni.¹⁷ Ago kitonon kiptaiyat kuboto ako kigimita kigilo; si kemuch keamda mu ane ngalek kikaram, ako si kigas bororioshek togol ako kigisorua mu kotetab ngetundo.¹⁸ sorua kiptayat mu boisie age togol nye ya ako kosorua agoi aiyt bounatenyi nye bo kipsengwet nyanyi torrornate kogeny ako koigeny amen.¹⁹ Itoroch priska ako akula ako bikab onesiporo.²⁰ kitebe Erasto mu korinto ago kiabata tropimo mu mileto kumnyone.²¹ igiilge choo kutomo kuit betushek che bo kaititie igatiny eubulo, ako tupchoshek togol.²² ingoteb iptaiyat koboto tamirmirienying inyoteb kororindo kubotok.

Titus

Chapter 1

¹ Paulo otwogindetab Jehovah, ak nye kuyoktoi nyebo Jeso Kristo, kile kayanetab che kikilewen chebo Jehovah ako naetab iman nyanamagei ako kaiweye nyo kiywei Jehovah. ² Amu kamang'une nyebo sabondab koikeny, nyekiyomiis Jehovah nyi mamuche kulembechan kung'etee kenyisiek chebo koigeny. ³ Ako king'any ng'olyondenyi mu betusyekyi chekiyonotin kubunu amdae nyo kikugono kubunu ng'atutyetab Jehova Sarunindenyo.⁴ Asirjini Tito lakwenyu nyebo iman nyo kiyomtoi. Ngimi koboting' myeindo ak kalyetatab Jehovah Aboo ak Kristo Jeso Sarunindenyo. ⁵ Kibokokting mu Kirete amu ng'olyondoni si isich ichob tuguk cherorunoti, ak ikochi boisiek nganase aga togol, kle bani kiang'ating.⁶ Ngu tumi chii aka togol nye maatinye lelut, nye boyotab chepyose agenga, nyetinye lagok che yonotin, chemakimwaitae yaityo nde chemagastoi. ⁷ Amu kanyoljing' ribindetab kanise kulogu chii nyamatinye lelut, kinyende nye ribindetab boisietab Jehovah, ma nyarube magenyi, ma nyasib konereche, nyema kipokityo, nye makiboriotyo, nye ma chemoetyo mu mogornatetab tewernat.⁸ Ako nye taache tae, nye chame che kororon, nyebou kabwatutikyi, nyebo iman, nye tilil nye ribegei, ⁹ nyo name ng'olyoo kilee wolo tabtoi kanetisye, si komuuch kuteechi amu konetisye nyebo iman si kiterter kiptiyotinik¹⁰ Amu chang' biik chemagase ng'ololikab ng'alek chebo kileen, ako genik, mising ko kichega chebo kamuratana. ¹¹ che nesikiyini kegar kotiwaikwak, che shortoi go kimugul, konte tuguk che kamanyoljine keneet amu mogornatetab tewernate.¹² Kumwa agenga mu orkoikwak kil, " kiplambachin bikaab kirete togol,tiong'ik che yaachen, kipkeinik che saraton. ¹³ Bo iman baornatosiechu, kar kong anyu mu kimnatet amu chuto si kisich kuloku chebo iman, amu kayanet. ¹⁴ Ama epchini it atindonikab Yahudik ak ng'atutikab biik che istoegei iman.¹⁵ Tililen tuguk togol amu kichege cho tililen, ako momi kiy nyotilil mu kichege chayachen che maiyonotin ko yacheen nayutikwak ak kabwatutikwak. ¹⁶ Mwae kile nget Jehovah, ako mi kitaye kinyende, amu boisionikwak , kikulogu chekiweche ak kulogu chemagase it ama tilei kiy mu boisye aka togol nye kararan.

Chapter 2

¹ Aku ng'alal akobo tuguuk che leku iman. ² Amwji boisiek choechen kulogu chokonyitotin, cho nyikonen, che boyu kapkotutikwak, chebo iman mu kayaneng'wang, mu chomye ak mu muitae.³ Kile nyone chepyosok choechen mache kulogu chotekisotin mu ataptang'wang', chemomwoe lambach, cheme retyinigei komen, konetikap tuguk chekororonen. ⁴ Si kuneet chepyosok chomengechen, kulogu chonyolunotin, cho cheme boikwak , cho cheme lagokwak, ⁵ kilogu choboyu kapkotutikwak, mu tililin, choribe gorikwak, chokororonen, cho cheme boisyekwak, si makitawer ng'oliondetab Jehovah.⁶ Mu kilee nyone, ang'alalji murenik chemengechen kukonyit kapkotutikwak. ⁷ Ibartagei kinyende mu tuguk togol iloku kaboruno nyebo boision chokorornen, mu konetisyeng'ung' iborta ateb nyomoyaitu. ⁸ Ngileku ng'aleguk chematinye tisya, imonyoru kiyo mwae kichege chesasech.⁹ Magaat kigas it kiboitinik baunikwak, akubaibai kichege mu tuguk togol, amowoluu kiy. ¹⁰ Matoloku chor, ako aloku choyene kayanee togol nyakararan, sikukoji kichega konyit konetisyetab Jehovah nye yetindenyo mu tuguk togol.¹¹Amu riranetab Jehovah nye kiipchi biik togol soruno. ¹²Netech kile ketai aree nyimatakyinigei Jehovah, ako magutik chobo ng'wony, ak ketebi mu ng'omnatee nye chulaat, ak mu iman, ak mu aree nyotakyinigei Jehovah mu kenyisyechu. ¹³bani kigenye komong'une nyoberurot,nyone ku kaborunetab torornatet nyo o nyobo Jehovah ak Jeso Kristo yetindenyo.¹⁴ kigonugei Jeso akibo achee, sikutyacheech mu tengek aka togol ak kutililjigei biik kulogu chajii, chelewenotin, chokilegei mu boisionik chekororon.¹⁵ Mwaa ng'alechu ak ing'at ak ikar kong'mu kimnatee togol. Ako masasing chii aka togol.

Chapter 3

¹ Akinonji kicheka kwokey ng'wony mu kandoikwak ak kandoisye kugas it , ak kuchobogis mu boisyo aka togol nyakararan. ² Akumemwa kiy nyangaya akubo chii aka togol, akimologu biich chebo boriot, aku chotoloyeen kuborjine biik togol mutyondi togol.³ Amu kikiije solwoi akinya keny, ak kimakigese it, kikiberberech keoot makut cho ng'ule ak tienwek, ketebisoot mu yaityo, ak ng'atkong, ak kikii chekiweche, ak kesaskei achega.⁴Ako kingitoku tolosietab Jehovah yetindenyo, ak chomnyenyi nyo chame biik, ⁵ko kima boisinikab imandanyo chekikwai, kibaate riranetab kinyende nyokisorwech, mu kaunetab sigee nyoleel, ak kalelitetab Tamirmirye Nyotilil,⁶ Nyokuroong'wech mu choong'indo mu Jeso Kristo Yetindenyo. ⁷ si yo kakeityech imanda mu kororindanyi, ke aech kelogu cho neme tuguk kile kamang'unetab sobondab koigeny.⁸ Bo iman ng'olyondoni, akamache imwaa tuguchwechu mu kimnatee sikunaan kichege che kikuyaan Jehovah, kwai betusyek togol, boisionik chokororonen. Kororon tuguchoche akutorote chii togol.⁹ Ak iistoegei tebutik cheberberen ak tatutikab abanwek che kikisirto, ak suriosyek ak boriosyek akobo ng'atutye, aku matinye keljin akubo buch. ¹⁰ tai chii nyaibu besiot bani kitikone nyobo tai ak nyobo aeny. ¹¹ Nai anyu chito nyole nyone ku kikiwo taban mu imanda ak kwoye tengek, ak kurwokyinigei kutyo.¹² Nemi bani kayogu Artema anan Tukiko, igiilgei ichoo Napoli wolo ami ako kaabwat abaisye betusykab katilile. ¹³ Yai kiy aka togol, sion Sena ak Apolo kimng'omutinikab ng'atutik si mararta kiy aka togol mu ichega.¹⁴ Ako ngunetgei anyu biikyo kwai tuguk chokororonen betusyek togol akubo tukuk che makyinigei, si ma logu che maiyee logoi chokororonen.¹⁵ Ataach kagotut kubunu biik chekimite togol. Igat kichega cho chemeech mu kayane. Ngutebi myeindo kubotook akwee togol.

Philemon

Chapter 1

¹Paulo, nyaratat nyobo Jeso Kristo, ako Timoteo werinyo, kisirjini Pilemon, chamanenyo nye kikimi togol, ²ako chamanenyo Apia ako Arkipo nyekikimi boisie togol, ako kanise nyemi kongung. ³Ngitobo miendo ako kalyet cho bwone Kiptaiyat yainde ako Kiptayat Jeso Kristo.⁴Amwachini yaindenyu kongoi amwae betusiek togol mu saet, ⁵agese akibo chomnye ako kayanee nyo itinge mu Kiptaiyat Jeso ako cho tililen togol. ⁶Si kiloku yamdae nyobo kayanengung nyakaram, aku kasak mu naet nyobo kiy akatokol nyakaram mu inye Jesu Kristo. ⁷Amu kitinye boiboyo ako kakaikaa mu chamnyengung, amu kikinyoru komung'o mu mugulelwekab biko cho tililen amu inye, tupchenyo.⁸Ara anyu mbo ng'anda ating'e nyiganat mu Kristo sianaing mu nyo chamat, ⁹ako amu chomnyot, asoming mising _ ane, Paulo, nyakiayositu, ako rani aratat mu Jeso Kristo.¹⁰Asomin mising akibo lakwenyu Onesmo, nyo kiasiach mu ratwenyu. ¹¹Nye ki mu tauno kimakotoroting, ako rani toreting akutoreto mbo anende. ¹²Koyokung kinyile, taach amu bo muguleldanyu. ¹³Nye kitomeche ketebi tuwai si kutoreto kuomtowo mu ratwe nyobo ng'alek cho kororon.¹⁴Ako macham aai kiy akatokol kitomo akas kapkatenyi. Si maloku miendangung terjino aki ke magengung. ¹⁵Amu apkote kile kiwo mi petus kekering, si necho abotebi tuwai akoi koigeny. ¹⁶Makiloku otwogoin, ako loku nyosire otwogin, tupche nyakicheme mising mu anende, ako sire katia mu nyende, mu borto ako mu kiptayat.¹⁷Ngiito oleku nyakikimituwai mu boisie, itaach kile anende. ¹⁸Aki ne kilelung nda kibesening kiy, iitwa nyone. ¹⁹Ane, Paulo nyakasir mi eunyu. Alipane anende - amamwoung kile oyochinge sobondanyu! ²⁰Eo, tupchenyu, kanya anyoru boiboyo mu Kiptayat; kumuny muguleldanyu mu Kristo.²¹Kamonguno mu kasengung bo it, kasirung. Onget kile ioe mbo chesire chomwoe. ²²Ako kiboto choche, chobwo olo acho rue, amu ayane kile mu sautikwok achoni.²³Epapra nye kirototin tuwai mu Kristo Jeso. ²⁴Marko, Aristarko, Dema, Luka cho kimi togol. ²⁵Ngitobo miendab Kiptayat Jeso Kristo koboto tamirmirkwok. *Amen.

Hebrews

Chapter 1

¹Jehovah nyo king’alalji sikikyo keny mu ng’orik, mu ortinwek cha chang, mu kamoswokik cha changa ko mu oratinwek cha chang. ²Ku nyo kaking’alalwech mu betusiechu bo let, mu weri, nyo kikochi kiyeku nyo name tukuk togol, aku kioi inyenda ngweny ambo mu inyenda. ³Inyenda ku lapkeye nyebo torornotenyi ak itorodanyi nyebo karkeintanyi, ak kitonsot tukuk togol amu ng’olyondetab kamuktaenyi kine kakuunto tengekwo kik kuwo kitebo eutab tai, nyebo etunate mu barak.⁴Ku kakiyeku nyo kararan kisin malakainak, kile yo konyitot kaine nyo kikinam nyenda, kisiir kainengwang. ⁵Amu malaikainak anjojo cho kimwochi betu aka kileji, werinyu, kaasiching rani? Aku akoii ayeku kwanda mu inyenda, ak kiyeku inyenda weri mu ane?⁶Aku kine mutu kinyil aka tai kucho ngweny kimwa kile, ngulosu inyenda malaikainak togol chebo Jehova. ⁷Aku kimwa akubo malaikasiek, kile inyenda nyo iye malaikainakyi kiyeku koristonyi, ak kiyeku kiboitinikyi liblibanetab mat.⁸Aku kimwa akubo weri kile, Ee Jehova tebe mu akoii ak akoii ng’achareng’ung nyebo laitornate, rungutab imanda rungutab baunatengung. ⁹Kiicham imanda ak kisas tengek; mu nyone anyu kikuiling Jehova, inyenda Jehova nyong’ung mu mwaita nyebo boiboiyo kisiir abetong’ung.¹⁰Aku kilam inye kiptayandani, mu tai, wole tonone ngweny ako kipsengwetisiek ku bisionik chebo eunekuk. ¹¹Batsot choche aku itebenye akoii aku yosiitu togol kile ngurio. ¹²Aku itukure kile ngurio nyo tabanu barak, ak kiwale kile ngurio, aku ilenye nyone akoii, ama tinye kanyisie kuk wolo wong’unekei.¹³Bere kimwochi malakainak anjojo mu betu aka, kileji, Tebe eunyu nyebo tai, Akoi aii bunukuk kiyeku ng’acharetab kelyekuk? ¹⁴Bere choche togol kimo tamirmirek cho boisie, chokiyoktoi kiboisio akubo icheka cho tun kinyoru yetuno.

