¹अब्राहामा पोयरो, दाउद पोयरो, ईसु ख्रिस्त ईया (वंशावळवी) ²पिढी..अब्राहामाल इसहाक वेयो, इसहाकाल याकोब, याकोबाल यहुदा आने तिया पावु वेये. ³यहुदाल तामारेपने पेरेस, आने जेरह वेया, पेरेसाल हेस्त्रोन, हेस्त्रोनाल अराम वेयो.⁴अरामाल अम्मीनादाब, अम्मीनादाबाल नहशोन, नहशोनाल शल्मोन. ⁵शल्मोनाल राहाबेहून बवाज, बवाजाल रूथापने, ओबेद, आबेदाल इशाय वेयो. ⁶आने इशायाल दाऊद वेयो, उरीया को अवालीपेने (पत्नी) दाऊदाल शल्मोन वेयो. ७) शलमोनाल रहाब, रहाबाल अबीया, अबीयाल आसा वेयो.⁷शलमोनाल रहबाम, रहबामाल अबीया, अबीयाल आसा वेयो, ⁸आसाल यहोशाफाट, यहोशफाटाल योराम, आने योरामाल उज्जीया,⁹उज्जीयाल योथाम, योथेमाल आहाज, आहाजाल हिज्कीया ¹⁰हिज्कीयाल मनश्शे, मनश्शेल, आमोन, आमोनाल योशीया. ¹¹आने बाबेल देशाम गुलामीन गिये. तिया फासला (समय) योशीयाल यखन्या आने तिया पावु वेया.¹²बाबेल देशाम गुलामीम गिये तिया फासला यखन्याल, शल्तीएल वेयो, शल्तीएलाल जरूब्बाबेल वेयो. ¹³जरूब्बाबेलाल अबीहूद, अबीहुदाल एल्याकीम, एल्याकीमाल अज्जुर वेयो. ¹⁴अज्जुराल सादोक, सादोकाल पाखीम, पाखीमाल एलीहूद वेयो.¹⁵एलीहूदाल एलाजार वेयो, एलाजाराल मतान, मतानालाको. याकोबाल योसेफ वेयो. ¹⁶आन तो मरीयम कौअवाला आथो तियुइने ( तियुपेन) ख्रिस्त आखवाम आलालो, तो ईसु जन्माल आलालो. ¹⁷ईयाप्रमाणे अब्राहामाने दाऊदाहुद आख्यान (बादाज) मिलन चौदा पिढया, दाऊद हयमे बाबेल देशांम गुलामीम गिया तियान लिन ख्रिस्ताहुदी चौदा पिढया.¹⁸ईसु ख्रिस्ता जन्म, ऐहकी वेयो. तियायाहकी मरीया तियुओ साखरपुडो योयुफा आरी वेलो आथो. तोओ मिलयो नाहा तिया पेलाज तीयुल पवित्र आत्माकी गर्भवती हाय ऐहकी तियान देखयो. ¹⁹मरीयमु कौअवालो योसेफ ओ तियायाहकी नीतीमान आथो. पेन समाजाम तियु बदनाम ( अपमान) नेयवेए ऐहकी तिया इच्छा (विचार) आथो. तियाहाल तियाय थांकेज (दोबीन) (गुप्तपणे) तियुआरी वेलो साखरपुडो तोडा विचार केयो. (निर्णय)²⁰तोओ ईसु गोठी विचार केअतालो, ताहा तियाल होपनाम (स्वप्नाम) प्रभुह दुताय दर्शन दिईन

आख्यो. "योसेफ", दाऊदा पोयरा, तु मरीयाल तोओ कौअवाली (पत्नी) मानीले, बियोहो माआ, काहालका तिल जो गर्भ (दिही) रेहलो हाय, तोओ पवित्र आत्माकी हाय.

¹हेरोद राजा दिहाम, यहूदीया देशाहाम बेोलेहेम ( गावाम) ईसु देवा जल्म वेयो, तिया फासे ( दिही उगवता) देशामिने ज्ञानी (लोक) यरूशलेम शहराम आवीन, एक विजाल पूछा लाग्ये, काहाका, ²"यहूदा राजा जन्मलेदलो हाय तो किही हाय. ? आमुह दिही उगता तिया तारो वेयोहो आने तिया पागे पडा आलेहे. (नमन). ³जाहा हेरोद राजा ई उनायो, ताहा ता आने तिया आरी आखेज यरूशलेम सहर बी गियो.⁴हेरोद राजा आख मुख्य याजकांन आने नियमशास्त्रा हिकवुनारा मास्तरून तिया हान एक जागे टोलवीन तियाहान पुछा लाग्यो का ख्रिस्ता जल्म किही वेनारोओ हाय? ⁵ते तियाल आखा लाग्या, "यहूदीया देशाम, बेथलेहेम (गावाम्) काहालका संदेष्ट्याहान ऐहकी लिखी देदलोच हाय का, ⁶"ओ बेथेलहेमा, यहूदा देशा, तु यहूदा आखाज अधिकारीयाम सरदाराम हातो ऐहकी नाहा हाय.काहालका तोमने ऐहदो (सरदार) निघी, जोओ माआ इस्त्राएल (लोकाआ) सांभाली..⁷फासे हेरोदा राजाय ज्ञानी लोकाहान दोबीन हादीन, तिया पेन तारो खेरोज किघीही देखायो. तिया वेल पूछी लेदो. ⁸तियाय तियाहन बेथलेहेमाल मोकलीन आख्यो, "तुमु जायन तिया पोयराबदल हारकी माहिती केरा, तो तुमाल मिली ताहा, मान आखा काहालका मायभी आवीन तिया पागे पोडेहे"⁹राजा जो आख्यो तो उनायन तेओ तिया वाटील निघी गिये, जो तारो तियाही उगवता वेयो आयो तियाही बेथलेहेम गावाम हुदी तियान देखावता गियो आने ज्ञानी (लोक) हाना बालकाही हुदी पोहची तालुगतिया आगला चालतले. ¹⁰तोओ तारो विना ज्ञानी महान (लोकास) खुब आनंद लागी.¹¹फासे ते तिया कौम गिये असने तोओ पोयरो तिया याहकी (माता) मरिअम तियुआरी आयो ऐहकी तियाही यो ताहा निचे विईन तिया पागे पोडे, तियाही तिचा द्रव्या थेल्या उघडवीन होनो (सोनों) उद आने गंधरस ई दाने अर्पन ये.. ¹²देवाय तियान होपनाम हेरोदाही फासा जाहा मा ऐहकी आख्यो तेसे बिहरी वाटी की तिया देशाम निघी गये मिस्त्र देशाम गिये.¹³तेओ गिये तिया पाचे, प्रभु दुत योसेफाल होपनाम दर्शन दिईन आख्यो, "ऊठ पोयराल आने तिया याहकील (माता) लीन मिसर देशाम नाही जो असने आय तुल आखुताव तिहीज रेओ. काहालका पोयरा घात (नाश) केराखातुर हेरोद राजा तिया होद केनारो हाथ " ¹⁴तियु राती तो उठ्यो, आने पोयराल आने तिया याहकील तियुल लिईन रातमारात ( रातीज) मिसर देशाम निघी गियो. ¹⁵तो हेरोद राजा मृत्यु पावला गियो तावनुग तिहीज रियो, "माय माआ पोयराल मिसर देशामेने हादलो हाय" ऐहकीज जो प्रभु संदेष्टया (भविष्यवक्ता) आखलो तो पुरो वियो.¹⁶ताहा ज्ञानी माहे आमाने ढोग्यो ई विन, हेरोद राजाल खूब रोग आली. आने जो वेळ तियाय ज्ञानी माहापेने नीट माहिती काडीलेदली आधी, तिया प्रमाणे तियाय बेथलेहेमाम आने आजुबाजु बादान देशामेने, जेओ बेन वराहा आने तियाने कमी वया मोठे महान पोयरे आधे तियान बादाज तियाय माहे मोकलीन तियामपेने माय टाक्ये.¹⁷यिर्मया (संदेष्टयां)जो आखलो आधो तोओ तिया वेळी पुरो वेयो ते ऐहकी. ¹⁸"रामाही रडुलु आने दुःखीभरी शब्द उनायाम आलो, राहेल तियु पोयरा खातुर आने तिया मानीन तिल सांत्वना नाहा मिले, मिसर देशामने फासा फिरुलु¹⁹आगला हेरोद राजा मोयगियो तिया फासे वेरा प्रभुह दुत मिसर देशाम योसेफाल होपनाम दर्शन दिईन आख्यो. ²⁰"उट, पोयराल आने तिया ग्राहकील लिन, इस्त्राएल देशाम जोओ काहालका पोयराल मानारो जिवला जो तलो तो आधो तोओ मोय गेहलो हाय" ²¹ताहा तोओ उठ्यो, आने पोयराल तिया याहकील लिन, इस्त्राएल देशाम आलो.²²फासे अर्खेलाव,ओ तिया बाहका हेरोद तिया, जागाप यहुदीया देशा राज्य केअतालचे आथो, ऐहकी उनायो तो तीही जाओ भिई आने होपनाम देवाय निधी गियो. ²³ताहा नासरेथ नावा गावुम जाईन तोओ (राआ लग्यो) काहालका,"तियाल पासोरी आखी," ई जोओ संदेष्टया आखलो तोओ पुरो वेयो.

¹बापतिस्मा केनारो योहान तिया दिहाम, यहूदी देशाम जंगलाम अविन, ऐहकी घोषणा केरा लागलो की, ²"पस्तावो केरा, काहालका स्वर्गा राज्य पाही आलो हाय" ³काहालका यशया संदेष्ाकी तिया बारेमे ऐहकी आखलो आधो, कोई "जंगलाम घोषणा आखनारा आवाज यो, 'तिया वाट नीट रा.⁴तिया योहाना पोतडे उंटाडा चोटया आथे. तिया कमरात चाबडा पोटो आथो. तिया मांडो तिडे आने जंगलामने रानमध आधो. ⁵लाहा यरुशलेम सहरा,आखेज यहूदी देशाआ लिया चादैन खाडीई आनु बाजुओ होगोज जागहामेने मा बेला आले. ⁶ते नियालिया पाप कबुल केलला ताहा, तियान लिया हालाकी यार्देन खाडीम बापतिस्मा देतलो.⁷फासे परूशी आने सदुकी ईयामेने अलग अलग नाही तियात्रेला बापतिस्मा खातुर तिया पाही आनता विईन,"तो तियान आखतलो,"ओ विषारी हापड़ा पोयराहा, आवनारो क्रोधामिने तुमनेहाल चतुर केये ? ⁸ताहा पस्तावों किन तुमान योग्ये लागी ऐहके काल द्या. ⁹आने अब्राहाम "आमा बाहको हाय, ऐहकी एक बिजाल आखा विचार जियातिया मनाम केरा माआ, काहालकी आय तुमाल आजुहु,देवल ईया दगडामेने अब्राहामा खातुर पोयरे उत्पन्न केरोवु शक्ती हाय,¹⁰आने चाडवा धुबाई आमीज कुवाडो थवलो हाय, जोओ दरएक चाडवो फल देतो नाहा, तेओ शेंडी टाकवा आबी आने आगीम टाकाम आबी. ¹¹आय तुमा बापतिस्मा पस्तावो केरा खातुर पायाकी कीईहु पेने माआ फासला आवनारो हाय. तोओ आपेक्षा

खुब शक्तीशाली हाम आने तिमा चापले उचलीन चाला खातुर नाय योग्य नाहा, तोओ तुमा बपतिस्मा पवित्र आत्मा के व आगीके केनारो हाय.

¹फासे भुतडावाय ईसुअ परिक्षा वेरा खातुर देवा आत्मा तियाल जंगलाम जिई गियो. ²चालीस दिही आने चालीस रात, उपवास केयी तिया बादमे ईसुल पुख लागी. ³ताहा भुतडावाय ईसुअ परिक्षा केराखातुर तियावेला आलो. तो आखालाग्यो. "तु जो देवा पोयरो हाय. तो ईया दगडालं मांडो वेराखातुर आज्ञा के " ⁴फासे ईसुअ आख्यो ऐहकी लिखलो हाय काआ, "माहू केवल मांडाकीज जीवी नाहा शकतो ताहा देवा

मुयामेने निघणारो हरऐक वचना वाय जिवी शेकेहे. "

¹जहा ईशुई तियाल माहा टोलाला वेयो ताहा तो उचे डोगापे चढीन तो तिह ऐटा बोटो आयो तिया चेला लिया पाही आला. ²तियाय तिया मुय उगडाव्यो आणे तियाल हिकव्यो तियाय आख्यो. ³जे आत्म्याकी लीन ते धन्य हास काहाकी होरगा राज्य तिया हाय, ⁴जे शोक केता, ते धन्य हाय काहाकी तिया सांत्वन केराय आवी,⁵जे सौम्य ते धन्य हाय काहाकी तोरती वतनतियन मीली. ⁶जे न्यायनिवाडाआ पुखे व पायपीलाग ते धन्य हाय काहाकी ते शामादीनी वेरी, ⁷जे दयावान ते धन्य हाय, काहाकी तियाप दयाकेराम आवी. ⁸जे अंत करणाआ शुध्द ते धन्य हाय काहाकी ते देवाल वेरी⁹जे शांती केरी ते धन्य हाय, काहाकी तियाल देवा पोयरो आखी. ¹⁰न्यायनिवाडाकेता तिया वोखो वेलो हाय ते धन्य हाय काहाकी होरगा राज्य तिया हाय,¹¹जहा लोक माकेता तुम्हा अपमान केला आणे वोखो केरावता आणे तुम्हा विरोध बाठा प्रकारा वाईट लबाडीकी गोगताहा ताहा तुमा धन्य हाय, ¹²आंनंद व उतशाह केरा, काहालकी तुमाल होरगाम मोडो तिया फल हाय काहाकी तुम्हा आगला जे संदेष्टे विन गिये तायाहा लोकहाल याच प्रकारे वोखो केयो.¹³तुमा या तोरती खारो हाय, पेन जर खाररङ खारटपण गियो ते फासे केहकी खारूटो केअता आवी, ते तर आगला केल्लाच कामाम नेय आवणारो आणे तो टाकाम आवणारे माहा पागा ऐडा पोडनारो या केतारीह. ¹⁴तुमा या जगा उजवाडो हाय, डोगापे बोठली वोहती दोबावता नेय आवे,¹⁵आणे दिवो लागवीन तो केडो सीबली ऐटा दोबावतो नाहा उलटो तो दिवो उच्चे भागाम धोवते तेहकी की तो दिवो कोमेने बाठाहाल उजवाडो देहे. ¹⁶तुमा उजवाडो हुबुर या केता उजवाडो द्या की जेहकी ते तुमा हारी कामे वेरा जोजे आणे तुमा बाहको जो होरगाम हाय तिया गौरव केरा जोजे,¹⁷नियमशास्त्र व संदेष्ट्यआ लेखलो पुस्तक रद केरा आय आलो ऐहकी विचार क्याहा माहा आय ते रद केरा ना पेन ते पुरो केरा आलो, ¹⁸काहाकी आया तुम्हाल खेरो आखु, आकाश आणे तोरती ई नाश वीजाय पेन बाटोकाय पुरो वेयाशिवाय नियमशास्त्रामने ऐकबी काना आणे मात्रा रद वेनारो नाह¹⁹हा जो केडो याल हानी आज्ञा मेने ऐकदी रद केरी व तिया सारखो लोकहाल हिकवी तियाल होरगा राज्याम तियाल हानो आखी, पेन जो केडो तो पाली आणे हिकवी तियाल स्वर्गाराज्यात मोडो आखी. ²⁰काहाकी तियाकेता होरगाम आपुकेता संपत्ती थोवा, तियाल आय तुम्हान आखुहू शास्त्री आन परुशी यांआ न्यायीपणापेक्षा तुमा न्यायीपण वाद वेयाशिवाय सोर्गा राज्याम तुमा पेवेश वेणारोच नाहा.²¹खुन केहो माआ ओन जो केडो खुन कहे तो न्यायसभेम शिक्षाल पात्र वेहे’ एहेकी जुना लोकाहान आखलो हाय इ तुमा उनाया हाय. ²²आय तुमान आखुहू जो केडो आपु पावाहाव (हुन्नेज) रोग केहे ता शिक्षाल पात्र वेहे जो आपु पावाल ‘अरे गांडा’ एहेकी आखेहे तो मोडाहा सभेम पात्र वेरी आने जो केडो त्याल ‘अरे मुर्खा’ ऐहेकी आखेहे तो नरका अग्नीम शिक्षेस पात्र वेहे.²³²⁴२३) पेन जर तुमा डोवा दोषी वेरी तर तुमा बाटो शरीर आधाराम वेरी, जर तुम्हाकेता वेअनारो उजवाडो ओ काहाकी आधारो हाय, तर खेरोच आधारो कोतह बेरी²⁵तो फिर्यादी तो आरी हाय तावुज तीया आरी समेट के, नायता कदाचित फिर्यादी तुल न्यायाधिशा हाथी दी टाकी, न्यायाधीश तुल शिपायांहा आथाम दी आन तु कोंडवाय रेहो. ²⁶आय तुल खेरो आखुहू सेवटी पोयसा फेकोहो तावलुगू तु तीयामेने सुटणारो नाहा.²⁷व्यभिचार मा केहो” ऐहकी आखलो आथेा इ तुमाही उनाले हाय. ²⁸आय ता तुम्हाण आखुहू, जो केडो एकदा थेयी होवे कामवासनाकी वेहे तीयाय आपल्या अंतकरणाम तीयी आरी व्यभिचार केयोहो.²⁹तो हुदो डोवो तुल पाप केरा लागवुतो वेरी ता तो उपटे आन फेकी दे, काहाका ता आखो शरील नरकाम टाकाम आवी तीया पातऱ्यो तो अवयवा नाश वेणु इ तो खातोर हारो हाय. ³⁰तो हुदो आथ तु पाप केरा लागवुतो वेरी ता तो तोडी टाक काहाका तो पुरो शरीर नरकाम पोडा पातरी तो अवयवा नाश वेणु इ तो खातोर हारो हाय.³¹केडो थेय सोडी देहे तर तीयाय तियुल सुटपोत्रो देवणु आख्योहो. ³²आय तर तुमहान आखुहू , जो केडो आपु थेयील व्यभिचारा कारणासिवाय टाकी देहे, तो तियुल व्यभिचारी केहे आन जो केडो एहेडी टाकली थेयीआरी वोराड केहे तो व्यभिचार केहे.³³आजी ‘खोटी शोपथ लेहो मा’ तर आपु शोपथा पेरमश्वरा होवे खेऱ्या केअ, ऐहकी जुना कालामेने लोकाहांय आखलो हाय, इ तुमा उनायेहे. ³⁴आय तुमाहान आखुहू शोपथ ल्याहाज मा, होरगो नाय, काहाका तो देवा आसन हाय. ³⁵तोरतीबी शोपत मा ल्याहा, काहाका तो तिया पाग थोवणू जागो हाय, यरुशलेमा शोपथ मा ल्याहा, काहाका ती थोर एहेंडा राजांहा नगरी हाय.³⁶आपु मुनका शोपथ मा ल्याहा, काहाका तु आपु एकबी किही उजलो नायता कालो की शकतोहो. ³⁷ता तुमा गोगणु, हा तोर हा आन नाय ता नाय एहकी जोजे, इया पेक्सा वाद तो दृष्टाकी हाय.³⁸‘डोवा बोद्दल डोवो आन दाता बोद्दोल दात’ एहेकी आखलो आथो, इ तुमा उनाये वेरी. ³⁹पेन आय तुमाहान आखुहू दु्ष्टाल ओडवाहा मा, जो केडो हुदा गालाव ठोकेहे, तीया हुंबूर उलटो गाल क्याहा.⁴⁰जो तुमाहाप आरोप लागवीन तुमा पोतडे लीजाई केहे तीयाल तुमा फांगरुबी द्या. ⁴¹आन जो केडो तुमाहान जोबोरदोस्ती की एक कोस ली जाहे तीया आरी तुमा बेन कोस जो. ⁴²जो केडो तुमाही कावीही मागेहे तो तीयाल द्या, आन जो केडो तो ही उदार मागा केहे तीयाल बोडो देखावोहो मा.प्रेम व सर्वांगपूर्ण शील⁴³आपो शेजाऱ्याहावे प्रेम के आन आपु दुष्मना द्वेश के’ ऐहकी तुमाहान आखलो हाय, ऐहकी तुमा उनाले हाय. ⁴⁴आय तुमाहान आखुहू, तुमा आपु वैऱ्याव प्रेम केरा आज जु तुमाहान वोखो केरावतेहे तीयांहा खातोर प्रार्थना केरा. ⁴⁵इया खातोरा का तुमा आपु होरगामेने बाहाका पोयरे वेरा जोजे, काहाका तो दुष्टांव आन हारामांहान दिही देखावेहे आन नीतीमानांव आन अनीतीमानांव पांय पाडेहे.⁴⁶काहाका जे तुमाहाव प्रीती केतेहे तीयाहांव तुमाय प्रीती केये ता तुमाहान काय प्रतीफोल मीली ? जकातदार बी तेहेकीज केहे का नाहा ? ⁴⁷तुमा आपु पावाहांन जर सलाम केतो वेरी ता तीयाम नोवय तो काय ? विदेसी माहान बी तेहेकीज केतेहे ने ? ⁴⁸इया खातोर जेहेकी तुमा होरगामेरे बाहोको परीपुर्ण हाय तेहेकी तुमा परीपुर्ण वेरा.

¹लोकाही आफ न्याय निवाडो वेरा जोजे काहाकी तुम्हा तुम्हा न्यायनिवाडाआ केलेकाम तियाहुबर केरा नाहा याविषयी राखा, आणे तुम्हाल तुमा होरगामेन बाहकापेन प्रतिफळ मिलनारो नाहा, ²ताहा तु ज्या टॉईमाप दानधर्म केतो ताहा लोकाहाय आप स्तुती केरा जोजे काहाकी ढोंगी सारखो सभास्थानाम बरोडा आपु आगला तुतारी वाजवते तेहकी केरूलो नाहा, आय तुम्हाल खेरो आखु तियाहाल प्रतिफळ मिललोच हाय,³काहाकी जाहा तुमा दान केरा ताहा ते दबाविन केरा तुम्हा हुदो आथ काय केहे ई तुम्हाल उलटो आधाल मालुम पोडा नाहा द्याहा. ⁴जेहकी तो दान देतो दबावीन दा जोजे काहाकी तो होरगा आहको जो गुपीत हाय, तो तिया प्रतिफल तुल दिई⁵जाहा तुमा प्रार्थना केतहा ताहा ढोंग्याहोस एहानाहा काहाकी लोकहाल देखाया काहाकी ते सभास्थानामे व रोडा कोपराप उभीरीन प्रार्थना केरा तियहाल पोटे, आय तुम्हाल खेरो आखु की तियाहाल आपु प्रतिफल मिल्लो हाय. ⁶पेन तुजाहा प्रार्थना तो ताहा आपु खोलीम जाईन बानो लागवीन ले जो तो ताहा बाहाको गुप्तवासी हा तिया प्रार्थना के ताहा तो होरगा बाहाका जो गुप्तदर्शी हाय तो तुल प्रतिफल दिई. ⁷आणे जाहा तुम्हा प्रार्थना केतेह ताहा परराष्ट्रीया लोकहोस चालूच बडबड केरा नाहाकाहाकी आप खब गोगल्याकी आप आखलो उनाय जाई ऐहकी होमजुते.⁸तर तुम्हा तियाहोस नाहा स्थाहा काहाकी तुमाहाल केंडा गरज हाय हे तूमा तियापे मांगा आगला मालुम हाय, ⁹ताहा तुम्हा प्रार्थना केते ताहा तुम्हा ऐहकी या प्रकारे प्रार्थना केरा जो जे हे आमा होरगा बाहका तो नाव पवित्र माना जोजे, ¹⁰तो राज्य आवे जेहकी होरगाम तेहकी तोरतीपे तो इच्छा प्रमाणा होस वेरा जोजे,¹¹आमा राज्यो मांडो आज आम्हाल दे, जेहकी आमा आमआ ऋण्यास तियाहा ऋणे सोडयो हाय, ¹²तेहकी तु आमाआ ऋणे आम्हाल सोड. ¹³आणे आम्हाल परीक्षाम लावो नाहा तर आम्हाल तिया दुष्टापने सोडव, काहाकी राज्य सामर्थ्य आणे गौरव बाटो काल तोच हाय."¹⁴काहाकी जर तुम्हा बीहरा आपराध माफ केहा तर तुमाबी होरगा आबो तुम्हालबी माफ केरी. ¹⁵पेन जर तुम्हा बीहरा आपराध माफ केयो नाहा तर तुम्हा आबो तुमा अपराध माफ केनारो नाहा,¹⁶जाहा तुम्हा उपास केला ताहा तुम्हा ढोंगी लोकाहोस उदास चेहन्याहा राहा नाहा काहाकी आप उपवास केला हाय ई लोकाहाल देखाडो ते आपु मुख उदास केतेह, आय तुम्हाल खेरो आखु तियाहाल तिया प्रतिफल मिली गीयो. ¹⁷तु जाहा उपवास केतो ताहा आपु मुनकाल तेल लागुव आणे आपु मुय तोव, ¹⁸या केता की, तु उपास केतो ई लोकाहाल देखायानेय जोजे तर तुमा गुप्त आबो वेरा जोजे. ताहा तुमाआ गुप्त बोह तुम्हाल उगडावीन प्रतिफल दीई¹⁹तुमा तोरतीपे शोताकेता संपत्ती हेगलावीन थोवा नाहा काहकी ओई कसर व जंग लागीजाई तिया नाश वेरी आणे बांड को तोडीन ती चोयन लिजाई होरगा राज्याम महान आखी, ²⁰हा आय तुम्हाल आखू पंडीत व परूशी याहा न्याया पेक्षा तुमा न्याय पण जाहको वेयाशिवाय होरगा राजु तुमा जानारा नाहा, ²¹खुन केहु नाहा आणे जो केडो बी खून केरी तो न्याय निवाडा सभा शिक्षा मीली, ऐहकी जुनालोकही आखलो आई तुमा उनले हाय,²²आय ते तुम्हाल आखू, जो केडो आपु पाऊपे ऐडोंच रोग केतोवेरी तो न्यायसभाआ शिक्षा वेरी, जो केडो आपु पाऊल गांडा ऐहकी आखी तो मोडा सभाआ मान मिली आणे जो केडो तियाल ऐहकी मुर्खा, ऐहकी आखी तो नरगा कोली शिक्षा पात्र कमली. ²³ताहा तु आपु मानतो ताहा वेदी आगला भोवा लालोवेरी ताहा आपु पाऊहु मोनाम आपुविरूध्द काय हाय ऐहकी तुल तिह ईत आलीका. ²⁴ताहा आपु मानतो वेदी आगला थोव आणे तु जेहकी आलो तेहकी जो व पेला आपु पावा आरी मिल आणे माफ के ताहा तु आवीन आप मानतो वेदीपे चोडाव,²⁵तीयाल आय तुमाहान आखुहू का तुमा आपु जीवनुबोद्दोल कालजी क्याहा नाहा का आपुय काय खाहू आन काय पियुहू का आपु शरिला विषयुम आपु काय फांगू ऐहकी चिंता क्याहा मा. जीव मांडासे आन शरील पोतडोसे वाद महत्वा हाय का नाहा ? ²⁶वादलामेने पोक्षान व्या, ते पोंअते नाहा, वागरुती नाहा आन ते टोलोबी नाहा केते तेरी तुमा होरगीय बाहााको तीयांहान खांआ देहे. तुमा तीयाहीने खुब मोलवान हाय का नाहा ?²⁷आन चिंता कीइन आपु आयुष्या लांबी हाथपोय वादवुणु तुमहामेने केडाल शक्य हाय का ? ²⁸आन तुमा पोतडांहा विषयाम काहा कालजी केतेहे ? जोंगलामेने फुलांहा विषयी विचार केरा, तें केहेकी वादतेहे ? ते काम केते नाहा आन ती पोतडे विंते नाहा, ²⁹तेबी आय तुमाहान आखुहू का शलमोन राजो तिया कालाम इयाहोच पिडायो नाहा.³⁰तर अल्पविश्वासी लोकाहां जी जोंगली फुले आज हा ती आन हाकाल भोट्टीम टाकाम आवी ते ऐहेंडांन देव बाहाको एहेकी पोतडे पोवेहे ता तीया पेक्सा हारे पोतडे तुमाहान पोवे नाय का ? ³¹आमाहाय काय खाहू आन काय पियुहू आन आमही काय फांगूहू एहकी कालजी क्याहा मा.³²काहाल का इ वाद्या गोठ्या मिलवुणू लगबग परराष्ट्रीय केताहा, काहाका तुमा होरगामेने बाहाकाल तुमा गोरज मालुम हाय. ³³तर पेहेलाने तुमा देवा राज्या आन नीतीमत्वाता मिलवूणू कोशीश क्याआ म्हणजे तीया आरी बाद्या गोठ्या तुमाहान मिली. ³⁴म्हणुन हाकाला चिंता मा क्याहा काहाका प्रत्येक दिही काय ना काय चिंता लीनुज उजाडेहे, तियाल हाकाली चिंता हाकाल सोताहा केरी, जीया दिहा दुखो ता तीया दिहा खातोर खोब हाय.

¹बिहरा दोष काडा नाहा ताहाज तुमाहा वी दोष काडाम नाहा आवी. ²काहाका जेहकी तुमा बिहरा दोष काठते तेहकीच न्यायाकी तुमाहा वी दोष काडाम आवी आने ज्या मापला की तुमा की मोजी देते हे तिईयाच मापलाकी पाछी तुमाल मोजी दा आवी,³तु आपो डोवामाने कोचरो नाहा वेअता आपो पाऊ डोओवामने कोचरो काहा वे अतो ? ⁴तियाल तोओ डोवामने कोचरो माल काडा दे, ऐहकी तु तो पावाआल केहेळी आखो ? वेओ, तोच डोआवम ते कोचरो हाय. ⁵ओ ठोग केअनारा, पेहेले तो डोआमने कोचरो काडी टाक, ताहा तुल तो पावाआ डोआमने कोचरो काठलिओतआ हारो देखाई.⁶जो पवित्र हाय तो हुणाल नाहा टाका आने आपो मोती डुकराआगला नाहा टाका. टाकाहा ते ती तिया पागाथुले चुडीहीकी आने पाछी ती आविन तुमाहान फाडी आकी.⁷मागा ते तुमान देवाम आवी. होदा ते तुमान सापडी कोला ते तुमाहा खातोर उगडाम आवी. ⁸काहाका व्हीग्गाम जे मागतेहे तियान मिली जो होदे तियाल सापडी जाय आने जो ठोकेहे तियाखातोर वाआनो उगडाम आवी. ⁹तमाम केडो अहडो माआवु हाय, जो आपो पोयरो माडो मागी तियाल दोगडो दी ? ¹⁰नायते तियाई मासो माग्यो आने, तियाई वोदलाम हापडो दी ?¹¹तुमा हारा नाहा तेवी तुमाआ पोयरान हायगोठया तुमाआ दा तुमाल होमजाय, ते तुमाहा होरगामने वाहका तुमाहा जो मागते, त्या गोठ्या तुमान कोत्या हाय रि तुमान पुरवी ? ¹²ईयाखातोर ज्या गोठ्या लोकाही तुमा खातोर केरा जोजे अहकी तुमान लागेहे त्या होग्ग्या गोठ्या तुमाहा तियाईके अताआ केरा, काहाका नियमशास्त्रा आने सोंदेष्टा हिकवुनु भाग ओच हाय.¹³हाकडा वाआनाकी माजमे जा काहाका नाशापाही जावनु वाआनो मोडो आने सोपो हाय. ¹⁴पेन जिवनुपाही जावनु वाआनो हाकडी वाट दुःखा हाय. आने जिईयाल ती सापडे तो खुप थोडा हाय.¹⁵खोटा संदेष्टयांईने सावध रा, ते मेंढा रूपाम तुमाहा पाही आवते. पेन खेय आखतो तो ते कोला होस क्रूर हाय. ¹⁶तिईया फोलापने तुमाहा तिईयान ओहखा. काटावाला चाडवाला द्राक्षे लागतेहे का ? आने वेंगा चाडवाल ओजिर लागतेहे का ? ¹⁷तेहकी हारो चाडवो हारो फोलवो देहे, पेन माठो वाडवो माठोच देही.¹⁸हारा चाडवालो माठे फोलवे नाहा आवनारे आने माठा वाडवाल हारे फोलवे नाय आवनारे. ¹⁹जो चाडवो हारो फोलवो देतो नाहा तो तोडाम आवी आने आगीम टाकी देवाम आवी. ²⁰ईयाखातोर तियान तुमाहा तिया फोलवापेन ओदखा.²¹माल प्रभु,प्रभु, आखणारे होग्गे होरगाम जाई अहकी नाहा, ते माआ होरगामने वाहका इच्छाकी रिई तियान प्रवेश होगा राजाम वेओरी. ²²तिदी माल खुप लोक आखी, प्रभु, आमाही तो नावाकी संदेश देदो. तो नावाकी पुतडे काडे आने तो नावाकी खुप चोमोतकार के ओया नाहा का ? ²³ताहा माआयु तियान आखेहे, माआयु तुमान ओहखुतो नाहा. अरे खारावगोठया केओनारे, माआ आगलाने चालते माडा.²⁴जो केडो माआ आखाला सारखो जिवेहे तो माआहु हारा माहा सारखे हाय, अहडो हारो माआहु आपो को खोडकाप वाधे. ²⁵पाछी जोरपे पाय पोडयो आने खाडी आली. जोरपे वारो आलो. आदुलाम को सापडी गीयो, तेवी तो पोडया नाहा काहाका तिईया पायो खेडकाप वाधलो आथो.²⁶जो केओडो माआ वोचने उनाईन तिईयाप चालतो नाहा, तो माआहु केडा एका मुर्ख माआहासारखो हाय, तिईयाई आपो को रेटाप वादयो. ²⁷ताहा जोरपे पाय आलो. आने खाडी आली. जोरपे वारो सुटयो. वादलामवाराम तो को सापडी गिईयो आने खेलाय पोडो. इशुही ई होग्ग्या गोठ्या पारवाईन वेया ताहा ओहकी वेयो का, माआहा टोलो हिकवुनी उनाईन चोकीत वी गिईया.²⁸काहाका ईशु तिईयान तियाई नियमशास्त्रा शिकवुन नाहा ते अधिकारा वाणी हिकवुन देतलो. ²⁹कारण येशु तीयाहा तिया नियमशास्त्र हिकवुणारांप्रमाणे नाहा ता अधिकार वाणी की हिकवुतो आथो.

¹ईशु डोगुलीपने ओठा उततुलो ताहा खुप टोलो तिईया पाछला जा लाग्यो. ²ताहा वेरा, एक कोडलो रोगी ईियापाही आलो आने तिईयाल पागेपोडीन आख्यो, "प्रभु, तो ईच्छा वेअरी ते माल शुध्द केओरा खातोर तु समर्थ हाय" ³ताहा ईशुई आपो हाथ आगला कीईन तिईयाल स्पर्श केओयो आने आख्यो, "माआ ईच्छा हाय, शुध्दवी जो, " आने ताहाज तिईया कोडलो हारो वी गियो.⁴पाछी ईशुही तिईयाल आख्यो, केओडाल नाहा आखो; जाईन याजकाल देखाव आने तिईयान सत्या साक्ष पोटा जोजे तिईयाल तो शुध्दीकेअता, मोशेई नेमिदेदली मानतोके⁵ताहा ईशु कफर्णहुम गावाम आलो ताहा एक अधिकारी तिईयाई आलो आने तिईयाल विनंती कोईन आखा लाग्यो. ⁶"मासतुऱ्या, माआ नोकर लोखवा की खूप आजारी हाय. आने कोमे पोडी रिईयो . "

¹ताहा ईशु उडयाम वोहीन ती तोडी गयो आने पाछी आपो नगराम आलो. ²ताहा लोकांही लोखवो लागला केओडाएक माआहाल ईशुही लिआले. तो माआहु खटलाप पोडीन आधो ईशुही तिईया विश्वास विईन त्या लोखवा लागलो माहाला आख्यो, पोयास धीर ते तो पाप माफ केओराम आलो हाय.³नियमशास्त्राहा मास्तुऱ्याही ई उनामा आने ते एकविजाआरी आखा लाग्या, ओ माहु ते देवा विरूध्द खोटया गोठया की रीईयो हाय. ⁴ईशुल तिईया विचार मालुम पोडया तो तिईयान आख्या लाग्यो. तुमाहा मोनाम वाईट विचार काहाल के ओताहा ? ⁵काहाका, तुमा पापा क्षमा केराम आली हाय, अहकी आखनु आने उठीन चाला लाग, अहकी आखनु ईयामने केल्ली गोठ सोपी हाय ? ⁶पेन माआहा पोयराल तोरतीवने पाप क्षमा केअनु अधिकार हाय, ही तुमान मालुम जोजे तिईयाल, " पाछी ईशुही त्या लखवा लागला माआहाल आख्यो, "उठ ! आप खाछलो उखलीन को जो. "⁷ताहा तो उठीन आपो को गिईयो. ई विईन लोकाटोलो चोकीत विई गिईयो आने ज्या देवाई माआहान ओडयो अधिकार देदो तिईया तिईयाई गौरव केओयो. ⁸ताहा ईशु तिहीने आगला निग्यो, ताहा तिईयाई मत्तय नावा माआहाल, व्याजाकी पौसा टोलो के ओतेहे त्या नाकाप वोठलो देख्यो. ⁹ताहा ईशुही तिईयाल आख्यो,"माआपाछला आव" ताहा तो उठयो आने तिईया फाचला गीईयो.¹⁰ईशु मत्तया को मांडो खातुलो ताहा, खुप जकातदार आने पापी तिही आला आने ईशु तिईया चेला तिईया आरी मांडो खा वोठे. ¹¹जाहा परुश्याई ई वेओयो ताहा निईयाई ईशु चेलान फुस्यो, तुमाहा मास्तु जकातदा आने पापी लोकाहा आरी काहा माडो खाय ?¹²ईशुई तिईयान ई गोगता उनाय लेदो, ताहा तो तिईयान आखा लाग्यो, डाकदुरा गोरोज हारा माआहान नाहा हाय ते जे विमारी हाय तिईयान हाय, ¹³मायु तुमान आखु, जा आने ईया अर्थ काय हाय तो हिक ; माल दया जोजे पुजा नाहा काहाका माआयु नीतिमानान नाहा, ते पाप्याल पश्चतापा खातीर हादा आलो हाय.¹⁴ताहा योहाना शिष्य तिही आला आने तिईयाई फुस्यो, " आमा आने परूशी खुप उपास केओते. पेन तो शिष्य उपास नाहा के अताहा का ? ¹⁵ईशुई तिईयान उत्तर देदो, जाहा वोडलो आरि रेहे ताहा तिईया वोराडयान दुःखाम केहकी रेहता आवी? पेन अहडा वेल आवि जाहा वोडलाल तिईयाई दुर केराम आवी ताहा ते उपास केओरी.¹⁶केडो नोवा पोतडाव ठिगलो जुना पोतडान लागवुतो नाहा, काहाका तो ठिगलो. पोतडाल काडीटाकेहे नायता मोडो खाड्डो वी जाये.¹⁷तेहकी नोवो द्राक्षारोस जुना कातडी थैलीम पोतो नाहा, पोरा ते थैली फाटी जाय आने द्राक्षारोस वेराय जाय, तेहकीज नोवो द्राक्षारोसो नोवा कातडी थैलीमुज पो काका वेनीवी टिकीन रिई. "¹⁸ईशु ई गोठया आखतलो ताहा यहुदद्या सभास्थाना एक अधिकारी तिईयाई आलो आने ईसु पागे पोडीन आखा लाग्यो, मा पोयरी आमीच मोय गिई हाय. पेन अनि आप हात तिईथेप थेवा ते ती पाछी जिवती वी जायई." ¹⁹ताहा ईशु उठीन आपो शिष्याआरी तिईयापाछला जा लाग्यो.²⁰ताहा वेरा, वासटीम वारा वर्षाईने रोगतनिगनु अहंडी एक वाई ईशु पाचला आवीन तिईया पोतडाव कोरील हायथ लागव्यो. ²¹काहाका तो आपो मोनाम आखतुली, माआयु ईया पोतडानुज हाथ लागवे तेवी हारी वी जाय." ²²ताहा ईशुही पाछला बोलीन तिईयोल विईन आख्यो," वायु धीर ते ! तो विश्वासाकी तुल हारो केओयो हाय." आने ती वाई त्याच टाईमाल हारी वी गीई.²³पाछी ईशु यहुदी सभास्थाना अधिकाऱ्या को आलो. ताहा तिईयाई पावरी वाळुवणारा आने रोडीन वोलुवणारा टोलाल वेओयो. ²⁴तीईयाई आख्यो," वाट सोडा, काहाका पोयरी मोअली नाहा, ती हुतली हाय." ताहा ते तिईयाप ओहा लागे.²⁵ताहा त्या टोलाल वारे मोकलीन तिईयाई कोमे जाईन तीयो हाथ आपो हाथाम लेदो आने ती पोयरी उठी गिई. ²⁶आने ई वातमी होग्गा देशाम पोहची गिई.²⁷ताहा ईशु तिहीने जातुलो ताहा बेन आदले तिईयापाचला बोबुलुते जातुले आखा लागे, " हे दाविदा पोयरा, आमाप दया केओ." ²⁸ईशु त्या कोओमे गिई ताहा ते आदले ताईया पाचला माजमे गिईये. तिईयाई तिईयान पोच्यो, माआयु तुमान दृष्टी देहे अहकी तुमा विश्वास हाय का ?" हा मास्तुऱ्या" तिईयाई उत्तर देदो.²⁹फासे तीयाय तीया डोहान आथल्यो आन आख्यो, “तो विश्वासाप्रमाणे तो आरी वेय.” ³⁰आने तिईयान डोवाण देखाया लागी गिईयो. ईशुई तियान आख्यो केडाल आखा नाहा. ' ³¹पेन ते वारे गिईये आने तिईयाई होग्गा प्रदेशाम तिईया केओला गोठी मोडवाई केओई³²ताहा ते बेनी तिहीने निगी जातले लोकाई एक मुला, पुतडालागला मा आहाल ईशुई लि आले. ³³जाहा ईशुही पुतडो काडी टाक्यो ताहा तो मुको पेहले मुको आथो तो माआहु गोगा लाग्यो. लोकाहाल तिईया आश्चर्य वाटयो ते आखा लागे, इस्त्राएलाम ईयाआगला अहकी कीदीच वेराम आलो नाहा. ³⁴पेन परूशी आखा लागे, ओ पुतडा अधिपती मदतीकी पुतडे काडेहे.³⁵ईशु तिईया सभास्थानाम हिकवुन देतुलो आने राज्या सुवार्ता घोषना केअतुलो, आने होग्गा प्रकारच्या रोग आने विमारी हारो केअतुलो, होग्गा नगराम आने होग्गा गावाम फियो. ³⁶आने ताहा तिईयाई लोकाहा टोलो वेओयो ताहा तियाल तिईया किवा कि आली. काहाका ते चिंताकी पोराले आने मेंढरावखल्यो नाहा अहंडा मेंढाहोस ते दुर - दुर वेओले अहडे आथे.³⁷तिईयाई आपो शिष्यान आख्यो," पाकलो खेरोखे आहे, पेन कामारे थोडे हाय. ³⁸तिईयाल पीका मालकाल प्रार्थना केरा, तिईयाई आपो पीका केओता कामारे मोकलावा जोजे.

¹पेन ईशुय तिया वारा चेलाहान तिवाही हाद्या आन तियाय तिईहान पुतडे काडी टाकनु आन बादी जाती रोग दुःख हारे केअनु अधिकार दे दो.²त्या वारा प्रेषिताहा नावे ई आथे पेअलो शिमोन जियाल पेत्र आखतले तो आन तिया पावुहु अंद्रिया जल्दी पोयरो याकोव आन तिया पावुहु योहान. ³फिलीप्प वर्शलमय थोमा आन करपट्टी उकलनारो मत्तय अल्फी पोयरा याकोव आन. ⁴तहय " शिमोन कनानी आन जियाय ईशुल तिई देदलो तो यहूदा इस्कायत.⁵ईशुई तिया बारा चेलाहान एहकी आखीन मोकल्यो का, जे माहे परमेश्वराल बोखुते नाहा तियाहाम जाहा मा. आन शमरोनी माहा केल्लाज शेहराम जाहा मा. ⁶ता इस्त्राएला कुडलामने मेढाहा होच टाकाय गेहला लोकाहाम जा. ⁷तुमा जाहा ताहा तियाहान ऐहकी आखीन संदेश या, " का होरगा राज पाही आलोहो.⁸दुख्याहान हारे केअंजा, मोअलाहान जिवते केओजा, कोडलाहान हारे केओजा, पुतडाहान ओडी काडजा, तुमहान फुकट मिल्योहो ईयाखोतोर तुमाली फुकट देजा. ⁹तुमा होना चांदी नेता तांवा पोयसा केारामेने पटाम माअ लेता. ¹⁰आन तुमा जाहा ताहा जे पोवले पोतडे आन पागुमेने चापले तोतेहेज ली जाजा. आजी बिहरी पोतडे चापले पिशवी आन लाकडी ल्याहा मा. काहाका काम केल तिया मोजर मिलीज.¹¹तुमा जाहा केल्लावी सेहराम गावाम जाहा ताहा तीही केल्लो माहु हारो हाय ईया होद काङजा आन विहरा गाबुल जावन टाईम आवे तावलुगू तिईयाहीज रेजा. ¹²जाहा तुमा ती कोअमे जाअहा ताहा शांती एहकी आखजा. ¹³जर ती कोअमेने मसही तो शांती योग्य वेरी ता तुमा नाय बेरी ता तुमा शांती तुमाही फासे फिरि आवी.¹⁴आन जो केडो तुमाहान हादे नाय आन तुमा आखल्या गोठया उनाय नाय तहा तियाहा गावामने नेता शहरामने वारे निगाह ताहा तुमा पागालने उदलो पोटकी टाकजा. ¹⁵आन आय तुमाहान खेरो आखुहु त्या न्याया दिहया दिहि त्या शेहरापेक्षा सदोम आन गमोराल खुव सोपो जाय.¹⁶जेहकी तोरसां मिचमे मेढाल मोकलुलो तेहकी आय तुमाहान मोकली रियोहो, ईया खातोर तुमा हापडा होच चतुर आण करता होच चोख मोना वेअजा. ¹⁷पेन तिया माहाहीने हाचबिन रेजा ते तुमनेहेम न्याय केअनारा लोकहान तीई दी आन तुमनेहन ते भक्ती केअनु जागाप चापकाहाकी ठोकी. ¹⁸आन तुमा मा चेला हाय ईया खातोर ते तुमनेहेन अधिकारी आन राजा हुंवुर लि जाय. आन तुमा तियाहा आगला आन विहिरी माअहा आगला मा वोद्दल साक्षी आखाहा.¹⁹जाहा तुमहान तिई देवृलाम आबि ताहा काय गोगु आन केहकी गोगु या चिंता मा केराहा. काहाका तुमा काय गोगा जोजे तो तुमनेहेन ताहाज होमजाय जाय. ²⁰काहाका गोगनारा तुमा नाहा पेन तुमा परमेश्वर वाहका आत्मो तुमहाम रिईन गोगी.²¹पाबहु पावाहा विरूध्द आन वाहको कतिया पोयरा विरूध्द उठीन मांय टाकाखातार विहिरा लोकाहा होपो दी पोयरें बाहाकी आन वाहका विरूध्द उठीन तियाहान माय टाकावी. ²²मा नावा खातोर वादा लोक तुमा विरूध्द करी पेन शेवटीवलुग जो विश्वासाम टिकी रिई तो वाचाय जाय. ²³एका गावाम तुमाहान जाहां तारास दी ताहा तुमा विहिरा गांवाम नाही जाजा, आंय तुमाहान खेरोज आखहुं, माअहा पोयरो फाचें आवहें ताबलुगु इस्त्राएल देशामेने गांवाहांम तुमा फिरी नांव पारवानारा.²⁴" चेलो तिया गुरूसे मोडो नाहा, आन आवायो तिया मालकासे मोडो नाहा. ²⁵चेलो तिया गुरू हो वेरांज जोजे. मालिकाल तियाहाय बालजबुल एहेंकी आख्याता तिया कोअने बिहिरा माअहान ते केहेंकी नाय आखनारा !²⁶तुमा तियाहान वियाहा मा. काहाका उगडो नाय वे एहन्डो कायुज बुजलो नाहा हाय. आन मालुम नय पोडे एहन्डो काविहीज दोवलो नाहा. ²⁷जो आय तुमाहान आंदाराम आखहु तोअ तुमा उजबाडाम आखजा आन जो तुमा कानाहांकी उनाताहा, तोंअ तुमा उँचा जागावे उनी रिईन आखजा.²⁸जे लोक शरिराल माय टाकताहा पेन आत्माल माहा नाहा सेकता तियाहान वियाहा माअ. तियाहासे जो परमेश्वरा आत्माल आन शरिरल नासकी सेकहे, तियाल बिड़जा. ²⁹वेन चिडे एका रूप्या वेचतेहे का नाय ? ते बी तुमा परमेश्वरा वाहका मोरजीवाची तियामेने एक वी चिडो तोरतीवे टुटी नाहा पोडतो. ³⁰आन तुमा मुनकापेने चोअट्टो बी मोजले हाय. '' ³¹खुप चिडाहासे तुमा किंमती हाय. इयाखतोर बीयाहा मा.³²जो केडो वी मान माअहा आगला मानी ली तियाल आय बी मा होरगामने वाहका हुंबुर मानी लेहे. ³³पेन जो केडो वी मान माअहा हुंबुर माने नाव तियाल बी आय मा होरगामने वाहका हुंवुर नाय बोअखु.³⁴तुमा एहकी मा होमजा हा का माय तोरतीप शांती लीन आलोहो. आय शांती पÎस्थापीत केरा नाहा पेन आय तारवा चालवा आलोहो. ³⁵आय एकी कोअने माअहान जुदे जुदे केराखातार आलोहो. पोयराल तिया वाहका विरूध्द. पायरिल तियो वाहकी विरूध्द बोबडील तीयु हावडी विरूध्द केरावा खातोर आलोहो. ³⁶सोवताहा कोअनेज माअहे तिया दुष्मन वीजाय.³⁷जो केडो मांसे तिया याहकी आन बाहको बाद मोया केअहे. तोअ मां खातोर काबिज काम्यो नाहा. आन तेहकीज जो केअडो मा से बाद तियाहा पोयराप आन पोयरिप बाद मोया केअहे तो मा खातार कायज काम्यो नाहा. ³⁸जो केडो सोबताहा क्रुसखांव निईन मा फाचाडी आवतो नाहा, तो मा खातार काबिज काम्यो नाहा. ³⁹जो केअडो सोवताहा जीव वाचावेहे तोअ तिया जिव गोमावी, पेन जो मा खातार जीव गोसावी तो तिया जिव वाचवी ली.⁴⁰जो माहु तुमाहाल मानी लेहे तो मान मानी लेहे, आन जो मान मानी लेहे तोअ तिया परमेश्वरा वाहाकाय मान मोकल्याहो तियाल मानी लेहे. ⁴¹जो केडो परमेश्वरा निरोप्याल, परमेश्वरा निरोप्यो हाय एहकी जायन मानीली, तियाल परमेश्वरा निरोप्या फल तिली, तियाल धर्मा माअहाल फल मिली.⁴²आंय तुम्हाल खेरीज आखहु, केडो वी ईया हानाम हानाल मां चेलो हाय एहेंकी जायन एकुज गिलास पांय पाजी तेवी तियाल तिया फल नक्कीज मिली."

¹जाहा ईशु तिया वारा चेलान ऐ गोठया आखी पारवाया, ताहा तोअ तिहीने निग्यो आन गालील प्रांतामेने सहेराहांम फिरिन परमेश्वरा हाय गोठया आखीन हिकवा लाग्यो. ²पांयाहाकी वाप्तीस्मा देनारो योहानाल जेलुम कोंडलो आथो, तिही तियाल ख्रिस्ता कामा वोल मालुम पोड्यो, ताहा तियाय तिया चेलाहान ईशुही मोकल्या. ³तियाहांय तियाल फुच्यो, "जीया ख्रिस्ता आमा वाट जोवताहा तो तुज हाय का, का आमा विहीरा बाट बेअजी "?⁴ईशुई तियाहान आख्यो, " जो तुमा उनाताहा आन वेअताहा तो जायन योहानाल आखजा. ⁵आंदले वे अतेहे, पांगले चालतेहे, कोडले हारे वे अतेहे, बेरे उनातेहे, मोअले माहि जिवते वेअतेहे, गरीब माअहान परमेश्वरा गोठया आखतेहे. ⁶जो माअहु मा वादल गोठया उनायन मोनाम विहीरा विचार नाहा केअतो तो सुखी हाय."⁷''फांचे ते आगाडी जाहला तांहा ईशुई लोकाहान योहाना बोहल आखा लाग्यो, "तुमा डोगाम काय बेरा गेहला? बारो ओहवे तांहा आलहे तोंअ पाथडो वेरा का ? ⁸तुमा काय बेरा खातोर गेहेला ? हारम हारो पोतडो पोवलो माअहाल वेराखातोर गेहला का ? हाराम हारे पोवले माही राजा मेहलाम रेतेहे.⁹तुमा काहाल डोगाम गेहला ? परमेश्वरा निरप्याल बेरा का? हा, आंय तुमाहान आखहु, "परमेश्वरा वाद निरप्याहांसे तो मोडो हाय." ¹⁰तिया बोहल एहेकी लेखलो हाय." तो तोअ खातोर बाट तियार फेरि.¹¹आय तुमहान खेरोज खाऊहु. इया दुनियाम वाईपेटे जोल्मुलो जो वाप्तीस्मों देनारो योहान इयासे मोडो माहांम केडोज नाहा पेन स्वर्गाम जो वादासे हानो हाय तो तियासे मोडोहाय. ¹²जो वाप्तीस्मो केनारो योहान आधो ती दयाहालने ता आज लुगू स्वर्गा राज्याप आक्रमन वि रियोहो. आन आक्रमन केअनारे ते पेंदी लेते हे.¹³काहाका पेहला नेज योहान आलो ताव लुगु परमेश्वरा संदेष्टा आन नियमशास्त्रा या भविष्य आखलो. ¹⁴जर तुमा ते गोठया माना तियार बोई ता जो आवनारो एलिया तो ओज हाय, ¹⁵तियाल कान हाय तो उनाय¹⁶इ पिढी लोकाहान आय केडा होच एहकी आखु ? जे पोयरे वाजाराम वोहीन तियाहा हेंगात्याहान हात केअतेहे, तियाहां होच इ पिढी हाय. ¹⁷ते पोयरे आखतेहे, आमाहितुमा खातार खुषी की बाजंत्रे बाजवे जेवी तुमा नाच्या नाहा. आन तुमा खातोर आमाही दुःखा गिते आख्ये तेवी तुमा रोडया नाहा.¹⁸योहान कायुज खायन पिइन नाहा आलो तेवी ते आखताहा याल काल्यो पुथ लागलो हाय. ¹⁹माहा पोयरो खातो पितो आलो इयाखातार लोक आखताहा. "देखा ओ खादाड आन पिड़नारो हाय, ओ करपट्टी उकलावनाराहा आन पापी लोकाहा हेंगात्या हाय, पेन ओखाल आपू कामांहाकी हारो हाय का. माठों हाय, तिया पुरावा देहे."²⁰ताहां तिया सेहेराम ईशुई वादाहासे बाद चमत्कार केअला. तिया संहरामने लोकाहांय पासतावो नाहा केअयो इयाखातार तियाहान दोष देदो. ²¹ओ खोराजिना सेहरामेने लोकाहांय तुमाहान हाय हाय, ओ वेध सैदा सेहेरामने लोकाहांय तुमाहान हाय हाय, काहाका तुमाहाम जे चमत्कार केया ते आय फिनीशीया देशामेने सोर आन सिदोन सेहेरामने लोकाहाम केअतोता. तिहिने लोक ताहाज तुरूतुज डिलापसे फाटले पोतडे वेटाली लिईन, खाआवा ठेराप वोहिन पासतावो केअता. ²²पेन आय तुमाहान आखुहु."न्याया दिनी सोर आन सिदांन सेहेरामने लोकाहान सोपो जाय.²³ओ सेहेरा जुग जोतोहो उँचो हाय तोअतो तु उँचो वेरा मागातोहो का ? तु ता पातालाम निचे उती जाहोका ! जे चमत्कार मायुव इही केअया ते जर आंय सदोम सेहेरामने केअतोता. तो आजलुगु टीकी रेतो. ²⁴आ तुमहान आहु, न्याया हयाहा दिही तुमा से सटोम सेहेरामने लोकाहांन सोपो जाय."²⁵फाचे ईशुई ऐहकी प्रार्थना केअहे." ओ परमेश्वर वाहका. जुग आन तारती प्रभु, आय तो आभार मानुहु काहाका तुंयुय ऐ गोठया खुव हिलला आन ओकलीवाला लोकाहांहीने दोवावी थोवीन. तुयुंय जियाहा मान हाना पोयराहा होच हाय तिवाहान देदया. ²⁶हा ओ वाहका. तुयुय ई खुव हारो केअयो काहाका तुल ई गोमलो. ²⁷फाचे ईशुई आख्या मां परमेश्वरा वाहकाय वाटोज मान होपी देदला हाय, वाहका सिवाय पोयराल केडोज वोअखुतो नाहा, आन पोयरा पाची केडोज वाहकाल वोअखुतो नाहा,²⁸ओ थाकला आन वोजाहाकी दावला लोकाहांय. तुमा आदे माईही आवा. आय तुमहान आराम देहे. ²⁹आंय नंम्र आन गरीव मोना हाय. तुमा मा जुहरो ली लेजा आन मापने हीकी लेजा ताहा तुमाहान आराम तिली. ³⁰काहाका मां जुहरो सोपो आन मां बोजो ओलको हाय.

