Bible

Matthew

Chapter 1

¹La buku la vigilemulila te Isus kraist, E latu le Devit, E latu le Abraham. ²E Abraham e tamale Aisak, E Aisak e tamale Jakob, E Jakob e tamale Juda me tabarabarala. ³E Juda e tamale Peres me Sera te Tamar, E Peres e tamale Hezron, E Hezron e tamale Ram.⁴E Ram e tamale Amminadab,E Amminadab e tamale Nashson.

⁵E Salmon e tamale Boas te Rahab, Boas e tamale Obed te Ruth, E Obed e tamale Jessi.⁶ E Jessi eia tamale king Davit, E Divit e tamale Solomon te rutu le Uriah.⁷E solomon eia e talae Rehoboam,E Rehoboam e tamale Abijah E Abijah e tamale Asa.⁸ E Asa a e tamale Jehoshapat,E Jehoshaphat e tamale Joram, E joram eia e tutubule Uzziah.⁹E Uzziah eia e tamale Jotam, E Jotam e tamala e Ahaz, E Ahaz e tamale Hezekiah. ¹⁰Hezekiaheia e tamale Manaseh,E Manaseh e tamale Amon, E Amon e tamale Josiah. ¹¹E Josiah eia e tutubu le Jechoniah me tabarabarala te la imala tulugaluga soio e Babilon.¹²Mulimuli te la tulugaluga soio e Babilon, e Jekonia eia e tamale Seltiel, e Seltiel eia e tubule Zerubabel. ¹³E Zerubabel eia e tamale Abiud, E Abiud e tamale Eliakim, E Eliakim e tamale Azo. ¹⁴E Aso eia e tamale Zadok, E Zadok e tamale Akim,me e Akim e tamale Eliud.¹⁵E Eliud eia e tamale Eliazar, E Eliazer e tamale Matthan, E Matthan e tmale Jakob.¹⁶ E Jakob eia e tamale Joseph e haruale Mary, ale pigo e Isus,ale toila e kraist.¹⁷ Egite la hili le Abraham kara olagu te Devit la hili gite savulu sa geteva, soko te Devit golagu te la tulugaluga soio e Babilon la hili gite savulu sa geteva, loio tela tulugaluga sio e babilon golagu te kraest la hili gete savulusa geteva.¹⁸Oilo te la vitilimulila alele agio sibitala tela piligo le Isus kraist, E tilala, e meri, eia la utu robo te Joseph, Egira souka pou vikapopo, Egite goio hiloa mae a savulatuti te la golu la kalulu maroka.¹⁹ Ala moli e Joseph a la tahalo ale matata sele, me eia kama masaga ge igo mahela eia tela mata gite la valua, Eia gabutala viage tou kokovu moli eia.²⁰A goio gabutala mulmuli la papaga alele,Goio la angelo te uru goio sibitala tavu eia oio tela matalovi la, A vei mago,"Joseph latu le devuit , umala tataga puli eia igole rutumu, La vuhula ale a savulatuele eia savulatu tela golu la kalulu maroka, ²¹Eiage taposa isa giliki, Eme ge tola leia e Isus, Eiage utululu egite la valua me hatavile loio tela vulovulo gite ale kama kokora."²²La papaga tomi alele sibita ge vipuru muli la rova la Uru veia gite la propet, ge veipalaea,²³ "Hiloa la sobe ge savulatu ge pigo isa e giliki, Egitege toi la isala e Immanuel- ge vuloa mae,"E Deo vikapopo me tatou,"²⁴E Joseph hagolo loio tela mavutala tetala me eia igoa mae la Angelo tela Uru veiala ge igoa mae vola.²⁵ Alamoli a kama rovi eia karamae eia taposa me a hatamale. Goio a tola la isala e Isus.

Chapter 2

¹Mulmuli te ale e Isus e tilala pigoa oilo e Betlehem te Juda oilo tela imala te King Herod, la valua mari loio te la mata la haro guvi oilo e Jerusalem egite vei mago, ² E guliki ale e tilala pigoa me eia e king tegite Juda eiala oiove? Amite hilo la matabula oiola hilitila matala haro me amite gomai tige lotu tavu eia."³ La imala e king Herod loloa maele,La tiala kama kora sele,Egite tomi ale oio e Jerusalem tai vikapopo me eia.⁴E Herod abi vikapopo tomi egite la mulugaluga tegite prist me skraeb me la valalua,Eia tahi egiteu," E Kraist ale ge pigoa oiove?" ⁵Egite goio veiala, "Oilo e Betlehem te Juda, Ale la rova egite la propet agotola tia pala. ⁶Alamoli emei, Betlehem, Oilo la magasa le Juda, kama la tapasila kabili tegite la mulugaluga tegite juda, Eme ge viguvi isa la tahalo ale auru sele eiage baumuli egite la valalua taku e Israel."'⁷Goio e Herod tola kovu moli egite la valua la mari goio tahi egite erese la imala sele la matabu sibitala.⁸Eia baha egite soio e Betlehem, veia gite mago, Amuto goio mata tahoa la pepeso bisio. Mae amuto ge poga eia, Abi rivu la merera somai taku me eau tai goioge lotu tavu eia."⁹Egite goio lolo kaluvu e king, egite goio tuga tio, goio la matabu ale egite hiloa oio la porosile la matala haro mamuga egiteu kara agoio magiri oata la ba ale pepeso bisi ovolao. ¹⁰La imala egite hilo la matabu , egite sagege me la mogela uru sele.¹¹Egite goilo la luma goio hiloa la pepeso bisio me tilala e Mery. Egite goio boru otalo lotu tavu eia. egite goio kopea la vuliti tegite viabi soio tetala la gol, Frankinsen, mela Mirrh. ¹²E Deo mera vagaria gite oio tela matalovila mae egite umala ge beurivua soio te Herod, Tio egite beua soio tela mautu tegite tela gauru ale isapolo.¹³La imala egite tugati, La Angelo tela Uru sibitala te Joseph oilo tela mata lovila a veiala mago ,"hiliti oata, puli e giliki bisiele me tilala, Amuto hele soio e Egipt. Pou oiole karamae eau ge veiamu, E Herod ge pamuli eia bisiele ge igobara eia. ¹⁴Te la logo alele e Joseph hagolo puli e giliki bisiele me tilala egite tugab soio e Egypt. ¹⁵Eia pou oio karamae e Herod peho. Ale purumuli la rova la Uru veitia tegite e propet, Loiolo te Egypt eau tolati e latugu."¹⁶Goio e Herod, a hiloa mae egite la valua la mari tutugolo tia, eia igo tilo gerutio. A gio baha la merera oilo tela ba la mautu e betlehem mae egite giliki ale hatamalmale tomi ale lotalo te la leavala ilua ge bili egite.Ale tela imala sele ale eia lolo egite la valua la mari vigalia.¹⁷Me a purumuli sele la merera ale propet Jeremiah veipalaea ¹⁸La golu isasa eau loloa oilo e Rama, La tilali mela malatilali, E Rachel taitali le latatula, a kama masaga isa ge siobu eia, La vuhula egite oukati."¹⁹La imala e Herod peho, Mata soio la Angelo te Uru sibitala tavu e Joseph tela matalovila oilo e Egipt Avei mago,²⁰Eme hiti abi egira taume latu amuto goio la mautu la magasa e Israel, Egite ale veila bilile gilikiele pehoti."²¹E Joseph hiliti puli e giliki me tilala, me egite goilo la mautue Israel.²²Alamoli la imala a lolo via e Arkelaus oio pou la pulou la uru oio e Juda eia abila mulile tamala e Herod, eia tagati via kati ge beua soio.Mulmuli te ale e Deo mera tageala Eia heletaro la gale la mautu e Galili.²³ Atuga goio mou oio la mautu uru la isala e Naseret. Ale puru muli la merera egite la propet veipalatia, viage tola leia e Nazarin.

Chapter 3

¹Oilo tela imala alele e John tela vuluhi gomai valolo oilo la kuepa le Juda a vei mago,²Emege vulo, La Kiingdom tela ilo lalage omai hagavitie,³Ale la tahalo ale e propet Aisaiah vevei eiao, A vei mago," La golu isa tatola oilo la la kuepa, 'amuto igo raragi la gauru te Uru,Igo matata la gaurula⁴La kairobo te Jon a igolula la Ivu la kamel me la kisi pou tetala eia la kulkuli la basi a kisi pou leia.La ilali tetal e komare me la magu⁵Goio e Jerusalem, egite Juda, me egite la gale mautula tomi ale polo galili la lalu e Jordan egite tomi gogala tetala.⁶E Jon vuhi egite oilo la lalu e Jordan me egite veipala la iriru tegiteu.⁷Ala moli la imala a hilo usu tegite praseo me sadusi gomai tetala viage eiage vuhi egite, A goio veia gite mago, "Amuto e latatu la pase ale kama kokora ,Amuto viage hele la hatemasi la te la Uru ale ge gomai? ⁸Amuto ge vulo pala la vulovulo muto tio amuto ge viguvi la vavua muto ale tartigi. ⁹La gabutala muto umala ge maraparapa veia e tubu mutou e Abraham, Eau vei selea mutou E Deo koramuli ge vigia soio tela uatati ge sibitala mae e tutubu le Abraham.¹⁰La tahalo uru tau lahati la pemu otalo la vuhu la obobu tomi, La obobu tomi ale viguvi la vavua gite ale kama tartigi ge tolo taroa ge pigia sotalo la havi.¹¹Eau vuhi le amuto la lalu viage vimavulaha taro le amuto la iruru tamuto. Alamoli ale mulmuli taku la vagari la muga taku, Eau kama koramuli ge tuga hagavi soio tela balila, Eiage abia muto la kalulu maroka mela havi la.¹²La uru raragi ge hilovi la vulovulo gite la valua tomi, egiteu ale tartigi age puli egite soio la balila, alamoli egite ale kama kokora a ge pigi egite sotalo la havi ale karere la kaluvula ge ouka."¹³Goio e Isus guvi loio e Galili goio la lalu e Jordan via e Jon ge vuhi eia.¹⁴ Alamoli e Jon veiage merataroa. a vei mago, " A kora muli emege vuhi eau, Eau kama kora muli ge vuhi emei,Alamoli eme gomai taku veiage vuhi omai taku,?¹⁵E Isus goio koli la merera te jon mago," korati,emege igoa mae ale eau veitiamu, Etala ge vipuru la masagala tela Uru ale eia veia eauge mulmuli la vulovulo tomi ale matata koramuli la igolu taku." E Jon loloa maele a goio tilimuli la masagala te Isus a gio vuhi eia.¹⁶E Jon goio vuhi e Isus kaluvu, Goio e Isus hiliti tuga soata, A goio taga soata , a hilo la mori kope, eia hilo la kalulu tahalo Uru a mae la malu la Uku a gotalo tetala,¹⁷Goio la golu la tahalo Uru tola loata la mori mago,"Ale e latugu la riau, Eau sagege pepeho leia."

Chapter 4

¹Goio la kalulu maroka abi e Isus soio la ba la kuepa viage e Satan ge tovoilai eia.² Tio e Isus peremu la logo savuluva ,a kama ali, eia kama liu,me eia vitolo sele.³Goio e Satan sibitala tavua me eia veiala mago,"Mae eme e latu le Deo sesele, Eme ge veia gite la uatati aleie ge vulo mae la bret."⁴Alamoli e Isus goio koliala mago, La buktabu veia la tahalo kamage mahuli moli la ilali la vovo,la valuage mahulila la merera tomi ale gali loilo la hare le Deo."'⁵Goio e Satan pulia soio e Jerusalem egira goio goata la varu la luma la lotu oata sele me egira magiri ovolao,⁶Tio e Satan goio veiala mago, Mae eme e latu le Deo sele, tartigi eme ge raga sotalo, La vuhula la buktabu a vei mae, La tahalo Uru ge baha taro egite la Angelo tetala ge sakoli sae moli me tela lima giteu, la vahamu kamage putua tela uati."'⁷Goio e Isus kolilou la vikarara tetala mago, la buktabu vei mae, Eme umala ge tovo lalai la Uru tame e Deo."'⁸Tio e Satan goio puli loua egira goata la gove isa la varula oata sele agoio turiala la mautula me la marasala tetala.⁹Agoio veiala mago, La papaga tomi aleie eau ge abiamu, mae eme ge tototulu otalo ge lotu tavu eau."¹⁰Alamoli e Isus veiala mago,"Satan emege hele taro eau, La vuhula la buktabu a vei mae,Amutoge lotu tavu moli la Uru eia e Deo,Amutoge togo moli eia sekela."¹¹Tio E Satan goio hiliti taro e Isus, Mata soio egite la angelo gomai vitahoala.¹²Tio la imala e Isus lolo tia via egite sautola ti e Jon, Eia goio teterivu soio e Galili.¹³Eia goio heletaro e Naseret tuga goio mou oilo e kapernaum,Ale oio la parava le galili oilo te la ba te Zebulun me Naptali,¹⁴La papaga ale sibitala ge purumuli la merera ale e propet Aisaiah veitia, ¹⁵La magasa le Zebulun me la magasa le Naptali, ale lagu solau la mago, te la gale le Jordan loio, me Galili tegite Gentael! ¹⁶La valua me hatavila ale pou oilo la maligoma hilo ti la matagaga ale uru sele, me egite tai ale pou la gale la miau la pileho, oata tegite la matagaga porosileti."¹⁷Tela imala alele e Isus soko la valola me a vei mago, "Eme ge Vulo, La mautu la sagela te Deo omai hagavuiti,"¹⁸Eia goio tatuga la parava le Galili, A goio hilo e taume tari ilua, E saimon ale tolale Pita, me tabarala e Andrew, Egira oio pipigi la vuo solau la mago, Egira la tahalo la vilitila.¹⁹ E Isus goio veia gira mago, "Amula gomai tilimuli eau, Me eau ge vimari le amula la ilapu la tahalo."²⁰ Oio moli vola egira piligi taro la vuo tegira me egira tilimuli e Isus.²¹E Isus tuga lou soio agoio hilo lou e taume tari ilua, E Jeims e latule Zebedi, me e tabarala e Jon. Egira oilo la vaga vikapopo me tamagira e Zebedi ubibi la vuo. A goio tola egira, ²²Oio moli vola egira sivo taro la vaga vikapopo me tama gira egira tilimuli e Isus.²³E Isus polo galili tomi oilo e Galili,vimarimari e gite la valua oilo la luma la lotu tegite, Eia valolo la merera tela mautu tetala, Eia vimahuli egite la ilalea tomi oilo tela valua me hatavile, ²⁴La irere la goio tali tela mautula tomi oio e Siria, me egite la valua vahari tomiala egite la ilalea me la iligiligi tomi, me egite ale la kalulu kamakora oilo tegite, egite ale gulugulu, E Isus vimahuli tomi egite ²⁵La galela valua me hatavile ususele tilimuli eia loio e galili, egite Dikapolis, e Jerusalem, me Juda, meale loio e Jordan

Chapter 5

¹La imala e Isus hilo la valua me hatavile, A tie soata la olu gio pou otalo, tio egite la Disaipel tetala gomai tetala,² Eia goio kope la harela goio vimari egite a vei mago,³La vaibalavala a tela tahalo ale savelea oilo la tela kalulu,La mautu la sagegela a tetala.⁴La vibalavala a tegite ale ilo buruko La Uru ge siobu egite⁵La vibalavala ge tegite ale vagotalo egite,Egite ge taola tomi la mautula.⁶La vibalava la ge tegite ale vitolo ouka masaga tavu la vulovulo ale matata la Uru ge vivolu sele egite.⁷La vibalavala ge tegite ale volu mela gilogo,egitege sautola la gilogo.⁸La vibalavala a tegite ale la tia gite maroka me egitege hilo e Deo.⁹La vibalavala ge tegite ale viguvi la tia madila, ge toile gite e latatule Deo. ¹⁰La vibalavala ge tegite ale egite igobara egite tela vulovulo ale matata, La mautu la sagela te Deo a tegite.¹¹La vibalavala ge tame ale la valua mera bareamu magiri robome veiamu la merera ale kama kora vasigolo me la vigagiala la vuhula taku moli.¹² Eme ge sagege mela mogela, La mapamu ale uru sele oio raragi oio tela mautu la saggegela.Egite propet ale mahuli araura egite la valua igobara tai egite maele.¹³Eme la soli la mautu la magasa, Alamoli mae la soli alele la malamala ge kaluvu, Emege igo loua mave age malama lou? A katima koramuli isa la paga lou ge abi molia ge pigia soga la valalua ge tatoa oata vola. ¹⁴Eme la matagaga tela mautula magasa, La mautu ale tabuli sae oata la gove akama kora muli ge tabuli kovu lou.¹⁵Mae tai la valalua ge vitagu la lam tegiteu egite kamage tau robo loua via la luma ge maligoma lou, egite ge uratili saea oata la agala ge matagaga tomi oilo la ilo la luma.¹⁶A tartigi pepeho via amuto ge pou mae la matagaga taku soio tegite la valua me hatavile me egitege hilo la vulovulo muto ale tartigi me egite ge vaisale e tamagatou ale oilo la ilo lalage.¹⁷Amuto umala gabutala via eau gomai ge igo bara la viturila tegite e propet. Eau kama gomai ge igo bara egite, ouka eau gomai ge vipuru egiteu. ¹⁸Eau vei sele amutou mae la mori mela magasa ge kokovu, Alamoli la kilekesi isa kamage kokovu loio la viturila, Karamae la papaga tomi ge puru¹⁹Mae la tahalo isa polo la merera me eia vimari le gite la valua via egite tai ge poloa me eiage la tahalo bulahu moli oio tela la pulou la mautu la sageela.²⁰Alamoli eau veia selea mutou maimoli la vulovulo mutou ale maroka kamage polo la vulovulo gite paraseo me skraeb ale maroka, Amuto kama karamuliage goilo la pulou la mautu la sagegela²¹"Eme lolo ti la merera la viturila ale vei tia gite araura la imala te tutubu gatou, 'Umala bilibili,' 'Ere tahalo bili eia ge magiri la tela ilapumatatala.' ²²Alamoli eau veia mutou mae egite tomi ale vaigo tolo vikapopo me tabara giteu ge magiri tela ilapu matatala; mae ere isa veiale tabarala mae, 'Eme la tahalo bulahu moli! emege magiri la matagite la gamala mautu; eme ere veia le isasa mae, 'Eme la maura!' emege gotalo la havi le hel.²³Mae eme ere masagage gutu la viabila taume oata la Alta emege gabuta rivu muga soukage eme tahoka isa la iruru soio te tabaramu, ²⁴piligi muga la viabila taume oio tela bali la Alta, beua soio,mamuga emege vimatata eme soio te tabaramu, mulmuli goio gutu la viabila taume.²⁵Igo hari tau matata eme soio te la gima taume la imala amula souka goiola vilapu matatala, souka ge la gima taume ge taume soio te la lima la tahalo la ilapu matatala, me eia souka ge abime soio te opisa me eiage taume soilo la luma la loka.²⁶La seselela eau veamu, eme kama koramuli ge gali sogala karamae emege koli rivu tomi la wati ale eme makodoa.²⁷Eme loloti la viturila veitia, amala ovo taro la tahalo me la tavile ale taulai.'²⁸Alamoli eau ge veiamu latahalo tomi ale matavu la tavile me eia hateka tavua ale eia ovo tia oilo la hatela.²⁹Mae la matamu e gata igo boru me, suba taroa pigia soio, A tartigi via la bautu la vomu isamoli ge kokovu kamage la vovomu tomi ge gotalo la havi bibila. ³⁰Mae la limamu e gata igo borume, valitaroa pigia soio a tartigi la bautu la vomu isamoli ge kokovu kamage la vomu tomi ge gotalo la havi bibila³¹La merera la buktabu veitia, 'Ere tahalo tou e rutula, Eia ge abiala la galau tela vipou ba la.' ³²Alamoli eau ge veiamu egite tomi ale tou e rutu gite, tela vulovulo la iriru ale igo eia la tavile la iruru sele, la tahalo ale ge puli loua mulmuli teale e haruala toua ale eia tai ruruti.³³Oio lou vola, eme lolo ti la merera la viturila tela imala ale te tutubu gatou, 'Umala magirigri la selela tela vasi gologolola, magiri la selela oilo tela Uru.' ³⁴Alamoli eau ge viamu, umala magiri tela selela, kamage tela mautu la sagegela, ouka la pulou la uru te Deo. ³⁵ouka la mautula magasa, ouka la muli la magirigirila, ouka e Jerusalem, ouka la mautu te king ale uru.³⁶Umala magiri la selela tela gamamu, Eme kama kora muli ge igo la ivumu ge kakea ouka parakurukuru. ³⁷Alamoli la merera taume ge ale 'Asele, me asele,' mae 'Ouka me a ouka.' La paga isa ge loata vola me alele a loio tela tahalo kama kokora.³⁸Eme loloti la merera ale la viturila veitia, 'La mata a tela mata la togo a tela togo.'³⁹Alamoli eau ge veiamu umala bahataro la tahalo la gima taume, maege a ge sabala la galemu e gata, vulo tai louala ale isalouo.⁴⁰Mae isa ge tilimuli me soio la mata la ilapu matatala a goio abitaro leme la kairobo taume, akora tio age abiala.⁴¹ Mae isage viamu ge tuga la ba ale malau isasa, tuga tomi leia ilua.⁴² Viabi soio tegite ale kakame, me umala poke taro egite ale tatahi la kiloli loio taume.⁴³Eme loloti la viturila veitia, 'Emege masaga e tabarabaramu gima la gima taume.,' ⁴⁴Alamoli eau ge veiamu, masaga la gima taume kaka tegite ale magiri robome, ⁴⁵La vuhula eme ge sibitala sele mae e latu le Deo ale oilo la mautu la saggegela. La matagagala ge paga mae la haro oata tegite ale kamakora me ale tartigi, me eia baha la hura soio tegite ale matata me egite ale kama matata.⁴⁶Mae emege masaga moli egite ale masaga eme, la mapamu ge larova? Mave egite la tahalo la ilabi la takesi kama igo taia maele?⁴⁷Mae eme ge kakatavu moli e tabarabaramu, me eme ge igo egite ale isahari mave? Mave egite e Gentael kama igo ntaia maio?⁴⁸Ala emege magiri matata sele, mae moli e tamamuto ale oata la mautu la sagela eia matata sele.

Chapter 6

¹"Baumuli tigi eme soukage emege kali sasae me via eme matata sele tela mata gite la valua me hatavile, Igo tigi eme kamage abi la mapamu ale oio te tamagato ale oata la mautu la sagegela. ²Mae eme viabi soio tegite ale pou la savelela, umala pusu la vaivai mae egite hipokrit igoa oilo la luma la lotu me la gauru, Viage la valua ge vei taho egiteu. Eau veiamu la selela , Egite abiti la mapa giteu.³Alamoli la imala eme pusu la vaivai,La limamu e meru umala ge rovi rovi la rova la limamu e gata igigoa ⁴La vuhula eme ge viabi kovu moli. Tio e tamamu ale oata la muautu la sagela ge hiloa eiage koli rivuamu.⁵La imala eme ge igo la kilaka, Umala igo mae egite e hipokrit, Egite masaga ge magiri oilo la luma la lotu mela polo lilila gauru ge igo la kilaka viage la valua ge hilo egite.Eau veiamu la selela egite abiti la mapa giteu.⁶Alamoli emei, la imala eme ge igola kilaka,goilo la kapi utu.kapi la mata kaka soio te tamamu, ale pou kovu, Tio e tamamu ge hilo mei ale pou kovu age abiamu la rova eme kakea ovola.⁷La ima eme ge igo la kilaka, Umala vipolo galili la kilaka taume mae egite Gentael igoa, egite gabuta via la valua ge lolo la bautu la kilaka tegite ale usu peho⁸Ala, umala igigo mae egiteu, La vuhula e tamamu rovi la papaga tomi ale eme masagea mulmuli eme kaka eia ovola. ⁹Ala emege kaka mae, Tamamite ale oata la mautu la sagegela, Amite ge togo la isamu ale maroka. ¹⁰La mautu taume ge gomai, mela masagala taume ge sibitala omai la mautula magasa visauru mae ale oata la mautu la sagela taume.¹¹Abia mite la bret te la logo isasa. ¹²Lube la iriru la makodo tamite, Amite tai ge lube la tahalo ale makodo omai tamite. ¹³Umala tau amite soilo la tovolaila, Emege utu lulu amite loio tela gima tamiteu.'¹⁴Mae emege lube la iriru tegite la valua me hatavila,E tamamu ale oilo la mautu la sagegela taige lube la iruru taume.¹⁵Mae eme kamage lube la iriru tegite, E tamamu tai kamage lube la iriru taume.¹⁶La imala eme ge peremu, uala lagu taitali mae egiteu e hipokrit igoa, Egite ge lagu bara ge sibitala la mata gite la valua via egite ge hilo egite ale peremu. Eau veiamu la selela, Egite abiti la mapa giteu. ¹⁷Alamoli emei, La imala emege peremu, Abiri la gamamu la veli litu la lagumu ¹⁸La vuhu egite la valua kamage hiloa mae eme peremu, Alamoli e tamamu ale oio pou kovu, me tamamu ale hilo mei ale pou kovu ge abiamu la papaga ale eme masagea.¹⁹Umala taukokovu la vuliti taume otalo la mautu la magasa,E komare ge alia ouka age ropo, ouka egite la tahalo la pakalila ge sae utu ge pakalia.²⁰A tartigi eme ge taukovu la vuliti taume oilo la mautu la sagela, La ba ale akamage ropo la tahalo la pakalila kamage pakalia.²¹La ba ale mave la vuliti taume ge oio vola, me la hatemu tai ge oio volao.²²La mata gato eia la lamu tela vovo gatou, Ala mae, la matamu ge tartigi, la vovomu tomi ge volu mela matagaga. ²³Mae la matamu ge kamakora, Me la vovomu tomi ge oilo la maligoma. Ala, mae la matagaga ale oilo taume ge maligoma, ale la maligoma ale ge uru sele. ²⁴La tahalo isa kama koramuli ge mou lotalo la mulugaluga ilua, Age tou isa me eiage masaga isasa,me eia taige roromuli moli isa isage ouka. Eme kama kora muli ge roromuli e Deo mela wati²⁵Ala eau ge veiamu, Umala emege ilo buruko tela mahulila taume, Tela rova emege alia me la rova emege liua, Ouka tela vovomu, te la rova emege kairobole mei. La mahuli gatou eia muga la ilali, me la vovogatou muga la kairobo? ²⁶Hilo la malumalu la mori, egite kama galugalu la ilali me egite kama vahari ololu la ilali, E tamamu ale oata la mautu la sagegela valvali egite. Mave eme kama loata tavua giteu?²⁷Ere tamuto dodo mulmuli la malaula mahulila tetala? ²⁸Ilava la gabutalamu ge vagari moli tela kairobo tela vovo? Gabutala mulia la viroviro ale kusi oio la mahuma, Egite kusi mave. Egite kama igogolu, Egite kama ubibi la kai robo tegiteu, ²⁹Soloio eau ge veiamu, La marasala te solomon akama kairobo mae isa tegite aleie³⁰Mae e Deo vikairobo egiteu la gala masisi oilo la mahuma, ale mahuli igoe galgeli ge pigia soio la havi, Eia ge vikairobo lou me mave, La tautaulailo taume bisi sele? ³¹Ala umala gabutala papahi me la tilahi, Eauge ali larova?' ouka eau ge liu la rova?' ouka la kairobo ale mave eauge kaia?'³²Egite Gentael moli pamuli egite la papaga aleie, me e tamamu ale oilo la ilo lalage rovia mae eme masaga la papaga alele. ³³Pamuli pala la mautu la sagegela mela vulovulola ale matata, me la papaga tomi ale ge abiamu. ³⁴Ala umala gabutala papahi teale galgeli, Ale galgeli ge gabutala lou eia. La logologo tomi isasa tahoka ale kama kora tetala lou.

Chapter 7

¹Ala umala tau matatea, soukage egite ge tau matata mei. ²Teale moli eme tau matatea ,Eme taige tau matatamei, Me la urula ale eme abiasoio, me ale moliele ge abia soio taume.³La vuhula ilava eme matatavu la paga ale tabuli robo la mata le tabaramu, Ala moli eme lou kama koramuli ge hilo la bautu la obu ale tabuli robo la matamu? ⁴Eme kama kora muli ge veiale tabaramu mae, Eauge abitaro la bautu la obu ale tabuli robo la matamu,' alamoli taume tai la bautu la obu oio tabuli roboa? ⁵Amuto hipokrit! Amutoge abitaro mamuga la bautu la obu ale oio la mata mutou, La vuhula la matamu ge matagaga, Tio amuto ge abitaro la bautu la obu ale oio la matale tabaramutou.⁶Eme umala ababia la paia la paga ale maroka, Umala pipigi la vuliti taume soio tela bolobolo, Egite souka ge soha kurua, Me egite ge sile momo emei⁷Emege tahi, me eiage abiamu, Emege pamulia emege pogea. Emege tutu la mata me eiage kopeamu la mata. ⁸Egite tomi ale ge tahi, egitege abia.Egite tomi alege pamulia, egitege pogea, La tahalo alege tutu, eiage kopeala la mata , ⁹Ere isa tamuto, mae e latula ge tahi eia la bret, agio ge abiala la uati? ¹⁰Ouka mae e latula ge tahia e laia, me eiage abiala la pase?¹¹Ala, mae eme ale kama rovi e Deo eme rovi la viabila ale tartigi soio te latatumu, E tamamu ale oilo la mautu la sagela eia muga e tato tomi la viabila soio tegite ale ge kaka eia?¹²Ala, la papaga tomi ale eme masaga via egite la valua ge igoamu, Emege igo tomi egite, Ale la viturila me egite e propet.¹³Tiroro soilo la mata ale bisi.La mata ale uru me la gauru ale kope age goio la ba ale kama kora, La valua me hataville usu sele hari mulimulia.¹⁴Alamoli la gauru ale bisi a tivura age goio la matu la mahulila, Egite kama usu mata papogea¹⁵Amutoge matarara tegite e propet la vasigolo gologolo la, Egite ge gomai taume vikapopo mela kairobo tela sipsip, Alamoli la selela egite mae la vulp.¹⁶Alamoli eme ge rovi egite tela vavua giteu. mave egite la valua pigi ololu la greip oilo te dae, ouka la fig oio te la gileu?¹⁷Me oilo tela gauru alele, la obu tomi ale tartigi ge vua la vavuala ale tartigi, me la obu ale kamakora age vua la vavuala kamage tartigi.¹⁸La obu ale tartigi kama koramuli ge viguvi la vavua la obu ale kamakora, Oio tai la obu ale kama kora kama kora muli ge viguvi la vavua la ale tartigi. ¹⁹Egite la obobu tomi ale kama vua la vavuala ale tartigi ge tolo taroa ge pigia sotalo la havi. ²⁰Oio vola, emege rovi la obu tala vavuala moli ele.²¹Kama egite tomi ale veveiagu,' La uru, La uru,' via egita ge tiroro soilo la mautu la sagegela, ouka egite moli ale tilimuli la masagala te tete ale oilo la ilo lalage. ²²La valua me hatavile usu ge veiagu oilo tela logo al ele, Uru mave amite kama veipala la merera la veilahala oilo la isamu, Oilo la isamu amite kumuli taro la kalulu kama kora,me oilo la vagari la isamu a viguvi usu la papa ale urusele? ²³Eauge veipala selea gite mae, Eau kama rovi emei! hele lomai taku, eme la tahalo la iligo la irirru.²⁴"Tio, Egite tomi ale lolo la merera tegaku me egite tilimulia egite ge mae la tahalo la mari ale tigi la luma tetala oata la uati. ²⁵La hura pu, La silali sali somai, La kalivuru vai tubu oata la luma le, Alamoli akama tavuvu, la vuhula a magiri oata la uati.²⁶Alamoli la tahalo ale lolo la merera taku a kama tilimulia age mae la tahalo ale molo a tigi la luma tetala oio tela magasa la mago, ²⁷La hura pu, La silali sali, La kalivuru vai tubu la luma le, me atagoro, la tikumula vikaluvu tomia.²⁸Tio e Isus goio vagogala la merera alele kaluvu, La valua me hatavile karutu sele la vimarila tetala, ²⁹A vimari egite mae la tahalo ale eia la mulugaluga. Eia kama mae egite skraeb tegiteu.

Chapter 8

¹La imala e Isus purusu loata la gove gotalo,La valua me hatavile usu sele tilimulia. ²Mata soio la tahalo isa e vovori tubu tetala gomai tototulu tela la lagula,A vei mago, "Uru, mae eme masaga selea, Emege vai maramara eau." ³E Isus goio vituri la limala sogala goio pilau eia, Agoio veila mago, Eau masagea, La vomu ge matagaga, Oio moli vola e vovori kaluvu la vovola malmali lou.⁴E Isus veiala mago,' La rova eme hilo tia eme umala veila tahalo isasa. Eme tuga matata moli goio vahililo le gite paraseo emei, viabila la viabila ale la viturila te moses veitia, age veipalaea soio tegite.⁵La imala eia tatuga ge goilo e Kapernaum,La mulugaluga tegite ami le Rom gomai tetala, tahi suku tia⁶A veiala mago,"Uru, La tahalo la igolula taku a gulugulu mela iligiligi ale urusele a oio la luma mavuta,"⁷Goio e Isus veiala mago, Eau gomaige vimahuli eia,"⁸La mulugaluga tegite ami veiala mago, Uru,Eau kama la tahalo ale tartigi via emege gotalo la uluvagu.Emege vei moli la merera la tahalo la igolu taku ge mahuli.⁹Me eau tai la tahalo ale pou lotalo la uluva gi te la mulugaluga,Eau tahoka tai egite Ami ale pou lotalo taku oio,Eauge veiala ale isa ge goio age tuga,Mae eau ge veiala ale isage gomai,a ge gomai,oio tai la tahalo la igolu taku, igo ale eiage igoa."¹⁰La miala e Isus loloa maele, a karutu sele a goio veiagite ale hari mulimuli eia mae,"La selela eau veia mutou, Eau kama mata poga isa la tautaulailo ale mae oilo e Israel.¹¹Eau veiamu la selela, Usu ge hiliti loio la porosile la matala haro me la pasoru la matala haro, Egite ge pou tela pulou la ilali vikapopo me Abraham, Aisak, me Jakob oilo la mautu la sagegela. ¹²Me egite e latatau la mautu sele ge pigi egite sogala la maligoma, La ba la tilali mela togo gite ge koro magege. ¹³E Isus veia la mulugaluga tegite Ami,Tuga! tela tautaulailo taume le, Age sibitala sele soio tau me, La tahalo la igolu mahuli sele tela imala alele.¹⁴La imala e Isus goilo la luma te Pita, eia hilo e loale Pita oio mavuta eia lea. ¹⁵E Isus pilau la limala, la ilea hele taro eia. A goio hiliti oata sokola baumuli le Isus.¹⁶Goio la pga maulavi, Egite la valua puliale Isus usu egite ale la hitu mou oilo tegite.Eia basimuli taro egite la kalulu kamakora tela merera A goio vimahuli egite ale lalea.¹⁷Alele sibitala vipuru muli la merera ale e propet Aisaia veitia,A vei mago,Eia bole la ilalea me la tikumula tegatou tomi."¹⁸Tio la imala e Isus hilo egite la vala pou galiti eia, A goio veia gite la merera via egite ge hele taro la ba alele ge goio la galela mago le Galili loio. ¹⁹Goio e Skraeb isa gomai tetala a veiala mago,Tahalo la vimari, Eau ge tilimuli eme tela baba tomi ale eme ge govola." ²⁰E Isus veiala mago, E burekireki tahoka la hova gite oio, me egite la malulmalu la mori tahoka la loa gite oio, Alamoli e latu la tahalo kama tahoka la ba ale eiage tau la gamala ovola."²¹E Disaipel tetala isa vei taila mago, Uru, Eau goio ge ulai muga e tete," ²²Alamoli e Isus veiala mago, " tilimuli eau kora egite ale pepeho ge ulai rivu lou egite ale peho."²³La imala e Isus sae soilo la uaga, Egite la Disaipel tetala tilimulia goio sae tai. ²⁴Mata soio la mago hiliti, Hagavi la mago ge pigirobo la uaga Alamoli e Isus oio mavuta. ²⁵Egite la Disaipel gomai tetala goio paloa, egite vei mago, "utululu amite, amite ga pepeho tie!"²⁶E Isus goio veia giteu mago, ''amuto tataga larova, La tautaulailo tamuto bisi sele ia?" Eia goio hiliti oata bahataro la lovi mela mago. Goio la mago malilo tio. ²⁷La tahalo isa mamali tia a goio vei mago, Ale erese la tahalo sele maleie, La lolovi mela mago loloto eia?"²⁸La imala e Isus gomai la gale la mautu e Gadarenes, La tahalo ilua la hitu mou oilo tegira egira goio poga eia. Egira galiti loio la liba me egira tau sele la lagu gira. egite ale polopolo la gauru alele isa kama koramuli ge polo. ²⁹Mata soio egira talitio me egira vei mago, ''Amite igo larova taume, Latu le Deo? Eme gomai tige igo bara amite, La imala souka gomai?"³⁰Tio la bigomu la bolobolo isa egite valivalia, hagavi moli soio tala ba alele. ³¹Egite la hititu vei sukuale Isus Mago, Mae emege bahataro amiteu, Bahataro amite soio tela bigomu la bolobolo." ³²E Isus veitia giteuo,"tuga!"Egite la hititu gali sogala goio goilo tela bolobolo,'Mata soio, La bolobolo hari sotalo la balautu me egite sele molia soilo la mago egite peho oilo la mago.³³Egite ale valvali la bolobolo hele tio egite selemolia soilo la siti veitia gite la papaga tomi ale sibitalale, Ale uru sele te la tahalo ale la hititu mou oilo tetala. ³⁴Matasoio egite tomi ale oilo la siti gogala tige vipoga me Isus. La imala egite hilo eia, Egite totosuku ti eia ge hele taro la ba tegiteu ele.

Chapter 9

¹E Isus sae soilo la uaga, A vore utu soio, A goio guvi oio la siti tetala. ²Mata soio egite vahari tiala la tahalo ale gulugulu a mavuta tela mulila. A hilo ti la tautaulailo tegite,E Isus goio veiale gulugulue le, "Latugu, Emege sagage. Eau lube ti la iriru taume eme maramara ti."³Mata soio egite skraeb isahari vei loua kabili tegiteu, "La tahalo aleie a mera barabara."⁴E Isus rovi tila gabutala giteu a vei mago,"Ilava la gabuta ale kama kora tabuli oilo la hate mutou?⁵A kama tivura, ge veimoliala,Eme maramara ti loio la iriru taume,'Ouka ge veimoliala,hilti emege tuga?⁶La vuhula emege rovia mae e latu la tahalo tahoka la vagari otalo la mautu la magasa ge lube la iriru taume,..."A goio veiale gulugulu le,"hiliti oata, abi la mulimu, Eme goio la luma taume,"⁷Goio la tahalole hiliti tuga goio la luma tetala.⁸La imala la vala hiloa maele,egite karutu me egite visale e Deo,Ale abiagite la valua me hatavile la vagari.⁹Tio e Isus goio tetepolo oio la ba alele,A goi hilo e Metiu popou oilo la kale la ilabi la takesi.A goio veiala, "Tilimuli eau."A goio hiliti tilimuli eia.¹⁰La imala e Isus pouti oilo la luma ge ali,Mata soio egite la valua la ilabi la takesi me egite la valua la iriru gomai ge ali vikapopo me Isus me egita la Disaipel.¹¹La imala egite parasio hiloa maele, Egite goio veia gite la Disaipel tetala mago, "Ilava la tahalo ale himarimari amuto ali vikapopo me egite la valua la ilabi la takesi me egite la valua la iriru?"¹²La ima e Isus lolotia maele, A vei mago,La valua me hatavile ale tartigi kamage goio te Dokta, Egite moli ale lalea. ¹³Eme goio ge vimari lou la masova la merera aleie. Eau masaga la gilogo la viabila ouka,' Eau kama gomai tegite ale matata ge vulo, ouka egite la valua la iriru ge vulo."¹⁴ Goio egite la Disaipel te Jon gomai tetala goio veiala, "Ilava amite me egite parasio peremuremu, me egite la Disaipel teume ouka?¹⁵ E Isus veia gite mago, koramuli la tavile la taulaila ge ilo buruko mae e haruala solio ge vikapopo me giteu? La imala ge gomai la tahalo la taulaila ge tuga taro egite, tio egitege peremu.¹⁶La tahalo isa kama koramuli ge abi la kulkuli ale halaba ge vitau tomi ale mumugu,Ale mumugu ge masile, me age masile uru bara sesele¹⁷Me oio tai egite la valua kama koramuli ge sigili la Waen ale halaba soilo la mulila ale mumugu ti,Egite ge igoa maele age mapola ge pagele tomi la mulila ge kama kora, Tartigi egite ge tau la waen soilo la mulila ale halaba la vuhula egira tomi ge tabuli."¹⁸La imala e Isus veveia gite la papaga alele,Mata soio,La mulugaluga tegite Ami gomai tototulu te la lagula.Eia vei mago, " La sobe tegaku solo pepeho molie, Eme gomai ge tau la limamu oata tetala, me age mahuli lou."¹⁹Goio e Isus hiliti tilimulia,Egite la Disaipel tetala tai tilimulia²⁰Mata soio la tavile isa tahoka la tikumula tela kasoso la leavala savulusa gete lua gomai tilimuli ti e Isus agoio pilau la gilisu la kairobo tetala.²¹ Eia vei loua oilo tetala mago," maemoli eau ge pilau la kairobo tetala, eau ge tartigi lou.²² "Alamoli e Isus vulo rivu a goio hiloa, a vei mago, La tugu,Eme ge vagari, la tautaulailo taume vi mahuli ti eme,"La tavile mahuli moli tela imala alele.²³La imala e Isus goio ti la luma te opisa le, Eia hilo isa la tahalo ale vavai e vigogo la valua usu igo galolo.²⁴Eia vei mago," Amuto tuga, La sobe le kama peho,Ale eia mavuta moli."Egite goio lege vaia me egite igo palilia.²⁵La imala egite la valua me hatavile tomi pou ti ogala,Eia goilo la kapi utu goio sautola la limala, La tavile bisiele goio hiliti oata.²⁶La irerela taliti soio la mautula tomi.²⁷Goio e Isus tetepolo te la ba alele,La tahalo ilua matakea tilimulia,Egira goio tola suku tia veveiala mago," Eme ge gogo amila, Latule Devit!"²⁸Goio e Isus goilo la luma, La tahalo ale matakea gomai tetala.E Isus veitia giteu o."Amuto tautaulailo via eau karamuli ge igo aleie?" Me egite veiala mago,"asele uru."²⁹Goio e Isus pilau la mata gira me eia veia gira mago,"Age sibitala soio taume tilimuli la tautaulailo taume,'³⁰La mata gira kope tio.Goio e Isus vei vagaria gira mago,"Amula ge hiloa mae isa kama rovi la paga aleie."³¹Alamoli la tahalo ilua tuga goio veitomia gite la merera bubura oio la mautula.³²La imala ale la tahalo ilua tatuga moli,la tahalo isa kama meramera la kalulu kamakora oilo tetala ,egite vaharia soio te Isus.³³Goio la imala ale la kalulu kama kora hele taroa,la tahalo ale kama meramera eia goio mera lou.La tete la valalua me hatavile karutu sele goio egite vei mago,''La paga ale maie palati kama hililoa oilo e Israel!'' ³⁴Alamoli egite e Parasio vei mago,''Ale tela vagari la mulugaluga te gite la kalulu ale kama kora kora,male eia bahataro egite la kalulu ale kama korakorale.''³⁵E Isus tuga goio tomi la siti me la mautula. Eia solo la vimari gite oilo la luma la lotu,Eia valolo la merera la mautu la sagegela me eia vimahuli tomi egite la ilalea pahi.³⁶La imala eia hilo la valua me hatavile,eia gogo sele egite, La vuhula la tia gite marapa me la ilo gite buruko sele. Egite mae la sipsip ale la tahalo la vibaumuli gite ouka.³⁷Eia goio veia gite la Disaipel, "La mahuma ale ge lukua usu peho,Alamoli la valua la igolu kama usu.³⁸Ala igohariari kaka soio tela uru eia e tamala mahuma la ilukuluku."

Chapter 10

¹E Isus goio tola vikapopo egiteu la valua la vimari tetala ale savulusa gete lua,Agoio abia giteu la vagagarila loata tegite la kalulu ale kama korakora,via egite ge kumuli taro egite,me egite ge vimahuli egite la ilalea tomi.²Ale la isa gite la valua la vimari ale savulu lua gete lua.la muluga la e Pita,la isala kovula e Saimon,e Andru me tabarala e Jems e latule e Jebedi me joanes e tabarala.³E Pilip,me Batolom,e Tomas ,e Metiu la tahalo la ilabi la takesi,E Jems e latula e alpaes,me Tadius,⁴E Saimon te Jelot vikapopo me Judas Isikariot ale tutugolo e Isus.⁵Egite ale savulusa gete lua e Isus baha egite sogala.A veimulia giteu mago,"Amuto umala goio tegiteu ale kama e tau juda mou ovola,Oio tai umala goililo la mautu tegite e Samaria.⁶ Amuto ge goio la luma tegite Israel ale kokovuti mae la sipsip.⁷Mae eme ge goio,emege valolo veia gite mae,La mautu la sagegela gomai hagavi ti.'⁸Vimahuli e gite ale lea,vailiti e gite ale pehoti,rauvei e gite ale sereka,kumuli taro egite la kalulu ale kama korakora.Eme abi bulahu molia oiovola emege abi bulahu tai molia giteu.⁹ Amutou umala ababi isa la uati oilo la palo.¹⁰Amuto umala ababi isa la palo tela tuluga tamutou,la kairobola,la vahapolo,la toho tai.La tahalo la igolu ge ali la ilali la igolula tetala¹¹La siti ouka la mautu ale mave eme ge goilo vola,matamulia ere oilo vola tartigiamu,Pou la ba alele karamae emege hiliti polo lou,¹²La imala emege goilo la luma, emege vei taho eia.¹³Mae la luma ge tartigiamu,La tia madila taume ge loata la luma alele, Mae akama tartigi,Kora la tia madila taumege beua soio taume.¹⁴Mae egite ale kama kaka tavu eme ouka mae egite kama lolo la merera taume,La imala emege heletaro la luma ouka la siti alele,Soroi taro la magasa la ilopulimu.¹⁵Eau veiamu la seselela,age eia moli tela magasa la mautu e Sodom me Gomora oilo te la logola ilapu matatala te la siti.¹⁶''Hiloa,Eau baha amuto mae la sip kabili te gite la vulv,ala amuto ge mari mae la papase,me amuto ge vitaumetabara taho mae la kurukuru.¹⁷ Matarara tavu tegite la valalua !Egite ge tau amuto soata la lima gite kaunsel,me egite ge kue bara sele amuto oilo tomi la sinagog ale egite tahokea.¹⁸Goio egite ge vahari amuto soio tegite la mulugaluga te gite vikapopo me egite king tegite lavula taku moli,ala age mae la merera la veipalala soio tegite me egite Gentael.¹⁹La imamala ale egite ge bahataro amuto, umala gabutala papahi amuto ge veia mave uka amuto ge vei lava,lavula larova amuto ge veia ge abia muto te la imala alele.²⁰ La vuhula kama eme ge mera, ala moli la kalulu le tamamuto ge mera oilo tamuto.²¹ E tabaramu lou ge sugutaro amuto soio la pileho, me tama taige igoa le latu tai. E latatu ge hilititavu e tatama gite me tatila gite ge tau egite soio la pileho.²² Egite la valua me hatavivile ge mukupile amuto te la isagu. Ala moli ere ge magiri vagari kara la tapasila, la tahalo alele ge mahuli.²³ Mae egite ge igo malago amuto oilo la siti aleie,hele polo, la vuhula eau vei sele amutou, amuto ka ge polo soilo la siti le israel mulmuli e Latu la Tahalo ge gomai.²⁴ "E disaipel ka loata te la tahalo la vimari tetala, ''o'' la tahalo la igogolu loata te la mulugaluga tetala,²⁵ A karamuli tai la disaipel ge mae la tahalo la vimari tetala, mela tahalo la igolu mae la mulugaluga tetala.Mae egite tola ti le tao la luma e Belsebul, age lagu geru sele te laisaisa ale egite ge toi le egite tao la luma!²⁶Ala umala tataga egite, la vuhula la paga isa kama tabuli kokovu vaia kama ge pala, me la paga isa kama ale tabuli kokovu via etato kama ge rovia.²⁷ Larova Eau veiamu oilo la maligoma, veia tela haro, larova eme lolo malmalua la gavusam, veia oata la varu la lumaluma.²⁸Umala tataga egite ale ge bili la vovo ala moli kama karamuli ge bili la kalulu. Alamoli eme ge taga la tahalo ale karamuli ge bili la kalulu me la vovo oilo la mautu la iligligi.²⁹Karamuli la malu ilua ge bahala la uati isa moli?Alamoli isa tegira kama karamuli ge paru via eTamamuto kama ge rovia³⁰Ala la ivu la gamamuto tomi la giligi oio vola.³¹ Umala tataga.Eme isapolo sele loata te la malumalu ale usu.³²Ala egite ale veipala la eau tela mata la valua, Me eau tai ge veipala eia tala mata le tete oio la mautu la sagegela.³³ Alamoli egite ale tahitaro eau te la mata gite la valua, Eau taige tahitaro tai eia te la mata le tete ale oiolo la mautu la sagegela.³⁴"Umala gabutala via eau gomai ge vahari la tia madila otalo la mautu la magasa.Eau kama gomai ge vahari la tia madila, ouka la viso.³⁵Eau gomai ge vimagiri la tahalo ge tolosogi e tamala,La sobe ge tolosogi e tilala, La tavile ale taulai ge tolosogi e uala.³⁶La gima taume kamage lobali age oilo moli la luma lou.³⁷Eme erese la tahalo masaga sesele e tamamu me tilamu loata taku eme kama gabu tikumu eau,Eme ere isa masaga pepeho e latumu ale hatamale me ale hatavile eme kama gabu tikumu eau.³⁸Mae eme kama bole la tauvalutu taume ge tili muli eau eme kama gabu tikumu eau.³⁹Mae eme ere pamuli moli la papaga ale koramuli la mahulila tetala emege galo,Ala moli eme ere tau la mahulimu oilo tela masagala taku emege poga ale taritigi.

⁴⁰ La tahalo ale kakatavu me ale eia kaka tavu tai eau, eme ere kaka tavu eau,ale eme kakatavu tai la tahalo ale baha eau.⁴¹ La tahalo ale kaka tavu e propet la vuhula eia e propet eia ge abila viabila te propet, Eme ale kaka tavu la tahalo ale magiri matata la vuhula eia matata eme ge abi la viabila tela tahalo ale matata.⁴²

Chapter 11

¹Goio e Isus veimulia gite la disaipel tetala kaluvu,A hele taro la ba alele goio ge valolo ge vimari oilo tela siti usu,²Ala la imamala ale e Jon lolo lapapaga ale e Isus igoa oilo la luma la kilisi,eia baha egite la disaipel tetala goio ge rovi tigia ge tahi laia³ me egite veiala mae,''Eme moli male ge beua somai,uka amite ge mata polo isasa?''⁴E Isus kolia veia gite mago,''Goio veipalaea le Jon la rova amuto hiloa me la rova amuto loloa.⁵ E gite ale matakea matati,e gite ale gulugulu tatugati,e gite ale sereka la vovo gite tartigiti,e gite ale la gavusa gite vou lolo ti,e gite ale pehoti mahuli rivu,me egite ale pou la savele lolo la merera te uru.⁶La vibalavala te la tahalo ale lolo la merera taku me la tiala kama tikumu la.''⁷La imamala ale egite la valua tatuga pa ti,E Isus goio veveia gite la valalua me hatavile e Jon,''Amuto gogala la kuepa via ge hilo lava- la viroviro ale la lolovi vai vulovuloa?⁸Ala moli amuto gogala via ge hilo lava -la tahalo ale kairobola la kairobo ale mauave?La selela egite ale kai la kilai ale mauave ge mou oio la luma te king.⁹Ala moli amuto gogala ge hilo lava-la propet? Meie,eau veia mutou,la papaga usu sele loata te propet. ¹⁰ Ale la tahalo moli ale la merera veia mae,'Hiloa,Eau baha la bilaha taku lolagu la lagumuto, viage ragi la gaurumu lolagu taume.'¹¹Eau vei sele amutou,kabili tegite ale e tila gite taposa egite isa kama mae Jon tela vuhi.Soloio la tahalo ale vagotalo eia oilo te la kingdom te Uru a loata tetala.¹²Loio tela logologo te Jon la tela vuluhi kara igoie,la kingdom le heven goilo sele la tukumula ale uru, me egite la valalua ale gabu la iligiligi ale uru abila la vagargarila oilo tela tuhaka la tegite.¹³Egite la propet tomi me la viturila veilaha kara te Jon,¹⁴ Me mae eme masaga tavua,Eia moli e Elaija male ge gomai.¹⁵ Ere tahoka la gavusa ale lolo,age lolo.¹⁶ Eau ge vitoko la hili la valalua aleie soio te la rova?Soge a mai egite giliki bisisi ale lege balala oio laba la bilaha la ilalali,egite popou tatola soio te gite isasa ¹⁷Egite vei mae,'Amite vaiamu e vigogo, Eme kama tilia.la imala amite ilo buruko, me eme kama tali.'¹⁸E jon vimuga somai a kama alali la bret a kama liu tai la vaen, 'Egite via la hitu oilo tetala.'¹⁹ E latau la tahalo gomai a alali liliu egite veimago,hiloa , Eia la tahalo la ialali me la iliu, e tabara giteu la tahalo la ilabi la takes me giteu la valua la iriru!" Alamoli la vulovulola taupala la mari ale tartigi."²⁰Goio e Isus soko la bahataro le gite la Citi ale kama hilo matagaga la vagari la igolu tetala,la vuhula egite kama vulo la gabutala tegite.²¹"E maura mite,korosin! E maura mite , Betsaida! Maege la vagari le Deo ale guvi oilo tamutoue,age guvi oio e Taea me Sidon,Egite ge vuloti pala, mela kairobola buburo.²²Ala moli age isapolo sele tegite Taea me Sidon tela logola la ilapumatatala loio tamuto.²³Eme,kapernaum, Eme gabu tala via ge vagoata me tela mori? Ouka,Eauge taume sotalo la lulu la kaluvula ouka.Mae la vagari le Deo ale sibitala oio e Sodom ge mae ale sibitala ti omae taume, A soloio ge tabuli kara igoe.²⁴Alamoli eau veiam a kamage tivura te la mautu e Sodom tela logo la ilapu matatala loio taume."²⁵Te la imala alele e Isus vei mago ,Eau visale eme,tete, eme e suara la mori mela magasa, La vuhula eme taukovu le gite ale mari me la gabutala ale tartigi la papaga aleie, Eme tau palaea giteu ale kama tahoka la mari mae egite giliki bisisi.²⁶Meie,tete, te ale a marasa tela milatalata taume.²⁷La papaga tomi e tete piligi tomitiagu,'Isa kama rovi e latu la tahalo,e tete moli rovia, Isa kama rovi e tete, E latula moli rovia,E latu la tahalo moli ge hilovi la tahalo ale ge taupala eia.²⁸Gomai taku, amuto ale igolu mela tabule ale tikumu, Eau ge abia muto la mailala.²⁹La tabule taku eme ge bolea tahobo somai taku, Eau vagotalo eau la hategu otalo sele,Emege poga la mailala tela kalulumu³⁰La tabule taku kama tivura mela tikumula taku a mavulaga moli."

Chapter 12

¹ Tela logo la ivitula, e Isus tuga oilo la mahuma la wit, me egiteu la disaipel tetala vitolole, egite goio putu isahari la wit egite alia . ² La imamala egite paraseo hilo tia meale, Egite goio veia le Isus , "hiloa , ilava egite la disaipel taume polo pepe la viturila te lalogo la vitula."³Ala moli e Isus goio veia gite mago," amuto soukato gigi la rova e Devit igoa vikapopo me egiteu ale pou tomi leia la imamala eia vitolo ? ⁴Eia goilo la luma te Deo, Egite ali la bret tabu, ale kama koramuli la tahalo bulahu moli ge alia, La bret alele egite moli e pris ge alalia.⁵ Eme souka gigi oilo tela viturila, mae oilo tela logo vitula, egiteu e pris oilo tela luma la lotu polopepe la viturila te la logo la ivitula, ala moli egite kama ruru? ⁶ Ala moli eau ge veia mutou mae isasa oio uru tavua la luma la lotu,eia omaie.⁷Mae eme ge rovi la vuhu la merera aleie,Eeau masaga la gilogo kamatilou la vabila, Eme kama karamuli ge,vimagiri egiteu ale kama tahoka la iruru, oio tela ilapu matatala. ⁸La vuhula e latu la tahalo, eia uru sesele loata tela logo la ivitula."⁹Mulmuli e Isus heletaro la ba alele eia goilo tela luma la lotu tegiteu e Juda. ¹⁰Oio tela ba alele, la tahalo isasa la lima la kama kokora eia oio popou. Egiteu e paraseo goio tahi e Isus, "A taritigi moli mae ge vimahuli la tahalo ale lea tela logo la ivitula? Egite tahi goloa viage ubi leia la merera veia eia igola iriru.¹¹E Isus veia giteu mago, "Maege la tahalo isa kabili tamuto tahoka moli isa la sipsip, Mae tela logo la ivitula la sipsip ele boru sotalo la luluhau, Mave eia kama koramuli ge koli la sipsip ele? ¹²La tahalo, eia loata tavua la sipsip, eala eia tartigi ge vimahuli eia tela logo la ivitu la.¹³ Goio e Isus veia la tahalole mago, "Lapumata la limamu ele sogala." me eia igoa mae ale e Isus veiala, la limala tartigi rivu mae te la limala ale isasa malmalio. ¹⁴ Ala moli egiteu e paraseo gogala, pamuli isahari la gauru ale mave egitege bili eia.¹⁵ E Isus roviti la gabutatala tegiteu, Eia goio heletaro la ba alele .La valua me hatavile usu sesele tilimulia, eia vimahuli tomi egite loio tela ilea tegiteu.¹⁶ Eia vikara vagari tegiteu, veia egite umala ge veveia gite la valua me hatavile polo mae eia ere.¹⁷ La vuhula eia ge guvisesele, mae ale e propet Asaia veitia.¹⁸ "Hiloa, la tahalola igoglula tegaku, ale eau hilovi tia, ale isa moli eau masaga sesele eia ,eau isu seselea oilo la hategu mela gabutalagu, Eau ge tau la kalulu gu oilo tetala, me eiage veipala la vulovulo ale matata, soio tegiteu ale kama loio e Juda.¹⁹ Eia kama koramuli ge koli la merera,Tali kahare oata, ouka isage lolola golula oilo tela gaururu papahi.²⁰ Eia kama karamuli ge putu loto e tubu la viroviro,Eia kama koramuli ge igo mate la matagaga ale kama maga tigi, Eia ge igogolu karamae la vulovulo ale matata ge pepe sesele. ²¹ me oilo tela isala, egite la valaua me hatavivile ale kama loio e Juda, egite ge tautaulailo."²² Goio egte puli isa la tahalo, la matala mela harela kapi soio te Isus, eia vimahuli la tahalole, la mata la mela hare la kope rivulou, ²³ Egite la tete la valua me hatavile karutu sesele me egite vei mago, Ale erese la tahalo, "soioge e latule Devit ia?"²⁴ Tio la imamala egite e paraseo lolo la vigile mulila tela merakulo,Egite vei mago, "La tahalole bahataro egite la kalulu kama korakora tela vagarigari le Belsebul, La mulugaluga tegite la hituhitu.²⁵ Ala moli e Isus roviti la gabutalala tegiteu,eia goio vei mago,Egite la maututula tomi ale vilele lalua,egitege kama kora sele,Egite tomi la mautu mela luma ale ururu mapola lalua,egite kama koramuliage magiri vagari.²⁶ Maege e Satan ge bahataro e Satan,Eia vilele lua tilou eiale,La mautu tetala ge magiri vagari mave?²⁷ Mae eau ge bahataro la kalulu kama kokora tela vagarigari le Belsebul,Me egite latatu muto bahataro egite la kalulu kama korakora te la vagrigari le ere? Te la vuhula moli alele egitege sibitala mae e Jas tamuto.²⁸ Ala moli mae eua ge bahataro la kalulu kama korakora te la kalulu le Deo, Me alele la kingdom te Deo gomaiti loata taumele.²⁹Mave la tahalo la pakalila koramuliage,goilo tela luma tela tahalo ale vagari isasa ge pakali la papaga tetala?Eiage kisi tola muga la limala mela vaha la mulmuli eiage pakali la papaga oilo tela lumale.³⁰Mae la tahalo isa kama vikapopo me eau,Tiele eia la gima tegaku, Mae latahalo isa kama vikapopome eau, me eia pou ba malau taro ti eau ele.³¹Eala eau veia muto,Mae eme igo la iriru,ouka eme tahi taro e Deo,Eia ge lube la iriru taume,Ala moli mae eme ge mera bareala kalulu maroka,Eia kamage lube la iruru tame.³²Ere tahalo mera barea le latula tahalo,eiage lube la iriru tetala,La tahalo ale mera bareala kalulu maroka, Eia kamage lube la iruru tetala otalo la magasa me ale mulmuli tamai.³³La obu ale tartigi,la vavuala taige tartigi tatah,La obu ale kama tartigi,me la vavuala taige kamakokora,La vavua la obu louge vaihilo matagagea mu eia erese la obu.³⁴ Amuto e latatu la pase,Amuto igigo la vulovulo ale kama kokora,Me amuto ge veipla la papaga ale taritigi mave?La rova oilo tela hate la tahalo, la harela ge veipalaea sogala. ³⁵ La tahalo ale tarigi,loilo tela hatela,la paga ale tartigi ge guvi loiolo vola,La tahalo ale kamakokora,loilo tela hatela ale kataritigi, ge viguvi la paga ale kama kokora.³⁶Eau vei selea mutou,La imamala te la vilapumatatala,la valua ma hatavivile tomi isasa ge vei pala la merera tomi ale kama korakora egite veveia.³⁷Tela merera taume tomi, emege guvi mae la tahalo ale matata sesele,Me tela la merera taume lou,emege sibitala mae la tahalo ale kama tartigi.³⁸Goio egite la valua la mari tegite e paraseo koli la merera te Isus mago, "Tahalo la mari, Amite masaga ge hilo isasa la irovilala loio taume," ³⁹Ala moli e Isus baolia gite mago, Amuto la valua me hatavile tela kalulu kama kora, me la matabulakalakala, amuto masagage hilo la irovilala, Ala moli la irovilala isa kamage guvi tamuto ,la irovilala te Propet Jona moli amutoge rovia.⁴⁰Amae moli e Jona pou oilo la tia le laia uruo, lalogo itolu mela haro itolu, mae tai e latu la tahalo ge pou oilo la ilo la magasa la haro itolu la logo itolu,⁴¹La imamala ilapumatatala,Egiteu e Ninive ge magiri tela ilapumatala vikapopo me egite la valua me hatavile tela imamala alele,Egite lolo la valolo la te Jona egite vuvulo la tia giteu,Ala moli hiloa,La tahalo isasa eia uru,loata te Jona eia omaitie.⁴²E tavile uru tela mata la lolovi ilua ge hiliti soata tela ilapumatatala,vikapopo me egite la valua me hatavile tela imamala alele,Eia hiliti loio la tapasi la mautu la magasa ge lolo la mari te Solomon,me eia goio hiloa mae la tahalo isa pepe e Solomon a omaitie.⁴³La imamala ale la kalulu kama kora hele taroti la tahalole,eia polo loilo la ba ale la lalu uka, eia mamata la ba ale eiage maila ovola,Ala moli eia kama matapoga isa la ba.⁴⁴Eia goio vei mago,Eau ge beurivua soio la luma ale eau loio vola,La imamala eia beua soio a hiloa mae lalumale egite sasapatia,tautigi tomitia lapapga oilo vola.⁴⁵Eia beu loua goio puli la kalulu kamakora ivitu,egite ka visauru mae eia,E gite gomaige mou oilo vola .Goio la mahuli la tahalo le kati visauru mae ale mamuga,la vulovulola goio kama kora sesele.Eia ge visauru mae egite la valua ale kamakora te la tuvu ale igoe.⁴⁶E Isus soloio meramera soio tegite la valua me hatavile,eia matasoio,e tilala me tabararala ogala magirgiri,e gite papaea ge meramera soio tetala.⁴⁷Egite isa veiale Isus mago, "mata sogala,e tilamu me tabarabaramu ogala magirigirio,egite papa eme ge meramera tomi le emei."⁴⁸Ala moli e isus koliala tahalo ale veialale, "E tilagu me tabarabaragu ere?"⁴⁹E Isus turi la limala soio tegite la disaipel tetala eia veimago, "Mata somai, etilagu me tabarabaragu maleie.⁵⁰ Egite la valalua me hatavile ale tilimuli la masagala te tete oata la ilolalage,la tahalo moli alele e tabaragu,e hatavilegu,me tilagu.

Chapter 13

¹Tela logo alele e Isus heletaro la luma goio pou olau la parava.²la tete la valua me hatavile ususele pou galili eia, eia goio sae soilo tela uaga pou oilo volao, la valua me hatavile magiri loilo la parava .³Tio e Isus vimari egite la valua e hatavile la merera la vitovomulila ususele, A vei mae, "Hiloa, la tahalo la gilalu goio galu la vavua la ilali.⁴la imamala eia galugalu la vavua la ilali isahari paru tela pepe la gauru,Egite la malumalu goio ali tomia.⁵La vavua la ilali isahari paru oata la magasa ale la uatati ovola usu,egite kusihari moli lavuhula la magasa kama usu oio la uatati.⁶La imamala la haro paga tavua, egite peho, lavuhula la ua gite kama hari malau sotalo.Me egite magolu tomi.⁷La vavua la ilali isahari paru oata te peho golo,la i mamala egite kusi soata,e peho golo kusi soata viriri loto tomi egite.⁸La vavua la ilali isahari paru oata la magasa ale tartigi taho,me egite vua, isahari salatu sa,isahari savulu volo, isahari savulu volo,isahari savulu tolu.⁹La tahalo ale tahoka la gavusala oio,eiage lolo."¹⁰Goio egite la Disaipel,tahi e Isus mago,"Ilava eme vigia soio tegite la valalua oilo tela vitovo mulila?" ¹¹E isus koli rivua gite mago,Amuto ge sagege lavuhula eau abitia muto lamari tela mautu la sagegela ale tabuli kokovu,eia tabuli palala tomiti sio tamuto,Egite la valalua aleie eau souka abia giteu. ¹²Egite la valalua me hatavile ale la merera tegaku tabuli oilo la tia gite,E Deo ge abiloua gite isahari,egite ge volu sesele,Me egite ale la merera kama oilo tegite,la rova eia tahokea,ge abitaro leia.¹³Ale la vuhula eau igo la vikara la tovomulila soio te la valua me hatavivile,la vuhula,egite ge mamata,alamoli egite kama koramulia ge mata kilala tavua,egite ge lolo alamoli egite kama ge lolo vulai tavua.¹⁴La merera te propet Aisaia guvi sesela ti soio te gite la valua me hatavile alele,egite ge lolo,ala moli egite kama ge rovia,egite ge mamata ala moli egite kama ge mata kilala tavua.¹⁵La tia gite la valua me hatavile aleie vagari sesele,Egite kama karamuli ge lolo la merera te Deo,a mae ale kapi la matagite egite kama kora muli ge hilo isasa la paga,ouka,ge lolo isa la merera, ouka ge rovi lala, maege egite ge vulo lou la tia gite,me eauge vimahuli egiteu.¹⁶La vibalavala ge tela matamuto, ale karamuli ge mata,Me la gavusa mutou, ale karamuli ge lolo. ¹⁷Eau veia mutou la seselela mae, egite Propet me egite la valua ale matata usu masaga ge hilo la papaga ale amuto hiloa, ala moli egite kama hiloa, Egite masagage lolo la papaga ale amuto loloa, ala moli egite kama loloa.¹⁸Lolo tigi la merera la vitovo mulila te la tahalo la baumuli la mahuma,ale galu la vavua la ilali tetala.¹⁹Mae la tahalo isa ge lolo la merera te la Mautu la matagagala te Deo,mae a kama ge rovi matagagea, La tahalo kama kokora ge pakali taro leia la rova ale galu tia oilo la hatela,Ale la vavua la ilalai ale galua tela pepe la gauru.²⁰La vavua la ilali ale galua oata la magasa ale la uatati ovola,eia mae la tahalo ale lolo la merera me eia abia vikapopo mela sagegela,²¹Ala moli la uala kama kusi malau sotalo la magasa,La imamala la tikumula mela vipou barala guvi la vuhula la merera,igo hari sele a paru.²²La vavua la ilali ale galua kabili te peho golo,A mae la tahalo ale lolola merera,ala moli la masagala mela tutugola te la maututla gomai pakali la mererale,Eia katima vua.²³Ale galua tela la magasa ale tartigi,a mae la tahalo ale lolo la merera a matagaga tavua.A vua tau la ilalila usu sele,isahari salatu sa,isahari savulu uolo,isahari savulu tolu."²⁴E Isus igo lou isa la merera la vitovomulila.Eia vei mae, la mautu la sagegela a mai la tahalo ale galu la vavua ale tartigi oio la mahuma te tala.²⁵La imamala la tahalo la baumuli la mahuma mavuta,la gima tetala gomai galu la vavua la gileu ale kama tartigi oilo la wit, goio eia tuga tio.²⁶La imamala la vavua la wit kusi, la gileleu ale kama kora vikusi tomi la wit.²⁷Egiteu la valua la igogolu te tama la magasa gomai veiala mae, Tahalo uru eme kama galu la vavua ale tartigi oio la mahuma taume? Ilava la gileu kusiti oio vola ?²⁸A veia giteu mago, 'La gima igoa maele.'Egite la valua la igogolu veiala, 'Eme masaga amite goio ge lapu taro egite?'²⁹E tama la magasa vei mago, umala. La vuhula amuto soukage vilapu tomi la wit. ³⁰A korale, Egirage vikusi tomi karamae la imamala tela ilukuluku. la imamala la ilukuluku,eau ge veiale egite ale lukuluku mae, "Amuto lapu taro mugea la gileuo, palatolea ge selua, la wit amuto tauolu agu.""³¹Goio E Isus vei loua gite isasa la merera la vitovomulila. Eia veia gite mago,la mautu la sagegela, a mai la vavua la obu isa bisi kori moli, la tahalo abia goio galua oio la mahuma te tala.³²La vavua la obu alele bisi kori sesele. Ala moli la imamala ale a kusi, apepe la obobu tomi oilo la mahuma. Goio la malumalu tomi goio igo la loa gite oata la halala.³³E Isus vei loua giteu isa la merera la vitovomulila, "La mautu la sagegela te la uru,eia mai la yist,La tavile isa abia vulo tomi la kakabi la plaua itolu,karamae la plava sogo."³⁴ La papaga tomi aleie e Isus veia giteu la valua me hatavile oilo tela merera la vitovo mulila;Eia kama veia gite isasa la merera ale la vitovomulila oiovola ouka.³⁵A igoa mae la vuhula la merera tegite propet ge sibitala sesele,La imamala eia veimae, "Eauge kope la haregu oilo tela merera la vitovo mulila. Eauge veipala la papaga ale tabuli kokovu araurati tela siloko la vipoupou."³⁶La imamala e Isus heletaro egite la valaua me hatavile,eia beua soilo la luma.Egite la Disaipel tetala gomai veiala mago, "lubea amite la masova la gileu tela mahuma,³⁷"Goio e Isus veia gite mago, "La tahalo ale galu la vavua ale tartigi eia e latu la tahalo.³⁸La mahuma a mae la maututu la magasa,La vavua ale taritigi,ale mae egite latatu la mautu la sagegela.La gileu ale egiteu e latatau la tahalo kamakora.³⁹La gima ale galu la vaua ale kamakora,eia e Satan,La mahuma ale raragi ge lukua ale la tapapasi la mautu la magasa,egite ale ge lukuluku ale egite la angelo.⁴⁰Mae alele, La gileu ale tau vikapopo selua la havio,La kaluvu la maututula ge mae vola le.⁴¹E latu la tahalo ge bahataro egite la angelo tetala,ge abitaro tomi la papaga ale viguvi la iriru, me egiteu ale igigo la papaga ale kamakora.⁴²Egite ge pigi egite soilo tela havi ale halela,Oilo vola la tilali mela togo gite ge vikisi tavu.⁴³Ala moli egite la valua me hatavile ale maroka,la matagaga gite ge mae la pilaga la haro oilo tela mautu la sagegela te tama gite,Eme ere tahoka la gavusamu oio,emge lolo.⁴⁴La mautula la matagagala te Deo a mae la vuliti ale tabuli kokovu oilo la ba la mahuma.La tahalo isa pogea eia goio taukovua,mulmuli eia goio bahataro tomi la papaga ale eia tahokea,eia beua goio loto la magasa ovola.⁴⁵Maimoli vola la mautula sagegela a mae la tahalo la vuliti ale mamata la Pel ale la mapala uru,⁴⁶ La imamala eia poga isasa la pel ale mapala oata sesele,eia goio bahataro tomi la papaga ale eia tahokea,me eia lotoa.⁴⁷La mautu la sagegela te Deo eia mae la vuo ale pigia solau la mago,eia vitilo tomi la vipopou alew isa polopolo.⁴⁸ La imamala lavuo volu,la tahalo la vuluo lapua soilo la parava,eia goio pou otalo tau vikapopo tomi ale tartigi oilo la galiu,ala moli egiteu ale kama kokora,eia pigi egiteu.⁴⁹ La kaluvuluvu la maututula . Egite la Angelo ge gomai ge hilovi egiteu la tahalo ale kama korakora loio tegite ale maroka. ⁵⁰ Egite ge pigi egite soilo tela havi ale halela, Ale la tilali la iligiligi me la togo gite ge koro magege.⁵¹E Isus tahi egite la tahalo la vimari tetala,amuto rovi lalati la vuhu la merera la vitovomulila,eau veitia muto?"egite koliala mago,"meie."⁵²Goio e Isus veia gite mae,Ere lolo la merera la vitovomulila,eia sibitala mae la tahalo la vimari tela mautu la sagegela te Deo, egite mae e tama la luma ale ababi la papaga ale mumugu ale halaba loilo la tilau tetala."⁵³La imamala e Isus vei tomitia gite la merera la vitovo mulila,e Isus hele taro la ba alele.⁵⁴E Isus goilo la gale la mautu tetala,Eia goio vimari egite la valalua oilo la luma la lotu,Egite karutu sele me egite vei mago,la tahalo ale abi la mari mela la mirakulo ale love? ⁵⁵Ale e latule kamuda molie yah? E tilala la isala e merie? me egte e tabarabarala e James, Joseph,Saimon,me Judas? ⁵⁶Egite hatavilevilela omai vikapopo me etatoue?me eia abi la papaga aleie oiove sele?"⁵⁷Egite tia tikumu ale Isus la papaga ale eia igoa, ala moli e Isus veia gite mago, egite la valua me hatavile tela maratatila ale isapolo,egite ge kaka tavu e propet, Egite la karakara te tala sele tela mautu tetala kama koramuli ge togo eia.⁵⁸Eia kama igo usu la mirakulo la vuhula egite kama tautaulailo tetala.

Chapter 14

¹Te la imala alele,E Herod te la Tetrak lolo la valolo le Isus.A veia gite la valua laigolu tetala,²"Ale e Jon tela vuluhi, Eia hiliti rivuti loio tegite ale peho ti. Male la vagari la soloio igolugolu oilo tetala."³E Herod sautola e Jon, kisitolea eia, tau eia soilo la luma totorobo lavuhula te Herodias, Erutule tabarala e Pilip.⁴E Jon veiala mago, "La vitirila kama veia emege puli loua ge igole rutumu,⁵E Herod viage bilia, alamoli a taga egite la vala, La vuhula egite veia eia isa la propet.⁶Goio la logola piligo te Herod gomai, la sobe te Herodias tilia kabiliposa tegite ge igo sagege e Herod.⁷ Oio moli vola e Herod igola veiselela me eia magiri la veiselela viage abiala la rova eiage tahia ovola.⁸Mulmuli teale e tilala veimuliala, la sobe le veimago,"abiagu somai,la gamale Jon tela vuluhi, taua te laen ale bolabola."⁹E King ilo buruko sele la vuhula tegiteu ale vikapopo me eia tela ba la ilali,me eiatai magiriti oata la veiselela, A vei molitia gite amuto ge igo selea.¹⁰v 10 Eia baha ti soio la lumala totorobo egitege valiutu la gama le Jon.¹¹Goio la gamala egite abia soata laen ale bolabola egite abiala sobele me eia abia soio te tilala.¹²Goio egite la disaipel sibitala,egite vikapopo me egite ulaia,mulmuli vola, egite tuga goio veiale Isus.¹³La imala e Isus loloti la valolola,Eia heletaro la ba alele goio sae la vaga goio la ba ale isa kama oiovola.La imala la vala loloa, egite tuga moli otalo tilimulia loio tela citi usu.¹⁴Goio e Isus poga egite a goio hilo la vala usu sele. me la tia gogori sele le gite a goio vimahuli egite loio tela ilea tegite.¹⁵Goio la paga maulavi, Egite la Disaipel gomai tetala veiala mago, la ba ale a la kuepa La paga logologotie.Bahataro la valua me hatavile, Egite ge goio la mautula ale hagavi egite ge lotoa gite la ilali."¹⁶Alamoli e Isus veia gite mago,"Egite kamage tuga,Amuto abia gite isa la paga ge alia.¹⁷Egite veiala mago," amite tahoka moli la bautu la Bret ilima E laia ilua."¹⁸ E Isus vei mago abi egite somai taku."¹⁹Goio e Isus karasuku egitege pou otalo la garasi. Eia abila bautula bret ilima me e laia iluao. A mata soata la ilo lalage, a vibalavea kaluvu a tovia abia gite la disaipel, me egite la disaipel abia gite la valua me hatavile.²⁰Egite tomi ali egite maru.goio egite tauolu la makara la ilali tegite la kela savulusa gete lua volu.²¹ Egite la valua ale ali la giligi gite la taosen ilima isapolo loio te hatavile me gilikiliki.²²A igohari moli a tutu egite la disaipel sae soilo te la vaga vimuga soio tela gale loio, la imala eia bahataro egite la valua me hatavile.²³Mulmuli teale a bahataro egite la valua me hatavile, Eia sekela goata la olu ge kaka.Tio la paga maligagomati eia sekela moli oata la olu.²⁴La vaga olau ti la tia la utu goio la lolovi mela mago hiliti a pigi vulo ti egite, La lovi mae ale tubu tola ti tegite.²⁵Te la vaiva la milatalata tela logo e Isus gomai, hagaviti somai tegite tatuga oata la kulkuli lamago.²⁶La imala egite la disaipel hiloa tatuga oata la mago,Egite taga me egite veimago,"Ale la taua,egite tali kahare mela tilaga.²⁷Alamoli e Isus vigia matata moli sio tegite mago,Amuto vagari,ale eau moli,Umala tataga."²⁸E Pita kolia veiala mago, Uru,mae eme sele, veiagu ge gomai taume oata la lalalu."²⁹ E Isus vei mago,"Gomai,"Tio e Pita tuga taro la vaga tuga oata la lalalu ge goio te Isus.³⁰ Alamoli la imala e Pita hilo la lolovi,A gio tagatio, me eia soko la tilomula, a tali tola tio," Uru, vimahuli eau!"³¹E Isus igohari moli tau la limala sogala, sautola lalima le Pita,a veia la mago," la tautaulailo taume bisimoli ilava eme kama tautaulailo,³²Goio la imala e Isus me Pita sae soilo la vaga la lolovi tamea.³³Goio egite la disaipel oilo te la vaga lotu tavu e Isus egite veimago "A sesele eme e latu le Deo."³⁴La imala egite sagapolo soio,Egite goio la mautu e Genesaret.³⁵ Goio la tahalo isa oio la ba alele rovi e Isus, Egite baha la merera soio tegite tomi ale oio la ba alele,Egite vahari tomiala egite ale lalea.³⁶ Egite totosukua viage egitege pilau moli la gilisu la kairobo tetala, me egite usu pilaua egite mahuli.

Chapter 15

¹Goio egite paraseo me egite ale kekesi la viturila loio e Jerusalem gomai te Isus.Egite vei mago,²"Ilava egite la disaipel taume polo pepe la vulovulo gite uru?Egite kama litu bakisi la lima gite,la imamala egite ali.³Eia koli rivua gite mago, "Me ilava amuto polo pepe la viturila te Deo goio amuto tilimuli la vulovulo gite ururu?⁴E Deo vei mae, Amuto ge togo e tamamuto me tila muto,' Eme ere ale vikara bareale tamamu me tilamu,eme ge peho.'⁵Ala moli eme vei mae , Ere isasa veiale tamala ouka e tilala "la kiloli ale mave eme abia lomai taku, eia la viabila taume soio te Deo,"⁶La tahalo alele kama koramuli ge togo e tamala.La vulovulo la tilimuli la vulovulo gite uru,eia igo la merera te Deo la paga bulahu moli.⁷Amuto la tahalo la vasi gologolola' La merera te propet Isaiah sibitala matagaga seleti omai tamuto,⁸La valua ale, latilogo tamuto eia te la hare muto moli, me la tia mutou malau sesele lomai tegaku.⁹Egite vasigologolo moli la ilotu tavu leau,la vuhula egite abimoli la viturila ale la valua bulahu moli igoa,egite vimari egite la valalua me hatavile ge lotu tavu eau ovola."'¹⁰ Mulmuli e Isus tola egite la valua me hatavile somai tetala eia veia gite mago,"lolo abi tataho la merera aleie.¹¹ La papaga ale la tahalo alalia,me ale goilo la harela kama igo kama kokora la tahalo,ouka, alamoli la papaga ale la tahalo veveia me ale loilo la hare la tahalo, eia igo kama kokora la tahalo.¹² Goio egte la tahalo vimari te Isus gomai te Isus me egite veiala mago, "Eme rovi taia mae la merera ale eme veia eia igo bara la tia gite paraseo me la hate gite mamasi sele amu?¹³ E Isus kolia gite mago, "La gilalu tomi ale e tamagu oata la mori kama galua age lipululu taroa. ¹⁴ Egite korale, Egite matakea, mae la tahalo ale matakea isa ge ba la tahalo ale matakea, egira timi ge boru sotalo la lulu."¹⁵Goio e Pita lolo la merera alele eia goio veiae e Isus mago, "akoramili eme ge veia mite la vuhula merera la vitovo mulila le." ¹⁶E Isus vei mago, "Mave amuto souka rovi lala? ¹⁷Amuto kama hiloa la rova goilo tela la hare age goilo la tia mulmuli age gogala mae la maroa?¹⁸Ala moli la papaga ale gali loilo la hare eia loilo tela hate la tahalo. me eia la papaga ale igo bara la tahalo.¹⁹A maie, loilo la hate la tahalo,eia viguvi la gabutalala ale kamakora,la bilili,la mata bulakalakala,la tahalo ale ovo e rutu la tahalo polo,la tahalola pakalila.la tahalola vasigologolola.²⁰Ale la papaga ale igo kama kora la tahalo.Ala moli mae eme kama litu la limamu eme ali,akmage igo bara la tahalo.²¹Goio e Isus heletaro la mautu,me eia goilo la ba la mautu ale uru ilua,e taia me sidon.²²Oio tela mautule,la tavile isa loio e kenan gomai te Isus eia tola vagari soio tetala mae,uru eme e latule Devit gogo eau,la kalulu kama kokora abiseleale latugu la iligi ale uru."²³Ala moli e Isus kama koliala isa la merera. egite la tahalo la vimari tetala goio vei tiala mago,la tavile ale igoiti la tola kahare la,Eia hari mulimuli amite, koramuli emege veila tavile aleie ge heletaro malau amite.²⁴Ala moli e Isus koligite mago, E god baha eau somai ge abi rivu moli e giteu e Israel."²⁵Ala moli eia gomai tototulu otalo la vahala, Eia veila mago, "Uru, suli eau."²⁶E Isus kolila mago, Akama tartigi veia ge abi la bret tegite guliki ge pigiala paia."²⁷Eia vei mago, Asele,Uru, Elatu la paia bisisi tai alali la ilali ale paruparu loio tela poro te la tahalo ale uru."²⁸ Goio e Isus kolila mago, tavile uru la tautaulailo taume uru sale, eia ge guvi sesele mae ale eme masaga tiale, te la imamala alele, e latula mahuli rivu.²⁹E Isus heletaro la mautu alele eia tuga hagavi soio la mago e Galili.Eia goio tie soata la gove,me eia goio pou oata vola.³⁰La tete la valua me hatavile uru sele gomai tetala.Egite gomai vika popo me egiteu ale gulugulu,egte ale matakea, ale paua,me egite ale lea,gite vahari tomi egite soio te Isus me eia vimahuli tomi egite.³¹La valua me hatavile karutu sele la imamala egite hilo egite ale paua, meramera,egite ale gulugulu tatuga,egite ale matakea matagaga rivu.Me egite visale e God le Israel.³² E Isus tola tomi egite la tahalo la vimari somai tetala eia veia gite mago,"Eau gogo sele egite la valua me hatavile aleie,la vuhula egte pou vikapopo me eau la logo itolu ti,egite kama ali isa la paga.Eau kama masaga ge bahataro bulahu moli egite mae egite kamage ali, egite souka ge boru la gauru."³³Egite la tahalo la vimari viala mago,"La ba ale la tahalo isa kama pou hagavi omai vola,"E tato ge abi la bret oiove ge valile egite la tete la valua me hatavile urue?"³⁴E Isus tahi egite mago,"la bautu la bret iriva amuto taolea?"Egite vei mago ivitu,me e laia ilua bisisi." ³⁵Goio e Isus veia gite ge pou otalo la magasa.³⁶Eia goio abi la bautu la bret ivitu me laia, a kaka ovola, eia tovila bret abia gite la tahalo la vimari,me egite la tahalo la vimari tetala abia gite la vaua me hatavile.³⁷La valua ali,egite maru pepeho,me egite tovo la kela la ivitu volu la makara la ilali ale piligi.³⁸Egiteu ale aliele la giligi gite la taosen iva,ale la valua moli.³⁹ Tio e Isus bahataro egite la tetela valua,eia gio sae soilo te la uaga,eia goio la gale la mautu e Magadan.

Chapter 16

¹ Egiiteu e paraseo me gite sadusi gomai tovolai e Isus, egite tahia viage va hililoa gite isa la irovilala oata la mori.² Ala moli e isus kolia gite mago, "Mae la paga ge maulavi, la mori ge magese amuto ge vei mae galgeli la haro tartigi sele.'³La kavkoki,amuto ge veimae gageie la hura ge pu,la vuhula la haro magese la sosobu ubi robo ti louao.' Amuto koramuli ge rovi la taba oata la mori, ala moli amuto kama koramuli ge lube la taba tela imamala.⁴Egiteu la valua me hatavile la iriru me egiteu ale mata bulakalaka pamulimuli la irovi lala, ala moli la irovilala kama ge abia muto, la irovi lala moli te Jona."goio e Isus hele taro egite eia tuga.⁵La imamala egite la tahalo la vimari guvi oio la gale loio, egite vahula ge abi la bret.⁶ E Isus veitia gite mago, amuto ge matarara te la yist tegite paraseo me sadusis.⁷ Egite la tahalo la vimari vivei baoli le giteu lou mago, "Asoge la vuhula etato kama abila bret. " ⁸ E Isus rovitia maele eia goio veimago, "La tauataulailo tamuto bisi sele, la vuhula ilava amuto viveila via amuto kama ababi la bret?⁹Amuto kama gabutala la bret ilima,eau abia gite la taosen ilimao,me la kala iriva amuto vitau kapopo egite? ¹⁰ Ouka la bautu la bret ivitu koramuli egite la valua la taosen iva,la kela irirva amutoge abia?¹¹Ilava amuto kama rovia mae eau kama veveila bret? Amuto ge matarara te la yist tegite paraseo me sadusis."¹² Tio egite gio rovia mae eia kama veveia gite ge mata rara la yist oilo la bret,ouka egite ge matarara la vimari tegite paraseo me sadusis.¹³La imamala e Isus goio la gale la mautula ale hagavi te sisiria me filipai, eia tahi egite la Disaipel tetala mago, "Egite la valalua veia e latu la tahalo eia ere?" ¹⁴Egite vei mago, Isahari veia e Jon te la vuluhi, isahari veia, Elaija, isahari veia, e Jerimia, ouka ge egite la propet isa."¹⁵ Eia tahi egite mago, Me amuto veia eau ere?"¹⁶E saimon pita koliala mago, "Eme e krais, e latule Deo, ale mahulihuli.¹⁷E Isus koliala avei ala mago, "Eme balava sele, Saimon Bajona, ale la tahalo la vovo kama veipaleamu, ala moli ale e tamagu ale oata la mautu la sagegela. ¹⁸Me eau ge veiamu eme e Pita, oata la uati aleie, eau ge vimagiri la luma la lotu taku. La vagari la matala la liba kama koramuli ge vagotaloa.¹⁹Eau ge abiamu la ki la mautu la sagegela, la rova eme ge kisi tolea otalo la mautu la magasa, eia ge kisi tola taia oata la mautu la sagegela,me la rova eme lubea otalo la magasa,me eiage lube taia oata la mautu la sagegela.²⁰Goio e Isus vikara vagaria gite la Disaipel via, egite umala ge veia gite isa mae eia e Krais.²¹ Tela la imamala alele e Isus soko la vileia gite la Disaipel tetala mae eia ge gio e Jerusalem, me eia ge bole usu la tikumula loio tegite paraseo me skraeb, egite ge bilia pehoa me eia ge hiliti rivu lou te la vai tolu la logo. ²² E Pita pulia goio egira moli pou eia soko la vileiala," uru, la papaga alele kamage gomai hagavi oio tai a kama ge givi taume, ²³ "Ala moli e Isus vulo soio te Pita eia veiala mago, "Eme ge vulo sotigu taku, Satan' eme magiri roborobo la gaurugu, eme kama gabu tikumu la papaga te Deo, la gabutala mu volu moli la papaga tela la valua,"²⁴ E Isus goio veia gite la Disaipel tetala, "mae ereisa masage ge tilimuli eau, eiage vagotalo eia, me eia ge bole la tauvautu tetala,eia ge tilimuli eau.²⁵ Latahalo ale gabutala moli la mahulila tetala,eia ge galo, la tahalo ale tau la mahulila oilo taku,eia ge abi la mahulila.²⁶ Mae la tahalo isa masaga ge abi tomi la papaga la mautula, eia ge tau la mahulila tomi oio vola, age abi la rova oio vola? La rova la tahalo ge abia,mae la kiloli la mahulila tetala?²⁷ E latula tahalo ge gomai oilo la marasala te tamala vikapopo me egite la angelo tetala. Eiage loto tomi egite la valua me hatavile te la rova egite igotia. ²⁸La selela eau veia mutou, isahari oio tamutou ale omai magirigiri, Egite kamage peho kara egite ge hilo e latu la tahalo ge gomai tomila mautu la sagegela tetala."

Chapter 17

¹La logo ivolo polo e Isus pulie Pita,e Jems e tabarala e Jon,A puli egite goata malau sele la varu la olu egite sekela moli.²La tarola vulo kabili tegiteu,La lagula paga mae la haro,me la kairobo tetala kaha mae la matagaga.³Mata soio,e Moses me Elaija sibitala tavu e gite gio vigia tomile Isus.⁴E Pita kolia le Isus aveiala mago,Uru a tartigi sele amite gomai la ba aleie, '' Uru mae eme masaga,Eau ge tigi la kale itolu omai la ba aleie-isa taume, isa te Moses, me isa ge te Elaija.''⁵La imala eia soloio meramera, mata soio la sosobu pigirobo egiteu, lolo soio, lagolu isa loio tela sosobu, a vei mago,"Ale e latugu ale eau masaga selea,La ilisulisu taku oilo tetala.lobagele tavua ."⁶La imala egite la disaipe loloa, egite boru lagutugu me egite taga geru.⁷Goio e Isus gomai pilau egite me a veia gite mae," Hiliti oata umalati tataga."⁸Egite mata soata egite kati hilo isasa e Isus moliti oio magirigiri⁹La imala ale egite bebeua loata la olu,E Isus mera vagari soio te gite ,avei mago,''umala veia gite isa la rova amuto hilotia kara mae Latu laTahalo ge hiliti lou loio tegite ale pehoti.''¹⁰Egite disaipel tetala tahia mae,''Ilava egite la valua la mari veia e Elija ge mamuga somai?''¹¹E Isus koli gite mago,"E Elija ge gomai ge vahiliti rivu la papaga tomi.¹² Alamoli Eau veiamutou,E Elija gomai ti, Alamoli egite kama rovi matagaga eia. Oilo tela gauru alele, E latu la tahalo taige abila iligi te la limagite."¹³Goio egite la disaipel rovia mae a veia gite e Jon te la vuluhi¹⁴ La imala ale egite gomai te gite la valua me hatavile,la tahalo isa gomai tetala,tototulu otalo lagula avei mago,¹⁵ ''Uru,gogo e latugu, eia akama tatuga me a gabu la iligiligi ale uru sele. A boruboru soilo lahavi me la lalu la imala isahari.¹⁶Eau varia soio te gite disaipel taume,alamoli egite kama sulia.''¹⁷E Isus kolia gite mago,"amto e latatu la igo marapa mela tautaulailo ouka, Eau ge pou tomi le amuto kara mave? Eau ge vitomi le amuto kara gaisa, vahari eia somai taku."¹⁸E Isus bahataro la kalulu kama kora, A gali taro eia la imala alele e giliki bisiele mahuli rivu¹⁹ Goio egite la disaipel gomai kovu moli te Isus egite tahia mago,"ilava amite kama koramulige bahataro galea?"²⁰ E Isus veia gite mago,La vuhula la tautaulailo tamuto bisi moli. Eau veiselea mutou, mae emege tahoka la tautaulailo bisi moli mae la vavua la obu, emege veiala olu aleie, suku lomae goio,Age suku la paga isa kage tivura. ²¹²²Egite pou oilo e galili, E Isus veia gite la disaipel tetala mago,Egite ge tau e latu la tahalo soio tela lima gite valua,²³ Egite ge bilia, me tela vaitolu la logo age hiliti rivu lou," La ilo gite la disaipel buruko sele²⁴La imala egite gomai e kapernaum, la tahalo ale ababi la uru la wati la takes gomai te Pita aveiala mago, la tahalo la vimari tamuto lotoloto tai la takesi?"²⁵ Meie, Alamoli la imala e Pita goilo la luma, E Isus vigia pala soio tetala a veiala mago, Eme gabutala mave,Saimon? La ba ale mave egite ababi la takes ovola? me egitege lotalo tegite le?²⁶E Pita veimago, loio tegite la moimosi,"E Isus koliala mago,Emege maramara eme kage pigi isa la wati.²⁷ soukage etato ge igo egite ale ababila takesi ge boru,Golau la mago pigi la togo e laia ale eme lapu palaea.emege kope la hare la emege poga la wati,abia gite ale ababi la wati la takesi ale tegala."

Chapter 18

¹Tela imamala alele egiteu la Disaipel gomai te Isus egite viala mago, "Ere isasa eiage uru tela mautu la sagegela tela la uru?"²Tio e Isus goio tolea e guliki isa Bisi,eia vimagiri posea kabili tegiteu,³ eia goio veia giteu mago,Eau vei selea mutou, Mae amuto kamage vulo la vulo mutou ge sibitala maroka mae e guliki bisiele,Amuto kama karamuli ge goilo tela mautu la sagegela.⁴Mae la tahalo isasa eiage vagotalo lou eia mae e guliki bisie le, Eia moli koramuli ge tiroro soilo tela mautu la sagegela te la tahalo uru.⁵Eme ere kaka tavu isa e guliki bisisi mae aleie oilo tela isagu,Me alele eme abi eau soilo taume.⁶Mae la tahalo isasage viruru isasa egite bisisi ale roromuli eau,A taritigi moli mae ge kisia la holola isauru la wati ge pigi tilomua olau la tia la utu.⁷La tikumula ge tela mautu la magasa lavuhula la imala buroru! La imala alele ge gomai sele Age la ilo burukola te la tahalo ale poga tavu la imala alele ⁸Maege la limamu me la vahamu ge virurumei,eia taritigi emege vali taroa ge pigia.A tartigi ge abi la mahulila ale la tapasila ouka, mae la vahamu ge isasa moli, eala moli akama taritigi mae ge goio la havi vikapopo mela limamu mela vahamu tomi.⁹Mae la matamu igo boru mei, Eia taritigi emege suba taroa pigia, eia taritigi emege abi la mahulila ale la kaluvula ge ouka vikapopo mela matamu isasa moli,eala moli eia kama kokora mae emge goilo la havi bibila vikapopo mela matamu ilua.¹⁰Emege mata tigi taho,soukage emege muku pile isa tegite bisisisi ele, Eau veiseleamu,oilo tela la ilo lalage egite tahoka e angelo tegite oio, egite pou sele tela lalagu le tete, ale oata la ilo lalage.¹¹E latula la tahalo gomaige vimahulli la valua me hatavile ale kokovuti tela vulovulo ale kama kokora.¹² Eme gabutala mave? Mae la tahalo isa taola la sipsip salatu sasa, me isa goio ruru, Eia ge piligi egite la sipsip ale savulu valasiu gete valasiu oio tel vai la olu,me eia kama goio ge pamuli ale isasa kokovuo?¹³Mae eiage pogea,Eau veiseleamu, eiage sagege pepeho teale isamoli eia suvititia le, loio teale savulu valasiu gete valasiu egite kama ruru.¹⁴ Tela gauru moli alele, E tama mutou ale oata la mori kama masaga isasa tegite guliki ge kokovu.¹⁵ Maege e tabaramu isa ge igo la iruru soio tame, goio veiala la iruru tetala, age kabili tamulua moli, mae eiage lolome,emege abi rivu e tabaramuele me amula ge vipuhi tigilou.¹⁶ Ala moli mae eia kamage lolo la merera taume,puli lou tahosa ouka taholua, Amuto ge pou vikapopo ge lapu matata la iruruele.¹⁷ Maege eia kamage lolo la merera tegiteu, emge abila la paga alele soio tela lotu, maege eia kamage lolo la merera tegite la ururu la lotu, hilo eia mae la tahalo la ilabila wati ouka la tahalo e Juda¹⁸La selela eau ge veia mutou,la papaga tomi ale eme kisitolea otalo la magasa,la tahalo uru tai ge kisia oata la ilo lalage,me larova tomi eme kopea otalo la magasa,la tahalo uru tai ge kopea oatala la ilo lalage.¹⁹Eau ge vei loua mutou,Mae taholua ge vikapopo la tia gira ge isasa moli,larova egira kakea,Me e tamagu oata la mori ge abia gira la rova egira kaka eia ovola.²⁰Tela ba ale mave taho lua ouka taho tolu, egite vikapopo oiolo te la isagu,me eau ge pou kabili vikapopo me giteu.²¹ Mulmuli Pita goio tahi e Isus, Eau ge lube la iruru te tabaragu tagara iriva, mae eia ge igo la iruru somai taku? soioge vaka vitu ia? ²² E Isus veiala mago, eau kama veiamu vaka vitu, ouka, emege lube la iruru tetala karamae savulu vitu gete vitu.²³ La mautu la sagegela te tahalo uru eia mae e king isasa,masaga ge lapu matata la makodo vikapopo me egite la valua la igogolu tetala.²⁴La imamala eia soko la ilapu matata la makodo,egite puli isa la tahalo la igogolu tetala somai, eia makodo la beki la wati la silva 1000, oio te king.²⁵ Eala moli eia kama tahoka la wati ge koli la makodo tetala, La mulugaluga te tala igo isa la merera ale vagari,viage baha la tahalo la igogolu tetala, e rutula me latatula vikapopo mela golgolu tetala tomi,ge koli la makodo tetala .²⁶ Tio, la tahalo la igogoluele boru lagutugu otalo,eia veiala mulugaluga tetala mago, emege gogo eau, eauge koli rivuamu la papaga tomi.²⁷Ala la mulugalua tetala,gogo seselea la tahalo la igogolu tetalale,eia goio lube la iriru tetala,me eia bahataroa eia tuga.²⁸ Goio la tahalo la igogolu tuga goio poga isa la tahalo ale egira vigogolu tomi, la tahalole makodo oio tetala la salatu isasa, eia goio beberoboa,eia viala mago,abirivuagu la makodo tegaku.²⁹la tahalole goio lagutugu otalo, eia goio veiala mago, eme gogo eau, eauge koli rivu la makodo taku soio taume.³⁰Alamoli la muluga la tahalo la igolu kama masaga,Goio a tuga goio laba eia soilo la luma la totorobo karamae age loto rivuala la makodo tetala.³¹La imala la tahalo la igolu tetala hilo larova sibitala,La ilo gite buruko sele, Egite gomai tela la mulugaluga tegite veiala la rova tomi ale sibitala tio.³²La mulugaluga tela tahalo la igolu tola eia, Goio veiala,Eme la tahalo la igolu ale kamakora, Eau lube la iriru taume tela makodo taume, la vuhula eme kaka tavu eau.³³Mave eme kama gogo la tahalo la igolu taume,mae ale eau gogome?³⁴La mulugaluga tetala igotolo a tau eia soio tegite ale ge abiala la iligiligi karamae age loto la makodo.³⁵E tamagu tai oata la mori ge igo taia muto,Mae moli isasa tamuto kamage lube la iruru te tabarala loilo la hatela

Chapter 19

¹A goio tela imala ale e Isus vikaluvu la merera,A heletaro e Galili, agoio la ba e Judea tela la gale la lalu e Jodan loio.² La valua me hatavile usu sele tilimuli eia,Eia vimahuli egite.³Egite paraseo gomai tetala,"viage tovolai eia,egite tahia mago,La viturila veia la tahalo ge tou e rutula mae la vuhula ouka?"⁴E Isus koluia gite mago,"Amuto kama gigila merera veia Eia ale vipou egite tela silokoloko igolu egite isahari hatamale isahari hatavile?⁵Eia ale vipou egite vei tai mae, Tela vuhula molialeie la tahalo ge heletaro e tamala me tilala me eiage vikapopo me e rutula, te ale ilua la vovo gira ge isasa moliti?⁶ Egira katima ilua, ouka lavovo gira isa moliti. Ala larova e Deo vikapopo tia, isa oukatige lele luea,"⁷Egite veiala mago,"Me ilava e Moses veia mite ge abi la galau la vipou ba la goioge bahataro la tavile ge tuga?"⁸Eia veia gite mago,"La tia muto vagari sele ala e Moses veia mutoge tou e rutu muto,Ala moli tela silokoloko akama maele.⁹Eau veia mutou, Ere isa tou e rutula, mae akama mavuta tomi latahalo polo a goio taulai polo, ale eia igola vulovulo ale kama kora,Mae la tahalo isa pulipolo la tavile ale e aruala toua a igola vulovulo ale kama kora."¹⁰v 10 Egite la disaipel veiale Isus mago,"Mae aleiege la tikumula te la tahalo me rutula, Akama tartigi ge taulai."¹¹Alamoli e Isus veia gite mago,"Kama amuto tomi ge abi la vimari aleie, Egite moli ale egite koramuli ge abia.¹²Egite la valua isahari maele loio ti la tia le tila gite, alamoli isahari egite vala egite, ale la tahalo igoa, Me egite isahari sibitala maele, tela mautula la sagegela tela Uru, Ere koramuli ge abi la vimari aleie, eia ge abia."¹³Goio egite abi isahari egite giliki soio tetala veiage a ge tau la limala oata tegite ge kaka, Alamoli egite la disaipel bahataro egite.¹⁴ Alamoli e Isus vei mago, litaro egite gilikie le, Umala marataro egite, ale gomai taku, La mautu la ilo lalage a tegite ale maele."¹⁵ A tau la limala oata tegite gilikiele goio eia tuga taro la ba alele.¹⁶Mata soio,la tahalo isa gomai te Isus a vei mago," Tahalo la vimari,La rova tartigi eau ge igoa via eau ge abi la mahulila ale la kaluvula ouka?"¹⁷E Isus veiala mago, "Ilava eme tahi le eau la paga ale tatigi? Isasa moli tartigi,Alamoli mae eme masaga ge tiroro soilo tela mahuli,Sautola vagari la viturila."¹⁸Goio la tahalo veiala mago,"La viturila ale mave? "E Isus veimago, Umala bilibili, umala igigo la vulovulo ale kama kora, umala pakalikali,umala vasigologolo,¹⁹Togo e tamam me tilamu, masaga e tabarabaramu maemoli eme masaga eme lou."²⁰E maure halaba le veiala mago," La papga tomi ale eau roromuli tomi tia. La rovalou eau soloio ge igoa?"²¹ E Isus veiala mago,Mae eme masagage maroka, goio baha tomi la papaga ale eme tahokea, Emege viabi soio tegite ale pou la savelela,Eme ge tahoka la vuliti oio la mautu tela sagegela.' Tio eme gomai tilimuli eau."²² La imala e maure halaba le lolo la rova e Isus veveia a tuga soio la ilola buruko sele, la vuhula eia tahoka papaga usu sele.²³E Isus veia gite la disaipel tetala mago,"La selela eau veiamu, A vagari te la tahalo ale tahokala vuliti ge tiroro soilo la mautu la sagege la te Deo.²⁴Eau vei louamu akama tivura tela kamel ge tiroro soilo la ova la lili la somapi,oiotai la tahalo la vuliti ge tiroro soilo la mautu la sagegela te Deo."²⁵La imala egite la disaipel loloa, Egite karutu sele me egite vei mago, "me ere koramulige mahuli?"²⁶ E Isus matavu egite a vei mago," te la tahalo age tivura sele, Alamoli te Deo la papaga tomi isa kama tivura."²⁷Goio e Pita koli la Merera tetala mago. Hiloa amite piligi tomiti la papaga tomi me amite tilimuli tieme.Larova lou amite ge tahokea.?"²⁸E Isus veia giteu,"La selela eau veia mutou, OIlo la mulou ale halaba la imala e latu la tahalo ge pou oata la pulou la marasa,Eme ale tilimuli eau ge pou tai oata la pulou ale savulusa gete lua,ge lapu matata la maratatila savulusa gete lua, te Israel.²⁹Amuto tomi ale heletaro ti la luma,tabaragu,hatavilegu, tamagu, tilagu,gilikiliki, la magasa tela isagu, ge abi la salatu isasa ge abi lamahulila la kaluvula ouka,³⁰Alamoli usu tegite ale mamuga age mulmuli, egite ale mulmuli ge mamuga.

Chapter 20

¹La mautu la sagege la te Deo a mae la tahalo ale tahoka la magasa la kavkoki age tuga goio ge puli egite la valua ale ge igogolu oio tela mahuma la vaen tetala.² A puli egite goio vigia matagaga tegite mae la mapagite ge la denaius isa tela logo isasa, a gio bahataro egite soio tela mahuma la vaen tetala.³Gio la vaitolu la matala haro atuga goio hilo egite la valua la igiglu oio magiri bubu moli oio la ba ale egite babaha la ilali ovola.⁴ A goio tahi egite mago,amuto tai,goilo la mahuma la vaen, Eau ge abi seseleamu la rova a taume,Tio egite goio la igolu.⁵A goio tuga lou tela matala haro ivolo me la matala haro valasiu, a igo maigo lou.⁶ Tagarasa lou tela matala haro savulusa getesa a tuga goio poga isahari oio magiri bubumoli. A veia gite,"La logo uru malaue amuto magiri bubu moli?'⁷ Egite veiala mago,La vuhula isa kama abia mite la igolula,'A veia gite mago,me amuto tai goilo la mahuma la vaen.'⁸La paga logologo ti, E tama la mahuma la vaen veiagite la tahalo ale baumulila mahuma,' Tola egite la valua la igolu loto egite la mapa giteu,sokoa oio tela tapasila goio tela kaluvuluvula.'⁹ La imala egite la valua la igolu ale goilo te la matala haro savulusa getesa gomai,isasa tegite abi la denarius isa.¹⁰ La imala egite ale mamuga soio la igolu gomai, Egite gabutala via egitege abi uru, Alamoli egite tai abi moli la denarius isasa.¹¹La imala egite abi la mapa gite,Egite vikara galolo tiala tahalo la magasa.¹²Egite veimago,Egite ale gomai mulmuli igolu moli la mata laharo isasa,Ilava la mapa gite visauru moli mae tamiteue,Amite igolu soko la kavkoki la haro kue amite.'¹³E tao la mahuma kolia avigia soio te isa tegieu,Tabaragu, Eau kama igo isa la iriru soio taume, Eme kama tia tigiagu te la mapa tela logo isasa? ¹⁴Abila la mapamu eme tuga.Eau lou masaga ge abiala tahalo ale igolu mulmuli la mapa visauru moli mae taume.¹⁵ Mave eiau kama taoka la merera loata la papaga ale eau taolea?Uka ale eme ateka lavuhula eau taoka la papaga usu?'¹⁶Ala egite ale mulmuli ge mamuga ,egite ale mamuga ge mulmuli.''¹⁷ La imamala ale Isus tatuga soata e Jerusalem,avimagiri gale egite la disaipel ale savulusa gete lua oio la gauru, aveia gite mago,¹⁸ Male,etato goatata e Jerusalem,me e Latu la Tahalo ge goio la lima gite la mulugaluga tegite pris me egite la valua la mari.Egite ge mera geru ala kara la pilehola¹⁹me egite ge tau eia soio la lima gite la valua polo ge mera geruala,ge kue bara selea,me egite ge bilia.Ala moli la vaitolu la logo a ge hiliti rivu lou.''²⁰Goio etilale latatu le Jebedi gomai te Isus vikapopo me latatula.A lagutugu olagu la lagula tahia isasa la paga.²¹ E Isus veiala mago,''Eme gabutala mave?''E tila gite goio veiala mago,''Mera vagari seleale latatugu ilua ge pou,isa ge pou oio la galemu e gata me isa ge oio te meru.oio la kingdom taume.''²²E Isus koliala,mago eme kama rovi larova eme tatahila.Eme karamuli ge liu la kap ale eau hagaviti ge liua?''Egite veiala mago,''Amite karamuli.''²³E Isus goio veia gite mago,''La kap taku amuto karamuli ge liua.Alamoli ale ge pou oiola galegu egata uka e meru kama la paga ale eau ge abi molia muto,alamoli a tegite ale e Tete raragia viage tegite.''²⁴ La imamala ale egite la disaipel ale savulusa loloale,egite igotolo sele egira ilua taume tariele.²⁵ Alamoli e Isus tola egite soio tetala me a veia gite mae,''Amuto rovia mae egite la mulugaluga te gite la valua polo tau egite sotalo,me egite la valua tegite ale taoka la isaisa tovo lai ge muga egite.²⁶ Alamoli akama ge maele kabili tamutou.Ere masaga ge abi la muli soatata kabili tamuto eia ge guvi pala mae la tahalo la igogolu tamuto²⁷ me ere masaga ge mamuga kabili tamuto a ge guvi pala mae la tahalo la igogolu tamuto,²⁸ maimoli e Latu la Tahalo kama gomai egite ge valia,A ge vali la valua,me A ge vabila la mahulila tetala ge loto usu la valua me hatavile.''²⁹Laimala ale egite heletaro e Jeriko valaua me hatavile usu tilimuli egite.³⁰ La matakea ilua popou oio la gauru ele.La imala ale egira loloa via e Isus oio polopolo,egira tola,''Uru,latu le Devit,gogo amila.''³¹ La karakara la valua me hatavile bahataro egira,veia gira ge makovu,alamoli egira tola vagari peho lou,''Uru,Latu le Devit,gogo amila.''³²E Isus magiri makovu moli goio Atola soio te gira vei mago,''Amula masaga eau ge igoa mula la rova?''³³ E gira veiala mago,''Uru,la mata mila ge kope.'' ³⁴Goio e Isus,la gilogo volu oilo tetala,pilau la mata gira.Kama taba la matagira kope me egira tilimuli e Isus.

Chapter 21

¹La imamala e Isus me egiteu la tahalo la vimari tetala gomai hagavi e Ierusalem, egite guvi oio lamautu e Betpas , hagavi la olu e Oliv , goio e Isus baha taholua e guliki la vimari tetala. ² Eia veia gite mago , amuto goilo la mautu aleio , amuto ge hilo isasa la Donki me latula egite kisitola leia la mota .amutoge lulutaro la mota gira,me amuto tata egra somai taku. ³ Mae egte la valalua ge tahi amuto ovola, amutoge veia gite mago, la Uru tahoka la igogolu oio tela Donki aleie. la tahalo lege sugutaro molia muto la Donki somai.⁴La paga aleie ge puru muli la rova e propet veipalaea araura, e Isus vei maele, ⁵Veia la sobe le Saion, hiloa e suara taume goio taume le, Eia vagotalo sesele eia,me eia pou oata te latu la Donki halaba.⁶Goio egite guliki la vimari tetala igoa mae ale eia veitia gite mamuga. ⁷Egite abila Donki vikapopo me e latula bisi halabao,goio egite tau la kairobo tegite me la kulkuli oata la Donki ilua le,E Isus pou oata la kairobo me la kulkuli oata tela Donkie le. ⁸La valalua me hatavile usu pigi la kairobo mela kulkuli tegite otalo la gauru ,me la valua isahari vali la veve la obu la Rou, me egite pigi taia otalo la gauru.⁹La valua me hatavile isahari vimuga lolagu te Isus, isahari ale tilimulimulia,me egite tola mae, bole vauru la isala uru te latule Devit, sagege leia,la vuhula eia gomai tela isala uru,bole vauru la isala uru, eia pou oata sesele. ¹⁰La imamala e Isus goilo e ierusalem,Egite tomi la valua me hatavile ale oilo la taon,igo la merera usu sesele, me egite tahi,ale erese tahalo maleie? ¹¹La tete la valua me hatavile ale tilimuli e Isus kolia gite mago,ale e Isus, Eia isasa la propet loio e Naseret,oilo e galili.¹²Goio e Isus goilo la luma la lotu,eia goio bahataro tomi egite la valua me hatavile la iloto, me la bilaha oilo tela luma la lotu, me eia tigitaro la poro la vululo la wati, me la pulou tegiteu ale babaha la malu la kuru. ¹³Eia gio veia gite mago,La merera te God veimae,la luma tegaku, eiage la luma la kilaka,eala moli amuto vuloa mae la luma tela tahalo la pakalila. ¹⁴Mulmuli egite la matakea,egite ale gulgulu gomai te Isus oilo la luma la lotu,Eia vimahuli egite loio tela ilea tegiteu.¹⁵ La imamala egite la mulugaluga ,me egite la valua la mari te la viturila hilo la papaga ale tartigi eia igo tia ,me egite goio lolotai egite guliki oilo la luma la lotu ,tola mae bole vauru la isale latule Devit, la hate gite mamasi sesele,¹⁶ Egite goio veiale Isus mago,eme lolotai la rova egite la valalua veveia? E Isus goio kolia gite mago,meie,mave amuto souka gigi la merera ale oio poutio,loilo tela hare gite guliki me egiteu la pepeso ale solo sususu, egitege bole vauru la isa la uru.¹⁷ E Isus goio heletaro egite ,eia goio la Taon ale uru,eia goio e Betani pou la logo isasa.¹⁸Tela kavikokila la imamala eia beua loio la Taon ale uru, eia vitolo. ¹⁹Eia goio hilo isasa la obu la Fik oio la pepe la gauru,eia goio tuga suku soio,agoio hiloa mae la obuele la vavuala ouka,la galagalala moli usu sesele,goio e Isus veiala obuele mago,eme katige vua lou kara mulmuli,kama taba la obu la Fik ele magolu.²⁰ La imamala e gite guliki la vimari hiloa maele , egite karutu sesle ,egite vei mago ,La rove sesele igo la uobuele magolu hari sesele. ²¹E Isus baoli rivua giteu mago , la selela eau veia mutou ,mae amuto ge tautaulailo la gabutatalala kama ge ilua , amuto kama koramuli ge igo la rova sibitala ti oio tela obu la Fik, eala moli amuto koramuli ge igo la paga ale uru mae ,veia la olu ge hiliti taro la ba alele golau la mago, age sibitala. ²² La rova amuto tahia oilo tela kilaka ,vikapopo mela tautaulailo,amuto ge abia .²³ La imamala e Isus goilo la luma la lotu, eia vimari egite la valua me hatavile oilo volao,goio egite la gama giteu e Prist me egite la valua ururu goio te Isus,goio egite tahia mae, "La igogolu tomi ale eme igigoa,ere sesele veiamu ge igoa?" ²⁴ Goio e Isus kolia giteu mago, "Eau ge tahi amuto tai isasa la tilahi,Amuto ge koli la tilahi taku,Eau ge veipalea mutou la pulou ale mave eau tahokea,me eau igigo la papaga aleie.²⁵La imamala e Jon vuhi egiteu la valua me hatavile, Eia abi la vagarigarila oio tere? Loio tela uru,ouka la tahalo la vovo moli isasa? mae etato ge veiala mae la tahalo uru, me eia ge veia rivua gatou,Ilava amutoa kama tautaulailo tetala? ²⁶Eala moli mae etatoge veiala mae;la tahalo la vovo moli isasa,Etato ge taga la vuhula, egite la valua tomi veia eia isa la propet " ²⁷Goio egite koli rivuale Isus go,"amite kama rovia" me eia goio veirivua gite mago,Eau tai kamage via mutou,ere baha eau ge, igo tomi la papaga aleie.²⁸Eala moli amuto gabutala mave? La tahalo isa tahoka e latula ale hatamale ilua,a goio te latula ale laposolaguo a goio veiala mago,latugu,gageie eme ge gorivo ge igolu oio la mahuma la vaen. ²⁹E latula kolirivuala mago,eau ka masaga,goio mulmuli eia vulo lou la gabutalala a tuga lou gorivo. ³⁰Mulmuli la tahalole goio te latula la vailuala eia vei lou ala la merera ale a veitiala ale laposolaguo.E latula la vailuala veiala mago' eiau ge tuga, tahalo uru' ealamoli a kama tuga.³¹ E latula ilua, ere tegira tilimuli la masagala te tamagirua?" Egite koli rivuala mago, "E latula ale laposolagu "E Isus veia giteu, " la seselela eau veia mutou,Egiteui ale ababi la wati,me egite hatavile ale polopolo ogala egite ge vimuga soio tela mautu te God mulmuli amuto.³² La vuhula e Jon gomai vikapopo mela vulovulo ale maroka, eala moli amuto kama tautaulailo tetala. Egiteu ale ababi la wati,me egite hatavile ale polpolo ogala, egite moli tautaulailo tetala,eala moli amuto hilo egite la papaga aleie, amuto kama vulo la tia muto ge tautaulailo tetala.³³ Lolo la merera la vitovo mulila isa lou. La tahalo isa taoka la magasa, me eia galu la mahuma la vaen oio vola, eia bigomua kaluvu, a goio igolu la muli la vululo la vaen, me eia tigi la kale la pahautu la mahuma, me eia goio piligia giteu la valua la baumuli la vaen la mahuma le, eia goio tuga goio la gale malau isasa, pou oio volao.³⁴La imamala la ilali matuha, eia baha isahari egiteu la valua la igogolu te tala soio te giteu ale boumuli la mahuma, veia eiage abi bakisi la mapala mahuma tetala.³⁵ Eala moli egiteu ale baumuli la mahuma la vain,sautola egite la valua la igogolu tetala, egite kue isasa, bili isasa,ale isasa lou egite ubila la wati.³⁶ Goio etama la magasa, bahalou isahari, egiteu la valua la igogolu,pepe egite ale mamuga. Eala moli egite la valua la gilalu la vaen, Egite igo lou egite mae egite ale igoitio.³⁷ Mulmuli vola e tamala magasa baha e latula sesele soio tegite, eia vei mago,egite ge togo e latugu ele.³⁸ Eala moli egite la valua la gilalu la vaen hilo e latula, egite viveila kabili tegite mae,Etatoge bilia soukage eiage balava la mahuma te tamala, ioge etatoge bilia, mumuli etatoge abipolo la mahuma te tamalale.³⁹ Egite puli taroa loilo la mahuma la vain goio egite bilia.⁴⁰ La imamala e tamala mahuma la vaen gomai, eiage igo lou larova soio tegiteu la valua la gilalu la vaen? ⁴¹Egitege veia la mago,eia ge igo geru egite, me eiage abi poloa gite isasa la mahuma la vaen, egite ale, la mahuma ge matua,egitege lukuluku,me egitege abi polo te tama la mahuma.⁴²E Isus veia giteu mago, "amuto souka gigi la merera te uru, La wati ale kama tartigi oio la milatalata giteu ale kaukatu,egite mukupile la wati alele,eia sibitalati mae la sosole la luma isasa ale vagari esesle,ale eia guvi oilo tela masaga la uru sesele,me eia isapolo sesele oio tela mata miteu?⁴³Eala eau veia mutou, E God ge abitaro le amuto la kindom tetala, me eiage abia giteu la valua ale ge visibitala la ilalila. ⁴⁴Egiteu la valua me hatavile ale ge boru loata la watiele egitege mapola geregere.eala moli mae la wati alege paru loata te la valua me hatavile egitege kama kokora sesele,⁴⁵La imamala egiteu la gama giteu e prist me egite u e parisaio lolo la merera la vitovomulila te Isus,egite mata kilala tavua mae,eia igo la merera soio tegite.⁴⁶Egite pamuli la gauru alege sautola e Isus,eala moli egite taga, la vuhula egite la valua me hatavile usu oio,La vuhula la valua me hatavile usu hilo e Isus vea eia isa la prpet.

Chapter 22

¹E Isus vigia lou soio tegiteu oilo tela merera la vitovo mulila.²La mautu la sagegela eia mae e King isa raragi la ilali la taulaila te latula ale hatamale.³Eia goio baha egite la valua la igolula tetala goio ge puli egite ale eia baha tavu egite ge gomai tela ilali la taulaila,alamoli egite kama gomai.⁴Eia goio baha lou isahari egite la valua la igolula, me a veia gite mago,'Veia gite ale eau bahatavu egite le,Hiloa eau raragiti la ilali.Eau bili ti la kau eau raragiti la ilali la paga tomi raragiti.gomai la ilalli la vitirorola ""⁵Ala moli egite kama lolo la merera tetala egite tuga, Egite isasa goio la mahuma tegite, isahari goio la igolula tegiteu.⁶Egite ale isahari laotola egite la tahalo la igolula te King, igo mahela egite goio bili egiteu.⁷Tio e King igotolo tio, a goio bahataro egite Ami tetala goio bili tomi egite la valua ale bilibili goio selu la siti tegiteu,⁸A goio veia gite la valua la igolula tetala, 'La vitirola raragiti,Alamoli egite ale eau bahatavu egite kama gabu tikumua.⁹Ala amuto goio tela matala gauru ale uru tolatomi egiteu la valua ale amuto ge poga egiteu puli egiteu somai tela ilali la vitirorola.'¹⁰Egite la valua la igolu gogala tela gauru tola vikapopo tomi egite la valua me hatavile ale egite poga egiteu, egite ale kama korakora me ale taritigi tai,Tio la luma la vitirola volu la valua me hatavile.¹¹Laimala ale e king goilo a mata soio te egite la valua ale egite tola egite,eia hilo isa la tahalo kama kai la kairobo la vitirola. ¹²E king veiala mago,'tabaragu,eme gomai la ba ale mave eme kama kai la kairobo la tirola?'Alamoli la tahalole pou makovu moli.¹³Goio e king veia gite la valua la igolu mago,kisi la limala me la vahala,labea sogala la masori,soio la ba la tilali me la koromagela.' ¹⁴La uru tola la valua usu,alamoli eia hilovi moli lolosa.''¹⁵Goio egite Paraseo tuga goio viputumulila via egite ge tubigoloa ge eia ge boru oio la merera te tala lou. ¹⁶Goio egite bahataroala egite la valua la vimari te gite,vikapopo me egite la valua te Herod.Egite goio veale Isus mago,''Tahalo la vimari,amite rovia mae eme magiri tela selela, me eme vimari la gauru te God oilo la selela.Eme kama lolo isa la gabutalala te la tahalo isa,me eme kama vitaumetabara gologolo vikapopo me la valalua me hatavile. ¹⁷Ala veia mite,eme gabutala mave?La viturila ale ge loto la uati soio te Sisa a tartigi?''¹⁸Alamoli eIsus rovi matagaga la birare te gite goio vea gite mago,''Ilava amuto tovolalai eau,amuto la valua ale kama korakora? ¹⁹Vahiloagu la uati ale ge pigia.''Goio egite variala la galela isasa.²⁰Goio e Isus veia gite mago,ale la kalulu me la isaisa le ere mite?''²¹ Egite veiala mago,''tegite Sisa.''Goio e Isus vea gite mago,me goio abiale Sisa la papaga tetala,me la papaga ale te God abile God.''²² La imala ale egite lolo alele,egite arepalala sele.Goio egite heletaroa egite tuga.²³Te lalogo alele egite Sadusi isahari,ale vea la hilitirivula uka,gomai tetala.Egite tahia, ²⁴mago,''Tahalo la vimari,e Moses vei mae,Mai la tahalo isa taulai akama savu isa e latula, a goio peho,etabarala sele isa ge puli e rutula lavuhula eia ge viguvi e latatu.'²⁵E taume rabarabara ivitu, Ale lapusolagu taulai me eia kama savu isa e latula a goio peho, a piligi polo e rutula soio te tabarala.²⁶Goio e tabarala la vailuala igo maigo lou, goio la vaitolula, selea goio la vaivitula.²⁷Mulmuli tegite tomi, la tavile le peho,²⁸Tio tela hiliti rivu la,Eia ge e rutu le ere sele oilo tegite taume tari ivitu ele? La vuhula egite tomi puli eia."²⁹Alamoli e Isus goio koli rivua gite a vei mago,"Amuto ruru la vuhula amuto kama rovi la merera mela vagari le Deo.³⁰Oilo tela hiliti rivila la taulaila ge oukati mela vitirorola.Alamoli egite ge mae egite la angelo oilo la mautu la sagegela.³¹Alamoli oilo tela hiliti rivula tegite ale pehoti,Mave amuto kama gigi la rova e Deo veita muto, a veimago,³²Eau e deo te Abraham, e Deo te Aisak, Me e deo te Jacob'? E Deo kama e Deo ale peho ouka eia e Deo ale mahulihuli."³³La imala egite la valua me hatavile loloa eia ale vei maele,Egite karutu sele la vimarila tetala.³⁴La imala egite parasio loloa via e Isus biliti la havi tegite sadusi,egite tomi goio vikapopo tio.³⁵Isa tegite ,rovi taho sele la viturila,goio tahia isa la tilahi viage tovo lai eia--³⁶Tahalo la vimari, la merera ale mave sele uru tomi oilo la viturila?"³⁷E Isus goio veiala mago,"Emege masaga e Deo taume oilo tela hatemu tomi, mela kalulumu,vikapopo mela gabutalamu tomi.'³⁸Ale la viturila ale uru me ale la mulugala sele.³⁹Me la vailuala viturila a mae moliele~'Masaga e tabaramu mae moli eme lou.'⁴⁰La viturila ilua tabuli moli oata la viturila me egite la propet."⁴¹Tela imala ale egite paraeio soloio vikapopo,E Isus tahi egite isa la tilahi.⁴²A vei mago, " Eme gabutala mave te kraest? Eia e latu le ere?" Egite veiala mago, "E latu le Devit."⁴³Goio e Isus veia gite mago, " Me ilava e Devit oilo la kalulu tola leia la ruru, A vei mago, ⁴⁴La uru veia la uru mago, " pou tela limagu e gata, karamae eau ge tau egite la gima taume otalo la muli la tilaloa taume'''?⁴⁵Mae e Devit tola le kraest la uru,'Me eia sibitala mae e latu le Devit mave?" ⁴⁶La tahalo isa kama kora mulia ge koli la merera tetala,isa tegite katima tahi loua isa la tilahi soko tela logo alele goio tio,

Chapter 23

¹ Goio e Isus vigagia soio tegite la valua me hatavile vikapopo me egite la valua la vimari tetala. ² Eia vei mago, "Egite la valua ale tahoka la mari me egite paraseo pou oilo la pulou te Moses.³Eala mae la rova egite viamu ge igoa tilimulia.eme ge igoa matamulia.umala tilimulila vulovulo gite, egite mera bubu moli me egite lou kama tilimulimulia.⁴A sele, Egite matevuvu la tikumula ale a tivura etato ge bolea, goio egite vibole la valua me hatavile. Ala moli egite lou kama koramulige saulaia viage bolea.⁵ Egite igo la vulovulo gite viage la valua me hatavile ge hiloa . Egite kope uru la mulila viturila me egite suku uru la gilisu la kairobo tegite.⁶Egite masaga moli la muli gite la uru la mautu tela imala la pou golula me la pulou tegite la mulugaluga la lotu oilo tela luma la lotu,⁷me la valua me hatavile oilo tela luma la bilaha la golgolu,ge vei taho egite,me egite ge tolale gite tahalo la mari tela kalulu maroka.⁸Egite umala ge tatola leme 'Rabi,' eme tahoka moli isa la tahalo la vimari, amuto tomi vitame tabarabara. ⁹Umala tatola le isa otalo la magasa e tete,Eme tahoka moli isa etamamu oata la ilolalage. ¹⁰Me egite umalage tatola le me la tahalo la 'vimari,' eme tahoka moli isa la tahalo la vimari, e Christ.¹¹Ala moli ere uru kabili tamuto eia ge guvi mae la tahalo la igolu moli taume.¹² Erese tahalo vagoata eia e God ge vagotaloa, Mae erese hahalo vagotalo eia e God ge vagoatea¹⁴¹³Emaura mite,la tahalo la mari me Paraseo,me la valua ale kalamea lalua: amuto taurobo la mautu la ilo lalage soio tela valua me hatavile. alamoli amto lou kama koramuli ge tiroro soilo, me egite ale viage tiroro egite kati goilo. ¹⁵Maura mite la valua la mari me Paraseo, egite ale kalamea lalua! Amuto hiliti loio la gale la mago loio goio la gale la mautu loio viage vulo isa la tahalo,la imala a vulo,amuto igoa mae e latu la maligoma mae amuto.¹⁶Emaura eme ale egite baba me mae la matakea, eme ale vei la veiselea tela luma la lotu, a la pagabubu moli, Eme ere ale vei la selela tela wati la luma la lotu,eme lotalo la kilisi tela merera ale eme igoa.' ¹⁷Amuto ale matakea la gabutala ale tartigi ouka, la rova uru, la wati meme ouka la luma la lotu igo la wati meme maroka viuviu?¹⁸Eme ere ale vei la selela te la poro tabu, a la paga bulahu moli, eme ere ale vei la selela tela viabila a oata ovola, eme lotalo la kilisi tela merera ale eme igoa.'¹⁹Amuto ale matakea' Ale mave uru, la viabila ouka la poro tabu igo la viabila maroka viuviu?²⁰A mae alele, ere veila seselela te poro tabu, la merera alele avu robo tomia.²¹ Me la tahalo ale vei la selela tela luma la lotu,a me a tela tahalo ale pou oilo vola.²² La tahalo ale vei laselela tela ilo lalage,a veia tela pulou la uru te God me tela tahalo ale popou oata vola.²³Mata rara,amuto la tahalo la mari me Paraseo me egte ale la kalamea gite ilalua, amuto viababi la vavua la Mint mela Dill la vavua la Kumin alamoli amuto kama tilimuli la papaga ale ururu tela viturila mae la vulovulo ale matata mela gilogo mela tautaulailo.amuto karamuli ge igo la papaga aleoie alamoli amuto piligi taroa goio igo sapolo isa.²⁴Amuto la matakea vahililoa gite polo la gauru,amuto abitaro e lovo bisisie alamoli amuto sogomu la kamel.'²⁵Emoura mite, la valua la mari me paraseo me hipokrit,amuto rauvei la vovo la kapu mela pilete ale logala,alamoli la ilola loilo volu mela paramurahala kali sasaela.²⁶Amuto paraseo matakea, igo matagaga muga la ilo la kapu mela pelete, La vuhula la vovola logala taige maroka tai.²⁷Emaura mite la valua la mari me paraseo me hipokrit, amuto mae la hova la uati la pileho,ale vovola logala maroka taho, alamoli la ilola iolo volu la tatuha gite ale pepeho me a mugu sele.²⁸ Oio tela gauru alele, emetai ale logala sibitala matata soio tela valua, alamoli ale oilo volu mela kalisasaela mela mumugu.²⁹Emoura mite la valua la mari me paraseo me hipokrit, amuto tigi laluma la wati tegite propet tokoromola la vulovulo ale matata.³⁰Eme veimago, maige amite ge mahuli tela imila te tama gatou,e tato kama ge vikapopo me egiteu ge bili e gite la propet.'³¹ Ala amuto veipalaea mae amuto latatu gite ale bili egite propet.³²Amuto tai vivolu la malau la mahulila te tama mutou.³³Amuto la pase, amuto la hili la pase ale bilibili, amuto ge hele la ilapu matatala tela la mautu la havi mave?³⁴Ala moli, hiloa,eau ge bahea amuto egite propet me egite la valua la mari tela viturila. isahari tegite ge peho oata la tovolautu; isahari amuto ge lubi malago e gite me ge basimuli egite sogala la siti.³⁵La masovala via oata tamuto la kasoso ale magiri matata pagele otalo la magasa, loio tela kasoso le Abel ale matata, goio tela kasoso le Sakaria e latu le Barakaia, ale eme bilia kabili laluma la alta.³⁶Eau veiamuto la selela, la papaga tomi aleie ge guvi loata tela hilimutou.³⁷Jerusalem, Jerusalem, amuto ale bili egite propet me egite ale amite baha egite somai tamuto'' Vakariva e iau gabutala ge vikapopo e latatu muto, mae tila la kireko ale pigirobo e latatula lotalo tela palpalala,ala moli amuto ka masaga.³⁸ Hiloa, la luma taume katima tartigi.³⁹ Ale eau veiamu,eme katige hilo eau sokoa gageie kara ememge vei mae, 'La vaibalavala te la tahalo ale gomai tela isa la uru."

Chapter 24

¹E Isus gali loilo la luma la lotu me eia tatuga la gauru.Egite disaipel gomai vituriala la luma la lotu. ²Alamoli e Isus kolia gite mae,'amuto kama hilo la papaga aleie? Eau veiselea mutou,la uatati ale tabuli soatata sotalo isa kama ge piligi via akama ge paru,³Eia goio pou oata la olu e Oliv, egite la disaipel gomai kovu tetala me egite veiala mago,"veia mite la papaga aleie ge guvi gaisa? Erese la irovilala ge veipalaea mite la gomai la taume me la kaluvu la mahulila aleie? ⁴E Isus kolia gite mago,"mata rara soukage isage viruru amutou.⁵Egite usu ge gomai te la isagu.Me egite ge veimae, 'Eau e Kraist,;me egite ge viruru amuto usu.⁶Eme ge lolo la vaubila me la rere la vaubila.Matamulia mae la ilomu umala ge ruru, la papaga ale ge guvi muga,alamoli la tapasi lalogo souka.⁷La mautula ge vahugu tavu,me la kingdom ge vahugu tavu.La vitolola me lamalugulugu ge guvi te la mautula isahari.⁸Alamoli la papaga aleie egite la siloko la iligiligi tela taposala.⁹Goio egite ge taume soio tela tikumula ge bili me.Egite la maututula ge gima me tela isagu moli. ¹⁰Goio usu ge boru, me egite ge vipou bara, Egite kamage masaga egite isasa ¹¹Egite propet la vasigologolola ge hiliti me egitege viruru usu tamuto.¹²La vuhula la vulovulo ale kamakora ge guvi uru sele, Usu la ilisulisu tegite te God ge maigi.¹³Alamoli la tahalo ale magiri vagari kara la tapasila age mahuli.¹⁴La merera te la kingdom tela uru ge gogala tela maututula tomi.Goio la tapasila mahulila ge guvi.¹⁵Ala mae,eme ge hilo la papaga ale e propet Daniel veipalaea, a magiri oilo la ba ale maroka " [ la tahalo ale gigigi age rovi lala],¹⁶Egite ale oilo e Juda hele soata la Olu,¹⁷La tahalo ale oatala varu la luma umalage sosivo sotalo ge abi isa la pagaoilo la luma tetala,v ¹⁸18La tahalo ale orivo kamage beua soluma ge abi isa la kairobo tetala.¹⁹E maura miteu ale savu me egite ale boko peso oilo tala logologo aleie.²⁰Emege kaka via la tulugaluga taume umalage sibitala tela imala lolovi ouka la sabat. ²¹ La imala alele la tikumula uru sele ge guvi soko palati te la silokoloko karati igoe isa kati koramuli lou.²² Maege la logologo ale iele ge boto la vovo kama koramuli ge mahuli, Alamoli tegite ale e God hilovi ti egite .Egite la logologo alele ge boto moliti.²³Goio mae isa ge veiamu mae, Hiloa,e Christ male. oka, E Christ maleio, umala tautau lailo ovola.²⁴Egite Christ me propet la vasigologolola ge gomai ge vailo amu la irovilala,teale ge virumei,age koramuli mae eme masagea. ²⁵Hiloa, eau valoka ti me mamuga tela imala.²⁶Alamoli, mae egite ge veiamu mago, hiloa, eia male oio la kuepa,umala gogala la kuepa,uka,hiloa,la tahalole oilola kapi utu,'umala tautau lailo vola.²⁷ Tela matagagala ale kakaha lomuli e Ist goale e ves,la gomaila te latule God ge maiele.²⁸La ba ale mave la kalia ale peho ovola,la malu ururu ale alali la kalia ale peho ge vikapopo ovola.²⁹Ala moli lotigu moli tela tikumula te la lalogologo alele la logoharo ge guvi, la taio ka ge paga, la matabu ge paru loata la mori,me la vagargari la ilolalage ge malugu.³⁰ Goio la irovilala te latu la Tahalo ge guvi oata tela mori, me egite la maratatila ale otalo tela magasa ge robe. Egite ge hilo la tula Talo ge loata tela mori vikapopo mela vagargarila me la marasala tetalala ale uru sele. ³¹ Eia ge baha eigite la angelo vikapopo mela tilali la vaivai ale uru sele, me egite ge vikapopo tomi egite ale eia hilovi ti egite loio te la mata la lolovi iva, loio tela tapasi la mori goio te isa.³²Abi la vimarila loio tela fig tri.la imala ale la halala ge taro me eia ge tau halaba la galagalala,Eme ge rovia la imala haro mela lovi hagaviti ge ali.³³Me oio tai, mae eme ge hilo la papaga aleie, Eme ge rovia eia hagaviti, omai la mata piro.³⁴Eau veiamu la seslela,egite la hilimu aleie kamage kokovu me egite ge hilo la papaga aleie ge sibitala.³⁵ La ilo lalage mela magasa ge kokovu, Alamoli la merera tagaku kage kokovu.³⁶Gabu tikumu la logo me la matala haro alele Isa kama rovia,Egite la angelo la ilo la lalage ka rovia taia, E latula tai ouka,E God tamagato moli rovia.³⁷La imala te Noah sibitala, La gomaila te latu la tahalo ge mae volale.³⁸La logologo isahari mamuga tela karoro egite alali liliu, taulai vitiroro kara tela logo ale e Noa h tiroro soilo te Sipi,³⁹ Egte kama rovi isa la paga kara mae la karoro gomai sali taro tomi egite --La gomaila te latu la tahalo ge mae moli volale⁴⁰Mae la tahalo iluage orivo tela mahuma--La uru ge abi isa, isa ge pou rivu.⁴¹ la tavile ilua ge mumu la vaua la grein-- isategira ge tuga, isage pou rivu.⁴²Eme ge matarara, La vuhula eme kama rovi la logo sele ale mave la uru taume ge gomai⁴³Ala moli eme ge rovi taho aleie, mae e tao la luma ge rovia mae la logo la tahalo la pakaklila ge gomai,eia ge matarara lavuhula egite souka ge sae utu la luma tetala.⁴⁴Ala eme ge raragi,E latu la tahalo ge gomai tela imala eme kama raragi.⁴⁵Ala ere isa tautaulailo a mari me eia la tahalo la igolula, la mulugaluga tetala ge abiala la muli oilo tala luma me eiage abiala la ilali te la imala sesele?⁴⁶La vaibalavala ge tela tahalo la igolula ale la mulugaluga tetala ge poga tavua ale eia igigo alele la imala ale age gomai.⁴⁷ Eau veiamu la seselela la mulugaluga tetala ge vipoua loata la paga tomi ale eia taolea.⁴⁸Alamoli la tahalo la igolula ale kamakora veia oilo la hatela mae,Lamulugaluga oio kati gomai harari,'⁴⁹Me eia goio soko la kulue gite ale egite vigolu tomi,Eia goio ali liu tomile gite la tahalo la iliu.'⁵⁰Goio la mulugaluga tela tahalo la igolula ge gomai tela logo ale eia kama gabuta via age guvi me tela imala ale eia kama rovia.⁵¹La mulugaluga tetala ge vali momo eia me ge tilimuli la vasigologolola tetala age tali ge koromagege.