Chapter 2

¹Mi nyone anyu kayolu kenam kiiya kusiir, tuguchoche kigegas, sim o kichuchuchgei.²Amu ne tononot ng’olio nyo kigimwau mi malakaisiek ak kigunyoru bistoe aga togol ak ng’elelnote melekto nyo kokerjine nyo bo imanda. ³Kechililidoi ano anyu, nekimete yetune nyo o nyo te nyi? Nyo kiga kesib kemwa mi kiptayande, kiigimitwech ichege cho kigas. ⁴Agu kibourione agine Jehovah kuboto ichega, mi koborunoek ak kwang’utik, ago mi kamugosiek cho terotin, ago mi kagoitoetab tamirmirie nyo tilil kule magennyi.⁵Amu mo igochi malaikaisiek kuboyu ngwenyuni nyo choni, nyone kimwoe. ⁶Agu baurione chito aga mi komosta aga, kile, ne chi nyotos ibwat? Ndo weritab ehi, nyo tos irutochi?⁷Kiiy inyende kumining’it katigin mi malaikaisiek; ilo okyini inyende kutwetab torornote ak tegisto, ak kiinde kubogu boisionikab euneguk. ⁸Kiinde tuguk togol kugas it mi debesaikab kelyegyi mi nyone anyu kule yo kiinde tuguk togol kugas it inyenda, ku kimatuch kiy nyo ma kas it inyenda. Agu banienyi kutomo kero kugas it tuguk togol inyenda.⁹Agu kikero nyo kigiiy kumining’it katigin mi malaikaisiek, inyenda Jeiso, nyo kigilokyi kutwe nyobo torornote ak tegisto amu nyalilda nyobo meet, si kubiitu kuchamcham meet mi kororonietab Jehovah agubo chi aga togol. ¹⁰Am kinyolji inyende, nyo mi tuguk togol anu inyenda, agu bwonee inyende tuguk togol, yu imutyini werik cha chang torornate, si kuiy taunindetab yetunengwang kulegu nyo igesunotgei mi nyaliwokik.¹¹Amu inyenda nyo itililisie ak ichega cho kitilile kungete agenga; mi nyone, any uku marotii inyenda chisotee kuguree ichega cho kitupche. ¹²Kule, Amwachini kaineng’ung tupchoseikyu, mi kwenutab tuiye.¹³Ak kinyile. Among’u inyenda, ak kinyile, iroo ane ak logok cho kikugono Jehovah. ¹⁴Amu yemdoi anyu logok keretik ak borto, kinam choche inyende agine kule nyone; si kubiit kung’em mi aretab meet inyenda nyo tinye kimnatetab mee nyonee ku oinde. ¹⁵Si kubiitu kutiach ichege togol cho ki rototin betusiekwak togol mi koiweisietab mee.¹⁶Amu iman maname itondab malaikasiek, agu kinam kesuyekab Abraham. ¹⁷Mi nyone anyu kijonji keiiy inyende mi tuguk togol kugerget ak tupchosiekyi, si kubiitu kulegu tisiiinde nyo o nyobo riranetabgei ak gub iman mi tuguk cho tokyinigei Jehovah, sikubiitu kuiiy tisisie agubo tengekwogikab bik. ¹⁸Amu kule yu kinyalil inyende yu kigiimegei, kumuche inyenda kutoret ichega cho kimegei.

Chapter 3

¹Nyone anyu, che kiptuche che tililon, yemtoik chebo kursetab kipsengwet, anan kiiya nyekiyoktoi ak tisiiindee nyo ou nyebo sharenyo, inyendee Kristo Jeiso. ²Nye kilogu nye kiyene mu inyendee nye kilewen, kile musa agine mu gotab Jehovah togol. ³Amu kigiit kele muchini torornat e nyo ou kisiir musa, kile yo tinye inyende nye kiteeche got teegisto kosiir got. ⁴Amu teeche chito got aga togol, agu inyendeee nye kiteeche tuguk togol ku Jehovah.⁵Ak kilegu musa kisob nye kiyene mu gotab Jehovah togol kile kibeitio, agibo bournate nyebo tuguchoche che ki keyein kemwa mulet. ⁶Agu Kristo kile weri, nyo beiyu gonnyi ache gonnyi ngenam kigaram nyikanatennyo ago torornatetab komongunenyo agoi kowongune.⁷Nyone anyu kile yo mwoe tamirmirie nyo tilil kile, Ngit agas kotenyirani. ⁸Ko matotogolit mugleiywekwok, kile yo mu kaima, kileeyo mu betutab kanyalile mu wangate.⁹Yo kitieme kwanisiekwok kutiema, ak kiro boisionikyu kenyisiek artam. ¹⁰Mu nyone anyu kianerekyi abeni, ak kiole, chilile ageny mu mugulelwekwak. Agu kimakunget ortinwekwak. ¹¹Kile yo kiamurto mu nerekekyu ole, meite icheke komuungenyu.¹²Avipkei anyu cho kitupche, si mabiitu chi aga togol mu akwe nyo tinge mugulei nya ya nyebo kachala, kiistoegei Jehovah nyo sebe. ¹³Agu oteechigei betu aga togol, mu yo tikemwoe kele rani; si makitogolit cho aga togol mu akwe amu kabarberetab tengekto.¹⁴Amu kikelegu yemtoikab Kristo, ngenam kisob tounetab komongunenyo agoi kowongune. ¹⁵Yo tikemwoe kele, Ngitagas kotenyi rani, Komatatogolit muguleiywekwok, kile yo kaime.¹⁶Amu ngo cho kitekisho yo kingigas? Bere mo icheke togol cho kingetune misiri mu musa? ¹⁷Ak ngo nyekinerekyi inyende kenyisiek artam? Bere ma ichege cho kicholwogencho cho kibutyi muswekwak tirialta? ¹⁸Agu ngo nye kimurto inyendee kile metiny meite kamungenyi, bere mo icheke che kisogornan? ¹⁹Kiroti anyu kele kimamuch icheke kiit amu mayan.

Chapter 4

¹Ongeywei anyu yo tu kemi ararutie nyo kite kamngunennyi, si mamwae chi age togol mu akweke, amanyoru. ²Amu kiomwawech iman logoiywek cho kororomen, ku le kichege, agu ma toret kicheke ng’olyatab kase, amu kima namgei ako kayanetab kichege cho kigase.³Amu acheke cho kigiyan keitite kameengunone kiu le yo kigumwa kinyende kule ku le yo kiayosie mu neregekyuk ale maite kicheke kamuungennyu agu nganda kigo kigusgei boisionichoche kingete ngab kelumda ng’ony. ⁴Amu kigumwa ku le nyi mu ari age agubo betutab tisab kule, Ako kiimuny Jehovah mu betutab tisab mu boisionikyik togol. ⁵Ako mu yone agime kimwa kule maite kicheke kamuungennyu.⁶Mu nyone anyu amu mito baroin nyo bo walak kuit wolone, ako kicheke cho kiga kiamji logoiywek cho kororonen, ako Kimata kuit amu ngelelnate. ⁷kimwa kugeny agubo betu age, kimwaei mu Daudi, aku ka le yo kisib kimwa kile ngut ogas kutinyi rani ku mat kutokolit mugulelwekwok.⁸Amu nda kiga kugochi Josua kicheke kamuunge kita kima kuta kemwaei let agubo betwa age. ⁹Ng’etunot nas kamuungetab sabato agubo bikab Jehovah. ¹⁰Amu kinyende nyo kaguit kamuungetab Jehovah, ku kagumuuny mu boisionikyik, ku le yo kiimuuny Jehovah mu chachi. ¹¹Angegiilgei anyu si keit kamuung’onone sim abut chi age togol mu kergeinone bo lenginate.¹²Amu sobe ng’olyotab Jehovah, ako kim, ako ng’atib kusiir rotwetab chok nyo ng’atiberi kamoswok tuwai, ako kotoore agoi kubesoi sobondo ako tamiirmir ako wolo tuiyechini kowek ak amset, ako chepchep kuguiyo kabwatulik ako magutikab muguleldo. ¹³Amu mi kiy age togol nyo kigwai nyo ma taagu mu taonnyi, ago ng’ongotin ako yatolin tuguk togol mu taitab kongek cho bo kinyende nyo tu kitetyini atebosiekyok.¹⁴Amu kitinye tisiinde nyo o nyo kigochut kipsengetisiek, Jeso wesitab Jehovah, angenam kigaram ng’ang’ennyo. ¹⁵Amu matinge tisiinde nyo o nyo mamuche kugaswech nyalulnatosiekyok, agu nyo kigiyom kule acheke mu tuguk togol ama yai tengek. ¹⁶Angerikyi anyu ng’echere nyo bo mieindo mu nyiganate, si kenyoru rirenetab ge ako kenyoru mieindo nyo toretech mu betu nyo kinyelilsot.

Chapter 5

¹Kamuktainde nyo kingalalchini oboisiekchok keny eng orkoik (chepsokeiri) eng kabeberwek cha changa k ortinwek cha chang. ²Ak nyo kikangololwech eng betusiechechu bo let eng werit nyo kukonde no koleku nyo nomu tugul tugul amu kiyai inyienda ngwony eng inyenda. ³Inyenda ko nyokwang isie lilindanye kolile biich eng kerkeindannyi kotonone tuguk tugul eng ngoliondetab kamuktainde koundoi ngogiswok ak kowo kotebe eutab tai nyo bo etunatetab torornate eng barak.⁴Koleku nyakararan kosir malaikaisiek kou yu konyitot kaine nyo kinam inyenda kosir kainengwang. ⁵Amu kimwachi malaikaisiek ano betu ake nyo mwae kole I werinyu kasichi rani? Ak kinyilei aeku obongung eng inyende ak ileku inyende werit eng ane?⁶Ak muntu kinyilei chobo tai kobwa ngoeny asi kolosu malaikaisiek tugul chobo kamuktande.⁷Kimwa akobo malaikaisiek kole usonoik(kubuke) eng inyenda ak koleku kiboitmikchi cho libhibe ni eng ma. ⁸Ak kimwa akobo werit kole Ee kamuktainde tebe koigeny akoi koigeny ngecherengung nyobo alaitornate rungutab unanda kirekwetab Kandoi natengung(baunatengung).⁹Kicham iman ak kisas ngogi chone anyu kamuktainde koil inyenda kamuktaindenyi eng mwaitab boiboiye kosir siritukuk. ¹⁰Ak kiil inyenda kiplaiyandenyi eng toune kole tonone ngouny ak kipsengwetisiek amu boisionikab eunekuk. ¹¹Betos choche ako itebenye akoi amu yositu tugul kile ngoroi.¹²Ak imumule kole ngorio nyotobonu baraka ak kewale kile ngorio akoi amu kilenyone akoi ak kitinye kenyisiekuk ole bokchini. ¹³Tos kumwache malaikaisiek anchocho eng betu ake koleji tebe eunyu nyobo tai akoi ayai bunikuk koleku ngacharetab keliekuk? ¹⁴Tos choc he tugul ko tamirmiriek cho boisie cho kiyoktoi koboisie akobo icheka cho tun konyoru yetune(Etun) nyoo.

Chapter 7

¹Amu Melkisedeki-nyenyi, laitoriatab Salem, Tisiinde nyebo Jehovah nyo Toror kuyop; nye kituyo ako Abraham kuwechekei kubunu weli kibare laitorinik, aku berur inyenda. ²Nyi kipchechi akop Abraham keberbertab taman nyebo togol nye kiweech, ku laitoriatab iman kurok, aku ne bada kinyile ku laitoriatab kalya. ³Nye metinye aboo, akumetinye kame, akumetinye kabor, akumetinye tamnetab betusiek anan kuwontoigei sobundo, ago kii kiigergeit ako weritab Jehovah, tebee ku tisiinde koigeny.⁴Abkwat anyu ale kite oindab chichi, nye kikochi Abraham, bonde nyo o, keberberta nyebo taman nyebo bareiywek. ⁵Aku tinye inian weritab lawi cho neme boisietab tisisio, ng’etutie kunam keberbertab taman mu bik kile mu ng’etutie, mu tupchosiekwak, agob nde kibunu bortab Abraham. ⁶Aku kinam kebebertab tamam mu Abraham inyenda nye kimo kiitito ichege mu arengwang, aku benir inyenda nye tinye arorutie.⁷Ago mjimomie tiiye aka togol, kunyoru nyo ming’in koberure mu nyo o. ⁸Ako mu yu kutoche bik cho bogu kebeberwekab taman; ago mu wolonee, ku inyenda nye bouriene kile sobe. ⁹Aku kimuche kemwa kele, mu Abraham ambo Lawi, nyo toche kebeberwekab taman, ku kikigoito kebeberwekab taman. ¹⁰Amu kitikimii bortab aboinyi, kutusot ako Melkisedek.¹¹Akob nde kimi bokunetab gei mu tisisietab Lawik(Amu kunyorune yone bik ng’etutie) kutimage nee kumongu tisiiinde age nyele kiyo kile Melkisedek, aku me kiititoi kiyo kile. Aron? ¹²Amu kutuwalak tisisie, ku sikjinii kuwala agine ng’etutie.¹³Amu inyenda nye kimwoitonye tuguchu kubo bororie age, nye momichi mu bororionone nyo kigobois mu kaptisisio. ¹⁴Amu toguu kele kibunu kiptayandennyo arab Juda, bororie nye kima mwaitae Musa ng’olyo aga togol mu ng’alekab tiisik.¹⁵Aku togu kusob kusiir, kutu tun bitu tisinde aga m kergeindab Melkisedek. ¹⁶Nye kigii agu mo mu aretab ng’atutikab borto nye me bokuu. ¹⁷Amu kimwoe kele, I tisiinde koigeny, kil kii nye kile Melkisedek.¹⁸Amu mi metoe nyebo ng’etutie nye kiga kendonne, amu nyalulenyi aku me tilei kiy. ¹⁹(Amu mai ng’etutie kiy kuyoku nyo wongunot), aku mito ibunetab komongnno nyo kaigai, nye kirikyine Jehovah.²⁰Ama igekse ama kiyosie. ²¹(Amu kikaii icheka kuleku tissik amo mi kayosie; aku kigiai inyende kuboto kayosie mu inyenda nye mwoe kibo inyenda kule kiiyosioi kiptaiyat amo wele kule, I tisiiinde agoi)²²Kile nyone anju kiyoku Jesu tononjinindee nye bo ororutie nye karam kusiir. ²³Aku ichega ku kigii kulegu tisiik cho chang’, anu yete icheka miat si motobo. ²⁴Aku anu tebee inyenda koigeny, kutinye anyu tiseinete nye meguwele.²⁵Mu nyone anyu kumuchi kinyile kusor agoi kasuldae ichege che bwanjini Jehovah mu inyenda, amu sobe inyenda akoi si neitio kusa agubo icheka. ²⁶Amu nyoljinech tisiiinde nyo o nyele nyi, nyo tilil, nye mentinye kanisee, amo tinye murwonindo, nyo tabanat mu kipteng’eginik, aku kikitoror kusir kipsengwetisiek.²⁷Nye me roge kugoito tiseiywek betu aga togol, kile tisiichu kieechen, cho goitoi kurok agubo tengekwogikyi, akunebata kugoito agubo bik, amu kii nyenyi kunyil agenga akuyam, nye kiigoitogei. ²⁸Amu konore ng’atutie bik cho nyolulyotin kuyoki tisiiik cho echen, aku ng’olyotab kayosie, nye kibitu let mu ng’atutie, kukonor weri nyo bokchinot agoi.

