¹Yesu krista Dawda diin ni Habrahama diin ye ²A Bemanw natkɔ: Habrahama ye Isaka wooIsaka re yakuba wooYakuba re Zuda n'a dgɔɔw woo ³Zuda re farɛsi na zara woo Thamari rafarɛsi re Esiromu wooEzisomu re Aramu woo⁴Aramu re Aminadab wooAminadab re Naasson wooNaasson re Salmon woo ⁵Salomon re Boaz woo Rahab raBoaz re Obed woo Ruth ra ⁶Obed re Isaî wooIsaî re Dawda wooMasacɛ Dawda re Salmomon woo Urie moso ra⁷Salomon re Roboam wooRoboam re Abia wooAbia re Asa woo ⁸Asa re Josaphat wooJosaphat re Ozias wooOzias re Joatham woo⁹Joatham re Achaz wooAchaz re Ezechias woo ¹⁰Ezechias re Manasse wooManasse re Amon wooAmon re Josias woo ¹¹Josias re Jechonias wooJochonias ni a dgɔɔw woo pɔɔtɔya tɔɔrɔwaatiw ra Babylone¹²Pɔɔtɔya kɔɔ Banylone, Jechonias re Slathiel wooSalathiel re Zorobabel woo ¹³Zorobabel re Abiud wooAbiud re Eliakim wooEliakim re Azor woo ¹⁴Azor re Sadok wooSadok re Achim wooAchim re Eliud woo¹⁵Eliud re Eleazar wooEliazar re Matthan wooMathanre Jacob woo ¹⁶Yakuba re Maryaman cɛɛ Isufu woowo Mariyaman were yesu woo, a tkɔɔ were fɔɔ ko krista. ¹⁷Ora bɔɔnsɔn tan ni naannin re minɲin ka bɔ fwɔɔ Habraham ra ka tashe Dawuda ma, bɔnson tan ni naannin ka bɔ fwɔɔ Dawuda ma, fwɔɔ ka ta she pɔɔtɔya ma Babylonni, bɔnsɔn tan ni naannin ka ta pɔɔtɔya ra Babylone fwɔɔ ka ta she krista ma.¹⁸Afɛɛ yesu baa Marie mmanan nin tinnin yusufu fɛ, ere kɔɔnta ka bɔ ɲinsenun ka shee latkɛnin fɛ, ka sɔɔ ani yusufu man darankanjɛn kɛ ban¹⁹Yusufu, a cɛɛ, mim tin min ŋanninya ɲunman tki ye, a tin ti a fɛ ka Mariaman tkɔshien, er'a latkɛ ka daran tkɛ nɛn gundo ra²⁰Nafwɔ a tin miiri ra wo ra. ere Matki ka mɛɛkɛ jɔɔ je shiko ra, ka fwɔɔ; yusufu Dawuda dincɛ ekaa sran Mariyaman fruu kwo ra, ka kɛ ye moso ye, sabu kɔɔn min ara, wobɔra ɲinsenun ye fɛ; ²¹Ara dincɛɛ woo, ena na tkɔɔ daa ko yasu; aye n'a ka jaanman krisshi ka bɔ aka drunmunw na.²²Wo kwow biɛɛ na kɛ yaako Matki tin min ka miin fwɔ ka bɔ ceera daa fɛ, wora dapaa: ²³Afɛɛ, Sunkrun cɛdɔnbi nana kɔɔnta, ana dincɛɛ woo aa na Emanuyɛri tkɔɔ ji ama, A kɔɔ ko, yaamasa min aan shɛman²⁴Isufu krunnna ka bɔ sunnuŋɔnna, Matki ka mɛɛkɛ ye miin fwɔ ere wo k:e. ere a moso fruu. ²⁵Nga, Isufu man cɛɛ ni moso ya kɛ nɛɛn doran ka fwɔɔ kata woo dincɛ ra, ere yesu tkɔɔ ji aman.

¹Yesu woora Bethlehem, Zudee jamana ra, masacɛ Herode ka waate ra. Kɔɔnna dɔnninbgaw re she Zerusalem, ²aare ko : cubabuw ka masa miin woora ra dee, a mi miin ? Sabu aanne ra ka doonin jee kɔɔn na, aan nannin kana a batu. ³Masacɛ Herode wo koma mɛn, a nin Zerusalem kaaw byɛ hakri were nŋanmin.⁴e re saakalashebga kuntkiw nin junman ka sɛbɛrikɛlaw byɛ lajen ka kunnafonin ɲri wuu fɛ ko Krisita tin kan ka woo ja jɔn ma. ⁵wuu re ko : Bethlehem, Zudee jamana ra; sabu, cera tin min ka miin sɛbɛ wo fɛɛ : ⁶yero, Bethlehem, Zudee dguko, yee min Zuda ka dguba nafatkiw biɛɛra kwɛnni ye, sabu kuntki we na bɔ ye dgu we ra, min na nne ka janman Israeli kɔɔshi ka kɛ a niŋɛn bga ye.⁷wora Herode re dɔnninbgaw kri gwundo ra ka kunnafonin jɔnjɔn ɲrika. Ko doonnin ɲin tinmin manman ra kabɔ fwɔɔ sŋanjɔɔn sŋan. ⁸Ere ban k'aa cee Bethlehem, ka fwɔ, aa ɲannan ko aar'a ta, kunnanfonin sɛbɛmanw ɲrika dinwuleninin ka; nin wuu ka sɔɔ, aare ka to nnera dɔn, yaako nne fran ra ta ka ta a batu.⁹wuw masacɛ lamɛn ka ban, aare sraa ta. Wuw tin min ka doonnin min jee kɔɔnfɛ, were ye blaa, aa ɲaan ka tŋɔnman n'aan ye fwɔ ka ta ye jɔɔ dinwulenin kunkan a woo jaara. ¹⁰Wuw doonnin kɔɔshi, yrirajaba re duu aa ra¹¹aa re duun shoo ra ka diin jee a na baa Mariyama. Wuw re y'a brii dguman ka batu ka sɔn k'aa ka nafoomanfɛnw dayɛɛ, ka sannun, wushunan, nin latikrɔ sŋɔnbabaw jii diin ma. ¹²Wo kɛnin kwɔɔ, YAA MASA ka ɲiin we r'aa sɔnmin ka tɛmɛn shiko fɛ ko, aa ka seki ka ta Herodi fɛ, aa re seki ka ta a ka dguu ra nin sraa kwɛɛman ya.¹³Dɔnninbgaw tain kɔfɛ, mɛɛkɛ jɔɔ re n, a yɛɛ yira shiko ye Zozefu kunna ka fwɔɔ : wrii ka bii nin dinwulennin n'a baa ye ka ta Misra ka ti toɲin fwɔɔ nne re na koma ye fɛ waate min na; sabu Herodi nana din yaara ka pkaa. ¹⁴Zozefu re wrii wo shufɛɛ ra ka diin n'a baa ta ka ta Misra ¹⁵a ri toɲin fwɔɔ ka she Herodi saya man yaako Matki tin min fwɔɔ ka tɛmɛn cera daa fɛ, wora dapaa : nne nin dincɛ krii ka bɔ Misra kwɔkan¹⁶Ora Herodi ra jee ko dɔnnibgaw ra brii, ere fintiin ni kɛɛba ye, ka mkɔw blaa ka ta Bethlehem nin janman dguw biɛɛ ra ka sanflaa diinw biɛ pga a ni diin minnun man sanflaa bɔ ka wuu biɛ pga fran. ee wo sandaw yatemnan ka kaɲan dɔnninbgaw ka kunnanfonin ye Yesu woo ma.¹⁷Ora, cera Zeremi tin min ka miin fwɔɔ, wo dapa ra : ¹⁸dosokushi kanw mɛnna Rama, ka kanbanw ani ŋunnaŋunan kanbaw mɛn, Rashel min ma diinw komo ra, a ma sɔn doso saaro ma sabu diinw tin ɲin kun.¹⁹Herodi sannin kɔɔ, matki ka mɛɛkɛ jɔ re na a yɛɛ yira nin shiko ye Zozefu ra k'a to Misra, ka fwɔɔ ko : ²⁰wrii ka diin nin a baa ta ka taa Israeli jamanana ra, sabu minnun tinmin diin ka saya fɛ, wu saara. ²¹Isufu re wrii, ka diin nin a baa ta ka taa Israeli jamanna ra.²²²³Nka ara mɛn ko Arishelayusi min masaya ra Zude kunna a faa Herodi nɔɔnka, ere sran ka duu Israeli; ŋga YAA MASA re y'a sɔnnin shiko ra, ei manbɔ ka taa Galile mara ra, ka ta ye ski dguu jɔra, wo tkɔɔ krii ko Nazarɛti

¹O waate ra Yuhana batisebgaw re bɔ kɛnkan ka to ka waazuri kɛkongo koon kɔnna Zude. ²A tinna fwɔɔ : aa nŋisa, sabu sanko ra masaya srunɲanna. ³Cera Ezyi tin min kan, Yuhana miin kwofwɔ a ka koma na ko : kaan miin min pɛnrɛn na kongo kɔnna, we min yan ye : aa matki ka sraa labɛn, ka sramɛnsɛnw didaa.q ⁴Yuhana kannandeeke tin min nŋɔnmen shee re, a shɛsrinin min nin woo ye. A tinna yɛɛ baro nin tɔɔnw nin yriwo ra jitruu ye. ⁵Zeruzalemu kaw, Zude biɛshi anidafɛ dguw minnun tinmin Zourdɛn lamrin na, wu biɛɛ tin na Yuhannan fɛ; ⁶k'aa ka jrumunw kwofwɔ, ka to Yuhannan re n'aaru batise Zourdɛn baje ra.⁷Nka Yuhannan ra jee, Pharisɛnw ni Sadushɛɛnw shaanman min nana a ka batise ja ra, ere ya fwɔ wu ma ko : fɔnfɔnnin diinw, jɔɔn na ɲanfwɔ aa fɛ ko aa bii kɛɛtana ɲan? ⁸Aa nŋisari sɛbɛman wareya aa ra, ⁹ani aa ka skii nɛɛn ka fwɔ aa kɔɔnna ko; Ibrahima min aan faa ye! sabu nne ra fwɔɔ ka piyɛ aa ɲannan ko YAA MASA she ka diinw bɔɔ sende ɲinnun na k'a kɛ Ibrahima ye.¹⁰Yendeeba blara yriidriw ra kaban : nin yriii minman diinw ɲuman kɛ, wona skeen ka frii fiyɛn ra. ¹¹Nne ra batise jee ra, yaako kana n'aan ye nŋisari ra; nka miin min nana nne kwɔɔ, shebgaya min wo ra ka tɛnmɛn nne kan, wo n'a n'aa ye batise ɲinsenun na, ani fiyɛn na. ¹²Wo ka fiyɛn nungunin min a boo kɔɔnna : a nana wo ka kɛɛgwendge saniya, ka a ka ɲɔɔn yugɔɔ kɔɔnnɔn ra, nka ana ɲɔnnŋɛn jiin fiyɛnman pkaabii ra.¹³O waate ra, Yesu re bɔ Galilee kana Zourdɛn ra Yuhana nɔnkan, yaako a r'a batishe. ¹⁴Nka Yuhana tin min bannan, ka fwɔɔ : nne mankwo min ye ka batisheri ra, yere na nne fɛ ! ¹⁵Yesu re ya jaabi : a to ara kɛ sisa, sabu a ka pisa ko aan kwoo teeni biyɛɛ dapa. Yuhana m'aa sɔsɔ kun.¹⁶Yesu batishe ra ka baan, are bɔɔ jee ra. Sanko daa re yɛɛ, Yesu re YAA MASA ka ɲiin dgishɔ je a yɛɛ kan nafwɔ nŋantan. ¹⁷O waate ra, komankan jɔre mɛn ka bɔ sanko ra, ka komanw fwɔ : ɲiin nne diin kannun re, nne min ka nnin ka kwow biyɛ srii ara.

¹O waate ra, YAA MASA ɲiin were ta nin Yesu ye konŋon kɔɔnnan, yaako shitannin ra ta kɔɔbɔ. ²Tee binaannin nin shuu binaannin shuun dunin kɔ Yesu fɛ, kɔnŋɔn ye ra mnan ³kɔɔbɔribga, ri kwaa ra, ka fwɔ a fɛ ko : nin ye min YAA MASA diin ye, cee ji sendenw ma aare ka yɛɛma ka kɛ bwuuru ye. ⁴Yesu re y'a jaabi ko a sɛbɛra ko : bwuuru dɛnmɛn tin'a mkɔɔ baro, nka koman miin biɛ bɔ YAA MASA daara.⁵Jrannan were y'a tanɛn dguu senunman ra, ka ta a skii batori shoo sanfɛ, ⁶ka fwɔ a fɛ : ko nin ye min YAA MASA diin ye, e blaa ka bin jukɔɔ; sabu a sɛbɛra ko : a na cee ji a ka mɛɛkɛw ma ye ka kwoo ra, ani aa na ye ta aa boo ra yaako ye siin k'a kwishi sendenw ra⁷Yesu re ko a ma : a fran sɛbɛra, e tin'a ye ka matki YAA MASA kɔɔbɔ tkoshi ra. ⁸Jrannan ye yɛɛ nɛn kruyan jɔ kan ka drunɲannan masayafɛnw nin a nɔɔrɔw biɛshi yraa a ra, ⁹ka fwɔ a fɛ ko : ni e ka kwinkwri gwan ka nne batu nne na wuu biɛshi ji ema¹⁰Yesu re ya fw;o ko : shitannin e mab;o nna sabu a s;eb;era : ye matki, e ka YAA MASA bato, ani ka baara k;e a keen pewu ye. ¹¹Ora jraan ye ta ka manb;o a k;o;o. O waati ra, m;e;ek;ew re na Yesu k;o;o ka to ka baara k;e a ye.¹²Yesu ra mɛɛn sŋnan minnan ko Yuhana dunan boo ra, ere ta Galilee. ¹³Ere Nazarɛ toɲin kana e skii Capernaum, kɔkɔje daa Zubulon ni Nephtali dgukoo kan¹⁴Cera , Esaie tin flanra ka min fwɔ, yaako o ra dapa : ¹⁵Zabulon nin Nephtali ka janman, aa daan minnun min kɔkɔjiye daa janmannaw ra Jourdain kɔfɛ, ni Galillee gentils kanw, ¹⁶wo janman skinin jibira, wuw kɛɛ bonbgaba jee; miinun tin mun faaba ra ni saya shɔɔn ra kɛɛn wriira¹⁷Ka damna o sŋan ra, Yesu re waajuri damna, ka to ka fwɔ : aa nŋisa, sabu sankora masaya srunɲan ra¹⁸Nafwɔ a tinmin tŋɔnman na Galille kɔkɔjiye dafɛ, ere barenman flaa jee, Simɔn miin krii ko Piɛri nin a dgɔɔ Andre, tin min jɔɔ frii ra kɔkɔjiye ra ; bari bonson re tinmun. ¹⁹E y'a fwɔ aa fɛ : aa gwan nne ra, nne n'aan kɛ mkɔɔw ɲiin krishi bonsonw ye. ²⁰O janin keennan, aa re jɔɔw blaa k'aa gwan Yesu ra.²¹A tɛnmɛn na ɲin ka ta jayan nan, ere barenman flaa jɔɔ jee kun, Yakuba, zebedee dincɛ, nin a dgɔcɛ Yuhana, nin aa faa Zebedee jee kruun kɔɔnnan nin aa min a ka jɔɔw didaa ra. ²²Ere y'aa krii, o janinkeen nan, aa re kruun n'a faa toɲin k'aa gwan ra.²³Yesu tin ta Galille jaa biyɛ ka kraran ji janman lajɛnshow ra, ka waajuri ni k'aa ka masaya kibarujunman fwɔ, ka bannan shibiɛ nin bjandrushɔw jannanba shɛman. ²⁴A tkɔɔ were yikɛn syrie biyɛ ra, minnun tinmin tɔɔrɔ ra bannanw fɛ, nin tɔɔrɔ kwɛnmanw fɛ, jrinshɔw, karobɛbannan tkiw, mrunkunw mkɔɔw tinna nin wuu biyɛ ye Yesu fɛ e n'aru kɛnŋɛnya. ²⁵Janmabkruba re r'aa gwan ra, ka bɔ Galille, Decapole, Zerusalɛm, Zudee ni ka bɔ fwɔɔ Zourdɛn kɔfɛw ra.

¹Janmankruba jenin Yesu fɛ, ere yɛɛ krunkɔɔnna ; ani a skinin kwɔ karandinw re ya kwaa ara. ²Ari daa yɛɛ ere y'aa kran, ka fwɔɔ : ³Hakri pŋantnw dŋannun na sabu sankoora masaya min wuu tare ! ⁴Mkɔ yitkɛminw na dŋanmun sabu aa na yitku sɔɔ !⁵Minnunw kaari wuu dŋanmun na, sabu aa nana dkuko sɔɔ cɛye ! ⁶Kɔgɔshɔw ni minnŋɔnshɔw teenninyara dŋanmun na, sabu aa nana paa ! ⁷Makaritinw dŋanmun na, sabu wuu na makari sɔɔ ! ⁸Minun sɔnkun piyɛnin wuu dŋanmun na, sabu aa na YAA MASA jee !⁹Minun hɛɛrɛ kɛ, wuu dŋanmun na, sabu aaa na kri aa tkɔma ko YAA MASA diin ! ¹⁰Minnun ɲanŋin na teenniya kɔsɔ, wuu dŋanmun na, sabu sankoora masaya min aa tare !¹¹Aa nana dŋanmun, ni aa kana aye tɔɔrɔ ka aa ɲanŋin, waaman ka finɲan fwɔ tgɔ ɲashi biyɛra ka da aa ka nne tkɔ kanman. ¹²Aye r'aa yriraja ka kɛ ɲaŋanri ra, sabu aa ka saa nana boɲan sankoora ; sabu ceraw minnun flanna aye aye ɲaan, aa wuu fran ɲanŋin na o tgo ye ra.¹³Aa ye min dgunmako kan kɔgɔ ye, nka nin kɔgɔ ka, tɛmɛn a jaa ka, fw,o,o aara ta frii kɛɛnman mkɔw sinkɔɔ, are ka tŋɔnnan ka dɔndɔn. ¹⁴Aa ye min drunɲan na kɛɛn ye. dguu min skinin min tintin kan, o ti she ka dgoon.¹⁵Mkɔ ti kɛɛn tku yaako ka bla tuu kɔɔnna, nka ara dendan ne ere kɛɛn bɔ shoor kɔɔnna mkɔw biyɛ fɛ. ¹⁶Ko aa ka kɛɛn ra manman ti mkɔw ɲankɔɔ, yaako wuu ra aa ka kɛwariɲunmanw jee, ani ka nɔɔrɔ da aa ka sankoo ra faa kan.¹⁷Aa ka miiri ko nne nakun kɛra ka ceraw waaman ka sariyaw dafatin ye dɛ ; nne nankun ma kɛ dafatinnin ye, nka kana wuu dapa. ¹⁸Sabu nne ra fwɔɔ aa fɛ shɛn na, nin sankoo nin dgukoo ma tɛnmɛn pewu, foshi tina trun sariya ra, hari sɛbɛrikɛsɛ dinken waaman sɛbɛri boonɔn nin kwɛɛnnin, fwɔɔ kata to a biyɛra shee.¹⁹Min ka wo cefwɔninw ra doomnin stkɛ kabɔyin, ani ka mkɔw karan ko ara wo shiw kɛ, wo tki na krii ko sankoora masaya dooninnin ; nŋa nin miin ka wuu kɔɔshi, ka mkɔw karan wuu kɔɔshi kwoowra, o tkiramkɔ na krii ko sankoora masaya,brekeba. ²⁰Bari, nne ra fwɔ aa fɛ k'aa na ka teeninya ma tɛmɛ sariya sɛbɛrikɛlaw ni dɔnnibgaw ta kan, aa tina dun sankoo masaya ra bada.²¹Aa ra mɛn ko a tinna fwɔra garemkɔw fɛ : E tinna mkɔw pga ; miin ka pgari kɛ o tkɩ ka ka nin ɲankin ye kititkɛlaw fɛ ; ²²nka nne ra fwɔ aa fɛ ko mkɔ o mkɔ k'i dosobɔ a bareman fɛ, ka kan ɲankin ye kititkɛlaw fɛ ; miin ka fwɔ a bareman fɛ : ko raca, o ka kan ka ɲankin kititkɛlaw bora ; ani miin ka fwɔ a ma ko hakrintan ! o tki ka kan ka ɲankin gehemi ra.²³Ni ka ta she ni ka ɲinnin fɛn ye saakalashe whora, e yri re bla ko nŋan dun ne e bareman ni ye shɛɛ, ²⁴e ka ɲinninfɛn to saakalashe shoo ra, ka ta shɛlabɛnnin kɛ nin e bareman ye ban ; ka sɔɔ kan e ka ɲinnin fɛn jii.²⁵Bɛn kɛ nin dguw ye nŋɔnman na, k'aa to nŋɔnman ra kenye, yaako a kana e jii kititkɛlaw ma, wuu kana ye jii kititkɛ ɲanmkɔw ma, e kana dun kasho ra. ²⁶Nne ra fwɔ ɲaan na shɛn ra, e tina bɔ yan ni man kɛ,en kworinin shɛki ken saa.²⁷Aye ra mɛn ko a tin fwɔra : ko e tina jadhɔya kɛ. ²⁸Nka nne, nne ra fwɔ aa fɛ ko mkɔ o mkɔ ka moso fɛɛ ka legera, o tki jashɔya kɛ kaban a dosokun na.²⁹Nin ye krinbokɔɔ ɲaan na kɛ e bin sababu ye, a bwɔɔn ka frii ka mabɔɔ era ; sabu a ka pisa ye man e piiko jajɔ ra bɔɲin, yaako e badabiɛ ka fri yaadaman fiɛn ra. ³⁰Ani ye krinbo min e bin sra ye, a krun ka fri ka mabɔ era ; sabu a ka pisa ye man e piiko jajɔ ra bɔɲin, yaako e badabiɛ ka fri yaandaman fiɛn ra.³¹A tin fwɔra ko : nin miin ka moso bla, ora parisɛbɛ jii a man. ³²Nka nne, nne ra fwɔ ko moso kwɛn, fɔɔ nin a kun ka kɛ kantinya re min ka bla jashɔya ra, ani miin ka moso blanin fruu, o tki jashɔya kɛ.³³Aa ra mɛn ko a tin fwɔra mkɔkɔw fɛ : ko e ka e ban e daakan ra, nka ena jɔ ara matki ɲakɔɔ. ³⁴Nka nne, nne ra fwɔ aa fɛ o aa k'aa kii fwoshira, kii k'aa kɛ yaatŋanna ra sabu o min YAA MASA sikijaba re ; ³⁵Kii ka kɛ dgukoo ra, sabu o min YAA MASA sinda jaa ye ; a ka kɛ Zerusalem ka, sabu o min masacɛba ka dugu ye.³⁶E fran ka e kii e kunkoo ra, sabu e ti she ka e kunshe fiin foshi piyɛ waaman ka piyɛman shi fiin. ³⁷Ko aa ka koma ra, rakɛ haan ye, a kakɛ wahi ye, miin ka fra a ka we bɔ shitanni fɛ³⁸Aa ra mɛɛn ko a tin fwɔra : ɲaan ni ɲaan, ɲiin ni ɲiin. ³⁹Nka nne, nne ra fwɔ aye fɛ ko aa ka sheji mkɔduguw ma.Ni mkɔjɔ ka e blɛ e krinbo too ra, e ɲɔnmanboo too fran teen atki fɛ.⁴⁰Ni mkɔjɔ mi afɛ ka kititkɛ kwo da e ka, yaako ka e ka deeke jubanin mna e ra, e ni ka dee kunkantanin to a boora kun. ⁴¹Nin mkɔjɔ ka e kaaba ko ya yaako wakaken kɛ ya ashi fla kɛ ni atki ye. ⁴²min ka e daare, wotki sɔn, ani mkɔ min na dɔndɔnri ra e fɛ, e k'a a ka koman lafri.⁴³Aaye ra mɛn ko a tin fwɔra : ko e na e mkɔɲkɔn kannun, ani ka e duu kɔnniya. ⁴⁴Nka nne, nne ra fwɔ aaye fɛ : Aaye r'aa dguw kannun, ka dubata a danka bgaw ye, ka kwoɲuman kɛ aa kɔnniyabgaw ye, ani ka YAA MASA daare a ɲanŋinlaw n'a tɔɔrɔbgaw ye. ⁴⁵Yaako aaye ra kɛ aa ka sankoora faa diinw ye ; sabu aaye r'aa kɛ a tee were bɔ mkɔdguuw nin mkɔɲunmanw kan, ani ka sajee na mkɔteeninw ni teebiw kan⁴⁶Ni aa ka kannunbgaw kannun, aa ka kan ni qaa jɔn ye ? Kwowangolaw fran t'a kɛ o tko keen ye ra ? ⁴⁷Ani ni aaye ka a baremanw dɛnmɛɛn fwoo mɔɔb kabakwo jɔɔn kɛra aaye fɛ, danabiiw fran t'a kɛ o tkokeen ra wa ? ⁴⁸Aaye ra kɛ mkɔ dapaninw ye nafwɔ aa ka sankoora faa dapanin mun tinminshi.

¹Aa ka to k'aa ka teeninya kɛ mkɔw ɲanna, ka kɛ yɛɛ yira kwo ye; wo tgo ra, aa tina saa sɔɔ aa ka sanko ra faa fɛ. ²E ka fwɔ k'a na dɛsɛbgashɔw sɔn aa kloklo fwɔ, nafwɔ flakanfwɔ ra kɛ nɔnŋɔnlajɛn shobaw ni srabaw ka yako mkɔw ra nɔɔrɔda aa ka. nne ra fwɔ aa fɛ shɛɛn ra, wuw ra ka saa sɔɔ.³Nka ni ka fwɔ k'i na dɛsɛbgaw sɔn, e k'a to e ɲ,onmanbo ra krinbo ka jita dɔn, ⁴yako e ka sɔnni ra ka gundo ra; ani e faa miin mun sanko ra; wo miin kwodgoninw jee, wo n'a saa ji e ma.⁵Ni aa min na daare kɛra, aa ka kɛ nafwɔ flankafwɔ a ka ji wuw miin ye ka jɔ a sinkan ka Ala daare kɛ jamalajɛnshobaw ni srabaw nɔnŋɔn na, yako mkɔw r'a ka saa sɔɔ. ⁶Nka mun Ala daare ra, dun, ya daa tgu e daman, e faa yaamasa daare rjaa dganin na. E faa, min jeri kɛ jadgonin, na a kɔsekiji ye man. ⁷e ka koman lankow shiya, Ala daareshɔ ra nafɔ Ala dɔnbiw ra kɛ tin minshi ka miiri ko were nato a re jaabi.⁸Aa ka bɔ fɛ; sabu aye faa ra dɔn aa makwo min fɛɛn miin na, ka sɔɔ aa m'a daare ban. ⁹aa ka daareri tgo ka kan ka kɛ tanne: ¹⁰an faa min sanko ra ye tkɔ ra senu manya; ye ka shebgaya ra na; ye ka sako ra kɛ dguko ni sanko ra,¹¹an ka bii dunfɛn ji an man; ¹²an ka drunmunw yafa, na fɔ anne fran yafa ra an drunmun bgaw ma, ¹³e ka an dun kɔɔbɔri ra, nka an tŋan shitannin ma. bari fɛɛ biyɛ mun ye ta re, ka bɔ fɔ lawa ri la, kuntkiya o, shebgaya o, ani nɔɔrɔ o, amina¹⁴Nin aa ka yafa mkɔw frikow, a ka sanko ra faa na yafa aa ye ma fran, ¹⁵nka ni aa ma yafa mkow ma, aa faa fran tina yafa aa frikow ma.¹⁶aa ka shuun dun, aa ka ɲaan shishi nafɔ flankafɔw, minnun n'a ɲaan shɛn yaako mko biyɛ ra dɔn ko a min shuun na. Nne ra fwɔ aye fɛ shɛnna wuw na aa ka saa sɔɔ. ¹⁷Nka e ka shuun duun, latikrɔ kɛ e kuun ka ka e ɲanda didaa, ¹⁸yaako mkɔw k'a dɔn ko e min shuun na Nka e faa miim mun gundo jaa ra; ani e faa, miin jeri kɛ gundo ra, wo na e saa¹⁹aa ka dguko kan nafow yukɔ ka aa keen ta ye, kaba ni shoon nana biyɛ ɲinmin ɲinmin, ani shuunw nana dŋan sgɔ ka shonɲan; ²⁰Nka a sanko ra nafow yukɔ ka kɛ aa taa ye wo jaara, kaba ni shoon ti halakiri kɛ, ani shuunw ti dŋan sgɔ ka shoɲan. ²¹bari e ka nafo min jaa min ma, e dosokun fran na kɛ ɲin ne.²²ɲandin we mun ma ɲin, e pikoo ka lampa ye. nin e ɲandin kaɲiin, e pikoo biɛ na kɛɛn sɔɔ ; ²³Nka ni e ɲandin maɲin, e pikoo biɛ na kɛ jibi ra. Ora ni kɛɛn miin e ra wo min jibi ye, wo jibiw boɲan na kɛ damantan ye ! ²⁴Mkɔshi ti she ka baara kɛ kuntki flaa ye. Bari a na keen kɔnniya, ka keen kannun ; waaman ani sri keen na ka keen mafiyɛnya. Aa ti she baara kɛ YAA MASA ni shitanni ye.²⁵we rato nne ra fwɔ aa fɛ : ko aa ka hanmin a ka shida ko ra, k'a ye na mun duu, hari aa pikoo kwo ra ko aa fruun duntaw ɲranmanya ma kwri dunfɛn ma, ani pikoo ma kwri frunduntaw ma ? ²⁶Aa kɔɔnw fɛ sankora : aa ti danin kɛ aa ti shunman tkɛ ani aa ti fwoshi yɔgɔ kɔɔnnɔ na ; aye ka sankora faa e wuw bato. A ye man pisa wuw ye fwɔ ka ta ka na ?²⁷Aye jɔɔn, a tki ka hanmin fɛ, e she ka shibri ɲanken fra a ka shida ka ? ²⁸Mun nr to aa re hanmin pinanfrun kwo ra ? Aa kongo ra binfeerew muhɔn tgo yatemnan : aa ti baara kɛ aa ti ɲrinnin kɛ ; ²⁹Ka sɔɔ nne ra fwɔ aa fɛ ko Salomɔn yɛkun, a ka nɔɔrɔ biɛra, a pimanfrun ma kɛ wuw krenshi taa shiye.³⁰Ni YAA MASA kongon ra biinw mandunti, wuw min minɲin bii sriin are khan ka k,e fiyenman ra, ³¹aa ka hanmin, ani aa k'a fwɔ : an ra mun dun ? A n na mun mihin ? An n'an madun didhi ?³²Bari Ala dɔnbiiw re wo fɛɛnw biɛ yaara. Aa ka sanko faa ra makoɲan fɛɛnw dɔn. ³³Aa flan ka YAA MASA ni a ka teenninya we yaara ban ; ana fɛɛn biɛ ji a man. ³⁴Aa hanmin aa ka srin na ; bari srin na janto a yiɛ ra. Labiyɛ n'a dgupiy,e kan

¹Aa ka kiti kɛ, yaako aa kana kiti pewu. ²Sabu a nan'aa kiti aa ka kititkɛ tkoo yera ; aa shɔnri kɛ nin mnan miin ye, a'nana shɔɔn nin wo shɔɔni kɛ mnan we ye.³Mɔɔn na to yere kaa jee, e bareman ɲaan ra ksɔɔ yie she t'a yatemnan ko tintan min yɛkun taa ra, ⁴waaman yee she ka fwɔ dishi e barenman fɛ : a to niin kaa bɔ e ɲaan ra, tintan ti wemin yee taa ra ? ⁵Flankanfwɔ, flan ka tintan bɔ e yɛɛkun ɲaan ra, ora yee na jee e she ka kaa bɔ tin min shi e barenman ɲaan ra.⁶A ka fɛɛn sanninyanin jii wruuw ma, ani ka kannakɔɔnw frii jiyɛdinw ɲantenne a a sranya min miin ye, a kana wu yɔɔkɔ a siinw na, k'a frikayɛman, kan'aa bwɔnbwɔn.⁷Aa ka daare, an'a jii aa man ; aa ka jayaara, aa n'a jiye ; aa ka daa mablɛ, a n'a yɛɛ aafɛ. ⁸Sabu mkɔ o mkɔ ka daare kɛ, otki ra sɔɔ, min ka jayaare ora jiye ani daa ye yɛɛ a man blɛ bga ye fɛ. ⁹Joon na senden jii a diin man, ka sɔɔ a min bwuuru daare a fɛ ? ¹⁰Waaman, nin a ka hikɛ daare, a tki na saa re j'ama wa ?¹¹Aa ye minnun ka dgu, aye fɛnɲunman ji dɔn aa diinw man, sababu jɔɔn nato aa faa minwo sankora ti na fɛnɲunman ji a daare bgaw man. ¹²Aa m'afɛ mkɔw ra miin biyɛ kɛ aa ye, aa wuw kɛ mkɔw ye fran, bari sariya ni ceraw lo.¹³Aa dun danin doonin fɛ, sabu sraa miin mkɔ lafri, wo ka bun, a ka ɲiin, mkɔ shaaman ne dun ni we. ¹⁴nka sraa min ta ni mkɔ ye ɲranmanya ra, wo kɛɛrɛnin a dunda ka dgɔ, mkɔ bɛɛ ti wuw jadɔn.¹⁵Aa yiɛɛ kwɔshi cera fiaɲanfwɔ ra. wuw ra mandun sgawoo k'ana fiɛ, ka sɔɔ waaraba re mun. ¹⁶aa n'a dɔn aa ketgow fɛ. fiyenkundin we she ka kwinba wa ? Toodin we bɔ dɔnnɔ ra wa ? ¹⁷yridin ɲunman we sɔɔ yriba ɲunman ne ra, nka yribakuntan we yridin kuntan ne kɛ.¹⁸yribaɲuman ti she ka kɛ nin yridin keuntan ye, yridin ɲunman fran ti sɔɔ yriba ɲunman na. ¹⁹Yriba min ti yridin ɲunman kɛ, we sge ka fiyen maan nɛn. ²⁰Aa wuw dɔn aa diinw ne fɛ.²¹minnun na fwɔ nne ma : ko matki, matki, wuw biɛ ti na dun sanko masaya ra, nka fwɔ min nne sankore faa sako kɛ. ²²shaanman na fwɔ nne fɛ o dun na ko matki matki, anne ma cera kɛ ye tkɔ ra ? anne ma jranw kwɛn ye tkɔ ra ? anne ma kabakwo shaanlan kɛ ye tkɔ ra ? ²³Nne na fwɔ ka piyɛ aa ɲannan ; nne ma aaye dɔn ka je, aa mabɔ nne kɔɔ, aa ye minnun mmin kodgukɛraw ye.²⁴wera to, mkɔ o mkɔ ka nne koman fwɔtaw mɛn k'a bla baara ra, wo tki na kɛ hakritki ye. ²⁵saje n'a na, jewoyoba n'a na, fiyenbaw n'a na shoo kan ; a ti wan bada, sabu a juu skinin paako kan.²⁶Nka min o min ka nne ka koma fwɔtaw mɛn, ni a tki m'a bla baara ra, wo na kɛ hakritan ye, miin min ka a ka shoo juu ski cɛnmguba ra. ²⁷saje n'a na, je woyoba n'a na, fiyenbaw n'a na shoo kan : shoo na wan, ani shoo ka halaki na bonɲan.²⁸Yesu baana karanw na sŋan min na, jama were kabakwoya a ka karanji tgo ra ; ²⁹bari a tunmun karan kɛra ni kuntkiya ye. A tin ti a kɛra nafwɔ sɛbɛrikɛlaw.

¹Yesu dgira sŋan minna ka bɔ kruu kan, jamaba re y'a gwanna. ²Kunnashɔ jɔ re e kw'a ra ki kwigwiri gwan a kɔɔ, ka fwɔ a fɛ : matki, ni a ka ji e ye, e she ka nne sanniya. ³Yesu re y'a boo bɔ, ka tutu a ra ka fwɔ : nne mafɛ, e pii ra saniya. O janin keen na ere saniya ka bɔ kunna ra⁴Yesu re sɔɔn ka fwɔ a fɛ ko : ara she a daa kɔɔ ko a k'a fwɔ mkɔ fɛ ; nka ko ara ta e yira saakalashebgaw ra, ko Misa ɲinninfɛn min kwofwɔ ko ara wo ji saakalashebgaw ma yaako wora kɛ shɛɛrɛ ye.⁵Ka Yesu dunshɔ to Kapernahun, srodashi cɛɛ ere koma a fɛ, ⁶ka a daare ka fwɔ : matki, nne ka baaradin danin mun shoo, mrunkun banna min a ra, a min tɔɔrɔ ra kwosɛbɛ. ⁷Yesu re ya fwɔ a fɛ : nne na ta e ka shoo, ka ta a kɛnnŋɛnya⁸Nka srodashi cɛ e y'a jaabi : matki, a man kan yera dun nne ka shoo, o danbe ti nne ra ; nka koma kandganpanken fwɔ drɔn, nne ka baaradiin na kɛnnŋɛya. ⁹Bari, nne min kuntgiw ka fgan jukɔɔ, srodashiw min nne fɛ, wuw koonin nne ka fgan ye ; ni nne ra fwɔ jɔfɛ : ta ! ere ta ; ka fwɔ jɔkwɛnman fɛ : na ! ere na ; ka fwɔ nka baaradiin fɛ : ɲin kɛ ! era kɛ. ¹⁰Yesu ra lamɛn ka ban, Yesu re kabakoya, ere y'a fwɔ a nɔngamkɔw fɛ : nnera fwɔ shɛnna, hari Israyɛri kɔɔ, nne ma danayaba shiɲin je mkɔ shi ra.¹¹Ka sɔɔ, nne ra fwɔ ko mkɔ shaanman nana ka bɔ kɔɔna ni teebinfɛ, aa na duunin kɛ nin Abrahamu, Isaka, ni Yakuba ye, je mkɔ shi ra. ¹²Nka sanko masaya diinw na ta ka kuu jibifgan ra kɛɛnman, konbow ni ɲinɲinmin na sɔɔ a ra. ¹³Yesu re sɔɔn ka fwɔ srodashicɛ fɛ : ta, ko or'a kɛ ka kanɲan ni ye ka danaya ye. O waate biɛ ra srodashicɛ ka baaradiin we kɛnŋɛnya.¹⁴O kɛnin kwɔɔ Yesu re ta Piɛri ka shoo, ka ta sɔɔ Piɛri blamaso danimu a pii ciyanin kosɛbɛ. ¹⁵Ere y'i boo da akan, piikwan e ban ; moso e wrii ka baara kɛ Yesu ye.¹⁶Wlara la, aa re na ni jransho shaanman ye Yesu fɛ. Ere ɲiindguw kwɛn ni a ka koma ye, ere jinminshɔw biɛ kɛnŋɛnya. ¹⁷Yaako cera Ezayi ka fwɔta ra dapa, YAA MASA ka koma ra fwɔ kitabu ra ko : A r'an ka mrukubanaw ta, ka e dun an ka bannanw kɔɔ¹⁸Yesu jamanba je ere ko, an tkɛ babo jɔ kan. ¹⁹Sɛbɛrikɛla jɔ re yi kwaa Yesu ra, ka fwɔ : kuntki, e ka ta jaa o jaa annena gwan era. ²⁰Yesu re y'a jaabi ko dunja min ninŋinw fɛ, ɲanŋan min kɔɔnw fɛ ; nka kundunja ti mkɔ dincɛ fɛ.²¹karan din jɔkwɛnman re y'a fwɔ ko : matki, sraa ji nne ma niin ka ta nfa kasange ban. ²²Nka Yesu re y'a jaabi ko : e gwan nne ra, ka to shuuw r'a ka shuuw kasange.²³Yesu re dun krun na, a ka krandiinw gwan ra. ²⁴Fiyɛnbaw le wrii baje kan nafwɔ ana kruun yiɛman, wosgan Yesu min sunnŋɔn na. ²⁵Karandiinw ney'aa ka ka krun, ka fwɔ a fɛ : matki, an krishi, ni wo tɛ, an na saa.²⁶Yesu re ko : mɔnnato aare sran, mkɔ danaya dgɔmantkiw ? Ka sɔɔn ka wri, ka kakanri kwishi fɛyɛnba ni baje fɛ, wuu re y'a mada. ²⁷O mkɔ re kaba kwoya : ka to ka nuŋɔn ɲrika, ko ɲin min jɔɔnyenin fiyɛnba ni baje e ko'o a ye ?²⁸Aa shera Gadarekaw ka jamana babo ka sgan min na, jranshɔ fla re bɔ sarentu ra kana Yesu ɲanten. aa ka fiinya fɛ mkɔ tin ti she ka tɛmɛ o jaa ra. ²⁹Wo jraanw le to ka kobobɔ ka fwɔ ko : YAA MASA dincɛ mɔn min anne ni ye shɛ ? E naa yan yaako kana anne hakrinŋanmin ka sɔɔ a waati ma she ?³⁰Jɛɛ kruba jɔ tin min tɛmen na jayan na. ³¹Jraanw tin min Yesu daare ra, ko : ni ka aan kwɛn. A to aane ka dun jɛɛ na. ³²Yesu ko aa ma : aa ta ! aa re bɔ cɛɛ ra ka dun jiyɛdinw na. Wo jiyɛdinw re bii ka dun baje ra ka saa jera.³³Aa niŋɛnbgaw re bii kata wo kwow biɛ lanki du kɔnna. ³⁴Dgumkɔw biɛ re bɔ kata Yesu kunbɛn ; aa ra je aa re y'a daare ko ara ta kabɔ aaye ka dgukoo kan.

¹Yesu re dun krun na ka baje tkɛ kata a ka dguura. ²Aa re na nin mrukun jɔ ye a fɛ. Yesu r'a ka danaya je, era fwɔ mrukrn fɛ ko : nne diin, e yara. kweya, e ka drunmunw yafara.³Sariya kaamkɔw damadanma re y'a fwɔ aa kɔnna : cɛŋin YAA MASA tkɔ shiɛn dɛ. ⁴Yesu tin'aa ka miiriyaw dɔn, ere ko : mɔnna to miiriya kuntanw min aa dosokun na ? ⁵Lanfiya min fwɔ kan jɔn na ka fwɔ ko : e ka drunmunw yafa ra, waaman ka fwɔ ko wri ka tŋɔnma ? ⁶Yaako aa ye ra dɔn ko she jira mkɔ dincɛ ma dguko ka, ka drunmun yafa : a ko mrukun fɛ : wri, e ka daran ta, ya ta e ka shoo.⁷Ere wri ka ta a ka ⁸shoo.Jamman we wo je, yatkɛ ey'a mna, aa re nɔɔrɔ da YAA MASA ka wo min shebgaya ɲinshi ji mkɔw ma. ⁹Yesu tanin jayan na, ere cɛɛ jɔ skinin wari jaa ra ni a tkɔ kri ko Matiyo. Ere y'a fwɔ a fɛ : e gwanna were wri k'i gwanna.¹⁰Ka Yesu to dunnin na shoo ra, yahutuw shaanman ni ladrunsh,ow re na dunnin ni Yesu n'a ka karandinw ye. ¹¹Yahutuw wo je, aa re y'a fwɔ ka karandinw fɛ : mɔnna kuntki wera dunnin kɛ ni lampa mna bgaw ni landrushɔye ?¹²Yesu min mɛn, ere ko : mkɔ minnun ka kɛnŋɛn wu makwo ti dgɔtrɔ ra. Jinminshɔw re makwo mi dgɔtrɔ la. ¹³Hinnɛn ka ji nne ye, ka tɛnmɛn, saakoaw ka : aa ye ra ta o kɔɔ yaara ka dɔn. Bari nne mana mkɔteenninw kri, nka nne drunmushɔw le kri.¹⁴Yuhana ka karandinw re ma Yesu fɛ ko : mɔnna to anne ni yahutuw re shundu, karandiw ti shundu ? ¹⁵Yesu re y'a jaabi ko : piɛcɛ teriw she ka k'a ni piɛncɛ to nɔnŋɔn ka ? Dununw jɔ nana ara sɔɔ piɛcɛ tara, a na shundun.¹⁶Mkɔshi ti frun kla kɛ ka frun kɔɔ bɛtɛɛ, sabu ana kɔɔman jajɔ frufru, fruun panɔn na boɲan.¹⁷Mkɔ ti duwɛn kla kɛ fooko kɔɔ ra. Fooko kɔɔ na sgɔ duwɛn ere bɔn yere bɔɔn fooko ra ; nka duwɛn kla we kɛ fookokla lera, duwɛn ni fookow le mara kaɲan.¹⁸Ka Yesu to wo komaw fwɔr'aa fɛ, yahutu kuntki jɔ re she, ki kwigwiri gwan Yesu kɔɔ ka fw : nne diinsugru sara ; na, e boo da a ka, ana krun ka ɲranmanya. ¹⁹Yesu re wri, ani karandinw ne y'a gwanra.²⁰Moso jɔ tinmin karobɔ ra fwɔɔ sanje ta ni fla, eri kwaa Yesu ra a kɔfɛ, ka a ka deeke jukɔja mnan. ²¹Wo moso tinmin a fwɔr'a kɔɔnna, ni nne ka tutu a ka deeken ra dɛnmɛɛn, nne na kɛnŋɛnya. ²²Yesu re yi kɔyɛman, ara je, ere ko : n'dinmoso e yarakweya, e ka danaya ri kɛnnɛŋɛya. Karobɔ were tgɛ janinken.²³Yesu shera yahutukuntki ka shoo, ka flee fiɛnra shaanman ni janman ɲadunin je nŋɔnna, ²⁴ere ko : k'aa r'aa mabɔ, bari sugrun ma sa, nka a min sunŋrɔ rara. Mkɔw le to ka Yesu dgɔbɔ.²⁵Mkɔw labɔra shoo ra kaban, Yesu re dun, ka sungru boo mnan, ere wri k'ii kɔ. ²⁶A koma were yigɛn dafɛ jamananw biɛ ra.²⁷Yesu bɔra hin fienshɔfla re y'a nɔnkakwɛn, k'a kaan kɔɔta ko : makari an na, Dawuda dincɛ ! ²⁸Aa shera shoo ra, are y'a kwa a kɔɔ, Yesu le y'a fɔ aa fɛ ko : aa ye dara ora ko nne she ka o kɛ ? Aa re y'a jaabi han, matki.²⁹Yesu re y'i boo tutu aa ɲaanw ka, ka fwɔ : Ora kɛ aye fɛ ka kanɲan ni aa ka danaya ye. ³⁰Aa ɲaan wu re yiɛɛ, Yesu re kangari d'aa ye ka kweya : aa janto yaako mkɔshi k'aa dɔn. ³¹Nka, aa bɔra kaba, aa re Yesu tgɔ yigɛn jamana biɛɛ ra.³²K'aa to tŋɔnman na, jɔ re nani zranshɔ bobo Yesu fɛ. ³³Zraan kwɛnan ka bɔ, bobo were koma. Jama were kabakwoya ka fwɔ koɲinshi tun ma je Israel ba. ³⁴Nka yahutuw re ko : a min zraanw kwɛnan ni zraan yaamkɔw ye tkɔ ye.³⁵Yesu rtin dgubaw ni dgudinninw biɛɛ tŋɔnman, ka karan ji nŋɔnlajɛshoobaw ra, ka kibarujunman fwɔ. ³⁶Yesu jaman je, a makari we y'a mnan, bari mkɔw tin min ɲanje ni sgɛ ra nafwɔ sga nŋɛbga ntan nun.³⁷Yesu re ra fwɔ a ka karandinw fɛ ko : shuman tgɛta ka sha, nga a tkɛlaw ka dgɔ. ³⁸Aa shuman tgɛ kuntki daare ka ar'a barakɛlaw bla kana shuman tgɛ ra.

¹Yesu r'a ka krandin tan ni fla kri ka fgan j'aman ka jinnaw kpɛn ka bɔ mgɔw ra a ni ka bannanw ni baakatanyaw biɛ kɛnngɛnya.²yesu ka ceradin tan nin fla tgɔw min de gareo Simon kri ku ko Piɛrɛ, ani abareman cɛman Andre ani Zebede dincɛw Yakuba ni Yuhana. ³Filipe ni Bartɛlɛmi; Toma ni Matiyu min tinmin fganman wari mlan bgaye gare, Alife dincɛ Yakuba ni Tade ⁴ani Simɔn Zelɔte, ani Juda Isikariɔti, weree Yesu duun bora.⁵Yesu re ya fɛkwow fwɔ a ka yanifla wee k'aru ce en ko: shia miinnu ti yahutuw ye aa k'ata wuw pan fɛ, aa kaa dun samarikanw ka dgu shi kɔɔnna fran. ⁶A' ta Israel mgɔw ka panw fɛ wuw min kɛra konnŋo sga frinin. ⁷Aa tashɔo aa toka wanjurikɛ ko sankoo masaya sruɲara⁸A' banabgashɔw kɛnngɛnya kashuw kunnun. aa knashɔw saniya ka jinanw kpɛn ka bɔ mgɔw ra. Aa sɔɔ gwansan aa ji gwansan. ⁹Aa k'a sannun wara waripiɛ wara mɛnsɛn bla aa fɛ. ¹⁰A' kaa dguratka mlan shi ta waamaa deeke fla waamaa sabaan waamaa bemee barakɛraa kpiin wo ka kan naka dunniwee.¹¹A' ka she dgu oo dgura, dgu ba wala dgu dinnina mgɔ ɲranman yaara ka dgi wo fɛ fwɔ kata sha ta sgan man. ¹²Aa dun shɔo wodgu kɔɔnna, aa fwori kɛ. ¹³nin wo jun kɔɔnna mgɔw ka ɲin nin wo hɛrɛ wee, a raa to aa fɛ nga n'a man kan nɛɛ aa ka hɛrɛ r'i kwɔseki aa ma.¹⁴N'a ma sɔn kaa ladun wala kaa ka komaw lamɛn, jun o jun kɔɔnna, wama dguw jɔ kɔɔnna, aa bɔ shɔ o, aa ren k'a sin na briw dgu dgu ɲin ka ta. ¹⁵Shɛnna ne ra fwɔ aa fɛ ko sodomɛ nin gomɔrɛn janmana mgɔw ka tɔɔrɔ tinaa wo ka tɔɔrɔ bɔ laban dun¹⁶A fɛɛ ne ra ce ka ta nafwɔ nafwɔ sgaw mi tara waraw shɛma, A' cekuya nafwɔ saw shi, ka piɛ nafwɔ jɛnɛ kan tganw. ¹⁷A' yɛɛ kɔɔshi mgɔw ra dɛ, katgu aa na dun kititgɛ jamaw boora k'a kpishi ni wookanmiw ye aa ka Ala batochow kɔɔna. ¹⁸Aa na ta aa ye gofrɛnɛw ni masacɛw fɛ ne tgɔɔ kanma.Aa na to aa shɛrɛyakɛ, aa nikpɛɛw ɲanna.¹⁹N'a fira r'a dun boora sgan miinna, aa akri kaa nganmi aa ka fwɔ taara o waama aa koma tgoora. Aa na koma miinnu fwɔ, wo komaw na dgi aa akrira wo waati wee jatera. ²⁰katgu aaye tinaakɛ komaatgi ye nga aa fa Ala ka ɲin senuman ka tɛnmɛn aa daw fɛ.²¹Bareman na a bareman ngɔn dun boora,yaako araa pka fa na wo shiikɛ a diin na. denw fanna na wili u bange baw kama yaako aa raa pka. ²²Mgɔw biɛna kɔnnia ne tgɔɔ kɔsɔ nga min ki muɲu fwɔ laban nan, wo na krishi. ²³N'aka tɔɔrɔ dgu jɔ ra, aa bii ka ta dgu kpɛɛman na. shɛnna ne ra fwɔ aa fɛ ko aa tinaa tɛnmɛn Israel dguw biɛ kɔɔnna ni mgɔ dincɛɛ ma na.²⁴Krandin man bun n'a kran bga wee.Baradiin man buun ni a ka bara kuntgi wee. ²⁵Krandiin damamu ka kɛ nafwɔ a kaamgɔ shi re. Baradin byɛ dama mu ka kɛ na fwɔ a bara kutgi shi.Ni kpatgi ka kri ko Bɛlzebul, tgɔ min na fwɔ a ka sho mgɔw ma, wuw na dguya ni Bɛlzebul ye dɛ..²⁶A' kaa sran mgɔw ɲa, Katgu fwoshi dgoni tiin min ti naa bɔ kɛɛn ma, Bune fwoyi tiin miin ti naa dɔn. ²⁷Nee miin fwɔ aa fɛ jibiira, A' wo fwɔ kɛɛn ma. A' dgon dgonin koma miin nun mɛn, A' wo wanɲo da sanw kan.²⁸Miin nu piisgo pka ka sɔɔ aa ti she ka fwoshi kɛ ɲiin na, A' kaa sran wuw ɲan. Miin she ka piisgo nin ɲiin haraki yandanmaa kɔɔn na , aa sran wee ɲan ²⁹.Blenin din fla ti fwere sgɔ ken na?Wo biɛ na ta, Hari wuw ken ti bwin dguma aa fa Ala t' a krama. ³⁰A' ye kpin, ari aa kun shee da dɔni no. ³¹Wora, aa kaa sran aaye ka pisa nin Blenin shaanman ye.³²Mgɔ o mgɔ ka jɔ a ra mgɔw ɲan nan k'aye min ne ta ye, ne biɛ na jɔ a ra sankora fa ɲan nan k'o wo tgi min ne ta ye. ³³Nga min ki ban ne ra mgɔw ɲan na, ne biɛ nan nban wo tgira fa ɲan na.³⁴A' k'a mwiri ko ne naa hɛrɛ kɛ dgu koo kan dɛ, ne ma na ni hɛrɛ ye fwɔ fa mun nun. ³⁵Ne naa bɛn biiya cɛ na fa shɛ, ani din moso ni a ba shɛ, anin frumoso ni a cɛbamoso shɛ. ³⁶Mgɔ shomgɔw na kɛ yɛɛku na kɛ e dguw ye.³⁷Mgɔ min na fa wamaa a ba kanu ka tɛnmɛn ne kan wo man kan ni nee. ³⁸Mgɔ miin na din cɛ wamaa a din moso kannu ka tɛnmɛn ne kan, wo man kan ni nee. ³⁹Mgɔ miin taa ka kpekme yri ta ki gwan ne ra, wo man kan ni nee. Mgɔ min na yɛɛ ɲin mra, wo na bɔɔn a ɲin na, nga min bɔɔn a ɲin na ne kanman, wee na a ɲin sɔɔ.⁴⁰Mgɔ min ka ladun, wo tgii nee laduun. Mgɔ min ka ladun, wo tgii ne ce bga wee laduun. ⁴¹Mgɔ min ka cera jɔ ladun ko Ala ka cera ro, wo tgi nan cera ka baraji shi sɔɔ. Min mgɔ teen ni ladun a ka teeni ya kanma, wo na mgɔ teeni ka baraji shi sɔɔ⁴²Shɛnna ne ra fwɔ aa fɛ ko: Mgɔ o mgɔ ka hari je fiɛni ɲa ken je shɔn dɛnmɛɛn ji dɛɛnsɛn ɲiinu jɔ ma ko ne ka no wo tgi ti dɛsɛ wo barajira abada.

³¹Yesu ce ɲin nun fwɔɔ a ka kran din tan ninfla wee sgan mii naa ka ban, e bɔin ka ta aa ka dgu baw, ka ta mgɔw kran k'a wanju ɲin ².Ka Yuhana batiserikɛra to kasoora, E krista ka kwo kɛtaw kibaroyaa mɛn.Wo sgaana e yaa ka kran dinw jɔɔ ce Yesu fɛ.⁴K'aru ɲrika ko: A fwɔra ko na na yero waa, ta an jɔ kpɛɛman kɔɔn? Yesu re yaa labi ko; Aa min mɛ ka miin je a' ta wo fwɔ Yuhana fɛ ko, ⁵Fieshɔw jeriikɛ, nan maaniw tŋɔnma,kunashɔw sanniya,tooklew mɛniikɛ, shuw kunnun, kibaro junma wee fwɔ fgan tanw fɛ. ⁶Mgɔ miin kuna ma shɛn ne kannma wo tgi min duba din ye.⁷Yuhana ka cera dinw ta nii kwɔ, Yesu re ya damlan ka koma jamaa fɛ Yuhana ka kwora ko: Aa taa mɔn fɛɛ koŋoo k ɔɔna ? Fiɛn wee kaa lamgan wa? ⁸Ayiwa aa ren taa mɔ fɛɛ wɛ? funun ɲunman tgi re mun wa? nga minnun funun ɲumanw dun, wuw sɔɔ masacɛw ka show re kɔɔn na⁹Aa yen taa mɔ fɛɛ wɛ? cera re mu? Awa ne ra fw'a fɛ ko a ka buun ni cera ye. ¹⁰A sɛbɛ ni mi kitabura min kwora ko: A fɛɛ ne ni ka cera din ce e ɲa,K'i ka sraa labɛn e ɲa wo min Yuhana ree.¹¹Shɛnna ne ra fw'a fɛ ko mgɔshi ma woo Adama dinw shɛma ni miin ka buun ni Yuhana batiserikra wee. wo byɛnata san koo masayaara mgɔw byɛra fitiini ka bun ni Yuhana ye. ¹²Ka bɔ fwɔ Yuhana batiserikɛra ka wanjuri o fwɔ ka she sisa, ma sakoo masaya we sɔɔ ni jejari ree, mgɔ jerajaninw nera sɔɔ.¹³Cera byɛ ni sariya wee cerayaa kɛɛ fwɔ ka na she Yuhana ka waatii ma. ¹⁴N'a son kada ɲi na, Eli miin na kwo tin fwɔra, womin Yuhana re. ¹⁵Too min miin fɛ ka lamɛnni kɛ wo ra lamɛnni kɛ dɛ.¹⁶Ne she ka byi mgɔw ni jɔɔnnu kanɲan ngɔnman? Aa bɔnimun dɛnsɛnw sginiin fɛ fyera kaa kan sanman ngɔnman, ka fwɔ ko: ¹⁷An dunnuun fwɔ aa kunaan, aa ma dɔnkɛ.An ne sgansho dara dɔŋiri da, aa ma dɔn kɛ¹⁸Katgu Yuhana, naa ati dunni kɛ, a ti myinnikɛ, aa ren ko ko jina mana ¹⁹.Mgɔ din cɛ naa, ee dunnii kɛ ka myinni kɛ, aa ren ko: Cɛin mi nŋuman ni myinni kɛra ree, fganman wari mlanraw ni jrumushɔw lamgɔ ro. Nga shɛn ji Ala ka akritgiyaa ma a ka kɛtaw kanma²⁰Wo sgaana, Yesu ra ka kabakwobaw kɛɛ dgu minnu kɔɔnna, e yaa damlan ka wuw tgɔ fwɔ, katgu wo dguw ma sɔn ka nigisa aa ka jrumunw na. En ko: Kɔrazɛn ²¹bɔɔn mi ye ,bɔɔn mi ye, Bɛtisayida katgu kabakwo miinu kɛra aa kɔɔnna, ni wuw ti ka kɛ tir ni sodɔn kɔɔnna, sisa ti na sɔɔ wuw nŋisara aa ka jrumunw na amyɛnnan. Aa tina bɔtɔw ni bripiɛ kɛ aa kuna. ²²Wee kanma, ne ra fwɔ aa fɛ ko tir ni sidɔn ka tɔɔrɔ na nŋɔnya kititgɛ dun ka tɛnmɛn aa taa kan.²³Ye ro kapernaum? e ra mwiiri ki na kɔɔtare fwɔ sakoora wa? wayi, e na dgi fwɔ yandamaan jukɔɔ, katgu kabakwo miinnu kɛra ekɔɔnna, nin wuw tin kɛra sodɔme dgu kɔɔnna, a tin na toin fwɔ byi. We ²⁴ra to ne ra fwɔ ko sodɔme ka tɔɔrɔ na nɲɔya kiti tgɛ dun ka tɛmɛ e ta kan.²⁵Wo waati ra Yesu re ko; Ne fa sakoo ni dgu koo tgi matgio, Nee baka da e ye, ka tgu ee kwoinu dgoon akritgiw ni mgɔ krannibaw ra, k'a yra dɛnsɛnw na ²⁶.An katgu wee jariye ²⁷Fɛn byɛ duna ne boora ne fa fɛ. Mgɔ shi ti Ala din cɛ dɔn fwɔ a fa Ala keenpe.Mgɔshi fannan ti fa Ala dɔn fwɔ a dincɛɛ kenpe, ani ni dincɛɛ mafɛ k'a fa yra mgɔmiin na.²⁸A na ne ma aaye miinnu byɛ sgɛni n'a diinni mu, ne na lanfyaa ji aa ma. ²⁹Aa ne ka tɔnna yri da kanna, ka ne tgo ta, katgu ne sabarinimu, ne dosoo madanimu, aadosokunw na lafya sɔɔ. ³⁰Ne ka tɔnna yri ma kwi , ne ka d iin ka fyɛn

¹Wo sgaanna Yesu re tɛnmɛn ɲɔn fyew jɔɔ ra mashɔn dun jɔ ra. kɔnŋɔɔ tunma ka kran dinw na,Aa re ɲɔn pinsanw jɔɔ tgɛ ka wo kɛsɛɛ ɲinmin ².Farisiɛnw wo jeemiinkɛɛ, wuw re ya fwɔ Yesu ye ko; A fɛɛ kwo min dgani ti lafyɛn dun e ka kran dinw wee kɛ.³Yesu re yaaru jaabi ko; Kɔɲɔ wee Dawuda ni a nɔnkan mgɔw mlaan sgan miin naa, ⁴Ee miin kɛɛ, aa ye ma wo kran ne wa? A dun na Ala ka shoo kɔɔnna ka yra ri bwurukuw dun. Wo dunniin tu ma dga a na kɔfɛ mgɔw shi ye, fwɔ saaka lashe bgaw drɔnw⁵Waamaa aa maa kran wo sariyara ko saakalashebgaw mashɔn dun sariyaa shɛn Alabato shooba barala mashɔn dun odun ka sɔɔ aa ti yaakire wa? ⁶Ne ra fw'aɲanna ko jɔ min yan miin ka bun ni mashɔn dun wee.⁷Ne min minn fɛ, makari lo saaka tɛ, n'a tinmi ka wo komaw kɔɔdɔn, aa tin ti naa mgɔ yaaki biiw yaaki. ⁸Katgu mgɔɔ din cɛɛ min mashɔn duun Matgi ree.⁹Yesu re bɔin ka ta dun aa ka Ala bato shoo jɔ kɔɔnna. ¹⁰Cɛ boo yanii jɔ tin miin mgɔw re Yesu ɲrika ko; a dganimu ka mgɔ kɛnnɲɛnya mashɔndun na wa? Aa wo fwɔ katgu aa tumafɛ ka sin dun ja re sɔɔ Yesu ra¹¹Yesu re aa labi ko; Nin sga din ken mi aa ye jɔ fɛ, nin wo ka byin dgan kɔɔnna mashɔn dun,wo tgi ta ta bɔ kɛ? ¹²Mgɔ wen ka pisa ni sga wee kwosɛbɛ Ayiwa a dganimu ka kwosɛbɛ kɛ mashɔn dun.¹³Wora Yesu re ya fwɔ wo cɛ wee ko; E boo sanman ka ten. Cɛ wee ya sanman ka ten, ee kɛnngɛnya. nafwɔ jɔ ¹⁴.Farisiɛnw ree bɔ ka ta ngɔn je ka tgo ɲini yesu pka tgoora¹⁵Yesu wo mɛn miin kɛ, ebɔ wo jaara. Mgɔ shaanman nee raa gmanna. Yesu re ya byɛ kɛnngɛnya, ¹⁶Nga aye min miin ye, e raa gwrɛya aa ma k'a ka wo fwɔ mgɔshi fɛ. ¹⁷A kɛratin yaako Ala cera miin fwɔo ka tɛnmɛn cera Esai da fɛ, wo ra dapa.¹⁸Ne nin ka baara din miin ɲanatɔnmɔɔn wo min de. Nera kannu a kwo ka ji nee hari. Ne na nɲin da kan. A na kiti kwow fwɔ shiaw fɛ.¹⁹A ti naa sɔsɔrikɛ, a ti naa prɛn. Mgɔshi ti naa kan mɛn janmaa na. ²⁰A ti naa kaa kruni kii. A tinaan ɲaan dginin shɔɔ pka. a na kɛ tin fwɔ teeni yaa raa she sɔɔ. ²¹Shiyaw naa dgida a kan.²²Wo ra, mgɔw re ta Yesu nɔkan nin cɛ jina shɔɔ fiyenni jɔ ye. Bobo ree tunmun fannan. Yesu re wo kɛnnɲɛnya fannan, she ka koma ka jerikɛ. ²³Janmaan byɛ ree kabakwoya ka fwɔ ko; ɲin ti Dawuda bɔɔnsɔn ye?²⁴Farisɛnw wo koma mɛɛn sgan miinaa, aa re ko; Cɛin jinaw kpɛ ka bɔ mgɔw ra jina kutgi bɛlzebul lee sabaabuyara. ²⁵Yesu tin naa ka myiriyaw dɔn, Eera fwɔ aa fɛ ko; Masaya oo masaya, ni a pan ken ka wri a pankeen kanman, wo masaya wee shɛn re . dgu oodgu, wamaa Jun oojun, nin a mgɔw ka wri ngɔn kanman, wee shɛn re.²⁶Ni shitanni ka a yɛɛ taw kpɛ a ma yɛɛ ree kɛɛra, a ka masayaa na sgi dii? ²⁷Ni nee jinaw kpɛ ka bɔ mgɔw ra, Bɛlzebul baaka ra, aaye ka mgɔw raa kpɛ jo baaka ra? wuw yɛɛkun na kiti tgɛ aaye kan.²⁸Ni nee jinaw kpɛ Ala ɲii baaka ra, wo ra yra ko Ala ka masaya shera aa ma! ²⁹Mgɔ she ka dun cɛ baakaman ka sho kɔɔnna k'a boofɛnw shɛ dii ni a ma wo cɛ baakaman sri ban? A srinin kwɔ e she ka wo cɛ baakaman ka sho kɔɔnna fɛw shɛ. ³⁰Min ti ne ɲin ye wo min ne dgu ree. Min ti ne jama ka ɲari kɛ, wee shɛnri re kɛ.³¹We ra to ne ra fw ɔ aa fɛ ko jrumunw byɛ a ni Ala tgɔ shɛn kwow byɛ na yafa mgɔw ma, nga ɲin senuman tgɔ shɛn ti yafa abada. Mgɔ ³²miin koma dguu fwɔ mgɔ dincɛɛ ma wo na yafari sɔɔ, nga mgɔ miin koa dgu fwɔ ɲi senumaan man wo ti yafari sɔɔ diyan na, a ti naa sɔɔ lahara fannan.³³Aa fwɔ ko yrii ka ɲii a din byɛ ka ɲiin, wamaa aa fwɔ ko yrii ma ɲii adin shi ma ɲii, ktgu yri wee dɔn a din wee fɛ. ³⁴Fɔnfɔnnidinw aa ye miinnu ka dgu aa kwo ɲumaan fwɔ dii? Mgɔ dosokun panimu fɛ miin weree bɔ a da fɛ. ³⁵Mgɔ ɲunman wee fɛ ɲumaan bɔ a ka nafoo ɲuman na. Nga mgɔ dgu wee fɛ dguu bɔ a ka nfoo dguu ra.³⁶Ne ra fw'a fɛ ko mgɔw koma lakoon fɛn oo fɛn fwɔɔ, aa na ɲrika wuw byɛ ra kititgɛ dun. ³⁷E na shɛn sɔɔ wamaa ka yaaki sɔɔ ka kanɲan ni ka komaw ye.³⁸Ayiwa, sariya kaamgɔw jɔɔ ni farisiɛnw jɔɔ re yaa fwɔ Yesu fɛ ko; Kaamgɔ, an ma fɛ ya tgɛnmashɛn kabakwomanw jɔɔ kɛ an ɲanna. ³⁹Yesu re yaru labyi tan ko; Byi mgɔ dguw yashɔw tgɛnmashɛ wee yaara nga tgɛnmashɛ fwoyi ti yra aa ra ni cera ⁴⁰Jonasi taa tɛ. Jonasi tee saba ni shu saba kɛɛ yigɛ baa kɔɔnna tinmiinshii, Wo tgora mgɔ dincɛ na tee saba ni shu saba kɛ dgukoo kɔɔnna.⁴¹Kiti tgɛ dun Ninivɛkanw na wri ka bwi mgɔw yaaki, katgu Ninivɛkaw ngisara aa ka jrumunw naJonasi ka wanjuri kanma. Jɔ min yan wo ka bun ni Jonasi ye.⁴²Kititgɛ dun na worodgu pan fɛ masa moso na wri ka byi mgow yaaki, ka tgu wo naa ka bɔ fwɔ dgukoo dan na yaako a raa Solomani ka hakritgiya komaw lamɛ. Jɔ mi yan min ka bun ni solomani ye⁴³Ni jnaa ka bɔ mgɔ ra sgan miinna Ee yara yara jentan jaw re ra ka mashɔn ja yaara, A taa sɔɔ. Ee na fwɔ ko; Ne bɔra sho miin kɔɔnna ne na seki ka tain Ee ni kwɔ seki ka tain ka ta wo shoo flani lankon labɛnni sɔɔ. ⁴⁴Wo sgaan na een ta ka na ni jna wonwla kpɛɛman nun ye miinun ka dgu ka yɛnmɛn a ye kan, anin wuw ren dun ka sgi wo sho kɔɔnnain . ⁴⁵Wo sgaanna wo tgi laban kwo wee dguyare ka tɛnmɛn garee yaa kan. Byi mgɔ dguw taa biɛ naa kɛ tine .⁴⁶Ka yesu to komara janmaan fɛ, a ba ni a baremancɛw tin jɔni kɛɛnma. Aa tunmafɛ ka koma a fɛ . ⁴⁷Mgɔ jɔ re yaa fwɔ Yesu fɛ ko; E ba n'i baremancɛw jɔnin fɛɛ kɛɛnma, aa ma fɛ ka koma e fɛ.⁴⁸Yesu re y'a labyi ko; Jon nin jon min ne ba nin ne baremancɛw ye? ⁴⁹E yi boo tee a ka krandinw na ko; Ne ba ni ne baremancɛw fɛɛ yan. ⁵⁰Mgɔ o mgɔ ne sankoora fa sako kɛ, wo tgi re min ne baremancɛ nin ne baremanmoso anin ne ba ye.

¹Wo dun na ,Yesu re b;o shoo kɔɔnna ka ti sgi ba da ra. ²Janmaba wee ra lamini fwɔ ka deku, Ee dun kunnu jɔ kɔɔnna ki sgi . Jamanma byɛ jɔni weeto ba dara.³tin fɛ shaanma fwɔ aa fɛ tarenw na, en ko; Cɛ jɔ bɔra ka ta siriikɛ. ⁴Ka to siriila, a ka kɛsɛw jɔɔ ree byin sra da ra, kɔɔnw re wuw soki. ⁵Kɛsɛw jɔɔ re byin paaman jaw ra, bgɔmgu bɛɛ tin tiin . wuw re fiin jona, katgu bgɔ tun man shain. ⁶Tee kman na, wuw ree fwɔɔnɔn ka ya, katgu dri bɛɛ tin t'ara.⁷Kɛsɛw jɔɔ ree byin ŋmiinw shɛma . ŋiinw ne wri ka deku, aa ma din kɛ. ⁸Kɛsɛw jɔɔ re byin dgukoo ɲunmaan na, wuw re din. Jɔɔ re kɛsɛ kɛnmɛn kɛ , jɔɔ ka biwɔɔrɔ, jɔɔ ka bisaba. ⁹Too min miin fɛ ka lamɛnniikɛ, wo ra lamɛnniin kɛ dɛ¹⁰Yesu ka krandinw ne r'a kpaara kaɲrika ko; Mɔɔnna en taren da aa fɛ? ¹¹Yesu re y'aru labyi ko; Sakoo masaya bunnew dɔniyaa jira aa ye ma, a ma ji wuw ma. ¹²Fɛn min miin boora, jɔ na ji wo ma ka bla a taa kan, nga fɛn ti min boora, ari fitiini min ma boora, wo byɛ na mlanra.¹³Weerato ne min tarenw dara aa fɛ, katgu aa fɛɛri kɛ nga aa ti fwoyi je. Aa ra toomadɛn nga aa ti fwoyi faanmu. ¹⁴Esayi ceraya koma miin fwɔɔ wo dapara ɲinnu ka pan fɛ ko; Aa toomadɛni na mɛniin kɛ, nga aa ti naa faanmuyari kɛ. Aa ɲaa jɔnii na fɛrii kɛ nga aa ti naa jerikɛ.¹⁵Katgu mgɔinnu akrii kwoyara.Aa r'a too tguu, aa r'a ɲanw tguu, yaako aa ɲanw k'ana jerikɛ, aa toow k'ana mɛnnikɛ mɛn, aa akrii kaanan faanmuyarikɛɑa kaanan aa yɛɛma ne ka pan fɛ, yaako ne raa ru kɛnngɛnya.¹⁶Aa ye kpiin , aa ye min dubadinnu ye, katgu aaye ɲaw jerikɛ, aa toow mɛnnikɛ. ¹⁷Shɛnna ne ra fwaa ɲana ko cera shaanman ni mgɔteeni shaanman tun ma fɛ k'a ka jetaw je, nga aa ma wuw je k'a ka mɛntaw mɛn nga aa ma wuw mɛn.¹⁸Aa toomadɛn ka sirikɛraa ka taren . ¹⁹Nin mgɔ jɔɔ Yaamasa ka komaa lamɛn ni a taa kɔɔ faanmu, shitaanni wee wo komaa lamɛnnii bɔ a kɔɔnna. Wo tgi taa min shunmankɛsɛs byinnin wee sra daa ra .²⁰Paaman jaa taa min miin ye, wo tgi ra komaa mɛn ka mlan jona nin ɲushɔn ja ye. ²¹Nga dri tara miinkɛ a ti miɛn wora.N'aka deku wamaa nin mgɔw k'a gwanna ka tɔɔrɔ wo koma kanma, a kunna ren teen ka shɛn.²²ŋwiin shɛma ta min miin ye, wo tgii wo komaa mɛn, nga nin diyaa ka hanmi kwow ni nafoo ka lafriri wee wo komaa deku, fwati din. ²³Dgukoo ɲunmaan taa min miin ye, wo tgi wo koma mɛn ka faanmu, ee din shaanma kɛ.Kɛsɛw jɔɔ ren na shi kɛnmɛnkɛ jɔɔ biwɔɔrɔ jɔɔ bisaba.²⁴Yesu re taren kpɛman da aa fɛ ko; sankoo masaya bɔni miin fɛ, wo min de. Cɛ jɔɔ kɛsɛ ɲumaan ygɛɛn a ka jiira. ²⁵Shufɛɛra ka mgɔw sinngɔɔnra, byin miin bɔni alikama fɛ, Wo cɛ dgu jɔ ree wri shufɛ ni wo kɛsɛ wee ka wo byin dgu kɛsɛ ygɛn alikama shɛman ka ta . ²⁶Alikama wee fiin ka pinsaan bɔ, wo byin dguu byɛree dɔn.²⁷Jitgii ka baradinw nee na fwɑ fɛ ko; Matgi, e ma kɛsɛ ɲuman ygɛn ne wa? Byin dgu ɲin nee bɔ miin? Ee ²⁸yaaru labyi ko; Ne dguu jɔre la kɛɛ.Baaradinw nee raa ɲrika ko; E mafɛ an ta wo byindgu bɔbɔ wa?²⁹En ko; ko wayi nee sran ko wo byin dgu bɔ shɔo aa na alikama byɛ bwɔn. ³⁰A' toin ; Aa raa kɔkɔ ngɔnfɛ fwɔ ka she shunman tgɛ sgan ma. Wo waatira, ne na fwɔ shunman tgɛraw fɛ k'ara byin dguu tgɛban ka sri, a raa giin, wo kwɔ ka alikama lajɛn ne ka kɔɔnnɔɔn kɔɔnna.³¹Yesu ree taren kpɛɛman da aa fɛ ko; Sankoo masayaa bɔni mutad kɛsɛɛ fɛ . Cɛɛ jɔ wo ygɛɛn a ka jii ra . ³²Kɛsɛ ygɛn taw byɛra kpɛɛnni wee mu, nga na ka fiin sgan miinna, en boɲa ka tɛnmɛn nakwɔɔra nguw byɛ kan. en kɛ yri ye fwɔ kɔɔnw ɲanŋaan da a bow ra.³³Yesu re taren kpɛɛman da aa fɛ kun ko: Sankoo masayaa bɔnimu bwurufuunun fɛɛjɔ fɛ. Mosoojɔ wo kɛɛ franin mgu kilo mgan ni juuru laa ka ɲɔɔnni fwɔ a byɛree fuunnun.³⁴Yesu wo kwow byɛ fwɔɔ janmaan fɛɛ taren neraa. A ma koman aa fɛ ni taren tɛ. ³⁵Ee wo kɛɛ yaako ceraw koma miin fwɔɔ woraa dapa ko: Ne na koman aa fɛ tarew nan. Kwo miinnu dgonni tumu kabɔ dian damlaanra, ne na wuw fw'afɛ.³⁶Ayiwa Yesu re jamaan toin ka ta shoo kɔɔnna. Aka krandinw nee nan nɔnkan taren min dara jira byin dgu kwora wo kɔɔ fwɔ an fɛ. ³⁷Yesu ren ko: Miin kɛsɛ ɲumaan wgɛɛn wee mgɔɔ dincɛ wee. ³⁸ji wo, wo min diɲan ye. kɛsɛ ɲumanho, wo min sakoo masaya dinw ye. Byin dguho, wo min shitannii dinw ye. ³⁹Wo dgu miin byin dgu kɛsɛ wgɛɛn, wo min shitanii yɛɛkun wee shunman tgɛ sganho wo min diɲan laban wee shunman tgɛraw, wuw min mɛɛkɛw re ye.⁴⁰Mgɔ byin dguu bɔ ka fri fyɛn na tinmiinshi, a na kɛ tin dinɲa laban sgan. ⁴¹Mgɔɔ dincɛ na a ka mɛɛkɛw ce. Fɛn hoo fɛn mgɔ kunashɛn a ni miinnu kwodguw kɛ, mɛɛkɛw na wuw labɔ a ka masaya ra. ⁴²Aa na wuw fri kpandguu fyɛn na, aa na kishi k'a ɲinw ɲinmin ɲin. ⁴³Nga mgɔ teeninw na maanmaan aa fa ka masayara e n'afwɔ tee. too min miin fɛ ka lamɛniin kɛ, wo ra lamɛniin kɛ dɛ⁴⁴Sankoo masaya bɔnin mun nafooba dgoni nee fɛ jii ra, cɛ jɔ ra jee, ee r'a dgo kun a yirirajani wee ta a boofɛnw byɛ fyere ka na wo jii san. ⁴⁵Sankoomasaya bɔni kɔɔnkɛsɛ yako bgaa jɔ byɛ fɛ, miin kɔɔnkɛsɛ ɲumanw yaara. ⁴⁶Ee kɔɔnkɛsɛ sgɔn grɛ jɔ jee miinkɛɛ, ee r'a boofɛw byɛ fyeere ka wo kɔɔnkɛsɛ san.⁴⁷Sankoo masayaa bɔni mu ygɛmɛnsɛn jɔɔ byɛ fɛ, mgɔw ra fri bajee ra shiin byɛ mlan. ⁴⁸Nin jɔɔ ka pa, aa ren na sanman ka da ba dara k'a sgi ka ygɛɛ tɔnmɔn.Aa ree ygɛ ɲumanw kɛ aa ka mlanw kɔɔnna ka dgumanw fri.⁴⁹A na kɛ ti dinyan laban sgan. Mɛɛkɛw na mgɔ ɲumanw paa ka bɔ mgɔ teebiiwra, ⁵⁰Ka mgɔ dguw fri kmadguu fyɛɛn na. Aa na kishi k'a ɲinw ɲinmin ɲin.⁵¹Yesu re y'a ɲrika ko: Aa wo kwow byɛ faanmuun wa? Aa renko,ko han. ⁵²Ee raa fw'a fɛ kun ko: Wo tgoora sariya kaamgɔ fɛ hoo fɛ krannimu sakoomasaya kwora, wo bɔnimu shotgii jɔ fɛ min fɛn klaw ni fɛn kɔɔw ka bɔ aka nafoo mra jaa ra. ⁵³Yesu baniin kwɔ a ka tare daara,Ee bɔ wo jaara.⁵⁴A mwɔnna dgu miinna, ee ta ɲin ka mgɔw kran damlan aa ka YAAMASA bato shoo kɔɔnna. Wo mgɔw re kabakwoya. Aa ren ko: Ee akritgiya ɲin sɔɔ min? Ee she ka kabakwo ɲiinnu kɛ di? ⁵⁵Yri dɛsɛraa din tɛ kun? Mariyama t'a ba ye? ⁵⁶A baremanw ti Yakuba ni Yusufu ni Simɔn a ni Juda ye kun? A baremanmosow byɛ t'a sgi an shɛman yan ku? E ren fgan ɲin byɛ sɔɔ miin?⁵⁷Wo myiriya wee ra too aa ma d'ara. Ayiwa Yesu re yaa fwɔ aa fɛ ko: Cera wee bonban jaa byɛ fwɔ a yɛɛkun ka dgu kɔɔnna, a n'a yɛɛkun ka sho. ⁵⁸Yesu ma kabakwo shaanman kɛin, aa dananbiiya kanma.

¹Wo sgaanna, gofɛrɛnɛ Herode ree Yesu kibaroyaa mɛn. ²Herode lee ya fwɔ a ka baaradinw fɛ ko: Yuhana batiserikɛraa lo, a knuna ka bɔ shuw shɛma. Weerato ee she ka wo kabakwow kɛ.³Ayiwa, herode tinmin ka yuhana mlan ka sri ka bla kasoo ra. Ee wo kɛɛ a baremancɛ Filipe moso Hɛrodiyas lee kanma. ⁴Katgu Yuahana tinmin ka fwɔ Herode fɛ ko:A dganin ti yee ka mosohin fru. ⁵Herode tunmafɛ ka Yuhana pka, ngaa sran janmaan ɲan, ka tgu wuw tin Yuhana jate cera ye.⁶Nga Herode wooni sankubɛɛn shera? Herodyas ree dɔɔnkɛ dinmoso wee dɔɔnkɛ aa ka janma kriniin ɲana. Wee ja Herode ye, ⁷Fw'ari kii wo dinmoso wee ko n'aka fɛ o fɛ dare a ye fɛ k'aye na wo j'ama.⁸Wo dinmoso ba ka kɔɔnnashurii kanma, E r'a fwɔ ko: Yaa Yuhana batiserikɛra kunkoo ji ne ma mlaanjɔ kɔɔnna yan. ⁹Masacɛ ɲan wee shishi nga a ka kii kanma a ka mgɔ krininw ɲanna, enko ko Yuhana kunkoo raa j'ama.¹⁰Ee mgɔ ce ka ta Yuhana kunkoo tgɛ kaso shoo kɔɔnna. ¹¹Aa ree nani wee mlan jɔ kɔɔnna ka na ji wo dinmoso ma wee ta ji a ba ma. Yuhana ka kran dinw n'ena shuudun. ¹²Wo kwɔ aa ree ta fwɔ Yesu fɛ.¹³Yesu wo mɛn sgan miinnaa, ee dun kunnun jɔ kɔɔnna ka bɔin ka ta koɲoo kɔɔnna ja jɔ ma a danan, nga janman wee wo dɔn. Aa ree bɔ dguu kɔɔnna, ka t'a nɔnkan aa sinna. ¹⁴Yesu bɔshɔo kunnuun kɔɔnna, ee wo janmanbaa je. Aa hinna wee dun a ra ee r'a ka banna bgashɔw kɛnnɲɛnya.¹⁵Wlara shera, Yesu ka krandinw n'e yaa kp'ara ka fw'a fɛ ko: Shuu mafɛ ka kwo aan nin min konɲokoon kɔɔnna yan. Jamaa labla yaako aa r'a ta an dafɛ dguw ra ka dunni yaara ka san.¹⁶Yesu re y'a labi ko: Aa man ,ɲin ka ta aa ye r'a dunni j'ama. ¹⁷Nga aa re yaa fw'afɛ ko: bwurukun juuru nin ygɛ din fla drɔw ne man boora. ¹⁸Yesu ren ko: Aa na ni wuw ye yan.¹⁹Wo kwɔ Yesu re yaa fwɔ ko mgw r'a sgi byin kan. E ree wo bwurukun juuru nin ygɛ din flaa ta, k'i ɲa yan yaama ka baakada yaamasa ye. Wo kwɔ ee wo bwurukunw kiikii k'a ji a ka krandinw ma, wuw r'e wuw ji janmaa ma. ²⁰Abyɛ r'e dunikɛ kaa pa. dunni shɔ miinnu tora, kran dinw n'e wuw shɛ ka singin tan ni fla pa wora. ²¹Wo dunni kɛraw tiin cɛ wga juuru shi ree mosow nin dɛnsɛnw sin ti wora.²²Wo janibyɛ, Yesu ree ya fw'a ka krandinw fɛ ka gbrɛya k'araa dun kunnun kɔɔnna ka ba tgɛ a ɲa sani a ra janmaan labla. ²³Aa lablanin kwɔ, Yesu ree yɛɛ kru kan a keena ka yaamasa daare. Shu were kwo k'a ken toin. ²⁴kunnun ja ree jian koɲondara, je nɲan weeraa kpishi, katgu fwɛn tunmaru kubɛna.²⁵Dononkomo waatira Yesu ree t,n;onma je kan ka ta a ka krandinw fɛ. ²⁶Aa Yesu tɲɔnma shɔɔ jee jekan miinkɛɛ, aa ya were wri kwosɛbɛ, aa re ko:Mgɔ yaa ro ! Aa re sran ka komo wri. ²⁷Wo jani byɛ Yesu re koma aa fɛ ko: Aa yarakpeya ne ro, Aa k'a sran.²⁸Piɛrɛ ren ko: Nin ye ro, a fwɔ ko ne raa ta e fɛ jee kan. ²⁹Yesu ree yaa labyi ko: Na. Piɛrɛ ree bɔ knuun kɔɔnna ka tŋɔnma jeekan kii ta Yesu fɛ. ³⁰Nga arajee sgan miinnaan ko fyɛn ka buun, ee sran. A damlan ka dgi jee ra ee prɛn ko: Matgi ne krishi.³¹Jamaan ra jee sganminaa ko bobow min koma na, mgɔ fyɛnmanw kɛnngɛnya, sinkeemanw tgɔnman, fyenshɔw jerikɛ, aa re kabakwoya ka Israel kaYaamasa tanu. ³²Yesu re yaa ka krandinw kri ka fwaafɛ ko: Mgɔ ɲinnu mashɛɛ min nera katgu byi m'a tee saba ree ne fɛ yan dunfɛn fwoshi t'aru fɛ kun. Ne tafɛ k'aru kɔnŋɔshɔ bla ka ta aa baaka kaa nan ban srashɛ. ³³Aka krandinw nee ya ɲrikako: An na she ka dunni sɔɔ min koŋoo kɔɔnnan yan ka janmanba ɲiin pa?³⁴Yesu ni a ka krandinw nee ba tgɛ ka she gren kan Jenɛsarɛti janmana ra. ³⁵Wo jaara, mgɔw ree Yesu dɔn. ³⁶Aa re Yesu daare ko a raa to k'are ka mgan a ka funnun dawoora dɔrɔnw. Mgɔ miinnun mŋan nara, wuw byɛree kɛnngɛnya.