Chapter 25

¹ La mautu la sagegela te God age mae la tavile savulusa souka mavuta tomi la tahalo isa egite abila la lamu tegite via goioge polo utu la tahalo la taulaila.² Taho lima momolo taho lima mari.³ Egite ale taho lima momolo kama tamasi la weli ge vabi vikapopo mela la lamu tegite.⁴Egite ale taho lima mari tamasi la weli abi vikapopo mela la lamu tegite.⁵La imala la tahalo la taulaila kama guvi hari la matagite tabibi egite mavuta.⁶Goio la logo uru vali posa la tilali, 'gomai hilo la tahalo la taulaila,gali sogala kakatavua.'⁷Egite tomi hagolo hiliti tulua la lamu tegite.⁸Egite ale molo veia gite ale mari mago, 'Abia mite bakisi la weli tamuto la vuhula la lamu tamite mate tie.⁹Alamoli egite ale mari kolia gite mago,Ale bakisie kama koramuli etato tomi, goio tegite ale baha la weli loto tamuto.'¹⁰La imala egite tuga viage loto,la tahalo la taulaila gomai guvi, Egite ale raragi tuga vikapopo me eia soio tela ilali la taulaila,la mata kapi tio.¹¹Mulmuli egite ale taho lima gomai guvi egite vei mago,uru, uru, kope amite,¹²Alamoli eia goio kolia gite mago, la selela eau veia muto, Eau kama rovi amuto.'¹³ Matarara la vuhula eme kama rovi la logo mela imala.¹⁴Amai moli la tahalo isa tuga goio la mau tu sobali.Eia tola vikapopo egite la valua la igolu tetala me eia abia gite isasa la vuliti tetala.¹⁵Te ale isa eia abiala la uati ilima, Ale isa eia abiala ilua, teale isa eia abiala isasa, Egite abi la uati karamuli la vagari gite isasa, la tahalole tuga soio tela ba malau.¹⁶La tahalo ale abi ilima goio vigolu tetala a visibitala lou ilima.¹⁷A igo maigo La tahalo ale abi la uati ilua tau lou ilua loata.¹⁸Alamoli la tahalo ale abi la uati isasa tuga goio oli la lulu sotalo la magasa, me eia tau kovu la uati te la mulugaluga tetala.¹⁹Goio la imala malau la mulugaluga tegite la valua la igolu gomai ge abi rivu la uati mela uru la vikapopo me giteu. ²⁰La tahalo la igolu ale abi la uati ilima gomai tomi la uati ilima lou. Eia vei mago 'Tahalo uru, eme abiagu la uati ilima. Hiloa, Eau viguvi lou ilima loata,' ²¹La mulugaluga tetala veiala mago, 'Eme igo taho selea, tartigi eme la tahalo la igolu ale la tiamu omai taku, Eme tartigi te la paga ale bakisi. Eau ge taume ge baumuli la paga ale usu.Tiroro soilo la sagela te la mulugaluga taume.²²La tahalo la igolu ale abi la uati ilua gomai vei mago, 'Tahalo uru eme abiagu la uati ilua. Hiloa eau igolu lou ilua taua loata vola.' ²³La mulugaluga tetala veiala mago,' Eme igo tigi sele! Eme la tahalo la igogolu ale tartigi sesele te la boumuli la papaga ale bisisi . Eau ge taume ge boumuli la papaga ale usu.Tiroro soilo la sagela te la mulugaluga taume.²⁴Goio la tahalo la igolu ale abi isasa gomai veiala mago, tahalo uru, Eau rovia eme la tahalo ale vagarisele . Eme luku la gilalu ale eme kama galua, eme ali loio lailali ale eme kama galua. ²⁵Eau taga, ala Eau goio ulai kovu la uati ta ume. Male, la uati taume.'²⁶Alamoli la mulugaluga te tala koliala mago, ''Eme la tahalo ale kama kora me la tahalo la silahala, eme rovia mae Eau kama la tahalo la gilalu me Eau tai kama la tahalo la ilukuluku. ²⁷Ala eme karamuli ge tau la uati taku oio la luma la uati, La imala Eau ge gomai eau ge abi la uati taku vikapopo me la uru la.²⁸Ala abi taro leia la uati abia la tahalo la igolu ale tahoka la uati savulusa robo. ²⁹Egite tomi ale tahoka, ge abi louala usu peho- ala moli la tahalo ale kama tahoka isa la paga, ouka la paga ale eia tahokea ge abi taro leia. ³⁰Sautolea la tahalo la igolu ale kama tartigi pigia sogala la maligoma tela ba ale eiage tali ge koro magege.'³¹La imala e latula tahalo ge gomai oilo tela matagagala tetala vikapopo me gite la angelo me eiage pou oata la pulou la marasala tetala. ³²Mulmuli tetala la mautu la magasa tomi ge vikapopo, me eiage vilele la valua me hatavile kabili tegite lou, maemoli la tahalo la vibaumuli la sip vilele la sip loio tela Gout. ³³Eiage tau egite la sipsip soio tela limala ew gata³⁴Goio e king ge veia gite ale pou te la lima la e gata, 'Gomai, la vibalavala te tete a taume pou la mautu la sagegela ale viraragitia taume te la silokoloko la maututu la magasa. ³⁵La imala Eau vitolo eme abiagu la ilali; La imala Eau malehu eme abiagu la lalu; Eau mae la mosi eme kaka tavu eau soio taume; ³⁶La imala Eau kalakalaka eme vikai robo eau; La imala Eau lea eme baumuli eau; La imala Eau pou oilo tela luma la torobo eme gomai tete lai eau.'³⁷Goio la tahalo ale maroka ge koliala mago,Tahalo uru, La imala ale mave amite hilo me vitolo amite abiamu la ilali? O Eme malehu amite abiamu la lalu? ³⁸La imala ale mave amite hilo me la mosi amite kaka tavu me soilo? o la imala ale mave eme kalakalaka amite vikairobo me? ³⁹La imala ale mave amite hilo me lea o eme oilo la luma la totorobo amite gomai taume?' ⁴⁰Goio e King goio kolia gite mago, 'La selela Eau veiamu, larova eme igoa te tabarabaragu bisisi, ale eme igoa somai taku.'⁴¹A goio veia gite ale te la limala e meru, 'Hele taro eau, eme kamakora, goilo la havibibila ale raragitia te la hitu me egite la angelo tetala, ⁴²lavuhula Eau vitolo, alamoli eme kama abiagu la ilali; Eau malehu, eme kama abigu la lalu; ⁴³Eau la mosi, eme kama kaka tavu eau soilo taume, Eau kalakalaka, eme kama vikairobo eau; Eau lea me oilo la luma la totorobo, alamoli eme kama bomuli eau.'⁴⁴Egite kolila mago, 'Tahalo uru, Laimala ale mave amite hilo me vitolo, O malehu o La mosi,o kalakalaka, o Lea, o oilo la luma La totorobo, amite kama mamata taume?' ⁴⁵Eia goio kolia gite mago, 'La selela eau veia muto, La rova eme kama igoa soio te isasa maie, Eme kama igoagu.' ⁴⁶Aleie ge goilo la iligiligi ale la kaluvula ge ouka alamoli egite ale magiri matatata te la mata la uru ge goilo la mahulila ale tapasila ge ouka."

Chapter 26

¹A gomai tela imala e Isus ge vikaluvu la merera aleie, Aveia gite la disaipel tetala, ²"Eme rovia mae mulmuli tela logo ilua la pasova ge gomai, e Latu la Tahalo ge goio egite ge taua oata la tovolautu."³Goio la mulugaluga tegite prist me egite ururu tegite la valua ale vikapopo oilo tela luma tegite prist,la isala e Kaiapas. ⁴Egite viputu mulia viage sautola kovu moli e Isus ge bilia. ⁵Egite veimago, kamage te la pou golula, la vuhula la valalua soukage hiliti tavu egiteu."⁶Tio la imala e Isus oilo e Betani oio tela luma te Saimon la sereka,⁷Eia pou te la pulou tela ba la ilali, La tavile isa gomai tetala me eia ababi la botoli la Alabasta la weli la abirila ale maliae la mapala uru sele,me eia goio tigitaroa oata la gamala.⁸La imala egite disaipel hiloa maele, egite igotolo me egite vei mago, "La vuhula ilava eme vikaluvu bubu molia?⁹La paga ale koramuli ge bahea ge abi la uati ge abia gite ale pou la savelela,"¹⁰Alamoli e Isus, rovi tia, agoio veia gite, '' La vuhula ilava amuto tiabaraea la tavile aleie? Eia igoagu isa la paga ale tartigi sele. ¹¹Egiteu ale pou la savelela pou vikapopo le amuto tela imala tomi, Alamoli amuto kamage vikapopo me eau la imala tomi.¹²La weli la abirila ale eia tigitaroa oata la vovovgu, Eia igoa tela ulaigu.¹³La seselela eau veiamu, La ba ale mave ge valolo la merera te uru ovola otalo tela mautu la magasa, La rova latavile igotia age sibitala mae la vigile muli polola tetala."¹⁴Goio isa tegite ale savusa gete lua, La isala e Judas Iskariot, tuga tavu la mulugaluga tegite prist ¹⁵Avei mago, "La rova eme masaga ge abiagu mae eau ge tau eia tela limamu." Egite goio abi la bari itolu abiala.¹⁶Oio moli volale eia soko la milata la gauru ale ge tau eia soio te la lima giteu.¹⁷Te la siloko lalogo te la bret ale la ist kama ovola egiteu la dissaipel gomai te Isus egite vei mago, "Eme masaga amite ge raragiamu la ilali la pasova oiove?" ¹⁸Eia vei mago, goilo tela tahalo isa oilo la siti veiala mago, "La tahalo la vimari vei mago, "La imala tegaku omai ti. La pou golula tela pasova ge omai tela luma taume vikapopo me gite la disaipel tegaku." ¹⁹Egite la disaipel igoa mae ale e Isus veia giteu, Me egite raragi la ilali la pasova.²⁰Goio lapaga logo, Eia pou otalo viage ali vikapopo me egite la disaipel savulusa getelua. ²¹La imala egite alali, a veia gite mago, "La seselela eau veia mutou mae isa tamutoge tau eau soio te la lima gite la gima." ²²La tia gite tikumu sesele, goio isasa tegite soko la tilahila, "ale kamage eau, uru?"²³Eia goio kolia gite mago, "Isa amila ge vitau tomi la limamila sotalo la dis me eia moli ge tau eau tela lima gite la gima. ²⁴E latu la tahalo ge tuga, tilimuli la merera veitia. Alamoli la tikumula ge tela tahalo ale sugutaro e Latu la Tahalo soio tela gima! Age tartigi moli mae e tilala umala ge taposa eia." ²⁵Judas, alege tau eia tela gima vei mago,"Eau moli, tahalo la vimari ia? a veiala mago, "Me eme lou vei tiale."²⁶La imala egte alali,E Isus abi la bret vibalavea,kaluvu eia tovia.Eia goio abi gite la disaipel a vei mago,Abia,alia.Ale la vovogu."²⁷Eia abi la mapa a vei taho la uru ovola,me eia goio abia gite a vei mago, "Amuto tomi ge liua.²⁸Ale la kasosogu tela vitaume tabarala a pagele tela valua me havile tomi tela ilube la iriru temuto.²⁹Alamoli eau viamu, Eau katige liu lou la vavua la vain aleie. Kara te la logo ale eau ge liu ale halaba vikapopo le eme oilo la mautu la sagegela te tete."³⁰Goio egite bau isa la bilau la lotu,Egite gali sogala goata tela olu e Oliv. ³¹Goio e Isus veia gite mago,"Amuto tomi ge boru galogo la vuhula eau, La merera veia, Eau ge kue la tahalo la baumuli la sip me egite la sipsip ge hele marapa."³²Alamoli la imala eauge hiliti rivu, eau ge vimuga soilo e Galili."³³Goio e Peter veiala, Egite tomi ge boru la vuhula eme, Ala moli eau kama koramuli ge boru taro eme.³⁴ La seslela eau veiam, Galogo mamuga la kukureko ge tali emege tahi taro eau tagara itolu."³⁵ E Pita veiala mago, me Eau taige peho tomile emei,Eau kamage tahi taro mei," Egite tomi la disaipel la vikara tegite visauru moli mae te Pita.³⁶ Goio e Isus tuga tomi le egite goio tela ba isa la isa la e Getsemane a goio veia gite la disaipel, "Popou omaie eau goio ge kaka,"³⁷Eia puli e Pita me e latu le Zebedi ilua vikapopo me eia goio la tia gite gori marapa sele." ³⁸Goio a veia gite mago, "La kalulugu oilo gogori sele, te la pileho Amuto pou moli omae E tato ge mamata."³⁹Eia goio tuga suku lou bakisi lou soio,A boru lagutu otalo a kaka,A vei mago,"Tete,, Mae akamage tivura, akora la kap ale ge abitaroa lomai taku. Akamage, la masagagu, Tilimuli la masaga mu."⁴⁰ A gomai tegite la disaipel poga egite mavutati, Agoio veiale Pita, Mave, eme kama koramuli ge Hagologolo tomi le eau la aoa ge isas?⁴¹ Mamata kaka eme soukage tiroro soilo la tovolaila. La masaga la tela kalulu oio, alamoli la vovo bare sele."⁴²Atuga lou la vailua la me eia kaka. A vei mago, "Tete, amae kamage abilelea akora euage liua, La masagala taumemge guvi."⁴³ A gomai lou poga egite soloio mavuta,La mata gite tabibi.⁴⁴A piligi lou egite me eia tuga goio kaka tela vai tolula, a vei loua la merera a veia igoitio.⁴⁵Goio e Isus gomai tegite disaipel aveia gite mago,"Amuto solo mavuta ababi la mailala? Hiloa, La imala omaiti, E latu la tahalo oio tila lima gite latahalo lairiru.⁴⁶Hiliti,tatoge tuga. hiloa, La tahalo ale ge tau eau te la limala la gima hagaviti.⁴⁷La imala a solio meramera, e Judas,isa tegite ale savulusa gete lua,gomai. La valua usu sele gomai tomi leia loio tegite la mulugaluga tegite prist me egite ururu tegite la valua.Egite gomai tomi la viso me la tahalo la vaitolu la ale tokoromo taho,⁴⁸Goio la tahalo ale ge tau e Isus tela lima la gima igoa gite la irovolala, a vei mago, "ale eau ge piua,Eia la malele, sautola eia.⁴⁹A igoharari moli goata te Isus veiala mago, "La logo' "tahalo la vimari,"A goio piu eia,⁵⁰ E Isus veiala mago, tabaragu,igo la rova eme masaga gomai ge igoa."Goio egite gomai,tau la lima gite oata te Isus, egite sautolea⁵¹Mata soio isa tegite ale te Isus taula lima la sogala, abi la viso tetala, goio sabala la tahalo la igolula te la mulugaluga tegite prist, a goio valiutu la gavusala.⁵²E Isus veiala mago,Taurivu la viso taume soio la mulila,Egte ale ababi la viso ge peho la viso.⁵³Eme soge gabutala via eau kama koramuli ge tola soata te tete, age baheagu egite la angelo?⁵⁴La merera ale agoa ge puru mave, mae ale kamage sibitala?"⁵⁵Tela imala alele e Isus veia gite la valalua, Amuto gomai tomi la viso mela valua usu ge sautola eau mae la tahalo la pakalila? Eau popou la hararao oilo la luma la lotu vimarimari, amuto kama sautola eau.⁵⁶Alamoli la papaga tomi ale sibitalati la vuhula la ilago la merera tegite Propet ge puru."Goio egite la disaipel tomi hele tio.⁵⁷Egite ale sautola e Isus lapu eia soio te kaiapas la mulugaluga tegite prist, La ba ale egite la valua la mari tela turila me gite ururu pou vikapopo ovola.⁵⁸ E pita harimuli egite alamoli a taua gite e ba goilo la babulahu moli oilo tela luma tegite la mulugaluga tegite prist. Eia goilo pou tomi le gite gat ge hiloa la rova ge guvi.⁵⁹Egite la mulugaluga tegite prist me gite kaonsel mata isahari la merera ale kama sesele ge ubile Isus, viage egitege bilia.⁶⁰ Egite kama poga isasa,alamoli lavalua la vasigolola usu sele golagu mera, Mulmuli taholua lua tuga solagu.⁶¹ Egirea vei mago,"La tahalo ale veimago,'Eau koramuli ge lobe la luma la lotu te God kabili tela logo itolu eau ge vimagiri rivu loua."⁶²La mulugaluga tegite prist magiri oata a veiala mago, "Eme kama tahoka isa la kiloli la merera? Tela rova egite pipigiamu?"⁶³Alamoli e Isus kama meramera.La mulugalu tegite prist veiala mago, "Eau tahime te God ale mahulihuli, Veia mite eme e kraist, e latule God,"⁶⁴ E Isus koliala mago eme lou veitiale.Alamoli eau veiam, soko igoe goio eme ge hilo e latu la tahalo ge pou oio te la limala e gata ale vagarisele. age gomai oio tela tuluvu la mori la mautu te God⁶⁵ Goio e prist sile la kairobo tetala goio veimago,''eia merabara'.Ilava etato solo masaga egite ale ge magiri labali gato? Hiloa, igoie eme sele lolo la vikara malagola tetala. ⁶⁶Eme gabutala mave?"Egite koliala mago,''Eia ge peho''.⁶⁷Goio egite kapute volu la lagula kuea,me egite sabala leia la lima gite,⁶⁸ Egite vei mago,"Veia mite,Eme e kraist.Ere male sabala me?"⁶⁹E Pita popou oio la ba bulau moli oiola luma tegite prist,La tavile la igolu gomai veiala mago, Eme tai vikapopo me Isus le Galile."⁷⁰ Alamoli eia tahi taro te la matagite tomi, Mago, "Eau kama rovi la paga ale eme vevia."⁷¹La imala a gogala la mata la gauru, La tavile la igolu isa lou gomai hiloa a veia gite ale oio la ba alele mae, " La tahalo aleie atai vikapopo me Isus le Naseret."⁷²Eia goio tahitaro lou me a valima,"Eau kama rovi la tahalo alele."⁷³Goio kamataba egite ale magiri oio la balila goma veiale pita," Asele emetai isa tegite, La meramera taume tau pala me."⁷⁴Agoma sokola mera barala me a valima,"Eau kama rovi la tahalo alele,"Kama taba la kureko tali.⁷⁵Goio e Pita gabutala la merera e Isus veia,"La kureko soukage tali emege tahitaro eau vaka tolu."Agoio gogala me a tali geru sele.

Chapter 27

¹Goio lapaga utupola,egite la mulugaluga tegite prist me egite la valua ururu kisi isahari la merera ale ge ubi leia ge bilia. ²Egite kisi tolea,tutua soio te Paelat.³Goio laimala ale e Judas,ale tau eia soio la lima la gima ,hiloa mae egite vivomaelati e Isuso,avulo la gabutalala tetala me a goio vahari rivu la bautu la uati itolu soio tegite la mulugaluga tegite Prist me egite la valua ururu,⁴ Me eia vei mago,''Eiau igoti la iruru tau ti la kasoso ale kama rovi isa la paga soio la lima la gima,''Alamoli egite vei mago,''Ale larova somai tamite?Eme sele hilo mulia.''⁵ Eia goio laba la bautu la silva itolu oilo la tempel,me eia goio heletaro egite,eia goio tili ogala.⁶ Egite la mulugaluga te gite Prist abi la baututu la silva vei mago,akama la merarobo viage taua soilo la luma la uati,la vuhula ale la uati la kasoso.''⁷ Egite tomi viveila la paga alele me la uatio egite loto la ba te la tahalo ale pupuhi la kabalbala viage ulai la moimosi oiovola.⁸Te la vuhula moli aleie la ba alele egite toila ''La ba la kasoso ''kara igoie.⁹La papa tomi ale e propet Jeremiah veveia sibitala igoe, Mago,"Egite abi la uati savulu tolu, la mapala ale la valua e Israel taua,¹⁰ Egite abia viage la ba puluhi la kabala, ale la uru vuriagu."¹¹Goio e Isus magiri la mata le gavana, tio e gavana goio tahia," Eme e king tegite Juda?"E Isus koliala mago,"Eme vei loua." ¹²Egite la mugaluga tegite prist me gite ururu ubileia la merera ala akama koli isa la merera.¹³Goio e paelat veiala mago,"Eme kama lolo la merera ale veiamu?"¹⁴Ala moli eia kama koli isa la merera, E gavana karutu sele.¹⁵Te la pougolula a la viturila te gavana ge bahataro isa la tahalo ale oio la lumala totorobo tela masaga gite la valalua.¹⁶ Te la imamla alele egite tahoka isa latahalo ale kama kora sele oio la luma la torobo la isala e Banabas.¹⁷La imala egite vikapopo e Paelat tahi egite, "Amuto masaga eau ge lubea muto ere? E Banabas, ouka e Isus?"¹⁸ A rovia egite abi e Isus soio tetala la vuhula la tiabarala.¹⁹ La imala eia pou te la pulou la ilapu matatala, Erutu la baha la merera soio tetala veiala mago," Umala igigo isa la paga soio tela tahalo ale maramara, Eau omai gabu la iligi igoe la vuhula eau matalovi eia."²⁰Egite la mulugaluga tegite prist me gite ururu totosuku egite la vala ge kaka e Barabas,e Isus egitege bilia.²¹ E gavana goio tahi egite, "Ere tegira ilua amuto masaga eau ge piligia muto?"Egite vei mago, " E Barabas."²² E Paelat goio veia gite, Eau ge igo e Isus ale egite toila e kraest mave?" Egite tomi kolia mago, "bilia oata la tovolautu."²³A goio veimago, "Ilava, Erese la iruru eia igoa?" Alamoli egite tola vagari oata, Bilia oata la tovolautu."²⁴La imala e Paelat hiloa mae a kama koramuli ge igo isa la paga, alamoli la vala tuhatavutia me egite soko tila kulue la, a goio abi la lalu litu la limala mamuga la lagu gite la vala, a vei mago, "Eau maramara loio tela kasoso la tahalo ale kama tahoka la iriru. Amuto lou ge matamulia."²⁵Egite la vala veimago, "Akora la kasoso la ge oata tamite me latatu mite."²⁶ A goio piligi e Barabas soio tegite, Agoio mereala me a tau eia soio ge bilia oata la tovolautu.²⁷Goio egite Ami te gavana abi e Isus soilo tela luma la viturila ale uru me egite vikapopo tomi egite Ami.²⁸Egite kaitaro leia la kairobo tetala goio vikai le eia la kulkuli ale magesegese.²⁹ Egite abila mota ale la oroala ovola igoa mae e vevea me egite taua oata la gamala, me egite abila toho taua la limala e gata. Egite tototulu mamuga tala me egite sakiria, mago "male e king tegite Juda!"³⁰Egite kapute volua, egite abila toho katu loloa oata la gamala.³¹ La imala egite igo mumuli eia, Egite abitaro la kulkuli magesegese goio vikai lou leia la kairobo tetala,goio egite lapua soio ge bilia oata la tovolautu.³²La imala egite gogala, Egite poga isa la tahalo la isala e Saimon, amale egite totosukua tilimuli egite Lavuhula a ge bole la tovolautu te Isus.³³Egite goio la ba isa egite toila e Golgata, la masovala mae "La ba la rio."³⁴Egite abiala la vaen ale vulo tomila paga ale ama.La imala eia game laia , A katima liua.³⁵La imala egite lilia oata la tovolautu, Egite tabari la kairobo tetala tela ilaba la lot,³⁶E gite pou lago robo eia.³⁷Oata la gamala egite tau la merera ale tolo sogi eia,A vei mae "ale e Isus, e king tegite Juda."³⁸La tahalo la pakalila ilua egite lili tai egira oatala tovolautu vikapopo me Isus,isa oio te la limala e gata isa tela limala e meru.³⁹ Egite ale polopolo la balila giloa,lugulugu la gamagite.⁴⁰ Egite veiala,Emege alege lobe la luma la lotu ge vimagiri loua tela logo itolu,Vimahuli rivu mei! mae eme e latu le God, sivo loata la tovolautu!"⁴¹Igo maigo tai egite la mulugaluga tegite prist igo barabareala, vitomi le gite la valua la mari tela viturila me gite ururu,vei mago,⁴²Avimahuli egite isapolo,Alamoli a kama koramuli ge vimahuli eia. Eia e king tegite Israel. Piligia age sivo loatala tovolautu,Ila e tatoge tautaulailo oilo tetala.⁴³Eia tau la ilola oilo te God, kora e God ge utululu eia gageie,Mae e God gabutala ge vimaramara eia. Eia lou veimae, 'Eau e latu le God.'"⁴⁴Oio tela gauru alele La tahalo la pakalila ilua oata la tovolautu vitomi leia vikara bara tai soio tetala.⁴⁵

⁴⁶Te la matala haro valasiu e Isus tali la golula oata sele a vei mago,"Eli,Eli, Lema Sabaktani?" La masovala mago,God taku,God taku, Ilava eme litaro eau?"⁴⁷Isahari tegite ale magirigiri la balila loloa, Egite vei mago,"Eia tatola e Elaijah."⁴⁸La igohararila isa tegite hari goio abi la spons, la vaen ale ama volu oilo vola,Egite tau la toho la viroviro, abiala viage liua.⁴⁹Egite tomi vei mago,"piligi eia. Etatoge hiloa soukage e Elaijah ge goma ge utu lulu eia.⁵⁰Goio e Isus tali la golula oata sele me piligi la kalulula.⁵¹Hiloa, la kulkuli tela lumala lotu masile posati loata la varula gotalo la vuhula, E malugulugu humu, La watati mapola posa kabili.⁵²La liba kope ,la vovo gite ale te God mamavuta egite hiliti tomi.⁵³Egite gali loilo la liba mulmuli tela hilitirivula tetala,goilo la mautu ale maroka me a sibitalatavu egite usu.⁵⁴La mulugaluga tegite ami vikapopo me egite ale matatavu e Isus hilo e malugulugu me la paga ale sibitala, Egite taga geru egite veimago," A sele ale e latu le God."⁵⁵Egite hatavile usu tilimuli e Isus loio Galili viage baumulia egite magiri malau moli loio mamata soio.⁵⁶Kabili tegite e mery Magdalen, E Mery e tilale James me Josep,me tila gite e latatule Zebedee.⁵⁷Goio lapaga maulavi, La tahalo la vuliti isa loio e Arimatea gomai, la isala e Josep, Eia tai la disaipel te Isus,⁵⁸ A tuga tavu e Paelat tahia la vovole Isus.E Paelat veia gite ge abiala.⁵⁹ E Josep abila vovo le Isus, avurobo laisa la kulkuli ale halaba sele,⁶⁰Agoio vitabulia oio la liba tetala ale halaba sele egite valia oilo tela uati. Agoio buli robola matala isauru la uati me a tuga.⁶¹E Mery megdalen me e taola oio tai popou oio tela gale la liba loio.⁶²Galgeli mae,a lalogo mulmuli tela iragila,La mulugaluga tegite prist me gite paraseo pou vikapopo me e Paelat.⁶³Egite veimago, Tibo, Amite gabutala loua la tahalo la vasigologolola soloio mahulihuli, a veimago, 'Mulmuli tela logo la itolula Eauge hiliti rivu lou,'⁶⁴Ala emege mera vagari ge pou robo la liba karamae la logo la itolula, Soukage egite la disaipel tetala ge gomai ge pakali eia me egitege vasigolo la vala mae eia hiliti rivuti loio tegite ale peho,' La tapasila vasigologolola ge kamakora tavua la ale mamuga."⁶⁵ E paelat veia giteu, "magiri roboa,Goio pou roboa isa kag goio,⁶⁶ Tio egite goio magiri roboa, buli robo tahola la uati tau isahari pou roboa.

Chapter 28

¹Hagaviti la kaluvuluvu la logo la Ivitu, La silokoloko la logo tela wiki, E Mery Magdalen me taola gomaige hilo la liba,² Hiloa e malugulugu isauru,La angelo te uru loio la mautula sagege la te God, gomai buli taro la uati,goio pou oata vola.³La tataro la mae la sima, me la kai robo tetala kea mae la tuluvu la mori.⁴ Egite la valua ale lago robo la liba taga la vovo gite pariri me egite mae la tahalo ale peho.⁵La angelo tola la tavile a veiagira mago, "umala tataga, Eau rovia amula pamuli e Isus, ale egite lilia oata la tovolautu.⁶Eia katima omaie, A hiliti rivu ti, Mae moli eia veia. Gomai hilo la ba ale la Uru tabuli oio vola,⁷Igoharari soio veia gite la disaipel, 'Eia hiliti rivuti loio tegite ale peho.Hiloa, Eia mamugati soio e galili.Eme ge hilo eia ovola.'Hiloa, Eau veitiamu."⁸Goio la tavile igoharari moli heletaro la liba me eia taga eia sagege tai, a hari soio veia gite la disaipel.⁹Hiloa,E Isus sibitala tavu egite,me a kavkokiagite, "La tavie gomai, sautola la vahala me a lotu tavu Eia.¹⁰Goio e Isus veia giteu mago, "Goio veiale tabarabaragu ge goio e galili. Egite ge hilo eau oio vola.¹¹La imala la tavile tatuga soio, Mata soio,Egite gat goilo la citi veia gite la gama gite prist la papaga tomi ale sibitala tio. ¹²Tio Egite prist tola vikapopo egite ururu ge vikara muli la papaga alele vikapopo me gite, Egite abia gite Ami isa la gale la wati ¹³Goio veia gite, "Veia gite isahari,Egite disaipel te Isus gomai la logo pakali la vovola la imala ale etato oio mavuta.'¹⁴Maige la valolo aleie ge poga e Gavana, etato ge ubi la tiala ge abitaro isahari la gabutala papahila tamuto.'' ¹⁵Ala egite ami abi la uati me egite igoa mai ale egite veia gite.Lamerera ale pologalili tomi oilo te gite jew me a soloa kara igoie tai.¹⁶Alamoli egite disaipel ale savulusa gete sa tuga soio e Galili,soio la olu ale e Isus vituria gite.¹⁷Laimamala ale egite hilo eia ,egite lotu tavua, alamoli isahari gabutala pahi.¹⁸E Isus gomai tegite mera soio tegite veia gite mago,''La vagarila tomi oata la mori otalo la magasa omaiti taku. ¹⁹Tuga soio puhi egite la valalua ge guvi mae la disaipel oio la ba tomi.Vuhi egite soilo te la isale Tama,e Latula,me la Kalulu la marokala.²⁰Vimari egite ge tilimuli tomi la nerera vagarila ale eiau veitia mutou.Hiloa, Eiau vikapopo le amuto la imala bibi, kara sele te la gilisula maututula tomi otalo la magasa.''

Mark

Chapter 1

¹Ale la siloko la merera te Isus Christ,e latu le Deo.²Mai egite agoa oilo te propet Isaia,"Hiloa,Eiau baha la bilaha taku mamuga la lagumu, eia moli ge raragi la gauru. ³La golu isasa tola loilo la ba bubumoli, 'Raragi la gauru te la (uru e Lord;) igo matatea la gauru.'"⁴E Jon gomai , baptaism oilo la babubumoli walolo la baptis tela (ripntens) tela weipala la pekato . ⁵La ba la mautu oio e Judea me gite la valua me hatavivile te Jerusalem tuga sogala tetala . Egite baptais loio tetala oilo Jodan lalalu , weipala tomi la pekato . ⁶E Jon kai la kairobo la vovo la camel's mela kisipou tetala oio la kabilila, me eia alali e kumare me la vuvu.⁷Eia masagea,"Isasa ge gomai mulimuli taku eia soatata taku;la pulila vahapolo tetala tetala eau kama koramule la vahagu ge kaia.⁸Eau ge baptasi me lalalu,alamoli eia ge baptasime Holi Sprit."⁹Eia guvi oilo la logo alele te Isus loio Nasaret goilo Galili,alamoli eia baptas loio te Jon oilo Jodan Lalalu. ¹⁰E Isus hiliti lotalo lalo, eia hilo heven kope e Holi Sirt gotalo tetala mai la kuru.¹¹La golu loata heven,"Emei e latugu searle. Eiau sagege sesele,"¹²Mulimuli la Spirit vikaluvu tomiala eia ge goala tela babubu moli . ¹³Eia oilo la babubumoli lalogo savuluva,e satan tovolalai eia. Eia vikapopo tomi la babasi tela hohoi , me angelo susuli eia.¹⁴Igoe mulimuli e Jon egite sautolea, E Isus gomai e Galili veipala la merera te Deo. ¹⁵Eia veia, la imamala guviti, tela kingdom te Deo hagaviti.Vulo tela tautaulailo tela mera tataho la."¹⁶La imala eia tuga mulimuli la gale la mago e Galili, eia hilo e Simion me Andru tabarale Simion laba la wuo sotalo la mago, megite la valua la ilabi là kalia.¹⁷Isus vigia soio tegite,"Gomai, tilimuli eiau, eiau ge vahiloloam me ge tahalo la ilabi la kalia." ¹⁸Oio moliovola egite tautaro la wuo egite tilimuli.¹⁹E Isus tatuga oata e tamala bisi,eia hilo Jams latu le Zebedi vikapopo le Jon e tabarala; egite oilo la uaga holo la wuo.²⁰Eia tola egite heletaro e tamagite Zebedi oilo la uaga vikapopo la gama la mulugaluga, me egite tilimulia.²¹Tio egite gomai Capeniam, tela Sabat,E Isus goio la luma eia goio ge veimari. ²²Egite guvi oio la veimari, mai eia vimari egite mai isasa tahoka lavagarigarila mai egite (scribe.)²³Amaie la tahalo isasa oilo laluma oio lolo la sprit ale kama maroka taitali sogala, ²⁴veimaie, "Larova amite tahoka ge igoa vikapopo lemei, Isus le Nasaret?Emai gomai ge valibura amiteu? Eau rovia eme ere. Eme Holi e latu le Deo!"²⁵E Isus veipala moliala tahalo kama vulotitigi aveiala maie , "Em makovu eme gogala loio tetalale!"²⁶La sprit ale kama maroka labea sotalo tugasogala eia tai la golula uru sesele.²⁷Egite lavalua me hatavivile momoge, egite tahi isasa tegete, "Ale lavae? La veimari ale vagari! Eia vei vagariala sprit ale kama maroka togoa!"²⁸La merera tetala gogala la baba tomi oil la pepela mautu e Galili.²⁹Mulimuli egite gogala la luma, egite gomai oilo la luma te Simon me Andru, vikapopo le Jems me Jon. ³⁰Igoe e Simion e loala- ale - hatavile otalo mavuta alea la vola tivura, egite weiala Isus tela tavile. ³¹Tio agoma ,sautola la laimala, vahilitia soata ; lavo tivura heletaroa, la tavile soko la sulgite.³²La pagatoi mamuga la haro soko, egite puli tomi la ilalea latahalo ale magigi.³³La baba tomi oilo la citi egite vikapopo oio la mata.³⁴Eia himahuli usu la ilalea la kalulu barabara eia kumuli usu la kalulu barabara, alamoli aia kama masaga Isa ge vikara lavulaa egite rovia.³⁵Eia hiliti hari,ala moli la paga solo logo; eia hele taroa eia tuga sogala ba ale tabuli kokovu mulimuli eia kaka.³⁶Saimon wantem le gite ale tilimulia pamulia eia.³⁷Egite pamulia alamoli egite taho soio tetala,"Egitetomi mamatame",³⁸Eia veimaie,"E tato ge tuga (sove,) ogala tela pepe la taon,mai eau ge valolo tai.Eala Eau gomai la ba ale."³⁹Eia tuga sesele sogala e Galili, valolo oil la luma eia baha taro la kalulu barabara.⁴⁰La tahalo isasa tahoka e vuvuli gomai tetala.Eia viseseleala maie; eia tetetulu sotalo ammmera soio tetala, "Mai eme masagea,eme ge igo matagaga la vovogu. "⁴¹Toga vikapopo la veipa la merera, Isus lapu matata la limala sogala a pilau eia,weiala maie, "Eau masagea.Eme matagaga." ⁴²Karutu moli e vuvuli heletaroa eia, kaluvu la vovola maroka.⁴³E Isus kama masaga ge bahea soio. ⁴⁴Eia veiala,"Emegvei sesele maie mouka soio teisasa, alamoli tuga,vahilome soio te patere, mai la opa taume soio tela vovomu vikapopo tomi le mereate Moses, mai la vulovulomu soio tegite."⁴⁵Alamoli eia tuga sogala veipala tomi la papaga, alamoli e Isus kamati pou taba oilo la (taon) alamoli apou ogala la mautu la rorobo. Alamoli la valua me hatavivile sologmai laba alemave gomai tetala .

Chapter 2

¹Laimala eia beurivua somai e kapeniam mamuga la logo isahari, a tivura mai eia oio la mautu.²Tio usu vikapopo oio egite veia laba ukati, oio tai la dua, e Isus vei lamerera soio tegite.³imuli la tahalo isahari gomai tetala vahari la tahalo lalimal alavahala peho; la tahalo iva bole eia.⁴Ilava egite kama goma hagavi tetala lawula egite usu, egite tasuku lakapa oata la gama le Isus, mulimuli egite soko la kilopela, egite taua sotalo latahalo lalimala me la vahala peho mavuta oata.⁵Hlotia la tautaulailo, Isus veia la tahalo lavahla lalimala peho, "Latugu, la pekato taume abitaroa."⁶Igoe isahari lavalua la irovi oio popouele,egite rovia oilo la hategite,⁷Ale mave koramuli la tahalo ge wei maie?Eia weibareala! Mave koramuli ge abitaro la pekato ouk Deo sekela?"⁸Igoe e Isus rovia oilo la kalulu lava egite gabutala oilo tegite lou.Eia waia gite,"Ilava eme gabutala oilo la hatemu? ⁹Lava kama tivura ge waia la tahalo la wahala me laimala katartigi ,'La pelayo taume kaluvuti 'ouka ge veimave 'Hiliti ,abila moe taume,tuga'?¹⁰Alamoli la bilaha ale taume eme rovia elatula tahalo tahoka la vagarila otalo la mgasa ge abitaro la pekato,"eia vaia la tahalo la limala la wahala peho, ¹¹"Eau veamu, hiliti abi la moe taume ,goio laluma taume ."¹²Eia hiliti hari abi la moe, eia heletaro laluma mamuga egite tomi,tio egitetomi sagege egite abiale Deo la glory,egite veia,"Amite kama hilo isa la paga ale maie."¹³Eia tuga sogala tela magolilo, egite tomi gomai ge hiloa, eia veia egite tomi.14 Eia tuga soio,eia hilo e Levi elatuleAlphaeusapou pou hagavi la kale te la tahalo ale ababi la taksi eia veala, maie "tilimuli eiau." Ahiliti tilimulia.¹⁵Isus ali oilo laluma te Levi latahalo ale abai la takesi usu mela pekato pou vikapopo leia egite la bilaha,mai egite usutilimulia eia.¹⁶Mai egite la tahalo la kilesi,oio tai patere, mai e Isus oio alali tomi la tahalo la pekato la tahalo la ilabi la takesi, egite weia gite la bilaha,"Eilawa eia ali vikapopo la tahalo ale ababi la takesi me la tahalo la pekato?"¹⁷Maie Isus lolo ale maie eia weia gite,"la valua me hatavivile ere a vagari oilo la vovomu eme kama masgea lapou tigila ;la valua me hatavvivile ale lea egite masagea isasa.Eau kama gomai ge tola egite la walua me hatavivile ale taritigi, ala moli egite tahoka la pekato."¹⁸Egoe e Jon la bilaha me gite patere egite peremu. E gite la walua isahari gomai wikara sio tetala, Ilawa e Jon la bilaha me egite la bilaha tela mulugaluga te patere, egite la bilaha taume kama mamuga?" ¹⁹E Isus weiagite,"koramuli la taulaila ge guvi mamuga la imala la tahalo la taulaila soloio wikapopo legite? Mai moli egite tahoka la tahalo la taulaila soloio tegite,egite kama ge peremu.²⁰Ala moli lalogo ale ge goma la tahalo la taulaila ge abi taro le gite,oilo te la logo alele,white ge peremu.²¹Isa uka hilo bakisi la kulikuli ale halaba la pepela lakairobo. Igotigia ge saho la masalia oiove ovola, ale halaba vikapopo la mumugula,la masalila usu sesele.²²Isa kama tau la wain ale mumugu soilo la kulikuli la wain.Igotigi la wain ge masile la kulikuli la wain ge kokovu. Igotigi,la wain ale halaba ge taua soilo la kulikuli la wain."²³Lalogo la Sabat e Isus tuga soio la mahuma, egite la bilaha abi sahari lailali la mahuma.²⁴Egite parisi wela,"Hiloa, ilava egite ego la paga ale kama la totorobo oio laogo la sabat?"²⁵Eia weiagite,"Eme kama rovi lava e Devid egoa laimala eia tahoka la masagala eia masali---aia me la tahalo wikapopo tomi aia --²⁶Agoilo mave la luma te Deo laimala Abiathar la mulugaluga te patere,eia ge ali la bret oio la presens, ale mave kama la totorobola tegite isasa ge alia e patere moli,alamoli eia abiagite ale vikapopo leia?"²⁷E Isus weia,"La Sabat igoa te la waluatomi, kama la waluatomi te la Sabat.²⁸Maie,e latu la tahalo la uru e Lord, almoli tela Sabat."

Chapter 3

¹Goio Isus tuga soilo la laluma, oio labalele la tahalo isasa la limala peho.²La walua ishari mamata hagavi ge hiloa eiage himahuli eia oio la Sabat o mave egite ge kotiala.³E Isus weiala tahalo lalimala ouka,"Hiliti magiri oma kabili tegite tomi."⁴Mulimuli eia weia gite la walua,"Asoge atarigi eme ge igotigi isa la paga oio la lalogo la Sabat ouka egite ge kuea; egite ge himahulia ouk ge bilia?"Alamoli egite makovu moli.⁵Eia matalahu legite la hatela masi, eia hilo la hate gite pasi eia weiala tahalo,"Lapu matata la limamu,"Eia lapu matatea, la limala guvirivu.⁶Egite Patere tuga sogala poga isasa la tahalo te Herot egite pogea tau eia tela pileho.⁷Mulimuli e Isus, wikapopo la bilaha,tuga soio la mago, mela walua me hatavile tilimulia loio Glili loio e Jubea ⁸me loio tai e Eruslem loio tai e Idumea me mamuga tai e Jodan wikapopo tai e Tyre me Sidon. Mulimuli egite loloa maie paga tomi eia igigoa,la walua ususele gomai tetala.⁹Eia weia gite la bilaha ge tahoka sabisi la wuaga ge raragi taku lavula egite usu sesele, eala egite kama goma hagavi tetala.¹⁰Mai eia himahuli ussu, tio maie egite tomi ale la wowo ligiligi ale magigi tuga tawu eia ge pilaua.¹¹Laimal la sprit kama kokora kora hilo eia, egite boru sotalo mamuga tetala egite tali vagari, egite weimaie, emei e latu le Deo."¹²Aia wei wagaria gite umala igoa eia ge rova.¹³Eia tuga soata la olu, eia tola egite ale masagea, egite gomai tetala.¹⁴Eia turi egite savulusa gete lua (eia abia gite lasa apostel) goio egite vikapopo tomi leia eia baha egite weipala la merera,¹⁵ge tahoka la wagarila ge bahataro la kalulu kama kora.¹⁶Eia turi egite ale savulusa gete lua:Saimon,eia abiala la isa Peta;¹⁷Jems latu le Zebedi, me Jon tabarale Jems, me eia toi laisagira e Boanerges, egira e latu le Thunder;¹⁸Me Andru, Pilip,Batolomus,Matiu,Tomas,Jams latu leAlpius, Thaddaeus,Simon leZealot,¹⁹Me Juda,Isakariot egite ulai eia.²⁰Mulimuli eia tuga soluma,la walua gomai wikapopo lou, oiotai egite kamati ali labereti.²¹Mai egite tabarabarla loloa maie, egite goma pamuli eia, me gite weia, "lagabutala la oukati."²²Egite la walua la ilago gomai e Jerusalem weia,"Eia polopepe Belzebul"mai,lamulugaluga te la kalulu barabara eia waharia sogala la hituhitu."²³E Isus tola kapopo egite somai tetala eia weiagite maie la merera la parabel,²⁴"Mave e Satan ge bahtaro lou e Satan? ²⁵Mai la kingdom ge mapola loio tetala lou, la kingdom kama ge magiri.²⁶Mai e Satan ge gima lou eia ge wilele, eia kama kora muli ge magiri,ala moli agmai la kaluwula. ²⁷Alamoli isa kama koramuli ge goilo la luma tela tahalo ale wagari alamoli tetala lou kama koramuli ge wuloa soata la wagarila tela tahalo ale mamuga, alamoli eia ge lapua sotalo laluma tetala.²⁸Laselela Eiau meiamu, la pekato tomi te latatu la tahalo ge wikaluwua, alamoli la wulowulo ale taritigi ge goio,²⁹alamoli eremite igo la wulowulo ale kama taritigi soio te Holi Spirit eia kama ge lubemei,ala moli la mahela la pekato ale la kaluvu la ouka."³⁰E Isus weimaie lavula egite weimaie "Eia tahoka la Sirit ale ka maroka."³¹Mulimuli e tilala me tabarala gomai magiri ogala. Egite bahatavua, egite masaga eia ge gomai tegite.³²La walua me hatavivile pou vikapopo egite tahia,"Etilamu me tabaramu ogala,egit mamata mei."³³Eia kolia gite,"Ere e tilagu me tabaragu?"³⁴Eia matavu egite ale pou raoli eia tahi egite,"Hiloa, male e tilagu me tabaragu! ³⁵Mai ere tilimuli la masagala te Deo, la tahalo alele tabaragu e hatavilegu, e tilagu."

Chapter 4

¹ E Isus soko la vateli egite la teta la valua me hatavile olau la parava la mago. mulmuli eia sae soilo la uaga isa paipati olau la mago,eia pou oilo vola. La valua me hatavile usu pou oilo la parava,me egite labagele tavua. ² E Isus abiagite la valua me hatavile usu la merera latovomulila oilo tela merera tetala ,ale la rova eia via giteu.³ Loloa la tahalo la igolu la mahuma, eia goio ge galu la vavua la ilali tetala . ⁴La imamala gilalu , la vavua isahari paru tela gauru , me egite la malumalu gomai ali la vavua le. ⁵ La vavua la ilali isahari paru oata la watati, la magasa kama usu oio vola. La vavua la ilali ele kusi hari sele lavuhula la magasa kama gotalo sesele.⁶ La imamala laharo paga tavua, egite tomi peho, lavuhula la ua la vavua kama kusi sotalo la magasa ,me egite tomi magolu .⁷ La vavua la ilali isahari paru soilo te peho golo ,e peho golo kusi soata virilotoa la vavua la ilali me a oukati vua.⁸ La vavua la ilali isahari paru oio tela magasa ale tartigi me a vua pepeho , la ilalila isahari savulu tolu, isahari savulu volo, me isahari salatu isa.⁹ Mulmuli eia vei mae, ere tahoka la gavusala oio age labagele ,me eia ge lolo.¹⁰ La imamala e Isus pou eia moli ,me egiteu ale pou hagavi vikapopo me egite ale savulusa gete lua , tahi eia tela vikara la vitovomulila .¹¹ Eia veia gite mago ,amuto abiti la gabutala ale tabuli kokovu tela kindom te God , ialamoli egite ale pou ogala, la papaga tomi eiala merera la vitovomulila. ¹²Iala la imamala igitege mata, me egite kama kora mulia ge hiloa, la imamala egitege labagele egitege loloa, ialamoli egite kamage mata kilala tavua ,soukage egitege matagaga tavua , me egitege vulo tavu e God, eiage lube la iruru tegite.¹³ Mulmuli eia gio veia giteu mago ,amuto souka matagaga la merera la vitovo mulila alie ? soukage amuto kamage matagaga tavu la vuhu la gabutalala te la merera lavitovo mulila . ¹⁴ La tahalo igolu la mahuma , galu la vavua la ilali tetala ,eia moli male galu la merera . ¹⁵ La vavua la ilali ale paru tela pepe la gauru ,amae la merera paru me egite loloa kama taba, e Satan gomai abitaro la merera ale paruti oilo tegite .¹⁶ La vavua la ilali ale paru oata la magasa ale la vatati usu ovola, eia mae Egite la valua me hatavile ale lolo la merera, me egite abia mela sagegela ¹⁷ La ua gite kama harimalau sotalo la magasa ,iala atabuli moli la imamala bakisi ,mumuli la tikumula mela tovolaila poga egiteu, lavuhula la merera kama oilo tegiteu ,igohari sesele egite boru tela tikumula mela tovolaila .¹⁸ Ale ishari amaie la vavua la ilali ale paru kabili te peho golo, Egite lolo la merera te God .¹⁹ Iala moli la ilo burukola tela magasa ,me la vulovulo la vasigolola te la masaga, la golugolu tela magasa, me la hate raga tavu la papaga usu,agoilo vagotalo la merera te God ,eia oukati vua la vavuala.²⁰ Mulmuli egite la vavua la ilali ale paru oata la magasa ale tartigi,amae egiteu ale lolo la merera te God, me egite abi la merera. iala egite visibitala la ilali gite isahari savuvulu tolu, isahari savulu volo ,me isahari salatu isa,eia muga la giligila ale galua.²¹E Isus veia gite mago ,amuto abi la maga soilo la luma ge taua oilo la kela,ouka ge taua lotalo la uluva la ploro? eme abia soilo eme tausaea oata la obula la maga.²² La vuhula lapaga isa kama tabuli kokovu via kamage rovia ,la paga isasa kama egite taukovua via akamaga guvi matagaga,mae isahari ge taola la gavusa ge labagele ,egite ge lolo .²³ Mae egite isahari taola la gavusa ge labagele me egite ge lolo.²⁴ Eia veiagite mago, tata la gavusa muto lolo, la vuhula la piliga eme tautiao, me egite ge tovoa oio taume age loata lou . ²⁵ La vuhula eme tahoka ,me egitege abilouamu isahari, mae ere kama tahoka me igtege abitaro la rova eia taolea.²⁶ Me eia tai veimae ,la kindom te God eia mae la tahalo isasa galu la vavua la ilali tetala oio la magasa .²⁷ Eia mavuta la logo hagolgolo tela kavkoki,mae la vavua la ilali kukusi soata me eiage sibitala,eia kama rovi la gauru ale mave ea guvi.²⁸ La magasa viguvi la ilali eia lou ,eia viguvi muga la galgalala mulmuli la ilalila, mulimuli eia vua lou goio eia uru. ²⁹ La imamala la ilali matua, la tahalo la igolu la mahuma abila viso la ilukuluku sogala ,lailali matuati tatoge lukua .³⁰ Eia vei lou mae ,erese la paga e tato ge tovomuli la kindom te God ,erese la vitovo mulila etatoge tovomulia ge igo matagaga la kindom te God ?³¹ Eia maila vavua la ilali isabisi la imala egite galua ,eia bisi sesele tavu tomia gite la vavua la ilali tela magasa . ³² la imamala egte galua ,eia kusi uru sesele age polo tomi la obobu oio tela mahumale, me eiage taula halala ge uru sesele ,la malumalu ge loa oata vola.³³ Vikapopo mela merera la vitovomulila ,eia valolo la merera te God soio tegite via egitege mata kilala tavua .³⁴ La merera tomi tetala soio tegite eia la merera la vitovo mulila . la imamala eia pou vikapopo me egiteu e giliki la vimari tetala eia veipala tomi la gabutalala tela vikarara la vitovomulila³⁵ La logo alele la imamala la tasi maulavi , eia veia gite mago, e tato goio tela gale la mago loio .³⁶ Iala egite heletaro egite la valua me hatavile, egite puli e Isus vikapopo me egite , la vuhula e Isus oatati te la uaga ,la uaga isahari tilimuli egite .³⁷ Mulmuli moli vola , la kalevuru hiliti ,la mago hiliti sae soilo la uaga, hagavi la uaga ge volu la mago.³⁸ Iala moli , e Isus oio mavuta otigu la gilisu la uaga, goio egite guliki la vimari te Isus paloa me egite veiala mago, tahalo la vimari , eme kama hiloa amite hagavi ge pehoe ? .³⁹ Eia hiliti bahataro la lolovi me eia veia la mago mae, emege tamea umalati hilitiliti lou, oio moli vola la lolovi kaluvu, lamago malilo taho sesele .⁴⁰ Mulmuli eia veia giteu e guliki la vimari mago , la vuhula ilava amuto tataga ? Amuto souka taoka la tautaulailo? ⁴¹Egite taga gegeru sesele,me egite vei loua kabili tegiteu ,ale eia ere sesele,la lolovi me la mago lolo la merera tetala?

Chapter 5

¹ Egite guvi oio tela la gale la mago loio,tela mautue Gerasens.² La imamala e Isus sivo taro la uaga eia gogala, kabili la ba la libale la tahalo isasa la kalulu kama kokora pou oilo tetala a guvitavua.³ La tahalole momou oilo tela libale ,la tahalo isa kama koramuli ge kisitolea, la seli tai kama koramuli ge kisitola taia. ⁴Egite sautolatia la imamala usuti kisi leia la en mela seli ialamoli eia sagimautu momo tomia, la tahalo isa kama taola la wagarigarila ge vagotalo eia.⁵ La logo mela hararo ,oio tela liba mela goigove eia ge tali, tola kahare oata, eia ge abi la wati ale kara pepeho age wali la vovola ovola. ⁶La imamala eia hilo e isus solo malau bakisi ,eia hari soio tetala me eia tototulu otalo la vahala .⁷ Eia tali mela tilola ale uru sele, eau ge igo larova soio taume, Isus latula tahalo e God oata sesele. ⁸ Goma e Isus veiala mago ,eme piligi la tahalole gali sogala eme la kalulu kama kora.⁹Goio e Isus tahi rivua ,la isamu ere ? la tahalo le koli rivuala mago la isagu e tahalo la vaubi la vuhula amite usu sele. ¹⁰La tahalole tahi e Isus tagara ususele, viage e Isus umala ge bahataro egiteu soio tela mautu alele .¹¹La imamala alele la bolobolo isahari oio alali oata la gove bakisi. ¹²Goio egiteu la kalulu kamakora tahi e Isus mae, baha amite ge goilo tela bolobolo,piligi amite soio tegiteu. ¹³ Goma eia bahataro egiteu ,me la kalulu kamakora gali taro la tahalole goilo tela bolobolo, tio la bolobolo rutu sotalo la balautu la olu, egite gotalo liu la mago hagavi te 2,000 la bolo peho oilo tela mago .¹⁴Mulmuli egite ale valivali la bolo hari soilo tela Taon,me egiteu ale ogala la igaga la Taon,egite valoka larova guvitiele goio la valalua me hatavile goio hilo la rova male guvitiele . ¹⁵Mulmuli egite gomai te Isus me egite hilo la tahalo ale la kalulu kamakora pou oilo tetala ,a oio popou eia kai roboti, la gabutala tartigi rivuti me egite taga sele.¹⁶Egiteu ale hilo la tahalo ale la kalulu kamakora oilo tetala,egite vigile mulia gite la tahalole, tio egite veitaia giteu la rova guvi tela bolobolo.¹⁷ Goio egite vikarasukuala eiage hiliti taro la mautu te gite .¹⁸ La imamala e Isus sae soilo tela uaga,la tahalo ale la kalulu kamakora mou oilo tetala totosukua viage eiage tilimulia.¹⁹ ialamoli e Isus kama masaga, agoio veiala mago beurivua soio tela luma taume, la karakara taume, veiagite la rova la uru igo tia soio taume,me tela gauru ale mave la uru vaihilo tiamu la gilogo tetala.²⁰Goio la tahalo ale la kalulu kamakora mou oilo tetala soko la valolo matagagala oilo e Dicapolis la papaga tomi ale Isus igotia soio tetala ,egite tomi loloa la matagite kope me egite sagege sele.²¹la imamala e Isus vore polo soio tela gale la mago loio, egite la tete la valua me hatavile gio magiri galilia , la imamala ale eia goilo tila parava.²² Goio la mulugaluga la luma la lotu tegite e Juda la isala e Jairus, agomai hilo e isus aboru otalo la vahala.²³ Eia goio tahi suku e Isus, mago e latugu bisi hatavile hagavi pehoti,eau tahi me ge gomai ge tau la limamu oata tetala, me eiage tartigi ge mahuli rivu lou.²⁴ Tio e Isus tilimulia,la tete valua me hatavile usu tilimulia, hagavi egite ge vulo roboa.²⁵La imamala la tavile isasa tahoka la ilea la kasoso koramuli la leavala savulusa gete lua.²⁶ Eia gabu la iligi usu loio tegite dokta, eia vikaluvu tomi usu la golugolu te tala, viage suli eia,ialamoli akama kolia,agoio kamakora polo lou. ²⁷La imamala eia lolo la rere le Isus,eia goio tuga lotigu la poke la valua me hatavile ,agoio pilau la gilisu la kairobo tetala.²⁸Eia goio veimago maimoli eiau ge pilau la kairobo te Isus,eiau ge tartigi. ²⁹La imamala eia pilau e Isus, la kasoso kamati sali lou,agabua oilo te tala mae eia tartigi ti loio te la ilea te tala.³⁰ Igohari sele e Isus gabua mae la vagarigarila gali taro eia, me eia goio vulo rivu soio tegiteu la valua me hatavile ,eia goio tahi mago ere pilau la kairobo taku.?³¹ Egiteu la valua la vimari tetala veiala mago eme hilo la gale la valua me hatavile magiri galili me,eme goio tahi lou mae ere pilau eau ? ³² ialamoli e Isus goio mata galili, eia masaga ge rovia ere pilau eia.³³ La tavile le matakilala tavu la rova guviti tetala ,eia taga sele la vovola pariri tai,eia goio boru ti otalo la lagu le Isus , agoio vei tomiala la merera la selela tela rova tomi guvi tetala. ³⁴E Isus veiala mago tavile bisi,la tautau lailo taume vimauliti me,eme ge tuga tomi la tiamadila eme tartigiti loio te la ilea taume.³⁵Eia soloio meramera la valua isahari loio tegiteu la mulugaluga la lotu,egite vei mago elatumu pehoti,ilava eme abia la tahalo ale vimariamite la tikumula ?³⁶la imamala e Isus lolotila rova egite veiale,eia goio veia giteu la mulugaluga la luma la lotu mae, umala tataga tautaulailo moli ³⁷ Eia kama masaga la valalua me hatavile ge tilimulia, ialamoli eia masaga moli e Pita ,Jems jon me tabarale Jems. ³⁸ Egite goio guvi oio la luma tela mulugaluga tela lotu ,agoio hilo la ba alele la valalua marerego ovola ,egite taitali tatola moli oata.³⁹ La imamala eia goilo la luma ,eia veia giteu mae ilava la ilo muto buruko, me la vuhula ilava amuto taitali ? e guliki bisiele kama peho ale eia mavuta moli . ⁴⁰ Egite lege vaia ,iala moli e Isus vipou tomi egiteu ogala tela luma ,eia goio puli moli e tamala me tilale guliki bisiele me egiteu ale pou tomi leia ,eia goilo la ba ale e guliki bisiele ovola.⁴¹ E Isus sau la lima le guliki bisiele agoio veiala mago Talita koum , la masova la mae tavile bisi eau viamu eme ge hiliti .⁴² Igohari sele eia hiliti oata eia tuga, la tavile bisiele la leavala tetala savulusa gete lua,igohari sele egite la valua me hatavile karutu mela sagela. ⁴³ E Isus abia gite la merera ale vagari sele,mae isa umala ge rovi la paga aleie ,mulmuli e Isus veiagite ge abiala la ilali age ali.

Chapter 6

¹Eia tuga sogala loio la ba alele a gomai tela taon la mautu,egite la bilaha tilimulia.²La logo la sabat gomai,eia wikara oilo la luma. La walua me hatavivile usu loloa egite sagege. E gite veimaie, "Eia abi la weimari ale oiove?" "Lava male abiala la gabutala ale sio tetala ?" "Lwa ale igo la gaumulila aleguwi loio tela limala?" ³"Ale kama e kapenta, e latu le Maria e tabarale Jems me Joses me Juda me Saimon? E hatawilela Isa kama wikapopo le tato?"Egi jam pota Isa te Isus.⁴E Isus wegitu," E propet ale kama tahoka la tilogo, eia rovia maie egite ale oio la taon tetala kabili tegite tababarala egite tomi ale oio la luma tetala. " ⁵Eia kama kokora muli ge igo isasa la igolu ale vagari, eia rovia maie eia kama ge tau la limala oata tegite la walua me hatavivile ale lalea egite ge hiliti. ⁶Eia kama sagege tegite ale kama tahoka la tautau-lailo. Mulimuli eia veimari egite.⁷Mulimuli eia tola egite ale savulusa gete lua eia soko la bilaha gite ilalua, eia abiagite la vagarila loata tegite la kalulu ale kama maroka, ⁸eia vei vagaria gite kama ge abi isasa la paga laimala egite tatuga, kama rovia laobu—o la beret, la beki ouka, la wati oilo la baki tegite —⁹Egite koramule ge kai la vahapolo, umala kakai ilua la kairobo.¹⁰Eia weia gite, "Mai eme ge tiroro soilo la luma, pou oilo igaga eme ge heletaro la ba alele. ¹¹Mai egite la taon alele kama pulime o kama lolo emei, mai eme ge heletaro la ba alele, savula taroa la pavu la magasa lotalo la pulimu me age guvi mai la testeemoni tegite. "¹²Egite tuga sogala weia gite la valua me hatavivile ge vulo. ¹³Egite kumuli usu la kalulu, egite kaka loata tegite la walua me hatavivile lailea egete abiagite la abiri lailea.¹⁴E King Herot loloamie, la isa le Isus 'egite tomi rovia. Isahari veia, "Jon ale Baptasi hiliti rivu loio loio la pileho, eala maie la paga guvi maie la paowa la igogolu oilo tetala. " ¹⁵Egite isapolo weia maie, " Ale e Elaija ." Egite isahari lou weia, " Ale e Propet, mai ale isasa e Propet oilo la imala aleie."¹⁶Alamoli laimala e Herod loloa maie, " Jon, maie eia loloti, eia hiliti. " ¹⁷Mai e Herod baha ge puli e Jon ge sautola eia ge taua soilo la totorobola tela isa e Herod (e tabarala e rutule Pilip),lavula eia puli la tavile le.¹⁸E Jon veiale Herod, " Akama taritigi mai eme ge puli e rutule tabaramu. " ¹⁹Alamoli e Herodias tiamamasi ala eia veia ge bili eia, alamoli la tavile kama kora muli, ²⁰E Herod taga e Jon; eia rovia maie eia malimali eia la tahalo ale magiri maramara , eia baumuli la mahulila. Lolo eia igoamae eia ge gabutala barala ge uru sesele, oio tai eia sagege.²¹Mulimuli la logo la kilisi gomai e Herod ge pougolu la logo e tilala pigoa eia raragi lailali la maulavi tegite opisa tegite komanda egite la mulugaluga le Galili. ²²Egite ale momoge le Herod eia lou tilia le gite, la tavile polopepe e Herod me lailali tegite gest. E king weiala tavile, " Tahi eiau larova eiau masaga ge abiamu. "²³Eia weia la tavile maie, " Larova eme ge tahi eiau,Eiau masaga ge abiamu, oata la mulougu tai ge abiamu bakisi la pepe la ba." ²⁴ La tavile tuga sogala weia le tilala, " Larova eiau ge tahi eia ovola?" La tavile wei maie, " Eiau masaga la limale le Jon Baptais, "²⁵La tavile igohari beuriva soio te king , la tavile tahi, a wei maie, " Eiau masaga eme ge abiagu , gage moli, lalima le Jon Baptais taua oata la pelet laobu ."²⁶Laimala e king lolo la merera ale, eia kama ge merataro la tilahi tela tavile lavula egira saki la merera lavula lailali la maulavi. ²⁷Tio e King baha egite soldia eia vei vagaria gite ge abi la gama le Jon. E gaed tetala goilo la luma la totorobo vali la gama le Jon . ²⁸Eia tau la gamala oata la pelet abiala tavile, la tavile abiale tilala .²⁹Laimala egite la bilaha loloa maie, egite gomai bole la vovola taua soilo la tum.³⁰Egite apostel gomai vikapopo e Isus egite veiala larova egite igoa aguvi larova egite veia. ³¹Mulimuli eia weia gite, "Gomai emelou goio la ba la mautu isa kama ovola la ba bubumoli eme ge maila muga. "Mai egite usu gomai egite beurivua ,egite kama tahoka la imala ge ali. ³²Tio egite tuga goio sae la uaga goio la ba egite ge mou ovola egite lou.³³Alamoli egite hilo egite tuga usu sesele rovi egite, egite hari vikakpopo egite hari la vahagite loio la taon, egite guvi mamuga tegite. ³⁴Laimala egite gomai hilo egite, eia hilo egite usu sesele eia lolo egite wei pala egite lavula egite mai la sipsip la paga isasa kama oio tegite. Tio eia soko la veimari gite lapaga usu sesele.³⁵La imala bototi, egite la bilaha tetala gomai tetala veiala, "La ba ale malau la imala tegato bototi. ³⁶Bahataro egite soio tegite tabaragite oio tela mautu egite ge loto lailali ge alia tegite lou. "³⁷Alamoli eia hiliti veia gite, "Amuto abia gite lailali ge alia. " Egite veiala maie, "Koramuli amite ge loto la salatu ilua lailali vikapopo la beret ge abia gite ge alia?"³⁸Eia veia gite maie, "Iriva la beret eme tahoka? Goio hiloa. "Egite pogea, egite veiala, "La beret ilima laia ilua. "³⁹Eia vei vagaria gite la walua me hatavivile ge pou otalo la lologite isasa pou otalo la magasa mela garasi. ⁴⁰Egite pou otalo la lologite isahari la salatu isasa isahari savulu-lima. ⁴¹Eia abi la bret ilima laia ilua, eia mata soata e heven eia toitigia eia tovi la berti abia gite la bilaha ge pou mamuga tegite la walua me hatavivile. Eia tabari laia ilua kabili tegite tomoli.⁴²Egite tomi ali egite maru sesele. ⁴³ Egite abi la masesile la berti, egite tova la basket savulusa gete lua avolu, ale mave laia. ⁴⁴Egiteale la tausen ilma la walua me hatavivile ali la bret alele.⁴⁵Karutumoli eia vikapopo egite la bilaha goilo tela uaga le parao goio mamuga tetala soio tela pepe lalalu, oio e Betsaida, mai eia bahataro egite tuga. ⁴⁶Laimala egite tatuga, eia tuga soata la olu ge kaka. ⁴⁷La paga maulavi, la uaga le parao kabiliti la mago, eia moli sekela soloilo la magasa.⁴⁸Eia hilo egite totovo ge vulo soio, lavula la lolovi lolagu tegite. Igaga la paga logo eia gomai tegite, tuga oata la mago, eia veia ge polo-pepe egite. ⁴⁹Alamoli egite hiloa eia tuga oata la mago, egite veia eia la taua male tola egite, ⁵⁰lavula egite hiloa eiage kama sagege. Karutumoli eia vikara soio tegite veia gite maie, "Magiri wagari ! Ale e Eau ! Umala tataga ! "⁵¹Eia sae la uaga vikapopo egite, lalovi soko a vaia. Egite momoge tomi. ⁵²Mai egite kama rovi la masvo beret. Karutumoli, la tiagite vagari.⁵³Laimala egite sagapolo soio, egite gomai la magasa e Genasaret egite sae la uaga. ⁵⁴Laimala egite heletaro la uaga, la walua me hatavivile hilo e Isus egite rovia , ⁵⁵egite la walua tuga la baba la mautula soko la vahari la ilalea soio la ba e Isus ovola.⁵⁶Laba alemave eia tiroro soilo la mautu, la taon, la maututula, egite tau egite ale lalea oilo la luma la maket. Egite tahi gilemoli eia mai egite ge pilau la pepe la kairobo, egite usu pilaua egite mahuli.

Chapter 7

¹Egite pariseo magiri vikapopo me Isus, vikapopo tai me egite lavalalua la mari tela tuturila gomai e jerusalem.²Egite hilo isahari la bilaha te Isus ali la bret vikapopo mela limagite ale mumugu, me kama litu taia.³Egiteu e pariseo me egiteu e jews, kage ali muga koramulia ale egite ge litu la limagite,la vuhula egite sautolea oio tegite la vimari te ururu tegite.⁴Laimala ale egite pariseo loio la maket egite kama ali, koramulia ale egite ge pupuru muga, egite sautola vagagaria la rova ale egite tilimulia me kama polopepe taia.oio teale la vuhuvei la kabalabala ale egite igogolu la dis mela poro tela pulolou.⁵Egite pariseo me egiteu la tahalo la mari tahi e jesus,ilava egiteu la tahalo la mari taume kama tilimulimuli la vulovulo gite ururu,me ali la ilali vikapopo me la lima ale mumugu.⁶Aveia gite maie ,e Aisaia veipala tia maie amuto la tahalo la visigolola, me la vigagiala veipala taia maie ,egite la valalua me hatavivile ale vikara bubu lau moli .la tia me la gabutatalala tegite amalau sesele loio taku. ⁷Egite vaisale bubu moli eiau,me gite vimari tai la tuturila tela tahalo mai la vikarara te God.⁸Eme tatalu la tuturila te God me eme sautola vagari te tutubu me la tahalo. ⁹Me avei maie, amuto la tahalo mela tavile la iligo la iruru me la vovo bare la tilimuli la tuturila te God eala amuto soloio sautola la mari tela tahalo.¹⁰E Moses vei maie, amutou ge lotalo la uluva la merera te tamamu me tilamu,ere tahalo ge veibara le tamala me tilala egite ge peho.¹¹ Ala moli eme vei maie, maige la tahalo ge veiale tamala ouka e tilala maie ,eresela kiloli eme abi omai taku amai la vabila e God abia, ale avei maie, abia le God. ¹² Eala maie eme kati koramulia ge veiala kati ge igo isa la paga soio te tamala me tilala. ¹³ Eme igo la merera te God ala paga bulau mai la vulovulo gite ururu ale eme taua sotalo . vikapopo me isahari ale eme igoa.¹⁴ Atola egite lavalalua me hatavivile usu me aveia gite maie ,lolo tigi la vigagiala taku ,me amuto ge taua la gabutatala tamuto ¹⁵ La paga isa kama ale ale logala tela tahalo koramulia ge igo la mahulila ge mumugu la imamala ale age goilo tela tiala .ouka ala paga ale loilo tela tahalo age igo mumugua. ¹⁶ Mai ere lagavusala ge oio tela ilolo la merera ,tartigi eia ge lolo vulai tavu la merera taku.¹⁷ Mela imamala ale e Jesus hele taro la tete la valua, ge tiroro soilo la luma .egite la valua la vimari tetala tahia la tilovo. ¹⁸Jesus tahi, amuto oio kama rovi la masovala. Eala amuto soioge kama hilo maie,mai la paga ale logala ge goilo tela tahalo,akage igoa age mumugu, ¹⁹ La vula la paga ale mumugu kama koramulia ge goilo la tia ala, ala moli la paga ale mumugu goilo la tia ge gogala tela gauru la tatahe.oio tela vigagiale ale jesus veia ,egiteu tomi lailali maroka ge alia.²⁰Avei maie,amaie mai la paga ale oilo te la tia ge gogala loio tela tahalo, age igoa ge mumugu.²¹Ala la tahalo ale,eresa la paga oilo la tiala ge gogala,aviguvi la gabutala ale kama kokora,la vulovulo la matabulakalakala ,la pakalila me la bilili. ²²La iligo gegeru la taulaila,la ilisulisu tavu la paga tela tahalo isapolo,la vulovulo ale kama kokora, lavisigolola ,lavareagila, la vikara kukumula , la pakasala ,lailigo galolola. ²³ Egite tomi la vulovulo ale kama kokorale egite ge sibitala loilo la tiamuto ge gogala,ge igo gegeru amutou.²⁴Eme hele taro la ba alele me eme goio la magasa e taire me sidon.agoilo la luma isasa,akama masaga la tahalo isa ge rovi eia oio tela ba alele.alamoli ativura ge tarikovu, ²⁵ Ala moli la tavile isa e latula ale hativle tahola la kalulu ale kama kokora, la tavile le alolo la rere le Jesus oio tegite isahari,me agomai totolu la vahale Jesus. ²⁶ La tavile le aloio Grik,ategite la karakara tegiteu e fonisia.atahi e Jesus ge kumuli la kalulu ale kama kokora ge gogala loilo te latula ale hatavile le.²⁷E Isus veiala maie,kora egiteu e gulikiliki ge ali muga.akama taritigi ge abi la Bret tegiteu e gulikiliki ge pigia soio tela paia. ²⁸ Latavile ale koli la vigagiala me a tahi e Isus maie,asesele uru, alamoli egite la paia otalo la uluva la poro alali la mumugu la ilali tegiteu e gulikiliki.²⁹ Aveia la tavile ,lavula oio tela rova ale me veia,a eia eme ge tuga.egiteu la hituhitu hele taroti e latumu .³⁰ Abeurivua soio la luma te tetala agoma hilo e guliki bisiele oio mavuta la poro,egite lahituhitu hele tarotia.³¹Agoma hele taro la ba e Taire,me polo soio e Sidon ge goio la mago uru oio e galili ge goata la ba e dicapolis.³²Egite vaharia soio te tetala isa la tahalo ale gavusa vou me aka vigagia tai,me egite kaka tavua veia eia ge tau la limala oata te tetala.³³Jesus goio lapu lelea loio tela tete la valalua usu me goio magiri vikapopo le ia. goma eia tau la limala soilo tela gavusala me eia kavurasi soio la limala,agoma oilau la kalameala. ³⁴ E Jesus goma mata soata la mori,me alapu vagari la lolovi agoma vei maie,Efata ,avei maie ,eme kope. ³⁵ E Jesus igo la gavusala kope,me asoko la vigagiala.³⁶Aveia gite umala ge veiagite isapolo.la imamala ale e Jesus veiagite ge makovu,egite ka loloa,egite vigagia moli. ³⁷Egite karutu sesele,me a vei maie,aigo la paga usu tartigi.a igoa la gavusa gite kope mela hare gite ale kapi kope lou me egite vigia lou.

Chapter 8

¹Oilo tomi la lalogo alele, oio lou vla egite ususele, egite kama tahoka lapga ge alia. Isus tola egite la bilaha weia gite maie, ²"Eiau tahoka la merera oata tegite lavula tilimuli eiau la logo itolu tie alamoli egite kama tahoka isasa la paga ge alia. ³Mi Eiau ge bahataro egite soio tela mautu tegite mai la pagsa ouka, egite ge pamuli la gauru gite. Isahari tegite gomai la ba malau."⁴Egite la bilaha koliala,"E tato koramule ge abi la beret oiove ge abia gite la walua me hatavivile?"⁵Eia tahi egite, "Iriva laberge etato tahoka?"Egite wiala, "Ivitu,"⁶Eia tola egite tomi ge pou otalo la magasa. Eia abi la bret ivitu, eia toitigia, eia tovia. Eia abia gite la bilaha egite ge pou mamuga tegite, me egite ge pou mamuga tegite la walua me hatavivile.⁷Egite tahoka bisisi lia, mulimuli eia toitigia gite tomi, eia veia gite la bilaha tetala ge tabaria age taritigi. ⁸Egite ali egite maru sesele, egite abi lailali ale piligi isahari mapola bisisi, la basket ale ururu ivitu. ⁹Egite karamie la tausen via la walua me hatavivile. Mulimuli eia baha taro egite soio. ¹⁰Karutu moli eia goilo la uaga vikapopo tomi la bilaha tetala, egite tuga soilo la rigen e Dalmanutha .¹¹Mulimuli egite Parisi gomai vikapopo tomi eia. Egite tola oata tetala mai la oio e heven, ge tovo eia. ¹²Eia tola vagari sesele oilo la kalulu aveia," Ilava egite aleie pamuli la maki? Laselela eiau veiamu, la maki isasa ouka ge abia gite aleie. " ¹³Mulimuli eia heletaro egite, sae lou la uaga , agoio la pepela ale loio.¹⁴Igoe egite la bilaha gabutaroa ge abi la bret tegite. Egite kama tahoka lou isasa oilo la uaga. ¹⁵Eia veimulia gite, wei maie, " Amuto mamata igotigi la iss tegite Parisi la iss te Herod tai."¹⁶Egite la bilaha vikara kabili tegite lou, " Lavula etato kama tahoka la bret." ¹⁷E Isus rovi larova maleie, eia veia gite, " Ilava amuto veia maie amuto kama tahoka la bret? Emei kama tahoka?Eme kama rovia? La hatemuto la paga isasa kama mou ovola?¹⁸Eme tahoka la mata , eme kama mamata? Eme tahoka la gavusa, eme kama lololo? Eme kama gabutalea? ¹⁹Laimala eiau tovi la bret ilima kabili tegite la tausen ilima, la basket iriva lou la mapola-pola la bret eme abia?" Egite veiala, "Savulusa gete lua. "²⁰"Laimala eiau tovi la bret ivitu kaili tegite la tausen iva, la basket iriva lou tela bret ale mapolapola eme abiloua?"Egite veiala, "Ivitu ."²¹Eia veia, "Eme souka rovia?"²²Egite gomai e Betsaida. Lavula me hatavivile oio la ba alele puli la tahalo matakea soio te Isus eia ge pilau eia. ²³E Isus sautola lalimala tahalo matakea , lapua sogala la mautu .Laimala eia kavurasi soio la matala eia tau laimala oata tetala, eia tahia," Eme hilo isahari la papaga?"²⁴Eia mata soata, avei maie, "Eiau hilo la tahalo eia lagu maie laobu a tatuga. "²⁵E Isus tau lalimala oata la matala, la tahalo kope lamatala, eia hilo la papaga tomi matagaga sesele. ²⁶E Isus bahataroa soio la mautu tetala weimaie, "Umala tiroro soilo la taon. "²⁷E Isvus tuga sogala wikapopo tomi le gite la bilaha oilo la mautu Caesarea Philippi. Egite tatuga eia tahi egite la bilaha, "Mave egite la walua me hatavivile weia maie ale Eiau?"²⁸Egite kolirivuala maie, "Jon la Bapatas. isahari weia, 'Elais ,'me isah, 'Isasa tegite Propet. '"²⁹Eia tahi egite, "Alamoli amuto weia Eiau ere?"E Pita weiala maie, "Emei E krais."³⁰E Isus weiagite umala weiale isasa mai eau molie.³¹Eia soko la veimari gite e Latu la Tahalo kama ge tahoka la golugolu, egite ge pitaroa loio tegite ale ururu la mulugaluga tegite patere vikakpopo tomi la tahalo la veimari, mai ge bilia, lalogo ge itolu age hiliti rivu. ³²Eia vikara matagaga. Mulimuli e Pita pulia soio la pepela luma eia mera vagari sesele soio tetala.³³Alamoli e Isus vulorivu matavu egite la bilaha tetala mulimuli eia vikara vagari sesele soio te Pita eia vei maie , "Gomai mulimuli taku, Satan! Eme kama gabutala muli la papaga oata te Deo, alamoli la paga tegite la walua me hatavivile. "³⁴Mulimuli eia tola egite tomi vikapopo egite la bilaha tetala, me eia veia gite maie, " Mai isasa masaga ge tilimuli eiau, eia ge peho eia lou, bole la tovolautu, ge tilimuli eiau.³⁵Mai ere ge sautola la mahulila eia ge heletaroa, ere ge heletaro la mahulila tetala somai taku tela gospel eia ge bomuli eia. ³⁶Mai la tahalo isasa ge abi la papaga la magasa eia ge gabutaro la mahulila? ³⁷La tahalo ge loto rivu la mahulila mave ?³⁸Egite la walua me hatavivile laimala aleie egite tahoka la iruru, e Latu la Tahaloeia ge gomai oilo la glory te tamala vikapopo e holi angelo. "

Chapter 9

¹Eia veia gite, " La seselela eiau veiamu, isahari tamuto magirigiri omaie kama ge tovolai la pileho amuto ge hilo la kingdom te Deo ge gomai vikapopo la vagariala. " ²La logo iuolo muli-muli, e Isus puli e Pita e Jams e Jon tilimulia soata la gove, egite lou vikapopo eia. La vovola vulo egite hiloa.³La kairobo tetala kea a haga sesele, a kea sesele, a kea la paga isasa otalo la magasa kama maie.⁴ E Elaija me Moses guvi tegite, egite hilo egira vikara tomi le Isus. ⁵E Pita koli la merera te Isus, "Rabbi, a taritigi amite omaie, etato ge tigi itolu la kale, isasa taume, isasa te Moses, isasa te Elaija." ⁶( Eia kama rovi lava eia ge veia, alamoli egite lou taga.)⁷La tuluvu la mori pigirobo egite. La golu isasa loilo la tuluvu la mori, "Alele e Latugu. Lolo soio tetala. " ⁸Karutu moli, egite mata vulovulo, egite kama hilo isasa oio tegite, alamoli e Isus.⁹Egite gotalo la olu , eia vei vagaria gite kama ge veia gite isasa karamai e Latu la Tahalo ge hiliti loio la pileho. ¹⁰Egite sautolea la iruru tegite lou, alamoli egite vikara kabili tegite lou " hiliti loio la pileho " ale larova.¹¹Egite tahi eia, "Mave egite la walua la mari weia e Elaija ge gomai mamuga ?" ¹²Eia veia gite, "Elaija ge gomai mamuga ge lapua matata la papaga. Mave mai eia ge beua maie e Latu la Tahalo ge savele la papaga tomi muli-muli eia ge ravagegeru ? ¹³Alamoli eia vaiamu maie e Elaija ge gomai, egite ge igo larova mai egite ge igoa soio tetala, amai eia ge beuriva mai eia lou. "¹⁴Laimala egite gomai tegite la bilaha, egite hilo la lolo la walua me hatavivile vikapopo egite, la walua la mari lapu matata egite. ¹⁵Mai egite hilo e Isus, mai egite tomi momoge egite hari soata tetala momoge sesele leia. ¹⁶Eia tahi egite la bilaha tetala , "Lava amuto ge raragia tegite?"¹⁷Isasa kabili tegite kolia maie, "Tisa, eiau puli e latugu somai taume. Eia tahoka la kalulu ale kama wikarakara. ¹⁸Tagara usu eia labea sotalo la magasa, la kaputela tua oio la harela, eia kamamuta la togola, la vovola kea. Eiau tahi egite la bilaha taume ge kumuli eia, alamoli egite kama koramuli. "¹⁹Eia kolia gite, "Amuto ale kama tautau-lailo, eiau ge pou tomi leme taba bakisi? tagara riva eiau ge abi la tikumula taume? Vahariagu somai."²⁰Egite puli la tahalo soio tetala. Laimala la kaluluele hilo e Isus, a Karutumoli eia vileku bara . La tahalo le boru sotalo la magasa eia bulibuli la kaputela guvi la harela. ²¹E Isus tahi e tamala, "Age tagara iriva maie eia masaga aleie?" E tamala vei mago, a soko eia solo bisi kokori. ²²Tagara usu la kalulu alele labea soata la havi o soiolo lalalu a tovoa ge bilia .Mai eme ge koramuli ge igo isasa la paga, eme ge gogo amite ge suli amite."²³E Isus weiala, "'Mai eme koramuli'? La papaga tomi taritigi tela isasa tautau-lailo. "²⁴Karutumoli e tamale eia bisiele tola eia veimaie ,"Eiau tautau-lailo! Koli eiau!"²⁵Laimala e Isus hilo egite hari somai tegite, eia vei vagaria gite la kalulu ale kama maroka eia veiala, "Eme la kalulu ale kama lololo ale kama vigagia ,eiau veiamu , heletaro eia, umalati tiroro soilo lou."²⁶La kalulu alele tola bara sesele eia heletaro la tahalo alele eia gogala. La tahalo alele lagu mai isasa pehoti, mai egite usu veia, "Eia pehoti. " ²⁷Alamoli e Isus sautola la limala a bolesaea soata, me la tahalo hiliti soata magiri.²⁸Laimala e Isus gomai laluma, egite la bilaha tetala tahia, " Ilava amite kama ge kumulia sogala ?"²⁹Eia veia gite maie, "La kilaka moli koramuli ge kumuli la kalulu alele."³⁰Egite tuga sogala polo-pepe e Galili. Eia kama masaga isasa ge rovia maie egite oio, ³¹eia himari egite la bilaha tetala. Eia weia gite maie, "E Latu la Tahalo ge piligi eia lou soio tela tahalo, egite ge tau eia soio tela pileho. La imala eia tau eia soio tela pileho, muli-muli la logo itolu eia ge hiliti rivu ." ³²Alamoli egite kama rovi la vuhula merera aleie, egite taga ge tahi eia.³³Mulimuli egite gomai e Kapeniam. Laimala eia tiroro soilo la luma eia tahi egite, " Larova amuto veimulia maiele ?" ³⁴Alamoli egite kama vikara, lavula Ilava loioti egite meramulia ere ge isasa ge mamuga egite. ³⁵E Isus pouotalo , eia tola egite ale savulusa gete lua ge vikakpopo eia veia gite maie, " Mai ere masaga ge mamuga, eia ge muli-muli ge koli la walua tomi, "³⁶Eia sautola isabisi e guliki himagiria kabili tegite. Eia sautola lalimala eia veia gite, ³⁷"Mai la tahalo gabutala eiau eia ge koli isasa bisi e guliki tela isagu; ere abi eiau la mahulila abi ere baha eiau."³⁸E Jon veiala, "Tisa, amite hilo isasa kumuli la kalulu barabara oio la isamu amite veiala umala, lavula eia kama tilimuli etato. " ³⁹Alamoli e Isus weia, "Umala veiala ge makovu, maie kama isasa ge igogolu urusesele oilo la isagu eia ge gomai lou la paga ale kama tartigi ge veimuli lou eiau .⁴⁰Ere kama mukupile etato eia tegato. ⁴¹Ere abiamu la kap lalalu ge liua tela isagu lavula eme te Krais, la seselea Eiau veiamu, eia kama ge heletaro la rivod tetala.⁴²Ere ge ego sasa tegite ale bisisi ge tautau-lailo oilo taku ge boru la pekato, a ge taritigi la tahalo isasa ge saki la humu oata la lohola tahalo alele labea soilo la mago. ⁴³Mai la limamu lapumei ge igo la iruru, barautu taroa. Atartigi taume ge tiroro soilo la mahulila mai moli eme tahoka la limamu ilua ge goilo la havi bibila, soilo tela havi kama pepeho.⁴⁴⁴⁵Mai la vahamu vaharime soio la iruru , eme valitaroa. Eia taritigi taume ge tiroro soilo tela mahulila mai eme ge tahoka la vahamu ilua ge labame soilo la havi bibila.46⁴⁷Mai la matamu taume soio la iruru, suba taroa. Atartigi taume ge tiroro soilo la bigomu te Deo tela matamu ge isasa moli mai isasa la matala ge ilua ge labea soio la havi bibila, ⁴⁸Ale mave la tiamu kama peho,mave la havi egite kama taua sogala.⁴⁹Mai egite tomi ge tahoka la sol me la havi. ⁵⁰La sol a taritigi, mai la sol ge abi taro la malamala,eme ge igoa mave age malama lou? Eme tahoka la sol taume lou, eme ge tahoka la tia-madidi oio te tabaramu isasa. "

Chapter 10

¹E Isus heletaro laba alele eia goio e Judea oio la ba ale Lalalu e Jodan, egite la walua me hatavivile gomai tetala lou. Eia veimari egite lou, eia abia gite la merera te Deo. ²Egite Parisi gomai te Isus egite tovo eia egite tahitaia, " La lo tegato veia la tahalo ge tou e rutula?"³Eia kolia ,"E Moses veiamu mave?"⁴Egite weia, "E Moses tartigi ge kekesi la pepa ge barautu la taulaila ge abiala tavile ge kumulia soio."⁵" Amuto la walua la bigihetila ala e Moses kekesi la lo abiamuto, "E Isus weia gite maie. ⁶" Alamoli mamuga la siloko la magasa, ' e Deo igo la papaga tomi la tahalo me la tavile tamai.'⁷' Lavula la tahalo heletaro e tamala me tilala eia vikapopo tomi la tavile, ⁸e gita ge guvi isasa la vovo.' Egira kamati ilua, alamoli egira guvi la vovo isamoli. ⁹Larova e Deo saki egira, la tahalo isasa kama ge lubea. "¹⁰Mulimuli egite goio la luma, egite la bilaha tahia tela barautu la taulaila. ¹¹Eia veia gite maie, "Mai la tahalo isasa ge hele taro e rutule eia ge puli isasa la tavile eia igobara la tavile eia igo la wulowulo ale kama tartigi soio te la tavile. ¹²Mai la tavile ge hele taro e haruala , eia igo la wulowulo ale kama tartigi ."¹³Egite la walua me hatavivile vahari egite guliki soio te Isus eia ge himari egite, alamoli egite la bilaha korosi egite. ¹⁴Alamoli e Isus rovia, eia korosi egite, "Puli egite guliki somai taku, umala sautola egite, la bigomu te Deo a tegite ale bisisi maiele.¹⁵Laselela eiau weiamu, mai la tahalo isasa kama abi la bigomu te Deo mai egite bisisi ababia egite alele kama ge tiroro soilo vola. "¹⁶Eia sautola egite bisisi la limala eia tahi e Deo ge hipou tigi egite.¹⁷E Isus hiliti tuga soio, la tahalo isasa gomai tetetulu mamuga tetala eia tahia,"Tartigi Tisa, eiau ge igo larova ge abi la mahulila bibi?"¹⁸E Isus weia, Mave eme toi eiau tartigi? Isasa kama tartigi e Deo moli. ¹⁹Eme rovi la merera la lo: umala bilibili, umala igigo la vulovulo ale kama kokora, umala pakalikali, umala toi babubu isasa, umala abi bubu o lapu la paga tegite ispolo,eme ge togo e tamamu me tilamu."²⁰La tahalo wei maie ,"Tisa, la papaga tomi eiau togoa laimala eiau mahurelaba." ²¹E Isus matavua eia masaga eia. Eia weiala, "La paga isasa eme masagea. Eme ge salim tomi lava eme tahoka abiagite la vora, eme ge tahoka usu la golugolu oilo la bigomu te Deo. Mulimuli gomai, tilimuli eiau. " ²²Alamoli lavula la merera ale eia lagu gogogo eia tuga soio gabutala papahi, lavula eia tahoka usu la igogolu.²³E Isus mata lalahu eia veia gite la bilaha, "? Egite ale tahoka usu la papaga egite ge tivura sesele ge tiroro soilo la bigomu te Deo!" ²⁴Egite la bilaha karutu la merera aleie. Alamoli e Isus weia gite lou, "Guliki, la tahalo ge tiroro soilo la bigomu te Deo! ²⁵La Kemel masaga ge goilo la hova la lili la samap akama tivura tetala alamoli la walua me hatavivile ge goilo la bigomu te Deo. "²⁶Egite la bilaha karutu egite tahi egite isasa lou,"Ere ge abi la mahulila aleie?"²⁷E Isus matavu egite aveia,"Egite la walua lou egite kama koramuli, alamoli e Deo koramuli. E Deo koramuli ge igo la papaga tomi. "²⁸E Pita soko la merera soio tetala, "Hiloa, amite heletaro lapapaga tomi amite tilimulime."²⁹E Isus weia,"La seselea eiau weiamu, "Oio la ba alele isasa heletaro laluma e tabarala e havilela e tilala e tamala e latula la magasa lavula eiau gabutala la merera ³⁰egite ge abi la salatu isasa lou laimala egite solotalo la magasa: la luma e tabarala e hatavilela e tilala e latula la magasa, egite isahari ge igo bara egite, la vulovulo la magasa ge gomai, la mahuli bibila ale te Deo. ³¹Alamoli egite ale mamuga egite ge muli-muli, egite ale muli-muli egite ge mamuga. "³²Egite tatuga la gauru soata e Jerusalem, e Isus mamuga egite. Egite la bilaha tetala gabutala papahi, egite ale tilimuli egite —egite taga. E Isus puli egite ale savulusa gete lua eia weia gite larova ge guvi muli-muli tetala. ³³"Hiloa, amite ge goata e Jerusalem, e Latu la Tahalo ge piligi eia lou soio te la mulugaluga tegite patere vikakpopo la walua la mari. Egite ge bilia eia ge piligia soio tegite Gentaels. ³⁴Egite ge vei bareala, kavurasi volu eia, kuea eia, egite ge bilia ge peho. Mulimuli la logo itolu eia ge hiliti rivu. "³⁵E Jems e Jon, e latu le Zebedi, goata tetala veila maie, "Tisa, amila masaga eme ge igo tamila larova amila ge tahime."³⁶Eia tahi egira, "Larova amula masagea eiau ge abia mula?"³⁷Egira veia, "Bibibi amila ge pou tomi eme oilo la glori taume, isasa oio laimamu egata isasa oio lalimamu e meru."³⁸Alamoli e Isus kolia gira,"Amula kama rovi lava amula tatahila. Asoge amula koramuli ge liula la tahogo ale eiau liulae mave la baptasi ale eiau baptasi ovolae?"³⁹Egira veiala, "Aila koramuli. "E Isus veia gira ,"La tahogo ale eiau liula,amula ge liula, la baptasi ale eiau baptasi, amula tai ge baptasi. ⁴⁰Alamoli ere ge pou lalimgu egata ere ge pou lalimag emeru ale kama la paga taku ge turia, alamoli ale tegite ale raragi."⁴¹Laimala egite la bilaha ale savulusa loloa maie, egite hate masi ale Jems me Jon. ⁴²E Isus tola vikapopo egite somai tetala, "Amuto rovia egite ale mamuga tegite Gentaels egite mamuga egite, egite ale mamuga egite tahoka la wagarila oata tegite.⁴³Alamoli akama ge maie kabili taume. Larova taritigi ge gomai kabili taume emei ge guvi mai la tahalo bubumoli, ⁴⁴mai la tahalo ge mamuga taume eia ge guvi muga mai la vora tamuto. ⁴⁵Mai e Latu la Tahalo kama gomai eme ge kolia, eia ge koi emei , la mahulila ge loto rivu la walua me hatavivile. "⁴⁶Egite gomai e Jeriko. Eia heletaro e Jariko vikapopo egite la bilaha tetala egite la walua me hatavivile tamai, e latu le Tameus, e Batemius, la tahalo matakea kakabubu ,pou la pepe la gauru. ⁴⁷Mai eia loloa maie e Isus le Nasaret,eia soko la tilola maie,"Isus, Latule Davit , eme koli eiau !" ⁴⁸Egite usu korosi la tahalo ale matakea,egite weiala ge makovu. Alamoli eia tola kahare sesele, "Latu le Devit ,emei koli eiau!"⁴⁹E Isus magiri tolea somai. Egite tola la tahalo ale matakea, weiala, "Vagari! Hiliti! Eia tolame. "⁵⁰Eia pigi la obu tetala, eia hiliti, eia goio te Isus.⁵¹E Isus tahia maie, "Larova eiau ge igoa soio taume?"E matakea veiala, "Rabbi,Tisa, eiau masaga ge mata."⁵²E Isus weiala, "Tuga. La tautau-lailo taume igotigiti emei."Karutu moli eia mata , eia tilimulia soio la gauru.

Chapter 11

¹Igoe egite gomai e Jerusalem, egite gomai hagaviti e Betpage me Betani oata la Olue e Oliv, e Isus baha ilua la bilaha tetala ²eia veia gira maie, "Goilo la mautu etato matatavuae , mai amula guviti la mautu, amula ge hilo isasa e donki isasa souka sasae ovola. Lubea abiagu somai. ³Mai isasa ge tahi amula, telava amula lapu e donki soio?' amula veiala , la Uru tahoka la igogolu ovola eia ge baha rivu loua somai.'"⁴Egira tuga goio hilo isasa magirigiri oio hagavi la mata la pepe la gauru, egira lubea. ⁵La walua isahari oio gagirigiri tahi egira ," Amula igigo lavale, lubelube e donkiele?"⁶Egira weia gite mai e Isus weia gira, egite matatavu egira tuga.⁷Egira lapu e donki soio te Isus egite laba la kulikuli soata te donki, e Isus pou oata vola. ⁸Egite la walua kaitaro la kairobo tegite ale malau ava la gauru, isahari wali la halala obu avea otalo la gauru. ⁹Egite la walua me hatavivile ale mamuga egite la walua me hatavivile isahari muli-muli, "Egite tatola ! Sagege le Deo, vaisale la isala tahalo ale gomai tela isala Uru. ¹⁰E Deo ge igo tigi etato loio te King aleie eia loio te tubugato e king Devit ! Vaisale la isale Deo ale oata sesele !"¹¹E Isus tuga soilo e Jerusalem eia tuga tiroro soilo la tempel mamata oilo tela papaga tomi. La haro gotaloti, eia tuga sogala e Betani vikapopo egite ale savulusa gete lua. ¹²Lalogo isasa muli-muli egite tuga sogala loio e Betani, eia masali.¹³Eia hilo isasa la obu la fik amagiri malau bakisi la galagalala usu, eia veia ge hilo isasa la kaliala oata vola, eia gomai ovola, eia kama hilo isasa la galagalala moli, akama la imala la fik ge vua.¹⁴Eia vikara sovola,"Isasa kama ge ali la vavuamu lou."Egite la bilaha loloa eia veia.¹⁵Egite gomai e Jerusalem, eia tiroro soilo la tempel eia kumuli egite ale makeketi egite ale lotoloto oilo la tempel. eia vulo la poro la vululu la wati eia laba la pulou tegite ale maketi la malumalu. ¹⁶Eia merera taro egite isasa kama ge abi la papaga soilo la tempel ge maketila.¹⁷Eia veia gite maie, "La merera te Deo a veia maie, 'La luma taku a laluma la kilaka tegite la maututula tomi '? Alamoli amuto ioa mai la ba la pakalila." ¹⁸E patere vikakpopo la tahalo la mari egite lolo larova eia veia, egite mamata la gauru ale ge bilia. Egite igoa maie egite taga larova eia vei egite ovola. ¹⁹Lapaga maulavi , e Isus vikapopo egite la bilaha tetala heletaro e Jerusalem.²⁰Egite hagolo la kavukoki, egite hilo la obu la fik eia magolu soko loata la galagalala gotalo la uala. ²¹E Pita gabutala larova e Isus weia, "Tisa, hiloa! Alavi eme veiala obu ge rava bara male a pehoti."²²E Isus kolia gite, "Amuto ge tautau-lailo te Deo. ²³Laselela eiau weiamu mai isasa ge veia la olu,'Hiliti emei ge raga soilo la mago, 'Mai la tahalo alele kama tia bara alamoli eme tautau-lailo larova eme veia age guvi, alele e Deo ge igoa.²⁴Maleie eiau weiamu: Lapapaga tomi eme kaka eme tahi ovola, eme tautau-lailo maie eme abitia, age ataume. ²⁵Mai eme ge magiri ge kaka, emei ge lube la iruru larova eme igoa soio te isasa, mai e tamamu oata la mori ge lube la iruru taume."26²⁷Egite gomai e Jerusalem lou. E Isus tatuga oilo la tempel, e patere, la tahalo la veimari,egite la mulugaluga gomai tetala. ²⁸Egite veiala maie, "Eme abi la vagarila oiove eme igo la papaga aleie, ere abiamu la vagariala ge igo tomia?"²⁹E Isus weia gite, "Eiau ge tahi amuto isasa la tilahi. Veiagu Eiau ge veiamu la wagarila ale mave eiau igo la papaga ale. ³⁰La bapatas te Jon, a loio te Deo o aloio tela tahalo? Koliagu ."³¹Egite lou vigagia egite saki la merera maie, "Mai e tato veia, 'Aloio la mori,'eia ge veia, Ilava amuto kama tautau-lailo ovola?' ³²Alamoli mai etato ge veia, ' Eia loio tela tahalo, '... ."Egite taga egite la walua me hatavivile, mai egite tomi rovia maie e Jon eia e propet. ³³Egite kolia le Isus egite vei maie, "Amite kama rovia. "Gomai e Isus weia gite, "Eiau tamai kama ge veia muto ere abiagu la wagarila eiau igo la papaga aleie."

Chapter 12

¹Me Isus soko la vimari egiteu la merera la tovo mulila eia veia giteu maie,la Tahalo isa galu la mahuma la wain ,eia bigomu roboa, me eia oli tai lalulu ge raragi ge igogolu la wain. Eia tigi isa la kale la pahutula tegiteu la valalua la bomulila mahuma la wain abirivua agiteu ale bomuli la mahuma tetala. Me eia tuga goio la gale isa malau.²La logo lailabi la vavua la wain guvi.Eia baha isa la bilaha soi te la valua la bomuli la mahuma ge abi isahari la vavua la wain. ³Ala moli egite laotolea goio kue gerua ,me egite pitaroa,eia beu kavele molia.⁴E tamala mahuma baha isasa la tahalo la igogolu, egite kuea voropola la gamala egite igo mahela eia. ⁵Eia baha isasa lou, ale isae egite bilia . Eia baha usu soio la ba alele, egite kue egite bili isahari.⁶Eia baha lou isasa la tahalo, e latula sesele. 'La tahalo isasa moliti eia bahea soio tegite .E tamala wei maie, 'Egite ge togo e latugu. '⁷"Alamoli la vain kusi loio la ba isasa goio la ba isasa, ale la gavusala . Gomai, etato ge bili eia, la papaga tomi tetala ge tegato. '⁸Egite pulia, egite bilia, egite labea la vovola sogala la mahuma. ⁹Eiala, e tamala mahuma la wain eia ge igoa mave?Eia gomai ge toa marabi la vain ale kusi eia ge piligi la mahuma soio tegite isahari.¹⁰Eme kama gigi la merera ale? 'La wati ale egite kameda abitaroa a guvi mai la wati ale hivagari laluma. ¹¹La Uru lou viguvia maie, a taritigi oio la mata mite.'" ¹²Mulimuli egite la mulugaluga le Juda gomai ge sautola e Isus lavula egite rovia eia taupolo la merera soio tegite. Alamoli egite taga la walua me hatavivile. Tio egite heletaro egite tuga.¹³Egite baha isahari egite Patere isahari la valua te Herod egite ge tovo e Isus tela merera eia pipigia. ¹⁴Laimala egite gomai, egite veiala, "Tisa, amite rovia eme la tahalo la vei seselela, emei kama tataga isasa la valua me hatavivile. Mei vimari sesele la merera te Deo. Asesele etato ge loto la takesi soio te Sisa o ouka? Etato ge lotoa o ouka ?"¹⁵Alamoli e Isus roviti la vasigolola tegite, "Ilava amuto tovo eiau? Abiagu isasa la wati eiau ge hiloa."¹⁶Egite abiale Isus isasa la wati. Eia tahi gite, "Lalagu lereie laisa lere?"Egite vei mago ,"Te Sisa."¹⁷E Isus weia, "Abiale Sisa la paga te Sisa, la paga te Deo abiale le Deo. "Egite lolo la merera ale egite karutu.¹⁸Egite Sadusi,egite veia la hiliti rivula ouka, gomai tetala. Egite tahia ,veimaie, ¹⁹" Tisa, e Moses kekesi aveia mite maie, mai la tahalo peho heletaro e rutula ,e latula ouka, la tahalo le ge puli e rutu le tabarala ,eia ge pigo e latatu le tabarala.'²⁰E taume taitari ivitu; la posolagu taulai eia puli e rutule eia peho, eia kama tahoka e latula. ²¹La vailuala pulia eia peho, eia kama tahoka e latula, la vaitolula tamai .²²Egite tomi ale ivitu pulia alamoli egite kama tahoka e latula gite. Mulimuli ovola, la tavile peho. ²³Laimala la hiliti rivula, egite hiliti rivu, la tavile ge rutu lere? Egite tomi ale ivitu puli moli la tavile isasa. "²⁴E Isus weia, "Eme kama rovi la merera te Deo, lavula eme kama rovi la skripsa la vagariala te Deo? ²⁵Laimala egite hiliti rivu lotalo la magasa, la walua me hatavivile alele kamati ge taulai, egite ge guvi mai e angelo la mori.²⁶Alamoli la merera la pileho egite ale hiliti rivu, amuto kama gigia oio la merera te Moses, la vigele-mulila tela obu ale tululu, la vigele-mulila e Deo veiale Moses maie, 'Eiau e Deo te Abraham e Deo te Isak e Deo te Jekop'? ²⁷Eia kama e Deo tegite ale peho, alamoli egite ale mahuli-huli. La merera taume kama tartigi sesele. "²⁸La tahalo la vimari la lo gomai lolo la merera;eia loloa maie e Isus koli tigia . Eia tahia,"La lo ale mave eia mamuga sesele?"²⁹E Isus kolia, "Ale mamuga sesele, 'Male, e Israel, la Uru e Deo tegato, la Uru eia isasa.³⁰Amuto masaga la Uru e Deo tamuto loio la hatemuto tomi, loio la sol taume, loio la gabutala muto, loio la wagarimu. '³¹La vailuala lo maleie, 'Eme ge masaga e tabaramu mai eme masaga emelou. 'La lo ale uru isa ukati lou mai aleie. "³²La walua la vimari la lo vei maie, "Tartigi, Tisa! Emei wei sesele mai e Deo eia isasa, isasa ukati loio lou tetala. ³³Ge masaga eia loio la hatemu loio la irovila taume loio la wagarila taume, ge masaga isasa e tabaramu mai emelou eia polo-pepe la viabila tela gulutulutu tai."³⁴Laimala e Isus hiloa maie eia koli tigi la merera, eia veiala,"Emei kama malau ala bigomu te Deo. "Mulimuli ale, isasa kamati tahi e Isus la tilahi.³⁵Laimala e Isus vimari la walua me hatavivile oilo la tempel, eia veia, "Mave egite la walua la mari tela lo weia e Krais e latu le Devit? ³⁶E Devit eialou,oilo te Holi Spirit, weia, 'La Uru weia la Uru taku,"Pou oata lalimagu e gata kara mai eiau ge tau egite la gima lotalo la wahamu.'"³⁷E Devit eia lou toia la 'Uru, 'Mave e Krais ge latu le Devit?"La walua me hatavivile sagege sesele la ilolo.³⁸Oilo la weimari e Isus wei maie, "Igotigi egite la walua la mari tela lo,egite masaga ge kairobo ale malau al walua me hatavivile ge laharoa gite oio la ba la vikapopola, ³⁹egite masaga ge pou mamuga tela luma la kilaka egite masaga ge abi la muli ale mamuga. ⁴⁰Egite vasigolo egite baharu ,egite kakaka la kilaka malau al walua me hatavivile ge hilo egite. Tela imala la koti egite ge abi laimala ovola."⁴¹E Isus pou hagavi la bokis la wati oio la ba la tempel;eia matavu egite tatau la wati soilo la bokis. Egite al walua me hatavivile ale tahoka usu la wati egite tau uru la wati. ⁴²E baharu gomai tau ilua bisisi la wati, eia koramuli maie la peni ilua bisisi.⁴³Eia tola egite la bilaha weia gite maie, "La seselela eiau weia muto, e baharu kama tahoka la vuliti eia tau uru sesele la wati soilo la bokis la viabila. ⁴⁴ Mai egite tomi tahoka usu la wati. Alamoli e baharu ale, eia savele sesele, eia tau tomi la wati ale eia ge ali ovola."

Chapter 13

¹E Isus tuga heletaro la tempel, la bilaha tetala isasa weiala maie, "Tisa, hiloa la humu ale taritigi la luma ale taritigi!"²Eia veiala maie, "Eme hilo la luma ale ururuo? La humu isasa kama ge tabuli loata te isasa egite tomi ge labea sotalo."³Eia pou oata la Olu e Oliv eia hilo la tempel, Pita, Jems,Jon, e Andru egite tahia maie, ⁴"Weia mite, gaisa la papaga ale ge guvi? Larova ge guvi amite ge hiloa mai la papaga alele age guvi?"⁵E Isus kolia gite, " Amuto igotigi isasa souka ge vasigolo amuto. ⁶Usu ge gomai tela isagu ge vei maie, 'Eiau la tahalo aleie, egite ge vasigolo la walua me hatavivile.⁷Mai amuto ge loloa maie la wukuela uru, umala gabutala papahi; la papaga alele ge guvi, alamol la kaluvula a souka.⁸La walua isahari ge vukue soio tegite lavalua isahari , la maratatila ge vukue soio la maratatila isasa. Oio la ba isahari la malugulugu ovola, isahari egite masali. Ale la siloko la iligiligi mai la tavile ga popigo ..⁹"Amuto lou ge bomuli amuto. Egite ge abi amuto soio te kansol, egite ge kue amuto oilo laluma la kilaka. Eme ge magiri mamuga te gavana me king tai , mai la testemoni soio tegite. ¹⁰Alamoli la merera te Deo ge veipalaea soio la maututula .¹¹Mai egite sautola eme ge vahari eme soio la kot, umala gabutala papahi eiau ge vei mave. Oio la imala alele ,larova eme ge weia eia ge abiamu ;kama eme ge wikara, alamoli e Holi Spirit. ¹² Tabaramu ge lube e tabarala loio la pileho, e tamala me latula. E latula ge hiliti tavu e tamala me tilala ge tau egira tela pileho. ¹³Emei ge tuga egite ge tiabareamu lavula la isagu oio taume. Alamoli la walua me hatavivile ge magiri vagari ge hilo la tapasi lalogo, e Deo ge puli rivu egite. "¹⁴" Mai eme ge hiloa la paga ale kama tartigi magiri oio la ba ale la totorobola ovola."( La tahalo kekesi la merera ale eia ge gabutala tigia) "kora egite ale oio e Judia ge hele soata la olu,¹⁵mai la tahalo oata la varulaluma umala gotalo ge goilo la luma abi la paga isasa, ¹⁶la tahalo oio la mahuma kamati ge abi la kairobo tetala.¹⁷Gogo seselea la tavile ale savilatu la tavile ale visusu tai tela logo aleie! ¹⁸ Amuto ge kaka la papaga alele kama ge guvi la imala la maigi. ¹⁹Laimala ale la tikumula ale uru ge guvi, ami la imala la silokoloko,mai e Deo soko la magasa, kirigaga igoe,ouka, muli-muli la tikumula ale kamati ge guvi. ²⁰Mai la Uru (Lord) kama ge barautu la imala , la tikumula ale la tahalo isasa kama ge mhuli. Alamoli egite la walua me hatavivile ge kaluvu, egite ale tetala, eia barautu la logo.²¹Mai isasa ge veiamu, 'hiloa, male e krais omaie !'ouka' Hiloa,eia oio!' umala tautau-lailo ovola.²²Isahari gomai ge weiamu eiau la tahalo ale e Deo baha eiau, mai eia sesele, egite ge puli egite ale e Deo turi egite. ²³Amuto igotigi! eiau veiamu la papaga tomi mamuga la imala.²⁴" Laimala la tikumula ale ururu kamati ge guvi, 'la haro ge maligoma ,la taio kama ge haga, ²⁵la matabu ge paru taro la mori, la paga isahari oata la mori la vagarila oio egite pariri tai.' ²⁶Mulimuli egite ge hilo e Latu la Tahalo ge gomai oilo la klaod vikapopo la vagarila mela glori tetala . ²⁷Mulimuli eia ge baha e angelo tetala ge goio eia ge vikakpopo la walua me hatavivile tetala eia turi egite, eia ge puli egite soio la igaga la magasa mela mori.²⁸Amuto ge rovia maie la obu la Fig. Mai la shalala tahoka lalalu la galagala ale halaba ge guvi, eme rovia la haro ale uru ge guvi. ²⁹Amai molie,mai eme hilo la papaga ale guvi, emei rovia eia hagavi, eia hagavi oio la mata.³⁰Laselela eiau weiamu, la walua me hatavivile tela imala aleie souka ge peho, la papaga tomi ge guvi. ³¹La Mori mela magasa ge kaluvu, alamoli la merera taku kama ge kaluvu. ³²Alamoli la tahalo isasa kama rovi la logo o la imala la papaga ale ge guvi, isasa kama rovia, o kama e angelo oata la mori, o e Latula, Alamoli e Tete moli.³³Amuto igotigi! Amuto ge pou mamata, lavula eme kama rovi la imala ale mave age guvi. ³⁴Amai la tahalo goio la ba malau — eia heletaro laluma eia tau la tahalo la igogolu ge bomuli laluma, egite tabari la igogolu tegite isasa, eia veia la tahalo ale bomuli la mata eia ge bomuli tigia.³⁵Amuto kama rovia e tama laluma ge gomai; igtigi la maulavi, o lalogo uru, igotigi e kukureko ge tali, ouka ge la kavukoki bisi. ³⁶Eia ge vikarutu moli la gomaila , amuto ge solo mamavuta. ³⁷Larova eiau veiamu eiau veia gite tomi isasa: Eme ge mamata!"

Chapter 14

¹Eiau igoe lalogo ilua mamuga la Pasova mela Festivel tela ist kama oio la bret. La mulugaluga tegite patere la walua la vimari egite vikara muli e Isus egite ge bilia mave. ²Egite veimulia, "Kama tela logo ale ururu tela lotu, igotigi egite la walua me hatavivile ge hiloa egite ge korosi egite ge soko la vikuela."³Laimala e Isus oilo e Betani oilo laluma te Simion eia tahoka lailea e leora, eia popou oata la poro la ilali, la tavile gomai tetala ababi la botoli la veli ale malivili sesele la mapala oata sesele, la tavile voropola la botoli eia abiri la gama le Isus. ⁴Alamoli la walua isahari korosi. Egite vikara kabili tegite lou maie, "Lavhula ilava eia tigitaro la weli? ⁵La weli aleie koramuli etato ge abi la wati la salatu itolu (300) la wati la silva, ge abiagite ale kama tahoka la vuliti. " Egite korosi la tavile.⁶Alamoli e Isus, "Amuto lolo la tavile ale. Ilava eme abiala la tikumula? ⁷eia igotigi la vulovulo ale taritigi somai taku. Eme laimala tomi tahoka la tahalo kama tahoka la golugolu vikapopo eme,larova eme tahoka ⁸Larova la tavile koramuli ge igoa. La tavile raragi la vovogu tela ulaila. ⁹Laselela eiau weiamu, la babatomi la merera te Deo goiovola tela babatomi la magasa, larova la tavile igoa egite wei taia, egite ge gabutala la tavile. "¹⁰Mulimuli e Judas Isakriot,isasa tegite ale savulusa gete lua, tuga soio te la mulugaluga tegite patere eia ge abia soio tegite. ¹¹La mulugaluga tegite patere loloa maie, egite sagege egite kisi la merera ge abiala la wati. Eia soko la milata tela ba bakisi eia ge abiagite.¹²Lalogo isasa mamuga egite kama tau la ist oio la bret, egite ge bili la sipsip raragi tela Pasova, egite la bilaha weia,"Mave eme masaga amiteu ge raragi, eme geali lailali la Pasova?" ¹³Eia baha ilua la bilaha aveia gite maie ,"Goilo la citi, la tahalo ge tahoka la kabala al lalalu ge pogame. Tilimulia. ¹⁴La ba alele mave eia tiroro soilo la luma, tilimulia soilo weia le tama luma, 'E Katket veimaie, "La rum taku oiove Eiau ge ali la ilali la Pasova vikapopo tomi le gite la bilaha?'"¹⁵Eia ge wahiloa muto isasa la rum ale raragi. Igogolu raragi tegato oio la ba alele. "¹⁶Egite la bilaha hiliti tuga soio la citi. Egite poga la pagatoi eia veia soio tegite, egite raragi lailali la Pasova.¹⁷Tela maulavi, eia gomai vikapopo tomi le gite savulusa gete lua. ¹⁸Egite pou oata la poro la ilali egite alali, E Isus weimaie, "Selelea Eiau veiamu, isasa tamuto ali vikapopo leiau ge tau eiau soio lairuru." ¹⁹Egite tomi gogo seselea ,egite isasa weiala maie, "soge eme wewei Eiau?"²⁰E Isus koli rivua gite,"Ale isasa tegite ale savulusa gete lua, tegite isasa tau la beret taua soilo la tia. ²¹Sesele e Latu la Tahalo ge goio age beurivu loua mai eialou. Alamoli gogo selea la tahalo alele tau e Latu la Tahalo soio la iruru! Tartigi maie tilala kama ge pigoa ."²²Egite alali, E Isus abi la bret, toi tigia ,eia putua. Eia abia gite avei maie, "Amuto abia.Ale la wowogu. ²³Eia abi la kap, toi tigia, me eia toitigi egite, egite tomi liu ovola. ²⁴Eia weiagite maie, "Ale la kasogu ge igo la kisitola, ale la kasosogu pagele loma taku.²⁵Laselela Eiau weia mutou, Eiau kama ge liu lou loio la wawu la wain eau kama koramuli ge liu igaga lalogo Eiau ge liu oilo la kingdom te Deo²⁶Maie egite bau isasa la bilau, egite tuga sogala soio la Mauten Oliv. ²⁷E Isus weia gite, "Amuto tomi masaga ge boru sogala, mai eia guviti, 'Eau ge bili la tahalo ale baumuli la sipsip egite ge hele tomi. '²⁸Alamoli mulimuli Eiau ge hiliti, Eiau masaga ge goio mamuga taume soio e Galili."²⁹E Pita weiala maie, "Maie gite heletaro me, Eau ge uka."³⁰E Isus weiala, "Laselela Eiau weiamu, gageie-- sesle, lalogo ale-- mamuga la kukureko tali emei ge veia tagara tolu mai eme kama rovi eiau."³¹Alamoli e Pita weia,"Mai Eiau ge igolawa taume, Eiau kama ge veia ouka oio taume, "Egite tomi kisi la merera isamoli.³²Egite gomai la mautu e Getsmeni, e Isus weia gite la bilaha tetala, "Pou omaie laimala eiau kakaka. " ³³Eia puli e Pita, e Jems, e Jon vikapopo eia kama maila eia abi la tikumula. ³⁴Eia veia gite maie, "La sol taku sautolea vagari, mai la imala la pileho. Pou moli omaie emege mama."³⁵Agoio bakisi ,e Isus boru sotalo la magasa eia kaka mai la gauru oio la imala ale kama tartigi ge polopepe eia. ³⁶Eia kaka, "Aba, eme tete, eme koramuli ge igo la papaga tomi. Eiau masaga eme abitaro la kap lomai taku. Alamoli kama la masagala taku , Alamoli emei lou."³⁷Eia gomai hilo egite mavuta, eia veia le Pita, " Saimon, eme mavuta? Eme kama kora muli ge mamata oio tela aua isasa? ³⁸Amuto ge mamata ge kaka igotigi la tilovolovo ge guvi tamuto. La kalulu masaga, alamoli la wowo a bare."³⁹E Isus goio eia kaka, eia vei lou la merera eia weweia.⁴⁰Laimala eia beurivua, eia hilo egite mamavuta, mai egite tomi matatutulu.⁴¹Eia gomai la vaka tolu la eia veia gite maie, "Amuto solo mamavuta amuto maila? Aiati. La imala guviti. Hiloa ! E Latu la Tahalo oioti lalima gite la walua la iruru. ⁴²Magiri ;etato he toga .Hiloa, la tahalo ale ge tau eiau soio lalima gite la iruru eia omai."⁴³Laimala e Isus solo vigagia,e Judas,eia isasa tegite ale savulusa gete lua, aguvi, la walua me hatavivile gomai vikapopo eia egite abi la bainat mela obu,la mulugaluga tegite patere, la walua la mari tela lo, egite uru la mautu . ⁴⁴La tahalo ale ge abi e Isus soio tegite la walua la iruru eia weia gite la mak, veia maie, "Ale mai eiau ge piua male moliele. Ale e Isus moliele pulia soio ."⁴⁵E Judas guvi, Karutumoli eia gomai te Isus vei maie, "Tisa,"Eia piu e Isus. ⁴⁶Egite sautola la limala gomai egite sautola eia.⁴⁷Isasa tegite ale magiri hagavi eia lapu la bainat tetala ge kue la tahalo ale igogolu te patere la bainat wali la gavusala. ⁴⁸E Isus weia gite, "Amuto sautola la bainat mela obu amuto gomai ge sautola eiau ami amuto ge sautola la tahalo ale vikokue ale pakalikali ia? ⁴⁹Laimala tomi eiau pou tomi amuto eiau veimari amuto oio la tempel, amuto kama masaga ge sautola eiau, la merera te Deo ge guvi sesele, "⁵⁰Egite ale vikapopo tomi le Isus egite heletaro.⁵¹La tahalo isasa mahorelaba, eia tilimuli e Isus somai,kisi la kulikuli ale kakea, tilimuli e Isus. Egite sautola eia ⁵²eia heletaro la kulikuli ale kakea eia hele kalakalaka.⁵³Egite puli e Isus soio te la mulugaluga tegite patere. Egite vikapopo tomi le patere, la uru la mautu, la walua la mari la lo .⁵⁴Igoe e Pita tilimulia soio ala moli eia ba malau bakisi, eia goilo la bigomu luma te mulugaluga tegite patere. Eia pou kabili tegite la walua la mautu, eia pou hagavi la havi eia malulu.⁵⁵Egite la mulugaluga tegite patere vikakpopo tomi le kansol egite tola isahari la valua gomai ge vei larova e Isus igoa egite ge bilia. Alamoli egite kama poga isasa la iruru. ⁵⁶Egite ubi leia isahari la merera la vasigolola, la merera tegite kama visauru.⁵⁷La walua isahari magiri vasigolo isahari la merera soio te Isus ; egite wei maie, ⁵⁸" Amite loloa eia vei maie, 'Eiau ge lobe la tempel la tahalo wokula lalimala, eiau ge himagiri isasa oilo tela logo itolu kama ge himagiri la lalima."⁵⁹La merera ale egite veia akama visauru.⁶⁰La mulugaluga tegite patere magiri kabili eia tahi e Isus, "Eme kama ge koli isasa la merera yia?"Ale mave egite ubi lemei la merera?" ⁶¹Alamoli e Isus makovu moli kama koli la merera. La mulugaluga tegite patere tahiloua maie, "Emei e Krais, eme Latu le Deo oata sesele?"⁶²E Isus weia, "Eiau;emei ge hilo e Latu la Tahalo eia ge pou oata lalimala e gata tahoka la wagarila eia ge gomai tela tuluvu la mori. "⁶³La mulugaluga tegite patere sile la kairobo tetala eia vei maie, "Etato solo masaga la waisulila? ⁶⁴Amuto lolotia. Amuto masaga etato ge igo larova soio tetala?"Egite veia eia tahoka la iruru eia ge peho.⁶⁵Egite isahari kavurasi volua egite saki lalagula la kulikuli, "Larova ge guvi muli-muli!"Egite la mulugaluga sautola eia egite kuea.⁶⁶E Pita solotalo oilo la bigomu laluma,la tavile isasa igogolu oio tegite patere eia gomai. ⁶⁷La tavile hilo e Pita eia kama momoge e Pita tarikokovu, la tavile gomai hagavi tetala aveia maie, "Eme tamai vikapopo le Isus le Nasaret."⁶⁸Alamoli eia veia ouka, "Eiau kama rovi lava eme veveiale. "Mulimuli eia tuga sogala la mata la luma.⁶⁹Alamoli la tavile hiloa eia weilouala ,"La tahalo aleie eia isasa tegite!"⁷⁰Eia veiloua maie ouka. Mulimuli bakisi egite isahari magiri hagavi tetala veiale Pita, "Asoge emei isasa tegite, lavula eme tau Galili, "⁷¹Alamoli e Pita vei vagari sesele maie ,"Eiau kama rovi la tahalo amuto veveiagu ovolale. "⁷²Karutu moli e kukureko tali la vakaluala. Mulimuli e Pita gabutala la merera te Isus weiala:"Mamuga e kukureko souka ge tali, emei ge veia tagara tolu, "E Pita tali bara sesele.

Chapter 15

¹La kavukoki bisi, la mulugaluga tegite patere vikakpopo egite la walua la mari egite kansol le Jiuis. Egite puli e Isus vaharia soio . Egite puliale Pailet. ²E Pailet tahia, "Eme moli e King le Juda?" Eia koliala maie, "Eme veia maiele." ³La mulugaluga tegite patere veia eia igo usu la papaga kama tartigi.⁴E Pailet tahia,"Eme kama ge abiamite isasa la merera ale taritigi? Hiloa la papaga iriva egite toime ovola!" ⁵Alamoli e Isus kama kolia le Pailet, e Pailet gabutala papahi .⁶Igoe laimala la festival ,e Pailet bahataro isasa la tahalo, la tahalo egite masagea, ⁷la tahalo ale la isala e Banabas oilo la luma la totorobo vikapopo tomi la tahalo ilua pakalikali ale soko la vukuela egite ale bilibili tai. ⁸La walua me hatavivile gomai te Pailet tahia ge iga mai ale pala.⁹E Pailet kolia gite maie, "Amuto masaga eiau ge puliamuto e king le Juda?"¹⁰Lavula eia rovia egite patere puli e Isus soio tetala. ¹¹Alamoli e patere hilo la valua me hatavivile tola vagari ge lube e Banabas eia ge gomai tegite.¹²E Pailet kolia gite eia veia maie, "Larova eiau ge igoa te king le Jius?"¹³Egite tola loua, "Lilia la tovolautu!"¹⁴E Pailet tahi egite, "La iruru ale mave eia igoa? "Alamoli egite tola vagari sesele, " Liliia oata la tovolautu. "¹⁵E Pailet ge igo egite la walua me hatavivile ge momoge, tio eia lube e Banabas soio tegite. Eia weia gite soldia ge pulia e Isus soio ge lilia oata la tovolautu.¹⁶Egite Soldia vaharia soilo laluma tegite gaman ( egite la mulugaluga le gaman), egite tola egite soldia. ¹⁷Egite kisi la kulikuli ale magese-gese oata te Isus, egite vivi la totomo ge taua oata tetala. ¹⁸Egite veiala maie, "Laharo, king le Juda!"¹⁹Egite abi isasa la obu kua la gamala egite kavurasi volua. Egite gala la tulugite egite lagu sotalo mamuga tetala. ²⁰Egite wei bareala la merera, egite lube taro la kulikuli ale magese-gese egite vikailoua la kairobo tetala lou,egite vitugea sogala ge lilia oata la tovolautu tetala.²¹La tahalo isasa laisala e Simon le Sairini, eia ge gomai ge veia gite la kaontri ( eia e tamale Alexsenda me Rufus),egite veisukuala ge bole la tovolautu tetala.²²Egite soldia puli e Isus soio la ba egite tila e Golgata (egite wuloa soio "La Muli la tuha la riho " ). ²³Egite abiala la wain ale wuloa wantem la marasin, alamoli eia kama liua. ²⁴Egite liliia eia tabarila tabaritai la kairobo tetal²⁵Ale la logo la itolu egite liliia eia oata la tovolautu . ²⁶Oio la ba alele egite kekesi larova egite kotiala tahalo ovola, "E king tegite Juada." ²⁷Vikapopo leia egite lili ilua la tahalo ale pakalikali, isasa loio e gata isasa loio e meru. ²⁸The best ancient copies do not have Mark 15:28,The scripture was fulfilled that say,' He was counted with the lawless ones,'²⁹Egite ale polopepea veveiala la merera, egite lugu la limala egite veiala ,"Malele! Eme ere ge lobe la tempel eme ge himagiria oilo la logo itolu, ³⁰ koli emelou ge gotalo la tovolautu!"³¹La mulugaluga tegite patere egite mera bareala vikapopo egite isahari, vikapopo egite la walua la mari, egite veia maie, "Eia ķoli isahari, alamoli eia kama ge koli eialou . ³²Korale e Krais, e king le Israel, eia ge purusu loata la tovolautu, etato ge hiloa ge tautau-lailo. " Egira ale tili vikapopo eia egira tai pigiala la merera.³³Soko te siks aua, la maligoma taurobo la magasa kara maie la matala haro itolu la maulavi. ³⁴Tela matala haro itolu e Isus tali vagari la golula goata ,"Eloi, Eloi, lema sabatani?" la masivola maie, "E Deo taku, E Deo taku, lavula ilava eme heletaro eiau?" ³⁵Egite isahari magiri hagavi lolo emei vikara, " Hiloa, eia tatola e Elija."³⁶La tahalo isasa hari ,tau la spans soilo la wain ,eia sakia oata la obu , eia vituriala soata ge liu. La tahalo wei maie, etato ge hiloa mai e Elaija ge gomai ge tau eia sotalo. " ³⁷Mulimuli e Isus tali vagari la golula goats sesele eia peho. ³⁸La kulikuli la tempel masile lua soko loata gotalo.³⁹E kepten tegite soldia magiri lagu tavu e Isus eia hilo eia pipelo maie, eia veia maie, "La seselela la tahalo aleie eia e Latu le Deo. " ⁴⁰La tavile isahari magiri malau matavu eia. Kabili tegite e Maria Makdala, Maria (tilale Jems me Josep) ,me Salome . ⁴¹Laimala eia oio e Galili egite tilimulia kolia. Egite hatavivile isahari tilimulia soata e Jerusalem.⁴²Laimala la maulavi gomai, lavula ale Lalogo la Raragila, ale la, lalogo mamuga la Sabat, ⁴³Josep le Arimatea gomai tiele, Aia isasa la tahalo ale ge togoa la mulugaluga te kansol egite wtitali la kingdom te Deo. Eia vagari tuga soio te Pailet tahia la wowo le Isus. ⁴⁴E Pailet gabutala pahi maie Isus eia pehoti; eia tola e kiapu tahia maie Isus eia peho.⁴⁵Laimala e Pailet loioti la merera te kapten maie Isus peho, eia abi la wowola soio te Josep.⁴⁶E Josep goio loto isasa la kulikuli ale kakea. Eia pulia loata la tovolautu, eia taurobo leia la kulikuli ale kakea, eia tau eia oilo la Tum egite barautu la humu. Mulimuli eia buli la humu soio la mata la Tum. ⁴⁷E Maria Makdala me Maria e tilale Isus oio la ba ale Isus egite ulaia.

Chapter 16

¹Gaisa la logo la Sabat ge kaluvu,E Maria Makdala, e Maria tilale Jems, me Salome, egite loto la weli me la malivili egite gomai ge weli la wowo le Isus. ²La kavukoki bisi oio tela logo ale mamuga tela wik, egite tuga soio la Tum limala la haro goata.³Egite lou isasa weiagite lou, ere masaga ge buli taro la humu tegato loio la mata la Tum."⁴Maie egite mata soata, egite hilo la humu buligale ti, la humu a uru sesele.⁵Egite goilo la Tum hilo isasa la tahalo mahurelaba kairobo la kulikuli ale kakea, popou oio lalimala e gata, ala egite karutu. ⁶Eia weia gite, "Umala karutu. Eme hilo e Isus, le Nasaret, eia tili oata la tovolautu. Eia hiliti rivu! Eia kama omai. Mata oio la ba ale egite tau eia. ⁷Alamoli tuga, veia gite la bilaha vikapopo le Pita, "Eia goio mamuga e Galili. Ale eme masaga ge hilo eia, ale maie eia veiamu.'"⁸Egite tuga sogala egite hari loio la Tum; la tiagite karutu lavovo gite pariri egite taga. Egite kama weia gite isasa lavula egite taga.⁹[ Gua sele tela logo isa te la wik,Mulimuli eia hiliti, loio lou tetala eia baha taro ivitu la tua. ¹⁰La tavile tuga weia gite ale wikapopo tomi leia, ale la kawukoki egite taitali. ¹¹Egite loloa maie eia mahuli alamoli eia lolotia maie latawle hiloa, alamoli egite kama tautau-lailo.¹²Mulimuli la paga tomi guvi sapolo soio tegira ilua tomi tuga sogala tela kaontri.¹³Egite tuga weiagite la bilaha, alamoli egite kama tautau-lailo tegite.¹⁴E Isus mulimuli guvi tegite ale savulusa getesa mai egite ali oata la poro, eia korosi egite kama tautau-lailo mela hatetu, ilava egite kama tautau-lailo tegite ale hilo eia mulimuli la hiliti rivula te la pileho.¹⁵Eia weia gite,"Tuga soio la baba la magasa, valolo la merera soio tegite tomi la walua.¹⁶Ere isasa sesele tautau-lailo la masagala tetala eia ge vuhi eia ge mahuli, mai ere kama tahoka la tautau-lailo la masagala tetala kama ge kokora.¹⁷Egite weia la masagala ale vikapopo tomi la tautaulailo:Oilo te la isagu egite masaga ge bahataro la taua.Egite masaga ge mera la merera ale halaba.¹⁸Egite masaga ge abi la pase lalima gite, mai egite ge liu la pagatomi egite kama ge peho , alamoli la masagala kama ge bili egite. Egite ge tau lalia gite oata la ilea, egite masaga ge tartigi."¹⁹Mulimuli la (Uru Lord) wikara soio tegite, eia abia soata soilo Heven eia pou la lima le Deo e gata.²⁰Egite la bilaha heletaroa egite goio walolo la baba tomi,mai la (Uru Lord) tuga kapopo le gite eia viguvi la merera mai eia veia maie eia vikapopo legite.]

Luke

Chapter 1

¹Egetiu la valalua isahari kekesi tia la igogolu ale taritigi a sibitala kabili tamite. ²Egiteu hiloa te la mata gite lou tela silokola te laimamala isa egiteu la valalua la igogolu tela Uru,egiti viguvi la vigelemulila somai tamite. ³Ala eiau ge igogolu ge pamuli tataho la vuhula vigele mulila ale eia ge kekesia mae eia sibitala te laimamala isasa eiau abiamu,eme la tahalo Tiofileas. ⁴Eiau igoa mae eme ge rovi la papaga eme rovia eia sesele tomi.⁵Laimamala Herot king le Iuda,e patere isa oio tai laisala e sakaraia,eia la hili le Abaisa.E rutula laisa la e Elisabet hili le Aron. ⁶E gira tilimuli tataho egite la totorobo me la merera te la Uru.Egirua pou tataho oio la mata la Uru. ⁷Ala moli egira ouka e latu gira.Lavula e Elisabet akamati koramuli ge pigo e latula,eia lapuluti.⁸Laimamala isa la valalua te Sakarai goio igo la igogolu tegite e patere,me Sakarai goio igogolu te patere oio te la mata la Uru. ⁹Egite labilaha pilai satu ge rovia ere isa e patere ge goilo la luma te la Uru,ge gutu la tabarila ale ge mali hahae.Tela la vulovulo la ale egite turi e Sakaraia. ¹⁰Laimamala e Sakaraia gutu la tabarila ale ge malia hahae,la valalua me hatavivile egite pou ogala la luma te la Uru egite kaka.¹¹E angelo isa te la Uru sibitala eia magiri te gata oio la poro tabuo,ge selu la tabarila ge mali hahae. ¹²Laimamala e Sakaraia hilo e angelo la vovola pariri me la tilaga abi eia. ¹³Ala moli e angelo veiala mae,Sakaraia,umala tataga maie,lavula la Uru eia loloti la kilaka taume.E rutumu e Elisabet eia ge pigo amu isa e latumu,eme toi laisala e Ioanes.¹⁴Eme ge sagege sesele,egite usu ge sagege tela piligola. ¹⁵Mae lava,eia ge taola laisa ale uru oio la mata la Uru.E kama ge liu la wain me la lalu ale vagarigari,eia ge vulo la kalulu la marokala tela imamala eia oio la tia le tilala.¹⁶Eia ge abi usu la valalua me hatavivile le Israel ge vaipala la iruru tegiteu,egite tilimuli la Uru. ¹⁷Eia ge tahoka la vagarila mae e Elisa me eia ge goio mamuga te la Uru.Eia ge vikapopo e tamala me e latula la tia gira ge isa moli,me eia igo la valalua me hatavivile ale kama roro muli la merera te la Uru,egite ge abi la gabutala ale taritigi me la polou me la vulovulo oio tegite la valalua me hatavivile,eia ge igo la tia gite la valalua me hatavivile ge pou raragi te laimamala la Uru ge beua.¹⁸Me Sakaraia tahi e angelo,mave eiau rovi la merera taume age sesele?Eiau uruti e rutugu tai uruti. ¹⁹E angelo vei rivu ala mae,eiau e gabrel,eiau magiri tela mata la Uru.Eiau goma ge veiamu la merera ale halaba. ²⁰La merera eiau veiamu age sibitala tela imamala tela Uru,ala moli eme ka tautau la ilo oio la merera eiau veiamu.Ala eme ge harekomu eme kama ge vikara,kara tela la imamala ale latumu ge guvi.²¹E gite la valalua me hatavivile poutai e Sakaraia ge teterivu sogala te la luma tela Uru.Me egite gabutala papahi tela rova,eia pou taba oilo. ²²Mulmuli e Sakaraia gogala eia kamati vikara soio tegite ilava,la harela hare komu.Eia igo la merera vikapopo lalimala moli lavula la paga isa guvi tetala.Me igite la valua me hatavivile gabutala,eia soge mata lovi lamamala eia pou oilo la luma tela Uru. ²³Laimamala te sakaraia ge igo la igogolu mae e patere oilo la luma tela Uru kaluvu me eia beu rivua soio la luma tetala.²⁴Laimamala sahari mulimuli egite la papaga ale guvi,e rutula,e Elisabet savulatu me la taio ilima eia pou kokovu moli.Elisabet vei mae, ²⁵la Uru vei balava le eiau me eia igo eiau savulatu.Eia igo mae eia abitaro la mahelala taku loi tela mata gite la valalua me hatavivile.²⁶La taio ivolo oilo laimamala ale e Elisabet savulatu,La Uru baha e angelo e Gabrel soio la mautu e Nasaret,La mautu ale oio la galele Galili. ²⁷Eia goio vikara soio te la sobe isasa me egite waburoboa ge puli e Josep,la maratatila te suara e Davit.Me laisa le lasobe le e Maria. ²⁸Me angelo goio guvi oio te Maria me eia mera,"laharo,La Uru pou vikapopo eme me eia toi tigi emei me eia igo tigi emei!" ²⁹Ala moli e Maria gabutala papahi,ale eresa la merera male eia loloa.³⁰Me angelo veiala mae,umala tataga,Maria,La Uru tia sagege le eme. ³¹Eme ge savulatu ge pigo isa e latu ale hatamale,me eme ge toi laisala e Isus. ³²Eia ge pou kara mae eia ge uru,me egiteu ge toi eia latula tahalo Uru oata sesele.Me la Uru ge toria mae e king mae tubula e Davit. ³³Me eia pou mae e king tela maratatila te Iakop te laimamala tomi.Me la kaluvula ge ouka.³⁴Me Maria veiale angelo mae,la paga ale ge guvi mave,eiau solo lasobe eiau souka mavuta vikapopo isa la tahalo? ³⁵E angelo koli rivu la merera me eia veiala mae,"la kalulu ge gomai taume me la vagari tela Uru ge kirobo eme.Me e latu ale eme pigoa,eia ge maroka me egite ge toia e latu la Uru.³⁶Lolo,e halamu e Elisabet eia uru ti,ala moli eia savulatu eia ge pigo latu ale hatamale.Eia polo ti la taio ivolo ti,la tavile ale egite la valua me hatavivile gabutala mae eia kama ge pigo isa e latu. ³⁷Lapaga isa kama tivura tela Uru ge igoa. ³⁸E Maria vei mae,"eia,Eiau la tavile la igogolula tela Uru,age guvi taku mai moli eme veia.Me angelo heletaroa me eia tuga .³⁹Mulimuli te laimamala ale,E Maria pigo me eia igo hari soio tela olu oio la mautu uru e Iuda. ⁴⁰Laimamala eia guvi ti oio la mautu uru e Iuda,eia goio la luma te sakaraia me eia laharo ale Elisabet. ⁴¹Me e latu oio la tiale Elisabet eia sukuvulo,Laimamala Elisabet lolo la harola te Maria.La kalulu volu sesele oilo te Elisabet,me eia vaisale la isa la Uru.⁴²Eia tola kaharea eia veia maie,La Uru veitataho em,me eia abiamu la veibalavala loata tegite hatavivile ale isapolo, me eia vei balava sesele e latumu ale eme pigoa. ⁴³Eau ere e tila la Uru taku gomai hilo eau. ⁴⁴Loloa,la pepeso tabuli oilo la tiagu eai raga vikapopo la sagegela la imamala eau lolo la haro taume. ⁴⁵Eme ge sagege lavula,em tautaulailo maie la papaga tomi ale la Uru veiamu eia ge guvi sesele.⁴⁶E Maria veia,"latiagu vaisale sesele la isa la Uru. ⁴⁷Me la kalulu taku eia sagege sesele la Uru eia koli eiau.⁴⁸Eiau isa la tavile la igogolu la tetala ala moli laisa gu eia ouka,ala moli eia kama gabutaro eiau.Te laimamala ale igoi me te ale mulimuli,egite ge veia,La Uru igo tigi eiau me vei balava eiau. ⁴⁹Tela rova,la Uru tahoka la vagargarila eia igo la papaga ale uru somai taku me laisa gu eia maroka.⁵⁰La Uru gogo egiteu la valalua ale tau egite sotalo,me eia pou otalo la huluvala.Me eia gogo egiteu la valalua me hatavivile ale igoie,me tela valalua me hatavivile ale mulimuli sesele. ⁵¹La limala tahoka la vagarila.Eia kora muli ge abitaro egiteu la valalua me hatavivile ale tau laisa giteu oata.⁵²Eia abi taro e king loio tela la muli gite,ala moli eia igo tigi la valalua ale la isa igite ouka vavava.⁵³Me eia ababi la ilali ale tartigi soi tegite la valalua ale vitolo,ala moli eia pitataro egite la valalua ale tahoka la vuliti,me eia kama ababia gite isa la paga.⁵⁴Eia koli egite Israel,egite la bilalaha te tala.⁵⁵La imamala ale pala,eia veipalatia ge igo tigi egiteu.Ala eia tilimuli la merera te tala,me eia gogo e Abraham me egite latatu ale guvi igoe oio te la tiala, me ale mulimuli tai⁵⁶E Maria pou tomi le Elisabet kara mae la taio itolu,me eia hele taroa berivua soio la mautu te tala.⁵⁷Laimamala te Elisabet ge pigo e latula guvi eia pigo la pepeso ale hatamale. ⁵⁸ Egite la karakara me hala le Elisabet loloa mae,LaTahalo Uru igo tigi soio te tala egite sagege tomi le Elisabet.⁵⁹Tela logo ivalu ,egite puli e gilikiliki alele soio ge barautu la vovola.Egite la valalua me hatavivile pou kapopo te la haro alele,egite via ge toi la isala e Sakarias,mae lou la isa le tamala.⁶⁰Ala moli e tilala vei mae''ouka,la isala e Jon''.⁶¹"Me egite vieala mae la karakara tamuto la isala isa kama e Jon."⁶²Egite vikara vikapopo le tamala la lima,me egite tahia erese laisa eia ge abia le latula. ⁶³Me eia veia giteu ge abiala isa la paga eia ge kekesi oata ovola."Laimamala egite abiala,eia kekesi maie,laisa e Jon,egite tomoli iloa maie egiteu karutu.⁶⁴Kataba,la harele Sakaraia kope me eia vikara rivu,Eia vaisale laisa la Uru. ⁶⁵Egite ale pou hagagavi,egite karutu larova la Uru igoa te sakaraia.Egite goio veia gite isahari la rova egite iloa,la merera goio sibitala soio tomoli oio la gale la e Juda. ⁶⁶Egite ale lolo lavigelegelemulila,egiteu sautolea oilo la tia gite,egite vei maie,"eresa la paga ge guvi te latu ale,te laimamala eia ge uru?"Lavula la lima La Uru vikapopo leia.⁶⁷La kalulu la marokala volu oio te Sakaraia me eia vieapalea la merera ale tabuli kokovu, me eia vei maie, ⁶⁸ "vaisale Laisa la Uru,La Tahalo Uru tegiteu e Isrel.Eia gomai ge igo tigi egite la valalua me hatavivile tetala ge sagege.⁶⁹Eia baha isa loio la hili le King Davit gomai tamite,eia la vgargarila ge igo amite la pulou tamiteu ge taritigi. ⁷⁰La bilaha tela Tahalo Uru veiti la mera kokovula maie la paga ale ge guvi. ⁷¹La vaisulila loio te la gima gatou me lalima gite ale igo bara e tato.⁷²Eia igo la paga ale lavula eia gogo egite tubu gato me eia gabutala tai la kilisi, ⁷³eia igo vikapopo le Tama gato e Abram. ⁷⁴La Uru veisesele ge abitaro amite loio la vagari lima giteu la gima gato,me ge umala tataga ge lotu tavua, ⁷⁵La marokala mela vulovulo ale taritigi tataho tela la mahuli gato tomi.⁷⁶Eme e latugu,mulimuli egite ge toi eme maie labilaha tela Tahalo Uru oata sesele.Eme ge mamuga tela Uru ge raragi la gauru tetala,me la valalua me hatavivile te la bileu rivula tetala.⁷⁷Me eme ge veia giteu la valalua me hatavivile mae,La Uru masaga ge abitaro la iruru tegite me ge abi rivu egite.⁷⁸La Uru gogo egite lavula,me eia ge baha la maga la mautu lalage ge gomai ge suli amite, ⁷⁹Ge abia gite la valua ale pou oilo la maligoma me la kilisi me la iruru me la pileho.Me etato koramuli ge tuga oilo la gauru la tia maigila.⁸⁰Mulimuli e latula guvi uru me la kalulu la abi la vagarila.Eia goio pou oio la mautu bubu moli ale la tahalo isa kama ovola,kara maie laimamala ge valolo la merera soio tegiteu e Isrel a guvi.