Chapter 8

¹Akoi rani mu tokuk cho kimwoe, kito nyo ou ku nyi, kele, kitinye tisiinde nyo ou nyo tebe kamasta nyebo eutab tai nyebo ng’acharetab laitornate nyebo etunate mu kipsengwetisiek. ²Kiboitionde nyebo tukuk cho tililer, aku emai nyebo iman, nyo kilume kiptaiyante amo chi.³Amu kikochini tisiinde aka togol nyo ou kukoitoi kakochinoik ako tiseiywek, mu nyone any ku makat kitinye ambo tisiindonone kiy nyo koitoi. ⁴Nda kimito ngweny, nda kimayeku tisiinde, amu mito icheka cho koitoi kakochinoik kile mu ng’atutie. ⁵Cho boisie kirokondoe ako urue nyebo tukuk chebo kipsengwet, kilee yo kikiitechil Musa yo kimache kutonon emai, amu kileji, Rib, Si iaii tukuk togol kile karkeindo nyo kikiborung mu tulwe.⁶Aku kakunyoru ra boisie nya kararan kisiir, kilee nyone ambo inyenda ku katuyoinde nyebo kayomise nya kararan kisiir, nyo kikuaii mu ararutik cho karoronen kisiir. ⁷Amu ndamo kirartayat arorutie nyebo tai, nda kima keweshini boroin nyebo aeny.⁸Amu kinenyorji lelutik icheka, kimwa kile, orogee mwae kiptayande kile, bkoni betusiek cho tun kiyomisyiakei kayomise nyo leel ako kotab Israel ako nyebo Juda. ⁹Ma kile koyomise nyo kikiyomiskei ako kwani siekwak mu betu nyo kianam eunokwak, samutu kingeetu mu koretab Misri, Amu kima kiteptoi kayomisenyu, Ak kima amakek kiy icheka mwoe kiptayante.¹⁰Amu ngi kayomise nyo tun kiyomisekei ako kotab Israel. Ne sirto betusiechoche, mwae kiptayande akochini ng’atutikyu kabkotutikwak ak asirji kinyile muleiwekwak, ak ayeku Jehova mu icheka, ak kiyeku bikyu.¹¹Ama kunete chi togol chitab kokwenyi, nda kunet chi aka togol tupchenyi, kileji, Nai kiptayande. Amu tun nayo togol kingeete nyo mining mu icheka akoi nyo ou. ¹²Amu tun arire icheka amu tengekwokikwak Amotobkote tengekwokikwak akoi.¹³Amu kimwa kile ararutie nyo, leel, ku kiku aii kuyosit nyebo tai. Aku nyone yositu ku kikakitebo keny, ku lekit kibok.

Chapter 9

¹Nyone anyu, mbo ararutie nyobo tai ku kitinye ng’atutikab sae, ak komostanyi wolo tilil nyobo ngwenyini. ²Amu kigokicheb emai; nyobo tai ku wolo kimi keldab tait, ago mese, ago makatinik chobo kabartae, nyo kiguure wolo tilil.³Agu kinekisiir ange nyobo aeny, nyo kigipchee got, kukimi emai nyo kiguure wolo tilil kusiir togol. ⁴Nyo tinye kabkorosutab tahabu, ago moingetab ararutie nyo kigiliige tahabu komoswek togol, wolo kimi tere nyobo tahabu nyo kimi mana, ago kirokwetab Aron nyo kiing’ate, ago koik chobo ararutie. ⁵Agu kimi baragunnyi ketubosiekab lilindo cho kiuse rirane, tuguk cho mogimuche keng’alale banienyi agenge agenge.⁶Agu kinegakecheb anyu tuguchuechu kule nyone , kuba tisiik kitogol emai nyobo tai, kuiiy boisiosiekab sae. ⁷Agu kiwedi tisiinde nyo o inyegei emai nyobo aeny kunyil agenge mi kenyi, ama wedii ama tinye keretik, cho igoitoi agubo gei ak agubo lelulikab bik.⁸Iboru tomirmirie nyo tilil mi ng’oliondoni kule, kitomo keng’any are nyo ng’etitoi wolo tilil, yu kito ku tononot emai nyobo tai. ⁹Nyo kobwenetab betusiechu, kigigoitoi mi kolewenewone agine kogochinoik ak tiseiwek, cho momuche kuiiy chito nyo soe kulegu nyo begekyinot mi kabwatenyi. ¹⁰Amu kuboto amitwogik ago cho kigee ak kounsosiek cho torotin, choche ku ng’atutik chobo borto kityo, cho kiging’at agoi betusiek chobo kalitile.¹¹Agu Kristo, yu kinegagucho, nyo inyende tisiinde nyo o nyo bo tuguk cho koromen cho tun bwonii, mi emai nyo o ak kubekyinot kusiir, nyo ma kiiye eunek ne kiweech ku mobo ngwenyini. ¹²Ama mi keretikab kwesik ak moek, agu mi keretikyi ichegei, kuwo anyu wolo tilil kunyil agenge ak kuyam, yu kinekakunyoru katiage nyobo koigeny.¹³Amu ngutu tilile agoi kounetab borto keretikab kwesik ak kirugik, ago warekab rorwek cho kiise ichege cho tinye murwonindo. ¹⁴Kutilile anyu nyo tia keretikab Kristo, nyo kigochigei Jehovah mi tomirmirie nyobo koigeny ku matinye berut, ku tilil kabwateng’wong mi boisiosiek cho meiyotin si aboisiechi Jehovah nyo sobe. ¹⁵Ak amu ng’olyondonienyi inyende ku kotuiyoindetab koyomise nyo leel, si kubitu kunyoru cho kigegwor, ararutietab borote nyo bo koigeny, yu kinekagubitu mee agubo katiagelab bistaosiek cho kimito, mi koyomise nyobo tai.¹⁶Amu wolo mito arorutie nyobo nametab tuguk ku konyolu kumito meetab inyenda nyo kiiye. ¹⁷Amu tinye arorutie kimnate yu kabitu meet, ngukiim kuto kisobe inyende nyo kiiye?¹⁸Mi nyone any umbo ararutie nyobo tai, ku kimo kigoito ku momii keretik. ¹⁹Amu yu kinegagu mwochi Misa bik togol koyomise agu togol kule mi ng’atutie, kunam keretikab moek ago chobo kwesik kubote beek ak keretik cha biriren ak husop, ak kuis bukui, ak bik togol. ²⁰Kumwoe kile, chu ku keretik cho bo arorutie nyo king’at Jehovah agubo akwe.²¹Ak kuise kinyile keretik emai kuboto tuguk cho kiboisye. ²²Ak mi ng’atutie kule kele, kitilile tuguk togol mi keretik, ak ne momi tartaetab keretik ku momi nyoetab kaat.²³Kinyolu anyu ketilil itonwekab tuguk chobo kipsengwetisiek mi choche; agu kitilile tuguk chobo kipsengwet tiseiywek cho koromen kusiir chuechu. ²⁴Amu kima mongji Kristo wolo tilil wolo kigiiye eunek, nyo korokendoetab tugukab iman; agu kimongji kipsengwet inyende, si kutoogu mi taitab Jehovah agubo ache.²⁵Ma si kugoitogei kunyil cho chang, ku le yo wedii tisiinde nyo o wolo tilil mi kenyi aga togol kuibe keretik cho mo chachi. ²⁶Amu ndo kile nyone anyu to kinyoljini kunyalil kunyil cha chang kung’ete kelunda ng’weny, agu kakung’anyak raa kunyil agenge mi kokesunetab kenyisiek si kubitu kuisto tengekto mi tiseiwonde nyo ki inyende.²⁷Ak kule yo kiging’at agubo bik kubogu kunyil agenge, ak yu nebata nyienyi kulegu kirwoge. ²⁸Kule nyone Kristo agine kinegake koito kunyil agenge si kuib tengekwogikab cha chang, ku tun toogu nyobo aeny, mo agubo tengek agu, mi ichege cho konye inyende, agoi yetune.

Chapter 11

¹Nyone anyu kayane, ko le kenai tuguk cho(kimangu) cho Bwani ak koborunetab tuguk cho tomo kero. ²Amu kibauriane choc he boisiek. ³Kinae eng kayane kele kigiyai ngonyusiek eng ngoliotab kamuktainde nyo anyu tuguk cho toogu.⁴Kikochi Abel kamuktainde eng kayane tiseiywo nya kararan kosiir nyobo kaen nyo kibauriane inyenda kole kibo imanda ak kobaurian kamuktainde akobo korosek ak eng nyone akot nganda kikoma ko ta kongolole.⁵Kikimutii Enok eng kayane si maker meya ak iman Kimata koro chi unyenda amu kumut kamuktainde kingotom komut ko kikabautien akobo inyenda kele kibaiabai kamuktainde. ⁶Amu ngo mami kayane ko maimukse kibaibai kamuktainde amu unyonda nye rikchi kamuktainde ko yamei koyan kole mi inyenda ak kokochini Neemaisiek(melekto) icheka cho chengote kamuktainde inyende.⁷Kiyai Noa(mele) moingetab bei eng kayane kot kosoru gonyi amu kikakete chi inyenda akobo tuguk cho bwoni cho kitomo koro amu kinywei kamuktainde nyoruokionei chcoche inguony ak kileku inyenda nyo kinam unanda nyo choni eng kayane.⁸Kigas it enyu Abraham kamuktainde en kayane yo kengogur komanda kowoole menget weti akol komosta nye konyorune borotenyi. ⁹Kileku anyu Abraham eng kayane kiprutoyo eng kore nyo kikaki mwachi(keororchini) keleji manyangung imanyote Emaisiek kaboto Isach ak Jakobo koboto chokimakimwachi omenya tugul. ¹⁰Amu kikacho kokwe nyo tinye lumaiywotab kamuktainde nyotekse kole yainde nyo kiyae.¹¹Kisich akine Sara lakwa eng kimnate tab kayane komanach ko kakosirto kenyisiekchi amu kikiit kele bo oman inyenda nyo iborchini ak(kowarorjini) inyenda kamuktainde. ¹²Nyone anyu nyo kikisich agenga nyo koikei nyo kakome akobo biiko cha chang kou kokel chomu kipsengwet ak kipshai(nganiek) chomi aimo(ararai) cho maitakse.¹³Kimeiyo chu tugul eng kayana kotomo kotach koyomise koto komi ololoa kikakoker boiboiyo ak kokakonganykole kiitoek(kiprutoinik) eng ingony uni kimi. ¹⁴Amu biiko cho he chu koboru kole chengote kore.¹⁵ak nda kibwat Imani korone kimatoi nda kinyoru boroindo ko bekta kei? ¹⁶Arubo na achei akot kore nyakararan kosiir nyobo kipsengwet nyo chengote kamuktande mami nyokorco, cholotio(kalilana) akobo icheka cho kikagur kamuktainde ngwang kokakophochi icheka kore.¹⁷Kingokaketiem Abraham eng kayane kegoite Isack nyo kikisidi inekei nyo kikakotach eng boiboiyo koleku korosio. ¹⁸Nyo kikakomwachi koleji tun kemwaitoi Isack iyotengung. ¹⁹Kiit anyu Abraham kole imuche kamuktainde konget akot cho kikakoboku ak kotach inyenda koloku nyo kibortoi(kerkeinde) kole nyo kirokendoi unyenda melekto.²⁰Kiberur Isack eng kayana Jakob oak Esau kaboto tuguk tugul cho bwani. ²¹Kiberur Yakobo eng kayane werik tuwai chobo Josephamu kikako negitit koma ak kosa kotiekei walitab kurekwenyi(Kirokwo). ²²Kimwa Joseph eng kayane akobo mandaetab lagokab Israel yo kinegit kome ak kikonu ngatutie akobo koweik chik.²³Kikauny sigikchi Musa eng kayane aroik somok kongete kesich amu kikakiro kele lakwa nya kararan ak kimatakoiywa ngatutietab laitoriande. ²⁴Kitai Musa yo kikakoyetu kekure weritab Jeptah parao. ²⁵Kilewen keyachi nya kaboto bukab kamuktainde kosiir kobaibaikei eng boiboiyosekab ngogiswokik chobo betusiek cho ngering chobo ngueng. ²⁶Kiit tewernate nyo kitewere Kristo kole magornatosiek cho kindon kosier cho kikikonor cho miseri amu kikenye ka berur(indekte) nyo mabeku.²⁷Kabakta anyu misori eng kayane ameiywai nerekekab laitoriande amu kimuitai akobo yo kiroti unyenda nyo matogu. ²⁸Kiyai paska eng kayane koistoitoi korotik asi matiny Israeliek cho kikabar cho kibo tai eng inyenda.²⁹Eng kayane kiba kubun araraite nyo burir kole nyo bunote kore nyayamat ak kingomajei misiriek kotiem kobun boko kokenkekel icheka kelugui icheka tugul. ³⁰Eng kayane ko kilulio rokoyonik cho kitiikab Jeriko ko kake mut betusiek tisab. ³¹Eng kayane nyo kitinye chepkukonio nye kikugure Rahab nyo kikatach segeik eng are ake nyobo kalye ko ma mu kaboto ngelelik inyenda.³²Ara nee anyu kiy nyo takemwoe? Amu mami boroin ngo kamwa akobo Gidoen, Barak, Samson, Jephat ak koboto Daudi ak Samuel ak orkoik(maotik). ³³Eng kayane kiterter baunatosiek ak koyai imanda ak kotach koyomisatik ak koker kutisiekab ngetunyik. ³⁴Kimis kimnate nyobo ma ak kochilile rotwetab chok ak kikimit eng nyalunatengwang ak kigimakitu eng luketab bunik.³⁵Kitach kikakongetio alak cho kikinyalile ak kiteiyo ketach si kobiit kosich ngeetie nys kararan kosiir. ³⁶Ak kikitiem alak eng mulse ak churse koboto chombilisiekak kebure bilel(kipchoriti) kogeny kikiratote ak ketorjini kapchela(Korkorosiek) ³⁷Kikiwir alak eng koin ketile alak kipsimeno kebate koleku aeng ak kibar eng rotwetab chok kolokote sambutab kejirek ak makatesiekab nego kibanantos, kikinyalil keyachini tugun cha yachen(chosamisen). ³⁸Cho ki makoyam kobunchini ngwenyuni icheka, kimanote eng korket surkwen kuombonet eng tulondok koboto kabenonik cho mi ngweng.³⁹Nga nda biichu tugul ko kinyoru chamchine eng baurnatetab kamuktainde eng kayanengwang ako ki matach icheka kayamisutik. ⁴⁰Amu kikasib kichobkei kamuktainde nya kararan kosiir si makeyal icheka kolek cheigesunotkei amu kemi kitio.