¹Farisiɛnw jɔɔ ni sariya kaamgɔw jɔɔ bɔra jerusalɛm ka ta Yesu sgɛrɛ. Aa re yaa ɲrika ko: ²Mɔɔnna e ka kran dinw ne r'an bemaw ka laan daw shɛn? Aa ti aa tgɛw kwo ka sii ka dunnii kɛ. ³Yesu re yaa ru labyi ko: Aa ye ro mɔɔnna aa ye ren Yaamasa ka ce fwɔ niw shɛn aa ka la daw kanma?⁴Yaamasa ko k'i ba ni fa boɲan. A ko kun kun ko min koma dgu fwɔ a fa wala aba ma, wo tgi ka kan ka pka. ⁵Nga aa ye kpiin, aaye ko ko nin mgɔ jɔ ka fwɔ a fa wala a ba ma ko a tiin she ka aa janma ni nafoo miin ye ko wo jira Yaamasa ma, wo sgaanna, ko waajibi tɛ kun araa a fa janma. ⁶Wo tgora aa Yaamasa ka komaa kɛ fwuure k'a gman aa yɛɛkun ka landaw ra⁷Aa flakanfwɔw . Esayi ceraya miin kɛɛ aa kworaa , wo bɛna kwosɛbɛ. ko: ⁸Mgɔɲiinu ne boɲan aa da weera dɛnmɛɛn, ka sɔɔ aa dosokun ja ka yan nera hali. ⁹Aa ne bato fwu. Aa ka kran min mgɔw ka cera fwɔ weeye .¹⁰Yesu ree janmaan kri ka fw'afɛ ko: Aa toomadɛn ka ɲin faanmun. ¹¹Fɛnmiin dun mgɔ daa ka ta mgɔ kɔɔnna wo ti mgɔ nɲɔn. Ngaa miin bɔ mgɔ daa weree mgɔ nɲɔn.¹²Yesu ka krandinw ne ra kpara ka fwɔ ko: ¹³E ra dɔn ki ka koma dgira wfarisiɛnw ra wa? Yesu re yaru labyi ko: Shun o shun ma gman ne sankora fa fɛ, wo na bwɔn ka bɔɲin. ¹⁴Aa ru toɲin kɔɔnma mlanra fye shɔ re mun nin fye shɔ ka fye shɔ ka kɔɔnma mlan a fla byɛ re ta byin dgan kɔɔnna¹⁵Piɛrɛ ren ko: ye ra wo taren kɔɔfwɔ an fɛ . ¹⁶Yesu ren ko: Aa ye byɛɛ ari biin aa ma hakri sɔɔban? ¹⁷Aa ye maa faan mu ko fɛ o fɛ dun mgɔ daa , ka t'a kɔɔnna , wo kwɔ en ta banakwɔ.¹⁸Nga min bɔ mgɔ daa wee bɔ a dosokun weera , weera nɲɔn. ¹⁹Min bɔ mgɔ dosokun na, wee myiridguw ye, ani mgɔpka nin yashɔya nin kakaaninya nin soɲannin nin finɲaan anin tgɔshɛn wo. ²⁰wo kwow ree mgɔ nɲɔn, nga ka dunniinkɛ nin tgɛ kwobiiye wo ti mgɔ nɲon.²¹Yesu re bɔɲin ka ta Tir ni Sidɔn jamana ra. ²²Kananka moso jɔ sginin tinmin wo jaara ɲin, we na Yesu sgara ka prɛn ni kanba ye ka fwɔ ko: Matigi Dawuda bɔnsɔn, ɲan ne ma. Jnaan min ne dinmosora, ara tɔɔrɔ kwosɛbɛ. ²³nga Yesu ma alabyi hali kanɲaken na. A ka krandinw n'e ra kpa'ra ka daare ko araa wo moso labla a kaa to ka prɛn aa ye nɔnkan.²⁴Yesu re yaru labyi ko: Ne ma ce mgɔshi ma fwɔ Israɛl mgɔw, wu miinu frinin koɲo sgaw. ²⁵Wo moso wee ni kminɲmri gman Yesu kɔɔ ka daare ko: Matgi ne janma. ²⁶Yesu re yaa labyi ko: Ka dɛnsɛnw ka dunni fri wrundinw kɔɔ wo ti bɛn²⁷Moso wen ko: Shɛn ro, matgi, wo byɛnata, dunni bubru miinnu bunu aa bofɛ, wrundinw wo dun. ²⁸Ayiwa Yesu re yaa labyi ko: Moso, e ka dananya ka buun dɛ. A re k'iye ka kanɲa n'i sako wee. A dinmoso wee kɛnnɲɛnya wo janin byɛra²⁹Yesu re bɔɲi ka ta Galile ba dara. Ee dun kunnun jɔ kɔɔnna ki sgi ɲin. ³⁰Jama shaama tin nani banabgashɔ shi faw byɛ ye mgɔ sinkeemanw, fyeshɔw mgɔ fyɛnman bobow, ani banabgashɔ shaanman kpɛɛmanw. Aa re wo bananbgashɔw da Yesu sin kɔɔ, e ree wu kɛnɲɛya. ³¹Jama ra jee sganmiinna, ko bobow mi komana, mgɔ fyɛnmanw mi kɛnɲɛya, sinkeemanw mi tgɔnmana, fyeshɔw mi jerikɛra, aa re kabakwoya ka Israel ka yaamasa tanu.³²³⁵Yesu re ya'ka krandinw kri ka fw'afɛ ko: Mgɔ ɲiinnu hinaa min nera katgu byi m'a tee saba ree ne fɛ yan, dunni fwoi t'aru fɛ kun. Ne tafɛ k'a kɔɲɔshɔraman bla ka ta, aa baaka kaa nan ta ban srashɛ. ³³A ka krandinw nee y'a ɲrika ko: An she ka dunni sɔɔ miin koɲo kɔɔnna yan ka jamaba ɲɩɩn pa? Yesu ren ko: bwuru yon m'a fɛ? Aa ree yaa labyi ko: Wonwla ani ygɛ mɛnsɛnw jɔɔ. ³⁴Ayiwa en ko ko jamaa r'a sgi dgunma³⁶Wo kwɔ ee bwuru ku wonwla ni ygɛ mɛnsɛnw ta, ka baaka da Yaamasa ye, k'a kiikii ka j'a ka kran dinw ma. Wu re yaa ji jamaan ma. ³⁷Mgɔw dunii kɛ k'a pa. Krandinw nee sinɲin wonwla pa dunni bubru shɔ tonii na. ³⁸Miinnu dunii kɛɛ, wuw tinmi cɛ wga naanni ye, mosow ni dɛɛnsɛnw sin ti wora. ³⁹Yesu ree jama labla , wo kwɔ, ee dun kunnu kɔɔnna ka Magadan jamana ra.

¹Farisiɛnw jɔɔ ni Saduseɛnw jɔɔ ree yaa kpaa ²Yesu ra aa tu mafɛ ka kɔɔbɔ. Aa re yaa fw'a fɛ kara tgɛnmashɛn kabakwoman jɔ kɛ aaye ɲana ka bɔ sankoora. Yesu re yaru labyi ko: Tee byin sgano aa ye na fwɔ ko sanɲe tinaa na, ko ka tgu sankoo wle ni no.³Dgu piɛ shɔo aa re na fwɔ ko sanfyɛnbaa na wri byi,katgu sankoo wlena fwɔ ka fyin. Aa yaatganna ɲaan tgɛnmashɛw dɔn, nga aa ti she ka waati ɲiinu tgɛnmashɛw dɔn. ⁴Byi mgɔ dugu yashɔw re yaara, nga tgɛnshɛ woyi tinaa yra aa ra ni cera Jonasi taa tɛ. Wora, e y'aru toɲin ka ta⁵Yesu ka krandinw taa ba kwɔ sgan miina, aa tin yribɔra, aa ma bwuru ta. ⁶Yesu re ya fw'a fɛ ko: Aa akri sɔɔ k'a yɛɛ kɔɔshi Farisiɛnw ni Saduseɛnw ka bwuru fuunnun fɛw na. ⁷A ka krandinw ne ya fwɔ nɲɔn fɛ ko: A mi wo fwɔra ka sɔɔ an ma bwuru ta an boora. ⁸Aa tin min miin fwɔra, Yesu re wo dɔn en ko: Mɔɔn na aa ma fwɔra ngɔnfɛ k'a ma bwuru woyi ta? A ka dananya ka dgɔ dɛ.⁹Akri t'aye fɛ re ban wa? ¹⁰Nee bwurukun wonwla kiki mgɔ wgajuru shɛ, aa sinɲin danman miin paa nin wo bwuru kunkunnun shɔ wee aa yri bɔra wora re wa?¹¹Mɔɔnna aaye ma she ka faanmu ko ne ma koma bwuru kwora? A yɛɛ kɔɔshi Farisiɛn ni Saduseɛn ka bwurufunu fɛn na. ¹²Wora a ka krandinw ne ra faanmu k'a yu maafwɔ k'ara yɛɛ kɔɔshi bwurufunnun fen na, nga k'ara yɛɛ kɔɔshi Farisiɛnw ni Sadusiɛnw ka kean wee ra.¹³Yesu sheniwo Sesae Filipe jamana ra, E r'a ka krandinw ɲrika ko: Mgɔw ra fwɔ ko Mgɔ dincɛɛ min jo ye? ¹⁴Aa re yaa fwɔ ko: Jɔɔ ra k'imin Yuhana Batiserikɛra wee ye, jɔɔ ko Eli, jɔ kpɛɛman ko Eli, wala cera jɔ kpɛɛ. ¹⁵Yesu re y'a ɲrika kun ko: Nda aa ye ro, aa ye ɲana ne min jo ye? ¹⁶Simɔn re y'a labyi ko: E min Krista Yaamasa ɲranman din cɛ wee ye¹⁷Weera Yesu re y'a fw'afɛ ko: Jonasi dincɛ Simɔn, e min dubadin ye katgu min wo shɛn yraa e raa wo ti Damaadin ye, fwɔ ne Fa miinmin sankoora. ¹⁸Ne ra f'ifɛ ko: E min Piɛrɛ ye wo kɔɔwo senekruwo. Ne n'an nka eglisi jɔ senekru ɲin kan. Hadɛsi dundaw ti naa she sɔɔ a kan badaa.¹⁹Ne na sankoo Masaya kmɛnnɲɛndinw j'ima. N'ima jɛn nin fɛn o fɛn ye dgukoo kan jɛn ti naa kɛ ni wee sakoo ra. E ka jɛn ni fɛn o fɛn ye dgukoo kan jɛn na kɛ ni wee sakoo ra. ²⁰Wo kwɔ, Yesu re yaa gmrɛya a ka krandinw ma ko aa ka mgɔ shi fɛ ka min Krista ye.²¹Ka bɔ fwɔ wo waati ra, Yesu re yaa damlan ka fw'a ka krandinw fɛ ka piɛ ko wajibiro a ye r'ata Jerusalɛm ka tɔɔrɔ kwosɛbɛ cɛmgɔbaw ni saakalashebgaw kutgiw ani sariya kaamgɔw fɛ ɲin, ka na pka, nga ko wo tee sabanan dun k'ana kunnun kun. ²²Piɛrɛ re ta nɛɛ ygɛma ka damlan ka sɔsɔ ko: Ayi wo ti naa k'ira dɛ! Yaamasa r'i krishi wo ma. ²³Nga Yesu re yi yɛɛma ka fwɔ Piɛrɛ ma ko: Ta ka bɔ ne kɔɔ, shitaanni. E min ne kunashɛn fɛn nee, katgu e ka myiriya ti Yaamasa ka kwow ra, fwɔ mgɔw ka kwow.²⁴Wo kwɔ Yesu re ya fwɔ a ka krandinw fɛ ko: Nin mgɔ miin mafɛ k'i bman ne ra fw'a tgi r'i ban a yɛɛra, k'aka kpenɲmeyri ta ki gman ne ra. ²⁵Mgɔ min mafɛ k'a ɲin krishi a na bɔɔn a ra, nga nin miin ka bɔɔn a ɲin na ne kanma, wo tgi re na a ɲiin sɔɔ. ²⁶Ee mɔɔn ɲan mgɔ ma ka diɲan biɛ sɔɔ ni a na bɔɔn a ɲiin na? Mgɔ she ka ɲiin kumabɔ ni mɔɔn ye?²⁷Mgɔ dincɛ kpiin na na a fa nɔɔrɔ la n'a ka mɛɛkɛw. Ni wo ka kɛ, a na mgɔw biɛ ken ken saa ka kanɲan ni aa ka kɛ wariw ye. ²⁸Shɛn na ne, ne ra fw'a fɛ ko mgɔ miinnu miya, wuw jɔɔ ti naa sa naama mgɔ dincɛ n'aka masaya nashɔɔ je.

¹Wo kwɔ tee wɔɔrɔ Yesu re ta ni Piɛrɛ ni Yakuba ni Yakuba ni Yakuba, ni Yakuba balimakɛ Yuhana ye kru yan jɔ kan aa dana. ²A tgo wee yɛɛma aa ɲana, a ɲada wee maamaa nafwɔ tee. A ka funnuw biɛree piɛ nafwɔ kɛɛn maani.³A fɛɛ aa ree Musa ni Eli je, aa min komana Yesu fɛ. ⁴Wora Piɛrɛ re yaa fwɔ Yesu fɛ ko: Matgi an min yan wo ka ɲin. ni mafɛ, ne na bwu saba jɔ, ye ka ken, Musa ka ken, Eli ka ken.⁵K'a to wo komaa ra, sankaba maanmaan shɔ jɔ re na aa datgu. Komakan jɔ re bɔ wo sankaba ra ko: ɲin min ne dincɛ kannuni wee ye, a kwo ka ji nee hali. Aa lamɛn. ⁶Krandinw wo koma mɛn miinkɛ, aa re sran fwɔ ka byin dgunma aa ɲadaw kan. ⁷Yesu re yi kpaa ka mɲan aa ra ka fwɔ ko: Aa kaa sran aa wri. ⁸Aa re y'a ɲanw kɔɔta nga aa ma mgɔshi je Yesu ken kwɔ.⁹Aa dgi shɔ ka bɔ kru kan, Yesu re ya gbrɛya aa ma ko: Aa kaa yrari ɲin ɲafwɔ mgɔshi fɛ fwɔ mgɔ dincɛ ra kunnun ka shuw shɛma. ¹⁰Wo kwɔ, Yesu ka krandinw nee yaa ɲrikako: Mɔɔnna sariya kaamgɔw ren ko ko fwɔ Eli raa na ban?¹¹E y'aru labyi ko: An Eli ka ɲiin ka na ban ka na fɛɛbyɛ labɛn kla ye. ¹²Nga ne ra fw'afɛ ko Eli naa ka ban, mgɔw re maa dɔn Aa re y'a kɛ aa sako ye. Aa na mgɔ dincɛɛ byɛ tɔɔrɔ wo tgo wee ra. ¹³Wo kwɔ, krandinw nee y'a faanmu ka tinmin komana Yuhana Batiserikɛra wee kwora.¹⁴Aa naa jamaa ra, cɛ jɔ re yi kpaa Yesu ra,ki kminngmrigman a kɔɔ. ¹⁵Ka fwɔ ko: Matgi , makari ne dincɛɛ ra katgu krikrimashan manna, a tɔɔrɔnino kwosɛbɛ. E to ka wri a fɛ ka byin fiɛn na wala jeera. ¹⁶Ne naanɛɛ e ka krandinw fɛ, nga wuw ma she ka kɛnnɲɛnya.¹⁷Yesu lee yaru labyi ko: E, aa ye kmiin shiya danan biiw mgɔ kɔɔnna dguw ne na to aa ye fɛ fwɔ waati jɔɔn? Ne na aa ye ka kwo munɲun fwɔ waati jɔɔn? Na n'i din wee yan. ¹⁸Yesu jna kɔɔfwɔ, wee bɔ cɛni na, din wee kɛnnɲɛnya wo jani ken byɛra.¹⁹Kran dinw ne r'a kpaa Yesu ra aa danan ka fwɔ ko: Mɔɔnna an ne ma she ka wo jnaa kpɛn ka bɔ din na? ²⁰Yesu ree yaru labyi ko: Katgu aa ka dananya ka dgɔ kwodgu. Shɛnna ne ra fw'a fɛ ko hali nin aa ka dananyaa tin Mutardi kɛsɛɛ bɔnŋɔn bɔ boɲaa ra, aa na fwɔ kru ɲii fɛ k'araa bɔ yan ka ta yan fɛ, ee ta. Aa tinaa banda fwoyira. ²¹Nga jna shi ɲin ti bɔ nin shun ni Yaamasa dareri tɛ.²²Dun jɔra, ka krandinw lajɛnni to nŋɔnfɛ Galile, Yesu ree yaa fw'afɛ ko: Mgɔ dincɛ na dun mgɔw boora. ²³Aa na pka, nga apkani tee sabanan dun, a na knun kun. Krandinw ;ɑ wee shishi kwosɛbɛ hali.²⁴Yesu n'aka krandinw shera Kapɛrnaum sgan miinna, Yaamasa batoshoba wari mlannaw ree yaa kkpaa Pɛrɛ la ka ɲrika ko: Aa ka kanmgɔ ti wari sikl transhɛɛ saa re waa? ²⁵Piɛrɛ re yaa labyi ko: aan a ra saa. Piɛrɛ dunna shora sgan miinna, Yesu ree gare ka komaa ta ko: Simɔn yee myiiri dii? Jo ka kan ka ɲinsgɔn nifganman wari saa diyan ɲii masacɛw fɛ? Jamanaa dinw waa, ta donanw?²⁶Piɛrɛ le yaa labyi ko: Donanw. Yesu re yaa fwɔ ko: Wo na sra ra, janmanaadinw sin tara dɛ. ²⁷Wo byɛ nata, yaako an kaa mgɔ ɲiinnu doso kashi, ta dulee fri ba jeera. Ygɛ gare miin ka e ka dulee ta, wo sanman ka bɔ ka daa yɛɛ. E na wari sikl ken sɔɔ a daa ra. Wo warii ta k'i taa ni ne taa saa

¹Krandinw ne r'a kpaa Yesu ra wo sgaan na ka ɲrika ko: Jo ka buun ni byɛ ye sankoo masaya ra? ²Yesu ree dɛnsɛnw jɔɔ kri k'a jɔ aa shɛma, ³Ka fwɔ ko: Shɛnna na ra fw'afɛ, N'a ma yɛɛma ka kɛ kon kon dɛɛnsɛnu, Aa ti she ka dun sankoo masayaa ra fyew.⁴Min na yɛɛ madgi ka kɛ kon ɲon dɛnsɛn ɲinnu shi, we ka buun ni byɛ ye sakoo masaya ra. ⁵Mgɔ o mgɔ ka dɛɛnsɛn ɲiinnu mlan ka ɲa tgɔɔ ra, Wo tgii nee laduun. ⁶Dɛɛnsɛn ɲiinnu miin da ne ra, mgɔ omgɔ ka wuw jɔ kunnashɛn, A tin ka pisa wo tgi ma, senekruba r'a sri wo tgi kanna fri kɔkɔjee junbaa ra.⁷Bɔɔn min diyan ye mgɔw kunna shɛnrii kɔsɔ. Kunnashɛrii kmii ti to kɛ bii ye, nga bɔɔn ma kɛ bgaw ye. ⁸N'i boo wala e siin na kɛ sababu ye ka jrumun lashe e ma, a tgɛ ka fri. E sin keen wala e boo keen dunni ɲranmanya ra ka pisa nin sin fla tgi walama boo fla tgi frini wee fiyɛn pkabii ra.⁹N'i ɲan fla wee kɛ sababu ye k'i dun jrumuun na, a ygɔbi ka fri. E ɲaken dunni ɲnanmanya ra ka pisa n'i ɲan fla friniwee yaannanman fyɛɛn na.¹⁰Aa yɛɛ kɔɔshi, aa kaa dɛɛnsɛn ɲiinnu shi makwoya. Ne ra fw'afɛ ko aa ka mɛɛkɛw jɔ ni no ne fa ɲa sankoo ra sgaan byɛ. ¹¹Min frini, mgɔ dincɛ naa ka wuw ree krishi.¹²Aa ye ra myiri tgo jɔɔnna? Nin sga kɛnmɛn min mgɔ jɔ fɛ, nin wuw ra keen ka fri, a fwɔ ko, a t'a shɔ bikɔnnɔntɔn ni kɔɔntɔn to kru kan ka ta wo frinii yaara wa? ¹³N'aka je, ne ra fw'afɛ ka piyɛ ko a yrira na ja wo sga din keen je kwoora ka tɛnmɛn bikɔnnɔntɔn nin kɔɔntɔn kan, wuw miin ma fri. ¹⁴Wo tgora, aa sankoora fa sako tɛ dɛɛnsɛn ɲiinu shi r'a tunnun.¹⁵N'i bareman ki yashɛ ta, t'a fw'afɛ e keen a keen . N'a ki lamɛn, aa na kɛ nɲɔn ka mgɔ ye kun. ¹⁶Nga n'a ki ban ki lamɛn, mgɔ ken wala fla kpɛɛman kri ka fra e yɛɛ kan, yaako komaa byɛ r'a kɛ shɛɛrɛ fla wala saba ɲana.¹⁷Nga n'a ki ban ka wuw fanna lamɛn, a fwɔ eglisi wee. N'a ki ban ka eglisi lamɛn, a yate jurumun shɔ ye wala fganman wari mlan la jɔ.¹⁸Shɛnna ne ra fw'afɛ ko n'a man jɛn ni fɛ o fɛn ye dgunmakoo kan, jɛn ti na kɛ ni wee sakoo ra. Aa ka jɛn ni fɛn o fɛn ye dgukoo kan, jɛn na kɛ ni wee sankoo ra. ¹⁹Ne ra fw'afɛ fanna ko ni aa ra fla ka bɛn fɛn o fɛn na dgumakoo kan yan, Ka wo daare ne sankoo ra fa fɛ, a na wo ji aa ma. ²⁰Katgu mgɔ fla wala saba ka nɲɔn lajɛn ja miinna ne tgɔ ra, ne m'aru shɛma ɲin.²¹Wora, Piɛrɛ re yi kpaa Yesu ra ka ɲrika ko: Matgi, nin ne bareman ti ne yacɛɛ tarii dablara, ne ka kan ka yafa a ma ka she shan yon ma? fwɔ shan wonwla wa? ²²Yesu re ya labyi ko: Ne taa fwɔ e fɛ ko shan wonwla, Nga fwɔ shan wonwla sgi ja biwronwla.²³Weera sakoo masaya bɔni min miin fɛ, wo fɛɛ: Masacɛ jɔ ra latgɛɛ ka ka wari kwo jatee ɲanabɔ a ka yɔnw fɛ. ²⁴Ee jate damlan. Aa re na ni jɔ ye, Masacɛ ka wari wgatan yru tinmi wo tgi ra. ²⁵Wo yru saa fɛn tinti wo cɛɛ fɛ. Masacɛ wee ko, ko wo n'a moso ni a dinw ni a ka boo fɛn byɛ r'a fyeere ka wo wari kɛ ka wo yruu saa.²⁶Wo yɔn wee yi kminnŋri gman a kuntgii kɔɔ ka daare ko: E munŋun ne kɔɔ ne na byɛ saa. ²⁷Wo yɔn makari wee kuntgii mlan, ee yaa bla ka wo yru byɛ yafa a man.²⁸W yɔn bɔra ɲin, a na yɔn nŋɔn jɔree nŋɔn kunbɛn, a ka wari daashi kɛnmɛn yru tinmi wo ra. E wo mlan ka kan shɛ, e ko: Ne ka yru saa. ²⁹A shi mgɔ wee yi kminnŋri gman a kɔɔ ka daare ko: E munŋu nee ne n'a byɛ saa.³⁰Nga a ma sɔn. E yaa bla kasoo ra ko fwɔ naka a ye ka warii saa sgan miin na. ³¹Yɔn shɔw wo jee miinkɛɛ, aa ɲanw ree shishi kwosɛbɛ haali. Aa ree ta wo ɲafwɔ aa kuntgiw fɛ.³²Wora, kuntgi wee wo cɛ kri ka fw'afɛ ko: Yɔn dgu, Ne ri ka yruu byɛ to e yee, katgu ee ne daree kwosɛbɛ. ³³Ye byɛ tun mankan ka makari e mgɔ nŋɔɔn na nafwɔ ne makarila ye ra tinmiinshi wa?'³⁴Kuntgii tin jinmina kwosɛbɛ ee wo ce ka bla kasoo ra, a raa tɔɔrɔ ɲin kwosɛbɛ fw'araa kuntgi ka yru byɛ saa. ³⁵Wo tgoora, nin aa byɛ ken-ken ma yafa aa bareman ma ni aa dosokun byɛ ye, ne sankoora fa n'a kɛ ti ne.''

¹Yesu bannii kwɔ wo mgɔ kran na, ee bɔ Galile ka ta Jude jamanaa yaanjɔ ra miinmi Jurdɛn ba kɔfɛ. ²Jamaba wee yi gmanna ɲin, E r'aka banabgashɔw kɛnnŋɛnya.³Farisiɛnw jɔɔree yaa kp'ara ka ɲrika yaako aa r'a darabɔ. Aa ren ko: A dgani mun cɛ r'a mosoo fru sa sabaabuu byɛra wa?' ⁴Yesu r'e yaru labyi ko: Aa ye maa kran ne wa ko:Miin n'aru da, wo r'a kɛ cɛ ni moso ye ka bɔ fwɔ gare?⁵Ko wee kanma, cɛ na a fa ni a ba bla ki ɲɔɔrɔ a moso ra, aa fla na kɛ piisgo keen ye. ⁶Wo tgoo ra, aa ti fla ye kun, fwɔ keen. Yaamasa miinnu kɛɛ ken yee, mgɔ kaa wuw paa.⁷Farisiɛnw ree yaa ɲika ko: Mɔɔnna Musa re yaa fwɔ ko cɛ ra frusa sɛbɛ ji moso ma ka bla? ⁸Yesu ren ko: Musa wo ce fwɔɔ aa ka dosokun gbrɛya wee kanman, nga a tinti kɛti a damlaan sgaanna. ⁹Ne kmiin na fw'afɛ ko mgɔ o mgɔ ra moso fruu sa nin yashɔya sababu tɛ ka moso kpɛɛman fru, wo cɛ min yashɔya ree kɛra.¹⁰A ka krandinw ne ya fwa fɛ ko: Nin cɛ ka kɛ taa min ɲin ye moso ka pan fɛ, wo sgaanna fru kɛ biiya wee ka pisa. ¹¹Yesu re y'aru labyi ko: She ti mgɔɔbyɛ ye ka kran ɲinu mlan, fwɔ Yaamasa ra she jii miinu maan. ¹²Nasra shaanman min ɲin miinnuw cɛ banda ka fru kɛJɔɔ tao ka b'a woodun a ti cɛya ra. Jɔɔ kwɔbɔni mgɔw fɛ. Jɔɔ ra ɲinii ka kɛti sakoomasayaa kanman. She min mgɔ miin ye ka kran ɲin mlan, wo r'a mlan.¹³Mgɔw re nani dɛnsɛnw jɔɔ ye Yesu fɛ yaako a r'i boo da aa kan ka Yaamasa daare aa ye, nga krandinw nee wuw tgɔ fwɔ. ¹⁴Nga Yesu ren ko: Aa to dɛɛnsɛnw n'a na ne ma aa k'aru kpɛ, katgu sankoomasaya min wo bɔnŋɔnkwow ree ta ye. ¹⁵Ee yi booda wo dɛeɛnsɛnw kan, wo kwɔ ee ta ka bɔ wo jaara.¹⁶Cɛ jɔ r'i kpaa ka Yesu ɲrika ko: Ne ka kan kwo ɲuman jɔɔn kɛ, yaako na ɲranmanya banbii sɔɔ? ¹⁷Yesu re ya fwafɛ ko: Mɔɔnna en ne ɲrika ɲunman kwora? Ken drɔw nee ka ɲin. N'i mafɛ ka ɲranmanya sɔɔ, ya ce fwɔniw mra.¹⁸Wo cɛ wee ɲrikari kɛ ko: Ce fwɔni jɔn dɛ? Yesu re yaa labyi ko: E k'a mgɔ pka, e k'a yashɔya kɛ, e k'a sonɲani kɛ, e k'a finɲa da e mgɔ nŋɔn na. ¹⁹E fa n'i ba boɲa, ka e mgɔ nŋɔn kanu naf'i yɛɛku wo²⁰Wo kanmiin wen ko: Ne wo ce fwɔniw byɛ mraa. Mɔn ne nŋan kun? ²¹Yesu re yaa fw'afɛ ko: N'i mafɛ k'a dapa, ta e boofɛnw byɛ fyeere k'a warii ji fgantanw ma. Wo sgaanna, e na nafooba sɔɔ sankoo ra. Wo kwɔ, n'i gman nera. ²²Wo kanmiin wee wo komaw mɛɛn sgan miinna, a ɲaan shishini wee ya katgu nafooba re tumafɛ.²³Wora, Yesu re yaa fw'aka krandinw fɛ ko:Shiɛn na, ne ra fw'afɛ ko nafooba tgii dun ka gbrɛn sankoo masayaa ra. ²⁴Nee ɲin byɛ fw'afɛ, ko nŋɔnmɛɛn dun ka nŋɔn mɛnsɛɛn dgaan fɛ ka tɛnmɛn nafoobatgii dun kan Yaamasa ka masayaa ra.²⁵Wora Yesu r'e yaa byɛ kri ka fw'afɛ ko: Aa ra dɔn ko shiyaw ka kutgiw r'aa mra nin kutgiya wee ye.mgɔ baw ren naa ka fgan tgiya yr'a ra. ²⁶Nga a tinaa kɛ ti aa ye shɛma. N'a ye jɔ mafɛ ka kɛ mgɔ ba ye aa shɛman, wo r'a kɛ shɔw ka baaradin ye. ²⁷Nin jɔ ma fɛ ka kɛ shɔw shɛma ɲamgɔ ye, wo r'a kɛ shɔw ka yɔn ye.²⁸Wo tgoora, mgɔ dincɛ ma na ko mgɔw r'a bara k'aye, nga a naa baara kɛ mgɔw re ye ka a ɲiin ji ka kɛ mgɔ shaanman kunmabɔ saa ye.²⁹Aa bɔshɔ Jeriko, janmanba r'eyi gman Yesu nɔnka. ³⁰Fyeshɔ fla sgini tumu sra dara, Aa ra mɛɛn ko Yesu min tɛnmɛn na, aa re prɛnko: Matgi Yesu Dawuda Bɔnsɔn, makari an nan! Janman

¹Aa fɛɛ, sanko masaya bɔnnin fɛn keen jɔ fɛ. O bɔra sgɔmada jona na ka baradinw jɔ ta ka blaa a ka fiɛku fie ra. ²Ani wu bɛnna ko tee keen saa na kɛ wari dɛɲɛ kee ye dun. Wo dun ere aa tche ka ta bara kɛ a ka nankɔ ra.³ere bɔ kun tee kwanni dɔnni ka mgɔ jɔ jɔnnin sɔɔ kɛnman tan, aa tin ti foyi ra. ⁴E ra fwɔ wu fɛ ko : aye fran la ta bara kɛ ne ka fiɛku fie ra ne n'a saa bɛnnin jii aa ma. Aa re ta bara kɛ.⁵wu re ta nankɔ ra tee shennin kun na, nankɔ tki re bɔ ka je ka kwɔshiiri kɛ, ka bɔ wula ra tee fɛ k'a kɛlin fran. ⁶Ere bɔ kana je wlara danni fɛ ka mkɔ kwɛɛmani jɔnnin je kɛɛma na drɔn. Ere wu ɲrika ko : mɔnnan aa'ye ma bara kɛ ko fwɔ k'aa jjɔyan ka tee biɛ kɛ tan ? ⁷Wu re ra jaabi ko : bari mkɔ shi ma an ta bara la. Ee ra fwɔ wu fɛ ko : aa'ye fran ra ta bara kɛ ne ka fiɛku fie ra.⁸Wlara baara dgi shera, nankɔtgi we r'a fwɔ a ka kwo ɲanabura we ko : baaradinw kri ka aa saa j'aa ma kwa saa taw la ka she fwɔ gare taw ma. ⁹Miinnun baara damnan wlalara, wu re gare k'aa kwaa, wu biɛ re ware dɛɲɛ kee sɔɔ. ¹⁰Gare taw naan, a tun miwu kɔɔnna ko aa ta na shiya wari dɛɲɛ kee ye, nka wari dɛɲɛ keen-keen ne ji wu fran ma.¹¹wo dɛɲɛ keen-keen ji jira aa ma miinkɛ, aare dajukɔɔ komaw fwɔ nankɔ tgi kama. Aa ko : ¹²ɲinun miinnun tara kɔfɛ, wu ma baara kɛ fwɔ lɛrikeen dama, ere wu saa ni aan ne ta kaɲan, ka sɔɔ aan ne baara kɛ teebiɛra, aan ne baana ni teen miɲu.¹³Nka nankɔtgi we aa la kee jaabi ko : nne teri, nne ma kwo bɛnbii shi kɛ e la. Yala nne ni ye ma bɛn a la ko tee keen saa na kɛ wari dɛɲɛ keen ne wa ? ko dii kun ? ¹⁴Ayiwa e ka saa ta, ee ka ta. Nin min tara kɔfɛ, ni a jara nne ka wo saa ni ye ta kaɲan.¹⁵yala jo ti nne fɛ ka nne yɛɛ sako kɛ ni nne ka wari ye wa ? Ere nne fɛɛ ni ɲadgu we nne ka ɲumaya kɔsɔ wa ? ¹⁶Wo tgo ra miinnun min kwɔmgɔw ye, wu na n'a kɛ ɲanmgɔw ye, miinnun min ɲanmgɔw ye, wu na n'a kɛ kɔmgɔw ye.¹⁷Yesu tun nan tara Jerusalɛm miikɛ, ere ta ni a ka karandiin ta ni fla we aa danna. Aa tgɔnmashɔɔ o we y'a fwɔ aa ye ko : ¹⁸a fɛɛ aan na ta Jerusalɛm. Mgɔ dincɛ na dun saakalashebgaw kuntkiw ni sariya kaamgɔw boora ɲin. Aa na a yaaki ko a ka kan ni saya we, ¹⁹ka a dun YAA MASA dɔnbiiw boora, wu na yɛɛko a ra. Aa na a blɛ ni shɔn we ka a kwenkwen jri kan. Tee sab wo kwɔ a na krun.²⁰Wora, Zebede moso we yi kwaa Yesu ra ni a dincɛw ye. Wo moso we yi sosoo Yesu kwɔɔ ka a daare ko wo ra ɲanama. ²¹Yesu re ya ɲrika ko a min mɔɔn fɛ ? E ya fwɔ Yesu fɛ ko : ne dincɛ fla miinnun ye, a latgɛ ko keen naan sgi e kinin fɛ, ko jɔ ra sgi e ɲɔnman fɛ e ka masaya nata ra.²²Yesu re ya jaabi ko : aa mifɛn min daare ra, aa ti wo dɔn. Ne na mginni kɛ tɔɔrɔ je myinfgyɛ min na, aa na she ka myinnnin kɛ wora waa ? Wure y'a jaabiko ko : aannee she. ²³Yesu ko : han, aa na myinnin kɛ neka jemyinfyɛ min ra. Nka ka sgi nne kinin waaman nne ɲɔmɔn fɛ, nne ti wo latgɛbga ye. Ne fa we wo jaw labɛn minnun ye, wo na ji wu re ma. ²⁴Karandinw shɔw tan we wo mɛn minkɛɛ, wu re jinmin wo baremancɛ fla kɔɔ.²⁵Wora, Yesu re ya biɛ kri ka fwɔ aa ye ko : aa ye ra dɔn kwo shiyaw kuntkiw laa mara ni kuntkiya we. Mgɔbaw re n'an fgan yra aa ra. ²⁶Nka a ti naan kɛ tin aa ye shɛman. Ni aa jɔ m'a fɛ ka kɛ mgɔba we aa shɛman, wora e kɛ shɔw ka baaradin ye. ²⁷Ni jɔ m'a fɛ ka kɛ aa shɛma ɲan mgɔ we, wo r'a e kɛ shɔw ka yɔn we. ²⁸Wo tgora, mgɔ dincɛ ma na mgɔ ko shɔw ra baara kɛ are fɛ, nka a naan baara kɛ mgɔw ye, ka a yɛɛ ɲin jii ka mgɔ shaaman kunmabɔ saa ye.²⁹Aa bɔshɔ Jeriko, jamanba tgura Yesu nɔnga. ³⁰Fiyɛnshɔ fla sginnin tun mi srada ra. Aa ra mɛn ko Yesu min tɛnmɛn na, aa re prɛn ko : matki Dawuda bɔnsɔn, makari aanne ra. ³¹Jaman tun m'aan kɔɔfwɔ ra ka fwɔ ko aa ra mapka, nka aa re prɛn ka tɛnmɛn gare kan ko : matki Dawuda bɔnsɔn makari aan na.³²Yesu re ri jɔ k'aa kri k'aa ɲrika ko : aa m'a fɛ ko nne ka mɔn kɛ aa ye ? ³³Aa re ko : matki, aan ɲanw ra jeri kɛ. ³⁴Aa hinan dunna Yesu ra, a mgara aa ɲan na. O jabiɛ ra, aa re jerri kɛ. Aa re r'aa kgan Yesu ra.

¹²Aa srunyannin Jesrusalɛm ka she Bɛtɛfajɛ dgu kɔɔ, olivier kru ygɛma la, Yesu re ra ka karandiinw la fla ce ka ta aa ɲan. ²Fe ko : aa ta aa ɲanfɛ dgu la. Ni aa ka she ɲi drɔn, aa na farimoso jɔ srinin sɔɔ ɲin, din m'a fɛ. Aa w'o fii ka na nɛ ye ne fɛ yan. ³Ni mgɔ jɔ ka fɛn fwɔ aa fɛ, aa fwɔ wee ko : matki mankwo m'aa ra, wora wo na to aa na nɛ ye.⁴Wo kɛra walisa cera ka koma ɲin na dapa ko : ⁵a fwɔ Siɔn dinmoso fɛ ko a fɛe, e ka masacɛ mi nana e man. A sabari nin mun haali, a sginin mun fari kan, fari din kan, fari moso din kwiin.⁶Krandinw taa k'a kɛ nafwɔ Yesu r'a fwɔ tgo min naan. ⁷Aa re na ni fari moso ni a din we. Aa re aa frunw da wu kan, Yesu re yɛɛ. ⁸Jamanba ra mgɔ shaaman ne aa ka frunw da wo sra kan. Jɔɔ fran re flabru kɛɛngwɛnw tgɛ ka da wo sra kan.⁹Aa ta shɔho, Yesu ɲanfɛ mgɔw ani kɔmgɔw biɛ tin prɛn ko : tanoli raa kɛ Dawuda bɔnsɔn we. Min nashɔ fɛɛ matgi tgɔ ra, wo mi dubadin we. Tanoli ra kɛ YAA MASA ye sanfɛ ja kɔɔtannibaw ra. ¹⁰Yesu dunna Jerusaɛm minkɛ dgu biɛ lamgara. Aa biɛ tin min ɲrikali kɛ ra ko : cɛ ɲin min jɔn ye ? ¹¹Jaman we ko : cera Yesu, Galile Nazarɛti kan non.¹²Yesu dunna YAA MASA batoshoba kɔɔnna. Mgɔ miinnu tin min sani ni fieere kɛra ɲin, ere wu biɛ kwɛn ka bɔ ɲin. Ere wari piraw ka tabariw ni jɛnnɛnkan tga fieeerebgaw ka sginaw dabri, ¹³k'a fwɔ aa ye ko : a sɛbɛnin mu ko : nne ka sho na kri ko YAA MASA daare sho, nga aa ye kwin na kɛɛ byikannikɛlaw dgo ja ye. ¹⁴Fyeshɔ jɔɔ ni sinpga jɔɔ ra kwaa Yesu ra YAA MASA batoshoba kɔɔna, ere aa kɛnnɛnya.¹⁵Yesu kabakwo miinnu kɛ, saakalashebgaw kuntgiw ni sariya kramgwɔw wuu jee miinkɛɛ, ka dɛɛnsɛnw prɛnkan mɛn YAA MASA batoshoba kɔɔnna ko : tanoli ra kɛ Dawuda bɔnsɔn we, aa re jinmin. ¹⁶Wo ra, aa re ya fwɔ Yesu fɛ ko : ɲunnu mi miin fwɔra e too ti wora ? Yesu re ya jaabi ko : aann. Aa ye m'a koma ɲunnu kran ko : ee tanoli labɛnnin bɔɔ dɛnsɛnw ni shinmyinnaw daraa ? ¹⁷Wo fwɔnin kwɔ, ere bɔ dgu kɔɔna ka aa toɲin ka ta Betani ka shi ɲin.¹⁸a dgupyɛ sgoman ra, Yesu segishɔ o ka na dgukɔɔna, kɔngɔn we ra mnan. ¹⁹Ere tooba jɔ je sra ygɛma eyi kwaa wora, nga a man fwoyi je a ra flabru kwɔ. Wora, e y'i fwɔ wo tooba ma ko : e tinaa din kɛ kun abada. Wo jannin biɛ, tooba we yaa.²⁰Krandinw wo jee miin kɛ, aa kabakwoyara kwosɛbɛ. Aa re Yesu ɲrika ko : tooba ɲin shina ka yaa tin tgo jɔnshi ? ²¹Yesu re y'aa jaabi kwo : shɛnnan nne ra fwɔ aa ye, nin danaya mi aa fɛ, nin aa ti shika shika fewu, nne miin kɛ tooba ɲin na, aa ye ti dan wo ma, nga aa nan she ka fwɔ kruɲin fɛ ko : bɔyan ka ta e fri kɔgɔ je ra, wo na kɛ. ²²Aa ka fɛn oo fɛn yaara YAA MASA daarelila ni danaya we, aa na wo sɔɔ.²³Yesu dunna YAA MASA batoshoba kɔɔnna ka mgɔ kran damnan. k'a to wo kran nan, saakalashebgaw kuntgiw ni ni yahutu cɛkɔɔbaw re y'a kwaa a ra ka a ɲrika ko : shebgaya jɔɔn nan to eren kwo ɲinnun kɛ ? Joon wo fgan jii e maan ? ²⁴Yesu ree y'a jaabi ko : nne aa ɲrika kwo keen na. Ni aa kaan jaabi, wo sganna shebgaya miin na to nne ren kwo ɲinnun kɛ, nne fran na wo fwɔ aa fɛ.²⁵joon Yuhana ce ko a ra batisheri kɛ, YAA MASA waman mgɔw ? Wo sganna, aa re koman ngɔnshɛ ko : ni aan ka fwɔ YAA MASA r'a cee, a n'a fwɔ ko mɔɔnna aan man da a ra ? ²⁶Nga ni aan ka fwɔ ko mgɔw r'a cce, aan sran janman ɲan, katgu mgɔw biɛ Yuhana jate ree. ²⁷We kɔsɔn aa re 'e Yesu jaabi ko : aan m'an wo dɔn. Yesu re y'a fwɔ aa fɛ ko : ayiwa, sebgaya miin m'a to nne re kwo ɲinnun kɛ, nne fran ti wo fwɔ aa fɛ.²⁸Yesu r'a fwɔ aa fɛ ko : mɔn mi aa kɔɔnna kwoɲina ? Dincɛ fla tin miin cɛ jɔ fɛ. E y'a gare we ko : nne dincɛ, ta baara kɛ nne ka fieku fiee ra byi. ²⁹We y'a jaabi ko : nne ti naan t'a. Nga a ri yɛɛ myiri minkɛɛ, e re ta. ³⁰Fa we wo ce kee fwɔ dincɛ flananwe. We y'a jaabi ko : nne na ta baba. Nga a man ta.³¹Wu fla la jɔɔn na aa fa sago kɛ ? Wu re ko : gare wo. Wo la, Yesu ra fwɔ aa fɛ ko : shɛnna nne m'a fwɔ aa fɛ ko ko fganman wari mnanlaw ni moso ɲanmgɔyakɛraw nan dun YAA MASA ka masaya ra aa ɲan. ³²Sabu Yuhana naan aa fɛ ka sra teeni yira aa ra, aa mnan da wo ra, nga fganman wari mnanlaw ni moso ɲanmgɔya kɛraw dara a ra. Aa wo jee, wonan ta, aa man sɔn ka nimisa ka da a ra.³³Aa talen kwɛɛma lamɛn : juntgi jɔ re fieku fie bɔɔ ka jasa kɛ koko ye ka a lamri. E re dgan sin ka fieku je bɔ ja didaa a kɔɔna ɲin, ka saaka sho jɔ kɔɔshili fɛ. Wo kwɔ ere wo nakuɔ karifa fieku sɛɛnkɛlaw jɔɔ ma ka ta jamana kwɛɛma nan. ³⁴Fieku mwɔn sgan srunɲana, e y'a ka baaradinw jɔɔ ce wo fieku sɛɛnkɛlaw fɛ ko wu ra fieku mwɔn mnan aa fɛ.³⁵Nga fieku sɛɛnkɛlaw ree aa ka baaradinw mnanjɔ blɛ ka jɔ pga, ka a sabanan kuu ni senekrunw we. ³⁶Fieku tgi we baaradin kwɛɛmanu ce miinnu ka sha ni gare taw ye. Aa re wu mnan e ko gare taw. ³⁷Wo biɛ kɛnin kwɔ fieku fie tgi we y'a yɛɛ dincɛ ce, e ko : aa nan nne dincɛ kwiin bonɲa.³⁸Nga kabini fieku sɛɛnkɛlaw ɲan dara nankwɔtgi dincɛ kan, aa re y'a fwɔ ngɔn fɛ ko : a shɛntabga fɛɛ. Aa na, aan ni ka wo pga. Wo ka kɛ, a shɛn na kɛ aanne ta we. ³⁹Aa re y'a dincɛ mnan ka wo fri fieku fie kɔfɛ ka'a pga.⁴⁰Ni fieku fie tgi ka na, a na mɔn kɛ nankwɔ sɛɛnkɛlaw ra wo ma ? ⁴¹Aa re y'a jaabi ko : a na wo mgɔ dguw pga tgo dguya kwo sɛbɛ, ka fieku fie karifa mgɔ kwɛɛmaw ma, miinnu na a ka fieku mwɔn ji a man a waati ra.⁴²Wo kwɔ, Yesu re y'a fwɔ aa fɛ ko : Aa ma ɲin kran kitabu ra waa ko : shojɔlaw laaban senekru miin nan, wo kɛra sho kwii ra senekru lakika we. A fɛɛ, matki we re wo kɛɛ. kabakwo ro aan ɲan na.⁴³Yesu kwo : we ra to nne m'a fwɔ aa ye kwo YAA MASA ka masaya na mnan aa ra ka ji shiya kwɛɛman man miin na din bɛnikɛ wo masaya we. ⁴⁴Mgɔ miin ka byin wo senekru kan, wo tgi na kiikii. Wo senekru ka byin miin kan, a na wo tgi ɲɔɲɔ⁴⁵Saakalashebgaw kuntgiw ni farisɛnw Yesu ka taren mɛn miinkɛ, wu re y'a dɔn ko a kan mi aa ye re ma. ⁴⁶Wo ra, aa ra mnan tgo ɲrin, nga aa re sran jama ɲan, katgu wuu tun Yesu jate cera we.

¹Yesu talen jɔɔ daa a lamɛnbgaw ye kla ye ko : ²sakoo masaya bɔninmu miin fɛ, wo fɛɛ. Masacɛ jɔ kɔɲɔ dunni labɛɛ a dincɛ we. ³E y'aa ka yɔnw ce kafwɔ mgɔ krininw ye ko aa la kɔɲɔ dunnina, wuu ma sɔnkana.⁴Ere yɔn kwɛɛmanu ce ka fwɔ wu ye ko : Aa a fwɔ mgɔ krininw ye ko nne ka dunnin labɛna sisa ka ban. Nne ka toraw ni nne ka biɛkan trɔninw pgara. Fɛn biɛ labɛnna. Aa na kɔɲɔ dunni nan.⁵Nga mgɔ krininw ma wo shi jate, aa re ta aa makwow la. Jɔ taa a ka jira, jɔ re ta a ka yakori la. ⁶Aa shɔw le masacɛ ka yɔnw mnan ka aa tɔɔnɔ fwo ka aa pga. ⁷Wo kɛra, masacɛ we jimin, e y'a ka sorodashiw ce ka ta mgɔpgaraw pga ka aa ka dgu giin.⁸Wo kwɔ, e y'a fwɔ a ka yɔnw ye ko : kɔɲɔ dunnin labɛna, nga mgɔ krininw man kan nɛɛn. ⁹Aa ta sisan kunbɛndaw ra. Aa mana mgɔ o mgɔ sɔɔ, aa na ni wu biɛ ye dunni na. ¹⁰Yɔnw taa sisan kunbɛndaw ra. Aa mgɔ miinnunw sɔɔ, ɲuman fara dguman kan, aa re wu biɛ lajɛn fwo kɔɲɔya shopara dunnikɛlaw ra.¹¹Wo kɛra, masacɛ we dun ka mgɔw fɛɛ, ere cɛ jɔ sɔɔ ɲin min ma kɔɲɔya frun dun. ¹²E ko : nne lamgɔcɛ, ye dunna yan tgojɔnshi ka sɔɔ ye m'a kɔɲɔya frun dun ? Wo cɛ ma jaabi shi kɛ¹³Wora, masacɛ we y'a fwɔ a ka baaradinw ye ko : aa ɲin sinw ni a boow sri ka a fri kɛɛnma jidi ra. Komo ni ɲinɲimi na kɛ ɲin. ¹⁴Shaanman krininmu, ŋa ɲanatɔmɔninw man sha.¹⁵Wora, farisɛnw taa nŋɔn je ka tgo ɲrin ko aa na Yesu mnan n'a yɛkun dara koma fɛ. ¹⁶Aa re aa ka krandinw jɔɔ ni Herɔde ka mgɔ jɔɔ ce ka ta fwɔ Yesu fɛ ko : kramgɔ, aan na dɔnko e mi shɛntgi lee. Ee mgɔw kran YAA MASA sra ra ka piyɛ. Ye ti sran mgɔ shi ɲan, katgu mgɔw biɛ ka kan e ɲan na. ¹⁷E mɔn miiri kuo ɲi na ? A dga nimu aan ɲin sgɔn saa Romɛ masacɛ we wa, ya we dganitɛ ?¹⁸Yesu tun n'aa ka dguya dɔn, e y'a fwɔ aa fɛ ko : flankafwɔw, mɔn na to aa re nne daa kɔɔbɔ ? ¹⁹Aa wari miinkɛ ka ɲinsŋɔn saa, a wo jɔ yira nne ra. A le wari dɛɲɛ keen yra a ra.²⁰Yesu re y'aa ɲrika ko : jɔn yaa ni a ka sɛbɛri min ɲin kan ? ²¹Aa re y'a jaabi : Romɛ wo. Wo sŋan na, Yesu re y'a fwɔ aa ye ko : A masacɛ ta saa masacɛ we, ka YAA MASA ta ji YAA MASA ma. ²²Aa wo jaabiri mɛn miinkɛ, aa kabakwoya ra kwosɛbɛ. Aa re ya to ɲin ka ta.²³Saduseɛnw tun na fwɔ ko shu kununi tinaa kɛ. Wo dun yɛɛra aa jɔɔ taa Yesu sgɛrɛ k'a ɲrinka ko : ²⁴kramgɔ, Musa ko ni cɛ jɔ ka sa ka sɔɔ a ma din sɔɔ, a bareman cɛ ra'a wa moso fru ka bɔnsɔn sɔɔ wo cɛ sanin we.²⁵Ayiwa, baremancɛ woowula tun min aan nne fɛ yan. Gare we moso ta, wo dinntan sara ka wo moso to a dgɔcɛ we. ²⁶bareman cɛ flanan ni a sabananta we kɛ tin, fwo ka ta she aa woowulanan ma. ²⁷A biɛ sanin kwɔ, wo moso fran re sa. ²⁸Shu kunnuni dun na, wo moso na kɛ aa woowula ra jɔn ta ye, ka sɔɔ aa biɛ ra fru ?²⁹Yesu r'aa jaabi ko : aa frila, bari aa m'a kitabu koma faamu, aa ma YAA MASA ka shebgaya fran dɔn. ³⁰Shu ka kunnu, cɛw tinaa mosow fru, mosow tinaa ji cɛw ma, nŋa aa na kɛ e ko sankoo ra mɛɛkɛ.³¹Shu kunnuni kwo ta pan fɛ, YAA MASA min fwɔ, aa wo kran ? A ko : ³²nne mi Ibrahima ka YAA MASA we, a ni Isaka ka YAA MASA , ani Yakuba ka YAA MASA. YAA MASA ti shuw ka YAA MASA we, ɲanamanw ta re mu. ³³Jaman we wo koma mɛn miinkɛ, aa kabakwoyara a ka karan na.³⁴Farisɛnw r'a mɛn sŋan miin na ko Yesu koman ban saduseɛn daa ra, aa re nŋɔn lajɛn kun. ³⁵Aa ra keen, sariya kraamgɔ re mu, wo tun man fɛ ka Yesu daa kɔɔbɔ, e y'a ɲrika ko : ³⁶kramgɔ, sariya la ce fwɔnin jɔn ka bun ni shɔw ye ?³⁷Yesu re y'a jaabi ko : k'i ya matgi YAA MASA kanu ni e dosokun biɛ ye ani e ɲin biɛ ni e hakri biɛ. ³⁸We mi ce gare fwɔnin ni cew biɛ ra brekeba we.³⁹A flanan bɔnnin mun wo fɛ ko, k'iya e mgɔ nŋɔn kannu e ko e yɛɛ. ⁴⁰Sariya biɛ ni ceraw ka kran biɛ yoonni mun wo ce fwɔnni fla we ra.⁴¹K'a farisɛnw lajɛni to nŋɔn fɛ, Yesu re y'a ɲrika ko : ⁴²aa'ye mɔn myiiri krisita kwo ra ? Jɔn bɔnsɔn mun ? Aa re y'a jaabi ko : Dawuda bɔnsɔn re mun.⁴³Yesu re y'a fwɔ aa ye ko : ayiwa, mɔn na Dawuda re y'a kri ɲi senuma baaka ra ko matgi ? Bari Dawuda ko : ⁴⁴matgi ra fwɔ nne matgi we ko : e sgi nne krin fɛ fwo nne ra e dguuw kɛ e sinkɔɔ daran we.⁴⁵Ni Dawuda krisita kri ko matgi wo, eren kɛ Dawuda bɔnsɔn ye tgo dii ? ⁴⁶Aa shi ma she ka Yesu jaabi hari ni koma din keen ye. Ka bɔ wo dun na, mgɔ shi ma e yarakwɛya ka Yesu ɲrika fwoshi ra kun.

¹Ayiwa, Yesu komana a ka krandinw ni janma fɛ. en ko : ²ka mgɔw kran Musa ka sariya ra, wo mi sariya kranmgɔw ni farisɛn ka baara wee. ³Wee kama, aa fɛn o fɛn fwɔ aa ye, aa ru kan mnan wora ka wo kɛ. Nga aa kaa aa ka kɛtaw ladge, katgu aa mgɔw kran tgo miina, aa yɛɛkun ti wo kɛ.⁴Aa diinbaw sri ka da mgɔw kunna, nga aa ti sɔn ka aa bookwɛɛdin keen kɛ ka wu janman wo diinw tarila. ⁵Aa ka kɛtaw biɛɛ kɛ yaako mgɔw r'aa je k'a lasran. We ra to aa ren aa tindaa sɛbɛw ni aa boora sɛbɛw boɲan ka aa ka frinw da binsan jinɲan.⁶Dunnibaw ra sgi jɔ ɲumanw a ni YAA MASA batoshow kɔɔna ɲafɛ sgi jɔw ree ka ji aa ye. ⁷Mgɔw ra aa fwo sinsanw shɛ ka aa kriko kramgɔ, wo fran ka ji aa ye kwosɛbɛ.⁸Aa ye ru kwin, aa ka kɛ aa kri ko kranmgɔ, bari kranmgɔ keenpe re mun aa kunna, a ye biɛ mi bareman ne we. ⁹Aa kaa dgukoo kan mgɔ shikri ko aa fa, bari fa keenpe re mun aa fɛ, wo min mun sankoo ra. ¹⁰Aa k'a kɛ aa kri ko kuntgi, bari kuntgi keenpe re mun aa fɛ. Wo mi Krisita wee.¹¹Aa ra mgɔba ra kɛ shɔw ka baradin we. ¹²Min na yɛɛ kɔɔta, wo na MANDGI. Min na yɛɛ mandgi, wo na kɔɔta.¹³Bɔɔn mi aa ye sariya kaamgɔw ni farisɛnw ye, flankafwɔw, bari, aa sankoo masaya datgu mgɔw ɲan. Aa yɛkunw ti dun, miinnu m'a fɛ fɛ ka dun, aa ren wu fran bari. ¹⁴Bɔɔn mi aa ye sariya kaamgɔw ni farisɛnw ye, flankafwɔw, bari, aa moso minun cɛɛ saniw boorafɛnw mlan aa ra, wo kwɔ, ka ta myɛn YAA MASA dare ra yaassa k'aa yɛɛ mgɔ sɛbɛ yra. Wera to aa yaakili tɔɔra na dguya. ¹⁵Bɔɔn min aa ye sariya kaamgɔw ni Farisiɛnw ye, flankafwɔw, katgu aa dgukoo ni kɔkɔjee yaara yaako aa cibidin keen sɔɔ n'aka wo sɔɔ, aa ren k'a dgu ye, fwɔ a ka kan ni yandanman ka tɛnmɛn aa ye kan fwɔ shaan fla.¹⁶Bɔɔn min aa ye ɲan mlanbga fyenniw ye katgu aa ye ra fwɔ ko nin mgɔ ki kii Yaamasa batoshoba ra, wo kii ti yate, nga naki kii Yaamasa batoshobaa sanu nan, wo kii wee mlan. ¹⁷Hakritanw, fyenshɔw. Jɔɔn ka buun, sannuo, wamaa batosho miin sannu kɛ fɛn senuman?¹⁸Aa ra fwɔ kun ko ni mgɔ r'i kii sakabɔnaan nan, wo kii ti yate nga na k'i kii sakabɔnaan kan saakara, wo kii wee mlan. ¹⁹Fyenshɔw. Jɔɔn ka buun saakao waa, saaka bɔnan min saaka kɛ fɛn senuman yee?²⁰Ayiwa, min ni kii saakabɔnan nan, wo r'i kii saaka bɔnan nin a kan fɛn byɛ re raa. ²¹Min ki kii Yaamasa batoshoora, wo tgi r'i kii batoshoo nin Yaamasa byɛre raa. Wo min ni sgi a kɔɔnna. ²²Min ki kii sakoo ra, wo tgi r'i kii Yaamasa ka sginaan nin a kan sgi bgaa yɛɛkuun naan.²³Bɔɔn min aaye sariya kaamgɔw nin Farisiɛnw ye, flankafwɔ, Katgu aa ye nankwɔɔ ra fɛn mɛnsɛnw ygaa bɔƝanayi,fɛnɛlɛ, ani kumɛnɲga cew byɛra brekebao,teeniyao,dananmgɔyao, aa ree wuw toin. Aatin ka kan ka brekebainnun kɛ ka wo fɛn mɛnsɛnw byɛ farakan. ²⁴ɲamlanbga fyenshɔw. Aaa r'aka myin je sɛnsɛn ka jimgɔ b'ara, ka ta sɔɔ, aa nŋɔnmɛɛn kunnun.²⁵Bɔɔn min aa ye sariya kaamŋɔw ni Farisiɛnw ye, flankafwɔw. Aa fyerenw ni tasaw kwɔkanw kwo ka piɛ, ka sɔɔ aa kɔɔnnaw pani m'a ka kɛ wariw ra, soɲanninw n'aka ngedguw. ²⁶Farisiɛn fyesho, e ka mlan kɔɔnna kwoban. Ni wo ka kɛ, a kwɔkaan byɛ na piɛ.Bɔɔn min aa ye sariya kaamgɔw ni Farisiɛnw ye,flankafwɔw. Aaa bɔni mu kabru piɛniw fɛ. Aa kɛɛnmanaw cɛkaɲiin, nga a pani shukoow nifɛ tiinii shifaa byɛra. Aa ye byɛmi tine. Aa jeni ɲanaa kaɲiin mgɔw ɲana kɛɛnma, aa min mgɔ sɛbɛ ye, ka sɔɔ aa dɔsoku panimu flankafwɔyaa nin dguyaara. ²⁹Bɔɔn min aa ya sariya kaamgɔw ni Farisiɛnw ye, flankafwɔw. Aa kabru ɲranmanw didaa ceraw fɛ. Aa mgo teeninw ka kabruw cɛɲa,. ³⁰Aaa ra fwɔ ko ni aa tumaa bemaw ka teew ra,k'a tintinaa aa jama ka ceraw pka. ³¹wora, aa shɛrɛyaa kɛ aa yɛɛkuw kanman, K'a min ceraw pka bgaw bɔɔnsɔnw ye.³²Ayiwa, aa ta ɲa. Aa bemaw fɛn miin damlaan, aa dapa. ³³Saw, fwɔnfɔnnidinw, aa she k'a yɛɛ tkan yandanmaan fyɛnma dii?³⁴we ra to ne na ceraw ni mgɔ, hakrimanw ni mgɔ kraniw ce aa ma; Aa na wu jɔɔ pka, ka jɔɔ kpenkpe yrira, ka jɔɔ mati ni wokami ye aa ka Yaamasa batoshow kɔnna, k'aa gwan aa nɔnka, k'aa tɔrɔ dgu ni dgu,; ³⁵Yaako mgɔ teeniw yuu mi bɔnna dgukoo kan, wo yacɛ ra byin aa kan, ka ta ka bɔ fwɔ Abɛl mgɔ teeni yuu ma ka ta she Baraki dinçɛ zakari yuu ma, aa wo mi pgaa Yaa masa batoshoba ni saakabɔnan shɛ; ³⁶Shɛnna, ne ra fw'aa fɛ, wo pgari kwow biɛ ka kan ka saa ni tɔɔrɔ mi ye, wo na byin sisa mgɔw kan;³⁷Jeruzalɛm, Jeruzalɛm, ye mini ceraw pgaka Yaa masa ka ceradinw kuu ni sendenw ye k'aa pga, ne tun ma fɛ shinyan shaama kɩ ka mgɔw lajɛn na fwɔ sisɛba r'a dinw lajɛn a kanmankɔɔ timiinshi, ŋaa aa ma sɔn. ³⁸Aa fɛɛ, aa ka show lakon na to aa fɛ. ³⁹Wora, ka bɔ sisa aa tinaa ne je kun, fwɔ aa n'a fwɔ ko : «Miin mi nana de Matgi tgɔra, wo mi dubadin ye»

¹Yesu re bɔ Yaa masa batoshoba kɔnna ka ta.A tashɔwo, a ka krandinw ne ra kwaa a ra ka Yaa masa batosho jɔ tgo yra'ra..Ŋaa ²Yesu re yi kan to aa ma ko:«Aa ɲa ti wo fɛnw biɛ ra? Shɛnna ne ra fwɔ aa ɲana, senden ti naa to senden kan ni miin ti naa wan»³Ka Yesu skini ti oliviye kru kan, a ka krandinw ne ra kwaa a ra aa damaf ɛk'a fw;'a fɛ kó »E ti wo kwow kɛ skan fwɔ an fɛ ,wo ni mi na kɛ e ka na tgɛnmashɛ ye, a ni diyɛn laban tgɛnmashɛ?» ⁴Yesu re y'aa labyi ko/ «AA yɛɛ kɔɔshi mgɔ shi k'aa . ⁵Katgu mgɔ shaanma na na ne tgɔ ra n'a ra fwɔ kó "Nee mi Krista ye".Aa na mgɔ shaanman lafri.⁶Aa na kɛɛ kwow kibariya mɛn, ka kɛɛ kwow ŋunuŋunu kan mɛn; aa hakri kaa nŋanmi, waajibi ro wo kwow ra kɛ, ŋaa wo ti a laban we ban ⁷.Katgu shiya jɔ na wri shiya jɔ kpɛɛman kaman, masaya jɔ na wri masaya jɔ kpɛɛman kaman. Kɔngɔba ni dgumakoo yɛɛyɛɛ na kɛ ja shanman na ⁸.Ɲa wo kwow biɛ mi tɔɔrɔ kwow damlan shɔ drɔnw nee na fwɔ moso ka tin wri shɔ⁹Wo kwɔ tɔɔrɔ baw na da aa kan; k'aa pka. ¹⁰Shiyaw biɛ n'aa kɔniya ne tkɔ kaman. Shanma na keru. Aa na ŋɔn janfa, ka ŋɔn kɔnya. ¹¹Cera fiɲafwɔw shaanma na wri ka mgɔ shaanman lafri.¹²Dguya baaka na boɲa, mgɔ shaanma ka kanuya na shɔnya. ¹³Ŋaa ni mi k'i baaka boɲa ka she fwɔ laban na, wo tgi na krishi. ¹⁴Wo sankoo masaya kibarojuman wanju na kɛ diyɛn mumɛn biɛ, ka kɛ shɛrɛya ye shiyaw biɛ fɛ. Wo kwɔ laban wee she.¹⁵Wera,fɛn haramuni miin shɛnrikɛ, cera Daniɛl miin kwofwɔo kwin, aa na wo jɔnin je ja senuman na. mi k'a kran, wo r'a faamu kɛ. ¹⁶Wo sgan na, Zude jamana mgɔw biɛ ra bii ka ta krumanjaw ra. ¹⁷Mii m'a ka saanka, wo kaa dgi k'ii na mlan ta a ka sho kɔnna ¹⁸.Miin mi jira wo kaa seki sho k'i na deeke ta.¹⁹Moso kɔɔnmaw a ni miinu mi shin jira dinw ma, wu na tɔɔrɔ wo dunw na kwosɛbɛ! ²⁰Aa Yaa Masa daare ko aa ka bii kaa bɛn fonɛnɛ skan ma, wamaa mashɔn dun ma. ²¹Katgu wo tɔɔrɔ na boɲa ka tɛmɛn tɔɔrɔ biɛ kan ka bɔ fwɔ diyɛn da skan fwɔ ka she byi ma. Wo bɔŋɔnkwo tɔɔrɔ ti kɛ kun abada. ²²Ni Yaa Masa tun ma jɔ bɔ wo dunw na, mgɔshi tin ti krishi. .Ŋa ee jɔ bɔɔ wo dunw naa a ka mgɔ ɲanatɔmɔniw kɔsɔ.²³Wa ra ni mgɔ jɔ ka fw'a fɛ ko: A fɛɛ Krista min yan, waamaa a mi yanfɛ, aa kaa da wora. ²⁴Bari Krista fiɲafwɔw ni cera fɲafwɔw na wri. Aa na tgɛnmashɛnw ni kabakwow yaako aa ra mgɔw lafri. Ari n'aa tin she ka Yaa Masa ka mgɔ ɲanatɔnmɔniw lafri, aa ti na wo kɛ. ²⁵Ne kpin n'a shuda r'aa.»²⁶Ayiwa ni mgɔ jɔ ka fwɔ ko a fɛɛ, a mi kongora, aa kaa ta. Waamaa ni jɩ k'a min shoɲafɛɛra yan, aa kaa da wo ra. ²⁷San wee ngan ka bɔ kɔɔna fwɔ teebyinna timinshi, Mgɔ dincɛ ka naa na kɛ tin ne. ²⁸Fɛn shu mi ja mi na, jakunpiɛw ra lajɛn ɲi ne²⁹Wo tɔɔrɔdunw tɛmɛni kwɔ, tee ne jibi, karo kɛɛn na bɔ, dooniw na byin ka bɔ sankoo ra, sankoo fgantgiw na yɛyɛ.³⁰Wo sgan na Mgɔ dincɛ ka tgɛnmashɛ na je sankoo ra. dgukookan shiyaw biɛ na kishi. Aa na ³¹Mgɔ dincɛ nashɔ je sankabaw kan ni fgan ni nɔrɔba ye. Mgɔ dincɛ na a ka mɛɛkɛw ce ni bwurukanba ye, wu na a ka ɲanatɔnmɔniw lajɛn ja ken na ka bɔ diyɛn pan naani na, ka damlan diyɛn pan ken na ka ta bla pan dɔn ɲi na³²ɲayrari jɔ fɛɛ ɲin ye Tooba kwora. Na boow ka damlan ka ngu, aa re na dɔn ko samaya srunɲa ra. ³³Wo tgo ra, aa ka wo kwow byɛ je sgan miinna, aa don ka sronɲa ra, a she ra dara yɛɛ ka .³⁴Shiɛn na ne ra fw'a ɲana ko mɲɔ miinnu ɲranman mu sisa, wu byɛ tinaa sa ni wo kwow byɛ ma dapa. ³⁵Sakoo ni dgukoo na tɛnmɛn, nga ne komaw tinaa tɛnmɛn abada.³⁶Nga mgɔ shi ti wo dun ni wo waati dɔn, hali sankoora mɛɛkɛw t'a dɔn Yaamasa dincɛ shi taadɔn fa Yaamasa kenpe le ra dɔn.³⁷Kwo miinnu tin kɛ Nuhun ka tee ra, wuw na kɛ mgɔ dincɛ na dun byɛ. ³⁸Yani saɲeba ra na, mɲɔw tin duni kɛ, ka myinni kɛ, ka mosow fru, k'a dinw ji fru ra, fwɔ Nuhun dunna kunnun kɔɔnna dun miinna. ³⁹Aa tin ti myiiri fwoyi ra, fwɔ saɲeba naa dun miinna ka ta na byɛ ye. Mɲɔ dincɛ na na dun miinna, a na kɛti wo dun byɛra;⁴⁰Wo sŋaana, cɛ fla na kɛ jiira nŋɔnfe, ken na mlan ka ken to. ⁴¹Moso fla na kɛ chieira nŋɔnfɛ, ken na mlan ka ken to. ⁴²Weera Aa to aa ɲana, matgi na na dun miinna aa ti wo dɔn⁴³Aa dɔn ko ni shotgi tin sun na sŋaadɔ shufɛ, a tin ni to a ɲana, yaako a ka sho daa kaa kii. ⁴⁴Weera, aa ye byɛ labɛni naa to, katgu aa ti myiri ko mgɔ dincɛ na na sŋan miinna, e na wo sŋan weera tgi.⁴⁵Yɔncɛ danaya mŋɔ akriman bɛnmɛncɛ ra bla yɔn shɔw kuna k'a ka dunni kwo ɲanabɔ a waati latgɛni na, wo min jon ye? ⁴⁶Wo yɔncɛ min bɛnmɛncɛ naa sɔɔ a ma kɛr'a tgoora, wo min dubawdin ye. ⁴⁷Shɛnna ne ra fw'afɛ ko wo bɛnmɛncɛ na wo yɔncɛ sgi a boofɛn byɛ kunna.⁴⁸Nga ni wo yɔncɛ ka dgu, a na myiri a yɛɛ kɔɔnna ko a bɛnmɛncɛ na myɛn ɲin. ⁴⁹A na damlan ka a yɔn nŋɔnw kpishi ka dunin kɛ, ka myinnikɛ dɔɔshɔw fɛ. ⁵⁰Ayiwa wo yɔncɛ ti ɲanafɛɛrikɛ dun miin na a ti waati min dɔn, a bɛnmɛncɛ wee na wo waati ra. ⁵¹A na wo yɔncɛ halaki k'a ɲin ja j'ama flankafwɔw fɛ. kishi ni ɲin ɲinmin na kɛ ɲin.

¹Wora do,sankoo masaya bɔni mu sunguruni wrishɔ klua mgɔ tan ne fɛ, ni aami ka fintaan ta ka ta aa ka kanmii kunbɛn. ²Aa shɛma, juru tu mi hakritan ye, a ni juru tu mi hakritgi ye. ³Bari hakritanw n'aa ka fintanw ta waati min na, aa ma tru ta aa bora. ⁴Ŋaa, hakrimanw ne trudgaa ta ka fra aa ka fintanw ka.⁵⁶Kanmii miyɛn na mii kɛ, a biɛ re sinŋɔn. Ŋa dgutaama, prɛnkan ba jɔ re bɔ ko: «kanmii mi na na de, aa t'a kunbɛn!»⁷Wo ja ra, sungruniw biɛ re wri k'aa ka fintanw labɛn. ⁹Hakrintanw ne y'aa kanto hakritgiw ma ko: « AA tru jɔ j'aa ne ma, nin wotɛ anne ka fintanw mi pka ra.» ⁸Ŋaa hakrimanw nee aru jabi ko: «Anne taw ti na bɔrikɛ, aa ta tru fyerebkaw fɛ ka ta jɔ san aa yɛ fɛ.»¹⁰Ka hakrintanw ta shɔ to tru san jara, kanmii wee she; miinu labɛnni tumu, eree dun ni wu ye frusho ra, da wee tgu. ¹¹Wo kwɔ hakrintanw fran re na she, k'a fwɔ ko: «Kuntgi, kuntgi, daa yɛɛ an fɛ.» ¹²Ŋa ee yaaru jabi ko: «Shɛnna,ne r'a fwɔ aa ɲana, ne t'aa dɔn.» ¹³Wora aa kaa sinŋɔn, katgu aa t'aa dun ni a wati dɔn¹⁴Katgu a na kɛ nafwɔ cɛ jɔ labɛn ni mu, n'a mafɛ ka ta jamana jɔ ra. E r'aa ka baradinw kri k'a ka nafoo karifa aa ma. ¹⁵E ree talent djuru karifa ken ma, ka talent fla karifa jɔ ma a ni ka ken karifa mgɔ kpɛman ma. A biɛ r'aa ta sɔɔ ka kaɲa ni aa kundaman wee, cɛ wee tɛmɛ ka ta a ka dguratkara. ¹⁶Wo wati biɛ ra talent juru tki wee e bɔra yɛma n'a tawee , ka juru kpɛman sɔɔ.¹⁷wo tgo kenw na, talent flatgi we re yakori kɛ n'a ta wee ka talent kwɛman fla sɔɔ. ¹⁸Ŋaa baradin mii tu mu ka talent ken sɔɔ, were dgan sin, k'a ka kuntgi ka wari dgo wo kɔɔna.¹⁹Waati yan wo kwɔ,. baradinw ka kuntgi were na, aa re yate bɔ. ²⁰Talent juru tgi we yi kwaa a ra n'a ka talentw ye, ee ko: «ne kuntgi, ee talent juru karifa ne maa, nee talent juru kwɛɛman sɔɔ tɔɔn ye, a mi de.» ²¹A kuntgi wera fwɔ a ye ko; «A ɲana, baradin ɲuman, danamgɔ. E kɛra danamgɔ ye kwoni kwɛnni na, ne na kwobaw karifa e ma. Na an nin ka ɲushɔnja kɛ nŋɔn fɛ.²²Talan tgi byɛ re yi kpa'ra ka fw'afɛ ko: Ne kutgi, e talan fla karifa ne ma, ne fla kpɛɛman tɔɔn ye, aa min de. ²³A kutgi ween ko: A ɲa na baradin ɲuma, danan mŋɔ. E kɛra danan mŋɔ ye kwoni kpɛɛnniw na, ne na kwo baw karifa e ma. Na, an ni ka ;,ushɔnjaa kɛ nŋɔn fɛ.²⁴Ayiwa wo byɛ kwɔ, talan ken tgi byɛ re yi kpaa ka fw'afɛ ko: Ne kutgi, ne tin na dɔn ki ka kwo ka gbrɛn. E ma dannikɛ ja miin na, e shunman tgɛ ɲin. E ma sirikɛ ja miin na, e shunman kan ;ɨn. ²⁵Ne sranni taa e ka wari dgon dgukoo ra. E ka wari min den.²⁶A kutgi wee r'a labyi ko: Baradin , dgu saashɔ. E tin n'adɔn ko ne ma danni kɛ ja miin na, ko nee shunman tgɛ ;ɨn. Ko ne sirikɛ ja miin na, ko nee shunman kan ;ɨn. ²⁷Ayiwa, e tin ka kan ka ne ka wari bla bankii ra. Ne kwɔsekini tinna a n'a tɔɔn sɔɔ.²⁸E wo talan kenho mlanra ka ji talan tan tgii ma. ²⁹Fɛn min miin fɛ, jɔ na ji wo ma ka bla taa kan, a na jiidi. nŋaa Fɛn ti min boora, hari fitiini min ma boora, wo na mlanra. ³⁰Baradin dgu ɲin kpin, aa wo fri kɛɛnma jibii ra. Kishi ni ɲin;ɨmi na kɛ ɲin.³¹Nin mŋɔ dincɛ ka na ni a nɔɔrɔ na ka mɛɛkɛw byɛ ye, a ni sgi a ka masasginan nɔɔrɔman kan. ³²Shiaw byɛ n'a lajɛn a ɲa kɔɔ. A na'ru paa ka bɔ nŋɔn na, nafwɔ byɛkan kpɛnaw r'aka sgaw ni baw paa ka bɔ nŋɔn na tinmiinshi. ³³A na sgaw bla a kinni fɛ ka baw bla a ɲɔnman fɛ.³⁴Wora, masacɛ na fwɔ a kinni fɛ mŋɔw fɛ ko: A' na ne fa ka dubadinw. Masaya min labɛn na aa ye ka bɔ fwɔ dinya da sgan, aa dun wo kɔɔnna ka kɛ aa ta ye. ³⁵Katgu , kɔŋɔɔ tinmin ne ra sŋan miinna, aa re dunni ji ne ma. Myinnŋɔɔn tinmin ne ra, aa re je ji ne ma ³⁶.Ne timin fyɛrɛshɔ ye, aa re ne fyɛrɛbɔ. Ne tinmin banabgashɔ ye ,a' re makwo ɲa. Ne tinmin kasoo ra, a' re na bɔ nee.³⁷Wo ja ra, mgɔ teeniw na a labyi ko: «Matgi, an n'i kɔkɔshɔ raman je wati jɔn na, ka duni j'i ma? Wama e myiŋɔnshɔ, ni je j'i ma? ³⁸An ni donan naman je skan jɔn na, ni an ne ri ladun? Waman ka e fiyɛrɛshɔ je k'i fiyɛrɛ bɔ? ³⁹An ni banabkashɔ ra man je skan jɔn na, n'an t'ii fɛɛ? ⁴⁰Masacɛ na aa labiyi ko: «Shɛn na ɲe ra fw'a fɛ ko, n'aa ka wo kɛ, ari ne barema ɲinu biɛ ra kpɛenni wee, aa wo kɛɛ ne yɛɛkun wee ye.»⁴¹wo kɛnin kwɔmasacɛ n'a fwɔ a nyɔmanbofɛ mgɔw fɛ ko: Aa ma bɔ re dangashɔw. Aa ta fiyɛn banbii wo miin labɛnnin shitanni ni a ka mɛɛkɛw kaman. ⁴²Katgu kɔngɔ ti mi ne ra, aa ma duni ji ne ma. Myin ŋɔ ti mi ne ra, aa ma je ji ne ma. ⁴³Ne ti mi donan ye, aa ma ne ladun. N fyiɛrɛshɔ tu mu, aa ma ne fyiɛrɛ bɔ. N bananbgashɔ tu mu, ne tu mu kaso ra, aa ma ne makwo ɲa.⁴⁴Wora, aa n'a labyi ko: «Matgi, an n'i kɔngɔshɔ je sgan jɔnna, waamaa e myinŋɔshɔ, waamaa e donanman, waamaa e fyiɛrɛshɔ, waamaa e banabgashɔ, waamaa e kasodinnaman ni an ma e jama? ⁴⁵Wo ra, masacɛ na aa labyi ko: «Shɛnna ne ra fw'a fɛ ko ni aa ma wo kɛ ari ni aa ma wo kɛ ne bareman ɲinu biɛ ra kpɛnni ken ye, aa ma wo kɛ nee ye. ⁴⁶Wora ,wu na ta tɔɔrɔ banbii ra, mgɔ teeniw na ta ɲranmaya banbii ra.