Chapter 2

¹ Te la imamala ale,e sisa Ogastas eia tau isa la totorobola mae ,egiteu la valalua me hatavivile ale pou otalo la huluvale e Gavaman le Rom egiteu ge abi la isagiteu tomi.²Ale laimamala ale gigi egiteu tomi lavlalua me hatavivile ,lapaga ale guvi laimala e kwairinias eia pou mai la mulugaluga oio la mautu e Siria . ³Ala maie egite isasa ge goio la maututula tegiteu ge kekesi la isa.⁴E Iosep eia oilo la karakara te king Devit,ala maie eia heletaro e Nasaret tela galele Galili veia ge goio e Iuda tela mautu te Devit,laisala e Betlehem.⁵Eia tuga vikapopo tomi le e Maria ge goio ge tau la isala . E Maria eia savulatu,eia la uturobo te Josep.⁶Laimamala e gite guvi oio e Betlehem,oio tai laimamala ale te Maria ge pigo.⁷Lalumaluma tomi volu tomiti ala egiteugoio mavuta oio te la luma la kau.Eia taposa e latula ale hatamale laposolagu tetala,eia avu robo eia la kulikuli eia goio vitabulia oilo te la muli la ilali te la kau.⁸Te lalogo ale egite la tahalo la vibaumuli la sipsip egite pou robo la sipsip tegiteu ogala lamautu e Betlehem.⁹E anglo isasa sibitala tavu egiteu,la matagaga tela Uru sibitala robo egiteu ,egite taga pepeho sesele.¹⁰E Anglo veia giteu,''amuto uala ge tataga,eau vahari la valolola ale taritigi somai tamuto,lavalolola ale ge igo la valalua me hatavivile ge sagege. ¹¹Igoe tela imamala ale oio la mautu te Devit,la tavile isasa pigo isa e latula.E latu ale ge abirivu egite la valalua me hatavivile.eia e Krais la Uru.' ¹²Tio amuto ge rovilala eia maie.Eia la pepeso isasa egite pigirobo eia la kulikuli eia mavuta oilo la muli la ilali la kau.''¹³Karutu moli egite angelo mapaiti loata la mautu la sagegela,egite guvi vikapopo tomi le angelo alele,egiteu tomi vaisale laisa la Uru,egite veia mae, ¹⁴vaisale laisa la Uru ale oata sesele,otalo la magasa egiteu la valalua me hatavivile tai ge pou tiamadidi,la Uru tia tigi le giteu.¹⁵Tela la imamala egite angelo heletaro tia ge goata la mautu la sagegela,egiteu la valalua la vibaomuli la sipsip egite vei mae,tio etato ge goio e Betlehem,etato ge ilo larova guvi ale la Uru veia gatou ovola. ¹⁶Egiteu igo hari moli goio ge pamuli e Maria me Iosep,ge hilo la pepeso eia mavuta oio tela muli lailali tela kau.¹⁷La imamala egite hiloti eia,egite goio veipala la merera ale e angelo veia giteu tela pepeso. ¹⁸Me egiteu la valua me hatavivile lolo la rova egiteu la valua vibaomuli la sipsip veia mae,"egiteu gabutala papahi. ¹⁹Ala moli e Maria tau tomoli la merera tomoli oio la tia eia gabutala mulimulia. ²⁰Egiteu la valalua la vibaomuli la sipsip beurivua,egite vaisale laisa la Tahalo Uru,tela papaga egiteu loloa me egite hilotia.La papaga guvi mae e angelo veia giteu.²¹Te lalogo ivalu poloti te la imamala e tilala pigo eia,egiteu koro la vovola,egite tola eia e Jisas.La isa ale e angelo toi leia la imamala e tilala souka savilatu eia.²²La imamala ale ge guvi maroka oio la mata la Uru akalvuti,mai la totorobo la te Moses veia e Maria me Josep ge puli e latu girua soio la luma la lotu e Jerusalem ge abia la Uru.²³Egirua tilimuli la totorobo te la Uru mai la merera veia,egite la posolagu tomi ale hatamale e tilala pigoa,ge abia la Uru.²⁴Egiteu igo la vabila ale tilimuli la merera te la Uru eia veiagite abi ulua la maorelaba la kuru mai la vabila.²⁵Tela imamala ale la tahalo isasa oio e Jerusalem,la isala e Simion,eia la tahalo isa la vulovulola tartigi,eia la tahalo la lotu tavu la Uru.Eia pou tatali la tahalo ale la Uru turia ge igo la tia malili le giteu e Israel,la kalulu la marokala pou tomi le eia.²⁶La kalulu la marokala vei ala maie,eia kama ge peho hari.Ouka,eia ge hilo muga e Krais la Uru.²⁷ La Kalulu la Marokala eia vaihiliti e Saimon mai eia ge goilo la luma la lotu.E tama me tila le Isus egirua vahari eia ge igo la vulovulo la marokala soio te tala mai la totorobo te Moses veia.²⁸ E Simion bokoa meia sautolea te la limala,eia vaisale la isa la Uru,eia vikara maie.²⁹La Uru igoe eme ge vitugea la tahalo la igogolula taume vikapopo la tia maigila,mai la merera taume veia.³⁰Igoe la matagu hiloti larova eme igotia ge abirivu amiteu.³¹Ale eme raragitia la mata giteu tomi la valalua me hatavivile tomi.³²La matagaga isa eia viguvi la merera la kokovula tau me,tegiteu la valalua me hatavivile isa polo,me eia ge bole vauru la isa le Israel,ale e giteu la valalua me hatavivile taume.³³E tama me tila le Isus egira kama gabutala tigi te la merera ale egira loloa.³⁴E Simion toi tigi la vei balavala soio tegirua,eia vei ale Maria e tila e Isus,loloa,e gulikiliki ale la Uru turi eia te la valalua me hatavivile usu pepeho oio e Israel,ge boru me ge igo isahari ge hiliti lou.Eia ge magiri mai la irovila tegiteu lavalalua me hatavivile ale kama masagea.La gabutatala tegiteu la valalua me hatavivile ale tabuli kokovu ge guvi palala.³⁵Eme tai ge abi isa la iligiligi ale uru sesele,mai la iloburukola ale uru tai,eia ge ubi la hatemu mai la viso ale la kirarala ilua.³⁶ La bilalaha te la Tahalo Uru isasa la isala e Ana eia tai oio le.Eia e latu le Panuel me eia hatavile,eia la hili le Asa.Eia lapuluti.Eia taulai me eia pou karamai la leavala ivitu tomi me haruala.³⁷Me eia guvi mai la tavile ale e haruala pehoti,eia pou karamai tela leavala savulu ivalu gete ivaeia pou bubu moli.E Ana kama hele tataro la luma la lotu,eia peremu la ilali me eia kakaka te la haro me te lalogo bibibi.³⁸Tela imamala alele e Ana goio hagavi te gulikiliki ele eia vaisalela isa la Uru.Eia valolo la merera te Isus soio tegite lavalalua me hatavivile ale pou talia la Uru ge abirivu egiteu la valalua me hatavivile ale oio e Jerusalem.³⁹Tela imamala egite igo kalivuti la papaga tomi mai la totorobola te la Uru eia veia,egiteu beurivua soio e Galili,Te la mautu tegiteu sesele e Nasaret.⁴⁰E Isus guvi uru me eia vagari sesele .Eia tahoka la gabutatala ale uru me lagilogo te la Tahalo Uru eia pou tai tetala.⁴¹Te la leavalavala tomi e tamale Isus me tilala goio e Jerusalem ge hilo la logo ale uru te la ilali la pas ova.⁴²La imamqala e Isus tahoka la leavala savulu sa gete lua,egite tilimuli la vulovulo la pulou vikapopo te la logo ale uru,me egite beurivua soio e Jerusalem.⁴³Laimamala ale la logo la lotu uru kalivuti,tio egite veiage beurivua soio la mautu tegiteu.Alamoli e Jisas e Jisas pou rivu oio e Jerusalem,e tamala me tilala ka roviia mai eia pou rivu.⁴⁴Tio egiteu gabua veia e Jisas oio tilimulimuli vikapopo tomi le egiteu la valalua ale vituga vikapopo le egiteu,alamoli egiteu tugati la logo isa kalvuti.Mulimuli egiteu soko la pamuli eia kabili te gite tabarabara giteu tomi le rovai giteu.⁴⁵Ala moli egiteu kama hiloa,egiteu beurivua soio e Jerusalem ge pamuli lou eia.⁴⁶Mulimuli la logo la itolula,egite pogea oio la luma la lotu,eia oio pou vikapopo le giteu la tahalo la vimari,eia lolo egiteu vikarakara eia tahi rivu egiteu.⁴⁷Egiteu lavalalua tomi ale popou egite lolo eia,egite karutu la maga ale oilo te tala me la merera ale eia kolia.⁴⁸Egira hilo eia me egira karutu,e tilala goio vei ala mae,latugu,ilava eme igo la vulovulola ale somai tamilua?Lolo, amila me tamamu tia tukumu sesele amila pamuli eme.''⁴⁹Goio e Isus koli la merela tegirua,telava amula pamulimuli eiau.amulua kama rovia,maie eiau ge pou te la luma te tamagu?''⁵⁰Ala moli egirua kama rovi tigi la masivo la merera tetala eia kolia.⁵¹Tio eia beurivua soio la mautu vikapop egirua soio e Nasaret,me eia loloa eia tilimuli tataho la merera tomi te giteu.E tilala gabutala tomi la merera oio la tiala eia sautolea.⁵²E Isus eia guvi uruti vikapopo la maga,me la Uru masaga sesele eia me egite la valalua me hatavivile tai masaga eia.

Chapter 3

¹Te la leavala savulu sa gete lima te Sisa Tiberius pou mae King. E Pontus Pailet eia mamuga la gale le Judea,me Herot eia pou la mulugaluga oio e Galili, me tabarala e Filip eia mamuga tai oio e Ituria me Trakonitis,me Lisanias eia la mulugaluga le Abilene.²Te laimamala ale Anas me Kaiapas egirua pou mai e Hetpris,la merera te La Uru gomai te Jon e latu le Sekeraia oio la ba bubu moli.³Ala mae eia goio la maututula oio la lalu e joden,eia valololo soio tegiteu lavalalua me hatavivile vevei agite ge vulo la tia gite te la iruru tegiteu me ge vuhi me La Uru ge lube egiteu loio te la kilisi.⁴Mai la merera ale oio la buk te Profet Asaiah,''la golu isa tatola oio la babubu moli la valalua ouka,ilipa la gauru la Uru,igoa la gauru ge matata.⁵Oli robo la malulu tomi,me olia sotalo la maitete tomi me la gauru ale makoko,me igo tigia la gauru oio la ba ale katartigi.⁶Me egite lavalalua me hatavivile ge hilo la igogolu te La Uru aigoa te la abi rivu e tatou.⁷Usu tegiteu la valalua me hatavivile gomai te Jon ge vuhi e gite ala moli eai vei a gite maie,amuto latatu le taive ale ka tartigi!ere vei amuto maie,La Uru tia mamasi me eia ge igo bara sesele amuto.me amuto wei age hele ge polo pepe taro la tikukumu la alei e?⁸Amuto ge vei pala la iruru me vikara gogo te la iruru tamuto me amuto umala ge vevei mae,Abraham eia e tama mite,la sesela eiau vei amuto mae La Uru eia tahoka la vagarila ge viguvi lavatati ale ge guvi mae e latatu le Abraham.⁹La pemu tabuli raragiti oio la vuhu la obu.Mai la obu isa ka vua tigi ,tio egite ge toloa la obu alele ge pigia soio te la havi.¹⁰ Tio egite lavalalua me hatavivile lolo lava e Jon veveia me egite tahi lou a,amite ge igo mave.¹¹Eia koili agite mae,mai isa tamuto tahoka ilua la kulikuli,tio eia ge abia la tahalo ale ka tahoka isasa.Me la tahalo ale tahoka la ilali eia ge abia le la tahalo ale ka tahoka.¹²Egite la valalua ale ababi la takis gomai te Jon veia eia ge vuhi e gite,me egite tahia,Tisa,amite ge igo mave?"¹³Tio e Jon vei agite mae "amuto umala abi ususu la takis ,amutoi ge abi moli mai ale e Sisa taua muto ge abia."¹⁴Goio e gite lavalalua la vaubi tai tahia,age mave tamite?a mite ge igo mave?goio eia kolia gite maie,"amuto umala vasigologolo ge tau bubu moli sahari la valalua soio la iruru ge vagari ge lapu la vati te gite.a muto ge rovia mae,la rova la mapa muto ale amuto ababia a kora muli amuto."¹⁵Egite lavalalua me hatavivile loloa egite gabutala papahi, Soge e Jon eia e Kraist egite poutatalia ge gomai. ¹⁶Ala moli e Jon vei agite mae,Eiau vuvuhi moli amuto la lalu, ala moli la tahalo ale mulimuli,a tahoka la vagarila oata taku. Eiau kama la tahalo ale tartigi ge lube la mota la sedel te tala.Eia ge vuvuhi le amuto la Kalulu la Marokala me la havi¹⁷Eia ge gomai tomi la savol oio la limala ge hilovi tigi la vavua la wit ge vikapopo egite oio la luma la tilau la wit. Ala moli Eiau ge selu la maroa la wit oio la havi ale kama pepeho."¹⁸Jon valolo la merera te La Uru soi te la valalua me hatavivile lou vikapopo tomi la merera isahari lou ge ubi la tia gite ge tautaro la vulovulo giteu ale ka tartigi. ¹⁹La imamala e Jon igo totolo e Herot,e Gavana tegite. Ilava eia puli loua e Herodias e rutule tabarala, vikapopo tomi la vulovulo ale kama tartigi e Herot igoa, ²⁰Herot igo lo sahari la iruru, eia tau e Jon soio la luma lakilisi.²¹Te la imamala e gite lavalalua me hatavivile vuhi tomiti,E Isus vuhi tamai, La imamala eia vuhi kalvuti eia goio kaka la ilo lalage kope, ²²La Kalulu La Marokala sibitala mai la malu isa egite toila la kuru gomai pou oata te tala, La golu isa tola loata la lage maie,"Eme e latugu sesele eiau masaga pepeho sesele eme, La tiagu sagege pepeho sesele le eme."²³La imamala e Isus soko laigogolu, la leavala tetala savulu tolu. Eia la tahalo (eia mahela ) le Josep, eia e latu le Heli, ²⁴E Heli eia e latu le Mathat, me Mathat eia e latu le Livai, me Livai eia e latu le Melki, me Melki eia latu le Janai, me Janai eia e latu le Josep.²⁵E Josep eia e latu le Matataias, me Matataias eia e latu le Emos, me Emos eia e latu le Naham, me Naham eia e latu le Esli, me Esli eia e latu le Nagai, ²⁶E Nagai eia e latu le Mat, me Mat eia e latu le Matataias, me Matataias eia e latu le Semein,me Semein eia latu le Josek, me Josek eia e latu le Joda.²⁷E Joda eia e latu le Joanan, me Joanan eia e latu le Resa, me Resa eia e latu le Serubabel, me Serubabel eia e latu le Salatiel, me Salatiel eia e latu le Neri, ²⁸Me Neri eia e latu le Melki, me Melki eia e latu le Adi, me Adi eia e latu le Kosam, me Kosam eia e latu le Elmadam, me Elmadam eia e latu le Er, me Er eia e latu le Josua, ²⁹E J osua eia e latu le Eliasa, me Eliasa eia e latu le Jorim, me Jorim eia e latu le Mathat, e Mathat eia e latu le Livai.³⁰E Livai eia e latu le Simion, me Simion eia e latu le Juda, me Juda eia e latu le Josep, me Josep eia e latu le Jonam, me Jonam eia e latu le Eliakim, ³¹Me Eliakim eia e latu le Melia, me Melia eia e latu le Mena, me Mena eia e latu le Matta, me Matata eia e latu le Natan, me Natan eia e latu le Devit, ³²Me Devit eia e latu le Jesi, me Jesi eia e latu le Obet, me Obet eia e latu le Boas, me Boas eia e latu le Salmon, me Salmon eia e latu le Nason.³³E Nason eia e latu le Aminadap, me Aminadap eia e latu le Edmin, e Edmin eia e latu le Ani, m Ani eia e latu le Hesron, me Hesron eia e latu Peres, m peres eia e latu le Juda, ³⁴E Juda eia e latu le Jekop,me Jekop eia e latu le Aisak, Aisak eia e latu le Abraham,m Abraham eia e latu le Tera,meTera eia e latu le Naho, ³⁵E Naho eia e latu le Serug,me Serug eia e latu le Reu, me Reu eia e latu le Peleg, me Peleg eia e latu le Ebe, me Ebe eia e latu le Sila.³⁶Me Sila eia e latu le Kainan, E Kainan eia e latu le Afaksad, E Afaksad eia e latu le Sem, Me Sem eia e latu le Noa, E Noa eia e latu le Lamek, ³⁷Me Lemek eia e latu le Metusela, E Metusela eia e latu le Enok, E Enok eia e latu le Jared, me Jared eia e latu le Mahalalel, E Mahalalel eia e latu le Kenan, ³⁸E Kenan eia e latu le Enos, E Enos eia e latu le Set, E Set eia e latu le Adam, E Adam eia e latu le God.

Chapter 4

¹Tio e Isus, eia volu sesele la Kalulu La Marokala, beurivua loio la gale la lalalu e jodan me La Kalulu La Marokala pulia soio la ba bubu moli, ²Lalogo savulu va e satan tovolalaia. Eia kama ali isa la ilali te laimamala ale le, kara mae la kalivuluvu la logo alele eia peho la vitolo la.³E satan vei ala maie, ''Mai eme e Latu le Deo, vei ala vati ale ge guvi mae la beret,'' ⁴E Isus koli ala mae, ''Mae egite kekesitia, la valalua kama ge mahuli te la beret moli.'''⁵Tio e satan goio pulia soata la gove eia vahilo le eia la maututu la tomi. ⁶Esatan vei ala mae, "Eiau ge abi tomiamu la maututula ale me la marasala tomi, me la papaga tomi ale a te gaku, me eiau koramuli ge abi ala la tahalo isasa te la masagala te gaku. ⁷Tio, mae eme ge lotu tavu eiau, eiau ge abi amu.''⁸Ala moli e Isua vei ala mae, ''Mae egite kekesitia, 'Eme ge lotu tavu moli la Uru e Deo taime, me ge togo moli eia samoli sekela.'''⁹Goio e satan puli e Isus soio e Jerusalem me eia tau sesele eia oata la varu la luma la lotu, me eia goio vei ala mae, mae eme e latu le Deo, eme ge raga sotalo, ¹⁰Mae egite kekesitia, E Deo ge baha taro egiteu e angelo te tala ge baumuli eme,' ¹¹me,' egite ge saukoli eme te la lima gite, la vuta la vahamu kamage putua te la vati.'''¹²Koli la merera te tala, e Isus vei mae,'' mae egite kekesitia, eme umala tovolalai La Tahalo Uru eia e Deo taume.'''

¹⁴Tio e Isus beurivua soio e Galili oilo la vagarila te La Kalulu Lamarokala, me la isala vavava soio te la maututla tomi te la ba tomi alele. ¹⁵Tio eia soko la vimari egite la valalua oilo la luma la lotu egite tomi vaisale moli la isala.¹⁶Eia beu rivua soilo e Jerusalem, la mautu ale eia uru ovola, mae, ale la vulovulo la lotu te gite, eia goilo la luma la lotu me eia magiri oata ge gigi vagari. ¹⁷Egite goma abi ala la buk te propet Isaia. Eia kopea la buk alele me eia pogea la merera ale egite kekesia,¹⁸La Kalulu la Uru oata ti taku, ilava eia visaiti e iau ge vei la merera te la La Tahalo Uru soio ter giteu ale morivava. Eia baha eiau ge ve pala ge lube egite ale oilo la kilisi egite ale mata kea,ge lube egite la valalua ale egite igo barabara egite, ¹⁹veia eau ge vei pala la lea vala la isulusu te la Tahalo Uru.''²⁰Tio agoma pilu rivu la buk, me eia abi rirua gite la valalua, me eia pou otalo. La mamata gite tomi ale oilo la luma la lotu goata moli te tala. ²¹Eia soko la merera soio te gite,'' Igoe la merera te la Tahalo Uru a puruti mae amuto lolotia." ²²Egite tomi vikara sae soio te tala me egite karutu selele la merera ale guvi loio la harela, me egite tatahi mago ale soge ere," ale kama e latule Josep?"²³Eia vei agite,'' Asesele amuto ge vei la merera ale somai taku,'Dokta, vimahuli lo eme. Larova mae amite loloa eme igoa oio e Kapernaum, igo loua oio la mautu taume.''' ²⁴Ala moli eia vei mae, eiau vei sesele amuto, la bilalaha isa kama koramuli egite ge loloa oio lamautu tetala lou.²⁵Ala moli la seselela Eiau vei amuto mae egite baharuharu usu sesele oio e Israel te la imamala te Elaisa pala, la mori kapi kara mae la leavala itolu me lataio ivolo me la vitolo la uru guvi oio la ba tomi. ²⁶Ala moli La Uru kama baha e Elaisa soio te isa, ala moli eia baha eia soio te Serapat oio e Sidon, e baharu isa popou oio la ba alele. ²⁷Egiteu ale sereka reka usu sesele oio e Israel te la imamala te Propet Elaisa, ala moli isa tegite kama mahuli e Naaman moli la tau e Siria.''²⁸Egite la valalua me hatavivile oilo la luma la lotu lolo la merera ale egite igo totolo. ²⁹Egite hiliti, baha taroa sogala la taun, egite lapua soio la gove oata la maitete ale la taun tegite oio vola, lavuta egite vei age pigia sotalo la vai la gove. ³⁰Ala moli eia polo posa moli kabili te gite me eia goio tele mautu isa lou.³¹Tio eia gotalo e Kapeniam, oio e Galili, eia goio soko la vimari egite te la imamala la Lotu. ³²Egite karutu sesele te la merera te tala, lavuta la vikararala te tala tikumu bara sesele.³³Tio oilo la luma la lotu la tahalo isa la hitu ale kama kokora pou tetala, eia tola vagari mago, ³⁴A ge, amite ge igo lava soio taime, Isus le Nasaret? Ila eme gomai veia ge hipou bara amite? Eiau rovi eme-eme La Tahalo la marokala te La Tahalo Uru!"³⁵E Isus goio vikara gusi ala, mago,"Makovu! Hele taroa!"La imamala la kalulu laba la tahalo elele kabili te gite,eia hele taroa, me eia kama igo gegerua.³⁶Lavalua tomi karutu ala egite vitahi baololi kabili lou tegite. Egite vei mago,''la vikararala ale mave? Eia kumuli taro la hituhitu vikapopo tomi la vagarila me egite hele sogala.''³⁷Tio la rerela tali soio te la maututla tomi te la ba alele.³⁸Tio e Isus goio hele taro la luma la lotu me eia goio la luma te Saimon. E loale Saimon oio lalea la vovola tivuravura, egite kaka veia e Isus ge vaisulia.³⁹Tio eia goma magiri roboa me eia vikara vagari soio te la ilea alele, la ilea ale goio hele taroa. Igo hari moli eia hiliti oata igo agite lailali me abi agite ali.⁴⁰Mai la haro gotalo, la valua me hatavivile gomai te Isus egite tomi ale lalea la vulovulo la maligoma tai. Eia tau lalimala oata tegite tomi isasa. ⁴¹La kalulu barabara gogala tomi tegite isasa, egite taitali veimaie, "Emei e latu le Deo!"E Isus korosi egite la kalulu barabara egite kama vikara, lavula egite rovia ale eia e Kraest.⁴²Te la kavukoki isa, eia tuga soio la bulahu moli isa. Egite valalua me hatavivile pamulimulia egite goio sibitala oio la ba ale eia oio vola. Egite veiage sautolea veia eia umala ge tuga tataro egiteu. ⁴³Ala moli eia vei agite mago,'' Eiau ge vei palala tai la merera te Deo soio te la maututula tai isahari, ilava ale la masivola gomaila tegaku.'' ⁴⁴Tio eia goio valolo oio la luma la lotu tomi io e Judea.

Chapter 5

¹Laimamala isasa, e Isus magiri la parava la magolilo e Genesaret, laisala isa lou e Galili eai valolo soio tela valua me hatavivile.²E Isus hilo ilua la waga le parauo hagavi la parava.La valua lailapu laia heletaro waga oio egite goio vuhi la vuo oio tela ba aleio. ³E Isus goio sae isasa tegite la vaga alele,ale te saimon.E Isus tahia ge sugutaro la vaga sogala kabili bakisi,eia pou la ba aleio aviemari la valua me hatavivile.⁴Laimala e Isus kaluvu la viemari la valua me hatavivile,eia viale Saimon ,"Abi la uaga gogala la ba ale roro mulimuli tau la vuo taume gotalo ge abi laia." ⁵E Saimon koli la merera tetala,"Tahalo Uru, amite igogolu vagari alalogo ti alamoli amite kama abi isasa. Alamoli eiau tau la vuo taku sotalo la lalalu mai eme viea." ⁶Laimala egite igoa mae,egite abi usu laia la vuo ga masile. ⁷Eiala egite tola egite ale vaigogolu vikapopo la vaga gomai koli egite. La vaga iolua tomi volu sesele laia ala egira ga tilomu.⁸Laimala Saimon Pita, hiloa lapaga ale,eia boru sotalo la vaha le Isus' eia viemaie,"La Uru,eme hele taro eiau eme ge tuga,eiau la tahalo la iruru sesele." ⁹Lavula ilava,eia vikapopo tomi le tabarabarala egite karutu la vula ilava,eia igo halaba isasa la paga. ¹⁰Avisauru moli mae egira tahalo la igogolu tetala,e Jems me e Jon, egira latule Sebedi. Isus veiale saimon,"Eme umala tataga,igoe eme ge abi la valalua." ¹¹Egite vore soilo la parava,me egite heletaro la vaga mela papaga tomi tegite mulimuli egite tili muli e Isus.¹²Laimala e Isus pou oio la mautu,la tahalo isasa tahoka la ilea la sereka volu volu oio la vovola a gomai.laimala eia ilo e Isus,eia tetetulu,tau la lagula sotalo la magasa eia tahi e Isus,tahalo Uru,mae eme masaga,eme ge igo tigi eiau." ¹³E Isus tau la limala oata tetala aveia,"Eiau koramuli ge vikalivu la ilea taume.Eme koramuli ge guvi tigi."Karutu moli la ilea la sereka heletaro eia.¹⁴E Isus abiala la vikara vagarila,"Eme umala veia la tahalo isasa la rova guvi taume,ala moli eme goio vahilo eme lou soio tegite pris.Eme igo la tabarila mae la totorobola te Moses veia.Lapaga ale ge guvi mae la vitahola tegiteu.¹⁵Ala moli,vikara goio la baba tomi.Me egite lavalalua me hatavile gomai te Isus ge lolo la merera tetala,eia lou ge igo tigi la ilea tegite. ¹⁶Ala moli laimamala isa hari e Isus heletaro egite eia goio la ba ale la valua isasa ouka eia kaka.¹⁷Laimamala isasa e Isus veimari egite la valua me hatavile,oio tomi la ba alele egite Farisi me egite la valua la veimari totorobola oilo la mautu e Galili me la ba e Judia mela ba e Irusalemme egite oio popou.Me la vagarila te la Uru volu oilo tetala eia ge igo tigi la valua la ilea.¹⁸La valua isahari boko la tahalo isasa eia tahoka la ilea,la gale la vovola isa pehoti.Egite pamuli la gauru ale ge puli hagagavia soio te Isus. ¹⁹Usu la valalua me hatavivile la ba volu sesele ,eala maie egite pulia soata la varu la luma .Egite lubea sotalo vikapopo la mota me la poro tetala,kabili te la valua me hatavivile hagavi la vaha le Isus.²⁰Laimala e Isus hilo la tautailailo tegite,eia veia,tabaragu,eiau abi taroti la iruru taume.''²¹Egite paresi me la valua la veimari la totorobola soko la gabutala papahi tegite lou.Ere sa la tahalo eia vikara vile la Uru.Erese tahalo mulimuli te la Uru kora muli ge abi taroa la iruru te la tahalo.²²Ala moli e Isus roviti la gabutatala tegite,eia veia gite maie,ilava amuto gabutatala papahi oilo la tia mutou? ²³Larova kama tivura ge veia,'Eiau abi taroti la iruru taume o vei maie,hiliti tuga? ²⁴Ala moli amuto rovia maie,latu la tahalo eia tahoka la tilogoo otalo te la magasa eia ge lube la kilisi tegite la valalua me hatavivile.Me eia veia la tahalo la ilea,''Eme hiliti,abi la moe taume goio la luma taume.''²⁵Karutu moli la tahalo hiliti,eia abia la muli la lou eia tuga eia vaisale laisa la Uru.²⁶Egite la valalua me hatavivile egite karutu la paga aleie egite vaisale la isa la Uru.egite moimoge la paga isahari goma egite veia,''Amite hilo la paga ale isa polo sesele te la logo ale igoe.''²⁷Mulimuli la paga aleie,e Isus hele taro egite atuga me eia hilo la tahalo la ilabi la makodo laisala e Livai pou oio la ba la ilabi la makodo.Isus vei ala maie,''Tilimuli eiau.''²⁸E Livai hele taro la papaga tomi eia hiliti tilimulia.²⁹E Livai igo sauru la ilali le Isus oio la luma te tala.La valua usu te lailabi la makodo me la valua isahari lou ali vikapopo tomi le egite.³⁰Ala moli egite Parisi me la valua la vei mari la totorobo la vikara papahi me la bilaha ale te Isus,egite vei maie,''Ilava amuto alali liliu vikapopo la valua la ilabi la makodo me lavalua la iruru? ³¹E Isus koli la merera tegite maie,''Egite la valua me hatavivile kama tahoka la ilea egite kama ge hilo e dokta,ala moli lavalua me hatavivile moli tahoka la ilea egite ge hilo e dokta.³²Ala moli,eiau kama gomai ge tola la valua me hatavivile ge lapu matata la iruru tegiteu,eiau goma tela valua me hatavivile ale tahoka la iruru ge lapu matata me ge volu la tia gite."³³Me la valua vei e Isus,''Egite la bilaha te Jon egite rovi la peremu la ilali egite rovi la kilaka,me la bilaha tegite parisi tai.Ala moli la bilalaha taume egite rovi la ilali me la iliu.³⁴E Isus kolia gite ,''Mai la tahalo isasa masaga ge taulai eia pou vikapopo tomi le tabarabarala,egite tabarabarala gomai ge peremu la ilalila.³⁵Ala moli la imamala isa ge guvi la tahalo la taulaila ge tugati eia kama ge oio tomi le egite.Laimamala ale egite ge peremu la ilali.''³⁶E Isus vei isasa la vikarala ale tau la tataba oio tegite,''Isa kama rovi la silile bakisi la kulikuli isasa ge sahia soio la kairobo ale palati isasa.Mai eia ge igoa maie,la kairobo ale isasa ge masile.Me la kulikuli ale halaba kama koramuli ge vikapopola kairobo ale palati.³⁷Me isa kama rovi la silaho la wain ale halaba soilo la kulikuli la meme.Mai eia ge igoa maie,la wain ale halaba ge sile la kulikuli la meme ale pala me la wain ge pagegele age igo bara la kulikuli la meme.³⁸Ouka,la wain ale halaba ge goilo la kulikuli la meme ale halaba.³⁹Me la tahalo isasa soukamato liu la wain ale palati,eia masaga la wain ale halaba.Me eia vei maie,''La wain ale pala a tartigi sesele.

Chapter 6

¹La iamamala isa te la logo la sabat e Isus tuga kabili la mahuma la wit,me egite la bilaha tetala abi la tatula wit me egite abitaro la kulikulila me egiteu alia. ²Ala moli egite Faresi hilo egteu me egite vei mae,"Ilava amutou igo lavulovulo ale kama taritigi te la logo la sabat?"³E Isus koli rivu la merera tegite mae,"amuto kama gigi lava e Davit igoa la imamala ale eia vitolo,eia vikapopo egite la valua tetala?" ⁴Eia goilo la luma tela tahalo Uru abi la beriti ale egite taua mamuga la mata la Uru,me eia ali sahari,me isahari eia abia giteu lavalua ale vikapopo eia alia,ilava ale tegite pris moli ge alia ala vula la totorobola ovola." ⁵M e Isus mera vagari soio tegite mae,"Latula la Tahalo Uru eia moli la muluga la sabat."⁶La imamala isa lou tela sabat e Isus gali soilo la lotu me eia veimari egite la valalua hatavivile oilo vola.La tahalo isasa oilo la ba alele la limala e gata peho. ⁷La valua la totorobola vikapopo egite e Faresi tau la taba te Isus so ouka mato age imahuli isaisa te la sabat,me oio tai egite ge pamuli isa la iruru oio tetala mae age imahuli isa oio la sabat. ⁸Ala moli eia rovi matagaga la gabutala gite,meia eia veiala tahalo ale la limala peho,"hiliti oata magiri kabili tegite tomoli."Ala la tahalo hiliti magiri la ba alele.⁹E Isus vei maie soio tegiteu,"eiau tahi eme,aeia la totorobola oio la sabat tela taritigila o la kamakokorala,tela imahuli o tela valilobela?" ¹⁰ Mulimuli eia mata soio tegite tomoli meia viela la tahalo,"limarara la limamu ele."Meia lolo la limala taritigi rivu. ¹¹Ala moli lagabutala gite volu la paula ale kama bisi,ala moli egite vikara kabili tegiteu lava egite ge igoa soio te Isus.¹²A guvi oilo tela logo isahari eia tuga sogala la olu ge kaka.Eia kaka la logo alele soio moli tela Uru.¹³La imala la haro,eia tola vikapopo la bilaha tetala,meia maki savulusa te ilua,meia toi egite la bilaha.¹⁴Laisa giteu la bilaha tetala e Saimon(eia toi loua e Pita)me tabarala e Andru,e Jems,e tomas,e Jon,e pilip,e Batolomiu, ¹⁵e Matiu,e tomas,e Jems latule Alfeus,e saimon eia tatolea e Zelot, ¹⁶e Judas latule Jems,me e Judas Iskariot,la tahalo la valolola.¹⁷Mulimuli e Isus vikakapopo egite labilaha tetala sivo sotalo la olu,me eia goio magiri vikakapopo egite tomi la bilaha tetala oio la ba ale malulu.Egite tomi la valua me hatavile tela ba tomoli oilo e Judea me Ierusalem,vikapopo la mautu e Taire olau la mago me e Sidon gomai iloa. ¹⁸Egite gomai ge lolo la merera te Isus oio tai egite ge abi la imahulila te lailea.Lavalua ale kama taritigi,oio tai egite ale tahoka la kalulu ale kamakokora tai abi la mahulila. ¹⁹Egite tomoli ale vikakapopo la ba alele masaga sesele ge pilau e Isus,ge abi la vagarila ale loilo tetala,gologala,me e Isus imahuli egite tomoli.²⁰Mulimuli eia matavu egiteu la bilaha tetala meia mera maie,"egite la lavalua me hatavile ale kama tahoka isa la paga egite ge sagege,alavula la muluo tela tahalo Uru eia tegite. ²¹Egite la valalua me hatavile ale masali egite ge sagege,la Uru ge ivolu egite.Egite la valalua me hatavile ale tali gogori,egite ge sagege la vula la Uru ge toi tigi egiteu,me egiteu ge tahoka la tia sagegela.²²Eme ge sagege mae egite la valua kama masagame,me egite ge tautarome me ge taume ogala me ge abitaro laisamu mae eme la mumugu,ala vula te laisa latula tahalo Uru. ²³Me tela logo ale eme ge viraga la sagegela,ala vula la tiliba taume isauru la Uru raragi tia oio la mautu la sagegela.Eme ge rovia maie pala te tubu giteu,egiteu igo la vulovulo ale visauru soio te giteu e Propet te la Uru tegatou.²⁴Ala moli la tia gogorila soio te gite ale tahoka la papaga usu,ala amuto abi tomoliti la papaga tela pulou vikapopola ale taritigi. ²⁵La tia gogorila goio tegite ale ali maru igoe,mulimuli amuto ge masali la tia gogorila soio tegite ale lege lege igoe,mulimuli amuto ge pou gogori ge tali.²⁶La tia gogorila soio tamuto mae egite lavalalua igo la merera ale taritigi soio tamuto.La vulovulo ale visauru mae e isu mutou pala igo la merera ale taritigi soio tegite ale kama vei la merera la seselela.²⁷Ala moli eiau mera soio tamutou ale lolo la merera igoe,amuto ge masaga egite lagima mutou me amutou ge vailo la vulovulo ale taritigi soio te giteu ale kama masaga amuto. ²⁸Amutou ge tahi la Uru te la tiloi tetala ale taritigi soio tegiteu la valalua ale pigi la merera ale kama taritigi soio tamutou.Me amuto ge kaka soio tela Uru la tiamadidila soio tegiteu lavalua ale igo la vulovulo ale kama taritigi soio tamutou.²⁹Mae isasa ge sabala la galemu,me eme ge abi loua la galemu ale isa age sabalea.Mae isa ge abi la kilai taume,korale eme ge abiala age tahokea. ³⁰Mae isa tahi la la papaga soio taume,me amuto ge abia giteu.Mae isa ge abi la papaga taume korale umala tahi rivu eia ge abiamu.³¹Mae eme masaga la vulovulo ale egite igoa soio taume,Eme tai ge igo taia soio tegiteu. ³²Mae moli eme ge masaga egiteu lavalalua ale masaga eme,eme gabutala la Uru ge igo tigi tai la vulovulo ale soio taume?Me egite tai ale kama kokora masaga tai egite ale masaga egiteu. ³³Mae eme igo la vulovulo ale taritigi soio tegiteu ale igo la vulovulo ale taritigi soio taume,eme gabutala La Uru toi tigi eme?Egite tai la valua ale kamakokora igo tai la vulovulo alele. ³⁴Mae eme abia giteu lavalua ale eme gabutala egite ge koli rivua soio taume,larova eme ge abia mulimuli loio tela Uru?Egite lavalua ale kama kokora abibia giteu ale kamakokora,me egite ge abi rivu loua mae la makodo.³⁵Ala moli eme ge masaga egiteu ale kama kokora oio tai igo la vulovulo ale taritigi soio tegiteu.Abia giteu, umala tahi rivurivu lou,me mulimuli eme ge abi la mapamu ale uru sesele,eme ge guvi mae latula la tahalo Uru sesele.Meia moli taritigi soio tegiteu ale kama taritigi,oio egiteu la valua ale kama kokora. ³⁶Ala amuto ge tau la tia gogorila,mae muli e Tama gato La Uru tai tahoka la tia gogorila tegato tomi.³⁷Umala vailoilo,me eme kama ge vailo.Amuto ge lulu la iruru te tabaram me la Uru ge lulu la iruru tamuto tai.³⁸E Isus veia oata mae,etato ge abiale tabaragato la papaga,me la Uru ge abia gato tai la papaga.Age ivolu etato la papaga,age tahoa sotalo me age ivolu tomi lapapaga kara mae age tigivolu.E Isus veia gite la bilaha tetala la merera kokovula."Akora muli la tahalo ale matakea isa ge vailo la gauru soio te tabarala ale matakea?" Mae age igo mae,me egirua tomi ge boru soilo la lulu. ⁴⁰La bilaha isa kama oata te la mulugaluga tetala.Ala moli isa mae age imari tataho me eia ge visauru mae la mulugaluga tetala.⁴¹Ilava eme ilo la maroa pakisi oio la mata le tabaramu,ala moli em kama hilo la hapu la obu oio la matamulou? ⁴²ilava eme vei la merera ale,"tabaragu,eiau viea ge abi taro la maroa oio la matamu luo?"Me eme latahalo la vasigologolola,mamuga eme mata tataho ge abitaro la maroa oio la mata le tabaram.⁴³Ilava,la obu ale taritigi lavuluala taritigi,me la obu ale kama taritigi la vululua kama kokora. ⁴⁴La obu tomoli ale vavua la irovila loio tela la kaliela isasa ale taritigi oio ale kama taritigi.Egite la valua kama ababi la fik oio tela obu bisisi ale la iririla ovola ,oio egite abi vikapopo la tatula wain loio la mota ale tahoka la irila.⁴⁵Latahalo ale tahoka la hate ale maroka viguvi la tarititigila,eia viguvila paga ale kama kokora sesele.Loio tela kabili la tiala me la hatela eia vei la harela.⁴⁶Ilava eme toi eiau,"la Uru,la Uru',me eme kama lolo lava eiau veamu? ⁴⁷La valalua ale gomai oio tai lolo la merera taku me tilimulia,eiau ge veiamu eia ere isa la tahalo. ⁴⁸Eia mae la tahalo ale titigi la luma,age holi la lulu gotalo sesele la magasa me age tigi la luma oata la vati ale magiri totora.Mae la silali ge goma,la luma kama ge tavuvu ilava,la luma magiri totora oata la vati ale vagiri kikima.⁴⁹La tahalo ale lolo la merera tegaku oio tai akama tilimulimulia,eia maie la tahalo ale voku la luma oata la magasa ale la vati ouka ovola.La imamala la hura me la silali gomai taho tavua, la luma alele ge paru me age kama kokora viruru.

Chapter 7

¹Laimamala e Isus vikaluvu tomi la rova eia veveia igite la valalua,eia hilti goio e Kapernaum.²E kepten tegite la walua la wukuela masaga seselea isasa tegite, alamoli eia lea aga pepeho.³Laimala eia loloa maie Isus oio, eia baha la mulugaluga tegite Juda, ge tahia ge gomai ge abitaro la ilea te la tahalo tetala. ⁴Laimala egite gomai Isus, agite tahia wagari, wei maie,"E kepten ale eia taritigi eme koramuli ge kolia, ⁵lavula eia masaga sesele tato Juda, aia tai tigi laluna la kilaka tegato. "⁶E Isus tilimuli egite. Alamoli aia kama malau al luma, e kepten baha evikilipi tetala ge weiala, la (Uru Lord), eme igo uru sesele la igolu ,lavula Eau kama maroka eme ge gomai la luma tegaku. ⁷La vuhula eiau kama rovi matagaga eiau lou ge gomai taume, alamoli la merera taume moli la tahalo taku ge mahuli. ⁸Eau wei maie la tahalo lotalo la vagariala te isasa, egite soldia lotalo taku. Eau veia le isasa, 'Tuga, 'me eia tuga ,me ale isasa lou ,'Gomai, 'me eia gomai, me tela tahalo taku, 'Igo aleie ,' me eia igoa ."⁹Laimala e Isus loloa maie, eia karutu laia, eia vulorivu soio tegite la lolo la valua tilimulia eia veia gite maie, "Eau veiamu, kama oio e Israel eiau kama hilo isasa tahoka la tautau-lailo. "¹⁰Me gite ale baha egite beuriva soio la luma, egite hilo la tahalo mahuliti.¹¹ Mulimuli ale, e Isus goio la taun egite toila Nain, egite la bilaha vikapopo la karakara la walua me hatavivile vikapopo eia. ¹²Mai eia gomai hagavi la bigomu la taun,eia poga isahari la valua bole isasa la tahalo, la tahalo isasa e tilala(eia e baharu), egite la walua me hatavivile la taon tilimuli la tavile. ¹³Laimala la(Uru Lord) hilo la tavile, eia gogo seselea la tavile, "Umala taitali. "¹⁴Eia tuga soata pilau la poro ale egite bole la tahalo oiovola, egite ale bolea egite magiri turi. Eia wei maie, "La tahalo maurelaba, eiau weiamu, hiliti." ¹⁵La tahalo ale peho hiliti pou soko la merera, e Isus puliale tilala.¹⁶La tilaga pigirobo egite tomi, egite vaisale e Deo, weia maie, "Ale e Propet isauru hiliti kabili tegato "e" Deo mamata oata tela walua me hatavivile. "¹⁷Ale la merera te Isus tuga la baba goio e Juda goio tai la baba isahari.¹⁸E Jon la bilaha weiala la papaga tomi. ¹⁹Mulimuli e Jon tola ilua la bilaha tetala baha egira soio tela (Uru Lord) mago,"Eme moli isasa ge gomaie, o amite ge mamata te isalou?"²⁰Egite gomai hagavi te Isus, la tahalo wei mago ,"Jon te Baptais baha amiteu soio taume, 'Eme moli isasa ge gomaie, o amite ge mamata isasalou?'"²¹Oio tela imala eia himahuli usu la valua me hatavivile tela ilalea tegite egite ale tahoka la kalulu ale kama tartigi, egite ale matakea egite mata. ²²E Isus kolia weia gite maie, "Mulimuli eme ge tuga la tuluga taume, weiale Jon lava eme hiloa eme lolo taia. Mata kakea egite mata, egite ale vaha bara egite tatuga, egite ale tahoka e lepra la vovogite matagaga, la gavusa vouvou egite lolo, egite ale peho egite mahuli, egite ale walua me hatavivile kama lolo la merera egite vahari la merera sogala. ²³La tahalo kama maila la tautau-lailo omai taku lavula eiau ge sagege. "²⁴Mamuga e Jon baha la merera sogala, e Isus soko la merera soio tegite la walua me hatavivile larova e Jon iga, "Larova eme ge gogala la ba bubumoli eme ge hiloa? Amuto ge hilo la lolovi?²⁵Eme ge gogala ge hilo larova? hiloa, asoge amuto ge goio ge hilo la kairobo ale taritigi sesele tabuli oilo la pales te King. ²⁶Alamoli larova eme ge gogala ge hiloa? E Propet? sesele, Eiau veiamu, ale loata lou te Propet.²⁷Tela tahalo ale la merera te Deo weweia egite agoa, 'Hiloa, Eiau baha la merera taku mamuga la lalagumu , ere ge raragi la gaurumu mamuga taume.' ²⁸Eau weiamu, E Jon pepe tomi egite la walua otalo la magasa. Alamoli la tahalo pou bakisi oilo la kingdom te Deo eia uru tava le Jon. "²⁹(Mai egite la walua me hatavivile loloa maie, egite la walua la ilabi la takeis tai, egite veipalea maie e Deo tahoka la wagarila, lavula egite baptais tela limale Jon. ³⁰Alamoli egite Parisi me gite la walua la mari la lo egite kama masaga te Deo ge guvi tegite, lavula egite kama baptasi loio la lima le Jon. )³¹"Te lawa, eia, koramuli Eiau ge wahiloa gite la walua me hatavivile tela imala aleie?Larova egite masagea? ³²Egite mai egite guliki legebalala oio la pougolula, egite popou tatola soio tegite isasa egite weimaie, 'Amite pusu e vigogo tamuto, amuto kama tilia. Amite babau la bilau la vailo gogorila,amuto kama tali.'³³E Jon ale Baptasi gomai eia kama alali la beret eia kama liliu la wain, emei wei maie, 'Eia tahoka la kalulu kama kokora. ' ³⁴E Latu la Tahalo gomai alali eia liliu, emei wei maie, 'Hiloa, eia la tahalo lailali la tahalo la ilu tai, eia tabaragite ale ababi la takesi egite ale igigo la pekato tai!' 35 Alamoli la maga te Deo ale tegite guliki tomi. "³⁶E Parisi isasa tahi e Isus ge gomai ge ali vikapopo leia. Laimala e Isus tiroro soilo laluma te Parisi, eia pou oata la poro la ilali ge ali. ³⁷Igotigi, la tavile isasa oilo la taon alele igigo la pekato. Mai eia rovia maie eia pou oata la poro la ilali oilo la luma te Parisi, la tavile abi la alabasta ja la weli ale malivili. ³⁸Latavile magiri mulimuli hagavi la wahala, taitali ,latavle soko la vuluhi la vahala la masalila , latavile surubi la masalila la iwu la gamala eia piu la wahala eia sabubu la ueli ale malivili.³⁹Laimala egite Parisi tola e Isus ge gomai hilo aleie, " Eia lou gabutala ,wei maie, "Mai la tahalo aleie e propet, mulimuli eia ge rovia eia erse-tavile male vimar eia, aleie la tavile la ilago la pekato." ⁴⁰E Isus kolia mera soio tetala ,"Simion , eiau tahoka la merera ge weiamu."Eia wei maie, "Wei-age, Titsa!"⁴¹E Isus weia maie, "Ale teisasa la salaytu ilima, ale isasa la bari ilima. ⁴²Egite kama lotoa soio tetala, eia lube la iruru tegira. Male ,ere tegira ge masag seselea?"⁴³E Simion koliala aveimaie, " Eiau weia la tahalo ale heletaro uru sesele la makoda tetala. " E Isus weiala maie, "La gabutalamu matate. "⁴⁴E Isus vulorivu eia hilo la tavile eia veiale Simion,"Eme hilo la tavile ale. Eiau tiroro soilo la luma taume. Eme kama abiagu lalalu tela vahagu, alamoli la tavile vuhi la vahagu la masalila eia surubila la ivula. ⁴⁵Eme kama piu eiau, alamoli eiau gomai eia kama maila la piu la wahagu.⁴⁶Eme kama ueli la gamagu la ueli,alamoli la tavile ale ueli la wahagu la ueli la pepium . ⁴⁷Eala maie Eiau weiamu, la pekato tela tavile, ausu sesele, e Deo abitaro tia —la masagala tetala urusesele. Alamoli ale isasa abitaro moli bakisi la pekato, la masagala bakisitai. "⁴⁸Mulimuli eia weia la tavile, "La pekato taume akaluvuti. "⁴⁹Egite la walua ale pou oata la poro egite vikara kabili tegite lou, "Ale ere ge abi taro la pekato?"⁵⁰Mulimuli e Isus weia la tavile, "La tautau-lailo taume himahuli me. Tuga vikapopo la tia madidila. "

Chapter 8

¹Mulimuli bakisi e Isus soko la tuluga la baba oio la citi me la maututula, eia valolo eia veipala la gospel tela kingdom te Deo. Egite ale savulusa gete lua vikapopo leia, ²la tavile pala eia igotigi la ilea tetala eia kumuli la kalulu kama kokora :E Maria egite tolala e Makdalena, pala e Isus kumuli livitu la kalulu barabara sogala; ³E Joanna, e rutule kusa, la tahalo la baumuli la papaga te Herod, Susana;megite isahari lou,ere lou, gogala tela gila-bulabu, abia gite isahari la papaga mai egite kama tahoka.⁴Egite la walua me hatavivile la baba gomai vikapopo, la valua isahari gomai tetala ilua mulimuli ilua lou,eia wei la merera :⁵" La tahalo isasa goio pigi la vavua la wit. Mai eia galua, isahari paru oio la gauru egite toea la vaha gite, la malumalu gomai ali egite. ⁶Isahari paru la humu, eia kusi soata, ale paru la magasa, lavula lalalu ouka.⁷Isahari paru kabili la mamota, isahari kusi vikapopo la mamota. ⁸Alamoli isahari paru oata la magasa ale taritigi la vavuala isahari salatu isasa vikapopo isahari lou. "Mulimuli e Isus weia la papaga tomi, eia tola sogala, la tahalo tahoka la gavusala eia ge lolo, kora eia ge loloa. "⁹Egite la bilaha tetala tahia la merera eia weweia. ¹⁰Eia veia, "La gabutala ale tabuli kokovu tela kingdom te Deo eia abiamu, alamoli tegite sapolo eiau weia la mera kokovula, hilo egite mai eme kama hiloegite, egite loloa alamoli egite kama rovia.'¹¹Igoe eiau ge weimuto la vuhula merera kokovla: La vavua ale la merera te Deo. ¹²La vavua la wit ale paru la gauru ale egite ale laba-gelegele , alamoli e satan gomai abitaro la merera loio la hatmu eala maie egite kama ge tautau-lailo me egite abi rivu egite. ¹³Egite la wit ale paru la humu egiteu moliele, egite ale lolo la merera, egite abi la merera vikapopo la sagegela. Egite kama tahoka la uagite; egite tautau-lailo moli, oio tela imala la tilov egite ge paru sogala.¹⁴La vavua la wit ale paru kabili la mota tahoka la ororola ale la walua ale lolo la merera, mai egite tuga la tuluga tegite, egite sekim egite isahari ababi la wati ala egite momoge tela mahuli alie, amai la wawua la obu ale kama masola tigi. ¹⁵Alamoli la wit ale paru oio la magasa bubumoli, ale egite maie, lolo la merera vikapopo vei seselela mai la hatemu malimali, egite tabuli wagari egite oio wawua. "¹⁶" Isasa kama viroko la-lamu taurola la disi o taua otalo la poro. Ouka, eia taua oata la muli la-lamu mai egite tomi ge tiroro ge hilo la hagala. ¹⁷Mai ouka la papaga isahari kama tabuli kokovu mai egite kama ge hiloa, la paga isasa kama tabuli kokovu mai egite kama ge rovia ge gomai tela matagaga. ¹⁸Lolo tigiselea, mai teale isasa ere tahokati, abilouala isahari lou,mai egite ale kama tahoka, mai eia gabutala eia ge abi taroa loio tetala."¹⁹E tilala me tabarala gomai tetala, egite kama gomai hagavi tetala lavula egite usu sesele. ²⁰Eia veia gite, "E tilamu me tabaramu magirigiri ogala, poutali eme ge hilomei. " ²¹Alamoli e Isus kolia weia gite maie, "E tilagu me tabaragu ere lolo la merera te Deo eia ge igoa. "²²Lalogo isasa eia sae te boti vikapopo tomi le gite la bilaha, eia veia gite maie, "Etato goio tela pepe la magolilo. "Eiala egite goio. ²³Alamoli egite sel sogala eia ge mavuta. La lolovi isauru guvi oata la magolilo, la uaga tegite volu lalalu, egite ga tilomu.²⁴Mai e Isus ' la bilaha gomai tetala egite paloa, veimago, "LaUru!LaUru! etato ga pehoti!" Eia hiliti merataro la lolovi mela lalalu, la lolovi mela lalalu peho, lalalu kamati hiliti. ²⁵Mulimuli eia veiagite, " La tautau-lailo tamuto oiove?"Alamoli egite taga egite gabutala papahi, egite tahi egite isasa, "Ale lavaie, amera taro la lolovi mela lalalu, egite lolo la merera tetala?"²⁶Egite sel soio la mautu e Gerasa, loio la pepe lalalu oio e Galili. ²⁷Laimala e Isus toa la magasa, la tahalo isasa oio tela taon alele guvi tetala eia tahoka la kalulu kama kokora. A guvi tabati tetala eia kama kairobo la vovola, mai eia kama mou oilo la luma alamoli oilo la liba.²⁸Laimala eia hilo e Isus, eia tali sogala boru mamuga tetala eia tola vagari sesele,"Larova eme ge igoa taku, Isus, Latu Le Deo Oata Sesele? Eiau tahime, eme umala igobara bara eiau." ²⁹E Isus kumuli la kalulu kama matagaga ge gogala tela tahalo. A tagara usu egite sakitola laimala la sen,eia sagi-mautua la sen eia masaga ge pou oilo la magasa, eia ge sagi mautu la sen eia masaga ge kavou soio la ba ale la valua kama ovola.³⁰E Isus tahi eia, " Laisamu ere?"Eia veia,"Ligen,"egite la kalulu usu oio tetala. ³¹Egite la kalulu barabara tataha umala babaha egite soio la lulu la vuhula ouka.³²La karakara la bolobolo alali oio la pepela gove. La kalulu barabara tatahia ge bahataro egite soilo la bolobolo, eia abia gite la vikara mata gagala.³³ La kalulu barabara gogala tela tahalo eia goio tela bolo,egite hari vagari sotalo la leleme egite tiolmu.³⁴ Egite la walua ale bomuli la bolo egite hilo la paga guvi, egite hari soio weia gite larova guvi oilo la taon oio la ba ale mave tai. ³⁵La walua me hatavivile egite gogala hilo la rova guvi, egite gomai te Isus egite pamuli la tahalo ale la kalulu barabara gogala tetala. Eia popu otalo la vaha le Isus, la walua me hatavivile hiloa ; egite taga.³⁶Egite ale hiloa weia gite la valua ale tahoka la kalulu barabara egite guvi tigiti. ³⁷Mulimuli egite la walua me hatavivile tela mautu e Gerasa egite tahi e Isus ge heletaro egite, mai egite hilo larova guvi egite taga. Mai eia goio tela uaga egite pou rivu³⁸La tahalo ale tahoka la kalulu barabara heletaro eia tahia ge goio tomi leia, alamoli e Isus baha rivua, weiala maie, ³⁹"Beuriva soio la mautu taume weia gite la papaga tomi e Deo igoa taume. "La tahalo tuga soio, eia veia gite tomi ale oio la taon larova e Isus igoa tetala.⁴⁰Igoe mai e Isus beuriva, lavalua me hatavivile kaka tavu eia, mai egite tomi potatali eia. ⁴¹Sautola, la tahalo laisala e Jairus,isasa tegite ale mamuga la luma la kilaka, gomai boru la vaha le Isus, eia vei vagariala ge gomai tela luma tetala ⁴²lavula eia tahoka e latula hatavile, la tavile tahoka la liavala savulusa gete lua, aga pepeho. Laimala e Isus tatuga soio, la karakara la valua me hatavivile vikapopo tomi eia.⁴³Igoe la tavile isasa oio la kasoso polopolo la vovola igaga la liavala savulusa gete lua eia pigi tomi la wati , alamoli eia kama tartigi loio tela tahalo isasa. ⁴⁴La tavile vulo lotigu te Isus eia pilau moli la pepela kairobo tetala, karutu moli la kasoso kamati saisali⁴⁵E Isus vei maie, "Ere sesele pilau eiau?"Egite kama veipalea, E Pita wei maie, "Tahalo Uru, la lolo la valua me hatavivile vikapopo tomi le mei egite tutubu tegite lou oio taume tai. "⁴⁶Alamoli e Isus wei maie, Isasa pilau eiau, maie Eiau rovia la wagarigu lomai taku agogalati."⁴⁷Me la tavile rovia eia kama ge tarikokovu, eia gomai la vovola pariri eia boru mamuga tetala. Oilo la kalulu bibila tegite la walua me hatavivile eia veipala larova guvi tetala eia pilau eia ala mai aia karutu moli eia tartigi. ⁴⁸Mulimuli eia veia la tavile, "La tavile, la tautau-lailo taume moli igotigi eme. goio vikapopo la tia madidi la. "⁴⁹Laimala eia solo vigagia, la mulugaluga la luma la kilaka isasa loio, veimaie, "E latum hatavle a pehoti. Umala abiala tahalo uruele la tikumula. "⁵⁰Alamoli laimala e Isus loloa maie, eia kolia le Jarius,"Umala tataga;eme tautau-lailo, la tavile ge mahuli. "⁵¹Laimala eia gomai la luma, eia kama masaga isasa ge tiroro tomi leia, eia puli e Pita e Jon e Jems, me tamala me tilale guliki bisiele. ⁵²Igoe egite la walua me hatavivile tomi gomai guviti la luma, alamoli eia veia, "Umala taitali;la tavile kama peho eia mavuta." ⁵³Alamoli egite lege leia, egite rovia maie latavile pehoti.⁵⁴Alamoli eia sautola la limala tavile eia tolea, wei maie, "Guliki, hiliti soata!" ⁵⁵La kalulu la tavile beuriva, mela tavile igoharimoli eia hiliti soata . Aia weia gite ge abiala lailali ge ali. ⁵⁶E tamala me tilale guliki bisiele egira karutu sele, alamoli eia vei vagaria gite umala weiale isasa mai larova guvi.

Chapter 9

¹E Isus tola egiteu e apostel,savulusa gete ilua te tala gomai ge vikapopo,eia abia giteu la vagarigarila me namba soio tegiteu,egiteu koramuli ge kumuli la kalulu kama kokora me ge igo tigi lailalea. ²Me eia baha egiteu ge valolo la merera te la kindom te Deo,me ge imahuli lailea ale papahi.³Me eia veia giteu maie,amuto umala abi isasa la paga vikapopo le amuto,la imamala amuto goio.Amuto umala ababi la tilalau la wati,o lailali me la kairobola tamuto.⁴Ere isa la luma amuto goilo ovola,amutou pou oilo vola kara maie amuto ge tuga.⁵Ala moli la valua me hatavivile la mautu isasa kama ge puli amuto.Amuto heletaro la ba alele me amuto tuga.Ala moli la imala amuto masaga ge tuga,amuto ge rauvei tomi lamaroa la magasa oio la vaha mutou.Egiteu koramuli ge rovia maie,egiteu tahoka la tikumula oio la vulovulola ale egiteu igoa. ⁶Eiala maie egiteu e Apostel hele taro e Isus me egiteu goilo la mautu,egiteu valolo la merera,vahilitil lailea te la valua me hatavile oio la baba tomi.⁷Herot,eia isasa la mulugaluga maie gavana te la ba e Galili,eia lolo tomi la papaga e Isus igoa.Eia gabutala papahi la rova isahari veia,Jon te la vuluhi eia hiliti rivu loio te la pileho. ⁸Me isahari veia,Elaisa gomai guvi mata gaga lou,me isahari veia e profet ale pala hiliti rivu lotalo la liba. ⁹E Herot vei maie,"eiau barautu la loho le Jon,alamoli la tahalo alele eia ere,eiau lolo la rere la eia igo la papaga usu?"Me Herot veia ge iloa.¹⁰Egiteu e Apostel beurivutia,egiteu veia le Isus la papaga tomi egiteu igoa.Me e Isus puli egiteu e Apostel vikapopo le eia,egiteu polo kokovu goio isa la taon,laisala e Betsaida. ¹¹Ala moli usu la valua me hatavile lolotia maie e Isus goio e Betsaida,me egiteu tilimulia.E Isus sagege maie egiteu tililmuli eia,me eia valolo la merera la kindom te Deo soio tegiteu,me eia vikalivu lailea te la valua me hatavile.¹²Lapaga maulaviti,me egiteu savulusa ge te ilua e Apostel goio te Isus,veiala maie,"la ba ale tato pou ovola la tahalo isasa ouka,ala mae eme ge baha la valua me hatavivile soio la mautu ale hagavi,me egiteu koramuli ge pamuli la luma la mavutala,me ge pamuli lailali tai." ¹³Ala e Isus koli rivu la merera tegiteu maie,"amuto ge abia giteu lailali".Me egiteu e Apostel vei maie,"amite tahoka ilima la bereti me ilua laia.Me age kora muli la valua me hatavivile ale,amite ge loto lou isahari lailali age koramuli egite." ¹⁴(La giligi la valua me hatavivile a faiv tausen.)Me e Isus veia giteu e Apostel tetala maie,vikapopo savulu lima la valua me hatavivile te la grup isasa,hipou egiteu te la ba la vikapopola.¹⁵Me egiteu e Apostel igoa maie e Isus veia giteu. ¹⁶E Isus abi ilima la bereti vikapopo laia ilua,me eia mata soata e Heven me eia kaka,eia kaka kalivu,me eia putu bisisi la bereti me laia,eia tabaria kabili tegiteu e Apostel.Me egiteu tabaria soio te giteu la valua me hatavivile. ¹⁷Egiteu ali,me egiteu maru sesele.Egiteu tau vikapopo la makara lailali,me egiteu tovo la kela la savulusa ge te ilua.¹⁸La imamala isa e Isus sekela kakatabou oio,egiteu e Apostel vikapopo tomi le eia,me eia veia giteu maie,"egiteu la valua me hatavivile veia eiau ere?" ¹⁹Egiteu e Apostel koli la merera maie,"isahari veia eme e Jon te la vuluhi,ala moli isahari veia eme Elaisa,me egiteu isahari veia eme e isa e profet te ale pala ale hiliti rivu lou."²⁰Me e Isus tahi egiteu e Apostel maie,"ala moli amuto lou viea eiau ere?"E Pita koli la merera maie,"eme e Krais,latu le Deo ale mahuli la imamala bibi." ²¹E Isus vikara vagari ge umala ge veia giteu la merera ale, ²²Eia veia giteu maie,"latula tahalo ge bole la tikumula tomoli me egiteu la gama la valalua me egiteu e het pris me la valua la veimari la totorobola.Me egiteu ge bili eia,ala moli mulimuli la logo itolu eia ge hiliti rivu lou."²³E Isus veia giteu maie,"mai isasa masaga ge tilimuli eiau,eia ge tau eia sotalo sesele la imamala tomoli me ge tilimuli eiau. ²⁴Lavula,mai isasa masaga ge sautola la mahulila,eia ge kokovu.Ala moli mai isasa ge heletaro la mahulila te laisagu,eia ge abi la mahulila ale te la imamala tomi. ²⁵La rova taritigi ge guvi,maie moli la tahalo isasa ge vikapopo la papaga la magasa,la mahulila ge kokovu?²⁶Mai moli la tahalo ge mahela la isagu me la merera taku.Eia latula tahalo alele,la imala ale ge gomai ge vikapopo la marasala tetala,me la marasala te tamala me tegiteu e holi Angelo. ²⁷Ala moli eiau vei sesele amutou,isahari tamutou souka ge peho,me amutou ge hilo la kindom te Deo."²⁸La logo iwalu mulimuli e Isus vei la merera ale,eia puli e Pita,e Jon,me e Jams,me egiteu goata la olu ge kaka. ²⁹ La imamala eia oio kaka,la lagula vulo,la kairobo tetala kea lovolovo.³⁰La tahalo ilua merera vikapopo le eia,ale e Moses me Elaisa. ³¹Egirua guvi vikapopo la marasala te Deo,me egirua mera tomi le Isus te la tuluga tetala ale age heletaro la magasa.Me eia ge vaharia soio e Irusalem te la kaluvuluvula³²E Pita vikapopo ilua e Apostel egiteu mavuta peho,la imamala egiteu hagolo,egiteu ilo la marasa le Deo,me la tahalo ilua magirigiri vikapopo e Isus. ³³La imamala la tahalo ilua heletaro e Isus,e Pita vikara soio te Isus,"Masta,a taritigi tegatou ge pou omaie.Etato ge voku itolu la luma,isa taume,isa te moses,me isa te Elaisa."(Eia kama rovi lava eia veveia.)³⁴La imamala e Pita soloio vikarakara.La sosobu ale kakea taurobo egiteu,me egiteu taga la imamala ale egiteu goilo la sosobu. ³⁵La golu isa loilo la sosobu gogala tegiteu,vikara maie,"Ale latugu,Eia la tururiri;lolo eia." ³⁶La imamala la golu vikara kalivu,e Isus sekela moli oio popou.Me egiteu pou makovu, me egiteu kama veia giteu la tahalo isasa larova egiteu iloa.³⁷La logo isasa mulimuli,te la laimamala ale egiteu loio la olu,la valua me hatavivile gomai ilo e Isus.³⁸La tahalo isasa kabili tegiteu la valua me hatavivile tola sogala,vei maie,"tahalo la veimari,gogo eiau me suli e latugu,e latugu hatamale isa moli. ³⁹La imamala la kalulu kama kokora goio tetala,eia tola lalahu,la kalulu kama kokora igo eia pariri bara,me la kaputela volu oilo la ilola.Ativura te la kalulu alele ge heletaroa me a igo la vovola kakali lahu. ⁴⁰Eiau viea giteu e Apostel taume ge kumuli la kalulu alele,ala moli egiteu kama koramuli."⁴¹E Isus koli rivuala maie,"amuto la valua me hatavivile kama tahoka la tautau la ilo,tagara iriva eiau ge pou vikapopo amutou ge abi la tikumu tamutou?Puli latumu somaie." ⁴²La imamala e abisi gomai hagavi te Isus,la kalulu kama kokora labe eia sotalo la magasa,me eia pariri.Ala moli e Isus kumuli la kalulu ale kama kokora me e abisi taritigi rivu lou,me e Isus puli rivuale tamala.⁴³Egiteu la valua me hatavivile ilo la vagarigarila te Deo me egiteu karutu bara sesele.La imamala egiteu oio gabutala papahi te la papaga ale eia igoa guvi,me e Isus vikara soio tegiteu e Apostel," ⁴⁴La merera ale ge goilo la gavusa mutou,egiteu la valua ge tau latula tahalo soio te la lima giteu la gima." ⁴⁵Ala moli egiteu e Apostel kama rovi larova eia veveia.Me egiteu kama rovi la masivo la merera ale eia pigia,me egiteu taga la tilahi e Isus la vuhu la merera aleie.⁴⁶La imamala isahari mulimuli egiteu e Apostel vikorosi kabili tegiteu lou,maie ere ge guvi maie la mulugaluga tegiteu. ⁴⁷Ala moli e Isus roviti la gabutala giteu.E Isus puli isa bisi e guliliki me eia taua la balila ⁴⁸me eia vikara soio tegiteu maie,"maie isa ge tola sagege e abisi te la isagu,eia tola sagege eiau;me ere tola sagege eiau,eia tola sagege la tahalo ale baha eiau.La tahalo ale laisala ouka kabili tamuto tomi eia muga amutou."⁴⁹Me e Jon koli rivuala maie," tahalo la veimari,amite ilo isasa kumuli la kalulu ale kama kokora te laisamu,amite mera taroa eia kama isa tamiteu." ⁵⁰Me e Isus veia giteu maie,"umala mera taroa,la tahalo kama igo la iruru soio taume,eia tamutou."⁵¹La imamala gomai hagaviti e Deo ge puli e Isus soata e Heven, me eia tau la gabutalala ge goio e Irusalem. ⁵²Eia baha egiteu lavalua la vahari la merera mamuga tetala,soilo la mautu isa oilo e samaria ge raragi la papaga tomi tetala. ⁵³Ala moli la valua me hatavivile oio la ba e samaria kama masaga e Isus ge goio,ilava eia tau la gabutatala ge goio e Irusalem.⁵⁴La imamala e Apostel Jams me Jon ilo ale,egirua vei maie,"Deo,eme masaga amite ge tahi e Deo ge baha la havi loata e heven ge gotalo,ge selu la valua ale?" ⁵⁵Ala moli e Isus rebukim egiteu te la merera ale egiteu pigia, ⁵⁶Me egiteu heletaro la mautu ale me egiteu goio la mautu sapolo.⁵⁷La imamala egiteu tatuga la gauru,isasa vei maie soio te Isus,"eiau ge tilimuli eme te la ba tomoli eme ge goio ovola." ⁵⁸Me e Isus veiala maie,"la paia hou tahoka la muli la mavutala,me la malu tai tahoka la loa giteu,ala moli e latu la tahalo eia kama tahoka la luma ale ge tau la gamala ovola."⁵⁹Me e Isus veiala tahalo isa lou maie,"tilimuli eiau."Ala moli la tahalo veiala maie," Deo,mamuga, eiau ge goio ge ulai muga e tamagu." ⁶⁰Me e Isus veiala maie,"korale egiteu ale peho ge ulai rivu egiteu ale peho.Ala moli ale taume,eme ge goio ge veipala la kindom te Deo oio la ba tomoli.⁶¹Me la tahalo isapolo vei lou maie,"eiau ge tilimuli eme,Deo,ala moli mamuga,eiau ge goio ge tataro muga egiteu ale oio la ba taku." ⁶²Me e Isus koli rivuala maie,"la tahalo ale sautola la stia me la imamala tomi eia mata sotigu,la tahalo alele eia kama koramuli ge igo la igogolu te Deo."

Chapter 10

¹Gageie muli-muli lapapaga tomi, la Uru (Lord) turi savulu-vitu isahari, baha taro egite sogala ilalua mamuga tetala tela taon la mautu eia lou ge tuga soio. ²Eia veia gite, "Lailali a ususele, alamoli la tahalo la igogolu kama usu. Ala maie tahi la Uru(Lord) e tama la mahuma ge bahataro isahari la tahalo la igogolu.³Goio la gaurumu. Hiloa, Eiau baha emei sogala mai la sipsip soio kabili tegite la paiahou.⁴Umala abi usu la baki,o la bek la raolila, o la vahapolo, umala laharo soio te isasa la gauru.⁵Laluma aie mave eme tiroro, igo hari wikara, Mai la tia-mdiidi oata laluma aleie! ⁶Mai la tahalo la tia-mdiidi oio la ba alele, la tia-mdiidi taume ge sivo loata tetala, mai ouka, age beurivua somai taume. ⁷Poumoli oilo la laluma alele, ali liu larova egite abia, la tahalo la igogolu a koramuli ge abi lamapa. Umala goio laluma ale o laluma aleio.⁸Mai amuto goilo la taun, egite ge pulime, ali larova tau mamuga taume ⁹himahuli lailea oio la balele. veia gite,'La kingdom te Deo gomai hagavi taume.'¹⁰ Mai eme goio la taun egite kama ge pulime, goio la gauru ale bisisi veia gite, ¹¹'La magasa la taun tamuto ge savula taroa loio lailo la puligu ge vahiloamu! Alamoli rovi aleie:La kingdom te Deo gomai hagavi.'¹²Eiau weiamu maie oata tela logo la koti age urusesele maie Sodom oio la taon.¹³Sore sesele, Korain, sore sesele, amuto e Betsaida! Mai la igogolu ale uru mai eme igoa oio la limamu a guvitai oio Tair me Saidon, pou oilo la kamilato mela buburo. ¹⁴Alamoli a taritigi la tikumula te Tairm me Sidon ge lapumatatea oio taume.¹⁵Emei, amuto e Kapeniam , amuto veia egite ge vaisale amuto soata heven? Ouka,eme ge gotalo sesele la ba la Pileho.¹⁶Ere isasa ge lolo emei ge lolo tai eiau, ere kama masaga emei eia kama masaga eiau tai, ere kama masaga eiau eia kama masaga ere bahataro eiau somaie. "¹⁷Egite savulu-vitu beuriva vikapopo la sagegela, weia, "La Uru(Lord,) ala moli egite la kalulu barabara egite avetalu tegato tela isamu."¹⁸E Isus weiagite, "Eiau e Satan boru loata e heven mai la sima. ¹⁹Hiloa, Eiau abiamu la vagariala ge toa la gamale satan mela komakilu, vikapopo la vagariala tegite lagima, la pagaisa kama ge tolome. ²⁰Umala sele sagege maie , alamli la kalulu avetalu lotalo taume, alamoli sagege sesele la isamu guviti oilo e heven. "²¹Vikapopo la imala alele eia sagege uru-sesele oilo te Holi Spirit, a weia, "Eiau vaisale emei, Tete, la Uru (Lord) le heven me la magasa, lavula eme merataro la papaga loio tela gabutala ale taritigi ge viguvia tegite ale kagabutala titigi, mai egite bisisi. Sesele, Tete, eme tilimuli la gabutala taume igoa maiele."²²" Lapapaga tomi piligia somai la limagu Tete, isasa kama rovia maie Latula vaisale e Tete, isasa tamai kama rovia maie e Tete vaisale e Latula mai egite ale e Latula turi egite ge vahilo eia soio tegite."²³Mulimuli eia vulo-rivu soio tegite la bilaha aveia gite igotigi, "Eiau toitigi sesele egite ale hilo la paga amuto hiloa. ²⁴Eiau weiamu, usu egite propet me egite King masaga sesele larova amuto hiloa, egite kama hiloa, egite tai kama lolo lava amuto loloa, egite kama lolo egite. "²⁵Sautola,la tahalo la mari tela lo magiri veia ge tovo eia, a weia, "Tisa, larova eiau ge igoa ge abi la mahuli-bibila ?"²⁶E Isus veiala maie, "Lava egite agoa oilo la lo?Eme gigia mave?"²⁷Eia abiala la ensa a weia, "Emei ge masaga la Uru (Lord) e Deo oilo la hatemu sesele, vikapopo la sol,vikapopo la vagariala, vikapopo la gabutalamu, megite tabara-baramu tai mai eme tai. "²⁸E Isus weiala, "Eme kolia tigia. Igo aleie, eme ge mahuli. "²⁹Alamoli eia ,kama masaga egite ge rovi eilou,weia le Isus, "Ere isasa maie tabaragu?" ³⁰E Isus kolia weiala maie,"La tahalo eia ge gotalo e Jerusalem e Jeriko.Eia boru kabili tegite ale pakali-kali, egite abitaro tomi la papaga, egite kuea, egite bolea pigia otalo hagavi ge peho.³¹Laimala isasa la mulugaluga tegite patere tuga sotalo la ba alele, mai eia hiloa, eia polo-pepe loio la galela isasa. ³²Mai-moli la tau Livai isasa, mai eia gomai la ba alele hilo eia, polo-pepe loio la ba isasa lou.³³Alamoli la tau Samaria, eia tuga la ba malau, gomai la ba ale eia ovola. Laimala eia hiloa, eia hiliti vikapopo la tia-gogorila.³⁴Eia tuga hagavi soio tetala, tigitaro la ueli la wain oio la kakalila. Eia hipoua oata la donki tetala tetala lou, eia vaharia soio la luma tegite la moimosi, eia baumulia tigia. ³⁵La logo isa polo eia abi ilua la siling, eia abiala tahalo la luma, eia weiala , 'Bomuli mugea, iriva eme pigi-loua,eiau ge beua, Eiau ge kolirivuamu .'³⁶Emei gabutala mave loio tegite ale boru kabili tegite ale pakalikali?"³⁷Eia veia, "La tahalo ale vahilo al tia-mdiidi soio tetala. "E Isus weiala maie, "Eme tuga igo larova eme igigoa. "³⁸Igoe laimala egite tuga soio, eia tiroro soil tela mautu, la tavile la mautu laisla e Marta sagege-roboa pulia soilo la luma tetala. ³⁹E hatavilela isasa laisala e Maria, eia pou lavha la Uru(Lord) eia lolo la merera⁴⁰Alamoli e Marta gabutala papahi ge raragi la tilivu lailali. La tavile gomai te Isus eia weia maie, "La Uru (Lord) eme kama gabutala maie hatvilegu hele taro eiau eia ge gabutala moli eia? Alamoli weiala ge koli eiau. " ⁴¹Alamoli la Uru(Lord) kolia weia la tavile, "Marta ,Marta, eme gabutala papahi la papaga ale ususu, ⁴²alamoli la paga isasa lapaga akma wagari. E Maria gabutala lava a taritigi, a kma ge abitaroa loio tetala. "

Chapter 11

¹Aguviti la logo isasa e Isus Isus kakaka oio la ba isasa, la imala eia kaluvu, isasa lou tegite la bilaha weiala maie, "La Uru(Lord),veimari amite ge kaka maie Jon veimari egite la bilaha tetala. "²E Isus weia gite maie, "Mai eme ge kaka maie,'Tete, mai la isamu ge visale ge togoa. La kingdom taume ge gomai.³Abia-mite lalogo isasa la bret tela logo aleie. ⁴Abitaro la iruru tamite o lapekato, mai amite abitaro lairuru tegite isasa ale kama tartigi tai amit. Eme umala tauamite soio la iruru."⁵E Isus weia gite maie, "Amuto ere tahoka e vikilipi, ge goio tetala galogo, emi ge weiala maie, 'Vikilipi, abiagu itolu la bret, ⁶mai e vikilipi taku masaga ge goilo tela gauru ,e Iau kama tahoka isa-lapaga ge pou mamuga tetala '? ⁷Alamoli isasa oilo koli-ala weiala maie, 'Umala abiagu la tikumula. La mata eia kapiti,emi e latugu, vikapopo leiaue, eia oilo la poro. Eiau kama koramuli ge hiliti ge abiamu la bret soio taume. ' ⁸Eiau veiamu, mai eia kama ge hiliti ge abiamu la bret soio taume lavula eme vikilipi tetala, lavula eme rovi-seselea , eia masagea ge hiliti ge abiamu la bret lavula eme masaga sesele.⁹Eiau masaga ge veiamu, tahi, eia ge abiamu, pamulia,eme ge pogea;tutu,age kope soio taume. ¹⁰Mai egite ge tahi la tahalo ge abia; mai egite ge pamulia la tahalo ge pogea;mai la tahalo ge tutu,age kopea.¹¹Mai e tete vikapopo tomi le me,mai e latumu ge tahime laia, ge abiala la pase kama laia? ¹²Mai eia ge tahi la hatolu, eme ge abiala la komakilu soio tetala?¹³Male-moliele, mai eme ge tahi ale kama tartigi eme ge savela mave me ge abiale latumu la givft ale tarigi ,ge iriva lou tamamu ge abiamu loata e heven ge abial e Holi Spirit soio tegite ale tahia?"¹⁴Igoe e Isus kumuli-taro la kalulu kama kokora ale kama vigagia, la imala la kalulu kama kokora gogala, la tahalo ale kama vigagia a vigia, mela valua me hatavivile sagege. ¹⁵Alamoli la valua me hatavivile veimaie, "Ale Belzebul, la mulugaluga tegite la kalulu kama kokora, eia kumuli gegite la kalulu kama kokora sogala."¹⁶Egite isahari tovo eia egite tahia ge igo isasa la tovo-laila loio e heven.¹⁷Alamoli e Isus rovi la gabutala gite isasa,"La kingdom tabari eia lou alagutigi, la luma ge tabari eialou akage taritigi.¹⁸Maie Satan ge tabari eialou, mave la kingdom ge magiri? Mai eme weia Eiau kumuli la kalulu kama kokora maie Belsebul. ¹⁹Mai Eiau kumuli la kalulu kama kokora maie Belsebul , mai ere tegite ale tilmulime ge kumlia sogala? Lavula alie, egite masaga ge guvi la tahalo la lolo la koti. ²⁰Mai Eiau ge kumuli la kalulu sogala tela vagari le Deo, muli-muli la kingdom te Deo ge gomai taume.²¹Mai la tahalo isasa tahoka la wagarila ge magiri robo la luma tetala, la papaga tomi taritigi moli, ²²Alamoli mai la tahalo ale wagari polope eia, la tahalo ale wagari abitaro la wagarila ala mai la tahalo tahoka la tilogo eia la tahalo ge abi la muli. ²³Ale isasa kama vikapopo le eiau eia mukupile eiau, me ale isasa eia kama vikapopo tomi la wagarigu.²⁴La kalulu ale kama maroka hele taro la tahalo,eia goio la ba alele la pita mamata la ba age mou ovola . kama koli isasa, eia veia, Eiau masaga ge beurivua soio la luma Eiau loiovola. '²⁵Eiau beuriva ,eiau hiloa maie laluma egite sapea sogala tau tigi la papaga. ²⁶Mulimuli eia goio puli lou ivitu la kalulu kma kokora sesele leia egite gomai ge pouele. Mulimuli la vulovulola la tahalo alele kama ge kokora mai ale mamuga. "²⁷A guvi maiele, mai eia veia la papaga alele, la tavile isasa tola vagari loata tegite eia viala maie, "La tavile ale pigome eia abiamu la susu,eia ge sagege. "²⁸Alamoli eia veia, "Taritigi, tegite ale lolo la merera te Deo egite tilimulia. "²⁹Mai la walua me hatavivile usulou gomai, e Isus soko la merera, "La valua aleie kama tartigi la valua ale. Egite tahi ge hilo isasa la maki--saen, egite masaga ge hilo isasa la maki ale mai te Jona. ³⁰Mai e Jona ale la saen tegite Ninive, mai e Latu la Tahalo ge guvi mai la saen tegite la walua me hatavivile.³¹E Quin le saot ge hiliti la koti vikapopo la tahalo tela imala aleie , la tavile loio tela kaluvu la magasa ge hilo la maga te Solomon,ge hiloa, isasa omaie vikapopo le Solomon eia omaie.³²La tahalo loio Ninive ge magiri oio la koti vikapopo la valua me hatavivile ge vipou bara egite, mai egite vulo tela valolo la te Jona, ge hiloa,isasa uru tavua le Jona eia omaie.³³Isasa uka,ge viroko la-lamu , ge takovua ouka ge taua lotalo la tilovolovo, alamoli la obu la-lamu,mai egite ale ge tiroro ge hilo la matagaga. ³⁴La matamu la-lamu la vovomu. Mai la matamu ge taritigi, la vovomu tomi ge tahoka la matagaga. Alamoli mai la matmu kama ge taritigi, la vovomu tomi ge volu la maligoma. ³⁵Tiele, eme igotigi la haga oilo taume akama maligoma. ³⁶Alamoli la vovomu tomi tahoka la haga, , mai la ba isasa kama maligoma, mai la vovomu tomi ge haga vagari oata taume. "³⁷Mai eia kaluvu la merera, e Patere tahia ge ali tomi leia oio la luma tetala, tio e Isus tuga soilo pou la poro.³⁸E Patere karutu e Isus kama pupuru muga muli-muli age ali.³⁹Alamoli la Uru(Lord) weiala maie, "Gageie male, emei e Patere ge rauvei la vovo la kapu mela boul, alamoli oilo taume volu la murahala la bilili. ⁴⁰Eme paua la tahalo ale! Eme umala isasa bomuli ogala ale oilo ouka? ⁴¹Abia gite la vora lava oilole, muli-muli la papaga tomi ge matagaga soio taume.⁴²"Alamoli amuto e Patere, lavula eme kisi la saior me kiraru mela papaga tomi la mageku le kiraru, alamoli eme kama masaga la lo mela masagala te Deo. Akama wagari la tilimuli la lo mela masaga la te Deo, mai ouka ge tautomi la papaga tomi maiele.⁴³Amuto e Patere, amuto masaga ge pou mamuga oilo la luma la lotu egite ge togoegite ge sagege robo egite mai oilo la muli la maket.⁴⁴Amuto igotigi, eme mai la liba mai la valua me hatavivile tuga oilo vola egite kama rovia. "⁴⁵Isasa tegite ale mari sesele la lo weiala maie, "Tisa, lava eme veia a hipou bara amite tai. " ⁴⁶E Isus weia, "Lava oio taume, tisa la lo ! Eme tau la walua me hatavivile lotalo la tikumula ale egite kama koramuli ge bolea, alamoli eme kama pilaua bakisi tela kama-kokorala pilaula la kukumu isasa.⁴⁷Mave emei, lavula eme himagiri la tumb tegite Propet, ale egite tutubumu bili egite.⁴⁸Tio eme witnes emei gabutala tai la igolu egit tutumu, mai egite bili egite ala mai eme titigi la tumb.⁴⁹Tio lavuhula amaiie, e God la saet la wisdom,Eiau masaga ge bahea giteu e propet egite la bilaha , eiau masaga ge baha isahari soio ge bili egite. '⁵⁰La walua aleie, egite, masaga ge mamata ovola tela kasoso gite propeet soko la merera soko ovola, ⁵¹Tela kasoso le Abel la kasoso le Zekaraia, egite bilia kabilii la porotabou me la luma te Deo. Asele,Eiau wei-amu ,la walua aleie ge tivura ge mamata ovola.⁵²Mai eme rovi la lo,lavula eme abitaro la ki la vimari;eme kama goilo eme lou, eme lolo tegite ale loilo."⁵³Mulimuli e Isus heletaro laba ale, egite la walua la mari me egite Parisi mukupile eia egite tahi wuloa la paga ususele, ⁵⁴Towo ge abi la merera tetala.

Chapter 12

¹Oilo egite maila, maie la tausen la walua me hatavivile egite vikapopo egite toaruru egite lou, eia soko la merera soio tegite la bilaha mamuga amuto ge goio tegite, " Igotigi la yis tegite Parisi, mai la vasigolola tegite.²La papaga tomi guvi oio age guvi palala, la paga isasa kama ge tabuli kokovu egite ge rova. ³Mai larova eme ge weia oilo la maligoma egite ge loloa la haro, larova eme ge wei isia iolo la rum eia ge veipalea oata la varulaluma.⁴Eiau weiamu, tabaragu, umala tataga egite ale bilibili la wowo, muli-muli alele egite kamati ge igo isasa la paga. ⁵Alamoli Eiau wei wagari-amu teale em ge taga. Taga isasa ale, muli-muli eia ge bili, tahoka la wagarila ge labame soili la havbibila. Sesele, Eiau weiamu, taga eia.⁶La tahalo loto ilima bisisi la malu tala peni ilua la siliva? Eal isasa tegite kama ge gabutroa oilo te Deo. ⁷Alamoli la ivu la gamamu egite gigitia. Umala tataga. Eme tahoka la wagarila loata tegite la malumlu bisisi. "⁸Eiau weiamu, egite isasa ere weipala eiau mamuga tela tahalo, e Latu la Tahalo ge weipala mamuga tegite angelo te Deo. ⁹Alamoli ere kama weipala eiau mamuga tela tahalo kama ge weipala taia mamuga te angelo te Deo. ¹⁰Egite tomi isasa ere wikara la merera barala soio te Latula Tahalo, eia ge lubea loio la kilisi, alamoli ere mera-bareale Holi Spitit, kamage lubea loio la kilisi.¹¹Gaisa egite ge wahari mugame soilo la luma la kilaka, la tahalo ale mamuga, la tahalo alele tahoka la wagarila, akama tahoka la gilogo mulimuli eme ge wikara oilo tela wulowulo-mu , o lava ame ge weia, ¹²mamuga e Holi Spirit ge wimari eme oio tela imala eme ge wikara. "¹³Mulimuli isasa visauru moli oio tela lologite weiala maie,"Tisa, weia le tabaragu ge tabari la papaga isahari ge taku. "¹⁴E Isus weiala maie, "La Tahalo, ere weia maie eiau e jas o la tahalo ale magiri kabili loata taume?"¹⁵Eia weia gite maie, "Ale maie eme sautola emelou tela masaga la murahala, lavula la mahuli la tahalo kama wagari te la papaga ale usu sesele tela mulila. "16 Mulimuli e Isus weia gite la tovolaila, weia maie, "La mahuma tela tahalo isasa tahoka la wuliti la ilali vua usu, ¹⁷Eia weia la vuhula eialou, weia maie, 'Lava Eiau ge igoa, lavula Eiau kama tahoka la muli ge tau la gilalu?' ¹⁸Eia veia, 'Lava Eiau ge igoa. Eiau ge lapua sotalo eiau ge himagiri uru lou isasa, oiole Eiau ge tau tomoli la wit me la ilali tomi. ¹⁹Eiau ge veiala sol, "Sol, emei tahoka usu lailali age tabuli laliavala ge usu. Maila laliavala, ali, liu, eme ge sagege. '"²⁰Alamoli e Deo veiala maie, 'La tahalo paua, galogo la sol masagea oio taume, mela papaga tomi eme raraga, ere ge abia?'²¹Eala maie isahari masaga ge tau la tresa tetalalou eia kama tahoka isasa la paga oio la matale Deo. "²²E Isus weia gite la bilaha, "Eiau weia muto, umala gabutala la mahulimu, lava eme ge alia ; o gabutala la vovomu, lava eme ge kaia. ²³La mahulimu uru ala ilali, mela vovo uru ala kairobo.²⁴Amuto gabutala muli e kaokao, egite kama galugalu o lukuluku lailali. Egite kama tahoka la rum-lailali o la ba la tauka-popola , ala moli e Deo wali-wali egite. Me amuto la walua me hatavivile amuto polo-pepe la malumalu? ²⁵Mai eme isasa gabutala papahi ge suku la mahulimu? ²⁶Mai eme ere kama igigo la wulowulo ale bakisi maie, ilva eme wari legite aleio?²⁷Amuto hilo la gelegele- mai egite kusi. Egite kama tahoka igogolu golu, maie Solomon kai la kairobola tetala kam mai isasa tegite . ²⁸Maie Deo kairobo la gilalu tetala oio la mahuma, eia mahuli-huli igoe, me eia galigeli egite ge pigia soilo la havi, irivalou oio eia ge kairobo lemei, eme tahka isabisi la tautau-lailo!²⁹Umala mamata lava eme ge alia o lava eme ge liua, eme umala mamata alele. ³⁰Egite la walua me hatavivile la magasa mamata la papaga alele, almoli e Tamamu rovi lava eme masaga.³¹Alamoli pamuli la kingdom tetala, me la papaga tomi ge gomai taume.³²Umala tataga, la sipsip isa bisisie, lavula e Tamamu uru sesele weia ge abiamu la kingdom.³³Korale la mulimu me la rova eme tahoka abia gite la vora. Igo la galigali taume lou akama ge mapere ––la golugolu oilo e heven akama ge hari sogala, mai latahalo ale meragalolo gomai hagavi, me la harela tahalo isasa kama ge igobarea. ³⁴Mai la golugolu taume oiove, oio tai la ba alele la hatemu tai ovola.³⁵"Amuto saki boto la kulikuli saki laleti oata vola, la lamu kora ge karere, ³⁶mai egite la walua me hatavivile ale mamata tela tahalo ale ge gomai tela lailali la taulaila, mai eia ge gomai ge tutu, egite ge karutu moli egite ge kope la mata tetala.³⁷Tartigi tegite lavalua ale poutali la tahalo egite kama ge mavuta laimala eia ge gomai. Laselela eiau weiamu,eia ge abi la kulikuli ale malau me la leti ge pou vikakpopo tomi le gite oio la poro la ilali, eia ge gomai ge abia gite la ilali. ³⁸Mai la tahalo ge gomai tela logouru, o mai e kukureko ge tali wakasa, mai egite ge raragi, toitigi la tahalo ale mamaiele.³⁹Maie gabutala muia maie, la tahalo la luma kama rovi la imala ale mave la tahalo la pakalila ge gomai, eia kama masaga mai la luma tetala ge lobea ge goilo. ⁴⁰Eme raragi muga, lavula eme kama rovi la imala e Latu la Tahalo ge guvi."⁴¹E Pita weia, "la Uru (Lord) ale eme weia mite la mera robla somai tamte, o somai tamte tomi isasa?"⁴²La Uru (Lord) weia, "La uru ale mave tahoka la gabutala ale taritigi eia igotigi la igogolu tetala la uru masaga ge mamata oata tela tahalo ge abiagite la ilali tela imala?⁴³Toitigi la tahalo ale uru ge bomuli egite la imala eia ge gomai. ⁴⁴ La seselea Eiau weiamu maie eia ge hipoume oata la golugolu.⁴⁵Alamoli mai la tahalo alele wei seselea oilo la hatela, 'La uru taku igo makiru la gomaila ,' eia soko la kulue la tahalo mela tavile ale igogolu ge ali ge liu ge viguvi la iliu, ⁴⁶la uru ge beuriva ge gomai laharo aleie mai eia kama rovia la imala ale eia kama rovia eia ge barautu eia bakisi turi la ba tetala vikakpopo tomi le gite ale kama magiri vagari.⁴⁷La tahalo, eia kama rovia la uru masaga eia kama ge raragi ge tilimuli la masagala tetala, masaga ge kue tomi egite. ⁴⁸Alamoli ale isasa kama rovi eia igo la vasigolo la kulue, eia masaga kue isahari egite. Alamoli egite isasa kama abiagite usu, loio tegite usu masaga, mai la valua me hatavivile tau usu papaga soio tela lima la tahalo isasa, maie usu ge tahi.⁴⁹"Eiau gomai ge bahataro la havi oata la magasa, ala mave Eiau masaga eia ge karere. ⁵⁰Alamoli Eiau ge baptasi alamoli eiau souka abia, alamoli Eiau souka abia koramuli age kaluvu!⁵¹Eme umala gabutala maie Eiau gomai ge wahari la tia-madidila oata la magasa? Ouka, Eiau weiamu, eiau ge sulupola la walua me hatavivile ge ilua. ⁵²Soko gageie goio egite masaga ge ilima oilo la luma isasa sulupolea-geitolu la walua ge gima ilua, la walua ilua ge gima itolu.⁵³Egite masaga ge sulupola loua, e tama ge gima e latula me latula gima e tamala, e tilala gima e latula hatavile e latula hatavile gima e tilala, tilala tahalo ge gima e tilala tavile e tilala tavile ge gima e tilala tahalo. "⁵⁴E Isus weia gite la valua me hatavivile maie, "Mai eme hilo la tuluvu la mori hiliti lotalo la iroro la haro, karutu moli eme veia, 'La hura ge gomai, 'tio eia guviti. ⁵⁵Mai la lolovi le saot ge vaia, eme ge weia, 'La haro ge paga age tivura, 'me age guvi. ⁵⁶Tahalo la vasigolola, eme rovi la guluvi la lagu la magasa me la mori, alamoli mave eme kama rovi la imala ale igoe?"⁵⁷Ilava eme kama lapu matata larova taritigi taumelou?⁵⁸Mai eme ge tuga soio la koti vikapopo la tahalo isasa mamuga tela tahalo ale lapu matata la merera, mai amula soloio la gauru eme tovo ge lapu matatea, igotigi eia ge taume soilo la luma la totorobola. ⁵⁹Eiau veiamu, eme kama koramuli ge gogala koramuli eme ge lotola isahari la wati."

Chapter 13

¹Tela la imamala ale,egite la valalua viea le Isus te la rova guvi tegite galili,e Pailat viea giteu e soldia tetala ge bili egiteu maie egiteu ge abia le Deo la viabila.Me la kasoso gite pagegele oata la balae la viabila. ²E Isus koli rivu la merera tegite maie,"amuto gabutala egite la valalua e galili,egite tahola la iruru ale uru,me a uru tavu la valalua me hatavivile le Galili,ala mae,egiteu abi la iruru ale maie?" ³Ouka.Eiau viea mutou."mae amuto kama ge vulo,amutou tomi ge kaluvu mae egiteu ale."⁴"O egiteu la valua savulu isa te ivitu oio e Silom male la luma uru paru me bili egiteu,amuto gabutala egiteu tahoka la iruru ale uru tavu egiteu ale oio e Irusalem? ⁵Ouka sesele,Eiau veia.Ala moli mae amutou kama ge vulo,amutou tomi ge kaluvu."Me e Isus veia giteu isa la merera la halulu polo,"la tahalo isa tahoka isa la obu la fik kusi oio la muli la wain tetala,me eia goma mata la kaliala ala moli akama abi isasa. ⁷Me la tahalo vikara soio te la tama la mahuma,"lolo,te la leavala itolu eiau goma veage mata la kaliala ala moli eiau kama pamuli isasa.Walia sotalo.Ilava age magiri ge vikalivu la lailali ale taritigi lotalo te la magasa?Me e tamala mahuma kolirivua maie,"akorale te la liavala ale eiau ge holi raolia ge tau la maroa oata ovola. ⁹Mae age vua te la liavala ale loioe,mea taritigi;mae age ouka,ge walia sotalo!'"¹⁰Te la imamala la sabat,e Isus viemari oilo te la luma la lotu isasa. ¹¹La tavile isasa oio tai,la liavala savulu isa te iva la kalulu ale kama kokora pou tetala mea igoa akama koramuli ge lapu matata,ge magiri oata.¹²La imamala e Isus hiloa,Eia tola soio tetala meia mera maie,"tavile,la ilea taume kalivuti eiau igo maroka ti eme." ¹³Eia tau la limala oata te la tavile,me karutu moli me eia magiri oata me eia vaisale laisa le Deo. ¹⁴Ala moli la muluga la luma la lotu la hate la mamasi te lava e Isus imahuli la ilea tela tavile ale tela sabat.Me la muluga la lotu lolo me eia kolia mae soio te giteu la valua,"La logo ivolo tegato ge igogolu.Me amuto ge igoa te la imamala ale kama tela logo la sabat."¹⁵E Isus koli rivu la merera tetala maie,"la valua la vasigologolola!Amuto isasa kama kora muli ge lube la mota loio tela donki me la kau loio la muli giteu,me ge puli egite ge goio ge liu te la imamala la sabat? ¹⁶Me la tavile ale eia latule Abram,e satan kisi roboa te la liavala savulu isa te ivitu,me la kilisi tetala igoe eiau lubea te la imamala te la sabat."¹⁷La imamala e Isus koli rivu la merera tegiteu,egite tomoli ale magiri roboa egite mahela,ala moli egite la valua tomoli sagege te la paga ale taritigi male eia igoa.¹⁸Me Isus vei lou mae,"eresa la paga la paga la Kindam te Deo,me amave,me Eiau ge vikara mave soio vola te la mera la halulu polo ge vailoa ere isa la paga sele? ¹⁹Amae la vavua la obu isa egite toiea la masted,la tahalo isa galua oio la mahuma tetala mea kusi soio la obu ale uru sesele,me la malumalu la mautu lalage voku la loa gite oio la halala gite.²⁰Me eia vei lou mae,"eiau ge vei mave te la halulu polo ge vailoilo la kindam te Deo. ²¹Amae la yeast ale la tavile tau vikapopo la flava kara mae age goio tomoli la flava."²²Me e Isus tuga la maututula kara mae eia goio guvi e Irusalem,oio tai eia veimari egite la valalua. ²³La tahalo isasa vei maie soio tetala,"Deo,lavalalua ilua moli ge mahuli?"Me eia vei maie soio tegite, ²⁴" Amuto vagari ge goilo la gauru ale bisi,ilavula amuto kama koramuli ge goilo vola.²⁵La imamala isa e tamla la luma hiliti kapi la luma tetala,mulimuli eme ge magiri ogala ge tutu oio tela mata,me eme ge vei mae,'Deo,Deo,kope amite ge goilo.Eia ge lolo ge koli amuto maie,'Eiau kama rovi eme o laba ale eme loio vola.' ²⁶Mulimuli eme ge vei maie,'Me amite ali, liu lolagu taume me eme veimari oio la gauru tomoli'.²⁷Me eia ge koli rivu,'Eiau veiamu mae,Eiau kama rovi tela ba ale mave eme loio vola.Amuto hele taro eiau,eme la tahalo ale kama kokora.'²⁸Isusu vei lo maie,''Amuto ge tali me la togo muto ge vahihi amuto ge hilo e Abraham,Aisak,Jakop me egite e Profet oio la mulou tetala,ala moli eme kama oilo . ²⁹Egite ge lomoli la ba ale la haro ge rere tala me loio tela ba ale la haro gotalo oio tai loio te not me saut,me egite ge pou oio tela poro oilo la mulou te Deo. ³⁰Lolo ale,me egiteu ale mulimuli sesele egiteu ge mamuga me egiteu ale mamuga sesele egiteu ge mulimuli sesele.³¹La imamala e Isus vikara kalivu,egite e Faresi gomai veiale Isus,"eme ge heletaro la ba alei me eme ge tuga,ala vula e Herot masaga ge bili eme." ³²Me e Isus vei mae,"amuto goio veila paia hou ale kama kokora,'lolo,eiau abitaro la kalulu ale kama kokora me eiau imauli la valua me hatavivile ale tahoka lailea ale igoe oio tai ale galigeli,me oio te la logo ale itolu eiau ge vikalivu la igogolu tegaku.' ³³Ala moli eiau ge tuga lou gagei me oio tai galigeli me galigeli ovola tai.La vula ,egite kama koramuli ge bili isa e profet oio te la mautu isapolo.Ouka,egite ge bilia oio e Irusalem moli.³⁴Irusalem,Irusalem,eme rovi la bilili egiteu e Profet.Igoe eme puli egiteu la valalua e Deo baha egiteu soma taume me eme laba la vati soio tegiteu kara mae egite ge peho.Te la imamala usu,eiau masaga sesele ge vikapopo amuto tomoli egiteu la valalua me hatavivile,maie tila la kukureko ale vikapopo egiteu e latatula,otalo la palapalala,ala moli amuto kama masaga eiau ge igoa mae. ³⁵Hiloa,"la mautu tamutou ge sululu age tabuli bubu moli.Eiau vei seselea mutou,amuto kama ge hilo eiau,me amuto ge vei mae,E Deo ge toi tigi la tahalo ale loio te la isa le Deo."

Chapter 14

¹Te laharo la lotu isasa,e Isus goio ali oio la luma te la mulugaluga tegiteu e Farisi isasa,me egite mata mulimulia.²La tahalo isa tahoka la ilea,la vahala me la limala sogo sesele eia pou hagavi te Isus.³E Isus tahi egite la tahalo la mari te la lo me Farisi mae,''Ataritigi ge igo tigi egiteu ale lalea te la logo la lotu tamai o ouka?⁴Ala moli egite ka koli isa la merera.Ala e Isus puli eia vimahuli la ilea te tala,me eia baha taroa.⁵E Isus vei agite mae,''ere tamuto ele,la imamala latu la kau te tala boru sotalo te la lulu te la haro la lotu,me eia kama ge lapu haria soata?'' ⁶Me egite kama koramuli ge koli la merera ale.⁷E Isus hilo egite la valalua gomai tai la ilali ale,egite masaga ge pou oio la muli le egiteu ururu.Tio e Isus vateteli egiteu maie.⁸'' Mai la tahalo isa ge baha tavume ge gomai te la ilali la taulaila,tio eme umala ge pou oio la muli gite ururu.Ilava igo tigi egite souka ge baha tavu isa egiteu la uru ge gomai te la ilali alei ele.⁹La imamala ale la tahalo ale tola amuto tomi gomai ,eia ge veiamu maie,eme abia la tahalo ale la pulolou ale mamuga,tio eme ge mahela bara sesele eme ge goio ge pou mulimuli.¹⁰Ala mae isa ge baha tavu eme ge goi te la ilali,tio eme goio pou mulimuli.Me la imamala eia ge hilo me,eia ge vei amu mae,tabaragu,eme hiliti goio pou la pulolou ale mamuga.Me egite la valalua sahari ale pou oio la ilali vikapopo tomi le eme ge bole sae la isamu.¹¹Egite la valalua ale vauru la isa gite lou,La Uru ge vali boru egiteu.Ala moli La Uru vauru la isa la tahalo ale vagotaloa soata sesele''.¹²E Isus vei a latahalo ale baha tavua soio lailali mae,''mae eme ge raragi isa la ilali,eme umala baha tavu e tabarabaramu,me egiteu e valaluamu me egite la karakara taime,me ouka egite ale tahoka la vuliti oio hagavi taime.Igo tigi mulimuli egite ge baha tavu eme,me ge koli la ilali taime.¹³Ala moli mae eme ge igo isa la ilali ale uru,eme baha tavu egiteu ale morivava,egiteu lavalalua me hatavivile ale la vaha me la lima gite ka taritigi,egite la valua me hatavivile la hare gite kapi me egiteu ale mata kea.¹⁴Me egite la valalua me hatavivile ale maiele ka koramuli ge koli rivu la ilali taime.La Uru ge vei balava emei.LaUru ge koli rivu lailali taime,la imamala ale la valalua me hatavivile ale maramara hiliti rivu lotalo la lulu.''¹⁵ Isa te gite ale pou ali vikapopo tomi le Isus lolo la merera ale,me eia vei ale Isus mae,''egiteu lavalalua me hatavivileale ge ali oilo la pulolou te La Tahalo Uru,egiteu ge sagege.'' ¹⁶ Ala moli e Isus vei ala mae,''la tahalo isa raragi isa lailali ale uru me eia baha tavu usu la valalua me hatavivilege gomai te la ilali alei e.'' ¹⁷ La imamala lailali raragiti eia baha egite la bilalaha te tala ge goio te giteu ale eia baha tavu egite,ge vei agite mae,amuto gomai lailali raragiti.'¹⁸Latahalo la bilalaha goio tola ala moli egite vei mae egite kama ge gomai.La tahalo isa vei mae,Eiau loto isa la gale la magasa ala eiau ge goio ge hilo la magasa alele.Soge eiau kama koramuli ge gomai.¹⁹Latahalo isa lou vei maie,eiau loto ilima la kau te la igogolu,ala mae eiau ge goio ge tovolalai egite tela igogolu.ala eiau ka koramuli ge gomai.²⁰Me latahalo isalou vei maie,eiau solo taulai halaba ala eiau ka koramuli ge gomai.²¹La tahalo labilalaha beu rivua soio me vei ale la uru te tala la vikarakarala tomi.Me e tama la luma igototolo me veia la bilalaha te tala maie,eme tuga harari moli soio la gauru te la mautu ge puli egite ale morivava,egite ale la vaha me la lima gite ka tartigi,egiteu ale matakea me egite ale la hare gite kapi.²²Me la tahalo labilalaha goio igoa mae la tahalo uru te tala veia.Mulimuli eia gomai veiala mago,tahalo uru,la rova eme masagea eiau ge igoa,eiau igo tia.Ala moli la luma souka volu.²³Me la tahalo uru veia labilalaha te tala maie,eme goio la gauru ale uru me la gauru ale ogala ge vei vagaria giteu ge goilo,koramuli laluma te gaku ge volu.²⁴Ale la seselela eiau vei amu,egiteu ale eiau bahatavu egiteu ge gomai ge ali egite ka koramuli ge tovolalai lailali taku.''²⁵Lavalalua me hatavivile usu tuga vikapopo tomi le Isus,Me Isus vulogele tavu egiteu me vei agite maie,²⁶''Mai la tahalo isa gomai taku,ala moli eia kama vaigototolo tomi le tama me tila,me rutula me latula,me egiteu e tabarabarala me hatavivilela,me eia ge sugu taro la mahulila lou,tio la tahalo alele ka koramuli ge guvi mai la bilalaha tegaku.²⁷Me latahalo alele kama bole latovolautu te tala ge gomai ge tilimuli eiau,tio eia ka kora muli ge guvi mai la bilalaha te gaku.²⁸Mai isa tamuto,masaga ge tigi laluma tegite la valalua ge pou ge mou robo la papaga,mamuga eia ge pou ge gabutala tigi la wati iriva eia ge tahokea ge vikaluvu la luma alele? ²⁹Igo tigi,eia ka igo maiele,me eia tau la simen me eia ka kora muli ge vikaluvu la luma alele,egite la valalua ge hilo la luma alele egite ge lege vaia.³⁰Mege vei maie,la tahalo ale soko la luma ala moli eia ka vikaluvua.³¹Mae king isasa masaga ge goio ge vikue vikapopo tomi le king ale isapoplo,tio eia ge pou ge gabu tala tigi muga. Eia tahoka ten tausen lavalua la vikuela me egite lavalua ale koramuli ge vikue vikapopo tomi le king ale sapoplo eia tahokea tuenti tausen lavalalua la vikokuela ouka ge ouka? ³²Maige ouka ,la imamala ale egiteu la valalua la vikokuela solo malau eia ge baha i sahari la valalua ge goio harari moli ge vei muli la merera la tia maigila ge vikaluvu la vikokuela ale.³³Me mai moli,mae isasa tamuto kama tautaro tomi la papaga te tala,eia ka koramuli ge guvi mai la tahalo la bilalaha tegaku.³⁴E Isus goma vei lo mae,lamimila eia taritigi,ala moli mae la mamasila ge kaluvu,age mave eia ge abirivu la mamasila mave? ³⁵Lamimila ale a kati koramuli te la magasa,me eia tai kakora muli ge tau vikapopo tomi la tatahe la kau.Egite ge tigitaroa soio.Latahalo ale la gavusala oio eia ge lolo la merera aleie."

Chapter 15

¹Igoe egiteu la valua la ilabi la takis me egiteu la valua la iruru,egite gomai ge lolo la merera te Isus.²Tio egiteu e Farisi me egiteu la valua la mari egite vikara totolo maie,''la tahalo ale eia puli egiteu la valua la igo la iruru,me eia ali vikapopo tomi le egite.³Tio e Isus igo isa la merera la tovolaila soio te giteu me eia vei maie.⁴Mai isasa tamuto tahokea la sipsip la salatu isasa me isa kabili te giteu ge kokovu,koramuli eia ge hiliti taro egiteu ale savulu valasiu gete valasiu oio la ba bubu moli me ge goio ge pamuli ale isasa kokovu ge puli rivua? ⁵Mae eia sivutiti la sipsip alele,eia ge taua te lamagorola me eia ge sagege sesele.⁶Laimamala ale eia guvi oio la luma te tala,tio eia ge tola egiteu e vikilipilipi te tala me tabarabarala ge gomai me eia vei agite mae,amuto gomai sagege tomi le eau.Eiau sivutitia la sipsip taku ale kokovu.⁷Eiau vei sesele amuto,la tia sagegela ale uru sesele ge guvi oio la lalage la imamala ale la tahalo la iruru ge vulo la mahulila.La tia sagegela ale pepe sele egite ale savulu valasiu gete valasiu la valalua me hatavivile.⁸Latavile isasa eia sautola la vati savulu sasa,me mai la vati tetala i sage kokovu.A soge eia kama koramuli ge viroko la lam,me eia ge sasapa la luma ge mamatea koramuli eia ge sivuti la vati alele.⁹Laimamala ale eia sivutitia,tio eia ge tola egiteu e varagalagala me tabarabarala ge gomai ge vikapopo,me eia ge veiagite mae,amuto gomai sagege tomi le eau.Eiau sivutiti la vati tegaku ale eiau igo kokovua.¹⁰Ala mae ,eau vei sesele amuto,egiteu e angelo te la Tahalo Uru oata la lalage ge sagege sesele la imamala la tahalo la iruru isasa vulo la mahulila.¹¹Me e Isus vei lou maie, la tahalo isa tahoka e latula ilua.¹²E latula la vailuala vei ale tamala maie,tete,eme vilele la papaga tomi taume kabili tamilua me tuagu.Ale tegaku eme abiagu,tio e tama girua vilelea lapapaga te tala kabili tegirua.¹³Akama taba e tama girua vilelea papaga alele,E latula ale bisi goio vikapopo tomi la papaga ale tamala abiala,me eia tuga soi isa la ba ale malau.Te la ba alele eia igo la vulovulo ale kama tartigi la vati te tala kalivu.¹⁴La imamala la vati te tala kalivu,la vitolola uru guvi la ba alele.Me eia kati tahoka isa la paga.¹⁵Ala eia goio pamuli la igogolu oio te la tahalo isasaoio la ba alele.La tahalo alele bahea goio baumuli la bolobolo te tala.¹⁶La imamala ale eia baumuli la bolobolo,eia vitolo bara sesele me eia goma ali la bautu labin ale la bolobolo ali piligiligia.Ilava isa ouka abiala la ilali.¹⁷Tio goga la gabutatalala guvi rivu,me eia vei maie,egite la bilalaha oio te laluma te tete,egite tahoka usu la ilali,ala moli eiau ge pou omai ge peho la vitolola.¹⁸Eiau ge hele taroa la ba ale me eiau ge beurivua soio te tete.Me eiau ge vei ala maie,''Tete eiau igo la iruru soio te la Tahalo Uru me soio taume tai.¹⁹Eiau kama tartigi ala eme umala ge tola le eiau mae e latumumu,eme ge tola le eiau mae la bilalaha taume.²⁰Tio eia hiliti tuga rivu soio te tamala.La imamala ale eia solo malau,e tamala hiloa la tia le tamala gogori sesele le eia.E tamala hari soio lauroboa me eia piua.²¹Me e latula vei ale tamala mae,tete eiau igo la iruru sio te La Tahalo Uru me soio taume tai.Eiau kama tartigi eme ge tola le eiau e latumu.²²Alamoli e tamala goi vei agite la bilalaha te tala mae,amuto tuga hari soio abia la lavalava tegiaku ale malau somai ge vikai robo le eia.tau la ring oio la kukula,me vikai le eia la silipa.²³Me amuto goio lao isa e latula bulmakau ale la kabilila tubu sesele.Etato ge igo la ilali me e tato ge sagege.²⁴Ilava,e latugu ale pehoti,ala moli igoe eia mahuliti lou.Eia goi kokovuti,ala moli igoe e tatou abirivutia.Tio egite sagege bara sesele.²⁵Me la imamala ale e latula la posolagu oio la mahuma gomai sibitala.Laimamala ale eia gomai hagagavi la luma,eia lolo la mareregola uru me egite tilalia.²⁶Tio eia tola isa labilalaha gomai eia tahia mae egite ale igigo lava.²⁷La bilalaha alele vei ala maie,e tarimu beurivutia somai,ala e tamamu bili isa la bulmakau ale la kabilila tubu ilava e tamamu sagege le latula beurivutia somai.²⁸E latula la posolagu igo totolo ala eia kama masaga ge goilo la luma.Ala e tamala gali sogala vikara gogo soio te tala veiage lapu la tiala sotalo.²⁹Ala moli e latula la posolagu kolia le tamala maie,loloa,la imamala usu sesele eiau igogolu mai la bilalaha taime,me eiau ka lolotaro isa la merera taime.Me laimamala isa ouka eme ge abiagu isa e latu la meme eiau ge sagege tomi le vikilipilipi gu.³⁰Ala moli e latumu ale vikaluvu tomi la papaga taume soio la vulovulo ale ale kama tartigi.Ala igoe eia beurivua eme sagege leia eme bili isa la bulmakau ale la kabilila tubu.³¹E tamala vei lo ala maie,latugu,laimamala tomi eme mou tomi le eiau me lapapaga tomi tegiaku a taume.³²E tatou ge sagege,ilava e tarimu ale eia pehoti,ala moli igoe eia abi rivu lou la mahulila.Eia goio kokovuti,ala moli igoe e tato abi rivuti loua.

Chapter 16

¹E Isus vei agite la bilalaha maie,la tahalo la vuliti isa eia tahoka la tahalo ale loata tela oio.Egite lavalalua sahari gomai vei ala maie,la tahalo uru taime vikaluvu bubu molitia la papaga taime .²Ala la tahalo la vuliti tolea la tahalo ale loata tetala me tahia maie,ale la vigelemulimulila ale mave eiau loloa taime? Eme ge vei tomi agu la papaga ale eme baumulia ilava,eme kati koramuli ge pou mai la tahalo ale oata.³Tio latahalo ale loata vei ala maie,me eiau ge igo lava,la imamala ale latahalo ale loata taku abi taro la igogolu loio taku.Eiau ka tahoka la vagarila ge oli lamagasa me eiau mahela la tilalahi.⁴Eiau rovi lava ge igoa,me egite la valalua me hatavivile ge puli eiau soio la luma tegite la imamala la tahalo uru ge abi taro eiau loio la igogolu.⁵Ala eia tola egiteu la valalua ale abi la makodo oio te latahalo uru tetala.Me eia tahi la tahalo ale maguga mae,eme abi iriva la makodo oio te la tahalo uru taku.⁶Tio eia vei maie la salatu la oliv vel isasa,tio la tahalo ale mamuga veiala maie,eme abi la buk ale egite kekesi la makodo taime,eme pou otalome kekesia mai la lita savulu lima.⁷Tio mulimuli la tahalo isa gomai la tahalo ale mamuga tahia,eme abi iriva la makodo.eia goio koli ala mae,la bek la vit la salatu isasa,la tahalo uru vei ala mae,abi la buk ale egite kekesi la makokdo taime,eme kekesia mae la bek savulu valu.⁸La imamala ale la tahalo uru loloa mae la bilalaha te tala igoa,eia vaisale sesele la isa la bilalaha tetala ilava,eia abi tataho la gabutatalaale tartigi ge raragi te laimamala eia ge hele taro la igogolula.Egite la valalua ale tilimuli la vulovulo la magasa egite rovi sesele la higuvi la gauru usu ge igo la igogolu tegite,egite pepe sesele egite la valalua me hatavivile ale tilimuli la vulovulo la maga.⁹Eiau vei amuto egite la vatati ale amuto abia oio la gauru ale ka tartigi,amuto abia ge koli isahari.La imamala ale amuto igo mae,egite la valalua egite la valalua ge guvi mae vikilipi tamuto la imamala la vati tamuto ge kalivu,tio egite ge puli amuto soio la luma tegite,me amuto ge pou oio bibibi.¹⁰Mai la tahalo isa baumuli tigi la papaga ale bisisi,tio eia koramuli ge baumuli la papaga ale uru me la papaga ale usu.Mai la tahalo isa ka koramuli ge baumuli la papaga ale bisi,eia ka koramuli ge baumuli la papaga ale ururu me la papaga ale usu.¹¹Mai amuto ka baumuli tigi la vati ale mumugu,ere ge abia muto la vati.

¹³La bilalaha isa ka koramuli ge igogolu lotalo tela huluva la tahalo uru ilua.Eia ge masaga isasa me eia ge tia barala le isa,mai eia ge lolo la merera te isa me eia ka koramuli ge lolo la merera te ale isa.Amuto ka koramuli ge lolo la merera te la Tahalo Uru vikapopo me la vati.¹⁴Egiteu e Farisi masaga sesele la vati ala mai la imamala egite lolo la merera e Isus veipalalea,egite lege leia.¹⁵Tio e Isus vei agite mae,''amuto tovolalai ge igo la vulovulo ale tartigi oio lamata gite la valalua me hatavivile,ala moli la Tahalo Uru rovi la tia muto.La papaga ale la valalua me hatavivile gabua mae a taritigi oio la lagu la Tahalo Uru la papaga ale guvi mai la paga bubu moli.¹⁶La merera la lo me la merera te Profet,eia tabuli vagari kara mai lai mamala te Jon le Baptais guvi.Soko la imamala te Jon,la merera la Kindom te la Tahalo Uru goiola baba tomi.Tio la valalua me hatavivile usu sesele tuha vagari sesele ge goio ovola.¹⁷La mori me la magasa ge kokovu .Ala moli labautu la merera te la Tahalo Uru ka koramuli ge kalivu.¹⁸Mai la tahalo isasa vilele taro e rutula,me eia puli lou isa latavile ale halaba,la tahalo alele igo la vulovulo ale ka tartigi.Mai la tahalo isa puli lou la tavile ale,e haruala toua,la tahalo alele igo la vulovulo ale ka tartigi.¹⁹E Isus vei lo maie,pala sesele la tahalo la vuliti isa pou e,me eia kakai la kairobo ale tarititigi,la imamala tomi eia alali lailali ale taritigi.²⁰Me latahalo la savelevelela,la imamala tomi eia mamavuta oio la mata la bigomu te la tahalo la vuliti alele.Me la kakakali vulo robo tomi la vovola,Laisa la tahalo alele e Lasarus.²¹Eia gabu tatala ge ababi la momo lailali ale paruparu sotalo la huluva la poro te la Tahalo Uru me eia alalia.La paia gomai gagame la kakali le lasarus te la kalamea giteu.²²Laimamala isa la tahalo la savelevelea peho,egite angelo gomai pulia goio hipou hagavia te Abraham.Me la tahalo la vuliti tai peho egite vulaia.²³La kalulula go talo te la mautu tegite la valalua ale pehoti,me eia gagu lailigi ale uru.Laimamala ale eia mata soata,eia hilo e Abraham malau bara sesele me eia hilo tai e Lasarus eia pou hagavi te Abraham.²⁴Me latahalo la vuliti tola vagarime eia vei mae,tete Abraham,la havi tulu ti la vovogu me eiau abi la iligi ale uru sesele.Eme gogo eiau me baha e Lasarus,eia ge tau la kukula soio la lalu,ge gomai ge taua soio la kalameagu ge igo maigia.²⁵Ala moli e Abraham vei ala maie,latugu,la imamala eme mahulihuli,eme abi la papaga ale taritigi,me e Lasarus pou mae latu lagola.Ala moli igoe e Lasarus pou tigiti omaie me eme pou oio la iligi ale uru.²⁶ Me lapaga isasa lou ,la Tahalo Uru tau la baa uru kabili tamutou me amite.Ala maie la tahalo isa kabili tamite ka koramuli ge goio tamuto,me isa tamuto tai ka koramuli ge gomai tamite.²⁷Me la tahalo la vuliti vei maie,mai age maiele,tete Abraham a koramuli eme ge baha e Lasarus ge goio la luma te tete.²⁸Eiau tahoka e tabarabaragu ilima soloio mahulihuli,mege vei agite maie,egite umala ge gomai te la mautu ale eiau ovola,eia tahoka la iligiligi ale uru.²⁹Ala moli e Abraham vei ala maie,e gite tahoka e Moses me Profet oio pou tomile egite,egite koramuli ge lolo la merera tegite.'³⁰Me la tahalo la vuliti koli la merera maie,ouka,tete Abraham,mai isa loio la mautu te gite la valalua ale pepeho ge vei agite,egite ge vulo la tia gite.³¹Ala moli e Abraham veiala maie,mai egite ka koramuli ge lolo la merera te Moses me egite Profet,age mave egite ge lolo la merera tegiteu ale pehoti

Chapter 17

¹E Isus vei agiteu la bilalaha te tala,''La papaga tomi koramuli ge viguvi-agato la pekato. alamoli gogo sele la tahalo aleie egite gomai! ²Eia taritigi taume ge saki sauru lahumu oio la lohola mulimuli labea soilo la mago mulimuli eia ge peho igotigi egite bisisi isasa ge Sautola.³Baumuli emelou. Mai e tabaramu ge pekato, kumuli eia ,mai eme ge vulo,lubea loio la kilisi tetala. ⁴Mai eia ge tahoka la pekato soio taume tagara ivitu tela logo isasa, tagara ivitu tai eme vulo rivu soio tetala, weia, 'Eiau vulo, 'eme lube eau loio la kilisi!"⁵Egite la bilaha weia la Uru (Lord,)hivagari la feit."⁶La Uru (Lord) weia, "Mai eme tahoka la feit mai la vavua, emei ge veia la mulberrr laobu, 'Eme ge lusia, eme ge galua oilo la mago, 'eia ge lolo emei.⁷Alamoli amuto are, ere-tahalo ge oli la magasa ouka ge baumuli la sipsip, masaga ge weiala mai eia ge gomai wei mata gageala,! Agoma karutula eia pouotalo eia ali'? ⁸Eia masaga kamage weiala, 'Raragi lailali taku ge ali, saki laleti vivia oata la kairobo susuli eiau koramuli Eiau ge vikaluvu lailali la iliu. Mulimuli eme ge ali ge liu'?⁹Eia toitigi la tahalo la igogolu lavula eia igo la papaga ale etatu mera-vagari, tet-ala? ¹⁰Maie eme tai, mai eme igo la papaga tomi eme vikara-vagari, eme veia, etato kama la tahalo la igogolu tigila. Amite isahari igo larova amit igigoa. "¹¹Eia gomai tuga soio e Jerusalem, eia tuga kabili te Samaria me Galili.

¹⁴Laimala eia hilo egite, eia veia gite, "Tuga soio vahilome soio tegite patere. " Mai egite tuga soio egite maramara. ¹⁵Mai isasa tegite hiloa maie eia mahuli, eia vulo-rivu, tola vagari sele vaisale e Deo. ¹⁶Eia boru la vaha le Isus 'lavahla, toi tigia. Eia te Samaria.¹⁷Mulimuli e Isus weia,"La tahalo savulusa maramara?Alamoli egite ale valasiu? ¹⁸Egite isasa kamati ge gomai ge vaisale e Deo, egite masagalamosie?" ¹⁹Eia vei- ala, "Hiliti, eme goio. La tautau-lailo taume igo tigim."²⁰Laimala guvi egite tahi egite patere gaisa la kingdom te Deo geguvi, e Isus kolia gite weimaie, "La kingdom te Deo kama ge gomai mai egite ge hiloa la mata. ²¹Egite masaga ge wei maie, 'Hiloa, male aomie!'Ouk, 'Malele aoiole!' male hiloa, la kingdom te Deo oilo taume. "²²Eia veiagite la bilaha, "Lalogo a gomai eme masaga ge hilo la imala te Latula Tahalo, alamoli eme kamati ge hiloa. ²³Egite weiamu, 'Mata,soio!Mata, somai!'Alamoli umala gogala-gala umala hari muli-muli egite, ²⁴mai la sima a meme vaharia loio la gilisu la mori isasa goio tela gilisu la mori isasa lou, tio la masagala te Latu la Tahalo ge guvi lalogo alele.²⁵Alamoli mamuga eia ge savele viruru moli ka tahoka la golugolu egite la walua la imala ale egite pokeala. ²⁶La imala ale aguvi te Noa, age aguvi tai tela imala te Latula Tahalo.²⁷Egite alali, egite liliu, egite taulai, egite taulai goio la imala e Noa goilo la uaga le parao --- la karoro guvi awlilobe tomi egite.²⁸Aamaioli, la imala ale aguvi mai la imala te Lot-– egite alali egite liliu, egite lotoloto egite salim, egite galugalu la ilali egite titigi laluma. ²⁹Alamoli la imala e Lot tuga sogala te Sodom,la hura mela havila salpa loata heven gotalo waliburea egite tomi.³⁰Mulimuli la vulovulo ale ge guvi sauru moli te lalogo ale e Lot la Tahalo ge guvi matagaga. ³¹Oilo lalogo alele mai la tahalo isasa pou oata la varulaluma eia ge gotalo ge abi tigia sogala laluma, umala hipolo bubu isasa logala ge gomai rivu.³² Gabutala e rutule Lot. ³³Mai la tahalo isasa ge sautola la mahulila age heletaroa, alamoli ere heletaro la mahulila eiage sautolea.³⁴Eiau weia muto, la logo alele la tahalo ilua oio la poro isasa. Geabi isasa, isasa ge tabuli. ³⁵La tavile ilua gorivo vikapopo. Isasa ge abia, isasa ge tabuli. "³⁶³⁷Egite tahi eia, "Oiove, la Uru(Lord)?"Eia weia gite," La vovola oiove, egite ale igobubu gomai pou vikapopo. "

Chapter 18

¹E Isus veia giteu isa la merera e bau,te la vulovulo la kilaka te la imamala tomi,me egiteu kama ge silaha, ²Me eia veia,"oio la taon ale uru isasa,e jas isasa oio eia kama tataga e Deo,me eia kama totogo isa la valua me hatavivile.³Me e baharu isasa tai oilo la taon alele,la imamala tomi eia goio te Jas,eia veiala maie,'koli eiau te la kot,la gimagu veia ge igo bara eiau'. ⁴Mamuga e Jas kamasaga ge kolia,ala moli e Jas gabutala rivu,eia vei maie soio tetala lou.'Eiau kama taga e Deo o togo egiteu la valua, ⁵ala moli e baharu ale abiagu la tikumula somai taku,eiau ge kolia te la kot tetala.Me eia kama ge gomai lou ge abiagu la tikumula.'"⁶Me e Deo viea,"amuto lolo tigi lava e jas ale kama taritigi veia. ⁷Asoge e Deo kama ge lapumatata la kot te la valua me hatavivile ale tahoka la tautau la ilo soio tetala,me egiteu kakaka soio tetala,la logo me la haroharo?Asoge e Deo ge pou taba ge koli egiteu? ⁸Eiau veia mutou.E Deo ge koli hari egiteu sesele,maie moli,E latula tahalo ge gomai,eia ge pamuli la faith omai la magasa ale?"⁹Me e Isus veia giteu la valua me hatavivile isahari ale gabutala egiteu lou,oio tai egiteu taho talu egiteu sapolo. ¹⁰"La tahalo ilua goio la temple ge kaka--isa e paresi me isa la tahalo la abi la takesi.¹¹E Paresi eia magiri kaka tabou lou tetala maie,'Deo,eiau toitigi eme maie eiau kama maie eigteu la valalua sapolo--egiteu ale pakalikali,me la valua la iruru,me la valua la ovo tatarola,o maie la tahalo la ilaba la makodo. ¹²Eiau peremu lalogo ilua te la laimamala te la wik,eiau abi la ilabilabi la paga tomi soio taume.'¹³Ala moli la tahalo la ilabi la makodo eia magiri malau pakisi,eia tau la matala sotalo kama soata e heven,eia sabala la magorola me eia vei maie,'Deo,eme gogo eiau,eiau la tahalo la iruru.' ¹⁴Eiau veia mutou,e Deo igo la tahalo ale abi la makodo guvi maroka,me eia beurivua soio la luma tetala,me la tahalo isa ouka.Lavula ilava la tahalo ale kalisasae e Deo ge tau egiteu sotalo.Ala moli la valua ale tau egiteu sotalo e Deo ge tau egiteu soata.¹⁵La valua me hatavivile vaharari latu giteu la pepeso soio te Isus,me eia ge tau la limala oata tegiteu,me ge toi tigi la isa giteu,ala la imamala egiteu e Apostel iloa, egiteu rebukim egiteu. ¹⁶Ala moli e Isus tola egiteu soio tetala,me eia veia,"akorale egiteu bisisi ge gomai taku,umala kumulimuli egiteu,lavula la kindom te Deo a tegiteu ale maie. ¹⁷Asesele eiau veia mutou,egiteu isahari ale kama abi la kindom te Deo maie egiteu bisisi ale,egiteu kama koarmuli ge goilo ovola."¹⁸La gama la mautu isasa tahi e Isus maie,'taritigi la tahalo la veimari,eiau ge igo lava ge abi la mahuli ale tabuli la imamala tomoli?" ¹⁹E Isus koli rivu la merera maie,"te lava eme toi tigi eiau?Isa kama taritigi,e Deo sekela moli. ²⁰Eme rovi la totorobola te Deo--umala igigo la vulovulo la vovo,umala bilibili,umala pakalikali,umala mera gologolo soio te isasa,igo tigi la vulovulo ale taritigi soio te tama me tilamu." ²¹Me la mulugaluga vei maie,eiau tilimuli tomi la totorobola laimala eiau solo bisi.²²Me Isus lolo la merara eia veila maie,"la paga isasa eme souka tahoka.Eme ge abi tomi la papaga ale eme tahoka soio tegiteu la vora,me eme ge tahoka la papaga ale taritigi oio e heaven--me eme gomai tilimuli eiau." ²³Me laimamala la mulugaluga lolo la merera ale eia kama tia sagege,ilava eia tahoka la golugolu tomi.²⁴La imamala e Isus hilo la mulugaluga kama tia sagege,me e Isus vei maie,ativura te la tahalo ale tahoka la papaga usu ge goilo e heven." ²⁵Akama tivura te la kamel ge goilo la hova la lili la somapi,ala moli la tahalo ale tahoka la papaga age tivura tetala ge goilo e heven.²⁶La valalua loloa,me egiteu veia maie,"me ere koramuli ge mahuli?" ²⁷Me e Isus koli rivu la merera tegiteu maie,"larova la tahalo la magasa kama kora muli ge igoa,E Deo kora muli ge igoa."²⁸Me e Pita vei maie,"amite hele taro la pagaga tomoli amiteu tahokea,me amiteu tilimuliti eme." ²⁹Me e Isus vei maie soio tegiteu,"asesele eiau veia mutou,isa kamati oio la luma tetala,oio te rutula,oio te tabarabarala,oio te tamala me tilala,oio tai,te latatula,ilava te la kindom te Deo, ³⁰egiteu kama kora muli ge abi usu oio te la magasa ale,oio tai te la magasa ale mulimuli,te la mahulila ale ge tabuli la imamala tomi."³¹Me e Isus puli vikapopo savulu ge te ilua e aposel tetala,me eia vei maie soio tegiteu,"amutou hilo tia,etatou ge goio e Irusalem,me la papaga tomoli egiteu e profet kekesia age goma la kaluvuluvulula. ³²Me egiteu ge taua soio la lima giteu la momosi,me egiteu ge mera vilea,me egiteu ge imahelea,me ge kavurasi volua. ³³Me egiteu ge kuea,me ge bilia,me mulimuli la logo itolu me eia ge hiliti rivu lou."³⁴Ala moli egiteu e Aposel kama abi tigi la merera ale e Isus veveia,oio tai la merera ale tai tabuli kokovu tai soio tegiteu e Aposel,me egiteu kama laba muli la merera ale eia veveia.³⁵Ala moli egiteu goma hagagaviti e Jerico,e mata kea isaisa popou hagavi la gauru,me eia kakaka egiteu ale tatuga la gauru, ³⁶me eia lolo la valalua ale tatuga soio,me eia tahi egiteu la rova male guvitie. ³⁷Me egiteu la valalua veiala maie e Isus le Nasareti male tatuga soio e.³⁸Me e mata kea le tola vagari soio,eia vei maie,"Isus,latule Daviti,eme suli eiau." ³⁹Ala moli egiteu ale tatuga mamuga,me egiteu vikara roboa,me egiteu veiala ge makovu.Ala moli eia tola polo lou,"latule Daviti,suli eiau."⁴⁰Me e Isus loloa me eia magiri,eia veia giteu pulia soio tetala.La imamala e mata kea le hagavi soio tetala,E Isus tahia," ⁴¹Eme masaga larova eiau ge igoa soio taume."Me eia vei maie,"Deo eiau masaga ge mata rivu lou."⁴²Me e Isus vei maie soio tetala,"eme mata.La tautau la ilomu igo tigi emei." ⁴³Karutu moli eia mata,me eia tilimuli e Isus,me eia vaisele la isa le Deo.Lavalalua tomoli hiloa,me egiteu tai vaisele e Deo.