Chapter 12

¹Nyone anyu nye kiyiemewech bolde nyo o nye bo baorinik mu komoswok togol ongeiste nyigisin aga togol, ak tuupek nye sib kinamech, ak ingeruci mu muitai mu kabaletab ge nye kipinde taiyo. ²Kerotii Jeiso nye bo kayana, nye kimuita mu kimuutoyo amu boiboiye nye kiginde tainyi, ak kusas kalilane ak, ak kifutebe eutab tai nyebo ngechenetab laitornate nye bo Jehovah. ³Abwat kusoob kinyende nye kimiitu mu kirindaetab ge nye bo kiptengegin agubo kinyende, si mongetye, atanuiso mu sabonwekwok.⁴Tomo ayai inga koi kutomdaje koroti, abanegei ako tengek. ⁵Aku kiayutie kateunee, nye ugalalwok kile yoo kingalalsini weik kile, werinyu, ameseg katuponutikab kiptaiyat, nde itanuech ye karine koug kinyende. ⁶Amu kinyende nde chame kiptaiyat, ketigone, akobire werii agetogol nye tooche.⁷Omuitoi amu katigone, iywok Jehova(aboo) kile nyonee kile yoo iyahiin weriki, ng’o weri nye maitigone kwanda? ⁸Ambo ngu motinye katigone, nye kigunyorune togol yamdae, o bo sarbuch anyu, mo I weik.⁹Akigitinye kwanisiek che bo borwekyok che kitigonech, agu kigigonyite icheke, Ara ma kaigai keminingitigige kwanda nye bo tamirmirik, ak kesopche? ¹⁰Amu kiingonisie kicheka betusiek che ngering kile yo kirooti kile kararan, Agu kinyende, kutigonisiei kibo torete, si kelegu che yamdoi tililindanyi. ¹¹Ma toogu katigone togol kele bo boiboiyo mu betunnyi; agu bo arogono; Agu ye ibata kuiichi kichege che kindege nyone, logokab kalya, choche ku logoekab imanda.¹²Mu nyone anyu onamji barak eunek che nyalulyotin, ak kutungik che meiyotin. ¹³Ak aichii kelyekwok ortinwek che liliten, si ma kimaas che ugwalsot, ago si kisoob.¹⁴Ogiige otebi mu kalye kuboto bik togol, ak tililnone nye ngu matinye chi ku maimuche kuro kiptaiyat. ¹⁵Oroo si marantae chi minindab Jehovah; si mabiit tigitietab ngwanin ako nyalile ak kumuruon cha chang. ¹⁶Si macho nye soklei, nde chito nye maiywei Jehovah, kile Esau, nye kialda yetunatenyi nye bo sigwo agubo amit ageugen. ¹⁷Amu onget ale kinyumach mu let kunam kaberune, ketai(amu kima kitinye boroindo nye bo sigune) nga nda kiwas kusoob mu beekab koiy.¹⁸Amu ma oit tulwe nye kimuche ketwai, nye kilanye, nde twindo, ak kibuge. ¹⁹Ako cheetab riambu, ako geugalal ngalek, nye kisom kicheka che kigase kele si mata kemwachi icheke ng’olyo oga togol. ²⁰Amu kima imuch kimuita mu ng’olyondonine kigingat kele, ambo ngu twai tiony tulwe, kewive koin. ²¹Ako nyone kitooku, ka kile kiy nye imuise, akoi kile Musa, aiywee kisoob aka botene.²²Agu kaoit akwe tulwetab sion, ak kokwee nyebo Jehovah nye seboi, Jerusalem nyebo kipsengwet tuiyosiek che bo malaikais che ma utokse. ²³Ako tuiyetab bik togol ako kanise nye bo che bo tai mu sigwe che kigesi mu kipsengwet, ak Jehovah kiruogindetav togol ak tamirmirik che bo bikab imanda che kigiyai kiloku che iwongunotgei. ²⁴Ako Jeiso katuiyoindetab kayomile nye nyo leel, ako koroitikab ise, che ngolole ko kararan kosiir che bo abil.²⁵Otoben, amotai kinyende nye ngolole. Amu ngo kima chililyo icheka ye kingotai kinyende nye kiga kuteeiten mu ng’ony, kesiire nye tia anyu ache, nda kustoege kinyende nye iten mu kipsengwet. ²⁶Nye kiitumdum ng’ony kutenyi betunone; ago kagoaror anyu na, kile ta atumdume kinyile kinyil agenge, ma ngony kityo, ago kipsengwet ambo.²⁷Ago ng’olyondoni, kamwa kele, ia kinyile agenge, kuboru istoetab tuguk che kimuche kitumdum, kile mu tuguk che kigeyai, si kumuch kumgeet tuguchcoche che magitumdume. ²⁸Nyone anyu, amu kinyoru bounate nye magimuche ketumdum, ko ngeleku che tinye kororonie, nye kimuche keyae boisie nye iboiboe Jehovah kusoob mu teegis ak kaiywaa. ²⁹Amu Jehovah nyonyo ko mat nye iwonyu.

Chapter 13

¹Ingoteb ko u nyone chemnyetab che kitupche. ²Amoutie oborji toek chamnyet, amu kigotaach alak malaikaisek eng noto amanget.³Obwat icheka cho mi mu ratisiosiek, kou nye a ratotin tugul, ichege cho kinyalili, ko u ye omi ak okwek mu borto. ⁴Ingogonyit tugul katuniseet, amat koek kutogut nye tinye simdo. Amu tun iruokyin Jehovah cho soksei ak cho ibegei.⁵Oegu cho tiogotin mu chametab shillingisiek; ingoyamak tuguk che otinye- Amu kigomwa inyenda kole magor abakten, magoi amating. ⁶Nyone anyu, kimwae mu nyigamatet nyo mie kele.⁷Obwat icheka cho kiindoiywok, cho kimwawok ngalekab Jehovah, yu obwate ole kiteptoi atebosiekwak. Oyae kou y okiya ei kicheka mu kayanengwang. ⁸Kergei Jesu Kristo amatun ak rami ak agoi koigeny.⁹Amatata ongobeetok konetisiosiek cho besiotin cho ter. Amu mie kolumdaak muguleldo mu miendo, ma amu amitwogik, che kima keljini kiy icheka che kiga bendate choche. ¹⁰Kitinye kapkorosu, nye matinye kimnated koamisie icheka cho boisie emait. ¹¹Amu borwakab tiongichoto kiibu tisiindet nyo o korotikwak kobwa wolo tilil agobo tengekto kibele mu nganaset sang.¹²Nyone anyu, kinyalil Jesu agine mu ormanich sang, si kobiit kotilil big mu korotikyik. ¹³Ongeba anyu wolo mi inyenda mu sangutab ormanich keibe temernated nyo kitewene inyende. ¹⁴Amu magitinye mu yu nganaset nyo tebe agoi koikeny, ago kichenye nyi choni.¹⁵Nyone anyu ongigochi Jehovah mu inyenda korosiotab kalosunet betusiek tugul, nyone ko logoiyatab kutuswek cho mwoe kainenyi. ¹⁶Oyai cho miachen, amontie oyai kotuyetab kei, amu baibai missing Jehovah mu korosek cho u choche. ¹⁷Ogas it cho ndoiywak ak ominginityige ichek amu ripse agobo sobonwekwok kou che tun tetu abobo boisienywa, si kobiit koyai boisionoto mu boiboiyet, ama mu cholotyo; amu magolwok kiy mu nyone.¹⁸Osa agobo achek, amu kiyani kele, kitinye kabwatet nyo mie mu tuguk tugul. ¹⁹Ak asome missing kot ale ayai kou nyone si kobiit kesib keweek ya oldangwong.²⁰Ingoyoku Jehovah nyobo kalyet ne kiimut mestowot nyo o nyebo kechinek komong mu che kibek mu korotik chebo kayomiset nye bo agoi, inyenda kiptayandennyo Jesu. ²¹Oegu cho chobotin mu boiise age tugul nyo kararan, si oyai magennyi koyai mu icheka che chamakse missing mu tainyi, mu Jesu Kristo ne nganyi, torornated agoi koikeny ak koikeny. Amen.²²Ago asomok missing, tupchosiechu ale amontie ngolyotab, kagimitet; amu kaasirwak mu ngalek ngongering. ²³Onai ale kogitiach tupchenyo, Timotea, ngot kucho kulegiit, ko tun anyo ageerok koboto inyenda.²⁴Ogat tugul cho ndoiywak ak tugul cho tililan, igatok chebo italia. ²⁵Ingoteb, miendo kobotok okwe tugul. Amen.

James

Chapter 1

¹Jakobo, otwogindetab Jehova, akubo kiptaiyat Jeso Kristo, asirjini artinwek taman ak aeny chobo biik cho kigiyesta, agotok.² tupchosyekyu, oiit ale boiboiyo kityo yo konyoru kotyomut ho ng'ulong'ule; ³ Anget ale ibuu muitaye katyametab kayaneng'wong'.⁴ Ako ngiloku mitaye nyoting'e boisie nyo bokjinot si neityo aloku cho bokjinotin ako nyitotin, che marajini kiy. ⁵ Aku ngubetyi jii aka togol mu akwe ng'omnate, ku ngusoom jehovah, nyokochini togol mu ayebindo ama rooti kong', ako kikochini kinyenda.⁶Ako ngusoom mu kayanee, amesagee, amu kinyenda nyosagee kukargei ako mildaetabgei nyobo araraita nyomildoi koristo kiba kamasi ako kamasi. ⁷Matubkaat anyu chichone kile nyoru kiy mu kiptayat. ⁸chiitab kabwatutik aeny nyematonone mu ortinwekyi togol.⁹ Ako ngubaibait nyo otupje nyokanyarat, mu katororenyi. ¹⁰ ako ngibaibait mogoryo amu kakeminingit amu sirtoi kinyenda kilee tapteetab suswo. ¹¹ Amu busuu asista kiboto koristo nyobele tuguuk akibeel sus kiyoomnyo: ak kuchundoi tabtokwak ak kibetyi kororindab itondong'wang'; Beele kile nyon nyende mogoryonde mu oortinwekyi.¹²Baibai chii nyomuitoi mu kamuisee , amu yo kakumukta, kutooche kutwe nyobo sabonda, nye king'atyi kiptayande kichege cho cheme kinyenda. ¹³Aki matimng'a chii nyi kakityam kile, " Katyama Jehovah;" Amu matyame Jehovah yaityo, ako matyame kinyenda chii chii aka togol.¹⁴Ako kityeme chi togol yo mute makenyi nya ya ako kuchuute. ¹⁵Ako nekagomanach magee nya ya kuyii tengek, ako nekakuyetu tengekto, kuyi mei. ¹⁶Ak matakany keberberak chamanikyu chekitupche.¹⁷ Kagoitoe aka togol nyakararan ako konunotio aka togol nyo bokyinot, kubo barak wolo mi Aboo nyebo lapkeiyosyek nye momi mi kinyenda kiy nyowolokse, nde kuurwe nyochone waletabgei. ¹⁸ Kikisicheech mu makenyi mu ngolyondetab iman, si neityo keloku kiboretokab yautikyi.¹⁹ Onget ng'olyondoni chamanichu chekitupche: ngosarsarit chii aka tokol kogas ameloku nyesip kong'olole, amasip kunereche. ²⁰ Amu maiyee nerekekab chii imantaab Jehovah. ²¹ Mu nyonee anyu amete simnyonte togol ako chong'indaab yaitwogik, ataach mu mutyonet ng'olyo nyokikugol, nyomeche kusru sobonwekwok.²² Ako aloku cho iye ng'olyo ako moloku cho kase kityo, aberberekei akweka bincho. ²³ Amu neleku chii aka togol kasindetab ng'olyo aku me nyoiye, kikargei ako chiito nyeroti tkenyi mu kiyoi. ²⁴ Amu ritii gei, akuwo, akuyutye mu yone kile ka chii nyalenee. ²⁵ Ako kinyenda nyoshoche ng'atutie nyebokyinotgei nyebo katyage, ak kitopto ama loku kasinde nyayutye aku yaindee nyaboishe keberure chichone mu boisyenyi.²⁶ Ngibere chii atinye atebee nyele nyebo kayonik amariibe ng'alyaptanyi ako berbere muguleitanyi, ako kileen kayanetab chichone.²⁷ Kayanee nyotilil nyomatinye tisha mu taitab Jehovah Aboo, kunyi; nyowetii kurooti chematinye sigikwak ak mosogek mu nyalildang'wang, ako kriipgei kinyenda mu ng'weny, akuloku nyematinye tisha.

Chapter 2

¹ Chekitupche matanam kayane nyebo kiptayandenyo, nyebo torornate, amawelel biik alak. ² Ngiticho chii wolo atuyejini, ngotinye peteyo nyibo koitab komonut, ak nguroik chokororneen, akicho ambo kibanania nyotinye nguroik cheyachen' ³ Ak akonyit kinyenda nyoloche ngoroik chokororneen, akoleji tebee yu kararan, ak oleji kibananiante tonon mu yo, nde itebe ng'wony yu bo kelyegyu, ⁴ ku mobeisyoji akweka ak ayoku kirwogik chebo kapkotut chayachen.⁵ Agas anyu chekitupche, aki chamanichu, muche kimolewen Jehovah cho benene mu ng'wony kuloku mogorek mu kayane ak kuloku chonyoru baunate nyekimwoji kichega chemenye kinyenda? ⁶ Aku kasaas kibanania! Tos mo mogorek che nyolilok? Tos ma kicheka chowirjinook ng'echorosiekab kapkirwok? ⁷ Mechure kichega kaine nyebo tekisto nyekimwoitoenok?⁸Ngitimuch isultae n'atutie nyebo kaplaitoria kileyo mwae sirutik kile cham chitab kokweng'ung' kileyo ichomtogei, ooiye nyakararan. ⁹Ako ngitalewene biik alak, ki kaikai tengek kirwokwok ng'atutye kile chebistoi.¹⁰ Amu chito aka togol nyoriibe ng'atutye kimugul akubiit mu ng'olyonde agenga, kiname kiroge mu togol.¹¹ Amu nekimwa kile, " Amoibgei" kemwa kinyile kile, " Mebarishe." Nyone aanyu, ngitimeii ibetabgei, ak ibarishe, ki kaiyegu nyomotoi ng'atutie.Amwaa, ak aii kile biik chetun kerwogjini ng'atutie nyobo katiaka. ¹³ Amu matinye kirwoge riranetabgei mu kinyenda nyo moboru rirenetabgei, tororogei rirane mu kirwoge.¹⁴Nyorunee chii tupchosyekyu ngitimwa kile atinye kyanee akumatinye boisionik? Muche kusoru kinyende kayanee? ¹⁵Ngiti weti kileen wering'wong, nde ku cheptang'wong, akimatinye kiy nyoome betusiek togol, ¹⁶ak kileji chii mu akwee, "Aba mu kalye, awas wolo lalang', ak biyeny." Akimogoji kichega tuguk chomeche borto, kitorotonee? ¹⁷Ambo kayane kinyenda , nematinye boisionik, ki kikima.¹⁸ Aku muche kimw chiitage kile, " Itinye kayane, ak atinye boisionik, borwo kayaneng'ung' nyematinye boisionik, soboruung' boisionikyu mu kayane. ¹⁹ Iyane kile agenga Jehovah; iie nyakararan. ku ambo oik kuyene kile nyone, akubotonsot. ²⁰ Mache inai ,ee, chito nyomatile kiy, kile, kayanee ni matile kiy, ki buch?²¹ Tos kimakiityi imanda aboonyo Abraham mu boisionik , kinegoita werinyi Isak mu kapkoros? ²² Irooti kile kiboisye kayane kuboto boisionik, si kuloku kayanee nyachulaat mu boisionik. ²³ Ak kisulta sirutye nyomwoe kile, " kiyan Abraham Jehovah ako kikiit kinyenda kile bo iman," ak kikuree kinyenda charwap Jehovah. ²⁴ Aroti ole kiityini chii imanda mu boisionik, ma kiityini mu kayane kityo.²⁵ Ak kile nyone, tos kimokiityi Rahab chepkesesio imanada ambo mu boisionik, amu kitaach che kiyoktoi, ak kiwekta kicheka kibaa aree aka? ²⁶ Amu kileyo meat borto nymatinye tamirmirye, kile nyone kayane nyimatinye boisionik, meat ambo.