¹Yesu bani kwɔ wo komaw biɛ ra, e ra fwɔ a ka krandinw fɛ ko: ²«Aa r'a dɔn ko tɛmɛkansii shɔ tora tee fla, ko mgɔ dincɛ na dun bora k'a kpegwe yri ra.³Wo sgan na, saakalashebgaw kuntgiw ni yawutu cɛmgɔbaw re ŋɔn lajɛn saakalashebgaw kuntgiba kayifɛ ka jun kɔnna. ⁴AAa re ya latgɛ k'aa n jundun Yesu ma, k'a mlan dgo na, k'a pga. ⁵Ŋa aa re ko: «An k'aa mlan sii ra, yaako balaw kaana mgɔw shɛma.⁶Ka Yesu to Simɔn knashɔ ka sho kɔɔna Betani, k'a to dunina, ⁷moso jɔ re i kpaa a ra ni dgani jɔ ye, wo tin didaani mu ni bgɔn sgɔn gwrɛn ye. Wo pani tu mu tru shɔn djuman sgɔn gwrɛn na. Wo moso wee wo kɛ Yesu kun na k'a to duni na. ⁸Ŋaa, Yesu ka krandinw wo je mi kɛ, aa re jimin. Aa re ko: «Wo shɛnri we mɔn ɲa? ⁹Wo tru tin sh'a fyere skɔn shaanma na ka wo wari ji fgantanw ma.¹⁰Ŋa, Yesu wo dɔn mi kɛ, een ko: «Mɔnna aa re moso ɲi doso kashi? Ee kwo ɲun kɛ nee ye. ¹¹Fgantanw m'a fɛ yan sgan biɛ, ŋa ne ti na to aa fɛ sgan biɛ.¹²¹³Moso wee wo latikori bɔn ne ka, yaako ne ka shutari ra kɛ ni wee; Shɛnna, ne r'a fwɔ aa ɲana , kibaroya juman ka fwɔ ja wo ja, moso ɲi mi kɛɛ, wo na lan kii ɲi ka mgɔw yri bla a kwo ra.»¹⁴Yesu ka krandin tan ni fla ra ken, mii kri ko Zuda Isikariɔti, wo taa saakalashebgaw kuntgi nɔnka.; ¹⁵k'a fwɔ aa fɛ ko: «aa na sɔn ka mɔɔn ji nene ma yaako ne ra Yesu dun aa bora?» Aa re wari piɛ bisaba jate ka wo j'a ma. ¹⁶Ka ta ka bɔ wo sgan na, Zuda re tgo bɛnni ɲri ka Yesu dun aa bora¹⁷Bwuru funnubii sii dun gare wo Yesu ka krandinw nee ra kpaa a ra k'a ɲrika ko: «E m'afɛ an tɛmɛkan sii duni labɛn e fɛ ja jɔnma?» ¹⁸Yesu re y'a ru labyi ko: «Aa ta dgu kɔnna cɛ cɔ fɛ, k'a fw;'a fɛ ko: « Karimasran, kaamgɔ ko k'aye ka waati shera, aye ni krandinw na tɛmɛkans ii kɛ e ka sho.» ¹⁹Krandinw nee Yesu ka ce fwɔni kɛ, ka tɛmɛkan sii duni labɛn.²⁰Wla bla ra, Yesu ni a ka krandin tan ni fla we ra sgi duni na. ²¹K'aa to duni na, Yesu re ya fw;'aa fɛ ko: «Aa ra ken na ne dun bora.» ²²Aa biɛ ɲana re shishi kwosɛbɛ, a biɛ kenken ne damlan ka Yesu ɲrika ko. «Nee mu wa?»²³Yesu re y'aa labyi ko: «Miin boo mi mlan kɔnna ni ne ye, we na ne dun bora. ²⁴Mgɔ dincɛ na sa nafwɔ a sɛbɛni mu a kwo ra timishi. Ŋa miin na mgɔ dincɛ dun bora, bɔɔn min wo tgi ye! Ni wo tgi tu ma woo yɛɛ, wo tin ka pisa a ma.» ²⁵Zuda mi m'a fɛ ka a dun bora, we r'i kanto a m ko: «Kaamgɔ, ne mu wa?» Yesu re ya labyi ko: « E yɛkun n'a fwɔɔ.»²⁶K'aa to duni na, Yesu re bwuru jɔ ta, ka duba duba dun a ye, ka a kiikii. E r'aa ji kradinw ma, k'a fwɔ ko: «Aa a mlan k'a dun, ɲi min ne piisgo we ye.»²⁷E ree myinifɛn ta ,ka baaka da a ye. E r'aa ji aa ma k'a fwɔ ko: «Aa biɛ ra jɔ k'a myin; ²⁸Ɲii min ne yuu we ye, layru kwla yuu min bɔn na mgɔ shanma kama, jrumun yafa kwo kama. ²⁹Ŋa ne r'a fwɔ aa fɛ, k'a ta ka bɔ sisa ra, ne ti naa rezɛn je ɲi jɔ myi kun, fwɔ ka ta she fwɔ dunmii ne na seki k'a je kwla myin ni aa ye ne fa ka masaya ra.»³⁰Aa re Yaa Masa tandori dɔnkriw da; wo kɔfɛ, aa re ta oliviye kru kan. ³¹Wo ja ra, Yesu re e kan to a ka krandinw ma ko: «byi shufɛ ɲi biɛra de, aa biɛ na biiƙa ne to nkee na; ktgu a sɛbɛnni mun ko: "Ne na biɛkan nŋɛnna blɛ, sga kruw biɛ ren ygɛnygɛn." ³²Ŋa ne ka na krun ka bɔ shuw shɛma, ne na nba aa ɲa ka ta Galile jamana na.»³³Ŋa Piyɛri re e kan to Yesu ma ko: «Ari ni biɛ k'a ban e ra, ne t'in ban e ra fiyew.» ³⁴Yesu re i to a ma ko: «Shɛnna, ne r'a f'i ye shu,ɲi biɛ ra, ya ni dondon ka f'ii komo, e n'i ban ne ra shiyan saba.» ³⁵Piyɛri re y'i to a ma kun ko: «Ari ni ne ka kɛ ni na sa n'i ye, ne t'in ban e ra fiyew.»Krandin shɔw biɛ re wo kan kew fwɔ.³⁶Wo ra Yesu re ta ni krandinw ye ja jɔ ma, mii kri ko Jɛtisemane, een ko aa ma ko: «Aa sgi yan, ne na nkpaa ɲa ka Yaa Masa dare.» ³⁷E re Piyɛri ni Zebede dincɛ flaa mlan, ka wu gwan a yɛ ra; ɲanashishi ni dosokashi tu mu a ra kwosɛbɛ. ³⁸Wo ra, Yesu re ya fwɔ aa fɛ ko: «Ne ɲii tɔɔrɔ ni mu kwodgu, fwɔ ni naa sa. Aa to yan ni ne ye, aa kaa sinŋɔn.»³⁹E r'i mabɔ dɔɔni, k'i fri e ɲa kan ,ka Yaa Masa daare ko: «Ne fa, ni tɔɔrɔ dgu yi myini fɛn tin she ka ja jiyan ne ra, ŋa ne sako kaa kɛ, fwɔ ye sako wo.» ⁴⁰Yesu re i kwɔseki a ka krandin saba fɛ ka ta sɔɔ aa mi sinŋɔn na. E r'i kan to Piyɛri ma ko: « mɔɔn, aa ye ma she k'aa to aa ɲana ari lɛrɛ ken ni ne ye? ⁴¹Aa to aa ɲana ka Yaa Masa daare Yaako kɔɔbɔri kaa na aa sɔɔ. Mgɔ ɲin labɛnni mu, ŋa piisgo baaka ka dgɔ.»⁴²Yesu re i mabɔ shiyan flanan na, ka ta dare ri kɛ kun, ka fwɔ ko: «Ne fa, ni myini fɛn ɲi ti she ka mabɔ ne ra ni ne m'aa myin, e sako ra kɛ.» ⁴³E ree seki kun ka ta sɔɔ kradin saba sinŋɔn na, katgu aa ɲaw tin kpriya ra. ⁴⁴Wo ra, e ree seki kun shiyan sabanan na ka ta Yaa Masa dare ni a mi wo komasin kenw nee fwɔ ra.⁴⁵Wo kwɔ, Yesu re seki a ka krandinw fɛ ka ta fwɔ aa fɛ ko: «ari biin aa mi sinŋɔn na k'aa yɛɛ lanfiya re wa? A fɛɛ, waati shera, mgɔ dincɛ na dun jrumunkɛraw bora. ⁴⁶Aa wri an ta. Miin na ne dun bora, wo tgi shenin de.⁴⁷K'a to koma na, a ka krandin tan ni fla ramgɔ ken, miin kri ko Zuda, re she. Jaman ba gwanni m'a ra, besew ni benbenw tu m'aa bora. Saakalashebgaw kuntgiw nii Yahutuw ka cɛmgɔbaw re tu mu k'a ce. ⁴⁸Zuda miin ka kan ka Yesu dun bora, wo tu mu ka tgɛnmashɛn yra jamaan na ko: « Ni ne ka cɛ min da shunshun, wee mun, aa 'a mlan.»⁴⁹Janin keen, Zuda re i kpaa Yesu ra k'a fwɔ ko: Kuntgi, e ni ce!» E r'aa da shunshun. ⁵⁰Yesu re y'aa fw'a ye ko: «Nlamgɔ, e naa miin kaman wo kɛ.» Wo ja ra, aa re y'a mlan.⁵¹Yesu nɔnka mŋɔ jɔ re y'aka munuba sama ka bɔ ka saakalashebgaw kutgi ka yɔn cɛ too caro. ⁵²Yesu re yaa fwɔ wo krandin fɛ ko: E ka munu dun a daa ra, katgu miinu munuba ta, wuw haraki munuba wee fɛ ⁵³.E maa dɔn ko ne tiinshe k'an fa daare re wa?a tin na mɛɛkɛ wga tan sgi ja tan ni fla sisa, ka jɔ yɛɛ bla wuw kan? ⁵⁴Nŋa ni wo ka kɛ, kitabu ka komaan tina dapa tgo dii, wuw miinna yraa ko wajibiro kwo innu naa kɛ?⁵⁵Wo kwɔ , Yesu ree yaa fwɔ jamaa fɛ ko: Aa nanimu ni munuba nin bemeew ye ne mlaan kama, nafwɔ ne min byinkani kɛra ye wa? Ne tin nin sgi Yaamasa batoshoo kɔɔnna dun odun ka mŋɔw kran ɲin, a' re ma ne mlan. ⁵⁶Nŋaa kwo innu byɛ kɛra, yaako ceraw miin sɛbɛra kitaabu kɔɔnna, wuw ra dapa. Wora, Yesu ka keandinw byɛree bii ka to ;ɨn.⁵⁷Miinnu Yesu mlan, aa re ta nɛɛ saakalashebgaw kutgi Kayifɛ ka sho. Sariya kaamŋɔw ni sɛmŋɔbaw lajɛnni tin min ɲin. ⁵⁸Piɛrɛ ree yi to fwɔ ja yan na, ki gman Yesu ra, fwɔ ka ta she saakalashebgaw kutgii ka sho. Ee dun jun kɔɔnna k'i sgi gradiw fɛ, yaako a r'a wo kwoo laban je.⁵⁹Saakalashebgaw kutgiw ni kititgɛ jamakruw tinmin finɲa shɛrɛyaa ɲinnina Yesu kama, yaako aa r'a pka. ⁶⁰Nŋa aa m'a sɔɔ, hali ka sɔɔ shɛrɛ finɲafwɔw shaanma nani tumu, ka na aa ta fwɔ. A labaanna, shɛrɛ finɲɑfwɔ fla re y'a kpaa, ⁶¹wuw ren ko: Cɛ ɲiin ko k'i she ka Yaamasabatoshobaa tiin, ka jɔ kla ye tee saba kɔɔnna.⁶²Saakalashebgaw kutgi wee wri ki jɔ ka fwɔ Yesu fɛ ko: Mŋɔ ɲinnu min shɛrɛya min kɛr'i kama, wo min dii? E ti wo shi labyi wa? ⁶³Yesu ma koma. Saakalashebgaw kuntgi wen ko: Ne r'i ɲrika Yaamasa ɲranman tgɔɔ kama, n'imin Krisita Yaamasa ɲranman dincɛ ye, wo fwɔ an fɛ. ⁶⁴Yesu ree y'a labyi ko: Ee miin fwɔɔ, woro, nŋa ne ra w'afɛ ko ɲin kwɔ, aa na mŋɔɔ dincɛɛ sginin je Yaamasa shebgayaw byɛ kinniboo ra. Aa na nashɔɔ je kun san kabaw kan.⁶⁵Wora, Saalashebgaw kutgi weer'a yɛɛku ka fnunw paa k'a fwɔ ko: Ee Yaamasa tgɔ shɛndɛɛ. An makwo min mɔɔnna shɛrɛw fɛ kun? An too min a ka Yaamasa tgɔ shɛn komaa ra. ⁶⁶An mɔn myiiri? Aa re yaa labyi ko: A ka kan ni saya ye.⁶⁷Wo kwɔ, aa r'e dajee tu Yesu ɲaanna ka blɛ ni bookruw ye. Jɔɔ r'e tgɛ tin a ɲaa kan, ⁶⁸aa re ko: Krisita, cerayaa kɛ. E blɛbgaa tgɔ fwɔ an fɛ!⁶⁹Piɛrɛ sgini tinmin kɛɛnma jun kɔɔnna. Moso barakɛra jɔ re yi kpaa'ra k'a fw'afɛ ko: Ye byɛ tinmin Yesu Galelikan fɛ. ⁷⁰Nŋa Piɛrɛ re yi b'anna byɛ ɲana, en ko: E min miin fwɔra, ne ma wo dɔn.⁷¹Wo kwɔ, Piɛrɛ re ta jundaara. Moso baarakɛra jɔ kpɛɛman nee r'a je k'a fwɔ wo jaara mŋɔw fɛ ko: cɛ ɲiin tinmin Yesu Nazarɛtikan fɛ. ⁷²Piɛre re yi b'ana klaye k'i kii, en ko: Ne ti wo cɛ dɔn.⁷³Wo kwɔ,dɔɔni, mŋɔ miinnu tinmin ɲin, wuw re yaa kpaa Piɛrɛ ra ka fw'afɛ ko: Shika tara. E m'aruw jɔ ye, e koma tgoo r'i bɔjaa yra. ⁷⁴Nŋa Piɛrɛ re yi ka yɛɛ danŋa ko: Ne ti wo cɛ dɔn. Wo janin kenho, dondo wee komo. ⁷⁵Wo sŋaanna, Yesu tinmin ka miin fwɔ, a yri re bla wora. Yesu tin ko: Sanni dondo ka fii komo, e n'i b'anna shian saba k'iti ne dɔn. Piɛrɛ r'e bɔ ka ta kɛɛnma ka kishi kwosɛbɛ.

¹Sgoma jonaa ra, Saakalashebgaw kutgiw ni Yahutuw ka cɛmŋɔbaw byɛ re bɛn a ra ko Yesu r'a pka. ²Aa re y'a sri, ka ta nɛɛ ka dun gofɛrɛnɛri Pilati boora.³Zuda miin Yesu dun boora, wora jee sganmiinnaa ko Yesu pka kwoo latgɛra,ee nŋisa ka wo waripiɛ bisabaa ta,ka n'a kwɔseki Saakalashebgaw kutgiw ni cɛmŋɔbaw ma . ⁴Ee r'a fw'afɛ ko: Nee jrumuun kɛɛ ka mŋɔ yaakibii lashe pkari ma. Nŋa wuw re yaa labyi ko: An ne ka mɔɔn min wo ra? womin ye kunkwo ree. ⁵Zuda r'e wo warii fri dgunma Yaamasa batoshoo kɔɔna ka t'i kan kɛ yruura.⁶Saakalasbgaw kuntgiw r'e wo warii shɛ, a' re ko: A dga ni tɛ ka warii;ɨin dun Yaamasa ka batoshobaa kɛshuu kɔɔna, katgu Yuu wari lo. ⁷Aa re bɛn a ra k'a r'a dga didaa bgaa ka jii san ni wo wari wee, ka kɛ donan shu dun ja ye. ⁸wee ra to wo ji wee kri ko yuu ji fwɔ byi.⁹Cera Jeremi tinmin ka koma miin fwɔ, wo dapara tin, ko: Aa wo wari piɛ bisabaa mlaan, Israel bɔnsɔɔn tin bɛn na wo sgɔn miin na kpiin. ¹⁰Aa re wo warii kɛ ka dga didaara ka jii san nafwɔ Matgi r'a fwɔ nee tin miin shi.¹¹Ayiwa aa re Yesu lajɔ gofɛrɛnɛrɛ Pilate ɲana, wee r'a ɲrika ko: Rmin Yahutuw ka masace ye wa? Yesu re yaa labyi ko: an, ne min wee. ¹²Saakalashebgaw kutgiw ni cɛmŋɔbaw r'a sinduun sgan miinna, Yesu ma labyiri fwoyi kɛ. ¹³Ayiwa Pilate re yaa fwɔ ko: Aa mi sin dun na kwo miinnu na e too ti wora re wa? ¹⁴Nŋa Yesu ma labyirikɛ wo shi ra, fwɔ gufɛrɛnɛrɛ kabakwoyara kwosɛbɛ.¹⁵Landa tinmin gofɛrɛnɛrɛ fɛ, ka kasolamŋɔ ken bla tɛnmɛnkan sii waatii ra san o san, ka kan;ɑn ni jamaa ka ɲanatɔnmɔnri wee. ¹⁶Ayiwa wo waatii ra, kasolamŋɔɔ jɔ tinmin ɲin, min tgɔ kri ko Barabasi.¹⁷Pilate ree jamaa ɲrikari ko: Aa ma fɛ ne r'a jɔɔn bla? Barabasi, waamaa Yesu miin kri ko Krisita? ¹⁸Pilate tin min ka dɔn ko Yesu ka ceereya wee r'a too aa ree r'a dun boora. ¹⁹Ka Pilate sginito kiti tgɛ jaara, a moso wee cee bla fɛko: E kii sin dun wo cɛ yaaki bii ka kwoora, katgu shufɛɛra, ne tɔɔrɔ ra kwosɛbɛ shikwoo fɛ a kwora.²⁰Wo byɛ na ta, saakalashebgaw kuntgiw ni cɛmŋɔbaw r'e jama lashu k'ara Pilate daare a r'a Barabasi bla ka Yesu pka ²¹gofɛrɛnɛrɛ wee r'a ɲrika kla ye: Aa ma fɛ ne r'a jɔɔn bla? aa r'e yaa labyi ko: Barabasi. ²²Pilate r'e y'a ɲrika ko: Yesu min kri ko Krisita, ne r'a mɔɔn kɛ wora? A byɛ r'e yaa labyi ko: Akpenŋme yrii ra.²³Pilate ren ko: Ee mɔn kwodgu kɛɛ? Nŋa aa re prɛn kwosɛbɛ ka tɛnmɛn gare taa kan ko: A kpenŋme yrii ra! ²⁴Pilate r'a jee sgan miinna k'aye ti she ka fwoyi ɲan, ko mrutirii min dguyara, e jee ta k'a tgɛw kwo jamaa ɲana en ko: Ne sin ti mŋɔ teeni ɲin ka yuu bɔn na wo min aa yee ma.²⁵Mŋɔ byɛ r'e yaa labyi ko: A yuu yacɛɛ r'a byin anne ni an dinw kan. ²⁶Wora, Pilate re Barabasi bla, ee r'a to Yesu r'a blɛ ni wookanmin ye ka dun aa boora, aa r'a kpeŋme yri ra²⁷Gofɛrɛnɛrɛw ka srodaashiw r'e ta ni Yesu ye a ka jun ka aa ka kru ra mŋɔw byɛ lajɛn, ka laminni . ²⁸Aa r'e Yesu ka fnunw bɔ a ra ka deeke yan wlemaan jɔ bla a kanna. ²⁹Aa r'e ŋmiin dɛnmɛn ka wo kɛ jalamgu ye ka dun Yesu kunna. Aa r'e kaa dun a kinni boo ra. Wokwɔ aa r'e yaa kpinŋmri gman a kɔɔ k'a daamɛn aa ren ko: E daanan Yahutuw ka masacɛɛ!³⁰Aa r'e dajee tu Yesu kan ka kaa ta ka blɛ a kunŋoo ra. ³¹Aa tranikwɔ a daamɛnniina, aa r'e wo deeke yan wleman bɔ a kanna, k'a yɛɛkun ka fnunw dun a kanna ka ta nɛɛ ka kpeŋme yri ra.³²Aa bɔ shɔ ho aa ni Sirɛnɛkan jɔ r'e nŋɔn kunbɛn wo tgɔ kri ko Simɔn. Aa r'e wo kaaba ka Yesu ka kpeŋme yrii ta. ³³Aa shera jaajɔ ma min tgɔ kri ko Gɔlgota, wo kɔɔ ho, kunkoo jaho. ³⁴Aa r'e diwɛn ni fyɛ nŋanmi nŋɔnna k'a j'ama k'araa myin e wo nɛnɛ miinkɛ, a ma sɔn ka wo myin.³⁵Aa Yesu kpegwee yri ra ka ban, aa re kaa da k'a ka frunw ɲi ŋɔ she ka kŋan aa ni ŋɔn shɛ ; ³⁶Wo kwɔ aa re ra sgi k'a kɔɔshi. ³⁷Yesu yaakikun wee sɛbɛ k'a ɲɔrɔ a kun sanf: « Ɲi mi Yesu ye, Yawutuw ka masacɛ wo.»³⁸byinkannikɛre fla re kpengwe Yesu ygɛma, Ken m'a krinbora, Ken m'a ³⁹ɲɔnmafɛ.Tɛmɛnbgaw tin n'aa kʋnw lamgan n'a Yesu nɛn ⁴⁰k'a fwɔ ko: «Ye min ko k'ii she ka Ya Masa batoshobaa tin k'a jɔ klua ye, tee saba kɔɔna, e yɛɛkrishi sa. N'i min Yaa Masa dincɛ ye, dgi ka bɔ yri kpengwe ra.»⁴¹⁴²Wo tgo kenw na, Saakalashebgaw kuntgiw ni sariya kaamgɔw ni cɛmgɔbaw tiin yɛɛkwo Yesu ra k'a fwɔ ko: «Ee mgɔ kpɛɛ krishi, ŋa a ti she k'a yɛɛ krishi. A min Israɛl ka masacɛ ye waa, a ra dgi ka bɔ yri ra an'a da'ra⁴³⁴⁴A r'i dgidaa Yaa Masa kan, nɑ kwo ka ji wee, wo ra a taa sa. Katgu a ko: «Nee mi Yaa Masa dincɛ ye.» Byinkanikɛra miinu tu m'a ygɛma, wu biɛ tu m'a nɛn na wo tgo kenw na.⁴⁵Wo sgan na, kabɔ tee min kunna , jibi wee dun jamana paan biɛ fwɔ ka lɛrɛ saba kɛ. Lɛrɛ ⁴⁶sabanan srunɲani, Yesu re prɛn ni kan ba ye ko: «Eli, Eli, Lama sabakatani?» Wo kɔɔ wo ko: «N ka Yaa Masa, Ne ka Yaa Masa, mɔɔna ee ne bla?» ⁴⁷Miinun jɔni tu miyin, wuu jɔɔ wo prɛnkan mɛn miikɛ, aa re ko: «A min Eli kri ra.»⁴⁸Wo jani kew na, aa ra ken ne bii ka ta fukru ta ka wo shu diwin kunni na,k'a sri benbee yan jɔ kun na, ka wo ji Yesu ma, k'a ra wo mgan. ⁴⁹Ŋa aa jɔɔ ren ko: ‹E jɔ an 'i k'a fɛɛ ni Eli na nan a krishi.» ⁵⁰Yesu re prɛn klua ye, ka komokanba tin k'a yɛɛ ɲiin bɔ⁵¹Wo waati biɛ ra, Yaa Masa batoshoba kɔɔnna shɛtgɛ frun wee paa fla ye , k'a ta yaama fwɔ dguma. Dgukoo wee yɛɛyɛɛ, paakruw re prɛn prɛn. ⁵²Kabruw ree dayɛɛ, Yaa Masa ka mgɔ senuma saniw shaanma nee krun. ⁵³Aa re bɔ kabruw kɔɔnna, Yesu krunni kwɔ, aa re dun dgu senumanw kɔɔnna, k'a yɛ yra mgɔ shaanma na⁵⁴Jarasabatgi ni sorodasi minun tumu yesu kɔɔshi ra, wu dgumakoo yɛɛyɛɛ ni wo kwo kɛtaw jee mii kɛ, aa re sran kwosɛbɛ, aa re ko: «Shɛnna, ɲi ti mi Yaa Masa dincɛ yɛɛku nee.» ⁵⁵Moso shaanma minu n'a gwan Yesu ra ka bɔ fwɔ galile, ni aa ra janto a raa, wu jɔni tumu jayan na ka to ka wo kwow fɛɛ. ⁵⁶Wu shɛma, Magadala Mriyama, Yakuba ni yusufu ba Mariyama, a ni Zebede dincɛɛ ba.⁵⁷Wlara ra, Arimatekan cɛ nafootgi jɔ re na ; a tgɔ kri ko Yusufu, wo biɛ ti mi Yesu ka krandinw jɔ ye. ⁵⁸We r'i kpwaa Pilati ra ka Yesu shu dare a fɛ. Pilati re ko k'a r'a ji.⁵⁹Yusufu re Yesu shu ta, ka tafu frun klua mrin a ma, ⁶⁰ka ta a dun a yɛɛkun ka kbru kɔɔnna, wo sheni tumu paa ma. Wo kwɔ e ree sendekru ba brintin ka kabru datgu ni wee ,ka ta. ⁶¹Magadala Mariyama ni Mariyama jɔ skini ti mi ɲi kabru kunteen na.⁶²Wo dgusɔpiɛ, mashɔn dun ɲasgi dun dgusɔpiɛ kpin, saakalashebgaw kuntgi ni fariziɛnw jɔɔ re ta kenye Pilati fɛ. ⁶³Aa re ko: « Kuntgi, an yri blara, ko ka mgɔ lafribga ɲi ɲraman to, a r'a fwɔ ko Ne sanin tee saba kwɔ,ne na knun. " ⁶⁴WO kaman, an m'afɛ ya ce ji ko garadiw ra kabru kɔɔshi fwɔ tee saba ra dapa, yaako a ka krandinw kaa na a shu soɲa k'a fwɔ mgɔw fɛ k'a krunna ka bɔ shuw shɛma. Wo mgɔ lafri na dguya ka tɛmɛn gare ta kan.⁶⁵Pilati le r'a a fw'a fɛ ko: «Ssrodashiw mi de ka kɛ kɔɔshibgaw ye. Aa ta ka t'a shekwo kɛ ka kabru kɔɔshi. » ⁶⁶Wora, aa re ta kabru datgunan labɛn, ka tgɛnashɛn d'a kan, ka srodashiw bla ka kɔɔshi.

¹Mashɔn dun tɛmenni kwɔ, dgɔkun dun gare kɛɛn tina, Magadala Mariyama ni Mariyama jɔ re ta kabru fɛɛ. ²Wo jani keew na, dgukoo yɛɛyɛɛba re kɛ, katgu Magi ka mɛɛkɛ jɔ dgira ka bɔ sankoo ra,ka sendekru brintin k'a bɔ saren dara.³Mɛɛkɛ ɲida we maamaan nafwɔ sanŋan, a ka fnuw ti piyɛni nafwɔ kpɛɛnicuba. ⁴Kɔɔshibgaw ya we re ɑa re yɛɛyɛɛ ka knin ka kɛ nafwɔ shur'uw.⁵Mɛɛkɛ we r'a fwɔ mosw fɛ ko: « Aa kpin, aa kaa sran. Ne ra dɔn ko Yesu miin kpenkpen ra yri ra, aa mi wee yara ra. ⁶A ti yan, a knunna, nafwɔ a ti mi k'a fw'aa fɛ timishi. Aa na Matgi dajaa fɛɛ. ⁷Wo kwɔ, aa latgɛ ka t'a fwɔ a ka krandinw fɛ, «ko Yesu knuna ka bɔ shuw shɛma, k'ii ta a ɲa Galile, aa na a sɔɔɲi.» Wo ro.»⁸Wa raa, mosow re aa sinkpanɲa ka bɔ saren ja ra, Aa dosokun pani tumu ni sranya ni ɲushɔnja fla biɛ. Aa re bii ka ta wo kibaroya fwɔ krandinw fɛ. ⁹A fɛɛ, Yesu re aa kunbɛn ka fwori j'aa ma. Een ko: «Aa daana.» Mosow re a kpaa Yesu ra , k'aa kpinŋri gman , k'a sinw mlan ,k'a bato. ¹⁰Wo raa, Yesu re y'aa fwɔ aa fɛ ko: «Aa kaa sran. Aa ta fwɔ nbaremanw fɛ k'aa ra ta Galile, aa n'a ne je ɲi.»¹¹Ka mosow to sra ra, Srodashi minuw ti mi saren kɔɔshi ra, wuw jɔɔ ree ta dgu kɔɔna, ka wo kwo kɛni biɛ lankii saakalashebgaw kuntgiw fɛ. ¹²Wo saakalashebgaw kuntgiw ni cɛmgɔbaw re ŋon lajɛn, aa bɛnni wo a ra, aa re wariba ji srodashiw ma. ¹³Aa re ko: «A'a fwɔ ko Yesu ka krandinw naa shufɛ ra, k'aa to siŋɔn na, ka shu soɲa.¹⁴Ni gofrɛnɛrɛ ka wo kwo mɛn, an na wo kwo ɲanabɔ a fɛ, k'a ŋani yaako fwoyi kaa kɛ aa ra.» ¹⁵Wo tgo ra, kɔɔshirikɛraw ree wo wari ta, ka ta kɛ ka kaɲa ni wo koma wee. Wo koma wee ygɛn yahutuw shɛma fwɔ ka she byi ma.¹⁶¹⁷Ŋa krandin tan ni kee wee ta Galile, Yesu ti mi ka kru mii kwo fwɔ aa fɛ, aa ree she ɲi. Aa Yesu je sgan mi na, aa re y'a bato, ŋa jɔɔ re shika.¹⁸Yesu re i kpaa aa ra k'a fw'aa fɛ ko: «Fgan biɛ jira ne ma sankoo ra a ni dgukoo kan. ¹⁹We kama, aa ta shiyaw biɛ ra, k'a kɛ ne ka krandinw ye, k'aa batise, Faa ni, ni Dincɛ a ni Ɲi-Senuman tgɔ ra.²⁰Ne ce minuw fwɔɔ aa fɛ, aa r'u kran ko aa r'aa gwan wo kwow biɛ ra.A fɛɛ, ne to aa fɛ re du wo dun fwɔ ka diyɛn ɲi ban»

¹Kibaro juma wanjuli , YAA MASA ( ALA ) dincɛ Yesu Krista fɛ , wo koma damnan we min de ; A sɛbɛra cera Ezayi ka kitabu ra ko : ²« A fɛɛ , ne n'an ka ceradin jɔ ce e ŋan , miin na e ka sra labɛn . ³Mgɔ jɔ prɛn na kongo koon na ko : ‹ Aa Matgi ka sra labɛn , ka tɛmɛn jaw didaa .› »⁴Yuhana batiserikɛra we na ka to ka batiseri kɛ kongo koon kɔɔn na , ani ka ngisari batɛmu wanjuri kɛ jrumun yafa kwo kun kan . ⁵Jude jamana ni Jerusalemkanw biɛ re t'a fɛ .Aa tiin jɔ aa ka jrumuw na , Yuhana re tin n'aru batise jurdɛn bajeera . ⁶Yuhana ti mi ka nŋɔmɛshe deeke re dun , a ni ka wora shɛsrina sri , a ni a ka dunin tin min tɔnw ni wowotru wee ye ;⁷A tin wajuli kɛ ko : « jɔ min nana ne kɔfɛ , wo she kabun nin ne tawee , ani ne man kan ni a ka saban yru fii ye . ⁸Ne raa batise je ra, ngaa wo na n'aa batise ni Ɲin Senuman wee. »⁹Wo dunw naa Yesu re bɔ Nazarɛti dgu ra , Galile jamana na ka na , Yuhana re ya batise jurdɛn baje ra . ¹⁰Yesu bɔshɔra e ya je sankoow dayɛra , e ree Ɲi Senu dgishɔ j'akan nafɔ ngantan ( jɛnɛkan tgan ). ¹¹Komakan jɔ re bɔ sankoo ra ko : «E mi ne dincɛ kanun ni wee, E kwo ka ji ne ye haari. »¹²Wo jani biɛ Ɲi Senuma we ya ɲɔntin ka ta nɛɛ kongo koon kɔɔna . ¹³A to ra kongo koon kɔɔna tee binaani ni shitaanni m'a kɔɔbɔra . A tun mi ni kongofɛnw ye , mɛɛkɛw tun ma jamana¹⁴Woraa, Yuhana batiserikɛra mlanin blanin kwɔ kaso ra Yesu re na Galile jamana na n'ii YAA MASA ka kibaro juman wanjuli kɛ, ¹⁵n'ara fwɔ ko : «Waati dapara ,YAA MASA ka masaya srunɲana ; Aa ngisa aa ka jrumuw na ka da kibaro juman na. »¹⁶Yesu tɛmɛn shɔo Galile kɔkɔje dafɛ, e ree Simɔn n'a barema cɛ Andre je jɔ frira kɔkɔjera , bari mwɔnni kɛra ree tunmu. ¹⁷Yesu re ya fw'a ye ko : «Aa na, aa gwan n'a, ne n'aa kɛ mgɔ mlannaw ye. » ¹⁸Wo jani biɛ ra , aa re yaa ka jɔw bla ,k'aa gwan Yesu ra.¹⁹Yesu ri kwaa ɲa dɔɔni kun, e ree Zebede dincɛ fla, Yakuba ni Jaki je aa mi krun kɔɔnna n'aa m'aa ka jɔw didaara. ²⁰E yaru kri. Wo jani biɛ ɑa ree aa fa Zebede ni barakɛraw to krun kɔɔnna ɲin, k'aa gwan na.²¹Yesu n'a ka krandinw taa Kapɛrnaum. Lafiɛn dun na, nin wo mi Saba wee, Yesu re dun yawutuw ka nŋɔn lajɛn shoba ra, ka mgɔw kran. ²²Aa kabakwoya ra a ka mgɔ kran tgo ra, barii a tin ti mgɔw kran nafwɔ sariya kaamgɔw shi ngaa a tuun mgɔw kran ni shebgaya ye.²³Wo waati yɛkun na, cɛ yindgushɔ jɔ tu miɲi. Were prɛn ko: ²⁴«E mi mɔn ɲinina aan fɛ, Yesu nazarɛtikan? E naa aan hraki re, E mi miye nee wo dɔn. E YAA MASA ka Senuman nee!» ²⁵Yesu re kru jran na ka fwɔ ko: « E daa tgu , ya bɔ cɛ ra! » ²⁶Ɲi dgu we cɛ kru dguma , ka komo kanba bɔ, ka bɔ a ra.²⁷Wo ra jama biɛ re kabakwoya fwɔ aa nɲɔn ɲrika ko; « Ɲin mi mɔn ye? Ɲin mi kran kla ye dɛ! Ee koma ɲin dguw fɛ ni shebgayaye aa ree na kan mɛn! » ²⁸Wo jani biɛ ra Yesu tgɔ we Galile jamana biɛ ta.²⁹Aa bɔnin kⱳɔ wo ja ra , Yesu ni Jaki, ni Jaan ne ta Simɔn ni Andre ka sho . ³⁰Ka sɔɔ Simɔn blamoso dani tumu pii kpan fɛ. Aa re y'aa kwo fwɔ Yesu fɛ. ³¹Wo ra e yi kpaa a ra, k'a mlan a boo ma, k'a kɔɔta ,pii kpan we ya bla, fwɔ e ree damlan k'aa ladun.³²Wo wlara la, tee byinnin kwɔ, mgɔw re na ni banabgashɔw ni jnashɔw biɛ ye Yesu fɛ . ³³Dgu mgɔw biɛ re nŋɔn kunbɛn shoda ra. ³⁴Minu tɔrɔnin tumun banashifaya shanman fɛ ,Yesu re wuu kɛngɛnya , ka jinaw kpɛn ka bɔ mgɔ shanman na, a ma sɔn jinaw ra koma ,bari wu ra dɔn³⁵Sgomajona yani kɛɛn koon'tin, Yesu wri ra. Ee bɔ a keena ka ta kongonkɔɔnna ka ta YAA MASA daare. ³⁶Simon n'a tɔnɲɔnw re t'a ja yara . ³⁷Aa r'a jee ɑa re ko a ma ko: «Mgɔw biɛ mi ye ja yaara la.»³⁸Yesu ren ko; «Aa w'an ta dafɛ dguw ra, ka ta wanjuri kɛ wo jaw biɛ ra, bari we mi ne na kun wee .» ³⁹Ee to ka ta Galile jamana biɛ ra, n'i wanju kɛ yawutuw ka nŋɔn lajɛn jabaw ra, n'ii jinaw kpɛn.⁴⁰Knashɔ jɔ re ta Yesu fɛ ,ka t'i kungwri gwan a kɔɔ, k'a daare, ko: «Nii sɔn , ee she ka ne saniya.» ⁴¹A mashɛ we Yesu mlaan, e ri boo d'a kan ka fɔ ko: «Un m'a fɛ ,saniya.» ⁴²Wo jani biɛ , kna we b'a ra ,e ree saniya⁴³Yesu re y'a bla ka ta, k'i saa'ra kwosɛbɛ ko: ⁴⁴«E kaa foyi fɔ mgɔshi ye, ngaa, ta e yɛɛ yra saakalashe bgaara, wonii Musa saaka min kwo fwɔɔ e saniya kwoo kanman, wo na kɛ shɛɛrɛya ye aa fɛ.»⁴⁵Nŋaa wo cɛ we ta wo wango da mgɔɔ biɛ fɛ, fwɔ Yesu tin ti she k'i yɛɛ yra mgɔshira , dgushira kun. Wo tgora, ee to k'i dgondgon a keen na jaw ra, mgɔw tin bɔ pan biɛ ka ta a fɛ.

¹Tee danma tɛmɛni kwɔ, Yesu re ta KAPERNAUM kwo kura. mgɔw reyamɛn k'a min shoo kɔɔna. ²Mgɔ shaaman ne ta nŋɔn lajɛn fwɔ aa ma jɔ ja sɔɔ, ari kɛɛnma daara. Yesu re YAA MASA koma fwɔ aa fɛ.³Wo waatira, mgɔw jɔɔre naa ni cɛ pan fla saani jɔ ye, a timin cɛ naanin boora. ⁴Jamaa kama aa ma she k'aa kpaa Yesu ra minkɛ sabu atimin sho kɔɔna aa re. Wo sho yaama ra wuu ka cɛ pan fla saani dgi wo woo fɛ⁵Yesu wo mgɔw ka danaya je minkɛɛ, e ra fwɔ cɛ pan fla saani je kwo : «n'dincɛ, e ka hakɛw yafara ema!» ⁶ŋa Sariya kaamgɔ miinu sginin tumin gnin, wu tuma myiirira aa sɔnkun ra kwo ⁷«mɔɔna cɛ yin min koman na tin? A min YAA MASA tgɔ shɛɛna. Jɔɔn she ka hakɛ yaafa ni YAA MASA tɛ?⁸Wo janin biɛ Yesu r'aa ka miriyaw dɔn e kwo, «mɔɔna aa min wo kwo miriya ra aa kɔɔna? ⁹mɔɔn ra ŋɔn ne ma ka fwɔ, e ka hakɛw yaafara e ma waliman wri k'i ka daran ta ka tŋɔnman?¹⁰ŋa warissa aa ra dɔn kwo she min mŋɔ dincɛ je ka dgukoo hakɛw yaafa, e ra fwɔ cɛ pan fla pganin je: ¹¹"wri! e ka daran ta e re ta i ka sho"» ¹²Cɛ re wri o jaa biɛ ra ka dɛbɛ ta ka ta, mŋɔw biɛ ɲaana. Aa biɛ tun kabakoyara ani aa tun min YAA MASA barikada ka fwɔ: «an tun ma ɲin shi je ka je ban»¹³Yesu le bɔin ka ta galile ba dara klae. jamaba re ta a nɔkain, era a kran . ¹⁴a tɛmɛ shɔo e alfɛ din cɛɛ sigi nin levi siginin je fgan man warinaw ja ra. yesu le ya fwa fɛ ko. E gbn ne ra. levi le wri ki gbanna.¹⁵ka yesu to duni na levi ka sho, fganmawari na shan man ni jurumusho shanman ne ta aa sgi yesu ni a ka kradinw fɛ, sabu aa tunsha, aa tun gbanni mu yesu re la. ¹⁶farisiɛnw ka saria kamgɔw ra je minkɛɛ ko yesu nin jurumushɔw minduni ka ngɔnfɛ , aa re yafwɔ yesu ka kradinw fɛ ko. mɔna to a ni fganman wari mlan bgaw ni jurumushɔw mi dani kɛra ngɔn fɛ?¹⁷yesu wo koma minkɛɛ e ko : mgɔ minu ka kɛnngɛn wu makwo ti flakɛra la bara bga shɔw re ma kwo mana. ne ma na mgɔ teeni kri fwɔ jurumushɔw".¹⁸yuhana batiserikɛla ka kradinw ni farisienw tin shun dun. Mgɔw jɔɔ re na yesu ɲinika ko mɔɔna yuhana ka kradinw nin farisienw ka kradinw shun dun ka sɔɔ ye ka kradinw ti shun dun? ¹⁹yesu re aa labi ko piɛnw mgɔ ngɔnw she ka shundun kan jɔn na ka aa ni piɛn cɛ to ngɔnfɛ wa ? ka aa ni piɛn cɛ to ngɔn fɛ, aa ti she ka shundun.²⁰nka dun jɔ mi nana piɛn cɛ na mlan aa ra ni wo dun ka she aa na shundun . ²¹"mgɔ ti funun bookta ta ka ɲɔɔrɔ funun kɔɔ ra . e kao kɛ funun kla wee funun kɔɔ samare ka paa a paa dawe boɲare kwo sɛbɛ.²²Mgɔ shi ti diwɛn kɛngɛn kɛ fooko kɔɔna. ni wo ka kɛ diwɛn we fooko paa re . Diwɛnw ni fooka fla biɛ na shɛn Nka diwɛn kɛngɛn we kɛ fooka kla re kɔɔna".²³la fiɛn dun jɔ ra yesu tɛ mɛnna ŋɔnfie jɔɔ da fɛ. A ka kradinw jɔɔ re siradara ɲɔn pinsanw jɔɔ tkɛ. ²⁴farisiɛnw re ya fwɔ yesu ye ko . kwo min dganiti-lafiɛn dun na, mɔɔna Eka kradinw ne wokɛ ?²⁵yesu re ya labi ko. kɔngɔ we dawuda ni a nɔnka mgɔw mlaan wati miina ka sɔɔ dunni fwoyi tun taaru fɛ, E min kɛɛ aaye wo kran? ²⁶a dunna yaa masa ka sho saaka lashe bgaw kun tgi Abi ata rka tee ra ka yrari bwurukunw jɔɔ dun ka jɔ ji a nɔ kan mgɔw fana ma. wo dunnitun ma dga mgɔ shi ye fwɔ saaka lashe bgaw drɔn".²⁷wo kwɔ,yesu re ya fwɔ aa fɛ ko la fiɛn dun kɛra mkɔw re kɔsɔ nka mkɔw ma kɛ" la fiɛndun kɔsɔ ²⁸we ra mkɔ dincɛ min la fiɛn fana matgire"

¹Yesu re dun yawutuw ka nŋɔn lajɛn sho ba ra kun, cɛ boo yani jɔ tun miɲi. ²Miinu tu miɲii, wu ti mi Yesu kɔɔshira ka fɛɛ, ni a na wo cɛ kɛngɛnya lafiɲɛn dun na, yaako aa ren ka a yaaki sababu sɔɔ.³Yesu re ya fwɔ wo cɛ boo yani wee ko: «Wri k'i jɔ yan mgɔw shɛma.» ⁴Wo kwɔ e ya fɔ aa ye ko: «A dganimun ka kwo ɲuman kɛ lafiɲɛn waa, wamaa ka kwo dgu kɛ, ka mgɔ ɲii krishi waa , wamaa ka to mgɔ ra sa,» Aa biɛ re ya mapga.⁵Yesu jiminin wee a ɲan layaara, k'aa fɛɛ. A doso kashinin tumun aa ka dosokun gwrɛya kɔsɔ, e ya fwɔ wo cɛ wee ko: «E boo tee yan.» Ee yi boo tee, Yesu re ya kɛngɛnya. ⁶Wo jani biɛ, farisiɛnw re bɔ ka ta , aa ni hɛrodi ka mgɔw re nŋɔnje, ka Yesu pga djun dun.⁷Wo kwɔ, Yesu n'a ka krandinw ne bɔ ɲin ka ta kɔkɔjee dara; jamanba re bɔ ka na a nɔnnka; jɔɔ tin bɔ Galile jamana ni Jude jamana ⁸a ni Jerusalɛm jamana na, ni Jude ni Udumɛ dgubaw ra, ni Jurdɛn baa kɔfɛ jamanaw, a ni Tir ni Sidɔn ygɛma dguw.Wo jamaba naa Yesu nɔnga , barii, aa ti n'a ka kabakwo kɛniw mɛɛn.⁹Yesu re ya fɔ a ka krandinw fɛ k'aa ra krun dini jɔ labɛn a fɛ yako jama kana a susu ka a deku. ¹⁰Katkgu a tun mi mgɔ shama kɛngɛnyara , fwɔ banabgashɔw biɛ tun m'afɛ k'aa kpaa ka mgan'ra.¹¹Ni ɲidguw tin k'a je, aa re ti n'aa ɲɔngri a kɔɔ ka prɛn kan baa bɔ ko: «E mi YAA MASA dincɛ wee.» ¹²Ngaa a ye yɛɛ tun mi miin ye, e ya gwreya aa ma ko aa kaa wo fɔ mgɔ shi ye .¹³Wo kwɔ , Yesu re yɛɛ kru yann ka , k'a sagonamgɔw kri , aa ree t'a fɛ. ¹⁴E re mgɔ tan ni fla woma, ka tgɔ da wura ko krandin, yaako aa ra to n'aye ye ,ka wanjuri ¹⁵kɛ a ni ka jina kpen shebgaya j'aaru ma. ¹⁶Ee tan ni fla miinu woma , wuu tgɔw min de: Simɔn, Yesu re wo kri ko Piɛri ;¹⁷A ni Zebede dincɛ fla Yakuba ni Jaan , Yesu re wuu kri ko Boanɛrijɛsi, wo kɔɔ ko aa ka fari na fwɔ sanŋɔnma. ¹⁸A ni Andre, ni Filipu, a ni Bartelemi, ni Matiye, a ni Toma, ni Alife dincɛ Yakuba, a ni Tade, ni Simon Zelɔti, ¹⁹a ni Juda Isikariɔti weree Yesu duun boraa.²⁰Wo kɛnin kwɔ, Yesu re dgi sho jɔ kɔnna, Yamanba ljɛnni miɲi kun, fwɔ a 'a ka krandinw ma she ka duni yɛe kɛ. ²¹A ka shomgɔw wo koma mɛɛn, aa re na a mlan kanma n'aa ma fwɔra ko: «a kuun wrinin no.» ²²Sariya kaamgɔ miinun naa ka bɔ Jerusalɛmu , wu re ko: Beɛlzebuli le duni m'a ra.Ee jnaw kpen ni jnaw ɲa mgɔ we ye.»²³Yesu re y'a ru kri ka na taren jɔ d'a ru fɛ ko: Shitaani we she ka shitaani kpen dishii? ²⁴Ni jamana ken mgɔw ka bla ngonna wo jamana we ɲa dishii? ²⁵Ni Shokennamgɔw ka bla ngɔnna, wo sho we ɲa dishii.²⁶Ni shitaanni k'i mruti a yɛɛ ma ,wo m'a ka shitaanniya banniwee. ²⁷Mgɔshi ti she ka dun cɛfari ka sho kɔɔnna, k'a ka makoɲa fɛnw soɲa, ni ma flan k'a sri ban ka ɲa ,ka sii ka a ka fɛnw soɲa²⁸³⁰Ne ra fwɔ aa fɛ shɛn na ko: «Mgɔw ka jjrumuw n'aa ka tgɔ shenkwow biɛ na yafa aa ma; ²⁹nŋaa mgɔ mi ka YAA MASA Ɲi Senuma tgɔ shɛn , wo ti yanfa nŋaa wo tgi ka jrumuuw na to a kaan fwɔ bada bada.» Yesu wo fwɔɔ katgu aa ko: «Ɲi dgu jɔ m'a ra.»³¹Yesu ba n'a baremancɛw naa kaa jɔ kɛɛnma, ka Yesu kri. ³²Mgɔ shaanman sgini tumun Yesu kɔɔ k'a lamri; Jɔɔ re ya fw'a ye ko: «E ba ni e baremancɛw fɛɛ kɛɛnma ni aa ri yara.»³³³⁵Yesu re y a ru jabi ko: «Jon ni jon mi ne ba ni baremancɛw ye. Wo kwɔ, e y'aa lamri mgɔ sginiw fɛɛ ka fwɔ ko: «Ne ba ni ne baremancɛw fɛɛ yan. ³⁴Mgɔ o mgɔ YAA MASA sago kɛ, wu re mi ne baremnacɛ, ni baremanmoso , a ni ne ba ye.

¹Aa la damna kun ka kalandinw kalan bada ra. jama shaman ba tun mun ka a kori kɔkɔje dara. e re yɛɛ ki sgi krun kɔnna kɔkɔje dara. ²Aa tin na kalan kwo shaman na ni tale ye. e ko aa ma kan na³Aa too majɔ: dani kɛla bɔra ka ta dani kɛ. ⁴ka to dani na, shuman kɛsɛw jɔɔ le byi sra kan kɔɔnw re wu kunnu; ⁵jɔɔ le bruun paa kan, bri shaman tin tiiɲ miin kɛɛ wo kɛsɛw re fiin jona katgu bgɔ ɲanama tin ta kan.⁶tee bɔra min kɛɛ aa driwu le giin, aa re sa. ⁷kɛsɛw jɔ re bin wiin shɛra, wiin we ra ru deku aa ma din kɛ⁸kɛsɛw jɔ re bin dgukoo ɲuman kan, kan fiin, ka boɲan, ka din kɛ, ka aa shi shaman sɔɔ : jɔ bisaba, jɔ biwɔrɔ, jɔ kɛmɛn. ⁹e ko a ma « nin mɛnnin kɛ too mi min fɛ ka mɛnni kɛ, a la mɛnin kɛ!»¹⁰jama yɛkɛ ni kɔfɛ, Yesu kɔ mgɔw ni a ka kalandin tan ni flawu re la ɲirika talenw kɔɔ ra. ¹¹e la ru jabi ko : arijana masaya n'gundo jira a ye ma, n'ka kɛnma mgɔw ta jira talen na. ¹²ɲako a fɛri sɛbɛman kɔ ka jeri kɛ, a ni aa tooma jɔ sɛbɛlaman ka mɛni kɛ ni wo tɛ aa na aa kɔ seki YAA MASA ma min na yafa aa ma.¹³e ri too aa ma : « n'aa ma telen ɲin kɔɔ aa na talen shɔw kɔɔ dɔn di shi?» ¹⁴dani kɛla wee koma fwɔ : ¹⁵jɔ re la mɛn aa sin fɛ, shitani wee na wo kofɛ shitani wee re wo koma mɛn ni ta ka bɔ aa kun na.¹⁶min nun bin na paa kan kɛra nafwɔ min nun koma mɛn ni aa akri dianin we, ¹⁷dri ti a koma ra, wo kɔfɛ grɛyaw ni tɔrɔ ka sɔɔ koma sababu ra aa akriw re nŋaamin ka aa baka pga wo nɔn biɛ ra.¹⁸min nun bin na wiin shɛra kɛra min nun na koma mɛn ¹⁹n'ka dinɲin na aminanko, nŋɔn lafri koo ani nafoo koo ani ami shaman wu re na koman deku ka din kɛ aa kun na. ²⁰laban na, min nun bi dgukoo ɲuman na, kɛra min nun koma mɛn ka ladun aa tre din kɛ, jɔ bisaba, jɔ biwɔrɔ ani jɔ kɛmɛn.²¹Yesu re li to aa ma : «yala aa ta nin fintanw we sho kɔnna ka dgo sinsin waman dalan jukɔɔ?». E dun sho, kɔnna ka gwan koko la. ²²Ka tgu kwo dogonin ti sa dɔn, wo ni n'gunto koma ti fwɔ jama biɛ ɲana. ²³«Mɛnni kɛ too ka kɛ min fɛ, wo la mɛnni kɛ!»²⁴e ko aa ma aa yɛɛ kɔɔsi aa ka koma mɛn ta we ra ka tgu aa ka shɔn li fɛnw le na kɛ k'aa yɛɛ shɔn, ka jɔ bla a kan. ²⁵«ka tgu fɛn myi min fɛ jɔ na fra an kan, ani a ti min fɛ wo boora ta na mina a ra»²⁶e koo : «YAA MASA ka masaya bɔni mun dani kɛ la jɔ fɛ, min ta danin kɛ dgukoo ra, ²⁷ka ti da ka sinŋɔn shu fɛ, e na wri tee fɛ ka sɔ shuman finna ka jinɲan ka ɲan, a yɛɛ ta dɔn wo kɛra tgo min na. ²⁸Dguma koo ra din kɛ a yɛɛ sako ma. Gale shuma baw kɔfɛ dinwo laban na kɛsɛw. ²⁹Ni kɛsɛw ka kɔkɔ e ra ka bara minaw ta ka sɔɔ shuma ladun shera»³⁰e ri too kun : «an na YAA MASA ka masaya shɔɔn nin talen jɔn ye? waaman an na talen jɔn kɛ ka fanmu?» ³¹a bɔnin mun mutardi kɛsɛ jɔ ma min ka dgɔ nin dgukoo kan yiri baw biɛ kɛsɛ wee. E dan sŋan min na ³²ka sɔ a dan ni kɔfɛ a na jinɲan ka tɛmɛn nankɔ kɔnna yiriwu biɛ kan, ka boo ba shaman bɔ yaako yaaman kɔɔnw ra na ɲankan da a shɔɔn na.³³a tin koma lankii aa fɛ tale shaman na nafwɔ ɲin fɔ ka she a famuya ɲuman ma a fɛ. ³⁴A ni a tun ti koma aa fɛ tgoya shi ra ni tale tɛ.³⁵Dun jɔ wla ra la e ko : ³⁶«a ta mnin kɔfɛ». Wo la Yesu tun min krun min na a re ta ni wo ye k'aa mabɔ jama na. Krun shama fana tun min ɲin. ³⁷fɲɛn ba re na bɔ fo ka je wri ka dun krun kɔnna ka ta she a pa ma.³⁸Wo la sɔɔ Yesu myin krun kɔfɛ la ni sinŋɔɔn. Aa re ra knun ko : «ɲamgɔ e yɛɛ ti myiri la a la ka fwɔ ko an na min tara saya jɔ?». ³⁹A knun shɔ e sɔnŋɔ fɲɛn kan, ka fɔ bajee ma e daa tgu ki mŋaya!» fɲɛn wee li jɔ ka ja biɛ shɔnya ja ni ken.⁴⁰⁴¹e ri to aa ma ko : «aa sranya kun wee jɔn ye? danaya ti aa la ali biin?» sranya ba la ru mnan min na a re ra fwɔ nŋɔn fɛ ko : «a mgɔ jɔn shi mun ɲin ye? fwɔ fɲɛnw ni kɔkɔjeew biɛ la ka koman mɛn?»

¹Yesu na ka kalandinw she ni Galile baa da Gadara kaw ka jamana ra. ²Yesu bɔni krun kɔɔ na, wo jɔ ni biɛ, cɛ jinashɔ re bɔ salenw shɛ ra k'aa kunbɛn³Wo cɛ ka kwo biɛ shi bɛɛni tun mun salenw twu we ma. A tun tin she ka sri ni ari nŋɛ yɔɔkɔ ye. ⁴sabu a tin yi sri kwo shaaman kɛ e re nŋɛw kii kii ka bɔ a yɛɛ sin na. Mgɔ shi ma she ka koo.⁵A tin na kɛ yara yara le salenw twu ni kru wo. A tin prɛn ka yɛɛ majimi ni senenw re ye. ⁶E re to jɔ yan ka Yesu je, e re bii ka ta wo kunbɛn ki kwinkwiri ŋwa.⁷A prɛn kosɛbɛ ko : « Yesu, YAA MASA kɔɔtaniba din, ne ri dare a kɛ YAA MASA kɔsɔn e kaa ne tɔrɔ.» ⁸E wo koma fwɔ sabu Yesu tin na fɔ kwo jina ra bɔ a ra.⁹Yesu re ya ɲirika ko : «ye tgɔ kri dii?» E ya jabi ko : «jama ba, sabu an ka sha.» ¹⁰A re ya dare kosɛbɛ k'a ka aa ye kwɛn ka bɔ jamana ra.¹¹Jyɛ kwu baw jɔ tin duni na kru yigɛma. ¹²Jina ye Yesu dare k'aa ye na ta dun wo jyɛwu ra. ¹³Yesu re sɔn, wo jaa ni biɛ jina re bɔ cɛ ra ka dun jyɛ kru ba ɲi na. jyɛwu re yigɛn nŋɔn na ka ta ba je ra, wu biɛ shi re sa ɲin. wo jyɛ tin wa fla bɔ.¹⁴Wo jyɛ nŋɛn na wu re bii ka ta wo fwɔ dgu kɔɔn na a ni sgi daawu ra, mgɔ re bɔɔ ka na wo kibariya fɛɛ. ¹⁵Aa re ta jina shɔhin (min tgɔ ye jama ba) sŋini sɔɔ Yesu kɔɔ, ka sɔɔ funuw ma kan na, fii mgɔw kabakoya.¹⁶Kwo min kɛra jinashɔ ni jyɛw ra wo je bgaw re ta wo lankii mgɔw fɛ. ¹⁷Aa re bwin Yesu dare kan ka ra ta ka jamana bla.¹⁸Yesu dun shɔ krun kɔɔnna, jinashɔ kɔɔ ya dare ka ma fɛ ki two a fɛ. ¹⁹Yesu ma sɔn, e ko : «ta sho, e ka mgɔw fɛ, YAA MASA kwo min kɛ e ye, e ŋa ta wu ɲafɔ ban.» ²⁰Yesu kooba min nun kɛ jinashɔ ye, we wo ta wo kwo ɲafɔ fwɔ mgɔw biɛ kabakoyara.²¹Yesu re ni kwɔ seki krun kɔɔ, jama we t'a kwori. ²²YAA MASA bato sho ba kuntgi Jayirus, we Yesu ye, were bwin a sin kɔɔ. ²³Ka dare kosɛbɛ, ka fwɔ a fɛ ko : «ne dimoso jɔ ma fɛ ka sa! na ya ti boo da wo kan yaako, e nŋa kɛnŋɛya a ni ka ɲanamaya!» ²⁴Yesu koni ta a fɛ, jama we agwana fwɔ ka deku.²⁵Moso jɔ tin min ɲi kwori tin min wo moso ra fwɔ ka she san tani fla. ²⁶A tin tɔrɔ ra a fɛ kosɛbɛ, aa boo fɛn biɛ shi tin ban na wo fla bɔwu ra, n'ka bana ma ban, fwɔ ka dguya ka ta. ²⁷Wo moso fana Yesu kibaruya mɛn. E na jama shɛɛra fwɔ ka ni boo da Yesu ka funuw kan.²⁸Wo moso kwin ŋa myiri ko : «ni ne ka mga Yesu ka frun na, ka ye na kɛnŋɛya.» ²⁹Wo janni biɛ moso ka kalolabɔ we jɔ, moso we kɛnŋɛya.³⁰Wo janni biɛ Yesu re ya dɔn ko she jɔ bɔra a ye ra, e yi yɛɛma jama ka pan fɛ ka ɲirikari kɛ ko : «jon mŋanan ne ka frun na?» ³¹Kalandinw ne ya jabi ko : «ye biɛ dani manan ko mgɔw ka sha, e min ɲirikari kɛra?» ³²Yesu kwin tin ye jama fɛra yaako a ra tgi dɔn.³³Kwo min kɛra moso yɛɛ kun na e wo dɔn, a sran na fii yɛɛ yɛɛ. E na Yesu fɛ ka ni yɛɛ kwo fwɔ ka piɛ. ³⁴Yesu re ra fwɔ a fɛ : «dimoso e ka danaya weri kɛnŋɛya. En ko YAA MASA la hɛrɛ ki ye.»³⁵Ka Yesu to koma ra, jɔ re na ka bɔ YAA MASA bato sho ba kuntgi ka sho ko : «mɔn na e min kaamgɔcɛ sgɛ kun? E dimoso sara le.»³⁶Yesu ma ru ka koma jati, e ra fɔ Jayirus ye ko : «e ka sran, danaya kɛ.» ³⁷Aa ma sɔn mgɔ shi ra tanɛ fwɔ Piɛri, Yakuba, ni Yakuba bareman cɛ Yohana. ³⁸Aa na she Jayirus ka sho, Yesu re jama sɔɔ mŋwan kan na ni komo ra.³⁹Yesu re dun sho ra ka fwɔ aa ɲaa : «aa min komo ra mɔn na? Aa ka komo kun, din ma sa, a min siŋɔn re.» ⁴⁰Aa re yɛɛkwo Yesu ra. E ya biɛ kwɛn ka bɔ kɛnma. Ka dun nin din fa na ba ye, a na ka karandin saba we sho ra.⁴¹E re din mlan a boo ma ka fwɔ ko : «Talita koumi,» wo kɔɔho, « ne ko, din, wri.» ⁴²Wo janni biɛ, din we wri ka tgɔnma, (a shi tin san tani fla ye). We re biɛ kabakoya kwosɛbɛ. ⁴³N'ka Yesu re ya fwɔ ka greya aa ma ko aa ka to mgɔ shi ra dɔn. Wo kwɔ aa re ka ta duni jama.

¹yesu bɔra lakojɔ, na ka kanrandi ye. ²aa ye na dun yamasa ka shobara ka mɔgɔw kaan, mɔgɔ chanma ne kabakoya. ko wo hakiri ni wo kabagho bɔra mi? ³Mamu dicɛ mi dɛsɛlikɛ we mu. A balemami yakuba ni jose ni jude Ani simɔn ye. Abalema mosoma mafɛ wo miriya we la kɛ aah ma dalefew.⁴Nka yesu ko ceraw ma boɲa a kaduguw ni aah balema fɛ, aa ka cho. ⁵Era boo da jimichɔw kan aare kɛni ɲɛya, we kɛ kabakwoye. ⁶aah ka chikana we yesu kabakwoya yesu le ta mɔgɔ kaan sɔngɔnmara⁷yesu la ka karandiw ce tani fila cee yesu le ya ka, karandiw ce fila-fila ka chee ji aa ma jinawu kan. ⁸E ya fɔ afɛ ka, ka foyi ta ni beme tɛ an ka shura ta, ah ko mina ta sanko wari. ⁹ah ché ka saban du ahsiina-nka aah ka déké fila bla.¹⁰a ko ni aa ka yatigi sɔɔh ja wo ja aare ka to wo jara fuɔ aa ski chɔ. ¹¹Ni ja mi sɔn ka ladun aa bɔ chɔ wo jara aré ka sinw dugudugu, wo nu kɛ fɛn jɔye ka yira aa ra.¹²karandinw nee ta mɔgɔ wajun ko ara Nimisa a ka jurumu na. ¹³Karandiw ne jinaw kwɛn ka bɔ mɔgɔra ka turu mun jimisɔw la, are kɛnɛya.¹⁴masacɛ herɔdi yesu kwo mɛ. Yesu tɔgɔ tin bɔra jua biyɛ. mɔgɔw jɔɔ tin ko, ko yohana batiselikɛla we kunu ni ka bɔ chuw chɛra. we timi ka mɔgɔw kabakoya. ¹⁵jɔɔ fana ka ɲana ko tiéra Eli lo. jɔɔ fana tina bla tiéra kɔɔ jɔ kan.¹⁶Herɔde wo koma mɛn e ko ka ye Yohana mi kungo tigɛɛ, we kununa! k'a bɔ chuw chɛra? ¹⁷Herɔde timi ka yohana mnan ka siri ka bla kasora, wo sababu tumu ko yohana mi ka chɛin fɔ, ko mɔgɔchi ka bare ma moso tigɛ.¹⁸Yohana wo fɔ, sabu Herɔde timi ka a balema filipe moso Hɛrɔdiyas furu ¹⁹Hɛrɔdiyas le jimi yohana kɔɔ kwosɛbɛ fɔ ara pka kwo miri, nga ere siran Herɔde ²⁰ɲan herɔde tin siran yohana ɲan sabu mgɔ sɛbɛ le tumu. hali yohana komachɔ tin herɔde siran. mɛ e tuma fɛ ka mɛnik'afɛ.²¹Ngan hɛrɔdiyas le dun jɔ fɛ, nimini herɔde woo du'bɛna. herɔde le duniba labɛn wo dun kama. ka jamatigi, ni a ka sorodachi ni kuntigi ani Galile mgobaw biɛɛ kri ka na wo dun ɲanpiɛra. ²²Hɛrɔdiyas dimoso we ta dɔnkɛ fɔ ka masatiɛ yiriladia kwosɛbɛ, a na ka mgɔw biɛchi. wo dɔnkɔfɛ masatiɛ we ya fɔ dimoso fɛ, ko a ka kɛ fɛnwo fɛn fɛ ka ra wo fɔ dɔn saawe, kayena wo djama.²³masatiɛ we ri kii, ko ari a ye ka masaya taranchɛ no. ²⁴Dimoso we bɔ kɛɛn ma k'a ba ɲiri ka ba we ko karata fwɔko yohana Batiselikɛlo kungowo. ²⁵wo jɔni na dimoso we seki katafɔ masatiɛ fɛ k'a ye mi yohana batise likɛla we kungo fɛ kinka bla mlan jɔ kɔɔnna ka ji a he ma.²⁶masatiɛ ɲan we chichi nga a ma che ki ban. sabu a ye ri kii. ²⁷wo ɲani biɛ e sorodachi ken kri ka fɔ ka wo nani yohana kungo wee soro dachi we ta kasora ka ta yohana kungwo tigɛ ka nanɛ a fɛ ²⁸e kungo bla mlɛna ka na ji dimosoma dimoso we ta ji a ba ma. ²⁹yohana ka karandiw wo mɛ mikɛ aa re t'a, a chu ta ka tanɛ salenna.³⁰cediiw mgɔwo mgɔ kalan, ka fɛnwo fɛn. k,e are seki ka wo biɛɛ ɲan fɔ yesu fɛ ³¹Nabgaw ni tabgaw tin ka cho. fɔ yesu na ka kanradi ma wa te sɔɔ hali ka che ka duni kɛ. wora e ya fɔ ko a na kakarandi na ta kangora ka che ka manchɔn. ³²Aa re du kunu na ka ta kongonbara aa kan na ɲi.³³Nga mgɔ chiun ma noru ta chɔ jee, jɔɔ re bii a sinna . ka bɔ dafɛ dguw ra ka ta flan yesu na ka, karandiw ɲan. ³⁴yesu bɔra knunu kɔɔnna ko ko janma je. mgɔw machɛ we ya mina, safɛ aa tin kɛra nafɔ kwɛbga ti sgaw minu na. E ya damina k'a karan fɛh chiaan ma na.³⁵wlarala, yesu ka karan diw ne ya fɔ ko te bina k'an sɔ kongora yan ³⁶mgɔw tabla aare ka ta duni san dugu kɔnna.³⁷yesu le ko,ko korandiw na duniji karandiw ne kon, k'ara ta duni san ni wari din aa ye wa? ³⁸yesu re ko buuru kaa yon ma fɛ ? aah ta takonanɛ. aa ta fɛɛ , kasɔɔ buuru kaa juru ni ygɛdi fla.³⁹yesu re kon kaara mgɔw siki bin kɛnɛng kan ⁴⁰Aa re yaa ru sigi kɛmɛ-kɛmɛ. biduru-duru. ⁴¹mgɔw sigiri ka ban, yesu re buru ali juru, ni ygɛdi fla ta, ka yamasa fon ka tano, ka bakadaye, ka sii ka kikika ji karandiw ma kara sigi mgɔw kɔɔ. buuru , ni ugɛ biyɛ.⁴²Mgɔw biyɛ chire duni kɛ ka pa kwosɔbɛ ⁴³buru chɔ mi tora, woni ygɛ buburumi tora, karandiw ne wo chɛ fɔ segi tani fla. ⁴⁴Ka sɔɔ buru du bkaw tin mgɔ juruye ye.⁴⁵wo jani biyɛ yesu le ya fɔ ka gwere ya karan diw fɛ. kara krunu ta, ka ta bɛti sayida. yani a ye ka fi jaman labla. ⁴⁶E jama labla e ra kru kan ko ta yamasa daare. ⁴⁷Chu kwoni na, yesu ke ne tini dungunma ka krun to baje ra.⁴⁸yesu le je, ko a ka karandinw bwora bajera e tnɔngɔma baje kan kii kwa a ka karandiw na. were kanɲa dono komo wate ma. ⁴⁹karandiw na, na chɔ je, wu ka ɲana ko chuya le mu. wure konmo wiri. ⁵⁰wo jani biyɛ yesu re koma aa fɛ ko aa ka siran k'a ye ro. kara yara kweya.⁵¹yesu re na du krukɔna, fiɛn we jɔ karandi ne kabakwoya. ⁵²sabu kabakwo mi kɛra buruni ygɛ tara a tin ɲina nawora.⁵³yesu na ka karandinw ba tigɛ ka che duguma zenɛsarɛti jamanara are ya jɔɲi. ⁵⁴a chera ka bɔ kru kɔna dɔrɔn mgɔw re yesu dɔn. ⁵⁵are wo jamana yara yara mgɔw ti ka kwo mɛ jawoja are ti jimichɔw na ka daranw ta ka nɔngagwɛn wo jara.⁵⁶yesu tin ka ta dugu wo dugu le ra, a kɛra dugu ba ye wo, a kɛra dugu mɛnsɛn ye wo. ari dɔgɔ fiɛra, are tin nani jimi chɔw ye kana mgan aka funu na are kɛnɛya.

¹Farisiɛnw ni sariya kaamgɔw jɔ naa ka bɔ Jerusalɛm ka na nŋon sɔ Yesu fɛ²Aa ra kɔshi ko Yesu ka krandinw jɔ tun dunin kɛ ni a boow nŋɔn nin ye, wo kɔɔ k'a ma tgɛ kwo. ³Farisiɛnw ni yawutuw tun ti dunin kɛ ni aa ma tgɛ kwo ka kanɲan n'aa beman cɛw ka landa ye. ⁴n'aa ka na ka bɔ dgɔ ra, aa tun ti duni kɛ n'aa ma kwo ban. Aa tun landa kwɛ manw kɛ, na fwɔ je min fiɛw, boora nŋɛw a ni dga kwoli wo.⁵Farisiɛnw ni sariya kaamgɔw re Yesu yirika ko mɔn na e ka krandinw ti sɔn an beman cɛw ka landa ma, ka sɔ aa re duni kɛ n'aa boow nŋɔni ye?⁶Yesu re ra fwɔ aa ye ko Esayi cera min fwɔ aa ka kwo ra ko : mgɔ ɲun na ne bonɲa aa daara, nŋaa aa dosokun ja ka yan ne ra. ⁷Aa bonɲa min da ne kan, kun tara a ni aa re ra aa ka sriya sgi mgɔw kan.⁸Aa re YAA MASA ka ce fwɔ nun toyi ka mgɔw ka landaw kɛ. ⁹Wo kɔ Yesu re ko aa re aa ban YAA MASA ka koma ma k'aa ka landa kow re madun! ka sɔɔ ¹⁰Musa tun na fwɔ ko : e ba ni fa bonɲa, ko mgɔ wo mgɔ koma dgu fwɔ a ba na fa ma, shiga t'a ra wu biɛ na sa.¹¹Nŋa, aa min fwɔ aa nin nŋɔn shɛɛ : nin cɛ jɔ ka fwɔ a ba n'a fa ma. e ma na jama min sɔɔ ka bɔ ne fɛ, wo kɛra YAA MASA ka saaka ye. ¹²Wo tgo ra aa ka sra jama ka ba na fa jama kun. ¹³aa re YAA MASA ka cera bari ka tɛmɛn bema cɛw ka landa fɛ. Aa re ra bɔ ɲɔnŋɔn ko shiaman kɛ.¹⁴Yesu re mgɔ kri kun ka fwɔ aa fɛ ko : aa biɛ ra ne lamɛn ka famu ka ɲan. ¹⁵fɛnshi ti kɛnma min she ka dun mgɔ kɔɔna ka mgɔ nŋɔ. Min bɔ mgɔ kɔɔna, wee ra nŋɔ. ¹⁶Nin too min mgɔn min fɛ ka mɛnin kɛ, a ra lamɛni kɛ¹⁷Wati min na Yesu bɔra jama shɛra e re ta un sho ra, a ra krandinw ne ra yirika taren kɔɔ ra. ¹⁸Yesu re ra fwɔ ko : « aa ye fana, akri ti aa ye fɛ? aa ye ma je fɛn min dun mgɔ kɔɔna wo ti she ka mgɔ nŋɔ. ¹⁹bari a ti she ka dun mgɔ sɔnkun na, nŋa a kɔnbaa , ka sii ka bɔ banakwɔtga ra. >> wo fwɔ shɔ ra, Yesu r'a latgɛ ko dun fɛnw biɛ saniya rá²⁰Yesu re y'a fwɔ aa ye ko: «mii bɔ mgɔ dosokun na were she ka mgɔ nŋɔn. ²¹bari kwo dguw biɛ bɔ mgɔnanfiyin dosokun we ra, myiriyadguw, kakaniya kwow, soɲaniw, mgɔ pga wo, ɲadguya wo, dguya wo, nanbaa wo, ²²ɲimgɔya wo, ɲabɔn fɛn fɛ wo, fiɲafwɔya wo, yɛɛbaniya wo, ni kunfɛmgɔya wo. ²³Wo kwo krow bɛ bɔ mgɔ dosokun we ra, k'a tgi nŋɔn.»²⁴A bɔra ɲi, ee ta Tir ni Sidɔn mra la . Ee dun sho jɔ ra, n'a t'a fɛ mgɔ ra dɔn k'a mii, nkaa , a tin ti she k'i dgɔn. ²⁵Wo jani na, moso jɔ tun miɲi, ɲi dguw dunni tu m'a dinmoso ra, wo mosowe n'i fri dgun ma Yesu sinkɔɔ. ²⁶Wo mosoo ti mi donan nee, Grɛsi kan, ka bɔ Sirɔfenisi mra la. Ee Yesu daare k'a ra jinaw kpɛn ka bɔ a dinmoso ra.²⁷Yesu re y'a fwɔ a fɛ ko: «A to dɛnsɛnw na dunikɛ ban, Bari dɛnsɛnw ka duni man kan ka fri wruuw fɛ.» ²⁸Ngaa, moso we ko, ko: «Shɛn ro Matigi, wrundin miinu mu tabari jukɔɔ, wu dɛnsɛnw ka duni brubruw tɔmɔn.²⁹Yesu re y'a fwɔ moso fɛ ko: «Wo koma fwɔni kaman, segi ka ta hɛrɛ la, jina bɔra e din na.» ³⁰Moso we ta a ka sho ka ta sɔɔ din dani daran kan, jina bɔ ni m'a ra.³¹Aa re bɔ nTir mara la, ka tɛmɛn Sidɔn fɛ ra, ka ta Galile cɔgɔ je pan fɛ, ka ta she Dekapoli mara la. ³²Aa re na ni cɛ dakwaani too kulen jɔ ye Yesu fɛ, K'a dare k'a r'ii boo da a kan.³³Yesu re y'a mlan a boo ma, k'i mabɔ mgɔw ra, k'i bookwindinw dun a toow ra, ka dajee kɛ a nɛn kan. ³⁴Yesu re fɛrikɛ yaama, k'i fiyɛn mlan, k'a fɔ ko; «Effata», wo kɔɔ wo, e dayɛɛ. ³⁵Wo jani bɩɛ, toow re dayɛɛ, a nɛn fana re fii, e re koma ka ɲa.³⁶E re kangari da a ye k'a k'aa fɔ mgɩ fɛ. Ngaa, ka to a m'a fwɔ ra a fɛ ko a k'aa fɔ mgɔ fɛe, cɛ we re to ka jɔ bla wo kwo fwɔrikan. ³⁷Mgow re kabakwoya n'aa ma fwɔra ko: «A ka kwo kɛniw bɩɛ kaɲi kwosɛbɛ. Ee tookulenw toow yɛɛ, ka bobow koma.»

¹Wo duwna, jaman ba re na Yesu fɛ klua ye. Aa ma na ni duni ye, Yesu re y'a ka krandiw kri k'a fwɔ aa fɛ ko: ²«Mgɔw mashɛ mi ne ra, bari aa tee saba re mi byi ye yan, duni fɛn fwoyi ti aa fɛ kun. ³Ni nne k'aa labla aa ra ta dunikɛbiikan, aa baaka na ban sra ra, bari jɔɔ bɔ ja ka yan, aa she ka krin .» ⁴A ka krandinw ne ya nrika ko: «Aan she ka duni bɔ mii ,kongo lankoo ɲi na ya k'a j'aa ma?»⁵Yesu re ya ;,rika ko: «Bwuru kaa yon m'a fɛ?» Aa re ko ,ko bwuru kaa wonwla. ⁶Wo fwɔra Yesu fɛ, een ko, ko jamaa biɛ r'aa sgi dguma.Yesu re bwuru din wonwla ta , ka baaka da YAA MASA ye, k'aa kii kii, ka ji a ka krandinw ma, aa re y'a bla jaman ɲa k' a ɲi mgɔw biɛ shɛ.⁷Krandinw ne y'a k:e tin. Ygɛmɛnsɛnw jɔɔ tu m'aa fɛ. Yesu re baaka da YAA MASA ye ygɛw kan, k'a ji krandinw ma k'aa ra wo biɛ ɲi mgɔw shɛ. Biɛ re duni kɛ k'aa pa. ⁸Singin wonwla panin wo dunin na, dunin we kɛ k'a shɔ to, ⁹duninkɛraw tin mgɔ wga naani bɔ. Wo kofɛ, Yesu re jaman labla. ¹⁰Wo ja biɛ ra, a n'a ka krandinw ne dun krun na ka ta Dalimanuta jaman na.¹¹Farisiɛnw re wri ni sɔsɔri wee , Yesu fɛ. Aa r ko , ko Yesu ra tgɛnmashɛ kabakwoman jɔ yira ka bɔ YAA MASA fɛ. Aa wo fwɔɔ , yaa ko aa r'aa kɔɔbɔ. ¹²Yesu re y'i fiɲɛ saman cɛnɲin k'a fwɔ ko: «Mɔɔnna aa byi mgɔw mi tkɛnmashɛn yara la? Shɛnna, ne ra fwɔ aa ye ko tkɛnmashen shi ti na yira aa byi mgɔw ra.» ¹³Wo kwɔ, aa re bɔ ni kun, ka dun krun, ka ta pan kpɛɛman fɛ.¹⁴Krandinw yri bɔra, aa ma duni ta.Foyi tu t'aa fɛ krun kɔɔnna ni bwuru kaa ke tɛ. ¹⁵Yesu re y'a fwɔ a ka krandinw ye ka gwreya ko:«Aa hakri sɔɔ ka aa yɛ kɔshi farisiɛnw ka bwuru funnun fɛn , ni Herodi ka bwuru funnu fɛ na.»¹⁶Krandinw ne y'a fwɔ nŋɔn fɛ, ko: Bwuru t'an fɛ, wo ro.» Ya aa wo koma mii fɔɔ, ¹⁷Yesu wo dɔɔn. E y'a ru ɲrika ko: «Mɔɔn na aa re ko ko bwuru t'aa fɛ? Hakri t'a ye fɛ ka flan ka kwo fanmu kɛ? Aa hakriw fwen ni no waa? Dosokun gwreya re m'aa ra wa?¹⁸Ɲaa m'aa fɛ, aa ti jerikɛ wa?Too m'aa fɛ, aa ti mɛni ne kɛ wa? Aa ye hakri ti to fɛ ne ra wa? ¹⁹Nee bwuru kaa juru kiiƙii k'a ji mgɔ wga juru maa sgan mi naa, aa singin yɔn paa bwuru shɔ to ni na?» Aa ren ko ,ko: « singin tan ni fla.»²⁰«Nee bwuru kaa wonwla kii kii k'a ji mgɔ wga naani ma sgan mi na, aa singin yon paa bwuru shɔ to ni na? » Aa ren ko: «Singin wonwla.» ²¹Yesu ren ko: «Aa ye ma fwoyi fanmu ari biin kɛ?»²²Aa she ra Bɛtisayida, wo ja ra mgɔw joo re ta Yesu fɛ ni fwen shɔ jɔ ye k'a r'ii boo d'a kan. ²³Yesu re y'a mlan a boo ma, ka bɔ n'ɛɛ dgu kɔfɛ.Ee daje kɛ wo cɛ ɲa na, k'i boo d'a kan k'a ɲrika ko: «Ee jerikɛ wa?»²⁴Fiyen shɔ we ya ɲaa kɔɔta yaman k'a fwɔ ko: «N ee mgɔw je nafwɔ yribaw mi tgɔnma na.» ²⁵Yesu re y'i boo d'a ɲaa kan kun klua ye, e ree jerikɛ kwosɛbɛ. E ree kɛngɛnya, ka jerikɛ, ka fɛnw lasan. ²⁶Yesu re ya bla ka ta sho, k'a fwɔ a fɛ ko: «E kaa dun dgu kɔɔnna.»²⁷Yesu n'a ka krandinw nee bɔ ka ta Sesare Filipu dafɛ dguw jɔɔ ra. aa ta shɔ wo, yesu re y'a ka krandinw nrika ko:«Mgɔw ra fwɔ ko ne mi jon ye?» ²⁸Aa ree y'a jabi ko: «Jɔɔ koo, ko Jaan Batisi.» Kpɛeman nu koo, ko: «Eli.» Kpɛɛman nee ko kun, ko: «Ceraw ra ken no.»²⁹Yesu re seki k'a ka krandinw nrika ko: «Aa ye fɛ, ne mi jo ye?» Piyɛri re ko: «Ye Krista ree.» ³⁰Yesu re kangari d'aa ye k'aa ka wo fwɔ mgɔshi fɛ.³¹Wo kɔfɛ, Yesu re damlan k'a ka krandinw kran, k'a fwɔ aa ye ko; Waajibi Mgɔɔ din na tɔɔrɔ kwosɛbɛ,. cɛmgɔbaw ni saakalashe bgaw kuntgiwɲi sariya kaamgɔw, n'aa ban a ra. Aa n'a pga, tee saba t,emen ni kɔfɛ a na kunun. ³²Ee wo fwɔ ka piyɛ aa ye. Wo ja ra, Piyɛri le y'a mlan ka ta n'ɛɛ ygɛma, ka dmlan k'a yaaki.³³Ngaa Yesu re wri k'i yɛma ka krandinw fɛɛ, k'i saa Piyɛri la ko: «Shitaanni, e bɔ ne kɔɔ, e myiriya ti YAA MASA ka kwow ra, fwɔ mgɔw ka kwow.» ³⁴wo ƙɔfɛ, yesu re a ka krandinw ni jamaa kri k'a fwɔ aa ye ko: «Ni mgɔ mi m'a fɛ k'i gwan ne ra, a tgi r'i ban a yɛɛ ra, k'a kwenkwen yiri ta, k'i gwan ne ra.»³⁵Mgɔ mi m'a fɛ k'a yɛ yin krishi, wo na bɔɔn a ɲi na, nŋaa, mgɔ mii bɔɔn a ɲii na ne kaman , wo na krishi. ³⁶E mɔɔn ɲa mgɔ ma ka diɲan biɛ sɔɔ, ka bɔɔn e ɲii na? ³⁷Mgɔ she k'i yɛɛ ɲii piima ni mɔn ye?³⁸Mgɔ mi ka ne Yesu n'in ka koma kɛ ni munɲa ye biyi mgɔ yashɔw ni jrumunshɔw shɛma, Mgɔɔ dincɛ biɛ na wo tgi munɲa k'a yɛ ra wo ra sɔɔ a naa a fa ka nɔɔrɔ laɲ'a ka mɛɛkɛ ɲumanw ye.

¹Yesu re ya fwɔ aa fɛ kun: «shɛɛna, ne ne ra fwɔ aa fɛ kwo mgɔ minun miyan, aa jɔɔ tinaa sa n'aa ma YAA MASA ka masaya na shɔ je ni shebgaya ye». ²Tee wɔɔrɔ tɛɛmɛni kɔ, Yesu re ta ni Piɛri ni Yakouba ye kru yan jɔ kan. ³o kwɔ, a ɲa daa yɛɛma aa ɲana. a ka fununw ne yɛɛma ka manman ka piɛ wrɛɛ wrɛɛ, fwɔ⁴Kradinw ne Musa ni Eli je aa min komana Yesu fɛ. ⁵Wo ra Piɛri re kan bɔ ka fwɔ Yesu fɛ kwo: «kramgɔ a ka kan an r'an two ɲan ne, a two an ra bwu saba jɔ, ye ka keen, Musa ka keen ani Eli ka keen.» ⁶Piyɛri tun ka kan ka min fwɔ a ma wo dɔn ƙatgu a tun sran na kwosɛbɛ.⁷Saan kaba jɔ re na aa datgu.Komakan jɔ re bɔ saankaba ra ko: «Nɲi mi ne dince kanuni wee ɑa lamɛn.» ⁸Wo jani biɛra krandiw ne ya ygɛma fɛɛ ɲgaa aa ma mgɔ je kun ni Yesu keen tɛ⁹.Aa dgishɔ ka bɔ krun kan Yesu re ya fwɔ aa fɛ ka gwreya ko: «Aa kwo mi jee, aa ka wo fwɔ mgɔshi fɛ ,fwɔ mgɔ dincɛ ka knu ka bɔ chuw shɛma.» ¹⁰wo koma were to aa kɔɔna, aa re ngɔn ɲrika ko. ka knun ka bɔ shuw shɛma wo kɔɔ we mɔɔn ye.¹¹Krandinw ne Yesu ɲrika ko? « mɔɔna sariya kaamgɔw re ko,ko mɔɔna Eli ka ka ka na ban?» ¹²E r'aa laji ko shɛn ro,ko : «Eli ka kan ka na ban ,ka na fɛenw biɛ labɛn klua ye. Ngaa mɔɔna a sɛbɛnin ko mgɔ dincɛ ka kan ka tɔɔrɔ kwo shaanma na a ni k'a kɛ nafwɔ mgɔ lankɔn . ¹³Ne ra fwɔ a ye , Eli naa ka tɛmɛn aa re tɔɔrɔ biɛ d'a kan n afwɔ sɛbɛriw ra fwɔ timinshii .»¹⁴Aa segin kwɔ kradinshɔw fɛ, aa re ya je jaman ba mi k'aa lamini. Sariya kaamgɔw timi sɔsɔri kɛra ni krandinw ye ¹⁵.Mgɔw yesu jee mii kɛ, aa re kabakwoya, ka bii ka t'a fwo. ¹⁶Yesu re yaa ka krandiw ɲrika ko: «Aa mi ɲgɔn sɔsɔ mɔn kwo kan n'aa ye?¹⁷Jaman shɛma cɛ ken ne ya jabi ko: «Ne na ni mi ni din cɛ wee , katgu jna bobo re m'a ra; ¹⁸ni jina ka wri a ra ja o ja, a n'a fri dguma, kanga we bɔ a daa fɛ,ee n'a ɲi ɲimin, a pii we ren ya. Ne r'a fwɔ e ka krandinw fɛ k'aa ra ,jnaa kpɛn ka bɔ a ra, aa ma she. ¹⁹Yesu re y'a fwɔ aa ma ko: «Shiya danan biiw, ne na to aa ye shɛma fwɔ waati jɔn? na n'i dinwee yan.»²⁰Aa re ta ni din wee a fɛ. Jina wee Yesu jee min kɛ, e re din kru dguma, k'a dgudgu kwosɛbe , n'a ri brintin, ni kangan we bɔ a da ²¹fɛ.Yesu re din fa ɲrika ko: «Kwo ɲin m'a ra ka bɔ fɔ waati jɔn? » Din fa ren ko: «ka bɔ fwɔ a min dɛnsɛnnin ye.» ²²WAatiw jɔɔ ee n'a fri fiyɛn na , waman jee ra ɲ'a m'a fɛ ka a haraki. N'ii she ka fɛen jɔ kɛ nyee ,makari an na, y'a njaman²³Yesu re segi k'a fwɔ a fɛ ko: «N'ii she? Mgɔ min danaya kɛ, fɛn biɛ she ka wee.» ²⁴Ja ni ken ,din fa re prɛn kan ba ra ko: «N'danin m'a ra! na njama nka dananbiyara.» ²⁵Yesu jaman bii shɔ je ka naa, e ree prɛn nɲi dgu kan ko: «Ye bobo nɲi wo, ne ce j'i ma ki ya bɔ ɑ ni e kaa segi ka dun yan kun.»²⁶Nɲi dgu we komokanba bɔ, ka din dgudgu kwosɛbɛ ka sii ka bɔ . Din we kɛ nafwɔ a sani, fwɔ jaman tu ma fwɔra ko: «A sara.» ²⁷Ngaa Yesu re mlan a boo ma, ka a kɔɔta, din we ri jɔ.²⁸Yesu duna sho kɔɔnna sgan mi na, a ka krandinw ne ya ɲrika aa danmafɛ ko: «Mɔɔnna an ne ma she ka ɲi dguw kpɛn» ²⁹E ya ru jabi ko: « Jina shiɲinu ti kpɛn ni ALA daare tɛ.»³⁰³²Aa re bɔ wo ja ra, ka ta Galile .Yesu tun t'a fɛ mgɔw ra ru ja dɔn, Bari a tu m'a ka krandinw kran na. E ya fwɔ a ka krandinw fɛ ko: «MGƆ dincɛ na dun mgɔw bora , aa na a pga. N'a ka sa, an knu tee sabana dun.» ³¹Ngaa aa ma wo koma kɔɔ dɔn, aa reen tu mi sran na k'a ɲrika.³³Aa re ta she Kapɛrɛnaumu. Aa dun na sho kɔɔnna, e ya'a ka krandinw ɲrika ko: «K'an to sra kan ɑa tun mi koma shiyara aa ni ɲgɔn shɛ mɔɔnna?» ³⁴Ngaa aa re ya jɔ, aa ma koman katgu aa tu mi ngɔn sɔsɔ ra sra kan ko jo mi aa shɛma mgɔ ba wee. ³⁵E yi sgi ka a mgɔ tan ni fla kri, k'a fw'a ye ko: «Ni mgɔ m'a fɛ ka kɛ ɲa mgɔ ye , a ka kan k'a yɛɛ to kwɔ, ka kɛ biɛ ka baaradin ye³⁶E ree dɛnsɛnni jɔ mlan ka jɔ aa shɛma. E ya mlan a boo ma k'a fwɔ ko: ³⁷Mgɔ o mgɔ dɛnsɛnni yi shi ladun ne tgɔ ra , a tgi nee laduun fraanŋi mgɔ mii ne ka ne ladun, wo tgi ma ne kee ladun ngaa , mgɔ mii ne cee ee wo tgi fran laduun.»³⁸Yuhna na fwɔ yesu fɛɛ ko, kaamgɔ an cɛ jɔ ye a min jrannw kpɛ na ka bɔ mgɔra e tgɔra. An ne yaa fwa fɛ ka kaa wo kɛ, katgu a t'an jɔ ye. ³⁹Yesu ee yaabi ko : Aa kaa ɲatgɛ katu mgɔ shiti she ka kabakwo kɛ ne tgɔra ka yɛman ka koman dgu fwɔ ne man joonan.⁴⁰Min tiandguye wo min an ɲin nee. ⁴¹Shiɛn na ne fwa ɲannan ko mgɔ o mgɔ ka je fɛnin ɲa keen myin ta j'aaman ko aa kɛra krista ye wo tgi ti dɛsɛ wo barajira.⁴²Mgɔ o mgɔ ka kɛ wo dɛnsɛn ɲinu jɔ biŋi sababu ye, a na pisaya wo tgi ma sende ba ra sri a tgi kanna k'a fri kɔgɔjeba ⁴³ra.N'i boo ka kɛ e biɲi sababu ye, a tgɛ k'a fri; ⁴⁴a ka pisa a ma ya dun ɲranmaya ra nin boo kee ye, sani ya kɛ n'i boo fla wee ka ta yandaman fiyen ba ra, wo mi ti pga abada.⁴⁵N'i sin ka kɛ e biyin sababu yeɑ tgɛ, bari a ka pisa e ma ya dun ;,ranmanya banbii ra nin sin keen ye, sani y'a to ni sin fla ye , een fri yaandama ra. ⁴⁶Wo yandama finɛ mi maa, a ti pga.⁴⁷Ni ɲa ka kɛ e biɲi sababu ye, a bɔ,. Bari a ka pisa mgɔ ma ya dun n'i ɲa ken ye YAA MASA ka masaya ra, sani ya to n'i ɲa fla ye, ka ta yandama ra, ⁴⁸wo ja mi na aa ka tumuw ti sa, a ni a fiɲɛ ti pga abada.⁴⁹Bari fiɲɛ wee naa na kɛ biɛ ken ken ka kɔgɔ wee. ⁵⁰Kɔgɔ ka ji, ngaa timiya mii m'ara , ni wo ka b'a ra, mɔn na she ka wo timiya kwɔsegi a nɔɔn na kun? Aa kɔgɔ dun aa yɛ ra, hɛrɛ we ka sɔɔ aa ni biɛ shɛ.»

