¹Pakutanga Mwari wakasika denga nenhika. Nhika yakanga isina shiro. ²Painga pano shidima pamusolo pogomba mweya wa Mwari waifamba pamusolo pokumwa.³Mwari wakati, ngakuve nokudjeka. kudjeka kakavapo. ⁴Mwari vakaona kuti kudjeka kakanaka, wakasianisa kudjeka noshidima. ⁵Mwari vakadanidja kudjeka kuti masikati, akati shidima usiku, kakanga kunomangwanani nousiku zuva rokutanga.⁶Mwari vakati: ngakuve kakapaladjana kumwa nokumwa. ⁷mwari wakasanganisa nokupaladjanisa kokumwa djakanga. Mwari wakati nzwimbo yakapaladjanisa kumwa yakanga iripasi ponswimbo, nokimwa yakanga iripamusolo ponswimbo: swakaitikisa kudalo. ⁸Mwari wakadanidja nzwimbo kuti denga, madeko akavapo nomangwanani akavaposwe zuvz reshipiri.⁹Mwari wakati; Ngadjisangane kumwa pasi podenga ngaiwungane pandau imwe kuti pangue pano pakaoma, swakaitika ¹⁰kudalo. Mwari wakadanidja painga pakaoma kuti pasi, kuungana konhika wakakuti magungwa, Mwari wakaona kuti swakanaka.¹¹Mwari akati nhika ngaimereswe masola, masola anobala mbeu; munbuti wombeu, unobala mbeu djakafanana nomumbuti wayo, nomushero uve mairi, pasi pano: swakaitikisa kudalo. ¹²akabuda panhika masola omathapa, masola anopa mbeu djakafanana no swauri , nomumnbuti inopa mushero, nomushero iri mauri, yakafanana noswauri, wakaswiona mwari kuti swakanaka. ¹³kwakaita masikati nomangwanani, pazuva loshitatu.¹⁴Wakati Mwari: ngakuve nokudjeke pakati podenga kuti kuphasaniswe masikati nomadeko: shive shikhonbiso , kuti kuve namazuva nomakore,: ngaswive ¹⁵swiedza panzwimbo yedenga kuti swivhenekere panhika: swikaitikisa kudalo.¹⁶Ngokudalo, Mwari wakaita swivheneko swiviri: shivheneko shokutanga shikuru shinovhenekera masikati; shivhenekero shidoko shivhenekere husiku; wakaitaswe nheredji. ¹⁷Wakadjidira Mwari pakati podenga, kuti djivhenekere nhika, Kuti pave nomusiano wemasikati nohusiku, ¹⁸kuti swiphasanise husiku nomasikati,: ¹⁹wakaswiona Mwari kuti swakanaka, Kakava nomangwanani nomasikati pazuva loshilongomuna.²⁰Wakati Mwari; kumwa ngaizale noswinopona swizinji, noshiri jimbururkire pamusolo ponhika munzwimbo yedenga. ²¹Wakaita swisikwa swakakula swomukumwanoswipenhu swese swinofamba , iswo kumwa yakanga yakazala ndiswona , nossiri zomudengawo, wakaswiona Mwari kuti swainga swakanaka.²²Mwari wakakomborera akati: ivanhi noswibereko, balanai muzadze nvura dzemumwimbo noshiri djibalaneo panhika, ²³Wakaita mangwanani nomasikati oshina.²⁴Wakati Mwari: nhika ngaibereke swipenhu swinomutzlovo waswo noswifhuyo swinofamba noswinhamazana swonhika swinomarudzi aswo, swikaitikisa kudalo. ²⁵Mwari wakaita swinhamazana swinomarudzi ese, noswinhamazana swese swinokwesa pano panhika ngokhaindi yaswo: akaswiona Mwari kuti swakanaka. -²⁶Akati Mwari: ngatiite mundhu ngomufananidjo wedu, akafanana nesu; kuti ave nosimba pamusolo po hove djomukumwa, noshiri djomudenga, noswinhamazana, nonhika yese, noswinhamazana swese swinokwesa panhika. ²⁷Mwari wakaita mundhu ngomufananidjo wake, ngomufaanidjo wamwari wakamuita; murume nomukadzi wakavaita.²⁸Mwari wakavakomborera akati; berekanai muwande mudzadze nhika, mubate hushe pairi, muve nosimba pamusolo pohove, shiri dzomudenga, naswse swinhamazana swinokambaira munhika. ²⁹Akati Mwari: ngokudalo ndakamupa swese swisimwa swinobereka mbeu, iri panhika ; Nemiti yese inemishero, munozoirha³⁰Naswese swipuka swonhika, noshiri djodenga, naswese swinokambaira panhika, swinohupenhu,ndakaswipa murivo yese munhoro. ³¹Wakaswiona swese swainga akaita, swainga swakanaka paswese, ainga ari mangwanani nomasikati o shishanu.

¹Denga nonhika swakapera saiswoswo, noswizinji kwaswo. ²wakapedja Mwari muzuva loshishanu nariviri mabasha ake akaita, akazolola pazuva lelo naswese swakanga akaita. ³akarikomborera Mwari zuva lelo loshishanu nariviri, wakariropafadza, ngokuti pazuva heri wakazolola paswese swakaita pakusika swese.⁴Hao ndiwo matanguiro odenga nonhika, poswakasikwa jeova mwari paakaita denga nonhika. ⁵Pakanga pasina kana guji rimwe mumanje kana kunbuti hawo wakawarwa ngokuti Mwari wainga asito kunaisa nvula panhika , painga pasina mundu aishanda pasi pano. ⁶Kususa kaikwira panhika kaidiridjira pasi pese.⁷Jeova Mwari vakasika mundhu ngobukuta lomavhu, akafhemera mumiro jake mweia wokupona; no mundhu wakaita swisikwa swinopona. ⁸Jeovha Mwari wakasima garden mu erden, ngokumavazuva, ndimo umo maakaisa mundhu waakasika .⁹Kuva pamavhu manbo Mwari wakameresa manbuti ese anodakadja madjiso no akanaka kurha; nomumbuti woupenhu wainga uri pakati po munda we eden, nomumbuti waizivikana ngoswakanaka no swakashata. ¹⁰Mukova waiva mu herden waidiridjira garden ngokudalo waipalala ukaita mukova mulongomuna¹¹Zina lomukova wokutanga wainga pison, ndiwona unotenderera nhika yese yo havila, umo muno golide: ¹²Golide lonhika yeyo lakanaka ngokudalo muno bdeliono buwe onix¹³zinz lomukova woshipiri rinozwi giom; wona huu ndiwona unokomberedja nhika yese yo cuxe. ¹⁴zina lomukova woshitatu waizwi tigre; hou ndiwona waienda pamberi po asiria. woshilongomuna waizwi eufrante¹⁵Jehova mwari wakatola mundhu akamuisa mumunda wo erden, kuti arime nokuungwarira. ¹⁶Manbo Mwari vakatuma murume vakati: kuna djese mumbuti irhai; ¹⁷asi kunomumbuti wia worizivo loswakanaka noswakashata usarha; ngokuti zuva launozourha unozofa.¹⁸Mwari vakati swe; aswito kunaka kuti murume agale ariega; ndinozomuitira mubatsiri akamufitha. ¹⁹Mwari vakatola swese swinhamazana swonhika, noshiri djodenga, akadjizisa kuna Adamu, kuti aone kuti ungadjiduja mazina okuti shinhi; noswipenhu swese seswaswakatumizwa ngomundhu ngo akava mazina aswo. ²⁰Mundhu wakatumidza mazina aswese, noshiri djodenga, noswinhamazana swinokambaira panhika: ngokudalo kainga kusina mubatsiri akamufanira mundhu.²¹Manbo Mwari vakaita kuti Adao avate hope djakawanda, ena wakavata: ²²ngokudalo wakatola imwe yombavhu jake, akavhala nhama pamuviri pake; akaita mukadzi, akavia nae kumwanarume. ²³Adamu akati: iri ndilo fhupa lomafhupa angu, nhama yonhama yangu. uyu unozodanidjwa kuti mukadji, ngokuti wakavhiswa pamurume.²⁴Ngokudalo, unozosiya amake naabake, akazogala nomukadji wake, vaumbe nhama imwe. ²⁵Ngokudalo avatokusweruka.

¹Apo jehova mwari paakasiya swinhamazana nhoka yainga yakangwarisa kupinda swese, yona yakavhunjisa kuvanakadji, mwari shokwadi wakati: amudikani kurha mumbuti womugarden? " . ²Mwanakadji wakati kunonhoka, tinharha mushero unovha mumunbuti womugarden, asi mwari wakati, atidikani kurha mushero womumbuti uri pakati po garden, ''' nokuubala nokuurha ngokuti tinozofa. Nhoka yakati kunwanakadji: ³shokwadi amuzofi ngokuti mwari waiziva kuti zuva lamunorha messo enhu amovhurika, mozofanana nae mwari, mesiziva swakanaka noswakashata.⁴Mwanakadji wakaona mumbutii wiya wakanaka kurha nokudaloswe waidakadja madjiso apo waishuwira kuparuzivo, obata mushero, orha, opa mwamunake orhao. ⁵KUvha papo wakavhurika madjiso voziva kuti vainga vasina kusimira, votunga masakani omuwonde voita pasha djavo; vakazozwa izwi la Jeova Mwari; aifamba mugarden mumadhekon, mwamuna nomukadjo vakavanda mumambuti omugarden pakuguma ka Jeova mwari. ⁶Jeova mwari wakadanidja mwanarume akati?⁷Mwanarume wakati ndanzwa izwi lenhu mu garden saka ndatya ngokuti andito kusimira, saka ndavanda! ⁸Mwari wakati ndiani akuvhunja kuti auto kusimira ? warha munbuti wandakati audikani kuurh?⁹Mwanarume wakadavira : mukadji, wamakandipa wandipa mushro womunbuti ndarha. ¹⁰Jehova mwari wakati kumwanakadji: shishinhi shawaita? mwaknakadji wakadavira : nhoka yandishenguedja ndarha. ¹¹Jehova mwari waati nhoka: ngokuti waita iswi, watukwa kudarika swisikwa swese, kudarika swinhamazana swese.¹⁴Unozofamba ngonda yako endeni nozorha bukuta paupenhu wako wese, ndozokanda kuzondandana pakati pako nomwanakadji nodzinza lako nelake, ¹⁵endeni unozokupwanha musolo wako ewe unozpmuruma shisikinindo shake, Kumwanakadji : ndinoenguejira kuwadja kakanhanha pakubala kako, pakuwadja kako paunozowana ndipona mwana , swido swako swinozova kumwamunako ndiena anozokutonga¹⁷Kumwanarume wakati: ngokuti wazwira mukadji wako worha mushero womumbuti wandakakupanga kuti usarha swibereko swawo, pasi panozotukwa ngonhaya yako, ¹⁸unozoshanda swakaoma kuti uwane kurha, mazuva ese oupenhu wako, panozoita muzwa nogato, ewe unozorha mumbuti jomushango. Unozorha shoziya lako zamara wahwirira pasi ngokuti ndipona puwakavha. yewe uribukuta pabukuta unohwirira. ¹⁹Mwanarume wakadanidja mukadji wake kuti Eva ngokuti yena wainga amai voswisikwa swese²⁰Jehova mwari wakaita pasha djomatovo dja Adamu nomukadji wake, omufhekedja. ²¹Jehova mwari wakati swineswi mwanarume mwanarume wafanana naesu, oziva swakanaka noswakashata, andizomutenderi kuti atore munbuti woupenhu usingaperi kuti aurhe apone nokusingaperi.²²Ndosaka Jeovha mwari akalasira pabherere lomugardeni lomu erdeni kuti varime pasi pavakasikwa napo. ²³Papo mwari vakagogomera mwanarume, okanda makherubi kumashinjikwa omugarden lomu erden nobanga laivezwa ²⁴laishanda mumativi ese, kuti rishengete gwanja lomunbuti woupenhu

¹Adamu wakaziva mukadji wake eva, wia akazomita akabereka kain, akati:ndabala mwana komana ngorubatsiro la Jeova mwari. ²Saka wakabala munukuna wake abero, swino abarwa abero wakaita muhavisi womakwai asi kain wairima mumunda³Padarika nguva , kain wakavhisa mushero yomunda akaenda kopa ajaeova mwari . ⁴Abero wakaviisayo swirimwa swokutanga nenhama yakanuka yemakwai ake. ⁵mwari wakadakarira abero neshipo shake. Asi ena aato kudakarira kain noshipo shake. swkadalo kain wakanhangajwa maningui nokusunga mumeso.⁶Jehova wakati kuna kain ngenhi wakanhangajwa, nguenhi mumeso mako makashamawa?. ⁷Kudai wakaita swakanaka auzotendwi here? kudai usingaiti swakanaka shisaishi shisakudongorera pamusuwo shinonga chisida kukuonerera , asi unofanera kushikunda.⁸Khain wakati kuna Abero munukuna wake akati, ngatiende mugwasha. paakaguma muhwasha kain wakasimukira hama yake abel akamuulaiya. ⁹Saka Jeova wakati kuna kain, uripi Abero munukuna wako? ena wakati waari, andizivi, ndirimungwariri womunukuna wangu here?¹⁰Jeova wakati, waitenhi? pamavhu izwi longazi yohama yako irikundidanidja kwandiri. ¹¹Swino urikutukwao ngo ivhu lashama mulomo kuti riwashire ngazi yohama yako irimunhala mako. ¹²Wakashanda ivhu arizoivhisi usazova uri mutiziri wonhika.¹³Khain wakati kuna Jeova, upanishi wangu wakakula kudarika swandinokwanisa. ¹⁴Shokwadi nhamasi munondigogomera paivhu lenhu, ngokudalo ndishazova ndirindhambo kwenhu. ndishava ndirimutiziri nemufambi wenhika, wiana anesangana neni unondiulaya. Jeovha mwari wakati kwaari; wia asamuulaya kain unozpodzidzirwa anoviya padera pake kakapetwa kanomwe, ¹⁵jeovha mwari wakaisa shioniso pana kain kuti wiya anomuwona asamuulaya.¹⁶Khain awakabuda kuva pamberi pa Jeovha mwari akagara munhika yo node, ngokumavhazuva kwe eden. ¹⁷Khain wakaziva mukadji wake nae wakaita mimba akabala inoki. kain wakawakisa doroba akaripa zina lomwana wake inoki.¹⁸No inoki kwakabarwa iradi, kuna iradi kakabarwa meojael, kuna mejoale kakabarwa metosael, kuna metosael kakabarwa lameke. ¹⁹Lamequi wakalovola vakadji vaviri, zina loumwe ndi ada loumweni laizwi zila .²⁰Ada wakabala Jabal, iye waiva baba wevandu vanogala mumatende vanoswipuka swopamuzi. ²¹Munukuna wake waiva Jubal. Ndiye wainga ari baba wovandhu vanorida mbira nonhere. ²²Nazila wakabala mwana wake tubal_ kain ndiye waiva mufhuri waswese swokusheka ndiswo swothusi neswosimbi: anzwaji wa tubalkain waiva Namal.²³Lameki wakati kuvakadji vake Ada na Zila, izwai izwi langu imwimwi vakadji valameki, izwai kuvereketa kangu ngokuti ndakaulaya mundu unondiremadja jaha ngokuti landiremedza. ²⁴Kudai khain esivhunja kanomwe, nguegwinhiso lameki unozovhunja makumi manomwe nakanomwe kakapetwa²⁵N Adamo wakazivaswe mukadji wake nae wakabala mukororo akapa zita lokuzwi sete, ngokuti mwari wandipa mwana unweni pandawu ya abero wia akaulahwa ndi kain. ²⁶Sete naenawo wakabalao mwana wake akamupa zina lake kuti enos, apapo vandu vakatanga kukumbira ngozina la jehova mwari.

¹Iri ibuku lo ndorovondo ja Adamu. zuva laakasika mwari mwanarume,yena wakaita swiro swakafanana. ²Ena wakasika mwanarume no mwanakadji, wakavaropafadza wopedja wovadhaija pavakasikwa.³Adamu wakapona makore zana namakumi matatu wakabala mwana akafanana naena, akamudhanidja zina lokuti sete. ⁴Aya mazuva a Adamu, paakapedja kubereka sete, makumashanu omakore namakore makumalongomuna: akazobalaswe vanakadji novanarume. ⁵Ngokudalo aya ndiwo mazuva akapona Adamu, makumashanu namakumalongomuna omakore, apedja ofa.⁶Sete wakapona makore shiuru nomakunashanu omakore. ⁷Ozobala eno, sete wakapona makore makumashanu namakumalongomuna na mashanu namakumaviri omakore: akazobala vanakadji novanarume. ⁸Mazuva ake ese okupona sete, mazana mafhunbamwe na gumi namaviri. opedja ofa .⁹Ena eno wakapona makore makumi mafhumbamwe obala khenani?. ¹⁰Apo paakazowana khenani, Eno wakazopona mazana masere anogumi namashanu wakazowana vanarume novasikane . ¹¹Ena eno wakazopona makore mazanana mafhumbamwe namashanu, opedja ofa.¹²Khenani wakapona makore makumi namanomwe, wakazobala mahalalela. ¹³Paakazobala mahalalela, khenani wakapona makore mazana masere namakumi mana ozobala vanarume novasikane. ¹⁴Apo khenani wakazopona makore anoita mazana mafhumbamwe no gumi; opedja ofa.¹⁵Ena mahalalela wakapona makore makumi matandhatu namashanu omakore ozobala djeredi. ¹⁶Paakazobala djeredi mahalalela wakapona makore mazana masere namakumi matatu owana vanarume novanasikana. ¹⁷mahalalela wakapona makore mazana masere namakumi mafhumbamwe namashanu opedja ofa.¹⁸Jeredi wakapona makore zana namakumi matandatunamaviri, obereka inoki. ¹⁹Paakazobala inoki, Jeredi wakazopona makore mazana masere, wakazovaswe novanasikana novanarume. ²⁰Jeredi wakapona makore mazana mafhumbamwe namakumi matatu namaviri, opedja ofa.²¹Inoki wakapona makore anokwana kuita makumi matatu namashanu, akanala mathusale. ²²Ena Inoki wakafamba namwari ena wakazowana mathusale, Inoki wakapona makore anokwana mazana matatu, ozobala vanarime novanakadji. ²³Apo Inoki wakapona makore mazana matatu nomakumi matandatu namashanu. ²⁴Ena Inoki wakafamba na Mwari, opedja onhamalala ngokuti Mwari wakamutola.²⁵Ena mathusale wakapona makore zana nomakore makumi masere, akazobereka Rameki. ²⁶Paakazobala rameki, ena mathusalen wakapona makore anoita manomwe wakazowana vanarume novasikane. ²⁷Nathusalen wakapona makore mazana mafhumbamwe ena akazofa.²⁸Apo lameki wakapona makore anoita makumi masere namaviri, obala mwana. ²⁹Wakamudhudja kuti Noa, hessiti, usati valaidja pamabasa nokupanguidjirwa kubata mahoko ed.³⁰Lameki wakapona makore mazana mashanu nomakumi mafhumbamwe nomashanu, aposwe wakazobala Noa novamweni vakomana novasikana. ³¹Lameki wakazopona makore mazana manomwe nomakumi manomwe nomanomwe opedja ofa.³²Ena Noa wakapona makore mazana mashanu, obala sem, cam,na jafe

¹Naapo, vandhu povakatanga kuwanda padenga ponhikanovasikane vakaberekwa kovari. ²Vakororo vamwari vakaona kuti vasikane vovandhu vainga vakanaka, vona vakaswitorera kuti vaite vakadji vavo kuti vavadhakadje. ³Manbo mwari wakati mweia wangu auzogali nokusingaperi novandu ngokuti inhama asi mazuva ake anozoita makore zana namakumi maviri.⁴Vandhu vakagwinha novamweni vakanga varimo munhika pazuva riya, ngokudalo pakangaswe panguena vana vamwari novasikane vovanarume, vakabala vana, ava vainga vakangwala kutangira papo, vakanga vari vandhu vanomazina.⁵Mwari wakaona kuti kushata kovandhu vake kakula munhika ngokuti kusikisira kondangariro nomweiyo yavo yainga yakashata nguva djese. ⁶Namambo mwari wakagununhuna ngokusika mundhu panhika, asi heswo sakamushamwisa mweya wake.⁷Manbo mwari wakati: ndinozopaladja vandhu vandakasika padenga ponhika, swese swikara swinogweswa noshiri djomudenga ngokuti swinondiwadja mweio ngokuswiita. ⁸Asi noa wakaitirwa nhasha mukuona kamadjiso avo manbo Mwari⁹Iri ndilo dzinza la Noa: Noa, Murume akatendeka, wainga akaperera pamberi povandhu nonguvayo noa wakahamba namwari. ¹⁰Ngokudalo Noa wakava baba wovana vatatu, Sem, Cam na Jafe.¹¹Nhika yainga yashata pamberi pa mwari, nhika yainga yazala ngoushaishi. ¹²Mwari wakaona nhika kuti yainga yashata,nhama yese yainga yashaishira nhika.¹³Mwari wakati kuna Nowa: kupera konhama kaguma pamberi pangu ngokuti nhika yazala ngoswishaishi kuburikidza ndivo, vona ndinozovaulaya pamwepo nonhika. ¹⁴Ita ngarava ngomunbuti unozwi gofa, unozonasirira makamera mungarava, unozoinama mukati nopaberere ngonamo. ¹⁵Iyi ndiyo nzira yaunozoinasirira ndiyo. kureba kongarava kunoita mamitha zana nomakumi matatu namatatu, kupambhama kayo kunozoita mamitha makumi maviri namaviri, kudjika kayo kunozoita mamitha gumi namatatu¹⁶Unozoita dhenga longarava, unozoriwadjirira rino ndau yomamitha makumalongomuna nomashanu anosianisa dhenga nomuviri wongarava, uzokanda musuvo parutivi, uzoitaswe shikiro shokutanga, doko no huane. ¹⁷Ngokuti yeni ndinozozisa ndambi yonvula padenga lonhika, kuti izopaladja nhama yese inopona pasi podenga; swese swirimo munhika swinopona , swinozofa.¹⁸Asi ndinozogwinhisa shitenderano shangu naewe, ewe unozongena mukati mongarava, novana, novakadji pamwepo naewe. ¹⁹Naewe unozozisa mungarava swiuru noswiuru swombeu swembeu swese swinopona nonhama yese kuti uswingwarire, unozotola sworume noswokadji.²⁰Noshiri kudai ngokuteveredjana kombeu yaswo, nokuswiro swese swinokwesa nonhika kubudikidza ngombeu jaswo, swinozoviya kauri kuti uswingwarire ²¹swipone. Unganidjei swirhiwa swese, swinozonga swiei swirhiwa swako navose. ²²Nowa wakaita kudalo, wakaita swese swaakavhunjwa ndi mwari.

¹1 Kudhudzirwa kwe soko ra Ishe kune Iziraeri, ne pamuso pa Marakia. ²Inini ndinosomudai, kubhuya kwa Ishe; asi imwimwi munosoti: Munosotidha pazwipi? Djakobo aingepi ari hama ya Ezauu? kubhuya kwa Ishe, asi ndakadha Djakobo, ³uye ndikawenga Ezauu; uye ndakaita kuti makomo awo aparadzwe, uye ndaka yawo ikaenda kune zwinyama zwemutyambe⁴Kunyangwe Edomo ikabhuya: Takaparadzwa, asi titchapetuka kuwakazwe nyumba dzakaparadzwa; Ishe we hondo unoti: Iwona atchawaka, uye Inini nditchaputsa; uye mutchadhaindzwa "mutandya we ushaishi" ne "anhu akatsamwirwa na Ishe kwenda ne kwenda" ⁵Uye madziso enyu atchawona, uye mutchati: Ngakudzwe Ishe dzamara kundze kwe mutandya we Iziraeri⁶Mwana unokudza bhabha, uye musendzi kune ishe wake; kana ndiri Bhabha, rukudzo rangu riripi? Uye kana ndini Ishe, kunditya kwenyu kuripi? Ishe we hondo unoti kwamuri, mapirisita, munonyodza zina rangu. Asi imwimwi munoti: Tinosomunyodzai papi zina renyu? ⁷Pamunoundzisa mikati dzakaswipiswa pa aritari yangu. Uye munoti: Takakuswipisai papi? Pamunoti: Tyebo ya Ishe inonyangadza⁸Uye pamunoundzisa zwinyama bhofo kuitira zwipiriso, izwona azwina kushata here? Uye pamunoundzisa zwinyama zwigono kana zwinorwara, izwona azwina kushata here? Enda kozwipasa mutungamiriri wako; uwone kana iyena unodyakara nazwo here, kana kuti iyena unokutenda here? kubhuya kwa Ishe we hondo. ⁹Zwino kumbirai ngoni kuna Mwari kuti Iyena awe ne ngoni nemwi; zwingaita here, kuti naizwona zwamunosoita ne nyara dzenyu, Iyena unomutambirai? kubhuya kwa Ishe we hondo¹⁰Ndiani zwino, aripo pakati penyu utchafunga musuwo? Nekudharo imwimwi amuzobhakidzi muriro we pa aritari yangu pasina! Inini andina hanya nemwi, kubhuya kwa Ishe we hondo, uye andidhakari ne zwipo zwe nyara dzenyu. ¹¹Nekuti kuvira kumava zua dzamara kumadhokero zina rangu ritchawe rikuru pakati pemarudzi; uye kumbuto dzese kutchaizwa zwipiriso zwakatchena muzina rangu; nekuti zina rangu ritchawe rakakura pakati pemarudzi, kubhuya kwa Ishe we hondo. ¹²Asi imwimwi munosomutuka pamunosoti: Tyebo ya Ishe yakaswipiswa; uye zwekurya zwatcho zwakanyodzwa¹³Kundze kwazwo, munosoti: Zwinorembesa zwikuru! Uye munosomunyodza, kubhuya kwa Ishe we hondo; imwimwi munosoundzisa zwiro zwekubhiwa, zwinyama zwigono, uye ne zwinorwara, metchizwiundzisa kuzwipo. Kuwona kwenyu waizwozwitambira here? kubhuya kwa Ishe. ¹⁴Ngatukwe munhu munyepi, une tchinyama tche kono mudhanga rake, uye unowimbisa, asi unopa se tchipiriso tchiya tchakakuwara kuna Ishe; nekuti Inini ndini mambo mukuru, kubhuya kwa Ishe we hondo, uye zina rangu rinotyiwa pakati pemarudzi.

¹Zwadharoko mutchazwiziya kuti Inini ndini ndakakutumirai mutemo uwu, ²kuitira kuti tchitenderano tchangu tchiwe na Revi, kubhuya kwa Ishe we hondo.³Ngatukwe munhu munyepi, une tchinyama tche kono mudhanga rake, uye unowimbisa, asi unopa se tchipiriso tchiya tchakakuwara kuna Ishe; ⁴nekuti Inini ndini mambo mukuru, kubhuya kwa Ishe we hondo, uye zina rangu rinotyiwa pakati pemarudzi.⁵Tchitenderano tchangu tchakawe naye tche ndaramo ne rugare, zwandakakupasa kuti pawe ne kutya; uye iyena wakanditya, uye wakawe ne kutya pambheri pe zina rangu. ⁶Mutemo we tchokwadhi wainge uri pamuromo wake,uye apana kuwoneka kusarurama mumuromo wake; iyena waihamba neni murugare uye mukururama, uye wakatendeusa ajindji muzwakashata. ⁷Nekuti muromo we mupirisita unofanira kutchengeta ruziyo, uye mumuromo wake ngamuswage mutemo; nekuti iyena ndimupi we masoko a Ishe we hondo⁸Asi imwimwi makabhuda mugwandza; makaita kuti ajindji atsauke mumutemo; makaputsa tchitenderano tcha Revi, kubuya kwa Ishe we hondo. ⁹Saka Inini ndakakuitai kuti munyodzwewo uye muwe anhu asikafaniri pamberi pe anhu ese, nekuti amuripi kuterera gwandza rangu, uye pamutemo munosianisa anhu¹⁰Atina isusu tese bhabha umwewo? Atina kusikwa na Mwari umwewo? Ngei zwino, tinopandukirana umwe ne hama yake, tetchiswipisa tchitenderano tchemadzibhabha edhu? ¹¹Judaa unosoita zwiro neupanduki, uye ushaishi urikuizwa ku Iziraeri ne Djerusarema; nekuti Judaa unoswipisa mbuto swene ya Ishe, yanodhisisa, uye warorana ne mwanasikana we mwari usikazikwani. ¹²Ishe utchavisa muzwitumba zwa Jakobo kune munhu utchaita izwi, kune unowonerera, uye ne kuno unodhairira, uye ne kuno unoundzisa zwipo kuna Ishe we hondo¹³Uye munosoita tchiro itchi tchetchipiri: Munosofukidza aritari ya Ishe ne misodzi, kutchema, nekudhedhera; saka Iyena azonyasi kuringirisa kune zwipo, kana kutambira nekudhakara awinova munyara yenyu¹⁴Imwimwi munosoti: Zwaizwa ngedaya yei? Ngei Ishe akawe mupupuri pakati pako ne mukadzi we udjaha wako, waunosopandukira, ari iyena umwe wako, uye ari mukadzi wetchitenderano tchako. ¹⁵Uye hana iyena kuita umwe bhasi kunyangwe atchiri nawo mwiya? Uye ngei umwe? Kuti aswage rimwe rudzi ra Mwari. Zwitchengetei mumwiya dzenyu, uye ngapasawoneke pakati penyu angawe asina kururama kune mukadzi we udjaha wake. ¹⁶Nekuti Ishe Mwari we Iziraeri unoti ndinowenga kurambana, uye ne unoswipidza matchira ake ne ubinya, kubhuya kwa Ishe we hondo. Zwitchengetei mumwiya dzenyu, uye musawe anhu asina kururama.¹⁷Ishe waremba kuzwa zwamunobhuya. Uye munosoti: Tinosomurembhesa nei? Pamunosoti: Upi hake unoita zwakashata wakanaka kune madziso a Ishe, kuti unodhakara nawo; kana kuti: Uripi Mwari we utongi?

¹Zwino Inini nditchatuma mutumwa wangu wemasoko, utchagadzirira gwandza pamberi pangu; uye tchiriporipotcho utchawiya ku tyemberi yake Ishe wamuri kuswaga, mutumwa we masoko etchitenderano wamuridhisisa. Zwino iyena uri kuwiya, kubhuya kwa Ishe we hondo. ²Asi ndiani utchashingirira patsiku ye kuwiya kwake? Ndiani utchakwanisa kugara akamira kana iyena akawiya? Nekuti iyena atchawe se moto, uye se sabhao yekupyadza nayo. ³Uye iyena utchagara se mupukuti ne mutchenesi we ciriveri; nekuti iyena utchapukuta ana a Revi, uye utchapukuta se goridi uye se ciriveri; zwadharo atchaundzisa kuna Ishe zwipo ne kururama.⁴Uye tchipo tcha Judaa ne tcha Djerusarema tchitchawe tchakanaka kuna Ishe, se pamatsiku ekare, uye se pamakore ekare. ⁵Uye Inini nditchakwedyera kwamuri kuitira utongi; uye nditchawe tchapupu kune aroi ne mbhombhwe, uye kune anoita mbhiko yemanyepo, uye ne kune anodwinyirira musendzi pamubhairo wake, shirikadzi, uye ne ndyerera, uye ne anodwinyirira zwipiwa zwe mufambi, uye awandityi, kubhuya kwa Ishe we hondo.⁶Nekuti Inini Ishe, anditchindji; saka imwimwi, ana a Jakobo, amuripi kuparadzwa. ⁷Kuvira pamatsiku emadzibhabha enyu imwimwi makagara makabhuda mumutemo dzangu, uye amuna kudziterera. Petukai kwandiri, uye inini nditchapetuka kwamuri, kubhuya kwa Ishe we hondo. Asi imwimwi munosoti: Tinofnira kupetuka pazwipi?⁸Zwingaita here kuti munhu abhire Mwari? Imwimwi munosondibhira. Asi imwimwi munoti: Tinosomubhira pazwipi? Muzwagumi ne muzwipo. ⁹Nekutukwa munosokukwa nekuti imwimwi munosondibhira, rudzi rese.¹⁰Undzisai zwagumi zwese kunyumba ye ufumi, kuitira kuti kuwe ne zwekurya munyumba yangu; uye ndiedzei paizwi, kubhuya kwa Ishe we hondo, kuti ndimufunungurirei mabhori edyenga, uye ndodhurura pamusoro penyu maropafadzo akawandisisa. ¹¹Uye nekuda kwenyu nditchaparadza muparadzi, kuitira kuti asaswipise mitchero yenyu panyika; uye mizambiringa yenyu mumunda aizowi isikabhereki, kubhuya kwa Ishe we hondo. ¹²Uye marudzi ese atchamuti makaropafadzwa; nekuti imwimwi mutchawe nyika inodhakadza, kubhuya kwa Ishe we hondo.¹³Masoko enyu anosowa akawoma kwandiri, kubhuya kwa Ishe. Asi imwimwi kunosoti: Tinosobhuei kwamuri? ¹⁴Imwimwi munosoti: Azwina bhasa kusendzera Mwari; tinosowinei pakutchengeta mutemo dzake uye ne kuhamba teidyeketera pamberi pa Ishe we hondo? ¹⁵Ngatidhane anhu anerake kune anozwikudza, nekuti anoita zwishaishi arikubhudhirira; kunyangwe aedze Mwari, iwona anopukunyuka¹⁶Zwino aya akatya Ishe akabuya umwe na umwe kune umweni wake, uye Ishe wakaapurutana uye akawazwa; uye kukatarwa rimwe bhuku rekuedzurira pamberi pake kune anotya Ishe, uye nekune aremekedza zina rake.¹⁷Uye iwona atchawe zwiro zwangu zwakakosha patsiku yanditchagadzirira, kubhuya kwa Ishe we hondo; uye nditchakununurai se mwanarume unonunura mwana wake unomusendzera. ¹⁸Zwadharo mutchapetuka kuwonakusiana pakati pe wakarurama ne wakashata, pakati pe anosendzera Mwari ne usikamusendzeri

¹Uye iwona atchawe zwiro zwangu zwakakosha patsiku yanditchagadzirira, kubhuya kwa Ishe we hondo; ²uye nditchakununurai se mwanarume unonunura mwana wake unomusendzera. ³Zwadharo mutchapetuka kuwonakusiana pakati pe wakarurama ne wakashata, pakati pe anosendzera Mwari ne usikamusendzeri.⁴Rangarirai mutemo ya musendzi wangu Mozesi, wandakamutumira ku Horebe mirairo ne mitemo kune Iziraeri yese. ⁵Zwino Inini ndinokutumirai muporofiti Eria, arisati rawiya tsiku guru rinotyisa ra Ishe. ⁶Eyena utchatendeudza mwoyo dzemadzibhabha kune ana, uye mwoyo dze ana kune madzibhabha; kuti zwisaitike kuti Inini ndiwiye ndikuwadze ne kutuka nyika.

¹Buku lokubarwa ka Jesu kristu, mwana waDavhidhi, mwana waAbrahama. ²Abrahama wakabala Isaka, naIsaka wakabala Jakobe, naJakobe wakabala Judha novanukuna vake; ³NaJudha wakabala Farezi naZara Waakaita na Tamari, naFarezi wakabala Hezironi, naHezironi wakabalaAramu;⁴NaAroni wakabala Aminadhabhi, naAminadhabhi wakabala Nasoni, naNasoni wakabala Salimini; ⁵naSalomoni wakabala Bhoasi waakaita na Rahabi, naBhoasi wakabala Obhedhi waakaita na Rute, naObhedhi wakabala Jesi, ⁶naJesi wakabala Dhavhidhi uhani akanga arimambo. NaDhavhidhi mambo akabala Solomoni nomukadji anga ari waUria.⁷NaSolomoni wakabala Rebhoamu, naRebhoamu wakabala Abhia, naAbhia wakabala Asa. ⁸na Asa wakabala Jehoshafati, naJehoshafati wakabala Jeramu, naJeramu wakabala Uzia.⁹NaUzia wakabala Jetamu, naJetamu wakabala Ahazi, naAhazi wakabala Hezekia. ¹⁰NaHezekia wakabala Manase, naManase wakabala Amoni, naAmoni wakabala Josia, ¹¹naJosia wakabala Jakonia novanukuna vake, panguva yokutorwa kuyenda Bhabhiloni.¹²kumasure kokutorwa kuyenda Bhabhiloni, Jekonia wakabala Saratieri, naSaratieri wakabala Zerubhabheri. ¹³NaZerubaberi wakabala Abhiudhi, naAbhiudhi wakabala Eliakim, naEliakim wakabala Azo; ¹⁴naAzo wakabala Zadoki, naZadoki wakabala Akimu, naAkimu wakabala Eriudhi;¹⁵NaEliudhi wakabala Eliazari, naEliazari wakabala Matani, naMatani wakabala Jakobe, ¹⁶naJakobe wakabala Josefa, mwamuna waMaria, uyani akabala Jesu anozwi Kristu. ¹⁷nomaitire ese kubva kunaAbrahama kuguma kuna Dhavhidhi, yaka ita gumi nomakumalongomuna, kubvira kuna davidhi zamara muhutongui kuno gumi nomalongomuna omarudzi; nokuvira kuhutonghiwo bhabhiloni zamara kuna kristu.¹⁸Kubarwa kaJesu Kristu kakadai: Maria, amake vainga aemeserwa Josefa, vasati vadivana, ena wakaoneka anomimba yoMweya Wakachena. ¹⁹NaJosefa mwamuna wake, ngokuti wainga ari munhu akanaka, asingadi kumudanisa, waida kuti amulambe zwakavandika.²⁰Paanga esilangaridja, ngilosi yaaMambo yakaoneka kaari nokulota yesiti: “Josefa, mwana waDhavhidhi, usatya kutola Maria mukadji wako, nokuti mimba iyo yaanayo ngeyoMweya Wakachena. ²¹Unozobala mukomana; neyewe unozodudja zina lake kuti Jesu nokuti ndiyena anozoponesa vanhu vake kubva kuzvishaishi zvavo”.²²Zvese izvi zvakaitika kuti zvizadjisike izvo zvakaveketwa ndiMambo kompamusolo pomuprofeti eiti: ²³itchaita mhandara inozoita mimba, nekuzo bala mwana we mukomana, navo vanozodudja zina lake kuti Emanueri” riunoti, “Mwari unesu”.²⁴Josefa pakamuka kudva muhope, wakaita kudai ngokuvudja gongilosi yaMambo, wakatola mukadji wake. ²⁵Naye aato kuidivana naye metsa wakabala mwanakomana; naye wakadudja zita lake kuti Jesu.

¹Pakubva kubarwa ka Jesu muBeterehema loJudhia pamazuva aHerodhi mambo, kwakauya vazii vaidjidja ngezvenyeredji vechibva kumabvazuva vakaguma Jerusarema, Veciti: ²“Uri kupi uwo wakabarwa Mambo yomaJudha? Nokuti takaona nyeredji yake kumabvazuva, naesu tavia kuti timudire.” ³Herodhi mambo pakazwa izvi, wakatambudjika nuvoJerusarema vese naye.⁴Herodhi wakaunganidja pamwepo vaprista vakuwane vese nevanyori vovanhu, akavabvunzja kuti, “Unozobarwa papi Kristu? ” ⁵Avo vakati kaari, “MuBetherehema reJudhia; nokuti kwakanyorwa nemuprofetiti etchiti: ⁶‘Iwe Betherehema, nyika yaJudha, ausi mudoko pakati pamadhorobha avaJudha; nokuti kauri kunozobuda mutungamiriri uwo anozoita muhafisi wevanhu vangu voisiraeri.’⁷Apo Herodhi wakadhaidja vazivi vaidjidja ngezvenyeredji zwakaviguika, akanasa kubvunzjisisa kavari nguva yeyakaoneka nyeredji. ⁸Naye wakavatuma muBetherehema, akati, “Endai munase kutsvakisisa uwo mwana mudoko; kuti mukamuona mundivunzje, kuti neniwo ndiende ndimudire”.⁹Apo pavakapedja kuzwa mambo, vakaenda, nyeredjii iyo yavakaona kumabvazuva yakavatungamirira mbesa vakaguma pandau apo painga nemwana mudoko. ¹⁰Apo pavakaona nyeredji vakadakala nokudakala kukuru.¹¹Vakangena mumba, vakaona mwanainini naMaria amake; navo vakakotama pasi, vakamupa.Vakabeula ganho lake vakamupa zvipo, mukore, makha nemhura. ¹²Mwari akavapangwa mukulota kuti vasasahwirira kunaHerodhi, vakaenda nogwatcha rimweni kunyika yavo.¹³Pavakaenda, ngilosi yaMambo yakaoneka kunaJasefa mukulota yeciti, “Muka, utore mwainini namake, utizire Egipita, ugare apo kubesa ndizokuvudja, ngokuti Herodhi unozotsvaka mwana mudoko kuti amuulaye”. ¹⁴Ena wakamuka, akatora mwanainini namai naamake usiku, vakaenda Egipite. ¹⁵Naye wakagareyo mbesa kufa kwaHerodhi. Kuti zvizozagisirua izvi zvakaveketwa ndiMambo kubudikidja nemuprofeti yeciti: “Ndakadaidja mwana mukomana wangu kuti abude Egipite”.¹⁶Apo Herodhi paakaona kuti wakaitirwa jee ngevazii vaidjiidja ngezvenyeredji, wakanhangadzwa zwakanhanha. Akaauraisa vadoko vese vevakomana vainga vari muBetherehema pamuganga uyani yese, avo vanga vano makore maviri nevainga pasi paawo, kudai nenguwa iyo yaanga akanasa kubvunzisisa vazii.¹⁷Asi Zvakazadjisika izvo zvakavereketwa kubudikidja ndiJeremia muprofeti eciti: ¹⁸“izwi lakazika muRama, kuchema nokutsumba kukuwane, Racheri esichemera vana vake, asikatendi kunhaladjwa, nokuti vainga vasisipo”.¹⁹Asi apo Herodhi afa, ngiosi yaaMambo yakaoneka mukulota kunaJosefa ari muEgipite yesiti: ²⁰“Muruka, utore mwana mudoko naamake, uende munyika yeIsuraeri; ngokuti avo vaitsvaka kuulaya mwana mudoko vakafa.” ²¹Josefa wakamuruka, akatola mwana mudoko namaake, akauya munyika yeIsuraeri.²²Asi paakazwa kuti Akirausi wainga amambo voJudhia pandau yabaake Herodhi, wakatkya kuendayo; esiziviswa mukulota, vakapaukira kunyika yeGarire, ²³vakavia akagala pandau inozwi Nazaretha; kuti rizadjisike izwi rakavereketwa ngevaprofeti kuti, “Munozozwi muNazaretha”.

¹Pamazuvawo, pakaoneka Johani muBhabhatidzi etchiparidza mumurembe mweJudhia ²esiti: “Tendeukai; ngokuti umambo hwokudenga waa phendho”. ³Nokuti uwu ndiyena akavereketwatwa ndi Isaya muprofeti esiti: izwi riunodaidjira mumurembe: “Nasiriranhi Makwadja aMambo, thobhesanhi makwadja ake”.⁴Johani waisimira zwipfeko akaitwa ngomatoo ekamera, nebhande redoo muchiunu chake nokurha kake kainga makwiza neuchi womugwacha. ⁵Kakavia kaari vekuJerusarema navese voJudhia novonharaunda yese yoJorodhani, ⁶navo vakabhabhatidjwa ndiye mumukova woJorodhani, vesitenda zvishaishi zvavo.⁷Asi esiona vaziji vovaFarisi novaSadhusi, vesivia kubhabhatidjo rake, wakati kavari: “yemwi vana vemabuura, ndiani akamuitisa kuti mutize ushungu hunovia? ⁸Ndizvona, kubarwa kwemuchero inoonisa kutendeuka. ⁹Musafunga mesiti mukati menyu, ‘Tina Abrahama aba vedu.’ Nokuti ndinoti kamuri Mwari unesimba rekumuitira vana kunaAbrahama kana nomapuwe aya.¹⁰zwzwi Beula lakadwa pamudji djomumbuti. Ndizvo mʹmbuti wese usikabereki muchero yakanaka unotemerwa pasi, nekukandirwe mumuriro. ¹¹yeni ngogwinyiso ndinomubhabhatidja ngokumwa, kuita chioniso tchokutendeuka, asi uwu anovia sure kangu unesimba kupinda yeni, andinakodzero yekutwala magwada ake. uwu ndiyena unozomubhabhatidja ngoMweya Wakachena nemoto. ¹²fosholo iri munyala yake, nayo unozonasa kutsvaira mbuva yake nokuunganidja koloni yake muchitumba, asi unozopisha mudtche ngomuriro usikadjimi”.¹³Apo Jesu wakavia moJorodhani kunaJohani esibva Galileia, koobhabhatidzwa ndiyena, ¹⁴Asi Johani wakada kumulambira esiti, “yeni ndinodha kuti ndibhabhatidjwe ndiwe, yewe wovia kwnadiri here?” ¹⁵Asi Jesu wakapingula esiti kaari, “Wesiitenda zvezwi, nokuti ngokudalo kunodikana kuti tizadjise kunaka kese.” Apo Johani wakamutendera.¹⁶Apo Jesu paakabva kobabhatidzwa, wakabva mukumwa, apo denga lakavurika kaari, yena wakaona Mweya waMwari weimata wakafanidjwa ngotchiva, wesiviaa padenga pake. ¹⁷Izwi lesibva mudenga lakati, “Uwu ndiye mwanakomana wangu, andinodhisisa. Kaari ndinodakala ndiyena.

¹Apo Jesu wakakweviwewa neMweya kuenda mugwacha kuti aedjwe ndisathana. ²Paakabva ko tsanha mazuva gumi nomalongomuna masikati nousiku, ena wakazwa njzala. ³Muedji wakavia kaari akati, “Kuti yewe uri Mwanamukomana waMwari, tchindja aya mapuwe aite Pau”. ⁴Asi ena wakamupingula akati, “Kakanyorwa kuti munhu aazolalami ngoPau djega, asi ese anobuda Mwanakomana waMwari"'.⁵Apo Dhiabhorosi wakamutola kuenda nayena kudhorobha lakachena, wakamukanda padenga posoto ⁶akati kaari, “Kuti yewe uri Mwanakomana waMwari, zwikandire pasi, nekuti kakanyorwa kuti, ‘Unozotumira ngilosi djake ngondava djako, nadjo djinozokubata ngenyala djadjo, kuti usazorimala soka yako pabuwe.⁷Jesu wakati kaari, “Kakanyorwazve kuti, ‘Usazoedja Mambo Mwari vako. ⁸, Dhiabhorosi wakamutola kuenda pamuganga wakanyanya kureba, wakamukombidjira umambo wese wonyika nokutendenga kahwo. ⁹Naye wakati kaari, “Izvi zvese ndinozokupa, kudai ukazogwadama pasi nokundidira”.¹⁰Apo Jesu wakati kaari, “Ibva Sathana, nokuti kakanyorwa kuti, ‘Unozodira aMambo Mwari vako nokumushandira ena ega. ¹¹Saka, apo sathani waka musia, ngilosi djika via nokumu shandira.¹²Apo Jesu paakazwa kuti Johani wakasungwa, wakahwirirazve Galilea. ¹³esibva Nazaretha, wakavia akagala muKhapernaume, rinogala phedo peruandhle, munharaunda dzeZebhuruni neNafitari.¹⁴Kuti rizadzisike izwi iro lakaveketwa ndiIsaya muprofeti esiti: ¹⁵“Nyika yeZebhuruni nenyika yeNafitari, paguadja rinoenda kuruandhle, kupiri koJorodhani, Garire revanhu vemadjinza. ¹⁶Vanhu avo vainga vakagala muchidima vakaona kujeka kukuwane; naavo vainga vakagala munyika nomubvute lorufu, kujeka kwakavabudira”.¹⁷Kubvira panguwa yona Jesu wakatanga kuchumaira esiti, “Tendeukai; nokuti umambo womudenga waa phedo”.¹⁸Esihamba phedo muruandle loGalileia, wakaona vakoma vaviri Simoni unozwi Petro, naAndreu munukuna wake, vechikandira nhaa yavo muruandhle; nokuti vainga vari vabati vehove. ¹⁹Wakati kavari, “Teverai sure kangu, yeni ndinozomuita vabati vevanhu”. ²⁰Kubvapapo vakasia nhaya dzavo vakamutevera.²¹Esibva apo wakaona hama mbiri, Jakobe mwanakomana waZebhedhi ne munukuna wake Johani, vari mungarava pamwepo naabavo Zebhedhi vechinasira ndava dzavo; naye wakavadaidja. ²²Apo wakabva vakasiya ngarava naabavo, vakamutevera/.²³NaJesu wakahamba-hamba muGarire mese, esidjidjisa mumhatso djavo djokudira nokuchumira vhangeri roumambo, nokulapa zwitenda zwese mukati mevanhu. ²⁴Nombiri yake yakateketeswa munyika yese yoSiria, navo vakavisa kaari vese vaiwadja avo vainga nomatenda djakapaladjana, nevainga vewadjiwa, naavo vainga vane madhimoni, navo vainga notchuti, naavo vainga vakaoma muviri, ena wakavaponesa. ²⁵vakamutevera mbungano huru yevanhu vechibva Garire, Dhekaporisi, Jerusarema, Judhia noruseri rweJorodhani.

¹Apo Jesu paakaona ruzinji, wakakwira gomo, napo akagala pasi, nevadjidji vake vakavia kaari. ²Wakashama mulomo wake, akakavadjidjisa esiti: ³Vakatchena valombo vomweya, nokuti ngewavo umambo womudenga. ⁴Vakatchena vanotsumba, nokuti vanozoembedzerwa.⁵Vakatchena vakapfaa, nokuti vanozogala nhaka yomunyika. ⁶Vakatchena avo vano tchala nonyota ngokuda kubonga, nokuti vanozogutiswa. ⁷Vakatchena avo vanenyasha, nokuti vanozoitirwa nyasha. ⁸Vakatchena avo vanemweyo wakachena, nokuti vanozoona Mwari.⁹Vanomuchena vaiyanisi, nokuti vanozozwi vana vaMwari. ¹⁰Vanomuchena avo vanotambudjwa ngondava yokutendeka, nokuti umambo womudenga ngevavo.¹¹Munomuchena apo mwootukwa, mwootambudzwa, mwoorewa mazwi ese akashata okunyepa ngepamusolo pangu. ¹²Dakalanhi, mesidakala kukuru; nokuti mubhairo wenyu mukuru mudenga; ngokuti nokudalo vakateverwa nekutambudjwa vaprofeti avo vakavia imwimwi musati.¹³yemwi muri munyu wenyika, asi kuti munyu walasa kunaka kayo, ungachazorunga ngenyi? Sure koizvi autchanakiri tchiro, kwega kulashwa kuberere nokutsikwa-tsikwa ngevanhu. ¹⁴yemwe muri chiedza tchonyika. Guta lakavakwa padenga pemutunhu aringafushiriki.¹⁵Akuna anobasera chibani nekutchikanda pasi pomutudhu, asi, kuberere, tchinokandwa pachigadjikiro pacho, nacho chinojekesa vese vari mumba. ¹⁶Nokudaro ngakujeke kujeka kwenyu pamberi pevanhu, kuti vaone mabasa yenyu yakanaka, nekurumbidza aba venyu vari kudenga.¹⁷Musafunga kuti ndakavia kuzopaladja Mupango kana kuti vaprofeti; andito kuvia koparadja, asi kuzvizadjisa. ¹⁸Ngegwinyiso ndinoti kamuri, mesa denga nenyika zvipinde, apana chiro chidoko chinozachinjwa kubva muMupango mesa zvese zvaitika.¹⁹Zwakadalo kunyangue ndiani anozogula chimwe chidoko cho iji mutemo, esidjidjisa vanhu kuita kudalo, iyo inozoita mudoko wokupedzisira muumambo wokudenga. Asi uyo unozonguarira mupango nekuzvidjidjisa, unozozwi mukuane muumambo wokudenga. ²⁰Ngokuti ndinoti kamuri, kudai kutendeka kwenyu kusikapindi kutendeka kovanyori nekwevaFarisi, amuzopindi muumambo wekudenga.²¹“Makazwa zwakarewa kavari panguva djokare kuti: ‘Unozoulaya.’ Neuwo unozoulaya unozova nondava yokutongwa. ²²Asi yeni ndinoti kamuri munhu wese uwo anonhangadjirwa munukuna wake unozova nondava yokutongwa, nouwo unozotuka munukuna wake kuti, ‘Munhu usinashwiro’, unozova nendava yokutongwa ngemakota, nouwo unozoti: ‘Iwewe bedji’, unozova nondava yokulaswa muGehena lomuriro.²³Ndizvona kudai wesititola chipo chako paaritari, apo unolangaridjwa kuti munukuna wako unotchichaichi nayewe, ²⁴regera chipo chako pamberi poaritari, uende; kutanga koreurira nomunukuna wako, kubva apo unozopetua nokuzovissa chipo chako.²⁵Tenderana nogava lako nekukasika, usiri mugwatcha mayo, kuti kunyangwe ngouri mukuwo gava lako risazokuhina kumutongi, nomutongi akuhine kunejoni, newe ukandwe mudjele. ²⁶Ngegwinyiso ndinoti kauri, ‘Auzobudimwo kumbera waripa nekamare kokupedjisira.²⁷“Makazwa kakarewa kuti: ‘Usazoomba’. ²⁸Asi yeni ndinoti kamuri, kunyagwe aninani anozohemula mwanakadji, watoomba naye mumweyo make.²⁹Asi kudai djiso lako rokumurhyo resikutadjisa, ribvite, urilase kubva kamuri; nokuti kakapinda kunaka kauri kuti chimwe chivengo chomuvir wako chife, kunokuti muviri wako wese ukandirwe muGehena. ³⁰Kuti nyala yako yokumurhyo yesikutadzisa, iteme, uilase kubva kauri; nokuti zwakapinda kunaka kauri kuti chimwe chivengo chomuviri wako chife, panekuti muviri wako wese ulaswe muGehena.³¹zwakarewa kuti: ‘Uwo anolamba mukadji wake, ngaamupe tsamba yokuparadjana.’ ³²Asi yeni ndinoti kamuri, ena anolamba mukadji wake asina ndava yokuomba, unomuitisa muombi, na uwo unomulovola uwo wakalambwa unoomba.³³Zwa, Makazwa zwakarewa kwavari panguva djokare kuti: ‘Usazopika wesinyepa, asi unozoita kunaMambo mhiko djako. ³⁴Asi yenii ndinoti kamuri, musazopika nakamwe, kunyazwi nokudenga, nokuti riri dendemaro laMwari ³⁵kunyazwi ngenyika, nokuti iri chitambarariro chosoka djake; kunyangwe neJerusarema, nokuti riri dhorobha raMambo mukuru.³⁶Kunyagwe ngomusolo lako, ngokuti aungazwikoni kuita kuti vudji rimwe richene kana risvipe kana kutchena. ³⁷Asi kuvereketa kwenyu ngakuite, ‘Eya, eya,’ nekuti, ‘Haiwa, haiwa;’ nookuti zvese izvo zvinopinda izvi zvinobva kuneuwo wakashata.³⁸Mwakazwa kuti kakawereketwa kuti: ‘Djiso ngee djiso, ne zino ngee zino. ³⁹Asi inini ndinoti komuri, usarwisana neuwo wakashata. Asi na uyana anozokutaka padama lako lokumurhyo, muwirigirei kaari rimwenizve.⁴⁰Kuti aripo unozokumangala nokutola hembe yako, mupevze kaari batchi lako. ⁴¹Neuwo anozokuvangiridja kuenda naye khilomitha rimwe, enda naye makhilomitha maviri. ⁴²Ipa kaari uwo unokumbira kauri, neuwo unoda kukolota kauri, usamulambira.⁴³Mwakazwa kuti kakarewa kuti: ‘Ida umweni wako no kuzonda muvengi wako. ⁴⁴Asi inini ndinoti komuri, idanhi vavengi wenyu ne kuvakumbirira avo vanomutambudza, ⁴⁵kuti muite vana vaaBa venyu wari mudenga; ngkuti ena unoita kuti zuva lake ribude padenga povakashata novakanaka, nokunisa mvula padenga povakatendeka novasikazi kutendeka.⁴⁶Ngokuti kudai mesida basi avo vanomuda yemwe, munozoashira mubairo wochinyi? Ansizwona here zvinoita vatheresi? ⁴⁷Kudai mechungamidja hama djenyu djega, munopinda vamweni ngokuitaani? Asizwona zvinoita ngomadjinza here? ⁴⁸Ndizvona yemwi itnhi makaperera, kudai abhenhu venyu vari kudenga vakaperera. Chumairo Inoendamberi.

¹Wonai kuti musaita mushando yokutendeka kwenyu pamberi povanhu, kuti vamuone, ngokuti mozodalo, amuzooni mubairo kunaaBa venyu vari kudenga. ²Saka mukazoopa zvipo zvenyu kuvalombo, usaridja gwamanda pamberi penyu yemwi, kudai ngozvovanoita vadjiitisi mumbhatso djo mumasinagoga ne mumapato, kuti varumbidjwe ngevandhu. Ngegwinyiso ndinoti komuri, matowashira mubhairo wavo.³Asi, woopa zvipo zvako kuvalombo, usatendera kuti nyala yako yokumubushue izive chinoitwa ngenyala yako yokumurhyo, ⁴kuti zvipo zvako zvipuwe ngokufishika; naaBavako vanoona kuwiguika vanozokupawo.⁵Apo mookumbira, musazodai ngovadziitisi, ngokuti vanoda kukumbira vechiema mumbhatso dzokudira nopambhalalano mumakwatcha, kuti vaoneke ngovanhu. Ngegwinyiso ndinoti komuri, vatowashira mubhairo wavo. ⁶Asi yewe, apo wookumbira, potera kukamera lako lopakati, naapo konya musiwo, kumbira kunaaBa vako vari mukuwiguika, naaBa vako vanoona mukuwiguika vanozokupawo. ⁷Asi mukukumbira kwenyu musazohwirindjira mashoko asina shwiro, kudai ngezvevanoita vomadzinza; ngokuti vona vanofunga kuti vanozoziwa ngokuwanda kwemashoko avo.⁸Ndizvo musazodai ndivo, ngokuti aBaba enyu vanoziwa izvo zvomunotama musati makumbira kwaari. ⁹Ndizvo kumbirai ngoiyi njira: “aBaba wedu vari kudenga, zita renyu garikudzwe. ¹⁰Umambo wenyu ngahuuye. Kuda kwenyu ngakuitwe munyika kudai ngomudenga.¹¹Tipei kudya kwedu kwezuva lanhamashi. ¹²Tiregerenhi zvitadzo zvedu kudai yesu takaregerera avo vanotadzaa kwotiri. 1 ¹³Musatipinza mukuedzwa, asi tinunurei kubva kuneuwo wakashata.¹⁴Ngokuti kudai yemwi mwechireguerera vanhu zvichaichi zvavo, aBaba wenyu vari kudenga vanozomureguererawo nemwi. ¹⁵Asi kudai musigareguereri vanhu zvichaichi zvavo, naBaba venyu avazomureguereriwo yemwi zvichaichi zvenyu.¹⁶Kundza kwe izvo, mukazozilaa, musasunga meso dzenyu kudai ngovadziitisi, ngokuti vanodzishaisha meso yenhu kuti vaoneke ngevanhu kuti vari pamutsanyo. Ngegwinyiso ndinoti kwomuri, vatowashira mubhairo wavo. ¹⁷Asi kwomuri, mukazotsanya, dzodzai musoro dzenyu, nekushamba mumeso menyu. 1 ¹⁸Kuti musazooneka ngovanhu kuti muri pamutsanyo, asi ndiBaba venyu vari pakawiguika, naBaba venyu avo vanoona mukufishika, vanozomupawo.¹⁹Musavziunganidzira gaanho munyika, apo mundu nengura zvinozvishaishira, apo mbavha dzinopwanya kube. ²⁰Asi unganidzai pfuma kudenga, apo unundu ngokuti ngura zvisikazvishaishiri, apo mbavha adzizo pwanyi nekube. ²¹Ngokuti panenge pane pfuma wako, apo ndipo panozowavo nemwoyo wako.²²Chibani chomuiri idziso, ndizvo kudai dziso rako riri dziso kwalo, muiri wako weshe unozozala ngokujeka. ²³Asi kuti dziso lako lakashata, muwiri wako weshe unozozala ngochidima. Ndizvo kudai kujeka kuri mukati mwako kuri chidima, kukuranyi kwechidima icho! ²⁴Akuna munhu angakona kushandira madzimambo mawiri, ngokuti unozonyengueredza umwe, ade umweni, nokuti unozoshoora umwe abatirire kunoumweni. Amungashandiri Mwari nemare.²⁵Ngendaa yeichi ndinoti kwomuri, musadembatemba mundalamo yenyu, kuti munozoryei ngokuti munozomwei ngokuti ngendaa yemuiri wenyu, kuti munozosimirenhi. Kutendeka akupindi kurya here, nemuiri aupindi zvokupfeka here? ²⁶Ningirai shiri dzomudenga kuti adzikushi, adzivhuganizi, nokuti kuunganidza mumatura; asi aBaba wenyu vari kudenga unodzipa zvokurya. Yemwiyo amuna kukosha kukuru kupinda idzo here?²⁷Ndiani kwomuri ngokudembatemba ungakona kuyenguedzera zuva rimwe rekupona kwake. ²⁸Nemwi munodembatemba ngeyi ngozvokufuka? Pinimidzai ngominyimbiri yomushango kumera kwayo, aishandi, aripabherere, ²⁹asi yeni ndinoti kwomuri, naSoromoni muutende wake weshe aazikupfekezka kudai ngoumwe wayo.³⁰Asi kudai Mwari echisimidza kudaro mwenje womushango, uwo uripo nyamashi, mangwani unokandirwa muchoto, aazopindi here kukuru kumusimidza, yemwi mune kutenda kudokodoko? ³¹Ndizvo musadembatemba mwechiti, ‘Tinozoryei?’ nokuti, ‘Tinozomwei?’ nokuti, ‘Tinozosimirenhi?’³²Ngokuti vatema vanotsvaga izvi zveshe, ngokuti aBenhu vari kudenga vanoziva kuti munozvikorera izvi zvese. ³³Asi tsvagai kutanga umambo wekudenga nokutetenda kwawo,zviro zvese zvinozoenguedjerwa kwamuri. ³⁴Musaneseka ngozuva lamanguana,ngokuti lamanguana rinozviwonera lega. Kutambudjika kwozuva kunokwana zuvalo.

¹Musatonga, kuti musazotongwawo, ²Nokuti neitongui wamunotonga ndiwona munozotongwawo, neicho chipimo chamunopima ndichona, ndicho chimunozopimwawo nacho.³3 Unoningireyi chibhi chiri mudjiso lomukoma wako, asi auwoni dhanda riri mudjiso mwako? ⁴Kanakuti unozomu vunjisa kudhini mukoma wako: ‘Ndisiye, ndibise chibhi chiri mudjiso lako,’ oko ningira danda riri mudjiso lako? ⁵munheperiǃ Tanga wabisa danda riri mudjiso lako,papo ndipona paunozo nasa kuwona chibhi chiri mudjiso lomukoma wako.⁶Musapa zvakachena imbwha, kanazve, musakanda mapherere enyu pamberi penguruve, kuti dzisazovachika-chika pasi posoka djadjo djozoswaya djimurume.⁷7 Kumbiranhi, munozopuwa; tsvakanhi, munozowana; gogodjeranhi, munozobheurirwa. ⁸Ngokuti wese anokumbira, unowashira; nauyana anotsvaka, unowana; naano gogodja, unozobheurirwa. ⁹Kana kuti, ndiani mundhu pakati penyu, anoti mwanake angamukumbira chingwa, unozomupa buwe? ¹⁰Nokuti etchikumbira hove, unomupa nyoka?¹¹11 Kunhangue yemwi makashata,zivanhi kupa zvipo zvakanaka kuvana venyu,makadhalo bhabha venhu vari kudenga,vanozopa zvakanaka zvmunozova kumbira! ¹²Saka zvese zvamunoda kuti vandhu vaite kwamuri, itaiwo kudalo kwavari, ngokuti uwu Mutemo nodjidjiso djomaprofita.¹³Nguenanhi ngopamusuwo wakamanikana; ngokuti musiwo wakapambhama nogwanja lakapambhama rinoenda mukupaladjwa,vanopinda ndilona vandhu vakawanda. ¹⁴Ngokuti musiwo wakamanikana nogwanja lakadhodhoka,ndilona rinoenda mukulalama, vanori wana vadhoko.¹⁵15 Ngwariranhi maporofita vokunyepa,vaya vanoviya kwamuri vakasimira palha djomakwai, asi ngomukati varibhongo anosakadja. ¹⁶Munozovaziva ngozvibhereko zvavo. Vandhu vangakava here muzambiringa pamunzwa kana kuti maonde pamakato? ¹⁷Ngokudaro m'mbuti wese wakanaka inobereka muchero wakanaka; asi m'mbuti wakashata unobereka muchero wakashata.¹⁸M'mbuti wakanaka aunga bereki muchero wakashata, nemumbuti wakashata aunga bereki muchero wakanaka. ¹⁹M'mubuti wese usingabereki muchero wakanaka unotemewa nokukandirwa pamuriro. ²⁰Saka munozouziva ngomuchero wawo.²¹Asivese vanonditi: ‘Changamire, Changamire’, vanozopinda muumambo wekudenga, asi vaya vanoita kuda kwaBaba wangu vari kudenga. ²²Vazinji vanozoti kwandiri pazuva rero: ‘changamire, Changamire, atito kuporofita here ngozina lenhu? ngozina lenhu atito kubisa madimoni here, ngozita lenyu atito kuita zvichamiso zvakawanda here? ²³Apo ndinozovavhunja kuti: ‘Andimuzivi. Ibvai pandiri,yemwi vaiti vozvakashata!²⁴Saka uyani anozwa mashoko angu aya nokumaita, unofananidjwa nomundhu akangwala, akavaka nhumba yake padenga pobhuwe guwane. ²⁵Nvula yakanaya nendambi yakauya nondhutu lakavhuvhuta, zvakataka padenga ponhumbayo, yona aito kuwa, ngokuti yainga yakavakwa pabhuwe guwane.²⁶Asi uyani uwo anozwa mashoko angu aya, asingamaiiti,yeni ndinomu fananidja nomundhu anopenga,akavaka nhumba yake pamadjecha. ²⁷Nvula yakanaya nondambi yoviya nodhutu lakavhuvhuta,zvakataka panhumba,yona ikawa, ende kuwa kayo kakanga kakakula.²⁸zvakati apo Jesu pakapedja mashoko haya,uwhandu wovandhu wakashamisika ngodjidjiso lake. ²⁹Ngokuti yena waivadjidjisa mawanire osimba,kusiyana novanhori vavo.

¹1 Apo Jesu wazhuaka kubva pagomo,uwhandu wovandhu wakamutevera. ²Saka pakanga nomundhu ainga nomapere wakaviya kwaari, akamugwadamira esiti: “Changamire,kana mesida mungandilapa.” ³Jesu wakapetenula muhoko wake, akamutswasa esiti: “Ndinoda kulapwa.” Chiriporipo mapere ake akalapwa.⁴Jesu wakazoti kwaari: “Ngwara kuti usazovundja mundhu. Asi enda wozvikombidja kumupirisita, nokumupa chipo icho chakabuiwa ndi Mozisi kuti chiite chapupu kwavari.”⁵Apo Jesu paakangena muKhapernaume, kakaviya kwaari mugumi womazana esimukumbira, ⁶esiti: “Changamire, muchandi wangu wakavata kumuzi,ngokuwoma muwiri,esiwadjirwa zvikuwane.” ⁷Jesu Waka muti: “Yeni ndinozoenda, ndozomuponesa.”⁸Asi mugumi wemazana wakadavira: “ Changamire, haiwa handina kodzero yokuti yemwi mupinde mumba mangu, asi buyanhi shoko rimwe lega,mushandi wangu unozoponeswa. ⁹Ngokuti yeniwo ndiri mundhu anotongwa,ende ndino masocha ari pasi pangu;ende ndinoti kunahowu, ‘Enda,’ yena unoenda;kunoumweni, ‘viyai,’ yena unoviya; nokuno mushandi wangu|: ‘Itanhi ichi,’ ende ena unochiita.” ¹⁰Jesu paakazwa izvi, wakashamisika, akati kunavese vaimutevera: “Nogwinhiso ndinoti kwamuri apana indaona kuvaIsuraeri kutenda kukuru kwakadai.¹¹Yeni ndinoti kwamuri: kuti vazinji vanozoviya kubva kumabvazuva nokumabirira, vanozogala pamberi potafula naAbrahama naIsaka naJakobe muumambo wokudenga. ¹²Asi vana veumambo vanozokandirwa muchidima chiri pabherere, kunozoita kuchema nokuchenga komazino.” ¹³Saka Jesu wakati kumugumi wemazana: “Enda,ngazviitwe kwauri kudai sekutenda kawaita.” Panguva yonayo mushandi wakaponeswa.¹⁴Apo Jesu paakanguena mumba maPedru, wakaona ambiya washe wake vakavata vosiwadja nokupisa muviri. ¹⁵Jesu wakabata muhoko wake, kupisa muviri kakava siya;saka vona vakasimuka votanga kumushandira.¹⁶Pakaita madekoni, vakamuvisira kwaari vazinji vainga nemadimoni, yena waka gogomera mweya djainga mavari ngoShoko, nokuponesa vese vaiwadja, ¹⁷Kuti zvakanga zvakabuiwa ndi Isaya Muporofita zvizadjiswe, wakati: “yena paari wakathwala zvirwhere dzedhu, nokutola mawadjo edhu.¹⁸Apo Jesu paainga osiwona uwhandu wovandhu wakamutendenedja,wakavatuma kuti vaambuke vaende riseri. ¹⁹Saka panomunyori akamukwedherera, akamuti: “Mudjidjisi, ndinozomutevera kese kamunoenda.” ²⁰Jesu wakamu dhavira: “Hava djino murindi neshiri djomudenga djino masaki adjo; asi Mwana woMundhu aana nepokutsamira musolo wake.²¹Mumwe wevadjidji wakati kwaari, “Changamire, kutanga nditenderenhi kuti ndiende kochiira abangu.” ²²Asi Jesu wakati kwaari, “Nditeverei, ureguere vakafa kuti vachire vakafa vavo.”²³Ponapo Jesu wakapinda mungarahwa, vadjidji vake vakamutevera. ²⁴Pakabuda kuvhuvhuta kukuru mudjombe, ngokudalo ngarahwa yakadumaidjwa ngomafashamu; asi yena wainga wakavata. ²⁵Vakaviya paari, vakamumusa vositi, “Changamire, tiponesenhi! tofa.”²⁶Jesu wakati kavari, “Munombothia ngei,vandhu vokutenda kudoodoko?” Saka yena wakamuruka, akapanga dhutu nodjombe; pakava noku nhalarisa kukuru. ²⁷Novandhu vakashamisika vositi: “ Umbori ani mundhu hou,anoita kuti dhutu nodjombe zvinomuzwa?²⁸Apo Jesu paakaguma riseri munyika yevaGadhareni,wakasangana naye vandhu vaviri vainga nemadhimoni vesibva mumaibha. Vona vainga vandhu vanoushungu unothyisa, zvaita kuti apana mundhu aikwanisa kudharika ngogwanja lelo. ²⁹Ninguiranhi, vakadaidjira vakati: “Tineyi newe, Mwanakomana waMwari? Wauya panapa kuzoti panicha isati yaguma nguva here?”³⁰Panguvayo pakanga pano uhwandhu wonguruve djai haviswa ngodhambo nhana . ³¹Nemadhimoni akamukumbira ositi: “Kana mositibudisa, titumei tiyende mudanga longuruve.” ³²Jesu wakati kwavari, “Endanhi.” ona akabuda, akanguena munguruve; papo danga lese lakaenda kowira mudjombe,djofa djese mukumwa.³³Avo vese vaingwarira nguruve vakatiza, vakaenda mudoroba, vakabvunja vese izvo zvainga zvaitika kunevainga nemadimoni. ³⁴Vomudoroba wese vakabhuda koosangana naJesu. pavakanga vosimuwona, vakamunyengerera kuti abve munhika yavo.