Chapter 3

¹Amatuloku chachaang mu akwe konet, tupchosyekyu, anget ale tun kenyoru kirwoge nyo o kiya. ²Amu kibutsoot ache togol mu tuguk chatya; ngitimabut chii aka togol mu ngolyo, kibokyinotgei chichone, ak kumuche kuriib borto kimugul kinyenda.³ Ngutu kugoji karik kotuwaigab mbartanyishek, si kisich kugasech it, kuweche borwekwak kichega togol. ⁴ Aroo melisiek agiche, ambo ngitikiindon kiya, aku kweryote koriisto nyonyogis, kewese baoyo katigin nyo kindojine kuwo wolo makyinikei rong'inde.⁵ Lee nyone ambo ng'alyapta kamasta nyomining' ak kilasagei mu tugun chokindoon. Oroo, bele maat nyomining' karti nyo oo. ⁶ Aku ng'alyapta ku ma', ng'wenyu nyobo tengek mu komoswekyo. Ng'ayepta nyo murwone borto kimugul, aku kunoome ma' mu bandab chii kitee kusabe ak kunome mu maatab geena.⁷ Amu kibaye tyong'in aka togol ako toriit ako togol cho chuutekei, ak tuguk chomi araraita, ku kii kubaibai biik. ⁸ Aku momuche chii kuboyu ng'alyap. oiin nyomomunye, aku nyiitaat ng'wonetab meet.⁹Kilosune nyone Kiptaiyat ako Aboo, aku mu nyenyi, ke bane biik cheki kwaii mu kerkeindab Jehovah. ¹⁰Mu kotee agenga, kumong'unee kaberure ako banisye. Tupchosyekyu, kutumoayokis tugun chele chu.¹¹ Ara kutunee kebene agenga beek cho anyinyen ako cho ng'wonen? ¹² Cho kitupche, ara muche mogoiwo kiyii yemit? Nde kiyii ketitab sabibu kiyii mogoi? Ai momuche mbo beekab baarik kipka bei cho anyinyen.¹³ Ng'oo nyong'om mu akwee nyo kuisot? Kany kuborto chichone boisionikji mu atebe nyakararan mu kamining'etabgei nyobo ng'omnate. ¹⁴ Ako ngutu oting'e ng'atkoong' nyang'wan ak toye mu muguleikwok, kutu malasgei ak aberberishe mu imanda.¹⁵ mo bo barak ng'omnatoni, bo ng'weny, bo borwek, bo oinde. ¹⁶ Aku wolo mito ng'atkonda, ako toiye, kumito bolote ak yautye aka togol nya ya. ¹⁷ Aku ng'omnate nyobunu barak, ku nyebo tai , kutilil, aku chame kalye, muitoi, aku kase kiy nyokimwojini, aku nyitaat rirane ako beek chokororonen, ama wolokse aku ma tinye chombile. ¹⁸ Ak logoyekab imanda chekikugool mu kalya mu kichega cho oiye kalya.

Chapter 4

¹ Bunu ano lugee ak boryee mu kwenung'wong'? Ma magutikwok che borsoot mu komoswekwok? ² ogase miat ako manyoru, obarisie ak asich ng'atkong ako momuche onyoru, Aborsoot ak abolye. akimoting'e kiy , amu mosome. ³ Asome amonyoru amu yacheen somutikwok,aku ayoye magutikwok.⁴ Akwee cho oibegei! Mongetikwe kile chorwanditab ng'wony ko bunyonditab Jehovah? Chii aka togol anyu nyomeche kulogu chorwetab ng'wony, kwoitogei kuleku bunyondetab jehovah. ⁵ Nde abwote ale sirutik buch chemwoe kile tinye magee nyo tamirmirye.⁶ Ako konuu Jehovah myeindo, kile bani mwoe sirutik kile, " Taye Jehovah che kiplaskein, ako kochine myeindo che abegei ng'wony." ⁷Ara anyu, akojigei Jehovah. Ak atai chesawil, si kiweyenok.⁸ Orikyi Jehova si kirikyok, oun eunekwok, akwee kimn'gokiin, ak otilil muguleikwok, akwee chetinye kabwatutik aeny. ⁹ Ongenyalilak, bani orokendos, ak orirye! Awech roryondeng'wong kuloku rirek.¹⁰ Ominig'itgei mu taitab kiptayande, si kuyetwok.¹¹ Tupchosyekyu, amamwoitoyegei ng'al chayachen akweka mu akweka. chii aka togol nyomwoitoe tupchenyi ng'olyo aka togol nya ya, kung'ololee nya ya ng'atutie, akurwokyine ng'atutie.Aku nerwokyi ng'atutie, kimeinye ng'atindetab ng'atutye. ¹² Nyi konu ng'atutie ak kurwokyi ko agenga, kinyenda ki nyomuche kusoru nde kinyernyere; ara ii, iinye ng'o sirwokyini chitab kokweng'ung?¹³ Agaste anyu, akwee cho amwoe kile, " Rani nde ku mutai, kebeti nganasani aktar keny agenga mu woline, akeai mung'are, sikenyoru keljino. ¹⁴ Ng'o nyomuche kinai kiyo ayekse mutai, aku nee sabeng'wong'? Amu akaragei ako cheburet nyoboruge ako nyomatyana, kutau kipet.¹⁵Ako kata yamagei amwaa kilenyi, ngicham Jehova, kemeng'ishe, akeai nyi, nde kinyi. ¹⁶Ako raa, Atororogei akochougei; katororetabgei nyile nyenyi, ko ya. ¹⁷Mu kinyenda anyu, nyonget kwai nyakararan akumooye, ko ng'oki mu kinyenda.

Chapter 5

¹ Agas anyu, akwee mogorek, arirye ak owokye, mu nyolilwokikwok che pkonjinok. ² Kagununyo mogornotosyekwok, ako kikwam nendeni ngoroikwok. ³ Kakonyeregis thahabusyekwok ak fedhaisyekwok, ako nemi kayayiin loku, ng'emisyeng'wang baornate, mu akwee ako nemi tuun kwome borwekwok kilee maat. kiogonorjigei mogornotoshek mu betutsiekab let.⁴ Oroo, boldos melekwegab kiboitinik che kigase mbarenikwok, che kianamtagei. ⁵ Kyomog'ishe mu ng'wny mu kabaibaetabgei, nyu kiabaibaitgei, mu yautikwok kyabai muguleiywekwok mu betutab nyerse. ⁶ Kiorwokyi ako kiabar chitab imanda; amatektaak.⁷ Amuitee anyu chekitupche, kiti it bani joni kiptayande, Oroo, kenye chitab kibo mbare logoek chokororoneen chebo ng'wony, ako kimuitoi akube chwechu, kut konyoru ropta nye bo tai ako nye bo let.⁸ Amuite anyu ambo akwe; agimit muguleiywkwok amu kakuleketit nyonunetab kiptaiyat.⁹ Amongunyngungjige akwege, che kitupche, si ma kiruokwok: Oroo, tonone kiruoginde mu taitab kurgotik.¹⁰ Tupchosiechu abwat maotik che kinyalal mu kainetab kiptaiyat kiloku kaborunetab nyalil ako.¹¹ Oroo, kiguure che muita che boiboen kiogas agubo muitaetab job, ako kioroo kito nye kiai kiptaiyat mu let, kile nyiitat rirene kiptaiyat, ako riregei.¹² Ako nye siire tuguk togol, tupchossiekyuk, ku ma tatai kipsengwet nde ko ngony, nda ki mu sirbeno age togol agu ingiloku ee nyongwong ee, ako inyaloku achicha nyongwong achicha; si mabutyi kiruoke.¹³ Michu mu akwe nye nyalile? ingusa mi nyo baibai?ingutienm kalosune.¹⁴ Mito nyo nyine mukwenukwong? nguguur boisiekab kanise, ako kicheka agubo kinyende, kuule mwaita mu kainetab.¹⁵ Ako kusoob saetab kayane kinyende nye mione, ako kungeet kiptaiyat kinyede; aku ngutu kiguai tengekwog kenyochi kaat.¹⁶ Anganjige anyu kachiliiilutikwok akwe, ako asachinye akwega,si kisiich kisoobok. Toretisiei kisob saetab chito nye bo iman ngu sa mu koyiiletab ge.¹⁷ Ki chito Elija nyele ache, ako kisa kugiilgei kile si marobeni; ako ma robenji ngony mu kenyisiek somok ako aroik io.¹⁸ Ako kisa kunyile, ako kigomu kipsengwet ropta, ako kinyi ngony logoekyik.¹⁹ Che kitupche, ngutu mi chi mu kwenungwong nye mastoi mu imanda, ako kuwai chi kinyende.²⁰ Ko ngunai kile kinyenda nye wale kiptenyekyo kubagakta mastaetab arenyi kusoru sobondo mu mee, ako kituche tengekwog chatia.

1 Peter

Chapter 1

¹ Petero nya kiyoktoi nyebo jeiso kristo asirchini teek che kikilereun, chebo bik chekikiyests mu pomtus, Galatia, Cappadocia Asia ak Bithynia.² Kile mu nae nyebo jeobo kwanda nyekisib kinai, mu katabaneteb tomirmirye, akoi kasetab iit ak isetab korotik chebo jeiso kristo, kitesak mieinto ak kalye mu akme.³ Berurot Jeobo kwanda kiplagantenyo jeiso kristo, ny kisichech kinyil aka mu rirano nyi nyooi, kenyoru komonguno nyosobe mu ng'etetab jeiso kristo mi che kikimeyo.⁴ ketach borote nyemong'omeke, amatinye simyo amepete, nyekikikonerwok mu kipsengwet.⁵ Akwe chokiribe mu kimnen nyebo jeobo mu kayan sonyoru yetuno nyemi nyetun king'onya mi betutab let.⁶ Amu aboiboen kisob mu nyone akob nto mu betus kongoving, ne makaat kikokukonok cholotyo mu yomyosiek cha chang.⁷ Si kenyoru mu kolosuno ak torornot ak tekis temutie nyo chomokee nyobo kayaneng'wong. nyotinye komonutye nyoou kisir nyebo koik chebo komonut chebetsot okob ntekitieme mi maat mi koborunetab jeiso kristo.⁸ Akob ntotomo oroo,Ocheme, mi inyenta ambo ntomo roti ran oyene, ku abaibaen kisob mu boiboiye nyememwoeke akinyitat torornete.⁹ Neit onyoru kusulta kayanengwang, akob sarunetab sobonwokwok.¹⁰ Kiwas maotik ak kikit kisob akibo yetunonone icheka che kingot akibo miento nyonyorukwe.¹¹ Nye kiwese betu nyenyina nta wolole betu nyakiborchini tamirmiryetab kristo nyekimito mu icheka, nye kisib kiboornian akibo nyalilwo kik chebo kristo, ak torornetosiek chembe.¹² Che kikuborcgi, ma akibo icheka aki akibo achee, amu kiiwak akwe tukukchuechu kake mwowok ra mu icheka chokiomwok lokoik chokororon mu tomirmiriee nyotilil nyakiki yoku mu kipsengwet, tukuk chomeche malakainak kisob kuro.¹³ mu nyone anyu arat suwenutukab kopkotutikwok, aribkei ak omongu akoi let miento nyetun kiibwok mu ngangatab jeiso kristo.¹⁴ kila lokoi chetinya kongit, malayan tukuk chemokororon chekibo sobengwong nyebo tai kitoberen¹⁵Amu tilil inyente nya kikurok, oyeku choti lilen ambo akweka oyeku chhotililen mu ngololutikwwok tokol.¹⁶ Amu kikisir kile, ayeku chotililen amu atilil.¹⁷ Ak ngitokure inyenta ole kwanda, nyoruche kile wolotebtoi boisietab chi akatogol, amo mii welat abetat mu koiweisie mu betusiek choomi kile too.¹⁸ Kileyo onget ole kikitiachak ongetune atebengwong nyekibobuch nyekionyoru kibunu abotinakwok, mo mutukuk cheng'omekisie kile koik chebo siliva ako koldi.¹⁹ Amu mu korotikab jkristo nyebo komonut nyoo kikarkei ako waruab kecha nyemetinye berut nda ki tisia.²⁰ Nyekisib kinaiyak iman kitomo keii ngweng aku kikinganga nu betusiek chebo let akibo akwe.²¹ Chooii koyenik mu jeobo inyenta, nye kinget inyent mi chekimeyo akukochi torornete sikitobo kayanengwong akukochi torornete sikitobo kamangunengwon jeobo.²² Amu kiotitilil sobonwokwok mu konti nyo akasa it imanit kitait chomnyetab tubchosiek nyemetinye keriit,Achomya akweka mu mukuleikwok mu kokiletab kei.²³ Amu kikesichok kinyil aka mo mu kosiyek chongomokisie ako mu chomongomekisie, mu ngolio nyebo jeobo nye sebe akitebe akoi .²⁴ Amu, le suswo borwek tokol ak le toptokab suswo torornengwang tokol.lulsot susek ak kicintoi toptok²⁵ Aki tebe akoi ngolionte nyebo kiptayat. Nyenyi ku ngolionte nyebo lokoiwek chokororon che ki kiamtowok.

Chapter 2

¹ Aiste anyu yeitye togol, ago ngalse togol ako age togol nya ya.² Amach kisop chego chebo ngomnatetab tamirmirie, nye metinye ng'olsoi kile swerun si neityo oneryo agoi yetune,³ NGi kiachamcham ale kiptaiyat kubo kororonio.⁴ obwanji inyende koita nyo sobe, nye kitai kisop, agu kweyat mu jehovah, ny chamat kiisop.⁵ Ako akwe cho oi koik cho sopsot, kitechok olegu kotab Tamirmirie olegu cho boisie mu tiseinate nyo tilil,si okoitto korosekab Tamirmirie cho toochalse mu jehovah mu jeiso kristo.⁶ Amu mii mu sire kile. oro kira kondeno sio koito nyo o nyeto likia nyo lewenot nyo chamat kisop;ako inyenda nyo yene ku ma choldi.⁷ mu akwe anyu cgo ooyne ku chamak kisop inyende; aku mu ichege cho moyene, ku, koito nyo kitai tegik, kikiy koyonee kulegu metitab likia,⁸ Aku koito nyo kertoi bich, aku yatie nyo kichite, amu kikertoi ichege mu ngelyonde, amu me kese iiti kigikochi ichege akubo.⁹ Aku akwe aibik che kiguewen, ai cho boisie mu tiseinete nyebo kiplaitoria biik cho tililen, biik cho bunjini jehovah, si neityo aparte kororenie nyebo inyende nye kikurok kikwonge.¹⁰ Okwe cho kimo ii biik mu tai, ago ra ko aii bikap jehovah: che kimonyoru rirenetab gei, ago ra ko koonyoru rirenetab gei.¹¹ Chamanichu osomok kule yo oi toek ak oi kiprutoinik ole oistoegei mokutikab borto, cho borsot ako sobondo.¹² Akwe cho otinye atebe nya kararan mu kwenutab ik si mbo botomok kile yaikab yeityo kutororok jehovah mu betutab rutochinee nyebo boisionikwok cho kororonen cho rotii¹³ Agas iit kiy aka togol nyo ingete biik amu kiptaiyande akob ngi laitoriat, nyo boyu togol.¹⁴ Nde ku kandoik, cho yogu inyende akubo muketut nyo yokyini yaikab, ako agubo kalosune mu ichege cho iye nya kararan.¹⁵ Amu le nyonee maketab jehovah ole oroo mu yautik cho kororonen abusnatetab biik cho berberen.¹⁶ kile yo kii cho tiogoti amaiye katiaknatengwong kile kiy nye otektoe yaitye ago oboisie kile otwogikab jehovah.¹⁷ Ateech bik togol.Achan cho otupche Aiwei jehovah. Atech laitoria.¹⁸ Akwe cho oi otwogik agas it kiptainakwok mu koiyweisie togol; mo chokororenen ako cho toloen kityo, ako agas it cho kolkolen akiche.¹⁹ Amu chemegee nyenyi, ngutu muita chi mu cholotie kunone jehovah, nye kinyalil amaiy kiy nya ya.²⁰ Amu konyit nee, ingitaiy tengek ak kebirok, ak omuitochini? Aku ngutaiy nya kararan ak onyalile ak omuitoi, ku chamege nyone mu jehovah.²¹ Amu kikikurjok nyone, amu kinyalil kristo inyende akubo akwe, kobokokwok kaborune si neityo arup yo kitiar inye.²² Inyende nye kimaiy tengek amokimyorji kotenyi ngolso.²³ Ne ye kingengemji kot ko mangem kot, yo kinyalile, ko momuiso; ako kiikochigei inyende nyo ruoche mu imanda.²⁴ Inyende nyekiib tengekwogikyo mu bortanyi mu keti barak si kesopche mu imand, ache che kikakebokyi tengek kikisobenok birutikyi.²⁵ Amu kiobetote kile kechir aka kaowekyigei mesewonde, aku ribindetab sobanwekwok.