¹Yesu wrira ka bɔ ja ra ka ta Jude mra la. Jude baje kofɛ. Jaman baa taa nŋɔn kunbɛn a kɔɔ kun. E ree sɛbɛ ta k'a kran, nafwɔ ee to k'a kɛ tgomina ka kɔɔ. ²Fariziɛnw jɔɔ re y'a kwaa ra k'a ɲrika ko: «Abɛnni mu cɛ ra moso fru sa wa?» Aa re wɔ k'a kɔɔbɔ. ³Yesu fran le y'a ru ɲrika ko: «Musa sriya jɔn sgii a ye wo kwo ra?» ⁴Aa re ya jabi ko : «Musa sɔnna ka cɛɛ ka fru sa sɛbɛ didaa ka sɔɔn ka moso bla.»⁵Yesu re ya fɔ a ye ko:« Aa ye ka sɔnkun gwreya we ra too Musa re wo sariya sgi aa fɛ. ⁶NI wo tɛɛ, diɲe damlan waati ra," YAA MASA re cɛ ni moso dan."⁷"We kaman, cɛ na a fa n'a ba toɲi, k'i ɲɔrɔ a moso ra. ⁸A fla na kɛ piisgo ken ye." Wo tgo ra, aa ti fla ye kun, nga ken. ⁹Wo ra, YAA MASA fɛn mi jii k'a kɛ ken ye, mgɔ shi kaa wo paa.»¹⁰Yesu n'a ka krandinw kwɔsegi ra wati mi na, e y'aa ɲrika wo kwow la kun. ¹¹E ya fwɔ aa ye ko: «Mgɔ o mgɔ k'a moso fru sa ka jɔ kwɛɛma ta, wo tgi yashɔya kɛɛ , a r'a moso gare hakɛ ta. ¹²Ni moso mi bɔra a cɛ fɛ ka ta fru cɛ kwɛman fɛ, wo fanan yashɔya kɛɛ.»¹³Mgɔw taa Yesu yara ni dɛnsɛnw jɔɔ ye ko a r'i boo da wu kan ka duba k'a ru ye, ngaa a ka krandinw nee prɛn aa kuna. ¹⁴Yesu r'aa je mi kɛ, ee jimi krandinw kɔɔ k'a fwɔ ko: «Aa to dɛnsɛnw naa na ne ma aa k'a ru ɲa tgɛ, bari YAA MASA ka masaya mi wu bɔŋɔnkwɔw ta ree.¹⁵Shɛn na, ne ra fwɔ aa ye ko mgɔ min ma sɔn YAA MASA ka masaya ma na fwɔ dɛnsɛnw na kɛ tgo min na, wo tgɩ tin na she ka dun a la fyo.» ¹⁶Wo kɔfɛ, Yesu le dɛnsɛn ɲunun ta keen keen ki boo da aa kan ka duba kɛ aa ye.¹⁷Yesu ta shɔ dgu kwɛma na, cɛ jɔ bii ra ka ta kwingwinri kwan a kɔɔ ka ɲirika ko : «kaamgɔ ɲuman, ne ka kan ka mɔn kɛ ka ɲin ba bii sɔɔ?» ¹⁸Yesu le ya fwɔ ko : «mɔn na e ne kri ko kaamgɔ ɲuman? Mgɔ ɲuman shi tin ɲin ni YAA MASA keen tɛ. ¹⁹E YAA MASA ka sariya dɔn : "E k'a mgɔ pga, e k'a yashoya kɛ, e k'a na soɲani kɛ, e k'a na fiɲan seeya kɛ, e ka na mgɔ tɔɲɔ, e fa ni ba bonɲa.»²⁰Cɛ ye a jabi ko : «kalan fa, ne wu biɛ bato ka bɔ fwɔ n'dɛnsɛn ma wate ra.» ²¹Wo la Yesu le ya fɛɛ a kwo le ya ja. E ya fwɔ ko : «fɛn ken tora e fɛ; e boora fɛw fyere ka wo wari talan fantanw shɛɛ, wo la, nin kwan ne kɔfɛ.» ²²Wo koma le cɛ ya sisi. A doso kashi ni taa, bari nafo shaman tun ma fɛ.²³Kalandinw tin Yesu kwori, a la fɛ ka fwɔ ko : «nafoo tgi dun kwo ka kwɛɛn YAA MASA ka masaya la!» ²⁴Wo koma we kalandin kobakoya. Yesu re koma ta kun ka fwɔ aa fɛ ko : «na baremanw, min nun dgi min nafwɔ ka, wu dun kwo ka kwrɛn YAA MASA ka masaya la! ²⁵Nŋɔmɛ dunni ka nŋɔ mɛsɛn wo fɛ ka tɛmɛn nafoo tgi kan YAA MASA ka masaya la.»²⁶Kalandinwu kabakoya la fwɔ ka daama tɛmɛn fwɔ aa tin ma fwɔra nŋɔn fɛ ko : «wo tunma na, jon she ka lakishi?» ²⁷Yesu yaa fɛ ko : «kwo jɔɔ min ɲin adamadin ti she ka min kɛ, n'ka YAA MASA she ka wo kɛ, bari YAA MASA she fɛn biɛ la.» ²⁸Piɛri la fwɔ Yesu ye ko : «a fɛɛ, a ne fɛn biɛ toyin kan kwan e kwɔfɛ.»²⁹Yesu ya jabi ko : «Shɛnna, ne la fwɔ aa ye ko ni mgɔ wo mgɔ la ka dwu to, waama bareman cɛw, waama a bareman mosow, waama a fa, waama a ba, waama a din, waama a ka jiiw ne ɲi kibaru duman kama, shika ta la, ³⁰wo tgi na nan wo shi biɛ kɛmɛ kɛmɛ sɔɔ diɲa na : a na na dguw sɔɔ, a na na tɔrɔw fana sɔɔ, a na ɲi ban bali sɔɔ sini. ³¹N'ka ɲamgɔw shaman na na kɛ kwɔmgɔw ye; kwɔmgɔw na na kɛ ɲamgɔw ye.»q ³²Yesu n'a ka kalandinwu tin min sra kan ka ta Zeruzalɛm, a tin min aa ɲateenna. Kalandiw akri tun nŋami na. Mgɔ min tun min a kwɔfɛ, sraɲan tun min wu la. Yesu ta ni a ka kalandiw tan ni fla ye wu danna. Kwo min na sɔɔ, a le wo fwɔ aa ye. ³³«Aa fɛɛ! an min tara Zeruzalɛm. Wo ja ra, aa na na mgɔ din cɛ dun saaka lashebgaw kuntgiw ni sariya kaamgɔw boo ra. Aa la fwɔ ko a ra pga. Wo kwɔ aa na dun shiya kwɛmanw boo ra. ³⁴Aa na na yɛɛko a la, ka daje tun a kan, ka blɛ ni worokamin ye, ka pga. N'ka tee saba a pgani kwɔfɛ, a na knun.»³⁵Wo kw,ofɛ, Zebede ka din cɛ fla, Zaki ni Zan, kwaa ra Yesu ra ka fwɔ a fɛ ko : «kaamgɔ an na na fɛn min yara e fɛ, an ma fɛ e ka wo kɛ an ye.» ³⁶Yesu la wo ɲirika ko : a ye ma fɛ ne la mɔn kɛ aa ye?» ³⁷Aa ya jabi ko : «e na sgi masaya la ni nɔrɔ ye wate min na, ee ka sɔn an keenen ka sgi e kini boo fɛ, keenne ka sgi e ɲama boo fɛ.»³⁸Yesu ya fwɔ aa ye ko : «aa ye fɛn min daare, a ta dɔn. tɔrɔ min na na ne sɔɔ, aa ye she ka a shi munɲu wa? Ne nan na batize tgo min na, aa na sɔn wo shi ma wa?» ³⁹Aa ya jabi ko : «an na she.» Yesu ya fwɔ aa ye ko : «tɔrɔ ni sgɛn min na ne sɔɔ, wo shi fana naa sɔɔ. ⁴⁰N'ka ka sgi ne kiniboo fɛ, waama ne ɲɔnmanboo fɛ, ne ti wo latgɛbgaye. wo jaaw labɛn na minwu ye, aa na jii wu le ma.»⁴¹Kalandinw shɔw wo mɛn min kɛ, a le jimin Zaki ni Zan kɔɔ. ⁴²Yesu la kri ka fwɔ aa ye ko : «aa ya dɔn ko, diɲan kɔnna, shiya ɲamgɔw le kuntgiya kɛ shɔw kan, mgɔ ba baw le fagan jira a la.⁴³A ma kan ka kɛ tin aa shɛɛma, ⁴⁴ni mgɔ min ma fɛ ka kɛ mgɔ ba ba ye aa shɛɛma, wo tgi ka kan ka kɛ aa ka baara din ye; ni mgɔ min ma fɛ ka kɛ ɲamgɔ ye a shɛɛma, wo ka kan ka kɛ aa biɛ ka jɔn ne. ⁴⁵Bari mgɔ din cɛ ma na waasa mgɔ la baara kɛ a ye, n'ka a na ka mgɔ mako ɲa, a ni ka ɲii jii ka kɛ mgɔ biɛ kuma bɔ saa ye.»⁴⁶Yesu na ka kalandinwu ni jama ba shera Zeriko. Aa bɔshɔ wo dgu kɔnna, Time din cɛ Bartime min kɛra fiɛnshɔ ye, a tun sgini min sra da la ka daareli kɛ. ⁴⁷E ya mɛn ko Nazarɛti kan Yesu min tɛmɛ min kɛ, e ya dmnan ka prɛn ko : «masacɛ Dawuda din cɛ Yesu, makari ne la!» ⁴⁸Mgɔ shaman prɛn na a kunna ko ali mapka. N'ka a prɛn na ka tɛmɛn fɔlɔ kan ko : «Dawuda din cɛ, makari ne la.»⁴⁹Yesu li jɔ ka fwɔ ko aa la kri ka na. Wola, aa le fyɛnshɔ kri ka fwɔ a ye ko : «e akri sgi! wri! a ko ki ra na.» ⁵⁰E ya ka deeke ba fri ki pan ki jɔ, a tgɔnma na ka ta Yesu fɛ.⁵¹Yesu ya ɲirika ko : «e ma fɛ ne ra mɔn kɛ e ye?» fiɛnshɔ re ya jabi ko : «kaamgɔ, ne ra jerikɛ kun.» ⁵²Yesu la fwɔ a ye ko : «ta, e kɛnŋɛyala e ka danaya kama, wo janni biɛ, e le jeri kɛ, e li kwan Yesu kwɔfɛ.

¹Aa srunɲani wo Jerusalɛm, ka she Bɛtifaje, ni Betani oliviye kru ygɛma ra, Yesu re ya ka krandiw mgɔ fla ce ka ta aa ɲa ²k'a fwɔ wu ye ko: «Aa ta aa ɲatena dgura, aa dun shɔo dgu kɔɔna, aa na fari din jɔ srini sɔɔ ɲi, mgɔ shi ma yɛɛ mi kan ban. Aa wo fii ka na nɛɛn yan. ³Ni mgɔ jɔ kaa ɲrika ko:"Aa m'a fiira mɔnna", aa wo jaabi ko:"Matgi makwo m'a ra, a na a kwɔ segi e ma sisa sisa.»⁴Aa re ta ka ta farindin sri ni sɔɔ sraba daara , daa jɔ ra. Aa re ya fii . ⁵Mgɔ miinu tu miɲi ,wu jɔɔ re yaa ɲrika ko: « aa mi farindin ɲi fiira mɔɔna?» ⁶Yesu tiin mii fw'aa ye aa re wu jaabi ni wee. Wo mgɔw re ya to aa ra ta nɛɛ.⁷Krandinw ne ta ni farindin we Yesu fɛ, k'aa ka frunw bri a kan, yaako Yesu ra yɛɛ a kan. ⁸Mgɔ shanman nee aa ka frunw lawoo sraakan, jɔɔ re flabru kengɛnw tgɛ jiw ra k'a lawoo sra kan. ⁹Miinu tun mi tgɔmana Yesu ɲa ni a kɔfɛ tun m'a fwɔ ra ko: «Hosanna! Mgɔ mii mi nana Matgi tgɔ ra, duba mi. ¹⁰An fa Dawuda ka masaya mii mi nana, duba mi wo ye! Hosanna ja kɔɔtani baw ra.»¹¹Yesu duna Jerusalɛmu, ka ta YAA MASA bato shoba kɔɔna , ka fɛn kenken biɛ kɔɔshi. Wo kwɔ, a i a ka krandinw nee ta Betani tee byinnima ra. ¹²A dgusɔpiɛ ra, aa bɔshɔra Betani, kɔngɔ we Yesu mlan.¹³K'a to fwɔ jayan na, e ree tooba jɔ je flabru m'a ra, ee t'a fɛɛ nin din m'a ra, ngaa a she ra, e ya je din fwoyi t'a ra ni flabru tɛ, katgu too ka dinkɛ skan tin tɛ. ¹⁴E ya fwɔ toobaa ma ko: «Mgɔshi ti ye din dun kú» A ka krandinw ne y'a kaan mɛn.¹⁵Aa sheni wo Jerusalɛmu, yesu re dun YAA MASA bato shoaa kɔɔna ka yakorikɛraw nisanikɛraw kpɛn. E ree wari piiraw ni jɛnɛkantgan fiereraw ka skijaw biɛ shɛn. ¹⁶A m'aa to mgɔ shi ra ta ni yakorifɛn ye batorishoba kɔɔna.¹⁷E re mgɔw kran ko: «Yara a ma sɛbɛ ko: "Ne ka sho na kri ko shiyaw ka YAA MASA dare sho?" Nŋaa aye kpin n'a kɛɛ byinkannikɛraw dgon ja yee.» ¹⁸Saaka lashe bgawkuntgiw ni sariya kaamgɔw re y'a mɛn, aa ree tgo yara ka she ka Yesu pga, bari aa tun mi sran n'a ɲa katgu jamaan kabakwoyani tumu a ka kran fɛ. ¹⁹Wlara la, a n'a ka krandinw ne bɔ dguu ra.²⁰Wo dgupyɛ sgoma da jonala, aa tɛmɛnshɔ o sra kan, aa le wo tooba yanin je ka she fwo a driman. ²¹Kwo min tun kɛra Piɛri yri le bla wo la, e ya fwɔ Yesu fɛ ko; kramgɔ, e tooba miin dagaa, wo yanin fɛɛ.²²Yesu lee yaafwɔ a ka kradinw ye ko. Aa da YAA MASA la. ²³Shɛɛnna ne la fwɔ aa fɛ ko mgɔ mgɔ ka fwɔ kruɲin man ko; bɔyan ka t'a fri kɔgɔjera, ni a man shika shika a dosokunna nia dara la e minfwɔ, wonakɛ wonakɛ a ye.²⁴We kɔsɔn ne ra fwɔ aaye ko aa ka YAA MASA daare fɛn o fɛn na aa da a ra ko aa wo sɔɔ, wo na kɛ. ²⁵Ni aa ka aa jɔ n'aa na YAA MASA daare, ni kwo jɔ ka kɛ e ni mgɔ jɔ shɛ, aa ka kan ka yafa wo ma, yaako aa fa min mi sankoora wo ra yafa aa ka hakɛw ma. ²⁶Nŋaa, n'aa ma yafa, aa fa min mi sankoora wo shi ti naa aa ka hakɛw yafa.»²⁷Aa re segi ka bɔ Jerusalɛmu. Ka Yesu to yara yara ra batorisho baa kɔɔn na, saaka lashe bgaw ɲamgɔw, ni sariya kaamgɔw, a ni cɛmgɔbaw re na a fɛ. ²⁸Aa re y'a ɲrika ko : « e ko ɲii kɛ ni shebgaya jɔɔn ye? Jɔɔn wo kɛ sra jii ye maa?»²⁹Yesu re y'a fw'a ye ko: «N n'aa ɲrika, n'aa ka ne jaabi, ne biɛ na nka shebgaya bɔja fɔ aye. ³⁰Jaan ka batɛmu tin bɔ sankoo we ra waa, ta a tin bɔ mgɔw re ra? Aa ne jaabi.»³¹Aa re nŋɔn sɔsɔ aa ni nɲɔn shɛ ko: «N'an ka fwɔ "k'a tin bɔ sankoo ra," a n'a fwɔ ko, "Mɔɔn na aa ma da wo ra?" ³²Nŋa n'an ka fɔ ko "Ka bɔ mgɔw ra"»...aa ree sran jamaan ɲa, bari biɛ danitunmara ko Jaan Batisekɛraa tin mi cera ree. ³³Wo ra, aa ree Yesu jaabi ko: «An taa dɔn.»Yesu biɛ re yi aa ma ko:« Ne shi tin n'aa nka shebgaya bɔ ja fwɔ aa fɛ.»

¹Wo jaa ra Yesu re damlan k'aa kran ni tarenw tgoya wee ko: «Ce jɔ tu mi ka rɛzɛn fye bɔ ka jasaa kɛ k'a lamri, ka rɛzɛn ja didaa, ka sankan sho yan jɔ. Wo kɛnin kɔ, e re rɛzɛn fwe karifa sɛɛnbgaw jɔɔ ma , ka ta jamana jɔ ra; ²Rɛzɛn muɔn sgan she ra, cɛ we baradin jɔ ce ko wo ra t'i kunbɔ ka rɛzɛn fye fɛɛ. ³Aa re baradin mlan k'a blɛ, k'a kpɛn, k'a borakon bla ka ta.⁴Cɛ we baradin kpɛman ce, aa re wo majimi a kunkoo ra, k'a ɲagin fɔ ka she lɛbu ma. ⁵Cɛ we sabanan ce kun, aa re wo pga. Nakwɔ sɛɛkɛraw baradin shanma ne kɛ wo tgo ra,ka jɔɔ blɛ, ka jɔɔ pga.⁶Mgɔ ken ne to ni tun mu ceradin we, wo tu mi ccccɛ din manjuman wee.Cɛ we ko a yɛ kɔnna ko: "Aa n'a ndin boɲa". ⁷ngaa yiri fye kɔɔshi bgaw re ko ngɔn shɛ ko: "A tɲɛn ta bga mi de, an a pga, tɲɛ we k'an ta ye."⁸Aare din mlan, k'a pga k'a fri yri fye kɔfɛ. ⁹sisa, yri fye tgi na mɔn, kɛ? A na na yri fye kɔɔshibgaw hraki, k'a karifa mgɔ kpɛmanu man.¹⁰Aa ma sɛbɛri ɲi kran?" Sho jɔbgaw sende mi fri, we kɛra sho kpii ra sende lakika wee. ¹¹Wo kwo bɔra Matgi ra, a ni a kɛra kwo sɛbɛ ye an ɲa na." ¹²Aa r'a laɲinii ka Yesu mlan ngaa aa tin sran jaman ɲa, bari aa tin na dɔn ko Yesu taren ɲi fwɔ ka a ɲashin aa yee ma. Wo raa, aa re Yesu toɲi, ka tɛmɛ ka ta n'aa ka sra ye.¹³Wo raa, yawutuw ka kuntgiw re farisiɛnw ni herodiɛnw danmani ce k'aa ra na Yesu lasri ni komanw ye. ¹⁴Wuu sheraa, aa re ko yesu ma ko: «An kuntgi, an n'a dɔn ko ye ti mgɔshi ka myiriya jate, ee ti mgɔ bɔ mgo ra. Yee mgɔw kran Ala sra tgi tgi we ra.Ngaa, ka lanbo saa Sezari fɛ, wo bɛnni no waaa, t'a bɛni tɛɛ? An ka kan k'a saa waaa ya an man kan k'a saaa?» ¹⁵Ngaa Yesu ti n'aa ka flankafwɔya dɔn, ee ko: «Mɔn n'a to aa re ni darabɔ? Aa na ni wari ngɛni di ken ye yan nin k'a fɛɛ.»¹⁶Aa re na ni Wari wee. YYesu re y'aa ɲrika ko: «Jɔn kukoo yaa n'a boo nɔn mi a kan ɲi ye?» Aa re y'a lamlan ko: «Sezari ta ro.» ¹⁷Yesu re ko: «Fɛn miinu mi Sezari ta ye, aa wu ji Sezari ma. Fɛn minu mi YAA MASA ta ye , aa wu ji YAA MASA ma.» Wo kwo we y'a ru kabakwaya.¹⁸Wo ra , saduseyɛn miinu n'a fwɔɔ ko shu knunii ti shɛn ye, wu re na Yesu fɛ ka a ɲrika ko: ¹⁹«Matgi, Musa sɛbɛ jɔ kɛɛ k'a ji en ma ko: ni cɛ min kɔɔcɛ ka sa ka moso to din tan ye, wo cɛ ka kan k'a kɔɔcɛ moso ta, ka din woo nɛɛ.²⁰Bareman wonwla ti mii; dincɛ gare wee moso ta , ka sii ka sa, ka wo moso to din tan. ²¹Dincɛ flanan we wo moso ta kun, ka sa, wo shi ma din sɔɔ nɛɛn. Dncɛ sabanan fran re kɛ tin. ²²Dincɛ shɔw biɛ ta we kɛ tin fwɔ ka ta she wonwlanan ma, din ma sɔɔ. Alaban na, moso biɛ re sa. ²³Wo ja ra, ni shu krunnin ka na kɛ, n'a biɛ ka ɲranmaya, wo moso na ji jon man? Bari a kɛra din wonwla biɛ moso ye.²⁴Yesu ko: «Ya ra, aa ka frii kun ti ɲi ye, bari aa ye ti YAA MASA ka komaw dɔn, aa t'aa ka shebgaya fran dɔn? ²⁵Katgu, n'aa ka na knu ka bɔ saya ra waati mi naa, fru ti na kɛ ku, ngaa aa na kɛ nafwɔ sankoo ra mɛɛkɛw.²⁶n'ka ka ɲatee shu krunni kwo ma, aa ma Musa ka sɛbɛ kran, koman min fɔra cunin ka kwo kuunka, YAA MASA koman na ka fwɔ a ye ko : «"ne min Ibrahima ka YAA MASA ye, Isaka a ni Yauba ka YAA MASA?" ²⁷Shuw ka YAA MASA tɛ, n'ka ɲramanwu ka YAA MASA lo. Aa m'aa yɛɛ lafrila kwodgu»²⁸Saria kaamgɔw jɔɔ re wo sɔsɔri koman mɛn; e ra je ko Yesu la jaabi ka ɲan. Sariya kaamgɔ we re Yesu ɲrika ko : «cee fwɔninw biɛ ra gare min jɔn ye?» ²⁹Yesu re ya jaabi ko : «gare fɛɛ "Israɛl, lamɛnni kɛ, matgi, an ka YAA MASA min keenpe ree. ³⁰E ka kan ka matgi, e ka YAA MASA kannun ni doso kun biɛ ye, ni ɲin biɛ ye, ni myiri ya biɛ ye a ni e baaka biɛ ye". Ce fwɔnin min gwan wo ra : ³¹"e ka kan k'ii mgɔ nŋɔn kannun na fwɔ e yɛɛ kun wo." Ce fwɔ nin shi man buun ka wuu bɔ.»³²Sariya kaamgɔw we ko : «a kaɲin, kuntgi! E ra fwɔ shɛnna ko YAA MASA min keen nee, ko YAA MASA kpɛnman tin ɲin wo kwɔ. ³³Ka a kannun ni doso kun biɛ ye, ni ka faamuyari biɛ, a ni baaka biɛ ye, ka e mgɔ nŋɔn kannun nafwɔ e yɛɛ kun wo, wo ka bun ni saaka giintaw a ni saaka shifaa biɛ ye.» ³⁴Yesu ra je e jaabi kɛɛ ni akritgiya ye, e re a fwɔ a fɛ ko : «ye ni YAA MASA ka masaya shɛɛ man yan.» Wo kwɔ, mgɔ shi ma sɔn ki kwaa ka Yesu ɲirika kun.³⁵Ka Yesu to mgɔw kran na YAA MASA ka bato sho ba ra, e ree y'a ɲirika ko : «A kɛra di sariya kaamgɔw ma fwɔra ko Krista mi Dawuda bɔnsɔn ye?» ɲin senu we ³⁶Dawuda ɲa mlan e ra fwɔ ko : «matgi ra fwɔ ne ka matgi fɛɛ, e sgi ne kininboo ra fwɔ nin k'i dguw kɛ e sin kɔɔ tgɔnman bri ye.» ³⁷Dawuda yɛɛ kun wee Krista kri ko «Matgi», wee re kɛ Dawuda bɔnsɔn we tgo di? Yesu ka koman lamɛnin jara jama ba we kwo sɛbɛ.³⁸Yesu tin na fwɔ a ka kran na ko : «aa yɛɛ kɔɔshi sariya kaamgɔw ra, aa deeke baw bla aa kanna ka yara yaako mgɔw r'aa mgɔ ba fwo, fooba jɔɔw ra. ³⁹A ni ɲateenasgi ka ji aa ye yahutuw ka jama lajɛn sho baa ni ɲannapiɛ ja baw ra. ⁴⁰Aa friya mosow boo fɛnw biɛ shi mlan aa ra, wo kɔfɛ aa re miɛn YAA MASA daare ra yaako a ra mgɔ sɛbɛya yra mgɔw ra. Wo shi mgɔw na yaakili ba sɔɔ»⁴¹Yesu li sgi YAA MASA bato sho ba ra, ɲinifɛnw bla kɛshuu kɔɔ, ka wari bla tgow kɔɔshi mgɔw fɛ. Nafoo tgi shaman tin min wariba baw bla ra. ⁴²Friya moso fŋantan jɔ re woma ka na wari mɛsɛn fla bla, wo wari da min tanman keen ne.⁴³Yesu re krandinw kri ka fwɔ aa ɲanna ko : «sh,en shɛn na ne ra fwɔ aa fɛ ko, friya moso fŋantan ka wari jita shiyara ka tɛmɛn mgɔw biɛ shi taa kan. ⁴⁴katgu Wariba tgiw tin biɛ jɔ jii ka bɔ aa ka nafoo ra, n'ka ɲin kwin ni a ka fŋantanyawo, wo r'a baro biɛ re jii. Baro wari shi ma to aa boo ra.

¹Yesu bɔ shɔ YAA MASA bato sho ba ra aka kalandin jɔ re ko a fɛɛ : sho ba ɲin na jɔ sendewu fɛ! A ye ri to a ma ko : ²«e ya min sho ba ɲin na? foshi ti na to a sende ra nŋɔn kan nin min ti bɔ nŋɔn na.»³Ka a sginin to olivie kru kan sho ɲate na, Piɛri, zaki, zan ni Andre wu re la kri dana ka ɲirika : ⁴«wo ko na kɛ wati min na wo fwɔ an fɛ, a ni tamasɲɛn min nun na a wati yira?»⁵Yesu re la damnan ka fwɔ aa fɛ ko: «aa yɛɛ kɔɔsi mgɔw ka lafri ma». ⁶Shama na nan na tgɔ ra ko : "ne min Yesu re." Aa re na mgɔ shaman lafri.⁷Aa ka na kɛ kwo mɛn wala kɛ kwo kwo ma mɛn, aa ka kɔnna fiin. Wo kwowu ka kan ka kɛ, n'ka wo ti laban we. ⁸Ka tgu jamana na nan wri jamana kaman, masaya jɔ na wri masaya jɔ kaman. dgukoowu na yɛɛ yɛɛ jɔ shaman nan a ni kɔnŋɔnw na shaya. wu na kɛ din wo tɔrɔ damnan tamasɲɛn we.⁹Aa yɛɛ kɔɔshi. Aa na na dun fŋamanw boo ra a ni ka a blɛ nŋɔn je shoowu la. Aa na aa kri ɲamgɔ bawu ni masawu ka sho ra na ka kwo la. Wo na kɛ wu fɛ a ka shɛrɛya ye. ¹⁰N'ka wo wati la kibaru juman ladunin ka kan ka shɔɔ jamanawu biɛ la.¹¹Na ka aa mnan ka jii, aa ka sran aa koma fɔ ta ko la. Katgu wo wati yɛɛ yɛɛ la a fɔ tawu na dun aa doso la. ¹²Aa ye yɛɛ ti na koma n'ka nin senu. Baleman na a baleman dun sariya, wonifa na din dun saya la. ¹³Dinw na muruti wobgaw ma ka a laɲnin ka bla saya la. Aa na aa biɛ mankoya ne tgɔ kaman. N'ka mgɔ wo mgɔ ki ŋumankweya fɔ a dan na, wo tgi na kisi.¹⁴Aa ka na mayɛɛma kwowu kɛ shɔ je na min kɛra jɔ la, na kɛ jɔɔ tɛ (ko sɛbɛ kalan bgaw la famu), ni min nun ka kɛ Zude aa ra kruw sɛgɛrɛ. ¹⁵min nun mi san kan wu kaa dgi dguma k'aa na fɛn jɔ ta ka bɔ nɛɛn. ¹⁶Min nun ka kɛ jii la wu k'aa kwɔseki ka na deekeba ta wo la¹⁷Dinba tgiw a ni moso kɔɔnmawu na tɔrɔ shaman kɛ. ¹⁸Aa YAA MASA dare a kwowu k'a kɛ nɛnɛba wati la. ¹⁹Katgu balawu shaman na kɛ min nun shi ma kɛ kɔ bɔ dinɲɛn dan sgan YAA MASA fɛ ka ta she bi ma, wo ni a shi ti na kɛ ra kun. ²⁰Ni YAA MASA tun ma jɔ bɔ a lawu la, mgɔ shi tin ti kishi. N'ka YAA MASA la te dawu dgɔya a ka mgɔ latɔnmɔnniw sababula.²¹Wo ra ni mgɔ jɔ ka fwɔ aa fɛ wo : "aa fɛ, Krisa min ne" waaman "aa fɛ, a min ɲan!" e k'a da ra ²²bari fɲɛn fwɔ Krisaw ni ceraw fɲɛn fwɔ na bɔ ka kabakow ni kwo bawu kɛ, fwɔ ka lafriri kɛ, n'aa she yɛɛ YAA MASA ka mgɔw. ²³Aa yɛɛ kɔɔshi! Ne flan na ka kwo ɲun nun biɛ fɔ a fɛ.²⁴N'ka laa dguw tɛmɛn ni kɔfɛ, tee na jibiya, karo fana ti na kɛnɛ bla kun, ²⁵doninw na bin ka bɔ yatŋannan na a ni fɲanw mi nun bɔ sankoo ra wu biɛ na bin. ²⁶wo ra, aa na mgɔ din cɛ na shɔ je kabavo shɛra ni fŋan a ni nɔrɔ ba ye. ²⁷Wo ra a na ka mɛkɛw ce, a na ka mgɔw lajɛn ka bɔ diɲan pan nani na, ka bɔ dgukoo dan na ka ta bla sankoo dan na.²⁸Aa tooba kɔɔ kalan sinw to aa akri ra. A ngu ka damna ka flabru bɔ, aa ra dɔn ka fwɔ ko samanya surunya ra. ²⁹Wo tgo keen na, n'aa ka wo kwo na shɔ je, aa ra dɔn ko a she ni dara ka ban.³⁰shɛn shɛn na ne ra fwɔ aa fɛ ko sisan tee ra mgɔw ti ban ni wo kwo ru ma kɛ. ³¹sasankoo ni dgukoo na tɛmɛn, n'ka ne ka koma ti tɛmɛn. ³²N'ka ne ka jon two a na wati ra, mgɔ shi ta dɔn, ani mɛkɛ min nun mi sankoo ra a ni din cɛ, n'ka a fa keen.³³Aa janto aa yɛɛ ra ka shi ɲannaw kɛ bani, an min wati mina aa ti wo dɔn. ³⁴Aa bɔɔni shɛ jɔ fɛ min mun ta ra tgɔnman na (n'a la ka sho kalifa a ka bara dinw ma, biɛ na she kwo. na ra fwɔ kɔɔshi bga fɛ ko a na shi a ɲanna.³⁵wo ra aa shi aa ɲannan. Bani aa ti sho tgi seki dun dɔn, shu fɛ, waaman dgu taaman, waaman dono komo sŋan, waaman sgɔnma. ³⁶A ka baa ka seki ka na aa sɔ aa ɲanna. ³⁷ne min fwɔ r'aa fɛ ne m'a fwɔ ra aa keen keen biɛ fɛ : aa shi aa ɲanna!»

¹A shɔ to tin min tee fla, tɛmɛnkan sii a ni bwuru brin tan ka sii tin we kɛ. Saaka lashebgaw kuntgiw ni sariya ɲamgɔw tin min tgo ɲini na ka Yesu pka. ²Aa ra fwɔ nŋɔn fɛ ko : « a ka kɛ sii wate ra, yaako jama k'a na muwti an boo ra.»³Ka Yesu to Betani Simɔn kunashɔ ka sho, moso jɔ re na dun ni dga jɔ ye, a dida min nin sende sŋɔn gwrɛn jɔ ye, wo dga paani tin mu laticoli kasa juman ye min sŋɔn ka gwrɛn. Wo moso re wo dga ti ka wo bɔn Yesu kun na. ⁴Wo kwo ma bɛn jɔ ma, aa re to ka nŋɔn ɲirika ko : «shɛnni ɲin kun min jɔn ye? ⁵Wo laticoli tin ɲin she ka fyiere sŋɔn gwrɛn na ka wari ji dɛsɛbashɔɔw ma.» Aa re ra ɲumace moso ma.⁶Nkaa Yesu de kuma a fɛ ko:«aa mosow ɲa kwan mɔn na? aa a to ɲa shɔn na. e ko ŋuma kɛ ne ye. ⁷Katgu dɛsɛbagashɔn ma fɛ waatibiɛ a she ka ko ŋuma kɛ a ye sgan mi k'a dja, nka ne ti ni a ye sŋan. ⁸E she min na e yo kɛ. E ye laticɔli bɔn ne kan ka kɛ ne shou doun ta ye. ⁹Shɛn na ne ra fwɔ a fɛ ko kibarudjuma ka se diŋɛ ja min bɛ ra, hakri na to moso ɲi ka ko ɲuma kɛni na.¹⁰Judas Isikarioti min tu mi kalandiw tan ni fila jɔ ye, we re ta saaka lashebgaw fɛ ki na Yesu jira aa ma. ¹¹A daakan lamɛni kɔ fɛ, wuu nɲushɔn re ja kwosɛbɛ ka layiru ta a ye k'aa na wari shama ji a ma. Wora, Juda ye tgoya yara yesu mlan tgo ra.¹²Bwuru bri tan dun gare ra, Yesu ka krandinw re na ɲirika ko : «an na tɛmɛnkan sii labɛn sho jɔɔn na yaako e ra she ka dunni kɛ?» ¹³Yesu re mgɔ fla ɲanatɔmɔn a ka krandinw na ka wo ce, ka fwɔ a fɛ ko : «aa ta dgu kɔnna, aa ni cɛ jɔ na bɛn nŋɔn ma, dga deni ma fɛ, je min wo dga ra, a re na gwan na. ¹⁴Cɛ ka dun ja min na, aa re ka fwɔ wo sho tgi fɛ, kaamgɔ ko : «ne nin ka krandinw na tɛmɛnkan sii dunni kɛ sho jɔnna?»¹⁵¹⁶A na sho ba jɔ yira ra, aa ra sanŋan sho ra min a kɔnna, a labɛnnin mun. Aa re tɛmɛnkan sii dunni labɛn an fɛ wo sho ra. ¹⁶Wo krandinw re ta ka ta dun wo dgu kɔnna, wu re ta dun dgu kɔnna. Wu re ta sɔɔ e na fwɔ a ra fwɔ aa fɛ tin min shi. Krandinw ne tɛmɛnkan sii dunni labɛn ɲin.¹⁷Shu kwora sŋan min na, Yesu ni a ka krandinw tan ni fla we na. ¹⁸Ka uu ski nin to dunni na, Yesu re a fwɔ ko : «shɛn na nne ra fwɔ aa fɛ ko aa ye ra, mgɔ keen miin min dunni na ni nee, wo na ne ji ndguw ma. ¹⁹Krandinw ɲana shishi ra. Wu biɛ ken ken re ra ɲirika ko : «ne muu?»²⁰Yesu re aa jaabi ko :«aa ye tan ni fla ra ken no, min na a boo dun ne fɛ mlan kɔnna we mun. ²¹Mgɔɔ din cɛ na sa nafwɔ a sɛbɛn ra a ko ra tgo min na, n'ka min na mgɔɔ din cɛ dun boo ra bɔɔn mi wo tki ye. Nin wo cɛ tin ma woo yɛɛ wo tin ka pisa a ma.²²K'aa to dunni na, Yesu re bwuru ta ka baaka da YAA MASA ye, ka kii kii ka ji a ka krandinw ma. E re ya fwɔ a fɛ ko : «aa ɲin jɔɔ ta, ɲiin min ne piisgo ye.» ²³Wo kɔfɛ e re fiɛ ta ka baaka da YAA MASA ye, ka ji krandinw ma, aa biɛ re jɔ min. ²⁴Yesu re ya fwɔ, a fɛ ko «ɲiin min ne yuu we, YAA MASA ka layiru skini yuu we. A bɔnna mgɔ shaaman kama. shɛn ²⁵shɛn na ne ra fwɔ aa ye, ne tina rɛzɛn jee min kun, fwɔɔ ka ta she YAA MASA ka masaya ra, nna seki ka myi ɲin kun.»²⁶masaba ka dɔnkri dani kɔfɛ, are bɔ ɲin ka ta olivier kru kan. ²⁷Yesu re ya fwɔ a ka krandinw ye ko: «aa biɛ na bii ka ne keen to, bari a sɛbɛ ko: ne na ska kpɛnna pka, skaw biɛ na yigɛn.²⁸Ne ka na kunun ka bɔ shuw shɛma, ne na ta aa ɲan Galile jamana na.» ²⁹Piɛri re ko a fɛ : « ari ni shɔw biɛ ka bii k'i to, ne ti bii abada.»³⁰Yesu re ya fwɔ a ye ko : «bi shu fɛ, donnon ka fii komo, e n'i ban ne ra shiɲan saba k'i te ne dɔn.» ³¹Nka Piɛri re fwɔ ka gwreya ko : «nee sa e nɔnŋan ne dɛ, ne tin ban e ra fiyo.» Shɔɔ biɛ re ko tin.³²Wo kɔfɛ, aa re ta ja jɔn ma min tgɔ we kri ko Gɛtisemane, Yesu re ya fwɔ a ka krandinw fɛ ko : «aa sgi ɲan, yani nŋan fii ta ka na masaba daare ka na.» ³³E ta ɲan ni Piɛri, ni Zan, ni Zaki ye, akri nŋamin we ra sɔɔ, a doso nŋamin tun mun kwosɛbɛ. ³⁴E ya fwɔ aa ye ko : « ne doso tɔɔrɔni mun fwɔ saya ra.»³⁵Yesu re kpaa ɲan dɔnni, e ri kpaa k'i bri ka YAA MASA daare ko ni e she ka kɛ wati ɲin tɔɔrɔ ra tɛmɛn a ye kan. ³⁶E ya fwɔ ko : «ne fa, foyi ti ye kanɲa. Je fiɛ ɲin mabɔ ne ra. Wu biɛ na ta, ne sago ka kɛ, fwɔ ye sgo.»³⁷e yi kwɔseki ka nan kran dinw sɔɔ-sin ngɔn nan . e ya fwo piɛri fɛ ko. simɔne min sin ngɔn re ra? ema she ka ta e ɲan nan a ri ka lɛrɛ ken ka, ³⁸Aa to aa ɲannan ka Ala daare ya ko aa krishi kɔɔbɔri man mgɔ ɲin nŋa a piin sgo baaka ka dgɔ. ³⁹E bɔ aa kɔɔ kun ka Ala daare. ka seki wo koman keen kan⁴⁰wo kɔfɛ e yi kwɔseki a ka kran dinw fɛ, ka ta aa sim mgɔn ni sɔɔ kun kla ye. katgu si nŋɔn tun m'ara kwosɛbɛ. ⁴¹e nan a shaan sabanan nan ka nan fwɔ aa fɛ ko. ari biin aa min sin ngɔn wera k'aa man shɔn? woraa bɔ waati shera. a fɛɛ mgɔ din cɛ nan dun jrumun keraw boora. ⁴²aa wri an nin ka ta . min nan ne dun boora wo shera.⁴³ka yesu to wo koma ra, juda re she wo jani biɛ. kran din tan nin fla ra ken wo a naa nin janmanba ree . munubaw nin ben meew tun maa boora . wu ce nin tin min saaka lashe bgaw kuntgiw nin sariya kaamɔw a nin cɛ mgɔ baw fɛ. ⁴⁴juda min tin nan yesu dun boora wo tin min ka tkɛn man shɛn yra jan man ra ko ko . ni ne ka cɛ min da mŋan wo ro. aa wo mlan ka kɔɔshi kwosɛbɛ ka ta nɛɛn. ⁴⁵juda shera e yi teen yesu man ka fwɔ ko kaa mgɔ wo kɔfɛ e yesu da mŋan. ⁴⁶wo kɛra aa re yesu mlan . .⁴⁷yesu ka mgɔw ra ken ne yaa ka munu bɔ ka saakalashe bgaw. ka yɔn cɛ too caro. ⁴⁸yesu re yaa fwɔ aa fɛ ko aa nan nin min nin munu bawe nin be meew nin munuw ye ne mlan kan man koŋo ne min byin kani kanin kɛra ye? ⁴⁹ne tin ma fɛ dun wo dun ka mgɔ kanla ala yaamasa shobara aa mafwo hi kɛ ne ra. mai ɲin kɛra yako kitabu ra koma ra dapa. ⁵⁰a ka kalan diw biɛ shi re bii ka to.⁵¹kanmi jɔ gwan ni timi yesurani brinkanni keen ne mini tu ma. jamaramgɔ jɔɔ re yamla ⁵²Era ka brinkan to wu fɛɲi ka biin na lan kon we.⁵³aa re tani yesu ye sakalashebganika sho : saka lashebgaw ni cɛmgɔbaw ni sariya kaamgɔw biɛ re ya fra nŋɔn ka ɲi ⁵⁴piɛri leri to jayan ki gwan yesurafwɔ ka ta aa du sakalashebga ka junma, eri garadin fɛɲi ka fiɛn mayan.⁵⁵sakalashebgaw ni kititigɛ raw nijama sababu ɲrina yesu pga tgora .nga aa ma sababu sɔɔ. ⁵⁶mgɔ caama ne diɲan da yesu ra nga, aa ka koma tin nɲɔn sɔsɔ⁵⁷mgɔ jɔɔ te wri ra ka jɔ ka fiɲa dayesu ra ⁵⁸ara fwɔ an na naan ko ana Alabatoshoba twin ka jɔ tee saba kɔɔna . mgɔ mi kamijɔ mgɔ boo tina mi jɔ. ⁵⁹wo biɛ na ta, aa ka sereya koma la kɛ keeye⁶⁰sakalashebga kuntigi we wri ki jɔ jama shɛma ka yesu ɲrika, ko mgɔw re mi fwɔra , e ti wo jabi.ro? ⁶¹mɛn yesu re i majɔ, ama fwo yi wajibiya . saa ka la she bgaw kuntigi ye ya ɲrika kra ye ko:" ye min krisita ye " , yaa masa dincɛ dubawu tigi ye wa? ⁶²yesu le ra wajibiya ko : " aan ne min we - ana mɔgɔ dincɛ sigini je yaa masa ka she bga ya byɛ siginifɛ - a n'a na shɔ je fana sakabaw ka bɔ sankoora.⁶³wora , saaka la she bga ka kunitigi ye ra frunw paa ka fwɔ ko: an ma kwo min mɔnfɛ ka bɔ shɛrɛw fɛ? ⁶⁴aa too min yaa masa tgɔ shɛn koma na, mɔn n'a kɔnna aa byɛ ra yaaki, k'a ka kan ni pgari ye. ⁶⁵jɔre daje tu yesu kan , aa le ra ɲaa sri ka byɛ ni boo kuruw ye ka fwɔ a fɛ ko: e byɛ bga tɔgɔ fwɔ fɛ, kɔɔ shi li kɛlaw le yesu byɛ n'a boow ye.⁶⁶ka piɛrɛ to saaka la she law ka jun kɛnna dgma, saaka la she law kun tigi ka boora kɛ moso jɔrena. ⁶⁷E le piɛrɛ je, ami maɲana fiɲiɛna e ra fɛ kwosɛbɛ ka fwɔ a fɛ ko: "ye fana tun min yesu nazarikafɛ wa ⁶⁸mɛn eri mpga ala ko: " e wo fwɔ ne ma, ne ma wo dɔn . ne m' kɔɔdɔn". wo kɔfɛ e bɔ ka ta shɔ sho daa dondo ye komo.⁶⁹baara kɛ moso yerafwɔ wo jɔ mgɔw ye ko: nince n'a jɔɔ jee. ⁷⁰piɛrɛ le ri mapka a la kla ye. sŋan ni kwɛnni tɛmɛnni kɔfɛ, mɔgɔ min mun tun min ɲin , wre la fwɔ piɛrɛ fɛ ko: " shi ka t'a la , e min aa jɔ ye, katugu ye byɛ galile ka ye.⁷¹mɛn piɛrɛ le ri kii, k'a yɛɛ daŋa ko: " aa min komana cɛ min kwola, ne tiwo dɔn" ⁷²wo jɔ nin kenna dondo ye komo a shan fla nan na . piɛrɛ yiri le bla yesu ka koma fwɔnin nako: yanin dondo ra komo siɲa fla, eni ma pka ne ra si ɲa saba ko e ti ne dɔn " E le myiiri wola ka komo".

¹Sgoma jona, saaka lashebgaw ɲamgɔw ni cɛmgɔbaw, ni kiti tkɛ jaman we nŋɔn je ka bɛn. Aa re Yesu sri ka ta n'ɛ aa ka ɲamgɔba Pilati fɛ, ka t'a dun a boora. ²Pilati re y'a ɲrika ko: «Ye mi yawutuw ka masa cɛ we wa? » Yesu re y'a jabi ko: «E r'a fwɔɔ.» ³Saakalashebgaw ɲa mgɔw re y'a sin dun ni fiɲa koma shanman ye.⁴Pilati re ya ɲrika kun klua ye ko: «Koma t'i fɛ ni ɲi tɛ kɛ? Aa m'a fɛ k'i sin dun ni koma miinu ye ,e too ti wu ra kɛ? » ⁵Ngaa , Yesu ma koma kpɛɛman kɛ kun , we ree Pilati kabakwoya.⁶Tɛnmɛnkan sii duunw na, yawutuw tin kaa kasodin minu daare Pilati fɛ, e tin wu biɛ bla. ⁷Cɛ jɔ ti min kaso ra , mgo pga ra mrutiniw shɛma, n'a datguni tumun kaso ra, a tgɔ kri ko Barnabasi. ⁸Jama we wu ka ta Pilati fɛ, ka t'a daare ko e to ka sɔn aa kan na timinshi, k'a ra sɔn ti.⁹Pilati re y'a ru ɲrika ko: «Aa m'a fɛ ne ra yawutuw ka masacɛ bla kɛ?» ¹⁰Pilati tin n'a dɔn ko Yesu ɲadguya dun na saakalashebgaw ɲamgɔw ra, fwɔ aa r'a yaraa k'a mlan . ¹¹Ngaa, saakalashebgaw ɲamgɔw re jama lashu k'aa ra Pilati daare a ra Barnabasi re bla¹²Pilati re y'a ru jaabi klua ye kun ko: «Wo sgan na, na mɔɔn kɛ yawutuw ka Masacɛ ra?» ¹³Aa ree prɛɛn klua ye ko: «A kwenkwen»¹⁴Pilati re y'aa ru ɲrika ko: «Ee mɔɔn kwo dgu kɛɛ? Aa re prɛn cɛyin kun ka tɛmɛ garee kan ko: « A kwengwe!» ¹⁵Pilati tun m'a fɛ ka jamaan sago kɛ, wo raa, e ree Barnabasi bla. Pilati re Yesu blɛ n'a bora benbee ye, k'a ji k'aa ra t'a kwengwe.¹⁶Sorodashiw re ta ni Yesu ye aa ka kuntgiba ka junma, sorodashi kru biɛ re ta ɲgɔn bɛn. ¹⁷Aa ree dan frun ɲa sɛ ra man bla a kan na, ka nŋwiin dɛnmɛn k'a wo kɛ a kun na pataa ye. ¹⁸Aa ree ya daramɛn fwo ka nin she, yahutuw ka masacɛ!¹⁹aa ree to ka blɛ a kun na ni beenbeen ka dajee tu a kan, ka to ka bri a kɔɔ e na fwɔɔ aa m'a boɲa na. Aa yɛɛkora ra ka ban, aa ree dekee ba sɛraman bɔ a kan na k'aa yɛɛ kun ka frun dun a kan na. ²⁰Wo kɔfɛ aa ree ta nɛɛ ka ta kweenke. ²¹Sinɛrɛ kan jɔ tun bɔra a ka jii ra, soldasiw ree wo kaaba ka Yesu kweengen yiri ta. wo cɛ tgɔ tun kri ko Simɔn, Alexandre ni Rufis wu fa re tun mun.²²Aa re ta ni Yesu ye jaa jɔɔ ma wo tgɔ wee kri ko Golgota, wo kɔɔw ko kunkoow jaawo. ²³Aa re duvin ni mirɛ dun nŋɔn na ka jii a ma ka ra wo myin nŋa Yesu ma sɔn ka myin. ²⁴Wo kɔfɛ aa re ya kweengen ka kaa da kan ka ka deeke taran taran ka kanyan nŋɔn shɛɛ yaako biɛ keenkeen ne ka a ka sɔɔ ta dun.²⁵Aa ra kweengen sgan min na tee wri nin tun mun cɛnɲ. ²⁶Aa ra yaaki kun min na aa re wo kun sɛbɛ ko : yawutuw ka masacɛwo. ²⁷Aa re binkanin kɛ ra mgɔ fla mlan ka wu kweengen a yigɛma. keen kweengen na a kinnin boo fɛ, ka keen kweengen a ɲɔnman boo fɛ. ²⁸Wo ra kitabu we koman min fwɔ ko a jate ra kwodgu kɛ raw jɔ ye, wo dapa ra²⁹tɛnmɛn bgaw tun na kun lamŋan ka Yesu nɛɛn, ka fwɔ ko : ye min ko k'i na masa ba ka sho cii ka jɔ tee saba kɔɔna, ³⁰e yɛɛ krishi sa, dgi ka bɔ yiri kan!³¹A kɛra tin saaka lashebgaw ɲamŋɔnw ni sariya kaamŋɔnw biɛ re tin yɛɛko Yesu ra ka fwɔ nŋɔn fɛ ko ee mŋɔn kwɛɛ krishi nŋa a ti she ka yɛɛ krishi. ³²Krisa, Israel ka masacɛ ra dgi ka bɔ yiri kan, yaako aan nin ka je ka daara. cɛ fla min kweengwen ra a yigɛman, wu biɛ tun ma nɛɛn na.³³ka tee jɔni to aan kun shɛɛman, jibi wee dun jamanan jaa biɛ ra ka lɛri saba kɛ. ³⁴wo lɛri saba dapara sŋan min na, Yesu re prɛn nin kan ba ye ko : eloyi, eloyi, lamasabakatani? wo kɔɔwo, ne ka matgi, ne ka matgi, mɔɔn na e re ne bla? ³⁵minun jɔ nin tun mun a jaa ra wu prɛn kan mɛn min kɛɛ aa re ko : a fɛɛ, a min Eli kri ra.³⁶Aa ra mgɔ keen ne bii ka ta fukru keen ta ka wo shu duvin kunnin na ka wo siri benbe yan na ka a jii Yesu ma a ra wo shɔn a nunna. wo cɛwe ko ka ra jɔ aan nin ka fɛɛ nin Eli nan na a dgi ka bɔ yiri kan. ³⁷nŋa Yesu re komo kan ba bɔ ka sa. ³⁸masaba ka sho ba shɛtgɛ frun wee paa fla ye ka bɔ fɔɔ yaama fɔɔ dguman.³⁹Jaraba tgi min jɔnin tun mun Yesu kun teen na, wo ra jee ka prɛnna ka sa tin, wee ko : shɛɛnan cɛ tun mun masaba din yɛɛ yɛɛ re. ⁴⁰mosow jɔɔ biɛ jɔnin tun mun jaa ɲan na nan wo kwo fɛɛ. Aa jɔɔ tgɔ min de : Magdala Mariama, Yakuba dgɔ Josué ba Mariama a ni Salomɛ. ⁴¹ka Yesu to Galilé jamana na wo mosow gwanin tun ma na ka jaman. wuu nin moso shanman kpɛman tun mun ɲin min nun taa a fɛ Jerusalem.⁴²Wulara she ra wo dun tun mun ɲasgi dun ye wo kɔɔ lamashiwo. ⁴³Arimathée Yusufu naa kiti tgɛ jaman kru la mgɔ ba jɔ re tun mun. wo yɛɛ kun din biɛ tun mun matgi ka masaya makɔɔna. e ri yarakweya ka ta Pilate fɛ ka ta Yesu shu daare a fɛ. ⁴⁴Pilate kabara ka mɛn ko Yesu sara tin jonan. e re jarabatigi kri ka ɲirilka na ra shɔ Yesu sa sŋan miɛna.⁴⁵Pilate jaabi sɔɔ ka bɔ jarabatgi fɛ min kɛ, e re sɔn Yusufu ra Yesu shu ta. ⁴⁶Yusufu tun mun ka shu dun frun san, e re Yesu shu dgi ka wo frun mnin a ra, ka a dun saren jɔ kɔɔnna. wo sinnin tu mun paa ra. wo kɔfɛ e re sende kru ba kron kron ka saren datgu. ⁴⁷Magdala Mariama a ni Josué ba Mariama wu tun mun Yesu shu dun jaa fɛɛra.

¹Lafiɛn dunna , miin kri ko saba , Magadala Mariyama ani Yakuba ni Salome ba Mariyama ree latikɔriw san n'aa ta Yesu shuu mwun nɛɛn. ²Ɲɔɔndgɔ dun gare sgomajona, Yesu shuu dunna jamina, aa re taɲi kɛɛn tin shɔra .³Aa tun mi nŋon ɲrikara ko :«Jon na sende brintin ka bɔ saren dara an fɛ ?» ⁴Aa r'aa kunw kɔɔtaa ka fɛrikɛɛ , aa re ya je jɔ min ka sende brintin ka bɔ saren dara , bari a tin ka bun kwosɛbɛ⁵Aa dunna saren na , aa re kanminiin jɔ sgini sɔɔ krinboora , frokiya piɛman m'a kanna , aa biɛ re kabakwoya . ⁶We ra fwɔ aa fɛ ko : « Aa kaa sran , Yesu Nazarɛtikan mii kwenkwena dgɔɔ kan , aa mi we yara ra . A shu krunna ! A tiyan . A tun blanimi ja miina , aa wo ja fɛɛ . ⁷Ngaa , aa ta fwɔ krandinw ni Piɛri fɛ , k'aa na t'a sɔɔ Galile mra ra . Wo ja ra aa n'a sɔɔhin , nafwɔ a tna fwɔɔ aa fɛ timinshi .»⁸Aa re bɔ saren sho kɔɔnna ni bii ye , aa kabakwoyani , ni aa mi yɛyɛ ra sranya fɛ . yatgɛ kwodgu fɛ , aa ma fɛn fwɔ mgɔ fɛ⁹Ɲɔɔndgɔ kun ken tɛmɛni dun gare sgomajona , Yesu jran wonwla kpɛn ka bɔ Magadala Mariyama mii naa , ere gale ka ta bɔ wo fɛ . ¹⁰Mariyama re ta wo kibariya fɔ Yesu ka krandinw fɛ . Ɲanashishi tin m'aa kan kwosɛbɛ , n'aami kishira . ¹¹Aa re yaa mɛn ko Yesu ɲranma mu , ko Mariyama na jee , nkaa , aa ma d'ara .¹²Wo kwɔ , Yesu re a yɛɛ yra mgɔ fla dguratgashɔra , a tgo yɛmanina ¹³.Aa taa , aa re ta ɲafwɔ krandinshɔw fɛ , ɲaa aa ma d'aara¹⁴Wo kwɔ , Yesu re a yɛɛ yra a ka krandin tan ni kee na kaa to dunnina , ere sɔngɔ aa kan aa ka danabiya ni aa ka dosokun gwrɛya kaman , katgu miinu na jee a krunni kwɔ ka bɔ saya ra aa ma da wura . ¹⁵E y'a fwɔ aa ye ko : «Aa ta kibaro juman waanjuli kɛ danfɛw biɛ ye . ¹⁶Ni mgɔ miin ka da ara , ka batise , wo na krishi , ngaa ni mi ma danaya kɛ, wo na yaaki¹⁷Ni minun ka danaya kɛ , wu na tgɛnmashɛn ɲinun kɛ : Aa na jranw kpɛn ka bɔ mgɔw ra ne tgɔra . Aa na kan klaw fwɔ . ¹⁸Aa na saw mlan aa boow ra . Ari aa ka mgɔ pka fɛn myi ; wo ti foyi kɛ aa ra . Aa na aa boow da banabgashɔw kan , wu ren kɛngɛnya sɔɔ .¹⁹Matgi Yesu tra ni kwɔ koma na aa fɛ , eree kɔɔta ka ta sankoo ra ka t'i sgi YAA MASA krinbora . ²⁰A ka krandinw nee ta ka wanjuli kɛ jaa biɛ , ka tgɛnmashɛnw kɛ , minu na yra ko aa ka wanjuli komaw mi shɛn ye .

¹kwo minnun kɛra an shɛma, mŋɔshaanman na damna ka o kibariw sɛbɛ. ²Wo kwow kɛra minnun ɲinnun ɲana, ka bɔ fɔɔ wuw dama. sgan na cee jiina wuw ma ka yaamasa ka koma fɔ. wu re wo kwow kunnafoni fɔ an fɛ. A sɛbɛbgaw re wu sɛbɛ ka ɲaa ni a ka shɛɛrɛya wee. ³wo kwo minnu biyɛ kɛra kabɔ fɔɔ wu damna sgan na, nne fanna skɛskɛri no ko nne ka kan ka wo kwo sɛbɛ k'a tgutgu nŋɔnna yee fɛ. Tehofili. ⁴yako e karanna kwo minnun na, y'a wuw dɔɔn nin dgiya ye ko shiin re mun.⁵Ha herɔdi to masaya ra zide kuun na, saakalashe bga jɔ tinmin hin, a tgɔ ko zakari, abiya saaka la she bga ka janmankru mŋɔ jɔ re tun mun. Zakari moso Elizabɛti tinmin arɔn saakalashe bga bɔnsɔn jɔɔ ye. ⁶Zakari n'a moso ma diin sɔɔ nga a fla teen nin tinmun matgi ɲaa kɔɔ, a ka yaakibi le tinmun matgi ka sariyaw n'a ka cefɔninw biyɛ paan fɛ. ⁷Nga diin t'aru fɛ, ka sɔɔ Elizabɛti tun mun kakamoso re fana, a mŋɔfla biyɛ kɔɔnin ne tinmun o waati ra.⁸Duun jɔɔ ra ka Zakari to saakalashebga baara la matgi ɲaa kɔɔ a ka janmankru ka waati la, ⁹a ka kaa tra, ka kanŋan ni saakalashebgaw ka landa ye, ko ara duun matgibatoshoba kɔɔna ka wushunan shɔnjunman wushu. ¹⁰janman biyɛ tin lajɛnnin Ala (yaamasa) daareri ra kɛɛnma, wushuli kɛsŋan na.¹¹Matgi ka mɛɛkɛ jɔɔ re y'i yira zakari ra, wo mɛɛkɛ jɔnin tin mun wushunan shɔɔn junman saakabɔnan krinbo panfɛ. ¹²Zakari wo jee sŋan min na, a hakri nŋanminna, a sranna. ¹³Nŋa mɛɛkɛ wee ra fɔ a fɛ ko: « zakari e k'a sran, e ka Ala (yaamasa) daare mna ra. E moso Elizabɛti na dincɛ woo e ye, na tgɔɔ da ko yuhanna.¹⁴E na yɛɛkwo ka e yrirajiya, mŋɔshaanman na yɛɛkwo diin woo kɔɔsɔ. ¹⁵Ana kɛ mŋɔba ye matgi ɲaa kɔɔ. A tina duuɛn waaman minfɛɛ fiinman shi min, ana paa ɲinsenun na ka bɔ fɔ a woosɲan.¹⁶Ana Israyɛli mŋɔɔ shaanman a matgi Ala(yaamasa) paan fɛ. ¹⁷Ana tŋɔma Ala (yaamasa) ɲaa kɔɔ ni Eli ka alaa (yaamasa) ɲiin n'a ka shebgaya wee, yaako faaw ni a diinw shɛɛ ra bɛn, ka Ala ka koma kanmnabiwuw yɛɛman f:ɔɔ wuu ka mŋɔɔ teenninw na wo hakri nŋɔɔ sɔɔ yaako ka shiya labɛn k'a bla matgi fɛ »¹⁸¹⁹²⁰Zakari re y'a fɔ mɛɛkɛ we:« nne na wo dɔn dishi? Nne min cɛkɔɔba ye un moso shii cɛmŋɔya ka jinyan.» Mɛɛkɛ re y' jaabi:« nne min gabriyɛli lee, min ni jɔɔ Ala (yaamasa) ɲakɔɔ. Nne cera kana e fɛ ani ka kibarujunma hin fɔɔ eyee. A fɛɛ, e na kɛ bobo ye, e tinna she ka koma kunn fɔɔ ka ta shee wo kwo ra wliya duun min na, kasɔɔnne ka koma minnu biyɛ na dapaa a waati latgiɛnin na, e ma daa wuw ra.²¹Janmaan tinmin zakari kaan mɛn na, aa kabakwoyo ra bari a tora (yaamasa) Ala batushoba ra ka minyɛn. ²²A bɔra sgar min na, a tin ti shera ka koma, aa re y'a faanmun ko a tinimn ka yirali sɔɔ. A tin toka ɲafɔli kɛ ni boo yra re nŋaa a tora bobo ya. ²³Aka baara waati baa na sɲan min na ere seeki a ta a ka shoo.²⁴waati danmani tɛnmɛn ni kɔɔ Elizabɛti re kɔɔnta. E r'i dgoo fɔɔ karo juuru, a tin kɛ a fɔra a yɛɛ. ²⁵« A fɛɛ matgi wee miin kɛ nne fɛɛ ; matgi r'a ɲaa tee nne ma ni nɛɛma ye ka dun bla nne ka munɲan ra mɲɔɔw ɲaakɔɔ.»²⁶kɔɔnba karo wɔɔrɔnan ra, (yaamasa) Ala re mɛɛkɛ Gabriyɛli cee Galilee dguu jɔɔ ni wo tgɔɔ wee krii ko nazarɛti, ²⁷sgrunnin cɛdɔnbii jɔɔ fɛɛ nin wo manmnanin tinmin Dawuda bɔnsɔn jɔɔ fɛ wo tgɔkri ko zozɛfu. O dgrunnin tgɔ linkri ko mriyama. ²⁸Ere na a fɛɛ ka fɔɔ ko: « Nne ri foo, yaamasa, nɛɛma brekeba ke ye min ye, Matgi min nin ye.» ²⁹A akri nŋanmin na wo komaw kɛ era yɛɛ ɲrika wo foori kɔɔ wee mɔɔn fɔɔ.³⁰Mɛɛkɛ wee ra fɔɔ a fɛ ko:" e k'a sran mariyama, katguu ee nɛɛma sɔɔ (yaamasa) Ala fɛ. ³¹A fɛɛ ena kɔɔnta ka dincɛɛ woo, e na a tgɔɔ daa yesu. ³²Ana kɛ nŋɔbaa ye, aa na kri Ala kɔɔtaninba dincɛ. Matgi (yaamasa) Ala na a bɛnmɛncɛ Dawuda ka masawnŋin jii a ma. ³³Ana masacɛɛ ye yakuba bɔnsɔn kwnna fɔɔ badaabadaa a ka masaya tina ban."³⁴Mariyama re y'a fɔɔ mɛɛ mɛɛkɛ ko: "wo kwo na tgo di, kasɔɔ nne ma cɛɛ foshi dɔn?" ³⁵Mɛɛkɛ re y'a jaabi ko:« ɲinsenun na dgi e kan, Ala kɔɔtaninba ka shebgaya na bri e kuma. were kɔsɔɔ ena dinsenunman min banke, wona kri Ala dincɛ.³⁶A fɛɛ, e barenmanmoso Elizabɛti min kɔɔra, wo fana kɔɔnta, a na dincɛ woo. aye min kri ko kakamoso, A kɔɔn karo wɔɔrɔnan wee min dee. ³⁷kasɔɔ kwoo foshi ti yaamasa kanŋan.» ³⁸Mariyama ko:« matgi ka yɔnmoso fɛɛ dee. yaa ma kɛra nne fɛ nafɔ era fɔɔtgoo min na.» wo kɔɔ, mɛɛkɛ were ta ka bɔɔ a kɔɔ³⁹wowaati ra mariyama wrira k'i tee kruunw ka shaa janmanna na ka ta she zuee dgi jɔɔra. ⁴⁰Ere duu zakariya ka shoo ka Elizabɛti foo. ⁴¹kabɔfɔ Elizabɛti mariyama ka forikan mɛn, diin were yɛyɛɛ a kɔɔbaa ra. Elizabɛti re paa ɲinsenun ra.⁴²Ere konbonkan ra:« e min duubadin ye ka tɛnmɛn mosow biyɛ ka! ee na diin wo, wo min dubadin nee! ⁴³nne min joon ye fɔɔ nne matgi yɛkun xere na nne fɛɛ! ⁴⁴A fɛɛ, nne ri ka fori kan mɛn sŋan min na, diin ni lamanŋan ka ee yrilajaa nne kɔ;ɔna. ⁴⁵moso min dara ara ko min fɔɔra a fɛ matgi fɛ, ko wona dapa, wonin dubadin ye!»⁴⁶Mariyama ko :« Nna ŋiin matkii tadon , ⁴⁷Nne yrilajanin mun nne krishiibga ala ra,⁴⁸kasɔɔ ari ɲaa daa a ka uɔnmoso madginin kan . a fɛɛ, kabɔfɔɔ sisa, bɔnsɔn nataw biyɛ ba afɔɔ ko nne min dubaw dun ye. ⁴⁹kasɔɔ shebgaya biyɛ tgi were kobaw kɛ nne fɛ, a tgɔɔ ka senun.⁵⁰E makari a ɲaasranbgaw ra fɔɔ ka shee wuw bɔnsɔn nataw biyɛ ma. ⁵¹Aa shebgakwow kɛ ni a boo wee, ee kunshɛbaya miiriritgiw hiiɲɛn,⁵²Ere pŋanmanw ladgi ka bɔɔ aa ka masawankiw kaa, ka mŋɔmadgininw kɔɔta. ⁵³Ere kɔŋɔshɔɔw paa dunɛnɲunmanw ra, ka fɛɛtgiw bookon bla kata.⁵⁴ara ka baarakɛdin Israyɛli janman , A hakri tora ka a ka makari kwow yir'a ra. ⁵⁵(Nafwɔɔ ara fwɔɔ an beemanw fɛ) Ibrahinma ni a bɔnsɔnw ka paanfɛ badaa-badan,⁵⁶Mariyama tora Elizabɛti fɛ ka karo saba kɛ wo kwɔɔ ere seki kata a ka shoo. ⁵⁷Elizabɛti wosŋan shera, ere dincɛ woo. ⁵⁸a skinɔnŋɔnw ani a baremanw ra mɛn ko matgi ra ka makari boŋan a ka paan fɛ minkɛ, wuw re yrira ja kɛ nɛn.⁵⁹A tee seekinan dunna, aa re na dun kɛnŋɛn kora. a tin ka ji aa ye ka diin tkɔɔ kri faa taa shiye ko «zakari» ⁶⁰Nka a baa re ko:« washi, a tkɔ na kri ko yuhannan.» ⁶¹Aa re ko a ma:« Nka e ka mŋɔshi thɔ ti tii»⁶²Aa re diin faa laɲrika nin tŋanmashiyɛn ye k'a min a fɛ tgɔɔ jɔɔn na daa dun kan. ⁶³zakari lee walaka mna a fɛ, ka sɛɓɛ wo kan ko:« a tgɔɔ ko yuhanna.» aa biɛɛ kabakwoyara wo.⁶⁴wo janin keen na, zakari daa lablara, a nɛɛyuru weree fii, eree koma ka yaamasa (Ala) tadon. ⁶⁵aa skinɔnŋɔnw biɛɛ sranna. mŋɔw tin wo kwokɛninw fwɔɔ judee kruuw janmana jaa biɛɛ ra. ⁶⁶wo mɛnbgaw tin wo kwow miiri aa kɔɔna, ka fwɔɔ:«diin hiin nake mɔɔn ye?» kasɔɔ matgi ka shebgaya tin m'a kan.⁶⁷wo sŋanna diin faa zakari paraa ɲinsenun ra, ere ceraya kɛ ko: ⁶⁸«Matgi Israyɛli ka yaamasa (Ala) la tannun, ka sɔɔ ari janto a ka mŋɔw ra, ka aa kunmabɔ.⁶⁹Ee krishibga baakaman lawri an fɛɛ,ka bɔɔ a ka baarakɛdin dahuda bɔnsɔn na. ⁷⁰a tin wo kxo fwɔ ka bɔɔ fwɔɔ sŋan yaan a ka cerase nunmanw daa ra. ⁷¹ko an'an krishi an dguuw ma, ka an mnan ka bɔ an kɔninyabgaw boo ra,⁷²ka a ka makarikwow dapa an benmanw ye, k'i yrito a ka lahiidu senunman ra. ⁷³A tin min ki kii an benman Ibrahima ye ⁷⁴ko ana mna ka bɔ an dguuw boo ra, yaako an yarakwɛyanin na baara kɛ a fɛ ⁷⁵aan na kɛ a ka sennunman teenninw ye a ɲaakɔɔ an shii tee biɛɛ la.⁷⁶yee fanna nne diin ye na krii ko yaamasa kɔɔtaninba ka cera, ka sɔɔ ee na tŋɔnma matgi ɲaakɔɔ, ka a ka sriaw labɛn. ⁷⁷ee na a ka mŋɔw ladɔniya ko ana aa ka ka jrunmunw yafa ka aa krishii,⁷⁸an yaamasa ka makari nin a ka ɲunmanya baakada. wuuw re baaka ra dgupiɛɛ shera an ma ka bɔ saafɛ. ⁷⁹minnun skiinin jiibi ra ani saya shɔɔn na, a yeree kɛɛnbɔ wuuw fɛ, ka aan siinw bla a yɛɛkun ka hɛɛrɛ sraa ka.⁸⁰ahiiwa , o diinin tinmin boɲanna kota, hakritgiya ra ere to kongonkoon kɔɔna fwɔɔ kata a yraa sŋan shee Israyɛli ra.

¹yesu para ni seni la e seki jurdɛ ba da. nisenu la seki jurdɛ ba da. ni senu we tanɛ kongora. ²E ta tee binani kɛ. ani sitani mi kɛra . a ma fwoi du wo te binani kɔɔnna, kɔngɔn we ya mlan kwosɛbɛ.³wo wate ra chitani we ri gwara ka fwoie ko ni ye mi yamasa di ye a fwɔ ko sene la yɛma ka kɛ buuru ye sa. ⁴Yesu le ya jabi ko a sɛbɛni kitaburako duni donma ti mgɔ balo.⁵wo kɔfe kun, shitani we tane kun, ka ta diɲa masaya fana yira ara. jani keen. ⁶shitani we ya fwɔe ko na ka sɔn. na wo kuntigiya ni nɔɔrɔ biyɛ shi jama. sabu, ka biyɛ chi mi aye bora. mgɔ mi k'oye dia aye na dji wo tgima. ⁷chilani we ko:ni yesu ka sɔn kaaye bato.⁸yesu we ya jabi un ko a sɛbɛni kitabura ko e ka kan ki matigi képé le kitabura ko e ka kan ki matigi képé le boɲan. ka baara kɛ wee.⁹shiani ma fara albin. e tanɛ jerusalɛm Ala batochoba sankan kari pan ki bla dawguma. ¹⁰katugu a sɛbɛni ko mɛlɛkɛ ni mlan. ¹¹yako ki siiw ka na kwichi sene fwoi ra¹²yesu re jubili kɛ kwun, ka sɛbɛni ka mgɔchi ka e matigi kɔɔbɔ. ¹³sitani bana ra wo danma biyɛ ra e ta ka to¹⁴yesu sekini ka ta galile jamana ra A tngɔ we bɔ ja biyɛ chi ra. ¹⁵yesu tin mɔgɔw kalan alabatochora. mɔgɔw biyɛ chi tina boɲan.¹⁶yesu taa nazarɛti alakora dugumi na. ka kanɲan lafiyɛn dun ma e ta du Alabatocho. na fɔ a tin dari ka kɛ tgo mi na. E wri ka kitabu ta ni mgɔw kaan. ¹⁷Tiera Esai ka kitabu we djama. e kitabu daye ka sɔ. a sɛbɛni ko:¹⁸matigi ɲii mi ne fɛ. katugu nee mwun na. ka che ka kibaro junma fɔ pfantaru ye. a mna ne ce ko na yɔnw ni kasodiw hɔrɔnya. ka fiew ɲan yɛɛ kwofɔ. ¹⁹ka mgɔ dekuni bɔ tɔɔrɔ la. ka bla hɛrɛ la ka matgi ka nɛɛma san kwo wagoda²⁰wo kɔfɛ yesu re kitabu datugu ka a dji baaradima koti skigi. Alabatochora biɛ re ye ɲan gwana. ²¹yesu re komata byi kwin a koma mi mɛ kitabura wo dapara. ²²biɛ tin na a tɔgɔ ɲuma fɔ komaɲuman minu bɔra a da we ya ru kabakwoya are ko yisufu di tiɛ tiɲi ye.²³yesu re ya fɔ ko chika tura ko aa naɲin tare da: ko fla bɔra e yɛ kɛnnikɛya a na fwɔ ki kwo minu kɛ kapɛrnaun k'ya wo bɔngwɔnkwo jɔɔ kɛ yan fana ²⁴chiɛn na ne gwwin na fɔ a ɲaan ko cera chi mlan kwo ma ɲan a ka dugu ra.²⁵chiɛn na ne gwin na fwc aye ko fiyamoso chanma timi Israel jamana la cera Elika Tera . sanɲe weri ban ka na,fwɔ snɲe saba, ni kalo wɔrɔ. fwɔ kɔngɔnba ta du jamana ra. ²⁶E li ma ce wu fwohi fɛ. fɔ , fiyamoso ni ke mi tumu sidɔn jamana dugu jɔra, wo tin kriko sarɛpita. ²⁷kunashɔ chaama timi Israɛl jamanara cera Elise tera, wo biɛ na ta fwohi ma kɛnɛya. fɔ siri jamana mɔgɔ ken mi tgɔ tin kri ko naaman.²⁸wo koma mɛnu Alabatosno ra mɔgɔ re ya dɔsɔ bɔ. ²⁹are yesu sama ka bɔ dugu kɔna ka tanɛ a ka dugu ra wo mi jɔni tumu kru kan . are tanɛ fwɔ kru kun na ka ta janfa. ka susu ka bin digana. ³⁰nga aye tɛmɛ a chɛma ka ta³¹yesu ta galile dugu jɔrɔ we fɔ ko kapɛrnaum a tin mgɔw karan lafiɛn dun na. ³²wu re kabakwaoya a mgɔ karan tgo ra saba a tin pran ni kan baye.³³cɛ grin shɔn jɔ tumu ala batoshora we pɛran ni kan baye ko. ³⁴E! ye na mɔn ɲini an fɛ yesu Nazerɛtika e na an halaki le wa? e mi, miye ne wo dɔn Ala yamasa ka senuma.³⁵yesu re jina kwɛn ka bɔ wo cɛra. jina we ya bin dunguma .ka sii ka bɔra a ma fwohi kɛ a ra. ³⁶mgɔw re kabakwya ka lo ka fɔnɔgɔnfɛ ko ɲi mɔn koma jina fɛ ni fwanwe nishe bgayawe arebɔ mgo ra. ³⁷ye kama yesu tgɔ we bɔ jamana jaa biɛ ya.³⁸yesu bɔni kwɔ alabato shora e ta simɔn ka sho. e ta shɔ simɔn moso ba tɔɔrɔ ni bana jɔ fɛ. yesu re yamasa dare mosowe kɛnɛya. ³⁹yesu re tibri piikwan shɔ kunna ka piikwan kɔɔfɔ. piikwan we wa bla wo jani biɛ e wri ka baara kɛ. k'an makwoɲan.⁴⁰wlura la mgɔwre ya nɔngakwen ni banashɔ ye e ni boo da a ken-ken biɛ kan are kɛnɛya. ⁴¹jinaw chanman ne bɔ mgɔwe ra ka prenko: e ala yamasa di ye. nga yesu ma sɔn kun, ara koma, katugu ara dɔn krisita yee.⁴²Dugu piɛ yesu ta kongon ra ,jaman we ya gwan na. ka ta a kwoori yako a ka ta k'aru ta. ⁴³Nga yesu re ya fɔ ɲana ko: wajibiro aye ra Ala ka masaya kwo fɔ duguw biɛ ra sabu a ye cera we kamma. ⁴⁴a tin wanjuli kɛ yama sa ka shora jude jamana wu ra.

¹Dujɔdu ka yesu to jenɛsarɛti badaa, jama we na a degu yako ara ala yamasa ka koma mɛn. ²ere krun fla je ba da wɔrikɛraw le bɔ a kɔna n'a ma jɔw kwora. ³ere du wo krun ken kɔna , wo tin simɔn ta ye. e ya fwɔ simɔn fɛ k'arimabɔ ba da dɔɔni. wo kɛra e ri sgi krun kɔna ka jama koran.⁴yesu bani kwɔ komara, e ya fɔ ko simɔn: krun ta ya tanɛ junbara. are ka ta ka jɔw fri ka kɲɛ mlan. ⁵komi, emi kaamɔgɔ ye ne na jɔ fri, ni tɛ an ne chi ra bara an ma fwohi shɔɔ. ⁶wo kɔfɛ are yigɛ chanma mlan jɔw ra fɔ aa ma che jɔw ni yigɛw kɔɔ. ⁷are ya jɔ fri nɔgɔw kri, wu re na are krun fla pa yigɛ ra. fɔ krunw tuma fɛ ka dtgi jera.⁸simɔn piɛre wo jie mikɛ eri gwigwiri gwan yesu kɔɔ, ka fwɔ matigi yafa ne ma ne jurumuchɔre: ⁹a na tɔnɔgɔnw biɛ chi re kabakwoya aaka yigɛ chanma sɔɔ ni na. ¹⁰zedebe dicɛw yakuba ni yohana, wu re timi simɔn jɛnɲɔgɔnw ye, wu biɛ re kabakwoya. yesu re ya fɔ simɔn ko e ka siranba sabu ye re na kɛ mɔgɔw yara bgaw we. ¹¹wera are na aa ka krunwjɔ ba da ɲika : gwan yesu ra.¹²kwuna shɔ jɔ yesu jee eri maa dugun ma ka a dare ko ara aye ka kwuna. ¹³yesu re sɔn ki boo da kan wo jani biɛ ere saniɲion. katugu yesu sɔnna kara saniɲan¹⁴Nga yesu mi greya a ma ka k'a fɔ mɔgɔ chi fɛ kara ta sakalachelaw fɛ. musa ti saviya jɔ fɔ wu fɛ, e ta wo saka bɔ e ka kwɛnɛya kɔsɔ.¹⁵wo na ta, mɔgɔw tin bɔ ja biɛ ka na sɛgɛrɛ, wora sɔ yesu tkɔgɔ bɔra jɔ biɛ. Jama tin na a lamɛ ka che ka kɛngɛya fanna. ¹⁶Nga yesu re ta gwogonra a enna ka ta (Ala yamas) dare¹⁷dujǝdu ka farisiɛnw ni sariya kanmɔgɔw siki ni to a fɛ. wu tin bɔ galile ni jude dugu siiwani Jerusalɛm. matigi ka che tumafɛka. banaw kɛngɛya.¹⁸cɛ fla re nani mgɔ panfla pgani we a na ko: daran biɛ ye. a ma tgwo sɔɔ ka che nɛ yesu fɛ chora. ¹⁹a ma tgwo sɔɔ jama fɛ mi kɛ, aa re yɛɛ sankan, kalaji yworon fɛ ngwɔnma ka ta da yesu ɲan kɔɔ, fɔ jama chɛma.²⁰yesu wo mgɔw ka danayaje minkɛ. E ko, cɛ e ka jurumu yanfarima ²¹sariya kamɔgɔw, wo ni farisiɛnw reya da mlan ka danaya duguya ta yesu ra ko, ɲin tiɛɲi mi a yɛɛ kɛra jon fara fɔ ko jurumuw yanfa ra? jon che ka jurumu yanfani Ala tɛ mi mi yamasa ye.²²²³yesu ra ka miriyaw dɔn we ko mɔnna aare miri tan yɛɛ? E ko ɲin koma fla ɲi na? jɔn fɔri kangɔi? ka fɔ ko e ka juru mu yafara-woni wri ka tgwɔnma. ²⁴nga che mi Ala di fɛ ka jurumu yafakato dgukoo ka yan. wala ka fɔ pan fla sani we kara wri ka tgɔnma.²⁵wo jɔni biɛ e ya ka daran ta ka to ka Ala boɲan ni ta cho. ²⁶a biɛ re kabakwoya ka fwɔ k'an kabakwo je byii.²⁷²⁸wo kwo biɛ tɛmɛ ni kwɔ, yesu re pŋama wari mlara jɔ kri k'a ri gwan a ra. wo tin kri ko Levi. Levi le ya ka baara biɛ tohi ki gwanna.²⁹levi re dunuba cibi yesu fɛ . fangman warmlan na chaaanman kwɛmanu timi duni jɔɔ ra. ³⁰Farisiɛwnisaya kaamgɔw le ya damlan kadaju kɔɔ koma kɛ, ko mɔnna yesu duni, ni mɲini kɛ junumu shɔhika cho? ³¹Yesu re yaa ru jabi konh mgɔ mi ka kɛniŋigɛh wo makwo ti flara. bana bgachu wemakwo mi flara. ³²ne ma na mgɔ teni kri ka ra nimisa a ka jrumu na, fɔ jrumu kɛla wo.³³mgɔw jɔɔ re komana yesu fɛ kwo yohana ka kanran dinw wo ni, mɔ ni farisiɛw ka karandiw chu du, ka ala dare, mɔnna ye ka karandin ti wo kɛ. fɔ wu duni kɛ ka mini kɛ? ³⁴yesu re ya ru jabi ko, an ti cha topiɲɛ ya ra, ka chu dun. ³⁵Nga wati jɔ mi nana, worasɔ piɲɛ ya baana, aa re si ka chundu.³⁶Yesu re tale ken da afɛ ,ko mgɔ chi ti funu san, ka jɔ tigɛ a ra, ka funu kɔɔ bɛtɛɛ a ra.³⁷mgɔ chi ti diuɛn kɛnɛgɛn kɛ foke kɔɔra ni tɛ e na chiɛn. ³⁸nga duɛn kɛnɛgɛn we kɛ foko klawera . ³⁹mgɔ mi ka dɔɔ kɔ myi, wo ti sɔnkadɔɔ tinmi myi, sabu dɔɔ kɔɔ ka fin dɔɔ timi we.