¹जाहा ईशु आन तिया वारा चेला शव्वाथ दिही एका खेतामने जाहला. तांहा तिया चेलाहान पुख लागी आन ते खेतामने कोअहे तोडीन खां लाग्या. ²तो विईन यहुदी जाती लोकाहामने परूशी लोक तियाल आखा लाग्या, " देख शव्वथ दिही जो नाय केरा जोजे तोअज तो चेला की रिवाहा.³तियांय तियाहांन फुच्या; दाविद राजाल आन तिया आरी माहीं आथे तियाहांन पुख लागली तियाय काय केअला ? इ तुमांहाय शास्त्राम नाहा वाच्यो का ? ⁴तो परमेश्वरा मंदीराम गियो आन मंदीन अर्पन केला मांडो जो याजका शिवाय केडालुज खावुलो अधिकार नाव आधा त्या तियाही केहकी खाद्या.⁵तुमाहाय नाहा वाच्या का, शव्वाथ दिया दिही मंदिराम सेवा केअनारो याजक मंदिराम काम केअहे, तो नियम तोडहे ते वी तोअ केहेंकी दोषी नाहा रेतों. ⁶पेन आय तुमहान आखुहु मंदिरासेवी मोडाम मांडो हाय तो ईही हाय.⁷शास्त्राम लेखलो हाय. मान अर्पन नाय (जनावरे माअवीन तिया रोगांत पाडुलाकी मान खुशी नाहा मिलती) पेन मान दया गोमेहे. ईवा अर्थ तुमा होमजी लेताता. तियाहा चुक नाहा तियाहा हारा लोकाहान दोष नाय लागवुता. ⁸काहका माअहा पायरो शव्वाथ दिहया वी प्रभु हाय.⁹फांचे ईशुई तिहीने निगीन यहुदी लोकाहा भक्ती कॅनु पाँगाम गियो. ¹⁰तिही एक आअहु आथो तिया आथ हुकाय गिहिलो आथो. ताहा यहुदीलोक ईशुल चुकीम सापडावा खातार तियाल फुचताला? दुःखी माहाल शव्वाथ दिया दिही हारो केअनु इ नियमाहाकी हारो हाय का नाहा ?"¹¹ईशुई तियाहान आख्या. तुमाहावेने केडाप वी एकुज मेंढा हाय आन शव्वाथ दिया दिही तो खाडांम पोडी गियो ता, तुमा तियाल खाडांमने वारे नाय काडाका. ¹²मेंढा से वी माअद्दु कोओतावी किंमती हाय, तियाहाल दुःखी माहाल शव्वाथ दिया दिही हारो केअनु नियमशास्त्र परवानगी देहे."¹³फाचे ईशुई आथ लांवो केअ; तियाय तोअ आथ लांवो केअयो ताहा तिया विहीरा आथा होच ओ आथ वी एकदम हारो बी गिया. ¹⁴ताहा परूशी लोक वारे जायन ईशुल केहेकी माय टाकूहु इया वद्दल तिया तियाहांज ठाकज विचार केरा लाग्या.¹⁵परूशी लोक काय वी रिया इ ईशुल मालुम आथो, तियाखातोरे तोअ भक्ती केअनू पाँगामेने निंगीन जाहलो ताहा खुवुज लोक दुःखी आधा तिवाहान तियाय हारे केअये. ¹⁶आन तियाय तियाहान हारकी होमजावीन आख्यो, तुमा मा वादल गोठया विहिरान मा आखाहा. ¹⁷परमेश्वरा निरप्या यशया की जो वचन आखलो आथो. तोअ पुरो वेरा खातोर एहकी आख्यो.¹⁸'' देखा ओ मा सेवक झ्याल मायुय निवडूला हाय, आय इयावे माया किअहु. इयाकी आय खुश हाय, आय मा तियावे मोकलेहे, तोअ दुन्यामेने लोकाहान परमेश्वरा न्याया गोठया आखी.¹⁹तोअ केडआरी चुलानोरो नाय. वॉवलुनारो नाय, तिया आवज वाटिपने माअहे उनायनारे नाय. ²⁰तोअ न्यायाल हारी ली तांबलुग. वुरू काठकी मुडनारी नाय. आन वाय वोलनारा दिवाल ओलवुनारो नांय. ²¹विहरे माहे तीयाप आशा थोवी. ईशुप जो सामर्थ हाय तो परमेश्वरापणे हाय.²²ताहा लोक एका माआहाल ईशुही ली आला. तियाल पुतडाय आंधलो आन मुको केअलो. तिवाल हारो केअयो ताहा तो गोगा आन वेरा लाग्यो. ²³तो विईन वादा लोकाहान नांवाय लागी ते आखां लाग्या, " दाविदा जातीमेने जिया आपु वाट जोवताहा तो ख्रिस्त ओज नाय का?"²⁴लोक ऐहकी आखताला तो उनायन परूशी लोक आखा लाग्या काल्योपुत (वालजवुल) पुतडाहा मोडो अधिकारी हाय, तिया आधाराकी ईशु पुतडे काडी टाकेहे. " ²⁵ताहा तियाल विचार जाय लिईन तियांय तियाहान आख्यो, केललो वी फुट पोडली राज्य उजाड वी जाहे आन केललो वी फुट पोडलो सेहेर नेता पोंगा टिकतो²⁶आन जर काल्यापुत पुतडाहांन काडी टाकहेता. तीया तियाहांमुत विरोध वी जाणारि फाचे तियाहा राज केंहकी टिकणारो. ²⁷आय 'काल्यापुता अधिकारांकी पुतडे काडी टाकुहुता. तुमा पोयरे केंडा आधाराकी पुतड काडते हैं? इयाकी तुमा लोकुज तुमा चुक्या काडी.²⁸पेन आय परमेश्वरा आत्माकी पुतडे काउहुंता परमेश्वरा राज तुमाही आवी गियोहो इ नक्कीज होमजी लेजा. ²⁹तेहकज केडो वी केलला वी पेलवान (सोकतीवाला माअहा) कोअ चोरी केरां गियांता, पंअला तिया पेलवानाल वांदी टाक पोडनारो ताहाज तोअ तिही चोरी की सेकनारो. ³⁰जो केडो वीमा आरी नाहा तोअ मा विरूध्द हाय, आन जो केडो वीमा आरी हेंगलावतो नाहा तोअ खागा वागा केअनारो हाय.³¹इया खातार आंय तुमाहांन आखहु, मांअहु वादी जाती पाप आन निंदा केरी तिया माफी मिली पेन पवित्र आत्मा विरूध्द जो माअंहु निंदा केरी तिवाल माफी नांय मिलनारी. ³²एगदो माअहां पोयरा (मा) विरूध्द निंदा केरी तियाल तिया माफी मिली जाय, पेन केडो वी पवित्र आत्मा विरूध्द निंदा केरी तियाल तिया माफी नाय मिलणार या युगावी नाही आन आवनारा युगाम बी नाहा.³³हारा चाडवा हारो फल, माठा चाडवा माठों फल एहेंकी तुमा चाडो हारो केअरा काहाका चाड तिया फलापेने ओअखायेहे. ³⁴ओ हापा पिलकाहांय, तुमा खोडा हायता हाच्या गोठया केहंकी आखी सेकनारा? जो मोनाम पोअलो हाय मुवावाटे निंगहे. ³⁵हारो माअहु मोनामने हाच्या गोठया का अहेडे. आन खोटो माअहु, तिया खोटा मोनामेने खोटया काडहे.³⁶आजी आय तुमाहांन आखंहु का केलाले वी माअहु जे खोटया गोठवा गोगी. तिया हिसाव तियाल न्याया दिही दां पोडी. ³⁷काहाका तु तो गोगुलापेन निर्दोष होमजावह आन तु तो गोगुलापणेज दोषी वी होमजाव.³⁸जाहा शास्त्री आन परूशी लोकहाय ईशुल आख्या, " ओ गुरू, तु ख्रिस्त हाय तियाल आमाहांन पुरावा देखाव." ³⁹ताहा तियांय तियाहान आख्यो, "इया पिठी खेटा आन परमेश्वरा आरी तियाहां संवध हारो नाहा एहेंडा लोक चतत्काराकी पुरावा मागताहा, पेन तियाहान परमेश्व निरोप्यो योना निशाणी शिवाय, विहिरी निशाणी देता नाय आवणारि. ⁴⁰योना जेकी तीन दिही आन तीन रात मांडा मासा डेडीम आथो तेहकीज, मरअहर पायरो (आय) वी तारती देडीम तीन रात आन तीन दिही रहे.⁴¹परमेश्वर जाहा इ दुनिया न्याय केरि. ताहा निनवे सेहरा माहि उठीन तुमा विरूध्दाम गोगी ते तुमनेहेन दोष लागावी काहाका योना आखल्या गोठ्या मानीन तियाहाय पश्चताप कीन मोन फिराव्या. पेन आमी तुमाहाम योना से वी मोडो केडो तेवी हाय.⁴²न्याया दिही शवा राणी इयां पिठी लोकाहां आरी उठीन इयाहा विरोधाम गोगी.काहाका शलमोन राजा ओकली गोठया उनाय खातार ती तोरती शेवटया सेडहिंन आलली. देखा, इही जो हाय तो शलमोना से वी मांडो हाय.⁴³पेन जाहां दृष्ट आत्मो माअहामेने वारे निंगी जाहे. ताहां तो जिही पाय नाहा रेतो एहेंडा जागाहांम आरामा जागो होदतो फिरहे जागो तियाल मिलतो नाहा. ⁴⁴ताहा दृष्ट आत्मों आखहे, जिहीने आय निंगी आलोहा, तिहीज मा कोअमें आय फाचे जाहाय, जाहा तिही तो आलो ताहा. तो पाँगो तियाल हारो साफसुफ केअलो, रिकामा आन सोवतो केअलो देखायो. ⁴⁵फाचे तो वारे निंग्यो आन तीवासे वी खाराव एहंडे सात पुतडें आरी ली आलो. आन ते वादा आविन तिया माअहांम रेतहां तांहा तिया माअहा दशा पेअला से खुवुखाराव वी जाहे. तेहकीज इयो खोटी पिठी वेरि.⁴⁶ईशु लोकहान गोठया आखतोलो ताहा तिया याहकी आन पावहु तियाआरी गांठया केराखातार आललें, ते वारे रेअले आथें, ⁴⁷ताहा केडाय तेवी तिवसाहान आख्यों तो याहकी आन पावहु आरी गोठया केरा खातारे वारे इवले हाय, "⁴⁸पेन तियाय तियाल आख्यो; केळी हाय मा याहकी ? ⁴⁹फाचे तियाय तिया चेलाहांवेल आय आगाडी किइन आख्यो," देख मा याहकी आन पावहु इंज हाय. ⁵⁰काहाका जो केडो मां होरगामेने परमेश्वरा वाहका मोरजीकी चालेहे तोज मां पावहु, मां बोअही आन मा याहकी हाय, "

¹तिदिहीज ईशुई कोमेने निगीन फुगारा तोडीप जायन वोठो. ²ताहा लोकाहा टोला तियाही पाही टोलवाया; ताहा तो उडीम जायन वोठो आन वाटा लोका फुगारा तोडीप उवारिया.³ताहा तियाय दाखला दिइन खुवुज गोठया तिवाहान आख्या, तियाआख्याव्या पोअनारो पारा खातार निग्यो;

आन तो पातलो ताहा थेडोलो वीयारो वाटीप पोडया, आने चिडे आलेतेखाय गिये.

¹तिया दिहाम चौथाई देशा राजो हेरोदाय ईशु वोद्दल उनायो. ²ताहा तियाय तिया आवत्याहान आख्यो, ईशु ओ वाप्तिस्मा केनारो योहान हाय. तोअ मोअलामेने देखु उठलो हाय तिया खातोरूज तोअ नोवायलागे एहेडे कामे केअहे.³हेरोदाय तिया पावुह फिलिप तिया थेअ हेरोदीया अयोखातोर योहानाल तिइन कचरीम कॉडी देवलो आथो. ⁴काहाका योहान तियाल आखतुला, तु तियाल थेअ राखीलेटीइ देवा नियमशास्त्राहा विरूध्दाम हाय. ⁵हेरोद तिवाल मांय टाकनारो आयो पेन तो लोकाहान धाकातलो काहाका लोकाहा एहेडो भोरूसा आशो का, योहान संदेष्टा आशा.⁶हेरोदा जोल्मा दिही हेरोदिया पोयरीय राजमेहेलाम नाची देखावील हेरोदाल खुश केअयो. ⁷तियाकी तियाय शपत लिइन वचन देदो. ती जो⁸तियु याहाकीय जेहेकी आख्या, तेहकी तीयुव आख्यो वाप्तिस्मा केनारा योहाना मुनको थालीम थोवीन माल इही लावी द्या. ⁹हेरोद राजाल खुव दिलगीर वेयो. पेन तियाय तिया आरीजी शपत खायन वचन लेटलो आयो आने पागातीम लोकाहाहुवुर तो दिदा आखी देदो.¹⁰आने तियाय कचरीम माअहे मोकलीन योहाना मुनको तोडी टयाक्यो. ¹¹आने तियाय तिया मुनको थामील थोवीन ती पायरील लावीदेदो. तीयुय तो तियु याहाकील लावी देदो. ¹²ताहातिया चेला आवीन तियामुरदो विसीली जायने तिवाल टाटी देदो आन तीयाही जायन जी बेअयो तो ईशुल आखी देखाव्या¹³ताहा तो उनायने ईशुल तिवाहीने उडीम ओहीन दुजा जागावे निगी गिया. इ उनायने आने लोकाहा टोलो सहैरामने तिया फासला पागे- पागे गिया. ¹⁴फासे जाहा तियाय खुव लोकाहागर्दी वेड़यी. ताहा तियाल कीव की आली आन जे दुःखी आथे तियाहान तियायहसरे केअये.¹⁵जाहा वाअतो पोडयो ताहा चेला तियाही आले आने आख्यो, ओ ता जोगंला जागा हाय आने खाऊला टेम आवी गीयोहो. लोकाही गावाम जायने जियातिया खावनु बेचतोली तीयाल तियाहान मोकलीदे.¹⁶पेन ईशुय तियाहान आख्यो, तियाहान जावनु गोरोज नाहा. तुमाज तियाहान काय खावनु द्या." ¹⁷तियाहान तियाल आख्यो आमाहावे काय" पाच माडा आने वेन मासे हाय" ¹⁸तियाय आख्या ते माआइहीली आवा¹⁹ताहा लोकाहान चारावे वोहा आखी देदो. तियाय त्या पाच माडा आन वेन मासे लिइन उच्चे जुगावेल विड्न तियाय तियावे आशिर्वाद माग्यो तियाय माडा मुडीन चलाहान देदो आने चेलाही लोकाहान वाटी देदा. ²⁰तें वादे खायन ताराये गिये. आने त्या बादी गेहला मांडा तियाय वारा सिवले पोराय गिये. ²¹मांडा खानारे पाच हाजार आदमहज आथा. आने तिहीम वाया पोयरेवी आथे.²²आय लोकाहान मिलीन वाटे लागवुतलो तो तुमा उडीन वोहीन माआ आगला तियो तोडी जा एहेकी आखन तियाय तुरूतुज चेलाहान मोकली देदे. ²³लोकाहान मोकलीन देदा ताहा तो प्रार्थना केराखातार एकीहोवे एखलोज डोगापे चांडीन गियो आन रात वीगियी ताहा तो तिही एकलोज आथो. ²⁴पेन दडी फुगाराम आधी आने तिही वारो हुवुरने चालतुलो आयो ता उडील पाआया लाफाकी उचे एठा आलतुला आने तीयाखातारे ते तियावे आवरीनाय सेकतुला.²⁵ताहा राती मोठा पाहाटा आरी ईशु तियाहाहोब आलो. तो पाआयापे चालतुल आथो. ²⁶चेला तियाल पाअयापने चालातो देखीन विगीया आने आखा लाग्या ओ "पुत हाय." आने तेअ वियान वोवल्या. ²⁷पेन ईशु तुरुतुज तिवाहान आख्या हिंमत केरा आय हाय; वीवाह ना.²⁸पेत्राय आख्यो, प्रभुजी तु हाय ताहा माल पाअयावेने चालीन तो पाही आवा आख. ²⁹ईशुई आख्यो,"आव" ताहा पेत्र उडीमेने उतीन तरे पायापे चालतो ईशुई जा लाग्यो. ³⁰ताहा तोअ पाअयापने चालतुलो ताहा जोराहाकी वारो आलो तोवीड़न वीया गियो आन वुडालाग्यो ताहा वोवलीन आख्यो "प्रभुजी माल वाचवे."³¹आने तुरुतुज ईशुई तिया आथ आगला किएइन तिवाल तेअयो आने आख्यो ओ कोमीविश्वास्या तुयु काहा तेयो. ³²आने ईशु आने पत्र उडयाम गिया ताहा वारो वोंद वेअयो. ³³ताहा जे चेला उडीम आथा ते तिवाल पागे पाडीन आख्या लाग्या, " तुज खेरोज देवाज पोअयरो हाय."³⁴फाचे ते फुगारा तिवेल गनेसरेत भागाम गियो. ³⁵तिहीने लोकाहाय ईशुल ओखीन ताहा तियाहाय पाही पाहीने बांदा गावाहाम वातमी आखी मोकली, आने माहा वादा प्रकारा वीमारी लोकाहान तियाही ली आले. ³⁶आने आमाहाल तोअ पोतडा कोराल आथलीला दे, एहेकी विनती केएई, ताहा जोताहाय तियाल आथाल्यो तोतेहे हारे वेये.

¹ताहा यरूशलेम शहरामेने थोडाक परूशी आणे नियमशास्त्रा विरूध्द ईशुई आला आणे आख्यो. ²तो शिष्य वाड - वडीलांये लागुवला नियम काहा पालता नाहा कारण तो शिष्य मांडोखा आला पेहेला आथतोवता नाहा." ³ईशुई त्याल उत्तर देईन आख्या तुमा तुमाआ परंपारा चालवा केअता देवा आज्ञा काहा मुउताहा.⁴काहाका देवाये आखाला हाय का, तोअ याहकी वाहका मान राख आणे जो केडो आपु याहकी -वाहका वद्दल खारावे गगेहे त्यालामाय टाका जोजि. ⁵पेन तुमा आखता जो केडो वाहाकाले आणे याहाकील आखी का माल तो केहता जो भी देअलो आथो तो देवाल अर्पन किदेदला हाय. ⁶ते देवा नियमशास्त्रा मुळेरिया हा का आपु वाहका आणे वाहकी सन्मान केराने जोजे या प्रामाणे तुमा आपु अहेडा रूडीपरंपरा देवा वचन वाद केअला हाय.⁷ओ ढोंग्याहा तुमा विषयी यशया संदेष्टयांये खेरो आख्योहाय तो आखे. ⁸हे लोक ओठांकी माआ सन्मान केहता पेन तीयाहा अंतः करण माहायीन दूर हाय. ⁹आणि ते माहा नियम आपृ धर्मातत्वे म्हणून हिकवृता आणे व्यार्थमाआ भक्ती केहता.¹⁰ताहा लोकांहाले हादीन त्याये आख्यो उनाया आणि होमजी ल्या. ¹¹जे मुया वाटे माज जाये तो माहाल अशुध्द नाहा. पेन जो मुयामेने वारे निघे ताज माहाले अशुध्द केले.¹²पासे शिष्य पाही आवीन त्याले आख्यो "परूशांही इ उनाया ताहा तीहाले रोग की आली ई तृलो होमज्या का? ¹³पेन त्याये उत्तर दिईने आख्यो, प्रत्येक रोप जो माआहोरगामेने वाहकाय लागवुलो नाहा तो उपटुलौ जाय." ¹⁴त्याहाले जाओ दया ते आंदला वाटया आही जर एका आंदल्या वीहीरा आंदलाचे वाट देखावा प्रयत्न केओयो ते वेनीवी खड्डाम पोडी.¹⁵पेत्राय आख्यो आमाआ केअता ओ दाखलो खुलो किहीन आखा. ¹⁶तुमा आजीवी नेयहोमजूनारा हाय का ? ईशुई त्याहाल फुच्या. ¹⁷जो कायभी मृयाम जाये तो वाठो डेडीमं जाये आणे हाती आगीन वारे टाकाम आवे ई आमीलाग तुमाल होमजू तो नाहा का ?¹⁸परंतु ज्या गोठया मुयामेने वारे निघत्याहा त्या गोठया अतः करणाम ओवत्याहा आणे त्याच गोठया माहाले अशुध्द केहत्या. ¹⁹काहाका खराव विचार खून सिनालो, जारकर्म खेटया साक्षीनिंदी ई अतः करणामेनी वारे निघतेहे. ²⁰महालो अशुध्द केणान्या जे गोठया आही पेन नेय तावला आयाकी खादो ते माहावू अशुध्द वेतो नाहा.²¹फासे ईशु तिहाने निगीन सोर आणे सिटोन या भागामे गियो. ²²ताहा एके कनानी थेअ त्या भागामेनी ईशुहोवे आली, तीथेय वोवलीन आख्या प्रभु दावीदा पोहअरा, माआपे दया कये. माआ पोयरी भृथडा की खूव पिडाली हाये. ²³पेन ईशुई एका शब्दाकी वी उत्तर देदो नाहा ताहा त्याआ शिष्याये त्याही आवीने विनती केअयी तीले मोकली दे काहाका ती आमा फाचला वोवलूती आवे हे.²⁴पेन ईशुई उत्तर देदो माल देवामे इस्त्राएला टाकालाहा त्या मेंढा होवे मोकलुलो हाय. ²⁵हातीतीथेय फाचे ईशुही आली ती ईशुई पागो पोडी आणे आख्या प्रभुजी माल मदत केरा. ²⁶पेन त्याये आख्या पोअरा माठो लिने कुत्राल टाकुलो वरांवर नाहा.²⁷तीय आख्या हा प्रभूजी पेन तेरीवी कुत्रेवी आपु तोणारा वाटामेने पोडला चूरो खातेहे. ²⁸ताहा ईशई तिल उत्तर देदो वाय तो विश्वास मोडो हाय तु ओ इच्छा प्रोरमाने तुल मिली जाये आणे त्याच वेले तीई पोयरी हारी वेअरी.²⁹फासे ईशु तोहीनी तिगीने गालीला फुगारा पाही आलो आणे ईशु डोगांप चोडीने तीही वोठा. ³⁰हाती खुव लोक तीयाही आला त्याही आपु आरी लुलो, पांगले, आंधले, वेरे आणे वीहीरे अनेक लोकाले ली आला आशा आणे त्याये त्या वीमाच्याल ईशु पागाउ थोव्या ताहा त्यावे त्याले हारे केये. ³¹मुके गोगा लाग्ये लुले आथे ते हारे व्येअये लेंगडे चाला लाग्ये आंदले वेरा लागे ई वेईन लोक दोंग वेअया आणे त्याही इस्त्राएला देवाआ गौरव केओया.³²हाती ईशुई आप शिष्याले हादीने आख्यो, माल लोकांहा किवा आवेहे काहाका ते आज तीन दिहापने माआरी हाये आणे त्याहापे खाऊला काच नाहा आ त्याहाने पुखे मोकलुलो ओहेकी माआ इच्छा नाहा काहाका ते वाटे कदाचे थाकीपोडी. ³³शिष्य त्याले आख्यो " ओहा मोडा लोक टोलाले ताराये ओत्या मोठा इया दूर जांगलाम आमाहापे किहीन वेरी. ³⁴ताहा ईशुई आख्यो तुम्हापे कोता मांडा हाये ? तियाये आख्यो आमाहापे सात मांडा आणे वायेके हाणे मासे हाये. ³⁵हाती त्याचे लोकाल ऐठा जागापे वांहा आज्ञा केअयी.³⁶हाती त्या सात मांडा आणे मासे लिईने देवाआ प्रार्थना (उपकार) (मान्या) आणे त्या मांडा मुडया आणे शिष्याल देदया आणे शिष्याये लोकाहाले देदया. ³⁷ताहा ते वाठे ताराये गीवे आणे त्याये उरला मांडा तुकडाकी सात सिवले टोला केओये. ³⁸आणि मांडी खाणारे भैया आणे पोयरे सोडीन चार हजार माहाये आथे. ³⁹हाती गोदीले निरोप दिने वाटे लागने तो तारुावे वोहीन मगदाना प्रदेशाम गियो.

¹परूशी आणे सटुकी लोकाहाले ईशुई परीक्षा बेरूलो आधो म्हणुन ते ईशुई आले आणे आमहाले वादलामेने चिन्हा देखाव एहेकी मागनी त्याये केअई. ²पेन ईशुई तियाहाले उत्तर देदो तुमा वातीवेल वेड़ ताहा आखता हवामान हारो वेरी काहाका वदलो तांवडो हाये.³आणे तुमा हाकालीवेल आखता आन बादलो बेरी काहाका वादलो तांवडो आने जाहको जाडो हाये. तुमाहाले वादला रूप वोहकुता आवेहे पेन कालवेल लक्षणे ओहकुता आवतो नाहा का ? ⁴दुष्ट व दुवाआरी इमानदारीनेय रेनारी पीढी चिन्हे (साबुत) होदेहे पेन त्याहाले यांना संदेष्टया शिवाय वीहरो चिन्ह (सोवुत) देवाम आवणारो नाहा हाती तो त्याहाले सोडीन गीयो.⁵ईशु आणे तिया शिष्य फुगाराती तोडी गीया ताहा मांडा लीला विहाराया. ⁶ताहा ईशु त्याहाले आख्यो परूशी आणे सटुकी याहा खमीरा विषयी सावध रेजा (हुशारीम रेजा) ⁷ताहा ते तिहामे विचार कीने आख्या लाग्या आपु मांडा नाहा लेटा तिया ते एहेकी आखताहा. ⁸पेन ईशुई ओहकीन आख्यो ओ वाय कोमी विश्वाश्या आपु मांडो लेदो नाहा रहेकी तुमा आपसाम काहा केएहताहा.⁹आमीलाग तुमाहान इत नाहा का पाच मांडा पाच हजार लोकाहाले खावाडीन ते आले त्या फासे तुमा कोताहा सिंवले उचलीलेटे इ तुमाहान इतव्यो नाहाका. ¹⁰तेहकीज चार हाजाराहाले खावडा सात मांडा आणे तुमा कोतेहे सिंवले उचलीलेदे इ तुमाले इत नाहा का?¹¹आय मांडा विषयी तुम्हाले आख्यो नाहा तर परूशी व सटुकी यांहा खमीरा विषयी सावध राआ एहेकी आख्या ई तुम्हाले केहकी होमजुतो नाहा. ¹²ताहा त्याहाले होमज्योका त्याहाले मांडा खमीरा विषयी सावधराहा आख्यो नाहा ते परूशी आणे सटुकी त्याहा हिकवनु विषयी सावध राहा आख्या आयो...¹³ईशु फिलिप्पाया कैसरीया या भागा होवे गियो. तो तिया शिष्याहाले आख्यों मा पोयराल लोक काय म्हणुन आखताहा. ¹⁴आण त्याई आख्या काईके वाप्तिस्मा केअनारो योहान तेरकाताक एलीया आणे वीहरा काम यिर्मया किवा संदेष्टयापैकी एक एहेकी आखतेहे. ¹⁵हाती ईशुई तिहाल आख्यो पेन तुमा माल केडो म्हणुन आखताहा. ¹⁶शिमोनपेत्राये आख्यो तु ख्रिस्त जिवता देवा पायरो हाये.¹⁷ईशुई आख्या, शिमोन वार्यांना तु धन्या हाये काहाका रोगोत आपे माहाया आकी तुले उलगडो केयो नाहा. ते मा वाहको हारेगामे हाय त्याये तुले इ उलगडो केयो. ¹⁸आजी आय तुले एहेकी आखुका, तु पेत्र आहे आणे इया खोडकापे आमा मोंडली उवजावेहे आणी तिया आगला मोला माहा वाअनाहा काड्जे चालनारो नाहा.¹⁹माय तुले होरगा राजा कुच्या देहेओ आणे तोरतीपे जो काम तु सुटो केहेव तो होरगामे सुटोकेराम आवी. ²⁰ताहा तीयाये शिष्याहाले होमजावीन आख्यांका आय ख्रिस्त हाय ई तुमा केडालुज आखाहा नाहा.²¹तोहीनेज ईशु ख्रिस्त आपु शिष्याहाले आखा लाग्यो का आपु यरूशलेम शहेराम जाआवु, वडील, यदुदी नेता आणे मुख्य याजकलोक आणे नियमशास्त्रा शिक्षक याहाकी खुवुज तारास भोगावी आणे मायेटाकावी आणे तीसरे दिही फासो जिवता उठालो जाय इया जरूरी हाय. ²²ताहा पेत्राये त्याले एकीवेले निईन मनाकिईने आख्या प्रभु तोओवेन ई दूररिओ ऐहेकी तुले किधीज वेणारो नाहा.

¹सोब दिही वी गिया ताहा ईशुई पेत्र, याकोव आन याकोवा पावहु योहान ईयाहान आरी हादी लेदो आन तो तियाहान उचा डोगावे हुना जागाम लीगियो. ²तिहीतियाहां हुवुर तिया रूप वादला गियो, तिया मुंय दिहा हास चमका लाग्यो आन तिया पोतडे उजवाडाहोच उजले वी गियें.³ताहा तो मोशे आन एलीया इयाहा आरी गोठ्या केअता तियाहान देख्यो. ⁴ताहा पेत्रांय ईशुल आख्या, आने प्रभु, आपू इहिज रेवनु कोतो हारो हाय, मोरजी हायता आय इही तीन मांडवा बनावेहे, एक तोय खातोरे, एक मोशे खातोर, एक एलिया खातो.⁵पेत्र तिया आरी गोठया केअतलो, ओतामुज खुवृज उनला वादलाय तियाहावे सांय की देवी आन तिया वादलामेने आवाज आलो " ओ मा मोयालो पायरो हाय इवाकी आय खवुज खुश हाय, इया तुमा उनाया" ⁶ईशु आरी आथा ते चेला इ गोठ उनाया ताहा ते खुव वीड़ गेहेला तियाखातार तारतीवे उवडू पोडी गेहला. ⁷ताहा ईशु तियाहाही आवीन तियाहान आयाहांन आथलीन आख्याहे उठा! विवाहा मां.

¹तिया टेमावे ईशु चेला ईशुही आला आन फुचां जाग्या होरगा राज्याम वादाहां से मोडो केडो ? ²ताहा तियाय एक हाना पोयराल तियाही हादीन तियाहाम उवा केअयो. ³आन आख्यो, आंय तुमाहांन खेरोज आखंहु, तुमा मोन वदलीइन इया पोयराहोच वेअया वाची तुमाहांन होरगा राज्याम जावानारोज नाय."⁴इयाखातार जो केडो माअंहु सांवताहा इया पोयराहोच नंम्र मोना वेअहे, तॉज हारेगा राज्याम वादाहां से मोडाम मोडो उवजी. ⁵आने जो केंडो माअहु एहंडा एका हाना पोयराल मांय नावाकी हादी लेहें, तोअ मान हादी लेहे. ⁶पेन जो केडोवी माअद्दु माअवे विश्वास थोवनाराहांमने एकाल विश्वास थोवून से दुर की, दी, तियाल वेअनारी विहिरी मोडाम मोडी शिक्षा से तिया कोगीम मोडो डोगडो वांदीन, तियाल फुगाराम डंडा पांअयाम वृडवी देवनू इं हाराम हारे हाय.⁷प्रभुवे विश्वास थोवजाहान विश्वासामेने दुर ली जातहे, तियाकी वाकी दुन्या वे पीडा आवी काहाका विश्वासाहान विश्वासामेने दुर केअनारा नक्कीज हाय, पेन जो माअहुं विश्वसाहान विश्वासामेने दुर केअहे तियावे वी पीडा आवी. ⁸तोअ आथाकी नेता पागकी खोटं फाम किइन तु विश्वासामेने दुर वी जातो वेरी ता, तु तिवाहान पाडीन फेकी दे! तोअ वेन आथ वेन पाग हाय आन तु नरका आगीम टाकाम जाहो, इया से ठोठयो नेता लेंगडो विइन होरगा जावनु इं तोअ खातार हारो हाय.⁹तोअ डोआकी तु विश्वासामेने दुर वी जातो वेरीता तियाल काडीन फेकी दे, वन डोआ रीइन नरक आगीम टाकाय जावनु इया से, काण्यो विइन होरगाम जावनू तोअ खातार हारों हाय.¹⁰देखा, इं हाने पोयरे कावींज काम्ये नाहा, एहेकी मं होमजाहा आंय तुमाहान आखंहु. इया हाना पोयराहा दुत होरगाम सादा मांआ होरगामेने वाहका आरी रेतांहा. ¹¹जें लोक टाकाय गेहला हाय, तियाहान वाचावा खातार मा अहा पोयरो आलाले हाय.¹²तुमाहांन काय होमजायेहे जर एगदा माअहांवे (१००) होव मेंठे हाय. आन तिवाहामेने एक मँठो टाकाय गियोतां तोअ काय केअनारो ? (९९) नांव्यानांवे मँठे तिहिज दिन, डोगाम जायन टाकाय गेहला. मेंढाल नाय होदनारो का ? '' ¹³आन तिहिनं माअहाल तोंअ टाकाये गेहलो मेंढो सापडयोता, तोअ किदिहीज टाकाये नाय तिया (९९) नांव्यानांवे मेंढा खातार जी खुशी तियाल वेअहे, तिवासे वाद खुशी तियाल टाकाय गेहला एका एका मेंढाखातार वेअनारी. ¹⁴एहेकीज, इया हाना पोयराहा मेने एकावी नाश वेरा नांय जोजे एहेकी तुमा हारेगा वाहका मोरजी हाय.¹⁵जर तोअ विश्वासी पावहाय तोअ विरूध्द पाप केअयोता तुं तियाही जो आन तुमा वेनी एखलाज रिहा तांहा तु तियाय केअलो पाप आखी देखाव, जर तियाय तो अ आखली गोठ मानी लेदी ता तुयुंय पावाहाल मिलवी लेदों. ¹⁶पेन तियांय तोअ गोठ नांव मानी ता तुं आजी एक नेता वेन लोकाहांन आरी लहइन तियाही जों," ती गोठ खेरी सावून बेरांखातार वेन नेता तीन साक्षीदाराहां जरूरी हाय.¹⁷पेन तोअ तियाहावी नांय उनायीता मंडळी लोकाहान आखी देखाव आन तोअ मंडळी लोकाहा वी नांय उनायीन तो तुल दुन्यामेने अविश्वासी लोकाहा होच आन करपट्टी लेनाराहां होच बेरी.¹⁸आंय तुल खेरोज आखेहुंका जो काय तुमा तोरतीवे मान लेताहा तोअं होरगाम मानाय जाय आन जो काय तोरतीवे नांय तोअ होरगाम वी नांय मानानारो. ¹⁹आजीआय तुमाहान आखंहु का तोरतीवे तुमाहांमेने जा एका मोनाकी काय वी वस्तु मिलवांखातार प्रार्थना करीता, मांअ होरेगामने वाहको तियांहान ती वस्तु दी देनारो. ²⁰काहाका तिही वेन नेता तीन जां मांय नांवाकी एखहे वे अतेहे, तिही आय तियाहाम रिंहु.²¹तांहा पेत्रांय तियाही आवी तीयाल फुच्यो, ओ प्रभु मांअ विश्वासी पावहु माअ विरूध्द गेनो केअतो रियो ता आंय तियाल कोती दाव माफ किवं? सात उबलुग का ? ²²ईशुई तियाल आख्यो " सात दाव एहेकी आंय तुल आखतो नाहा पेन साता सत्तर दाव लुग माफी केअजे.²³इयाखातार होंरंगा राज एका राजाहोय हाय, तियाल तिया आवत्यांहा बेने इसाव लेवन एहेकी तिया मनाम विचार आलो. ²⁴ताहां राजा हिसाव लां लाग्यो ताहां तिया एका आवत्या वे लाखे रूप्याहां कोजों निंग्या, तियाल तियाही ली आले. ²⁵पेन तोंअकर्जाे सुहांखातार तियावे कावीज नाय. आशा, तियाखातार तिया मालिकांय आख्या तियाखातार तिश मालिकांय आख्या का "तियाल आज तिया थेअ - पोयरे आन तिया जी वी मिलकत हाय ती वादी बेचीन कज पुरो की लेवनु "²⁶ताहा तोअ आवत्यो, तिया पागें पोडीन तियाल आखा लाग्यो, ओ मालीक वायज धीर ते, आयं तोअ वाटो कजों पुरो केअहे. ²⁷ताहां तिया मालीकाय आवत्या वे दोया केअयी आन तियांय तियाल सोडी देदो आन तिया कजॉ वी माफ किदेदो.²⁸पेन ओ आवत्यो वारे गियो, ताहां जियावे तिया होव रूप्या लेवनु आथा तोअ आवत्याहां मेने एक जां तियाल तिल्यो, ताहां तियांय तीया वोचीम तिझ्न आख्यो . तो वे मां काज हाय तोअ आवीन आमीज दे. ²⁹ताहां तिया जोडीदार तिया पागे पोडीन आखां लाग्यो, धीर तेअ, आय तोअ कजों पुरो की देहे,³⁰तेवी तियांय तिया आखली गोठ नाय मान्यो आन तिया कजॉ जांबलुग तियाय पूरो नाहा केअयो, तांबलूग चरीम कॉडी देवो. ³¹फाचे ड्यांय जो काम केअयो तॉअ तिया जोडीदारआवत्याहाय वेअयो, तांहा तेअ खुवुज निरास वी गिया आन तियांहाय जो काय वेअयों तांअ वादो मालीकाल खुलो आखी देखाव्यां³²ताहा मालिकाय तिवाल तियाही हादीन आख्यो, ओं खोटा आवत्या, तुयुंय मान रांअव्या (विनती) केअरी तियाखातार माय तोअ वादो कर्जा माफ की देवो. ³³जेहेकी मांय तोअवे दोया केअयी तृयूंय वी तोज जोडीदारावे दोया केरा नाय जोजे का ?³⁴आन मालीकाल तिया वोद्दल रोग की आली आन तियांय तिवाल तिया वदो कर्जा पूरो केरी तांबलुग तियाय तियाल शिक्षा के अनाराहा आथाम दि देदो. ³⁵जर तुमा बी पूरा मोनाकी आप पावहाल माफी नाय क्याहां ता मांअ होरगामेने वी तुमाहान तेहेकीज केरी.

¹ईशुई आंख्या गोठया आखिन तो गालील मे जो जाता रीया आने वादॅनखाडी पारकीन विहिरीवेला यहूदीया देशाम गीयो. ²ताहां खुव मोडो टोलो तिया फासाडी गियो आने तिहिनि खुव आजारी माहान तियांय हारे केये.³आरदे परूशी ईशु पाही आलें ईशु कारवी गलत गोगा जोजे आखीन ते चाल केरा लाग्या. तियांय ईशुल फुच्यो, कायवी कारणा की ऐगा माहाय तिया थेड्रल सोडाय का? ⁴ईशुई उत्तर देदो," पवित्रशास्त्राम एहकी लिखलो हाय तुमाय खेरेज वाच्योवेरिता जाहा देवाय जग वोनबुला.⁵आने देवाने आख्या, तीहाल माहूव तिया वाहकी - वाहकाल सोडीन आने थेई आरी ते वेनी एक सरिरा रि." ⁶तिहाल वेन माही वेन नहा पेन एक हाय. देवाय तिया वेन्याल आरीज जोडले हाय. तियाल फेला वी माहाय तिवान दुर केएनुनाहा.'⁷पूरश्याय फुस्यो,' एहकीज हाय, ता, माहीम फारगुती लिखिन दिन आनेतिया थेईल सोडी देवनु दुर केलु आज्ञा मोशेय काहा देदी. ? ⁸ईशुई उत्तर देदो,"तुमा अंतकरणा कठोरपणा विड्न मोशेय तुमा श्रेया सांडी देवनु आखला. पेन पेहला पारगुती एहकी नाय आथो. ⁹माय तुमाल आखु, जो माहुव तिया स्वता थेई सोडी दे आने विहरी थेई आरी वोराड केहे तो व्यभिचार केहे. तियाल. थेईल सोडनु एकच कारण हाय. आने जो वीि सोडली थेई आरी वोराड केहे तो वी व्यभीचारी री.¹⁰फासे तिये शिष्य तिया आख्या लाग्या, " जर कोअवाला आने थेई परिस्थिती एहनडी रे ता वोराड नाय केनु हारो रे." ¹¹ईशुई उत्तर देदो,"एहनडी अक्कल आखाज नाहा हाय. जियाल हारी शिकवण हाय एहकी नाव के. ¹²कारण याहकी गर्भामनुज जन्म नपुंसक एहकी हाय आने माहा केल एहकी नपुसंक हाय आने स्वर्गा राज्या खातोर तियाय आपुहुल नपुसंक की लेटलो हाय. जियाल ई स्वकारता आवे तो स्वीकारे. "¹³फासे ईशु आप पोयराप आथ थोविन प्रार्थना केरी तिया खातार माकी तिया पोयरे तिया पाहीति आले. पेन ईशु शिष्याय पायरान पाही लावा नाहा देदे. ¹⁴पेन ईशुई आख्यो, '" हाना पोयरान मा पाही आवा दया, तिहान मना नाहा केरा.काहाका स्वर्गाराज्य तिया सारखाज हाय." ¹⁵पोयराहाप आथ थोवीन ईशुई तिहने रातोरिया.¹⁶फासे बेरा, केडातेवी एक माहु ईशु पाही आलो आने फुसा लाग्यो, "गुरूजी सार्वकालीक जीवन मिला जोजे तिया खातोर माय काय केहु ? ¹⁷ईशुई आख्यो," काय हारो हाय एहकी मान काहा फुसा.? फक्त देव एखलोज हारो हाय पेन जर तुल सार्वकालीक जीवन जोजे ता आख्या आटण्या पाल."¹⁸तियाय फुस्यो, "केल्या आज्ञा ?" ईशय उत्तर देदो, "खून नाहा केरो, व्यभीचार केरो नाहा, चोरी नाहा, खेटी साक्षी देव नाहा. ¹⁹आपु याकी वाहकाल मान दे आने जेहकी स्वताल प्रेम केतो तेहकीज वी प्रेम के. "²⁰तो पायरो आखालाग्यो." ऐ आख्या आज्ञा माय पालतो आला हाय. माय आजी काय करू ?" ²¹ईशुय उत्तर देदो." तुल जर पिरपूर्ण वेरा हाय ते तो जो कावी तो बेची दे आने पायसा गरीवान वारीदे. म्हणजे तुल स्वर्गाम मोडी संपत्ती मीली आने चाल मा फासाडी. " ²²पेन जहा तिया. जुवान पोयराय ई उनाया, ताहा नियाल खुव दुःख वाटयो काहाका तो खुव मालदार आशा, आने तो ईशुल सोछीन जातो रियो.²³ताहा ईशु तिया शिष्यांन आख्यो," माय तुम्हाल खेरे आखु, धनवान महाल स्वर्गा राज्याम प्रवेश केरा खुव कठीन रेहे. ²⁴माय तुमाल आखु का, मालदाराल स्वर्गा राज्याम प्रवेश वेरा म्हणजे उंटाल हुई मेने नीगुल होस."²⁵जाहा शिष्याय जे गोठया उनाया ताहा खुव आश्चर्यचकीत वेया. तियाय ईशुल फुस्यो," हाती केडा तारण वेरी?" ²⁶ईशुय शिष्या वेला वेयो आणि आख्यो," महान इ अशक्य हाय, पेन देवाखातार आखा गोठया शक्य हाय." ²⁷पेत्र ईशुल आखे," वेरा, आमाय आखो काय सोडी देटो आणे तुमा फासाडी आला. हाती आम्हाल काय मिली."²⁸ईशु आखे," माय तुम्हान खेरे आखु, नव्या युगाम जहा महा पुत्र गौरवी राजासनावर वोही ताहा तुमा जे आवाज मा फासाडी आला ते आखाज वारा राजासनाव वहा आने इस्त्राएला वारा वंशा न्याय केहा.²⁹जियाय जियाय मां फासाडी आवा आपु कोवो, पावु, वाही, याहकी वाहको, पोयरो, खेतीवाडी सोडी बेरी तर तिया तिया पेक्षा जास्ती मिली आने तियाल सर्वकालीक जीवन मिली. ³⁰पेन खुव जे आमि आले ते शेवटी वेरी आने जे शेवटी आले ते पेहले वेरी.

¹तियाल स्वर्गा राज्य ई खेतमालकाहोस हाय. जे खुव वेग्यो तीया द्राक्षवाडी मोलम मजुर लाखातोर गियो. ²तिया ताहाय एक पिडा खातार हरेकाल एक चांदी पोयसा दा कवुल केयो आणे तियाय द्राक्षा मळया कामा खातार पाडव्या.³वेगवेले नऊ वाजे माहा वाजारा मे गीये ताहा तिहाये माहे ऊवले वेये त्या लोकांते कसजे काम तेये आथो. ⁴आणे तीयाये तीयाने आख्यो, तुम्हा वी मा द्राक्षावडीमे कामाप जा जी मजुरी हाय ती माये तुमाने देहे.⁵आणे ते काम केरा वाडीमे गये आणे तो माहु (१२) बारा वाजे आणे (३) तीन वाजे वाजारामे गयो आणे तीया काम केनारा. माहा खातोरे (२) बेन ढाये जायने

मोजुरी देती (५) पाच वाजे तो माहु फासु एक ढाय वाजारामे गीवो आजी तीवाये माही उवले वेये.

¹ईशु आन तिया चेला यरूशलेम शेहेरूपाही आलाताहा ते जेतुनडोंगाप बेथफगे इयाजागाप रोकायाशुतिया बेन चेला हाल मोकल्यो, ²तियाहाल ऐहकी आख्योका, तुमा हेाबुऱ्या गावाम जा आन एक फुरक्यो बांधतो देखाय तिया आरी एक फुरक्यापिलको तुम्हाल देखाय तियाल सोडीन मापाही लिआवा. ³ऐगोहो तुमाल फुची, ताहा तियाल आखजा प्रभुल इया गोरज हाय तोलो गेय मापा ही मोकली.⁴इया खातोर वेयो कासेवकांहा जोआखलो आथों तो पुरोवेरा जोजेका ⁵सियोना पोयरील आखा तो राजोली नवीन गोदडाप म्हणजे पिलकाप बोहीन तो इही आहे.⁶ताहा चेला जायने ईशु आज्ञा प्रमाणे केयो. ⁷चेला गोदडा पिलकाललाल आन तियाप तियाय डोगल्या फांगाव्या आन ईशु तियाप बोठो. ⁸खुब लोकाहाल तियाहा पोतडे वाटीप फांतये बिहरा चाडवाडल फ्यातोडया आन त्यारो सतापफेलाव्या.⁹ईशु आगला चालणारा लोकाहा टोलो आन फांचला चालता मोडा आवाजाकी बोंबला लाग्या. ¹⁰ताहा ईशुय रूशलेम शेहेराम गियो ताहा बाठो शेहेर गजबुजननिंग्या आज लोक फुचालाग्या ओ केडोहाय? ¹¹लोकांहाय आख्यो ओगलील तुनासरततु भविष्य वक्तो ईशु हाय.¹²ईशु परमेश्वराभवनाम गियो ताहा भवनाम जेवेचतेलेणारा आनदेणारा जे व्यवहारकेतुला तियाहाल बारे मोकलालाग्यों आन पोयसाहा व्यवहार केनारा जागो विसकाडी टाक्यो आन कबुतरे वेचनाराहा जागो विसकाडी टाक्यो. ¹³आन तियाहान आख्यो, शास्त्राम ऐहेकी लेखलो हायमा पोंगो प्रार्थना पोंगो आखाय पेन तुमावाह रेजागो वनाव ताहा. ¹⁴तियाल फांचे आंदले लेगडे माअही मंदीराम तियाइही आलें. तियाय तियाहान हारेके अये.¹⁵पेन जाहा मोडा आयकाहान आन नियमशास्त्रा हिकवुनारा जनोवाय लागे एहेंडे कामे जेंतियाय केअयेते आज पोयराहा जमंदीराम दाविदा पोयराल होसान्ना एहेंकी आखता देख्ये ताहा तियाहान रोगकी आली. ¹⁶आन ते ईशुल आखां लाग्या तु नाहा उनातो का काय आखते हें. ईशुई तियाहान आख्योहांवाच्यो कातुयंय पोयराहा आन हुदखानाराहा नापोयराहां मुंयाकी स्तुती केरावी ही हाय इतुमा वाचाम कधीही आलो हो का. ¹⁷फांचे ईशु तियाहाल सोडीन सेहेरावारेवेथानीसाम गियो तो आखी ति हीरियो.¹⁸बिहीरो दिहीवेगीवेले तो सेहेराम फाचे आवतुलो ताहा तियाल पुखलागी. ¹⁹तिया वाटी एकी वेला एकअंजीरा चाडवो देखायों. तो विन तो जागे गियोपेन तियाल पाना शिवाय तियाल एकबी अंजीर देखयो नाहा ईशु तियाचाडवाल आख्यो आमीने तोअ कायमुज फल नांय लागनारों ताहा तो चाडवो तुरूतुज हुकाय गियों.²⁰चेलाहाय इवेयो ताहा तियाहान खुप नोवाय वाटयो, तियाहाल फुच्यो इअंजीरा चाडवो ओतीमाहारा हुकाय केहकी गियो ? ²¹ईशुई तियाहान आख्यो माय तुमहाल खेरोज आखुंहु जो मोनाम शंका नांय केअता विश्वास क्याहांता जो मायुय इया अंजीरा चाडवाल केअयों तो तुमाक्याहा ओतों जनाय पेन इया डोगाल आखाहाका इही ने उठीनदोऱ्याम जायन पोडतावीवी जाय. ²²आन जो काय तुमा तुमा विश्वासाकी जो प्रार्थनाम मागाहा तो बादों तुमाहान मिली जाय.²³ईशु मंदीराम जायन हारी गोठ आखतलो ताहा मोडा याजक आन यहुदी लोकाहांडाया तिया इही आला आन फुचा लाग्या तुंई कामे केडा अधिकाराकी केअतो हो? तुल ईकामे केअनु अधिकार केडांय देदलो हाय ? ²⁴ईशु तियाहान आख्यो मायवी तुमाहान एक गोठ फुचुहु जोर तुमाहाय माल उत्तर देदो तोर माय केल्या अधिकारा की ऐ गोठया कीहु इतु माहान आखेहे.²⁵योहाना बाप्तिस्मो कीही नोथो स्वर्गाम नोकामाअ हाइहीने ईशु इया प्रश्नाप ते विचार केरा लाग्या ते आखा लाग्या ते आखा लाग्ये योहाना बाप्तिस्मा देवाही तो आथो एहकी आखा ता ईशु आखीफाही आखाता ईशु फाचे तुंमाय तिया पविश्वास काहा थोव्यो नाहा. ²⁶पेन तो मनुष्याहाय नो आथो एहकी आपु आखता आपुल लोकांहा थाकहाय काहाका ते वादें योहानाल एक सेवक हाय एहकी बाठा मानतुला. ²⁷इया खातर तियाहां ईशुल आख्यो आम्हाल मालुम नाहा. ताहा ईशुय आख्यो फाचे माय केलल्या अधिकारा की एगोठया किहु व इ तुमाहान माय आखुनाय.²⁸इया गोठी की तुमाहान काय लागेहे ? तो माल आखा एक माअहा वेन पोयरा आथा तोमा अद्दुतिया मोडा पोयरा इहीं गियो ²⁹आन आखा लाग्यो ओपोयरा आज द्राक्षामोलाम जायन कामके अजें, तिया पोयरांय आख्यो आय नाय जानारो पेन फाचे तियांय मोन वोदल्यो आन तो गियो. ³⁰फांचे तो मा अद्दुतिया बीहिराहाना पोयरा इही गियों आन जेहकी मोडा पोयराल आखलो तेहेकी ज आयोताहा पोयरांय तियाल आख्योहा वाहका आंय जाहें पेन तो नाहा गियो.³¹इया बेनी पोयराहांमें ने केडांय बाहका गोठ मानी तियाहांय आख्यो मोडा पोयरांय ईशुय तियाहाल आयो

मायखेरो आखुहु करपट्टी उकलावनारा आनवेश्या कामकेअनाऱ्या वाया तुमा पेहला स्वर्गा राज्याम जाय.

¹ईशुय फाचें तियाहान दाखलो विईन गोठ्या हिकव्या. ²होरगा राज्य एका राजाहोस हाय, तियाय तिया पोयरा वोराडा मांडो खा निमत्ते देदलो. ³तियाय जिया लोकाहान वोराडा निमत्ते देदलो, तियाहाल आमी मांडो खा हादा खातोर नौकरान मोकल्या पेन ते लोक नाहा आला.⁴फाचे तियाय बिहिरा नौकरान एहेंकी आखीन मोकल्यो, वोराडाम आवनाराहांन एहेकी आखजा, की राजाय तियाहारामने हारेडोगरे, आनेहारामेने हारेवासडे, वाडीन हारोमांडो तियार केलो हाय तामा हारी वोराडाम मांडो खाआवा.⁵पेन ते नौकरा गोठया नाहा उनाया आन जिया तिया कामा केरा खातोर बाकी खेताहाम आनवाकीवेपार केरा खातर निंगी गियां.

¹ताहा ईशय खुबुज लोकाहान आन तिया चेलाहान आख्यो, ²शास्त्री आन परूशी एलोक परमेश्वरा निरोप्यो मोशे इया गादीपे बोठला हाय. ³इया खातोर ते तुमाहान जेहेंकी आखी तेहेंकी केजा आन मानजा पेन ते केताहा तोकाममा क्याहा, ते आखताहा पेन सोव नाहा केला नाहा.⁴उसलायनाय ओतोवो जो ते वादताहा आनतोवो जो लोकाहान खांदाहा पेउखलावताहा, पेन तेतिया बोजाल उखला खातोर आकडी भी नाहा लागता. ⁵ते तियाहा काम लोकाहान देखावा खातोर केताहा, आन ते; चांवडावोनावलो; तावीते मोडेवो नाव ताहा आन पोरडाहा कोरवादवु ताहा.⁶काही भी मांडा खा आखा तोर हाद्यो ताते मानपाना जागो होदताहा आन सभाथी हीमभीते हेंकीज. ⁷बाजाराम लोक तियाहान सलाम ला जोजे आन गुरूजी एहेंकी आखा जोजे, इतियाहान खुबपोटे.⁸पेन तुमा गुरूजी एहेंकी माआखावता, तुमा एकुज गुरू हाय आन तुमा बादा पावहु हाय. ⁹तोरती पे केडाल ओमा बाहको एहेंकी मा आखाहा काहा का तुमा एक जबाहको हाय, आन तो होरगा महाय. ¹⁰आय मालीक हाय एहेंकी मा आखावाहा काहाका तुमा एकुज मालीक हाय आन तो ख्रिस्त हाय.¹¹जो तुमाहाम सेवक बोनिन सेवाकेहे, तो तुमाहाम मोडो हाय, ¹²जो सोवताहाल मोडो केरी, तो हानोकेराय जाय आन जो केडो सोवताहाल मोडो केरी, तो मोडो केराय जाय.¹³ओ ढोंगीपरूशी आनशास्त्रीलोकाहा, तुमा खुबमोडी पीडा हाय, तुमा होरगाराज्यावानो लोकाहाखातोर बोनव केताहा आन तुमा सोवताहा तियाम जातानाहा आन जे तियाम जाते, तियाहानभी जा नाहा देता.

¹फांसे ईशु परमेश्वरा भवनामनुबारे आविन आगाडी जातुलु तिया शिष्यातिया होवे तियाल परमेश्वरा भवन देखावा आला, ²पेन तियाय तियाहान उत्तर दिन आख्या तुमा एआख्या गेठया वेता ने, आमी माय तुमाहान खेरो आखु ईही एक दगडो बीहीरा दगडाप रादेवलो नाहा,³फांसे तो जैतुना डोगुपे बढलो आथो ताहा तिया शिष्य तिया आरी एखलाज आविन आखा लाग्या आमान आखकाए गोठया कीधी वेरी, तो आवुलो आण जगा शेवट वेरा समय पाही आलों हाय ई केंला विन्हापनु ओखुनारा, ⁴ईशुय तियाहाल उत्तर देदो सांमालजा केडोबी तुमाहान फोसवानेय जोजे, ⁵कारण मानावी कीपाक्के माही आविन आखीमाय ख्रिस्तहाय आण ते पाक्का लोकान फोसावी,⁶तुमाल डायां बद्दल आण लढाय केणाऱ्या अफवा बद्दल उनाया पेन तिया खातोर तुमा तियाहान बिया नाहा, ए गोठया वेराज जोजे तेबी ओतामुज शेवट पाही आवे नय, ⁷काहाका एक राज्य बिहरा राज्या पउठीहरेक जागा भुकंप आण दुष्काळ आवी, ⁸पेन ए आखा गोठया पिळा देणारी सुरवात एहेडी हांय,¹¹ते तुमा छल केरा खातोर ती दि आन तुमाहान माई टाकी आन मा नावाकेता बाठे राष्ट्रे द्वेश केरी. ⁹फांसे खुब लोकान अडथळावेरी ते एकमेकां विरूध्द उठी आण एकमेकां चुक्या काडी, ¹⁰खुब खोटा सेवक उठी आण ते खुब लोकांन फोसवी,¹²सुरूजवादण्याऱ्या दुष्ट लोकांकी खुबरितियालुज तारण मिली. ¹³पेन जो माहोव शेवटलुग टिकिनरि तियालुज तारण मिली. ¹⁴आख्या राज्यांम साक्षी वेरी तियाहाल राज्याम नुई सुवार्ता आख्या जगाम गाजवाम आवि आण फासें शेवटया दिह आवी,¹⁵दानिएल सेवकाय आखलो आथो उजाड केनारी सोबेनेय एहेडया गोठया पवित्र जागाप परमेश्वरा भवनाम उभीरेहेली तुमा वेरा (वाचनाराई ध्यानाम थोवुलो) ¹⁶ति याटाईमाल यहुदीया शेहेरामनु डोंगाप नाहाय पडुलो, ¹⁷जो केडो उंचे वेरी तियाहाल कोवामनु सामान लाखा तोर ऐठा आवुलो नेय, ¹⁸जर केडो खेताम वेरीताहा तियाय तिया पोतडेला खातोर फाचाडीवली जाऊलो नेय,¹⁹तिया दिहाम दिहीवालीवेरी का दुध पाजनारी वेरी एहेडी बाईन खुब कठीन जाई, ²⁰जाहा ए गोठया वेरी ताहा तियाला दिही एहेडो शब्बाथ दिह नेयरा जो ईयाकेता प्रार्थना केजा, ²¹काहाका जगा सुरवातीहीनीकीणी जवेयी नाहाआण्ण फासें किधीवरे नेय एहेडो मोडो संकट तिया दिहाम आवी, ²²आजी देवाय ते दिही जर थोडाज थोवला नेय रेता केडोज माहाव वाचलो नेय रेतो पेन तिया निवडुला खातोर तो ते दिही थोडा केरी,²³तिया टाईमाल जर एगदो तूमान आखी वेरा, ख्रिस्त ईहीहायका तिही हायता तियापे विश्वास थोवा नाहा, ²⁴खोटे ख्रिस्ती आण खोटा सेवक आवी ते मोडा चमत्कार देखावी देवा निवडुला लोकांहान ते चमत्कार देखावी आण लोकांहान ओतहोज नाहा ता देवानिवडुला हान फसवुनूकामे केरी. ²⁵ए गोठया वेणु पेहेला जमाय तुमाहान आखी थोव्यहो,²⁶एगोहो माहु तुमाहान आखी वेरा ख्रिस्त जंगलाम हाय ताहा तेहेजाहानामा जमेखलीम हाय ताहा तियाहापे विश्वास थोवा नाहा, ²⁷माय एहेकी आखुहु काहाकावीज जेहेकी पूर्वा होवने पश्चिमा होवे चमके ताहा आख्यान देखाय तेहेकीज पोयरो आवुलो देखाय जाय, ²⁸जिही मोअलो शरिर वेरी तिही गिध जमा वेरी,²⁹तिया दिहाम संकटाम फासें तुरूत एहेकी वेरी सुर्य अधांरो गुडुकवी जाय आण चाँद उजवाडो देय नेय आकाशामनु तारे आन नक्षत्रे टुटी पोडी, आकाशामनु आखी ताकत आलीजाय आकाश गुसवालाहो सगुसवाय जाय,³⁰ताहा माहा पोयरा आवुलो चमत्कार आकाशाम देखाय ताहा जगामनु आख्खी जाती लोकं रोडीपोडी, माहापोयराल आकाशामनु वादलाप (ओहीन) सामर्थ्याकी आण मोडा गौरवा की आवता वेरी, ³¹माहा पोयरो तुतारी मोडा आवाजाम आपु देवदूत पृथ्वी सोमकी मोकलीदी. ते पृथ्वी चारी कोपरामनु आकाशा एकाकोपराहीनू बिहीराकोपराहीलुग निवडुलाहान टोलोकेरी,³²अंजिराचाडापनु हिका अंजिर चाडाफांद्या जाहा निल्या आणकोवल्या रेहत्या आण पाने फुटा लागते, ताहा उन्हांला पाही आलोहो एहेकी तुमाहान होम जे हे , ³³तेहेकींज तुमा एआंख्या गोठ्या वेराताहा एहेकी होंम जा का तो दरवाजापाही हाय,³⁴मायतुमाहान खेरो आखु एआख्या गोठया पुऱ्यावेरी तावलुग ईपिडीतावहुग पारवाय नेय, ³⁵आकाश आण पृथ्वी टोलीजाय पेन मा वचने किधिज पारवाय नेय,³⁶पेन तिया दिहाबद्दल आणतिया समयाबद्दल बाहका शिवाय केडोज काय ताजों नाहा, स्वर्गामनु देवदूतबी जातूलानेय आण खुद पोयरोबी जातुलो नेय,³⁷नोहा कालुमवेला तेहेकी माहा पोयरा आवुलो समयालबी वेरी, ³⁸ताहा जेहेकी महापुर आवुलो आगुदर लोक खातुला पितुला लोक वोराड केतुला वोराडकी देतुला, नाहा उडयाम जायतावलुग लोक एगोठया केतुला, ³⁹आण महापुर आविन तियाहान लीगियो तावलुग तियाहान मालुमबी नाहा पोडयो तेहेकीज माहा पोयरा आवुलो वेरी,⁴⁰बेनी माही खेताम एकुज जागो काम केरीता तियाहामनु एकाल उंचे लीलेवाम आणि आण बिहीराल तिहिज रादी, ⁴¹बेनबाया चाक्की पदोतुल्या ताहा तियहू बेनीमनु ऐकील उंच्चे लीले वाम आणि आण बिहीरिल तिहीज रादी, ⁴²तियाहाल तुमा जागतेऱ्या काहाका तुमान मालुम नाहा का केल्ला दिहाम तुमा देव आवी,⁴³ईध्यानाम थोवा चोर केहेडी वेल आवी ईजर कोवा मालकाल मालुम रेतोता तिया खातोर तियारिमुजरे तो आण चोराल कोनुज नाहा नेय देतो, ⁴⁴ई गोठी खातर तुमा बि तियार वेरा जोजताहा तुमाहान अपेक्षा नेय वेरी ताहा पोयरो आवी,⁴⁵ता जियाल तियामालकाय तिया कुटुंबाल तियाहान तिया मांडो टायमाप दा खातोर थेवलो हाय तो विश्वासु आण विचार केणारे दास केडो हाय, ⁴⁶सेवक तिया मालकाल तो आवे ताव तेहेकी केतादेखाय तो धन्य हाय, ⁴⁷मान खेरो आखा मालक तिया आख्खी धनदोवलत तिया चाकरी केनाराल होपी देदली,⁴⁸पेन जर तो दुष्ट सेवक तिया मोनाम एहेकी आखी का मा मालकाल वाट जो वीरीयोहो, ⁴⁹तो चाकरि केनारो बीहीरा चाकरि केनाराहान ठोक मार केतोलोआण तिया होस लोकांआरी मांडो खाईन आण होरो पिनमस्तवेरी, ⁵⁰आण तोचा करीके नारो तिया रिम नेयरेय ताव मालक आविजाय. ⁵¹फासें मालक तिया चाकरी केनारा तुकडेकेरी तिया चाकरि केनाराल मालक ठोगलोकां आरी राखतोर मोकली आण तिया जागाप रडुलो आण दातकाडुलो चाली,

¹ताहा निवा दिहाम स्वर्गा राज्याम दाहा कुवारी होस वेरी तियुहीय तियुह दिवा लेदा आण बोर राजाल मिला गिया, ²तियुमनु पाच मुर्ख आध्या आण पाच हुशार आथ्या, ³मुर्ख कुवारिहीय तियुहु दिवा लेापेन दिवास थका खातोरतेल माघ लेदो, ⁴हुसार कुवारिहीय दिवा आरी तियुहू बासनाम तेल लेदलो.⁵जाहा वर राजाल वा वी गीयी ते आख्या जोपा लाग्या आणनेहुवी गिया, ⁶आरदी राती केडाय तेबी आवज केयो वरराज्यो आवीरियो बारे निगिन तियाल मिला,⁷आख्या कुवाप्या उठीचल्या आण नियुठीय तियुहू दिवा तियार केया. ⁸ताहा मुर्ख हुसारूहुन आखा लाग्या तुमा तेलामनु आमाहान दया आमा दिवा खोलाय रियाहा, ⁹पेन हुसार आख्या तियुहीय आख्यो तो तुमाहान आण आमाहान कदाचित पुरे नेय. तिया खातोर तुमा वेचनाराही जा आण तुमाखातोर वेचतो ल्या,¹⁰ते तेल वेचतो ला गिया वर राजो आलो जे तियार आथ्या ते वराडकेरा तिया आरी कोमे गिया फासे दरवाजो बंद वि गियो, ¹¹फासे बिहि-या बी आल्या आखा लाग्या हे प्रभु आमा खातोर दरवाजो उघडाव, ¹²पेन तियाय आख्यो माय तुमाहान खेरो आखु माय तुमाहान ओहकुतो नाहा. ¹³तियाहाल सदा तियार–या काहाका माहा पोयरो कीधी आवी तो दिही आण तो टाईम तुमाहान मालुम नाहा,¹⁴काहाका ई परदेशाम जाणारा माहाहोस हाय जियाय कानी जावुलो पेहेलातिया चाकरिकेनारा हादीन तिया धन दौलत तियाहान होपी देदी, ¹⁵तियामनु एकाल तियाय पाच हजार होना थैल्या सिक्का बिहराल तियाय बेन हाजार होना सिक्का थैल्या आण तिसराल तियाय एक हाजार होना सिक्का थैल्या देद्या प्रत्येकाल तिया तिया मानेाकी तियाय पैसा देदा फासे तो तिया प्रवासाल निगी गियो, ¹⁶जियाल पाच हजार होना सिक्का थैल्या देदल्या आथ्या तियाय तिया मनाकी काम केरा सुरवात केअई. आण आजी पाच हाजार होना सिक्काहा थैल्या कामाव्या,¹⁷मेहेकीज जियाल बेन हाजार होना सिक्का थैल्या तियाया मिलल्या आथ्या तियाय आजी बेन हाजार होना सिक्का थैल्या कोमाव्या, ¹⁸पेन जियाल एक हाजारा होना सिक्काहा थैल्या मिलल्या आथ्या तियाया तरतीम एक खाडो खोदीन आण मालका सिक्का तियाम देाबावला,¹⁹थोडाक दिहाकी चाकरी केनाराहा मालक आलो आण तियाय तियाहा हिसाब ला चालु केयो, ²⁰जियाल पाच हाजार होना सिक्का थैल्या मिलल्या आथ्या तियाय मालकाप आजी पाच हाजार लावीन देदया तो आखा लाग्यो मालक तुयुय देदल्या सिक्काप माय आजी पाच हाजार सिक्का कामाव्या, ²¹तिया मालक आखा लाग्यो शाब्बास हारो आण विश्वासु सेवक तु भोरोसो थेवेएहेडो चाकरी केनारो हाय, तु थोडा सिक्का खातोर इमानदारहोस वाग्यो तियाल माय कासयम तुल होपी देहुव माज जो आण तो मलका खुशीम सहभागी वी जो,²²फासे जिया माहाल बेन हाजार होना सिक्का थैल्या मिलल्या आध्या तो मालकाहाय आलो आण अखा लाग्यो मालक तुयुय मान बेन हाजार होना सिक्का थैल्या देदल्या आथ्या माय आजी बेन हाजार कामाला हाय, ²³मालक आखा लाग्यो शाब्बास हारो आण विश्वासु सेवक तु भोरोसो थेवेएहेडो चाकरी केनारो हाय, तु थोडा सिक्का खातोर इमानदारहोस वाग्यो तियाल माय कासयम तुल होपी देहुव माज जो आण तो मलका खुशीम सहभागी वी जो,²⁴फासे जियाल एक हाजारा होना सिक्का थैल्या मिलल्या आथ्या तो मालिापाही आलो आण आखा लाग्यो, मालक मान मालुम आथो का तूमा एक कठीन नियमा माहुव हाय जिही पोओलो नाहा हाय तीही तुमा कापणी केताहा आण तिही बिया पोअल्या नाहा तिही पिक लेताहा, ²⁵माल तो धाक आथो तियाल माय जाईन तुमा एका हाजारा होना सिक्का थैल्या तोरतीम दोबावी थेावल्या ए ले ऐ तोज हाय,²⁶मालकाहाय उत्तर देदो ओ वाईट आण आल्योहा चाकरी केनारा माय जिही पोओलो तिही कापणी केतोहो आण जिही जिही पोओलो नाहा तिही पिक लेतोहो ई तुल मालुम आथ्यो, ²⁷ता तु मा सिक्का सावकाराही थोवले रेने फासे माय को आवतो याहा मान व्याजाआरी मिलतो रेतो,²⁸तियाल मालकाय बिहीरा चाकरी केनाराहान आख्यो ईयाप एक हाजार होना थैल्या हाय ते तियाल दया, ²⁹काहाका आपुहुपे जो हाय तिया वापर केनाराल आजी देवाम आवि आण तियाप खुब वेरी पेन जो आपुहुपे रेहेतेबी उपयोग केतजा नाहा, तियाप जो काय वेरी तो आख्यो तियापनु लेवाम ³⁰आवी, फासे मालक आखा लाग्यो ईया आल्याहा चाकरिकेनाराल बारे आंधाराम टाका तिही रोडुलोक आण दात खदुलो चालेहे माहा पोयरो आख्याहा न्याय केरी,³¹माहा पोयरो जाहा तिया स्वर्गा गौरवाकी तिया देवदुताआरी आवी ताहा तो तिया गौरवी एहेडो राजासनाप बही, ³²फासे आख्खे राष्ट्रे तिया हुबुर एकुज जागे टोलवाय तियाहान तो एक बिहीरायनु अलग केरी, जेहेकी मेंढेवारनारो मेंढे बोकडाहीनु दुर केरेहे, ³³तो मेंढहान तिया हुदीवेल भोवाडी पेन बोकडाहान तों उलटीवेल भेवाडी,³⁴फासे राजा जे तिया हुदीवेल हाय तीयाहान आखी जे तुमा मा भाका धन्यवाद केनारे हाय, ई राज्य जगा स्थापनालुग तुमाखातोर तियार केलो हाय तिया राज्या वतनदार वेरा, ³⁵ई तुमा राज्या हाय काहाका जाहा माय पुखो आथो ताहा तुमाय मान खा खातोर मान पाय पिलागली ताहा तुमाय मान पाय पिया देदेा, माय बिहीरा देशामनु आथो आण तुमाही मान कोमे हादयो, ³⁶माया उघडालो आथो ताहा तुमाय मान पोतडे देदे माय बिमार आथो ताहा तुमाय मा कालजी लेदी, माय झेलुम आथो ताहा मापाही आले,³⁷फासे जे ईमानदार हाय ते उत्तर दी प्रभु आमाहाय तुल केहेडी वेल पुखोज आण पायपी वेला आण तुल खा खातोर आण पिया देदलो, ³⁸आमाहाय तुल पार गावचो आचखी कीधीही वेलो आण तुल कोमे कीधी हादलो का आमाहाय तुल कीधीही उगडो वेलो आण पोतडे देदले, ³⁹आण तु बिमारी आथो ताहा तुल किधी वेरा आल्ला, आण किधी झेलांम आथो ताहा तो पाही आल्ला, ⁴⁰फासे राजो तियाहान उत्तर दी माय तुमाहान खेरो आखु ईही हाय ते मा बांधवामनु एकाल केरा ता तो तुमाय मानुज केयो,⁴¹फासे राजो तिया उलटीहोवपे बोहलो तियाम आखी माहिनु दुर जा तूमा शापित हाय,सदाकाल अग्निसिध्द केलो तियाम जा आगीम सैतान आण तिया दुताखातोर तियार केलो हाय, ⁴²ई तुमा शिक्षा हाय काहाका माय पुखो आथो पेन तुमाय मान कायज खातोर देदो नाहा, मायपायपी लेवालो आथो पेन तुमाहाय मासन कायज पीयाखातोर देदो नाहा, ⁴³माय पारायो आथो ताहा मान कोमे हादयो नाहा माय उघडालो आथो पेन तुमाहाय मान पोतडे देदे नाहा, माय बिमार आण झेलुम आथो पेन तुमाहाय मा चाकरी केरी नाही,⁴⁴फासे ते लोकसुध्दा तियाल उत्तर दी प्रभु आमाय किधी वेलो, का पोतडे नेय आथे बिमारी आण झेलुम किधी वेलो आण तो मदत केयी नाहा, ⁴⁵फासे राजो तियाहान उत्तर दी माय तुमाहान खेरो आखुहु का ईया खातोर एगा हानलबी केयो नाहा तो मान केयो नाहा , ⁴⁶ते ता सदाकाल शिक्षा भोगा जाय आण हारो माहुव सार्वकालीक जीवन जीवा खातोर जाय,

¹फासे इशुय इ आख्यो परानपे आखथा तो तिया शिष्यान आखा लाग्यो. ²बेन दिहाकी पडला सण हाय इ तुमाहाल माहीत हाय आणी माहा- पाधरा खीला ठोकीन मारानारो हाय, मारा खातोर तोरावी दि,³फासे मुख्या याजक लोक आन वडील वर्ग, महायाजकाहा मेहलाम जोम्या, मुख्या याजका नाव कयफा आथो. ⁴समामे मिलीन तियाहाय मसलत केये युशुल पकडा अटकावी जीया मारताहा. ⁵तेवी ते आखा तुल जा दिही रादे नेता मारामे मोडो राडो वी जाय⁶तहा इशु बेथानी गावाम शिमोन जो कृष्ठरोगी आथो तिया कोओ मे गीयो. ⁷येशु तिहा हाथेा ताहा एक थेय तीयही आली, खुब किमती ऐहडी मोलवान गुंदाय ऐहेडी अलाबास्त्र तेला कुपी तियी पाहे आथी आन येशु मांडोखां खातोर टेकीन बोठलो आथो ताहा तीयुय ती कुपी तीया मुनकावे टाकी देदी. ⁸पेन तिया शिष्याय तो वेयो ताहा तियाल रोग आली शिष्या पुछा लाग्या ऐहडो नाय काहा ? ⁹तोह पाकां पैसा की आने तेह पौसा अरिवाल दी सेकतुली.¹⁰पेन इशुल तेह काय आखतुला तोह मरलुम आथो तियाय तिहाल फुस्यो तूमा ऐपली थेयीले काहा तारास दी रिया तियाये मा खातोर खूब हारो काम केयो, ¹¹गरिब माहाये तुमा आरी कामय रि पेन माय तुमा आरी कायम रेनारो नाहा.¹²काहाका तियुय मा डिलाव सुगंधी तेल टाक्यो तोह माले पुरा खातोर तियारी केयी, ¹³माय तुमाल खेरो आखू आखा जगाम जी सुवार्ता आखाम आवी तीह तीही ई थेयीय जो केयो तिया काम आने तिई ईत म्हणुन आखाम आवी.¹⁴बारा शिष्या केहता एक यहुदा इस्क्ार्याेत मुख्या याजकाय गियो.