Chapter 19

¹E Isus guviti me eia polo posa e Jeriko.²Tio,la tahalo isa oio laisala e Sakias.Eia isa lamulugaluga tegiteu ale ababi la takes me eia isa la tahalo la vuliti tai.³Eia masaga seselea veia ge hilo e Isus eia ere sesele ala moli eia kama koramuli ge hiloa egite usu sesele vivi roboa lavuta eia tai kama malau.⁴Eala mae eia hari mamuga te gite la valalua me eia goio sae te la obu isa uru ge hilo e Isus,lavuta e Isus ge polo soio te la gauru alele.⁵La imamala ale e Isus guvi te la ba alele, eia Mata soata tetala me veiala mae, "Sakias, sivo harari moli sotalo, gageie moli eiau ge goio la luma taime."⁶Ala eia sivo harari moli sotalo pulia soio la luma me eia sagege bara sesele. ⁷La imamala ale egite hiloa maele, egite vikara totolo, veimago, "Eia goio hari lalaiti la tahalo ale igigo la iruru. "⁸E Sakias magiri oata vikara soio te Isus, "hiloa, Isus, la gale la vuliti tegiaku eiau ge abia giteu ale morivava, me mai eiau visigolo isahari tai tela paga isahari, eiau ge tau tagara iva lou loata te la mapala. "⁹E Isus vei ala mae, "Igoe la mahulila gomai ti tela la luma ale, lavuta mae eia tai isa e latu le Abraham. ¹⁰Lavuta e latu la Tahalo Uru gomai ge pamuli me ge abi rivu egiteu ale kokovuti. "¹¹La imamala egite lolo la merera ale, Eia vikara susuku moli me eia vei agite isa la tovolalaila, lavuta eia hagaviti soio e Jerusalem, me egite gabutatala veia la Kindom tela Tahalo Uru hagaviti ge sibitala. ¹²Eia vei maie, "la tahalo la vuliti isa tuga soio la ba ale malau ge abi la kindom tela me eia ge beurivua.¹³Eia tola egite la bilalaha tela savulusa me abia gite la vati mai labari savulusa tegiteu isasasa me eia vei agite mae,'amuto igogolu ovola kara mae eia ge beurivua.'¹⁴Alamoli egiteu la valalua te tala vile seselea me baha isahari mulimulia la pokela,ge veiala mae,'Amite kama masaga sesele la tahalo ale ge muga amite.'¹⁵Ala moli eia goio guvi mae isa la mulugaluga te la ba alele a goma beurivua loua,mae eia abiti la muli alele,eia baha tavu egiteu ale eia abia gite la vati ge gomai tetala,me eia ge rovia la vati iriva egite abia loata te la vati ale eia abi agite.¹⁶Isa gomai tetetala te tala,vei mago,'Tahalo Uru,eiau viguvi savulusasa lou loata te ale eme abi agu.'¹⁷''La tahalo uru goma vei ala mae,tartigi pepeho,eme la tahalo la igoglula sesele.Lavuta eme baumuli tataho la paga ale bisi,eme ge baumuli egite la mautu ale savulusasa.'¹⁸Goio lavailualagoio tetala,vei ala mago,larova eme abi agu,tahalo uru,eiau viguvi la bari ilima lou loata ovola.'¹⁹Latahalo uru goma vei ala mae,'eme ge baumuli la mautu ilima.'²⁰Isasa lou goio,avei mago,'tahalo uru,la vati taime male,me eiau avu robola la kulikuli,²¹eiau taga eme,lavuta eme la tahalo ale hate tuu.Eme ababi larova eme kama tatau silo ovola,me eme lukuluku lava eme kama galugalua.'²²Me la tahalo uru goma vei ala mae,la merera tau me lou eia ge mukupile eme,eme la talo ale kama kokora pasi.Eme rovia mae eau isa la tahalo ale hate tuu,ababi larova eiau kama tau soilo ovola,me lukulukuia la rova eiau ka ma galugalua.²³Tio ilava eme kama masaga ge tau la uati taku soio te gite ale vibaumuli la uati,ilava mae eiau ge beu rivua eiau ge abia vikapopo tomi la uati ale sibitala lo ata ovola?'²⁴Tio la tahalo la vuliti vei agiteu ale magiri hagagavi,'Abi taro le eia la uati alele,me abiala la tahalo ale tahoka la uati ale savulu sasa.'²⁵''Egite vei ala,'Tahalo Uru,eia tahoka la uati savulu sasa.'²⁶'''Eiau vei amu,egite ale tahoka ti egite ge abi usu lou,ala moli loio te tala ouka,eala la rova eia tahokea ge abitaroa loio te tala.²⁷Ala moli egite la gima taku,egiteu ale kama masaga veia 4eiau ge uru tegiteu,puli egiteu somai ge bili giteu omai te lalagugu.'''²⁸La imamala vei agite la papaga ale,eia tuga lou,ge goata e Jerusalem.²⁹Eia goio sibi tala hagavie te Betpage me Betani,soio te la gove ale egite toila e Olivet,eia goma baha ilua la bilalaha tetala,³⁰vei mago''Goilo te la mautu ale hagavi.Mai amula sibitalati,amule poga isa e donki isa souka pou lalai ovola.Lubea taroa me amula tatea somai taku.³¹Mai isa ge tahi amula,'ilava amula lubea?' vei mago, 'Latahalo Uru tahoka la igogolu ovola.'''³²Egiteu ale eia baha egite goio poga larova mae e Isus vei agite.³³La imamala egite lubelube la donki ele,e tahalola goio tahi e girua,''ilava amula lubelube e donki ele?"³⁴Egite vei mago,Latahalo Uru tahoka la igoglu ovola.''³⁵Egite tatea soio te Isus,me egite goio pigi la lavalava te giteu soata te donki me egite hipou e Isus oata ovola.³⁶Laimamala eia tuga,egite ava la lavalava tegite oata la gauru³⁷La imamala egite goio hagagaviti la mautu ale la gove le Oliv ovola,egite tomi labilalaha te tala soko la visalela me visale Latahalo Uru soata sesele te la igogolu ale egite hilotia,³⁸Egite tola vagari mago,''la veibalavala te king ale gomai te laisala Tahalo Uru!La tia sagegela oata la mori me la glori oata sesele!"³⁹Egiteu e pariseo kabili tegiteu vei ala mago,''Tahalo La Vimari,eme vikara gusi soio tegite la bilalaha taume.''⁴⁰E Isus kolia gite mago,''Eiau vei sesele amuto,mai egiteu ge makovu,la vatati ale ge tola oata.''⁴¹La imamala e Isus sibitala oio te la ba alele,eia talila,⁴²vei mago,''mai moli eme ge rovi la logo ale,mae eme,la papaga ale vipou tataho amuto!Alamoli igoe egite tabuli kokovuti loio la matamuto.⁴³La imamala mulimuli ge sibitala oata tamuto ale egite lavalua la gima ge tala tavu amuto egiteu ge magiri robo amuto te la mata piro tomi.⁴⁴Egiteu ge sulu tomi amuto sotalo la magasa,vikapopo tomi le latatu muto.Egite kama koramuli ge mata taro isa lauati oata te isasa lavula amuto kama mata kilalalea laimamala ale Tahalo Uru tovolalai viage vaisuli amuto.''⁴⁵E Isus goilo la luma la lotu me eia soko la kumuli taro egiteu ale lotoloto,⁴⁶vei agite mago,''La Buk Tabu vei mae,'La luma taku ale eia laluma la kilaka,'ala moli amuto vulotia eia maiti la luma tegiteu la tahalo la pakalikalila.''⁴⁷Me e Isus vimari egiteu lavalalua me hatavivile oilo la luma la lotu.Egite la mulugaluga la lotu te giteu la valalua me hatavivile masage bilia,⁴⁸alamoli egite kama poga isa la gauru ge igoa lavuta egite lavalalua me hatavivile oio labagele tataho la merera tetala.

Chapter 20

¹Lalogo isa laimamala e Isus vimari egite la valalua me hatavivile oilo la luma la lotu me eia valolo la merera ale tartigi goio egite lamulugaluga la lotu tegiteu e pris gomai te tala vikapopo tomi le egiteu la uru isahari.²Egite vikara,tahia mago,''Vei amite te la vagarila ale mave sesele eme igigo la papaga tomi ale,me ere sesele abiamu la vagarila ale.''³Eia koli rivua gite mago,''E Iau tai ge tahi ruvu amuto tai isa la tilalahi,me amuto ge vei agu.⁴La vuluhi te Joanes;Ale aloata te la mori ouka a te la tahalo moli?"⁵Egite vipigi vulo baoli kabili te giteu lou,''vei mago,mai e tato ge vei mago eia loata te la mori,'eia ge vei a gato mago,me ilava amuto kama tautailailo oio te tala?'⁶Ala moli mae e tato ge vei mago,'aloio te la tahalo moli,'egite la valalua tomi ge dumu vulo e tato,lavuta egite gabu tikumu sesele e Joanes veia eia isa la bilalaha loata te La Tahalo Uru.''⁷Tio egite goio koliala mae egite kama rovia a sibitala love lagu.⁸E Isus vei agite mago,me amai tai ele e iau kama koramuli ge vei amuto te la vagarila ale mave eiau igigo la papaga ale.''⁹Eia vei agite isa la tovolalaila,''La tahalo isa galu isa lamahuma la vain,eia abi agite la valalua la gilalu ge baumulia,me eia goi tuga soio la ba isa malau me eia mou taba sesele.¹⁰Mulimuli la imamala isa guvi eia baha isa la bilalaha te tala soio te giteu ale bau muli la mahuma la vain alele,vei agite mae egite ge abiala la vavua la vain.Ala moli egiteu ale baumuli la mahuma alele kuea,baha taro kavelevele moli ia.¹¹Eia goio baha isa lou la bilalaha te tala egite kue loua,egite igo mahelea,bahataro kavelevele ea.¹²Eia goio baha la vaitolu la tahalo lou me egite borautu a,me egite labea sogala.¹³Tio la tahalo la mahuma la vain ale vei mago,'Eiau ge igo mave?Eiau ge baha e latugu ale eiau masaga seselea.Asoge egiteu ge togoa.'¹⁴''Alamoli la imamala egiteu ale baumuli la mahuma la vain hilo tia ,egite vikara kukumu kabili tegiteu lou,vei mago,'Ale e latula sesele.Etau ge bilia,lavuta la mahuma ale e tato ge tahokea.'¹⁵Egite pigia sogala loio te la mahuma la vain me egiteu bilia.Tio age mave la tahalo la mahuma alele ge igo agite mave?¹⁶Eia ge gomai ge bili tomia egiteu ale baumulimuli la mahuma alele,me age abia gite sahari la mahuma alele.''Laimamala egite lolola merera alele, egite goio vei mago,'soge a kama koramuli ge guvi maiele''¹⁷Ala moli e Isus matatavu egiteu,me eia vei mago''la masivo la merera ale kekesitia mave;'La uati ale egite lavalua la tiligi la luma muku pilea a guvi mae la uati ale magiri totora'?¹⁸Egite tomi ale boru loata te la uati alele ge mapola momo,me latahalo ale boru loata tegiteu age mapola momo sesele.''¹⁹Tio egite la mulugaluga la lotu sautolea te la imamala alele,lavuta egite rovitia mae la merera la tilovo te tala ubi sesele egiteu.Alamoli egiteu taga egiteu la valalua me hatavivile.²⁰Egite mata mulimuli tataho sesele,egite baha taro isahari latahalo tutugologolo via egite maramara,veia e gite ge poga isahari la vasigologolo oio te la merera te tala,me egite ge pulia soio tegiteu la mulugaluga²¹E gite tahia,vei mago,Tahalo la vimarila,amite rovia mae la merera me la vimarila taume a sesele,me a kama loio tela tahalo uru isasa,ala moli eme vimari sesele la gauru te e Deo.²²Eala amite vei age tahi eme a tartigi mae e tato koramuli ge pigi la takes soio te Sisa,o ouka?²³Alamoli e Isus rovitia la vasigologolola tegiteu,me eia goma vei agite,²⁴''Vahilo le eiau isa la vati.Ale lalagu me laisa le ere oio ovola?''Egite vei mago ''te Sisa.''²⁵Eia vei agite,''tio me amuto abiale Sisa la papaga ale a te tala,me ale te Deo a muto abiale Deo.''²⁶Egite kama poga isa la vasigologola oio la rova eia veveia lo lagu te gite la valalua me hatavivile,ala egite karutu tela kiloli la tilalahi tegite,egite makovu moliti.²⁷Egiteu e Sadusis isahari gomai tetala,egiteu ale vei mae la eia kama ge mahuli rivu lou,²⁸egite tahia,vei mago,''Tahalo la vimarila,e Moses kekesia mite mae e tabarala tahalo isa peho,a tahoka e rutula,me egira tama tahoka e latu girua,la tahalo alele ge puli lou e rutule tabarala,me savu lou ala e latu le tabarala.²⁹Tio e taume tabarabara ivitu me la posolagu taulai,me eia goio peho e latula ouka,³⁰la vailuala tai igo maio.³¹La vai tolula puli loua,me amai lou ele la ivitu la tai peho e latula ouka.³²Mulimuli la tavile tai ele peho.³³Maige mulimuli egiteu ge mahuli rivu ,la tavile alele ge rutule ere sesele? la vuhula egite tomi ale ivitu ele pulia.³⁴E Isus vei agite mago,''egiteu e latatu tela magasa egite vipulipuli.³⁵Ala moli egiteu ale maroka te la imamala egite ge mahuli rivu te la pileho egite kamati ge vipulipuli.³⁶Amaie egite kamati ge peho lou,me egite visauru tomi egiteu e angelo me egite e latatu le Deo,egiteu mai e latatu ale hiliti rivu loio tela pileleho.³⁷Ala moli mae egiteu ale pehoti ge mahuli rivu lou,amae e Moses vahilo tila,oio la ba ale la obu kaha,me eia tola La Tahalo Uru e Deo te Abraham me Aisak me e Deo te Jekop.³⁸Mae igoe eia kama e Deo te giteu ale pehoti,alamoli tegiteu ale mahulihuli,ilava egite mou oio te tala.''³⁹Egiteu la tahalo la mari isahari kolia mago,Tahalo la vimarila,eme koli tataho seselea.''⁴⁰Ala mae egite kamati tahi loua isahari la tilalahi.⁴¹E Isus vei agite mago,''egite vevei a mave e Kraist veia e latu le Devit?⁴²Me e Devit lou veia oilo tela buk la bilau,La Tahalo Uru eia vei tia La Uru taku,'pou omai labaligu te la limagu e gata,⁴³kara mae eiau ge igo egiteu la gima taume mae la muli la tilaloa taume.'⁴⁴Ala mae e Devit tola e Kraist' La Uru,'tio mave eia ge e latule Devit?''⁴⁵Oilo te la ilolo tegiteu la valalua me hatavivile eia vei agiteu la bilalaha te tala,⁴⁶''Matarara tigi te giteu la valua la mari,egite lavalava malau sotalo me masaga ge vei balava egite oio te la pulolou ale uru oilo te la luma la lotu me oio tai la ba te lailali ale uru.⁴⁷Egite tamai tuga tatavu la luma te moura miteu e baharuharu,me egiteu veia e giteu ge hilo egite ala egitue igo la kilaka ale malau sesele,Egiteu la valalua ale maele ge bole la tikukumula ale uru bara sesele.''

Chapter 21

¹E Isus mata oata meia hilo la tahalo ale tahoka la vuliti tatau la viabala tegite soilo la muli la vati. ²E Isus hilo isa e baharu oio tai emoura kama tahoka isa lapaga me eia tau moli la siling ilua me e Isus vei mae, ³"Eiau vei sesele amuto la tavile ale kama tahoka isasa la vuliti oio tai e haruala pehoti,eia tau la vati oata egite sapolo. ⁴Egite tomi ale tau la viabila oio tai egite tahola la vuliti.Ala moli emoura e baharu,eia kama tahoka isa la golugolu la papaga,eia tau tomoli la rova eia tahokea oio tela mahulila tetala."⁵La valalua isahari vikara oata la luma la kilaka,te la ba ale egite tokoromo tatahoa la wati ale marasa oio tai la viababila,me e Isus vei maie, ⁶"Me te la papaga tomoli eme hiloa,la imamala isa ge goma me la wati tomoli ale kama ge tabuli oata tegite,egite tomoli ge paru ge kalivu viruru."⁷Me egite la valalua me hatavile tahi e Isus maie,"tahalo la mari gaisa la papaga ale ge guvi?Ere isa la paga amite ge hiloa oio tai ge rovia maie la imamala la papaga ale ge guvi? ⁸Me e Isus koli rivua maie,"amuto ge matarara,igo tigi egite la valalua ge vasigolo amuto.La valalua usu ge goma me toi laisagu,me egite ge vei maie,"eiau la tahalo ale, me, la imamala hagagaviti.Amuto umala tilimuli egite la valalua ale maiele." ⁹Mae amuto ge lolo la vikokuela ale uru,amuto umala tataga.Ala vula la papaga tomoli alele a ge guvi muga,ala moli la imamala la kaluvu la magasa kama ge guvi hari."¹⁰Me Isus vikara lou maie,"la maututula ge vukue rivu kabili tegiteu,me egite la kindom tai ge vikue kabili lou tegiteu.¹¹Oio tai la malugulugu ale ururu ge guvi,me la vitolola me lailea tai ge guvi oio la maututula isahari.La paga usu ge guvi,age igo la valalua me hatavile ge taga,la mori tai ge viguvi isahari la papaga ale etato kama hiloiloa.¹²Ala moli egite la papaga ale souka mato ge guvi,egiteu ge sautola amutou me egiteu ge igo bara amuto.Egiteu ge imagiri amutou oilo la luma la totorobola oio tai oilo la luma la kilaka,me egite ge tau amuto soio tegiteu la mulugaluga,ilava, te laisagu. ¹³Me ale ge guvi maie la imamala ge veipala la merera la seselela soio tegiteu.¹⁴Ala amuto umala tia gogori oio tai gabutala papahi te la merera amutou ge koli rivua soio tegiteu. ¹⁵Eiau lou ge tau la merera oio te la hare mutou oio tai eiau ge abia mutou la gabutatala,ilava egiteu la gima mutou,egiteu kama ge tuatalua oio tai egiteu ge roro muli.¹⁶Egite tama me tila,tabarabara gato oio tai egiteu ale la kasoso gato isa moli, me egiteu e maretoreto tamutou tai ge tau amutou la lima giteu la gima,me egiteu ge bili isahari tamutou ge peho. ¹⁷Egiteu ge gima bara sesele emei ilava te laisagu. ¹⁸Ala moli la ivumu kama ge talulu. ¹⁹Amutou ge magiri totora ge abi la mahulila aleie.²⁰Eme ge hilo lavalalua la vaubila ge magiri robo e Irusalem,me eme ge rovia maie hagavi la kama kokorala ge guvi. ²¹La imamala alele egiteu lavalua me hatavivile oio la mautu e Judea ge hele soata la olu,me la valalua me hatavivile oio la mautu uru e Irusalem egiteu ge hele taroa ge tuga tai.Me egiteu la valalua me hatavivile oio la mautu ale ogala e Irusalem umala ge goililo. ²²La imamala ale tela koli rivu la iruru,me la papaga tomi egiteu kekesia oio la buku te Deo age guvi sesele viruru.²³La tia gogorila soio tegiteu ale savulatu oio tai egiteu ale visusu la pepeso te la logologo alele!La tikumula uru ge guvi la magasa,me la hate mamasila te Deo ge paru oata te la valua me hatavivile. ²⁴La valalua la vaubila ge bili usu sesele tegiteu oio tai egiteu ge abi tomoli egiteu soio la luma la totorobola,oio te la mautu isapolo.Me egiteu la valalua te la mautu isapolo ge toa talu e Irusalem,kara sesele maie e Deo tau la imamala a ge kaluvu.²⁵Me amuto ge ilo la irovila loio te la haro,oio tai te la taio,me la matabu,me te la magasa tai.La maututu ge sululu,me la valalua me hatavivile ge taga la tilali la mago ale ge tarebo. ²⁶La tilaga ge uru sesele ge guvi me age igo egiteu kama ge vagari,me egiteu ge paru bubu moli,ilavula egiteu taga la rova male guvi oio te la magasa.Me la papaga oio la mautu lalage ge malugu lahu.²⁷Me te la imamala alele, la tula tahalo ge gomai oilo te la mori vikapopo la vagarigarila tetala me la glori ale uru sesele. ²⁸Ala moli la imamala la papaga ale ge soko la guluvi,amuto ge magiri ge lagu oata,ilavula la tahalo la kiloli ge guvi hagavi."²⁹E Isus veia giteu isa la vikara la halulu polo,"amuto hilo la obu la fik vikapopo la obu isahari. ³⁰Mae egiti ge tau halaba la galagala giteu,amutou ge hiloa me ge rovia mae la imamala te la haro hagavi ge guvi. ³¹Mea mae moli,mae amuto hilo la papaga ale guvi,amuto ge rovia mae la imamala te Deo ge beua hagaviti.³²Eiau vei sesele amutou maie,egiteu lavalua me hatavivile ale kama ge peho muga kara mae la papaga ale ge guvi. ³³Heven me la magasa ge kalivu,ala moli la merera taku kama ge kalivu.³⁴Ala moli amuto ge matarara oio tamutou lou,igo tigi la tia mutou ge volu la iliu la lalu ale vagarigari,me ge guvi maie paua,me eme ge tia gogori la papaga la vovo.Me la logo ale ge guvi hari sesele mae la mai ale tahoa. ³⁵La imamala ale ge guvi tomoli oio te la papaga tomoli me te la valalua me hatavivile oio tomoli la magasa.³⁶Ala moli la imamala tomoli amuto ge matarara,me amutou ge kaka ge abi la vagarigarila ge koramoli ge hele loio tela papaga ale ge guvi,me ge magiri lolagu te latule Deo."³⁷Me te la logo bibi alele e Isus imari oilo la luma la kilaka,me te la logo eia goio la olu e oliv. ³⁸Me te la kavukoki bisi egiteu tomoli la valalua me hatavivile goio la luma la kilaka ge lolo e Isus ale imari.

Chapter 22

¹Laharo la pougolola te lailali la beret ale kama sogo hagaviti,egite toila la poloselela.Egiteu la mululugaluga tegiteu e pris me egiteu la tahalo la mari viputumulimuli la gauru ale mave egiteu ge bili e Isus oio vola,me egite tataga egite la valalua.³Goio e satangoio te Judas Iskariot,me eia isa tegiteu ale savulusa getelua.⁴E Judas tuga tavu e giteu la mulugaluga tegiteu e pris me la mulugaluga le giteu la valua la vikuela tatahi egiteu la gauru ale mave eia ge sugu taro e Isus soio te giteu.⁵Me egiteu loloa e giteu sagege pepeho me egiteu vei age abi ala la vati.⁶Eia masaga molia ala eia vei age pamuli isa la gauru vei age sugu taro e Isus soio te giteu lamulugaluga loio te giteu lavalalua.⁷Te la imamala sesele gomai te la bret ale kama sogo, me egiteu ge bili e latu la sipsip ge alia mai egiteu ge gabutala la logo la poloselela.⁸Tio e Isus baha e Pita me Joanes,vei mago,''amula goio raragi agato lailali la poloselela,lavuta e tato ge goio ge alia''⁹Egite goma koli rivuala,''eme masaga amite ge raragia te eresa la ba?¹⁰Eia koli rivua gite mago,''hiloa,mai amula ge sibitala oilo la mautu uru,la tahalo isa bolebole la kabala la lalalu eia ge poga amula.Amula tilimulia soilo te la luma ale eia goilo ovola.¹¹Tio amula ge vikara soio te la tahalo la luma,'La Tahalo la Vimari tahi maie,''La ba bakisi te lavalua la mosi oiove,me eiau ge ali la ilali la poloselela vikapopo tomi le la bilalaha tegiaku?¹²Eia ge vahilo le amula la kapiutu isa uru oata te laluma alele.Raragi lailali tegato te la ba alele.''¹³Tio egira tuga,egira hiloa la rova guvi mae eia vei agirua.Tio egirua raragi la ilali la poloselela.¹⁴Laimamala a gomai,eia pou vikapopo tomi le egiteu labilalaha tetala. ¹⁵Agoma vei agite mago, "Eiau masaga seselea ge ali lailali la poloselela vikapopo tomi le amuto mulimuli eiau ge abi la tikukumula. ¹⁶Me eiau vei amuto,Eiau kati koramuli ge ali lou kirigaga mae age puru oilo tela kingdom te Deo."¹⁷Goio e Isus abi isa la kap,me laimamala eia vaisale ti lai sa La Tahalo Uru,eia vei mae,''a bia,me tabaria kabili tamuto.¹⁸Me eiau vei amuto,Eiau kati koramuli ge liu la bulu la vaen lou kara mae la Kindom te la Tahalo Uru ge sibitala.''¹⁹Goio eia abi la beret,me laimamala eia vaisale ti laisa La Tahalo Uru, eia tovia,me abia gite,vei mago,Ale la vovogu,ge abia muto.Amuto igoa maiele ge gabu tala mulimuli eiau.''²⁰Eia abi la kap igo loua maio mulimuli la ilali, vei mago,''Ale la kap te la irovilalala ale halaba oilo te la kasosogu,me age pagegele le amuto.²¹Ala amuto ge loloa.Latahalo ale ge pokeagu eia omai popou tomi le eiau omai te la muli lailali.²²Me Latula Tahalo Uru ge goilo la tikukumula mae egite gabutatalea.Ala moli la tikukumula ale uru sesele te la tahalo ale pokea ala.''²³Tio egite vikara kurumurumu kabiki tegite lou mae ere sa tegiteu sesele ge igo la paga ale.²⁴Goio la vaigototola guvi kabili tegiteu veia mae ere ge uru tegiteu.²⁵Eia goio vei agiteu mae,''Egiteu e kings tegiteu la valalua ale logala eia uru oata tegiteu,me eia ale tahoka la vagarigarila oata tegiteu a vevei egiteu ale igo titigi la vulovulo la ale taritigi soio tegiteu la valalua tegite.²⁶Eala moli amuto umala ge igigoa maiele.age maie,mai ere uru kabili tamuto eia ge vibisi loua,me ere eia pou la mulugaluga eia ge guvi mai la bilalaha.²⁷Ala ere uru kabili tegirua,eiale popou oio la muli la ilali,o ouka eia le guvi mai la bilalaha? Soge akama la tahalo ale popou oio la muli lailali? Eala moli eiau moli kabili tamuto mai la bilalaha tamuto.²⁸Ala moli amutou ele amuto vikapopo tomi le eiau oilo la tilovolovo tegeku.²⁹Eiau abi amuto la Kindom,mae e Tamagu abi agu la Kindom te tala,³⁰me eme ge ali me ge liu oio te la puloloutela Kindom tegaku,me emei ge pou la pulolou ale uru ge mamata loata tegiteu la hili le egiteue Israel ale savulu sa gete lua.³¹''Simon,Simon,mata rara,e satan vei age puli eme,me eia ge lapu lele eme mai la wit.³²Alamoli eiau kakati tamutou,mae amuto kama ge boru te la tautailailo tamutou.Mulimuli mae amuto ge vulo rivu lou,hivagariloua e tabaramutou.''³³E Pita vei ala mago,''Tahalo Uru,Eiau raragiti ge goio vikapopo tomi le eme soilo las luma lakilisi me ge peho vikapopo tomi le eme.''³⁴E Isus koliala mago,''Eiau vei amu,Pita,e kukureko galogo souka ge tali,tio eme ge tahi taro eiau vaka tolu veia eme kama rovi eiau.''³⁵Goio e Isus vei agiteu mago''Mai eiau baha amuto sogala amuto kama ababi la kela,la uati,o la silipa,me amuto boto isahari la papaga?''Egite koli mago,''ouka.''³⁶Goio eia vei agiteu mago,''Alamoli igoe,ere ias ababi la kela,eia ge abia,me age mai tai la tela uati.Me la tahalo ale ka ma tahoka la viso eia ge baha taro la lavalava te tala ge loto isa tetala.³⁷Me eiau vei amuto,la rova mai egite kekesitia age puru omai tegaku,'Egite hiloa veia eia isa latahalo ale kama tartigi.'me larova egite kekesitia age puru somai tegaku.''³⁸Egite gomai vei mago,''Tahalo Uru,hiloa!laviso ilua omaie.''Eia vei agiteu mago,''a koramuli''³⁹E Isus goma tuga,mae laimamala tomi eia igigoa,soi la olu e oliv,me egiteu la bilalaha tetala tilimulia.⁴⁰Laimamala egiteu guvi ,eia vei agiteu mago,''Amuto kaka igotigi amuto souka goilo la tovolalaila.''⁴¹Eia goio tasuku gale taro egiteu mae la malau la vati ale egite labea,me eia toto tulu otalo me eia goma kaka,⁴²veiveimago,''Tete,mae eme masaga, abitaroa la igogolu ale lomai tegaku.Alamoli eme umala ge tilimuli la masasgala tegaku,eiau ge tilimuli la masasgala taume.''⁴³Goio e angelo isasa loata la mori sibitala soio te tala,igo vagaria.⁴⁴Mae eia ilo buruko sesele,Eia kaka vagari lou,me la maholola pusi sohatola me a saisali sotalo la magasa mai la kasoso⁴⁵Me eia goio hiliti lotalo la kilaka,eia goio te giteu la bilalaha tetala me hiloa mae egiteu mavuta tomiti la vuta egiteu ilo burukoti soio te tala.⁴⁶me eia tahi egiteu,''Ilava sesele amutou mamavuta?Amuto hiliti oata me kaka,me amuto kage goilo la tovolalaila.''⁴⁷Laimamala eia solo vikarakara,matasoio,lavalua lagima sibitala,vikapopo tomi le Iudas,eia isa tegiteu ale savulusa gete lua,himuga egiteu.Eia gomai hagavi te Isus me eia piua,⁴⁸ala moli e Isus vei ala mago,Iudas,eme veiage vasigolo e Latu La Talo Uru te la piliu ale?''⁴⁹laimamala egiteu ale vikapopo tomi le Isus hilo la rova guvi,egiteu vei mago,Tahalo Uru,amiteu ge borautu le giteu la viso?''⁵⁰Tio isa tegiteu borautu isa la bilalaha te la mulugaluga tegiteu e pris,me borautu taro isa la pitola.⁵¹E Isus vei mago,''umalati!"Eia sau te la gavusala,me la gavusala guvi tataho lou.⁵²E Isus weia la mulugaluga tegite patere, la mulugaluga te la tempel, la tahalo isauru ka masagea, "Eme gomai mai la tahalo la pakalila, amuto gomai ge sautola la tahalo la vikuela o la pakalila ?53 Mai eiau vikapopo tomi le mei oilo la tempel, eme kama tau la limamu oata taku. Alamoli ale la limamu, alamoli ale la vagariala tela maligoma. "⁵⁴Egite sautolea, egite pulia waharia soio la luma te lamulugaluga te patere. Alamoli e Pita tilimulia la ba malau. ⁵⁵Mulimuli eigite bili la havi kabili la muli la koti kaluvu egite pou vikapopo, e Pita pou kabili tegite.⁵⁶La tavile isasa pou oilo la haga la havi matasoli vagaria eia veiala maie, "La tahalo aleie vikapopo eia. "⁵⁷Alamoli e Pita weia ouka, aveia, "Latavile, Eiau kama rovia. "⁵⁸Mulimuli isbisi hiloa, eia aveia,"Emei isasa tegite tai."Alamoli e Pita weia, "Latahalo, Eiau ouka. "⁵⁹Mulimuli la aua isasa la tahalo masaga ge vikara, "Asele la tahalo ale vikapopo eia, eia te Galili. "⁶⁰Alamoli e Pita weia, "La Tahalo, Eiau kama rovi lava eia veveia. "Karutumoli, eia soko la merera, e kukureko tali.⁶¹Vulorivu,la Uru e (Lord) mata soio te Pita, e Pita gabutala la merera tela Uru e (Lord), laimala eia weiala ,"Mamuga e kureko ge tali gageie eme ge weia tagara tolu eme kama rovi eiau. "⁶²E Pita tuga sogala eia tali barasele.⁶³Mai la tahalo vikapopo le Isus eia kue eia. ⁶⁴Egite tau robo la matala mulimuli egite tahia, veia, "Propet! Ere male kueme?"⁶⁵Egite wei usus la papaga ale kama tartigi te Isus, egite merabreala.⁶⁶Asoloio mai la logo aleie, egite ale ururu mamuga egite la walua me hatavivile vikapopo tomi, alamoli la mulugaluga tegite patere vikakpopo la valua la mari. Egite baea soio te kansol ⁶⁷eia weimaie, "Mai eme e Kraest, veia mite. "Alamoli eia veiagite, "Mai Eiau ge veiamuto, amuto kama ge tautau-lailo, ⁶⁸mai eiau ge tahime,eme kama ge veiagu.⁶⁹Alamoli soko gageie gio, e Latu la tahalo ge pou oio lalimala egata vikapopo la vagariala te Deo?"⁷⁰Egite tomi veia, "Alamoli emei e Latu le Deo?"E Isus weia gite, "Emei veia maie Eiau. "⁷¹Egite weimaie, "Mave sele etato solo masaga ewitnes? Etato sele loloa loio la harela."

Chapter 23

¹Egite tomi ale vikapopo egite hiliti vahari e Isus himagiria mamuga te Pailet. ²Egite tahi eia, veimaie, "Amite poga la tahalo ale magiri robo la mautu ale uru, eia veia maie eialou e Krest,eia king."³E Pailet tahia, vikara, " Ale emei e king le Juis?"E Isus kolia soio tetala weimaie, "Eme wei sesele. "⁴E Pailet weiala mulugaluga tegite patere vikakpopo la walua, "Eiau kama poga isasa la iruru oio tela tahalo aleie."⁵Alamoli egite masaga seselea, veiamaie, "Eia matavu la walua, wei maria gite tomi e Judea,soko loio e Galili agio tomi la mautula. "⁶Mai e Pailet loloa maie, eia tahi la tahalo alele oiove e tau Galilien.⁷Laimala eia rovia maie eia lotalo te la vagari le Herod, eia baha e Isus sio te Herod, la imala eialou oio e Jerusalem tela logo alele.⁸Alisa e Herod hilo e Isus, eia sagege sesele, lavula eia masaga ge hiloa lavula a taba selele. Eia loloti isahari la paga loio tetala la paga isahari guvi egite hiloa la merakel guvi loio tetala. ⁹E Herod tahi e Isus la merera usu sesele, alamoli e Isus kama koliala isasa la merera. ¹⁰La mulugaluga tegite patere la valua la mari tai magiri, egite kuetai.¹¹E Herod vikapopo le gite la valua tetala mera bareala. Egite masagea ge abiala isasa la kulikuli mulimuli ge baha rivua soio te Pailet.¹²E Herod me Pailet rovi tataho egite isasa tela logo aleie, mai ale pala gite kama tame tabara bara tegite isasa.¹³E Pailet tola tomi egite la mulugaluga tegite patere ge bahataro la lolo la valua me hatavivile ¹⁴mulimuli aviagite maie,"Eme puliagu la tahalo ale muga egite la walua me hatavivile ale tilimuli la wulowulo ale kama taritigi, em hiloa, Eiau, tahi mamuga me, kma poga isasa la iruru oio tela tahalo ale.¹⁵Ouka, e Herod, eia baha rivua somai tegato, ge hiloa,eiau kama sagege la pileho ale guvi tetala. ¹⁶Eiau masaga ge vahilo ala ge bahataroa. "¹⁷¹⁸Alamoli egite tali tomi, wei maie, "Bili la tahalo le, bahataroa mite e Banabas!"¹⁹E Banabas isa la tahalo egite taua oilo la totorobola eia kamati ge varumu oilo la citi kamati ge totorobo.²⁰E Pailet tahirivu egite, eiau ge bahataro e Isus. ²¹Alamoli egite tola vagari maie, "Bilia age peho, Bilia age peho. "²²Eia veia gite la tagara tolu la, "Mave, la tahalo ale igo la iruru mave. Eiau kama poga isasa la iruru la pileho loio te tala. Alamoli mulimuli eiau abiala la ilig,Eiau ge bahataroa. "²³Alamoli egite tola vagari, egigte vei vagariala ge lilia. La golu gite bulirobo e Pailet. ²⁴Tio e Pailet lolo la merera tegite.²⁵Eia bahataro la tahalo egite tahia ge taua soilo la totorobola. Alamoli eia tau e Isus soio tegite.²⁶Egite vaharia soio, egite hilo isasa la tahalo la isala e Simion le Sairini, eia veia ge goilo la siti,tilimuli e Isus.²⁷La lolo la valua me hatavivile, egite hatavivile iahari taitali isahari bau gogori leia, egite tilimulia. ²⁸Alamoli avulrivu soio tegite, E Isus weimaie, "Amuto hatavivile Jerusalem,umala taitali leiau, alamoli tali rivu lemei and vikapopo le latatumu.²⁹Hiloa, lalogo a gomai egite weimaie, toitataho laimala isahri egite ale valirobo kama popigo, egite tai ale kama vsusu.'³⁰Mulimuli egite weiagite laolu, 'Pigirobo amiteu,'egite la ololu,'ge Taurobo amiteu.'³¹Mai egite igo la papaga tomi laimala la obu guvitaho, Larova ge guvi eia ge magolu?"³²La tahalo ilua, egira tahalo la pakalila, egira vikapopo tomi leia egite ge bili egite.³³Egite gomai la ba ale egite toila,"La tuha la Gama," Egite haratili eia vikapopo egira ilua-- isa loio e gata isa loio meru. ³⁴E Isus weimaie, "Tete,abitaro la iruru tegite, egite kama rovi lava egit igigoa. "Egite pilai satu, ge tabari la kairobo tetala.³⁵La valua me hatavivile magiri mamata almoli egite isahari weibarela la merera, weimaie,"Eia koli isahari. Korale eia ge koli eialou, mai eia e Kraist e latu le Deo, eia lou turia."³⁶Egite sodia tai mera bareala tai, egite gomai tetala, egite weia ge abiala la viniga ³⁷egite weimaie,"Mai eme king tegite Juda, eme kolirivu em lou,"³⁸Egite ago isasa la merera sakia oata la tovolautu tetala,"Ale e King le Juda."³⁹Isasa tegira ilua titili vikapop tomi le Isus weimaie, "Eme kama e Krais? Eme koli rivu me. " ⁴⁰Alamoli ale isasa korosia eia, wei maie,"Eme kama taga e Deo, alamoli eme tai lotalo la tukumula aleie? 41 Egite ge bili etala ge peho, egite igo la vulovulo ale tartigi. Alamoli la tahalo ale kama igo isasa la iruru. "⁴²Mulimuli eia weimaie, "Isus, gabutala eiau laimala eme ge goio la kingdom taume."⁴³E Isus weiala, "Laselela eiau weiamu, gageie eme ge vikakpopo tomi le yau oilo e paradis."⁴⁴Igoe lapaga mae belo. Lapaga maligoma bulirobo la magasa igaga mai la matalaharo itolu la maulavi, ⁴⁵la haro kama paga. Mulimuli la kulikuli la tempel masile lua⁴⁶Eia tali uru sesele, e Isus weia, "Tete,oilo la limamu Eiau tau la kalulugu soio lalimam."Eia veimaie, eia pehoti. ⁴⁷E Kepten hilo larova guvi, eia gloripaim e Deo, veimaie, alamoli la tahalo aleie kama tahoka isasa la iruru. "⁴⁸Ale egite la valalua me hatavivile egite gomai vikapopo ge hilo larova ge guvi, egite beuriva sabala la magoro gite. ⁴⁹Alamoli egite ale rovia, ala la tavile tilimuli soio e Galili, eia magiri malau, hilo larova guvi.⁵⁰Sautola ,la tahalo isasa laisala e Josep, eia isa tegite kansol. Eia taritigi sesele oio tai la tahalo kama igigo isasa la iruru. ⁵¹La tahalo ale kama sagege la merera egite kisia egite kansol oio tai la vulovulo gite. Eia loio tela mautu Judea la taon e Arimatea,eia mamata loio tela Kingdom te Deo⁵²La tahalo, eia tahi e Pailet, eia tahi muli la wowo le Isus. ⁵³Eia abi sotalo, eia tauroboa la kulikuli ae kakea, eia taua oilo la Tum ale egite wokula la humu, maie isasa souka tabuli oiovola.⁵⁴Ale la Logo la Raragila, la siloko la Sabat eia ge soko. ⁵⁵La Tavile loloa maie Isus goio e Galili eia tilimulia a hilo la Tum mave la wowo la Tahalo isasa oio tabulibuli. ⁵⁶Egite beua raragi la muli la marasin mela weli ale malivili. Alamoli oio la Sabat egite maila tilimuli la merarobola.

Chapter 24

¹La imamala isa te la logo ale mamuga te la wiki,egiteu hatavivile abi la marasini ale vagari,a mali hahae,me egiteu raragia.Me egiteu veia ge goio la liba. ²Egietu pamulia mae la mata la liba kama ti oio la mulila,egiteu buli tarotia. ³Egiteu gali soilo,ala moli egiteu kama hilo la vovo la matea le Isus Krais.⁴Lapaga guvi maie,me egiteu la hatavivile gabutala papahi,karutu moli la tahalo ilua kai la kai robo ale mememe magiri kabili tegiteu. ⁵Me egiteu la hatavivile me egiteu taga bara sesele,me egiteu lagu moliti sotalo la magasa.Me egirua vikara maie soio tegiteu,"ilava amutou pamulimuli la tahalo ale mahuliuli kabili tegiteu ale pepeho?"⁶Eia kama omaie,eia hiliti rivuti!Amutou gabutala tai la rova eia veia mutou la imamala eia oio e Galili, ⁷la vikara magiri maie,egiteu ge puli latu le Deo soio te la lima giteu la gima ge lilia oio te la tovo la utu,mulimuli te la logo itolu eia ge hiliti rivu lou.⁸Egiteu la hatavivile gabutala rivu lou la merera te Isus, ⁹me egiteu heletaro la liba,me egiteu goio veia giteu e apostel tetala ale savulu te isa,te lava egiteu hiloa. ¹⁰Me e Meri Magdalin,e Joana,e maria e tila le Jems,vikakapop egiteu la hatavivile ale sapolo goio valolo egiteu e apostle te la papaga ale.¹¹Ala moli la merera ale mae la vasigologolola soio tegiteu e apostle,egiteu kama tau la ilo giteu te la merera ale egiteu la hatavivile veia. ¹²Me e Peta hiliti oata,me eia hari soio te la liba,me eia goio tiloho soilo.Eia hilo la kai robo ale egiteu viri robo e Isus oilo tabulibuli.Me e Pita beu rivua soio te la luma tetala,eia gabutala papahi te la rova male guvitie.¹³La imamala ale e apostel ilua tuga la gauru ge goio la mautu e Emaus.E Emaus tabuli savulu la tasi malau te la mautu e Irusalem. ¹⁴Egiteu vikara mulimuli kabili tegiteu la papaga ale male guvitie.¹⁵Me a guvi maie,la imamala egira vei mulimuli la rova,oio tai egira tahi rivurivu lou egira,me e Isus lou guvi soio tegirua me tuga viakapopo egirua. ¹⁶Ala moli la mata gira kama hilo tigia maie ale e Isus.¹⁷Me e Isus vikara soio tegira maie,"ere isa la paga male amula tatuga vei mulimulia le?"Egira magiri lagu gogo. ¹⁸Isa tegira laisala e Cleopas,eia koli rivua,"eme soge la tahalo isasa moli oilo e Irusalem,ale kama rovi la papaga male guvi te la logologo ale tugati?"¹⁹E Isus vikara soio tegira maie,"ere isa la papaga?"Me egira koli rivu eia,"la papaga ale male guvi te Isus le Nasaret,eia isa e profet,eia igo la igogolu ale uru sesele te Deo oio tai eia imari la valua me hatavivile la merera oio te la mata le Deo,oio tai egiteu lavalua me hatavivile, ²⁰me mave egiteu e chif pris vikapopo egiteu la mulugaluga tegatou, taua soio te giteu la gima ge bilia,lilia oata la tovo la utu.²¹Ala moli amiteu rovia mae eia la tahalo moli ale ge abi rivu la valalua me hatavivile le Israel loio te la lima giteu la gima.Me te la papaga tomoli alele la logo itolu ti la papaga ale guvi.²²Ala maie,egiteu la hatavivile isahari kabili tamiteu igo amiteu karutu bara sesele,te la kavukoki bisi igoe oio te la liba. ²³Te la imamala ale egiteu kama hilo la vovo le Isus oio la liba,me egiteu beu rivua,veia miteu maie egiteu hilo egiteu e Angelo me egiteu e Angelo veia giteu mae e Isus mauhuli rivuti. ²⁴Me la valalua isahari vikapopo amiteu goio te la liba,me egiteu hilo lava male egiteu la hatavivile veia ovola.Ala moli egiteu kama hilo e Isus."²⁵E Isus vei mae soio tegite,"egiteu la valalua la tutugolola,egiteu kama tahoka la tautau la ilo te la merera ale egiteu e profet veia." ²⁶Ala amuto kama rovia maie e Isus ge abi muga la iligi,Me mulimuli eia ge goilo la marasala te tala?" ²⁷Asoko loio te Moses selea soio tegiteu e profet,e Isus vulo tataho soio tegiteu la merera me la papaga ale vevei eia.²⁸Egiteu tuga goio guvi hagavi la mautu ale egiteu gabutala ge goio ovola,E Isus igo mae eia masaga ge tuga suko lou soio. ²⁹Ala moli egira vei maie soio te Isus,"pou vikapopo amila,la paga hagavi maulaviti me la logo ale hagavi ge kaluvu."Ala e Isus goio pou vikapopo egirua oio la luma tegiteu.³⁰Mulimuli eia pou ali vikapopo egiteu,me eia abi la bereti toi sagege e Deo,putua me eia abia giteu. ³¹Me la mata giteu kope,me egiteu rovia maie ale e Isus,karutu moli eia kokovu lou loio la mata giteu. ³²Me egirua vikara kabili tegirua maie," la seselela la imamala eia tuga vikapopo e tala la gauru eia wala la merera loio te la buku te Deo,me la tia mila hiliti sesele?"³³E girua hiliti harari moli beurivua soio e Irusalem.Me egira pamuli egiteu e Aposel ale savulu te isa,me egiteu sahari lou ale vikapopo egiteu. ³⁴Me egirua veia giteu,"la seselela e Isus hiliti rivuti lou,me eia guvi soio te Simon." ³⁵Me la tahalo ilua veia giteu larova male guvi tegirua te la gauru,me oio tai me egiteu rovia te la imamala ale e Isus putu la bereti vikapopo egiteu.³⁶Me la imamala ale egiteu soloio vikarakara te la papaga ale ,E Isus lou guvi kabili tegiteu,me eia vei maie,"la tia gogorila soio tamutou." ³⁷Ala moli,egiteu taga bara sesele ilavula egiteu gabutala egite ilo isasa la hitu.³⁸Me e Isus vikara soio tegiteu,"ilava amuto taga? Ilava amuto gabutala papahi oilo te la tia mutou? ³⁹Amutou ilo la limagu me la wahagu,me eiau moli e.Amutou pilau eiau me iloa.La hitu kama tahoka la mailila me la tuhala,me amutou iloa eiau tahokea." ⁴⁰E Isus vikara maie soio tegiteu,me eia vailoa giteu la limala me la wahala soio tegite.⁴¹Egiteu kama koramuli ge tau la ilo gite ilavula te la tia sagegela ale oio tegiteu,me egiteu gabutala papahi.Me e Isus tahi egiteu,"Amuto kama tahoka isahari lailali ale ge alia?" ⁴²Me egiteu abiala isa la hapu laia ale egite boilim, ⁴³Me eia abia alia oio la mata giteu.⁴⁴Me e Isus vikara maie soio tegiteu,"la imamala eiau soloio vikapopo amutou,eiau veia mutou maie,la merera tomi egiteu kekesia te la buku la totorobola te Moses,me oio tai egiteu e profet,me te la buku la bilau tai,la merera ale vei moli eiau me age guvi."⁴⁵Me eia igo la gabutala giteu kope, me egiteu ge rovi matagaga la merera ale oio te la buk tabu. ⁴⁶Me eia vikara soio tegiteu maie,"egite kekesia maie,e Isus Krais ge bole la tikumula me la iligila,me age hiliti rivu lou loio te la pileho te la logo ale itolu. ⁴⁷Ala la vulovulo la mahulila me la veipalala vulovulo,ale kama taritigi,ge vei tomolia soio te la maututula,soko te Irusalem.⁴⁸Amutou ge veipala la papaga tomoli. ⁴⁹Me iloa,eiau baha la vikara la kilisi te Tama gatou somai tamuto.Ala moli age kara moli e Irusalem kara maie amutou ge kirobo vikapopo la vagarigarila ale oata sesele.⁵⁰Me e Isus puli egiteu sogala la mautu me egiteu goio guvi hagavi e Betani.Me eia abi la limala oata,me eia vei balava egiteu. ⁵¹Me la imamala alele,eia vei balava egiteu eia heletaro egiteu me eia goata e Heven.⁵²Me egiteu lotu le eia,me egiteu beurivua soio e Irusalem vikapopo la tia sagegela ale uru sesele. ⁵³Me la imamala bibi egiteu pou oilo la luma la lotu,Egiteu vaisale la isa le Deo.

John

Chapter 1

¹Araura tela silokoloko la merera oio ti. me la merera oio vikapopo me e Deo,la merera le eia tai e Deo. ²La paga moli ale isasae eia oilo ti tela silokoloko me eia vikapopo le Deo. ³La papaga tomi eia visibitala egite me egite tomi guvi loio tetala. mae eia ge ouka la paga tai isa ge ouka mae la papaga tomi ale sibitala ti eia vipou egite.⁴Me oilo moli tetala la mahulila oio. me la mahulila eia la matagaga oilo tela tahalo. ⁵La matagaga maga oilo tela maligoma, la maligoma kama koramuli ge vagotalo eia a solio pepe.⁶ La tahalo isa e Deo baha eia, la isala e Jon. ⁷Eia gomai mae la vei selela me eia ge valoka la matagaga le. via egite la valua tomi ge tautaulailo loio tetala. ⁸ E Jon eia kama la matagaga, Alamoli eia gomai ge vigali la matagaga sogala.⁹La matagaga ale sesele. ale abia la valua tomi la matagaga. me eia ge gomai tela mautu la magasa tomi.¹⁰Me eia oilo la mautu la magasa tomi, me eia visibitala la mautu la magasa tomi. alamoli la mautu la magasa kama rovi eia, ¹¹Eia guvi tavu egiteu tetala sele, alamoli egiteu ale tetala sele kama kaka tavu eia.¹²Alamoli egiteu ale usu sele abi eia soilo la mahuli tegiteu. me egite tautaulailo oilo tela isala. Tio eia lou abia giteu la muli ge sibitala mae e latatule Deo. ¹³Egiteu ale kama pigo egite loio tela kasoso, ouka loio tela masagala tela vovo, ouka la masagala tela tahalo. ouka aloio te Deo¹⁴La merera guvi tahalo mou kabili tegatou. Me etatou tomi hilo la matagagala, la matagagala mae sele ale isa moli ale gomai loio tama gatou. ¹⁵E Jon vikara matagaga le eia, me eia tola sogala, mago, " Aleie eia moli male eau vei palaea mago, 'La tahalo ale ge gomai mulmuli taku eia uru loata taku, me eia mamuga mulmuli eau."'¹⁶Me loio tela viriru la tetala moli etato tomi abi la gilogo la imamala tomi. ¹⁷Tio la viturila egite abia loio te Moses. La gilogo mela merera la selela egite abia loio te Isus Kraist. ¹⁸Isa palati souka koramuli ge hilo lai e Deo, Eia moli ale pouti oio la bali le tama gatou, me eia moli male visibitala e Deo egite rovi eia.¹⁹Aleie eia la vikara matagaga la te Jon la imala egite Juda baha egiteu e Paraseo me egite Livai soio tetala loio e Jerusalem g tahi eia, " Eme ere sele?" ²⁰Me eia vei palaea ___ eia kama vei roboa, me eia veipalea" Eau sele kama e Kraist." ²¹Egite tahi lou eia," me eme ere loue? Eme e Elaija?" Eia vei mago, " Eau kama eia. " Egite goio vei mago, " ila eme la Propet?" Eia goio kolia gite mago, "ouka."²²Goio egite veiala mago," Eme ere sele, veia mite ila amite ge abi rivu la kiloli la merera soio tegite ale baha amiteu? Me ila amuto veia oio tamuto lou mave?" ²³Eia goio vei mago, " Eau la golu moli, taitali oilo la ba la kue pa: 'Igo la gauru tela Uru ge matata,' mae moli ale e Propet Aisaia vei tia."²⁴Tio egite goio baha isahari loio tegite la Paraseo, ²⁵Egite goio tahi eia me egite goio veiala, " Ilava eme vuhi egite la valuala Alamoli eme kama e Kraist ouka e Elaija ouka la Propet?"²⁶Goio e Jon kolia gite mago," Eau vuhi la lalu. Alamoli kabili tamuto la tahalo isa magiri tamuto kama rovia, ²⁷Eia moli male ge gomai mulmuli taku, la mota la vapolo tetala eau kama koramuli ge lulu taroa." ²⁸Egite la papaga aleie a sibitala oilo e Betani loio la gale le Jordan loio, la ba ale e Jon vuvuhi ovola.²⁹La logo ale galgeli mae e Jon hilo e Isus loio gomai tetala a goio vei mago, " Hiloa, male la sipsip te Deo ale ge abitaro la iruru tomi tela mautu la magasa! ³⁰ Ale la tahalo ale eau veia muto ovolao,'La tahalo ale ge gomai mulmuli taku eia uru tavua gu, la vuhula eia mamuga taku.'³¹ Eau kama rovi eia, Alamoli age maele la vuhula eia ge tau pala eia soio tegite Israel mae eau gomai ge vuhi molila la lalua."³²E Jon Jon vikara matagaga, eia vei mago,Eau hilo la kalulu maroka sivo loata la ilo lalage mae la malu la kuru, eia goio pou oata te tala. ³³"Eau kama rovi matagaga eia, alamoli la tahalo ale bahataro eau ge vuhi egite la valua me hatavile oilo la lalu veiagu mago,'mae eme ge hilo la kalulu sivo loata tere a pou loata tetala,la tahalo moli alele eia ge vuhi la valua me hatavile oilo tela kalulu maroka.!³⁴ Eau hiloa me eiau veipalea mae ale Eia e latu le Deo."³⁵Goio la logo isa lou polo, laimala ale e Jon magiri vikapopo me mela disaipel tetala ilua, ³⁶egite hilo e Isus loio tatuga ,me e Jon vei mago, "Mata soio, la Lem te Deo!"³⁷Egira disaipel tetala ilua loloa vei maele me egira goio timuli e Isus. ³⁸ Goio e Isus vulo eia goio hilo egira timulia me eia tahi egira mago, "Amula masaga la rova?"Egira koliala mago ,"Tahalo la vimari ","Eme popou oiove?"³⁹ Eia veia gira mago, "Gomai hiloa. "Goio egira gomai hilo la ba ale e Isus popou ovola ;egira pou tomi le Isus la logo alele, alele tela mata la haro ale savulu sa.⁴⁰Isa tegira ale lolo la merera te Jon me agoio selea tilimuli e Isus e Endru, e tabarabara le Saimon Pita. ⁴¹La muluga la tahalo ale eia pogea e e tabarala e Saimon me eia goio veiala mago, "amite poga ti la mesaia" (ale la masovala mae: e Kraist).⁴² Tio eia goio puli eia soio te Isus, goio e Isus matavua me goio veiala mago, Eme e Saimon e latule Jon. Eme ge tola le emei e Kepas" ( ale la masovala mae e Pita).⁴³Goio la logo isa lou, la imala e Isus masaga viage goio e Galili, eia goio poga e Pilip me agoio veiala mago," Tilimuli eau. "⁴⁴E Pilip ele eia loio e Betsaida, la City te Andru me Pita. ⁴⁵E Pilip poga e Nataniel me eia goio veiala mago, " La tahalo ale e Moses kekesi le eia oilo la viturila, me egiteu la propet, amite poga ti eia: e Isus e latule Josep, eia loio e Naseret."⁴⁶E Nataniel goio veiala, " Akoramuli la paga ale tartigi isa sibitala loio e Naseret? " e Pilip goio veiala mago, Gomai hiloa." ⁴⁷E Isus goio hilo e Nataniel loio ge gomai tetala me a goio veiala,"hiloa, la tau Israel ale sesele, oilo tetala la vasigologolola ouka!" ⁴⁸E Nataniel goio veiala mago, " Eme rovi eau mave? " Mamuga teale e Pilip ge tola emei, la imala ale eme pou lotalo la miau la obu la Fik, eau hilo pala ti emei."⁴⁹E Nataniel goio koliala mago, "Rabi, eme e latule Deo! eme e suara tegite Israel!" ⁵⁰E Isus goio koliala mago, la vuhula eau veiamu mae, ' Eau hilo eme lotalo la obu la Fik,' Eme tautaulailo ti? Eme ge hilo lou isahari la papaga ale ururu loata te aleie." ⁵¹Goio eia vei mago, ale la selela,me a sesele, Eau veiamu, eme ge hilo la ilo lalage ge kope, me egite la Angelo te Deo ge lovo soata la ilo lalage me ge lovo sotalo loata te e latu la tahalo Uru."

Chapter 2

¹Goio la logo itolu polo, la pou golula tela taulaila oilo e Kana la ba e Galili, e tilale e Isus tai oio tela imala alele,²E Isus vikapopo me egiteu la disaipel tai egite tola egite soilo tela pulou la taulaila le.³La imala ale Vaen la kaluvu tomi, e tilale Isus veiala mago, "Male egite la Vaen ouka ti. ⁴E Isus veiala mago, " Tavile uru, ilava eme hari lou somai taku? la imala taku souka gomai."⁵Goio e tilala veia gite la valua la igolu mae," La rova eia ge veia mutou, igo molia."⁶Tio oilo vola le la kabala la Uati tela lalu ale ururu ivolo egite taua ge uasasi la vaha gite ovola ale la vei mulila te uru tegite Juda, la ilola oilo koramuli ge sautola la lalu la lita ge savuluva. ⁷E Isus veia gite mago, "saho la lalu soilo la kabala le, Tio egite saho volu tomi la lalu soilo tegiteu. ⁸Goio eia veia gite la valua la igolu mago, " Sigili taro isahari abia soio tela gama gite ale oio tela pulou la poutalila. " me egite igoa.⁹Goio la gama gite ale oilo tela pulou la poutalila liu lai la lalu ale vulo ti mae la Vaen, alamoli eia kama rovia la Vaen le loveie ( alamoli egite la valua la igolula moli rovia). Agoio tola la tahalo la taulaila ¹⁰Me eia goio veiala, " la valua la tabarila vimuga taro la Vaen ale tartigi goio ale kama tartigi ge mulmuli tela imala ale egite paua ti la iliu. Alamoli aleie eme taukovu ale tartigi kara ti mae."¹¹Aleie eia la siloko irovilala e Isus igoa oilo e Kana la ba e galili, me eia taupala la marasala tetala, tio egite la disaipel tetala tautaulailo oilo tetala.¹²Mulmuli vola e Isus, e tilala egite tabarabarala,me egite la Disaipel tuga soio e Kapernaum egite pou ovola la logologo isahari.¹³La imala alele la pou golula tela pasova hagavi ti, tio e Isus tuga goata e Jerusalem, ¹⁴Agoio poga tavu egiteu ale babaha la Kau la sipsip la malmalu oilo la luma la lotu, me giteu tai ale tela vululo la wati oio popou tai ovolao.¹⁵Tio eia goio mali la kada la mota me eia ge basimuli tomi egite sogala loilo la luma la lotu, egite vikapopo mela sipsip me eia goio pigi bura koins tela wati tegite ale vululo la wati me a buli pepe la poroporo tegiteu. ¹⁶Me soio tegite ale babaha la malmalu, eia veia gite mago, "Abi taro la papaga aleie lomai la ba aleie. Amuto umala ti igigo la luma te tete la ba la bilaha la papaga."¹⁷Egiteu la Disaipel tetala goio gabutala la rova ale kekesia tia," la masagala tela luma taume ge abi tomi eau," ¹⁸Goio egite la mulugaluga tegite Judah lobagele tavua me egite vei mago, "La irovilala ale mave eme ge vahililo amite, sokoa teale eme eme oio igigo la papaga aleie?" ¹⁹E Isus goio vei mago. " lobea la luma la lotu aleie, me oilo tela logo itolu moli eau ge vimagiri rivu loua soata."²⁰Goio egite la mulugaluga tegite Juda vei mago, " La leavala savulu va gete volo abi egite ale igolu la luma la lotu aleie, ale eme viage vimagiri rivua soata tela logo itolu moli?" ²¹Ale mae, eia meramera tela luma la lotu ale la vovola lou. ²² Mulmuli teale eia hiliti rivu loio tela pileho, egite la Disaipel tetala gabutalea mae eia vei mae. tio egite tautaulailo tela merera me oio tela bautu la merera ale eia vigalia tia.²³La imala ale eia oilo e Jerusalem tela pou golula tela pasova, egite la valua me hatavile usu sele tautaulailo oilo tela isala la imala egite hilo egite la irovilala tomi ale eia igoa. ²⁴Alamoli e Isus kama tautaulailo oilo tegiteu la vuhula eia rovi tomi egiteu, ²⁵La vuhula eia kama masaga lou isasa ge mera matagaga soio tetala tela tahalo. ila eia lou rovi la rova oilo tela tahalo.

Chapter 3

¹Tio e Paraseo isa la isala e Nikodemus, eia la mulugaluga tegite Juda. ²La tahalo aleie tuga tavu e Isus tela logo me eia veiala,"Rabbi, amite rovia via eme la tahalo la vimari ale loio te Deo, la tahalo isa kama koramuli ge igo tomi la irovilala ale eme igo tia mae moli e Deo ge vikapopo me le eia."³E Isus goio koliala mago, Asele, me asele, maemoli isa kama ge pigo halabala lou, eia kama koramuli ge hilo la mautu la sagegela te Deo." ⁴E Nikodemus veiala mago," La tahalo ge pigo halaba lou mave mae eia uru ti? Eia kati koramuli ge goilo lou la tiale tilala tela vailuala via ge pigo loua, age koramuli?"⁵E Isus koliala mago, " Asele me asele viruru, mae moli isa kama ge pigo loio tela Lalu mela kalulu maroka, eia kama koramuli ge tiroro soilo la mautu la sagegela te Deo, ⁶La rova ale pigo loio tela vovo eia tela vovo, me la rova ale pigo loio tela kalulu maroka eia tela kalulu.⁷Umala karuturutu la rova eau vei tiamu ovola, Eme ge pigo halaba lou.' ⁸ La lovi ge vai soio la ba ale mave a masaga ge goio vola; eme ge lolo la tilalila, alamoli eme kama rovia a loio la ba ale mave me age give. Age maele soio tegite ale pigo loio tela kalulu maroka."⁹E Nikodemus koliala tahia mago, "Ale la papaga ale ge mave?" ¹⁰ E Isus goio koliala mago, Eme la tahalo la vimari le Israel, alamoli eme kama tahoka la irovilala tela papaga aleie? ¹¹A sele , eau veiamu,etatou vei la rova etato rovia, me etato vei pala larova etato hilotia. Alamoli eme kama rara tavu la merera ale amite veipalea.¹²Mae eau veiamu la papaga la magasa me eme kama tautaulailo, eme ge tautaulailo mave mae eau ge veiamu la papaga la ilo lalage?¹³ Isa kama lovo soata la ilo lalage alamoli la tahalo moli ale sivo loata la ilo lalage ___ e Latu la Tahalo.¹⁴Mae moli e Moses aratili sae la pase oata la obu oilo la kuepa, age mae tai moli e Latu la Tahalo ale ge sio saea soata,¹⁵ ila egiteu ale tautaulailo oilo tetala ge tahoka la mahulila ale la tapasila ouka.¹⁶E Deo masasga sele la mautu la magasa, ala eia sugutaroa gatou e latula ale isamoli sekela. via mae ere isasa tautaulailo oilo tetala eia kama ge kokovu ouka eia ge tahoka la mahulila ale la tapasila ge ouka. ¹⁷E Deo kama baha e latula somai tela mautu la magasa ge igo bara la mautu la magasa, ouka agomai via ge utululu la valalua la mautula loio tetala. ¹⁸Me egite ale tautaulailo tetala kama ge pou tela kama korala, me egite ale kama tautaulailo oilo tetala egite kama korati la vuhula egite kama tautaulailo oilo tala isale latule Deo ale isa moli.¹⁹Aleie eia la vuhula pulou tela ilapu matatala: La matagaga guviti oilo la mautula magasa, egite la valua me hatavile masaga sele la maligoma la matagaga ouka la vuhula la vulovulo gite akama kora. ²⁰Ala egite tomi ale mukupilepile la matagaga, egite kama koramuli ge gamai tela matagaga, la vuhula la vulovulo gite umala ge tabuli palala. ²¹Alamoli egiteu ale tilimuli la seselela egite ge goio tela matagaga la vuhula la valua ge hilo matagaga selea mae la vulovulola eia igoa oilo te Deo."ò²²Mulmuli tealele,e Isus vikapopo me egiteu la disaipel tetala tuga soilo la mautu e Judaea. Me oio la ba alele eia abi la imala usu vikapopo me egiteu igigo la vuluhi. ²³La imala alele e John tai oio igigo la vuluhi oilo e Aenon hagavi te Salim la vuhula la lalu usu oio la ba alele. egite la valalua ale gomai tetala eia vuhi egiteu, ²⁴La imala alele egite souka tau e Jon soilo la luma la totorobola.²⁵Tio kabili tegite la Disaipel te Jon me egite Juda la mera galolola hiliti tela vei muli polola tela vuhi veiala. ²⁶Egite gomai te Jon me egite veiala, "Rabbi, la tahalo ale vikapopo le emei oio la rere lalalu e Jodan, la tahalo ale eme mera matagaga leia, hiloa, eia tai oio vuhi egite la valalua. me egite la valua me hatavile tomi goiti tetala,"²⁷E Jon kolia gite mago, La tahalo isa kama koramuli ge abi isa la paga kara mae la vabila alele age abiala loata la ilo lalage. ²⁸Amuto lou koramuli ge vei matagaga la rova eau vei tia,' Eau kama e Kraist,' alamoli akama maele, ' E Deo baha mamuga eau goma eia.'²⁹La tavile ale ge taulai eia tela tahalo ale egite utu robo eia soio tetala, tio e vikilipi te haruala, ale magiri me eia lolo eia ale meramera, eia ge sagege pepeho la vuhula eia lolo ti la golule haruala la tavile le, Aleie, amae, la sagegela taku eia koramuli sele ti, ³⁰La vuhula eia ge sibitala uru sele, me eau sele ge vai bisi eau.³¹La tahalo ale loata la ilo lalage eia loata tavu egite tomoli. Me la tahalo ale lotalo tela magasa eia ge meramera tela papaga la magasa. Alamoli la tahalo ale loata tela ilo lalage eia loata tegiteu la valua tomi. ³²Me eia veipalea la rova eia hiloa me ale eia lolotia, alamoli isa kama abi la merera tetala, ³³Me la tahalo moli ale abi la merera tetala eia rovi selea mae e Deo eia sesele.³⁴La tahalo ale e Deo baha eia me eia ge meramera tela merera te Deo. Age abiamu la kalulu maroka alamoli akama ge bisi ouka age uru, ³⁵La vuhula e tama gatou masaga sele e latula me eia abi tiala la papaga tomi a oio ti la limala. ³⁶Me la tahalo moli ale tautaulailo oilo te latula eia ge tahoka la mahulila ale la tapasila ouka, me la tahalo ale kama roromuli e latu la tahalo eia kama koramuli ge hilo la mahulila, tiele la hatemasila te Deo ge pou oata tetala."

Chapter 4

¹La imala e Isus rovi mae egite Paraseo lolotia mae eia oio viguvi egite Disaipel me eia vuhi usu ti loata ti te Jon ²( La selela e Isus kama male igigo la vuluhi, ale egite la Disaipel male igigo le), ³Eia goio heletaro e Judea beurivu loua soio e Galili.⁴Alamoli a ge tartigi sele via eia ge polo loio e Samaria. ⁵ Ala eia polo loio la ba isa oio e Samaria, egite toila e Saika, hagavi la magasa bakisi Jakop abiale latula e Josep.⁶La vilelo te Jakob oio la ba alele. tio e Isus la vola bare la tuluga eia goio pou oio la rere la vilelo le. la imala alele a tela matala haro ivolo, ⁷La tavile Samaria isa loio via gomai ge saho la lalu, goio e Isus viala mago,abia gu isahari la lalu ge liua." ⁸Egite la Disaipel tetala goio ti la taon viage loto la ilali.⁹Goio la tavile Samaria veiala mago, " Ale eme ge mave, eme la tau Juda, Eme tahi eau, la tavile Samaria, via ge liu? " Amuto Juda kama vali tomi le amite Samaria. ¹⁰E Isus goio koliala mago, " Mae eme ge rovi la vabila te Deo, me ere male meramera soio taume, eme ge abia gu la lalu,' me eme tai ge tahi eia, me eia ge abiamu la lalu la mahulila.¹¹La tavile veiala mago, Tahalo kora, eme kama tahoka la baketi la vilelo ale malulu sele sotalo. me eme tai ge abi la lalu la mahulila oiove? ¹²Eme kama uru, asele, mae. e tama miteu e Jakob, eia abia miteu la vilelo aleie me eia liu tai ovola, me egite latatula me egite la kalalia ale eia patu egiteu?"¹³Tio e Isus goio koliala mago," Egite tomi la valalua ale ge liu omai tela lalu aleie egite ge malehu lou, ¹⁴Alamoli ere isa ge liu loio tela lalu ale eau ge abiala eia kati ge malehu lou. Age maele, la lalu ale eau ge abiala age mae la vilelo oilo tetala, age bole soata tala mahulila ale la tapasila ouka."¹⁵Goio la tavile veiala mago, tahalo kora, abiagu la lalu alele ila eau ouka tilou ge malehu lou, me eau ouka tilou ge beu loua somai ge saho lou la lalu,"¹⁶Tio e Isus koliala mago, " Goio, tola e haruamu somai, eme ge beu loua somai."¹⁷La tavile goio koliala a veiala mago, " Eau kama tahoka e haruagu." E Isus veiala mago, La merera ale eme veia asele, ' Eau kama tahoka e haruagu,' ¹⁸Eme tahoka ti e haruamu ilima, me ale igoe eme tahoka eia kama e haruamu. Me la rova eme veveia asele."¹⁹La tavile le goio koliala mago,Tahalo kora, Eau sele hiloa mae eme la Propet. ²⁰E tatama miteu lotu lotu oata tela Olu aleie, alamoli eme veia via e Jerusalem eia la ba ale la valua me hatavile ge lotu lotu oio vola."²¹E Isus goio veia la tavile le mae, eme ge tautaulailo omai taku. la imala loio gomai via eme ge lotu tavu e Deo tama kama ge oata la olu uka ge oilo e Jerusalem. ²²Amuto lotu tavu la rova amuto kama rovia. Amite lotu tavu la rova amite rovia, la vuhula la mahuli ale a loio te giteu e Ju.²³Ala ,la imala loioe.,me a omaiti, vea egiteu ale lotu sesele egite ge lotu tavu e Deo tama oilo tela kalulu me la seselela, la vuhula e Deo tama mamata egite la karakara la valua me hatavile ale maele ge lotu tavua. ²⁴E Deo eia la kalulu, me egiteu ale lotu tavua egiteu ge lotu tavu selea oilo tela kalulu mela vulovulo ale sele. "²⁵La tavile veiala mago, "eau rovia mae la Mesaea ge gomai (ale egite toila e Krais).Mae eia ge gomai, eia ge vei pala taho selea gatou la papaga tomi." ²⁶ E Isus goio veia la tavile mago, Eau moli maleie, Eau male meramera soio taume ."²⁷La imala sele alele egiteu e disaipel tetala beu rivua. Ale egite gabutala la vuhula ilava eia meramera vikapopo me la tavile le, alamoli isa kama tahia mago, "Eme masaga la rova?"uka "la vuhula ilava eme meramera vikapopo me la tavile aleie?"²⁸Goio la tavile le piligi molia la kabala la lalu tetala le, eia hari rivu soio la Taon, agoio veia gite la valua me hatavile,²⁹ Amuto gomai muga, amuto ge hilo la tahalo aleie eia vei tomi tia gu la papaga tomi ale eau igo tia. Ale soge eia e Kraist, a soge?" ³⁰Egite tomi gali loio la Taon me egite gomai tetala.³¹Oilo tela imala alele, egite la Disaipel tetala oio vikara suku eia, egite veiala mago, " Rabbi, eme ge ali bakisi." ³²Alamoli eia veia giteu, "Eau tahoka la ilali ale ge alia ale eme kama rovia." ³³Tio egite la Disaipel goio vei loua gite isasa, " Egite isa souka vahariala isa la paga ale ge alia, egite isa souka?"³⁴Goio e Isus veia giteu, " La ilali taku male eau ge igolu la masagala tela tahalo ale baha eau via eau ge vikaluvu la igolu tetala. ³⁵Ila amuto kama vei mae, ' La taio iva soloio goio la imala ilukuluku ge gomai'? Ala eau ge veia mutou, mata soata amuto ge hilo la mahuma, egite ge matuha ti ge lukua! ³⁶La tahalo ale lukuluku ge abi la mapala me eia ge tau vikapopo la vavua tela mahulila ale la tapasila ge ouka, la vuhula la tahalo la gilalu me la tahalo ale lukuluku egira ge sagege vikapopo.³⁷Me oilo tela vei mulila aleie, ' Isa ge galgalu tio la tahalo polo isa ge lukuluku, 'ale la selela. ³⁸Eau baha emei soilo la ilukuluku ale eme kama igolu ovola. egite isapolo igolu ovola, eme ge tiroro moli soilo la igolu tegiteu."³⁹Usu tegiteu e Samaria ale oilo la Siti tautaulailo oilo tetala la vuhula tela merera ale la tavile vagogala tia, " Eia vei tomia gu la papaga tomi ale eau igotia. "⁴⁰La imala ale egiteu e Samaria gomai tetala, egite tahia viage eia ge pou tomi muga le egiteu, tio eia pou tomi le egiteu la logo ilua.⁴¹Me usu sele tautaulailo tela merera tetala. ⁴²Egite veia la tavile le mago, " Amite kama tautaulailo moli la merera ale eme veitia, amite sele tai lolo tia, me amite rovi selea la tahalo aleie eia la tahalo la vimahulila tela mautu la magasa."⁴³Mulmuli tela logologo alele, eia hiliti taro la ba alele goio e Galili. ⁴⁴Me e Isus lou veipala tia via la Propet egite la valalua la matu tetala sele kama koramuli ge togo eia. ⁴⁵La imala eia goilo e Galili, egiteu e Galili kaka tavu eia. Egite hilo tomiti la papaga ale eia igo tia oilo e Jerusalem tela imala pou golula, me egite tai goio ti tela pou golula.⁴⁶Goio eia gomai lou e Kana oilo e Galili, la ba ale eia igo la lalu mae la Vaen. La tahalo isa eia la uru me eia tai opisa e latula oilo e Kapernaum lea bara sele. ⁴⁷La imala ale eia lolotia via e Isus loio ti e Judia ge goio e Galili, Eia goio te Isus a tahia viage gotalo ge vimahuli e latula, eia hagavi ti ge peho.⁴⁸Me e Isus goio veiala mago, " Mae moli eme kama ge hilo la irovilala mela papaga ale halaba, eme kama ge tautaulailo." ⁴⁹Goio e opisa veiala mago, Tibo, gomai gotalo mamuga e latugu ge peho." ⁵⁰E Isus veiala mago, tuga eme, e latumu oio mahuli ti." La tahalo alele tautaulailo sele tela merera ale e Isus vei tiala le, tio eia goio tuga.⁵¹La imala eia tatuga sotalo, la tahalo la igolu tetala isa goio poga eia, a veiala mago e latumu oio mahuli ti. ⁵²Tio eia goio tahi egite la mata la haro ale eia soko la tartigi la ovola. me egite goio koliala mago, " Alavi tela mata la haro ivitu la ilea hele taro eia."⁵³Goio e tamala rovia mae ale la imala sele ale e Isus meramera soio tetala, " E latumu mahuli ti, tio eia vikapopo mela ilo luma tetala tautaulailo tela imala alele. ⁵⁴Aleie eia la vailua la irovilala ale e Isus igoa la imala ale eia loilo e Judia goio e Galili.

Chapter 5

¹Mulmuli teale la pou golula tegiteu e Juda, e Isus tuga goata e Jerusalem.²Tio oilo e Jerusalem la mata la kapiutu tegite la Sipsip oio volale la lilisou lalu, La masovala oilo la merera tegite Aramaik egite toila e Betesda, oilo vola la poroporola ilima. ³La giligi giteu la valua me hatavile egite uru sele lea, egite ale mata kea, , isahari gulugulu ouka mauba egite tomi oio mavuta ⁴olao.⁵E Maura la tahalo isa mou ti oio la ba alele la leavala savulu tolu gete ivalu. ⁶La imala e Isus mata soio hilo eia ale oio mavuta, me eia goio rovia mae a pou oio la ba alele la imala malau sele ti, a goio veiala mago, " Mave eme masaga la mahuli taume ge tartigi lou?"⁷Goio e gulugulu ele koliala mago, Tibo, eau kama tahoka isa ge koli eau ge tau eau soilo la vilelo la imala ale age bole soata. La imala eau ge gomai, isa oio ge sivo mamuga ti sotalo taku." ⁸E Isus goio veiala mago, " Hiliti oata, abia la mulimu le, eme tuga."⁹Oio moli ovola le la tahalo le tartigi rivu, me agoio abi la mulila me eia tuga. La logo alele eia la lotu tela logo ivitu la.¹⁰Goio egite Juda veiala mago ale ere male tartigi tiele, "La imala aleie a la Sabat eme kama koramuli ge bole la muli la mavutala taume." ¹¹Me eia goio koliala mago, "La tahalo ale vimahuli eau a veia gu mae, 'Abi la mulimu eme tuga.'"¹²Egite goio tahi eia, " Ale erese tahalo veiamu ge, Abia oata eme tuga'?" ¹³Alamoli, la tahalo ale tartigi rivu ele kama rovia ale ere la vuhula e Isus tuga kovu moli, oio la ba alele la valua me hatavile usu sele.¹⁴Mulmuli vola, e Isus goio poga eia oilo la luma la lotu me a goio veiala mago, "Hiloa, eme tartigi ti! Eme umala ti igigo lou isa la iriru, souka ge la paga ale kama kora sele ge sibitala tavu emei." ¹⁵La tahalo le tuga goio veia giteu Juda mae ale e Isus male vimahuli ti eau e.¹⁶Tio la papaga aleie a la vuhula ale egite Juda tolosogi e Isus, la vuhula eia igo la papaga aleie tela Sabat, ¹⁷E Isus kolia gite mago," E tete oio igogolu karati mae igoe, me eau tai, eau oio igogolu."¹⁸Ale la vuhula ale, egite Juda pamulia viage bilia la vuhula eia kama raga moli oata tela Sabat, ouka eia tola e Deo mae eia e tamala sele, me eia tai igo eia visauru mae e Deo.¹⁹E Isus goio kolia gite mago," a sele me, asele viriru, e latula tahalo kama koramuli ge igo sekela isa la paga, mae moli la rova eia hilo e tamala igigoa, me la rova e tamala igigoa, me e latula ge igoa taia. ²⁰E tamala masaga sele e latula me eia ge vahililo leia la rova eia lou igoa, me eia ge vahililo le eia la papaga ale ururu loata te aleie la vuhula eme ge karutu.²¹A mae moli ale e tete vimahuli rivu egiteu ale pehoti me eia abia giteu la mahulila, me e latula tai ge abi la mahulila soio tela tahalo ale masaga tavua. ²²E tama gato kama matamuli la iruru tela tahalo isasa, ouka eia piligi tomiti la mata mulila soio te latula ²³la vuhula la valua tomi ge togo e latula mae moli ale egite togo e tamala. Mae la tahalo isa kama ge togo e latula me eia tai kama koramuli ge togo e tamala ale baha eia²⁴v24 Asele,me asele, la tahalo ale lolo la merera taku me eia tautaulailo oio tela tahalo ale baha eau eia ge tahoka la mahulila ale la tapasila ge ouka me la uru kama koramuli ge viligi eia, ouka eia polo pepe ti la pileho soio ti tela mahulila.²⁵Asele, la seselela, eau ge veiamu la imala loio le, me a male igoe, la imala egite ale pehoti ge lolo la golu le e latule Deo, me egiteu ale loloa egite ge mahuli.²⁶A mae moli e tama gatou tahoka la mahulila oilo tetala, me eia abi tia tiale latula via eia tai ge tahoka la mahulila oilo tetala, ²⁷E tamala abi tomi tiala la vagarigarila ge vituga la matamulila la vuhula eia e latula tahalo.²⁸Amuto umala ge karuturutu, la imala isa ge gomai egiteu tomi ale oilo la lulu la liba ge lolo la golula ²⁹me egite tomi ge gali sogala: me egite ale paki taho soio tela hiliti rivula tela mahulila, me egite ale igo ale kama kokora soio tela hiliti rivula tela matamulila.³⁰Eau sekela kama koramuli ge igo isa la paga. la rova eau loloa, Eau matamulia, me la matamulila taku eia matata sele la vuhula eau kama tilimuli la masagala taku ouka la masagala tela tahalo ale baha eau. ³¹Mae eau ge vei matagaga lou eau, la vigile mulila taku kamage sele. ³²Ala la tahalo polo isa oio vei pala eau, me eau rovi selea via la vigile mulila ale eia vei palaea ile eau eia sele.³³Eme baha ti soio te Jon, me eia vei pala ti la seselela. ³⁴Alamoli la vigile mulila ale eau abia akama loio tela tahalo isasa. Eau vei la papaga aleie la vuhula eme ge mahuli.³⁵E Jon eia la lamu ale karere me eia maga sele, ala eme masaga selea via ge momoge oilo la matagaga la bakisi.³⁶La vigile mulila ale eau tahoka eia uru tavuala ale te Jon, A la igolu ale e tete abitiagu ge vikaluvua, eia la igolu sele ale eau igo tia, avei pala sele eau mae e tama gatou baha eau. ³⁷E tete ale baha eau eia lou valoka tile eau. Eme soge loloti la golula ouka eme hilo ti la tarola tela imala isasa. ³⁸Eme kama tahoka la merera tetala oilo taume le, me eme tai kama tautaulailo oilo tela tahalo ale eia baha ti eia³⁹Eme pamuli la merera te uru la vuhula eme gabutala via oilo vola eme ge tahoka la mahulila ale la tapasila ouka, me egiteu la merera alele valoka tai le eau, ⁴⁰Eme tai oio kama masaga ge gomai taku ila eme ge tahoka la mahulila.⁴¹Eau kama ababi la vei tahola loio tela tahalo isasa, ⁴²Alamoli eau rovia via eme kama tahoka la masagala te Deo oilo taume lou.⁴³Eau gomai oilo tela isale tete, alamoli eme kama kaka tavu eau. soge mae isapolo ge gomai oilo tela isala sele, eme soioge abi eia. ⁴⁴Eme ge tautaulailo mave, eme ale ababi la visalela loio tamuto isasa lou me eme kama pamuli la marasala ale loio te Deo sekela moli?⁴⁵Umala gabutala via eau ge ubi le eme la merera oio tela mata le tete. La tahalo ale ubibi la merera e Moses, oilo tela eme tahoka la tautaulailo. ⁴⁶Mae eme tautaulailo te Moses, eme koramuli tai ge tautaulailo tegaku, la vuhula eia kekesi la merera ile eau. ⁴⁷ Mae eme kama tautaulailo oilo tela merera ale eia kekesia, me eme ge tautaulailo oilo tela merera taku mave?"

Chapter 6

¹Mulmuli tela papaga tomi alele, e Isus tuga goio tela gale la mago loio e Galili, me egite toi taila la mago le Tiberias,² La valua me hatavile usu sele hari mulmuli eia la vuhula egite hilo la irovilala ale eia igoa soio tegite ilalea. ³Goio e Isus goata la olu oata vola eia pou tomi le egiteu la Disaipel tetala.⁴(A la imala Pasova, la pou golula tegite Juda, eia hagavi ti.) ⁵La imala e Isus mata soata eia hilo la valua me hatavile loio ge gomai tetala, eia goio veiale Philip mago," Etato ge loto la Beret oiove ila egite ali?" ⁶(Ale e Isus vei moilia maele via ge tovolai e Pilip, eia lou oio rovi larova eia ge igoa.)⁷Goio e Pilip koliala mago, "la Dinari la salatu ilua akoramili ge loto la Bret alamoli akama koramuli via egite tomi isasa ge abi bakisi." ⁸Isa tegite lou la Disaipel tetala, e Andrew, e tabarabara le Pita, a veiale Isus, ⁹" E giliki isabisi moli omae taola la gale la Bret ilima vikapopo me Elaia ilua, alamoli egiteu aleie usu peho?"¹⁰E Isus goio vei mago," Amuto igo egite ge pou otalo." oio la ba alele la garasi usu sele, tio egite la vala pou otalo, la giligi gite la Taosen ilima. ¹¹Goio la imala e Isus abi la Bret mulmuli tela kilaka eia goio abia giteu ale otalo popou ele. me eia igo maigo tai te Laia le, akoramili sele ale egite masagea. ¹²La imala ale egite la valua me hatavile maru,eia goio veia gite la Disaipel tetala, Tau olu la makara gite mela momola ale piligi le, la vuhula la paga isa kama ge kokovu."¹³Tio egite tau olu tomia me egite tovoa soilo la kela savulusa gete lua vikapopo la bautula ale paru momo loio tela Bret ilimao me ale egite ali piligia. ¹⁴Goio, la imala egite la valalua hilo la rova eia igo tia le, egite goio vei mago, La seselela ale la Propet male gomai ti tala mautu la magasa." ¹⁵La imala e Isus rovitia mae egite gomai ge sautola eia ge vikara souka ge guvi mae e Suara, eia goio lake taro egite me eia sekela goata tela olu.¹⁶La imala agoio maulavi, egite la Disaipel tetala tuga gotalo tela mago. ¹⁷Egite goio sae soilo te Boti, me egite polo utu olau viage goio e Kapernaum. La imala alele la paga masori ti, e Isus souka gomai tegite. ¹⁸ Goio la lovi ale vagari sele oio vavai, me la mago tai hiliti ti.¹⁹La imala ale la mago pigi vulo egite vikapopo mela obu la gili la malau la ba, egite goio hilo e Isus tatuga oata la mago me eia tuga hagavi ti somai te Boti, egite taga tio, ²⁰Alamoli eia veia gite mago,"Ale eau! amuto umala tataga."²¹Goio egite masaga tia viage puli eia soilo e Boti, karutu moliti e Boti guvi oilo la magasa oio la ba ale egite veia gite goio vola.²²Goio la logo isa polo, la valua me hatavile ale magirigiri oio tela rere la mago loio hiloa mae e Boti isa oukati lou ale moli isale, alamoli e Isus kama sae tomi le egiteu la Disaipel tetala ale egite la Disaipel tetala moli sae me egite tuga. ²³Soge e Boti isahari loio e Tiberias hagavi soio tela la ba ale etato ali la Bret mulmuli teale la Uru vibalavea.²⁴La imala egite la Disaipel tetala hilo tia mae soge e Isus ouka egite la Disaipel tetala male oio le. tio egite tomi sae soilo te Boti egite goio mata e Isus. ²⁵Mulmuli teale egite goio pogea oio tela gale la mago loio, egite goio tahia mago, Rabbi, la imala ale mave eme gomai?"²⁶E Isus goio kolia gite, a vei mago, " la seselela,me asele,amuto mata eau, la vuhula kama via amuto hilo la irovilala, ouka la vuhula amuto ali isahari la Bret me amuto maru. ²⁷Amuto umala ge igogoluala ilali ale ge kaluvu, ouka amuto ge igolu tela ilali ale ge vituga amuto soio tela mahulila ale la tapasila ge ouka ale e latula tahalo ge abia mu, la vuhula e Deo tama tau ti la irovilala oata tetala."²⁸Goio egite veiala mago, " Me amite ge igo mave, via amite ge igo la igolula te Deo?" ²⁹E Isus kolia me a veia gite mago, "Ale la igolula te Deo: Mae amuto ge tautaulailo oilo tela tahalo ale eia bahea."³⁰Tio egite veiala mago, "Me la irovilala ale mave eme ge igoa, ila amite ge hiloa me amite ge tautaulailo oilo taume? Eme ge igo larova? ³¹E tatama gatou ali la Mana oilo la ba la kue pa, a mae moli ale kekesitia, 'Eia abia giteu la Bret loata la ilo lalage via egite ge alia.³²Goio e Isus kolia gite mago,"La seselela,me asele, Ale kama e Moses male abia muto la Bret loiolo la ilo lalage, ouka ale e tete male abia muto la Bret ale sele loio la ilo lalage. ³³La Bret te Deo eia male guvi loio la ilo lalage me eia viguvi la mahulila somai tela mautu la magasa." ³⁴Goio egite veiala mago, Tahalo uru, eme ge abia mite la Bret alele la imala tomi."³⁵E Isus kolia gite mago, " Eau la Bret tela mahulila, la tahalo ale ge gomai taku kama koramuli ge vitolo lou, me la tahalo ale tautaulailo taku kama koramuli ge malehu. ³⁶Alamoli eau ge veia mutou asele amuto hilo ti eau, alamoli amuto kama tautaulailo. ³⁷Egite tomi ale e tete ge abia gu egite ge gomai taku, me la tahalo ale ge gomai taku eau kama koramuli ge pigi eia sogala.³⁸Me eau loata la ilo lalage, kama ge igo la masaga gu, ouka la masaga la tahalo ale baha eau. ³⁹Aleie eia la masaga la tahalo ale baha eau, via eau umala ge tau taro isa tegiteu ale eia abitia gu, Alamoli ge vahiliti rivu egite oio tela tapasila elogo. ⁴⁰Ale eia la masaga le tamagu, via egite tomi ale hilo e latu la tahalo me egite tautaulailo oilo tetala ge tahoka la mahulila ale la tapasila ge ouka me eau ge vahiliti rivu eia tela tapasila logo."⁴¹Goio egite Juda mera kumu tiala la vuhula eia veia mae, "Eau la Bret ale loata la ilo lalage." ⁴²Egite vei mago," ila e Isus ale kama e latule Josep, e tamala me tilala etato rovi egira? Ale eia vei tiloua age mave, 'Eau guvi loata tela ilo lalage?"⁴³Goio e Isus kolia gite a vei mago, "Amuto ge maila la vikarara kumula. ⁴⁴ Isa kama koramuli ge gomai taku mae moli e tete ale baha eau ge lapu eia, me eau ge vahiliti rivu eia oio tela tapasila logo. ⁴⁵Egite kekesi tia oilo tegiteu la Propet, ' Egite tomi e Deo ge vimari egiteu.' Me egite tomi ale lolo me egite vimari loio te tete egite ge gomai tegaku.⁴⁶Kama via egite tomi hilo ti e tete, ouka egite moli ale loio te Deo--- egite hiloti e tete. ⁴⁷Asele, me asele, la tahalo ale tautaulailo eia tahoka ti la mahulila ale la tapasila ge ouka.⁴⁸Eau la Bret la mahulila, ⁴⁹E tatama mutou ali la Mana oilo la ba la kue pa, me egite tomi peho.⁵⁰La Bret ale loata la ilo lalage, ila la tahalo ge ali oio volae eia kama koramuli ge peho. ⁵¹Me eau la Bret ale mahulili ale guvi loata la ilo lalage. Mae la tahalo isa ge ali isahari la Bret ale, Eia ge mahuli la kama ge tapasi, Me la Bret ale eau ge abia muto eia la mailigu ale eia la mahulila tela mautula magasa tomi."⁵²Egite Juda vaigo tolo rivu lou goio egite vikorosi, me egite vei mago, " La tahalo ale ge abia gatou la vovola ge alia mave?" ⁵³Goio e Isus veia gite mago," La seselela, me asele, Mae moli eme kama ge ali la vovo le latula tahalo me eme kama ge liu la kasosola, eme kama ge tahoka la mahulila oilo taume.⁵⁴Ere moli ale ali la vovogu mae eme ge liu tai la kasosogu eme ge tahoka la mahulila ale la tapasila ge ouka, me eau ge vahiliti rivu eia tela tapapasi la logo. ⁵⁵La vovogu eia la ilali sele, me la kasosogu eia tai la lalalu iliu sele, ⁵⁶Ere moli ale ali la vovogu me eia liu la kasosogu age mou oilo taku, me eau tai ge mou oilo tetala.⁵⁷Mae moli e tete ale mahulili baha eau, Mae eau tai mahuli la vuhula e tete moli, Ala mae ere isa ge ali eau, me eia tai ge mahuli la vuhula eau moli. ⁵⁸La Bret ale eia loata la ilo lalage, akama mae ale egite tatama gatou alia me egite peho. Mae ere isa ge ali la Bret aleie eia ge mahuli akama ge kokovu." ⁵⁹Ale e Isus vei pala la papaga aleie la imala ale eia igigo la vimari oilo e Kapernaum.⁶⁰Goio egite la Disaipel tetala usu lolo la merera tetala me egite vei mago," La vimari ale tivura sele, ; ere koramuli ge abia?" ⁶¹E Isus, la vuhula eia lou rovia oilo tetala via egite la Disaipel tetala oio vikara mulmuli la paga alele, eia goio veia giteu, "mave la paga aleie igo bara sele amutou?⁶²Goio mae eme ge hilo e latu la tahalo ge goata rivu tela ba ale eia oio vola pala? ⁶³Ale la kalulu maroka male viguvi la mahulila; La vovo kama viguvi isa la paga. La merera ale eau vagogalea soio taume eia la kalulu, me eia tai la mahulila.⁶⁴Alamoli isahari tamuto soloio souka tautaulailo." E Isus rovitia loio tela silokoloko egiteu ale kama ge tautaulailo me egite ale ge tahi taro eia. ⁶⁵Eia vei mago," Ale a la vuhula ale eau veia muto mae isa kama koramuli ge gomai taku mae moli e tete ge sugutaroa eia somai taku.⁶⁶Me ale la vuhula ale, egite la Disaipel tetala usu hele taro eia me egite kati tuga tomi le eia. ⁶⁷Goio e Isus veia gite ale savulusa gete lua, " Amuto tai kama masaga ge beu taia, amuto tai? ⁶⁸ Gio e Saimon Pita veiala mago,"Uru, Me amite ge goio lou tere? eme moli tahoka la merera la mahulila, ⁶⁹Amite tautaulailo me amite rovi selea eme sekela moli maroka ale loio te Deo."⁷⁰E Isus vei gite mago," Mave eau kama hilovi emei, egite ale savulusa gete lua, me isa tamutou eia la hitu?" ⁷¹Ale eia vevei e Judas e latule Saimon Iskariot, me ale eia, isa tegite ale savulusa gete lua, Eia ge abia gite la gima e Isus.

Chapter 7

¹Mulmuli tela papaga alele e Isus tuga polo galili tomi oilo e Galili, eia kama masaga ge goilo e Judea la vuhula egite oio pamulia ge bili eia. ²La imala alele egite Juda hagavi ti ge goilo tela pou golula tela luma la kale.³Tio egite tabarabarala goio veiala mago," Hele taro la ba aleie eme tuga goio e Judia, la vuhula egite la Disaipel taume tai ge hilo la papaga ale eme igoa le. ⁴La tahalo isa kama igo kokovu isa la paga mae eia masaga via la valua tomi ge rovia. Mae eme igigo la papaga aleie, vaihililo matagaga eme soio tela mautula."⁵Egite tai e tabarabarala kama tautaulailo oio tetala. ⁶E Isus goio veia giteu," La imala tegaku souka gomai, alamoli la imala taume oio raragi moli.⁷La mautu la magasa kama koramuli ge mukupile emei, Eau moli age mukupile eau la vuhula eau vei pala la igolu tetala ale kama kora.⁸Eme hiliti tavu la pou golula; Eau moli kama ge goio la pou golula alele la vuhula la imala taku souka sibitala." ⁹Mulmuli teale eia veia gite la papaga alele, Eia pou rivu oio e Galili.¹⁰Alamoli la imala egite tabarabarala goata tela pou golula, eia tai goio goata lou, akama tuga palala a polo kovu moli. ¹¹Egiteu e Juda oio mamata eia oio tela pou golula me egite vei mago," Eia la oveiti?"¹²La mera urula uru sele kabili tegiteu la valua me hatavile ile eia. Isahari vei mago, " Eia la tahalo ale magiri sele," egite ale isahari vei mago, "ouka, eia vituga bara ti la valua me hatavile." ¹³ Alamoli isa kama vei pala eia sogala la vuhula egite tataga egite Juda.¹⁴La imala ale la pou golula hagavi ti ge kaluvu, E Isus tuga goata la luma la lotu soko la vimarila. ¹⁵Goio egiteu e Juda karutu sele, egite vei mago, " La tahalo aleie rovi tomi la papaga aleie mave? Eia kama goio tela vimari. " ¹⁶E Isus kolia gite me a vei mago, " La vimarila tegaku kama lomai taku, ouka a loio tela tahalo ale baha eau.¹⁷Mae la tahalo isa masaga ge tilimuli la masagala tetala, me eia ge rovi la vimarila aleie,mae age loio te Deo, ouka la merera alele lomai moli taku. ¹⁸La tahalo ale meramera moli loio tetala eia mata la marasala tetala lou, alamoli la tahalo ale mata la marasala tela tahalo ale baha eia, la tahalo alele eia la tahalo sele, me la papaga ale kama matata isa kama oilo tetala.¹⁹Mave e Moses kama abia muto la viturila? soloio isa tamutou kama sautola la viturila. La vuhula ilava amuto pamuli eau ge bili eau?"²⁰La valua me hatavile kolia la mago, " eme tahoka la hititu. Ere mata eme viage bili me?"²¹E Isus goio kolia gite a vei mago," Eau ge igo isa la igolula, me amuto tomi ge karutu la. ²²E Moses abia muto la vilali la vovo ( kama via aloio te Moses, ouka aloio te tutubu gatou), Me oilo tela logo la Sabat amuto vali la vovo la tahalo.²³Mae la tahalo isa abi la vilali la vovo tela Sabat ila la viturila te Moses umala ge raga utua, ilava amuto igotolo eau teale eau vimahuli la tahalo oilo tela Sabat?²⁴ Amuto amala ge mata mulmuli la tahalo logala tela vovo, ouka la matamulila tamuto age magiri oilo tela seselela.²⁵Isahari tegite loio e Jerusalem egite vei mago," Ila aleie kama ale isasa egite pamulia ge bilia?²⁶ Amuto hiloa eia oio vigia palala moli, egite oio kama igo isa la paga soio tetala. akama koramuli ge mae via egite la mulugaluga ge rovia mae ale e Kraist,age eia moli? ²⁷Soloio etato kama rovia la tahalo aleie eia loio la ba ale mave, Alamoli la imala e Kraist gomai, Isa kama rovia la ba ale mave eia loio vola."²⁸La imala ale e Isus tali pala oilo la luma la lotu, eia vimari me a vei mago, "Eme rovi tomi eau eme tai rovi la ba ale mave eau loio vola. Eau kama gomai eau moli, Alamoli la tahalo ale baha eau eia sesele,alamoli eme kama rovi eia.²⁹Eau rovi eia la vuhula eau loio tetala me eia tai baha eau.³⁰Egite tovolai selea viage sautola eia, alamoli isa tegite kama tau la lima oata tetala la vuhula la imala tetala souka sibitala. ³¹Alamoli usu kabili tegite la valalua me hatavile tautaulailo oilo tetala, me egite vei mago, " Mae e Kraist ge gomai, eia ge igo lou la irovilala isahari loata teale isa eia igotia?" ³²Goio egite Paraseo lolo ti egite la vala vei kukumu la papaga ale e Isus igoa. tio la mulugaluga tegite la Prist me egite Paraseo baha egite Opisa tegite goio sautola eia.³³Goio e Isus vei mago," Eau soloio vikapopo le amuto tela imala bakisie, mulmuli vola eau ge goio tela tahalo ale baha eau. ³⁴Amuto ge mata eau alamoli amuto kama koramuli ge poga eau; La ba ale eau ge goio vola, Eme kama koramuli sele ge gomai vola."³⁵Egite Juda goio veia kabili tegite lou," La ba ale mave la tahalo ale ge goio vola a veia etato kama koramuli ge pogea. Mave age goio tela ba ale maligoma kabili tegite Greek? me eia ge vimari egite Greek v36 ³⁶La merera ale eia veia amave,' Eme ge mata eau alamoli eme kama koramuli ge poga eau; la ba ale eau ge goio vola, eme kama koramuli ge gomai vola'?"³⁷Ala oilo tela tapasila, la logo ale uru tela pou golula, E Isus magiri oata me eia tali sogala, a vei mago," Mae isa tamuto malehu, tartigi eia ge gomai taku eia ge liu. ³⁸Mae ere isa ge tautaulailo taku, age mae moli ale la merera vai tia, La lalu ale mahulili ge sali loilo tela tiala."³⁹Ale eia vevei la papaga ale oilo tela kalulu maroka, me egite ale tautaulailo tetala egite ge abia; Eia souka abia gite la kalulu maroka la vuhula e Isus souka bole vauru eia.⁴⁰Isahari tegite la valalua, la imala egite lolo la merera alele, la merera tali mae, Ale la selela eia la Propet."⁴¹Me egite isahari vei mago," Ale eia e Kraist." Alamoli isahari vei mago, Akoramili e Kraist guvi loio e Galili?⁴²Ila la merera kama vei palaea mae e Kraist ge guvi loio la hili le Devit me loio e Betlehem, la mautu ale e Devit oio vola?"⁴³Tio kabili tegiteu lou egite vilele lua tio la vuhula te eia moliele.⁴⁴Isahari tegite masaga ge sautola sele eia, alamoli isa kama tau la lima oata tetala.⁴⁵Goio egite Opisa beua somai tegite la mulugaluga tegite Prist me Paraseo, "Me egite veia gite mago, " Ilava amuto kama puli eia somai? " ⁴⁶Goio egite Opisa kolia gite mago," La tahalo isa kama meramera mae aleie.⁴⁷Tio egite Paraseo kolia gite mago,"Amuto tai egite vasigolo ti amuto? ⁴⁸Ila isahari tegite la mulugaluga tai tautaulailo oilo tetala, ouka isahari tegite Paraseo tai? ⁴⁹Alamoli la valalua tomi ale kama rovi la viturila, Egite tomi ge vilua."⁵⁰E Nicodemus( eia isa tegiteu e Paraseo, eia gomai mamuga tetala) a goio veia giteu, ⁵¹"Mave la viturila tegato matamuli la tahalo la imala ale a souka lolo eia me age rovi la rova eia igoa?" ⁵²Goio egite kolia egite veiala mago," Eme tai loio e Galili? Amuto ge pamulia amuto ge hiloa mae la Propet isa kama guvi loio e Galili."⁵³v53 Goio egite tomi tuga goio la luma tegite isasa.

Chapter 8

¹E sus tuga goata la olu e Oliv. ²La kavkoki bisi sele eia beua loua soio tela luma la lotu, goio egite la valalua gomai; eia goio pou otalo agoio vimari egiteu, ³Goio egite la Skraeb me egite la Paraseo valoio la tavile isa egite sautola eia tela vulovulo la torovelila. egite goio vipou eia kabili posa.⁴Goio egite veiala mago," Tahalo la vimari, la tavile ale amite sautola eia tala vulovulo la torovelila. ⁵Tio oilo tela viturila, E Moses karasuku amite ge ubi le egiteu ale mae la uati; Tio eme vei ge mave loata tetala?" ⁶Egite vei maele viage vitilo eia la vuhula egite ge ubi leia la merera. alamoli e Isus goio lagutugu otalo agoio kekesi otalo la magasa me la kukula.⁷La imala ale egite tahi suku le eia la tilahi, eia magiri moli oata agoio veia giteu, " Mae isa kabili tamutou eia kama tahoka la iriru, me eia ge la siloko la tahalo ale ge ubi leia la uati."⁸Agoio lagutugu lou otalo, abi la kukula kekesi lou otalo la magasa.⁹La imala ale egite loloa, egite Paru seke isasa tatuga, sokoa loio tegite ale ururu. La tapasila e Isus sekela moliti oio, vikapopo mela tavile ale egite vipoua kabilio. ¹⁰E Isus magiri oata agoio veiala mago,"Tavile uru, Egite ale ubibi le eme la merera oio veiti? Isa oukatilou mera barea mu?" ¹¹Eia goio vei mago," Isa oukati,"uru," e Isus goio veiala mago," me eau tai kama ge mera barea mu. eme tuga goio umalati igigo lou la iriru."]¹²Goio e Isus vigia soio tegite, avei mae," Eau la matagaga tela mautu la magasa; mae ere isasa ge tilimuli eau eia kama ge tuga oilo la maligoma ouka eia ge tahoka la matagagala tela mahulila." ¹³Tio egite Paraseo veiala mago," Eme magiri mae la vei selela soio taume lou; la vei selela taume kama sele."¹⁴E Isus kolia aveia gite mae," Mae moli eau lou ge magiri mae la vei selela somai taku lou, La vei selela taku asele. Eau sele rovi la ba ale mave eau loio vola me la ba ale mave eau ge goio vola, amuto sele kama rovi la ba ale mave eau loio vola me la ba ale mave eau ge goio vola. ¹⁵Amuto matamuli loio tela vovo; Me eau kama mata muli isasa. ¹⁶Alamoli mae eau ge matamulia la matamulila taku age sesele la vuhula eau kama eau sekela, Eau vikapopo me e tete ale baha eau.¹⁷Asele, oilo tela viturila taume egite kekesia mae la matamulila tela tahalo ilua eia sesele. ¹⁸Eau moli male magiri mae la matamulila somai taku lou, Me e tete ale baha eau magiri mae la matamulila somai taku."¹⁹Egite goio veiala," E tamamu oiove?" e Isus kolia mae," Amuto rovi eau ouka e tamagu; Mae eme ge rovi eau, me eme tai ge rovi e tamagu." ²⁰Eia vei la merera aleie oilo tegite la mulugaluga tela imala ale eia vimarimari oilo la luma la lotu, Isa kama sautola eia la vuhula la imala tetala souka sibitala.²¹Tio agoio vei loua giteu," Eau ge tuga; Eme ge pamuli eau me eme ge peho oilo la iriru taume. La ba ale eau ge goio vola, eme kama koramuli ge gomai vola,"²² Egiteu e Juda goio vei mago," Eia ge bili seke lou eia? Ale a la vuhula ale eia vei mae, 'La ba ale eau ge goio vola eme kama koramuli ge gomai ovola?"²³E Isus goio veia giteu, " amuto lotalo la ba ale otaloe, eau loio te ale loata, eme lomai la mautu la magasa; eau kama lomai tela magasa. ²⁴Oilo vola eau veia muto mae amuto ge peho tela iriru tamutou. Mae moli amuto kama ge tautaulailo mae ALE EAU, amuto ge peho tela iriru tamutou."²⁵Egite vei loua soio tetala," Eme ere?" E Isus veia gite mago, " La rova eau vei tia muto loio tela tel silokoloko. ²⁶Eau tahoka la papaga usu ge veia ge matamuli tai amutou. Amaie, la tahalo ale baha eau eia sele; me la papaga ale eau loloa loio tetala, me la papaga ale moliele male eau veveia soio tela mautula magasa. ²⁷Egite kama abi matagagea mae la papaga ale eia veveia gite ale eia vei moli e tamala.²⁸E Isus vei mago," la imala ale amuto vahiliti e latu la tahalo oata, goio eme koramuli ge rovia mae ale Eau, me eau kama igo isa la paga tela masaga gu. mae moli ale e tete vimari le eau, Eau veipala la papaga alele. ²⁹Me la tahalo ale baha eau eia vikapopo me le eau, me eia kama piligi taro eau sekela, la vuhula eau igigo la papaga ale igo sagege eia," ³⁰Amae moli ale e Isus vevei egite la papaga alele, egite usu tautaulailo oilo tetala.³¹Goio e Isus veia gite Juda ale tautaulailo oilo tetala," Mae eme ge mou oilo tela merera taku, tio ale eme ge la Disaipel tegaku sele; ³²Mae eme ge rovi la seselela, Me la merera la selela ge vimaramara emei." ³³Egite goio koliala mago," Amite la hili le Abram me amite kama lotalo tela tahalo isasa; ilava eme vei mae, 'Eme ge maramara'?"³⁴Tio e Isus kolia gite mae, "Asele, me a sele, eau ge veiamu, Egite tomi ale igigo la iriru egite la valua la igolu tela iriru. ³⁵Egite la valua la igolula kama mou ge korati oilo la luma isasa; E latu moli ge mou la tapasila ge ouka. ³⁶Oilo vola, mae e latula tahalo vimaramara ti emei, me ale eme maramara sele tomi ti.³⁷Eau rovia mae amuto la hili le Abram; amuto pamuli eau ge bili eau la vuhula la merera taku la mulila ouka oilo taume. ³⁸Eau ge vei la rova eau hiloa vikapopo me tete, me eme tai igigo la rova eme loloa loio te tamamu³⁹Goio egite koliala me egite veiala mago," E tama miteu e Abram." Tio e Isus kolia gite mago," Mae amuto ge la e latatu le Abram, amuto ge igigo la igolu te Abram ale igoa. ⁴⁰Solio, igoe amuto pamuli eau viage bili eau, La tahalo ale veipala tia mutou la seselela ale eau loloa loio te Deo. e Abram kama igo la papaga aleie. ⁴¹Amuto igigo moli la igolula te tatama mutou. Egite goio veiala mago," Amite kama e latatu la savu taro; amite tahoka e tama mite isa moli: e Deo."⁴²Goio e Isus kolia gite mago, Mae e Deo ge e tama muto sele, amuto ge masaga eau. la vuhula eau loio te Deo male eau omaie; Eau kama gomai tela masagala taku, ouka eia baha eau somaie. ⁴³La vuhula ilava amuto kama rovi matagaga la vigagiala taku? Ale la vuhula amuto kama koramuli ge lolo la merera taku. ⁴⁴Amuto loio te tama mutou, La hitu, ala amuto gabutala ge igo la masagala te tama mutou. Eia la tahalo la bilili pala ti tela silokoloko me eia kama magirigiri oata tela seselela la vuhula la seselela kama oilo tetala. La imala eia ge mera age vasigolo, eia meramera loio tela vulovulola la vuhula eia la tahalo la vasigolola me eia tamai e tama la vasigologolola tomi.⁴⁵Soloio, la vuhula eau vei pala la seselela, amuto kama tautaulailo tegaku. ⁴⁶Mae isa tamutou ge ubi le eau la iriru? Mae eau ge veipala la seselela, Ilava amuto kama tautaulailo tegaku? ⁴⁷La tahalo ale loio te Deo me eia ge lolo la merera te Deo; amuto kama lolo egite la vuhula amuto kama loio te Deo. "⁴⁸Tio egite Juda goio koliala egite veiala mago," Ila amite kama vei seleamu mae eme la tau Samaria amuto tahoka la hititu?" ⁴⁹E Isus kolia mago,"Eau kama tahoka la hitu, alamoli eau togo e tamagu, Amuto lou kama togo eau.⁵⁰Eau sele kama mata la vei tahola; La tahalo isa moli matea me eia ge matamulia. ⁵¹La seselela, me asele, eau ge veia mutou, mae la tahalo isa ge sautola la merera taku, me eia kama ge hilo la pileho."⁵²Egite Juda goio veiala mago," igoe sele amite rovia mae eme tahoka la hitu. e Abram me egiteu la Propet pehoti; ale eme veia tiloua via, ' Mae isa ge sautola la merera taku, eia kama ge tovolai la pileho.' ⁵³ Eme kama uru tavua le e tama miteu e Abram ale pehoti, eme vei sele? Egite la Propet tai pehoti. Eme ere sele eme igo eme via eme ge mae.⁵⁴E Isus kolia mago,"Mae eau ge abi rivua gu la marasala, la marasala alele eia ge la paga bulahu moli; Ala e tete moli male abiagu la marasala___ateale eme veia eia e Deo taume. ⁵⁵Amuto kama rovi eia, alamoli eau rovi eia; Mae eau ge vei mae, 'eau kama rovi eia, eau ge mae emei, la tahalo la vasigolola. Age mae, Eau rovi eia me eau sautola la merera tetala.⁵⁶ E tamamuto e Abram .moge sele ale eia hilo la logo tegaku; eia hiloa me eia sagege sele."⁵⁷Goio egite Juda vei rivuala mago," la leavala taume souka savulu lima robo, eme hiloti e Abram?" ⁵⁸E Isus veia gite mago," la seselela me asele, eau ge vei amuto, mamuga te Abram eau pala, Mae EAUE." ⁵⁹Tio egite goio logo la uatati veiage ubi le eia, alamoli e Isus tarikovu le egiteu eia gali loilo la luma lotu tuga.

Chapter 9

¹Tio la imala e Isus tetepolo, eia goio hilo vuti la tahalo isa e tilala pigoa eia matakea loio ti la pepesola, ²Egite la Disaipel tetala goio tahia mago, Tahalo la vimari, ere igo la iruru, la tahalo aleie ouka e tilala tamala, Ala e tilala pigoa eia matakea moli mae?"³E Isus kolia mago," Akama la iriru tela tahalo aleie, ouka te tilala me tamala, ouka maele la vuhula la igolula te Deo ge sibitala matagaga oilo tetala. ⁴Etato ge igo la igolula te la tahalo ale baha eau la imala ale la haro soloio. la maligoma loio ge gomai la imala ale isa ouka tilou ge igo la igolula. ⁵La imala eau oilo tela mautu la magasa, Eau la matagaga oilo tela mautu la magasa."⁶Mulmuli teale e Isus vei kaluvu tia gite la papaga alele, eia goio kapute sotalo la magasa a igoa maela Pita, me agoio bubu la Pita oio la matala. ⁷Agoio veiala mago," Tuga goio, pupuru oio la lomu le siloam" (la masovala mae "bahataro"). tio la tahalo le goio tuga, agoio pupuru, agoio beurivua la matala mata pulala ti.⁸Goio egite la valalua ale egite mou vikapopo me egite ale pala hiloa mae eia la maura egiteu vei mago," Muto ale soge la tahalo moli ale popou kaka la vuliti?" ⁹Isahari tegite vei mago," Ale eia moli," Egite ale isahari vei lou mago," ouka, aga mae moli eia." Goio eia veia mago," Ale eau moli."¹⁰Egite goio veiala mago," Me la matamu kope mave, ¹¹Eia kolia mago, " La tahalo ale la isala e Isus igo la pita gomai bubua omai la matagu kaluvu agoio veiagu, ' Goio te la lalu e Siloam eme pupuru, tio eau tuga goio pupuru, me la matagu kope." ¹²Egite goio veiala," Me eia la oveiti?" Eia goio kolia giteu," Eau oukati rovi eia."¹³Egite goio vahari la tahalo ale matakea le soio tegite Paraseo. ¹⁴La logo ale eia la Sabat male e Isus igo la pita goio kope la mata la tahalo le ovola le. ¹⁵Tio egite Paraseo goio tahi loua mago la matamu tartigi mave. Eia goio vei loua giteu," La tahalo le tau la pita omai la matagu,me eau goio vipuru, ala male eau omai mata tie."¹⁶Egite Paraseo isahari goio vei mago,"La tahalo aleie kama loio te Deo a oio kama togo la Sabat. " Egite ale isahari vei mago, La tahalo aleie eia la tahalo la iriru sele age igo la irovilala ale mae mave?" Tio kabili tegite lou egite vilele tio. ¹⁷Egite goio tahi suku lou e moura la matakea le," Eme ge vei mave tela tahalo aleie, loio ti la imala ale eia kope la matamu gomae, La tahalo ale matakea le vei mago, Eia isasa la Propet."¹⁸Ala moli egite Juda soloio kama tautaulailo tela matala ale kopele igoa kara mae egite tola e tilala me tamala tahalo ale la matala kope le.¹⁹Egite goio tahi e tamala me tilala," Ale e latu mula ale hatamale e tilala pigoa me eia matakea male? Me ale eia oio mata a igo mave?" ²⁰Goio e tilala me tamala kolia gite mago," Amila rovia mae ale e latu mila ale hatamale e tilala pigoa eia matakea moli. ²¹Me eia igo mave eia oio mata pulala tie, Amila kama rovia, me ere tai kope la matala, amila kama rovia. Amuto tahi eia, eia tai uru ti. Eia lou ge vei eia."²²E tamala me tilala vei tomia gite la papaga alele,La vuhula egira taga egite Juda. La vuhula egite Juda kisiti la merera via mae la tahalo isa ge veia mae eia e Kraist, Egite ge pigia sogala loilo la luma la lotu. ²³La vuhula ala, e tamala me tilala veia gite mae, " Eia uru ti, tahi eia."²⁴Egite tola lou la tahalo ale matakea la tagara luala soio tegite me egite goio veiala mago," Abia le Deo la marasala. Amite rovia mae la tahalo alele eia la tahalo la iriru. ²⁵Goio la tahalo le kolia mago," Eau kama rovi mae eia la tahalo la iriru o ouka. La paga moli isa eau rovia: Amae eau matakea, me ale igoe eau koramuli ge mata."²⁶Goio egite kolia mago," Eia igo larova soio taume? Eia kope la matamu mave?" ²⁷La tahalo le goio kolia gite mago," Eau veitia muto mamuga, Amuto kama loloa,! Ilava amuto viage lolo loua? Mave amuto tai masaga ge guvi mae la Disaipel tetala, amuto masagea?²⁸Egite mera barala me egite vei mago," Eme tai e Disaipel tetala, Amite ale la Disaipel te Moses. ²⁹Amite rovia mae e Deo meramera ti soi te Moses, Ale amite kama rovia ale isale loiola ba ale mave,"³⁰La tahalo le goio kolia gite a vei mago, " La paga ale uru sele me a halaba, ale amuto kama rovia a loio la ba ale mave, alamoli eia kope la matagu. ³¹ Amite rovia mae e Deo kama lolo egite la tahalo la iriru, ouka la tahalo moli ale abi la imala tetala me eia tilimuli la masagala tetala, me eia ge lolo eia.³²Araura ti la siloko la mautula etato kama lolo isa la tahalo kope la mata la tahalo ale e tilala pigoa me eia matakea. ³³Mae la tahalo aleie kama ge loio te Deo, eia kama koramuli ge igo isa la paga," ³⁴ Egite goio koliala egite veiala mago," E tilamu pigo eme oilo tela vulovulo ale kama kora, eme omai viage vimari lou amite?" Tio egite goio sautolea pigi eia sogala.³⁵E Isus goio loloa mae egite pigi ti la tahalole loilo la luma la lotu, Eia goio poga eia me eia veiala mago, eme tautaulailo tai oilo te e latula tahalo?" ³⁶Agoio tahi mago, Eia ere sele, via eau ge tautaulailo oilo tetala?" ³⁷E Isus goio koliala mago,"Eme hilo ti eia, me eia moli male vigagia tomi le emei." ³⁸La tahalo le goio vei mago," Uru, Eau tautaulailo ti," eia goio lotu tavu eia³⁹E Isus vei mago,"Oilo tela mata mulila eau gomai tela mautu la magasa via egiteu ale kama mamata egite mata lou me egite ale mamata egite ge matakea." ⁴⁰Tio egite Paraseo ale isahari vikapopo mele eia egite lolo la papaga alele me egite goio tahi eia," Mave amite tai matakea?" ⁴¹E Isus goio veia giteu mago," mae amuto ge matakea, amuto kama ge tahoka la iriru, alamoli igoe amuto veia. amuto oio mamata, ala la iriru tamuto oio tabuli moli,"

Chapter 10

¹"ALe seselela, me asele, eau ge veiamu, La tahalo ale kama tiroro oio la mata la bigomu tela sipsip, Mae eia ge sae utu oio la ba isasa, me la tahalo alele eia la tahalo la ilabi bubula me la pakalila. ²Me la tahalo moli ale polo oio la mata eia la tahalo la vibaumuli la sipsip.³La tahalo ale baumuli la mata ge kopeala la mata. tio age tola seke la sipsip la isa giteu isasa me eia ge vituga egite sogala. ⁴La imala ale age puli tomiti egite ale tetala sogala, eia ge muga egiteu, me egite la sipsip ge tilimuli eia, la vuhula egite rovi taho la golu le tao giteu.⁵Egite kama koramuli ge tilimuli la tahalo polo isasa ouka egite ge hele leia, la vuhula egite kama rovi la golu la tahalo polo." ⁶E Isus mera la merera la vitovo mulila soio tegiteu, alamoli egite kama rovi matagaga la papaga ale eia veveia gite ovola.⁷E Isus goio vei loua giteu," la selela, me a sele, eau ge veiamu, Eau la mata tela sipsip. ⁸Egite tomi ale gomai mulmuli tegaku egite la tahalo la ilabi bubula mela pakalila, alamoli egite la sipsip kama koramuli ge lolo egiteu.⁹Eau la Mata. mae la tahalo isa ge tiroro omai taku, eia ge mahuli, eia ge tiroro soilo me eia ge gali sogala ge pamuli la ba ale la garasi kusi taho ovola, ¹⁰La tahalo la pakalila gomai moli tela pakalila la bilili mela igo barala. Alamoli eau gomai la vuhula amuto ge abi la mahulila me amuto ge abi tomi ale viruru.¹¹Eau la tahalo la vibaumulila ale tartigi sele, la tahalo la vibaumulila ale tartigi tau tomi la mahulila soio tegite la Sipsip. ¹²Me la tahalo la igolu ale egite pulia lobali kama la tahalo la vibaumulila me eia kama e tao giteu la Sipsip. La imala ale eia ge hilo la Riva ge hugu tavu la Sip eia ge hele kovu, me la Riva ge pakali egite ge tagubura egiteu. ¹³Eia hele kokovu la vuhula eia la tahalo la igolu ale lobali me eia kama koramuli ge baumuli egite la Sipsip.¹⁴Eau la tahalo la igolula ale tartigi sele, me eau rovi sele egite ale taku, me egite tai rovi sele eau, ¹⁵E tete rovi eau, me eau tai rovi taho e tete, me eau tau sele la mahuligu soio tegiteu la Sipsip. ¹⁶Me eau tai tahoka egite la Sipsip ale kama loilo la bigomu la sip taku. Eau ge vimari tai egiteu, me egite ge rovi tai la golugu la vuhula egite tomi ge isa moli me la tahalo la vibaumulila tai ge isa moli.¹⁷Ale eia la vuhula ale e tete masaga sele eau: Eau sugutaro la mahuligu la vuhula eau ge abi rivu loua. ¹⁸Isa kama koramuli ge abitaro le eau, ale eau lou sugutaroa soio. Eau lou tahoka tomi la vagarigarila ge sugutaroa, me eau lou tahoka la vagari ge abi rivu loua. la vuhula eau abi la mera vagarila loio te tete."¹⁹Goio la vilele lua la sibitala lou kabili tegiteu Juda la vuhula tela merera ale moliele. ²⁰Egite ususele vei mago," Egite la hititu oilo tetala ala eia paua ti. Ilava amuto ge lolo lou soio tetala?" ²¹Egite ale isahari vei mago, "Ale kama la merera tela tahalo ale la hititu volu oilo tetala. Akoramili la tahalo ale la hititu oilo tetala ge kope la mata la tahalo ale matakea?"²²Me la imala alele eia la pou golula tela sugutarola mahulila oilo e Jerusalem. ²³Eia tai la imala lolovi, e Isus tuga oilo tela luma la lotu oio tela mata bala te Solomon. ²⁴Goio egite Juda vulo robo ti eia me egite goio veiala mago, " Eme ge sautola amite oilo tela ba ale la tautaulailo ouka kara mave? Mae eme e Kraist, vei palaea miteu."²⁵Goio e Isus kolia gite mago,"Eau veia mutou, alamoli amuto kama tautaulailo taku, La igola ale eau igoa eau igoa oilo la isale tete, ale eia veipalaea somai taku. ²⁶Alamoli amuto kama tautaulailo la vuhula amuto kama la Sipsip tegaku.²⁷La Sipsip taku egite rovi la golugu; Me eau tai rovi egiteu, me egite ge tilimuli eau. ²⁸Eau ge abia giteu la mahulila ale la tapasila ge ouka; me egite kama ge peho, La tahalo isa kama koramuli ge abitaro tai egite lomai la limagu.²⁹E tamagu, eia moli male abiagu egite, a uru peho loata tegiteu ale isahari, Me isa kama koramuli ge abitaro egite loio la Lima le Tete. ³⁰Eau vikapopo me tete amila isasa moli." ³¹Goio egite Juda abi lou la uati viage ubi leia.³²E Isus goio kolia gite mago," Eau vahililo tia muto la papaga ale taritigi usu sele loio te Tete. Oilo tela igolu aleie ale mave sele amuto viage ubi le eau la uati oio vola?" ³³Egite Juda le goio kolia mago," Amite kama ubi le eme la uati oilo tela igolula ale tartigi, ouka atela vulovulo la kau tavula, la vuhula emei, la tahalo, eme igo emei mae e Deo."³⁴E Isus goio kolia gite mago," la paga aleie egite kama kekesia oilo tela viturila,'Eau ge vei mae," Amuto lou e deo"'? ³⁵Mae eia tola le egite e deo, me la merera te Deo ge gomai lou tere (me la merera kama koramuli ge mapola), ³⁶Mave amuto veiala ale e tete hilovia bahea somai tela mautu la magasa, ' Amuto Kau tavu molia mutou, 'La vuhula eau vei mae eau e latu le Deo'?³⁷Mae eau kamage igo la igolula te tete, umala tautaulailo tegaku. ³⁸Alamoli mae eau oio igigo egiteu, me soloio amuto kama tautaulailo tegaku, amuto ge tautaulailo oio tela igolula ila amuto ge rovia me amuto tai ge matagaga tai mae e tete oilo taku me eau tai oilo te tete." ³⁹Tio egite goio tovolai loua viage sautola lou eia, alamoli eia ulapi taro la lima giteu.⁴⁰Eia tuga goio poloa e Jordan la ba ale e Jon mamuga vuhi oio vola, eia goio pou la ba alele. ⁴¹Me egite la valua me hatavile usu sele goio tetala me egite vei mago," E Jon kama igo isasa la irovilala, alamoli la papaga tomi ale e Jon veveia ile la tahalo aleie eia asele viruru moli." ⁴² Tio egite la valua usu tautaulailo oilo tetala oio la ba alele.

Chapter 11

¹La tahalo isa la isala e Lazarus eia lea. Eia loio la ba e Betani, la mautu te Mari e lohatavile le Mata. ²Ale e Meri ale abiri la Uru la ueli malivili me eia sorobila la vahala la ivula, me e tabarala e Lazarus male lea.³Goio egiteu e hatavilevilela baha tavu e Isus, egite vei mago, Uru,hiloa, la tahalo ale eme masaga seselea eia lea." ⁴La imala e Isus loloa," agoio vei mago,"La ilea aleie akama ge pehola, ouka age tela isala le Deo ge bole vauru eia oio vola ila e latu la tahalo ge abi la marasala oilo vola."⁵E Isus masaga sele e Mata e hatavilela me e Lazarus. ⁶La imala eia lolo ti via e Lazarus oio lea, E Isus pou lou la logo ilua oio la ba ale eia pou ovolao, ⁷Goio mulmuli vola, Eia goio veia giteu la Disaipel tetala, " Etato goio lou e Judea."⁸Tio egite la Disaipel goio veiala mago, Rabbbi, igoe sele egite Juda oio tovolaia viage ubi le emei la uati, Ale eme veia ge beurivu loua soio la ba alele?" ⁹E Isus goio kolia mago," Mave la logo isasa la haro kama paga oio vola? Mae la tahalo isa ge tuga tela imala la haro, eia kama ge tutuaki ge boru, la vuhula eia matala la matagaga tela mautu la magasa aleie.¹⁰Age maele, mae eia tuga tela logo, eia ge tutuaki ge boru la vuhula la matagaga ouka oio tetala," ¹¹Eia goio vei la papaga alele, me mulmuli tela papaga alele, eia goio veia giteu," E tabara gatou and e Lasarus oio mavuta peho sele, Alamoli male eau tatuga eau goio ge paloa loio tela mavutala tetala."¹²Oio moli vola egite la Disaipel tetala veiala mago," mae eia mavuta sele, eia ge tartigi lou." ¹³Ale e Isus vevei moli la pileho tetala, alamoli egite gabutala via eia la mavutala ale ge maila moli. ¹⁴Goio e Isus vei matagaga sele tia giteu, "E Lasarus peho ti.¹⁵ Eau moge sele, la vuhula taume moli, la imala ale eau kama ge oiole la vuhula eme ge tautaulailo. tartigi etato ge tuga tavu eia." ¹⁶Tomas, ale egite tola leia e Didimus, eia veia gite e tabarabarala e Disaipel ale isahari mae," etato tai ge tuga goio ge peho tomi le Isus."¹⁷La imala e Isus guvi, eia goio pogea mae egite tau ti e Lazarus soilo la lulu la pileho la logo iva polo ti. ¹⁸Me e Beteni hagavi moli soio e Jerusalem, la obu la milaki la ba ilima solo malau. ¹⁹La imala alele egite Juda usu goio te Mata me Meri, via ge siobu e egira te tabara girua. ²⁰Goio e Mata, la imala eia lolotia mae e Isus loio ge gomai, eia goio tuga soio via ge pololaha eia, e meri oio popou oilo la luma.²¹E Mata goio veia le Isus mago, "Uru, Mae eme ge omaie, e tabarabaragu kamage peho. ²²Me ale igoe, Eau rovia via la rova eme ge tahi e Deo ovola, eia ge abi moliamu. ²³E Isus goio veiala mago," e tabaramu ge hiliti rivu lou."²⁴E Mata goio veiala mago," eau rovia via eia ge hiliti taro la pileho oio tela tapasila logo."²⁵E Isus goio veiala, " Eau la hiliti rivu loio tela pileho me eau tai la mahulila; me egite moli ale tautaulailo oilo taku, mae eia ge peho, eia ge mahuli rivu lou; ²⁶Egite ale soloio mahulili me egite tautaulailo oilo taku egite kama koramuli ge peho. Amuto tautaulailo tai oilo te aleie?"²⁷E Mata goio veiala mago," Asele Uru, eau tautaulailo sele via eme e Kraist, e latu le Deo, La tahalo ale ge gomai tela mautu la magasa,"²⁸La imala eia vei la merera alele, Eia tuga soio goio tola kovu moli e lo hatavilela e Meri. Eia goio veiala mago, " La Tahalo la vimari omaiti me eia baha tavu emei," ²⁹La imala eia loloa maele, eia hiliti harari moli tuga goio tetala.³⁰E Isus souka goilo la mautu eia soloio la ba ale e Mata poga eia oio vola. ³¹ Tio la imala alele egiteu e Juda, egite ale siobu eia, egite hilo e Meri ale hiliti taro moliti egite hari ti soio, egite goio harimuli eia, egite gabutala via eia goio ge tali lou oio la Liba.³² La imala e Meri sibitala oio la ba ale e Isus oio vola eia goio mata soio a hilo e Isus, eia goio boru tabuli ti otalo la vahala me eia goio vei tiala mago," Uru mae eme ge omaie, e tabarabaragu kama koramuli ge peho."³³Goio e Isus hilo eia ale taitali, me egite Juda tai ale tilimulila somai tai taliti, Me oilo sele tela kalulula a raga me eia gabutala pahi; ³⁴Eia goio vei mago, Amuto ulai eia oiove?" Tahalo uru, eme gomai hiloa." ³⁵E Isus tali peho.³⁶Goio egite Juda vei mago," amuto hiloa eia masaga sele e Lasarus," ³⁷Alamoli isahari tegite vei lou mae, kama la tahalo ale kope la mata la tahalo ale matakea maleie, me eia kama koramuli ge igo la tahalo ale umala ge peho?"³⁸ Goio e Isus vei loua, la tiala hiliti sele oilo. atuga goio la liba. a mae la vavi me egite taurobola la wati. ³⁹E Isus goio vei mago, buli taro la vatie le." E Mata, e lohatavile le Lasarus, ale pepeho, agoio veiale Isus," Uru, la logo usu polo ti, la vovola soge tarese ti, La vuhula eia peho ti la logo iva polo ti." ⁴⁰E Isus goio veiala mago, " Mave eau kama veiamu mae, mae moli eme ge tautaulailo, eme ge hilo la marasala te Deo?"⁴¹Tio egite goio buli taro la wati, e Isus goio mata oata me eia vei mago, Tete, eau toi tartigi la vuhula eme lolo eau. ⁴²Eau rovia mae la imala tomi eme lolo eau, la vuhula tegiteu la valua ale omae magiri galili ti eau ala eau pigi la merera mae, la vuhula egite ge tautaulailo via eme baha eau."⁴³Mulmuli teale eia vei la papaga alele, eia goio tola sogala me la golula oata sele, Lasarus, gali sogala ⁴⁴Me la tahalo ale peho le gali sogala; me la vahala mela limala egite kisitola leia la kulkuli, goio e Isus veia giteu, "Amuto lube eia me eia ge tuga."⁴⁵Goio usu tegite Juda gomai te Meri me egite hilo la rova e Isus igoa, me egite tautaulailo oio tetala,⁴⁶Alamoli isahari tegite tuga goio tegite Parasi me egite goio veia giteu la papaga ale e Isus igotia.⁴⁷Goio egite gama le Prist me egite parasi vikapopo egite la Kaonsele gite vei mae,"Etato ge igo mave? La tahalo aeie igo usu la irovilala. ⁴⁸Mae etato ge piligi taro molia mae, Egite tomi ge tautaulailo tetal; me egite Romen ge gomai ge abitaro la muli gatu tomi mela Kaontri tegato."⁴⁹Oilo vola, La tahalo isa kabili tegiteu,e Kaiapas, eia e Prist ale uru tela leavala alele, agoio veia giteu, "Amuto kama rovi isa la paga.⁵⁰Eme kama rovi mata gagea mae a ge tartigi taume mae la tahalo isa ge Peho tela valalua akama kora via la valua la Kaontri tomi ge kokovu bulahu moli."⁵¹Tio la paga ale eia veia kama loio tetala. amaege ouka, eia mae e Prist ale soatata tela leavala alele, Eia Mera laha mae e Isus ge peho tela kaontri;⁵²Me kama tela Kaontri moli, ouka ate latatule Deo ale helepa egite ge vikapopo ge isasa moli.⁵³Loio tela logo alele golagu tio egite igo la gabutalala ale egite ge bili e Isus.⁵⁴E Isus kati tuga palala kabili tegite Juda, eia heletaro la ba alele goilo la Kaontri ale hagavi soio la mautu la kuepa oio la Taon la isala e Epraim. me oio la ba alele eia pou vikapopo me egiteu la Disaipel tetala.⁵⁵La Pasova tegite Juda hagavi taiti tela imala alelele. egite usu sele tuga goata e Jerusalem loio la kaontri mamuga tela Pasova,la vula egite ge vimaroka egiteu.⁵⁶Me egite tai mamata e isus, egite veveia kabili tegite lou la imala egite magiri oilo la luma Lotu? "Eme gabutla mave?"⁵⁷Oio moli vola egite la mulugaluga tegite prist me parasi abia gite la valua la mera vagarila mae la tahalo isa ge rovi la ba ale mave e Isus oio vola, eia ge tau pala la merera ila egite goio ge sautolaea.

Chapter 12

¹La logo oio ivolo mamuga tela Pasova, e Isus gomai e Beteni, oio la ba le e Lasarus oio vola, eia male e Isus vahiliti rivua loio tela pileho. ²Egite goio raragiala la ilali oio vola le, E Mata oio tabaribari la ilali, e Lasarus oio mavuta otalo la taibel la ilali vikapopo me Isus.³ Goio e meri abi la Lita la ueli mali vili ale igolula la Nad ale tartigi sele, me eia goio abiri la vaha le Isus ovola, me eia goio sabubula la ivula lou. La luma le volu sele la maliala ueli le.⁴E Judas Ikariot, eia isa tegite la Disaipel tetal, la tahalo ale tau e Isus soio la gima, eia vei mae, "⁵ Ilava etato kama masagage baha la ueli tela salatu itolu ge abi la uatila ge abia giteu ale pou la savelela?"⁶Tio eia eia vei mae, ale kama via eia gogo egite ale pou la savelela, Ouka ale eia la tahalo la pakalila. La vula eia ge ababi la palo la wati me eia ge pakali loio tela etato taua soilo.⁷E Isus vei mago,"Piligi eia igo la rova eia tahokea tela logo ulaila tegaku.⁸ La imala tomi eme ge tahoka egite ale pou la savelela vikapopo le emei. Alamoli eau kamage vikapopo le emei la imala tomi."⁹Tio la lolo gite Juda uruele goio rovia mae e Isus oio la ba alele, egite gomai, kama te Isus moli,ouka egite gomai tai ge hilo e Lasarus, ale e Isus vimahuli rivu lou eia loio la tela pileho.¹⁰Me egite Prist kisi vikapopo la merera via ge bili tai e Lasaru; ¹¹La vuhula eia moli male egiteu e hele taro egite goio tautaulailo te Isus.¹²Tio galgeli mae la lolo la valua isahari goio la pou golula. La imala ale egite loloa via e Isus ge gomai e Jerusalem,¹³Egite abi la galagala la obu la rou me egite tuga sogala ge vipoga eia me egite tola soata."Hosana! La vibalavala ge tela tahalo ale gomai tela isa la Uru E suara tegite Israel."¹⁴E Isus goio poga isa e Donki ale halaba sele, me eia pou oata vola; mae moli la merera kekesi tia, ¹⁵Umala tataga, Amuto la sobe le Saion; hiloa, E suara loio ge gomai, me eia pou oata te latu la Donki."¹⁶Egiteu la Disaipel kama rovi matagaga muga la papaga alele; Ala moli la imala e Isus vuvulo, tio egite goio gabutala rivu la papaga ale la merera kekesi tia ile eia me la papaga ale egite igo tia soio tetala.¹⁷Tio la lolo la valua goio vei mae egite vikapopo me Isus la imala eia tola e Lasarus loilo la liba me eia vaihiliti rivu eia loio al pileho.¹⁸Me la vuhula tai moli alele la lolo valua tuga sogala ge polo utua, la vuhula egite loloa mae eia igo la irovilala alele.¹⁹Egite parasi goio vei loua kabili tegiteu," hiloa, Eme kama koramuli ge igo isa la paga; hiloa, la Mautula oio hari mulmulia²⁰La tau Grik isa kabili tegiteu ale goio ge lotu oata tela lotu la pou golula. ²¹ Ale tuga goa te Pilip, eia loio e Betsida loio tela gale e Galili, agoio tahi eia, a vei mago, tibo amite masaga ge hilo e Isus."

²²E pilip goio veiale Andru; E Andru goio tilimuli e Pilip, me egira goio veiale Isus.²³E Isus koilia me eia vei gite mago,"La imala gomaiti tela e latula tahalo ge vulo soilo la marasala. ²⁴La seselela, me a sele, eau ge veia mutou, mae la vavua la Wit kama ge paru sotalo la magasa ge peho, me age soloio ge visauru moli mae ale isale, alamoli mae age peho, me age tau usu sele la vavuala.²⁵La tahalo ale masaga sele la mahulila tetala eia kama ge abia; alamoli la tahalo ale mukupile la mahulila tetala oilo la mautu la magasa me eia ge sautolea tela mahulila ale la tapasila ge ouka.²⁶Mae la tahalo isa ge mou lotalo tegaku, tartigi eia tilimuli eau, oio volale egiteu la tahalo la igolula taku ge pou. mae isa ge igo la igolula taku e tete ge togo sele eia.²⁷Ala la kalugu oilo kama tabuli tigi me eau ge vei mave? "Tete, utululu eau oilo tela imala aleie. me tela vuhula moli aleie eau gomai tela imala aleie.²⁸Tete, visale moli la isamu." Goio la golu isa loata la ilo lalage vei mago, " Eau visale tia me eau ge visale loua."²⁹Tio egiteu la valalua ale magirigiri egite lolo eia vei maele a tali kuraba. Egite ale isahari vei mago, " egite la Angelo mera ti soio tetala."³⁰E Isus kolia me avei mago," La golu ale kama gomai taku, ouka a gomai tamutou.³¹Igoe eia la Jadsmen tela mautu la magasa: Igoe egiteu e suara tomi tela mautu la magasa ge pigi egite sogala³²La imala eau ge tili sae oata loio tela magasa, Eau ge lapu tomi la valua me hatavile somai taku,"³³Eia vei la merea ale ge tau matagaga la pileho ale mave eia ge peho mae vola.³⁴La lolo la valua uru le goio kolia la, Amite loloa loio tela Lo mae e Kraist ge mahuli la tapasila ge ouka. Ilava eme vei mae le. e latu la tahalo ge tili oata la tovalutu? Erese e Latu la tahalo alele? ³⁵E Isus goio veia giteu," La mata gaga ge vikapopo mele amutou la imala kama ge malau, amuto ge igolu la imala eme tahoka la matagaga, la vuhula la maligoma kamage polo pepe emei. la tahalo ale tatuga oilo la maligoma kama rovi la ba ale mave eia goio vola.³⁶E Isus vei la papaga aleie mulmuli eia tuga goio tarikovu le egiteu.³⁷E Isus igo la irovilala usu sele oio tela mata giteu. Alamoli soloio egite kama tautaulailo oio tetala. ³⁸La vuhula la merea te Aisaea la Propet ge puru muli selea, oilo tela rova eia vei tia: "Uru' ere tautaulailo tela vigile mulilatamite, Me soio tela tahalo ale tahoka la lima la Uru age tabuli matagaga?"³⁹Me tala vuhula moli alele egite kama tautaulailo, ila e Aisaea vei tai tia,⁴⁰"Eia igo maligoma la mata giteu, me eia igo tai la tia gite vagari sele; soukage egite ge matala la mata giteu me egite ge rovi matagaga la hate giteu, me ge vulo, me eau ge vimahuli egiteu."⁴¹E Aisaea vei la papaga aleie la vuhula eia hilo la marasala te Isus me eia meramera oilo vola.⁴²Alamoli akama maele, Usu tegite la mulugaluga tautaulailo oilo te Isus; Alamoli la vuhula tegiteu e Parasi, egite kama vei palaea ila egite kamage magiri robo egiteu loio la luma la vikapopo la.⁴³Egite masaga sele la visalela ale loio tegite la valalua aloata la visalela ale loio te Deo.⁴⁴E Isus goio tali oata me eia vei mago, " La tahalo ale tautaulailo oilo taku, Akama tautaulailo moli taku ouka oilo tai tela tahalo ale baha eau,⁴⁵Me la tahalo ale hilo eau me eia hilo tai la tahalo ale baha eau.⁴⁶Eau gomai ti mae la matagaga soilo tela mautula, ila la tahalo ale tautaulailo taku eia kati lou ge pou lou oilo la maligoma.⁴⁷Mae la tahalo isa lolo la merea taku alamoli eia kama sautola egiteu, eau kama Jadgim eia; la vuhula eau kama gomai ge Jadgim la mautu la magasa, ouka eau ge vimahuli la mautu la magasa.⁴⁸La tahalo ale mukupile eau me eia kama abi la merera taku, eia ge tahoka la tahalo ale ge Jadgim eia, La merea ale eau vagogala tia ge Jadgim eia tela tapasi la logo.⁴⁹Eau kama meraera tegaku lou. alamoli e tete eia male baha eau, Me eia abitiagu la mera vagarila ale ge vigia me ale ge mera.⁵⁰Eau rovia mae la mera vagarila tetala eia la mahulila ale la tapasila ge ouka, ala ale la rova eau veia,--- a mae moli ale e tete vigia ti somai taku, ala eau ge vikara,"

Chapter 13

¹ALa mamuga tela pou golula tela Pasova. E Isus rovia mae la imala tetala gomai ti ge gogala tela mautula magasa me ge selea soio te tamala. la vuhula eia masaga sele egiteu ale tetala ale oilo la mautula magasa, eia masaga sele egite karamae la tapasila.²La tahalo kama kora tautia oilo la tia le Judas Iskariot e latu le Saimon, ge tau e Isus soio la lima giteu la gima.³Eia rovia mae e tamala abi tomi ti la papaga lotalo la limala mae eia loio te Deo me eia ge beu rivua soio te Deo tama. ⁴Eia goio hiliti kabili tela pou golula me eia kai taro la kai robola tetala ale sogalagala. Goio eia abi la Taoli ale eia kisi utu leia. ⁵Me eia goio tigitaro la lalu soilo la Disi me eia soko la vasi la vaha giteu e Disaipel me eia sorobi tagara la Taoli ale eia kisi utula leia ovola.⁶Eia gomai te Saimon Pita, E Pita goio veiala, " Uru, Ale eme ge vuhi la vahagu?" ⁷E Uru goio koliala me eia vei mago," La rova eau igigoa eme kama rovi matagagea igoe,Alamoli eme ge rovi matagagea mulmuli."⁸E Pita goio veiala mago," Eme kama koramuli ge vuhi la vahagu." Goio e Isus koliala mago, " Mae eau kama ge vuhi la vahamu eme kama koramuli ge abi bakisi lomai taku."⁹Goio e Saimon Pita veiala mago," Uru, umala vuvuhi moli la vaha gu, ouka eme ge vuhi tai la limagu mela gamagu."¹⁰E Isus goio veiala mago," La tahalo ale pupuru ti eia kama koramuli ge pupuru lou, age vuhi moli la vahala, ila eia maroka tomiti; Eme marokati alamoli kama egite tomi," ¹¹(La vuhula e Isus rovi ere tahalo ge tau eia soio la lima la gima; ala eia vei mae , " kama amuto tomi maroka ti.")¹²Tio la imala e Isus vuhi ti la vaha giteu, eia goio abi la kai robo tetala me eia goio pou, agoio veia gite mago," Amuto kama rovia mae eau igo la paga aleia tamutou? ¹³Amuto tola le eau'tahalo la vimari' me Uru,' la merera taume a matata, La vuhula eau e, ¹⁴Mae ge mave, la Uru me la tahalo la vimari, eia vuhi tila vaha mutou, Me amuto tai ge vuhi la vaha giteu isapolo.¹⁵Eau vahililo ti le amuto la vuhula amuto ge igo taia mae ale eau igo tia mutou.¹⁶Asele me asesele, Eau vei mutou, La tahalo la kiloli kama uru tavuaLa mulugaluga tetala; ouka la tahalo la bilaha kama uru tavuala tahalo ale baha eia.¹⁷Mae eme rovi la papaga aleie, La vibalavala ge taume mae moli eme ge igoa.¹⁸Eau kama vei amutou tomi, Eau rovi egiteu ale eau hilovi ti egiteu---- alamoli age mae la vuhula la merera ge puru muli selea: La tahalo ale ge ali la Bret tagaku age igo la vahala somai taku,'¹⁹Egoe eau vei palaea mutou la papaga aleie mulmuli ege guvi la vuhula la imala age guvi, eme ge tauataulailo mae ale EAU.²⁰Asele me sesele, eau ge veia mutou, La tahalo ale kakatavu la tahaloa le eau baha eia ale eia kaka tavu eau. me la tahalo ale kakatavu eau ale eia kakatavu la tahaloa ale eau baha eau."²¹La imala e Isus vei la paga alele," La tiala kama tabululi oilo tela kalulu. eia goio vei mago," la seselela me asele, eau ge veiamuto mae isa tamuto ge tau eau soio tela lima la gima."²²Egiteu e Disaipel goio matavu egiteu isasa, egite karutu sele me egite gabutala ale ere sele eia veveia le.²³Egiteu e Disaipel tetala isasa, ale e Isus masaga seselea, eia oio mavuta otalo la porol la ilali oio la balile Isus."²⁴E Saimon Pita suku soio tegiteu e Disaipel me eia goio tahi egiteu," tahi tigi eia ale ere male eia veiale."²⁵Tio eia goio tasuku lou soio te Isus me eia goio tahi loua," Uru, ale ere sele?"²⁶Goio e Isus kolia mago," Eia moli male eau ge tau la Bret sotalo la lalu ge abiala." Tio la imala eia vuhi beta la Bret, eia abiale Judas e latule Saimon Iskariot. ²⁷Tio mumuli tela Bret, e Satan goilo tetala, ala e Isus goio veiala, " La rova emei igoa, Igo hararia."²⁸Isa tegite ale mavuta otalo la poro la ilali rovia la vuhula ale eia vei la paga alele soio tetala.²⁹Isahari gabutala via, la imala e Judas abi la palo la uati, e Isus goio veiala," Loto larova etato masage abia tela imala pou golula," ouka eia masaga ge vabi soio tegite ale pou la savelela. ³⁰Mulmuli teale e Judas abiti la Bret, oio moli vola eia gali sogala tuga. la paga logoti.³¹La imala e Judas tugati,E Isus goio vei mago," Igoe e latula tahalo egite ge tolosogi eia, me e Deo ge abi la marasala oio tetala,³²E Deo ge abiala la marasala oilo tetala lou, me eia ge visale eia oio moli vola.³³Amuto e giliki, eau vikapopo le amutou tela imala moli bakisie. Amuto ge mata eau, amae moli ale eau veitia giteu e Juda,' La ba ale eau ge goio vola , eme kama koramuli ge gomai vola' igoe eau ge vei lou la paga aleie soio taume.³⁴Eau ge abia mutou la Lo ale halaba, amae eme ge masaga sele e tabaramu; Mae moli ale eau masaga emei, ala amuto tai ge masaga lou amuto isasa.³⁵Me oilo moli te aleie egite la valua tomi ge rovia mae amuto e Disaipel tegaku sele, mae amuto ge masaga lou amuto isasa."³⁶E Saimon Pita goio veila," Uru, Eme ge gove?" E Isus goio kolia mago," La ba ale eau ge goio vola eme kama koramuli ge tilimuli eau igoe, alamoli eme ge tilimulia mulmuli."³⁷E Pita goio veiala mago, "Uru, ilava eau kama koramuli ge tilimuli emei igoe? Eau ge tautaro la mahuligu ile eme moli."³⁸Eme ge tautaro la mahulimu tegaku molie? La seselela me asele, eau ge veiamu, La kakaruku soukage tali eme ge tahitaro eau tagara itolu."