¹Jesu wakapinda mungarahwa, akaambuka riseri, nekuguma kuguta lokake. ²Vakavisa kwaari mundhu aiwadja dhenda lokuoma muiri, akavata pabhonde.Jesu pakaona kutenda kavo, wakati kuna ainga nedenda lokuoma muiri, “Mwana, shinga; zvishaishi zvako zvareguererwa.”³Asi vamweni vevanyori vakati pakati pavo, “Mundhu hou urikutuka.” ⁴Asi ngokuti Jesu waiziva kufunga kavo, wakati kawari: “Munofungira chinhi zvakashata mumweyo djenyu? ⁵Ngachipi chakareruka,kuvereketa kuti: ‘Zvishaishi zvako zvareguererwa,’ nokuti, ‘Muruka ufambe?’ ⁶Asi, kuti muzive kuti Mwanakomana woMundhu unosimba munyika lokureguerera zvishaishi…” ‒ apo wakati kuneuwo wainga nodhenda yokuoma muiri, ‒ “Murukai, tola bhonde lako uyende kumuzi kako.”⁷7 Naye wakamuruka, akaenda kumuzi kake. ⁸apo uwhandu wovandhu wakazviona, wakathyia, ukakudja Mwari, uwo wainga wapa simba lakadhai kuvandhu. ⁹Osibva apo,Jesu wakaona mundhu anozwi Mateu, akagala pandau yokubadarisa muthelo, oti kaari: “Nditeverei.” Naye wakamuruka, akamutevera.¹⁰Pakazoti Jesu ari pamwe pamuzi, akagala patafula osidha kuriha, vateresi nevashaishi vazinji vakaviya vakagala pasi naJesu nevadjidji vake. ¹¹VaFarisi vosiona hezvo, vakati kunovadjidji vake, “Ngenhi Mudjidjisi wenynhu urikurhria novateresi nevashaishi?”¹²Asi Jesu echizwa hezvo wakati: “Avo vanoutano avangadhi mulapi, asi vayana vanowadja. ¹³Yemwi munozofaneya kudjidja kuti zvinorevenhi izvi: ‘Ndinodha nhasha, haiwa kuchivirika.’ Ngokuti yeni andito kuviya kuzodhanidja vakatendeka, asi vashaishi.”¹⁴Apo vakaguma kwaari vadjidji vaJohani vositi: “Yesu nevaFarisi tinogala takatsanha nguva djese, asi vadjidji vako vasingatsanhi?” ¹⁵Jesu wakati kavari: “Vokanhi yanhamuroorwa vangafamba vakatsamwa here apo mukwambo aripo navo? Asi mazuva anozoviya apo okuti mukwambo unozobviswa kwavari, apo vanozotsanha.¹⁶Apana mundhu angakanda chigamba chitswa patlha yokare, ngokuti chigamba_cho chinomwesa patlha,nokumwekako kunozokula.¹⁷Zve, aungakandi waini idzwa mumukata dzakatsakala; ngokuti mukata djinozophanhika newaini inozodhururika nomukata djinozophwanhika. Asi vanokanda waini idzwa mumukata itswa,djese djinozongwaririka.¹⁸Painga osivereketa izvi kwavari, wakaviya mutongui,akamugwadamira, akati kaari, “Mwana wangu omusikana watofa zvinezvi,asi viyai uise nhala yako padenga pake,unozopona''. ¹⁹Jesu wakamuruka, akaenda nevadjidji vake.²⁰Pane mukadji umweni ainga nodhenda lokubhuda ngazi makore gumi namaviri,wakaviya ngosure kaJesu, akabhata mupenderi wopatlha yake; ²¹Nokuti yena wakati mukati make: “Ndikabhata kega patlha, ndinozoponeswa.” ²²Asi Jesu esikunukuka, wakamuona,akati: “Mwanasikana, shinga, Kutenda kako kakuponesa.” Ende mwanakadjiwo wakaponeswa kubvira papo.²³Apo Jesu esinguena mumba momutongui, wakaona varidji vominanzi nouwhandhu wovandhu wosiita musindo. ²⁴Wakati: “bhudaipano, ngokuti mwanasikana hou aato kufa, asi wakavata.” Vona vakamuseka.²⁵Apo abhudisa uwhandhu wovandhu,yena wakanguena mukati,akamubhata ngonhala nemwanasikana wakamuruka. ²⁶Nembiri yacho yakafamba munyikamwo mwese.²⁷Apo Jesu achapinda kuyenda mberi kubva apo, mapofu maviri akamutevera, esidhaidjira esiti: “Yewe Mwana waDavhida, tiitirei nhasha.” ²⁸Jesu paakapinda mumba, mapofu akaviya kwaari, naJesu akati kwaari: “Munotenda here kuti ndino simba lokuita hechi?” Vakati, “Eya, Changamire.²⁹Saka Jesu wakabhata madjiso avo, akati: “Ngaku izwe, kuda nekutenda kwenhu.” ³⁰Apo madjiso avo akavhurwa. SakaJesu wakavha avabvunja esiti: wonai kuti pasawoneka mundhu anoziva izvi.” ³¹Asi vabvapo, vakateketesa mbiri yake munyikamwo mwese.³²Painga echibvapo,vakavisa kaari chimumumu chainga nedimoni. ³³Apo dimoni lakagogomerwa kubva kwechiri, chimumumu chakavereketa. Nembungano yakashamiswa yesiti: “izwi azwisati zwa katongombooneka muIsuraeri.” ³⁴Asi vaFarisi vakati: “uyo unolasa madimoni ndimambo wemadimoni.³⁵NaJesu wakahambahamba mumadoroba ese nomumaguta ese, esidjidjisa munhumba djavo dzokunamata, esiparidza vhangeri loumambo,esilapa madhenda ese nekuwadja kese. ³⁶Asi pakaona mbungano, wakavazwira ulombo ngokuti vaidezwaira nokupepesheka kudai ngemakwai asina muhavisi.³⁷Ena wakati kuvadjidji vake: “kukohwa kakawanda, asi vashandi vadhoko. ³⁸Ndizvo kumbirai kunaMambo wokukohwa kuti atumire vashandi mukukohwa kake.”

¹Jesu waunganidja vadjidji vake gumi navaviri, akavapa simba pamusolo pemweya yakaswipa kuti vagogomere nokulapa ndhenda lese nokuwadja kese.²Aya ndiwo mazita evapostori gumi navaviri: awo lokutanga ndiSimoni waizwi Pedru, naAndreu munukuna wake; naJakobe mwana waZebedi, naJohani munukuna wake; ³Filipi, naBhathoromeu; Thomasi naMateu mutheresi; Jakobe mwana waArifeusi, naThadeusi; ⁴Simoni, muZeroti, naJudasi Isikarioti uwo aizomutengesa.⁵Ava gumi navaviri Jesu wakavatuma; akavapanga esiti: “Musaenda ngogwanja lovatema, musapinda muguta kunorevaSamaria. ⁶Panekudhalo, endai kunemakwai akalasika eimba yeIsrael ⁷Muchienda paridzai mositi: ‘Umambo wokudenga wakukwedhera.’⁸Lapanhi vanowadja, mosimusa vakafa, mosichenesa vanemapere, nekubvisa madimoni. Makapuwa ngonyasha, mechipawo ngenhasha. ⁹Musatola mukore nokuti sirivha kanakuti thusi muzvikwama zvenhu; ¹⁰Pasina chikwama parwendo renhu, kana mabachi maviri, kana magwadha kana ndonga, ngokuti mushandi unokofaneya kupuwa kurha kake.¹¹kana mudoroba lese kana mundharaunda momuchapinda, tswagai ndiani uri mukati malo anotenda apo, nekuti garai zviswikira mabvemwo. ¹²Mwoopinda mumba muchungamidjenhi. ¹³Kana nhumba iyo yosifaneya,rugare ngariuye pamusoro penhu; asi kuti isikasisiri ngakuhwirire kamuri.¹⁴Kunhangue wayani vasingazomuwashiri kana kuzkwa mashoko enhu, mesibhudemwo mumbamo kana doroba iro, zuzai bhukuta kubva pasoka djenhu. ¹⁵Ngegwinhiso ndinoti kamuri, kunozopinda kureruka kunenhika yeSodhoma neyeGomora ngezuva lokutongwa kuneiro dhoroba.¹⁶Ninguuiranhi, ndinomutuma semakwai mukati mwemathika. Ndizvo gwarai kudai inganhoka, nekupfaa kudai ngonjiva. ¹⁷Asi ngwalai vandhu, ngokuti vanozomupira kubangano lovatongui, avo vanozomulova mumba djavo djokunamata. ¹⁸Ngondava yangu yemwi munozoviswa pamberi pomadjimambo, nokuita chapupu kwavari nokumadzinza.¹⁹Asi apo voomupiira, musazodembatemba kuti kudini kana chiinhi chamunozovereketa,ngokuti musazo puwa mazwi amusavereketa panguvayo. ²⁰Ngokuti andimwipi munozoreketa, asi Mweya waBaba enyu unoreketa uri mukati mwenyu.²¹Nomukoma unozopira munukuna kuti afe, ngokudalo bhabha mwana wavo, nevana vanozomukira vabhereki nokuvaulaya. ²²Nemwi munozovengwa ndivona vese ngondava yozina langu, Asi uwo anoshingirira kugumira kumagumo, unozoponeswa. ²³Apo vakazomutera mudhoroba iri, tizirai kune rimweni, ngokuti ngegwinyiso ndinoti kwomuri: amuzopedzi kuhamba madhorobha eshe aIsuraeri, asati auya Mwanakomana woMunhu.²⁴Mudjidji aasi mukuru panemudjidjisi wake, nemuranda aasi padenga pamambo wake. ²⁵Kune mudjidji,zvakamukwanira kuti adai ngomudzidzisi wake, nemuranda kuti adai ndimambo wake. Kudai vakadudza munewemhatso kuti Bheerizebhuri, vanozopinda kwakaitawani kuvadudza kudaro avo vari vemhatso yake!²⁶Saka musavathyia, ngokuti apana chiro chakafishika chisikazooneki, nokuti chakafishiridzwa achisikazoziikanwi. ²⁷Icho chendinomuronzera muchidima, chironzei mukujeka, neicho chamunozwa ngevherevhere, mesichumaira muri padenga pochichungwe chenhumba.²⁸Musathya avo vanoulaya muiri, asi vasina simba lokuulaya mweya. Asi muthye uwo anesimba lokuparadja zvese mweya nomuiri muGehena. ²⁹Zviwanzaburi zviviri azvitengeswi ngosendi here? Nechimwe chazvo achizowi pasi pamavhu pasina ruzivo raBhabha venyu. ³⁰kana nebvudji lomusolo menhu lakaerengwa lese. ³¹Musathya, muri vanopinda kudikanwa kunezviwanzaburi zvakawanda.³²“Ndizvo kunewese uwo anozonditenda pamberi pevandhu, neniwo ndinozomutenda pamberi paBhabha wangu vari kudenga. ³³Asi kune uwo unozondiramba pamberi pevandhu, neniwo ndinozomuramba pamberi paBhabha wangu vari kudenga.³⁴Musafunga kuti ndakaviya kuzovisa rugare penyika; andizi kuviya kounza rugare, asi munondo. ³⁵kuti ndakaviya kuzopaladjanisa mundhu nabhabha wake, nemwanasikana namai wake, nomunhamwana namazvarira wake. ³⁶Nemagaa omundhu anozoita avo vari vonhumba yake.³⁷Uwo anopinda kuda bhabha kana mai kuneinini, aazi kundifanira. Naye anopinda kuda mwanakomana kana mwanasikana kuneinini, aazi kundifanira. ³⁸Neuwo asikazotori muchinjikwa wake nekunditevera, aazi kundifanira. ³⁹Uyo anoona kulalama kake anozokulasa, nouwo anozolasa kulalama kake ngopamusolo pangu unozokuona.⁴⁰Uyo anomuwashira yemwi anondiwashira yeni, nouwo anondiwashira, unowashirawo uwo wakandituma. ⁴¹Uyo anowashira muprofiti ngozina lomuprofiti, unozowashira mubhairo womuprofiti; nouwo unowashira mundhu wakatedeka ngozina lomundhu wakatendeka, unozowashira mubhairo womundhu wakatedeka.⁴²42 Nouwo anozopa kana comiche imwe yokumwa kune umwe wevadoko ava, ngokuita ena umwe mudjidji, ngogwinhiso ndinoti kamuri: aatongozolasikirwi mubhairo wake kana.”

¹Paakapedja Jesu kupanga vadjidji vake gumi navaviri, wakabvepo, akaenda koodjidjisa nokuparidza mumadoroba avo. ²Zvino apo Johani azwa ari mutorongo mabhasa a Kristu, wakatumira ngevadjidji vake kuti vamuvundje kuti: ³Ndiwe here uwo anoviya, kanakuti tisagarira umweni?⁴NaJesu wakavadhavira,ositi: Endanhi, mobvunja Johani izvo zvamazwa nezvomunoona: ⁵Mapofu oona, nezvirema zvohamba, nevanemapere vocheneskwa, novanoma ndondo vozwa, nevakafa vanomuswa, nevalombo vane vhangeri rinochumairwa kwavari. ⁶Unomuchena uwo usikapumhunwi ndini.⁷Apo vasaenda, Jesu wakatanga kuvereketa kumbungano ngondava yaJohani, wakati: Makaenda mushango kooneyi? Itsanga yakazungunyiswa ngedutu here? ⁸Asi mwakaenda kooneyi? Munhu wakapfekeswa ngemachira akapfaa here? Ndivo avo vanopfeka machira akapfaa vari mumhatso dzemadzimambo⁹9 Asi mwakaendeyo koona chinhi? Muprofiti here? Eya, ndinoti kwamuri, nouwo anonhanha kupinda muprofiti. ¹⁰Uyu ndiye wevakanhora kuti: ndinotuma mutumi wangu pamberi pehope yako, uwo anozonasirira nguanja lako pamberi pako.¹¹Ngogwinhiso ndinoti kwamuri, ‘Pakati pavo vakabherekwa ngovakadji, akuzi kutomboita umweni mukuru kupinda Johani Mubabatidzi; Asi uyo ari mudhoko muumambo hwokudenga mukuru kwaari. ¹²Kubvira kumazuva aJohani Mubabatidzi kugumira zvino, umambo hwokudenga hunopambwa ngezvigebengwa zvinohutora ngesimba.¹³Ngokuti vaprofiti vese neMupango vakaprofeta kugumira pa Johani. ¹⁴Kudai mesitenda kuchiwashira, ‘Uyu ndiyena Elias, uwo waizo viya. ¹⁵Uwo anenjeve djokuzwa ngaazwe.¹⁶Asi ndoyezanisa naani dzinza heri? Wakadhai ngovana vanogala pandau djomusika, vosidhaidjira kunevangani vavo vesiti: ¹⁷Takaridja mbira kwamuri,asi yemwi amuto kutamba; takaita chiriro, nemwi amuto kuchema.¹⁸Ngokuti Johani wakaviya, asikarhi kana kumwa, avo vakati, ‘Unedimoni. ¹⁹Mwanakomana woMundhu wakaviya esirha nokumwa, avo vakati: murhisi nomumwisi wewaini, shamwari yovatheresi neyevashaishi! Asi kungwala kunopembedjwa ngemabasa yake.²⁰Apo Jesu wakatanga kupomera madoroba umo mainga maitwa mabasa mazinji ake ominana, ngokuti avazi kutendeuka. ²¹Kune uyo kwauri, Khorazini! kune uwo kwuri, Bethisaida! Ngokuti kudai mushando unesimba yainga yakaitwa muThire neSidhoni, iyo yakaitwa mukati mwenyu, vaidai vakatotendeuka kuretu, vane masaka nemarota ²²Kani hai, ndinoti kwomuri, Kunozopinda kureruka kuneThire neSidhoni ngezuva rokutongwa kunekwomuri²³Newe Khapernaume, unozokuriswa mudenga here? Unozozaswa pasi kuHaidhesi; Ngokuti kudai mushando unesimba wainga wakaitwa muSodhoma, iyo wakaitwa mukati mwako, raidai riripo nanyamashi. ²⁴Kani hai, ndinoti kwomuri kuti kunozopinda kureruka kunHika yeSodhoma ngezuva rokutongwa kuneiwewe.”²⁵panguvayo Jesu wakadhavira, akati: “Ndinokutenda, Bhabha, Mambo wokudenga newenhika, ngokuti yewe wakazvifisha izvi kune vakangwala nevanekuziva, wakazvipanguidjira vadhoko. ²⁶Eya, Bhabha, ngokuti chainga chinodakadja mukuona kako. ²⁷Zviro zvese zvakapuwa kwandiri ndiBhabha wangu; Akuna anoziva Mwanakomana, ndiBhabha ega. Akunazve unoziva Bhabha, asi Mwanakomana ega, nouwo waanodha kukombidjira Mwanakomana.²⁸Uyai kwandiri yemwi mese makaremba neku zvinhirirwa, yeni ndinozomuzolodja. ²⁹Mesitola joka langu pamusolo penhu,medjidjanhi kwandiri, ngokuti yeni ndakapfara mumweyo, nemwi munozoona kuzolola komweya yenhu. ³⁰Ngokuti joka langu lakanaka, nomutwalo wangu wareruka.

¹Pangua yo Jesu wakahamba ngomumunda yekoroni ngozuva loSabatha; Novadjidji vake vainga vanenjala, vakatanga kupurura mitsonzoti yekoroni vosirhya. ²Asi apo vaFarisi vosivaona, vakati kwavari: Ninguira, vadjidji vako varikuita zwisingatenderwi ngoMupango kuti zviitwe ngoSabatha.³Asi Jesu, ena wakati kwavari: “Amuto kudjidja here icho chaakaita Dhavhidha, apo painga aaita njala, yena no vangani vake? ⁴vaka nguena mumba yaMwari, ne kurhya zvingwa izvo zvaipanguidjirwa, zvainga zvisikatenderwi kuti yena azvirhye, kana avo vainga vanaye, asi ku vapristi vega.⁵Zve amutokufunda here muMupango kuti muMasabatha vapristi vari muTemperi vanotuka Sabatha, nekugala vasina ndava? ⁶Asi ndinoti kwamuri chiri panapa chiro chinopinda Temperi kukula.⁷Asi kana yemwi mosiziva kuti zwinobuyei: Ndinoda nhasha, haiwa kuzwipira chipiriso, maizodhai musito kuvaitira ndava avo vasina ndava. ⁸Ngokuti Mwanakomana woMundhu ndiyena Mambo weSabatha.⁹Kubvira apapo Jesu wakanguena mumba yavo yokunamata. ¹⁰Apo, paiva pane murume ainga anenyala imwe yakaonhana; nekuti avo vesidha ku pomera Jesu, vakamubvunisa wesiti: Kunotenderwa here kuponesa muMaSabatha?¹¹Ena wakati kwavari: Ndiani pakati penyu mundhu, anengue anegwzai rimwe, kuti iro rikazowira mugomba ngozuva loSabatha, aazoribati here kuribudhisa? ¹²Ndizvo, mundhu wakapinda kukosha kune gwaiǃ Ndizvo kunotenderwa ngoMupango kuita zvakanaka muMaSabatha.¹³13 Apo Jesu wakati kunemundhu uwo: Tambanudja nhala yako. Naye wakaitambanudja, nayo yikaponeswa kudhai ngueimweni. ¹⁴NevaFarisi vakabhudha, vakaita bangano ndiye, kuti vangamuita maulairenhi.¹⁵Asi Jesu esiziva wakabvapo nembungano huru yikamutevera, akayiponesa yese. ¹⁶Wakazivisa kuti vasazoita kuti aziikanwe; ¹⁷Kuti rizadjisike izwi zvakavreeketwa ndiIsaya muprofeti esiti:¹⁸18 Ninguiranhi muranda wangu wendakaketa, mudhikani wangu, uwo mweya wangu unodhhakala ndiyena. Ndinozoisa mweya wangu padenga pake, naye unozoteketesa kutonga kwakatendeka kumadzinza.¹⁹Aazorwi kana kudhainjira, zve akuna anozozwa izwi lake mumapato. ²⁰Aazorivhuni rutsanga rwakabenda, netonje rinopwititika aazoridjimi, kumbhesa atume kutonga kwakwo kuti kunhise; ²¹Vemadzinza vanozogonda kunezina lake.²²Apo vakamuvisira kwaari umwe wainga nedimoni, ari bofu nechimumumu. Ena wakamuponesa, ngokudharo chimumumu chakavereketa nokuona. ²³Nevandhu vazinji vese vakashamiswa, vakati: Uwu asiyena here Mwanakomana waDavhida?²⁴Asi vaFarisi Pavakazwa izvo vakati: Uwu mundhu urikudzinga madimoni ngesimba laBeerizeburi, mambo wemadimoni. ²⁵Jesu osiziva ndangariro yavo, wakati kwavari: Umambo weshe unodzipaladja hunozopera; nemadoroba ese kana kuti nhumba inozvipaladja aizovipozve.²⁶Saka kana Sathani esigogomera Sathani, unonga osi djipaladja. Ndizvo umambo wake hungazoita maemerei? ²⁷Kudhai yeni ndechidzinga madimoni ngesimba raBeerizeburi, ndizvo vanakomana venhu vanoadzinga ndiani? Ndizvo vachaita vatongui venhu.²⁸Asi kuti yeni ngoMweya waMwari ndogogomera madimoni,saka umambo hwaMwari waviya kwamuri. ²⁹Mundhu ungaita manguenerenhi mumb yeuwo anesimba, nekumubhira zviro zvake, kuti asati atanga kusunga uwo unesimba? Apo azoona kumu bhira nhumba yake. ³⁰Uyana asiri naeni unorwa neni neuwo asingabhatani naeni, unopaladja.³¹Ndoosaka, ndinoti kwamuri: kushaisha kese ne zvituko zvese zvinozoreguererwa kuvandhu, asi kutukwa ko mweya akureguererwi. ³²Neuwo anovereketa shoko lakashata kune Mwana Wemundhu, unozoverekererwa, asi uyo unovereketa shoko lakashata kune Mweya Wakachena, aazoverekererwi munhika muno kana munhika inoviya.³³33 Itanhi mumbuti wakanaka, nemuchero yawo unonaka. Kana kuti itai mumbuti wakashata, nemuchero yawo unoshata. Ngokuti mumbuti unoziikanwa ngomichero wayo. ³⁴Yemwi vana vomabhoola, mungaita mavereketereyi zvakanaka, muri vakashata? Ngokuti mulomo unovereketa kubva kunezvakawanda zviri mumweyo. ³⁵Mundhu wakanaka kubva kuupfumi wakanaka unobudhisa zvakanaka, Nomundhu wakashata kubva kuupfumi hwakashata unobudhisa zvakashata.³⁶Asi yeni ndinoti kwamuri, mazwi ese asina shwiro anozovereketwa ngevandhu, vanozobvunzisiswa ndiwo ngezuva lokutongwa. ³⁷Ngokuti ngemazwi ako unozopembedzwa, zve ngemazwi ako unozopariswa ndaa.”³⁸Apo vamweni vevanhori nevaFarisi vakamudhavira vesiti: Mudjidjisi, tinoda kuona chioniso chinoitwa ndimwi. ³⁹Asi ena wakadhavira akati kwavari: dzinza lakashata neupoombwe rinotsvaka chioniso; asi akuna chioniso chinozooniswa kwauri, asi kuna Jona muprofiti. ⁴⁰Ngokuti kudhai ndiJona wakapedja mazuva matatu nemasiku matatu mundani yohove huru, ngokudharo Mwana woMunhu unozogala mazuva matatu nemasiku matatu ari mumweyo wenhika⁴¹Vandhu veNinevhe vanozomuruka pazuva lokutongwa pamwepo neiri dzinza, nokuripomera ndava; ngokuti vona vakatendeuka ngokuparidza kwaJona. Ninguirai, chiri panapa chiro chikuru chinopinda Jona.⁴²Mambokadzi wokubhani unozomiruka ngezuva lokutongwa pamwepo nedzinza iri nokuipoomera ndava. Ngokuti yena wakabva ari kumagumo enhika kuviya koozwa ngokungwala kwaSoromoni. Ninguirai, chiri panapa chiro chikuru chinopinda Soromoni.⁴³Asi apo mweya woswina wakabhuda kumundhu, unohamba ndau djisina mvura, wesitsvaka kuzolola, ende auwani. ⁴⁴4Apo unoti: Ndinozohwirira kumuzi kangu, uko kundakabva. Apo paakaguma wakaiona isina chiro, yakatsvairwa nekulongedjwa. ⁴⁵Apo unoenda wotolazve mweya imweni munomwe, inoupinda ngokushata, nayo inongena yechigara powo; Nokupedzisira, kugara kwouwo munhu kunozopinda kushata kunekugara kwokutanga. Kunozodarowo nokuneuyu mubarirwana wakashata.⁴⁶Apo paivereketa kumbungano,vainga vakaema ngopabherere mai wake nevanukuna vake, vositsvaka kuti vaverekete naye. ⁴⁷Noumweni wakati kwaari: Ninguiranhi,amako nevanukuna vako vakaema pabherere vositsvaka kuvereketa newe''.⁴⁸Asi ena wakapingula akati kunaiwona wakamuronzera, “Ndiani mai angu, ndianizve vanukuna vangu? ⁴⁹Naye wakatambanudjira nhala yake kunevadjidji vake akati: Ninguiranhi, mai angu nevanukuna vangu! ⁵⁰Ngokuti uwo unozoita kuda kwaBhabha angu vari kudenga, ndiye munukuna wangu, hanzvadzi namai.

¹Zuva rero Jesu wakabhuda mumba, akagala ngeparuandhle. ²vakaungana kwaari mbungano zinji, ndizvo akanguena mungarawha, akagala nembungano yese yakaema ngepamhiri.³Yena wakavavereketera zviro zvakawanda nguemuyezaniso, esiti: Ninguiranhi, kakabhuda musimi koosima. ⁴Kakati mukusima kake mbeu djimweni djakawira mugwanja, shiri djakaviya djikadjirya. ⁵Nedjimweni djakawira pamapuwe apo pedjaiviya djisina mavhu mazinji: djikamera ngokukasika, ngokuti djainga djisina mavhu akadjika. ⁶Apo zuva pilakwira djakapishwa, ngokuti djainga djsina mudji, djakaoma.⁷Djimweni djakawira pane muzwa; nomuzwa yakakula yakamubhaya. ⁸Nedjimweni djakawira mumavhu akanaka, nadjo djakabereka tsangu, djimweni zana djakapetwa, djimweni makumi matandhatu akapetwa nedjimweni makumi matatu akapetwa. ⁹Uwo anonjeve djokuzwa, ngaazwe.”¹⁰Nevadjidji vakaviya kwaari, vakavundja: Ngueyi unovereketa kwavari ngomiezaniso? ¹¹Jesu akapingula akati kwavari: Ngokuti kunopuwa kwomuri kuziva zvakafishika zvoumambo hwokudenga, asi kwavari avo akuzi kupuwa. ¹²Ngokuti kwaari unacho kunozopuwazve, nekuzoa nezvakawanda; Asi uwo usina neicho chaanacho chinozoduswa kwaari.¹³Ndiyo ndava ndesivereketa kwavari ngomuyezaniso, ngokuti vesiona avaoni, vesizwa avazwi, zve avazwisisi. ¹⁴Kwavari kwakazadziska kuprofita kwaIsaya, ukwo kunoti: Ngokuzwa munozozwa, nemwi musikazwisisi, mwechiona munozoona, musikaonisisi.¹⁵Ngokuti mweyo yavo vandhu yakaita gwizhimbira, nenzee dzavo dziri madziiranzee, nemadziso avo akatswatira, kuti pamweni vangazoona ngemadziso avo, vazwe ngenzee dzavo nokuzwisisa ngemwoyo yavo, vatendeuke, neni ndivaponese¹⁶Asi anomuchena madjiso enyu, ngokuti anoona, nenjeve djenyu, ngokuti djinozwa. ¹⁷Ngokuti nguegwinhiso ndinoti kwamuri, vaprofiti vazinji nevandhu vakatendeka vakadhisisa kuona zvomunoona yemwi nekuti avato kuzviona, nokuzwa zvomunozwa navo avato kuzvizwa.¹⁸Saka, izwai muyezaniso womusimi. ¹⁹Mundhu wese nhangue eizwa shoko loumambo, nekusarizwisisa, apo panoviya uwo wakashata unovhomola izvo zvakasimwa mumweyo make; uwu ndiye wakakusa pagwanja.²⁰Nauyani akasima pamapuwe, uwu ndiye unorizwa shoko, nekuriwashira nokudhakala. ²¹Asi aana kuita mudji mukati make, pakutanga geenguva doko; nekupona mukutambudjwa nekuteverwa nguendava yeshoko, ngokukasika unopumhunwa.²³Iyo yakasimwa pakati pemuzwa, uyu ndiye unorizwa shoko, asi kudhembatemba ngezvenhika nokuchenguedjerwa koupfumi kunodzipa shoko, nalo aribhereki. ²²Asi iyo yakasimwa pamavhu akanaka, uyu ndiye unorizwa shoko, nekurizwisisa; zve unobhereka muchero, umwe unobhereka zana lakapetwa, amweni makumi matandhatu akapetwa, neamweni makumi matatu akapetwa.²⁴akavapa zve Muyezaniso umweni kwavari esiti: Umambo hwokudenga hunoedzaniswa nomundhu wakasima mbeu djakanaka mumunda wake. ²⁵Asi apo vandhu pavaivaata, muvengui wake wakaviya, akasimawo senga mukati mwezviyo, akaenda. ²⁶Asi apo miningwi yakamera, yechi tanga kutumbuka, apo senga lakaonekawo.²⁷Apo varanda vomunikazi wemhatso vakauya, vakati kwaari: Mambo, amuzi kusima mbeu dzakanaka mumunda yenyu here? Ndizvo senga lakabva pari? ²⁸Asi ena wakati kwavari: ‘Mumwe muvengii wakaita izvi. Ndizvo varanda vakati kwaari: Mungada here kuti tiende koribvita?²⁹Asi ena wakati: ‘Haiwa, ngekuti apo mesibvita senga mungabvita nekoroni. ³⁰Zvireguerei zvese zvikule pamwepo kumbhera nguva yokowha. Panguva yokukowha ndinozoti kuvano kowha, mesiunganidja senga kutanga, murisungue kuita musumbo kuti ripishwe. Asi unganidje koroni mutsapi yangu.³¹Wakavapa Muyezaniso umweni esiti: Umambo wokudenga unoezaniswa ngetsangu yomustadhi, iyo yaakatola mundhu, akaisima mumunda wake. ³²Iyo ngegwinhiso idhoko kunetsangu djese; asi ingakula inopinda mapfiba ese kukula, inozoitwa m`mbuti, kuti shiri djemudenga djiuye, djimate nokuvaka zvisaki djawo.³³Muyezaniso umweni wakati kwavari esiti: Umambo wokudenga unoezaniswa nomumera uwo waakatola mudzimai, akauisa mukati mwemutani mutatu youskwa metsa wese wafema''.³⁴Izvi zvese Jesu wakazvivereketa kunembungano ngemiyezaniso, pabhanze pemiyezaniso aato kuvereketa kwavari nachimwe. ³⁵kuti kuzadjisike shoko iro lakavereketwa ngomuprofiti esiti: Ndinozovhula mulomo wangu ngemuyezaniso, ndinozoonisa zvakafishika kubvira pakusikwa kwenhika''.³⁶Apo Jesu wakaendisa mbungano, akanguena mumba. Vadjidji vake vakaviya kwaari, vakati: Tidhudzjre muyezaniso wesenga lomumunda. ³⁷Naye wakapingula akati kwavari: Uyo inosima mbeu djakanaka ndiye Mwanakomana woMundhu. ³⁸Munda inhika; Mbeu djakanaka vana veumambo, senga vana veuwo wakashata ³⁹Muvengui akarisima ndiDiaborosi. Nokukukura kuri kupera kwenhika, nevakukuri ingilosi.⁴⁰Ndizvo kudai ngesenga rinounganidjwa pamwepo losipishwa nguemoto; ndizvo zvinozoitwa mukupera kwenhika. ⁴¹Mwana woMundhu unozotuma ngilosi djake, nadjo djinozounganidja kubva muumambo wake zvese zvinopumhunisa, naavo vese vanoita zvinonhangadja. ⁴²Nadjo djinozovakandira muchoto chomoto. Kunozoiteyo kubhoorera nokukwetsana kwemazino. ⁴³Naapo vakarurama vanozojeka kudhai ngezuva muumambo waBhabha avo. Uyao anonjeve ngaazwe.⁴⁴Zve, umambo hwomudenga hunoedzaniswa noupfumi hwakafishwa mumunda; uhwo hwaakaona munhu akahufishazve, ngokudakara kwake unoenda nokutengesa zveshe zvaanazvo, echitenga uwo munda. ⁴⁵“Zve, umambo hwomudenga hunoedzaniswa nomunhu mutengisi unotsvaka mapuwe akanaka. ⁴⁶Uwo apo aona buwe rimwe rinomutengo mukuru, wakaenda, akatengesa zveshe zvaaiya nazvo, akaritenga.⁴⁷Zve, umambo hwomudenga hunoedzaniswa nechitaa chakakandirwa muruandhle, nacho chakaunganidza mbeu dzeshe dzehove. ⁴⁸Icho apo chazara vakachikweera kuhumbikumbi, vakagara pashi, vakaunganidza dzakanaka muzvidziyo, asi dzakashata vakadzirasha.⁴⁹Ndizvo zvinozoitika mukupera kwenyika; ngirosi dzinozobuda dziparadzanise vakashata kubva mukati mwevakarurama, ⁵⁰dzivakandire muchoto chomwoto. Kunozoiteyo kuboorera nokukwetsana kwemazino.⁵¹Mwanasa kuzwa izvi zveshe here?” Navo vakati kwaari, “Eya''. ⁵²Jesu Wakati kwavari, “Ndizvo munyori weshe uwo wakadzidziswa ngezvoumambo hwomudenga, wakadai ngomunhu uri munewemhatso, uwo unobudisa kubva kwoupfumi hwake zviro zvitsva nezvekaretu''. ⁵³Kwakaitika apo Jesu apedza iyi miedzaniso, wakabvapo.⁵⁴Naapo Jesu auya kunyika yake, wakavadzidzisa mumhatso yavo yokudira, zvakaita kuti vashamiswe, vakati, “Kunobva kuri uku kungwara kwouyu munhu neiyi mishando yesimba? ⁵⁵Uyu andiyepi here mukororo womutsetsi? Mai ake avadaidzwi kuti Maria here? Nevanun'una vake ndiJakobe, Josefa, Simoni naJudhasi here? ⁵⁶Nehanzvadzi dzake dziri panapa nesu dzeshe here? Ndizvo iye wakazviona pari izvi zveshe?”⁵⁷Navo vakapumhuniswa ndiye. Asi Jesu wakati kwavari, “Muprofeti aarekeri kuremeredzwa kwega munyika mwake nomumhatso yake''. ⁵⁸Naye aazi kuita apo mishando ine simba yakawanda ngendaa yokusikatenda kwavo.

¹Ngouwo mukuwo Herodhi mutongi wematunhu marongomuna wakazwa mbiri yaJesu. ²Naye wakati kuvaranda vake, “Uyu ndiJohani Mubhabhatidzi; wamuka kwevakafa. Ndizvo mishando iyi ine simba inoitwa ndiye''.³Ngokuti Herodhi waiya akamubata Johani, akamusunga, akamuisa mutirongo ngendaa yaHerodhiasi mukadzi womunun'una wake Firipi. ⁴Ngokuti Johani waiya akati kwaari, “Autenderwi ngezvironzo kuti umuroore''. ⁵Naapo aida kumuuraya, wakatya mbungano ngokuti vaiti muprofeti.⁶Asi apo zuva rokuberekwa kwaHerodhi raguma, mwanasikana waHerodhiasi wakazvina pakati pavo, naye wakadakadza Herodhi. ⁷Ndizvo iye wakagondisa ngokupika mhiko kuti unozomupa kunyazwi chiinyi chaaizokumbira.⁸Naye echiangiridzwa ndimai ake, wakati, “Ndipe panapa muchidziyo soro raJohani Mubhabhatidzi''. ⁹Namambo wakakurudzwa; asi ngendaa yokupika kwake, nendaa yaavo vaigara naye panokudya, wakapanga kuti rihinwe kwaari.¹⁰Naye wakatuma kuti Johani agurwe soro mutirongo. ¹¹Nesoro rakaunzwa riri muchidziyo rikapuwa kumusikana, naye wakariunza kunamai ake. ¹²Nevadzidzi vake vakauya vakatora muiri wake, vakauika, navo vakaenda vakaronzera Jesu.¹³Zvinopano Jesu azwa izwi wakabvapo ngengarava kuenda kundau iri yega ari ega. Naapo mbungano yazwa ndizvo, yakamuteera ngetsoka, yechibva kumadhorobha. ¹⁴Naye wakabuda akaona mbungano huru, wakavazwira urombo naye wakaponesa vairwara vavo.¹⁵Kwakati aamadeekoni vadzidzi vake vakauya kwaari vechiti, “Panapa muri pandau iri yega nomukuwo watopera zvinopano. Ndizvo chiparadza mbungano kuti vaende mumaguta vadzitengere zvokudya''.¹⁶Asi Jesu wakati kwavari, “Avasisiri kuenda; vapei imwimwi zvokudya''. ¹⁷Navo vakati kwaari, “Panapa tine zvingwa zvishanu zvega nehove mbiri''. ¹⁸Naye wakati, “Zviunzenyi panapa pendiri''.¹⁹Naye wakapanga mbungano kuti igare pashi pamwenje, atora zvingwa zvishanu nehove mbiri, wakaringira mudenga, akazvibonga, akazvigura, akazvihina kunevadzidzi, nevadzidzi vakahina kune mbungano. ²⁰Navo veshe vakadya, vakaguta, navo vakatonhera matsekeneswa ezvaiwarakatika vakazadza zvitundu gumi nazviiri. ²¹Naavo vakadya vaiya vanoda kuita mazana makumi mashanu evamuna, ngepabanze pevakadzi nevana.²²Paripo iye wakaronzera vadzidzi vake kuti vapotere mungarava, vatungamire kuambuka ruseri, achiendesa mbungano. ²³Naapo aendesa mbungano, wakakwira pamutunhu ari ega kookumbira. Kwoita madeekoni waiya aripo ega. ²⁴Asi zvinopano ngarava yaiya yaane mastadhia akawanda kubva kuhumbikumbi, yechikandirwa apo naapo ngemafungu, ngokuti dutu raipesana navo.²⁵Panguva yokurinda yechirongomuna yousiku iye wakauya kwavari, echihamba padera peruandhle. ²⁶Asi vadzidzi vechimuona echihamba padera poruandhle vakatyiswa vechiti, “Idzimudzangara.” Navo vakadaidzira ngokutya. ²⁷Asi paripo Jesu wakaereketa kwavari echiti, “Shingai, ndini hangu, musatya''.²⁸NaPetro wakamupingura echiti, “Mambo, kuti uriwe, ronza kuti ndiuye kwouri padera pemvura''. ²⁹Naye wakati, “Uya.” Naapo Petro adzaka kubva mungarava, wakahamba padera pemvura kuuya kunaJesu. ³⁰Asi echiona dutu rine simba rechipesana naye, wakatya; naye echitanga kudzemera, wakadaidzira echiti, “Mambo, ndiponese''.³¹Asi paripo Jesu wakatambanudza nyara yake, akamubata, akati kwaari, “Iwewe unokutenda kudoodoko, wagononda ngenyi?” ³²Kwakati apo vakwira mungarava, dutu rakaterama ³³Naavo vaiya mungarava vakamudira, vakati, “Ngegwinyiso iwewe uri Mukororo waMwari''.³⁴Naapo vakaambuka ruseri vakaguma munyika yeGenesareta., ³⁵Naapo vanhu vomunyikamwo vamuzia, vakaziisa munyika mweshe, vakaunza kwaari veshe avo vaiya nenhenda. ³⁶Navo vakamupota kuti ava vatenderwe kwega kubata mupendero wegauni rake. Naavo veshe vakaubata vakaponeswa yaamho.

¹Zvinopano kwakauya kunaJesu vaFarisi nevanyori vechibva Jerusarema vechiti, ²“Ngenyi vadzidzi vako vechigura tsika dzevakuru, ngokuti avashambi nyara dzavo apo vechidya chingwa'' ³Asi Jesu wakavapingura, akati kwavari, “Imwimwi nemwi munogura ngenyi mupango waMwari ngetsika dzenyu?⁴Ngokuti Mwari wakati, ‘Remeredza baba ako namai ako, nouwo unotuka baba nokuti mai, ngaafe. ⁵Asi imwimwi munoti, iye unozoti kunababa ake nokuti kunamai ake, ‘Chiro chiri nechiri icho chemwaida kudetserwa ndicho ndini chaachipo kunaMwari'', ⁶aachatamiki kuremeredza baba ake nokuti mai ake. Ndizvo ngokudaro munoita kuti izwi raMwari riite risina shwiro ngetsika dzenyu.⁷Imwimwi vadziitisi, Isaya wakanasa kuprofeta ndimwi echiti ⁸‘Vanhu ava vanondiremeredza ngemiromo yavo, asi mwoyo yavo iri kuretu kwendiri. ⁹Asi vanotera kundidira, vechidzidzisa kuita zvidzidziso mipango yevanhu''.¹⁰Naye echidaidza pamwepo mbungano, wakati kwavari, “Izwai muzwisise. ¹¹Andichopi akadi chinopotera mumuromo chinosvipisa munhu, asi icho chinobuda mumuromo, ndicho chinosvipisa munhu.¹²Naapo vakauya vadzidzi vake, vakati kwaari, “Auzii here kuti vaFarisi vapumhuniswa ngokuzwa izwi iri? ¹³Asi Jesu wakapingura, akati, “Chisimwa cheshe chisikazi kusimwa ndiBaba angu vari mudenga chinozobvitwa. ¹⁴Varekerenyi, vari mapofu anokweya mapofu. Nokudai bofu rechikweya bofu, eshe anozowira mukati mwerindi''.¹⁵NaPetro wakapingura, akati kwaari, “Tidudzire muedzaniso uyu''. ¹⁶Asi wakati, “Imwimwi nemwi hamusati mwanasa kuzia here? ¹⁷Amuzwisisi here kuti icho chinopotera ngepamuromo chinoenda mundani, chinorashwa mushango?¹⁸Asi izvo zvinobuda kumuromo zvinobva mumwoyo. Izvi zvinomusvipisa munhu. ¹⁹Ngokuti mumwoyo munobva mirangariro yakashata, kuuraya, kuomba, kuhura, umbavha, uchapupu hwokunyepa, kutuka. ²⁰Izvi ndizvo zvinomusvipisa munhu. Asi kudya ngenyara dzisikazi kushambwa akusvipisi munhu akadi''.²¹Naapo Jesu wakabvapo, wakaenda munyika yeThire neyeSidhoni. ²²Penya dzimai reKhenani rakabva kundau iyo, rakadaidzira rechiti, “Ndiitire nyasha, Mambo, Mukororo waDhavhidha. Mwanasikana wangu unotambudzwa kakurutu ngedhimoni''. ²³Asi Jesu aazi kuripingura neizwi. Nevadzidzi vake vakauya kwaari, vakamupota vechiti, “Wechimuendesa, ngokuti unodaidzira sure kwedu''.²⁴Asi Jesu wakapingura, akati, “Ndakatumirwa kwega kumakwai akarashika emhatso yaIsuraeri''. ²⁵Asi uwo wakauya akagwadama, akati, “Mambo, ndidetsere''. ²⁶Asi wakapingura, akati, “Akuzi kunaka kutora chingwa chevana nokuchikandira kuzvimbwa''.²⁷Asi uwo wakati, “Eya, Mambo, kunyazwi zvituhwa zvembwa zvinodya matsekeneswa anowarakatika patafura ramambo wazvo''. ²⁸Naapo Jesu wakapingura, akati kweriri, “A dzimai, kutenda kwako kwakakura! Ngakuitike kwouri kudai ngezvounoda.” Nemwanasikana waro wakaponeswa kubvira ngeawa iro.²⁹NaJesu wakabvapo, wakauya pasinde peruandhle rweGarire; wakakwira pamutunhu, akagara apo. ³⁰Nembungano huru yakauya kwaari, inazvo zvirema nemapofu nevakakuvara nezvimbungumbungu, nevamweni vazhinji, vakavaisa pashi kutsoka dzake, naye wakavaponesa. ³¹Ngokudaro mbungano yakashamiswa apo yaona zvimbungumbungu zvichiereketa nevakakuvara vechiponeswa nezvirema zvechihamba nemapofu echiona. Navo vakakudza Mwari waIsuraeri.³²Naapo Jesu wakadaidza vadzidzi vake kwaari, akati, “Mwoyo wangu unovazwira urombo, ngokuti vaiya neni mazuva matatu vasina zvokudya. Neni andizovaendesi vasikazi kudya, ngokuti vangazodemera munjira''. ³³Nevadzidzi vake vakati kwaari, “Ngepari petingaona zvingwa zvakawanda murubaya muno zvinokwanisa kugutisa vanhu vazhinji vakadai?'' ³⁴NaJesu wakati kwavari, “Munezvingwa zvinganai?” Navo vakati, “Zvinomwe nezvihove zvishomani''. ³⁵Naye wakaronzera mbungano kuti igare pashi.³⁶Naye wakatora zvingwa zvinomwe nehove, akazvibonga, akazvigura, akahina kunevadzidzi, nevadzidzi vakazvihina kune mbungano. ³⁷Navo vakadya veshe, vakaguta. Navo vakatonhera matsekeneswa akasara, zvitundu zvinomwe zvakazara. ³⁸Naavo vakadya vaiya vamuna mazana makumi marongomuna, ngepabanze pevakadzi nevana. ³⁹Naye Jesu wakaendesa mbunganu, wakapotera mungarava, akauya kumigano yeMagadhana.

¹VaFarisi nevaSadhusi vakauya vechimuedza, vakakumbira kuti avaitire chioniso chinobva mudenga. ²Asi iye wakapingura, akati kwavari, “Kwooita madeekoni munoti, ‘Kubanze kunozoara, ngokuti mudenga mwakatsvuka.³Nomumangwanani munoti, ‘Kunozonaya nyamashi, ngokuti mudenga mwakatsvuka muneruseto.’ Munozia kududzira hope yomudenga, asi amukoni here kududzira zvioniso zvemikuwo? ⁴Mubarirwana wakashata nounoomba unotsvaka chioniso, akuna chioniso chinozoitwa kwouri, asi kwega chioniso chaJona.” Jesu wakavasiya akaenda.⁵Naapo vadzidzi vake vaguma ruseri vaiya variyarwa kutora zvingwa. ⁶NaJesu wakati kwavari, “Wonai mungware mumera wevaFarisi newevaSadhus''. ⁷Navo vakapangana pakati pavo, vakati, “Unodaro ngokuti atizi kutora zvingwa''. , ⁸NaJesu echizia izvo, wakati, “Munopangana ngenyi pakati penyu, imwimwi munokutenda kudoodoko, ngokuti amuna chingwa?⁹Amuzii nazvinopano here nokuti kukarakadza ngezvingwa zvishanu zvakapuwa vanhu makumi emazana mashanu, nezvitundu zvinganai zvemwakatonhera matsekeneswa? ¹⁰Zve, nokuti zvingwa zvinomwe zvevanhu vaiya makumi emazana marongomuna, nezvitundu zvinganai zvemwakatonhera matsekeneswa?¹¹Amuzi kuzwisisa ngenyi kuti andizi kuereketa kwomuri ngezvingwa? Asi mungware mumera wevaFarisi newevaSadhusi''. ¹²Naapo vakanasa kuzwisisa kuti aasaivapanga kuti vangware ngomumera wezvingwa, asi kuti vangware kudzidzisa kwevaFarisi nekwevaSadhusi.¹³Zvino Jesu auya munyika yeSizaria Firipi, wakabvunza vadzidzi vake echiti, “Vanhu vanoti Mukororo woMunhu ndiani?'' ¹⁴Navo vakati, “Vamweni vanoti ndiJohani Mubhabhatidzi, nevamweni vanoti ndiErija, nevamweni vanoti ndiJeremia nokuti umwe wevaprofeti''. ¹⁵Iye wakati kwavari, “Asi imwimwi munoti ndiri anani?” ¹⁶Simoni Petro wakapingura, akati kwaari, “Iwewe uri Kristu, Mukororo waMwari Unopona''.¹⁷NaJesu wakapingura, akati kwaari, “Unomuchena iwewe Simoni, mukororo waJona, ngokuti nyama nengazi azvizi kuonisa ichi kwouri, asi Baba angu vari mudenga. ¹⁸Neni ndinoti kwouri, ‘Iwewe uri Petro, nepadera peiri buwe ndinozoaka chiara changu; nezvimana zveHaidhesi azvizochinyisi''.¹⁹Neni ndinokupa makii oumambo hwomudenga; neicho chounozosunga munyika, chinozosungwa mudenga. Neicho chounozosunhura munyika, chinozosunhurwa mudenga''. ²⁰Naapo wakapanga vadzidzi vake kuti vasazoronzera munhu naumwe kuti ndiye Kristu.²¹Kubvira ngouwo mukuwo Jesu wakatanga kuonisa kuvadzidzi vake kuti kunosisira kuti aende Jerusarema, atambudzike ngezvakawanda ngevakuru nevapristi vakuru nevanyori, aurawe nezuva rechitatu amuswe. ²²Naapo Petro wakamutora dumba, akatanga kumupanga echiti, “Mwari ngaaite kuti chisaitika icho kwouri, Mambo. Ichi achizoitiki kwouri nariin''. ²³Asi iye wakakunukuka, akati kunaPetro, “Ibva sure kwangu, Sathani. Uri mupumhunisi kwendiri; ngokuti aunyeri ngeizvo zvaMwari, asi ngeizvo zvevanh''.²⁴Naapo Jesu wakati kuvadzidzi vake, “Kunyazwi ndiani unoda kuuya sure kwangu, ngaadzirambe atore muchinjiko wake, anditeere. ²⁵Ngokuti iye unoda kuuyirwa ngendaramo yake, unozorashikirwa ndiyo; nouwo unozorasha ndaramo yake ngepamusoro pangu, unozoiona. ²⁶Munhu unozouyirwa ngenyi kudai echiona nyika yeshe, akarashikirwa ngendaramo yake? Nokuti munhu unozoita mutenganisonyi nendaramo yake?²⁷Ngokuti Mukororo woMunhu unozouya muutende hwaBaba ake pamwepo nengirosi dzake; naapo unozopa munhu weshe kudai ngemishando yake. ²⁸Ngegwinyiso ndinoti kwomuri, varipo vamweni venyu vanoema panapa, avo vasikazozwi kufa metsa vaona Mukororo woMunhu echiuya muumambo hwake''.

¹Ngesure kwemazuva matanhatu Jesu wakatora Petro, Jakobe naJohani, munun'una wake, wakavatungamira akakwira navo padera pomutunhu wakareba, vari vega. ²Naye wakatsandudzwa pamberi pavo, nehope yake yakajeka kudai ngezuva, nezvokufuka zvake zvakachena kudai ngokujeka.³Penya, kwakaoneka kwaari Mosi naErija, vechiereketa naye. ⁴NaPetro wakati kunaJesu, “Mambo, kwakanaka kwetiri ngokuti tiri panapa. Kudai wechida, ndinozoaka pano zvitumba zvitatu, chimwe chako, chimweni chaMosi nechimweni chaErija''.⁵Apo achaereketa, penya gore rinon'anikira rakavatibikira, penya izwi rakabva mugore rechiti, “Uyu ndiye Mukororo wangu, wendinoda, wendinonasa kudakara ndiye; mwechimuzwa''. ⁶Naapo vadzidzi vazwa izvi, vakadzikandira pashi vakatsikitsira hope dzavo pamavhu, vakatya kakurutu. ⁷NaJesu wakauya, akavabata, akati, “Mirukai, musatya''. ⁸Naapo vamirudza madziso avo, avazi kuona munhu, kwega Jesu.⁹Vachadzaka kubva padera pomutunhu, Jesu wakavapanga echiti, “Musazoronzera munhu naumwe ngendaa yechioniso metsa Mukororo woMunhu amuka kwavakafa. ¹⁰Nevadzidzi vake vakamubvunza vechiti, “Ndizvo, ngenyi vanyori vanoti, ‘Kunosisira kuti Erija atange kuuya?’¹¹Naye wakapingura echiti, “Ngegwinyiso Erija unouya aunzidzire zveshe. ¹²Asi ndinoti kwomuri, Erija wakatouya hake, navo avazi kumuzia, asi vakaita kwaari zveshe izvo zvevakada. Ngokudaro Mukororo woMunhu naye unozotambudzwa ndivo''. ¹³Naapo vadzidzi vakazwisisa kuti wakaereketa kwavari ndiJohani Mubhabhatidzi.¹⁴Vaguma kunembungano kwakauya kwaari munhu, akamugwadamira pashi echiti, ¹⁵Mambo, wechimuitira nyasha mwana wangu; ngokuti unenhutu, unotambudzika kakurutu. Ngokuti kazhinji unowa mumwoto nekazhinjizve mumvura. ¹⁶Neni ndamuunza kunevadzidzi vako, navo vakorera kumuponesa''.¹⁷Jesu wakapingura, akati, “A! Mubarirwana usikatendi nounopauka, ndinozogara nemwi mukuwo wakaitawani? Ndinozomusengerera mukuwo wakaitawani? Wechimuunza pano kwendiri''. ¹⁸NaJesu wakakaraidza iro dhimoni; naro rakabuda kubva kwaari. Nomurumbwana wakaponeswa kubvira ngeawa iro.¹⁹Naapo vadzidzi vakauya kunaJesu, ari ega, navo vakati, “Ngenyi isusu takorera kuridzinga?'' ²⁰Naye wakati kwavari, “Ngendaa yokutenda kwenyu kudoko, ngokuti ngegwinyiso ndinoti kwomuri, kudai munokutenda kudai ngetsangu yomustadhi, mungaronza kuneuyu mutunhu kuti, ‘Ibva panapa, uende apo;’ nawo unozobva apo; kusina chiro chisikazoitwi ndimwi. ²¹Asi iyi mbeu aibudi kwega ngokukumbira nangokuera kudya.²²Navo vachaungana pamwepo muGarire, Jesu wakati kwavari, “Mukororo woMunhu unozohinwa munyara dzevanhu. ²³Navo vanozomuuraya, naye ngezuva rechitatu unozomukazve.” Navo vakatambudzika kakurutu.²⁴Naapo vauya muKhapernaume, avo vaiashira chibharo vakauya kuna Petro, vakati, “Mudzidzisi wenyu aadusi chibharo chemare chinozwi dhidhirakama here?” ²⁵Wakati, “Eya.” Kwakati apotera mumhatso Jesu wakatanga kuereketa kwaari echiti, “Unopinimidzenyi, Simoni? Madzimambo enyika vanoashira kunaani murimwa nokuti chibharo? Kunevakororo vavo nokuti kuvapara here?”²⁶Petro wakati kwaari, “Kuvapara.” Naapo Jesu wakati kwaari, “Ngokudaro vakororo vavo vari vakasunungurwa. ²⁷Asi kuti tisazovapumhunisa, enda iwewe kuruandhle, ukandire chitebo, utore hove iyo inotanga kubatwa. Naapo wabeura muromo wayo, unozoona chigurwa chemare yesirivha chinozwi sitatera; icho unozochitora uhine kwavari ngepamusoro pangu nepako.

¹Panguva iyo vadzidzi vakauya kunaJesu, vakati, “Ndiani wakakurisisa muumambo hwomudenga?” ²NaJesu wakadaidza kwaari mwana mudoko, wakamuisa pakati pavo. ³Akati, “Ngegwinyiso ndinoti kwomuri, musikatenderuki, muite kudai ngevana vadoko, amutongozopindi muumambo hwomudenga.⁴Ndizvo iye unozodzipfaisa kudai ngouyu mwana mudoko, iye ndiye wakakurisisa muumambo hwomudenga. ⁵Nouwo unozoashira umwe mwana mudoko wakadai ngouyu ngezina rangu, unondiashira inini. ⁶“Asi kunyazwi ndiani unozoita kuti umwe wevadoko vakadai vanonditenda vashaishe, kunopinda kumunakira iye kuti guyo gurutu risungirwe muhuro mwake, kuti anzvaidzwe muudzamu rworuandhle.⁷Ihehe kunyika ngendaa yezvipumhuniso! Ngokuti kunotamika kuti zvipumhuniso zviuye; asi ihehe kwaari munhuwo unoita kuti vanhu vashaishe!, ⁸Kuti nyara yako dangani rutsoka rwako rwechikuita kuti ushaishe, ruteme, ururashe kubva kwouri. Kunopinda kunaka kwouri kuti upotere mukurarama uri chirema nokuti wechikumhina, kunekuti unenyara mbiri dangani tsoka mbiri ukandirwe mumuriro usikadzimi.⁹Nokudai dziso rako rechikuita kuti ushaishe, ribvite, urirashe kubva kwouri. Kunopinda kunaka kwouri kuti upotere mukurarama uri jochotore kunekuti unemadziso mairi ukandirwe mumuriro weGehena.¹⁰Ngwarai kuti musazoshoora umwe weava vadoko. Ngokuti ndinoti kwomuri, mudenga ngirosi dzavo dzinogara dzechiona hope yaBaba angu vari mudenga. ¹¹Ngokuti Mukororo woMunhu wakauya kuponesa avo vakarashika.¹²Munopinimidzenyi? Kuti munhu anezana remakwai nerimwe rawo rarashika, aasii here arimakumi mapfumbamwe nepfumbamwe, aende mumitunhu kutsvaka iro rakarashika? ¹³Kudai kwechiitika kuti unoriona, ngegwinyiso ndinoti kwomuri, unopinda kudakara ngeiro kunemakumi mapfumbamwe nepfumbamwe asikazi kurashika. ¹⁴Ngokudaro andikwopi kuda kwaBaba enyu vari mudenga kuti umwe weava vadoko arove.¹⁵Kudai munun'una wako echizokushaishira, enda umuonise ndaa yake pakati penyu muri mwega. Kudai iye echizopurutana, wauyirwa ngomunun'una wako, ¹⁶Asi kuti asikazopurutani, tora umwe dangani vairi kuenda newe, kuti ngemiromo yevairi dangani yevatatu vanoita chapupu, mazwi eshe angagwinyiswa.¹⁷Asi kuti iye echizoramba kuvapurutana, wechironzera vechiara. Asi kudai echizoramba kupurutana kunyazwi kunevechiara, ngaaite kwouri kudai ngewevemadzinza nokudai ngomubharisi.¹⁸Ngegwinyiso ndinoti kwomuri, ‘Kunyazwi chiinyi chomunozosunga munyika, chinozosungwawo mudenga. Neicho chomunosunhura munyika, chinozosunhurwawo mudenga. ¹⁹Zve ndinoti kwomuri, kudai vairi venyu vanozotenderana panyika ngechiro chevanozokumbirira, chinozoitwa kwavari ndiBaba angu vari mudenga., ²⁰Ngokuti apo vairi nokuti vatatu vechiungana pamwepo ngezina rangu, ndiripo pakati pavo''.²¹Naapo Petro wakauya echiti kwaari, “Mambo, munun'una wangu unozondishaishira kanganai ndechimurekerera? Metsa mikuwo minomwe here?” ²²Jesu wakati kwaari, “Andironzi kwouri kuti, metsa mikuwo minomwe akadi; asi metsa mikuwo iri makumi manomwe akapetwa kanomwe.²³Ndizvo umambo hwomudenga hunoedzaniswa nomunhu uri mambo, uwo waida kuerengerana nevaranda vake chikwereti. ²⁴Naapo atanga kuerenga, umwe wakaunzwa kwaari anechikwereti chematarenda makumi emazana gumi. ²⁵Asi ngokuti iye waiya asina chokuripira ndicho, mambo wake wakapanga kuti atengeswe nomukadzi wake nevana vake nazvo zveshe zvaaiya nazvo, kuti chikwereti chiripwe.²⁶Ndizvo muranda uwo wakawa pashi ngemabvi, akamupota echiti, ‘Wechindikungurira, neni ndinozokuripira zveshe''. ²⁷Naapo mambo wouwo muranda wakamukungurira, akamusunhura, akamurekerera chikwereti.²⁸Asi uwo muranda wakabuda, akaona umwe wevaranda mungani wake, uwo waakakweretwa ndiye zana remadhinari;[16] naye wakamubata ngenyara, akamudzipa pahuro echiti, ‘Ripa kwendiri chikwereti chako''. ²⁹Ndizvo muranda uwo mungani wake wakawa pashi, akamupota echiti, ‘Wechindikungurira, neni ndinozokuripira''.³⁰Asi aazi kutenda. Asi wakaenda akamuisa mutirongo, metsa aripa icho chikwereti. ³¹Ndizvo varanda vangani vake, vechiona icho chakaitika, vakasvipa mwoyo kakurutu, vakauya, vakaronzera mambo wavo izvo zveshe zvakaitika.³²Naapo mambo wake amudaidza, wakati kwaari, ‘Iwewe muranda wakashata, ndakakukungurira chikwereti icho cheshe, apo wandipota. ³³Usaisisa newe here kuti ukungurire muranda uwo mungani wako, kudai ndini ndakakukungurira iwewe?’³⁴Namambo wake wakatseneka, akamuhina kuvashwinyisi metsa aripa izvo zveshe zvaaiya nechikwereti kwaari ndizvo. ³⁵Ngokudaro Baba angu vari mudenga vanozoita kwomuri, kuti imwimwi musikakunguriri munun'una wenyu ngomumwoyo mwenyu''.

¹pakatika apo Jesu apedja kuvereketa aya mashoko, wakabhuda muGaririya, wakauya kumigano yeJudhia, riseri rweJorodhani. ²Mbungano huru yakamutevera, naye wakavaponesa apo.³NevaFarisi vakauya kwaari, vechimuedza vechiti, “Kunotenderwa here ngezvironzo kuti munhu arambe mukadzi wake ngendaa kunyazwi ngeiri? ⁴Jesu wakapingura, akati, “Amuzikudzidza here kuti uwo wakavasika pakutanga, wakavasika mwamuna nomukadzi.⁵Akati, ‘Ngondava yei mundhu unozosiya bhabha ake namai, unozonamatira kumukadji wake neava vairi vanozoita nhama imwe''. ⁶Ndizvo avasaiti vairi, asi nhama imwe. Ndizvo icho chaakasanganisa Mwari, mundhu apaladjanisi''.⁷Vakati kwaari, “Ndizvo ngenhi Mosi akapanga kutumira tsamba yokuparadjana nokumuramba?” ⁸Wakati kwavari, “Mosi ngendava yokukonza kwomwoyo yenyu wakamutendera kuti murambe vakadzi venyu. Asi kubvira pakutanga zvaiya zvisikazi kudaro. ⁹Asi inini ndinoti kwomuri, kunyazwi ndiani uwo unoramba mukadzi wake isiri ndaa yokuomba, aloole umweni, unoomba''.¹⁰Vadjidji vakati kwaari, “Kuti yakadharo ndava yomundhu nomukadji wake, akuto kunaka kuloola''. ¹¹Asi Jesu wakati kwavari, “Vese avangawashiri izwi iri, asi kwega kwavari avo vakaripuwa. ¹²Ngokuti varipo vari ngomwa kubva mundani djemadjimai avo; varipozve mithenwa avo vakathenwa ngevandhu, varipozve vakadziitisa ngomwa ngepamusoro poumambo womudenga. Iye unesimba lokuashira, ngawariashire''.¹³Naapo vakavisa kwaari vana vadhoko, kuti aise nhala djake padenga pavo, avakumbirire. Asi vadjidji vakavarambidja''. ¹⁴Asi Jesu wakati, “Tenderai vana vadhoko kuti vauye kwandiri, musavalambidja, ngokuti umambo womudenga ngewevakadharo''. ¹⁵Naye wakaisa nyala djake pamusolo pavo, akabva apo.¹⁶Pana umwe wakaviya kwaari Jesu, akati, “mudjidjisi akanaka, chiinhi icho chakanaka chindingaita kuti ndizoona kupona kusikaperi?” ¹⁷Jesu wakati kwaari, “Unondibvunza ngenyi ngendaa yechakanaka? Uripo umwe wakanaka, asi kudai wechida kupotera mukupona wechingwarira mupango''.¹⁸Wakati kwaari, “Mupango ipi?” NaJesu wakati, “Usazoulaya, usazopomba, usazobha, usazoita chapupu chokunhepa, ¹⁹remekedja bhabh ako namai, unozodha muwakirwana wako kudhai ngokudzida yewe''.²⁰Jaha lakati kwaari, “Ndakazvingwarira izvi zvese. Chiinhi chasala kuti ndiite?” ²¹Jesu wakati kwariri, “Kuti wesidha kuita wakaperera, enda utenguese zvese zvounazvo, upe kuvarombo, newe unozoona upfumi kudhenga, uuye unditevere''. ²²Asi apo jaha lazwa izwi iro lakaenda lositambudjika; ngokuti wainga noupfumi wakawanda.²³Naapo Jesu wakati kuvadjidji vake, “Ngegwinhiso ndinoti kwamuri, kwakakonja kunegurudja kuti ripotere muumambo hwomudenga. ²⁴Zve ndinoti kwomuri, kwakapinda kuita nyore kuti kamera ripotere ngepauri renaiti, kunekuti gurudza ripotere muumambo hwaMwari''.²⁵Apo vadjidji vazwa izvi, vakashamiswa kukuru, vakati, “Kuti zvakadhalo, ndiani ungaponeswa?” ²⁶Asi Jesu esivaninguira, wakati kwavari, “Kunevandhu ichi achiitiki; asi kunaMwari zvese zvinoitika''. ²⁷Naapo Pedru wakapingula, akati kwaari, “Ninguira,yesu takasiya zvese, tokutevera;saka tinozowanenhi?”²⁸Jesu wakati kwavari, “Ngegwinhiso ndinoti kwamuri, munhika itsva, apo Mwana woMundhu paanozogala padhenga chigalo choutongui wokugwinha kwake, yemwiwo makanditevera munozogalawo padhenga pochigalo choutongui gumi namaviri, mesitonga madzinza gumi namaviri aIsuraeri.²⁹Mundhu wese wakasiya nhumba, nokuti vanun'una, nokuti hanzvadji, nokuti bhabha, nokuti mai, nokuti vana, nokuti minda, ngepamusolo pezina langu, unozowashira zvakapetwa kuita zana, uye unozogala naka yokupona kusingaperi. ³⁰

¹Ngokuti umambo womudenga hunoyezaniswa nomundhu uri mune wenhumba, uwo wakafumira mangwanani maishi kootola vashandi vomunda wake vemivhini. ²Naapo atenderana nevashandi ngechigurwa chesirivha ngezuva, wakavatuma kumunda wemivhini.³Paakabhudhazve panguva yochitatu, akaona vamweni vakaema pandau yomusika, vasikashandi. ⁴Wakati kwavari, ‘Mesiendawo mumunda wemivhini, neicho chinomusisira ndinozomupa.’ Navo vakaenda.⁵Wakabhudhazve looda kuita nguva yechitanhatu nerechipfumbamwe, wakaitazve kudaro. ⁶Looda kuita awa lochigumi narimwe wakabuda, akaona vamweni vakaema, akati kwavari, ‘Munoema panapa ngenyi zuva rese musina chomunoshanda?’ ⁷Vakati kwaari, ‘Ngokuti apana munhu watitora.’ Wakati kwavari, ‘Mesiendawo mumunda wemivhini''.⁸Pakaita madheekoni mambo womunda wemivhini wakati kunenunge yake, ‘Dhaidja vashandi, uvape misharo yavo, utange ngouwo wokugumisira kumbhera kuguma kunouwo wokutanga''. ⁹Kwakati vesiviya avo vakatorwa ngeawa lochigumi narimwe vakawashira chigurwa chesirivha. ¹⁰Kwakati avo vokutanga vooviya vakapinimidza kuti vangatutsirwa; navo ngokudalo vakawashira mundhu wese chigurwa chesirivha.¹¹Naapo vawashira, vakavhuruvhutira munewenhumba, ¹²vesiti, ‘Ava vokupedjisira vashanda ava rimwe lega, newe waita kuti vaedzane nayesu, yesu takatwala mutwalo nokupisa kwezuva''.¹³Asi yena wakapingula, akati kunoumwe wavo, ‘Shamwari, andito kukuitira chakashata. Auto kutenderana neni here ngechigurwa chesirivha? ¹⁴Tola icho chiri chako uyende. Ndinodha kumupawo uwu wokupedjisira kudhai ndiwe.¹⁵Akutenderwi here kwendiri kuti ndiite icho chendinoda ngezviri zvangu? Nokuti dziso rako raita godo ngokuti inini ndakanaka here?’ ¹⁶Ndizvo avo vesure vanozoita vepamberi, nevepamberi vanozoita vesure''.¹⁷Apo Jesu akwira Jerusarema, wakatola vadjidji gumi navaviri vari vega mugwanja, nayena wakati kwavari/ ¹⁸“Penhai, tinokwira Jerusarema; noMwabns woMundhu unozopuwa kuvapristi vakuru nevanhori, navo vanozomutongera rufu. ¹⁹Navo vanozomupira kunevemadzinza kuti aitirwe jee nokuchaiwa nokukohomerwa, ngezuva lochitatu unozomuka''.²⁰Apo pakaviya kwaari Jesu mai wevana vaZebedi, pamwepo nevana vake, akagwadhama, esikumbira kwaari chiro. ²¹Naye wakati kwaari, “Chiinhi chomunodha?” Wakati kwaari, “Ronza kuti ava vana vangu vaviri vagale umwe ngokumudyo kwako noumweni ngokumuoshwe kwako muumambo hwako''.²²Asi Jesu wakapingula, akati “Amuzivi chomunokumbira. Munokona here kumwa kutsani yendichamwa inini?” Vakati kwaari, “Tinokona''. ²³Iye wakati kwavari, “Ngegwinhiso munozomwa kutsani yangu; asi kugara ngokumudyo kwangu nokuti ngokumuoshwe kwangu, andikwopi kwangu kuhina, asi ngekwaavo vakakunasirirwa ndiBhabha angu''. ²⁴Naapo varigumi vazwa, vakatsenekera avo vakoma vaviri.²⁵Asi Jesu wakavadhaidja kwaari, akati, “Munoziva kuti vatongui vemadzinza vanotonga padenga pavo, nevakuru vavo vanesimba padenga pavo. ²⁶Asi akuzodhalopi pakati penyu; asi iye unodha kuti aite mukuru pakati penhu ngavaite mushandiri wenhu. ²⁷Nouwo unodha kuita wokutanga pakati penhu ngavaite muranda wenhu. ²⁸Kudhai ngoMwana woMundhu avato kuviya kushandirwa, asi kushandira nokupa upenhu wake kuita muripo wevazhinji''.²⁹Avo pavachabhuda kubva muJerikho mbungano huru yakamutevera. ³⁰wonai kuti, mapofu maviri akagala pagwanja, apo akazwa kuti Jesu waizopindapo, akadhaidzira esiti, “Mambo, Mwan waDavhida, tiitire nhasha''. ³¹Nembungano yakaakaraidza kuti anhalale. Asi akaphinda kudhaidzisa esiti, “Mambo, Mwana waDavhida, tiitire nhasha''.³²Saka Jesu wakaema, akavadhaidja, akati, “Munodha kuti ndimuitirenhi?” ³³Akati kwaari, “Mambo, kuti madjiso edhu apembenudjwe''. ³⁴Ndizvo Jesu wakavazwira ulombo, akagwama madjiso awo; paripo madjiso awo akapembenudjwa, nawo akamutevera.