Chapter 3

¹ Lee nyone chepyosuch, agas iit boisiekwok si mbondo megese iit alak ng'olyo, memuch kechuut icheka mu atebe nyakararan nyobo chepyosokwak amo mi ng'olyo,² ne rooti atebengwong nyo tilie nyo boto koiweisie.³ Amologu lelestang'wong lelesta nyo bo sang; nyo bo kaletab sumei, ako koloogsetab karikab tahabu, ak kabaagetab ngurei;⁴ Agu nguloku chi nyo ng'at nyo bo muguleido, mu lelesta nyo mo mg'omoke nyo bo Tomirmirie, nyo tala ak kusise, nyo mu taitab jehova ku bo komonutie yo ou.⁵ Amu kiiye lestesta ku le nyone chepyorok cho titilen cho ki bo keny, cho kimongil jehova ak kugese iit boisiekwak;⁶ Kile yo kigese iiit Sarah Abraham, kuguure inyenda kiptaiyat:oi logokyi ngut aiy nya karam, amaiywai komosio aga togol.⁷Akwe boisiachu, atebi kile nyone kuboto chepyosukwok mu ng;omuade, ogochini chepyoso konyit, amu inyenda kunyalulat sobon; si ma kigar sautikwok.⁸ Nyo bo let anyu, ku ologu togol cho bo kabkata agenga, cho riregei, cho chomsot kile cho tupcho, cho ng'arng'ar mo, cho minimjitegei;⁹ Cho moyektoi yoitio mu yoitio, nda ku ng'ometab kut mu ng'ometab kut: agu ologu cho berurisie; amu kiguurjok nyenyi, sa nam keberure.¹⁰Amu- ii Inyenda nyo chene sobou,Ak kurooti betusiek cho koromen,Ku ngurib ng'alyaptanyi si mamwa yeitio, Ako kotenyi si mamwa ng'olse. ¹¹Ak nguistoegei yoitio, ak kwaiy nya karam nguwas kalye ak kurub. ¹²Amu tekyinigei konyekab kiptaiyat cho bo imanit, Ak kugese itikyi somengwanh: Agu kertoi tagetab kiptaiyat cho iye yii yiityo .¹³ Ak ng'o nyo iywok nya ya, ngutu omeche kikaram kiy nya karam?¹⁴ Agu nguto onyelile agubo iman, ku o beibei: amaywei komusengwang, nda aiingei.¹⁵ Aga ogouyit kristo kulogu kiptaiyat nyo tilil mu muguleiwekwok: ak ologu cho chobotin kotogol owelji chi tuguk nyo teebenok ng'ogol agubo komong'une nyo mito mu ake, agu mu tolosie ako koiywejik:¹⁶ Otinge kabkata nya karam si ne kitonomook, kugochi kucholyo icheka cho mwoitoe ng'alek cha yaach atebengwong nya kararan mu kristo.¹⁷ Amu kaigai nguta le nyone magetab jehova, onyotilye amu oiye nya kararan kusiir nyo oiye nya ya.¹⁸ Ama kima kristo kira kinyil agaenga agubo tengekwok, inyenda nyo bo mman agubo cho ma bo imanda si kusich kumutyech jehova nyo kikibar mur borto, ago kikisoob mu Tomirmirie;¹⁹ Kiwo mu nyone agine kuonji tomirmirik cho kimi korkore (kapkarkongye)²⁰ Cho kimo kugeseiit mu tai, yo kigenye muitaetab jehova mu betusiekab Noa, yo kineiye meli(moingetb bei) nokikisorune cho ng'eng mu beek, choche ku ke biik sisii:²¹ Kerkeindab tukuchwechu u kabatisane nyo soruok agibe mu betusiechu, mo kele istoetab sumdab borto, agu wolunetab kabakata nyo karam nyo tokyinigei jehova, mu ng'eetyetab jeiso kristo:²² Nyo kikuwo kipsengwet; ak kumientab tai nyo bo jehova; ak kikwaiy malaikaisiek ako boinotosiek ak kimnotosiek kengas it inyenda.

Chapter 4

¹ Nyone anyu kule yo kinyalil kristo mu borto agermenge anyu mu kabwatanone; ama kigitiach mu tengek kinyende nye kinyalil mu botro.² Si ki mata osopche mu borto mu betusiekwok che ng'etunotin mu magutik che yaach che bo biik ago si asopche mu magetab jehovah.³ Amu kigiyan betushek che kigisirto kusulda mgeta Bororiosiek, che kiobendotie kiobetote mu magutik che yaachen, kasetab mei, yeetab maiyek, chemoit (keiyandi) wasagnat. ako saetab kanamon che yeete ngatitik.⁴ Tuguk cho rotii kicheka kile kwonget amu maruachini arube kimargatinone kiboto kicheka, si kimwaitaenak yaitio.⁵ Chetan etyini ngalek kinyende nye chobot kuruokyi che sopsot ako che kigubok.⁶ Am nyi kigiamji logoik che kororon ambo che kigubok, si kisiichu keruokyi mu borto kile che kiruokyini bik, ago si kisopcho mu Tamirmirie kile yo sobe jehovah,⁷ Agu kariku kagesuneb tuguk togol nyone anyu alegu che aribege, ako arpje mu saiit.⁸ Nyo siire tuguk togol ku achamnye kisob akwege; amu tiche chamnye changibo tengekwok.⁹ Ataachge akwege mu akwege ama mu kangunyngunya.¹⁰ Kile yo kiginyoru chi oga togol kamostanyi aboisiechige, kile ribik che kororon che bo changindab kororonetab jehovah. ¹¹ Ngu ngolole chi, kongalal kile kaororetab jehovah ngu boisishe chi kibois mu kimnan nyo igochini jehovah si kisiich ketoror jehovaah mu tuguk togol mu jeiso kristo nyo nyanyi torornatr ako kimnate koigeny ako koigeny Amen.¹² Chamanichu, amakwong mu tiemisie nyo bo mat nye mi kwenukwong nye chonjinok si kisiich kitiemak,kile yo kaityok kiy nye akwonge.¹³ Agu aboiboitu kile yo ai yamdoikab nyalilwokiab kristo, si tun abaibaitu mu boiboiye nye o mu ngangetab lilindanyi kura.¹⁴ Ngechuruk mu kainetab kristo ku oboiboi, amu teberiok Tamirmirietab lilindo nye tamirmirietab jehovahh.¹⁵ Aroo manyalil age mu akwe amu rumin nde chorin, nde ku yaei yaitio,nde kuchii nye igochinege ngalekab biik alala.¹⁶ Agu ngunyalil chi amu kristianin ku ti malilan, ingutoror jehovah mu kainanyenyi.¹⁷ Amu kaguit betu nye kitaune kiruoke gottab jehovah:Aku ambo ketaunenech ache, koyam nee begunetab kicheka cho mayase it logoik che kororon che bo jehovah?¹⁸ Ako ngu tokol kesoru chii nye bo imanda ku tuu leku nee mu ye mo bo imnda ako kiptengekyo?¹⁹ Nyone anyu ingugoito sobonwekwak che nyalilsot kile magetab jehovah kugochimu yaet nye kararann yainde nye kiyene kurib.

Chapter 5

¹Ateechine kikaran boisiek cho mi kwenungweny, anenda nyo ai boiyo kile icheka, ak ai baoriandetab nyolilwogikab kristo, nyo kiyomdoi toronote nyo tuu keboruu, ²Aiyage okwetab jehova nyo mi kwenungwong oyoongji, amo mu birjine, agu agase mu chonye nyo oui. ³Amologu kiptain u cho oyongjini, agu ologu koboruno mu okwe. ⁴Ak ne tuu tooku mesto wonde n yo ou, onyoru kutwe nyo lilin nyo mo bete.⁵ Kile nyone akob akwe cho o mining'eu, agasiit boisiek.Ee, ager mengei akwe togol mu komining'etabgei si kisich obosiechigei akwegei mu akwegei: amu kertoi jehova menotik, ak kugochi kororoniat cho maningitegei.⁶ Ominingityigei anyu eu nyo kim nyo bo jehova, si kutorotok yo kait betu;⁷ Otoorji nyenda koimutekwok togol; amu bkotok kikaram:⁸ Oropgei, oripse; amu wetode (monode) kile ngotondo nyo ngure, kuwese nyo ome:⁹ Akarte nyenda kou lumdoyotin mu kayanengwong, onget ole iyekisot nyolilwogik cho le choche mu tupchosiekwok chomi ng'weny.¹⁰ Ak nguchobokis, ak kulumdak,ak kugimitok jehova nyo bo koromuye togol nyo kigurjok lilindonyi nyo bo koiseny mu kristo, ku koonyolilyo mu betusiek cho matyana.¹¹ Nyanyi kimnete koigeny ak koingeny mman.¹²Kasir wak mu ng'alek cho ng'ering mu eutab Silbano, tupchenyo nyo kiyene, kile yo abkote, amwowok kiny, ak abaoriene ale kororonietab imani nyi nyo bo jehova: oyongje alomdagei. ¹³Gotook inyenda nyo mi Babulou, nyo kikilewewok togol; ak kugotook agine Mariko Werinyu. ¹⁴Otorochgei mu sirmoi nyo bo chomnye Ngutobo kalye mu akwe togol cho omito mu kristo.

2 Peter

Chapter 1

¹ simion petero otwokinde ago koyoktaindetab kristo nyo sirjini icheka tugul cho kinyoru kayane nyakararan mising nyobo imandab kamuktaindenyo koboto yetindenyo jeiso kristo.² Ingotasak anyukororenie ak kalye eng okweka koboto nae nyo inget kamuktainde koboto jeiso kristo kiptaiyandenyo.³ Amukikonech kamuge nyobo kamuktaindenyo eng tuguk tugul che yamei kenyoru sobondo ak kaiywaise nyekiywae yaindenyo eng nae ne kionae inyenda nyo kigurech eng torornatenyi koboto kororienenyi.⁴ Amu kikakonech Ararutik cho kororenen mising ago cho kiindon che amdoikab atabosiekab kamuktainde asi ochilile ngamisie nyo mi ngony agobo.⁵ Ee amu ngolyondonyone otes kagiletabgei tugul eng komostangwong ak otesiy kororeninda kayanengwong ak otesi nae kororenio.⁶ oteshi ribetabgei nae ak oteshi muitae ribetabgei ak oteshi kayaishetab kamuktainde muitae.⁷ Ak oteshi chemietab tupchosiek kayweishetab kamuktainde ak oteshi chamie chamietab tupchosiek.⁸Ago ngot ko mito eng okweka tuguchu ak ngotasak koyayakis asi mochoriren anan oleku che maiso logoek eng naetab kiptaiyandenyo jeiso kristo. ⁹Amu inyenda ne matinye tuguchwechu ko kipkorotia ago mageye kiy ngomi ole negit kitio ak koutie katilile eng chalwokchi cho bo keny¹⁰ Eng nyone anyu che kitupche ogilgei mising oyai kursengwong ak lewenengwong kotogolit amu ngot oyai tuguchoche ko magoi obutie matiny.¹¹ Amu kikikonok kou nyone eng changindo ochut baunatetab koigeny nyobo kiptaiyandenyo ago yetindenyo jeiso kristo.¹² Nyone anyu ochoboge betusiek tugul obwotwok tuguchoche agot ndonget tuguchoche ak oliimtoishe eng imanda nyotinye.¹³ Ak obwatwok ale kararan ngo tomi eng bori angetok eng kabwate nyo abwatwok.¹⁴ Anget ale choni kochogu meetab bortangu kou yo kimwawo kiptaiyandenyu jeiso kristo.¹⁵ Ee agilegei si ye tuuin kamei omuch obwatena tuguchoche tugul eng bauratosiek.¹⁶ Amu kimakurub otindonik che kikichobe ngomnate kou ye kingemwowok kimnatetak kochoni kiptaiyandenyo jeiso kristo ng ache che kikiro eng konyekcho kororenienyi.¹⁷ Amu kitaach konyit ak torornate eng kamuktainde kwan. eng yo kichonji inyenda kut nyo lilindo nyobe torornate kole nyi ko werinyi chamanenyu inyenda nyo kosegei kusob.¹⁸Ak kikas kutinyone kibunu kipsengwet yo kimi koboto inyenda eng tuluwe nyo tilil.¹⁹ Ak ketinye ngolindetab maonate nebo iman kusob ne oyae nyakararan ye orib kou tait nyo kwenye eng ole mi tuin agoi koyech kochorjikei mugulwekwak eng kokelietab karon.²⁰ ye kakonai nyi korok ole mami maonandet eng kirutikyi eng maonandetab chi inegei eng kakuiyenyi.²¹ Amu mami maonatet ne kikotok eng magetab chi ago ngalaldos biik eng kamuktainde kondojini Tamirmirrie nyo tilil.