¹ताहा उजाडो वेयो ताहा आखा मोडा याजक लोग आण डाया हा ईयाय यीशूल केहकी मारला ईया विचार केयो. ²तीयाय यीशुल हाकली बादीन ली जाईने रोमी सैनीकाहा अधिकारी पिलाता आथुम होपी देदो.³ताहा तीयाय यीशुल गुन्हेगार टरवी देदो ई विने तीया शत्रु आथुम यीशुल होपी देणारे यहुदा पासतायो तीयाल तीयाय चांदी तीस नाणे लिन मोडा याजक लोक आणे डाया पासे आलो. ⁴तीयाय आख्यो मायु जीया काय चुक नाहा काय तीयाय माई टाका वाटो दिन पाप केयो. यहुदी लोकाय आख्यो ईयाम कामा काय केनी तो तुल माहिती आथेा. ⁵ताहा यहुदाये ती चांदी नाणे परमेश्वरा मंदीराम फेकी देदा आणे तो नीगी गीयो पासे बारे जाईने सोताल फासी लागवी लेदो⁶मुखयाजक चांदी ते तीस नाणे लेदया आणे आरबा लाग्यो ऐ पोईया परमेश्वरा मंदीराम खजानाम ठोवता कावे नाय ई कामा नियमा विरूध्द हाय काहाका ऐ पौईसा केडाल तेबी माई टाकावा खातुर देदला आथा. ⁷ताहा तीया विचार कीने तीया पौईसा कुंभारा खेत वेचतो लेदो आण तीयागाम माहान बोनावा जागो लेदो. ⁸तीया खातोर आज बी तीया जागेल रोक्ता खेत एहकी आखता हे⁹ताहा यिर्मया संदेष्टया हा जो आखलो तो पुरो वेयो तीयाय आख्यो का इस्त्राएलस यहुदी लोकाय जे चांदी तीस रूपया माहाल माय टाका खातेार ठोरवी देदला ते ली लेदा. ¹⁰माल प्रभु परमेश्वराय आज्ञा देदी तेहकिी चांदी त्या तीस पोईसा की तीया ते कुभांर खेत वाठो देदो.¹¹ताहा यीशु राज्यपाल पिलाता हुबुर उबो रीयो ताहा पिलाताये तियाल फच्यो तु यहुदी लोकाहा राजो हाय का… यीशुय आख्यो हा माय हाय जेहकी तुमा आखी रीया हा. ¹²पेन ताहा मोडा याजकाय आन डायाय तीयापे चुक्या काडा लागया तो तो काईज नाय काय गोग्यो. ¹³तीयाय पिलाताय यीशुल आख्यो ऐ लोक तोपे चुक्या काडी रीया तो चुक्या देखावी रीया तो तु उनाय रीयो ने तातु का हाय आरबी नाहा रीयो. ¹⁴पेन यीशुय पिलाता ले कावीज नाय काय गोग्यो आणे पिलाताल नोवाय लाग्यो.¹⁵वलांडन सना वेल दरी वोरी लोक खातोर राज्यपाल ये तीया निवडीकी जेलुमेने केडालबी एकाल सोडी देवना रीत आथी. ¹⁶ता तीही एक बरब्बा नावु खुप मोडो बांड आथो¹⁷तीयाल जाहा लोक टोलवाया ताहा पिलाताये तीयान फुच्यो तुमा काय मोरजी हाय तुमा बाटो माय केडाल सोडु बरब्बा ल का जीयाल ख्रिस्त आखतेहे तीया यीशूले. ¹⁸काहा का तीयाल होमजी गेहलो तीयाय तीयाल ठोगीन ती देदलो हाय. ¹⁹तो न्याय केरूला जागावे बोठलो आथो ताहा तीया थेईये तील एक गोठ आखी मोकली ईया माहावेल होमजीले आणे हारकी वीचार के काहाका तीया काय चुक्या नाहा तीयाकेता होवनाम मान आज दिही पोय खुप दु:ख वेयो हो²⁰पेन पिलाताये बरब्बाल सोडी दिवुला आण यीशुल माय टाकुला का नाहा ऐहकी लोकाय विचार आवा जोजे तीयाय मोंडा याजकाय आण डायाय ईयाय आखालोका हा मोने वोलवे. ²¹राज्यापाल ये लोकान फुच्यो माय ईया बेन्यामने तुमा वाटो केडाल सोडी दिव ऐहकी तुमा ईछा हाय लोकाय आख्यो बरब्बाले. ²²पिलाताय फच्या आने जीयाल ख्रिस्त आखता ईया यीशु आमी आय काय कीव आखा लोक बोबलीन आखा लाग्या ईयाल वधस्तंभावे खिल्या ठोकीन ताई टाका²³पिलाताय आख्यो काहा ईयाय काय खोटी काम केयो पेन आखा लोक बोबलीन बोबलीन आखालाग्या तीयाल वधस्तंभावे चोडवा.

¹शब्बाथ दिही नंतर आठोडया पहिला दिही वेगीवेल मग्दालीया नगरी मरीया याकोब आण योसेफ ईया याहकी मरीया कबर वेरा तीही गीये. ²ताहा तीही खुब जोरमे तोरती कापी उठी परमेश्वरा दुत स्वर्गामेने उतीने तीही आलो तीयाय कबरी बानो होरकावीन तो तिया डोगडा बनापे बोठो.³तो चोरकुनारा विजो होस देखावतलो आन तीया पोतडे बोर्फा होस उजले आथे. ⁴तीही ते नोजर थेावनारा शिपाई खुप बी गीया ते थरथर कापा लाग्या तीया मोला माहा होस तीयर हालत वी गीई.⁵देवदुताय त्या बाईन आख्यो बीया मा काहाका मान माहीती हाय का ज्या वधस्तंभा पे चोडउूलो त्या यीशुल तुमा होदी रीया हा. ⁶पेन तो तीही कायनाहा काहाका तीयाय आखलो आथो तेहकीज तीयाय मोलानेमे जीवतो वेयो आवा आत ईही तीयाल ठोकलो आथो तो जागो वेरा. ⁷अरमी माहारी जा आन तीया चेलान आखा तो मोलामेने जीवी उठयो आन वेरा तो तुमा आगला गालील प्रांताम जाय रीयो हो आज तुमा तीही तीयाल वेरा हा मायु तुमान आखी देदेा⁸ताया ते बाया धाकाय गोहया आन मोडी खुशीकी पोराय माहरी माहारी कबरी जागेने निग्या आन तीया चेलान इ्र हारी गोठ आखा खातोर दोवडुतया गीया. ⁹पासे वेरा यीशु तीयान मिल्यो आन तो तीयान आखा लागयो शांत वेरा तया बाया तीया जागे आल्या तीयान यीशुल तीयाय आथ जोडी पागे पोडया. ¹⁰ताहा यीशुय तीयान आख्यो बीया मा जा मा पाउून आखा की तीयाय गालील प्रांताम जा आखा ते तीही तुमाहान मीले हे.¹¹ते बाया तीया चेलान आखा खातोर गीया ताहा कबरी नोजोर थेवनारा शिपायामेने आरदा शिपाय नगराम गीया आन तीया जो वेयो तो आखो मोडा याजक लोकान आख्यो. ¹²पासे याजक जाईन मोडा लोान जाईन मिल्या आन तियाय एक ठराव केयो तीयाय तीया चेलान खुबुज पोईसा दीन ऐहकी आखा लागाव्यो. ¹³ते आखा लाग्या का लोना ऐहकी आखा का आमा राजी हुतला आथा ताहा यीशु चेला आला आन तीयाय यीशु शरीर चोईली गीया.¹⁴इ जर पिलाताल राज्यपालाल माहिती पोडी तेबी आमा तीया साबालीलीहु आन तुमान केलीज गोठी चुकीम आवा नाय देजी. ¹⁵ताहा शिपायाय ते पोईसा लेदा आन याजकांय जो आख्यो तेहकी तीयाय केयेा आन तीयाय यहुदी लोकान तेहकी आखा लाग्या.¹⁶ताहा अकरा शिष्य गालील प्रांताम यीशूय मीयान आखलो त्या डोंगरापे ते निगी गीया. ¹⁷आन ते यीशुल तीही मील्या आन तीयाय यीशुल वेयो आन ते तीयर पागे पोडया पेन आरदान विचार केरा लाग्या ओ यीशुज हाय का नाहा.¹⁸ताहा यीशु तीया जागे आलो आन आखा लाग्यो स्वर्गाम आन तोरतीप मान आखो अधिकार देदलो हाय. ¹⁹तीयाल तुमा आखा जा आन आखा जोगाम राष्ट्रामेने लोकान मा शिष्य केरा पिता पुत्रा आन पवित्रा आत्मा ईया नावा की बाप्तीस्मा द्या.²⁰आन जे हाऱ्या गोठया मायु तुमान आख्या हीकव्या ते लोकाहा हिकवा आन पाला खातोर हिकवा आन ई दुनीया पारवाय तांवलुग शेवटीलुग माय सदा तुमा आरीज हाय.

¹देवा पोयरो येशु देव तिया जिवना गोठ्या आखनु सुरवात हाय. ²जेहकी यशया भविष्य केणारो तिया चोपडीम लीखलो, “व्या, आय मा देवदुतांहाल तो आगला मोकलुहू, तो तो खातेर वाट तियार केरी” ³“परमेश्वरा रस्तो तियार केरा, तिया वाटा निट क्या.”⁴ताहा योहान आलो, ताे जंगलाम बाप्तीसमो देहलो, आन पापांहा माफी मिलवा पश्चातापा बिप्तिस्मा घोषणा केतलो. ⁵बादा यहुदी आन यरुशलेमाम रेनारा बादा लोक निगिन तियाही गिया, आन सोताह पापा कबुली किन यारर्देन खाडीम बाप्तीस्माे लेदो ⁶उटडांहा केहांकी तीयार वेले पोतडे पोवतलो, तिया कोंबराल चामडा पोट्टो आथो आन तो टोळ आन रानमध खाहालो.⁷तो बोबलीन आखतलो, "माहाईने मोडो एक माफासला आवेहे आन आय तिया खाडांहा टोंगे पोडीन दौड्या सोडुला लायकी नाहा. ⁸आय तुमा बाप्तिमो पायाहाकी किहु पेन तो तुमा बाप्तिस्तो पवित्र आत्माकी केरी."⁹तीदिहाम ऐहेकी वेयो का, येशु गालील प्रांतामेने नासरे नगरामेने आलो आन योहाना आथाकी यार्देन खाडीम येशुय बाप्तिस्मो लेदो. ¹⁰येशु पायांमेने उच्चे आवतलो ताहा, वादलो उगड्यो आन पवित्र आत्मो तियाप कबुतरहोस उतुतलो, ऐहकी तियाहा देखायों. ¹¹ताहा वादलामेने आवाज वेयो का, "तुमा प्रिय पोयरो हाय, तोबारामे आय संतुष्ट हाय." येशुची परीक्षा¹²फासे आत्माई तुरुतूज तीयाल जोंगलाम मोकल्यो. ¹³सैतान तिया परिक्षा वेतलो ताहा तो जंगलाम चालिस दिही रीयो, तो जोंगीलामेने जनावाराहा आरी आथो आन देवा दुत आविन तिया सेवाचाकरी केतला. येशु सेवाकार्या सुरवात¹⁴योहानाल तिलेदो तहा फासे येशु गालील प्रांताम आलो आन देवाहीने आल्ली सुवार्ता आखी. ¹⁵तियाय आख्यो, " आमी खेरो सोमय आल्लो हाय, देवा राज्य पाहे आल्लो हाय, पश्चाताप केरा आन सुर्वातावे विश्वास थोवा. पेला चेलांहान हाद्या¹⁶गलीला पायांहा मोडों डाबा तेडीप जाता जाता, शिमोन आन तिया पावुहू आन्द्रीया ईयाहान खाडीम जाले टाकता वेयो, काहाका ते मासेमानारा आथा. ¹⁷आन येशुय तियाल आख्यो, “ मा फासला चाली आवा, माय तुमनेहेन माहि तेनारो बोनवेहे !” ¹⁸ते तुरुतूज जाले फेकीन तिया फासला जाला लाग्या.¹⁹आन वायज आगला चाली जायन, जब्दी पोयरो याकोब आन तिया पावुहू योहान इयाहान उडीप जाले हुदरावता वेयो, तियाय तुरुतूज तियाहान हाद्या. ²⁰आन तुरुतूज इसुय तियाहान हादी लेदा ताह ते तियाहां बाहकाल (जब्दील) आन मजुराहान उड्याम रा दिइन तिया आरि गिया.²¹फासे ते कफर्णहुम गांवाम गिया, आन माहारुज शब्बाथ दिह्या दिही (शनिवारी यहुदी लोकाहां भोक्ती दीही) भोक्ती पोंगाम जायन तो हाऱ्या गोठ्या हिकवा लाग्यो. ²²तिया हिकवूनुकी बादा लोकाहान नोवाय लागी, तो तियाहान शास्त्री लोकाहां नाय पेन खेरा मिलला अधिकाराकी हीकवूतलो,²³ताहा तिही तियांहा भोक्ती पोंगाम पुथडो लागलो एक माहु आथो, ²⁴तियाय बोंबलीन आख्यो, “ओ नासरेथवाला इसु आमाहान तो काय काम ? तु आमा नाश केरा केअता आलो हो का ? तु केडो हाय इं मान मालुम हाय, पोरमेहेरा चोखो माअहु तो तुजं “. ²⁵इसुय तिया पुथडाल धमकावीन आख्यो “ठाको रे, आन इया माअहामेने निंगी जो,” ²⁶ताहा तो पुथडो तिया माअहाल आवलावीन-आवलावीन तोडी पाडीन तियामेने बोंबलुतो निंगी गियो,²⁷तोंअ विइन बादा लोकाहान खुब नोवाय लागी आन ते एक बिहीराल फुचा लाग्या, “इही काय वि रियोहो ²⁸इं ता नवीनुज हारि गाेठ हाय.” इ गोठ माहारुज गालील प्रांताम चारी ओरी बादाहाल मालुम पोडी गियी."²⁹फाचे इसु तुरुतूज भोक्ती पोंगामने निंगीन याकोब योहान इयाहां आरी शिमोन आन आद्रिया इयाहा कोअ आलो. ³⁰ताहा शिमोना हावडी खुब बोरावली आथी, शिमोनाय तुरुतूज तियाल आख्यो, ³¹ताह इसु ति बाेरावली बायीही गियो आन तीयुल आथाल तिइन उठविन बोहती केअयी आन ताहाज तियो बोरो निंगी गियो, आन ती तियाहा सेवा चाकरी केरा लागी.³²वाअतीवेला दिही बुडी गियो ताहा लोक बादा दुख्याहान आन पुथडे लागलाहान इसुही ली आला, ³³बाद्दो नगर बाअनापाही टोलवाये. ³⁴ताह इसुय जाती-जाती दुखे लागला माअहान हारे केये आन खुबूज पुथडान तांगाडी काड्ये आन तियाहान गोंगा नाहा देदा काहाका ते इसुल ओखुतले,³⁵फांचे तो चुनख्योज उठीन तिहीने निंगीन डोगाम गियो आन तिही तो प्रार्थना केरा लाग्यो ³⁶ताहा शिमोन आन तिया हेंगात्या तियाल होदता होदता गिया ³⁷जाहां इसु तियाहान सापड्यो, ताहा तियाहाय तियाल आख्यो, “बादा लोक तुल होदताह,³⁸ताहा इसु तियाहान आखहे, “ चाला, बिहीर गावांहाम बी आपु वचन आखा खातोर जाहु, काहाका आय इयाज खातोर निंग्योहो.” ³⁹तो बादा गालील प्रांताम यहुदी लोकाहां भक्ती पोंगाहाम जायन लोकाहान वचन आखतलो आन लोकाहांमेने पुथडाहान ओडी काडतलो. येशु कोडलांन हारो केतलो⁴⁰एक कोडलो माअहु तियाही आलो, तो तिया हुंबूर आवीन रांव्या किइन पागे पोडीन आखा लाग्यो “तो मोरजी हाय ता, तु मान हारो की सेकनारो.” ⁴¹ताहा इसुल तिया तियालमांहावे दोया आली आन आथ आगाडी किईन याल आथलिन आख्यो, माअ मोरजी हाय तु हारो वी जो,” ⁴²ताहां तुरुतूज तिया मांहा कोड हारो वी गियो.⁴³ताहां इसुय तियाल हारकी होमजावीन तुरुतूज माकली देदो. ⁴⁴आन तियाल एहेकी आख्यो, देखे केडालुज कावींज मां आखहो, पेन जायन सोवताहाज याजकाल देखाव आन तो तुल तापासी ली, आन तुं हारो वेयोहो एहेकी तियाल होमजाय. कोडला दुखामेने हारा वेलाहा खातोर मोशे भविष्यावक्तांय ठरवुली चोखोपणा अर्पन विधी केजे.⁴⁵पेन इ गोठ तिया मांहाल बादा लोकाहान खुलीरीतीकी आखी देखावी, ती गोठ बाद्दान मालुम पोडी गियी तियाखातोर इसु फाच्चें खुली रितीकी सेहराम नाय जाय सेकतला, तिया खातोर इसू डोगामुज रिया तेबी बी चारी सोमकीने लोक तियाही आवतला.

¹“ताहा येशु कफर्णहूम नगराम आलो आन तो को आलो एहकी माहांन मालुम पोड्यो. ²ताहा ओते माहे टोलवाये का कोमे जागो बी नाय आथो, ओतोहोज नाहा ता बाना बारे बी जागो नाय आथो, आन ताहा तो तियाही देवा वचन आखतोलो.³फाचे थोडेहेक माहे एकापांगला माहाल तियाहाइ ली आले, ती पांगला माहाल चार मांहि ऊसलीन ली आल्ले, ⁴खुबूज गोरदी आथी, तीयाहाल ती माहाल येशुही ली जाता आवतोलो नेय, ताहा तिया कोवाप चोडिन येशू जीही आथो तिहीने कोवलें फेडी टाकीन, खाटलामेन ती पांगला माहा खाटलो एठा उताव्यो.⁵येशु ति माहा भोरुसो देख्यो आण आख्यो, “ऐ मा पोयरा तो पापा माफी वी गियी,” ⁶तीही नियमाशास्त्र हिकवुनारा बोठला आथा ते तियाहा मोनाम एहकी विचार केतला, ⁷“इ माहू एहकी काहा गोगी रियोहो खोटों गोगेहे देवा शिवाय पापा माफी केउालु नाहा देवाती,”⁸आण ते तियाहाल मोनाम एहकी विचार की रियहा ऐहकी येशुय आत्माद्वारे जाय काड्यो, आण तियाहान आख्यो “तुमा तुम्हा मोनाप एहकी काहा इतवुता ⁹तो पापाहा क्षमा वी गियाीही, एहकी या पांगला माहाल आखनु सोपो हाय का उठ आण तो खाटलो विसीन चालतो वे ऐहकी आखनु बेन्याहाम केल्लो सोपो हाय,”¹⁰तियाहान होमजाय जोजे माहा पोयराल तोरतीप पापा क्षमा देवूलो अधिकार हाय तियाल तीयाय त्या पांगला माहाल एहकी आख्यो. ¹¹माय आखु तुल “उठ तो खाटलो उसलीन को जो” ¹²आण तो तुरुतूज उठ्यो, आन बाठ्ठा हुंबूर तिया खाटलो विसीन बारे निग्यो आन ते बाद्दान नोवाय लाग्यो, आन देवा गौरव केताे आखा लाग्ये “आम्हांय एहंडो कीदिहीज वेयो नाहा.” लेविल हादणु¹³येशु फाचो खाडी होवे गियो आण खुब माही तियाजागे आले आण तियाय तियाहान हाऱ्या गोठ्या आख्या, ¹⁴फाचे तो जा लाग्यो ताहा तियाल अल्फी पोयरो लेवी याल जकात नाकाप बोठलो वेयो, आण येशुय लेवील आख्यो “मा फाचला आव” आण लेवी उठीन येशु फाचला गीयो,¹⁵फाचो एहकी वेयो का येशु लेवी को मांडो खा बोठो, तिही येशु आण शिष्य मांडो खातला ताहा तियाहा आरि खुबूज जकातदार आणि पापीमाही बी आथे काहाका ते खुब आथा आण तीया फासला आला आथा. ¹⁶ताहा शास्त्री परुशी पंथा लोकाहाय ही विइन तिया चेलाहान आख्यो “ओ पापी माहे आने कर वसूल केनारा आरी केहकी मांडो खाहाये ?¹⁷इ उनायन येशूय तियाहान आख्यो ”हारा माहान डॉक्टरा गरज नाहा रेती ता जो दुखी माहु हाय तियालुज डॉक्टरा गरज रेहे” आय ता धर्मी माहान नाह ता पापी माहान तारा खातोर आलोहो.¹⁸जाहा योहाना चेला आण परुशी पंथा लोक उपास केतुला ताहा थोडाहाक माहाय आवीन येशूल आखा लाग्ये “योहाना चेला आण परुशी पंथालोक उपास केताहा पेन तो चेला काहानाहा उपास केता ? ¹⁹येशूय तियाहान आख्यो “जावलुगू वोराड्या आरि वोवडो हाय तावलुगू ते केहेकी उपवास केरी ? जावलुगू वोवडो तियाहा आरि हाय तावलुगू त उपास केनारा नाय,²⁰पेन एहंडो दिही आवी जाहा वोवडो तियाहामने काडी लेवाम आवि ताहा ते उपास केरी ²¹केडोज बी नाेवा पोतडा ठीगलो जुना डोगलील लागवुते नाहा जर केडो एहकी केतो वेरी ता नोवा पोतडा ठिगलो जुना पोतडाल फाडी टाकनारो आण तो सिंडो मोडो वी जाणारो.²²केडोज बी नोवो दाराक्षा रोहो जुनी चांबडा पिशवीम थोवतो नाहा, जर केडो एहकी केतो वेरी तां दाराखारोहो ती पिशवील फाडी टाकी आण तो रोहो वेराय जाय, आन पिशवी बी फाटी जाय. तियाहाल नोवो दाराखारोहो नोवी चांबडा पिशवीमुज थेवतेहे.²³ताहा एहकी वेयो का, येशु शब्बाथ दिही खेतामने जाहलो, ताहा तियाचेला कौंहे मुडा लग्या. ²⁴ताहा परुशी लोकाहाय तियाल आख्यो, वेरा शब्बाथ देहा दिही एहंडो काम केअनु नाहा तो काम ए कामा केताहा ?²⁵येशुय तियाहाल आख्यो, “तुम्हाल शास्त्रामनाह वाच्यो का जाहा दावीद राजो आन तिया आरि आथे ती माहान पुख लागी तियाहान खा जोजतोला ताहा तियाहाय काय केया ? ²⁶अब्याथार आ माडो माहायाजक आथो ताहा आन तो देवा मंदीराम केहेकी गीयो , आन देवाल चोडवूलो मांडो जो याजका शिवाय केडोज नाहा खाय सकतोला तो तियाय केहकी खादो, आन तिया हेंगात्याहान बी देदो इ तुमाहाय नाहा वाच्यो का” ?²⁷आन येशुय आजी तियाहान आख्यो, “शाब्बाथ ओ माहाकेता नाहा बोनाव्या, मा माहाल शब्बाथा केता बोनवूलाम आलोहो ?” ²⁸या खोतो आय माहा पोयरो शाब्बाथा बी मालीक हाय”

¹फाचे येशु एका सभास्थान गियो, तिही एक माहु आथो तियाएक आथ हुकाय गिहीलो आथो. ²शब्बाथा दिहा दिही येशू त्या माहाल हारो केहे का नाहा इ विन तियाप दोष लागवा केता तिया विरोधी लोक तियाव नजर थोवी रेहला.³त्या एका आथा हुकाला माहाल येशुय आख्यो “उठ आन इ माहा हुबूंर उबी रे.” ⁴ताहा येशुय तियाहाल आख्यो शाब्बाथा दिहा दीही हारो काम केनु का माठो केनु, जिव वाचवुनू का जीव लेवनू यामने केल्लो काम हारो हाय ? पेण ते ठाकाज रिया.⁵तियाहा मोने खाराब हाय इ विन येशु निराश वि गियो, आन तियाय बाठ्ठाहान रोगमेवेयो वेयो, आन त्या माहाल आख्यो, “ तो ओ आथ लांबो के” तियाय आथ लांबो केयो आन तो हारो वी गियो. ⁶ताहा परुशी पंथा लोक बारे जाईन तियाल (येशुल) आपु केहकी माय टाकुहू या बाबत चर्चा केरा हेरोदीयांही तिया विरुध्द टोलवाया.⁷येशु तिया चेलाहां आरी गालील फूगारावेल निंगी गियो, ताहा गालील प्रांतामेने खुबूज लोक तिया फाचाडीने निग्या. ⁸यरुशलेम शेहर, इदोम प्रांत, यार्देन खाडी तियीवेलाने प्रदेशमेने, सोर व सिदोन शेहरा इया पाहील्या प्रदेशामेने खुप मोडो टोलो, जे मोडे मोडे कामे येशु केतुलो तो उनायन तियाही आला.⁹तिही खूबूज गोर्दी आथी तियाहा की येशू चूंदाय नाय जा जोजे तिया खातोर तियाय एक उडी तियार की थोवा, एहकी तिया चेलाहान आखी देदो, ¹⁰काहाका तियाय खुबूज दुखारे माहान हारे केले आथे, तियाल जे दुखी माहे आथे ते तियाल आथ लागवा तिया उपे पोडतले.¹¹ताहा पुथडो लागले माहे येशुल विन तिया हुंबूर एठा पोडीन मोडाकी बोंबलीन आखतोले “ तु देवा पोयरो हाय”. ¹²ताहा येशूल ती दुख्यान ताकीत दिन आख्यो “मा बोद्दल केडालुज आखाहा मा.” बारा चेलाहां निवड¹³फाचे येशू डोगावे चोडी गियो आन जे तियाल जोजतला तियाय हाद्या ते इसूही आला. ¹⁴ताहा येशूय तिया आरी रा खातोर आन पोरमेहेरा हाऱ्या गोठ्या आखा मोकला केला बारा जावान निवाड्या. ¹⁵आन तियाहावे पुथडे काडनू अधिकार रा जोजे, ¹⁶ताहा येशूय बारा जावान निवड्या जो शिमोन या पेत्र इ नाव देदो.¹⁷जब्दी पोयरो याकोब आन याकोबा पावुहू योहान (तिहान तियांय बोआनेर्गेश, इया अर्थ "गाजनु पोयरा" एहेकी नाव देदो.) ¹⁸आंद्रिया, फिलीप, बर्थलमय, मत्तय, थोमा, अल्फीइ पोयरो याकोब, तद्दय, शिमोन (जो कनानी आथो) ¹⁹आन जियाय येशुल ति देदो तो यहुदा इस्कार्योत. सैताना मदतीकी येशु आपु कामे केहे इया आरोपाल तियाय देदलो उत्तर²⁰आन फाचे येशू को आलो, आन फाची ओता बाठ्ठा लोक टोलवाय गिया का तियाहान मांडो खा बी बोखत नाहा मिल्यो. ²¹येशू मुनको फीरी गियोहा एहकी माही आखतले तीया खातोर तिया कोमेने माहे तो उनायन तियाल तेरा खातोर तिग्ये. ²²तेहकीज यरुशलेम शहरामने आल्ला शास्त्री लोक बी आखा लाग्या का तियाय कालो पुथ लागलो होय ति या खातोर (बालजबुल) तो काल्यापुथडा मदतीकी पुथडे काडेहे.²³ताहा येशूय तियाहान पाही हादीन आख्यो पुथडाल पुथडो केहकी काडी. ²⁴जर एका राज्याम फुट पोडी गियाी ता तो राज्य केहकी टिकी सके. ²⁵एहकीज जर एका कोमे फुट पोडी ता ता कोअ केहकी टीकी सेकनारो ?²⁶जर सैतान सोतालुज विरोध करा लाग्यो आण तियामुज फुट पोडी ता तो टिकी नाय सकणारो आण तो पारवाय जाणारो. ²⁷खेरोंज केडालुज एगदा (पेलवान) शक्तीवान माहा कोमे विहीन चोरी नाय केता आवनारी तिया कोमे चोरी केरा बेरी ता पेहला ती (पेलवान) शक्तीवाला माहाल बांदा पोडी.²⁸आय तुमाहाल खेरोज आखुहू लोक केताहा तिया केहेंडा बी पापाहा आन पोरमेहेरा निंदा बी माफी मिली. ²⁹पेन जो केडोबी पवित्र आत्मा निंदा केरी, तियाहाल किदीहीज माफी नाहा मिलनारी तो जोलो मजुग्या पाहाहा गुनालो वी जाहे. ³⁰येशूय एहकी आख्यो काहाका ते एहकी आखताह का येशुल पुथ लाग्यो³¹ताहा येशु याहकी मरीया आण तिया पावुहू तिही आले आने बारे उबी रिन बिहीराल हादा मोकल्यो. ³²आन येशू आरी खुबूज लोक आथा तियाही तियाल आख्यो तो याहकी आन पावुहू बारे वाट जोवी रियेहे.³³मायाहकी आण मा पावुले केडे काय ? एहकी तियाय तियाहान आख्यो. ³⁴तिया आरी चारी सोमकी बोठला आथा तिया लोकाहान देखाविन आख्यो, “वेरा मा याहकी आन मा पावू.” ³⁵जे मा पोरमेहेरा माेरजीकी चालतेहे, तेंज माआ पावुहू, आन बोअही आन, माअ याहकी.

¹फाचे येशू खाडी ताेडीप हिकवा लाग्यो, ताहा ताे खाडी ताेडीप जाईन बठो आन बाद्दा लोक बिहरी तेडीप आथा. ²तो तियान दाखलो दीन काहिक गोठ्या हिकवा लाग्यो, आन तो तियाहान आखा लाग्यो.³एक पोनारो बीयारो पोरा खातोर निंग्यो. ⁴आन तो पोतुलो ताहा एहेकी वेयोंका थोडो बीयारो वाटीम पोडलो तो चिडाहाय आविन खाय लेदो. ⁵थोडो बियारो खाेडकाली जमिनम पोड्यो तिही तियाल हारी जमिन नाय आथी, कादु उंचेज आथो तिया खातोर ताे माहारुज उगी वोल्ये.⁶पेन दिही उंचे आवताज तोपांकी कोरपाय गिये आन मुले नाय आथे तियाल हुकाय गिये. ⁷थोडोक बीयारो काटाला चाडाम पोड्या आण काटाला चाडा, होसाटाम वादीन तियांहा ते कोमी वाद्ये आन तियाल तियाहान कायज पिक आलो नाहा.⁸थोडोक बीयारो हारी जमिनीम पोड्या तें उगी आलाें मोडे विइन तियान पिक आलाें आन तिया तिसपट साठपट शंभरपट आतोंहाें पिक आलोंं. ⁹तो आखा लाग्यो जियान (उनानु) कान हाय ते उनाय,¹⁰तो ऐखलोज आथो ताहा जे तिया आरी बारा जांआ आथा तियाही तियाल दाखलाबाराम फुच्छो, ¹¹तो तियान आखा लाग्यो, देवा राज्य रहस्यदान तुम्हान देलेलो हाय, पेन बारेनाे माहांन बाठ्ठ्या गोठ दाखलाकी आखता आवेहे, ¹²इया केता का तियान, डोवा देखता देखायेहे पेन तियान देखाय नाय, अन उनातेहे ते उनाय, पेन होमजाय नाय, नेय ता कदाचित ते फिरी आन देव तियान माप केरी,¹³तो आखा लाग्यो, ओ दाखलो तुम्हान हाेमजोयाे नाहा का ? हाथी बिहरा दाखला तुम्हान केहकी होमजी. ¹⁴पोनारो वचन पोओहें. ¹⁵वाटीप वचन पोअलों जाहे ते लोक ए हाय का, तियाय उनाताज सौतान आविन तियामेने पोअलों वचन बुअची लेहे,¹⁶तेहकीज खडकाळ जमीनुम पोअलों हाय ते, वचन उनाताज ते खुशीकी पालन केतहे. ¹⁷थोडा खातोर तियाम मुले नाय आथे तियाल ते थोडेज टिकतेहे, वचना खातोर संकट आलो, वोखो आलो ता ते तुरुत ओटकूतेहे,¹⁸काटांम पोअलों हाय ते वचन उनाय लेतेहे, ¹⁹पेन जगा चिंता, पैसा, लोभ आन बिहरी गोठीबी लोभ तियाहाम विहीन वचनाले दाबावी देहे, आन तो बिगर कामा ऐहेडो वि जाहे, ²⁰आन जो हारा जागाम पोअलों हाय तो ते वचन उनाते खेरे, पेन केडो तीसटोका केडो साठ टोक्का केडो शंभर टोक्का फोलवो देतेहे.²¹आजी येशूय तियान आख्यो, दिवो मापाथुले नायता खाटलाथुले थोवा लावताहा का ? दिवीप थोवा लावतेहे ने ? ²²प्रत्येक गोठ्या दोबावल्या ते उगड्या पडी आन प्रत्येक गुप्त गोठ्या आखाम आवि, ²³जियाल कान हाय ते उनाया²⁴तो तियाहान आखा लाग्यो “तुमा जे काय उनातेहे तियु गोठिन हासविन ऱ्या, ज्या आदालाकी तुमा मोजीन द्या, तियाज आदालाकी तुमान मोजीन देवाम आवे. .” ²⁵आन जियाप हाय तियाल आजी देवाम आवी, जान जियाप नाहा हाय तियापेनाे ले लेवाम आवी.²⁶आजी तो आखा लाग्यो देवा राज्याम एहेकी हाय का, जेहेकी का एगदो माहाव तोरतीम बीं टाकेहे, ²⁷राती हुवी जाहे आन वेगीवेले उठेहे आन ते बिंया उगत्याहा आण वादत्याहा, इ केहंकी वेरेहे, तो तियाहान होमजातो नाहा, ²⁸जमिन तिया तिया पिक देहे, पेहेलाे मोवर फांसे, कोहें आण कोहांम पोराला दाना. ²⁹पिक तियार वेरेहे ताहा तियाल तरुतुज दाहोलो लागवुतेहे काहाकी वाडुलो वाेखाेत आवी गियोहो.³⁰आजी तो आखा लाग्यो, आपु देवा राज्या तुलना केडा आरी की शेकताहा किंवा केल्ला दाखलाम तियान माडूंलो, ³¹तो राई दाना होस हाय, जो तोरतीम पोनुवेला पृथ्वीपनु आख्यामेन्यो हानो दाना देख हानो वेरी तेबी, ³²तो पोईन उगेहे ताहा आख्या चाडाहा देख मोडो वेहे, तियाल मोड्या डांग्या आवत्याहा आण आखा वादलामेने चिडे तियाप कोरुवो बनवी शेकतेहे,³³एहेडो खुबुज गोठ्या दाखला दीन जेहेकी तियाहा की उनावले, तेहकी तो तियाहान वचन आखतुलो, ³⁴आण दाखला वाची तो तियांहा आरी गोगूतलो नाय, पेन एखलाम तो तिया शिष्याहान आख्या गोठ्या होमजाविन आखतुलो.³⁵त्याज दिहीज वातोपोड्याताच तो तियाहान आखा लाग्यो, “आपु तेसलीमेर जाता”. ³⁶फोसे तियाय गर्दील सोडीन जेहेकी तो आथो तेहेकीज ते तियाल बी आरी लि गीये, तियाआरी बिहीरे बी उड्या आथ्या. ³⁷ताहा वाराआरी मोडो वादुळो सुट्यों आण पायालाठा उड्याप आवा लाग्या का तो पायावाय पोराया लाग्यों³⁸पेन येशु उड्या फासला जागाप हुतलो आथो ते तियाल उठविन आखा लाग्या, “गुरुजी आपु बुडी रियाहा तेबी तुल कालजी नाहा का ?” ³⁹फांसे तो उठ्यो आन तियाय वादुळाल धमाकाव्यो आण दोरीयाल आख्यो “शांती राख आण ठाको रे” फांसे वादुळो बोंद बेयो आण तिही मोडी शांती आली,⁴⁰तियाय तियाहान आख्यो “ तुम्हा काहा बिताहा, तुम्हापे आजीबी विश्वास केहकी हाय नाहा का ?” ⁴¹फांसे ते खोब बी गिया आण एक विहीराल आखा लाग्या, “ओ हाय तेबी केडो ? वारो आण दोरीयो बी इया उनाताहा. ऐहंडो ओ हाय तेबी केडो. ”

¹फासो देव आन तिया चेलाहा फुगारा तियुवेला गीया गरसेकर नाव गावावेला गिया. ²तो उडीमेने उतत्ताच एक अशुद्ध आत्मो लागलो एक माहू माहनामेने निगता तीयाल मिल्यो.³तो माहानाम रेतालो आने तियाल हाकली की बांधलो आथो. आने तियाल गाठवुलो केडालुज हिम्मत नेय आथी. ⁴कारण तियाल खुब दाव हाकलीकी आन दोडाकि बांधीन थोवतले. आने तो हाकलया आने दोडान तो टूकडा टुकडा किन तोडी टाकतलो.⁵तो लेगासम राज आन दिही माहाळाम आने डोगाम रिन बोंबलुतो फिरतलो आन तो तिया डिलाल चिंदला डोगडावाय ठोकतलो. ⁶येशु देवाल दुरने वेताच तो माहु दौवडूतो आलो आन इसु देवा पागे पोडा लाग्यो.⁷आने खुब मोडाकी बोबलीन तो आखा लाग्यो, “हे इसू देवा जीवना देवा पोयरा तु वचमे काहा पोडतो हो ?” आय तुल देवा शपथ लेवाहु, मान वोखोमा केरावो. ⁸काहाकी इशू देव तियाल आखतलो “ओ पुथडा ईया माहामेने निगी जो.”⁹यियाल तियाय फुच्यो ? ”तो नाव काय हाय?” तियाय तियाल आख्यो “मा नाव सेन्य हाय.” ¹⁰आने आमाहने ईया देशामेने काढोमा. एहेकी तो तियाल कालावाला किन आखतलो.¹¹तिही डोगा तेडील डुकरा एक मोठो टोलो चरतलो. ¹²ताहा तियाल पुथडाय कालावाला केयी आन आमुहू तिया डुकराम विहीजाजी आम्हान तियावेला जा दे. ¹³फासो तियाल (ईसु देवाय) तियहान आदेश देदो. तहा ति पुथडा आत्मा तियामे निधीन डुकरामे विही गियी आने तीही सुमारे दोन हजार डुकरा टोलो तु ताहा ति पुथडा आत्मा तुरुत दौडतेच जायने डोगा कोरीलने फुगारा मे पोड्ये.¹⁴डुकरा सांबालनारे नाही गीये आन गावा मे आन खेताम मोलाम रेणारा लोक तिया आख्यो नाहा काय वेयो वेरा लोक तिही आला. ¹⁵तो ईसू देवा पाही आलो ता तो पुथडाय तेलो माहू आने जिया माहाम जे सैन्य आथे आने पुथडे पाविन तो माहु हारो बरोबर देखायो ताहा यिा लोकाहान भिख लागी.¹⁶जियान तीयाल वेला तियान पुथडा लागला माहाल काय वेयो तियाहा आने डुकराबारामे खेरी गोठ खुब लोकाहान आख्यो. ¹⁷ताहा तिहीने माही “आमा गावामेने तिगी जा” खातुर ईसु देवाल कालावाला केरा लाग्या.¹⁸फासो ईसू मेने हारो वेलो माहु ईसू पाही जायन तियाल कालावाला केतलो की मान भी तुमा आरी लि जा. ¹⁹काहा की तिया माहाल आमाआरी आवोमा ऐहकी आखीन तियाल हाद्यो नाहो. फासो तियाल आख्यो तु तो खाजगी को जातुलाही जो आने इसू देवाय तो जीवनाम कौअती मोठो चमत्कारा कामे केयहै आन तो उपे केहकी दया/माया केयी ती तु तियान आख. ²⁰तो तिहीने निघी जायने ईसु देवाय तिया जीवनाम जे काय मोठे कामे केयेह आथे ते दकापलीस तिया गावाम आखतो फिरतोलो. ताहा तिहीने लोकाहाल खुब नवाय लागी.²¹आने ईसू देव उडीम बोहीन फासो गियो ताहातिया पाही खुब मोठो माहा टोलो तिही भेगो वेयो आने तो फुगारा पाही आथो. ²²फासो तिही याईर नावा एक सभास्थाना अधिकारी तिही आलो ताहा येशू देवाल विन तिया पागे पोडा लाग्यो ²³तिया कालावाला किन तियाल आख्यो कि, मा हानी पोयारी मोयजाय इयु अवस्थाम हाय ति हारी वीन जीवन जीवाजोजे तियहाल तु आवीन तियुपे आथ थोव. ²⁴ताहा तो तियाआरी निघ्यो, ताहा खुब माही तिया फासला चालतले आथे अन तियासमई आवी गेहलो आथे.²⁵तिही एक बाई आथी तियुल बारा वर्षे लुग रगत पडा बिमारी आथी. ²⁶तियु खुबकाही दावादुरी वालाही खुब दावो खादो आने खुब वोखो की लेदो. तियुप जो काही आथो तो होगोज पारवावी टाक्यो. तियाकी तिया दुख नेय इुदरी अने तियु दुख (बिमारी) खुब काय वाधी गियी. ²⁷इसु दवा विषयी गोठ्या उनाई आने तिही खुब मोठो माहा टोलो आथो तिहीम ती विही गियी आने तिया फासला आवीन तिया पोतडाने आथली लेदे.²⁸काहाल ती आखतीली कि ईसु देवा पोतडाने आथल तेबी आये हारी वि जायेहे. ओतो तियु विश्वास आथो. ²⁹ताहा तियु बायु रगत पडलु बिमारी मेने तुरुतूज हारी वी गिई. आने तियुल (बाईल) माआबिमारी मेने आयहारी वि गियीही ऐहडो तियु जीवनाम अनुभाव वियो.³⁰मा शरीरामेने शक्ती (सामर्थ) निगी ऐहकी ईसु देवाल लाग्यो.( जाय लेदो.) ईसु देव फासला फिरीन माहा टोलाम विन आखतोलो की “मा पोतडाने केडाय आथल्यो ?”. ³¹ईसू देवा चेला ईसु देवाल आतला खुब माही तो सोमकी टोलवाइन रेहला हायी. तोओ तु वि रेहलो हाय तेबी तु आखतोहो मान केडाय आथल्यो ? ³²जी बाईन ईसू देवाल पोतडे आथलुले तो बेरा खातुर ईसू देव चारी सोमकी वेतलो.³³ताहा ती बाई जीवनाम काय काय वेयो, माआ जीवनाम काय वेयो तो हमजीन ती बिख राखीन कापती कापती ईसू देवा पाही आली, आने तिया पागे पोडीन तियुय आखज सत्य गोठ आखी देखावी. ³⁴ईसु देव तियू बाईल आखतलो “बाई तो विश्वासाकी तु हारी वि गीयी ही, शांती वाय जो आने तो बिमारी (दुख) की तु हारी वि गीयीही.³⁵ईसू देव आखतलो, अतामुज सभास्थाना त्या अधिकारी को ने माहे आवीन तियाल आखतले “तो पोयरी मोय गियीही. आमी गुरुजील वोखो मा देखावो.”³⁶फासो ईसु देवाय तिया गोगुला वेले ध्यान नाय देदो सभास्थाना अधिकाऱ्याल आखतलो “बियोह मा विश्वास अतोज के.” ³⁷तियाय पतरस, याकुब आने याकुबा पावुहू याहान तियाहा सोडीन बिजाल केडाल नेय हाद्या. ³⁸फासो तो सभास्थाना अधिकारी पोंगा पाही आला तीही रडते आथे आने खुपच दुखी तिन बोंबलुतले आथे तिया माहा गडबड तियाल वेयो .³⁹तोओ कौवा माजमे जायन आखतालो तमा काहा रोडतेहे आने बोबलुतेहे ? ति पोयारी मोयी नाहा तर हुवी गियीही. ⁴⁰ताहा तिहीने माहे ईसू देवाल ओहा लागे माहान तियाये तिहीने आखाा माहान बारे काडी देदे, आने पोयरी बाहकाले आने तिया आरी आथा तिया चेलान तो पोयरी आथी तीही ते माजमे गिया⁴¹फासो पोयरी आथाल तीन तियुल आख्यो “तलीथा कुम” ईया अर्थ पोयरी आय तुल आखुहू उठ.” ⁴²फोसो तुरुतूज ती पोयरी ऊठीन चाला लागी. (ती बारा वर्षा आथी) तिया माहाने खुब खुब नवाय लागा लाग्यो ⁴³इ गोठ केडालोच मालुम पोडा मा द्या. ऐहडी तियाय तियान कडक (आज्ञा) आदेश देदेा. आने तियुल (पोयरी) खावुलो द्या ऐहकी तियाल तियान आख्यो.

¹ताहा येशू तिया नासोरी गावूम आलो आने तिया फासला फासला तिया चेला बी आला. शब्बाथ दिहाल येशु देवलाम परमेश्वरा हाऱ्या गोठ्या हिकवुतलो ताहा बाद्दा माहान नोवाय वाट्यो ²ताहा ते आखा लाग्या की ईयाल ऐ गोठ्या काहीने मालुम पोड्या ? ईयाल ओती ओक्कोल काहीने आली आने ईया आथुकी ओता मोडा चमत्कार केहकी वेताहा. ³ओता तोज हुताऱ्यो कने, जिया याहकी मरियम हाय आने इया पावुहू याकोब, योसे, यहुदा, शिमोन हाय आने इया बाहको हुताऱ्यो हाय आने आपु आरी हो ऐ तियाज भोया हाय कने ?⁴फासे येशुय तियान आख्यो, “जे भविष्यवक्ता हाय तिया सन्मान जातूलाम नाहा वेता ऐहकी नाहा हाय, पेने तिया नगराम आने जातुलाम तिया कुटूंबाम तिया सन्मान नाहा वेतो.” ⁵आने तिरहाम थोडाचे लोकापे आथ थोविन हारे केये बास तिया शिवाय तियाल बिजे महत्तवा काय नाहा केता आलो. ⁶तिया भोरुसो विन तिया नोवाय वाट्यो फाचे येशु परमेश्वरा हाऱ्या गोठ्या आहील्या पाहील्या गावून हिकवुतो फिऱ्यो.⁷फोचे येशूय बारा चेलाहान दादे आने तियान बेन बेन जुवानू जोडी की मोकला लाग्यो. तियाय तियांन पुथडे काडुला अधिकार देदो. ⁸आने तियाय तियान आख्यो की “जाहा तुमा जाहा लाकडी शिवाय बिजो काहिज नाय लेवूला नाहा मान्डो लेवूला, नाहा झोकी लेवूला आने पाेयसा बी नाय लेवूला. ⁹पेन चापले पोविन निगजा आने बेन डोगल्या नाहा पोवा.¹⁰आने तियाय तियान आख्यो जि कोवाम तुमा जा तिहीाने नगर हुदरुतो नाहा तावक लुग रेजा. ¹¹आने जिही तुमा जाहा तिही तुमा स्वागत नाहा केयो आने तुमा गोठ्या नाहा ऊनाया गी नाही लाग्या तिहीने निगीन जाती वेला तियान साक्ष देवुला ती इकी आपु पागु ऊदलो तिहीज फोकडी डेऊला.¹²फाचे चेला तिहिने निगी गिया आने लाकाहान पापाहा बद्दल पासतावो केरा ऐहकी आखता फिरा लाग्या. ¹³आने तियाहाय खुबूज पुथडान लोकाहामने ओडी काड्या आने खुबूज दुखाहान तेल लागवीन हारे केये.¹⁴हेरोद राजाल येशू बद्दल मालुम पोड्यो, काहाका येशू बद्दल बादहा लोकोहान मालु आथो, ते आखतला बाप्तिस्मा देनारो योहान मोलामेने फाचे उठ्योहो, तिया खातोरुज तियाकी इ नोवाय लागे एहेंडे मोडे मोडे कामे वेतेहे. ¹⁵बाकी लोक आखतला “येशू ओ एलिया हाय" बाकी लोक आखतला आगला जे भविष्यवक्ता आथा तियामेरोज ओ बी भविष्यवक्तो हाय.¹⁶पेन इ उनाइन हेरोदाय आख्यों जिया योहाना मुनको माय तोडी टाकावलो तो जिवतो वेयोहा.” ¹⁷हेरोदाय तिया पावहु फिलीप इया थेयील राखी लेदली आथी इ गोठ तियमा विरुध्द हाय एहेंकी योहानाय हेरादाल आख्यालो तिया खातोर हेरोदाय माहू मोकलावीन योहानाल तिइन आवीन कोंडी देदलो.¹⁸इ तियाय तिया पावहा थेय हेरोदिया खातोर केया काहाका तो पावाहा थेयील राखुनू इ तो चूक हाय एहेंकी योहानाय हेरोदाय आखलो. ¹⁹इया खातोर हेरोदिया योहाना आरी दुश्मनी किइन तियाल माय टाका आथो पेन तेहकी नाय वी सेक्यो. ²⁰काहा का योहान धर्मी आने चोखो माहू हाय इ जाईन हेरोद बितलो आने तियाल सामभालतलो. योहान जाहा हेरादाल गोठ्या आखे ताहा हेरोद काबराय जातलो पेन तेबी खुशीकी गोठ्या उनाय लेतलो.²¹फाचे एक खुबूज आनंदा दीही आलो तो हेरोद राजा जोन्मा दिही आथो तिया खातोर तिही तियांय तिया माेडा अधिकाऱ्याहान माेडा सिपाडाहान आने गालील देशुमने पुढारी लोकांहान मांडो खाआ खातोर हादले. ²²ताहा हेरोदिया पोयरीय माज जाईन नाच काम केयो, तो विन हेरोद आने तिया आरी जे लोक आथा तिया बादाहान खुश केये, हेरोद राजाय तिया पोयरील आख्यो आज तुल जो मानगुला हाय ती तुमा आय आय तुल तो देहे.²³हेरोद तिया पोयरील शपथ लिन आखेहे, तु जो बी मां वे मागहो तो आय तुल देहे, मापे आरदो राज्यो मानगोहो तेबी आय तुल देहे. ²⁴ती बारे गिई तियु याहकिल फुचा लागि, “आय काय मांगु ?” तियु याहाकिय आख्यो कि “तु बाप्तिस्मा केनारा योहाना मुनको मागे.” ²⁵ताहा राजो निराश वी गियो, पेन तियांय शपथ खादली आथी तियुकी आन आरी जे लोक बोठला आथा तियांहाकी ती गोठ तियांय पुरीज केरा पोडी.²⁶ताहा ती पोयरी तुरुतूज माज राजाही जाइन आख लागी “मान बाप्तिस्मा केदनारा योहाना मुनको एकी थालीम थोविन आमीज मागावी दे.” ²⁷राजांय तुरुतूज योहान मुनको वाडीन ली आवा खातेार एक सिपाडाल हुकूम दिइन जेलाम मोकल्यो, सिपाडो जेलाम गिया आने याहाना मुनको वाड्यो. ²⁸तोज मुनको थालिम थोविन ली आविन राजा पोयरील देदो, आने पोयरीय याहाकील देदो. ²⁹इ उनाईन तिही योहाना चेला आला आने तिया डिल उखलिन माहाणाम थोवी देदो.³⁰फाचे प्रेषीत लोक येशुय टोलवाया, आने तियाहांय जो काम केयो, जो हिकव्यो तो येशुल आखी देखाव्यो. ³¹ताहा येशूय तियाहान आख्यो, “चाला आपे जोंगलाम शांत जागावे जाईन थोडोक आराम किहू, काहाका तिही खुब लोक आवतला आने जातला तिया खातोर तियाहान मांडो खावुला बी वोखोत नाय मिलतलो. ³²ताहा ते उडीम बोहीन जोंगला नीगी गिया.³³पेन खुबूज लोकाहाय तियाहान जाता देखीन ओखी लेदो आने तिया बादा गावूमने लोक चालतांज निग्या, ते दोवडीन येशु आने तिया चेलाहा पेहलाज तिही जाय पोच्या. ³⁴येशू उडीमने उतेहे ताहा तियांय खुबूज लोक टोलवाला देख्या, तियाहान विइन दोया की आली काहाका पालनारा नाहा रेता एहेंडा मेडाहां होच ते आथे. आन तो तियाहान खुबूज गोठ्या हिकवा लाग्यो.³⁵जाहा वाअतो पोड्यो ताहा येशू चेला येशूय जाईन आखताहा, “आपे जोनगलुमने जागो हाय आने वाअतो पोडी गियोहो. ³⁶तु लोकाहान आखी दे ताहा ते गावाहाम आने खेतुम जाइन तिया तियाहांज खावनु बेचातों ली आवी.”³⁷येशुय चेलाहान आख्यो, तुमाज, तियाहान काय तेबी खावुला द्या. “आमा बेत होव चांदी रुप्याहा मांडा बेचाता ली लावीन देजी का ?” ³⁸येशुय तियाहान आख्यो, तुम्हा जा आने लोकाहान फुचा तुम्हाप कोता मांडा हाय जाइन लोकांहान फुच्यो ताहा तियाहांप बाय पाच मांडा आने बेन मासे ओतेज आथे.³⁹येशूय तियाहान आख्यो, लोकाहा चारापे टोला वोलीन बोही जा. ⁴⁰ताहा लोक होव - होव आने पाच्हा-पाच्हा ऐहकी टोलाम बोठा. ⁴¹ताहा येशुय ते पाच मांडा आने बेन मासे आथाम लेदे आशिर्वाद मागीन मांडा मुड्या आन वाटी खावावा खातोर चेलाहान देदा, ते मासे बी बांदाहान वाटी देदे.⁴²ताहा बादा लोक खाइन ताराया, ⁴³आन वादला मांडा तुकडाहा की बारा सिबले पोराये आने थोडेक माये बी वादी गेहले. ⁴⁴मांडो खानाराहाम आदमीज पाच हाजार आथा.येशु पायाप चालेहे⁴⁵येशुय तुरुतूज तिया चेलाहान आख्यो आय लोकाहान वाटे लागवूहू तांव तुमा उडीम बोहीन फुगारा ती तोडीपे बेथसैदा गावाम जा. ⁴⁶आन तो लोकाहान वाटे लागवीन एखलोज डोगापे प्रार्थना केरा गियो. ⁴⁷वातो वी गियो ताहा तियांहा उडी फुगरा भोर वोचमे आथी आने येशू एखलोज तोरतीप आथो⁴⁸जाहा वारो हूंबूरने खुबूज चालतलो तिया खातोर ते पाटला ठोकी-ठोकींन थाकी गेहला, इ येशूय देख्यो ताहा वेगरे तीन ते सोव वाज्ये वेरी येशू पांयापने चालीन तियाहांही आलो, तो तियाहांसे आगाडी निंगी जानारो आथो. ⁴⁹पेन चेलाहांय तियाल पायावे चालता देखीन “आ पुथ हाय एहेंकी होमजीन खुबूज बोंबली उठ्या काहाका ते बादा तियाल विइन काबराय गेहला. ⁵⁰पेन येशूय तुरुतूज तियाहा आरी गोठ्या केरा लाग्यो “हिंमत तेरा आंय हाय, बियाहा मां”⁵¹तो उडीम चोडी गियो ताहां बारो ठाको रियो,इ विइन चेलाहान खुबूज नोवाय लागी. ⁵²काहाका तियाहान मांडा गोठी ओर्थ होमजायो नाहा. काहाका तियाहा मोने कठीण वी गेहले आथे.⁵³फाचे ते तिया तोडीपे गनेसरेत सेहेराही जाय पोच्या, आने उडी तोडीपे बांदी थोवी. ⁵⁴आन ते उडीमाने उततांज लोकाहाय येशू आख्यी लेदो. ⁵⁵आन ते लोक पाहीने बादा येशू जिही हाय एहेंकी मालुम पोडतलो तिही ली जा लाग्या⁵⁶आन येशू गांवाहाम, खेताहाम जिही बी जाहलो, तिही लोक दुख्याहान बाजारा वेसला जागाम ली आवीन थोवतला आन येशूल राव्या किइन आखतला, तु तियाहान तो पोतडाहा कोर तेबी आथली ला दे आने जोता दुखी लोक तिया पोतडा कोराल आथलुतला ते बाद्दाज हारा बी जाहला.