¹wo kwow kɔfɛ yesu tun dugudaw ni dugu. mɛnsɛnw yaara, a tun waaju kɛ ka yaa masa "ala" ka koma jumanw fwɔ, a ka kalandin tani flaw re ta a fɛ , ²ani mosow jɔɔ. a tun wo mosow flakɛɛ ka jinawkwɛ ka bɔ a la moso ken tɔgɔ ko mariyama a tun kri ko magadala mariyama. jina din wowula bɔra wola . ³jɔ tun kri ko jana, wo tun hɛrɔde ko sho kun na sigila kazu moso ye. susanɛ ni moso shan man kwɛ man tun min ɲin-wu biyɛ tun yesu na ka kalandiw jama n'a bofɛw ye.⁴mɔgɔw tun bɔduguw biyɛ biyɛ ka yesu nɔnŋa kwɛ. janma kun bɛ na a fɛ , yesu le talen da a fɛ: ka ⁵" cɛ jɔ taa a ka dani fɛ dan. k'a to dani na , a kadanifɛ kisɛw jɔre byi sra da ra, mɔgɔw le wu dɔn-dɔn , kɔɔnw re ra kunnun. ⁶danifɛ kɛsɛw jɔre byipaaka. a fiinni kɔfɛ a ya, katugu shɔ tun ti ɲin.⁷kɛsɛw jɔre byiŋwiin shɛ ma. a nin ŋwiin ye wri keen ye, ŋwiinw ne ra deku. ⁸kɛsɛw jɔre byi duguko ɲunma man na. are fiin ka bonɲa ka din kɛ.ka a shi kɛmɛ kɛ". wo koma fwɔnin kɔfɛ, yesu re pɛrɛn ko: " too min minnunfɛ ka mɛnnin kɛ ara lamɛnnin kɛ dɛ"⁹yesu ka kalandiw n'e ra ɲirika ko:" wo talen kɔɔ min mɔn ye?" ¹⁰e ya ru labji ko:" yaa masa (Ala) ka masaya bunne dɔni jiira a ye ma, mɛ a kwo fwɔ mɔgɔ kwɛ fɛ talen ne ra, yaako a fɛri kɛ shɔ ka jeri kɛ, a mɛnnin kɛ shɔ ka fan munni kɛ!¹¹wo talen kɔɔ min de: danifɛ min nu dana, wu min yaa masa (Ala) ka koma kanw ne ye. ¹²jɔɔ min sra daa taw ye: wo mɔgɔw wo koma mɛn min kɛɛ, shitanni ye na wo koma bɔ wu kɔnna. yako a kana dananya kɛ ka kririshi. ¹³pa koo ka taw min minnunye wu wo ko ma mɛn ka damnayani yiri la ja ye, mɛ digi t'a ru fɛ , a dananya kɛ ka skan ni kwɛmataw kɛ, kɔɔlika min sɔɔena bla.¹⁴ŋwiin shɛmataw min min ye, wure koma mɛɛn, mɛn at'a to diɲa hami kwo ni nafo kwo ni ɲapaye kwow ra a de ku, fwɔ a din ti kɔgɔ. ¹⁵dugu koo ɲunman taw min minnun ye , wu wo koma mɛɛn ka mna sɛbɛ ra, ni kɔnpyɛ nin ya ye, ka wo kan fwɔ a ra din kɛ.¹⁶mɔgɔ ti lanba maa ka mna jɔ kɛ ko datugu wama ka bla daalan jukɔɔ, mɛn e sigi fɛ jɔ kan, yako a ra kɛnbɔ sho ra dun bagaw fɛ. ¹⁷fwo yi dogonitɛ, nin min tina bɔ kɛn ka. bun ne fwo yi ti ɲi nin min tina dɔn. ¹⁸a ka lamɛnniw tgo dɔn, ni tɛ fɛ min min bora, jɔ na ji wo tigima ka bla a taa ka, fɛ ti min boro, a myiri min a bora ta min a a bora ta min na, wona a ra.¹⁹yesu ba n'a baleman cɛ manw ne ta yesu fɛ, mɛn a ma she k'a kwa yesu ra ra jaman kan man. ²⁰mɔgɔ jɔre la fwɔ yesu fɛ ko ;" e ba ni baleman cɛmanw jɔnifɛ kɛnma de, a mafɛ k'i je". ²¹mɛn yesu ko:" minnun yaa masa (Ala) ka koma la mɛn k'a kɛ, wure minnun yaa masa (Ala) ka koma la mɛn k'a kɛ, wure min ne ba baleman c,emanw ye".²²Dun jɔra, yesu la fwɔ a ka kalandinw fɛ ko: " an ta ba kɔfɛ". are dun kurun kɔnna ka ba tgɛ dama ²³ka a to je ra, yesu re shinnɔgɔ. fiɲɛ ba le wri ba je kan, kurun tun na pa je ra, fwɔ a tun na fri.²⁴wo sŋanna kalandiw ne la kwa yesura, ka a kunnun, ka a fwɔ a fɛ ko:"kamɔcɛ, kamɔcɛ anmin tora je ra de". ye le wri ka koma fiɲɛ ni je fɛ, fiɲɛ ni je ere mada. ²⁵yesu le ra fwɔ kalandiw ye ko:"a ye ka danaya min min a srannin kabakwo yanin tun m'a fwɔ ra nŋɔn fɛ ko: " ɲin cɛ ɲin cɛ ŋin min jon ye?" fwɔ e koma fwɔ fiŋɛ ni je fɛ, a re n'a kan mɛn!²⁶a she ra Gadara kaw ka jamana na, ni min ba kɔfɛ, Galile kunten na. ²⁷yesu bɔnina kurun kɔnna , e cɛ jina shɔ jɔ kunbɛ dugu kɔnna. kabɔfwɔ wati yan, a tunti sɔn ka frun du, a tun ti sɔn ka to sho kɔnna. a tun to kaburuncuera.²⁸e .yesu je min kɛɛ, e komo kanba wri, k'a n'i byin yesu sinkɔɔ, k'a fwɔ ni kanba ye ko;" e min mɔn ɲinnina ne fɛ, yesu, yaa masaba (Ala) dincɛ"? ne min e dare la, e ka ne tɔɔrɔ! ²⁹a wo fwɔ katugu yesu tunna fwɔ jina ɲaa, k'ara bɔ wo cɛ ra. wo jina tunna byii kwo shanman na. mɔgɔw len tun na sri nin nɛnŋɛn yruw ye , k'a sinw du nɛnŋɛn ra yako ka fɔshi, mɛn a tun wo sri naw tgɛ-jina tunna kwɛ ka tanɛn kongo kon kɔna³⁰yesu le ra ɲirika ko:" e tɔgɔ e kri di?" e ko:" jamaba" e wo fwɔ katugu jina shanman tun duna a ra. ³¹wo jinaw reyesu dare, k'a ra sabari k'a ye k'a ye k'a ta halaki jɔ ra.³²jɛ kruba tun min dunina kru kan . wo jinaw ye yesu k'a ra sɔn k'a yenka ta du wo jɛwra. ere sɔn. ³³wo jɔra jinaw le bɔcɛ ra, kata du jɛw ra. jɛ krubyɛ re grinka digi kru digida dugu fɛ, kana dun baje ra je r'a ru dun, are sa.³⁴wo jɛ kwɛ naw wo kɛnin je min kɛnan, are bii ka ta wo kibaruya fwɔ dugu kɔnnɔ ani dafɛ dugufyɛw la. ³⁵mɔgɔw le bɔ ka ta kwo kɛnifɛ-ashenina yesu kɔɔ are wo cɛ je, jinaw bɔnitunmin a la , a siginin tun min yesu sinkɔ, frunw tun m'a na . a hakri siginin tun mun. are sran.³⁶cɛ jina shɔ kɛnŋɛnyara min nun ŋaa, wu re wo kwow byɛ lanki a fɛ. ³⁷wo sŋan na Gadara kaw ka jamana mɔgɔw byɛ le yesu dare k'ara ta ka bɔ a ka jamana na. katugu a a sranni ba le tunmun . yesu le dun kurun kɔnna k'a ye na ta.³⁸wo jinashɔ kɔɔcɛ le yesu dare ko a ye mafɛ ar'i to a ye fɛ. mɛn yesu le rafwɔ k'ara sigi kwɔ, e ko: ³⁹" sigikɔw ka ta sho. masa (ala) kwoba minnun kɛ e fɛ , e n'a ru byɛ lanki". yesu kwoba minnun kɛ wo cɛfɛ , e ta wo kwowlanki dugu kɔnna jɔɔ byɛ.⁴⁰yesu sigikwɔra ka ba kɔfɛ sŋanminna, n'a kwo jara mɔgɔw byɛ ye, katugu a byɛ tun ma mankɔnna ⁴¹wo sŋanna cɛ jɔre na , n'a tɔgɔ ye kri ko jayirus. yaa masa (ala) dare sho ɲamɔgɔ le tunmun. E n'i sigi yesu kɔɔ, k'a dare k'a la ta a ye ka sho. ⁴²katugu ko dinmoso ken m'a ye fɛ min shimin san tani fla, wo tunma fɛ ka sa. yesu tashɔ wo jɔra jaman tunmin ka laminnin kǝ deku .⁴³moso jɔ tunmin ɲin bishi bɔ bana tunmana e san ta ni fla bɔ. a tun n'a bofɛw bye jii fla kɛ la ma, mɛn ama she ka kɛnŋɛn ya. ⁴⁴wo moso ye ri kwa yesu ra ka mŋan a ka frunna a kɔfɛ wo jɔni byɛra a ka bishibɔ e re jɔ.⁴⁵yesu le ko:"" jon mŋanra ne ra"? a byɛ le ra man pga a ra. piɛrɛ len ko:" kaa mɔgɔ cɛ jama li lamini ki degu dɛ". ⁴⁶mɛn yesulenko: " mɔgɔ jɔ mŋanra ne ra, ka tugu nbɔra kalama ko pŋan jɔ bɔra ne ra".⁴⁷wo mosora je k'a ti she ki dgo min kɛ, e re ni sigi yesu sin kɔ k'a to digidigira , sababu min na kɛ , e le mŋan a la, ani wo jɔnni byɛ la e le kɛnnŋɛn ya, ka she ka wo ɲafwɔ yesu fɛ mɔgɔw byɛ ɲaa. ⁴⁸yesu le ko afɛ ko :" Ndin moso , e ka dananya e li kɛnnŋɛnya. en ŋa ta hɛrɛ la".⁴⁹ka yesu koma shɔ to , sera din jɔ re na ka bɔ yaa masa (Ala) bato sho ɲamɔgɔ jayirus ka sho, k'a fwɔ a fɛ ko: " e din moso sara . e ka kamɔgɔcɛ sɛgɛ kun". ⁵⁰mɛn, yesu wo mɛn min kɛɛ, en ko jayirus fɛ ko: " e ka sran , da yaa masa (Ala) la, e din moso na kɛnnŋɛnya ".⁵¹yesu shera a ka sho sŋan min na, a man sɔn mɔgɔ shi ra dun a fɛ ɲin, fwɔ piɛrɛ ni yuhanani yakuba ani din fa n'a ba. ⁵²mɔgɔw byɛ tunmin komora, ka komowri ko din sara yesu le ko :" A ka komo, ka sɔɔ din ma sa , a min shi nɔnŋɔnre la. ⁵³a re yɛɛ kwo ara, katugu a ye fɛ din sara ka dan-⁵⁴-mɛn yesu le ra ta a boo ma ka swɔ pŋanna ko: "diin, wri". ⁵⁵a ɲin e sigi a ma, wo jɔno byɛ ra, e le wri. yesu le ko k'ara dunin jama. ⁵⁶din wobgaw le kaba le kwo ya. yesu le ra fwɔ a fɛ ka gwɛrɛ ya k'a ka wo kwo ken shi fwɔ mɔgɔ shi ye.

¹yesu le ra ka kalandin tani fla kri, ka she ni pŋan ji a ma jinaw byɛ ka , ani ka bana fla kɛ. ²wɔkɔfɛ, e yaru ce kata yaa masa (Ala) ka masa ya wajuli kɛ ani ka bana bagashɔw kɛnnŋɛnya.³e ra fwɔ a fɛ ko:" a kafoyi ta a bow ra a tashɔ, bemen wo , dugura tga mnan wo , duni fɛw wo, wari wo. a shi ka dee ke fla ta. ⁴N'a ka yatigisho sɔ jɔ o jɔ, are na to ɲin fwɔ a ta sŋan ka sh.⁵nin mɔgɔ ma sɔn k'a ladun jɔ min na, a bɔ shɔwo dugu kɔnna are na sin na biriw dugudugu ɲin, wo na kɛ a shɛrɛw ye ka a lasɔnmin. ⁶kalandiw ne ta . a tɛnmɛn na duguw byɛra ka kibaraya junman fɔ, ka banabga shɔ kɛnnŋɛnya.⁷Gɔfɛrɛ nɛri hɛrɔde wo kwo kɛninw kibaru ka kibaru ya mɛn sŋan min na, a hakri ye nŋanmin. katugu mɔgɔ jɔ ra fwɔ ko: "yuhan batiseli kɛra kunnun na ka bɔ shɛma." j:o kwɛma ne ko :" ko Eli naa" . ⁸jɔ kwɛma ne ko: "ko gare gare celaw ra, ken kunnun na ka bɔshuw shɛma ⁹mɛn Hɛrɔde len ko:" ne yuhana kungo tgɛɛ. awa ne kwow mɛn minfɛ, we jon ye?" a tun m'a kɛra yako togo min na e ka yesu je.¹⁰cɛ dinw na kwɔsigi kana yesufɛ ka na ka kwo kɛninw lakii a fɛ. yesu le tan'a ye a dana dugu jɔ dafɛ wo dugu tɔgɔ ye kri ko Bɛtisayida. ¹¹jama ra dɔn sŋan min na, are la gwan a ra , yesu le ra mna kwo ɲa , ka koma a fɛ yaamasa (Ala) ka masa kwo ra. min nun ma kwo tun min kɛnnɲɛn ya la ewu kɛnnŋɛn ya.¹²tee tun na byi sŋan min na, kalandi ta ni fla ra kwa yesu ra, ka fwɔ a fɛ ko:" jan ma la bla yako a ra ta an da fɛ duguw ni bugufiyɛw ra ka ta duniw ni shijɔw yaara, katugu anmi kongokon le ra yan ¹³mɛn , yesu le ra fwɔ a fɛ ko : " a ye yɛ ra duni ji a ma". a re ko:" fyi t'an fɛ bwurukun juru ni yigɛ din fla kɔfɛ, fwɔ ni ma fɛ an ta dunisan mɔgɔ byɛfɛ". ¹⁴a tun cɛ waga juru (5000) shi bɔ. yesu le ko a ka kalandiw fɛ ko:" a mɔgɔ sigi biduru duru shi.¹⁵kalandiw ne janma sigi wo tgo ra. ¹⁶yesu le wo bwuru kun juru ni yigɛ din fla ta k'i ɲa kɔ ta sanfɛ ka yaa masa (ala) bakada. wo kɔfɛ, e la ru ki-ki ka ji kaladiw ma. ko kalandiw n'a sigi janma kɔ. ¹⁷A byɛ le dunni kɛ k'a pa. a re sŋin ta ni fla pa dunin kunkurunw shɔ toniw na.¹⁸dun jɔra , ka yesu to yaa masa (ala) dare la a danmafɛ, a ka kalandiw tun ma yigɛ ma. yesu le ra ɲirika ko :"mɔgɔw m'a fwɔra ko ne min jon ye?" ¹⁹A le ra jabi ko:" jɔ ko yuhana Batiselikɛla, jɔ ko Zli, jɔ kwɛma ne ko gare ceraw ra ken min kunnunna ka bɔ shu cɛmanw na."²⁰yesu le ra ɲrika ko :" mɛn a ye lo, ye yɛ ɲa ne min jon ye? piɛrɛ le ya jabi ko: " yaa masa (Ala) ka krisita". ²¹yesu le ra fwɔ ka gwele ya a fɛ ko a ka wo fwɔ mɔgɔ shi fɛ. ²²yesu le ko kun ko :" wajibi le mun , mɔgɔ dincɛ la tɔɔrɔ kwosɛbɛ , cɛkɔrɔbaw ni saaka jiraw kuntigiw ni sari ya kala mɔgɔw ra ban a la. a na pga , a soni te saba na dun wo, a na kunnun."²³wo kɔfɛ, e ra fwɔ a byɛ a byɛ fɛ ko:" ni mɔgɔ jɔ m'a fɛ ka ne sin nɔn ta, e ŋi ban e yɛra , ka ekwenŋwen yiri ta dun o dun , ki gwan ne ra. ²⁴mɔgɔ min m'a fɛ k'a yɛ kun ɲin krishi, wo na bɔn a ɲin na , mɛn min na bɔa ɲinna kanma were na a ɲin kru shi. ²⁵Diɲa byɛ sɔni ye mɔnfɛ ɲa mɔgɔ ma e ŋa ta bɔb e ɲin na?²⁶ni mɔgɔ min ka mun ne ni ŋa komaw ma, mɔgɔ dincɛ na munwatigi ma, a ka nani a nɔɔrɔ ye sŋan min na, ani a fa nɔɔrɔ, ani mɛɛkɛ sɛbɛmanw nɔɔrɔ wo. ²⁷shɛn na , ne na fwɔ a fɛ ko, min nun min ya , wu jɔɔ tina sa , yani a l yaa masa (Ala) ka massaya je.²⁸wo koma fwɔnin te sigin nɔnŋɔnna, yesu le tani fiɛrɛ ni yuhana ni yakuba ye fu kan ka ta yaa (ala) dare. ²⁹k'a ta ala dare la, a ɲada tgo ya e yɛma a ka frun ne ka manman.³⁰wo jɔnibyɛ, cɛ fla le na koma yesu fɛ, wo tun min musa ni Eli ye. ³¹wu tu na yira ni nɔɔrɔba ye. yesu ra ka ba ara dapa ka sa jrusalem, aa tun koma na a fɛ wo kwow la.³²shinɔngɔba tun min piɛrɛ n'a ka mɔgɔw ra mɛn, a kunnun ni ye yesu nɔɔrɔ je, je ka wo cɛ fla jɔni je a ygɛma. ³³wo cɛ fla ta shɔ ka bɔ yesu kɔɔ, piɛrɛ le ra fwɔ a fɛ ko:" kalanmɔgɔcɛ, a ka ɲin, anto yan. an bwwusho sab jɔ. an ken jɔne fɛ , keen musa (Moise) fɛ, ken Elie fɛ. a m'a a ka fwɔ ta dɔn.³⁴Awa , k'a to wo koma na kaba ye fyin ka jɔ byɛ datgu. k'a to kabafyin min ka jɔ byɛ datugu, a le sran . ³⁵kan jɔ le bɔ sankabala ko;" ɲin min ne dincɛ ɲana wo manni ne . aa a lamɛn". ³⁶wo koma kan bɔni kɔfɛ, a ma mɔgɔ je ni yesu tɛ. kalandiw ne ra magaya , a ma a ka kwo kɛnin shi lankii mɔgɔ shi fɛ wo waati ra.³⁷wo dugusɔpyɛ ra , a diginin kwɔ kabɔ krukan, mɔgɔ shan man ne ta yesu kunbɛ. ³⁸cɛ jɔ tun min mɔgɔw shɛ ma, wo prɛn kan ye ko :" kalanmogɔ cɛ, ne min dare la, e ka ne dincɛ fɛ", ne dincɛ ken pe re mun. ³⁹jina gwrɛn ne tun wo mna, a ka mna e komo wri ka ta daa kanŋa. e digidigi a ka fila bla a pi byɛ birin nin na. ⁴⁰ne ri ka kalndiw dare k'a r'a kwɛn , mɛn a mashhe".⁴¹ye le ya jaabi ko:" a ye donanbi ya dugu mɔgɔw ne na to a fɛ ka a ka kwo muɲufwɔsɲan jɔnna? na nine dincɛ ye ya". ⁴²Din ni kwa a ra sŋan min na, jina ye ra byii duguman k'a digi kwo sɛbɛ. mɛn yesu re jina kwɛn ka dincɛ kɛnnŋɛn ya.⁴³yaa masa (Ala) ka she bgabaya ye mɔgɔw kabakwo ya. ka a byɛ kabakwo ya nin to yesu ka kwo kɛninw byɛ la, e ra fwɔ aka kalandiw fɛ ko: ⁴⁴" a too manda ka koma ɲin lamen: mɔgɔ dincɛ na dun mɔgɔw bora". ⁴⁵Mɛn a ma wo koma kɔɔdɔn wo dogonin tun min a ra yako a k'a wo kwo la. aa srannin ma she k'a ɲri ka wo kwo la.⁴⁶Kalandiw tun ngɔn ɲrika, k'a shɛma ko joo bun shɔw bye? ⁴⁷yesu le a ka myiiri yaw dɔn. e re dɛnsɛnw jɔɔ ta k'a jɔ a yɛgɛ ma ⁴⁸ka fⱳɔko : mɔgɔ min dɛnsɛn ɲin mna kwo ɲaa ne kan ma, we ne mna kwo ɲaa, min ne mna kwo ɲaa , we ne ce bga mna kwo ɲaa. min min a byɛ la dɔgɔmanni ye, we min a la mɔgɔbaye.⁴⁹yuhana le koma ta, e ko:" kalan mɔgɔ, an cɛ jɔ jee, wo tun jinaw kwɛ e tɔgɔ ra, an ne ya ban na k'a kɛ, katugu a tun ti an jɔ ye. ⁵⁰yesu le ya fwɔ a fɛ ko:" a k'a bari, katugu min ti an dugu ye, wo ù' an ɲin ne".⁵¹yesu tun ŋa kan ka diɲa bla ka ta sa ko la sŋan min na, wo srun ɲana, e ri kunda jerusalem. ⁵²E re ce dinw bla ka ta ɲatena. wu tashɔwo, samari dugu jɔ ra , k'ana yatigi ɲin nin a fɛ. ⁵³mɛn wo dugu mɔgɔw ma sɔn k'a ladon, ka sɔɔ a tun min trara jerusalemkawfɛ.⁵⁴kulandi yakuba ni yuhana wo je min kɛ , are ko: "matigi, e ma fɛ an fwɔ an kofɲɛ ra digi ka san koo ra k'a ru halaki wa? ⁵⁵mɛn , yesu re koma a fɛ. ⁵⁶are ta dugu kwɛ man na.⁵⁷k'a ruto sra kan, cɛ jɔre ko yesu ma ko: " E ka ta jɔ o jɔ ne na gwan e ra. ⁵⁸yesu re ko:" dgan min kongo wruwfɛ, ɲanɲan min safɛ kɔɔnfɛ, mɛn jɔ ti mɔgɔ dincɛ fɛ min m'a ta ye.⁵⁹E ra fwɔ mɔgɔ kwɛman fɛ kari gwan aye ra wenko : k'ara to k'a ye ŋa ti fa shu dun ban . ⁶⁰yesu re ko : k' a ra to ko shu tigiw ra ka shu dan ka yen ŋ'a ta yaa masa (ala) ka masaya kwofwɔ⁶¹cɛ kwɛ man ne ko: k'a ye ni gwanna, mɛn k'arato aye ŋata fwɔ a ka mɔgɔw fɛ ban. ⁶²yesu re la jabi: ko mgɔ wo mgɔ mishi daba mna k'i kɔfɛ fɛɛ wo tigi ɲunti yaa masa (Ala ) ka masaya la.

¹wo kwoow kɔfɛ, matki ee mŋɔ biiwonwla jɔkwɛɛman ɲanatɔnmɔn. ka wuu cɛɛ mŋɔflafla ka ta o ɲaa dguw ani ayɛɛkun ka tuujaaw ra ²ee ra fwɔɔ aa fɛ ko:« shunman tgɛta ka shaa nkaa shunman tgɛlaw man shaa-wee kɔsɔɔ, aa shunmantgi daare ko ara baarakɛlaw cee ka ta a ka shunman tgɛɛ.³aa ta! nne r'ayee cee ka ta nafwɔɔ skadinw min taara waaradguw shɛma. ⁴aa ka pɔɔtɔmaanni ta, aa ka dguratga mnanta, a ka samba ta. a k'a jɔɔ ka mŋɔshii fwoo sraara .⁵nin aa ka duu shoo min na, are ka fnan ka fwɔɔ ko:« hɛɛrɛ ra shoo ɲin kɔɔnna.» ⁶nin hɛɛrɛdin jɔ ka sɔɔ ɲin, aye ka hɛɛrɛ natoo a kan, ni woo ti ɲin, aa ka hɛɛrɛ na seeki aa ma. ⁷aa to woo shoo ra, wuw ka min jin aa ma, aa wo duu ka wo mɲii buwuu baarkɛla ka kan ni a ka saa ye. aa ka yɛɛman kɛ shoo nin nŋɔn shɛɛ.⁸nin a ka dun dguu jɔɔ kɔnna, ni wuw k'a mnatgoo ɲan, wuw ka dunni minnun skii aa kɔɔ a wuu duu. ⁹aa wo dguu kɔɔna jinminshɔɔw kɛnnɛnya, ka fɔ o dgumŋɔw fɛ ko yaamasa (Ala) ka masaya srunŋanna a ra.¹⁰Nka ni aa ka dun dguu jɔɔ kɔnna, ni wuw m'a mna kwoɲan are ka ta wuw ka sraw ka ka fwɔɔ ko ¹¹«hari a ka dgura brii min ɲuwɔɔrɔ ra an nne siinw na aan nne wo flanflan ka bɔhin a ye kɔɔsɔɔ. wo biɛɛ na ta, aye ra dɔn ka yaamasa (Ala) masaya srunɲanna a ra» ¹²nne ra fwɔ aye fɛ : sodɔmin tɔɔrɔ tgoo na nŋɔnya ka tɛnmɛn wo dguu ta ka kititgɛduu na.¹³« bɔɔn min ee ta ye korazɛn (chorazin)! bɔɔn min ee ta ye, Bɛtisayida (Bɛthsaida)! ka sɔɔ kabakwo minnu kɛra a ye dguw kɔnnan ni wuu kɛnin Tir ni Sidɔn kɔnnaa, sisaa tinna sɔɔ wuw nkisara a ka drunmunw na a myɛnna ka bɔtɔkon fruunw dun a yɛɛ ra ka bripɩɛɛ kɛ a kunkow ra. ¹⁴weera to, Tir ni Sidɔn tɔɔrɔ kwo na nɲɔnya ka tɛnmɛn a ye taa ka kitigɛdun na. ¹⁵yere kapɛrɛnahun (capernaum), ye ra miiri ko e na kɔɔta fɔɔ shanko ra le waa? wahii e na djii fɔɔ yandannman kɔɔna»¹⁶ara fwɔɔ a ka karandinw fɛ fran ko: « minnun aye lamɛn aa nne lamɛn. minnun bana aye ra, aa baana nne ra. minnun bana nne ra aa bana nne cee bga ra.¹⁷wo cedin biinwonwla yrilajanin le y'a kwɔɔseki. n'a ma fwɔɔra ko:" matki, hari jranw biɛɛ koo ra an ye etkɔɔ baaka ra!» ¹⁸yesu le y' fwɔ aa fɛ ko: « nne shitannin binshnɔ jee ka bɔɔ sako ra nafwɔɔ sanyɛkɛkɛ. ¹⁹afɛɛ nne shee jii aa man ka tŋɔman saaw ni bintinw ka, ani ka aa dguuba ka shebgayaw biɛɛ tkitkɔɔ aa sisinkɔɔ. foshi tin'a she ka kwodgu ke au ra. ²⁰wo biɛɛ na ta, aa k'a yrilaja ko jinnanw koo koo r'a ye nŋaa, aa yrilaja ko a tgɔɔw sɛbɛnin mun shanko ra.»²¹O waati ra, yesu yrilajaara kwaasɛbɛ ŋinsenun baaka ra, a ko: « Nne faa, shanko ni dguuko matkii, nnee baako da ye, ka sɔɔ ye kwoo ɲinnun dgan yakritgiw ni yakrijunmanw, ka wuw yraa karan kwɛnnin tgiw min dinsɛnw shiyee. ɔnhɔn, kasɔɔ weree tinka ɲiin e ɲankɔɔ.»²²«nne faa re wo kwoow karifa nne man , mŋɔshii ti diin dɔn ni faa tɛ ; mŋɔshi ti faa dɔn ni diin tɛ mŋɔɔ o mŋɔɔ ka diin jaa, ere yrali ji wo ma.»²³Ari ɲayɛɛma karandinw fɛɛ gunduu ra:« minnun ayee ka kwow jetaw jee hɛɛrɛ minwuuw ye. ²⁴nne ra fwo aa fɛ ko ceraw ni masa shaanman tin mafɛ ka aa ka kwoow jetaw jee nka wuuw m'aru jee, ka aa ka mɛntaw mɛɛn nka wuuw m'aruu mɛɛn.»²⁵yahutuw ka sariya karanfa jɔɔ re wrikijɔɔ ka matki kɔɔbɔ ka fwɔ ko:«kuntki, nne ka kan ka mɔn kɛ ka ɲranmanya baabii sɔɔ?» ²⁶yesu re ko aman:« mɔɔn sɛbɛnin sariya la? Aa min jon kran na?» ²⁷A jaabishɔ wo cɛɛ ko:« E ka kan k'i ka matki a ka yaamasa kannun ni dodokun biɛɛ ye ni ɲin , ni pŋan, ani ka miiriya biɛɛ ye, fnaa ka e mŋɔnŋɔn kannun nafwɔ e yɛɛkun o.» ²⁸Yesu le y'a fwɔɔ a fɛ:« era kwɔɔjaabi ka ɲaa, wo kɛ ena ɲranmanya.»²⁹nka karanfa, tin ma fɛ ka shɛn ji a yɛɛ ma, ere ko yesu fɛ:«joon min nne mŋɔnŋn ye?» ³⁰A jaabi kwɔseki, yesu ko: « cɛɛ jɔ tinmin bɔra Jeruzalɛmun ka ta zeriko. wo cɛɛ e kanɲan biikaninkɛlaw ye,wuw re a ka fɛɛnw biɛɛ mnara ka blɛɛ nafwɔ nafwɔ an'a pgaa,ka tɛnmɛn ka tahin.³¹O skann na, saakalashebga jɔ re she, a min jɔɔ. ³²o tanin kwɔɔ léviti jɔ re she, o shii ma e jɔɔ,³³Nka samarika jɔ shenin jahin na, cɛɛ jenin, a mashɛɛ ere paa makari la. ³⁴eri kwaa ka yuuw kwoo k'a srii ka truu ni duwɛn bɔn a ka. ka ta ka ski a ka fari ka, ka tanɛn dgɔtrɔshoo ra ka fɔ ko aa ra dgɔdun a ra. ³⁵Adgushɔpiɛra, samaritɛn ka ye warinɛnnin dinfla dgɔtɔrɔ ma ka fwɔɔ: Dgɔdun ara. nika musaka minnun kɛ, un ka ski, nne na abiɛ saa ye fɛ.»³⁶wo mŋɔsaba la, joon kɛra cɛɛ manjinmin mŋɔnŋɔn ye?» ³⁷karanfa ko:«min makari la cɛɛ ra.» yesu le ko a fɛ:« ta ere na kɛ samaritɛn cɛɛ shi ye.»³⁸sisa aa tinmin dgutgu tŋɔman na keye, yesu re duu moso jɔ fɛ, o tgɔkri ko Mariti (Marthe) wee ra bishimila a ka shoo. ³⁹wo dgɔɔ j,o tinmin ɲin n'a tgɔkri ko Mariyaman (Marie) wee ri ski yesu sinkɔɔ ka to ka ka komanw lamen.⁴⁰Nka Mariti ɲankwannin tinmin tibiri ni kwomɛnsɛnw na. Ere na yesu kɔɔ kana fwɔ: «Matki ɲinshi ti foshi kɛ era, nne dgɔɔ min kowmɛnwɛn biɛɛ tora nne keen ma? a fwɔ a fɛ ko ara un janman.» ⁴¹Nka matki e y'a fɔ a ɲanna: « mariti,mariti , e hanmin, ka binbin kwo shaanman kanman, ⁴²Nka kwoken ne nafa ka buun. Mariyaman sɛbɛman ye ɲanatɔnmɔn, wo min tinna mna ara fiyehu.»

¹Yesu tinmin Ala daare kɛra dunjɔ jajɔman karandin jɔ re ko: «Matki an dgee Ala daare ra, nafwɔ Yuhanna na ka karandinw dgee tgomin na.»²Yesu le ko aa ma: « A ka fwɔ ka Ala daare kɛ, a fɔ, faa, e tkɔɔ ra senunmanya. e ka kuntgiya ra na .³An dun o dun dunfɛn j'an ma. ⁴Yaafa an ka friw ma, shee ji an man an ni ka yaafa mgɔminnun fri an man. Ɛ ka an yaten kɔɔbɔri ma.»⁵Yesu re y'a fɔɔ a fɛ ko:«A ye shɛma joon na wuuri dgutaaman ka ta bruuru din saba daare a teeri fɛ, ⁶ko un teeri jɔre nshɔɔ min dee ka bɔ dgura foshi tin nfɛ ka ji aman:" ⁷Min danin shokɔɔna, we she ka fɔ e ka un ɲan kwan, daa tgura kaba, nne nin diinw daare kaban. Nne ti sghe ka wri ka buuru ji e ma." ⁸Nne ra fwɔɔ a fɛ, ari n'ama wri bwuuru ji kanman bari a teri le muun, ana wri ka bwuuru ji e min sabu a min aye ɲankwan na.»⁹Nnne ra fɛ kun :«aa ka daare ana sɔn, aa ka a yaara ana jee aa daa tgunin mablɛɛ an'a dayɛɛ. ¹⁰Mɲɔ min ka fɛɛn daare , ana ji a man, ni min ka a jayaara ana jee, ani daa n'a yɛɛ a mablɛɛ bga fɛ¹¹faa jɔɔn min aye shɛra, ni a diin ka yɛɛkɛ daare a fa fɛ eree saa jaman yɛɛkɛ nɔɔna? ¹²waama na ka sisɛkri daare, ere bintiin jaman? ¹³Ahiwa, aye min ka dgu ni aye she ka fɛɛ ɲunman ji a diinw ma, sanko, a ka saakora faa na ɲinsenun ji a daare bgaw ma?»¹⁴O kwɔɔ dɔɔnin, Yesu tinmin jran bobo jɔ kwɛma. o jran bɔra, a tinmin cɛɛ min na ere koma. janmanw kabakwoyara! ¹⁵Nka jɔ tinm'a fwoyɔra:«A min Belizebili (Beelbzebul) jranw ka masadin tgɔ were kɛra ka jranw kwɛn.»¹⁶jɔɔ le y'a kɔɔbɔ ani ka layrika saako tɲamashiɛn jɔ ra. ¹⁷Nka Yesu r'a miriyaw dɔn ere ko oma:«Masaya min tran na ɛɛ kaaman o rakira (devaste). ani shoo min papaa a yɛɛ kanman, o wan na.»¹⁸Ni shitannin ka tran-tran a yɛɛ kanman, a ka masaya na to dishii? sabu aye m'a fwɔra ko anne jranw kwɛn Beelzebul tgɔ ra. ¹⁹Ni nne jranw kwɛn Beelzebul tgɔ ra, A ye ka karandinw jranw kwɛn jɔn tgɔra? wee kosɔɔɑa n'a kɛ a ka kititgɛlaw ye. ²⁰Nka ni nne min jranw kwɛnna ni yaamasa (Ala) bokwɛndin ye, o ra yaamasa ka masaya na aye ma.²¹Ni cɛbaakaman jɔmin a ka shoo kɔɔsh ira, ni kɛɛkɛmnanw m'a boo ra, a ka fɛɛn biɛɛ maranin lo ka yan. ²²Nka cɛɛ min baaka ka duun ni wo ta ye, ni o kana shee sɔɔ a ka a dki da ni tinmin a ka fɛɛn ka , a na wuu mna biɛɛ mna ra. ²³Miin ti nne fɛ, watgi nne kɔnniya re, nka min ti mɲɔw kɛ nɲɔn ka ni nne o r'a yinkɛn ne.²⁴Ni ɲindgu ka bɔ mɲɔ na, ere ta yalankon jɔɔ ra ka mashɔn yaara, ni ama jaa sɔɔ, ere na fwɔ;«nne bɔra shoo min na nne na un kwɔseki hin." ²⁵Na ka e kwɔseki, kana sɔɔ o shoo flaani ka labɛn ka ɲan. ²⁶Ere ta ɲindgu wonwla kri min nun ka fari n'a ye, aa re na duu k'a ski o shoo ra. O tgo ra mɲɔ laban ka kwow le dguya ka tɛmɛ gare ta ka.»²⁷Ka Yesu to koma na, moso jɔɔ re koma ka kan kɔɔta ko:«Moso min ye kɔɔta ka e woo ka shiin ji ema. duuba min wee: ²⁸«Nka Yesu re ko minmun yaamasa ka koma lamɛn ka mara,duuba min wuu le ye.»²⁹Jannman tinmin shiyara, Yesu re to ka fwɔ. bɔnsɔn hinnun mi bɔnsɔn dguu re. a mi tɲanshiyɛn le yaala na. tɲanmansyɛn foshitin'a ji o ma ni Jonasi ka tɲansyɛn. ³⁰Sabu o tgɔ ken na Jonasi kɛra tɲanmasyɛn niniw fɛ, ora o tgo ra kun, mɲɔ dincɛ na kɛ tɲanmansyɛn ye bɔnsɔnw ɲinnun fɛ.³¹Kɔgɔdugu ɲapanfɛ masa moso na wri kititgɛ duu na ni bɔnsɔn mɲɔw ye ka yaakiri bin a ka, sabu a bɔra dgunmanko kwiiw ra kana Solomannin ka hakili ya lamɛn, ani a fɛɛ mɲɔ jɔ min yan min ka buu ka tɛmɛ Salomɔn ka.³²Ninive mɲɔ na wri kititkɛ duu na ni mɲɔ bɔnsɔn ye ka yaakiri bin a ka. ka sɔɔ a nikisira Jonasi ka waajuli fɛ. A fɛɛ yan mgɔɔ jɔ min yan min kabuu ka tɛmɛ Jonasi ka.³³Mgɔshi ti lamba man ka bla jadgonin waaman sinsin kɔɔnna. Nka era dendaa ne yako duubaw ra she ka kɛɛn je. ³⁴Eɲaadin wee min pisgo ka lamba wee, nin ɲaadin ka ɲii, e pisgo biɛɛ re kɛɛn sɔɔ. Nka nin ɲaadin man k,ennɲɛn,e pisgo biɛɛ re paa ni jibi ye. ³⁵Janto yaako kɛɛn miin mi era, ka nakɛ jibi ye. ³⁶Nin pisgo biɛɛ lajɛnin ka kɛɛn sɔɔ ni jibi ti a jashi ra,wona e pisgo biɛɛn nakɛ nafɔɔ lamba kɛɛn ɲanjunman era.»³⁷yesu koma ra ka baa, farizɛn jɔ re y'a daare ko ara duunin kɛ n'a ye a ye ka shoo. Nka Yesu re dun k'i sgii ka duunin kɛ. ³⁸Farizɛn yrii le bla ko aye m'i kwoo ka sɔɔ ka duunin kɛ.³⁹Nka Matgi era fɔ a fɛ :«Aye Farizɛnw, aye tasaw ni jeminmnanw kɛɛmmajaw kwoo. Nga kɔɔnanw panin kunnayaw ni dguyaw ra. ⁴⁰Aye mgɔ hariintanw! Min kɛɛnmanja kɛ, a tgi ma kɔɔnna fana kɛ waa? ⁴¹Fɛɛn min mi kɔɔnnan, a o ji dɛsɛbgashɔw ma.O ra fɛɛn biɛɛ na sanniyan aa ye.⁴²Farizɛnw bɔɔn min a taye, sabuu aye nanaye ni nanfɛnw ani nakɔfɛnw biɛɛ yiika bɔ, nka aye teeninya kwow ni yaamasa kannuya to hin. a tin ka kan ka wo brekeebaw kɛ, ka fɛɛn mɛnsɛnw fanna faarauu kan.⁴³Bɔɔ min aye farizɛnw ye, ka sɔɔ Alabatuu shoo kɔɔnna ɲateena skijiaw ani mgɔ ra fwo fyee kɛɛn baw ra, le ka ji aa ye. ⁴⁴Bɔɔn min aa ye, ka sɔɔ aye bɔnin mun saree dgoninw ne fɛ, mgɔw tɲɔma min ka n'a ti o sarenw dɔn.»⁴⁵Yahutuw ka sariya kaamgɔ jɔɔ re y'a fɔ ko:«kaamgɔɔ, e min mi fwɔɔra, wo m'an nee nɛɛ ninkan ne.» ⁴⁶yesu re y'a lamna ko:«Bɔɔn min aye sariya kaamgɔw fnan ye, sabu diin minnun ta ka kwɛɛnɑye ure da mgɔw kunnan, aa ti sɔn k'a bokwindi keen kɛ k'a janman.⁴⁷Bɔɔn min a ye, sabu ayee veraw ka sarenw didaa ka ɲan kwosɛbɛ, ka sɔɔ a bɛnmɛncɛw re uu pgaa. ⁴⁸Ora yira ko a sɔnna aa bɛnmɛw ka kɛwariw ma, ka sɔɔ uu re ceraw pgaa, aye kwin uu ka sarenw didaa ni tɲanmansyɛn ye.⁴⁹wee fana kanman Ala ka hakritgiya ko: Nne na ceraw ni cedinw cee a fɛ. Ana wuw pgaa, k'a gwan jɔkwɛɛw ra ka uuw tɔɔrɔ. ⁵⁰wu biɛɛ na kɛ yako cera minnun pgaa ra kabɔfwɔ drunɲan dan skannan u biishi ɲrikari ra kɛ bii mŋɔw la. ⁵¹ka damna Abɛli biishi ma fⱳɔɔ ka ta bla zakari biishima, wo min pgara saakabɔnan ni Alabtushoba flanshɛ ra. haan nne ra fwɔ aa fɛ, o biishiw biɛɛ ɲrikari na kɛ bii mŋɔw ra.⁵²« bɔɔn min aye sariya kaamŋɔw ye, ka sɔɔ aye dɔnniya kwɛnnŋɛndin ta; aye tin na duu , a fana t'a to dunbgaw ra dun .»⁵³yesu bɔra o jaara skan min na, farizɛnw ni sariya kaamŋɔw re y'a ban ara, ani ka daramɛn kwo shanman kuun kan. ⁵⁴ka laɲri ka mna jaanna ni a darakomaw ye.

¹wo tuman na, janman ba taa kɛ ngɔn kan fuɔɔ a tun ngɔn sin dɔn shiyakuodgu fɛ. yesu y'a da mlan ka fuɔ a ka kalandiw ye ban ko. aa ye l'a yɛɛ kɔɔshi*fariziɲɛw ka burufununan man, min mi flankafuya ye.²fɛndgoni shi ti ɲi mii tinan je. bunne shi tii ɲi mi tinan bɔ kɛɛn kan. ³bari aa mannan fɛn wo fɛn fuɔ dgo nan, wo nan mɛn kɛɛn ka. Aa mannan fɛn fuɔ ngɔn ye too kɔɔ sho kɔnnan, wo wanko nan da sankasho ka.⁴« Aa ye mii min ne teriw ye, ne la fuɔ aa ye ko mgɔ minw mgɔ pka n'a ti she ka jɔ gwɔman kɛ a la wo kɔfɛ, aa ka sran wuu ɲan. ⁵Aa ka kan ka sran mi ɲan, ne nan wo fuɔ aa ye. she miin ye ka mgɔ jiin mlan, wo kɔfɛ, e she ka fri yandanman kɔnnan, aa sran we ɲan.⁶Mgɔ ti kɔnni juru fiere pɔpɔrɔ fla la wa? ka sɔɔ ala ti ɲran wu kuo. ⁷Ali aa kunshe yɛɛ, ala wo biɛ da dɔn. wola, aa ka sran. aa ka pisa ni kɔɔnniw ye.⁸Ne l'a fuɔ aa ko ni mgɔ min k'a fuɔ mgɔw ɲannan k'o tgi man ka mgɔ ye. ⁹Nga ni mgɔ min ki ba ne la mgɔw ɲannan, ne fannan nan ba wo tgi la aa ka mɛkɛw ɲannan. ¹⁰mgɔwo mgɔ mannan mgɔdicɛ tgɔ shiɛn, wo tgi nan wo yafa sɔɔ. Nga minnin ka ɲii senuman tgɔ shiɛn wo tgi kwiin ti nan wo yafa sɔɔ.¹¹N'aa kaa mlan wate min nan ka ta n'aa ye kalanshow kɔnnan, waman kititgɛlaw fɛ, waman Fganman ɲantenan, aa nan min kɛ k'a jaabi, waman aa nan mi fuɔ ka shiɛn sɔɔ, aa hakri « kanan nganmi wo la. ¹²ɲii senuman nan aa ka fuɔta dun aa daa la wo janin bi»¹³Cɛɛ jɔ le y'a kaan to yesu man janman shɛman ko:« kaamgɔ, a fuɔ n kɔɔcɔ ye ko a l'a to an nin kan faa shɛn talan.» ¹⁴yesu y'a jaabi ko :« shɛɛ, joo ne sgi ka kɛ aa ka kuow kititgɛla ye?» ¹⁵wo kɔfɛ, yesu y'a fuɔ jaman ye ko :« aa yɛɛ kɔshi nafuo hanmikuodgu man, bari ali nin nafuo ka sha mgɔ fɛ tgo wo tgo, a ti she ka kɛ a tgi ɲii shutani ye.¹⁶wo la, ee talen dan a ye ko:«nafuotgi jɔtun min ɲi, a ka jii ɲanan kuosɛbɛ» ¹⁷e ya fuɔ a yɛɛ kɔnnan ko:« ne nan ka shuman dun ja jɔn tɲi. ne nan mɔn kɛ?» ¹⁸wo kɔfɛ, aa fuɔ, aa fuɔko :« ne na min kɛ, ne wo dɔn. ne nan ka bonow tin, ka brekebaw jɔ. wo la, ne nan ka shunman ni ka bola fɛnw biɛ lajɛn wu kɔnnan. ¹⁹wo kɔfɛ, ne nan manshɔn, ka duni kɛ , ka mɲimin kɛ, ka nɲunshɔnja, bari san danmanni dunifɛn mi ne fɛka ban.»²⁰nga ala y'a fuɔ a ye ko:« e nranman , bii shu ɲi nan yɛɛ, ne nan ka kalifa mlan la. wo tunman nan, e nafuo min biɛ lajɛn ka sɔɔ, a nan kɛ jo ta ye?» ²¹yesu y'a fuɔ ko:« mgɔ min mi nanfuo lajɛn a yɛɛ ye ka ala to ɲin, wo shin le nan a tgisɔɔ.»²²wo kɔfɛ, yesu la fuɔ a ka kalandiw ye ko:« wo kanman, ne l'a fuɔ aa ye ko aa kanan hanmin aa ka balo kuo la ko aa nan mɔn dun? aa kaa hanmin a ka fɛrɛbɔkuo la, ko aa nan mɔn dun? ²³bari aa ɲii kuo ka gwrɛ ni dunin kuo ye, pii kuo ka gwrɛ ni frun ye.²⁴Aa kaankaanw ka kuo jate k'a fɛɛ . aa ti dani kɛ aa ti shunman tgɛ. bono t'a fɛ. Nga ala l'a balo. aa ye man pisa nin kɔɔn ye pew wa? ²⁵aa la jo she ka tee kee kɛ danman fra a shii kan hanmi fɛ? ²⁶Ayiwa, min mi fitinio ye , n'aa ti she ka wo kɛ, mɔnan aa le hanmin kuo shɔw la?²⁷Aa ye l'a byin fierew ka cɛɲan fɛɛ. a ti bara kɛ, a ti gwɛni fannan gwrinni. ne l'a fuɔ aa ye ko masashɛ solomani n'an ka fganmanya biɛɛ, a man frun sɔɔ min ka cɛ ɲan ye fiere ɲunun ta bɔ. ²⁸biin min mi kogo kɔnnan, ni fiin nan a kun sini, ni ala l'a janto wola tan, a ti n'an janto aa la ka tɛmɛ wo kan wa? dgi tan ɲunnun!²⁹<< Aa nan fɛn mi dun, wariman aa nan fɛ min mɲin, aa ka aa hakri ngan min wo sɔɔkuo la. ³⁰aladɔnbiw le wo few biɛ ɲinin. nga aa faa l'aa mankuoyanfɛnw dɔn. aa ala ka masaya³¹aa ala ka masaya ɲini premie, n'o kakɛ, ala nafɛn shɔw j'aan man. ³²« Aa kɛra nan fuɔ sgakrufitini.wo nan ta biɛ, aa ka sran, bari a jara aa faa ye ka ka masaya jaa man.³³aa k'aa bora fɛnw fiere k'a wari talan fgantanw shɛ. nanfuo min mi ala fɛ sankola, aa wo yara. wo nanfuo ti sshien ka je, a ti ban suw ti she ɲin, bwa ti she ka shiɛn. ³⁴aa ka nanfuo min ja mi nan, aa ka miriya mi wo jaa la fannan.³⁵« aa shɛ sri, kaa ka finan mannin mlan aa boola. ³⁶aa kɔɔnnin kɛ na fuɔ bara dinw jɔɔw, minw m'a kuntgi kuɔsikishɔ kɔnnan ka bɔ kɔnɲɔnya la. nan ki kuɔsiki wate wo wate ka daa kɔkɔ . aa la daa yɛɛ aa ye.³⁷shɛn nan, ne l'a fuɔ aa ye ko, ni baaradin miw kuntgi kuɔsikishɔ kanan a sɔɔ kɔnni nan, aa ka kuntgi yɛɛ nan baarakɛfrunw dun ka dunnikuo ɲannanbɔ aa ye. ³⁸naan kuntgi ka siki dguntaman, waaman dono komowate la kanaan sɔɔ kɔnninan, aa nan ɲishɔnja.³⁹aa ye la dɔn ko ni shotgi tun sun nan waate dɔn, a tunnan yankɔn a ka dun a ka sho kɔnnan. ⁴⁰aa ye fanan labɛni ka kan ka to, bari aa ti miri waate mi kuo la , wo wate la, mgɔ dincɛ nan nan.»⁴¹wo tunman nan, piyɛri le yesu ɲinni ka ko: «mantgi, e ka talen ɲan shoinni mi aan ne kalandiw ne man wa?» ⁴²mantgi y'a jaabi ko:« baaradin teenin hakriman jɔɔn minɲin, nan kuntgi l'a ski a ka baaradin shɔw kunnan waasa a la dunni jii a man wate la? ⁴³n'an kuntgi ki kuɔsiki karan sɔɔ a min wo baara mi nan, baaradin nan boyan sɔɔ. ⁴⁴shɛn nan, n la fuɔ aa ye ko a kuntgi nan nan ka nan fuo biɛɛ ɲanmgɔya dun a boola.⁴⁵Nga ni baara din ka miri ko a kuntgi tinnan e kuɔ siki jonan, wola, n'a ka damlan ka to ka baaradin shɔw blɛ, ka to dunnibaba la, ani kalo dɔɔbaa mɲi nan, ⁴⁶wo baaradin ti miridun mi, wate min kuo la, wo dun yɛɛ la, a kuntgi nan nan. a nan wo baaradin bɔ ɲiin ka tɔɔrɔ mgɔ teebiiwu tɔɔrɔtgo.⁴⁷Baaradin min n'an kuntgi sako dɔn, n'a ti je ka wo kɛ, a kuntgi nan blɛ kuosɛbɛ. ⁴⁸nga ni baaradin min t'a kuntgi sako dɔn, n'a ka kuo koo jɔ kɛ min nan blɛkun bɔ, a kuntginan blɛ dɔɔni drɔn. wo la, Ala fɛn shaanmanji mgɔ minnun maan, a nan shaanman ɲini wɔ tgi fɛ. ee fɛɛn shaanman kalfa min man , a nan shaanman ɲinika wo tgiw fɛ.⁴⁹ne nan ni fiɛn le diyan nan. m'an fɛ wo fiɛn la maan dipii sisa . ⁵⁰ne ka kan ka tɛnmɛn batiseli jɔ fɛ. ne kɔɔrɔtɔnin wo tɔrɔ kɔɔ.⁵¹Aa yannan ko ne nan ni minnin hɛrɛ la wa? ayi! ne l'a fuɔ aa ye ko ne nan paani dun mgɔw shɛ. ⁵²wee l'a to depii sisa, sho min kɔnnan mgɔw mi juuru ye. a nan paan . saba nan wri mgɔ fla kanman. ⁵³faa nan wri a dincɛ kanman, dincɛ nan wri a faa kanman. baa nan wri a dinmoso kanman, dinmoso nan wri a baa kanman. bamuso nan wri a yɛɛ dincɛ moso kanman, dincɛ moso nan wri a bla moso kanman.»⁵⁴yesu l'a fuɔ janman ye fanna ko:« ni aa ka sankaba wrishɔ je kɔɔn fɛ. aa ye n'an fuɔ wo janibiɛ ko saɲe nan na. e nan nan nan sh,en nan. ⁵⁵ni fiɛn mi wrila ka bɔ kɔgɔdugu ɲan fɛ, aa n'an fuɔ ka ja nan wushu, e nan kɛ shɛnnan. ⁵⁶aa ye she ka dgukoo ni sankoo fɛɛ ka wate tgo fanmu. ala mi kuo minw kɛla aa shɛman sisa , mɔn nan aa wufranmun? nranman ɲinun!⁵⁷« mɔnnan a ye ti miri a yɛɛ man kakuoɲuman kɛ? ⁵⁸Ni kuo je min e nin mgɔ jɔ shɛ, ni wo tgi man fɛ ka ta n'i ye fganmansho , ye l'i jelaja ka bɛɛn ɲinni a fɛ n'aa man she fganmanw fɛ, yako a ka nan ta e dun fganmanw bola, wuu kana e dun polisiw bola, polisiw kanan e dun kashola. ⁵⁹N la fuɔe ye ko e ti bɔ kashola ni ne man ye ka juru biɛɛ saa.»

¹wo watela, pitati tun galileka jɔɔ ɲii bɔ k'a to biɛkaw pka la ala ye. mgɔw jɔɔ nan wo laki yesu ye, ²yesu y'a fuɔ a ye ko : aa miiri k'o galileka ɲunu sara tiin bari a tun mi hakɛ kɛ ka tɛmɛ galileka shɔw biɛɛ ka wa? ³ne l'a fuɔ a ye ko shiɛn tɛ. ni aa man nimise ka faa aa ka kuo dguw la, aa biɛɛ nan halaki fanna,⁴silowe ciin sagasho biinnan mgɔ ta ni sigi minw kan k'a pka , aa ye miri ko w'u tun kuodgu kɛlaw ye ka tɛnmɛn Zeruzalɛmuka shɔn biɛɛ ka wa? ⁵Ne la fuɔ aa ye ko shiɛn tɛ. Ni aa man nimisa ka paan aa ka kuodguw la, aa biɛɛ nan halaki fannan.»⁶Wo kɔfɛ, yesu talen ɲii da aa ye ko:«tooba tun mi cɛɛ jɔ fɛ a ka jii la. Duun jɔ, e taa too a ka nga a ma fuyi sɔɔ. ⁷wo duun ɲi nan, a fuɔ a ka baradin ye ko: Ne saan saba ɲinan , ne ti fuo yi soo ala. a tgɛ. Kun tala a la to jii kɔnnan gwansan⁸Nga baaradin ya jabi ko:A ti wo ɲi nan kun,. ne nan dgan siin ka lamini ka ngɔn kɛ a kɔnnan. ⁹Ni wo ka kɛ, n'ar sɔɔ a nan diin kɛ saan gwɛɛ. n'an man dicin kɛ, e n'aan pka.¹⁰Manshɔn dun jɔ la, yesu tun tun min mgɔw kalannan kaasha jɔ kɔnna. ¹¹Moso jɔ tun min wo jaa ra, jranbannan tun m'a la depii saan tan ni sigi. Bannan tun min ka kuɔkru, a tun ti she kitee ki jɔ.¹²yesu l'a je wate min nan, e y'a kri ka fuɔ a ye ko:« Moso, e kɛnngɛnya shɔ fɛɛ» ¹³E ya boo da moso ka, wo jani biɛɛ, a kiɔ tee,e y'a damlan ka ala tannu. ¹⁴Nga kalansho kuntgi jiinminan bari yesu mgɔ kɛnngɛnya manshɔndun nan. E koma ta ka fuɔ janman ye ko:« An ka kan ka baara kɛ tee wɔrɔ kɔnnɔn . Aa nan wo dunw nan, aa l'u kɛnngɛnya. Ala ka nan lafiɛn dun nan.»¹⁵Mantgi la fuɔ ko:«aa ye mi flankanfulaw le ye, manshɔndun nan, aa ye ken ken biɛɛ ti aa ka mishi, waaman faki fii ka taa sɔn je la wa? ¹⁶Moso ɲin min buruju bɔra Ibrayima ma, ni shitanni tun mi ka siri ni bannan ye depii saa, tan ni sigi, a tun man dga k'a wo moso kɛ kɛnngɛnya manshɔn dun na wa?»¹⁷Yesu koman ɲii fuɔ wa te min nan, a dguw biɛɛ munnan. jama biɛɛ ɲishɔn tun kaji yesu ka kabako kɛninw kama.¹⁸Yesu l'a fuɔ kun ko:« Ala ra masaya bɔni mɔn fɛ? Ne n'an kanyan ni mɔn ye? ¹⁹A min e ko mutaridinkisɛ, shɛ jɔ wo ta ka dan a ka nankuɔ kɔn nan. A finnan ka boyan ka kɛ yri ye, kɔnw l'a ka ɲannganw da a boow ka.»²⁰Yesu l'e ta nin koman ye yan ka fuɔ ko:«Ne nan ala ka masaya nin jɔɔn kanyan kun? ²¹A mi e ko vwuru fununan moso jɔ min ta ka mugu fiɛɛ ɲaa ke na ka ɲɔnni k'a bla fuɔ a biɛ fununa.»²²Yesu tashɔ Zeruzalɛmu, a tun min dgugubaw ni dgufitiniw shɛ tgɛ, a n'an biin mgɔw kalanna. ²³Mgɔ jɔ ya ɲinika ko:« Matgi, mgɔ shama tinan krishi wa?» ²⁴e ya jaabi ko:«Aa jeja ka dun da fitini ye fɛ baari ne fa a ye ko mgɔ shama biɛɛ nan tgo ɲini ka dun nga a tinan she.»²⁵Ni shotgi ka wri ka daa skɔ wate minan k'aa to kɛnma. aa nan damla ka da kɔkɔ k'a fuɔ ko:«matgi, daa yɛɛ an ye» a nan aa jaabi ko t'a bɔja dɔn. ²⁶Wo tuma na, aa nan fuɔ a ye ko aa ye dunni kɛ n'a ye, ko a l'aa kalan aa ka dgu fuobajaw la. ²⁷A nan fuɔ aa ye kun ko a ye t'aa bɔ ja dɔn, ko aa kuodgukɛlaw biɛɛ la bɔ n kɔɔ.²⁸«Wo jaala, n'aa ka Ibrahima , Isiyaka, ani Yakuba ani shelaw biɛɛ je ala ka masaya la waate mina, kak'a sɔɔ aa tonin mi kɛnma, wo tunma na, aa nan komo ka klo. ²⁹mgɔ jɔw nan ka bɔ kɔɔn, ni teechiin, ani kɔkɔdgu ɲaafɛ, ni worodgu fɛ. aa nan skin dunni na ka masaya la. ³⁰Wo tunma la, kuɔmgɔw jɔɔ nan kɛ ɲanmgɔ ye ɲanmgɔ jɔɔ nan kɛ kuɔmgɔ ye.»³¹Wotunma na, Fariziɲɛ jɔw gwaara, yesu la k'a fuɔ a ye ko:«taa ja gwɛɛ ka yan bla,bari Erɔdi ma fɛ ki pka.» ³²Yesu y'a jaabi ko:«aa ta fuɔ wo nanmaamgɔ ɲii ye ko" nee jinaw gwɛn ka bɔ mgɔw la,ka bannabgashɔnw kɛnngɛnya bii ni sini, ani tee sabanan dun, ne nan tra unka bara la." ³³Nka wajibi lo ne la taa ni ka sra ye bii ni sini ani sinigɛnngɛn, bari a bɛni tɛ shela la pka ja gwɛɛ zeruzalɛmu kɔfɛ³⁴Zeruzalɛmukaw,zeruzalɛmukaw aa ye minw sheraw pka, kaala ka shedinw buun ni kɔkɔkruw ye k'a pka, shiyan yoo ne tun m'a fɛ k'aa lajɛn ne kɔɔ n'a fuɔ sisɛ l'a dinw lajɛn a ganman kɔɔ tgo min na, nga aa man sɔn! ³⁵Ayiwa, aa ka sho lakoo nan to. Ne la fuɔ aa ye ko aa ye tinan ne je kun fuɔ duun min nan aa n'an fuɔ ko"mgɔ min nanan matgi tgɔ la, Ala baaka dun a la."»

¹Mashɔ dun jɔra yesu re ta farisiɛw ka mgɔ baw jɔ ka sho ka ta duni kɛ ɲi. Farisiɛn miinu tun ɲi y'a wuu ma kɔɔshira. ²cɛɛ jɔ tumun ɲi, piisko funun bannan tumana. ³Yesu re koma ta sariya kaamgɔw n in Farisiɛw ɲirika: ka kanɲa ni sariya wee, a dgani mun ka bannabgashɔ kɛnnigɛya mashɔ dun waa ya a dgani tɛ?»⁴Nka aa ma shɔ ka foyii fwɔ. wo sgan na, yesu ree o bannabgashɔ ta ka a kɛnnig,enya ka bla ka ta. ⁵wo kwɔ, ee ra fwɔ aa ye ko: a ye jɔ din wamaa a ka mishi ka byin kɔɔnna a tgi ti latgɛ ka ta bɔ, ari ni mashɔ la mun wa? ⁶Aa ma she ka koma.⁷Miinun krila duninna , yesu re taren da wu fɛ, bari a tun maa kɔɔshi ra ka je ko aa tumun ɲateena sgi jawure womanna. ee ya fwɔ a ye ko: ⁸«mgɔ ki kri fru dunin na, e kooti sgi ɲateena sgijaara. bari e taa dɔn mgɔ jɔ krinin nin miin ka pisa ye. ⁹Min naa fla biɛɛ kri, ni wo kana fwɔ ye ma kiya sgi jaa ji cɛ ɲi ma wo sgan na e muunin na wuri ka ti sgi kɔfɛ sgi jaa ra.¹⁰Nga ni ka kri ti sgi kɔfɛ sgi jaa re, jaako e kri bga kanna na, ee ka fwɔ ko, nen lamgɔ wuri ta ka ti sgi ɲateen na. wo sgan na ena boɲan sɔɔ. ee duninkɛngɔnw shɛma. ¹¹mgɔ o mgɔ ra yɛɛ kɔɔta, wo manadji. mgɔ o mgɔ ra yɛɛ madji wo kun na kɔɔta.¹²mgɔ min yesu kri dunin na, era fwɔ o biɛ ye ko: "nin ee duninbaa labɛn shufɛ waama teefɛ, e kaa e lamgɔ kri waama badin waama e bareman,waama e sgiɲɔn nafootgiw, bari wuu biɛɛ she ka ye kri ka yuru saa.¹³ngo e ka o duninba shi labɛn, ee fgantanw ni mgɔ fiɛmanw ni murukuw ani fiɛnshɔw re kri. ¹⁴e ree duba sɔɔ, bari wu tinaa she ki ka yuru saa. e na a saa sɔɔ mgɔ teeniw suw krun dun.¹⁵duninkɛraw mgɔ keen wo koma mɛn miin kɛ, ee ko: "mgɔ miin na dunin kɛ masaba ka masayara wee duba din ye. ¹⁶"Nga yesu le ya fwɔ a ye ko: cɛ jɔ shufɛ dunin labɛɛn ka mgɔw shaaman kri. ¹⁷dunin waate shera , e ya ka baaradin ce ka ta a ka mgɔ kri ninw kri ko ola na; fɛɛn biɛ labɛn na ka ban.¹⁸wu biɛɛ keen-keen ne byin yanfa ɲiri kan ni dosokun keen ye. mgɔ gare we ko: nee jii jɔ saan ne ka kan ka ta o fɛɛ, ne ri daare e ka yaafa ne ma. ¹⁹jɔ kpɛɛman ne ko, ne minka tora tun san, ne na ta wu kɔɔbɔ ne ri daare, ee ka yaafa ne ma. ²⁰jɔ biɛre ko kun ko: nee min ka piɛre tgɛ sisa sisa,wera to nen ti she ka ta.²¹baaradin wee seki ka ta a kuntgi fɛ ka ta wo kow biɛɛ laakii a fɛ. djuntgi jinmina, e ra fwɔ ka jaw ra kato fgantanw nin mgɔ fiɛmanw ni fiyeshɔw ani murukuw kri ka na naaye yan. ²²wo kɛra baaradin wee ya fwɔ a fɛ ko: "ne kuntgi, ee min fwɔ wo kɛra, nga a ni wo biɛ sho ma pa".²³kuntgi wee ko baaradin ma ko:"ta srabaw ni sinsan ygɛlanw ra ka ta mgɔ kaaba ka na na ye yaako shoo ra pa. ²⁴nenra fwɔ a ye ko, mgɔ miinu tin kri ra, wu shi ti nen ka shufɛ dunin nɛnɛ!²⁵Janman kganni tumun yesu nɔngan eri yɛɛma a ka pan fɛ aa ye ko: ²⁶ni mgɔ ka na a ye nɔngan, ni wo maa fa kɔnniya ani a ba nin a moso na dinw, ni a barema cɛw ni a barema mosow a ni a yɛɛkundin wo, a ti she ka kɛ nen ka krandin ye. ²⁷Min ti a kwengwe yiri ta ki gwan nera o ti she ka kɛ nen kradin ye.²⁸aa ye ra jɔɔ, nama fɛ ka sanmu yan jɔ, a ti sgi ka jaate bɔ ban ne ka fɛɛ nin fɛn ma boora ka jɔ ka laban ne? ²⁹ee re sran ko ni a ye ka a jubɔ nama she ka shɔ laban, a je bgaw biɛɛ na damna ka ka yɛɛkwo o ra. ³⁰ka fwɔ a ma ko: cɛ ɲi sho jɔ damna, nga a ma she ka laban.³¹wamaa masacɛ jɔɔn na ma fɛ ka ta masacɛ kpɛɛman kɛɛ, a ti sgi ka miyiri ban ni cɛ wuga tan she masacɛ kpɛɛma ni cɛ wuga mgan na wa? ³²ni a ti she ka masacɛ jɔ to ja yan na, a na cedinw bla ka ta wo cɛ labɛn tgo yaara. ³³wo tgo ra, aa ye ra mgɔ o mgɔ ti jiɛn a nboofɛn kwɔ, wo ti she ka kɛ ne ka karandi ye.³⁴kɔkɔ kaɲi nka a ka timiya na ban, a nan kɛ tgo din ka timiya kun? ³⁵a na kɛ fɛɛn ko wee dguko ma wala sisiwo. o na a fri kɛɛma. ko too mi mi fɛ wo la lamɛni kɛ.

¹fganman wari mna bgaw ni jurumushɔw biɛrɛ ya kpaa yesu ra ka ka komaw lamɛn. ²farisienw ni sariya kaamgɔw dujukɔɔ koma kɛ, ko: cɛ ŋi junrunmunshɔw mna kwoɲa, a ni wure dunin kɛ ngɔn fɛ."³yesu re taren ɲi da aa fɛ ko: ⁴aa ye ra mgɔ jɔɔn ni ska kɛmɛ ma fɛ, ni keen ka fri aara na ti ska shɔw biikrɔntɔn ni kɔɔntɔn to kongokookɔɔna ka ta frinin yaara, fɔ ka je? ⁵nin a ka wo je sgan min na, a yirilajaman shɔ re na da a kanmankun kan.⁶A ka she sho sgan min na ena lamgɔw nin a sgingɔnw kkri ka fwɔ wu ye ko: aan yiralaja ngɔnfɛ, ne ni ka ska frinin jee. ⁷o tgra ne ra fwɔ aye, junrunmunkɛra mgɔ keen ka nimisa a ka jurunmunw yirilaja wee kɛ sankoora wo tgi kanma ka tɛmɛ mgɔ teenin biikɔnnɔntɔn ni kɔɔntɔn kan, minun makwo tiniminlira kun.⁸Moso jɔɔn, ni waripiɛ din tan ma fɛ, keen ne fri shoora a fɛ ka ti lanpa maa ka shoo fla ka a yaara cɛɲi fɔ ka a je? ⁹nin a ka a je sgan min na, a ta a lamgɔw ni sgingɔw kri ka fwɔ wu ye ko: aan yrilaja ngɔn fɛ, bari ne ni ka wari piɛ fri nin je. ¹⁰wo tgora ne ra fwɔ aye , ni junrunmunkɛra keen ka niminsa a ka jurunmunw na yirilaja wee kɛ masaba ka mɛɛnkɛw shɛma wo tgi kama.¹¹yesu re ko kun: dincɛ fla tumun cɛɛ jɔ fɛ . ¹²din kpɛɛnni wee ya fwɔ aa fa ye ko ko: ne fa, ne ɲijaa bɔ e ka nafoo ra ka ji ne ma. wo sgan na fa wee a ka nafoo taran a din fla shɛ.¹³wo tee dunma tɛnmɛnin kɔfɛ, din kpɛɛnni wee ya taa biɛ kɛ ngɔn kan ka ta nɛɛ janmanan kpɛɛma kɔɔna min ja ka yan, ka ta a biɛɛ ban kronyara. ¹⁴a ka wari biɛ baanan sgan min na, kɔngɔba re dun wo janmanan ra , a ka dunnin wee ban.¹⁵ere ta dun wee ra bla ka ta a ka jiw ra ara ta jɛw kɔɔshi . ¹⁶jɛw tun yiridin minun dun, a tun mafɛ ka a kɔɔnbaa pa nin wure ye, nga mgɔ shi ma fwoyi ji a ma.¹⁷e hakri sɔɔ miikɛɛ, een ko : baaradin shaanan min ne fa fɛ shoo, wuu dunin kɛ fɔ k'aa pa ka a shɔ to, ne kpiin na sa kɔngɔ boora yan. ¹⁸Ne na wri ka ta nfa ka shoo, ka ta fwɔ a fɛ ko: nen fa, nee masaba hakɛ taa, ne ye fana hakɛ taa. ¹⁹ne man kan ka kri ki din kun. ne mlan na fɔ e ka baaradinw jɔ.²⁰ere wiri ka ta a fa ka sho. ka to ja yan, a fare yaa nashɔ je, a mashɛ we ya mlan . ere wiri ka kunbɛn ni bii ye ka ti yoon a din na ka da mŋan mŋan. ²¹dincɛ we ya fwɔ a fa fɛ ko: ne fa, ne masaba hakɛ taa, ka ye fana hakɛ ta, ne man kan ka kri ki dincɛ kun.²²Nŋan a fa re ya fwɔ a ka baaradinw fɛ ko: aa latgɛ ka na ni deekew la ɲunmanman wee, ka na wo dun a kanna, ka boorangɛ dun a boora, ka sabaan dun a sisa. ²³aa na nin mishi din tɔɔni wee ka na wo pga . aan ni ka dunin kɛ k'an yirilaja, ²⁴bari ne din min de a sanin ne tumun, a ɲananmanyara . a fri nin tumun, a jera. aare ɲanapiɛ damna.²⁵a din cɛ gare tumun jira. wo sunnuɲana sho ra, ere fwɔri kan ni dɔnkɛ kan mɛn. ²⁶ere baara din jɔ kri ka o ɲirika ɲanapiɛ kwo sababu ra . ²⁷wo ya jaabi ko: e dgɔ cɛ we na nin, e fa re mishidin tɔɔnin jɔ pga a fɛ bari a naa na kɛngɛ yanin ye²⁸Dincɛ gare we jinmin, a ma sɔn dun shoo ra a fa re bɔ ka ta a daare. ²⁹nŋa e ya fwɔ a fa fɛ ko: ne san shaanman kɛɛ ni ye baara ra. ne man bab e kan na dun shi ani sgan shi. wo biɛ na ta e ma ari ba din keen ji ne ma, yaako ne ni lampɔw ran yirilaja ngɔn fɛ. ³⁰Nŋa e din min de arie ka nafoo biɛ shɛn moso kri ra. A naa kun, ere mishi din tɔɔnin pga a fɛ!³¹a fa re ya ya fwɔ a ye ko: ne din , ye min ne fɛ yan sgan biɛ, ne ka fɛnw biɛ yee ta ye. ³²Nŋa an ka kan ka yirilaja k'aan ɲanapiɛ, bari e dgɔ min sanin tumun a ɲananmanyara . a fri nin tumun, a je ra.

¹yesu re ya fwɔ a ka krandinw fɛ fran ko. cɛ nafooba tgi jɔ tinmiin, kunasgi bgajɔ tima fɛ a ka nafoora. jɔɔre na a fwɔ a fɛ, ka maka nafoo shɛn nan. ²wra nafootigi were wo wari mra bga kr ka fwɔ ye ko nee min mɛne ka kwora, ekodiiwora? an jatee bɔ katgu e tin na she kato ne ka nafoo kuna kun.³wo sgan nan nafoo mrabga wera fwɔ a kɔɔna ko ne na mɔɔnkɛ? ne kuntigi na ne bɔ nafoo kuna neenti she ka sɛɛnkɛ, daare fran muuɲa minne ra. ⁴uhun ne na miin kɛ ne wo dɔnn yaako ne ka bɔ nafoo tgii ka nafoo kunaa mgɔjɔɔ ra sɔn ka ne ladunaa ka sho .⁵wo sgan naan minnu yrartaa akunigi fɛɛ, e damlan ka wo mgɔ ken ken biɛ kri ka gare ɲrika ko ne kuntgi ka yon mira? ⁶we yaalabi ko tru bidɔn kɛ mɛn. e ya fwɔwofɛ k'aroti ɲakun ka sɛbɛɛta ka bidɔn biduuru sɛbɛ. ⁷wo kɔfɛ e keno ɲrika ko yero ye taamin yoon ye? we ya labi ko ɲɔn bɔtɔ kɛmɛn. e ra fwɔ wo fɛ ko sɛbɛta ya bɔtɔ bisekin sɛbɛ.⁸kuntgi were nafoomra bga teenbii tano a ka ce kuya koman. katgu dian mgɔw kwow kɛ nin ce kuya tine aa nin ngɔn shɛ. ka tɛmɛ kɛɛ na dinw kan . ⁹ne kmi na fwɔ a fɛ ko aa lamgɔw yaar a fɛ nin ce kuya ye nafoo ye, ya koo. nin wo nafoo ka ban aa re ka aa ladun sgija banbii ra . nin mgɔ min min danamgɔ ye kwo fitiiniwna wo tgi min danamgɔ ye kwo baw fanan nan. mgɔ min teenin tɛ kwo fitiininw na, wo tgi teeni tɛ kwo baw fonan nan.¹⁰mgɔ min min danamgɔ ye kwo fitininw na wo tgi min danamgɔ ye kwo baw fonan nan ¹¹wee kaman ni aa ma kɛ dananmgɔ ye tebiya nafoo pan fɛɛ jo na nafoo sɛbɛ karifa aa man.? ¹²nin aa man kɛ danan mgɔ ye mgɔ kpɛɛ nafoo kwo ra, jo na a ka nafoo karifa aa man?¹³baradin shi ti she ka baarakɛ kutgi flaye kutgu a na jɔ k,onniya ka ken kannu. wamaa nin ɲɔɔrɔ ken na ki mokwo bɔ jɔra.aa ti she ka baara kɛ yaamasaye ka kɛ nafoo fanan ye.¹⁴farisiɛn wo komanw biɛ mɛn miinkɛɛ, aa re yɛɛ kwo yesu ra. katgub nafoo tin ka jaaruye ka tɛmɛn. ¹⁵era fwɔaa fɛ ko mgɔ minu m'aa yɛ jate ra mgɔ teeninw mgɔ ɲana wo min aaye re ye nŋa yaa yaamasa ra dosokuw dɔn kwo min nun boɲan mg fɛ, wuu haramuya nin no yaamas a fɛ.¹⁶sariyaw ni ceraw ka kitabuw tinmiin fɔɔ ka na she yuhana bali seri kɛra ka waatii man . kabɔ fɔɔ wo waatira yaamasa ka masaya kibaro juman min fwɔra, mgɔw biɛ ma jejara ka dun a ra. ¹⁷sakoo ni dgukoo we shaa tɛmɛn nŋaa saria sɛbɛrin dinshi tinaa bara.¹⁸mgɔ o mgɔ ra mosoo ka fruu sa ka jɔ kpɛɛ man fruwo tgi yashɔya kɛɛ mgɔ o mgɔ moso frusanin fruwo tgi fana yash ɔyakɛɛ.¹⁹cɛ nafoobatgi jɔ timiin a tin dakabanan funun dun. ka fŋaman dunin kɛ k'iɲanapiɛ dun o dun. ²⁰cɛ fganlan kɔɔ jɔ danin tumun wo ka shoo dara ko lazare. ²¹yuu tuman pii ja biɛ ra dunnin muru muru min nun tin bunu nafootgi ka tabari kɔɔ a tumafɛ ka wuu dun. wruw tin na a ka yuu ɲɔn.²²Ayiwa wo fgantan kɔɔ sara mɛkɛw re yaa ta ka bla ibrhima kɔɔ. nafoobatgi fana re sa aa re ya shuu dun. ²³k'a a tɔɔrɔnin to adɛsi kɔɔna, eyi ɲaa kɔɔta ka ibrahima je fwɔ ja yan nan, ka lazare fanan je a kɔɔ.²⁴wo sgan nan e prɛn ka fwɔ ko ne ne fa ibrahima makari ne ra. lazare bla ka ta a bookpɛnniɲushu je ra ka nan na nɛ shɔn katgu ne tɔɔrɔ ni min fiɛnin kɔɔnan kwosɛbɛ.²⁵Ibrahima re ya labi ko. ne din a d:o kiri ka fɛ ɲumanw biɛ sɔɔ kito dian nan, wo tgara lazare kwo dgure sɔɔ. si saa kpiin wo min ɲa kpaan nana. ²⁶ka fra wo biɛ kan dgan bare min aaye ni an ne shɛ fwɔ minun mafɛ ka bɔin na an ne fɛ wuu fanan ti she.²⁷wo sgan nan , nafoo batgi we ko. ne fa ne ri daare ya lazare bla ka ta ne fa ka sho. ²⁸katgu ne bare juuru mun a ra ta wu lasɔnmin wu fana kaa na na tɔɔrɔ ɲin nan.²⁹Ibrahila re ya labi ko. musa nin ceraw ka komawmaru boora aa ra wu lamɛn. ³⁰Nŋa e ko. waryi ne fa ibrahima nŋaa nin mgɔ ken shu ka kun nunka ta a fɛ aa na ngisa aa ka jrumunwan. ³¹Ibrahima re ya fwɔ a ye ko. n'a ti musa nin ceraw ka komaw lamɛn, ari nin mgɔ jɔ ka kun nun ka bɔ shuw shɛman aa ti naa danaya kɛ.

¹yesu re ya fwɔ a ka krandinw ye ko. kunnashirikwow ti shaa to kɛbii. Nŋa mgɔ min num wo kwow kɛ bɔɔn min wuu ta ye. ²mgɔ min ka dɛ nsɛn ɲinun ken kun nashiɛ, nin sene tin ŋaa sri wo tgi kan nan ka fri kɔkɔ jera, wo tinŋa pisa a man. nin wo kɛ nin wee.³aa yɛɛ kɔɔshi wo kwow ra. nin e bareman ka jrumu kɛ , a fwɔ a a ɲanan n'a ka ngiso, yafa a ma. ⁴n'a ki hakɛ ta shaan wowola tee ken kɔɔ, ka seki shaan wonwla ka fwɔ kii hakɛ to, ya yafa a man.⁵ceradinw ne ya fwɔ matgk wee ko jɔ fra an ka dananya kan. ⁶matgi wee ya fwɔ aa fɛ ko. n'a ka dananya boɲa tin muturde kɛsɛ shi bɔ, aa tin she ka fwɔ tooba wee k'a na dribiɛ ra bwɔnka tii gman kɔkɔ jee ra .wo tin na kɛ.⁷Nin baara din min aa ya jɔ fɛ n'ii sɛnkɛ wamaa k'i ka biɛkanw ngɛn koŋoora n'a ka na ka bɔin yee na fwɔ a fɛ kara nii sgi ka dunin kɛ wa? ⁸nŋaa a tinaa fwɔ ko wo baara din naa dun ni didaa ki shɛsri k'a ye n'akkwo ŋan. n'a ka bandunni ni myinni na sŋa min nan. E sɔɔn ka dunin nin myinnin kɛ.⁹a na ka baara din tano katgu a ra lagɲinin dapaa. ¹⁰wo tgora fan ce miinun fwɔra a fɛ, n'a ka wu biɛkɛ ka dapa aa fwɔ k'a min baaradin gmansan nee ye k'ara ɲin ja drɔnw nee kɛɛ.¹¹ka yesu to sra kan ka jerusalɛm, e tɛmɛn samari nin galilr jamana shɛ, ¹²adun shɔodgu jɔ kɔɔna, kunashɔɔ cɛ tan ne nan kunbɛ k'a jɔ jayona . ¹³ka prɛn ko . kanmgɔ yesu mankari an nan.¹⁴Ara jee munkɛɛ e ya fwɔ a fɛ ko aa t'a yɛ yra saakatashe bgaw ra. k'a ta shɔ to srafɛɛ aa re kɛngɛn ya. ¹⁵aa shɛman mgɔ ken nan jee k'a ye kɛngɛnya raa miin kɛ, e yi kwɔseki ka yaa masa boɲan nin kanba ye. ¹⁶e yi kminnmŋri gman yesu sin kɔɔ k'i ɲaan bri dguman ka baaka d'a ye. samari kan nee tumu.¹⁷yesu ren ko. mgɔ tan ne ma sanniya? a shɔ mgɔ kɔɔntɔn min mii? ¹⁸Mgɔ shi mi kwɔ seki nin donan cɛ in kentɛ? ¹⁹wo sgan nan yesu re ya fwɔ wee ko wri kata e ka danaya ri krishii.²⁰farisiɛnw re yesu ɲri ka ko. yaamasa ka masaya na nan. waati jɔɔnnan. e ko yaamasa ka masaya naan nan ka kanɲa nin mgɔw ka kccshiriwee. ²¹aa ti naan fwɔ fanan ko a fɛɛ yan wamaa a fɛɛ yan fɛ in . katgu yaamasa ka masaya min aa shɛman.²²wo fɔfɛ e ya fwɔ a ka krandinw ɲanan ko. dun min nanman a tinan jaa ye ka mgɔ din cɛɛ ka dunw ken jen . nŋa aa tinaan jen. ²³mgɔ n'a fwɔ a fɛ ko. a fɛ a min yan , waama a min yan fɛ. aa kaa tnin aa ka gman a nɔnkan. ²⁴yaatgana we ngan tin miishi ka kɛɛnbɔ sanko pan ken fɛ sanko pan shɔw biɛrenan je, mgɔ dincɛ biɛ na kɛ tine a na dun.²⁵nŋaa wodun ka fiishe, wajibiro a raa tɔɔrɔ fwɔ byi mgɔwra ban nan. ²⁶kwo miinnu tin kɛ nuhun ka tee ra, wuu na kɛ mgɔ dincɛ ka duw fana nan. ²⁷mgɔw tin dunin kɛ ka myinni kɛ ka mosow fru kǝdinw ji frura . fwɔ ka ta she nuhun duma kumunba kɔɔna. wo sŋan nan jeba wee nan abiɛ haraki.²⁸lɔti ka waati kɛra tin min shi, a na kɛ tin fana . mgɔ tin dunninkɛ ka myinnin kɛ , ka sanin fierew, ka sɛɛnkɛ ka show jɔ. ²⁹nŋaa lɔti bɔra sodomɛ dgu kɔɔna dun mina fiɛn nin kribi wee dgi ka bɔ sankoora konŋo sanɲe kɛsɛ ka biɛ haraki.³⁰mgɔ dincɛ n'i yra dun min na, a na kɛ tine wo dun biɛra. ³¹wo dun nan nin min min a ka san kan n'a boo fɛnw min shookɔɔnan , a kaa dgi k'aru ta min m'a ka jiira, wo k'ii kwɔseki a ka tun bla jaara.³²Aa akri bla lɔti mossora. ³³nin min mafɛ kɲin krishiwo na bɔɔn a ra min ka bɔɔn a ɲin na wo na krishiwo .³⁴Ne ra fwɔ a ɲana ko wo dun shufɛ mgɔ flǝ na kɛ daran ken kan ken na mlan ka ken to. ³⁵moso fla na kɛ shirira ngɔn fɛ ken na mlan ka ken to. ³⁶cɛ fla na kɛ jii ta ken na mlan ka ken to. ³⁷krandinw ra ɲrika ko kaamgɔ wo na kɛ miin? e ya ru jaahi ko fɛ shu ka kɛ ja min na, jakupiɛw na ngɔn lajɛnin.