¹Pevaka kwedhera pasinde peJerusarema, vaguma Bhethifaje, kuMutunu wemaOrivhi, Jesu wakatuma vairi vevadzidzi vake. ²Wakati kwavari, “Endai kuguta iro remwakaringirana naro, paripo munozoona mbongoro yakasungwa netsiru pamwepo nayo; mwechidzisunhura, mudziunze kwendiri. ³Kuti aripo unozoereketa chiro kwomuri, munozoti, ‘Mambo unodzitama,’ chiriporipo unozodzitumira''.⁴Izvi zvakaitika kuti kuzadzisike izvo zvakaveretwa ngomuprofiti esiti, ⁵“Ronzerai mwanasikana weZioni. Penya, Mambo wako unouya kwouri, ari wakapfaa, echigadha padera pembongoro nepadera petsiru rechifuyo chemitwaro''.⁶Nevadzjidji vakaenda, vakaita kudhai nguezvavakavapanga Jesu. ⁷Navo vakaunza mbongoro netsiru layo, vakaisa zvokufuka zvavo padenga padjo, vakamugadzika padenga payo. ⁸Norupande ruzinji lombungano rwakachinga zvokufuka zvavo mugwanja; nevamweni vakatema matai emiti, vakaawara mugwanja.⁹Nembungano yaihamba pamberi paJesu, neiyo yaitevera ngosure yakadhaidjira yesiti, “Hosana kuMwana waDavhida! Unomuchena uwo unouya ngozina laMambo! Hosana mudengadenga''. ¹⁰Naapo Jesu apotera muJerusarema, vedoroba lese vakaita nhongano vesiti, “Ndiani uyu?” ¹¹Nembungano yakati, “Uyu muprofiti Jesu, unobva Nazaretha reGarire''.¹²NaJesu wakapotera muTemperi, wakabhudisa avo vese vaitengesa naavo vaitenga muTemperi, naye wakapinduridja matafula eyavo vaitenganisana mare nezvigaro zvaavo vaitengesa njia. ¹³Wakati kwavari, “Kwakanyorwa kuti, ‘Mhatso yangu inozozwi imhatso yokudira; asi imwimwi mwaiita bako rembavha.''. ¹⁴Mapofu nezvirema zvakauya kwaari muTemperi, naye wakavaponesa.¹⁵Asi apo vaprista vakuru nevanhori vawona izvo zvinoshamisa zvavakaita, nevana vaidaidzira muTemperi vechiti, “Hosana kuMwana waDavhida,” vakatseneswa, ¹⁶navo vakati kwaari, “Unozwa here icho chevanovereketa ava?” NaJesu wakati kwavari, “Eya. Amuto kutongodjidja here, kuti kubva kumulomo yendumure neyevanoamwa unowashira kukudjwa kwakaperera?” ¹⁷Naye wakavasiya, akabhuda mudorobha, akaenda Bhethani, naye wakaata apo.¹⁸Mangwanani apo esihwirira kudoroba wainga nonjala. ¹⁹Naapo aona muonde phedho pogwanja, wakaguma kwauri, akaona usina chiro, asi masakani ega, naye wakati kwauri, “Muchero isachazoberekwa kwauri kunoti mhera nariini.” Paripo muonde wakazeketera.²⁰Kakati vadjidji vaona, vakashamiswa vesiti, “Muwonde wazeketera ngokukasira ngenhi?” ²¹Jesu wakapingula, akati kwavari, “Ngegwinhiso ndinoti kwamuri, kudhai munokutenda musikagonondi, amungazoiti chega icho chakaitwa kunemuonde, asi kunyazwi mwechizoti kunouyu mutunhu, ‘Ibva panapa, ukandirwe muruandhle,’ chinozoitika. ²²Nazvo zvese zvomunozokumbirira mumikumbiro ngokugonda, munozozviwashira''.²³Naapo Jesu angena muTemperi, vapristi vakuru nevakuru vevandhu vakaviya kwavari wakadjidjisa, vakati, “Ngesimba raani rounoita izvi ndiro? Ndiani wakakupa simbalo?” ²⁴Jesu wakapingula, akati kwavari, “yeni ndinozomubvunjawo chiro chimwe, kuti mukandironzera, ndinozomuronzerawo kuti isimba raani rendinoita izvi ndiro.,²⁵Rubhabhatidzo laJohani lakabva kuri? lakabva mudenga here, nokuti lakabva kuvandhu?” Navo vakapangana pakati pavo vesiti, “Kuti tikaronza kuti, ‘lakabva mudenga,’ unozoti kwetiri, ‘Ndizvo amuzikumutenda ngenhi?’

¹NaJesu wakapingula, akavereketazve kwavari ngemiyezaniso esiti, ²“Umambo womudhenga hunoezaniswa nomundhu uri mambo, wakaitira mumwana wake dhiri lomuchadho. ³Naye wakatuma varanda vake kudhaidja avo vakakokwa kumabhiko omuchado, navo avato kudha kuviya.⁴Wakatumazve varanda vamweni esiti, ‘Bvunjanhi avo vakakokwa kuti, penhai ndanasirira kudya kwangu; n'ombe djangu nedjakanuna djangu djaulawa, nazvo zvese zvanasirirwa; uyai kudiri lomuchado''.⁵Asi avo vakazvirerusa, vakaenda, umwe kumunda wake noumweni kootengesa kake, ⁶navo vakasala vakabata varanda vake, vakavashononesa, vakavaulaya. ⁷Naapo mambo azwa izvi wakatseneka, naye wakatuma hondo djake, akavaulaya avo vaurayi, akapisa doroba lavo.⁸Naapo wakati kuvaranda vake, ‘Diri lomuchado lanasirirwa, asi avo vakakokwa vainga vasikasisiri. ⁹Ndizvo endai pamhalalano djogwanja, navo vese vomunozoona, mwechivakoka kuti vauye kudiri lomuchado''. ¹⁰Naavo varanda vakabhuda, vakaenda mugwanja, vakaunganidja vese avo vevakandoona, vese vakashata nevakanaka; nhumbs yodiri lomuchado yakazala ngovayeni.¹¹Asi apo mambo apotera kuninguira vayeni, wakaona dwaiya asikazi kupfeka bachi lomuchado. ¹²Naye wakati kwaari, ‘Hama, waita mapoterenhi muno usina bachi lomuchado?’ Asi yena wakanhalala.¹³Naapo mambo wakati kuvaranda vake, ‘Mechimusunga soka nonhala, mechimukandira muchidhima chiri kubherere; kunozoiteyo kubhoorera nokukwetsana kwemazino''. ¹⁴Ngokuti vazinji vanodhaidjwa, asi vashomani vanozoketwa.¹⁵Naapo vaFarisi vakaenda, vakaita bhangano lokuti vamuteye mukuvereketa kake. ¹⁶Navo vakatumira kwaari vadjidji vavo pamwepo nevaHerodi vesiti, “Mudjidjisi, tinozia kuti yewe uri wegwinhiso, unodjidjisa gwanja laMwari ngegwinhiso, autunumadji mundhu; ngokuti aupenhi hope yomundhu. ¹⁷Tironzere zvinopano unopinimidjenhi. Ndizvo here kuti tibadare chibalo kunaSiza nokuti tisabadala?¹⁸Asi Jesu, echiziva kushata kwavo, wakati, “Munondiyedja ngenhi, yemwi vadjiitisi? ¹⁹Ndipangidjirenhi mare yomuthelo.” Navo vakaunza kwaari chigurwa chemare chinozwi denariusi.²⁰Naye wakati kwavari, “Ngovananhi uwu mutodjaniso nouku kunhorwa? ²¹Vakati, “NgezvaSiza.” Naapo wakati kwavari, “Ndizvo mwechihina kunaSiza zvaSiza, nokunaMwari izvo zviri zvaMwari''. :22 ²²Naapo vazwa, vakashamiswa, vakamusiya vakaenda.²³Ngozuva lelo, vaSadusi avo vanoti akuna kumuka kwevakafa, vakaviya kwaari, vakamubvunja. ²⁴vesiti, “Mudjidjisi, Mosi wakati, ‘Kuti mundhu akafa, asina vana, munun'una wake unozoloola mukadji wake abherekere mukoma wake vana''.²⁵Ndizvo kaivapo nesu vakoma vanomwe; nouwo wokutanga wakaloola, wakafa asina vana, wakasiya mukadji wake kune munukuna wake. ²⁶Ngokudhalozve newechipiri newechitatu, kumbhera kupedjisira ngowechinomwe. ²⁷Napakugumisira kwavo vese mukadji wakazofawo. ²⁸Ndizvo mukumuka kovakafa, unozoita mukadji waani kwavari vanomwe? Ngokuti vese vakamuloola''.²⁹Jesu wakapingula, akati kwavari, “Munokangaidjwa ngokusikaziva zvinhorwa nokuti simba laMwari. ³⁰Ngokuti mukumuka kwavakafa, avalooli, zve avaloorwi, asi vari vakadhai ngengilosi djiri mudhenga.³¹Asi ngendaa yokumuka kwevakafa, amuto kutongodjidja here icho chakavereketwa kwamuri ndiMwari esiti, ³²‘Yeni ndiri Mwari waAbrahama naMwari waIsaka naMwari waJakobe?’ Mwari aasiri Mwari wevakafa akadhi, asi wevanopona''. ³³Naapo mbungano yazwa izvi, yakashamiswa ngokudjidjisa kwake.³⁴Asi apo vaFarisi vazwa kuti wainga anhalarisa vaSadusi, vakaungana pamwepo. ³⁵Umwe wavo wainga gweta, wakamubvunja mubvunjo, esimuyedja esiti, ³⁶“Mudjidjisi, ngouri mupango mukuru muMupango?”³⁷Jesu wakati kwavari, “Unozomudha Mambo Mwari wako ngomweyo wako wese, ngomweya wako wese nomulangariro yako yese''. ³⁸Ichi chiri mupango mukuru nowokutanga.³⁹Newechipiri wakadhai ngouwu, “Unozomudha muchigarisano chako kudhai ngokudjida yewe. ⁴⁰Kuneiyi mupango miviri ndipo pasingwisingwi yeMupango yese novaprofiti''.⁴¹Zvinopano vaFarisi vaungana, Jesu wakavabvunja; ⁴²esiti, “Munofunguenhi ndiKristu? Mwana waani?” Vakati kwaari, “Mwana waDavhida.''.⁴³Wakati kwavari, “Ndizvo ngenhi Davhida, ari muMweya, unomudhaidja kuti Mambo esiti, ⁴⁴‘Mambo wakati kunaMambo wangu, gala ngokumurwo kangu, kumbhera ndiite vavengui vako chitambarariro chosoka djako?⁴⁵Ndizvo, kuti Davhida akamudhaidja kuti Mambo, zvino uri mwana wake ngokuitawani?” ⁴⁶Kainga kusina mundhu aikona kumupingula neizwi, zve, kwaiva kusina mundhu kubvira ngezuva iro waishinga kumubvunja mibvunjo.

¹Naapo Jesu wakavereketa kumbungano nokuvadjidji vake, ²esiti, “Vanhori nevaFarisi vanogala pachigalo chaMosi. ³Ndizvo zviro zvese zvevanomupanga, zviitei muzvingwarire; asi musaita kudhai ngemushando yavo; ngokuti vanotera kuvereketa vasikazviiti.⁴Ngokuti vanosunga mutwalo inorema, inokonja kutwala nokuiisa pamapfudzi evandhu, asi ivo vositereti avatendi kumirudza chinwe chavo kuvadhetsera kutwala mutwalo iyo. ⁵Asi mushando yavo yese vanoiita kuti vaoneke ngovandhu; vanosungira zvibokisi zvikuru zvine mavhesi pahuma djavo, vechikurisa mupendero yomaguemenzi avo.⁶Vanodha zvigalo zvepamberi mumishongano yokudya nezvigalo zvepamberi mumba djokunamatira, ⁷nokuchungamidjwa pandau djomusika, nokudhaidjwa ngovandhu kuti ‘Rabi''.⁸Asi yemwi musatenda kudhaidjwa kuti ‘Rabi;’ ngokuti umwe uri Mudjidjisi wenhu neimwimwi mese muri hama. ⁹Musadhaidja mundhu kunhazwi ngouri munhika kuti ‘Bhabha,’ ngokuti umwe uri Bhabha enhu, vari mudhenga. ¹⁰Zve musadhaidjwa kuti ‘Matenzi,’ ngokuti Tenzi wenhu umwe ndiKristu.¹¹Asi mukuru pakati penhu unozoita mushandi wenhu. ¹²Kunhazwi ndiani unozodjikurisa iye unozopfaiswa; nouwo unozodzipfaisa unozokuriswa.¹³Asi kwamuri vanori nevaFarisi, vadziitisi! Ngokuti munokonhera umambo womudhenga kuvandhu ngokuti amupoteri yemwi, zve amutenderi avo vanodha kupotera kuti vapotere. ¹⁴Hokoyo kwamuri vanhori nevaFarisi, vadziitisi, ngokuti munopedja nhumba djoshirikadji, ngokudjiitisa munoita mukumbiro yakarebha, ndizvo munozowashira kutongwa kwakapinda kukura. ¹⁵“ kwamuri vanhori nevaFarisi, vadziitisi! Ngokuti munowambuka ruandhle nenhika kutsvaka mudjidji umwe, naapo atenderuka, munomuita kakapetwa kaviri kuita mwana weGehena kupinda yemwi.¹⁶“kwamuri yemwi vatungamiriri mapofu,munoti, ‘Kunhazwi ndiani unopika ngeTemperi, aanandaa; asi uwo unopika ngomukore womuTemperi, ndiye unendaa yemhiko yake''. ¹⁷Yemwi mapenji mapofu; ngechiri chakapinda kukula, golidi nokuti Temperi, iro rinochenesa golidi?¹⁸Zve munoti, ‘Kunhazwi ndiani unopika nge aritar, nada; asi kunhazwi ndiani unopika ngechipo chiri padenga paro, unendaa'. ¹⁹Imwimwi mapofu; ngechiri chakapinda kukula, chipo nokuti aritar iro rinochenesa chipo?²⁰Ndizvo uwo unopika nge aritar, unopika ndizvo zvese zviri padenga palo. ²¹Nouwo unopika ngeTemperi, unopika ndilo nouwo unogala mukati malo. ²²Nouwo unopika ngedenga, unopika ngedendemaro laMwari nouwo unogala padenga palo.²³womuri vanyori nevaFarisi, vadziitisi! Munohina chimwe chegumi cheminte neanise nokumini, nemwi mareguera kuita zvakakula zveMupango, kutonga kwakwo nenhasha nokugondeka; kwaisisira kuti muzviite izvi, musikasii zvimweni zvisikazi kuitwa. ²⁴Yemwi vatungamiriri mapofu, munohluza nhunzi mwechitangurira kamera.²⁵Pane kwamuri vanhori nevaFarisi, vadziitisi! Ngokuti munosuka kubhanze kwetsani nekwendiro, asi mukati makazala ngokuzala nokudjidha. ²⁶Yewe muFarisi uri bhofu, suka kutanga mukati momuviri wako kuti pabherere pachenewo.²⁷“Pane kwamuri vanhori nevaFarisi, vadziitisi! Ngokuti mwakadhai nguemaibha akacheneswa, awo nguegwinhiso anooneka akanaka ngokubha, asi ngomukati akazala ngemagodho evakafa nezvese zvinetsvina. ²⁸Ngokudhalo nemwi kubherere munooneka muri vakarurama kunevandhu, asi ngomukati mwakazala ngokudziitisa nokushata.²⁹“Pane kwamuri vanhori nevaFarisi, vadziitisi! Ngokuti yemwi munovaka maibha evaprofiti nokunamisa maibha evakarurama. ³⁰Nemwi munoti, ‘Kudhai taivapo nguemazuva emadjibhabha edhu, tingadhai tisikazi kutenderana navo mukupaladja ngazi yevaprofiti''. ³¹Ndizvo munodjipupurira kuti yemwi muri vana vavo vakaulaya maprofiti.³²Zadjisai yemwi chipimo chomadjibhabha enhu. ³³Yemwi nhoka, yemwi vana vemabhoola, mungaita mapokonhokerenhi kubva mukutongwa nokukandirwa muGehena?³⁴Ndosaka,ninguiranhi ndinotuma kwamuri vaprofiti nevakangwala nevanhori; vamweni vavo munozovaulaya nokuvakohomera; nevamweni vavo munozovalova mumbao djenyu djokunamatira nokuvatambudja kubva kudoroba rimwe kuenda kunerimweni, ³⁵kuti padenga penhu iviye ngazi yese yevakarurama yakapaladjwa munhika, kubvira kungazi yaAberi wakarurama, kumbhera kuguma kungazi yaZekharia, mwana waBarakia, uwo wemwakaulaya pakati peruwanze nearita, ³⁶Ngegwinhiso ndinoti kwamuri, izvi zvese zvinozoitika kunouwu mubharirwana.³⁷Jerusarema, Jerusarema,yewe unoulaya vaprofiti, wechivafula ngomapuwe avo vanotumwa kwauri, kuwandanhi kwemikuwo yendakadha kuunganidja vana vako pamwepo, kudhai ngemhambo inounganidja zvitiyo zvayo pasi pemapapiro ayo, nemwi amutokutenda! ³⁸Penhai, nhumba yenyu yasiiwa kwamuri iri dhongo., ³⁹Ngokuti ndinoti kwmuri, amuchatongozondioni kumbhera munozoti, ‘Unomuchena uwo unoviya ngezina laMambo.

¹Jesu wakabhuda muTemperi; oyenda vadjidji vake vakaviya kwaari kuti vamupangidjire nhumba djoTemperi, ²Naye wakapingula, akati kwavari, “Amuoni izvi zvese here? Nguegwinhiso ndinoti kwamuri, arizosiiwi panapa bhuwe padenga pebhuwe rimweni risikazowiswi pasi''.³Jesu agala paMudhundhu loOrivhi, vadjidji vake vakaviya kwaari ari ega vesiti, “Tibvunjei, izvi zvinozoitika riini? Zve chinhi chinozoita chioniso chokuviya kwenhu nechokuguma kwenhika''. ⁴Jesu wakapingula ngomundhu. ⁵Ngokuti vazinji vanozoviya ngozina langu vesiti, yeni ndini Kristu’, vanozolasikisa vazinji.,⁶Nemwi munozozwa ngokuambana nemawirira okuambana; ngwalanhi kuti musazotambudjika; ngokuti kunosisira kuti zvese zviitike, asi magumo aasati aguma, ⁷Ngokuti dzinza rinozomukirana nedzinza, noumambo hunozomukirana noumambo; kunozovapo njala nokuzungunhika kwenhika kundau dajaparadjana. ⁸Izvi zvese zviri zvokuamba kwematambudjiko.⁹Naapo vanozomupira mukutambudjwa, navo vanozomuulaya; nemwi munozonhenhwa ngomadzinza ese ngopamusolo pozina langu. ¹⁰Naapo vazinji vanozosava kutendeka, vanozotenguesana umwe noumweni nokunhenhana., ¹¹Nevaprofiti vokunhepa vazinji vanozovapo, navo vanozolasikisa vazinji.¹²Ngokuti kushaisha kunozowanda, rudho lovazinji rinozopola. ¹³Asi uya anozoshingirira kumbhera kumagumo unozoponeswa. ¹⁴Neiri vhangeri loumambo rinozochumairwa munhika dzese kuita chapupu kumadzinza ese;ponapo kupera kunozoguma.¹⁵Saka,mukaona chinhangadjo chokuparadja chaakavereketa ndicho Danieri muprofiti chechiema mundau yakachena, (uwo unodjidja ngavazwisise), ¹⁶naapo avo vari muJudhia ngavatizire kumatundhu. ¹⁷Naye uri padhenga pachichungwe chonhumba, asadzaka kutola zviro zviri mumba yake. ¹⁸Naye uri mumunda asahwirira sure kotola bachi lake.¹⁹Asi pane kwavari avo vanemimba naavo vanoamwisa ngaao mazuva!, ²⁰Kumbirani kuti kutiza kenhu kusazoitika nguenguva yechando nokuti ngezuva loSabatha. ²¹Ngokuti kunozovapo kutambudjika kukuru, ukwo kusito kumboitika kwakadhalo kubvira mukuhamba kwenhika kumbhera kuguma zvinopano, zve, akuchatongozoitiki zvakadharo. ²²Kudhai mazuva awo asikazofupiswi, akuna nomundhu unozoponeswa; asi ngepamusolo pevakatsanangurwa, awo mazuva anozofupiswa.,²³Pamukuwowo kuti aripo mundhu unozoti kwamuri, ‘Penhai, Kristu uri panapa’, nokuti ‘Apo’, musazozvitenda. ²⁴Ngokuti vanozovapo vaKristu vokunhepa nevaprofiti vokunyepa, navo vanozoita zvioniso zvikuru nemishamiso, kupaukisa, kudhai zvechiitika, eya nevakatsanangurwa. ²⁵Penhai, ndamubvunja izvi nguepamberi.²⁶Ndizvo kuti vechizoti kwamuri, ‘Penhai, uri mushango,’ musaendeyo. ‘Penhai, uri mukamera lomukati,’ musazotenda. ²⁷Ngokuti kudhai ngemheni inobva kumabvazuva, inojekisa kumbhera kuguma kumabirira zuva; kunozodhalo nokuviya koMwana woMundhu. ²⁸Ngokuti apo panemiiri yakafa, ndipo pedzinoungana ngwanga.²⁹Ngokukasika kumasure kokutambudjika komazuva awo, zuva rinozoita chidhima, nomwedji auzojeki, nenyhedji djinozowa kubva mudenga, nosimba lese lomudenga rinozozungunhiswa.³⁰Saka pakanozooneka chioniso choMwana woMundhu mudhenga, nemadzinza ese enhika anozochemachema, nawo anozomuona Mwana woMundhu esiviya mumakore omudhenga, anesimba nokugwinha kakakula. ³¹Naye unozotuma nguilosi djake ngokuridjwa kukuru kwegwama, nadjo djinozounganidja vakatsanangurwa vake kubva kumadhutu malongomuna, kubva kumagumo amwe omudenga kumbhera kuguma kumagumo amweni.³²Zvinezvi djidjanhi muyezaniso kumumbuti womuwonde; apo dhai lawo riri mbishi, rechiburikira masakani, yemwi munoziva kuti chirimo chaphedho. ³³Ngokudhalo yemwiwo, apo moona izvi zvese, munoziva kuti uri phedho pamusuwo.³⁴Ngogwinhiso ndinoti kwamuri kuti uwu mubharirwana azopindi kumbhera izvi zvese zviitike. ³⁵Dhenga nenhika zvinozopinda, asi mazwi angu aazoperi kana.³⁶Asi pazuva rero nenguva iyo akuna naumwe anoziva, kunhangue nguilosi djomudenga ne kana Mwana, kusiri bhabha vega.³⁷Sepamazuva aNoa, kunozodhalozve kuviya koMwana woMundhu. ³⁸Ngokuti semazuva awo kumusure kondambi, vairhya, vaimwa nokuloola nokulovodjana, kumbhera laguma zuva lelo laakapotera ndilona Noa mungarawha. ³⁹Navo avato kuziva kumbhera ndambi ikaguma, yakavatola vese, kunozodhalowo kuviya koMwana woMundhu.⁴⁰Panguva yonayo vandhu vaviri vanozonga kumunda, umwe unozotorwa apo umweni unozosiiwa. ⁴¹Vakadji vaviri vasazonga vosigaya muchituturi, umwe unozotorwa ponapo umweni unozosiiwa. ⁴²Saka ngwariranhi; ngokuti amurizii zuva laanozoviya Mambo wenhu.⁴³Asi muzive izvi, kuti kudhai munewenhumba aiziva nguva inoviya mbavha iye waizongwarira, asikatendi kuti nhumba yake ipwanhiwe, ⁴⁴Saka ivanhi vakagazirira; ngokuti mwana omundhu unozoviya panguva yamusinga funguiri.⁴⁵Ndizvo ndiani uri muranda unogondeka newakangwala, uwo mambo wake wakamuyemesa kuita mutongui pamberi ponhumba yake, kuti avape kudya kwavo ngenguva kwayo? ⁴⁶Unomuchena muranda uwo apo mambo wake ooviya unozomuona esita kudhalo. ⁴⁷Ngogwinhiso ndinoti kwamuri, unozomuyemesa kuti aite mutongui pamusolo paizvo zvese zvaanazvo.⁴⁸Asi kana uya mushandi akashata anozoti mumweyo make, ‘Mambo wangu unononoka kuviya; ⁴⁹naye atangue kutaka varanda avo vari vangani vake, adye esimwa pamwepo nezviradza, ⁵⁰mambo wouwo muranda unozoviya ngozuva laasikakariri neawa laasikazivi. ⁵¹Naye unozomutema kuita zvigurwa, aemese kwaari chikoaniswa chake pakati pevadziitisi. kunozova nokuchemwa nokuguedha guedha komazino.

¹Zvino umambo wokudenga hunoyezaniswa nevasikana varigumi, avo vakatola zvibhani zvavo, vakabhuda koosangana nomukwambo. ²Vashanu vavo vainga mapenji nevashanu vainga vakangwala. ³Ngokuti vona vainga mapenzi vakatola zvibhani zvavo, avatokutola mafuta navo. ⁴Asi vakangwala vakatola mafuta mukati mozvindhekwe zvavo, pamwepo nezvibhani zvavo.⁵Apo chikomba chanonoka, vakaozera vese vakavata. ⁶Asi pakati pousuku vakadhaidjirwa kuti, ‘mukai, mukwambo! Budhai koossangana naye.⁷Apo vasikana vese vakamuruka, vakanasirira zvibhani zvavo. 8 ⁸apo mapenzi akati kunevakangwala, ‘Tipenhiwo mafuta enhu; ngokuti zvibhani zvedhu zvinodjima''. ⁹Asi vakangwala vakapingula: Azvingadalopi, ngokuti aazokwani yesu naemwi. Asi mesienda kune avo vanotenguesa, muzvitengere''.¹⁰Asi pavaiyenda kootenga, mukwambo vakaviya; naavo vainga vakanasirira vakangena naye mumuchado, nomusuwo wakakonhwa. ¹¹kumasure kazvezvo, kakaviyawo vasikana vamweni vesiti: ‘Mambo, Mambo, tibheurirenhiwo''. ¹²Asi yena wakapingula esiti: ‘Ngogwinhiso ndinoti kwamuri, anditomuzivi''. ¹³Saka ngwariranhi yemwi ngokuti amuzivi zuva kana nguva.¹⁴Ngokuti zvakadhai ngomundhu wakatikuti esida kuenda kunhika imweni, wakadhaidja varanda vake, akatemba kwavari zviro zvake. ¹⁵Nokuneumwe wakatemba matarenda ari mashanu, nokuneumweni wakamutemba maviri, nokuneumweni rimwe; kuneumwe ngaumwe wavo wakatembwa kudhai ngokukona kwake kushandisa, akaenda rwendo lake. ¹⁶Paripo uwo wakawashira matarenda mashanu wakaenda akaabherekesa, akauyirwa ngemashanu amweni.¹⁷Ngokudaloko wainga wakapuwa waviri wakawachira vamueni . ¹⁸Ngokuti zuainga akawachira wakatcha panhika , owiga mare yamambo.¹⁹Ngosure komakore akapera, mambo ovatendi wakavia, akagala pavari. ²⁰Zuaka washirwa zuitaela zuichanu , pakawiazue zuimueni zuitaela, mambo wakati: "Mambo, mandipa zuitaela zuichano , ndakawina ndizona zuitaela zuichano". ²¹mambo wake wakamuti: "Washuma, yewe mutendi! pazuidoko wakaita mutendi; pazuakawanda ndinokukanda; pindai mukodakala kamambo wako".²²pakaguma wakapuwa zuitaela zuiviri, vakati: "Mambo, zuitaela zuiviri makandipa, ndakawina zuimueni zuitaela zuiviri". ²³Mambo wako wakat kwaarii: "pakanaka, mutendi akanaka nounogondeka; yewe wakagondeka ngezvishomani, ndinozokuemesa padera pezvakawanda, pinda mukudhakala kwamambo wako.²⁴Asi osigumawo uwo akawashira tarenda rimwe, wakati: ‘Mambo, ndakakuziva yewe kuti uri mundhu wakakonja, unokukula pousingazivi kusima nokuunganidja pousikazi kupaladjira. ²⁵Neni ndakatya, ndikaenda, ndikafisha tarenda yako mumavhu. Zviri apa zviri zwako'.²⁶Asi mambo wake wakapingula, akati kwaari: ‘yewe muranda wakashata noumbwa! Waiziva here kuti ndinokukura pandisito kusima nokuunganidja pandisito kupaladjira? ²⁷Ndizvo kwaifaneya kuti uise mare yangu kwavari vebhange, kuti mukuviya kwangu ndaizovawashirazve yangu nokuuyirwa kwayo.²⁸Ndosaka bvisai kwari tharenda muiipe kuneuyana ano gumi lomatharenda. ²⁹Ngokuti kwaari wese unacho unozopuwa, naye unozova nezvakawanda. Asi kunouwo usina, eya, neicho chaanacho chinozobviswa kwaari. ³⁰Mesilasa muranda uwo usikadhetseri chiro muchidhima chiri kubherere, Kunozovayo kuchemachema nokuguedha guedha komazino.³¹Asi apo Mwanakomana woMundhu oouviya muukugwinha kake nenguilosi djese naye, apo unozogala pamusolo pedhendemaro routhende wake. ³²Nepamberi pake anozounganidjwa madzinza ese, naye unozovapaladjanisa umwe kuneumweni kudhai ngomusi unopaladjanisa makwai kubva kunembudji. ³³Naye unozoisa makwai ngokumurwo kake, asi mbudji ngokumubhushwe kake.³⁴Saka Mambo unozoti kwavari vari ngokumurwo kake: ‘Uyai, yemwi makadhakadjiswa ndiBhabha wangu, mugale naka youmambo wakanasirirwa yemwi kubvira pakusikwa kenhika. ³⁵Ngokuti ndaanga ndinonjala nemwi mwakandipa kudya, ndainga ndinenhota nemwi mwakandipa chokumwa, ndainga ndiri mupfumba nemwi makandiwashira, ³⁶Ndainga ndiri mitu yemwi makandifekedja, ndaiwadjaa nemwi makandihambira, ndainga mutorongo nemwi makaviya kwandiri''.³⁷Apo vakarurama vanozomubvunjisa vesiti: ‘Mambo, takakuona riini munonja? tikamupa zvokudya? Nokuti unenhota tikamupa chokumwa? ³⁸Takakuona riini uri mupfumba, tikamuwashira? Nokuti uri mutitinini tikamufekedja? ³⁹Takakuona riini mosiwadja nokuti uri mutorongo tikaviya kwauri? ⁴⁰NaMambo unozopingula esiti kwavari: ‘Ngegwinhiso ndinoti kwamuri, kudhai ngezvemakaita kuneumwe weva vadhoko vanukuna vangu, makachiita kwendiri.’⁴¹’41 Saka unozoti kwavari vari ngokumubhoshwe kake, ‘Ibvai kwandiri, yemwi makatukwa, muyende mumoto usingaperi, uwo wakanasirirwa Diaborosi nengilosi djake. 42 ⁴²Ngokuti ndainga nonjala amuto kundipa kudya, ndainga ndine nhota amuto kundipa chokumwa, 43 ⁴³ndainga ndiri mupfumba amutokundiwashira, ndainga ndiri mutitinini amutokundifukidja, ndaiwadja, ndainga mutorongo amuto kundihambira''.⁴⁴Apozve avo navo vanozomubvunjisa vesiti: ‘Mambo, takakuona riini munonjala, kana munenhota, kana muri mupfumba, kana muri mitu, nokuti mosiwadja, nokuti uri mutorongo, nesu atizikukushandira?’ ⁴⁵Apo yena unozovapingula esiti: ‘Ngegwinhiso ndinoti kwamuri, kudhai nguezvemusito kuitira kuneumwe weava vadhoko vanukuna vangu, amuto kuiitira kwandiri.’ ⁴⁶Apo vanozoenda mukutambudjwa kusikaperi, asi vakarurama mukupona kusikaperi''.

¹1 Naapo Jesu wainga apedja ese mazwi aya, wakati kuvadjidji vake, ²“Munoziva kuti ngesure kwemazuva mairi Phasika rinozovapo, noMwana woMundhu unozopirwa kuti akohomerwe''.³Saka vakaungana vapristi vakuru nevakuru vevandhu vakasangana kumuzi komupristi mukuru, uwo waidhaidjwa kuti Kefasi. ⁴Navo vakaita bangano lokuti vabhate Jesu ngokumunhepera, vamuulaye. ⁵Asi vakati, “Haiwa ngemazuva omushongano wokudya, kuti isazovapo musindo pakati pevandhu.⁶Apo Jesu ari kuBethani mumba yaSimoni uwo wainga nomapere, ⁷kakaviya kwaari djimai raiya nenhera yearibhasitera yemakha anomutengo mukuru, nalo lakaadhurura mumusolo make, achatseama pakudya. ⁸Asi apo vadjidji vake vaona, vakarurumwiswa vesiti, “Kulasirenhi uku? ⁹Ngokuti ava aizotengueswa ngomutengo mukuru uhinwe kuvalombo''.¹⁰Asi Jesu esiziva, wakati kwavari, “Munoritambudjirenhi djimai? Ngokuti nalo lashanda mushando wakanaka kwandiri. ¹¹Ngokuti munavo valombo nguva djese, asi yeni amuneni akadi nguva djese.¹²Ngokuti ladhurura mafuta aya padhenga pomuwiri wangu,laita kunasirira muiri wangu kuvigwa., ¹³Ngegwinhiso ndinoti kwamuri, kunhazwi nguepari perinozochumairwa vhangueri munhika djese, ichiwo chilaita djimai iri chinozovereketwa ndicho, kuita chifunguidjiro kwariri''.¹⁴Saka umwe wegumi navaviri, unozwi Judhasi Isikarioti, wakaenda kuvapristi vakuru. ¹⁵Naye wakati kwavari, “Chiinhi chomunozondipa kuti ndizomupira kwmuri?” Navo vakamuverenguera zvigurwa zvesirivha magumi matatu. ¹⁶Kubvira ngouwo mukuwo iye wakatsvaka nguva yokuti amupire.¹⁷Zvinopano ngozuva lokutanga lokudya zvingwa zvisina mumera, vadjidji vakavya kunaJesu vesiti, “Unodha kuti tikunasirire pari pokudyira Phasika?” ¹⁸Naye wakati kwavari, “Endai muguta kunemundhu wakatikuti, mesiti kwaari, ‘Mudjidjisi unoti nguva yangu yaapedho; ndinozodyira Phasika kumuzi kako nevadjidji vangu.''. ¹⁹Nevadjidji vakaita kudhai ngezvaakavapanga Jesu, vakanasirira Phasika.²⁰Zvino apo kaita madheekoni, wakagala pakudya nevadjidji varigumi navaviri. ²¹Kakati pavaidya, wakati kavari, “Ngegwinhiso ndinoti kwamuri, umwe wenhu unozondipandukira.” ²²Navo vakatambudjika kukuru, vakatanga kubvunjisa kwaari umwe ngaumwe kuti: “Ndini here, Mambo?”²³Ena wakapingula, akati: “Uyana anoisa nhala yake mundiro nayeni, ndiyena anozondipandukira. ²⁴Chokwadhi Mwanakomana woMundhu unoenda sezvakanhorwa ndiyena. Asi kuneuwo mundhu waanozopirwa ndiyena Mwanakomana woMundhu! Kaizopinda kunaka kunouwo mundhu dhai asakabharwa”. ²⁵NaJudhasi uwo akamupira wakapingula, akati: “Rabi, ndini here?” Iye wakati kwaari: “Watobvunja''.²⁶Pavarhya, Jesu wakatola chingwa, akachiropafadza, akachigula; saka akachipa vadjidji akavati kavari: “Tolanhi, murhye; ichi ndicho muwiri wangu.”²⁷Wakatola tsani, akairopafadza, akapa kavari esiti: “Imwai mwese. ²⁸Ngokuti iyi ingazi yangu yochitenderano, inopaladjirwa ngopamusolo pevazinji kuita kureguererwa kozvishaishi. ²⁹Asi ndinoti kwamuri andichazomwi ngosure kwouku kumuchero iyi yomuvhini kumbhera zuva landinozorimwazve idzva muumambo waBhabha angu”.³⁰Apo pevakapedja kuyemba nziyo, vakabhuda kuenda kudhundu loOrivhi. ³¹Apo Jesu wakati kavari: “Yemwi mwese munozoposha kuva makatendeka kwandiri usiku uno; ngokuti kwakanhorwa kuti, ‘Ndinozolimaza muhavisi nemakwai edhanga anozopalarisa.’ ³²Asi kumasure kokumuka kangu ndinozoenda pamberi penhu muGarireya”.³³Asi Pedru wakapingula, akati kavari, “Kunhangue vese vanozoposha kauri,yeni anditongozoposhi mukutendeka kangu.” ³⁴Jesu wakati kwaari: “Ngegwinhiso ndinoti kwauri, usiku huno, risati larira jongwe, yewe unozondilamba katatu” ³⁵Pedru wakati kavari: “Kunhangue ndosizofa newe, andito zombokulambi.” Nevadjidji vese vakabuya zvimwezvo.³⁶36 Saka Jesu wakaviya navo kundau inozwi Ghetsimani,akati kuvadjidji vake, “Galanhi panapa yemwi,apo ndiyende konamata.” ³⁷wakatola naye Pedru nevanakomana vaviri vaZebedi, naye akatanga kutsamwa nokutambudjika kukuru. ³⁸asi akati kavari: “Mweya wangu uritambudjika kukuru kumbhera pakufa. Galanhi panapa, murinde nayeni''.³⁹paaiyenda mberi padhoko, akawa ngomumeso make, akanamata esiti: “Bhabha angu, kudhai zvesiitka, tsani iyi ngaidharike kwandiri; asi kusaita kudhai ngokudha kangu, asi kudhai ngokuda kenhu.” 40 ⁴⁰Saka wakaviya kunovadjidji vake, akavawana vakavata, akati kuna Pedru,akati kuna Pedru “SAka makorera kurinda naeni kana nguva imwe here? ⁴¹Rindanhi, nokunamata, kuitira kuti musapinda mukuyedjwa; mweya ngegwinhiso unotenda, asi nhama aina simba''.⁴²Zve kochipiri wakaenda konamata esiti, “Bhabha angu,kana iyi isingapindi pandiri ndisina kuimwa, kudha kwenhu ngakuitwe''. ⁴³Pevakaviyazve wakavawana vakavata, ngokuti madjiso avo ainga esiremerwa, ⁴⁴Saka wakavasiya, akaenda, akaenda koonamata zve kochitatu,hosibuya zve mashoko amwewo.,⁴⁵Pachinguva nguva wakaviya kuvadjidji, akati kwavari, “Musakavata here zvinopano, mosizolola? Penhai nguva yaguma, noMwana woMundhu unopirwa munhala djovashaishi. ⁴⁶Murukanhi, tiyende! penhai,waguma uwo anondipandukira''.⁴⁷Painga esivereketa, penhai,waviya Judasi, umwe wovanegumi navaviri, wakaviya, nayo uwhandu wovandhu,nomunondo nendonga, vosibva kuvaprista vakuru novakuru vovandhu. ⁴⁸Ponapo uwo akamupandukira, wainga avapa chioniso ositi, “Uyana wandinozochungamidja ngomulomo ndiyenawo; mubhatenhi.⁴⁹Ponapo wakakwedhera kunaJesu, akati, “Kaviyaa, Rabi”;akamutswodha ngomulomo. ⁵⁰Asi Jesu wakati kavari, “Shamwari,waviya kuzoitenhi? ”Saka vakaguma, vakamubhata Jesu ngonhala, vakamutola.⁵¹Penhai umwe wavo wainga naJesu wakatambanudja nhala yake, akabvisa munondo wake, wakatema muranda womupristi mukuru, ogula njeve yake. ⁵²Apo Jesu wakati kaari, “Hwiridjai munondo wako pandau pawo; ngokuti avo vese vanotola munondo vanozopera ngomunondo. ⁵³Kana kuti, unofunga kuti yeni andinga namati kunaBhangu,vakanditumira zvezvi nguilosi djinopinda hondo djirigumi nambiri ngokuwanda? ⁵⁴Asi kuti zvakadhalo zvinhorwa zvingazoita mazadjisikirenhi, zvivanoti zvakadhalo zvinofaneya kuitwa?⁵⁵Panguvayo Jesu wakati kumbungano, “Mabhudha here mumunondo nendonga kuti mundibhate ? Ndakagala nayemwi mazuva ese ndesimudjidjisa muTemberi, yemwi amuto kundibhata. ⁵⁶Asi izvi zvese zvakaitika kuti zvizadjisike izvo zvakanhorwa ngovaprofia.” Panapo vadjidji vake vese vakamusiya, vakatiza.⁵⁷Vaya vainga vamubhata Jesu vakamukweva kuenda kunaKaiafasi mupristi mukuru, apo pevainga vakaungana vanhori nevakuru. ⁵⁸Asi Pedru wakamutevera ari ndhambo, kumbhera kuguma kune mupristi mukuru, naye wakapinda mukati, akagala pasi nevaranda kuti aone magumo azvo.⁵⁹Madjimambo ovaprista makuru nemakurukota ese vakatsvaka chapupu chokunhepa kumuitira ndava Jesu kuti aulahwe. ⁶⁰Asi avato kuiona; kunhangue zvizinji zvapupu zvokunyepa zvakaviya, asi avato kuiona. Pakugumisira kakaviya zviviri zvapupu zvokunhepa. ⁶¹Avo vakati, “Uyu wakati, ‘Ndinosimba rokupwanha Temperi raMwari, nangemazuva matatu ndinozoriakazve''.⁶²Nomupristi mukuru wakamiruka, akati kaari, “Aupinguri chiro here? Chiinhi chivanopupula ava kukuitira ndava?” ⁶³Asi Jesu wakanhalala. Nomupristi munopona, kuti ndinokubvunja munaMwari mupenhu kuti utibvunje kuti ndiwe Kristu,mwana waMwari. ⁶⁴Jesu wakati kaari, “Wamubvunja. Asi ndinoti kwamuri,kutanguira zvino,munozoona Mwana woMundhu akagala pasi ngokumurhwo kaUnesimba lese, esiviya ari pemakore omudhenga''.⁶⁵Saka apo muprista mukuru wakamwesa zvokupfeka zvake esiti, “Wavereketa chituko. Tichatama ngenhi zvimweni zvapupu? Penhai zvinopano mazwa kutuka kake, ⁶⁶Munoonachinhi yemwi?” apo vona vakapingula, vakati, “Akaulaya ndiena.⁶⁷Saka ponapo vakamupfirira mumeso make, vakamulova ngozvibakela. ⁶⁸Vamweni vakamupa mapama,vesiti: “Profita kwatiri,yewe Kristu,ndiani akulova?”⁶⁹Pedru wainga akagala pasi pabherere paruvanje; umwe musikana wakamukwedherera esiti, “yewewo wainga naJesu weGarireya''. ⁷⁰Asi yena wakalamba pamberi pavo vese esiti, “Andizvizivi zvaurikuvereketa''.⁷¹Paakabhudha akaninguira kudhivi lomusuwo, musikana umweni wakamuona, akati kuneavo vaingapo kuti yena wainga naJesu weNazaretha''. ⁷²Yena wakalamba ngokupika mbhiko: “Andimuzivi mundhuwo''.⁷³Pachinguva chidhpdhoko,vese vangapo vakakwedhera,vakati kuna Pedru, “Ngegwinhiso yewe uri umwe wavo, ngokuti kuvereketa kako kunopangidjira kudhalo''. ⁷⁴Saka apo wakatanga kutuka nokupika kuti, “Anditomuzivi mundhuwo.” Chiri ripo jongwe lakarira. ⁷⁵Ponapo Pedru wakalangarira shoko lakabvunjwa ndiJesu:“Risati larira jongwe, yewe unozondilamba katatu.”apa yena wakabhudha,akachema zvokunhanha.

¹Kaedja vaprista vakuru vese nevakuru vovandhu vakaita bangano kuti vaulaye Jesu. ²Naapo vakatola akasungwa, vakamupira kuenda naye kunaPilatu,mutongui.³Saka apo Judasi, uwo akamupandukira,paiwona kuti Jesu wainga atonguera rufu asina ndava, wakawhidjisa chigurwa chesirivha magumi matatu kuvaprista vakuru nevakuru vovandhu, ⁴akati: “Ndakashaisha ngokupira ngazi isina ndava.” Asi vakati, “Chinei icho nesu? Wozviwonera wega.''. ⁵Saka ena wakakandira zvigurwa zvesirivha muTemberi, akaenda akazvisungira.⁶Vaprisita vakuru vakatola zvigurwa zvesirivha, vakati, “Azvitenderwi kuti tizviise mubokiso lomare yozvipo,ngokuti iyi imare yongazi''. ⁷Saka Pamwepo vakaita bangano vakatenga ndizvo munda womuumbi wehari, kuti vaitemakuwa Oovandu vokunja. ⁸Ndosakay munda uya unodhaidjwa nanhamasi kuti, Munda weNgazi.⁹Naapo lakazadjisika izw lakavereketwa ndiJeremia muprofita esiti, “Navo vakatola zvigurwa zvesirivha magumi matatu, mutengo wakatenderwana ngevamweni vevana vaIsuraeri kuti vamutenge ndiwo. ¹⁰Navo vakazvipa kutenga munda womuumbi wehari, kudhai ngezvaakandipanga Mambo''.¹¹Jesu wakaema pamberi pomutongui. Nomutongui wakamubvunja esiti, “yewe uri Mambo wevaJuda here?” Jesu wakati, “sezvamabuya''. ¹²Naapo aitirwa ndava ngevapristi vakuru nevakuru vovandhu, aato kupingula chiro. ¹³Zvino Pilatu wakati kwaari, “Auzvizwi here izvo zvakawanda zvevanokuitira ndava ndizvo?” ¹⁴Asi aato kupingula neizwi, ngokudhalo mutongui wakashamiswa kukuru.¹⁵Zvino pamushongano wokurhya, mutongui waisunungula musungwa kuvandnhu,nhadjele rimwe rivaidha., ¹⁶Panguvayo painga nozi nhadjele laizivikana ngokuti Banabasi.¹⁷Ngokuti apo pavakaungana pamwepo, Pilatu wakati kavari, “Munodha kuti ndimusungule ani, Banabasi kana kuti Jesu anozwi Kristu?” ¹⁸Ngokuti iye waiziva kuti yainga ndava yendurumwa yavakamupira ndiyona. ¹⁹Apo paakagala pasi padhare lokutongwa, mukadji wake wakatumira tsamba yaiti kaari, “Usaita kana chiro kuno mundhu akarurama; ngokuti ndatambudjika maningui nhamasi mukulota ngondava yake''.²⁰Asi vapristi vakuru nevakuru vevandhu vakanhenguerera mbungano kuti ikumbire Barabasi nokuulaya Jesu. ²¹Mutongui wakati kavari, “Ndiani pakati pova viri womunodha kuti ndimusungurire?” vona vakati, “Banabasi!''. ²²Pilatu wakati kavari, “Ndizvo ndinozoitenhi ndiJesu, uwo unozwi Kristu?” Vese vakati, “Ngakohomerwe''.²³Mutongui wakabvunjisa, Kushaishenhi kaaita?” Asi vakaphinda kudhaidjira kuti, “Ngaakohomerwe.”, ²⁴Saka apo Pilatu aona kuti asaikona kudetsera chiro, asi kega kuti yaimuswa, wakatola kumwa, akagueza nhala djake pamberi pembungano esiti, “yeni andina ndava yengazi youwu mundhu. Djiwonerenhi pachenhu yemwi''.²⁵Nevandhu vese vakapingula, vakati, “Ngazi yake ngaiviye padhenga pedhu nepadhenga pevana vedhu.''. ²⁶Saka apo wakavasunungurira Barabasi. kumbheni wainga watuma kuswapula Jesu, wakamupira kuti akohomerwe.²⁷Pachinguvacho masocha omutongui akatola Jesu kuenda naye mumba yokutonguera, akaunganidja pamberi pake chikwata chese chomasocha. ²⁸wona vakamukumula, vakamupfekedja guemenzi lakatsvukuruka. ²⁹Naapo vakaruka korona yomuzwa, vakaiisa mumusolo make, norutsanga munhala make yokumurhyo; navo vakagwadhama pasi pamberi pake, vakamuphothya vesiti, “kaviyaa, Mambo wevaJuda!”³⁰Vakamupfirira mata, vakatola rutsanga vakamulova musolo. ³¹Ponapo vainga vamuphothya, vakakumula guemenzi, vakamupfekedja zvokufuka zvake, navo vakamukweva koomukohomera.³²Apo pavaibhudha kubherere vakaona mundhu weKusireni, zina lake laizwi Simoni; uwo wakava manikidza kuti atwale muchinjikwo wake. ³³Pavakaguma kundau inozwi Gorogotha,zvinoreva,Ndau yomusolo djovandhu vakafa, ³⁴vakamupa waeni yakasanganidjwa nozvinojaja.wakati alavira, wakalamba kurimwa.³⁵apo vamukohomera, vakagovanisana zvokupfeka zvake, vosikandirana malaki. ³⁶Saka vona vakagala pasi, vosimurinda. ³⁷Navo vakaisa padhenga pomusolo wake mazwi endava yake, yakanhorwa kuti, “UWU NDIJESU, MAMBO WEVAJUDA''.³⁸Saka apo vakakohomerwa naye magandanga maviri, rimwe ngokumurhyo nerimweni ngokumubhushwe. ³⁹Vese vaipinda ndipo vakamutuka, vosi djungudja musolo djavo, ⁴⁰vesiti, “yeewe unophuanha Temberi nokuivaka ngamazuva matatu,zviponesei. kana uri Mwana waMwari,dzwuka pamuchinjikwapo''.⁴¹Ngokudhalowo vaprista vakuru vakamuphothya, pamwepo nevanhori nevakuru vevandhu vositi, ⁴²“yena wakaponesa vamweni, asi aakoni kuzviponesa. NdiMambo waIsuraeri, ngavadzake pasi zvinopano kubva pamuchinjikwa, nesu tinozomutenda.⁴³Yena wakagonda kunaMwari; ngavchimununura zvino, kuti esimudha; ngokuti wakati, ‘yeni ndiri Mwana waMwari''. ⁴⁴Nemagandanga awo akakohomerwa naye akamutukawo zvimwezvo⁴⁵Zvinopano kubvira panguva yechitandatu painga nochidhima padhenga penhika yese kumbhera kuguma panguva yechipfumbamwe. ⁴⁶Yooita nguva yechipfumbamwe Jesu wakadhaidjira ngeizwi guru esiti, “Eloi, Eloi, Lama Sabakathani?” Izvinoti, “Mwari wangu, Mwari wangu, wandisiya ngenhi?” ⁴⁷Vamweni avo vaiyema apo vaizwa, vakati, “Uyu unodhaidja Erija''.⁴⁸Ponapo uripo umwe wavo wakarumba akatola chiponji,akachinhika muvhini, wakariisa parutsanga, akamuita kuti amwe. ⁴⁹Asi vamweni vakati, “Mureguerei, ngatione kuti Erija unoviya here koomuponesa''. ⁵⁰Ponapo Jesu adhaidjirazve ngeizwi guru,akafa.⁵¹Penah, djira loTemberi lakamweka kuita maviri, kubvira mudhenga koguma pasi; nenhika yakazungunhika nemapuwe akamweka, ⁵²nemaibha akabheurwa nemwiiri muzinji yevakafa vakarurama yakamuswa. ⁵³Navo vakabhuda mumaibha ngosure kekumuka kake, vakapotera mudoroba lakachena, vakaoneka ngevazhinji.⁵⁴Zvinopano apo mugumi wemazana, navaya vainga naye, vechirinda Jesu, vaona kuzungunhika kwenhika neizvo zvakaitika, vakatya kukuru vesiti, “Ngegwinhiso uwu wainga Mwana waMwari! ⁵⁵Kaivapo madjimai mazinji vaininguira vari ngondhambo, avo vainga vakamutevera Jesu kubva Garireya, vesimushandira, ⁵⁶Pakati pavo kwaivapo Maria Magadhalena, Maria mai waJakobhe naJosefa, namai evana vaZebedi.⁵⁷Kooita madheekoni kakaviya mupfumi okuArimathia, zina lake waizwi Josefa,uwo wainga mudjidji waJesu. ⁵⁸Yena wakaenda kunaPilatu, akapota kupuwa muwiri waJesu. Naapo Pilatu wakapanga kuti aupuwe.⁵⁹Naapo Josefa ainga atola muwiri uwo, wakauputira ngojira lakachena, ⁶⁰Naye wakamuisa muibha idzva lainga lake,yena wainga akatsa pabhuwe; naye wakamburumbudzira bhuwe guru pamulomo weibha ukaenda. ⁶¹waingapo Maria Magadhalena naMaria umweni wakagala ngepamberi peibha.⁶²Nechimangwani kezuva lokunasirira Phasika, vaprisita vakuru nevaFarisi vakaungana kunaPilatu, ⁶³vesiti, “Changamire, tinolangarira kuti uwo muchenguedji wakati achapona, ‘Ngosure kemazuva matatu ndinozomukazve''. ⁶⁴Saka wakapanga kuti ibha rigwinhisiswe metskumbhera kuguma zuva lochitatu, kuti vasazoviya vadjidj vake usiku, vamubhe nokubvunja kune vandhu kuti, ‘Wakamuka kuvakafa.’ Nokuchengedja kokugumisira kungapinda kushata kunoukwo kokutanga''.⁶⁵Pilatu wakati kavari, “yemwi munavo varindi. Endai mechirigwinyisisa kudhai ngezvomunokona''. ⁶⁶Vona vakaenda, vakagwinhisisa ibha, vesinamira namo pabhuwe, varindi varipo navo.

¹Kumasure koSabatha, muma zambakuyedja ngozuva lokutanga lovhiki, kakaviya Maria Magadhalena noumweni Maria koona ibha. ²Panguvayo, pakaitika chiguidiguidi chikuru; ngokuti nguilosi yaMambo yakadzaka kubva mudhenga, yakaviya ikabvisa bhuwe,nokugala padhenga palo.³Kuoneka kake kainga kakafanana nomulazvu, nezvokufeka zvake zvainga zvakachena kunga chando. ⁴Varindi vakatetemera ngokumutya, vakaita tinga vafa.⁵Asi ngilosi yakati kumadjimai, “Musatya iyemwi; ngokuti ndinoziva kuti munotsvaka Jesu uwo wakakohomerwa. ⁶Asiipo panapa; ngokuti wamuka, sezvainga akavereketa. Viyanhi muone pandau paainga ari. ⁷Kasikanhi muyende mubvunje vadjidji vake kuti, ‘Wamuka kuvakafa, penhai, unomutanguira kuenda Garireya; konayo munozomuona. Ninguiranhi ndizvona zvandinomubvunja!''⁸Saka vona vakabhudha ngokukasika vesibva paibha, vositya nokudhakala kukuru; vakagogoma koobvunja vadjidji vake. ⁹Pakaitika kuti, Jesu wakasongana navo, akati, “kaviyaa.” Vona vakaviya vakabhata soka djake, vakamunamata. ¹⁰Ponapo Jesu wakati kavari, “Musatya; endai mobvunja vanukuna vangu kuti vaende Garireya, vanozondiona konakweyo''.¹¹Vona pevainga vesipinda, pakaitika kuti vamweni vevarindi vakaviya kudoroba, vakabvunja vaprista vakuru zvese izvo zvakaitika. ¹²Saka vona vakaungana pamwepo nevakuru vevandhu, apo vakapangana pamwepo, vakapa mare yakawanda masocha, ¹³vesiti, “Buyanhi kuti vadjidji vake vakaviya nousiku, vakamubha takavata.¹⁴Kana izvi zvakazwika ngomutongui, tinozonasirisa kuti musava nendava''. ¹⁵Vona vakatola mare iyo, vakaita kudhai ngezvevakapangwa, neizwi iri lakashumirwa pakati pevaJudha kumbhera nanhamasi.¹⁶Nevadjidji gumi naumwe vakaenda muGarireya, pamutundhu apo paakavabvunjaJesu. ¹⁷Pevakamuona vakamutamata. Asi vamweni vakadauta.¹⁸Jesu wakakwedhera kwavari, akavereketa kwavari esiti, “Simba lese lakapuwa kwandiri mudhenga nopanhika. ¹⁹Ndizvo endai, mesiita vadjidji kumadzinza ese, mechivababatidza ngozina laBhabha niloMwana niloMweya Wakachena,²⁰mechivadjidjisa kungwarira zviro zvese zvendakamupanga; penhai, ndinemwi mazuva ese kumbhera kuguma kenhika''.

¹Kutanga kwevhageri la Jesu kristu, muanakomana wamwari. ²Kudai ngokunhorwa kovakaitha mubuku lo mprofiti Isaya: Ningiriranhi ndirikutuma munyai wangu pamberi pomeso yako, uwo unozonagiriranjira guandja yako. ³Izwi lomunodaidzira mushango: Nasirirai guandja lamambo, ruramisai makwara ake.⁴Johani wakauya, yesi bhabhatidza mushango echichumaira rubhabhatidzo rwokutenderuka kwokuregerwa zvishaishi. ⁵Veshe wagari venyika yejudhianavo veshe vejerusarema waienda koyari. vona vakabhabhatidzwa ndiyena mumukowa wejorodhani, vesipupula zvishaishi zvavo. ⁶Jhani waisimira machira yomathoo engamera, muchiyunu make mainga makapoteredjua ngo goridi yue wairva zvitota nouchi womushango.⁷Yena waikakawala, muguacha: Kune anowia sure kwangu, unosimba kupimda yeni, andisisiri kuti ndisunugure rusungo rwemaguwada ake. ⁸Yeni ndino mubhabhatidza ngokumua, asi yena unozo mubhabhatidza ngomweya wakachena.⁹Ngemazua awo, Jesu wakabva Nazaretha Regarirea, akabhabhatidzwa ndi Johani mu Jorodhani. ¹⁰Paripapo Jesu yesibuda kubva mukumwa wakaona denga resibeurwa nomweya wakachena padenga pake kudai she njiwa. ¹¹Neizwi rechibva mudenga resiti, yewe ndiwe mukorore wangu unodikwa, yeni wedinonasa kudakala naye.¹²Paripapo mweya wakamuendesa mushango. Yena waingamo mushango pomazuva makumi malongomuna, yesi edzwa ndi Sathani. ¹³Yena wainga nezvinhama zana, nengirosidzaka mushandira.¹⁴Ngosure kwokusungwa kwa Johani, Jesu wakawiya mu Garirea echishumaera vhangeri lamwari. ¹⁵Echiti, nguva yaguma youmambo hwamwari hwapedho tenderukai mutende vbangeri.¹⁶Eshipinda ngopedo pomukowa wegarireia, wakaona Simoni naAndreu munukuna waSimoni wshikandira rutawa ngekuti waingavabati vehove. ¹⁷Jesu wakati kwavari, nditewerenhi ndizomuita vabati vevanhu. ¹⁸Paripapo vakasiya vakamutewera.¹⁹Eshipinda padhoko mberi wakaona Jakobe mukorore wazebhedhi naJohani munake, vaiya mungarava vesinagirira rutawa dzavo. ²⁰Paripapo wakavadanidza vakasiya abayo Zebhedhi novachandi vari mungarava wakamuteera.²¹Vakahamba kuenda mukhapernauume paripo ngozuva reSabatha wakapotera musinagoga akadzidzisa. ²²Yona vakashamiswa ngokudzidzisa kwake, ngokuti wakavadhidhisa asigaiti kudai ngovanyori.²³Paripapo waigapo munhu wainga nomweya honhika yaikakawala esiti : ²⁴Tinenyi esu naewe, Jesu wenazaretha? Wawiya kuzotipaladzare. Ndinokuziwakuti uriani. Yewe uri mutsene mwari. ²⁵Jesu wakadhwira mweya wakachata yesiti: nhalalai yiva mahari. ²⁶Nomweya yonhika waka musukumidzira pasi ukaka kakawala ngeizwi guru.²⁷Navo veshe vakashamiswa ngokudalo vakabvunzisana umwe noumweni : vechiti chiinyi yechi? Yena unotonga zve nomweya yonhika, nayona yinomuzvira. ²⁸Ipapo mbiri yake yakapararira kunyika dzeshe dzaka tendenedza Garireia.²⁹Paripo abuda kubva musinagogi, wakapotera munhumba yaSimoni naAndreu, pamwepo naJacobe naJohani. ³⁰Atezvala vaSimoni vainga vakawata vechiwadja paripapo wakawereketa kuna Jesu ngovayo. ³¹Yena wakawiya kowari akavabata ngonhala akavamudjula noutenda wakavasiya, navo vakavashandira.³²Madeeko zuva labira vakawazisa kwaari veshe waiwadja ngomweya yemadhimoni. ³³Doroba reshe lakaugana paruvi. ³⁴Yena wakaponesa vazhinji vaiwadja ngodeenda dzakashiana wagogomera madhimoni mazhinji ashi atokumatendera kuti madhimoni awerekete, ngokuti waimaziwa.³⁵Yena wakamuruka mangwanani mawishi, kainga kusavzipa; wakabuda, akaenda pandau ari yega akanamata aripapo. ³⁶Simoni nowamweni vainga naye wakamutsvanga. ³⁷Vakamuona vakati kwaari: veshe vanomutsaganhi.³⁸Wakati :ngatiende kwovari kumaguta amweni, kuti madoroba yoshigarisano, kuitira kuti ndiwaparigire yo. ndizvona zvondazira kuti ndiyite. ³⁹Yena wakaenda muGamweshe, yeshi paridza mumasinagoga echigogomera madhimoni.⁴⁰wakawiya kwaari munhu wainga nomapereaka mugwadamira echimupota. Echiti kwaari kudai wechida ungandinasa. ⁴¹Naye wakamuzwira ulombo, Jesu wakatambanudza nyala yake akamubata, wakati koari. sheneswa. ⁴²Paripapo mapere akabva kwaari, yena wakasheneswa.⁴³Jesu wakamudakaris zvikuru akavudza kuti ayende, Akati kwaari: ⁴⁴yona kuti usha vunja munhu ngahevi asi enda udzipankonbidzire kunemaprista uwape ngokuporeswa kwako zvaakaemesua naMosisi, kuita chapupu kwavari.⁴⁵Asi yena wakabuda akatanga kuchumaira kuna weshe nokuwereketa ngokudaro Jesu wainga asigafaniri kugena mudoroba. Yena waifanira kugala ndau akaviwa, ngokudalo wndu wiwiya koari yodau dzeshe.

¹Naapo avirira mukapernaume, paladarika mazvuwa magananhi, kwakaziwika kuti wainga munba. ²Vazhinji vakaungana pamwepo, pakagomoka nondau, kunyagwe nopamuswo, naye Jesu wakachumairaizwi kwovari.³Wamuyeni wakawia kuna Jesu nomunhu wakaoma muiri; wainga akatwarwa ngo wandvu walomgomuna. ⁴Waikorera kuguma kwaari ngondawa yombugano. ipapo, vakabweteula ndenga yondau yainga Jesu, wakaita mboo wakamuteredja munhu ainga akawoma muwiri wainga akawata.⁵Jesu echiona kutenda kwavo wakati kunomunhu wakaoma muiri: Mwana, zvishaishi zvako zvaregererwa. ⁶Asi vaiyapo vayori womutemo vechivungisa mumweyo yavo: ⁷you unovereketa kudai ngenyi? Unotuka, ndiani angakona kuregerera zvishaichi ndiMwari ega.⁸Paripapo, Jesu, eziwa mueya wake kuti yona wailangarira pakati pawo, wakati kwovari: munozvibvunza ngenyi mumweyo yenyu? ⁹Chinyi chirinhore kuvundja kumunhu akaoma muwiri: Zvishaishi zvako zvaregererwa ngokuti muruka, utore manthe ako uhambe?¹⁰Asi, kuti muziwe kuiti mukorore woMunhu unesimba munyika lokuregerera zvishaichi, wakati kunayena wokuoma muwiri. ¹¹Ndinoti kwouri: Muruka, utore mandhe akouende kanhi kako. ¹²Yena wakamuruka paripapo akatola mandhe ake akabuda pamberi pavo veshe, ngokudalo weshe vakashamiswa wakamuikidza Mwari vechiti: Yesu atisati taona zvakadai.¹³Yena wakabuda kuendazve kumukowa, yeshe mbungano yakawiya kwaari, yena wakaidzidzisa. ¹⁴Eshipinda, wakaona revhi mukorore waArifeua kagala panotheresua chibharo, wakati kwaari: Nditewere. Yena wakamuruka akamutewera.¹⁵Payinga Jesu pathafura mubhaso maLevi vazhinji yo vatheresi novashaishi vaidya pamwepo naJesu nowateweregi ake, ngokuti vazhinji waimutewera. ¹⁶Vanyori vavaFarisi vwsiyona kuti Jesu waidza novashaishi nowatheresi, wakaenda kunevadheweregi vake; Ngenyi yena echidza novathelesi novashaishi?¹⁷Naapo Jesu azwa, wakati kwavari; mundhu akawanga andhi dhokodela; ashi anowadja. Yeni andito kuwiya kuzodhanidja wakanaka ashi wachaishi.¹⁸vadzidzi vaJohani novaFarisi waizvinhima zokudja. Vakawiya vakati kwaari: Ngenhi vadzidzi vaJohani novaFarisi vaizila, ashi vadzidzi vako avazili. ¹⁹Jesu wakati kwoari: zvingaita yere kuti wakakokerwa kumuchadho wazile kubve mukwambho wasiri naaye? washiri nomukwanbo, wona awafaniri kuzila.²⁰Asi mazuva anozowiya apo mukwambo unozobviswa kwovarin naapo wanozozila. ²¹Apana munhu ungatungira chitembwe chitswa padera pojira lakasakarla; kuzvitenderuja, ichi chitsa chakatungirwa apo chinozobaurisa jira lokusakala, nokubaruka kwakapinda kouchainga.²²Akuna munhu anokanda vhaini idzva munbede dzevhini dzakatsakra; kutizvakadaro, vhaini rinozoputisa, nyede nevhini rinozorzshika pamwepo nenyed. asi vhini ind varinoiswa munyede itsva.²³Ngezuva resabatha rimweni, echihamba ngepakati peminda yekoroni, vadzidzi vake vakatanga kupurura mitsonzoti yekoroni vechihamba. ²⁴VaFarisi vakati kwoaari: vanoita ngenyi ngozuva losabatha izvo zvishigatenderwi?²⁵Vafarisi vakati kwaari, ''ringira, vanoita ngenyi ngezuva resaaaabatha icho chisikatenderwi? ²⁶Wangena kudini yena munba yaMwari ngomazuva aAbhiathari muprista mukuru akadya zvingwa zvakapirwa, zvona azvitokutenderwa kudyiwa , ashi ngovaprista vega, wakapao wiya vaiya owainga nayo.²⁷Wakati Jesu: Sabatha lakaitirwa vanhu, kusiri vanhu ku sabatha. ²⁸Ndizvona Mukorore woMunhu ndiMambo weSabatha.

¹Wakapoterazwe, Jesu wakagena musinagodi maiyapo munhu wainga nonyala yakakokodhala. ²Wanhu wangananhi wai yonesesa zvakanaka kuti yena ugamuponesa ngosabatha, kuti wamuparidzire ndawa.³Jesu wakati kumurume ainga anenyala yakakokodhala: Muruka uze pakati paweshe. ⁴Zvakadhalo yena wakati kuwadhu: Zvinotenderwa kuita zvakanaka ngomusi oSabatha orokuita zvakashata; kuponesa munhu, orokuulaya? Asi yona vakanyalala.⁵Yena, avaninguira ngorutwi akachamiswa, akanhangadva zvikuru ngokuyoma komuyo djawo, wakati kumunarume: tambanudja nhala. ⁶Yena wakatambanudja nhala apho Jesu wakamunasa. Wafarisi vakava, paripapo, wakatanga kufhira noyo kuHerodhi, ngoti vangamuita kudhini kuti wamuyulae.⁷Jesu wakabvapo novadzidzisi vake vakaenda kumukowa. mbungano huru yakava Garireia wakamutewera noyaivawo kuJudia. ⁸Jerusarema, Idumeia nowaiva seri kwoJordadhani,

yao woshigarisano woTiro nowoSidom. powakazva ngokuverektwa ngozvoyaitwa ndiena, mbugano gingi akaenda koari.

¹Wakatangazve, Jesu kudzidzis aari ngonbiri lomukowa. Nombungano huru yakaungana kwaari, ngokudaro, yena vakagala mungarawa, mugungua. ²Yena wakavadzidzisa zvakawanda ngomufanidzo, wakati kwavari.³Purutananhi mukushi wabuda kookusha. ⁴Paano kusha yena, dzimueni mbeu dzakawira muguanja, shiri dzakawiya dzakadzirya. ⁵Dzimueni dzakawira pandau inotsanza, aapo payinga pasina mavhu akawanda, paripapo dzkamera, ngokuti painga pasina mavhu akadzama.⁶Vzakati zuva labuda, dzkatsva ngokuti dzainga dzisina muji dzakatsa. ⁷Nodzimueni dzakawa pakati pomuzwa, dzakakurla nomunzwa yakadzivunga naazvo adzito kubereka michero.⁸Nodzimweni dzakawira pamavhu akanaka dzakabereka michero dzeshikula dzechiwanda, dzakabereka dzimweni makumi matatu, dzimweni makumi matanhatu, dzimweni zana. ⁹Yena wakati: uya unodzewe dzokuzwa ngaazwe.¹⁰Naapo ari ega aavo vainga naye nevanogumi navawiri, vakamubvundzisa ngondawa yomuedzaniso. ¹¹Wakati kwavari: Yemwi makapuwa kwomurikuzwisisa zvakafishika zvoumambo hwaMwari, aasi kowari aavovari kubanze zveshe zvinotwa ngomuedzaniso, ¹²Kuti, vechiona vangaona vasingaonesisi, vechizwa vangawi vangazwisisi, vakatenderuka ngokushaisha kuregererwa kwavari.¹³Wakati kwovari, amuziwi uyu mmuedzaniso here? ¹⁴Munozoita mazvirenyi muezaniso yeshe? Mukushi unokusha izwi. ¹⁵Aavo ndivo vakawa mugundza aapo panokushwa izwi naapo wandzi, paripapo unowiya Sathani nokubhisa izwi ilo lakushwa mukati mwovo.¹⁶Ava ngokudalo ndivo vakakushwa mutsanza, apo vanozwa izwi, paripapo vanoriwashira ngokudakala. ¹⁷Onanhi avana mudzi mukati mwavo, ashi kwaguma kutambugika nokuti nokunesheka ngokuda koizwi paripapo vanokuhunhika.¹⁸Naavo vakakushwa pakati pomunzwa, ndivo vanozwa izwi, ¹⁹Nomukudem kunde irii munyika, nokuchengedwa, ngoufumikwevziro zvinhani, zvenopoteradza zvinodinga izwi, naro aribereki muchero. ²⁰Naavo vakakushwa pamavhu akanaka ndivona vanorizwa izwi, vanorigamushira nokubereka michero, vamweni makumi matatu, vamuweni makumi matanhatu novamweni zana.²¹Jesu wakati kowari: chibani chinozizwa here kuti chikadwe pashi pochitengunokuti pashi pomubhedhu? yemwi munoshizisa pachigagikiro pacho. ²²Ngokuti apana chiro chakafishika, chisigazoonekwi pambhene, apanazve chiro chakawiguika chishigazobudi pachena. ²³Unochewe dzokuzwa ngaazwe.²⁴Yena wakati kowari: Ngwariranhi izvo zvomunozwa, chipimo chomunopima naacho vamweni wenhu munozopimwawo naacho nokuzoengedzerwa komuri kakapinda kukula. ²⁵Ngokuti kowari unacho, kuzopuwa kowari, nokowari usina, nochoatori nacho chinozobiswa kowari.²⁶Jesu wakati: umambo hwamuwari hwakadai ngomunhu unokusha mbeu mumavhu. ²⁷Yena unowata nokumuka usiku namasikati mbeu dzinomera, dzechicula yena asigaziwi gucha lodzinomera nadzo. ²⁸Mavhu anoita arihoga kuti mbeu dzikure nokubereka muchero: Kunotanga mubuti kozotewera mutawi, zvino zviyo zvaibva pamatawi. ²⁹Naapo zviyo zvzibva paripapo, munhu unotola sikeyo ngokuti kukoha kaguma.³⁰Wakati: Nokuezanisa noumabo hwaMwari? Ngokuti muezanisowo tingaezanisa ndwo? ³¹Hwakdai ngodzururu yomustadhi yakakushwa mumavhu irii doko kunadzeshe mbeu dzakasimwa munyika. ³²Aasi apoo yakushwa inomera, yechikula kupinda magudzi eshe, inozobudisa matawi makuru, ngokudalo shiri dzomudenga dzinozokanda masaki vadzo mukati mwemumvuri womatawi awo.³³Ngomuezaniso yakawanda kudalo wakawereketa izwi kwovari kudai ngezvevakorera kurizwa. ³⁴Awato kuevereketa kowari pasina muezanis asii arii yega nevadzidzi vake wakazvowazadzishira zveshe.³⁵Ngoiro zuva, apoo kwoita madeeko wakati kowari: Ngatiambuke riseri. ³⁶Vechisiya mbungano, vakaenda naJesu mungarava. ³⁷Nongarava dzimweni dzingapo dzakaeedawo naye. kakaguma mubvumo mukuru wedutu, nemafungu akachaya kupotera mungarava ngokudalo waiwa ooda kuzadza nagarava.³⁸Asii yena wainga ngosure mungarava, wakavata akakhanda musolo wake pamutsago navovakamumusa vakati kowari Mdzidzisi aubatiki tsiso here tofa. ³⁹Jesu wakamuka, akanhaladza dutu wakati kuneneruandhle: Terama kuti nedutu rakaterama kwayiapo kunyarara kukuru.⁴⁰Wakati kowari: Munotya ngenyi? Amusati mwagonda here? ⁴¹Navo vakatya kakuru vakati umwe kunoumweni ndizvo uyu ndiani angati dutu nogungua rikamuourutana.