¹एक दिही थोडाक परुशी लाेक आन शास्त्री लाेक यरुशलेमने आलाल ते टोलवायन येशूय आला.²तियाहाय येशू चेलाहांमने थोडाक चेलाहान आथ नाय तुवता मांडो खात देख्यो. ³काहाका परुशी लोक आन बादा यहूदी लोक डायाहा रीती रीवाज पालतला, ते हारकी आथ तुव्या वाशी मांडो नाय खातला. ⁴बाजारामने लाल्ली केल्ही बी वस्तु ते तुव्या शिवाय खाता नाहा आने ते डायाहा रिती रिवाज पालतला आने तेहेंकीज गिलास, वेंडे, पितला बासने चोलीन तुवनू एहकी खुब नियम ते पालतला,⁵इया खातोर तिया माहांय येशूल फुच्यो, “तो चेला आथ नाय तुवता मांडो खाताहा, ते डायहा रित्या काहाल नहा पालता ?”⁶येशूय तियाहान आख्यो, “तुमा ढोंग केताहा, यशया भविष्यवक्ताल परमेश्वराय तुमा बाबतीम आगलोज भविष्य एहेकी लेखाव्यो ⁷‘ते लाेक मान मुयाकी मान-पान देताहा, पेन तियाहा मोने मां इहीने दुर हाय, ते मां भक्ती नाेकामा केताहा, काहाका ते माहाय ठरवूला नियम धर्मा तियाम हाय एहेंकी किइन हिकवुताहा.⁸काहाका तुमाहाय परमेश्वरा नियम सोडी देदाहा आने माहा रित्या पालताहा.’ ⁹आजी तियाय तियाहान आख्यो, ‘ तुमा डयाहा रित्या पाला यखातोर परमेश्वरा नियम केहेंकी हारी रितीकी सोडी देताहा.’ ¹⁰काहाका मोशेय आख्यो, ‘तु तो याहाकी-बाहाका मान राख, जो याहाकी-बाहाकाल हारो नाय गोगतो बेरी तियाल नक्कीज माय टाका जोजे.’¹¹पेन तुमा आखताहा, ‘केडो बी तिया याहाकी-बाहाकाल आखी जो काय आय तुमाल दाआ आथो, तो माय परमेश्वराल दाना की देदो.’ ¹²ता याहाकी बाहाकाल देवनु गोरज नाहा एहेंकी किइन तुमा तियाल तिया आहाकी-बाहाका सेवा केरा देताज नाहा. ¹³ऐहंकी किइन तुमाहाय तुमा रिताहीकी परमेश्वरा नियम तोडी टाकाव्या, तेहेंकीज एहेंडे बिहीरे खुबूज कामे केताहा.”¹⁴ताहा येशूय लोकाहान तियाही हादीन आख्यो, “ तुमा बादे माउनाया आन होमजी ल्या.” ¹⁵एहेंकी केललीज वस्तु नाहा जी माहाम बारेने जाइन अपवित्र केहे, पेन जी वस्तु माहामने निंगेहे तोज माहाल अशुध्द केहे जियाहा उनानु खातोर कान हाय, तियाहांय हारकी उनाय ल्या. ¹⁶¹⁷तियांय लोकाहान तिहीज रां देदो, आने कोमे गियो ताहा तिया चेला तियाल दाखला बोद्दल फुच्यो, ¹⁸येशूय तियाहान आख्यो, “तुमाहान आती बी आकल नाहा हाय का ? जी वस्तु माहा माजमे जाहे ती माहाल अशुध्द केतो नहा इ तुमाहान नाहा होमजातों का ? ¹⁹खावनु वस्तु मोनाम नाय पेन डेडीम जाहे, आन फाचे तियाहाल ओगी टाकतेहे, एहेंकी आखीन येशूय बादी खावनु वस्तु चोखी हाय इ आख्यो.” ²⁰आजी तियांय आख्यो, “जो माहा अंत:करणामने बारे निंगेहे तोंज माहाल अशुध्द केहे.” ²¹काहाका माजमेने म्हणजे अंत:करणामने खाराब विचार बारे पोडताहा जेहकी, खारोब कामे, चोरी, खुन, ²²सिनालों, लोब, खोटोपोण, ठोगबाजी, हुनाटाय, हेवा, खोटी नजरीकी वेअनू, निंदा केअनु, अभिमान केअनु, मुर्खता इ. बांदो निगेहे. ²³ए बाद्या गोठ्या माहामनेज निगत्याहा, आन माहाल अशुध्द केत्याहा, ²⁴फाचे येशू तिहीने निगीन सोर आन साीदान प्रांताम आलो आन तो तिही एका कोवाम गियो इ केडाल मालुम नाय पोडा जोंजे एहेंक तिया बिचार आथो पेन तो दोबी नाहा सक्यों. ²⁵ताहा तुरुतूज एकी बाई पोयरील पुथ लागलो आथो, ती येशु बोद्दल गोठ्या उनायन येशूय आली आन तीया पागे पाडी. ²⁶ती बाई ग्रीक आथी आने सिरीयामने फिनीशीया इही जन्म वेली आथी, तियुय येशूल रांव्या किइन आख्यो,”मा पोयरीमने पुथडो काडी दे. ²⁷येशूय तियुल आख्यो, ”पोयराहान पेहली तारायन खाय ला दे काहाका पोयरांहा मांडो लिइन कुतराहान टाकनु इ हारो नाहा हाय” ²⁸ताहा ती बाईय येशूल आख्यो, “इ खेरीज हाय प्रभु, पुन कुतरे बी ता टेबला थुले पोयराहा वेने टाकाय जाहे ती मांडो विसीन खातेहे,” ²⁹ताहा येशूय बाईल आख्यो, “तो आखनु हारो हाय, तु जेा, तो पोयरीमाने पुथडो निगी गियोहो.” ³⁰जाहा ती बाई तियु को गियी ताहा तियुय ती पोयरील खाटलापे हुतली देखी, आन तियुमने पुथडो निगी गेहलो आथो. ³¹फाचे येशू सार आने सिदान प्रांतामने निगीन दकापलीस प्रांताम लुगीन गालील पुगाराही जाय पोच्यो. ³²ताहा लोक एका बेरा आने तातऱ्या माहाल येशूय ली आवीन रावया किइन आखालग्या तो आथे इया पे थोव ³³ताहा येशू ती माहाल लोकाहा टोलामने बारे ली जाइन तिया कानाहाम आकड्या काल्या आन फाचे आकडीपे थुकीन तिया जिभील आथल्यो. ³⁴आने होरगावेल विइन हां टाकी आने आख्यो, “इफ्फाथा” (इया अर्थ खुली जो.) ³⁵ताहा तो माहु उनाया लाग्यो आने तिया जिभी गाठ तुरुतूज सुटी वी गियी आन तो हारी रिते गोगा लाग्यो. ³⁶ताहा येशूय तीया लोकाहान हारकी होमजावीन आख्यो, इ गोठ केडालुज आखाहा मां, पेन येशू जियाहान आखलो ते वादुज तिया गोठ्या आखा लाग्या. ³⁷तिया लोकाहान खुबूज नोवाय लागी आन ते आखा लाग्या “तियाय जो बी काय केयो तो हारो केयोहो, बेराहान उनानु आन मुकाहान गोगनु सोकती देदी.”

¹त्या दिहाम फासे लोका माेडो टोलो हेगलायो पेने तीया जागे खाऊला कायने काय आथो. येशूय तीया आखान हाद्यो आने तीयाने आख्यो. ²‘माने इया लोकापे किव की आली काहा का तीन दिही वी गीया ते मा आरी हाय आने तियापे खाऊला काइज नाहा काय ? ³आय जर तीयाहान पुखा कोओ मोकलेहे ता वाटीमुज पुखीकी पोडी जाय आन तियामेने काहक ता खुप दुरने आल्ला हाय., ⁴तीया आऱ्याय आख्यो इया जोगलाम इया मोने ताराय ओतो भोडा काहीने लाऊले !⁵तीयाय तीयाल फुच्यो का, ‘तोपे कोतो मांडो हाय ? आने तीयाये आख्यो साते. ⁶तीयाय माहान नीचे भा आख्यो, आने तीयाय सात मांडाे लेदा आने आभार मान्यो आने तिया मांडाे मुड्या आने तियाय माहान वाट्यो.⁷आजी तीया जागे वाहीके हाने मासे आथे तीयाय तीयापे आशिर्वाद मागीने ते वाटा लागवे. ⁸तीया मांडो खाय ने मोन पोरायो आने रेहाला मांडा तुकडा सात सीबले पोराये. ⁹तीही कोमीत कोमी चार हजार माहे आथे. तीयान येशूय को मोकल्यो. ¹⁰तुरुत तो तीया आऱ्या आरी ऊडीम बोठो आने दल्मनुथा प्रदेशाम गीयो.असमंजसपोणाबोद्दोल शिष्याहा निषेध¹¹फासे वाहीक परुशी लोक आवीन तीया आरी चुलाया लाग्या, तीया परिक्षा वेरा खातोर तीयायेने होरगामेने निशाण्या माग्या, ¹²तीया तिया आत्माल दुरावीन तीया आख्यो, इ पिढी निशानी काहा मागे माय तुमान खेरो आखु का या पिढील निशाण्या देता आवे नाय. ¹³पासे तीयाय तियान सोडीन पासे ती ऊडीयाम जाइन बोठो पासे तो हुबूरच्या तेसलीवेला गीयो,¹⁴ताहा तिया आऱ्या माडो लावनु विहीराय गीया आने ऊडीम तीयापे ऐकुज मांडो आथो. ¹⁵येशुय तीयान होमजावीन आख्यो,”सांभालजा परुश्यां खमीर आने हेरोदा खमीर इ पेने साबालीन रेजा.”¹⁶वोचे ते तीया तीयामे गोगा लाग्यो, का आपू जागे मांडो नाहा तीयाल तीयाय आख्यो का? ¹⁷ते काय गोगतले इ तो होमजीज येशुये तीयान आख्यो, आपु पाही मांडो नाह इया बाराम गोगतला हा आजी तुमाने होमजायो नाहा का ? तुमनेहे होमजीने बी होमजातो नाहा का ? तुमा मोन कोठीन वी गीयो का ?¹⁸डोवा रीने बी तुमनेहे देखातो नाया का ? कान रीने बी तुमनेहे ऊनाया आवतो नाहा का ? तुमान इत नाहा रीयो का ? ¹⁹मायु पाच हजारा लोकाहान पाच मांडा वाटी देदा, ताहा तुमाय तुकडामेने कोत्या सीबले हेगलावे , तीया आऱ्या आखेय सात²⁰आजी चार हाजारा वाटो मायु सात मांडा मुड्या ताहा तुमाय तुकडा कोत्या सीबले हेगलावे तीया आऱ्याये आख्यो, "सात". ²¹पासे येशू तीयान आख्यो, आजी तुमान होमजुतो नाहा का ?²²ते बेथसैदा तीही आले ताहा लोकाहाय तीया जागे एका आधलाल लाले आने तु तीयाल आथे लागवे एहकी तीयाय आख्यो.

¹ईसु हीा त्या लोकाहान आख्यो, आय तुम्हाल खोरो आखु इही उभे रिाहीले जे बाकी अेहडे होय जिआल देवा राज्या सामर्थाकी आवनु देखाय तावलुग तियान मोअनु अनुभव नाय आवे. ²फाची खोब दिहानंतर इसुही पेत्र, याकोब आने योहान याहान लिन तो डोगाप गियो तियाहा हुबूर तिया रुपांतर वियो. ³तिया पोतडे खुब चोमकुनारे आने उजले आथे, आते उजले आथे पोगाम केल्लाज गाठील नाय की शकी ऐहेडे बी गिहले.⁴ताहा माशे आने एलिओ तिइया आरी प्रोगाट विइओ, बेनी येशू आरी गाठ्या केतुला. ⁵पेत्राय येशूल आख्यो देवा तुमाहा इही हाय इ हारो हाय आपु तिय माडवा बोनवु एक तुमा वाटो, एक मोशे वाटो आने एक एलिया वाटो. ⁶पेत्र ऐहकी गोठ्या तियाल काय गोगनु तो होमजालो नाय, काहाका ते बी गिइले आथे.⁷ताहा एक वादलो तिइआऊचे आलो आन तियाआन सावली केअेई. पासी वादलामाने आवाज आलो “ओ मा मेरालो पोयरो हाय इया तुमा उनाया”. ⁸अचानक तियाई सोमकी वेयो ताहा तियान येशु सिवाय केडोच नाय देखायो⁹ते डोगापने अेठा उततुला ताहा येशू तियान आज्ञा केयी तुमाही जो वेअलो हाय तो येशू मोलामेने उठे ताव लुग कडालुज मा आखाहा. ¹⁰तिआला ती गोठ तियाही तियाआमुज थोवी, पेन ते मोअलामाने उठनु अर्थ काय हाय तियाआरी एक बिजाआरी गोठ्या केअतला.¹¹येशुय तियाल फुच्यो ‘पेहलादाव एलीयाआवा जोजे ऐहकी नियमशास्त्रामने मास्तुर काहा आखता. ¹²तो तियान आखे हो एलिओ पेहलादाव आवीन होग्या गोठ्या हारी रीती कहे, पेन माआहा पोयरा कहेता तियाआय खुवे त्रारास केरा पोडी, आने तियाल नाकाराम आवी ऐहेकी पवित्र शास्त्राम लिखला हाय ? ¹³आय तुमाहान आखे एलीओ आलोच हाय आने तियाआबाराम लिखाबाराम तिआन जेहकी जोजे तेहकी तियाई तिया केअयो.¹⁴फासी ते लोक शिष्यांपाही आले ताहा तीयाहाने तिया सोमकी खुब लोक हाय आने नियमशास्त्रा हिकवीना तिआ आरी वाद केहतो हाय ऐहकी तियान देखायो. ¹⁵होग्गा लोक येशुल विन चामकाय गिया आने ते तिया स्वागत केरा केअता दोवडी गिया

¹पाछी ईशुही तो जागो सोडाीन आने यहुदीया देशाम यार्देन खाडी तिवेला गियो. लोक एकजागे आविन तिईयाई आले आने तियाई तियाहा चालीरितीकी तियाहान हीकवे. ²थोडा परुशी ईशुही आल तियाई तियाल पुच्यो “ माटीही थेयील सोडनु ही कायदाकी हारो हाय का ? ईते तियाई तिया पोरीक्षाला खातोर फुच्यो, ³ईशुही तियान आख्यो, ‘ मोशेही तुम्हाल काय आज्ञा देलीही.’ ⁴तिईयाई आख्यो, ‘मोशेही माट्याल फारगुती दा ओन आपु थेईल सोडणु आख्यो हाय.’⁵ईशुय आख्यो, ‘ तुमाहा मोन खुप कठीण हाय तिया केअतो मोशेही ई आज्ञा तुमाखातोर लिखी थोव्या. ⁶पेन जुग बोनाव्यो तिहणे देवाय तियान माहु आन थेय अहेडे बोनावे हाय.⁷इयाकातोर माआवु आपो याहाकी बाहकान सोडाीन आपो थेई आरी जोडाय रीई. आने ते बेनी एकुज वी जाय. ⁸तिआल इहीने आगला ते बेन नाहा एकुच हाय. ⁹ईयाखातोर देवाय जोड्यो हाय, तो माआहाई तोडुलु नाहा हाय.¹⁰पाछी ईशु आने तिया चेला कोमे आथा ताहा चेलाही ति गोठील फाछी फुच्यो. ¹¹तिआई तियान आख्यो, ‘जो केडो आपो थेईल सोडाी इेहे ओने बिहरी थेय राखेहे तो आपो थेइ्रविरुध्दा सिनालो केहे. ¹²आने थेबी आपो माट्याल सोडी देहे आने बिहराल राखेहे ते तीबी सिानालो केहे.¹³पाछी तिआई हाना पोयराव आथ थोवा जोजे आने तिआन आशिर्वाद हा जोजे तिया खातोर लोकाही पोयराहान तीयापाही लिआले. पेन चेलाही लावणारान गाय देदो. ¹⁴ईशुय ई वेअयो ताहा तियाल रोग आली आने तियान आख्यो, ‘हाना पोयरान माही आवा द्या. तियान नाय आखा नाहा काहाकी देवा राज ईया होस हाय अेहडाच हाय.’¹⁵माआयु तुमाहल खेऱ्यो आखु जो कडो हानापोयरा होस देवा राज्याम नाहा मानतो तिया आवनु तियाम हायुच नाहा. ¹⁶ताहा तियाई हानापोयराल उखलीन पाही लेदो, आपो आथ तियाप थोवीन आने तियाल आशिर्वाद देदो.¹⁷ईशु बिहरुस जा निग्यो ताहा एक माआवु तिया पाही दोवडुतो आलो आने तिया आगला गुडगाप आविन आख्यो “हारा मास्तुऱ्या, सार्वकालिक जीवन मिला खातोर काय केरा पोडी ?” ¹⁸ईशु तियाल आख्यो, ‘ तु माल हारो काह आखतोहो ?’ बाहका शिवाय केडोच हारो नाहा. ¹⁹तुल आज्ञा मालुमुच हाय ने, खुने नाहा पाडो, सिानालो नाहा केअवो, चारी नाहा केअवो, कडो विरुध्द खोटो नाहा गागो, ठोगावो नाहा, आपो बाहका-याहाकी आरी हारी हिती राखनु.²⁰त्यामाआहाई आखे “मास्तुऱ्या, आय जुवानोपणे ई गोठ्यापालणी केअतो आल्लो हाय.” ²¹ईशुय तिया होवे विईन तियाआप माया केअठ्र तियाई तियाल आख्यो, तोअम एक गोठी कोमी हाच जो तोप जो काय वेरी तो होग्गो वेचेदे आने गरीब लोकान दि दे. ताहा तुल होरगा संपत्ती मिली जाय आने मा फाचला आव. ²²ही होग्ग्या गोठ्या उनाईन तो मांहु खुबे दुखी वी गियो आने निराश विअन निगी गियो काहाका तियाआप खुप संपत्ती आथी.²³ईशुय आपो होमकी सोमकी वेअयो तियाअय आपो चेलाल आख्यो, ‘देवा राजाम आवनु पोयसावाला लोकाहाल कोतो कठीण होय.’ ²⁴तियाय गोठ्या उनाईन ठाकला वि गिया पेन फाची ईशुय तियान फाची आख्यो, ‘मांआ पोयरा, देवा राजुम जावणु खुप कठीन होय.’ ²⁵पौसावाला लोकाहान होरगा राजाम जावनु देयासने सोपे उटडाल हुई नाकलाम जावनु कठीण नाह हाय.²⁶ते लोक जाहका चोमकाय गिया, आने एक बिजाल आखाल लाग्या, ‘हाती केडो तारण वेअनु शक्य हाय ?’ ²⁷तियाई विईन ईसुही आख्यो, ‘माआहाल ही गोठ अशक्य हाय पेन देवाल नाहा काहाका देवाल होग्ग्या गोठ्या शक्य हाय.’ ²⁸पेत्राम तियान आखे वेरा आमाही होग्ग्या सोडी देदो आने तो पाचला आले हाय.²⁹ईशुय आख्यो, ‘मायु तुमाण खेरो आखु, जियाई जियाई माखातुन आने सुवार्तेखातुर कोंबा, पाऊ, बोही, याहकी-बाहको, पोयरे खोती – वाडी सोडली हाय. ³⁰हेहडा होग्गान सेल्लो वेले वोखोवेरी होवपटीने को बाही, पाऊ, याहकी, पोयरे खेते आने आवणारा जुगाम सार्वकालीक जीवन मिल्याशिवाय रेवाय नाय. ³¹तेबी आगले जे ते सेल्ले आने सल्ले जे ते आगला, अहकी खुबुज जा वेअरी.³²पाछी ते उठे यरुशलेम गावा वाटीईने जातुला ताहा ईशु तियाआल आगला चालतुलो.. तियाआ कोला वि गिला आने तिईयाफाछला आवणारे बी गिईले आथे. फाचे येशुई बारा चेलाहान एककाई लिईन आपुबद्दल काय वेअणारो हाय इ आखा लाग्यो.

¹ताहा ते यरुशलेम शेहरु पाही जैतुन डोगा पाही ब्ेथफगे आन ब्थानी गावापाही आला ताहा येशु ये तिया बेन चेलाहान एहेंकी आखीन मोकल्यो, ²“हुंबऱ्या गावाम जा तिही तुहान एक फुरक्या पिलको बांदलो देखायी तियापे आमीलुग केडोज बोठो नाहा, तियाल सोडीन ली आवजा. ³आने एहेंकी एगदांय फुच्यो तुमा इयाल काही ली चाल्याहा ताहा तुमा एहकी आखजा. “प्रभुल इया गोरज हाय.” तो इयाल माहारुज इही ली मोकली.⁴ताहा तिहीने निंगीन गिया ताह वाटीप एका कोवा बाणाय चौठाम पिलको बांदलो सापड्यो आने ते पिलकाल सोडा लाग्या ⁵तिही उबले माहे आथे तियाहाय फुच्यो फरक्या पिलकाल सोडीन तुमा काय केताहा ⁶येशू य आख्यो तेहकी तियाहा आख्यो, ताहा तियाहाल जा देदो.⁷फाचे तो फुरक्या पिलको येशु पाही लाला तियाहाल तिया पोतळे तियाल फांगाराव्यो ताह येशू तियाप बोठो. ⁸खुप माहे यिाहा पोतळे रोसताप फातये आने फाचे बिहरा माहाय खेताम जो डालफे तोडीन वाटीप फात्ये. ⁹आगला चालणार आने फाचला आवणारे बोंबला लाग्या “होसान्ना, प्रभु नावाम आवनारो धन्यवादीत वे.” ¹⁰आमा पुर्वज दाविद इया आवनारो राज्य धन्यवादीत वे .¹¹फाचे येशु यरुशलेम शहराम गियो ताहा फाचे तो परमेश्वरा भवनाम गिया ताहा चारी वेलेनो वी लेदो. ताहा वातो वेलो वी गीयो फाचे तो तिया बारा चेलाहाल लीन बेथनीसा होवे निगी गियो.

¹येशु तियाहाल दाखलो आखीन हिकवा लाग्यो ऐका माहाय द्राक्षा वाडी लागवी आने तिया बारे सोमकी वाडांग केअयी. तियाय द्राखारसा केअता खाडो खोद्यो. ²आने राखवाली केअता मालो बांद्यो. तियाय ति वाडी खुहता खुहताले भाडे वे आने तो दुर प्रवासाल गियो. पीका समयावे मजुराप द्राक्षा वाडीमने फळ समयाव तियाले पुरतो हीस्सो मीले मजन तियाय ऐका नोकराल मोकल्यो.

¹आने येशू परमेश्वरा मंदिरा मे ने निगिन जातुलो ताहा तिया शिष्यामाने एक जाआ त्याले आखा लाग्यो, ‘गुरुजी, वे इ केहेंडो नोवाय हाय डोगडाकी जाने केहकी कोओ बादलो हाय, ²येशु तियाल आख्यो “तु इया मोडो कोवो वेतो ने ? इही न्या एक बी डोगडो एक बीहीरा डोगडापे नै रेणारो तीयामेने होगाजे जेगडा ऐठा पोडि जावामे आवी.³येशू परमेश्वरा मंदीरा हुमूर जेतुना डोगाप बोठलो आथो पेत्र, याकोब, योहान आने आंद्रिया इया त्याले ऐखलो आथेा ताहा फुच्यो. ⁴“ई गोड्या किधी वेरी तो आमाल आख आने जाहा ईया गोठ्या पुऱ्या वेरुलो वेल आवी ताहा कैली चिन्हो वेरी,⁵आने येशू तियात आखा लाग्यो, “तुमाल केडो ठोग नाय तिहाय तुमा साभालिन रेजा. ⁶खुब माही मा नाव लिन आवि आने आखि का, ‘माय तो हाय’ आने ते खुबे काहाल ठोगी.⁷ताहा तुमा भानगोड्या आने भानगोड्या खोट्यागोठी बाबत उनाय ताहा बिया नाहा आने खेरोज वेजारोज हाय. आने आताहाम शेवट वेणारा नाहा. ⁸एक राष्ट्र बिहरा राष्ट्रापे उठी, आने एक राज्य बिहरा राज्यवे उठी, जुदी-जूदी जागाप भुकंप वेरी आने काल पोडी पेण इ आखो बास नाश वेल सुरवात हाय.⁹तुमा सावध वेरा ते न्यायसभाले होपी केरा आने सभास्थान तुमाल ठोकी-तिहान खेरो आखतो तुमा राज्यकर्ते आने राजे तिया हमोर अभि रा पोडी. ¹⁰इ वेरा पेहला आखा राष्ट्रान देवा वचन पोचा जोजे.¹¹आने ते तुमान अडकाविन होद पुछ केरा लिी आवि ताहा पेहलाज काय गोगा तो मा इतवा पेन ताहा जो मनाम आवी तो गोगा, काहाका गोगनारे तुमा नहा पवित्र आत्म तुमा खातोर गोगी. ¹²पावु पावाल आने बाहाको तिया पोयराल मोरा खातोर दोगोलबाजी की तहा वि दी, आने पोयरे आपु याहाकी-बाहकाव उठी आने ते त्याहाले मारी. ¹³आने मा नावा खातोर बादे माहे दुरकेरी चुका काडी, पेन जो शेवट हुग टिकी तोच निवडाम आवी,¹⁴जाहा तुमा नाशाले जोड देणारी ऐहंडी बिख लागे ऐहंडी गोठ दानियेल संदेष्ट्याय आखली ‘हेना खराब जागा खराब वस्तु जो-जिही नाय रा जोजे तिया जागाप वेरा, ताहा जे यहुदी प्रांतामे हाय ते डोंगुप जाता रेजा. ¹⁵आने जो केडो कोवा उच्चे बोठो वेरी तो कायबी ला निचे ना उता. ¹⁶आने एगो खेताम वेरी ता तो तिया जागो केरा खातोर फासाडी नाहा जाहा¹⁷तिया दिहाम जि हाणे दुध पिते पोयराली बाई आने जि दुध पाजनारी बाई रि ती दिहाम तीइयी खुब खारबा रि. ¹⁸आने प्रार्थना केते रेजा का ई हियालाम नाय वे. ¹⁹काहा की त्या दिहाम जो बोखो वेरी तो देवाय जग उबजावलो त्यापेलेनी ते आज ने ते किधी नाहा वेया आने किधी नाय वेराी तिया होस. ²⁰परमेश्वराय जो ते दिही कोमी केला नाय रेता ते केडोज जिवतो नाय रतो पेन जियान तियाय निवडुले हाय तिया.²¹काहाका थोडाक लोक आपु खोटा ख्रिस्त आने खोटा संदेष्टा हाय ऐहेकी आखिली तेहकी वेरी ता ते निवडुला लोकाहाल ठोगावा केअेता. ²²कहा का आरदे माही खोटे ख्रिस्त नेता खोटे संदेष्टे तिगी टाकाय आने वेरे ते निवडुला लोकन बी डोगा खातोर चमत्कार देखावी. ²³वेरा ताहा तुमा धान दिन रेजा माय तुमाल पेहलावुज आखो आखि भोवलो हाय,²⁴पेन तिया दिहाम बी ई संकटे आविन जाय ताहा. ²⁵आकाशामेने तारे पोडी आने आकाशामेने ताकोत डोगमोगोय जाय. ²⁶ताहा माही माहा पोयराल खुब सामर्थ आने महिमा की वादाम आवतो वेरी. ²⁷फासे तो तिया देवदुतान मोकली आने चारी होवेनी मोकलिन पृथ्वी ई कोपराम ने ता तीया कोपराम हुग वादला इ वेला ने ता ती वेला हुग तिया निवडुले माहान माहान डोलवी दिही काला पोडी जाय, चांद उजवाडो नाय दे.²⁸अंजीरा चाडवापनो हीका जाहा तिया पाने हुकाते आने पोडते ताहा तुमा उनालो आवि गियो होमजुते. ²⁹तेहकीज इ आखो वेरी ताहा तुमा होमजी जाहा का, ते दिही खुबूज बानाय आविन उबला हाय.³⁰माय तुमाल खेरे आखु, का जाऊक हुग ऐ गोठ्या नाय वेरे ताऊक हुग इ पिडी जाती नाय रे ! ³¹बादलो आने पृथ्वी पारवाय जाय पेन मा वचने नाश नाय वेणारो. ³²तीया दिही आने ति वेल केडाल नाहा मालुम, नाहा स्वर्ग दुताले नाहा पोयरो नाहा पेन फक्त बाहकाल मालुम हाय.³³वेरा, जागते ऱ्या ! आने प्रार्थना केते रा, काहा का तुमाल नाहा मालुम तो वेल किधी आवी. ³⁴तो वेल ऐहकी हाय का, एक माहु आपु कोओ सोडीन प्रवासामे जायुलो वेले कोवो सोडे हे नोकराल काम होपी देवनु आने राखवालयाल जागतो रा आखे तेहकीज हाय³⁵तिहाल जागतेऱ्या, काहा का तुमाल नहा मालुम तोनारो केहनडी वेला आवी,तो पारगा वेला आरदी राती वेगीवेला कुकडो वाहाय ताहा नेता वेगी वेला केहनडी वेला आवे तुमाल नाहा मालुम. ³⁶आने तो एकदामसे आलो आने तुमाल निदारीम वेयो ते. ³⁷माय तुमाल आखु इ आखान आखु जागते ऱ्या.

¹बेन दिहीकी वल्हाडण सण आने बेखमीर मांडा सण वेअनारो आथो मोडा याजक आने शास्त्री लोक येशुल कपाटा की सापडावीन माय टाकाणु तोअ होदतला. ²पेन से ऐहकी आखतला आपु इयाल इया सणा बोखताव नाय तेअता नेता लोकाहाम दंगो वी जाय.³जाहा येशु बेथानी गावाम शिमान नावा एक कोडलो माअहु आथों तिया कोअमे मांडो खाअ बोठलो आथो, ताहा तिही एक बाय खुब मोअबे आस्तर तेला लिईन तियाही आली आने तियाय ति शिची उगडावीन आस्तर तेल येशु मुनकावे रिचवी दे दो.

¹माेठी वेगीवेला पहाटे वेताज माठो याजक लाक वडील माहाये नियमशास्त हिकावनारो आने होगी यहुदी मोउली याही एक गोठ ठेरवीन येशुल बांदीने पिलाताआ ताबामे देदो.

¹हाती जांहा आरामादिही विती गियो ताहा मरीया मगदालीयाय याकोबा याहकी मरीया आने सालोमी इयाही सुगंधी चिजा वेच्यात्या लेद्या. इया खातोर का ते आवीन तिया शरीरावे लागवे. ²आने आठुड्या पेहेले दिही माडी वेगऱ्यो दिही निंगा बोखताव ते पुयारापाही आलया³आने तियाही एक बिजाल आख्यो, आपु खातोर पुयांरा मुयापुने डोगडो केडो काडी ? ⁴पेन हेएयाप तियीन मालुम पोड्यो का डो गडो एकी होवे ठेपुलो हेय, तो खुब मोडो आथो.⁵आने तियीही पुयाराम विहान वेयो ता हुदी होवे बोठलो, उजलो झगो पोवलो ऐक जुवानाल देख्यो, आने ते काबराय गीया. ⁶पेन तो तियांन आखेहे ‘काबरायाहा मां, क्रुसाप चोडवुलो येशू नासरेथकराल तुमा होदत्याहा, तो जीवी उठलो हाय, तो इही नाहा, जी जागे तियाल थोवलो आथेा तो जागो वी ल्या.’ ⁷पेन तुमा जा, तिया चेलान ओन पेत्राल आखा का तो तुमा आगला गालीलांम जाहे, जेहंकी तियाय तुमनेल आखलो तेहंकी तिही तुमा तियाल देखाय.⁸ताहा ते बारे तिग्या आन ते बी गेहल्या तीयाल ते तीहीने नाही पोड्या, आन केडालुज काअव्ही आख्यो नाहा.⁹आढवुडा पेहला दिही येशु उठो त्या पासे मग्दालीया शोहरामने मरीया, जीयेमेने तियाय सात पुथडे काडली आथी तियोल दर्शन देदो. ¹⁰ती गियी आने रोडीन, श्योक कीन तीया चेलाहान इ गोठ आखी. ¹¹ते उनायो का तो जीवतो हाय आन तियोय तियाल वेअलो हाय, ताहा ते तियाही तियो आखुलाव विश्वास थोव्यो नाहा.¹²फाचे तियाहा मेने बेन जा, जाहां ते गावावेल जातला ताहा बिहीरा रुपाम तियाहान मिलो, ¹³ताहा ते पासे पिरी आला आने त्याबाराम तीयाही बिहिरान बी इ गोठ आखी पेन तीयाही त्याव विश्वास थोव्यो नाहा.¹⁴फाचे जाहा आकरा जां मांडो खाअ बोठला आथो ताहां तेा तियाहाम प्रगट वेयो आन जियाहाय तियाल जीवतो विईन उठलो देखलो आथो तियाह विश्वास नाहा थोव्यो इया खातोरा तियाहान अविश्वास आने कठीन मोन केअयो इया खातोर तियाम तियाहान दोष देदो. ¹⁵फाचे येशुय तियाहान आख्यो, “तुमा बादे दुन्याम जायन दुन्यामेने बादा लोकाहान हाी गोठ आखी देखावजा. ¹⁶जो माअहुं इयो हारी गोठीवे विश्वास करी आन बाप्तिस्मो ली तोअ वाचाय जाय, पेन जो विश्वास नाय केरी तो दोषी ठरवाय जाय.¹⁷आन ते विश्वास केरी तियाहाम ए निशाण्या वेरी ते मांअ नावाकी पुथडे काडी टाकी. ¹⁸आन तियाहान केललो बी विष पियाय जाय तबी ते मोअनारे नाय ते दुख्याहावे आथ थोविन प्रार्थना केरी आन ते हारे वी जाय.¹⁹ए गोठ्या तियाहान आखी पारवायो ताहा, प्रभु येशु उचे होगगामे निंगी गियो आन तो पोरमेहेरा हुदिवेल बोठो. ²⁰फाचे ते तिहींने निंगी गिया आने बादा जागाहांवे इ हारी गोठी आखा लाग्या, ताहा प्रभु तियाहा आरी काम कअती रितो आन जे निशाण्या आखल्या ते वेअतल्या तियोहोंकी वचना सेवा वादती गियी. आमेन.

¹जियु गोठी आम्हाल नक्की खातरी हाय, तियु गोठी पेलानेज हुबराहूबर वेनारे आने शब्दा सेवक आथे ²तियाहाल ते जेहकी आमाल होपी देदो, ते तेहकीज आखा जोजे तिया खातुर विषयवारी (माहीती) उल्लेख एकेक गोठ लिखा खातुर खुब माहाय ई काम हाथाम लेदल आथो. ³तिया खातुर हारामाहा थियफिला मायुय होगीच गोठी मुलामने हारखी होद कि लोदो तिया खातुर मान ते हाऱ्या लाग्या की ई आख्या वेल्या गोटया मालुम किन आपुन केहकी बरोबर लिखजी ईया मालूम की लोदो ⁴तिया खातुर कि जे गोठी शिक्षण (ज्ञान) आपणेन मिलालो हाय तियु नेकीच आपणेन पुरेपुरे माहीती जाय लेवुलु हाय योहानु जन्मा विषय आखाम आललो.⁵यहुदिया देशा राजा हेरोदा तिया दिहामे, जखऱ्‍या नावा एक याजक आथो, तो अबिया याजुक कौअवामेने आथो, आने तिया कौअवाली अहरोना कुलामने आथी, आने तियु नाव अलिशिबा आथो, ⁶ते बेनी माही देवा आगला नितीमान आथे आने प्रभु बाद्या जे आज्ञा/ नियम विधीम खुब हारी रिती चालतले ⁷पेन तियान पोयरे नैय आथे, काहालका अलिशिबा वायंटी आथी ते बेनी बी खुब डाये वी गेहेले आथे.⁸फासो ऐहकी वेयोकी, तो तिया कुटूंबामेने ऐकेक देवा आगला याजका काम केअतले आथो. ⁹याजका रीतिरिवाजा अनुसार परमेश्वरा देवलाम मे, धुप शिलगावा जा खातुर चिठ्ठी टाकीन तिया निवड केराम आली. ¹⁰तिही बादेज माही टोलवीन धुप शिलगावुनू समय बारे प्रार्थना कालावाला केरा उभेले आथे.¹¹ताहा परमेश्वर(देवा) दुत धुपवेदी हुधिवेला तियाल उभलो देखायो. ¹²तियाल विन जखऱ्‍या भी गियो. ¹³फासो देवादुतूय तियाल आख्यो जखऱ्या बियोमा काहलका तो प्रार्थना उनायाम आलीही, आने तो कौअवाली अलीशिबा तियुल पोयरा वेरी, तु तिया नाव योहान थोव.¹⁴ताहा तुल खुब खुशी वेरी, आने तिया जन्मा वाय खुब माहे खुश वेरी ¹⁵काहाका तो परमेश्वर नजरी में माठो वेरी आने तो द्राक्षारस आने मद्य मोद किधीहिच पिये नाय, तो तिया याहाकी डेडीमेच रेताच पवित्र आत्मा कि पोरालो रीई.¹⁶तो इस्त्राएला पोयरा मैने कौतान प्रभु तिया देवावेल फिरवुलू कारण बनी. ¹⁷आने देवाखातुर निटवेला लाेकान तियार केरी, बाहका मन हृदय अंतकरण पोयरा वेला आने आज्ञा नैय माननारा धार्मिक गोठी वेल फिरवीन प्रभु खातर तियार केली जाती उभी केरी. तो एलिया आत्माकी आने शक्ती (सामर्थ्य) आगला चाली.¹⁸ताहा जख-याये देवादुताल आख्यो “ ई बतिज ऐहकी आय केहडापेन हमजू? काहाल का आय ढायो माहू हाय आने माआ कौअवाली ढायी वी गेहली हाय.” ¹⁹देवादुताय तियाल आख्यो, आय देवा आगला उभो रेणारो गब्रीएल हाय आने तोआरी गोगा, आने तुल हास्या गोठ्या आखा, मान मोकलुलो हाय. ²⁰ई पुरोवेरी तावहुदा तुल गोगाय नैय, आने तु मुको रिह्यो काहाल का माआ जे शब्दा समयापे (टामईप) पुरेपुरा खेरा वेनाराहाय, तिया शब्दापे तुयू विश्वास थेयो नाहा.²¹ताहा जख-या वाटजोवनारा लोकान तियाल परमेश्वरा भवनाम ओती वा काहा रियो इया नवाय लागी. ²²तो बारे आलो, ता तिहीने लोकाआरी गोगी नैय शक्यो, ताहा तियान मालुम पड्यो परमेश्वरा भवनाम तियाय दर्शन वैयो, तो तियाम ईशारो केअतलो, पेन तो तेहकीज मुको रियो. ²³फासो ऐहकी वेयो की तिया सेवा केरूलो समय गालो पुरो किन तो फासो कौअ गियो.²⁴तिया दिहा फासला तिया कौअवाली अलीशिबाल महीना रिया (दिवस रिया/ डेडआरी आथी) आने ते पाच महिना लुग दोवी रिई तियुय आख्यो. ²⁵लोकाम माआ वेनारों अपमान/ अनादर दुर केरा खातोर प्रभुय माआ वेला वेयो, आने ताहा तियान माआ खातुर ऐहकी केयो. (येशु देवा जन्मा विषय आखाम आलो)²⁶अलिशिबाला साहवो महिनोमे देवाय गब्रिएल दुताल गालील देशु नासरेथ नावु गावा मे ²⁷एक कुवारी बायुल मोकल्यो तियु दाऊदा कौअने योसेफ नावु माहा आरी साखर पुडो वेलो आथो आने तियु कुवारी बायू नाव मरियम आथो. ²⁸देवदुताय तियुही आविन आख्यो अभिवांदन तोउपे कृपा वेली हाय प्रभु तो आरी हाय. ²⁹आने ति शब्द उनायने काभाराई गिई आने इया अभिवादना अर्थ कायवेरी तिया नी नोवाय (विचार/ करालजी) केरा लागी.³⁰देवदुताय तियुल आख्यो मरियम बिहोहमा देवाय तोउपे कृपा/दया केली हाय. ³¹वे तु गरोदर (डेडीआरी) रियो आने तुल पोयरो वेरी तिया नाव तु ईशू (यीशु) थव. ³²तो महान (मोठे) वेरी आने परम प्रधानु पोयरो आखाम आवी आने प्रभु देव तियाल तिया बाहाका दाऊदा राजगादी दी. (राजासन) ³³तो याकुब कुटूंबाप कायताे राज्यकेरी (अधिकार चालवी) आने तिया राज्य अंन नैयवे³⁴माहा मरियमुय दुताल आख्यो ई केहकी वेरी? काहाल मायुय आदमील (पुरूषाल) वेयोनाहा जायो नाहा ³⁵देवदुतूय तियला आख्यो पवित्र आत्मा तोअपे आवी, आने परमप्रधान देवा सामर्थ्य (शक्ती) तो ऊपे उति तियाहकी जो पवित्र पोयरो जन्माल आवी तियाल देवा पोयरो आखी³⁶वेअे तो जातुली अलिशिबा डायापना भी गरोदर (गर्भ, डेडीआरी, दिवस महिना) रेहाला हाय, आने जियुल वायटी आखाम आवतली तियुल आमी सहावो महिनो हाय.

¹तिया दिहामें कैसर अगुस्टय ऐहडी आज्ञा केयी का आखा जगतू माहा (लोकाहा) नावे लिखावा आवे ²ई पेहली नाव नोंदणी आथी, जाहा कीरीनियम पेहली ओ सिरीया देशा राज्यपाल आथो. ³हरऐक माहू (लोक) नाव नोंदावा (लिखावा) खातुर जिया तिया गावुम गिये.⁴फासो योसेफ भी गालील देशाम, नासरेथ गावाम यहुदीया देशाम दाऊद कुटूंबामेने आने तिया पिढी मैं ने आथो. ⁵तोओ नाव लिखावा खातुर जिया आरी तिया साखर पुढो वेलो आथो, तियु गरोदर (महिना) मीरयाल तिया आरी लीई लेदी.⁶आने ऐहकी वेयो का तिहीज तियु दिही पुरा विगिया (प्रसुतीचे) ⁷तियुल तिया पहीला पाेयराल जन्म देदो, आने तियाल तियु पोयराल पोतळाम वेटालीन ओखळाम डोंगरा गोवाईम थोव्यो, काहालाका तियाह धर्मशाळाम जागो नाहा मिळ्यो. स्वर्गदुताहा की चारवास्याहान संदेश (बातमी)⁸तिया भागाम, मेढा चारनारा राती खेताम रेतला आपु टोलाल राखता आथा. ⁹अचानाक (एकदम) देवा एक दुत, तिया हुबूर आवीन उभो रिया, आने प्रभुअ तेज ऊजवाडो तिया समकी वि गियो, आने ते खुब बिगीया.¹⁰देवदुताय तियाहन आख्यो, कि बिया मा, जो मोठो आनंद (खुशी) आखा माहान (लोकान) वेनारो हाय, तिया सुवार्ता (गोठ, बातमी) आय तुमाल आखुहू ¹¹दाऊद नगराम, आज तुमाखातुर तारणारोय जन्म लेदलो हाय, तोओ ख्रिस्त प्रभु हाय. ¹²तुम्हा खातुर ई चिन्ह रिई, (निशान) तोओ बालक (पोयरो) बाळं त्याने (पोतळाम) वेटाला वीन (गुडाळीन) गोवाईमे हुवावलाे तुम्हाल देखायई¹³फासो एकाएक आकाशाम सैन्या एक मोडाे टोओ, तिया देवदुता पाही आलो, आने देवदुत देवा स्तुती केअतला आने आखतला. ¹⁴“परम उंचाहाम देवाल गैरव आने पृथ्वीप (धरतीय) जिया महासंबंधी तोओ संतुष्ठ (तुप्त) हाय, तियाहाम शांती”¹⁵फासे ऐहकी वेयोका देवदुत तिया पाहीने स्वर्गाम गियाे, ताहा मेढाचारवाल्यान एकमेकांना (एक बिजाल) आख्यो, चाला आपु बेथलेहेम हुदी जाहु, आने बनी गेहलीज जे गोठ परमेश्वराय आमाल आखली, ती विहयु. ¹⁶ताहा तेहे माहार माहार गिया आने तियाही मरीया योसेफ आने गोठाईम थोवलो पोयरो तियान देखायो.¹⁷जाहा मेढाचारवात्याहाय तियाल वेयो, ताहा तिया पोयरा बाराम जो गोठ्या आखल्या आथ्या तेऐ तियाल आखाे, जाहीरात (खुल्लाम) आख्या ¹⁸फासे उनानारे बादेज (होगेज) माही तिया मेढेचारवाह्याही आख्यह्या गोठीप नवाई केयो. ¹⁹आने मरियुम इ आख्या होंग्या गोठ्या मनन केया, आने तेअे आपु मनान अंत:करणाम थोव्या ²⁰फासे तिया मेढाचारवाह्याहान आखाम आलेलो आथो, तिया प्रमाणे तेअे बाद्याज (होग्याज) गोठया उनायने, आने विईन देवा गौरव आने स्तुती (केअतेज) फासे गिये (यीशु देवा नाव थोवाम आलो)²¹आठवा दिही इया अर्थ सुते दिही आलो ताहा तिया नाव ईसु थोवाम आलो, ई नावताहा उदरात (गर्भधारण) केरा पेलाज देवदुताय थोवलाे आथो देवलाम येशु देवा अर्पण (मंदीर)²²आगला मोशेनियम शास्त्रा प्रमाणे शुध्दी करण केरुलो दिही पुराव‍ेखी ताहा तियाल उच्चे यरूशलेम शहराम लिई गिये, ताहा इयाखातुर कि, तिया प्रभुल समर्पण (अर्पण) केरावा. ²³काहाल की हरऐक पेलो जल्मो लेदलो नर (पोयरो) प्रभु खातुर पवित्र मानलो जाआ जोजे ऐहकीज प्रभु नियमशास्त्राम लिखलो हाय, तिया प्रमाणे केरावा. ²⁴आने प्रभु नियमशास्त्राम आखल्या प्रमाणे होव्या (ओलगी बच्या जोड) जोडा आने कबुतरा बेन पिल्ले तिया यज्ञ अर्पण केरूल खातुर तिही लिई आवुलू हाय. शमौनु गाणे (गित)²⁵ताहा वेरा, यरुशलोम अने शिमोन नावा तिही एक वेक्ती आथो, तोओ लोक नितीमान आने भक्तीमान (भक्ती केअनारो) आथो, इस्त्राएल सांत्वना (दिलासो) वाट वेयलो आथो, अति प्रवित्र आत्मा तियाप आथो. ²⁶आने प्रभु ख्रिस्ताल वेयाशिवाय तो मृत्य नैयवे नैय आथो, ऐहकी पवित्र आत्मा तियाल प्रकट (सुचवुलो आथो) केलो आथो.²⁷आने तो आत्मा की भरपुर विन परमेश्वरा देवलाम आलो, आने जाहा तिया याहकी बाहाकाय ईसुअ पोयराल, तिया विषय (बदल/ बाराम) नियम शास्त्राम, रितीरिवाजा प्रमाणे केरा खातुर माजमे लिई आलो. ²⁸ताहा शिमोनाय ईसुल तिया हाताम लेदो आने तियाल देवाला धन्यवाद (आभार) केयो आने आख्यो. ²⁹ओ प्रभु आमी तोओ वचना प्रमाणे तोओ दासाल शांतीकी जाआ तारण वेलो हाय.³⁰काहाकी माआ डोवावाय तोओ तारण वेलो हाय. ³¹तुयूल तोअ बादाज राष्ट्रांआ लोका हुबूर तयार केयो. ³²तोओ परराष्ट्रीय (विदेशी/ परदेशी) प्रगट केरा खातुर उजेड,आने तोओ इस्त्राएल लोका वैभव ऐहकी हाय. (गैरव)³³तिया बदल (विषय बाराम आख्यल्या) गोठ्या तिया याहकी बाहाकाल आश्चार्य नोवाय (ववाय केयो, लाग्यो) ³⁴आने शिमोनाय तियाल आशिर्वाद देदो, आने तिया याहकी मरीया तियुल आख्यो, वेर इस्त्राएल मेने खुब लोका पडी जाऊलो आने फासे उठुलू, ईया खातुर आने तिया विरूध (गोगी) ईया पुरावो खातुर थोवलो हाय. ³⁵ईया खातुर खुब लोका मनामेने विचार खोलाम आवी आने तोओ स्वता: जिवाम तलवार खुहूपीली जाय (जिव विदाई जायई) हन्ना साक्षी (गवाही)³⁶तिही हन्ना नावु एक वचना आखनारी एक बाई रेतली आथी,पीढीमेने फनुएलू पोयरा आथी, आने तीई खुब डायी (वृध्द) वीई गेहली आथी तियु वोराडा फासाला तीयु कौओवाला आरी सात वर्षे रेहली. ³⁷तीई चौ-याऐंशी वर्षो विधवा आथी, आने तीई परमेश्वरा देवला (मंदीर) सोडीन नाहा गिई, तिहीज उपवास व प्रार्थना किईन रातदिही सुरूज उपासना केअतली आथी. ³⁸तियुल तियाज समयूल पाही आवीन देवाला (आाभार स्तुती/ धन्यवाद) मान्यो, जोओ यरूशलोमाम छोडा वाखातुर (सुटके विषयी) वाट वेअतले आथे, तिया आखान (बादाज) तियुल तियाबाराम आख्यो (नासरत शहराम फासो आलले)³⁹जाहा तियाय प्रभु नियम शास्त्रा प्रमाणे आखज काही पुर्ण केयो तोओ गालील प्रांतामेने तिया गावाम नासरेथ गावाम फासो आलो. ⁴⁰पोयरा मोठो वेअतो गियो, आने ताकदवान वेयो, आने ज्ञानकी वादत गियो, आने देवा दया/ कृपा तियाप आथी पोयरा यीशु मंदिराम (देवळाम)⁴¹दरएक वर्षो तिया याहकी बाहाको वल्हांडण सणा खातुर यरूशलोम शहराम जातले. ⁴²जाहा तोओ बारा वर्षा वेयो, ताहा सणा रिती प्रमाणे उच्चे यरूशलेम शहराम जाहलो ⁴³फासे सणा दिही पुरा तेया, फासे तोओ तिया कौअवेला फासो आवा निघ्यो, आने ईसु (पोयरा) फासला यरूशलोमेज रिई गियो, आने ई तिया याहकील बाहाकाल मालुम नेय आथो ⁴⁴तोओ तिया आरी प्रवास केनारा मित्रलोक आरी वेरी, ऐहकी हमजीन तेअ एक दिहा वाट चालते गिये, फासे तियाही तिया नातेवाईक (सगासंबंधी) आने हेगात्याही तीया होद केरा सुरूवाम केयी.⁴⁵जाहा तोओ तियाहान मिल्यो नाहा, आने तिही तेअे यरूशलोम शहराम फासे आले, आने तिही तियाय तिया होध लेदी. ⁴⁶ऐहकी वेयो की, तीन दिह्या फासो तियान परमेश्वर देवलाम मिळ्यो (सापड्यो) तोओ हिकवुनारा (शिक्षकामध्ये) बचमे बोहीम तिया उनातलो आथो, आने तियाहन प्रश्न पुछतलो आथो. ⁴⁷जियाय तिया उनाया तियाही आखाज तिया समजबुध्दी अनुसार, आने उतरा की नवाय केयो.⁴⁸जाहा तियाल तियाय वेयो, ताहा तियाहा नवाई लाग्यो, तिया याहकी तियाल आख्यो, पोयरा तुअ आमाआरी ऐहकी काहा वाग्यो? ऐक/वेअे तोओ बाहाको आने आय कष्टी करीन (दु:खीवीन) तोओ होद केअते आले. ⁴⁹ईशुय तियान आख्यो, तुमूमान होद काहा केहतेहे माय माआ बाहाका कौओरा जोजे ई तुमाहाल माहीती नाहा का? ⁵⁰आने तोओ तियाआरी जोओ काय शब्द गोगतलो तेऐ तियान हमजो नाहा.⁵¹फासो तोओ तिया आरी नासरेतम गियो, आने तोओ तिया आधीन रियो (आज्ञाम) तीया याहकीन तेअे होग्याज गोठ्या तियु मनाम राखी थोव्या. ⁵²इसु ज्ञानाने (बुध्दीने) आने शरीरा की (देहा) देवा आने लोका कृपाम (अनुग्रह) वादतो गीयो.

¹आणे तिबिर्य कैसराच्या सत्ताम पंधराव्या वर्षा मे जाहा पंतय पिलात यहुदीया शासना शासक आथो आणे हेरोद राजा चौभा भागा शासना चालक आथो आणे तिया पाऊ फिलीप ओतिया चौथा भागा इतुरीया त्राखोनीती या देशा शासक आथो आणे लुसनिय ओ चौथा अबिलेने या शासक आथो ²फासे हन्ना आणे कयफा ऐ बेनी मुख्यो सेवक लोक आथे, ताहा जंगलाम देवा वचन जख-या पाेयरा योहान याही आले³तो यार्देन खाडी चोमखीवेले आखा भागाम पापाहा. माफिकेता पास्तावो केरा केता बाप्तिस्मा लील्या अेहकी आखातो फिऱ्यो⁴यशया संदेष्ट्या हा पुस्तकाम लेखलो या सारखो ई वेयो जोगंलाम आखतो फि-यो, 'परमेश्वरा वाट तियार केरा, तिया वाटा निट केरा,⁵हरएक खाई पोराम आवी आणे हरएक डोगा आणे बोड्या सपाट केराम आवी वाकडी नीट वेरी आणे उचनिचा वाट सपाट केराम आवी ⁶आखो मानव प्राणी देवा आवनारो तारण वेरी."⁷तियापने बाप्तिस्मा केराकेअता आवनारो लोकाहा टोलो योहान आखा लाग्यो; "ओ, विषारी हापडाआ पाेयराह, आवनारो रोगा पेने सुटको किलाकेता तुम्हाल केडाय सावद केयो,⁸फाेस्तोवो केरा केता हारो फोलवे दया आणे आपु मनाम ऐहकी विचार नाहा केरा की, 'अब्राहाम आम्हा बाहकाहास हाय; कारण आय तुम्हाल आखुह आणे, अब्राहामा केता इया दगडापेने पोयरे तियार केरा केता देव समर्थ हाय.⁹आणे आमीच चाडवा थुबाई टोल्यो थोवलो हाय. आणे तिया केता कोते तेबी चाडवे जे हारो फलळे देय नाय ते रोडाम आवी आणे आगीम टाकाम आवी."¹⁰फासे टोलामने लोकाही तियाल फुश्यो आमा काय केजी. ¹¹तियाहाय उत्तरम देधो केडाप बेन डिलामने पोतडे वेरी तर केदापे नाहा हाय तियाल एक दिदे आणे केडापे अन्न हाय तियाहाय बी तेहकीच केरा.¹²काही जकातदार बास्तिस्मा किला केता ते आल्ला आथा तियाहाय आख्यो गुरूजी आमा काय केजी?" ¹³तो तियाहाल आख्याे, का तुमाल नेमी देदा तिया ऊपे वादार पोयसा नाहा ल्याहा.¹⁴काही शिपायाही सुध्दा तियाल फुश्यो आणे आख्यो, "आणे आमा बद्दल काय आणे आमा काय केजी? तियाल आख्यो केडापने जोबरीने पोयसा नाहा ल्याहा केडाभी खोटा आरोप ताहा क्याहा, तुम्हाल मिलेह तिया पगार मे समाधानी ऱ्या,¹⁵ताहा ते लोक खुप खुशी की वाटवेरा लाग्या हरेएक जा आपु मोनाम ओज ख्रिस्त वेरी ऐहकी विचार केरा लाग्या. ¹⁶तियाय आख्याहाल योहानाये उत्तर देदो, "आय तुमाहाल बाप्तिस्मो पायाकी कीऊ पेन एकजां मा केताही तो सामर्थ्याशाली हाय तो आवीरीयो आणे तिया पागा चापलाहा डोड्या सोडा केता आय लायकी नाहा हाय, तो तुमा बाप्तिस्मा पवित्र आत्मा कि आणे आगी की केरी.¹⁷तिया खोलो एकदम साफ किन आणे गोव तिया बोदडीम थोवा केता तिया हुपडो तिया आथ/ महाय पेन तो कोचरो नेय ओलानारी आगीम सिलगावाम आवी.¹⁸योहानाय अहेड्या कोत्याहा उत्तेजन देनाऱ्या शब्दा की तियाल खोरा आखानु सुवार्ता आखी, ¹⁹योहानाय चौथा भागा या सरकार हेरोद याआ तियाल हारोज गोठीमे खेचीलेदो काहाका तिया पाऊ कोवाली आरी हेरोदीया इयो आरी लफडो आथो, तेहकी तियाय अनेक खाराब गोठ्या केल्या आथ्या ²⁰ई बाठो किन सुध्दा तियाय आजी एक खराब काम केयो आणे योहानाल कोचोरीम टाक्यो,²¹ताहा ऐहेकी वेयो का बाठ्ठा लोकाहल बाप्तिस्मा योहान हाथुकी केतुलो, ताहा येशु बी बाप्तिस्मा वीन तो प्रार्थना केरा आथो ताहा वादलो ऊगडी गेहलो ²²आणे पवित्र आत्मा देहरूपाम कबुतरा सारखो तियाऊपे ऊती आलो आणे वादलाम मे ऐहकी आवाज आलो की तु माआ मेरालो पोयरो हाय आय तोपे खुप खुश हाय,²³ताहा येशुय तिया सेवाकार्यल चालु केयी ताहा तो तीस वोराहा आथो, लोक तियाय योसेफा पोयरो होमजे योसेफ एली पोयरा आथो, ²⁴एली मत्ताथा आ मत्तय लेवी मल्खीचा मल्खी यत्रयाआ योसेफ आ पोयरो आथो.²⁵योसेफ मतिथ्याआ पोयरो आथो, मतिथ्य अमोसाआ अमोंस नहुम हेस्लीआ, हेस्ली नग्गयाआ ²⁶नग्‍ग्य महभाआ महथ मत्तिथ्याआ मत्तिथ्याआ मतिथ्य शिमयीआ शिमयी योसेखाआ, योसेख योदाआ पोयरो आथा,²⁷योदा योहानाआ पोयरो आथो. योहोनाआ रेशाआ, देशा जरूब्बाबेल शल्तीएलाआ शल्तीएल नेरीआ, ²⁸नेरी तल्खीआ, मल्खी अदीचा, अदी कोसोमाचा, कोसोम एल्मदायाचा, एल्मदाम एराचा, ²⁹एर येशुआ, येशु अलिएजराआ, अलिएजर योरीमाआ, योरीम मत्ताथाआ, मत्ताथ लेवीआ पोयरो आथो.³⁰लेवी शिमोनाआ पोयरो आथो. शिमोन यहूदाआ, यहुदा योसेफाआ योसेफ योनामाआ, योनाम एल्याकीमाआ, ³¹एल्याकिम मल्याआ, मिन्नाआ मिन्ना मत्ताथाआ, मत्ताथ नाथानाआ, नाथाआ दाविदाआ, ³²दाविद इशायाआ, इशाय ओबेदाआ, ओबेद अवाजाआ बवाज सल्मोनाआ, सल्मोन नरशोनाआ पोयरो आथो³³नरशोन अम्मीनादाबाआ पोयेरो आथो, अम्मीनादाब अदामीनच अदामीन अर्णय हेस्त्रोनाआ हेस्त्रोन पेरेसाआ, पेरेस यहूदाआ, ³⁴यहुदा याकोबाआ याकोब इसकाआ इसहाक अब्राहामाआ नाहोराआ. ³⁵नाहोर सरूगाचा सरूग रऊआ, रऊ पेलेगाआ पेलेग एबराआ एबर शेलहाआ पोयरो आथो,³⁶शेलह केनानाआ पोयरो आखो शेलह केनानाआ पोयरो आथो केनान अर्पक्षदाआ अर्पक्षद योमाआ नोहाआ नाहा लामेखाआ, ³⁷लामेख मथुशलहाआ मथुशलह हमोखाआ हनोख यारेद महललेलाआ महललेल केनानाआ ³⁸केनान अनोशाआ अनोश शेथाआ शेथ आदामाआ देवाआ पोयरो आथो.