Chapter 14

¹Umala la hate amuto ge maraparapa, amuto ge tautaulailo oilo te Deo, me tautaulailo tai omai taku.²Oilo la luma te tete la kapi utu usu sele. mae akama ge maele, eau ge veia mutou, Eau goio ge raragi la muli mutou.³Mae eau ge goio ge raragi la muli mutou, Eau ge gomai lou ge abi amutou somai taku, la vuhula la ba ale eau ge oio vola eme tai ge oio vola⁴Eme rovi la gauru ale ge goio la ba ale eau ge goio vola."⁵E Tomas goio veiale Isus,"Uru, amite kama rovi la ba ale eme ge goio vola, amite ge rovi la gauru ale eme ge goio vola mave?"⁶E Isus goio veiala, "Eau la gauru, la seselela, mela mahulila; La tahalo isa kama koramuli ge goio te tete age polo omai taku.⁷Mae eme ge rovi taho eau, me eme tai ge rovi tai e tete. sokoa igoe kara mulnuli eme ge rovi eia me eme ge hilo tai eia."⁸E Pilip goio veiale Isus, "Uru, vahililo miteu e tete, ale age koramuli sele somai tamiteu."⁹E Isus goio veiala,"Eau vikapopo le amutou la imala malau ti alamoli amuto soloio souka rovi eau, Pilip? Mae erese la tahal hilo ti eau me eia hilo ti e tete. Mave sele eme vei lou mae, 'vahililoa miteu e tete'?¹⁰Mave amuto kama tautaulailo mae eau oilo te tete me e tete oilo taku? La merera tomi ale eau veveia mutou eau kama meramera loio tela vagarigari gu, Alamoli e tete ale mou oilo taku eia male igigo la igolula tetala.¹¹Tautaulailo taku mae eau oilo te tete me e tete oilo taku, mae ouka tautaulailo la vuhula la tela igolula tomi.¹²La seselela,me asele,eau ge veiamu. La tahalo ale tautaulailo oilo taku eia ge igo la igolula ale eau igotia. me eia tai ge igo isahari la papaga ale ururu loata te aleie la vuhula eau ge goio te tete.¹³La rova isa eme kakea oilo tela isagu, eau ge igoa la vuhula e tete ge abi la marasala oilo te latula.¹⁴Mae emege tahi eau la paga isa oilo la isagu, Eau ge igoa.¹⁵Mae eme masaga sele eau, sautola la Lo tegakau,¹⁶Eau ge kaka soio te tete, me eia ge abi louamu isa e kolia taume la vuhula eia ge vikapopo mele emei kara mulmuli-----¹⁷La kalulu la seselela, la mautula magasa kama koramuli ge abi eia la vuhula eia kama hilo eia ouka rovi tai eia. Alamoli eme rovi eia. la vuhula eia mou oilo taume me eia ge oilo taume.¹⁸Eau kama koramuli ge piligi taro sekela emei; eau ge beu loua somai taume,¹⁹La imala ge bakisi moli la mautula ouka tilou ge hilo eau, alamoli eme ge hilo eau. La vuhula eau mahulili, me eme tai ge mahuli.²⁰Me oio tela logo alele eme ge rovia mae eau oilo te tete, me eme tai oilo taku, eau tai oilo taume.²¹La tahalo ale sautola la Lo taku me eia tilimulia la tahalo alele eia masaga sele eau, me la tahalo ale masaga eau e tete ge masaga tai eia, me eau ge masaga eia me eau ge vahililo pala eau soio tetala,²²E Judas (kama e Iskariot) goio veiale Isus, " Uru, ilava eme ge vahililo moli eme somai tamiteu mela mautula ge ouka?"²³E Isus goio kolia aveiala mago, "Mae la tahalo isa ge masaga sele eau, me eia sautola la merera taku. e tete taige masaga eia,amite ge gomai ge igolu la mautu tamite vikapopo me leia.²⁴Latahalo ale kama masaga eau ale eia kama sautola la merera taku. La merera ale amuto lolo akama lomai taku ouka a loio te tete me eia male baha eau.²⁵Eau vei tila papaga aleie soio tamuto, tela imala ale eau mou vikapopo le amutou.²⁶Oilo vola, la tahalo la kiloli ----la kalulu maroka eia moli male e tete ge bahea oilo la isagu ---- eia ge vimari le emei la papaga tomi me eia ge vigabutala le emei la papaga tomi ale eau vei tiamu. ²⁷Eau piligi tiamu la tia madila; me eau abi tiamu la tia madila tegaku. eau kama abia mutou mae ale la valua la magasa abia mutou. la tia mutou umala ge maraparapa, oio tai amuto uma ge tataga.²⁸Eme loloti la rova eau vei tiamu," Eau ge tuga taro emei, me eau ge beu loua somai taume, Mae eme ge masaga eau, eme ge sagege la vuhula eau ge goio te tete, E tete eia Uru tavuagu. ²⁹Igoe eau ge veiamu mulmuli age sibitala la vuhula, la imala age guvi, eme ge tautaulailo.³⁰Eau kati ge mera usu lou soio taume, la vuhula egiteu e suara la mautula magasa loi ge gomai. alamoli eia kama tahoka la vagari loata taku,³¹Alamoli oilo tela gauru ale egite la maututula ge rovia via Eau masaga e tete,Eau igigo la papaga mae ale e tete veiagu. Etato ge hiliti me etato ge heletaro la ba aleie."

Chapter 15

¹Eau lou la obu la vaen sesele,e tete eia e tama la mahuma. ²Eia abi taro la halala vaen ale oilo taku ale kama vavua, me eia moli abi vei tomi egite la halala obu ale vavua ila egite ge vua usu sele.³Amuto guvi matagaga ti oilo tela merera ale eau vei tia mutou. ⁴Amuto ge lako tola oilo taku, me Eau ge oilo tamutou, amae moli la halala la obu kama kora muli ge vua eia lou mae moli eia ge lakota oilo taku, me eme tai ge ouka, mae moli eia ge lako tola oilo taku.⁵Eau lou la obu la vaen, amuto la halala. La tahalo ale lako tola oilo taku me eau ge oilo tetala, eia ge vua usu sele la vavua la, mae eau ge ouka eme kama koramuli ge igo isa la paga, ⁶Mae la tahalo isa kama lako tola oilo taku, me egite ge pigi taroa mae la halala la obu me age magolu, tio egite ge tau olua ge pigia soio la havi, me age kaha tomi, ⁷Mae eme ge lakotola oilo taku, me la merera taku ge tabuli oilo taume, tahi la rova eme masagea, me age sibitala sele somai taume.⁸E tete ge abi la marasala oilo te aleie, teale eme vua usu la vavuamu me eme tai vei palaea mae eme la Disaipel taku sele, ⁹Amae moli e tete masaga sele eau, me eau tai masaga sele amutou, muo oilo la gilogo.¹⁰Mae eme ge tilimuli la Lo taku, eme ge mou oilo la gilogo taku, mae moli ale eau sautola la lo te tete me eau mou oilo la gilogo tetala. ¹¹Eau veipala la papaga aleie soio tamuto la vuhula la mogela taku ge oilo tamutou mela sagela tamuto age viriru.¹²Aleie eia la Lo taku, mae amuto ge masaga e tabaramuto mae moli ale eau masaga sele amutou.¹³La tahalo isa kama tahoka la gilogo ale uru sele mae alei ___ Mae la tahalo isa sugutaro la mahulila tetala ile egite e tabarabarala.¹⁴Amuto e tabarabaragu sele mae amuto ge igo la papaga ale eau mera vagari tia muto ge igoa. ¹⁵Me eiau ouka tilou ge tola le amutou e wokboi ale kama rovi la rova e masta tetala igoa. Eau tola tile amuto e tabarabaragu, me la rova tomi eau loloa oio te tete eau tau pala tia soio tamutou.¹⁶Eme kama hilovi eau, eau hilovi emei me eau turi ti emei ge goio ge tau usu la vavua mu, via la vavuamu ge lako tola, Age maele la vuhula mae eme ge tahi la rova oio te tete oilo la isagu, eia ge abia mu. ¹⁷La papaga aleie eau mera vagari tiamu ovola, ila amuto ge masaga amuto isasa.¹⁸Mae la mautu la magasa kama ge masaga emei, eme ge rovia mae a mukupile mamuga eau mulmuli eia mukupile emei. ¹⁹Mae eme ge lomai tela mautu la magasa, la mautu la magasa ge masaga emei mae eme tetala, Alamoli la vuhula eme kama lomai tela mautu la magasa la vuhula eau hilovi ti emei loio tela mautu la magasa, ala la mautu la magasa ge mukupile emei.²⁰Gabutala la merera ale eau vei tiamu, e wokboi kama uru tavua le master tetala.' Mae moli egite magiri robo eau, egite tai ge magiri robo emei, mae egite ge sautola la merera taku me egite tai ge sautola la merera taume. ²¹Egite ge igo tomi la papaga aleie soio taume la vuhula tela isagu moli, la vuhula egite kama rovi la tahalo ale baha eau. ²²Mae eau kama gomai ge meramera soio tegiteu, egite kama ge tahoka la iriru, alaegite kama tahoka la torobo gite tela iriru tegite²³La tahalo ale mukupile eau eia mukupile tai ti e tamagu, ²⁴Mae eau kama ge igo la igolula ale isapolo kama viguvia kabili tegiteu, egite kama ge tahoka la iriru, Alamoli igoe egite hilotia me egite mukupile amila tomi me tama gu.²⁵Alamoli aguvi maele ge vipuru la merera ale kekesi tia oilo la Lo tegiteu,' Egite mukupile eau tela vuhula ouka.²⁶Mae e kolia tamuto ge gomai ___eau ge baha eia somai taume loio te tete, ale eia, la kalulu tela seselela, ale gali ti loio te tete,___me eia ge valoka ile eau,²⁷Me eme tai ge valoka ile eau, la vuhula eme vikapopo mele eau loio ti tela silokoloko.

Chapter 16

¹Eau vei tia muto la papaga aleie la vuhula amuto umala ge boruboru. ²Egite ge pigi eme sogala loilo tela luma la lotu, alamoli la imala loio ge gomai egite tomi ale bilibili eme ge gabutala via eia vaharari la opa soio te Deo.³Egite ge igo la papaga aleie la vuhula egite kama rovi e tete me eau tai. ⁴Eau vei tia muto la papaga aleie ila la imala tegite ge gomai, Eme ge gabutala rivu lou la rova eau vei tiamu ovola. Eau kama veiamu la papaga aleie oilo tela silokoloko, la vuhu eau vikapopo me le emei.⁵Alamoli igoe eau ge goio tela tahalo ale baha eau, soloio amuto isa souka tahi eau ovola, ' Eme ge gove?'⁶ Alamoli la vuhula eau veipala ti la papaga aleie somai taume, la ilo burukola ge volu oilo la hatemu.⁷Alamoli la seselela eau ge veiamu, la tartigila ge taume mae eau ge tuga taro emei, mae eau kama ge tuga malau, e kolia tamuto kama ge gomai taume, mae eau ge tuga, eau ge baha eia somai taume.⁸La imala eia ge gomai, La tahalo la visulila ge vahililo la mautula mae a ruru ti tela vulovulo ale kama kora, aloio tela magiri matatala, me tela matamulila --- ⁹Me oio tela iriru,la vuhula egite kama tautaulailooilo oilo taku, ¹⁰ Me loio tela magiri matatala, La vuhula eau ge goio te tete, me eme ouka tilou ge hilo eau;¹¹Me tela matamulila , la vuhula la mulugaluga tela mautula eia oilo ti tela matamulila.¹²Eau tahoka la papaga usu sele ge veiamu, Alamoli eme kama ge rovi egite igoe.¹³Alamoli la imla eia, La kalulu la seselela, ge gomai, eiage vituga emei soilo tela seselela tomi, me eia kama ge meramera loio tetala lou, ouka eia ge vei pala la rova eia lolotia, Me eia ge veiamu la papaga ale soloio ge gomai. ¹⁴Eia ge abiagu la marasala, La vuhula eia ge abi loio tela rova eia taku me eia ge veiamu ovola.¹⁵La papaga tomi la e tete tahokea eia taku. Eau ge vei mae la kalulu maroka ge abi la rova eia taku me eia ge veiamu ovola, ¹⁶Me oio tela imala bakisi moli eme ouka tilou ge hilo eau, me oio tela imala bakisi lou eme ge hilo lou eau."¹⁷Goio egite la Disaipel tela isahari vei loua kabili tegiteu," Ale la rova eia vevei loua gatou,'La imala bakisi moli amuto ouka tilou ge hilo eau, me mulmuli la imala ge bakisi lou amuto ge hilo lou eau,' ale lavuhula eau ge goio te tete?"¹⁸Oilo vola egite vei mago, ale larova eia vevei loua,,' La imala bakisi moli? Etato kama rovi la rova eia veveia."¹⁹E Isus hiloa mae egite masagea ge mera soio tetala, eia goio veia giteu, Ale la paga ale eme tahi rivurivu lou eme ovola, La masova la ale eau veia mave, ,' oilo la imala bakisi moli eme ouka tilou ge hilo eau? ²⁰Asele me asele, eau ge veiamu, eme ge tali mela iligiligi, alamoli la mautula ge sagege. Eme ge volu mela ilo burukola, Alamoli la ilo burukola taume ge vulo soio la sagela, ²¹La imala ale la tavile ge taposa eia ge volu mela ilo burukola la vuhula la imala tetala guviti, Alamoli mae eia ge taposa ti e latula, eia ouka tilou ge gabutala la iligiligi tetala, la vuhula la sagela tetala mae la tahalo taposa ti soilo tela mautu la magasa.²²Amuto tai pou vikapopo la tia gogorila igoe, alamoli eaiu ge ilo amuto lou, me la tia muto ge sagege lou, me isa kama karamuli ge abitaro le amuto la segegela loio tamuto. ²³Tela imamala alele amuto kati ge tai lou eiau la paga isasa. Sesele moli, sesele moli, Eaiu vei amuto, mai amuto ge tai e Tete la paga isasa oio la isagu, eia ge abia muto. ²⁴Karati igoe amuto ka tai isasa la paga tela isagu, Tai me amuto ge abia, ala la sagegela tamuto ge volu.²⁵"Eiau vigaliti la merera tamuto la merera la malu, alamoli la imamala isasa loio mae Eaiu kati ge vei amuto la merera la malu, alamoli Eiau ge vei matagagea muto e Tete.²⁶Oio la logo alele amuto ge tai tela isagu, me Eiau ka vei maie Eiau ge kaka tamuto soio Tete, ²⁷ouka e Tete lou masaga amuto la vuhula amuto masaga Eiau mae amuto tautaulailomae Eiau guvi le Tete. ²⁸Eiau guvi loio te Tete, me Eiau guvi otalo la magasa. Loio te alele, Eiau ge ele taro la magasa ge beurivua soio te Tete."²⁹Egite disaipel te tala vei maie, ''Iloa, igoe em igo la merera matagaga sesele eme kama vei la merera la malu. ³⁰Igoe amite rovia mae eme rovi tomi la papaga, me isa kama koramuli ge tai rivume la merera. Tela vuhula alele, amite rovia eme loio te Deo.'' ³¹E Isus koli rivua gite, ''Amuto tautaulailo ti?³²Iloa, la imamala guviti, meie, sesele moli a omaiti, amuto ge hele bura, amuto tomi ge hele soio la maututu tamuto, me amuto ge hele taro Eiau sekela. Alamoli Eiau ka pou sekela la vuhula e Tete vikapopo eiau. ³³Eiau vigia la merera tomi alele soio tamuto la vuhula amuto ge tau la tia madidila. Oilo la magasa ale amuto taola la tukukumula usu, alamoli magiri vagari, Eiau pepeti la vagarigari la magasa.''

Chapter 17

¹Mululimuli e Isus vevei la papaga tomi alele, eia lugu soata la mori me eia vigia, '' Tete, la imamala omaiti, vaisale e Latumu mai moli e Latumu ge vaisaleme--- ²mai moli eme abiala la vagarigari loata la vovola mae eia ge abiagite la valalua tomi la mauli la kaluvula ouka egite ale eme abiala.³La mauli bibila ale: Maie egite rovi me, e Deo isasa moli sesele, me eia eme baea, e Isus Krais. ⁴Eiau vaisaleme otalo la magasa. Eiau vikaluvuti la igogolu ale eme abiagu otalo la magasa. ⁵Igoe, Tete, veisale eau vikapopo leme vikapopo la veisalela ale Eiau tahola vikapopo eme mamuga la magasa ale guvi.⁶Eiau vei pala la isamu soio tegite ale eme abiagu oio la magasa. Egite taume, me eme abiagu egite, me egite sautola totora la merera taume. ⁷Maie egite rovia maie la paga tomi eme abiatiagu a loio taume. ⁸Ala Eiau abiagite lamerera tomi eme abiagu. Egite sautola tomia me egite rovi seselea mae Eiau loio taume, me egite tautaulailo mae eme baha eau.⁹Eau kaka tegiteu,Eau kaka tela mautula ouka a tegite ale eme abitiagu, lavula egite taume,¹⁰La papaga tomi ale taku a ge taume, me ale taume age taku,me eau ge abi la marasala oilo tegiteu.¹¹Eau oukati oilo tela mautu la magasa. Alamoli egite la valalua aleie egite soio tela mautu la magasa,Me eau ge gomai taume. tete eme maroka,Sautola egite oilo la isamu egite ale eme abi tiagu ila egite ge isasa moli,mae moli ale etato isasa moli.¹²La imala ale eau vikapopo me egiteu, eau sautola egiteu oilo la isamu. egite ale eme abi tiagu. Eau galiau robo egiteu, me isa tegiteu kama kamakora, isamoli e latu la marapala, la vuhula la merera ge puru sele.¹³Igoe eau ge gomai taume,ala eau vevei la papaga eleie oilo la magasa,la vuhula egiteu ge tahoka la sagela taku me age puru sele oilo tegiteu.¹⁴Eau abitia giteu la merera, ma mautu la magasa mukupile egiteu,¹⁵Eau kama tahi me ge abi taro egite loio te la mautu la magasa, alamoli eme ge sautola egi loio tela tahalo kama kora,¹⁶Egite kama lotalo tela mautula magasa,maemoli eau tai kama loio tela mautu la magasa. ¹⁷Eme hilovi ti egiteu oilo tela seselela. Me la merera taume eia la seselela.¹⁸Mae moli eme baha eau soilo la mautula magasa,Ala eau baha taro egite soilo tela matula magasa.¹⁹Me tegiu moli eau lou magiri polo, La vuhula egite lou ge magiri polo oilo tela merera la selela.²⁰Eau igo la kilaka kama teale moli aleie, ouka tegite tai ale ge tautaulailo oilo taku loio tela merera tegiteu.²¹La vuhula egite tomi ge isasa moli, Meamoli emei, Tete, eme oilo taku, me eau oilo taume, Tartigi egite ge oilo tegatou la vuhula la mautula ge tautaulailo mae eme baha eau.²²La marasala ale eme abiagu, eau abitia giteu, ila egite ge isasa moli, maemoli e tatou isasa moli: ²³Eau oilo tegiteu, Eme oilo taku----La vuhula egite ge guvi tomi oilo la vikapopola, ila la mautula magasga ge hiloa mae eme baha eau, mae ale eme masasga egiteu mae moli mae eme masaga eau.²⁴Tete, eau masaga via egiteu ale eme abitia geu egite taige omai la ba ale eau oio vola, egite ge hilo la marasala taku, La marasala ale eme abiagu la vuhula eme masaga eau mamugati tela vipoupou la mautu la magasa.²⁵Tete eme maroka , la mautula kama rovi emei, alamoli eau rovi emei; me aleie ge rovi selea mae eme baha eau. ²⁶Eau igo la isamu palala soio tegiteu, me eau ge igo matagagea ila masagala ale eme abiagu age oilo tegiteu, me eau ge oilo tegiteu."

Chapter 18

¹Mulmuli teale e Isus vagogala la merera, Eia tuga sogala vikapopo me egite la Disaipel soio la gale la Ru le Kidron, La ba alele la mahuma ale eia wikapopo me egiteu la Disaipel goilo vola. ²Tio,e Judas, eia male ge tahi taro eia, me eia rovi tai la ba alele, la vuhula e Isus tagara isasa goio la ba alele vikapopo me egiteu la Disaipel. ³Goio e Judas , mamuga egite opisa isahari loio tegite la gama gite Pris me gite Parasi, egite goio vikapopo mela matagaga, la tosi, la papaga la vikokuela.⁴Goio e Isus, eia rovi tomoli la papaga ale sibitala oio tetala, eia toga solagu me eia tahi egiteu," Amuto mamata ere?" ⁵Egite goi kolia mago,"E Isus la tau Naseret." Me Isus veia giteu,"Me Eau male."Judas, la tahalo ale tahi taro eia, eia oio magiri vikapopo me egiteu e Ami⁶La imala ale eia veia gite mae,"eau male,"Egite tasuku rivu me egite boru sotalo la magasa,⁷Eia goio tahi lou egiteu, amuto mamata ere?"Me egite goio vei loua," e Isus la tau Naseret."⁸E Isus kolia mae, "Eau vei tia muto mae eau male. Mae amuto mamata eau, Akora lla paga aleie age tuga."⁹Ale sibitala mae ge vipuru la merea ale eia veitia: "loio tegite ale eme abi tiagu, Eau kama igo kovu isasa."¹⁰Goio e Saimon Pita, Eia ababi la viso, eia lapu taroa goio kue la gavusa la tahalo la kilolite te prist ale uru la viso vali taro la gavusala. me la isala la tahalo la kiloli le e Malkus.¹¹E Isus veiale Pita " taurivu la viso soio la mulila. Mave eau umala ge liliu la kapu ale e tete abitiagu?"¹²Tio la lolola valua le Ami me la mulugaluga tegite, me egite opisa tegite Juda, egite sautola e Isus me egite kisi tolea,¹³Egite lapu mugea soio te Anas eia e loale Kaiapas, Eia e Prist ale uru tela leavala alele.¹⁴E Kaiapas eia la tahalo ale ababia gite Juda la gabutalala via age tartigi via mae la tahalo isa ge peho tela valua tomi.¹⁵E Saimon Pita tilimuli e Isus, me egite tai e Disaipel ale isahario. goio egite Prist ale Uru mata vuti egiteu e Disaipel le, eia goio goilo vikapopo me Isus soilo la ba la ilapu matatala tegite e Prist ale Uru; ¹⁶E Pita goio magiri oio la pepe la Mata, me egite la Disaipel tai ale isahari, ale egite Prist rovi ti egite le, egite gali rivu sogala goio veiala la tavile la sobe ale baumuli la mata, goio eia puli e pita soilo.¹⁷Goio la tavile la kiloli, eia baumuli la mata, Eia goio tahi e Pita," Eme tai soge isa tegite la Disaipel tela tahalo aleie?"Eia goio vei mago, Eau ouka." ¹⁸ La tahalo la kiloli me egite Opisa ale magirigiri la ba alele, egite goio isu la havi, la vuhula la paga maigi, tio egite mallulu. e Pita tai oio vikapopo me egiteu, eia tai goio malulu tivura eia.¹⁹Egite Prist ale Uru goio tahi e Isus egiteu la Disaipel mela vimarila tetala. ²⁰E Isus kolila mago," eau valolo la merera sogala tela mautula. La imala tomi eau igigo la vimari oilo la luma la vikapopola mela luma la lotu la ba ale egite Juda vikapopo ovola. Eau kama vei kovu isa la paga.²¹Ilava amuto tahi lou eau? amuto tahi egite ale lolo la rova eau veia. hiloa, Egite la valalua ale rovila rova eau veitia."²²La imala ale e Isus vei la papaga alele, Isa tegite Opisa ale magirigiri le kue e Isus me eia vei mae," Ale eme ge koli la merera te Prist ale Uru maele?" ²³E Isus koliala mago," Mae eau mera geru, Veipala la rova eia eia ruru, mae eia matata, ilava eme kue eau?" ²⁴Goio e Anas bahataro eia mela kilisi soata te Kaiapas e Prist ale Uru.²⁵La imala alele e Saimon pita oio magirigiri malulu. La valalua goio veiala mae," Ila eme tai kama isa e Disaipel tetala?" Eia goio tahi taro me eia vei mago ,Eau ale ouka."²⁶Isa tegite la kiloli te Prist ale Uru, eia e tabara la tahalo ale e Pita vali taro la pitola,a vei mago," Ila eau kama hilo eme oilo la mahuma vikapopo me eia?"²⁷ Gouio e Pita tahi taro loua, me oio moli ovola e kukureko tali.²⁸Goio egite vituga e Isus loio te Kaiapas goio te tela ba te gavman ale uru, ale tela kavkoki bisi, tio egite kati goilo la ba te Gavman ale Uru la vuhula egite soukage ruru ila egite solio ge ali la ilali la Pasova.²⁹Tio e Paelat tuga gogala tegiteu me eia vei mago," La merera la hatekala ale mave amuto tahokea ge abiala tahalo aleie?"³⁰Egite kolia me egite veiala mae," Mae la tahalo aleie kama la tahalo la iligo la iriru, amite kama ge abi eia somai taume."³¹E Paelat goio veia gite mago,"Amuto lou abi eia, goio jajim eia oilo tela Lo." Me egite Juda veiala mago, " La Lo kama veia etato ge tau isa la tahalo soio la pileho." ³²Egite vei maele la vuhula la merera te Isus ge puru mae ale eia vei tia mae la pileho ale mave age peho mae vola.³³Goio e Paelat goilo lou la ba te Gavman ale uru me eia tola lou e Isus me eia veiala mago," Eme e King tegite Juda?" ³⁴E Isus kolia mago, ale eme meramera loio taume lou, ouka egite isa polo mera soio taume ile eau?" ³⁵E Paelat kolia mago," Eau kama la tau Juda, asele? egite la valua taume me egite la Prist ale Uru abi eme somai taku. Eme igo larova?"³⁶E Isus kolia mago," La mautu taku kama lomai la tela mautu la magasa, mae la mautu taku age la bautula mautu la magasa, me egite la kiloli taku ge vikue me eau kamage gomai tegite Juda. Ala mae la mautu taku kama lomae," ³⁷E Paelat goio veiala mago," eme veia via eme e King goio?" E Isus kolia mago," Me eme lou veia via eau e King. Me tela gauru moli alelele e tila taposa eau, la vuhula eua ge magiri tomi la seselela. Egite tomi ale loio tela seselela ge lolo la golugu."³⁸E Paelat veiala mago,"La seselela eia la rova?" La imala eia vei la papaga alele, Eia gogala lou tegite Juda me eia veia gite mago," Eau kama poga isa la iriru oio tela tahalo aleie.³⁹Alamoli amuto tahoka la vei mulila ale via eau ge sugu taro la tahalo isasa soio tamuto oio tela imala Pasova. Ala amuto masaga via eau ge sugu taro e King tegite Juda soio tamuto?"⁴⁰Goio egite tola lou oata me egite vei mago," Kama la tahalo aleie, E Barabas." me e Barabas age vulo lou.

Chapter 19

¹Goio e Paelat abi e Isus goio kue eia, ²Me egiteu e Ami mali la mota ale la irila oio vola mae e hati . Egite taua oata la gama le Isus me egite vikai robo leia la kairobo ale milolo. ³Egite gomai tetala me egite veiala mago, sio saea, e king tegite Juda!" egite ge kuea.⁴Goio e Paelat gali lou sogala me eia veia giteu, " hiloa, eau ge abi rivu lou eia sogala tamutou ila amuto ge rovia mae eau kama poga isa la iriru oilo tetala." ⁵ Tio e Isus gogala, eia oio kai e hati la mota ale irila ovola, me la kairobo ale milolo. E Paelat vei loua giteu,"hiloa, la tahalola maleie!"⁶La imala egite la mulugaluga tegite paraseo me egite opisa hilo e Isus, egite tola oata me egite vei mae, kuli sae eia, kuli sae eia!" E Paelat goio veia gite mago, Amuto lou abi eia goio kuli sae eia, eau kama poga isa la iriru oilo tetala."⁷Egite juda koliala mago, etato taola la Lo, me oilo tela Lo eia ge peho la vuhula eia veia via eia e latu le Deo."⁸La imala e Paelat lolo la merea alele, eia taga pepeho sele, ⁹Me eia tiroro soilo te la gamale gavman ale oata eia goio vei loua le Isus, Eme loio la ba ale mave?" Alamoli e Isus kama abiala isa la kiloli la merera.¹⁰Goio e Paelat veiala mago, Mave eme kama meramera somai tegaku? Eme kam rovia mae eau tahoka la vagari ge vimaramara emei, me la vagari tai ale ge kuli sae emei oata la tau valautu?"¹¹E Isus goio kolila mago, eme kama taola isa la vagarila loata taku mae moli age abiamu loata te tete. Oilo vola, la tahalo ale abi eau somai taume eia tahoka la iriru ale uru sele."¹²Oilo tela kiloli la merera alele,E Paelat tovolaia viage vimaramara eia, alamoli egiteu e Juda tola sogala, mago, mae eme ge vimaramara la tahalo aleie, Eme kama taga e Sisa. egite tomi ale igo egite lou mae e king egite mera bareale Sisa." ¹³ La imala e Paelat lolo la merara alele, eia abi e Isus sogala me eia pou oio la pulou la ilapu matatala oio la ba ale egite toila e "Pavement," Alamoli oilo la merera tegiau e Aramaik,"Gabata."¹⁴Me lalogo la iragila tela Pasova, eia hagavi tela matala haro ivolo. E Paelat gouio veia giteu e Juda," hiloa, e King tamuto male!" ¹⁵Egite goi tola sogala," abi gale eia, abi gale eia; kuli sae eia!" e Paelat vei loua giteu," Mave eau ge kuli sae e King tamutou?" Egite la mulugaluga tegite paraseo koliala mago, Amite kama taola e aking e Sisa moli." ¹⁶Goio e Paelat sugu taroa gite e Isus ge kulisaea oata la tauvalautu.¹⁷Goio egite abi e Isus, me eia tuga gogala, eia lou bole la tauvalautu tetala, soio tela ba ale egite toila " La ba la rio," la merera tegite Aramaik egite toila e Golgata." ¹⁸Egite kuli sae e Isus oio la ba alele, me vikapopo me leia la tahalo ilua lou, isasa oio la galegalela, me e Isus oilo kabili.¹⁹E Paelat kekesi la irovilala goio taua oata tela tauvalautu. me eia kekesis mae:E ISUS LE NASERET, E KING TEGITE JUDA. ²⁰Egite Juda usu gigi la merera la irovilala alele la vuhula la ba ale e Isusu kuli sae ovola eia hagavi soio la Siti, La irovilala le egite kekesia oilo la merera tegite e Aramaik, oilo e Latin, me oilo e Grik.²¹Goio egite la mulugaluga tegite Paraseo me Juda veiale Paelat, " Umala kekesia mae, E King tegite Juda,'a maege ouka, ale isa vei mago, " Eau e king tegite Juda,"" ²²E Paelat kolia mago," La rova eau kekesitia, Eau kekesitia."²³La imala egite Ami kuli sae e Isus, egite abi la kairobo tetala, me egite vilelela soio la galela iva,egite tomi isasa tahoka; me la kulkuli tai, me la kulkuli eia viriru moli egite saia loata la gilisula.²⁴ Goio egite viveila kabili tegite isasa, Etato umala ge sesilea, etatoge pigi la Dais age goio tere." La paga ale guvi mae ge vipuru la mererate Uru ale vei mae," Egite lelelua la kairobo tetala kabili tegiteu lou, egite pigi la Dais tela kairobo tegaku, "ale la paga ale egite Ami igo tia²⁵Egite ale magiri hagavi tela bali la tauvalautu e tilala, e tilalabisi, e Mery e rutule Klopas me e Mery Magdalene. ²⁶La imala e Isus hilo e tilala me egite la Disaipel ale eia masaga selea magiri hagavi tetala, eia goio veiale tilala," tavile uru,hilo e latumu," ²⁷Goio eia veia giteu la Disaipel, hilo e tila mutou,!"oio tela imala alele egite la Disaipel abi eia soio tela mautu tetala.²⁸Mulmuli tealele, e Isus rovia mae la papaga tomi igoe kaluvuti la vuhula la merera ge puru sele, e Isus vei mago," Eau malehu,"²⁹La kapu volu mela Vaen ale ama egite taua oio la ba alele, tio egite tau la Spans soio la vain ale ama oata la ubu la hisop me egie vituria soata goio la harela. ³⁰La imala e Isus abiti la vain ale ama, eia vei mae," akaluvu tomiti," eia tau la gamala sotalo me eia abirivu la kalula soata.³¹Goio egite Juda, la vuhula eia la logola iraragila, me la vovola pileho kamage tabuli oata la tauvalautu tela imala Sabat ( la Sabateia isapolo me eia tikumu sele), E Paelat tahi viage vileto la vaha gite ge abi taro egiteu. ³²Goio egite Ami gomai vileto la vahala siloko la tahalo mela vailua la tahalo ale egite kuli sae egira vikapopo me Isus. ³³La imala egite gomai te Isus, egite hiloa mae eia peho mamugati, me egite kati vileto la vahala.³⁴Soloio, isa tegite Ami ubi la karusula la gata, me oio moli ovola la kasoso mela lalu sali sogala. ³⁵La tahalo ale hilo la paga alele eia vei palea, me la papaga ale eia hiloa eia sesele. me eia rovia via la rova eia veia a sele la vuhula eme tai ge tautaulailo.³⁶Me la papaga aleie sibitala oilo tela gauru ale ge vipuru la merera," La tuhala isa kama ge putua." ³⁷Oio taivola, la merera vei mae," Egite ge hilo la tahalo ale egite ubia."³⁸Mulmuli tela papaga alele, e Josep te Aramatia, loio tio eia isa e Disaipel te Isus (alamoli eia taga egite Juda), eia tahi e Paelat mae eia koramuli ge abitaro la vovole e Isus. Tio e Paelat masaga molia. Ala e Josep gamai abitaro la vovole Isus.³⁹E Nikodemus tai loio gomai, eia moli male mamuga gomai te Isus tela logo. me eia ababi la ueli malivili mela Aloe, la urula la lita la salatu isasa.⁴⁰Tio egite abi la vovole Isus me egite avu robola la kukuli ale kakesa vikapopo mela ueli mali vili amae la vei mulila tegiteu e Juda soio tela imala ulaila. ⁴¹Me oi la ba ale eia kuli oata vola la mahuma isa oio vola; me oilo la mahuma la liba la uati isa halaba egite souka ulai isa la tahalo oio vola.⁴²La vuhula eia la logo la iragila tegite Juda oio tai la liba le hagavi moli, me egite vitabuli e Isus oilo vola.

Chapter 20

²Tio eia goio hari soio te Saimon Pita me soio tai tegite la Disaipel ale isahari tai ale e Isus masaga egiteu, me eia veia giteu," Egite abi taro tila Uru loio la liba. amite oio kama rovi la ba ale mave egite tau eia oio vola."³Goio e Pita me egiteu la Disaipel ale isahari tuga sogala, me egite tatuga soio la liba, ⁴Egira tomi hari vikapopo, alamoli e Disaipel ale isasa hari pepe goio polo taro e Pita me eia goio guvi pala oio la liba. ⁵Me eia goio tileho otalo, me eia hilo la kulkuli ale kakesa oilo tabulibuli, alamoli eia kama goilo.⁶E Saimon Pita goio guvi mulmuli tetala a selea goilo la liba, me eia hilo la kulkuli ale kakesa oio tabulibuli ⁷Ale la kulkuli ale oata la gamala. eia kama tabuli vikapopo mela kulkuli ale kakesa egite pilu tahoa me a tabuli polo mae soio.⁸Goio egite la Disaipel ale isahari. ale isa guvi pala oio la liba,eia tai goio goilo, Eia hiloa me eia tautaulailo. ⁹La imala alele egite souka rovia la nmerera ale veia eia ge hiliti rivu lou loio tela pileho.¹⁰Tio egite la Disaipel beurivu loua soio la mautu.¹¹Alamoli e Mery soloio magirigiri ogala tela liba eia taitali. oio la tilali tetala, eia tiroro soilo la liba. ¹²Me eia goio hilo la angelo ilua vikapopo me la kai robo ale kakesa oio popou, isa oata la gamala isa otalo la vahala oio tela ba ale e isus tabuli oio vola. ¹³Egira goio veiala, Tavile uru, ilava eme taitali?" Eia goio veia gira," la vuhula egite abi polo ti la Uru taku, me eau kama rovi la ba ale mave egite tau eia oio vola."¹⁴La imala eia vei la merera alele, eia vulo rivu me eia hilo e Isus oio magirigiri, alamoli eia kama rovia mae ale e Isus.¹⁵E Isus goio veiala, Tavile uru, eme taitali larova?" eia gabutala via eia la tahalola la baumuli la mahuma, " Tahalo kora,mae eme abi polo tia, veiagu la ba ale mave eme tau eia oio vola, eau goio ge abi poloa."¹⁶E Isus goio veiala, Mery." Eia goio vulo me eia veiala oilo la merera e Aramaik, "Raboni" (Avei mae" tahalo la vimari), ¹⁷E Isus goio veiala, " Umala pilau eau, eau souka goata te tete, alamoli eme ge goio tegiteu e tabarabaragu eme veia giteu mae eau ge goata te tete me e tama muto tai, me e Deo taku me e Deo tamuto tai." ¹⁸E Mery magdelingoio veia giteu la Disaipel," Eau hiloti e la uru" me eia veiagu la papaga aleie.¹⁹Oio tela maulavila la logo alele, la siloko la logo tela viki, la mata la luma ale egite la Disaipel oilo vola kapi robo tomi egite taga egite Juda, E Isus gomai magiri posa kabili tegiteu me eia veia giteu, " la tia madila ge tamutou," ²⁰Mulmuli te ale eia veitia gete maele, eia vahililoa giteu la limala mela vaila.Me egiteu la Disaipel momoge sele tela imala egite hilo ti e Isus.²¹E Isus goio vei loua giteu," La tia madila ge tamutou, mae moli ale e tete baha ti eau, me eau tamai ge baha amutou."²²La imala e Isus vei la papaga alele, Eia vai la galala soio tegiteu me eia veia giteu mago," Abi la kalulu maroka.²³Mae ere igo la iriru eme ge lubea,Me eia maramara ti; mae ere igo la iriru somai taume eme sautola rivua, me egite tai ge sautola rivua.²⁴E Thomas,eia isa tegite ale savulusa gete lua, egite toi leia e Didimus, eia kama vikapopo mele egite la imala e Isus guvi tavu egiteu.²⁵Me egite la Disaipel mulmuli veiala mae amite hilo ti la Uru." Eia goio veia giteu, " Maemoli eau kamage hilo la mata la Lili oio la limala, mae eau kama ge tau la limagu soilo la vaila, Eau kama ge tautaulailo."²⁶Mulmuli tela logola ivalula egite la Disaipel goilo vikapopo lou, e Tomas tai vikapopo me egiteu. E Isus gomai la imala ale la mata eia kapi robo, me eia goio magiri kabili tegiteu, me avei mae, la tia madila ge tamutou,"²⁷Goio eia veiale Tomas, " Vituri la limamu somai taua soilo la vaigu. ilava eme kama tautaulailo, eme ge tautaulailo."²⁸E Tomas goio koliala a vei mago," La Uru taku eme e Deo taku."²⁹E Isus veiala mago, la vuhula eme hilo ti eau, eme tautaulailo. La vibalavala ge tegite ale kama hiloa, alamoli egite tautaulailo."³⁰Tio e Isus igo usu la irovilala oio la mata giteu e Disaipel, La irovilala ale egite kama kekesi tolea oilo la Buku aleie, ³¹Alamoli egite ale kekesia via amuto ge tautaulailo mae e Isus eia e Kraist, e Latule Deo, via oilo tala tautaulailo, eme ge tahoka la mahulila oilo la isala.

Chapter 21

¹Mulmuli tela papaga tomi alele, e Isus goio vahililo eia soio tegite la Disaipel oio la gale la mago e Tiberias. Eia vahililo eia maele: ²E Saimon Pita oio vikapopo me Tomas la isala isa e Didimus, e Nataniel loio e Kana oilo e galili, me e latatu le Zebedi, vikapopo me la Disaipel te Isus ilua, ³E Saimon Pita veia giteu mago, Eau ge golau la mago ge viliti." Egite goio koliala mago, Amite tai, ge tilimuli emei, Tio egite tuga goio sae e boti, Alamoli egite kama lapu gologolo isa e laia tela logo kara la paga maga.⁴Tio, La imala la paga mamagati tela kavkoki bisi, E Isus magiri oio la parava, alamoli egite la Disaipel kama rovirovia mae ale e Isus.⁵E Isus goio tahi egite mago," Amuto maure bisisi le, amuto taola isa la paga ale ge alia?" Egite goio veiala mago, Ouka, ⁶Eia goio veia gite, Laba la vuo tamuto soio la gale le boti e gata, amuto ge poga isahari,"tio egite gio pigi la vuo sotalo me egite kati kora muli ge lapu la vuo soata la vuhula e laia usu sele tiloti tela vuo.⁷Goi la Disaipel ale e Isus masaga selea veiale pita, "Ale la Uru." La imala e Saimon Pita loloa mae ale la Uru, eia kai rivu la kulkuli (ale eia kai taro tia mamuga), goio eia raga sotalo la mago. ⁸Egite la Disaipel sae soilo e Boti ( la vuhula egite kama malau loilo la parava, la malaula la kiubik la salatu ilua, egite lapulapu la vuo e laia volu sele ovola. ⁹La imala egite sae soilo e Boti egite goilo la parava, egite goio hilo la havi ale sagila e laia oata vola, vikapopo mela Bret.¹⁰E Isus veia gite, amuto abi isahari e laia ale amuto abitia le somai." ¹¹Goio e saimo Pita tuga goio lapu la vuo soilo la parava, e laia ale ururu moli volu oilo vola, la giligi gite153, me isahari lou, alamoli la vuo kama tarese.¹²E Isus goio veia giteu," gomai ali la ilali la kavkoki." egite la Disaipel isa kama tahi rivu eia, " mae eme ere?" egite tai rovia mae ale e Uru. ¹³E Isus gomai, abi la Bret, me eia abia giteu, me e laia tai. ¹⁴Ale la tagara tolula ale e Isus vahilo pala eia soio tegite la Disaipel mumuli tela hiliti ruvula tetala loio tela pileho.¹⁵Mulmuli teala egite ali la ilali kavkoki, e Isus veiale Saimon Pita, Saimon latu le jon, Mave eme masaga eau loata la papaga aleie?" E Pita veiala mago," asele Uru, eme rovia mae eau masaga emei," vali egite la sipsip taku." ¹⁶Eia goio tahi loua la vakaluala, "Saimon e latule jon, eme masaga eau?" E Pita veiala mago," Asele Uru, eme rovia mae eau masaga emei," e Isus veiala magao baumuli la sipsip tegaku."¹⁷E Isus vei louala la vaka tolula," Saimon latule Jon, eme masag eau?" E Pita ilo buruko la vuhula e Isus tahi tia la vaka tolula," Eme masaga eau?" eia goio veiale Isus, eme rovi la papaga tomi, eme rovia mae eau masaga eme." E Isus veiala vali la sip taku. ¹⁸La selela, me asele, eau veiamu, la imala ale eme solo maure laba, eme lou vitokoromo emei eme tai ge tuga la ba ale mave eme masaga ge goio vola, alamoli la imala eme ge uru ti, eme ge vituri la limamu, me egite isapolo ge vitokoromo emei me egite ge vituga emei soio la ba ale eme kama masaga ge goio vola."¹⁹La imala ale e Isus vei maele eia viage igo matagaga la pileho ale mave e Pita ge abia le Deo la marasala. mulmuli teale eia vei tila la paga alele, eia veiale Pita,"Tilimuli eau."²⁰E Pita vulo rivu me eia hilo la Disaipel ale e Isus masaga selea oio tilimuli egiteu, La tahalo ale tahobo tavu e Isus oio tela imala la ilali la maulavi me eia vei mae, "Uru erese tahalo ge tahi taro emei?" ²¹E Pita hilo eia goio eia veiale Isus," Uru, la tahalo ale ge igo larova?"²²E Isus goio veiala," mae eau masaga via eia ge pou kara eau ge gomai, me ale ge mave soio tyaume? tilimuli eau." ²³ Tio la merera alele bubura kabili tegite e taume tabararbara, via egite la Disaipel kama ge peho. soloio e Isus kama veia le Pita mae egite la Disaipel ale isahari kama ge peho, alamoli," mae eau masaga via eia ge pou kara mae eau ge gomai, ale ge mave soio taume?"²⁴Ale egite la Disaipel veipala egite la papaga aleie, me egite kekesi la papaga aleie, me amite rovia mae la vigile mulila ale eia sesele.²⁵La papaga tai isahari usu sele e Isus igoa. mae ge kekesi tola tomi egite isasa, eau gabutala mae la mautu la magasa kama koramuli ge sautola la papaga ale ge kekesi tolea.

Acts

Chapter 1

¹La buku ale pala eau kekesia, e Teopilus, veipala tomi la siloko la igolula te Isus mela vimarila tetala,²Kara tela logo ale e Deo abi eia soata,Mulmuli te ale eia abia gite la merera vagarila loio tela kalulu maroka goio tegite la Disaipel ale eia hilovi ti egiteu,³Mulmuli tela iligiligi tomi, eia mahuli eia taupala eia soio tagite la Disaipel vika popo mela papaga usu ale vahiliti la tia giteu la Disaipel .La logo savuluva eia sibitala tavu egiteu, Eia veia giteu la mautu la sagege la te Deo.⁴La imala eia pou vikapopo me egiteu, eia tutu tolea giteu mae egite umala ge hele taro e jerusalem,amuto ge poutali la vei selela te tete, ale la rova eia veia, eme lolotia omai taku,⁵ E Jon vuhi la valua la lalu,Alamoli amutou ge vuhila la kalulu maroka mulmuli tela logo isahari.⁶La imala egite pou vikapopo me egite tahi eia mago,"Tahalo uru, Ila ale la imala ti ale emege vahiliti rivu la mautu e Israel?"⁷A veia gite mago, "amuto kama rovi la imala mela mahati la rova e tama gato gabutala tia ge igoa oilo tela vagarila.⁸Alamoli emege abila vagarigarila la imala la kalulu maroka ge sivo oata taume, tio eme ge veipala la merera taku oilo e Jerusalem oilo tomi e Judea me Samaria,goio tela tapasila mautu la magasa."⁹La imala e tahalo uru e Isus vei la papaga alele, Egite goio mata soata,eia hiliti soata, goio la sosobu pigi robo eia me egite katima hioa.¹⁰La ima egite mata soata la mori goio te la ba ale eia polo ovola, karutu moliti la tahalo ilua kairobola la kairobo ale kakea gomai magiri la bali giteu.¹¹Egite goio vei mago,Amuto la valua e galili ilava amuto magiri mamata soata la mori? Ale e Isus moli ale abitaro le amuto soio la mautu la sagela, eia ge beu rivu loua mae ale amuto hilo la tuluga tetala soata la mautu la sagegela."¹²Goio egite beu rivua loata la olu e Oliv, hagavi moli soio e Jerusalem, eia la tuluga la lotu la logo la ivitu la.¹³La imala egite guvi,Egite goio tela la ba isasa kabiliposa oata la luma,tio egite pou oio la ba alele. Ale la isaisa giteu male,E Pita, e Jon, e James, e Endrew, e Pilip, Tomas, Batilomiu, Matiu, e James e latule Alpaeus, e Saimon te Zealot, e Judas, e latule James.¹⁴Egite magiri vikapopo mela gabutala la isamoli oilo tala kilaka, vika popo me egite hatavile, e Meri e tilale Isus, me e tabarabara la.¹⁵Oilo tela logologo alele e Pita magiri posa kabili tegite tabarabara la, La giligi gite la salatu isa savulu lua robo la valua me hatavile. a vei mago,¹⁶ tabarabaragu,La merera te uru ge puru mili selea,aveia la kalulu maroka veitia araura te la hare le Devit tela rova ge guvi te Judas,eiage vituga egite la valua ale ge sautola e Isusu.¹⁷Eia isa tamite ale abi la viabila tela igolu tela Uru."¹⁸(Tio la tahalo alele abi la uati loio tegite la valua la gima goio eia loto isa la gilisu la magasa.Eia taro loto la holola oio volao la vovola tapurere,la tamusila poro sogala.¹⁹La valua ale mou oilo e Jerusalem lolo la rerela, Tio egite toila ba la magasa alele tela merera tegiteu " Akeldama," la masovala mae,La magasa la kasoso.")²⁰La merera te Uru ago tola tia oio tela buku te psalm mae, 'La gilisu la magasa alele ge tabuli bulahu moli,La tahalo isa kamage mou oio la ba alele'; 'La tahalo polo isage abi la mulila oilo la pulou la mulugaluga.'²¹Age sibitala sele, via, la tahalo isa ale vituga tomi le amite te la imala e uru Isus goililo gogala kabili tamiteu.²²Soko loio la vuluhi te Jon kara la logo ale e Deo abitaro le amite soata la mori,Amite tomi hilo la hiliti rivu la tetala."²³Egite sugutaro mamuga la tahalo ilua,e Josep tolale Barsabas,la isala isalou e Jastus,me Matias.²⁴Egite igo la kilaka mago,"eme,la Uru, eme rovi tomi la hate gite la valalua me hatavile, Emege tau matagagea mite ere tegira ilua eme hilovi tia²⁵Ge abila la muli oilo la igolu la apostol ale e Judas poke taro tia tugati soio la mulila."²⁶Egite goio viputu mulia, la merera boru soio te Matias,tio egite gigi eia soilo tegite la apostol savulusa getesao.

Chapter 2

¹Te la imala la logo la pentikos guvi,egite tomi pou vika popo oio la ba isa moli.²Karutu moli la tilali la lovi isa mae la kalevuru loata la ilo la lalage, a goilo vivolu tomi la luma ale egite popou ovola le.³Goio la kalamea la havi sibitala oata tomi tegite isasa me a tabuli oata tegite tomi.⁴Tio egite tomi volu mela kalulu maroka me egite soko la vilei la merera ale egite kama rovia, ale la merera tela kalulu maroka eia abia giteu.⁵La imala alele egite Juda isahari mou oio e Jerusalem,egite la valua te Deo loio tela mautula tomi lotalo la mautu la sagela.⁶La imala egite lolo la tilali la lovi ,la valua me hatavile tomi vikapopo me egite tabasusu la vuhula egite lolo egite vevei la merera tegiteu lou.⁷Egite karutu sele; me egite vei mago, "a sele, egite ale vei la merera alie kama loio e galili ia?⁸Ilava e tato lolo egite,isasa iolo tegite vevei la merera tagatou ale e tila gatou taposa etato ovola?⁹Partians me Medes e Elamites, me egite tomi ale mou oilo e Mesopotamia,oilo e Juda me Kapadosia,Oilo e Pontus me Asia.¹⁰Prigia me Pamplia, Oilo e Egypt mela baba ale goio e Libia goio mae sirine, me egite la moimosi le Rome.¹¹Egite Jew me egite ale vulo halaba, Kretans me Arabians, amite lolo egite vevei la vigiala tamite egite vei la vagari la igolula te Deo."¹²Egite karutu sele me egite varu matata; me egite vei baoli loua gite mago, "La masova aleie mave?¹³Egite ale isahari mera palilia gite mago "egite soge liu la waen ale halaba."¹⁴ Alamoli e Pita magiri tomi le egite ale savulusa getesa, a kahare oata, me a veia gite mago, "Amuto la valua e Juda me egite ale mou oilo e Jerusalem, Amuto ge rovi matagaga aleie; lolo tigi la merera tegaku.¹⁵Egite la valalua aleie kama liu mae ale amuto veitia, la mata la haro soloio itolu moli.¹⁶Alamoli ale la rova e Propet Joel veitia:¹⁷Ale ge oilo la tapasi logologo; E Deo vei mae, 'Eauge tigitaro la kalulugu oata tegite la valua me hatavile tomi. Egite maure laba me la sobe ge vei la merera la veilahala,egite maure laba ge hilo la hililo,me egite tatama muto ge matalovi la matalovila.¹⁸La selela oata tegite la valua la igolu taku me egite la tavile la igolula oilo tela logologo aleie eauge tigitaro la kalulugu, me egite ge veipala la vei lahala. ¹⁹Eau ge tau la irovilala oata la mori me la irovi lala otalo la magasa,la kasoso,la havi,me la tuluvu la sosobu.²⁰E logo haro ge guvi,me la taio ge vulo mae la kasoso ale ge guvi mamuga mulmuli la logo ale urusele te la uru ge gomai²¹Age maele egite tomi ale tola tavu la isa la uru ge mahuli.'²²Amuto la valua e Israel,lolo la merera aleie:E Isus le Naseret eia la tahalo ale e Deo abia mutou vikapopo mela vagari la igolu me la irovilala ale e Deo visibitalea oio tetala kabili tamutou,ale amuto rovia.²³La tahalo aleie e Deo abia gatou vikapopo mela gabutala ale eia tautia pala me la mari, emei, oio tela lima gite la valua la gima,egite lilia bili eia oata la tovalautu.²⁴Alamoli e Deo vimahuli rivu loua, vimaramara eia loio la iligiligi la pileho.la vuhula eia tivura age sautola eia.²⁵E devit vevei eia,la imala tomi eau hilo la uru omai la lagugu,eia omai la baligu la limagu e gata oio vola eau kamage sukuvulo ²⁶La tiagu sagege me la kalameagu momoge.me la vovogu ge mahuli mela irovi ale sele.²⁷Eme kama karamuli ge abi la kalulu ge taua oio la havi bibila,ouka emege mata taro moli la maroka la taume ge hilo ale ge magoa.²⁸Eme tau matagagea gu la imoimo la mahulila,'eme ge igo eau ge volu mela sagege la oilo tela lalagumu.'²⁹Tabarabara gu,eau koramulige vikara toto tela isaisa e Davit,teale eia peho me egite ulai eia, la liba la soloio vikapopo me amite kara tila logo ale igoe.³⁰Oilo vola,eia isa la propet a rovia via e Deo vei la vei selela soio tatala veia eia ge vipou isa la hilila oata la pulou la uru tetala.³¹Eia hilo la rova ge sibitala mulmuli me eia veipala tai la hiliti rivula te kraest, La lulu la pileho kama koramuli ge sautola eia, me la vovo la kage hilo ale ge magoa.³²E Isus moli ale - e Deo vahiliti rivu lou eia, oio vola amite tomi ale sibi tala mae la valua la vei selela tetala.³³Ala mae, eia pou tila lima le Deo e gata me eia abiti la vei selela tela kalulu maroka loio te tete, Eia tigitaro ti la rova eme hiloa eme loloae.³⁴Ala e Devit souka hiliti soata la ilo lalage me eia vei mago,'La Uru veia la uru taku,"pou la limagu e gata,³⁵Kara mae eau ge igo egite la gima taume la muli la tilaloa la vahamu."³⁶Ala, amuto tomi la ilo la luma e Israel ge rovia mae e Deo tauti eia mae la Uru me kraest, ale e Isus moli ale amuto bili tia oata la tovalautu."³⁷La imala egite lolo la merera alele, a ubi sele la hate giteu, egite veia le Pita miteu me giteu la aposel, mago tabarabaragu amite ge igo mave?"³⁸ Goio e Pita veia gite mago,amuto ge vulo me ge vuhi,amuto tomi isasa,oilo tela isale Isus kraest te la ilube la iriru tamutou,me amuto ge abi la viabila tela kalulu maroka.³⁹La vei selela ale ge taume me e latatumu me egite ale mulmuli,me egite la valua me hatavile ale la uru tegato e Deo ge tola egite."⁴⁰Vikapopo me la merera isahari eia veipalaea me eia tututolea giteu,mago,"amuto ge mahuli loio tela malusu la valalua aleie."⁴¹Goio egite abi la merera tetala egite vuhi, Egite gigi egite soilo tegiteu la giligi gite goata la taosen la salatu itolu.⁴²Egite tau sele la tia giteu oilo tegite la aposel,tela la vimari mela vikapopola,oilo la ilali la bret mela kilaka.⁴³La tilaga goata tegite tomi, egite la aposel igo la igolula vikapopo me la vagari la uru.⁴⁴Egite ale tautaulailo pou vikapopo igo la paga tomi mela tia isa moli,⁴⁵Tio egite baha la papaga tegiteu tomi goio vitabari le egiteu tomi,oilo tela savelela tegite isasa.⁴⁶La logologo tomi egite tau la tia giteu oilo tela gabutala la isa moli oilo la luma la lotu.Egite vitovila la bret oilo la lumaluma tegiteu, egite ali vikapopo mela sagela mela tia madila.⁴⁷Egite visale e Deo mela ilisu lisu oio tegite la valua me hatavile tomi,La logologo tomi la uru vagoata la giligi giteu oio tegite ale vulo la mahuli giteu.

Chapter 3

¹Goio e Pita me Jon goata te la luma la lotu te imala la kilaka.²Goio la tahalo isasa gulugulu soko te la imala ale etilala taposea egite vaharia soio te la mata la luma la lotu ale egite toila e marasa.La logologo tomi egite vipou a oio la luma la lotu age kaka egite ale goililo te la luma la lotu la uati.³Laimala ale eia hilo e Pita me Jon loio viage tiroro soilo la luma la lotu,Eia kaka egira la uati.⁴E Pita matavu vagari ti eia,me e Jon tai, goio a vei mago,''Matasomai tamila.'' ⁵E gulugulu matatavu egira,a gabutala viage abi isa la paga loio tegira. ⁶Alamoli e Pita vei mago,''la silva me la gol eau kama tahoka,alamoli larova eiau taokea ,eiau ge abiamu.Te la isa le Isus Kraist le Nasaret,eme tuga.''⁷A goio sau la limala e gata, e Pita vahilitia oata,tio la vahala me tulula goio vagari rivu lou.⁸Eia raga soata,La tahalo ale gulugulu magiri me eia soko la tuluga;Eia goilo la luma la lotu vikapopo me Pita me Jon, tatuga ragaraga, vaisale e Deo.⁹Egite la valua me hatavile hilo eia ale tatuga visale e Deo.¹⁰Egite goio rovitia mae ale la tahalo moli ale kaka la valua la viabila mela uati oio la matala bigomu ale marasa oio la luma la lotu; Egite taga hare palala me egite karutu sele tela rova guviti oio tetala.¹¹Eia sautatola te Pita me Jon, La valua me hatavile hari tomi soio tegiteu oio la matabala te Solomon,egite karutu bara sele.¹²La imala e Pita hiloa maele, a Kolia gite la valua mago,"Amuto la valua e Israel, ilava amuto karutu loue? Ilava amuto mata soli moliti amite mae, mave amite igo eia tuga tela vagarigari mite ouka la vagari le Deo?¹³E Deo te Abraham,te Aisak, me Jakob,me e Deo te tatama gatou,vahilo marasa ti la tahalo la igolula tetala e Isus. Eia moli male amuto sugutaroa soio te Paelat me eia muku pile eia, la imala eia veiage vimaramara eia.¹⁴Amuto muku pile la tahalo ale maroka me eia matata sele, amuto goio tahi lou via la tahalo la bilili ge maramara soio tamutou.¹⁵Eme bili la vuhu la mahulila,E Deo vahiliti rivu lou eia loio tela pileho-amite sibitala mae la tahalo la veiselela oio vola,¹⁶Oata tela vuhula tautaulailo oilo tela isala,la isala viguvi la tahalo aleie,ale eme hiloa me rovia , mae a vagari.la tautaulailo ale oilo te Isus abitiala la mahulila ale matata kabili tala mata muto tomi.¹⁷ Male, tabarabaragu,eau rovia amuto igo gologolo mae ale amuto kama rovia, mae tai egite la mulugaluga tamutou.¹⁸ Alamoli la papaga ale e Deo taua la hare gite propet me egite vei palaea,mae e kraest ge goilo la tikumula,me eia puru muli seletia.¹⁹Vulo la mahulimu,ale ,eme vulo sele, la vuhula la vulovulo mu ale kama kora la uru ge sabu taroa,la vuhula la imala mahulila ale halaba ge loio tela uru;²⁰ Eia ge baha e kraest ale eia hilovi tia via ge taume, e Isus.²¹Eia moli male la ilolalage ge abia karamae la imala ale la papaga tomi ge hiliti rivu lou,ale e Deo veipala tia araura tela hare giteue propet.²²E Moses tai veia,'La uru e Deo ge vahiliti isa e propet mae eau kabili tegite tabarabaramu.emege lobagele tavu la papaga tomi ale eiage veiamu.²³Egite tomi la valua me hatavile ale kamage lolo e Propet egitege vilua kabili tegite la valalua;²⁴A sele,egite tomi e propet soko loio te Samuel me egiteu ale gomai mulmuli tetala, egite veipalaea vikara matagaga la logologo aleie.²⁵Amuto e latau gite propet ale oilo tela kilisi la vitame tabarala ale e Deo igo tia araura te tutubu mutou, a veiale Abraham, 'oilo tela hilimu la valua me hatavile tomi ale otalo la mautu la magasa ge balava.'²⁶Mulmuli teale e Deo vahiliti la tahalo la igolula tetala,a baha muga eia soio taume,ale la gauru la vibalavala taume,oilo vola amuto tomi ge vulo taro la vulovulo muto ale kamakora."

Chapter 4

¹ La imala ale e Pita me Jon meramera soio te gite la valalua me hatavile,egite la mulugaluga la luma la lotu vikapopo me egite la valua la mari sibitala tavu egite. ²Egite gabutala pahi sele la vuhula e Pita me Jon vimarimari la valalua me hatavila me egira veveia gite la hiliti rivula loio la pileho oilo te Isus.³ Egite sautola e gira tau egira oilo la kilisi hagolo maga la kavkoki,lavuhula la paga lapuroboti.⁴ Alamoli egite usu lolo la merera alele egite tautau lailo,me la karakara la valua ale tautaulailole egite la salatu savulu lima.⁵Goio la logo isa polo goma egite la mulugaluga,egite la valua ururu,me egite la valua la mari vikapopo oilo e Jerusalem.⁶E Anas la mulugaluga tegite e paraseo oio la ba alele,e kaiapas,e Jon,e Alexenda,me egite la karakarategiteu la mulugaluga tegiteu e paraseo.⁷La imala ale egite vipou e pita me Jon kabili tegite,egite tahi egira mago,''Oio te erese la vagargarila,o oio te erese la isa ,amula igo la paga aleie?''⁸Goio e Pita,volu me la kalulu la marokala,a veia gite mago,''Amuto la mulugaluga tegite la valua me hatavile,me amuto la valua ururu,⁹Mae amuto matamuli ti la paga ale tartigi guvi soio te la tahalo ale lea igoie,me la gauru ale mave la tahalo ale mahuli,¹⁰Amuto la valalua tomi me egite la valalua e Israel ge rovia mae la tahalo ale magiri marara tela lalagu mutoue a tela isale Isus kraest le Naseret, ale amuto lilia oata la tauvautu,alamoli e Deo vahiliti rivu loua loio tela pileho.¹¹E Isus kraest eia la uati ale amuto la valua la tilighi la luma mukupilea alamoli la uru visibitalea mae la gama uati pepea.¹²La mahulila ale sele oukatilou oio tela tahalo isalou, Me otalo la uluva ilo lalage la isa isa oukatilou kabili tela valua viage e tatoge mahuli oio vola."¹³La imala egite hilo la igo totola te Pita me Jon egite tai rovia mae egira la tahalo bubu moli, egira kama la tahalo la mari, egite karutu sele, alamoli egite rovia mae egira tai vikapopo me Isus.¹⁴La vuhula egite hilo la tahalo ale mahuli ti la ilea oio magiri tomi le egira,egite kati tahoka isa la merera ge mera robo la paga alele.¹⁵Alamoli la imala egite mera vagari tia gite la Aposel ge hiliti taro la pulou vikapola tela kaonsel egite meramera lou kabili tegiteu.¹⁶Egite vei mago, etatoge igo la tahalo ilua mave? la seselela tela mirakulo uru egira igoa la valalua tomi ale mou oilo e Jerusalem rovi tia; e tatoge tahi taroa mave?¹⁷La gauru moli ale ge magiri robola merera ale kage bubura soio tela valua, e tatoge merataga egira katilouge veiala tahalo isalou tela isa alele,"¹⁸Goio egite tola egira soilo mera vagaria gira via egira umalati ge valolo ouka ge vimarimari lou isa la tahalo tela isale Isus.¹⁹Alamoli e Pita me Jon kolia gite mago,"Mave atartigi tela mata le Deo ge lolo amuto ouka ge lolo eia,amuto ale pou la ilapumtatala.²⁰Amite kama koramuli ge maila la merera tela papaga ale amite hiloa me ale tai amite loloa."²¹Mulmuli tela mera tagala tomi soio te Pita me Jon egite bahataro egira tuga.egite kama matapoga isa la iriru viage viligi egira,la vuhula valua me hatavile tomi oio vaisale e Deo tela rova sibitalati.²²La tahalo ale abi la mirakulo tetala la leavala tetala savulu va gegete.²³Mulmuli teale egite vimaramara ti egira, e Pita me Jon beua soio tegite la valalua tegira goio vei tomia gite la rova egite la mulugaluga tegite Paraseo veitia gira.²⁴La imala egite lola,egite vagoata la golu gite oilo tela gabutala isamoli soio te Deo egite vei mago,"Uru eme vipou la mori mela magasa la mago, me la papaga tomi ale oilo vola.²⁵Eme vigagia oilo tela kalulu maroka oio tela hare la tahalo la igolula taume,e tamamiteu e Devit, 'ilava egiteue valua e Gentael igo tolo, me egite la valalua gabutala la papaga ale kama korakora?'²⁶Eme veia,egiteue king la magasa vikapopo lou egiteu,me egite la mulugaluga vikapopo ge magiri robo la uru,me ge magiri robo e kraest tetala.'²⁷Oilo vola,e Herod me pontius paelat, vikapopo me egiteue Gentael me egite la valua e Israel,guvi vikapopo oilo la siti ge magiri robo la tahalo la igolula ale maroka e Isus,ale eme abiri ti leia la ueli malivili,²⁸Egite vikapopo tomi ge igo la rova la limamu mela gabutalamu igo tia mamuga viage sibitala.²⁹Male,Uru, matavu la mera tagala tegiteue emege abia la tahalola igolula taume la vagari ge valolo la merera taume.³⁰Vituri la limamu la vimahulila sogala visibitala la irovilala tela vagarimu oilo tela isala la tahalo la igolula taume e Isus."³¹Mulmuli tela kilaka tegiteu,La ba ale egite vikapopo ovola malugu tio,me egite tomi volu me la kalulu maroka egite abila vagarila goio egite valolo la merera te Deo³²La giligi gite ale tautaulailo uru esle me la hate gite mela kalulu gite isa moli,oilo tegite isa kama veia la gogolu tetala eia tetala moli,la paga tomi tegite a tegite tomi.³³Egite Aposel valolo la merera te uru me la vagrigari la ale uru sele tela hiliti rivu la te uru e Isus, me la gilogo uru sele oata tegite tomi.³⁴Kabili tegiteu la tahalo isa kama pou la savelela,egite ale tahoka la magasa mela luma egite bahea tomia egite abi la uatila vitau kapopoa.³⁵Egite abi tomia goio taua otalo la vaha gite la Aposel,tio egite goio vilele le egite karamuli la savelela tegiteu isasa.³⁶E Josep,egitela Aposel toila isa kovula e Barnabas(la masova mae e latu la tutu tolala),E livai, eia la tau Siprus,³⁷Eia baha la magasa tetala me eia abila mapala goio taua otalo la vaha gite Aposel,

Chapter 5

¹Tio la tahalo isa la isala e Ananias,me rutula uru e Sapira, egira tai baha bakisi la magasa tegirua,²A goio sautola rivu bakisi la uati la magasa egira baheale( e rutula rovi taia) eia abi isa la galela goi taua otalo la vaha gite la aposel.³Ala moli e pita goio veiala mago,"Ananias,ilava la tahalo kama kora vivolu la hatemu via eme ge vasigolo la kalulu maroka eme sautola rivu isa la galela uati la magasa amula bahea?⁴La imala amula kama baha la magasa,mave ale kama tamula,mulmuli teale amula bahea,mave akama lotalo la huluvamu? ale eme gabutala esle mave oilo tela hatemu?ale eme kama vasigolo la tahalo la vovo ale me vasigolo e Deo."⁵A lolo la merera alele, e Ananias boru otalo me eia lapu pasi la lolovi, la valalua taga la imala egite loloa rere la.⁶E maure halaba isa mulmuli tetala gomai avu robo eia, goio egite bolea sogala goio ulaia.⁷Goio la mata la haro itolu polo, e rutula uru goilo a kama rovi la rova guviti mamuga.⁸E Pita goio veiala, eme veiagu la mapa la magasa eme baha la iriva, a goio vei mago, a sele,"la uatila uru tai."⁹Toio e Pita goio veila mago,"ilava amulatomi masagea ge tovolai la kalulu la uru? hiloa, la vakisu gite ale ge ulai e aruamu male soloio kokovu moli te la mata ge,egite tai ge bole me sogala,"¹⁰Oio moli vola a boru otalo lapu pasi la lovi,la imala egite la valalua goilo egite pogea otalo peho ti,egite bolea sogala ulai a tela balile haruala uru,¹¹La tilagalaga uru sele sibitala oilo tela luma la lotu, me egite ale lolo la merera la papaga tomi alele.¹² La irovilala te la vagarigari le Deo usu sibitala kabili tegite la valalua loio tela lima gite aposel. egite tomi vikapopo oilo la matabala laluma te Solomon.¹³ Alamoli oilo tegite tomi isa kama goilo vikapopo me egiteu,alamoli,egite la valalua sautola egite la vuhula egite masaga sele egiteu.¹⁴Soloio usu egite la valua la tautaulailo goilo te la uru,la valua me hatavile ususele,¹⁵La vuhula egite vibolebole la egite ale lalea soilo la gauru vimavuta egite oata la poro,la imala e pita ge tetepolo, la miau la ge pigirobo isahari tegiteu.¹⁶La giligi giteu la valua me hatavile uru sele loio la taon ale pologalili e jerusalem,egite vahari la ilalea me egite ale la kalulu ale mugu igobara egiteu,me egite tomi mahuli.¹⁷Goio egite la mulugaluga tegite paraseo hiliti oata,vikapopo me egite la ( gale gite sadusi isahari); la tia gite tikumu selea la.¹⁸Egite sautola egite la aposel,goio tau egite isasa oilo la luma la totorobo usu.¹⁹Alamoli la paga logo la angelo te la uru kope la mata la luma la totorobo goio puli egite sogala,agoio veia gite mago,²⁰Amuto tuga goio magiri oio tela luma la lotu valolo la merera la mahulila soio tegite la valua me hatavile."²¹Tio la imala egite loloa maele,egite tiroro soilo la luma la lotu te la utupolapola la egite soko la vimari la. goio egite la mulugaluga tegite paraseo gomai guvi, vikapopo me egite ale vitomi le eia,egite tola vikapopo egite la kaonsel,me egite ururu tegite la valua e Israel, goio egite baha soio te la luma la totorobo viage puli egite la aposel soio tegiteu.²²Alamoli egite opisa tuga goio la luma la totorobo egite kama poga isa oilo vola,tio egite beurivua soio goio valolo,²³Amite goio hilo la mata la totorobo oio kapi me egiteu e gat oio magirigiri oio la mata, la imala amite kope la mata,amite kama hilo isa oilo vola."²⁴La imala egite la mulugaluga la lotu me egite la gama gite paraseo lolo la merera alele,egite karutu me la ilo gite ruru egite gabutala ale la rova guviti mae,²⁵Goio la tahalo isa gomai veia gite mago,"la tahalo ale amuto taua oilo la luma la totorobo oio magirigiri oilo la luma la lotu vimarimari egite la valalua me hatavile."²⁶Tio e kapten tuga vikapopo me egite opisa, goio puli rivu egite,alamoli egite kama kue egite, la vuhula egite taga egite souka ge ubi le gite la uati. ²⁷La imala egite puli rivu egiteu,goio egite vipou egite te la mata gite kaonsel.la mulugaluga tegite paraseo tahi gusiti egiteu,²⁸Egite vei mago,"amite magiri robo amuto umala ge vimarimari oilo tela isa alele,Alamoli amuto kama lolo amuto vivolu le Jerusalem la vimarila tamuto amuto masaga ge tau la kasoso gite la valua ale oata tamiteu,"²⁹Alamoli e Pita me egite la aposel kolia mago,"amite ge roromuli e Deo kama la tahalo.³⁰E Deo te tatama mite vahiliti rivu e Isus,eia moli amuto bilia amuto aratilia oata la obu la tauvalutu. ³¹E Deo vipou ti eia oio la limala e gata via eiage la uru mela la tahalo la vimahuli, ge abia gite Israel la mahulila, mela ilube la iriru.³²Amite sibitala mae la tahalo la veiselela tela papaga tomi alele,me la kalulu maroka tai,ale e Deo abitia gite ale roromuli eia, "³³La imala egite la valua tegite la kaonsel loloa maele, egite igotolo me egite viage bili e Isus.³⁴Alamoli e paraseo isa la isala e Gamaliel,la tahalo la tilovo la viturila la valalua tomi togo sele eia,a magiri oata a goio veia gite mago amuto puli muga egite la aposel sogala.³⁵A goio veia gite mago,"amuto la valua e Israel,amuto ge lolo tigi taho te larova amuto kukumua viage igoa soio tegite la valua aleie.³⁶La imala isa tugati,e Theudas hiliti oata aveia eia isapolo,la valalua isahari la giligi gite la salatu iva,tilimuli eia. egite goio bili eia,egite tomi ale roromulimuli eia hele pa me a kokovu tio.³⁷Mulmuli te la tahalo alele,e Judas le galili magiri oiolo te la imala te Sensus a lapu gale isahari la valua soio tetala.eia tai goio kokovu bulahu moli,egite tomi ale roromuli eia hele bura.³⁸Ala igoe eau veia mutou,ba malau taro la valua ale maele eia moli korale,mae la gabutala o ouka la igolu te la tahalo age kaluvu bubu moli.³⁹Almoli mae age te Deo,amuto kama koramuli ge magiri robo egite; eme ge rovia mae eme vikue tomi e Deo."tio egite ali la ilo giteu.⁴⁰Tio egite tola egite la aposel soilo egite kue egite via egite umala ge valolo la isale Isus,egite goio baha taro egite taga.⁴¹La imala egite heletaro egite la kaonsel egite sagege sele la vuhula egite gabu la iligi me egite mukupile egite tela la isa moli alele.⁴²Oio moli vola te la logo isasa,oilo la luma la lotu oio tai la luma isasa, egite solo la vimari mela valolo la merera mae e Isus eia milo e kraist.

Chapter 6

¹Me oilo tela logologo alele,la imala la giligi gite la disaipel kusi,egite Gresian Juda mera galoloa gite Hebrew, la vuhula egite bahararu tegite katima abila vaisulila te tela logo isasa.²Egite ale savulusa gete lua tola la gale gite disaipel usu sele soio tegite egite veia gite mago,"akama matata via amite ge piligi la merera te Deo oilo tela vulovulo la ilali.³Amuto sele ge hilovi, e tabarabara muto,la tahalo ivitu kabili tamuto,la tahalo ale la vulovulo la tartigi sele,eia ge volu la kalulu mela mari,amite ge turia ge baumuli la igolu aleie.⁴Amite sele,amite ge toro oilo la kilaka me la igolu te la merera. "⁵La valalua tomi sagege sele la merera tegite.tio egite turi e Stephen,a la tahalo ale volu mela tautaulailo me la kalulu maroka, e Philip, prokorus,nikano,timon,e parmanas,me nikolaos,la tau antiok eia vulo halaba.⁶Egite ale tautaulailo abi egite la valua ale soio tegite la aposel,me egite tau la lima gite oata tegite kaka tegiteu.⁷La merera te Deo bubura tomi te la baba tomi,la giligi gite la aposel ale oilo e Jerusalem kusi uru sele,me la giligi giteu e paraseo ale roromuli la tautaulailo uru tamai.⁸Tio e Stephen,a volu la gilogo me la vagari,eia igo la paga la karutula me la irovilala kabili tegite la valalua.⁹Toio la valua la luma la lotu isahari la isa gite la tahalo maramara tela luma la lotu,egite loio e sirenian me Alexandra,isahari loio e Silisia me Esia.egite la valua alele me Steven vaubi la merera.¹⁰Alamoli egite kama koramuli ge magirirobo la mari mela kalulu ale e Stephen vagogalea.¹¹Goio egite loto isahari la valua ge veipala mae,"amite lolo e Stephen mera barea le Moses me e Deo tai."¹²Egite goio vahiliti la tia gite la valalua,egite ururu me egite skraeb, egite tuga tavu e Stephen sautolea goio vimagiria tela mata le kaonsel.¹³Egite vahari isahari la merera la vasigologolola,ale mae, "la tahalo aleie kama maila la mera barea la ba ale maroka me la viturila.¹⁴Amite lolo eia vei mae e Isus le Naseret ge igobara la mautu aleie me age vulo la veimulila te Moses ale abitia gato."¹⁵Egite tomi ale popou tela kaonsel la mata gite tomi goio tetala egite hilo la lagula mae la lagula angelo.

Chapter 7

¹La mulugaluga tegite paraseo vei mago, "la papaga ale sesele?²E Stephen vei mago,"tabarabaragu me tatamagu,lolo eau: e Deo oilo la marasala tetala sibitala tavu e tamagato e Abraham la imala eia oilo e Mesopotamia, la imala a pou oilo e haran;³Eia veiala mago,hiliti taro la magasa taume me la maratatila taume,tuga soilo la magasa ale eau ge vahililo le eme;⁴Goio eia hele taro la mautu e kaldean a tuga soio e haran,mulmuli teale e tamala peho,e Deo abi eia soio la mautu aleie, Male eme mahuli ovola igoe.⁵Eia kama abia gite isa la papaga ale via age tetala ouka,isa kama tuga tala ovola,alamoli eia vei la veiselela _la imala e Abraham souka tahoka e latula soloio aveia ge abiala la magasa age tetala me tela hili la ale mulmuli.⁶E Deo meramera soio tetala maele,via egite la hilila ge mou mae la mosi oio la mautu polo,egite la valua la mautu alele ge abi egite mae la tahalo la igolula tegite egite kama ge puhi tigi egiteu tela leavala ge salatu iva.⁷'Alamoli eau ge vimagiri la mautu ale egite igolua gite oio tela ilapu matatala,e Deo vei maele.'⁸Goio e Deo abiale Abraham la irou tela vitame tabarala oilo tela kiroro la vovo gite ale hatamale,tio e Abraham guvi mae e tamale Aisak eia koro la vovola tela logo la ivalula;e Aisak guvi mae tamale Jakob, e Jakob eia e tama gite ale savulusa gete lua egite to mi guvi mae e Suara.⁹La vuhula egite e Suara tia bareale Joseph, egite baha eia soilo e Egypt; alamoli e Deo vikapopo me eia ¹⁰A utululu eia loio te la tikumula tetala,a abiale Joseph la gilogo me la mari oio tela la matale parao la uru le Egypt, a tau eia Gavana oilo e Egypt me loata tela lumaluma tomi tetala.¹¹Tio la imala la vitolola uru guvi oilo e Egypt me kenen,la iligiligi uru sele, e tatama mite kama koramuli ge poga la ilali.¹²La imamala e Jakob loloa mae la ilali oilo e Egypt,eia baha e tatama mite igo silokoloko la tulugaluga,¹³Tio la vailuala tuluga tegite e Joseph igo pala eia soio te tabarabarala,goio e Jakob me latatula e parao rovi egiteu.¹⁴E Joseph pitaro egite e tabararala via goio ge veiale le tamala e Jakob ge gomai e Egypt,vikapopo me egite la valua tetala,la giligi gite ge savulu vitu oilo tegite tomi.¹⁵Tio e Jakob tuga gotalo e Egypt,a goio peho,egite tomi me tatama miteu.¹⁶Egite goio bole egite soio e Sekem vitabuli egite oilo la ova la uati ale e Abraham lotola la uati soio te latatatu le Hamor oilo e Sekem.¹⁷Tio la imala la veiselela sibitala,la veiselela ale e Deo igoale Abraham,la valaua kusi me la giligi gite goata sele oilo e Egypt,¹⁸Igoa kara sele mae e king ale halaba isa hiliti oilo e Egypt, e king alele kama rovi e Josep.¹⁹Eia vasigolo egite la valaua tamite me a karasuku e tatama mite ge tau la pepeso bisisi ogala via egite kama ge baumuli egite ge mahuli.²⁰Oio tela imala alele e Moses e tilala taposea; eia marasa sele tela matale Deo me a guvi taho sele tela taio itolu oilo la luma te tamala.²¹La imala egte tau eia sogala,la sobe te Parao patua eia mae e latula sele.²²E Moses abi tomi la mari mela gabutala ale tartigi loio tegite Egypt, me eia vagarisele oilo la merera mela igolula.²³Alamoli la mimala la leavala tela goata savulu va,Oilo sele tela hatela a masaga ge pahutu e tabarabarala la karakara le Israel. ²⁴ A goio hiloa mae isa tegite Israel egite kama vipou tigi eia, goi e Moses toroboa agoio bili la tau Egypt ele;²⁵Eia gabutala via egite tabarabarala ge rovia mae e Deo la lima la male utululu egite le, alamoli egite kama rovi matagagaea.²⁶Goio galgeli mae eia hilo la tahalo ilua vikokue,agoio tovolai via ge magiri robo egira ge viguvi la tia madila kabili tegira.a veia gira mago,tibo amula kama isapolopo a e tabaramu; ilava amula vaigo totolo loue,²⁷Goio la la tahalo ale igola iruru lapu gale ti eia soio, a viala mago, ere tau me mae la mulugaluga via eme ge pou la ilapumtatala tamite?²⁸Eme masagage bili eau, mae eme bili la tau Egypt alavie?²⁹Tio la imala e Moses loloa maele a hele tio, agoio sibitala mae la mosi oio la mautu e midian, a goio savu e latula ale hatamale ilua.³⁰Toio la leavala savulu iva polo,la angelo goio sibitala tavua oio la kuepa la olu e sinai, mae la kalamea la havi ale kakaha oilo la obobu.³¹La imala e Moses hilo la havi, a karutu sele la imamala eia hiloa; goio la imala a tasuku hagavi veiage hilo tigia, oio moli vola la uru goio tolea avei mago,³²'Eau e Deo te tatamamu, eau Deo te Abraham,me Aisak me te Jakob; e Moses la vovola pariri tomi me a kati koramuli ge matalou.³³Gio la uru veiala,'abitaro la vaha polo tela vahamu ele,tela ba ale eme magirigiri oio vola la magasa alele maroka,³⁴Eau hilo seleti la iligiligi tegite la valalua tegaku ale oilo e Egypt; eau loloti la tali roberobe la tegiteu,me eau gotalo tige utu lulu egiteu; eme gomai,eau ge baha me soio e Egypt;³⁵E Moses moli ale egite mukupile eia,la imala egite vei mago,ere taume me la uru mela tahalola ilapumatatala?'_eia moli la tahalo ale e Deo bahea mae la tahalo ale uru me eiage la tahalo la utululula. e Deo bahea tela lima la angelo ale sibitala tavu e Moses oilo la hohoi. ³⁶E Moses abitaro egite loilo e Egypt,mulmuli tela iligo la mirakulo mela irovilala oilo e Egypt me la mago la viroviro,me oilo la kuepa tela leavala savulu iva.³⁷"Eia moli e Moses ale veia la valua e Israel,'e Deo ge vahiliti isa e propet taume kabili tamuto me tabarabaramu, e propet isa ge mae eau. '³⁸Eia moli la tahalo ale vikapopo me egite la angelo oilo la kuepa me egite vigia soio tetala oata la olu e sinai, eia vikapopo me tatamagatou,eia abi la merera la mahulila ge abia gatou.³⁹Alamoli egite tatama gatou kama masaga ge lolo eia;egite sogi taro eia loio tegiteu,me oilo la hate gite egite vulo rivu soio e Egypt.⁴⁰Tela imala alele egite veia le aron,puhia mite isa e Deo ale ge muga amite.la tahalo ale Moses e,eia abitaro amite loilo e Egypt,amite kama rovia la rova sibitala tavu ti eia. '⁴¹Tio egite puhi la Kau oilo tela logo alele egite vahari la viabila tegite soio tetala puhi golo le,egite sagege sele la vuhula ale la muli la Lima giteu.⁴²Alamoli e Deo vulo rivu abia gite la matabu ale oata la mori via egite ge lotu tavua,egite la propet ago tola tia oio la buku tegiteu,a amuto la luma te Israel,mave amuto abila kalia ale peho viabila mae la viabila tela leavala savulu iva oilo la kuepa?⁴³Eme kaka tavu la luma la lotu te molek me la matabu te Deo le Repan,me egite la tataro ale eme puhia ge lotu egite:eau ge abi malau mei ge polo e Babilon,'⁴⁴E tatama gatou tahoka la luma la lotu me la vigile mulila oilo tela kuepa, mae moli e Deo mera vagari te Moses, viage eia ge igolua mae la tataro ale eia hilo tia.⁴⁵Mulmuli vola,e tatama gatou,lotalo te Josua,abi la luma la lotu egite vikapopo me egite tela imamala egite abi la muli oilo la magasa polo.e Deo abi la magasa loio tegite la muatula ale eia kumuli taro egite te la mata gite tatama gatou.la luma la lotu tabuli karamae la imamala te Devit,⁴⁶La gilogo te uru poga eia tela mata le Deo,eia tahi mae karamuli eia ge pamuli la ba la mulou te Deo te Jakob.⁴⁷Alamoli e Solomon male tigi la luma te Deo.⁴⁸Oilo vola, la tahalo uru kama mou oilo la lumaluma ale la tahalo igolu la limala,egite la propet vei tia,⁴⁹La mautu la sagegela eia la pulou taku,me la magasa eia la tilaloa te la vahagu.la luma sele ale mave karamulia eme ge tigiagu? la uru vei maele, ouka la muli la mailala taku eia ge la rova?⁵⁰Mave la limagu kama vipou tomi la papaga aleie?'⁵¹Amuto la valua ale la holo muto matata moli,kama koro la hate muto mela gavusa mutou,la imala tomi amuto magiri robo la kalulu maroka,'la vulovulo mutomaesele te tatama mutou.⁵²Erese la propet e tatama mutou kama gimea? egite bili egite la propet ale vimuga pala tela guluvi la tahalo ale matata sele,me igoe amuto sibitala mae la tahalo la vasigologolola me la tahalo la bilili tai,⁵³Amuto la valalua ale abi la viturila ale la angelo vimagiria,alamoli amuto kama sau tolea. "⁵⁴Tio egite la valua tela kaonsel lolo la papaga alele,me a ubi sele la hate giteu, me egite alatola la togo gite soio te Stephen.⁵⁵Alamoli eia,volu mela kalulu maroka,eia mata tora moli soilo la ilolalage a goio hilo la marasala te Deo,' me eia hilo e Isus oio magirigiri oio la limale Deo e gata ⁵⁶Goio e Stephen vei mago,mata soio eau hilo la mautu la sagegela kope me e latu la tahalo magirigiri oio la limale Deo e gata."⁵⁷Oio vola egite la kaonsel taurobo la gavusa giteu,me egite tola kahare sele oata,egite hugu tavua me la gabutala isa moli.⁵⁸Egite lapu kalavea sogala la pasiga la siti goio egite gora leia la uati.egite ale malelei kaitaro la kairobo tegite ale sogalagala goio avea otalo la vahale maure halaba le la isala e Saul.⁵⁹La imala egite ubibi le Stephen la uati, eia tatola soio tela uru a vei mago,tahalo uru Isus,abi la kalulugu. "⁶⁰A goio tototulu otalo me a tola vagari sele oata,"uru, umala sautatola la iriru tegite."la imala a vei maele,aboru otalo mavuta.

Chapter 8

¹E saul masaga molia via eia ge peho. tio soko la logo alele la vipou bara la uru sele guvi oilo la luma la lotu ale oilo e Jerusalem;goio egite la valua la tautaulailo hele bura ti sogala la ba la mautu e judea me Samaria, egite la aposel moli ouka² Egite la valua la tautaulailo ulaia e Stephen mela tilali la ilo burukola uru sele leia.³Alamoli e Saul tovolaia viage igo bara la luma la lotu.la imala age goilo la luma isasa age lapu kalave tomi la valua me hatavile,goioge tau egite soilo la luma la totorobola.⁴Alamoli egite la valua la tautaulailo ale hele pa vituga la valolola merera. ⁵E Philip tuga gotalo la siti e Samaria valolo soio tegite e kraest.⁶La tete la valua me hatavile tomi pou lobagele soio tela valolola te Philip; la gabutala gite isa moli egite lolo eia, egite hilo la irovilala ale eia igigo.⁷La kalulu kamakora usu gali taro egite ale egite mou oilo tegite,me egite tali kahare mela golu gite oata sele,usu tegite ale gulugulu me ale kama tatuga tartigi rivu lou.⁸La sagegela uru sele oilo la siti alele.⁹Goio la tahalo isa oilo la sitiele la isala e Saimon, eia palati la gaumulila; la imala tomi eia igo karuturutu egite la valalua e Samaria via eia isa la tahalo ale uru sele.¹⁰Egite la valua e Samaria,soko loio tegite ale bisisi goio tegite ale ururu,lolo eia;"la tahalo ale la vagari ale loio te Deo egite tola leia tahalo uru."¹¹Egite lolo eia la vuhula eia igo karutu egite la imala malauti tela gaumulila tetala.¹²La imala egite tautaulailo te Philip la imala eia valolo la merera tela mautu la sagegela te Deo me la isa le Isus kraest,egite vuhi,egite la valua me hatavile tomi.¹³E Saimon tamai tautaulailo,goio mulmuli teale eia vuhi a pou tomi le Philip me eia mulimuli eia.la imala eia hilo la irovilala mela vagari la uru abi la muli,me eia karutu sele.¹⁴Goio la imala egite la aposel oilo e Jerusalem loloa mae egite Samaria abiti la merera te Deo. egite goio baha e Pita me Jon soio tegiteu.¹⁵La imala egira gotalo tegite,egira kaka tegiteu,via egite ge abi la kalulu maroka.¹⁶Tela imala alele,la kalulu maroka soukama goilo tegite isasa; egite vuhi moli la isa le Isus.¹⁷Goio e Pita me Jon tau la lima gira oata tegiteu,me egite abi la kalulu maroka soilo tegiteu.¹⁸Tio la imala e Saimon hilo mae la kalulu maroka egite abia la imala egite la aposel tau la lima gite oata tegiteu,eia goio abi la uati viage lotoa soio tegiteu. ¹⁹Eia vei mago,"abiagu la vagarila alele,tamai,la vuhula erese tahalo eauge tau la lima oata tetala eia ge abi la kalulu maroka."²⁰Alamoli e Pita goio veiala mago,"la uati taume ge kokovu vikapopo le emei,la vuhula eme veiage abipolo la viabila te Deo tela gauru la uati.²¹Eme kama tahoka bakisi la bautula oilo tela papaga aleie,la vuhula la hatemu kama matata tomi le Deo.²²Emege vulo taro la vulovulomu ale kama kokora,tio eme ge kaka tavu la uru,oio moli vola eia ge abi taro la iriru taume tela rova oilo la hatemu ele.²³Eau hiloa mae eme oilo tela irasi la tia barala ale tabago soilo tela vulovulo kama kora."²⁴E Saimon goio koliala mago,"eme kaka taku soio tela uru,la vuhula la papaga tomi ale eme veitia kamage guvi taku."²⁵La imala egite veipala la merera te la uru,e Pita me Jon beua soio e Jerusalem,egira valolo la merera te Deo oilo tela mautula ale oilo e Samaria.²⁶Goio la angelo tela uru veia le Philip mago,"hiliti tuga soio la mata la lovi e meru goio tela gauru ale gotalo e Jerusalem me gasa."(la gauru ale polo oilo tela kuepa)²⁷Eia goio hiliti tuga. Mata soio la tahalo isa loio etopia, la tahalo ale ualea mou lotalo la uluva le kandans la tavile uru le Etopia. eia baumuli tomi la uati te tavile uruele,eia gomai e Jerusalem viage lotu.²⁸La imala a beua eia pou oata la karis tetala,me eia gigi la buku te Aisaia.²⁹La kalulu maroka veiale Philip mago,"hari hagavi soio tela karis ele."³⁰ Tio e Philip hari soio tetala,agoio lolo eia gigi oio te propet Aisai,a goio veimago, "eme rovi matagaga tai la rova eme gigia le?"³¹Goio eia vei mago,"eau ge rovia mave,mae isa kama vei muliagu?"me eia goio tola e Philip soata la karis ge pou tomi leia.³²La galela merera te uru ale la tau Etopia gigia a mae,"eia mae la sipsip ale egite lapua soi ge bilia,me a mae la sip ale egite raragi ge bilia a magiri makovu moli, eia kama kope la harela.³³Oilo tela vulovulo la vagotalo leia egite abitaro leia la gauru la ilapumtatala,ere koramuli ge taupala la maratatila tetala mela hilila? egite abitaro la mahulila tetala lotalo la magasa."³⁴Tio la tahalo ale egite ualea tahi e Philip,"eau tahi sele mei,eme veiagu erese la propet vevei, lou eia,ouka isapolo?" ³⁵E Philip sokola ti la merera soio tetala,a soko oio tela merera te uru a goio veiala la e Isus.³⁶La imala egite hari soio la gauru,egira goio poga isahari la lalu goio la tahalo le veia la mago,"mata soio la lalu maleie. la rova giri robo eau via eau kamage vuhi?" ³⁷. ³⁸Goio la tau Etiopia veia la karis ge magiri.egite goio gotalo la lalu,egira tomi e Philip mela tahalo ale ualea le,goio e Philip vuhi eia³⁹La imala egite lotalo la lalu goata,la kalulu la uru abitaro e Philip,la tahalo ale egite ualea katima hilo loua,alamoli la imala eia tuga soio eia sagege moliti.⁴⁰Tio e philip goio sibitala oio e Azotus me eia tuga tomi oio la gale la mautula alele,valolo la merera soio tela siti tomi kara eia guvi oio e Kaesarea.

Chapter 9

¹Alamoli e Saul,soloio vevei la merera la bilili gite la Disaipel tela uru,a tuga goio tegite la mulugaluga tegite la paraseo ²a goio tahi egite la galau ale agoa loio tela luma la lotu ale oilo e Damaskus,mae a soukage poga isa tegite oio la gauru,ale hatamale ouka ale hatavile, eiage kisi tola egite ge abi egite soio e Jerusalem.³La imala eia harari la gauru,a sibitala hagaviti soio e Damaskus,karutu moliti la matagaga isa loata la ilo lalage paga vei ti eia;⁴Goio eia boru ti sotalo la magasa a goio lolo la golu isa veveiala mago,"Saul,Saul,ilava eme magiri roborobo eau?"⁵E Saul goio koliala mago,eme ere,uru?"la uru veiala mago,"eau moli e Isus,ale eme magiri roborobo eaue;⁶ Emege hiliti,tiroro soilo la siti,eme ge abi la merera la rova emege igoa."⁷Egite la valalua ale vituga tomi le Saul magiri moli kama meramera,egite lolo la golu, alamoli egite kama hililo isasa.⁸E Saul hiliti lotalo la magasa,la imala eia viage kope la matala, eia katima koramuli ge hilo isa la paga;tio egite sau la lima la egite ba eia soilo e Damaskus.⁹La logo itolu eia kama mamata me eia kama ali kama liu tai.¹⁰E disaipel isa oilo e Damaskus la isala e Ananias.la uru vigagia tetala oilo la matalovila,"Ananias!"a vei mago,hiloa ,eau omaie,Uru."¹¹La uru veiala mago,"hiliti,goilo la gauru la isala e matata,goio la luma te Judas tahi egite la tahalo isasa loio e Tases la isala e Saul,eia oio kakaka.¹²Eia matalovi mae la tahalo isa la isala e Ananias loio ge tau la lima la oata tetala,me la matala ge mata gaga rivu lou."¹³Alamoli e Ananias kolia mago,"uru, eau lolo ti la rere la tahalo alele oio tegite usuti,te la tikumula ale eia igotia soio tegite la valua taume ale maroka oilo e Jerusalem.¹⁴eia abi la vagarila loio tegite la mulugaluga tegite parasio via ge sautola tomi egite ale tola tavu la isamu."¹⁵Alamoli la uru veiala mago,"tuga,eau hilovi ti eia ge guvi mae la tahalo la igolula tegaku, age bole la isagu soio tegite Gentael me egiteu e suara me egite guliki le Israel;¹⁶ eau ge vaihililo leia la tikumula mela iligiligi tomi ale eia ge goilo vola la vuhula tela isagu moli."¹⁷tio e Ananias goio tuga,eia goilo la luma. agoio tau la lima la oata tetala,eia vei mago,soul eme e tabaragu, la uru e Isus, eia sibitala tavu me oio la gauru la imamala eme tatuga somai, eia baha eau la vuhula la matamu ge kope rivu lou eme tai ge volu mela kalulu maroka,"¹⁸oio moli vola la paga isa mae la mata kalkalola paru taro la matale soul, la matala goio matagaga rivu lou,a hiliti goio a vuhi; ¹⁹a goio ali la tuhala toro. eia goio pou vikapopole egite la disaipel oiolo e Damaskus la logo isahari.²⁰oio moli ovola eia soko la valolo la isale Isus oilo la luma la lotu tegite Juda,a vei mago ale e latu le Deo.²¹egite ale loloa karutu sele me egite vei mago,"ale soge la tahalo moli ale igo barabara egite ale oilo e Jerusalem egite ale tola tavu la isa aleie? eia gomaiti ge kisi tola egite ge puli egite soio tela gama gite paraseo." ²²goio e Saul sibitala mae la tahalo ale vagari sele,eia goio viguvi la vipou bara la kabili tegite Jews ale momou oilo e Damascus la vuhula eia vei vagari sele tia mae e Isus eia e kraest.²³mulmuli te la logo isahari,egite Juda viputu mulia ge bili eia.²⁴Alamoli e Pol goio rovi la merera egite kisiale. egite pourobo la mata la bigomu la mautu la logo mela haro viage bili eia.²⁵Alamoli egite la disaipel puli eia tela logo uru visivo eia logala la poke la bigomu,egite kisi la mota oio tela kela isauru visivo leia sotalo.²⁶la imamala eia gomai e Jerusalem,e Saul igo la gabutala la viage tamai utu tegite la disaipel,alamoli egite tomi taga eia,egite kama tautaulailo via eia tai isa la disaipel.²⁷goio e barnabas puli eia vaharia soio tegite la aposel,eia goio veimulia gite mae eia hilo la tahalo uru oio la gauru mela uru vigagia soio tetala,me oio e Damascus e Saul vagari sele la valoka la isale le Isus.²⁸eia goio vikapopo me egiteu,egite goililo gogala polo galili e Jerusalem. eia kama taga a magiri valolo la isa la uru e Isus ²⁹eia vikapopo me egite gresian Juda vipigi la merera te uru,alamoli egite oio mata la gauru ale ge bili eia.³⁰la imamala egite tabarabarala rovia maele,egite puli eia sotalo e saesarea goio bahataro eia soio e tarsus.³¹v 31tio goio,la lotu tomi ale oio e Juda,e galili, e Samaria,taola la tia madila egite kusi soata,me egite,tuga vikapopo me la tilagalaga oilo tela uru mela kalulu maroka.,mela lotu kusi vikapopo mela giligi gite usu sele.³²me goio a sibitala sele mae vola, La imala e Pita tuga tomi tela mautula, eia gotalo tegite la valua te Deo ale maroka egite mahuli oilo la Taon le lydda.³³eia goio poga isa la tahalo la isala e Aeneas,eia mavuta la poro tetal la leava ivalu,eia gulugulu.³⁴ e Pita veiala mago,Aeneas,e Isus kraest vimahuli ti emei. hiliti oata pilu la mulimu,"oio moli vola eia hiliti oata.³⁵ Tio egite tomi ale momou oilo e lydda me sharon hilo la tahalo le egite tomi vulo tavu la uru³⁶tio oilo e joppa la disaipel isa la isala e tabita(la masova la mae e dokas").la tavile ale la vulovulola tartigi sele eia la tavile la baumuli egite ale pou la savelela.³⁷goio la imala isa eia goio lea selea peho; egite goio vipurua,bolea goio vitabulia oio la kapi utu la luma ale tabuli sae oata.³⁸e lydda hagavi moli soio e joppa,egite la disaipel goio loloa mae e Pita oio,egite goio baha la tahalo ilua soio tetala, totosuku eia,"eme gomai harari moli umala igo mokoko."³⁹e Pita goio hiliti tilimuli egira,la imala eia guvi, egite goio pulia soata la kapi utu ale soatata,mata soio egite bahararu oio riva roboroboa,egite goio vahililo leia la kairobo ale e dokas ubia tela imala eia soloio mahuli vikapopo me le giteu.⁴⁰e Pita goio bahataro tomi egite loilo la kapi utu gogala, a goio tototulu otalo,me eia kaka;a goio vulo rivu soio tela matea,eia vei mago,"tabita,hiliti oata."eia goio kope la matala,a mata soio hilo e Pita a goio pou oata.⁴¹e Pita vituri la limala soio vahiliti eia oata; a goio tola egite lavalua te Deo ale matata me egite la bahararu,eia goio vahililoa gite mae eia mahuli rivu ti.⁴²la rere la paga alele tali oilo e joppa, me la valua usu sele tautaulailo oilo tela uru.⁴³e Pita pou la logo usu oilo e joppa vikapopo me la tahalo isa la isala e Saimon,la tataro la.

Chapter 10

¹la tahalo isa oilo la siti e saesarea,la isala e kornelius,e opisa tegite ami ale tola le Itali gapman.²eia la tahalo la lotu sele,eia vikapopo me la luma tetala taga sele e Deo,eia ababia gite ale pou la savelela la uati,mela tahalo la kilaka tavu e Deo la imala tomi.³goio la matala haro ualasiu,eia goio matalovi mae la angelo te Deo gomai tetala. la angelo goio veiala,"kornelius!"⁴e kornelius matavu vagari la angelo me eia taga geru a goio vei mago, la rova le, tibo?" la angelo goio veiala mago,la kilaka mela viabila taume soio tegite ale savelela tugati soata te Deo mae la viabila ale kama ge kokovu oilo la mata la uru.⁵eme ge baha isa la tahalo soilo la sity e jopa ge puli isa la tahalo la isala e Saimon egite tola leia e Pita.⁶eia oio pou tomi le Saimon la halulula,la luma tetala olau la parava,"⁷la imala la angelo ale merera soio tetala tuga,e kornelius tola ilua la tahalo la igolula tetala,me amy tetala isa ale eia vikilipilipia.⁸e kornelius vei tomia gite la paga tomi ale sibitala tavu eia me eia goio baha egite soio e joppa.⁹Tio la logo isa galgeli mae te la mata la haro ivolo,egite tatuga la gauru goio hagavi ti soio la siti,e Pita goata la ba la luma ale soatata sele viage kaka.¹⁰ Eia goio vitolo eia masaga isa la paga ge alia,la imala alele egite la valalua gugutu isahari la ilali,eia goio mata lovi,¹¹Eia goio hilo la mori kope la palo isa loata la mori gotalo,la paga isauru mae la kulkuli gotalo mae la magasa,egite sau la galella iva visivoa sotalo.¹²Oilo vola egite la kalalia tomi ale la vaha gite iva me la papaga ale galagala otalo la magasa,me la malmalu la mori.¹³Goio la golu isa veiala mago:"hiliti,Pita,bilia alia."¹⁴Alamoli e Pita vei mago,ale ge ouka,uru;eau kama alali la kalia ale kama maroka me ale mugu."¹⁵Alamoli la golu gomai lou tetala la vailuala:"la rova e Deo rauvei tia,eme umala ge veia via akama moroka."¹⁶La paga ale guvi tagara tolu; oio moli vola la palo le egite abirivua soata la mori.¹⁷Tio la imala ale Pita tabasusu ti la matalovila eia hiloa me eia tai kama rovi la masovala,matasoio,la tahalo isa e kornelius bahea ogala magirgi ti la mata la bigomu,mulmuli tela tilahi la gauru gite soio la luma.¹⁸Egite tola sogala tahi via souka ge e Saimon,eia moli male egite tola leia e Pita,oio popou la ba alele.¹⁹La imala e Pita soloio gabutala mulmuli la matalovila tetala le,la kalulu maroka mera soio tetala,"mata soio la tahalo itolu pamuli emei.²⁰Hiliti tilimuli egite sotalo.umala makuku la tilimuli giteu, la vuhula ale eau baha egiteu."²¹ Tio e Pita tuga sotalo tela tahalo le veiala mago, "eau moli male amuto matea.la vuhula ilava eme gomaie?"²²E opisa tegite ami la isala e kornelius, la tahalo ale matata eia tai taga sele e Deo,egite la mautu tegite Juda vei taho sele eia,me egite la angelo te Deo ale maroka baha tavu mei ge gomai la luma tetala,la vuhula eia ge lolo la merera loio taume."²³Tio e Pita tola egite soilo me egite pou tomi le eia.galgeli mae la kavkoki eia hiliti tilimuli egiteu,egite tabarabara la isahari loio e joppa harimuli eia.²⁴Goio la logo isa mulmuli vola egite gomai e Saesarea.e Kornelius oio pou tali egiteu;eia tola kapopo ti egite la maratatila tetala me egite tabarabarala ale hagavi tetala.²⁵Goio la imala e Pita tiroro soilo,e kornelius tuga tavu eia boru otalo la vahala viage lotu tavu eia.²⁶Alamoli e Pita vahiliti eia oata,a veia la mago,magiri oata! eau tai la tahalo moli mae eme."²⁷La imala e Pita vigagia soio tetala,eia tuga goilo poga la valua usu sele oilo vikapopo ti.²⁸Eia goio veia giteu mago,"eme lou rovia mae akama koramuli via la tau Juda isage pou vikapopo mela tahalo isapolo ouka ge harilai isa la tahalo la maratatila polo.alamoli e Deo vahililo tileau mae eau kama ge toi la tahalo isa via eia mumugu kama maroka,²⁹Ala eau gomai kama tela vilapula la merera,ale egite baha eau ovola.eau viage tahi eme ilava eme baha tavu eau."³⁰E kornelius vei mago, "la logo iva polo ti tela imala sele alele,eau kaka tela matala haro ualasiu oilo la luma taku,eau hilo la tahalo isa magiri lolagu taku la kairobo tetala kakaha moli.³¹Eia goio vei agu mago,kornelius,e Deo lolo ti la kilaka taume me la viabila taume soio tegite la maura a vigabuta ti e Deo emei.³²Emege bahataro isa soio e joppa,age haritavuamu la tahalo la isala e Saimon la isala isa e Pita.eia oio popou oio la luma te Saimon,olau la parava ³³Oio moli vola eiau baha tavu mei. eme igo taho sele eme gomai. oilo vola,amite tomi sibitala ti omai tela mata le Deo ge lolo tomi la papaga ale la uru vei mulitiamu ge veia."³⁴Goio e Pita kope la harela a vei mago,"la sele la eau hiloa mae e Deo kama taho pepe.³⁵Ouka,oilo tela mautula tomi ere isa taga la uru me eia igo la vulovulo ale matata la uru ge abi eia soio tetala.³⁶Eme rovi la merera ale eia bahea soio te la valalua e Israel,la imala eia valolo la merera la tia madila oilo te Isus kraest,eia e suara _ ³⁷Eme lou rovi la imala ale la papaga ale guvi,a sibitala tomi oilo e Judea, a soko pala oilo e galili,mulmuli tela vuluhi ale e Jon veipalaea;³⁸La vikapopo la alele a te Isus le Naseret,la gauru ale mave e Deo abiri leia la kalulu maroka mela vagrila. eia tuga la baba tomi igo la igolu ale tartigi vimahuli egite ale la kalulu kamakora vagotalo egiteu. e Deo vikapopo me eia.³⁹Amite vei la selela oilo tela papaga tomi ale e Isus igoa, oilo tomi la mautu tegite Juda me oilo e Jerusalem. egite bili eia oio teale egite ratilia oata la tauvalutu,⁴⁰Alamoli e Deo vahiliti rivu lou eia oio tela vaitolu la logo a igoa via egite ge hiloa, ⁴¹Kama egite la valua tomi, a tegite ale veipala la veiselela ale e Deo hilovi ti egite araura _amite ali liu tomileia mulmuli teale eia hiliti rivu loio tela pileho.⁴²Eia vei vagaria mite ge vagogala la merera soio te la valalua ge veia sogala mae eia la hilovila te Deo me a ge guvi mae e Jas kabili tegite ale mahulihuli me egite ale peho ti.⁴³Ale oilo tetala moli egite la propet tomi magiri tela vei selela,la vuhula egite ale tautaulailo oilo tetala ge maramara loio tela iruru tela isala moli."⁴⁴La imala e Pita soloio meramera oilo te la papaga aleie,la kalulu maroka buropu oata tegite ale lolo la merera tetala.⁴⁵Egite la valua ale loio tegite ale korokoro la vovo egiteu me egite ale gomai tomi le Pita _egite karutu sele, la vuhula la kalulu maroka volu tai ti oilo tegite Gentael.⁴⁶La vuhula egite lolo egite Gentael vevei la merera tegite isapolo vaisale e Deo. goio e Pita kolia gite mago,"⁴⁷ Akoramuli la tahalo isa ge sautola rivu la lalu loio tegite la valua ale la vuhula egite kama ge vuhi,egite la valua ale abi ti la kalulu maroka me amite tai?"⁴⁸a vikara vagaria gite ge vuhi oilo tela isale Isus kraest.goio egite tahia ge pou tomi le gite la logo isahari.

Chapter 11

¹Goio egite la aposel me tabarabara gite ale oilo e Judea loloa mae egite Gentael tai abi ti la merera te Deo.²Tio la imala e Pita goata e Jerusalem,egite la malusu la valua ale korokoro la vovo gite mera galolo tialao;³Egite veiala mago, eme loio pou tomi tile egite la valua ale kama koro la vovo gite eme ali tomi ti le giteuo!"⁴Tio e Pita goio soko la ilube matagagea gite la imoimo la tomi,a vei mago,⁵Eau kaka oilo la siti e joppa,eau matalovi la tia isauru loata la mori gotalo,a mae la kulkuli isauru egite visivoa loata la ilo lalage tala galela iva.a gotalo tegaku.⁶Eau matavua goio la gabutala gomai taku. goio eau hilo la kalia ale la vaha gite iva tela magasa,la taua,la kalia ale galagala,la malmalu la mori.⁷Goio eau lolo isa la golu veia gu mago;hiliti oata,Pita;bili ali!'⁸Eau vei mago,'ale ge ouka,uru; la paga ale kama maroka o ale mumugu isa souka goilo la ilo gu.'⁹Alamoli la golu kolia loua loata la ilo lalage mago,'la rova e Deo igo maroka tia,eme umala veia a mugu.'¹⁰La paga ale guvi tagara itolu,goio la papaga tomi beurivua loua soata la ilolalage.¹¹Mata soio, oio moli vola la tahalo itolu magirigiri mamuga la mata la luma ale amite oio vola; egite baha egiteu loio e Saesarea ge gomai taku.¹²La kalulu maroka mera vagaria gu ge tilimuli egiteu me eau umala ge vilele la vuhula tegiteu. egite taume tabarabara ivolo tilimuli eau,amite tuga goilo te la luma te la tahalo le.¹³Eia goio veia mite ale eia hilo la angelo magirigiri oilo la luma tetala me eia Vei mago,baha isa la tahalo soio e joppa ge puli rivu e Saimon ale egite tola leia e Pita.¹⁴Eia ge veia mu la merera ale eme ge mahuli ovola _eme vikapopo mela loa la luma taume.'¹⁵Tio eau soko la merera soio tegiteu,la kalulu maroka goilo tegiteu,mae moli oilo tamite tela silokoloko. ¹⁶Eau gabutala rivu la merera te uru, ale eia vei mago,'la selela e Jon vuhi la lalu; alamoli eme ge vuhi oilo la kalulu maroka.'¹⁷Mae e Deo ge abia gite la viabila ale visauru ale a abia mite tela imala amite tautaulailo te uru Isus kraest,me eau ere,via eau ge magiri robo e Deo?"¹⁸La imala egite lolo la papaga alele,egite kama mera rivu isa la paga,alamoli egite visale e Deo me egite vei mago,"e Deo abitia gite Gentael la vululo te la mahuli tai."¹⁹Egite ale helepa tela magiri robola ale sibitala oata te Stephen egite bubura goio mae e Poenisia,Syprus,me Antiok,egite valolo moli soio tegite ²⁰Juda,amoli isahari tegiteu, la tau Siprus me Sirini,gomai e Antiok egite tai meramera tai soio tegite Grik,veia gite la merera te uru Isus.²¹La lima la uru tabuli oata tegiteu,la gale la valua uru sele tautaulailo me egite vulo tavu la uru.²²La rere gite tali soio la gavusa gite la luma la lotu oilo e Jerusalem, tio egite baha e Barnabas sogala goio mae la ba e Antiok.²³La imala eia gomai hilo la gilogo te la Deo,eia sagege sele agoio tutu tolea gite ge magiri vagari oilo tela uru mela tia gite tomi.²⁴Eia isa la tahalo ale tartigi sele eia volu mela kalulu maroka mela tautaulailo,la valalua usu sele goilo tela uru.²⁵E Barnabas goio tuga gogala mae e Tarsus via ge Mata e Saul.²⁶La imala a poga eia,a puli eia soio e Antiok.a goio guvi mae,la leavala tomi alele egite guvi vikapopo mela lotu egite vimari la valua usu sele. egite la disaipel pala guvi mae e kristian oilo e Antiok.²⁷Tio oilo tela logologo alele egite propet loata e Jerusalem gotalo e Antiok.²⁸Isa tegiteu,la isala e Agabus, a magiri oata la kalulu maroka veiala mae la vitolola isauru ge guvi tela maututula tomi. ale guvi oilo tela imala te Klaodia.²⁹Goio egite la disaipel,mae isasa tegite ale koramuli,egite igo la gabutala gite ge baha la visulila soio te tabarabarala gite ale oilo e Judea.³⁰Egite igoa mae alele; egite sova la uati soio tegite ururu egite viabi le Barnabas me Saul.

Chapter 12

¹ Goio tela imala alele e king Herod tau la limala oata tegite isahari ale tala lotu la vuhula eia ge gima egiteu.²Eia bili e James e tabara le Jon la viso.³Mulmuli vola eia hiloa mae egite Juda sagege ovola,a solo loua goio sautola lou e Pita. ale tela imala tela bret ale is ovola ouka,⁴A sautola eia kaluvu,a goio tau eia oilo la luma la totorobo,a tau polo eia tela ba ale bolabola via egite ami ge baumuli eia; eia gabutala via ge abi eia soio tegite la valalua tela imala pasova.⁵Tio e Pita pou oilo la luma la totorobo,alamoli la kilaka vagari sele soio te Deo loio tegite ale oio tela lotu.⁶La paga logo e Herod raragi ge abi eia sogala tela ilapu matatala,e Pita mavuta kabili la ba le ami ilua,egite kisi tola leia la seli ilua,ogala tela matabala la luma egite ami magiri roboroboa.⁷Mata soio,karutu moli la angelo tela uru sibitala tala balila,la matagaga kaha oilo la luma la totorobo,eia goio sabala la gale le Pita a paloa me a veiala mago,"hiliti harari moli,"la seli goio paru taro la limala.⁸La angelo goio veiala mago,eme kairobo taua la vaha polo taume le."tio e Pita kairobo. goio la angelo vei louala,"kai la kairobo ale sogalagala eme tilimuli eau."⁹Tio e Pita tilimuli la angelo egira a gogala. akama rovia via la rova la angelo igotia asesele. a gabutala via eia matalovilovi.¹⁰La imala egira polo pepe la siloko le gat mela vailuala,egira gogala tela mata la aen ale lagu soio la siti;eia sekela kope bulahu moli. egira gali sogala tuga sotalo la gauru,oio moli vola la angelo heletaro eia.¹¹ Goio la gabutala le Pita beurivua,a goio vei mago,la seselela eau rovia la uru baha egite la angelo tetala gomai utululu ti eau loio la lima le Herod,me loio tomi la rova egite Juda gabutala via age guvi."¹²La imala eia rovia maele,a tuga goio la luma te Mari e tilala le Jon, a tai la isala e mark,la ba alele la valua usu vikapopo egite kakaka.¹³La imala eia tutu ogala la mata ale sogalagala,la tavile la igolu isa la isala e Roda gomai ge kolia.¹⁴Goio la imala a rovi la golu le Pita,eia sagegela pepeho a kati kope la mata; agoio,hari rivu lou soilo la kapi utu; a goio veia gite mae e Pita ogala magirgi oio la mata.¹⁵Egite goio veiala mago,"emei ele la gabutalamu maraparapa.alamoli la tavile vagari via a oio. egite vei mago,"ale soge la angelo tetala."¹⁶Alamoli e Pita kama maila la tulutu la mata,goio la imala egite kope la mata,egite hilo eia me egite karutu sele.¹⁷E Pita goio igoa gite isa la irovilala via egite ge makovu, a goio veia gite ale la uru abitaro eia loio la luma la totorobo. eia veia gite mago, vahari la merera la papaga aleie soio te James me tabarabarala."a goio heletaro egite tuga goio la ba isapolopo lou.¹⁸Goio la paga maga,kabili tegite ami la marapala isa kama sibitala tela rova ale guvi tavu e Pita.¹⁹Ale mulmuli te ale e Herod pamulia a kama pogea,eia tahi suku egite gat me eia vikarara vagaria gite viage bili e gite. a goio hiliti loata e Judea gotalo e saesarea pou oio volao.²⁰Tio e Herod igotolo geru selea gite la valuala e Taire me Sidon. egite tuga soio tetala mela gabutala gite isa moli,egite ali la ilo le Blastus, la vailuala te suara,viage suli egite,egite tahia la tia madila la vuhula la mautu tegite ababi la ilali loio tela mautu te suara le.²¹Oio tela logola e Herod kairobo leia la kairobo tegite la uru me eia pou oata la pulou la uru;a goio igo isahari merera soio tegiteu.²²Egite la valalua tola kahare,ale la golu le Deo!" akama loio tela tahalo.²³Oio moli vola la angelo te la uru sabalea la vuhula a kama vei taho la uru ovola;la pakeso ali la vola me eia peho.²⁴Alamoli la merera te Deo kusi uru me a bubura.²⁵La imala e Barnabas me Saul vikaluvu la igolu tegira,egira beua loio e Jerusalem, me egira puli tai e Jon, ale tola le Mak.

Chapter 13

¹Me oilo la lotu ale oilo e Antiok,egite propet me la tahalo la vimari isahari oilo vola. la isa gite male e Barnabas,e saimon la isa lovula e Niger,e luscious loio e Sairene,e Manaen e patu te tabarale Herod e govana),me saul.²La imala egite lotu tavu la uru mela peremula,la kalulu maroka vei mago,"hilovi poloagu e Barnabas me Saul,egira ge igo la igolula ale eau tola ti egira ge igoa."³mulmuli te ale egite peremu, mela kilaka,egite tau la lima gite oata tegite la valua alele, egite bahataro egite tuga.⁴Tio e Barnabas me Saul roromuli la kalulu maroka egira tuga gotalo e Seleucia; loio tela ba alele egite seli soio la olu le Saiprus.⁵La imala egite oilo la mautu uru e Salamis,egite valolo la merera te Deo oilo la luma la lotu tegite Juda. egite puli tai e jon mak mae la kiloli tegiteu.⁶La imala egite tuga tomi oilo la olu goio mae e Papos,egite poga isa la tahalo la gaumulila,eia isa e propet la vasigologolola loio e Juda, la isala e Bar Isus.⁷La tahalo la gaumulila le vikapopo me gavana,Sergius Paulus,eia isa la tahalo ale kamu mela mari,la tahalo alele baha tavu e Barnabas me Saul la vuhula eia masaga ge lolo la merera te Deo.⁸Alamoli e Elimas "eia gaumulimuli" (la masova la isala mae) putu gale egite. eia tovolaia viage lapu gale e gavana loio tela gauru la tautaulailo.⁹Alamoli e Saul,ale tola taila e Paul,eia volu mela kalulu maroka,eia matavu vagari ti eia ¹⁰eia goio vei mago,eme e latu la hitu,eme volu mela vasigologolola ale kama kokora,eme isa la gima tela paga ale tartigi me a matata. eme kama koramuli ge maila la putu gale la gauru ale matata te uru,eme igoa?¹¹Male Mata somai,la lima la uru oata ti taume,emege ge mata kea,eme kati ge hililo muga la haro."oio moli vola la mavoko mela maligoma paru oata te Elimas; eia soko la polo galili la tatahi egite la valalua ge sautola la limala ge ba eia.¹²Mulmuli te ale e gavana hilo la paga ale sibitala,eia tautaulailo, la vuhula eia karutu sele la vimarila tela uru.¹³Goio e Paul me tabarabarala vagoata la seli tegite oio e Papos egite gomai mae e Pega oilo e Pamphylia.e jon heletaro egite beua soio e Jerusalem.¹⁴E Paul me tabarabarala hari loio e perga gomai e Antiok me pisidia. oio vola le egite goilo la luma la lotu ale tela logo la ivitula egite goio pou otalo.¹⁵mulmuli tela giligi la viturila mela propet, egite la mulugaluga la lotu baha la merera soio tegite, mago, tabarabara gu,mae amuto tahoka isa la merera la tututola la tela valua omae, amuto veia."¹⁶ E Paul magiri oata eia igo isa la irovilala tela limala; a vei mago, "amuto la valua e Israel eme ere ale togo la uru, loloa.¹⁷E Deo tela valua Israel hilovi e tatama gatou eia igo la valalua sili la giligi gite uru sele me egite pou oio la mautu e Egypt, tela lima ale vituria oata eia vituga egite sogala oio vola.¹⁸La leavala savulu iva eia tau eia oata vikapopo me egite oilo la kuepa..¹⁹Mulmuli tela imala eia igo kama kokora la mautu ivitu oilo la mautu e kanaan,eia abia gite la valalua tegato la magasa tegite mae la utu robola tegite. ²⁰La papaga ale sibitala la leavala salatu iva savulu lima mamuga ti. mulmuli tela golgolu ale, e Deo abia gite la ilapu matatala kara mae te propet Samuel.²¹Goio la valalua tahi e Deo isasa e king, tio e Deo abia gite e Saul e latule kish,la tahalo ale loio la maratatila te Benjamin, eiage king la leavala savulu iva.²²mulmuli e Deo abi lelea loio pulou la kingsip, a goio vahiliti e Devit ge guvi mae e king tegite. e Devit moli male e Deo vei mago,'eau pogati e Devit e latu le Jessi via eiage la tahalo ale oilo sele la hategu,eiage igo tomi la rova eau masaga eiage igoa.'²³Loio tela hili la tahalo ale e Deo abia gite Israel la tahalo la vimahuli, e Isus,puru muĺi la vei selela ale a igoa,²⁴Mamuga la guluvi le Isus, e jon valolo la vuluhi la vulo halaba la soio tela valua e Israel.²⁵La imala e Jon hagavi ti ge vikaluvu la igolula tetala, a vei mago,eme gabutala veia eau ere? eau kama eia,alamoli lolo somai, isasa loio mulmuli tegaku la vaha polo oio la vahala eau kama matata ge lulu taroa.²⁶ Amuto tabarabara gu,giliki la hili le Abraham,me egite ale kabili tamuto ale taga sele e Deo, la merera la mahulila egite bahea somai tamiteu.²⁷Egite ale mou oilo e Jerusalem, egite la uru tegite kama hilo matagaga eia, ala egite vipuru la merera tegite la propet ale gigia tela logo la ivitula veia akama koramuli²⁸Alamoli egite kama poga isa la vuhu la mapala pileho oio tetala,egite tahi e Paelat ge bili eia.²⁹La imala egite vikaluvu tomi la papaga tomi ale kekesi tia ile eia,egite abi taroa loata la obu la tauvalutu me egite vitabulia oilo la ova la uati.³⁰Alamoli e Deo vimahuli rivu lou eia loio tela pileho.³¹Egite tomi ale tilimulila loio e Galili goata e Jerusalem hilo eia la logo isahari. egite la valua tomi alele igoe sibitala mae la valua la veiselela tetala soio tegite la valalua.³²Tio ale amite veveia mutou la merera la rova e Deo vei la selela soio te tatama miteu.³³Eia vipuru selea miteu,e latatu giteu,ale eia vimahuli rivu lou e Isus. mae moli ale kekesi tia oilo la buku la bilau te Devit.'eme e latugu,igoe eau guvi mae e tama mutou;³⁴La selela ale eia vimahuli eia tela pileho la vuhula la vovola kama ge parara, e Deo meramera ti la gauru alele:'eau ge abiamu la maroka la mela vibalavala ale eau veitiale Devi.'³⁵Ala eia vei loua tela buku psalm,'eme kama koramuli ge piligi taro moli taume ale maroka ge hilo ale parara.³⁶E Davit igolu la masaga la te Deo oilo la imala tetala,me eia boru mavuta,eia tabuli tomi le tatamala la vovola rovi ale magoa³⁷Alamoli eia ale e Deo vimahuli rivua kama polo la gauru ale ge parara.³⁸Aleie eme ge rovi matagagaea, tabarabara gu,iolo moli tela tahaloaleie la valolo la ilube la iriru goio taume,³⁹ Oio tatala moli egite tomi ale tautaulailo egite maramara loio tela rova la viturila te Moses kama kora muli ge vimaramara eme ovola.⁴⁰Ala eme ge mata rara tela paga ale egite propet vei tia a umala ge sibitala taume:⁴¹Hiloa, eme ale putu lulu, eme ge karutu mulmuli ge kokovu tio; eau igigo la igogolula oilo tela logologo taume, la igolu ale eme kama koramuli muli ge tautaulailo ovola, oio tai mae la tahalo isapolo ge vei palaea mu ovola."⁴²La imala e Paul me barnabas tatuga ti, egite la valalua tahi egira via ge muli lou la valolo la merera ale egira vigali tia tela logo la ivitula.⁴³Goio la vikapopo la tela luma lotu tapasi, egite Juda me egite ale vulo halaba usu tilimuli e Paul me Barnabas, egira vigia soio tegite tutu tolea gite ge magiri tora oilo la gilogo te Deo.⁴⁴La logo la ivitula isa lou, hagavi la siti tomi guvi vikapopo ge lolo la merera te la uru.⁴⁵La imala egite Juda hilo la valua me hatavile, egite tia bara tio egite goio vikara galolo tiale Paul la merera a veia egite mera barea la.⁴⁶Ala moli e Paul me Barnabas vikara vagari mago,"a karamuli sele ge valolo pala la merera te Deo soio tamutou. eau hiloa mae eme sogi lelea loio taume eme hilo eme mae eme kama tartigi tela mahuli ale la tapasi la ouka,hiloa, amite ge vulo ge lagu soio tegite Gentael.⁴⁷La uru vikara vagaria mite,mago,'eau vimagiri ti eme mae la matagaga tegite Gentael, eme ge vahari la mahulila soio tela mautu la magasa tomi."⁴⁸Egite Gentael loloa maele, egite sagege me egite veitataho la merera te la uru. egite usu hilovi ti egite soio tela mahulila ale la tapasi la ouka egite tautaulailo.⁴⁹La merera te uru bubura tomi soio gale la mautula tomi.⁵⁰50Alamoli egite Juda vahiliti egite hatavile ale la magirigiri gite matagaga me egite la valua ale ururu tela siti. egite vahiliti la magirirobola soio te Paul me Barnabas egite pigi egira sogala loiolo tela gale la mautu.⁵¹Alamoli e Paul me Barnabas lugu taro la magasa loio la ilo puli gira soio tegite. goio egira tuga goio la siti e ikonium. ⁵²Egite la disaipel volu mela sagegela mela kalulu maroka.

Chapter 14

¹Tio ale oilo e ikonium e Paul me Barnabas tomi goiolo la luma la lotu tegite Juda egira valolo la valolola tegira isapolo sele egira lapu olu la gale la valua me hatavile usu sele egite e Juda me Greek tomi tautaulailo.²Goio egite Juda ale kama vulo goio igo marapa la gabutala gite Gentael igo egite la tia tikumua gite tabarabara giteu.³Tio egite pou oio la ba alele la imala malau,vagogala la merera vikapopo mela vagarigari la uru,tela imala ale eia abia gite la sesele la gilogo tetala. eia igo la papaga aleie vikapopo mela irovilala mela paga la vikarutula te la lima le Paul me Barnabas.⁴Alamoli egite la valua me hatavile oilo la siti vilele;isahari goio tegite Juda isahari goio tegite la aposel.⁵Egite Gentael me egite Juda vikapopo me egite la mulugaluga tegite tovolaila via kama ge vipou tigi egite,⁶Alamoli la imala egite rovia maele,egite hele soio la mautu e Likaonian te Listra me Derbe mela gale la mautu tomi alele,⁷Oio la ba alele egite solo la valolo la merera te uru.⁸Oio e Listra la tahalo isa pou,la vahala mauba,eia gulugulu ti oilo la ilo le tilala,me eia kama tatuga.⁹La tahalo alele lolo e Paul ale valolo. e Paul goio matavu vagari ti eia a goio hiloa mae eia tahoka la tautaulailo ale ge tartigi rivu lou.¹⁰Tio eia goio vikara soio tetala me la golula oata sele,"eme magiri oata la vahamu."la tahalo le raga soata goio tuga polo galili tio.¹¹La imala egite la valua me hatavile hilo la rova ale e Paul igotia,egite goio avigia tio, oio la merera tegite Likaonia," e gite Deo guvi tahalo ti sotalo tegato." ¹²Egite tola le Barnabas e "Zeus, "e Paul e Hermes," la vuhula eia la tahalo la valolo.¹³E paraseo le zeus, la luma la lotu tetala logala moli la siti; eia vikapopo me egite la valalua masaga ge gutu la opa tegite.¹⁴ Goio la imala egite la aposel,e Barnabas me Paul, egira lolo vutia,egira sile la kairobo tegira goio hari sogala tegite la valalua me hatavile, taliti soio tegite, ¹⁵"Amuto la vala, ilava amuto igo la papaga ale mae? amite tai la tahalo moli, amite visauru moli mae amutou ele. amite valolo moli la merera soio tamutou, via ge amuto ge vulo taro la paga la magasa ge vulo tavu e Deo,ale vipou la mori,mela magasa,la mago,mela papaga tomi ale oilo vola.¹⁶Araura,eia piligi moli egite la valua la mautula tuga mae la masaga giteu.¹⁷Alamoli soloio, eia kama piligi taro molia via isa kamage,magiri la selela, oilo te alele eia igo la papaga ale tartigi me eia abia muto la hura mela haro mela ilali,a vivolu la hate muto la ilali me la sagegela."¹⁸Oio tai la merera aleie,e Paul me Barnabas sautola egite la valalua loio tela viabila soio tegite.¹⁹Tio egite jada isahari loio e Antiok me ikonium gomai ali la ilo giteu la valalua. egite goio dumu le Paul la uati lapu kalavea loilo la siti gogala,egite gabutala via eia peho ti. ²⁰Alamoli la imala egite la disaipel magiri galilia, eia hiliti moli lotalo goilo lou la siti. galgeli mae, eia tuga soio e derbe vikapopo me Barnabas.²¹Egite valolo la merera te uru oilo la siti alele usu tegite guvi mae la disaipel,mulmuli egite beua soio e Listra,goio mae e Antiok.²²Egite solo la igolula vai vagari la kalulu gite la disaipel tututolea gite ge magiri vagari oilo tela tautaulailo,egite vei mago," etato ge tiroro soilo la mautu la sagegela te Deo oilo tela iligiligi isahari."²³Tio egite turi isahari egite la mulugaluga oilo tela luma la lotu tomi,me egite peremu mela kilaka,egite tau egite soio te la lima la uru, ale egite tautaulailo oio tetala.²⁴Goio egite polo oilo e pisidia gomai mae e Pamphilia.²⁵La imala egite valolo la merera te uru oilo e perga,egite tuga gotalo e Attali. ²⁶Loio tela ba alele egite seli mae soio e Antiok, la ba ale egite tau egite soio la gilogo te Deo tela igolu ale egite vipuru tia.²⁷La imala egite guvi oio e Antiok egite tola kapopo la lotu tomoli,egite goio vigile mulia gite la papaga tomi ale e Deo igo tia soio tegiteu,me a kope tai ti la mata soio tegite la Gentael. ²⁸Egite pou la imala malau vikapopo me egite la disaipel.

Chapter 15

¹La valua isahari loata e Judea gotalo e Antiok vimari egite tabarabara gite mae, mago, mae amuto kama ge vali la vovo muto tilimuli la viturila te Moses,amuto kama ge mahuli."²La paga ale abi e Paul me Barnabas soilo la merera ale egite vipigila kabili tegiteu,tio e Paul me Barnabas,vikapopo me egite tabarabara gite kabili tegite,egite turi egite ge goata e Jerusalem ge vikapopo me egite la aposel me egite la mulugaluga ge vikara muli la tilahi alele.³Egite goio,la lotu baha egiteu, polo taro la mautu e poenisia me Samaria goio valoka la mahulila ale halaba egite Gentael abitia. egite vahari la sagegela uru sele soio tegite tabarabara giteu.⁴La imala egite gomai e Jerusalem, la lotu vikapopo me egite la aposel me egite la mulugaluga sagege robo egiteu, egite goio vigile mulia gite la papaga tomi ale e Deo igo tia soio tegiteu.⁵Goio la tahalo la tautaulailo isa,eia loio tegiteu e paraseo, eia magiri oata a vei mago, akoramili ge vali la vovo gite ge vikara vagaria gite ge sautola vagari la viturila te Moses."⁶Tio egite la aposel me egite la mulugaluga pou vikapopo ge gabutala muli la paga alele.⁷Egite vipigi vulola la merera mulmuli, e Pita goio magiri oata me a veia giteu mago, " tabarabara gu, eme rovia la imala isa tartigi pala e Deo igo la hilovi la kabili tamutou, veia tela haregu egiteu e Gentael ge lolo la merera la mahulila me egite ge tautaulailo.⁸E Deo ale rovi la tia gato, eia vei tia gite me eia abia gite la kalulu maroka,mae moliti ale eia igotia gatou.⁹Eia kama vilele lua kabili tegato me egiteu, la hate gite maroka mela tautaulailo.¹⁰Ala oilo vola ilava eme tovolai e Deo,ala eme ge tau la tauvalutu oata la holo gite la disaipel mae moli e tatama gatou bole tia ¹¹Alamoli etato tautaulailo via e tato ge mahu tela gilogo te la uru e Isus, mae moli mae egite."¹²Egite la valua me hatavile pou makovu la imala egite lobagele tavu e Barnabas me Paul veipala la irovilala mela paga la karutula ale e Deo viguvi tia kabili tegite Gentael loio tegiteu.¹³La imala egite vigia kaluvu, e James kolia, a vei mago," tabarabaragu, amuto lolo eau.¹⁴E Saimon vei tia muto mamuga la gilogo te Deo me eia koli egite Gentael la vuhula eia ge abi la valalua ale ge tela isala.¹⁵La merera tegite la propet visauru moli mae aleie, mae ale kekesi tia, ¹⁶'Mulmuli tela papaga aleie eau ge beurivua, me eau ge vimagiri rivu la kale te David, ale tagoro ti sotalo; eau ge tau tigia ge abirivu loua loio te ale kama kokora tio.¹⁷La vuhula la valalua ale piligi ge pamuli la uru, vikapopo me egite la Gentael ale eau tola le gite la isagu,' ¹⁸Ale la rova e Deo vei tia, eia igo la papaga ale igoe etato rovia tela imala ale araura.¹⁹Oio te alele,la gabutala gu mae e tato umala ge igo maraparapa egite Gentael ale vulo tavu ti e Deo.²⁰Alamoli etato ge kekesi soio tegite ge veia gite ge ba malau taro la marapala tela puhi golo,loio tela matabulaka ale kamakora,me la maili la kalia ale egite oua ,mela kasoso,²¹E Moses merera ovola oilo tela siti tomi araura ti te tutubu gatou me eia gigia oilo tela luma la lotu te la logo la ivitula tomi. "²²Eia lagu taho tegite aposel me egite ururu,vikapopo me egite la lotu tomi,he hilovi e Judas tola le barsabbas, me sailas, egira la mulugaluga la lotu, egite baha egira soio e Antiok vikapopo me Paul me Barnabas.²³Egite kekesi aleie: " ale loio tegite la aposel me egite ururu, me tabarabara mutou, goio tegite la Gentael tabarabara mite oio e Antiok, Siria, me Silisia: amite vei taho amuto!²⁴La vuhula amite loloa mae la tahalo tamite sele hiliti taro ti amite, eia kama abi isa la mera vagari la lomai tamite, eia igo marapa ti le amuto la vimarila ale igo bara la kalulu mutou,²⁵A tartigi oilo lou tamite, amite guvi la gabutala isa moli, amite hilovi isa la tahalo ge bahea soio tamuto vikapopo me e tabarabara mite la hate miteu e Barnabas me Paul,²⁶La valua ale kama vitaga la mahuli giteu tela isa la uru e Isus kraest.²⁷Oio vola amite ge baha e Judas me Saelas, egira ge vei louamu la papaga ale visauru moli mae ale egira ge veia oilo la merera tegira lou, ²⁸Eia tartigi pepeho soio tela kalulu maroka me somai tamiteu, ge umala ge tatau la tikumula ale uru loata tamuto amite ge abia muto la papaga ale koramuli sele amutou: ²⁹ Amuto ge ba malau taro la papaga ale egite viabila soio tela puhi golo,la kasoso,la kalia ale oua,la mata bulakalakala ale kamakora, mae eme ge ba malau taro egite,age marasa sele taume.io la matamu ele."³⁰Tio egiteu ele, la imala egite bubura, egite gotalo e Antiok; ale mulmuli te ale egite vikapopo egite la vala, egite abia gite la galau ale egite kekesia.³¹La imala egite gigi kaluvua, egite sagege sele la vuhula ale la mera vagarila. ³²E judas me Sailas, vikapopo me egite la propet,vivagari egite taume tabarabara la merera ale ge vivagari egiteu³³Egite pou la imala malau bakisi oio le mulmuli, egite bahataro egite mela tia madila loio tegite tabarabara gite ale baha egiteu.³⁴. ³⁵ Alamoli e Paul me Barnabas pou rivu oio e Antiok, egira vimarimari valolo(tatuga vikapopo me egite ale isahario) la merera te la uru.³⁶Goio la logo isahari polo e Paul veiale Barnabas mago," e tala ge beurivua ge pahutu lai egite tabarabara gatou ale oio tela siti tomi ale etala valolo ti la merera te uru oio vola, ge hilo lai egite igoti mave." ³⁷Tio e Barnabas masaga molia a goio puli tai agira e jon la isala isa e Mark. ³⁸Alamoli e Paul gabutala via akama tartigi ge puli e Mark, la vuhula eia heletaro egira oio e Pamphilia me eia kati tilimuli egira ge solo la igolula.³⁹Goio la vaigotolola isa hiliti kabili tegiteu,tio egite vilele kabili tegite lou, e Barnabas puli e Mark egira seli mae soio e Cyprus.⁴⁰ E Paul turi e saelas me eia tugatai, ale mulmuli te ale egite tabarabarala abiala la igolula oilo la gilogo te la uru. ⁴¹ Goio eia polo oilo e Syria me cilicia me eia vivagari la lotu tomoli.