Chapter 2

¹ Ago kitoku maotik chebo lembech agiche eng kwenutab biik kou ye tun agine kotoku konetikablembech eng kwenungwong che ibu besiot ak ngemisie kotee kiptaiyande nyo kial icheka kochokune ngemisie.² Ak kirub biik cha chang magutikwak cha yachen ak komwoitoe nyaiya oretab imanda icheka.³ Ak kochengjinikei borote bo miat cho maikoskei kongete keny amu mekoegei kiruokutikwak chebo ngemisie.⁴ Amu kimarire kamuktainde malaikaisieky eng yo kiyai chalwokto (tengeto) ago kitorji ole kenye kiruoge eng keboninik cho bo tuin (mesundei) kokenye koilii koruoke.⁵ eng nyo kimarire ngwonyu nyo kibo keny agot nda kirib noa amdoinde nebo imanda ak biik alak sisit che kiibjini chemurwombei (maranee) netab ungong nyobo biiko cho meiywei kamuktainde.⁶ kou ye kikikobul ak kengem koretab sodom ak Gomorah koeku ororis si koleku koboruno eng icheka che tebe komeiywei kamuktainde⁷ ak kokikisoru lot chitab imanda nyo kinyalil mising amu atobosiekab cha yachen cho bo kiptegekinik (kipcholwokink)⁸ Amu kimenyei chichone kibo iman kwenungwang koroti ak kokasei icheka kongernyere mugleldanyi nyo bo iman eng boisionikab ngalelnate.⁹ inget anyu kiptaiyande kosoru eng tiemishe cho uywei kamuktainde ak koribe che ma bo iman akoi betutab karuoke si konyor keruokji.¹⁰ mising agobo icheka che kase muruononde ak kokasei bounik cho kolgolen (chayachen) ak kochube kandoikwak bo.¹¹ Agot nda kimen malaikaisiek mising eng kimnatetab kamuktae ko epjini it banitwokik (chubisiosiek) kiruokutik cho mi taitab kiptaiyat.¹² Amu bichoche ko maatinye ngomnate nyo kikiiktoi kitio kiloku kole tiongin che kimarnei ak kebarei eng chubisiengwang (bonitwokikwak) cho bo ngalekwak cho ngwonen che tun kingeme imanda eng ngemishengwang.¹³ che nyoru nyalilda nyao nyobo melektab yaitio cho iiti kole boiboiyo yo bogitos bet bwa pirutik ak tigeiywek cho iboiboekei eng igorwekwak cho bo chomiat yo amise tugul.¹⁴ biiko cho tinyei konyek che nyitomi ibebgei che ma muche kometo chalwoki (tengek) che chore sobonwekwak che matinye tononjin eng muguleldo che kikonetkei kasetab miat (kipsojikei) lagok (cho kikiban) chochubotin.¹⁵ kingap kabakakta oretab iman ak komasta korubata oretab balaam nyo bo kap Beor cho kicham melektab yaitio.¹⁶ ago kikargong amu pistoenyi ako kingalal sikirie ne namat kut kutitab chi ak kokarta ywekab maotononyone.¹⁷ chwechu konyekab bei che matinyei bei ak bolik che iboti kibuke (usome) koristo che konu tuindab mesundeito.¹⁸ Amuyo mwoe ngalek chokoromen che bo lasetabkei kochutu anan koreu magutikab borto cha yachen ak katou anyu biiko kochililio che kimi kanise.¹⁹ kaborjini icheka katiaknat ako icheka ko otwogikab ngamisie amu inyenda nyo tertere chiito age koyae chichome koloku otwogin.²⁰ Amu yo kakchilile muruonindab ingeny eng nae ne kinai kiptaiyande ne sarunindenyo jeiso kristo ago ngot koda koratgei kogeny eng tuguchoche ak kiterter koyaitu atebengwang nyo bo let kosir nyo kibo tai.²¹ Amu kita kaikai eng icheka komanai oretab imanda kosir yo kikonai ak kowektagei let eng ngatutie nyo tilil nyo kikugurji.²² kou ye kiyaak eng icheka kalewenetab iman kele kchinigei soset kangundaikyik ak kwoo komidmilegei ngatat kogeny kou ku nyone eng betuteb kochoni kiptayande ko nyalutos biiko ak kounegei ngatatek.

Chapter 3

¹ chamani chu Baruani kaserwak ko nebo aeng ak eng chu tuwai angete kabwatutekwok cho tililen che konok obwat.² si obwat ngalek che kimwa maotik cho tililen eng taai agobo ngatutietab kiptaiyat ne satuninde eng bukcho cho kiyoktoi.³ korok onai ole tun kobwani mautik che bo lembech che chorubilik konyernyere ngalekab iman asi orub magutikwak.⁴ ak komwoe kole mi ano arorutietab kochoni? amu kikichob yo kikornyo kwanisiekchok yo kimi tuguk tugul kou yo kiu kongete taunetab yaetab ingony.⁵ Amu kwetimi ichekei kinyutie kile kimi kipsengwetsiek koboto keny ak ingony nekikiyae ngolionde eng beeko komi kwenetab beko.⁶ kitambalal bekab ingony eng betusie choche ak kibegu.⁷ Ago kipsengwetisiek ak ngonyu nyo too raa ko kikikonorji mat ngoliondonyane kokonor agoi betutab kiruoge ak ngamisietab biiko che maiywe kamuktainde .⁸ Ago mautie ngoliondoni chamanichu ole betut agenga eng kiptiyat ko kargei ak kenyisiek elipuu ak kogerkei kenyisiek elipuu ak betut agenga.⁹ mai koegei kiptaiyande eng ararutienyi kou yo iiti alak kole ikoigoegei ako muitoi agobo okweka amu inamoje kobet chi age tugul ago majeikobwajo tugul sigune.¹⁰ Ago tun ko choni betutab kiptayat kou chorir kole sirtoo kipsengwet eng bolote nyoo ak kochorotio tuguk tugul che kikuyai eng ngony ak barak eng mati nyangwan. (nyakorom) ak kolal ingony ak boisionikijik cho mi¹¹ Amu tuin chotos tugu choche tugul kou nyone koyame oeku biich che unee eng atebe nyo tilil ak kaywaetab kamuktainde.¹² ogany choni betutab kamuktainde ogilgei amu nyone anyu amu chotos kipsengwetisiek eng mat ak kochotos tuuk tuul che kikiyae barak eng mat nyo korom.¹³ Ago kikenye kipsengwet nyo lell ak ingony nyo leel kou ararutienyi ole manyei imanda.¹⁴ Nyone anyu chamanichu amu kikanye tuguchoche ongegilgei situun konyorueeh kemi eng kalye komotinye tisia ( berur) amotimye lelut eng taitanyi.¹⁵ Ak oiit muitaetab kiptaiyandenyo ko kabarune nyo kisurwech agine paulo tupchenyo ne kechame kou ngomnate nyo kogochi.¹⁶ kou eng baronok chik tugul kokongolole tugu choche kimi eng baronok choche ongen ole mi tuguk alak cho tokolen (cho koromen) kekuiya che igunure cho mengechen kiy age ak che ma tonoriotin kou ye iititoi sirutik chu alak kole koit eng nganisie.¹⁷ ago okwe anyu chamanichu amu kiosob onai tuguchoche oripgei asimasutok kachililosiekab bistoik ak obutie eng telelengwon (tononengwong) ¹⁸ ago onerie eng kororienie ak naetab kiptaiyandenyo ago yetindenyo jeiso kristo nanyi torornate rrani agoi koigeny Amin.

1 John

Chapter 1

¹Nyine nye kimi mu taunet - nye kikikas, nye kikiroo mu konyekchoo, nye kikutoben ak kikinam mu eunokchoo - ko ngolyotab sobon. ²Ak, kisulak sabonone, ak kikiroo ak kikimwa. Kakiburuok sobonone bo koigeny, nye kimi koboto Yainde ak kikesulwech.³Nyone kikeroo ak kekas ko nyone nye keamwok aak akwee, si amuch akwee anyoru yamdaa kobotech. Mi yamndaenyo kuboto abonyo ak koboto werinyi Jeso Kristo. ⁴Ak, kesirwok tuguchwechu si kutoku boiboyenyo.⁵Ak nyi ko ng'olyo nye kigekas mu kinyendee, ak keamwok kele, lapkeyo Jehovah amo mi tuin mu kinyende ambo kamining. ⁶Ngutikemwa kele kitinye yamndaa kibote kinyende, ak kibetotee tuin, kegenu aa kiai iman. ⁷Ako ng'ebendate lapkeiyo, kile yoo mi kinyende lapkeiyo, keting'egei yamdaa, ak kutililech korotikab Jeso ne Werinyi mu teng'ekwogikchoo togol.⁸Ambo ndakimwa kele magitinye tengek, keberber gei ama iman mu ache. ⁹Ngutiesul teng'ekwogikchoo, kiyanat ak ku bo iman konyoiwech kaat teng'ekwogikcho ak ketililech mu kiy age togol nye ma bo iman. ¹⁰Ng'utemwa kele tomo keyai tengek, ko kakuai nyende keloku kiplembechwa, ama mi ng'olyondenyi mu achee.

Chapter 2

¹Lagochu, asirwok tuguchu, si mai tengek . Ambo ndeai chi tengek, ketinye nye saiwech Aboo, kinyendee Jeso Kristo nye bo imanda. ²Ak kinyendee tiseiwoo nye bo teng'ekwogikchoo, ahgo ma bo teng'ekwogikchoo kibat, ako bo ng'wony komugul. ³Ak kinget mu nyi kele kinget kinyendee ambo nderibe ng'atutikchii.⁴Kinyendee nye mwae kile, anget kinyendee, ama ribe ng'atutikchii, ko kiplembechwa ama mi iman mu nyendee. ⁵Ako kinyendee nye ribe ng'olyodenyi, ko kageei kuloku nye bokchinot mu chomnyetab Jehovah mu kinyendee. Kinget mu nyenyi kel kimi mu kinyenda. ⁶Kinyendee nyomwoe kile menye mu kinyendee ko sikchinee kiinyendee kiwetote kile ye kiwetote nyende.⁷ Chamanichu, masirwook ng'atutie nyoleel ako ngatutie nye bo keny nye kiotinye kiboch tai. Nga'tutionone bo keny ko ng'olyo nye kiogas. ⁸Ak, konyile, asirwok ng'atutie nyoleel, ng'olyo nyebo iman mu kinyendee ak mu akwee, amu siirtoi tuin, ak kotoku lapkeiyo nyebo iman.⁹Kinyeendee nye mwae kile mi mu lapkeiyo ak kusase nye tupcho kimi mi tuin akoi ra. ¹⁰Kinyende ne chamei nye tuppcho kimenye mu lapkeiyo, ama mi kanagut mu kinyendee. ¹¹Ago kiinyendee nye sase nye tupcho kimi mu tuindo ak wetote tuin ama naei woli wetii amu kagutuch tuin konyekyi.¹²Asirwok lagochu mengechen, amu kingenyoiwok kaat teng'ekwokikwok amu kainenyi. ¹³Asirwok abotinachu, amu kiona kinyendee nye kimi kiboch taune. Asirwok murechu, amu kiamungta kinyendee nye ya. Kaasirwak lagochu mengech, amu onget Aboo. ¹⁴Kaasirwak abotinachu, amu onget kinyendee nye kimi kiboch taune. Kasirwak murechu, amu akomotin ak kimenyok ng'olyotab Jehovah, ak amukta nyendee nya ya.¹⁵Amocham ngony, nde tuuguk che mi ng'ony. Ngucham chii ng'ony ki momi chamnyetab Aboo mu kinyendee. ¹⁶Amu tuguk togol che mi ngony - magetab borto, magetab konyek, ak menotetab sobondo - ko ma bo aboo, ako bo ngony. ¹⁷Ak sirtoi ngony, kiboto magenyi. Ara nyende nye yae magetab Jehovah kotebe koigeny.¹⁸Lagochu, nyi sait nyebo let ak kile yo kiakas kele tun chonii nye momeche Kristo anyu rani ako bwa che mamoche cha chang. Amu nyenyi, kinget kile ko sait nyobo let. ¹⁹Kimndoi mu wolinyo kima choch, amu nda ki chocho nda kitebee kibotech. Ako kiba si kumuch kutoku kele kima ko chocho togol.²⁰Ako kigiilak mu kinyende nyo tilil, ak onget akwe togol. ²¹Ma sirwak amu monget imanit, kasirwak amu onget, amu momi lembech nye mangune imanit.²²Ng'o kiplembechwa ma inyende nye taiye kile Jeso ko Kristo? Nyenyi ko nyemomeche Kristo kinyende nye taiye Kwanda ak Werit. ²³Age tugul nye taiye werii, ko matinye nyone Aboo. Kinyende nye yene werit kotinye Aboo agine.²⁴Ak akwee anyu, kimenyok nyone kiogas kiboch taune. Ngumenyok anyu nyone kiogas kiboch taunet, omenye ak akwee mu Weri ako Aboo. ²⁵Ak nyi kaorore nye kiarorwech nyende - nyone ko sobondab koigeny. ²⁶Kaasirwak tuguchu akibo kicheke che machei kubeetok.²⁷Ak akwee anyu, kimenyok kaiilet nye kionyoru mu kinyendee, ak masikchi konetak chii, ago kile nyo inetok kaiilenyi akibo tuguk togol ak kubo iman ma lembech, ak kile yo kigonetak, omeny kinyendee. ²⁸Ak anyu ra, lagochu mengech, oomeny kinyendee si ye tun kakisul kinyendee, kesich nyiganat ama kililan mu tainyi mu nyonunenyi. ²⁹Ng'anda onget ale bo iman kinyende, onget ale togol nye yae iman ko kigesich agine mu kinyendee.

Chapter 3

¹Orogee le nee chomnye nyo kikonorech Abonyoo, kute kurenech werikab yainde, nyo kimongetech ng'wony amu kimonget kwake nyenda. ²Chochomotin, kii werikab Yain, amo kinget wolo kwekuu. Aku ng'utoku nyenda kekerkeitu amu kiroti nyenda kile wolo lee. ³Aku chi akatugul nyotinge kamongunoni kutililegei kille nyende nyotilil.⁴Akatogol nyo oye tengek kukochunyo mu ng'otutye, amu tengek ku chunietab ng'otutie. ⁵Aku onget kile ki king'any si kusut chalwogikyukyo, amu momi tengek mi inyenda. ⁶Aka togol nyo wendote mu nyenda ku mo oye tengek. Akatogol nyo oye tengek kutomo kuro nyende amonget nyenda kuro.⁷Lagokyo chomengechen, makany kuberberak chii. Inyenda nyo oye imanda ku bo iman kile yo ibo iman. ⁸Nyenda nyo oye tengek ku bo chesawil, amu ki oye chesawil tengek kungetee taunet. Amu nyenyi kicho weritab Yain, si kubut boisionikab chesawil.⁹Nyenda nyo kikisich mu Yain ku mo yoe tengek amu mi kosuiyot mu inyenda. Aku moyoe tengek amu sigot mu Yain. ¹⁰Boruukei lagokab Yain mu nyenyi ako chebo chesawil: Akatogol nyo mo yoe imanda ku mo bo Yain, ambo nyenda nyo mo chome nyo tupcho.¹¹Amu nyi ng'olyonde nyo kiogas kung'ete taunet: kele makat kechomnye togol. ¹²Mo kile Cain, nyo kibo kiptakalya ak kukeet wering'wang'. Kibarchi nee? Amu ki yachen boisionik chachii aku ki koromen chobo wering'wang'.¹³Motokwong'yo, tupchosiekyu, ne sasak ng'wony. ¹⁴Kinget kele kikemong'une meet kemong'ji sobon, amu kicheme chookitupche. Chi nyo mochome tupchenyi kuwendote meet. ¹⁵Chii nyo sose wering'wang' ku rumin. Ak kenget kele momi sobondab koigeny mu rumin.¹⁶Kineye mu nyenyi chomnyetab Yain, amu kikoito sobenyi akubo achee; ak kemokotin kekoito akichee sobonwekyo akubo chekutupche. ¹⁷Aku icheke cho tinye tuguk chobo ng'wonyuni amotorete tuppchenyi nyo ting'e makee ama rire moenyi, kumi chomnyetab Yain inyenda? ¹⁸Lagochu mengechen, makany kechomnye mu ng'al nda mu ng'alyap, aku mu boisionik ak imanit.¹⁹Ako kineye nyi kele kiboe imanda, ak kekochi muguleldonyo kukalyan. ²⁰Amu ng'uturuokwech mugulelwekyo, ku o Yain kusir muguleldo ak kunget kiptagal. ²¹Chechomotin,ng'utumerwokwech mugulelwekyok, ketindoi nyiganate mu Yain. ²²Aku ngesom kiy akatogol kekonech mu inyenda, amu kiribe ng'otutikyi, ak kiyoe tuguk cho boiboijini konyekyi.²³Aku nyi ku ng'atutienyi, kele makat keyan kainetab werinyi Jeso Kristo ak kechamgei togol, kile yo kikonech ng'atutie. ²⁴Aku inyenda nyoripe ng'otutikyi kumenye inee ak mu nyenda. Amu kineye kele mii kobotech amu tamirmirienyo nyo kikokonech.