¹E le tale fwɔ a fɛ. ka ira ka fwɔ a ka kan ka to daleli la kamina woni a ka a ko baga. ²a koo. tigɛ la yadatin diɔ timun dugu diɔla, a tin ti s'ran Ala ŋa ani a tintin mɔgɔshi diate.³wo dugu kwɔ na fan na, tiamoso diɔ tumun ŋi ni to ka ta a dali ko ala a ye diama ka sie a duguwu kɔ. ⁴n'ka ali a tinta tɛ ka son a ka daleli la, duŋina e na seki ki yɛ miri ko.« ali ni ne ti s'ran Alan ŋa, ali ni ti mɔgɔ diate, ⁵ne na moso ŋi diama a la sien sɔ a ka kitila, yako a ko na un tokɔ kwan kun.⁶wo kwɔ matigi e ko a ma « A kitɛgɛ la ŋi konna miri ŋi men. ⁷sisa, Ala ka mɔgɔ tonmoniwu mi nun komo a fɛ snu ni te, a ta diabili dji wu ma? a na son ka mien ka wo kɛ? ⁸ne la fwɔ a fɛ ko a na aa la mi na diona»! wo togo la mɔgɔ dinkɛ seki shɔ na na danaya sɔ duguko kan wa?⁹wo kwɔ e le tale ŋi da mɔgɔ diɔ fɛ minun tun na yɛkɛ mɔgɔteniwuye. ka mɔgɔ shɔwu diate tuye. ¹⁰Mɔgɔ fla ta Alabatoshoba kon na dale li kama, (ke tumun pharizien ye kewo min lampo mina bagaye)¹¹« pharizien wele wri ki djɔ, ki yɛ kwofwɔ daleli la ko, Ala ne bakada e ye ka sɔ ne ma kɛ mɔgɔ shɔwu shiye, kogo bikanikelawu, nambashɔwu, Diuladu guwu ali kogo lampo mini la mi mun de!». ¹²Ni shun dun siŋa tla dɔgɔkunkonna, niun ka sɔli fɛwu biɛ tonw saka bɔ.¹³N'ka lampo mina la we li to diayana ali a tin ti son ki kunkɔta, e li bo da et shishinkan a fwɔ ko« Ala makari ne akɛkɛlala» ¹⁴Ne na fwɔ a tɛ ko tiɛŋi na ta na na akri sigi ni ye a ka sho tenmɛ dɔni kan, katugu mɔgɔ min ki yɛ boŋa wo na dɔgɔya , min ki yɛ madigi wo kunkɔ na ta.¹⁵mgɔ tunmu nana ni a dinw wu ye ni kalandinwu mu a niakɛgɛ la. ¹⁶nka yesu le li kambɛ a ma ko:«a densen to a la na nɛ fɛ, a ka lu niatɛgɛ. katugu ala ka masaya mi wo mɔgɔ shiwu tale. ¹⁷siɛn siɛn na ne la fwɔ ne la fwɔ a fɛ ko mgɔ o mgɔ ni ala ka masaya mina na fwɔ dencen, e ti na na sɔ ka dun a labanna a kon na.»¹⁸kuntigi ba dii le yesu ɲinika ko:«kamgɔnɲuman, ne kakan ka mɔn kɛ yako ka na ɲibanbi sɔ? ¹⁹yesu le li to a ma ko "mɔn na ye ne kri ko ɲuman, katugu mgɔ ɲuman shi tiɲi ala ke kɔ.» ²⁰e kwin tiwu gon? e ka djuladuguyakɛ, e ka soɲali kɛ, e ka siɛrɛ duguya kɛ, e ba ni fa boɲa» ²¹kuntigi ko: « ne wo kwowu la bato ka to kanmin yala»²²wo men ni kɔfɛ yesu fɛ, e li to a ma: kwo ke nangan e ka ki bola fɛwun biɛ fiere ka ɲi famgantanwu siɛ wola e na nafoba sɔ sanko la wo kɔfɛ na koni guanne ne la. ²³nka wo min ni kɔfɛ, nafo tgi fɛ a gna shishi la fwɔ k'a temɛn, katugu nafotigiba le tumun.²⁴yesu la die wo tgo la a doso kashi afus ko: a ka kwɛ nafotigiwu la dun ala la masaya la. ²⁵katugu ngɔmin la tenmen minsɛn digan fɛ ka mgɔ nafotigu duni we ala ka masaya la.²⁶min nu wo min wu le ko:«wo sangan na dio na se ka kisi?» ²⁷yesu le ya jaabi ko:«kwo min mɔgɔ wu kanɲa wo ti ala kanɲa.»²⁸piɛri le ko:« a fɛ an ne lan bolofenwu biɛ toyni k'an gwan e la.» ²⁹wola yesu le li to a ma ko siɛn sɛbɛ la ne la fwɔ e fɛ ko mgɔ shi ti a sho, walama a moso, walama balemanwu walama a bankibawu, walama a dinwu ala ka masaya kɔsɔn ³⁰ni a ma fen sɔ duguko kan yan, komati ɲi bambila.³¹yesu la ka kalandi tanifla kɛ nongon kan ka twɔ ko « an ta sho fɛ jerusalem . wola tiela ka kwɔ sɛbɛni wu biɛ mɔgɔnanfin din kwola na kɛ ka dapa. ³²katugu dun Ala donbiwu ma, wu na a dɔgɔbɔ ka muŋa kuo wu k'ala, k'a dadie tun a kan. ³³wokɔfɛ ana a matigɛ, a na paga. Ete sahanan a na kunun.³⁴a ma fwoshi famu wo kwowu diɔhi la , wo kama dogo na a fɛ wola a ma fwoshi fanmu kwo fwɔni wala.³⁵a na kɛ nafwɔ yesu shie shɔmu jricho tiecho sigi ni tunmu daleli s'ra dala. ³⁶Mɔgɔ tenmen kan men na a fɛ e li to ko mon kɛnimu? ³⁷E le fwɔ a fɛ ko Nazareth yesu temen shɔlo.³⁸wola e le prɛn ka fwɔ: « David din yesu makari ne ma» ³⁹gnafɛ tongonma bagaw le sɔn gɔ tieshɔ ma ko ali mapaga. N'ka ali bin fie showe prɛn tienŋi« David din yesu makari ne man»⁴⁰yesu le li djɔ ka a frɔsiɛ ko a la na ni tiɛwe a fɛ. fiesho kwani na yesu kɔɔ yesu le la ŋinika : ko ⁴¹« Emi mon ŋinina ne fɛ » we ko « matigi ne mi dieliwe fɛ»⁴²yesu le to a ma:« e na dielikɛ e ka danaya li kenŋenya.» ⁴³wo non biɛla a ŋawe yɛ . e li gwom yesu la ka Ala boŋa wo dieni na diama biɛ le Ala tando.

¹²yesu tenmɛsho duna dugu diɔla ko zeriko. tiɛ diɔ tumi wo dugu la a tɔgɔ kri ko zanké. lampo mina baga ka ŋiamɔgɔ nafɔ tigi le tumu.³A tu mafɛ ka yesu elie ka don. mɔgɔwu ka sia kama a tun ti sie, ⁴wo kama e le biiki bla mɔgɔwu ka ta iɛ taba diɔ la yesu tnmɛ sira kan.⁵yesu sieni wo dia la, le li kunkɔta ka fwɔ a fɛ ko« digi diona, zanke ne ka kan ka digi ye fɛ e ka sho» ⁶zanke le li latigɛ ka ta nɛ a ka sho ni iriladaye a ka sho ⁷wo dieni mɔgɔ fɛ a le koma sia ka fwɔ :« a ta wo mɔgɔ akɛ kɛla biɛ tɛ a ka sho»⁸zanke le li diɔni to yesu ŋa ko a mawo : ne na bola fɛwu talensiɛ ŋi tantanw siɛ . ni ka kɛ ka namba kɛ diɔla kwo dila ne wo si nanni dji a tigu ma.» ⁹yesu le ko :« krishili duna shoŋi biɛ kɔna bi katugu a ye fanan mi Ibrahim din diɔle.» ¹⁰ka sɔɔ mɔgɔ nan tin din naa ka na mɔgɔ tununniun le lara ka a ku ma bɔ»¹¹k'aa to kɔma la men na, yesu le ta le ŋi da a fɛ , tumun ko Ala ka masaya na ira aa la. ¹²E ko: « fanganmandi diɔ le wala ki ta tongon ma yan na ka ta yɛla fangan yala ka na .¹³Ele a ka baradin tan kri ka yɛla fangan yala ka na , i a biɛ keke ma, ka fwɔ ko a aa bagaya ya ni a la ta ka seki . ¹⁴ka sɔ a kwo tuma ji a diamana mɔgɔw ye. a le lasirdiw bla ka ta fwɔ a fɛ« anti tiɛŋi ka tanganmanya fɛ, ¹⁵Masaya sɔni kɔfɛ ki kɔseki ka na, E wali gi minun ma e le wu kri ka ŋirika a ka waliw makibi togo ni a nafa sɔniwo.¹⁶yon gale we ni diɔ a ŋate na ko « matigi e ka ka wati siyala ka tan fara a kan» ¹⁷fanganman di we ko « baradin ŋuman a ka ŋi, e sina ka ɔron ya kɛ kwo kwni na, ne na dugu tan bla e ka maa la»¹⁸¹⁹flanan we na ko: matigi et ka wari makibi la ni juru ye fanganmandi we ko

¹Duun jɔra , yesu tinmin mŋɔw kronna alabatushoba kɔɔna, ka kibarujunman waajuri kɛ. O sŋan na saakalashebgaw kuntkiw ni sariya kaamŋɔw ani yahutu cɛkɔbaw taa yesu nɔnka. ²k'a ɲrika ko: « shebgaya min nato ere kwo ɲinnun kɛ, yera u fɔ an fɛ. joon wo pŋan ji e ma »³yesu re y'a jaabi ko: nne fana n'aye ɲrika o kwokan na . ⁴joon yuhanna ce kana batiseri kɛ? Ala wa, wanman mŋɔw?»⁵O waati ra , aa re koma nŋɔnfɛ ko: « n'aan ka fwɔ ka ala le r'a ce , ana fwɔ ko mɔn na to aan ma d'a ra? ⁶nka n'aan ka fwɔ ko mŋcw le r'a ce , mŋɔw n'aan kuu ni sendew ye k'aan pka, ka sɔɔ u dani kwosɛbɛ ko yuhanna tinmin pka, ka sɔɔ u dani kwosɛbɛ ko yuhanna tinmin cera le.»⁷were kama aa re y'a jaabi ko aan t'a bɔja dɔn. ⁸yesu re y'a fwɔ aa fɛ ko: « Nne shi , nne wo kwo minnun kɛ ni kunti ye, nne tin a o sɔtgo fɔ aye f:e.»⁹O waatira yesu re taren daa ko:«cɛɛ jɔ ɛrɛzɛn nankwɔ kɛ ka a kifabo dun ɛrɛzɛn sɛɛlaw jɔɔ boora ka ta jamana kwɛma ra miɲɛn hin. ¹⁰Ɛrɛzɛn munhɔn sɲan shera, ere y'a ka baarakɛdin jɔ ce Ɛrɛzɛn sɛɛlaw fɛ ko ura Ɛrɛzɛn munhɔn ni j'ama. Ɛrɛzɛn sɛɛlaw re y'a blɛ ka kwɛn ka bla n'a boora kon ye.¹¹cɛɛ ere baarakɛdin jɔkwɛ ce ka ta kun sɛɛlaw ree o blɛ, ka lɛ, ka kwɛn a borako. ¹²cɛɛ ere baarakɛdin sabanan cekun , erezɛn sɛɛlaw le wo manjin min ka kwɛ.¹³ɛrɛzɛn nankwɔ tki re y'a fwɔ ko: «nne mɔn kɛ? nne na n dincɛ manjunman ce aa na wo boyan» ¹⁴Nka, kabɔfwɔ ɛrɛzɛn sɛɛlaw dincɛ je, aa re y'a fwɔ ani nɲɔnshɛ: cɛɛ cɛntabka ye nadee, aa na an ni ka pka yaako an ninka cɛɛn sɔɔ.»¹⁵Uu re diin mna ka fri ɛrɛzɛ'n nakɔn kɔfɛ ka pka. sisa ɛrɛzɛn nankwɔ tki na mɔn kɛ uu ra? ¹⁶A na na kana o ɛrɛzɛn sɛɛlaw pka, ka a ka nankw,o kifa mɲɔkwɛɛ mannun ma mgɔw wo koma mɛn, are ko«ala m'a krishi ra o ma»¹⁷Nka yesu re uu fɛ ka fwɔ :«sɛbɛri hin kɔɔ min jɔɔ ye?«shoojɔbgaw sendee min fri, o sendee kɛra koko nɔnkɔn jusginan kuntkeren ye wa? m? ¹⁸Mɲɔ o mɲɔ ka bhin sendee hin ka, wo tgi na ɲɔnɲɔn, sendee ka bin mɲɔ min ka, ana o tgi ɲonɲɔn.»¹⁹Sariya kramɲɔw ni saakalashebga kuntkiw re yesu mna tko laɲin o waati biɛɛ ra. ka sɔɔ uu ra dɔn ko yesu taren da aye ko nka , aa sranna mɲɔw ɲan ɲan. ²⁰o ra aa to ka kɔɔshi ka ɲan, uu re yayiri jɔ ce ka kafwɔ o fɛ, ka ara e yɛɛkɛ mɲɔteenn ye fwɔɔ ka yesu mna, ni yesu dara komaw ye, yako aa ka dun guvɛrɛnɛri kuntki boora.²¹Uu re yesu layrika ko:« kramɲɔ, ko e koma ani mɲɔw krwo minnun na, u teenin no,ko e ti mɲɔ ra, nka e mɲɔw kran ala sra la,ka piɛɛ fana,shɛn ka. ²²aan ka kan ɲinskɔn saa ka ji sezari ma waa, waman aan man ka saa?²³Nka yesu re uu ka cekuya faamu, ere uu jaabi ko: ²⁴«a wari nɲinnin keen yra nna. jan kunkofoto min a ka, ni jan bonɔn bla ni mun a ka?» uu re ko «Sezari ta ro»²⁵yesu re ko aa ma:«ora min Sezari ta ye, wora ji Sezari ma, min mi ala ta ye, wora ji ala ma.» ²⁶Uu ma she ka yesu ka koma shi sɔsɔ mɲɔw ɲana. a ka jaabiw re uu kabakowya, nka uu re y'a mapka.²⁷ka dan sadusehɛn mɲɔw jɔɔ ma, uu ko, ko shukrunnin tin ɲin, aa re y'a yesu ra ka kriko: ²⁸«kramɲɔ, Musa ce minnun sɛbɛ ka j'an ma u min de:"ni mɲɔ kɔɔcɛe ka sa, ka moso to dinntan ye, a dkɔcɛ ka kan ka kɔcɛ moso fruu, yako ka diin sɔɔ a ma ka kɛ kɔcɛ diin ye.»²⁹ka sɔɔ, dkɔ ni kɔ cɛma wenla tin min ɲin, kɔcɛ ye moso fru ka sa ko moso to dinntan ye, ³⁰flannan ye moso ta ka kɛ a moso ye, ka sa ka dinntan ye, sabanan ye wo mosoken fru ka sa ka to dinntan ye, ³¹nanninan fana ta ye kɛti fwɔ ka ta she wonwla nan ma, uu biɛ re sa ka moso to dinntan ye, ³²o kɔfɛ moso fran le sa.» ³³yala shekrunni duu na, mɲɔ wowla ɲinnun na, moso na kɛ jɔɔn frumoiso ye? bari uu biɛ ra sɔɔ ka kɛ aa moso ye.»³⁴yesu re y'a jaabi ko: << Drunɲaa na , diinw fruu nŋɔfɛ , fana u ji nŋɔ ma fruu ra. ³⁵Nka cɛw ni mosow minmin ka kan na wo dinɲa nata sɔɔ ye ani shukrunnin ye, o duu na, cɛɛ tina fruu, moso tina ji cɛɛ ma . ³⁶mŋɔ shi tina sa kun, nka aa biɛ na kɛ nafwɔ mɛɛkɛw. uu min alal diinw ye, fran uu min shukrunnin diinw ye.³⁷Musa ra fⱳɔ ko mŋɔw shuw na krun. bari yritunin kwo e fwɔ jaa minaa, o jaa era , musa re matki kri ko Ibrama ka Ala, Issaka ka Ala ani yakuba ka ala. ³⁸Ala ti shuu ka ye, ɲranmanw ka Ala lo, biɛɛ ɲranmanya a ye ra.»³⁹Sariya kranmŋɔw jɔw a fwɔ ko: « kranmŋɔ e komana ko ɲa.» ⁴⁰O kɔɔ, uu m'a yarakpyakun ka ɲrika fwoshi ra⁴¹⁴³yesu re a fɔ ko: « mɔn kanman mŋɔw le nafwɔ ko krista min Dawuda bɔnsɔn ye?» ⁴²ka sɔɔ Dawuda yɛkun na fwɔ Zabrun kitabu ra ko: matki ra fwɔ ne ka matki fɛ ko: « e ski nne krinbo fɛ, fwɔɔ ne ra e dguw kɛ e sinkɔɔ brimuku ye» ⁴⁴o sŋan na, Dawuda krista kri ko matki, Ala le kɛ o bɔnsɔn ye dishii?⁴⁵mŋɔw biɛ m'a lamɛn na sŋan min, ere ko krandinw ma: ⁴⁶Aa yɛɛ kɔɔshi sariya kranmŋɔw la. uu re deekebaw dun ka yaara. a ka ji a ye mŋɔw mŋɔw ra uu mŋɔbaya fwo fyew ra, k'a ski ɲatena skijaw ra alabatu show kɔna, ani k'a ski ɲa duninkɛ jabaw ra. ⁴⁷uu re fyamosow bo fɛw biɛ mn'ara. ka miyɛn Ala daare ra yaako k'a mŋɔ sɛbɛya yra. uu ka yaakiw tɔɔrɔ na dguya."

¹Yesu re a ɲaan kɔɔta,ere nafootkiw je, a ka ninlifɛnw blara sinsin kɔɔni. ²Ere fyamoso fɲantan fana je, a min wari nɲɛnnin din fla blara. ³Ere ko:«shɛnro, nne ra fwɔ aa fɛ, fyamoso fɲantan le wari shaanman bla ka tɛmɛ biɛɛ kan. ⁴ɲinnun biɛɛ r'a ka waribaw kunka ta bla ka kɛ ninlifɛnw ye. min Nka fyamoso hin naka borawari biɛɛ re bla, min biɛɛ tin m'a fɛ ka she kabalonɛɛn.»⁵Nafwɔ mɲɔ damadama tin min Alabatusho kwofɔ ra, a masritgow ni bɛɛɲunanw ni ninlifɛɲmnaw ye. ⁶A ko:«aa min fɛɛ minun jera, duunw jɔɔw minana ni bɛɛ ni bɛɛ tɛ,fshi tina toin.»⁷aa re yesu yrika:« kramgɔ,wo kwoow nakɛ skan jɔnna? ani tɲamansyɛn jɔn na wo kwoow nali yira?» ⁸Yesu re y'a jaabi ko:«aa janto a yɛɛra,mgɔ kana lafrii. sabu shaaman na nne tkɔɔra ka to ka fwɔ "nne mun krista ye ani waati min srunyan naɑa k'a ywan a ra" ⁹n'a ka kɛɛbaw ni mrutiriw kibariyaw mɛn sɲan min naɑa ka sran. waajibi lo wo kwow ra kɛ ban, nka laba tina she janinken.»¹⁰O ra, ere ko:«janmana jɔ na wri janmana jɔ kanma ɑni masaya jɔ na wri masaya jɔ kanman. ¹¹Dguko yɛɛyɛɛ nana kɛ,jaaw jɔɔ ra kɔnɲɔɔw ni banashidɔnbiw, balawukwobaw nana kɛ, ani tɲanmasyɛnbaw yatɲanna ra.¹²Nka, ka flan kwow ɲaa, aa n'a boo da ka, ka tɔɔrɔ ,ka ɲɔnlajɛnshoba ɲamɲɔw ma, k'a bla koshora, k'a shunma ka n'a ye masaw ni janmanan ɲamɲɔw fɛ nne tkɔɔ kɔsɔ. ¹³O na tko ji aman ka shɛɛrɛyabɔ.¹⁴ay r'a hakrito ara ko aa man kan ka hanmin aa ka fwɔtaw ra wuwu ɲanna. ¹⁵sabu koman minnu ka kan ka fwɔ nne na uu dun a dara ani hakritgiya min kɔsɔ aa dguw tishe k'a jɔ a ɲakɔɔ ani ati she k'a sɔsɔ.¹⁶Nka, aa woobgaw n'a dun bora, aa badinw, aa teriw, aa baremanw biɛɛ n'a dun bora , ani aa na shaanman pga aye shɛma. ¹⁷Biɛɛ n'a kɔnniɲan nne tkɔɔ kama. ¹⁸nka, a kunshe din keen shi tin'a trun ka bɔ aa kunko ra. ¹⁹aa n'a ɲiinw sɔɔ, ka bɔɔ aa jijari fɛ.²⁰aa kana jerisalɛmu (jérusalem) lamini je ni kɛɛdinw ye, aa dɔn ko a halakiri srunɲan na. ²¹ora, minnum na kɛ jude (judée) ura bii ka ta kruuw ra, minnun na kɛ dgu shɛman ra to ani minnun na kɛdafɛɛw ra, uu ti duu. ²²sabu o na kɛ kunmabɔridunw ye, ka kwo sɛbɛninw biɛɛ dapalira.²³kɔɔn ka kɛ moso minnun na, ani minnun min shiin jira bɔɔn mi uu ye o dunw na! sabu ɲanashishiba re na sɔɔ janmanna ra ani jinmiinya kwow na bin o shya mɲɔw ka. ²⁴u na pga ni npamunrunw ya, u na mna yɔnya ra ka yiikɛn shyakwɛw shɛɛma shya kwɛw na jerizalɛmu tkitkɔ a sinkɔɔ,fwɔɔ o shyaw ka waati ra dapa.²⁵tɲanmanshyɛnw na je tee ni karo ni dooninw na. ɲanɲin na shyaw sɔɔ dguko kan , u na kɔɔnnafri s:o:o kɔkɔje ni a jekrubaw krukan fɛ. ²⁶mɲɔw na saa srayanbaw fɛ ani dguko ka kwɔ nataw ɲanafɛɛri kɔsɔ, sabu yaatɲanna shebgayaw na yɛɛyɛɛ.²⁷o sɲan na una mŋɔdincɛ nashɔ je kabanŋɔn ka ni nɔɔrɔba ye. ²⁸ni o kwow she sŋan ka damna, aa kwɔɔ kɔta ani a kun a kuun kɔɔta, sabu aa kahɔnrɔnyali mi srunɲa. ra ka na.»²⁹yesu re taren da u fɛ: «a ɲamin tooba ni yriiw biɛɛ ra.» ³⁰aa mi ka nkudaw bɔ, aa ra dɔn aa jetko fɛ ko sunmaɲan srunɲa ra ka ban. ³¹o tko keen ra , aa wo kwo kɛshɔ je sŋan minna aa a dɔn ko yaamasa ka masaya srunɲa ra³²shɛn na nne ra fwɔ a ɲanan ka wo bɔnsɔn ɲinnun ti ban ni wo kwow biɛɛ ma she. ³³yaatŋanan ni dguko na tɛnmɛn , nka nne ka komaw ti tɛnmɛn bada.³⁴aa janto a yɛkun na yaako a sɔkunw a sɔkunw k'ana paa ni nukumanya , ni dɔɔshɔya, ani drunyan hanminw ra. ³⁵Na fwɔ sebeen mnaniŋɛn, wo duu na dguko ka, mŋɔw biɛɛ re ka.³⁶aa kɔɔshiri kɛ wkati biɛɛ, ka ala daare yako aa pŋan sɔɔ ka krishi o kwow nata biɛɛ ma, ani aye ra she k'a jɔ mŋɔdincɛ ɲakɔɔ.»³⁷yesu tinmin mŋɔw kranna Alabatushoba ra duu o duu teera. shufɛ ere ta shi kruu ra. wo jaa we kri ko Oliviye (Oliviers). ³⁸Mŋɔw biɛɛ tin to ka ta sgomanjoona Alabatusho ra, yako ka lamɛn.

¹Gare gare, sani diɲan koni da, min kri ko koma wo, wo tin miɲin. wo koma tin mi Ala da fɛ, wo koma tin mi Ala lee. ²Wo tin mi Ala da fɛ kabini gare gare. Fɛn biɛ dara we fɛ. ³Fɛn o fɛn dara, wo fɛn shi ma da ni aye nɔn tɛ.⁴ɲranmaya tin min aye ra, wo ɲranmaya tin min mgɔw ka kɛɛn we ye. ⁵Wo kɛɛn tiin kɛɛn bɔ jibi ra, nga jibi ma sɔn a ma.⁶Ala lee cɛ jɔ ce, wo tgɔ wee kri ko zan. ⁷We naan ka kɛ shɛɛrɛ wee ka wo kɛɛn shɛɛrɛya kɛ, yaako mgɔw biɛ ra dannaya kɛ a ka shɛɛrɛya baka ra. ⁸Aye yɛɛ kun tun ti wo kɛɛn wee, nga a nakun tin min wo kɛɛn shɛɛrɛya we ye.⁹Wo kɛɛn ti min kɛɛn sɛbɛ lee, a naan diɲan na, e ren kɛɛn bɔ mgɔw biɛ ye.¹⁰Wo koma tin mi diɲan na. Diɲan dara a fɛ, nga diɲan maan a dɔn. ¹¹A naan a yɛɛ kun ka shiya ma, nga a yɛɛ kun ka mgɔw ma sɔn a ma.¹²Wo biɛ na ta, miinnu sɔnna a ma ka da a ra, e re fgan ji wuu biɛ ma ka kɛ Ala dinw ye . ¹³Aa ma woo mgɔ woo tgora, wala hadamadin sako baaka ra, wala cɛ sako baaka ra, Ala le l'a ru woo.¹⁴Wo koma kɛra mgɔ ye ka sgi aan shɛma. Aan na nɔɔrɔ lapiɛ, wo nɔɔrɔ mi e ko dincɛ keenpe min ta bɔra a fa Ala ra, a pani min nɛɛnma ni shɛn ra. ¹⁵Zan la shɛɛrɛya kɛ, ni a prɛnna ko: Ne komana cɛ min kwo ra ko min na nan ne kɔfɛ, wo kɛra ne ɲan, katgu a ti min ɲin sani na koni woo, ɲin non.¹⁶A pani min miin na, aan biɛ wo jɔ sɔɔ, ani duba frani duba kan. ¹⁷Ala sariya jii aan ma Musa baaka ra, nga nɛɛma ni shɛn naa Yesu Krista le baaka ra. ¹⁸Mgɔ shi ma Ala je abada. Dincɛ keenpe min mi a fa Ala la, ni Ala yɛɛ lo, we ra a tgo yira.¹⁹Zan kan shɛɛrɛya fɛɛ ɲin ye, jerusalɛm yahutuw saakalashebgaw jɔɔ ni Levitew jɔɔ ce a fɛɛ sgan min naa ka a ɲrika ko: E mi jon ye? ²⁰Ee yi tee ka koman , a ma sɔn ka shɛn dgon aa man, nga ee ya yira ka piɛ biɛ ɲanna, ee ko: Ne ti Krista ye. ²¹Aa re yaa ɲrika ko: Ayiwa, a min dii? E min Eli lee wa? Zan nee ko: Wayi, ne ti wee. Aa re ko: E min wo cera wee ye wa? E re aa jaabi ko: Wayi.²²Aa re yaa fwɔ a ye ko: ayiwa, e mi min ye, wo fwɔ aan ye, yaako aan ni ka jaabi lashe aan cebgaw ma. Ee mɔn fwɔ e yɛɛkun kwora? ²³Zan nee yaaru jaabi ko: Cɛ min prɛn kongo kɔɔna ko: A' mantgi ka sra lateen! ne mi wo tgi kan we ye, e ko cera Esayi la fwɔɔ tgi min naa.²⁴Miinnu cera ka ta Zan fɛ, Farisuɛnw jɔɔ tin non, ²⁵wuu re yaa ɲrinka ko: Ni e ti Krista ye, wala Eli, wala wo cera wo, mɔn na e ren batiseri kɛ?²⁶Zan nee aa jaabi ko: Ne pkin min batiseri kɛra je ra nga jɔ min aa shɛma, aa ti wo tgi dɔn. ²⁷Wo min nanra ne kwɔ, nga ne man kan ni a ka sabaan yru firi wee. ²⁸Wo kwow biɛ kɛra betani, jurdɛn ba kɔfɛ, Zan ti min batiseri kɛra ja miin na.²⁹Wo dgusɔpiɛ ra, Zan nee Yesu nashɔ je a ma, ee ko: Ala ka sgadin min diɲan ka jrumu ta ka bɔ ɲin, wo fɛɛ. ³⁰Ne komana cɛ min kwo ra ko min mi nana ne kwɔ, wo kɛra ne ɲan, katgu a tin min ɲin sani ne koni woo, ɲin non. ³¹Ne pkiin tin maa aye dɔn , nga ne naa batiseri kɛ jera yaako a ra yira Israɛl la.³²Zan shɛɛrɛya kɛ ko: Nee ɲin senuma dgi shɔ je ka bɔ sankoo ra e ko jɛnɛkantgan, wo naan e sgi a kan. ³³Ne pkiin tin maa a dɔn, nga Ala, wo min ne cee ko ne ra batiseri kɛ jera, wo ra fwɔɔ ko, ni ne ka ɲin senuma dgi shɔ je ka e sgi cɛ min kan, we re batiseri kɛ ɲin senuma la. ³⁴Ne ra jee ka shɛrɛya kɛ ko, ɲin min Ala dincɛ we ye.³⁵Wo dgusɔpiɛ ra, Zan ni a ka krandinw la fla jɔnin tin min ɲin kula ye, ³⁶e re Yesu tɛmanshɔ je. Ee ko: Ala ka sgadin fɛɛ!³⁷Zan ka wo krandin fla la ka koma mɛn miin kɛɛ, aa re ya gwan Yesu nɔgan. ³⁸Yesu ri yɛɛma ka aa gwannin je a nɔgan, e yaa ɲrinka ko: Aa min mɔn yaara la? Aa re ya fwɔ a ye ko: Rabi, ( wo kɔɔ o ko, kranmgɔ,) e dginnin min miin? ³⁹E re aa jaabi ko: Aa na a fɛɛ. Aa taa a fɛ, aa re ya sgija je, ka tee shɔ kɛ a fɛ ɲin. Wo ra sɔɔ tee shɔn sgan we tin mun.⁴⁰Wo krandin fla minnu Zan ka koma mɛn kaa gwan Yesu nɔŋan, wuu la keen tin mi Andre le, Simɔn Piɛri baremacɛ lo. ⁴¹Andre gare taa Simɔn nɔngan ka a fwɔ a ye ko: Aan nee Masiya je. ( wo kɔɔ o, krista.) ⁴²E re Simɔn ɲanmna ka ta Yesu fɛ. Yesu Simɔn manfɛɛ, e ko: e min Zan dincɛ Simɔn le, e tgɔ na da ko Sefas. ( wo kɔɔ ko, Piɛri wala paakru.)⁴³Wo dgupiɛra, Yesu lee ya latgɛ ko a na ta galile jamana la. A ni Filipe bɛnna, ee ya fwɔ wo ye ko: E gwan ne nɔngan! ⁴⁴( filipe tin min bɛtisayidakan nee, Andre ni Simɔn fran tiin bɔ wo dgu we ra.) ⁴⁵Wo kwɔ, Filipe lee Natanaɛl je ka fwɔ a ye ko: Musa sɛbɛri kɛ min kwora sariya ra, ni ceraw fran sɛbɛri kɛ a kwora aan nee wo jee. Yusufu dincɛ Yesu lo, ka bɔ Nazarɛti.⁴⁶Natanaɛl lee yaa fwɔ a ye ko: Fɛn ɲuma she ka bɔ Nazarɛti wa? Filipe lee yaa jaabi ko: Na a fɛɛ. ⁴⁷Yesu Natanaɛl nashɔ jee a maa sgan min naa, e ko: Israɛl mgɔ sɛbɛ jɔ fɛɛ, nanmaa shi ti a la! ⁴⁸Natanaɛl lee yaa ɲrika ko: Ee ne dɔn ja jɔnma? Yesu lee yaa jaabi ko: Ne ɲan tin mi ra ki to toobaa kɔɔ, sani Filipe ko kari kri⁴⁹Natanaɛl lee yaa fwɔ a ye ko: kramgɔ, e mi Ala dincɛ we ye, e mi Israɛl ka masacɛ we ye! ⁵⁰Yesu lee yaa jaabi ko: Ne ra fwɔ e ye ko ne ɲan tin min ra ki to toobaa kɔɔ, wee kɔsɔ e re dannaya kɛ waa? E na kwobaw je ka tɛmɛn ɲinnun kan! ⁵¹E ko fran, shɛn shɛn na ne ra fwɔ aa ye ko: Aa na sankoo dayɛɛni je ka Ala ka mɛɛkɛw yɛɛshɔ ni aa dgishɔ je mgɔ dincɛ kan!

¹Wo kwow kɛni tee sabanan dun na, piɛnya jɔ lee kɛ kana, wo mi galile dgu jɔ ye. Yesu ba tin mi ɲin. ²Yesu ni a ka krandinw fran krini tin mi wo piɛnya ra.³Divɛn naa dɛsɛ sgan min na, Yesu ba re y'a fwɔ a ye ko: Divɛn ti aa fɛ kun . ⁴Nga Yesu re y'a ba jaabi ko: Moso, e min mɔn yaarala ne fɛ? Ne ka waati ma she ban. ⁵Yesu ba re y'a fwɔ baaradinw ye ko: A ka fɛn o fɛn fwɔ aa ye, aa ren ka wo biɛ kɛ.⁶Ayiwa, paa dga wɔɔrɔ tin ɲin Yahutuw ka kwori kama, ka kanɲan ni aa ka saniyari laandaw ye. Fiɛba ɲan juuru wama wɔɔrɔ je tiin kɛ wo dgaw biɛ keen_keen kɔɔna. ⁷Yesu re y'a fwɔ baaradinw ye ko: Aa dga ɲinnu pa ni je wee. Aare y'a ru pa fwɔ aa da ra. ⁸Yesu re y'a fwɔ aa ye ko: Aa jɔ suu sisa, ka ta ji dunni taranbgaw kuntgi ma. Aa re ta nɛɛn.⁹Je we yɛɛman ka kɛ divɛn ye, dunnin taranbgaw kuntgi la nɛnnɛn. A ma wo divɛn bɔ ja dɔn, nga baaradin minnu je suu, wuu kpin tin na bɔ ja dɔn. Dunnin taranbgaw kuntgi wee piɛn cɛ kri Ka a fwɔ wo ye ko: ¹⁰Mgɔw biɛ to ka flan ka divɛn biɛ la ɲuman we ji mgɔw ma. Ni aa ka wo shaanman myin, wo kwɔ, divɛn miin ka ɲi dɔɔnin, wee sɔɔn ka ji aa man. Ye ren divɛn biɛ ra ɲuman mra fwo sisa!¹¹Wo kɛra Yesu ka tgɛnmshɛn gare kɛnin we, ee wo kɛ Galile kana ka a nɔɔrɔ yira. A ka krandinw nee da a ra.¹²Wo kɛnin kwɔ, e re ta kapɛrnaum, a ni a ba ni a baremacɛw ani a ka krandinw. Aa re tee damanin kɛ ɲin.¹³Yahutuw ka Tɛmɛkan sii sruɲanra, Yesu re ta jerisalɛm. ¹⁴Mgɔ miinnu tin mi mishiw ni sgaw ani jɛnɛnkan tganw fyeere, e re wuu sɔɔ Yaa masa batoshoba kɔɔnna, ani wari piiraw, aa sginin tin mi aa ka tabariw kɔɔ.¹⁵E re yrukɛsɛw kɛ shɔn ye ka aa biɛ kpɛn ka bɔ Yaa masa batoshoba kɔɔna, a ni aa ka sgaw ni aa ka mishiw. E re wari piiraw ka wari fri dguman ka aa ka tabariw dabri. ¹⁶E y'a fwɔ jɛnɛkan tgan fyeerelaw ye ko: Aa fɛn ɲinnun bɔ yan! Aa kaa ne fa ka sho kɛ yakori kɛ ja ye!¹⁷A ka kradinw hakri dgira kitabu kɔɔna koma la miin na fwɔ ko: E ka sho kwo ka ji nee haari, a hanmi min ne ra kwosɛbɛ. ¹⁸Yahutuw le y'a ɲrinka ko: Ee she ka tgɛnmashɛn jɔɔn yira aan na ko jo min e fɛ ka kwo ɲinnu kɛ? ¹⁹Yesu lee aa jaabi ko: Aa Yaa masa batoshoba ɲin tin, ne na a jɔ kla ye tee saba kɔɔnna.²⁰Yahutuw lee y'a fwɔ a ye ko: San binaani ni wɔɔrɔ le kɛra Yaa masa batoshoba ɲin jɔri la, ye ren na a jɔ kla ye tee saba kɔɔnna tgo dii? ²¹Nga Yesu kan tin mi Yaa masa batoshoba miin na, wo tin mi a yɛɛ piikoo we ye. ²²Yesu krunnin kwɔ ka bɔ shuw shɛma, a ka krandinw hakri dgira a la ko a tiin wo koma fwɔɔ, aa re da kitabu ni Yesu ka koma fwɔniw na.²³Ka Yesu to jerisalɛm, Tɛmɛnkan sii waati ra, mgɔ shaanman na ka tgɛmanshɛn kɛninw je miinkɛɛ, aa re da a ra. ²⁴Nga Yesu maa yɛɛ to aa boora, katgu ee aa biɛ dɔn. ²⁵A makwo tin tara ka ɲrinkari kɛ mgɔ shi ka kwoɲanw ra, katgu a yɛɛkun wee mgɔ kɔɔna kwow biɛ dɔn.

¹Farisiɛn jɔ tin mi ɲin, ko Nikodɛmɛ, Yahutuw ka fganman jɔ tin non. ²Wo taa Yesu sgɛrɛ dun jɔ shufɛ ka fwɔ a ye ko: Kramgɔ, aan na dɔn ko e min kramgɔ ye miin naan ka bɔ Yaa masa ra, Katgu ee tgɛmanshɛn miinnu kɛ, mgɔ shi tin she ka wuu kɛ, ni Yaa masa ti wo tgi fɛ.³Yesu re y'a jaabiko: Shɛn shɛn na ne ra fwɔ e ye ko: Ni mgɔ ma seki ka woo klaye, a ti she ka Yaa masa ka masaya je. ⁴Nikodɛmɛ lee yaa ɲrinka ko: Mgɔ min kɔɔra ka ban, wee she ka woo klaye tgo dii? Mgɔ ti she ka e kwɔseki a ba kɔɔnna klaye ka sɔɔn ka woo.⁵Yesu re yaa jaabi ko: Shɛn shɛn na ne ra fwɔ e ye ko: Ni mgɔ ma woo je ni ɲin la, a ti she ka dun Yaa masa ka masaya ra. ⁶Miin woora piisgo ra, wo min piisgo re ye. Miin woora ɲin senuma ra, wo min ɲin ne ye.⁷E kaa kabakwoya a ra ko ne fwɔɔ e ye ko, waajibi lo ko aa woo klaye. ⁸Fiyɛn we tin ja min ka ji a ye. E ra mgankan mɛn, nga e m'a bɔ ja dɔn, e m'a ta ja dɔn. Mgɔ o mgɔ woora ɲin na, wee min tin.⁹Nikodɛmɛ lee yaa ɲrinka ko: wo kwow she ka kɛ tgo dii? ¹⁰Yesu lee yaa jaabi ko: Ye min mi Iszraɛl ka kaamgɔ ye, e ti wo kwow dɔn? ¹¹Shɛn shɛn na ne ra fwɔ e ye ko: Aan min dɔn, aan koma wee kwo ra. Aan miin jee, aan we shɛrɛya kɛ, nga aa ti sɔn aan ka shɛrɛya ma.¹²Ni ne ka koma aa fɛ dgukoo kan kwow ra, aa ti da wuu ra. Ni ne ka sankoo ra kwow fwɔ aa ye, aa na da wuu ra tgo dii? ¹³Mgɔ shi ma yɛɛ ka ta sankoo ra, fwɔ mgɔ dincɛ min dgira ka bɔ sankoo ra.¹⁴Musa sranigɛ sa kɔɔta konŋokoon kɔɔnna tgo min na, waajibi lo mgɔ dincɛ laa kɔɔta tin nɛ, ¹⁵walisa mgɔ o mgɔ dara a ra, wo ra ɲranmaya banbii sɔɔ.¹⁶Bari Yaa masa diɲan kanu haari, fwo ka a dincɛ ni keenpee ji, walisa mgɔ o mgɔ ka da a dincɛ ra, wo kaa haraki, nga wo ra ɲranmaya banbii sɔɔ. ¹⁷Yaa masa maa dincɛ ce ka na dinɲan na ka kiti tgɛ dinɲan kan, nga a ra ce walisa dinɲan laa kishili sɔɔ a baaka ra. ¹⁸Mgɔ min ka da Yaa masa dincɛ ra, wo sin ti kiti ra, nga min ma da a ra, kiti tgɛ ra wo kan ka ban, katgu a ma da Yaa masa dincɛ ni keenpee tgɔ ra.¹⁹Wo kiti sabaabu fɛɛ ɲin ye ko, kɛɛn naa dinɲan na, nga jibi jara mgɔw ye ka tɛmɛn kɛɛn kan, katgu aa ka kɛwariw ka dgu. ²⁰Mgɔ o mgɔ kwo dgu kɛ, kɛɛn ma ji wo tgi ye fiewu, wo ti sɔn ka na kɛɛn na fran, yaako a ka kɛwari dguw kaa yira kɛɛn kan. ²¹Nga mgɔ min shɛn kwow kɛ, wee na kɛɛn ra, yaako a ka kɛwariw laa yira ko aa kɛra ka kanɲan ni Yaa masa sago we.²²Wo kwɔ; Yesu ni a ka krandinw ne ta jude jamana ra. E ri to aa fɛ ɲin ka waatinin kɛ, a tiin batiseri kɛ. ²³Zan fran tiin batiseri kɛ Enɔn, Salim ygɛman, bari je shaanman tin min wo ja ra. Mgɔw tin ta a fɛ, ee tin naa batise. ²⁴Wo ra sɔɔ Zan tin ma bla kaso ra ban.²⁵Ayiwa, Zan ka krandinw ni yahutuw jɔɔ re ngɔn sɔɔ aa ka saniyari laada kwo ra. ²⁶Aa re ta Zan fɛ ka fwɔ a ye ko: kramgɔ, cɛ min ti min e fɛ jurdɛn ba kɔfɛ, ee wo min shɛɛrɛya kɛ, wo mi batiseri kɛra sisa, mgɔw biɛ mi tara we fɛ!²⁷Zan nee aa jaabi ko: Mgɔ ti she ka fwoshi sɔɔ ni Yaa masa ma wo ji a ma. ²⁸Aaye yɛɛ mi ne shɛɛrɛya kɛra ko ne ra fwɔ ko ne ti krista ye, nga ne cera a ɲan re.²⁹Pyiɛn mi miin ta ye, we min pyiɛn cɛ wee, nga pyiɛn cɛ tericɛ min jɔ ni min a ygɛma ka a lamɛn, wee ni yrilaja kwosɛbɛ pyiɛncɛ komankan kɔsɔ. Ne ka yrilaja min wo shi wee ye, a dapanin min sisa. ³⁰Jɔ ka kan ka fra wo boɲanri kan, jɔ ka kan ka bɔ ne ta ra.³¹Min naan ka bɔ san fɛ, wo min biɛ kun na. Min bɔra dgukoo ra , wo min dgunma ta wee, wee koma dgukoo tgo we ra. Miin naan ka bɔ san koo ra, wo min biɛ kun na. ³²Ee min jee ka min mɛn, ee wee shɛɛrɛya kɛ, nga mgɔ shi ti sɔn a ka shɛɛrɛya ma. ³³Min sɔn a ka shɛɛrɛya ma, wo ra yira ka piɛ ko Yaa Masa min shɛn wee ye,³⁴Katgu Yaa Masa min ce, wee Yaa Masa ka komanw fwɔ, bari Yaa Masa a paa ɲin senuman naa. ³⁵Fa Yaa Masa dincɛ kannu, ee fɛn biɛ dun a boora. ³⁶Min ka da dincɛ ra, ɲranmaya banbii mi wo tgi fɛ. Min ti sɔn ka dincɛ kan mnan, wo tinaan ɲranmaya sɔɔ, nga Yaa Masa ka jiminya tonin min wo kan.

¹Farisiɛnw la mɛn ko Yesu min krandinw sɔɔra ka aa batise ka tɛnmɛn Zan kan. ²Wo biɛ na ta, Yesu yɛɛ tun ti mgɔ shi batise, a ka krandinw nee tin min batiseri kɛra. ³Yesu wo dɔn sgan min naa, e re bɔ jude jamana na ka e kwɔseki galile jamana na.⁴A tashɔ o, Waajibi tin non a ra Samari jamana shɛtgɛ. ⁵A shera Samari dgu jɔ ra, wo tgɔ o ko sikar. Yakuba ji min jii a dincɛ Yusufu ma, a ka srun wo ra.⁶Yakuba ka kɔɔn tin min ɲin. Yesu badani tgɔnma fɛ, e yi sgi wo kɔɔn da ra. Tee kpanni man ra. ⁷Samarikan moso jɔ naan je bɔ. Yesu re yaa fwɔ a ye ko : Je jɔ ji ne man, ne raan un myi. ⁸Wora sɔɔ a ka krandinw tin taa dgu kɔɔna ka ta dunni san.⁹Wo samarikan moso we ya fwɔ Yesu ye ko: Ye yahutushɔ ne daare je myinta ra tgo dii? ne min mi samarikan moso ye. ( katgu Yahutuw tun ti sɔn aa ni samarikanw naa jɛ fwoshi ra.) ¹⁰Yesu lee ya jaabi ko: Ni e tiin Yaa Masa ka ɲininfɛn dɔn, ani min mi je daare ra efɛ ka myi, yee tin na wo daare, a tin na je ɲanama ji e ma.¹¹Moso wee ya fwɔ a ye ko: Matgi, yurufiɛ ti e fɛ, kɔɔ ka yan fran. Ye na wo je ɲanama bɔ miin? ¹²Aan beman Yakuba lee kɔɔ ɲin jii aan maan. A ni a dinw ni a ka byɛkanw nee yaa je myin. Ye ka bun ni Yakuba ye waa?¹³Yesu re ya jaabi ko: Mgɔ o mgɔ kɔɔ ɲin je myin, myinngɔn na wo mnan kun, ¹⁴nga nee je min ji mgɔ ma, ni a ka wo myin, myinngɔn ti a mnan kun abada, katgu ne na je min ji, wo na kɛ je bwuta ye a kɔɔna min woyo fwo ka ta bla ɲranmaya banbii ra.¹⁵Moso we ya fwɔ a ye ko: Matgi, wo je ji ne ma, yaako myinngɔn kaa na ne mnan, ne kaana na je pa yan kun. ¹⁶Yesu re ko: ta e cɛ kri ka na.¹⁷Moso we ya jaabi ko: cɛ ti ne fɛ. Yesu re yaa jaabi ko: Ee shɛn fwɔɔ ko cɛ ti e fɛ, ¹⁸katgu ee sgi kɛ cɛ juuru fɛ. E mi min fɛ de sisa, wo ti e cɛ ye. Ee shɛn fwɔɔ.¹⁹Moso we ya fwɔ a ye ko: Matgi, ne ra kɔɔshi ka je ko ye min cera lee. ²⁰Aan ne samarikaw, aan ne bemanw Yaa Masa bato kru ɲin kan, nga aaye yahutuw ra fwɔ ko mgɔ ka kan ka Yaa Masa bato ja min na, ko we jerusalɛm nee.²¹Yesu re yaa jaabi ko: Da ne ra, moso, waati min nana, aa na fa Yaa Masa bato ni kru ɲin tɛ, ni jerusalɛm fran tɛ. ²²Aaye Samarikaw, aaye min bato, aa ma wo dɔn. Aan ne Yahutuw min bato, aan ne wo dɔn, katgu kishiri bɔra Yahutuw le ra.²³Nga waati min nana, wo waati shera ka ban, batobga sɛbɛw na fa Yaa Masa bato ɲi an ani shɛn na, bari fa Yaa Masa min wo batibga shiw re yaarala. ²⁴Yaa Masa min ɲi ne ye . Minnu na bato, waajibi ro wuu ra bato ɲi na ani shɛn na.²⁵Moso we ya fwɔ a ye ko: Ne ra dɔn ko Masiya na na, wo kɔɔ wo , Krista. Ni wo ka na sgan min na, a na fɛn biɛ fwɔ aan ye. ²⁶Yesu re yaa jaabi ko: Wo mi nee ye, ne min mi komana e fɛ.²⁷Wo sgan ra Yesu ka krandinw ne ya kwɔseki ka na a fɛ, aa re yaa je ko a min komana moso jɔ fɛ, aa kabakwoyara, nga aa shi ma she ka a ɲrinka ko: E min mɔn yaara la wo moso fɛ, wala mɔn na to e mi komana wo moso fɛ?²⁸Moso kpiin naka jedga too ɲin ka seki dgu kɔɔna k'a fwɔ mgɔw ye ko: ²⁹Aa na cɛ jɔ fɛɛ, ee ne ka kwo kɛninw biɛ fwɔ ne ye. ³⁰Ɲin ti Krisya ye wa? Mgɔw re bɔ dgu kɔɔna ka ta Yesu nɔnŋan.³¹Wo waati ra krandinw tin min Yesu daarela ko: kaamgɔ, dunnin kɛ. ³²Ngan Yesu re aa jaabi ko: dunnin jɔ min ne fɛ ka dun, aaye ti wo dɔn. ³³We ra too krandinw tin min ngɔn ɲrikara yara ni mgɔ jɔ nani ka dunnin ji a ma.³⁴Yesu re y'a fwɔ aa ye ko: Ka ne cebga sako kɛ, ee baara min ji ne ma, ka wo kɛ ka dapa, we min ne ka dunninfɛn wee. ³⁵Aa t'a fwɔ ko karo naani min aan ni shunman tgɛ shɛ waa? Nga ne ra fwɔ aa ye ko aa aa ɲanw kɔɔta ka jiw fɛɛ. Shunman kɔkɔra, a tgɛ sgan shera ka ban. ³⁶Miin shunman tgɛ, wo ra ka saa sɔɔ, e ren shunmakɛsɛw lajɛ ɲanamaya banbii kama, warisa miin dani kɛ ani miin shunman tgɛ, wuu ra ɲunshɔnja ngɔn fɛ.³⁷Koma ɲin min shɛn ye miin na fwɔ ko: Mgɔ jɔ dani kɛ mgɔ kpɛɛma nan shunman tgɛ. ³⁸Aa ma ji miin sɛɛn, ne re aa ce ka ta wo shunman tgɛ. Jɔ kpɛɛma nee wo sɛɛn, aa ye re nafa sɔɔ wu ka baara la.³⁹Wo dgu ra samarikaw shaanman dara Yesu ra wo moso ka shɛɛrɛya kɔsɔ, a ko ko Yesu ra ka kwo kɛniw biɛ fwɔ a ye. ⁴⁰Samarikaw taa Yesu nɔnka sgan min na, aa re y'a daare ko a ri to aa fɛ. Ee yi to ɲin ka tee fla kɛ.⁴¹Mgɔ shaanman kpɛɛmaw dara Yesu ra a yɛɛkun ka koma kɔsɔ. ⁴²Aa re y'a fwɔ moso we ko: Sisa kpin, aan ma da a ra e ka koma dɔrɔnw kɔsɔ, nga aan yɛɛkunw na lamɛn, aan na dɔn shɛnna ko ɲin mi diɲan kishibga we ye.⁴³Tee fla tɛmɛnnin kwɔ, Yesu re bɔ ɲin ka ta galile, ⁴⁴bari Yesu yɛɛkun na fwɔ ko: Cera shi ti boɲan sɔɔ a yɛɛ ka jamana ra. ⁴⁵A shera Galile sgan min na, wo jamana mgɔw lee y'a mnan kwoɲan, katgu wuu fran tun taa sii ra Jerusalɛm. Ee kwo minnu kɛ wo sgan ra, aa wuu biɛ je.⁴⁶Yesu taa Galile Kana kun, ee je yɛɛma ka kɛ divɛn wee dgu miin naa. Gofɛrɛnaman ka kuntgi jɔ tin min ɲin, a dincɛ bananin ti min aa ka sho Kapɛrnaum. ⁴⁷Wo cɛ ra mɛn ko Yesu bɔra Jude jamana ra ka she Galile jamana ra, ee ta a nɔnŋan ka a daare ko a ra na Kapɛrnaum ka a dincɛ kɛnngɛnya, katgu wo tin mafɛ ka sa.⁴⁸Yesu re y'a fwɔ a ye ko: Ni aa man tgɛmanshɛnw ni kabakwow je, aa ti sɔn ka danaya kɛ fyewu! ⁴⁹Kuntgi we y'a jaabi ko: Matgi, na ne ka sho, sani ne din ka fii sa. ⁵⁰Yesu re y'a fwɔ a ye ko: Ta, e dincɛ min a ɲannan. Wo cɛ dara Yesu ka koma ra, ee ta.⁵¹A tashɔ o, a ka yɔw nee na a kunbɛn ka fwɔ a ye ko: E dincɛ kɛnngɛnyara! ⁵²E y'a ɲrika ko a dincɛ pisayara waati jɔn na, aa re a jaabi ko: kunun tee kpannimanra, piikpan we ya bla.⁵³A fa ra dɔn ko wo waati we ra Yesu ra fwɔ a ye ko a dincɛ ɲranman no. A yɛɛkun ni a ka sho mgɔw biɛ re danaya kɛ Yesu ra. ⁵⁴Wo kɛ ra Yesu ka tgɛnmashɛn flanan wee, ee min kɛ kabini a bɔra Jude jamana ra ka ta Galile jamana ra.

¹Wo kuɔ, Yahutuw ka sii jɔ kɛra, Yesu re ta jerusalɛm. ²Jedganba jɔ tin min jerusalɛm, sgaw ka dunda ygɛma, heburukan na wo tgɔ o ko bɛtɛseda. Kpa juuru tin min ɲin. ³Banbgashɔ caanma danin ti min wo kpaw kɔɔ, fiyenshɔw ni sinkeemanw ni labaan. Aa tin min je ka lamganri mankɔɔ na, ⁴bari Matgi ka mɛɛkɛ jɔ tiin dgi wo dgan na jebaa kɔɔnna sganw jɔɔ ra ka je lamgan. Banabgashɔ min tin ka flan ka dgi je ra wo je lamganni kwɔ, bana shifa o shifa min a ra, wo tiin kɛngɛnya.⁵Cɛ jɔ tin min ɲin, bana tin min a ra kabini san bisaba ni sekin. ⁶Yesu wo dani je ka dɔn ko kabini sganmanya a man kɛnngɛn, e wo ɲrinka ko: E man fɛ ka kɛnngɛnya waa?⁷Banabgashɔ we a jaabi ko: Matgi, mgɔ shi ti ne fɛ ka ne ladgi je ra a lamgan sgan ra. Ni ne ka fii ni jija ko nee dgi sgan min na, mgɔ kpɛɛman ne kɔn ka dgi ne ɲan. ⁸Yesu re yaa fwɔ a ye ko: wri ka e ka daran ta ka tgɔnman.⁹Wo jani biɛ ra, wo cɛ we kɛnngɛnya. Ee yaa ka daran ta ka tgɔnman. Wo kɛra lafiɲɛ dun jɔ ra,¹⁰We ra to yahutuw re ya fwɔ wo cɛ kɛnngɛnyanin we ko: byi mi lafiɲɛ dun nee, a ma dgan e ye ka e ka daran ta. ¹¹E re aa jaabi ko: Miin ne kɛnngɛnya, we ra fwɔ ne ye ko ne ra n' ka daran ta ka tgɔnman.¹²Aa re y'a ɲrika ko: Mgɔ jɔn na fwɔ e ye ko ya e ka daran ta ka tgɔnman? ¹³Nga cɛ min kɛnngɛnyara, wo ma a kɛnngɛnya bgaa dɔn, katgu jama kɔsɔ Yesu tin bɔra ɲin ka ban.¹⁴Wo kwɔ Yesu re wo cɛ sɔɔ Yaa Masa batoshoba kɔɔna ka fwɔ a ye ko: E kɛnngɛnyanin fɛɛ sisa. E kaa jrumun kɛ kun, yaako fɛ min ka dgu ni bana we, wo kaana e sɔɔ. ¹⁵Cɛ we ta fwɔ yahutuw ye ko Yesu re a ye kɛnngɛnya¹⁶Wee kɔsɔ Yahutuw re ya damnan ka Yesu tɔɔrɔ, Katgu ee wo kwow kɛ lafiɲɛ dun na. ¹⁷Nga Yesu re aa jaabi ko: Ne fa baara kɛ sgan biɛ, ne fran baara kɛ. ¹⁸Wo koma kɔsɔ, Yahutuw tiin tgo yaara k'a pga ka tɛmɛn gare kan, lafiɲɛ dun shɛnri dama drɔn tɛ, nga a ko fran ko Yaa Masa min a fa ye, Wo ra, aa re ko, a min a yɛɛ ni Yaa Masa kanɲan na.¹⁹Wo sgan na Yesu re aa jaabi ko: Shɛn shɛn na ne ra fwɔ aa ye ko: Yaa Masa dincɛ ti fwoyi kɛ a yɛɛ baaka ra, fwɔ ee min kɛshɔ je a fa fɛ. Fa we fɛn o fɛn kɛ, a dincɛ fran we yɛɛ kɛ. ²⁰Fa Yaa Masa ra dincɛ kanu, a yɛɛkun we fɛn o fɛn kɛ, ee wo biɛ yira a dincɛ ra. A na kɛwariw fran yira a ra minnu ka bun ni ɲinnu ye, yaako aa kabakwoya.²¹Fa Yaa Masa mgɔ shuw lakunun ka ɲranmaya ji aa ma tgo min na, Wo tgo ra a dincɛ ma fɛ ka ɲranmaya ji minnu ma, a ra ji wuu ma. ²²Fa Yaa Masa ti kiti tgɛ mgɔ shi kan, nga ee kiti kwo biɛ jii a dincɛ ma, ²³yaako mgɔw biɛ ra dincɛ bonya e ko aa faa bonya tgo min na. Min ti dincɛ bonya, wo ti a cebga fa Yaa Masa bonya.²⁴Shɛn shɛn na ne ra fwɔ aa ye ko: Miin ka ne ka komaw lamɛn ka da ne cebga ra, ɲranmaya banbii min wo tgi fɛ. Wo sin ti kiti ra, nga a bɔra saya ra ka dun ɲranmaya ra.²⁵shɛn shɛn na ne ra fwɔ aa ye ko: Waati min nana, wo waati min sisa re ye, mgɔ saninw na Yaa Masa dincɛ kan mɛn, a mɛnbgaw na ɲranmaya.²⁶Katgu fa Yaa Masa ɲanma min a yɛɛ ma tgo min na, wo tgo ra a ra jii a dincɛ ma a ra ɲranmaya a yɛɛ ma. ²⁷Ee fgan ji a dincɛ ma fran ka kiti tgɛ katgu mgɔ dincɛ ro.²⁸Aa kaa kabakwoya wo ra, katgu waati min nana, mgɔ sanin miinnu min kabruw kɔɔna, wuu na a kan mɛn. ²⁹Aa na bɔ ɲin. Kwoɲumakɛraw na kunun ɲranmaya kama, kwodgukɛraw na kunun kiti kama.³⁰Ne ti she ka fwoyi kɛ ne yɛɛ baaka ra. Ne kiti tgɛ ka kanɲan ni ne ka kwo mɛnnin we Yaa Masa fɛ. ne ka kiti teenin non, katgu ne ti ne yɛɛ sako yaara, fwɔ ne cebga sako. ³¹Ni ne ni yɛɛ shɛɛrɛya kɛ, ne ka shɛɛrɛya ti shɛn ye. ³²nga jɔ kpɛɛma ne shɛɛrɛya kɛ, wee ne shɛɛrɛya min kɛ, ne ra dɔn ko wo min shɛn re ye.³³Aa cedinw bla ka ta Yuhana fɛ, e re shɛn shɛɛrɛya kɛ. ³⁴Ne t'a yaara mgɔ ra ne shɛɛrɛya kɛ, nga nee kwo ɲinun fwɔ yaako aa krishi. ³⁵Yuhana kɛra lanpa maanin ye min kɛɛn bɔ, a jara aa ye ka waatinin kɛ ka ɲunshɔnja wo kɛɛmaanin na.³⁶Nga shɛɛrɛya jɔ min ne fɛ min ka bun ni Yuhana ta we. Ne fa we kɛwari minnu ji ne ma ko ne ra wu kɛ ka dapa, nee wuu minnu kɛ, wo kɛwariw re ne shɛɛrɛya kɛ ko ne fa re ne ce. ³⁷Ne fa min ne ce , wo yɛɛ ne shɛɛrɛya kɛ. Aa ma a komankan mɛn sgan shi, aa ma a tgo je. ³⁸A ka koma tonin ti aa kɔɔna, katgu ee min ce aa man da wo ra.³⁹Aa ra aa ɲanw jɔ kitabu komaw ra, katgu a min aa kɔɔna ko ɲranmaya banbii we sɔɔ wuu ra. Wuu re ne shɛɛrɛya kɛ! ⁴⁰Wonata, aa ti sɔn ka na ne ma yaako aa ɲranmaya sɔɔ.⁴¹Ne ti bonyari yaara ka bɔ mgɔw fɛ. ⁴²Nga nee aa dɔn, ne ra dɔn ko Yaa Masa kanuya ti aa kɔɔna.⁴³Ne naan ne fa tgɔ ra, aa ma sɔn ne man. Ni mgɔ jɔ ka na a yɛɛ tgɔ ra , aa na sɔn wo ma. ⁴⁴Aa ye she ka danaya kɛ tgo dii? Aa ye minnu ngɔ ka bonyari yaara, ka sɔɔ bonyari min bɔ Yaa Masa keenpe ra aa ti wo yaara.⁴⁵A kaana kɛ aa kɔɔna ko ne na aa sindun ne fa ɲan kɔɔ dɛ. Aa dgi min Musa min kan , wee na kɛ aa sindunbga we. ⁴⁶Ni aa tin dara Musa ra, aa tin na da na fran na, katgu wee sɛbɛri kɛ ne kwo ra. ⁴⁷Nga ni aa ma da wo ka kitaabu sɛbɛninw na, aa na da ne ka komaw ra tgo dii?

¹Wo kwɔ, Yesu taa Galile ba kɔfɛ, wo min Tiberiyade ba we. ²Jamaba ra gwan a nɔngan, katgu a tin min banabgasɔw kɛnngɛnyara tgo min na, aa tin min wo kabakwow jera. ³Yesu re yɛɛ kru kan, a ni a ka krandinw ne aa sgi ɲin.⁴Yahutuw ka tɛmɛnkan sii sruɲanin tin non. ⁵Yesu ri ɲan kɔɔta ka jamaba nashɔ je a man. E y'a fwɔ Filipe ye ko: An na bwuuru san miin, yaako mgɔ ɲinnu na dunni kɛ? ⁶Ee wo fwɔ ka Filipe dakɔɔbɔ, katgu a tin na min kɛra, a yɛɛkun we wo dɔn ka baan.⁷Filipe re a jaabi ko: Hari ka wari dɛɲɛ kɛmɛ fla bwuuru san ka jɔní jɔni ji aa ma, aa biɛ tinaan jɔ sɔɔ wo ra. ⁸Simɔn Piɛri baremacɛ Andre, miin ti min a ka krandin jɔ ye, we y'a fwɔ a ye ko: ⁹Bwuurukun juuru ni yigɛ din fla min cɛ jɔ boora yan, nga we mɔn ɲan mgɔ shaanman ɲin ma?¹⁰Yesu re y'a fwɔ aa ye ko: Aa jama lasgi. bwin shaanman tin min wo jara. Aa re y'a sgi, aa tiin cɛ wga juuru ngɔnnan bɔ. ¹¹Yesu re wo bwuuru ta ka baaka da Yaa Masa ye ka wo bwuurukunw tarantaran wo mgɔ sgininw shɛ. E re yigɛ fran ji aa ma tin, biɛ keen keen nee aa sagonan ta sɔɔ. ¹²Aa biɛ panin kwɔ dunni nan, Yesu re y'a fwɔ a ka krandinw ye ko: Aa bwuuru kunkrun shɔ toninw shɛ yaako aa shi kaana shɛn.¹³Aa re wo bwuurukun juuru shɔ toninw shɛ ka sinŋin tan ni fla pa, miinnu tora dunnikɛraw kwɔ. ¹⁴Mgɔw Yesu ka tgɛmashɛn kɛnin je sgan miin naa, aa re ko: Cera min ka kan ka na dinɲan na, cɛ ɲin ne mun! ¹⁵Yesu re y'a dɔn ko aa tin ma fɛ ka mnan jaagoyara k'a kɛ masacɛ ye, we ra to ee yi mabɔ aa ra ka ta kru kan klaye a dan na.¹⁶Teebyin sgan nan, Yesu ka krandinw nee dgi ka ta ba da ra. ¹⁷Aa re dun krun jɔ kɔɔnna ka ba tgɛ damnan ka ta kapɛrnaum pan fɛ. Jibi dunna ka sɔɔ Yesu tin ma na aa fɛ ban. ¹⁸Fiyɛnba wrira baje kan fɔ ka je lamgan kwosɛbɛ.¹⁹Aa taa ɲan ni krun we baje kan ka kilomɛtɛrɛ juuru wala wɔɔrɔ ngɔnnan kɛ. Wo sgan nan aa re Yesu je, a min tgɔnmana je kan ka e kpaa krun na, aa re sran. ²⁰Nga Yesu re a fwɔ aa ye ko: Ne ro aa kaa sran. ²¹Wo sgan na a jara aa ye a ra dun aa fɛ krun kɔɔ na. Wo jani biɛ, krun shera aa ta ja dgukoo ma.²²Wo dgupiɛ ra, jama min tora ba kɔfɛ, Wuu ra kɔɔshi ko krun ni keenpe re tin mi ɲin. Aa ra dɔn ko Yesu ma dun wo krun kɔɔna a ka krandinw fɛ, nga krandinw gwansan ne tin bɔra ɲin. ²³Wo ra sɔɔ Matgi we baaka da Yaa masa ye ka bwuuru ji aa ma aa ra dun ja min na, krun jɔ kpɛɛmanw shera wo jaa ra ka bɔ Tibɛriyade dgu ra.²⁴Jama ra jee ko Yesu ni a ka krandinw shi ti ɲin, aa re dun wo krunw kɔɔna ka ta kapɛrnaum ka Yesu yaara. ²⁵Aa Yesu sɔɔ ba kɔfɛ minkɛ, aa re y'a fwɔ a ye ko: Kramgɔ, e shera yan sgan jɔnna?²⁶Yesu re aa jaabi ko: Shɛn shɛn ne ra fwɔ aa ye ko: Aa tgɛnmashɛn minnu je, aa t ne yaara la wuu kama dɛ. Aa min ne yaara la katgu aa dunni kɛ ka aapa. ²⁷Dunni miin ban, aa kaa baara kɛ wo sɔɔ drɔnhu kɔsɔ, fwɔ dunni miin to badaa ka ɲranmaya banbii ji. Mgɔ dincɛ na wo dunni ji aa ma, katgu fa Yaa masa ra ka tgɛnmashɛn daa wee kan.²⁸Aa re y'a ɲrinka ko: Aan ka kan ka mɔn kɛ wrisa ka Yaa masa sako kɛ? ²⁹Yesu re aa jaabi ko: Yaa masa sako we ɲin ne, ko Yaa masa min ce, aa da wo ra.³⁰Aa re y'a ɲrinka ko: Ee she ka tgɛnmashɛn jɔɔn yira an na, yaako aan da e ra? E na kɛwari jɔɔn kɛ? ³¹Aan bemanw mane dun kogokon kɔɔna, e ko a sɛbɛni min kitabu ra tgo min na ko: Ee dunnifɛn ji aa ma ka bɔ sankoo ra.³²Yesu re aa jaabi ko: shɛn shɛn na ne ra fwɔ aa ye ko: Musa ma dunnifɛn ji aa ma ka bɔ sankoo ra, nga ne fa re dunnifɛn sɛbɛ ji aa ma ka bɔ sankoo ra. ³³Katgu min dgira ka bɔ sankoo ra ka ɲranmaya ji diɲan ma, wo min Yaa masa ka dunnifɛn wee. ³⁴Aa re y'a fwɔ a ye ko: matgi , ye ra wo dunnifɛn ji aan sgan biɛ.³⁵Yesu ra fwɔ aa ye ko: Nee min ɲranmaya dunnifɛn we. Mgɔ min ka nan ne ma, kɔngɔ ti naan wo mnan fyewu. Miin ka da ne ra , myinngɔn ti wo mnan abada. ³⁶Nga ne ra fwɔ aa ye ka baan ko: aa ye ne jee, wo na ta, aa man danaya kɛ. ³⁷Ne fa miinnu ji ne ma, wu biɛ na na ma. Miin ka na ne ma, ne ti naa wo tgi kpɛn ka bɔ kɛɛnma fyewu.³⁸Katgu ne ma dgi ka bɔ sankoo ra ne yɛɛ sako kɛri kama, fwɔ ne cebga sako wo. ³⁹Ne cebga sako fɛɛ ɲin ye ko, ee miinnu jii ne maan, wuu shi kaa tunun ne ma, nga ne ra aa lakunun ɲranmaya kama laban dun na. ⁴⁰Ne fa sako fɛɛ ɲin ye ko, mgɔ miinnu ka a dincɛ lapiɛ ka da a ra, wuu ra ɲranmaya banbii sɔɔ, ne na aa lakunun laban dun na.⁴¹Yahutuw re dajukɔɔ koma kɛ Yesu kama, katgu a ra fwɔ ko a ye min dunnifɛn ye min dgira ka bɔ sankoo ra. ⁴²Aa re ko: ɲin ti Yusufu dincɛ Yesu ye wa, aan min fa ni a ba dɔn? Sisa a ra fwɔ tgo dii ko a dgira ka bɔ sankoo ra.⁴³Yesu re aa jaabi ko: Aa' dajukɔɔ koman dabla. ⁴⁴Mgɔ shi ti she ka na na ma ni ne fa miin ne cee, ni wo maa saman . Ne na a lakunun laban dun na. ⁴⁵Ceraw koma ɲin sɛbɛ ko: Aa biɛ na kran Yaa masa fɛ. Mgɔ o mgɔ ne fa lamɛn ka kran a fɛ, wo na ne lamɛn⁴⁶A tɛ ko mgɔ ɲan dara ne fa kan. Miin naa ka bɔ Yaa masa ra, wo keenpe ɲan dara ne fa kan. ⁴⁷Shɛn shɛn na ne ra fwɔ aa ye ko: Min ka da ne ra, ɲranmaya banbii min wo tgi fɛ.⁴⁸Nee min ɲranmaya dunnifɛn we. ⁴⁹Ka aa bemanw to konŋokoon kɔɔnna, aa manɛ dun, aa sara.⁵⁰Nga dunnifɛn min dgi ka bɔ sankoo ra, ɲin no. Ni miin ka wo dun, wo tinaa sa. ⁵¹Ne min dunnifɛn ɲranman we min dgira ka bɔ sankoo ra, yaako ni mgɔ jɔ ka wo dunnifɛn dun, wo ɲranma naa to badaa. Ne na dunnifɛn min ji, wo min ne piisgo we ye, ne na wo ji yaako diɲan ra ɲranmaya.⁵²Wo koma kɔsɔ, sɔsɔriba lee wiri Yahutuw shɛma. Aa tin ma fwɔra ko: Cɛ ɲin she ka a piisgo ji aan ma tgo dii, aan ni ka a dun? ⁵³Yesu re y'a fwɔ aa ye ko: Shɛn shɛn na ne ra fwɔ aa ye ko: Ni aa ma mgɔ dincɛ piisgo dun ka a yuu myin, ɲranmaya ti aa kɔɔna fyewu.⁵⁴Miin ka ne piisgo dun ka ne yuu myin, ɲranmaya banbii min wo tgi fɛ, ne na a lakunun laban na. ⁵⁵Katgu ne piisgo min dunnifɛn sɛbɛ ye, ne yuu min myinnifɛn sɛbɛ ye. ⁵⁶Miin ne piisgo dun ka ne yuu myin, wo tonin min ne ra, ne tonin min wo ra.⁵⁷Ne fa miin ne ce, wo ɲranma non tgo min, nee ɲranmaya wora, wo tgo ra min ka ne dun, wo ren ɲranmaya ne ra. ⁵⁸Dunnifɛn miin dgira ka bɔ sankoo ra, ɲin non. Aa bemanw manɛ min dun ka sɔɔn ka sa, a ni wo ti keen ye. Min ka dunnifɛn ɲin dun, wo ɲranma na to badaa. ⁵⁹Ka Yesu to Yaa masa batosho kɔɔnna Kapɛrnaum mgɔw kran na e re wo komaw⁶⁰Yesu ka krandinw shaanma na ka komanw mɛn miinkɛ, aa re ko: Koman ɲin ka gwrɛn dɛ. Mgɔ jɔn she ka wo mnan? ⁶¹Yesu ra dɔn a yɛɛma ko a ka krandinw min dajukɔɔ koman fwɔra wo kwo ra, e y'a fwɔ aa ye ko: wo r'aye kunnashɛn re wa?⁶²Mgɔ dincɛ ti min ja min na gare, ni aa ye ka a yɛɛshɔ je ka ta ɲin non? ⁶³Ɲin we min mgɔ ka ɲranmaya we, piisgo ti fwoshi ɲan. Nee koman minnu fwɔ aa ye, wuu min ɲin ni ɲranmaya we ye.⁶⁴Nga jɔɔ min aa shɛma miinnu ma danaya kɛ. Mgɔ minnu ma danaya kɛ ani miin na a dun boo ra, Yesu wuu biɛ dɔn kabini gare ra. ⁶⁵E re ɲin fran fwɔ ko: We ra to ne ya fwɔ aa ye ko, mgɔ shi ti she ka na ne ma ni ne fa ma wo she ji a ma.⁶⁶Kabini wo sgan na, a ka krandinw shanma ne seki kwɔ, aa ma tgɔnma nɛn kun. ⁶⁷Yesu re y'a fwɔ a ka krandin tan ni fla we ko: Aa fran man fɛ ka seki re wa? ⁶⁸Simɔn Piɛri re y'a jaabi ko: Matgi an na ta jon fɛ? Ɲranmaya banbii komanw sɔɔ we fɛ. ⁶⁹Sisa an dara a ra ka dɔn ko e mi Yaa masa ka senuma we ye.⁷⁰Yesu re aa jaabi ko: Ne ma aa tan ni fla ɲanatɔmɔ wa? Wo biɛ na ta, aa ra keen we shitani nee! ⁷¹A tin mi koman na Simɔn Isikariɔti dincɛ Juda kwo ra, we ti na Yesu dun boo ra, a ka krandin tan ni fla la keen tin non.

¹Wo kwɔ, Yesu tin mi yaarayaarala Galile. A tin ta fɛ ka yaara jude, katgu yahutuw tin mi tgo ɲini na k'a pga. ²Yahutuw ka Gakɔɔsgi sii tin srunɲara.³Yesu baremacɛw re y'a fwɔ a ye ko: Y'a bɔ yan ka ta jude, yaako e ka krandinw fran la e ka kɛwari kɛtaw fɛɛ. ⁴Mgɔ shi ti dgon ka kwo kɛ, ni a ma fɛ a ka kwo ra dɔn. Ni e mi kwo ɲinu kɛ ra, aa kɛ kɛɛn kan ki yɛɛ yira diɲan ra.⁵A baremanw yɛɛ tin ma da a ra. ⁶Yesu re y'a fwɔ aa ye ko: Ne ta sgan ma she ban. Aa ye fɛ, sgan biɛ ka ɲi. ⁷Diɲan ti she ka aa ye kɔniya, nga ee ne kɔniya, bari ne ra a shɛɛrɛya kɛ ko a ka kɛwariw ka dgu.⁸Aa yeru ra ta sii ɲin na. Ne ti na ta sii ɲin na, katgu ne ya sgan ma she ban. ⁹Ee wo kwow fwɔ aa ye, ee yi to Galile.¹⁰Yesu baremacɛw ta ni kwɔ sii ra, a yɛɛ kun fran le ta, nga a ma e yira kɛɛn kan, a taa mgɔw ɲranma. ¹¹Yahutuw tin mi a yaara la sii ra, aa ti mi ɲrikari kɛra ko: a mi miin?¹²Dajukɔɔ koma shiyara jama shɛma a kwo ra. Jɔɔ ko: Mgɔ ɲuma non. Jɔ kpɛɛmaw ko: Wayi, ee jama lafri le dɛ. ¹³Wo biɛ na ta, mgɔ shi ma koma kɛɛ kan a ka pan fɛ, katgu aa ti mi sranna Yahutuw ɲa.¹⁴Sii tin mi a shɛmashɛ ra sgan minna, Yesu re ta Yaa masa batoshoba kɔɔnna ka mgɔw kran. ¹⁵Yahutuw re kabakwoya, aa re yaa fwɔ ko: Cɛ ɲin kitabu dɔn tgo dii? ka sɔɔ a ma wo kran kɛ. ¹⁶Yesu re aa jaabi ko: Nee mgɔ kran min na, wo ti ne ta ye, ne cebga ta ro.¹⁷Miin ma fɛ ka Yaa masa sako kɛ, wo na dɔn sala ni wo kran bɔra Yaa masa ra, wala ni ne min komana ne yɛɛ baaka ra. ¹⁸Mgɔ min koma a yɛɛ baaka ra, wo ra yɛɛbonɲari yaara. ga min na a cebga bonɲari yaara, wee min shɛntgi we, teebiiya shi ti a kɔɔna.¹⁹Musa ma sariya ji aa ma wa? Nga aa shi ti tgɔnma ka kanɲa ni wo sariya we. Mɔn na to aa re tgo yaara ka ne pga? ²⁰Jama we ya jaabi ko: jina min ra, jon min tgo yaara la ka e pga?²¹Yesu re aa jaabi ko: Nee kɛwari keen ne kɛ, aa biɛ kabakwoyara wo ra. ²²Musa re kɛnŋɛn sariya jii aa ma, wo biɛ na ta Musa ma wo kɛri damnan, a damnanna aa bemanw fɛ, wo sariya we kɔsɔ aa sɔn ka mgɔ kɛnŋɛn hari lafiɲɛ dun na.²³Ni aa din cɛman kɛnŋɛn lafiɲɛ dun na yaako Musa ka sariya kaa shɛn, mɔn na to aa jinminnin min ne kɔɔ ko ne cɛ jɔ piikoo mumɛ biɛ kɛnngɛnya lafiɲɛ dun na? ²⁴Aa kaa kiti tgɛ ka kanɲa ni fɛnw kwɔkana tgo we. Aa kiti teenni tgɛ.²⁵Jerisalɛmkaw jɔɔ re ya fwɔ ko: Aa ma fɛ ka cɛ min pga, wo ti ɲin ye? ²⁶A fɛɛ, a mi komana jama ɲan na, aa ti fwoyi fwɔ a ye! an ka fganmanw na dɔn ka piɛ ko ɲin ne mi krista ye wa? ²⁷Nga ni krista ka na sgan min na, mgɔ shi ti n'a bɔ ja dɔn, ka sɔɔ an cɛ ɲi bɔ ja dɔn.²⁸Ka Yesu to mgɔ kran na Yaa masa batoshoba kɔɔna, e re prɛ ko: Aa ko aa ne dɔn ka ne bɔ ja dɔn! Wo biɛ na ta, ne ma nan ne yɛɛ baaka ra, nga ne cebga mi sɛbɛnma ne. Aa ma wo dɔn. ²⁹Ne kpin na dɔn katgu ne na ka bɔ aye ra, aye re ne ce.³⁰We ra to aa re tgo yaara ko aa na a mna, nga mgɔ shi ma she ka e boo da a kan, katgu a ka waati tun ma she ban. ³¹Wo biɛ na ta, jama ra mgɔ shanman dara a ra. Aa re ko: Ni Krista ka na sgan min na, a na tgɛnmashɛn shanman kɛ ka tɛmɛn cɛ ɲin kan? ³²Farisiɛnw jama ka dajukɔɔ koma fwɔninw mɛn Yesu ka pan fɛ, we kɔsɔ, saakalashebgaw kuntgiw ni Farisiɛnw re garadiw bla ko aa ra ta a mna³³Yesu ra fwɔ ko: Ne min aa fɛ ka waatinin kɛ ban, wo kwɔ , ne na ta ne ce cebga fɛ. ³⁴Aa ne yaara, nga aa tinan neje, katgu ne na kɛ ja min nan, aa ti she ka ta ɲin.³⁵Yahutuw re ngɔn ɲrinka ko: Aye she ka ta ja jɔnma, ni an ti she ka ta ɲin? Yahutu minnu yigɛn nin mi Grɛkiw shɛma, a na ta wuu re fɛ ka Grɛkiw kran wa? ³⁶Ee koma minnu fwɔ ko an na a yaara, nga an tina a je, katgu a na kɛ ja min na, aan ti she ka ta ɲin, wo kɔɔ we mɔn ye?³⁷Sii laban dun na, sii dunba kpin, Yesu ri jɔ jama shɛma ka prɛ ko: Myinngɔn mi min na, wo ra na ne ma ki myin. ³⁸Mgɔ min ka da ne ra, baje ɲranmanw na woyo ka bɔ wo dosokun na, e ko kitabu ra fwɔ tgo min na.³⁹Yesu tin mi koma na Ɲi we kwo ra, a danabgaw na min sɔɔ. Wo waati ra Ɲi senuma tun ma ji ban, katgu nɔɔrɔ tin ma da Yesu kan ban.⁴⁰Jama ra mgɔw jɔɔ Yesu ka komaw mɛn, aa re ko: Shɛn na, cɛ ɲin min wo cera we ye! ⁴¹Jɔɔ re ko: Krista ro! Jɔ kpɛma ne ko: Nga Krista she ka bɔ Galile? ⁴²Kitabu m'a fwɔ ko Krista na bɔ Dawuda bɔnsɔn na, ko a na bɔ Bɛtilɛhɛm, Dawuda tin sgira dgu min na?⁴³We ra to sɔsɔri we wri jama na Yesu kwo ra. ⁴⁴Aa jɔɔ tin ma fɛ ka a mnan, nga mgɔ shi ma she ki boo da a kan.⁴⁵Garadiw sekira ka ta saakalashebgaw kuntgiw ni farisiɛnw fɛ, wuu re aa ɲrika ko: Mɔn na to aa ma na ni a ye? ⁴⁶Garadiw re aa jaabi ko: Mgɔ shi ma koma e ko cɛ ɲin abada!⁴⁷Farisiɛnw re aa ɲrinka ko: Ee aaye fran lafri le wa? ⁴⁸An ka fganman keen wala farisiɛn keen dara a ra wa? ⁴⁹Nga jama ɲin ti sariya dɔn, aa daŋanin non.⁵⁰Nikodɛmɛ min tin taa Yesu nɔnkan, Farisiɛnw la keen ne tin mun, we y'a fwɔ aa ye ko: ⁵¹Ka kanɲan ni aa ka sariya we, an she ka kiti tgɛ mgɔ kan n'an man a lamɛn ka ka kwo kɛninw dɔn wa? ⁵²Aa re y'a jaabi ko: Ye fran bɔra Galile le wa? Ta kitabuw lapiɛ, e na je ko cera shi ma dgen ka bɔ Galile.⁵³Wo kwɔ, aa biɛ keen keen ne ta aa ka sho.