Chapter 16

¹E Paul goio tai e Derbe me listra,mata soio,la tahalo isa la isala e Timothy a oio tai la ba alele, e latu la tavile Juda isasa eia la tavile la lotu, alamoli e tamala eia la tau Greek, ²Egite e tabararala ale oio e lystra me ikonium vei tataho sesele eia,³Goio e Paul masaga via eia ge tilimuli eia tio a pulia goio koro la vovola la vuhula tegiteu e Juda ale oio la ba alele, egite tomi rovia via e tamala eia la tau Greek.⁴Tio egira tuga goilo tomi la siti tomi alele, egira abia gite la lotu la veimulila ale egite ge tilimulia, la veimulila ale egite la aposel me egite ururu ale oilo e Jerusalem kekesia,⁵Tio la lotu tomoli abi la vagarila oilo la tautaulailo tegite tio la giligi gite tela logo isasa kukusi uru sele.⁶E Paul me egite ale tilimulia tuga goilo la gale la mautu e phrygia me galatia, ale la imala la kalulu maroka mera taro egite umala ge valolo la merera oilo la gale e Asia. ⁷La imala egite gomai hagavi e Mysia,egite masaga via ge goilo e Bithynia, alamoli la kalulu le Isus mera taro egiteu.⁸Tio egite polo taro e Mysia, egite gotalo la siti le Troas.⁹Goio e Paul mata lovi tela logo: eia hilo la tahalo isa loio e Macedonia oio magirigiri, a tatola eia me eia veiala mago," eme gomai e Mesodonia suli amiteu. "¹⁰La imala e Paul hilo ti la mata lovi lale, oio moli vola amite hiliti soio e Mesodonia, vitapasi la rova e Deo tola ti amite ge valolo la merera soio tegiteu.¹¹Amite ubi la seli loio e Troas, amite hari matata moli soio e Samothrace, goio galgeli mae amite guvi oio e Neapolis.¹²Loio volale amite selea goio e Philipi,eia la siti le Mesodonia,eia la siti sele oilo la gale la mautu alele me la vulovulo egite maesele egite Roman tio amite pou oilo la siti ele lalogo isahari polo. ¹³Goio la lotu lalogo la ivitula amite tuga gogala la mata la bigomu la lalu isa oio vola, amite gabutala via ale ge la ba la kilaka. amite pou otalo goio vikara soio tegite hatavile ale guvi vikapopo tio.¹⁴La tavile isa la isala e lydia, eia la tavile la bilaha la kulkuli ale tataroa oilo la siti e Thytira, eia lotu tavu sele e Deo, eia goio lolo amiteu, la uru goio kope la hatela me eia lobagele tavu la rova e Paul veveia,¹⁵La imala eia vikapopo mela luma tetala vuhi tela lalu,agoio vei tia mite, mago," mae amuto hilo eau tautaulailo sele te uru, amuto gomai pou omai la luma taku,eia ali sele la ilo miteu,¹⁶Toi ale sibitala la imala, ale amite goio la ba la kilaka, tio la tavile la sobe isa gau mulimuli vipoga amite, eia puli la tahalo ale mamuga eia la mavuta mulila. ¹⁷La tavile le hari muli e Paul gomai tamite me a tatola, mago, "Egite la valua ale egite la valua la igolu te Deo ale uru oata sele. egite valolo amuto la gauru la mahuli halaba la."¹⁸Eia igo la igolula alele la logo isahari polo. alamoli e Paul, silaha geru ti le eia, a vulo rivu moli me a veia la kalulu ele," eau bahataro e mei tela isale Isus kraest gali loilo tetala." me a sibitala sele mai vola.¹⁹La imala la mulugaluga tetala hiloa mae la gauru iligo la uati oukati, egite sautola e Paul lapua soi la ba la bilaha la ilali goio la mata gite la mulugaluga.²⁰ La imala egite puli egite soio tela tahalo la ilapumatatala,²²Goio egite la valua hiliti tomi tavu e me Sailas; egita la tahalo la ilapumatatala la iruru sile taro la kairobo tegira goio veia gite ge kue le girua la rod. ²³Lai imamala egite vali la kulue oata tegira,egita veia gite ge bomuli tatao egira. ²⁴Mulimuli eia lolo la merera vagarila egite gat tausuku egite soio la kapiutu ale soil la kapiutu ale soililo me egite kisitola la vaha gira soio la mautu la obu.²⁵Goio la logo uru valiposa e Pol me Sailas kaka me babau la bilau soio te Deo, me egite ale oio la luma la totorobola labagela tavu egira. ²⁶Karutu moli la malugulugu isa uru sibitala, ala la vuhu la luma la totorobola malugu; oio moli ovola la mata tomi kope, me la seni lube taro egite tomi.²⁷La tahalo la bomuli la luma la totorobola hagolo loio la mavutala me eia hilo la mamata la totorobola kope, eia abi la viso tetala veage bili sekea, la vuhula eia gabutala egite tomi oilo la luma la totorobola heleti. ²⁸Alamoli e Pol tola oata tela, vei mago, male amite tomi oioe."²⁹La tahalo la bomuli la luma la totorobola tola la matagata me eia hari soilo, la vovola pariri tela tilaga, eia boru otalo la lagu le Pol me Sailas, ³⁰me eia puli egira sogala me tai mago, "Amula ururu, Eau ge igo mave ge mahuli?" ³¹Egira veiala mago, "Tautaulailo oie te Uru e Isus, eme ge mahuli, eme vikapopo la luma taume."³²Egira vigia la merera te Uru soio tetala, vikapopo egita tomi oilo la luma tetala. ³³Mulimuli la taholo la bomuli la luma la totorobola puli egira laloga alele vui vei la kakali gira, eia vikapopo me egite tomi oilo la luma tetala oio moli ovola vuhi. ³⁴Mulimuli eia puli e Pol me Sailas soata la luma tetala me eia raraga la ilali lolagu tegira, eia sagege sesele vikapopo egite ale oilo la luma tetala, mae iea tautaulailo ti te Deo.³⁵Tio la imamala la paga mamaga, la tahalo la ilapu matatala baha la merera soio tegite gad, vei mago, "Piligi egite ge tuga." ³⁶La tahalo la bomuli la luma la totorobo veia le Pol, mago, "La tahalo la ilapumatatala bahati la merera somai taku veage amuto ge tuga. Oio moli ovola gogala, tuga oilo la tia madidila."³⁷Alamoli e Pol veia gite mago, "Egite kueti amila oio gite la valalua la iruru ouka, amila tau Rom tai--me alamoli egite pigi amila soilo la luma la totorobola. Ila igoe egite masaga ge bahataro kokovu moil amila sogala? Ouka! Egite, lou ge gomai ge vituga amila sogala." ³⁸Egite gad vahari la merera soio tegite la valua la ilapumatatala,la imamala egite loloa mae e Pol me Sailas tau Rom tai, egite taga. ³⁹Egite la valua la ilapumatatala gomai mera gogo soio tegira goio egite puli egira sogala, tai egira ge gogala malau la siti.⁴⁰Ala e Pol me Sailas gogala la luma la totorobola me egira goio la luma te Lidia. La imamala e Pol me Sailas hilo e atamalemalela, egira tutu tola egite mulimuli egira tuga sogala la siti.

Chapter 17

¹La imamala egite polo taro la siti e Amfipolis me Apolonia, egite goio guvi la siti le Tesalonika, la baha alele la luma la lotu tegite Jius. ²La vulovulo gite mae te Pol, ala eia goio tegite, me la logo la Sabat itolu eia pigi la gabutala vikapopo egite loio la merera.³Eia goio kope la buku la merera me eia lubea gite la masovala mae a tartigi te Kraes ge gabu la iligi me age iliti rivu loio tela pileleo. Eia vei mago, "E Isus ale Eau valoloa soio tamuto eia e Kraes," ⁴Egite jius isahari la tia gite vulo me egite goio vikapopo e Pol me Sailas, valalua ale lotu oio Grik usu, me egite hatavivile ale mugamuga isahari.⁵Alamoli egite Jius ale kama tautaulailo, egite hateka bara sesele, egite puli la valalua la iruru loio la baha la maket, tola vikapopo la valalua usu, egite vailiti la siti tali marapa. Egite vikara bara la luma te Jeison, egite masaga ge puli e Pol me Sailas sogala tegite la valalua. ⁶Alamoli la imamala egite kati boga egira lapu kararave e Jeison me tabarabarala isahhari soio la lagu gite la mulugaluga la siti, tatola mago, "Egite la valua ale vulo pepe la maututula sotalo male gomai tie. ⁷Egite la valalua ale e Jeison kaka tavu egite kama tlimuli la totorobo la te Sisa; egite veia e king isa lou ioio e --- Isus."⁸Egite la valalua me la mulugaluga la siti kama pou tigi la imamala egite lolo tomi la merera alele. ⁹Alamoli egite la mulugaluga veiale Jason me egite tomi ge pigi la vati ge totorobo egite, goio egite pitaro egita tuga.¹⁰Tela logo alele e tabarabarale Pol me Sailas bahataro egira soio e Berea. La imamala egira guvi la baha alele, egira goilo la luma la lotu tegite Jius. ¹¹La valalua ale taritigi pepeho tavue egite ale oio e Tesalonika, egite abi la merera vikapopo la iraragi la gabutala, egite pigi volu volo la merera vaka usu ge hilo la mererale ge sesele. ¹²Oio vola le egite usu tautaulailo, vikapopo egite Grik ale vailitiliti la tia isahari hatavivile usu hatamamale.¹³Alamoli egite Jius le Tesalonika rovia mae e Pol valolo la merera te Deo oio e Berea, egite goio vailiti la tia gite la valalua me la tia gite ka tarigi. ¹⁴Goio oio moli ovola, e tabarabara le Pol baea ge goio la mago, alamoli e Sailas me Timoti pou rivu. ¹⁵Egite ale vitatuga e Pol pulia soio la baha malau soio la siti le Atens. La imamala egite hele taro e Pol oio, egite sova la merera soio te Sailas me Timoti ge gomai harari te Pol.¹⁶La imamala e Pol vetatali egira oio e Atens, la kalulula oilo hiliti lava eia hilo la site volu la puhi golo. ¹⁷Ala eia viputu muli la merera oio la luma la lotu vikapopo egite Jius me egite ale lotu tavu e Deo, oio tai oa baha la maket vikapopo egite ale popou oiovola.¹⁸Alamoli egite Epicerien me Sotic la valua la mari pogea, Isahari vei mago,"Ale la tahalo mera babeta ale vevei lava?" Egite ale loio vei mago, "Eia soge tegite ale tatola egite la valua ge tilimuli e deo sapolopolo, "la vuhula eia vei palapala la merera te Isus me la hiliti rivula.¹⁹Egite abi e Pol puli eia soio te Ariopagus, egite vei mago, "Akoramuli amite ge rovi la virmari alaba eme veveiae? ²⁰Eme vari isahari la merera ale sapolo somai la gavusa mite. Ala, amite masaga ge rovi la masova la merera alele." ²¹(Iloa egite tomi Atens me egite ale sapolopolo popou oio ka tela paga isasa lou alamoli la egite masaga ge lolo me vigagia la papaga ale halabalaba.)²²Tio e Pol magiri kabili tegite Areopagus me avei mago, "Amuto la valalua le Atens, Eau hiloa mae amuto tilimuli sesele la viturila tele la lotu oio la gauru tomi. ²³La imamala Eau tuga soio me Eau matamuli la papaga amuto amuto lotu tatavua, Eau hilovuti la ilago oilo la poro tautaulailo tabu, "Soio te Deo la irovila ouka. "Telava mae amuto mukupile la ilotu tamuto, alele Eau vei palea amuto.²⁴Deo ale vipou la maututula me la papaga tomi oilo vola, mae eia la Uru la mautu la sagegela me la magasa, eia kama momou oilo la luma la lotu tigila la lima. ²⁵Loio tai alele la valalua isa kama kolikoli eia la lima gite, mae eia masaga isa la paga, loio la papaga tomi eia lou abia gato la mahuli me la lolovi.²⁶Loio tela tahalo isa eia viguvia la valalua tomi oata la mautu la magasa ge mahuli, tela gabutala muli la logo logo eia turiti agite me la mahuli gite ge tabaha. ²⁷Ala egite tai pamuli e Deo me egite sesele ge gabu muli la gauru ale goio tetala me egite ge pogea. Alamoli eia kama malau loio tegato isasa.²⁸Loio tetala etato mahuli, etato igogolu me etato lapu la lolovi, mae moli la kilekesi la vigile mulila vei mago, Ala etato tai la hilila; ²⁹Oiole, mae etato la Deo mae la gol, la silva o la vati--la tataro guvi mae la puigolo me loio la gubutalala tela tahalo.³⁰Oio vola e Deo mata taro la imamala la gabutala bubula, alamoli igoe eia mere vagari soio la valalua la babaha tomi ge vulo. ³¹La vuhula eia turi ti la logo ale eia ge lapu matata la maututula oio matgagala oio te la tahalo eia turi. E Deo vahiloti agato tomi la valalua mae eia vailitia loio te la pileleo."³²Igoe egite la valalua le Atens lolo la hiliti rivu la pileleo, isahari tegite mera gile e Pol; alamoli egite isahari vei mago, "Amite ge lolo lou soio taume tela merera alele." ³³Mulimuli ele, e Pol hele taro egite. ³⁴Alamoli la valalua isahari tilimulia me egite tauttaulailo, vikapopo e Daionsius le Ariopagait, la tavile isa la isala e Damaris, me egite isahari lou.

Chapter 18

¹Mulimuli tela papaga alele e Pol hele taro e Atens me eia goio e Korint. ²Oio volale eia poga isa la tau Jius la isala e Akuila, la tahalo la mautu le Pontus, eia solo guguvi loio e Itali vikapopo e rutula e Prisila, la vuhula e Klaodius vikara vagari soio tegite tomi e Jius ge hele taro e Rom. E Pol goio tegiteu, ³Me la vuhula eia igogolu la igogolu mae egite igoa, eia pou vikapopo egite me eia igogolu, egit3 la silai la tent la igogolu tegite.⁴Ala e Pol vugagia oilo la luma lotu la logologo la Sabat, eia tovolalia ge lapu la tia gite Jius me Grik. ⁵Goio la imamala e Sailas me Timoti goio e Mesedonia, e Pol abi tomi la imamala tetala soio tela merera, veveiagite Jius mae e Isus eia e Kraes. ⁶Alamoli egite Jius mera roboa me egite vikara bareala, e Pol kai taro la kilai robo tetala me eia veia gite mago,"La kasoso muto ge tuvu loata tamuto lou; Eau maramara. Sokoa igoe Eau ge goio tegite Gentael.⁷Goio eia hele taro la baha alele me eia tuga soio la luma te Titus Jastus, la tahola la lotu tavu e Deo. La luma tetala agagavi soio tela luma la lotu. ⁸E Krispus, la mulugaluga la luma la lotu, tautaulailo te Uru, vikapopo egite tomomoli ale popou oio la luma tetala; me egite Korint usu ale lolo la merera alele tautaulailo me egite vuhi.⁹La Uru veia le Pol tela logo la matalovila, "Umala tetaga, eme vigia moli umala makokovu. ¹⁰Eau ge vikapopo le eme, me isa kage tovolalua ge igo barame. Eau tahola usu la valalua oio la siti aleie; ¹¹E Pol momou oiole la leavala isasa la taio ivolo, vimari la merera te Deo kabili tegite.¹²Alamoli la imamala e Galio guvi mae e gavana te Akaia, egite Jius vailiti la gabutala isa moli ge magiri robo e Pol me egite pulia soio la muli la ilapumatatala; ¹³egite vei mago, "La tahalo alele alali la ilo gite la valalua ge lotu tavu e Deo aka tilimuli la viturimulila."¹⁴La imamala e Pol veiage vikara, e Galiio veia gite Jius,m"Amuto e Jius, mae sesele a la paga la iruru me la bilili, age tartigi sesele ge magiri vikapopo amuto. ¹⁵Alamoli la tilalai ale a tilimuli la merera me la isa me la vituturimulila, amouto lou ge matatea. Eau ka gabutatala ge guvi mae la tahalo la ilapumatatala aleie.¹⁶E Galio veia gite ge hele taro la pulolou la ilapumatatala. ¹⁷Goio egite tomi sautola e Sostenes, la mulugaluga la lotu, egite kuea olagu la muli la polou matatala. Alamoli e Galio kama mamata la rova egite igoa.¹⁸E Pol, mulimuli pou oio logo isahari, tuga taro egite tabarabarala seli soio e Siria vikapopo e Prisila me Akuila. Mamuga eia hele taro la baha le sipi, Censrea, eia sisi taroti la ivula telava eia vikara matagaga tia eia ge igoa. ¹⁹La imamala egite gomai e Efeses, e Pol hele taro e Prisila me Akuila oio, alamoli eia lou goilo la luma la lotu eia vigia vakapopo eigite Jius.²⁰La imamala egite tai e Pol ge pou lou bakisi, eia ka masaga. ²¹Alamoli eia hele taro egite, eia vei mago, "Eau ge beurivu tavu amouto mae a la masasagala te Deo." Eia goio hele taro e Efeses.²²La imamala e Pol purusu oio Saesarea, eia goata vei balava egite me mulimuli eia goio e Entiok. ²³Mulimuli eia pou imamala bakisi oiole, e Pol tuga goio tomi la babae Gelesia me Frigia vivagari egite disaipel tomi.²⁴Goio e tahalo Jius isasa la e Apolos eia loio e Alexanddra, gomai e Efeses. Eia la tahalo la merera me eia rovi sesele la merera te Uru. ²⁵E Apolos loloti la imari te Uru. La kalulula hiliti, eia vigia me vimari tigi sesele la merera te Isue, alamoli eia rovi moli la vului te Jon. ²⁶E Apolos soka la mera vikapopo la vagarila oio la luma la lotu. Lolo eia egira puli galea soiuo la pepe me egira vei muli la gauru te Deo ale matata.²⁷La imamala eia gabu vagari ge tilimuli la gauru le Akaia, egite tabarabarala tutu tatolea me egite kekesi soio tegite disaipel oilo e Akaia ge kaka tavua. La imamala eia guvi, eia koli tigi sesele egite ale tautaulailo tela gilogo. ²⁸E Apolos magiri vagari sesele vagotalo egite Jius oio la lagu gite la valalua la piligi la merera, vailolo egite oilo la merera mae e Isus eia e Kraes

Chapter 19

¹A goio sibitala mae la imamala e Apolos soloio e Korin,me Pol polo soio la kaontri oataeo eia goio la siti e Efeses, me eia poga isahari egite disaipel oio. ²E Pol veia gite mago, "Amuto abi la kalulu Maroka la imamala amouto tautaulailo?" Egit veiala mago, "Ouku, amite kama lolo la merera tele kalulu Maroka."³E Pol vei mago, "Oilo tere lou amuto vuhi?Egite vei mago, "Loio la vului te Jon,"⁴Goio e Pol kolia mago, "E Jon vuhi vikapopo la vululo. Eia veia gite mae amouto ge tautaulailo soio tela tahalo lotigu tegaku, ale oio te Isue."⁵La imamala egite la valalua lolo la merera alele, egite goio vuhi te la isa le Uru e Isue. ⁶Goio la imamala e Pol tau limala oata tegite, la Kalulu Maroka volu tegite me egite kaka oio la merera sapolopolo me egite valolo tio. ⁷Oilo tegite egite savulusa gete lua.⁸E Pol tuga goilo la luma la lotu merera vikapopo la vagarila tele taio itolu, eia vei matagaga me vailiti la tia gite tela Kingdom te Deo. ⁹Alamoli egite Jius isahari la tia gite vagari me egite ka lolo la merera, egite soko la mera bara la Gauru ale kabili tegite la valalua. Goio e Pol hele taro egite me eia puli egite disaipel vikapopo le eia, vei matagaga gite lalogo tomi oio la luma la vimari oio e Tairanus. ¹⁰La vimari ale sukua la leavala ilua, goio egite ale momou oilo e Aisia lolo la merera te Uru, egite tomi e jius me Grik.¹¹E Deo igogolu vagari sesele tela lima le Pol, ¹²A selea soio la henkasif me la kulikuli mae era pilaua eia goio te gite ale lalea la ilea kaluvu me la kalulu kokora hele taro egite.¹³Alamoli egite Jius isahari hililo la kalulu tatuga la baha alele. Egite tola la isale Uru e Isue egite ge tahola la vagari ge vagotalo la kalulun kokora la imamala egite ge vei mago, "Tela isale Isus ale e Pol valoloa, Eau baha tarome ge gali sogala; ¹⁴La mulugaluga tegite Jius isa e Skiva, eia tahola e latatula ivitu igigo la papaga alele.¹⁵La kalulu kokora kolia gite mago,"Isus Eau rovia, e Pol Eau rovia; alamoli amuto ere?" ¹⁶La kalulu kokora oilo tela tahalo hele taroa raga soio tegite ale hililo la kalulu me la kalulu kokora vagari egite me lima tola egite. Goio egite hari kalakala sogala la vovo gite, kasoso tomi. ¹⁷Egite la valua tomi lolo la rere gite, egite Jius me egite Grik, ale momou oio e Efeses. Egita taga sesele, me laisa le Uru e Isus egite togoa.¹⁸Oio tai, usu tegite ale tautaulailo gomai ve pala la sesele la rova la papaga ale ka tariti egite igotia, ¹⁹Usu tegite ale gaumulimuli abi vikapopo la buku tegiteu somai selua tela la mata la valalua tomi. La imamamala egite gigi olua, la papaga ale la tausen savulu lima la bautu la silva. ²⁰Tio la merera te Uru bubura sogala la babaha tomi mela vagargarila.²¹Goio ePol vikaluvu la igogolu tetala oio e Efeses, eia goio igo la gabutalala oilo tela Kalulu ge polo mae soio e Masedonia me Akaia oio la tulugaluga tetala soio e Jerusalem; eia vei mago, "Mulimuli Eau goio, Eau ge hilo tai e Rom." ²²Goio e Pol baha ilua e kolia tetal soio e Macedonia, e Timoti me Erastus. Alamoli eia sesele veiage pou muga bakisi oio e Eisia²³Oio te la imamala alele la mareregola kama bisi oilo e Efeses me oio te la gauru. ²⁴Goio la tahalo ale igogolu la silva isa la isala e Demerius, eia abi la silva puhi la puhi golo le Atemis,eia viguvi usu la gauru la vati tegite ale igogolu la puhi golo. ²⁵Tio eia tola vikapopo egite la valalua ale pupuhi la puhi golo me a veia gite mago, "Tahalo uru, amuto me rovia oilo tela igogolu ale etato igolu la vati uru sesele.²⁶Eme hilo tai me lolo tia mae, kama oio moli e Efeses, oio tai la baba e Eisia, la tahalo e Pol hali la tia gite me eia abi rivu usu egite la valalua. Eia vei mae e deo isahari lou ka gite pui egite la lima. ²⁷Kama oio moli la tilaga mae la vulovulo la iloto la pui golo ge ukati, la luma la lotu te deo ale atavile e Artemis tai ge guvi mae la paga bubu moli. Mulimuli la vagarigari la ge uka, la lotu tavua,"²⁸La imamala egite loloa maele, egite igototolo sesele me egite tola oata, vei mago, "E Atemis eia la uru te Efeses." ²⁹La valalua tomi la siti volu vikapopo la gabutalala isa moli soio la baha ale egite vukokue ovola. Egite soutola egite ale tilimulimuli e Pol, Gaius me Aristakus, egira lolo e Masedonia.³⁰E Pol masage ge goilo kabili tegite la valalua alele, ala moli egite disaipal pitaroa. ³¹Egite tai, ale igogolu oio la mautu e Eisia egite tai e taume tabara le eia baha la merera tutu tatola eia umale ge goilo la baha la vukokuela. ³²Egite la valalua isahari tatola isa la paga,me isahari tola polopolo lou isa la paga, la valalua gabili gabutatala papai, Egite usu ka rovia ilava egite vika popo.³³Egite la valalua isahari kabili la merera soio te Alexandra, egite Jius tutua ge golagu. Ala e Alexandra tau la lima soata kapi la are gite, eia masaga ge magiri robo egite la valalua alele. ³⁴Alamoli la imamala egite rovi tia mae eia e tau Jius, egite la valalua tola oata la,kolu isa moli kara la haoa ilu, egite vie mago, "E Atemis eia Uru te Efeses."³⁵La imamala la tahalo la kilekesi la igogolu la siti vagotaloti la mereregola, eia vei mago, "AMuto la valua e Efeses, ere tamuto la valua oilo ka rovia mae la siti e Efeses saotola la lotu tavu la uru e Atemis me la pui golo ale paru loata la mori? ³⁶Eau hiloa mae la paga alele eme kage vikara taroa, amouto makovu me umala vailiti la igo totolola ³⁷Amoto abi la valalua ale somai la ilapu matata la iruru mai moli egite pakalikali oilo la luma la lotu o vikara barabara e deo tegato ale hatavile.³⁸Ala, maemoli e Demetrius me egite la valua la pului la puigolo vikapopo le eia vaubi la merera soio tegite isasa, la vulovulo la mulugaluga le gavman oio. Akora egite ge vaubila la merera. ³⁹Alamoli mae amuto pamumuli lou la iruru isahari lou, isoge amuto ge vimatatea oio la imamala la vikapopo. ⁴⁰Tela baha alele amite gabubarea mae egite ge ubi la merera soio tamite tela vikokuela igoe. La vuhula pou barabarale ouka, me amite kama karamuli ge tau tigia.

Chapter 20

¹Mulimuli la vaubi la merera kaluvu, e Pol tola vikapopo egite disaipel me eia vei vagaria gite, eia vei balava egite goio ele taro egite soio e Masedonia. ²La imamamla eia goio la babaha alele me eia vei vagaria gite la merera, eia goio e Gris. ³Mulimuli eia puo la taio itolu oio, egite Jius viguvi la gabutatalala veiage igo la iruru soio tetala la imamala eia veia ge goio e Siria, goio eia vulo la gabutalala ge beu rivua soio Mesodnia.⁴Vikapopo le eia kara e Eisia e latule pihus le Berea; Aristakeus me Sekundus, egira loio Tesalonia egira tautaulailo; Gaius le Debe; Timoti; me Taitsikus me Trofimus egira loio Eisia. ⁵Alamoli egite la valalua ale muga soio me egite vetatali amite oio e Traos. ⁶Amite sae sipi loio Filipai mulimuli lalogo la bereti laist ouka ovola, mulimuli lalogo ilima amite goio tegite oio e Traos. Oiole amite pou lalogo ivitu.⁷Oio la silokoloko la vika, la imamala amite vikapopo ge tovi la bereti, e Pol vigia soio tegite ale tautaulailo. Eia gabutala ge tuga lalogo ale mulimuli, ala eia vigia moli lalogo kara posa. ⁸La lamu usu oata la rum oio la baha la vikapopopa.⁹La maure laba isa popou oio la vidua la isala e Utikas, eia gabu la matatulula uru. La imamala e Pol vigia malau, la maure alaba le, solo mavuta, eia boru loata la rum vaitolula me egite veige bolea mae eia peoti. ¹⁰Goio e Pol gotalo, mavuta loata tetala, me eia boleitia. mulimuli eia ge veiala, "Amuto umala gubutala papai, eia ge mauli lou."¹¹Goio eia goata lou la rum tovi la bareti me egite alia. Mulimuli eia vigia tegite la baha malau kara la aro porosile, eia ele taro egite. ¹²Egite puli rivu e giliki bisi mauli ele soata me egite gabu tatao sesele.¹³Amite lou tuga mamuga te Pol oio te sipi me amite seli soio e Asos, oio la baha alele amite tau la gabutatala veiage tau e Pol oio te sipi. Ale larova eia lou masaga ge igoa, telava eia gabutala ge polo oio magasa. ¹⁴La imamala eia poga amite oio Asos, amite visaea te sipi me amite polo soio Mitaelin.¹⁵Goio amite seli loiole guvi lalogo isa mulimuli loio la bali la holu e Saios. Lalogo isa lotiguo amite polo mae soio la holu e Samos, lalogo isalou mulimulio amite guvi oio la siti e Maeltus. ¹⁶E Pol gabutala ge seli mai soio e Efeses, ala eia kamage pou bubu moli oio e Eisia; ala eia igo harari ge goio Jerusalem te lalogo e Pentekos, mae moli age taritigi tetala.¹⁷Loio e Maeltus eia baha isahari egite la valalua soio e Efeses me eia bahatavu egite ururu la luma la lotu. ¹⁸La imamala egite gomia tetala, eia veiagite mago, "Amuto lou rovia, loio la silokolokola mae Eau toa oio e Eisia, maimoli Eau tau la imamala uru vikapopo amutou. ¹⁹Eau soloio tilimuli la tahalo Uru vikapopo la gabutatala lotalo sesele me vikapopo la masali, me la pulou barala ale guvi tegaku telava egite Jius gabutala ge bili eau. ²⁰Eme rovia mae Eau kama makokovu tela vei palea muto la papaga ale tarigi, me mae Eau vimari amuto oio la matagite la valalua me loio la luma isa soio la luma isa lou. ²¹Vei palapal soio tegite Jius me Grik la vulovulo la vulo soio te Deo me tautaulailo soio te Uru e Isus.²²Mamata Eau goio Jerusalem, la Kalulu vigagia la tiagu, kama rovia lava ge guvi tegaku oio, ²³Alamoli la Kalulu Maroka vei palaeagu soio la siti tomomoli mae la kilisilisi me la tikukumula vetatali eau. ²⁴Alamoli Eau kama gabutala la mauligu uru loata tegaku lou, mae moli Eau vikaluvu la irari me polo pepe la igogolu mae Eau abia loio te Uru e Isus, ge veipalapala la merea te la gilogo te Deo.²⁵Mamata, Eau rovia mae kabili tamuto, ale Eau vagogalagala la merera kingdom, katige ilo lou la lagugu. ²⁶Mai moli Eau veipalati amuto igoe, mae Eau ka isa la vigia la kasoso muto la,valua isasa. ²⁷Alamoli Eau kama sautola rivu la viepala la gabutalala te Deo soio tamuto.²⁸Ala matarara soio tamuto lou, me soio tegite la valalua ale la kalulu Maroka abitia muto ge totoro tegite. Matarara ge vikipitola la valalua la lotu te Deo, ale eia loto rivu egite la kasosola. ²⁹Eau rovia mae mulimuli Eau ge tuga, egite la paia ale hatemamasi ge gomai tamuto me egite kama ge itaro isasa amuto. ³⁰Eau rovia mae kabili tamuto egite la valua isahari ge gomai ge vulo la merera sesele ge lapu taro egite disaipel ge tilimuli egite.³¹Ala amuto matarara, Gabutala mulia mae la leavala itolu Eau kama maila la veimulitigia amuto tomi la merera vikapopo la masaligu la logo me la haro. ³²Igoe Eau tau amuto soio tela lima le Deo me la merera tela gilogo, ale ge vikusi amuto soata me ge abiamuto la pulou tigila ale mulimuli soio tamuto ale marokati.³³Eau kama sesele masaga la silva, la gol me la kairobo tegite la valua isasa. ³⁴Amuto lou larova eau masagea me larova egite ale vikapopo eau masagea. ³⁵Oio tomi la papaga alele Eau guvi mae la milatalata amuto ge iloa ge gabutala muli la merera te Uru e Isus, la merera eia lou vevia: A taritigi pepeo ge viabi loio te la ilaba.'''³⁶Mulimuli eia pigi la merera mae, eia toto tulu otalo me eia kaka tegiteu tomi. ³⁷La tilali loio la baha tomi me egite soutola te Pol me egite piua. ³⁸Egite gogo seselea telarova eia veitiagite, mae egite kati ge ilo lou la lagula. Goio egite tuga vikapopo eia soio te sipi.

Chapter 21

¹La imamala amite tuga taro egite amite seli tio, amite sele soio la siti e Kos, me lalogo mulimuli amite goio la siti e Rods,nmulimuli ovola amite goio e Patara. ²La imamala amite poga e sipi ale goio e Foenisia, amite sae soata goio seli tio.³Mulimuli amite ilo moli e Saiprus, loio la pepe le boti e meru, amite seli soio Siria me amite poru oio e Taia, oiole e sipi vipurusu isahari la papaga. ⁴Mulimuli amite poga egite disaipel, amite pou oio lalogo ivitu. Loio te la Kalulu egite tutu tola e Pol umala ge goio e Jerusalem.⁵La imamala la logo la pololou oio kaluvu, amite tuga polo soio la baha isasa, goio egite tomi me e ruturutu gite me e latatu gite, vahari amite sogala la siti. Goio amite toto tulu otalo la parava, kaka, ⁶me amite tataro egite isasa. Goio amite sae te sipi,me amite beu rivua soio la mautu.⁷La imamala amite vikaluvu la tulugaluga loio e Taia,,amite guvi oio e Polemais. Oio le amite vei tatao egite tabarabara mite me amite pou oio la logo isasa. ⁸La logo isa mulimuli amite tuga soio e Kaesarea. Amite goio la luma te Pilip, eia e evengelis, eia isa tegite la tahalo ivitu, amite pou vikapopo eia. ⁹La tahalo aleie taola ivaha e latula ale hatavivile souka taulai egita vagogalgala la merera te Uru.¹⁰Amite pou oio lalogo isahari, la tahalo Judea eia isa profet loio tatuga somai la isala e Agabus. ¹¹Eia gomai tamite abitaro la kilisilisi la kairobo te Pol. Eia kisi la vahala me la limala goio eia vei mago, "La kalulu Maroka veia, Egite Jius ale oilo e Jerusalem ge kisitola la tahalo la kilisilisi la kairobe tela maleie, me egite ge tau eia soio te la lima gite Gentails.'''¹²La imamala amite loloa maie, amite me egite la valalua ale momou la mautu alele vei sukuale Pol umala ge goio e Jerusalem. ¹³Goio e Pol vibaolia gite mago, "Amuto igiglo lavale, taitali ge igo gori la tiagu? Eau raragi,,ka tela kisitola moli, tela pileo tai oilo e Jerusalem tela isale Uru e Isus."¹⁴Alamoli e Pol kama koramuli ge lolo amite, amite pou makovu moli me goio amite vei mago, "Maimoli la masasagala te Uru ge guvi."¹⁵Mulimuli la logo alele, amite abi la beki tamite me amite goata e Jerusalem. ¹⁶Egite disaipel isahari tai ale loio e Kaeseria tuga vikapopo amite. Egite puli vikapopo egite la tahalo isa la isala e Mnason, eia loio e Saiprus, pala eia e disaipel,,ale amite mou vikapopo.¹⁷La imamala amite guvi oio e Jerusalem, egite tabarabara mite sagege sesele kaka tavu amite. ¹⁸La logo mulimuli e Pol tuga vikapopo amite soio te Jeims, me agite ururu oio tomi. ¹⁹La imamala eia kavukoki agite, eia vipala gite tomi isasa la papaga ale e Deo igotia kabili tegite Gentaels oio la tilola tetala.²⁰La imamala egite loloa, egite vaisale e Deo, me egite veiala mago, "Eme iloa, tabaragu, la tausen irivati tautaulailo ti kabili tegite Jius. Egite tomi tauti la gabutatalala uru ge sautola la tuturimulila. ²¹Egaite veipala tiagite emei, mae eme vimari egite tomi e Jius ale momou kabili tegite Gentaels ge hele taro e Moses, maie eme veia gite kama ge koro la vovo gite bisis atamalele, me egite kama ge tilimuli la vulovulo gite ururu pala.²²Etato ge igo lava? Egite lolotia mae eme guviti omai. ²³Ala igo lava amite veveiamu. Amite tahola ivaha la valua ale vikara matagagati. ²⁴Abi egite la valua alele me vimaroka eme lou vikapopo egite, loto agite la rovarova tegite, mae egite ge sisi taro la gama gite. Mae egite tomi ge rovia mae la merera tomi eme veitia gite aka sesele. Egite lolovulai mae eme tai tilimulimuli la tuturimulila.²⁵Ala tilimuli la gabutata gite Gentails ale tautaulailo, amite kekesi me abia gite la merera mae egite umala ge abi la papaga ale abitia gite la puigolo, loio la kasoso, loio larova eme ilovitia ka." ²⁶Mulimuli e Pol puli egite la tahaloalo ale, me la logo mulimuli eia vimaroka eia, lou vikapopo egite. Mulimuli egite goilo la,luma la lotu, vei pala erese la imamala la logo la vimarokala ge sibitala me la vabila ge abiagite isasa.²⁷La imamala la logo ivitu ge agagavi ge kaluvu, egite Jius ale loio e Eisia, iloti e Pol oilo la luma la lotu, vailiti la tia gite la valalua tomi me egite tau la lima gite oata tetala. ²⁸Egite tatola mago, "Valalua Israel, la valua tomi oio la babaha tomi la mererea ale magiri robo la valalua, la tuturimulila, me la mautu aleie. Loio tai ovola, eia puli tai egite Grik soilo la luma la lotu me eia igobarati la ba tabou. ²⁹Ala mamugati egite ilo Trofimus la tahalo e Efesia vikapopo le eia oilo la siti, me egite gabutala e Pol pulia soilo la luma la lotu.³⁰Egite la valua la siti sagege, me egite hari vikapopo sautola te Pol. Egite lapu kararavea sogala la luma la lotu, me la mata tomi kapi loio moli ovola. ³¹La imamala egite veage bilia, la merera sibitala te la mulugaluga te cepten la totorobola mae la valalua Jerusalem la mareregola uru sesele.³²Loio moli ovola eai puli egite soldia me la mulugaluga tomi hari sotalo tegite la voluvolu la valalua. La imamala egite la valalua ilo la mulugaluga tegite soldia ale soatata vikapopo egite soldia, egite maila la kulue le Pol. ³³mulimuli la mulugaluga tegite soldia ale soata goio sautola e Pol, me eia vei sukuala ge sikitolea ilua la cein. Goio eia taia mae ale ere me eia igo lava.³⁴Egite isahari kabili tegite tatola isa la meremera me egite isahari lou tola polopolo la merera sapolo. Goio la mulugaluga le soldia kama vei isa la merera telava la mareregola, eia tau la merera soio te Pol egite ge pulia soio la luma la totorobola, ³⁵La imamala eia goio la leta, egite soldia pulia lavuhula egite la voluvolu la valalua la mererego. ³⁶Goio la voluvolu moli la valalua tilimulia lotigu tola susuku moli oata, "Puli galea!"³⁷La imamala egite puli e Pol soilo la luma la totorobola, eia veiale la mulugaluga tegite soldia mago, "Eau karamuli ge veiamu isa merera?"La mulugaluga tai mago, "Eme vikarakara tai e Grik? ³⁸Eme kama lou e tau Egip ale sosoko la vikokuela la logo ale tuga tio me eme muga tavu egite la valalua la tausen ivaha ale 'Bilibili; soio la kuepa?³⁹E Pol vei mago, "Eau e tau Jiu, loio la siti le Tasus oilo e Silisia, Eau la tahalo la siti ale sapolo. Eau kaka tavume, abiagu la imamala ge vigia soio tegita la valalua." ⁴⁰La imamala la mulugaluga le soldia abiala la muli, e Pol magiri oio la leta me eia veipala vikapopo la limala soio tegite la valalua, La imamala la tasi makovu sesele, eia vigia soio tegite la vigiale Hibru. Eia vei mago,

Chapter 22

¹Tabarabaragu me tatamagu, amuto lolo la merera taku eau ge vagogalea soio tegite ale ubi le eau la merera." ²La imala la valua me hatavile lolo e Pol veveia gite la merera e Hibrew, Egite pou makovu tio. eia vei mago.³Eau la tau Juda, e tila taposa eau oio la mautu la parao e Tases te Cilicia, Eau vimari omai la mautu la parao lotalo la vaha le Gamaliel. Egite vimari eau ge tilimuli tomi la viturila te tatama gatou.Ala eau tilimuli e God mae moli amuto tomi tilimulia igoe.⁴Eau bili egite la valua tela uru,eau sautola egite la valua me hatavile usu tau egite te la luma la totorobo,⁵Egite la gama gite paraseo me egite ururu ge veipalaea, Eau abi la galau loio tegite te tabarabara gato oilo e Damascus, viage goio ge sautola egite ale tilimuli la gauru alele ge gomai e Jerusalem ge abia gite la iligiligi.⁶La imala isa eau tatuga la gauru hagaviti soio e Damascus, te la haro buruko igo hari sele la matagaga isauru paga tavu eau loata la ilo lalage.⁷ Eau boru sotalo la magasa goio eau lolo la golu la tahalo isa tola eau loata la ilolalage mago ,Sol, Sol La vuhula ilava eme igo barabara eau?'⁸ Eau koli la merera tetala mago, Eme ere, Uru? Eia goio veiagu mago, Eau e Isus le Naseret,ale eme igo barabarea.'⁹Me egiteu ale vikapopo mele eau hilo la matagaga le, Ala moli egite kama rovi matagaga la golu ale meramera somai taku.¹⁰Eau veimago,'Eau ge igo la rova, Uru?' La uru veiagu mago, Emege hiliti goilo e Damascus,'oio volale la tahalo isage veiamu la rova eme ge igoa.'¹¹ Eau kati koramuli ge matalou la vuhula la maga la matagaga le igo la matagu maligoma, ala egite ale vikapopo me eau sautola la limagu, me egite ba eau soio e Damascus.¹²Oio tela ba alele la tahalo isa gomai hilo eau isala e Ananias, Eia la tahalo tela uru me eia tilimuli tomi la viturila te uru me eia la isaisa kabili tegite Juda oio tela la ba alele.¹³Eia gomai magiri hagavi tegaku, me eia vei mago, 'tabaragu Sol, la matamu ge kope lou,'me tela imala alele la matagu kope eau hilo eia.¹⁴Eia vei mago,e God te tatama gato hilovi timei ge tilimuli la masaga la tetala, me ge hilo la matatala tela uru, mege lolo la golu loio sele la harela.¹⁵Ala a masaga emege veipala tomia gite la valua me hatavile la rova eme hiloa ale eme loloa.¹⁶Ala eme poutali la rova? hiliti,emege vuhi, tola tavu la isala me eiage abi lele tomi la iruru tame,'¹⁷Mulmuli eau beua soio e Jerusalem, Goio la imala isa eau goio kaka oio la luma la lotu, eau goio hilo isa la paga mae la matalovila.¹⁸Eau hilo eia veiagu mago,'igoharari eme heletaro e Jerusalem eme tuga, la vuhula egite kama ge tautaulailo tela rova eau igo tia soio tame.'¹⁹Alamoli eau vei mago, Uru, Egite lou rovia eau tau egite la valua me hatavile te la luma la totorobo, kue egite ale tautaulailo oiolo taume oilo tela luma la lotu tomi.²⁰ Eau vikapopo me gite la imala la kasoso la tahalo la igolu taume pagele , eau magiri vikapopo me giteu me eau baumuli la kairobola tegite ale bili eia.'²¹ Alamoli la uru veiagu mago ,'Eme tuga la vuhula eau ge bahame soio tela valua me hatavile ale sobali.""²² La valua me hatavile lolo eia ale valolo goio la imala eia vei alele, Egite goio kahareala veiala mago, "vitapasi la mahuli la tahalo ale otalo la mautu la magasa, Akama tartigi age mahuli moli."²³ La imala egite kaharare,egite abila magasa mela kairobo tegite pigia soata la ba,²⁴ Goio la mulugaluga tegite la valua la vaubi veia gite valua tetala puli e Pol soilo tela ba tegite. A goio veia gite ge kuela la kada ge tahia la vuhula ilava egite kaharareala.²⁵La imala egite kisitola e Pol la mota,E Pol goio veia la tahalo la vaubi ale magi la balila mago, La viturila via ge kue isa la tau Rom mae a souka ge magiri tela ilapu matatala ea?"²⁶La imala la tahalo la vaubila loloa maele, eia goio te la muluga luga tegite veiala mago, "Eme ge igoa mave? la tahalo ale eia la tau Rom."²⁷Goio la mulugaluga tegite tahi e Pol mago, Eme ge veiagu, eme la tau Rom sele?" E Pol baoliala mago, asele."²⁸La mulugaluga tegite koliala mago, Eau pigi la gale la uati uru sele ge sibitala mae la tau Rom." E Pol veila mago, Eau tila taposa eau mae la tau Rom." ²⁹La tahalo la vaubi ale gomai viage tahia beurivu moli tia. La mulugaluga tegite tai taga, La imala a rovitiame E Pol eia la tau Rom, lavuhula a kisitola eia.³⁰La logo isa polo, la mulugaluga tegite masagage rovi la seselela ilava egite Juda mera galolo ale Pol,Eia goio lube eia kaluvu a goio tola vikapopo egite la mulugalua tegite paraseo me kansel.Agoio puli e Pol gomai vipou posea kabili tegiteu.

Chapter 23

¹E Pol ubi la matala soio tegite caonsel me eia vei mago, "Tabarabaraga, Eau mou lotalo te Deo vikapopo la tia ale tartigi karatie," ²La mulugaluga le prist e Ananias vei sukua giteu ale magiri agagavi tetala ge kapi la arela.³Goio e Pol veiala mago, "E Deo ge bilime, eme veige tau robo la iruru. Eme veiage tau tigi Eau loio ta tuturimulila, loiovola eme veia gite ge bili Eau, ale ka tilimuli la totorobola?⁴Egite ale magiri agagavi vei mago, "Ale lava eme vikara bara la mulugaluga te prist te Deo?"⁵E Pol vei mago, "Eau kama rovia, tabarabaragu, mae eia la mulugaluga te prist. La kilekesi vei mago, Eme umala vikara bara la muluga tamuto la valalua.⁶La imamala e Pol iloa mae egite la gale le caonsel isahari Sadusi me egite isahari Farisi, eia vigari oio tegite caunsel, "Tabarabaragu, Eau isa Farisi, e latule Farisi. Alamoli loio tela tautaulailo tela hiliti rivula me la pileleo mae Eau taoka la merera ubi la tiagu." ⁷La imamala eia vie mago maio, la igototolola guvi kabili tegite Farisis me sadusi, me egite silipola la tete la valua ilua.⁸Egite sadusi vei mago la hiliti rivula ouka, e angelo ouka, me la kalulu ouka, alamoli egite Farisis veia la paga tomi oio⁹Ala la mareregol uru hiliti, me egite la valalua la kilekesi la merera isahari loio tegite Farasis magiri oata korosi robo, vei mago, "Amite kama ilo la iruru loio te la tahalo aleie. Mai la kalulu o angelo vigagia tetala age mave?" ¹⁰La imamala la korosila uru hiliti, la mulugaluga tegite soldia taga egite souka sile kurakura e pol, ala eia veiagite soldia ge gotalo puli taroa loio kabili tegite caoncel, me egite varia soio la luma la totorobola.¹¹La logo ale mulimuli la Uru magiri la balila me avei mago, "Umala tataga, eme vei palapala eau oilo Jerusalem, ala eme ge vei taia gite ale oilo e Rom."¹²La imamala la haro porosile, egite jius vailiti la gabutalala ge bili me egite volu la tia barabarala egite veia kaga ali ouka liu kara egite ge bili e pol. ¹³Egite la tete la valua loata te savulu ivaha vailiti la gabutala la bilili alelel.¹⁴Egite goio te la mulugaluga tegite prist me igite ururu me egite vei mago, "Amite tau lou amite lotalo la tia barabarala, kage ali isa la paga kara amite ge bili e pol. ¹⁵Igoe, mae, eme ge veia gite la caonsel ge veiala mulugaluga tegite soldia ge pulia sotalo taume, mae eme ge taulo la iruru tetala asesele. Loio tamite, amite raragi ge bilia mamuga age gomai.¹⁶Alamoli e latule hatavile le Pol lolo mae egite visigologolo la wetittatali, aka eia goio la luma la totorobola veiale pol. ¹⁷E pol tola la mulugaluga la gale le soldia isa veala mago, " Puli la tahalo bisi soio tela mulugaluga tegite soldia, eia tahola isahari lapaga ge veiala.¹⁸Ala la mulugaluga tale gale le soldia puli la tahalo bisi soio la mulugaluga tegite soldia me vei mago, " E Pol amuto totoroboa tola eau soio tetela, me eia tai eau ge puli la tahalo bisi somai taume. Eia tahola isahari la merera ge veiamu."¹⁹La mulugaluga le soldia puli kokovua sogala me eia taia, "Ale lava eme masaga ge veigu?"²⁰La maure alaba bisi vei mago, "Egite Jius la tia gite isasa moli veage veamu ge puli e Pol sotalo tegite caonsel galigeli, mae egite ge tai la iruru te tala mave. ²¹Alamoli umala itaro pagolo agite, telava egite la tete la valua loata te isavulu ivaha ale visigolo ge weti tatalia. Egite tau egite lotalo la tia barabarala, veia kage ali o liu kara egite ge bili e Pol. Solo sosoue egite raragi, wetatali la merera loio taume."²²Ala la mulugaluga tegite soldia baha taro tahalo bisiele ge tuga, mulimuli eia vatetelia mago, "Umala vevei gite isasa nae eme veiagu la merera alele."²³Mulimuli eia tola ilia egite la mulugaluga tegite la tete le soldia me eia vei mago, "Abi la salatu ilua egite soldia raragi ge goio e Saeseria, savulu ivitu egite ale sautatola la gata. Amuto ge hiliti la mata la aro itolu tela logo." ²⁴Eia vei tai agite ge abi la basi ale e Pol ge sae ge puli tataoa soio te gavana e Felix.²⁵Mulimuli eia kekesi la kilekesi maie:²⁶E Claudius Lisias la balavala ale uru Gavana Felix, vei tataola. ²⁷La tahalo aleie egite Jius sautolea me bakisi egite ge bilia la imamala Eau gomai tegite vikapopo egite soldia mae eia isa tau Roman.²⁸Eau masaga ge rovia telava egite tau la iruru soio tetala, ala Eau pulia sotalo tela veimatatala. ²⁹Eau rovia mae egite taua soio la iruru tela mera rivu la tuturimulila tegite, alamoli oiovola la iruru tela mera rivu la tuturimulila tegite, alamoli oiovola la iruru ale egite igoa isa kama koramuli ge taua soio la pileleo o goio la luma la totorobola. ³⁰Goio la paga tabuli matagaga soio tegaku mae la gabutala la bilili oio tela tahalo, ala oiomoli ovola Eau baha taroa soio tetala ge vari tai la igo totolola tegite somai la lagumu. Ioge."³¹Ala egite soldia lolo moli la merera tegite. Egite puli e Poli la logo soio te Entipatris. ³²La logo ale mulimuli, eite soldia usu hehe taro egite ale sasae la hos ge goio vikapopo le eia me egite lou goio la luma la totorobola. ³³La imamala egite ale oio la hos guvi oio ensaesaria egite vahari la ilago la merera soio te gavana, egite vari tai e Pol soio tetale³⁴La imamala e gavana gigi la ilago la merera, eia tai erese la provins e Pol loiovola. La imamala eia rovia mae e Pol loio e Silicia, ³⁵eia vei mago, "Eme ge lolo sesele eme mae egite." Goio eia veiala ge puo oio la mulolou te gavanmen te Herod.

Chapter 24

¹La logo ilima, mulimuli, e Ananias la mulugaluga tegite pris, egite ururu isahari, me isala e tetulus goio. Egite la valalua aleie tau la igo totolola soio te Pol mamuga te gavana. ²La imamala e Pol magiri mamuga te gavana, e tetulus soko la tau iruru soi tetala me eia veiale gavana, "Loio moli taume amite la tia madidila uru, me la laguma vahari la mulolou ale tartigi somai la mautu tegato; ³ala vikapopo la vei tataola amite sagege la paga tomi eme igigoa, la balavala Felix.⁴Ala Eau kama ge sautola rivu eme, Eau tau sesele eme la vulovulomu ale tertigi ge lolo amite bakisi. ⁵Mae amite ilo la tahalo aleie mae la pakeso me eia moli viguvi la vikokuela oio tegite Jius oio la babaha tomi. Eia isa la mulugaluga la tetele gite Nasarin ale bisi. ⁶Eia lou tovolalai ge mukupile la golugolu la luma la lotu, ala amite sautolea.⁷, ⁸La imamala eme tai rivu e Pol tela iruru tomi alele, eme ge mata mulia la merera tomi amite varia ale te eia moli. ⁹Egite Jius tai magiri vikapopo oio la piligi la merera, vei molia mae la merera tomi asesele.¹⁰Alamoli la imamala e gavana turi e Pol ge vigia, e Pol vikara rivu mago, "Eau rovi sesele mae la leavala usuti eme magiri mae la tahalo la lube la iruru te la valua tomi, ala Eau sagege sesele ge veipala eaulou soio taume. ¹¹Eme karamuli moli ge rovia mae asoka polo taro la logo savulu isa gete ilua la imamala Eau goata lotu oilo e Jerusalem. ¹²La imamala egite poga eau oio la luma la lotu, Eau kama vikara totolo vikapopo isasa, me Eau kama vailiti la tiagite la valalua, ale oio la luma la lotu, me oio la siti. ¹³Egite kama koramuli ge vei seseleamu la merera la iruru egite pipigiagu.¹⁴Alamoli Eau veipala seseleamu, mae loio la vulovulo mae egite tola la tete la valua isahari, ioi tai la vulovulo alele Eau igogolu te Deo e tama gato. Eau tautaulailo oio tomi la tuturimulila me la kilekesi tegite profet. ¹⁵Eau taola la ale, la hiliti rivula tegite ale maroka me tegite ale ka taritigi ge oio. ¹⁶Ala vakausu Eau tuaka ge taola la gabutatala ale tartigi loio la matale Deo me egite la valalua.¹⁷Goio la leavala usu mulimuli Eau gomai wahari la kiloli soio la valalua taku me la viabi la vati. ¹⁸La imamala Eau igo maio, egite Jius loio e Eisia poga eau oio la logo la abitaro la iruru oilo la luma la lotu. ¹⁹Egite la valalua ale ge gomai ti la lagumu goititi me ge vei lava egite taola somai taku, mae egite taola isahari la merera.²⁰Ouka, egite lou la valua aleie ge veiti la iruru egite pogea oio taku la imamala Eau magiri la matagite caonsel le Jius, ²¹mai moli age la paga isasa moli Eau tola kahare agite la imamala Eau magiri kabili tegite, 'Ale la merera hiliti rivula loio la pileleo moli mae Eau oio la tilovolola oio la matamu igoe'''²²Goio e Felix, eia roviti la vulovulola alele, suku la lolo la iruru alele. Eia vei mago, "La imamala Lisias e comanda ge lotalo e Jerusalem, Eau ge tau pala la merera tamuto." ²³Goio eia veia la mulugaluga te soldia la salatu isa mae e Pol ge pou rivu oio la luma la totorobola, Alamoli age tahola la imamala egite tabarabarala ge gomai ge hilo la eia masagea.²⁴Mulimuli la logo isahari, e Felix beu rivua vikapopo e rutula e Drusilla, eia loi e Jius, me eia baha tavu e pol me eia lolo la tautaulailo tetala, oio te Isus kraest. ²⁵Alamoli la imamala e Pol vigia vikapopo eia la vulovulo la magiri matatala, sautola la tia, me la ilapumatatala ale loio, e Felix taga me eia vei mago, "Igoe moli tuga soio. La imamala Eau ge tahola la imamala mulimuli, Eau ge baha tavume."²⁶Oio tai la imamala alele eia gabutala mae e Pol ge abiala la wati, ala eia baha tavu bibia vigia vikapopo le eia. ²⁷Alamoli la imamala la leavala ilua polo, posius Festus guvi mae e gavana mulimuli te Felix, Alamoli e Felix masaga la isala ge goata loio tegite Jius, ala eia tau e Pol lotalo la totorobola.

Chapter 25

¹Goio, e Festus goilo la province,mulmuli tela logo la itolula, Eia tuga loio Sisaria goata e Jerusalem.² Egite e hetpris vikapopo me egite la mulugaluga tegite Jews ubi la merera sio te Pol , egite totosuku e Festus.³Me egte tahia viage eiage abia gite isa la merera mae e Pol ge gomai e Jerusalem egite ge abiala la tikumula, me tela gauru ale egite ge bilia.⁴ Alamoli e Festus koli la mrerera tegite mago, egte sautola e Pol oio la luma la totorobo oio e Siseria, akama ge taba eia ge beurivu loua soio ⁵''Eia veiagite mago,ere tamuto,'' karamuli ge goio vikapopo le amite .mae la tahalo alele ataola la iriru,tiele amuto ge kotiala.⁶ E Festus kamati pou taba lou via la logo ge ivalu ouka savulusa, goio eia tuga gotalo e Sisaria, tio galigeli mae agio pou la pulou la lapumatatla, eia goio veia gite ge vahari e Pol soio tetala ⁷ La imamala e Pol gomai guvi, egiteu e Juda ale oio e Jerusalem gomai magiri hagavi soio tetala, egite igo isahari la merera ale tikumu sele, ale egite lou kama koramuliage poga la vuhu la merera alele, ⁸ E Pol totorobo leia la merera,aveia gite mago, ''Eau kama igo isa la iriru oio tela viturila tamuto e Juda,ouka tela luma la lotu,ouka la isa le Sisa.''⁹Alamoli e Festus masaga gite e Juda ge tia tigi moliala, eia goio kolila merera te Pol mago, ''Eme masaga ge goata e Jerusalem via eau ge lapu matata la papaga aleie?''¹⁰E Pol vei mago, ''Eau magiri la mata le Sisa, te la ilapumatatala. Eme rovi selea eau kama igo isa la iruru soio tegite Juda.¹¹Alamoli mae eau igo la iruru eau ge igo suku molia kara mae eau ge peho la iruru alele, eau kama tahoka la merera ovola.alamoli la merera ale egite ubile eau kama sesele, La tahalo isa kama kora muli ge tau eau tela matala viturila.eau tahi e Sisa ge lolo la merera tegaku. ¹² Mulmuli e Festus vigia tomile egite kaonsel,eia koli la merera mago,''Eme veitia le Sisa ge lolo la merera taume, ala emege goio te Sisa.¹³Mulmuli tela lalogo isahari, e king Agripa me benais loio e sisaria veia ge pahutu e Festus.¹⁴ Eia pou la logo isahari polo, e Festus abila merera la tikumula te Pol soio te king, eia veimago, ''E Felix piligi isa la tahalo la luma la totorobo omae. ¹⁵ La imamala eau oilo e Jerusalem,la mulugaluga tegite e Pris me la mulugaluga tegiteu e Juda kotia la tahalo aleie omai taku, Egite tahi la masagala tela koti viage la tahalo aleie ge bole la tikumula. ¹⁶ Eau koli rivua gite mago la veimulila te ururu le Rom kama via ge bili la tahalo, mae eia souka vagogala isahari la merera ale ge galiau robo eia.¹⁷Ala tela,imamala egite gomai vikapopo mele eau omae. eau kama hate tola, galigeli moli maie eau pou tela pulou la ilapumatatala, eau baha la merera tegite ge vahari la tahalole soilo,¹⁸ La imamala egite la valua ale ubi leia la merera magiri egite kotiala, Eau gabutala mae la merera tomi ale egite ubi leia kama tikumu.¹⁹ Alamoli egite mera isahari la merera ale tikumu oilo tela vulovulo la lotu tegite,me te la pileho le Isus, ale e Pol veia eia mahuli lou.²⁰ Eau kama matagaga tigi la gauru ale mave ge rovi la vuhu la tikumula aleie,Me eau tahia mae eia masaga ge goio e Jerusalem ge magiri tela ilapu matatala tela papaga aleie.²¹Alamoli la imamala ale e Pol tahi eau ge pou oio la luma la totorobola ge poutali e Sisa ge gomai ge lapumatata eia, Eau veia gite ge sautolea oio la luma la totorobo kara mae eau ge bahataro eia soio te Sisa.''²²E Agripa veiale Festus, ''Eau tai masaga ge lolo la merera tela tahalo le,'' e Festus veiala mago ''Galigeli eme ge lolo la merera tetala.²³ Galgeli mae, e Agripa me Benis goilo la ba la pougolula,egira gomai tomile egite la mulugaluga tegite Ami mela gama gite la mautu la parao. te la imamala e Festus tola, egite vahari e Pol soio tegite.²⁴ E Festus vei mago, ''king agripa, vikapopo me la valua me hatavile ale omai vikapopo me amite, amuto ale hilo la tahalo aleie,amuto la valua me hatavile ale loio e Juda me amuto lolo la tahalo aleie mera tomi le eau oio e Jerusalem me omai taie, amuto tola eau ge igo harari la tahalo aleiege peho.²⁵Eau matamulia mae la tahalo aleie kama igo isa la iruru via age peho mulia, Alamoli lavuhula eia tahi tie Sisa ge koli eia, Eau gabutala ti ge baha eia soio. ²⁶ Alamoli eau kama tahoka isa la merera ale tartigi ge agoa soio te Sisa. Ale la vuhula, ale eau vahari eia somai taume, eme moli e king Agripa eau ge tahoka la papaga usu ge ago la merera tela tikumula aleie.²⁷ La vuhula ,akamage tartigi mae eau ge bahataro isa la tahalo ale oilo la luma la totorobo maemoli eau kamage tau matagaga la vuhula iriru tetala

Chapter 26

¹E Agripa veile Pol mago, ''emege veipala emei.'' goio e Pol vitiri la limala oata a vei mago.² King Agripa,Eau sagege sele ge veipala eau soio taume igoe oiotai age lapumatat la merera egite Juda ubile eau.³ La vuhula, eme rovi tataho la vulovulo giteu e Juda me la tilahi tegite. Ala eau tahime ge lolo tataho la merera taku.⁴ La selela egite e Juda rovi taho eau tela imala eau solo hatamale laba oio tela mautu taku e Jerusalem.⁵Egite rovi eau araura ti ala egite lou ge veipalaea mae eau isa e paraseo, egite la tete la valua ale vagari sele oilo tela lotu tamite.⁶ Igoe eau magiri tela ilapumatatala la vuhula eau matapoga la merera la kilisi te God ale igoa tegiteu e tamamite.⁷Ale la vuhula la maratatila savulusa getelua te Israel lotu lalogo la haro me la gabutala ale vagari via ge poga la paga aleie, King Agripa , ale la vuhula ale egite Juda masagage kotiagu.⁸ Ilava amuto gabuta via e God kama koramuli ge vahiliti rivu la tahalo ale peho?⁹ La imamala isa tugati eau gabutala ge igo usu la paga ale kama kora ge igo bara la isale Isus la tau Naseret. ¹⁰ Eau abi la merera la tututola oio te la gamagite e paraseo me eau igo la vulovulo aleie oilo e Jerusalem, eau sautola usu egite la valalua la tautaulailo tau egite soilo la luma la totorobo me eau abia gite la merera egite bili tai egite.¹¹Tagara usu eau igo bara egite oilo la luma la lotu me eau mera barea giteu, Eau igotolo egite ,harimuli egite goio la mautu la parao sobali.¹²La imamala eau igo la vulovulola alele,la gama gite paraseo baha eau ge goio e Damaskus;¹³ Eau tatuga la gauru tela haro buruko,King, eau hilo isa la matagaga loata la ilo lalage la maga la muga la pilaga la haro a paga vei eau vikapopo me egite ale amite vituga tomi le eau.¹⁴Amite tomi boru sotalo la magasa, eau goio lolo isa laglu mera somai taku tela merera tegite e Hibru Sol, sol, la vuhula ilava eme igo bara eau? ''Eme kama kora muli ge vagotalo eau.'¹⁵ Eau vei mago, Uru eme ere? La tahalo uru baoliagu mago, 'Eau e Isus eme igo barabara eaue.¹⁶ Eme hiliti magiri oata; Ale la vuhula ale eau guvi tavume, eau hilovi time ge guvi mae la tahalo la igogolula taku, emege veipala la papaga ale eme hiloa omai taku igoe me la papaga ale eauge vahililoamu mulmuli.¹⁷ Eau ge abi rivu me kabili tela valua me hatavile me egite la valua me hatavile ale sobali eauge bahame sio tegite,¹⁸Ge kope la mata gite, me egite tai ge hilo la matagaga ge heletaro la maligoma,mege lake taro la vagari le Satan ge gomai te God, me God ge lube la iruru tegite,egite abi la gogolu ule eau abitia gite la valua ale eau hiloviti egite, ale egite la valua me hatavile ale marokati mela tautaulailo oilo taku.¹⁹ Ala king Agripa,Eau kama mukupile la matalovila te la ilo lalalage.'²⁰ Eau valolo la merera soio tela valua me hatavile via egite vulo tavu e God, eau valolo muga oio e Damaskus goio e Jerusalem me tela ba tomi e Judia goio tela valua me hatavile ale lobali.²¹ tela la vuhula moli alele egite Juda satola eau oio tela luma la lotu viage bili eau.²²E God koli eau kara ti igoe eau magiri kabili la valua me hatavile bulahu moli me la valua me hatavile ale tahoka la isaisa eau veia gite la papaga ale e moses me egite propet veia age guvi.²³ Amae e christ ge gab u la iligi me age peho eia ge hiliti rivu lou tela pileho ge veipala la matagaga soio tela valua me hatavile le Juda me egte ale logala.²⁴La imamala e Pol meramera kaluvu, E Festus kahare oata a vei mago, ''Pol , eme pauati.' eme la tahalo la mari , igoe eme maetilou e paua.''²⁵ Alamoli e Pol veimago, "Eau kama paua, tahalo uru Festus eau vagogala la merera ale sesele te la paga ale uru sele isasa. ²⁶ E king lou rovi la papaga ale eau veveia, Eau rovia la paga isa kama tabuli kovu tetala, la vuhula la paga isa kama sibitala kovu leia oio tela ba isasa.²⁷E Pol goio tahi , ''King Agripa eme tautaulailo la merera tegite la Propet iah? Eau rovia eme tautaulailo ovola.''²⁸ E Agripa kali la merera te Pol, La imala moli bakisi eme via ge igo eau ge sibitala mae la tahalo tela uru?"²⁹ E Pol vei mago eau kakati e God, la imala boto ouka malau ,kama eme moli ,egite tai ale lolo eau igoe, egite ge mae eau,alamoli la seli la luma la totorbo ge uoka."³⁰Goio e King magiri oata , vikapopo me Gavana, e Benis tamai, goio egite tomi ale pou vikapopo me egiteu magiri.'³¹ La imala egite hiliti taro la luma la vikapopola, egite vei baoli loa gite mago, "La tahalo alie kama igo isa la iriru via eia ge goio la luma la totorobo ouka age peho."³² E Agripa veiale Festus mago,Mae e Sisa kamage tahia ge gomai tela ilapu matatala,eia koramulige maramara ti."

Chapter 27

¹La imala egite kisi la merera via amite ge abi e sipi ge goio e Itali,Egite tau e Pol vikapopo me egite la valua la karabusu isahari lotalo la lima la mulugaluga tegite Ami la isala e Julias.²Amite sae e sipi loio e Adramitium,amite seli moli oilo goio mae la ba Asia. Amite golau la mago. E Aristakus te tesalonika te mesodonia eia tamai gomai vikapopo le amite.³ La logo isa polo amite poru oio la mautu uru e Sidon,oio laba alele e Julius soko la puhi tigi le Pol a veiala ge goio te tabarabarala ge visuli eia.⁴ Tela ba alele amite seli olau la mago polo galili gio la parava la olu e Siprus lavuhula la lolovi vagari.⁵ La imala amite seli goio mae e Silisia me Pamfilia amite goio poru oio e Maira la mautu uru le Lisia.⁶ Tela ba alele la mulugaluga tegite opisa poga e Sipi te Aleksendra aviage hari mae soio e Itali.eia goio veia mite sae soio te Sipi alele.⁷Amite hari kadele moli la logo usu polo amite guvi hagavi soio e Cnidus,la lolovi vagari amite kati koramuli ge polo sio la ba alele, ala amite polo kovu mae loio la mautu e krit la gale le Salmon loio. ⁸Amite hari alamoli a tivura sele,goio amite guvi oio la mautu isa egite toila e Fea Havens, a hagavi la mautu la parao e lasea.⁹Amite abi la imala malau, goio la imala peremua tegite Juda polo,la mago kamakora seleti tela hirari. goio e Pol mera vagari soio tegite.¹⁰Mutou la gauru ale etato viage tili mulia etatoge poga la tikumula isahari ge kokovu,kama la papaga moli me Sipi, la mahuli gato tai ¹¹Alamoli la gama gite opisa tautomi la tiala oiote la tahalo ale au e Sipi me tamale Sipi a kama tautaulailo la merera e Pol veiagite.¹²La tilaloa le sipi kama koramuli ge totola te la imala lolovi, ala egite ale au e Sipi usu via e sipi kage poru, etato ge hari moli kara etato ge guvi oio la mautu uru e Fonix ge poutali la lovi ge kaluvu ,e Ponix eia la brisi oilo krit, a lagu mae soio tela lima gato e meru ,tela porosile la matala haro me te la lima gato e gata tela porosile la matala haro.¹³La imala la lovi tela lima gato e gata ge vai rorovi egite ale au e Sipi ge lapu la anka me egite ge harimuli la parava le krit.¹⁴Ala moli la imala kama taba la lovi isa vagari sele,egite toila e meru lolau mae la olu pati vaiti sotalo.¹⁵La imala e Sipi poga la mago akati koramuli ge tolosogi la lovi,e tato ge abiala la lovi la imala me etato ge pati moli.¹⁶Amite hari kovu loio tela olu isabisi egite toila e Kauda, kabili tela tikumula amite kisitatola e boti bisisi.¹⁷La imala egite lapu e boti soata, egite abi lamotala kisitola la vovo le sipi egite taga via amite souka ge kaka oata la sikalu ala egite pigi la la angka sotalo la mago me amite pati moli.¹⁸La lovi la hura pigi geru sele amite la logo isa polo egite soko la piligi la golgolu oata te Sipi sotalo la mago.¹⁹Tela vaitolu la logo egite pigi la papaga le Sipi sotalo la mago.²⁰La imala la matabu me la haro kama guvi matagaga somai tamite la logo isahari,la lovi mela hura pigi vulo amite,la gabutala ale via ge koli rivu amite oukati, la gauru isa moliti amitege heletaro e sipi ge tuga.²¹Egite kama ali la imala malau, E Pol magiri kabili tegite avei mago, "Amuto la vala, Eau veia muto ge pou oio e Krit,alamoli amuto kama lolo la merera taku etato gomaie,ala etato poga la tikumula hagavi e tato ge kokovu.²² Ala eau abia mutou la merera aleie ge igo vagari la gabutala tamuto, la vuhula la mahulila isa kamage kovu kabili tegato,Alamoli e Sipi moli ge kovu.²³Tela tapasi la logo la angelo te God ale eau loio vola,eia moli eau lotu tavua egite angel tetala magiri labaligu.²⁴Avei mago,'Umala taga, Pol.Eme ge magiri la lagu le Sisa,me ge hiloa, E God vaihililo lemei la gilogo tetala vikapopo me la valua me hatavile ale sae tomi lemei.²⁵Ala tabarabaragu, amuto ge magiri vagari, Eau tautaulailo te God ala age guvi mae ale eia veitiagu.²⁶Alamoli etatoge hari oata la olu pati isahari."²⁷La logo savulusa geteva tugati,la lovi abiamite mae soio la mago le Adriatik,Te la logo uru valiposa la valua la igolu te Sipi gabua mae amite hagaviti oilo la kaitora.²⁸Egite abi la mota pigia sotalo la mago ge abi la malau la magasa egite abi mugea 40 mita mulmuli egite abi lou 30 mita.²⁹Egite taga via e Sipi soukage tubu la wuatati,ala egite pigi e angka iva olagu la maisu la Sipi,me egite kaka viage la paga ge maga harari.³⁰Egite la valua la igolu te Sipi pamuli la gauru ge heletaro e Sipi,ala egite tau e boti bisisi sotalola mago,egite vasigolo via ge pigi la angka sotalo la mago.³¹ Alamoli e Pol veia la gama giteu opisa mago,"mae la valua soloata te sipi amuto kama koramuli ge koli rivu lou amutou."³²Goio egite ami valiutu la mota le boti a pati gale³³La imala la paga mamagati, E Pol karasuku egite tomi ge abi bakisi la ilali.Eia veimago, "Igoe la logola savulusa geteva [14] e tato pou talia e tato kama ali eme kama ali isa la paga.³⁴Ala eau tahi amuto ge abi la ilali age koli amuto mahuli. la ivu la gama muto isa kamage talulu,"³⁵La imala a vei mae, Eia abila bret a toi tartigi soio te God tela mata gite tomi. goio a tovi la bret me a soko la ilali.³⁶Goio egite tomi abi la vagari tela gabutala mela tia gite me egite abi la bret egite ali.³⁷Amite 276 la valua oilo te Sipi.³⁸ La imala egite ali me egite vagari, egite abi la wit pigia sotalo la mago,ge igo e Sipi ge mavulaga.³⁹La imala la paga maga egite kati matakilala tavu la magasa,Alamoli egite hilo isa laba la parava, la gabutala gite isa moli mae etatoge lapu e Sipi soio la ba alele.⁴⁰ Egite vali taro la mota la angka piligia sotalo la mago,me egite lubetaroa la mota la Rada vilagula seli soio la lovi me egite hari soilo la parava.⁴¹Egite goio e sipi hari soata la sakalu kabili la mago egite kati tuga, la mago pigi e sipi la sten la putua.⁴²Egite Ami kisi la merera viage bili tomi egite ale karabusu isa kamage puru soilo ge hele.⁴³Alamoli la gama gite opisa viage suli e Pol, ala eia mukupile la gabutalala tegite,'me eia via gite ale karamuli ge puru ge raga mamuga ge puru soilo la magasa.⁴⁴Me egite tomi aleio ge tilimuli egite, isahari ge pati la palang me isahari ge tela papaga ale oata te Sipi, oio tela gauru alele egite tomi guvi taho oilo la magasa.

Chapter 28

¹La imala amite guvi ti oilo , amite goio rovia mae la isa la olu pati ele egite toila e Malta.²Egite la valua me hatavile tela mautu alele kaka tavu amite, me egite isua lahavi egite goio tola tomi amite soio, la vuhula la hura pu la paga maigi.³La imala e Pol tubi la obu goio tau soata la havi, la pase isa gala sogala lahula la tivura la havi, a goio susu ti soio la lima le Pol.⁴La imala egite la valua la matu hiloa mae la pase titili oio la limale Pol,egite goio meramera kabili tegite lou . "La tahalo aleie, eia la tahalo la bili a hele ti lolau la mago,alamoli la viturila kama via age mahuli."⁵Eia goio lugu taro la pase sotalo la havi eia kama peho.⁶Egite goio pou mata via la vola ge tivura ouka age boru moli ge peho. Egite matatavua la imala malau goio lapaga isa kama sibitala mae ale egite gabutalea soio tala,egite goio vulo la gabutala gite me egite veimago soge la tahalo alie eia e god.⁷Hagavi oio tela ba alele,la magasa isahari oio,a la magasa te suara te la olupati alele,la isala e Publius. eia puli amite goio baumuli amite la logo itolu. ⁸ La imala alele e tamale publius la vola tivura la tia la ligi tai, Laimala e Pol goio tau la limala oata tetala a vimahuli rivua. ⁹ Mulmuli te alele la valua me hatavile ale oio tela olu egite lea gomai e Pol kaka tegite me egite tomi mahuli.¹⁰ La valua me hatavile veitaho amite la imala amite viage tuga,Egite abiamite la papaga ale amite savelea¹¹Mulmuli la taio itolu polo, amite abi e Sipi amite seli soio, e Sipi tabuli oio la olupati le te la imala maigi,a e Sipi te Alexendria, tahoka la taro le god la magasa ilua oata la varula. ¹² Mulmuli amite poru oio la mautu la prao e Sirakus,amite pou la logo itolu oio vola.¹³Loio tela ba alele amite seli goio guvi la mautu la parao e Regium. Lalogo isa polo la lovi la limamu egata hiliti, oio tela logo ilua amite guvi oio la mautu la parao e puteoli.¹⁴Oio tela ba alele amite poga isahari e tabaramite egite veia mite ge pou tomile gite la logo ivitu, Tela gauru alele amite guvi oio e Rom.¹⁵Mulmuli vola egite tabarabara mite lolo le amite,goio egite polo utu amite, loio mae la maket le apius me la taven itolu. Laimala e Pol hilo egite tabarabara mite a vei taho e God me a vai vagari lou eia.¹⁶La imala amite guvi oio e Rom, egite veia le Pol pou tomi le gite Ami ale baumuliao.¹⁷La logo itolu polo e Pol tola e gite la mulugaluga kabili tegite Juda. la imala egite gomai vikapopo, Eia goio veiagite mago, "Tabarabaragu, Eau kama igo isa la iruru sio tegite la valua me hatavile ouka la vulovulo gite tubu me tama gatou. Alamoli egite abi eau mae la tahalo la karabusu loio e Jerusalem gomai la lima gite Rom.¹⁸Mulmuli teale egite ge tahi eau. Egite masagage lube eau ge maramara,egite katige bili eau lavuhula eau kama tahoka isa la iriru.¹⁹ Alamoli la imala egite Juda mukupile la gabutala gite Rom, ala eau tahi lou e Sisa pou lou la ilapumatatala, alamoli akama via eau ubi la merera soio tela mautu taku.²⁰la vuhu la gabutalala ale viage kotilou a larova, eau masaga ge hilo me ge vikara tomi le emei, atela gabutala gite Israel isahari ala egite tau eau oio tela totorobo."²¹Egite veila mago, "amite kama abi isa la galau ale agoa loio tegite Judia,ouka etabara gato isa gomai vei isa la paga ale kama kora soio taume.²² Alamoli amite masaga ge lolo loio taume eme gabutala mave tela tautaulailo taume ,amite rovia mae la ba tomi egite viputu mulmuli la merera alele."²³La imala egite tauala la mata, lavalua me hatavile usu sele goio la ba ale eia ovola,E Pol valolo soio tagite, me eia veia gite la mautu la matagala te God. Eia merarmera te Isus,mela viturila te Moses me egite Propet, soko la kavkoki goio la tasi maulavi.²⁴ Usu lolo la valolola te Pol egite tautaulailo,me isahari ouka.²⁵La tia barala kabili tegite lou, egte tuga marapa la imala e Pol vagala isa la merera,,"La kalulumaroka vikara matagaga te Propet Isaiah me tubu gato me tama gato.²⁶A vei mago, goio tegite la valalua me hatavile veia gite mago, "Eme ge loloa,alamoli eme kage lolo matagagea, emege hiloa alamoli eme kage matakila tavua.²⁷La vuhula ,la tia gite la valua me hatavile aliei vagari, la gavusa kama kora mulige lolo, me la mata gite kapi,egite kamakora muli ge mata,Mae egite masaga ge mata lou, ouka ge lolo lou, egitege vulo rivu somai taku, eauge vimahuli egiteu."²⁸ Ala,emege rovia mae lagilo te God alege abirivu la tahalo goio tegite la valua me hatavile sapolo me egite ge lolo." ²⁹³⁰E Pol mou la leavala ilua oio la luma eia lou lotoa, eia tola pile egite tomi ale gomai tetala.³¹Eia valolo la merera tela mautu la sagegela te God me eia vimari tai le gite la papaga ale oilo te Isus christ. isa kama magiri robo eia.

Romans

Chapter 1

¹Pol, eia la tahalo la igolula te Isus Kraist, la Uru tola eia guvi mae la Aposel la uru hilovi polo eia tela merera te Deo. ²Ale eia vei sele tia gatou mamugati tela vipoupou, egite propet veipalea oio tela merera te la tahalo uru ale maroka,³Via e latula ge la hili le Davit ale loio tela vovo.⁴Loio moli tela kalulu maroka eia veipalea vikapopo me la vagarila veia eia ge e latu le Deo loio tela hiliti rivula tetala loio te la pileho,e Isus Kraist la Uru te gato.⁵Loio moli tetala etato tahokati la gilogo tela Aposel oilo tela iroromuli la ale oilo tela tautaulailo kabili tegite la mautula magasa, lavuhula tela isala moli.⁶Kabili tela mautula, la uru tola ti eme via eme ge te Isus Kraist.⁷La merera ale goio tamutou tomi ale oilo e Rom ale e Deo masaga amuto me eia tola amuto via amuto ge la valua tetala ale maroka sele: la gilogo ge tamuto mela tia madila ale loio te Deo tama gatou me la uru gatou e Isus Kraist.⁸La mulugala, eau vei taho la uru taku te Isus Kraist me amuto tomoli, la vuhula la tautaulailo tamutou vei pala tia sogala tela mautula magasa.⁹E Deo eia la tahalo la veiselela, eia moli eau igolu lotalo tetala oilo tela kalulu oilo tela merera te latula, mae ale la imala tomi eau vevei amuto. ¹⁰La imala tomi eau tahi oilo tela kilaka taku mae oilo tela papaga tomi age sibitala taho oilo tela masagale Deo ale loio le ge gomai tamutou.¹¹Eau masaga sele ge hilo emei, la vuhula eia ge abiamu la vabila tela kalulu maroka, ila age abiamu la vagarigarila. ¹²Age maele, eau masaga sele ge vitame tabara tomi le emei ge igo vagarigari emei, soio la tautaulailo tegite ale isahari, taume me taku tai.¹³Ala eau kama masaga amuto ge pou mae la pauala, tabarabara gu, tagara usu eau tovolaia viage gomai tamutou ( alamoli eau visikala selea kara igoe), oilo vola la ilukuluku ge guvi kabili tamutou. maemoli ale eau lolo tia kabili tegiteu tomi e Gentael.¹⁴Eau tahoka la makodo oio tegite Greek me oio tegite ale lobali, me oio tegite ale mari me egite ale paua, ¹⁵Mae, omai sele taku, eau valolo ti la merera te uru soio tamuto ale oilo e Rom.¹⁶Ala eau kama koramuli ge mahela la valolo la merera la selela, la vuhula eia la vagari le Deo ale ge vimahuli egite tomi ale ge tautaulailo, egite Juda ge la mulugala goio egiteu e Greek,¹⁷Me oilo vola la marokala te Deo ge sibitala oilo tela tautaulailo goio la tautaulailo lou, mae moli la merera kekesi tia," egiteu ale magiri matata ge mahuli molila la tautaulailo."¹⁸La hatemasila te Deo ge guvi palala loata la ilolalage tavu egiteu ale kama rovi e Deo me la vulovulo gite la valua ale kama maroka la vulovulo gite alele igoa egite sautola rivu la merera la selela. ¹⁹ Ale la vuhula la rova etato rovi tia oilo te Deo a tabuli matagaga tomiti soio tegiteu. lavula e Deo tau matagaga tia soio tegiteu.²⁰La vulovulo le Deo ale tartigi usu tabuli kovu, isa la isala la vagarigarila ale la tapasila ouka mela la vulovulo le Deo, etato hilo matagaga selea, eia araura ti tela imala eia vipou la mautula. oilo tela papaga ale eia vipou tia, ala egite la igo pahila ge ouka. ²¹Ale la vuhula, egite tai rovi sele e Deo, alamoli egite kama visale eia mae eia e Deo, akama maele, egite mae ale paua lou oilo tela gabutala giteu, mela hate gite ale kama rovirovi a maligoma.²²Egite via egite mari, alamoli egite guvi lou mae ale paua. ²³Egite vabi baolila la taro le Deo ale la kaluvula ge ouka mela taro la tahalo ale ge kovu bulahu moli, mela malumalu, la kalia ale vaha gite iva, me egite la papaga ale galala otalo la magasa.²⁴Oilo vola e Deo sugutaro egite soio tela masagala tela hate gite ale kama maroka, mela tilogo kabili tela vovo giteu ge ouka. ²⁵Me egite moli male vabi baolila la merera la selela te Deo mela vasigologolola. me egite lotu tavu egite la vipoupou me Deo sele ouka, ale ge visalea mela tapasila ge ouka. Amen.²⁶Ale la vuhula mae, e Deo sugutaro egite soio tela gilabulabu ale la tilogo ouka, me egite hatavile tegite vabibaolila la vulovulo la vibole mulila tela paga ale kama tela vovo. ²⁷A mae moli tai egite la valua egite piligi taro la vulovulo gite ale vikapopo tomi la tavile mela masagala vovo kabili tegite isasa. Ale egite la valua ale sugutaro egite soio la vulovulo ale egite igoa soio tegite la valua mela mahela gite ouka me egite abiti la mapa la vulovulo gite ale kama kora egite igoa.²⁸La vuhula egite kama igo vagari selea via egite tahoka e Deo oilo tela irovi tegiteu, eia sugutaro egite soio tela gabutala la marapala, ale via egite ge igo la papaga ale kama koramuli.²⁹Egite volu mela vulovulo tomi ale kama matata, la vulovulo ale kama kora, la masagala ale kama kora, la gabutala la ilabi la paga tela tahalo polo. egite volu mela hatekala, la vulovulo la bilili, la visuku tavula, la gabutala ale kama tartigi. Egite la valua la veimulila, ³⁰la vasigologolola, kama masaga e Deo, la igo marapala, la kalisaela, la vei tahola, visibitala la gauru ale kama tartigi, egite kama lolo e tama me tila giteu, ³¹Egite kama gabutala mulmuli la papaga, la tautaulailo ouka, la hate gite kama oio tela valalua, me la gilogo ouka.³²Egite rovi la viturila te Deo, via mae egite ale tovolalai la papaga aleie egite ge abi la mapala la pileho. Alamoli kama egite moli igigo la papaga aleie, egite rovi matagaga selea via egite isahari male igigo la vulovulo alele

Chapter 2

¹Oilo vola eme la igo pahila ouka, eme la tahalo, eme ale eme ale mata mulimulia, la rova eme mata mulia oio tela tahalo polo eme hiloa mae eme kama koramuli. Ala eme ale mata mulimulia eme igigo tomi la papaga alele. ²Alamoli etato rovia via la matamulila te Deo a loio tela merera la selela mae age buropu oata tegite igigo la papaga alele.³Alamoli amuto ge matamuli aleie, eme ale mata mulmuli egiteu ale igigo la papaga aleie, alamoli eme oio igigo tai la papaga alele. Mave eme ge hele kovu la matamulila te Deo? ⁴Ouka eme gabutala bisisi tela vibalavala tela marasala tetala, la viligila tetala ale souka sibitala, mela tia madila tetala? amuto kama rovia mae la taritigila tetala ge vituga eme soio tela vulo halaba la?⁵Alamoli ale eia la ba ale la tia muto ale vagarisele me akama koramuli ge vuvulo ale eme tau ulolua mu la hate masila oilo tela logo la hate masila, ale mae, eia la logo la mari kovula te Deo ale maroka mela mata mulila. ⁶Eia ge loto rivu tomi egite la valua oilo tela vulovulo tomi ale eia igotia: ⁷Soio tegite ale etato vitagu egite solagu, la vulovulo ale tartigi viguvi la vei tahola, mela tilogo, me ale kama koramuli ge ropo, eia ge abi la mahulila ale la kaluvula ge ouka.⁸Alamoli egiteu ale dodomuli la masagala tegiteu, egite ale polo pepe la merera la selela alamoli egite roromuli la vulovulo ale kama matata, la hatemasi la mela igotolola ale uru ge gomai. ⁹E Deo viguvi la imala tikumula mela ruruga soio tela mahulila tegite ale igigo la vulovulo ale kama kora, la mulugaluga egiteu e Juda, me egite Greek tamai.¹⁰Alamoli la vei tahola, la tilogo, mela tia madila ge gomai tegite ale igigo la vulovulo ale tartigi, la mulugaluga egite Juda, goio egite Greek. ¹¹La taho pepe la kama oilo te Deo. ¹²Me egite usu igo ti la iriru la imala la viturila kama oio me egite tai ge kokovu tela imala la viturila kama ge oio. me egite usu ale igigo la iriru alamoli egite togo sele la viturila me la viturila ge mata muli egiteu¹³Alamoli kama egiteu ale lolo la viturila egite moli male magiri matatala tela mata le Deo, ouka egite ale roromuli la viturila egite moli ge maramara.¹⁴ La imala tegiteu e Gentael, egite kama tahoka la viturila, alamoli la vei mulila te ururu tegite sibitala mae la viturila, a mae la viturila kabili tegiteu, alamoli egite souka abi la viturila.¹⁵Oio tela ba ale egite vahililoa mae la vulovulo gite le mae la viturila eia kekesi tola tia oilo tela hate giteu. La gabutala giteu soloio magiri mae la seselela soio tegiteu, me la gabutala gite lou guvi mae la galiau soio tela gabutala pahila,¹⁶me e Deo tamai. Ale ge sibitala tela logo ale e Deo ge matamuli la paga ale tabuli kovu oilo tela valua me hatavile, ge tilimuli la merera la selela, ale loio te Isus Kraist.¹⁷Mae eme toi le emei via eme la tau Juda eme tabilaha oata tela viturila tio eme kalisae oilo te Deo, ¹⁸Tio eme rovi la masagala tetala tio eme rovi selea via eia tartigi peho la vuhula la viturila vituri muli tiamu; ¹⁹Alamoli mae la irovi taume via eme lou vituga eme soio tela matakeala, eme mae la matagaga soio tegiteu ale oilo la maligoma, ²⁰Eme ge vimatata egite ale paua, me eme ge la tahalo la vimari tegite e giliki, me la rova eme tahokea oilo tela viturila age mae la mari loio tela merera la selela, tio age visuli la pulou la mahulila taume mave?²¹Eme ale vimarimari egite la valalua, mave eme kama vimari rivu lou emei? eme ale valolo tela pakalikali la, mave eme pakalikali tai? ²²Eme ale vei mae umala loho tavu la tavile polo, mave eme kama igigo la vulovulo alele? eme ale kimoso taro la puhi golo, mave eme kama pakalikali oilo la luma la lotu?²³Eme ale kalisasae oilo tela viturila, eme kama togo e Deo la imala eme polo pepe la viturila? ²⁴La isa le Deo egite igo gerua kabili tegite la Gentael la vuhula eme," a mae moli ale la merera eia kekesi tia²⁵La vilali la vovo age visuli eme la imala eme ge roromuli la viturila, alamoli mae eme ge polo pepe la viturila la vilali la vovo age mae ale souka vali la vovo. ²⁶ Mae, goio, la tahalo ale kama vali la vovo sautola la imoimo la viturila, kama koramuli la vovola ale kama valia ge hiloa mae a vali tia? ²⁷Akama koramuli la tahalo ale kama vali la vovola ge viamu mae eme kama koramuli mae eme roromuli la viturila? ale la vuhula eme tahoka la viturila ale kekesia tia mela vilali la vovo, alamoli eme soloio raga loata tela viturila!²⁸Eia kama la tau Juda ogala moli tela vovo; ouka la vilali la vovo a logala moli tela vola. ²⁹Alamoli eia la tau Juda oilo sele tela ilola oilo, me la vilali la vovo eia oilo sele la hate, oilo tela kalulu, a kama oio lou tela buku ale kekesia,la vei tahola soio tela tahalo kama loio tela tahalo isasa ouka a loio te Deo.

Chapter 3

¹Egite Juda ge tahoka la muli ale uru mave, oio tai la vilali la vovo ge viguvi la rova? ²Ale eia uru sele oio tela gauru tomi. la mulugaluga, la uru abi tia gite Juda la mari kovula ale loio te Deo.³Age mave mae egite Juda isahari kama ge tahoka la tautaulailo? mave la mahulila tegite ale kama tautaulailo koramuli ge abi gale la tautaulailo te Deo? ⁴akamage koramuli. age mave, kora e Deo ge sibitala mae la selela, oilo tela ba ale la valalua tomi egite la valua la vasigologolola. age maemoli ale kekesitia, " eme ge vaihilo palaea mae la seselela ge oilo tomi la merera taume, ila la imala tela matamulila ge sibitala eme soloio ge pepe."⁵Mae la vulovulo gatou ale kama matata ge vahililo pala la magiri matatala te Deo, me etato ge veilou la rova? mave koramuli e tato ge veiale Deo mae akama matata mae eia abia gatou la hate masila tetala? ( eau piligia muto la mara vitoko la tegato la valua la vovo.) ⁶Age umala maele! me goio e Deo ge matamuli la mautu la magasa mave?⁷Alamoli mae la seselela te Deo goio la vasigologolola tegaku agoio visibitala la visalela soio tetala, ilava la matamulila omai taku via eau la tahalo la iriru? ⁸Ilava eme ka vei molia, mae la merera ale kama sele usu etato veia, goio egite isahari lou ge igo vagari la rova etato veia, " e tato ge igo la paga ale kama kora, la vuhula ale tartigi ge gomai"? la mata mulila oata tegite eia la seselela.⁹Age la rova lou? mave ale etato tau robo lou etatou? ale tomi ge ouka. etato ubi ti le egiteu e Juda me egite Greek la merera, egite tomi, via egite lotalo la vulovulo ale kama kora. ¹⁰Ale la rova egite kekesi tia: " la tahalo isa ouka magiri matatala sele, isa ouka.¹¹La taho isa ouka rovi matagagaea. isa tai kama oio pamuli e Deo. ¹²Egite tomi poke taro tia. la igolula isa kati Koramuli egiteu. me isa tai oio ouka tilou igigo la vulovulo ale tartigi, ouka, isa ouka sele."¹³La barigolu giteu a mae la lulu la liba. La kalamea gite vasigolo ti. La pase la irasi mou lotalo la hare giteu." ¹⁴La hare giteu volu mela mera barala mela tia tikumula."¹⁵La vaha gite igo harari sesele la tigitaro la kasoso sogala.¹⁶La tikumula mela iligiligi tabuli ti oio la gauru giteu¹⁷Egite la valalua alele kama rovi la gauru la tia madila.¹⁸La vulovulo la tilagla le Deo kama oio la mata giteu."¹⁹Ale etato rovia mae la rova la viturila veveia, ale a meramera soio tegite ale lotalo tela viturila. ale a tabuli maele la vuhula la hare giteu tomi ge hare komu, tio la mautu la magasa tomi ge guvi tela matala le Deo. ²⁰Ale la vuhula la vovo kama koramuli ge maramara oilo tela igolu tela viturila oilo tela matala, me loio moli tela vovo la mari tela vulovulo ale kama kora.²¹Alamoli igoe logala tela viturila la magiri matatala te Deo sibitala palala. la viturila magiri mae la seselela vikapopo me egite la propet. ²²Ale mae, la magiri matatala te Deo a loio tela tautaulailo ale oilo te Isus Kraist ale tegiteu moli ale tautaulailo. akama la paga ale eme ge tuhaka ovola.²³Etatou igo ti la iruru me etato bototi tela marasala te Deo, ²⁴Tio la gilogo vimaramara bulahu moli egiteu ale loio moli tela utululu la ale oilo te Kraist Isus.²⁵Ala e Deo abi e Kraist Isus mae la viabila loio te la tautaulailo ale oio te la kasosola.Eia sugutaro e Kraist ge igo tikumu la mata mulila tetala, la vuhula eia poke taro ti la vulovulo gatou ale kama taritigi. ²⁶Oilo tela tiamadila te tala. La paga tomi ale sibitala a taupala la magiri matatala tetala oio tela imala ale igoe. Ale age maele lavula age tau palaea via eia moli matata, me age vahiloa via eia moli koramuli ge vimaroka la valua me hatavile ale tautaulailo oilo te Isus.²⁷La vulovulo la kalisasae oiove lou? a kokovu ti. Oata tela ba ale mave? kama loio tela tuhakala? ouka, a oilo moli tela tautaulailo.²⁸Etato rovi selea via la tahalo maramara oilo moli tela la tuhakala mela viturila²⁹Mave e Deo eia e Deo tegite Juda moli? ila eia kama e Deo tegiteu e Gentael tai? a sele, a tegiteu e Gentael tai.³⁰Mae, age maele, e Deo eia isa moli, age vimaramara egite ale vali la vovo oilo tela tautaulailo, me ale kama vali la vovo age loio tela tautaulailo tai.³¹Mave ila etato abi lele ti la viturila loio tela tautaulailo? akama ge koramuli! mae akama maele, etato igo vagari la viturila tai.

Chapter 4

¹Me etato ge vei mave te Abraham, e tama le tutubu gatou a tela vovo moli, pogea, ²Mae e Abraham maramara loio tela igolu la vovo, eia ge tahoka la ba ale eia ge magiri ovola ge vikara soata, alamoli kama tela matale Deo.³La merera te Deo vei mave? e Abraham tautaulailo te Deo, la uru gigi eia mae a magiri matata."⁴Egoe eia moli ale igolu, la rova ale loto leia kama gigia mae la vabila, ouka a mae la makodo.⁵Alamoli la tahalo ale kama igolu agoio tautaulailo tela tahalo ale vimaramara la tahalo ale kama rovi e Deo, la tautaulailo tetala la giligi oio vola mae a magiri matata.⁶E Devit kaka la vibalavala loata tela tahalo ale e Deo gig eia magiri matata la igolu la vovo ouka.⁷Eia vei mae, la vibalavala e tegite ale polo pepe la viturila la uru savulu taro ti la iruru tetala, me egite ale la iriru tegite eia taurobo avu robo tia.⁸La vibalavala ge tela tahalo ale magiri robo la tahalo ale la uru kama ge gigi la iruru oata tetala."⁹e oilo tela vabila ale vei pala tia oata moli tegite ale vali la vovo giteu, ouka oio tai tegite ale kama vali vola giteu? etato vei mae, " la tautaulailo gigia soio te Abraham mae la tahalo ale magiri matata." ¹⁰La giligi goio tetala mave? ila ale mamuga o ouka mulmuli egite vali la vovola, akama mulmuli a mamuga vola.¹¹E Abraham abi la irovilala tela vilali la vovo mae la galiau la magiri matatala ale eia tahokea la imala eia souka vali la vovola. La vuhula mae age igo eia ge guvi mae e tama gite la tomi ale tautaulailo la imala egite souka vali la vovo giteu, ila la magiri matatala ge gigia soio tetala. ¹²Eia tai e tama gite ale vali la vovo giteu oio tai egite ale tilimuli la puli la tautaulailo ale e tama gato e Abraham tahokea mamuga agoio la ba la valali la vovo.¹³La vei selela ale goio te Abraham me la hilila ale via eia ge taola la mautu la magasa kama guvi loio tela viturila ouka a sibitala loio la magiri matatala mela tautaulailo. ¹⁴Alamoli mae egite ale mahuli oilo tela viturila me egite ge sautola la vavua la. age maele la tautaulailo a kavele moli, me la tautaulailo a la golu bulahu moli. ¹⁵La viturila viguvi la hate masila, ala la ba ale mave la viturila ovola ouka, la iriru tai ge ouka.¹⁶La tautaulailo eia la vuhu la papaga tomi, age maele la vuhula la veiselela ge tabuli oata tela gilogo tio age sibitala tomi soio tegiteu la hili le Abraham, kama egite moli ale mou lotalo tela viturila, ouka egite tai ale oilo tela tautaulailo te Abraham. eia e tama gatou tomi, ¹⁷La merera kekesi tia," Eau igo ti eme guviti mae e tama soio tela matula tomi." E Abraham oilo sele tela vagari la tahalo ale eia abi la vagari oio tetala, e Deo, eia moli abia gite la valua ale pehoti la mahulila me eia tai vigia moli la papaga tomi ale souka sibitala egite sibitala.¹⁸Oilo tela irovi eia tautaulailo loata tela irovi, via eia ge sibitala mae e tama soio tela mautula usu, a loio tela merera ale e Deo vei tiala," la hilimu ge mae alele." ¹⁹ Eia kama bare oilo tela tautaulailo, la imala eia rovia mae la vovola gotalo ti la pileho, ( la vuhula la leavala tetala goio salatu sati) me la tavale latatu le Sarah tai pehoti.²⁰Alamoli la vuhula eia la vei selela te Deo, ala e Abraham kama taga me eia kama piligi la tautaulailo. akama maele, eia vagari sele oilo tela utaulailo tetala me eia visale moli e Deo. ²¹Eia gabu selea mae ale eia la vei selela te Deo, me eia koramului sele ge igoa. ²²Me oilo vola a maele " e Deo gigi eia tela magiri matatala.²³Alamoli la merera, "eia gigia soio tetala," me la kilekesi kama tetala moli.²⁴La kilekesi ale a tegatou tomi, me eia ge gigia gatou tomi ale tautaulailo oilo tetala via eia vimahuli e Isus la uru gatou loio tela pileho. ²⁵Ale eia moli isa sekela sugutaro eia oilo tela iriru tomi tegatou me eia hiliti rivu lou tela vimaramarala tegatou.

Chapter 5

¹La imala ale la tautaulailo tegatou vimaramara etatou, etato tahoka la tia madila vikapopo me e Deo loio tela uru gatou e Isus Kraist. ²Me oilo moli tetala la tautaulailo tegato igo la gauru gatou soilo tela gilogo ale etato magiri oata vola, me etato sagege oilo tela irovi mela marasala te Deo.³Akama male molie, amite tai solio momoge oilo tela iligiligi tamite tomi. Amite rovia mae la iligiligi ge viguvi la magiri vagarila, ⁴Me la magiri vagarila age viguvi la vulovulo ale tartigi, mela vulovulo ale tartigi ge viguvi la tautaulailo, ⁵La tautaulailo kama koramuli ge vagotalo emei la vuhula la gilogo te Deo sali ti soilo tela hate gatou loio tela kalulu maroka ale e Deo abi tia gatou.⁶Ala la imala etato soloio bare, la imala poga tavu selea e Kraist peho robo egiteu ale kama rovi e Deo. ⁷Akama koramuli sele via la tahalo isa ge peho ile la tahalo ale magiri matata, a mae moli tai la tahalo isa ge peho ile la tahalo ale tartigi isasa.⁸Alamoli e Deo vahililo sele la masagala somai tegatou, la vuhula etato solio la valua la iriru e Kraist peho ti ile e tatou. ⁹ Ala usu sele, maele, e tato maramara moli loio tela kasoso le Isus, me etato ge tari kovu oilo vola tela imala hate masila te Deo¹⁰Ala mae, la imala etato soloio mae la gima. e tato vitoko me e Deo loio moli tela pileho le latatula. ale uru sele, mulmuli tela imala ale etato visauru me e Deo, e tato ge mahuli molila la mahuli le Deo. ¹¹ kama male molie le. amite soloio sagege oilo te Deo ile la uru gatou e Isus Kraist, loio moli tetala igoe etato abiti la tau matatala.¹²Ala, loio moli tela iriru tela tahalo isasa la vulovulo tomi ale kama kora tiroro soilo tela matu la magasa tomi, me oilo tela gauru moli alele la pileho tiroro loio tela vulovulola ale kama kora, me la pileho bubura soio tela valua tomi, la vuhula egite tomi ruruti, ¹³Goio kara mae la viturilaguvi, la vulovulo ale kama kora guvi oilo tela mautu la magasa tomi, alamoli la giligi tela iriru ouka la imala ale la viturila kama oio.¹⁴ Loata la papaga tomi ale kama vikapopo, la pileho muga tola la mahulila sokoa loio te Adam kara te Moses, loata tai te giteu ale igigo la vulovulo ale kama kokora mae la veregela te Adam ,ale mae la tataro la tahalo ale ge gomai. ¹⁵ Alamoli la viabila kama mae la vulovulo ale kama kora. Ala mae la vulovulo ale kama kora la tahalo isa igoa lavalua me hatavile usu peho,erese lapaga loatasele la gilogo te Deo me la viabila loio te la gilogo te la tahalo isa,Isus Krist,vulo robo la valua me hatavile usu .¹⁶Ala la vabila akama sibitala mae la vulovulo la tahalo ale kama kora. la matamulila tilimuli la iriru me agoio viguvi mae lai iriru ale kamakora sele, alamoli la vabila te Deo tilimuli la iriru tomi alele me agoio visibitala la vimaramarala. ¹⁷Alamoli, loio moli tela iriru tela tahalo isasa moli, la pileho guvi mae la viturila loio tela tahalo isa moli, alamoli egite ale abi la gilogo mela magiri matala ale uru peho egite tahoka la vagari uru sele loata oilo la mahulila loio moli tela tahalo isasa, e Isus Kraist.¹⁸Ala oilo vola, la iriru tela tahalo isa moli a vituga la tikumula la iriru loata tela valalua tomi, alamoli loio tai la igolu tela magiri matatala ale gomai la vimaramarala mela mahulila a tela valua me hatavile tomi. ¹⁹Me loio moli tela vareagila tela tahalo isasa moli la iriru tabuli loata tela valua me hatavile tomi, alamoli loata tela iroromulila tela tahalo isasa moli, me egite tomi la valua me hatavile ale usu tomi magiri matata oio tela matala uru.²⁰ Alamoli la viturila gomai ge vagoata la vulovulo ale kama kora. Alamoli oio tela ba ale la vulovulo ale kama kora vuloroboa la gilogo soatata sele.²¹La paga ale guvi veage, mae la vulovulo ale kama kora mou oilo tela pileho, me Lagilogo tai ge magiri tora loio tela vulovulola ale matata tela mahulila ale la kaluvula ouka oilo te Isus Kraist la Uru te gatou.

Chapter 6

¹Tato ge vei lou mave? Tato ge igo suku moli la vulovulo ale kama kora veage lagilogo ge guvi uru lou? ²Akama ge maele, mae etato ale pehoti soilo tela vulovulo ale kama kora, ilava etato ge mou suku moli oilo vola? ³Amuto kama rovia mae tegite ale usu vuhi soilo te Kraist Isus egite tai vuhi ti soilo tela pileho tetala?⁴Etato ulai ti etato, mae alele, vikapopo me le eia oilo te vuluhi soilo tela pileho tetala. a guvi tilimuli la hiliti rivula te Kraist oilo tela marasala te tamala, via etato ge tuga oilo tela mahulila ale halaba sele. ⁵Ala mae etato vikapopo tomi ti leia mae ale oilo tela pileho tetala, me etato tai ge vikapopo me le eia oilo tela hiliti rivula tetala.⁶Ale etato rovia, la mahuli gatou ale pala etato lili sae tia vikapopo me Isus via la vovo la iruru ge marapa. La paga ale guvi via mae etato ge umala seleti ge igo golua la vulovulo ale kama kora. ⁷La tahalo ale peho veipala la vulovulo ale matata vikapopo mela tilogo soio tela iriru .⁸Alamoli mae etato peho tomi ti le Kraist, me etato tautaulailo mae via etato tai mahuli vikapopo tomi ti le eia. ⁹Etato rovia mae la imala e Kraist hiliti taro la pileho. eia ouka tilou ge peho. la pileho kama tahoka la vagarila loata lou tetala.¹⁰Etato ge matamuli ale eia peho tela vulovulo ale kama kora, eia peho moli tagara isasa tela paga tomi, oilo vola la mahulila ale eia mahuli ovola, eia mahuli moli te Deo.¹¹Me oilo tela gauru alele eme ge matamuli emei via eme tai ge peho tela vulovulo ale kama kora, tio eme ge mahuli te Deo oilo te Kraist Isus.¹²Ala la vulovulo ale kama kora umala ge tahoka la vagari loata tela vovo gatou aleie via eme ge roromuli la masagala tetala. ¹³Tartigi eme umala ge sugutaro la vovomu tomi soio tela vulovulo ale kama kora, via age mae la paga la igolula tela vulovulo ale kama kora, alamoli eme ge sugutaro la vovomu tomi soio te Deo tela igolula tela magiri matatala. ¹⁴Umala eme ge abi la vulovulo ale kama kora ge muga emei, eme oukati mahuli lotalo tela viturila, ouka eme mou ti lotalo tela gilogo.¹⁵Larova lou?Karamuli etato ge igigo lavulovulo ale kama kora la vuhula etato kama mou lotalo tela viturila, uka etato mou lotalo tela gilogo? Soge a kama ge maele. ¹⁶Eme rovi taia mae eme ge taupala eme maela bilaha, eme guvi mae la bilaha te erese tahalo eme romulmulia?Eme la bilaha te la vulovulo ale kama kora, ale vituri soio tela pileho, uka eme la bilaha tela vulovulo la iromulila, ale vituri soio tela vulovulo ale matata.¹⁷Alamoli tartigi sele soio te Deo! Lavuhula eme guvi mae labilaha tela vulovulo ale kama kora, ala eme romuli loio tela tiamu lataro la vimari ale eme abia. ¹⁸Eme lubeti loilo tela vulovulo ale kama kora, me eme guviti mae la bilaha tela vulovulo ale matata.¹⁹Eau meramera mae la tahalo lavovo la vuhula tela birare tela vovo mutou.tela imala ale eme sugutaro emei soio tela papaga ale mumugu kitoa me ale kama kora, Ala oilo moli tela gauru alele, eme ge sugutaro la vovomu ge igolu lotalo tela magiri matatala me tela vimarokala, ²⁰La imala eme mou lotalo tela vulovulo ale kama kora, eme maramara loio tela magiri matatala. ²¹Tela imala alele, la vavua ale mave eme tahokea loio tela papaga ale igoe eme mahela oio vola? la papaga tomi aleie age viguvi la pileho.²²Ala igoe la uru maramara ti emei loio tela vulovulo ale kama kora tio eme igolu ti lotalo tiale e Deo, ala eme tahoka ti la vavuamu tela vimarokala. me a viguvi la mahulila ale la tapasila ouka. ²³La mapala vulovulo ale kama kora eia la pileho, alamoli la vabila te Deo eia la mahulila ale la tapasila ouka oilo te Kraist Isus la uru gatou.

Chapter 7

¹Ouka eme kama rovia, tabarabara gu (ale eau meramera soio tegite ale rovi taho la viturila) la viturila eia ge vituga la tahalo oilo tela mahulila tomi?²La tavile ale taulai eia pou oilo la kilisi soio te haruala la imala ale eia solio mahulili, toi la imala e haruala ge peho me eia ge maramara loi tela viturila tela taulaila. ³Ge mave. mae e haruala soloio mahulili, mae eia goio go ge pou tomi la tahalo polo isa, me egite ge tola leia la tavale ale polopolo ogala. alamoli mae e haruala uru ge pehoti, tio alele eia maramara ti loio la viturila, me alele kama ge toi leia la tavale ale polopolo ogala, mae eia ge pou tomi la tahalo polo isasa.⁴Oio vola, tabarabara gu, eme tai pehoti soilo la viturila tela vovo le Kraist. age maele la vuhula amuto ge tabago soio tamuto isasa. age maele, soio tela tahalo ale hiliti rivuti loio tala pileho, a viragia via etato ge viguvi la vavua ale ge te Deo. ⁵Tio la imala etato soloio tela vovo, la vulovulo ale kamakora sibitala, la vuhula la viturila hiliti, me agoio igolu oilo tela vovo gatou tio a goio visibitala la vavuala a tela pileho.⁶Alamoli igoe etato lubeti loio tela viturila. Etato pehoti soio tela rova sautola etato. Age maele ila etato ge abi la ba oilo tela vahalabala tela kalullu, me kama loilo tela buku ale kesia palati.⁷Goio etato ge vei mave? La viturila eia la vulovulo ale kama kora? Maege maele, eau kama ge rovi la vulovulo ale kama kora, mae akama guvi loilo tela viturila. La vuhula eau mae kamage rovi la vulovulo la ilisulisu mai moli la viturila kama ge vei palaea mae, Eme umala isisu. ⁸Alamoli la vulovulo ale kama kora abi la muli oilo tela mera vagarila me eia taupala la masaga la ale oilo taku. Ala mae la viturila ge uka, la iruru eia la pileho.⁹La imala isa eau mahuli moli la viturila ouka, alamoli la imala ale la viturila guvi, la vulovulo ale kama kora abirivu la mahuli,me eau peho. ¹⁰ La mera vagarila ale ge visibitala la mahuli a vulo mae la pileho somai taku.¹¹Ala la vulovulo ale kama kora abi la muli loilo tela viturila me eia visigolo eau. Loilo tela mera vagarila eia bili eau. ¹² Ala la viturila eia maroka,me la mera vagarila eia maroka, matata, me a tartigi.¹³Ala mave la rova ale tartigi guvi mae la pileho somai taku? a ge umala gologolo. Alamoli la iruru, oilo tela gauru ale age guvi mae la vulovulo ale kama kora, eia visibitala la pileho oilo taku loilo tela rova tartigi, me loilo tela mera vagarila la vulovulo ale kama kora ge guvi uru sele. ¹⁴Ala etato rovia mae la viturila eia la paga la kalulu, alamoli eau loio tela vovo. tio ale eau lou baha eau ge igoluala vulovulo ale kama kora.¹⁵Ala la rova eau igigoa,eau kama rovi selea. Ala la rova eau masaga ge igigoa,eau kama igigoa, me larova eau kama masagea, eau igigoa. ¹⁶Alamoli mae eau igigo la rova eau kama masagea, eau masaga tavu la viturila alele via la viturila alele tartigi.¹⁷Alamoli igoe ale kamati eau male igigoa, ale la vulovulo ale kama kora ale momou oilo taku. ¹⁸Ala eau rovi la rova oilo taku, ale oilo te la vovogu, kama mahuli tigi. La vuhula la masagala paga ale tartigi oio taku, alamoli eau kama koramuli ge igoa.¹⁹La paga ale tartigi eau masagea, eau kama igigoa, alamoli la rova kokora eau kama masaga, alele eau igigoa. ²⁰Ala mae eau igigo la vulovulo ale eau kama masaga ge igigoa, ale kama eau male igigo maele, ale la vulovulo ale kama kora momou oilo taku. ²¹Ala, eau poga la viturila aleie: La imala ale eau veage igo la vulovulo ale tartigi, ale kokora oio vikapopo le eau.²²Lavuhula eau sagege oilo la viturila te Deo vikapopo me la tahalo ale oilo. ²³Alamoli eau hilo la viturila ale isapolo oilo tela vovogu. Eia vikokue soio tela viturila ale halaba oilo tela gabutalagu. A abi eau mae latahalo ale oio tela kilisi ale loio tela viturila tela vulovulo ale kama kora ale oilo tela vovogu.²⁴Eau la maura, ere ge utululu eau loio tela vovo la pileho? ²⁵Alamoli eau ge toi tartigi soio te Deo loio moli te Isus Kraist la uru gatou! me goio, eau sele abi la viturila te Deo oilo tela gabutala gu. Alamoli, mae age loio tela vovo eau ge abi la viturila tela vulovulo ale kama kora

Chapter 8

¹Ala oilo vola igoe la merera la iriru isa ouka oata tegite ale oilo te Kraist Isus. ²La viturila tela kalulu la mahulila ale oilo te Kraist Isus eia vimaramara ti emei loio tela viturila tela vulovulo ale kama kora mela pileho.³La rova la viturila kama koramuli ge igoa la vuhula eia bare ti loio tela vovo, e Deo igotia. Eia baha e latula sele me eia guvi sele mae la taro la vulovulo ale kama kora via age mae la vabila tela iriru tomi, me eia mera vile la iriru tomi ale oilo tela vovo. ⁴Eia igoa oilo tela gauru alele via la vei mulila tela viturila age sibitala sele somai tegatou. etatou ale kama tatuga mae ale tela vovo. ouka mae ale tela kalulu maroka. ⁵Ala egiteu ale mahuli mae ale tela vovo egite lobagele tavu la papaga tela vovo. me egite ale mahuli mae ale tela kalulu lobagele tavu la papaga tela kalulu maroka.⁶Tio la gabutala ale tabulibuli moli tela vovo a la pileho. alamoli la gabutala ale tabuli moli tela la kalulu maroka eia la mahulila mela tia madila. ⁷La gabutala ale tabulibuli moli tela vovo eia mae la gima soio te Deo, me eia kama koramuli ge vagotalo eia lotalo tela viturila te Deo, me eia kama koramuli ge vitugea, ⁸Egite tai ale mou oilo tela vovo kama kora muli ge igo sagege e Deo.⁹Ala mae, eme ouka tilou oilo tela vovo ouka eme oilo tela Kalulu maroka, la selela mae la Kalulu maroka te Deo ge mahuli oilo taume. Tio mae la tahalo isa kama ge tahoka la Kalulu le Kraist, ale eia kama te Kraist. ¹⁰Mae e Kraist oilo taume, la vovo peho ti mela tilogo soio tela iriru tomi, amoli la Kalulu oilo mahulili vikapopo mela tilogo soio tela seselela.¹¹Mae la kalulu la ale vimahuli rivu e Isus loio tela pileho ge mou oilo taume, me eia tai lou ale vimahuli e Kraist loio tela pileho ge abi taiala vovo la pileho aleie la mahulila age loio moli tela kalula ale mahulili oilo taume le.¹²Ala, tabarabara gu, e tato tomi ge koli rivu la makodo, akama tela vovo via ge mahuli mae a tela vovo. ¹³Mae eme ge mahuli mae tela vovo, me eme ge peho, alamoli mae eme ge mahuli tela kalulu ale eme bili tomiti la papaga ale la vovo igoa, tio eme ge mahuli.¹⁴La valua me hatavile usu sele la kalulu le Deo muga ti egiteu, me egiteu alele e latatu le Deo sele. ¹⁵Eme kama abi la kalulu la kilisi via eme ge tataga lou; ouka eme abi ti la kalulu la baumuli polola, ala male etato taitali mae " tete eme Uru sele!"¹⁶La kalulu maroka magiri mae la vei selela vikapopola kalulu gatou mae etato latatu le Deo.Mae etato latatu, me etato la hili,la hilile Deo. ¹⁷Me etato la hilile Kraist,mae etato goio la tikumula vikapopole Kraist age mae moli ale etato tai ge vikapopo leia oio lapulou la marasala tetala.¹⁸Ala eau gabu tukumua via la tikumula ale omai te la imala ale igoe a kama kora muli ge visauru mai ge vitokoa soio tela marasala ale ge veipalaea somai tegatou. ¹⁹Lavuhula la milatalata tela vipoupou te Deo poutali e latatu le Deo ge veipala la magirigiri gite.²⁰Lavuhula la vipoupou vagotalotia lotalo tela morivala, kama tela masagala tetala,alamoli lavuhula tela tahalo ale vagotalotia, oilo tela gabutalala ale vagari ²¹mae la vipoupou ge liule rivu eia loio tela kilisi soio tela magoala, me alele age vaharia soilo tela marmarala ale loio tela marasala te latatule Deo. ²²Ala tato rovia mae la vipoupou tomi vikapopo egite tailali robrobe me egite gabu la iligiligi kara igoie.²³Kama ale moliele,alamoli mae etato lou ale tahoka la muluga la vavua la kalulu, lailogorila loilo sele la hategato, amaimoliale etato poutali la pilatu tegato, la vimaramarala tela vovo gatou . ²⁴Ala oilo tela gabutalala ale vagari sele a liule etatou.Igoe lagabutalala ale vagari etato hilola la matagato kama sele.Ala ere tahoka la gabutalala ale vagari oio tela rovarova eia karamuli ge hiloa?²⁵ Alamoli mae etato ge gabutala vagari larovarova etato kama hililoa, etato poutalia vikapopo mela tiamalilola.²⁶Oilo tela gauru moli alele,la Kalulu tai suli etato tela birarela tegatou. La vuhula etato kama rovia etato ge kaka mave, alamoli la Kalulu Marokala eia sele kakaka tegatou oio tela irobela ale oilo sele la hatela. ²⁷La tahalo ale rovirovi la hate gato eia rovi la gabutalala tela kalulu, la vuhula eia kaka oio la muligato la valalua me hatavile te Deo ale maroka loio tela masagala te Deo.²⁸Etato rovia mae egite ale masaga tavu e Deo, eia vigolu vikapopo la papaga tomi tela tartigila, me tegite ale eia tola ti egiteu loio tela masagala tetala. ²⁹La vuhula egiteu ale eia rovi pala ti egiteu me eia viraragi ti egite viage egite ge sibitala sele mae la taro le latula e Isus, ala eia ge mae e latu ale laposolagu kabili tegiteu taume tabarabara ale usu peho. ³⁰Me egite ale eia viraragi ti egiteu, eia lou tola egiteu, me egite ale eia tola ti egiteu, eia vimaramara egite, me egite ale eia vimaramara ti egite, me te alele la marasala tetala.³¹Me etato ge vei lou larova loata tela papaga tomi aleie? mae e Deo ge tegala, ere koramuli ge magiri robo etala? ³² Me la tahalo moli ale kama sautola rivu e latula eia sugutaro eia soata ge abi la muli gatou tomi, mave akama koramuli eia lou ge abi tomia gatou la papaga tomi?³³Erese tahalo ge mera galolo loua gite ale e Deo hilovi ti egiteu? e Deo isa moli sekela eia vimaramara la tahalo.³⁴ Erese tahalo isa soio le mera vilevile? e Kraist Isus moli eia male peho ti loata te alele, me eia hiliti rivu lou me eia pou ti tela lima le Deo e gata, me eia oio kakaka tegatou tomi.³⁵Ere koramuli ge abi lele etatou loilo tela gilogo te Kraist? la tikumula, ouka la logo barabara, la magiri robola, ouka la vitolola, la savelela, la ruruga, ouka la viso la vikuela? ³⁶A mae moli ale egite kekesi tia, "tela tartaglia taume egite bili amite tela logo viruru tomi alele. egite hilo amite mae la sipsip ale raragi ge bilia."³⁷Me oilo tela papaga tomi alele etato mou loata tahalo tala tahoka la isaisa loio moli tela tahalo ale masaga sele etatou, ³⁸Eau sele gabua mae age la pileho, ouka la mahulila, ouka egite la Angelo, ouka e Gavman, ouka egite la papaga ale omai vikapopo le etatou, ouka egite ale tahoka la vagarila, ³⁹ouka la ba ale oata malau sele, ouka ale malulu sele, ouka la vipoupou ale isahari lou, via egite koramuli ge leleba etato loio tela gilogo te Deo, ale oilo te Kraist Isus la uru tegatou.

Chapter 9

¹Eau vei pala la seselela ale oilo te Kraist, eau kama vasigologolo, me la irovi taku oilo magiri mae la veiselela omai taku mela kalulu maroka, ²Via oilo taku la ilo gorila mela iligiligi ale kama kaluvuluvu oilo sele tela hate gu³Eau gabutala via eau sele ge abi la meramera la pasalila me eau ge magiri polo loio te Kraist la vuhula te tabarabarala gu moli, egiteu ale tegaku sele tela kasoso. ⁴Egiteu e Israel, egite tahoka la vibaumuli polola, la marasala, la merera la kilisi, la vabila tela viturila,mela lotu tavu le Deo, mela vei selela. ⁵Egite tahoka e tutubu gite teale e Kraist guvi mela tilogo soio tela vovo me e Deo tai loata tomi ovola. Asele.⁶Alamoli a kama via la veiselela te Deo eia ge la paga bulahu moli, Kama tai egite tomi ale oilo e Israel egite te Israel sele. ⁷Me kama tai egite la hili le Abram egiteu e latatula sesele. Alamoli, "a loio sele te Aisak la tilola ge tegite la hilimuele."⁸Aleie, egiteu e latatu tela vovo egite kama e latatu le Deo. alamoli egiteu e latatu tela vei selela guvi mae la hilila. ⁹ Aleie eia la merera la vei selela: " me oio tela imala alele eau ge gomai, tio e giliki isa ge abia le Serah."¹⁰Akama male moliele, mulmuli tela imala ale e Rebekah savulatu loio tela tahalo isa, e tama gato e Aisak- ¹¹Egite giliki e tila gite souka taposa egite egite tai souka igo isa la paga ale tartigi ouka ale kama kora. la vuhula la masagala te Deo ale loio tela hilovila ge magiri, akama via la vuhula la vulovulola, ouka la vuhula loio tela tahalo ale tahoka la tilola. ¹²la merera gomai tetala veiala ,ale uru ge igolu lotalo teale bisi.¹³ Amai moli mae ale kekesitia: " e Jakob eau masaga selea, e moura e Esau eau kama masaga eia."¹⁴Me etato ge vei lou mave? Mave la kama kora la isa oio te Deo? ¹⁵A kama ge kama ge maele. La vuhula eia lou veia le Moses," eau tahoka la tia gorila loata tela tahalo ale eau taola la tia gorila oio tetala, me eau ge gogo egite ale eau ge gogo egiteu." ¹⁶Goio, akama via la vuhula oio tere masaga, ouka la vuhula oio tere harari, alamoli la vuhula te God, ale vahililo la vulovulo la mutelela.¹⁷Ala la merera veiale Parao, Tela vuhula moli aleie Eau tau eme soata, via eau ge taupala la vagarigu oilo taume, la vuhulage la maututula otalo la magasa ge veipala la isagu.¹⁸ Ala e Deo tahoka lailogorila loata tere Eia gabutalea,me ere Eia gabutalea,eia igo la veregela.¹⁹e goio ge veiagu mago , Lavuhula ilava eia soloio papoga la iruru? Ila ere sele magiri vikapopoti la gabutalala tetala ale vagarila? ²⁰ Loatavola, amuto la tahalalo, amuto ere sele amuto ge kolikoli la merera soio te Deo? Karamuli la paga ale puhia ge merarivu soio tela tahalo ale puhia, ge tahi mae lavuhula ilava eme puhi eau maie?²¹ Ila la tahalo ale pupuhi kama tahoka la vagarila loata tela pita ge puhi loio tela bautula moli alele la tahogo ale igigo lapapaga ale mata sapolopolo,me la tahogo ale ge igigola tela logo isasa?²²Age mave mae e Deo, ale masagage vahililola la igotolola tetala me la virovila tela vagargarila tetala, bukeke la tikumula vikapopo me la tia malilola la tahogo la igotolola eia viragia tela tikumula ? ²³Age mave mae eia igo lapaga aleie viage virovila la vuliti tela marasala tetala loata la tahogo lailogorila, ale eia viragitia ge tela marasala?²⁴ Ere ge hiloa mae eia ge igigoagato tai maele ,etato ale eia tola taiti etatou, kama loilo kabili moli tegiteu e Ju,alamoli loio kabili tai tegiteu e Gentael?²⁵Maiale eia vei taia oilo te Hosea. Eau ge tola la valalua me hatavile ale kama taku egiteu ge taku, me la tahalo ale eia masaga tavua ale eia kama masagea. ²⁶Me age mae sele ale eia veitia tia giteu,' Amuto kama la valalua taku,' tio oio vola le ge tola le egiteu e 'latatau le Deo ale mahulihuli.'"²⁷La tilali te Aisaia a tavu egiteu e Israel, " La giligi giteu e latatu giteu e Israel age mae la magasa la mago, alamoli egite lolosa moli ge mahuli utu, ²⁸La uru sesele ge vagogala la gabutala la matamulila tetala soata tela mautu la magasa tomi me akama ge igo makoko." ²⁹Amae moli ale e Aisaia vei tia mamuga, " Mae la uru tela vala kama ge piligi taro etatou la hilila, etato ge mae sele e Sodom, me etato tai ge mae sele e Gomora."³⁰Me etato ge vei lou larova? Mae egiteu la Gentael, egite kama hari mulmuli la vulovulo ale matata, ge sautola la vulovulo ale matata, la magiri matatala a loio tela tautaulailo. ³¹Alamoli egite Israel, egite hari muli la viturila tela magiri matatala, egite kama guvi oio vola.³²Lvuhula ilava? la vuhula egite kama hari mulia oilo tela gauru la tautaulailo, ouka atela igolula moli. Egite boru loata tela Uati tela buroru, ³³a mae moli ale egite kekesi tia, "Mata somai, Eau ge tau la Uati oilo e Saon la Uati la buroru mela Uati ale ge visibitala la hatemasila. La tahalo moli ale tautaulailo oilo vola eia kama ge mahela."

Chapter 10

¹Tabarabara gu, la masaga la tiagu mela tilahi taku soio te Deo a tegiteu, a tela mahulila tegiteu.² Eau mera matagaga ti ile egiteu mae egite tahoka sele la masagala uru sele soio te Deo, Alamoli akama loio tela mari,³ Ala, la buroru te ale kama gabutalamulimuli la habala ale loio te Deo,me mamata ge soko lahalabala tegite lou,egite kama vagotalo egite soio tela halabala te Deo.⁴Ala e Kraist eia la puru laviturila tegiteu ale tautaulailo.⁵ Lavuhula e Moses kekesi tola la halabala ale loio tela viturila. La tahalo ale igigo la halabala tela viturila egite ge mahulila la halabala alele.⁶Alamoli la vahalabala ale loio tela tautaulailo vei mae,umala vevei oilo la hatemu, Ere ge goata la ilo lalage? (alele mae ,ge puli e Kraist sotalo),⁷ me umala meramera mae,Ere ge goata tela ibis?(alele mae, ge pulitaro e Kraist loio tela pileho ge goata)⁸Alamoli a vei mave? La merera hagavi moli taumele, ale la merera la tautaulailo, ale etato veipalalaea. ⁹ Lavuhula mae eme ge veipalala laharemu mae e Isus eia la Uru,me eme ge tautaulailo oilo la hatemu via e Deo vahiliti rivua loio tela pileho ,eme ge maramara.¹⁰ Lavuhula la tautaulailo ale vikapopo mela hate igo halabalaba etatou, mela hare gatou ale veipalapala liulele etatou.¹¹La merera vei mago Egiteu ale tautaulailo oata tetala egite kama ge pou mahelahela.¹² Ala egite Ju me egite Grik kama isapolopolo. Me la Uru moli alele eia la Uru tegite tomi,me a tahoka la vuliti soio tegite tomi ale tatola soata tetala.¹³ Ala egite tomi ale tatola loata tela isa la Uru egiteu ge mahuli.¹⁴Goio egite ge tola tavua mave mae egite kama tautaulailo oio tetala?Egite ge tautaulailo oio tetala mave mae egite kama lolo isa la merera? Egite ge lolo mave mae la tahalo ale ge valolo ouka?¹⁵ Me egite ge valolo mave, maimoli egite ge baha egite? Maimoli ale egite kesia mae, La vaha gite ale vituga la merera te Uru marasa sele.¹⁶Alamoli kama egite tomi roromuli merera te Uru. E Isaea vei mago ,Uru, Ere tautaulailoti oio telarova egite loloa loio tamite?¹⁷ Ala la tautaulailo guguvi loio tela ilolo, la ilolo tela merera te Kraist.¹⁸Ala eau vei mago ,"egite kama loloa?"Meie, a sele moli. "La maregola tegite gogalati soio tela mautula la magasa,mela merera tegite soio tela igaga la maututula."¹⁹Loatavola, Eau vei mago, E Israel kama rovia?"Mamuga e Moses vei mago "Eau ge igo hate masime soio tela gabutala barala tela rova kama la mautu. La masovala mae la mautula ale la irovi ouka, "Eau ge uru hilitime soata tela tiamasila. "²⁰Goio e Aisaea la vovola toro sele laimala ale eia vei mago, "Eau egite ale poga eau kama egite ale papa eau .Eau guvitavu egiteu ale kama baha tavu eau.²¹ "Soio tegite Israel eia vei mago ,"La logologo tomi isasa Eau rapalapala la limagu soio tegite ale kama lololo me egite ale veregege. "

Chapter 11

¹Eau ge vei loua, mave e koramuli e Deo ge mukupile egiteu la valalua tetala? Akama ge maele, Eau tai la tau Israel, la hili le Abram, loio la maratatila te Benjamin. ²E Deo kama mukupile pile egite la valalua tetala, egite ale eia rovi pala ti egiteu, Eme kama rovi la merera ale vei tia oio te Elaija, A vei ale e Elaija kaka tavu e Deo la imala ale eia igotolo egite Israel? " ³Uru, egite bili ti egiteu la propet taume, me egite solube taro tomiti la Alta taume. eau moliti piligie, me egite oio pamuli eau ge abi taro la mahuligu tai."⁴Alamoli la kiloli la merera te Deo veiala mave? "Eau taugale tiagu la valalua salatu vitu ale kama tototulu soio te Bal."⁵ Ala goio, te la imala ale igoe egite kamati usu tai la vuhula tela hilovila tela gilogo.⁶Mai ge age la gilogo. akamati la igolula. Soukage la gilogo kamati ge la gilogo.⁷ Larova lou? Lapaga ale Israel mamatea akama pogea, alamoli egite ale eia hilovi egite egiteu pogea, me egite tomi aleio eia vivagari la tia giteu. ⁸A maimoli mae ale egite kesitia:"E eo abitia giteu la kalulu la gabutalala ale boto, la mata lavuhula egite umala ge mamata, la gavusa via egite umala ge lolo, te la logo sele ale igoe. "⁹Goio e Devit vei mago, korale la poro la ilali tegite ge guvi mae la vuo me la mai, me la tuakila mela tikumula¹⁰ tegiteu.

¹¹Goio eau vei loua, "ila ale egite tutuaki male egite borue? "Akam ge maele. Loio tela mavela tegiteu, la mahulila gomai ti tegite e Gentael, age vahiliti la tia giteu ge gabutala geru.¹² Igoe mae la mavela tegite a la vuliti tela mautula,me mae savelevelela tegite ategiteu e Gentael, ale la kaluvuluvula tegite la uru ge kara mave?¹³Alamoli igoe Eau meramera soio tamuto Gentael, A mae moli mae Eau la bilaha soio tegite Gentael, Eau gabuvauru sele la igolula taku.¹⁴Soge eau ge igo la tia gite ale tela tegaku sele ge gabutala pahi. Soioge etatou kama ge vimahuli isahari tegiteu.¹⁵Mae la mukupile la tegite la masovala ge guvi mae la ilapumatatala tela mautu la magasa, me egite ge abi la rova ovola age la mahulila tela pileho moli? ¹⁶Mae la vavua la mulugala ge tau raragia, age mae la plava ale totoge sogala. ouka mae la uala ge viragia, me la halala tai ge maemoli la uala le.¹⁷Alamoli mae la halala isahari ge tagole, mae eme, la halala la Oliv ale tela hoi, ale tabago soilo tegiteu, goio mae eme abi la ilali vikapopo me egite lotalo tela ua la obu la Oliv. ¹⁸Eme umala kalisasae loata tegiteu, la halala, mae eme ge kalisasae. eme kama sautola la uala obu tomi, la uala obu male koli emei ele.¹⁹Eme goioge vei mago, "La halala tagole la lavula eauge tabago soilo la mulila." ²⁰Alele asele. Egite kama tahoka la tautaulailo ala e Deo pututaro egiteu, Alamoli eme magiri vagari lavuhula la tautaulailo taume. umala gabutala vauru agagime, alamoli eme ge taga.²¹ Ala mai e Deo kama gitarola la halala sele, me eme tai e Deo akama ge gitarome²²Matavua, mela, vulovulo la mukupilela te Deo:La vulovulo la mukupilela guvi loata tegite Juda ale boru,alamoli la mutelela te Deo guvi tavuti amuto, mae amutoge solo la vulovulola ale tartigi, souka ge la uru ge vali taro amutou.²³Me egite tai, mae egite kama ge solo la mahulila tegite ale la tautaulailo ouka, egite ge tabago soilo, e Deo soloio koramuli ge tabago egite soilo. ²⁴Mae la masaga la vovo vali taro ti amuto loio tela obu la Olive tela hoi. age magiri robo la mahulila ale ge tabago soilo tela obu la Oliv ale tartigi. me age guvi uru lou mave, la halala ale tela vovo, ge tabago rivu lou soio tela kabili la obu la Oliv?²⁵Eau kama masaga via amuto ge pou mae la pauala, tabarabara gu, oilo tela merera kovu la. via amuto kama ge mari oilo tela gabutala muto lou, La bautula ale vagari gomai ti tegiteu e Israel kara mae la giligi giteu e Gentael ale viruru tiroro soilo²⁶Ila egite Israel tomi ge mahuli, amae moli ale la merera egite kekesi tia: loilo e Zain la tahalo la utululula ge gomai. me eia ge abi taro la vulovulo ale kama kora loio te Jakob, ²⁷Me alele eia ge la merera la kilisi taku soio tegiteu, la imala ale eau ge abi taro la iruru tegite tomi."²⁸ La merera te Uru tuga malau ti, me egite guvi ti mae la gima ile amutou moli, alamoli loio la ba ale la tururi ovola, ilisulisu a tegite la vuhula te tatama giteu.²⁹La vabila mela tilola te Deo akama koramuli ge vulo loua.³⁰Amuto pala kama lolo vulai tavu e Deo, alamoli ale igoe amuto abi ti la gilogo la vuhula egite kati lolo la Uru. ³¹Me oilo tela gauru alele, igoe egite e Juda poke taro ti la Uru, la vavuala eia tela gilogo ale guvi pala ti somai tamutou ala egite tai ge abi la gilogo, ³²E Deo vali taro tomiti la vareagila via oilo tela gauru alele eia ge vahililo pala la gilogo soio tela valua tomi.³³Ae,la malau la vuliti la gabutalala ale tartigi me la mari a loio te Deo! La matamulila tetala ale kama koramuli ge mata vutia, me la gauru la iligo la papaga tetala ale kama koramuli ge pogea! ³⁴ Ere karamuli ge rovi la gabutalala te La uru ouka ere koramuli ge vituri muliala la papaga?³⁵Ouka ere isa soio le abitia le Deo isa la paga, ale e Deo ge koli rivua la? ³⁶Loio moli tetala me oio tetala, me soio tetala a la papaga tomi, La marasala ge tetala la tapasila ge ouka, Asele.

Chapter 12

¹Oio vola eau tututolea mutou, tabarabara gu, oilo vola tela gilogo te Deo, eme ge sugutaro la vovomu tomi mae la vabila ale mahulili, age maroka sele, me age igo e Deo ge masaga tavua. Ale eia ge la vuhula igolu taume, ²Amuto umala ge vai vagari amuto soio tela mautula, Alamoli amuto ge guvi halaba oilo tela gabutala mutou. amuto ge igoa maele ila amuto ge rovi la rova tartigi, me la masagala te Deo ale matata.³Me loio moli tela gilogo ale e Deo abi tiagu eau ge vei tomia gite ale kabili tamutou: Umala gabutala vauru emei mae ale eme igoa, alamoli age mae, gabutala tigi mela matamulila, isasa loio tela uru la tautaulailo ale e Deo abi tia mutou.⁴La vovo gatou tahoka la bautula ususu, alamoli la bautula vovo gatou la igolu tegite tomi kama visauru. ⁵Ala moli oilo tela gauru ale moliele, etato ale usu tomi oilo tela vovo isa moli te Kraist, me etato isasa mae la bautu la vovo ale isa polopolo.⁶Etato tahoka la vabila isapolopo loio tela gilogo ale eia abitia gatou, Mae la vabila isa eia tela vei lahala, me eia ge igoa maele a visauru mae la tautaulailo tetala. ⁷Mae la vabila isa eia te igolula, me eia ge igo la igolula, mae isa tahoka la vabila tela vimarila, me eia ge vimari la valua. ⁸Mae la vabila isa eia tela vivagarila, me eia ge vivagari la valua, Mae la vabila isa eia la vabila me eia ge igoa mel malopila, mae la vabila isa eia ge la mulugaluga, me eia ge igoa vikapopo mela vibaumulila, mae la vabila isa eia la tia gorila, me eia igoa mela sagela.⁹Me la gilogo eia ge umala ge vikapopo mela kalisasae la, umala ge taho tavu la iriru, sautola vagari la papaga ale tartigi. ¹⁰Gabutala la ilisulisu kabili te tabarabara gatou, eme igoa le tabarabara mu. gabutala la tilogo, amuto ge vitogo baoli.¹¹Gabutala la vabila, umala makuku, gabutala la kalulu maroka, amuto ge malopi tavua. gabutala la Uru, igoluala, ¹²Sagege oilo tela tautaulailo , hate tola oilo tela iligiligi, amuto ge magiri vagari oilo tela kilaka, ¹³Vabi oilo tela savelela tegite la valaluae Deo ale maroka. amuto ge pamuli usu la gauru tela baumuli la valua me hatavile.¹⁴Amuto ge vibalava egite ale magiri robo amutou, ¹⁵Sagege vikapopo me egite ale sagege, tali vikapopo me egite ale taitali, ¹⁶Alamoli age loio moli tela gabutala ale visauru, umala gabutala oilo tela gauru la kalisasae la. amuto ge kaka tavu la valalua ale vagotalo egiteu, Umala gabutala via eme mari oilo tela gabutala mu.¹⁷Umala koli rivu la iriru la iriru lou, Amuto ge igo la vulovulo ale tartigi oio tela mata gite la valalua. ¹⁸Mae akama ge tivura, mae moli ale age tabuli oata tela limamu, Amuto ge pou mela tia madila vikapopo mela valua tomi¹⁹Umala viligiligi emei, tabarabara gu, amuto ge magiri gale loio tela hate masila te Deo. La merera egite kekesi tia, la viligila eia tegaku, eau ge koli rivua,la Uru vei tia. ²⁰Alamoli "mae la gima taume vitolo, abiala la ilali, mae eia malehu, abiala la lalu. mae eme ge igo mae aleie, eme ge tau la havi ale togoa oata la gamala, ²¹La tovolaila umala ge vagotalo emei, eme ge vagotalo la kama korala ale tartigi.