¹Vakaguma riserir lomulambo, munyika yeGerasa. ²Apoo Jesu azva kubuda mungarava, paripapo munhu anomweya wakachata, esibuda nayo mumaiba.³Uwo waigala mumaiba. Kwainga kusina munhu waikona kumusunga, kunyangue nomaketani. ⁴Ngokuti wakasungua kaziiji ngomaketani aasi waidambula maketani, nokugula kainga kusina munhu anosimba waikona kumusunga.⁵Nguva dzeshe masikati nousiku, waigala mumaiba nomumatundhu, echigakawala nokuzvicheka ngomapuwe. ⁶Paakaona Jesu ngodhambo, wakagogoma akaguadama pamberi pake⁷Yena wakakawala ngo izvi guwane: Ndinenyi naewe, Jesu, mukorore wamwari Uripadenga wazveshe? Ndinokupikira, ndiMwari, kuti usanditambudza. ⁸Ngokuti Jesu wakati kowari yibva kumunhuyou yewe mweya wakashata.⁹Jesu wakamuvungisa: Zina lako ndiani? Yena wakapingula koari yesiti: Ndini hondo zina langu ngokuti tiri vazhinji. ¹⁰Yona wakamupota kakakula kuti asavaendesa kubva kuneiwe nyika.¹¹Zvakaitika kuti bhoka guwane longuruwe jaidharika mumuthundhu, ¹²Yona mweyayofhina yakamupota, yechiti: Titumirei munguruwe; tiregerei tipotere kodzri. ¹³Yena Jesu wakagitendera. nomweya yakabuda ikapotera mungurue nomutanga weshe wakagogoma kuenda muruandhle dzainga makumi omazana namawiri, nadzo dzakaviwisira muruandhle.¹⁴¹⁵Wadhu vaiusha nguruwe vakatiza, vakapalagira izho zaanga zvaitika mumadoroba nomudhalaudi, nombugano yakagogoma koona zvainga zvaitika. Jesu paakaguma v b9+¹⁶Vaia vakaona swakaeteka kumurume akabatwa ngomadimoni vakaverenguedja swainga sweiitika kake nokunguruve. ¹⁷vakatanga kukumbira kuna Jesu kuti asie nhika yavo.¹⁸Ena painga esinguena mu shikepe, murume ainga akabatwa ngomadimoni wakashemashema esikumbira kuti angue anaena. ¹⁹Jesu ngokudalo, aatokumutendedja, asi wakati: enda kumuzi kako, kumbungano yako, kuti uvavhunje swakuitira manbo no shishamiso. ²⁰ngokudalo murume wakapinda akaenda kumbungano akandobuia swakaizirwa ndi Jesu, vese vakashamisika ndiswona.²¹Jesu paakadarika akaenda kunweni kunzwimbo, pa shikepe, mbungano yakawanda yakavapo yakakomberedja ena panguva yainga ariphedo nomukova. ²²pakarepo pakazoguma manbo wo sinagoga,akadhaidja jairo, akawira pamukumbo wake paakamuwona. ²³ene wakamukumbira kakateveredjana, esiti: mwanangu uriphedo nokufa. ndokumbirao kuti uze uzombodhira nhala yako pamusolo pake, kuti apole apone. ²⁴Ngokudalo Jesu wakaenda nae. mbungano yakawanda yakamutevera.²⁵Ngokudalo, kainga kuno mwanakadji ainga esibuda ngazi komakore gumi namaviri. ²⁶Ena wakatambudjika kuenda kuswipitari swakawanda vakashandissa swese swivainga naswo. asi apana swaibatsira, ngokudalo swaitonhanhissa. ²⁷Paakazwa ngoswa Jesu, wakavia ngosure, kombungano wakabata mupendero.²⁸Ngokudalo ena wakati: kudai eni ndikaswala mupendero yopasla yake ndinopona. ²⁹panguva iyana, wakapona kubuda ngazi iyana, mukadzi wia wakatanga kuzwa muviri wake kuti waponeswa kumatambudziko ake'.³⁰papo papo , Jesu wakazwa kuti pamuviri pake painga pava simba. virou se pakati pombungano akavhunjissa: ndiani abata nguvo yangu? ³¹vadjidji vake vakadavira: wonai mbungano hei asi emwi murikuti ndiani andibata? ³²asi Jesu wakasota sota eida kuona kuti ndiani aita sweswo.³³Mwanakadji, paakaona swainga swakamuitikira, wakatya akatetemera. wakaza paari, wakakwedera phedo na jesu akamuvhunja shokwadi. ³⁴Ngokudalo wakati: mwana kutenda kako kakuponessa. enda ngorumhararo kutenda kako kakuponessa.³⁵Painga esivereketa, vandu vamweni vakaguma kuvha ngokumuzi ka manbo we sinagoga, vakati: Mwanako wafa. nguenhi usalamba weinhangadja manbo?³⁶Jesu paakaswizwa swivaibuia, wakati kuna manbo wesinsgoga: usatyha. tendai basi. ³⁷ngokudalo wakati akuna anodiwa kumuperekedja kunze ka Pedro,Tiago na Joao munukuna wa Tiago, ³⁸Pavakaguma kumuzi ka manbo wo sinagoga, ajaesu wakaona vainga veishema veikanakana ngoizwi guane.³⁹Paakangena munba, wakati: nguenhi meichema nokukanakana? mwana aato kufa asi wakavata. ⁴⁰vakamuseka Jesu, ngokudalo ene wakavavhunja kuti vabude paberere, wakatola aba na amai novainga ava navo, vakaenda painga panomwana.⁴¹Wakabata nhala yomwana, akati: talita kumi, swinozwi musikana, eni ndinoti: mukai. ⁴²papo papo musikana wakamuka akafamba( ngokudalo ena wainga ano makore gumi namaviri) ngokudalo wakazowana kutya kakakula. ⁴³Jesu wakavavhunja kuti vasavhunja vandu, akatiswe mupenhi swokurha mwana hou.

¹Jesus Wakabuda kubvapo, akaguma munyika yekwake, nevadzidzi vake vakamuteera. ²Sabatha, laguma wakadzidzisa mumasinagoga, nevazhinji vechimuzwa vakashamiswa. Vakati, “Munhu uyu wakazviwana pari zvesse izvi? nokungwala kwakapuwa kuneuyu munhu? Mishamiso yakakura yakadai inoitwa ngenyara dzake!, ³Uyu andiyepi here mutsetsi, mwana waMaria, mukoma waJakobe, Jose, Judha naSimoni? Nevakunda vake avari pano nesu here?” Navo vakapumhunwa ndiye.,⁴Jesu wakati kwavari, “Muprofeti aaregerwi kuremekedzwa, asi kwega munyika yake nokuhama dzake nomumuzi yake.” ⁵Ena wainga asingafaniri kuita zvichamiso apapo asi akaisa nyara dzake pamusoro pevanhu wairwara vangaponeswa. ⁶Wakashamiswa ngokusikatenda kwavo. Naye wakahamba pakati pemaguta avo echidzidzisa.⁷Wakadanidza kwaari vane gumi nevairi, akatanga kuvatuma vairi vairi, naye wakavapa simba rokukurira mweya yakashata. ⁸Akavapanga kuti vasazotola chiro parwendo lavo, asi mudondoro wega; vasatora chingwa nokuti nyede nokuti mare muzvikwama zvavo. ⁹Asi kuti vapfeke magwada, vasazopfekazve mabhachi maviri.¹⁰Wakati kwavari, “Kunyazwi ngepari pomunopotera mumhatso, garaipo metsa mubvepo. ¹¹Kunyange ndau yomusikazoashirwi nokuti kupurutanwa, mwoobvapo zuwai bukuta pashi petsoka dzenyu kuti riite chapupu kwavari.¹²Vakabuda, vakachumaira kuti vanhu vatenderuke. ¹³Vakavisa madhimoni mazhinji, vakadzodza mafuta vazhinji vaiwaja, vakavaponesa.¹⁴¹⁵14Mambo Herodhi wakazvizwa, ngokuti zina raJesu raiya rateketeswa. vangwe Vaiti: “Johani Mubhabhatidzi wamuka kwevakafa, ndizvo mishando iyi ine simba inoshandwa ndiye.” 15 Asi vamweni vakati, “NdiErija.” Nevamweni vakati, “Muprofeti wakadai ngoumwe wevaprofeti vekare.¹⁶Ngekuti uyu Herodhi azwa wakati: “NdiJohani, uwo wendakagura soro inini, wamukazve.” ¹⁷Ngokuti uyu Herodhi waiya akatuma kumubata Johani kuti amuyise mujere, ngenyayaye pamusoro paHerodhiasi mukadzi waFiripu munun'una wake, ngokuti iye waiya amutora.¹⁸18Ngokuti Johani waiya akati kunaHerodhi:“Akutenderwi kwouri kuti utore mukadzi womunununa wako.” ¹⁹NaHerodhiasi waiya akamuzonda, akadisisa kumuuraya, asi wakakorera. ²⁰Herodhi waimutya Johani, echizia kuti waiya munhu wakarurama, wakacheneswa, wakamungwarira. Apo amuzwa, wakatambudzika kakurutu, asi wakamuzwa ngokudakara.²¹Asi raguma zuva rakanaka, apo Herodhi ngezuwa rokubarwa kwake wakaitira dhiri nhunge dzake nenduna dzake nevakuru vegarire. ²²Mwanasikana waHerodhiasi wakapotera akazvina, akamudakadza yaamho Herodhi naavo vaitseama naye pakudya; namambo wakati kunemusikana:“Kumbira kwendiri kunyazwi chiinyi chounoda, ininindinokupa.²³Naye wakapika kwaari kuti: “Kunyazwi chiinyi chounozokumbira kwendiri ndinozochipa kwouri, kunyazwi rupande rwoumambo hwangu.” ²⁴Wakabuda, akati kunamai ake, “Ndokumbirenyi?” Naye wakati, “Soro raJohani Mubhabhatidzi.” ²⁵Paripo wakapotera kunamambo ngokukasira, akarikumbira akati, “Ndinoda kuti mundipe zvinopano mundiro soro raJohani Mubhabhatidzi.”²⁶Namambo wakasvipa mwoyo kakurutu; asi ngendaa yekupika kwake nendaa dzavo yaichama nayo pakarwa, aazi kuda kumurambira. ²⁷Paripo mambo wakatuma umwe wevarindi vake, akapanga kuti riunzwe soro raJohani. Naye wakaenda akagura soro rake arimujere. ²⁸Wakaunza soro rake riri mundiro, akapa musikana, nomusikana wakaripa kunamai vake. ²⁹Naapo vazwa vadzidzi vake vakauya, vakatora muiri wake, vakauisa muguwa.³⁰Navapostori vakaungana kunaJesu, vakashuma kwaari panezveshe nezvevaiya vadzidzisa. ³¹Naye wakati kwavari:“Uyai imwimwi muri mwega pandau iri yega, mumbozorora padoko,” Ngokuti vazhinji vaiuya nokuenda, navo vaiya vasina nenguva yokudya. ³²Navo vakaenda ngechikepe kundau iri yega varivega.,³³Nevanhu vazhinji vakavaona vechienda, vakavazia, vakarumba ngetsoka vechibva kumadhorobha eshe, navo vakavatangira kuguma. ³⁴Abuda wakaona mbungano huru, wakakurudzwa ngepamusoro payo, ngokuti yaiya yakadai ngemakwai asina muushi; naye wakatanga kuidzidzisa zviro zvakawanda.³⁵Naro zuva rooda kubira, vadzidzi vake vakauya kwaari vechiti, “Panapa indau iri yega nezuva rotoda kubira. ³⁶Vaendese munharaunda nomumizi, vadzitengere zvokudya.³⁷Asi iye wakavapingura akati kwavari:“Vapei imwimwi vadye.” Navo vakati kwaari:“Tinozoenda here isusu tivatengere zvingwa zvezvigurwa zvesirivha mazana mairi, tivape kuti vadye?”. ³⁸Asi iye wakati kwavari, “Munezvingwa zvinganai? Endai muone.” Naapo vazvizia vakati, “Zvishanu nehove mbiri.”³⁹Wakavapanga kuti veshe vagare pashi ngezvikwata zvikwata padera pemwenje muishi. ⁴⁰Navo vakagara pashi ngezvikwata zvemazana nezvemakumi mashanu. ⁴¹Echitora zvingwa zvishanu nehove mbiri, wakaringira mudenga, akazvibonga. Wakagura zvingwa, akazvipa kuvadzidzi kuti vaise pamberi pavo; nehove mbiri akadzikoanisira veshe⁴²Veshe vakarwa, vakaguta. ⁴³Vakatonhera matsekeneswa akazara zvitundu gumi nazviiri ezvingwa nehowe. ⁴⁴Navo vakarwa zvingwa vaiya vamuna makumi emazana mashanu.⁴⁵Paripo wakaangiridza vadzidzi vake kuti vapotere mungarava nokutungamira kuenda ruseri rweBhethisaidha, iye emene echiendesa ungano eshe. ⁴⁶Pawakabidisa wakaenda pamutunhu kookumbira. ⁴⁷Amadhekoni, chikepe chaiwa pakati poruandhle, naye waiya ega panyika.⁴⁸Echivaona vechitambudzika ngokuhluza ngarava, ngokuti dutu raiya rechipesana navo, kwaa kuda kuita murindo wechina wousiku, iye wakaguma kwavari echihamba padera poruandhle. Waida kuvapinda. ⁴⁹Asi apo vechimuona echihamba ngepadera poruandhle, vakakarakadza kuti raiya dzimudzangara, navo vakakarara. ⁵⁰Ngokuti pavakamuzwa veshe, vakatwa. Asi paripo yena wakachingisa kwavari echiti, “Shingai, ndini, musatwa.”⁵¹Naye wakakwira kwavari mungarava nedutu rakaterama. Navo vakashamiswa kakurutu mukati mwavo. ⁵²Ngokuti avazi kuzwisisa ngendaa yezvingwa, ngokuti mwoyo yavo yaiya yakakonziswa.⁵³Apo vaambuka ruseri vakaguma kunyika yeGenesareta, navo vakasungira ngarava pahumbikumbi. ⁵⁴Naapo vabuda kubva mungarava, paripo vanhu veyo vakamuzia. ⁵⁵Navo vakarumba nhau yeshe, vakatanga kutwara ngemisengere avo vairwara, kuvaisa apo pevakazwa kutindipo paari.⁵⁶Kunyazwi ngepari paakapinda mumuzi nokuti mumadhorobha nokuti mundau, vakavaradzika vairwara pamusika, vakamupota kuti vabate kunyazwi mupendero wegauni rake; naavo veshe vakamubata vangaponeswa.

¹Vafarise nevamweni vevanyorio , vakabva jerusarema vakauya vachimutetenderedzazve²Vona vakaona kuti umwe vovadjidji vake wairha chingwa nonhala jakaswipa, kana kuti asito kugueza nhala. ³(ngokuti madjuda no vafarisi avarhi vasito kugueza nhala, ngikudalo vanongwarira kudjidjisa kovavhangueri. ⁴puvakavha kumussika, vafarisi avato kurha, kana vasito kugueza. ngokudalo kuno mutemo djakawanda djovanoteverera nguvangonguva, nokusukaswe makhapu, jaki noswitulu swo tafula.⁵VaFarisi nevanyori vakamubvunza Jesu vechiti:“Vadzidzi vako avateeri ngenyi mitoo yemadzibabamukuru, asi vanorwa chingwa ngenyara dzine tsvina?”,⁶Wakati kwavari:“Isaya wakanasa kuprofeta ndimwi, imwimwi , kudai ngezvezvakanyorwa kuti, “ ‘Ava vanhu vanondiremeredza ngemiromo yavo, asi mwoyo yavo iri kuretu neni. ⁷Asi vanotera kundidira, vechidzidzisa tsika dzevanhu kudai ngezvidzidzo kwazvo.’⁸“Munotiza mipango yaMwari, mwechibatirira mitoo yevanhu.” ⁹Wakati kwavarizve:“Munoramba yaamho mipango yaMwari, kuti mubatirire tsika dzenyu! ¹⁰Ngokudalo Mosi wakati, ‘Remeredza baba vako namai vako,’ zve, ‘Naye unotuka baba kunyazwi mai ngegwinyiso ngaafe .’¹¹ngokudalo ndinomuvhunja ndesiti, ‘Kudai munhu ossiiti kunababa vake kana kunamai vake, icho chewaida kuuyirwa ndicho kwendiri chiri Korbhani,’ (ukwo kunoti, ‘Chakapirwa kunaMwari.’), ¹²Ngokudaro amuchamutenderi kuti aitire chiro kunababa nokuti mai., ¹³Ngokudaro munoita kuti izwi raMwari riite risina shwiro ngendaa yemitoo yenyu yemwakaashidzana. Nezvimweni zvizhinji zvakadaro zvomunoita.”¹⁴Wakadaidzazve mbungano kwaari akati kweiri, “Ndizwenyi, imwimwi mweshe, muzwisise. ¹⁵Apana chiro chinobva ngokubanze kwomunhu cheshipinda mukati mwake chingamusvipisa, asi izvo zviro zvinobva mukati mwomunhu ndizvo zvinomusvipisa. ¹⁶[“Iye unenzee dzokuzwa ngaazwe.”]¹⁷panguva jejo Jesu paakasiya mbungano akanguena munba, vadzidzi vake vakamubvunza ngomuedzaniso uyu. ¹⁸Naye wakati kwavari, “Nemwiwo amuna kuzwisisa here? Amuoni here kuti kunyazwi chiinyi chinobva ngokubanze chechipotera mumunhu achingakoni kumusvipisa, ¹⁹ngokuti achipinda mumwoyo mwake, asi mundani mwake, chechibudiswa mushango.” (Ngokudaro Jesu unochenesa kudya kweshe.)²⁰Wakati, “Icho chinobuda kubva kumunhu ndicho chinomusvipisa. ²¹Ngokuti mukati mumwoyo yevanhu kunobuda mikarakadzo yakashata, kuhura, kuba, kuuraya, ²²kuomba, mbau, matsambo, kuchengedzera, kuemura, kutuka, kudzikudza, upenzi. ²³Izvi zviro zveshe zvakashata zvinobuda kubva ngomukati, ndizvo zvinosvipisa munhu.”²⁴Wakamiruka kubvapo pavainga, akaenda kumigano yeThire neSidhoni. Wakapinda mumhatso, asaida kuti aziikanwe ngomunhu; asi aazi kukona kuti afishike. ²⁵Paripo dzimai raiya nemwanasikana waro mudoko waiya nomweya wakashata, razwa ndiye Jesu, rakaguma rikawira patsoka dzake. ²⁶Asi dzimai iro raiya muGiriki, ngokubarwa raiya muSurofoenikia. Naro rakamupota kuti aduse dhimoni kubva kumwanasikana waro.²⁷Iye wakati kweriri:“Vana ngavagutiswe kutanga, ngokuti akuzi kunaka kutora chingwa chevana kuchikandira kumatuhwa embwa.” ²⁸Asi rakapingura, rikati kwaari: “Eya, Mambo; matuhwa embwa anodya pashi petafura matsekeneswa evana.²⁹Wakati kweriri: “Ngendaa yeizwi iri, enda; dhimoni rabuda kubva kumwanasikana wako.” ³⁰Rakaenda kumhatso yaro, rakaona mwana akaradzikwa pamubhedhu, nedhimoni raiya rabuda kubva kwaari.³¹wakabudazve kubva kumigano yeThire, wakahamba ngepakati peSidhoni metsa kuguma kuruandhle rweGarire, kupotya pakati pemiganu yeDhekaporisi. ³²Vakaunza kaari umwe waiya dziiranzee raiya mbeveve, navo vakamupota kuti aise nyara yake padera paro.³³Wakaritora riri rega kubva pakati pembungano, wakaisa zvinwe zvake munzee dzaro, wakapfira mata, akagwama rurumi rwaro. ³⁴Echiringira mudenga, wakaita mahwema, akati keriri:“Efata!” ukwo kunoti, “Beuka!.” ³⁵Apapo nenzee dzaro dzakabeurwa, nemusungo worurumi rwaro wakasunhuka, naro rakaereketa zvinozwika.³⁶Iye wakavapanga kuti vasazovunja munhu; asi echinyanya kuvavhunja, vakanyanyisawo kuzviteketesa. ³⁷Navo vakashamiswa kunopinda binzo vechiti:“Iye wakaita zvese kuti zvinake; unoita kuti asingazwi azwe no mbeveve iverekete.”

¹Ngemazuva awo kwaivapozve mbungano huru, yaiva isina chokudya; iye wakadaidza vadzidz akati kwavari ²“Ndinosvipa mwoyo ngendaa yembungano, ngokuti yakagara neni zvinopano mazuva matatu, isina chokud ³Kuti ndikavaendesa kumakanyi kwavo vasati vadya, vanozofukama munjira, nevamweni vavovanobva kuretu.”, ⁴:Nevadzidzi vake vakamupingura vakati, “Munhu ungazviona pari zvingwa kuti agutse ava vanhumuno mushango?”,⁵Naye wakavabvunza akati, “Munezvingwa zvingani?” Vakati, “Zvinomwe.” ⁶Wakapanga mbungano kuti igare pashi; akatora zvingwa zvinomwe, akabonga, akazviguraakazvipa kuvadzidzi vake kuti vazviise pamberi pevanhu, navo vakazvipa kumbungano.,⁷Navo vaiva nehove doko; apedja wakavavhunja kuti dziiswewo pamberi ⁸Navo vaiya nehove doko shomani; abonga wakapanga kuti dziiswewo pamberi pavo., MARAKO: ⁹Navo vakadya, vakaguta; navo vakatonhera matsekeneswa ezvakasara akaita zvitunduzvinomwe., ¹⁰Apapo wakangena muchikepe nevadzidzi vake , wakaenda kundau ye Daramauta.¹¹Ngokudalo VaFarisi vakauya kunaJesu, vakatanga kuphikisana naye, vechitsvaka kwaari chioniso chinobvamudenga, vechimuedza., ¹²Naye wakaita mahwema makuru mumweya wake, akati, “Uyu mubarirwana unotsvaka ngenyi chioniso? Ngegwinyiso ndinoti kwomuri, mubarirwana uyu auzopuwi chion, ¹³Apapa wakavasiya akangena muchikepe akathukira ngekuricheto¹⁴pakazoitika kuti vadjidji vakakanganua kutora zvingwa, vaiya nechingwa chimwe chega mungarava., ¹⁵Naye wakavapanga echiti, “Penyai, ngwarai mumera wevaFarisi nomumera waHerodhi.”,¹⁶Vakapangana pakati pavo vechiti, “Ngokuti atina zvingwa.”,: ¹⁷Jesu paakazwa iswi, “Munopangana ngenyi, ngokuti amuna zvingwa? Amusati mwazia nokuti kuzwisisa here? Mwoyo yenyu ichaka.¹⁸Munemadziso musikaoni here, munenjeve musingazwi here? Amucherechedzi here?,: ¹⁹Naapo zvendakagurira vanhu makumi emazana mashanu zvingwa zvishanu, mwakazadzazvitundu zvinganai ngematsekeneswa?” Vakati kwaari, “Gumi nezviiri"'²⁰“Naapo zvingwa zvinomwe zvakagurirwa kuvanhu makumi emazana marongomuna, mwakazadza zvitundu zvinganai ngematsekeneswa?” Vakati kwaari, “Zvinomwe.”, ²¹Naye wakati kwavari, “Amusati mwazwisisa here?²²Vakaguma muBhethisaidha. Vakaunza kwaari bofu, navo vakamupota kuti aribate., ²³Naye wakaribata ngenyara, akaribudisa kubanze kwedhorobha; naapo apfira mata mumadzisoaro, wakaisa nyara dzake padera paro, akaribvunza kuti, “Unoona chiro here?”,²⁴Naro rakaringira rikati, “Ndinoona vanhu, asi ndinovaona vechihamba vakadai ngemiti.”, ²⁵Wakaisazve nyara dzake padera pemadziso aro; naro rakaringisisa, rakapembenudzwa, rikaona zviro zveshe pamhene., ²⁶Wakariendesa kanyi kwaro echiti, “Usapoterazve mumadoroba.²⁷Jesu nevadzidzi vake vakaenda vakapotera mumizi yeSizaria Firipi; vachimunjira wakabvunza vadzidzi vake echiti kwavari, “Vanhu vanoti, inini ndirianani?”, ²⁸Navo vakamuronzera vechiti, “Johani Mubhabhatidzi, nevamweni vanoti, Erija, nevamweni vanoti, Uri umwe wevaprofe³⁰ Naye wakavabvunza, “Imwimwi munoti ndirianani?” Petro wakapingura akati kwaari, “Iwewe uri Kristu.” ²⁹Naye wakavapangisisa kuti vasaronzera munhu ndiye.,³¹Wakatanga kuvadzidzisa echiti, “Kunosisira kuti Mukororo woMunhu atambudzike ngezvakawanda nokurambwa ngevakuru nevapristi vakuru nevanyori, aurawe, ngesure kwemazuva matatu amukezve. ³²Wakaereketa izwi iri pamhene, Petro wakamutora, akatanga kumuramba.³³Asi iye echikunukuka, echiona vadzidzi vake, wakakaraidza Petro akati, “Ibva uende sure kwangu, Sathani. Ngokuti aunyeri ngezvaMwari, asi ngeizvo zvevanhu ³⁴Naapo adaidzira kwaari mbungano pamwepo nevadzidzi vake, wakati kwavari, “Kunyazwi ndiani unoda kuuya sure kwangu, ngaadzirambe atore muchinjiko wake anditeere.³⁵Ngokuti kunyazwi ndiani unoda kuponesa ndaramo yake unozorashikirwa ndiyo, nouwo unozorashikirwa ngendaramo yake ngendaa yangu neyevhangeri, unozoiponesa., ³⁶Ngokuti munhu unozouyirwa ngenyi, kudai echiuyirwa ngenyika yeshe, arashe ndaramo yake?, ³⁷Ngokuti munhu ungaita mutenganiso wenyi nendaramo yake?,³⁸Ngokuti kunyazwi ndiani unozotsveruka ndini nemazwi angu kuneuyu mubarirwana unoomba nounoshaisha, Mukororo woMunhu unozotsverukawo ndiye apo oozouya muuthende hwaBaba ake, pamwepo nengirosi dzake dzaka

¹Na Jesu akati kwavari:"nge chokwadi ndinomubuira, wamweni wenyu varipano avazoyedzi kufa vasati vayona kuyuuya kweyumambowamwari". ²Padarika mazuva machanu naringwe, Jesu vakaenda naye Pita, Jakobo, na Joni, vakavatora variwega akayenda navo kugomo guru. Apapo vakachinja pamberi pavo. ³machira ake akabva ajekesesa, akachenesesa, akapinda kuchena neguti chero musuki yemunyica vaizokonakumachenesa.⁴Apapo Eria na Mozisi vakauya vakareketa na Jesu. ⁵Pita vakadaira akati kuna Jesu:"Mufundis, pakanaka kunga tiripanapa, toita matende matatu:'ringwe rako, ringwe ra Mozisi, nerimwe ra Eria". ⁶(Ena ainga asikashaziyi zvekubuya, ngekuti vainga vatya)⁷Gore rimwe rakauya ringawafukidza. Apapo izvi rakabva pagore:"uyundiye mwanakomana wandinoda. muzwei," ⁸Apapo vakaningira paduze pavo, awana kuzoyona neumwe vawo, kunze ka Jesu.⁹Wechidzuka mugomo, Ena vakawatuma kuti vasazobuyira umwe mundhu zvainga zvaitika ngekuti, asati mwana vemukomana amuka kune vakafa. ¹⁰Saka vona vakangwarira zvaingazvaitika pavari, asi vaireketa ngekuda kusiya kumuka kevakafa".¹¹Vona vakamubvunza:"ngei vanyori veiti Eria unofarira katanga kuyuya?". ¹²Jesu akawadaira:"Eria zvemene vatanga kuuya kugadzirira zviro zveshe, saka ngei zvakanyorua kuti mwanakomana unofarira kutambudzika nekuyeisua? ¹³Asi inini ndinomureketera kuri Eria vakauya mukamuyiita zvamaida naye, sezvinyorwa zvinobhuiya ngezvake.¹⁴pavakapetuka kainga newangweni vadzidzisi, vakayona vandhu vakawanda wakavatenderedza vanyori vashireketedzana navo. ¹⁵vandhu pavakamuona, vakadakara vakarumba kwayari komutekesa. ¹⁶Ena vakadvunza kuvadzidzi vake :"chinyi chemurikureketedzana navo?"¹⁷Umwe vevandhu vakamudhaira:"mudzidzisi nini ndaunzisa mwana vangu vangu, ena unemweya wembeweveve. ¹⁸Ena unotshuya unova pachi nekubuda pfuro pamuromo, achiruma mazino, nekuita simba. ndakumbira wadzidzi wako vabundhise, asi vona vazvikorera. ¹⁹Ena akadaira akati:dzinza risikatendi, ndichagara rini nemwi? koguma rini ndechimuitira zveshe? munzei kendiri.²⁰Vona vakayunzisa chikomana. mweya pavakayona Jesu apapo vakatanga kutshuya . Chikomana chakawa pachi cheyebuda mapfuro pamuromo. ²¹Jesu akadvunza kuna baba ake:"kutangira achiri mwana mudhoko. ²²kajinji zvinomukandirisa pamotokana mumvura.zveshiyedza kumuyuraya. kana iwewe weshikona kuita shiro, izwa tsitsi nesu utibatsire.²³Jesu akati:"kuti iwewe veshikona! zveshe zviro zvinoitika pano anotenda. ²⁴Apapo apapo, baba veshikomana wakakumbira, akati:" ndonogonda! ndibatsirewo nekusatenda kangu." ²⁵Jesu apapo akaona wandhuveshiuya kwainga ari, akabvisa mweya vakashata, akati:" mweya wembeveve, ndinokuti ubve maari usazopinda zve maari kanazve."²⁶Vakadaidzira zvikuru cheshitshuya chikomana apapo akabuda maari. Vaita ingatei mundhu vafa nekuti vandhu vajinji vaiti:"ena vafa" ²⁷Asi Jesu wakamumurudza ngenyara dzake, chikomana chikayema.²⁸Jesu pakapinda mumbatso, wadzidzi vake vakamubvunza vari vega:"ngei tisingamubudisi?" ²⁹Ena akareketa kuti:"zvakadai ngeizwi azvibudizwi pasina munamato?.³⁰Veibva iyo, vakadarikira ngepa Gaririya, Jesu ainga asingadi kuti vaziye kawainga wari. ³¹Ngekuti wayidzidzisa vadzidzi wake yechiti:"mwanakomana uchatengeswa mumayoko yewandhu, vatsha muyuraya. Ena angauraiwa papera mazuwa matatu uchamuka. ³²Asi wona avana kuzwisisa zvakareketa ngekuti vainga veitya kumubvunza.³³Vakayenda ku Cafarnau. Ena painga ari kumuzi vakabvunza vadzidzi vake:"chini chamuri kureketedzana munjira?". ³⁴Asi vona vakaramba vakanyarara kekuti vaireketa umwe neumwe ngenyaya yekuti ndiyani mukuru. ³⁵Ena vakagara akadaidzira gumi navayiri akati:"kana umwe wenyu anoda kuita wekutanga, uchazoita wekupedzisira, yeshiyita zve mushandi vemundhu veshe.³⁶Ena vakabhata mwana mudhoko munyaradzake akamuyisa pakati pawo: akati ³⁷"veche uyani achayachira mwana umwe, akadai nge muzitarangu, uyu aandiyachiri, asi anoyachira uyone akandituma.³⁸Jonh akamuti:'mudzidzisi, toyona umweni ayibvisa mweya vakashata muzita rako tikamurambidza, ngei asikangatiteyeri". ³⁹Asi Jesu akati:"musamurambidza. ngekuti akuna angaita chishamiso muzita rangu apedza ureketa zvakashata kwangu.⁴⁰Ndiani asirianesu, airitenga. ⁴¹Ani nani achimupa komechi yevhura yekumwa ngekuti muri vacristo, ngechokwadi ndinomubuyira kuti azotami mubairo vake.⁴²Uyani akaita kuti wana vanodhoko vanotenda kwendiri zvakanaka kaari ange akasungira buye guro pamutsipa pake akandirwe muvhura yeruvadhle. ⁴³kana nyara yako yeikuita kuti uchaishe, isheke. zvakanaka kauri unge nendaramu nenyara imwe pasina pane kuva ngenyara mbiri uchaenda kugehena, kumuriro usingadzimi. ⁴⁴kune honye dzisingafi nemuriro usingadzimi (zvinyorwa izwi mumagwaro hekare zvakadzimwa).⁴⁵Kana tsoka yako yechiyita kuti ushaiche icheke. Zvakanaka kuti unge nendaramu urichigono, pane kuva netsoka mbiri, uye ukandirwe mugehena. ⁴⁶Kunehonye dzisingafi nemuriro usingadzima(zvinyorwa izwi mumagwaro hekare zvakadzimwa).⁴⁷Kana dziso rako reita kuti uchaishe. Ribvise zvakanakahazvo kupinda muhumambo waMwari nedziso rimwe pane mayiri ukandirwe mugehena. ⁴⁸Kunehonye dzisingafi, hemuriro usingadzimi.⁴⁹Ngekuti umwe neumwe ucharungwa nemoto. ⁵⁰Munyu vakanaka, asi ukanga vapera kunaka kawo, munozoita kudini, kuti urungezve? ivai nemunyu nemi, raramai nerugare nevamwe venyi."

¹Jesu wakaziya ndau iyi akaenda kunyika ye Judia, mufuya we Jorodani, wanhu vakawanda wakauya kwaari. akawadzidzisa zvaaimboita. ²Wapfarisi vakakwedzerawo kwaari vakabvunza: " zviripamutemo here kuti murume arambe mukadzi wake?" ³Jesu akadaira akati: " Mozisi wakamudzidzisei?" ⁴Vona wakadairawo vakati: "Mozisi wakati murume unofanira kunyora rugwaro rekurambana, wapedza woramba mukadzi?".⁵Jesu vakati kwari: " inyaya yemoyo dzenyu dzakaoma zvakaita kuti Mozisi anyore rugwaro. ⁶Asi kubva pakutanga, Mwari wakaita muisa nemudzimai.⁷Zvakadaro muisa ushasiya baba na mai vake kuti abatanidzwe nemudzimai wake. ⁸Vairi ava vachawa nyama imwe. avasisiri vairi asi nyama imwe. ⁹Zvakadaro chabatanidzwa ndi Mwari achiparadzaniswi nge munhu.¹⁰Pavanga wachiri pamuzi, vadzidzi vakabvunza zve. ¹¹Jesu wakati: "weshe wanoramba mukadzi wake, anga roora umweni mukadzi unomuitisa upombwe. ¹²Mukadziwo anoramba murume wake akaroorwa ngeumweni unoitisa murume wake upombwe.¹³Varauya kwaarine vana vanga enda panaJesu, wadzidzi vangavarambidza. ¹⁴Jesu pavakaona izvizvo avana kuzvidakarira, angati kwavari: regerai wadoko vauye kwandiri musawarambidza, umambo wekudenga ngewevadai.¹⁵Chokwadi ndinoti kwamuri: weshe asingaashiri umambo waMwari kudai ngemwana aanga koni kupinda muumambo wekudenga. ¹⁶Wakatora vana angawaisa mumaoko ake akavakomborera akaisa muoko wake pavari.¹⁷Wakaenderera nekuhamba kwavo, pane muisa akauya eshirumba, wakagwadama pamberi pake anga bvunza:"mudzidzisi ngezviri zvandingaita kuti ndipinde mukupona kusingaperi"? ¹⁸Jesu akapingura akati:"Ngei meinditi ndakanaka? apana akanaka kunze ka Mwari wega. ¹⁹iwe unoziyamurairo:" usauraya, usapomba, musaba, usanyepera wekwako, usareya, reremekedza baba na mai wako".²⁰Muisa wakati:"mudzidzisi izvi zveshe ndinozviita kubva ndirimudoko. ²¹Jesu akaningira mwaari angamuda , wakati kwaari:"pane zvirikushota, enda utengese zveshe zvaunazvoupe kuvarombo, uphimi wako uchawa kudenga", wapedza unditewera." ²²Asi muisa uyu aana kudakara ngemashoko aya mgekuti wanga akabudirira.²³Jesu wakaningira kwaabva akati kuwadzidzi vake:"zvakaoma kuti mungani apinde muhuumambo wamwari!". ²⁴Wadzidzi wakatya ngenyaya iyi. Asi Jesu wakati kwawari zve:"vana zvakaoma maningi kupinda muumambo wekudenga! ²⁵Asi zvakareruka kuri kamera ripinde ngepa buri pe naiti, pane kuti muganyi apinde muumambo wekudenga."²⁶Wakavhiringika vangatanga kureketa mumwe kune mumwe:"saka ndiani achaponeswa?" ²⁷Jesu akaningira, akati:" kuvanhu azvingaiti asi kunaMwari. ngekuti munaMwari zveshe zvinoita. ²⁸Pita wakatanga kuti:'nokuti isusu takasiya zveshe tingamutevera".²⁹Jesu wakadaira akati:"zvechokwadi ndinoti kwamuri, hapana aksiya Muzi, Wanunguna,Vakoma, Baba, nem vana, kana nyika ngendaa yangu neyo vhangeri. ³⁰Asingapuwi zvakapetwa ka gumi, zvinezvi munyika, muzi vakoma, vakunda, mai, Baba, vana, nyika nekuteererwa munyika wachaona upenyu usingaperi. ³¹Asi vajinji vai vekutanga vachava vekupedzisira nevekupedzisira vachava wekutanga.³²Vainga vari munjira, weinkwidza ku Jerusarema, Jesu Vanga ari pamberi pavo. vaimuteera wakakaruka vwshidana. Jesu wakadaidza Gumi navairi pambiri angatanga kubuia isho chishaitika. ³³Apa veshikwidza kuenda Jerusarema uchaiswa mumaoko evakuru veprisita neva nyori. vona wakamutongera rufuvangamuyendesa kuva hedeni. ³⁴vakamucheka wangamuphirira, wangamuuraya. Asi kupera komazuwa matatu, uchamuka."³⁵Jakobo na Johani, wana waZebedia vakauya kwaari vangati:'mudzidzisi tinokumbira kuti muyashire zvishemo zvatichazobuya". ³⁶Jesu wakati:" munoda kuti ndimuitirei?'" ³⁷Wakapindura:"titenderei kuti tigare namambo munyasha umwe kumuryo umweniwo kumuboshwe."³⁸Jesu vakadaira angati:" amuzii zvamunoda kukumbira. munofanira kumwa mukombe wandishamwawo mushingai rubabatidzo ramuchababatidzwa naro?". ³⁹Vangadaira vangati:" isusu tingaita". Jesu vakati:"pamukombe wandichamwa , nemwiwo muchamwawo, nerubabatidzo randaka babatidzwa naro, nemwi muchababatidzwa naro. ⁴⁰Azvinei neni kuti ndiyani achagara kumuryo kana kumubochwe, asi zviri kune uwo akagadzirira.⁴¹Wamwe gumi rewadzidzi pewakazua izvi, wakagara vasikazvizvisisi na Jakobo na Johani. ⁴²Jesu wakavadzidza akati:'zve munoziya kuti madzimambo evahedeni vaingavei vatonga.⁴³Saka pakati penyu ngazviregere kudaro. weshe anoda kuita wekutanga unofaneya kuita mushandi. ⁴⁴Uyezve uyo anoda kuita okutanga pamuri meshe unofanira kuita mushandi wenyu meshe. ⁴⁵Asi mwanakomana aazi kuuya kuzonamatwa, asi kunamata, nekupa upenyu wake uye rusununguro rewakanda.⁴⁶Vakaenda Jeriko. pavakadva Jesu Jeriko nevadzidzi vake nevandhu wakavanda, pane umweni muisa waizvi Batimeu mwana wa Temio, Rainga bofu wainga akagara panjira. ⁴⁷Pakazua kuti ndi Jesu, wenazareta ari kuguma, wakatanga ku daidzira eiti:"Jesu mwana wa David ndizvirei nyasha". ⁴⁸Vakawanda wakamubvunza kuti anyarare. Asi ena waka bangira kudaidza. mwanakomana wa David nditirewo nyacha.⁴⁹Apapo wakaema Jesu, angati mudaidzei. vakadaidza bofu ringati:" tsunga! muruka! urikudaidzwa." ⁵⁰Apapo wakarasha bashi rake, angamuruka angaenda kuna Jesu.⁵¹Jesu wakadaira akati:"chini chaunoda kuti ndikuitire?" bofu rakati" Rabi ndinoda kuti ndione". ⁵²Jesu akati:"enda, kutenda kwako kakuponesa". chiripo wakaona wakamuteera.

¹Pawaikwedera paJerusarema, paduze ne Betfage Betani, pagomo re Oriva, Jesu wakatuma vaviri vadzidzi wake. ²Akavavhunza kuti:" endai paguta iro ririmberi kwenyu, Mukanguna muchaona chidoki chisati chakambogadwa. mochisunungura mouya nacho. ³Mungavhunzwa kuti:" Ngei meshidaro? munodavira mechiti:"ishe warikurida, vachazoriwirinza, futi kunono".⁴Vakayenda vakaona chidoki chainga chakasungirwa pamusiwo, munjira vakachisunungura. ⁵vamweni vainga varipo ndokuvavhunzisa:"chinhi shamurikuita meshisunungura chidoki? ⁶vakadavira semabuiro ainga aita Jesu, ndokuwasiya vachiyenda.⁷vadzidzi vairi vakatora chidoki voendesa, kuna Jesu, vangatora machira avo voisa padera pechidoki, Jesu obva agada. ⁸Vandhu vajinji vaiwadjira mashira avo mugwanja wamweni vachiisa ndhavi dzewanga vatema muchango. ⁹9vainga warimberi kake newaimuteera waiti:" hosana! zvakakomborerwa zvinouya ne zita ra iishe! ¹⁰wakakomborerwa umambo unouya ngekuna baba vedu Dhavida! hosana kudenga!"¹¹Ipapo Jesu akapinda mu Jerusarema, akapinda muTemperi; wakaninguira vese vainga vakakomberedja , zuva rabira wakabuda kuenda muBhethani pamwepo nevanegumi navairi. ¹²Nechimangwani voobva Bhethani, iye wakazwa nzara.¹³Vakati echiona muonde kuretu unemasakani avo ngondambo, wakenda kwouri kuti pamweni ungaona michero kwouri. Naapo aguma kwouri aazi kuona michero, kwega mashakani, ngokuti yaiya isati yaanguva nguwa. ¹⁴Wakati kumuonde, “Apana munhu uchazodya michero kubva kwouri mhera nariini.” Nevadzidzi vake vakazvizwa.¹⁵Ndokuuya kuJerusarema. Apotera muTemperi, Jesu wakatanga kudzinga avo vaitengesa nevaitenga muTemperi, naye wakapinduridza matafura eavo vaitenganisana mare nezvigaro zveavo vaitengesa njia. ¹⁶Naye aazi kutendera naumwe kutwara chidziyo kunyazwi ngechiri muTemperi.¹⁷Aiwakavadzidzisa, akati kwavari, “Akuzi kunyorwa here kuti, “Mhatso yangu inozozwi imhatso yokudira yemadzinza eshe? Asi imwimwi mwaiita chiwande chembavha.” ¹⁸Vapristi vakuru nevanyori vakazvizwa, navo vakatsvaka kuti vangamuita maurairenyi; ngokuti vaimutya, ngokuti mbungano yeshe yakashamiswa ngokudzidzisa kwake. ¹⁹pakabira vakabuda kubva mudhorobha.²⁰Chomangwanani maishi vechipinda ndipo, vakaona muonde wazeketera metsa kunzinde. ²¹Petro echikarakadza wakati kwaari, “Rabhi, penya Muonde wewakatuka wazeketera.”²²Jesu akamudaira, akati kwavari: “iwai nokutenda munaMwari. ²³Ngegwinyiso ndinoti kwomuri, kunyazwi ndiani unozoti kuneiri dunhu:"Bvitwa, uposherwe muruandhle,’ asikagonondi mumwoyo mwake, asi echigonda kuti icho chaaronza chinozoitika, Mwari uchazviita.²⁴24 Ndizvo ndinoti kwomuri, zveshe zvomunokumbira nezvomunokumbirira, gondai kuti mwaashira, munozoa nazvo. ²⁵Naapo mwaema mwechikumbira, rekererai, kunyazwi ndiani unendaa kwomuri; kuti Baba enyu arimudenga amurekererewo zvishaishi zvenyu. ²⁶Asi kudai musikarekereri, naBaba enyu arimudenga aazomurekereri zvishaishi zvenyu.²⁷Vakapetuka Jerusarema. Naapo echihamba puTemperi, vakauya kwaari vapristi vakuru nevanyori nevakuru wetemberivakaenda kaari. ²⁸Navo vakati kwaari: “ngemutoo uri unoita zviro izvi?Ndiyani akutendera kuti uzviite ?”²⁹Jesu wakati: “Neniwo ndinozomubvunza mubvunzo umwe; kudai mwechizondipingura, ndinozomuronzera anonditendera kuita zviro izvi. ³⁰Rubhabhatidzo rwaJohani rwakabva mudenga here nokuti kuvanhu? Ndipingurenyi.³¹Navo vakapangana pakati pavo vechiti, “Kuti tikati, ‘Rwakabva mudenga,’ iye unozoti, ‘Ndizvo amuzi kumutenda ngenyi?: ³²Asi tikati, ‘Rwakabva kuvanhu,’ ” vaitya mbungano ngokuti veshe vaitenda kuti Johani waiya muprofeti wegwinyiso. ³³Ndizvo vakapingura Jesu vakati, “Atizii.” NaJesu wakati kwavari, “Neni andizomuronzeri kuti isimbaraani rendinoita ndiro izvi zviro.”

¹Zvino wakatanga kuereketa kwavari ngemiedzaniso echiti, “Munhu wakasima munda wemivhini, wakaushoshera ngorushosha kutendenedza, wakatsa rindi rokukamurira vhini, akaaka chitumba, wakaupa kuvarimi kuti vaushandise, akaenda kunyika imweni. ²Naapo nguva yokuibva kwemichero yaguma, wakatuma muranda kuvarimi kuti aashire michero imweni yemivhini kubva kunevarimi. ³Navo vakamubata, vakamurova, vakamupetudza asina chiro.⁴Wakatumazve kwavari muranda umweni, nouwo naye vakamuremadza soro rake, vakamutsverudza. ⁵Naye wakatuma umweni, nouwo vakamuuraya. Nevamweni vazhinji ngokudaro, vakarova vamweni nevamweni vakavauraya.⁶Wakasara naumwe, mukomana unodikanwa; wakamutuma kwavari pakugumisira echiti, ‘Vanozoremeredza mukororo wangu’. ⁷1Asi avo varimi vakati pakati pavo, ‘Uyu ndiye unogara nhaka; uyai, ngatimuuraye, nenhaka inozoita yedu.⁸Vakamubata, vakamuuraya, vakamurasha kubanze kwomunda wemivhini. ⁹Mambo womunda wemivhini unozoitenyi? Unozouya, auraye varimi, unozopa munda wemivhini kunevamweni.¹⁰Amuzi kudzidza here ichi chinyorwa chinoti: “ ‘Buwe iro rakarambwa ngevaaki ndiro rakaitwa soro repakhona; ¹¹ichi chakaitwa ndiMambo Mwari, chinoshamisa mukuona kwemadziso edu', ¹²Navo vakatsvaka kuti vamubate, asi vakatya mbungano, ngokuti vakazia kuti waiereketa muedzaniso uwo ndivo. Ndizvo vakamusiya, vakaenda.¹³Vakatuma kwaari vamweni vevaFarisi nevaHerodhi, kuti vamuparise ndaa mukuereketa kwake. ¹⁴Vaguma vakati kwaari, “Mudzidzisi, tinozia kuti iwewe uri wegwinyiso, aubatiki ngoukuru hwomunhu; ngokuti auringiri hope yomunhu, asi ngegwinyiso unodzidzisa njira yaMwari. ‘Kunotenderwa here kubhadhara chibharo kunaSiza nokuti haiwa?. ¹⁵Tinozobhadhara here nokuti tisabhadhara? Asi iye echizia kudziitisa kwavo, wakati kwavari, “Munondiedzerenyi? Unzai kwendiri chigurwa chesirivha ndichione”.¹⁶Vakachiunza. Naye wakati kwavari, “Uyu muedzaniso nouku kunyorwa ngekwaani?” Navo vakati kwaari, “NgezvaSiza”. ¹⁷Jesu wakati kwavari, “Bhadharai Siza zviro zvaSiza nokuti Mwari zviro zvaMwari.” Navo vakashamiswa kakurutu ndiye.¹⁸Vakauya kwaari vaSadhusi, avo vanoti akuna kumuka kwevakafa, navo vakamubvunza mubvunzo vechiti,, ¹⁹Mudzidzisi, Mosi wakatinyorera kuti, ‘Kudai mukoma womunhu echifa, echisiya mukadzi, asi asina mwana, munun'una wake ngaamutore mukadzi, abarire mukoma wake vana.²⁰Vaiyapo vakoma vanomwe; wokutanga wakaroora mukadzi asi wakafa asikazi kusiya vana. ²¹Nowechipiri wakamutora, naye wakafa asikazi kusiya vana; nowechitatu ngokudarowo. ²²Vanomwe veshe avazi kusiya vana. Ngesure kwavo veshe mukadzi wakazofawo. ²³Mukumuka kwevakafa, apo voozomuka, unozoita mukadzi waani kwavari? Ngokuti vanomwe vakamuita mukadzi”.²⁴Jesu wakati kwavari, “Andikwopi kupauka kwenyu here, ngokuti amuzii zvakanyorwa nokuti simba raMwari? ²⁵Ngokuti apo voomuka kubva kwevakafa, avazoroori nokuti kuroodzwa, asi vanozodai ngengirosi dziri mudenga.²⁶Asi ngendaa yevakafa kuti vanomuswa, amuzi kudzidza here mubhuku raMosi, pandau inoronza ngepfiba, ngenjira iyo Mwari yaakaereketa kwaari echiti, ‘Inini ndini Mwari waAbrahama, Mwari waIsaka naMwari waJakobe? ²⁷Iye aasiri Mwari wevakafa akadi, asi ndiMwari wevanopona; mwapauka kakurutu”.²⁸Kwakaguma umwe wevanyori, wakavazwa vechibvunzisana pamwepo, naye echiona kuti wakanasa kuvapingura wakamubvunza, akati, “Ngouri mupango wokutanga kweiri yeshe?” ²⁹Jesu wakapingura akati, “Wokutanga unoti, ‘Izwai, A Isuraeri! Mambo Mwari, Mwari wedu ndiMambo Mwari umwe; ³⁰newe unozomuda Mambo Mwari, Mwari wako, ngomwoyo wako weshe, ngomweya wako weshe, ngomupinimidzo wako weshe nesimba rako reshe’. ³¹Nowechipiri ngouyu, ‘Unozomuda muakirwana wako kudai ngokudzida kwako iwewe pachako.’ Akuna mupango umweni wakapinda kukura kuneiyi”.³²Nomunyori wakati kwaari, “Wanasa, Mudzidzisi; waereketa gwinyiso kuti uripo Mwari umwe, akuna umwenizve ngepabanze pake. ³³nokumuda ngomwoyo weshe, ngokuzwisisa kweshe, ngesimba reshe, nokumuda muakirwana wako kudai ngokudzida kwako iwewe pachako, kunopinda kakurutu midiro yokupisha nemibairo yeshe”. ³⁴Naapo Jesu aona kuti wapingura ngokungwara, wakati kwaari, “Iwewe auri kuretupi akadi kubva kuneumambo hwaMwari.” Sure kweizvi apana waishinga kuchamubvunza chiro.³⁵Jesu achadzidzisa muTemperi wakati, “Vanyori vanoronza ngenyi kuti Kristu mukororo waDhavhidha? ³⁶Dhavhidha emene ari muMweya Wakachena wakati, ‘Mambo Mwari wakati kunaMambo wangu, gara ngokumudyo kwangu, metsa ndiite magaa ako chitambarariro chetsoka dzako’. ³⁷Dhavhidha emene unomudaidza kuti Mambo; ndizvo uri mukororo wake ngenjiranyi?” Nouzhinji hwevanhu vakamuzwa ngokudakara.³⁸Mukudzidzisa kwake wakati, “Ngwarai vanyori, avo vanodisisa kuhamba vakapfeka machira akareba, nokuchingamidzwa mundau dzemisika, ³⁹nezvigaro zvepamberi mumhatso dzokudira nendau dzepamberi mumadhiri., ⁴⁰Avo vanochakata mhatso dzeshirikadzi, vachidzionisa kudai ngevanhu vakanaka ngokurebesa mikumbiro. Vanozoashira kurashwa kwakanyanyisa kukura.⁴¹Jesu wakagara pashi pasinde pebhokisi rezvipo, wakaringira mapire embungano mare mubhokisi rezvipo. Nevazhinji vaiya nepfuma vaipamwo yakawanda. ⁴²Kwakaguma shirikadzi yaiya murombo, yakapa zvigurwa zviiri zvemare, zvinoita sendi.⁴³Wakadaidza kwaari vadzidzi vake, akati kwavari, “Ngegwinyiso ndinoti kwomuri, iyi shirikadzi murombo yapa kupinda avo veshe vapa mubhokisi rezvipo. ⁴⁴Ngokuti avo veshe vapa ngouwandu hwepfuma yavo; asi iyo mukutama kwayo yapa zveshe zveyaiya nazvo, zveshe zveinopona ndizvo.

¹Achabuda kubva muTemperi, umwe wevadzidzi vake wakati kwaari, “Mudzidzisi, ringirai, kunaka kwemapuwe aya nokunaka kwemhatso dzakadai!”. ²Jesu wakati kwaari, “Unoona here idzi mhatso dzakakura? Akuzosari buwe narimwe padera pebuwe rimweni, risikazorigwi pashi''.³Achakagara paMutunhu wemaOrivhi akaringirana neTemperi, Petro, Jakobe, Johani naAndreu vakamubvunza vari vega, vakati, ⁴“Tironzerei, kuti izvi zvinozoitika riini nokuti chionisonyi chinozoonisa kuti izvi zviro zvoda kuitika?”.⁵Jesu wakatanga kuvaronzera echiti, “Ngwarai kuti musazopaukiswa ngomunhu kunyazwi ngouri, ⁶Vazhinji vanozouya ngezina rangu vechiti, ‘Ndini Kristu,’ navo vanozopaukisa vazhinji.⁷Naapo mwoozwa ngokurwa nemawirira okurwa, musazotambudzika; izvi zvinosisira kuti zviitike, asi magumo aasati aguma, ⁸Ngokuti dzinza rinozomukirana nedzinza, noumambo unozomukirana noumambo; kunozoapo kuzungunyika kwenyika kundau dzakaparadzana, kunozoapo nzara. Izvi zviri kutanga kwemadambudziko.⁹Asi dzingwarirenyi imwimwi pachenyu; ngekuti vanozomupira kumakota; nemwi munozorohwa mumhatso dzavo dzokudira; munozoema pamberi pevatongi nemadzimambo ngepamusoro pangu, kuita chapupu pamberi pavo, ¹⁰Nevhangeri rinosisira kutanga kuchumairwa kumadzinza eshe.¹¹Naapo vanozomukweya vechimupira mukutongwa, musazodembatemba ngepamberi kuti munozoereketenyi; asi ereketai kunyazwi ngechiri chemwapuwa ngeawa iro, ngokuti andimwipi munozoereketa, asi ndiMweya Wakachena, ¹²Mukoma unozopira munun'una kuti aurawe, nababa unozopira mwana wavo, nevana vanozomukira vabari nokuvauraisa. ¹³Nemwi munozonyenywa ndivo veshe ngendaa yezina rangu. Asi iye unozoshingirira metsa kumagumo unozoponeswa.¹⁴“Naapo mwoona chinyangadzo chinoparadza chechiema apo pechisikasisiri (uwo unodzidza ngaazwisise,) zvino avo vari muJudhia ngavatizire kumitunhu, ¹⁵nouwo uri padera pemhatso asazodzaka nokuti kupotera kutora chiro kunyazwi ngechiri mumhatso mwake, ¹⁶nouwo uri mumunda asazopetuka sure kootora jira rake.¹⁷Asi idambudziko kwavari vane mimba naavo vanoamwisa ngaawo mazuva! ¹⁸Nemwi kumbirai kuti zvisazoitika ngomukuwo wechando. ¹⁹Ngokuti ngaawo mazuva kunozoapo kutambudzika kukuru, ukwo kusikazi kumboapo kwakadaro kubvira pakutanga kwokusikwa kwaakasika Mwari metsa zvinopano, akuchatongozoitikizve kwakadaro. ²⁰Kudai Mambo asikazi kufupisa mazuva, akuna naumwe waizoponeswa; asi ngepamusoro paavo vakatsanangurwa, avo vakatsanangura, mazuva akafupiswa.²¹Naapo kudai aripo munhu unozoti kwomuri, ‘Ringira, Kristu uri panapa!’ Nokuti, ‘Ringira, uri apo!’ Musazozvitenda. ²²Ngokuti vanozoapo vaKristu vokunyepa nevaprofeti vokunyepa, navo vanozoita zvioniso nezvishamiso, kupaukisa vakatsanangurwa, kudai zvechibvira. ²³Asi ngwarai; ndamuronzera zviro zveshe nguva isati yaguma.²⁴Asi ngaawo mazuva, ngesure kwokutambudzika ukwo, zuva rinozoita chidima nomwedzi auzojeki, ²⁵nenyeredzi dzinozowa kubva mudenga nemasimba omudenga anozozungunyiswa. ²⁶Naapo vanozoona Mukororo woMunhu echiuya mumakore anesimba guru nouthende. ²⁷Naapo unozotuma ngirosi nokuunganidza vakatsanangurwa vake kubva kumhepo marongomuna, kubvira kumagumo enyika metsa kuguma kumagumo edenga.²⁸“Dzidzai muedzaniso kubva pamuonde; apo dai rawo rakanyorova rooburikira mashakani aro, munozia kuti zienza raa pasinde, ²⁹Nemwiwo ngokudaro, apo mwoona izvi zvechiitika, munozozia kuti iye uri pasinde, eya pamisiwo.³⁰Ngegwinyiso ndinoti kwomuri, uyu mubarirwana auzopindi izvi zveshe zvisati zvaitika. ³¹Denga nenyika zvinozopinda, asi mazwi angu aatongozopindi. ³²Asi ngendaa yezuva iro neawa iro, apana naumwe unozvizia, kunyazwi ngirosi dzomudenga nokuti Mukororo, asi ndiBaba ega.³³Ngwarai, murinde;[7] ngokuti imwimwi amuzii nguva iyo kuti inoguma riini. ³⁴Kwakadai ngomunhu echihamba rwendo kuenda kunyika imweni, iye wakasiya mhatso yake, wakapa varanda vake simba, umwe ngaumwe mushando wake, akapangazve murindi wepamusiwo kuti arinde.³⁵Ndizvo rindai, ngokuti amuzii imwimwi kuti munewemhatso unoguma riini, dangani zuva rabira, nokuti pakati pousiku, nokuti ngokurira kwejongwe, nokuti mangwanani. ³⁶Kuti pamweni echiguma ngokukasira iye asamuona mwakaata. ³⁷Neicho chendinoronza kwomuri, ndinoronza kwavari veshe: Rindai”.

¹Kwaiya kwasara mazuwa mairi kuti zuwa rePhasika nomushongano wokurya Zvingwa zvisina Mumera rigume. Nevapristi vakuru nevanyori vakatsvaka kuti vangamuita mabatirenyi ngourimbwi, vamuuraye, ²ngokuti vaiti, “Haiwa ngepakati pomushongano wokurya, ngokuti pamweni kungazoita bope pakati pevanhu”.³Naapo achiri muBhethani mumhatso yaSimoni waiya nemapere, akagara patafura, dzimai rakauya nenhera yearibhasita yemafuta enadhi, anodhura kakurutu, rakaiputsa nhera, rikaadururira musoro mwaJesu, ⁴Asi kwaiyapo vamweni vakatsamwa vechiti, “Kwaitirwenyi uku kurashwa kwemafuta? ⁵Ngokuti aya mafuta aizotengeswa ngemare inopinda zvigurwa zvesirivha mazana matatu, ikapuwa varombo.” Vakavhuruvhutira dzimairo.⁶Asi Jesu wakati, “Rirekerenyi; munoritambudzirenyi? Raita mushando wakanaka kwendiri. ⁷Ngokuti munavo varombo nguva dzeshe, naapo mwechida mungaita zvakanaka kwavari; asi inini amuzoanenipi nguva dzeshe akadi. ⁸MRaita icho cheraikona; radzodza muiri wangu usati watsirwa. ⁹Ngegwinyiso ndinoti kwomuri, kunyazwi ngepari apo perinozochumairwa vhangeri munyika dzeshe, neichi cheraita iri dzimai chinozoteketeswa kuita chicheredziso chake”.¹⁰Zvino Judhasi Isikarioti, umwe wevanegumi navairi, wakaenda kuvapristi vakuru kuti amupire kwavari. ¹¹Navo apo vazwa vakadakara, vakagondisa kumupa mare. Naye wakatsvaka nguva kwayo yokuti amupire.¹²Ngezuva rokutanga redhiri reZvingwa zvisina Mumera, zuva reibaiwa makwai ePhasika, vadzidzi vake vakati kwaari, “Unoda kuti tiende kuri koonasirira kuti udye Phasika?”. ¹³MNaye wakatuma vairi vevadzidzi vake, akati kwavari, “Endai mudhorobha, unozoshongana nemwi mwamuna akatwara hari yemvura; muteerenyi. ¹⁴Mkunyazwi ngepari paanozopotera munozoti kumuna wemhatso, ‘Mudzidzisi unoti, Riripari kamera rangu revaeni, apo pendinozodya Phasika nevadzidzi vangu?’.¹⁵Naye unozomupangidzira kamera guru romuturika rakanasirirwa ndizvo zveshe. Naapo munozotinasirira zvokudya zvePhasika. ¹⁶Nevadzidzi avo vakabuda kuenda, vakaguma mudhorobha, vakaona kudai ngezvaakaronza kwavari, navo vakanasirira Phasika.¹⁷Naapo aamadeekoni wakaguma nevanegumi navairi. ¹⁸Vari patafura vechidya, Jesu wakati, “Ngegwinyiso ndinoti kwomuri, umwe wenyu unozondipira, umwe uwo unodya neni”. ¹⁹Navo vakatanga kutambudzika, vechiti kwaari umwe ngaumwe, “Ndini here?”.²⁰Wakati kwavari, “Ngoumwe wevanegumi navairi, uwo unosheya chingwa neni mundiro imweyo. ²¹Ngokuti Mukororo woMunhu unoenda kudai ngezvezvakanyorwa ngendaa yake, asi ihehe kwaari munhuwo Mukororo woMunhu waanozopirwa ndiye! Kwaiya kwakapinda kunaka kwaari munhuwo kudai asakabarwa”.²²Vachadya, Jesu wakatora chingwa, akabonga, wakachigura, akavapa, akati, “Torai; ichi ndiwo muiri wangu”. ²³Wakatora tsani, naapo abonga wakaipa kwavari, navo vakamwa veshe kweiri. ²⁴Naye wakati kwavari, “Iyi ingazi yangu yechitenderano, iyo inoparadzirwa vazhinji. ²⁵Ngegwinyiso ndinoti kwomuri, andichazomwizve michero yemivhini metsa kuzuva iro rendinozomwa idzva muumambo hwaMwari”.²⁶Naapo vaemba ngoma vakabuda kuenda kuMutunhu wemaOrivhi. ²⁷Jesu wakati kwavari, “Imwimwi mweshe munozopumhuniswa, ngokuti kwakanyorwa kuti, ‘Ndinozorova muushi nemakwai anozoparadzwa’.²⁸Asi ngesure kwokumuswa kwangu, ndinozoenda pamberi penyu muGarire”. ²⁹Asi Petro wakati kwaari, “Kunyazwi veshe vanozopumhuniswa, asi haiwa inini”.³⁰Jesu wakati kwaari, “Ngegwinyiso ndinoti kwouri, iwewe nyamashi, usiku uno jongwe risati rarira kairi, unozondiramba katatu”. ³¹Asi iye wakaereketa ngesimba yaamho echiti, “Kunyazwi ndechizofa newe, andizokurambi akadi.” Navo veshe vakadarowo.³²Vakaguma kundau inozwi Getsemani; naye wakati kuvadzidzi vake, “Garai panapa inini ndechikumbira”. ³³Wakatora naye Petro, Jakobe naJohani, wakatanga kukaruka nokutambudzika kakurutu. ³⁴Wakati kwavari, “Mweya wangu unotambudzika kakurutu metsa mukufa. Garai panapa, murinde”.³⁵Naye wakaendamberi padoko, akawa pashi pamavhu, akakumbira kuti, dai zvechiitika kuti awa iri ripinde kubva kwaari. ³⁶Naye wakati, “Aba, Baba, zviro zveshe zvinoitika kwouri; dusa iyi tsani kubva kwendiri. Asi kusaita kuda kwangu, asi kuda kwako”.³⁷Wakauya, akavaona vakaata, akati kunaPetro, “Simoni, waata here? Wakorera here kurinda awa rimwe? ³⁸Rindai mukumbire kuti musapotera mukuedzwa; mweya unotenda asi nyama aina simba”. ³⁹Wakahwirirazve, akakumbira, echiereketa mazwi ndiwo ndiwo.⁴⁰Wakapetukazve akaona vakaata, ngokuti madziso avo aiya echirema; navo avazi kuzia chokumupingura. ⁴¹Wakauya ngekwechitatu, akati kwavari, “Muchakandoata here, mwechizorora? Zvakwana! Awa raguma; penyai, Mukororo woMunhu unopirwa munyara dzevashaishi. ⁴²Mirukai, tiende. Wonai uwo unondipira waa pasinde”.⁴³Paripo, achaereketa, Judhasi wakaguma, umwe wevanegumi navairi, anembungano ine shoti nenduku, vechibva kuvapristi vakuru nevanyori nevakuru vevanhu. ⁴⁴Zvinopano iye waiya akavapa chioniso echiti, “Uwo wendinozochingamidza ngomuromo ndiye; mubatenyi mumukweye ngokungwaririka”. ⁴⁵Naapo aguma, paripo wakauya kwaari akati, “Rabhi!” Naye wakamuchingamidza ngomuromo., ⁴⁶Navo vakamubata ngenyara dzavo vakamutora.⁴⁷Asi umwe weavo vaiema apo wakashwamura shoti yake, wakatema hloko yomupristi mukuru, akagura nzee yayo. ⁴⁸Jesu wakati kwavari, “Mwabuda kundibata here kudai ngevanoambana negandanga, muneshoti nenduku? ⁴⁹Ndaiya ndinemwi mazuva eshe muTemperi ndechidzidzisa, nemwi amuzi kundibata. Asi izvi zvinoitika kuti zvakanyorwa zvidzadzisike”. ⁵⁰Navo veshe vakamusiya, vakatiza.⁵¹Jaha rakamuteera, raiya nejira rakachena rakariti kupekupe pamuiri waro risina chimweni chokusimira. Navo vakaribata, ⁵²asi iro rakasiya jira rakachena, rikatiza riri mupunu.⁵³Navo vakakweya Jesu kuenda naye kumupristi mukuru. Kwakaungana pamwepo vapristi vakuru veshe nevakuru vevanhu nevanyori. ⁵⁴Petro waiya echimuteera ngokuretu, metsa wakaguma mukati muruwanze rwomupristi mukuru; naye wakagara nevarindi vomupristi mukuru nokugota muriro.⁵⁵Zvinopano vapristi vakuru nevatongi veshe vakatsvaka chapupu ndiJesu kuti vamuuraye, asi avazi kuchiona. ⁵⁶Ngokuti vazhinji vakaereketa chapupu chokunyepa ndiye, nouchapupu hwavo ahuzi kutenderana.⁵⁷Kwakamiruka vamweni vanhu vakaita chapupu chokunyepa ndiye vechiti. ⁵⁸“Takamuzwa echiti, ‘Ndinozoputsa iri Temperi rakaakiwa ngenyara, ngemazuva matatu ndinozoaka rimweni, risikaakwi ngenyara'. ⁵⁹Ndizvozve ngokudaro uchapupu hwavo ahuzi kutenderana.⁶⁰Nomupristi mukuru wakaema pakati pavo, akabvunza Jesu echiti, “Aupinguri chiro here? Chiinyi ichi chevanopupura ava ndiwe?” ⁶¹Asi iye wakanyarara, aazi kupingura chiro. Mupristi mukuru wakamubvunzazve echiti kwaari, “Iwewe uri Kristu here, Mukororo woUwo Unomuchena?' ⁶²Jesu wakati, “Ndini; nemwi munozoona Mukororo woMunhu akagara ngokumudyo kwoUnesimba, echiuya mumakore omudenga”.⁶³Nomupristi mukuru wakatatura machira ake echiti, “Tichatamirenyi zvapupu? ⁶⁴Mwazwa kutuka kwake. Munotinyi?” Navo veshe vakagura kuti unosisira kufa. ⁶⁵Vamweni vakatanga kumupfira mata nokufukidza hope yake nokumupamhadza nokuronza kwaari kuti, “Profeta!” Nevarindi vomupristi mukuru vakamuashira ngokumupamhadza ngenyara.⁶⁸Naapo Petro ari paruwanze, kwakauya kwaari umwe wevasikana vomupristi mukuru. ⁶⁷Naye echiona Petro echigota muriro, wakamuringira, akati, “Iwewewo waiya naJesu weNazaretha”. ⁶⁶Asi iye wakaramba echiti, “Andizii, andizwisisi kuti unotinyi.” Naye wakabuda akaenda paruwanze pamusiwo, nejongwe rakarira.⁶⁹Nomusikana uwo wakamuona, wakatangazve kuronzera avo vaiemapo echiti, “Uyu ndiye umwe wavo” ⁷⁰Asi iye wakarambazve. Ngesure kwenguva doko avo vaiemapo vakatizve kunaPetro, “Ngegwinyiso iwewe uri umwe wavo, ngokuti uri muGarire”.⁷¹Asi iye wakatanga kutuka nokupika echiti, “Andimuzii uyu munhu womunoereketa ndiye”. ⁷²Apapo ngokukasira jongwe rakarira kwechipiri. NaPetro wakakarakadza izwi raakaereketa Jesu kwaari rokuti, “Jongwe risati rarira kairi unozondiramba katatu.” Naapo akarakadza ngeizvo, wakachema.