¹येशु पवित्र आत्माआकी पुरो पोरायन यार्देन खाडी मेणे निघीन आलो, आत्माय तियाल जोगलाम लिगीयाे, ²तिह पुताही तियाल चालीस दिही पीरक्षा लेदी. तिया दिहाम येशुय कायज खादलो नेय आथो आणे तिया पारवायाे आणे येशुल पुख लागी.³ताहा पुतडो तियाल आखे, जर तु देवा पोयरो हाय तर या दगडाला माडो उपजीजो ऐहेकी आज्ञा के ⁴येशु तियाल उत्तर देदो शास्त्राम ऐहिकी लिखालो हाय की माहुव (फक्त) मांडाकीज नाहा जीवतो जोगणारो तर ऐहकी नाहा.⁵ताह पुत तियाल उचे डोगावे लीगीयाे आणे एक ऐकुच घेडी बाठा राज्ये तियाल देख्याव्यो. ⁶पुताही तियाल आख्यो आय तुल या बाठा राज्याहा अधिकार आणे वैभव हेदे आणे ते माल देंदलो हाय आय माआ मर्जीकी ते दिशेकुहू ⁷आणे जर तु माआ नावाकी उपास केवह तर बाठ्ठो काही तो वेरी.⁸येशुय उत्तर देदो, "पवित्र शास्त्राम ऐहिकी लिखलो हाय. प्रभु तो देव याच उपास के आणे तियाज सेवाके."⁹फासे पुताहाय येशूल यरूशलेमा शहराम लीगीयो आणे परमेश्वराआ देवला उच्चे चाेडीन उभो केयो आणे तियाज आख्यो, जर तु देवाआ पोयरो हाय तर इहने ऐठा कुदीपोड ¹⁰ऐहकी लेखलो हाय की तो कालजी केरा केता आपु दुताहाल तो आखी ¹¹आणे तो पाग दगडावे आसाटाय नेय तिया खातुर ते तिया आथाम चेलीली थोवी."¹²येशुय उत्तर देदो पवित्र शास्त्राम ऐहकी बी आखालो हाय तो देव परमेश्वर याआ परिक्षा नाहा लेहव, ¹³ताहा पुतढाय जुद्या प्रकारा परिक्षा लेद्या आणे तो तेहेडो वेळ आवे ताक तो येशुल टाकीन निघी गीयो.¹⁴ताहा पवित्र आत्म्याआ सामर्थ्या की येशु गालीला प्राताम आणे तिया विषयी बाठी होवे माहती वेयो, ¹⁵तियाय तियाल मंदिराम हिकव्या असणे बाठाय स्तुती केयी.¹⁶ताहा जी तो हानापेने मोडो वेयो तिया नासरेथ या गावाम तो आलो आणे शब्बाथ दिहा तिया रूली प्रमाणे मंदिराम जाईन शास्त्र वांचाकेता उभीरीयो ¹⁷आणे यशया संदेष्ट्याआ शास्त्र तियाल देवाम आलो, तियाय तो पुस्तक उघडावे आणे जो भाग होदी काड्यो तिया ठिकाणी ऐहकी लीखलो हाय.¹⁸प्रभु आत्मो मापे आलो काहा की याकेता गरिब लोकाहाल हारी गोट आखा केता माल अभिषेक. केराम आलो हाय गुणेगार बोनीन ली लीहील्या तियाल सोडवाकेता आखाम आलाे. आंधलाल नोजरा फासे मिला जोजे तियाल मारठोका केराल आलो तियाल सोडवा केता ¹⁹आणे प्रभु कृपाआ वर्षआ आखा केता तियाय माल अभिषेक केलो हाय माल मोकल्याे.²⁰ताहा तियाय शास्त्र बंद केयो मंदीरा सभास्थाना सेवकाल फासे देदो तो ऐठा बोटो, सभास्थाना मेने हरऐक जो तियाय वेरी लाग्ये ²¹आपु सुवार्ता उनाये या खातुर आज ई शास्त्रलेख पुराे वेयो. ²²ताहा बाठा लोक तिया बाराम साक्ष दा लाग्या आणे तिया मुखाओइ आवणरा कृपाआ शब्दा बद्दल ते आश्रर्य वेयो आणे तियाय आखो ओ योसेफा पोयरो नाहा काय?²³येशू तियाल आख्यो, "नेक्की, तुमा मान मन लागु केहा ऐ दवादुरीवाला तु खाझगी हारो के कफर्णहुमाम जे गोटया तुयय केया आमाय उनाया ते गोटया तो खाझगी गावाम जाईन तु केतो आगला आखा लाग्यो, ²⁴माय तुमाहाल खेरो आखुहू केलोबी संदेष्ट्यो (भविष्यवक्ता) तिया सोताआहा गावाम मानपान मिलतो नाहा.²⁵आय तुम्हाल खेरो आखे, इस्त्राएलाम एलीयाआ कालाम खुबज विधवा आथ्या जाहा सोडतीन वोरे वादलामने पाय पोडयो ताहा आणे बाठा देशाम मोडाे दुष्काळ पोडलो आथो, ²⁶तेबी एलीयाल ऐंड केल्लीच विधवे तियाल मोकल्यो. नाहा तिया सिदोना हीवालाम सारफध‍ किने विधवेहेय मोकल्याम आलो ²⁷अलिशा संदेष्ट्याआ वेले इस्त्राएलाम कोते तेबी कुष्ठरोगी आथे पेन तियामने केडोच ऐहकी हारो नाहा वियो पेन सुरीया नामान कुष्टरोग हारो केराम आलो.²⁸ई गोठ उनायन समास्थामने बाठे माहाल रोग आली ²⁹ते माही उठ्यो आणे तियाहाल तियाय येशुल शहरा बारे काडी देदो आणे जीया बोडीपे तिया गाव आथो तिया पाही तियाल पोचवी आले. ³⁰ताहा तो तियामने निघीन आपु वाटीप गीयो³¹फासे तो गालीला हीवालाम कफर्णहुमा गावाम तो शब्बाथ दिही सभास्थाना तियाल हिकवुलो ³²ते तिया हकिवनी वीने ते बोगलाये आणे तिया गोगणू अधिकारी तो गोगुतलो³³त्या दिही सभास्थाना , अशुध्द आत्माम लागलो एक माहू आथो आणे तो जोरमे गोगी उठ्यो आने आखा लाग्यो ³⁴ओ नासरेथकर येशू तु आम्हाम काहा पोडतोह? तु आम्हा नाश केरा आलो का तु केडो हाय ई माल माहीती हाय देवाआ पवित्र तो तुच हाय.³⁵येशूय तियाय धमकाविन आखे ठोळा रे आणे तियाम ने नीघ जो अशुध्द आत्माय तीया माहाल तोरतीप निश्चे पाडी टाक्यो (शांत/थाके) काईज इजा/घाव नैय केअता तो तीयामेने निघी गियो. ³⁶ताहा बाठे जाआ बोगलाय गीले आथे एकबीहरा आरी गोगा लाग्या, ई केडा शब्द हाय की अधिकाराकी आणे सामर्थ्या की तो अशुध्द आत्माहाल तो आखो ते बारे निहाते. ³⁷ऐहकी तिया बाराम सेवा चारी चोमखी देशाम मालुम पोडलो गीये,³⁸येशु सभारथामने निघील शिमाेना को गीयो, शिमोना हावली तियील खुप बोरो आथो, तियाय तिईल हारो केराकेता तियाल आख्यो, ³⁹येशु तिइयी पाही उभी रीयो आणे बोराल तियाय धमकाव्यो आणे तियामने बोरो निघीगीयो चालुच ती उठीन तिया सेवा चाखरी केरा लागी⁴⁰दिही बुडी आरी भीरे भीरे रोगी आणे भीमारी आथे ते बाठे माही तियापाही लिआले तियाय एका एका मुनकापे हाथ थोवीन तियाल हारे केये ⁴¹कोताहामने अशुध्द आत्मे बारे काडये ते अशुध्द आत्मे, बोंबला लाग्ये आणे आखा लाग्यो तु देवा पोयरा हाय पेन तो ख्रिस्त हाय ई तियाल मालुम आथो तियाय तियाहाल बीयावीन कायज गोगा देदो नाहा,⁴²दिही नीघताच तो शांत जागाम गीयो, पेन तियाल होदा लाग्ये तो जी आथ्यो तीही ते चालुच आले आणे तियाहामने तियाल निघीनेय जोजे तियाय प्रयत्न केयो, ⁴³पेन तो तिसाहाल आख्यो, देवाआ देवाआ गाेठ मालभीरा गावाम भी आखाया जोजे आणे या केता माल मोकल्या ⁴⁴आणे तो बाठा यहुदीया दिवालाम सभास्थाम हारा गोठ्या आखतो,

¹आणे ऐहकी वीयो, तो गनेसरेत फुगारा तोडीप उभो आथो ताहा माहे देवा वचन उनाया खातोर येशु चोमखी टोलो वेरा आथा, ²ताहा तियाहाय फुगाराम बेन नावड्या वेया पेन नावडीमेने मासे तेराने बारे तोडीपे तियाहा जाली तोवऊ तुला ³तियामने एकनावडीमे येशु गीयो ती शिमोना आथी आणे तियाय तोडीपने जाराक जाराक माजमे ला आख्यो, फासे तो नावडीम बोहीन माहाल शिक्षण दा लाग्यो.⁴तियाय गोगनु पारव्याव्यो तो शिमोनाल आख्यो, नावडी उडां पायाम लिचाल आणे मासे तेराकेत तो जाली ऐठा पायाम टाक, ⁵शिमोनानाय उत्तर देदो, "साहेब आख्यी रात आमाय खुप कष्ट लेदो पेन कायच नाहा मासे तेरा ये, तेबी तो आखल्याल आय मा जाली मा जाली ऐटा टाकुह" ⁶ताहा तियाहाय तेमहकीज केयो तिया जालीम मासा मोडो टोलो आलो आणे तिया जाली फाटा लागी. ताहा तियाहा बीहरी नावडी वालाहाल आवु कामाच्या हाल मदत केरा केता हाद्ये. ⁷ते आला आणे ते बेनी नावडी माशाकी फुल आत्या पोराया की, त्या बुडा लाग्या.⁸ई बीन शिमोन पेत्र येशुल पागे पाडी आख्यो, "प्रभु माहीयने दुर जो आय पापी माहू हाय, ⁹काहाला तियाहाय तेले मासा टोलो वीन तो आणे तियाआरी आथा बाठा जाआ बोगलाय गिला आथा, ¹⁰ताहाच शिमोना गोवाद्यो जब्दी पोयरो याकुब आणे योहान ऐबी तिया सारका बोगलाय गिला आथा, ताहा येशु शिमोनाल आख्यो, भियो नाहा आणे ऐहीने आगला तु माहे तेनारो उपझो, ¹¹ताहा नावडी तोडीप लागवीन तियाय बाठो काम सोडीन तिया फासला गीये.¹²आणे ऐहकी वेयो येशु केल्ला एका गावाम आथो ताहा तिही कुष्ठरोगाकी पोलो एक माहु आथो, जाहा तियाय येशुल वेयो ताहा तो उबडु पोडीम आणे तियाय विनवनी केयी, "प्रभूला जर तोब इच्छा वेरी माल हारो की सेकतो. ¹³ताहा येशु आपु आथ लांबो कीन तियाल आथल्या आणे आख्यो मा इच्छा हाय तु हारो वीजो आणे चालुच तिया कोड हारोवीगीय,¹⁴ताहा येशुय तियाय तागुतो दिन आख्यो तु केडाल नाहा आख्यो, पेन जायन स्वत:ह याजकाल देखाव आणे तियाकेता की साक्ष आख्या केता मोशेय नेमी देदेल आज्ञा हारोवीगीतिया केता तु अर्पण के"¹⁵ताहा येशु बापतीम बातमी जाहकीज केली गीयी आणे मोडो टोलो तिया गोठ्या उनाया केता आणे आपु रोगहारो वेरा जोजे याकेता माहे गोलो वेतुले ¹⁶पेन येशु जोगलाम जागाप शांत जाइक प्रार्थना केरा आथो.¹⁷ऐहकी वेयो एक दिही तो शिक्षण दा केता बोठला आथाे ते गालील आणे यहुदी हिवालमने आणे यरूशलेम राहरा या भागामने कोता जागामने आल्ले आथे प्रभु सामर्थ तिया केता आथो तियाखार आथो तिया तो रोग हारे वेतुले.¹⁸काही लोक एका बिमारी माहाल खटलाम लीन आले आणे तियाय तियाल माजमे लिआवा आणे येशु हुंबर ऐठा थोवाकेता प्रयत्न केयो, ¹⁹ताहा खुप टोलो आथो, तिया टोलाम वाट तियाल सापडुतली नेय तियाल तियाय कोवाउपे चोडीन तिया खाटलो आरी उच्चेने ऐठा उतावे आणे येशु हुंबर सोड्या.²⁰तिया विश्वास विने येशुय आख्यो तो पापाहा माफी वीगीयो." ²¹नियम शास्त्राआ शिक्षक आणे परुशी तिया तिया विचार केरा लाग्ये," ओ आज्ञा केनारो केडो देवाशिवाय केडो पापाहा माफी किसेतो नाहा²²नेप येशुय तिया मोना मने विचार जायइन तियाल उत्तर दिन आख्यो, तुमा आपु मोनाम ऐहडो विचार काहा केताहा ²³मो पापाहा माफी वीगीयी उठ आणे चालतो वे या गाठीणेमणे केली आखणु सोपी हाय ²⁴पेन तुम्हाल ई मालुम वेरी जोजे की मनुष्याआ पोयरोल या तोरतीपे पापाहा माफी केरा केता अधिकार हाय ताहा तो बीमारी वेनाराल माहाल आख्यो आय तुल आखु उठ आपु खाटलो उखलीले आपु को जो."²⁵चाल्लुच तो उभी रीयो आणे ज्या खाठ्लाम तो हुतलो आथो तो उसलीन देवाआ गौरव केतो तिया को गीयो, ²⁶ते बाठे बोगलय गीये आणे देवाआ स्तुती केरा लाग्ये ते खुप बीगीये आणे आख्यो आमाहाल आज किदीह वेल्याना ऐहड्या गोठ्या आमा हुंबर वेयाहा²⁷ई गोठ्या वीन येशु बारे गीयो आणे तियाय लेवी नावाआ एक सरकारी माहु नाकाप कर वसुली केनारो नाकाप बोठलो वेयो, येशुय तियाय आख्यो माआ फासला आव ²⁸ताहा लेवाय बाठो काही तिहीच सोडीन तो उठीन तिया फासला गीयो,²⁹फासे लुवीय तिया कोमे येशुकेता जेवना मोडी वेवस्था केयी आणे तो पोयसा वसुली केनारो आणे बीहरे माही मोडो टोलो तिया आरी मांडो खातुलो. ³⁰फासे परुशी आणे नियमशास्त्राआ शिक्षक यात्यय तिया चेलाहाल तक्रार केयी, ते आखा लाग्यो तुम्ही करवसुल केनारा आणे पापी माहाआरी काहा खायरीआ? ³¹येशु तियाहाल आख्यो जे दु:खी नाहा तियाहाल दावा दुरीवाला गरज नाहा, पेन जे दु:ख्ये हाय तियाहाल दावदुरीवालाआ गरज हाय ³²आय देवाल भीन रेनारो याला हादा नाहा आलो तर पापी माहाल पासथावो केरा केता हादा आलो,³³ते तियाल आखा लाग्यो योहाना चेला कायम उपास गाणे प्रार्थना केता आणे परूश्या चेला भी तेहकीच केताहा, पेन तो चेला तर खातापीता हाय, ³⁴येशुय तियाल आख्यो केडो ऐहकी केरी वोऱ्हाडावाला आरी वोडलो हाय ताव तुम्हाल तियायहाल उपास आखता आवी काय, ³⁵पेन ऐहडो दिही आवी ताहा वोडलाल तियापेन तियाल लिजाय आणे त्या दिहापने ते उपास केरी,³⁶तियाय तियाल आजी एक गोठ आखी केडो भी नवो पोमडाआ कुटको फाडीन जुनाल लागवुतो नाहा, जर तो तेहकी केतो तर तर नो पोतडाल फाडतो पेन नवा पोतडाआ ठिग्लो जुना पोतडाल तो हारो नाय देखाय.³⁷आणे केडो भी नवा द्राक्षारोह जुना द्राक्षारोहा चामंडा पिशवीम भोवतो ताहा जर तो ऐहकी केतो वेरी तर नवा द्राक्षारोह चामंडा पिशवी फुटीन बारे उभराय ³⁸नवा द्राक्षारोह नवा चामडा पिशवीम थोवा जोजे ³⁹केडालभी जुनो द्राक्षारोह तियाहाल नवा रोह नेय जोजे आणे लुना द्राक्षरोह रेहे."

¹फाचे शब्बाथ दिही येशु खेतामने जाहलो,ताहा तिया चेला खेतामने कोअहे मुळीन आथाकी चोलीन खाअला. ²ताहा परूशी लोकाहाय आख्यो “शब्बाय दिहा दिही जरे केनू हारो नाहा ,तो तुमा काहा केताहा?³ताहा येशुय तियाहान आख्यो, तुम्हाहाय वाच्यो नाहा का दाविद आण तिया आरी लोक आथा तियाहान पुख लागली ताहा तियाहाय काय केलो? ⁴तो परमेहेरा मंदीराम गियो आन परमेहेराल अर्पन केलो मांडो जो याजका सिवाय केडालुज नाय खावातलो तो मांडो तियाय बी खादाे आन तिया आरी माही आये तियाहान बी खा देदो ? ⁵आन आजी येशुय तियाहान आख्यो “माअहा पाेयरो (आय) शब्बास दिहा बी प्रभु हाय”⁶आन आजी एडकी वेयो येशु फाचे एका शब्बाथ दिहा दिही देवलाम जायणे हिकवा लाग्यो तिही एक एहनडो माहु आथो जिया हुदो आथ हुकायगेहलो आअथो. ⁷ताहा शास्त्री आन परूशी लोक येशुल चुकीम सापडावा खातोरा शाब्बाथ दिहा दिही केडाल दु:ख्याल हारो केतो का ना अ वेरी केता टेपी रेहला ⁸पेन येशु तिया मोना विचार जाअतलो. आन ती एका आधा हुकाला माहाल येशुय आख्यो. “उठीन आख्या हुंबूर उबो रे “आण तो माहू उठीन उबो रियो.⁹येशुय आख्यो “ माय तुमनेहेन फुचुहू शब्बाथा दिही केल्लो काम केरा जोजे? ¹⁰ताहा येशुय सोमकी बादाहान वेयो आन ती माआहाल आख्यो “तु तो आथ लांबो के” ताहा ति माहाआय तेहकीज केयो आण तिया आथ हारो वि गियो. ¹¹पेन परूशी आण शास्‍त्र लोकइ येशुप खुब खिजवाया आन या माहाल आपु काय केजी तियाहा गोठ्या केरा लाग्या¹²तिया दिहाम एहकी वेअयो का, येशु प्रार्थना केरा डोगाहाम गियो.आण ती रातपोय तियाय परमेहेरा प्रार्थना केयी ¹³आन जाहा निग्यो ता तियाय तिया चेलाहान हाद्यो तियामने तियाय बारा जावान निवड्या आन तियाहान प्रेषित इ नाव देदो.¹⁴तियाहा नावे शिमोन (इयाय असुय पेतर इ नाव थोव्यो) अंद्रिया ( पेतरा पावहु) याकोब आन योहान आन योहान फिलीप बर्थलमय. ¹⁵मत्तय थोमा अल्वी पोयरो याकोब शिमोन तियाल जिलोत बी आखतोलो. ¹⁶याकोबा पोयरो आन यहुदा इस्कार्योत, जो इसुल तेरावी देणारे तो¹⁷येशु तियाहा आरी एठा उतीन सपाट जागाप उबी रियो आण तिया चेलाहा खुब मोडो टोलो आण यहुदा प्रांतामने यरूशलेम शहर सो आण सिदोन दरीया ती तोडीने एहडा खुब माहे तीही आल्ले आथे. ¹⁸ते तीही उनाया आन तियाहा दुख्ये हारे केरा खातोर आल्ले आन तियाहान पुतळे लागले आथे तियाहान बी हारो केरूलाम आलो. ¹⁹आन आख्या लोक आथला होदतला काहाका तियामने (सामर्थ) शक्ती निगंतीली आण ते बांद्दे हुदरुतले²⁰ता येशुल तिया चेला होवे विन आख्यो तुम्हा जे गरीब हाय ते धन्य काहाका देवा राज्य तुमाम हाय. ²¹धन्य तुमा जे आमी पुखे हाय काहाका तुमा ताराय जाहा धन्य तुमा जे आमी रोडते हे काहाका तुमा ओहआ²²जाहा माहा पायरामुळे लोक तुमनेहेन तारास केरावी आन जाहा ते समाजामने तुमनेहेन दुर केरी निंदा केरी तुमा नाव माठाहोच टाकी दी आन माहा पोयरामुळे तुमनेहेन ते दुर केरी, ता तुमा धन्य. ²³त्या दिही खुब खुष विन कुदा काहाका स्वर्गाम तिया फल खुब मोडो हाय, काहाका कतयाहा पुर्वजाही जे संदेष्टा आथा तियाहान बी एहकीज केलो.²⁴पेन मालदार माअहा तुमनेहेन दु:ख वेरी काहाका तुमनेहेन पेहलाज सुख मिली गेहलो हाय ²⁵आन जे ताराला हाय तुमा केहनडी दशा वेरी का तुमनेहेन पुख लागी गाण जे आमी आअहते तियाहा केहनडी हाय हाय केरा ते बोंबलीन रोडी²⁶जा बाद्दा लोक तुमनेहेन हारो आखी ताहा न हाय हाय केरा पोडी, काहाका तियाय आगला डाअया बी खोटा निरप्याहान हाय हाय एहेकीज आखमला.²⁷पेन मा गोठया उनानाराहान आय आखहु तुमा दुश्मनावे मोया केजा जे तुमा विरोध केतेहे तियाहा खातोर हारो काम केअजा ²⁸जे लोक तुमनेहेन हाराप दि तियाहान आशिर्वाद देजा जे तुमा आरी खोटी रितीकी चालतेहे तियाहा खातोर प्रार्थना केअजा²⁹जाहा तुमा एका गालाप केडोबी ठोकी तिया आगला बिहीरो गाल बी केअरी जर केडो तुमा डोगजी मांगतो वेरी ता तियाय तुमा फाराक बी खुषी की ली जा देजा, ³⁰जो केअडो बी कायबी मांगे, तियाय देजे, आन एगदो तोवेने वस्तु जबरदस्ती बुजी तिज तियावेने ती फाचे मांगो नाहा.³¹आन जेहकी माहाय तुमा आरी वेहवार केरा जोजे एहकी तुमनेहेन लागतो वेरी तेहकीज पेहला तुमाऱ्या ³²तुम्हाप जो मोया केहे तियाप तुमा बी माया केराहा ता तियाम केल्लो मोडो काम केयो पापी लोक बी तेहकीज केताहा ³³जो तुमा खातोर हारो काम केतो वेरी तिया खातोर तुमा बी हारो काम केतेहे तियाय केल्लो मोडो काम केयो तुम्हाहाय पापी लोक बी तेहकीज केताहा ³⁴जीयाहापने फाचे कमली एहकी आशा किइन लोकाहान तुमा उसनो देताहा तियाय तुमा काय हारो केताहा? फाचे कमली इ आशा राखीन पापी लोक बी उसनो देताहा³⁵पेन तुमा मोठा केनारावे मोया केजा आन तिया हारोज केजा आन तुमा फाचे मिली इ आशा नेय केता उसनो दया ताहा तुमाहान होरगाम मोडो इनाम मिली आन तुमा जोलामजुग्यो परमेहेरा पोयरे वेराहा पेन तो आभार नेय माननारे माहे आण खोटो काम केनारे माहे तियाहावेबी मोया केहे ³⁶जेहकी तुमा होरगामने बाहको मोयालो हाय तेहकी तुमा बी मोयाले बोनजा³⁷केडा बी चुक्या काअडा मा ताहा तुमा चूक्या बी केडो नाय काडे केडालुज गुनेहगार ठरवाहा मा ताहा तुमपेहेन बी केडो गुनेहगार नाय ठरवे तुमा बिहीरान माफ क्याहा ताहा तुमनेहेन बी माफ की.³⁸तुमा बिहीरन क्याहा ताहा तुमनेहेन बी मिली हारा मापाकी दाबी-दाबीन आलवी-आलवीन आन शींग पोयीन तुमा पदराम टाकी काहाका जी मापाकी तुमा बिहीरान मापीन दया त्याच मापाकी तुमनेहेन बी मापीन दी.³⁹तियाय तियाहान एक दाखलाक आख्यो, एक आंधलो बिहीरा आंदलाल रस्तो देखावी सकेहे का ? ते बेनी बी खाड्डाम नाय पोअउे का? ⁴⁰केल्लो बी चेलो गुरू पेक्षा मोडो नाहा रेतो पेन जाहा तो चेलो पुरो हिकी जाअहे ताहा तो गुरूहोस बोनी जाअहे⁴¹तु तो डोवामेने कोचरा नाय वेता तो पावुहू डोवाआमने कोचरा केअहकी वेअतोहो ⁴²एहकीज तु तो डोवामेने कोचरा नाय वेअता तो पावाहाल केअहकी आखोहो का? पावाहा तो डोवाआमने कोचरा मान काडा दे? अरे ठोग तु तो डोवाआमने कोचरो पेअहला काड ताहा तुल तो पावाहा डोवाआमने कोचरो हारो देखाय.⁴³कल्लोज चाडो एहन्डो हारो चाडो नाह तियाल खाराब फलवो आवे आन तेहका कल्लोज खराब चाडो का जियाल हारो फलवो आवे ⁴⁴केल्लो बी चाडवो तिया फलवाहापने आहकाय काटाला चाडवापने केडोबी अंजीर नाहा तोडतो तेहकीज तोडतो काटला चाडवामने केडोबी दारक्षे नाहा टोलवुतो.⁴⁵हारो माअहु तिया मोनाअमेने हाऱ्या गोठया बारे काअडेहे तेहेकी, खोटो माहू तिया खाराब मोनामेने खाराब गोठ्या काडहे, जो मोनाम पोअलो हाय तोंज तिया मुयामेने निगहे⁴⁶तुमा मा आखली गोठ नाहा मानता आन मान ओ प्रभु ओ प्रभु एहेकी काहाल आखताहा? ⁴⁷जो केडो बी माहु मां इही आवेहे आन तो मा गोठ्या उनायन मनिहे तो केडाहोच हाय इ आय तुमाहान आखी देखावुहू ⁴⁸तो एका पोंगो बांधणारा होच हाय तियाय पोंगो बांदा खातोर तोरतीम खुबउंडे लुगू खाेदीन खोडकाप पायो बांद्यो, आन जाहा खाडों आलो आन खाडो पोंगाल लागीन गियो तेबी पोंगो नाहा पाड्यो.⁴⁹पेन जो केअडो मा वचने उनाहाय पेन तिया नुसार चालतो नाहा, तो एहन्डा माहा होच हाय जो तिया पोंगो पायो नेय टाकता कादुमूज बांदेहे आन पायपोडीन खाडो आवेहे आन खाडो त्या पोंगा जागेने जाहे आन पोंगो पाडीन चुवाय जाय

¹जाहा इसु लोकाहान तिया बाद्या गोठ्या आखी पारवायों ताहा तो कपार्णहुम आलो.²ताहा एका अधिकाऱ्या मोयालो आवत्यो दु:ख की माय जानारो आथो ³ति अधिकाऱ्याय इसु बोद्रदल गोठ्या उनायप यहुदी लोकाहा डायाहान आख्यो तुमा जायन रावाया कीन तियाय आखजा ताहा तो आविन मा आवत्याल वाचविली ⁴ताहा ते येशूही आविन रावाश कीन आखा लाग्या तु तिया जिव वाचावी ले काहाका तो आवत्यो माहू खुब हारो हाय ⁵काहाका तो आमा जातिय मोया केहे आन तिया आमनेहेन भक्ती केरा देवोल बी बांदी देदो हो.⁶आन ताहा येशु तियाहा आरी चाली गियो आन ति अधिकाऱ्या माहा पोंगो जागेज रेहलो ताहा ति अधिकाऱ्याय तिया हेंगात्याल येशु ही मोकलीन आख्यो ओ प्रभु वोखो मा तु मा को आवो ओतिहीमा लायकी नाहा ⁷माय तोही आवा बी लायक नाहा तु तो मुयाहाकीज बी आखी देहो तेबी मा आवत्यो हारो वी जाय ⁸काहाका मायबी बहिीरा अधिकाऱ्या आथानिचे काम किहु आन मा आथा निचे बी बिहारा काम केताहा आन माय तियाहान आव एहकी आखुहू इ काम के आन तो, तो काम⁹जाहा येशु इ उनायो ताहा तियाल खुबूज माेवाय लाग्यो ताहा तिया फाचला फाचला खुबूज माहा टोलो आवतोलो इसुय तियाहाल वेयो आन आख्यो ओडो मोडो विश्वास मायु इस्त्राइलाम बी नाहा वेयो ¹⁰फाची जे मोकलुला आथा ती फिरी आला ताहा तो सेवक हारो वी गियोहो एहकी तियाहा नजरिम आलो.¹¹आन फीची एहकी तियाहा का, तो नाईन नावा गावामने जाहलो ताहा शिष्य आण खुब माहा टोलो बी तिया आरी जाहलो ¹²जेहकी तो गावा हिंवा जागे केल्ला तेबी मोअला मुर्दोल बारे ली आवतले, तो मोलो मुर्दो तिया याहकी एखलोज पोयरो आथो आन ति बाय विधवा आथी आन गावामने खुबूज माहे तियु माहे तियु आरी आथे ¹³आन ति विधवा बाईल विन प्रभुल तियी दया आली आन तियील आख्यो “रोडोहो मा” ¹⁴आन जागे याजने तियाय तिरडील आथल्यो “ताहा जे माहे खांदा देनारे आथे ते ठाकेज जागाप उबे री गिये आन तियाय आख्यो पोयरा माय तुल आखुहू उठ! ¹⁵आन तों माअलो उठीन बोठो आन गोगा लाग्यो ताया येशुल तियाल तिया याहकील होद्यो¹⁶ताहा बांदाहान खुब बिख लागी आन तियाही देवा गौरव केअता आख्यों, आमाहिमे मोठी भविष्यवादी प्रकट वेयोहो, आन देवाय आपु लोकाहा भेट लेदीही. ¹⁷येशु बद्दल/ बाराम हि बामती यहुदीया देशाम आने आजु बाजू ब गावाम पोहची गिई.¹⁸ताहा योहान शिष्याही इ बादो योहानाल जायन आख्यों ¹⁹ताहा योहानाय तिया बेन चेलाहान तियाही फुचा मोकल्यो क्या, जो आवरोनाराे तो तुज हाय का आमा बिहीरा वाट जोवजी ²⁰जाहा ते माअहे तियाही आले, आन तियाही आख्यो बाप्तीस्मो केअनारा योहानाय आमाहान होअरी इ फुचा मोकल्योहो का, जो आवनारो तो तुज हाय का आमा आजी बिहीरा वाट जोवजी?²¹त्याज टाईमाप येशुय खुब माअहा रोग आजार दु:खे हारे केअये खुब माअहा मेने पुथळे काड्ये आंधलान देखते केअये ²²आन येशुय तियाहान आख्यो, “जा आन जो तुमाही वेयो आन उनाये तो योहानाल जायन आखा, आंधले वेअतेहे लगडे चालते हे, कुष्टो रोगी हारे मेतेहे बेरे उनातेहे मोले माहीजीवते वेतेहे आने गरीब लोक सुर्वाता उनातेहे ²³आण जो केडो बी मा बाबतीम ठोकरातो नाहा तो धान्य²⁴योहानाय तिया लोकाहान मोकलुला, ते चालु पोड्या ताहा इसु योहान बाबतीम लोकाहान आखा लाग्यो, तुमा डोगाहाम काय वेरा गेहेला ? वाराकी आलेहे तो पाथडो का? ²⁵तुमा काय वेरा बारे गिहीला ? हाराम हारे पोतडे पावले माहाल का? खुब तेज रंगा पोतडे पाविन मज्या केनारे माहे रावाढाम रेतेहे ²⁶अजी काय वेरा गिहीला ? एगदा भविष्य वक्ता वेरा का? बिहीरो मोडो हाय तियाल हा आय तुमाहान आखुहू भविष्यवक्ताहांसे बी जो मोडो हाय तियाल.²⁷देख आय मा निरोप्यो तो आगाडी मोकलुहू तोअ आगाडी वाट्या हुदरावी तो इही हरय जिया बोद्रदल नियम शास्त्राम लेखलो हाय ²⁸आय तुम्हाल आखुहू जे बायीही की जोल्मुला, हाय तियाहाम बाप्तीसी देणारो केडोज मोडो नाहा, केडी पेन जो केडो पोरमेहेरा राज्याम बादाहा से हानो हाय, तो तियासे बी मोडो हा."²⁹इ उनाएन बांदा लोकाहाय आण कर पट्टी वसुल केनाराय बी योहान आथुकी बाप्तीस्मो लिन परमेहेराल खेरो मानी लेदो. ³⁰पेन परूशी आन शास्‍त्री लोकाहाय योहाना आथाकी बाप्तीस्मो नाहा लेदो आन परमेहेरा गोठ्या नाय मान्या³¹परमेहाराय आखे आय इ पिढीमाहाल केहेंनडा होच आखु इ केहेंन्ड हाय ³²जे पोयरे बाजाम बोहीन इया तियाय हातकेताहा तिया होच ते हाय, आमहाय तुमा खातोर गीते आख्ये तेबी तुमा नाच्या नाहा दु:खा गीते आख्यो तेबी तुमा रोड्या नाहा एहकी तक आखताहा.³³काहाका बास्तीस्मो केनारो योहान ओ मांन्डो न खाता आन दाराक्षा रोहो न पिता आलोहो तेबी तुमा आखतहा का याल भुत लाग्योहो ³⁴माअहा पोयरो (आय) खातो पितो आललो हाय उआन तुमा आखताहा देखा ओ खादाड आन पिदाड माअहु हाय कर पट्टी उगरावणाराहा आन पापी लोकाहा हेंगात्यो हाय. ³⁵पेन ओक्कल आपु बादा पोयरोहा से खेराम खेरी ठरवाय गेहेली हाय जर ओ भविष्यवक्तो रेतो ता जाय जी तियाल आथलेहे ती केहेंन्डी आन केलली बाय हाय ? इ ता पापी बाय हाय.³⁶फाचे एका परुशी माहाय इसुल मा कोअ मांडो खा चाल एहकी राअव्हा किइन आख्यो ताहा तो तिया आरी कोअमे जायन मांडो खा बोठो ³⁷ताहा देखा, इसु तिया परूशी माअहा कोअहे मांडो इ बोठोहो इ जाआयन तिया गावामेने एक पापी बाय गुंदालो तेल लिन आली. ³⁸ताहा ती बाय तिया फायला पागाही उबी रिन तियु आहवाकी परमेहेरा पाग पिजवीन तीयु मुनंका चोथ्याहा की पाग पुसीन पागाहान खुब गुरू दिन पागाहान तो गुंदालो तेल लागवुतली.³⁹इ विईन परुशी मांहु जियाय असुल मांडो खा खातोर हादलो तो तिया मोनाम विचार केरा लाग्यो जर ओ भविष्यवक्तो रेतो ता जाय लेतो जी तियाल आथलेहे ती केहेडी आन केलली बाय हाय? ⁴⁰येशुय तियाल आख्यो शिमोना मान तुल एक गोठ आखुन हाय तियाय आख्यो गुरूजी आख.⁴¹येशुय आख्यो एका सावकारापणे बेन जाअवाही कर्ज नंदला आया एकाय पाच होव चांदी रुप्या आन बिहीराय पन्नास चांदी रुप्या लेदलो. ⁴²तिया बेन्याहावे बी कर्ज सुटा केता काविहींज नाय आथो तियाहा खातोर तियाय तियाहा कर्जो माफ की देदो आमी तुल काय लागेहे ती बेन्याहामेने केडो तियावे वाद मोया केरी. ⁴³आख्यो “मान एहकी लागेंहे, जिया वाद कर्जो माफ की दकदाक तो.” ताहा येशुय तियाल आख्यो, “तुयूय खुब हारो विचार केअयो⁴⁴ताहा यीसुय बायीवेल फिरी विइन शिमोनाल आख्यो, “तुयूय इयो बायाल देखी का? आय कोअ आलो ताहा तुयू मान पाग तोवा केअता पाय नाहा देदो पेन इ बायीय तियु बायीय तियु आहवाकी मा पाग पिजण्या आन तियु चोटयाहाकी मा पाग पुस्टा ⁴⁵तुयू मान गुरू देदो नाहा पेन इ बाइय मा पागाहान गुरू देवुल सोड्यो नाहा.⁴⁶तुयू मा मुनकाल तेल लागव्यो नाहा पेन इ बाईय मागाहान गुंदालो तेल लागव्यो, ⁴⁷आय तुल आखहु “इयो खुब पापेआथे माफ वी गीये काहाका इयोय खुब मोया केअयीही पेन जीया थोडाहाज पापा माफह वेअयीही तो वायज मोया केअनारो”⁴⁸ताहा येशूल तियुल आख्यो “बाई तो पापाहा वी गीयीही ⁴⁹ताहा तीया आरी मांडो खा बोअहाणारा तियाय तियाहा गोठ्या केरा लाग्या “पापाहा बी 1 माफी देणारे ओ केडो हाय ⁵⁰ताहा तीयाय ती बाईल आख्यो “तो विश्वासाकी तु वाचाल गियीही शांती की जो,

¹फाछी माहारीज ऐहकी वेअयो, देवा गोठ्या अने देवा राज्या हाऱ्या गोठ्या तो गावा गावाम आने आखतो फिऱ्यो ताहा बारा चेला तिईया आरी आया. ²पुतडे दुष्ट आत्मा आने दुखामने मुक्त केअल्या थेयया तिईया आरी आथ्या. जेहकी मल्दालीया नगरा मरीयामने सात पुथडे काडले हाये ती ³हेरोदा कारभारी जो आथो तिया थे योहान्ना तेहकीज सुसान्ना आने आजह बिहऱ्या थेया, तिया सेवा आपु द्रण्याकी केहतल्या⁴आने मोडो लोकाहा टोलो एकजागे आलो आथो आने गावागावामने लोक तिईयापाही आले ताहा तियाई ताहा तियाई दाखला दिन आख्यो. ⁵“पोरणारो आपो दाणा पोरा निग्यो आने तो पाेअतलो ताहा थोडा दाणा पागवाटीप पोड्या आने ते पागुअेठा अविन दाबाय गिये आने बादलामने विडाही ते खाई लेदा. ⁶आने बा दाणा खोडळाप पोड्या ते उग्यापेन कोमाय गिया, काहाळी मिही पिजालो जागो नाहा आथो.⁷आने बाकी दाणा काटावाला घाडाम पोड्या काटावाला चाडाई तियाल मोडे नाहा वेरी देदे तेद हारा रीती मोडे नाहा वेभे ⁸आने बा दाणा हारा जागाम ते हारा रिती मोडे वेअेये होवपटीळी पाव्यो” अेहकी आखीन तो ओडाकी गोग्यो, “जियाल उनाया कान हाय तियाई उनाया”⁹ताहा तियाई चेलाई आख्यो, देवा राजाम उोपल्या गोठ्या तुम्हाल ओहका खातुर दाण देदलो आहे. ¹⁰पेन बाकी लोकांन ती दाखला की आखनु आखाली हाय, ईमाकातुर की तियाई बी तियाई वेरा नाय जोजे आने तियाई उनाईन बी तियान होमजा नाय जोजे.¹¹दाखलो ओ हाय दाणो ओ देवा वाचन हाय ¹²आने जे वाटीपने हाय ते उनानारे हाय पेन पाछी सैतान आवे आन तियाई विश्वास तिईन तारण तिला नाय जोजे तिया खातुर तिईया मोनामने वठण काठी टाकेहे. ¹³आने खोडकापने जे हाय, ते उनाते ताहा वचन आनंद की मोनाम लोतेहे पेन तियान मेले नाहा रेतेहे. थोडाच टाईमा लुगू विश्वास तेअते पाछी परीक्षा आवे ताहा विश्वासामने बारे वी जातेहे.¹⁴आने काटामपोडणारो दाणो ओ उनानारो हाय, पेण आगला जाईन पिता धन जीवनामने सुख ईयाकी जाहके कोलवे नाहा देते. ¹⁵पेन हारा तोरतीय पोडणारो दाणे हे अेळडो हाय ते वचन उनाईन हाऱ्या आने मोनाम पाळवगे तिईन थोव आने धीर तिईन फोलवे देहे.¹⁶केडो ‍दिवो लागवे ताहा बासणकी बुजतो नाहा तियाय खाटला अेटा थोवतो नाहा ता आवणाराल उजवाडो देखाया जोजे तिया खातुर उचे थोवतेहे. ¹⁷माहाळी प्रोगोट वेअनारो हाय तो बुजलो नाहा हाय, आने होतजाय नाय उगडो पोडी दोवणारो नाहा. ¹⁸तियाला तुमा काय उनाते तो हारकी होमजा, काहाका तियापाही वेअेरी तियाल देवात आवी आने हाेलवाय नाहा तियापाही जो हाय अेहकी तियाल वाटेहे तोबी तियापाने काडाम आवी.¹⁹ताहा तिया याहकी आन पावु तिईयपाही आले खुपगोर्दी आथी तियाखातुर तिईयापाई तियान जाता आले नाहा ²⁰ताहा केडाई तेबी तियाय आख्यो, तो याहकी आने पावु तुल मिला खातुर बारे उभे रिये हाय. ²¹आने तियाई तियान आख्यो, देवा वचन उनानारे जे हाय तेच माआ पाऊ आने याहकी की हाय.²²त्या दिहाम अेहकी वेयको, तो आपो चेलाआरी ‍उडिद बाेठ्यो आने आपु दोरया पार जाजी अहेकी तियाई तियान आख्यो आने उडी चालवा लागे. ²³फाछी उड्यो चालवा लागे ताहा ईशु हुवी गियो, ताहा दोऱ्याम वादुळो आलो उड्यामपाय विहा लाग्यो आने ते संकटाम पोडी गिया.²⁴ताहा ते ईशु पाही आला तियाल उठवा लाग्या मास्तुऱ्या, आपु बुडा लाग्या ताहा तियाई निदीमने उठीन वाराल आने पायाला धोमकाव्यो फाछी तो विअन गोयो. ²⁵ताहा तियाई तियान आख्यो, तुमाहा विश्वास किही हाय? ते बीगीया आने ठाकाच रिइन एकबिजाल आखा लाग्या, ओ केअेडो हाय? बाराल आने पायाल बी आज्ञा केहे तेबी तिया गोट्या मानतेहे²⁶ताहा ते गालील दोऱ्या हुमूर गरसेकरा देरा हाथे तिही गिया ²⁷ताहा तो तारतीवे उत्यो तिही गावाम केडोएक माऊहू तियाल मिल्यो; तियाल पक्के पुतूडे लागलो हाथे तियाई खुप दि पोतडे पोवले नाय हाथे तो कोमे नाहा रेतलो तो माहणाम रेतलो.²⁸ताहा ईशुला विअन तो खुप बोबल्यो तिया आगला पोडीन मोडांकी बोबल्यो, ईशु देवा पोयरा, तो मा काय संबध? मायु तुल पागे पोडु माल माय तुम पागे पडुहू माल त्रासमा दोहो ²⁹काहाकी तो तिया दुष्ट आत्माल त्या माहामने निगीजा आज्ञा केअतुलो काहाका तियाई तियाल खुप दा तेअलो हाथो लोक तियाल पाघराम योवीन हाकलीकी आने बेडीकी बाधी तोवतला तेबी तो ताेडीन पुतूडाकी खेताम जातो रेतलो.³⁰येशु ही तियाल पुछ्यो तो नाव काय हाय? तियाई तियाल आख्यो सैन्य काहाकी तियाम खुप पुतडे पोराले आथे. ³¹आने आमाल आगीकुढाम जा आज्ञा नाहा केअेवो, अेहकी ते पुतडे तियाला विनंती केअतले³²ताहा तिही खुपच डुकरा टोलो चोरतुले आने तियाम पोराया तु आमाल ल आज्ञा दे अेहकी तियाई विनंती केअेई ताहा तियान आज्ञा देदो. ³³ताहा ते पुतडे त्या माहामने निगीन डुकराम विही गिये आने तो टोलो दोवडुतो आवीन दोऱ्याम पोडी गियो आने गुरकाईन मोय गियो.³⁴पाछी चारवाले ई विईन नाही पाेड्या आने तियाई जी गोठ वेई ती गावाम खेताम जाईन आखी ³⁵ताहा जी गाेंठ वेअई ती वेअरा लोक बारे आला आने येशुपाही आला, ज्या माहामाने पुतडे निगलो आथे तो माआहु पोतडे पोवलो शुध्दीप आथो आने आने ईशु पागापाई बोठलो तियाई वेअयो आने ते बी गीये.³⁶पाछी जिमाई ती गोठ वेअली आथी तियाई तो पुतडो लागलो केहकी हाये वेअयो ती गोठ तियाल आखी. ³⁷ताहा गरसेळरा आहीपाही बादा लोकाही तियाल विनंती केअेई तु आहिपाही दुर जातो रे काहाका ते लोक खुप बी गिअला आथा पाछी तो उडीम बोहीन तिईन पाछला आलो.³⁸आने जो माआहुमने पुतडे निगलो आथे तो, माल तुमाआरी रा दया, अेहकी ईशुपाही विनंती केअतलो, पुन तो तिईयाल तो तिईयाल सोडीनदीन आख्यो, ³⁹तु को जो आने देवाई तोखातोर केअेहेडे मोडे कामे केअथे हाय ते आख पाछी तो जाईन ईशुई तिईयाखातुर केअडे मोडे कामे केअले आथे. त्या गोठ्या गावाम जाईन तिईयाई आख्या.⁴⁰पाछी ईशु पाही आलो ताहा लोकाई तीया खुशीकी स्विकर केये काहाका ते बाद्दे तिईया वाट वेअतले. ⁴¹ताहा वेअरा, याईर नावा केअडो एक माआह आलो, तो ते सभास्थाना मोडो अधिकारी आथो; आने तियाई ईशु पागे पाेडीन, तु माआ को आव, ऐहकी तियाल विनंती केअेई. ⁴²काहाका तियाल बार बोराहा एकुच पोयरी आथी ती मोअरा आथी. पाछी तो जाअतुलो ताहा टोलो आवीन तिईया आगला पाचला गोर्दी केअतला.⁴³आने बारा वोरेओ अेहडी केडीएक थे जी (आपो होग्गा पोयसा टोक्का केअडाईनबी हुदरूई नाहा. ⁴⁴तिईया तिईया पाचला आवीन तिईया पाेतडाल हात लागव्याे आने तोतामुच तिईयो रोगोत निगुलो पारवाई गिईयो.⁴⁵ताहा ईशुही आख्यो, माल केअेडाई हाथ लागण्यो? ताहा होग्गे नारहा आखतलो पत्रे आने जे तिईया आरी आथे ते तिईयाल आखा लागे,मास्तुऱ्या टोलो खुब हाय तो तुमाल चिपली रेईयो ⁴⁶ताहा इशुही आख्यो केअडाई माल लागव्याे काहाळा मआमने शक्ती निगी ही माल हाेमजायो.⁴⁷पाछी ती स्त्री आपोल दोबाय नाव ई विअईन, थुर थुर कापती आली आने तिईया आगला उपडु पोडीन माआये काहा आथुलुले हाय लागव्यो आने तुरुत आय केहकी हारी वि गिई ई होग्गा लोकाहा तिईयोई आख्यो. ⁴⁸ताहा तियाई तिईल आख्यो, पोयरो तो विश्ववासाही तुला तारी लोदो शांती कीजो.⁴⁹तो आजी गोगतलोज तोतोमुअज सभास्थना अधिकाऱ्याहीने केडो एक आलो आने तियाई आख्यो, तो पोयरी मोअम गिई मास्तुऱ्याल आजी तारास नाहा दमा दयो ⁵⁰पेन इशुय उनाईन तियान उत्तर देदो, बिया नाहा विश्वास तेरा, ती हारी बी जायई.⁵¹पाछी कोमे पत्रे योहान आने याकोब आले ताहा पोयरी बाहको आने याहकी तियाशिवाय केडालुच माजमे आवा देदे नाहा. ⁵²आन तियो खातोर रोडतलो आने शोक केअतुले, तियाई आख्यो, रोडी ताहा काहाका ती मोअई नाहा ती निदीम हाय. ⁵³तेबी ती मोअय गिई हाय जाईन ते तियाप ओहा लागे.⁵⁴पेन तियाई तिमो हाथ तिया हाथाम लिन तियोल हाद किन आख्यो पोयरी ऊठे. ⁵⁵ताहा तियो आत्मो पाछी आलो ती ताहाच उठी गिई फाछी तिईल खा दया अेहकी तियान आज्ञा देदी. ⁵⁶आने तियो याहकी बाहकाे चौकाय गिये पेन ज्या गोठ्या वेयो ते केडाल आखा नाहा अेहकी तियाई ताकीद दिन आख्यो.

¹ताहा तिमाई बारा शिष्याला हादीन होग्गान होग्गा पुतडाल आने रोगे हारे केराआ सामर्थ अधिकार देदो ²आने तियाई तियान देवा राजु संदेश आखा खातुर आने रोग हारे केअेरा मोकले.³तियाई तियान आख्यो वाटाम जा खातोर काई बी मा ल्या नाहा लाकडी आने पिशवी आने माडो आने पौयसा ल्या नाहा आने बेन-बेन पोतडा जोड ल्या नाहा. ⁴आने केलाबी कोओमे तुमाहा जा, तिईज ऱ्या आने तिहीने निगी जा.⁵जितेहे तुम्हाण अंगिकार नाहा केअते तोताहा विरुध्द तुमादा साक्षी वेअेरा जोजे तियाल तुमाहा नगरामने निगतीवेले तुमाहा पागा उदलो झोटककीन निगा ⁶ताहा ते निगे बाद्दी ठिकाणे देवा गोठ्या आने रोग हारा केबते गावा गावाम फिरी गिया.⁷ज्या गोठ्या वेअतुल्या त्या उनाईन हेरोद राजो खुप घोटालाम पोडी गियो, काहाका “योहान मोअलाअमने उठ्यो” अेहकी खुप लोक आखतुला; ⁸आने खुप लोक आाखतले “ ऐलीयो प्रागोट विईयो” आने बिहरे आखतुलो “जुना संदेष्टामाने अेडोएक उठ्याे” ⁹ताहा हेरोदाई आख्यो, योहाना मुणको आय वाडी टोकेहे पेन जिईया गोठ्या आय उनाय रिईयो हाय ओ केअेडो हाय”? आने तो तिईयान तिला वेअेयतलो¹⁰फाछी प्रेषिताई फाछी आविन ज्या गोठ्या वेअेल्या त्या पुऱ्या आख्या ताहा तियाई तियान आरी लिईन बेथसेवा नावा गावाय एकवेले ली गोईओ. ¹¹पेन त्यागोठील उनाईन ते विईयापाछला गिये. ताहा तिईया तो स्वागत लिईन तो तिईयान देवा राज्या गोठ्या आखा लाग्यो आने जिईया हारो वेअनु गरज आथी तियान तियाई हारे केअेये¹²दिही बुडा आलो. ताहा बारा प्रषित आविन तियाल आखा लागे, लोकान वाटे लागवा दे, काहाका ते आहीपाही गावाम जाईन रिई दाने खावनू सोय केअेरी, काहाका आचु खेताम हाय. ¹³पेन तिईयाई तियान तियान आख्यो “तुमाहा तियान खावनु दया. तियाई आख्यो आमाही जाईन ई लोका वाटो खावुन कायबी नाहा ली आला, पेन आमाहा पाही पाच माडा आने बेन मासल्या हाम बिहरो कायबी नाहा” ¹⁴काहाका ते पाच हजार पुरूष आथा. ताहा तिईयाई चेलाला आख्यो, पाचास पाचास लोका पंक्ती तियान बाहाका”.¹⁵फाछे तिईयाई जेहकी होग्गान बोहावे. ¹⁶तिईयाई पाच माडी बेन मासल्या लिईन उचे होरगा होवे विईन आर्शिवाद देदो. आने तिईया तुकडा किईन लोका टोलान दा खातुर चेलाल आख्यो. ¹⁷ताहा हाेग्गा लोक माडो की ताराईन आने तिईयाई रिई गिईला माडा तुकडाकी बारा सिबल्या पोराई गिईया.¹⁸आने अेहकी विईओ तो अेखलो प्रार्थना केअतलो जाहा तिईया वेलो तिईया आरी आथा ताहा तिईयाई तियान पुछीन आख्यो, टोलामने लोक माल केडो हाय आखताहा? ¹⁹पाछे तिईयाई उत्तर दिन आख्यो, बास्तिस्मा केअेनारो योहान पेन कोताक लोक आखता ‘ऐलियो’, आने कोताक आखता जुणा संदेष्टामने केडोएक पाछी उठ्यो.²⁰तियाई तियान आख्यो पेन पुन तुमाहा मान केअेडो आखताहा? ताहा पेत्राई तिईयाल उत्तर दिईन आक्ष्यो “देवाहा ख्रिस्त”. ²¹पेन ई गोठ केअेडाल आखा नाहा अहेकी तिईयाई तियान आज्ञा देदो. ²²आने आख्यो “माआहा पाेयराई खुपच दु:ख वेठी आपु उचे लिईन मोडालोक आने मुख्य याजक लोक नियमशास्त्रा मास्तुऱ्या ईयाईने मायटाकाम आवी. आने तिसरे दिही पाछे उठावाम आवी ई विईनु हाय?²³आने तिईयाई होग्गान आख्यो “केडाल माआपाछाला आवनु इच्छा वेअेरी तिईयाई आपु बधंस्तभ (उचलीन) माआ पाछला चाला ²⁴पेन जो केडो आपो जिव वाचावा होदेहे तो तियाल गोमावी दि पेन जो केडो मा केअेता आपो जीव गोमावी तो तियाल वाचाकी ²⁵काहाका माआहाई होग्गो जुग मिलबीन आपो जिव गोमाव्यो आने आपो नाशा कई लेदो ते काय हारो विई?²⁶कोडोबी माआ आने माआ वोचना लाज तेरी, तिईयाकेअता लाज जाहा माआहा पोयरो तिईया बाहका आरी आने पोवित्र दुताआहा गौरवाकी आवी ताहा तेरी. ²⁷आने आय तुमाल खेऱ्यो आखु, ईयामने ईही उभे रेअनारे अेहडी बी हाय, ते देवा राज वेअरा शिवाय तियान मोअनु नाय आवी?²⁸आने ई गोठ्या आखा फासला आठ दिहाकी अेहकी वेयो, पेत्र आने योहान याकोब ईयान लिईन तो प्रार्थना केअेरा डोगाप गीयो. ²⁹तो प्रार्थना केअतलो ताहा तिईया मुया रूप बोदली गियो आने तिया पोतडे पाढे चोमकुनारे वी गिये.³⁰आने ताहा, बेन माआहे तिईयाआरी गोठया केअतले ते मोरो आने एलीया आथे. ³¹ते तेजस्वी देखातला आने ज्या गोठ्या तो युरूशलोमा देशाम केअनाणो आथो त्या गोठ्या ते गोगतला.³²ताहा पेत्रो आने तिईयाआरी आथे ते गोगतला. ताहा पेत्रो आने तिईयाआरी आथे ते निदीकी पोराय गिईला पेन दे पुरा उठी गिईया ताहा तिईयाई तिईय तेज आने बेन माआहे तिईयाआरी उभे आथे तियान वेअेये. ³³ताहा अेहकी वेअेयो की तिईमाईने दुर वेअतला ताहा पेत्रााल ईशुही आख्यो. “ मास्तुऱ्या इही रेअवनु ओेतोल हारो हाय ताहा आमा तीन माडवा पाडु ताओखातोर एक आने मोशेखातोर एक आने एलीया खातोर एक” आपो काय गोगीरिईया तियान होमजुतलो ताय.³⁴तो ई गोठ्या केअतलो ताहा एक बादलो अविन तिईयाउचे सावाडीकेरा लाग्यो आने ताहा ते वादलाम तिही गिईया ताहा ते बी गिईया. ³⁵आने वाआदलामने आवाज आलो तियाईआख्यो “ओ माआ निवडलो पोयराे हाय ईया तुमाआ उनाया” ³⁶आने अेहकी विईयो तियामने केडालच त्या दिहाम आख्याे नाहा.³⁷आने केहकी विईयो बिहरा दिही ते डोगापने अेया उत्या ताहा माडो टोलो तियान मिला आलो. ³⁸ताहा वेरा टोलामने एका माआहाई मोडाकी बाेबलीन आखा लाग्यो मास्तुऱ्या माआयु तुल पागे पाेडु माआ पायराल बे काहाका तो मा एकुच पोयरो हाय. ³⁹आने वेअरा, केडो पुतडो तियाल तिईलेहे आने ओ बोबलेहे ताहा ईयाल तो अेहकी मोअडी देहे तिया मुयामने फेवदयो आवी जाय तो ईयाल खुप त्रारास देखाडे आने खुप टाईमाई ताहासोडीन लिगी जाय. ⁴⁰आने तियामने तो काढाम आवा जोजे तियाल आय तो चेलाल विनंती केअई पेने तियाईकी नाहा निग्यो.⁴¹ताहा ईशुही उत्तर दिईन आख्यो, अे अविश्‍वास्य आने विपरीत पिढी, माई तुमाहा आरी कोअतेलुगू रेवु आने कोतोक तुमाल आखु ? तु तो पाेयराल इही ली आव. ⁴²ताहा तो पाही आवा लाग्यो तोतामुज पुतडाही तियाल अेठा पाडटाके आने खुब मोअडी टाक्यो, पेन ईशुही त्या अशुध्द आत्माला धोमकाव्यो आने त्या पोयराल हारो किईन तिईया बाहकापाही मोकल्यो.⁴³ताहा देवाही ई माहान सामर्थ्य विईन होग्गा लोक चकीत बी गिईया आने तो जी कामे केअेतलो त्या होग्गया गोठीप होग्गेलोक नोवाय केअेतलो ताहा तिईयाई आपो शिष्याण आख्यो. ⁴⁴ई गोठ्या तुमरहर हाऱ्या इतकी थोवा काहाका माआहा पोयराल माआहा हाताम देवाम आवी. ⁴⁵पेन ही गोगणु तिईयान होमजुयो नाह आने तिईयान होमजाया नाय जोजे तियाल तिईयाईने गुत्प थोवाम आल्या. आने तेई गोठील पुचा बीतला.⁴⁶पाछी आपोमेने केअेडो मोडो हाय इयाललिन तियाम वादविवाद आलो. ⁴⁷ताहा इेशुही तिईया मोनामेने गोठ्या जाईन एका हानापोयराल पाही हादीन पाही उभे केअेयो. ⁴⁸आने तियाई आख्यो, जो केअेडो माआ नावा की ई बालकाल स्विकारी तो माल मानिली, आने जो केअेडो माआला मानिलीई तो तिईयाई माल मोकल्यो तिईयाल मानिलीई; काहाका तुमाहा होग्गामने जो होग्गाईने हानाे हाय तोज माडो हाय.⁴⁹ताहा योहानाही आख्यो हे मास्तुऱ्या, आमाही केअेडो ऐकाल तो नावाकी पुतडे काजाडता देख्यो, आने आमाही तिईयाल तेहकी केअेरा नाहा आख्यो काहाका तो आमाआरी तो पाछला नाहा चालतो. ⁵⁰ताहा ईशुही तियान आख्यो तिईयाल मना नाहा केअेरा काहाका जो तुमाला अनुकूलहाय .⁵¹आने अेहकी वेअयो तियाल उचे लिई जावनु टाईम पाही आलो ताहा यरुशलेम गावाम जा खातोर तिईयाई आपो जावणु मान किईन आपो मुय वोलण्यो. ⁵²ताहा तिईयाई आपो आगला निरोप कमळलाण्यो, ताहा ते गिघीन तिईया खातोर तियारी केरा खातुर शोमरोना गावाम गिईया. ⁵³पेन तिईयान तिईयान माने नाहा, काहाका यरुशलोम गावाही जावणु तियान बंदी आथी.⁵⁴ताहा तिईया चेला याकोब आने योहान ई वेईन तियाल आखा लाग्या, हे मास्तुऱ्या ऐलीयाई केअेयो तेहकी बादलामने आग पाडीन इया नाश केयेरा तु आम्हाल आज्ञा केअे, अेहकी तो मोन हायका? ⁵⁵पेन तिईयाई वोलीन तियान धोमकावीन आख्यो, तुमाहा केल्ला आत्मा हातुमान मालुम नाहा का ⁵⁶काहाका माआहा पोयरो माहाआ जिवनु नाश केअेरा नाहा, ते तियाला ताआरा आलो हाय” पाछी ते बिहरा गावम गिये.⁵⁷आने ते वाटीपने चालतले ताहा एक केडो तियाल आख्या लाग्यो, “तिही बी तु जाहो तिही तो पाचला आय आवेहे” ⁵⁸ताहा ईशुही तिईयाल आख्यो “आने वादलामेले विडाल कोरू हाय, पेन ताआहा पोयराल मुनको थवा केअता जागो नाहा”⁵⁹ताहा तिईयाई बिहरा एकाल आख्यो, “माआ पाचला आव, “पेन तियाई आख्यो, “हे मास्तुऱ्या पेहेले माल जादे आने माआ बाहकाल बुजा दे,” ⁶⁰ताहा ईशुई तियाल आख्यो, मोअलाल आपो मोअलान बुजा दे, पेन जाईन देवा राजुखातोर घोषणा केअे⁶¹ताहा आजी एक आथालाग्यो, हे मास्तुऱ्या, माआयु तोपाछला आवेहे पेन पेहेलो माल माआ कोमेऱ्यान मिलीन आवा दे ⁶²पेन ईशुही तियान आख्यो जो केअेडो आवेताल हाथ लागविन पाछली गोठीही वेअतो रेहे अेहडो केअेडोच देवा राजु केअता उपयोगी नाहा.