¹Nga Yesu taa Oliviye kru kan. ²A dgusɔpiɛ sgoma da jona ra, e yi kwɔseki Yaa masa batoshoba kɔɔnna, jama biɛ re aa kpaa a ra. Ee yi sgi ka aa kran. ³Sariya kaamgɔw ani Farisiɛnw naan ni moso jɔ ye a fɛ, aa tiin wo mnan ɲanmgɔya ra. Aa re wo moso jɔ jama biɛ ɲan kɔɔ⁴Ka fwɔ Yesu ye ko: Kramgɔ, moso ɲin mnanna ɲanmgɔya we ra. ⁵Musa ra fwɔ sariya ra ko wo ngɔnnan mosow ra kuu ni senekruw ye ka aa pka. Ye ren mɔn fwɔ wo kwo ra? ⁶Aa wo fwɔ ka a dakɔɔbɔ, yaako ka a sindun sababu sɔɔ. Nga Yesu re yi bri ka sɛbɛri kɛ dguma ni a bookpɛnni we.⁷Aa re to ka a ɲrika, Yesu re wri ki jɔ ka fwɔ aa ye ko: Aa ra mgɔ min ma jrumu kɛ, wo ra gare ka a kuu ni senekru we. ⁸E yi bri kun klaye ka sɛbɛri kɛ dguma.⁹Wo koma mɛnnin kwɔ, aa dosokun we aa kɔɔfwɔ, aa biɛ re ta keen keen, k'a damna cɛkɔɔbaw ra fwo ka ta bla aa kwɔmgɔw ra. Yesu Keen ni wo moso we to ɲin, min jɔnin tin mi a ɲan kɔɔ. ¹⁰Yesu wrira ki jɔ ka fwɔ a ye ko: Moso, e sindunbgaw mi min? Mgɔ shi ma e yaaki kɛ? ¹¹Moso we ya jaabi ko: Matgi, mgɔ shi. Yesu re ko: Ne fran ti e yaaki. Ta, e kaa jrumu kɛ kun.¹²Yesu komana kun jama fɛ kla ye ko: Ne mi dinɲa ka kɛɛn we ye. Mgɔ mi ki gwan ne nɔn kan, wo ti nan tgɔnma jibi ra, nga wo na ɲranmaya kɛɛn sɔɔ. ¹³Farisiɛnw re yaa fwɔ a ye ko: E ri yɛɛ shɛrɛya kɛ, e ka shɛrɛya ti shɛn ye.¹⁴Yesu re aa jaabi ko: Hari ni ne min yɛɛ shɛrɛya kɛra, ne ka shɛrɛya min shɛn ye, katgu ne ni un bɔ ja dɔn, ne ni un ta ja dɔn. Aaye kpiin ti ne bɔ ja dɔn, aa ti ne ta ja dɔn. ¹⁵Aa kiti tgɛ Hadamadinya tgo we ra, ne kpiin ti kiti tgɛ mgɔ shi kan. ¹⁶Wo biɛ na ta, hari ni ne ka kiti tgɛ, ne ka kiti teennin non, katgu ne keen ti wo kiti tgɛ ra, nga miin ne ce, wo min ne fɛ.¹⁷A sɛbɛ ni mi aa ka sariya ra ko: Ni mgɔ fla ka bɛn shɛrɛya keen na, wo shɛrɛya mi shɛn re. ¹⁸Ne ni yɛɛ shɛrɛya kɛ, ne fa min ne ce, wo fran ne shɛrɛya kɛ.¹⁹Aa re yaa ɲrika ko: E fa mi miin? Yesu re aa jaabi ko: Aa ma ne dɔn, aa ma ne fa dɔn. Ni aa tiin ne dɔn, aa tin na ne fa fran dɔn. ²⁰Yesu wo komaw fwɔ ka a to mgɔw krannan Yaa masa batoshoba kɔɔnna, ɲinifɛnw tiin bla mnan miinnu kɔɔnna, a tin mi wuu yigɛma. Mgɔ shi m'a mnan, katgu a ka waati tin ma she ban.²¹Yesu ra fwɔ aa ye kun ko: Ne na ta. Aa na ne yaara, nga aa na sa ka aa to aa ka jrumu na. Nee ta ja min na, aa ti she ka ta ɲin. ²²Yahutuw re ya fwɔ ngɔn ye ko: A na a yɛɛ pga re wa? Bari a ko a na ta ja min na, an ti she ka ta ɲin.²³Yesu re aa jaabi ko: Aa ye mi dguma taw ye, ne kpiin mi yaama ta re ye. Aa ye mi dinɲan ɲin taw ye, nga ne ti dinɲan ɲin ta ye. ²⁴We ra to ne yaa fwɔ aa ye ko, aa na sa ka aa to aa ka jrumuw na. ɔnhɔn, ni aa ma da a ra ko: Ne mi aye ye , aa na sa ka aa to aa ka jrumuw na.²⁵Aa re y'a ɲrika ko: E mi jon ye? Yesu re aa jaabi ko: Nee wo mi fwɔ aa ye kabini gare ra. ²⁶Fɛn shanman mi ne fɛ ka fwɔ aa ye ani ka kiti tgɛ aa kwo ra. Nga min ne ce, we shɛn fwɔ. Nee min mɛn wo fɛ, nee we fwɔ diɲan ye. ²⁷Aa m'a faamu ko a ti mi komana aa fɛ a fa kwo ra.²⁸Yesu re y'a fwɔ aa ye ko: Ni aa ka mgɔ dincɛ kɔɔta sgan min na, aa na dɔn ko ne mi aye ye. Aa na dɔn ko ne ti fwoyi kɛ ne yɛɛ baaka ra. Na fa ne kran tgo min na, ne mi kwo ɲinu fwɔra ka kanɲan ni we ye. ²⁹Min ne ce, wo mi ne fɛ. A ma ne to ne keen na, katgu ne ra jaɲenakwo kɛ sgan biɛ. ³⁰Yesu wo kwow fwɔ sgan min na, mgɔ shanman dara a ra.³¹Yahutu minnu dara Yesu ra , e y'a fwɔ wuu ye ko: Ni aa ka ne ka komakan mnan ka to a kan, aa na kɛ ne ka krandinw ye sɛbɛ ra. ³²Aa na shɛn dɔn, shɛn na aa hɔrɔnya. ³³Aa re ya jaabi ko: An ne min Ibrahima bɔnsɔnw ne ye, an ma kɛ mgɔ shi ka yɔnw ye abada. E ra fwɔ tgo dii ko an na hɔrɔnya?³⁴Yesu re aa jaabi ko: Shɛn shɛn na ne ra fwɔ aa ye ko: Mgɔ o mgɔ jrumu kɛ wo mi jrumu ka yɔn ne. ³⁵Yɔn ti sho mgɔ ye sgan biɛ, nga dincɛ kpin mi sho mgɔ re sgan biɛ. ³⁶Ni Yaa masa dincɛ ka aa hɔrɔnya, aa na kɛ hɔrɔnw ye shɛn na.³⁷Ne ra dɔn ko aa mi Ibrahima bɔnsɔnw ye, wo biɛ na ta aa mi tgo yaarala ka ne pga, bari aa ma sɔn ne ka koma ra sgi ja sɔɔ aa kɔɔnna. ³⁸Ne kwo minnu je ne fa fɛ, ne koma wo kwow le ra. Aa fran kwo minnu mɛn aa fa fɛ, aa wuu re kɛ.³⁹Aa re ya jaabi ko: An fa mi Ibrahima le ye. Yesu re ya fwɔ aa ye ko: Ni aa mi Ibrahima bɔnsɔnw ye, aa Ibrahima ka kɛwariw kɛ. ⁴⁰Nga sisa, ne miin shɛn mɛn Yaa masa fɛ, ka wo fwɔ aa ye, aa ren tgo yaara ka ne pga. Ibrahima ma wo kɛ dɛ! ⁴¹Aa r'a fa ka kɛwari shiw re kɛ. Aa re ya jaabi ko: Aan kpin ma woo ɲanmgɔya ra. Fa ni keenpe re mi an fɛ, we mi Yaa masa ye.⁴²Yesu re ya fwɔ aa ye ko: Ni Yaa masa tin mi aa fa ye, aa tin na ne kanu, bari ne bɔra Yaa masa ra ka na. Ne ma na ne yɛɛ baaka ra, nga we re ne ce. ⁴³Mɔn na to aa ti ne ka koma faamu? Bari aa ti she ka ne ka komaw lamɛn. ⁴⁴Aa fa mi min ye, shitani non. Aa ma fɛ ka aa fa jajenakwow re kɛ. We kɛra mgɔpgara ye kabini garegare. A ma to shɛn kan, bari shɛn shi ti a kɔɔnna. Na ka fii fiɲan fwɔ sgan min na, e ren koma ka kanɲan ni a yɛɛ tgo we, bari fiɲanfwɔ ro, finɲanfa we yɛɛ mun.⁴⁵Ne kpin shɛn we fwɔ, we ra to aa ma da ne ra. ⁴⁶Aa ra mgɔ jɔn jrumu sɔɔ ne ra? Ni ne ka komaw mi shɛ ye, mɔn na to aa ti da ne ra? ⁴⁷Min bɔra Yaa masa ra, we Yaa masa ka komaw lamɛn. Aaye ti aa lamɛn, bari aa ma bɔ Yaa masa ra.⁴⁸Yahutuw re ya jaabi ko: Shɛn t'an fɛ ka fwɔ ko e mi Samarika ye, ko jina mi e ra wa? ⁴⁹Yesu re aa jaabi ko: Jina ti ne ra dɛ, nga ne min ne fa boɲanra, aaye mi ne dgɔyara.⁵⁰Ne ti boɲanri yaara ne yɛɛ ye. Jɔ min ɲin ni wo re yaara ne ye, we re kiti tgɛ. ⁵¹Shɛn shɛn na ne ra fwɔ aa ye ko: Min ka ne ka komaw mara, wo ti naa sa abada.⁵²Yahutuw re ya fwɔ a ye ko: Sisa aan na dɔn ka piɛ ko jina mi e ra! Ibrahima sara, ceraw fran sara, ye ren na fwɔ ko, miin ye ka koma mara, wo ti naa sa abada. ⁵³An fa Ibrahima sara, ye ka buun ni we wa? Ceraw fran sara. E ri yɛɛ kɛ jon ye?⁵⁴Yesu re aa jaabi ko: Ni ne min ne yɛɛ boɲanra, wo boɲanri ti fwoyi ye. Miin mi ne boɲanra, wo min ne fa re, aa ra fwɔ miin ma ko wo mi aa ka Yaa masa ye, ⁵⁵nga aa man dɔn. Ne kpin na dɔn. Ni ne ka fwɔ ko ne ti a dɔn, ne re kɛ finɲanfwɔ ye e ko aaye. Nga ne ra dɔn, ani ne ra ka komaw mara. ⁵⁶Aa fa Ibrahima li yrilajaa ko a na ne ka tee je. A ra jee, a ɲunshɔnjara.⁵⁷Yahutuw re ya fwɔ a ye ko: E ma hari san biduuru sɔɔ ban, E ko ki ɲan dara Ibrahima kan wa? ⁵⁸Yesu re aa jaabi ko: Shɛn shɛn na ne ra fwɔ aa ye ko: Yani Ibrahima koni woo, wo ra sɔɔ ne mi ɲin. ⁵⁹Wo koma kɔsɔ aa re senekruw ta ko aa na wuu kɛ ka a kuu, nga Yesu re yi dgon ka bɔ Yaa masa batoshoba kɔɔnna.

¹Yesu tɛmɛnshɔ o jaa jɔ ra, e re cɛ jɔ je, wo fiyennin woora. ²Yesu ka krandinw ne a ɲrinka ko: Kramgɔ, jon jrumun kɛ, cɛ ɲin wa, wala a woobgaw, fwo a fiyenin woora?³Yesu re aa jaabi ko: Cɛ ɲin ka jrumu nɔn tɛ, a woobgaw ka jrumu nɔn tɛ. Nga wo kɛra yaako Yaa masa ka shebgaya ra yira a kwo ra. ⁴Waajibi ro an ne cebga ka kɛwariw kɛ tee fɛ. Shu na kwo. Ni shu ka kwo, mgɔ shi ti she ka baara kɛ wo sgan na. ⁵Ka ne to dinɲan na, ne mi dinɲan ka kɛɛn re ye.⁶Wo komaw fwɔnin kwɔ, Yesu re daje tu dguma ka wo bgɔ shɛ ka wo myun fyienshɔ ɲanw ra, ⁷ka fwɔ a ye ko: Ta e ɲan kwo Siloɛ dgan na jeba ra. Siloɛ kɔɔ ko cedin. fyienshɔ taa ka a ɲan kwo. A ɲan yɛɛnin we yi kɔseki.⁸A ygɛma mgɔw ani miinu tin dgenna ka a je saaka daare la ka kɔɔ, wuu re y'a damnan ka fwɔ ko: Cɛ min sginin tin mi saaka daare la, wo ti ɲin ye? ⁹Jɔɔ re ko: Aye mun. Jɔ kpɛɛmaw ne ko: Wayi, wo tɛ, nga a bɔnin mi a fɛ. Nga cɛ yɛɛkun we ko: Ne ro.¹⁰Aa re y'a ɲrika ko: E ɲan yɛɛra tgo dii? ¹¹E re aa jaabi ko: Cɛ min tgɔ mi ko Yesu, we bgɔ kɛ ka myun ne ɲanw ra, ka fwɔ ne ye ko ne ra ta Siloɛ la kan ɲan kwo. Ne re ta ka ne ɲan kwo, ne re jeri kɛ. ¹²Aa re ya ɲrika ko: Wo cɛ mi min? E y'a jaabi ko: Ne m'a dɔn.¹³Aa taa ni wo fyenshɔ kɔɔ we farisiɛnw fɛ. ¹⁴Yesu bgɔ kɛ ka a ɲan yɛɛ dun min na, wo tin mi lafiɲɛ dun ne ye. ¹⁵Wee kɔsɔ Farisiɛnw fran le ya ɲrinka a ɲan yɛɛ tgo ra. E y'a fwɔ aa ye ko: E bgɔ kɛ ne ɲanw ra, ne re ne ɲan kwo, ne re jeri kɛ sisa.¹⁶Farisiɛnw jɔɔ re ko: Wo cɛ ma bɔ Yaa masa ra, katgu a ti fafiɛn dun bla. Nga jɔ kpɛɛma ne ko: Ni cɛ ɲin mi jrumushɔ ye, ee she ka kabakwo ɲin ngɔnanw kɛ tgo dii? Aa kan we taran. ¹⁷Farisiɛnw re fyenshɔ kɔɔ ɲrika kun ko: Miin ni ɲan yɛɛ ye mɔn fwɔ wo ka pan fɛ? Ee ko: Cera ro. ¹⁸Nga Yahutuw tin ma da a ra ko wo cɛ tin mi fyenshɔ ye, ko a ɲan yɛɛra, fwo aa ra bangibgaw krii¹⁹ka aa ɲrinka ko: Aa ra fwɔ ko aa dincɛ min fyenni woora , ɲin non wa? Ayiwa a mi jeri kɛra sisa tgo dii? ²⁰A bangibgaw re aa jaabi ko: Aan nan dɔn ko aan dincɛ ro, ko a fyenni bangira. ²¹Nga e jeri kɛ sisa tgo min na, aan ma wo dɔn. Aan ti a ɲan yɛɛbga fran dɔn. Dɛɛnsɛn tɛ kun, aa a yɛɛ kun ɲrinka, ee she ka wo kwow piɛ aa ye.²²A woobgaw koman kɛ wo tgo ra, katgu aa sranna Yahutuw re ɲan, bari Yahutuw ti bɛnna a ra ka ban ko, ni mgɔ min ka fwɔ ko Yesu mi Krista ye, ko wo na kpɛn ka bɔ Yaa masabatosho jɛn ra. ²³We ra too a woobgaw re y'a fwɔ ko: Dɛɛnsɛn tɛ kun, aa a yɛɛ kun ɲrinka.²⁴Farisiɛnw re wo fyenshɔ kɔɔ kri a shian flanan ra ka fwɔ a ye ko: Yaa masa boɲan. Aan na dɔn ko wo cɛ mi jrumushɔ re. ²⁵E yaa jaabi ko: Ni jrumushɔ ro wala ni jrumushɔ tɛ, ne ma wo dɔn. Nee kwo keenpe re dɔn. Ne tin min fyenshɔ re, sisa ne jeri kɛ.²⁶Aa re y' a ɲrika ko: Ee mɔn kɛ e ra? A ri ɲan yɛɛ tgo dii? ²⁷E re jaabi ko: Nee wo fwɔ aa ye ka baan, nga aa ma ne lamɛn. Mɔn na to aa man fɛ ka a mɛn kun? Aa fran man fɛ ka kɛ a ka krandinw nee ye wa? ²⁸Aa re y'a nɛn ka a fwɔ ko: Yee min wo cɛ ka krandin wee. Aan ne kpin min Musa ka krandinw ne ye. ²⁹Aan nan dɔn ko Yaa Masa komana Musa fɛ, nga cɛ ɲin kpin an taa bɔ dia dɔn.³⁰Fyen shɔ kɔɔ we aa jaabi ko: Ɲin min kabakwo ye dɛ. Aa m'a bɔ ja dɔn, ka sɔɔ e min ka ne ɲan yɛɛ! ³¹Aan na dɔn ko Yaa Masa ti jrumushɔw lamɛn, nga mgɔ min sran a ɲan ka a sako kɛ, ee we lamɛn.³²A man abada ko mgɔ min fyen nin woora ko mgɔ jɔɔ wo ɲan yɛɛ. ³³Ni cɛ ɲin tin ma bɔ Yaa Masa ra, a tin ti she ka fwoyi kɛ. ³⁴Aa re wo cɛ jaabi ko: E jrumunshɔ re yɛɛ woora, e man fɛ ka aan kran ne wa? Wo fwɔ ni kwɔ, aa re ya kpɛn ka bɔ Yaa Masabatosho kɔɔna.³⁵Yesu ra mɛn k'a wo fiyenshɔ kɔɔ kpɛn. Yesu re y'a kunbɛn ka a fwɔ a ye ko: E dara mgɔ dincɛ ra wa? ³⁶E ya jaabi ko: jon mun, Matgi, yaako nen ka da a ra? ³⁷Yesu re yaa fwɔ a ye ko: E ɲan mi min nan, ni a min koma na e fɛ, we mun. ³⁸Cɛ wen ko: Ne dara a ra, Matgi. Ee yi bri a kɔɔ ka a bato.³⁹Wo sgan na Yesu ren ko: Ne naan diɲan ɲin na kiti we kama, warisa fiyenshɔw ra jeri kɛ, ani minnu jeri kɛ wuu ɲanw ren ka fiyen. ⁴⁰Farisiɛn miinnu ti min Yesu fɛ ɲin, wuu wo koma mɛn miinkɛɛ, aa re yaa ɲrika ko: Ayiwa, aan ne fran min fiyenshɔ re ye waa? ⁴¹Yesu re yaa jaabi ko: Ni aa tin min fiyenshɔw ye, jrumu tin ti naa je aa ra, nga aa ko aa jeri kɛ sisa, we ra to aa ka jrumuw toni min aa kuna.

¹Shɛn shɛn na ne ra fwɔ aa ye ko: Miin ti dun sgasho da fɛ, ²nga ee yɛɛ pan kpɛma fɛ ka dun, sun no, byinkanikɛra lo. Nga miin dun sgasho daa fɛ, wee min sga ngɛn nan we.³Dakɔɔshibga we da yɛɛ wo sga ngɛnna we. Sgaw ra kan mɛn. A ra yɛɛ ka sgaw kri aa tgɔw ra ka aa labɔ kɛɛnma. ⁴Ni a ka aa labɔ sgan min na, e re tgɔnman aa ɲan, sgaw ren naa gwan a nɔnka, katgu aa ra kan dɔn.⁵Aa taa gwan dona nɔnkan, aa bii a ɲan re yɛɛ, bari aa ti donaw kan dɔn. ⁶Yesu tare ɲin da aa ye, nga a komana kwo min na, aa ma wo faamu.⁷Yesu ra fwɔ kwokulaye ko: Shɛn shɛn na ne ra fwɔ aa ye ko: Nee min sgasho da we. ⁸Minnu biɛ naa ne ɲan, wuu min sunw ni byinkanikɛlaw le ye, nga sgaw ma aa lamɛn.⁹Nee min da wee. Ni min ka dun ne fɛ, wo na krishi. A na dun ka bɔ ka dunnikɛ ja sɔɔ. ¹⁰Sun ti na fwoyi kama fɔ soɲanni ni pgari ni shɛnri wo. Ne pkiin naa yaako ne ka sgaw ra ɲannamaya sɔɔ, wo ra shiya aa ra ka ta'a fɛ.¹¹Ne min sga ngɛnna ɲuman ne ye. Sga ngɛnna ɲuman na ɲin ji a ka sgaw kɔsɔ. ¹²Nga saa yarala wo, ni wo ti sga ngɛnna sɛbɛ ye, ni sgaw ti a ta ye, we wara nashɔ je re, e ren sgaw to ɲin ka bii. Wara wen sgaw jɔɔ mnan, aa ren jɛnsɛn. ¹³Wo saa yaarala we bii katgu saa yaarala lo, sgaw hanmi ti a ra.¹⁴¹⁵Ne mi sga ngɛnna ɲuman ne ye. Ne fa ne dɔn, ani ne ni fa dɔn tgo min na, wo tgo ra ne ni ka sgaw dɔn, ani ne ka sgaw ne dɔn . Ne ni ɲin ji ne ka sgaw kɔsɔ. ¹⁶Sga pkɛɛma nun min ne fɛ minnu ti sgasho ɲin kɔɔna. Wajibi ro ne ra na ni wuu fran ye. Aa na ne kan mɛn. Aa na kɛ kru keen ye, ani sga ngɛnna keen.¹⁷Ne fa ne kanu, katgu ne ni un ɲin ji yaako ka a ta kwokula. ¹⁸Mgɔ shi ti ne ɲin mnan ne ra, nga ne ra ji n yɛɛ ye. She mi ne ye ka ne ɲin ji, she mi ne ye ka a ta kwokula. Wo ce we fwɔra ne ye ne fa fɛ¹⁹Yahutuw kan taranna kwokura a ka koma fwɔninw kɔsɔ. ²⁰Aa shanman ko: Znan mi a ra, pa mi a ra. Mɔn na to aa ren na lamɛn? ²¹Jɔ pkɛɛmaw ko: Znanshɔ tɛ dɛ. Znan she ka fyienshɔw ɲan yɛɛ wa?²²Yahutuw ka sii jɔ kɛra jerusalɛm fwonɛnɛ sgan na, wo tgɔ ko Dedikase. ²³Yesu tin mi yaarayaarala Solomani ka pka kɔɔ Yaa Masabatoshoba jun kɔɔna. ²⁴Yahutu re yaa lamini ka fwɔ a ye ko: E na an hakri yoonin to fwo sgan jɔnnan? Ni min Krista ye, wo fwɔ an ye ka piɛ.²⁵Yesu re aa jaabi ko: Ne ra fwɔ aa ye ka ban, nga aa ma da a ra. Nee kɛwari minnu kɛ ne fa tgɔ ra, wuu re ne shɛɛrɛya kɛ. ²⁶Nga aa ma dannaya kɛ, katgu aa ti ne ka sgaw jɔɔ ye.²⁷Ne ka sgaw ne kan mɛn, Nee aa dɔn, aa ra gwan ne nɔŋan. ²⁸Nee ɲranmaya banbii ji aa ma, aa ti naan haraki abada. Mgɔ shi ti naa aa bishi ka bɔ ne boora.²⁹Ne fa miin aa ji ne ma, wo ka bun fɛ biɛ ye, mgɔ shi ti she ka aa bishi ka bɔ ne fa boora. ³⁰Ne ni ne fa min kee ne ye. ³¹Wo sgan na Yahutuw re kɔkɔɔkruw ta kwokura ko aa na wuu kɛ ka kuu ka a pga.³²Yesu re ya fwɔ aa ye ko: Nee kɛwari ɲunman shaanman kɛ aa ɲan na ka bɔ ne fa ra. Wo kɛwariw la jɔɔn keen na to aa ren kɔkɔɔkruw kɛ ka ne kuu ka ne pga. ³³Yahutuw re ya jaabi ko: Kɛwari ɲunman kɛri m'an to an kɔkɔɔkruw kɛ ka e kuu ka e pga, fwɔ Yaa Masa tgɔ shɛnri, ani ye hadamadin gwansan mi e yɛɛ kɛra Yaa Masa ye!³⁴Yesu re aa jaabi ko: A sɛbɛnin ti aa ka sariya la wa ko, Yaa Masa ko: Aa mi Yaa Masaw ye? ³⁵Aan na dɔn ko min fwɔra Kitabu ra, wo ti she ka yɛɛma. Yasa Masa ka koma shera minnu ma, ee wu kri ko Yaa Masaw. ³⁶Wo sgan na Yaa Masa mi blaa a yɛɛ ye ka a saniya ka a ce ka na diɲan na, ni wo mi ne ye, aa yen na fwɔ ne ma tgo dii ko nee Yaa Masa tgɔ shɛɛn, bari ne ra fwɔ ko ne mi Yaa Masa Dincɛ ye?³⁷Ni ne ti ne fa ka kɛwariw kɛ, aa kaa da ne ra. ³⁸Nga ni nee wuu kɛ, hari ni aa ma da ne ra, aa da wo kɛwariw ra, warisa aa dɔn ka piɛ ko ne fa mi ne ra, ani ne mi ne fa ra. ³⁹Aa re ya yaara kun kura ye ko aa na a mnan, nga aa ma tgo sɔɔ a ra, e re ta.⁴⁰Yesu taa jurdɛn ba kɔfɛ kun kura ye, Yuhana tiin Batiseri kɛ ja mi na garegare, e yi sgi ɲin. ⁴¹Mgɔ shanman taa a sgara. Aa re ko: Yuhana ma tgɛmashɛn shi kɛ, nga ee kwo minnu fwɔ cɛ ɲin ka pan fɛ, wo biɛ mi shɛn ye. ⁴²Mgɔ shanman dara Yesu ra ɲin.

¹Cɛ jɔ ti min Betani, a tgɔ tin min ko lazarɛ, wo banana. Betani ti min Mariyama ni Marte ka dgu we. ²Wo Mariyama we re tru shɔn junma yɛɛma Yesu sinw kan ka aa dishi ni a kunshe we. Lazarɛ min banana, wo ti min Mariyama baremancɛ re.³Baremamosow re ce bla Yesu ma ka fwɔ a ye ko: Matgi e tericɛ banana. ⁴Yesu wo kibaru mɛn sgan min na, e ko: Lazarɛ ka bana ti a pga bana ye, a kɛra Yaa Masa bonɲari kama, yaako Yaa Masa dincɛ ra boɲan wo bana kɔsɔ.⁵Yesu tiin Marte ni a Baremamoso ani Lazarɛ kanu. ⁶kabinin a ra mɛn ko Lazarɛ man kɛnngɛn, a ti min ja min na, e yi to ɲin ka tee fla kɛ. ⁷Wo kwɔ, e ya fwɔ a ka krandinw ye ko: Aan kwɔseki jude jamana ra.⁸Krandinw ne yaa fwɔ a ye ko: Kranmgɔ, a ma myɛn, Yahutuw ti ma fɛ ka e kuu ni kɔkɔɔkru we ka e pga, e ren seki ka ta ɲin kun wa? ⁹Yesu re aa jaabi ko: Lɛri tan ni fla ti tee kɔɔna wa? Mgɔ min tgɔnma tee fɛ, wo sin ti pkishi, bari a min ni dinɲan kɛɛn we.¹⁰Nga min tgɔnma shu fɛ, wo sin we pkishi, bari kɛɛn ti a kɔɔna. ¹¹wo komaw fwɔnin kwɔ, e ya fwɔ aa ye ko: An tericɛ Lazarɛ shinnŋɔna, nga ne na ta a kunnun.¹²Krandinw ne ya fwɔ a ye ko: Matgi, ni a shinnŋɔna a na kɛnngɛnya. ¹³Yesu tin komana a saya kwo ra, nga krandinw hakri la, a komana shinnŋɔn we kwo ra. ¹⁴Wo sgan na Yesu re ya fwɔ aa ye ka piɛ ko: Lazarɛ sara.¹⁵Ne tin tinɲin, wo jara ne aa kama, yaako aa re ka danaya kɛ, nga aa na, aan ni ka ta a nɔnkan. ¹⁶Wo sganna Toma miin tgɔ kri ko flani, we ya fwɔ krandin shɔw ye ko: Aa na, an fran re ka ta yaako aan ni ka ta sa ngɔn fɛ.¹⁷Yesu shera ɲin sgan min na, wo ra sɔɔ Lazarɛ tee naanin kɛ kabruu ra ka ban. ¹⁸Betani ni jerisalɛm shɛ tin ma ya, dɔɔni tin na jɛn kilomɛtrɛ saba ra, ¹⁹we kama yahutuw shaanma tin taa Marte ni Mariyama ka sho ka aa bareman cɛ sgan fwo. ²⁰Marte ra mɛn sgan min na ko Yesu min nana de, e re bɔ ka ta a kunbɛ, nga Mariyama sgini we to sho kɔɔna.²¹Marte re yaa fwɔ Yesu fɛ ko: Matgi, ni e tin min ya, ne baremacɛ tin ti sa. ²²Nga ne ra dɔn ko hari sisa, e ka fɛn min ɲini Yaa Masa fɛ a na wo ji e ma. ²³Yesu re yaa fwɔ a ye ko: E baremacɛ na kunu.²⁴Marte re ya fwɔ a ye ko: Aan, ne ra dɔn ko a na kunu shu kunu dunna laban dun. ²⁵Yesu re ya fwɔ aye ko: Nee min shu kunu ni ɲanamaya we. Min ka da ne ra hari ni wo ka sa a na ɲanamaya. ²⁶Miin ɲanamamun ni wo ka da ne ra wo ti sa abada. E dara wo ra wa?²⁷E ya jaabi ko: an, Matgi, ne daraya ko e mi krista ye, Yaa Masa dincɛ, miin nana diɲan na. ²⁸Wo koma fwɔni kwɔ, Marte re yi dgon ka ta a baremamoso Mariyama kri ka fwɔ a ye ko: kaamgɔ mi ɲin, a mi kri ra. ²⁹Mariyama wo mɛn min kɛ, e re wri jona ka bɔ ka ta Yesu nɔŋan.³⁰Yesu ti ma dun dgu kɔɔna ban, nga Marte ra kunbɛ ja min na, a tin min ɲin. ³¹Yahutu minnu ti min Mariyama fɛ sho kɔɔna sgan fwo ra, wuu ra jee sgan miin na ko a wri ra jona ka bɔ, aa re yaa gwan a ra. A tin maan kɔɔna kii ta kabru we kan ka ta komon ɲin. ³²Mariyama shera Yesu man sgan min na, e yi bla Yesu sin kɔɔ ka fwɔ a ye ko: Matgi, ni tin min ya, ne baremacɛ tin ti sa.³³Yesu Mariyama komo shɔ je, yahutu miinnu naa a fɛ ee wuu biɛ komo fwɔ je miin kɛ, dosokashi we ya mnan kwosɛbɛ, a ɲan we shishi. ³⁴E ko: A shu dun na miin? Aa re ya jaabi ko: Matgi, na a fɛɛ. ³⁵Yesu re komo.³⁶Yahutuw re ko: Aa fɛɛ dɛ, a kwo tin ka ja ye dɛ. ³⁷Nga aa jɔɔ re ko: A ye min fyenshɔw ɲan yɛɛ, a tin ti shaa to Lazarɛ fran kaa sa wa?³⁸Yesu dosojinmina kun kla ye, e re she kabru ma. kruwo re tin mun, a da tgu ni tin mu ni sene we. ³⁹Yesu ren ko: AA sene bɔɲin. Shu baremamoso Marte re ya fwɔ a ye ko: Matgi, sisa ra sɔɔ a shɔn bɔra sa. Byi min a tee naani ne kabru kɔɔna. ⁴⁰Yesu re ya fwɔ a ye ko: Ne maan fwɔ e ye ko, ni ee danaya kɛ, e na Yaa Masa ka shebgaya je wa?⁴¹AA re sene ta ka bɔɲin. Yesu re yi ɲan kɔɔta yaama ka fwɔ ko: Ne fa, nee baaka da e ye ko ee ne lamɛɛn. ⁴²Ne ra dɔn ko ee ne lamɛ sgan biɛ, nga nee wo fwɔ ne lamimin jama kɔsɔ, yaako aa re ka da a ra ko ye re ne ce.⁴³Wo komaw fwɔ ni kwɔ, e re prɛ ni kanba ye ko: Lazarɛ, bɔ kɛɛnma. ⁴⁴Shu we re bɔ, a sinw ni a boow mrinni ti mu ni frun we, pataa srini ti min a ɲan da ra. Yesu re ya fwɔ aa ye ko: Aa fii, ka a bla ka ta.⁴⁵Yahutu minnu taa Mariyama ka sho ka ta Yesu ka kwo kɛniw je, wuu shaanman nee da a ra. ⁴⁶Nga a jɔɔ re ta faarisiɛnw fɛ ka ta Yesu ka kwo kɛniw lankii wu ye.⁴⁷Wo sgan na faarisiɛnw ni saakalashebgaw kutgiw aa re ya ka kititgɛ jamakru biɛ kɛ ngɔnkan ka fwɔ wuu ye ko: Aan na mɔn kɛ? Bari cɛ ɲin kabakwo shaanma kɛ. ⁴⁸N'a ka ɲin to tin, mgɔw biɛ na da a ra, Romɛn fgan tgiw na nan ka na Yaa Masa ka batoshoba shɛn, ka aan ka shiya haraki.⁴⁹Aa ra keen min tgɔ tiin kri ko Kayifɛ, wo tin min saakalashebgaw kutgi we wo san na, we ya fwɔ aa ye ko: Aa ti fwoyi dɔn. ⁵⁰Aa man dɔ ko a ka pisa aa ma cɛ ke na sa mgɔw biɛ nɔn na, yaako shiya biɛ kaa na haraki wa?⁵¹A ma wo koma fwɔ a yɛɛ baakara, nga saakalashebgaw kuntgi re tin min wo san na, we ra to e re ceraya koma fwɔ ko Yesu na sa Yahutu shiya kɔsɔ. ⁵²Wo shiya dɛmɛn tɛ, nga yaako Yaa Masa din minnu ygɛn na, a ra wu biɛ kɛ ngɔnkan ka kɛ kee ye. ⁵³Ka bɔ fwɔ wo dun, Yahutu ka kuntgiw re bɛn a ra ko aa ra Yesu pga.⁵⁴We ra to Yesu ma to ka yaara Yahutu jama shɛma kun. E re ta kongonkon dafɛ dgu jɔ ra, wo tgɔ we kri ko Efrayime, a ni a ka krandinw ne yaa sgi ɲin. ⁵⁵Yahutuw ka tɛmɛkan sii sruɲani, jamana mgɔ shaanman taa jerisalɛm ka flan Tɛmɛkan ɲan, yaako aa re ka aa saniya ka kanɲan ni aa ka landa we.⁵⁶Aa tin min Yesu yaara la. K'a kɛni to ngɔn kan Yaa Masa batoshoba kɔɔna, aa ti min ngɔn ɲrikara ko: Mɔn m'aye kɔɔna? A na nan sii ra wa, ya a ti naan na? ⁵⁷Saakalashebgaw kuntgiw ni faarisiɛnw re cee fwɔ mgɔw fɛ ko ni mgɔ min Yesu ja dɔn, wo r'a fwɔ aa fɛ, yaako aa ren ka amnan.

¹Tee wɔɔrɔ sani Tɛmɛkansii ra she, Yesu re ta Betani. Yesu Lazarɛ mi krun ka bɔ shuw shɛma, wo sgini tin min ɲin ne. ²Aa re shufɛ dunni labɛn Yesu fɛ ɲin. Marte tin min dunni taratarana aa shɛ. Lazarɛ fran tin min wo dunnikɛ raw la keen ye. ³Mariyama re tru shɔnjunma litiri taranshɛ ta, Nar tru sɛbɛ re tin mun, wo sgɔn tin ka gwɛrɛn kwosɛbɛ, e re wo yɛɛma Yesu sinw kan ka a sinw dishi ni a kunshewe. Sho kɔɔna biɛ re pa wo tru shɔnjunma kasara⁴Yesu ka krandinw la kee, Juda Isikariyɔti, min na Yesu jafara, we ra fwɔ ko: ⁵Mɔn na to wo tru shɔnjunma ɲin ma fyere wari daɲan kɛmɛ saba ra ka wo wari ji fgantanw ma? ⁶Juda tin ti wo fwɔra fgantanw mashɛ kɔsɔ, nga e wo fwɔ bari sun ne tin mun. Wari blanan tin ma ye boora. Miin tin bla wo mnan kɔɔna a ye tiin wo ta.⁷Nga Yesu re ko: A to ɲin. A ra wo mara ne shu dun dunɲan. ⁸Fgantanw min aa shɛma ya sgan biɛ, nga ne pkiin ti naa kɛ aa shɛma ya sgan biɛ.⁹Yahutuw ra mɛn ko Yesu min Betani sgan min na, aa jamaba re ta ɲin, Yesu je kwo dɛmɛn tin tɛ, nga yaako aa ra lazarɛ fran je, Yesu wo min kunu ka bɔ shuw shɛma. ¹⁰We kɔsɔ saakalashebganw kuntgiw wu re yaa latgɛ ko aa na Lazarɛ fran pga, ¹¹Bari we kama Yahutuw shaanma ne ta kata da Yesu ra.¹²Wo dgusɔpiɛ ra, jamaba min tin naa Tɛmɛkansii ra, wuu ra mɛn ko Yesu nashɔ mun Jerisalɛm. ¹³Aa re tamaro boow ta kata a kunbɛn, aa tin prɛ ko: Tanuli laa kɛ Yaa Masa ye! Min nashɔ mun Matgi tgɔra, Israɛl ka masacɛ, we dubadin nee.¹⁴Yesu re faridin jɔ sɔɔ ka yɛ wo kan, e nafwɔ a sɛbɛnimun kitaabu ra tgo min na ko: ¹⁵Siyɔn dinmosoo, e kaa sran! E ka masacɛ na shɔ fɛɛ, a sginimu fari din kan.¹⁶A ka krandinw ma wo kwow faamu aa kɛ sgan na, nga Yesu dunna a nɔɔrɔ ra sgan min na, aa hakri we re dgi a ra ko wo kwow tin sɛbɛ kitabu ra a ka pan fɛ, ko mgɔw re wo kwow kɛ a ye ka a boɲan wo tgo ra.¹⁷Jama min tin min Yesu fɛ, e re Lazarɛ kri ka bɔ kabru kɔɔna ka kunu ka bɔ shuw shɛma sgan min na, wuu tin min wo kwo lankiira. ¹⁸We ra to jamaba we bɔ ka ta Yesu kunbɛ, bari aa ra mɛn ko Yesu wo kabakwo kɛ. ¹⁹Faarisiɛnw re ya fwɔ ngɔn fɛ ko: Aa ti she fwoyi ra. A fɛɛ, dinɲan biɛ tani fɛɛ a nɔŋan.²⁰Mgɔ minnu ta jerisalɛm yaako aa ra batori kɛ sii sgan na, grɛkiw jɔɔ tin min wuu shɛma. ²¹Flipu miin bɔra galile bɛtisayida aa re yaa pkaa wo ra ka fwɔ a ye ko: Cɛmgɔ aan ma fɛ ka Yesu je. ²²Flipu re ta fwɔ Andre fɛ, wo kwɔ aa fla biɛ re ta fwɔ Yesu fɛ.²³Yesu re yaaru jaabiko: Nɔɔrɔ we da mgɔdincɛ kan sgan minna wo shera. ²⁴Shɛn shɛn nan ne ra fwɔ aa ye ko: Ni ɲɔn kɛsɛ ma dan dgukoo ra en ka sa, ee to a kee na re, nga na ka sa, e ren kɛsɛ shaanman kɛ.²⁵Mgɔ min na ɲin kanu, wo na bɔɔn a ɲin na, nga min na ɲin kɔniya ka to dinɲan na, wo na a mara ɲranmaya banbii kama. ²⁶Mgɔ miin ma fɛ ka baara kɛ nee, wo ri gwan ne ra. Wo tgo ra ne min ja mina, ne ka baaradin fran na kɛɲi. Min baara kɛ nee , ne fa na wo tgi boɲan.²⁷Ne dosokun tɔɔrɔ ni no sisa. Ne na mɔn fwɔ? Ne na fwɔ ko, ne fa, ne krishi waati ɲin tɔɔrɔ ma wa? Nga ne na waati ɲin na we jate kama. ²⁸Ne fa, e tgɔ boɲan. Wo waati ra koman kan jɔ re bɔ sankoo ra ka fwɔ ko: Ne ra boɲan, ne na a boɲan kun klua ye. ²⁹Jama min tin min ɲin, ni wuu wo kan mɛn, wuu ren ko: San kru ra. Jɔɔ pkɛɛma ne ko: Mɛɛkɛ jɔ komana a fɛ.³⁰Nga Yesu re yaa fwɔ aa ye ko: Wo koma kan ma bɔ ne kɔsɔ, a bɔ ra aa ye kɔsɔ. ³¹Kiti na tgɛ dinɲan kan sisa. Dinɲan ɲin kutgi na pkɛ ka bɔ kɛɛma sisa.³²Ne pkin, ni ne ka kɔɔta ka bɔ dguma sgan min na, ne na mgɔ shaanman biɛ sanman ka na ne ma. ³³Ee wo komaw fwɔ, yaako a na sa tgo min na, a ra wo yira.³⁴Jama we yaa jaabi ko: Aan na kran aan ka sariya sɛbɛniw na ko Krista ɲanama na to badaa. Ayiwa, e ra fwɔ tgo dii ko waajibi mgɔ dincɛ ka kan ka kɔɔta? Wo mgɔ dincɛ mi jon ye? ³⁵Yesu re yaa fwɔ ye ko: kɛɛn m'a shɛma ban, nga a ti naa myɛn. Kɛɛn m'a fɛ sgan min na, aa tgɔma wo sgan na, yaako jibii k'a na dun aa ma, katgu min tgɔnma jibii ra, wo t'a taja dɔn. ³⁶Kɛɛn m'a fɛ sgan min na, aa da wo ra, yaako aa ren ka kɛ kɛɛn dinw ye. wo komaw fwɔ ni kwɔ, Yesu re ti dgon aa ma.³⁷Hari ka sɔɔ e tgɛmashɛn shaanma kɛ aa ɲan na, aa ma danaya kɛ a ra, ³⁸wo kɛra warisa cera Esayi ka koma ra dapa ko: Matgi jon dara aan ka kibaru fwɔni na? Matgi ra ka shebgaya yira jon na?³⁹We kɔsɔ aa tin ti she ka danaya kɛ, katgu Esayi ra fwɔ fran ko: ⁴⁰Yaa Masa r'a ɲanw fyen, ee aa hakri kwoya, warisa aa ɲanw kaa na jeri kɛ, aa hakriw kaa na faamuni kɛ, aa kaa na aa yɛɛma a ka pan fɛ, ani aye kaa na aa kɛngɛya.⁴¹Esayi wo fwɔ,katgu ee Yesu nɔɔrɔ je ka koma a kwo ra. ⁴²Wo biɛ na ta, Yahutuw ka kuntgiw shaanma dara Yesu ra, nga aa tin ti jɔ a ra faarisiɛnw ɲansiran kɔsɔ, yaako aa kaa na pkɛ ka bɔ Yaa Masa ka sho jɛn ra. ⁴³Aa tin mi mgɔw ka boɲanri fɛ ka tɛmɛn Yaa Masa ta kan.⁴⁴Yesu prɛna ka fwɔ ko: Mgɔ min dara ne ra, wo ma danaya kɛ ne dɔrɔun na, nga wo dara ne cebga fran na. ⁴⁵Min ɲan dara ne kan, wo ɲan dara ne cebga fran kan.⁴⁶Ne pkiin naan dinɲan na nafwɔ kɛɛn, Yaako mgɔ o mgɔ dara ne ra wo kaa to jibira. ⁴⁷Ni mgɔ jɔ ka ne ka komaw mɛn, na ti aa mara, ne ti naa kiti tgɛ wo kan, bari ne ma na kiti tgɛra dinɲan kan, ne naa yaako dinɲan ra krishi.⁴⁸Min ni ban ne ra, ni a ti sɔn ne ka komaw ma wo ka kiti tgɛra mi ɲin. nee koma min fwɔ, we re na kiti tgɛ wo kan laban dun na. ⁴⁹Bari ne ma koma yɛɛ baakara, nga ne ka kan ka min fwɔ, ne fa min ne ce, ne wo sɔɔ we fɛɛ. ⁵⁰Ne ra dɔɔn ko ce min bɔra ne fa fɛ, wee ɲranmaya banbii re. We ra to ne min fwɔ, ne wo fwɔ ka kanɲan ni ne fa ka cefwɔni we ne fɛ.

¹Tɛmɛnkan sii sruɲani wo, Yesu ra dɔn ko a ka waati she ra ka bɔ dinɲan ɲin na ka ta a fa fɛ. Ayiwa, a ka mgɔ minnu tin min dinɲan na, a tiin minnu kanu, ee wuu kanu fwɔ labanna. ²Yesu na ka krandinw tin mi shufɛ dunni na. Shitani tin myiriya dun Simɔn Isskariɔti dincɛ Juda dosokun na ko a ra Yesu dun boora.³Yesu ra dɔn ko Yaa Masa she ji a man fɛ bɛ kan, ko a naa ka bɔ Yaa Masa ra, ko a ni kwɔ seki ka ta Yaa Masa fɛ. ⁴E re wri ka bɔ tabari kɔɔ ka a ka deekew bɔ, ka frun jɔ ta ki shɛsiri. ⁵Wo kwɔ, e re jee kɛ mnan jɔ kɔɔnna ka a ka krandinw sinmakwo damna, kaa dishi ni a shɛsiri frun we.⁶A shera Simɔn Piɛri ma sgan min na, we ya fwɔ aye ko: Matgi, ye re ne sinw kwo wa? ⁷Yesu re yaa jaabi ko: Nee min kɛ de e ti wo dɔn sisa, nga e na wo faamu kɔfɛ. ⁸Piɛri re yaa fwɔ aye ko: Wayi, e ti ne sinw kwo abada! Yesu re yaa jaabi ko: Ni ne maaru kwo, e ti ɲijashi sɔɔ ne ra kun. ⁹Simɔn Piɛri re yaa fwɔ a ye ko: Matgi, ne sinw dɛmɛn tɛ, nga ne boo ni ne kunkoo fran!¹⁰Yesu re yaa fwɔ aye ko: Mgɔ min kwora kaban, wo makwo ti kwori pkɛɛma na fwɔ ka a sin kwo, bari a saniyanin no. Aa pkiin saniɲani mu, nga aa biɛ tɛ. ¹¹Miin ti na Yesu dun boora, ee wo dɔn, we ra to een ko: Aa biɛ saniyani tɛ.¹⁴Yesu r'a sinw kwo kaban sgan min na, e yaa ka deekew dun ki sgi tabari kɔɔ ka fwɔ aa ye ko: Nee min kɛ aa ra de, aa wo faamun wa? ¹³Aye ne kri ko kaamgɔ ni Matgi, aa shɛn fwɔ, bari nee we ye. ¹²Ne min mi Matgi ni kaamgɔ ye, ni ne ka aa ye sinw kwo, aa ye fran ka kan ka ngɔn sinw kwo. ¹⁵Nee tgo yira aa ra yaako nee min kɛ aa ra, aa ye fran la wo shi kɛ.¹⁶Shɛn shɛn na ne ra fwɔ aaye ko: Baara din shi man buun ni a kuntgi we, cedin shi ma buun ni a cebga we. ¹⁷Sisa aa wo kwow dɔn. Ni aa ka wo kwow kɛ, aa na kɛ dubadinw ye. ¹⁸Ne ti koma aa biɛ ka pan fɛ. nee minnu ɲanatɔmɔn , nee wuu dɔn . Nga waajibi ro kitabu koma fwɔni na dapa ko: Mgɔ min tin dunni kɛ ne fɛ, we ne tiin na sin we¹⁹Ka bɔ fwɔ sisa ne ra fwɔ aa ye yani a ka fii she, yaako a ka she sgan mi na, aa ren ka dara ko ne we ye. ²⁰Shɛn shɛn na ne ra fwɔ aa ye ko: Mgɔ min ne ka cedin mnan ka ɲan, we ne mnan ka ɲan. Min ne mnan ka ɲan, we ne ce bga we mnan ka ɲan.²¹Wo komaw fwɔ ni kwɔ, Yesu doso ra tɔɔrɔ kwosɛbɛ, e ya shɛrɛya ko: Shɛn shɛn ne ra fwɔ aa ye ko: Aa shɛma mgɔ kee na ne dun boora. ²²Kran dinw ne ngɔn mafɛɛ. a tin min komana krandin min kwora, aa kɔɔnna fyinni tin min wera, bari aa tin ti wo tgi dɔn.²³Krandinw na keen, Yesu tiin min kanu, wo sgi ni tin min Yesu yigɛma. ²⁴Simɔn piɛre re e kun nadɔn ka fwɔ wo fɛ ko a ra Yesu ɲrika yala ni a min koma min fwɔra. ²⁵Wo krandin we yɛngɛ Yesu mafɛ ka ɲrika ko: Matgi, wo min jon yɛɛye?²⁶Yesu re ya jaabi ko: Ne na bookrin shu ka ji miin ma de, we mun. Yesu re bookrin ta ka shu ka ji Simɔn Isikariɔti dincɛ Juda ma. ²⁷Kabɔ fwɔ juda wo bookrin min mnan shitani we re dun a ra. Yesu re yaa fwɔ juda ye ko: E ma fɛ ka min kɛ, wokɛ jona!²⁸Yesu wo fwɔ sababu miinna, mgɔ minnu tin min dunnina, wuu shi ma wo dɔn. ²⁹Wari blanan tin min Juda boora, we ra to a tin min wu shaanma kɔɔn na ko Yesu ra fwɔ re ko, a ra aa makwo fɛw san sii kama, wamaa a ra fɛ jɔ ji fgantanw man. ³⁰Juda pkiin bookrin mnan, wo jani biɛ e re bɔ. wo ra sɔɔ shukwora.³¹Juda bɔni kwɔ, Yesu re ya fwɔ ko: Sisa, nɔɔrɔ dara mgɔ dincɛ kan, nɔɔrɔ dara Yaa Masa fran kan a kwora. ³²Ayiwa, ni nɔɔrɔ dara Yaa Masa kan a kwora, Yaa Masa na nɔɔrɔ da a dincɛ kan a yɛɛ kwora, sɔɔni a na wo kɛ. ³³Ne ka dɛɛnsɛnw, ne na dɔɔni kɛ aa fɛ yan ban. Aa na ne yaara, nga nee min fwɔ Yahutuw ye, ne na wo fwɔ aa ye sisa ko, ne ta ja min na aa ti she ka taɲin.³⁴Nee ce kula fwɔ aa fɛ aa ngɔn kanu. Aa ngɔn kanu nafwɔ ne ra ye kanu tinmishi. ³⁵Ni aa ka ngɔn kanu, mgɔw biɛ na dɔn we fɛ ko aa min ne ka krandinw ye.³⁶Simɔn Piɛre re ya ɲrika ko: Matgi, ee ta miin? Yesu re yaa jaabi ko: nee ta ja min ma, e ti she ki gwan ne ra ka ta ɲin sisa, nga wo kɔfɛ, e ni gwan ne ra. ³⁷Piɛre re yaa fwɔ a ye ko: Matgi, mɔn na to ne ti she kan gwan yera sisa? Ne labɛnino kan ɲin ji ye kama! ³⁸Yesu re ya jaabi ko: Sɛbɛra e labɛnimu ka e ɲin ji ne kama wa? Shɛn shɛn ra ne ra fwɔ e ye ko: Yani dondon kafii komon e ni ban ne ra shian saba ki ma ne dɔn.

¹Yesu ko: Aa hakri kaa nganmi. Aa da Yaa Masa ra, aa da ne fran ra. ²sgi ja shaanma mi ne fa ka junma. Ni wo tin ti shɛn ye ne tin ti naa wo fwɔ aa ye. Nee ta ja labɛn aa fɛ ɲin. ³Ni ne ka ta ja labɛn aa fɛ, niin na kula ye kun ka na aa ta, yaako ne min ja min ma, aa fran laa kɛ ɲin.⁴Nee ta ja min ma, aa wo sraa dɔn . ⁵Thomas re yaa fwɔ a ye ko: Matgi, aan ma e ta ja dɔn. Aan na a sraa dɔn dii? ⁶Yesu re ya jaabi ko: Nee mi sra we, a ni shɛn wo, ni ɲanamaya wo. Mgɔ shi ti na ne fa ma ni a ma tɛmɛn ne fɛ. ⁷Ni aa tin kaa ne dɔn, aa tin na ne fa fran dɔn. Ka bi ni sisa, aa ra dɔn, aa ra jee.⁸Filipe re yaa fwɔ a ye ko: Matgi, e fa yira aan na , wo raan bɔ. ⁹Yesu re yaa jaabi ko: Filipe, byi ma ne ni aaye bla ngɔn fɛ, a ri byi e ma ne dɔn wa? Min ɲan dara ne kan, wo ɲan dara ne fa kan. E ra fwɔ tgo dii ko ne ra fa yira aa ra?¹⁰E ma da a ra ko ne mi ne fa ra, ko ne fa min ne rta wa? ne koma minnu fwɔ ye, ne ti wuu fwɔ nyɛɛma, nga ne fa miin min ne ra, we ra ka kɛwariw kɛ. ¹¹Aa da ne ra, ko ne min ne fa ra, ko ne fa min ne ra, waama aa danaya kɛ wo kɛwariw yɛɛ kaman.¹²Shɛn shɛn na ne ra fwɔ aa ye ko: Min da ne ra, ne kɛwari minnu kɛ wo fran na wuu bɔngɔn kwo kɛ, ka kɛwariw jɔɔ kɛ minnu ka buun ni ɲinun ye, Bari ne mi taran ne fa ma. ¹³wo tgo ra, aa ka fɛn o fɛn dare ne tgɔra, ne ne wo kɛ, yaako nɔɔrɔ ra da ne fa kan a dincɛ kwora. ¹⁴Ni aa ka fɛn jɔ dare ne tgɔra, ne ne wo ji aa ma.¹⁵Ni aa ne kanu, aa na ne ka ce fwɔniw mara. ¹⁶Ne na n fa daare a na jaman bga pkɛɛma ji aa ma, yaako wo ra to aa fɛ sgan biɛ. ¹⁷Wo mi shɛn ɲin we ye. Dinɲan ti she ka wo sɔɔ, bari wu t'a je, wu t'a dɔn. Aaye pkiin na dɔn, bari a sginimu aa fɛ, ani a na kɛ aa kɔɔna.¹⁸Ne ti naa to aa keena, ne na nan aa fɛ. ¹⁹Dɔɔni dinɲan ti ne je kun, nga aaye pkiin na ne je. Ne ɲanama no, wee kama aa fran na ɲanamaya. ²⁰Ni wo dun ka she sgan miin na, aa na dɔn ko ne mi ne fa ra, ko aa min ne ra, ko ne min aa ra.²¹Ne ka ce fwɔniw mi miin kɔɔna, ni a r'a kɛ, we re ne kanu. . Min ne kanu, ne fa na wo kanu, ne fran na wo kanu, kan un yɛɛ yira a ra. ²²Juda, miin ti Juda Isikariɔti ye, wee yaa fwɔ ko: Matgi, mɔn kama e na e yɛɛ yira aan nan, ka sɔɔ e ti naa e yɛɛ yira dinɲan?²³Yesu re ya jaabi ko: Miin ne kanu wo na ne ka komaw mara. Ne fa na wo kanu, ne ni ne fa na nan wo ma kan sgi wo fɛ. ²⁴Miin ti ne kanu, wo ti ne ka komaw mara. Aa koma min mɛn ne dara, wo ma bɔ ne ra. Ne fa miin ne ce, a bɔra we ra.²⁵Nee kwo ɲinnu fwɔ aa fɛ ka ne to aa shɛma. ²⁶Nga ne fa na janman bga min ce ne tgɔ ra, ɲin senuma pkin, wo na aa kran fɛɛn biɛ ra. Nee kwo minnu fwɔ aaye, wo aa hakri dgi wuu biɛ ra. ²⁷Nee dososhɔn to aa fɛ. Ne ni yɛɛ ka dososhɔn ji aa ma. Dinɲan ra ji tgo min na, ne t'a ji aa ma ti dɛ. Aa hakri kaa nŋami, aa k'a sran.²⁸Aa ra mɛn ko ne ra fwɔ aa ye ko, ne na ta, nga ne na seki ka na aa fɛ. Ni aa tin ne kanu, aa yrila ti na ja ko ne mi tara ne fa ma, bari ne fa ka bun ni nee. ²⁹Nee wo fwɔ aa fɛ sisa, yani wo kwow ka fii she, yaako a ka na she sgan min na, aa ren ka danaya kɛ. ³⁰Ne ti nan koma shaanma fwɔ aa fɛ kun, bari dinɲan kuntgi mi nana, sheshi taye ne kan, ³¹nga dinɲan ɲin ka kan ka dɔ ko ne ni fa kanu, ani ne fa ce minnu fwɔ ne fɛɛ, ne we kɛ. Aa wri, aan ta ka bɔ yan.

¹Ne rɛzɛnshun sɛbɛ re, ne fa mi a sɛɛn kɛ ra we. ²Boo o boo min ne ra, ni a ti din, ee wo tgɛ re. Boo o boo din, ee wo ygɛma boow tgɛ yaako a ra din ka tɛmɛ gare kan.³Nee koma min fwɔ aa fɛ, aa saninya nimu ka ban we baaka ra. ⁴Aa to ne ra , ne ka to aa ra. yriboo ti she ka din a yɛɛma na ɲɔɔrɔnitɛ a shun na, wo tgo ra aa ti she ka din, na ma ɲɔɔrɔ ne ra.⁵Nee rɛzɛnshun ne, aaye ma boow ye. min toni min ne ra, ni ne toni min a ra, we re din shaanma kɛ, bari a ti she ka fwoyi ni ne tɛ. ⁶Min ti to ne ra, wee fri kɛɛnma na fwɔ yri boo, e ren ya. Wo boo yarenw ne shɛ k'a fri fyiɛn na aa ren giin. ⁷Ni aa to ne ra, ni ne ka komaw to aa kɔɔna, aa mi fɛ o fɛ fɛ, aa wo daare, aa na wo sɔɔ.⁸Ni aa din shaanma kɛ, nɔɔrɔ we da ne fa kan we ra. Wo tgo ra aa na yira ko aa kɛra ne ka kran dinw ye. ⁹Ne fa ne kanu tgo min naa, ne r'a kanu tin ne dɛ. Aa to ne ka kanuya ra.¹⁰¹¹Ni aa ne ka ce fwɔniw kɛ, aa na to ne ka kanuya ra, e ko ne ni fa ka ce fwɔniw kɛɛ tgo min na, ka to a ka kanuya ra. Nee wo kwow fwɔ aaye yaako ne ka yrilajaa ra kɛ aa kɔɔna, ani aa ka yrilayaa ra dapa.¹²Ne ka ce fwɔniw fɛɛ ɲin ye ko: Aa ngɔn kanu na fwɔ ne ra ye kanu tgo min na. ¹³Kanuya shi tiɲin ni min ka buun ka tɛmɛn ɲin ka, mgɔ ra a ɲin ji a lamgɔw kaman.¹⁴Ni aa ne ka ce fwɔniw kɛ, aa mi ne lamgɔw re ye. ¹⁵Ne taa kri ko yɔnw kun, bari yɔn ti a kuntgi ka kɛtaw dɔn. Ne ra kri ko nlamgɔw, bari ne fɛ o fɛ mɛn ne fa fɛ, ne wo biɛ yira aa ra.¹⁶Aa ma ne ɲannatɔmɔn, nga ne ra ye ɲanatɔmɔn, ka fwɔ ko aa ta ka din, ani aa dinnin nee ka to. Wo tgo ra ni aa ka fɛ o fɛ daare ne fa fɛ ne tgɔra, a na wo ji aa ma. ¹⁷Ne ce min fwɔ aa ye, wo fɛɛ ɲin ye, ko aa ngɔn kanu.¹⁸Ni dinɲan k'a kɔnniya aa dɔn ko ee ne kɔniya aa ɲan dɛɛ. ¹⁹N'a ti min dinɲan taw ye dinɲan ti na aa kanu, nafwɔ a yɛɛ taw. Nga ne ra ye ɲanatɔnmɔn ka bɔ dinɲan na, aa ti dinɲantaw ye, we ra to dinɲan re naan kɔniya.²⁰Ne koma miin fwɔ aa ye, aa hakri dgi wo ra ko: Yɔn ma buun ni a kuntgi we. Ni aa ne tɔɔrɔ, aa na aaye fran tɔɔrɔ. Ni aa ka ne ka komanw mara, aa na aaye fran taa mara. ²¹Nga aa na wo kwow biɛ kɛ aa ra ne tgɔ kama, bari aa ma ne ce bga dɔn. ²²Ni ne tin ma na ka na koma aa fɛ, jrumu tin ti na sɔɔ aa ra. Nga sisa, jo shi ti aa fɛ aa ka jrumu kwo ra.²³Mgɔ min ne kɔnniya we ne fa fran kɔnniya. ²⁴Mgɔ pkɛɛma ma she ka kɛwari minnu kɛ, ni ne ti ma wuu kɛ aa shɛma jrumu tin ti naa sɔɔ aa ra. Nga sisa, aa ne ka kɛwariw je, aa re ne kɔnniya ka ne fa fran kɔnniya. ²⁵Nga wo kɛra yaako koma miin sɛbɛnimi aa ka sariya ra, wo ra dapa, ko: Aa ne kɔnniya, sabaabu shi t'a ra.²⁶Janman bga na na, wo min shɛn ɲin we,miin bɔ ne fa ra. Ne na wo ce aa ma ka bɔ ne fa fɛ . Wo janmabga ka na a na ne shɛɛrɛya kɛ. ²⁷Aa fran na ne shɛɛrɛya kɛ,katgu aa kɛra ne fɛ kabɔ fwɔ gare ra.

¹Ne ra sɔnmin wo kwow ra sani aa ka fii she, wuu k'a na kɛ aa kunnashɛn sababu we. ²Aa na aa pkɛn ka bɔ Yaa Masabatosho jɛn na. Waati mi nana, mgɔ minnu n'a pka, a na kɛ aa kɔɔna ko aa min baara kɛ ra Yaa Masa re.³Aa na wo kɛbari aa man ne fa dɔn, aa man ne dɔn. ⁴Nga nee wo fwɔ aaye yaako ni wo waati ka she, aa hakri we ka dgi a ra ko ne ra sɔnmin wo ra. Ne man wo kwow fwɔ aaye ka bɔ fwɔ gare ra, bari ne tin m'a fɛ yan.⁵Sisa nee ta nce bga man, aa shi man ne ɲrika ko nee ta miin? ⁶Nga aa ɲanashishira kwosɛbɛ, bari nee wo fwɔ aa ye. ⁷Wo biɛ na ta, nee shɛn fwɔ aa fɛ ko, a ka pisa aa man ne ra ta, bati ni ne man ta, janman bga ti n'an nan aa man. Nga ni ne ka ta, ne na wo ce aa man.⁸Ni wo ka na sgan min na, a na diɲan mgɔw ka jrumun yira aa ra, ani teeniya kwo, ni Yaa Masa ka kiti kwo. ⁹A na aa ka jrumun yira aa ra bari aa man da ne ra. ¹⁰A na teeniya kwo yira aa ra, bari ne min tara nfa ma, ani aa ti ne je kun. ¹¹A na Yaa Masa ka kiti kwo yira aa ra, bari kiti tgɛra diɲan ɲin kuntgi kan ka ban.¹²Fɛn shaanman mi ne fɛ ka fwɔ aa fɛ, nga aa ti she wuu kɔɔ sisa. ¹³Ni shɛn ɲin ka na sgan min na, wo na aa ɲan mnan shɛn sraa biɛ ra. A ti naa koma a yɛɛ baakara, nga a na min biɛ mɛn, a na wo fwɔ, ani a na kwo nataw fwɔ aa fɛ. ¹⁴A na nɔɔrɔ da ne kan, bari a na ne taw ta ka wuu fwɔ aa fɛ.¹⁵Ne fa taa biɛ ne ta, we ra to nee yaa fwɔ ko ɲinsenuma na ne taw ta ka wu fwɔ aa fɛ. ¹⁶Dɔɔni aa ti naa ne je, wo kwɔ dɔɔni, aa na ne je kun.¹⁷A ka krandinw jɔɔ re yaa fwɔ ngɔn fɛ ko: wo kɔɔ we mɔn ye? A ra fwɔ aan fɛ ko, dɔɔni aan ti naa a je, wo kwɔ dɔɔni, aan na a je kun, ani a ko katgu nee ta nfa fɛ. ¹⁸Aa ren ko: A min dɔɔni min kwo fwɔ ra, wo kɔɔ we mɔn ye? Ee koma min fwɔ, aan ti wo kɔɔ dɔn.¹⁹Yersu ra dɔn ko aa tin ma fɛ ka a ɲrika, en ko: Ne ra fwɔ aa fɛ ko, dɔɔni aa ti naa ne je, wo kwɔ dɔɔni, aa na ne je kun. Aa min ngɔn ɲrikara we ra wa? ²⁰Shɛn shɛn na ne ra fwɔ aa fɛ ko: Aa na kishi ka klo, nga dinɲan yrilanaja. Aa ɲannan na shishi, nga aa ka ɲannan shishi na yɛɛma ka kɛ yrilaja ye. ²¹Ni moso kɔɔbaa ka wri sgan min na, a ɲan we shishi, bari wo waati she ra, nga a ka woo sgan min na, a hakri ti to wo tɔɔrɔ ra kun, bari a yrilarenja ko mgɔ jɔ woora dinɲan na.²²Wo tgo ra, aaye fran ɲanan shishi nimi sisa, nga ne na aa je kun, aa doso ɲunshɔnnna ja. Mgɔ shi ti naa she ka aa ka yrilaja bɔ aa ²³kɔɔna.Ni wo dun ka she sgan minna aa ti naa ne ɲrika fwoyi ra kun. Shɛn shɛn na ne ra fwɔ aa ye ko: Aa ka fɛn min daare ne fa fɛ ne tgɔra a na wo ji aa man. ²⁴Fwɔ ka ta she sisa man aa man fwoyi daare ne tgɔ ra. Aa daareri kɛ, aa na sɔɔri kɛ, wo tgo ra aa ka yrilaja na dapa.²⁵Nee wo kwow fwɔ aa fɛ tarenw ne ra, nga waati mi nana, ne ti naa koma aa fɛ tarenw na kun, nga ne na ne fa kwo fwɔ aa fɛ ka piɛ.²⁶Ni wo dunw ka she, aa na ne fa daare ne tgɔra. Ne taa fwɔ aaye ko ne na a daare aaye, ²⁷ka sɔɔ ne fa yɛɛra kanu. A r'a kanu, bari aa ne kaun, ani aa dara a ra ko ne naa kabɔ Yaa Masa ra. ²⁸Ne bɔra ne fa ra ka na dinɲan na. Sisa ne na bɔ dinɲan na ka ta ne fa fɛ.²⁹A ka krandinw ne yaa fwɔ a fɛ ko: Sisa pkin, e ti taren shi fwɔ, nga ee koma ka piɛ. ³⁰Aan na dɔn sisa k'i fɛn biɛ dɔn, ani e makwo tara ko mgɔ ri ɲrika. We ra to aan dara a ra ko e naan ka bɔ Yaa Masa ra. ³¹Yesu re yaa ru jaabi ko: Aa danaya kɛ sisa wa?³²A fɛɛ, waati min nana, wo waati she ra yɛɛ, ko aa biɛ na yigɛn ka ta aa ka jaw ra, aa na ne to ne keen na. Nga ne ti ne keen na, bari ne fa min ne fɛ. ³³Nee wo kwow fwɔ aa fɛɛ yaako aa ren ka hɛrɛ sɔɔ ne fɛ. Aa na tɔɔrɔ sɔɔ dinɲan na, nga aa yarapkeya, nee she sɔɔ dinɲan kan!

¹Wo komaw fwɔ ni kwɔ, Yesu re yi ɲan kɔɔta yaama ka fwɔ ko: Ne fa, waati shera. nɔɔrɔ da e dincɛ kan, yaako e dincɛ fran re ka nɔɔrɔ da e kan, ²bari ee fgan jii a maan adamadinw biɛ kan, yaako ee minnu jii a man, a ra ɲranamaya banbii ji wuu biɛ man.³Ɲranamaya banbii we ɲin nee ko, aa ye dɔn ko ee min Yaa Masa sɛbɛ keenpe we, ka Yesu krista dɔn, ee wo min ce. ⁴Nee nɔɔrɔ da e kan ka ne to dgukoo kan. Ee baara min ji ne man ko ne ra kɛ, nee wo kɛ ka dapa. ⁵Sisa, ne fa, nɔɔrɔ min tin min ne kan e fɛ yani dinɲan raa da, wo nɔɔrɔ da ne kan e yɛɛ daa fɛ.⁶Ee mgɔ minnu ji ne man ka bɔ dinɲan na, ne ri tgɔ yira wuu ra, yaako aa ren ki dɔn. E ta re tin mun, ee yaaru ji ne man, aa re yi ka koma mara. ⁷Sisa aa ra dɔn kii fɛ minnu ji ne man, wuu biɛ bɔra yee ra, ⁸bari ee koma minnu fwɔ ne fɛɛ, nee wuu biɛ fwɔ aa fɛ, aa sɔnna wuu biɛ man. Aa ra dɔn ka piɛ ko ne bɔra yee ra, aa dara a ra ko ye ren ne cee.⁹Ne ri daare wuu re ye. Ne ti daare dinɲan ye, nga ee miinu jii ne man, ne ri daare wuu re ye, bari wuu min taree. ¹⁰Ne taa biɛ ye ta ree, e taa biɛ ne ta ree, nɔɔrɔ dara ne kan wuu kwora. ¹¹Ne ti to dinɲan ra yan kun, nga ɲinnu kpin min dinɲan ra ya, nee ta e fɛ. Ne fa senuma, ee tgɔ min jii ne man, ne r'a mara wo baakara, yaako aa ra kɛ keen ye, nafwɔ ye ni ne min keen ye tgo mina.¹²Ka ne to aa fɛ, ee tgɔ min jii ne man, nee ra'a mara we baakara. Ne ra'a mara, aa fwoyi kunna man fri, fwɔ haraki din wo, wo kɛra yaako kitaabu koma ra dapa. ¹³Nga sisa, nee ta e fɛ, nee koma ɲinnu fwɔ ka ne to dinɲan na ban, yaako ne ka ɲinsɔn ja dapani naa to aa kɔɔna. ¹⁴Ne ri ka koma fwɔ aa fɛɛ, dinɲan re aa kɔnniya, bari aa ti ta ru ye, e nafwɔ ne ti dinɲan ta ye tgo miin na.¹⁵Ne ti e daare ki yaa ru bɔ dinɲan na, nga ki yaa ru tgan shitani man. ¹⁶Aa ti dinɲan ta ru ye e ko ne ti dinɲan ye tgo miin na. ¹⁷Aa bla e yɛɛ ye k'a saniya shɛn sraa kan. E ka koma wee shɛn re.¹⁸Ne ra'a ce dinɲan na, nafwɔ ee ne ce dinɲan naa tgo miin naa. ¹⁹Ne ni yɛɛ bla e ye kan saniɲan aa kama, yaako aa fran l'a bla yee k'a sniɲan shɛn kan.²⁰Ne ti daare ɲinnu dɛmɛn ye. Miinnu na da ne ra aa ka koma kaman ne ri daare wuu fran ye, ²¹yaako wuu biɛ ra kɛ keen ye, ne fa, e nafwɔ e min ne ra ne min e ra tinminshi, wuu fran l'a kɛ aan na, yaako dinɲan r'a dara ko yee ne cee.²²Ee nɔɔrɔ min jii ne naan, nee wo jii aa maan, yaako aa ra kɛ keen ye nafwɔ e ni ne min keen ye tinminshi. ²³Ne min aa ra, e min ne ra, yaako aa ka keenya darapa, yaako dinɲan raa dɔn ko ye re ne cee, a ni e ra'a kanu nafwɔ ee ne kanu tinminshi.²⁴Ne fa, ee minnu jii ne man, ne min ja miin ma, ne ma fɛ wuu fran laa kɛ ne fɛ ɲin, yaako ee ja miin jii ne man, aa ra wo jee, bari ee ne kanu yani dinɲan r'a da.²⁵Ne fa teeni, dinɲan mi dɔn, nga ne ri dɔn, ɲinnu fran la dɔn ko ye re ne ce. ²⁶Ne ri tgɔ yira aa ra, yaako aa ri dɔn. Ne na yira aa ra kun, yaako ee ne kanu kanuya miin nan, wo ra kɛ aa ra, ani ne fran laa kɛ aa ra.

¹Yesu banni kwɔ wo komaw ra, a na ka krandinw ne ta sedrɔn kwɔ tgɛ. Nankwɔ jɔ tin mi ɲin, Yesu na ka krandinw nee dun wo kɔɔna. ²Juda min tin na a dun boora, wo fran tiin wo nakwɔ ja dɔn, bari Yesu na ka krandinw tin dgenna ka ta ɲin. ³Wee kama Juda taa wo nakwɔ ra, ani sorodashikru ni gaadi miinnu ceni tin mun saakalashebgaw kuntgiw ni faarisiɛnw fɛ. Wuu labɛnni tin mun ni kɛɛkɛ mlanw ni fintaanw ni kaamaaw ye.⁴Kwo min na kɛ Yesu ra, a yɛɛ kundin we wuu biɛ dɔn, e re ta aa kunbɛn ka aa ɲrika ko: Aa min jon yaara ra? ⁵Aa re yaa jaabi ko: Yesu nazarɛtikan. Yesu re yaa fwɔ aa ye ko: Nee mun. Juda miin na a dun aa boora, wo jɔni tin min aa shɛma.⁶Yesu ra fwɔ aa fɛɛ sgan min na ko: Nee mun, aa re seki kɔfɛ ka byin dgunman. ⁷Yesu reyaa ru ɲrika klua ye ko: Aa min jon yaara la? Aa re yaa jaabi ko: Yesu nazarɛtikan.⁸Yesu re yaa jaabi ko: Ne ra fwɔ aa fɛɛ ko nee mun. Ni aa min ne yaara la, aa to ɲinu naa ta. ⁹Wo kɛra yaako wo koma ra dapa, a tiin wo min fwɔɔ ko: Ne fa, ee minnu jii ne man, wuu shi ma fri ne boora.¹⁰Mrunba jɔ tin min Simɔn piɛri fɛ, we re wo saman ka bɔ ka saakalashebgaw kunsgi ka yɔcɛ krinbookɔɔ too caro. Wo yɔcɛ tgɔ we kri ko malkis. ¹¹Nga Yesu re yaa fwɔ Piɛri ye ko: E ka mrunbaa dun a da ra. Ne fa tɔɔrɔ je fyɛ min jii ne man, ne man kan kan myin wora waa?¹²Wo sgan na sorodashikru ni aa ka kuntgi ani yahutuw ka gaagiw re Yesu mlan ka sri. ¹³Aa re ta nɛɛn Anɛ fɛ ban gare. Kayifɛ min tinmun sakalashebgaw kuntgi wee wo san na, Anɛ tin mun wo blancɛ re. ¹⁴Ayiwa Kayifɛ miin tin mun ka yahutuw laji ko: A ka pisa cɛ keen naa sa mgɔw biɛ nɔɔna, wo kayifɛ we tin mun.¹⁵¹⁶Simɔn Piɛri ni Yesu ka krandin jɔ kpɛɛma gwanni tin mun Yesu nɔɲan. Wo krandin tin mun sakalashebgaw kuntgi dɔn bga ye. Yesu dunna sakalashebgaw kuntgi ka jun kɔɔna sgan miin na, wo fran re dun. Nga Piɛri jɔni we to kɛɛnma dun da yigɛma. Krandin min tin mun sakalashebgaw kuntgi dɔn bga ye, we re bɔ. Moso min tin mun daa kɔɔshira, we re koma wo fɛ Piɛri le dun.¹⁷Moso baarakɛra min tin min da kɔɔshira, we yaa fwɔ Piɛri ye ko: Ye fran min cɛ ɲin ka krandin jɔ re wa? Ee yaa jaabi ko: Wayi, ne ti wee. ¹⁸Nɛnɛ bɔ ni tin mun, we kama baaradinw ni gaadiw tin mun ka fyɛn cin ni fyin fyin we, wuu jɔ nin tin mun wo kɔɔ naan ra maɲan. Piɛri fran jɔni tin mun wuu yigɛma nari maɲan.¹⁹Sakalashebgaw kuntgiw re Yesu ɲrika a ka krandinw ni a ka kran kwo ra. ²⁰Yesu re yaa ru jaabi ko: Ne komana dinɲan biɛ ɲanna kɛɛn kan. Sgan biɛ nee mgɔw kran Yaa Masa batoshow ani Yaa Masabatoshoba kɔɔna, Yahutuw biɛ tin naan kunbɛn ja miinna. Ne ma fwoyi fwɔ dgon na. ²¹Mɔn na to aa re ne ɲrika? Minnu ne lamɛn, wu ɲrika ne ka fwɔninw na. Nee min fwɔ wuu wo dɔn.²²Yesu wo komaw fwɔ sgan min na, gaadiw la keen min jɔ ni tin ma yigɛma, we ya ɲan mana ni tgɛ wee ka fwɔ ko: Ee sakalashebgaw kuntgi jaabi tin ne kɛ? ²³Yesu re yaa jaabi ko: Ni ne ka kɛ ka ƙoma dgu miin fwɔ, wo koma dgu shɛrɛya, nga ni ne koma ɲunma ne fwɔɔ, mɔn na to ee ne blɛ? ²⁴Wo sgan na Anɛ re Yesu srini bla ka ta sakalashebgaw kuntgi Kayifɛ fɛ.²⁵Wo waati ra Simɔn Piɛri jɔ ni tin min ɲin ka e maɲan. Aa re yaa ɲrika ko: Ye fran ti kɛ cɛ ɲin ka krandin jɔ ye wa? Nga Piɛri re yi bannan ko: Wayi, ne ti wee. ²⁶Piɛri cɛ min too caro, wo barenmacɛ tin mun sakalashebgaw kuntgi ka baara din jɔ we, we ra fwɔ Piɛri ye ko: Ne man ye je nɛɛn nakwɔ ra? ²⁷Nga Piɛri le yi ban na kun klua ye, wo jani biɛ, dondon we konmo.²⁸Wo kwɔ, aa re bɔ ni Yesu ye Kayifɛ ka sho; ka ta nɛɛn govɛnɛrɛ ka sho. sgnoma re tin mun. Nga Yahutuw ma dun govɛnɛrɛ ka sho kɔɔna, yaako aa ngɔbii ra she ka aa ka tɛmɛkansii dunni kɛ. ²⁹We kama govɛnɛrɛ Pilati lee bɔ ka ta aa nɔɲan wo jaa ra. Ee yaa ru ɲrika ko: Aa min cɛ ɲin mamrina mɔn na? ³⁰Aa re ya jaabi ko: Ni cɛ ɲin tin ti kwodgu kɛra ye, aan tin ti naa dun e boora.³¹Pilati re yaa fwɔ aaye ko: Aa yɛɛkun naa ta ka ta kiti tgɛ a kan ka kanɲan ni aa ka sariya we. Yahutuw re yaa jaabi ko: a ma dga aan ne ye ka mgɔ shi pka. ³²Wo kɛra yaako Yesu tiin koma min fwɔɔ ka a ka saya tgo yira, wo ra dapa.³³Wo sgan na Pilati re dun sho kɔɔna ka Yesu kri ka ɲrika ko: Yee min Yahutuw ka masacɛ we wa? ³⁴Yesu re yaa jaabi ko: E min wo fwɔ ra e yɛɛ ma re wa, ya jɔɔ re ra fwɔɔ e fɛ ne kwora wa? ³⁵Pilati re yaa jaabi ko: Ne min Yahutu re? E yɛɛkun ka shiya mgɔw ani sakalashebgaw kuntgiw le ri dun ne boora. Ee mɔn kɛ aa ra saa.³⁶Yesu re yaa jaabi ko: Ne ka masaya ti dinɲan ɲin ta ye. Ni ne ka masaya tin min dinɲan ɲin ta ye, ne ka baara kɛ raw tin na kɛɛkɛ yaako ne kaa dun Yahutuw boora, Nga sisa, ne ka masaya ti dinɲan ɲin ta ye. ³⁷Pilati re yaa fwɔ a ye ko: Ayiwa, yee masaya cɛ re wa? Yesu re yaa jaabi ko: Nee masacɛ re. Ne woo kun ni ne na kun wo dinɲan na, wo mun ka shɛn shɛrɛya kɛ. Mgɔ o mgɔ min shɛn ta ye we ne ka komaw lamɛn.³⁸Pilati re yaa fwɔ a ye ko shɛ we mɔn ye? Wo komaw fwɔ ni kwɔ, Pilati re bɔ klua ye kun ka ta Yahutuw tin min ja min ma, ka ta fwɔ aa ye ko: Ne ma yaaki ja shi je cɛ ɲin na. ³⁹Nga ka kanɲan ni aa ka laanda we, nee kasora din keen bla tɛmɛkansii waati ra san o san. Aa man fɛ ne ra Yahutuw ka masacɛ bla wa? ⁴⁰Wo sgan nan aa re prɛn kun klua ye ko: Wayi, cɛ ɲin tɛ! Barabasi le ra bla. Ka sɔɔ Barabasi tiin byinkanni kɛra re.

¹Wo sgan na Pilati re ko aa ra Yesu mlan ka blɛ ni wookanmin we. ²Sorodashiw le ŋmiin dɛnmɛn ka kɛ banfla we ka dun Yesu kun na, ka woroje frun dun a kannan. ³Aa re yaa kpaa a ra ka fwɔ a ye ko: E daanan, Yahutuw ka masacɛ! Aa re tgɛ tin a too kɔɔ.⁴Pilati lee bɔ klua ye kun ka fwɔ jaman fɛ ko: A fɛɛ, ne na bɔ ka bla aa fɛ kɛɛnma, yaako aa ren ka dɔ ko ne ma yaaki ja shi je cɛ ɲin na. ⁵Yesu bɔra kɛɛnma, ŋmiin mrini tin mi a kunna, woroje frun dunni tin mun a kan na. Pilati re yaa fwɔ aa ye ko: cɛ wee de! ⁶Saakalashebgaw kuntgiw ni gaadiw ra je sgan min naan, aa re prɛ ko: A kpenŋme yri la! A kpenŋme yri la! Pilati re yaa fwɔ aa ye ko: Aa yɛɛkunw naan kpenŋme yri la, bari ne ma yaaki ja shi je a ra.⁷Yahutuw re yaa jaabi ko: sariya jɔ m'an fɛ, ka kanɲan ni wo sariya we, a ka kan ka pka, bari a ra fwɔ ko a ye min Yaa Masa din ye. ⁸Pilati wo mɛn sgan min naan, e re sran ka tɛmɛn gare kan. ⁹E re dun sho kɔɔ na kun klua ye ka yesu ɲrika ko: E bɔra miin? Nga Yesu maan a jaabi.¹⁰Wo sgan na Pilati re yaa fwɔ a ye ko: E ti koma ne dara? E taa dɔn ko she min nee ki bla, ani she min nee ki kpenŋme yri la? ¹¹Yesu re yaa jaabi ko: She shi ti ye ne kan, fwɔ ni Yaa Masa ka min ji e man ka bɔ yaama. We ra to miin ne dun e boora, wo ka jrumu ka buun ni ta we.¹²Ka bɔ fwɔ wo sgan na, Pilati tin min tgo yarala ka Yesu bla, Nga Yahutuw re prɛn ko: Ni ka cɛ ɲin bla, e ti Romɛ masacɛ lamgɔ ye. Mgɔ o mgɔ ra yɛɛ kɛ masacɛ yɛ, wo min Romɛ masacɛ dgu ree! ¹³Pilati wo mɛn sgan min na, e re Yesu bɔ kɛɛnma. E yi ski kiti tgɛ jaara min tgɔ kri ko pave, wo kɔɔwo, ja didaani, Ebru kan na, a tgɔ kri ko Gabata.¹⁴Wo kɛra ka fnan Tɛmɛkansii dun ɲan, teen kpan kpan na. Pilati re yaa fwɔ Yahutu ye ko: Aa fɛɛ aa ka masacɛ we de! ¹⁵Aa re prɛ ko: A bɔ yan! a bɔ yan! A kpenŋme yri la ! Pilati re ya fwɔ aa ye ko: Ne r'a ka masacɛ kpenŋme yri la wa? Sakalashebgaw kuntgiw re yaa jaabi ko: Masacɛ pkɛɛma taa ne fɛ Romɛ masacɛ kwɔ. ¹⁶Wo sgan na Pilati re Yesu dun aa boora, aa ra kpenŋme yei la. Aa re Yesu mnan ka ta mɛn.¹⁷Yesu re yaa kpenŋme yri ta ka bɔ dgu kɔɔna ka ta jaa jɔ man, wo ja wee kri ko kunkoo ja, Ebru kan nan, a tgɔ we kri ko gɔlgota. ¹⁸Sorodashiw re Yesu kpenŋme yri la wo jaara, ani mgɔ fla pkɛɛma, keen tin man yigɛma, keen tin min yigɛma dɔ ɲin na, Yesu tin m'an fla shɛ.¹⁹Pilati re sɛbɛri jɔ kɛ ka ɲɔɔrɔ Yesu kpenŋme yri la. Min ti sɛbɛra a kan, wo fɛɛ ɲin ye ko: Yesu Nazarɛtikan, Yahutuw ka masacɛ. ²⁰Yahutuw shaanman ne wo sɛbɛ kran, bari aa Yesu kpenŋme yri la ja miin man, wo ja tin ka snun dgu ra, wo sɛbɛ tin kɛra Ebru kan na Romɛkan na ani Gɛki kan na.²¹Yahutuw ka sakalashebgaw kuntgiw re yaa fwɔ Pilati we ko: E kaa a sɛbɛ ko: Yahutu ka masacɛ, nga a sɛbɛ ko, a ko ko ne min Yahutuw ka masacɛ re. ²²Pilati re yaa ru jaabi ko: Nee min sɛbɛ, wo sɛbɛra ka ban.²³Sorodashiw Yesu kpenŋme yri la miinkɛ, aa re yaa ka frunw taran taranja naani ye, sorodashi keen, taran keen. Aa re yaa ka frokiya ta, kaa sra tin ti wora, nga a dannan ka kɛ kɔɔ keen ye ka damnan yaama fwɔ ka she dguma. ²⁴Sorodashiw re yaa fwɔ ngɔn ye ko: Aan kaa wo frokiya paa, nga aan kaada a kan ka a sɔɔ bga dɔn. Wo kɛra yaako kitaabu koma ra dapa min na fwɔ ko: Aa ne ka frunw taran ngɔn shɛ, ka kaada ne ka deeke kan. Sorodashiw lee wo kwow kɛɛ.²⁵Yesu ba ni a ba barenman moso ani Klopasi moso Mariyama ni Magadala Mariyama, wuu jɔ ni tin min Yesu kpenŋme yri kɔɔ. ²⁶Yesu re yaa ba je ani a tiin krandin miin kanu, ee wo fran jɔ ni jee a ba yigɛma. Ee yaa fwɔ a ba fɛ ko: Moso, e dincɛ fɛɛ. ²⁷Wo kwɔ, ee yaa fwɔ wo krandin wee ko: E ba fɛɛ. Ka bɔ fwɔ wo sgan na, wo krandin we ta ni Yesu ba ye a yɛɛkun ka sho.²⁸Wo kwɔ, Yesu ra dɔ ko fɛn biɛ kɛra ka dapa sgan miin na, ee ko: myinnŋɔ min ne ra. Ee wo fwɔ yaako kitaabu koma ra dapa. ²⁹Mnan jɔ tin min ɲin, wo pani tunmin divɛn kunni na. Sorodashiw re fwu jɔ shu wo divɛn kunni na ka sri hizopɛ yriboo kun na, ka wo da Yesu daa ra. ³⁰Yesu wo divɛn kunni sɔɔ sgan min naa, e ko: A dapara! Wo kwɔ, ee yaa kunkoo madgi ka a ɲin bla.³¹Tɛmɛkansii mashi we tin mun. Yahutuw tin ta fɛ mgɔw shuw laa to kpenŋmeyriw ra ka mashɔn dun kɛ, bari wo mashɔn dun tin min dunba re. Wee kamaa aa re Pilati daare ko mgɔ kpenŋmeniw sinkaaw ra kii, aa shuw kaa bɔ yriw ra. ³²Sorodashiw shera Yesu kpenŋme nŋɔ jɔ ma gare, aa re wo sinkaaw kii, wo kwɔ, ka she jɔ kpɛɛma ma, ka wo taw kii. ³³Aa shera Yesu ma sgan min na, aa re yaa je ko Yesu sara ka ban, wee kama aa ma wo sinkaaw kii.³⁴Nga sorodashiw la keen nee yaa yigɛ sgɔ ni tama wee, wo jani biɛ bishi ni je we bɔ. ³⁵Miin na jee, wo yɛɛkun we yaa shɛrɛya, a ka shɛrɛya we shɛn re. Wo ra dɔn ko ee shɛɛn fwɔ, yaako aa fran ra danaya kɛ.³⁶Wow kɛra tin yaako kitaabu koma ra dapa ko: a koo shi ti naa kii. ³⁷Kitaabu koma kpɛɛma na fwɔ ko: Aa miin sgɔ, Aa ɲanw na da wo kan.³⁸Wo kwɔ, Arimate yusufu re Pirati daare ko a na Yesu shu ta. Yusufu tin min Yesu ka krandin jɔ ye, nga e re wo dgon Yahutuw ɲan sran kɔsɔ. Pilati re sɔn. Yusufu re ta Yesu shuu ta. ³⁹Nikodɛmɛ min tin taa Yesu nɔŋan lajɔ shufɛ, wo fran naa ni mirɛ ni Aloɛs tru shɔnjunman nŋanmini kilo bisaba kundaman ye.⁴⁰Wo mgɔ fla we Yesu shu ta ka lɛni frun mrin a ra, ka wo tru shɔnjunmaw kɛ a kan, ka kanɲan ni Yahutuw ka shu dun tgo we. ⁴¹Yesu kpenŋme ra yrila ja miin man, nankwɔ jɔ tin min ɲin, saren klua jɔ tin min wo nankwɔ kɔɔna, mgɔ shi shu tin ma dun wo kɔɔna ban. ⁴²Aa re Yesu shu sun ɲin, ka sɔɔ Yahutuw ka lafyɛn dun mashi we tin mun, wo saren tin ka srun wo jaa ra.