¹Mangwanani maishi vapristi vakuru, pamwepo nevakuru vevanhu, vanyori nevatongi veshe vakapangana; vakasunga Jesu, vakamutora, vakamupira kunaPiratu. ²Piratu wakamubvunza echiti, “Iwewe ndiwe mambo wevaJudha ere?” Asi iye wakapingura, akati kwaari, “Watoronza.”. ³Nevapristi vakuru vakamuitira ndaa dzakawanda.,⁴4 Pirato wakamuvunzazve eiti, audairi chiro kanio? ningira kuwanda kwendaa dzevanokuitira, ⁵asi jesu aazi kuchizomupingurazve ndizo pirato wakashamiswa 3Nevapristi vakuru vakamuitira ndaa⁶⁷⁸6 Zvinopano kumushongano wokudya waisivasunhurira mubhanditi umwe uwo wevaizokumbira., 7Pakati pemabhanditi aiya mutirongo paiya naumwe waizwi Bharabhasi, uwo wakasungwapamwepo naavo vaiya vakamukira, avo mukumukira kwavo vakauraya munhu. :8Nembungano yechikwirayo, yakatanga kukumbira Piratu kuti avaitire kudai ngomutoo wakekwavari.,⁹9 Piratu wakapingura kwavari echiti, “Munoda here kuti ndimusunhurire mambo wevaJudha?”, MARAKO: ¹⁰Ngokuti wakazia kuti vapristi vakuru vaiya vamupira ngendaa yendurumwa., ¹¹Asi vapristi vakuru vakavherudza mbungano kuti zvirinane kuti avasunhurire Bharabhasi.,¹²Piratu wakapingurazve, akati kwavari, “Ndizvo ndinozoitenyi kwaari uwo womunoti ndimambo wevaJudha?". ¹³Navo vakaboorerazve vechiti, “Mukohomere.”!¹⁴Piratu wakati kwavari, “Ngenyi? Chiinyi chakashata chaakaita?” Asi vakaboorera kakurutu vechiti, mukohomere.. ¹⁵NaPiratu echida kudakadza mbungano wakavasunhururira Bharabhasi, akavapa Jesu, ambomupamhadza, kuti akohomerwe¹⁸Masoja akamukweya kuenda mukati mungome, akakoka pamwepo chikwata cheshe chemasoja., ¹⁷Nawo akamupfekesa jira rakatsvukuruka, akapomba dzungudza reminzwa, akariisa musoromwake., ¹⁶Akatanga kumuchingamidza echiti, “Makosi, mambo wevaJudha!”,¹⁹Akamurova musoro ngorutsanga, akamupfira mata, akagwadama ngemabvi awo, akamudira., ²⁰Naapo vamuitira jee, vakamukhumura jira rakatsvukuruka, vakamupfekesa zvokusimira zvake. Navo vakamukweya kuenda naye kubanze koomukohomera., ²¹Navo vakaangiridza umwe waipindapo, Simoni weKurene, echibva munharaundayo, baba waArekizanda naRufusi, kuti atware muchinjiko wake.²²Vakamuunza kundau inozwi Gorogotha, (iyo inozwi ngokukumuchwa, Ndau yeDenhenya.), ²³Navo vakamupa vhini rakakumanidzwa nemhura; asi iye aazi kuriashira., ²⁴Vakamukohomera, vakapaurirana zvokufuka zvake pakati pavo, vechiita mabhigidha okuonakuti umwe ngaumwe ungatorenyi.,²⁵Raiwa awa rechitatu revakamukohomera ²⁶Nechinyorwa chendaa yake chaiti “MAMBO WEVAJUDHA.”, ²⁷Jesu wakakohomerwa pamwepo nemagandanga mairi, rimwe ngokumudyo nerimweni ngokumuoshwe kwake. ²⁸"Nezvinyorwa zvakadzadzisika izvo zvinoti, “Wakaerengwa pamwepo nevashaishi.”( fananidza na ruka 22:37)²⁹Naavo vaipinda ngaapo vakamutuka, vechigudwaira masoro avo vechiti, “Ehee! Iweweunoparadza Temperi nokuriaka ngamazuva matatu,, ³⁰dziponese, udzake kubva pamuchinjiko!”,³²Vakadarowo vapristi vakuru vechimuitire jee pakati pavo, nevanyori vechiti, “Wakaponesa vamweni, aangakoni kudziponesa., ³¹Ngaadzake kubva pamuchinjiko Kristu, Mambo wavaIsuraeri, kuti tione, titende.” Naavo akakohomerwa naye vakamutukawo.,³³Ngeawa rechipfumbamwe Jesu wakadaidzira ngeizwi guru echiti, “Eloi, Eloi, Lama Sabakathani?” Ukwo kunoti ngokukumuchwa, “Mwari wangu, Mwari wangu, wandisiya ngenyi?”, ³⁴Vamweni veavo vaiemapo vechizwa, vakati, “Izwai, unodaidza Erija. ³⁵Vamweni veavo vaiemapo vechizwa, vakati, “Izwai, unodaidza³⁶Umwe wakarumba, akazadza siponji ngevhini rinorungura, wakariisa padera perutsanga, akamupa kuti amwe echiti, “Rekerai, tione kuti Erija unouya here ? ³⁷?Nejira romuTemperi rakabaurwa ngepakati, kubvira ngedera metsa kuguma pashi., ³⁸:Nejira romuTemperi rakabaurwa ngepakati, kubvira ngedera metsa kuguma pashi., MARAKO:³⁹Naapo nduna yezana, iyo yaiema yakaringisana naye, yaona kuti wafa ngokudaro, yakati, “Ngegwinyiso munhu uyu waiya Mukororo waMwari!”, ⁴⁰Vaiyapo madzimai vairingira vari kuretu, pakati pavo kwaiyapo Maria Magadhareni, Maria maiaJakobe mudoko, Josesi naSarome., ⁴¹Avo vakamuteera achiri muGarire, vechimushandira; nemadzimai amweni akawanda avovakakwira naye Jerusarema.⁴²Naapo, aamadekoni, nekuti naye zuwa rekunasirira, apapo rainga zuwa rinotanga sabhata ⁴³Kwakauya Josefa weArimathea, gota rairemeredzwa, uwo naye pachake waigarira umambohwaMwari, wakapotera kunaPiratu ngokutsunga, akakumbira kupuwa muiri waJesu., ⁴⁴Pirato wakashamiswa kuti wainga afa, echidaidza kwaari, mukuru wemazano wakaibvunza kuti watofa here?⁴⁵Naapo azwa nemukuru wemazano kuti wafa, wakapa muiri wa Jesu kuna Josefa ⁴⁶Naye wakatenga jira rakachena, akamudzasa pashi, akamuputira mujira rakachena, akamuradzika muguwa rakatsetswa pabuwe, akamburumbudzira buwe pamusiwo weguwa., ⁴⁷Maria Magadhareni naMaria mai aJosesi vakaona apo paakaradzikwa.,

¹Naapo Sabatha rapinda, Maria Magadhareni, Maria mai aJakobe naSarome, vakatenga mutombo unonuhwira, kuti vaende vamudzodze., ²Mangwanani maishi ngezuva rokutanga revhiki vakaguma kuiba zuva roobuda.³Navo vaiti pakati pavo, “Ndiani unozotimburumbudzira buwe kubva pamusiwo weiba?” ⁴Navo vechiringira, vakaona kuti buwe raiya ramburumbudzwa, ngokuti raiya gurutu yaamho.⁵Naapo vapotera muiba, vakaona murumbwana akagara ngokumudyo, akapfeka gauni rakachena; navo vakashamiswa., ⁶Naye wakati kwavari, “Musashamiswa; munotsvaka Jesu weNazaretha, uwo wakakohomerwa. Wamuka, amuna muno.Ringirai pevakamuradzika., ⁷Asi endai, muronzere vadzidzi vake naPetro kuti, ‘Unomutangira kuenda Garire; munozomuonayo kudai ngezvaakaronza kwomuri.’⁸Navo vakabuda, vakatiza kubva paiba, ngokuti vakagumirwa ngokuhuta nokushamiswa; navo avazi kuronza chiro kumunhu, ngokuti vaitya.⁹Naapo amuka mangwanani maishi ngezuva rokutanga revhiki, wakaoneka kutanga kunaMaria Magadhareni, uwo waiya akaduswa madhimoni manomwe., ¹⁰Wakaenda akaronzera avo vaiya vanaye, vaitsumba nokuchema., ¹¹Asi apo vazwa kuti unopona nokuti waiya aoneka ndiye, avazi kutenda.,¹²Ngesure kweizvi wakaoneka kunevairi vavo, anechiemo chimweni, vaihamba munharaunda., ¹³Navo vakapetuka, vakaronzera vamweni veshe. Asi avazi kuvatenda.¹⁴Ngesure kweizvo wakaoneka kunevanegumi naumwe vakagara patafura; naye wakavaganyira ngokusikatenda kwavo nokukonza kwomwoyo yavo, ngokuti avazi kutenda avo vaiya vamuona ngesure kwokumuka kwake kubva kwevakafa., ¹⁵Naye wakati kwavari, “Endai munyika dzeshe, muchumaire vhangeri kunezvisikwa zveshe., ¹⁶Iye unotenda abhabhatidzwe unozoponeswa; asi uwo usikatendi unozorashwa.¹⁷Neiyi mioniso inozoa naavo vanotenda; ngezina rangu vanozodzinga madhimoni; vanozoereketa ngendimi itsva;, ¹⁸vanozobata nyoka, kunyazwi vakamwa chinouraya, achitongozovaremadzi; vanozoisa nyara dzavo padera pevanorwara navo vanozotambiswa.”¹⁹Ndizvo zvino Mambo Jesu, apedza kuereketa navo, wakaashirwa mudenga, akagara ngokumudyo kwaMwari., ²⁰Navo vakaenda, vakachumaira kundau dzeshe, Mambo echishanda pamwepo navo, echigwinyisa izwi ngemioniso yaiya navo.

¹Ngokuti vanhu vazhinji vakaedza kurongedza tsamba ngendaa yezviro zvakaitika pakati pedu, ²kudai ngezvezvakapuwa kwetiri ngaavo kubvira pakutanga vaiya zvapupu zvakaona ngemadziso nevashandi veizwi, ³kwakandinakira ininiwo, apo ndaiya ndanasa kuringisisa ngokwakaperera zviro zveshe kubvira pakutanga, kuti ndinyore ngokuteererana kwomuri, imwimwi makosi Theofirusi, ⁴kuti muzie gwinyiso remazwi awo emwakadzidziswa.⁶Ngamazuva aHerodhi, mambo weJudhia, waiyapo mupristi waizwi ndiZekharia, webingo raAbhia, waiya nomukadzi wake waiya mukunda weverudzi rwaAroni, nezina rake raiya Erizabhethi. ⁵Navo veshe vaiya vakarurama pamberi paMwari, vechingwarira mipango nezviemeso zveshe zvaMambo Mwari vasina ndaa., ⁷Navo vaiya vasina mwana, ngokuti Erizabhethi waiya ngomwa, navo vaiya vakura yaamho veshe.⁸Zvino achaita mushando woupristi pamberi paMwari ngokuteererana kwebingo rake, ⁹kudai ngomushuma woupristi, bingo rake raiya rokupotera muTemperi raMambo Mwari nokupisha mutombo unegwema rakanaka., ¹⁰Nembungano yeshe yevanhu yaikumbira kubanze ngeawa rokupisha mutombo unegwema rakanaka.¹¹Kwakaoneka kwaari ngirosi yaMambo Mwari yakaema ngokumuryo wearita rokupishira mutombo unegwema rakanaka. ¹²Zekharia wakatambudzika ngokuiona, nokutya kwakamugumira. ¹³Asi ngirosi yakati kwaari, “Usatya, Zekharia, ngokuti kukumbira kwako kwakazwika, nomukadzi wako Erizabhethi unozokubarira mukororo, newe unozodudza zina rake kuti Johani.¹⁴Newe unozodakara nokudakadzwa, navazhinji vanozodakara ngokubarwa kwake;, ¹⁵ngokuti iye unozoita mukuru mukuona kwaMambo Mwari, naye aazomwi vhini nokuti zvinoradzisa, naye unozozadzwa ngoMweya Wakachena, eya kubvira mundani yamai ake.¹⁶Naye unozotenderudzira vazhinji vevana vaIsuraeri kunaMambo Mwari wavo, ¹⁷naye unozohamba pamberi pehope yake ngomweya nesimba raErija, kutenderudzira mwoyo yemadzibaba kunevana, nevasikapurutani kuti vahambe mukungwara kwevakarurama, kunasirira vanhu kuti vaite vakanasirirwa Mambo Mwari”.¹⁸NaZekharia wakati kunengirosi, “Ndinozozia ngenyi ichi? Ngokuti ndakura yaamho nomukadzi wangu wakura yaamho”. ¹⁹Nengirosi yakamupingura yechiti kwaari, “Ndiri Gabhurieri, uwo unoema pamberi paMwari, neni ndatumwa kuti ndierekete kwouri nokukuunzira aya mashoko akanaka. ²⁰Penya, unozoita chimbungumbungu usikakoni kuereketa metsa rigume zuva iro rezvinozoitika izvi, ngokuti auzi kugonda mazwi angu, awo anozoitika ngenguva yawo”.²¹Nevanhu vechigarira Zekharia vakashamiswa ngokunonoka kwake muTemperi. ²²Naapo abuda, waiya asikachakoni kuereketa kwavari, navo vakazia kuti iye waiya aona chioniso ari muTemperi; naye wakaereketa kwavari ngenyara, akagara ari chimbungumbungu. ²³Naapo mazuva okushanda kwake apera, wakaenda kanyi kwake.²⁴Naapo abuda, waiya asikachakoni kuereketa kwavari, navo vakazia kuti iye waiya aona chioniso ari muTemperi; naye wakaereketa kwavari ngenyara, akagara ari chimbungumbungu., ²⁵“Ndizvo Mambo Mwari wakaita ichi kwendiri ngamazuva awo aakandiringira ndiwo, kuti aduse chimene changu pakati pevanhu”.²⁶Ngomwedzi wechitanhatu ngirosi Gabhurieri yakatumwa kubva kunaMwari kuenda kudhorobha reGarire raizwi Nazaretha, ²⁷kumhandara yaiya yakaemeserwa munhu zina rake raizwi ndiJosefa, worudzi rwaDhavhidha, nezina remhandara iyo raizwi Maria. ²⁸Nayo yakapotera kwaari ikati, “Mwauya, iwewe waona nyasha, Mambo Mwari unewe!”. ²⁹Asi iye wakatambudzika kakurutu ngokuereketa kwayo, akapinimidza kuti uku kuchingamidza kunoronzenyi.³⁰Nengirosi yakati kwaari, “Usatya, Maria, ngokuti iwewe waona nyasha kunaMwari., ³¹Penya, unozoita mimba newe unozobara mukororo, unozodudza zina rake kuti Jesu., ³²Naye unozoita mukuru, unozozwi Mukororo woUwo Uripadera pazveshe; naMambo Mwari unozomupa dendemaro rababa ake Dhavhidha, ³³naye unozotonga padera pemhatso yaJakobe mhera nariini; noumambo hwake ahutongozoa nemagumo”.³⁴Maria wakati kunengirosi, “Ichi chingaita maitikirenyi ndisina mwamuna?” ³⁵Ngirosi yakapingura, ikati kwaari, “Mweya Wakachena unozouya padera pako, ndizvo uwo unozobarwa unozozwi wakachena, Mukororo waMwari.³⁶Penya, Erizabhethi hama yako unemimba yomukororo, akura yaamho; nouyu waamwedzi wechitanhatu kwaari uwo waizwi ingomwa. ³⁷Ngokuti kunaMwari apana chinokorereka”. ³⁸NaMaria wakati, “Penya, ndiri murandakadzi waMambo Mwari; ngakuitike kwendiri kudai ngeizwi rako.” Nengirosi yakabva kwaari.³⁹NaMaria wakamiruka ngaawo mazuva, wakaenda ngokukasira kunyika yezvimitunhu, kuguta reJudhia, ⁴⁰naye wakapotera mumhatso yaZekharia, akachingamidza Erizabhethi. ⁴¹Kwakaitika apo Erizabhethi azwa kuchingamidza kwaMaria, mwana wakanyanduka mundani mwake; naErizabhethi wakazadzwa ndiMweya Wakachena.⁴²naye wakadaidzira ngeizwi guru echiti, “Unomuchena iwewe pakati pevakadzi. Unomuchena uwo unozobarwa mundani mwako ⁴³:Chaitika ngenyi ichi kwendiri, kuti mai aMambo wangu auye kwendiri? ⁴⁴RNgokuti penya, apo izwi rokuchingamidza kwako razwika munzee dzangu, mwana wakanyanduka mundani mwangu ngokudakara. ⁴⁵:Unomuchena uwo wakatenda kuti kunozoapo kuitika kweizvo zvakaereketwa kwaari zvechibva kunaMambo Mwari”.⁴⁶Maria wakati, “Mweya wangu unokurisa Mambo, ⁴⁷nomweya wangu unodakara kukurutu kuna Mwari, Muponesi wangu,⁴⁸ngokuti iye wakaringira upashi hwomurandakadzi wake. Ngokuti ringira, kubvira zvinopano yeshe mibarirwana inozondierenga kuti ndinomuchena. ⁴⁹ngokuti uwo unesimba wakaita zvikuru kwendiri, nezina rake riri rakachena.⁵⁰Nenyasha dzake dziri padera pavo vanomutya kubvira kumubarirwana kuenda kumubarirwana. ⁵¹Iye wakaonisa simba rake ngomuoko wake, wakaparadza avo vanodzikudza ngokupinimidza kwomwoyo yavo.⁵²Wakadzasa pashi vane simba kubva pamadendemaro avo, akakurisa avo varipashi, ⁵³wakagutisa avo vanenzara ngezvakanaka, akaendesa makurudza asina chiro.⁵⁴Wakadetsera muranda wake Isuraeri, kuti akarakadze nyasha dzake, ⁵⁵kudai ngezvaakaereketa kunemadzibaba edu, kunaAbrahama nokurudzi rwake mhera nariini”.⁵⁶NaMaria wakagara naye kwaida kuita mwedzi mitatu, naye wakapetuka kanyi kwake. ⁵⁷Zvinopano mukuwo waErizabhethi wakasvika wokuti abare, naye wakabara mukororo. ⁵⁸Nevaakirwana vake nehama dzake vakazwa kuti Mambo Mwari waiya akurisa nyasha dzake kwaari, navo vakadakara pamwepo naye.⁵⁹Kwakaitika ngezuva rechisere kuti vakauya kuzocheka mwana, navo vaida kumududza zina rake kuti ndiZekharia, kudai ngezina rababa ake., ⁶⁰Asi mai ake vakapingura vakati, “Haiwa; asi unozodudzwa kuti Johani”. ⁶¹Navo vakati kwaari, “Apana naumwe wehama dzenyu wakambodudzwa ngeiro zina”.⁶²Navo vakakopera kunababa ake, kuti vazwe kuti ungada kuti adudzwe kutinyi. ⁶³Naye wakakumbira pokunyorerapo, wakanyora kuti, “Zina rake ndiJohani.” Navo veshe vakashamiswa.⁶⁵Paripo muromo wake wakabeurwa norurimi rwake rwakasunhurwa, naye wakaereketa, echikudza Mwari ⁶⁴. Nokutya kwakagumira avo veshe vaigara pasinde pavo. Nemashoko eizvi akashumirwa munyika yeshe yezvimitunhu zveJudhia, ⁶⁶navo veshe vakazvizwa vakazvingwarira mumwoyo yavo vechiti, “Uyu unozoita mwana wakaitawani?” Ngokuti nyara yaMambo Mwari yaiya naye.⁶⁷Nababa ake Zekharia wakazadzwa ndiMweya Wakachena, naye wakaprofeta echiti. ⁶⁸“Unomuchena Mambo Mwari waIsuraeri, ngokuti iye wakahambira nokuripira vanhu vake.⁶⁹naye wakatimirudzira runyanga rworuponeso mumhatso yomuranda wake Dhavhidha, ⁷⁰kudai ngezvaakaereketa ngomuromo wevaprofeti vakacheneswa vake vekaretu, ⁷¹kuponeswa kubva kumagaa edu nokubva kunyara yaavo veshe vanotinyenya.⁷²kuonisa nyasha kunemadzibaba edu, nokukarakadza chitenderano chake chakachena,, ⁷³mhiko iyo yaakapika kunababa edu Abrahama, ⁷⁴yokuti isusu, techinunurwa kubva munyara yemagaa edu, timushandire tisina chokutya, ⁷⁵mukucheneswa nomukururama pamberi pake mazuva eshe okurarama kwedu.⁷⁶Iwewe, mwana, unozozwi muprofeti woUwo Uripadera pazveshe; ngokuti iwewe unozohamba pamberi pehope yaMambo Mwari kunasirira njira dzake, ⁷⁷kupa ruziyo rworuponeso kuvanhu vake ngokurekererwa kwezvishaishi zvavo.⁷⁸Ngendaa yokupfaa kwenyasha dzaMwari wedu, naapo kuedza kwezuva kunobva mudenga kunozotihambira, ⁷⁹kujeka padera paavo vanogara muchidima nomubvute rokufa, kutungamirira tsoka dzedu munjira yokunyarara''.⁸⁰Mwana wakakura, wakagwinya mumweya, waiya mushango metsa rorooguma zuva rokuoniswa kwake kunevaIsuraeri.

¹Ngaawo mazuva chakabuda chironzo chechibva kunaSiza Agustusi kuti nyika yeshe inyorwe mazita. ²Nouku kunyorwa kwaiya kwokutanga kwakaitika apo Kureniusi ari mutongi weSiria. ³Navo veshe vakaenda koonyorwa, munhu weshe kudhorobha raakabarirwa.⁴NaJosefawo wakakwira echibva Garire, mudhorobha reNazaretha, akaenda Judhia, kudhorobha raDhavhidha raizwi Bhetherehema, ngokuti iye waiya wemhuri norudzi rwaDhavhidha,, ⁵kuti anyorwe pamwepo naMaria, uwo waiya chigango chake, akurirwa ngemimba.⁶Naapo vechiguma kuBele, mazuva akakwana okuti Maria abereke. ⁷Naye wakabara dangwe rake romukororo, naye wakamuputira ngejira, akamuradzika muchidziyo chen'ombe, ngokuti kwaiya kusina ndau yavo mumhatso yevaeni.⁸Kwaiya nevaushi munyikeyo, vaigara mushango vechingwarira makwai avo usiku. ⁹Nengirosi yaMambo Mwari yakaoneka kwavari, noumambo hwaMambo Mwari hwakajeka kuvatendenedza, navo vakatya kakurutu.¹⁰Nengirosi yakati kwavari, “Musatya; ngokuti penyai, ndinomuunzira mashoko akanaka, anodakadza kakurutu awo ari evanhu veshe. ¹¹ngokuti mwaberekerwa nyamashi mudhorobha raDhavhidha Muponesi, ndiye Kristu Mambo. ¹²RNeichi chinozoita chioniso kwomuri; kuti munozoona mwana akaputirwa ngejira akaradzikwa muchidziyo chen'ombe''.¹³Paripo yaiyapo nengirosi mbungano huru yehondo yomudenga yechikudza Mwari yechiti, ¹⁴“Ngaakudzwe Mwari mudengadenga, nokunyarara munyika pakati pevanhu, avo vaanonasa kudakara ndivo”.¹⁵Naapo ngirosi dzaenda mudenga kubva kwavari, vaushi vakati umwe kunoumweni, “Ngatiende Bhetherehema, toona ichi chaitika, chaaziisa Mambo kwetiri'. ¹⁶Navo vakaenda ngokukasira, vakavaona veshe Maria naJosefa, nomwana akaradzikwa muchidziyo chen'ombe.¹⁷Naapo vechimuona vakaziisa mashoko awo akaronzwa kwavari ngendaa yemwana uyu. ¹⁸navo veshe vakazwa vakashamiswa ngeizvo zvevakaronzerwa ngavaushi. ¹⁹Asi Maria wakangwarira izvi zveshe, echizvitsengesesa mumwoyo mwake. ²⁰Nevaushi vakahwirira, vechikurisa nokukudza Mwari ngeizvo zveshe zvevakazwa nezvevakaona, kudai ngezvezvakaronzwa kwavari.²¹Naapo mazuva masere apera okuti achekwe, vakadudza zina rake kuti Jesu, iro rakadudzwa ngengirosi isati yaapo mimba yake.²²Naapo apera mazuva okucheneswa kwavo, kudai ngeMipango yaMosi, vakakwira naye Jerusarema kuti vamupire kunaMambo Mwari. ²³Kudai ngezvezvakanyorwa muMipango yaMambo Mwari kuti, “Vanakomana veshe varimatangwe vanozozwi vakachena kunaMambo Mwari'. ²⁴nokupira mudiro kudai ngezvezvakaronzwa muMipango yaMambo Mwari, “Wemagora mairi nokuti mabwipwi mairi enjia'.²⁵Penya, kwaiyapo munhu muJerusarema zina rake raizwi ndiSimeoni, nomunhu uyu waiya akarurama nowaidira Mwari, echigarira kuembedzerwa kwaIsuraeri, noMweya Wakachena waiya padera pake. ²⁶Nakwo kwakaoniswa kwaari ngoMweya Wakachena kuti aatongozofi asati aona Kristu waMambo Mwari.²⁷Echikweiwa ndiMweya wakauya muTemperi; naapo vabari vaunza mwana Jesu, kuti vaite kwaari kudai ngomushuma weMipango,, ²⁸Simione wakaashira Jesu, akakudza Mwari echiti; ²⁹Mambo Mwari, zvinopano tendera kuti muranda wako aende ngokunyarara, kudai ngeizwi rako.³⁰Ngokuti madziso angu aona ruponeso rwako, ³¹urwo rwewakanasirira pamberi pehope yevanhu veshe; ³²Kujeka ukwo kunovhenekera vemadzinza, kuri uthendezve kuvanhu vako Isuraeri'.³³Baba ake namai ake vakashamiswa ngeizvo zvakaereketwa ngepamusoro pake. ³⁴NaSimeoni wakavafumisa, akati kunamai ake Maria, “Penya, mwana uyu wakaemeserwa kuwa nokumuka kwevazhinji muIsuraeri, nokuitazve chioniso chinozorambwa ³⁵(eya neshoti inozobayawo mweya wako) kuti mipinimidzo yomwoyo mizhinji ioniswe.³⁶Kwaiyapozve Ana muprofeti womukadzi, mwanasikana waFanueri wedzinza raAsha. Waiya aamusharuka, iye waiya akagara nemwamuna wake makore manomwe sure kwousikana hwake. ³⁷Naye wakaita shirikadzi makore makumi masere namarongomuna. Aazi kutongobuda kubva muTemperi, echidira nokuera kudya nokukumbira usiku nemasikati. ³⁸Naye echiuya ngeiro awa wakabonga Mwari, wakaereketa ndiye kwavari veshe vaigarira kuripirwa kweJerusarema.³⁹Naapo vapedza kuita zviro zveshe kudai ngezvaidiwa ngeMipango yaMambo Mwari, vakahwirira Garire, kudhorobha ravo Nazaretha. ⁴⁰Nomwana wakakura, akagwinya, aneungwaru; nenyasha dzaMwari dzaiya padera pake.⁴¹Nevabereki vake vakagara vechindoenda makore nemakore Jerusarema kumushongano wokurya wePhasika. ⁴²Naapo Jesu aanemakore gumi namairi, vakakwira kudai ngomushuma wokuenda kumushongano wokudya. ⁴³Naapo vapedza mazuva awo voopetuka, murumbwana Jesu wakasara sure muJerusarema. Nevabari vake avazi kuzvizia. ⁴⁴Asi vechipinimidza kuti uri mukati mwembungano, vakahamba muhambo wezuva rimwe, navo vakamutsvaka mukati mwehama dzavo neshamwari dzavo.⁴⁵Naapo vasikamuwoni, vakapetuka Jerusarma veimutsaka. ⁴⁶Ngesure kwemazuva matatu vakamuona ari muTemperi, akagara mukati mwevadzidzisi, echivazwa nokuvabvunza mibvunzo. ⁴⁷Navo veshe vakamuzwa vakashamiswa ngokuzia kwake nokupingura kwake.⁴⁸Naapo vakati vechimuona vakahahairwa; namai ake vakati kwaari, “Mwana, watiitira zvakadai ngenyi? Penya, baba ako neni taikutsvaka techitambudzika”. ⁴⁹Naye wakati kwavari, “Mwainditsvaka ngenyi? Musaizia here kuti kunosisira kuti ndiwe mumhatso yaBaba angu?”. ⁵⁰Navo avazi kuzwisisa izwi iro raakaereketa kwavari.⁵¹Naye wakadzaka navo, akaguma Nazaretha, wakavapurutana. Namai ake vakangwarira mazwi eshe aya mumwoyo mwavo. ⁵²NaJesu wakakura muungwaru nomuiri, nomukudiwa ndiMwari nevanhu.

¹Ngegore regumi namashanu rokutonga kwaThibheriusi Siza, Phontiusi Piratu mutongi weJudhia, naHerodhi sadunhu weGarire, nomunun'una wake Firipu sadunhu wenyika yeIturia neyeTrakhonitisi, naRusaniasi sadunhu weAbhirene, ²Anasi naKaiafasi, vari vapristi vakuru, izwi raMwari rakauya kuna Johani mukororo waZekharia ari mushango.³Naye wakauya kunyika yeshe inotendenedza Jorodhani, echichumaira rubhabhatidzo rwokutenderuka kwokurekererwa kwezvishaishi.⁴Kudai ngezvezvakanyorwa mubhuku remazwi aIsaya muprofeti kuti, “Izwi rounodaidzira mushango kuti: Nasirirai njira yaMambo Mwari, ruramisai makwara ake.⁵Mabani eshe anozozadzwa, nemitunhu yeshe nezvimitunhu zvinozodzaswa pashi, nenjira dzakabenda dzichazo thobwa, nenjira dzakaita marindi dzinozoserereswa;, ⁶nevanhu veshe vanozoona ruponeso rwaMwari”.⁷Ndizvo Johan wakati kuvazhinji avo vakabuda kuuya kuzobhabhatidzwa ndiye, “Imwimwi vana vemabuura! Ndiani wakamunyowedza kuti mutize ushungu hunouya?⁸Ndizvo mwechibara michero inoonisa kutenderuka, musatanga kukarakadza mukati mwenyu kuti, tina Abrahama baba edu, ngokuti ndinoti kwomuri, Mwari unesimba kumusira vana kunaAbrahama ngaaya mapuwe.⁹Sandho ratoiswa panzinde dzemiti; ndizvo muti weshe usikabari michero yakanaka unotemerwa pashi nokukandirwa mumwoto''.¹⁰Nembungano yakamubvunza yechiti, “Ndizvo tinozoitenyi? ¹¹Naye wakapingura, akati kwavari, “Uwo unemabhachi mairi, ngaakowane nousina; nouwo unezvokudya ngaaitewo kudaro”.¹²Nevabhadarisi vemuthero vakauyawo kuti vazobhabhatidzwa, vakati kwaari, “Mudzidzisi, isusu tinozoitenyi?” ¹³Wakati kwavari, “Musapamba zviro zvinopinda izvo zvakaemeserwa kwomuri”.¹⁴Masojdja nawo akamubvunzawo, akati, “Nesuwo tinozoitenyi?” Naye wakati kwavari, “Musazotorera munhu chiro ngesimba nokuti musazoitira munhu ndaa yokunyepa, asi mwechigutiswa ngekuhola kwenyu”.¹⁵Naapo vanhu vachakarira, navo veshe vaidzibvunza mumwoyo ngendaa yaJohani, kuti pamweni ndiye Kristu. ¹⁶Johani wakapingura echiti kwavari veshe, “Inini ndinomubhabhatidza ngemvura, asi unouya uwo unondipinda ngesimba, uwo wendisikasisiri nokusunhura rusinga rwemagwada ake. Unozomubhabhatidza ndiMweya Wakachena nemwoto.¹⁷Ena unefochoro munyara dzake, kuti anase kutsvaira mbuwa yake nokuunganidza koroni mudura rake; asi makoto unozoapisha ngomwoto usikadzimi.¹⁸Ndizvo wakachumaira mashoko akanaka nezviro zvimweni zvakawanda kuvanhu echivapanga. ¹⁹Asi Herodhi sadunhu, arambidzwa ndiye ngendaa yaHerodhiasi, mukadzi womunun'una wake, zve ngendaa yezveshe zvakashata zvaaiya akaita Herodhi, ²⁰wakatutsira ichi chiro padera pazvo zveshe, kuti wakakonyera Johani mutirongo.²¹Naapo vanhu veshe veibhabhatidzwa ndi johani, na Jesu wakabhabhatidzwawo, achakumbira, denga rakabeurwa, ²²noMweya Wakachena, wairingirika wakadai ngenjia, wakadzaka padera pake, neizwi rakauya rechibva mudenga rechiti, “Iwewe uri Mukororo wangu, unodikanwa, ndinonasa kudakara ndiwe''.²³Jesu wsakatanga kudzidzisa anemakore anoda kuita makumi matatu, ari mukororo waJosefa, mukuona kwevanhu, uwo waiya mukororo waHeri,, ²⁴mwana waMathati, mwana waRevhi, mwana waMereki, mwana waJanai, mwana waJosefa.²⁵mwana waMatatiasi, mwana waAmosi, mwana waNahumi, mwana waEsiri, mwana waNagai, ²⁶mwana waMaathi, mwana waMatathiasi, mwana waSemeini, mwana waJoseki, mwana waJodha.²⁷mwana waJohanani, mwana waResa, mwana waZerubhabheri, mwana weShearatieri, mwana waNeri, ²⁸mwana waMereki, mwana waAdhi, mwana waKhosami, mwana waEramadhamu, mwana waEri, ²⁹mwana waJoshua, mwana waErieza, mwana waJorimu, mwana waMathati, mwana waRevhi.³⁰mwana waSimeoni, mwana waJudha, mwana waJosefa, mwana waJonamu, mwana waEriakimu, ³¹mwana waMerea, mwana waMena, mwana waMatatha, mwana waNathani, mwana waDhavhidha, ³²mwana waJesi, mwana waObhedhi, mwana waBhoazi, mwana waSara, mwana waNashoni.³³mwana waAminadhabhi, mwana waAdhimini, mwana waArni, mwana waHezironi, mwana waPerezi, mwana waJudha, ³⁴mwana waJakobe, mwana waIsaka, mwanma waAbrahama, mwana waThera, mwana waNahori, ³⁵mwana waSerugi, mwana waReu, mwana waPheregi, mwana waEbha, mwana waShera,³⁶muwana waKhenani, mwana waArifakisadhi, mwana waShemu, mwana waNoa, mwana waRameki, ³⁷mwana waMethusera, mwana waEnokhi, mwana waJaredhi, mwana waMaharareri, mwana waKhenani, ³⁸mwana waEnosi, mwana waSethi, mwana waAdhamu, mwana waMwari.

¹NaJesu, azadzwa ndiMweya Wakachena, wakahwirira kubva Jorodhani, wakasundwa ndiMweya kuenda kushango. ²Wakapedza mazuva makumi marongomuna mushango echiedzwa ndiDhiabhorosi. Naye aazi kudya chiro ngaawo mazuva; naapo apera, wakafukama.³Dhiabhorosi wakati kwaari, “Kudai uri Mukororo waMwari, panga buwe iri kuti riite chingwa”. ⁴Jesu wakamupingura akati, “Kwakanyorwa kuti, ‘Munhu aazoponi ngechingwa chega''.⁵Dhiabhorosi wakamukwidza pamutunhu, akamupangidzira umambo hweshe ngekamukuwo kadoko, ⁶naye wakati kwaari, “Ndinozopa kwouri iri simba reshe nouthende hwazvo, ngokuti rakapuwa kwendiri, kunyazwi ngouri wendinoda ndinozomupa. ⁷Ndizvo kudai iwewe wechizondidira zveshe zvinozoita zvako”.⁸NaJesu wakamupingura akati kwaari, “Kwakanyorwa kuti, ‘Unozodira Mambo Mwari wako, umushandire iye ega''.⁹Diabhurosi wakatora Jesu kuenda Jerusarema, akamuisa padera pechachungu cheTemperi, akati kwaari, “Kudai uri Mwana waMwari, dzikandire pashi kubva panapa, ¹⁰ngokuti kwakanyorwa kuti, ‘Iye unozopanga ngirosi dzake ngepamusoro pako, kuti dzikungwarire. ¹¹Nomunyara dzadzo dzinozokubata, kuti kunyazwi ngouri mukuwo usapumhunwa tsoka yako pabuwe''.¹²NaJesu wakapingura akati kwaari, “Kwakanyorwa kuti, ‘Usazoedza Mambo Mwari, Mwari wako”. ¹³Naapo Dhiabhorosi aiya apedza zviedzo zveshe, wakabva kwaari kwekamukuwo.,¹⁴Jesu wakahwirira Garire ari musimba roMweya, nembiri yakateketeswa ngendaa yake munyika dzeshe dzinotendenedza. ¹⁵Naye wakadzidzisa mumhatso dzavo dzokudira, echikudzwa ngevanhu veshe.¹⁶Naye wakauya Nazaretha, padhoroba raakakurira; ena wakangena mumhatso. ngezuwa reSabhatha, apapo wakamuruka kuti aerenge zvinyorwa. ¹⁷Kwakapuwa kwaari bhuku romuprofeti Isaya. Naye wakabeura bhuku, akaona apo pakanyorwa kuti,¹⁸“Mweya waMambo Mwari uri padera pangu, ngokuti iye wakandidzodza kuchumaira vhangeri kuvarombo. Wakandituma kuteketesa kusunhurwa kumabhanditi nokusvinurwa madziso emapofu, kusunhura avo vakatsikirirwa, ¹⁹kuteketesa gore rinoashirika raMambo Mwari”.²⁰Naye wakakonya bhuku, akarihwirinza kunemuranda, akagara pashi. Nemadziso eavo veshe vaiya mumhatso akamuringira. ²¹Naye wakatanga kuereketa kwavari kuti, “Nyamashi ichi chinyorwa chazadzisika munzee dzenyu” ²²Veshe vakamupupurira zvakanaka, vakashamiswa ngemazwi enyasha akabva kumuromo wake; navo vakati, “Uyu andiyepi ere mwana waJosefa?”.²³Naye wakati kwavari, “Ngegwinyiso munozoti kwendiri ngeichi chisana kuti ‘N'anga dziponese iwewe. Izvo zvetakazwa kuti wakazviita muKhapernaume, chizviitazve panapa munyika yekwako ”. ²⁴Wakati, “Ngegwinyiso ndinoti kwomuri, akuna muprofeti unoashirika munyika yake.²⁵Asi ngegwinyiso ndinoti kwomuri, vaiya vazhinji vaiya shirikadzi muIsuraeri ngemazuva aErija, apo denga rakakonywa makore matatu nemwedzi mitanhatu, kwakaita nzara huru padera penyika yeshe. ²⁶Asi Erija aazi kutumwa kunoumwe wavo, asi kwega kuZarefathi, munyika yeSidhoni, kunedzimai raiya shirikadzi. ²⁷Panguwa yamuprofita Erisha, Vaiyapo vazhinji vaiya namapere muIsuraeri, asi umwe ndiye akarapwa, Naamani ega muSiria”.²⁸Navo vakazara veshe ngoushungu vaiya mumhatso yokudira, apo vazwa izvi zviro. ²⁹Navo vakamuruka, vakamubudisa kubanze kwedhorobha, vakamukweyera kuruwere rwomutunhu apo paiya pakaakiwa dhorobha ravo, kuti vamukandire pashi. ³⁰Asi iye wakahamba ngepakati pavo akaenda.³¹Naye wakadzaka Khapernaume, dhorobha reGarire. Waivadzidzisa ngezuva reSabatha., ³²Navo vakashamiswa ngokudzidzisa kwake, ngokuti mazwi ake aiya nesimba.,³³Mumhatso kwaiyapo munhu unemweya wedhimoni unetsvina. Naye waka daidza ngeizwiguru, ³⁴Tinenyi isusu newe, iwewe Jesu weNazaretha? Wauya here kutiuraya? Ndinokuzia kuti urianani, ndiwe Wakachena waMwari”.³⁶³⁵Asi Jesu wakadaira dhimoni akati, “Nyarara, buda kubva kwaari!” Naapo dhimoni rakamukandira pashi pakati pavo, rakabuda kwaari, risikazi kumuremadza.v 36 Vakashamiswa veshe navo vakaereketa umwe noumweni vechiti, “Izwi iri rinoronzenyi? Ngokuti unopanga mweya ine tsvina ngesimba, nayo inobuda”. ³⁷Mbiri yake yakateketeswa munyika dzeshe dzakatendenedza.³⁸Naye wakamuruka kubuda mumhatso, akapotera mumhatso yaSimoni. Ambuya vaSimoni vaiya nokudziyamuiri kukuru, navo vakamupota ngepamusoro pavo. ³⁹Jesu wakakotama ngedera kwakewakanyaradza kudziya muiri, kungadarika. Paripo wakamuruka, akavashandira.⁴⁰Naapo zuva roopota, avo veshe vaiya nevanorwara ngenhenda dzakaparadzana, vakavaunza kwaari; naye wakaisa nyara dzake padera poumwe ngaumwe wavo, akavaponesa. ⁴¹Nemadhimoni akabudawo kubva kuvazhinji, echizhambarara echiti, “Iwewe uri Mukororo waMwari!” Asi wakaakaraidza, aazi kuatendera kuti aerekete, ngokuti aimuzia kuti ndiKristu.⁴²Naapo kwaedza iye wakabuda, akaenda murubaya musina vanhu. Vanhu vakamutsvaka, vakauya kwaari vechida kumubatiridza kuti asabva kwavari. ⁴³asi wakati kwavari, “Kunosisira kuti ndichumaire vhangeri roumambo hwaMwari mumadhorobha amweniwo, ngokuti icho ndicho chendakatumirwa”. ⁴⁴Naye waichumaira mumhatso dzokudira dzeJudhia.

¹Naapo mbungano yakamanikana kuti izwe izwi raMwari, iye wakaema pagandwa reGenesareta. ²Naye wakaona ngarava mbiri dzakaema pagandwa, asi vabati vehove vaiya vabuda mungarava vechisuka nhaa dzavo. ³Naye wakakwira kuneimweni yengarava, yaiya yaSimoni, wakamukumbira kuti aisundire mugandwa kadodoko kubva pahumbikumbi. Naye wakagara pashi, akadzidzisa mbungano ari mungarava.⁴Naapo apedza kudzidzisa, wakati kunaSimoni, “Sundira kwakadzama mwechidzasa nhaa dzenyu koobata hove”. ⁵Simoni wakapingura akati, “Mambo, tashanda usiku hweshe, atizi kubata chiro! Asi ngeizwi rako ndinozodzasa nhaa”. ⁶Naapo vaita kudaro, vakatendenedza hove zhinji, nenhaa dzavo dzaibauka. ⁷Vakakopera vamweni vavo vaiya mungarava imweni kuti vauye vavadetsere. Navo vakauya, vakazadza ngarava dzeshe mbiri, nadzo dzakatanga kunyura.⁸Asi Simoni Petro aona wakadzirigira pashi pamabvi aJesu echiti, “Mambo, ibva kwendiri, ngokuti ndiri munhu wakashata”. ⁹Ngokuti iye wakashamiswa, naavo veshe vaiya naye ngokuwanda kwehove dzevaiya vabata. ¹⁰Ndizvo zvakaitikawo kunaJakobe naJohani, vakororo vaZebhedhi, avo vaiya shamwari dzaSimoni. NaJesu wakati kunaSimoni, “Usatya; kubvira zvinopano unozobata vanhu”. ¹¹Naapo vaunza ngarava dzavo kuhumbikumbi, vakasiya zveshe, vakamuteera.¹²Naapo ari munerimwe remadhorobha, penya, kwakauya munhu waiya nemapere muiri wake weshe; naapo aona Jesu, wakawa pashi ngehope yake, akamupota echiti, “Mambo, kudai wechida, ungandimhodyosa”. ¹³Jesu wakatambanudza nyara yake, akamubata, akati, “ichi ndicho chidochangu.” Paripo mapere akapera.¹⁴Naye wakamupanga kuti asazoronzera munhu naumwe; asi wakati, “Enda, udzipangidzire kumupristi, upe mubairo ngendaa yokumhodyoswa kwako, kudai ngezvaakapanga Mosi, kuita chapupu kwavari”.¹⁵Asi mbiri yake yakaangirira kuteketeswa. Nembungano huru yakaungana pamwepo kuzwa nokuponeswa nhenda dzayo. ¹⁶Asi iye wakadzipaura kuenda murubaya kookumbira.¹⁷Ngerimweni remazuva awo, Jesu echidzidzisa, vaiyapo vaFarisi nevadzidzisi veMipango vakagarapo, avo vaiya vakauya kubva kumaguta eshe eGarire, Judhia neJerusarema; nesimba raMambo Mwari rokuponesa raiya naye.¹⁸Apapo, vamweni varume vakaunza munhu wairwara ngokuoma muiri, ari pamusengere, navo vakatsvaka kuti vamungenese mukati nokumuradzika pamberi paJesu. ¹⁹Vasikaoni njira yokumungenesa ndiyo mukati ngendaa yembungano, vakakwira padera vakaita buri padenga remhatso, vakamudzasa pashi ari pamusengere pakati pevanhu pamberi paJesu.²⁰Iye echiona kugonda kwavo wakati, “Mwamuna, zvishaishi zvako zvarekererwa kwouri”. ²¹Vanyori nevaFarisi vakatanga kubvunzana pachavo vechiti, “Ndiani uyu unoereketa zvituko? Ndiani ungakona kurekerera zvishaishi, kwega Mwari”.²²Asi Jesu echindozia kupinimidza kwavo, wakapingura akati kwavari, “Munobvunzana ngenyi mumwoyo yenyu;? ²³Chiinyi chinopinda kureruka, kuronza kuti, ‘Zvishaishi zvako zvarekererwa kwouri,’ nokuti kuronza kuti, ‘Miruka uhambe?’ ²⁴Asi kuti muzie kuti Mwana woMunhu unesimba munyika rokurekerera zvishaishi, Ndinoti kwouri, ;muruka utore musengere wako, uyende kumhatso kwako”.²⁵Paripo wakamuruka pamberi pavo, wakatora icho chaaiya akaata padera pacho, akaenda kumhatso yake echikudza Mwari. ²⁶Navo veshe vakabatwa ngokushamiswa, navo vakakudza Mwari, vakazara ngokutya vechiti, “Taona zvinoshamisa nyamashi”.²⁷Ngesure kweizvi Jesu wakabvapo, akaona mubharisi zina rake ndiRevhi, akagara pandau yokubhadarisa muthero, wakati kwaari, “Nditeere”. ²⁸Levi wakasiya zveshe, wakamuruka, akamuteera.²⁹NaRevhi wakaitira Jesu dhiri guru mumhatso yake; vaiyapo vazhinji vevabharisi nevamweni avo vaaigara navo pakudya. ³⁰VaFarisi nevanyori vavo vakavhuruvhutira vadzidzi vake vechiti, “Munodya nokumwa ngenyi nevabharisi nevashaishi?”. ³¹Jesu wakapingura, akati kwavari, “Avo vakapona avatami n'anga, asi avo vanorwara, ³²andizi kuuya kudaidza vakarurama akadi, asi vashaishi kuti vatenderuke”.³³Navo vakati kwaari, “Vadzidzi vaJohani vanogara nguwadzeshe variparutsanyo vechikumbira, ngokudarozve naavo vevaFarisi, asi vadzidzi vako vanorya nokumwa”. ³⁴Jesu wakati kwavari, “Mungakona here kuita kuti vemhatso yanyamuroorwa vaere kurya apo mukwambo achinavo? ³⁵Asi mazuva anozouya apo mukwambo unozoduswa kwavari, naapo vanozoera kudya ngaawo mazuva”.³⁶Jesu wakavaronzera muedzaniso echiti, “Akuna munhu unobaura chitembwe pajira idzva kuchitungira pajira ratsakara; echiita kudaro, unozoshaishira jira idzva nechitembwe chitsva achizotodzani nejira rakatsakara.³⁷Apana munhu unoisa vhini idzva mukati mwenyede dzatsakara; echiita kudaro, vhini idzva rinozoputisa nyede nevhini rinozorashika nenyede inozotsakatika. ³⁸Asi vhini idzva rinoiswa munyede itsva. ³⁹Zve apana munhu wakambomwa vhini rekare, paripo orooemura idzva; ngokuti unoti, ‘Rekare rakapinda kunaka''.

¹Ngezuva reSabatha, echihamba ngomukati mweminda yekoroni, vadzidzi vake vakavhuna mitsonzoti yekoroni, vakapukutira panyara dzavo vechidya. ²Asi vamweni vevaFarisi vakati, “Munoita ngenyi icho chisikatenderwi mumipango kuitwa ngezuva reSabatha?³Jesu wakapingura, akati kwavari, “Amusati mwatongodzidza here icho chakaitwa ndiDhavhidha apo aiya nenzara, iye naavo vaiya naye? ⁴kupotera kwaakaita mumhatso yaMwari, akatora, akadya zvingwa zvakapirwa kunaMwari, akapawo kuneavo vaiya naye, izvo zvisikatenderwi mumipango kuti zvidyiwe, asi kwega ngevapristi. ⁵Jesu akati kwavari, “Mukororo woMunhu ndiMambo weSabatha”.⁶Ngezuva rimwenizve reSabatha, apo Jesu paakangena mumhatso yokunamatira, akadzidzisa. Waiyapo munhu uwo waiya nenyara yokumudyo yakaoma. ⁷Vanyori nevaFarisi vakamurinda, kuti vaone kuti unozomuponesa here ngezuva reSabatha, vechitsvaka chokumuparisa ndaa ndicho. ⁸Asi Jesu waizia mikarakadzo yavo, akati kunemunhu uwo waiya nenyara yakaoma, “Uya ueme panapa.” Naye wakamiruka, akaemapo.⁹Asi Jesu wakati kwavari, “Ndinomubvunza kuti, kunotenderwa here ngezuva reSabatha kuita zvakanaka nokuti kuita zvakashata? Kuponesa ndaramo nokuti kuiuraya?” ¹⁰Naye wakavaringisisa veshe, akati kwaari, “Tambanudza nyara yako.” Naye wakaita kudaro, nenyara yake yakaponazve. ¹¹Asi vakazadzwa ngoushungu, vakapangana pakati pavo ngechevangaita kunaJesu.¹²Ngaawo mazuva Jesu wakakwira pamutunhu kookumbira; naye wakakumbira usiku hweshe kunaMwari. ¹³Naapo kwaedza, wakadaidza vadzidzi vake, naye wakatsanangura kubva pakati pavo gumi navairi, avo vaakadudzazve kuti vapostori:¹⁴Simoni, uwo waakadudza kuti Petro, naAndreu munun'una wake, Jakobe, Johani, Firipu, Bhathoromeu, ¹⁵Mateu, Thomasi, Jakobe mukororo waArifeusi, Simoni uwo waizwi muZeroti, ¹⁶Judhasi mukororo waJakobe, naJudhasi Isikarioti, uwo wakapira Mambo.¹⁷Naye Jesu wakadzaka navo, akaema pandau yakaterama, nembungano huru yevadzidzi vake nembungano huru yevanhu vakabva Judhia kweshe neJerusarema nenharaunda dzeshe dzokuruandhle dzeThire nedzeSidhoni, avo vakauya kumuzwa nokuponeswa nhenda dzavo. ¹⁸naavo vakatambudzwa ngomweya inetsvina vakaponeswa. ¹⁹Nembungano yeshe yakaedza kumubata, ngokuti simba raibva kwaari rechivaponesa veshe.²⁰Naye wakaringira vadzidzi vake, akati: “Munomuchena imwimwi muri varombo, ngokuti umambo hwaMwari ngohwenyu. ²¹Munomuchena imwimwi munofukama zvinopano, ngokuti munozogutiswa. Munomuchena imwimwi munochema zvinopano, ngokuti munozosheka.²²Munomuchena imwimwi apo vanhu vanozomunyenya nokuparadzana nemwi, nokumukaraidza nokurasha zina renyu kudai ngerakashata, ngendaa yoMwana woMunhu. ²³Dakarai ngeiro zuva mwechinyanduka ngokudakara, ngokuti ringirai, musharo wenyu mukuru mudenga; ngokuti madzibaba avo vakaita kudarowo kunevaprofeti.²⁴Asi hezvo kwomuri imwimwi vapfumi, ngokuti imwimwi mwatoashira musharo wenyu. ²⁵Hezvo kwomuri munogutiswa zvinopano, ngokuti munozofukama. Hezvo kwomuri imwimwi munosheka zvinopano, ngokuti munozotsumba nokuchema.²⁶Hezvo kwomuri apo vanhu veshe vooereketa zvakanaka ndimwi, ngokuti madzibaba avo vakaereketa kudaro kunevaprofeti vokunyepa.²⁷Asi inini ndinoti kwomuri imwimwi munondizwa, idai magaa enyu, muite zvakanaka kwavari avo vanomunyenya, ²⁸6:28fumisai avo vanomutuka, kumbirirai avo vanomutambudza.²⁹Nokwaari unokurova padama, mupindurire rimwenizve, nokwaari uwo unokutorera bhachi rako, mupe nehembe yakozve. ³⁰Wechipa kwavari veshe vanokumbira kwouri, nokwaari uwo unotora zviro zvako, usazviteerazve.³¹Kudai ngezvomunoda kuti vanhu vamuitire, itaiwo kwavari zvakadaro., ³²Kudai mwechivada avo vanomuda, munenyi chomungazobongwa ndicho? Ngokuti nevashaishi vanovada avo vanovadawo. ³³Nokudai mwechiitira zvakanaka kwavari avo vanomuitira zvakanaka, munenyi chomungazobongwa ndicho? Ngokuti nevashaishi vanondoitawo zvakadaro. ³⁴Nokudai mwechikweretwa ngaavo vomunogonda kuzoashirazve kwavari, munenyi chomungazobongwa ndicho? Ngokuti nevashaishi vanokweretwa ngevashaishi kuti vandozoashira zvakadaro kubva kwavari.³⁵Asi idai magaa enyu, muvaitire zvakanaka, mwechivakweretesa musikakariri kupetudzirwa, nomusharo wenyu unozoita mukuru, nemwi munozoita vana veUwo Uripadera pazveshe; ngokuti iye unenyasha kwavari vasikabongi nekwavari vakashata. ³⁶Itai vane nyasha, kudai ndiBaba enyu vane nyasha.³⁷Musatonga, nemwi amuzotongwi; musaparisa ndaa, nemwi amuzopariswi ndaa; rekererai, nemwi munozorekererwa.³⁸ipai, nakwo kunozopuwawo kwomuri. Chipimo chakanaka, chakarondwa, chakazunguzirwa nechinerushangu, vanozotindikira kwomuri. Ngokuti ngeicho chipimo chomunozopima ndicho, chinozopimirwawo kwomuri.³⁹Naye wakaronza muedzaniso kwavari echiti, “Bofu ringatungamirira bofu here? Avazowi veshe murindi here? ⁴⁰Mudzidzi aari padera pomudzidzisi wake akadi, asi mudzidzi weshe apedza kudzidza unozodai ngomudzidzisi wake.⁴¹Unopenyerenyi chitsepedzo chiri mudziso romukoma wako, asi usikaoni danda riri mudziso rako? ⁴²Nokuti ungazoita maronzerenyi kunemukoma wako kuti, ‘Mukoma, tenda kuti ndibvise chitsepedzo chiri mudziso rako,’ apo iwewe wemene usikaoni danda riri mudziso rako wemene? Iwewe mudziitisi, tanga kubvisa danda riri mudziso rako, naapo unozonasa kuona pamhene kubvisa chitsepedzo chiri mudziso romukoma wako.⁴³Ngokuti akuna muti wakanaka ungabereka michero yakashata, nokutizve muti wakashata aungabereki michero yakanaka. ⁴⁴Ngokuti muti weshe unoziikanwa ngemichero yawo. Ngokuti vanhu avakayi maonde kubva pamiti yeminzwa, nokuti parukato avakayi michero yemavhini.⁴⁵Munhu wakanaka kubva paupfumi hwokanaka hwemumwoyo mwake unobudisa icho chakanaka, nomunhu wakashata kubva paupfumi hwakashata hwemumwoyo wake unobudisa icho chakashata; ngokuti muromo unoereketa kubva kunezvakawanda zviri mumwoyo.⁴⁶Munondidaidza ngenyi kuti, ‘Mambo, Mambo,’ musikaiti izvo zvendinomuronzera? ⁴⁷Munhu weshe unouya kwendiri echizwa mazwi angu, echiaita ndinozomupangidzira uwo waanotodzana naye. ⁴⁸Unodai ngomunhu echiaka mhatso, uwo wakatsa akadzamisa, akaisa tsikiro paruware; naapo ndambi yakwira, yakarova iyo mhatso, yaiya isina simba rokuikutukusa, ngokuti yaiya yakanasa kuakwa.⁴⁹Asi iye unozwa asikaiti, wakadai ngomunhu wakaaka mhatso padera pevhu isina tsikiro; naapo ndambi yakarova iyo mhatso, paripo yakawa, nokuwa kweiyo mhatso kwaiya kwakakura.

¹Naapo Jesu apedza mazwi ake eshe mukuzwa kwevanhu, wakangena muKhapernaume.²Hloko yenduna yezana, yaidikanwa ndiye, yairwara, iri paduze pokufa. ³Naapo yazwa ndiJesu, yakatuma kwaari vakuru vevaJudha yechikumbira kuti auye aponese hloko yayo. ⁴Naapo vakaguma kunaJesu, vakamupota kakurutu vechiti, “Iyo inosisira kuti uyiitire ichi, ⁵ngokuti inoda dzinza redu, nayo yakatiakira mhatso yedu yokudira”.⁶NaJesu wakaenda navo. Naapo aapasinde pemhatso, nduna yezana yakatuma hama dzayo yechiti kwaari, “Mambo, usadzinesa, ngokuti andisisiri kuti iwewe upotere pashi pedenga rangu. ⁷ndizvo ndapinimidza kuti andisisiri kuuya kwouri ndemene. Asi ronzai izwi, nomuranda wangu unozopona., ⁸Ngokuti inini neniwo ndiri munhu wakaemeswa pashi pesimba, ndine masoja pashi pangu; neni ndinoti kuneiri, ‘Chienda,’ naro rinoenda, nokunerimweni, ‘Chiuya,’ naro rinouya, nokunemuranda wangu, ‘Chiita ichi,’ naye unochiita.⁹Naapo Jesu azwa ichi wakashamiswa ndiyo, naye wakakunukukira kune mbungano yaimuteera, akati kweiri, “Ndinoti kwomuri, andizi kutongomboona kutenda kukurutu kwakadaro, kunyazwi muIsuraeri”. ¹⁰Naavo vakatumwa vapetuka kumhatso, vakaona muranda apona.¹¹Paripo ngesure kweizvo, Jesu wakaenda kudhorobha rinozwi Naini, nevadzidzi vake vakaenda naye nembungano huru. ¹²Naapo echikwedzera pamusiwo wedhorobha, penya, munhu wakafa waitwarwa kubva mudhorobha, uwo waiya ari mukororo umwe ega wamai ake, vaiya shirikadzi; nevanhu vazhinji vedhorobha vaiya naye. ¹³Naapo Mambo amuona, wakamuzwira urombo, akati kwaari, “Usachema”. ¹⁴Naye wakakwedzera, akabata ruhlaka, nevatwari vakaema. Wakati, “Jaha, ndinoti kwouri, muka”. ¹⁵Nouwo waiya afa wakamuka akagara, akatanga kuereketa. Naye wakamupa kunamai ake.¹⁶Kutya kwakabata veshe; navo vakairikidza Mwari vechiti, “Muprofeti mukuru wakabuda pakati pedu!” “NaMwari wakahambira vanhu vake”. ¹⁷Nembiri iyi yakateketeswa ngendaa yake muJudhia mweshe nomunyika dzeshe dzaitendenedza.¹⁸NaJohani wakaziiswa izvi zviro zveshe ngevadzidzi vake. NaJohani, echidaidza kwaari vadzidzi vake vairi, ¹⁹wakavatuma kunaMambo echiti, “Ndiwe here uwo unouya, nokuti ticharindira umweni? ²⁰Naapo vanhu avo vaguma kwaari, vakati, “Johani Mubhabhatidzi wakatituma kwouri echiti, ‘Ndiwe here uwo unouya, nokuti ticharindira umweni?²¹Ngeiro awa wakaponesa vazhinji vairwara ngenhenda nomweya yakashata, nevazhinji vaiya vari mapofu wakavapembenudza. ²²Jesu wakapingura, akati kwavari, “Endai muronzere Johani zvemwaona nezvemwazwa: mapofu anosvinurwa, zvirema zvinohamba, vane mapere vanoshambidzwa, madziiranzee anozwa, vakafa vanomuswa nevarombo vane mashoko akanaka anochumairwa kwavari. ²³Naye unomuchena usikapumhunwi ndini”.²⁴Naapo nhumwa dzaJohani dzaiya dzaenda, Jesu wakatanga kuereketa kune mbungano ngendaa yaJohani echiti, “Mwakabuda kuenda mushango koopenyei? Rutsanga rwakazungunyiswa ngedutu here? ²⁵Asi mwakabuda kuenda koonenyi? Munhu wakapfekeswa ngemachira akapfaa here? Penyai avo vanopfeka machira akapfaa vanogara mungome. ²⁶Asi mwakabuda kuenda koonenyi? Muprofeti here? Eya, ndinoti kwomuri nouwo unonyanya kupinda muprofeti.²⁷Uyu ndiye wakanyorwa ndiye kwechizwi, ‘Penyai, ndinotuma nhumwa yangu pamberi pehope yako, uwo ndiye unozonasirira njira yako pamberi pako. ²⁸Ndinoti kwomuri, mukati mwaavo vakaberekwa ngevakadzi akuna mukuru kupinda Johani; asi uwo uri mudoko muumambo hwaMwari uri mukuru kupinda Johani”.²⁹Vanhu veshe apo vazwa izvi pamwepo nevabharisi, navo vakatenda kururama kwaMwari, ngokuti vakabhabhatidzwa ngorubhabhatidzo rwaJohani. ³⁰Asi vaFarisi nemagweta vakadzirambira zano raMwari, vakaramba kubhabhatidzwa ndiJohani.³¹''Ndizvo ndovaedzanisa nenyi vanhu vomubarirwana uyu, vanotodzaniswa nenyi? ³²Vanotodzaniswa nevana vanogara pandau yomusika, vechidaidzana vechiti, ‘Takaridza kwomuri, nemwi amuzi kuzvina; takabonda, nemwi amuzi kuchema’.³³Ngokuti Johani Mubhabhatidzi wakauya asikadyi chingwa nokuti kumwa vhini, mwakati, ‘Une dhimoni’. ³⁴Mwana woMunhu wakauya echidya nokumwa, nemwi mwakati, ‘Penyai, munhu unemakaro nomumwisi wevhini, shamwari yevabharisi neyevashaishi!’ ³⁵Nokungwara kunopembedzwa ngevana vakwo veshe”.³⁶Umwe wevaFarisi wakakumbira kuti adye naye, naye wakapotera mumhatso youwo muFarisi, akagara patafura. ³⁷Painga nemudzimai womudhorobha, waiya mushaishi, naapo azia kuti wakagara patafura panekudya mumhatso yomuFarisi, wakaunza nhera yemafuta anonuhwira, ³⁸naye echiema ngesure kwetsoka dzaJesu, echichema, wakatanga kunyakatisa tsoka dzaJesu ngemasodzi ake, akadzipukuta ngebvudzi resoro rake, akachingamidza tsoka dzake ngomuromo, akadzidzodza ngemafuta.³⁹Asi muFarisi uwo wakakoka Jesu echiona, wakati mukati mwake, “Uyu munhu dai aiya muprofeti, waidai azia kuti ndiani, nokuti mudzimai uyu wakadini unomubata, ngokuti mushaishi”. ⁴⁰NaJesu echipingura wakati kwaari, “Simoni, ndinacho chokuereketa newe.” Naye wakati, “Mudzidzisi, chierekete”.⁴¹Jesu wakati ''Kwaiyapo munhu wakakweretwa ngevanhu vairi. Umwe wavo wakamukwereta zvigurwa zvesirivha mazana mashanu, noumweni zvigurwa zvesirivha makumi mashanu. ⁴²Naapo vasina chokuripira ndicho, iye wakavarekerera veshe. Ndizvo ndiani kwavari unozopindisisa kumuda? ⁴³Simoni wakapingura akati, “Ungaita uwo wakarekererwa zvakapinda kuwanda.” Wakati kwaari, “Wanasa kutonga”.⁴⁴Jesu echikunukukira kunemudzimai wakati kunaSimoni, “Unomuona here uyu mudzimai? Inini ndapotera mumhatso yako, auzi kundipa mvura yokushamba tsoka dzangu, asi iye wanyakatisa tsoka dzangu ngemasodzi ake, akadzipukuta ngebvudzi rake. ⁴⁵Iwewe auzi kundipa kisi, asi iye kubvira mukuwo wendapotera ndiwo aazi kurekera kuchingamidza tsoka dzangu ngomuromo.⁴⁶Iwewe auzi kudzodza soro rangu ngemafuta, asi iye wadzodza tsoka dzangu ngemafuta. ⁴⁷Ndizvo ndinoti kwouri, zvishaishi zvake zvakawanda zvarekererwa kwaari, ngokuti iye wada kakurutu. Asi kwaari warekererwa zvishomani, iye unondodawo zvishomani”.⁴⁸Naye wakati kwaari, “Zvishaishi zvako zvarekererwa kwouri”. ⁴⁹Zvino navo vaigara naye patafura panekudya vakatanga kuereketa mukati mwavo vechiti, “Ndiani uyu unokona kurekerera zvishaishi? ⁵⁰Naye wakati kuno mudzimai, “Kugonda kwako kwakuponesa; enda ngokunyarara”.

¹Apapo ngesure kweizvo, Jesu wakahamba ngomukati mwemadhorobha nemaguta, echichumaira nokuunza mashoko akanaka oumambo hwaMwari. Nevarigumi navairi vaiya naye, ²nevakadzi avo vaiya vaponeswa mweya yakashata nenhenda: Maria Magadhareni, uwo wakabviswa madhimoni manomwe, ³naJoana mukadzi waChuza, muranda waHerodhi, Suzana nevazhinji vamweni, avo vaimushandira ngezviro zvavo.⁴Naapo mbungano yaungana pamwepo nevanhu vakauya kwaari kubva kumadhorobha eshe, Jesu wakavaronzera muedzaniso echiti. ⁵“Mukushi wakabuda kookusha mbeu dzake. Naapo achakusha mbeu, dzimweni dzakawira panjira; nadzo dzakatsikwatsikwa ngetsoka, neshiri dzomudenga dzakadzidya. ⁶Nedzimweni dzakawira paruware; paripo dzakamera dzikazeketera, ngokuti dzaiya dzisina mwando.⁷Dzimweni dzakawira mukati mweminzwa; neminzwa yakakura pamwepo nadzo, yakadzizingizira. ⁸Dzimweni dzakawira mumavhu akanaka, dzakakura, dzikabereka tsangu zana rakapetwa.” Jesu achaereketa izvi wakadaidzira echiti, “Uwo une nzee dzokuzwa, ngaazwe”.⁹Naapo vadzidzi vake vakamubvunza kuti muedzaniso uyu biningidzo rawo ngerenyi, ¹⁰Jesu wakati kwavari, “Kwakapuwa kwomuri kuzia zvakafishika zvoumambo hwaMwari; asi kunevamweni kuti vazwe ngemiedzaniso, kuti, ‘Vechinyaona avaonisisi, vechinyazwa avazwisisi.¹¹Zvinopano muedzaniso ndiwo uyu: Mbeu izwi raMwari. ¹²Neidzo dziri pamhiri penjira, ndivo avo vakazwa; naapo Dhiabhorosi unouya nokubvisa izwi kubva mumwoyo yavo, kuti vasazotenda nokuponeswa. ¹³Neidzo dziri paruware, ndivo avo vanozwa izwi, vanoriashira ngokudakara; navo avana nzinde, vanotenda mukuwo mudoko, ngenguva yokuedzwa vanopumhunwa.¹⁴Mbeu dzakawira mukati mweminzwa, ndivo vandhu vanozwa, vechienda mberi vanozingizirwa ngokudembatemba noupfumi, zvidakadziso zvendaramo ino nemichero yayo. ¹⁵Asi mbeu dzakawira mumavhu akanaka, ndivo avo vanozwa izwi ngomwoyo usina kuchengedza nowakanaka, vanobereka michero ngokusengerera.¹⁶Akuna munhu unoti abasa chibani, unozochidumaidza ngechidziyo nokuti kuchiisa pashi pomubhedhi, asi unochiisa padera pechigadzikiro chechibani, kuti avo vanopotera vaone kujeka. ¹⁷Ngokuti akuna chiro chakafishika chisikazooniswi, nechakadumaidzwa chisikazoziikanwi, chisikazobudi mukujeka., ¹⁸Ndizvo ngwarai ngenjira dzokuzwa kwomunoita; ngokuti kunyazwi ngouri unacho, kunozotutsirwa kwaari, asi iye usina, kunozotorwa kubva kwaari neicho chaanopinimidza kuti unacho”.¹⁹Naapo mai ake nevanun'una vake vakauya kwaari, asi ngendaa yembungano avazi kukona kuguma paari. ²⁰Wakaronzerwa kuti, “Mai ako nevanun'una vako vakaema kubanze, vanoda kukuona”. ²¹Asi Jesu wakapingura kwavari akati, “Mai angu nevanun'una vangu ndivo avo vanorizwa izwi raMwari nokuriita”.²²Zuva rimweni Jesu wakapotera mungarava nevadzidzi vake, naye wakati kwavari, “Ngatiambuke ruseri rwegandwa.” Ndizvo vakahluza. ²³Asi vachahluza Jesu wakabatwa ngehope. Kwakadzaka mubvumo wedutu padera pegandwa, ngarava yakatanga kuzara ngemvura, navo vaiya mungozi.²⁴Navo vakauya kwaari Jesu, vakamumusa vechiti, “Mambo, Mambo, tofa!” Naye wakamuka, akakaraidza dutu nemafungu emvura; nawo akaterama, kwakaapo kunyarara. ²⁵Naye wakati kwavari, “Kugonda kwenyu kuripari?” Navo vakatya nokushamiswa, vechiti umwe kunoumweni, “Uyu ungaita anani, unopanga dutu nemvura, nazvo zvechimupurutana?''²⁶Naapo vaguma kunyika yeGerasa, iyo yakaringirana neGarire. ²⁷Naapo Jesu paakabuda mungarava nokutsika panyika, wakashongana nomunhu waibva mudhorobha, waiya nemadhimoni; kwomukuwo wakareba aazi kusimira zvokufuka, naye waiya asikagari mumhatso, asi mumaiba.²⁸Naapo aona Jesu wakazhambarara, akawa pashi pamberi pake, akati ngeizwi guru, “Ndinenyi newe, Jesu, iwewe Mukororo waMwari Uripadera pazveshe? Ndinokupota, usandishononesa”. ²⁹Ngokuti Jesu waiya apanga dhimoni rine tsvina kuti ribude kubva mumunhu. (Ngokuti kazhinji raimubata; naye waingwarirwa ngevarindi, akasungwa ngemaketani nemanguri, asi waidambura zvisungo izvo, echisundwa kuenda mushango ngedhimoni.³⁰Jesu wakamubvunza, akati, “Zina rako ndiani?” Naye wakati, “Ndiri Hondo.” Ngokuti madhimoni akawanda aiya akapotera mukati mwake. ³¹Nawo akamupota kuti asazoapanga kuti aende murindi.³²Raiyapo danga renguruve dzakawanda dzaifura padera pomutunhu; nawo akamupota kuti aatendere kuti apotere mwedziri. Naye wakaatendera. ³³Nemadhimoni akabuda kubva kunemunhu, akapotera munguruve. Nedanga iro rakarumba kudzaka ngepamakaha kupotera mugandwa, nadzo dzakanzvaira dzikafa.³⁴Naapo vaushi vaona zvakaitika, vakatiza, vakateketesa zvakaitika mudhorobha nomunharaunda. ³⁵Navo vakabuda kuenda koona zvakaitika, vakauya kunaJesu, vakaona munhuwo wakabviswa madhimoni akagara patsoka dzaJesu, asimira aterama. Navo vakatya.³⁶Naavo vakazviona vakavaronzera ngenjira yaakaponeswa ndiyo uwo waiya nemadhimoni. ³⁷Naapo vanhu veshe venharaunda dzenyika yevaGeraseni vakakumbira kuti jesu abve kwavari; ngokuti veshe vakabatwa ngokutya kukurutu. Apapo Jesu wakapotera mungarava, akahwirira.³⁸Asi munhu uwo wakabviswa madhimoni wakamupota kuti agare naye; asi Jesu wakamuendesa echiti,, ³⁹“Hwirira kumhatso yako, uvaronzere ngokukura kweizvo zvaakakuitira Mwari.” Naye wakahamba echiteketesa mudhorobha reshe kukura kweizvo zvaakaita Jesu kwaari.,⁴⁰Naapo Jesu auyazve, mbungano yakamuashira ngokudakara, ngokuti veshe vaiya vakamugarira. ⁴¹Naapo kwakauya munhu zina rake raizwi ndiJairosi, naye waiya mukuru wemhatso yokudira; naye echiwira patsoka dzaJesu wakamupota kuti auye kumhatso yake, ⁴²ngokuti waiya nemwanasikana umwe ega, waiya anemakore anoda kuita gumi namairi, naye waiya oodakufa. Naapo echienda, mbungano yakamutsikirira.⁴³Nedzimai raibuda ngazi makore gumi namairi, iro raiya rapedza zveshe zveraipona ndizvo ngeman'anga pasina waikona kumurapa. ⁴⁴Iro rakauya ngesure kwaJesu, rakabata mupendero wechokufuka chake; paripo nhenda yaro yokubuda ngazi yakapora.⁴⁵NaJesu wakati, “Ndiani uwo wandibata?” Naapo veshe varamba, Petro naavo vaiya naye vakati, “Mambo, mbungano inokutsikirira nokukupfanyirira”. ⁴⁶Asi Jesu wakati, “Uripo wandibata; ngokuti ndinozwa kuti simba rabuda kwendiri”.⁴⁷Naapo dzimai raona kuti arizi kufishika, rakauya rechihuta, rakawa pashi pamberi paJesu, rikaronza zveshe pamberi pevanhu veshe kuti ramubata ngendaa yenyi, nokuti raponeswa chiriporipo., ⁴⁸Jesu wakati kweriri, “Mwanasikana, kugonda kwako kwakuponesa; enda ngokunyarara”.⁴⁹Achaereketa Jesu kwakauya umwe echibva kumhatso yomukuru wemhatso yokudira echiti, “Mwanasikana wako watofa; usachanesa Mudzidzisi”. ⁵⁰Asi Jesu echizwa, wakapingura kwaari echiti, “Usatya. Kwega tenda, naye unozoponeswa”.⁵¹Naapo Jesu aguma kumhatso, aazi kutendera kuti munhu apotere naye, kwega Petro, Johani, Jakobe, nababa omusikana namai ake., ⁵²Navo veshe vaimuchema vechimutsumba; asi wakati, “Musachema; ngokuti aazi kufa, asi wakaata”. ⁵³Navo vakamusheka, vechizia kuti watofa.⁵⁴Asi iye echimubata ngenyara wakadaidzira echiti, “Musikana, muka” ⁵⁵Mweya wake wakauyazve, naye wakamuka chiriporipo. Iye wakapanga kuti apuwe chokudya. ⁵⁶Vabereki vake vakashamiswa; asi wakavapanga kuti vasaronzera munhu ngeizvo zvaitwa.