¹फासी प्रभु ये आजी सत्तर जाहले होदीन जी जी गावामे आने जी जी ठिकाणी तोह स्वत: तोह स्वत: जाणारो आथो बेण जाहल आगला मोकल्या. ²तियाय तिहाल आख्यो खेतामे खुब पिक हाय पेण मजुर थोडा हाय याह केहता का पिंका प्रभु ये आपु में मजुर मोकले म्हणुन तुम्हा प्रार्थना केरा³जा वेरा आने माय तुम्हाल मेढा होसे मेढा ठोली मे मोकलू ⁴पिशवी आने झोलो आने चापले, ल्याहम आने वाटीम जाता केहठाल नमस्‍कार केरा नाहा⁵तुम्हा केहलीबी कोमे जो तिह पेहला तुम्हा शांती तिहायव वेरी ता ती तुमावे परत आवी, ⁶जर तीह अेगो शांत आहव वेरीता तुम्हा शांती तियावरी पेण तो नेय वेरी ता ती शांती तुम्हावे फासी आवी. ⁷तुमा तीयाल को रीने ते जी काय दी तोह तुम्हा खाजा पिता रेजा काहाका मजरयाने तिहा मोजरी मिला जोजे आने की को फिरा नेय पोडे⁸आने तुम्हा केला बी गावाम जो आने तिहने लोक तुम्हाल स्वीकारे आने ते जे काही तुम्हाल खा दी तोज खाजा. ⁹आने तिहाम केडो बिमार, दुखी वेरी राज्य तुम्हाव पाही आलो हाय,¹⁰पेन तुमाह केला बी गामे जो आने तीह तुमाह स्वागत नेय कू तर बाजारोम जायण अेकी आखा ¹¹तुमा गावामणे काइ बी जर आमा पागाल लागी वेरी ता अमा तुमा हुइूर झटकी टाकजा ते बी ई हमजी लेजा देवा राज्य पाही आलो हाय. ¹²माय तुमाह आखु का तिधी सदोमाल ती गावाहायने वादारे सहन केनु होस री.¹³ओ खोराजिना तुल हाय ओ बेथसैदा तुल हाय काहाका तुमामणू जि सामर्था कामो वेते ते जर सारे आने सिदोन याम वेते तर तियाय कोतला डिलावे टाकीन खाहामे बोयण पश्चताप की लेते ¹⁴या केहता न्यायाकाळ सारे आने सिदोन या ले बादार ओलको पोडी. ¹⁵ओ कफर्णुहूम तो आकासहुग उुचो वी जाव का? तु नरकामलुगलुग पोचो.¹⁶जो शिष्या गोठ उनाय आने जो शिष्या गोठ तो माल नेारे आने जो माल नकारे तो तियाय माल नकोर तो तियाय माल मोकल्यो तियाल नकारे¹⁷ते सत्तर लोक खुशी की फिरी आला आने तियाय आख्यो प्रभु तो नावा की पुते बी आमा कबजाम वेते. ¹⁸ताह तियाय तिहाल आख्यो आयुय शैतानाय आकासामनु विजलीसारखो पोडतो देख्यो. ¹⁹वेरा माय तुमाल हाप आने विंचू याहले पागा की चुधा आने दुश्मना पुरी ताकताप अधिकारी देदो आने तुमाल केलीज वस्तु की लुकसान नेय वेय. ²⁰तेबी तुम्हा ,खुश नाहा व्याह का आत्मा तुम्हा ताबाम हाय पेण या गोठी आद पेण या गोठी आपेद केरा का तुम्हा नाव स्वर्गाम लिखलो हाय.²¹तोतामुज पवित्र आत्मा की भरपुर वीन खुशी की पोरायो हे पिता स्वर्ग आने तोरती प्रभु माय तोह माय तोह स्तुती केरु काहाका तुयूय ऐ गोठ्या ज्ञानी आने बुण्दीमान लोका की दोबारा राखल्या हाय आने हाने पाेयरामे बुध्दीमान लोका की दोबावी राखल्या हाय आने हाने पाेयरामे प्रगट केले हाय हा पिता काहाका तुल जो योग्य लाग्यो तो तुय केयो.²²मा बाहाका ये आख्यो गोठ्या माखातर दे दल्या आख्या आने पोयरा केढो हाय ही बाहाको केठो हाय इज मालुम नाहा आने जो केठाले तो प्रगट केनु पाेयराईण्या वेरी तर तियाजुल मालुम हाय.²³आने शिष्यावे वोलीण तियाये तिहाल आख्यो तुम्हर जरे वेता तो वेणारा डोवा धन्य ²⁴माय तुम्हाल आखे का राजाय आने भविष्यवक्ताय तुम्हा जो वेता तोह वेरा खातुर तिहाण ईष्या वेयी पेण तिहाण तो नाहा मिल्यो आने तुम्हा जो उनाहता तो तियाय उनाया ईष्या केया पेण तिहाल तोह उनाया नाहा मिल्यो.²⁵फासी एक नियमशास्त्र शिक्षक उभो वेयो आने तियाय यीशु परीक्षा वेरी खातर कोशिश केयी. तियाय आख्यो गुरूजी अंतकाला जिवन मिलवाखातर माल काय केरा पाडी? ²⁶ताहा यीशुय आख्यो निश्मशास्त्राम काय लिखलो हाय ? तु तिहाम काय वाचतो? ²⁷तियाय आख्यो तुजा देव प्रभु परमेश्वर या वे पुरा अन्तकरणा की पुरा आत्मा की पुरा शक्ती की प्रेम के आने स्वत: वे जेहकी माया राखतो तेहकी पडोसीव प्रेम के. ²⁸ताहा यीशु तिहाल आख्यो तुय बरोबर जवाब देदो हेहकीज के काहोका तु जिवो.²⁹पेण तियाय बरोबर प्रश्न पुछ्यो ऐ की बिराेध देखवाखातर रे यीशुल पेछ्यो का मा पडोयी केडो. ³⁰यीशु जवाब दे दो एक माहव यरूशलेम शहरामने यरीहरेले निगलो आथो, आने तो चोरणे चोस सितसमे सापड्यो तियाय तिहा पोतडे काडी येदे आने तियाल ढेक्यो तियाय ओरदो मोअलो किईन टाकीन तिगी गीया³¹तो ताम एक याजक तीज रस्ताम जातुलो याजकाल तियाल वेयो तो रस्ता बीहीरी वेलेने तिघी गियो ³²तिज रस्ताल एक लेवी ती ठिकाणाप आलो लेवी तियाल देख्यो आने तोबी रस्तापेने ती मेरेन निघी गियो³³फासी एक शोमरोनी तिज रस्तापेने वे फिरतो तीह माहय आलो आने तियाल वीन तियाल किईवा आली ³⁴तो तिया हुबूर आलो तिया जखमाय तेल आने द्राक्षरस लागव्यो आले तियाव पाटो बाद्यो आने तियाल तिया फुखऱ्या गोदडावे बोहावीन तियाल झोरमे सालामे तिया हारखी सेवा केया. ³⁵बिरादिह तियाय बेन चांदी होवाया काठ्या आने मालकाप दे दा आने आख्यो या आरखी देख-बाल केजे आने तु तिया से बी वादार खोरचो केरो ता आय फासी आवे ताहा तुल दी दे³⁶लुटारावे जो माहण सापडुलो आधो तियामणे ते तिनी पेक्षा केणे खेरो शेजारी आथो हेअकी तुल लागे? ³⁷तो नियमशास्त्रा शिक्षकाय आख्यो जियाय तिया वे दया तो ताहा यीशु तिहाल आख्यो जा आने तुबी तेहकीज केजे³⁸फासी यीशु आने तिया शिष्य तिया रस्ताकी जाहाला एका गावुम आला. तिह एक मार्था नावा बाई ये तिया स्वागत किन हाथ्यो आथी. ³⁹तियी ले मरीय नावा एक बाही आथी ती, प्रभु पागाय बोहीण तो काय आखतुलो तो उनातली.⁴¹पेण मार्था वादार कामा केता काटाळली आथी ती यीशुही आली आने यीशुल आख्यो प्रभु मा बोयी आखो काम माल हाण्यो या तुल चिंता नाहा का? हाथी तीयील आख का माल काम कीई लाग के ⁴⁰प्रभुय जवाब दे दो मार्था मार्था तु खुब गोठी बाराम मे खुब कच कच केती. ⁴²पेण एकुच गोठ महत्वा हाय आने आय आखु मरीया से तियीहारो वाटो निवडयोहो ते यी तो तियी पणे काढी लेवाम आवणारो नाहा

¹फासी ऐकी वेयो का तो एक जागे प्रार्थना केहतुलो तो पारवाक्यो ताहा शिष्‍यमंणू एक जाये यीशुल आख्यो “प्रभु” जेहकी योहनाये तिया शिष्यणे हिकव्यो तेहकी तुम्हा आम्हाल प्रार्थना केहता हिकवा.²फासी तियाय तिहाल आख्यो जाहा तुम्हा प्रार्थना केहंता ताहा ऐहकी आखा. ओ आमा स्वर्गामेणू देवबाहाका तो नाव पवित्र मानाय आणे तो राज्य आवा दे³आमा रोजी माडो तु आम्हाल तु आम्हाल दे ⁴आमा पापा आम्हाल माप के काहाका आमाबी आमा बाखा गून्हा तिया गुन्हा माप केहता आमाले परिक्षणाम लावे ना पेण आम्हाल खराब गोठी मे ने सोडाव⁵फासे यीसु ये तियाल आख्यो होमजीले तुमा मे ऐडो केडो हास जिया हेगात्या हाय आणे तो तियाय आरदी रात्री गियो आने तियाल आख्यो हेगात्या माल तिन माडा उसणा दे. ⁶काहाका मा हेग्यात्यो आमीज दुरणे मा को आलो आणे तियाले खातर माये कायज नाहा हाय. ⁷आणे तिह माहय काेमेनुज आख्यो माल वोखोना देखेवो ताहा माये पेहलाज दरवाजो लागवी देधलो हाय आणे मा पोयरो मा उगाम हुतले हाय. माय तुल माडो दा खातर उठी नाहा सेकतो. ⁸माय तुम्हाल आखु का जर तो उटीण तियाल कावी दा खातोर खटखट केहतो वेरा ते बी तिया हेगात्या मानीन वा नकी उठी आणे तियाले जोता माडा गरज वेरी तो ता माडा तियाल दी.⁹आणे तियाल माय तुम्हाल आखे मागा म्हणजे तुम्हाल दी हाेधा म्हणजे तुम्हाल सापडी आणे ठोका म्हणजे तुम्हा केहता उगडावी ¹⁰काहाका जो केडो मागे तियाल मिली जो केडो होधे तियाल सापडी आणे जो केडो ठोकेहे तिया काेता दाेरवाजो उगडावी.¹¹तुम्हामे ऐंडो कडों बाहको हाय का, तुम्हा पोयराल मासो मागी ताहा तियाले हापडो दी ? ¹²ने ता जर पोयराे हाकवो मागी ताहा केंलो बाको तियाल पोयराल विंचू दी? ¹³जा तुम्हा खराब हाेस तेबी तुम्हा पोयराल हारो हारो देवणु कोते ते फासा स्वर्गामणे देवबाकाय जे मागता तियाल तो कोहजो मागेतो खास पवित्र आत्मा दी?¹⁴यीशु एक भुत काडतुलो, ते मुका आथा फासी ऐंहकी वेयो जो माहव गोगीज नेय सेकतुलो तो भुत बारे निग्या ताहा गोगा लाग्यो आणे लोका भडाल नवाय लाग्यो. ¹⁵पेण त्या लोकाह भीडामणु काही लोकाय आख्यो का भुता राजो बालजबुल (शैतान) या मदता या की तो भुताल काडे.¹⁶आणे थोडाये तिया परिक्षाला खातरे तियाले स्वर्गाबारामे कावी निषानी मागा लाग्या ¹⁷पेण तियाह मनाम काय आथो तोह यीशु जाआतलो तियाल तियाये तिहाल आख्यो जि जि राज्या मे भाग पोडता तो राज्य बरबाद वी जाये आणे जि कोवाम भाग पोडता तोह नाश वी जाहाय¹⁸आणे तुम्हा आखता तेकी जर भुताहामे फुट पोडी ता तियाह राज्य के की ठिकी ? माय तुम्हाल फुसुहू काहाका तुम्हा आखुता कामाय बालजबुजा (शैतान) मदताकि भुताहान काठुहू. ¹⁹पेण माय जर बालजबुला शैतानाप मदताकी काठतो ता तुम्हा शिष्य केहढा मदताकह भुताहान काठता हा? तियाले तेज तुम्हा न्याय केरी ²⁰पेण माय जर देवा मदताकी भुत काढतो ता फासी यापणू स्षस्ट हाय का देवा राज्य तुम्हा हुबूर होवे आलो हाय.²¹जा एक ताकमवालो माहव तिंया हारो साबांलेहे केह ताह तिया धनसंपती सुरक्षीत रे ²²पेण ऐगो तिया केहतरे वादार ताकतवार तियावे लढीने तिया सुपती जिहीलेहे. ताहा तिया जे हत्यार आथा तियापणू तियावे विश्वास थवलो आथे तोह ली जाहाय आणे तियाले जो जिकलो आथो तो तिया हेगंत्यान वाटी दे ²³जो मा हेगाल्यो (होवेतीनाहा) नाहा तो मा विरुधाम हाय आणे जो मा आरी टोलो केअेतो नाहा तो उबलावी दे.²⁴जाहा अशुध्द आत्मा माहा शरीरामणु बारे निघे ताहा रा खातरे सुखी जागो होदतो फिरे, पेण तियाले शांती नाहा मिलती ताहा तो आखे माये ज्या कोवामणे बारे निग्यो तिज काओमे फासो जाये. ²⁵तोह ती कोवाल फासो जाय ताहा तो कोवो बार छुड किन चोखो केहलो रेहे. ²⁶फासी तो जाय आणे तियापेक्षा वादार ताकतवार आणे दुष्ट ऐहडा सात आत्माहान ले आणे तेहे ति काैवाम जाता आणे ‍तिहीज रेताहा. ताहा तिह माहा पेहला केहता खराब हालत वी जाहाय²⁷तोह ऐ गोठया आखतुलो ताहा ऐहंडो बनाव बोयोका गरदीमणे एक बाय मोडेणे बोबलीन तिहान आख्यो धन्य ताह गर्भ तियाय तोह वोजो दखल्यो आणे धन्य ती बुजला जो तुय चुबज्यो ²⁸पेण तियाय आख्यो जो देवावचन उनाते आणे पाळते तेज खेरे धन्य हाय²⁹जेकी जेकी लोक टोलवाल्या लाग्या ताहा तोह आखा लाग्यो ई पिढी दुष्ट पिढी हाय. ति निशानी मागे आणे योना निशानी शिवाय केलीज निशानी तियाल देवाय नेय आवे. ³⁰काहाका जेकी योना निनवे लोकाहा केहता निशानी आथो तेहकी माहा पोयराबी शेली पिढी खातुर निशानी वेरी³¹दक्षिनामणे रानी न्यायादिह या पिढीआरी उटी आणे तियाहान चुकीम ठेरवी काहाका तीह पृथ्वी छेढापाणे शलमोना ज्ञान उनाया खातर आली आणे वेरी हीई ही शलमोना केहता बी मोगे ऐहडो ई हाय³²न्यायादिह निनवेमणे लोक ई तिढीआरी उभीरीन तील चुकीम ठरवी काहाका योनासंदेश उनायन तियाहाय पश्चताप केलो आणे वे योनापेक्षा बी मोटो ऐहंडो ई एक हाय³³केहडो बी दिवो शिलगावीन तोलकोअेमे नेहते बासनस थुले नाहा थेवतो.पेण कोमे माज आवणराणे उजवाळो देखाय तियाले ठेपलापे थोवते. ³⁴डोवो ओ तुम्हा शरीरा दिवो हाय जर तुम्हा डोवाहारा हाय तर तुम्हा शरीर बी उजवाळा की पोलो हाय ³⁵पेण तेह जर खराब हाय तर तुम्हा शरीर अंधाराम हाय तियाल तुम्हामणे उजवाळो अंधारोतोह नाहाने या काळजी लेजा. ³⁶जर तुम्हा आख्यो शरीर उजवाळो हाय आणे तियामणे केलोबी भाग आधाराम नाहा. ताहा जेकी दिवा उजवाळा किरणे तुल प्रकाश देते तेहकी तेंह तुल आखी रिते प्रकाशित केरी.³⁷यीशुय तिया गोगणु पारव्यो ताहा परूश्याये तियाल तिहा को आवीन तियाआरी ताडो खातुर हादयो तोह कोमे गियो आणे तियाजागायेखा बाहा गियो ³⁸पेण तियाये खा पेअला हाथ नाहा तोव्या तोह वीन परुश्याल खुब नोवाय लागे.³⁹ताहा प्रभुय तियाल आख्यो तुम्हा परुशी गिलास आणे ठाली बारेणे साप केहता पेण तुम्हा माजणे लोबाकी आणे दुष्टता की पोराला हाय ⁴⁰ओ बीन बुध्दीमाहय जियाये बारेने बोनव्यो तियाये माजमेणे नाहा बोनव्यो का? ⁴¹पेण जो माजहाय तोह गरीबाल दे आणे फासी आखो तुम्हा केहता शुध्द वेरी.⁴²पेण तुम्हा परुश्याल हाय काहाका तुम्हा फुधीना जीरो आणे आखी भाजीपाला दशमाश देता पेण तुम्हा न्याय आणे देवा प्रेम ई गोठीव दुरलक्ष केता तुम्हा नियमाकी जीवा आणे देवावे माया केहनू या गोठीव पेहला केरा आवश्यक हाय तिह समयाये बिहीरी गोठीवे दुरलक्ष ना केरा.⁴³तुम्हा परुशी करेहती दक्षावेरी काहाका तुम्हा सभास्थानाम महत्वा जागो बोहा खातर होता आणे बाजाराम सलामला पाटोहे. ⁴⁴तुम्हा कोहती दक्षावेरी काहाका तुम्हा नाहा नेमदेव्यानारी कबरा सारखा हाय ऐहठो कबर तियापेलोक बुलमे पाग थोवी जाता.⁴⁵एक नियमशास्त्रा शिक्षकाये यीशुल आख्यो गुरुजी तुम्हा ऐहकी गोगता ताहा तुम्हा आमा बी अपमान केहता. ⁴⁶ताहा यीशुय आख्यो नियमशास्त्रा शिक्षकाहा तुम्हा बी धीकार वेरी काहाका तुम्हा लोकाल वाया कोठीन वोजो तियावे उसलावता आणे तोह उसलाखातरे तुम्हा ऐगीही आकडीबी तुम्हा मदत केहता नाहा.⁴⁷तुम्हा धीकार हाय काहाका तुम्हाय पुर्वजाय माय टाकला संदेष्टाखातोरे तुम्हा कबर बानता. ⁴⁸ऐहंडो किन तुम्हा पुर्वजाहा केला कामाल तुम्हा समर्थन केहता.⁴⁹या केहता देवा ज्ञानायसुध्दा ऐंहकी आख्यो माये प्रषित आणे संदेष्टे तियाय मोकलावे तियामणे ते काही लोकाहाने मारी टाकी आणे काहा लोकाहा ते ओही. ⁵⁰ता संदेष्ट्या जो रक्त जगा पेहलापासुन जो रक्तपालो हाय त्याबदल ई पिढीन दंड पोरा पाेडी. ⁵¹होव माय तुम्हाल खेरोखेरो आखु का हाबेला रक्तापणु देवाभवन आणे वेदी या मे मारालो जखऱ्या या तक्तालुग ई पिढील जबाबदार तेराम आवीन.⁵²तुम्हा नियमाशास्त्रा शिक्षकाहा कोहंती खराब दक्षावेरी काहाका तुम्हा ज्ञाना कुचीलीन गिया. तुम्हा स्वता: माज नाहा गिया आणे जे माज जावणू कोशिश केहतंला तियानबी जाहा नाहा देदो.⁵³यीशु तिहणे निधी जातुलो ताहा नियमशास्त्र सेवकाय आणे परूशी तिया विरोध केरा लाग्या आणे तियाल बिऱ्या गोठ्या फुसा लाग्या. ⁵⁴तोह जो गोगी तियाल शब्दाम तेरा खातर टेपी रेहेला

¹ओतामुज हाजारो लोक टोलवाया गिया, आन जाहा लोक तियाल तो ठेपला ठेपली केतला ताहा पेहलो येशुय तिया चेलाहान आख्यो “परुशी पंथा लोकाहा खमीरा बाबतीम तुमा हाेच वीन रेजा, ते ढोंगी हाय,²जो खुलो नाय वेनारी एहेंडो काविज बुजलो नाहा आन मालुम नाय पोडे एहेंडो कावीज दोबलों नाहा. ³जो काय भी तुमा आंदाराम आखहा तो उजवाडाम उनायी आन जो काय मी तुमा केडाल भी कोमे ठाकाज दुदरीन आखाहा तो मोयापे चोडीन बोंबली दी.⁴“ओ मा हेंगात्याहा आय तुमाहान आखुहू जे लोक माहाल माय टाकताहा ते फाचे कावीज नाहा की सेकता तियाहान बियाहा मा. ⁵तुमा केडाहाल बिया जो जे इ आय हारकी होमजावीन आखुहू मोला माहाल नरकाम टाकनु जियाल अधिकार हाय तियाल विजा हा आय तुमाहान आखुहू तियालुज बिजा.⁶पाच चिड्या बेन रुप्याहाम वेचात्याहा का नाहा? तियाहामने एकी चिडील भी परमेश्वर विहीरातो नाहा. ⁷ओतोज नाहा पेन तियाय तुमा मुनकापेने चोटे भी गोअले हाय, बियाहा मा तुमा चिडीहीसे भी खुब किमती हाय.⁸आय तुमाहान आखुहू, जो केडोमी माहु मान लोकाहा हुबूर मानी लेतो, तियाल पोयरो भी परमेश्वरा दुताहा हुबूर मानी लेहे. ⁹पेन जो माहु मान लोकाहा हुबूर नाहा मानी लेतो तियाल तियाल तो परमेश्वर दुतांहा हुबूर मानी नाय लेनारा. ¹⁰आन जो केडोभी माहु माहा पोयरा विरुध्द कांवी गोगी तिया माफी तियाल तिली पेन जो केडो पवित्र आत्मा विरुध्द खोटो गोगी तिया माफी तियाल नाय मिलणारी.¹¹जहा तुमाहाल देवलाम, आने सारकारी अधिकाऱ्याहा हुंबूर ली जाय, ताहा तियाहा हुंबूर केहेंकी आन काय आखाहा, इया चिंता माआ क्याहा. ¹²काहाका तुमा काय गोगा जोजे, तो पवित्र आत्मों जियाज टेमापे तुमाहान हिकवी”¹³फाचे तिही टोलवाला लोकाहामने एका जाहाय जाहाय येशुल आख्यो “ओ गुरूजी मा बाहाका मालमोला हिस्सो वाटा मा पावाहाल आखी दे.” ¹⁴ताहा येशुय तियाल उत्तर दिईन आख्यो, “दादा मान तुमा न्याय केनारो आन मिलकत वाटी देनारो केडील नेम्यो? ¹⁵आजी तियाय तियाल आख्यों, “बादी जाती लोबाहीने दुर रा खातोर हाचवीन रेजा काहाका केडाल भी तिया तिया खुब मिलकती की जीवन नाहा मिलतो.¹⁶येशुय तियाहान एक गोठ आख्यी “एका मातला माहा माहा खेताम खुब हारो धान्य पाक्यो, ¹⁷ताहा तो मोनाम विचार केरा लाग्यो आमी आमी आय काय किवु ? काहाका माल थोवनु जागो नाहा. ¹⁸फाचे तो आखा लाग्यो ,आमी आय एहेंकी केहे, मा गोदामे तोडीन मोडे बांदेहे, आन तिही आय मा बादोहे, आन तिही आय मा बादो माल थोवहे. ¹⁹फाचे आय मा जीवाल आखेहे, ओ जीवा तुल खुब वोरेहे पुरी ओतो माल मायुय थोवलो हाय आराम के खो-पी आने मोज्या के²⁰पेन परमेश्वराय तियाल आखो ओ मुर्खा आज राती तो तो जीव तोमेने लेवाय जायता तुयू जो हेंगलावली हाय तो केडा वेनारो? ²¹जो माहु स्वत: खोतोर मिलकत हेंगलावी थोवेहे तो परमेश्वरा नजरूम मालदार नाहा पेने तो तिया मुर्ख माहा होच हाय²²ताहा येशुय तिया चेलाहान आख्यो, इया खातोर आय तुमाहान आखुहू आपु काय खाहु, केहकी जीवुहू आने आपु केहडे पोतडे पोवुहू इ बाठ्ठा चिंता मा क्याहा. ²³काहाका मांडा से जीव आन पोतडाहा से शरीर वाद किमती हाय.²⁴कागडाहान वेजा ते पोअते नाहा आन वाडते भी नाहा तियाहा कणग्या आन गोदामे भी नाहा ते बी परमेश्वर तियाहान पोहे, तुमा ता चिडाहा से कोता ते भी वादकिमती हाय. ²⁵तेहेकीज चिंता किइन आपु जीवन आथ पोय वादावा खातोर सोकतीवान एहेंडो आपुहूम एगदो हाय का? ²⁶इया खातोर वायहानी गोठ भी तुमाहाकी वेअती नाहा ता बिहीरी गोठीही खातोर काहाल चिंता केता बोहताहा?²⁷जोनगलुमने फुलाहान वेजा, ते केहेकी वादतेहे ते काम नाहा केअते आन पोतडे भी नाहा हीवते तेभी आय तुमाहान आखुहू शलमोन राजाय भी तियाय राज केयो तिया टेमापे तियाहामने एका फुलाहोच भी पोतडे पोव्ये नाह. ²⁸जो आज हाय आन हाकाल आगी की बाली टोलेंहे, तियाल जर परमेश्वर ओते हारे पोतडे पोवावेहे ता ओ अल्प विश्वासु लोकाहा तों तुमाहान फुलासे भी हाराम हारे पोतडे नाय पोवावी का?²⁹आमा काय खाहु आन काय पिहु इ गोठी मोनाम विचार आन वाय भी चिंता माआ क्याहा. ³⁰काहाका दुन्यामने लोक ए बाद्या वस्तु होदता फिरताहा पेन तुमाहान तिया वस्तुहू गोरज हाय इ तुमा होरगा बाहाकाल मालुम हाय.³¹पेन तुमा तिया राज मिलवा प्रयत्न केजा ताहा तुमाहान ए बादद्या वस्तु मिली जाय. ³²ओ मेढाहा होच वाय हानी टोली, तुमा बिहाय मा काहाका तुमाहान तिया राज्य देवनु तुमा बाहाकाल हारो लाग्यों.³³तुमा जी मालमत्ता हाय, ती गोर गरीबाहाल दान की देजा आन जुन्या नाय वेनाऱ्या थैल्या तुमा खातोर तियार की थोवजा, तिही बांड नाहा जाय सेकता आन किडे भी नाहा खाते. ³⁴“काहाका जिही तुमा मालमत्ता हाय, तिही तुमा मोन भी लागलो री”³⁵तुमा कंबर बांदीन तियारीम रेजा आन दिवा वोलता रा देजा ³⁶जे नोकर तियाहा मालिक वोराडामने केहडीवेल आवी तिया वाट जोवता रेताहा आन जाहा तियाहा मालिक आवीन बानो ठोकेहे, ताहा तियाखातोर तुरूतूज उगडी देताहा तियाहा होच वेजा.³⁷जाहा मालिक आवी ताहा जे नोकर तियारीम सापडी ते आशिर्वादीत हाय, आय तुमाहान खेरोज आखुह तिया मालिक आवीन तिया कंबर बरंदीन तियाहान मांडो खा बोहावी आन तियाहा सेवा चाकरी केरी. ³⁸तो मालिक राती केहेडी वेला भी आवी आन तियाल जे नोकर जागता सापडी ते आशिर्वादीत हाय.³⁹पेन आजी इ होमजी लेजा इयाज टेमापे बांड आवी एहेंकी कोमेने मालिकाय मालुम रेतो ता तो तिया तिया कोमे चोरी नाय वेरा देतो. ⁴⁰तुमा भी तियारीम रेजा काहाका जो टेम तुमाहान मालुम नाहा तियाज टेमापे माहा पोयरो आवी जाई⁴¹ताहा पेतराय आख्यो ओ प्रभु गोठ तु आमाहानुज आखतोहो का होग्गान ? ⁴²प्रभुय आख्यो “ जिया मालिकाय तिया नोकराहान टेमापे खावनु दर जियाल होप्योहो एहेंडो खेरो विश्वासु आन ओकलीवालो कारभारी केडो हाय? ⁴³तिया मालिक आवी तांवलुग जो नोकर तेहेकी काम केअतो सापडी तो आशिर्वादीत हाय. ⁴⁴आय तुमाहान खेरीज आखुहू मालिक तिया आदी मालमत्ता तियाल होपी दी⁴⁵पेन मां मालिक माहार नाय आवनारो एहेंकी मोनाम विचार किइन तो थेय वेरी नेता पुरूष वेरी तीयान ठोकतो वेरी आने खाय-पिइन मोज्या केतो री. ⁴⁶तो वाट नाय जोवनारो तिया दिह्या-हदही आन तियाल मालुम नाय तिया टेमावे तो मालिक आवी आन तियाल खुब मार दी आन तियाल अविश्वासी लोकाहा आरी जागो दी.⁴⁷तिया मालिक मोरजी काय हाय इ होमजीन भी, जिया नोकराये तियारी नाहा केयी, आन तिया मोरजी की नाहा चाल्यो तो खुब मार खाय. ⁴⁸जियाल काविंज मालुम नाहा तो मार खावनु एहेडो काम केरी तो बायज मार खाय जियाल बाद देदलो हाय तियापने वाद मागी आन तियाल वाद होपलो हाय तियापने वाद हिसाब मागी.⁴⁹आय तोरतीपे आग लागवा आलहो पेन ती पेहलाज लागली वेरी ता कोतो वेतों. ⁵⁰मान बाप्तिस्मो लेवनू हाय, तो लेहे तावलुग आय खुब विचाराम हाय.⁵¹तुमाहान केहेकी लागेहे आय तोरतीपे शांती दा आलोहो? ऐहेडी नाहा आय शांती दा नाय पेन फाटाफुट केरा आलोहो ⁵²काहाका आजने एहेंकी कोमेने पाच जाहाम विरुध्द बी जाय, तीन जाआ बेन जाहा विरुध्द आन बेन जाआ तीन ताहा विरुध्द ⁵³बाहको पोयरा आन पोयरो बाहाका विरुध्द केरी, याहकी पोयरी आन पोयरी याहाकी विरुध्द केरी, हावडी बोवडीही आन वोवडीही हावडी विरुध्द केरी,⁵⁴फाचे येशुय लोकाहान आख्यो, जाहा तुमान वादंलो दिही बुडलो वेलने आवता देखायेहे ताहा तुरुतूज आखताहा आमी पाय पोडी आन तेहेंकीज वेहे. ⁵⁵जाहा दक्षिणावेलने वारो सुटेहे ताहा खुब तोपी एहेंकी आाखताहा आन तेहेंकीज वेहे. ⁵⁶ओ ढोंगी लोकाहा तोरतीपे आने आकाशाम काय वेहे तो तुमा होमजी लेताहा पेन इया टेमा निशाणी काहाल नाहा होमजी सेकता?⁵⁷इयाखातोर काय हारो हाय तो तुमा केहेकी नाहा होमजी लेता? ⁵⁸तु तो विरुध्द केनारा आरी अधिकाऱ्याही जातोहो ताहा वाटीनुज तिया आरी होमजी जाजा नेता तो तुम्हान न्याय केनारा अधिकाऱ्याही ली जाय आन ते तुल सिपाडाहा आथाम होपी दी आन सिपाडा तुल जैलुम टाकी दी ⁵⁹आय तुम्हाल आखुहू तुम्हा तावलुग बादा पोयसा नाय पोहा मावलुग तिहीने तुम्हा सुटनारा नाहा.

¹तियाज टेमापे येशुल तिही आथा तिया लोकाहामने बाकी लोकाहाय जिया गालील प्रांतामने पिलात राज्यपालांय यरूशलेम मंदीराम बलीदान केअनु टेमापे लोकाहान माय टाकावुला ती गोठ आखी देखावी. ²ताहा येशुय तियाहान आख्यो तुमाहान एहेंकी लागेहे इया गालील प्रांतामने लोकाहाय एहेडो दु:ख भोग्यो इयाकी बाकी गालील्याहा से ते वाद पापी आथा का? ³आय तुमाहान आखुहू, एहेंकी नाहा पेन जर तुमाहाय केला पापाहा पासतावो नाय केयो ता, तुमा बादे ते मोये तिया होच तुम्हाभी मोराहा⁴तेहेकीज तिया आठरा लोकाहांपे शिलोह सेहेरामने उचो पितडो पोडीन दाबाय मोय गिया ते यरुशलेम सेहेराम रेनारा बादा लोकाहा से वाद पापी आया, एहेंकी तुमाहान लागेहे का? ⁵आय तुमाहान आखुहू, एहेंकी नाहा पेन जर तुमाहाय भी पापाहा पासतावा नाय केयो ता, तुमा बादाहा तिया तिया होचुज मोराहा.⁶फाचे येशुय इ गोठ आखी, “ एका माहाय दाराक्षा मोलाम एक अंजीरा चाडवाे लागव्यो तिया चाढापे फलवे लागेकनाहा इ वेरा तो आलो पेन तियाल एक भी फलवो नाहा मिल्यो. ⁷ताहा तियाय दाराक्षाहा राखवाल्याल आख्यो, तीन वोरेहे बी गियेहे, तेहे आय इया अंजीरा चाडवापे फलवे वेरा आवुहू पेन मान काविज सापडुतो नाहा, तो चाडवी रोंडी टाकजे तो नाकामा जागो गेरवी रियोहो?⁸ताहा राखवाल्याय तियाल आख्यो मालिक ओतोहो वोरोहो रा दे आय तिया चारी सोमकी खोदीन खत पोय देहे. ⁹फाचे आगल्या वोराहाल फलवे लागेता ठिक आने नाहा लागे ता आपु तियाल रोंडी टाकुहू¹⁰शब्बाथ दिहा-दिही येशु एका देवालाम परमेश्वरा हाऱ्या गोठ्या हिकवुतलो. ¹¹ताहा देखा तिही एक बाय बाठी जियुल कमजोर केनारो पुथडो लागीन आठरा वोरेहे बी गेहले ती कोमबरामने वाकडी वी गेहेली इया खातोर तियुल नीट उभो नाय रेवातली.¹²येशुय तियुल विन, पाही हादीन आख्यो, “ ओ बायी , बायी तु तो दु:खामने हारी बी गिईही. ¹³तियाय तियुप आथ थोवतांज ती नीट उबी वी गियी आन परमेश्वरा स्तुती केरा लागी. ¹⁴येशुय शब्बाथ दिहा-दिही तियुल हारी केयी, इयाखातोर देवलामने अधिकाऱ्यान खुबूज रोग की आली काहाका शब्बाथ दिहाल केलेभी काम नाय केरुला एहडा नियम यहुदिया हाय, आन ते लोकाहान आखा लाग्या “ जे सोव दिही काम केनू खातोर हाय तिया दिहयाहाम आवीन हारे विइन जाजा पेन शब्बाथ तिहयाल नाहा.¹⁵इ उनाइन येशुय तियान आख्यो “ ओ ढोंगी लोकाहा, तुमाहामने केडोभी शब्बाथ दिहाल तुमा बोयलाल नेता फुरक्याल ओखडामने सोडीन पाआय पाजा नाहा ली जाता का? ¹⁶इ बाय ता आब्राहामा पोयरी हाय देखा इयुंल सैतानाय आठरा वोरेहे बाअदी थोवली आथी शब्बाथ दिहाल इयुल बंधनामने सोडवुनू इ काम हारो नाहा का.?¹⁷जाहा तियाय ए गोठ्या आख्या ताहा ते विरुध्द केनारा लाजवाय गिया आन, तियाय जे नोवाय लागे एहेंडे कामे केये ते विइन बादा लोक खुश बी गिया¹⁸फाचे येशुय आख्यो “ परमेश्वरा राज्य केहेडी होच हाय? आय तियाल केलली गोठी आरी साराबरी किंव? ¹⁹तो रीई एका दाणा होच, एका माहाय तो राई दाणो ली जाईन तिया मोलाम पोअयो, ताहा तो वादीन एक मोडो चाडवो वी गियो आन आकाशामने चिडे आवीन तिया डाहागीपे कोवुरे बांधे²⁰फाचे येशुय बिहरी गोठ आखा लाग्यो, आय परमेश्वर राज्याल केलली गोठी आरी साराबरी किंव? ²¹तो खमिरा होच हाय, जो लोट नेता बिज्या वस्तु फुगवा खातोर वापरूतेहे, एकी बायीय तीन मापले खमिर लोटुम टाके आने खमिराकी बादो लोट फुगी गियो²²येशु गावाहाम आन खेड्यापाडाहामने लोकाहान हाऱ्या गोठ्या किहवुतो-हिकवुतो यरुशलेम सेहेरावेल जाहालो. ²³ताहा एका माहाय फुच्यो, ”ओ प्रभु तारण थोडो लोकाहानुज मिली का? ²⁴तियाय तियहान आख्यो, “ हाकडा बाणामने परमेश्वरा राज्या माज जा खातोर प्रयत्न केजा, काहाका आय तुमाहान आखुहू खुबूज लोक माज जा होदी, पेन ते नाय जाय सेकनारा²⁵कोवा मालिक उठीन बाआणो बुजी दी, ताहा तुमा बारे उभीरीन बाआणो ठोकीन आखाहा ओ मालिक आमा खातोर बाआणो उगडी दे ! ताहा तो तुमाहान आखी, तुमा काहीने हाय आय ओखुतो नाहा. ²⁶ताहा तुमा आखाहा, आमाहाय तो आरी बोहीन मांडो खादलो, आन आमी गावा गाव आवीन इसहाक आवीन हिकवुतली. ²⁷पेन तो तुमाहान आखी, आय तुमाहान आखुहू, तुमा काहीने हाय आय ओखुती नाहा ओ बादे खोटे कामे केअनाराहा तुमा मां इहीने दुर निंगी जा.²⁸तिही रोडनु आन दात पिहीनु वेरी, जाहा तुमा आब्राहाम, इसहाक, याकोब आन बादा निरोप्याहान परमेश्वरा राज्याम व्याहा पेन तुमा बारे काडी देदेला देखायाहा. ²⁹चारी ओरीने लोक आवीन परमेश्वर राज्याम मांडो खा बोही ³⁰आन देखा, जे लोक पेहला हाय ते रोवट्या वेरी आन जे शेवट्या हाय ते पेहला वेरी.³¹ताहा थोडाक परुशी लोक येशुय आवीन तियाल आखा लाग्या “ तु इहीने निंगी जो काहाका हेरोद राजा तुल माय टाका खातोर होदेहे ³²येशुय तियाहान आख्यो “ तिया कोलाल जाईन आखजा आय आज आन हाकाल पुथडे काडेहे आन दु:ख्याहान हारे केहे पेन तिसरा दिही आय मा काम पुरो केहे. ³³तेभी भी मान आज हाकाल नेता पोरू दिही आगाडी जावायांज जोजे काहाका यरूशलेम सेहेरा बारे परमेश्वर निरोप्याहान माय टाक्यों एहेंकी वेरा नाय जोजे.³⁴ओ यरुशलेम ओ यरुशलेम मायुय मोकलुला परमेश्वर निरोप्याहान तुमा डोगडाहा की ठोकताहा आन तियाहान माय टाकताहा जेहेंकी कुकडी तियु पिलकाहान फाकडाहा तुले खुबूज दाव तुमाहान टोलवुन मा इच्छा आथी पेन तुमा इच्छा आथी. ³⁵देखा तुमा कोवे हुने वी जाय, आय तुमाहान आखुहू जावलुग “परमेश्वर नावाकी आवनारो तो आशिर्वाद हाय एहेंकी तुमा नाय आखाहा तांवलुग आय तुमाहान किदीहीज देखानारो नाय”

¹एक शब्बाथ दिहा दिही परुशी अधिकाऱ्या एका कोअ मांडो खा खातोर गेहेलो. ताहा तिही टोलवाला लोक तियाप येशुप नोजर थोवला आथा. ²आन तिही तिया हुंबर डेड फुगा लो माहु आथो, ³येशुय नियमशास्त्रा हीकवु नाराहाल आन पारुश्याल फुच्यो शब्बाथ दिही हारों केअनु नियमशास्त्राम हारो हाय का नाहा?⁴ते ठाकाज रीया पेन येशुय ती दुखी माअहाल उचे आथ थोव्यो आन तियाल हुदराव्यो आन तियाल मोकली देदो ⁵फाचे तियाहाल आख्यो तुमाहा मेने केडा बी पोयरो नेता बोइल हाय तो वेअयीम टुटी पोड्यो ता शब्बाथ दिहा दिही तुरूतुज बारे काडनारा नाहा का ⁶ताहा तियाहान तिया प्रश्ना उत्तर देता नाह आलों⁷ताहा हादला लोक मोड मोडा जागा केहेंकी नीवडी लेताहा, तो वीज तियाहान तियायहान एक दाखलो आख्यो तियाय आख्यो ⁸जाहा एगाहाय तुमाहाल वोराडाम हाद्यो ताहा मोडा जागाप बोडोव मा काहका तुमा पनो मोडा हारा माहालाल तियाय हादयो वेरी ⁹पेन तियाय तुमा बेनी महाल हादलो हाय तो आवी आन तुमाहाल आखी इयाल इही बाहा जागो दे ताहा नाजवायन तुमाहाल ऐठाहा बाहा पोडी.¹⁰पेन तुल हादयो ताहा फाचाडी ने जागाप जायन बाहा जोजे ताहा तियाय तुल हादलो तो आवीन तुल आखी हेंगात्या आगाडी आवीन बोहेा ताहा तो आरी आलला ताहा हुबर तुल मानपान तिली ¹¹काहाका जो केडो स्वतहाल मोडो की तो एहेंकी होमजी तियाल तो हानो बोना वी¹²फाचे तियाय हादलो आथो तियाल तो आखेते ताहा तु दिहा नेता वाती वेल मांडो खा हादों हो माहा तो हेंगात्याहान पावाहान जातुलाहान नेता पोयसा वाल लोकाहान हादो मा काहका तुल फाचे ते तुल हादी एहकी तुल तोअ वालनो वाली देनारे¹³पेन तु जाहा लोकाहान मांडो खा खातोर हादोहाे माहा गरीब तुला लेंगडा आन आंदलामाहान हादजे ¹⁴ताहा तु आशिर्वादीत वेअहो काहका तियाहा वे तुज वालनो वाली दां खातोर कावील नाहा पेन धर्मी लोक फाचे जीवी उठी ताहा तुल तिया मोजरी मिली¹⁵फाचे तियाहा आरी मांडो खा बोठला लोकांहा मेने एका जाहांय ए गोठ्या उनायन येशुल आख्यो जो देवा राज्याम मांडो खाई तो एक एक माहु आशिर्वादीत हाय! ¹⁶फाचे येशुय तियाहाल आख्यो एक माहु मोडा वाअती वेता मांडो खावावा खातोर तीयारी केडायी आन तियाय खुब लोकाहान हादला ¹⁷मांडो तीयार वेअयो ताहा तियाय तिया एका सेवकाल तियाहान मांडो खा हादला तियाहान चाला बाठों तीयार हाय एहेकी आखा मोकल्यो¹⁸ताहा ते बादा बाहानो काडीन एहेकी आखा लाग्या एकांच तियाल रात्या किन आख्यों माय खेत वेचातो लेदोहो आन मान जायन तो वेरा जो जेहे मान माफ केअजे ¹⁹बीहीरो आखा लाग्यो माय बोयला पाच जोडा वेचात्या लेदयाहा आन तियाहाल माय पारखा चाल्यो हो मान माफ केहाजे ²⁰आजी तिसरो आखा लाग्यो माय वोराडा केअयो हो आन तिया खातुन माय नाहा आवा²¹तो नौकर फाचे आलो आन तियाय त्या मालकाल ए गोठ्या आख्या फाचे कोवा मालकाल रोग आली आन तो नगराल आख्यो मनो गोराग, आंधल, लेगडा माहान मा इही लि आव, ²²नोकराय आख्यो मालक तुयू जेहेकी आख्यो तेहेकी माय केयो आन तेबी आजी जागा रिकाम्याज हाय,²³मालकाय नोकराल आख्यो सोडकीप जो आन खेताहाम बी जायन लोकाहान राला की पोराय जांय ²⁴काहाका आय तुमाहान आखुहू तियाहान मायुय मांडो खां हादला तियाहा मेने एकाल बी मांडो साकी वेरी नाय मिलनारो²⁵फाचे खुब लोक येशु आरी जाहाला ताहा तो फाचाडी फिरीन तियाहान आखेहे, ²⁶जो केडो बी मा इही आवी तो तिइया याहाकी-बाहाका प थेया प पोयराप पाहुप बोअयीरीप आन तिइया जीवाप माचलो वाद माया केअहे तो मा चेलो नेय वे नारो, ²⁷जो कडो बी तिया स्वता:हा क्रुस खांब लीन मा फाचाडी ने नाहा आवतो तो मा चेलो नाहा वी सेकतो²⁸जोर तुमाहान नो केडाल बुरूज बांधा वेरी ता अगलो बोहीन खोरचो अंदाज पुरो केरा तियाय पोयसा हाय कानाहा इ वे नारो ²⁹नेता जर पायो बांदीन तियाल पोंगो पुरों नाय केअता आलो ता आखी ³⁰इया माहाय पोंगो बादतुलों पेन इयाल तो पुरो नाहा बांदायों³¹एहेंडो एगदो एहेंडो राजो हाय तो बिहीरा विचार नाय केअनारो का? मापे दाहा हाजार सैनिक हाय इयाहा कि जो मा आरी लडनारो राजो हाय तिइयापे विस हाजार सैनिक हाय तियाहा आरी लडाय केअता आवी का नाहा ³²जर तो तियाहाल लडी नाहा सेकतो ता ते हर हाय तांव तिइया निरप्यो मोकलीन होमजावीन ठाको वीन गोगा सुरूवात कि दी ³³इया रितीकी तुमा मेजे बी तिइया बाठी मिलकत नाय सोडतो वेरी ता तो मा चेलो नेय नारो³⁴खारों इ खुब हारी वस्तु हाय पेन खारा मेजे चोव जाती रीयी ता फाचें तिइया चोव केहेंडा की की ली आव नारा ³⁵तो तोरतील खोता खातुर बी कामा नाहा लोक तियाल बारे फेकी दी तियाल बारे फेकी दी तिइया उनानु खातुर कान हाय तो हारकी उनाय ले

¹जाहा बादे करपेट्टी लेनारा आणे पापी लोक येशु गोठ्या उनाया आवतला. ²ताहा परूशी आणे नियमशास्त्रा गुरुजी कुरकूर केरा लाग्या ते आखा लाग्या ओ पापी लोकान जागे किते तीया आरी माडो खाहे.³पासे येशूये तियान बी गोठ्या आख्या ⁴तुमापने केडा एका जागे शंभर मेढे हाय आणे तियाम ने एक मेढाे गोमायो ता तो नव्यान्नव मेढान जोगलाम सोडीन गोमाला मेंढाे पाचला तो सापडुतो नाय तावुकलुग जाय नाय का? ⁵आणे जाहा तियाल तो सापळे ताहा तो खुशीकी तीयाल खादापे ली लेहे.⁶आणे जाहा तो को आवे ताहा आप्यापे आणे कोवा जागप्याने आरी कीने आखे हे आरी खुशीया मोनावा काहा मा गोमालो मेंढरो सापडी गीयो हो, ⁷तीयाल आवा तुमान आखु हु जीयाने पासतावो केरुलो गोरोज नाहा हाय ऐहदाय नव्यान्नव धर्मी लोकाहा बदल वेनारा खुशी की पासतावे केनारा एका पापी लोकाहा बोदल स्वर्गामे खुबूजे खुशी बी ई माय तुमाहाने आखु⁸जेहकी का एका बाई पे चांदी दहा पोईसा हाय आणे तीयाम ने एक पोईसा गोमाय गीयो ता ती दीवो लागवीन कोवे बाईने तो मीलतो नाहा तावुक लुग मोनलागवीन ती होदेनाय का? ⁹आणे तुयूल जाहा तो पोईसा मिल्लो ताहा ती तीये आरीने आणी कोवा जागण्याने हादीने आखी माआरी खुशी केरा काहा का मा गोमाला पोइसा मान तिली गीया. ¹⁰इयाहोच पासतावो केनारा एका पापी माहा बोदल देवा हा दुता हुबूर खुशी वी ईमाय तुमाहान आखु हू¹¹पासे येशु आख्यो एका माहा बेन पोयरे आथे ¹²तीया बेन्यामने एक हाना पोयराय आख्यो बाबा मान मीलकत मेने मा हिसो बाहाकाय मान दिदे आणे पासे तीया बाहाकाय तिया मीलकत बेनी पोरया ने वाटी देदी.¹³पासे वाहीक दिही वेया ताहा हानो पोयरो तिया आखो टोलवीन तो बिहरा देशुमे नीगी गियो. ¹⁴तीया आखा पोईसा खोरची टाक्या आणे तीया देशुम खुप मोडो दुष्काळ पोड्यो आणे तो पुखो मोरा लाग्यो.¹⁵तीया देशुम एका माहा जागे तो गीयो आणे तीया साहारो लिन तो तिया जागे रा लाग्यो तीया माहाये तीयाल तिया खेतुम डुक्करे चारा मोकल्यो. ¹⁶जाहा केडो तीयाल हाय खा नाय देतलो ताहा डुकरे जे हेंग्या खातले त्या हेंग्या खाईने तेबी आपु डेठ पोऊ ऐयकी तीयाल वाटा लाग्यो¹⁷पासे तीयाल होमजाया लाग्यो आणे तो ईतवा लाग्यो आणे आखा लाग्यो, मा बाहाका दको कोता जोहुर वेरी तिया डेड तायाये ओतो माडो आणे आरदो री जाटे ओतो माडो रेहे आणे माय ता ईही पुखो माेई रीयो हो ¹⁸आमी माय ई सोडीन मा बाहका जागे जाहे आणे आखेहे ओबा माय आखा विरुध्द देवा विरुध्द आणे तुमा विरुध्द पाप केयो हो ¹⁹तुमाहा पोयरो होमजुनो बी मा लायकी रीई नाहा ता माने तो रोजीपे रेनाऱ्या एका मोजऱ्या होस तेबी थोवीले²⁰पासे तो हानो पोयरो तीया बाहका जागे जा गीयो ताहा ता तिया कोवा दुरूज आथो ताहाज तीया बाहका ये तियाल वेथो आणे तियाल तीयापे किवा आली आणे धोवळुतो तीया जागे जाइने तिया गाेले लागव्याे आण तीयाल चुंबन दा लाग्यो. ²¹पोयराय आख्यो ओबा मायु स्वर्गा विरुध्दाम आणे तुमा विरुध्दाम पाप केयो हो आणे मान तुमा पाेयरो होमजीन रेवुला बी मा लायकी नाहा रीई²²पेने तिया बाहकाल मोजप्यान आख्यो माहार माहार जा आणे ईया आरो हारे पोतडे ली आवा आणे तियाल तयार केरा आणे आथुम मुप्दी पोवी दया आणे पागाम चापले पाेवी दया ²³आणे मोडो भाडारो दया आपु खाईने खुशीया मोनाऊ हुं ²⁴काहा का माओ पोयरो मोई गेहलो तो जीवतो वी आलो तो गोमाई गेहलो आथो तो सापडी गीयो हो तीयाल आवे खुशीया मोनावा लागे.²⁵तीया ताईमुल तीया मोडो पोयरो खेतुम आथो तो तीया कोवा वेल आवतलो आणे कोवा जागे आलो आणे तीयाय गाणे वाजुला ने नाचुला आवाज तीयाय ऊनायो. ²⁶तीयाय एका मोजऱ्याल हाद्यो आणे फुचा लाग्यो ई आखो काय चाली रियोहो, ²⁷तीया मोजण्याय आख्यो तो पावु आलो हो तो तुमा बाहकाल हारीरीत फाये मिली गीयो तीया खातोर मोडाे भाडारो देदाे हो²⁸ताहा तीयाल रोग की आली आणे तो कोमे नाय जा लाग्यो ताहा तिया बाहको बारे आलो आणे तीयाल होमजावा लाग्यो. ²⁹तीयाय तिया बाहकाल आख्यो वे आते वोरेहे माहु तो सेवा चाकरी केई आणे मायु किदीज मायु तुमा आज्ञा मुडी नाया आण मा हेगात्या आरी आनंद मोणवा तुमाय मान किधी साधो भाडारो बी नाहा देतो. ³⁰आणे जीयाय तुमा आखी मीलकत वेश्या वे उडवी ताकी तो तुमा पोयरा फासे आलो ताहा तुमाय तीया वाहो मोडो भाडारो देदो.³¹ताहा बाहकाल तियाल आख्यो मापोयरा तु सादरन मा आरी हाय आणे जो मा हाय तो आखो तोज हाय. ³²पेन आपु आज आनंद किडु खुशीया मानाका जोजे काहा का तो पाऊ मोई गेहलो तो जीवतो वेयो तो गोमाय गेहलो तो सापडी गीयो.

¹येशुये तिया चेलान एक गोठ आखी एक मालदार माहु आथो तीया एक कारभारी आथो माहाये मालीकुल आख्यो तो पोयरा मोज्या मारीन खोरची टाके हे. ²तियाल त्या मालदार माहाये तीया कारभाऱ्याले होद्यो आण आख्यो तो बदल माय काय ई काय काय ऊनाय रीयो हो तीयाल तु मान तो कामु हिसाब दे काहाका माय तुल ईया आगला कारभारी नाहा थोऊला हाय.³ताहा तीया कारभारीय मोनाने विचार केयोमा मालीक मावेने कारभार मागी लेणारो हाय ता माय आमी काय किवु खेतुम काम केरुला ओती मा डीलाम शक्ती नाहा आणे भीक मागुला मान लाज आवे. ⁴मान कारभाऱ्या कामापेने मान काडी टाकी तेबी माहाय मान तीया कोमे ला जोजे तीया वाटो मान काय केरा पोडी तो मान माहीती हाय.⁵पाचे कारभाण्याये तीया मालकावेने जीयाय कौरजो लेदोहो तीयान आखान हादे पहीलाल तीयाय आख्यो तुयू मा मालीकावेने कोतो कौरजो लेदाहो तो तुल फेडुणू हाय ⁶तीयाय आख्यो तीन हजार लिटर तेल तीयाय तीयाल आख्यो ई तो हिशाबा वोही आणे माहरी बोटीन ईयावे दीड हजार लिख. ⁷नंतर बीहराल आख्यो तुल कोता देऊला हाय तीयाय आख्यो वीस हजार किलो गोव तीयाय तीयाल आख्यो तो हिशोब तिही ले आणे सोला हाजार लिख.⁸खोटो काम केणाऱ्या कारभाण्याये ओकली की काम केयो इ तोवीन तीया मालीकाय वा वा केई काहाका या जोगामने लोक आपु सारखा बोदोल होरो आखनारा लोका हेने खुपे शाहाने रेताहा. ⁹पासे येशुये आख्यो माय तुमान आखु तुमा वाटो तुमाहा कामावली मालकती तुमा हेगात्या होदी काडजा ईया खातोर का जाहा ती मिलकत पारवाय ताहा तीयाय तुमाने तीऊला खातो तीया गावुम रा हादी ली.¹⁰एखाधापे थोवो भोरुसो थोऊला शक्य रेहे आणे जो केडो थोड्या गोठीम बी मुरखो रेहे तो जास्ती गोठीय बी मुरखो रेहे. ¹¹इयाखातोर तुमा दुनीयामेने कामावली मिलकत खातोर विश्वासु नाहा ताजह खेरी मिलकत खातोर तुमापे केडो भोरुसाे थोवी ¹²जो बिहरा हाय तिया खातोर तुमा विश्वासु नाहा ता जो तुमा हाय तो तुमाल केडो दी?¹³केलला बी मोजऱ्याल बेन मालका सेवा केता आपली नाहा एकाल तो रोग की आणे बीहरापे तो माया की नेता एकाल तो मानीन चाली आणे बीहराल हारो मानीन नाय चाली तुमा एकाच टाईमुल तुमा देवा आणे पोईसा सेवा की नाहा साकता.¹⁴परुशी लोक जे पोइसा लोबी आथा तीयाय ये आख्या गोठ्या ऊनाय ने तीयाय येशु निंदाकेरा लाग्या. ¹⁵येशु तियाय आख्यो तुमा सोताल लोका हुबूर धर्मी काय ऐहकी देखावता पेन देव तुमा मोने ओखेहे जीया लोकाहान तीया नोजरीम मोडो मानेहे ते देवा नजरेम बाटालो हाय.¹⁶योहानालुग नियमशास्त्र आणे संदेष्टे आथे आणे तेहेन देवा राज्या गोठ्या आखतेहे आण बादेमाहे तीया विहुला जोरमे प्रयत्न केताहा. ¹⁷नियमशास्त्र एक बी कानो नेता मात्रो नाहीसो वेरुलापेक्षा आकाश आणे पृथ्वी ताहीसो वेरला सोपो हाय.¹⁸जो केडो आपु थेईल सोडी देहे आणे बीहरी आरी वोराड केहे तो व्याभिचार केहे आणे जो केडो माहाय तीया सोडली आरी वोराड केहे तो व्यभिचार केहे¹⁹एक मालदार माहु आथो तो जाभंळा रोगा माेजाम ने मोगे कोपडे वापरुतलो रोज दिही तो माेजा मारीन आरामा की रेतलो ²⁰तीया बाना जागे लाजर नावु एक गरीब माहु पोडी रेतलो आणे तीया डीलापे फोड आलला आथा. ²¹तीया मालदार माहा माडो खाऊला टेबलापेने जो कावी नीचे पोडी तो तेबी मान खा मिली ऐहकी अरखा केतजाम वोतोज नाहा पेन कुत्रे आवीन तीया फोड चाटतले.²²पासे ऐहकी वेयो का तो गरीब माहु मोई गियो आ देवादुताय तीयाह अब्राहामा उगाम लावीन थोव्यो, पाये मालदार माहु बी मोई गीयो आणे तीयाल पुरी देदो. ²³मालदार माहु नाेरकाम दु: ख भोगा लाग्यो तीहीने तीयाय ऊचे वेयो आणे तियाय आब्राहामाल आणे लाजराल तिया उंगाम वेयो.²⁴तो बोबालीन आखा लाग्यो हे आब्राहामा बाहाका मापे दया के आणे लाजराल मोकले ईया वातो का तो तीया आकड्या पायाम बुडवीन मा जीभ हेली की काहाका या आगीम माय खुबुजे दु:ख भोगी रीयो हो.²⁵मावे आब्राहामाय आख्यो मा पोयरा ध्यानुम ले की तो जीवनाम जेहकी तुल हाण्या गोठ्या मिल्या तेहकी लाजराल खाराब गोट्या तिल्या तीयाल आमी तीयाल आराम मिली रीयो हो आणे तु दु:खाम हाय ²⁶आणे या आख वाटो तुमच्या आणे आमा वोच्चे एक माेडो उडो खाडो थोव्यो हो यावाटो का ईहीने तुमा जागे केडाल जाता आवा नाय जोजे आणे तुमायने केढाल आतालूग आवता आवे नाय²⁷तिया श्रीमंत माहाय आख्यों, फाचे आय तुल विनंती किहु,ओबा लाजराल ता बाहाका को मोकले ²⁸लाजराल मा पाच पावुय जाईन सावध केरा दे म्हणजे ते तेभी ईया दु:खा जागाप नाय आवे²⁹अब्राहामाय आख्यो तो पाऊहू जागे मोशे आणे संदेष्टे हाय तीयाहा तियाय ऊनाया जोजे ³⁰तीया मालदार माहु आख्यो नाहा हे पित्या आब्राहाम मोई गीयोहो ने केडो मा पाऊला जागे गीयो ता ते पायमावो की ³¹अब्राहामाय तियाल आख्यो जर ते मोशे आने संदेष्टा हा उठीन जाई तेबी तिया नाय माननारा.