Chapter 13

¹La kalulu tomi ge roromuli la vagarigarila ale uru loata, la vagarigarila isa ouka tilou mae ale loata te Deo, la vagarigarila ale magiri e Deo moli turia,²Ala ere tahalo mukupile la vagarigarila ale eia magiri robo la viturila te Deo, me egite ale magiri roboa ge abi la mapa la iruru tegite lou.³Egite la mulugaluga kama lagima ge vitaga la vulovulo ale tartigi, alamoli egite ge vitaga la vulovulo ale kama kora.Mave eme masaga kama ge tataga la tahalo ale oio tela muli ale soatata?Igo la vulovulo ale tartigi, ila eia ge tahoka la irovilala loata taume.Alamoli mae eme ge igo la vulovulo ale kama kora, eme ge taga, lavuhula eia kama abi bubu la viso la vikokuela.⁴ Eia la bilaha te Deo, la tahalo ale veipalapala la hatemasila loata te la tahalo ale igigo la vulovulo ale kama kora.⁵ Ala eme ge romulia, kama tela hatemasila moli, me tela gabutalala tai.⁶Ala eme tai ge loto la takis. La vuhula egite la mulugaluga egite la bilaha te Deo, egite lobagele soio tela paga aleie la imalatomi.⁷ Loto le egite la valalua tomi la mapa gite sele: la takis soio tegite ale eme ge loto egite, la mapa la gauru soio tegiteu ale eme ge abia giteu, la tilaga soio tegite ale taga, la tilogo soio tegiteu ale koramuli eme togo e giteu.⁸Umala makodo la paga isasa, la paga isa moli masaga vibaoli amuto isasa. la tahalo moli ale masaga egite valua me hatavile eia tilimuli sele la viturila. ⁹La mera vagarila male," umala igigo la iriru soio tela tavile polo isasa, umala bilibili, umala pakalikali, umala sugu kokovu isa la paga," ala mae la mera vagarila isa oio koramuli ge vitoko me aleie, " Masaga sele la valua taume mae ale eme masaga rivu lou emei."¹⁰La masagala kama koramuli ge vipou bara la valua me hatavile. Oilo vola la masagala amae ale koramuli tomi la viturila.¹¹Ale la vuhula ale, amuto rovi la imala, a la imala ti ale amuto ge hagolo loio tela mavutala tamutou. Ale igoe la mahulila hagavi sele ti loio teale mamuga etato tautaulailo. ¹²La maligoma tuga ti, la logo utupola ti me a hagavi ti. Ala etato ge tau gale la papaga tela maligoma, me etato ge vikai robo le etatou la kai robo la matagaga.¹³Ala etato ge paki taho tela tuluga gatou, tuga mae ale oilo la haro, kama oilo tela sagegela iliu ouka la iliu peho la. Ala etato umala ge tatuga oilo la loho tavu la tavile ale akama kora ouka oilo tela masagala ale vagari peho, me a umala ge oilo la igotolola ouka la hatekala. ¹⁴Tartigi amuto ge vikai robo le amutou la uru Isus Kraist, me umala vipolopolo isa la papaga la vovo. via ge tilimuli la masagala tetala.

Chapter 14

¹Kaka tavu e Maura mite ale maveve oilo tela tautaulailo tegiteu, umala matamuli egite loio tela vilapu merera la. ²La tautaulailo tela tahalo isa via age ali la papaga tomi, ale teale isa a maveve sele ala age ali moli la ilali la mahuma.³La tahalo ale ali la papaga tomi umala ge hilo bara la tahalo ale kama alali la papaga tomi; me la tahalo ale kama alali la papaga tomi tai umala ge matamuli la tahalo ale alali la papaga tomi. La vuhula e Deo abi ti eia. ⁴Eme ere sele, via eme ge mata muli la valua la igolu tela tahalo polo? age oio lou tela mulugaluga tetala age magiri ouka age boru. Alamoli la imala eia lou ge vaivagari eia ge magiri, la vuhula la uru moli koramuli ge igo eia ge magiri.⁵La tahalo isasa hilo la logo ale isa eia loata teale isasao. Ale isa hilo la logo isasa eia visauru moli. etato isasa ge gabutala mulia oilo tela gabutala gatou lou. ⁶La tahalo ale tuga mulmuli la logo, eme ale alali, eme alali te Deo, la vuhula eia vei tataho la uru ovola, la tahalo ale kama alali, vikosi lou eia umala ge alali te la uru, me eia vei tataho moli e Deo ovola.⁷Isa tegato kama mahuli tetala lou, me isa tegato kama peho rivu lou le eia. ⁸ Ala mae etato mahuli, etato ge mahuli te la uru, mae etato ge peho, etato ge te la uru.⁹Me oilo tela gabutala kokovula aleie e Kraist peho me eia mahuli rivu lou, la vuhula eia ge sibitala mae la uru loata tegite ale pehoti me loata tegite tai ale soloio mahulili.¹⁰Me emei, ilava eme mata mulmuli lou e tabaramu. Me emei, ila eme hilo barabara lou e tabaramu, Me etatou tomi ge magiri tela matala ilapu matatala te Deo. ¹¹La merera kekesi tia, "mae eau mahuli," la uru vei mae, " la tulu gatou tomi me la kalamea gato tomi ge vei pla soio te Deo."¹²Ala male, etato isasa ge vahari la giligi la vulovulo gatou isasa soio te Deo. ¹³Me oilo vola,e tatou umalati ge hilo barabara e tabarabaragato isasa, ouka amuto ge gabutala mae, via isa umala ge taurobo la paga la tutuakila ouka age tutugolo e tabarala.¹⁴Eau rovia selea via oilo te la uru Isus la paga isa kamakora eia lou. mae la tahalo lou eia ge gabutala via akama maroka me age mae vola. me oio tetala lou eia kama maroka,¹⁵Mae la vuhula ge la ilali e tabaramu ge gabu bara lou eia, ale eme oukati lou tatuga oilo la gilogo. umala igo barabara emei la ilali ale e Kraist peho tila.¹⁶Ala umala igoa via la rova eme rovia via eia tartigi eme ge mera bara lou ovola. ¹⁷La vuhula la mautu la sagegela te Deo kama tela ilali mela iliu, ouka a tela magiri matatala, la tia madila, mela sagela oilo tela kalulu maroka.¹⁸Me la tahalo ale igoluale e Kraist oilo tela gauru alele eia tartigi sele oilo te Deo me la valua me hatavile tai ge masaga selea. ¹⁹Ala mae, etato ge tuhaka tavu sele la papaga ale ge viguvi la tia madila mela papaga ale ge vahiliti etato isasa.²⁰Ala umala igo barabara la igolu te Deo oilo tela papaga la ilali. la papaga tomi eia maroka ti, alamoli age ruru moli mae la tahalo eia ge ali isa la paga ale ge igo e tabarala ge boru. ²¹Age tartigi moli via etato umala ge alali la maili la kalia, ouka umala liu la Vaen, ouka la paga ale isahari e tarabamu souka ge tia bara ovola.²²La tautaulailo ale eme tahokea, eme ge sautolea kabili taume me e Deo. la vibalavala ge tela tahalo ale kama hilo barabara eia oilo tela papaga ale eia gabua via a tartigi. ²³La tahalo ale kama tautaulailo age gabu geru eia mae eia ge ali. la vuhula akama loio tela tautaulailo. me la papaga tomi ale kama loio tela tautaulailo egite tomi eia la iriru.

Chapter 15

¹Ala etato ale soloio vagari etato ge magiri suli egiteu ale maveve, me etato umala ge igo tigi moli etato lou. ²Etato isasa ge puhi taho egite la valalua tegatou mela papaga ale tartigi, oilo tela gauru ale age vahiliti eia soata.³E Kraist kama gogo rivu lou eia. ouka, amae moli ale la merera kekesi tia, " La mera barala ale egite mera geruamu a paru loata taku." ⁴Me la rova egite kekesi tia pala egite kekesia mae la vituri mulila somai tegatou oilo vola loio tela hatetola la mela tututolala tela merera te uru me etato ge tahoka la tautaulailo.⁵Ala igoe e Deo la hate tolala mela tututolala ge abiamu la gabutala ale visauru mae te Kraist Isus. ⁶Me eia ge igoa maele via age oilo tela gabutala ale isasa amuto ge visalea vikapopo mela hare ge isa moli e Deo tama gatou me la uru gatou e Isus Kraist. ⁷Ala amuto ge kaka tavu lou amutou isasa, mae moli ale e Kraist kaka tavu ti emei, tela visalela te Deo.⁸Ala eau ge vei mae e Kraist guvi ti mae la tahalo la igolula tela vilali la vovo eia abi la ba tela merera la selela te Deo, via age igo vagari la veiselela ale abitia gite tatama gatou, ⁹Me egiteu e Gentael visale e Deo tela tia gorila tetala. amae moli ale kekesitia, " oilo vola eau ge toi la visalela soio taume kabili tegiteu e Gentael me eau ge bau la visalela soio tela isamu."¹⁰Agoio vei loua," Sagege, amuto Gentael, vikapopo me egite la valua tetala."¹¹Me avei loua,"Visale la Uru, amuto tomi e Gentael; la valua me hatavile tomi ge visale eia."¹²Avei loua, e Aisaia vei mago," La hili le Jesi ge gomai, eia moli ge hiliti mae la mulugaluga tegite Gentael; me oilo moli tetala egiteu e Gentael ge tahoka la tautaulailo."¹³Igoe e Deo tela tautaulailo ge vivolu amuto la sagegela mela tia madila oilo tela tautaulailo, la vuhula oilo moli tela vagargarila tela kalulu maroka eme ge tahoka la tautaulailo.¹⁴Eau sele omai tahoka la gilabulabu isa somai tamuto tabarabara gu. Eau gabua mae amuto oiole volu mela tartigila te uru, volu mela mari pahila. Me eau gabua mae amuto tai oiole koramuli sele ge vivagari lou amuto isasa.¹⁵Alamoli eau kekesi lou somai tamutou mela vagrila tela papaga isahari viage vigabutala lou le amutou, la vuhula tela gilogo ale e Deo abi tiagu. ¹⁶La vabila ale amae eau ge guvi mae la tahalo la igolula te Kraist Isus ale bahea soio tegiteu e Gentael, ge vahari la opa mae egite la Prist tela merera te Deo, la vuhula la oppa tegiteu e Gentael la uru ge masaga tavua, la kalulu maroka vimaroka tia me a tetala.¹⁷Oilo te Kraist Isus eau tahoka la vuhula merera ale tartigi ge kalesae tela igolu ale eau igigoa le God. ¹⁸Ala eau kama ge gabutala ge vei sapolo isa la paga alamoli larova e Kraist vikaluvutia loio taku tela iromulila tegite Gentael. Ale lapapaga aleie viguvila la merera me la vulovulo, ¹⁹A guvila la vagargari la irovi me la vikarutula, me la vagari la kalulu marokala.Ale guvi mae la vuhula loio e Jerusalem,polo galili goio mae e Ilirikum, via eau ge vagogala la merera te Kraist.²⁰Me oilo tela gauru alele, la masagala taku tomi eau masaga ge valolo la merera. alamoli kama ge oio la ba ale la isa le Kraist la valua rovia, souka ge eau ge vimagiri la igolu oata tela sosole la tahalo polo vimagiria. ²¹Amae moli ale la merera kekesi tia, " Me egite ale kama lolo la merera tetala ale halaba gomai ge hilo eia, me egite ale souka lolo la valolo egiteu ge rovi matagagea."²²Ala eau hari galili tagara usu sele ale eau masaga ge gomai tamutou. ²³Ala moli igoe eau kati taola lou isa la ba oilo tela gale la mautula aleie, ala eau gabutala la leavala usuti via ge gomai tamutou.²⁴Me eau gabutala tia viage hilo amutou la imamala eau ge tetepolo soio e Spain, me amuto ge koli eau oio tela gauru taku oio le, la imala ale eau ge momoge vikapopo le amuto bakisi. ²⁵Alamoli ale igoe eau ge goilo e Jerusalem, ge vahari la visulila soio tegite la valalua te Deo ale maroka.²⁶Ala eia paga ale tartigi sele via egite Masedonia me Akaia ge tau vikapopo la vabila soio tegite ale pou la savelela kabili tegite la valalua te Deo ale maroka oilo e Jerusalem. ²⁷Me asele, ale eia la sagegela ale tartigi peho, ale egite soloio ge abia giteu. Mae moli egite Gentael ge tamai utu oilo tela papaga la kalulu, egite ge kolia gite Juda me age mae la kiloli soio tegite vikapopo mela papaga la igolula.²⁸Oilo vola, la imala eau ge vikaluvu la igolula me eau ge vagari sele via egite ge abi la papaga tomi ale egite vitau vikapopo tia, me eau ge goio e Spain tio eau ge pahutu amuto kabili la gauru. ²⁹Eau rovi selea via la imala eau ge gomai tamutou eau ge gomai oilo la vibalavala te Kraist ale viriru.³⁰Ala eau kara suku amutou, tabarabara gu, oilo te la uru e Isus Kraist, me la masagala tela kalulu maroka, amuto ge tuhaka vikapopo le eau oilo la kilaka soio te Deo ile eau. ³¹Amuto ge kaka via eau ge polo pepe egite ale kama lolovulai oilo e Judea, via la igolula taku oilo e Jerusalem egite la valua me hatavile te Deo ale maroka ge masaga tavua. ³² Amuto ge kaka via la imala eau ge gomai tamutou mela mogela loio tela masagala te Deo. me eau ge, vikapopo me le amutou. ge poga la mailala.³³La tia madila te Deo ge vikapopo le amutou tomi. Amen.

Chapter 16

¹Eau mera vagari soio taume e Poebe eme e lohatavile miteu, eme ere la tahalo la igolula oilo tela luma la lotu ale oilo e Kensrea, ²Oilo tela gauru ale eme koramuli ge kaka tavu eia oilo te Uru. Eme ge igoa mae oilo tela vulovulo ale tartigi mae egite la valalua me hatavile te Deo ale maroka. eme ge abiala la kiloli ale eia masagea loio taume, eia guvi mae la kiloli ale uru sele soio tela valalua usu peho me eau tamai.³Amuto ge sagege robo e Prisila me Akuila, egiteu e tabarabara gu ale amite vigolu tomi oilo te Kraist Isus, ⁴Egite ale kama gabutala la mahulila tegiteu la vuhula tala mahuli gu. eau toi tartigi soio egiteu, me kama eau moli, egite la lotu tomi te Kraist ale oilo e Gentael. ⁵Sagege tavu la lotu lotu tomi ale oilo tela luma tegiteu. Sagege robo tai e Epaenetus eia la hategu sele, Eia la muluga la vavua la mautu e Esia soio te Kraist.⁶Sagege robo tai e Maria, eia igolu vagari sele tamutou, ⁷Sagege robo e Andronicus me junias, egite la valua taku sele ale amite pou tomi oilo tela la luma la kilisi. Me egiteu la Aposel rovi taho sele egiteu. me egite tai goilo te Kraist mamuga taku. ⁸Sagege robo e Ampliatus, eia la hategu sele oilo te la Uru.⁹Sagege robo e Urbanus, eia amite vigolu tomi oilo te Kraist, me Stakis, eia la hategu sele, ¹⁰Sagege robo e Apeles, e Kraist masaga sele eia, Sagege robo egite tomi ale oilo la luma te Aristobulus. ¹¹Sagege robo e Herodion, eia la tahalo taku sele. Sagege robo tai egite ale oilo tela luma te Narsisus eia tai oilo tela Uru.¹²Sagege robo e Tripaena me Triposa, egira igolu vagari sele oilo te Uru, Sagege robo e Persis eia la hategu. Eia igolu usu sele oilo te la Uru. ¹³Sagege robo e Rufus, la hilovila oilo te Uru, me e tilala me tila gu. ¹⁴Sagege robo e Asinkritus, e Plegon,e Hermes, e Patrobas, e Hermas, me egite tabarabara gu ale vikapopo me le giteu.¹⁵Sagege robo e Pilologus me Julia, e Nereus me lohatavilela, me Olimpas, me egiteu la valalua te Deo ale maroka ale oio vikapopo me le giteu, ¹⁶Sagege robo amutou isasa vikapopo mela piliu ale maroka. Amuto la lotu lotu tomi te Kraist sagege robo amutou.¹⁷Igoe eau tututolea muto, tabarabara gu, amuto ge gabutala muli egiteu ale visibitala la vilele bala mela buroru. Egite polo taro ti la vimarila ale amuto vimari tila. kimoso taro egiteu. ¹⁸Egite la mata la valalua ale maele kama koramuli ge igoluala Uru e Kraist. egite gabutala moli la tia giteu lou. loio la merera ale ava tatahoa me ale tabuli tigi me egite ge tutugolo la hate giteu ale maramara.¹⁹La vituri mulila mela iroromulila tamutou poga ti la valalua tomi. Eau moge sele, oilo vola, a loata tamutou, alamoli eau masaga amuto ge mari tavu la papaga ale taritigi, me amuto ge magiri gale loio tela papaga ale kama kora.²⁰ E Deo la tia madila hagavi ti ge toa kuru e Satan lotalo tela ilo puli mutou. Me la gilogo te la Uru gatou e Isus Kraist ge vikapopo le amutou.²¹Timoti, eme e kolia taku tela igolula, sagege robo emei, me e Lusius, me Jason, me Sosipater, la tahalo taku sele. ²²E Tertius, eia moli male kekesi tola la igolu tela epistle sotalo. sagege robo emei oilo tela Uru.²³E Gaius, eia sautola sele eau mela lotu tomoli. sagege robo emei. e Erastus, la tahalo ale sautatola la vuliti tela Siti, sagege robo emei, vikapopo me e Kuartus e tabarabaragu ²⁴²⁵Igoe soio tela tahalo ale igo vagari amuto koramuli ge magiri tela merera la lotu mela valolola te Isus Kraist, loio tela mari kovula ale tabuli kovu pala ti tela imamala ale tugati,²⁶Alamoli igoe a tabuli matagaga ti loio tegite la Propet la rova egite kekesi tia soio tela mautula tomi, loio tela mera vagarila te Deo ale la tapasila ouka, age vahari la iroromulila oilo tela tautaulailo.²⁷Soio moli te Deo ale tahoka la mari, me loio te Isus Kraist, la marasala la tapasila ge oukati. Asele.

1 Corinthians

Chapter 1

¹E Paul, e Kraest Isus tolea ge sibitala mae la aposel tela masagala te Deo, me Sosten e tabara gato, ²Goio tela lotu te Deo ale oio e Korint, egite ale maroka ti oilo te Kraest Isus a tola egite mae la valua ale maroka sele, vikapopo me egite tomi ale oio la mautula ale tola tavu la isa la uru e Isus Kraest, eia la uru tegite me tamite tai. ³La gilogo mela tia madila ge tamuto loio te Deo e tama gatou me la uru e Isus Kraest.⁴Bibi eau vei tataho e Deo taku ile emei la vuhula la gilogo te kraest Isus ale eia abi tiamu. ⁵Eia vibalava mei eme balava tela gauru tomi,oilo tela merera tomi mela mari tomoli, ⁶Mae moli la vei mulila te Kraest sibitala mae la selela kabili tamutou.⁷Oilo vola eme kama savele isa la vabila tela kalulu maroka tela tuhakala taume oilo la imala ale eme poutali la mari tela uru e Isus Kraest ale tabuli kokovu. ⁸Eia ge vai vagari me goio tela tapasila, la vuhula emege maramara sele tela logo tela uru e Isus Kraest. ⁹E Deo eia sele, eia tola eme soilo tela pulou la vikapopola te latula, e Isus Kraest la uru tegatou.¹⁰Igoe eau tutu tolea mutou, tabarabaragu, oilo tela isa la uru e Isus Kraest, la tia muto mela gabutala muto ge isa moli, eau tututolea mutou ge vikapopo mela gabutalala ge isa moli mela masovala ge isa moli. ¹¹Me a tabuli matagaga moli somai taku, amuto tabarabaragu , te Kloes moli la valua ale oiole igogolu kabili tamutou.¹²LA masovala mae, isasa tamuto vei mago,"eau vikapopo me Paul," eau vikapopo me Apolos," eau vikapopo me kepas," ouka" eau vikapopo me kraest." ¹³Ila e Kraest vilele lua? mave e Paul tili oata la tauvalutu taume? mave eme vuhi oilo tela isale Paul?¹⁴Eau vei taho e Deo teale eau kama vuhi isa tamutou, e gira ilua moli e Krispus me Gaius. ¹⁵Age mae la vuhula isa souka ge veia eia vuhi soilo la isagu. ¹⁶ Eau vuhi tai egite tomi ale oilo la luma te Stephanas, lolagu te ale, eau kama rovia eau vuhi tai lou isahari o ouka.)¹⁷E Kraest kama baha eau somai ge vuhi la valua, eau gomai ge valolo la merera te uru - kama la merera tela mari ouka, oilo tela viputu mulila ale la tauvalutu te kraest la vagarigari la kama ge kaluvu ge kokovu.¹⁸La merera tela tauvalutu te Kraest kama tikumu soio tegite ale ale la kalulu gite peho. alamoli kabili tegite ale e Deo vimahuli ti egite,la merera eia la vagari le Deo.¹⁹La merera kekesi tia," eau ge valobe la mari tegiteu ale via egite mari. eau ge vagotalo la irovi tegite la valua la mari."²⁰La tahalo la mari oiove? la tahalo ale pou oio la vimari ale uru oiove? la tahalo la vipigila la merera tela mautu la magasa oiove? mave e Deo kama vulo la mari tela mautu la magasa mae la paga bulahu moli? ²¹Tela siloko la mari la vovo kama rovi e Deo, eia igo sagege e Deo la vuhula la valolo la merera ale ge vimahuli egite ale tautaulailo.²²Egite Juda tahi la mahulila mela irovilala me egite Greek pamuli la mari. ²³Alamoli amite valolo le Kraest ale peho oata la tovolautu, a tabuli robo soio tegite Juda me eia kama la mari soio tegite Greek.²⁴Alamoli soio tegite ale e Deo tola ti egiteu, egite Juda me Greek, amite valolo le kraest eia la vagari mela mari te Deo. ²⁵La rova eia kama la mari oilo te Deo eia la mari ale loata tela valalua tomi, me la rova eia kama vagari oilo te Deo eia la vagari ale loata te la valalua tomi.²⁶Matamuli la tilola taume, tabarabara gu. amuto kama usu tahoka la mari oilo tela gauru tela tahalo, usu tamuto kama tahoka la vagari. usu tamuto e tilala kama pigoa veia eia tahoka la isa. ²⁷Alameoli e Deo hilovi la papaga la mautula magasa ale kama mari ge igo mahela egite ale mari. e Deo hilovi la mavevela tela mautu la magasa ge igo mahela la rova eia vagari.²⁸E Deo hilovi la rova otalo sele ge mukupile la mautu la magasa. me eia tai hilovi la papaga ale egite via ouka sele ge vikaluvu la papaga ale egite via a tartigi sele. ²⁹Eia igo la papaga ale la vuhula isa kama ge tahoka la vuhula ale eia ge kali sae eia tela matala uru.³⁰La papaga ale e Deo igo tia, igoe eme oilo ti te kraest Isus, eia guvi mae la mari tegatou loio te Deo. eia sibitala mae la magiri matatala tegatou, ale maroka, eia loto rivu etatou. ³¹A sibitala Mae, moli la merera veitia," la tahalo ale vagoata eia, eia ge igoa oilo te la uru."

Chapter 2

¹La imala eau gomai tamutou, tabarabaragu, eau kama gomai vikapopo mela merera la kalisaela ouka la mari ale uru sele ouka, eau valolo la selela ale tabuli kovu oilo te Deo. ²Eau igo la gabutala gu via kamage rovi isa la paga tela imala eau pou kabili tamutou e Isus kraest moli eau masaga ge rovia, eia moli peho oata la tovolautu.³Eau vikapopo mele amutou oilo tela mavela, me oilo la tilaga, mela vogu pariri.⁴La merera taku mela valolola kama oio la merera ale uru mela mari, ouka, eia visibitala la kalulu maroka mela vagrila, ⁵La vuhula la tautaulailo tamuto umala ge tabuli oio la mari tela tahalo, age tabuli oilo la vagari le Deo.⁶Me igoe amite vigagia la mari kabili tegiteu ale matuha, alamoli akama la mari tela mautu la magasa, ouka loio tegite la mulugaluga la mahulila ale igoe, ale ga tapasi tie. ⁷Oilo vola, amite vigagia oilo la mari te Deo ale tabuli kovu oilo la seselela, la mari ale tabuli kovu e Deo tau tia mamuga la mahulila ale igoe tela marasala tegatou.⁸Isa ouka tegite la mulugaluga tela imala alele rovi matagagaea, mae moli egite ge rovi matagagaea, egite kamage bilia la uru mela marasala oata la tovolautu.⁹Alamoli eia kekesi tia, "isa souka hilo laia, isa souka lolo taia, me la hate la tahalo isa souka dodo muli la rova e Deo raragi tia tegiteu ale masaga sele eia" _¹⁰Alamoli e Deo tau matagagaea la paga ale somai tegato oilo tela kalulu maroka. la kalulu maroka rovi la paga tomi, la papaga tomi ale malulu sele oilo te Deo. ¹¹Ere koramuli ge rovi la gabutala tela tahalo la kalulu la tahalo moli ale oilo tetala? a mae moliele, isa kama koramuli ge rovi la papaga te Deo ale malulu la kalulu le Deo moli koramuli.¹²E tato kama abi la kalulu tela mautu la magasa ouka ale la kalulu ale loio te Deo, la vuhula etato ge rovi la papaga ale e Deo abi bulahu molia gatou. ¹³Amite vigagia tela papaga ale oilo la merera kama la gabutala mela mari tela tahalo ouka a loio tela kalulu maroka, age lube la masova la papaga la kalulu soio tegite la valua ale oilo tela kalulu.¹⁴La tahalo ale kama oilo tela kalulu a kama ge abi la papaga ale loio tela kalulu te Deo, la vuhula eia la golu bulahu moli oio tetala. eia kama koramuli ge rovia la vuhula egite moli ale oilo la kalulu ge rovia. ¹⁵La tahalo moli ale oilo la kalulu ge matamuli la paga tomi, alamoli eia kama ge lotalo la mata mulila tegite isapolo. ¹⁶"Ere koramuli ge rovi la gabutala te la uru, via eia koramuli ge vimari eia?" Alamoli e tato ale tahoka la gabutala te kraest.

Chapter 3

¹Ala eau, tabarabara gu, eau kama ge vigia soio tamuto mae la valalua ale oilo la kaluvu, ouka eau ge vigia tamuto mae la valua ale oio la vovo, mae egite giliki ale oilo te Kraest.²Eau vali le amuto la susu, kama la ilali ale vagari, la vuhula amuto kama raragi ge abia, me ale tai igoe eme tai souka raragi.³Eme solio tela vovo. la tia barala mela vaigo tolola soloio tabuli kabili tamutou, ila amuto soloio mahuli oilo tela vovo, mave amuto kama tuga visauru mae la tahalo la vovo? ⁴Mae isa ge vei mago, " eau tilimuli e Paul, " me egite ale isahari vei mago, " eau tilimuli e Apolos," mave amuto kama la tahalo? ⁵Me ere e Apolos? ere e Paul? la tahalo la igolu male eme tautaulailo tetala, egira ere la uru abiala la igolu.⁶Eau galgalu e Apolos titigi la lalu oio vola, me e Deo vikusia, ⁷Oilo vola, mae ere galgalu ouka mae and ere isa titigi la lalu akama la paga isasa. alamoli e Deo moli isa skela vikusia.⁸Tio mae ere isa galgalu me ere titigi la lalu egira tomi isa moli, me egira isasa ge abi la mapa giriua ge tilimuli la igolula tegira isasa. ⁹Amite tomi vigolu tomi le Deo, eme la mahuma te Deo, mela luma tetala.¹⁰Oilo tela gilogo te Deo eia abiagu me eau guvi mae la tahalo la mari tela tiligi la luma, eau vimagiri tila la sole la luma me isapolo ge tigi lou oata vola. alamoli amuto isasa ge matamuli taho la guru ale eia ge tigi oata vola. ¹¹Isa oukati lou ge vimagiri polo lou isa la sole loio te ale eau vimagiri tia, ale eia,e Isus Kraest.¹²Mae isage tigi la luma oata la sosole alele vikapopo mela Gol,Silva,la uati meme la obu,ouka la paga ale kama vagari, ¹³La igolu tetala ge magiri matagaga lou, la matagaga la haro ge tau palaea. eia ge guvi palala tai oilo la havi, la havi ge tovolai tomi la igolu tegato ale igo tia.¹⁴Mae la igolu te la tahalo isa ge magiri, eia ge abi la mapala; ¹⁵Tio mae la igolu tela tahalo isa ge tululu tomi, eia ge gabu sele la iligi, alamoli eia ge mahuli utu, mae eia ge hele la havi.¹⁶Mave amuto rovi taia mae amuto la luma la lotu te Deo ale la kalulu le Deo mou oilo tamutou? ¹⁷Mae la tahalo isa ge igo bara la luma la lotu te Deo, e Deo ge igo geru tai la tahalo alele. la luma la lotu te Deo eia maroka viuviu, me eme tamai ge maroka.¹⁸Amuto umala ge tugolo rivu lou amutou. mae isa ge gabutala via eia mari oilo tela imala ale igoe, tartigi eia ge mae la tahalo bulahu moli" la vuhula eia ge taola la mari. ¹⁹La mari tela vovo eia la golu bulahu moli oio te Deo. la Buktabu vei mae, la uru vitilo egite la valua la mari oilo la mari pahila tegiteu lou, ²⁰La buktabu vei lou mae, la uru rovia via la gabutala la tegite la valua la mari eia la golu bulahu moli. "²¹Ale la vuhula ale,la tahalo isa umala ge vei tataho isa la tahalo la vovo. La papaga tomi eia taume, ²²Maege e Paul,o e Apolos,ouka e Kepas, o la mautula,o la mahulila,ouka la pileho,ouka la mahulila ale igoe,o la papaga ale soloio ge gomai, la papaga tomi ale taume, ²³ Me emei te Kraest, e Kraest eia te Deo.

Chapter 4

¹Male amuto ge matamuli amila mae, la tahalo la igolu te Kraest me la vibaumulila tela merera te Deo ale tabuli kokovu. ²Mae la rova egite la tahalo la vibaumulila valolo ovola ale rova etato ge tautaulailo ovola.³Alamoli eau sele la igolu taku amuto matamuli tomia ouka la valua polo tai ge matamuli taia. Me eau tai kama Mata muli rivu lou eau tai. ⁴Eau kama gabutala papahi tela igolula ale Deo abi tiagu, ale kama via eau maramara sele ti. la uru sele ge matamuli la igolula taku.⁵ Tartigi via amuto umala ge semipuhi isa la paga mamuga tela imala,mulmuli la uru ge gomai. eia ge abi tomi la papaga ale tabuli kovu oilo la maligoma ge tau palaea tela matagaga me eia ge tau pala la masagala tela hate la tahalo. tio etato isasa ge abi la vei tahola tetala loio te Deo.⁶Amuto tabarabaragu, eau tuga oilo la viputu mulila aleie vikapopo me Apolos tamutou, la vuhula oilo tamila amuto ge rovi la masova la merera alie, umala raga utu la merera la buktabu." amuto umala ge vile o toi bara isa e tabara mutou. ⁷ Ere veia muto ge semipuhi la igolu kabili tamuto lou? la rova eme tahokea akama la paga ale eme abia loio te isasa? eme abi tia, ilava eme vei tataho lou me via eme kama abia?⁸ Me eme abi tomi ti la rova eme masagea! eme tai guvi ti mae la tahalo la vuliti! eme pouti la pulou la uru _ ale isapolo lomai tamiteu! Oilo vola,eau gabutala via eme ge pou la pulou la la uru, la vuhula amite tai ge pou la pulou la uru vikapopo le emei. ⁹Eau gabutala via e Deo tauti amite aposel mae la vitovo mulila oilo tela magirigiri la, mae la tahalo egite raragi ge bilia. amite guvi mae la taurobo la mata tala mautu la _ soio tegite la angelo, me soio tegite la valalua.¹⁰Amite la mari tamite la vuhula te kraest, alamoli eme tahoka la mari oilo te kraest. amite maveve sele, alamoli eme vagari peho, la valua togo sele eme, amite sele la tilogo ouka, ¹¹Kara tela imala ale igoe amite vitolo me amite malehu, amite la kairobo ale tartigi ouka, egite kue malago amite, me amite la luma ale ge mou ovola ouka.¹²Amite igolu vagari,me amite igolu la lima miteu.la imala egite mera barea miteu, amite balava, la imala egite magiri robo tamiteu, amite tuha polo pepe. ¹³ La imala egite ubile amite la merera la vasigologolola, amite mera taho molia giteu, amite sibitala maele, me amite gabutala vagari selea, la mukupile la papaga la vovo mela papaga ale kama karakora.¹⁴Eau kama kekesi la papaga aleie via ge igo mahela amuto ouka, eau viage lapu matata amuto la vuhula eau isu sele amutou mae e latatu gu. ¹⁵Amuto tahoka egite la valua la vibaumulila salatu gete oilo te kraest, alamoli e tatama muto kama usu.Me eau guvi mae e tama mutou oilo te kraest Isus me oilo tela merera te uru.¹⁶Ala eau tutu tolea muto ge igo la paga tomi mae eau.¹⁷Ale la vuhula ale eau baha e Timothy somai tamuto, e latugu ale eau masaga sele eia me eia magiri vagari sele oilo tala uru. eia ge vigabutala le amuto la mahuligu ale oilo te kraest,, mae moli ale eau vimari ti le egite oio tala baba tomi me oilo tela luma la lotu. ¹⁸Alamoli isahari tamuto lolo mata, egite igigo mae ale eau kama gomai tamuto.¹⁹Alamoli bakisi moliti oio eauge gomai tamutou, mae la uru masagea. eau kati lou ge rovi isa la merera tegite ale kali sasae, me eau ge hilo la vagarigari egiteu. ²⁰La mautu la sagegela te Deo kama guvi loio tela merera ouka a oilo tela vagarigarila. ²¹Amuto masagea mave? eau ge gomai tamuto vikapopo mela kada, ouka vikapopo mela gilogo oilo tela kalulu la tia madila?

Chapter 5

¹Eau lolo ti la vigagiala isa via kabili tamutou la iruru isahari oio, la mata la iruru ale egite la valua e Gentael magiri roboa: egite via isa tamutou hilo tavu e rutule tamala eia mavuta tomi le eia. ² Amuto la valua la ilosa! mave la ilo muto kama buruko mela tilali? la tahalo ale igoti la iruru alele eia katige pou vikapopo le amutou tela lotu te Kraest.³A sele mae eau kama vikapopo le amuto oilo te la vovo, alamoli oilo tala kalulu eau vikapopo le amutou. eau taupala ti la iruru tela tahalo alele mae moli eau tai oio le. ⁴La imala ale amuto ge pou vikapopo oilo tela isala uru e Isus me eau vikapopo le amuto tai oilo la kalulu, la vagarigari la uru gatou e Isus ge kabili tegato, ⁵sugutaro la tahalo alele soio te Satan me eia ge gabu la iligi tela vovo, la vuhula la kalulu la ge mahuli utu tela logo tela uru.⁶La kalisasae la taume kama tartigi. eme kama rovia mae la ist ale bakisi moli karamuli ge visogo la bautu la Bret? ⁷ Rauvei me loio tela muga la ist la vuhula eme ge la kalia la bret ale halaba. eme ge la bret ale la ist ovola ouka. e Kraest la sipsip la pasova, eia la opa eia peho oata la tovolautu, ⁸E tato ge sagege tela pou golula, kama tela ist ale pala, la ist la vulovulo ale kama kora. ouka,e tato ge sagege vikapopo mela bret ale la ist la ouka mela marokala me la seselela.⁹Eau kekesi somai taume oilo tela galau taku a mae umala vikapopo me egiteu la valua ale mata bulakalaka me ale kama kokora. ¹⁰Oilo tela gauru ale eau vevei egite la valua ale kama korakora tela mautula aleie, egite ale paramuraha,me ale vasigologolo, egite ale lotu tavu la puhi golo, eme ge ba malau taro egiteu ale la gauru ale eme ge lake taro la papaga la mautula.¹¹Ala igoe eau kekesi somai taume via eme umala ge vikapopo me la tahalo ale via eia e tabaramu te Kraest Alamoli eia mahuli oilo la iruru te hatavile,egite ale paramuraha,egite ale lotu tavu la puhi golo, me ale mera kukumu,egite la valua la iliu, me egite ale vasigologolo, umala ali tomi le giteu la valua ale maele. ¹²Ale kama la igolu taku via eauge semipuhi la vulovulo tagite ale kama oilo la lotu te kraest? ala ¹³ Alamoli e Deo moli ge matamuli la vulovulo gite ale kama kokora ale logala."potato gale la tahalo la iruru eia umala ge pou tomi le amutou."

Chapter 6

¹Mae isa kabili tamutou vaigo tolo tomi la tahalo isa oilo tela lotu te kraest, umala eme ge kotiala te gavman via la tahalo ale kama rovi la tahalo uru ge matamuli la iruru tela tahalo te kraest, tartigi amuto ge vimatatea kabili tamuto lou. ²Mave amuto kama rovia mae egite la valua te Deo ale maroka ge matamuli la vulovulo gite la valua la mautula? tio amuto tai ge matamuli la valua la mautula, mave amuto kama koramuli ge matamuli la iruru ale bisisi. ³E tato ale te kraest ge matamuli tai la vulovulo gite la angelo? akama vagari via amuto tai ge matamuli la iruru tela tahalo la vovo?⁴ Mae eme koramuli ge matamuli la mahulila ale koramuli tala logo isasa, ilava amuto abi lou la tikumula ale soio tegite ale kama oilo la lotu te kraest? ⁵La rova eau veia eme ge mahela oio vola. mave isa oukati lou kabili tamutou ge tahoka la mari ale koramuli ge lapu matata la tikumula kabili tamutou? ⁶La tahalo isa koti rivu loua le tabarabarala isa, amuto igo la paga ale kabili tegite ale kama rovi la uru!⁷La selela mae eme tauti e tabaramu oio la koti ale a vagotalo sele ti emei. ilava eme kama bole moli la tikumula? ilava eme matasoli moli egite ge tutu gologolo emei, ⁸Alamoli eme sele igo la iruru eme vasigolo, eme igo la papaga ale soio te tabarabaramu sele!⁹Mave eme kama rovia mae egite ale igigo la vulovulo ale kama kokora kama koramuli ge tiroro soilo la mautu la sagegela te Deo? umala tautaulailo tegite ale tutu gologolo. egite ale hilo tavu la tavile polo,egite ale tototulu tavu la puhi golo, egite ale taulai polo, egite la valua ale vipuli rivu lou, egite la valua ale vipuli rivu lou la tahalo, ¹⁰La tahalo la pakalila, egite ale paramuraha, la tahalo la iliu, la tahalo la mera bubula, la tahalo la vasigologolola. isa tegite kamage goilo la mautu la sagegela te Deo. ¹¹Isahari tamuto maele, alamoli amuto maroka ti, amuto maroka sele ti, amuto magiri matata sele ti la mata le Deo oilo tela isa la uru e Isus kraest mela kalulu le Deo e uru tegatou.¹²La papaga tomi eia mae la viturila somai taku,"alamoli kama la papaga tomi ge visuli la mahuligu. la papaga tomi a mae la viturila somai taku. alamoli la papaga tomi aleie eau kama gabu vauru isa egiteu. ¹³La ilali tela tia gatou me la tia gatou eia tela ilali,"me e Deo ge tau gale tomi egirua. la uru tau la vovo gatou kama tela iligo la iruru ale kama kora. oilo vola, la vovo gatou eia tela uru, tio la uru ge abia la vovo la rova la vovo masagea.¹⁴E Deo vimahuli rivu lou la uru gatou e kraest me tela vagarila eia ge vimahuli rivu tai etatou. ¹⁵Mave amuto kama rovia mae la vovo muto eia mae la vovole kraest sele? mave eau ge abi la vovole kraest goio ge vitau kapopo la tavile la gauru? age ouka golgolo!¹⁶Amuto kama rovia mae ere mavuta tomi la tavile la gauru la vovo gira ge isa moli ti? mae la Buk tabu a veia,"egira ge isa moliti." ¹⁷Alamoli mae isa ge vikapopo mela uru la kalulu gira me la uru ge isa moliti.¹⁸Tartigi amuto ge hele taro la vulovulo la iruru ale kama kora! mela la iruru isahari ale la tahalo igoa ogala tela vovo, alamoli la iruru ale kama kora la tahalo igoa eia igo geru lou la vovola.¹⁹Mave amuto kama rovia mae la vovo muto eia mae la luma la lotu tela kalulu maroka, eia mahuli oilo tamuto, ale e Deo abi tiamu? mave amuto kama rovia mae amuto lou kama tamutou? ²⁰E Isus loto rivu ti amuto la mapa ale oata sele. Ala bole vauru e Deo tela vovo muto tomi mela kalulu muto tai,la vuhula eia te Deo.

Chapter 7

¹Oilo tela papaga ale eme kekesiagu ovola: "eia tartigi via la tahalo umala ge pilau isa la tavile."²Alamoli la vuhula la tovolaila tela vulovulo ale kama kora, a tartigi amuto tomi la valua isasa ge taulai me amuto hatavile tomi tai ge taulai.³Mae tela masaga la vovo amuto la valua ge abi selea le rutu mutou, amuto hatavile tamai ge igoa le harua muto maele. ⁴Amuto hatavile la vovo mutou akama tamuto sekela, eia te harua muto tai. me amuto la valua tai la vovo muto kama tamutou sekela, eia te rutu mutou tai.⁵La vulovulo la taulaila ge sibitala sele kabili tamulua kama ge tou, mae moli la tahalo me rutula ge viputu mulia via egira ge mavuta ba la logo isahari, igoa maele la vuhula eme ge tausele eme oilo tela kilaka, mulmuli vola amula ge vimavuta tomi lou, e Satan soukage tovolai emei tela masagala la tavile isa polo, ⁶La merera tomi ale eau veveia age suli amutou akama ge kisi tola amutou. ⁷ Eau masaga via amuto tomi ge samura mae eau. alamoli amuto tomi isasa tahoka la vabila loio te Deo. isahari veia egite ge taulai, isahari ge ouka.⁸Isahari tamuto ale samura me egite ale bahararu eau masaga via amuto ge pou samura moli, mae eau. ⁹Alamoli mae egite kama kora muli ge sautola la masaga vovo, egite ge taulai. eia tartigi peho veia egite ge taulai la vuhula egite ge pou tigi.¹⁰Amuto ale taulai ti eau ge veia muto isahari la vikara vagari la, kama la merera tegaku, eia la merera te uru, la tavile umala ge tou e haruala via egira ge pou baa. ¹¹(Mae eia ge tou sele e haruala, eia ge pou samura moli mae ouka eia ge puli rivu lou e haruala) la tahalo tai umala ge tou e rutula via egira ge pou baa.¹²La merera ale soio tamutou tomi _eau ge veia mutou, kama la uru _ mae la tahalo te kraest isa taulai alamoli e rutula kama kama tautaulailo, mae eia masaga ge pou tomi le eia, eia umala ge tou e rutula. ¹³Mae la tavile te kraest e haruala kama tautaulailo, mae eia masaga ge pou tomile eia, eia umala ge tou e haruala. ¹⁴La tahalo ale kama tautaulailo eia sibitala maroka ti tela tautaulailo te rutula, mae la tavile ale kama tautaulailo eia maroka ti tela tautaulailo te haruala. mae e latatu gira kama tautaulailo, alamoli egite tai maroka ti.¹⁵Mae eme te kraest e rutumu ouka e haruamu tou mei, akorale eiage tuga, la merera tela taulai la, la tahalo ouka la tavile kama oilo tela kilisi, e Deo tola ti e tato ge pou mela sagegela, ¹⁶Eme ale tavile eme rovia mave mae eme koramuli ge utululu e haruamu? ouka eme la tahalo eme rovia mave Mae eme koramuli ge utululu e rutumu?17Amuto tomi isasa ge mahuli oilo la mahulila ale la uru turi tia muto, age koramuli sele la tilola te Deo soio tetala. la viputu mulila ale age tela lotu tomi tela magasa. ¹⁸Mae la tahalo isa koroti la vovola goio eia tautaulailo age kora maele? eia umala ge tovolaia ge guvi mae egite ale kama koro la vovo gite. Mae la tahalo isa kama koro la vovola goio eia tautaulailo eia umala ge korakor la vovola. ¹⁹Mae eme koro ti vovomu ouka mae ouka eia kama la paga isasa. La paga ale uru eme ge roromuli la viturila te Deo.²⁰Amuto tomi isasa ge magiri tora oilo la tilola tetala la imala e Deo tolea soilo tela tautaulailo. ²¹Eme la tahalo la igolu moli la imala e Deo tola eme? umala gabutala papahi la.Alamoli mae eme ge maramara, eme guvi tahalo tiele, ²² Mae la tahalo isa la uru tolea eia mae la tahalo la igolu Alamoli oilo tela uru eia maramara. Mae moli la tahalo ale maramara la imala eia tautaulailo eia la tahalo la igolu te kraest,²³La uru loto rivu ti le amuto la mapa ale oata sele, ala umala ti pou la kilisi tela tahalo la magasa. ²⁴Tabarabara gu, la mahulila ale mave eme iovola la imala eme tautaulailo, eme ge magiri vagari ovola,²⁵Eau gabutala egite ale kama taulai, eau kama abi isa la mera vagarila loio tela uru. Alamoli eau veia muto la gabutala la tegaku oilo tela uru, mela gilogo tela uru,amuto ge tau gabutala muto oio vola. ²⁶Oilo vola, eau gabutala maele la vuhula la tikumula ge gomai, eia tartigi via la tahalo ge pou moli mae eia.²⁷Mave eme taulai ti? umala tatou e rutumu. mae eme kama taulai, umala mata e rutumu. ²⁸Alamoli mae eme taulai, eme kama ruru, mae la sobe isa taulai eia kama ruru, alamoli egite ale taulai e latatu gite ge usu oilo tela tikumula tela mautu la magasa, eau masaga ge liu lele amuto loio tela paga aleie.²⁹Ale eau veveia, tabarabaragu, la imala boti ti. Sokoa igoe goio, egite ale tahoka e rutu gite oio ge mahuli mae egite kama taulai oilo te kraest,³⁰ Egite ale taitali ge igo mae ale kama taitali,oilo te kraest, me egite ale sagege umala ge igo mae sagege, Mae egite ale loto isa la paga ge igo mae egite kama tahoka isa la Paga oilo te kraest , ³¹Me egite ale igogolu tela mautula umala ge igo mae ale egite igolu kaluvu tia. La vuhula la marasala tela mautula hagavi ti ge kaluvu.³²Eau masaga amuto ge maramara loio tela ilo buruko la. la tahalo ale kama taulai ge gabutala vagari la papaga tela uru, ale ge igo sagege eia. ³³La tahalo ale taulai ge gabutala vagari la papaga la mautula,la vuhula eiage igo sagege e rutula_ ³⁴Eia gabutala lalua, La sobe ale maroka ge gabutala tavu la papaga tela uru, me eiage te kraest oilo tela vovo mela kalulu. Alamoli la tavile ale taulai ge gabutala papahi tela papaga la mautula, la vuhula eia ge igo sagege e haruala.³⁵Eau vevei la papaga aleie tala tartigi la tamutou, eau kama magiri robo amutou, Eau vei la paga aleie me eia sele, la vuhula eme ge tau sele la tiamu soio tela uru la paga isa kama koramuli ge lapu gale emei.³⁶ Alamoli mae la tahalo isa kama koramuli ge togo la utu robo tetala_ mae eia ge sobe matuha ti me eia ge mae le eiage igoa mae ale eia masagea. akama ruru, egira ge taulai. ³⁷Alamoli mae eia ge magiri vagari tela hatela, me la tiala kama raga tavua la vuhula eia lapu la tiala sotalo,me eia togo la utu robo tetala, eia ge ba malau taro eia, ale eia igo tigi. ³⁸ Tio la tahalo ale puli la utu robo tetala a marasa, me la tahalo ale kama masaga ge taulai age igo taho sele.³⁹La tavile ale taulai eia te haruala moli tela mahulila tomi. Alamoli mae e haruala ge peho, eia koramuli ge taulai lou, alamoli age oilo tela uru, ⁴⁰Alamoli tela mata mulila taku eia ge sagege sele mae eiage pou moli mae la samura. eau gabutala via eau tai tahoka la kalulu le Deo.

Chapter 8

¹La ilali ale egite vabila soio tela puhi golo: etato rovia mae etato tomi tahoka la mari, la mari ge guvi uru, Alamoli la gilogo ge magiri, ²Alamoli mae la tahalo isa gabutala via eia rovi la papaga isahari, La tahalo alele souka rovi la rova eia rovia tia. ³Mae la tahalo isa masaga tavu e Deo, la tahalo alele e Deo tai rovi eia.⁴Oilo vola, tela ilali ale egite vabila soio tala puhi golo: E tato rovia mae la puhi golo oilo tela mautu la magasa eia la paga bulahu moli me e Deo isa oukati lou isa moli e tato lotu tavua. ⁵Alamoli e Deo usu sele la valua la maligoma lotu tavua, oata la mori otalo la magasa tai (mae moli e Deo usu me egite la "uru") ⁶Tegato sele e Deo isa moli e tama gatou, oilo tetala la papaga tomi,me etato mahuli le eia moli, la uru isa moli e Isus kraest, eia la vuhula papaga tomi,eia moli etato mahuli.⁷Alamoli, la mari ale kama oilo tala valua tomi. souka ge, egite ale mamuga lotu tavu la puhi golo, egite ali ti la ilali ouka la paga ale egite vabila soio tela puhi golo. la gabutala tegite soloio maraparapa la vuhula akama matuha.⁸Alamoli la ilali kamage abi etato soio te Deo. e tato kage kamakora mae etato kage ali la ilali la puhi golo, ouka mae etato ge alia. ⁹La paga isa eme ge baumuli tela magirigiri la taume soukage egite ale la tautaulailo tegite kama vagari ge boru. ¹⁰Mae la tahalo isa ge hilo eme, ale tahoka la mari, alali la ilali oilo la luma la lotu tegite la puhi golo. Soukage gabutala tetala ale kama matuha ge igo vagari eia ge ali la ilali ale egite vabila soio tela puhi golo?¹¹Tio la vuhula eme rovi taho sele la vuhu la puhi golo, e tabaramu ale kama vagari, e kraest peho robo ti eia kati tartigi. ¹²Mae eme igo la iruru tela matale tabaramu eme igo bara ti la gabutala tetala ale kama vagari, ale eme igoti la iruru tela matale kraest. ¹³Oilo vola, mae la ilali igo boru e tabaragu, eau umala ti ge alali la maili la kalia, la vuhula eau umala ti ge igo borboru e tabarabaragu.

Chapter 9

¹Mave eau kama maramara? me eau kama la Aposel ia? mave eau souka hilo e Isus la uru gatou? mave eme kama la tahalo la mari tela igolu taku oilo te la uru? ²Mae eau kamage la Aposel soio tegite isahari, solio eua e Aposel omai tamutou. Amutou la vavua la igolu la Aposel tegaku oilo tela uru.³Aleie la galiau taku soio tegite ale ge matamuli eau: ⁴Mave e tato kama maramara ge ali ge liu? ⁵Mave eia tartigi moli via amite ge puli tai e rutu mite ale te kraest soio, egite la aposel tomi tai, me egite tabarabara gatou ale te kraest, me e kepas? ⁶Ouka amila moli me Barnabas ge igo la igolula?⁷La tahalo la vaubi la eia ge loto rivu lou eia tela igolu tetala? eia ge galu la mahuma la Vaen me eia kama ge ali la vavuala? ouka eia ge baumuli la sipsip me eia kage liu bakisi la susu loio vola? v⁸mave eau magiri oata la vagarigari la tahalo me eau vei la papaga aleie? ouka la viturila kama vei tai mae?⁹La merera kekesi tia, oilo la viturila te Moses, "umala kisi tatola la hare la Kau la imala eia igogolu oio la mahuma la Grain." Soioge e Deo baumuli moli la Kau ia? ¹⁰ Ale eia vevei moli e tato ia? La merera kekesi tia a tegato, La vuhula la tahalo ale galgalu orivo eia rovia la imala ilukuluku ge gomai, la tahalo la ilukuluku rovia la imamala vitabari la ilali ge gomai.¹¹Mae amite galu la papaga la kalulu kabili tamutou, mave eia usu agi ge luku la papaga la vovo loio tamuto?¹²Mae egite isahari ababi la visuli loio tamuto, alamoli amite sele kama abi isa la paga loio tamutou. Amite igolu moli mela savelela soukage la paga ale maele ge igo bara la merera te Kraest. ¹³Mave eme kama rovia mae egite ale igolu oilo la luma la lotu ge abi la ilali tegite loio tela luma la lotu? Eme rovi taia mae egite ale igolu oilo tela Alta abi la visuli loio tela Opa ale oata la Alta? ¹⁴Oilo tela gauru alele, la uru vikara vagari via egite ale valolo la merera te Kraest ge mahulila la vibalavala tela merera te Deo.¹⁵Alamoli eau kama tahi amuto isa la papaga alele. Me eau kama kekesi aleie via amuto ge abiagu la uati mela ilali. mae eau ge peho la vitolola eau kama ge abi taro le amuto isa la papaga alele. ¹⁶Eau valolo la mearera te kraest, eau kama ge vauru lou eau ovola, La vuhula ale la tabarila taku eau ge igoa, mae eau kamage valolo la merera eauge ilo buruko sele!¹⁷Mae eauge malopi la igolu aleie, la vuhula la mapa gu oio raragi. mae eau kama malopi tavua, eau soloio tahoka la igolula ale la uru abi tiagu ovola, ¹⁸La mapa gu ale mulmuli ge la rova? Ale eau omai valolo, Eau ge abi bulahu molia gite la merera me eau kamage abi la papaga alege kora muli eau oilo la merera te la uru.¹⁹ Oilo vola eau maramara tomi loio tela papaga alele, me eau tai la tahalo la igolu bulahu moli,la vuhula eau abi usu la valalua. ²⁰Oilo tegiteu e Juda eau sibitala mae egite Juda, la vuhula eau ge lapu egite Juda, oilo tegite ale pou lotalo la viturila, eau tai sibitala mae isa tegiteu ale lotalo la viturila. eau igoa maele alamoli eau sele kama lotalo la viturila.²¹Me oilo tegite ale logala tela viturila, eau sibitala tai mae isa tagite ale ogala tela viturila, Alamoli eau sele kama logala tela viturila te Deo,alamoli eau lotalo la viturila te kraest, eau igoa maele la vuhula eau ge abi egite ale ogala tela viturila.²²Oilo tegite ale maveve sele, eau tai sibitala mae egiteu, la vuhula eau ge abi tai egite ale maveve, Eau sibitala mae la papaga tomi soio tegiteu la valalua, la masovala mae eau ge utu lulu isahari. ²³ Eau igo la papaga tomi tela merera te uru, la vuhula eau tai ge abi la vibalavala oilo vola.²⁴Amuto kama rovia mae oilo tela irari egite tomi ale harari hari la hirari, alamoli isamoli tegite ge abi la mapa ovola? ala emege hari vagari tai ge abi la mapamu. ²⁵Egite tomi ale harari vitovo me egite tai paki taho oilo tela papaga tomi. egite igo mae le ge abi la mapa ale ge ropo, alamoli etato ale igoa ge abi la mapa ale la kaluvula ge ouka. ²⁶Ala eau kama hari bulahu moli, ouka vikue bulahu moli soio la baa. ²⁷Alamoli eau igo eau ge tilimuli selea, la vuhula mulmuli teale eau ge valolo kaluvu, egite la valua kamage hilo eau mae eau kama koramuli.

Chapter 10

¹Eau kama masaga amuto ge pou mae ale kama rovi isa la paga, tabarabara gu, e tatama gatou mou lotalo la miau la tuluvu la mori me egite tomi tulu polo la mago. ²Egite tomi vuhi soilo te Moses oilo la tuluvu la mori mela mago, ³Me egite tomi ali la ilali la kalulu maroka isamoli. ⁴Egite tomi liu la lalu la kalulu maroka, egite liu oio la uati la kalulu ale tilimuli egiteu, la uati alele e kraest.⁵E Deo kama moge sele le usu tegiteu, me egite peho la vovo gite tabuli parava moli oilo la ba la kuepa. ⁶Ala la papaga ale sibitala mae la vitovo mulila somai tegatou, via etato umala ge dodo mulmuli la vulovulo ale kama kokora mae ale egite igo tia.⁷Amuto umala ge lotu tavu la puhi golo, mae ale isahari tegite igo tia, la merera kekesi tia oio Buktabu, " la valalua pou otalo ge ali ge liu, me egite ge hiliti oata ge oge." ⁸E tato umala ge igigo la vulovulo kama kora, mae usu tegite igotia, La logo isa moli la valalua ale peho la giligi gite la salatu savulu lua gete tolu la vuhula egite igo la iruru.⁹Me etato umala ge tau e kraest soilo tela tovo laila, Egite usu sele igo tia la pase tolo peho egiteu. ¹⁰Amuto umala ge mera hate mamasi, mae ale egite usu igo tia goio la angelo la pileho bili egiteu.¹¹La papaga ale sibitala ti soio tegite eia mae la vitovo mulila somai tegatou. egite kekesi tola la papaga ale mae la viputu mulila ‐‐ somai tegatou ale omai ti la tapasi la imala. ¹²Ala isa umala ge gabutala via eia magiri ti eiage paki taho la vuhula eia kamage boru lou. ¹³La tovolaila isa kama loata taume via eia halaba tela valalua tomi, ouka, e Deo eia taume, eia kama koramulige taume oilo la tovolaila ale loata la vagari mu. oilo la tovolaila e kraest lou ge kopeamu la gauru ale eme ge polo ovola, la vuhula eme koramuli ge tuga loata vola.¹⁴ Amuto tabarabaragu, amuto ge hele taro la lotu tavu la puhi golo, ¹⁵Eau meramera soio tamuto ale tahoka la mari, tio amuto lou ge mata muli la rova ale eau veveia. ¹⁶La kap la vibalavala ale etato balava ovola, mave ale etato kama vitabarila la kasoso le kraest? la bret ale etato vitovila, mave ale e tato kama vitovila la vovo le kraest? ¹⁷Mae la bret ale etato vitovila eia isa moli, etato tomi ale usu tai isa moli. etato tomi abi loio tela vosa la bret isa moli.¹⁸Amuto ge hilo egite la valua e Israel, mave ale kama egite ale ali la ilali la opa me egite tai vikapopo me egite ale oio la alta? ¹⁹ Ale la rova eau veveia ia? mave la puhi golo isapolo me la ilali ale egite abiala puhi golo eia isapolo?²⁰Eau vevei isahari la papaga ale egite Gentael igigo la vabila ovola, egite vahari la opa tegite soio tegite la hititu egite kama abia le Deo. eau kama masaga amuto ge igolu vikapopo me la hititu! ²¹Amuto kama koramuli ge liu tela kap tela uru goio emege liu lou oio la kap tela hititu. Amuto kama koramuli ge ali oio la muli la ilali te Deo mulmuli ge goio lou tegite la hititu. ²²Mave e tato ge igo hate masi la tahalo uru? mave etato vagari tavu ala?²³La papaga tomi a lotalo la viturila," alamoli kama la papaga tomi ge visuli. " la papaga tomi a lotalo la viturila," kama la papaga tomi ge vahiliti la tahalo oata. ²⁴La tahalo isa kama koramuli ge mata moli tela tartigi la tetala. ouka, e tato isasa ge pamuli la taritigi la te tabarabara gatou.²⁵Amuto ge ali tomi la papaga ale egite bahea oio tela maketi amuto umala ge gabutala papahi. ²⁶ La mautu la magasa eia te Deo me la papaga tomi ale ovola." ²⁷Mae la tahalo ale kama rovi la uru ge tola me via amula ge ali, mae eme ge tilimulia, emege ali moli la rova eia tautia tela lagumu umala tahi rivu rivu isa la tilahi tela gabutala mu.²⁸Alamoli mae la tahalo isa ge veiamu mago, "la ilali ale eia la ilali la viabila," tio eme umala ge alalia, emege taga makuku la merera tetala, mela gabutala ale papahi, ²⁹Mela gabutala tegite ale isapolo tai, eau gabutala maele, kama emei, la paga isa kama kisi eau ilava egite ge sautatola moli eau oilo la gabutala giteu? ³⁰Mae eau ge abi la ilali mela veitahola, ilava la paga ale eau mogela ge igobara lou eau?³¹Ala, larova eme alia o eme liua, ouka la rova eme igoa, eme ge igoa tela marasala te Deo. ³²Umala igo barabara la tia gite Juda ouka egite Greek, mela lotu te Deo. ³³Eau tovo laia ge igo sagege la valalua oilo tela paga tomi. eau kama igoa tela tartigi la tegaku, ouka eau igoa mae le la vuhula egite tomi ge mahuli.

Chapter 11

¹Amuto ge igoa mae eaue, mae moli eau hiloa te kraest eau igoa mae vola.² Igoe eau vei tahoamuto la vuhula amuto gabutala eau oilo tela papaga tomi. eau vei taho amuto la vuhula amuto magiri sele oilo la viputu mulila mae sele ale eau abi tia mutou³Ala eau masaga via amuto ge rovi matagagaea mae e kraest eia la gama gite la valua tomi, mae moli la tahalo eia la gama la tavile, mae e Deo eia la gama le kraest ⁴Tio mae la tahalo isa veipala la merera kokovu la me eia kama taurobo la gamala ale eia kama togo la tahalo ale loata tetala.⁵Alamoli mae la tavile isage igo la kilaka ouka eia ge veipla la mera kovu la mae eia kama taurobo la gamala ale eia kama togo ere loata la gamala. a visaru moli mae eia tai ge sala taro la ivula. ⁶Mae la tavile kamage taurobo la gamala, tartigi eia ge vali boto la ivula, mae akama kora mae la tavile ge vali taro la ivula ouka ge sala taroa, tartigi eia ge tau robo la gamala.⁷Egite la valua umala ge tou roborobo la gama giteu, la vuhula eia la tataro mela marasala te Deo. Egiteu e hatavile egite la marasala tela valua. ⁸La vuhula la uru kama igolu la tahalo loio tela tavile. ouka, la tavile e Deo lapu taroa loio tela tahalo.⁹Kama la tahalo guvi loio tela tavile. ouka la tavile guvi loio tela tahalo. ¹⁰ Ala la tavile ge tau la irovilala tela uru loata la gamala, la vuhula egite la angelo tai oio.¹¹Akama via, oilo tela uru la tavile eia ge magiri polo loio tela tahalo, amuto la valua tai kama ge via amuto isaplo ti loio tela tavile. ¹²Mae moli la tavile guvi loio tela tahalo,tio la tahalo tai ge guvi loio tela tavile. la vuhula la papaga tomi guvi loio te Deo.¹³Amuto ge matamuli lou amutou: eia tartigi via la tavile ge taurobo la gamala tela imala eiage igo la kilaka soio te Deo? ¹⁴Eia kama la paga la vovo viage vimari lou le amuto mae la tahalo ge tau la ivula ge tili sotalo, age lagu geru sele tetala? ¹⁵Mave la vovo kama vimari le amuto mae la ivu la tavile ge tili sotalo, ale la marasala tetala? la uru abiala la ivula ge tela taurobo le eia. ¹⁶Mae isa masaga ge meramera lou tela paga aleie, amite kati tahoka lou isa la gauru oio, mela lotu te Deo tamai.¹⁷Alamoli oilo tela vei mulila tomi eau kama visale amutou. tela imala amuto guvi vikapopo, la vuhula eia kama ge sibitala tigi age kama kora. ¹⁸Tela muluga la moli, eau loloa via amuto guvi vikapopo oilo tela luma la lotu, alamoli la vilele la kabili tamutou, eau hiloa mae asele. ¹⁹Kabili tamutou la tautaulailo tamuto kama visauru, la vuhula egite ale la hilovila oata tegite ge magiri matagaga kabili tamutou.²⁰La imamala amuto guvi vikapopo, amuto kama alali la komunoi. ²¹La imala tala ilali, amuto isahari ali mamuga la ilali tegiteu, isahari ali mulimuli. isahari ge vitolo, isahari ge liu la lalu vagarigari, ²²Mave amuto tahoka tai la luma la ale ge alali ge liliu oilo vola? amuto mata taro la lotu te Deo me amuto igo bara egite ale pou la savelela? eau ge veia muto mave? eau ge visale amutou? eau kama ge vei taho amuto tela papaga aleie!²³La rova eau abia loio tela uru male eau abi polo tia mutou, mae la uru e Isus, oio tela logo ale egite tahi taro la uru e Isus, eia abi la bret. ²⁴La imala eia vibalava, eia goio tovia me eia vei mago, ale la vovo gu, age tamutou. amuto ge abia ge gabutala eau ovola."²⁵Oilo tela gauru alele eia abi la kapu mulmuli tela ilali la komunio, eia goio vei mago, La kapu ale eia la irou ale eau igoa tela kasoso gu. amuto ge igoa tela imamala tomi tala imala amuto ge liua, amuto ge gabutala eau ovola.²⁶Te la imala tomi ale emge ali la bret ouka ge liu tela kapu ale, ale eme veipala la pileho te la uru kara mae eia ge beu rivua somai.²⁷Mae, la tahalo isa, ge ali La bret ouka ge liu la kapu tela uru vikapopo mela mahulila ale kama matata eia ge abi la tikumula tela bret mela kasoso la uru. ²⁸Mae la tahalo isa masaga ge abia eia ge matamuli muga eia mela vulovulo la tio eia ge ali la bret mela kapu mela kasoso. ²⁹Mae la tahalo isa ali ouka ge liu mamuga eia kama mata muli muga la vovo eia lapu la viputu mulila soio tetala, ³⁰Ale la vuhula ale usu tamutou bare me egite lea bara. Me isahari tamuto egite boru ti pehoti³¹Ala moli mae etato ge mata muli lou etatou, etato kamage magiri tela ilapu matatala.³²Alamoli mae la uru ge matamuli etatou, eia ge tau etato lotalo tetala, ala etato kamage vilua vikapopo me egite la valua la mautula.³³Ala, tabarabara gu, mae amuto ge guvi vikapopo ge ali, poutali e tabara mu. ³⁴Mae isa tamutou ge vitolo, eia ge ali oio la luma, la vuhula la imala amuto ge vikapopo isa kamage mata muli lou eia. tio la papaga isahari eme kekesia, eau ge vei muliamu la imala eauge gomai.

Chapter 12

¹Tio oilo tela papaga la kalulu, tabarabara gu, eau kama masaga amuto ge pou mae la tahalo ale kama abi la merera. ²Eme lou rovia la imala eme kama oilo te Deo, eme tilimuli la lotu la vasigologolola tegite la puhi golo ale kama meramera, egite viruru me tala gauru usu. ³Ala eau masaga amuto ge rovia mae la tahalo ale meramera tela kalulu le Deo kama koramuli ge vei mae ," e Isus kamakora." isa kama koramuli ge vei mae," e Isus eia la uru," la kalulu maroka moli koramuli ge veia oilo tetala.⁴Tio la viabila eia isa polpolo,alamoli a loio tela kalulu isa moli, ⁵Almoli egite la valua la igolula isa polopolo, aloio tela uru isa moli; ⁶La igolula tegite akama visauru, alamoli e Deo moli elele male igogolu oilo tegiteu tomi.⁷Egite isasa viguvi la vagari la kalulu kamakora ge koramuli la valua tomi. ⁸ La kalulu tela uru abia le isa la kalulu la mari, teale ale isa la merera la mari a lio tela kalulu maroka isa moli.⁹Te ale isasa eia abiala la tautaulailo aloio tela kalulu isamoli, te ale isa eia abiala la viabila tela vimauhuli la valua aloio la kalulu isamoli. ¹⁰Te ale isa eia abiala la viabila tela viguvi la vagari la uru,te ale isa la mera laha la, te ale isa eia abiala la vagari ale isaplo kabili tegite la kalulu,oilo tela merera ale papahi, mela vululo la merera ale isapolo. ¹¹Egite tomi la igogolu ale a loio tela kalulu isa moli, eia abia gite tomi isasa la viabila ale eia hiloviti.¹² La vovo isa moli, alamoli la bautula usu egite tomi tela vovo isa moli,eia vikapopo me kraest. ¹³Oilo tela kalulu isa moli etato tomi vuhi soilo tela vovo isa moli,mae moli eia e la tau Juda ouka la tau Greek, ouka eia oio la kilisi ouka eia maramara, e tato tomi la uru vipou e tato ge liu loio tela kalulu isa moli.¹⁴ La vovo gatou la bautula kama isa moli,ouka eia usu. ¹⁵Mae la vaha gato ge vei mago," eau sele kama la lima, eau kama la bautu la vovo,"eau kama vikapopo mela vovo. ¹⁶Oio tai mae la gavusa ge vei mago, eau kama la mata, eau isapolo loio tela vovo," me eia kama la bautu la vovo. ¹⁷Tio mae la vovo gatou ge la mata tomoli, me la irovi tela ilolo ge oiove? la irovi tela ilaso tai ge oiove?¹⁸E Deo tau toho tomi la bautu la vovo gatou mae ale eia tau muli tia. ¹⁹Mae egite tomi visauru moli, me la vovo la tahalo ge oiove? ²⁰La bautu la vovo gatou usu, alamoli egite viguvi la vovo isa moli.²¹La mata gato kama koramuli ge veia la lima gato mae, "eau kama masaga mei,"ouka la gama ge veia la vaha gatou." eau kama masaga tavu mei." ²²Alamoli la bautula vovo gatou ale kama vagari egite vigolu vikapopo tomi, ²³La bautu la vovo gatou ale etato gabutala via eia la paga bulahu moli, soloio etato togoa, egite tomi visuli baoli mela tilogo. ²⁴ Egite tommi marasa egite kati lou ge vimari leia la tilogo, egite rovi la tilogo. e Deo vitau kapopo egite tomi me eia togo tai egite ale kama savelea.²⁵Eia igoa maele lavuhula la oilo tela vovo la vilelela ge ouka, egite tomi isasa ge vigogo baoli me egite ge baumuli taho egite lou, ²⁶Mae isa tegite ge gabu la iligi, me egite tomi ge gabu suli eia; ouka mae isa tegite ge momoge, ale egite tomi ge sagege tomi leia. ²⁷Amuto la vovo le kraest me amuto lou la bautu la isasa.²⁸E Deo hilovi tia oilo tela lotu kraest silokoloko la Aposel, la vailuala e egite propet, la vaitolu la egite ale igigo la vimari, goio la vabila tela vimahuli la, me egite ale visuli, egite baumuli la igolu tomi, me egite ale tahoka la merera la kalamea ale isapolopo, ²⁹Mave egite tomi e propet? ouka egite tomi igigo la vimari? me egite tomi visibitala la vagarigari la?³⁰Mave egite tomi tahoka la viabila tela vimahuli? mave egite tomi lubelube la merera la kalamea ale isapolo? ³¹Amuto ge tuhaka tavu la vabila ale makapila. alamoli eau ge vahililo le amuto la gauru ale tartigi peho.

Chapter 13

¹Mae eau ge meramera la merera la kalamea tela valalua me egite la angelo. mae eau kama ge tahoka la gilogo, ale eau mae moli la bautu la kapa ouka la bautu la simbal. ²Mae eau tahoka la vabila tela vei lahala mela irovi la mari ale tabuli kokovu, mae tai eau ge tahoka la tautaulailo ale koramuli ge sugutaro la olu. mae la gilogo ge ouka eau la golu bulahu moli. ³Mae eau ge vabi soio tegite ale pou la savelela, ouka ge sugutaro la vovovgu soio la havi, mae eau kama ge tahoka la gilogo, me eau la golu bulahu moli.⁴ La gilogo eia hate tatola a mae ale tartigi peho. la gilogo kama hate mamasi me eia kama kalisasae. me eia kama pakasa ⁵ouka igo maraparapa,eia kama gabutala eia moli, eia kama igotolo bubu, o kama sautatola la iriru. ⁶Akama momoge la iruru, ouka eia, momoge tela selela. ⁷La gilogo sautola la papaga tomi,eia tautaulailo tetala papaga tomi, eia mamata tela papaga tomi, me eia vagari sele tela papaga tomi.⁸ La gilogo la tapasi la ouka. la mera laha la, age kokovu. la merera la kalamea ale isapolo, age kokovu lou. mae la mari ge oio, age tapasi. ⁹E tato rovi moli la bautu la isahari me etato mera laha oio vola. ¹⁰Alamoli la imala ale matata gomai, egite tomi ale kama viruru ge tapasi.¹¹La imala eau mae e guliki, eau meramera mae egite gulikiliki. eau gabutala mae igite bisisi. la imala eau hatamale laba, eau tautaro la vulovulo gite bisisi ¹²ALa etato mata soilo tela galassi, etato hilo la halulu gatou. etato rovi moli bakisi,me etato ge rovi tomia mae etato ge vimari la.¹³Alamoli egite moliti ale itolu ge magiri: la tautaulailo, la irovila, mela gilogo. alamoli ale uru tavua gite la gilogo.

Chapter 14

¹Eme ge dodo muli la gilogo me oio tai eme ge hateka tavu la vabila tela kalulu, ale uru sele emege mera laha. ²La tahalo ale meramera la merera tela kalulu kama meramera soio tela valalua ouka a mera soio te Deo. isa kama koramuli ge rovia la vuhula eia mera kokovu oilo tela kalulu. ³Alamoli la tahalo ale mera laha eia meramera soio tegite la valalua eia ge vimagiri egiteu, ge vivagari egite,me ge siobu egiteu . ⁴La tahalo ale mera oilo tela merera la kalulu vivagari lou eia, la tahalo ale mera laha vimagiri la lotu te kraest.⁵Ala eau masaga amuto ge vigia oilo la merera tela kalulu. ale uru sele loata vola, eau masaga via amuto ge mera laha. la tahalo ale mera laha eia uru tavuala la tahalo ale meramera oilo tela kalulu (mae moli la tahalo isa ge lube la masovala tio la lotu te kraest ge magiri vagari). ⁶ Alamoli, tabarabara gu, eau maege mara oilo tela kalulu omai tamutou, eau ge visuli amuto mave? eau kama kora muli, mae moli eau ge vigia tamuto oilo tala mera kovu la, ouka la mari, o la mera laha la, o la vimari.⁷Mae la paga ale kama mahulihuli ge visibitala la tilalila--- mae e vigogo,o la hap-- egite kama visibitala la tilali ale isa polopolo egite ge rovi la tilali la paga ilua mave? ⁸Mae egite ge viguvi la tilali la trumpet tela tilalila ale isapolo, egite ge rovia mave la imala iragila tela vikokuela? ⁹A oio moli taume le, mae eme ge vigia oilo tela gabutala ale kokovu me egite ge rovi la paga ale eme veia mave? eme ge meramera, alamoli isa kama ge abi matagaga emei.¹⁰Etato rovi selea mae la merera usu sele otalo la mautula magasa, la merera tomi la isa kama via masovala la ge ouka, ¹¹Mae eau kama ge rovi la masova la merera alele, eau ge la tahalo polo soio tela tahalo ale meramera, me eiau tai ge igo tahalo polo eia.¹² Tio a oio lou taume, la imala eme tuhaka tavu la visibitala la kalulu maroka, eme tovolai la vabila ale ge visuli la lotu. ¹³La tahalo ale meramera tela kalulu eia ge kaka via eia ge lube la masova la. ¹⁴Mae eau ge kaka oilo tela merera tala kalu, ale la kalulu gu kaka, alamoli la gabutala gu kama viguvi la vavuala.¹⁵Me eau ge igo mave? eau kaka oilo tela kalulu gu, eau ge kaka tai oilo tela gabutala gu. eau ge bau tai oilo tela kalulu gu,me eau ge bau tai oilo tela gabutala gu. ¹⁶Soukage, eme ge visale e Deo vikapopo mela kalulu, me egite la valua ale ogala ge tola "Amen mave " la imala eme vei tataho eia mae eia kama ge rovi la rova emei veveia?¹⁷Eme vei taho sele ti eia koramuli ti, alamoli e tabaramu ale isa kama vavaiti oata. ¹⁸Eau visale e Deo la vuhula eau meramera tela kalulu loata tamuto tomi¹⁹Alamoli oilo tel lotu eau pigi la bautu la merera ilima vikapopo mela irovilala la vuhula eau ge vei mulia gite ale isahari, loata tela merera ale salatu oilo la kalamea gu²⁰Tabarabara gu, la gabutala muto umala ge mae tegite bisisi, ouka, age goio tela papaga ale kama kora, amuto ge mae la peso alamoli la gabutala muto ge mae tegite ale matuha ti. ²¹La viturila kekesi tia, " oilo tela merera tela tahalo lobali me loio tela hare gite la mosi, eauge vigia soio tegite la valalua, alamoli egite kamage lolo eau, la uru veia.²²Oio vola, la merera la kalulu eia la irovilala, kama tegite ale tautaulailo, ouka tegite ale kama tautaulailo. la vei lahala a tela irovilala, kama tegite ale kama vulo, a tegite ale tautaulailo. ²³Ala mae, la lotu tomi ge guvi vikappo me egite ge vei la merera tela kalulu, me egite ale logala me egite ale kama vulo ge goilo, mave egite kama ge vei amu mae la gabutala mu kokovu?²⁴Alamoli mae amuto tomi ge vei la lahala goio egite ale kama vulo me egite ale logala ge goilo, la rova egite loloa ge ubi la tia giteu. me la rova eia veia age mata muli loua. ²⁵La papaga tomi ale tabuli kovu oilo la hatela ge tabuli palala. age sibitala mae, eia lou ge boru lagutugu otalo ge lotu tavu e Deo. eia ge vei palaea mae e Deo a mou kabili tamutou²⁶La rova lou oio, tabarabara gu? mae amuto ge guvi vikapopo, amuto isasa ge tahoka la bilau, la vimari, lamari tabuli kovu, la merera tela kalulu, me la ilube la masovala. igo tomi la papaga ale la vuhula age vahiliti la lotu. ²⁷Mae isage vei la merera la kalulu, taho lua o taho tolu isasa ge meramera tio isasa ge lube la masova la merera tetala. ²⁸Mae isa kam a koramuli ge lubea tio egite isasa ge pou makovu, oilo tela luma la lotu, toi egite isasa mera oilo tegite lou me soio te Deo.²⁹Egite la propet ge taho lua o taho tolu ge meramera, tio egite ale isahari ge lobagele tavua mela kalulu la irovi soio tala merera tetala. ³⁰Mae la masovala ge guviti tela tahalo ale popou oilo la lotu. tio la tahalo ale meramera le ge makovu³¹Amuto isasa koramuli ge vei la merera la veilahala me amuto ge vimari loio vola ge vivagari amutou ³²La kalulu la propet mou lotalo tegite la propet, ³³E Deo eia kama e Deo ale tabasusu,eia e Deo la tia madila.Ale la veimulila oilo tela lotu mela valalua te Deo ale maroka. ³⁴Amuto hatavile ge pou makovu oilo la luma la lotu. amuto kama koramuli ge meramera, oilo vola egite ge vagotalo egiteu, ale la viturila la veia. ³⁵Mae la paga isahari egite masagage vimarila, egite ge tahi e harua giteu oio la luma. eia kama tartigi egite hatavile ge meramera oilo la lotu. ³⁶ Mave la merera te Deo guvi loio taume? eme moli male eia pilau ti emei?³⁷Mae isa tamutou gabutala via eia e propet ouka la kalulu, eia ge gabutala tavu la papaga ale eau kekesi tia muto eia la viturila te la uru. ³⁸Alamoli mae isa kamage rovi matagaga la papaga aleie, me eia tai kamage rovi matagaga eia³⁹Oilo vola, tabarabara gu, amuto ge hilo tavu la mera laha la, umala magiri roborobo isa tegite ale vevei la merera la kalulu. ⁴⁰Amuto ge igo taho la papaga tomi oilo tela gauru la

Chapter 15

¹Eau tutu tola loua mutou,tabarabara gu, oilo tela meramera te Deo ale eau valolo tile amutou, ale amuto abitia me ale amuto magiri ti oata vola. ²Me te ale amuto mahuli ti oilo vola,mae amuto ge sautola vagari la merera ale eau valolo ti le amutou, soukage la tautaulailo tamuto ge la golu bulahu moli.³Eau abitia mutou la siloko la paga ale uru sele ale la rova eau tahoka tia, Ale e kraest peho ti tela vulovulo gatou ale kama kora me a puru muli la merera te uru, ⁴Ale egite ulai eia, goio eia mahuli rivu lou tela vaitolu la logo a vipuru muli la merera te uru.⁵E Christ sibitala tavu e Kepas, mulmuli vola a goio tegite ale savulusa gete lua; v6 ⁶Goio eia sibitala tavu egite vitame tabarabara ale salatu lima gete tagarasa. usu tegite soloio mahulili, isahari tegite peho ti. ⁷Goio eia sibitala tavu e James, goio egite tomi la Disaipel ale savulusa gete luao.⁸La tapasi la, eia sibitala tavu eau, mae la peso ale e tilala pigo utua. ⁹Oilo tegite la aposel eau ouka sele. akama tartigi egite ge toile eau isa la Aposel la vuhula eau magiri robo la lotu te Deo.¹⁰Alamoli tela gilogo te Deo eau guvi mae, me la gilogo tetala oilo taku kama la golu bulahu moli. ouka, eau igolu vagari sele muga egite tomi. alamoli kama eau, ale la gilogo te Deo ale oilo taku. ¹¹Oilo vola a mae ge eau ouka egiteu, amite valolo la merera te Deo amuto tautaulailo.¹² Igoe amite valolo la hiliti rivula te Kraest loio tela pileho, ilava isahari tamuto via la hiliti rivu la tetala tela pileho ouka? ¹³Mae la hiliti rivu la tela pileho ge ouka, o e Kraest kama mahuli rivu lou, ¹⁴Alamoli mae e kraest kama mahuli rivu lou, la valolo la tamite eia la golu bulahu moli, me la tautaulailo tamuto tai eia la golu bulahu moli.¹⁵Oio vola,la papaga tai ale amite hiloa me amite valolo la oilo te Deo eia ge la vasigologolola tomi, la vuhula amite valolo tila mae e Deo vimahuli rivu e Kraest loio tela pileho. alamoli mae eia kama ge vimahuli rivu eia. me egite ale pehoti kama ge mahuli tai. ¹⁶Mae egite ale pehoti kama mahuli rivu lou, me e kraest tai kama hiliti rivu lou, ¹⁷ Mae e Kraest kama mahuli rivu lou, me la tautaulailo tamuto tai eia la golu bulahu moli eme tai soloio la vulovulo ale kama kora.¹⁸Tio egite tai ale pehoti oilo te kraest ge kokovu bulahu moli. ¹⁹Oilo tela mahulila ale etato gabu tikumu moli e Kraest, me oilo tegite la valuala etato ge gabu geru etatou²⁰Alamoli igoe e Kraest, eia la siloko la vavua tegite ale pehoti, eia hiliti rivu lou loio tela pileho, ²¹Tela silokolo la pileho gomai ile la tahalo isa, me oilo tela tahalo tai isasa eia viguvi la hiliti rivula tegite ale pehoti.²²Ala oilo te Adam la valua tomi ge peho,me oilo te kraest eiage vimahuli etato tomi. ²³Egira isasa tilimuli la viputu mulila tegira lou: e Kraest eia la siloko la vavua tomi, mulmuli egite ale te kraest ge mahuli rivu lou tela bileu la tetala.²⁴Goio ale ge la tapasi la logo, la imala ale eiage abirivu la mautula soio te Deo tama gatou, la imala ale eia ge abitaro egite tomi ale pou la mapala me egite ale tahoka la vagarigari la. ²⁵Eiage pou la pulou la uru karamae eiage tau tomi egite la gima tetala lotalo la ilopulila. ²⁶La tapasi la gima ale ge igo kama Korea eia la pilehov27 ²⁷ Eia tau tomi ti la papaga lotalo la ilopulila," la imala ale eia ge vei mago," eia tatalu tomiti la papaga tomi, " eia matagaga tegatou tomi ²⁸via la tahalo ale tau la papaga tomi otalo tela vahala.v28 La imala la papaga tomi tabuli ti lotalo tetala, goio e latula ge tau eia lotalo tela tahalo ale tau la papaga tomi lotalo tetala, la vuhula e Deo ge oilo tela papaga tomi.²⁹Soukage egite ale igo maele vuhi ti soio tegite ale peho? mae egite ale pepeho katima hiliti rivu lou, ilava egite vuhi tegite lou? ³⁰Ilava etato goilo tala gima tela imala tòmi?³¹Tela logologo tomi isasa eau bilibili la magasa la vovo! ale la selela ala eau momoge sele le eme, ale la rova eau tahokea oilo te kraest Isus la uru gatou. ³²Eau ge abi la rova, loio tela mata mulila tegite valalua, mae eau ge vikue mela veitahola oio e Epeses, mae egite ale pehoti kamage hiliti rivu lou?" e tato ge ali liu, ale galgeli etato peho ti."³³Umala lolo la vasi gologolola:" la vibole mulila ge igo bara la paga ale tartigi oilo tela hatemu." ³⁴mala liu! mahuli oilo tela seselela, umalati igigo la iriru. isahari tamuto kama rovi tigi la mari te Deo. eua vei molia mae amuto ge mahela oiovola.³⁵Alamoli la tahalo isa ge vei mago, egite ale pepeho hiliti rivu lou mave, egite ge gomai tomi la vovo ale mave?" ³⁶La mari tamuto boto sele! la gilalu tomi ale ge galua kamage sele tavu moli la kulusi ouka age peho muga mulmuli age kusi.³⁷ La imala eme galu la gilalu eme kama galu la vovo la obu, ouka eme galu la vavua, age guvi mae la vit ouka la paga ale isapolo isa. ³⁸E Deo ge tau la vovola koramuli sele mae ale eia hilovi tia, la vavua tomi isasa la vovo isa polopolo, ³⁹ Me la vovo tomi kama visauru, ouka, la vovo gatou la tahalo isa, tegite la kalalia isapolo, tegite la kalia isa tela malmalu isa me te laia isapolopo.⁴⁰ La vovo tela mautu la sagegela isa me la vovo tela mautu la magasa isapolo. alamoli la marasala vovo tela ilolalage a visauru moli la marasala tela mautula magasa eia isapolo,⁴¹La marasala te la Haro a isa, la marasala tela Taio a isapolopo, la Matabu la marasa tai isapolopo, la Matabu vipigi baoli la marasala tegiteu.⁴²Me eia maemoli la hiliti rivu la tegite ale pehoti. la paga ale ge kaluvu bulahu moli, eia ge hiliti mela tapasi la ge ouka, ⁴³Eia vahililo eia mae eia la golu bulahu moli, me eia hiliti mela marasala. eia vahililo eia mae akama vagari, alamoli eia hiliti mela vagrila, ⁴⁴Eia sibitala mae la vovo tela magasa, goio eia hiliti soilo tela vovo tela kalulu, mae la vovo la magasa ge oio, me la vovo tela kalulu tai oio.⁴⁵La merera egite kekesi tia," la siloko la tahalo e Adam mahuli moli tela kalulula, "la tapasi le Adam viguvi la mahulila mela kalulu maroka. ⁴⁶Alamoli ale tela kalulu kama sibitala mamuga ouka ale tela vovo vimuga somai, goio tela kalulu.⁴⁷La siloko la tahalo eia viguvi la pileho,egite puhi leia la magasa. La vailua la tahalo eia loata la ilo lalage. ⁴⁸Mae moli ale isasa guvi loio tela magasa, me la hilila tai guvi loio la magasa, Mae la tahalo ale loata la ilo lalage maevolao, egite ale loata la ilo lalage visauru moli mae eia, ⁴⁹Mae la tahalo ale tala magasa viguvi etato loio la tataro la, E tato solio ge bole la tataro la tahalo ale loata la ilo lalage.⁵⁰Oilo vola eauge vei mae, tabarabara gu, La vovo mela kasoso gatou kama koramuli ge tiroro soilo la mautu la sagegela te Deo. Me ale tai ge ropo kama koramuli ge sautola ale kama ge ropo. ⁵¹Hiloa! eauge veipalaea muto la merera la selela ale tabuli kovu, etato tomi kamage peho, me etato ge kai vulo.⁵²E tato ge vulo hari sele,age mae la mata basila, ale tela tapasila tilali la vaivai. Mae la vaivai ge tali, egite ale pehoti ge hiliti mela vovo ale kamage parara, etato ge vulo,⁵³Tio la vovo ale parara ge vikai leia la vovo ale kamage parara, la vovo la pileho ge vikai leia la vovo ale kamage peho.⁵⁴Mae la vovo ale parara ge vikai leia la vovo ale kamage parara, oio tai mae la vovo la pileho ge vikai leia la vovo ale kama ge peho, age vipuru muli la merera ale kekesi tia, "La vagari le Deo ge vagotalo la pileho," ⁵⁵Eme la pileho, la vagari mu oiove? eme la pileho la mali mavulumu oiove?"⁵⁶La mali mavulu la pileho eia la vulovulo ale kamakora, me la vagari la vulovulo ale kama kora eia la viturila. ⁵⁷Etato ge visale e Deo, eia abia gatou la vagari etato pepe oilo te Isus Kraest!⁵⁸Oilo vola, tabarabara gu, amuto ge magiri vagari umala suku lahu. bibi amuto ge vagari oilo la igolu tela uru, la vuhula eme ge rovia mae la igolula taume oilo tela uru akama la golu bulahu moli.

Chapter 16

¹Oilo tela vikapopo la tegite la valalua te Deo ale maroka: eau visele matata molia giteu la lotu ale oio e Galatia, tio amuto tai ge igoa mae vola, ²Tela siloko la logo tela viki,amuto isasa ge taugale isasa la paga mae eme koramuli, amuto ge igoa mae la vuhula la imala eau ge gomai amuto kati ge tau vikapopo la golgolu.³La imala eau ge guvi eauge abia muto la galau ale kesitia tela silokoloko soio tegite ale amuto turi ti egiteu, ge baha egiteu vikapopo mela vabila tamuto soio e Jerusalem. ⁴Mae eia koramuli eau tai ge tuga, egite ge vituga tomi le eau.⁵Eau ge gomai tamuto la imala eauge polo soilo e Macedonia. eau ge polo soio e Masedonia. ⁶Soukage eau ge pou tomi le amutou tela imala lolovi,la vuhula amuto ge koli eau tela tuluga taku, soio baba ale eau ge goio vola.⁷Eau gabutala via kamage hilo amuto tela imala aleie age tela imala tuluga la pahutu la. eau masaga ge abi uru bakisi la imala ge vikapopo le amutou, mae age la masaga la uru. ⁸Alamoli eauge pou oio e Epeses kara tela imala pentikos, ⁹La mata kope uru sele tia gu, alamoli egite la vasigologolola usu sele.¹⁰La imala e Timothy ge gomai, amuto ge hiloa mae eia vikapopo le amuto eia kamage taga, eia igigo la igolula te la uru, mae ale eau igoa. ¹¹Amuto isa umala ge muku pilepile eia, amuto ge kolia eia oilo tela tia madila, me eia ge gomai taku. eau omai poutali eia ge gomai tomi le tabarabarala mila, ¹²Eau gabutala e tabara gatou Apolos, eau tututolea la via eia gomai ge harilai amutou Eia kama ge gomai tela masagala tetala la imala aleie, oilo vola, eia ge gomai tela imala te la uru.¹³Amuto ge mata rara, magiri vagari oilo tela tautaulailo, igo mae eme la tahalo,amuto ge vagari. ¹⁴La papaga tomi ale amuto ge igoa amuto ge igoa mela gilogo.¹⁵Eme rovi la karakara te Stepanas, egite la siloko la valua ale vulo mamuga oilo e Akaia, egite tau sele la tia gite soilo tela igolu tela valua te Deo ale maroka. eau tututolea mutou, tabarabara gu, ¹⁶Amuto ge vagotalo amuto soio tegite la valua, me soio tamuto isasa me egite ale visuli oilo tela igolu vikapopo me etatou¹⁷Eau sagege sele tela gomai la te Stepanas, Pontus,me Akaikus. la imala eme kama omai egite magiri soata, ¹⁸Egite vahalaba la kalulu gu me la kalu my, me alele, amuto ge matavu egite la valalua ale mae aleie.¹⁹Egite la valalua la lotu le Asia baha la gilogo tegite somai tamuto, Akuila,me Prissila vibalavala amuto oilo tela uru, vikapopo mela lotu ale oio la mautu tegite ²⁰Egite tabarabara gatou baha tai la gilogo tegiteu somai tamuto,vibalavala e tabaramu mela piliu ale maroka.²¹Eau, e Paul, eau kekesi aleie la limagu. ²²Mae la tahalo isa kama masaga la uru, la tikumula ge tetala, eia la uru gatou, gomai! ²³La gilogo te la uru e Isus ge vikapopo le emei. ²⁴La gilogo taku soio tamuto tomi oilo te kraest Isus,

2 Corinthians

Chapter 1

¹Eau e Pol, la Aposel te Kraist Isus oilo la masagala te Deo, e Timoti e tabara gatou soio tela lotu te Deo ale oilo e Korint, ale goio tegiteu la valalua te Deo ale maroka oio la baba tomi oilo e Akaia. ²La gilogo ge taume mela tia madila loio te Deo tama gatou me la Uru e Isus Kraist.³Tartigi e Deo e tama la Uru gatou e Isus Kraist toge visalea. eia e tama la gilogo tomi me e Deo la vimalu tomi. ⁴E Deo vimalu etatou oilo la iligiligi tegatou tomi, la vuhula via etato tai ge vimalu egiteu tai ale oilo la iligiligi papahila. etato ge vimalu e tabarabara gatou la vimalula ale e Deo vimalu le etatou.⁵Eia mae moli la iligiligi ale e Kraist goilo vola ile etatou, ala la vimalula tegatou volu pagele loio te Kraist. ⁶Alamoli mae amite goilo la iligiligi, eia tela vimalula mela mahulila taume; mae e Uru vimalu amite, la vimalula alele a taume tai, la vimalula taume ge igolu vagari moli mae eme ge magiri vagari oilo la iligiligi ale amite tai goilo vola. ⁷La gilabulabu tamite soio taume eia mae la tori, ala amite rovia mae la imala eme ge bole suli amite la tikumula, eme tai ge abi la vimalula tamiteu.⁸Ala amite kama masaga via amuto kama ge rovia la paga aleie, tabarabara gu, tela tikumula ale amite goilo vola oilo e Asia. amite goilo la tikumula ale uru sele bakisi moliti amite ge peho. ⁹La selela, egite tau ti la merera oata tamite via ge bili amite. la paga alele sibitala via amite umala ge veia amite koramuli ouka amite ge tautaulailo moli te Deo, ale vahiliti rivu egite ale pehoti. ¹⁰Eia moli utululu etato loio la uma la pileho, me eia moli ge utululu etatou. oata moli tetala amite tau la tautaulailo tamiteu via eia moli ge utululu amiteu.¹¹Eia ge igo aleie la imala amuto ge visuli le amite la kilaka. tio egite usu ge toi la vei tahola tela ba tamiteu tela gilogo mela kiloli ale eia abia miteu loio tela kilaka tamuto tomi.¹²Amite osa sele la aleie: la kalulu mite veia mite via amite tuga taho sele oilo la mautula mela marokala mela seselela te Deo, amite kama taho tavu la mari la vovo ouka oio tela gilogo te Deo. ¹³Amite kama kekesi isa la paga ale amuto kama koramuli ge gigia ge rovi matagagea, eau tautaulailo via eme ge rovi matagaga tomia. ¹⁴La imala eme ge rovi matagaga amite oilo tela bautula aleie, eme ge osa sele le amite oio tela logo tela Uru gatou e Isus Kraist, a maemoli alele amite tai ge osa sele le amutou.¹⁵La vuhula la gilabulabu taku vagari sele oio te aleie, eau masaga ge gomai muga tamutou, la vuhula amuto ge abi la vibalavala tela tuluga la pahutula ale iluae. ¹⁶Eau gabutala via ge pahutu amuto kabili la tuluga taku soio Masedonia. goio eau masaga viage pahutu lou amutou tela bileugu loio e Masedonia, goio amuto ge baha eau tela gauru soio e Judea.¹⁷La imala eau gabutala maele, ale eau taga makuku? ila eau kisi la gabutala alei oio tela masagala tahalo, la vuhula eau ge vei e "asele, sele,me ouka, ouka" ¹⁸Alamoli la vuhula e Deo vagari sele,etato kama vei tomi egira, "asele" me "ouka. "¹⁹E latu le Deo, e Isus Kraist, eia moli e Silvanus, e Timoti, vikapopo mele eau amite valolola kabili tamutou, mave eia kama "asele" me "ouka."oukati maele, la imala tomi eia "asele." ²⁰Egiteu tomi la veiselela te Deo "asele" oilo tetala. me oilo moli tetala etato veipalaea "Amen" tela marasala te Deo.²¹Igoe ale e Deo male igo vagari ti amite vikapopo le amutou oilo te Kraist, me eia vibalava ti amiteu, ²²Eia tauti la irovilala tetala oata tamiteu me eia abia miteu la kalulula oilo la hate miteu mae la mera matagagala tela rova age guvi mulmuli.²³Oukati, eau tola tavu e Deo ge magiri la baligu tela vuhula ale eau kama gomai e Korint la vuhula oio ila eauge sautola rivu emei. ²⁴Ale kama via amite tovolaia ge muga la guluvi la tautaulailo taume ale ge mai vola. oukati, amite vigolu tomi le emei tala mogela taume, la imala eme ge magiri oata la tautaulailo taume.

Chapter 2

¹Ala eau igo la gabutala gu tela ba ale via eau kati ge gomai lou tamuto oilo la iligiligi mela tikumula. ²Mae eau ge igo amuto ge gabu la iligiligi, ere lou ge sagege tavu eau me egite moli ale eau igo barabara egite?³Eau kekesi mae ale eau igo tia age tilimuli la gomaila taku tamuto eau souka ge mahela loio tegiteu ale ge igo sagege eau. la gilabulabu taku vagari sele oio tamuto tomi via la sagegela taku eia visauru moli mae la sagegela ale amuto tahokea. ⁴Eau kekesi somai tamuto loio iligiligi uru sele,vikapopo mela tia ligiligi, mela masaligu usu sele. eau kama masaga ge igo eme ge gabu la iligi, oukatai, eau masaga via amuto ge rovi matagaga la masagala ale uru sele eau taolea soio tamutou.⁵Mae la tahalo isasa visibitala la iligiligi, eia kama igo molia somai taku, eia igoa oilo la gauru isa--- ale kama ge igo vagaria--- soio tamutou tomi. ⁶La iligiligi ale amuto tomi viage abiala eia koramuli ti. ⁷Oilo vola igoe umala ti ababiala la iligiligi, amuto ge lube la iriru tetala ge vimalu eia, igoa maele la vuhula la tikumula souka ge bolehoho eia.⁸Ala eau vei vagari mutou ge igo vagari la masagala tamuto soio tetala soio tala valua tomi. ⁹La vuhula ale eau kekesi somai tamutou eia maleie, la vuhula eau masaga ge tovolai amutou me eau ge rovi la iromulila tamuto oilo la papaga tomi.¹⁰Mae eme ge lube la iriru tela tahalo isasa, eau tai ge lube la iriru alele, la iriru ale mave eau lubea, mae eau lube isa la iriru, me a be tai ti eme oilo la mata le Kraist. ¹¹Age mae aleie soukage e Satan ge tutugolo etatou, e tato kati pauala la gabutala kovula tetala.¹²La Uru kopeagu la mata la imala eau goilo la siti e Troas viage valolo la merera te Kraist oio vola. ¹³La kalulu gu kama salaga la vuhula eau kama mata vuti e tabaragu e Taitus. Ala eau heletaro egite me eau tuga polo lou soio e Masedonia.¹⁴La vei tahola ge goio moli te Deo, eia moli oilo te Kraist la imala tomi eia muga etatou me etato pepe la gima. oilo moli tegatou eia kope la mari tetala ale mali vili oilo tela baba tomi. ¹⁵Me etatou mae la mali vili te Kraist soio te Deo, kabili tegiteu ale tahoka ti la mahulila me egite tai ale ge kokovu tela pileho.¹⁶Soio tegiteu ale ge kokovu tela pileho, eia la mali vili la pileho soio tela pileho, soio tegite ale mahuli ti, eia la mali vili la mahulila soio tela mahulila. me ere oio magiri maramara oilo la papaga aleie? ¹⁷Amite kama mae egite la valua isahari ale baha la merera te Deo tela ilabi la vuliti. ale kama loio la vulovulo ale maroka, amite meramera oilo te Kraist, mae moli la gomai la tamite a loio te Deo, me a oilo la milatalata te Deo.

Chapter 3

¹Mave e tatou ge soko lou la vei taho gatou lou? amite kama masaga lou isa la galau ale kekesia ge gomai taume ouka loio taume, mae la valua isahari, age mae sele ilage? ²Eme sele lou mae la galau ale kekesia lomai tamiteu ge vei matagaga eme ere, ale kekesi tia oilo la hate miteu, la valua me hatavile ge rovi matagagea ge gigia, ³Eme ge vahililoa via eme la galau ale kekesia loio te Kraist, me amite vaharia mutou. ale kama kekesila la gome ouka ale la kalulu le Deo ale mahulili kekesi tia. akama kekesia oata la malege la uati, ouka eia kekesi tia oilo la hate la valua me hatavile tomi.⁴Me aleie la vagari ale amite tahokea oilo te Kraist me tela matale Deo. ⁵Amite kama abi la vagarigarila oilo tamiteu via la papaga tomi aleie sibitala lomai tamiteu. akama maele, la tuhakala tamiteu eia loio te Deo. ⁶E Deo moli igo amite sibitala mae la tahalo la igolu tela masagala tela vei selela ale halaba. la masaga la veiselela ale kama la galau ale kekesia ouka a loio tela kalulu. la galau ale kekesia bilibili alamoli la kalulu viguvi la mahulila.⁷Igoe la igolu ale visibitala la pileho--- egite puhia mae la kekesi oata la uati--- guvi mela marasala ale e latatu le Israel kama koramuli ge mata selea soio la lagu le Moses. la vuhula ale la marasala lagula, eia la marasala ale ge kokovu lou. ⁸Alamoli la marasala ale ge uru peho age loio tela igolu ale la kalulu marokala ge igoa?⁹Mae la igolu tela mera vilela eia marasa, alamoli la igolu tela magiri matatala eia volu mela marasala! ¹⁰ Me amaele, la marasala ale pala eia marasa peho egite kati togoa la vuhula la marasala kovu ti, la vuhula la marasala ale halaba pepe tia. ¹¹Mae la marasala ale ge kokovu soloio marasa, alamoli la marasala ale la kaluvula ouka soloio marasa peho!¹²La imala ale etato tautaulailo, etato vagari sele. ¹³E tatou kama mae e Moses, ale eia tau robo la lagula la kulkuli la vuhula e latatu gite Israel umala ge mata tora tavu la marasala ale tatuga ge kaluvu.¹⁴Alamoli la gabutala giteu kapi. tela logo alele, la imala egite gigi la kavanent ale pala, la kulkuli soloio tabuli moli. egite kama abi taroa, la vuhula oilo moli te Kraist la kulkuli ge abi taroa, ¹⁵Alamoli igoe, la imala ale mave egite ge gigi la buku te Moses, la kulkuli soloio tabuli robo la hate giteu. ¹⁶Alamoli la imala ale la tahalo isa ge vulo tavu la Uru, la kulkuliele ge abi taroa.¹⁷La Uru eia la kalulu, la ba ale mave la kalulu la Uru oio vola, la vimaramarala oio. ¹⁸Igoe e tatou tomi, la kulkuli kati oio la lagu gatou, etatou hilo la marasala tela Uru. etatou tomi vuvulo ti soilo la marasala ale visauru mae eia me ale loio la marasala ale kabili tegiteu, mae moli ale loio tela Uru, eia moli la kalulu maroka.

Chapter 4

¹Oio vola, la vuhula etato tahoka la igolula aleie, eia mae moli ale etato abiti la gilogo, etato umala ge tuha malulu. ² Akama ge maele, etato mukupile pile ti la papaga tomi ale tabuli kovu mela gauru la igo mahela la. etato katima mahulila la gabutala la vasigologolola, me etatou kati lou sau vavala la merera te Deo. oilo tela valolo la merera la selela, amite sugutaro amite soio la gabutala muto tomi oilo la matale Deo.³Alamoli mae la merera la lotu tamite la kulkuli oio savu roboa, eia taurobo molia soio tegiteu ale ge kokovu. ⁴Oilo tegiteu ale maele, e Deo la mautula igo maligoma ti la gabutala giteu ale kama tautaulailo. la vavuala male, egite kama koramuli ge hilo la matagaga la lotu mela marasala te Kraist, eia moli la tataro le Deo.⁵Amite ouka tilou vei tataho amite, amite vei tataho moli e Kraist Isus eia moli la Uru, me amite ale mae la valua la igolu te Isus. ⁶E Deo isa sekela moli eia vei mae, " eme la matagaga porosile loilo la maligoma." la matagaga la kahati oilo la hate miteu, age viguvi la matagaga la mari mela marasala te Deo oil la mata le Isus Kraist.⁷Alamoli amite tahoka la vuliti oilo la kabala la pakou, la vuhula eia ge matagaga via la vagari ale uru sele loio te Deo eia kama lomai tegatou. ⁸Amite bole la tikumula oilo tela gauru usu sele, alamoli akama vagotalo amiteu. amite taba susu alamoli amite kama volu mela birare; ⁹Egite magiri robo amiteu alamoli amite kama hele; egite vali boru amite alamoli amite marapa; ¹⁰La imala tomi la vovo mite bole vulovulo la pileho le Isus, la vuhula la mahulile le Isus ge sibitala matagaga oilo la vovo miteu.¹¹Amite ale mahuli ti la imala tomi la mahuli miteu tabuli oio teale ge peho la vuhula te Isus moli, la vuhula la mahulile Isus ge guvi palala oilo la vovo ale ge peho. ¹²Ila la pileho ge igolu oilo tamiteu, alamoli la mahulila oio igogolu oilo taume.¹³ Alamoli amite tahoka la kalulu la tautaulailo visauru moli mae la rova ale kekesi tia: " eau tautaulailo, me eau vigia." amite tai tautaulailo, ala amite tai meramera, ¹⁴La vuhula amite rovia mae la tahalo ale vahiliti rivu la Uru e Isus me eia moli ge vahiliti rivu tai etatou vikapopo me Isus ge vahari etatou soilo la ba tetala. ¹⁵La papaga tomi la vuhula eme moli, ala la gilogo ale bubura ti soio tela valalua ge viguvi la vei tahola me age vauru la marasala te Deo.¹⁶Tio amite kama tuha malulu. mae moli la vovo mite logala kati vagari, alamoli ale oilo amite guvi halabalaba tela logo tomi isasa. ¹⁷La iligiligi, ale bakisi ababi etato tela logo isasa age viraragi etatou tela marasala ale uru pepeho ale pepe la giligi tomi. ¹⁸Amite kama mamata oio la papaga ale etato hililoa, ouka amite mata tela papaga ale etato kama hililoa. la papaga ale etato koramuli ge hiloa eia tela imala bakisi moli, alamoli la papaga ale etato kama hililoa la tapasi la ge ouka.

Chapter 5

¹v 1Amite rovia via mae la vovo la magasa ale etato mahuli ovola ge kamakora, etato tahoka la luma oio te Deo. eia kama la luma ale la tahalo igolula la limala, la luma ale la tapasila ge ouka, ale oilo la ilolalage. ²Mae oilo la kale ale etato roberobe, etato masaga sele viage vikai robo le etatou la kairobola tegatou tela ilolalage. ³Etato ge dodo muli selea la vuhula la imala etato ge kai robola etato katilou ge pou kalakalaka.⁴Me asele la imala etatou oilo la kale ale, etatou gabu la iligiligi, la tikumula uru sele. etato kama masaga ge kalakalaka. akama ge maele, etato masaga ge kairobo, la vuhula la rova ale viguvi la pileho la mahulila sogomua. ⁵La tahalo ale viraragi etatou tela papaga aleie eia e Deo, eia abia gatou la kalulu ale ge igo matagagea gatou la papaga ale gomai.⁶Ala la imala tomi eme ge vagari, eme ge rovia mae la imala etato mahuli oilo la vovo, etato ba malau taro la Uru. ⁷Etato tuga oilo la tautaulailo, kama la papaga ale etato hililoa. ⁸Ala etato tahoka la vagari ovola. Etatou maege malau loio tela vovo etato ge mahuli vikapopo mela Uru.⁹Ala etato ge igoa mae la paga ale etato ge tuga tavua, mae etato ge oio la luma ouka ale ouka tai, etato ge igo sagege eia, ¹⁰Etato tomi ge magiri la matala pulou la ilapu matatala te Kraist, la vulata etato isasa ge abi la mapa la rova etato igotia tela vovo, mae ale tartigi ouka ale kama kora.¹¹Oio vola,mae eme ge rovi la vulovulo la tilaga la uru, amite ubi la tia gite la valua ovola. la rova amite oio ovola e Deo hilo matagaga selea. me eau rovia via eia tai matagaga moli oilo tela gabutala tamutou. ¹²Amite kama tovolaia ge ali la ilo mutou ge hilo amite mae amite vei sesele. akama maele, amite abia muto la vuhula ale eme ge moge le amiteu, tio eme ge taola la rova ale eme ge abia gite ale kalisasae tela papaga ale guvi palala kama la paga ale oilo la hate la tahalo.¹³Mae la gabutala mite kama oio, eia te Deo; alamoli mae la gabutala mite sele ge oio, ale la vuhula tamutou. ¹⁴La vuhula la gilogo te Kraist pigi robo ti amiteu. ale la vuhula ale amite magiri sele ovola. la tahalo isa moli peho ile etatou tomi. etato tomi peho ti. ¹⁵Tio eia peho ile etatou tomi, ila egiteu ale mahuliti kati lou ge mahuli moli tegiteu ouka egite ge mahuli tela tahalo ale peho ile egite me eia hiliti rivu lou.¹⁶La vuhula maleie, sokoa igoe golagu amite kama matamuli isasa loio tela gauru tela tahalo, la imala isa amite matamuli e Kraist iolo la gauru alele, alamoli ale igoe amite kati matamulia mae alele. ¹⁷Oilo vola, mae la tahalo isa oilo ti te Kraist, eia guviti mae la vipoupou ale halaba sele. la papaga tomi ale pala tugati kaluvuti. hiloa, la paga tomi guvi halaba ti.¹⁸Egite tomi la papaga aleie eia loio te Deo. eia loto rivu etatou soio tetala oilo te Kraist me eia abi tia gatou la igolu tela ilapu matatala. ¹⁹Eia maleie, oilo te Kraist e Deo loto rivu ti la mautula magasa soio tetala, eia kama gigi la iruru tegite soio tegiteu. me eia abitia gatou la merera la ilapu matatala via etato ge baumulia.²⁰La Uru turi ti amite via amite ge abi la ba te Kraist, e Deo tau la merera la tututolala tetala oata tamiteu, me amite tai kara suku amutou, la vuhula te Kraist moli: amuto ge vahalaba la vitame tabarala tamutou vikapopo me Deo! " ²¹Eia moli igo e Kraist mae la opa tela vulovulo gatou ale kama kokora. eia kama igo isa la iriru. eia igoa maele via etato ge guvi oio tela magiri matata te Deo oilo tetala.

Chapter 6

¹E tato ge vigolu vikapopo me le eia, amite tututola tai amuto umala ge ababi la gilogo te Deo mae la paga bulahu moli. ²Eia vei mae, "oilo la imala taume ale tartigi eau lolo la merera taume, me oilo la imala vimahulila eau koli emei. "hiloa, la imala aleie la gilogo eme abi bulahu molia,hiloa igoe eia la logo la vimahulila, ³Amite kama tau isasa la paga ale ge tabuli robo isa la tahalo, amite kama gabutala via la igolula tamite akamage tau la vavuala.⁴Akamage maele, la vulovulo mite vei pala amite mae amite ere, via amite la valua la igolu te Deo. amite la tahalo la igolu tetala oilo tela tuhakala, mela iligiligi, me teale amite bare, mela tikumula, ⁵Egite kue amite, tau amite oilo la luma la totorobo, egite gat, abia mite la igolu ale vagari peho, me amite kama mavuta lalogo, tela vitolola. ⁶La marokala, la mari, mela hate tola la, la vulovulo ale tartigi, oilo la kalulu maroka,la ilisulisu ale sele. ⁷Amite la valua la igolula oilo la merera la selela, mela vagarigari le Deo. amite tahoka la kai robo tela magiri matatala tela limala e gata me la limala e meru.⁸Amite igolu moli mae la tilogo oio ouka ale tai la tilogo ouka, egite ubile amite la merera la vasigologolola alamoli amite soloio magiri tela selela. ⁹Amite igo la igolula mae isa kama rovi matagagaea amiteu alamoli egite tomi solio rovi matagaga sele amiteu. amite igolu hagavi amite ge peho alamoli amite hiloa mae amite solio mahuli. amite igolu mae egite ge viligi amite tela vulovulo miteu alamoli kama ge igo geru amite ge peho. ¹⁰Amite igolu mela ilo burukola, alamoli la imala tomi amite moge. amite igolu mela savelela, alamoli amite igo egite usu tahoka la vuliti. amite igolu mae ale amite kama tahoka isa la paga solio amite tahoka la papaga tomi.¹¹La merera la selela tomi amite valolo ti le amutou, e Korint, me la hate miteu kope uru soio tamuto tomi, ¹² Amite kama magiri robo amutou, la hate muto lou magiri robo amutou, ¹³Ala igoe oilo la vikoli baolila tegato age mata taho--- eau vigia soio tamutou e gilikiliki---- kope uru la hate mutou.¹⁴Amuto umala vikisi vikapopo le amutou soio tegite ale kama tautaulailo, la vikapola ale mave kabili tela selela mela vareagila? la vikapola ale mave kabili tela matagaga mela maligoma? ¹⁵La vikapopola ale mave e Kraist tahokea kabili tegite ale vasigologolo? ouka la viabila ale mave kabili egite ale tautaulailo me egiteu ale kama tautaulailo? ¹⁶La vikapopola ale mave kabili la lotu te Deo soio tela puhi golo? etato tomi la luma la lotu te Deo ale mahulili, amae moli ale e Deo veitia: " eau ge mou kabili tegiteu me eau ge tuga kabili tegiteu. me eau ge mae e Deo tegiteu, egite ge mae la valalua taku,"¹⁷Ala, gali sogala kabili tegiteu, eme ge magiri polo," la Uru veitia." umala pilau isa la paga ale kama maroka, me eau ge kaka tavu emei, ¹⁸Eau ge guvi mae e tama soio taume, me amuto ge guvi mae e latugu ale tamale me ale hatavile, " la Uru ale vagari sele oata vei tia

Chapter 7

¹Masaga amuto isasa, la imala etato tahoka egiteu la veiselela aleie, tartigi etato ge vimaroka etatou loio la papaga tomi ale igo mumugu la vovo mela kalulu gatou. tartigi etato ge tuhaka tavu la marokala vikapopo mela tilaga le Deo.²Tau amite la ba! amite kama viruru isasa, amite kama igo bara isasa ouka vipolo la paga oio te isasa. ³La papaga ale eau veveia kama ge igo bara emei. eau veitia muto la paga aleie oilo la hate miteu, via etato ge peho ge mahuli vikapopo. ⁴Eau tahoka la vagarila uru sele oio taume, me eau moge sele le emei. eau volu mela siobula. me eau sagege pepeho sele kama ale molie oilo tomi la iligiligi tomi ale amite goilo vola.⁵La imala amite gomai e Masedonia, la vovo mite kama maila. kama male molie le, amite marapa sele tela tikumula ogala la vovo me la tilaga oilo la ilomiteu. ⁶Alamoli e Deo, eia moli siobobu egiteu ale iloburuko, eia vivagari amite la guluvi le Taitus, ⁷Akama la guluvi tetala moli e Deo siobu amiteu. eia la vimalmalu ale e Taitus abia loio taume. eia veia mite la gilabulabu tetala tomi, la iloburuko la taume, mela gabutala taume tavu eau, oilo vola eau moge sele.⁸Mae ge la buku ale eau kekesiamu vailo buruko emei, eau kama ge gutu rivu lou eau ovola, alamoli la imala eau hiloa mae la buku ale eau kekesia igo eme ilo buruko, ale tela imala bakisi moli. ⁹Ala igoe eau momoge sele, kama via la tikumula hele taro emei, ouka la vuhula la ilo burukola taume igo eme vululo tavu la uru, la tia tikumula taume eme rovia eia te Deo, ala la tia tikumula taume eia la golu bulahu moli la vuhula tamiteu moli. ¹⁰La ilo burukola te Deo viguvi la vululo tavu la uru ale vipuru la mahulila me la vigutu rivula ouka ti. la ilo burukola tela magasa, koramuli ge viguvi la pileho.¹¹ Eme ge matamuli la uru la ilo gorila te Deo ale koramuli ge viguvia oilo taume, me la matamulila taume koramuli ge veiamu via eme maramara. la tia barala taume akara mave, la tiga makula, la irovi ale sele, la tuhakala, la masagala ale viage hilo la viturila ge viguvia! oilo la papaga tomi eme igo matagaga eme via eme maramara oilo la paga aleie, ¹²Eau kekesi somai taume, eau kama kekesi tegiteu ale ale igigo la iriru, kama tegiteu ale gabu la iligiligi la iriru, alamoli age tela masagala taume ale tartigi somai tamite age sibitala matagagaea soio taume oilo la matale Deo.¹³Ala oilo moli tela ba alele amite abi la vagarigarila. ale loata tela siobula tamite lou, amite tai sage peho la vuhula e Taitus igo sagege amiteu tela merera la lotu ale amuto vimata kaseka le eia. ¹⁴Mae eau ge vei taho emei soio tatala, eau kama igo bara emei. oio tela ba alele la papaga tomi ale amite vei tiamu eia sele, la vei tahole eme soio te Taitus eia sele.¹⁵La gilabulabu tetala soio taume eia uru sele la imala eia ge gabutala la iromulila tamuto, amuto kaka tavu eia mela taga makula. ¹⁶Eau moge la vuhula eau tau tomi la tiagu oio taume.

Chapter 8

¹Amite masaga via amuto ge rovia, tabarabara gu, la gilogo te Deo ale abitia gite la lotu te Kraist oilo e Masedonia. ² La imala la tovolaila tela iligiligi, la sagela ale volu pagele polo pepe la savelela me eia viguvi la vuliti tela vabila.³Eau hilo selela la matagu ale egite vabi taho sele mae ale egite koramuli, me ale loata teale egite koramuli tai ale loio sele la masagala tegiteu ⁴Egite karasuku amite tela masagala tamite tela igolu soio tegite la valua te Deo ale maroka. ⁵La papaga ale kama sibitala mae ale amite gabutala via age sibitala mae vola, alamoli egite pala sugutaro la mahuli giteu soio tela Uru goio egite igoa somai tamiteu oilo tela masagala te Deo.⁶Amite vikara suku e Taitus, me eia soko ti la igolula ale amite abiala, eia ge vikaluvua kabili tamutou la igolu la gilogo aleie. ⁷Alamoli eme ge tahoka usu oilo la papaga tomi--- oilo la tautaulailo, la merera, oilo la mari, oilo la malopila, oilo la ilisulisula taume tavu amiteu. gabutala solagu la malopila taume oilo la tuluga la gilogo aleie.⁸Eau vei la merera aleie akama la mera vagarila, akama maele, eau veiamu maele via ge tovolai la sesele la masagala taume ge vitoko mela gilabulabu tela valua polo. ⁹Eme roviti la gilogo te la Uru gatou e Isus Kraist. eia tahoka la papaga tomi, me taume moli eia guvi mae la maura, la vuhula tela pulou la maura la tetala eme ge tahoka la papaga tomi.¹⁰Oilo tela paga aleie eau ge abiamu la merera la vatelila ale ge koli emei. la leavala isa tugati, eme kama solo soko moli la iligo la papaga, ouka la masagala taume sele viage igoa. ¹¹Ala igoe eme ge vikaluvua, mae eme gabua via la masagala la iligo la ge soloa, eme ge igolua kara mae age puru, mae eme koramuli sele. ¹²Mae eme gabua via eme ge igo la igolula aleie, eia la paga ale tartigi me ale la ilisulisu ge oio vola, age magiri oata la rova la tahalo tahokea, kama oio tela paga ale eia kama tahoka.¹³La igolula aleie akama via isahari ge maila via eme moli ge bole la tikumula, akama ge maele, amuto tomi ge visauru moli. ¹⁴La imala eme ge tahoka usu tela imala sele eme ge vaisuli egite ale savelea. age maele la imala egite ge tahoka usu egite ge koli emei, la vuhula age visauru moli. ¹⁵Amae moli egite kekesi tia: " mae la tahalo isa tahoka usu eia kama via isahari oio piligi. me la tahalo ale tahoka moli bakisi kama boto."¹⁶Alamoli la veitahola ge te Deo, ale tau la tia la vibaumulila oilo te Taitus a visauru moli mae ale eau tahokea soio tamutou. ¹⁷Eia kama abi moli la tilahi tegatou, eia tuhaka tavu selea. me eia gomai taume tela masagala tetala sele.¹⁸Amite bahataro ti eia vikapopo me e tabarabara gato ale la valalua lotu te Kraist veitataho eia tela igolu tetala oilo la lotu. ¹⁹Kama ale molie, ouka egite la lotu te Kraist turi eia ge tuga tomi le amite ge vagogala la vagari la gilogo aleie. Age teale ge togo la Uru ovola mela masagala tamiteu ale ge koli.²⁰Amite tovolaia ge magiri robo la gauru ale isa souka ge mera galolo amite la vabila ale amite igigoa. ²¹Amite paki taho sele ge igoa mae ale la valua tomi ge togoa, kama tela mata la Uru moli, ouka tela mata la valalua tomi.²²Oio tai vola amite bahataro tai isa e tabara miteu vikapopo me egiteu. Amite tovolai tia me amite suvitia mae eia la tahalo la tuhakala tela igolu tomi. eia masagea selea la vuhula eia abi la vagarigarila oio tamutou. ²³Ale te Taitus, eia e kolia taku me amila vigolu vikapopo omai tamutou. ale tegite tabarabara gatou, ale la lotu baha egiteu. egite la valua la tilogo te Kraist, ²⁴Ala vahililoa gite la masagala taume, me vahililoa la lotu tomi la vuhula ale amite vei tataho emei.

Chapter 9

¹v 1Ale soi tela igolu tegite la valua te Deo ale maroka, akama koramuli eau ge kekesi somai tamutou, ²Eau rovi sele la masagala taume, ala eau kama vikara sotalo soio tegite la valalua e Masedonia. eau veia gite mae la iragila te Akaia a soko ti tela leavala ale kaluvu ti. la tuhakala taume vahiliti la tia gite tela igolu.³Igoe eau baha e tabarabara gatou la vuhula la vei tahola tamite soio taume kama ge la golu bulahu moli, la vuhula eme ge raragi, mae ale eau veitia eme ge guvi mae vola, ⁴Souka ge, mae egite Masedonia isa ge tilimuli eau ge gomai ge hilo amuto ale kama raragi, amite ge mahela--- eau kama vei isa la paga soio taume--- la vuhula eau abi la vagarigarila oio tamutou. ⁵Ala eau gabutala via eia koramuli sele ge veia gite tabarabara gatou ge gomai taume ge igo raragi pala la vabila ale eme igo ti la veiselela ovola. age maele la vuhula age raragi mae eia la vibalavala. me akama la paga ale ge polo kauviria.⁶La paga maleie: la tahalo ale galgalu usu me eia ge lukuluku usu, me la tahalo ale galu la vuhula vibalavala me eia ge luku la vibalavala. ⁷Tartigi la tahalo isasa ge vabila larova eia galua oilo la hatela, akama ge makuku ouka ge igoa tela vulovulo isahari, e Deo masasga tavu la tahalo la vabila.⁸E Deo eia koramuli sele ge igo la gilogo tomi ge sali pepe somai taume, eia la vuhula, la imala tomi, oilo la papaga tomi, eme koramuli ge tahoka tomi la rova eme savelea. age maele lavula eme ge vauru la vulovulo tomi ale tartigi. ⁹A mae ale egite kekesi tia, "eia vitabari tila la vuliti tetala soio tegite ale pou la savelela. mela magiri matatala tetala la kaluvula ge ouka."¹⁰La tahalo ale abiala la tahalo la mahuma ale galu la bret tela ilali me eia tamai ge vabila la vavua ale usu tela gilalu. me eia ge vauru la ilabi la magiri matatala taume. ¹¹Eme ge tahoka usu me eme taige la tahalo la vabila. la paga aleie vahiliti la tia ale ge vei taho e Deo lomai tamiteu.¹²Tela vituga la igolu aleie akama visuli moli la savelela tegite la valalua te Deo ale maroka, ouka eia volu pagele soilo la igolu la vei tahola soio te Deo. ¹³La vuhula amite tovo ti emei me amite hiloa mae eme koramuli sele igo la igolula aleie, eme ge bole vauru e Deo oilo la iroromulila tela valolo la lotu te Kraist. eme tai ge bole vauru e Deo oilo tela mutelela mela vabila taume soio tegite me tela valalua tomi. ¹⁴Egite tau la gabutala mela tia giteu oio taume, ala egite oio kaka taume, egite ogoa maele la vuhula tela gilogo te Deo ale uru sele eia oata taume le, ¹⁵La vei tahola ge te Deo moli tela vabila tetala ale eia kama vei palaea!

Chapter 10

¹Eau, Pol, eau sele kaka emei, vikapopo mela vaibisila mela tia madila te Kraist. eau vagotalo eau la imala eau oio la matamu, alamoli eau vagari sele somai taume la imala eau pou malau. ²Eau toto suku eme tealeie, la imala eau pou tomi le emei, eau katilou koramuli ge igo toto tela vagari gu lou. alamoli eau gabutala via eau koramuli ge magiri robo egite ale gabutala via etato mahuli oilo tela masagala vovo.³Mae moli etato tuga oilo tela vovo, etato kama loto la vikokuela loio tela vovo. ⁴La papaga la vikokuela ale etato vikokuela akama loio tela vovo, akama maele, egite tahoka la vagari ale loata la ilo lalage ge igo bara la vagari la mautula, egite koramuli ge vikaluvu tomi la mera galola ale viruru etatou.⁵Etatou taige igo bara egite tomi egite la papaga ale vagoata egite viage tovolai la mari te Deo. etato abi tomi la gabutalala tela kilisi igo egite roromuli e Kraist. ⁶Ala etato raragi ge viligi tomi la vulovulo la varumula, oilo tela imala ale la iromulila tegato eia viruru.⁷Eme ge pigi la matamu soio tela paga ale tabuli matagaga tela lagumu. mae isa ge gabutala via eia e Kraist, eia ge vigabutala rivu lou eia mae eia te Kraist, me amite tamai. ⁸Mae moli mae eau ge vei taho bakisi la vagari ale amite tahokea, ale la Uru abia mite ge vimagiri amuto oata kama ge igo bara amutou, me eau kama ge mahela tai ovola⁹Eau kama masaga via age sibitala mae eau igo tataga amuto tela buku ale eaui kekesia mutou. ¹⁰Egite la valalua isahari vei mago, " la boku ale eia kekesia tikumu me a vagari sele, alamoli oio tela vovo eia kama vagari. la bautu la merera tetala kama tikumu via ge lobagele tavua."¹¹La valua isahari oio le koramuli ge rovia mae amite moli male oilo la merera ale amite kekesia me la imala amite kama guvi age larova amite ge visibitalea tela vovo la imala amite ge oio le. ¹²Amite kama tuga malau soio tela ba ale amite ge magiri polo ouka ge vitoko amite soio tegite ale vei tataho egiteu, alamoli la imala ale egite vitoko egite soio tegite polo me egite hilo egite via egite isa polo, egite kama rovi la imoimola.¹³Amite, oilo vola, kama koramuli ge vei taho amite loata la rova oilo tamite, akama ge maele, amite ge igo molia oilo ba ale e Deo vimagiri tia miteu, la ba ale koramuli ge sibitala oio taume. ¹⁴Amite kama polo pepe larova oilo tamiteu la imala amite poga eme. amite la silokola ale ge tuga malau gomai taume vikapopo mela lotu te Kraist.¹⁵La vei tahola tamite kama polo pepe la ba tela igolula tegite polo. akama maele, la irovi tamite via la tautaulailo taume ge solo la kulusi, me la igolu tamite kabili tamutou ge sibitala uru sele. ¹⁶Amite tautaulailo maele, lavuhula amite ge valolo la lotu te Kraist soio la mautula ale malau loio taume, amite kama ge kalisae tela igolu tela tahalo polo oio tela ba ale isapolo.¹⁷Alamoli la tahalo ale kalisasae, eia ge kalisae oilo tela Uru." ¹⁸Kama la tahalo ale vei tataho eia via a koramuli. akama maele, la tahalo moli ale la tururi tela Uru oio tetala.

Chapter 11

¹Eau gabutala via eme ge tau isahari la paga la igo molola somai taku. alamoli eme oio igo seselea gu. ²Eau hilo mulimuli emei, la hilomulila ale loio te Deo somai taume, soko la imala eau veiamu la veiselela oilo la taulaila soio te harua isa moli. eau vei la veiselela viage vitiroro emei mela marokala soio te Kraist.³Alamoli eau taga souka ge, age mae ale la pase vasigolo e Eva la mari la vasigologolola, la gabutalamu soukage polo taro la seselela mela lotu ale maroka te Kraist. ⁴Mae la tahalo isa souka ge gomai ge valolo le Isus ale isapolo loio teale amite valolo tila, ouka mae eme souka ge abi isa la kalulu polo loio teale eme abitia, soukage eme ge abi polo isa la lotu loio teale eme abi tia. taua soata la paga ale tartigi me a koramuli!⁵Eau gabutala via eau kama la tapasila tahalo ale igo matagaga la papaga soio tegite ale ururu ale egite toi le egite la Aposel. ⁶Alamoli eau kama vimari tela vagogala la merera, me eau tai kama vimari tela mari. oilo tela gauru tomi mela papaga tomi amite tau matagaga la paga ale soio la irovi taume.⁷Mave ale eau igo la iriru mae eau vagotalo eau la vuhula eme ge vaiti oata? eau valolo bulahu moli la merera te Deo soio taume. ⁸Eau pakali ti loio tela lotu isapolopolo la imala ale eau abi la kiloli loio tegite ila e eau ge koli emei. ⁹La imala eau soloio vikapopo le emei eau pou la savelela, eau kama abia gite isasa la tikumula, la savelela tegaku egite tabarabara gatou ale loio e Masedonia vikaluvu tomia, oilo tela papaga tomi eau kama masaga ge abia muto la tikumula, me eau soloio ge igo loua maele.¹⁰La seselela te Kraist oilo taku, la vei tahola taku kama ge kaluvu oilo la ba e Akaia. ¹¹Ilava? la vuhula eau kama masaga emei? e Deo moli rovia.¹²La rova eau igotia eau soloio ge igo loua, ila eau ge abitaro la mera galolo somai taku mela merera ale egite souka ge veitaho egite la igolu ale egite igoa via a visauru moli mae ale amite igoa. ¹³Egite la valua ale mae egite la Aposel ale kama sele me egite la valua la igolu ale vasigologolo. egite kai robo egite via egite tai la Aposel te Kraist.¹⁴La paga aleie kama la golu la karutula, e Satan tai kairobo eia mae la Angelo la matagaga, ¹⁵Akama la golu la karutula ale uru mae egite la valua la igolu ale kairobo egite mae la valua la igolu tela magiri matatala, la gabutala kovula tegite age larova egite igoa age beua soio tegiteu.¹⁶Eau ge vei loua, isa umala ge gabuatala via eau paua, mae eme ge igoa, abi eau mae la paua la vuhula eau ge vei taho egite ale bisisi, ¹⁷La rova eau veveia a vikapopo mela vei tahola mela vagari--- eau kama meramera mae la uru masagea---- eau veia mae la paua. ¹⁸Soko la valua usu vei taho egite la paga la vovo, eau tai ge vei taho eia.¹⁹La sagela taume eme tau la papaga soata vikapopo mela pauala, eme lou eme mari! ²⁰Eme vimagiri eme vikapopo me isasa mae eia ge igo me mae la tahalo la igolu tetala, mae eia ge vikaluvu emei, mae eia ge vipolo la gauru oio taume, mae eia ge hiloa mae eia tartigi tavua mu, ouka mae eia ge sabala la lagumu, ²¹Eau ge veia mae la mahela la tegatou etato maveve sele ge igo la papaga aleie. mae isage kali sasae eia--- eau meramera mae la paua---- eau tamai ge kalisae.²²Eme la tau Hibru? mae eau? mave egite la tau Israel, mae eau, mave egite la hili le Abraham? mae eau, ²³Mave ale egite la valua la igolu te Kraist? ( eau meramera mae la varugu ouka) me ale eau oukati, eau oilo ti la igolula ale tivura sele, oilo la ba la totorobo, la kulue ale polo la maki, oilo tela umala pileho.²⁴Loio tegite Juda tagara lima viruru eau abi la mota la kulue ale kara savulu va." ²⁵Tagara itolu viruru egite kue le eau la aen. la imala isa egite ubi le eau la uati. tagara tolu eau vilua oata te Sipi ale kaka. eau pati moli tela tia la utu la logologo mela haro. ²⁶La tuluga taku usu sele, oilo la tikumula tela lalu ale ae . la tikumula tegite la tahalo la pakalila, la tikumula tegite la valua taku, la tikumula tegite Gentael, la tikumula ale oilo la Siti. la tikumula ale oilo la kue pa, la tikumula tela mago, la tikumula te tabarabara gatou ale vasigologolo.²⁷Eau igolu vagari sele oilo la imala tivuravurala, la logo usu eau kama mavuta, oilo la vitolola mela malehula, la imala usu eau peremu, mela maigi la kairobo ouka. ²⁸Loio tela papaga tomi ale isapolo, la logo isasa eau ilo buruko sele la lotu te Kraist tomi. ²⁹Amuto ere oio bare, eau kama bare, ere hagavi ti ge buru, me eau kama tululu?³⁰Mae eau ge vikara soata, eau ge vei taho la rova visibitala tela mavevela taku,³¹E Deo e tamala Uru gatou e Isus, eia moli ge visalea la kaluvula ouka, me eia rovia eau kama vasigologolo!³²Oio e Damascus, e gavana ale lotalo te king Aretas kapitali eau oilo la siti le Damascus viage sautola eau. ³³Alamoli egite vipou eau oilo la kela goio visivo eau oio tela vindo logala tala kilapi, me eau hele loio la lima giteu.

Chapter 12

¹Eau ge vei taho eau oio vola, alamoli eau kama ge abi isa la paga loio vola. solio eau ge visolo la mata lovila mela masova la merera loio te la Uru. ²Eau rovi la tahalo isa oilo te Kraist la leavala savulusa gete va tugati age solio la vovo ouka ge oukati, eau kama rovia, e Deo moli rovia--- eia lake taro la magasa goata la ilolalage la vaitolu la.³Eau rovia via la tahalo aleie --- age soloio la vovo, ouka eia kati oio la vovo, eau kama rovia, e Deo moli rovia---⁴Eia lake soilo e Paradais a goio lolo isahari la papaga ale maroka ale la tahalo isa kama koramuli ge vei palaea. ⁵Eau magiri la ba tela tahalo ale maele eau ge mera soata. alamoli omai taku sele eau kama ge kalisae ovola, ale moli tela mavevela taku eau ge igoa.⁶Mae eau masaga ge kalisae ovola, eau kama ge la tahalo ale momolo, la vuhula eau ge vigali la merera la selela. alamoli eau soloio ge kalisasae ovola, ila isa umala ge gabutala uru loata taku tela rova eia hiloa oilo taku ouka loloa lomai taku. ⁷Age sautola eau veia eau kage kalisasae, la vuhula tela mari kovula ale uru sele, la vovo ale masile egite abia gu, la tahalo ale vitatuga la merera loio te Satan via ge igo bara eau, la vuhula eau umala ge patata.⁸Tagara tolu sele eau tahi la Uru tela paga aleie, via eia ge abi taroa lomai taku. ⁹Alamoli eia veia gu mago," la gilogo taku eia koramuli sele ge taume, me la vagari la uru eia magiri matata oilo tela ba ale eme kama koramuli." ala eau koramuli ge vikara soata tela ba ale eau kama koramuli, la vuhula la vagarigari le Kraist ge mou oilo taku. ¹⁰Oilo vola eau la tarola te Kraist, oilo la ba ale la vagari ouka, oilo la mera barala, la tikumula, oilo la magiri robola, mela papaga ale kama kora, mae moli eau maveve, eau soloio ge vagari lou.¹¹Eau mae ale paua! eme vikara suku eau ge igo la paga aleie, karamuli sele eme ge vei taho eau. eau kama lotalo la rukuva gite ururu ale egite toile gite la Aposel, mae moli eau ge la paga bulahu moli. ¹²La irovilala le Aposel ale sele igolu ti tamuto vikapopo mela tia madila, la irovilala mela paga la karutula ale vagari. ¹³Mave eme kama tikumu soio tegite la lotu ale isahari lou, eme ge abia mae eau kama guvi mae la tikumula soio taume? eme ge lube la iriru taku aleie.¹⁴Mata mulia eau raragi ge gomai taume la tagara tolula. eau kama ge sibitala mae la tikumula somai taume, eau kama masaga larova eia taume, eau masaga emei. egite latatu kama ge tuhaka ge tauolua gite tatama. akama maele, egite tatama ge taholua gite latatu. ¹⁵Eau ge sagege moli ge igolu ge loto tela kalulu mu. mae eau ge masaga sele eme, mave la masagala taku ge bakisi moli?¹⁶Mae age mae le, eau kama ge abiamu la tikumula, Alamoli tela imala eau abi la mari, eau moli male sautola eme tela vasigologolola, ¹⁷Mave eau vipolo la gauru oio taume la imala eau baha isa somai taume? ¹⁸Eau masaga sele e Taitus ge gomai taume. me eau ge baha isa e tabarala ge tilimulia. mave eme igo la gauru le Taitus? ila etato tomi kama tuga oio tela ba alele? mave etato tomi kama tuga oilo la ba ale egite tuga ovola?¹⁹Mave eme gabutala via la imala tomi aleie amite magiri robo lou amite somai taume? oilo la mata le Deo, e tato tahoka oilo te Kraist la papaga tomi ale eia veia a la vagari gatou.²⁰Eau taga mae la imala eau ge gomai eau souka ge poga eme ge mae ale eau gabutalea. me eau taga tai mae eme souka ge poga eau ge mae ale eme gabutalea, eau taga tai la mera galolola souka ge oio, la hilomulila, la hate masila, la veimulila, la pakasala, mela igo marapala. ²¹Eau taga soukage la imala eau ge beurivua, e Deo taku souka ge vagotalo eau tela mata mutou. eau taga soukage eau ge ilo buruko tela iriru ale pala me ale igoe egite kama vulo taroa la vulovulo la iligo la iruru tela tavile ale kama kora mela masagala ale kama kora igite igoa.

Chapter 13

¹La tagara itolula la imala ale eau ge gomai taume." la mera galola tomi ge vipoua vikapopo mela tahalo la veiselela ilua ouka itolu." ²Eau vei tia gite ale igo la iruru palao vikapopo me egite tomi ale eau oiole tela vailua la gomaila taku, me eau ge vei loua: la imala eau ge gomai lou eau kati ge sautola rivu isa tegiteu.³Eau veiamu mae la vuhula eme oio mata la paga ale ge igo tikumu ale e Kraist oio meramera lomai taku. eia kama maveve somai taume, akama maele, eia vagari sele oilo taume. ⁴Eia tili oata la tovolautu eia kama vagari, alamoli eia mahuli rivu lou tela vagarigari le Deo. me amite tai kama vagari oilo tetala, alamoli amite ge mahuli vikapopo le eia tela vagarigari le Deo kabili tamutou.⁵Eme ge hilovei eme, eme ge hiloa mae eme oilo tela tautaulailo. tovolai eme, mave eme kama rovi la paga ale oilo taume, mae e Isus Kraist oilo taume?---- maemoli, teale, eme boru ti tela tovolaila, ⁶Eau masaga via eme ge rovia mae amite kama boru tela tovolaila.⁷Igoe amite kaka soio te Deo via eme katilou ge igo isa la iriru. eau kama kaka via amite ge sibitala mae ale amite polo ti la tovolaila, akama maele, eau kaka mae via eme ge igo la paga ale matata, hagavi sele amite ge boru tela tovolaila.⁸Amite kama koramuli ge igo isa la paga ale ge magiri robo la seselela, amite ge igo moli ale sesele.⁹mite sagege moli mae amite kama vagari alamoli eme vagari. amite tai kaka via eme ge guvi viriru tomi. ¹⁰Eau kekesi la papaga aleie la imala eau oio malau loio taume la vuhula la imala eau ge vikapopo le emei eau kama ge gusiamu oilo tela vagarigarila ale la Uru abiagu la vuhula eau ge vimagiri eme soata, kama ge sile eme sotalo.¹¹La tapasila, tabarabaragu,amuto ge sagege! igolu vagari tela vitarivu la paga soio tela mulila sele, eme ge vagari, pou mela sagela vikapopo me tabaram, pou vikapopo mela tia madila, tio e Deo la gilogo mela tia madila ge vikapopo me le emei. ¹²Amuto ge sagege robo lou amutou isasa la piliu ale maroka.¹³La valalua tomi te Deo ale maroka sagege robo amuto. ¹⁴La gilogo tela uru gatou e Isus Kraist, mela gilogo te Deo, mela vikapopola tela kalulu maroka ge vitomi le amuto tomi.