¹Jesu wakadaidza pamwepo gumi navairi, akavapa simba rokukurira madhimoni eshe nokurapa nhenda, ²Naye wakavatuma kuenda koochumaira umambo hwaMwari nokurapa vanorwara.³Wakati kwavari, “Musatora chiro parwendo rwenyu, haiwa ndonga, nokuti nyede, nokuti chingwa, nokuti mare; zve, musatora mabhachi mairi. ⁴Kunyazwi ngeyani mhatso yomunozopotera, garaimwo metsa mubve muripo.⁵Naavo vasikazomuashiri, mwoobva mudhorobha iro, munozoguwa bukuta pashi petsoka dzenyu kuita chapupu chokuvaitira ndaa”. ⁶Navo vakaenda, vakahamba mumaguta eshe, vechichumaira vhangeri nokuponesa vanhu kundau dzeshe.⁷Zvinopano Herodhi sadunhu, azia zveshe zvaiya zvaitika, wakatambudzika, ngokuti vamweni vakaronza kuti Johani wamuswa kubva kwevakafa, ⁸vamweni vaiti Erija wakaoneka, nevamwenizve vaiti umwe wevaprofeti vekare wakamukazve. ⁹Herodhi wakati, “Ndakagura soro raJohani; asi uyu ndiani, uwo wendinozwa ndiye zviro zvakadai?” Naye wakaedza kuti amuone Jesu.¹⁰Vapetuka vapostori vakamushumira zveshe izvo zvevakaita. Naye wakavatora, Jesu akaenda navo vari vega kudhorobha raizwi Bhethisaidha. ¹¹Naapo mbungano yazvizia, yakamuteera. Naye wakavaashira ngokudakara, akaereketa kwavari ngoumambo hwaMwari, naye wakaponesa avo vaitama kuponeswa.¹²Naapo zuva ratanga kubira, vanegumi navairi vakauya, vakati kwaari, “Wechiendesa mbungano, vaende mumaguta nomunharaunda inotendenedza, vaatemwo nokuona zvokudya; ngokuti tiri murubaya rusina vanhu. ¹³Asi iye wakati kwavari, “Mwechivapa imwimwi zvokudya.” Vakati, “Atina zvimweni zvinopinda zvingwa zvishanu nehove mbiri, asi kuti tikaenda kootengera vanhu ava veshe kudya''. ¹⁴Ngokuti vaida kuguma makumi emazana mashanu evamuna. Naye wakati kuvadzidzi vake, “Mwechivagarisa pashi ngezvikwata, chimwe chinoda kuita makumi mashanu”.¹⁵Navo vakaita kudaro, vakavagarisa pashi veshe. ¹⁶Naye echitora zvingwa zvishanu nehove mbiri, wakaringira mudenga, akazvibonga, akazvigura, wakazvipa kuvadzidzi kuti vaise pamberi pembungano. ¹⁷Navo vakadya, vakaguta veshe. Navo vakaunganidza matsekeneswa, vakazadza zvitundu gumi nazviiri.¹⁸Zvinopano kwakaitika kuti Jesu echikumbira ari ega, vadzidzi vake vaiya naye; naye wakavabvunza echiti, “Mbungano inoti inini ndirianani?” ¹⁹Navo vechipingura vakati, “Johani Mubhabhatidzi; asi vamweni vanoti ndiErija; asi vamweni vanoti umwe wevaprofeti vekare wamukazve”.²⁰Naye wakati kwavari, “Imwimwi munoti inini ndirianani?” NaPetro echipingura wakati, “Iwewe ndiwe Kristu waMwari”. ²¹Asi wakavaronzera nokuvapanga kuti vasazoronzera munhu naumwe ichi, ²²echiti, “Kunosisira kuti Mukororo woMunhu atambudzike ngezvakawanda, arambwe ngevakuru nevapristi vakuru nevanyori, aurawe, ngezuva rechitatu amuswe”.²³Kudai aripo munhu unoda kuuya sure kwangu, ngaadzirambe, atore muchinjiko wake zuva ngezuva anditeere. ²⁴Ngokuti kunyazwi ndiani ungada kungwarira kurarama kwake, unozorashikirwa ndikwo; asi kunyazwi ndiani unozorasha kurarama kwake ngepamusoro pangu, ndiye unozokuponesa. ²⁵Ngokuti unodetserwa ngenyi munhu kudai echizouyirwa ngenyika yeshe, asi arashikirwe ngokupona kwake?²⁶Ngokuti iye unozoita nyowa ndini nemazwi angu, Mukororo woMunhu unozoitawo nyowa ndiye, apo ouya muuthende hwake nehwaBaba nehwengirosi dzakachena. ²⁷Asi ndinomuronzera ngegwinyiso, kuti varipo veavo vanoema panapa, avo vasikazorairi rufu metsa vaona umambo hwaMwari.²⁸Zvinopano kwaakuda kuita mazuva masere ngesure kweaya mazwi,Jesu wakatora naye Petro, Johani naJakobe, akakwira pamutunhu kookumbira. ²⁹Echikumbira, kuoneka kwehope yake kwakatsandudzwa, nezvokusimira zvake zvakachena zvechin'anikira.³⁰Vanhu vairi vaiereketa naye, Mosi naErija,, ³¹avo vakaoneka vari muuthende, vakaereketa ngendaa yokuenda kwake, ukwo kwaaizoita muJerusarema.³²Petro naavo vairi vaiya naye vakabatwa ngehope, asi pevakamuka, vakaona ukuru wa Jesu nevanhu vairi avo vainga naye., ³³Naapo vanhu avo vooparadzana na Jesu, Petro wakati kunaJesu, “Mambo, kwakanaka kwetiri kuti tigare panapa; ngatiake zvitumba zvitatu, chimwe chako nechimweni chaMosi nechimweni chaErija,” asikazii chaaiereketa.³⁴Naapo achaereketa izvi, gore rakauya, rikavatibikira; navo vakatya apo vambonywa ngegore. ³⁵Neizwi rakabuda rechibva mugore rechiti, “Uyu ndiye Mukororo wangu, uwo wakatsanangurwa; mwechimupurutana. ³⁶Naapo izwi rapinda, Jesu wakaoneka ari ega. Navo vakanyarara, avazi kuronzera munhu ngaawo mazuva ngechimwe cheizvo zvevakaona.³⁷Mangwani wachona, apo vadzaka kubva pamutunhu, mbungano huru yakashongana naye. ³⁸Penya, munhu waibva mukati mwembungano wakadaidzira echiti, “Mudzidzisi, ndinokupota kuti uringire mukororo wangu, ngokuti ndiye ega mwana wangu. ³⁹Penya, mweya unomubata, paripo ngokukasira unoboorera, nawo unomuhutisa kumuita kuti abudise mafuro, unoramba wechimukuadza kakurutu, aumurekeri. ⁴⁰Neni ndapota vadzidzi vako kuti vaudzinge, asi vaukorera.⁴¹Jesu wakapingura, akati, “A mubarirwana usikatendi nounopauka, ndinozogara nemwi mukuwo wakaitawani ndechitsengerera? Unza panapa mwana wako''. ⁴²Naapo achauya, dhimoni rakamupwamhwatisa pashi, rikamuhutisa kakurutu. Asi Jesu wakakaraidza mweya wakashata, akaponesa murumbwana, akamupazve kunababa ake.⁴³Navo veshe vakashamiswa ngoukuru hwaMwari. Naapo veshe vachashamiswa ngezviro zveshe zvaakaita ndiJesu, wakati kuvadzidzi vake, ⁴⁴“Mazwi aya ngaapinde munzee dzenyu; ngokuti Mwana woMunhu unozopirwa munyara dzevanhu”. ⁴⁵Asi avazi kuzwisisa izwi iri, rakafishika kwavari kuti vasazorizia; navo vakatya kumubvunza ngeiri izwi.⁴⁶Kwakamuka hasha pakati povadzidzi kuti ndiani wavo unozoita mukuru. ⁴⁷Asi apo Jesu aona kupinimidza kwomwoyo yavo, wakatora mwana mudoko, wakamugadzika parutii pake. ⁴⁸Wakati kwavari, “Uwo unoashira mwana uyu mudoko ngezina rangu unondiashira inini, nouwo unondiashira inini unoashirawo uwo wakandituma; ngokuti uwo uri mudoko mukati mwenyu mweshe, ndiye mukuru''.⁴⁹NaJohani wakapingura, akati, “Mambo, takaona munhu echirasha madhimoni ngezina rako, nesu takamurambidza, ngokuti aazi kukuteera nesu”. ⁵⁰Asi Jesu wakati kwaari, “Musazomurambidza; ngokuti usikaambani nemwi, unomurwira imwimwi''.⁵¹Naapo mazuva ookwedzera okuti aashirwe mudenga, wakaringira hope yake kuenda Jerusarema. ⁵²Naye wakatuma nhumwa pamberi pake, navo vakapotera muguta revaSamaria kuti vamunasirire. ⁵³Asi avazi kumuashira, ngokuti hope yake yairingira kuenda Jerusarema.⁵⁴Naapo vadzidzi vake Jakobe naJohani vaona ichi, vakati, “Mambo, unoda here kuti tironze kuti muriro udzake kubva mudenga, uvapedze?” ⁵⁵Asi Jesu wakakunukuka, akavadaira. ⁵⁶Navo vakaenda kuguta rimweni.⁵⁷Vachahamba munjira, munhu umweni wakati kwaari, “Ndinozokuteera kunyazwi ngepari pounoenda''. ⁵⁸NaJesu wakati kwaari, “Hava dzine mirindi neshiri dzomudenga dzine zvisaki, asi Mukororo woMunhu aana nopokutsamira soro rake''.⁵⁹Naye wakati kuneumweni, “Nditeere iwewe.” Asi iye wakati, “Mambo, tenda kuti ndiende kutanga ndimbotsira baba angu''. ⁶⁰Asi wakati kwaari, “Siya vakafa kutsira vakafa vavo; asi iwewe enda uteketese umambo hwaMwari''.⁶²Munhu umweni wakati, “Ndinozokuteera, Mambo; asi kutanga tenda kuti ndiende ndivhaise vemhatso yangu''. ⁶¹Asi Jesu wakati kwaari, “Akuna munhu wakamboisa nyara yake kubata badza ren'ombe echiringira sure ungasisira umambo hwaMwari.

¹Ngesure kweizvi Mambo wakaemesa vamweni makumi manomwe, naye wakavatuma vairi vairi pamberi pake kumadhorobha eshe nokundau dzeshe, apo paaida kuguma emene. ²Naye wakati kwavari, “Kukukura kwakakura, asi vashandi vashomani; ndizvo kumbirai kunaMambo wokukukura kuti atume vashandi mukukukura kwake.³Endai! Penya, ndinomutuma muri vakadai ngevana vemakwai mukati mwemathika. ⁴Musatora chikwama nokuti nyede nokuti magwada. Musachingamidza munhu munjira.⁵Kunyazwi ngeiri mhatso yomunozopotera, kutanga mwechiti, ‘Kunyarara ngakua kuneiyi mhatso!. ⁶Kuti aripo mukororo wokunyarara, kunyarara kwenyu kunozoa padera pake; asi kuti asipo, kunyarara kwenyu kunozohwirira kwomuri. ⁷Garai mumhatsomwo, mwechidya nokumwa izvo zvevanozomupa. Ngokuti mushandi unosisira muthuso wake. Musazohamba-hamba mwechibva pamhatso imwe mwechienda pane imweni.⁸Kunyazwi ngomuri mudhorobha mwomunozopotera, navo vechimuashira, mwechidya izvo zvinoiswa pamberi penyu. ⁹Mwechiponesa vanorwara varimwo, mwechironza kwavari kuti, ‘Umambo hwaMwari hwakwedzera kwomuri’.¹⁰Asi kunyazwi ngeriri dhorobha romunozopinda, navo vasikazomuashiri, budai muende mumapato aro mwechiti, ¹¹‘Eya, kunyazwi nebukuta redhorobha renyu, iro rinonamira kutsoka dzedu, tinorizuwira kwomuri; asi mwechizia ichi, kuti umambo hwaMwari hwakwedzera pasinde’. ¹²Ndinomuronzera, kunozopinda kurerukira Sodhoma ngeiro zuva kune iro dhorobha.¹³“Hezvo kwouri, Khorazini! Hezvo kwouri, Bhethisaidha! Ngokuti kudai mishando yesimba iyo yakaitwa kwomuri, yaiya yakaitwa muThire neSidhoni, vaizodai vakatenderuka karetu, vechigara mumarota vakasimira masaka. ¹⁴Asi kunozopinda kurerukira Thire neSidhoni ngezuva rokutongwa kuneimwimwi. ¹⁵Iwewe, Khapernaume, unozokuriswa mudenga here? Iwewe unozodzaswa pashi muHaidhesi.¹⁶Iye unomuzwa imwimwi unondizwa inini. Naye unomuramba imwimwi unondiramba inini. Nouwo unondiramba inini unoramba uwo wakandituma.¹⁷Makumi manomwe vakapetuka ngokudakara vechiti, “Mambo, nemadhimoni aitipfaira ngezina rako”. ¹⁸Wakati kwavari, “Ndakamuona Sathani echiwa kubva mudenga, akadai ngemheni. ¹⁹Penyai, ndakamupa simba rokutsika nyoka nezvinyaada, nepadera pesimba reshe regaa; akuna nechiro nachimwe chinozomuremadza. ²⁰Zvakanyadaro musadakara ngeichi, kuti mweya inomupfaira; asi dakarai ngokuti mazina enyu akanyorwa mudenga”.²¹Ngeawa iro iye wakadakara muMweya Wakachena, akati, “Ndinokubonga Baba, Mambo womudenga nenyika, kuti wakazvifisha izvi kunevakangwara nevanozia ukazvionisa kunevana vadoko; eya Baba, ngokuti mwakazviona izvi zvakanaka mukuona kwenyu.,²²Zveshe zvakapuwa kwendiri ndiBaba angu; akuna naumwe unozia Mukororo kuti ndiani, kwega Baba, nokuti Baba kuti ndiani, kwega Mukororo nouwozve waanoda Mukororo kuti amuonise kwaari Baba.”,²³Naye wakakunukukira kuvadzidzi vake, ngokufishika akati, “Anomuchena madziso awo anoona zvomunoona imwimwi. ²⁴Ngokuti ndinoti kwomuri vaprofeti vazhinji nemadzimambo vaiya nechidisiso chokuona zvomunoona, navo avazi kuzviona, zve, nokuzwa zvomunozwa, navo avazi kuzvizwa''.²⁵Penya, gweta rakamiruka rechimuedza, rikati, “Mudzidzisi, chiinyi chendinozoita kuti ndigare nhaka yokupona kusikaperi?”, ²⁶Iye wakati kwaari, “Chiinyi chakanyorwa muMipango? Unodzidzenyi?'' ²⁷Naro rechipingura rakati, “Unozomuda Mambo Mwari wako ngomwoyo wako weshe nomweya wako weshe nesimba rako reshe nokurangarira kwako kweshe; nomuakirwana wako kudai ngokudzida kwako''. ²⁸Naye wakati kwaari, “Wanasa kupingura; ita kudaro, newe unozorarama''.²⁹Asi iro rechida kudzipembedza rakati kunaJesu, “Ndiani muakirwana wangu?” ³⁰Jesu wakapingura, akati, “Munhu waidzaka echibva Jerusarema kuenda Jerikho, naye wakashongana namadzongoni awo akamukhumura zvokufuka zvake, akamurova, akaenda, echimusiya ooda kufa.³¹Zvinopano mupristi wakatikuti waidzaka ngeiyo njira; naapo echimuona wakapwashira ngokurutii rumweni. ³²Ngokudarozve muRevhi, naapo aguma echimuona, wakapwashira ngokurutii rumweni.³³Asi muSamaria, echihamba rwendo, wakagumapo paaiya; naapo amuona, wakamuzwira urombo, ³⁴wakauya kwaari, akapomba maronda ake, echidurura mafuta nevhini. Naye wakamugadzika pachifuyo chake, akamuunza kumhatso yevaeni, akamungwarira. ³⁵Nechimangwani wakabudisa zvigurwa zvesirivha zviiri, wakazvipa kunemuna wemhatso, akati, ‘Wechimungwarira; neicho chounozotutsira kubhadhara, inini apo ndouyazve ndinozokuripira.³⁶Ngouri kwavari vatatu, mukupinimidza kwako, wakaita muakirwana kwaari uwo wakawira pakati pemadzongoni? ³⁷Naro rakati, “Uwo wakamuitira nyasha.” NaJesu wakati kwaari, “Enda, uite kudaro newe''.³⁸Zvinopano vachahamba murwendo rwavo, vakaguma muguta, nomudzimai unozwi Maritha wakamuashira mumhatso mwake. ³⁹Naye waiya nemunun'una waizwi Maria, iye wakagara patsoka dzaMambo, echipurutana kudzidzisa kwake.⁴⁰Asi Maritha wakaneseka ngemishando yakawanda; naye wakauya kwaari, akati, “Mambo, amunawo ndaa ndizvo here kuti munun'una wangu wandisiya ndechishanda ndega? Ndizvo muronzerei kuti andidetsere''. ⁴¹Asi Mambo wakapingura, akati kwaari, “Maritha, Maritha, unodembatemba nokuneseka ngezviro zvakawanda, ⁴²asi chiro chimwe chinodikanwa. Maria watsanangura rupande rwakanaka, rusikazoduswi kubva kwaar''.

¹Jesu waikumbira pandau imweni, naapo apedza, umwe wevadzidzi vake wakati kwaari, “Mambo, tidzidzisei kukumbira, kudai ndiJohani wakadzidzisa vadzidzi vake''.²Jesu wakati kwavari, “Naapo mwookumbira, muti: Baba, ngariremeredzwe zina renyu. Umambo hwenyu ngahuuye.³Tipei zuva ngezuva kudya kwedu. ⁴Tirekererei zvishaishi zvedu, ngokuti isusuwo tinorekerera veshe avo vanendaa kwetiri. Musatipinza mukuedzwa''.⁵Jesu wakati kwavari, “Ndiani kwomuri uneshamwari, ungati aenda kweiri pakati pousiku echiti kwaari, ‘Shamwari, ndikweretisewo zvingwa zvitatu, ⁶ngokuti shamwari yangu yaguma kwendiri yechibva parwendo rwayo, neni andina chokuipa chokudya; ⁷Naye ungapingura arimukati echiti, ‘Usandinesa; musiwo wakonywa zvinopano, nevana vangu vaata neni mumubhedhi; andikoni kumuka kuti ndikupe''. ⁸Ndinoti kwomuri, kunyazwi asikazomuki amupe ngokuti ishamwari yake, asi ngendaa yokuangirira kwake unozomuka, amupe zveshe zvaanoda.⁹Neni ndinomuronzera kuti, kumbirai, kunozopuwa kwomuri; tsvakai, munozoona; dododzai, munozobeurirwa. ¹⁰Ngokuti munhu weshe unokumbira unozoashira, nouwo unotsvaka unozoona, nouwo unodododza unozobeurirwa.¹¹Ndiani baba pakati penyu, apo mukororo wake echikumbira hove, unozomupa nyoka here? ¹²Nokuti kudai echikumbira zanda, unozomupa chinyaada here? ¹³Ndizvo kudai imwimwi mutori vakashata mwechizia kupa vana venyu zvipo zvakanaka, Baba enyu ari mudenga vanozopinda kwakaitawani kupa Mweya Wakachena kunevanokumbira kwaari?¹⁴Zvinopano Jesu waibudisa dhimoni raiya chimumu; naapo dhimoni rabuda, chimbungumbungu chakaereketa, nevanhu vazhinji vakashamiswa. ¹⁵Asi vamweni vavo vakati, “Iye unobudisa madhimoni ndiBheerizebhuri, muzvare wemadhimoni''.¹⁶Naapo vamweni vechimuedza vakatsvaka kwaari chioniso chinobva mudenga. ¹⁷Asi Jesu echizia mikarakadzo yavo, wakati kwavari, “Umambo hweshe hunodzipaura mukati mwahwo, hunoparara, nemhatso inodzipaura inowa pashi.¹⁸Nokudai Sathani echidzimukira ngokwake, umambo hwake hungaita maemerenyi? Ngokuti munoti inini ndinobudisa madhimoni ndiBheerizebhuri. ¹⁹Kuti inini ndechibudisa madhimoni ndiBheerizebhuri, vakororo venyu vanoabudisa ndiani? Ndizvo ivo vanozoita vatongi venyu. ²⁰Asi kuti inini ndechiabudisa madhimoni ngechinwe chaMwari, ngokudaro umambo hwaMwari hwauya kwomuri.²¹Naapo uwo unesimba, anezvokurwa ndizvo, unongwarira mhatso yake, nenhumbi dzake dzinozongwaririka, ²²Asi kuti umweni unomupinda ngesimba akauya padera pake, amunyise, unozobvuka kubva kwaari zvokurwa ndizvo zvake, izvo zvaaigonda ndizvo, unokoanisira zvakachakatwa zvake. ²³Iye usipo neni unorwa neni, nouwo usikaunganidzi neni unotatanisa.²⁴Naapo mweya unetsvina wabuda kumunhu, unohamba ndau dzisina mvura wechitsvaka kuzorora; usikakuoni unoti, ‘Ndohwirira kumhatso yangu apo pendakabva. ²⁵Naapo wauyazve, unoiona yakatsvairwa nokurongedzwa. ²⁶Naapo unoenda worowotorazve mweya imweni minomwe iyo inopinda kushata kuneuwo wokutanga, nayo inopoteremwo nokugara umwo; nokupedzisira kwechiemo chake munhuwo chinozoshata kupinda chiemo chokutanga''.²⁷Naapo achaereketa izvi, dzimai raiya pakati pembungano rakadaidzira, rikati kwaari, “Inomuchena iyo ndani yakakubereka nemazamo awo ewakaamwa!'' ²⁸Asi iye wakati, “Eya, kakurutu vanomuchena avo vanorizwa izwi raMwari vechiringwarira''.²⁹Naapo mbungano yechiangira kuungana pamwepo, wakatanga kuti, “Uyu mubarirwana, mubarirwana wakashata; unotsvaka chioniso, asi akuna chioniso chinozopuwa kwouri, asi chioniso chaJona. ³⁰Ngokuti kudai ndiJona wakaita chioniso kuvanhu veNinevhe, ngokudarozve Mukororo woMunhu unozoita chioniso kuneuyu mubarirwana.³¹Mambo womukadzi wenyika yokubani unozomiruka pamwepo nevanhu vomubarirwana uyu ngezuva rokutongwa, naye unozovaparisa ndaa; ngokuti iye wakabva kumagumo enyika, kuenda koozwa kungwara kwaSoromoni. Penyai, mukuru kunaSoromoni uri panapa.³²Vanhu veNinevhe vanozoema ngezuva rokutongwa pamwepo nouyu mubarirwana, navo vanozouparisa ndaa; ngokuti ivo vakatenderuka ngokuchumaira kwaJona. Penyai, mukuru kunaJona uri panapa.³³“Akuna munhu unobasira chibani echichiisa pandau yakafishika nokuti pashi pechitundu, asi pachigadzikiro pacho, kuti avo vanopotera vaone kujeka. ³⁴Chibani chomuiri idziso rako. Apo dziso rako rakanaka, muiri wako weshe unozara ngokujeka; asi kuti rakashata, muiri wako uri muchidima. ³⁵Ndizvo ngwara kuti kujeka ukwo kuri mukati mwako kusaita chidima. ³⁶Ndizvo kudai muiri wako weshe wakazara ngokujeka, pasina rupande runechidima, muiri weshe unozozara yaamho ngokujeka, kudai ngechibani chechinasa kujeka, chinozokujekisa yaamho.³⁷Naapo achaereketa, muFarisi wakamukoka kuti arye naye; naye wakapotera, Jesu akagara patafura. ³⁸MuFarisi aona wakashamiswa kuti iye aazi kushamba asati adya.³⁹NaMambo wakati kwaari, “Zvinopano imwimwi vaFarisi munosuka kubanze kwetsani nokwendiro, asi mukati mwenyu mwakazara ngokukara nokushata. ⁴⁰Imwimwi mapenzi! Iye wakaita zvokubanze, aazi kuitazve zvomukati here? ⁴¹Asi ipai zviri mukati kuita zvipo kuvarombo; penyai, zveshe zvinochena kwomuri.⁴²Asi hezvo kwomuri imwimwi vaFarisi! Ngokuti munopa chegumi chemindi nerue nemiriwo yeshe, asi munorekeredza kutonga kwakwo norudo rwaMwari; asi kwaisisira kuti muite izvi, musikarekeri zvimweni.⁴³Hezvo kwomuri imwimwi vaFarisi! Ngokuti munoda zvigaro zvepamberi mumhatso dzokudira nokuchingamidzwa pandau dzemisika. ⁴⁴Hezvo kwomuri! Ngokuti mwakadai ngemaiba asikaoneki, nevanhu vanohamba padera pawo vasikazii.⁴⁵Umwe wemagweta wakapingura echiti kwaari, “Mudzidzisi, mwechiereketa kudai, munotitukawo nesu''. ⁴⁶Jesu wakati, “Hezvo kwomuri nemwi magweta! Ngokuti munotwikisa vanhu mitwaro inodzimbira kuitwara, nemwi mwemene musikaigwami ngechimwe chezvinwe zvenyu.⁴⁷Hezvo kwomuri! Ngokuti munoaka maiba evaprofeti, avo vakaurawa ngemadzibaba enyu. ⁴⁸Ndizvo muri zvapupu nevanotenderana nemishando yemadzibaba enyu; ngokuti ivo vakavauraya, nemwi munoaka maiba avo.⁴⁹Ndizvozve ungwaru hwaMwari hwakati, ‘Ndinozotuma kwavari vaprofeti nevapostori, nevamweni vavo vanozovauraya nevamweni vavo vanozovatambudza''. ⁵⁰kuti ngazi yevaprofeti veshe yakaparadzwa kubvira pakusikwa kwenyika ibvunzisiswe kuneuyu mubarirwana, ⁵¹kubvira kungazi yaAbhera metsa kuguma kungazi yaZekharia, uwo wakafa pakati pearita neTemperi. Eya ndinoti kwomuri, inozobvunzisiswa kuneuyu mubarirwana.⁵²Hezvo kwomuri magweta! Ngokuti imwimwi mwakadusa kii rokuzia; amuzi kupotera imwimwi mwemene, naavo vaipotera mwakavarambidza''.⁵³Naapo echibva apo, vanyori nevaFarisi vakatanga kumuangiridza kakurutu nokumunyangadza kuti aerekete zviro zvakawanda, ⁵⁴vechimuteya kuti vamubate ngechiro chinobva pamuromo wake.

¹Ngouwo mukuwo, naapo vanhu vasikaerengeki vaungana pamwepo vaitsikirirana, wakatanga kuereketa kunevadzidzi vake kuti, “Ngwarai mumera wevaFarisi, uwo uri kudziitisa.²Ngokuti akuna chiro chakadumaidzwa chisikazoonekwi, nokuti chakafishika chisikazoziikanwi. ³Ndizvo icho chemwakaereketa muchidima chinozozwika mukujeka, neicho chemwakapangirana munzee mukati mwemakamera akafishika, chinozoteketeswa padera pechachungu chemhatso.⁴Ndinomuronzera, shamwari dzangu, musatya avo vanouraya muiri, ngesure kweizvo vasina chevangaita. ⁵Asi ndinomunyowedza ngouwo womunosisira kutya; mwechimutya uwo ngesure kwokuuraya, unesimba rokurasha mugehena, eya, ndinomuronzera mutyenyi uwo.⁶Zviwanzaburi zvishanu azvitengeswi ngemasendi mairi here? Nechimwe chazvo achizoriyarikanwi pamberi paMwari. ⁷Asi nebvudzi resoro renyu rakaerengwa reshe. Musatya; imwimwi munopinda kudikanwa kunezviwanzaburi zvizhinji.⁸Neni ndinomuronzera, kunyazwi ndiani unonditenda pamberi pevanhu, Mswana woMunhu unozomutendawo pamberi pengirosi dzaMwari; ⁹asi iye unondiramba pamberi pevanhu, ndinozomurambawo pamberi pengirosi dzaMwari. ¹⁰Nomunhu weshe unoereketa izwi rakashata ngeMwana woMunhu, kunozorekererwa kwaari; asi uwo unotuka Mweya Wakachena akuzorekererwi kwaari.¹¹Naapo voomuunza mumhatso dzokudira nepamberi pevatongi nepamberi pevanesimba, musazodembatemba ngenjira yomunozopingura ndiyo nokuti munozopingura ngemazwi akadini nokuti munozoereketenyi, ¹²ngokuti Mweya Wakachena unozomudzidzisa ngeiro awa icho chinosisira kuti muerekete.¹³Umwe wembungano wakati kwaari, “Mudzidzisi, wechironzera mukoma wangu kuti tikoane nhaka.'' ¹⁴Jesu wakati kwaari, “Munhuwe, ndiani wandiemesa kuti ndiite mutongi nokuti mukoanisiri padera penyu?'' ¹⁵Naye wakati kwavari, “Ngwarai, mwechidzitarausa kubva mukuemura kweshe; ngokuti kurarama kwomunhu akubvi mukuwanda kwoupfumi hwaanahwo.''¹⁶Jesu wakavaronzera muedzaniso akati, “Munda wegurudza wakabereka zvakawanda ¹⁷naro rakakarakadza mukati mwaro rechiti, ‘Ndinozoitenyi, ngokuti andina ndau yokuisa zviyo zvangu?’. ¹⁸Naro rakati, ‘Ndinozodai; ndoputsira pashi matura angu, ndiake anopinda kukura, naapo ndinozoisa zviyo zvangu zveshe nezviro zvangu. ¹⁹Neni ndinozoti kumweya wangu, ‘Une zviro zvakawanda zvakaunganidzirwa kukwanisa makore mazhinji, chigarisika, wechidya, wechimwa, wechidakara.²⁰Asi Mwari wakati kwaari, ‘Iwewe benzi! Ngouyu usiku mweya wako unozodaidzwa kubva kwouri. Neizvo zvewakadzingwaririra zvinozoita zvaani?’. ²¹“Ndizvo zvakaita uwo unodziunganidzira upfumi, asi asiri mupfumi pamberi paMwari''.²²Jesu Wakati kunevadzidzi vake, “Ngeiyi ndaa ndinoti kwomuri, musadembatemba ngendaa yokurarama kwenyu, kuti munozodyenyi, nokuti ngendaa yomuiri wenyu, kuti munozofukenyi. ²³Ngokuti kupona kunopinda kudya, nomuiri unopinda zvokufuka.²⁴Mwechipinimidza ngemakungu, kuti aakushi nokuti kuunganidza, aana tsapi nokuti matura, asi Mwari unoaburira. Imwimwi munopinda kwakaitawani kudikanwa kuneshiri!, ²⁵Ndiani kwomuri ngokudembatemba ungatutsira zuva rimwe rokupona kwake? ²⁶Ndizvo kudai imwimwi musina simba rokuita icho chidodoko, munodembatemba ngenyi ngezvimweni?²⁷Pinimidzai ngemaruva, kukura kwaanoita; aashandi, zve, aaruki; asi inini ndinoti kwomuri, naSoromoni muuthende hwake hweshe aazi kumbopfekeswa kudai ngerimwe rawo. ²⁸Asi kudai Mwari echipfekesa kudaro mwenje worubaya, uwo uripo nyamashi namangwani unokandirwa muchoto, iye unozopinda kwakaitawani kumupfekesa, imwimwi munokutenda kudoodoko!²⁹Musatsvaka zvokudya nezvokumwa nokuti musanyunyuta., ³⁰Ngokuti madzinza eshe enyika anozvitsvaka izvi zveshe, asi Baba enyu vanozia kuti munozvitama izvi zviro.³¹Asi tsvakai umambo hwake, neizvi zvinozotutsirwa kwomuri. ³²“Musatya, imwimwi chikwata chidoko, ngokuti chiri chidisiso chaBaba enyu kuti vamupe umambo.³³Tengesai zvomunazvo, mukovere varombo; mudziitire zvikwama zvisikatsakari, noupfumi mudenga husikaperi, apo mbavha peisikakwedzeri nokuti unundu pousikaparadzi. ³⁴Ngokuti apo pouri upfumi hwenyu, apo ndipo panemwoyo wenyu.³⁵Zviunu zvenyu ngazvisungiswe nezvibani zvenyu ngazvijeke; ³⁶nemwi muite kudai ngevanhu vanorindira mambo wavo apo oobva kudhiri romuchadho, kuti apo oouya nokudododza, vamubeurire paripo.³⁷Vanomuchena avo varanda apo mambo oouya unozovaona vechirinda; ngegwinyiso ndinoti kwomuri, unozodzisimidza nokuita kuti vagare pashi panekudya, naye unozouya nokuvashandira. ³⁸Kudai baba echizouya ngomurindo wechipiri nokuti wechitatu, andovaona vakadaro, vanomuchena avo varanda.³⁹Asi mwechizia ichi, kuti kudai munewemhatso aiya azia awa iro raiuya ndiro mbavha, waizorinda asikatendi kuti mhatso yake ipwanyiwe. ⁴⁰Ndizvo imwimwi itai vakanasirirwa, ngokuti Mwana woMunhu unouya ngeawa romusikapinimidzi''.⁴¹Petro wakati, “Mambo, unoereketa muedzaniso uyu kwetiri here nokuti kwavari veshe?” ⁴²Mambo wakati, “Ndiani muranda unogondeka newakangwara, uwo mambo wake unozomuemesa padera pemhatso yake, kuti avape kudya kwavo ngomukuwo wakwo? ⁴³Unomuchena uwo muranda apo mambo wake oouya unozomuona echiita kudaro. ⁴⁴Ngegwinyiso ndinoti kwomuri, unozomuemesa padera pezviro zveshe zvaanazvo.⁴⁵Asi kudai uwo muranda echizoti mumwoyo mwake, ‘Mambo wangu unononoka kuuya,’ orootanga kurova varanda vevamuna nevarandakadzi, adye nokumwa nokuradza, ⁴⁶mambo womuranda uwo unozouya ngezuva raasikamukariri neawa raasikazii, naye unozomugura kuita zvigurwa zviiri, amuemesere chikoaniswa chake pamwepo nevasikatendi.⁴⁷Nouwo muranda waizia chiri kuda kwamambo wake, asi aazi kunasirira nokuti kuita kudai ngokuda kwake, unozoshwapurwa ngemishwapu mizhinji. ⁴⁸Asi uwo usikazi kuzia, akaita izvo zvinosisira kuti ashwapurwe, unozoshwapurwa ngemishwapu mishomani. Nokwaari uwo wakapuwa zvakawanda, kunozobvunzwa zvakawanda. Nokwaari uwo wevakapa zvakawanda, vanhu vanozobvunza zvakapinda kuwanda.⁴⁹“Ndakauya kukandira mwoto padera penyika; neni ndinozodenyi kuti mwoto watobaka nazvinopano. ⁵⁰Asi ndinorubhabhatidzo rwokubhabhatidzwa ndirwo; ndinokumanikidzwa metsa rwaitika.⁵¹Munopinimidza here kuti ndakauya kupa kunyarara munyika? Ndinomuronzera kuti haiwa, asi kuparadzana! ⁵²Ngokuti kubvira zvinopano vanozoapo vashanu mumhatso imweyo vakaparadzana, vatatu vakapesana nevairi, nevairi vakapesana nevatatu; ⁵³“Baba vanozopesana nomukororo, nomukororo unozopesana nababa, namai vanozopesana nemwanasikana, nemwanasikana unozopesana namai, namazvarira vanozopesana nomuzakazi wake, nemuzakazi unozopesana namazvarira ake''.⁵⁴Jesu wakatizve kumbungano, “Apo mwoona gore rechimirukira mudenga ngokumabirirazuva, paripo munoti, ‘Kunoda kunaya,’ nakwo kunonaya., ⁵⁵Naapo mwoona dutu rechivhuvhuta kubva ngokubani, munoti, ‘Kunozopisha,’ nakwo kunopisha. ⁵⁶Imwimwi vadziitisi! Munokona kududzira hope yenyika neyomudenga; asi ngenyi musikazii njira yokududzira ndiyo nguva iyi?⁵⁷“Amukoni ngenyi ngokwenyu kuparadzanisa icho chakanaka? ⁵⁸Naapo wechienda negaa rako pamberi pamambo, ita kuti utenderane naro uchimunjira, kuti asazokukweya akuunze pamberi pomutongi, uwo unozokupira kumuphurisa nomuphurisa unozokuisa mutirongo. ⁵⁹Ndinoti kwouri, autongozobudimwo usati waripa nesendi rokupedzisira.

¹Vaiyapo ngouwo mukuwo vamweni vakaronzera Jesu ngevaGarire, avo vaiya vakumanidzirwa ngazi yavo nemidiro yavo ndiPiratu. ²Naye Jesu wakapingura, akati kwavari, “Munopinimidza here kuti avo vaGarire vaiya vashaishi kupinda vamweni veshe vaGarire, ngokuti ivo vakaanenhamo yakadaro? ³Ndinomuronzera, kuti haiwa; asi ngepabanze pokuti mwatenderuka imwimwi, munozoperawo mweshe ngokudaro.⁴Nokuti avo varigumi navasere avo vakawirwa padera pavo ngorusvingo rwaiya muSiroamu, rukavauraya, munopinimidza here kuti vaiya vanendaa kupinda vanhu veshe vanogara muJerusarema? ⁵Ndinomuronzera, kuti haiwa; asi ngepabanze pokuti mwatenderuka imwimwi, munozopera mweshe ngokudaro.⁶Jesu wakavaronzera uyu muedzaniso, “Munhu waiya nomuonde wakasimwa mumunda wake wemivhini; naye wakauya echitsvaka michero kwouri, asi aazi kuona chiro. ⁷Wakati kumurimi wemivhini, ‘Ringira, makore aya matatu ndakauya ndechitsvaka michero kuneuyu muonde, ndisikaioni. Chiutemera pashi; unopedzerenyi kudya mumunda?.⁸Nouwo wakapingura, akati kwaari, ‘Mambo, chimborekerai nyamwakazve ndipande pashi pawo kuutendenedza, ndiise mwarira. ⁹Kudai wechizobereka michero ngesure kweizvi, zvakanaka; asi kudai usikazobereki, unozoutemera pashi!''.¹⁰NayeJesu waidzidzisa muneimwe yemhatso dzokudira ngeSabatha. ¹¹Penya mudzimai waiya nomweya waimurwarisa makore gumi namasere, waiya nenunda, asikakoni napadoodoko kudzitwasura.¹²Naapo Jesu amuona, wakamudaidza, akati kwaari, “Mudzimai, wasunhurwa kubva kunhenda yako''. ¹³Naye wakaisa nyara dzake padera pake, paripo iye wakatwasurwa, akakudza Mwari. ¹⁴Asi mukuru wemhatso yokudira, wakashishwa ngokuti Jesu waiya amuponesa ngezuva reSabatha, wakati kunembungano, “Aripo mazuva matanhatu awo anosisira kuti vanhu vashande ndiwo, ndizvo ngaawo mazuva mwechiuya muponeswe, haiwa ngezuva reSabatha''.¹⁵Asi Mambo wakamupingura akati, “Imwimwi vadziitisi! Umwe ngaumwe wenyu aasunhuri here ngezuva reSabatha n'ombe yake nokuti mbongoro yake kubva muchibaya, kuitinha kuenda nayo kumvura? ¹⁶Akusisiri here kuti uyu mudzimai, mukunda waAbrahama uwo waakasunga Sathani, ringirai, makore aya gumi namasere, asunhurwe kubva mukusungwa uku ngezuva reSabatha?''.¹⁷Naapo aiya aereketa izvi, magaa ake akatsverudzwa; mbungano yeshe yakadakara ngendaa yeizvo zveshe zvakanaka yaamho zvakaitwa ndiye.¹⁸Ndizvo Jesu wakati, “Umambo hwaMwari hwakadai ngenyi, ndohuedzanisa nenyi? ¹⁹Hwakadai ngetsangu yomustadhi iyo yaakatora munhu, akaisima mumunda mwake, nayo yakamera, yakaita muti neshiri dzomudenga dzakaaka zvisaki mumatai awo''.²⁰Wakatizve, “Ndohuedzanisa nenyi umambo hwaMwari? ²¹Hwakadai ngomumera uwo waakatora mudzimai, akaufisha mukati mwemitani mitatu yeufu, metsa hwafemeswa hweshe.²²Jesu wakahamba ngomumadhorobha nomumaguta echidzidzisa, echienda Jerusarema. ²³Noumweni wakati kwaari, “Mambo, vashomani here vanozoponeswa?''. Jesu wakati kwavari: ²⁴Shingirirai kupinda ngepamusiwo wakamanikana, ngokuti ndinoti kwomuri vazhinji vanozotsvaka kupinda, navo avazokoni.²⁵Naapo amiruka munewemhatso nokukonya musiwo, nemwi mwotanga kuema kubanze nokudododza pamusiwo mwechiti, ‘Mambo, tibeurire.’ Naye unozopingura echiti kwomuri, ‘Andimuzii kuti munobva pari’, ²⁶Naapo munozotanga kuti, ‘Takadya nokumwa mukuona kwako, newe wakadzidzisa mumapato edu’. ²⁷Asi unozoti, ‘Ndinomuronzera, andimuzii kuti munobva pari; ibvai kwendiri, imwimwi mweshe vashandi vezvakashata!’.²⁸Apo kunozoiteyo kuboorera nokukwetsana kwemazino, naapo mwozoona Abrahama, Isaka naJakobe nevaprofeti veshe muumambo hwaMwari, nemwi mwemene mwarashwa kubanze. ²⁹Vanozobva kumabvazuva nokumabirirazuva, dera nokubani, navo vanozogara patafura muumambo hwaMwari. ³⁰Penyai, varipo vamweni vesure vanozoita vepamberi, varipo vamweni vepamberi vanozoita vesure.³¹Ngeawa iro vakauya vamweni vevaFarisi vechiti kwaari, “Buda uende kubva panapa, ngokuti Herodhi unoda kukuuraya''. ³²Jesu wakati kwavari, “Endai mwechiti kuneiyo hava, ‘Penya, ndinodzinga madhimoni ndechiponesa nyamashi namangwani, ngezuva rechitatu ndizopedza mushando wangu. ³³Asi kunodikanwa kuti ndihambe njira yangu nyamashi namangwani nezuva rinoteera; ngokuti azvingaitiki kuti muprofeti afire kubanze kweJerusarema.³⁴A Jerusarema, Jerusarema, iwewe unouraya vaprofeti wechivaponda ngemapuwe avo vanotumwa kwouri! Kanganai kendaida kuunganidza vana vako pamwepo kudai ngemhambo inounganidza zvitiyo zvayo pashi pemaphaphiro ayo, nemwi amuzi kutenda. ³⁵Penyai, mhatso yenyu yasiiwa kuita dongo. Neni ndinoti kwomuri, amuchazondioni metsa munozoti, ‘Unomuchena uwo unouya ngezina raMambo''.

¹Ngezuva reSabatha rimweni Jesu wakapotera mumhatso yomutongi uwo waiya umwe wevaFarisi, koodya, vaimuringisisa. ²Penya, kwaiyapo pamberi pake munhu waiya nenhenda yechizvimbo. ³NaJesu wakavunzisa kunemagweta nevaFarisi echiti, “Kunotenderwa here kuponesa ngezuva reSabatha nokuti akutenderwi?”⁴Asi ivo vakanyarara. Jesu wakamutora, akamuponesa, akamurekera kuti aende. ⁵Naye wakati kwavari, “Ndiani kwomuri, unemwana nokuti kabi yake yawa muhunza, usikazoibudisi ngokukasira ngezuva reSabatha?” ⁶Navo avazi kukona kumupingura ngendaa iyi.⁷, Naapo Jesu aona kuti vakakokwa pamutambo vatchatsanangura zvigaro zvepamberi, wakapa mufananidzo kwavari eiti. ⁸“Naapo wakokwa kudhiri romuchadho, usazogara pashi pandau yepamberi, ngokuti pamweni munhu mukuru kupinda iwewe wakokwawo ndiye. ⁹nouwo wakakukoka iwewe naye unozouya echiti kwouri, ‘Taraukira uyu agare panapa,’ naapo unozotanga kutsveruka ngekoogara ndau yesure.¹⁰Asi apo wakokwa, enda ugare pandau yesure, naapo uwo wakakukoka ouya, ungazoti kwouri, ‘Shamwari, enda pandau yepamberi;’ naapo unozokuriswa mukuona kwavo veshe vanogara newe pakudya. ¹¹Ngokuti iye unodzikurisa unozopfaiswa, nouwo unodzipfaisa unozokuriswa”.¹²Jesu wakati kuneuwozve wakamukoka, “Apo wonasira kudya kwemasikati nokuti kwemadeekoni, usazodaidza shamwari dzako nokuti vakoma vako nokuti hama dzako nokuti makurudza ari vaakirwana vako, kuti pamweni vanozokukokawo, nakwo kuite kuhwirinzirwa kwouri.¹³Asi apo woonasira kudya iwewe, koka varombo, vakakuwara nezvirema nemapofu, ¹⁴newe unozofumiswa, ngokuti avo avana chokuhwirinzira kwouri. Ngokuti iwewe unozohwirinzirwa mukumuka kwevakarurama''.¹⁵Naapo umwe weavo vaigara naJesu patafura pakudya azwa izvi, wakati kwaari, “Unomuchena uwo unozodya chingwa muumambo hwaMwari!''. ¹⁶Jesu wakati kwaari, “Munhu wakanasira kudya kwemadeekoni kwakawanda, wakakoka vazhinji; ¹⁷naye wakatuma varanda vake ngomukuwo wokudya kwemadeekoni kooronza kwavari vakakokwa kuti, ‘Chiuyai; ngokuti zviro zveshe zvanasirwa zvino’.¹⁸Asi veshe vakatanga kutendamurandu ngomwoyo umwe. Uwo wokutanga wakati kwaari, ‘Ndakatenga munda, nakwo kunosisira kuti ndiende ndiuone; ndapota ngandirekererwe’. ¹⁹Noumweni wakati, ‘Ndakatenga kabi dzemajoka mashanu, neni ndinoendayo koodziedza. Ndapota ngandirekererwe’. ²⁰Noumweni wakati, ‘Ndakaroora mukadzi, ndizvo andingakoni kuuyayo’,²¹Nomuranda uwo wakauya akaziisa mambo wake izvi. Naapo mune wemhatso wakatseneka, akati kumuranda wake, ‘Enda ngokukasira mumapato nomunjira dzomudhorobha, uvaunze panapa varombo nevakakuwara nemapofu nezvirema’. ²²Nomuranda wakati, ‘Mambo, icho chewapanga chaitwa, asi ndau ichirimwo’.²³Namambo wakati kuno muranda wake, ‘Buda uende munjira nomumarushosha, uite kuti vapotere, kuti mhatso yangu izare. ²⁴Ngokuti ndinomuronzera kuti, apana munhu naumwe weavo vakakokwa unozoraira kudya kwangu kwemadeekoni.²⁵Zvinopano yaihamba naye mbungano hurutu. Jesu wakapetuka, akati kwavari, ²⁶“Kudai aripo munhu unoda kuuya sure kwangu, asikanyenyi baba ake namai ake, mukadzi wake, vana vake, vakoma vake, hanzvadzi, eya, nokurarama kwakezve, aangakoni kuita mudzidzi wangu. ²⁷Iye usikatwari muchinjiko wake nokuuya sure kwangu, aangakoni kuita mudzidzi wangu.²⁸Ngokuti ndiani kwomuri echida kuaka rusvingo, asikatangi kugara pashi aerenge mare yarwo, kuti unayo here yokurupedza?, ²⁹Kuti pamweni apedza kuisa madzeyo, asikakoni kurupedza, avo veshe vanoruona vatange kumuitire jee, eiti ³⁰Uyu munhu wakatanga kuaka, asikazi kukona kurupedza''.³¹Nokuti ndiani mambo, uwo echienda kooshongana namambo umweni mukurwa, asikatangi kugara pashi apangane kuti dani unesimba here ane vanhu makumi emazana gumi kushongana nouwo unouya kurwa naye anemakumi emazana makumi mairi evanhu? ³²Nokuti umweni achikuretu yaamho, atume nhumwa kubvunza chaanoda chokuti vaiyane. ³³Ndizvo kunyazwi ndiani kwomuri usikasii zveshe zvaanazvo, aangakoni kuita mudzidzi wangu.³⁴“Munyu wakanaka, asi kuti munyu warasha kunaka kwawo, ucharungwa ngenyi? ³⁵Auchadetseri chiro kuuisa mumunda nokuti kuita mwarira; vanhu vanourasha kubanze. Uwo unenzee dzokuzwa, ngaazwe''.

¹Zvinopano vabhadarisi vemuthero nevashaishi veshe vaikwedzera kwaari Jesu kumuzwa, ²VaFarisi nevanyori vakavhuruvhuta vechiti, “Munhu uyu unoashira vashaishi nokudya navo”.³Jesu wakavaronzera uyu muedzaniso echiti, ⁴“Ndiani munhu kwomuri, kudai anezana remakwai, nerimwe rawo rarashika, aasii here makumi mapfumbamwe nemapfumbamwe mushango, aende kootsvaka iro rakarashika, metsa ariona? ⁵Naapo ariona, unoripakata pamapfudzi ake ngokudakara.⁶Naapo aguma kanyi, unodaidza pamwepo shamwari dzake nevaakirwana vake echiti kwavari, ‘Dakarai neni, ngokuti ndariona gwai rangu iro raiya rakarashika. ⁷Ndinoti kwomuri, ngokudaro kunozoapo kudakara mudenga ngendaa youmwe mushaishi watenderuka kupinda kudakara ngemakumi mapfumbamwe nemapfumbamwe vari vakarurama vasikatami kutenderuka.⁸Nokuti ngouri mudzimai, unezvigurwa zvesirivha zviri gumi, kuti akarasha chimwe chazvo, aabasiri chibani here, atsvaire mhatso nokunasa kutsvakisisa metsa achiona?, ⁹Naapo achiona, unodaidza pamwepo shamwari dzake nevaakirwana vake echiti, ‘Dakarai neni, ngokuti ndachiona chigurwa chesirivha icho chendakarasha’. ¹⁰Ngokudaro ndinoti kwomuri, kuripo kudakara pamberi pengirosi dzaMwari ngendaa yomushaishi umwe watenderuka''.¹¹Jesu wakati, “Munhu umweni waiya nevakororo vairi. ¹²Nomudoko wavo wakati kunababa ake, ‘Baba, chindikoanisirai chikoaniswa chenhaka chendakaemeserwa.’ Naye wakakoanisira kwavari pfuma yake.¹³Ngesure kwemazuva mashomani mwana mudoko wakaunganidza zveshe pamwepo, akaenda kunyika iri kuretu, naye wakaparadza nhaka yake ngokupona kwokushaisha. ¹⁴Naapo aiya apedza zveshe, yakaguma nzara huru munyikamwo, naye wakatanga kutama.¹⁵Ndizvo wakaenda akadzipira kunemunhu wenyikayo, naye wakamutuma kuenda murubaya koousha nguruve. ¹⁶Naye waido kugutisa ndani yake ngemateko aidyiwa ngenguruve; apana munhu waimupa chiro.,¹⁷Asi apo anasa kuzia pachake wakati, ‘Kuwandanyi kwakaita varanda vababa angu vane chingwa chinokwana nechokusiya, neni ndiri kufa ngenzara panapa! ¹⁸Ndomiruka ndiende kunababa angu, ndinozoti kwavari: ‘Baba, ndashaisha pamberi paMwari nepamberi penyu; ¹⁹neni andichasisiri kudaidzwa kuti ndiri mwana wenyu. Chindibatai kudai ngoumwe wevaranda venyu.²⁰Djaha rakamuruka, rikauya kunababa varo. Asi apo achikuretu, baba ake vakamuona vakamuzwira nyasha, navo vakarumba, vakamumbundira, vakamuchingamidza ngomuromo. ²¹Mwana wakati kwaari, ‘Baba, ndakashaisha pamberi paMwari nepamberi penyu; andichasisiri kudaidzwa kuti ndiri mwana wenyu’.²²Asi baba vakati kuvaranda vavo, ‘Unzai ngokukasira gauni rakapindisisa kunaka, mumupfekese; muise ndandazi pachikunwe chake nemagwada mutsoka dzake, ²³mwechiunza mhuru inonuna muiuraye, ngatidye tidakare; ²⁴ngokuti uyu mukororo wangu waiya afa, naye unoponazve; wakarashika, naye waoneka.’ Navo vakatanga kudakara.²⁵Zvinopano mukororo wake wedangwe waiya mumunda; naapo achauya echikwedzera kumhatso, wakazwa kuridzwa nokuzvina. ²⁶Naye wakadaidza umwe wevaranda, akabvunza kuti izvi zviinyi! ²⁷Naye wakati kwaari, ‘Munun'una wako wauya nababa ako vamuuraira mhuru inonuna, ngokuti vamuashira achangwaririka nokupona.²⁸Asi dangwe rakanyangadzwa, akaramba kungena. Nababa ake vakabuda kubanze, vakamunyengerera. ²⁹Asi mwana wakapingura, akati kunababa ake, ‘Ringirai, makore aya mazhinji ndakakushandira neni andizi kutongogura chimwe chemipango yako; asi auzi kundipa kachimbudzana kuti ndidakare neshamwari dzangu. ³⁰Asi wauya uyu mukororo wako uwo wakapedza pfuma yako pamwepo nemamhombo, iwewe wamuuraira mhuru inonuna’.³¹Asi baba wakati kwaari, ‘Mwana, undori neni nguva dzeshe neizvo zvendinazvo zvindori zvako. ³²Asi kwaisisira kuti tidakare nokudakadzwa, ngokuti uyu munun'una wako waiya afa, naye unoponazve; waiya akarashika, nazvinopano unoonekazve.

¹jesu wakati kuvadzidzi vake, “Kwaiyapo munhu waiya gurudza, uwo waiya nomungwariri, naye wakaitirwa ndaa yokuti waiparadza pfuma yamambo wake. ²Naye wakamudaidza, akati kwaari, ‘Chiinyi ichi chendinozwa ndiwe? Wechindipa mushumo womushando woungwariri hwako, ngokuti iwewe aungachaiti mungwariri’.³Nomungwariri wakati mukati mwake, ‘Ndodini, ngokuti mambo wangu unodusa kwendiri mushando woungwariri hwangu? Andina simba rokurima, ndinenyowa dzokupemha. ⁴Ndinozia chendinozoita, apo ndadzingwa kubva mumushando woungwariri hwangu, kuti vanhu vazondiashira mumhatso dzavo’.⁵Ndizvo mudzwiti echidaidza kwaari veshe vaiya nezvikwereti kunamambo wake umwe ngaumwe, wakati kuneuwo wokutanga, ‘Unechikwereti chakadini kunamambo wangu?’. ⁶Iye wakati, ‘Zana remabiya emafuta.’ Naye wakati kwaari, ‘Tora tsamba yako ukasire kugara pashi, unyore kuti makumi mashanu’. ⁷Naapo wakatizve kuno umweni, ‘Iwewe unechikwereti chakadini?’ Naye wakati, ‘Zana rezvitundu zvekoroni.’ Naye wakati kwaari, ‘Tora tsamba yako unyore kuti makumi masere’.⁸Namambo wake wakakudza mungwariri wakashata ngokuti yaiya aita ngourimbwi. Ngokuti vanhu veiyi nyika vanopinda kungwara kundanga dzavo kunevanhu vokujeka. ⁹Neni ndinomuronzera, mwechidziitira shamwari ngoupfumi husikazi kururama, kuti apo hwapera vazomuashira muugaro husikaperi.¹⁰Uwo unogondeka ngezvidoodoko unozogondekazve ngezvakawanda; nouwo usikazi kururama ngezvidoodoko aazi kururamazve ngezvakawanda. ¹¹Ndizvo kuti musikazi kuita vanogondeka ngoupfumi husikazi kururama, ndiani unozomugonda ngoupfumi hwegwinyiso? ¹²Kudai musikazi kuita vanogondeka ngeizvo zvaiya zvevamweni, ndiani unozopa kwomuri izvo zviri zvenyu?¹³Apana muranda ungakona kushandira madzimambo mairi; ngokuti unozonyenya umwe ade umweni, nokuti unozobatirira kuneumweni, ashoore umweni. Amungakoni kushandira Mwari neMare”.¹⁴VaFarisi, avo vaida mare, vakazwa zveshe izvi, navo vakamusvereredza. ¹⁵Naye wakati kwavari, “Imwimwi muri avo vanodzipembedza pamberi pevanhu, asi Mwari unozia mwoyo yenyu; ngokuti icho chinoremeredzwa pakati pevanhu, chiri chinonyangadza pamberi paMwari.¹⁶Mupango nezvinyorwa zvevaprofeti zvaindoapo metsa kuguma kwaJohani; kubvira ngouwo mukuwo umambo hwaMwari hunochumairwa, nomunhu weshe unopoteramwo ngesimba. ¹⁷Asi kunopinda kureruka kuti denga nenyika zvipinde, kunekuti kadonhwe kamwe keMipango kakorere kuitika.¹⁸Kunyazwi ndiani unoramba mukadzi wake, aroore umweni unoomba, nouwo unomuroora uwo wakarambwa kubva kumwamuna wake unoomba.¹⁹Kwaiyapo munhu waiya gurudza, uwo waipfeka machira akatsvukuruka neakachena akanaka echidya zvakanaka mazuva eshe. ²⁰Kwaiyapozve mupemhi waizwi Razarusi waiiswa pamusiwo wegurudza, akazara ngezvironda, ²¹waida kudya matsekeneswa aiwa kubva patafura pegurudza; kunyazwi nembwa dzaiuya dzechinambura zvironda zvake.²²Kwakaitika kuti mupemhi wakafa, akatwarwa ngengirosi kuenda paditi raAbrahama. Negurudza rakafawo rikaikwa; ²³riri muHaidhesi, rakamirudza madziso aro rechishononwa, rikaona Abrahama ari kuretu naRazarusi ari paditi pake.²⁴Naro rakadaidzira rikati, ‘Baba Abrahama, ndiitirei nyasha, tumai Razarusi kuti anyike kumagumo kwechinwe chake mumvura atonhodze rurumi rwangu; ngokuti ndiri mukurwadziwa mumurazvu uyu’.²⁵Asi Abrahama wakati, ‘Mwana, karakadza kuti iwewe ngenguva yokupona kwako wakaashira zviro zvako zvakanaka, naRazarusi ngokudaro wakaashira zviro zvakashata; asi zvinopano unoembedzerwa, newe uri mukurwadziwa. ²⁶Nepadera peizvi zveshe, riripo gaha guru rakaiswa pakati pedu nemwi, kuti avo vanoda kubva uno kuuya kwomuri, avangakoni, zve akuna ungaambuka kubva kwomuri kuuya kwetiri`.<sup>27</sup>Mufhumi wakati, ‘Ndinokupota, baba Abrahama, kuti umutume kumhatso yababa angu,, <sup>28</sup>ngokuti ndine vanun'una vashanu, kuti anase kupupura kwavari, kuti vasazouyawo kundau iyi yokushononwa.’,<sup>29</sup>Asi Abrahama wakati, ‘Vanaye Mosi nevaprofeti; ngavavapurutane`. ³⁰Asi iye wakati, ‘Haiwa, baba Abrahama; asi kudai umwe akaenda kwavari echibva kwevakafa, vanozotenderuka`. ³¹Asi iye wakati kwaari, ‘Kudai vasikapurutani Mosi nevaprofeti, avatongozozwi kunyazwi umwe amuka kubva kwevakafa.

¹Jesu wakati kuvadzidzi vake, “Akungaitiki kuti zvipumhuniso zvisauya; asi ihehe kwaari uwo wezvinouya ndiye!, ²Kurinane kwaari kuti guyo gurutu risungirwe muhuro mwake naye anzvaidzwe muruandhle, kunekuti aite kuti umwe weava vadoko ashaishe.³Mwechidzingwarira pachenyu; kudai munun'una wako echishaisha, wechimurambidza, kuti iye echitenderuka, chimurekerera. ⁴Nokudai echikushaishira kanomwe ngezuva, akakunukuka kwouri kanomwe, naye echiti, ‘Ndinotenderuka,’ newe unosisira kumurekerera''.⁵Vapostori vakati kunaMambo, “Wanza kugonda kwedu!” ⁶NaMambo wakati, “Kudai mwaiya nokugonda kwakadai ngetsangu yemustadhi, mwaizoronza kuneuyu muti womuonde kuti, ‘Bvitwa, usimwe muruandhle,’ nawo waizomupurutana.⁷Asi ndiani kwomuri, unemuranda echirima mumunda nokuti kuusha makwai, ungazoti kwaari apo auya echibva kumunda, ‘Uya zvinopano ugare pashi patafura panekudya? ⁸Aazoti here kwaari, ‘Ndinasirire kudya kwemadeekoni, udzisimidze pachako wechindishandira, metsa ndadya nokumwa; ngesure kweizvi ungazodyawo nokumwawo iwewe?⁹Unobonga here uwo muranda ngokuti wakaita izvo zvaakapangwa kuita? ¹⁰Ngokudaro imwimwi nemwiwo, apo mwazopedza kuita zveshe izvo zvemwakapangwa mwechiti, ‘Tiri varanda vasikadetseri chiro; takaita izvo zvaiya bingo redu''.¹¹Vari munjira kuenda Jerusarema Jesu wakahamba ngepakati peSamaria neGarire. ¹²Naapo achapinda muguta, vakashongana naye vanhu gumi vaiya nemapere, vakaema vari kuretu, ¹³navo vakadaidzira ngemazwi avo vechiti, “Jesu, Mambo, tiitire nyasha''.¹⁴Naapo avaona wakati kwavari, “Mwechienda mudzipangidzire kuvapristi.” Naapo vechienda vakamhodyoswa. ¹⁵Naapo umwe wavo, apo aona kuti wamhodyoka, wakahwirira, echikudza Mwari ngeizwi guru, ¹⁶naye wakawa ngehope yake patsoka dzaJesu, echimubonga. Iye waiya muSamaria.¹⁷Naapo Jesu wakati, “Avazi kumhodyoswa varigumi here? Asi varipari vapfumbamwe?, ¹⁸Apana wakaoneka echipetuka kookudza Mwari, asi ega uyu mupara here?”. ¹⁹Naye wakati kwaari, “Miruka, uende; kugonda kwako kwakuponesa''.²⁰VaFarisi vamweni vakamubvunza kuti umambo hwaMwari hunozouya riini, Jesu wakavapingura akati, “Umambo hwaMwari ahuuyi ngenjira youngaoneka pamhene. ²¹akuna naumwe unozoti, ‘Penya, uri panapa!’ Nokuti, ‘Uri apo!’ Ngokuti penyai, umambo hwaMwari huri mukati mwenyu''.²²Jesu wakati kuvadzidzi: “Mazuva achazouya omunozodisisa kuti muone rimwe remazuva oMukororo woMunhu, nemwi amuzorioni. ²³Navo vanozoti kwomuri, ‘Penyai apo!’ Nokuti, ‘Penyai, panapa!’ Musazoendapo, nokuti kuvateera. ²⁴Ngokuti kudai ngemheni inopenya yechijekisa denga yechibva kurupande rumwe rwomudenga kuguma kurupande rumweni rwepashi pomudenga, nokuuya kwoMukororo woMunhu kunozodaro ngezuva rake.²⁵Asi kutanga kunosisira kuti ashononeswe ngezvakawanda nokurambwa ngouyu mubarirwana. ²⁶Kudai ngezvakaitika ngemazuva aNoa, kunozoitikawo ngemazuva oMukororo woMunhu. ²⁷Vakadya, vakamwa, vakaroora, vakaroodzwa, metsa rakaguma zuva raakapotera ndiro Noa mungarava, nendambi yakauya ikavapedza veshe.²⁸Kudaizve ngezvakaitika ngemazuva aRoti, vakadya, vakamwa, vakatenga, vakatengesa, vakasima, vakaaka, ²⁹asi ngezuva raakabuda ndiro Roti kubva muSodhoma kwakanaya muriro nesorufa zvechibva mudenga zvikavapedza veshe.³⁰Izvi ndizvo zvinozoitika ngezuva raanozopangidzirwa Mukororo woMunhu. ³¹Ngeiro zuva, uwo uri padera pemhatso, nenhumbi dzake dziri mukati mwemhatso, asazodzaka kuti adzitore; nouwo uri mumunda asapetuka.³²Mwechikarakadza mukadzi waRoti. ³³Kunyazwi ndiani unozotsvaka kuuyirwa ngokurarama kwake unozokurasha, asi kunyazwi ndiani unozorasha kurarama kwake iye unozokungwarira.³⁴Ndinoti kwomuri, ngouwo usiku vairi vanozoapo pamubhedhi umwewo; umwe unozotorwa noumweni unozosiiwa. ³⁵Vanozoapo vakadzi vairi vechikuya pamwepo; umwe unozotorwa noumweni unozosiiwa''. ³⁶Naapo vanhu vairi vanozoapo mumunda, umwe unozotorwa noumweni unozosiiwa. ³⁷Navo vakati kwaari, “Kuri, Mambo?” Naye wakati kwavari, “Apo panomuiri wakafa, ndipo panozoungana ngwanga.

¹Jesu wakavaronzera muedzaniso, kuti vanosisira kundogara vechikumbira vasazoremba., ²Mudhorobha rimweni waiyapo mutongi uwo waiya asikatyi Mwari, asikaremeredzi munhu.³Kwayiapo neshirikadzi mudhorobha iro nayo yakagara yechiuya kwaari yechiti, ‘Nditongere ndaa yangu kunegaa rangu’, ⁴Kwekamukuwo aazi kutenda; asi ngesure kweizvi wakati mukati mwake, ‘Kunyazwi inini ndisikamutyi Mwari nokuti kuremeredza munhu, ⁵asi ngokuti shirikadzi iyi inondinesa, ndinozoitongera, kuti isazondishisha ngokundogara yechiuya''.⁶NaMambo wakati, “Izwai zvaanoronza mutongi usikazi kururama. ⁷Mwari aazotongeri here vakatsanangurwa vake, avo vanochema kwaari masikati nousiku? Unozononoka kuvadetsera here? ⁸Ndinomuronzera, kuti unozovatongera ngokukasira. Zvakanyadaro, naapo Mukororo woMunhu ouya, unozoona kugonda panyika here?”.⁹Jesu wakaronzazve uyu muedzaniso kunevamweni avo vakadzigonda kuti vari vakarurama vechishoora vamweni: ¹⁰''Vanhu vairi vakakwira muTemperi kookumbira, umwe wavo waiya muFarisi noumweni waiya mubharisi.¹¹MuFarisi wakaema, akakumbira pachake, akati, ‘Mwari, ndinokubonga ngokuti andizi kudai ngevanhu vamweni, vane makaro, vasikazi kururama, vanoomba nokunyazwi nouyu mubharisi., ¹²Ndinoera kudya kairi ngevhiki, ndinopa chegumi chezviro zveshe zvendinazvo.¹³Asi mubhadarisi wemuthero, echiema ari kuretu, aazi kutenda nokumirudza madziso ake kuringira mudenga, asi wakarova diti rake echiti, ‘Mwari, ndiitire nyasha inini mushaishi’, ¹⁴Ndinomuronzera, uyu munhu wakadzaka kuenda kumhatso yake echipembedzwa kunoumweni; ngokuti munhu weshe unodzikudza unozopfaiswa, asi uwo unodzipfaisa unozokuriswa”.¹⁵Zvinopano vaiunza kwaari vana vadoko kuti avabate; naapo vadzidzi vaona, vakavarambidza. ¹⁶Asi Jesu wakavadaidza kwaari echiti, “Tenderai vana vadoko kuti vauye kwendiri, musavarambidza; ngokuti umambo hwaMwari ngehwevakadai. ¹⁷Ngegwinyiso ndinoti kwomuri, uwo usikaashiri umambo hwaMwari kudai ngomwana mudoko, aatongozopoterimwo”.¹⁸Vamwe varume wakamubvunza echiti, “Mudzidzisi wakanaka, ndinozoitenyi kuti ndigare nhaka yokupona kusikaperi?”, ¹⁹Jesu wakati kwaari, “Unondidaidza ngenyi kuti wakanaka? Akuna naumwe wakanaka asi Mwari ega. ²⁰Unozia mipango: ‘Usaomba, usauraya, usaba, usaita chapupu chokunyepa, remeredza baba ako namai ako’. ²¹Naye wakati, “Izvi zveshe ndakazvingwarira kubvira muudoko hwangu”.²²Naapo Jesu azwa izvi, wakati kwaari, “Uchatama chiro chimwe. Tengesa zveshe zvounazvo upe kuvarombo, newe unozoa noupfumi mudenga; uuye, unditeere”. ²³Asi apo azwa izvi wakatambudzika kakurutu, ngokuti waiya mupfumi mukurutu.²⁴Jesu echimuringira wakati, “A, kukonzanyi kwezvakaita kuneavo vane upfumi kuti vapotere muumambo hwaMwari! ²⁵Ngokuti kunopinda kureruka kunekamera kuti ripotere ngepaburi renaiti kuno kuti mupfumi apotere muumambo hwaMwari”.²⁶Avo vakazwa izvi vakati, “Ndizvo ndiani ungaponeswa?” ²⁷Asi Jesu wakati, “Izvo zvisikaitiki kuvanhu zvinoitika kunaMwari”.²⁸NaPetro wakati, “Isusu takasiya mizi yedu tikakuteera”. ²⁹Jesu wakati kwavari, “Ngegwinyiso ndinoti kwomuri, akuna munhu wakasiya muzi nokuti mukadzi nokuti vakoma nokuti vabari nokuti vana, ngepamusoro poumambo hwaMwari, ³⁰usikazoashiri ngouyu mukuwo zvakawanda zvakahwirinzirwa, panguva inouya unozoashira kupona kusikaperi”.³¹Naye wakatora gumi navairi, wakati kwavari, “tinokwira Jerusarema, nazvo zveshe zvakanyorwa ngevaprofeti ngendaa yoMukororo woMunhu zvinozoitika. ³²Ngokuti unozopirwa kunevemadzinza, naye unozoitirwa jee nokutambudzwa nokupfirwa mata; ³³navo vanozomurova nokumuuraya, ngezuva rechitatu unozomukazve”.³⁴Asi avazi kuzwisisa nachimwe cheizvi zviro; neizwi iri raiya rakafishika kwavari, navo avazi kuzwisisa izvo zvakaereketwa.³⁵Naapo Jesu echikwedzera pasinde peJerikho, bofu raiya rakagara panjira rechipemha. ³⁶rechizwa mbungano yechipinda, rakabvunza kuti, “Chiinyi ichi chiri kuitika?” ³⁷Navo vakarironzera kuti, “Jesu weNazaretha unopinda ngepanapa”.³⁸Naro rakadaidzira rikati, “Jesu, mukororo waDhavhidha, ndiitire nyasha!”, ³⁹Naavo vaiya pamberi vakarikaraidza, kuti rinyarare; asi rakapinda kudaidzira kakurutu rechiti, “Mukororo waDhavhidha, ndiitire nyasha”.⁴⁰NaJesu wakaema, akapanga kuti riunzwe kwaari; naapo rakakwedzera pasinde, wakaribvunza kuti,, ⁴¹“Unoda kuti ndikuitirenyi?” Naro rakati, “Mambo, kuti ndione”.⁴²Jesu wakati kweriri, “Chiona; kugonda kwako kwakuponesa”. ⁴³Paripo rakaona, rakamuteera rechikudza Mwari; nembungano yechizviona, yakairikidza Mwari.