Chapter 4

¹Chamanichu, amayan tamirmir age tugul. Ako otiem tamirmirik ngo bo Yain, amu kikobwa ng'ony kiplembechonik che chang'. ²Anget mu nyi tamirmirietab Yainde - Tamirmirie age tugul nye ng'onye kole kicho Jesu mu borto kobo Yain, ³Tamirmir age tugul nye mang'ny kole kicho Jesu mu borto ko mabo Yain ako choni ko kirindoinde nyebo Kristo nye kiosip agaskele choni ako rani mi kore.⁴O bo Yain lagochu mengechen ak kiaterter ichege amu O inyenda nye mi mu okwe kisir inyenda nyemi ng'ony. ⁵Bo ng'ony ichege; ko amu nyone, ko ng'o ngolole chebo ng'ony kogase ng'ony icheke. ⁶Kibo Yain ache. Inyenda nyo nget Yain ko kasech. Ago inyenda nye mabo YAin ko makasech. Kinget mu nyone tamirmirietab imanda ako nyebo ng'alse.⁷Chamanichu, ongechamnye. Amu chomnye ko bo Yain, ak age tugul nye tinye chamnye kokikosich Yainde ak kongen Yainde. ⁸Inyenda nye matinye chamnye ko monget Yain, amu Yainde ko chomnye.⁹Kigeng'any mu nyenyi chamnyetab Yainde mu achege kele kikoyogu Yainde werinyi nye kikii inyenda kityo kucho ng'ony si kesopche mu tengekwogik. ¹⁰Nyanyi chamnye me kele kikicham Yainde, ako kichamech inyenda, kutuyogu werinyi kulegu tiseiywo nyebo tengekwogikyo.¹¹Chamanichu, amu kichamech yainde kile nyenyi,ko kanyoljinech kechomnye achege mu achegee. ¹²Momi chi nye kikoro Yain ole koi ng'itchechomsot ko menyech inyende ak keoye chaamnyenyi kulegu nyo nyitaat mu ache. ¹³Kinget mu nyenyi kele kimenye mu inyenda ak inyenda mu acheka. Amu kikonech keyamnde tamirmirienyi. ¹⁴Kikekeer ak kikeyan kele kiiyogu yainde si kosoruech mu ng'ony.¹⁵Age tugul nye ng'onye kole Jeso ko weritab Yainde ko menye Yainde mu inyenda ak komeny inyenda Yainde. ¹⁶Kinget ak kikeyan Chamnye nye ting'enech Yainde. Inyenda ko chamnye, menye chamnye inyenda ak kemenye mu inyenda.¹⁷Kikeyai chamnye kulegu nyo kesunotgei mu ache, si neityo kenyoru kelegu kayanik mu betutab kiruoge, amu wolo lee inyenda kele nyone achege mu ng'ony. ¹⁸Momi kaiweisie mu chomnye. Amu one chomnye nyo kesunotgei kaiweisie, amu tinye kaiweisie kerkong ako inyenda nyo yweisio ko makiae kilogu nyokesunotgei mu chamnyet.¹⁹Kichame Yain amu kisip kochamech. ²⁰Ngutumwa chi kile achame Yain ak kosase nye tupcho ko kiplembechwa. Amu inyenda nye machame nye tupche nye kikoro ko chamdoi ano Yain nye tomo koro. ²¹Kitinye anyu ng'atutioni bunu inyenda kele: Age tugul nye chame Yainde ko ingocham agine nye tupcho.

Chapter 5

¹Chi age togol nyo yone kile Jesu ku Kristo ku kikesich mu Jehovah inyende nyo chame Jehovah kuchame Kristo. ²Kinaee nyenyi kile kichame lagokab Yainde: nee kichame Jehovah ak kerube ng'atutikyi. ³Amu Chamnyoni bo Yainde: kele kerub ng'atutikyik. ak manyikisen ng'atutikyik.⁴Amu akatogol nyo kikesich mu Yainde ku akoi kuterter tugukab ng'ony. Ako kiterter ng'ony ako kayanenyo. ⁵Ng'o nyotertere ng'ony? Inyende nyo yane kile Jesu Kristo ku weritab Jehovah⁶Nyi ku nyo kicho mu bei ako kereti: Jeso Kristo. Tamirmirye ne bourian, amu bo iman tamirmirye. ⁷Mi somoku cho baoriane mu kile: ⁸tamirmirye, beek ako kereti. Ak kochemnyeji kuyeku agenga.⁹Ng'utu kekase iit baornat nyibo bich, ku o baornate nyibo Jehovah kusir nyibo bich. Baornatani kubunu Jehovah akibo werinyi. ¹⁰Inyenda nyoyene weritab Jehovah Kutinye baornatenyi. Nyende nyimo yane kuoye inyenda kuleku nyibo lambach, amu kitai baornatetab jehovah akubo werinyi.¹¹Ak nyi baornate kile kikonech Jehovah sobon nyibo akoi kubunu werinyi. ¹²Inyenda nyotinye weritab Jehovah kutinye sobon nyibo akoi kubunu werinyi Jeso Kristo.¹³Kasirwakwe tuguchu sonachigei ole inyenda nyoting'e weritab Jehovah kitinye sobon nyibo akoi, nyo motinye kubotot sobenyi. ¹⁴Ak, nyi kakasetapgei kele - nekisom Kristo kii mu kainenyi, kukaswech. ¹⁵Ngutu kinget kele kaswech somutikyok - keyene kele kikenyoru tuguk che kikesom.¹⁶Ng'u turo chi tupchenyi kuoye tengek nyi mobo mei, kusoji Jehovah si kukochi kuistoegei tengek si kinyoru sobon nyakararan. ¹⁷Kiy akatogol nyibo lambach ku tengek, akimi teng'ek nyi mobo mei.¹⁸Nayat kile chi akatogol nyo kikesich mu Jehovah, kumakuoye tengek. Ribegei amakuoye nyobo sokornat. ¹⁹Nayat kile ache kibo Jehovah ako ng'weny togol kumito mu baornatetab chesawil.²⁰Nayat kile kikucho weritab Jeehovah, ako kikukonech kenai inyenda nyibo iman. Kimito mu inyenda nyibo iman amu werinyi Jesu Kristo. Inyenda kubo imaan aki sobon nyibo akoi. ²¹Lagochu mengechen oistoegei tuguk togol chomo namegei ako yaindenyo (konomon).

2 John

Chapter 1

¹Boyot mu chebto nyo lowonot ako lagokyi, nyo achome mu imanit - aku ma anegei, aku kuboto cho kikinai imanda - ²amu imanda nyo mi orit mu achee aku mitenech akoi koigeny. ³Ngumitenech miendo ako rirgei ak kalya nyobo Yainde nyo Abonyo, mu imanit ak chomnyot.⁴Kyabaibaitu mising kinanyoru laagokuk kubetote mu iman, kile bani kikitaach nga'tutyoni king'ete Abonyo. ⁵Aku nguno kasoming inyee, chebi - mo kile kasirung ng'otutie aka, aku kilee nyikiting'e mu taunet - kele kechomnye togol. ⁶Aku nyi kuchomnye, kele keba togol mu ng'otutikyi. Nyi ng'otutie, kele, kilee yekikas kungetee taunet, makat kebendatee mo ng'otutie.⁷Amu kikubka kaberberik ng'onyuni, chomong'onye kile Jeso Kristo kukicho mu borto. Nyenyi ku kaberberin aku mo bo Kristo. ⁸Orogei, sima kubot tuguk che kikesir, aku ketach konuno nyo nyitaat.⁹Akatogol nyochunsot amarub konetisie nyobo Kristo, kumotinye Yainde. Inyende nyorube konetisietab Kristo, kotinye Abonyo ako Weri. ¹⁰Ng'utuchonjing chii amoibu konetisiooni, kumatitaach mu kaitang'ung', ameyomis kora. ¹¹Amu chii nyoyomise nyende, kuyomdoi yaitioni tuwai.¹²Amu chaang tuguk cho kotosirwok, ku mosire belel ako kalam, akoyone ale achoni wolo omi, ak keng'alal togoch mu togoch, si konyiak boiboyet. ¹³Lagokab chebto ne kyalewen, toroch icheka.

3 John

Chapter 1

¹Ane boiyo nye asirjini Gaio nye achame. ²Chamanani asae ale iberuroge ak itebe mu chametabgei nyepe borto, ye itase tai mu boisietab sirutik. ³Amu kibaibaitu ye kimwowo che ketupche akobo imada, nye mi mu inye ambo iwetotee imanda. ⁴Moting'e boiboyo age kosir, nagas ale betotee lagokyu iman.Chamanani, tia boiboye nye ketinye ak tupchosiek koboto toek ⁶che kikoek baorinikyo mu kanise. Ye kibwa kobunu rutoi mu boisie nyebo Yainde, nye kiai karam, ⁷amu nyone mu kainenyi kiba sang, kitestaai ago moip kiy nyebo che maiyanotin. ⁸Ara anyu, kimokwech kenyoru ak kelegu rubik aggoi keityi imanda.⁹Kasirji kanise, ako Deotrebe, nye chame kutekei kileku nyo ndoe icheke, kimatachech. ¹⁰Ara anyu ngitocho, ko obwate boisionikyi che kiai, komache kokartech mu boisionikyi che yachen. Che mamache tupchosiek, amachamjini ak koisto ichege mu kanise.¹¹Chamanani, amerub nyone ya ako rub nyobo iman. Inyende nye yae iman ko bo Jehovah; ako inyende nye yae che yachen ko tomo kuro Yainde. ¹²Demetrio kunget imanda togol nyobo sirutik. Kinget akiche atebtenyi, ak inget baornatet nyobo iman.¹³Kotinye tuguk chechang che komache asirung, ako mosiree wino ako kalam. ¹⁴Ako amache keng'alal togoch mu togoch . ¹⁵Ingotebo chomnyet kobotok. Ikotok chorwaik, ikat chorwaik mu wolone mu kainakwak.

Jude

Chapter 1

¹Juda, nyo kiote Jeso Kristo, ak ki wering'wang James, icheka che kichomotin mu Yainde Kiptayat ak Kilewenotin mu kursetap Jeso Kristo: ²Ngutebo rirene kobotok, ako kalya ak kutesak chamnyeng'wong.³Akwe cho ochomotin, kiasirwak mu kaming'ino akubo sirutik che bo soruno, atewok okilgei akubo kayana nyo kikikochi cho tililen kunyil agenga. ⁴Amu mi bich alak cho kichut ori mu ung'ot icheke cho kikichepchi Kiruok king'ete keny.⁵Achame anyu anonwok tukuchu ambo nde kikakanai mu tai - alechok ambo nde kikosoru yaindenyo bik kung'etune Misri, ko kibar icheke mu let amu kiba taban mu kayane. ⁶Ako, kikochi malaikainak cho kimorib boisieng'wang keratyi wolo tui akoi kuit betu nyobo kirwok mu betu nyobo let.⁷Kile nyone, ambo Sodom ako Komora ako bik alak cho kimeng'isie togol cho kikomut icheke, ki ii tuguk chokimachomotin, kule sokso ak alak chebo borwek cho kimakargei ako chakwak. Kikinyalil kuba ma nyebo akoi. ⁸Kinyere akob chu walak borwekwak mu ruchino ak kusase kandoinate ak kubane kandoikwak.⁹Ako kingubarkei Mikael malaikayande nyo o ako oin kutitos akupo mustap Musa kumamuch kuban ak kile "Nguroting Yain." ¹⁰Ako kisase bichu kiy aka togol akob nyo monget; ako kichame tuguk cho kinget icheke kile biteng'wang', kile bichu tiongin, cho matinye ng'omnon kinyernyere bichu mu atoboni. ¹¹Bwa mu icheke! amu kirub aretab Kain ak kuba taban kule Balaam amu kimekyinigei melekto. Kubetyo amu kiwo taban Kora.¹²Bichu ko kilee koik cho ung'otin mu rokony chobo chomnyot ye kiamisie togol - kile mosowek cho amisie ichekei amoywei. Kile bolik cho motinye ropta cho ibe koris; kile keet cho moyiyo. ¹³Kikarkeit bichu ako miltayapkei nyibo ararai nyokorom, nyo kutuu kalilaneng'wang; kerkei ako kokeel chomonote kikukorji icheke tuindo nyobo akoi koigeny.¹⁴Enok, chito nyebo tisop kung'ete Adam, kimaoten akibo cheke, kile, "oroo! choni Kiptaya kiboto bikchi elfusiek chachang cho tililen. ¹⁵Kicho kuruokchi togol cho moywei yain, amu boisionikwak che yaachen che kiai ku moywei yain ak ng'alaleng'wang togol cho nyegisen chobo kiptengekin cho maywei yain ako inyende." ¹⁶Chwechu ku bik chong'unyng'unye, kiptiyotin cho rube tukuk cho makchinikei che yaachen. Ako ng'alale ng'alek chokoromen chobo menot, mamwae akobo iman, boiboe bik sikunyoru makutikwak.¹⁷Chamanichu, amoyutye ng'alek cho kimwawech Jeso Kristo mu tai. ¹⁸Kimwowech kile, "Mu betusiekab let kubwoni bich cho iiyegei koyen si kunyorjikei tuguk che makchinigei." ¹⁹Chwechu ko bik cherube tuguk che makchinigei chebo borwek, amatinye tamirmir.²⁰Ako akwe, chamanik, asomok ale okilgei mu kayane nyotilil, ak osoe mu tamirmirye nyo tilil. ²¹Oripkei anyu mu chomnyetab Yain okenye rirenetabkei nyebo Kiptayandenyo Jeso Kristo agoi sobondab koigeny.²²Ak arire bik alak cho moyone imanda. ²³Osoru bik alak cho yweisye ak ang'usu kung'etune nguroik cho kikeng'wanit mu borto.²⁴Ngekochi anyu nyende nyo muche kuribok otononio kimotinye tisia ak kekonok boiboyo nyo o. ²⁵Ngubunji Jehovah ng'omnote ak Kiptayandenyo Jeso Kristo torornatet ak bounate ak kimnate rani akoi koigeny. *Amen.

Kiptani: Bible for 1 Corinthians, 1 John, 1 Peter, 1 Thessalonians, 1 Timothy, 2 John, 2 Peter, 2 Thessalonians, 2 Timothy, 3 John, Colossians, Ephesians, Galatians, Hebrews, James, John, Jude, Luke, Mark, Philemon, Philippians, Romans, Titus

Formatted for Translators

Mark

Luke

John

Romans

1 Corinthians

Galatians

Ephesians

Philippians

Colossians

1 Thessalonians

2 Thessalonians

1 Timothy

2 Timothy

Titus

Philemon

Hebrews

James

1 Peter

2 Peter

1 John

2 John

3 John

Jude