Hebrews

Chapter 1

¹Ale pala e Deo meramera soio te tutubu gatou loio tegiteu la Propet tela imala usu me oio tela gauru usu.²Alamoli oilo tela tapapasi la logologo, eia meramera somai tegatou loio te latula, e Deo turi eia ge sautola la papaga tomi. Me tetala moli e Deo igolu la mautula magasa tomi.³Eia la aga la marasala te Deo, me la taro le Deo sele. eia sautola vikapopo la papaga tomi oilo tela merera tela vagargarila. mulmuli teale eia igo maroka tela iriru tomi, me eia pou ti oio tela limala suara Uru e gata ale oata sele.⁴Eia guvi mae la uru ale oata sele soio tegite la Angelo me la isa ale eia abia eia tikumu me oatasele tavua la isaisa tomi.⁵Me soio tegite la Angelo ale mave e Deo ge vei loua," Eme e Latugu sele, igoe eau e tamamu sele"? ouka soio tegi la Angelo ale mave sele e deo ge vei loua," Eau ge e Tama soio tetala, me eia ge mae e Latu somai taku"?⁶Alamoli oio lou vola , La imala e Deo abi e laposolagu tetala soilo tela mautu la magasa, eia vei mae," Egite la Angelo te Deo tomi ge lotu tavu moli eia."⁷Me tegiteu la Angelo eia vei mae, "Eia moli male igo egiteu la agelo mae la kalulu, me egiteu la tahalo lakiloli tetala mae la kalamea la havi,"⁸Alamoli soio te latula eia vei mae," La pulou la Uru taume, E Deo, eiage tabuli la kaluvula ge ouka. La To tela mautu taume eia la To ale tikumu marasa eia oata sele. ⁹Eme masaga tavu ti la magiri matatala ala eme mukupileti la ba ale la LO ouka. Oilo vola e Deo, e Deo taume, eia abiri ti le emei la ueli la sagegela loata tavua giteu e vikilipi taume."¹⁰"Oilo tela silokoloko la vipoupou,Uru, Eme tau la vuhula magasa tomi, La mori mela ilo lalage eia la muloi limamu.¹¹ Egite tomi ge kokovu lou, Alamoli eme kama ge kaluvu.Egite ge tamere mae la bautu la kulkuli. ¹²Eme ge pilua mae la kairobo ale malau te ale logala, me egite ge vulo mae la bautula kulkuli. Alamoli eme solio visauru. me la leavala taume la tapasila ouka."¹³Alamoli soio tegite la Angelo ale mave e Deo vei mae tela logo isasa, "eme ge pou tela limagu e gata kara mae eau ge igo egiteu la gima taume mae la muli la tilau sae la ilo pulimu"? ¹⁴Ila kam egite la kalulu la Angelo male abi la igolula, me egite tai la bilaha ale ge baumuli egite abi ti mahulila?

Chapter 2

¹Oilo vola etato ge abi malau la ilolo soio tela rova etato lolo tia, La vuhula etato umala ge pati malau loio vola.²Mae la merera ale egite la Angelo veitia etato ge hilo selea mae eia sele, me egite tomi la iriru mela varumula ge abi la iligiligi ovola, ³Me etato ge hele mave mae etato ge mata taro la mahulila ale uru sele? La mahulila ale mamugati la Uru vei palaea me eia igo vagaria somai tegato loio tegite ale lolo palaea.⁴Me oio lou la imala alele e Deo meramera oio vola loio tela irovilala.la pagala la karutula, mela igolu ale vagari sele isahari, me tela vitabarila mela vabila tela kalulu maroka loio tela masagala tetala.⁵AKama oio tegiteu la Angelo e Deo tau la matula ale loio ge gomai lotalo tegiteu, me tala rova etato veveia. ⁶Mae ge ouka, la tahalo polo isa meramera ti oio la ba isasa, a vei mae," La tahalo eia larova, ale la gabutalamu oio moli tetala? ouka e latula tahalo, ale eme dodo mulmuli eia?⁷Eme igolu la tahalo eia lotalo bakisi tegiteu la Angelo; Eme vikai leia la marasala mela tilogo.⁸Eme tau la papaga tomi lotalo tela vahala." Me soio moli tetala e Deo tauti la papaga tomi lotalo tetala. Eia kama piligi taro isa la paga via akama lotalo tetala. Alamoli igoe etato kama hilo la papaga tomi via a lotalo tetala.⁹Alamoli etato hilo la tahalo ale eia igolua me eia lotalo bakisi tegiteu la Angelo, E Isus kai la marasala mela tilogo la vuhula tela iligiligi mela pileho tetala, la vuhula loio moli tela gilogo te Deo eia ge tovolai la pileho tegaou tomi.¹⁰Me a tartigi te Deo, la vuhula la papaga tomi pou tetala me loio tetala tai, via ge vahari e latatu ge usu soio la marasala. Me a tartigi tetala ale eia vipou la mulugaluga tela mahulila age virirru loio tela iligiligi tetala.¹¹Egira tomi la tahalo ale igo marokaroka me egite ale marokati la vuhu gite isa moli. Ala eia kama mahela ale ge toile egite tabarabarala. ¹²Eia vei mae," eau ge veipala la isamu soio tegite tabararagu, Me eau ge bau le eme oilo la vikapopola."¹³Ge beu loua, " Eau ge tau la tiagu oilo tetala." Beu loua, "Hiloa, Eau male me egite giliki ale e Deo abi tia gu." ¹⁴Oilo vola, la imala egite giliki vitabarila oilo tela vovo mela kasoso, me eia igo taia maio eia abi taia me a visauru, la vuhula loio la pileho ila eia ge abitaro la tahalo ale tahoka la vagari la pileho, ale eia e, Satan. ¹⁵Age maele la vuhula eia ge vimarara egite ale tataga la pileho me egite tau la mahuli gite oilo la kilisi.¹⁶Me a sele kama egite la Angelo eia koli egite, ale egiteu la hili le Abram, ¹⁷Eia tartigi via eia ge mae egite tabarabarala oilo tela gauru tomi, La vuhula eia ge tahoka la gilogo me eia ge e Prist ale tautaulailo oilo la vitame tabarala oilo la papaga te Deo, La vuhula eia ge vahari la ilube la iriru tegite la valalua. ¹⁸La vuhula e Isus eia lou gabu la iligiligi mela tovolaila, Me eia koramuli ge koli egite ale goilo la tovolaila.

Chapter 3

¹Oilo vola, tabarabaragu ale marokati, eme abiti la tilola tela ilo lalage. Gabutala moli e Isus, la Aposel me egite la gama le Prist ale la hare gato vei palaea. ²Eia tautaulailo sele oio te Deo, ale turi eia, a mae moli ale e Moses tautaulailo sele oilo la luma te Deo. ³E Isus etato hiloa mae eia oata me a uru la marasala tetala uru tavuale Moses, La vuhula la tahalo ale vimagiri la luma la tilogo uru sele soio tetala a muga la Luma. ⁴La lumaluma tomi la tahalo polo isa tigia, alamoli la tahalo ale vimagiri la papaga tomi eia e Deo.⁵E Moses eia tautaulailo me eia la tahalo la igolu oilo la luma tomi te Deo, Me eia sibitala mae e vitnes oilo la papaga tomi ale ge veia oilo teale mulmuli. ⁶Alamoli e Kraist eia tautaulailo mae eia e Latu me eia baumuli tomi la luma te Deo. Me etato la luma me etato ge sautola vagari la vagari mela tautaulailo ale etato ge kalisae vola.⁷Oilo vola, Amae moli ale la kalulu maroka vei tia: " Igoe, mae eme ge lolo la golula ⁸La hatemu umala ge vagrigari mae la varumula, oilo la imala tovolaila oilo la Kuepa.⁹Ale mae egiteu e tutubu muto varumuagu la imala egite tovolai eau, La imala, la leavala savuluva, egite hilo la muli limagu. ¹⁰Oilo vola eau kama sagege le egiteu e taume latatu aleie. Eau veia, La imala tomi egite tuga galegale oilo la hate giteu. Egite kama rovi la gauru taku.' ¹¹Amae moli ale eau igo la promis oilo la hate masila taku: 'Egite kama koramuli ge tiroro soilo la mailala taku.'"¹²Baumuli sele, tabarabaragu, kabili tamutou isa umala ge tahoka la hate la hitu mela tautaulailo ale ouka, La hate ale poke taro e Deo ale mahulili. ¹³Amae ge ouka, vikara suku amuto amuto lou tela logo isasa, mae moli ale a veitia igoe," La vuhula isa kabili tamuto la tiala umala ge vagarigari loio la vasigogolola tela iriru.¹⁴Me etato magiri vikapopo ti oilo te Kraist mae etato sautola vagari la vagarila tegato oilo tetala loio tela silokoloko goio tela kaluvula, ¹⁵Oio te aleie eia vei tia, " Igoe, mae eme loloti la golula, La hatemu umala vagarigari, mae ale oilo la varumula."¹⁶Ere male lolo e Deo me eia kama roromulia? Ila kama egite ale gali loilo e Egipt loio te Mosese? ¹⁷Me vikapopo me ere eia igotolo la leavala savulu va? ILa kama vikapopo me egiteu ale igo la iriru, me la vovo gite ale peho paru moli oilo la Kuepa? ¹⁸Me ere mite eia Promis via egite kama ge tiroro soilo la ba la mailala tetala, me akama egiteu ale varumuala? ¹⁹Me etato hiloa mae egite kama koramuli ge tiroro soilo la ba la mailala tetala la vuhula la tautaulailo ouka.

Chapter 4

¹Oilo vola, loioti tela promis tela tirorola soilo la mailala tetala a soloio masaga ge magiri, etato ge baumuli sele isa tamuto souka ge boru boto loio vola. ²Egite valoloti le etatou la merera la selela mae moli ale egite oilo vola. Ala moli la merera kama koli egite ale kama magiri tomi oilo tela tautaulailo vikapopo me egite ale roromuli tia.³Ala etato ale tautaulailo tiroro ti soilo tela mahulila alele, mae moli ale eia vei tia, " Mae ale eau promis ti oilo tela hatemasila, Me egite kama ge tiroro soilo la mailala tegaku." Mae tai, la igolula tetala kaluvuti loioti tela silokoloko la mautu la magasa. ⁴Me oio la ba isasa eia meramera ti tela logo la ivitula: " E Deo maila tela tela logo la ivitula loio tela igolula tetala tomi." ⁵Me tagarasa lou oilo tela bautula lou aleie eia vei mae, " Egite kama kora muli ge tiroro soilo la mailala tegaku."⁶Oilo vola, age tabuli maele ge tegite isahari ge tiroro soilo tela mailala alele, me egite ale pala lolo la merera ale valolotia gite kama tiroro soilo la vuhula tela varumula tegiteu. ⁷E Deo goio hilovi lou isa lalogo, eia toila " Igoe," La imala eia meramera loio te Devit oilo la merera ale eia vei tia: Igoe mae eme ge lolo la golula, la hatemu umala ge vagarigari."⁸Mae e Josua abi tia gite la mailala, E Deo kama koramuli ge meramera tela logo isa polo lou. ⁹Ala soloio la Sabat ge tabuli tela mailala tegiteu la valalua te Deo. ¹⁰Mae la tahalo ale tiroro ti soilo la mailala te Deo me eia tai ge maila loio tela igolula tetala, mae moli ale e Deo igo tia oio tetala. ¹¹Oilo vola tartigi etato ge tuhaka ge tiroro soilo tela mailala alelele, la vuhula isa umala ge boru soilo la varurmrula ale egite igo tia.¹²La merera te Deo eia mahulili a vagari me eia kara tavuala la viso la vikuela ale kirarala ilua. age vali matalea me eiage vilele lua la hitu la tahalo mela kalulula, la silolo mela mago gatou. me eia koramuli ge rovi la gabutala la mela masagala tela hate la tahalo. ¹³La papaga tomi ale la vipoutia kama koramuli ge tabuli kovu loio te Deo, Mae ge ouka, la papaga tomi tabuli palala kope moli soio tela matala tahalo ale etato tomi ge abiala la giligi la vulovulo gatou.¹⁴Oilo vola, loioti tala imala ale e tato tahomka e Prist oata sele me eia polo tomi loio tela ilo lalage toimi, e Isus e latu le Deo, tartigi e tatou ge sautola vagari la tautaulailo tegatou. ¹⁵E tatou kama tahoka e Prist ale oata me eia kama koramuli ge gabu la gilabu ale ge visuli tela la iruru tegatou. Akama maele, etato tahoka isasa ale eia la imala tomi goilo la tovolaila mae e tatou, ala moli eia kama tahoka la isa iruru. ¹⁶Ala etato ge tuga vikapopo mela vagari soio tela pulou la uru mela gilogo, la vuhula etato ge abi la tia gorila me etato ge poga la gilogo tela kiloli oilo tela imala savelela.

Chapter 5

¹Egite la mulugaluga tegite Prist tomi, ge hilovi egiteu kabili tegiteu la valalua, egite turi egiteu ge igolu oio la muli giteu la valalua oilo tela papaga te Deo, me eia ge opa la vabila tomi ilua la vabila tela iriru. ²Eia ge igolu taho vikapopo me egiteu ale lolo gologolo me egiteu ale tilimuli ti la vasigologolola, la vuhula eia sele lotalo ti teale kama vagari. ³La vuhula moli te aleie, eia sele tai ge opa vabila tela iriru tetala lou, mae moli ale eia igoa tia tela valalua tomi.⁴Akama tetala lou via isasa ge abi la tilogo aleie. Ouka, e Deo tola eia, mae moli e Aron mae vola.⁵Me oilo tela garu moli alele, e Kraist tai togo eia lou te ale eia igo eia lou mae e Prist ale oata sele, mae moli, ale isa meramera soio tetala vei mae, " Eme e latugu ale hatamale; igoe Eau givi ti mae e tamamu.⁶Age mae moli ale eia vei tia oilo tela ba ale isapolo, "Eme e Prist ale la tapasila ouka tilimuli la vulovulo le Melkisedek."⁷Oilo tela logologo tela vovola, e Kraist Opa la kilaka ilua tomi soata mela tilahi la tilali uru sele mela masalila soio te Deo, eia sekela moli koramuli ge utululu eia loio tela pileho, me e Deo lolo eia la vuhula la mahulia tetala amae te Deo. ⁸Mae moli ale eia e latula sele ale hatamale, me eia vimari la iroromulila loio te ale eia abi la iligiligi ovola.⁹Eia matata sele me eia guvi, tegite tomi ale roromuli eia, ale la vuhula la mahulila ale kamage kaluvu.¹⁰E Deo viguvi eia mae e Prist ale oata sele tilimuli la vulovulo le Melkisedek.¹¹Amite tahoka usu sele ge veia oilo te Isus, alamoli a tivura ge tau matagagea la vuhula la ilolo taume akama tartigi.¹²Amaege la imala ale igoe eme ge guvi ti mae la tahalo la vimarila, Eme soloio koramuli sele isapolo ge vimari emei la magirigirila tela merera te Deo. Eme koramuli sele la Susu, kama la ilali ale vagari! ¹³Mae la tahalo isa ababi moli la susu eia kama tahoka la mari oilo la merea la magiri matatala, la vuhula eia soloio mae e giliki isabisi. ¹⁴La vuhula la ilali ale vagari eia tegiteu ale uru ti, Ale egiteu alele la vuhula tela matuhala tegiteu oilo la irovi matagagala me a mari ti la irovi la rova eia tartigi loio teale kama kokora.

Chapter 6

¹Ala mae, etato ge piligi taro la siloko la merera te Kraist me etato ge suku solagu teale ge matuha. E tato umala ti ge tau lou la vuhula mela vululo taro la papaga la pileho mela igolula me tela tautaulailo oilo te Deo, ²Ouka la vuhula vimari tela vuluhi, la tilau la lima tela kilaka, la hiliti rivula tegite ale pehoti, mela jadsmen ale la tapasila ouka, ³Etato ge igo molia mae e Deo masaga etato ge igoa.⁴La vuhula eia tivura sele tegiteu ale matagagati mamugati, egiteu ale tovolai la vabila tela ilo lalage, me egiteu ale abiti la kalulu maroka, ⁵Me egiteu ale tovolai tila merera te Deo ale tartigi mela vagari la imala ale ge gomai, ⁶Me la tahalo ale boru gale---- me eia tivura sele ge vahiliti rivu lou egiteu soilo teale ge vulo. Ale la vuhula egite ratili sae e latu le Deo tegiteu lou, me etgite igo mahela eia tela mata la valalua tomi.⁷La magasa ale liu oio tela hura ale pupu sotalo vola, Me eia pigo egita la hutahuta ale koramuli sele egiteu ale la magasa igolu ovola---ale la magasa ale ababi la vibalavala loio te Deo. ⁸Alamoli mae la magasa ale ge pigo la paga ale la irila ovola me ale mae e tilala, ale eia kama tartigi me eia hagavi soio tela mera bareala. me la tapasila age oio ale ge kaha.⁹Ala moli amite tau lailo mite oio tela papaga ale tartigi ale ge koramuli emei, masaga amutou, la papaga ale ge tela vimahulila, mae moli ale amite meramera mae. ¹⁰E Deo eia ge igo me ge tautaulailo. Eia kama koramuli ge gabu taro la igolula taume mela masagala ale eme vahililo tia soio tala isala, la vuhula eme visuli ti egiteu la valalua tetala ale maroka, mae moli eme soloio visuli egiteu.¹¹Amite masaga via amuto isasa ge vahililo la malopila kara mae la tapapasila, oio tela gauru ale la tautaulailo taume ge totora. ¹²Aleie la vuhula eme kamage silaha, eme ge igomuli selea mae egiteu ale oilo tela tautaulailo mela hatetolala ge abi la Promis¹³La imala e Deo igo la Promis tetala soio te Abram, eia Promis muga eia lou, la vuhula eia kama koramuli ge Promis lou soio te la tahalo isa via eia uru lou. ¹⁴Eia vei mae," Eau ge vibalava emei me eau ge abiamu la hilimu ge usu sele." ¹⁵Me oilo tela gauru alele, e Abram sautola tomi la rova eia promis ovola mulmuli tela pulou la hate tolala tetala.¹⁶La valua me hatavile igigo la Promis soio tegite ale uru loata tegiteu. Ale oio tela kaluvula vaigo la tegiteu, la Promis ge igoala mae ale ge igo vagaria. ¹⁷La imamala e Deo igo la gabutalala via ge vahilo matagagea soio tegiteu la hilila Promis la gabutala kovula ale tikumu me akama koramuli ge vulo, eai vabila vikapopo mela Promis. ¹⁸Eia igo la paga alele la vuhula tela paga ale kama ge vulo ilua ====vikapopo me ale eia kama koramuli ge vasigolo ===etatou, ale helele ge tarikovu, Me etato tahoka mera vagarila ge sautola vagari la tautaulailo ale magiri ti mamuga tegatou.¹⁹Etato tahoka la Aga ale vagari me ale koramuli sele tela kalulu gatou, la tautaulailo ale koramuli ge tiroro soilo la ba la taboula lotigu la kulkuli la kapi utula. ²⁰Teale e Isus, eia tuga pala ovola mulmuli etatou, me eia tiroro soilo la ba alele ile etatou, me eia guvi mae e Prist ale Uru oata sele la tapasila ge ouka tilimuli la gauru te Melkisedek.

Chapter 7

¹Ale eia moli e Melkisedek, e Suara le Salem,E Prist te Deo ale oata sele, Eia poga e Abram ale beua loio la ba ale eia bili egite suara me eia vibalava eia. ² Me soio tetala moli e Abram abi tomiala e wan ten tela papaga tomi. La silokola, la vululo la isala la masovala mae," e Suara tela magiri matatala"; goio eia mae lou e "Suara le Salem," ale mae, e Suara la tia madila." ³Eia tai e tamala ouka, me tilala tai ouka, e tutubula tai ouka, oio tai la siloko la logologo ouka mela tapasila mahulila ouka tai. Amae ge maele, eia la tataro le latu le Deo, La vuhula eia isa e Prist ale la tapasila ouka.⁴Etato ge hilo e tahalo uru aleie soio tetalamoli e suara e Abram abiala e Wan ten tela papaga ale eia abia loio la vikokuela. ⁵La LO via egite moli la hili le Levi ge abi la muli oilo la ba la igolula tegiteu e Prist ge ababi la Tais loio tegite la valalua, ale mae, loio te tabarabara giteu, me egiteu tai, egite la hili le Abram. ⁶Alamoli e Melkisedek, la hilila kama polo loio tegiteu, eia abi la Tais loio te Abram, ale eia vibalava leia, La tahalo ale tahoka la Promis.⁷Akama la paga la tahitarola mae la tahalo ale bisi age abi la vibalavala loio tela tahalo ale uru. ⁸Oilo tala ba alele, la tahalo la vovo abi e wan ten, me oilo tela ba alele eia vei palaea mae eia solo la mahulila. ⁹Me, oilo la vulovulo la merera, Levi, eia moli ababi e wan ten, me eia tai loto e wan ten loio te Abram, ¹⁰ La vuhula e Levi oilo la vovo giteu e tutubula la imala ale e Melkisedek vipoga e Abram.¹¹Ala mae la tarigila akama ge tivura loio tegiteu e Livai la igolu tegite Prist ( Me lotalo vola la valalua abi la Lo), La savelela ale mave lou via e Prist isa lou hiliti mulmuli tela gauru te Melkisedek, me akama ge gabutala mulia mae ale la gauru te Aron? ¹²La imala ale la igolu tegite vulo,Me la Lo tai ge vulo.¹³Me teale isasa la papaga ale eia veipala tia a tela maratatila ale isapolo, loio teale la tahalo isa kama igolu oio tela Alta,¹⁴A matagaga sele mae eia loio e Juda la ba ale la Uru tegato e tilala pigoa ovola, La maratatila ale e Moses kama veia palaea eia gabutala egiteu e Prist.¹⁵La rova etato veia eia matagaga mae e Prist isa polo ge hiliti oio la tataro le Melkisedek. ¹⁶Akama magiri oio la Lo tela vovo via la hilila ge guvi mae e Prist, ouka eia magiri oio tela vagari la mahulila ale la tapasila ge ouka. ¹⁷La merera magiri mae la selela soio tetala: "Eme e Prist ale kamage kaluvu loio tela gauru te Melkisedek."¹⁸Me la Lo ale pala eia tau gale tia la vuhula eia kati vagari me la igolula oukati, ¹⁹(La Lo kama koramuli ge igo isa la paga ge koramuli sele), me la tautaulailo ale tartigi eia vagogala tia, loio moli teale etato ge gomai hagavi sele te Deo.²⁰Me akama via la Promis ovola ouka! egite isahari guvi mae e Prist egite kama igo la promis, ²¹Alamoli eia guvi mae e Prist la imala e Deo veiala mago, " La uru promis ti via eia kama koramuli ge vulo la gabutalala: ' Eme e prist ale la tapasila ge ouka.'"²²Me ale e Isus tai abi tia gato la merera la Kavanent ale tartigi. ²³Egiteu e Prist ale mamuga la giligi gite usu sele, soko la imalala pileho magiri robo egite via egite umala ge solo la igolu oilo la ba igolu. ²⁴Alamoli la vuhula e Isus solo la mahulila ale kama ge kaluvu, me eia tahoka e Prist ale ge igolu isa kati ge koli loua.²⁵Oilo vola eia koramuli ge vimahuli viriru tomi egiteu ale tuga tavu la Uru oilo tetala, La vuhula la imala tomi eia pou mela kilaka ile egiteu. ²⁶Me a koramului sele via etato ge tahoka isa e Prist ale uru sele, Eia Maroka, La iruru isa ouka, maroka, eia magiri polo loio tegite la valua la iriru, ge visale la isala soata sele tela ilo lalage.²⁷Eia kama savelea isa lapaga, akama mae egiteu e Prist, Ale ge gutu la Opa tela logologo isasa, La mulugala tela iriru tetala sele, goio tela iriru tegiteu la valalua, eia igoa tagara isasa moli mulmuli ge ukati, la imala ale eia Opa eia lou.²⁸ La Lo hilovi egite Prist la tahalo ale tahoka la iriru. alamoli la merera la Promis, a mulmuli tela Lo, Eia hilovi e latula, A igo eia koramuli sele akama ge kaluvu.

Chapter 8

¹Ala la milatata tela merea ale amite veveia a maie: Etato tahoka e Prist ale oata sele me eia pou tela limala e gata oio tela pulou la Uru ale tikumu me a oata oilo tela ilo lalage. ²Eia la tahalo la kiloli oilo tela ba ale maroka, la luma la lotu ale sesele a mae la Uru, Kama la tahalo, vimagiria.³Egiteu e Prist tomi ale la turiri oio tegite ge gutu la vabila mela basi. oio vola age koramuli sele mae etato ge tahoka la paga ale ge vabila.⁴Mae e Kraist ge otalo la magasa, eia kama koramuli ge guvi mae isa e Prist. la vuhula egite ale gutu la vabila oilo tela Lo oio.⁵La igolu tegiteu ala taro mela halulu la paga sele ale oata tela ilo lalage. A mae moli ale e Deo mera tageale e Moses la imala ale eia raragi ge vimagiri la luma la lotu: E Deo vei mae, " Eme mata mulia tahoa eme ge igolu la papaga tomi mae la halulu la ale eau vahililo tiamu oata la Olu."⁶Ala igoe e Kraist abiti la igolu ale tartigi sele, a mae moli ale eia lou igolu kabili la kavanant ale tartigi, ale magiri oata tela Promis ale tartigi sele. ⁷Mae la kavanent ale mamuga la tikula kamage oio vola, me la kavanent la vai luala ge oukati.⁸La imala e Deo poga la tukuma oilo tela valua me hatavile, eia vei mae, Hiloa, la logo loio le ge gomai--- La Uru vei mae --- La imala ale eau ge igo la kavanent vikapopo me la luma tegite Israel mela luma tegite Juada.⁹Akama ge mae la Kavanent ale eau igoa vikapopo me egiteu e tutubu giteu tela imala ale eau abi egite tela lima giteu me eau vituga taro egiteu loilo la magasa le Egipt. Egite kama baumuli sele ge roromuli la Kavanent tegaku, me eau kama matavu egiteu---- La Uru veia.¹⁰Ale la kavanent ale eau ge igoa vikapopo me la luma tegiteu e Israel mulmuli tela logologo alele---la Uru vei maele. Eau ge tau Lo taku soilo la gabutala giteu, me eau soloio ge kekesia oilo la tela hate giteu. Eau ge e Deo tegiteu. Me egiteu ge la valalua taku sele.¹¹Egite oukati ge vimari lou isa e tabara giteu ouka ge vimari lou isa e egite reile tabara giteu.' Age vei mae, Rovi la Uru.' Egite tomi ge rovi eau, soko loio tegite ale bisisi goio tegi ale ururu. ¹²La tia gorila taku ge tabuli soio la vuluvulo gite ale kama kora, Me la iruru tomi tegite eau katige gabutela loua."¹³La tilola tela kavanent ale " Halaba," eia vei palaea mae la Kavanent ale mamuga age ale pala, Me larova eia teale pala la igolula oukati me eia hagavi ti ge kokovu.

Chapter 9

¹La Kavanent ale mamuga tahoka la garu la lotu mela luma la lotu tela magasa.²La luma la lotu egite raragia mae. La siloko la kapiutu, la sole la lamu, La Taibel, me la Bret tela uru sivo, egite toila la Ba ale maroka.³Mulmuli tela vailuala kulkuli la kapiutu isa lou, egite toila la Ba ale maroka viuviu sele.⁴Eia tahoka la Alta la goul tela mali sirila, me la kavanent boks oilo vola, me egite tau tomi la goul ovola. Oilo vola la Kapu la goul ale sautola la Bret La To te Aron ale tutuvu ovolao, me la taibel la Kavanent. ⁵Loata la Kavanent Boks, la vailuala Angelo ale marasa sele makorobo la matala ale tauroboa loata, ale igoe etatou kama koramuli ge lube tomia.⁶Mulmuli tela papaga tomi ale egite raragi tia, Egite Prist bibi goililo la kapiutu la luma la lotu ale sogalagala ge igo la igolula tegiteu.⁷Egite moli e gamale Prist goililo la kapiutu ale soililo, tagarasa moli tela leavala isasa. egite ge goilo vikapopo mela kasoso ale eia ge gutua tetala me tela iriru la matevula tegite la valalua.⁸La Kalulu maroka vahililoa mae moli la siloko la luma la lotu soloio ge magirigiri me la gauru ale ge goilo tela kapiutu ale maroka viuviu kama ge sibitala. ⁹Ala la vitovo mulila tela imala ale igoe. la vabila mela oppa ale igoe egite oppa la kama koramuli ge tau matata la gabutala giteu la valua la lotu.¹⁰La tia gite oio moli tela ilali mela Lalu mela gauru la vipurula, la Lo tela vovo kara mae la imala telaLo ale halaba.¹¹E Kraist gomai mae la gama giteu e Prist tela paga tomi ale tartigi gomai ti. Eia tilimuli tomi la luma la lotu ale uru me matata ale la tahalo kama tigila la limamala, isa kama loio tala mautu la magasa ale eia vipou taia.¹²Akama loio tela kasoso la Gout mela kau, ouka ale la kasosola sele ale eia tiroro soilo la ba ale Maroka sele tagara sasa moli me ge ouka tilou me eia loto rivu etato oio tela garu ale la tapasila ge ouka.¹³Mae la kasoso la Gout mela kau mela pesi volula tela kasoso le latula kau oata tegite ale kama maroka eia hiloviti egite ge tela vimaroka la vovo giteu,¹⁴Age mave tela kasoso le Kraist, ale loio tela Kalulu ale la tapasila ouka la mugu kama oio tetala a vahari eia mae la oppa soio te Deo, Vimaroka la gabutala gatou loio tala igolu ale peho viage etato ge mou lotalo te Deo ale mahulili? ¹⁵Me tala vuhula moli ale, Eia la mae la tahalo ale kisi la merara tela Kavanent ale halaba. Age mae ila, soko la imala la pileho sibitala age vimarara egiteu ale lotalo la Kavanent ale pala loio tela iriru tegiteu, Me egiteu ale la tilola oata tegiteu ge abi la Promis ale la tapasila ouka eia piligi poloa giteu.¹⁶Me oio la ba ale mave la masagala oio vola, la pileho la tahalo igoa ge rovi selea. ¹⁷La masagala kama oilo moli tela vagarila la imala ale la pileho oio ti, la vuhula akama tahoka la vagarila la imala ale la tahalo ale igoa solio mahulili.¹⁸La kavanent ale mamuga kama kora muli ge magiri mae la kasoso ge ouka.¹⁹La imala ale e moses abitia gite la valalua tomi la mera vagarila ale oilo tela Lo, Eia abi la kasoso la kau mela Gout, vikapopo mela Lalu, La Obu ale magesegese, mela galagala la obu, me eia pesi volu la Skrol me la valalua.²⁰Goio e Moses vei mago,"Ale la kasoso la kavanent ale e Deo mera vagaritiamu veage taume."²¹ Eia igo loua mae ale a igotia mamuga,eia pesivolu la kasoso loata la luma la lotu me la konteina ale egite igogolula oilo la igolu te giteu.²²Oilo tela lo, hagavi sele la papaga tomi la kasoso ge vuhi vei egite.Mae la kasoso kama ge pagele la ilube la iruru ge uka.²³Ala age karamuli sele mae la tataro la papaga ale oata la ilo lalage la opa la basi ge vuhi vei egite. Alamoli, la papaga la ilo lalage egite lou ge guvi maroka tela opa ale tartigi sesele. ²⁴La vuhula e Kraist kama tiroro soilo ba la taboula ale egite vokula la lima, ale la taro la paga moli ale sele. Loio vola eia tiroro soilo la ilolalage, age guvi tela ba ale e Deo mou ovola tegatou²⁵Eia kama goio la ba alele ge vahari eia mae la opa ge tagara ususu, mae egite la gamale prist igoa, egite tiroro soilo la ba taboula tela leavalavala tomi vikapopo mela kasoso tegite polo. ²⁶Amege aleie ge la seselela, me eia ge abi la iligiligi tagara usu soko loio la silokoloko la mautu la magasa. Alamoli igoe eia guvi tela tapapasi la imala ge abi taro la iriru oilo tela opa ale eia lou²⁷A mae moli ale la tahalo la uru turi tia ge peho tagara isasa, mulmuli vola la pulou la ilapu matatala ge gomai,²⁸Mae tai ale e Kraist mae la opa ge abi taro la iriru tegite la valalua usu, me eia ge guvi pala la tagara luala,A kamage igolu lou tela iriru ouka age tela vimahulila tegiteu ale pou tatali eia.

Chapter 10

¹La Lo eia la tataro papaga tomi ale tartigi ge gomai, egite la papa ale la seselela oio vola ouka, Egiteu ale tuga tavula e Deo kama koramuli ge visauru loio tela opa ale egiteu e Prist vahararia tela leavala vala tomi.²Amaege ouka, akoramuli la opa ale ge eiati la iligola? Egite ale lotulotu koramuli ge guvi maroka tela imala isa moli me egite kati koramuli ge gabutala lou la iriru. ³Ala moli oio tela opa alele oilo vola la vigabutalala tela iriru atela leavalavala tomi. ⁴Ala ativura sele via la kasoso la kau mela Gout ge abi taro la iriru.⁵La imala e Kraist gomai tela mautu la magasa, eia vei mae, La opa mela vabila tomi eme oukati lou masagaea, alamoli la vovo ale eme raragia ge tegaku; ⁶Vikapopo la opa ale gutua mela opa tela iriru eme kati sagaga la. ⁷Goio eau vei mae, 'Hiloa, eau male---- amae moli ale egite kekesi tia oio tela skrol ---ge igoa mae la masagala taume.'"⁸La mulugala eia vei mae, " Akamati lou la opa mela vabila tomi, kama la opa tomi ale gutua, ouka la opa tela iriru eme masaga tavua, ouka eme momoge oilo tegieu." Egiteu la opa aleie egite vabila tilimuli la Lo. ⁹Goio eia vei mae, " Hiloa, Eau male ge igo la masagala taume, "Eia abitaro la siloko la gauru tela igolu me eia vimagiri la vailua la gauru la ilola. ¹⁰Loio tela masagala alele, etato mae la opa loio tela vabila tela vovo le Isus Kraist tagara isasa me oukati lou.¹¹La logologo tomi egiteu e Prist ge magiri oio tela igolula tegiteu soio te Deo. Eia ge vahari la opa ale visaru moli la mailala ouka la opa ale kama koramuli ge abitero la iriu. ¹²Alamoli la imala e Kraist tau la opa tela imala tomi a isamoli la opa la iriru tomi, me eia pou ti oio la lima le Deo e gata. ¹³Eia oio pou tatali kara mae egiteu la gima tetala ge guvi mae la muli la ilo pulila.¹⁴Loio tela opa isa moli eia koramuli sele egiteu ale marokati la tapasila ge ouka.¹⁵La Kalulu maroka tai meramera ti somai tegatou, La mulugala eia vei mae, ¹⁶"Aleie eia la kavanenet ale eau ge igoa vikapopo me egiteu mulmuli tela logologo aleie, la Uru vei mae, Eau ge tau la Lo tomi taku oilo la hate giteu, me eau ge kekesia oata la gabutala giteu."¹⁷Goio eia solo loua, " La iriru tegi tomi mela varumula Eau kati ge gabutala loua." ¹⁸Igoe la ilube la iriru a oio ti, la opa tela iriru a ouka tomiti.¹⁹Oilo vola, Tabarabaragu, etato tahoka ti la vagari ge tiroro soilo la ba la tabula oilo tela kasoso le Isus. ²⁰Aleie eia halaba me eia la gauru ale mahulili ale eia kope tia gatou loio tekla kulkuli, ale eia, la masovala eia la vovola,²¹La vuhula etato tahoka la gamale prist tomi loata la luma te Deo,²²Tartigi etato ge tasuku tavua vikapopo mela tia gato sele oilo tela tautaulailo ale volu mela vagari, me la hate gato pesivolu marokatia loio tela gabutala ale kama kora me la vovo gato pupuru tila la lalalu ale maroka sele.²³Etato ge sautola kiki umala ge suku lahu soio tela tia ale etato vei palatia, la vuhula la tahalo ale promis eia tautaulailo sele. ²⁴Etato ge hilo mataga la gauru ale mave etato ge karasuku etato ge masaga la iligo la papaga ale tartigi. ²⁵ Tartigi etato umala ge piligi taro la guvi vikapopola, Mae ale isahari igotia, Maege mave, karasuku amuto isasa la imala tomi, ge soloa mae ale eme hilo ti la logo gomai hagaviti.²⁶Mae etato ge igigo moli la iriru mulmuli teale etato abiti la mari tela seselela, la opa tela iriru a oukati magiri lou. ²⁷Maege maele, la tilaga isa uru sele a tela ilapu matatala ale ge gomai, me la havi ale uru sele ge tulu egiteula gima te Deo.²⁸Mae la tahalo isasa ge mukupile la Lo te Moses age peho tela merera tela tahalo ilua ouka itolu. ²⁹Eme gabutala la iligiligi uru bara sele la tahalo isa abia la imala age buru otalo la vahale latule Deo, ale eia hilo la kasoso tela kavanent mae ale akama maroka---- la kasoso ale vimarokati eia----me eia igo mahela la Kalulu la goligo?³⁰Eta rovi la tahalo ale vei mae, " La kiloli rivula a tegaku; Eau ge koli rivua, "Me oio vola," La Uru ge jadgim egiteu la valalua tetala."³¹Eia la paga la tilaga ale uru sele mae ge boru soio la lima le Deo ale mahulili!³²Alamoli eme gabutala la logologo ale tugati mulmuli vola la matamu kope, ale eme kama bare mela tuhakala oilo la iligiligi. ³³Eme magiri palala soio tela mata la valua tela mera barala la mera vilela mela magiri robola, me ale eme magiri tomi le giteu ale goiloti tela iligiligi isahari. ³⁴Ala eme tahoka la gilogo soio tegite ale oilo la luma la kilisi, eme abi molia mela sagegela mela vgari ale ge abi la muli. eme rovi selea me eme tahoka la muli ale tartigi la kaluvula ouka.³⁵Ala umala tau taro la vagari ale eme tahokea, oilo volale la mapa uru sele.³⁶Ala emege abi la tuhakala la vuhula eme ge igo la masagala te Deo, eme ge abi larova eia promis ti ovola.³⁷La imala bakisi moliti, la tahalo ale ge gomai eia ge gomai sele eia kama ge igo makoko.³⁸Egite taku ale magiri matata egite ge mahulila la tautaulailo. Mae eia ge saraka rivu, eau kama ge sagege le eia." ³⁹Alamoli etato isa kama loio tegite ale vulo rivu soio te ale kamakora, ouka etato kabuli tegite ale tahoka la tautaulailo me egite sautola la Kalulu giteu.

Chapter 11

¹La tautaulailo eia la vuhula la papaga ale eme masaga tavua mela irovi la papaga kama hililoa. ²Te la vuhula moli aleie egiteu e tutubu gatou egite gigi egite soilo tela tautaulailo tegiteu. ³Me oilo tela tautaulailo etato rovi selea mae la mautula e Deo vipoua loio tela mera vagarila tetala, La vuhula la papaga ale etato hiloa kama guvi loio tela papaga ale etato hiloa.⁴La tautaulailo moli e Abel abiale e Deo la opa ale tartigi tavuale Kein, loio te ale eia gigia mae a matata, me e Deo mera taho sele le eia la vuhula tela opa tetala, me tela tautaulailo moli e Abel soloio meramera la imala eia peho ti.⁵La tautaulailo moli e Enok la uru abi eia soata me eia kama hilo la pileho." Egite kati poga loua, la vuhula e Deo puli eia." Mulmuli teale la Uru ge abi eia soata, egite vei palaea mae eia moli igo sagege e Deo.⁶Ala mae la tautaulailo ge ouka a tivura e tato ge igo sagege eia, Eia koramuli sele mae egiteu ale ge goio te Deo ge tautaulailo mae eia oio pou,me eia moli ge vibalava egiteu ale pamuli eia.⁷Me la tautaulailo moli e Noa, abi la merera te Deo oio tela papaga ale la mata souka hiloa, vikapopo mela tilogo soio te Deo eia igolu e Sipi ge utu lulu egiteu la ilo la luma tetala. Loio te ale a igoa maele, eia tau la tukumula loata tela maututula me eia guvi mae la hili la magiri matatala ale loio moli tela tautaulailo.⁸La tautaulailo moli e Abraham, La imala la tilola goio tetala, eia roromulia me eia tuga sogala tela mautu ale eia kama abia mae ale egite piligi poloala, Eia tuga sogala, eia kama rovia eia ge goveie. ⁹Me a tela tautaulailo moli male eia mou oilo la magasa la promis mae la mosi. Eia mou oilo la luma la kale vikapopo me Aisak me Jakob, egira tomi la hili la Promis. ¹⁰La vuhula eia mamata solagu tela Siti ale la vuhula otalo, me la tahaloa ale agoa me eia tigia eia e Deo.¹¹Me eia la tautaulailo moli, mae moli e Sera eia lou kama popigo, e Abraham abi la vagarila ge guvi mae e tamale giliki. La paga ale sibitala la imala eia lapulu geru ti, soko eia rovia mae eia tautaulailo sele tela tahalo ale abiala la Promis.¹²Ala, loio moli tela tahalo isasa---- ale eia hagavi sele ti ge peho ---- eia viguvi la maratatila usu sele mae la matabu oata la mori ale kama koramuli ge gigia mae la magasa la pusi tala parava.¹³Me ale oilo tai la tautaulailo male egite ale peho me egite kati abi la Promis. Maege ouka, Mulmuli te ale ge hilo egite soio malau ge sagege robo egiteu, egite lou ge veia mae egite la moimosi ale egite satola egite otalo tela magasa. ¹⁴Egiteu ale vei la papaga ale mae ale igo matagagea loua mae egite pamuli la mautu la magasa.¹⁵Mae moli egite ge gabutala la mautu ale egite gali lovolao, me egite ge tahoka la imala ge beu loua. ¹⁶Alamoli mae amae tiele, egite masaga tavuti la mautu ale tartigi, ale male, la ilo lalage,Oilo vola e Deo kage mahela ge toile egiteu mae eia e Deo tegiteu, la vuhula eia raragiti la mautu tegiteu.¹⁷Me eia la tautaulailo male e Abram, La imala eia goilo la tovolaila, ge opa e Aisak. Ale e latula ale isasa moli male eia opa leia le, eia moli male abiti la promis. ¹⁸Me ale e Abram moli male eia veiala mae," Me loio moli te Aisak la hilimu ge tahoka la isaisa." ¹⁹E Abram gabutala selea mae e Deo ge vahiliti rivu lou e Aisak loio tela pileho, La merera ale eia veveia, me loio moli te alele eia abi rivu lou eia.²⁰Me eia tai la tautaulailo la papaga ale ge gomai mae e Aisak ge vibalava e Esau me Jakob. ²¹Me eia la tautaulailo male e Jakob, La imala ale eia hagvi ti ge peho, eia vibalava e latatu le Josep. E Jakob igo la lotu, me eia tabilaha oata tela To tetala. ²²Me eia tai la tautaulauilo male e Josep, La imala ale la kaluvula tetala hagaviti, eia meramera tela tuluga tegiteu e Israel loio e Egipt me eia vei mulia giteu la tatuhala.²³Me eia la tautaulailo male e Moses, La imala e tilala pigoa, E tilala me tamala taukovua la taio itolu la vuhula egira hiloa mae e giliki ale marasa sele. Egira kama taga la mera vagarila te King. ²⁴Me eia la tautaulailo e Moses, Mulmuli teale eia uru ti, Eia kama masaga ge toi leia e latu le Parao ale hatavile. ²⁵Eia hilovia via eia tai ge abi la iligiligi mae egiteu la valalua te Deo akama gabuta viage mahuli muga oilo tela iriru. ²⁶Eia gabutala selea mae la mahelala ale ge tilimuli e Kraist la taritigila uru sele muga la vuliti le Egipt. la vhula eia tauti la matala oata tela mapala ale mulmuli.²⁷La tautaulailo moli e Moses heletaro e Egipt. Eia kama taga la hate masila te King, eia tuhaka sele la mae ale eia hilo la tahalo ale kama hiloa. ²⁸Oilo moli tela tautaulailo eia sautola la Pasova mela pesivolula tela kasoso, la vuhula la tahalo la igo bara umala ge pilau e latatu gite Israel ale laposolagu.²⁹Me eia la tautaulailo egite tuga oilo la mago la Rid mae la mapa mararmara. La imala egite e Igipt ga tovolaia viage tovolaia egite tilomu tomi. ³⁰Eia la tautaulailo moli male la bigomu le Jeriko paru tomi, mulmuli teale egite polo galilia la logo ivitu. ³¹Me eia tai la tautaulailo male e Rahab la tavile ale polopolo ogala kama peho vikapopo me egiteu ale varumurumu, la vuhula eia abi egiteu e Spai mela tia madila.³²Mela rova lou koramuli eau ge vei loua? La vuhula la imala kama koramuli ge veia mae eau ge meramera te Gidion, e Barak,e Samson, e Jephthah, e David, e Samuel, me egite Propet. ³³Ala loio moli tela tautaulailo egite pepe tomi la mautula tomi,egite igolu tomila tilau matatala, me egite abi la Promis. Egite magiri robo la hare giteula Laion. ³⁴Egite tatalu la vagari la havi, Me egite ulapi taro la visola vikokuela, La ilea tomi tegiteu kokovu egite tartigi, Me egite vagari sele oilo tela vikokue la, me egite vagotalo tomi egiteu la valua la vaubi ale lobali.³⁵Egite Hatavile abi rivu la pileho tegite loio tela hiliti rivula, egite ale isahari goilo la iligiligi, me egite kama koramuli ge piligi taro egiteu. la vhula egite koramuli ge rovi la hiliti rivula ale tartigi. ³⁶Etgiteu ale isahari goilo la tovolaila tela mera barala mela kulue, egite kisi tola egite la Seli tau egite soilo la luma la kilisi. ³⁷Egite ubile gite la uati. me egite vali lua egiteu la viso. egite bili le giteu la viso la vikokuela. me egite tuga soilo la kukuli la sipsip mela kulkuli la Gout. Egite kama tahoka isa la paga, igo bara egiteu, tau egite lotalo la mulugaluga, kama masaga egiteu. ³⁸La mautula kama ratigia giteu. me egite tuga bulahu moli oilo la kuepa mela ololu, me oilo lo la vavi mela hova oilo la magasa.³⁹Oilo vola egite tomi la valalua ale e Deo hilo egite tartigi sele la vuhula tela tautaulailo tegiteu. ⁴⁰E Deo viraragi tia gatou isahari la papaga ale tartigi, La vhula mae etato ge ouka, egite tomi la papaga aleie kama koramuli ge puru muli selea.

Chapter 12

¹Oilo vola, la imala egiteu la Angelo magiri galili etatou mae la uatati la olu loio tela vala ale magiri tomile emei, Tartigi etatou ge tau gale la tikumula tomi ale igo bululu mae la iruru. me etato ge hari la hirari ale tautia tela lagu gatou vikapopo mela tia madila. ²Tartigi etato ge lobagele soio te Isus. eia la vuhu la tautaulailo ale koramuli sele. Mela sagela ale tautia oio tela lagula, Eia tuhaka sele oio tela tauvalautu, eia poke taro tomi la mahelala, Me eia pouti oio la lima le Deo e gata oio tela pulou la uru tetala. ³Ala eme ge gabutala tavu moli eia, eia moli magiri vagari oilo tela mera barala loio tegite la vala la iruru soio tetala, ila eme umala ge barebare oilo tela hatamu me eme piligi taroa.⁴Ala eme souka mukupile ouka ulapi taro la iriru goio sele tela ba la ilabi la kasoso; ⁵Eme tai gabutaro ti la merera la tututolala ale vei muli tiamu mae e latatu: "Latugu, umala abi mavulagalaga la ilolo la merera, ouka eme ge bare la imala ale eia ge vimatata emei.⁶La vuhula e Deo mera vagari soio tegiteu ale eia masaga egite, Me eia viligili egiteu ale eia ababai egiteu."⁷Eme ge tuhaka oilo tela iligiligi mae la ilolo. E Deo igogolu oilo taume mae e latatula. Erese latatu via e tamagiteu kama ge mera vagarigari soio tegiteu? ⁸Mae eme kama oilo la ba la ilolo, Ale egiteu la valalua ababi ovola, Me eme kama e latula sesele.⁹Ge solo loua, Etato tahoka e tatama gatou tela vovo egite mera vagarigaria gatou me etato togo sesele egiteu. Me la tilogo tegato soio te tama gatou ale oilo la kalulu me eia mahulilui a mave! ¹⁰E tatama gatou mera vagaria gatou la imala bakisi moli oilo tela ba ale egite rovia eia tartigi. Ala moli e Deo mera vagaria gatou tela tartigila tegatou, la vuhula etato tai ge tahoka tai la marokala tetala. ¹¹La mera vagarila isa kama tali taho tela imala alele, Ouka age viligi emei, Alamoli mulmuli age viguvi la tia madila mela vavuala la magiri matatala age tegite ale vimari ti oio vola.¹²Ala eme ge igo vagari la limamu ale titili sotalo mela tulumu ale bare ti.¹³Igo matata tomi la gauru tela vahamu, la vuhula egiteu ale gulgulu kati ge gulgulu lou,ouka egite ge mahuli lou.¹⁴Eme ge tuhaka tavu la tia madila, mela marokala, la paga ilua ge ouka isa kama koramuli ge hilo la Uru. ¹⁵Amuto ge baumuli sele isa souka ge boto la gilogo te Deo. me la ua la tia barala umala ge kusi soata souka ge age viguvi la tikumula, la vuhula isahari souka ge rava bara la. ¹⁶Amuto ge baumuli sele soukage la mata bulakalakala mela masagala ale kama kora ale kama loio te Deo ale mae te Esau, ale tela ilali moli eia baha la vibalavala tetala. ¹⁷La vuhula eme rovia mulmuli, La imala ale eia masagage abi la vibalavala, egite muku pilea, la vuhula eia kama hilo isa la ba ale ge kai vulo, a mae moli ale eia pamulia vikapopo mela masalila.¹⁸Eme souka gomai la Olu ale koramuli ge pilaua, la Olu la havi ale kakaha, la maligoma, ale maga halulu, mela sima. ¹⁹Eme souka gomai tela ba ale la tilali la vaivai ovola, ouka la ba ale la golu isa egiteu ale ge loloa ge vei mae la golu isa oukati lou ge mera soio tegiteu. ²⁰Me egite kama koramuli ge polo taro la mera vagarila ale abi ti giteu: " Me egiteu la basi tomi ale ge pilau la Olu, ge dumu tomi le egiteu la Uati."²¹La tilagalaga uru sele oio la milatalata ale e Mosaes vei mae, "Eau taga geru me eau boru otalo."²²Mae ge ouka, eme ge gomai tela Olu Saion me la mautu te Deo ale mahulili, e Jerusalem ale oata la ilo la lalage, me soio tegite la angelo ale la taosen savulusa babau la visalela. ²³Eme gomaiti tela vikapopola tela lotu tegiteu la laposalagula , La isa giteu kekesitia oata la ilo lalage. Eme gomaiti te Deo, La tahalo ale ge tau matata tmi etatou, me soio tela kalulu ale koramului sele. ²⁴Eme gomai ti te Isus, La tahalo ale vimagiri la Kavanent ale halaba, Me soio tela pesivolula la kasoso ale mera tigi tavuala la kasoso le Abel.²⁵Hiloa mae eme umala ge poke taroala tahalo ale meramera. Mae egite kama hele la imala ale egite varumuala tahalo ale mera soio tegite otalo la magasa, me etato tai ge hele tai mave mae etao ge poke taro la tahalo ale mera tagea gatou loata la ilo lalage.²⁶Tela imala isasa, la golula ge lugu la magasa. Alamoli igoe eia promis me eia vei mago, " La imala isasa eau kama ge lugu moli la magasa, eau ge lugu teia la ilo lalage."²⁷La merera aleie, "Tagara isasa lou, "La masovala mae la ilabi taro la papaga ale kama koramuli ge lugu taro egiteu , ale mae, ale tegiteu la papaga ale eia vipou egiteu, la vuhula la papaga ale kama koramuli ge paru egite ge magiri, ²⁸Oilo vola, la ilabi la mautu ale kama koramuli ge paru , Ala etao ge gabu vaurua la gabutala ale ge lotu tavu e Deo mela tilogo. ²⁹E Deo tegatou eia la mae la havi ale sapabulila.

Chapter 13

¹Ala la masagala oilo te tabaramu a umala ge kokovu.²Umala gabutaro la baumuli giteu la moimosi. Me loio moli te alele, Isahari ge sautola egiteu egite la Angelo alamoli egite kama ge rovia.³Eme ge gabutala egite ale pou tela kilisi mae eme tai oilo la kilisi vikapopo mele egiteu. gabutala tai egiteu ale pou la iloburukola mae eme oio pou tomi le egite oilo tala vovo. ⁴La taulaila egite la valalua tomi ge togoa, Me la taulaila ge sautola molia oio la muli la mavutala me age maroka, la vuhula e Deo ge jajim la valua tomi ale mavuta tomila tavile oio la vulovuloale kamakora me ale mata kasola.⁵Me la vulovulomu ge maramara loio la masagala Uati. Eme ge sautola moli la rova eme tahoka tia. e Deo eia lou veitia, " Eau kama ge piligi taro emei, ouka eau ge poke taro emei." ⁶Etato ge sautola tomi la papa aleie la vuhula etato ge tahoka la vagari ale ge veia, " La Uru eia moli la kiloli taku; Eau kamage taga. La rova la tahalo ge igoa somai taku?"⁷Gabutala vagari egite la mulgaluga taume, egiteu ale valolo la merea te Deo soio taume, eme tai ge mata muli la vulovulo giteu. Tilimuli sele la tautaulailo tegiteu. ⁸E Isus Kraist eia visauru moli mae ale alavi, me ale igoe, Me la kaluvula ouka.⁹La vimarila ale lobali akama tegatou umala ge abi taro emei. Me a tartigi peho via la hate gatou ge vagari sele oilo tela gilogo, Kama la ilali ale kama koramuli ge koli egiteu ale tatuga oilo vola. ¹⁰E tatou tahoka la Alta ale loio tegite ale igogolu oilo luma la lotu kama koramuli ge ali ovola. ¹¹La kasoso gite la basi ale bilia tela iriru egite la gama giteu la Prist ge abia soilo la ba ale maroka sele, la vovo giteu ge selua ogala tala vai la mautu.¹²Me e Isus tai abi lailigiligi ogala tela mata piro la Siti, oilo tela gauru ale ge vimaroka egiteu la valalua loio tela kasosola sele. ¹³Ala etato ge goio tetala eia ogala tela vai la mautu, etato ge bole la mahelala tetala. ¹⁴La vuhula etato kama tahoka isa la Siti ale ge tabuli tora omaie. Mae ge ouka, etato ge mamata soio teale isa ge gomai.¹⁵Loio moli tetala, me, la imamala tomi etato ge abiala soata la Opa la visalela soio te Deo, la visalela ale la vavua la hare ge gabutala vauru la isala. ¹⁶Etato umala ge gabutaro la iligo la vulovulo ale tartigi me la kiloli gato isasa, me aloio moli tela Opa ale maele e Deo masaga tavua. ¹⁷ Roromuli vagotalo eme soio tegite la mulugaluga taume, la vhula egite baumuli la kalulumu mae egite ale ge vahari la giligi la mahulila ale ago tolea. Eme ge rorormuli la vuhula egite la mulugaluga ge igolua mela sagela, kama vikapopo mela irobe la iligiligi, ale la igolula ge ouka soio taume.¹⁸Kaka tamiteu, amite abia mae amite tahoka la gabutalala ale matagaga me amite masagage mahuli matatata oilo la papaga tomi. ¹⁹Eau tututola seleamu ge igo la paga aleie, la vuhula eau ge beua somai taume soio molie.²⁰Ala ae Deo la tia madila, ale abi rivu tia loio tela pileho me eia la tahalo la baumuli la Sipsip ale uru, la Uru Isus tegaou, loio tela kasoso la Kavanent ale la kaluvula ouka, ²¹Igo eme ge koramuli sele tela papaga tomi ale tartigi ge igo la masagala tetala, ale igogolu oilo tegatou la rova ale ge igo sagege eia, loio moli te Isus Kraist, La mararsala ge tetala la tapasila ge ouka. Asele.²²Igoe eau vikara sukuamu, tabarabaragu, bole la merea la tututolala ale eau kekesi matagaga tiamu. ²³Amuto ge rovi taia mae e tabara gato e Timoti egite lube tia loio la kilisi, vikapopo me eia eau ge hilo amuto mae eia ge gomai hari.²⁴Sagege robo egite la mulugasluga tomi me egiteu la valua te Deo ale maroka Egiteu ale loio e Itali sagege robo amutou. ²⁵Tartigi la gilogo ge vikapopo le amuto tomi.

Revelation

Chapter 1

¹Ale la merera te Isus Krais ale tabuli kokovu e Deo abiala ge vailoloa gite ale igogolu tetala larova ge guvi soio molia. Eia tau palaea goio bahataro e angelo soio tela tahalo la igogolu e Jon. ²E Jon veipala la merera te Deo me la vulovulo le Isus Kraes, la papaga tomi eia hiloa. ³La vaibalavala tela tahalo ale gigi agi la merera ale ge guvi mulimuli me soio tegite tai ale lolo la merera ale ge guvi mulimuli me ere tai tilimuli la kilekesi tai oilo ovola, telava la imamala agagavi.⁴La leta e Jon kekesia gite la lotu ivitu oio e Esia: La gilogo soio taume me la tia madidila loio tela tahalo ale igoe, me eia te ale pala, me eia te ale mulimuli, me loio tela la kalulu ale ivitu mamuga la mulolou le king, ⁵me loio te Isus Kraes, eia la tahalo la witnes tatao, la tahalo ale hiliti loio la pileleo, me eia mamuga tegite king tomi otalo la magasa. Eia masaga sesele etato me eia lube la iruru tegato tela kasosola-- ⁶eia viguvi isa la kingdem, e Peter te Deo e Tamala-- tetala la matagagala me la vagarila tela la logologo tomi. Amen⁷Hiloa, eia loiole vikapopo la tuluviluvi la mori; egite tomi ge hiloa, vikapopo egite ale ubila e poke. Egite la maratatila tomi tela la magasa ge tali telava leia moli.Asesele, Amen. ⁸"Eau la Silokoloko me la kaluvuluvula," La Uru e Deo veia, "eau te ale igoe, me te ale pala, me te ale mulimuli, Eau Vagari me Uru e Deo."⁹Eau, e Jon---e tabaramuto me la tahalo ale viabile eme la tukukumula me la kingdem me la tia madidila ale totora oio te Isus--la imamala Eau oio la holu egite toila e Patmos lavuhula la merera te Deo me la igogolu te Isus. ¹⁰Eau oilo la Kalulu oio la logo te Uru. Eau lolo lotigu taku la tilola isa uru mae la trapet. ¹¹A vei mae, "Kekesi la rova eme hiloa oio la buku, me vei palaea soio te la lotu ivitu---oio e Efeses, oio e Smyrna, oio e Pegamam, oio e Taiatira, oio e Filadelfia, me oio e Laodisia."¹²Eau vulo rivu veage hilo erese la golu tatola somai taku, me la imamala Eau vulo Eau hilo ivitu la obu la lamu ale la gol. ¹³Loio kabili la obu la lamu isa mae e latu la tahalo, kai la kairobo ale malau kara otalo la vahala me la kululukuli ale mae la gol viri holu la kabilila¹⁴La tamala me la hivula kea mae la vul---kea mae la tutu la mori---me la matala mae la marere la havi. ¹⁵La vahala mae la brons ale mememe, mae la brons ale kao marokea oio la havi, me la golula mae la tilali la lalu ale saisali vagari. ¹⁶Eia tahola la matatabu ivitu oio la limala e gata, me tahola la viso ale la gilisula ilua kara guguvi loio la harela. La lagula karere mae la haro ale marere vagari sesele.¹⁷La imamala Eau hiloa, Eau boru oio la vahala mae la tahalo ale peo. Eia tau la limala e gata oata taku me eia vei mago, "Umala tataga. Eau la silokolokola me la kaluvuluvula ¹⁸me la tahalo ale mauliuli. Eau mauli bibibi! Me Eau sautola la ki la pileleo me la mautu la pileleo.¹⁹Ale kekesi tola la rova eme hilo tia, la rova igoe, me la rova ge guvi mulimuli loio te aleie. ²⁰Loio tela masova la merera ale tabuli kokovu tela matatabu ivitu eme hiloa oio la limagu e gata me la vaha la lamu ale gol o: La matatabu ivitu ale e angelo tela luma la lotu ale ivitu, me la vaha la lamu ivitu ale la luma la lotu ivitu."

Chapter 2

¹Soio te angelo oio la luma la oio Efeses kekesi mae: 'La merera te la tahalo ale sautola la matatabu ivitu loio la limala e gata me ale tatuga kabili tela vaha la lamu ale ivitu, ²Eau rovi la tulugalugamu, la tivuravura la igogolu, me la tia madidila ale totora, me eme kama ge tao pepe soio tegite ale igigo la iruru, alamoli eme tovolalai egite ale veia egite aposel alamoli ouka, eme poga egite la visigologolola.³Eme sautola la vagari la tiamadidila me eme kaka tavu la tiagu, me eme kama bare. ⁴ Alamoli Eau mukupile sesele eme mae eme tapataroti la masasagala ale mamuga. ⁵Gabutala muli loio la baha ale eme boru. Vulo rivu me eme tilimuli la rova eme igotia mamuga. Mae eme kage vulo, Eau ge gomai taume me Eau ge abitaro le eme la vaha la lamu loio la mulila.⁶Alamoli eme tahola aleie, Eme kama masaga larova egite Nikolaten igo tia, larova Eau ka masagea. ⁷Korale egite moli ale tahola la gavusa, ge lolo larova la Kalulu veveia soio la luma la lotu tomi. Soio tegite ale tuga loata la tikukumula Eau ge abiala la rait ge ali loio la obu la mauli, ale oio la mulou sagegela te Deo.⁸"Soio te angelo tela luma la lotu oio e Smaina kekesi mae, 'La merera te la tahalo ale la silokoloko me la kaluvuluvula, eia peo me eia hiliti rivu lou: ⁹"Eau rovi la tikukumula taume me la savelevelela taume, alamoli eme tahola la vuliti. Eau rovi egite ale sibitala la Isabarala egite ale veia egite loio e Jius, alamoli egite ouka. Egite la valalua la lotu te Satan.¹⁰Umala tataga mae eme goio la tikukumula. Hiloa! E devel agagavi ge laba isahari tamuto soio la baha la totorobola ge tovolalai eme, me eme ge puo la tikukumula tela logo isavulu. Magiri vagari kara la pileleo, me Eau ge abiamu la craon la mauli. ¹¹La tahalo moli ale tahola la gavusa, ge lolo larova la kalulu veveia soio tegite la lotulotu. La tahalo moli ale toatalu la tukukumula kage peo tela vailua la pileleo.¹²"Soio te angelo tela lotu oio e Pegamum kekesi mae: 'La merera tela tahalo ale sautola la viso ale la gilisula ilua kara: ¹³"Eau rovi erese la baha eme popou, oio tela baha la tron te Satan. Soloio eme sautola vagari la isagu. Eau rovia mae eme kama vasigolo la tautaulailo taume oio tegaku, kara la logologo te Antipas la witnes tegaku, la tahalo ale tautaulailo, ale peoti kabili tamuto, oio la baha e Satan popou.¹⁴Alamoli Eau tahola isahari lapapaga soio taume: Egite isahari oiole ale sautola vagari la vimari te Balam, ale vimari e Balak ge laba tia vagarila kabili tegite latatu le Irael me egite ge ali la ilali ale sakrifis soio tela puigolo me egite ge igo barabara. ¹⁵Visauru tai, eme tai tahola isahari egite ale sautola vagari la vimari te Nikolatans.¹⁶Vulo rivu, ala! Mae ouka, Eau ge gomai hari soio taume, me Eau ge soko la vukokuela soio tegite vikapopo la viso oilo la haregu. ¹⁷La tahalo moli ale tahola la gavusa, ge lolo lava la Kalulu veveia soio tela lotulotu. Soio tela tahalo ale toatalu la tikukumula, Eau ge abi isahari la mana ale tabuli kokovu, me Eau ge abi la vati kakea vikapopo la isa alaba kekesi oio la vati, la isa ale isa ka rovia alamoli la tahalo moli ge abia.'"¹⁸Soio te angelo tela lotu oio e Tietira kekesi mae: 'Ale la merera te Latu le Deo, ale la matala mae la kalamea la havi me la vahala mae la brons ale mememe: ¹⁹"Eau rovi larova eme igotia: la masasagala taume me la igogolula me la tia madidila taume ale totora. Eau rovia mae la rova eme igotia igoe a uru sesele tela rova eme igotia mamuga²⁰Alamoli Eau tahola la paga ale magiri robome: Eme masaga tavu moli e Jesebel, ale toi eia lou e profetes. Tela vimari tetala eia vasigolo egite ale igogolu taku ge igo la vulovulo ale ka tartigi me me egite ge ali la ilali vabila soio tegite la puigolo. ²¹Eau abiala la imamala ge vulo rivu, alamoli eia kama gabutatala ge vulo rivu loio la vulovulo ale kama kokora.²²Mamata! Eau ge laba eia soio la muli la ilea me soio tegite ale igigo la vulovulo ale kama kokora vikapopo eia soio la tuku uru, mai moli egite kama ge vulo rivu loio la vulovulola. ²³Eau ge pilipeo e latatula, me egite la lotu lotu ge rovia mae Eau la tahalo ale hililo la gabutatala me la tia. Eau ge abia muto isasa la igogolu koramuli amuto.²⁴Alamoli tamuto tomi oio e Taitira, soio tegite tomi ale ka sautola la vimari me egite kama rovi larova egite isahari totoila la momo le Satan-- soio taume Eau veia, 'Eau kama tau la tukukumula soio taume.' ²⁵Oio la vuhula isahari, eme ge sautola vagari kara Eau ge beu.²⁶La tahalo ale toatalu la tukukumula me la tahalo ale igigo lava Eau igotia kara la tapapasila, la tahalo alele Eau ge abiala la vagarigarila loata tegite la maututula. ²⁷'Eia ge muga egite vikapopo la ion rod, mae la kuvo la ja eia ge igo mapolea bisisi.' ²⁸Mae moli Eau abitia loio te Tamagu, Eau ge abiala la matatabu la kavukoki. ²⁹Kora la tahalo moli ale tahola la gavusa, eia ge lolo lava la Kalulu veveia soio tegite la lotulotu."'

Chapter 3

¹"Soio te angelo tela lotu oilo e Sadis kekesi mae: 'La merera tela la tahalo ale sautola la kalulu ivitu te Deo me la matatabu ivitu. "Eau rovi la rova eme igotia. Eme igo bibia mae eme mauliuli, alamoli eme peo. ²Hagolo soata me vivagari larova piligi alamoli agagavi ge peo, telava Eau ka poga la vulovulomu sibitala viruru oio la mata le Deo.³Gabutala, mae, larova eme sautolatia me loloa. Tilimulia, me vulo rivu. Alamoli mae eme kama hagolo soata, Eau ge gomai mae la tahalo la pakalikalila, eme kama ge rovia erese la imamala Eau ge gomai tavume. ⁴Alamoli eme tahola isahari la isasa oio e Sadis ale kama igo mumugu la kilalai tegite, me egite tuga vikapopo eau, kakai la paga kakea, lava egite uru pasi.⁵La tahalo ale toatalu la tikukumula ge kai oio la kilalai ale kakea, Eau kage savulu taro la isala loio la Buku la Mauli, me Eau ge veipala la isala lolagu te Tamagu, me lolagu tegite angelo tetala. ⁶La tahalo moli ale tahola la gavusa, lolo larova la Kalulu veveia soio tela lotulotu.⁷Soio tela angelo oio la lotu oio e Filadelfia kekesi mae: 'La merera tela la tahalo ale maroka me ale sesele--- eia sautola la ki te Devit, eia kokopea me isa ka kakapia eia kokopea me isa ka kakapia. ⁸"Eau rovi larova eme igotia. Hiloa, Eau tau lolagu taume la mata ale kope ale isa ka koramuli ge kapia. Eau rovia mae eme tahola bakisi la vagarigarila, loiovola eme roromuli la merera taku me eme kama tautaro la isagu.⁹Hiloa! Egite ale loio la luma lotu te Satan veia egite e Juda alamoli ouka, alamoli egite la valua la visigola---Eau ge tutu egite ge gomai me egite tototulu otalo lolagu la vahamu, me egite rovia mae Eau masaga eme. ¹⁰Mae moli eme sautola la tuturi mulila taku tela tiamadidila ge totora, Eau ge totoro tai taume loio la tovolaila ale ge gomai la maututula, ge tovolalai egite ale momou otalo la magasa. ¹¹Hagagavi Eau ge gomai. Sautola larova eme taholatia souka isa ge abi la craon taume.¹²La tahalo ale toa taku la tukukumula Eau ge magiria mae la tori oilo la luma lotu te Deo taku. Eia kama lou ge gogala oiovola, me Eau ge kekesi oio tetala la isa le Deo taku, la isa la siti te Deo taku (e Jerusalem, ale loata e heven loio te Deo), me la isagu ale halaba. ¹³La tahalo moli ale tahola la gavusa, ge lolo larova la Kalulu vigagia soio la lotulotu. "'¹⁴Soio te angelo tela lotu oilo e Laodesia kekesi mae: 'La merera te Amen, ale koramuli me witnes sesele, eia mamugamuga loata la papaga e Deo wokua. ¹⁵"Eau rovi la rova eme igotia, kama tegira isasa maigi o tivura. Eau gubutala mulia mae eme ge tegira isasa maigi o tivura! ¹⁶Ala, telava eme kabili moli---kama tivura o maigi---Eau hagagaviti ge kalalua taro eme sogala loio la haregu.¹⁷Mae eme veia, 'Eau tahola usu la vati, Eau tahola usuti la papaga, me Eau kama masaga lou isa la paga.' Alamoli eme ka rovia mae eme kama kokora viruru, pou sekela, la savelevelela, matakea me kalakalaka. ¹⁸Lolo la vatetelila taku: Loto la gol ale la havi tulu veitia ala eme ge tahola la vuliti, me la kilalai ale kakea taritigi sesele ala eme ge kairobome me eme kama ge vailo la maela la kalakalaka taume, me igo tigi soio la habiri la matamu ala eme ge mata.¹⁹Eau tovolalai egite tomi ale Eau masagea, me Eau vimari egite la vulovulo ale egite ge mauli. Loio volale, tau tomi la tiamu me vulo rivu. ²⁰Hiloa, Eau magirigiri oio la mata me Eau tutu la mata. Mae ere isasa lolo la golagu me kope la mata, Eau ge goilo la luma tetala me Eau ge hali vikapopo le eia, me eia ge vikapopo le eau.²¹La tahalo ale toatalu la tukukumula Eau ge abiala la muli ge pou vikapopo eau oio la pulolou taku, mae moli Eau toatalu tukukumula me pou vikapopo e Tete oio la pulolou tetala. ²²La tahalo moli ale tahola la gavusa, ge lolo lava la Kalulu veveia soio la lotulotu."""

Chapter 4

¹Mulimuli la paga tomiele Eau mata, me Eau hilo la mata oilo heven kope. La golu mamuga Eau loloa vigagia mae la trumpet, vevei mae, "Goata omae, me Eau ge vailoloamu larova guvi mulimuli la papaga aleie." ²Loio moli ovolale Eau goilo la Kalulu, me Eau hilo la pulolou oio tabuli oilo e heven, vikapopo isasa popou oiovola. ³La tahalo ale popou oiovola lagu mae la jaspa me la canelien. Oiovola la reinbo vulo robo la pulolou. La reinbo lagu mae la emerald.⁴Tabuli raoli la pulolou oiovola savulu lua geteivaha la pulolou, me popou oio la pulolou oiovola savulu lua gete iva e elda, kakai la kilalai ale kakea, vikapopo la craon ale gol oio la gagama gite. ⁵Loio la pulolou la laiti sima tataro, kurabaraba, me la tilali la sima. La lamu ivitu male karere lolagu la pulolou, ale la lamu la kalulu te Deo ale ivitu.⁶Lolagu la tron ale la mago la galasi, mae la Cristel. Kabili la pulolou me polo galili la pulolou ale la crieta ivaha ale mauliuli, la mata usu, lolagu me lotigu⁷La crita ale mauliuli mamuga mae la lion, la vailuala la crita ale mauliuli lagu mae la Calf, la vaitolula crita ale mauliuli la lagula mae la tahalo, la vaivala la crita ale mauliuli lagu mae la eagle ale logologo. ⁸La crita ale mauliuli ivaha tomi isasa tahola la palapala gite ivolo, la mata gite usu loata me lotalo. La logologo me la haroharo egite kama mailaila la vului mae, Holy, holy, holy, la Uru e Deo vagari sesele, eia mamuga, me eia igoe, me eia ge mulimuli."⁹Erese la imamala la crita ge vaisale, vaibalava, me veitatao la tahalo ale pou oata la pulolou, la tahalo ale mauliuli la logologo me logologo, ¹⁰egite elders ale savulu ilua geteivaha boru lolagu tela tahalo ale popou oio la pulolou me egite lotu tavu eia ale mauliuli la logologo me logologo. Egite tatau la kraon lolagu la pulolou, vevei mago, ¹¹Vaibalava uru sesele taume, la Uru tamite me e Deo tamite, ge abi la vaisalela me la vaibalavala me lavagarila, mae eme viguvi la papaga tomi, me loio la masasagamu egite guvi me eme igogolu egite.

Chapter 5

¹Mulimuli eiau ilo la lima egata la tahalo ale popou oio la pulolou la Uru, la kilekesi egite viviroboa lolagu lotigu, lavivirobola ivitula. ²Eiau ilo isa e angelo ale vagari pepeo veipalaea lagolu ale oata sesele, "Ere koramuli sesele ge kope la buku me sile la lavivirobola?"³Isa oata la mori ouka otalo la magasa koramuli ge kope la buku ge gigia. ⁴Eiau tali vagari sesele lavuhula la tahalo ale taoka la isa kama koramuli ge kope la buku ge gigia. ⁵Alamoli la uru tegite isa veigu mae, "Umala taitali. Iloa! E lion tela maratatila te Juda, la ili le David, pepeti. Eia koramuli ge kope la buk me la vivirobola ivitu."⁶Eiau ilo isa la lem magiri kabili oio la troun me vikapopo la vipoupou la iva me la tahalo la isaisa. Eia iloa maie eia peoti. Eia taola la komola ivitu me lamatala ivitu, me egite la kalulu te Deo ale ivitu gogala tela maututula. ⁷Eia tuga soio abiala buk loio la lima egata tela tahalo ale pou oio la troun.⁸La imamala eia abiti la buk,lavipopou la iva me egite la mulugaluga savululua gete iva boru lolagu la Sip. Egite isasa taola la hap mela dis la gol ale volu la malivivili, ale la kilaka tegite lavalua te Deo ale Maroka viguvi.⁹Egite bau la bilau ale alaba: "Eme taoka la isa ge abi la buk me ge kope la lavivirobola. Egite bilime me la kasosomu lotorivu la valalua te Deo tela maratatila tomi, la merera, la valalua, mela maututula. ¹⁰Eme viguvie gite mae lamautu maie prist ge igo la igogolu te Deo,white taika Alisa otalo la magasa."¹¹Goio Eiau ilo me lolo la tilali gite angelo usu magiri galili la troun me la vipopou me egite la mulugaluga. La giligi gite la tausen savulu sasa loata lou tela tausen savulusasa me la tausen loata lou tela tausen. ¹²Egite tola oata sesele, "Eme la sip ale taola la isa ale peo ge abi la vagari, la vuliti, la mari, la vagari, la tilogo, la marasa mela visalela."¹³Eiau lolo la vipopou tomi ale oata la ilo lalage me ale otalo la magasa me lotalo la magasa me oio la mago la papaga tomi oilo tegite, vevei maie,"Soio tela tahalo ale pou oata la troun me soio te latule sip ge visalea, togo, vimarasea, me la vagari ge muga, la kaluvula ouka." ¹⁴La vipopou ale mauliuli iva vei mae, "Amen!" me la mulugaluga boru sotalo lotu.

Chapter 6

¹Eiau mata la imamala e latu la sip kope isa la vivirobola ivitu, me Eiau lolo isa tegite lavipopo ale iva laba lagolu maie la sima ale kuraba, "Gomae!" ²Eiau ilo isa la hos ale kakea. La tahalo ale vahararia sautola isa la bunara, Me isa abiala la craun. Eia gali sogala maie la tahalo ale pepe la vikokuela ilava age pepe.³ Laimamala e latu la sip kope la vivirobola vailuala, Eiau lolo lavailua lavipopo ale mauliuli vei mae, "Gomaie!" ⁴Goio la hos isasa lou gogala---maie la havi ale kakaka. La vikara matagagala soio te la tahalo ale vahararia ge abitaro la tia madidila loio la magasa, ala egite la valalua ge bili rivu egite isasa. La viso isa uru egite abia la tahalo ale vahararia la hos.⁵La imamala e latu la sip kope la vivirobo la vaitolula, Eau lolo vipopou la vaitolu ale mauliuli vevei mae, "Gomai!" Eau hilo isa la hos ale parakurukuru, me la tahalo ale vahararia sautola oio la limala isa la paga ale ilovilovi vasosolea. ⁶Eau lolo la golu isa kabili tegite la vipopou ale mauliuli vei mae, "⁷La imamala e latu la sip kope la vivirobola la vaivala, Eau lolo la golu la vipopou la vaivala ale mauliuli vei mae, "Gomai!" ⁸Goio Eau hilo la hos ale maga alulu. La tahalo ale vahararia la isala la pileleo, me la mautu la Pileleo tilimulimulia. La vagarigarila sibitalati oata tegite la gale la mautu ivaha, ge bili vikapopo la viso, vikapopo la vitolola, me lailea, me vikapopo la animal ale mata vevei tela magasa⁹La imamala e Latu la sip kope la vivirobola la vailimala, Eau mata lotalo la porotabou la kalulu gite ale peoti lavuhula la merera te Deo me la vulovulo la mahuli gite egite sautolea. ¹⁰Egite haba la golu gite oata, "Gaisa malau, Tahalo la mulugaluga tegite tomi, maroka me la seselela, me kara eme ge vukue robo la kasoso mite?" ¹¹Goio egite isasa abi la kairobo ale kakea, me la merera soio tegite mae egite ge pou sukulou bakisi kara la giligi gite ale igogolu mae moli egite me e tabarabara giteu ge abi la merera la pileleo gite, mae moli egite bili egite pala.¹²La imamala e Latu le sip kope la vivirobo la vaivolola, Eau mamata me Eau ilo la malugulugu isa uru. La haro vulo mae mulimuli ale parakurukuru, me la taio vulo mae la kasoso. ¹³La matatabu oilo la ilo lalage paru sotalo la magasa, mae moli la piraru la valua la saogi ale kama maosa ale la lolovi vaia taroa. ¹⁴La mori pilu rivu mae la buku ale pilu rivu soata. La holu tomi me la holu paipati tomi hele taro la muli gite.¹⁵Goio egite king la magasa me egite la valalua la tilogo, me egite la mulugaluga, me egite ale tahola la vuliti, me egite ale vagari, me egite sapolopolo tai, egite slaiv me egite ale maramara, egite ale tarikokovu la vavi me kabili la vavati la holu. ¹⁶Egite vigia soio la holu me la vatati, "Paru oata tamite! Tau kokovu amite loio la lagu la tahalo popou oio la troun me loio tela hate mamasila te latu le sip. ¹⁷Loio la logo Uru tela la hate mamasila gomai. Ere karamuli ge magiri?"

Chapter 7

¹Mulimuli ovola eiau ilo iva angelo magiri oio la gilisu la mautu iva oio la magasa, sautola vagari rivu la palapala la mautu ala lalolovi kamage vai soio la magasa, soio la mago, akage vaitaro la obu isasa. ²Eiau iloe angelo isalou loio la porosile la haro, ale sautola la vivirobola te Deo ale mauliuli. Eia tola oata sesele la golula soio tegite angelo iva ere veiamu ge igogegeru la magasa me la mago: ³''Umala igo gegeru la magasa, la mago, mela obobu kara etato ge tau la vivirobola olagu la varu gite la bilalaha te Deo tegato.''⁴Eiau lolo la giligi tegite ale viviroboti:144,000,egite ale viviroboti loio tegite la maratatila tegite la valalua e Israel: ⁵la tausan savulusa gete lua loio la maratatila e Juda, la tausan savulusa getelua lo la maratatila te Ruben, la tausan savulusa getelua lo la maratatila te Gat, ⁶la tausan savulusa getelua lo la maratatila te Asa, la tausan savulusa getelua lo la maratatila te naptali, la tausan savulusa getelua lo la maratatila te Manase,⁷la tausan savulusa getelua oio la maratatila te Simion, la tausan savulusa getelua oio la maratatila te Levi, la tausan savulusa getelua oio la maratatila te Isika, ⁸la tausan savulusa getelua oio la maratatila te Sebulon, la tausan savulusa getelua oio la maratatila te Josep, tai la tausan savulusa getelua oio la maratatila te Benjamin viviroboti egite⁹Mulimuli la papaga tomi alele Eiau matasoio, me Eiau ilo lavalalua usu isa kama koramuli ge gigi egite---Loio la maututula, la maratatila, la valalua, me la merera---magirigiri lolagu la troun mamuga te latu la Sip. Egite tomi kai la kairobo ale kakea me egite sautola la halala la pam oio la lima gite, ¹⁰me egite tola oata sesele la golu gite: La abirivula loio te Deo, ale pou oata la troun, me loio te latu la Sip!''¹¹Egite angelo magiri galili la troun me egite magiri galili egite la mulugaluga me egite la vipopou ale iva mauliuli, me egite boru lagutugu lolagu la troun. Egite lotu tavu e Deo, ¹²Egite vevei maie, ''Amen! Visalea, la marasala, la mari, la vabila, la tilogo, la vagarila, mela vagarila loilo soio te Deo tegato la maulila la kaluvu la ouka! Amen!''¹³Goio la mulugaluga isa tai egite mea, ''Ale ere mite, kakai la kilai roboale kakea, me egite loio erese la baha?'' ¹⁴Eau weiala mago, ''Tahalo Uru, eme rovia,'' me eia veiagu mae, ''Lavalalua ale egite ale galisoga tela tikukumu ale uru. Egite vasi la kilairobo tegite me a kea sesele mai lakasoso le latu la Sip.¹⁵La vuhula, egite loio la troun te Deo, egite lotu tavua lalogo mela haro oio la luma la lotu. La tahalo ale pou oata la troun ge ligavurara la tent loata tegite. ¹⁶Egite kage vitolo lou, loiotai ovola egite kage maleu. La haro kage kue egite sotalo. loio tai ovola egite kage gabu la tivurala. ¹⁷Elatu la Sip ale kabili la troun geguvi maie la tahalo la boumuli egite, me eiage vituga egite soio la vilelo la lalu la maulila, me e Deo ge sabubu taro la masali gite loio la mata gite.

Chapter 8

¹La imamala e latu la Sip kope la vivirobo la ivitula, la ilo lalage la mareregola isa oua kara mae la bautu la imamala isasa. ²Goio Eau hilo e angelo ivitu magigiri lolagu te Deo, me egite sautola ivitu la trampet.³E Angelo isalou gomai, sautola la gol dis la malivilila, magiri oio la porotabou la malivilila. La malivilila usu eia abia soio maie la kilaka soio tegite lavalalua te Deo ale maroka oio la porotabou la gol ale malivili mamuga la troun. ⁴La sosobu ale mali vilivili---vikapopo la kilaka tela valalua te Deo ale maroka---asosobu soata te Deo loio la limale angelo. ⁵E agelo abi la dis ale malivivili eia tau vikapopo la avi loio la poro tabou. Mulimuli eia pigia sotalo la magasa, me la tilalila tali kuraba maie la sima, kurabaraba, sasima, me malugulugu.⁶E angelo ivitu ale taola la trampet ale ivitu raragi ge pusua. ⁷E angelo ale mamuga pusu la trampet te tala, me loio vola la ais mela avi vikapopo la kasoso. Paru sotalo la magasa ala lagale la itolu karere me la garasi ale kakesa tomi karere.⁸E Angelo la vailuala pusu la vaivai tetala,mela paga isa maie la holu isauru karere mai la avi paru soilo la mago.La gale lamago guvi maie la kasoso, ⁹ La galela papaga ale mauliuli oilo lailo la mago peo, mela gale la sip usu buruku.¹⁰E Angelo la vaitolula pusu la vaivai mela matabu isa uru paru loata la mori, karere maie la tosi, oata la lalu me lalalu ale vilelo. ¹¹La isa la matatabu e womwud. La gale lalalu itolu guvi maie la womwud la valua usu peo loio lalalu ale malagari.¹²E angelo la vaivala pusu la vaivai tetala, me la gale la haro itolu tavaga, mae la gale la taio itolu tai me la gale la matatabu itolu. Ala la galegale gite itolu vulo parakuru; la haro itolu me la logo itolu kama paga.¹³Eau mata, me Eau lolo isa eloa ale lovolovo oata tatola lagolu ale oata sesele, ''Robe, robe soio tegite ale momou otalo la magasa, la vula la tilali la vavai ale agagavi ge tali loio te angelo itolu.''

Chapter 9

¹La vai Lima la Angelo pusu la vaivai tetala, Eau hilo la matabu loata la ilo lalage paru sotalo la magasa. La matabu ele egite abiala la Ki tela gata la Lulu la vuhula ouka. ²Eia goio kope la gata la Lulu la vuhula ouka, me la sosobu tuvu soata loilo la gata mae la sobu la havi ale uru sele isasa. La haro mela mori oata lagu maligoma la sosobu ale loio tela Gata le.³Loilo tela sosobu e komare loio vola goata la magasa, eia abia gite la vagari mae te komakilu otalo la magasa. ⁴Eia veia gite umala ge igo barabara la hutahuta otalo la magasa ouka la gilalu ale kakesa ouka la Obu, egite moli la valalua ale kama tahoka la irovi lala te Deo lolagu tela varu giteu.⁵Eia kama karasuku egite ge bili egite la valalua alele, ouka viligi peho egite la Taio ilima. La iligiligi tegite ge mavulu mae e komakilu la imala age tolo isa la tahalo. ⁶Oilo tela logologo alele la valalua ge pamuli la pileho ialamoli egite kama ge pogea. Egite ge masaga uru sele la pileho alamoli egite kama koramuli ge pogea, La pileho ge hele le giteu.⁷Egiteu e komare le lagu mae egite la hos ale raragi tela vaubi. La gama gite tomi la paga isa mae la Kraon la Gol, me la lalagu gite mae la lagu la tahalo. ⁸Egite tahoka la ivu giteu mae la ivu gite hatavile, me la togo gite mae la togo le Laion. ⁹Egite tahoka la kapa la taurobo la magoro, la tilali la palapala gite mae la tilali la karis ale usu pahi mela Hos ale harari soio la ba la vaubi.¹⁰Egite tahoka la kiu giteu mae la malmalu ale totolo a mae e komakilu; oio tela kiu giteu egite tahoka la vagari ge igo bara egite la valalua la taio ilima. ¹¹Egite tahoka e suara tegite lou me la Angelo la lulu la kaluvula ouka. La isala oio la merea e Hibru e Abadon, ale oio e Grik eia la isala e Apolaion.¹²La silokoloko la tikumula kaluvu tiele. Hiloa! Mulmuli te aleie la tikumula ilua lou ge gomai.¹³La vai ivolo la Angelo push la vaivai, eau lolo la golula loio la komo tela Gol Alta ale magiri la mata le Deo, ¹⁴A veia soio te la vai ivolo la Angelo ale tahoka la vaivai, " Lulu taroa la Angelo iva ale kisitola egite oio la lalau uru e Euprates le." ¹⁵La Angelo iva le egite raragi egite tela imala alele, me tela logo alele, la taio alele, me tela leavala alele egite ge lube egite ge bili la vaitolu la valua tomi.¹⁶La giligi la valua la vaubi ale oata la poke la Hos la taosen la salatu ilua. eau lolo la giligi giteu. ¹⁷Ale larova eau hilo egite la Hos oilo la matalovila me egite ale sae oata tegiteu: La kapa la taurobo la magoro la kilahala magese peho, ale parakurukuru bulubulu me ale kakesa bulubulu. La gama gite la Hos mae sele la gama le Laion, loilo la hare gite la havi gogala vola, la sosobu, me e loiloi.¹⁸La vaitolula vala ale peho la tikumula ale itolu: la havi, la sosobu, me e loiloi ale gali loilo la hare giteu. ¹⁹Me la vagari giteu la Hos a oio la hare giteu mela kiu giteu---- la kiu giteu mae egite la pase, egite tahoka la gama giteu ale ge nigo ligiligi la kakali gite la valalua.²⁰Egiteu la valalua tomi, egite ale kama peho la tikumula alele, egite kama vulo taro la vulovulola ale egite igo tia, me egite kama piligi taro la ilotu tavu egite la hititu me egite la puhi golo la Gol mela Silva, la Brons, la uati, mela obu---- la papaga ale kama koramuli ge mata, ge lolo ouka ge tuga. ²¹Ouka egite ge vulo loio tela bilili, la irasi, la ilotavu la tavile ale kama kora ouka la vulovulo la pakalikalila.

Chapter 10

¹Goio eau hilo isa la Angelo ale loatata la ilo lalage, Eia kai robo oilo la sosobu, Me la Renbo oata la gamala. Me la lagula mae la Haro mela vahala mae la vahala mae la sole la havi. ²Eia sautatola la Buku, Me la buku le kope oio tela limala. Eia tau la vahala e gata oata la mago me la vahala e meru oata la magasa.³Goio eia tola kahare oata la golula mae la Laion. La imala eia tola, la sima ivolo vigia sogala vikapopo mela tilali giteu. ⁴La imala la sima ivolo vigia sogala, eau soko la kilekesila, alamoli eau lolo la golu isa loata la ilo lalage vei vago," taukovu la rova la sima ivolo veitia. umala kekesi tatolea sotalo."⁵Goio la Angelo eau hiloa magirigiri oata la mago mela magasa vituri la limala soata la ilo lalage. ⁶Eia promis soio tela tahalo ale mahuli la tapasila ge ouka, eia vipou la ilo lalage mela papaga tomi ale oilo vola, la magasa vikapopo mela papaga tomi ale oata vola, la mago vikapopo mela papaga tomi ale oilo vola goio la Angelo vei mago, "La igo makola ge oukati, ⁷Alamoli la logo ale la Angelo la ivitula ragi ge pusu la vaivai tetala, tio la gabutala kovula te Deo ge puru, mae moli ale eia vagogala tila merera tetala soio tegiteu la valua la kiloli me egiteu la Propet."⁸La golu ale eau loloa loata la ilo lalage vigia lou somai taku: " Tuga, abi la buku ale kope oio la lima la Angelo ale magirigiri oata mago mela magasa." ⁹Goio eau tuga soio tela Angelo le eau veiala ge abiagu la Buku bisiele. Eia goio veiagu mago, " Abila buku eme alia. Age igo la tiamu ge ama, alamoli oio tela haremu eia ge malama sele mae la hani."¹⁰Tio eau abi la Buku loio tela lima la Angelo me eau alia. Eia malama sele mae la Hani oilo la haregu, Alamoli la imala eau alia tia, la tiagu igo mae ale ama. ¹¹Goio la tahalo isa vei mago, " Eme ge mera laha lou ile giteu la valalua taku, la mautula, la merera, me egiteu e Suara."

Chapter 11

¹Egite goio abiagu la viroviro via eau ge igoa mae la obula tilovo. Egite goio veiagu, " Hiliti goio abi la malaula luma lotu te Deo mela Alta, me egiteu ale lotu lotu oilo vola. ²Alamoli eme umala ababi la malau la ba ale kope moli logala tela luma la lotu, la vuhula alele abitia giteu la Gentael. Egite ge soa kuru la Siti ale maroka tela taio savulu va ge lua.³Eau ge abia gira e witnes taku ilua la vagarila ge mera laha la logo ge 1, 260 egira ge kai la kairobo la buburo. "⁴Egira e witnes ilua eia la obu la Oliv ilua mela sole la lamu ale magiri lotigu la uru la magasa. ⁵Mae la tahalo isa viage igo bara eguiteu, la havi ge loilo la hare giteu ge igo bara la gima tegiteu. Mae la tahalo isa masaga ge igo bara egiteu eia ge peho oilo tela gauru alele.⁶Egiteu e witnes alele tahoka la vagari ge kapi robo la mori la hura kama koramuli ge pu tela imala ale egite ge igo la mera lahala. Me egite tai tahoka la vagari ge vulo la Lalu ge mae la kasoso me egite ge kue la magasa la tikumula ale mave egite masagea. ⁷La imala egite ge vikaluvu merera tegiteu, La basi la taua ale lotalo la lulu ge vahiliti la vikokuela soio tegiteu. Me eia ge vagotalo egite ge bili egiteu.⁸La vovogiteu ge tabuli oilo la gauru la Siti ale uru ( ale la tarola egite toila e Sodom me Egipt) La ba ale la Uru tegite ratili eia oata la tovolautu. ⁹La logo ge itolu la hapu isahari loio tegi la valalua tomi, la mara tatila, la merera, me la mautula ge matavu la vovogiteu. Egite ge magiri robo la vovo gite kama ge tau egite soilo la Liba.¹⁰Me egite ale mahuli otalo la matu la magasa ge sagege ile egiteu me egite ge bau la visalela. Me egite ge baha la vabila soio tegite isasa la vuhula egira e Propet ilua igo egite ale mahuli otalo la magasa gabu la iligi. ¹¹Alamoli mulmuli tela logo itolu la hapu la gala la mahulila ge loio te Deo ge goilo tegiteu. me egite ge magiri oata la vaha gite. Me la tilaga uru sele ge abi egite ale ge hilo egiteu. ¹²Goio egite ge lolo la golu ale uru sele loio la ilo lalage ge veia giteu, " Gomai goata!" Goio egite ge goata la ilo lalage soilo la sosobu, la imala ale egiteu la gima ge matavu egiteu.¹³Tela imala alele e malugulugu ge uru sele, la bautu la Siti la savulu sasala ge paru. La taosen la valalua ge ivitu ge peho te malugulugu alele, me egite ale mahuli utu ge taga me egite ge abi la marasala soio te Deo la ilo lalage.¹⁴La vailua la tikumula tuga. Hiloa! La Vaitolula tikumula mela iligiligi loiole igo harari moliti.¹⁵Goio la vaivitu la Angelo pusu la vaivai tetala, Me la golu ale uru sele isa mera loilo la ilo lalage a vei mago," La mautu la magasa guviti mae la mautu tela uru tegato me te Kraist, Me eia ge tahoka la vagarila ale oata sele la tapasila ge ouka."¹⁶Goio egite la mulugaluga ale savulu lua gete va, egite pou oata la pulou la uru tegite oilo la mata le Deo. ¹⁷Me egite vei mago, " Amite abiamu la vei tahola, Uru Deo eme vagari sele, Eme isa moli male eme moli ge, la vuhula eme abiti la vagarimu ale uru sele me eme sokoti la pulou la uru taume.¹⁸La matula tomi la hate gite ge masi, alamoli la hatemasi la te Deo ge omaiti. La imala gomai ti egite tomi ale pehoti ge magiri la jasmen, me a la imala taume ge vilima egite la propet taume me egite la valalua taume ale maroka, me egiteu ale taga la isamu, egite tomi ale kama tahoka la isa me egite vagari. La imala gomai ti eme ge igo bara egite tomi ale igo barabara la magasa."¹⁹La luma la lotu te Deo ale oata la ilo lalage kope la Bokis kontrak eme ge hiloa oilo la luma la lotu tetala. Oio vola eme ge hilo la matagaga la sima ale sima taro, la tali magulula, la sima, me malugulugu, la sima kuraba uru sele.

Chapter 12

¹La irovilala uru sele eme ge hiloa oata la ilo lalage: la tavile isa kairobola la haro, me la taio lotalo la ilo pulila mela kraon la matabu ale savulusa gete lua oata la gamala. ²La tavile le eia savulatu, me eia taitali gabu la iligi la piligo, la iligiligi la piligo ale uru sele.³Goio la irovilala isa lou egite hilo loua oilo la lalage: Hiloa! La riva isa uru magesegese la gamala ivitu mela komola savulusa, mela la Kraon ivitu oata la gama giteu. ⁴La kiula goio sapa taro la egiteu la matatabu la vaitolula oilo la ilo lalage pigi egite sotalo la mautu la magasa. La riva le magiri hagavi moli soio tela tavile ale hagaviti ge pigo le, via ge sogo e latula.⁵La tavile le pigo a hatamale, egiliki le hatamale, Eia ge muga la maututula tomi vikapopo mela To la aen. Goio e latula le egite lagi taro leia soio te Deo mela pulou la uru tetala, ⁶La tavile le goio hele soio la ba lakuepa, soio la ba ale e Deo raragi tia tetala, la vuhula egite ge baumulia la logo ge la taosen ge isa la salatu ilua savulu volo.⁷La vaubi uru sele oilo la ilo lalage. E Maikel me egiteu la Angelo tetala vikue tomi la Riva, tio la Riva vikapopo me egiteu la Angelo tetala vikue rivu soio tegitu. ⁸Alamoli la Riva kama vagari ge pepe la vikue la. La ba tai isa oukati oilo la ilo lalage viage tegite me egita la Angelo tetala. ⁹La riva uru ---- la pase ale lapulu egite toila e Satan, Eia moli male vasigologolo la mautu la magasa tomi--- egite pigia sotalo la magasa, me egiteu la Angelo tetala tai egite pigi tomi leia sotalo.¹⁰Goio eau lolo la golu isa uru sele oilo la ilo lalage: " Igoe agomai ti la mahulila mela vagarila mela mautu la sagela te Deo, mela vagari le Kraist tetala. La tahalo la sukutavule tabarabara gato egite pigi tia sotalo, Eia sekela moli sukutavu egite oio la poke le Deo la logo mela haro.¹¹Egite pepe eia oilo tela kasoso la sipsip mela merera ale egite vigalia sogala, Egite lou kama gogo la mahulila tegite oilo tela pileho. ¹²Oilo vola sagege, amuto la ilo lalage me egite ale momou oilo tegiteu! La tikumula soio tela magasa, me soio tela mago, la vuhula la hitu tugati sotalo taume! Eia volu mela igotolola ale Uru sele la vuhula la imala tetala bakisi moliti!¹³La imala la Riva rovi matagagea via egite pigi ti eia sotalo la magasa, eia soko la harimuli la tavile ale pigo e latula hatamale. ¹⁴Alamoli la tavile le egite tahoka la palapalala ilua ururu mae te Loha la vuhula eia ge hele soio la mulila ale raragi tia tetala oilo la ba la kuepa. La ba alele eia la ba ale ge baumuli la tavile le oio vola, la imala, la imala tomi, la bautu la imala---- ge heletaro la ba tela pase.¹⁵Goio la pase tigitaro la lalu loilo la harela mae la lalu ale ururu, a viage igoa ge mae la lalau ale hae ge sali taroa. ¹⁶ Alamoli la magasa koli la tavile le. La magasa kope la harele me eia sogomu tomi la lalu ale la Riva tigitaroa loio la harela. ¹⁷Goio la Riva raragi ge hugu tavu la tavile e eia selea goio vaubi vikapopo egiteu la hilili la tavile le, egite ale roromuli la komanmen me egite sautola vagari la vei mulila te Isus. ¹⁸Goio la Riva magiri oata la magasa la mago mela parava.

Chapter 13

¹Eau magiri olau la parava la mago, eiau hilo la taua lotalo ge goata la mago. Eia taoka la gamala ivitu mela komola savulusa. Oata la hati isasa ataoka la gililo oata ovola. ²La taua ale, lagu mai e pusi. La kukula vahala mae bea. Me la harela mai te laion. La dregon abi la vagarila , la sia king mela vagarila ge bomuli la bist.³La gamala lagu mae egite bilitaia, ala la kakalila mavuti lou. La valua la mautu la magasa ale tilimulia hiloa egite karutu. ⁴La valua me hatavile lotu tavu la pase lavula, eia abia le bist la vagarila. Me gite lotu tavu la bist me egite vei mae, ere mae bist me eiage vikue tomi eia?⁵La bist taoka la harela ge vigia ge kalisae oata tai ge mera bara. E Deo abiala la vagarila ge bomuli la valua me hatavile karamuli la taio savuluva gete lua. ⁶Alamoli eia kope la harela eia vikara bara soio te Deo, tela isala, me la mautu te tala tai egite mou oilo lailo la lage.⁷E Deo abia le bist la vagarila ge soko la vikuela. Vikapopo la valua me hatavile ale tautau lailo. Gio eia abiala la vagarila ge bomuli la karakara, la valua me hatavile la mautu me la kantri la magasa. ⁸La siloko le Deo voku la ilo lalage me la magasa kara mae, ere la valua me hatavile ale la isa gite oio la buk la mahuli, oio te latula sipsip ale egite bilia, e gite ge vaisale e bist.⁹Mae ere tahoka la gavusala, akora age loloa. ¹⁰Mae Deo masga isa ge karabus, age goio ge karabus. Mae ge isa masaga ge peho la viso la kirala ilua.Mae ere mou taho me age bole la tukukumula kara mae age sautola vagari la tautau la ilo te tala.¹¹Goio eau hilo isa la taua lotalo la magasa. Eia taoka ilua la komola mae la komola la sipsip eia meramera mae la pase. ¹²Eia bomuli egite la valua me hatavile la giligi visauru me la gabutala la taua ale mamuga. Eia goio igoa la valalua me hatavile la magasa lotu tavu la taua ale mamuga. La taua alele taoka la kali eia mavuti.¹³La taua la vailuala igo usu la mirabel ale ururu. Eia tai soko la havi loata la ilo la lalage gotalo tela magasa tegite la valua me hatavile hiloa. ¹⁴La merakel tomi eia igoa, eia vasigolo la valua me hatavile otalo la mautula magasa. La vailuala taua veia gite la valua me hatavile ge puhi isa la puhigolo la taua ge abiala la isa ale uru soio te tala te ere abi la viluala loio te la viso ale la kirala ilua koramuli ge peho ala moli mahuli lou.¹⁵Deo abiale la taua la vailuala la vagarila ge himahuli la puhigolo tela taua ale mamuga age veimaie, ere kama lotu tavu la taua ale mamuga, age peho. ¹⁶La vailuala taua guvi lotalo la magasa, eia ge meravaga soio tela valua ale la isala uru tai la isala ouka, tai la valua me hatavile ale la kisitola tai ale malimali ge abi isa la maki oio la lima gite tai oio la varu. ¹⁷Eia tivura sele tela valua me hatavile ge loto tai ge bahala paga karamae egite ge tahoka la maki la taua.¹⁸Amuto ge tahoka la gabutala mela mari loata la maki ale. Mae isa rovi la siloko la giligi te la taua, la tahalo ale age roviselea la isa la tahalo me la giligila e 666.

Chapter 14

¹Eau mata soio ilo isabisi e latu la sip te Deo oata la olu Sion vikapopo (144,000) la valua me hatavile, egite ale taoka la isala me la isale tamala oata la varu gite.²Eau goio isa tola loata la ilo lalage, la golula mae la silali la lalu ale Uru mae tai la mori ale dudumu. Me laigolu ale taitali mae la tahalo isa kokue la hap.³ (144,000) La valua me hatavile bau isa la bilau ale halaba oio la troun oio la mata la taua iva eia taoka la mahuli oata tegite la mulugaluga. La tahalo isa karovi la bilau ale. Alamoli (144,000 ) la karakara la valua me hatavile rovi la bilau ale. Ale egite la valua me hatavile ale e Isus loto rivu egite otalo la magasa. ⁴Egite la valua ale kama igobara la Vovo gite vikapopo me hatavivile la vuhula e gite bamalau loio la vulovulo la vailo tavuala. Ale egite la valua ale tilimuli elatu la sipsip te Deo oio la ba ale goiovola. Egite lavula me hatavile, elatu le Deo eia lotorivu e egite mae laposolagu lailali te laigolulate Deo me latu la sipsip. ⁵La merera vasigolola isa kama gogala la hare gite tai egite kama tahoka la tikumula.⁶Eau hilo isa e angelo love kabili te la mori me la lailolalage, eia bole la merera la seselela ale la kaluvula ouka. Oio laba la kaontri, la valalua me hatavile tomi. ⁷Eia tola veimaie, "Taga e Deo me bole vauru la isala. Lavula la imala la koti gomaiti. Lotu tavu eia lavula eia viguvi la lailolalage,la magasa, la mago mela lalu ale guvi lotalo la magasa."⁸La vailuala e angelo tola tai aveimaie. La Siti e Babilon kama kokora sesele. Eia igo la valua me hatavile liliu la vaen ge lapu tai egite soio la vulovulo la taulai barala.⁹La vaitolule angelo tilimuli e angelo ilua tola tai mae,''Mae isa ge lotu tavu la taua me la puhi golo le deo tai tahoka la maki oio la lagu me la limala. ¹⁰Eia tai ge liu la vane ale hate masila te Deo. La hate masila te Deo,eia mae la vaen ale kama vulo la lalu ale oilo la kapu. Erese tahalo liu la vaen, la havi mela uati ale halela ge selua, tai age gabu la iligi oilo la mata le angelo te Deo me latu la sipsip .¹¹La sosobu la havi ale goata lakaluvula ge uka. La valua me hatavile ale lotu tavu la taua me la puhigolo la taua tai age la maki la isala,egite taige gabu lailigi la havi la logo la haro la mailala ouka. ¹²La merera goio tegite lavalua me hatavile ge mou tigi tai ge holi. Tilimuli la turila savulu isa te Deo tai sautola vagaria la tautau la ilo oio te Iesu.¹³Eau lolo isa lagolu lo ata la ilo la lage vei mae. "Kekesi la merera sotalo, Ere mite la valua me hatavile peho oilo la isa le Iesu egite ge sagege.'' La kalulu te la uru veimae, ''Eia sesele,''Egite ge maila tahho oilo la tikukumu tela igogolu.¹⁴Eau goio hilo isa la tuluvu la mori me oilo la tuluvu la mori ale, isa mae latu la tahalo. Oio la gahola la kraon te king me oio la limala la viso ale kara. ¹⁵E anglo isa gali loio la luma la lotu te Deo me eia tola agi sesele soio te latu la tahalo ale popou oilo la tuluvu la mori me eia veimae, abi la viso taume soko la barautu la ilali. La immala la barautu la ilali gomaiti me la ilali eia maosati. ¹⁶Mela tahalo ale popou iolo la tuluvu la mori barautu la ilali ale masolati oio te la mautu la magasa.¹⁷Me angelo isa gali loio la luma la lotu te Deo oio la ilolalage. Eia sautola la viso ale karapepeo. ¹⁸Me angelo isalou gali loio la luma la lotu tela silelu la ofa ale mali tahho. Me angelo ale bomuli la havi. Me eia tola vagari soio te angelo ale sautola la viso ale kara peho me eia veimae . ''Vali la mamota mela grep la magasa tauolua, lavula eia masolati.''¹⁹E angelo alele abi la viso vali la mamota la grep la magasa. Eia taua soio la muli la tiloa la grep te Deo eia ge vailo la tiamasila tetala. ²⁰E Deo tau lavahala oata la muli la ba la tilaloa la grep ogala la siti me la kasoso paggele oio laba alele. Me la kasoso ale volu goata karamae la mota la kilisi la hare la hos. Me eia hari karamae 1,600 la malaula.

Chapter 15

¹Goio eau hilo isapolo la maki oio la ilolalage egite angelo ivitu sautola ivitu la paga ale kama kora, ale lapaga ale kama korassele e Deo ge vikaluvu la tia masila tetala.²Me eau hilo la paga guvi mae la mago, eia mae la glas vulo vikapopo la havi . La valua ale pepe la vikuela vikapopo la taua me la puhi golo le deo ale kasele. Me egite ale pepe la vikuela vikapopo la valua me hatavile ale tahoka la isa la taua. La valua me hatavile ale magiri olau la mago ababi la gata te Deo.³ Egite babau la bilau te Moses, la tahalo la iggolula te Deo, me la bilau te latu la sipsip. La bilau tali mae, ''La igolu taume eia uru me eia tartigi sesele, Deo eme taoka la vagarila me la vulovulomu matata me asesele. Eme King tela valua me hatavile la magasa. ⁴Uru, lavalua me hatavile ge tagame, me egite ge bole vauru la isamu. La vula eme holi sesele,ala la valua me hatavilege gomai lotu tavume, la vula eme guvi matagaga la iggolu taume tartigi.''⁵ Mulimuli la valua me hatavile bau kaluvu, eau hilo la luma la lotu oio la ilo lalage kope me la kapi utu ale holi oilo vola. ⁶ Egite angelo ivitu sautola ivitu la paga ale kama kora gali loio la kilapi holi ale te Deo. Egite kai la kairobo ale kakea ahalaba, me egite taurobo la magoro gite la kairobo ale meme.⁷ Isa tegite la vipou ale mahulihuli iva abiale angelo ivitu la dis la tiamasila te Deo, ale mahululi la kaluvula ouka. ⁸ La luma te Deo volu la sobbu mela glori te Deo ataoka la vagarila. Isasa kakoramuli ge tiroro soilo karamae e Deo vikalvu ivitu la hate massila te tala soio tela valua me hatavile.

Chapter 16

¹ Eau lolo isa uru la golu loio la luma te Deo tola soio te angelo ivitu, ''Amuto goio tigitaro ivitu la dis la tiamasila te Deo sotalo la magasa.''²E angelo ale mamuga goio tigitaro la dis te tala sotalo la magasa; mela kali vikapopo mela iligi uru guvi loata tela valua me hatavile ale taoka maki la taua, ale egite lavalua lotu tavu e deo ale kama sele ale la puhigolo.³ E angelo la vailuala tigitaro la dis tetala soilo la mago. La mago guvi maela kasoso, la kaso la tahalo ale peho, la paga ale mahululi otalo la mago peho tomi.⁴E angelo la vaitolula tigi taro la dis tetala soilo lalalu ururu bisisi tai, la lalu tomoli ale guvi kasoso. ⁵ Eau lolo e angelo la lalu vei mae, ''Eme maroka, eme mahuli araura tai eme mou igoe. Eme Holi,la vula eme hiloviti la valua tai eme loloti egite. ⁶La vula egite tigi taro la kasoso la valua me hatavile me egite propet, tai eme abiagite la kasoso ge liua. A tartigi egite ge liua loata la vulovulo la kamakorala tegite.'' ⁷ Eau lolo isa loio la porotabou vei mae, ''Sesele Deo, Eme Uru Deo eme taoka la vagarila, la tukkumula eme abia gite la valua me hatavile, a sesele eia matata sesele.''⁸ E angelo la vaivala tigitaro la dis tetala loata la haro. Eia vivagari la haro ge tulu la tahalo vikapo la tivura la havi. ⁹La tivura la havi tulu tomi egite. Egite mera bara la isa le Deo, aie taoka la vagarila ge abia gite la tukkumula. Me egite la valua me hatavile ale kama vulo la tiagite tai kama vaisale la isala.¹⁰ E angelo la vailimala tigitaro la dis tetala oata la pullou le king tela taua me la maligoma uru vulo robo la maututula ale a bomulia. La taua mela valua me hatavile lotalo tetala gari la kalamea gite, la vula egite gabu la iligi ale uru. ¹¹Egite vikara bara la isa le Deo te la ilo lalage, te lailigi me la kali egite taokea. Me egite vulo latiagite loio la vulovulola ale egite igigoa.¹² E angelo la vaivolola tigitaro la dis tetala oio la lalu uru e yupretis. La lalu tagara tomi, ge raragi la agauru gite king loio la porosile la haro. ¹³ Eau hilo itolu la kalulu kamakora mae rokrok loilo la ilo la pase,tela taua me propet ale vasiggolo. Ale egite¹⁴ la kalulu ale kama kora tovo la mirakel. Egite goio te king te la ba la magasa , ge vika popo tomi le gite tela vukuela, age guvi la logo ale uru te Deo ale tahoka la vagarila.¹⁵("Hiloa! eiau ge guvi mai la tahalo la pakalila! la tahalo ale matarara, me a kai la kolosi tetala eia ge sagege. Eia kamage mahela la mata la valua.") ¹⁶ Egite la kalulu kama kokora pou vikapopo egite king oio la mautu e Hibru, egite toia e Amegadon.¹⁷Goio e angalo la ivitula tigitaro la dis te tala soio la lolovi, goio la golu isasa tola loio la pulou le king oilo la luma la lotu avei mae, "A kaluvuti." ¹⁸ La sima karere goio gomai, la malugulugu kama guvi araura la imala la tahalo mou otalo la magasa kama mae ale igoe. ¹⁹La mautu ale uru silipola la bautula itolu, la baba la mautu ale uru' eia tagoro. Goio e Deo tola soio la varu le Babilon eia uru, mulimuli eia abiala mautu ale uru la kapu volu la vaen egite viguvi la`tiamasila.²⁰ Laolu paipati tomi kokovu, la olu tai kati poga egite. ²¹La ais isauru paru, la tikumula mai 34 kilo eia paru loata la mori sotalo tela valua. Egite vikara barea le Deo loio la ais ale kamakokora sele.

Chapter 17

¹Isa tegiteu la Angelo ale ivitu sau tatola la dis ale ivitu gomai me eia veiagu mago, " Gomai, eau ge vahililo le emei la viligila te la tavile uru polopolo ogalale me eia pou oata lalu usu, ²Oio moli tetala egiteu e Suara tela mautula igo la iriru ale kama tartigi soio tetala, me vikapopo la Vaen tela iligo la iriru ale kama kora ge pou oio la ba ale la magasa tomi ge liu pepeho,"³Goio la Angelo abi taro eau oilo la kalulu soio la kue pa, Me eau hilo la tavile popou oata la Taua ale magesegese ale volu mela isa la mera barala, La Taua tahoka la gamala ivitu mela komola savulusa. ⁴La tavile le la kai robo tetala milolo me ale magesegese me egite vitokoromola la Gol la uati ale marasa, mela Peal. Me eia sautatola oio la limala la kapu la Gol me a volu mela papaga ale kama maroka oio tela iligo la iriru ale kama kora.⁵Oata la varula la kilekesi la isa ale la masovala tabuli kovu:" E Babilon Uru, e tila gite ale polopolo ogala mela vulovulo la igotolola otalo la magasa."⁶Eau hilo la tavilel eia liu vikapopo mela kasoso giteu la valua te Deo ale maroka mela kasoso gite ale vilua ile Isus. La imala eau hilo eia, eau karutu peho sele.⁷Goio la Angelo veiagu, " Ilava eme karutu? Eau ge lubeamu la masova la tavile mela Taua ale vaharari eia, la Taua ale tahoka la gamala ivitu mela komola savulusasa.⁸La Taua ale eme hiloa eia pou, eia oukatilou mahuli igoe. me bakisi lou eia ge gali lotalo la lulu ale la vuhula otalo ouka. Goio eia ge goilo tala tikumula. Me egiteu ale mahuli otalo la magasa, me egite ale la isa giteu souka kekesi tolea oilo la uku la mahulila sokoti pala la vuhula mautula---- me egite ge karutu la imala egite ge hilo la Taua, la vuhula eia tagarasa loio Alamoli ale igoe oukati, me age gomai lou.⁹Aleie la tilola tela varu ale tahoka la mari. La gama ale ivitu eia la maitete ale la tavile pouti oata vola. ¹⁰Me egite tai e sura ale ivitu. E suara ilima boruti, Isa moliti oio pou, me ale isasa souka gomai, la imala eiage gomai, Eiage pou la imala ge bakisi moli.¹¹La Taua ale tagarasa oio, ale igoe a souka, alamoli eia la vai ivalu le Suara. Eia loio tegite ale ivitu me eiage tuga tavu la kamakorala.¹²La komola savulusa eme hiloa ale e suara ale savulusasa le egite souka abi la mautu, alamoli egite ge abi la vagari mae e Suara la Haoa isasa vikapopo mela Taua. ¹³Aleie eia isa loio tela gabutalala ale isasa, egite goio abila vagari giteu abiala Taua, ¹⁴Me egite ge viguvi la vikokuela soio te e latula Sipsip Alamoli e latula sipsip ge vagotalo egiteu la vuhula eia la Uru tela uru tomi, me suara tegite suara tomi----me egite ale vikapopo mele eia tolale egiteu la hilovila, me egite ale tautaulailo sele."¹⁵La Angelo goio veiagu, " La lalu eme hiloa, a la ba ale la tavile ale polopolo ogala pouti oata vola, Eia la valalua,ale usu pepeho, la mautula, mela merera tomi.¹⁶La komola ale savulusasa eme hiloa --- egite maela Taua ge mukupile la tavile ale polopolo ogala. Egite ge igo eia ge mae la paga bulahu moli me eia ge kalakalaka, Me egite ge ali tomi la mailila, Me egite ge selu tomi leia la Havi. ¹⁷La vuhula e Deo tautia oilo la tia giteu ge viguvi la gabutala kovula via la tia giteu ge isasa moli ge abia giteu la vagari ge loata te la Taua kara mae la merera te Deo eia guvi sele¹⁸La tavile ale eme hiloa oilo la Siti ale Uru eia male mou loata tegiteu e Suara tela magasa."

Chapter 18

¹Mulmuli tela papaga alele eau hilo lou isa la Angelo loilo la ilo lalage gotalo. Eia tahoka la vagiri ale uru sele, me la mautu la magasa vahilo marasala la matagagala. ²Eia tali sogala mela golu ale vagari sele, a vei mae, " A boru ti, e Babilon uru boru ti! Eia guvi mae la mulou giteu la hititu, mela la mulila tarikovula tegiteu la kalulu tomi ale kama maroka, la muli la tarikovula tegiteu tomi la malmalu ale kama maroka me egiteu vuraga sele. ³La mautula magasa tomi liu la Vaen la vulovulola ale kama kora. me egiteu e suara la magasa igo la iriru ale kamakora soio tetala. Me egiteu la valua la vuliti ale vikusi la uati guvi tahalo moli loio tela vagarila mela mari la mulou tetala."⁴Goio eau lolo lou isa la golu loio la ilo lalage vei mae, gali taro eia, amuto la valua taku, la vhula amuto kama ge abi tai la iruru tetala, oio tai eme kamage abi la tikumula tetala tai. ⁵La iriru tetala pigioluti goata sele mae la ilo lalage, Me e Deo gabutalati la vulovulola tomi. ⁶Loto eia mae moli ale eia lototi egite ale isahari, loto eia loata teale eia igo tia; oilo la kapu ale eialou vuloa, vuloa loata la giligi tetala.⁷Eia lou kali sasae eia mela muloula tartigi sele, abi usuala la iligiligi la kulue ale kamakora.Eia veia oiloi la tiala, 'Eau pou sele ti mae e Kuin;Eau kama la baharu; me eau kama ge hilo la tilali la pileho,⁸Oilo vola la logo isasa la tikumula tetala ge gomai: La pileho, la tilali la ilo bururkola, la vitolola.La havi ge selu kaluvu eia, La vuhula e uru e Deo eia vagari sele, me eia e Jas tetala."⁹Egite suara la magasa ale igo la iriru ale kamakora soio tetala ge tuga paua tomi leia ge tali ge kakatavu eia la imala egite ge hilo la sobu leia ale kakaha. ¹⁰Egite ge magiri malau moli loio, egite ge taga la iligiligi la tatala, egite ge veimago, la tilali, la tilali, soio tela Siti uruele, e Babilon la Siti ale vagari sele! Me oilo moli tela imala isa moli la viligila taume gomai ti."¹¹Egite ale babaha la uati otalo la magasa tali me egite dodo mulieia tela imala ale egite isasa kati loto la papaga tegiteu, ---- ¹²La vuliti la Gol, la Silva, la uati tataroa, la Pel, la kulkuli ale kakea ale milolo, la silk, ale magesegese, mela obu tataroa, la brons, La aen, la mabel, ¹³La sinamon, ale ama, la mali sirila, la mali vilila, la sanda, la vaen, la ueli, la plava ale kama rumorumoa,la vit, la sipsip, la Hos la karis, egite la valua la igolula, mela kalulu gite la valalua.¹⁴La vavua la obu ale eme gabutalea viage abi egite ge tuga taro emei, La mou tahola taume mela marasala ge kokovu, eme ouka tilou ge poga lou.¹⁵Egiteu la valua la baha la papaga ale titigi egite givi tahalo moli leia egite ge magiri malau loio tetala la vuhula egite ge taga la iligiligi tetala egite ge taitali, ge roberobe moli oata.¹⁶Egite ge vei mago, la iligiligi, la tikumula ge tela Siti ale urule egite tokoromola la kulkuli ale kakea, ale milolo, me ale skalet, me egite vitokoromola la Gol, la uati ale meme, mela Pel! ¹⁷Me oilo moli tela imala bakisi la vuliti tomi egite ge vikaluvua." me egiteu tomi ale vaharari e Sipi, me egite ale hari mulmuli la mahulila ale olau tela mago, egite ale vaharari e Sipi, me egite tomi ale la mulou gite olau tela mago magiri malau moli loio.¹⁸Egite tali peho la imala egite hilo la sosobu leia ale kakaha. Me egite vei mago, "La siti isa kama mae la Siti ale uru?" ¹⁹Egite pigi la buburo oata la gama giteu, me egite tali sogala, la tili gorila,La iligiligi, la iligi ge goio tela siti ale uru me oio tela ba ale egite e sipi ale olau la mago tahoka la vuliti loio tela vuliti tetala. Oilo moli tela imala bakisi eia kamakora sele."²⁰Sagege loata tetala. la ilolalage, amuto la valua ale maroka me egite la Aposel me Propet,E Deo vahari tila jasmen taume loata tetala!"²¹La Angelo ale vagari sele abi la uati isa mae la uati la vit eia labea soilo la mago,Oilo tela gauru alele, Babilon, la Siti ale uru, ge Labea sotalo vikapopo mela igotolola me eme oukatilou ge hiloa.²²La tilalila egiteu la valua la bilau igoa, egite ale pilai la plut, mela trampet oukati ge lolo loua oilo taume. me egite ale tahoka la vagari mela mari tela papaga tomi oukatilou ge pogea oilo teume.La tilali la Mil kati ge lolo loua oilo taume.²³La kilaha la lamu katige matagaga lou oilo taume. La golu le uturobo taume oukatilou ge loloa oilo taume la vuhula egite la bilaha uati guviti mae la isaisa otalo la mautu la magasa,Me la matutula magasa egite la valua la irasi vasigolo ti egiteu.²⁴Oilo tetala egite poga la kasoso gite Propet me egite la valua te Deo ale maroka. me la kasoso giteu tomiale egite bili egite otalo la mautu la magasa."

Chapter 19

¹Mulmuli tela papaga alele eau lolo la golu isa mae la tilali la golu ale uru sele vikapopo la giligi giteu la valalua usu sele oilo la ilo lalage vevei mago Haleluia.La mahulila, La marasala, la vagarila age te Deo tegatou. ²La Jasmen a sele me a matata, la vuhula eia jajim ti e tavile uru ale polopolo ogala eia moli igo bara la mautu la magasa vikapopo mela vulovulo la hilo tavula ale kama kora. Eia koli rivu la kasoso giteu la valua la igolula tetala, ale eia lou bili egiteu."³Goio egiteu vigia lou la tagara luala:" Haleluia! Tio la sosobu hiliti loio tetala la kaluvula ge ouka,"⁴Goio egite la mulugaluga savulu lua gete va me la vipoupoula ale mahulihuli iva boru otalo me egite lotu tavu e Deo, eia pouti oata la pulou la Uru tetala. me egite vei mago, " Amen. Haleluia!"⁵Goio la golu gali loio la Troun, a vei mae, Visale e Deo tegatou,amuto tomi la valua la igolula tetala, Eme ale tahoka la tilaga soio tela, amuto tomi ale kama tahoka la isa me ale vagari sele."⁶Goio eau lolo la paga isa tali mae la golu la valalua ale la giligi giteu uru sele, mae la tali magulu la lalu ale usu sele, me mae la tali kuraba la mori, a vei mae, "halluia! La uru tahoka la vagari, e Deo eme suara loata tegite tomi.⁷Etato ge moge mela sagela me ge abiala la marasala la vuhula la mogela tela taulaila te latula sipsip guviti,me la utu robo tetala viragiti eia.⁸Egite veitiala ge tokoromola la tokoromola ale kakaha me ale maroka taho" (la vuhula la tokoromola ale maroka eia la vulovulo ale tartigi tegite la valua te Deo ale maroka).⁹La Angelo goio veigu mago, " Kekesi aleie: La vibalavala ge tegiteu ale la tilola goio tegiteu ge goio la pou golula tala taulaila te e latu la Sipsip." Eia vei taiagu, " Aleie eia la merera te Deo ale sele,"¹⁰Eau boru otalo la vahala me eau lotu tavu eia, alamoli eia veiagu mae," umala igo maele! Eau la tahalo igolu moli mae emei vikapopo me e tabarabaramu ale sautola la vigile mulila te Isus. Lotu tavu e Deo, La vigile mulila te Isus eia la kalulu la vei lahala."¹¹Goio eau hilo la ilo lalage kope, eau mata soio la Hos ale kakea isa oio. La tahalo ale sae oatavola la isala e tautaulailo me asele. eia vikapopo mela Lo me eia jajim la mapa la vaubila. ¹² La matala a mae la kalamea la havi, me oata la gamala la kraon usu sele. Eia tahoka la isa kekesia oata vola mae isa kama rovia eia moli. ¹³Me eia kai la kai robola ale egite taho tilomua sotalo la kasoso, la isala egite toila via la merera te Deo.¹⁴Egiteu e Ami la ilo lalage tilimuli eia oata la Hos ale kakea, eia kai la kairobola ale maroka sele, a kakea me a maroka,¹⁵Loilo la harela la viso ale kara eia vali la mautula sotalo, Me eia ge muga egite vikapopo mela to la Aen. Me eia ge toa kurua mae la uati ale egite igigo la Vaen mae la hate masila te Deo ale vagari. ¹⁶Eia tahoka la isala egite kekesia oio la kairobola tetala mela salala:" Eme suara te suara tomi me la Uru tegiteu la Uru tomi,"¹⁷Eau goio hilo isa la Angelo magigiri oilo la haro. Eai goio tola sogala tela malumalu ale lovolovo oata la gama giteu, " Gomai, magiri vikapopo tela ilali te Deo ale uru. ¹⁸Gomai ali la maili giteu e suara, la maili giteu la gama giteu e Ami, la maili giteu la valua ale vagari sele, la maili giteu la Hos me egiteu ale sae ovola, mela maili giteu la valalua tomi, egite tomi ale malmali me egiteu ale tela kilisi, me egiteu ale kama tahoka la isa me egiteu ale kama vagari."¹⁹Eau goio hilo la Taua vikapopo me egiteu e Suara tgela mautula vikapopo le egite ami tegiteu. Egite vikapopo ge viguvi isa uru la vaubi soio tela tahalo ale sae la Hos vikapopo me egite Ami tetala, ²⁰Egite goio sautola la Taua vikapopo me egite la Propet la vasigologolola ale viguvi la irovilala oilo la ba la tabula. vikapopo mela irovilala eia tutugolo egiteu ale abiti la irovillala tala Taua me egiteu ale lotu tavu la tarola. Me egite tomi egite laba mahulili egira soilo la kilaha mela silalila havi la Salfa.²¹Me egite tomi peho la viso ale gali loilo la hare la tahalo ale sae oata la Hos. Egite la malmalu ali la maili giteu.

Chapter 20

¹Goio eau hilo la Angelo loata la ilo lalage gotalo. Eia sautola la ki la lulu ale la vuhula ouka, me eia ababi la seli ale uru sele oio ala limala. ²Eia goio sautola e Dragon, eia e lahitu, ouka e Satan, goio kisitolea la taosen la leava isahari. ³Eia goio pigi eia soilo la lulu ale la vuhula ouka. Eia goio viviroboa loata tetala. Age maele la vuhula eia souka ge tutugolo lou la mautula kara mae la taosen la leavala le ge kaluvu. Mulmuli tealele, eia ge lube eia tela imala ge bakisi moli akamage malau.⁴Goio eau hilo la Troun isahari. egite ale popou oata vola egiteu ale abiti la vagari ge Jads. Me eau hilo tai la kalulu giteu ale egite vali taro la gama giteu la vuhula tela vigile mulila te Isus mela merera te Deo. Egite kama lotu tavu la Taua ouka la tatarola. Me egite tai mukupile ale via ge abila irovilala oata la varu giteu ouka la lima giteu. Egite goio mahuli rivu lou. me egiteu mou mae la uru vikapopo me Kraist la Taosen la leavala isasa.⁵Egite tomi ale isahari pehoti kama mahuli rivu lou kara mae la leavala la taosen isahari tapasi. Aleie a la siloko la hiliti rivula. ⁶La vibalava la mela marokala ge tegiteu ale vikapopo me egiteu ale hiliti rivu tela silokolokola! Loata te alele la pileho tela vailuala kama tahoka la vagari. Me egite ge guvi mae e Priest te Deo me egite ge mou mae la uru vikapopo me le eia la taosen la leavala isahari lou.⁷La imala la taosen la leava isahari goio tapasi, E Satan ge lube loio tela kilisi tetala.⁸Me eia ge gogala ge tutugolo egiteu la mautula tomi oio tela galela tomi iva e Gog me Magog--- age abi vikapopo egiteu tomi tela vikokuela, Egite ge usu sele mae la magasa la mago.⁹Tio egite ge tuga soata la ba la magasa bulahu moli goio magiri galili la ba tegiteu la valua te Deo ale maroka--- la Siti la hategu sele. Alamoli la havi loata la ilo lalage gotalo selu tomi egiteu. ¹⁰E tabola mugu, eia vasigolo egiteu, egite pigia sotalo la silali mela kilaha le loiloi, La ba ale egite la Taua me egiteu la Propet la tutugolola pigi egite soio vola. Egite ge viligi egiteu tela logologo mela haro la tapasila ge ouka.¹¹Goio eau hilo la Troun ale uru sele eia kakea me la tahalo ale popou oata vola. La magasa mela mori ge hele loio tela vagarila, alamoli la ba isa ouka tilou via egite goio lou vola.¹²Eau hilo egiteu ale pehoti---- egite ale vagari me egiteu ale ka tahoka la isaisa---- magigiri lolagu la Troun, Mela buku isa lou oio kope---- la Buku la mahulila. Me egiteu ale pehoti la rova egite kekesitia oilo vola ge Jadgim egiteu, koramuli la sele la vulovulo giteu.¹³La mago ge vahari egiteu ale peho oilo vola. La pileho mela valalua ge vahari egiteu ale oilo vola, me egite ale pehoti ge magiri la jadsmen tela rova egite igotia.¹⁴La pileho me egiteu la valalua ge pigi egiteu sotalo la silali la havi. Ale la vailua la pileho---- la silali ola havi. ¹⁵Mae la isala tahalo isa kama ge pogea oilo teale kekesitia oilo la Buku la mahulila, me ale ge pigi eia soilo la silali la havi.

Chapter 21

¹Goio eau hilo la ilo lalage ale halaba mela Magasa ale halaba, la siloko la ilolalage me la siloko la magasa kokovuti, mela mago oukati. ²Eau hilo lou la Siti ale maroka viuviu, e Jerusalem ale halaba, ale gali loilo la ilo lalage loio te Deo, egite viraragia mae la uturobo ale vitokoromoa ge te haruala.³Eau lolo la golu ale uru sele loio la Troun a vei mae, " Hiloa! La muloula te Deo eia vikapopo mele egite valua me hatavile, me eiage mou tomi le egiteu. Egite ge la valalua me hativile tetala, me e Deo lou eia ge vikapopo mele egiteu me eia ge e Deo tegiteu.⁴Eia ge sabubu vei tomi la masali gite loio la mata giteu, oio vola la pileho ge oukati, ouka la ilo burukola, mela tilali, la iligiligi. La papaga tomi ale mamuga tugati.⁵La tahalo ale popou oata la Troun vei mago, " hiloa! La papaga tomi eau igo halaba tia. " Eia vei mago, " Kekesi tola la papaga aleie sotalo la vuhula la merera aleie eme ge taho tavua me eia sesele. ⁶Eia goio veiagu mago, "La papaga aleie a guviti! Eau la silokoloko mela kaluvuluvula. La tahalo ale malehu eau ge abiala la lalu ale la mapala ge ouka loio tela vilelo la lalu la mahulila.⁷La tahalo ale pepe eia ge abi tomi la papaga aleie, me eau ge e Deo tetala, Eiage e Latugu ale hatamale. ⁸ Alamoli tegiteu ale kamavagari, la tautaulao ouka, ale hate mamasi, egite ale bilibili, La hilotavula ale kamakora, la irasi, ale igigo la puhigolo, ale vasigogolo, la muli giteu ge oio la silali le loiloiale ale kakaha. Ale la pileho la vailuala."⁹Isa tegiteu la vaivitu la Angelo gomai taku, ale isasa tahoka la Disi ivitu eia volu mela ilea ale la tapasila ivitu, me eia vei mae, "Gomai. Eau ge vahililo le emei la uturobo me rutule latu la sipsip." ¹⁰ Goio eia boko taro eau oilo la kalulu soio tela Olu isauru me a malau goio eia vahililo le eau la Siti ale maroka e Jerusalem a gali loilo la ilo lalage a loio te Deo.¹¹E Jerusalem tahoka la marasala te Deo, la matagagala mae la uati ale tartigi taho, a mae la uati ale tataroa me a matatagaga mae la Jespa. ¹²Eia tahoka ale uru, me la kilapila oata vikapopo mela matala savulusa getelua, vikapopo mela Angelo savulusa gete lua oio la matale. me oata la mata egite kekesi la isa gite la maratatila te latatu le Israel. ¹³Loio la ba le ist la mata ovola itolu. loio la ba e Not la mata itolu, me loio tela gale e wes la mata itolu.¹⁴La kilapi la Siti eia tahoka la vuhula otalo savulusa gete lua, me oata vola la isa giteu la Aposel te latula sip savulusa getelua.¹⁵La tahalo ale meramera tomi le eau eia tahoka la obu ale igolula la Gol ge abi la malaula Siti, la matala, mela kilapila logala.¹⁶La Siti tabuli bolabola, la malaula visauru moli mae la bolala. eia goio abi la malaula Siti la rod la ilabi la giligi, La taosen savulusa getelua tela Stadia oio la malaula, (la malaula, la bolala, la urula egite visauru moli). ¹⁷Eia goio abi la malaula kilapi logala, 144 kiubit a bitolu koramuli la giligi tala tahalo ( a mae moli ale la Angelo abiti la malaula).¹⁸La kilapila logala egite tigila la Jespa mela Siti eia la Gol moli, mae la Glas ale matagaga taho, ¹⁹La vuhula kilapi logala egite tokoromo tahola la uatati papahi ale marasa. la silokola la Jespa, la vailuala la sapire, la vaitolula la Agat, la vaivala la Emarel, ²⁰La vailimala la Oniks, la vaivolola la Kanelien, la vaivitula la Krisolait, La ivalula la Beril, la valasiula la Topas, la savulula la Krisopras, la savulusa getetesala la Jasint, la savulu luala la Ametist.²¹La mata savulusa getelua eia la Peal ale savulusa getelua, egite tomi la mamata tomi egite igolula la Peal isasa. La gauru tomi oilo tela Siti eia la Gol moli Amae la Glas ale emege mata sele moli soilo. ²²Eau kama hilo isa la luma la lotu oilo la Siti, La vuhula la uru e Deo ale vagari me e latu la sipsip eia la luma la lotu.²³La Siti le la matagaga la haro ouka la Taio ge paga soilo vola la vuhula Matagagala te Deo ge matagaga oilo vola, me la lamula eia e latu la sipsip. ²⁴Me la mautula ge tuga oilo la matagaga la Siti alele, me egite e suara tela magasa ge vahari la marasala tegite soilo vola.²⁵ Me la matala kamage kakapi tela imala haro, me oilo vola la logo ge ouka.²⁶Me egite ge vahari la marasala mela tilogo tela mautula soilo vola, ²⁷Alamoli la paga ale kama maroka isa kama ge tiroro soilo vola ouka ere isa ale igigo la papaga la mahelala ouka la vasigolola, ouka egite moli ale la isa giteu kekesi tia oilo la Buku la mahulila te e latu la Sipsip.

Chapter 22

¹Goio la Angelo vahiloagu la lalu ale uru mela lalu la tala mahulila, A matagaga peho mae ale sasima. Me eia saiali loio la Troun te Deo me e Latu la Sipsip ²Loio tela gauru ale kabili tela Siti. Oio la rere la lalalu la Obu la mahulila, Eia vua la vavuala isa polopolo koramuli savulusa getelua, me eia vavua tela taio tomi isasa. La galagala la obu le eia tela vimahulila tegiteu la mautula tomi.³La pasalila ge ouka ti. La Troun te Deo me e latula sipsip ge oilo la Siti, Me Egiteu la valua la igolu tetala ge igolu lotalo tetala. ⁴Me egite ge hilo la lagula, Me la isala ge tabuli mamuga la varu giteu.⁵ Me la logo ge oukati; egite katige pamuli lou la matagaga la lamu ouka la matagagala haro la vuhula la uru e Deo ge maga oata tegiteu. me egite ge mou mae la uru la tapasila ge ouka.⁶Goio la Angelo veiagu mago, " Egite la merera aleie eme ge taho tavua me a sesele. La uru, E Deo tela kalulu giteu la Propets, baha egite la Angelo tetala ge vahililoa giteu la valua la igolu tetala la rova ale ge sibitala soio moli. ⁷"Hiloa! Eau ge gomai soio hagavi molitie! La vibalavala ge tela tahalo ale roromuli la mera lahala tela Buku aleie."⁸Eau, e Jon, Eau sele male loloa goio hilo la papaga aleie. La imala eau loloa goio hilo la papaga aleie, Eau boru otalo goio lotu otalo tela vahala la Angelo ale vahililo le eau la papaga aleie.⁹Eia goio veiagu, " Umala igigo maele! Eau eme etala tomi la tahalo la igolu moli, vikapopo me tabarabaramu me egite Propet, me vikapopo me egiteu ale roromuli la merera ale oilo tela Buku aleie. Lotu tavu e Deo!"¹⁰Eia goio veiagu, " umala vivi roborobo la mera la vei lahala oilo la Buku aleie, La vuhula la imala hagaviti. ¹¹La tahalo ale kama magiri matata, akora eiage igigo moliti ale kama matata. La tahalo kamakora mumugu, La tahalo ale igigo ale matata, kora eia ge solo la iligo la rova eia matata. La tahalo ale maroka, akora eia ge solo la marokala oio tetala¹²Hiloa, Eau hagaviti ge gomai. La vabila taku a omai vikapopo mele eau, Ge loto amuto isasa tela rova eia igo tia.¹³ Eau la Alpha me e Omega, ale mamuga mea tapasila, la silokoloko mela kaluvula.¹⁴La vibalavala ge tegiteu ale vasi la kairobo tegiteu la vuhula egiteu ge tahoka la muli ge ali loio tela obu la mahulila me eme tai ge tiroro soilo la Siti oio la mata. ¹⁵Ale ogala la paia oio, la valua la irasi, la iloho tavula ale kama kora, egite ale bilibili, egite ale igigo la puhi golo, me egite tomi ale masaga ge tovo lalaila vasigologolola.¹⁶Eau,e Isus, eau bahati egitu la Angelo taku ge veia mutou la papaga tela lotu lotu tomi. Eau la ua mela hili le Devit, La matabu la kavkoki ale matagaga."¹⁷La Kalulu mela uturobo vei mago, "Gomai!" La tahalo lolo age vei mae, " Gomai!" Ere isa malehu, tartigi eia ge gomai me ere isa masaga tavua, me eia ge abi bulahu moli la lalu la mahulila.¹⁸Eau vigia soio tegite tomi ale lolo la merera la vei lahala oilo tela buku aleie: Mae la tahalo isa ge tau loata vola, e Deo ge tau loata tetala la tikumula ale ale kekesi tola tia oilo la Buku aleie. ¹⁹Mae la tahalo isa ge abitaro loio tela buku la vei lahala aleie. E deo ge abi tero tai la galela tetala loio la obu la mahulila me oilo la Siti ale Maroka a kekesi tia oilo la Buku alei.²⁰La tahalo ale vigile muli tela papaga aleie a vei mae, " Asele! Eau hagaviti ge gomai." Amen! Gomai la Uru e Isus!²¹La gilogo tela Uru e Isus ge vikapopo mele amutou. Amen

Bileki: Bible for 1 Corinthians, 1 John, 1 Peter, 1 Thessalonians, 1 Timothy, 2 Corinthians, 2 John, 2 Peter, 2 Thessalonians, 2 Timothy, 3 John, Acts, Colossians, Ephesians, Galatians, Hebrews, James, John, Jude, Luke, Mark, Matthew, Philemon, Philippians, Revelation, Romans, Titus

Formatted for Translators

Matthew

Mark

Luke

John

Acts

Romans

1 Corinthians

2 Corinthians

Galatians

Ephesians

Philippians

Colossians

1 Thessalonians

2 Thessalonians

1 Timothy

2 Timothy

Titus

Philemon

Hebrews

James

1 Peter

2 Peter

1 John

2 John

3 John

Jude

Revelation