¹Jesu wakangena muJerikho echipinda ndimwo. ²Paiya nemunhu waizwi Zakheusi; iye waiya mukuru wevabhadarisi vemuthero, waiya gurudza.³Naye wakatsvaka kuona Jesu kuti ndiani, asi waiya asikakoni ngendaa yembungano, ngokuti waiya mufupi. ⁴Ndizvo Zakeu wakarumba kuenda mberi, akakwira mumuonde kuti amuone, ngokuti waipinda ngeiyo njira.⁵Naapo Jesu agumapo wakaringira mudenga, akati kwaari, “Zakheusi, kasira kudzaka pashi; ngokuti kunosisira kuti ndigare mumhatso yako nyamashi''. ⁶Ndizvo wakakasira kudzaka pashi, akamuashira ngokudara, ⁷Naapo vazviona vakavhuruvhuta veshe vechiti, “Wapotera kuita mueni womunhu mushaishi”.⁸NaZakheusi wakaema, akati kunaMambo, “Ringira, Mambo, ndinopa hafu youpfumi hwangu kuvarombo; kudai ndakatora chiro kumunhu ngourimbwi, ndinomuhwirinzira zvakapetwa karongomuna''. ⁹Jesu wakati kwaari, “Nyamashi ruponeso rwaguma kuneiyi mhatso, ngokuti nayewo mukororo waAbrahama., ¹⁰Ngokuti Mukororo woMunhu wakauya kootsvaka nokuponesa izvo zvakarashika”.¹¹Naapo vachazwa izvi zviro, Jesu wakaangira kuvaronzera muedzaniso, ngokuti waiya pasinde neJerusarema, ngokutizve ivo vaikarira kuti umambo hwaMwari hwaizokasira kuoneka apapo. ¹²Ndizvo wakati, “Munhu mukuru wakaenda kunyika yaiya kuretu kuti andoashira umambo nokupetukazve.¹³Wakadaidza varanda vake gumi, akavapa umwe ngaumwe chigurwa chomukore, wakati kwavari, ‘Barisai metsa ndiuye. ¹⁴Asi vanhu vomunyika yake vakamunyenya, vakatuma vatumwa sure kwake vechiti, ‘Atidi kuti munhu uyu atonge padera pedu. ¹⁵Naapo oopetuka, aashira umambo, wakapanga kuti avo varanda, vaaiya akapa zvigurwa zvemukore, vadaidzwe kwaari, kuti azie zvevakauyirwa ngokuibarisa.¹⁶Uwo wokutanga wakauya pamberi pake, akati, ‘Mambo, mugodi yenyu yawana imweni gumi.’, ¹⁷Naye wakati kwaari, ‘Wakanasa, iwewe muranda wakanaka! Ngokuti wakagondeka ngezvishomani, wechitonga padera pemadhorobha gumi.¹⁸Newechipiri wakauya akati, ‘Mambo, chigurwa chako chomukore chakauyirwa ngezvigurwa zvimweni zvishanu.’, ¹⁹Naye wakati kwaarizve, ‘Wechitonga padera pemadhorobha mashanu’.²⁰Naapo umweni wakauya, akati, ‘Mambo, penya, chigurwa chako chomukore, icho chendakangwarira chiri mudhuku, ²¹ngokuti ndakakutya, ngokuti uri munhu usikakonwi; unotonhera icho chousikazi kuisa pashi, newe unocheka icho chousikazi kusima’.²²Wakati kwaari, ‘Ngezvinobuda kubva pamuromo pako ndinozokutonga, iwewe muranda wakashata! Iwewe waitozia kuti ndiri munhu usikakonwi, ndechitonhera icho chendisikazi kuisa pashi, nokucheka icho chendisikazi kusima. ²³Ndizvo wakarekera ngenyi kuisa chigurwa changu kwavari mubhange, neni mukuuya kwangu ndaizowona icho nokuuyirwa kwacho.’²⁴Naye wakati kuneavo vaiema pasinde, ‘Mutorerenyi kubva kwaari uwo mugodi, mupe kwaari uwo unegumi dzemugodi’. ²⁵Navo vakati kwaari, ‘Mambo, uwo wanegumi dzemigodi’,²⁶Ndinoti kwomuri, ‘Kunemunhu weshe unacho unozopuwa, nokwaari usina, neicho chaanacho chinozotorwa kubva kwaari. ²⁷Asi ao magaa angu, aiya asikatendi kuti nditonge padera pao, aunzenyi panapa muauraye pamberi pangu''.²⁸Naapo aronza izvi, wakatungamira pamberi pavo kukwira Jerusarema.²⁹Naapo akwedzera pasinde peBhethifaje neBhethani, ngepaMutunhu unozwi wemaOrivhi, wakatumira mberi vairi vevadzidzi vake, ³⁰echiti, “Endai muguta iro remwakaringirana naro, umwo mwopindamwo munozoona tsiru rembongoro rakasungwa, iro risikazi kumbogadhwa ngomunhu. Risunhurenyi muuye naro. ³¹Kudai aripo unozomubvunza kuti, ‘Munorisunhurirenyi?’ Munozoronza kuti, ‘Mambo unorida’.³²Ndizvo avo vakatumwa vakaenda, vakaona kudai ngezvaakaronza ndiJesu kwavari. ³³Naapo vachasunhura tsiru, vanikazi varo vakati kwavari, “Munorisunhurirenyi tsiru?” ³⁴Navo vakati, “Mambo unorida”. ³⁵Navo vakariunza kunaJesu, vakaisa zvokufuka zvavo padera petsiru, vakakwidza Jesu padera paro. ³⁶Naapo agadha tsiru, vakachinga zvokufuka zvavo munjira.³⁷Naapo echikwedzera pasinde pokudzaka Mutunhu wemaOrivhi, mbungano yeshe yevadzidzi vakatanga kudakara nokukudza Mwari ngeizwi guru ngendaa yemishando yeshe ine simba yevaiya vaona, ³⁸vechiti, “Unomuchena Mambo uwo unouya ngezina raMambo Mwari! Kunyarara mudenga nouthende mudengadenga!”³⁹Vamweni vevaFarisi mukati mwembungano vakati kwaari, “Mudzidzisi, rambidza vadzidzi vako”. ⁴⁰Jesu wakapingura, akati kwavari, “Ndinomuronzera kuti, kudai ava vaizonyarara, mapuwe emene anozodaidzira”.⁴¹Naapo Jesu akwedzera pasinde wakaona dhorobha, wakarichemera, echiti ⁴²Dai waizia ngezuva iri izvo zviro zvingakupa kunyarara kwako! Asi zvinopano zvakafishika kumadziso ako.⁴³Ngokuti mazuva anozokugumira, apo magaa ako anozokushoshera rushosha nokukutendenedza, akukonyere mukati kumarutii eshe. ⁴⁴Anozokupwanyira pashi, nevana vako vari mukati mwako, navo avazosii mukati mwako nebuwe rimwe rakagadzikwa padera perimweni; ngokuti iwewe auzi kuzia mukuwo wokuhambirwa kwako”.⁴⁵Jesu wakapotera muTemperi, akatanga kuvadzingira kubanze avo vaitengesa, ⁴⁶echiti kwavari, “Kwakanyorwa kuti, ‘Mhatso yangu inozozwi imhatso yomukumbiro;’ asi imwimwi mwaiita bako rembavha”.⁴⁷Jesu waidzidzisa mazuva eshe muTemperi. Vapristi vakuru nevanyori nevakuru vevanhu vakatsvaka kumuuraya. ⁴⁸Asi avazi kuona chiro chevangaita, ngokuti vanhu veshe vakabatirira kwaari vechipurutana mazwi ake.

¹Ngezuva rimweni, Jesu echidzidzisa vanhu muTemperi nokuchumaira vhangeri, vapristi vakuru nevanyori nevakuru vevanhu vakauya kwaari vechiti, ²“Tironzere kuti unoita izvi ngesimba raani? Nokuti ndiani wakakupa iri simba?”.³Naye wakavapingura, akati kwavari, “Ininiwo ndinozomubvunza mubvunzo umwe, nemwi ndironzerei zvinopano ⁴Rubhabhatidzo rwaJohani rwakabva mudenga here nokuti rwakabva kuvanhu?”.⁵Navo vakapangana pakati pavo vechiti, “Kuti tikati, ‘Rwakabva mudenga,’ iye unozoti, ‘Amuzi kumutenda ngenyi?’ ⁶Asi tikati, ‘Rwakabva kuvanhu,’ vanhu veshe vanozotiponda ngemapuwe; ngokuti vanotenda kuti Johani waiya muprofeti”.⁷Navo vakapingura kuti avazi kuzia kuti rwakabva kuri. ⁸Jesu wakati kwavari, “Neniwo andimuronzeri kuti ndinoita izvi zviro ngesimba raani”.⁹Jesu wakatanga kuronzera vanhu muedzaniso uyu: “Munhu wakasima munda wemivhini, akaupa kuvarimi, akaenda kunyika imweni koogareyo mukuwo wakareba. ¹⁰Naapo nguva yaguma, wakatuma muranda kuvarimi, kuti vamupe imweni yemichero yomumunda wemivhini; asi varimi vakamurova, vakamupetudza asina chiro.¹¹Naye wakatumazve muranda umweni; nouwozve vakamurova, vakamubata ngenjira yaitsverudza, vakamupetudza asina chiro. ¹²Wakatumazve wechitatu, nayewo vakamukuwadza, vakamurasha kubanze.¹³Naapo mambo womunda wemivhini wakati, ‘Ndinozoitenyi? Ndinozotuma mukororo wangu unodikanwa; pamweni vanozomuremeredza’. ¹⁴Asi apo varimi vamuona, vakapangana pachavo vechiti, ‘Uyu ndiye unogara nhaka; ngatimuuraye, kuti nhaka iite yedu’.¹⁵Vakamubudisa kubanze kwomunda wemivhini, vakamuuraya. Ndizvo mambo womunda wemivhini unozoitenyi kwavari? ¹⁶Unozouya avauraye avo varimi, unozopa munda wemivhini kune vamweni.” Naapo vechizwa izvi vakati, “Mwari, musatendera kudaro!”¹⁷Asi Jesu wakavaringira, akati, “Ndizvo chiinyi ichi chakanyorwa chinoti, ‘Buwe iro rakarambwa ngevaaki, ndiro rakaita soro repakona? ¹⁸Munhu weshe uwo unowira padera pebuwe iro unozoputika kuita zvigurwa; asi iye kwaari werinozowira padera pake rinozomukuya kuita bukuta”.¹⁹Vanyori nevapristi vakuru vakaedza kumubata ngeawa iro, asi vakatya vanhu; ngokuti vakazwisisa kuti wakaronza uyu muedzaniso ndivo. ²⁰Ndizvo vakamurinda, vakatuma vadongoreri, avo vakadziitisa kudai ngevanhu vakarurama, ngokudaro vakamuteya ngemazwi ake, kuti vazomupira kusimba romutongi woumambo.²¹Vakamubvunza vakati, “Mudzidzisi, tinozia kuti izvo zvounoronza nokudzidzisa zvakanaka, auketi munhu, asi ngegwinyiso unodzidzisa ngenjira yaMwari. ²²Kunotenderwa here kwetiri kuti tipe muthero kunaSiza nokuti akutenderwi?”²³Asi Jesu echizia urimbwi hwavo wakati kwavari, ²⁴“Ndipangidzirei chigurwa chemare. Chine muedzaniso wehope norunyoro rwaani?” Navo vakati, “Ngezva-Siza”.²⁵Jesu wakati kwavari, “Ndizvo mwechipa kunaSiza izvo zviri zvaSiza nokuna Mwari izvo zviri zvaMwari''. ²⁶Navo vakakorera kumubata ngemazwi okuereketa kwake pamberi pevanhu; navo vechishamiswa ngokupingura kwake vakanyarara.²⁷Kwakaguma kwaari vamweni vevaSadhusi, avo vanoti akuna kumuswa kwevakafa, ²⁸navo vakamuvundzisa vechiti, “Mudzidzisi, Mosi wakatinyorera echiti kuti mukoma womunhu afa, anemukadzi asina vana, munun'una wake unozotora mukadzi abarire mukoma wake vana.²⁹Ndizvo vaiyapo vakoma vanomwe; uwo wedangwe wakaroora mukadzi, akafa asina vana;, ³⁰nouwo wechipiri wakamutora, ³¹newechitatu wakamutora, ngokudaro veshe vanomwe vakafa avazi kusiya vana. ³²Ngesure kweizvi mukadzi naye wakafawo. ³³Ndizvo pakumuka kwevakafa, unozoita mukadzi waani kwavari? Ngokuti veshe vanomwe vakamutora kuita mukadzi”.³⁴Jesu wakati kwavari, “Vanhu vomunyika muno vanoroora nokuroodzwa. ³⁵asi avo vanoerengwa kuti vanosisira nyika iyo nokumuka kubva kwevakafa avaroori, avaroodzwizve. ³⁶Ngokuti avachazofizve, ngokuti vanozodai ngengirosi vaa vana vaMwari, vaa vana vokumuka kwevakafa.³⁷Asi kuti vakafa vanomuswa, Mosi emene wakapangidzira kudaro, ngeizwi rinoronza ngendaa yepfiba, apo paakadaidza Mambo Mwari kuti ndiMwari waAbrahama, Isaka naJakobe. ³⁸Zvinopano andiyepi Mwari wevakafa, asi Mwari wevanopona; ngokuti veshe vanoponera kwaari”.³⁹Vamweni vevanyori vakapingura, vakati, “Mudzidzisi, wanasa kuronza”. ⁴⁰Ngokuti avazi kuchazoshingazve kumubvunza mubvunzo.⁴¹Asi Jesu wakati kwavari, “Vanoronza ngenyi kuti Kristu mukororo waDhavhidha? ⁴²Ngokuti Dhavhidha emene mubhuku reNduyo wakaronza kuti, ‘Mambo wakati kunaMambo wangu, gara ngokumudyo kwangu, ⁴³metsa ndiite magaa ako chitambarariro chetsoka dzako’. ⁴⁴Ndizvo kuti Dhavhidha echimudaidza kuti Mambo, ungaita mukororo wake ngokuitawani?”.⁴⁵Wakati kuvadzidzi vake mukuzwa kwevanhu veshe, ⁴⁶“Ngwarai vanyori, avo vanodisisa kuhamba vakapfeka zvokusimira zvakareba, vanoda kuchingamidzwa pandau dzemisika nezvigaro zvepamberi mumhatso dzokudira nendau dzepamberi mumishongano yokudya, ⁴⁷avo vanoparadza mhatso dzeshirikadzi nangokudziitisa vanoita mikumbiro yakareba. Vanozoashira kurashwa kwakanyanyisisa''.

¹Jesu wakasimuka akaringira, akaona vamfhumi vechiisa zvipo zvavo mundau yezvipo. ²naye wakaona shirikadzi yaiya murombo yechiisawo zvimapeni zviiri zvidoko. ³Naye wakati, “Ngegwinyiso ndinomuronzera, kuti iyi shirikadzi murombo yaisamwo mare yakapinda kuwanda kupinda vamweni veshe, ⁴ngokuti avo veshe vaisamwo muzvipo kubva pauwandu wepfuma yavo, asi iye kubva muurombo hwake waisamwo zveshe zvaanopona ndizvo”.⁵Naapo vamweni vachaereketa ngendaa yeTemperi, kuti rakanemeswa ngemapuwe akawanda nezvipo, iye wakati, ⁶Hino Jesu wakati “Ngendaa yeizvi zvomunoona, mazuva anozouya naapo arizosiiwi buwe rimwe rakaturikidzwa padera perimweni risikazowiswi pashi”.⁷Navo vakamubvunza vechiti, “Mudzidzisi, izvi zvinozoitika riini? Chiinyi chinozoita chioniso apo zvooda kuitika? ⁸Jesu wakati, “Ngwarai kuti musazopaukiswa; ngokuti vazhinji vanozouya ngezina rangu vechiti, ‘Ndini aye!’ Nokuti, ‘Mukuwo wakwedzera!’ Musavateera. ⁹Naapo mwoozwa ngehondo nokumukirana, musazotyiswa; ngokuti kunosisira kuti izvi zviitike kutanga, asi magumo aasati aapasinde”.¹⁰Naapo wakati kwavari, “Dzinza rinozomukira dzinza noumambo hunozomukira umambo. ¹¹kunozoapo kuzungunyika kukurutu kwenyika, nokundau dzakaparadzana nzara nenhenda, nezvinotyisa kakurutu nezvioniso zvakakura zvinobva mudenga.¹²Asi izvi zveshe zvisati zvaitika vanozomubata, navo vanozomutambudza, vechimupira kumhatso dzokudira nomumatirongo, vechimuunza pamberi pemadzimambo nepevatongi ngendaa yezina rangu. ¹³Iyi inozoita nguva yenyu yokuita uchapupu.¹⁴Ndizvo nasirirai mipinimidzo yenyu, kuti musazodembatemba ngepamberi kuti chiinyi chomunozopingura;, ¹⁵ngokuti ndinozomupa mazwi nokungwara, akuna naumwe wemagaa enyu ungakona kurwisana nakwo nokuti kuzviemera.¹⁶Munozopirwa kuvatongi kunyazwi ngevabereki, vakoma, hama neshamwari, navo vanozoita kuti vamweni venyu vaurawe. ¹⁷Nemwi munozonyenywa ndivo veshe ngendaa yezina rangu. ¹⁸Asi akuna nekabvudzi nakamwe kesoro renyu kanozorashika. ¹⁹Mukusengerera kwenyu munozoponesa ndaramo dzenyu.²⁰Asi apo mwoona Jerusarema rechitendenedzwa ngehondo, zvino ziai kuti kuparadzwa kwaro kwaapasinde. ²¹Naapo vari muJudhia ngavatizire kumitunhu, naavo vari mukati mwaro ngavabudemwo, naavo vari kubanze munharaunda vasazopoteramwo. ²²ngokuti aya ari mazuva okuunzidzirwa, kuti zveshe izvo zvakanyorwa zvizadzisike.²³Hezvo kwavari vane mimba naavo vanoamwisa ngaawo mazuva! Ngokuti kutambudzika kukurutu kuchaapo padera penyika noushungu padera pevanhu ava. ²⁴vanozowa ngokupinza kweshoti, vanozokweiwa kuita hloko kumadzinza eshe; neJerusarema rinozotsikwatsikwa pashi ngevemadzinza, metsa nguva yevemadzinza yazadzisika.²⁵Nezvioniso zvinozoitika pazuva, pamwedzi, panyeredzi, nepadera penyika kunozoapo kupera simba nokutyiswa ngendaa yokutinhira kworuandhle nemafungu. ²⁶Vanhu vachapera simba ngokutyiswa apo vakaringira izvo zvinouya padera penyika; ngokuti masimba omudenga anozozungunyiswa.²⁷Naapo vanozoona Mukororo woMunhu echiuya mumakore anesimba nouthende hukurutu. ²⁸Naapo izvi zviro zvootanga kuitika, ringirai mudenga mumirudze masoro enyu, ngokuti kuripirwa kwenyu kwakwedzera pasinde”.²⁹Jesu wakavaronzera muedzaniso echiti, “Ringirai muonde nemiti yeshe; ³⁰kuti yaburikira mashakani, munodzionera pachenyu, nemwi munozia mwemene kuti zienza zvinopano raapasinde. ³¹Ndizvozve, apo mwoona izvi zvechiitika, mwechizia kuti umambo hwaMwari hwaapasinde.³²Ngegwinyiso ndinoti kwomuri, uyu mubarirwana auzopindi akadi zvisati zvaitika izvi zveshe. ³³Denga nenyika zvinozopinda, asi mazwi angu aatongozopindi akadi.³⁴Asi mwechidzingwarira imwimwi kuti pamweni mwoyo yenyu ingazozvimbirwa ngokudyisa nokuraradza nokudembatemba ngezvendaramo iyi, nezuva iro rimugumire ngokukasira kudai ngechirimbana. ³⁵Ngokuti rinozogumira padera pavo veshe avo vanogara padera penyika yeshe.³⁶Asi rindai nguva dzeshe, kumbirai kuti muwe nesimba rokupokonyoka kubva kuneizvi zveshe zvinozoitika, nokuema pamberi poMukororo woMunhu''.³⁷Masikati eshe waidzidzisa muTemperi, asi usiku waibuda kuenda kooata muDunhu remaOrivhi., ³⁸Vanhu veshe vaifumira kuuya kwaari muTemperi koomuzwa.

¹Zvinopano mushongano wokudya chingwa chisina mumera wakakwedzera, unozwi Phasika. ²Nevapristi vakuru nevanyori vaitsvaka njira yokumuuraya ndiyo, ngokuti vaitya vanhu.³Zvino Sathani wakapotera munaJudhasi uwo waizwi Isikarioti, umwe wevari gumi navairi. ⁴Jhudas wakaenda kooshongana nevapristi vakuru nevangwariri veTemperi kuti waizomuita mapirenyi kwavari.⁵Navo vakadakara, vakaita chitenderano kuti vamupe mare. ⁶Ndizvo wakatenda, akatsvaka mukuwo wokumupira kwavari pasina mbungano.⁷Zvino zuva rechingwa chisina mumera rakaguma, iro raibaiwa gwai rePhasika, ⁸Jesu wakatuma Petro naJohani echiti, “Endai mutinasirire Phasika kuti tiridye''. ⁹Vakati kwaari, “Unoda kuti tirinasirire pari?”.¹⁰Wakati kwavari, “Penyai, apo mwoopotera mudhorobha, unozoshongana nemwi mwamuna wakatwara hari mwechimuteera kumhatso yaanopotera, ¹¹nemwi munozoti kumuna wemhatso, ‘Mudzidzisi unoti kwouri, Riripari kamera revaeni, apo pendinozodya Pasika nevadzidzi vangu?’.¹²Naye unozomupangidzira kamera guru romuturika rakanasirirwa ndizvo zveshe; tinasirirei apo''. ¹³Navo vakaenda, vakaona kudai ngezvaakaronza kwavari; navo vakanasirira Pasika.¹⁴Naapo awa raguma, wakagara patafura nevapostori. ¹⁵Naye wakati kwavari, “Ngokudisisa ndaida kudya iri Phasika nemwi ndisati ndatambudzika. ¹⁶ngokuti ndinomuronzera kuti andichazoridyizve, metsa razadzisika muumambo hwaMwari''.¹⁷Jesu wakatora tsani, naapo abonga wakati, “Torai ichi, mukoanisirane pakati penyu. ¹⁸ngokuti ndinomuronzera kuti andichazomwi kumichero yomuvhini metsa hugume umambo hwaMwari''.¹⁹Wakatora chingwa, naapo abonga wakachigura, akachipa kwavari, akati, “Ichi chiri muiri wangu, unopirwa ngepamusoro penyu. Mwechiita ichi kundikarakadza inini''. ²⁰Netsani ngokudaro ngesure kwokudya, echiti, “Tsani iyi inodururirwa imwimwi chitenderano chitsva mungazi yangu.²¹Asi ringirai, nyara youwo unondipira ineni patafura. ²²Ngokuti Mukororo woMunhu unoenda kudai ngezvezvakaemeswa; asi hezvo kuneuwo munhu waanozopirwa ndiye!''. ²³Navo vakatanga kubvunzana pakati pavo kuti ndiani kwavari waizoita ichi chiro.²⁴Kwakabudazve hasha pakati pavo yokuti ndiani kwavari unozoita mukuru. ²⁵Naye wakati kwavari, “Madzimambo emadzinza anotonga padera pavo; vanodaidzwa kuti vadetseri vevanhu.²⁶Asi imwimwi amuzodaro akadi; asi uwo wakakurisisa pakati penyu ngaadai ngewakatsongesesa, nouwo uri mutongi ngaadai ngomuranda. ²⁷Ngokuti ndiani wakapinda kukura, uwo unogara panekudya nokuti uwo unoshandira? Andiyepi here uwo unogara panekudya? Asi inini ndiri pakati penyu ndakadai ngouwo unoshandira.²⁸Asi imwimwi muri avo vakagara neni mukuedzwa kwangu. ²⁹neni ndinomuemesera umambo kudai ndiBaba anguzve vakandiemesera inini, ³⁰kuti mudye mwechimwa patafura rangu muumambo hwangu, nemwi munozogara pamadendemaro mwechitonga madzinza gumi namairi aIsuraeri.³¹Simoni, Simoni, ringira, Sathani wakatenderwa kuti amupuwe, kuti amutsere kudai ngekoroni, ³²asi inini ndakakukumbirira kuti kugonda kwako kusazopera; newe apo watenderukazve, ugwinyise vakoma vako''.³³Petro wakati kwaari, “Mambo, inini ndakanasirira kutoenda newe mutirongo nomukufa''. ³⁴Jesu wakati, “Ndinokuronzera iwewe Petro, jongwe arizoriri nyamashi, usati waramba katatu kuti aundizii''.³⁵Jesu wakati kwavari, “Apo zvandakamutuma musina chikwama nenyede nemagwada, mwakatama chiro here?” Navo vakati, “Atina chetakatama''. ³⁶Naye wakati kwavari, “Asi zvinopano, uwo unechikwama ngaachitore nounenyede ngokudaro. Nouwo usina shoti ngaatengise bhachi rake atenge shoti.³⁷Ngokuti ndinomuronzera kuti ichi chinyorwa chinosisira kuti chizadzisike ndini kuti, ‘Naye wakaerengwa pamwepo nevashaishi;’ ngokuti izvo zvakanyorwa ngendaa yangu zvinozoitika''. ³⁸Navo vakati, “Mambo, ringirai, shoti mbiri dziri panapa.” Naye wakati kwavari, “Zvakwana''.³⁹Jesu wakabuda kubanze, wakaenda kudai ngomushuma wake kuMutunhu wemaOrivhi; nevadzidzi vakamuteera. ⁴⁰Naapo aguma pandau iyo wakati kwavari, “Kumbirai kuti musapinda mukuedzwa''.⁴¹Naye wakasiyana navo nharauko inoda kudai ngeekuposhera buwe, wakagwadama pashi, akakumbira, ⁴²echiti, “Baba, dai mwechida, bvisai tsani iyi kwendiri; asi, kusaita kuda kwangu, asi kuda kwenyu ngakuitike''.⁴³Yakaoneka kwaari ngirosi yechibva mudenga yechimugwinyisa, ⁴⁴Asi mukurwadziwa kakurutu, wakagwinyisira kukumbira; nezia rake raiya rakadai ngemadonhwe makuru engazi echibomhera pashi pamavhu.⁴⁵Naapo amiruka kubva pamukumbiro, wakauya kuvadzidzi vake, akavaona vakaata hope ngendaa yokusvipa mwoyo, ⁴⁶naye wakati kwavari, “Munoatirenyi? Mukai, mukumbire kuti musapinda mukuedzwa''.⁴⁷Naapo achaereketa, kwakauya mbungano nouwo waizwi Judhasi, umwe wevari gumi navairi, echivatungamirira. Wakakwedzera kunaJesu kuti amuchingamidze ngomuromo. ⁴⁸Asi Jesu wakati kwaari, “Judhasi, wopira here Mukororo woMunhu ngokuchingamidza ngomuromo?”.⁴⁹Naapo avo vaitendenedza Jesu vaona izvo zvaizoitika, vakati, “Mambo, tobaya here ngeshoti?” ⁵⁰Umwe wavo wakatema hloko yomupristi mukuru, akagura nzee yake yokumudyo. ⁵¹Asi Jesu wakati, “Zvakwana izvi!” Naye wakabata nzee yake, akamuponesa.⁵²Jesu wakati kunevapristi vakuru nevangwariri veTemperi nevakuru vevanhu, avo vakauya kurwisana naye, “Ngenyi mwabuda nokuuya kudai ngevanorwa nembavha, muneshoti nenduku? ⁵³Naapo ndaiya nemwi mazuva eshe muTemperi, amuzi kundibata. Asi iri riri awa renyu neresimba rechidima''.⁵⁴Naapo vakamubata, vakamukweya kuenda naye, vakamuunza mumhatso yomupristi mukuru. Asi Petro wakateera ari kuretu. ⁵⁵Naapo vabasa muriro pakati poruwanze, vakagara pashi pamwepo, Petro wakagara pashi pakati pavo.⁵⁶Naapo musikana, echimuona akagara mukujeka kwomuriro, echimuringisisa wakati, “Munhu uyu waiya naye''. ⁵⁷Asi Petro wakaramba echiti, “Dzimai, andimuzii''. ⁵⁸Ngesure kwekamukuwo, umweni wakamuona akati, “Iwewe newe uri umwe wavo.” Asi Petro wakati, “Mwamunewe, inini andiri umwe wavo akadi''.⁵⁹Ngesure kwomukuwo waida kuita awa, umwenizve wakagwinyisira kuronza echiti, “Ngegwinyiso munhu uyu waiya naye, ngokuti muGarire''. ⁶⁰Asi Petro wakati, “Mwamunewe, andichizii chounoronza.” Paripo achaereketa, jongwe rakarira.⁶¹NaMambo wakakunukuka, akaringira kunaPetro, naPetro wakakarakadza izwi raMambo, ngenjira yaakaronza kwaari kuti, “Jongwe risati rarira nyamashi, unozondiramba katatu''. ⁶²Petro wakabuda kubanze, akachema kakurutu.⁶³Nevamuna avo vakabata Jesu vakamuitira jee, vakamurova;, ⁶⁴vakamufukidza muhope, vakamubvunza vechiti, “Profeta! Ndiani uwo wakurova?'' ⁶⁵Vakaereketa zviro zvimweni zvakawanda ndiJesu vechimutsambura.⁶⁶Naapo kwaedza, vakaunganidza pamwepo vakuru vevanhu nevapristi vakuru nevanyori, navo vakamukweya kuenda naye kubangano ravo vechiti, ⁶⁷“Kuti uri Kristu, tironzere.” Asi iye wakati kwavari, “Kudai ndanyamuronzera, amuzotendi; ⁶⁸kunyazwi ndikanyamubvunza, imwimwi amuzopinguri.⁶⁹Asi kubvira zvinopano Mukororo woMunhu unozogara ngokumudyo kwesimba raMwari''. ⁷⁰Navo veshe vakati, “Iwewe zvino uri Mukororo waMwari here?” Jesu wakati kwavari, “Imwimwi mwatoronza kuti ndini inini.”, ⁷¹Navo vakati, “Tichatama chapupu chimweni ngenyi? Ngokuti isusu temene tazwa kubva pamuromo wake

¹Naapo mushongano weshe wavo wakamiruka, vakamuunza pamberi paPiratu. ²Navo vakatanga kumuitira ndaa vechiti, “Takamuona uyu munhu echipaukisa dzinza redu, echirambidza kuti chibharo chisabhadharwa kunaSiza, echironza kuti iye emene ndiKristu, mambo³NaPiratu wakamubvunza echiti, “Iwewe uri mambo wevaJudha here?” Naye wakamupingura, akati, “Ndizvo zvewaronza''. ⁴NaPiratu wakati kuvapristi vakuru nokumbungano, “Andioni ndaa kumunhu uyu.”, ⁵Asi vakapinda kutsamwirira vechiti, “Unovherudza vanhu, echidzidzisa muJudhia mweshe, kutanga ngomuGarire metsa kuguma pandau iyi''.⁶Naapo Piratu azwa izvi wakabvunza kuti, “Munhu uyu muGarire here ⁷Naapo azia kuti waiya woumambo hwaHerodhi, wakamutumira kunaHerodhi, uwo naye waiya muJerusarema ngaawo mazuva.,⁸Naapo Herodhi aona Jesu wakadakara kakurutu, ngokuti iye waiya nechidisiso chokuda kumuona kubvira mukuwo wakareba, ngokuti iye waiya azwa ndiye, naye waida kuona chioniso chinoitwa ndiye. ⁹Herodi wakabvunza Jesu ngemazwi akawanda, asi aazi kupingura chiro. ¹⁰Vapristi vakuru nevanyori vakaema vechitsamwirira kumuitira ndaa.¹¹NaHerodhi pamwepo namajoni ake vakamubata ngenjira inotsverudza, akamuitira jee, vakamupfekisa zvokusimira zvinon'anikira, akamutumirazve kunaPiratu. ¹²Herodhi naPiratu vakaiyaniswa ngeiro zuva, ngokuti ngepasure vaiya magaa.¹³Piratu wakadaidza pamwepo vapristi vakuru, vatongi nevanhu. ¹⁴Wakati kwavari, “Imwimwi mwaunza uyu munhu kwendiri mwechiti unopaukisa vanhu. Penyai, inini ndamubvunzisisa pamberi penyu; penya, andizi kuona ndaa kuneuyu munhu ngeizvo zvomunomuitira ndaa ndizvo.¹⁵Kunyazwi Herodhiwo, ngokuti wamupetudza kwetiri; ringirai, akuna chiro chakaitwa ndiye chaangatongerwa kuti afe. ¹⁶Ndizvo ndichamurova ndimusunhure. ¹⁷Zvinopano waisisira kuti avasunhurire mubhanditi umwe pamushongano wokudya.¹⁸Asi vakadaidzira veshe pamwepo, “Bvisa uyu munhu, utisunhurire Bharabhasi''. ¹⁹Uwo wakakonyerwa mutirongo ngendaa youdzongoni hwaakaita mudhorobha nendaa yokuuraya.²⁰Piratu wakaereketazve kwavari, echida kusunhura Jesu., ²¹Asi vakadaidzira vechiti, “Mukohomere, mukohomere”, ²²Naye wakati kwavari ngokwechitatu, “Ngenyi, wakashaishenyi munhu uyu? Andizi kuona kwaari ndaa yaangatongerwa kuti afe. Ndizvo ndichamurova ndimusunhure''.²³Asi paripo vakatsamwirira ngemazwi makuru, vechikumbira kuti akohomerwe. Nemazwi avo akanyisa. ²⁴NaPiratu wakagura kuti izvo zvevakakumbira zviitike. ²⁵Naye wakavasunhurira uwo waiya akakonyerwa mutirongo ngendaa youdzongoni nokuuraya, uwo wevakakumbira; asi wakavapa Jesu kuti vaite kuda kwavo ndiye.²⁶Naapo vechimukweya kuenda naye, vakabata munhu waizwi ndiSimoni weKurene, echibva munharaunda, vakaisa padera pake muchinjiko kuti autware ngesure kwaJesu.,²⁷Yakamuteera mbungano huru yevanhu, nevakadzi avo vaimuchema nokumutsumba. ²⁸Asi Jesu echikunukukira kwavari wakati, “Vakunda veJerusarema, musandichemera inini, asi mwechidzichemera imwimwi nevana venyu.²⁹Ngokuti ringirai, mazuva achauya evanozoti, ‘Dzinomuchena ngomwa nendani dzisikazi kumbobereka nemazamo asikazi kumboamwisa’, ³⁰Naapo vanozotanga kuronza kumitunhu kuti, ‘Tiwirenyi padera pedu,’ nokuzvimitunhu kuti, ‘Tidumaidzenyi’, ³¹Ngokuti kudai vechiita izvi kumuti muishi, chiinyi chinozoitwa kunewakaoma”,³²Vairi vamweni, madzongoni, vakakweiwa pamwepo Jesu koourawa.,³³Naapo vaguma pandau inozwi Denhenya, vakamukohomerapo nevashaishi, umwe ngokumudyo noumweni ngokumuoshwe. ³⁴Jesu wakati, “Baba, varekererei; ngokuti avachizii chevanoita.” Navo vechikoanisirana zvokufuka zvake pakati pavo, vakaita mabhigidha.³⁵Nevanhu vakaema vechiringira; asi vatongi vakamuitira jee vechiti, “Iye wakaponesa vamweni, ngaadziponese, kuti ari Kristu waMwari, wakatsanangurwa wake”.³⁶Majoni nawo akamuitira jee, vechiuya kwaari nokumupa vhini rinorungura, ³⁷vechiti, “Kuti iwewe uri Mambo wevaJudha, dziponese”. ³⁸Rwaiyapo runyoro ngepadera pake rwaiti, “UYU NDIMAMBO WEVAJUDHA”.³⁹Umwe wevashaishi avo vakakohomerwa naye wakamutsambura echiti, “Andiwe here Kristu? Chidziponesa iwewe neisusu”. ⁴⁰Asi umweni wakapingura echimurambidza, akati, “Aumutyi here Mwari, wechiona kuti uri mukurashwa kumwekwo naye? ⁴¹Nesu ngegwinyiso tinosisira kurashwa, ngokuti tinoashira zvinosisira zviito zvedu. Asi uyu munhu aazi kuita zvakashata”,⁴²Naye wakati, “Jesu, ndicherechedzewo apo woopotera muumambo hwako”. ⁴³Naye wakati kwaari, “Ngegwinyiso ndinokuronzera, kuti nyamashi unozoapo neni muPharadhaisi”.⁴⁴Panguva yaida kuita awa rechitanhatu, nechidima chakafukidza nyika yeshe metsa kuguma awa rechipfumbamwe. ⁴⁵Naapo kujeka kwezuva kwakapera, nejira romuTemperi rakabaurwa ngepakati.⁴⁶Apapo Jesu wakadaidzira ngeizwi guru, wakati, “Baba, ndinoisa mweya wangu munyara dzako!” Naapo aronza kudaro, mweya wake wakabuda. ⁴⁷Naapo nduna yezana yaona zvakaitika, yakakudza Mwari yechiti, “Ngegwinyiso uyu waiya munhu wakarurama''.⁴⁸Nembungano yeshe iyo yakaungana pamwepo yechiringira, apo yaona zvakaitika, vakahwirira kanyi vechirova maditi avo. ⁴⁹Naavo veshe vaiziyana naJesu nemadzimai awo akamuteera echibva Garire vakaema vari kuretu, vechiona zviro izvi.⁵⁰Zvinopano waiyapo munhu waizwi ndiJosefa, waibva mudhorobha reJudhia reArimathia. Waiya umwe wenhengo yevatongi, munhu wakanaka newakarurama. ⁵¹Waiya asikazi kutenderana nebangano nokuita kwavo, akandogarira umambo hwaMwari.⁵²Munhu uyu wakaenda kunaPiratu, akakumbira muiri waJesu. ⁵³Naye wakaudzasa pashi, akauputira ngejira rakachena, akauika muiba rakatsiwa pabuwe, umwo musikazi kumboikwa munhu.⁵⁴Naro raiya zuva rokunasirira Phasika, neSabatha rooda kutanga. ⁵⁵Nemadzimai avo vaiya vakabva naye Garire vakateera ngesure, vakaona iba nokuikwa kwomuiri wake. ⁵⁶Navo vakahwirira, vakanasirira mitombo inegwema rakanaka nemakha. Vakazorora ngezuva reSabatha, kudai ngezvinoronza mupango.

¹Asi ngezuva rokutanga revhiki, mangwanani maishi, vakauya kuiba, vechiunza mitombo inegwema rakanaka yevaiya vanasirira. ²Navo vakaona buwe ramburumbudzwa kubva paiba. ³Asi naapo vapotera mukati avazi kuona muiri waMambo Jesu.⁴Naapo vachakangaidzwa ndizvo, penya, vamuna vairi vakaema pasinde pavo, vakapfeka zvinon'anikira; ⁵naapo vechityiswa, vakatsikitsira pashi hope dzavo, vamuna vakati kwavari, “Munotsvaka vanopona ngenyi pakati pevakafa?⁶Amuna muno, wamuka. Cherechedzai zvaakamuronzera apo achiri muGarire. ⁷echiti, ‘Kunosisira kuti Mukororo woMunhu apirwe munyara dzevanhu vakashata, akohomerwe, naye ngezuva rechitatu amuke''.⁸Navo vakakarakadza mazwi ake, ⁹vechipetuka kubva kuiba, vakaronza izvi zveshe kunevarigumi naumwe nokunevamweni veshe. ¹⁰Zvinopano vaiya Maria Magadhareni, Joana, Maria mai aJakobe, pamwepo nemadzimai amweni, vakaronza izvi kunevapostori.¹¹Asi vapostori avana kutenda kuneMadzimai, mazwi aya akaoneka kwavari ari asina shwiro. ¹²Asi Petro wakamiruka, akarumba kuenda kuiba, akaguma, wakakotama, akaringira mukati, akaona machira akachena andori ega; naye wakaenda kanyi kwake, echishamiswa ngeicho chakaitika.¹³Pazuva iro vairi vavo vaihamba kuenda kuguta rinozwi Emausi, raida kuita makhiromitha gumi narimwe kubva Jerusarema. ¹⁴Navo vaiereketa umwe kunoumweni ngeizvo zveshe zvakaitika.¹⁵Naapo vachaereketa vechibvunzisana, Jesu emene wakakwedzera kwavari, akahamba navo. ¹⁶Asi madziso avo akaitiswa rubuma kuti vasamuzia.¹⁷Wakati kunaJesu, “Ngerenyi shoko iri romunoereketa umwe kunoumweni mwechihamba?” Vakaema vakanyarara, vane hope dzinotambudzika. ¹⁸Naapo umwe wavo, unozwi Kreopasi, wakapingura, akati kwaari, “Unogara uri wega here muJerusarema usikazii izvo zvakaitikamwo ngaaya mazuva?''¹⁹Naye wakati kwavari, “Zviro zvenyi?” Vakati kwaari, “Izvo zvaJesu weNazaretha, uwo waiya muprofeti anesimba ngezviito namazwi pamberi paMwari nepamberi pevanhu veshe, ²⁰nenjira yevakamupira ndiyo vapristi vakuru nevatongi vedu nokugura kuti aurawe ngokumukohomera.²¹Asi isusu taigonda kuti ndiye waizoripira Isuraeri. Eya, nepadera peizvi zveshe, nyamashi ratoa zuva rechitatu kubvira panguva yezvakaitika izvi.²²Uyezve, vamweni vemadzimai vechiunga chedu vatishamisa. Vafumira kuenda kuiba, ²³naapo vasikaoni muiri waJesu, vakauya vechiti vaona chioniso chengirosi, idzo dzati kwavari unopona. ²⁴Nevamweni veavo vaiya nesu vakaendawo kuiba, vakaona kudai ngezvevakaronza madzimai; asi iye avazi kumuona''.²⁵Iye wakati kwavari, “A! Mapenzi nevanononoka kutenda ngomwoyo izvo zveshe zvakaereketwa ngevaprofeti!, ²⁶Kwaiya kusikasisiri here kuti Kristu atambudzwe ngeizvi zviro zveshe nokupotera muuthende hwake?” ²⁷Naye echibva ngezvaMosi nezvevaprofeti veshe wakapangidzira kwavari muzvinyorwa zveshe izvo zvakanyorwa ngendaa yake.²⁸Ndizvo vakakwedzera kuguta apo pevaienda. Iye wakaita kudai ngounopinda kuenda mberi, ²⁹Asi vakamukoka vechiti, “Gara nesu, ngokuti rotengama nezuva rooda kubira.” Naye wakapotera koogara navo.³⁰Naapo agara navo pakudya, wakatora chingwa, akachibonga, akachigura, akachipa kwavari. ³¹Nemadziso avo akapembenuka navo vakamuzia; naye wakanyangarika kubva mukuona kwavo. ³²Navo vakati umwe kunoumweni, “Mwoyo yedu aizi kupisha here mukati mwedu apo achaereketa kwetiri munjira nokupangidzira kwetiri zvakanyorwa?”.³³Navo vakamiruka ngeiro awa, vakahwirira Jerusarema; vakaona varigumi naumwe vakaungana pamwepo nevamweni avo vaiya navo, ³⁴vechiti, “Mambo wamuka ngegwinyiso, naye waoneka kunaSimoni”, ³⁵Zvino vakaronza izvo zvakaitika vari munjira, nokuziikanwa kwaakaita ndivo ngokugura chingwa.³⁶Naapo vacharonza izvi, Jesu emene wakaema pakati pavo, akati kwavari, “Kunyarara ngakugare kwomuri”, ³⁷Asi vakakaruka, vakatyiswa kakurutu, vakapinimidza kuti vaona dzangaradzimu.³⁸Asi Jesu wakati kwavari, “Munotambudzika ngenyi? Inobuda ngenyi mibvunzo iyi mumwoyo yenyu? ³⁹Ringirai nyara dzangu netsoka dzangu, ndini ndemene. Ndibatei muone; ngokuti dzangaradzimu arina nyama nemagodo kudai ngezvomunoona kuti inini ndinazvo''. ⁴⁰Naapo aereketa kudaro, wakavapangidzira nyara dzake netsoka dzake.⁴¹Naapo vasikagondi ngendaa yokudakara nokushamiswa, Jesu wakati kwavari, “Munazvo here panapa zvokudya?”. ⁴²Vakamupa chigurwa chehove chakasasikwa, ⁴³Jesu wakachitora, akadya pamberi pavo.⁴⁴Naapo wakati kwavari, “Aya ndiwo mazwi endakaereketa kwomuri ndichiri nemwi, kuti kunosisira kuti zveshe zvizadzisike izvo zvakanyorwa muMipango yaMosi nezvevaprofeti nezveNduyo ndini''.⁴⁵Naapo wakajekisa mipinimidzo yavo kuti vazwisise zvinyorwa, ⁴⁶naye wakati kwavari, “Kwakanyorwa kudai, Kristu unozotambudzwa nokumukazve kubva kwevakafa ngezuva rechitatu, ⁴⁷nokutizve kutenderuka nokurekererwa kwezvishaishi kunosisira kuchumairwa ngezina rake kunemadzinza eshe, kutanga muJerusarema.⁴⁸Nemwi muri zvapupu zveizvi zviro. ⁴⁹Ndinotuma chigondiso chaBaba angu padera penyu; asi garai mudhorobha, metsa mupfekeswe ngesimba rinobva mudenga''.⁵⁰Naapo Jesu wakavatungamirira kubuda mudhorobha metsa vaguma Bhethani, naye echimirudza nyara dzake wakavafumisa. ⁵¹Naapo achavafumisa, wakaparadzana navo, akakwidzwa mudenga.⁵²Navo vakamunamata, vakahwirira kuenda Jerusarema ngokudakara kukurutu,, ⁵³navo vakatsamwirira kugara muTemperi vechikudza Mwari.

¹Pakutanga laivapo Izwi, ne Izwi lainga naMwari, neIzwi laiva Mwari. ²Waiyapo pakutanga naMwari. ³Zviro zveshe zvakasikwa kubudikidza ndiye, ngepabanze pake paiwa pasina chiro nachimwe chakasikwa cheizvo zvakasikwa⁴Paari painga noupenhu, upenhu kwaiva kujeka kwavanhu. ⁵Kujeka kunojeka muchidima nechidima achizi kukudzima.⁶Kwaiwapo munhu wakatumwa ndiMwari, zina rate raiva Johani. ⁷Wakauva kuita chapupu, kuti upupure ngokujeka, kuti vanhu vese vatende kubudikidza ndiye. ⁸Iye waiva asiriye kujeka, asi wakauia kuti apupure ngokujeka.,⁹Kaiva kuri kudjeka ko shokwadi, kunodjekissa varume vese, arikuguma munhika.¹⁰Waiva munyika, nenyika yakasikwa kubudikidza ndiye, asi nyika aizi kumuziva. ¹¹Wakauya munezvake, nevanhu vake avazi kumuashira.¹²Asi kwawari veshe vakamuashira, avo vakatenda muzita rake, wakavapa simba rokuti vaite vana vaMwari; ¹³avo vasikazi kubarwa ngengazi nokuti ngokuemura kwenyama nokuti ngokuemura kwomunhu, asi vakabarwa ndiMwari.¹⁴Neizwi wakaita munhu, wakagara pakati pedu, nesu takaringira uthende hwake, uthende huri hwouwo wakabarwa ega ndiBaba, akazara ngenyasha negwinyiso. ¹⁵Johani wakaita chapupu ndiye, akadaidzira echiti: “Uyu ndiye wendakareketa ndiye kuti: ‘Uwo unouya sure kwangu mukuru kupinda inini ngokuti waiwapo ndisati ndaapo.”¹⁶Kubva mukuzara kwake isusu teshe takaashira, nyasha padera penyasha. ¹⁷Ngokuti mipango yakapuwa kubudikidza ndiMosi; asi nyasha negwinyiso zvakaapo kubudikidza ndiJesu Kristo. ¹⁸Akuna naumwe wakamboona Mwari; Mwana ega, uwo unogara paditi raBaba, ndiye wakamuita kuti aziikanwe.¹⁹Neichi ndicho chapupu chaJohani, apo vaJudha vakatuma kwaari vapristi nevaRevhi kubva Jerusarema koomubvunza kuti: “Urianani iwewe?” ²⁰Naye wakatenda, aazi kuramba, asi wakatenda echiti: “Inini andinipi Kristu akadi.” ²¹Navo vakamubvunza vechiti, “Wati kudini? Uri Erija here?” Naye wakapingura echiti: “Andiriyepi.” “Uri muprofeti here?” Naye wakapingura echiti: “Haiwa.”²²Ndizvo vakati kwaari zvino: “Urianani? Tipingure kuti tione chokoopingura avo vakatituma. Unotinyi iwewe pachako?”, ²³Wakati: “Inini ndini izwi rounodaidzira mushango echiti: ‘Ruramisai njira yaMambo,’ kudai ngezvaakaronza Isaya muprofeti.”²⁴Zvino vaiya vakatumwa kubva kuvaFarisi. ²⁵Navo vakamubvunza, vakati kwaari: “Zvino ngenyi wechibhabhatidza, kuti usiri Kristu nokuti Erija nokuti uwo muprofeti?”.²⁶Johani wakavapingura echiti: “Inini ndinobhabhatidza ngemvura; asi pakati penyu panoema uwo womusikazii, ²⁷Ndiye uwo unouya sure kwangu, wendisikasisiri inini kuti ndisunungure rusinga rwegwada rake.” ²⁸Izvi zvakaitika muBhethani seri kweJorodhani, apo paaibhabhatidza Johani.,²⁹Nechimangwani aona Jesu echiuya kwaari, wakati, “Ringirai, Kagwai kaMwari kanodusa kushaisha kwenyika! ³⁰Uyu ndiye wendakaereketa ndiye kuti: ‘Sure kwangu kunouya munhu uri mukuru kupinda inini, ngokuti waiyapo ndisati ndaapo.’ ³¹Inini pachangu ndaiya ndisikamuzii; asi ngendaa iyi ndakauya ndechibhabhatidza ngemvura kuti apangidzirwe kuvaIsuraeri.”³²NaJohani wakaita chapupu echiti: “Ndakaona Mweya wechidzaka kubva mudenga wakadai ngenjia, ukagara padera pake. ³³Inini pachangu ndaiwa ndisikamuzii; asi iye wakandituma kuti ndibhabhatidze ngemvura wakati kwendiri: ‘Uwo wounozoona Mweya wechidzaka nokugara padera pake, uyu ndiye unobhabhatidza ndiMweya Wakachena.’ ³⁴Neni ndakaona, ndakapupura kuti uyu ndiye Mukororo waMwari.”³⁶³⁵Nechimangwanizve Johani waiya akaema nevairi vevadzidzi vake; naye aona Jesu echihamba, wakati: “Ringirai, Kagwai kaMwari!”³⁷Vadzidzi vairi vakamuzwa echiereketa izvi, vakateera Jesu. ³⁹Jesu wakakunukuka, akavaona vechimuteera, akati kwavari, “Munotsvakenyi?” Vakati kwaari: “Rabhi (ukwo kunoti ngokukumuchwa, Mudzidzisi,) unogara pari?” ³⁸Wakati kwavari: “Uyai muone.” Ndizvo vakauya vakaona apo paaigara, nawo vakagara naye zuvaro. Raiya rooda kuita awa rechigumi.⁴⁰Umwe wevairi avo vakazwa Johani echiereketa, akamuteera, waiya Andreu, munun'una waSimoni Petro. ⁴¹Iye wakatanga kutsvaka mukoma wake Simoni, akati kwaari, “Tamuona Mesia” (ukwo kunoti ngokukumuchwa, Kristu.) ⁴²Naye wakamuunza kunaJesu. Naapo Jesu amuringira wakati, “Iwewe ndiwe Simoni mukororo waJohani. Unozodaidzwa kuti Khefasi” (ukwo kunoti ngokukumuchwa, Petro.)⁴³Nechimangwani wakada kuenda Garire, wakaona Firipu. NaJesu wakati kwaari: “Nditeere.” ⁴⁴Zvino Firipu waibva Bhethisaidha, dhorobha revaigara Andreu naPetro. ⁴⁵Firipu wakaona Nathanaeri, akati kwaari: “Tamuona uwo waakanyora ndiye Mosi muMipango nevaprofeti, Jesu weNazaretha, mwana waJosefa.”⁴⁶Nathanaeri wakati kwaari: “Kungabvawo chakanaka muNazaretha here?” Firipu wakati kwaari: “Uya uone.” ⁴⁷Jesu wakaona Nathanaeri echiuya kwaari, akati ndiye: “Ringirai muIsuraeri wegwinyiso, usina kuchengedza mukati mwake!”, ⁴⁸Nathanaeri wakati kwaari: “Wandiziira pari?” Jesu wakapingura akati kwaari: “Firipu asati akudaidza, uri pashi pomuonde, ndakakuona.”⁴⁹Nathanaeri wakapingura akati, “Rabhi, iwewe uri Mukororo waMwari! Uri Mambo waIsuraeri!”. ⁵⁰Jesu wakapingura, akati kwaari: “Ngokuti ndati kwouri, ndakakuona uripashi pomuonde, unotenda here? Unozoona zviro zvikuru kupinda izvi.” ⁵¹Wakati kwaari: “Ngegwinyiso ndinoti kwomuri, munozoona denga rakabeuka nengirosi dzaMwari dzechikwira nokudzaka padera poMwana woMunhu.”

¹Ngezuva rechitatu kwaiyapo muchadho muKhana reGarire, namai aJesu vaiyapo. ²Jesu wakakokwawo nevadzidzi vake kumuchadho.³Naapo vhini rapera, mai aJesu vakati kwaari: “Avachina vhini. ⁴NaJesu wakati kwaari, “Chinenyi ichi kwendiri nokwouri, mai? Awa rangu arisati raguma. ⁵Mai ake vakati kuvashandi: “Kunyazwi chiinyi chaanoronza kwomuri, itai.”,⁶Zvino aiyapo mabiya emapuwe matanhatu emvura kudai ngomuitiro wavaJudha wokushamba, rimwe ngarimwe raipinda nhuvi mbiri nokuti nhatu. ⁷Jesu wakati kwavari: “Zadzai mabiya ngemvura.” Navo vakaazadza kuti penu. ⁸Naye wakati kwavari: “Cherai zvino, muende nayo kunenhunge yomuchadho.” Navo vakatora vakaenda nayo.⁹Naapo nhunge yomuchadho yaraira mvura iyo yakapindudzwa kuita vhini, isikazi kuzia kuti rabva kuri (asi vashandi avo vakachera mvura vaizia), nhunge yomuchadho yakadaidza mukwambo, ¹⁰nayo yakati kwaari: “Munhu weshe unobudisa kutanga vhini rakanaka; naapo vanhu vamwa kakurutu, unobudisa iro risikazi kunasa kunaka; asi iwewe wakangwarira vhini rakanasa kunaka metsa zvino.”¹¹Jesu wakaita uyu, mushamiso wake wokutanga, muKhana reGarire, wakapangidzira uthende hwake; nevadzidzi vake vakatenda kwari.¹²Ngesure kweizvi wakadzaka kuenda Khapernaume, iye namai ake nevanunguna vake nevadzidzi vake; navo vakagarapo mazuva asikazi kuwanda.¹³NePhasika revaJudha raiya repasinde, naJesu wakakwira kuenda Jerusarema. ¹⁴Naye wakaona muTemperi avo vaitengesa mwombe, makwai nenjia, nevaitenganisana mare vakagaramwo.¹⁵Naapo aiya aita swepu, wakavadzinga veshe kubva muTemperi, zveshe makwai nen'ombe. Wakadurura pashi mare yavaitenganisana, akapinduridza matafura avo. ¹⁶Naye wakati kuneavo vaitengesa njia: “Dusai izvi zviro kubva pano Musaita mhatso yaBaba angu mhatso yokutengesira”¹⁷Nevadzidzi vake vakakarakadza kuti kwakanyorwa kuti: “Kutsamwirira ngendaa yemhatso yako kuchandipedza.” ¹⁸Ndizvo vaJudha vakamupingura, vakati kwaari: “Muoniso wenyi woungaita kutionisa kuti unesimba rokuita izvi zviro?” ¹⁹Jesu wakapingura, akati kwavari: “Putsai iri Temperi, ndinozorimirudzazve ngemazuva matatu.”²⁰Ndizvo vaJudha vakati: “Temperi iri rakaakwa ngemakore makumi marongomuna namatanhatu, newe ungarimirudza here ngemazuva matatu?” ²¹Asi iye wakaereketa ngendaa yetemperi romuiri wake. ²²Ndizvo apo amuswa kubva kwevakafa, vadzidzi vake vakakarakadza kuti waiya akaereketa ngeichi; navo vakatenda zvakanyorwa neizwi iro raakaereketa Jesu.²³Zvino apo aiya muJerusarema padhiri rePhasika, vazhinji vakatenda zina rake apo vaona mishamiso yaakaita. ²⁴Asi Jesu aazi kudzipira kwavari, ngokuti iye waizia vanhu veshe ²⁵waiya asikatami naumwe kuti apupurire kwaari ngendaa yomunhu; ngokuti iye waizia emene izvo zviri mukati mwomunhu.

¹Zvino painga munhu wevaFarisi, zita rake ndiNikodhemusi, mutongi wevaJudha. ²Uyu munhu wakaenda kunaJesu usiku wakati kaari: “Rabhi, tinozia kuti iwewe uri mudzidzisi wakabva kunaMwari; ngokuti akuna naumwe ungakona kuita iyi mioniso younoita, kwega kuti Mwari arinaye.”³Jesu wakapingura, akati kaari: “Ngeshokwadi ndinoti kwouri, kudai munhu asabarwa ngokwomudenga, aakoni kuona umambo hwaMwari.” ⁴Nikodhemusi wakati kwaari, “Munhu ungaita mabarirwenyizve apo aamusharuka? Ungakona here kuti apotere ngokwechipiri mundani yamai ake, abarwezve?”,⁵Jesu wakapingura echiti, “Nge chokwadi, chokwadi, ndinoti kouri: kuti munhu asabarwa ngemvura noMweya, aangakoni kupotera muumambo waMwari. ⁶Uyana unobarwa nge nyama inyama, unobarwa nge Mweya mweya.⁷Usa shamaswa ngokuti ndati kwouri: ‘Kunosisira kuti ubarwezve. ⁸Mututu unovhuvhuta peunoda, newe unozwa chaungira charo, asi auzii perinobva neperinoenda. Zvakadaro kavari veshe vanobarwa ngomuMweya.”⁹Nikodhemusi wakapingura, akati kwaari: “Izvi zvingaita maitikirenyi?” ¹⁰Jesu wakapingura akati kwaari: “Iwewe uri mudzidzisi waIsuraeri, auzwisisi izvi here?, ¹¹Nge chokwadi ndinoti kouri, tinoreketa chetinozia, nesu tinopupura ngeicho chetakaona; nemwi amuashiri uchapupu hwedu.¹²Kuna ndamureketera zviro zvemunyika nemwi amuzi kuzvitenda, hino munozoita matenderenyi kudai ndechimubuira ngezviro zvomudenga? ¹³Akuna naumwe wakambokwira mudenga, asi uwo wakadzaka kubva mudenga, Mwana wakadzuka.¹⁴Kudai ndiMosi wakamurudza nyoka mushango, ngokudaro kunosisira kuti Mwana woMunhu amurudzwe, ¹⁵kuti kunyazwi ndiani unomutenda aone kupona kusikaperi.”¹⁶Ngokuti Mwari wakaida nyika kudai, wakayipa Mwana wake wakabarwa ari ega, kuti veshe vanomutenda vasafa asi vaone kupona kusikaperi. ¹⁷Ngokuti Mwari aazi kutuma Mwana wake munyika kuti atonge nyika, asi kuti nyika iponeswe kubudikidza ndiye. ¹⁸Uwo unotenda kaari aatongwi; asi uwo usikatendi watotongwa nazvino, ngokuti aazi kutenda zita rouwo wakabarwa ari ega Mwana waMwari.¹⁹Uku ndikwo kutongwa: kuti kujeka kakaguma munyika, nevanhu vakada chidima kakurutu kupinda kujeka, ngokuti mushando yavo yaiya yakashata. ²⁰Ngokuti weshe unoita zvakashata unozonda kujeka naye aauyi mukujeka, ngokuti mushando yake inozooneka pamhene. ²¹Asi uwo unoita zvinegwinyiso unouya mukujeka, kuti mushando yake inase kuoneka kuti yakaitwa munaMwari.²²Ngesure kweizvi, Jesu nevadzidzi vake vakaenda munyika yeJudhia; naye wakagaramo navo echibhabhatidza. ²³NaJohani waibhabhatidza muAenoni paduze peSarimu, ngokuti yaiapo mvura yakawanda; vanhu vakauya vakabhabhatidzwa. ²⁴Ngokuti Johani waiya asati aiswa mutirongo.²⁵Zvino kwakaapo kuphikisana pakati pevadzidzi vaJohani nomuJudha ngendaa yokucheneswa. ²⁶Navo vakauya kunaJohani, vakati kwaari:“Rabhi, uwo waiya newe seri kweJorodhani, uwo wowakaita chapupu ndiye, uyu uri pano, unobhabhatidza, navo veshe vanoenda kwaari.”²⁷Johani wakapingura, akati: “Munhu aakoni kuashira chiro kunyazwi ngechiri kuti asikazi kuchipuwa kubva mudenga. ²⁸Imwimwi mwemene mwakaita chapupu ndini kuti ndakati, ‘Inini andiriyepi Kristu, asi ndakatumwa pamberi pake.’,²⁹Uwo una nyamuroorwa ngewe muroora; asi shamwari yomuroora, iyo inoema yechimuzwa, inodakara ngendaa yeizwi renyamuroora; ndizvo uku kudakara kwangu kwazadkisika. ³⁰Zvishafanira kuti iye akuriswe, asi inini ndinofanira kuti nditsonge.”³¹Uwo unouya echibva mudenga uri padera pazvo zveshe; uwo unobva munyika ngowenyika, naye unoereketa zvomunyika. Uwo unobva mudenga uri padera pazvo zveshe. ³²Naye unopupura ngeizvo zvaakaona nezvaakazwa, asi akuna munhu unoashira chapupu chake. ³³Uwo unotenda zvanobuya, wakagwinyisa kuti Mwari igwinyiso.³⁴Ngokuti uwo waatuma Mwari unoereketa mazwi aMwari, ngokuti iye aapi kwaari Mweya ngechipimo. ³⁵Baba vanoda Mukororo, navo vakapa zviro zveshe munyara dzake. ³⁶Uwo unotenda Mwana waane kupona kusikaperi; nouwo usikatendi Mwana aazooni kupona, asi ushungu waMwari hunozogara padera pake.

¹zvino apo ishe aziva kuti vaFarisi vaiya vazwa kuti Jesu waiita nokubhabhatidza vadzidzi vakawanda kupinda Johani. ²(kunyazwi Jesu emene aazi kubhabhatidza, asi vadzidzi vake). ³Wakabva Judhia, akaendazve Garire.⁴Waisisira kuti ahambe ngomuSamaria. ⁵Ndizvo wakaguma muguta revaSamaria rinozwi Sikha, pasinde pomunda uwo waakapa Jakobe kune mwana wake Josefa.⁶Chinyuka chaJakobe chaiyapo, ndizvo Jesu aremba ngomuhambo wake, wakagara pashi pabhiri pechinyuka. Rooda kuita awa rechitanhatu., ⁷Kwakagumapo dzimai reSamaria koochera mvura. Jesu wakati kweriri: “Ndipewo mvura ndimwe.”, ⁸Ngokuti vadzidzi vake vaiya vaenda muguta kootenga zvokurwa.⁹Ndizvo dzimai reSamaria rakati kaari: “Ngenjiranyi kuti iwewe, uri muJudha, ukumbire mvura yokumwa kwendiri inini, dzimai reSamaria?” (Ngokuti vaJudha avaiyani nevaSamaria.) ¹⁰Jesu wakapingura, akati kweriri: “Kudai waizia iwewe chipo chaMwari, nokuti ndiani uwo unokumbira kwouri kuti, ‘Ndipewo mvura, ndimwe’, iwewe waizokumbira kwaari, naye waizokupa mvura yokupona.”¹¹Dzimai rakati kwaari: “Mambo, auna chidziyo chokuchera ndicho, nechinyuka chakadzama. Ndizvo mvura yokupona unoiona pari? ¹²Uri mukuru here iwewe kupinda baba edu Jakobe, uwo wakatipa ichi chinyuka, naye wakamwa kwechiri emene, nevana vake nezvifuyo zvake?”¹³Jesu wakapingura akati kweriri, “Kunyazwi ndiani unomwa kuneiyi mvura unozozwazve nyota,, ¹⁴asi kunyazwi ndiani unomwa mvura yendinozomupa inini, aachazozwizve nyota mhera nariini. Mvura iyo yendinozomupa inozoita chinyuka chemvura mukati make, chechivherukira kupona kusikaperi.”¹⁵Dzimai rakati kwaari: “Mambo, ndipe mvurayo, kuti ndisachazozwa nyota nokuti ndisachazouya panozve koochera mvura.”, ¹⁶Jesu Wakati kweriri: “Enda, woodaidza mwamuna wako, muuye pano.”¹⁷Dzimai rakapingura rikati kaari: “Andina mwamuna.” Jesu wakati kweriri: “Wanasa kupingura zvakanaka zvewati: ‘Andina mwamuna;’ ¹⁸ngokuti waimboiya nevamuna vashanu, nouwo woutori naye aasiri mwamuna wakopi! ngeizvi waereketa gwinyiso."¹⁹Dzimai rakati kwaari, “Mambo, ndinoona kuti imwimwi muri muprofeti. ²⁰Madzibaba edu akadira kuneiri dunhu; nemwi munoti muJerusarema ndiyo ndau inosisira kudiriramwo.”²¹Jesu wakati kweriri: “Dzimai, nditende, nguva ichauya apo pemusikachazodiriri Baba kuneiri dunhu kunyazwi muJerusarema. ²²Imwimwi munotenda chomusikazii; isusu tinotenda chetinozia, ngokuti ruponeso runobva kuvaJudha.²³Asi awa rinouya, nazvino raapano, apo vadiri vegwinyiso vanozodira Baba muMweya nomugwinyiso, ngokuti Baba vanotsvaka vakadaro kumudira. ²⁴Mwari ndiMweya, naavo vanomudira vanosisira kuti vamudire muMweya nomugwinyiso.”²⁵Dzimai rakati kwaari: “Ndinozia kuti Mesia unouya: (uwo unozwi Kristu). “Naapo oouya, unozotironzera zviro zveshe.” ²⁶Jesu wakati kweriri:“Inini unoereketa newe ndini ndemene.”²⁷Panguvayo vadzidzi vake vakauya. Vakashamiswa ngokuti waiereketa nedzimai, asi apana naumwe wakati kwaari: “Unotsvakenyi?” nokuti, “Unoereketa naro ngenyi?”,²⁸Dizvo dzimai rakasiya nhuvi yaro yemvura, rakahwirira kuguta, rikati kuvanhu. ²⁹“Uyai, muone munhu uwo wandironzera zveshe zvendakaita. Uyu ungaita Kristu here?”. ³⁰Vakabuda kubva muguta vechiuya kwaari.,³¹Panguva iyo vadzidzi vake vakamukumbira vechiti:“Rabhi, irwai.” ³²Asi wakati kwavari: “Inini ndinakwo kurwa kwomusikazii imwimwi.” ³³Ndizvo vadzidzi vakati umwe kunoumweni: “Uripo here munhu wamuunzira chokudya?”³⁴Jesu wakati kwavari: “Kurwa kwangu ndikwo kuita kuda kwouwo wakandituma nokupedza mushando wake. ³⁵Amubui here kuti: ‘Kwasara mwedzi mirongomuna, naapo kukukura kwaguma?’ Ndinomuronzera, mirudzai madziso enyu, muringire muminda, ngokuti yachena zvino yoda kukukurwa. ³⁶Uwo unokukura unoashira misharo, naye unounganidza michero yokupona kusikaperi, ndizvo uwo unosima naye unokukura vadakare veshe pamwepo.³⁷Ngokudaro chisana ichi chineshokwadi chinoti: "‘Umwe unokusha noumweni unokukura.’" ³⁸Ndakamutuma kuti mukukure izvo zvomusikazi kushanda; vamweni vakashanda yaamho, nemwi mwapotera mumushando wavo.”³⁹Vanhu vajinji vemuguta revaSamaria vakamutenda ngendaa yeizwi redzimai, rerakapupura rechiti: “Wandironzera zveshe zvendakaita.”, ⁴⁰Ndizvo apo vaSamaria vaguma kaari, vakamunyengerera kuti agare navo; naye wakagarapo mazuva mairi.⁴¹Nevajinji vamweni vakamutenda ngendaa yeizwi rake. ⁴²Navo vakati kunedzimai: “Zvino tinotenda, haiwa ngendaa yemazwi ako, asi ngokuti tadzizwira temene, nesu tinozia kuti uyu ngegwinyiso ndiye Muponesi wenyika.”⁴³Ngesure kwemazuva mairi wakabvapo, akaenda muGarire. ⁴⁴(Ngokuti Jesu emene wakapupura kuti muprofeti aaremekedzwi munyika yake.) ⁴⁵Ndizvo apo aguma muGarire, vaGarire vakamuashira, ngokuti veshe vaiya vakaona zveshe zvaakaita muJerusarema padhiri, ngokuti navowo vakaenda kudhiri.⁴⁶Ndizvo Jesu wakauyazve muKhana reGarire, apo paakapindudza mvura kuita waini. Kwaiyapo nduna yaiya nomwana wayo wairwara muKhapernaume. ⁴⁷Naapo nduna iyi yazwa kuti Jesu waiya abva Judhia aguma muGarire, yakaenda kwaari, yakamunyengerera kuti adzake aponese mwana wayo, ngokuti waiya ooda kufa.⁴⁸Ndizvo Jesu wakati kweiri: “Kuti musikaoni mioniso nemishamiso amuzotendi. ⁴⁹Nduna yakati kwaari: “Mambo, dzaka mwana wangu asati afa.” ⁵⁰Jesu wakati keiri: “Enda; mukororo wako unozopona.” Munhuwo wakagonda izwi rakaereketwa kwaari ndiJesu naye wakaenda.⁵¹Naapo achadzaka, varanda vake vakasangana naye, vakamurobuira kuti mwana wake wapona. ⁵²Ndizvo wakabvunza awa iro raakatanga kuitanane ndiro, navo vakati kwaari: “Zuro ngeawa rechinomwe mutsarara wakamusiya.”⁵³Ndizvo baba akazia kuti ndiro awa raakaereketa Jesu kwaari kuti: “Mukororo wako unozopona.” Naye pachake wakatenda nevemhatso yake yeshe. ⁵⁴Uyu ndiwo muoniso wechipiri waakaita Jesu, abva Judhia apo aguma Garire.