¹Dgɔkun tee gare sgonma jonna na, ni kɛɛn ma tin ban, Magadala re ta saren ka. Ee yaa je sene bɔni tin min saren dara. ²E re bii ka ta Simɔn Piɛrɛ fɛ a ni Yesu tiin krandin miin kanu, ka fwɔ wuu fɛ ko: Aa Matgi bɔɔ saren kɔɔna, aan maan blaja dɔn aa fɛ.³Piɛrɛ ni wo krandin we sraa mnan ka ta saren ka. ⁴Aa fla biɛ tin min biira nŋɔn fɛ, nga wo krandin we re bii ka Piɛrɛ dan, ka flan ka she saren kan. ⁵Ee yi bri ka fɛɛ, e re lɛni frunw dani je dguma, nga a ma dun a kɔɔnna.⁶Simɔn Piɛrɛ miin tin ma kɔfɛ, wo shera, we re dun saren na. E re lɛni frunw dani je dguma, a ni frun min srini tin mun Yesu kun na. ⁷Frun min srini tin mun a kunna a ni lɛni frun tin ti nɲɔnna, nga frun mi tin ma kunna wo kruni tin mun ka bla a dana.⁸Wo sgan na, krandin min gare tin shera saren kan, wo fran le dun. E re wo fɛnw je ka danaya kɛ. ⁹Wo ra sɔɔ krandinw tin ma kitaabu koma dɔn ban, miin na fwɔ ko Yesu ka kan ka krun ka bɔ shuw shɛma. ¹⁰Wo kwɔ, wo krandinw nee seki ka ta sho.¹¹Mariyamap pkiin jɔ ni tin mun saren dara kɛɛnma, a tin min kishira. Ka a to kishi ra, e yi bri ka saren kɔɔn lapiɛ. ¹²E re mɛɛkɛ frun piɛ tgi fla je. Yesu shuu dani tin min ja miin na, aa sgi ni tin min ɲin ne, keen tin min a kunkɔɔ pan fɛ, jɔ tin min a sin kɔɔ pan fɛ. ¹³Mɛɛkɛw re Mariyama ɲika ko: moso, mɔnna e min kishi ra? E yaa ru jaabi ko: Aa ne mantgi taa, ne man bla ja dɔn aa fɛ.¹⁴Wo komaw fwɔ ni kwɔ, ee yi yɛɛma ki kɔfɛ fɛɛ, e re Yesu jɔni je ɲin, nga a tin m'a dɔn ko Yesu ro. ¹⁵Yesu re yaa ɲrika ko: Moso, mɔnna e min kishira? E min jon yaara la? A tin min Mariyama kɔɔna ko nankwɔ tgi ro, we kama ee yaa fwɔ a ye ko: Cɛmgɔ, ni ye min ka ta, ee ka a bla jaa fwɔ ne fɛ, ne na ta ka ta nɛɛn.¹⁶Yesu ren ko: Mariyama! Mariyama re yi yɛɛma wo pan fɛ ka fwɔ a ye Ebrukan na ko: Raboni! Wo kɔɔ wo, kaamgɔ. ¹⁷Yesu re yaa fwɔ a ye ko: Ne bla ban, bari ne ma yɛɛ ka ta un fa ka jaara ban. Nga ta ne baremaw fɛ ka ta fwɔ wuu ye ko ne min yɛɛra ka ne fa ni aa fa fɛ, ka ta ne ka Yaa Masa ni aa ka Yaa Masa fɛ. ¹⁸Magadala Mariyama re ta ka ta fwɔ krandinw fɛ ko a ye Mantgi jee. Yesu miin fwɔ a fɛɛ e re wo lankii aa fɛ.¹⁹Wo dun yɛɛra, dgɔkun tee gare wluarala, krandinw lajɛn ni tin min shoo jɔ kɔɔna ka shodaw sgɔ Yahutw ɲan sran ya kɔsɔ. Yesu re na ka ni jɔ aa shɛma ka fwɔ aa ye ko: hɛɛrɛ laa kɛ aa ye! ²⁰Wo fwɔ ni kwɔ, ee yaa bootgɛw ni a yigɛ yira aa ra. Krandinw Yesu jee miin kɛɛ, aa yrilalee ja kwo sɛbɛ.²¹Yesu re yaa fwɔ aa ye klua ye kun ko: Hɛrɛra kɛ aa ye! Nefa ne cee tin miin shi, ne fran na aa ye ce tin ne dɛ. ²²Wo komaw fwɔ ni kwɔ, Ee yi da fyiɛn kɛ aa kan ka fwɔ aa ye ko: Aa ɲinsenuma mnan! ²³Aa ye ka mgɔ o mgɔ ka jrumuw yafa aa ma, wo na yafari sɔɔ. Ni aa ma sɔn ka miinnu ka jrumuw yafa aa ma, wuu ti naan yafari sɔɔ.²⁴Wo ra sɔɔ Toman miin kri ko flani, ni yesu ka krandin tan ni fla la keen ne mun, wo tin taa ru fɛ ɲin Yesu na sgan na. ²⁵Krandin shɔw re yaa fwɔ Toman ye ko: Aan nee Mantgi jee! Nga Toman re yaa ru jaabi ko: Ni ne ma pkenŋme nŋɛnw nɔn je a tgɛw ra, Kan bookpɛɛn din dun nŋɛnw nɔɔna, kan boo da a yigɛ ra, ne ti naan danaya kɛ fiyeu.²⁶Wo dgɔkun bɛn na, Yesu ka krandinw lajɛn ni tin mun shoo kɔɔna kun klua ye, Toman tin maa ru fɛ ɲin. shodaw sgɔni ne tin mun, nga Yesu re ni jɔ aa shɛma ka fwɔ aa ye ko: Hɛrɛ ra kɛ aa fɛ! ²⁷Wo kwɔ, ee yaa fwɔ Toman ye ko: E bookpɛɛndin dun yan ka ne tgɛw fɛɛ, ee ni boo bɔ ka da ne yigɛ ra. Faa danabiiya ra ka danaya kɛ.²⁸Toman re yaa jaabi ko: Ne Mantgi ni ne ka Yaa Masa! ²⁹Yesu re yaa fwɔ a ye ko: Ee ne jee min kɛɛ, we ra to e ren danaya kɛ wa? Miinnu danaya kɛ ka sɔɔ aa ma ne je, wuu min dubadinw ne ye!³⁰Yesu tgɛmashɛn shaanman kpɛɛmaw kɛ a ka krandinw ɲan naan ni miinnu ma sɛbɛ kitaabu ɲin kɔɔnna. ³¹Nga kwo ɲinnu sɛbɛ ra yaako aa da a ra ko Yesu mi krista ye, Yaa Masa dincɛ o, ani yaako aa ɲanamaya sɔɔ a ye tgɔ ra wo danaya fɛ.

¹Wo kwɔ, Yesu re yi yira a ka krandinw na klua ye kun, wo kɛra tiberiyade ba da ra. A ri yira tan nee. ²Simɔn Piɛrɛ ni Toman min kri ko flani, ani Natanaɛl ka bɔ galile ka na ani Zebede dincɛw, ani Yesu ka krandin fla kpɛɛmaw, wuu tin min nŋɔn fɛ. ³Simɔn Piɛrɛ re yaa fwɔ shɔw ye ko: Ne na ta mwɔri kɛ. Aa re yaa fwɔ a ye ko: Aan ne fran na ta ni ye. Wo sgan na aa re wri ka t a dun krun kɔɔna. Aa ma fwoshi mlan wo shufɛra.⁴Dgupiɛ danmanna, Yesu jɔ ni tin min ba da ra, nga krandinw tin maa dɔn ko Yesu ro. ⁵Yesu re yaa fwɔ aa ye ko: Dɛɛnsɛnw, Aa yigɛ sɔɔ wa? Aa re yaa jaa bi ko: Wayi. ⁶E yaa fwɔ aa ye ko: Aa jɔ fri krun krinboo pan fɛ, aa na jɔ sɔɔ. Aa re jɔ fri, jɔ we pa yigɛ ra fwɔ aa ma she ka a sanman ka bɔ je ra.⁷Wo sgan na Yesu tiin krandin min kanu, Wo yaa fwɔ Piɛri fɛ ko: Mantgi ro! Simɔn Piɛri ra mɛn sgan miin na ko Mantgi ro, e yaa ka deeke dun ki shɛ sri, bari a tin min ka a ka frunw bɔ, ee yi bla je ra. ⁸Krandin shɔw re na krun kɔɔna. Jɔ miin pani tin min yigɛ ra, aa tin min wo sanmanna. Wo ja tin ma yan konŋon da ra, mɛtrɛ kɛnmɛn shi re tin mun. ⁹Aa she ra konŋon da ra sgan min na, aa re fyɛnkiin je ɲin ka yigɛ dani je a kan ani bwuru jɔ.¹⁰Yesu re yaa fwɔ aa ye ko: Aa na naan ka yigɛ mlanniw jɔ ye. ¹¹Simɔn Piɛri re dun krun kɔɔna ka jɔ sanman ka bɔnɛ kɛɛma, a pani tin min yigɛ kunba kunbaw ra, a biɛ lajɛnni kɛ ra yigɛ din kɛnmɛn ni biduuru ni saba re. Yigɛ na ka shiya biɛ, jɔ ma paa.¹²Yesu re yaa fwɔ aa ye ko: Aa na dunni kɛ. Krandin shi ma she ka a ɲrika ko: Ye min jon ye? Bari aa tin na dɔn ko Mantgi ro. ¹³Yesu re yi kpaa ka bwuruu ta ka ji aa ma, ka tigɛ fran ji aa ma. ¹⁴Wo kɛra Yesu ka yɛɛ yira kwo sabanan we a ka krandinw na, a krunni kwɔ ka bɔ shuw shɛma.¹⁵Dunni kɛni kwɔ, Yesu re yaa fxɔ Simɔn Piɛri ye ko: Yuhana dincɛ Simɔn, ne kanuya min ye kɔɔna ka tɛmɛn ɲinu kan wa? E ko: Aan, Mantgi, e ra dɔn ko ne ri kanu. Yesu re yaa fwɔ a ye ko: Dunni ji ne ka sga dinw ma. ¹⁶E yaa fwɔ a shinɲan flana na ko: Yuhana dincɛ Simɔn, ee ne kanu wa? Piɛri re yaa jaabi ko: Aan, Mantgi, e ra dɔn ko ne ri kanu. Yesu re yaa fwɔ ye ko: Ne ka sgaw kɔɔshi.¹⁷Yesu re yaa fwɔ a fɛ shinɲan sabana na ko, Yuhana dincɛ Simɔn, ee na kanu wa? Piɛri ɲannare shishi bari Yesu ra ɲrika a shiɲan sabana na n'a ra sɔɔ a ra kanu. Ee yaa jaabi ko: Mantgi, ye min fɛn biɛ dɔn , e ra dɔn ko ne ri kanu! Yesu re yaa fwɔ a ye ko: Dunni ji ne ka sgaw ma. ¹⁸Shɛn shɛn na ne ra fwɔ e ye ko: Ki to e ka dɛnsɛn ya ra, e tin ni shɛsri e yɛɛ ye ka ta e jajena jaw ra, nga e ka na kɔɔ sgan mi na, e ni boo kɔɔta, mgɔ kpɛɛma na e shɛsri ka ta ni ye e kwoyaye jaw ra.¹⁹Piɛri na sa timinshi, ka nɔrɔ da Yaa Masa tgɔ kan, Yesu tin min we yira ra a ka koma ɲinnu fɛ. Wo kwɔ, Yesu re yaa fwɔ a ye ko: E gwan ne ra!²⁰²¹Piɛri re yi yɛɛma, Yesu tiin krandin miin kanu, E re wo na shɔ je aa kɔfɛ, wo krandin tin ni yɛnŋɛ Yesu mafɛ shufɛ dunni sgan na ka a ɲrika ko: Mantgi, miin ni dun boora, we jon ye? Piɛri wo krandin je ka fwɔ Yesu fɛ ko: Mantgi, ɲin no, mɔn na kɛ wora?²²Yesu re ya jaabi ko: Ni ne mafɛ a ɲranman na to fwɔ ne na sgan kun, e ka mɔn min wo ra? E kpiin niin gwan ne ra. ²³We ra to wo koma we re yigɛn baremaw shɛma ko wo krandin ti naa sa. Wo biɛ na ta, Yesu maa fwɔ Piɛri ye ko a ti naa sa, nga a ra fwɔ ko: Ni ne mafɛ a ɲranman to fwɔ ne na sgan kun, e ka mɔn min wora?²⁴Wo krandin we wo kwɔw shɛrɛya kɛ, e yaa ru sɛbɛ, aan na dɔn ko a ka shɛrɛya we shɛn re. ²⁵Yesu re kwo shaanman kpɛɛma nun kɛ. Ni aa biɛ keen keen tin sɛbɛ ra, a min ne kɔɔna ko wo kitaabu sɛbɛniw tin ti naa kwu diɲan yɛɛ ra.

¹Ne Paul miin mi krisita ka yɔn ye, yaa Masa (Ala) ne ŋanatɔnmɔn ka kɛ a ka cera di ye: k'a a ka kunnanfoni juman fwɔ.²A tun wo kunnafoni jumanw kwo fwɔ a ka kitabu sanni ŋanniw kɔnna:³Wo kunnanfoni juman ye na dincɛ kwofwɔ, wo miin mi bɔra D'awuda ra pii sgo ra.⁴A kɛra yaa Masa (Ala) din ye n'a ka she ni ŋiin sɛbɛ tigiya ye, n'a ka kannun ya ka bɔ shuw shɛma Yesu krisita , an ka cera la.⁵Ne hɛɛrɛ ni cedinya sɔka bɔ a ye fɛ. Yako mgɔw la dananya k'a la, k'a ka koma kanw kɛ shɛn ye shiyaw byɛ shɛma a tgɔ kanma.⁶A ye min nun kri ni Yesu krisita fɛ ka kɛ a taru ye,Aa fana min wu jɔɔ ye.⁷Yaa Masa (Ala) ŋaa mɔgɔ min nun byɛ min Romɛ, Yaa Masa (Ala) min nun kri k'a kɛ a ka mgɔ sɛbɛmanw ye, ne na sɛbɛ ŋin ce aa fɛ. An fa yaa Masa (Ala) n'an ka cera Yesu krisita ra hɛɛrɛ ni doso shɔn ji an ma.⁸Gare ban, nne yaa Masa (Ala) baa ka da, ka Yesu krisita baakada aa byɛ kanma, katugu aa ka danan ya knafoni fwɔra diŋa pan byɛra.⁹Ne baara kɛ ni yaa Masa (Ala) ye ni doso kun byɛ ye a dincɛ ka kibaruya junman kwo ra.Yaa Masa (Ala) min ne shɛɛrɛ ko nne la kwofwɔ ŋa yaa Masa (Ala) dare lasŋan byɛ ne ti wo da bla.¹⁰Ne to ka yaa Masa (Ala) dare, Na ka j'aa ye ni ŋa to ka ta bɔ aa fɛ¹¹Ne m'a fɛ k'aaje kwosɛbɛ ya ko ne ka ŋiin sɛbɛ ra ŋinnin fɛ jɔ ji aa ma,yako aa to a kan.¹²Wo kɔɔko an ngɔn jija dnnan yara ,ɑ ye ni ne.¹³Ne ma fɛ aa dɔn, bale manw, ko netuma fɛ ka na bɔ shanman a fɛ, yako n'an ka baara nɔn sɔɔ afɛ, e ko n'a sɔɔ shiya kwɛɛw fɛ tgo min na,mɛn hali byi nma she ka ta.¹⁴Mɔgɔw byɛ ka yru min ne la, Grɛkiw ni shiya shɔw mɔgɔ kalanninw ni kalanbiw.¹⁵We kanma, ne m'a fɛ ka kibaru juman fwɔ aa fɛ kwosɛbɛ, Aye min nun sginin romɛ.¹⁶Kibaru juman, munŋan ti ne ra, ka sɔɔ wo min yaa Masa (Ala) ka she bgaya ye, ka danan ya bga byɛ krishi, Yahutuw ni shiya shɔw.¹⁷kibaru juman ye yaa Masa (Ala) ka tenniya yira, e sɔɔ dannaya ka bɔ a damnafwɛ a labana, kongo kitabu ra fwɔ kanmina ko:"mɔgɔ tenna ŋran mam ya ra dananya ye baa ka la.¹⁸Yaa Msa (Ala) ra kajinmin yira mɔgɔw ra ka bɔ sankoo la a ka yaa Masa (Ala) ŋasranya biyani tenbiya e ra wu min shɛn banan n'a ka tenbiya kwo ye.¹⁹Katugu min she kafamun yaa Masa (Ala) kwo la pyɛ ni no, yaa Masa (Ala) yɛ ra yira a laa.²⁰Ka bɔfwɔ dinŋa dan sŋanna,yaa Masa (Ala) kwo je bii byɛ yira ka lasan, a ka she bgaya banbii ni la ya wo wu faamun ya a ka fɛ daninw fɛ. We kanma shɛn sɔɔ sababu ti mɔgɔ shi fɛ. ²¹A li n'a ka yaa Masa (Ala) dɔn, aa m'a bonŋa kongo Ala, aam'a baa kada fana. Mɛn aa ka myiriw kɛra fuuye jibi dunna aa sɔkun a kritanw na.²²Aa ra yɛ jate a kritgiw ye, mɛn aa kɛra nalonmanw ye.²³Aa yaa Masa (Ala) toŋin k'a nɔɔrɔ piman mɔgɔ sataw ni kɔɔnw, ni sin naanin ka fɛw ani dungmafɛw yaw la.²⁴We kanma yaa Masa le ra to kwo nŋɔnninw kɛ ra ka kaŋa nin a sɔnkun nege ye, fwɔ aa nɔnw bɔa piskow ra.²⁵Aare yaa Masa ka shɛn pinan ka kɛ fiŋan ye, ka dafɛw bato ka baara kɛ wu ye k'an da bga yaa Masa to ŋin, tanoli min wo min ye badaa-badaa.Amiina.²⁶We kanma,yaa Masa le ra to aa pisgo nege tiifɛw bora.yaa Masa cɛ ni moso kwo labɛn, Aa ka mosow le wo yɛma ka kwo bɛbiiw kɛ.²⁷Wo tgo kenna cɛw le mosow to ŋin, aa cɛnŋɔnw nege ye ra mna.cɛwle munbiya ko kɛa cɛŋɔnw ra k'a ka duguya saa sɔɔ aa piisgow ra.²⁸Aa mason ka yaa Masa dɔnniya to aa kɔɔnna,we kama yaa Masa re a to hakrifrininw bora, yako aa ra kwo dgo biiw kɛ.²⁹Aa sɔkunw panitenbi ya shaw ni kɔnna duguya ne wasadunbiya ni ŋakwoya la. Aa pani cele ya mɔgɔ pga, kɛɛ, nanbaa, sɔnkolon, ani yayriyaa la.³⁰Tɔgɔ shɛn bagaw, yaa Masa duguw le mun-aa ti muun, kuntgɛ bga ni yɛbonŋa bga le mun kwo dugu da bɔra lee mun, wobga sɔsɔra le mun.³¹Hakritanw, Kantanw, mɔgɔ gwɛrɛnw, hinɛntanw le mun.³²Ali n'a yaa Masa ka kiti kwo dɔn ka ŋa. Ko wo kwow kɛbgaw ka kan ni saya ye, aa ti da wo kwo kɛrima, mɛn wo kwow kɛbgaw fana kwo kaji aa ye

¹We ra te, ye mgɔ shɔw yaaki, shɛn sɔ sababu t'i fɛ. Shɔw yaaki, shɔ e ni yɛɛ yaaki, katugu ye min shɔw yaaki e yɛkun e wo kwow kɛ. ²An na dɔn ko min nun wo kwow kɛ,yaa Masa (Ala) kiti tgɛ wu kan ni shɛn ye.³Ye min wo kwow kɛ bgaw yaaki, ka sɔɔ e yɛkun ye wo kwow kɛ, e ka myiri la k'ina kri shi yaa Masa (Ala) ka kiti male? ⁴E ra yaa Masa (Ala) ka kwoŋuman, ni sabati, ni munŋun damadɔnbiw mafŋɛn wa ? E ma dɔn ko yaa Masa ka munŋun ni sama k'i ya nikisa e ka drunmuni kɛ ni na?⁵E ka to kwlen ya n'i ka nigisabiya fɛ, e ka kwo jɔlabɛ ka bla e ŋa ka kiti dun kɔɔn yaa Masa (Ala) na a ka jinmin n'a ka teenniya yira dun min na. ⁶Yaa Masa na mɔgɔw saa keen ka ŋa a kɛ kwowra . ⁷Min nun to ka nɔɔrɔ ni bonŋa ni tobi ya ŋinnin ni kwo ɲun mon kɛ ye, a na ŋranman ya banbi ji wu ma⁸Mɛn min nun sɔsɔri kɛ k'a ba shɛw na ka sɔn teenbi yama, dosojin min ni dosobɔ na wu sɔɔ. ⁹Tɔɔrɔ ba ni ŋa kwanba na da kwo dugu kɛlaw kan keen-keen,cubabuw (Yahutuw) ban ka sɔɔn ka she shiya kwɛw ma¹⁰Mɛn nɔɔrɔ ni bonya ni hɛrɛ na ji kwo ŋunman kɛlaw ma keen-keen, cubabuw ban, ka sɔɔn ka shiya shɔw ma. ¹¹Yaa Masa ti mɔgɔ bɔ mɔgɔ ra . ¹²Min nun drunmun ni kɛ ka sɔɔ sariya ti ŋi,wu na yaki ni sariya ye,mɛn min nun drunmun ni kɛ k'a to sariya kan, kiti na tgɛ wu kan ka kaŋan ni sariya ye.¹³Sariya mɛn bgaw teen ni ti ni yaa Masa fɛ, sariya tgma bgaw na shɛn sɔ yaa Masa fɛ . ¹⁴Shiya shɔw kwin sariya ti min nun fɛ, a k'a ŋana k'a min tgɔma na ka kaŋa ni sariya ye, wu kɛ ra sariya ye a yɛɛfɛ .Ari k'a sɔ sariya ti aa fɛ.¹⁵Aa re na fwɔ ko sariya ye min fwɔ, ko wo sɛbɛ ra aa hakrila.Aa sɔnkun ye wo shɛrɛ ya.Aa ŋanninŋa ye n'a yaaki sŋanw jɔra, waama e shɛn ji aa ma sŋanw jɔra. ¹⁶Wo yira Yesu krisita fɛ kɛn ka kaŋa ni ne ka kibaru juman fwɔ ni ye.¹⁷E kwin,e ri ye kɛ cubabuya ye, e ri digda a ka ¹⁸sariya ka, k'i yɛ bonŋan yaa Masa kwo maE yaa Masa sako dɔn, e kwo ŋunman dɔn ka bɔ nŋɔn na,ka sɔɔ e min ŋi kii sariya ma. ¹⁹E min ki yɛɛ jate,ki min fyen shɔw ka beme mna na ye ani jibila mɔgɔ ka kɛɛn ye. ²⁰E ko e min kwo dɔn biiw ni dɛnsɛnw kaan fa ye ka sɔɔ e dɔniya nin shɛn byɛ sɔɔ ka bɔ sariya la.²¹Ye ro, ye min mgɔw kalan, e ti yɛɛ kalan? ye min mgɔw waju ko soŋani ka kɛ,e soŋani ne kɛ? ²²Ye min na fwɔ ko yashɔya ka kɛ, e yashɔya re kɛ? ye min jow haramun ya, e jo bato jɔ fɛn jɔ re taa?²³Ye min ni yɛɛ bonŋan sariya kwola,mɔn na e yaa Masa dgɔ ya ni sariya shɛn ni ye! ²⁴Yaa Masa tgɔ ye shɛn shiya shɔw fɛ a ye cubabuw le kan ma, e naa fwɔ a sɛbɛ nin tgo min na .²⁵Nafa min kɛngwɛn na ni min sariya sira tgɔn mana,mɛn ni ka kɛ sariya shɛn bga ye, e ka kɛngwɛn kɛra kɛngwɛn biya ye. ²⁶Mɔgɔ min ma kɛngwɛn n'a min sariya tgɔn mara,wo ka kɛngwɛn biya ta kɛn kɛngwɛn ye. ²⁷Min na kɛngwɛn pisgo la,mɛn a min sariya tgma na,ye min min sariya shɛn bga ye, kasɔɔ sɛbɛnin ani kɛngwɛn min fɛ, a tina ye yaa kii ?²⁸Mini yahutu a min kwɔka na kwo kɛ ,woti Yahutu sɛbɛ ye kɛngwɛn min kɛra pisgo ra woti kɛngwɛn sɛbɛ ye ²⁹Nŋa min min Yahutu sɛbɛ ye sariya kɔnno kwow ra, we min yahutu sɛbɛ ye.Doso kun na kɛngwɛn sɛbɛ min kɛ ŋinna n'ati kɛ pisgo ra ta ye we min kɛngwɛn sɛbɛ ye. Wo tanoli ti bɔ mgɔw ra we bɔ yaa Masa era.

¹Ayiwa yahutu pisaya sababu min mɔn ye mɔn nafa min boo ku fanna la ?²A ka buun pan biɛɛ la. Ala la ka koman kalifa yahutu gale le man .³A min dishii ? Ni mgɔw jɔ man danaya kɛ, wu ka danayabiya ye Ala ka kantgiya shiɛn wa?⁴wayidɛ! Ala ka sɔɔ shiɛn fwɔ min, Ali mgɔw biɛɛ ka kɛ fiŋanfwɔlaw ye .E ko a sɛbɛ ni tgo min nan ko: Ka she ka jo sɔɔ e ka koman la,ya she sɔɔ ni kiri kana tgɛ e kan wa te min na?⁵Nka mɛn ni an ka teebiya min Ala ka teeniya yra la, An na mɔn fwɔ wo la ? Ala ka fii la ka jimiya biin kudgu kɛlaw kan watemin na, Nka mɛn a ye min teebii lee ye ? Ne koman mgɔw tgo ya we la.⁶wayiwa ! Ni Ala teeni tun tɛ, atun nan kiri tgɛ diŋan ka tgo jɔnman ?⁷Ni Ala ka shiɛn ka yiriwa ne ka fiŋan fwɔ ya ka,fwɔ ka boŋan da Ala tgɔ ka,mɔn nan to kun kiri tgɛ ne ka ko nemin kuodgukɛla ye?⁸wayiwa,wo tgo la mɔn nan an nin nan fwɔ ko:An kuodgu kɛ wola kuo ŋuman la bɔwo la? mgɔ jɔw ne shiɛn ko ne min wuu fwɔ la . wokiw bɛnnan .⁹Nka mɛnɑ min dishi, an ne yahutu ka pisa nin mgɔ shɔw ye kɛ ?wayi dɛ ! Ne la jra ka ba ka yahutu ni shiya shɔw biɛn kuodgu kɛ .¹⁰E ko a sɛbɛ ni tgo minan ka mgɔ shi teni tɛ li kee.¹¹Hakritgi shi tiŋi .mgɔ shi ti Ala yarala.¹²Biɛn min ka yɛŋɛ. Aa biɛn kɛra nafatanw ye nŋɔn fɛ. kuoɲuman kɛla shi tiɲi; Ali kee.¹³Wo shiw bɔni buru dayɛni fɛ. Aa mgɔw lafri n'a nɛdin ye .Aa dala koma je ko ŋo fɔnfɔnni bga.¹⁴Aa daw pani daŋa ni koma kuntanw na.¹⁵A ka terika mgɔ pka.¹⁶Shɛnli nin bɔɔn min aa ka sra fɛ .¹⁷A man hɛrɛ sra sɔɔ pewu.¹⁸Aa ti tŋɔnman ka kanyan nin Ala ɲan sra ye fiɛw.¹⁹Ayiwa an nan dɔn sariya ye fɛ wo fɛ fwɔ, e wo fwɔ sariya mgɔw lee ye, ya ko mgɔw biɛn da la tgu,diɲan mgɔw biɛ la yaki Ala ɲan kɔɔ.²⁰Wola adaman din shi ti nan jo sɔɔ Ala ɲan kɔɔ sariya kɛ tawu fɛ,ka sɔɔ mgɔ jurumu dɔn sariya we fɛ.²¹Mɛn sisa,Ala ka teniya yrala ali nin sariya tɛ. Sariiya nin sheraw la sereya kɛ.²²we Ala ka teniya we danaya bakala Yesu krista la a danabga biɛɛ fiɛ.²³Pa an tgo shi tala, mgɔ biɛ lee jurumu kɛ aa biɛɛ banala Ala nɔrɔ kɔɔ.²⁴Jo wo ji aa man gwansan Ala ka nɛman we baka la, kristaYesu ka kunman bɔli fɛ.²⁵Ala Yesu krista yra ko a bishi bɔnan ka kɛ mgɔw ka jurumu yafa saka ye, wuu minu dara a la. wo kɛra ka a ka teniya yra, ka sɔɔ jurumu minu kɛla ka kɔɔ, e wuu muɲu a man wuu saa.²⁶Wo kanman, e ya ka teniya yra wate ɲi nan, ya ko a teni we kato, hali ka sɔɔ e joji Yesu danabgaw man²⁷Yɛɛ boɲan sababu min miin ? A tii ɲin. Wee sariya jɔn nɔn ye? kɛwali sariya me mu wa ? Ayi dɛ! Dananya sariya nɔn no.²⁸An nan jate ko mgɔ jo sɔɔ dananya we bakala ni sariya kɛwali tɛ.²⁹Ala min yahutu dama ka Ala lee wa? Ati shiya shɔw fannan ka Ala ye kɛ? An, shiyaw fanan ka Ala lo.³⁰K'a sɔɔ min jo ji bokuoniw man dananya kanman ,ka jo ji bokuobiw fannan ma dananya baka la,wee Ala kepe lee.³¹An sariya kɛ fu le dananya fɛ wa ? Ayi dɛ! An sariya boɲan.

¹Ibrahima min min an fa ye pii sgo ka pan fɛ, an nan fwɔ ko we mɔn sɔɔ ?²Ni Ibrahima tun jo sɔɔ kɛwaliw ka, A tun she ka a yɛɛboɲan, nka mɛn wo ti kɛ Ala ɲan kɔɔdɛ.³Kitabu mɔn, fwɔ ?A koo: Ibrahima dala Ala ka koman nan, wo dananya jatela a fɛ teniya ye.⁴kɛwalikɛla saa ti jate nilifɛn ye, e jate jurumu saa lee.⁵Nka mɛn min jo ji Ala ɲan sra biiw man, ni kɛwali kɛbii ka da wo tgi la, a ka dananya we jate a fɛ yeniya ye .⁶Wo tgo yala, Ala mgɔ min jate teeni ye ni kɛwaliw tɛ dawuda koman nan wo tgi ka dubadiya kuo la .⁷A ko: minu ka teebiiya kuow yafara, ni aa ka jurumuw datgula, wuu dubadinw nee ye.⁸Masa (Ala) ti mgɔ min ka jurumu jate a fɛ, wo tgi dubadinw nee.⁹Wo dubadiya mi bookuoniw danman ta lee wa? Wola bookuobiiw fannan sin mannan?An nan fwɔ ko:"Ibrahima ka dananya jatera a fɛ teeniya ye"¹⁰Wo kɛra wate jɔnnan? A bookuoni kɔfɛ kɛ, woola yani a ka fii la bookuo? A man kɛ a bookuoni kɔfɛ nka mɛn wo kɛra sani a koni nan bookuo¹¹Wo bookuoli kɛla tanmanshiɛn ye Ibrahima fɛ, ka yra ko Ala la jate teni ye a ka danaya kanman, yani a koni nan bookuo.Wo tgo la Ibrahima mi dananbga bookuobiw biɛ fa lee, yako wuu fana la jate teniw ye.¹²A mi bookuoniw fana fa lee, wuu mi man da bookuo danman man, nka mɛn aa ygɔnman nan dananya sra ka e ko an fa Ibrahima, wo mi dananya kɛ yani à koni nan a bookuo.¹³Ala layidu min ta Ibrahima nan bɔnsɔw ye ko aa nan diɲan sɔɔ shiɛn ye, wo nan sɔɔ sariya tgɔman bakaa la, wo min sɔɔ dananya fɛ.¹⁴Ni sariya sra tgɔnmanbgaw tun wo shiɛn sɔɔ, nafa tun tina kɛ dananya la, layidu tun na kɛ gwansan ye.¹⁵Sariya wee jimiya la wri sariya ti ja min nan,sariya shiɛnni fannan tiɲi.¹⁶We la to wo shiɛn ye we kɛ dananya fɛ, wola ka kɛ nilifɛn ye min kɛ Ibrahima bɔnsɔnw biɛɛ ta ye, minu sariya sra tgɔnman, wuu drɔn ta tɛ, fwɔ minu dananya kɛ e ko Ibrahima.wee min an biɛɛ fa ye.¹⁷E ko a sɛbɛni tgo min nan ko: Neli kɛ shiya shanman fa yee . A mi an fa lee Ala ɲan kɔɔ a dara wo min nan, ko Ala shuw kunnu, ko fɛ minu man kɛ baan, e koman wuu kuo la nan fwɔ wuu kɛla ka ba.¹⁸Dgidaja tun ti kuo min nan, e dananya kɛ ki dgida wuu kaan.Wola, e kɛ shiya shanman fa ye, e ko a fwɔra ko:e bɔnsɔnw nan shiya tin .¹⁹Ibrahima tun mi mirila a yɛɛ piisgo kuo la n'a fwɔ a sani, a ka san kɛmɛ sɔri kanman.A tun miri saran ka wobiiya kuo la fannan, ali wo, a dgiman mɛnsɛnya.²⁰A man shikashika Ala ka layidu la dananyabiya fɛ, nka mɛn a ka dananya baka boɲannan, e Ala tannu.²¹Ibrahima tun n'an dɔn ka ɲan ko Ala layidu ta kuo min nan, ko Ala she ka wo kɛ.²²We la to a ka danaya we jate a fɛ teniya ye.²³Wo koman man sɛbɛ wo kee kanman,ko wo jatera a ye.²⁴Nka mɛn a sɛbɛla an fran kanman, a nan jate an fɛ teniya ye, ka sɔɔ min an matgi Yesu lakrun ka bɔ suw shɛman, an dara wo la .²⁵Wo dunnan kiri la fwɔ ka sa an ka hakɛw kanman.

¹Jo jira an man dananya baaka la, wo kɔsɔn hɛɛrɛ dun an nin Ala shɛ an mantgi Yesu krista baaka la.²Aa min nɛɛman min nan sisaɑn dunnan wo la dananya la we baaka la.An yrila ka ji Masa (Ala) nɔɔrɔ sɔri dgi ya la³Wo drɔn tɛ, nka mɛn an yrila ja tɔɔrɔ kuow la fannan .An nan dɔn ko tɔɔrɔ muɲuli ji mgɔ man⁴Mgɔ she sɔɔ kɔɔbɔli la muɲuli fɛ.Wo she sɔɔri mgɔ dgi sgi.⁵Dgi ti mgɔ muu fiew, katgu Ala la ka kannuya dgi an dosokunw na ka shiya a ɲii ɲannanman baaka la, e wo min ji an man⁶Ka an baaka tan to, krista sara Ala ɲansrbiw ye waate bɛni nan⁷Mgɔ min sɔn ka sa mgɔ teeni kɔsɔn,wo sɔɔ ka gwrɛ. A drɔn mgɔ jɔ sɔn ka yra kweya fwɔ ka sa mgɔ ɲuman kanman⁸Nka mɛn yaa-Masa la kannu tgo min nan, e wo yra ɲii ne fɛ, ka an jurumu shɔ to, Yesu lee sa an ye⁹Sanmɛɛ jo jini kofɛ Yesu yuu baaka la, an nan krishi yaa-Masa ka jinminya nan wo baaka la.¹⁰k'a to yaa-Masa dguwye, an ni wo cɛ nan-nan a dincɛ saya fɛ, yaako an nin yaa-Masa shɛ bɛni kɔfɛ an nan krishi a dincɛ ɲannanman baaka la.¹¹Wo drɔn tɛ nka mɛn an yrilakaji kuosɛbɛ yaa-Masa la an matgiYesu krista baaka la, wo min an ni yaa-Masa shɛ bɛ sisa.¹²Jurumun dunnan dinɲan la mgɔ kee ne baaka la, saya fran lee dun jurumun baaka la. saya she adanmandinw biɛɛ man tin, katgu aa biɛɛ yurumun kɛ¹³Yurunmun tun min dinɲan sani sariya koni sgi, nka mɛn jurumun ti she ka jate nin sariya ti ɲin.¹⁴Wo biɛɛ n'an ta, kabini Hadama fwɔ ka she Musa ma, saya she sɔɔ mgɔw biɛɛ ka, hali minnu man jurumun kɛ Hadama ka sariya shɛnni tgo la. Min tun ka kan ka nan, Hadama kɛla wo bisi lee.¹⁵Nka mɛn wo hakɛ kuo ni yaa-Masa ka nilifɛn tgo ti kee ye. ni mgɔ kee ka hakɛ l'a to mgɔ shanman ɲii biɛɛ sa, a piɛni no ko yaa-Masa ka nɛɛma ninilifɛ min bɔ mgɔ kee ka nɛɛma la, Yesu Krista gwiin, wuu dgi la mgɔ shanman ka shiya ka tɛnmɛn wo hakɛ kuo ka.¹⁶Yaa-Masa ka ɲifɛn ani wo mgɔ kee ka hakɛ nɔn ti kee ye. Yaaki sɔɔ wo hakɛ kee la, nka mɛn yashɛ shanman kɛni kɔfɛ, jo sɔɔ wo nilifɛn baaka la.¹⁷Mgɔ kee ka yashɛ le l'a to saya le kuntgiya kɛ wo mgɔ kee baaka la, sanmɛ minnu nɛɛmanba ni teeniya ɲifɛn sɔɔ,wuu nan kuntgiya kɛ ɲannanya la, mgɔ kee Yesu Krista baaka la.¹⁸Mgɔw biɛɛ yaakira yash,e kee kanman tgo min na, wo tgo la jo jira mgɔw biɛɛ man ɲannamanya kanman teeniya kuo kee baaka la .¹⁹Mgɔ keepe ka kan blali l'a to mgɔ shanman lee kɛ yashɛkɛlaw ye tgo min nan, w tgo la fannan mgɔ keepe ka kan mlanli n'an to mgɔ shanman nan kɛ teeniw ye.²⁰Ayiwa sariya sgila yaako yashɛw la shiya nka mɛn yashɛ shiyara ja min nan, yaa-Masa ka nɛɛman shiyara ɲi ka tɛnmɛn wo ka kuosɛbɛ.²¹Wola jurumu kuntgiya kɛ saya baaka la tgo min na, wo tgo la yaa-Masa ka nɛɛma la kuntgiya kɛ teeniya baaka la ɲannanya banbii kanman, Yesu krista an man mantgi baaka la.

¹An nan mɔn fuɔ sa? An to jurumu la yaako nɛɛ ma la shiya waa?²Wayi dɛ! An ne minnu sara jurumu ka panaa fɛ, an na to ka jurumu tgo dii?³Aa ye m'a dɔn ko an ne minnu balisera krista Yesu la, ko an min batisera saya wee la?⁴Ayiwa an ni wo shu dunnan ŋɔn fɛ batiseli fɛ saya la, wola krista krunnan ka bɔ shuw shɛma a fa nɔɔrɔ baaka la tgo min na, wo tgo la an fran la tŋɔn ɲanamaya kula la.⁵Nin an nin wo kɛra kee ye a saya bisigi la, a piɛ nin no ko an niwee na kɛ kee ye a kununin fannan bisigi la.⁶an nan dɔn ko an mgɔ kɔɔ nin krista kpegmera yrila ŋɔn fɛ, yaako an mgɔ kɔɔ jurumuman fgan la ba, an k'a to jurumu ka yɔya la kun.⁷Katgu min sara, wo hɔrɔnya jurumu ma.⁸Nin an nin krista ka asa ŋɔn fɛ, an da Ala ko an nin wo nan ɲanamaya ɲɔn fɛ fannan.⁹An nan dɔn krista krunni kɔfɛ ka bɔ shu shɛman, a ri sa kun bada. saya tinan she sɔɔ an ka kun.¹⁰A sara saya min nan, a sara yashɛ ka pa fɛ shiɲan keepe. A min yannanmanya min na, a ɲannanman no yaa-Masa ka pa fɛ.¹¹Wo tgo la aa fanna la aa yɛɛw jate shuw ye yashɛ ka pa fɛ, ka aa jate ɲannanman ye yaa-Masa ka pa fɛ krista Yesu la.¹²Yashɛ ka sgi aa piikoo sataw kun nan kun, fwɔ aa ka ngew kan mlan.¹³Aa ka to ka aa piikoo jaa bla yashɛ boola aa kɛ teebiiya baarakɛ mlanw ye .Nka mɛn aa ka yɛɛ ji yaa-Masa ma e ko mgɔ minnu ɲannanmanyara ka bɔ shuw shɛman, ka aa piikoo jaa ji a ma ka kɛ teeniya baarakɛ mlanw ye.¹⁴Jurumu tinan e sgi aa kun nan kun . Katgu aa ti sariya kɔɔ, aa min nɛɛman we kɔɔ.¹⁵A min di wɛ? An ti sariya kɔɔ fwɔ nɛɛman kɔɔ, wee kanman aan jurumu kɛ waa? wayi dɛ!¹⁶Aa laa yɛɛ dun min boola ka kɛ wo ka yɔn ye ka wo kan mlan, aa miin kan mlan, aa ye man dɔn ko aa min wo tgi ka yɔn ye waa? Ni jurumu ka saya we mun, wo la ba ye saya lee.Nin kan mlanli ta lo, wo laba ye teeniya lee.¹⁷Nka mɛn baaka yaa-Masa ye, hali kasɔɔ aa ye tun min jurumu ka yɔnw ye ka kɔɔ, aa kalannan kalan tgo min nan, aa sɔnnan wo man nin aa dun kun biɛɛ ye.¹⁸Aa hɔnrɔnya nin kɔfɛ jurumu man, aaye kɛla teeniya ka yɔnw ye.¹⁹Ne koman ka kaŋnan nin mgɔ ya tgo ye aa piisgo baakan tanya kanman. Aa tun aa piikoo jaw jɔ nŋɔnniya nin dguya ka yɔnya la kuo dgu kanman tgo min nan, wo tgo la sisa aa kaa piisgo jaa jɔ teeniya ka yɔnya la sanniyan kanman.²⁰Aa ye tun min yashɛ ka yɔnw ye sgan min nan, aa tun min hɔnrɔnw nee teeniya ka pa pɛ,²¹Aa mun kuo minnu nan sisa aa tun min mɔn nafa sɔɔ wo kuow kɛni la ? Wuu laba ye saya lee.²²Nka mɛn sisa aa hɔnrɔnyani kɔfɛ yashɛ man ka kɛ yaa Masa ka yɔnw ye, aa nafa min sɔɔ, wee sanniyanli lee.²³Jurumu saa saya lee, nka mɛn yaa Masa ka nilifɛn min ɲannanmanya babii lee Jesu Krista an mantgi la.

¹Nbarenmanw ne koma aa ye fɛ nafwɔ sariya dɔnbagaw. Aa m'a dɔn ko ka mkɔ ta shira, sariya min a ka?²O tgo ra, muso cɛ frunnin , o srinin no a cɛɛ ra sariya fɛ ka a cɛɛ to a ɲanan.Nka ni cɛɛ ka sa, o moso hɔnrɔnya ra cɛɛ ka sariya ra.³We kɔsɔn ni a ka kɛ cɛkwɛman moso ye ka cɛkɔɔ to shira , o moso nin jashɔmoso re. Nka ni cɛɛ ka sa, a hɔrɔnya ra o sariya na ora , ni a ka fruu cɛɛ jɔ man a ti ja shɔnoso ye kun.⁴⁵Aa ye fran min tine, nbarenmanw ɑa sara sariya ka panfɛ krista pista pisgo fɛ, yaaka aa ka kɛ jɔkwɛnman ye ,, krista min krunna ka bɔ shuw shɛman yaako an dinkɛ yaa Masa K'an to aun yugo kɔɔ ra, sariya we lege dgu minnun tawri aan kɔnna, wuu tin baara kɛ an pisgo jaw ra ka diin kɛ saya ye.⁶sisa an hɔrɔyara sariya ma, ka sɔɔ aan tin min a kayɔnya ra, anne sa o ka pan fɛ. We kɔsɔ aan baara kɛ yaamasa ye ni yugo klula ye ŋinsenu na, aan ti a kɛ aan yugo kɔɔ ra sariya sɛbɛnin kɔɔ.⁷Aa na mun fwɔ kun? sariya min drumu ye wa? Wuhi dɛ nne tin tina drumun dɔn , ni sariya tin ti ɲin. nne tin tina ɲabɔfɛw dɔn ni sariya tun ma fwɔ ko: E ɲaa ka bɔ fɛɛn fɛ. ⁸Drunmun ye tgo sɔɔ cefwɔnin baaka ra ka ɲabɔfɛn fɛnw kwo shifa biɛɛ lawri nne kɔɔnna, ka sɔɔ ni sariya ti ɲin, drunmun sanin no.⁹Nne ɲraman ne tun mun gare ka sɔɔ sariya ti ɲin, nka kabɔfwɔ cefwɔnin na kaban drunmun ɲranmanya ra, nne kwin sara. ¹⁰Cefwɔnin mim jira ɲranmanya kanman, o kɛra nne fɛ saya sababu ye.¹¹Drunmun we tgo sɔɔ cefwɔnin baaka la ka nne lafri, ka ne pga o fɛ. ¹²O tgo ra sariya ka senun, cefwɔnin fran ka senu, a teennin mun, a kaɲi.¹³Fɛɲuman kɛra ne pga sababu ye waa? wuhi dɛɛ! drunmun ye ra kɛ. A ra yiɛɛ kun ka drumunya yira ti, e fɛɲuman kɛ ka saya lashe nne ma, yaako drumun dguya ra bonɲa cefwɔnin baaka ra fwɔɔ ka damatɛmɛn. ¹⁴Aan na dɔn ko sariya min ɲiin ka fɛɛn ye, nka nne mun pisgoman baakantan ye, ne fieere nin lo drunmun ma.¹⁵Nne mun kɛ, nne ti o dɔn. Nne mun mun a fɛ ka miin kɛ nne ti o kɛ. Kwoo minnun man ji nye fiewu, nne wuu re kɛ. ¹⁶Nne t'a fɛ ka min kɛ, nin nne ka o kɛ, nne sɔnna sariya ma ko a kaɲi.¹⁷Nne kwim ti o kɛbga ye sa. Drunmun min skinin nne kɔɔnna, we mun a kɛbga ye. ¹⁸Nne kwoɲuman dɔn, nka a ti nne kɔnna. kɛ kwoɲuman kɛ kwo min nne ra, nka a she ti npisgo ye.¹⁹Nne m'a fɛ ka kwo,ɲuman mun kɛ, nne ti o kɛ, nka nne t'afɛ ka kwodgu mun kɛ, nne wee kɛ. ²⁰Nne mun kɛ, nin nne t'afɛ ka o kɛ, nne ti o kɛbga ye kun. Drunmun min skinin nne kɔnna, we min a kɛbga ye. ²¹Nne o sariya sɔɔ nyiɛɛ ra: nin nne mi a fɛ ka ɲuman kɛ, kwodgu srinin mun nne ra.²²bari yaamasa ka sariya min nne ɲinkankwo ye. ²³Nka nne tgo kwɛman ne je npisgo jajɔw ra, we nne hakrila kɛɛ, ka nne bla drunmun ka baaratgo ka yɔnya ra, o drunmun min skinin mun nne kɔnna.²⁴He! nne ɲaanibgashɔ fɛɛ! joon na nne krishi ɲin saya pisgo ra? ²⁵Baaka yaamasa ye, Yesu Krista aan Matki ra! O tgo ra, nne na baara kɛ yaamasa ka sariya ye nne hakrila, nka nne pisgo ye baara kɛ drumun ka sariya ye.

¹Sisa kwin, minnun ni krista Yesu ra, yaaki ja foshi ti wuw ra kun.²ɲranmaya nin mi kristaYesu ra, wo ɲranmaya nin e ka baarakɛ tgo ne hɔrɔnya drunmun ni saya ka baarakɛ tgo man.³Sariya ma she ko min kɛ pisko baakanya kɔsɔ , Ala o kɛ. ar'a yɛkun diin ce kana hadamadin drunmunman bisgi ra ka kɛ drunmun yafa saaka ka drunmun yaaki pisgo ra. ⁴Yaako sariya ka teeniya ra dapa aan na, aan ne minnun ti tɲɔnma drunɲa ɲiin kwow ra, fwɔ ɲinsɛnun kwow le ra. ⁵Ka sɔɔ minnun pisgo jujen sraw tgoma, wu re miiri pisgo kwow le ra; nka minnun ɲinsenun jajen sraw tgɔma, wu re miiri ɲinsenun kwow ra.⁶Pisko kwow miiriliw min saya re, nka ɲinsenun ko miirili min ɲranmanya ni hɛɛrɛ le. ⁷Pisgo kwow miirili min Ala dguya re, sabu a koo nin tɛ Ala ka sariya ye. A ti she ka o kɛ fran. ⁸We kɔsɔ, minnun min pisgo jyajeesraw tgɔma na Wuw kwo ti she ka jya Ala ye.⁹Aye kwin ti tgɔma pisgo jyujee kwow sra fɛ, nka a ye tɲɔma ɲinsenun baaka ra, na k'a sɔɔ Ala ɲinsenun min mun a kɔnna, Krista ɲiin ti min kɔnna, o tkii ti Krista ta ye fywu. ¹⁰Ni Krista min aa ra , hari ni aa pisgo sunin mun drunmun kɔsɔ, aa ɲiinw ɲranman lo teeniya kɔɔna.¹¹Ala min Yesu lakrun ka bɔ shuuw shɛma, o ɲiin skinin aa kɔna, aye min Krista Yesu lakrun ka bɔ shuuw shɛma, ona aa pisgo sataw ɲranmaya aɲiin baaka ra, o min ski nin mun aa kɔnna.¹²O kama barenmanw, pisgo ka yruu ti an na kun, fwɔ n'an ka tɲɔman pisgo kwow ra. ¹³Ni aa ka tɲɔman pisgo kwow ra, aa na saa? Nka ni aa ka pisgo ka kɛwariw pka ɲinsenun baaka ra, aa na nɛɛmaya.¹⁴Ala ɲinsenun min minnun ɲanma wuuw biɛ min Ala diinw nee. ¹⁵Aa ye ɲiin min sɔɔ, o ti ɲɔnya ni sranya ɲiin ye nka aye dinya ɲiin ye sɔɔ. O baaka ra, an ni prɛn ko: Aba, aan faa!¹⁶Ala ɲiin ka shɛɛrɛya ani an ɲin ka shɛɛrɛya bɛnna nɲɔn ma ko an min Ala diinw ye. ¹⁷Ayiwa, n'an min Ala diinw ye, an min cɛntaraw ye fran. Ala ka cɛntarawani ani krista cɛntanŋɔnw ni a ka sɔɔ an ni krista min tɔɔrɔ ra nŋɔn fɛ, yaako nɔɔrɔ ra do an ni Krista ka kenye.¹⁸Nne r'a jate ko sisa t;or;o kwow ti fwoshi ye, ani wuw ti shɔn nŋɔn ma, O nɔɔrɔ min na yra, aa na ka bɔ ɲininsenu fɛ. ¹⁹Danfɛɛw krɔtɔnin mun ka Ala diinw ka yrali mankɔn.²⁰Danfɛɛw biɛɛ bla ra nafa ntanya pgan kɔɔ. O ma kɛ wuw sako ye, wuw bla bga nɔn no. Wuw dgii min a ka. ²¹Ko danfɛɛw biɛɛ fran na hɔrɔnya ka bɔ yɔnya ra, damadoba ra, ani ani hɔrɔnya Ala diinw ka nɔɔrɔ ra. ²²Sabu an na ko danfɛw badabiɛ min ŋuntan na ani a mi baara kɛ ra ken ye tɔɔrɔba ra fwɔ ka she sisa ma.²³O dɛnmɛn tɛ, anne minnun ka ɲinninfɛn gare sɔɔ, anne biɛ ŋuntan an kɔnna, ka an ka diin ya duu mankɔn, an pikow kunmabɔli fɛ. ²⁴Sabu, anne fran krishi ra ni o jigiya we ye. Ka sɔɔ, an jigiya min je, mɔnna to, an ni n'a jigiya o sɔɔri ka kun? ²⁵Nka an man min je, an jigi min we la, an o mankɔn ni munɲun ye.²⁶O tko ra ɲinsenun na, an janma, an ka baaka ntanya kwow ra fran, ka sɔɔ, an ka kan ka Ala daare kwo min na, an ti wo dɔn. ? ɲinsenun yɛkun na wo yira. ²⁷Min sɔkunw sɛgɛsɛgɛ, we ɲiin ka miiriya dɔn, sabu, aye re son nari daarew kɛ danabgaw pan fɛ, ka kanɲa Ala sako ma.²⁸Aan na dɔn ka Ala baarakɛ ni fɛɛn biɛ ye, a kannun bgaw ka makoɲan kuman, e wo minun kri ka kanɲa ni, a ka kwo latkɛnin ye. ²⁹Sabu Ala flan na ka mgɔ minnun wooman ka bɔ fwɔ gare gare , a flannan ka latkɛ fran ko wuw tgo ra kɛ nafwɔ a dincɛ ta wo, yaako a dincɛ ɲiin ra kɛ mgɔ shanman kɔɔ ɲin. ³⁰A flannan ka minmun ka kwo latkɛ, e re wuw kri, e minnun kri, ere wuw jate mgɔ teenin ye, e minnun jate mgɔ teeninw ye, ere boɲan da wuw kan.³¹An na mɔn fwɔ o kwow ra? Ni Ala min aan fɛ, joo na kɛ aan kanma? ³²Mgɔ min ma hinnɛ a yɛra dincɛ ra, nka a ra dun saya ra an biɛɛ kɔsɔ, o tin a fɛɛ biɛ ji an ma a dincɛ fɛ tgo di?³³Joon na Ala ka ɲanatɔmɔnniw sindɔn? Ala ka shɛɛn ji. ³⁴Joon na yaaaki kɛ? Krista yesu re saara. O dɛnmɛn tɛ, a krunna ka bɔ shuu shɛma. A sginin mun Ala krinbo fɛ. A min Ala daare re an fran ye.³⁵Joon na, aan paa ka bɔ Krista ka kannunya ra? bɔɔnba, waman ɲannin, waman mgɔ ka tɔɔrɔ, waman kɔngɔnba, waman fiyɛɛrɛ wo, waman sranya kwow, waman pgari waa? ³⁶Nafwɔ kitabu ra fwɔ tgo min na ko: mgɔw to k'an pga ye kɔsɔ. An yatee ra sgaadin pga taw ye.³⁷Nka o kwow biɛ ra, an tɛnmɛn na she sɔɔ bgaw biɛɛ ka, an kannunbga baaka ra. ³⁸Nne ra dɔn ka piɛya ka saya o, ɲranmanya o sisa fɛɛnw o, fɛn nataw o mɛɛ kɛw o, kuntkiya o, ³⁹shebga o, ɲatgana fɛnw o, dguko kan fɛnw o, hali danfɛ shifa o shifa, wuw shi tina she ka aan paa ka bɔ Ala ka kannuyanra min min Krista Yesu an Matki ra.

¹Nne shiɛn fwɔ Krista la. Nne ti fiɲan fwɔ, ani nne kɔɔnna mkɔ we shɛrɛya bɔ ka tɛnmɛn ɲinsenun fɛ, ²dosokashi ni jinminya banbii min nne sɔnkun na.³Nne ka laɲrin tin min ye ka dagaa sɔɔ fran ani ka mabɔ Matki ra, hun baremanw ka kannuya, nka piisko ra shiya mkɔw ka kannunya fɛ nne dosokun na. Wuw min Israyɛlikaw ye. ⁴Wuw min min ni yaamasa ka ladɲanmunni, a ka nɔɔrɔ, a kashɛrabɛnin, a ka sariya ɲinninfɛn, a ka baturi ani a ka layrukanw ye. ⁵Ani bɛnmɛncɛw Krista woo ra ka bɔ minnun na pisko ra, Krista min min yaamasa ye fɛɛn biɛ safɛɛ, A ra tadon fwɔɔ Abada aminna!⁶Nka wo t'a yira ka fwɔ ko yaamasa ka layruw ma she sɔɔ. Sabu mkɔɔ minnun min Israyɛli, wo mkɔw biɛ ti Israyɛli ta ye. ⁷Fran Abrahamu bɔnsɔnw biɛ ti a diin sɛbɛ sɛbɛ ye, nka ka tɛnmɛ Isaka fɛ, aa bɔnsɔnw na nana krii.⁸O kɔɔ ye ko, pisgo ra diinw ti yaamasa diin ye, nka layrukan diinw re yate nin nafwɔ bɔnsɔnw. ⁹Sabu layrukan koma we min de: Wate ɲin nŋɔnna kun na, nne na na ani diin na banki Sara fɛ.¹⁰Wo dɛnmɛn tɛ, nka Rebeka fran diin cɛɛ ken fɛ, an faa Izaki; ¹¹sabu diin tima wooba ani aa tima kwoɲunman waaman kwodgu kɛ, yako yaamasa ka latgɛta wo ka kanɲan a ka ɲanatɔmɔn ri la she ka baski, baaraw, ceew kama tɛ, nka min kririkɛ wo ka sakoya kama. ¹²A tin fwɔra a fɛ: cɛmkɔman na baara kɛ dɛnsʒn we. ¹³Wo tin kɛra nafwɔ a tin sɛbɛra tgo min na: Nin Yakuba kannun ari nin Esawu kɔnniya.¹⁴Aanne na mɔn fwɔ kub? Wo jaara yaamasa ka teebiya lo wa? ko wo ka kɛ bada. ¹⁵Sabu ara fwɔ Musa fɛ: nne na hinnɛ mkɔ ra min ka ji hun ye, ka makari mkɔ ra min ka ji hun ye. ¹⁶Ora sa, o ti bɔ mkɔ ra, n'a ka ji we, ni fran a ti bɔ biibga ra, nka yaamasa min hinne kɛ, e bɔ we fɛ.¹⁷Sabu sɛbɛni r'a fwɔ Frahunna fɛ ko: latkɛta kunniɲɛn nin ɲin ne kama nne ri kɔɔta yaako nka ska shebgaya ra wareya aa ra, ani nne tkɔ ra wankoda dguko jaa biɛ ra. ¹⁸Ora, yaamasa hinnɛn kɛ, a jajen mkɔɔ ye ani e mkɔ dosokun kwenya min fana ka ji a ye.¹⁹Ye na fwɔ nne fɛ kun ka fra o ka: mɔɔn kɔsɔ ere taɲa ka frii jee? joon na a sako sɔɔsɔ ka je? ²⁰Wo kwɔkanata wo, ye mkɔɔ min jon je ka she ka yaamasa ka fwɔtaw sɔɔsɔ fɛɛn min kɛrabgɔ ye, wo na fwɔ a didabga fɛ: mɔnna to ere ne dida tan? ²¹Dgadanbga man kanka bgɔɔn dida a ɲanna mnan marataw ye wa, ka jɔɔw dida ceka mnanw wa?²²Mɔɔn fwɔ kun ni yaamasa min sako mun ka a ka jinminya wareya sanko a ka shebgaya ra dɔn ka kwi ni munɲunnin shaanman ye, mkɔ minnun labɛnna halakili kama? ²³Mɔɔn fwɔ n'a ka sɔɔ e wuw kɛ yako ara she ka a ka nafotkiyaw nɔɔrɔ yira hinnɛbgashɔw kan, a flanna ka minnun labɛn a ka nɔɔrɔ kama wa? ²⁴Mɔɔn fwɔ n'a ka sɔɔ e wuw kɛ fran aan ne ye, ko a fran ma kriri kɛ ka bɔ yahutuw dɛnmɛn shɛra, nka ekririkɛ ka bɔ Aladɔnbiw fran shɛra wa?²⁵Nafwɔ aa fwɔ Oze fran ka sɛbɛra: Nne na mkɔw tkɔ kri minnun tinti nka janmanw ye ani nka kannunniw, minnun kannun tintɛ. ²⁶A fwɔra ɲana jaminna, ena kɛtin ne franko: Aa ti ne ka mkɔw ye, wo jaara aye na kri ko yaamasa ɲranman diinw.²⁷Ezayi kishira Israyɛli ka kwo ra: Nin Israyɛli diinw dakun shiya tin shee nafwɔ kɔgɔje dare cɛɛn wo, aa shɔnin ne dɛnmɛn tinna krishi. ²⁸Bari matki tinna a ka koma bla baara la duguko ka dapaninya ra ani jonna jonna. ²⁹Ani akɛra nafwɔ Ezayi r'a fwɔ jare ra ko: Ni matki kɛɛbotki tinma bɔnsɔnw to kɔfɛ aa fɛ, aan tinna kɛ nafwɔ Sodɔmu ani aa tinna kɛ Gomɔri bɔnɲɔnko.³⁰Aan na mɔn fwɔ kun? ko danabiw minnun ti teenninya yaara, wuw teenninya sɔɔ, teenninya ka bɔ dananya fɛ. ³¹Nka Israyɛli min tinmin sariya ka teenninya yaara ra, ma she ka wo sariya sɔɔ.³²Mɔɔn kɔsɔ? Israyɛli m'a yaara ni dananye nka ka tɛmɛ a ka kɛtaw fɛ, aa ra tɛɛrɛ gwɛya sende ma, ³³Nafwɔ a tin sɛbɛ ra ko: aa a fɛɛ nne gwrɛya sende damana ski Siɲɔn ani paako drunmunw. Miin ka daa wo ra, wotki ti muun.

¹N'baremanw ne min miin fɛ kwo sɛbɛ ndosokuun nan nee-miin daare yaamasa fɛ Israel kwora, wo m'a ru ka krishi wee ²Ne m'aru shɛrɛ ye k'a dosokun biɛ min Ala kwoora nga aam'a tgo dɔn ³Aa ma yaa masa ka teen nin yafaan mun aa tun mafɛ k'a yɛɛ kɛ mgɔ teenin ye aa ma koo yaamasa ka teeni ya ye⁴Krista min sariya dapanin nee yaako a danan dgaw biɛ teenin yaa sɔɔ ⁵Teenin ya miin sɔɔ sariya ra, Musa wo tgɔ sɛbɛɛ ko:Miin sariya sra teeni tgɔn man, wo na ɲran manya ka kanɲan ni wee.⁶Teenin min sɔɔ danan yaa ra wee fwɔ tane ko:E kaa fwɔ e koon nan ko: Jon nan yɛɛ kwo ka dgi ⁷Wa maan ko jon na dgi wo dgan yaan kɔɔn na?( Ka krista lawri ka bɔ shuw shɛma)⁸Ayiwa wee mɔɔn fwɔ?A koo wo koma ka srun e ra a mi daara ani dosokun nan wo kɔɔ o danan ya koma o an wo min wan juri kɛ⁹Nii jɔ ara ka fwɔ e daara ko yesu min matgi ye ka d'ara e dosokun na ka dara fanna ko yaa masa ra lakun nun ka bɔ shuw shɛ ma,e na krishi¹⁰Katgu mgɔ dana yaa kɛ a dosokun na ka teenin yaa sɔɔ. Ee jɔ ara e daara ka krishi ri sɔɔ¹¹Kitabu ko, ko mgɔ o mgɔ ka da wora, wotgi ti muun a bada¹²Dan paa ti yahutuw ni shi shɔw shɛ.Matgi ken nee ma biɛ kunna, a min fɛn tgi ye k'a tgɔ kribgaw biɛ ma kwo ɲan¹³Katgu mgɔ o mgɔ ka matgi tgɔ kri ee wo tgi mak wo ɲare¹⁴Aa na tgɔ kri dù n'a ma dara: Aa na da ara dii n'a maa kwo mɛn ?Aa na kwo mɛn dii nin mgɔ m'a wan juri kɛ?¹⁵Aa na wanjuri kɛ dii n'a ma ce ?E na fwɔ a sɛbɛ nin tin miin shi ko:Miinu na ni kibaro jun man wee aa sinw cɛ ka ɲiin¹⁶Wo biɛ nan ta mgɔw biɛ man sɔn wo kibaru juman man Esayi re ya fwɔ ko: Matgi yo dara an ka kibaro juman fwɔnin nan? ¹⁷Dananya wee sɔɔ lamɛn nin wee bɔ Krista ka koman wee fɛ.¹⁸Nga ne koo yalaman aa maa mɛn ne kɛ? Aa mɛn dɛɛ. Aa ko an kan bɔra ka tu dgukoo ja biɛra aa ka koman shera fwɔ diɲan daan nan.¹⁹Nga ne ra fwɔ yalaman Israɛl man wo dɔn ne kɛ? Musa re gare ka fwɔ ko. Min ti shia ye ne nan cerenya dun ara wu kwora shiya akrin tanw ne nan to are ka wu kɔniya.²⁰Esayi re yi yarakpeya ka fwɔ fanan ko: Minu tinti ne yarara wu ne je. Minnu tinti ne kwo yrika ne ni yɛɛ yraa wuraa. ²¹Israɛl ka pan fɛ e ko ne teenan kan boo bɔ shiya kan mlan bii sɔsɔrikɛraw fɛ.

¹Ne koo: Ala ra kɛ ka mgɔw frire wa? wayi dɛ, katgu ne biɛ min Israɛl jɔre Ibrahima bɔnsɔn Bɛnzamɛ ka shiya o. ²Ala ra ka shiya min nu dɔn kabɔ fwɔ gare a man wu fri Eli Ala daare Israɛl yee tin min shii kitabu wee min fwɔ wo kworaa aa man wo kran ne wa? ³A koo matgi aa ri ka ceraw pkaa k'i ka saaka bɔnanw tin ne ken ne tora aa man fɛ ka ne biɛ pka.⁴Nga Ala ra labii tgo di? e ko nee cɛ wga wonwla re ɲannan tɔnmɔn n yɛɛ ye wu shi m'a kminɲmri gman baal ye. ⁵Wo tgora hali sisa wu shɔw minɲin Ala wu min ɲanan tɔnmɔn ka kanɲan nin a ka nɛɛman wee.⁶Nin wu ka ɲanantɔnmɔnri kɛra ka kanyan nin a ka nɛɛman wee wo man kɛ kɛwari nɔn ye nin wo tɛ nɛɛman ti kɛ nɛɛman ye kun. ⁷Sisa a min di? Israɛl min ɲinnin a man wo sɔɔ. Nga min ɲanantɔnmɔn nan wora sɔɔ. Mgɔ shɔw dosokunw gbrɛyara. ⁸E nan fwɔ a sɛbɛnin tin minshi ko: Ala sinngɔn ɲin jii aa man ani ɲa minnun ti jeri kɛ anin too minnun ti niɛnni kɛ fwɔ ka nan she byi man.⁹Dawuda biɛre yaa fwɔ ko: Aa ka dunnikɛ tubarira kɛ aa mlan nɲɛn nin aa mlan yru ye ani aa kun nanshɛn fɛn ni aa ka sawo. ¹⁰Aa ɲannanra fwin aa kaa jeri kɛ y'aru kwɔ kru sgaa biɛ.¹¹Ayiwa ne ko: Aa sin kpishira fwɔ k'a byin ne wa? wayidɛ nga aa ka fri ra to shiya shɔw re krishi yaako wura cerenya Israɛl kwora. ¹²Ayiwa nin Israɛl ka fri ra too oli an re nafaba sɔɔ nin aa dgɔya ra too shiya shɔw re nafaba sɔɔ wo dapa nin ta kwo ba kɛ ka tɛnmɛn ɲin biɛ kan wo?¹³Ne koman aa ye shɔwre fɛ, ne min ceradin nee ka ta shiyaw man ne nin ka baara boɲan. ¹⁴Yaako nii shaa kɛ ne ra cerenya dun un shiya ngɔnw ra fwɔ aa jɔɔ ra krishi.¹⁵Nin aa ka fri kɛra sababu ye ka bɛn dun aa nin Ala shɛ, nin sɔn kɛra aa man wo na kɛ mɔn ye? Wo nan kɛ sababu ye ka shuw ɲran manya. ¹⁶Nin shun man ku ka ji Ala man a shɔɔ biɛ re saniya. Nin yri dri ka ji Ala man a boow biɛ ree san niya.¹⁷Ni yribow jɔɔ ka kii ka bɔ yribara, ye min tin min kongo kɔɔn nan olivie yriye yri boo min nun tora ni ki ɲɔɔrɔ wura e ni wure jɛndriw ni a tru kan. ¹⁸E ka e yɛɛ boɲan wo yribow man ni ka e yɛɛ boɲan a dɔn ko ye ti dri ta bga ye nga driwe min ye ta bga ye.¹⁹Yri boo min nun kiira ka bɔɲin wo kɛra yaako yii ɲɔɔrɔ wo jaara. ²⁰Shɛnro aa kii sababu kɛra aa ka dunan biya we ye toɲin e ka dananya we kanman e kii wanso wora sran dɛ. ²¹Ni Ala man hinan olivie yri yɛɛku bow ra a ti naan hinan ye shira.²²Ala ka ɲumanya nan ka gmrɛya min wee ye miin nu bin nan a ka gmɛya wee she wuu man ye kmin Ala ka ɲumanya min ye kan. E to a ka ɲumanya ra n'ootɛ ye fan nan nan ca ron.²³Ni wu fanan man to dananbii ya ra aa na ɲɔɔrɔ aa ba shun nan. Katgu Ala min tine e she k'aru ɲɔɔrɔ kla ye. ²⁴Ye kmin tgɛra ka bɔ kongo olivie yri la ka ɲɔɔrɔ olivie yri sɛbɛ ra ka sɔɔ ye tgo nin aa tgo ti kenye wu min min olivie yri sɛbɛɛ bow ye wu taa ɲɔɔrɔ kla ye aa ba shun nan kwosɛbɛ ka tɛnmɛn ye kan wa?²⁵Ayiwa n baremanw ne tafɛ aa to bune ɲin nun dɔn bii ye. Yaako aa kaanan an yɛɛ jate a kri tgiru ye. Israɛl dinw jɔɔra ban ka shɛn don tine wo kwo nan miɛn fwɔ shiya shɔw biɛraa dananya kɛ ban.²⁶Wo tgo ra Israɛl biɛ nan krishi na fwɔ a sɛbɛni tin ko: Krishibga nan nan ka bɔ Siɔn a na Ala ɲan sranbiiya bɔ Yakuba ra. ²⁷Wee min ne ka layru wee aa fɛ ni ne ka nancaa ka jrumu ta ka bɔɲin skan min nan.²⁸Kibaro ɲuman pan fɛ aa nin Ala dgure a ye kan man.?Nanatɔri ka pan fɛ Ala raa kanu aa bemanw re kka man. ²⁹Katgu Ala ti ngisa a ka ɲini nin a ka ɲanatɔmɔn ri ra fyew.³⁰Aa tin ti Ala kan mlan gare nga aa man karisɔɔ sisa wu ka kanblari kanman. ³¹Wo tgora wu kɛra Ala kanbla bgaw ye sisa yaako aa ye makari sɔɔ tin miishi wu biɛra mankari sɔɔ ti sisa. ³²Ala mgɔw biɛshi yatee kanblacbga yee yaako a ra mankari biɛra.³³E! Ala ka nafootgiya nin a ka akritgiya nin a ka dɔniya ka jun kwosɛbɛ haari. A ka kiti ka buun ka tɛnmɛn diɲan dun ka, a ka sraw ti shaa dɔn. ³⁴E ko a sɛbɛnin tin min shi ko jon Ala ka myiriyaw dɔn jon kɛra a ɲayra bga ye?³⁵Jon elan nan ka fɛ jɔ ji a man n'a kaɲiin ka wo saa? ³⁶Fɛn biɛ bɔra Ala le ra fɛn biɛ minyin a yee bakara fɛ biɛɛ a ye ta ree. Nɔrɔyara da a kan badaa badaa.Amiina.

¹Werato nbaremanw ne ra daare Ala ka mankari kwow kaman, ko aa piisgo biɛ ji Ala man saaka ɲranman ye a sanniya wo ka ji Ala ye. We min aa ka batoriɲranman wee. ²Aa kaa a ka kwo kɛtaa kaɲan nin diyaan ka kwokɛtaw ye kun. nga ka kwokɛtaw ra yɛɛman aa akri ka laklayariii fɛ yaako Ala sako ɲumana juman dapanin min mii miin ye aa re ka wo dɔn ka ɲan.³Ka kaɲan nin Ala ka nɛɛman jini wee ne man re fwɔ aa biɛ kenken ye ko aa kaa aa yɛɛ boyan ka damannntɛnmɛn. Nga Ala dananya min jii mgɔw biɛ kenken maan aa yɛɛ jate nin aa akrisginin ye ka kaɲan nin wee.⁴Pisgo ja shaanman min piisgo ken nan. Nga wo jaw ka baara kɛtaw tin ken ye. ⁵Wo tgora an ka sha, nga an kɛra piisgo ken ye Krista ra an biɛ kenken min mgɔn piisgo jaw jɔɔre ye.⁶ɲinin fɛn min nun jira an man ka kanɲan nin Ala ka nɛɛman wee wo shii ka an baara kɛ nin wuu ye nin cereya ro an cereyaa kɛ ka kanɲan an ka danaya wee. ⁷nin baara ro an baara kɛ. Min mgɔw kran wora to mgɔ kran nan. ⁸Min wanjuri kɛ wora to wanjuri ra min ɲin nin kɛ wora a boo fii. Min ɲan mlanri kɛ wori jeja wora min mankari kɛ, wora a kɛ nin ɲunshɔn ja ye.⁹Kanuya kaa kɛ flanka fwɔya kan. An kwo dgu haramu k'an ɲɔɔrɔ kwo ɲuman weera. ¹⁰Aa ngɔn kanu konɲo baremanw shi an ngɔn dan ngɔn boɲaan nan.¹¹Aa jeja aa kaa kɛ saa shɔ ye. Aa kɛ dosoman nun ye ka baara kɛ Ala ye. ¹²Aa yrira ja aa dgiya k'a munɲun tɔɔrɔ waatira k'a tin min nan ja Ala daare ra. ¹³Aa bareman senumanw mankwoɲan ka donanw ladun.¹⁴Miinun n'an gmanra k'a tɔɔrɔ aa duba dun wuu ye aa k'a ru daga. ¹⁵Aa yrira jaa kɛ nin yriraja bgaw ye ka koomo nin koomo bgaw ye. ¹⁶Aa miiriyaw ra kɛ keen ye aa k'a yɛɛ boɲan nga aa fra mgɔ mandgininw kan. Aa kaa aa yɛɛ jate akrimanw ye.¹⁷Aa kaa mgɔ shi ka kwo dgu saa nin kwo dgu ye ye aa kwo teenin wee kɛ mgɔw biɛ ɲan nan. ¹⁸Aa ye ka paa fɛ hɛɛrɛ ra to aa nin mgɔw biɛ shɛ.¹⁹Ne ra ye miin nun kanun aa kaa aa ka hakɛ saa mgɔ shira nga aa jaato Ala ka jinmin wee katgu a sɛbɛnin ko. Hakɛ bɔ kwo wee ne ta ree ne nan saa. matgi ko tin. ²⁰Nin kɔnɲɔ mine dgura dunnnnin j'aman nin myin ngɔɔn man nan jee j'a man. Ni ka wo kɛ e nan fiɛn kiin tun a kun kan. ²¹E kaa to dguyara she sɔɔ e kan nga yaa she dguya kane ka kwo ɲunnman fɛ.

¹Mgɔw biɛ ra koo an kun nan fganw ye, katgu fgan tiyin nin Ala nɔn tɛ. ²Wee kan man nin mgɔ miinti koo fganwee a tgi ti koo Ala ka kwo latgɛ ninw ye. Miin tu koo fgan wee wo tgi na yaaki byin a yɛɛ kan.³Kutgi ti kwo ɲuman kɛra bgabga fwɔ kwodgu kɛra ni tafɛ ka sran fganɲan kmiin kwo ɲuman kɛ e nan tanarisɔɔ a fɛ. ⁴Kuntgi min Ala ka baara kɛra ree ye nafaa kanman. Nga n'ii kwo dgu kɛ sran dɛ katgu a ti munnun baa ta gman an a min Ala ka baara kɛra re ka yacɛw yru saa kwodgu kɛraw ra. ⁵Weera to wajibiro ya koo a ye jin min ɲasran drɔn tɛ nga dosokun ɲuman yaa kanman fanan.⁶Weera to aare ɲin sgɔn saa fanan, ka tgu kuntgiw min Ala ka baara kɛra ree aa re naa yɛɛ ji wo bara man. ⁷Mɔw biɛ ka kan nin miin ye aa wo j'aa man. Aa ɲin sgɔn saa ɲin sgɔn mlanraw fɛ; ka sra saa ji sra saa mlan law man. E ka kan ka sran miin ɲan sra wo ɲan. E ka kan ka min boɲan wo boɲan.⁸Mgɔ shi ka yru kaa to aara ngɔn kanun kwɔ min ka a mgɔ ngɔn kanun we sariya dapaa. ⁹Katgu ce miinun fwɔra ko; e kaa ɲan mgɔya kɛ, e kaa mgɔ pka, e kaa soɲannin kɛ, e ɲan kaa bɔ wari fenfɛ anin ce fwɔniin shɔw biɛ ɲɔɔrɔnin weera ko. E mgɔ ngɔn kanun na fwɔ e yɛɛ. ¹⁰Kanuya ti kwo dgu kɛ a mgɔ ngɔnnan yera to kanuya wee sariya dapare.¹¹Aa wo kɛ ka dɔn k'aan kunu sgaan shera ka bɔ sin ngɔɔn ra ka ban. Katgu an dananya kɛɛ wati miin nan an ka krishii sruɲannan sisa ka tɛnmɛn wo waati kan. ¹²Shu manfɛ ka tɛnmɛn dgupiɛ sruɲanra wera to an jibi ka kɛwari dabla ka kɛɛn kɛɛkɛ mlanw dun an nan.¹³Antkɔnman sɛbɛyara nanfwɔ teefɛra tgo wo. An yɛɛ tgan dguya nin dɔɔshɔ yaa man, nin kakaa ya ni kɛw nin ceere shɔ yaa man. ¹⁴An Matgi Yesu Krista dun aa kan nan nanfwɔ deeke aa kaa aa piisgo lgeraw ɲan sgi.

¹²Mgɔ miin ka dananya ka dgɔ aa wo tgi mlan ka ɲan aa ka sɔsɔri kɛ shikashika kwowra. ²Mgɔ jɔ darara ka ye she ka fɛw biɛ dun nga jɔ kpɛɛman min baaka ka dgɔ wee sɛnfɛw drɔw ne dun.³Dunnin kɛra kaa kunni kɛ bii manfiɛnya. Dunnin kɛra fanan kaa dunnin kɛ bii yaaki, katgu Ala ra mlaan ka ɲan. ⁴Ye min jo ye ka mgɔ kpiɛɛ ka baradin yaaki? A jɔrawo a byin nan wo wo man kuntgii kun kworee. Nga a nan jɔ katgu she min matgi wee k'a jɔ.⁵Mgɔ jɔ dun boɲan ka tɛn mɛn dun jɔ kan ka sɔɔ jɔ min myiirira ko dunw biɛka kan biɛ ken ken naansɔn a doso kun ka myiiri man. ⁶Miiin min dun jɔ boɲan nan a man boɲan nan matgi wee ye, miin min dunnin kɛra ee dunnin kɛ matgi wee katgu a nan baaka da matgi wee. Min ti dun nin kɛra a ka dun nin kɛ biiya we ka kɛ matgi ree a fanan baaka da Ala ye.⁷An shi ti ɲran manya an yɛɛye an shi ti sa an yɛɛ ye. ⁸n'an ɲran manyan an ɲranmanyan mun matgi re n'an ka sa an sa matgi re wee kan man an ɲran man no wo an sara wo an min matgi ta ree. ⁹ɲin re ra too matgi re sa ka ɲran manya kla ye yaako a ra kɛ mgɔ saninw nin ɲran manw biɛ matgi ye.¹⁰Ye kpiin mɔɔnan eeni bareman yaaki? ye fannan mɔ;ànan eeni bareman man fiɛnya? An biɛ jɔ Ala ka kitira. ¹¹A sɛbɛni mun ko ne ɲranman no matgi ko tin. Mgɔw biɛ nan kpingri gban ne kɔɔ. Mgɔw biɛ nan Ala tanu nin aa nɛn kun wee.¹²Wo tgora an biɛ kenken nan an ka kwow jate Ala ɲan. ¹³Wee mgɔ shi kaa mgɔ ngɔn yaaki kun nga wo biɛ natan aa biɛra latgɛ aa kɔɔnan k'a tinaan fwoi kɛ min nanto e bareman sin naan kpishi wara ka byin.¹⁴Ne ra dɔn ka piɛ matgi Yesu ra ko fɛ shi ngɔnintɛ a yɛman nga nin mgɔ ka fɛnjɔ jate ngɔnnin ye a ngɔnnin wo tgi fɛ. ¹⁵Nin e bareman ɲan ka shishi e ka fɛn dun taa kanman e ti kanuya sra kan Krista sara mgɔ nin kanma e kaa kɛ wo halaki sababu ye nika dunnin ye.¹⁶Aa kaa to aa kwo ɲuman naan man fiɛn ya. ¹⁷Katgu Ala masaya ti duni ni myinin ye fwɔ teeninya nin dososhɔn nin ɲunshɔja nin nisenu baka la.¹⁸Wo tgora min bara kɛ Krista ye wo kwo ka ji Ala ye e tgɔ ɲumansɔɔ mgɔw fɛ fan nan. ¹⁹Wera to an gban hɛrɛ kwow nɔn kan. A nin nun jo fra an nin an mgɔ ngɔnw baaka kan.²⁰E kaa Ala ka baara shɛn duninfɛn kanman. Fɛn biɛ san sanniya nin no nga min ka dunin we mgɔ kpɛɛman kunan shɛn wo ka dgu wo tgi man. ²¹Sgo ɲimin nin diwɛn myin nin fɛ o fɛn na to ne mgɔ ngɔn kunan laa shɛn n'ii wo toyin wee ka ɲin.²²Dananya min mi fɛ wo mara e yɛɛ ye Ala ɲan kɔɔ min fɛ jate fɛ ɲuman ye nin a dosoku t'a yaaki a ra wo min dubadin ye. ²³Nka min dunin kɛ nin shika ye wo yaakira katgu a m'a kɛ nin dananya ye. Fɛ o fɛ man kɛ nin dananya ye we kwo dgure jrumun no.