¹हाती येशु तीया शिषांले आख्यो जीयाकी माहाये पाप केरी ते आवीज पेण जीयाकी ते आवते त्याआ कोती खराब दशा वेरी. ²त्याये ईया वायहाना मेनी एकाले पाप केरावा लागवा पेन तिहा कोगीमे कोहटी पुडको बादीने त्याले दोऱ्यामे टाकी दये आमेज फायदो हाये³खाजगी धान देजे जर तो पाहु पाप केहतो वेरी ते त्याले ताबलुने आणे जो जरा पश्चाताप केअतो वेरी ते त्याल माफ केअेजे. ⁴जाहा तो दिहामेने सात वाऱ्या तो विरुध पाप केहतो वेरी आणे सात वाऱ्या ताओ वेले आवेहे आणे आखे आये पाश्चाताप केहीवु तेबी तु त्याले माफ केअेजे⁵हाती प्रेषित (शिष) प्रभु येशुले आख्यो आमा विश्वास वाहोव. ⁶प्रभु येशुये आख्यो जर का तुमा विश्वास बारीक दाना (मोहरी) आनो वेरी ते तुमा या तुती झाडाले आखी शकतो मुला कार उपरीन दोऱ्यामें टाकाय जो तेबी तो चीड तोबउनाये.⁷तुम्हामेने अेहेडों केडों हाय का तीया खेत नागरनारो नेते मेंढे चाआनारो आवत्यों खेतामेने आलो का तो त्याले आखी आमी आवताजे मांडो खा बोह मा वाटो मांडो राद. ⁸उलटो मा मांडो तीयार के अे आमे खाय उठे ताबे कोंबोर बादीने माआ चाकरी केअे आणे हाती तुखा ओ पीजे अेहेकी तो त्याले आखी नेय का?⁹ज्या गोठ्या केअरा केअता तुमा आवत्याले आखता (हुकूम) ते तो केअी पाड्यो का तुमा त्याला धन्यवाद आखता का? ¹⁰तुमा बाबत बी तेहकीज हाय जहा तुम्हाले आखाले आलो बादे कामे पारवावेन तुमा अेह की आखा जोजे आमा केलाज.¹¹हाती अेहकी वेयी का तो येरूशलेम शहरा होवे चालतलो ताहा शमरोन व गालील प्रांता हिवाळा मेने गोयो. ¹²तो अेगा खेडागांवाम जाहालो तहॉ तीही त्याले कोडले बीमारी वेले दस माहाये मिले. ¹³आणे ते दुर उभी रिहीने मोठमोठाकी बोबलीन आखा लाग्या येशु स्वामी आम्हावे दया केअे अेहकी आखीन त्याही त्याही बोंबली वोल्या¹⁴तहा येशुये कोडला बीमाऱ्याले वेअेयो ताहा तो त्याहाल आख्यो जा आणे खुदस्वता:ले याजकाले देखावा ते याजका होवे जाहला ताहाज हुदरी गीये. ¹⁵ताहा एकाये वेअयो का आमा हारा वेअलो हाय ताहा तो पासे आलो आणे तो मोठा ने बोबलीत देवा गौवरव केरा लाग्यो. ¹⁶तो येशु पागा पाही अेठी पोंडमो आणे त्याले पागे पोड्यो. आणे तेहकीज त्याये त्याआ उपकार मानी लेदो. तो एक शोमरोनी आथो.¹⁷येशु त्याले आख्यो दोहो जाआ हारा (शुध्द) वेअेल नेका? बाकी नऊ जाआकिही हाये? ¹⁸ईया पारका माहा शिवाय केठोबी नहा देवा गौरव केरा कहेता फासो आलो नाहा? ¹⁹तो त्याले आख्यो उठ आणे जा तो विश्वासाये तुल हारो केलो हाय.²⁰परूश्यांये येशुल फुस्यो देवाराज किधी आवी येशूये त्याहाले आख्यो देवा राज देखातामे आवतो नाहा ²¹व्याआ तो इही हाय का तीही हाय अेहेकी आखणारो नाहा काहाका देवा राज तुम्हा मे हाये.²²शिष्यांने त्योये आख्यो माहा पोयरा आवुलो दिहा मे एका दिहीआ तुमा खुबे वाट जोवते हे पेण तो दिही तुमा वोई शकणारे नाहा अेहेडो दिही आवी. ²³आणे लोक तुम्हाले आख्यी वेजा तो ते ईही हाम की वेजा तो तीही आहे ताहा तुमा माल वेरा केहता त्याहा फाचला नाहा कोठलाले याजक की व्होलीनेज समाजामे आवा देहेले. ²⁴काहाका वीज जेहकी वादलामे एका जागा मेने बीहीरा जागे हुंद चोमकुती जामे तेहकी माहाआ पोअरा आवुलो त्या दिहीयामे वेरी.²⁵पेण पेहला तियाय खूप दु:ख भोगा दोजे आणे इया पिढीद्वारे नाकारो जाय इ खुप-गोरजे हाय. ²⁶जेहेकी नोहा दिहीयामे वेअेलो तेहेकीज माहा पोयरा दिहामाने बी वेरी ²⁷नोहाले उड्याने प्रवेश केअेयो आणी हाती महापुर आलो आणे त्यहा बाठा नाश वेअयो त्या दिहीलागे ते खातले पीतले वोराड लागवी लेहेले आणे वोराड लागवी देहेले आथे.²⁸त्या परमाने लोटा दिहा मे वेलो तेहे की वेरी ते खातला पीतला विचतो लेतला विचतो देतला, देतला लागवाड केअेतला बाधतला आथा ²⁹पेन ज्या दिहीयाम लोट सदोम सोडीन बारे निग्यों दिहीयामे बादलामे आग आणे गंधळ याआ पायाहोस पोड्यों आणी बाठांहा नाश वेअयो³⁰माहा पोयरा प्रगट वेरुला दिहीयामे अेहेकीज वेरी ³¹त्या दि ही अेगोंहो पोंगा पाहावे वेरी आणे तीया त्यामान पोंगामे वेरी तर त्याये तो बारे काढा केहता कोहोमे जाय नेय लाच प्रस्माने जो खेताम वेरी त्याये फासे नेय.³²लोटा थेअई ईत केरा. ³³जो केडो आपु जीव वाचावा वेहे तो आपु जीव शोमावी आणी जो केडो आपु जीव गोमावी तो त्याल बाचावी.³⁴तुम्हाल आखु तीया राती फातारीपे बेनी वेरी तीयामेने एक लेवामे आवी आमे बीहीराले थोवाम आवी. ³⁵बेन थेअेमा दोअनो दोत्यावेरी ते त्यामेने एक लेवामे आवी आणी बेहीरी थोवामें जाय ³⁶खेतामे बेनी वेरी ऐकाले लेवामें आवी आणे बेहीराले थोवाम आवी ³⁷शिष्याये त्याल फुच्यो किही प्रभु? येशुये उत्तर देदो जो मुरदो वेरी तीही गीद जमा वेरी शिष्यांये त्याले फुच्यो किही प्रभु?

¹निराश नेय वेता नेहमी प्रार्थना केहकी केरा जोजे ई शिष्याये हिका जोते त्या ला केहता त्याये त्याहाले एक दाखलो आख्यो ²त्याय आख्यो एका नगरामें एक न्यायधीश आथो तो देवाल बीतलो नेय आणे लोकांहाल बी मान देतलो नेय³त्या नगराम एक रोडेबाई आथी ती सुरूज आ न्यायाधिशाल आखती रेय माआ विरूध्द- विरूध्द माआ न्याय निवाडाे केजे. ⁴तीया मोनाम इच्छा थोडोके घेल नाम आथी पेन सेलै तो मोनाम आखे आय जे देवाल बीतो नाह आणे लोकांकं मान तो नाहा ⁵तेबी विधवा माले वाेखो देहे तीया आय तीई न्याय केहे नेय ते ती फाचे-फाचे आवीन माले काटालो लावी टाकी⁶हाती प्रभुये आख्यो ध्यान दया अन्याया ( नाडणारो/ लुच्यो) न्यायाधीश काम आखे ⁷आणे हाती जे देवाआ निवडुला लोक रातदिही त्याआ हातकहेता त्याहा तो न्याय केनारो नेय का? तो त्याहाल मदत केरा आवा लागवी का? ⁸आय तुम्हाल आखुहू तो तीयाहा न्याय माहार केरी तेबी जहा महा पोयरो आवी ताहा तोरतीवे त्याले विश्वास सापडी⁹आमण नितीमान आही अेहेकी जे कोताहाक स्वत: विषयी विधान तीअीने बीहाराले कोमी (तिय) मानतला आथा त्याहाले बी त्याम दाखलो आख्यो तो अेहेकी. ¹⁰बेन जाआ प्रार्थना केर उंचे परमेश्वरा भवनामे गीया एक परुशी आथो आणे बेहीरो जगातदार आथो¹¹परुशी उभी रीईयो आवी त्याये अेहेकी प्रार्थना केअयी ओ देवा आन तो उपकार मानुहू कारण आय इतर (बेहीरा) लोकांसारखो म्हणजे चोर (बांड) अन्यायी व्यभिचारी (सिनालो) आणे ईया जकात दारासारखो नाहा. ¹²उलटो आय आठु उयामेने बेन दाव उपास केरु आणे आहा बाटा उत्पनामने दहावो भाग (हिस्सो) देहीवे.¹³पेन जकातदार वार देर दभी रेईप उंचे होरगा होवे नोजर लागवा बी हिम्मत केई आपु छाती ठोकीण आख्यो हे देवा मा सारखा पाप्याने दया केअे. ¹⁴आय तुम्हाले आखुहू ओ माहु त्या बीहीराहीना न्यायी ठेरीन कोओ गीयो काहाका जो केठो स्वत:ले मोठोकेहे त्याले कमी (हाणी) केराम आली जो केठो स्वत:ल हानो केहेअे त्याले मोठो केराम आली.¹⁵आणे लोक आपु पोरांहाने त्याहा ही आथे लागवी या केअेता लावतला. ई शिष्याये वेअेयो तहा लोकोले ताबल्यो ¹⁶पेण येशु हाना पोयराने स्वत:ही हादीन आख्यो हाना पोयराले माआ होवे आवा दया तीयाहाले ओटकावा नाहा काहाका देवा राज्य त्याहा होचुजे हाये. ¹⁷आय तुम्हाले येशु आखुहू जो केठो हानपोयरा होचे देवाआ राज्याआ स्विकार केणारा नाहा त्याआ होरगामे प्रवेश वी शकणारो नाहा¹⁸एका यहुदी अधिकाऱ्याये त्याले फुच्यो उत्तम गुरूजी सार्वकालीन (जुल्योमजूण) जीवन मिला केअता आय काय किऊ? ¹⁹येशु त्याल आख्ये त्याल उत्तम कहा आख्तो देवाशीवाय केठोज उत्तम नाहा. ²⁰तुल आज्ञा माहीत हाय शिनालो केहेव नाहा खुन केहेव नाहा चोरी केहेव नाह खोटी साक्षी देहेव नाहा तोह यहाकी बाहाका मान राखजे. ²¹तो अधिकारीय आख्यो ईया बाठ्या आज्ञा आय माआ जुवानीपेणी पालतो आलो.²²जाहा येशूये ई उनाआयो ताहा तो त्याले आख्यो तोअ ते आजी एक गोठी की कोमी हाय तोपे हाय तो बाठ्यो वेचीने तो गोरीबाने बाटी दे हाती होरगाम तुल धोन मिलीई नवी आने मा पासला चाल. ²³पेण जाहा त्या अधिकाऱ्याये ई उनायो ताहा ताे खुब दु:खी वेअयो काहाका तो खुप श्रीमंत आथो.²⁴तो दुखी वेअेयो ई जहा येशुये वेअेयो ताहा तो लोकाल आख्यो जीयावे खुब धन हाय त्या लोकांले देवा राज्याम जावुनू कोतो कोतो कठीण आहे. ²⁵हा श्रीमंत महाले देवा राज्यामे जावुनू यापेक्षा उंटडाले हुयी नाकलामेने जाऊलो सोपो जाय²⁶पासे जीया लोकांये इ उनाये ते आखते लाग्यो हाती केढा तारण वेरीई ²⁷त्याये आख्यो ज्या गोठया माहाले नेय वेणारो तो देवाल वी जानारो हाय.²⁸हाती प्रेत्राय आख्यो “ वेअे आम्हापें जो आथो तो बाठों सोडीने आमा तो फासला आलाहा. ²⁹येशूअे त्याहाल आख्यो आय तुम्हाल खेरो आखुहू देवा राज्या कहेता ज्याये आप कोओ थेअे पाहु याहाकी-बाहाको आने पोयरे चावरे साेडी देदो. ³⁰त्याहाले या कामामे खुप पटीकी आणे आवनारा युगामे सार्वकालीक जीवन मिलनारो नेय अेहेकी केढोजने रेय³¹येशुये निवडुला बाराजावाले एकी वेले केईन आणे त्याहाले आख्यो उणाया आपु उचे येरूशलेम शहराम जाय रियाहा आणी संदेष्ट्याये माहा विषयी जे काम लिहीले हाये ते वादो पुरो वेरी. ³²म्हणजे त्याले बिहीरा होपी देई त्याआ भिटूली केरी तीया निदा केरी त्यापे थपी. ³³त्याले ठोकी तीया जीव लि आणी तो तिसरे दिही फासे उठी³⁴त्याये आख्यो शिष्याले कायजे होमज्यो नहा काहा ई वचन त्याहा पेने दोबावी थोवामे आलो आथो आणे तो केला गोठी विषयी गागेत लो ई त्याहाले मालुम नेय आथो³⁵येशु यरीहो पाही आवतो ली ताहा एक आथलो रस्तावे बोहीन भीक मागतो आथो. ³⁶जाहा तिया आधला माहाल जागेने जागेने जानारे लोका आज ऊनाईन ताहा तियाय फुश्यो कार्ठ केहडा गडबड चालु ³⁷लोकांहाय तियाल आख्यो कस नासरेथकर येशू जागेने जायरीयो हो³⁸तो बोंबलीन आख्यो का ओ येशु दावीदाआ पोयरा माप दया जे तो आजी जोर जोर मे बोंबला लाग्यों आणे आख्यो दाविदाआ पोयरा मापे दया के! ³⁹जे लोक आगला चालतुला तियाय तियाल ठाकोरा केता आख्यो,⁴⁰येशु उबीरीयो आणे तियाय आंधलाल माहोवे लिआवा ऐहकी आख्यो तो आधला जागे आलो येशुय तियाल फुश्यो ⁴¹आय तो केता काय किव तो इच्छा हाय तियाय आख्यो प्रभु माल फासे मा नजर आवे⁴²येशुय तियाल आख्यो तुल नजर आवे, तो ओ विश्वासाकी तुल हारो केयो हो ⁴³चालुच तियाल देखाया लाग्यो आणे येशु फासला जाआ लाग्यो बाढा लोकाही ई वेयो आणे देवाआ स्तुती केयी

¹येशु यरीहो सेहेराम पोची गीयो आने तिहीने जातलो आथो. ²ताहा व्या जक्कत नावा केडो एक माअहुं आथो तो करपट्टी लेनारो आने खुबुज मातलो आथो.³येशु केडो हाय तो वेरो खातोर कोशिश केअतलो पेन खुबुज गरदीम तिया काय चालेनेय काहाका तो बोधो आथो. ⁴ताहा तो बादाहा आगाडी दोवडुतो गियो आने येशुल वेरा खातोर एक उंबरा चाडावे चोडी गियो, काहका तो तियोज वाटोपेने जानारो आथो,⁵हा येशु तिया जागावे आवताज उंचे विइन तियाल आख्याे, जक्कया माहार निचे उती आव, काहाका आज माल तो कोअ आवुलो हाय. ⁶ताहा तो माहार निचे उती आलो, आने खुशीकी तिया आवकार केएये ⁷तो विइन बादालोक कारकुर केरा लाग्या की, पापी माअहा कोअओ गोवारो गियोहो⁸ताहा जक्कय उबो रिइन प्रभुले आख्यो प्रभुजी वेअ, मा आरदी मिलकत गरीबाहान हदी दिहु जर मायुंय केडावेने बी ठोगीन कांवी लेदो वेरीतर तोआय चारपट दी देहे ⁹येशुय तियाल आख्यो आज इयो तारण वेअलो हाय काहाका ओ बी मांअहु आब्राहामा पोयरो हाय. ¹⁰काहाका माअहा पोयरो गेहलाहाने होदा आने वाचावा खातोर आलो हो.¹¹जाहा ते ए गोठ्या उनातला आथा ताहा तियाय येक दाखलोबी आख्यो काहाका तो यरूशलेमा राहरापाही आलो आथो आने देवा राज्या आने राज्या तुरूत आवीन आवनाये हरय, ऐहेकी तीयाहाल होमजात लो. ¹²तीयाय आख्यों एक मातालो माअहु तिया राज्य पदवी तिलब.वीन फीचे आवेहे इया खातोर तरे बिहीरा देशाम निगी गियो.¹³तियाय तिया दोहो सेवकाहान हाघा आपने तियहान दोहो माहरी हदइन आख्खे आय आवेहे तावलुग वेपारो केअजा. ¹⁴आने तिया शेहेरोमेने लोक तिया फाचली वकील मोकलीन आख्यो इयान आमाहावे राज नाय केरा एहेकी आता मोरजी नाहा. ¹⁵एहकी वियोका तो राज मिलवीन तो रात तिलवीन फाचो आलो ताहा जिया सेवकाहान माहरी वेपारो केराखातोर पोयसा देदलो आथा, त्याय कोतहो कामव्यो तो फुचा खातोर तियाहान तिया हाघा.¹⁶ताह पेअलो आगला आने आख्यो का महाराज तुयूल देदलो मोहरा की माअयु आजी दाहा मोहरा कामाव्याहा. ¹⁷तियाय तियाल आख्यो, मा हाऱ्या सेवका खुब हारो केयो तु वाय हानी गोठीम विश्वासु रियो इयाखातोर तुल दोहो सेहेराहावे अधिकारी नेमी दिहु.¹⁸फाचे बिहीरो आलो आणे आख्यो ओ माहाराज पाच मोहरावे मायु बिहीरा पाचा माहरा कामाव्याहा. ¹⁹तियाय तियाल आख्यो तुल बी पाच सेहेराहावे अधिकारी नेमो दिहु²⁰फाचो आजी एक सेवक आलो आणे आख्यो ओ माहाराज तुयू देदलो मोहर मायुय पोतडाम बांदीन थोवी देदलो आथो. ²¹तु डांबऱ्यो हाय, जो तु थोवो नाह तो तु काडतोहो आने जो तुयूय पोअयो नाहा तु वाडतोहो इयाखातोर माल बीख लागतुजी²²माहाराजाय तियाल आख्यो ओ खोटा सेवक आय तो मुयाकी आखली गोठीकी की न्याय कोहू आय डांबऱ्यो हाय, इ तुल मालुम आथो मायुय जो देदो नाहा काडी लिहु आने जो पोअयो नाहा तो पोअयासे नाहा तो वाडतोहो ²³फाचो तुयूयं मा पोयरा बेंकाम काहाले नाहा थोव्या ? आने आय फाचों आवतो ताहा माल त्याजाकी कमली जातो.²⁴ताहा तिया पाही उबीरेणाहा तिया आख्यो, इयावेनो तो मोहर मागी लिइन तियावे दोहो मेहर हाय तियाल दी द्या ²⁵तिहाहाय तियाल आख्यो माहाराज तियावे ता दोहो मोहरा हाय.²⁶आय तुमाहाने आखुहू जिया केडीवे हाये, तियाल आजी देवाय जाय आने जियावे नाहा हाय तियावेने जो कांवी हाय तो बी मागी लेवाम जाय ²⁷आय तियाहावे राज नाय केरा जोजे, एहेकी विचार केअनारा मा दुश्मनाहाने इही जी आवा, आन मा देखता मांय टाका.²⁸येशुय एडगोठ्या आखीन तो यरूशलेम सेहेरावेले आगला गियो²⁹आने जाहा तो जैतुन नावा डोगाही बेथफगे आने बेथानी आवी पोच्यो ताहा तिया बेन चेलाहान एहेकी आखीन मोकल्या ³⁰आने आख्या तुमा हुबूरने गावाम जा आने तिही जाय पोचाहा ताहा आमीलुग केडोज तियावे बोठो नाही एहेंडो एक फुरक्या पिलको बांदलो देखाय. तीयाल सोडीने इही ली आवजा ³¹आने केडोबी तुमाने फुची इयाल काहा सोडता ? ताहा एहेकी आखजा प्रभुल इया गोरज हाय.³²जियाहान मोकलुला ते तीही जाय पोच्या ताहा जेहकी आखलो तेहकी तियाहान सापड्यो. ³³आने ते फुरक्या पिलकाल सोडतुला, ताहा तिया मालिकाय तियाहांने आख्यो तुमा पिलकाल काहाल सोडताहा? ³⁴ताहा तियाहा आख्यो प्रभुल इया गोरज हाय. ³⁵ते तियाल येशुही ली आला, आने तियाहा पोतडे तिया पिलकावे फांगाव्ये आने तियावे येशुल बाहाव्यो. ³⁶येशु वाटीपेने जातलो ताहा लोक तियाहां पोतडे वाटीवे फात्तले³⁷जाह तो जैतुन डोगा उतुरतीवे आलो, ताहा बादा चेलाहा मा मोडा टोलो हाय ताहाय जे हाऱ्या गोठ्या चमत्काकामे वेईल आथे तीया खातोर तियाहाय मोडाहाकी बोबलीन देवा स्तुती केऱ्या लाग्या. ³⁸तियाहा आख्यो “प्रभु नावाकी आवनारो राजो आशिर्वादीत हाय! होरगाम शांती आने उचाम उचा जुगांवे गौरव वेअ.³⁹ताहा खुब लोकाहामेने बाकी परुशी येशुल आख्यो गुरुजी तो चेलाहान ठाकोजरा आख हाय ⁴⁰तियाय आख्यों आय तुमाहान आखु ए ठाकाजरी ताहा तियाता डोगडा बोंबली उठी.⁴¹जाहा तो पाही आलां ताहा तो शेहरा होवे वेअयो ताहा तियावेल विइन तिया खातोर रोड्यो आने आख्यो. ⁴²केल्या गोठ्या तुले शांती देणाऱ्या ते आजे होमजी लेतो ता कोतों हारो वेअतो, पेन आमी ते तो डोआहा हुबूरने दोबावी थोवल्या आल्याहा.⁴³काहाका उहेडा दिही आवणारा हाय का तो दुशमन आवीन चारी सोमखी टोलवायन तुल कोंडवी ली आने तो माज मे आवा खातोर वाट तियार की ली ⁴⁴ते तुल आने तो पोयराहान तो पीतडाम धुलीम मिलवी ने ते तोअमा डोगडाप डोगडो रानेइय देनारे काहाका तु देवाय तोअवे दोया केअयो तो टेम तुयूय ओख्यो नाहा.”⁴⁵येशुय परमेश्वरा मंदीराम गियो आने तिही वेपार केअनाराहान बारे काडी देदे ⁴⁶आने तियाय आख्यो एहेंकी लेखलो हाय की मां कोअ प्रार्थना केअनु कोअ वेरी पेन तुमाहाय तियाल बांडाहा कोअ उबजावलो हाय.⁴⁷आने तो हमेशा परमेश्वरा मंदीराम हीकवुतलो मुख्य याजक ने नियमशास्त्रा हिकवुनारा लोकाहा मुख्याबी तियाल माई टाका कोसीस केतलो आथा. ⁴⁸पेन तेहकी केराखातोर तियांन सुज्यो नाहा काहाका बांदा लोक तिया लोक आनंदाकी उनामला आथा.

¹एक दिही येशु परमेश्वरा मंदीराम लोकाहान गोठ्या आखीन हिकवुतला, आने सुवार्ता आखतलो आथो ताहा मुख्य याजक लोक आने नियम शास्त्र हिकवनारा शिक्षक आने वडीला संकट पाही तियाही आल्लाे ²ते तियाल आखा लाग्या, केलला अधिकारा ऐ गोठ्या केअतो इ आताहाल आख ओ अधिकारा केडाय देदो?³ताहा तियाय तियाहान आख्यो आय बी तुमाहान एक गोठ फुचूहू तोमान आखजा ⁴योहाना बाप्तिस्मा स्वर्गामने आथो का मांअहापने आथो?⁵तियाही तिया –तियाहाज विचार किईन आख्यो स्वर्गामेने ऐहकी आखुहू ता तो आखी ताहा तुमाहान तियावे भोरूसो काहाना केअयो ⁶पेन आपे आखुहू माअहांहीने ता बादा लोक आपुहून डोगोमार केरी काहाका योहान ओ एक देवा निरोप्यो आथो एहेकी ते मानते हे⁷ताहा तो केडाहीने आथो इ आमाहान मालुम नाहा एहेकी तीयाही तीयाल आख्यो ⁸ताहा येशुय तियाहान आख्यो ताहा आयबी इ गोठ केलला अधिकारा की केतोहो किहु तो आय बी तुमाहान नाय आखु⁹फाचो तो लोकाहान एक गोठ आखा लाग्यो एका माअहाय दाराक्षाहा दिहीलुग बिहीरा देशाम निगी गीयो. ¹⁰आने दाराक्षे काडुन टेम आलो ताहा तीया सेवकाल खेती केअनाराहाय मोकल्यो खेती केअनारा माने दाराक्षाहा फोलवे दि पेन खेती केअनारा तियाल मार दिइन रिकामोज मोकली देदो¹¹फाचो तियाय बिहरा सेवकाल ताहा तियालबी तियाहाय मार दिइन तिया निंदा किइन रिकामोंज माेकली देदो. ¹²फाचो तियाय तिसरा सेवकाल मोकल्यो तियाल बी तियाहाय खुब मार दिइन रोडी कुडीन मोकली देदो.¹³ताहा दाराक्षाहा मोला मालीक आखेहे आमी काय किव? आय मा खाजगी मेराला पायराल मोकलेहे तियाल तेबी ते मान देई. ¹⁴जाहा खेती केअनाराहाय तियाल देख्यो, ताहा ते तिया तियाहाज विचार केरा लाग्या ओ ता वारिसदार हाय आपु इयाल माय टाकता बादी मिलकत आपुज वी जाय.¹⁵आने तियाहाय तियाल दाराक्षाहा मोलामेने बारे फेक्यो आने जायने माय टाक्यो आमी दाराक्षाहा मोला मालीक तियाहान काय केरी. ¹⁶तो आवीन तिया खेतो केअनाराहान माय टाकी आने दाराक्षाहा मोलो बिहीराहान होपी दी इ उनायने तियाहाय आख्यो ऐहकी नायके¹⁷येशुय तियाहा वेल विइन आख्यो जो डोगडो बादनारा मिस्तीऱ्याय निकामो गोअयो तोज कोपरामेने डोगडो वी गियो ऐहेकी जो नियमशास्त्राम लेखलो हाय तिया आर्थ काय हाय? ¹⁸जो केडोबी तिया डोगडावे पोडी ताहा तुकडा वी जाय आने तो डोगडो केडावे बी पोड्यो ता तीया चुरो वी जाय ताहा जो डोगडो बादनारा हाय नकांता गोअयो तोच कोपरामेने डोगडो वी गियो¹⁹नियमशास्त्रा शिक्षण देणारा आने मुख्य याजक लोकाही विचार केअतला तियाल तिइदा खातोर पेन ते लोकाहान धांकातला, तियाहा तियाल तेरूलो आथो काहका तियहा मालुम आथो का, इ गोठ तियाय तियाहानुज आखीली आथी ²⁰ताहा तो काय तेबी चुकीन गोगीता ती चुक होदा खातोर ते तियाही ठाकाज बोठला आने तियाल आधीपती सत्ता आने आदीकारांम होपेने ते धार्मिक वेहे लिईन एहेडा चुक्या सापडरवनारा लोक मोकल्या²¹आने तियाही प्रश्न फुच्या सापडावनारा लोक मोकल्या आने तियाही तियाल प्रश्न फुच्यो तियाय आख्यो गुरूजी आमाहान मालुम हाय का जो तु हारो हिकवुतोहो हारो गोगतेहे आने केडाल पक्षपात नाहा केता पेन हारिरीती देवा मार्ग जो खेरो हाय तोज हकिवुतोहो ²²आपुहूय कैसराल करपट्टी देवनू इ हारों हाय का नाहा ?²³तियाय तियाहा ढोंग होमजीन ऐ माला फोसावा खातोर हाय इ येशुल मालुम आथो तियाल तो तियाहाल आख्यो माल एक दिनार (रूपयो) देखावा ²⁴इया वे केडा साप आने नाव हाय? तियाहाय आख्यो “कैसरा हाय”²⁵ताहा तियाहान आख्यों “कैसरा तो कैाराल आने देवा तो देवाल द्या ²⁶ताहा ते लोकाहा हुंबूर तियाल जो काय गोग्यो तियाम तियाहाल तेरुलो जाग्यो नाहा तीयाय जो आख्यो तियाकी तियाहान नोवाय लागी आने ते ठाकाज रिया²⁷मोअले माअही फाचे जीवी नाय उठनारे एहेकी आखनारा सदुकी तियाही आला तियाही तियाहान प्रश्न फुच्यो लाग्या तियाय आख्यो ²⁸गुरूजी मोशेय आमा खातोर ऐहेकी लेखलो हाय का जाहा एगोहो पावुहू मोय जाय आने तिया पावाहा थेअव हाय पोयरो नाहा ती पावाहाय तीया थेअयी आरी वोराड किअन आने पावाहा खातोर पोयरो उबजावा जो जे²⁹सात पावुहू आथा पेअलाय वोराड केयो आन तो पाेयरो नेय वेता मोय गियो. ³⁰ताहा बिहीरा पावाहाम तियोआरी वोराड केयो. ³¹ताहा तिसऱ्याय तियोआरी वोराड केयो सातीही पावाहा आरी ताज गोठ उबजीन वेयी केडालबी पोयरो नाय वेअता ते मोय गिया ³²शेवटीवे ती थेअ बी मोय गियी ³³फाचे ते जीवते ताहाती केडा थेअ वेआनारी काहाका तियोय सातीही पावाहाय तियो आरी वोराड केलो आथो³⁴ताहा येशुय तियाहाल आख्यो इया जमाना लोक वोराड कि लेताहा आने वोराड कि बी देताहा. ³⁵पेन जे लोक तिया आवनाऱ्या जमानाम मोलामेने फाचे जिवतो विइने उटी ताहा भाग लाअखातोरा हारो उबजी ते वोराडे केअनारे बी नाय आने वोराडे देनारे बी नाय ³⁶फाचे ते माअनारे बी नाय, काहाका ते देवदेताहाच हायारी ते मोअलामेने जिवते विइन उठले हाय, पोयरो हाय ते देवा पोयरेबी हाय.³⁷बोलता चाडवा गोठ मोशेय निरव्योहो ताहा तियाय परमेश्वराल अब्राहामा देव इसहाका देव आने याकोबा देव ऐहकी आख्यो आने मोअले माअहे जीवी उठतेहे इ देखावलो हाय. ³⁸देव मोअला नाय पेन जीवता देव हाय वादा लोक तिया हाय ते जीवते हाय³⁹ताहा नियमशास्त्रा लोकाहाय आख्यो गुरूजी हारो आख्यो ⁴⁰फाचे फिरीन केडाय बी बिहीरो काय फुचनू हिमत्त नाहा केयो.⁴¹फाचे तियाय तियाहाल आख्यो “ख्रिस्त दाविदा पोयरो हाय एहेंकी ते काहा आखताहा? ⁴²काहाका दावीद सोताहा स्त्रोत्रा पुस्तकाम आखेहे. ⁴³आय तो दुश्मनाहान तो पागाहा थुले की देहे तावलुगू हुदीवेले बोहो ⁴⁴एहेकी रितीहीकी दाविदा तियाल प्रभु आख्यो ताहाती तो ख्रिस्ता दाविद पोयरो केहकी परमेश्वराम माअहा प्रभुल आख्यो⁴⁵बादा लोक उनातला ताहा तिया चेलाहान आख्यो. ⁴⁶नियमखास्त्र हिकवनारा शिक्षकाहाने हाचवीन रेजा, तियाहान लांबा झोगा पोवीन फिरूलो पोटेहे तियाहान बाजाराम नमस्कार केरावनु, सभास्थानाम आन मांडो खाताहा तिही तीया हा मोनापणे जागावे बोहोवुलो पोटेहे. ⁴⁷आने ते रोडे वायीही को लुटताहा आने देखावाखातोर लांबी प्रार्थना केताहा त्या माहान खुबूज मोडी शिक्षा वेरी

¹फाचे इसुंय मातला लोकाहांन तिया –जिया दान दान पेटीम टाकतां देख्या ²तियाय एकी गरीब रोडे बायाल बी दान पेटीम बेन पोयसा टाकतो देख्या ³ताहा येसुय आख्यो आय तुमाहांन खेरोज आखहूं इयो गरीब रोंडे बायीय बादाहा से बाद टाकह्यों ⁴काहाका इयाहांय तियाहां खुबूज मिलकती मेने थोडो-थोडो दान टाकह्यों पेन इयोंय जोतो कामावलों आथों तो बादोंज टाकी देदहो⁵तिही खुब लोक मंदीरा बोद्दल गोठ्या केअतला इ मंदीर हाराम हारा डोगडाहां की आन हारी हारी वस्तु भेट दिइन खुब हारों तियार केअलों हाय ⁶ताहां ईसुआखहे बेअताहा ने ? पेन एहेंडो टेम आवी इया डोगडाहांवे डोगडो नायं री बादोज पाडी टाकी⁷इसु चेला तियाल फुचताहा “ ओ गुरूजी इ बादों किदीही वेरी? आन ए गोठ्या जाहा वेरी तिया काय निशान केनारी? ⁸ईसुय आख्यों “ तुमा ढोगायाहा माअ हाचवीन रेजा ते दिही पाही आवी गियाहा काहाका मां नावा की खुब लोक आवीन आखी आय हाय पेन तेहेंडा लोकाहा फाचाडी जावनु नाय. ⁹आन तिया दिह्याहाम लढायीही आन दंगाहा बोद्दल तुमा उनायाहा ताहां काबराय माअ जाह ए गोठ्या पेअल्या बेअनाऱ्याज हाय, पेन ओतहा की बादी दुन्या नाश नाय वेअनारी¹⁰आजी तो तियाहान आखहे, “ एक जाती लोक बिहीरा जाती लोकाहा विरूध्द केरी आन एक राज्य बिहीरी राज्या विरूध्द केरी ¹¹आन तोरती खुबूज जोर में आली उठी आन खुब जागहावे काल पोडी आन नवा-नवा रोग निंगी आन जुगाम काबरावी देनाऱ्या गोठ्या आन मोड्या निशाण्य देखायी¹²ए गोठ्या वेरी तिया पेअला ते मां नावा खातोर तुमाहावे खोटो आरोप किइन तिइ ली जाय आन तेरावी दी फाचें भक्ती पोंगा अधिकाऱ्याहां आथाम होपी दी ते कचरीम कोडी देवावी आन मां नावा खातोर राजाही आन अधिकारी लोकाहाही ती ली जाय ¹³तिही तुमा मा बोद्दल साक्षी दयाहा¹⁴ताहां तुमा काय आखहा इया बोद्दल आगलोंज मोनाम विचार माअ क्याहा ¹⁵काहाका आय तुमाहान गोगां खातोर एहेंडी ओकल आज शब्द देहें तियाही विरूध्द केंअनाराहान, तुमा विरूध्द कावीन गोगानारो नाय¹⁶पेन तुमा याहाकी बाहाको, पावहुं जातुले आन हेंगात्ये बी तुमाहान तीइ दी आन तुमाहामेने बाक्याहान मारावी ¹⁷आन मां नावा खातोर बादा लोक तुमा विरूध्द केरी ¹⁸पेन तुमा मुनकामेने एक किही बी नाय वे अनारो ¹⁹पेन तुमा विश्वास टिकी रेवनु की जीव वाचावाहा²⁰जाहा यरूशलेम सेहेरा चारी सोमकी दुश्मनाहा सैन्य आवी जाय, ताहा तुमा होतजी लेजा आमी इया नाश वी जावनु टेम आवी गेहेलो हाय, ²¹ताहा जे यहुदीया प्रातांम री तियाहाय डोगाम नाही जावुन, जे यरुशलेम सेहेराम री कमयाहाय बारे निगी जावुन ²²काहाका नियमशास्त्रामेन बाद्या गोठ्या पुऱ्या वेरा खातोर ओ बोदलो लेवनु दिही री²³तिया दिह्याहाम जियु बायाही मोयना री आन तियो बायीही हाने पोयरे दुध खानारो री तियोहोन खुब तारास वेरी काहाका देशावे खुब मोडो संकट आवी आन तिहीने लोकाहांन खुबूज तारास वेरी ²⁴बाक्याहान तारवायी की माय टाकी आने बाक्याहान तिइन गुलाम बोनावीन बादा देशाहाम ली जाय जावलुग बिहिरी जाती लोकांहा टेम पुरो नांय वेरी तांवलुग बिहीरी जाती लोक यरूशलेम सेहेराल चुंदी टाकी²⁵ताहां दिही चांद आन चांदुलीहीम निशाण्या देखायी आन ताेरतीवेने बादा देशाहांवे संकट आवी आन दोऱ्यो डाखरी उठी तियाकी बादें माअहे काबराय जाय ²⁶आन दुन्याम आवनारा संकटाहा की काबरायन लोक मोअसा होच वी जाय, काहाका जुगामेने सोकतीहीन आलवी दी²⁷ताहा ते लोक माअहां पोयराल सोकती की आन मोडी माहीमा की वादलाम आवता देखी ²⁸ए गोठ्या सुरू वेरी ताहा हारकी उबी रिइन उचे वेअना काहाका तुमा वाचानु टेम पाही आवी गियोहो²⁹इसूंय तियाहन एक गोठ आखी, “अंजी्रा चाडवाल आन बादा चाडवाहान वेअजा ³⁰जाहां ते चाडवें पांगलुतेहें, तियाहांन बिइन तुमा हेामजी लेनाहा आमी उनालेा आवनारो हाय ³¹इयोन रितीका जाहा तूमा बी, ए गेाठया वेअतां देखहा ताहा होमजी लेजी, आमी पोरमेहेरा राज पाही आवी गियोहों.³²आय तुमाहान खेरोज आखुहूं जावलुग ए बाद्या गोठ्या पुऱ्या नाय वेरी तांवलुग इं पिढी पारवानारी नांय ³³जुग आने ताेरती नास वी जाय, पेन मा वचन किदीहीज पारवानारो नाय³⁴इयाखातोर तुमा हाचवीन रेजा, नेता खावनु-पिवनु आन दुन्यापेन गोठीही चिंता केअते रिहा आन तो दिही तुमाहांवे एकदोमुंज फांदा होच आवी पोडी ³⁵काहाका बादा दुन्यामेने लोकाहांवे तो एहेंकीज आवी पोडी³⁶तुमा इयो गोडीहीमेने बाचायां आन माअहां पोयरा हुंबर उबी रा खातोर तियार रां जोजे तियाल जागते रिइन सदाज प्रार्थना केअते रेजा”.³⁷रोज दिही इसु मंदीराम पोरमेहेरा हाया गोठ्या हीकवुतलो आन राती जैतुना डोगो आखतेहें तियावे जायन रेतलो. ³⁸बादा लोक तियाहा गोठ्या उनाला खातोर चुनख्या मेदीराम आवतला.

¹फासे बेखमीर माडा सण वेयो वल्हाडण आखते तो पाही आलो. ²मोडा दास माही आने नियमशास्त्रा शिक्षक, येशुल केहकी तेअत माता आवी अ गोठी विचार केतुला कहाका तियान माहा बिख आथी³ताहा बारा प्रेषिताम नो एक म्हणजे यहुदा इस्काेय माजमे सैतान विठो. ⁴यहुदा मोडो दास माही आने परमेश्वरा मंदीरा अधिकारी तिया पाही गिये आने तियाल हिती येशुल केहकी तीन देजी एकेही आखालाव्या⁵तियान खुब हारो पोटी गियो आने तियान पौसा दा आखा लाग्ये. ⁶आनेतो मानी गियो आने तो माही नाय रे ताहा येशुल तेरा वाट जोवा लाग्यो.⁷बेखमिर माडा सण, ज्या दिही वल्हाडण बोकडो मानु दिही आलो. ⁸ताहा तियाय पेत्राल आने योहनाल आखी मोकल्यो का “जा आने आपुखातोर वल्हांण सना माडो केरा आपु खाता ⁹पेत्र आने योहान येशुल आखा लाग्य आमा तिया तियारी केहे केजी एकई तुमा मन हाय?¹⁰तो तियान आखा लाग्यो “ तुमा गावाम विहताज तुमाल एक माहु पाया बासने तिली जाता देखाय तो जिया कोमे जाय तिही तुमबिजा ¹¹आने तिया कोवा मालकाल आखा, “गुरूजीय तुम्हाल फुसा आख्यो का मा चेला वल्हांडन सणा मानडो खाता आवे एहनडो कोवो किही हाय¹²तो माहु तुमाल एक तीयार कोवो वेखावी तीही तीयारी केरा ¹³ताहा पेत्र आने योहान तिहीनो निगी आला जेहकी येशुय आख्यो तेहकीज वेयो ताहा तियाय वल्हाडणा मानडो बोनाव्यो.¹⁴टाईम वेयो आने येशु प्रषिता आरी मानडो खा बोठो. ¹⁵तो तियान आखालाग्यो “ माय दु:ख भोगा तुमा आरी वल्हाडणा सणा मानडो खाव एहकी खुब मन आथो. ¹⁶काहा का माय तुम्हाण आखु का देवा राज्याम इ पुरो वेरे ताक हुग माय ओ मानडो फासे नाय केरू¹⁷ताहा येशुय पेलो आने उपकारस्तुस्ती कीन तो आखा लाग्यो ई ल्या आने वाटी ल्या ¹⁸काहाका माय तुमान आखे का देवा राज्य आवी ताक माय द्राक्षारस पियु नाय¹⁹फासे तियाय मानडो लिन उपकारस्तुती किन मानडो मुडीन आने तियान दिन आख्यो इ मा शरीर हाय जो तुमाखातोर देदो मा याद आवे आखीन इ केरा. ²⁰फासे मानडो खांदो आने तियाय प्यालो लेदो आने तियाय आख्यो ई ल्या मा रगुतू नवो करार हाय²¹पेन वेरा ! विश्वासघात केनारा हाय मा आरीज मेज पे हाय ²²काहा का माहा पोयरो तीया खातोर पेन जिया आथाकी तियाल तेरावी तिया माहा हारो नाव वेणारो. ²³आने ते टाेलवायेन एक मेका आरी ठाके ठाके गाेगते आल्ये का आमामंनो इकेडो हाय, जो काम केरी²⁴ताहा तियाय तियाल आख्यो “बिहरी जाती राजा तियाप हुकूम चालवुता आने तो उनकार आखाय ²⁵पेन तुमा तेहकी नाहा जेहकीज तुमामनो आखासे मोडो जो हाय तो हाना हीस रेजा आने जो हाय तो मोडाे होय.²⁶पेन तुमा तेहकी नाहा जेहकीज तुमामनो आखासे मोडो जो हाय तो हाना हीस रेजा आने जो हाय तो मोडाे होय. ²⁷काहा का मोडो केडो हाय जो मानडो खा बाेठो तो का सेवा किरे तो ? जो मानडो खाय रियो तो का? पेन माय तुमाआरी केनारा होस हाय²⁸पेन मा पारीक्षाम मा फाचाडी उभीऱ्या ऐहडे तुमाज हाय ²⁹जेहकी मा बाहकाय माल निवड्यो तेहकीज माय तुमा खातोर राज्य निवडु. ³⁰तिहाल तुमा मा राज्याम मानडाेव्या घा आने पीया बोहीन तिया आने इस्त्राएला बारा पिडी न्याय केरा³¹शिमोन, शिमोन, उना ! शैतानाय तुमाल माग्ये का गोवा सतरो निगे! ³²पेन शिमोन, तो विश्वास हो नाय, तिहाल माय तो खातोर प्रार्थना केई आने जाहा तु फिरो ता तो पावुहू विश्वास मे मजबुत के³³पेन शिमोन पेत्र तियाल आखा लाग्या प्रभु माय तो आरी जेलाम आने मोरा भी तीयार हाय ³⁴पेन येशूय तियाल आख्यो “ पेत्रा माय तुल आखु आज कुकडों नाय वाहाय”³⁵येशू शिष्यांन आखा लाग्यो “ जहा माय तुमाल थेली तिशवी आने काय तुमाल एगी वस्तु कमी वेयो? वेयो तीयाय आख्यो केहडाज नाहा ³⁶तियाय तियान आख्यो “ पेन आनी जीयाय ती थेंली हाय ती ल्या आने पिशवी बी ल्या आले जियाप तलवार नाहा तो तीया पोतडे वेचीन वेचती ल्या³⁷माय तुम्हाल आखु, का तो खाराब माहा आरी गोनायो, इ आखाे मा खांतोर मा पुरो वेरा जोजे काहाका मा गोठ्या पुऱ्या वेरी आल्या ³⁸तीयाय आख्यो, “प्रभु वेरी इही बेन तरवारी हाय” तियाय तियान आख्यो “तोते पुरे”³⁹आने तो तिहीआला होस जैतुना बोडा वेला गियो आने शिष्या तीया फासाडी गिया ⁴⁰ताहा तिही आवीन तियाय तियान आख्यो तुमा परीक्षाम पोडा नेय तिहाल प्रार्थना केरा⁴¹तो तियाहनो वाय दुर गियोने गुडगेटेकिने प्रार्थना केई ⁴²“ बाहका जर तो मन वेरी ता ओ प्यालो मासे दुर के तर मा मनाकी नाहा पेन तो मोनाकी वेरा दे”⁴³स्वर्गमेनो एक देव दुत आलो आने तियाल सामर्थ दा लाग्यो ⁴⁴दु:खाकी खुप आतो तेबी तियाय खुब जीवलागविन प्रार्थना केयी आने तिया गोजारो रक्ता टिपका होय तोरतीप पोडा लाग्यो⁴⁵आने प्रार्थना किन तो जाहा उठ्यो आने शिष्या पाही आवीन तियान तारासिमजे हुवता वेयो ⁴⁶तो तियान आखा लाग्यो “तुमा काहा हुवता? उठा आने परीक्षाम पोडा नाय तिहाल प्रार्थना केरा”⁴⁷तो गोगतुलज का लोका टाेलो आलो आने बारा शिष्याम जो यहुदा इस्कयौत आखतुले एक माहु तिया आगाडी चालतुलो येशू चुंबन ला तो तिया पाही आलो. ⁴⁸पेन येशुय तियाल आख्यो “यहुदा चुंबन लिन माहा पोयरा विश्वास घात केतो का?⁴⁹तीया आय पाही जो हाय तो काय वेरी इहकी उनायान तिया आख्यो “प्रभु आमा तलवार चालवुजी का? ⁵⁰तियाय ताे एका सेवका नोकराव वार केयो आने तीय हुदो कान तुही गीयो ⁵¹येशुय उत्तर देदो, “ इहकी वेरा दे आने तियाय तिया कानाल आथ लागव्यो आने कान हारो केयो⁵²फासे येशु माेडो याजक लोग, परमेश्वरा मंदीरा मोडो अधिकारी आने डायो जो तियाप आखो “ तुमा तलवार माप चालवुता जेहकी कास माय बानड हाय. ⁵³माय ता रोज तुमा आरी परमेश्वरा मंदीराम गिवाे आने तुमा माप आथ लागवुता नाहा पेन इ तुमा टाइम आने आधारा टोलो हाय”⁵⁴तियाय तियाप अटक केयो आने ते तियाल महायाजकु को लीगीये पेत्र दुरनेज तिया फासाडी चालतुलो. ⁵⁵तियाय कोवा हुमूर वोचमेज कोचरो सिलगाव्यो आने तिया चारी सोमके बोठा आने पेत्र बी तिया आरी बाेठो⁵⁶ताहा केली तेबी एक दासीय तिही आगी उजवाडाम तियाय बोठलो वेयो तियुय तिया वेला निवडीन वेयो आने ती आखा लागी “इ माहु बी तीया आरी आथो” ⁵⁷प्रेत्र आखाे “बाई माय तियाल नाहा वोखुतो” ⁵⁸थोडी वाकी एक माहीय तियाल वेयो आणे आख्यो “तुबी तियाम नोज एक हाय!” पेन प्रेत्र आखे खेरेज माय नाहा!”⁵⁹फासे एक मास जे वेयो आने फासे एक माहु जोरमेज आखे, खेरेज इ माहुबी तिया आरी आथो ओ गलील प्रांता हाय,” ⁶⁰पेन पेत्रा आख्ये, “ खेरेज तु काय आखतो मान ताहा होमजुतो ! “तो गोगतुलोज आने कुंकडो.⁶¹आने प्रभुय वोलीन पेत्रा वेला ताहा पेत्राल प्रभुय फुसली गोठ ईतआली “ आज कुंकडो वाहाय ताक हुग तीन दाव नाय आख्यो” एहकी आखलो इत आलो. ⁶²फासे तो बारे जायेन मोडा दु:खाकी रोड्यो⁶³येशुय नजर थोवनारा लोकाय तिया उपवास केरा आने तियाल ठोका सुरवात केई ⁶⁴तियाय तिया डोवा बांद्या आने तियाल प्रश्न केरा लाग्ये ते आखे “वोखे वारु तुल केढाेय ठोक्यो? ⁶⁵आने ते तीयाल विसावा खातोर आजी खुब काम गोग्या⁶⁶दिही निग्यो नाहा डाया माहा म्हणजे तियाम बेन प्रकारा माही मुख्य याजक लोग आने नियमशास्त्रारा गुरू ते टोलवाया आने ते तियाक टोलाम लि आला. ⁶⁷ते आखे, “ जर तु ख्रिस्त हाय ता आमान आख” येशुय तियान आख्यो, जर “माय तुमाल आखे तेबी तुमा माप विश्वास नाय केरा. ⁶⁸आने जर माय प्रश्न विचारे तेबी तुमा माल उत्तर नाय द्या.⁶⁹पेण आमिनोज माहा पोयरो सर्वसमर्थ देवा हुदी वेला बोठलो वेरी” ⁷⁰ते आखेज आखा लाग्ये, हाती तु देवा पोयरो हाय काय? तियाय तियाल उत्तर देदो, “तुमा आखता ता माय हाय” ⁷¹आने ते आखा लाग्यो “ आमी आपुन आजी साक्षी काय गरज हाय? आपुय स्वत: तिया मुयाकी उनाया ते”.

¹फांसे तिया आख्या लोक उठ्या आण तियाहाय येशुल तियामाहान लि गिया, ²आण ते तियापे आरोप लागवा लाग्या ते आखा लांग्या, आम्हाय ईया माहाल लोकांहान दिशाभुल केता तेयो, तो कैसराल टेक्स दाखातोर विरोध केतुलो आण आंखा लाग्य का तो स्वत: ख्रिस्त एक राजो हाय,³फांसे पिलाताय येशुल फुच्यो तु यहुदीया राजो हाय का, येशुय आख्यों तु आखतो तेहकी, ⁴फासे पिलाताय मुख्य याजकाने आण लोकांने आख्यो, ईया माहाम माल कायज चुक नाहा देखाती, ⁵पेन ते विनंती किन आखा लाग्यो यहुदीया शेहरामुने आखा लोकांन तो आपे हिकवुनु हिकिविन चेतवुतोलो तियाय गालील शेहरामुने सुरवात केई आन ईही लुग आलो हो⁶पिलात ऐहेकी उन्हायो ताहा फुचा लाग्यो का ओ माहुं गालील शेहेरा हाय का, ⁷जाहा तियाल होमजो का येशु हेरादा आथा थुलेनु हाय, ताहा तियाय तियाल हेरोदा होवे मोकल्य तो तिया दिहाम यरूशलेम शेहेराम मुज आथो,⁸हेरोदाय येशुल वेयो ताहा तियाल खुप खुशी वेई काहाका तियाय तिया बाबतीम उन्हालं आथो, का तियाल ऐहेकी हमजातुल का तो एगदो हमजातुल का तो एगदो चमत्कार केरी आण तो आपुल वेरी तिली ऐहडी आशा तियान आथी, ⁹तियाय येशूल खुबूज प्रश्ने फुचे पेन येशुय तियान उत्तर देदो नाहा, ¹⁰मोडो सेवक लोक आण नियमशास्त्रा हिकवुनारा तिही उभा रिने तिया विरूध्द खुब रोगमे आरोप लागवुतूला.¹¹हेरेदाय तिया शिपायां आरी येशूल अपमाना होय वागणुक देदी तिया थट्टा केई, तियाय तियापे एक भोळक पोतळो पवीन आण तियाल तिलाताही फांसे मोकल्यो, ¹²तियाज दिहाल हेरोद आण ‍पिलात एक बिहीरा हेगांत्या बोन्या तिया पेहेला ते एक बिहीरा दुश्मन आथा,¹³पिलाताय मोडा सेवकान आण पुढारीन आण लोकांहाल एकजागे हाद्या, ¹⁴ओ माहुं लोकांहान तुम्हा पाही ली आलाहा, आण वेरा जियु गोठीह आरोप तुमा ईयाप थोवताहा तिया खातोर माय तुमा हुबूर होद फुच केई आण माल ईयाल माहाम कायज चुक सापडी नाहा,¹⁵हेरादालबी चुकी बद्दल कायबी आधार सापड्यो नाहा आण तियाही तियाल फांसे आमा पाही ली आला, तुम्हाबी वी शेकता का मारूलो शिक्षा देवुलो एहेडो तियाय कायज केयो नाहा, ¹⁶तियाय माय ईयाल फटका ठोकीन सोडी देहे, ¹⁷काहाका तियाप ति सणाम तियाल तियाहा केता एकाल सोडा पोडी,¹⁸पेन ते आखे मिलीन मोडाये बोंबल्ये ईया माहाल माय टाका, आण आम्हा खातोर बरब्बाला सोडा, ¹⁹बरब्बाय शेहेराम दंग मातवुलो आथो तियाय थोडाक लोकांन मायबी टाकले आथे, तियाहाल तियाल जेलुम टाकलो आथो,²⁰फांसे पिलात येशुलं सोडा खातोर तिया मोनाकी तियाआरी गोगा लाग्यो, ²¹पेन ते बोबुलूतेज रिये तियाल वधस्तंभाप खिला ठोका तियाल वधस्त्ंभाप खिला ठोका. ²²पिलाताय तिनदाव तियाहान आख्यो का ईया माहाय एहेडो केल्लों गुन्हो केलो हाय मारुलो शिक्षा दुवलो ऐहेडो तियाम मान कायज देखायो नाहा, तियाहाल ईयाल माय फोटकाहा शिक्षा दिन सोडी देहे,²³पेन ईयाल वधस्तंभाप खिलांच ठोका ऐहेकी ते मोडोये बोंबलिन विनती केई आण तियाहा बोंबलुन फांयदो वेयो, ²⁴ताहा पिलाताय तियाहा मागोलो आथो तेहेकी वेराे जोजे ऐहेकी ठोरव्याे ²⁵जो माहुंव दंगो आण खुन ईया केता जेलुम टाकलो आथो आण जिया तियाय मागणी केली आथी तियाल तियाय सोडी देदोलो, पिलाताय तिया मोना पासुन केरा खातोर येशूल तियाहा हाताम दि देदो,²⁶ते तियाल ली जातुले ताहा कुरेनेकर शिमोन नावा केडोतेबी एक खेता होवेनु आवतलो, तियाहाय तियाल तेयो आण तियाहाय येशू फाचाळी चालीन बधस्तंभ उखली लागा खातोर तो तीयोप थोंव्यो²⁷लोंका आण बाई मोडो टोलाे ति फासाळी चालतुले, ते बाईया तिया खातोर साती ठोकिन रोळतुल्या ²⁸येशू तियाहा होवे फिरीन आखा लाग्यो यरूशलेमा पोयरीही मा खातोर नाहा रोळा पेन आपू स्व्त: खातोर आण तुमा पोयरा खातोर रोळा²⁹काहका ऐहेडा दिही आव्ही, ताहा लोक आखी धन्य ते बाया जे वायट्या हाय आण धन्य हाय ती बाई तियुले दिही नाहा रिया आण धन्य ते तियुकी किधी दुध ना पाजों, ³⁰ताहा ते डोंबुल आख्यी आम्हाप पडा आण ते बोड्या आखी आम्हान बुजी द्या ³¹निला चाळाआरी ऐहेकि केताह हुकाला चालाआरी काय काय नेय केनारा,³²आण बिहीरा बेन माही गुन्हाम आथा तियान बी तिया आरी मारा खातोर ली गिया,³³आण जाहा ते गुन्हेगारा आरी कवटी आखतुले तिया जागाप आले, तिही तियाय तियाहान आण तिया गुन्हेगाराल एकाल तिया हुदी वेल आण एकाल उलटी वेल ऐहेकी वधस्तंभाप खिला ठोकला. ³⁴फांसे युशेय आख्यो हे पिता ईयान क्षमा के काहाका ते काय केहेता तो तियान हमजुतो नाहा, तियाहाय चिठ्ठ्या टाकीन तिया पोतोडे वाटी लेदले,³⁵लोक तिही वेता उभी रेहेले आण पुढारी थट्टा किन आखा लाग्या, तियाय बिहरांन वाचवुले जर तो ख्रिस्त देवा निवडुलो वेरी त तो स्वत:ल वाचाविली,³⁶शिपायांय बि तिया थट्टा केई तिया पाही आला आण तियाहाय तियाल आंबो देदो, ³⁷आण ते आखा लाग्या जर तु यहुदां राजो हाय ता स्वत:ल वाचव, ³⁸तियापे ऐहेकी लिखलो आथो ओ यहुदी लोका राजो हाय,³⁹तिही खिला ठोकला गुन्हेगाराय तिया निंदा केई, तो आखा लाग्यो तु ख्रिस्त नाहा हाय का स्वत:ल आणआम्हाल बी वाचव, ⁴⁰पेन बिहरा गुनहेगाराय तियाल गायदेदो आण आखा लाग्यो, तुल देवा धाक नाहा का तुलबी तीज शिक्षा देदली हाय, ⁴¹पेन आपु शिक्षा खेरी हाय काहाका आपुहूय जो केयो तिया खेरो फोल आपुहून मिली रियोहो, पेन ईया माहाय कैल्लीज चुक केई नाहा,⁴²फांसे तो आखा लाग्यो येशु तू तो राज्यांम आवोह ताहा मानबि ईतवुजे, ⁴³येशु तियाल आखा लाग्यो माय तुल खेरो आखुहू आज तु माआरी सुखलोकांम रेहे,⁴⁴ती टाईमाल पाही पाही पारगा बारा वाजले आथे आण तीन वाजे लुग देशाम आंधारो पडलो आथो तिया टाईमाल सुर्याय बि दिही नाहा देखाड्यो, ⁴⁵आण परमेश्वरा मंदीरामनु पडदो वोसमेनुज फाटलो आण तिया बेन भाग विगिया,⁴⁶येशु मोडाये बोबल्यो बाहाका माय मा आत्मा तो हाताम होपी हिदु ऐहेकी आखीन तियाय तिया जिव सोडी देदो. ⁴⁷जाहा रोमी शताधीपतीय काय वेलो तो वेयो ताहा तियाय देवा गौरव केयो आण आखा लाग्यो खेरोखेर ओ हारो माहुवे आथो,⁴⁸ऐहेडो दृश्य वेरा खातोर टोलवाला लोकोहाय घडल्या गोठ्या वेया ताहा ते छाती ठोकताज परत गिया, ⁴⁹पेन तियाल ओहकुनारा आख्या लोक तो वेरा खातोर दुर उभी रेहेला, तियाहाम गालील शेहेरामनु तिया फाचाली आल्या बाह्या आध्या⁵⁰तिही योसेफ नावा एक माहुव आथो तो यहुदी सभा पुढारी आण हारो आण नितीमान माहुव आथो, ⁵¹तियाय तिया कामाल आण विचाराल संमती नाहा देदी, तो यहुदा शेहरात नु अरिमथाई गावा आथो तो देवा राज्या वाट वेतुलो,⁵²ओ माहुव तिलाताय गियो आण तियाय येशू शरीर मागा लाग्यो ⁵³ते तियाय वधस्तंभापनु ऐठाहा उताव्यं आण चादराम गुडाळीन फांसे तो डोगडाम खोदंलो माहानाम थोवलो, ई महान ऐडोह आथो का तियाम किदिहीज केडाल थोवलो नेय आथो,⁵⁴तो तियारी दिही आथो आण शब्बाथ सुरू वेणारो आथो, ⁵⁵गालील शेहरामनु येशू आरी आल्या बाया योसेफा फाचाळी गेहेल्या तियाहाय ती कबर आण तियाहाम तो शरीर केहेकी थोवलो तो वेयो, ⁵⁶फांसे ते को गिया आण तियाहाय आज्ञा देहली तेहकी आराम केयो,