¹Sure kweizvi kwaiyapo dhiri revaJudha, naJesu wakakwira Jerusarema. ²Zvino riripo muJerusarema gandwa ngepamusiwo wemakwai, unodaidzwa ngechiHebheru kuti Bhethisaidha, rinemaberere mashanu. ³Mukati mwawo mwaiata vazhinji vairwara, vaiya mapofu nezvirema, nevakaputa, vechigarira kuvhundurwa kwemvura. ⁴Ngokuti ngomukuwo wakatikuti, ngirosi yaidzaka mugandwa nokuvhundura mvura. Ndizvo kunyazwi ndiani waitanga kupoteramwo apo mvura yavhundurwa waiponeswa kunyazwi waiya nenhenda yakaitawani.⁵⁶Kwaiyapo munhu umwe waiya nenhenda yake makore makumi matatu namasere. 6Naapo Jesu amuona akaata, wakazia kuti waiya aripo kwomukuwo wakareba, wakati kwaari: “Unoda kuponeswa here?”⁷Munhu wairwara wakapingura kwaari echiti: “Mambo, andina munhu wokundidzasa mugandwa apo mvura yoovhundurwa. Asi mukuenda kwangu, umweni unodzaka kunditangira.” ⁸Jesu wakati kwaari: “Miruka, utore manhi ako uhambe.”⁹Paripo munhuwo wakaponeswa, wakatora manhi ake akahamba. Ngezuva iro raiya Sabatha¹⁰Ndizvo vaJudha vakati kwaari uwo wakaponeswa: “Isabatha, autenderwi kuti utware manhi ako.” ¹¹Asi wakavapingura kuti: “Uwo wakaita kuti ndiponeswe ndiye wakati kwendiri: ‘Tora manhi ako, uhambe.’ ”¹²Wakamubvunza vechiti: “Ndiani munhu uwo wakati kwouri: ‘Tora manhi ako, uhambe?’ ” ¹³Asi uwo wakaponeswa aazi kuzia kuti ndiani, ngokuti Jesu waiya angarangaka mumbungano huru yaiyapo pandau iyo¹⁴Ngesure kweizvi, Jesu wakamuona ari muTemperi, naye wakati kwaari: “Ringira, wakaponeswa! Usachashaishazve, kuti chiro chakapinda kushata kuneicho chisazokugumira.” ¹⁵Munhu akaenda, akaronzera vaJudha kuti ndiJesu wakamuponesa.¹⁶Ngendaa iyi vaJudha vaitambudza Jesu, ngokuti wakaita izvi ngeSabatha. ¹⁷Asi Jesu wakavapingura echiti: “Baba angu vanondoshanda wanoshanda nazvino, neni ndinoshanda.” ¹⁸Ndizvo ngendaa iyi vaJudha vakapindisisa kutsvaka kumuuraya, ngokuti iye aazi kugura Sabatha kwega, asi wakaronzazve kuti Mwari waiya Baba ake vemene, echidziita pachake unoedzana naMwari.¹⁹Ndizvo Jesu wakapingura, akati kwavari: “Ngegwinyiso ndinoti kwomuri, Mwana akoni kuita chiro ngokwake, asi icho chega chaanoona Baba vechiita; ngokuti kunyazwi ngechiri chaanoita Baba, Mwana unoitawo ngokudaro. ²⁰Ngokuti Baba vanomuda Mwana, vanomupangidzira zveshe zvavanoita vemene; vanozomupangidzira mishando mikuru inopinda iyi, kuti mushamiswe.²¹Ngokuti kudai ndiBaba vanomusa avo vakafa nokuvapa kupona, ngokudarozve Mwana unopa kupona kuneavo vaanoda. ²²Ngokuti Baba avatongi munhu naumwe, asi vakapa kutonga kweshe kuno Mwana, ²³kuti veshe varemeredze Mwana, kudai ngezvevanoremeredza Baba. Uwo usikaremeredzi Mwana aremeredzi Baba uwo wakamutuma.²⁴Ngegwinyiso ndinoti kwomuri, uwo unozwa izwi rangu, atende uwo wakandituma, waanakwo kupona kusikaperi; aachapindi mukutongwa, asi wadarika kubva mukufa kupotera mukupona.²⁵“Ngegwinyiso ndinoti kwomuri, awa rinouya, nazvino raapano, apo vakafa vanozorizwa izwi roMukororo waMwari, naavo vanozorizwa vanozopona.²⁶Ngokuti kudai ndiBaba unokupona mukati mwake, ndizvo wakapawo Mukororo kuti aanokupona mukati mwake, ²⁷naye wakamupa simba rokutonga ndaa, ngokuti iye Mukororo woMunhu.²⁸Musashama ngeichi; ngokuti awa rinozouya apo veshe vari mumaiba vanozorizwa izwi rake: ²⁹navo vanozobudamwo, avo vakaita zvakanaka mukumuka kwokupona, naavo vakaita zvakashata mukumuka kwokutongwa.³⁰“Inini andikoni kuita chiro ngesimba rangu. Kudai ngezvendinozwa, ndinotonga; nokutonga kwangu kwakarurama, ngokuti anditsvaki kuda kwangu asi kuda kwouwo wakandituma. ³¹Kudai inini ndechidzipupurira pachangu, chapupu changu achina gwinyiso. ³²Uripo umwe unoita chapupu ndini, neni ndinozia kuti chapupu chaanopupura ndini chinegwinyiso.³³Iye waiya chibani chinobaka chinojekisa, nemwi mwakatenda kuti mudakare kwenguva doko mukujeka kwake., ³⁴Inini andiashiri chapupu chinobva kumunhu, asi ndinoronza izvi kuti imwimwi muponeswe. ³⁵Imwimwi mwakatuma kunaJohani, naye wakapupurira gwinyiso.³⁶Asi inini ndinechapupu chinopinda kugwinya kunechaJohani; ngokuti mishando iyo yaakandipa Baba kuti ndiipedze, uyo muchando wendinoita, inopupura ndini kuti Baba vakandituma. ³⁷NaBaba uwo wakandituma wakaita chapupu pachake ndini. Amuzi kumbozwa izwi rake nakamwe nokuti kumboona muemo wake, ³⁸nemwi amuna izwi rake rinogara mukati mwenyu, ngokuti imwimwi amuzi kutenda uwo waakatuma.³⁹Munotsvakisisa zvinyorwa, ngokuti imwimwi munopinikidza kuti mukati mwazvo munokupona kusikaperi; neizvo ndizvo zvinopupurua ndini. ⁴⁰Asi nemwi amutendi kuuya kwendiri kuti muone kupona.⁴¹Andiashiri kukudzwa kunobva kuvanhu. ⁴²Asi ndinomuzia kuti amuna rudo rwaMwari mukati mwenyu.,⁴³Inini ndakauya ngezina raBaba angu, nemwi amuzi kundiashira; kudai umweni echizouya ngezina rake remene, uwo munozomuashira. ⁴⁴Mungaita matenderenyi, imwimwi munoashira kuirikidzwa kubva kuno umwe nokuno umweni, musikatsvaki kukudzwa ukwo kunobva kunaMwari ega?⁴⁵Musapinimidza kuti inini ndinozomuitira ndaa kunaBaba; ndiMosi unomuitira ndaa, uwo wemwakagonda imwimwi. ⁴⁶Ngokuti dai mwakatenda Mosi, mwaizodai mwakatendawo inini, ngokuti wakanyora ngendaa yangu. ⁴⁷Asi kuti musikatendi zvakanyorwa zvake, mungazoita matenderenyi mazwi angu?”

¹Ngesure kweizvi Jesu wakaambuka ruseri rwoRuandhle rweGarire, urwo ndirwo Ruandhle rweThibheriasi. ²Neungano huru yakamuteera, ngokuti yaiwa yaona zvishamiso zvaakaita kwavari vairwara. ³Jesu wakakwira mudunhu, akagara pashi nevadzidzi vake.⁴Zvino Phasika, dhiri revaJudha, rakakwedzera. ⁵Ndizvo Jesu amirudza madziso ake, aona kuti mbungano huru yaiya yechiuya kwaari, wakati kunaFiripu, “Tinozotenga pari zvingwa kuti ava vadye?” ⁶Asi wakareketa izvi kumuedza, ngokuti iye waizia chaanozoita.⁷Firipu wakamupingura echiti: “Zvingwa zvemazana mairi ezvigurwa zvesirivha azvivakwani kuti umwe ngaumwe atore kadoodoko.” ⁸Umwe wevadzidzi vake, Andreu, munun'una waSimoni Petro, wakati kwaari: ⁹“Uri pano murumbwana unezvingwa zvebhare zvishanu nezvihove zviiri; asi izvi zvingadetserenyi kuvanhu vazhinji vakadai?”¹⁰Jesu wakati: “Garisai vanhu pashi.” Kwaiyapo pandau iyo mwenje wakawanda; ndizvo vanhu vakagara pashi, vaida kuita makumi emazana mashanu kuwanda. ¹¹Ndizvo Jesu wakatora zvingwa, naapo abonga, wakakoanisa kunaavo vaiya vakagara pashi; wakaitazve kudaro nezvihove, veshe vakadya kudai ngezvevaikona. ¹²Naapo vaguta wakati kuvadzidzi vake: “Unganidzai matsekeneswa asara, kuti kusarashwa chiro.”¹³Ndizvo vakaunganidza, vakazadza zvitundu gumi nazviiri ngematsekeneswa ezvingwa zvebhare zvishanu akasara kuneavo vaiya vadya. ¹⁴Ndizvo vanhu avo vaona uyu mushamiso waakaita, vakati, “Ngegwinyiso uyu ndiye muprofeti uwo unouya munyika!” ¹⁵Ndizvo apo Jesu echizia kuti vodo kuuya kuti vamutore ngesimba kuti vamuite mambo, wakabvapozve akaenda kumutunhu ari ega.¹⁶Naapo zuva rabira, vadzidzi vake vakadzaka kuruandhle. ¹⁷Vakakwira mungarava, vakatanga kuambuka ruandhle kuenda Khapernaume. Kwaiya kwasvipa, naJesu waiya asati aguma kwavari. ¹⁸Nemafungu oruandhle akakwira ngendaa yedutu guru raivhuvhuta.¹⁹Naapo vaiya vahamba paida kuita makhiromitha mashanu nokuti matanhatu, vakaona Jesu echihamba padera peruandhle, echikwedzera kungarava, navo vakatyiswa. ²⁰Asi wakati kwavari: “Ndini hangu; musatya.” ²¹Naapo vakadakara kumutora mungarava, paripo ngarava yakaguma kunyika kwavaienda.²²Nechimangwani mbungano iyo yaiya yakasara ruseri rworuandhle yakaona kuti paiya pasina ngarava imweni, yega imwe iyo yevaiya vapotera kweiri vadzidzi vake, nokuti Jesu aazi kukwira pamwepo nevadzidzi vake mungarava, asi kuti vadzidzi vake vaiya vaenda vari vega. ²³Kwakauya ngarava dzimweni dzakabva Thibheriasi dzikaguma pasinde pendau apo pavakadya zvingwa ngesure Mambo azvibonga.²⁴Ndizvo apo mbungano yaona kuti Jesu paiya pasina apapo nokuti vadzidzi vake, yakakwirawo mungarava yakauya muKhapernaume yechitsvaka Jesu. ²⁵Naapo waiya wamuona ruseri rworuandhle, yakati kwaari: “Rabhi, waguma pano riini"..,²⁶Jesu wakaipingura, akati: “Ngegwinyiso ndinoti kwomuri, amunditsvaki ngokuti mwakaona mishamiso, asi ngokuti mwakadya zvingwa mukaguta. ²⁷Musashandira kudya ukwo kunopera, asi kudya ukwo kunogara kugumira narinhi, kwaanozomupa Mwana woMunhu; ngokuti padera pake Baba Mwari wakaisa chioniso chake.²⁸Ndizvo vakati kwaari: “Tingaitei kuti tishande mishando yaMwari?”. ²⁹Jesu wakapingura, akati kwavari: “Uyu ndiwo mushando waMwari kuti mutende uwo waakatuma.”³⁰Ndizvo vakati kwaari: “Iwewe unoita muoniso wenyi kuti tione, titende kwouri? Unoshandei? ³¹Madzibaba edu akadya mana mushango; kudai ngezvezvakanyorwa: ‘Wakavapa chingwa chakabva mudenga kuti vadye.³²Naapo Jesu wakati kwavari: “Ngegwinyiso ndinoti kwomuri, andiyepi Mosi wakamupa chingwa chakabva mudenga, asi Baba angu ndivo vanomupa chingwa chegwinyiso chinobva mudenga.” ³³Ngokuti chingwa chaMwari chiri uwo wakadzaka kubva mudenga nokupa kupona kunyika.” ³⁴Ndizvo vakati kwaari: “Mambo, tipei ichi chingwa nguva dzeshe.³⁵Jesu wakati kwavari: “Inini ndiri chingwa chokupona; iye unouya kwendiri aatongozwi nzara, nouwo unotenda kwendiri aatongozwi nyota. ³⁶Asi ndakati kwomuri mwakandiona asi amuzi kunditenda. ³⁷Zveshe zvaanondipa Baba zvinozouya kwendiri; nouwo unouya kwendiri andizomurashi akadi.³⁸Ngokuti andizi kudzaka kubva mudenga kuti ndiite kuda kwangu, asi kuda kwouwowakandituma; ³⁹uku ndikwo kuda kwowakandituma, kuti andisisiri kurashikirwa nachimwe chazvo zveshe zvaakandipa, asi kuti ndichimuse ngezuva rokupera.” ⁴⁰Ngokuti uku ndikwo kuda kwaBaba angu, kuti munhu weshe unoringira Mwana nokutenda kwaari unowanokupona kusikaperi; neni ndinozomumusa ngezuva rokupera.”⁴¹Ndizvo vaJudha vakavhuruvhuta ndiye, ngokuti wakati: “Inini ndiri chingwa chakadzaka kubva mudenga". ⁴²Vakati: “Uyu andiyepi here Jesu, mwana waJosefa, baba namai ake vetinozia? Zvino unoita maereketerei kuti: ‘Ndakadzaka kubva mudenga?⁴³Jesu wakapingura akati kwavari: “Musavhuruvhuta pakati penyu. ⁴⁴Akuna naumwe unokona kuuya kwendiri, kudai Baba wakandituma asamukweya; neni ndinozomumusa ngezuva rokupera. ⁴⁵Kwakanyorwa muvaprofeti kuti: ‘Veshe vanozodzidziswa ndiMwari.’ Ndizvo munhu weshe wakazwa, akadzidza kubva kunaBaba, unouya kwendiri.,⁴⁶Andirobui kuti uripo wakaona Baba, kwega iye wakabva kunaMwari; ndiye wakamuona Baba. ⁴⁷Ngechokwadi ndinoti kwomuri, iye unotenda waanokupona kusikaperi.⁴⁸Inini ndiri chingwa chokupona. ⁴⁹Madzibaba enyu vakadya mana mushango, navo vakafa.,⁵⁰Ichi ndicho chingwa chinodzaka kubva mudenga, kuti kunyazwi ndiani kwomuri unochidya, aachafi. ⁵¹Inini ndiri chingwa chokupona chakadzaka kubva mudenga; kuti kunyazwi ndiani unorwa ichi chingwa unozopona kusikaperi; nechingwa chendinozomupa chiri nyama yangu, yendinozopa kuita kupona kwenyika.”⁵²Ndizvo vaJudha vakaitirana hasha pakati pavo vechiti: “Munhu uyu ungaita mapireyi nyama yake katiri kuti tirwe?” ⁵³Ndizvo Jesu wakati kwavari, “Ngechokwadi ndinoti kwomuri, kuti musikarwi nyama yemwna woMunhu, musikamwi ngazi yake, amuna kupona mukati mwenyu.⁵⁴Uwo unorwa nyama yangu nounomwa ngazi yangu waanokupona kusikaperi, neni ndinozomumusa ngezuva rokupera. ⁵⁵Ngokuti nyama yangu kurwa yaamho nengazi yangu kumwa yaamho. ⁵⁶Uwo unorwa nyama yangu nounomwa ngazi yangu, unogara mukati mwangu neni ndinogara mukati mwake.⁵⁷Kudai ndiBaba vanopona vakandituma, neni ndinopona ndiBaba, ngokudaro uwo unondirwa, ndiye unozopona ndini. ⁵⁸Ichi ndicho chingwa chakadzaka kubva mudenga, chisikazi kudai ngechakarwa madzibaba vakafa. Uwo unodya chingwa ichi unozopona mhera nariini. ⁵⁹Wakareketa izvi echidzidzisa mumhatso yokudira muKhapernaume.⁶⁰Ndizvo vazhinji vevadzidzi vake, apo vazwa, vakati, “Iri izwi rakakonza, ndiani unokona kurizwa?” ⁶¹Asi Jesu, echizia mukati mwake kuti vadzidzi vake vakavhuruvhuta ngeizwi iro, wakati kwavari: “Ichi chinomudanisa here?⁶²Mungaiteyi kudai mwechiona Mwana woMunhu echikwira apo paaiya pakutanga? ⁶³NdiMweya unopa kupona, nyama ainyuri chiro. Mazwi endakareketa inini kwomuri ari mweya nokupona.⁶⁴Asi varipo vamweni pakati penyu vasikatendi.” Ngokuti kubvira pakutanga, Jesu waindozia kuti ndiani avo vasikatendi nokuti ndiani unozomupira. ⁶⁵Naye wakati: “Ngeiyi ndaa ndakareketa kwomuri ndechiti, apana unokona kuuya kwendiri kuti asikazi kutenderwa ndiBaba.”⁶⁶Ngesure kweizvi vazhinji vevadzidzi vake vakahwirira sure, avazi kuchazohamba naye, ⁶⁷Ndizvo Jesu wakati kunegumi navairi: “Imwimwi munoda kuendawo here?” ⁶⁸Simoni Petro wakamupingura akati: “Mambo, tingaenda kunani? Ndimwi munemazwi okupona kusikaperi; ⁶⁹nesu takatenda, tikazia kuti iwewe uri Wakachena waMwari.”⁷⁰Jesu wakavapingura, akati: “Inini andizi kumutsanangura here murigumi navairi, noumwe wenyu uri dhiabhorosi?” ⁷¹Wakaereketa ndiJudhasi, mwana waSimoni Isikarioti, ngokuti Judhasi ndiye waizomupira, ari umwe wegumi navairi.

¹Ngesure kweizvi Jesu waihamba muarire; ngokuti waiya asikachadi kuhamba muJudhia, ngokuti vaJudha vaitsvaka kumuuraya. ²Zvino dhiri revaJudha rematumba raiya pasinde.³Ndizvo vanun'una vake vakati kwaari: “Ibva pano uende Judhia, kuti vadzidzi vako vaone mishando younoita. ⁴Ngokuti akuna munhu unoshanda ngokufishika echitsvaka kuti aziikanwe pamhene. Kudai wechiita izvi zviro, dzipangidzire kunyika.”⁵Ngokuti vanunguna vake vaiya vasati vatenda kwaari. ⁶Ndizvo Jesu wakati kwavari: “Nguva yangu aisati yaguma, asi nguva yenyu yakanaka mukuwo weshe. ⁷Nyika aikoni kumuzonda imwimwi, asi inondizonda inini ngokuti ndinopupura ndiyo kuti mishando yayo yakashata.⁸Imwimwi endai kudhiri. Inini andiendiyo zvino kudhiri iri, ngokuti nguva yangu aisati yaguma.” ⁹Naapo areketa izvi, wakagara muGarire.¹⁰Asi apo vanunguna vake vaiya vaenda kudhiri, wakaendawo, haiwa pamhene, asi ngokufishika. ¹¹Ndizvo vaJudha vaimutsvaka padhiri vaiti: “Umboripari?”¹²Kwakaapo kugunun'una kukurutu pakati pevanhu ngendaa yake. Vamweni vakati: “Munhu wakanaka,” vamweni vakati: “Haiwa, asi unopaukisa mbungano.” ¹³Asi ngendaa yokutya vaJudha apana naumwe wakaereketa ndiye pamhene.¹⁴Asi apo dhiri raapakati Jesu wakakwira muTemperi, akatanga kudzidzisa. ¹⁵Ndizvo vaJudha vakashamiswa vechiti: “Uyu unoita maziirei zvinyorwa, asikazi kudzidza?” ¹⁶Ndizvo Jesu wakavapingura, akati: “Kudzidzisa kwangu angokwangupi, asi ngokwouwo wakandituma.¹⁷Ndizvo Jesu wakavapingura, akati, “Kudzidzisa kwangu angokwangupi, asi ngokwouwo wakandituma; ¹⁸kunyazwi ndiani unoda kuita kuda kwaMwari, unozozia kuti chidzidziso chinobva kunaMwari here nokuti ndinodziereketera pachangu.¹⁹Mosi aazi kumupa Mipango here? Asi apana pakati penyu unongwarira Mipango. Munotsvakirenyi kundiuraya?” ²⁰ungano yakapingura ikati: “Unedhimoni! Ndiani unotsvaka kukuuraya?”,²¹Jesu wakapingura, akati kwavari: “Ndakaita mushando umwe nemwi mweshe mwakashamiswa. ²²Ngeiyi ndaa Mosi wakamupanga kuti muchekwe esi akuzi kubva kunaMosi akadi, asi kwakabva kumadzibaba, nemwi ngezuva reSabatha munocheka munhu.²³Kudai munhu echiashira kuchekwa ngezuva reSabatha, kuti Mupango waMosi usagurwa, hino munonditsenekera ngenyi ngokuti ndakaponesa munhu ngeSabatha? ²⁴Musatonga ngokuoneka kwokubanze, asi tongai ngokutonga kwakarurama.”²⁵Ndizvo vamweni vevanhu veJerusarema vakati, “Uyu andiyepi here munhu wevanotsvaka kuuraya? ²⁶Ringirai, unoreketa pamhene navo avareketi chiro kwaari! Vatongi avazii here ngegwinyiso kuti uyu ndiye Kristu? ²⁷Asi tinozia paanobva munhu uyu. Naapo Kristu paanozooneka, apana naumwe unozia kuti unobva pari.”²⁸Ndizvo Jesu wakadaidzira, ari muTemperi echidzidzisa, akati: “Munondizia, munoziazve pendinobva. Andizi kuuya ngokwangu, asi uwo wakandituma uneshokwadi nemwi amumuzii. ²⁹Inini ndinomuzia, ngokuti ndinobva kwaari, naye wakandituma.”³⁰Ndizvo vakatsvaka kumubata; asi apana naumwe wakaisa nyara padera pake, ngokuti awa rake raiya risati raguma. ³¹Asi vazhinji veungano vakatenda kwaari; vakati: “Naapo Kristu ouya unozokona here kuita mishamiso inopinda iyi yakaitwa ngouyu munhu?” ³²VaFarisi vakazwa ungano yechiita vherevhere ndiye; vapristi vakuru nevaFarisi vakatuma varindi veTemperi kuti vamubate.³³Ndizvo Jesu wakati: “Ndichiri nemwi munguwa mudoko, neni ndinozoenda kuneuwo wakandituma. ³⁴Munozonditsvaka, asi amuzondioni; nependiri inini, amungakoni kugumapo.”³⁵Ndizvo vaJudha vakati pakati pavo: “Unozoenda kuri munhu uyu kwetisikazomuoni isusu? Unozoenda here kunevakapararira pakati pevaGiriki nokudzidzisa vaGiriki? ³⁶Rinotishinyi izwi iri raakareketa kuti: ‘Munozonditsvaka, asi amuzondioni,’ zve, ‘Pendiri amungakoni kugumapo?³⁷Ngezuva rokupedzisira redhiri, zuva guru, Jesu wakamiruka, akadaidzira echiti: “Kunyazwi ndiani unenyota ngaauye kwendiri, amwe. ³⁸Uwo unotenda kwendiri, kudai ngokuronza kwezvinyorwa, ‘Ndwizi dzemvura yokupona dzinozopopoma kubva mwaari.”³⁹Asi wakaereketa izvi ngendaa yoMweya wavanozoashira avo vanotenda kwaari; ngokuti Mweya waiya usati wapuwa, ngokuti Jesu waiya asati airikidzwa.⁴⁰Naapo vazwa mazwi aya, vamweni vembungano vakati, “Uyu Muprofeti emene.” ⁴¹Vamweni vakati, “Uyu ndiKristu.” Asi vamweni vakati, “Kristu ungabva Garire here? ⁴²Zvinyorwa azvizi kuronza here kuti Kristu unozobva kudzinza raDhavhidha nokubva Bhetherehema, muguta mwaaigara Dhavhidha?”⁴³Ndizvo kwaiyapo kuparadzana pakati pembungano ngendaa yake. ⁴⁴Vamweni vavo vakada kumubata, asi apana naumwe wakaisa nyara padera pake.⁴⁵Ndizvo varindi vakapetuka kuvapristi vakuru nokuvaFarisi, avo vakati kwavari: “Mwarekera kuuya naye ngenyi?” ⁴⁶Nevarindi vakapingura, vakati: “Akuna munhu wakamboereketa kudai ngouyu munhu".⁴⁷Ndizvo vaFarisi vakavapingura vechiti: “Nemwiwo mwachengedzerwa here? ⁴⁸48Uripo here wevatongi nokuti wevaFarisi wakamutenda? ⁴⁹Asi iyi mbungano isikazii Mipango yakatukwa.”⁵⁰Nikodhemusi, uwo wakaguma kwaari pakutanga, uwo waiya umwe wavo, wakati kwavari: ⁵¹“Mipango yedu inotonga here munhu isati yamuzwa nokuzia chaanoita?” ⁵²Vakapingura, vakati kwaari: “Newe unobva Garire here? Tsvakisisa uone, ngokuti akuna muprofeti unozobuda kubva Garire.”⁵³Munhu weshe wakaenda kumhatso yake.

¹Asi Jesu wakaenda kuMutunhu wemaOrivhi. ²Mangwanani maishi wakauyazve muTemperi; vanhu veshe vakauya kwaari, naye wakagara pashi, akavadzidzisa. ³Vanyori nevaFarisi vakaunza kwaari dzimai rakabatwa rechiomba; naapo vaiya vaita kuti rieme pakati pavo,⁴vakati kunaJesu, “Mudzidzisi, iri dzimai rabatwa rechiomba yaamho. ⁵Zvino Mosi wakatipanga muMipango kuti madzimai akadaro apondwe ngamapuwe. Ndizvo iwewe unotinyi?". ⁶Vakaereketa izvi vechimuedza, kuti vaone chokumuparisa ndaa ndicho. Asi Jesu wakakotama pashi, akanyora ngechinwe pamavhu.⁷Naapo vaangira kumubvunzisisa, wakatwasuka, akati kwavari,:“Iye usina kushaisha pakati penyu, ngaatange kukandira buwe kumuponda.” ⁸Wakakotamazve pashi, akanyora pamavhu ngeshikunwe.⁹Naapo vazvizwa, vakaenda umwe ngaumwe, kutanga ngevakurutu, metsa Jesu asara ari ega nedzimai rakaema pamberi pake. ¹⁰Naapo Jesu wakatwasuka akati kweriri: “Dzimai, vari pari avo vakakuitira ndaa? Apana here wasara echikuitira ndaa?” ¹¹Rakati: “Haiwa, apana naumwe, Mambowoe.” Jesu wakati kweriri: “Neni andikuitiri ndaa; enda usachazoshaishazve.”]¹²Ndizvo Jesu wakareketazve kwavari echiti: “Inini ndiri kujeka kwenyika; uwo unonditeera aazohambi muchidima, asi unozoa nokujeka kwokupona.” ¹³Ndizvo vaFarisi vakati kwari: “Unodzipupurira; chapupu chako achina gwinyiso.”¹⁴Jesu wakapingura, akati kwavari: “Kunyazwi ndechidzipupurira pachangu, chapupu changu chinegwinyiso, ngokuti ndinozia pendakabva nependinoenda, asi imwimwi amuzii pendakabva nependinoenda. ¹⁵Imwimwi munotonga ngokwenyama, inini anditongi naumwe. ¹⁶Asi kunyazwi ndechinyatonga, kutonga kwangu kunegwinyiso, ngokuti andinipi ndega ndinotonga, asi inini naBaba vakandituma.¹⁷Kwakanyorwa muMipango yenyu kuti chapupu chavanhu vairi ngeshongwadi.” ¹⁸inini ndini ndinodzipupurira pachangu, naBaba avo vakandituma vanopupura ndini.”¹⁹Ndizvo vakati kwaari: “Vari pari Baba ako?” Jesu wakapingura, akati: “Imwimwi amundizii nokuti Baba angu; dai mwaindizia, mwaizoziazve Baba angu". ²⁰Jesu wakareketa aya mazwi ari pasinde pebhokisi rinopirwa zvipo, echidzidzisa ari muTemperi; asi apana wakamubata, ngokuti awa rake rainga risati raguma.²¹Ndizvo wakatizve kwavari: “Inini ndinoenda, nemwi munozonditsvaka, nemwi munozofira muzvishaishi zvenyu. Pendinoenda, amukoni kuuyapo.” ²²Ndizvo vaJudha vakati: “Unozodziuraya here, ngokuti unoti, ‘Pendinoenda, imwimwi amukoni kuyapo?²³Wakati kwavari: “Imwimwi muri vepashi, inini ndinobva mudenga; imwimwi muri venyika iyi, inini andisiri wenyika iyi akadi. ²⁴Ndakamubuira kuti munozofira muzvishaishi zvenyu, ngokuti kudai musikatendi kuti ndini aye, munozofira muzvishaishi zvenyu".²⁵Ndizvo vakati kwari: “Urianani iwewe?” Jesu wakati kwavari: “Ndini uwo wendakamubuira pakutanga. ²⁶Ndine zvakawanda zvokuereketa ndimwi nokutonga; asi uwo wakandituma uri gwinyiso, neni ndinoreketa kunyika izvo zvandakazwa kubva kwari.” ²⁷Avazi kuzwisisa kuti waiereketa kwavari ndiBaba.²⁸Ndizvo Jesu wakati kwavari: “Naapo mwazomirudza Mwana woMunhu, naapo munozozia kuti inini ndini aye nokuti andiiti chiro ngesimba rangu remene, asi ndinoreketa kudai ngezvendakadzidziswa ndiBaba. ²⁹Nouwo wakandituma undori neni; aazi kundisiya ndega, ngokuti ndinoita zvinomudakadza mukuwo weshe.” ³⁰Achareketa izvi, vazhinji vakatenda kwari.³¹Ndizvo Jesu wakati kuneavo vaJudha vakatenda kwaari: “Kudai mwechigara mumazwi angu, ngegwinyiso muri vadzidzi vangu. ” ³²Nemwi munozozia chokwadi negchokwadi rinozomusunhura.” ³³Vakamupingura vechiti: “Isusu tiri mibarirwana yaAbrahama, atizi kumboitwa varanda ngomunhu naumwe. Unodaro ngenyi kuti: ‘Munozosunhurwa?".³⁴Jesu wakavapingura echiti: “Ngechokwadi ndinoti kwomuri, kunyazwi ndiani unoita chishaishi, muranda wokushaisha. ³⁵Muranda aagari mumhatso mhera nariini; mwana unogaramwo mhera narini. ³⁶Ndizvo kudai Mwana echizomusunhura, munozosunhurwa yaamho.³⁷Ndinozia kuti imwimwi muri mibarirwana yaAbrahama; asi munotsvaka kundiuraya, ngokuti izwi rangu arizi kuona ndau mukati mwenyu. ³⁸Inini ndinoereketa izvo zvendakaona kunaBaba angu, nemwiwo munoita zvemwakazwa kubva kunababa enyu.”³⁹Vakamupingura, vakati kwaari: “Abrahama ndibaba edu.” Jesu wakati kwavari: “Kudai mwaiya vana vaAbrahama, mwaizoita mishando yaAbrahama.” ⁴⁰Asi zvino munotsvaka kundiuraya, munhu wamuronzera gwinyiso, iro rendakazwa kubva kunaMwari; Abrahama aazi kuita zvakadai. ⁴¹Imwimwi munoita mishando yababa enyu.” Vakati kwaari: “Isusu atizi kubarwa ngokuomba; tinaBaba umwe, ndiMwari.⁴²Jesu wakati kwavari: “Kudai Mwari aiya Baba enyu, mwaizondida, ngokuti ndakabuda ndechibva kunaMwari; andizi kuuya ngokuda kwangu, asi iye wakandituma. ⁴³Amuzwisisi ngei zvendinobuya? Ngokuti amukoni kuzwisisa izwi rangu. ⁴⁴Imwimwi muri vababa enyu Dhiabhorosi, nokudisisa kwenyu kuita kuda kwababa enyu. Uwo waiya muurayi kubvira pakutanga, naye aazi kuema mugwinyiso, ngokuti gwinyiso amuna mukati mwake. Naapo echinyepa, unoreketa kudai ngechibarirwe chake, ngokuti iye uri munyepi nababa emanyepo.⁴⁵Asi ngokuti inini ndinobuya chokwadi, amunditendi. ⁴⁶Ndiani kwomuri ungandionisa ndaa yendakashaisha? Kudai ndechibuya chokwadi, amunditendi ngei? ⁴⁷Uwo uri waMwari unozwa mazwi aMwari; ngeiyi ndaa imwimwi amundizwi, ngokuti amuri vaMwari akadi.”⁴⁸VaJudha vakapingura, vakati kwaari: “Atinasi kurobuya here kuti uri muSamaria newe unedhimoni? ⁴⁹Jesu wakapingura echiti: “Inini andina dhimoni; asi ndinoremeredza Baba angu, nemwi amundiremekedzi.⁵⁰Asi inini anditsvaki kuirikidzwa kwangu; uripo umwe unokutsvaka, naye unoita mutongi. ⁵¹Ngegwinyiso ndinoti kwomuri, kunyazwi ndiani unongwarira izwi rangu, aatongozooni rufu.”⁵²VaJudha vakati kwaari: “Zvino tinoziva kuti unedhimoni. Abrahama wakafa nevaprofeti ngokudaro; newe unoti, ‘Kunyazwi ndiani unongwarira izwi rangu, aatongozozwi rufu.’ ⁵³Iwewe uri mukuru here kupinda baba edu Abrahama, vakafa? Nevaprofeti vakafa. Unodziita anani?”.⁵⁴Jesu wakapingula echiti: “Kudai ndechidziremeredza pachangu, kudziremeredza kwangu akuna shwiro; ndiBaba angu vanondiremekedza, vomunoti ndivo Mwari wenyu. ⁵⁵Asi amuzi kuvazia; inini ndinovazia. Kudai ndechiti, andivazii, ndaita munyepi kudai ndimwi. Asi ndinovazia neni ndinongwarira izwi ravo. ⁵⁶Abrahama baba enyu vakadakara ngokuti vaizoriona zuva rangu, navo vakariona, vakadakara.”⁵⁷vaJudha vakati kwaari, “Ausati waguma makore makumi mashanu, newe wakaona Abrahama here?”. ⁵⁸Jesu wakati kwavari: “Ngegwinyiso ndinoti kwomuri, Abrahama asati aapo, ndaiyapo.” ⁵⁹Ndizvo vakatora mapuwe kuti vamuponde; asi Jesu wakadzifisha pachake, akabuda kubva muTemperi.

¹Naapo echipinda, wakaona munhu waiya bofu kubvira pakubarwa kwake. ²Nevadzidzi vake vakamubvunza vechiti: “Rabhi, ndiani wakashaisha, uyu munhu nokuti vabari vake, kuti abarwe ari bofu?”.³Jesu wakapingura akati: “Uyu munhu aazi kushaisha nokuti vabari vake, asi kuti mishando yaMwari ioniswe mwaari. ⁴Kunosisira kuti tishande mishando youwo wakandituma achimasikati; ngokuti usiku hunouya, naapo apana ungakona kushanda. ⁵Naapo ndichindorimwo munyika, ndiri kujeka kwenyika.”⁶Naapo aereketa izvi, wakapfira mata pamavhu, wakakanya matope ngemata, wakadzodza madziso aro ngedope. ⁷Wakati kweriri: “Enda, ushambe muGandwa reSiroamu.” (Ngokukumuchwa kunoti Wakatumwa.) Ndizvo wakaenda, akashamba, wakauya oona.,⁸Ndizvo vaakirwana vake naavo vaimuona kare, ari mupemhi, vakati: “Uyu andiyepi here munhu uwo waigara pashi echipemha?”. ⁹Vamweni vakati: “Ndiye.” Vamweni vakati, “Haiwa, asi unotodzana naye.” Naye wakati: “Ndini.”,¹⁰Ndizvo vakati kwaari: “Madziso ako akaita mapembenudzirwenyi?”. ¹¹Wakapingura, akati: “Munhu unozwi Jesu wakaita matope, akadzodza madziso angu, akati kwendiri: ‘Enda Siroamu ushambe.’ Ndizvo ndakaenda ndikashamba, ndikaona.” ¹²Navo vakati kwaari: “Uri pari munhuwo?” Wakati: “Andizii.”¹³Vakaunza kuvaFarisi munhu uwo waiya bofu. ¹⁴Raiya zuva reSabatha apo Jesu paakaita matope akapembenudza madziso aro. ¹⁵Ndizvo vaFarisi vakamubvunzazve kuti wakaita mapembenudzirwenyi. Naye wakati kwavari: “Wakaisa matope pamadziso angu; ndakashamba, neni ndinoona.”¹⁶Ndizvo vamweni vevaFarisi vakati: “Uyu munhu aabvi kunaMwari, ngokuti aangwariri Sabatha.” Asi vamweni vakati: “Munhu mushaishi ungaita maitirenyi iyi mioniso?” Kwakaapo kuparadzana pakati pavo. ¹⁷Ndizvo vakatizve kunebofu: “Unotinyi ndiye iwewe, ngendaa yokuti wakapembenudza madziso ako?” Naye wakati: “Muprofeti.” ¹⁸Ndizvo vaJudha avazi kutenda kuti ndiye waiya bofu nokuti wakapembenudzwa, metsa vakadaidza vabari vouwo wakapembenudzwa.¹⁹navo vakavabvunza vechiti, “Uyu mwana wenyu here, uwo womunoti, wakabarwa ari bofu? Ndizvo zvino unoita maonerei?. ²⁰Ndizvo vabari vake vakapingura vakati: “Chetinozia ngechokuti uyu mwana wedu nokuti wakabarwa andori bofu. ²¹Asi kuti unoita maonerenyi atizii, nokuti ndiani wakapembenudza madziso ake, atizii. Mubvunzenyi; wabva muzero, unozodziereketera pachake.”²²Vabereki vake vakarbuya izvi ngokuti vaitya vaJudha, ngokuti vaJudha vaiya vakatenderana kuti kunyazwi ndiani unozomutenda kuti iye ndiKristu, unozodzingwa kubva mumhatso yokudira. ²³Ngeiyi ndaa vabari vake vakati: “Wabva muzero, mubvunzenyi.”²⁴Ndizvo vakamudaidza ngekwechipiri uwo waiya bofu, vakati kwari: “Irikidza Mwari iwewe, isusu tinozia kuti uyu munhu mushaishi.” ²⁵Ndizvo iye wakapingura, akati: “Kunyazwi mushaishi, andizii. Chiro chimwe chega chendinozia, ngechokuti inini ndaiya bofu, zvino ndinoona.”²⁶Vakati kwaari: “Wakaitenyi kwouri? wakakuvula madjisso ako here?”. ²⁷Wakavapingura echiti: “Ndatomuronzera nemwi amuzi kupurutana. Ngenyi mwechida kuzwazve? Nemwiwo munoda kuita vadzidzi vake here?". ²⁸Vakamutuka vechiti: “Iwewe uri mudzidzi wake, asi isusu tiri vadzidzi vaMosi. ²⁹Tinozia kuti Mwari wakareketa kunaMosi, asi uyu munhu, atizii paanobva.”³⁰Munhu wakapingura, akati kwavari: “Iri igumo! Kuti amuzii paanobva, asi wakapembenudza madziso angu. ³¹Tinozia kuti Mwari atendii vashaishi. Asi kunyazwi ndiani unomuremeredza nokuita kuda kwake, Mwari unomupurutana.³²Kubvira pakutanga akuzi kumbozwika kuti munhu wakambopembenudza madziso owakabarwa ari bofu. ³³Kudai uyu munhu asikabvi kunaMwari, aangakoni kuita chiro.” ³⁴Vakamupingura vakati kwaari: “Iwewe wakabarirwa mukushaisha yaamho, newe wotidzidzisa here?” Vakamudzingira kubanze.³⁵Jesu wakazwa kuti vona vakamugogomera musinagoge: ena wakamuwana akati “Iwewe unotenda Mukororo woMunhu here?”. ³⁶Naye wakapingura akati: “Ndiani, Mambo, kuti nditende kwaari?". ³⁷Jesu wakati kwaari: “Wamuona, ndiyezve unoereketa newe.” ³⁸Wakati: “Mambo, ndinotenda.” Naye wakamudira.,³⁹Jesu wakati: “Inini ndakaviira kuzotonga munyika muno, kuti vasingaoni vaone nevanoona vaitwe mapofu.” ⁴⁰Vamweni vevaFarisi vainga varipo , vaizwa swiro iswi, vakati kwaari:: “Nesuwo tiri mapofu here?". ⁴¹Jesu wakati kwavari: “Kudai mainga mapofu, maizodai musinga shaishi. Asi zvino munoti, ‘Tinoona,’ kushaisha kwenyu kunondogara kuripo.

¹“Ngegwinyiso ndinoti kwomuri, uwo usikapindi ngepamusiwo mudanga remakwai, asi echipinda ngeimweni njira, uwu imbava nedzongoni. ²asi wia anonguena gomusuwo ndiena muyushi omakwai.³Naapo abudisa ake eshe, unoatungamirira, nemakwai anomuteera, ngokuti anozia izwi rake. ⁴Kwaari murindi womusiwo unobeurira muushi, nemakwai anozwa izwi rake, unodaidza makwai ake ngemazina awo nokuatungamirira kubanze.⁵Jesu wakaereketa uyu muedzaniso kwavari, asi avazi kuzwisisa izvo zvaakaereketa kwavari. ⁶Aazoteeri mupara, asi anozotiza kubva kwaari, ngokuti aazii izwi romupara.”⁷Veshe vakatanga pamberi pangu imbavha nemadzongoni; asi makwai aazi kuvapurutana. ⁸Ndizvo Jesu wakaereketazve kwavari echiti: “Ngegwinyiso ndinoti kwomuri, inini ndiri musiwo wemakwai.⁹Mbavha inouya kwega kuba nokuuraya nokuparadza; inini ndakauya kuti vaone kupona, vakuone kakurutu. ¹⁰Inini ndiri musiwo; kunyazwi ndiani unopinda ndini, unozoponeswa, unozopotera nokubuda, aone kudya.¹¹“Inini ndiri muushi wakanaka. Muushi wakanaka unoisira pashi kupona kwake ngepamusoro pemakwai. ¹²Asi uwo unoshanda kuti aone muthuso, asiri muushi akadi, uwo makwai aasiri ake akadi, unoona thika rechiuya, unosiya makwai, unotiza; nethika rinoruma nokuaparadza. ¹³Unotiza ngokuti unoshandira muthuso, aana ndaa nemakwai.¹⁴Inini ndiri muushi wakanaka, neni ndinoazia angu, naanguwo anondizia. ¹⁵Kudai ngezvaanondizia Baba, neniwo ndinovazia Baba, neni ndinoisira kupona kwangu pashi ngendaa yemakwai. ¹⁶Ndinawo amweni makwai, asiri eiri danga; nawozve ndinosisira kuti ndiaunze, nawo anozopurutana izwi rangu. Nawo anozoita danga rimwe nomuushi umwe.¹⁷Ngeiyi ndaa Baba vanondida, ngokuti ndinoisira pashi kupona kwangu, kuti ndikutorezve. ¹⁸Apana munhu unokutora kubva kwendiri, asi ndinokuisa pashi ngokuda kwangu. Ndine simba rokukuisa pashi, ndine simba rokukutorazve; uyu mupango ndakaupuwa ndiBaba angu.”¹⁹Kwaiyapozve kuparadzana pakati pevaJudha ngendaa yemazwi aya. ²⁰Vazhinji vavo vakati, “Une dhimoni, naye waakupenga. Ngenyi mwechimupurutana?”. ²¹Vamweni vakati, “Aya mazwi andiopi anoereketwa ngounomuka nedhimoni. Dhimoni ringapembenudza madziso ebofu here?".²²Waiya mukuwo wedhiri rokupira Temperi muJerusarema; paiya pachando. ²³naJesu wakahamba muTemperi, muBerere raSoromoni. ²⁴Ndizvo vaJudha vakamuunganira, vakati kwaari, “Unotiita gariremwo metsa riini? Kuti uri Kristu, tironzere pamhene.”²⁵Jesu wakavapingura echiti, “Ndakamuronzera, nemwi amutendi. Mishando yendinoita ngezina raBaba angu, inopupura ndini. ²⁶Asi imwimwi amutendi ngokuti amusiri vemakwai angu.²⁷Makwai angu anozwa izwi rangu, neni ndinoazia, nawo anonditeera. ²⁸Ndinoapa kupona kusikaperi, nawo aazofi nariini, zve akuna unoabvuka kubva munyara yangu.²⁹Baba angu, uwo wakaapa kwendiri, mukuru kwavari veshe, apana naumwe unokona kuabvuka kubva munyara yaBaba. ³⁰Inini naBaba tiriumwe.” ³¹VaJudha vakatonherazve mapuwe kuti vamuponde.,³²Jesu wakavapingura echiti,:“Ndakamuonisa mishando mizhinji yakanaka inobva kunaBaba. Ngouri kweiyo mishando womunondipondera ngemapuwe?". ³³VaJudha vakamupingura vechiti: “Atikupondi ngendaa yomushando wakanaka, asi ngendaa yokutuka Mwari; ngokuti iwewe, uri munhu, unodziita Mwari.”³⁴Jesu wakavapingura echiti: “Akuzi kunyorwa here muMipango yenyu kuti: ‘Ndakati, muri zvimwari?’, ³⁵Kudai akavadaidza kuti zvimwari, kwavari avo kwarakaguma izwi raMwari, (nezvinyorwa azvingadarikwi), ³⁶Munoereketa ngenyi ndiye, uwo waakaemesa Baba nokumutuma munyika kuti, ‘Unotuka Mwari,’ ngokuti ndakaronza kuti, ‘Inini ndiri Mukororo waMwari?’,,³⁷Kudai ndisikaiti mishando yaBaba angu, musanditenda. ³⁸Asi kuti ndechiiita, kunyazwi musikanditendi, tendai mishando, kuti muzie nokuzwisisa kuti Baba vari mukati mwangu neni ndiri mukati mwaBaba.” ³⁹Ndizvo vakatsvakazve kumubata, asi iye wakapokonyoka kubva munyara dzavo.⁴⁰Jesu wakaendazve ruseri rweJorodhani kundau iyo yaakabhabhatidzira ndi Johani pakutanga, wakagarapo., ⁴¹Vanhu vazhinji vakauya kwaari; navo vakati, “Johani pashokwadi aazi kuita shioniso, asi zvesse zvaakabuia Johani ngendava youyu munhu zvine gwinyiso.” ⁴²Wakawanda wakatenda kaari Jesu.

¹painga pano mumwe murume waizwi Razarusi aiwadja. weBhethani, guta ra Maria na Nataita yake hama. ²Ndiye uyu Maria wakadzodza Mambo ngemafuta, akapukuta tsoka dzake ngebvudzi rake, mukoma wake Razarusi wairwara.³Ndizvo hanzvadzi dzake dzakatumira kwaari dzechiti: “Mambo, penya, uwo wounoda unorwara.” ⁴Asi apo Jesu azvizwa wakati: “Uku kurwara andikwopi kworufu; asi ngokwokukurisa Mwari, kuti Mwana waMwari akuriswe ndikwo.”⁵Zvino Jesu wakada Maritha nomunukuna wake na Razarusi. ⁶swino apo azwa kuti lazaro wairwara, wakagara mazuva maviri pandau paaivapo. ⁷Ngesure kweizvi wakati kuvadzidzi vake: “Ngatihwirirezve Judhia.”⁸Vadzidzi vakati kwaari: “Rabhi, vaJudha vaitotsvaka kukuponda ngemapuwe, tohwirireyozve here?”. ⁹Jesu wakapingura akati: “Amuna mahawa gumi namairi muzuva here? Kudai munhu echihamba masikati aapumhunwi, ngokuti unoona kujeka lomunyika muno here.¹⁰Asi kudai munhu echihamba usiku unopumhunwa, ngokuti kujeka amuna mukati mwake.” ¹¹Wakaereketa izvi, naapo wakati kwavari: “Razarusi shamwari yedu waata, asi inini ndinoenda koomumusa.”¹²Ndizvo vadzidzi vakati kwaari: “Mambo, kuti akaata, unozoitanane.” ¹³Zvino Jesu waiya aereketa ngorufu rwake, asi ivo vaikarakadza kuti waiereketa ngokuzorora mukuata. ¹⁴Naapo Jesu wakanasa kuvaronzera pamhene kuti: “Razarusi wafa;¹⁵Ndizvo Thomasi, uwo unozwi Munyambiri, wakati kuvadzidzi vangani vake: “Nesu ngatiendewo, kuti tife naye.” ¹⁶Neni ndinodakara ngepamusoro penyu ngokuti ndaiya ndisiriyo, kuti mutende. Asi ngatiende kwari.”,¹⁷Naapo Jesu aguma, wakaona kuti Razarusi waiya aanemazuva marongomuna muiba. ¹⁸Bhethani raiya pasinde peJerusarema, pasikagumi makhiromitha matatu. ¹⁹nevazhinji vevaJudha vaiya vaguma kunaMaritha naMaria, kuti vavaembedzere ngendaa yokufa kwomukoma wavo. ²⁰Naapo Maritha, azwa kuti Jesu uri kuuya, wakaenda kooshongana naye, asi Maria wakasara akagara mumhatso.²¹Ndizvo Maritha wakati kunaJesu: “Mambo, kudai waiya pano, mukoma wangu waidai asikazi kufa. ²²Nazvino ndinozia kuti izvo zvounozokumbira kunaMwari, Mwari unozokupa.” ²³Jesu wakati kwaari: “Mukoma wako unozomukazve.”,²⁴Maritha wakati kwaari: “Ndinozia kuti unozomuka mukumuka kwezuva rokupera". ²⁵Jesu wakati kwaari, “Inini ndiri kumuka nokupona; uwo unonditenda kunyazwi afa, unozoponazve, ²⁶Nouwo unopona echinditenda, aatongozofi. Unotenda ichi here?”.²⁷Akati kwaari: “Eya, Mambo; inini ndinotenda kuti iwewe ndiwe Kristu, Mwana waMwari, uwo unouya munyika.” ²⁸Naapo aronza izvi, wakaenda, akadaidza Maria mununguna wake ngokufishika, akati: “Mudzidzisi waapano, unokudaidza.” ²⁹Naye azwa, wakakasira kumiruka, akaenda kwaari.³⁰Naapo vaJudha avo vaiya naye mumhatso vechimuembedzera, vaona kuti Maria wamiruka ngokukasira, akabuda kubanze, vakamuteera, vechikarakadza kuti unoenda kuiba koochemerapo. ³¹Apo Maria aguma paiya naJesu, amuona wakawa pashi patsoka dzake, akati kwaari: “Mambo, kudai waiya pano, mukoma wangu waidai asikazi kufa.” ³²Zvino Jesu waiya asati aguma muguta, asi waiya achipo paakashongana naMaritha.³³Naapo Jesu amuona echichema, nevaJudha vechichema, avo vakauya naye, wakaita mahwema mumweya mwake nokutambudzika; ³⁴Naye wakati: “Mwakamuradzika pari?” Vakati kwaari: “Mambo, uyai muone.” ³⁵Jesu wakachema.³⁶Ndizvo vaJudha vakati: “Wonai, kumudisisa kwake. ³⁷Asi vamweni vavo vakati: “Uyu munhu, wakasvinura madziso owaiya bofu, waiya asikakoni here kuita kuti uyu munhu asafa?”.³⁸Naapo Jesu, echitambudzika kakurutu mukati mwake, wakaguma kuiba; raiya bako nebuwe raiya rakadumaidza padera paro. ³⁹Jesu wakati: “Dusai buwe.” Maritha, hanzvadzi youwo wakafa, wakati kwaari: “Mambo, zvino wotonuhwa, ngokuti waane mazuva marongomuna afa.” ⁴⁰Jesu wakati kwaari: “Andizi kukuronzera here kuti dai wechitenda ungazoona uthende hwaMwari?”.⁴¹Ndizvo vakadusa buwe. NaJesu wakaringira mudenga akati: “Baba, ndinomubonga ngokuti mwakandizwa. ⁴²Neni ndinozia kuti unondizwa ngenguva dzeshe. Asi ngepamusoro pembungano yakaema pasinde ndaronza kudaro, kuti itende kuti ndiwe wakandituma.”⁴³Naapo aronza izvi, wakadaidzira ngeizwi guru echiti: “Razarusi, buda.” ⁴⁴Uwo waiya akafa wakabuda, akasungwa tsoka nenyara ngemachira okuikwa nawo, nehope yake yakasungwa ngejira doko. Jesu wakati kwavari: “Musunhurenyi, mumurekere aende.”⁴⁵Ndizvo vazhinji vevaJudha avo vakauya kunaMaria, vechiona izvo zvaakaita Jesu, vakatenda. ⁴⁶Asi vamweni vavo vakaenda kuvaFarisi, vakavaronzera zvaaiya aita Jesu.⁴⁷Ndizvo vapristi vakuru nevaFarisi vakaungana pamwepo nevatongi kuita bangano, vakati: “Tinozoitenyi? Ngokuti uyu munhu unoita mioniso yakawanda. ⁴⁸Kudai techimurekera echiangira kudaro, vanhu veshe vanozotenda kwaari, nevaRoma vanozouya vaparadze zveshe ndau yedu yakachena nedzinza redu.”⁴⁹Asi umwe wavo, Kaiafasi, uwo waiya mupristi mukuru ngegorero, wakati kwavari: “Amuzii chiro nachimwe. ⁵⁰Amuzwisisi kuti zvirinane kwomuri kuti munhu umwe unosisira kufira vanhu vazhinji pane kuti dzinza reshe ripere.”⁵¹Aazi kuronza izvi ngokuda kwake, asi ngokuti waiya mupristi mukuru ngegorero, wakaprofeta kuti Jesu unozofira dzinzaro. ⁵²Asi haiwa kufira dzinzaro kwega, asi kuti aunganidzewo pamwepo vana vaMwari avo vakapararira kunyika dzeshe, kuti vaite umwe. ⁵³Ndizvo kubvira ngezuva iro vakaita bangano pamwepo kuti vamuuraye.⁵⁴Ndizvo Jesu aazi kuchahambazve pamhene pakati pevaJudha, asi kubva apo wakaenda kunyika iri pasinde norubaya, kudhorobha rinozwi Efuremu; naapo wakagara nevadzidzi vake. ⁵⁵Zvino Phasika revaJudha raiya pasinde, vazhinji vakakwira Jerusarema vechibva munyika, Phasika risati raguma, kuti vadzichenese.⁵⁶ngokudalo vona vakatsvaka Jesu, vakaema mu Temperi vechiti umwe kune umweni: “Munotinyi? Kuti aazouyi here kundhiri?”. ⁵⁷Ndizvo vapristi vakuru nevaFarisi vaiya vakaita mupango kuti kunyazwi ndiani unozia paari, ngaabuie , kuti vamubate.

¹Ndizvo mazuva matanhatu Phasika risati raguma, Jesu akaguma Bhethani, apo paiya naRazarusi, uwo waakamusa kwavakafa. ²Naapo vakamunasirira kudya kwemadeekoni; Maritha wakavaburira, naRazarusi waiya umwe weavo vaigara naye pakudya. ³Naapo Maria wakatora mafuta anoda kukwana litha okuzora enarde aidhura naye wakadzodza tsoka dzaJesu, akapukuta tsoka dzake ngebvudzi rake; nemhatso yakazara ngegwema rakanaka remafuta.⁴Asi Judhasi Isikarioti, umwe wevadzidzi vake, (uwo waizomupira) wakati: ⁵“Ngenyi asikazi kutengeswa mafuta aya ngemadhora mazana matatu, apuwe varombo?”. ⁶Izvi wakazvironza, haiwa ngokuti waivada varombo, asi ngokuti waiya mbavha, waingwarira nyede naye waitora zvaiiswamwo.⁷Ndizvo Jesu wakati: “Murekerei ari ega. Ngaangwaririre zuva rokuikwa kwangu". ⁸Ngokuti varombo munavo nguva dzeshe, asi amunenipi nguva dzeshe.”⁹Naapo vazhinji veungano yevaJudha vakazia kuti waiyapo, vakauya, haiwa kuti vaone Jesu kwega, asi kuti vaonezve Razarusi, uwo waakamusa kubva kwavakafa. ¹⁰Ndizvo vapristi vakuru vakapangana kuti vauraye naRazarusiwo, ¹¹ngokuti ngepamusoro pake vazhinji vevaJudha vaienda vechitenda kunaJesu.¹²Nechimangwani mbungano huru iyo yakauya kudhiri, yakazwa kuti Jesu unouya Jerusarema.¹³Yakatora matai emichindwi, yakabuda kooshongana naye, vakadaidzira vechiti: “Hosana! Unomuchena uwo unouya ngezina raMambo, Mambo waIsuraeri!”.¹⁴NaJesu wakaona mwana wembongoro, naye wakagadha padera payo, kudai ngezvezvakanyorwa: ¹⁵“Usatya, iwewe mukunda weZioni. Ringira, mambo wako unouya, akagadha padera pemwana wembongoro!”,¹⁶Vadzidzi vake avazi kuzvizwisisa izvi pakutanga, asi apo Jesu airikidzwa, naapo vakachizokarakadza kuti izvi zvaiya zvakanyorwa ngendaa yake nokuti vakamuitira izvi.¹⁷Nembungano iyo yaiya naye apo paakadaidza Razarusi kubva muiba akamumusa kwavakafa yakaita chapupu. ¹⁸Ngeiyi ndaa mbungano yakaenda kooshongana nayezve, ngokuti yaiya yazwa kuti wakaita mushamiso. ¹⁹Ndizvo vaFarisi vakati pakati pavo umwe kunoumweni: “Munoona, amungaiti chiro; ringirai, nyika yeshe inomuteera.”²⁰Zvino vaiyapo vaGiriki vamweni pakati peavo vakakwira koodira kudhiri. ²¹Ndizvo ava vakauya kunaFiripu, uwo waibva Bhethisaidha reGarire, vakakumbira kwaari vechiti:“Mambo, tinoda kuona Jesu.” ²²Firipu wakaenda, akaronzera Andreu; Andreu wakaenda naFiripu, vakaronzera Jesu.²³NaJesu wakavapingura echiti: “Awa raguma rokuti Mukororo woMunhu akudzwe. ²⁴Ngegwinyiso ndinoti kwomuri, kudai tsangu yekoroni isikawi mumavhu nokufa, inondogara iriyo yega; asi kuti ikafa, inozobereka tsangu dzakawanda.²⁵uwo unoda kupona kwake unozokurasha, nouwo unozonda kupona kwake munyika muno, unozokungwarira kupona kusikaperi. ²⁶Kudai munhu echindishandira, ngaanditeere, kuti pendiri naye muranda wangu unozoapowo; kuti munhu echindishandira, Baba vanozomuremekedza.²⁷“Zvino mweya wangu unotambudzika. Neni ndinozotinyi, ‘Baba, ndiponese kubva kuneiri awa here?’ Haiwa, ndiyo ndaa yendakauyira awa iri. ²⁸Baba, ngarikudzwe zita renyu:” Apapo rakauya izwi rechibva mudenga rechiti: “Ndakarikudza, neni ndinozorikudzazve.” ²⁹Nembungano yaiya yakaema apo yakarizwa, yakati: “Kwatinhira.” Vamweni vakati: “Ingirosi yaereketa naye.”³⁰Jesu wakapingura akati: “Iri izwi arizi kuuya ngenyaya yangu, asi ngenyaya yenyu. ³¹Zvino kwaapano kutongwa kwenyika iyi, zvino mutongi wenyika iyi unozorashwa kubanze.³²Neni, naapo ndamirudzwa kubva panyika, ndinozokweera vanhu veshe kwendiri.” ³³Wakabuya izvi echionisa njira yokufa kwaaizofa ndikwo.³⁴Ndizvo mbungano yakamupingura yechiti: “Takazwa muMipango kuti Kristu unozogara mhera nariini. Zvino unoronzenyi wechiti: ‘Mukororo woMunhu unosisira kuti amirudzwe?’ Ndiani uyu Mukororo woMunhu?” ³⁵Jesu wakati kwavari: “Inguva doko kujeka kuchipo pakati penyu. Hambai muchinokujeka, kuti chidima chisamubata; nouwo unohamba muchidima aatongozii paanoenda. ³⁶Muchinokujeka, tendai kujeka, kuti muite vana vokujeka.” Naapo Jesu aronza izvi, wakabvapo akadzifisha kubva kwavari.³⁷Kunyazwi aiya aita mioniso mizhinji pamberi pavo, asi avazi kumutenda. ³⁸Uku kwaiya kuzadzisa izwi raIsaya muprofeti raakaereketa, iro rinoti: “Mambo, ndiani wakatenda izwi redu, nomuoko waMambo Mwari wakaoniswa kunaani?”.³⁹Ndizvo vaiya vasikakoni kutenda, ngokuti Isaya unotizve: ⁴⁰“Uwo wakapofomadza madziso avo, wakakonzisa mwoyo yavo, kuti vasazoona ngemadziso avo, vazwisise ngomwoyo yavo, vatenderuke neni ndivaponese.”⁴¹Isaya wakaronza izvi ngokuti wakaona uthende hwake, akareketa ndiye. ⁴²Kunyazwi zvakanyadaro vazhinji vemadzimambo vakamutenda, asi ngendaa yokutya vaFarisi avazi kumutenda ngomuromo, kuti vasadzingwa kubva mumhatso yokudira. ⁴³Ngokuti vaipinda kuda kukudzwa ngevanhu kunokukudzwa ndiMwari.⁴⁴Jesu wakadaidzira akati: “Uwo unonditenda, aatendi inini akadi, asi unotenda uwo wakandituma. ⁴⁵Nouwo unondiona unoonawo wakandituma.⁴⁶Inini ndakauya ndiri kujeka munyika, kuti kunyazwi ndiani unotenda kwendiri asachagara muchidima. ⁴⁷Kunyazwi ndiani unozwa mazwi angu asikaangwariri, andimutongi inini; ngokuti andizi kuuya kootonga nyika, asi kooponesa nyika.⁴⁸Iye unondiramba asikaashiri mazwi angu unaye unomutonga; izwi iro rendakaereketa ndiro rinozomutonga ngezuva rokupera. ⁴⁹Ngokuti andizi kutera kudziereketera ngesimba rangu; asi Baba uwo wakandituma iye pachake wakandipanga chendinozoronza nechendinozoereketa. ⁵⁰Neni ndinozia kuti mupango wake uri kupona kusikaperi. Ndizvo izvo zvendinoereketa, ndinozviereketa kudai ngezvandakaronzerwa ndiBaba.”

¹Zvino nguva yeDhiri rePhasika isati yaguma, apo Jesu echizia kuti nguva yake yaguma kuti abve munyika muno aende kunaBaba, avada vake avo vaiya munyika, wakavada metsa kumagumo. ²Vachadya kudya kwemadeekoni, Sathani waiya atopinda mumwoyo mwaJudhasi, mukororo waSimoni Isikarioti, kuti amupire.³Jesu, echizia kuti Baba vaiya vamupa zveshe munyara dzake nokuti wakabva kunaMwari nokuti unoenda kunaMwari. ⁴wakamiruka kubva pakudya kwemadeekoni, wakakhumura zvokupfeka zvepadera zvake, wakatora jira rokupukuta ndiro, akasungira muchiunu chake. ⁵Naapo wakadurura mvura muchidziyo chokushambira, akatanga kushamba tsoka dzevadzidzi nokudzipukuta ngejira raaiya akasungira muchiunu.⁶Ndizvo wakaguma panaSimoni Petro; Petro wakati kwaari: “Mambo, iwewe unoshamba tsoka dzangu here?”. ⁷Jesu wakapingura, akati kwaari, “Icho chendinoita inini, iwewe auchizii zvino, asi unozochizwisisa ngesure kweizvi.” ⁸Petro wakati kwaari, “Auzoshambi tsoka dzangu nariini.” Jesu wakamupingura, akati, “Dai ndisikakushambi, auna chikoaniswa neni.” ⁹Simoni Petro wakati kwaari: “Mambo, kusachaita tsoka dzangu dzega asi nadzo nyara dzangu nesoro rangu”.¹⁰Jesu wakati kwaari: “Iye washambwa muiri weshe aachatami chiro chimweni kwega kushambwa tsoka dzake, asi wacheneswa yaamho. Nemwi mwacheneswa, asi haiwa mweshe.” ¹¹Ngekuti Jesu waimuzia uwo waizomupira; ndizvo wakati: “Amuzi kucheneswa mweshe.”¹²Naapo Jesu aiya ashamba tsoka dzavo nokutora zvokupfeka zvake nokugara pandau yake, wakati kwavari: “Munozwisisa here chendaita? ¹³Munondidaidza kuti Mudzidzisi nokuti Mambo; nemwi munonasa kuronza, ngokuti ndini. ¹⁴Zvino kudai inini, Mambo noMudzidzisi wenyu, ndashamba tsoka dzenyu, nemwiwo kunosisira kuti mushambane tsoka dzenyu. ¹⁵Ngokuti ndamupa chionero, kuti nemwi muite kudai ngezvandaita kwomuri.¹⁶Ngegwinyiso ndinoti kwomuri, muranda aasimukuru kupinda mambo wake, nokuti wakatumwa aakuri kupinda uwo wakamutuma. ¹⁷Kudai mwechizia izvi zviro, munomuchena kudai mwechizviita. ¹⁸Andiereketi ndimwi mweshe akadi; ndinovazia avo vendakatsanangura; asi kuti chinyorwa chizadzisike chinoti: ‘Uwo unodya chingwa changu, wakandimirudzira chisisinho chake kurwisana neni.’¹⁹Zvino ndinomuronzera izvi zvisati zvaitika, kuti apo zvaitika mutende kuti ndini. ²⁰Ngechokwadi ndinoti kwomuri, iye unoashira uwo wendinotuma unoashira inini; nouwo unondiashira unoashira uwo wakandituma.”²¹Naapo Jesu aiya aereketa izvi, wakatambudzika mumweya wake, wakapupura akati: “Ngegwinyiso ndinoti kwomuri, umwe wenyu unozondipira." ²²Vadzidzi vakaningirana vechishamiswa kuti unoreketa ndiani.²³Umwe wavadzidzi vake waiya akatseama paditi raJesu, uwo waidiwa ndiJesu. ²⁴ndizvo Simoni Petro wakamukopera akati kwaari: “Tironzere, ndiani waanoereketa ndiye". ²⁵Ndizvo uwo wakatseyama paditi raJesu wakati kwaari: “Mambo, ndiani?”,²⁶Jesu wakapingura akati: “Ndiye uwo wendinozosheya mushuva ndimupe.” Naapo asheya chigurwa chechingwa wakaupa Judhasi, mwan waSimoni Isikarioti. ²⁷Naapo ngesure kwechigurwa chechingwa, Sathani wakapotera kwaari. Ndizvo Jesu wakati kwaari: “Izvo zvounoda kuita zviite ngokukasira.”²⁸Paiya pasina munhu pakudya wakazia singwisingwi yezvaakaereketa kwaari. ²⁹Ngokuti vamweni vakapinimidza kuti, ngokuti Judhasi waiya nenyede yemare, Jesu waimuronzera echiti, “Tenga zvetinoda paDhiri rePhasika,” nokuti ape chiro kuvarombo. ³⁰Ndizvo iye aashira chigurwa chechingwa, paripo wakabuda kuenda. Hwaiya hwaa usiku.³¹Naapo aiya abuda, Jesu wakati: “Zvino Mwana woMunhu wakudzwa naMwari wakudzwa mukati mwake. ³²Kudai Mwari akudzwa mukati mwake, Mwari unozomukudzawo mukati mwake emene, naye unozomukudza paripo apapo. ³³Vana vadoko, inguva doko ndichinemwi. Munozonditsvaka; kudai ngezvandakaronza kuvaJudha, ndizvo ndinoti kwomuri: ‘Pendinoenda, amukoni kuuyapo.’³⁴Ndinomupa mupango mutsva, kuti mudane umwe kunoumweni; kudai ndini ndakamuda, ngokudaro imwimwiwo mudane. ³⁵Ngeichi vanhu veshe vanozozia kuti imwimwi muri vadzidzi vangu: kudai muno rudo umwe kunoumweni.”,³⁶Simoni Petro wakati kwaari: “Mambo, unoenda kuri?” Jesu wakapingura, akati: “Pendinoenda, aukoni kunditeera zvino; asi unozoteera sure kweizvi.” ³⁷Petro wakati kwaari: “Mambo, andikoni kukuteera zvino ngenyi? Ndinozofa ngepamusoro pako.” ³⁸Jesu wakapingura, akati: “Unozofa ngepamusoro pangu here? Ngegwinyiso ndinoti kwomuri, jongwe arizoriri usati wandiramba katatu.

¹“Mwoyo yenyu isatambudzika; tendai kunaMwari, mutendewo kwendiri. ²Mumhatso mwaBaba angu huriyo ugaro hwakawanda. Kudai zvisakadaro, ndaizodai ndisikazi kumuronzera here kuti ndinoenda koomunasirira ugaro? ³Kudai ndechienda koomunasirira ugaro, ndinozouyazve nokumuashira ndemene, kuti pendiri inini, nemwi mungazoapowo.⁴Nependinoenda munoizia njira.” ⁵Thomasi wakati kwaari, “Mambo, atizii pounoenda. Njira tingaizia ngenyi? ⁶Jesu wakati kwaari, “Inini ndiri njira negwinyiso nokupona. Akuna unouya kunaBaba, asikauyi ndini. ⁷Kudai mwakandizia, mwaizodai mwakamuzia Baba anguwo. Kubvira pano munomuzia, nemwi mwamuona.⁸Firipu wakati kwaari: “Mambo, tipangidzire Baba, nesu tikwaniswe". ⁹Jesu wakati kwaari, “Ndakagara nemwi mukuwo wakadai kureba, asi ausati wandizia here, Firipu? Iye wakandiona inini wakaona Baba. Unoronza ngenyi kuti: ‘Tipangidzire Baba?¹⁰Autendi here kuti inini ndiri mukati mwaBaba naBaba vari mukati mwangu? Mazwi endinoereketa kwomuri andidziereketeri ngesimba rangu; asi Baba vanogara mukati mwangu ndivo vanoita mishando yavo. ¹¹Tendai inini kuti ndiri mukati mwaBaba naBaba vari mukati mwangu; asi kudai musikatendi kudaro, tendai ngepamusoro pemishando yemene.¹²Ngegwinyiso ndinoti kwomuri, uwo unonditenda mishando yendinoita unozoitawo; mishando yakakura kupinda iyi unozoiita, ngokuti inini ndinoenda kunaBaba. ¹³Kunyazwi chiinyi chomunozokumbira ngezina rangu ndinozochiita, kuti Baba vairikidzwe kubudikidza ngoMwana. ¹⁴Kudai mwanyazokumbirenyi kwendiri ngezina rangu, inini ndinozochiita.,¹⁵Kudai mwechindida, munozongwarira mipango yangu ¹⁶Neni ndinozokumbira Baba, naye unozomupa umweni Muembedzeri, kuti agare nemwi nokusikaperi. ¹⁷ndiye Mweya wegwinyiso; nyika aikoni kumuashira, ngokuti aimuoni nokuti kumuzia. Imwimwi munomuzia, ngokuti unogara nemwi, naye unozogara mukati mwenyu.¹⁸“Andizomusii muri nherera; ndinozouya kwomuri. ¹⁹Kuchinenguva doko nenyika aichazondioni, asi imwimwi munozondiona; ngokuti inini ndinopona, nemwi munozoponawo. ²⁰”Ngeiro zuva munozozia kuti inini ndiri mukati mwaBaba angu, nemwi muri mukati mwangu, neni ndiri mukati mwenyu.²¹Uwo unemipango yangu echiingwarira, uwo ndiye unondida; nouwo unondida unodiwa ndiBaba angu, neni ndinozomuda nokudzionisa pachangu kwaari. ²²Judhasi (haiwa Isikarioti) wakati kwaari: “Mambo, unozoita maitirenyi kuti unozodzionisa kwetiri, usikadzionisi kunyika?”.²³Jesu wakamupingura, akati kwaari: “Kunyazwi ndiani unondida unozongwarira mazwi angu, naBaba angu vanozomuda, nesu tinozouya kwaari tiite ugaro hwedu pamwepo naye. ²⁴Uwo usikandidi aangwariri mazwi angu. Neizwi romunozwa arisirangu akadi, asi ngeraBaba avo vakandituma.²⁵“Izvi zviro ndamuronzera apo ndichakagara nemwi. ²⁶Asi Muembedzeri, Mweya Wakachena, waachazotuma Baba ngezina rangu, uwo unozomudzidzisa zviro zveshe, amucherechedzise zveshe zvendakamuronzera. ²⁷Kunyarara ndinokusiya kwomuri; kunyarara kwangu ndinomupa. Andimupi kudai ngokupa kwenyika. Mwoyo yenyu isatambudzika, isakarukazve.²⁸Mwakazwa kuti ndakati kwomuri: ‘Ndinoenda, neni ndinozouyazve kwomuri.’ Kudai mwakandida, mwaizodakara kuti ndinoenda kunaBaba, ngokuti Baba vari vakuru kwendiri. ²⁹zvino ndamuronzera zvisati zvaitika, kuti apo zvoozoitika mutende. ³⁰Ngesure kweizvi andichazoereketi zvizhinji nemwi, ngokuti mutongi wenyika iyi unouya. Aana simba padera pangu. ³¹Asi ndinoita kudai ngezvaakandipanga Baba, kuti nyika izie kuti ndinomuda Baba. Mirukai, ngatibve pano.