¹आहुवड्या पेहेल्याज दिहाल ते बाया एकदम पाहाटेज कबरा होवे आल्या आण तियुही स्वत: तियार केली हारी हारी वस्तु ली आल्या, ²तियाहान दोगंडो कबरापनु होरकुलो देखायो, ³ते माज गिया पेन तियाहान प्रभु शरीर सापड्यो नाहा,⁴ईया खातोर ते चमकाय गिया तोतामुज अचानक चमकुनारे पतोडे पोवले बेन माही तियाहा सायटिम उभी रेहेले, ⁵ताहा ऐकदम बी गिया तियाहाय तियाहा चेहेरा तरती हवे केऱ्या आण ते तियाहान आखा लाग्या, जो जिवंतो हाय तिया होद तुमा मोले हाय तियाम काहा केतेहे,⁶तो तिही काय ना हाय तो उठी वाल्य तो गालील शेहेराम रिन तियाय तुम्हाल काय आखोलो तो ईतवा, ⁷तो एहेकी माहा पोयराल तीन पापी लोंका हाताम देवनु तियाल वधस्तंभाप खिला ठोका आण तिसरा दिहाल तो उठनारो,⁸फांसे बाईन येशु गोगुलो ईत आलो, ⁹तियां कबरुहीने आवत्या रिया आण तियुही ए आख्या गोठ्या जो वेयो तो अकरा सेवकान आण तिही बिहीरा आथा आखान आख्यो, ¹⁰ते बाया मग्दालीया मरीयम योहान्ना आण याकोबा याहाकी मरीया ए आथ्या, ते आण बिहऱ्या बाया सुध्दा जे तीयुहू आरी आथ्या सेवकाहान ते गोग्या आखी देखावतुल्या,¹¹पेन सेवकाहान तियुहू आखनु मुर्खपणा हो लाग्यो आण तियाहाय तियुहूपे विश्वास नाहा केयो, ¹²पेन पेत्र उठ्यो आण कबरू होवे धवळयो तियाय एठा कुनकिन वेयो वेप तियाले तागा वेटालला पोतडा शिवाय कायज देखा यो नाहा, जो वेलो हाय ति गोठीम तो स्वत:ज तियाल नोवाय किन तो दुर गियो,¹³तियाज दिहाल तियाहाम ने बेनी शिष्या यरूशलेम शेहेरायनु सुमारे उकरा किलोमीटर दुर अम्माऊस नसवस गावाम जातुले, ¹⁴ते एकबिहीरा आरी ए घडल्या आख्या गोठीबाराम गोगतुले,¹⁵ते गोगतुले ताहा आण ईयु गोठी चर्चा केतुला ताहा येशु स्वत: आलो आण तिया आरी चाला लाग्यो, ¹⁶पेन तिया डोंवा तियाल ओखाखातोर बंद केराम आल्ला आथा,¹⁷येशु तियाहान आखा लाग्यो चालता ताहा तुमा एकबिहीरा आरी गोगतुला ते गोठ्या केल्लया हाय. चालता चालता ते उभी रिया ते खुब देखाया ¹⁸तियाहामनु एक माहु तिया नाव कलयपा आथो तो तियाहान आखा लाग्यो, ईया दिह्याम घडल्या गोठ्या माहीत नेय वेरी एहेडो यरूशेलेम शेहराम रेनारो तु एखोलज हाय का,¹⁹येशु तियाहान आखा लाग्यो तुमां आखुलो केल्लया गोठ्या ते तियाल आखा लाग्याे, नासरेत येशू विषययाम आख्या गोठ्या ओज तो माहु जो तियाहा कामाकी आण शब्दाकी देवाहुंबूर आण माहाहुंबूर एक महान संदेष्टो वेयो, ²⁰आण आमा चर्चा केतुला ताहा केहेकी आमा मुख्य सेवकाय आण अधिकाऱ्या ही तियाल मोनु दंड़ भोगाखातोर स्वाधीन केयो, आण तियाही तियाल वधस्तभाप खिला ठोक्यो,²¹आमाहाय एहेडी आशा केली आथी का तोज एक हाय, जो इस्त्राएला मुक्ती केरी आण ईयाहा आखां शिवाय आख्या वेल्या गोठीन आजनु तीन दिही वी गिया,²²आण आमाहा कुटूंबामनं थोड्याक बाईही आमाहान आश्रर्य चकीत की देदा आज माहारीज पहाटे ते कबरा होवे गिया, ²³पेन तियाहान तिया शरीर सापड्यो नाहा तियाहाय आवीन आमाहान आख्यो का तियाहान देवदुताहा दर्शन वेयो, आण देवदुताहाय आख्यो का तो जिवतो हाय, ²⁴ताहा आमामनु थोळाक कबरू होवे गिया आण बाईही जेहेकी आखलो आथो तेहेकीज तियाहान देखाथे पेन तियाहाय तियाल वेयो नाहा,²⁵फांसे येशू तियाहान आखा लाग्यो संदेष्टाहाय आखल्या आख्यी गोठीप विश्वास थोवणारा तुमा मोडा मुख आण कमीबुघ्दी हाय. ²⁶ख्रिस्ताखातोर ए आख्या गोठ्या सेहेन केरा आण तियाहा गौरव केरा जावुलो आवश्यक नेय आथो का, ²⁷आण तियाहाल तियाय मोशे होवेनु सुरवात किन आण आखां संदेष्टाय लुग आखीन शास्त्रलेखाम तियाविषयाम काय लिखलो हाय तो आख्यो तियाय तियाहान हारकी होमजावीन आखी देखाल्यो²⁸ज्या गावाम ते जातला, तिया जागे ते आला ते आला आणे येशुय एहकी विचार केयो की, जेहकी काय तो आगाडी जाणारो हाय. ²⁹पेन खुप रावाया किण तियाही आख्यो, “ आमाआरी रे कारण वाहतो पोड्यो आणे दिही भी बुडी गियो.” ताहा तो तियाआरी रा-खातुर माज गियो.³⁰जाहा तो तिया आरी मांडोखा बोठलो तियाय माडो लेदो आण आशिर्वाद मागीन फांसे तियाय तो मुळ्यो आण तो तियाहान दा लाग्यो, ³¹ताहा तियाहा डोवा उगड्या आण तियाय तियाल आख्यो पेन तो तियामनु गायब विगियो, ³²ताहा ते एक बिहीराल आखा लाग्या तो वाटीप आपुआरी गोगतुलो ताहा आण शास्त्रलेखामनु गोठ्या केतोलो, ताहा आनु अंत:करणाम माजमा माज उखलातो जे नेय का,³³फांसे ते तुरून उठ्या आण यरूशलेम शहराम परत गियो, ताहा तियाहान अकरा सेवक आण तिया आरी आथा बिहीरा एकुज जागे टोलवाला देखाया, ³⁴सेवक आण बिहरालो आखा लाग्या खरेंज प्रभु उठ्योहो आण शिमोनाल देखालो, ³⁵फांसे तिया बेन शिष्याहाल वाटीम काय वेलो तो तियाहान आख्यो आण तो माडो मुळतुलो ताहा तियाय तियाल केहेकी वोहक्यो तो आख्यो,³⁶ते ए गोठ्या तिहान आखतुलो ताहा येशु तियाम उभी रियो आण तियाहान आखा लाग्यो तुमाहान शांती मिले, ³⁷ते काबराय गिया आण बि गिया तियाहान केहेकी होमजायो का ताेअ पुथडो वि रियाहा,³⁸तो तियाहान आखा लाग्यो तुमा एहेकी बि काहा गिया तुमा मनाम शंका काहा तियार वेयी, ³⁹मा हात आण पाग वेरा तुमाहान माय देखावु तोज माय हाय माज आथली वेरा आण वेरी का माल हाय तेहेकी आटके आण माहा पुथडाले नाहा रेते, ⁴⁰एहेकी आखीन तियाय तियाहान तिया हात पाग देखाव्या तेबी तियाहा खुचीकी तियाहान तो खेरो वाटतुलो नेय,⁴¹तेबी खुचीकी विश्वास नेय केता आश्रर्यचकित वि गिया ताहा येशु तियाहान आखा लाग्यो तिही तुमाहापे खाखातोर काय हाय, ⁴²फांसे तियाल रेहलो माशा तुकडो देदोलो, ⁴³तियाय तो लेदो आण तिया हुबूर खादलो,⁴⁴तो तियाहान आखा लाग्यो तेज ते गोठया जे माय तुमा आरी आथो ताहा आखल्या का मोशे नियमशास्त्र संदेष्टे आण स्त्रोत्रे ईयाम भविषयाम जो आखो हाय,तो आखाे पुरज वेरा जोजे,⁴⁵फांसे शास्त्रलेखं होमजा खातोर तियाय तियाहा मने उगडये ⁴⁶फांसे तो तियाहान आखा लाग्यो एहेकी लिखलो हाय का ख्रिस्ताये दु:ख भोगाजोजे आण मोलामेनु तिसऱ्या दिहाल उठीजाे ⁴⁷आण यरूशलेम शेहेंरामनु सुरूवात आखा राष्टाम तिया नावाकी पश्चात्ताप आण पापांहा क्षमा प्रचार केराम आवी⁴⁸ईयु गोठी तुमा साक्षी हाय, ⁴⁹वेरा मा शपथ लेहली हास तीया माय तुमाहाय मोकलु, तुमा स्वर्गा सामर्थ्याकी नेय पराया तावलुग ईयाज शेहेराम रेजा,⁵⁰फांसे तो तियाहान बारे थोडेक दुर बेथानीलुग लीगीयो आण तियाहान हातउंचेकीन आशीर्वाद देदो, ⁵¹तो आशिर्वाद देतुलो तोता मुज आकाशाम लेवाय गियो,⁵²फांसे तियाही तिया उपासना केई आण ते मोडी खुशीम यरूशेमाम फांसे गिया, ⁵³आण ते परमेश्वरा भवनाम देवा धन्यवाद केताह रिया

¹पेला शब्द आथो शब्द देवाआरी आथो आने शब्द देव आथो. ²ताओ पेला देवाआरी आथो. ³आखोज काय तियावाय वेयो आने जो काय वेयो तोअ तियाय केया शिवाय वेयो नाहा.⁴तियाम जीवन आथो आने तो जीवन माहा (लोका) खातुर उजवाडो आथो. ⁵तोअ उजवाडो आंधाराम उजवाडो देतलो, तेबी अंधाराई तियाल, अंगीकार केयो, नाहा (मोन्यो नाहा)⁶देवाहाने माकलुलो एक माहु प्रगट वेयो, तिया नाव योहान. ⁷तोओ गवाही बनी तिया उजवाडा बारामे गवाही दीई तियाप विश्वास थोवा जोजे. ⁸योहान तोओ उजवाडो नेय आथो, पेन तिया उजवाडा बाराम गवाही दाआ जोजे तिया खातुर आलो.⁹जो खोरो उजवाडो हरऐक माहा उजवाडो बनावेहे तोओ जंगाम आवनारो आथो.¹⁰तोओ जगाम आथो, तोअ जंग तियावाय बनावलो आिाो तेबी जगाय तियाल वोअख्यो नाहा. ¹¹जे तिया खाजगी आथा तियापाही तोओ आललो तेबी तियाल संगा कुटूबीया तियाल मान्यो नाहा.¹²पेन जताहंबी तियाल मानी लोदो तिया नावाप विश्वास थोव्यो तोओ ताहा देवा पोयरे वेरा खातुर अधिकार देदो. ¹³तिया जन्मो रक्तो नैताहा देवा इच्छा नैताहा माहा इच्छा ईयापेन वेया नाहा पेन देवा पेने वेयोहो.¹⁴शब्द देहे वेयो, आने तियाय आमाहमे वोहती केयी, आहेन आमुहूय तिया गौरव वेयी तोअ बाहाकोपेने आलेलो तिया ऐखलाज गौरव वेरा जोजे. तेहकी कृपा ओन सत्यावाय परिपुर्ण (पोरालो) वेलो आथो. ¹⁵योहान तिया बाराम गवाही देहे ओन माडाआ आवाजा की आखेहे, “जिया बारामे मायुय आख्यो, की माआ फासला जो आवेहे तोओ माआ हुबूर आगलो हाय, काहाल तोओ माआ पेला आथो तोओ आज हाय,”¹⁶तियामेनेज आपुह बादाज कृपा पे कृपा वेली हाय. ¹⁷काहालका नियमशास्त्र मोशे की देदलो आथो, कृपा ओन सत्यो ईसु ख्रिस्ता वाय वेयी. ¹⁸देवाल किदीहीज केडाय देखलो नाहा, जो दवा एक नौशी एक पोयरो बाहाक आरी आथो. तियाल तियाय प्रगट केलो हाय.¹⁹आने योहाना गवाही ई हाय जाहा यहुदी अधिकाऱ्या यरुशलेम शहारामेने याजक आने लेवी तियाहान तियाय पुछा मोकल्ये की, “तु केडो हाय ?” ²⁰तियाय खुलेआम कबुल केया, इन्कार नाहा केयो, “आय ख्रिस्त नाहा” ऐहकी तियाय कबुल केयो. ²¹ताहा तियाय तियान पुच्यो “तेबी तु केडो हाय ? का ? एलिया हाय का ?” तियाय आख्यो, “आय नाहा” “तु भविष्य आखनारो हाय का ?” तिया उत्तर देदो “आय नाहा”.²²तियापेने ते तियाल आख्यो, “तु केडो हाय ? याने जियाय आमाहाल मोकल्यो तियाल आमु उत्तर देहु, तो बाराम तोओ काय आखलु हाय ?” ²³तियाय आख्यो, “यशया भविष्य आखनारा प्रमाणे.”²⁴आने मोकलुले माही परुशी मेने आथे. ²⁵आने तियाय तियाहान प्रश्न किईन पुच्यो, “तु तर ख्रिस्त नहा, कि एलिया नाहा, आने तो संदेश देनारो नाहा तेबी तु बाप्तिस्मा काहा देतो हो ?”²⁶योहानुय तियान उत्तर देदो, “आय पायावाय बाप्तिसमो दिहु पेन तुम्हाये तियाले वोअख्यो नाहा ऐहडो एक जाआ तुमामे उभो हाय. ²⁷तोओ माआ पाछाला आवनारो हाय तिया चापलाहा बांद्या सोडा खातुर आय इया लायक नाहा” ²⁸यार्देनु तियुवेलाने बेथानीन योहान बाप्तिस्मा केअतलो आथो तिही ई गोठ्या बन्या “पेरमेश्वरा वाट हारी केरा तिया वाट निट केरा ऐहकी रानामाय ऐहडी आवाज आय उनालो हाय.”²⁹बिहीरे दिही ईसुल तियावेला आवता विईन योहानाय आख्यो, “ओ वेरा जगता पाप हरण केअनारो देवा कोकरो. ³⁰जिया बाराम मायुय तुमाहालल आखलो आथो, की माआ फासला एक जाआ आवी रेहेलो हाय तो आ माआ आगला वेलो हाय काहालका तोअेमाआ आगला आथो, तो ओज हाय.” ³¹आय तियाल वोखतलो नैय आथो, तेबी तियाय इस्त्राएलाम प्रगट वेरा जोजे तिया खातुर आय पाया पाय बाप्तीस्मो केअतो आललो हाय.”³²योहानाय ऐहकी गवाही देदी का “ आत्मा कबुतरा होच आकाशमेने उततो आवतलो ताहा तिया उच्चे अभी रिया मायुय वेयो. ³³आय तियाल वोखुतलो नैय आथो, तेबी मायुच पायावय बाप्तीस्मो केरावा खातुर जियाय माल मोकलुलेा तियाय माल आखलो की “तु जिया केडाप आत्मा उताना वेतलो आने स्थिर रिया वेयो तोच पवित्र आम्हा वाय ‘पवित्र आम्हा वाय बाप्तिस्मो केअनारो हाय.’ ³⁴मायुय स्वता वेला हाय आने गवाही देदली हाय की, “ओ देवा पोयरो हाय.”³⁵तिया फासला बिहीरे दिही योहान आने तिया चेला मेने बेन्याआरी उभो रेहलो. ³⁶ईसु जातलो ताहा तियाल विईन आखतलो “ओ वेरा, देवा कोकरो !”³⁷तिया ई गोगलु, तिया बेन्याचेलाही उनया आने ते ईसुअ फासला फासला गियो. ³⁸ताहा ईसुय फासला फिरीन तिया फासला आवताल ई विईन आख्तालो “तुमु काय होदताहा ?” तेअे तियाल आखताला , “रब्बी (गुरुजी) तु काही रेतोहो ?” तोओ तियाहान आखतलो “आवा आने विल्या” फासे तीया जायने तो ओ किही रेतलो ³⁹तोअे वेयो, आने ते तिया दीही तिया आरी रिया, ताहा तिही चार वाजले आथे.⁴⁰योहान गागता उनाईन तिया फासला जेअे बेन जा गेहेला, तियामेने एक शिमोन पेत्राआ पावु अंद्रिया ओ आथो. ⁴¹तिया तियाल खास पावु शिमोन पेलाने भेटलो, आने तियाय आखा लाग्यो “आमाहाल मसीहा म्हणजे ख्रिस्त सापड्यो.” ⁴²तियाय तियाहाल ईसुअ पाही लिई आला ईसुय तिया वेला विईन आख्यो, “तु योहाना पोयरो शिमोन हाय, तुल कैफा याने पेत्र नायता खडक (डोगडो) आखी.⁴³बिहीरे दिही तियाय गालील शहराम जाआ खातुर कौशीश केयी आने ताहा फिलीप्प तियाल मिल्यो ईसुय तियाल आख्यो, “माआ फासला आव.” ⁴⁴आमी, फिलीप्प बेथ्सैदा आने अंद्रिया आने पेत्र ईया नगराम आथो. ⁴⁵फिलीप्पाल नथनेल मिल्यो ताहा तोओ तियाल आखा लाग्यो, “जिया बारामे मोशेय नियमशास्त्राम लिखलो आने तेहकीज सदेष्ट्यांय लिखलो तो म्हणजे योसेफा पोयरो ईसु नासरेथकर आमाहाल सापड्यो हो.”⁴⁶नथनेल तियाल आखा लाग्यो, “नासरेथ्मेने काही तेबी हारो निगी का ?” फिलीप्पाल तियाल आख्यो, “आवीन वेरा.” ⁴⁷नथनेल तियावेला आवतालेा ई ईसुय वेयो आने तोओ आखा लाग्यो, “वेरा, ओ खेरो इस्त्राएली हाय, इयाम खोटो नाहा.” ⁴⁸नथनेल तियाल आखतलो “तुमाहाल माआ ओळख केहकी ?” इसुय तियाहाल उत्तर देदो, “तुल फिलीप्पाय हादलो, तियापेने तु अंजिरा चाडवा निचे आथो, ताहाच मायुय तिल वेलो,”⁴⁹नथनेलाय उत्तर देदो, “रब्बी, तु देवा पोयरो हाय, तु इस्त्राएल राजो हाय.” ⁵⁰ईसुय तियाल उत्तर देईन आख्यो, “आय तुल अंजिरा चाडवा निचे वेलो तियाल आख्यो तियालाल तु विश्वास थेवतो का ? तु तिया केअता मोड्या गोठ्या वेयहो.” ⁵¹आने तो तियाल आखतलो “माय तुमाहाल खेरोखर आखुहू तुमा ईया आगला आकाश खुलला आने देव इुतान चाढता ओन माहा पोयरान उतताना पेयाहा.”

¹फाचे तिसरा दिही गालील शहरा काना नगराम एक वोराड आथो, आने ईसु याहकी तिही आथी. ²ईसु आने तिया चेलाहान वोराडाम हादला आथा.³फासे द्राथारोसो पारवायो ताहा ईसु याहकी तियाल आखलागी, “तियापाही द्राक्षारोसो नाहा.” ⁴ईसुय तियुल आख्यो, “ बाई, ईयाकी तो आन माआ काय संबंध हाय ? मा वेल आजी आली नाहा.” ⁵तिया याहकी चाकरान आखा लागी “ओ तुमाहाल जोओ आखी तो केजा.”⁶तिही पांया सहा दोगडा गोले, यहुद्या शुध्दी करन कईलो रितीप्रमाणे थोवलो आथो, यिताम बेन-बेन, तिन-तिन मण पांय होमाय ऐहकी तेऐ आथे ? ⁷ईसुय तियाहान आख्यो, “गोलाहान पाया की पोय द्या.” आने तियाही ते मुयाही आवे आते पोये. ⁸फासे तियाय नौकरान आख्यो, “आमी आमी तियामेने काडीन मांडोओ बानावनाराही ली जा, ताहा तियाही तोओ लि गिया.⁹द्राक्षरोसा बनविलो पाय, मांडो बोनावनाराय जाहा साखी वेयो आने तो किहीने हाय ई तियाल मालुम नाय आथो, पेन जिया नौकराय पांय पोला तियाहान मालुम आथो, ताहा मांडो बोनावनाराय वोर राजाल हाद्यो. ¹⁰तियाल आख्यो, ‘हर ऐक माहु पेला हारो द्राक्षारोसो वाटेहे आने माठो फासे वाटते पेन तु ता हारो द्राक्षारोसो आमी लुग थोवलो हाय.”¹¹ईसुअ गालील शहरा मने काना नगराम तियाहान अद्भुत चिन्हां सुरुवात किईन तिया गौरव प्रगट केयो, आन तिया चेलाही तियाप विश्वास थोव्यो.¹²तिया फासला ओते तिया याहकी तिया पावु ओन तिया चेला निचे कफर्ण हुम गिये, पेन तो तिहीज खुब दिही रियो नाहा.¹³फासे यहुदीयांहा वल्हांडण सा पाही आलो ओन ईसु यरुशलेम शहराम उच्चे गियो, ¹⁴ओन तियाय परमेश्वरा मंदिरामेने (देवलामेने) डोगरे, मेडे, आने कबुतर वेचनारा ओन सराफ ऐ बोठला देख्या¹⁵ताह तियाय दौढा एक चापको बनविन मेढे ओन डोगरे इया आखान परमेश्वरा मंदिरामेने काडी टाक्ये, सराफा पैसा पेटी फेकी देदा, आने चौरगाना उबलावी देदे. ¹⁶ओन तियाय कबुतर वेचनारान आख्यो, “ईयान इहीने काडी टाका, मा होरगा वाहका कौवे बाजारापेट माआ बनावा.”¹⁷ताहा तोओ मंदिरामेने आवाजा वाय माल खाई नाय रियोह, ऐहकी शास्त्राम लेखलो हाय ऐहकी तिया चेलाहान ईतवी काड्यो. ¹⁸तियापेने यहुदीया तियाहान आख्यो, “तु आमाहा ई केहतो तर आमहाल तुमाहा अधिकार काय चिन्हे देखावता ?” ¹⁹ईसु तियाहान उत्तर दिईन आख्यो, “तुमाहा ई परमेश्वरा मंदिराल तोडी टाका आने आय तीन दिहाम बनवि टाकेहे.”²⁰तियापेने यहुदी अधिकारी ई आख्यो, “परमेश्वरा मंदिर बांधा शेहचालीस वर्षे लाग्येहे, ओन तु इ तिन दिहाम बनवि टाकोहो काय ?” ²¹तोटो तिया देहाठपी (शरिरारुपी) मंदिरा बारामे गोगतो आथो. ²²फासे तो ओ ऐहकी आखतलो की तोओ मोय गेहलेा मेने उठीन तिया चेलाहान ईत आलो. ओन तियाय शास्त्रलेखाम वेयो, ईसु आखल्या बचना गोठीप विश्वास थोव्यो.”²³आमीही वल्हांडण सणा वेला तो ओ यरुशलेमा शहराम आथो. ²⁴तियाय केअले चिन्हे विईन खुब माही तिया नावाप विश्वास थोव्यो. ऐहकी आथो, तेबी ईसुय तियाहान वोखीन तिया स्वता तियाप विश्वास नाय आथो. ²⁵शिवय माहा बद्दल केडोभी साक्षी दा जोजे ईया तियाल गरज नैय आथी, काहाल माहु काय काय ई तो वाखी लेदलो आथो.

¹परुश्यामने तिकदेम नावा एक माहु आथो तो यहुदीया एक अधिकारी आथो, तो राती तियाही आलो आख्यो, “रब्बी, देवाईन आला ने शिक्षक हाय इ आमा जातेह, ²काहाकी आपु जी चिन्हे किरीयेहे ते कडोच माहु तियाआरी देव हाय या शिवय तो की केह,³येशुय तियाल आख्यो आय तुम्हाल खेरो खेरो आखु, फासे जोन मलीन केडालबी देवाआ राज वेता नय आवे, ⁴तिकदेमाइ तियाल आख्यो, “डायो वेलो माहु केहकी जनमो ली, तियाल आपु याहकी डेडीमने बीहरीदाव जावनो व जनमो लुवनु खरो वेरी काय ?⁵येशुय तियाल उत्तर देदो, आय तुम्हाल खेरो खरो आखु पांयाकी व आत्म्याकी जनमो लेवा सिवाय केउोच देवाआ राजा जाय शकणारा नाहा, ⁶शरीरामने जनमो लेदलो देह हाय आणे आत्म्याकी जनमो लेदलो आत्मा हाय,⁷तुमा फासे जनमो लाजो जे ऐहकी आय तम्हाल आखु या नोवाय माना नाहा, ⁸वारगो कंगी तो चालेह तिया आवाज तुम्हाल उनातेह, पेन तो कीहनी आवे कीही जाहाय ई तुमनेल होमजातो नाहा, जो केडा आत्म्याकी जनमो देदलो हाय तिया ऐहकीच हाय.⁹निकदेमाय तियाल उत्तर दिन आख्यो, ‘या गोठ्या केहकी वी शेकत्याहा ? ¹⁰येशुय तियाल उत्तर दिने आख्यो, “तु इस्त्राएलाआ गुरु वीन बी या गोठ्या होमज्यात्या नहा काय ? ¹¹आय तुम्हाल खेरो खेरो आखुहू जे आमाहाल मालुम हाय ते आम्हा आखताह आने आमा जो वेलो हाय तिया साक्ष देताहा, पेन तुम आमा साक्ष मानता नाहा.¹²आये तोरती गोठ्या आखु, पेन तुम्हाल विश्वास थोवता नाहा, ताहा आय होरगा गोठ्या जर तुम्हाल आखु तर तुमा केहकी विश्वास थोवाहा. ¹³इहोरगामेने उतलो व होरगाम रेणारो जो मनुष्या पोयरो तियाशिवाय केउो होरगाम चोडीन गीयो नाहा.¹⁴जेहकी मोशेय जोगलाम पितलाआ होपडो उचे केलो आथो तेहकी मनुष्या पोयरालबी उचे केरा जोजे, ¹⁵या केता की जो केडो विश्वास थोवेहे तियाल तियाकेता कायमने जीवन मिला जोजे,¹⁶काहाकी देवाय जगापे आते मोयो केयी की, तियाय आपु एकुलतो एक पोयरो देदो याकेता की जो केडो तियापे विश्वास केरी तियाआ नाश नाय वे तर तियाल कायमने जीवन मिले. ¹⁷काहकी देवाय पोयराल जागाम मोकल्यो ते जगा न्याय केरा केत नाहा पेन तिया द्वारे जगा तारण वेरा जोजे तिया तियाल मोकल्यो, ¹⁸जो तियापे विश्वास थोवे तिया न्याय वेनारो नाहा, पेन जो विश्वास केतो नाहा तिया न्याय वेलोंच हाय तियाय देवाआ एकुलमो एक पोयराआ नावाप विश्वास केयो नाहा,¹⁹आने त्याय ओजे हाय की जगाम उजवाडो आलो हाय पेन मनुष्याय उजवाडाही ने अंधराहा आवड केई काहाकी तिईया कर्मे हारे नाय आथे, ²⁰काहाकी जो केडो खराब कामे केहे तो उजवाडा नाकार केहे आने आपु कामे उगड्ये पोडा नेय जोजे याकेता उजवाडाम आवते नाहा. ²¹पेन जो खेरो माने तो उजवाडाम आवेहे या केता की आपु कामे देवाआ हूंबुर थेवले हाय ई उघडे वेरा जोजे.²²फासे येशू ओन तिया चेला यहुदिय हिवालाम आला आने तिही तियाआरी रीन तो बाप्तिस्मा केतुलो, ²³आने योहान बी शालिमापाही एनोन इही बाप्तिस्मो केतुलो , काहाकी तिही पांयखुब आथो आने माहें तिही आवीन बाप्तिस्मो लेतुले. ²⁴तावलागु योहान जलाम थोवायो नाहा,²⁵ताह योहाना चेला एक यहुद्याआरी शुध्दीकरण बाराम वादविवाद वेयो, ²⁶ते योहानाय आवीन तियाल आख्यो, “रब्बी, यार्देन खाडी तिवेले जो आपुआरी आथो आने तुयुय ज्याआ विषयी साक्ष देदी तो बाप्तिस्मो कीरीयो आने तियाहावे बाटे जायरीये,²⁷योहानाय उत्तर देदो, माआहाल होरगामने देता हाच कायच मिले नेय. ²⁸आय ख्रिस्त नाहा तर आय तिया आगला मोकलुलो हाय, याकेता तुमा मा साक्षी हाय.²⁹जियाल वोडली हाय तो वोडलो आने जो वोडला जोडीदार उभोरीन तिया गगुन उनाय तियाल वोडला आवाजा की तो खुब खुश वेहे, तेहकी ओ मा आनंद पुरो विगीलो हाय, ³⁰तिया वृध्दी वे व माआ ऱ्हास वे इ वेनारोच हाय.³¹जो उच्चेने आवे तो बाठाआ उच्चे हाय, जो तोरतीपेने हाय आने तोरतीपेन गोगेह, जो होरगामने आवे तो होरगा वोडलो हाय, ³²जेा तियाय वेलो हाय व उनालो हाय तियाविषयी तो साक्ष देहे आने तिया साक्ष केडो मानतो नाहा. ³³तियाय तिया साक्ष्ज्ञ मानील दली हाय तियाय देव खेरो हाय यापे आपु शिक्को ठोकलो हाय,³⁴34.काहाकी तियाल देवाय मोकल्यो तो देवाआ वचन गोगे काहाकी तो आत्मा मोजीन माफीन देतो नाहा. ³⁵बाहको पोयरापे मोया केहे आने तियाय बाठोकाय तितया आथाम देदलो हाय, ³⁶जो पोयरापे विश्वास थोवे तियाल सार्वकालक जीवन मिललो हाय, पेन जो पोयरा उनातो नाहा तिया नोजरीम जीवन मिलणारो नाहा पेन देवा रोग तियापे री.

¹येशु योहानाहीन वादार चेला बोनावे तिया बाप्तिस्मो कीरीआ इ परुश्याहा कानांप गेहली आथी एहकी जाहा प्रभुल मालुम पोड्यो, ²तेबी येशु सोता बाप्तिस्मो केतुलो नाहा पेन तिया चेला बनाव आथो, ³ताहा ते यहुदीया दिवाला सोडीन फासे गालीलआ हिवालाम गीयो,⁴आने तिया शोमरोना हिवालामने जापोड्यो, ⁵ताहा तो शोमरोआ हिवालाम सुखर नावा वोहतीम आलो, ते याकोबा आपु पोयरो योसेफ याल देदली खेति पाही ते आथे,⁶तिह याकोबा वेय आथी काहाकी चाली चालीन थाकलो येशु तेहकीच तिया वेयी पाही तो बोढो, भारे माजनाप बार वाजले आथे, ⁷तिह एक शामरानी बाई पाय काडा आली , येशुय तियील आख्यो, “माल पीया दे,” ⁸काहाकी तिया चेल मांडो वेचातो लागीहीला आथा,⁹ताह ती शोमरानी बाई तियाल आख्यो, “ तु ते यहुदी हाय मा सारखी शोमरोनी बाई पेने पिय पाय मागीरीयोहो इ केहकी ?” काहाकी यहुदी शोमरोनी लोकाआरी केहडाच व्यवहार संबध नाय थोवतला. ¹⁰येशुय तियाील उत्तर देदो “देवाआ दान इ काय आने माल पिया दे एहकी तूल आखनारो केडो हाय ई तुल हामजातो तर तु तियापेने मागती आने तियाय तुल जिवतो पांय देतो,¹¹ती बाई तियाल आखो, ‘साहेब, पाय काडा तुमापे कायच नाहा आने वेय तर खुब उंडी हाय, तुम्हापे जीतो पाय कीहीनी ? ¹²आमा जुनो डायो याकोब याय इ वेय आमाल देदी तो सोता पीतुलो तिया पेक्षा आपु मोडा हाय काय ?¹³येशुय तियील उत्तर देदो, जो केडो ई पाय पीयी तियाल फासे पाय पीलागी, ¹⁴पेन आय देहेतो पाय जो केडा पियी तियाल कीदीहीच पाय पी लागनारो नाहा. जो पायआय तियाहाल देहे ते तियाहाम सार्वकालिक जीवनाकेता गुगालाहोस पाया चिरफो लागी,¹⁵ती बाई तियाल आख्यो साहेब माल पाय पीनेय लागे आने पाय काडा ओई लागु आवाणे पोडे ऐहडो तो पाय माल दे. ¹⁶येशुय तियील आख्यो, जो तो कोवालाल हादी लाव,¹⁷ति बाईस आख्यो माल माटी नाहा हाय, येशुय तियील आख्यो तु खेरोच गोगी की माल माटी नाहा, ¹⁸काहाकी तुल पाच माटी आथा आने तोआरी आमी हाय तो तो माटी नाहा ई तु खेरो आख्यो,¹⁹ति बाई तियाल आख्ये का साहेब आपु संदेष्टे हाय ई माल आमी होय जायो, ²⁰आमा जुना डायाय याच डोगापे उपास केलो आने तुमा आखताहा की जिह उपास केरा जोज तो जागो यरुशलेम शहराम हाय,²¹येशुय तियील आख्यो पोयरी मापे विश्वास थोव की ऐहकी घटणा आवनारी हाय, तुमा या डोगाऊपे आने यरुशलेम शहरात पेन आबाआ उपास केनारो नाहा. ²²तुमा जियाल वोकुता नाहा ऐहंडा उपास केता, आम्हाल मालुम हाय ऐहडा बी उपास आमा केता काहाकी यहुदामने तारण हाय,²³तर खेरो उपासक आत्म्याकी व खेरोच होरगा आबो उपास केबी ऐंहडी टायम आवी, किंबहुना आलीचा हाय काहाकी आपु उपासक ऐहडेच रा जोजे एहकी आबा इच्छा हाय, ²⁴देव आत्मो हाय आने तिया उपासकाही तिया उपास आत्म्याकी व खरोखर जोजे,²⁵ती बाई तियाला आख्यो आय जाहु की मसीहा जियाल ख्रिस्त आखते तो आवणारो हाय. माल मालुम हाय तो आवी ताहा तो बाठ्या गोठ्या आखी, ²⁶येशुय तियील आख्यो तोआरी गोगनारो आयच तो हाय, तो ताहाम तियाचेला आला आने तो एक बाई आरी गोगेह या तियाहाल नोवाय वाट्यो.²⁷तेबी केडो एहकी आख्यो नाहा की आपु काय फुसतो आने आपु तियाीआरी काह गोगतो हो²⁸ती बाई ताहा आपु पाया डेगडो तिहच टाकीन गावम गीयी आने लोकाहाल आखा लागी. ²⁹चाला मायुय केले बाढो काय जियाय माल आख्यो तो माहु वेरा तोच ख्रिस्त वेरी काय ? ³⁰ताहा ते गावामेने तिहीनी आवा लाग्ये तिया हावे³¹तिया चेला तियाल राव्या कीन, ‘रब्बी, काय तेबी खायले, ³²पेन तो तियाहाल आखे तुमाहाल मालुन नाहा का एहडो अन्न माआरी खा केता हाय, ³³यापने चेला एकाबीहराल गोगा लाग्या याल केडाय खाऊनु लावी देदो वेरी काय,³⁴येशुय तियाहाल आख्यो, “जियाय माल मोकल्यो तिया इच्छानुसार केरा आने तिया काम तिटलीन चाला केता ईच मा मांडो हाय.”

¹पाछी यहुदीया सण आथो आने ईशु यरुशलेम गावाम उचे गियो

¹ए गोठ्या वी गीया तीया फाचो येशु गालील तिबीर्य समुद्रा ती वेल गीयो ²ताहा मोडो लोकाहा टोलो तीया फाचला फाचला चालतलो काहाका आजारी माहान तो हारो केतलो तो तीया लोकाय वेलो आथो. ³येशु डोंगु पे जाईन तीही तीया हेगात्या आरी बोठो.⁴येशु वल्हांडण सण ओ यहुदी लोकाहा सण जागे आललो आथो. ⁵ताहा येशुय नोजोर चे लीन वेयो ताहा लोकाहा मोडो टोलो तिया होवे आवेहे ऐहकी वीन येशु फिलीप्पाल आखा लाग्यो. आपु ईया लोकाहा वाटो खा खातोर माडो काहीने वेचातो लावु ⁶ऐहकी तीया तीया परिक्षा वेरा खातोर आख्यो काहाका तो काय केनारो आथो इ तीयाल मालुम आथो.⁷फिलिप्पाय आख्यो, “तीयामेने थोडो थोडो माहाय माडो लेवो तेवी तेनशो चांदी नाना पोईया माडो पुरे नाय. ⁸तीया आख्या मेने ऐ जा शिमोन पेत्रा पाऊ आंद्रीया तीयाल आखा लाग्यो, ⁹इही एक हानो पोयरो हाय तीया पे पाच मांडा आने बेन मासे हाय पेन ओता लोकान तो केहकी पुरी¹⁰येशुय आख्यो, “लोकान बाहा लागवा तीया जागाप खुबूज चारो आथो तीही ते पाच हजार माही आथे ते बोठे. ¹¹येशुय ते पाच माडा माग्या आन तीयापे उपकार मानीन त्या माडांन बोठला माहान वाठी देदा तेहकी त्या माहान बी लागे ओतो वाटी देदो. ¹²जाह ते लाक खाईन ताराय गीया ताहा येशुय तीय आऱ्यान आख्यो, रेहलो आख्यो मांडो टोलवी ल्या काहाका तो वाया नाय जा जोजे.¹³जाहा लोकाहा मांडो खावाय गीयो तीया फाचला रेहलो बारा सिबले पोराय ओतो मांडो हेंगलाय गीया. ¹⁴ताहा येशुय ओ चमत्कार केया तो लोकाय वेयो ताहा लोक आखा लाग्या जगाम जो संदेष्टे आवनारो हाय तो खेरोज आज हाय. ¹⁵ते येशुल जबरदस्ती राजो केरा आखतेहे इ होमजीन येशु एखलोज डोगुपे निगी गियो¹⁶वातीवेला वेयो ताहा येशु आऱ्या समुद्र वेल गीया. ¹⁷आन ऐका उडीम बोहीन दोर्या ती वेला कफर्णहुम गावुम ते जा लाग्या तोताम आंधारो पोडी गीयो आन ताऊ लुग येशु तीया जागे आलोज नाहा. ¹⁸आन मोडो वारो सुट्यो आन दोऱ्याम मोड्या मोड्या लाटा चाला लाग्या.¹⁹ताहा ते होऱ्या खुबुज वोचते निगी आला ताहा येशुल तीयाय पाया ऊच्चे चालता वेयो वीन ते बी गीया. ²⁰ताहा येशुय तीयान आख्यो, “माय हाय बीया नाहा.” ²¹येशु हाय ऐहकी तीयान होमयाथो ताहा तीयाय येशुल उडीम बोहावा ते तीयार वेया पेन तोताम तियान जावुला आथो तिया तोडीप उडी आवी जो.²²बीजा दिही जो लोका मोडो टोलो आथो तो समुद्रा बीहीजा जागाप उबो आथो तीयाय वेयो का हानी उडीम तीया आऱ्या बोठला आथा तीया शिवाय तीही बिहजो उडी नाय आथी आन येशु तीया आऱ्या आरी तीया उडीम चोडलो नाय आथो ता तीया आऱ्या एखलाज नीगी गेहला आथा. ²³पेन येशुय मांडाप उपकार मानलो आथेा माडो खादलो आथो तीया जागाप तिबीर्या वेने बीहजी हानी उडी आललो आथो.²⁴तीही येशु आन तीया आऱ्या बी नाय आथा इ लोकाय वेयो ताहा लोकाय बी उड्या लेद्या आन येशुल होदता होदता ते कफर्णहुम गावुम आला. ²⁵आण तो तीयान समुद्रा बीहीजी वेल मिल्यो ताह ते आखा लाग्या, “रब्बी ! तुमा ऐहे कीधी आले.”²⁶येशुय तीया आख्यो, “माय तुमान खेरो खेरो आखुहू तुमाय चमत्कार वेयो तीयल नाहा पेन माडो खाईन ताराय गीया तियाल तुमा मन होदी रीया हाय. ²⁷पारवाय जानारा मांडा वाटो मेहनत नाहा केरा सार्वकालीक जीवनाम टिकनारो मांडा वाटो मेहनत केरा माहा पोयरो तो तुमान दी काहाका तीयाप देवपिताय तीयाप शिक्को मारलो हाय.²⁸ताहा ते तीयाल आखा लाग्या, ‘ आमा देवा कामे केरा जोजे तीया आमा काय केजी. ²⁹येशुय तीयन आखे “देवा काम ईज हाय का, जीयाल पेरमेश्वराय मोकल्यातीयप तुमा भोरुसो थोवा.³⁰ते आखा लाग्यो, “एहडो केललो चमत्कार तु आमान देखावतोहो तो वीन आमा तोपे भोरुसो थोवुहू ?” तु कल्लो केल्लो चमत्कार केतोहो. ³¹आमा आगला डायाय जोगलाम मान्ना खादो मोशाय तियान होरगामेने मांडो खा देदो, ऐहकी शास्त्राम लिखलो हाय.³²ताहा येशुय तीयान आख्यो, “माय तुमान खेरो खेरो आखुहू मोशेय तुमान मा बाहको होरगामेने खेरो मांडा तुमान देहे दी. ³³काहका जी होरगामेने उतेहे आने जगाल जीवन देहे तीज देवा परमेश्वरा मांडो हाय.” ³⁴ताहा ते आखा लाग्या मा देवा मा मालक ओजे मांडो आमान सदा देजे.³⁵ताह येशुय तीयान आख्यो, “मायज तीवना मांडो हाय. मा जागे जो आवेहे तीयाल कीधिच पुख नाय लागे आन जो मावे भोरुसो थोवेहे तीयाल कीधीच पाहापी लागे नाय.” ³⁶तेबी तुमाह मान वेयो तेबी तुमा मापे भोरुसो ठोवते नाहा, ऐहकी आय तुमान आखुहू. ³⁷मा बाहाको जो मान देहे तो आखो मा जागे आन मापे जो आवे तीयाल माय कीधीच मोकलु नाय.³⁸काहाका माय होरगामेने आल्लो हाय, काहाका आने सोता मोरजी पुरी केरा नाहा आलो पेन जीया य मान मोकल्या तीया मोरजी पुरी केरा आय होरगामेने आल्लो हाय. ³⁹आन जीयाय मान मोकल्या तीया मोरजी ईज हाय का तीयाय मान जो आखो देदो तीयामेने आय कईज नाय गोमावा जोजे आन तोज शेवट्या दीही माय तीयान उठवे हे, ⁴⁰मा बाहका इज इच्छा हाय का, जो केडोबी मान विन तीयावे भोरुसो थोवी तीयाल सार्वकालीक जीवन मिली जाय आन तीयाल आय शेवट्या दिहाम उठवे हे.⁴¹माय होरगामेने उतालो मांडो हाय ऐही तीयाय आख्यो. तीयाम यहुदी लोका तीया बोपोल कुरकूर केरा लाग्या. ⁴²ताहा ते आखा लाग्या ओ येशु योसेफा पोयरो नाय का ? ईया बाहकाय आन याहकील आमा ओखतेहे आने ओ ऐहकी आखे का माय होरगामेने उती आलो.⁴³येशु ये तीयन आख्यो तुमू तुमातुमाज कुरकूर नाहा केरा. ⁴⁴जीयाय मान मोकल्यो हो त्याबाहकाय आखल्या शिवाय केडोच मा जागे आवे नाहा शकतो तीयाल माय शेवतल्या दिली आय तीयान उठवे हे. ⁴⁵संदेष्टा ग्रंथाम लीखलो हाय का ते आखज देवाल हिकऊलो हाय ऐहकी बी जो पेरमेश्वरा वेने ऊनाईन हिकलो हाय ता मा जागे आवेते हे.⁴⁶जो देवा होवेने हाय तीयाय परमेश्वराल वेलो हाय तीया शिवाय केडायईज नाय परमेश्वराल नाई देखलो हाय. ⁴⁷माय तुमान खेरो खेरो आखुहु जो भोरुसो थोवेहे तीयाल सार्वकाली जीवन मिललो हाय.⁴⁸माईज जीवना माडो हाय. ⁴⁹तुमा आगला डायाय लोका हाय मान्ना खादो आन ते मोई गीया⁵⁰आन होरगामेने उतनाारो मांडा ऐहडो हाय का जो केडाय खादो तो आत्माम मोनारो नाय. ⁵¹होरगामेने उतनारा जोवना मांडो मायुज हाय, या माडा मेने जो केडो खय तो सार्वकालीक जीवन जीवी मांडो माय देहे तो मा डील तो जोगा जीवना खातोर हाय.⁵²ताहा यहुदी लेकाय आप आपुम गोठ्या केरा लाग्या, ऐलो तीया डील आपुन केहकी खा दी सेकेहे ? ⁵³तीयाल येशु तीयन आख्यो मा अमान खेरो खेरो आखुहु तुमा लोकाय मा डील आन रोकतो नाय पीदो ता तुमान जीवन नाहा हाय.⁵⁴जीयाय मा डील खादो आने मा रोकतो पिदो तीयाल सार्वकालीक जीवन मिल्यो हो आने माईज तीयाल शेवटल्या दिही फासे जीवतो केहे. ⁵⁵काहाका मा डिल खेरो मांडो हाय आन मा रोकतो खेरो पिवनु पेय हाय. ⁵⁶जो मा डील खाहे आने मा रकतो पीहे तो माम रेहे आने माय तीयाम रीहु.⁵⁷जेहकी मा जीवता बाहकाय मान मोकल्यो आने माय जेहकी मा बाहका आखलया होस जीवुहू तेहकी जो मा डील खाय आने रोकतो पी तो बी मा आखल्या की जीवी. ⁵⁸होरगामेने उतलो मांडो ओच हाय तुमा आगलया डायाय लोकाय मांडो खोदो तेबी ते मोई गीया ई तेहकी नाहा ओ मांडो जो खाहे तो जुग्यो जीवन जीवी. ⁵⁹कफर्णहुमाम शिक्षण देते आथो ताहा तियाय सभास्थानाम ई गोठ्या आख्यो.⁶⁰येशु आऱ्याय खुप लोकाय ई उनाईन आख्यो इ बंथन कठीण हाय ई केडो उनाय ली सकहे. ⁶¹आपु आऱ्या ई गोठीप कुरकूर की रीया हा ई येशु होमजायो ताहा येशु तीयान आख्यो ई या गोठया तुमान कठीन वाटत्याहा का ?⁶²मनुष्या पोयरो पेहेला आथो तिहीज जर उचे चोडता व्या तर ? ⁶³आत्मा जीवन देणारो हाय डीलुकी काईज फायदो वेनारा नाहा माय तुमान जो आख्यो ती वचने आत्मा आने जीवन हाय.⁶⁴तेबी विश्वास थोवता नाहा ऐहडो तुमाम लोक हाय काहाका केडो भोरुसो ठोवतो नाहा आने मान केडो ती दी ई येशु आगलावेज होमजाय गेहालो आथो, ⁶⁵येशुय आख्यो तीयाल मायु तुमान आख्यो का केडोज माहू तीयाल मा बाहकाय दो देदो तीया शिवय तो मा जागे आवी नाय शके.⁶⁶तीया फासो तीया आऱ्या खुबूज जा फीरी गीया आन फासे किदीही तीया चाल्या नाय. ⁶⁷ताहा येशु खुबूज जावान आख्यो तुमा बी जावुला इच्छा हाय का ? ⁶⁸ताहा शिमोन आने पेत्राय आख्यो, प्रभु आमा केडाही जाहु सार्वकालीक जीवना वचने ता तुमा जागे हाय. ⁶⁹आने आमाय भोरुसो ठोवलो हाय आन आमान माहिती हाय का देवा मोलावलो पवित्र माहु तुमा हाय.⁷⁰येशुय तीयान आख्यो मायु तुमा बारा जावन निवडी लेदलो ताहा का ? तेबी तुमामेने एक जा सैतान हाय. ⁷¹शिमोन इस्कार्योत पोयरो यहुदा बोदल येशु आखतोलो काहाका बारा चेलामेने एक तोज इ येशुल तिई देनारो आथो .

¹फासो येशु गालील प्रांताम फिरा लाग्यो, काहाका यहुदी अधिकारी त्योल मारा केहता होदता फिरता आथा त्याहाले यहुदीया प्रांतामे फिरा लाग्यो नाहा. ²यहुदी लोकाहा मंडपा सण पाहे आलो आथो.³त्या केता त्या पाऊ त्याले आख्यो, तु इहीनी तिग आने यहुदीया प्रांताम जो म्हणजे तु कहतो ती कामे तोह शिष्यानबी वेरा जोजे. ⁴जो केअे प्रसिद्ध वेरा होदे तो दोबीन काहीजे केहतो नहा तु ईया गोठ्या केहेता वेरी ते सोताले देतियामे देखवज⁵काहाका त्यापाहूबी त्यायापे विश्वास भोवतला नहा ⁶त्यावेने येशु त्याहाले आख्यो, सणाले जाऊलो मा घेल आजी आली नहा तुमा वेल ते सदा तिमार आहे. ⁷जेमाये तुमा द्वेष केरुनु ई नाहा बी शकतो पेन ते माआ द्वेष केअने काहाका आम त्याहा विषयी साक्ष देतोहो का त्या हा काले हारे नाहा.⁸तुमा सणाले उचे जा आथा सणाले आमी जा नाहा काहाका माआ वेळ आजी पुरी वेअयी नाहा. ⁹ऐहकी त्याहाले आखीन तो गालील प्रांताम रियो.¹⁰पेन त्याआ पाहु सणाले उचे गीया ताहा तो बी बाठा देखता नीग्यो नाहा दोबीन उचे गीया. ¹¹ताहा यहुदी त्याले होदतला आने आखला तो हाय तेबी केहता¹²आने लोकांमे बी त्याआ विषयी खुबूजे कुरकूर वेअई केढा आखतलो ते हारो हाये बाहरे केठे आखतले का नाहा तो लाकांले ठोगतालो. ¹³तेबी यहुद्याहा बीखीमुळे केडोज त्याआ विषयी उगाडावीने गोगतलो नेय.¹⁴हाती सण आथो घी गीयो, येशु उचे परमेश्वरा मंदिरामे जाईन शिक्षण दाआ लाग्यो. ¹⁵हाती यहुदी नोवाय किने आखा लाग्या “हिक्या वाची इयाल विद्या आली केहकी ?” ¹⁶त्यापेन येशुये तीहाले आख्यो, “माआ शिक्षण माआ नाहा तर जयाये माले मोकल्या त्या हाये. ”¹⁷जो केडो लााआ इच्छाप्रमाणे केरुलो इच्छा केरी त्याले ई शिक्षण देवापेनी हाय किंवा आय माआ मोनाकी गोगले ई हामजी.

¹येशु जैतुना डोगाही गिया. ²आने हाकाली वेला तो फाचो परमेश्वरा मंदिराम आलेा, ताहा बांदा लोक तियाही आले आन तो बाहीने तियाहान हिकवा लाग्यो, ³ताहा सिनालो केअता तेअली एक बायील नियमशास्त्रा शिक्षक आने परुशी इयाही तियाही ली आला आने तियुल वोचमे उबी किन ते तिया आख्या,⁴“गुरुजी, इ बायील सिनालो केअता तेराम आलीही. ⁵मोशेय नियमशास्त्राम आमाहान एहेकी, हुकूम ददलो हाय का एहेडाहान डोगोडझोड केरा, ताहा तु इयुबाबतीम काय आखतोहो ?” ⁶तियाये केल्लोतेबी चुक होदा केअता आने परिक्षा वेरा केअता तियाही ऐहेकी आख्यो पेन एठा बोहीन तोरतीपे आकडीकी लिखा लाग्यो,⁷आने ते घेडीघेडी फुसतूला ताहा तो उठीन तियाहान आख्यो, “तुमामने जो केडो पापुज नाहा केअयो तियाय पेअला डोगडो टोका. ⁸हाती तो फाचे एठा तोरतीपे निखा लाग्यो,⁹तिया आखनु उनायन ते माअहे बादाहासे डाअयेहायाने सुरवात केअन शेवट्याही हुदु बांदो माअही एका फाचला एक एहेकी निगी गिये. येशु एखलोज रियो आन ती बायी वोचमेज उबी आथी. ¹⁰ताहा येशु उठ्यो आन तिया बायील बोद्दल तिही केडोज नाहा ऐहेकी विन तियुल आख्यो, “बाई, तुल दोष देणारे काही हाय ?” तुल केडाय दोष लागाव्यो नाहा का ?” ¹¹तियुय आख्यो , “ प्रभुजी, केडायज नाहा.” ताहा येशु तियुल आख्यो, “आयबी तुल दोष देतो नाहा, जो आमी पाप केहो मा.”¹²फाचो येशुय तियाहान आजी आख्यो, “आयज दुन्या उजवाडो हाय, जो मा फाचडी चालेहे तो आंदाराम चालनारोज नाय, ता तिया आरी जीवना उजवाडो रेहे.” ¹³इयापेने परुशीय तियाल आख्यो, “तु सोता बोदल साक्षी देतोहो तो साक्ष खेरी नाहा.”¹⁴येशुय तियाहान उत्तर देईन आख्यो, “ मायु सोता बोद्दल साक्ष देदी तेबी माआ साक्ष खेरी हाय, काहाका आय किहीने आने कीही जाणारो इ माल मालुम हाय, पेन आय किहीने आलो आन कीही जाणारो इ तुमाहान मालुन नाहा. ¹⁵तुमा माआहान विईन न्याय केताहा, आय केडा न्याय नाहा केअतो, आन आय जाहा ऐगाहा न्याय किईहू तो मा न्याय खेरो हाय. ¹⁶काहाका आय एखलो नाहा ता आय हाय आने जीयाय माल मोकल्या तो सुध्दा मा आरी हाय.¹⁷तुमा नियमशास्त्राम एहेकी लिखलो हाय का बेनी माअहा साख खेरी हाय. ¹⁸आय सोता बोद्दल साक्ष देणारो हाय आन जि ज्या बाहाकाय माल मोकल्याहो ते देखील मा बद्दल साक्ष देतेहे, “¹⁹इयापेन ते तियाल आख्यो, “तुमा बाहाको किहीने हाय ?” येशुय उत्तर देदो, “तुमा माल ओखुता नाहा मा बाहाकाल बी नाहा ओखुता, तुमाहाय माल आखुता तर माअ बाहाकाबी ओखुता.” ²⁰तो परमेशरा मंदिराम हिकवुतलो ताहा जामदारखानाम गोगतुलो पेन केडोज तियाप आथ टाक्यो नाहा काहाका तिया टेम आजी आलो नाहा.²¹फाचे तियाय तियाहान आख्यो, “आय निगी जाही आने तुमा म होद क्याहा, आने तुमा सोवताहा पापाम मोशहा आय जिही जाहु तिही तुमा आवी शकनारा नाहा.” ²²इ उनायने यहुद्याही आख्यो ओ सोतोहा जिवदेणारो होय का ? काहाका ओ आखेका आय जीही तिही तुमाहान आवता आवणारो नाहा²³ताहा तियाय तियाहान आख्यो, “तुमा निचे तोरतीवे हाय, आयता उंचेने हाय तुमा इया दुन्या हाय, आय इया दुन्या नाहा,” ²⁴तियाहाल आय तुमहान आखुहू तुा तुमाज पापम मोय जाहा, काहाका आय तो हाय एहेकी तुमा विश्वास नेय थोवाहा ताहा तुमा तुमाज पापम मोरहा.”²⁵इयापेन तियाय तियाल आख्यो, “ तु केडो हाय ?” येशुय तियाहान आख्यो, “पेलेनेज तुमाहान जो आखतो आल्लो हाय तोज नाहा का ? ²⁶माल तुमा बोद्दल खुबूज गोगुलो हाय आने नयानिवाडीबी केरुलो हाय पेन जीयाही माल मोकल्योहो तो खेरो हाय आने जे गोठ्या तियाहीने उनायो त्या आय दुन्याल आखतोहो.” ²⁷ती तियाहाआरी पित्या बोद्दल गोगतुलो आथो तो तियाहान होमजायो नाहा. “²⁸ताहा येशुय तियाहान आख्यो, “तुमा जाहा माहा पोयराल उच्चे क्याहा ताहा तुमाहान इ होमजाय का तो आय हाय आने आय सोता काय केअतो नाहा ता पित्याय माल आख्यो तेहेकी आय इ किहू. ²⁹जियाय माल मोकल्या तो माज आरी हाय, तियाय माल एखलो सोडी देदो नाहा, काहाका आय नेहमीज तियाल पोयरा अेहेके गोठ्या किहू.” ³⁰येशु इ गोगतुलो ताहा खुबूज लोकाहाय तियावे भोरुसो थोव्यो.³¹जी याहुदीलोकाहय तियावे भोरुसो थोव्यो तियाहान येशुय आख्यो, “तुमा वचनाम रिया ताहा खेरोखेर मा चेला व्याहा. ³²तुमाहाम जो खेरो होमजाय आने तो खेरो तुमाहान बाधलामेने सुटाको केरी ³³तियाहाी तियाहान उत्तर देदो, “आमा आब्राहामा पोयारे आय आने किधीज केडा गुलाम नाहा रीया तुमा आमाहान केहेकी आखताहा का तुमा सुटका केअले जाहा.”³⁴येशुय तियाहान उत्तर देदो, “आय तुमाहान खेरोखेरोज आखुहू जो केडो पाप केहे तो पापाज गुलाम हाय, ³⁵गुलाम सदा कोअमे नाहा रेतो, पोयरो सदा कोअमे रेहे. ³⁶जाहा जर पुत्राय तुमाहाल बाधलामेने सोडव्या ताहा तुमा खेरोखेर बादलामने सोडवुले जाहा.³⁷आय जाहुका तुमा आबगाहाम पोयरे हाय तेबी तुमाही वचनाल जागो नाहा तियाहाल तुमा मल माय टाका वेअताहा. ³⁸मायुय बाहाका पे जो वेयो तो गोगुहू, तेहेकी तुमा आपु बाहाकाहीने जो उनाये ते केताहा.³⁹तियाही तियाल उत्तर देदो, “आब्राहाम आमा बाहाको हाय येशुय तियाहाल आख्यो, तुमा आब्राहामा पोयरा हाय ता आब्राहाम कामे क्याहा. ⁴⁰पेने जियाय देवाहीयने सत्य उनायो तुमाहाल आख्यो त्यामाआहा तोज आमाल मारा होदताहा आब्राहामाते एहेकी नाहा केअयो. ⁴¹तुमा आपु बाहाका कामे केअताहा तियाही तियाल ऐहेकी आख्यो, “आय जोन्म्यो सिनाली पोयरे नाय हाय, आमा एकुज बाहाको हाय तो आमा परमेश्वर हाय.⁴²येशुय तियाहान आख्यो, “देव जाहा तुमा बाहाको रेतो ताहा तुमाहाय माअवे मायो केअता, काहाका आय देवाहायेने निग्या आने आलो, आय सोवताहा की आलेा नाहा पेन तियाय माल मोकल्यो.” ⁴³तुमामाअ गोगूलो काहाल होमजी लेता नाहा ? तिया कारण इज हाय का तुमाहा म माआ वचन उनाय नाहा लेता. ⁴⁴तुमा बाहाको सैतान यापेनी वेअला हाय तुमा बाहाका खाराब गोठीने केरा होदता तो पेअलानीज माहा घात केनाारो आथो, आने तो खेरोपणामे टिक्यो नाहा काहाका त्यामेज खेरोपणा नहा हाय तो जहा खोरो गोगे ताहा तो सोता गोगे काहाका तो लोबाड आने लोबाडा बाहाको हाय.⁴⁵पेन आय खेरो आखुहू पेन तुमा मावे विश्वास थोवते नाहा. ⁴⁶आय पापी हा अेहेकी तुमा पुरावो दिन ठेरवी शकता नाहा आये खेरो आखुहू ताहा तुमा मावे विश्वास थोवता नाहा. ⁴⁷देवापेनी हाय तो देवा वचने उनायये तुमा देवा पेनी नहा तीया तुमा उनाता नाहा,⁴⁸यहुद्या हे त्याले उत्तर दिन आख्यो, “तुमा शमरोनी हाय आने ई जे आमा आखता तो बरोबर हाय का नाहा ? ⁴⁹येशुय त्याहाले उत्तर देदो, “माल फुथे लागतो नाहा त मा बाहाका सन्मान केहतो आने तुमा माआ अपमान केअता.”⁵⁰आय गौरव केअनारा मागतो, तो वेअणारो आन न्याय निवाडो केअणारो तो एकूज हाय, ⁵¹आय तुमाहान खरोज खेरो आखुहू, जो केडो मा वचने पालीन तियाल मोरुलो अनुभव कीधीन आवनारो नाय.”⁵²यहुदी लोकाही तियाल आख्यो, “आमी आमाहाल होमजायो का तुमाहान पुथ लागलो हाय, आब्राहाम मोअय गियो आने भविष्यवादी बी मोअया गिया, आने तुमा आखताहा का कोडो मा वचन पाली तहा तेा कीधीज तियाल मोरुलो आनुभव आवणारेा नाहा.” ⁵³आमा बाहाको आब्राहाम मोअय गियो, तिया केअता तुमा मोडा हाय का ? आने भविष्यवादी बी मोअय मिया तुमा सोवताहा काय होमजुताहा ?⁵⁴येशुय उत्तर देदो, “जर मायुय मा सोबताहा मान महोमा केअयो ता मान पान कावीज अथे नाहा, मा महिमा केअनारो मा स्वर्गीय बाहाको हाय, तो आपु देव होय एहेकी तुमा तिया बाबतीम आखताहा. ⁵⁵तेबी तुमाहाय तियाल आख्यो नाहा, आय तियाल ओखुतोहा आने आय तियाल आखुतो नाहा एहेकी जाहा आय आखेहे, ताहा आय तुमाहाय खोटो ठरीजाही. पेन आय तियाल ओखुतोहो ओन तिया वचन पालुहू. ⁵⁶मा दिही आवनु आशा किइन तुमा बाहाको आब्राहाम खुब खुशी केअता तियाय वेअयो व तियाल खुशी वेययी.⁵⁷यहुदी तियाल आख्यो, “तुमाहाल आजी पाचाहा वोरेहे वेअये नाहा आने तुमा अब्राहामाल वेअयो हाय का ?” ⁵⁸येशुय तियाहान आख्यो, “आय तुमहान खेरोज खेरो आखु, अब्राहामा जोन्म्यो व्येयो तिया आगाल आय हाय,” ⁵⁹इयावेने तियाहाय तियाल ठोकाखातोर डोगड उखल्या पेन येशु परमेश्वरा मंदिरामज ठाकोज निगी गिया.

¹तो तिहीने आगाल जातलो ताहा जोल्मोमेने आंदलो एक माअहु तियाल देखयो. ²ताहा तिया चेहाहा तियाल फुच्यो, “रब्बी, केडा पापाकी तो एहेकी आंदलो जोल्मोम आलहो ? तिया की का तिया याहाकी बाहाका की ?”³येशुय उत्तर देदो, “इयाय नाहा तिया याहाकी बाहाकय पाप केयो एहकी नाहा, ता तिया इहिमे देवा नाव उच्चो वेरा खातोर तियाल आ एहेकी जल्माम आलो.” ⁴जीयाय माल मोकल्यो तिया काम दिही हा तावलुगू आपूहुन केरा जोजे. रात आवणारी हाय, तियाम केडोबी कामे केता आवनारो नाहा. ⁵आय दुनियाम हाय तावलुग आय दुनिया उजवाडो हाय.⁶ऐहेकी गोगीन तो तोरतीपे थुपो आने थुपीन तियाय डोरो केअयो, तो डोरो तिया डोवाहाल लागव्यो. ⁷आने तियाल आख्यो, “जो शिलोह नावा तालावाम तुवीले.” (अया अर्थ मोकलावलो) आने तिया जायन तुवी लेदा आने तो डोवाहाकी वेरा लाग्यो.⁸आने तिया पाहील्या आने जीयहाय तियाल मागीन खानाराल पेला वेलो आथो तियाही आख्यो, “तो जो बाहिन मागीन खानारो तो आज ने ? ⁹केडाय आख्यो, ओ तोज हाय. बिहीराय आख्यो, नाहा ओ तिया होच हाय. पेन तियाय आख्यो, “आय तोज हाय.”¹⁰इयापेने तियाही तियाल आख्यो, “हाती तो डोआ केल्ली रीते उगड्या ?” ¹¹तियाय जाबाब देदो, “येशु नावा माहाय डोरो किन मा डोओवाहान लागव्यो, आने तियाय मान आख्यो, “ शिलोहो तालावाम जायन तुवे, मायुय जायन तुव्यो आने मान देखाया लाग्यो.” ¹²ताहा तियाल आख्यो, “ तो काही हाय ?” तियाय आख्यो, “मालुम नाहा.”¹³तो जो पेअला आंदलो आथो तियाही तियाल पारुश्यापाही ली गिया, ¹⁴ज्यादिही येशुय डोरो किईन तिया डोअवाहा उगड्य तो दिही शब्बाथ आथो. ¹⁵तियाहाल परुश्याही तिया फाचे फुच्यो, “तुल केहेकी देखाया लाग्यो ?” आने तियाय तियाहान आख्यो , “तियाय माआ डोअहान डोरो लागव्यो, तो मायुय तुवी टाक्यो आन माल देखाया लाग्यो.”¹⁶ताहा परुश्याहामने थोडाकाहाय आख्यो, “ओ माअहू देवाहायने नाहा, काहाका ओ शब्बाथ पालतो नाहा.” ¹⁷पेन बीहीराय आख्यो, “जो माअहु पापी हाय, तो एहेडे कामे केहेकी किसकेहे ? ताहा फाचे ते तियाल आदलाल आख्यो, “ तियाय जाहा तो डोआ उगडाव्या ताहा तु तिया बोददल काय आखतोहो ?” तिया आख्यो, “तो एक संदेष्टो हाय.” ¹⁸ताहा यहुदी अधिकाऱ्याही जियाल नोजर आलली आथी तियाल तिया याहाकी बाहाकाल हादीन होद फुस केअई तावलुगू तो पेअला आंदलो आथो ओन आमी देखतो वेयो हाय तियावे भोरुसो थोव्यो नाहा.¹⁹तियाहाय तियाहान फुच्यो, “तुा जो पोयरो आंदलो जल्मामने आथो एहेकी तुमा आखतुला तो ओज हाय का ? आने आमी मियाल केहेकी देखहाय ?” ²⁰तिया याहाकी बाहाकाय उत्तर देदो, “ओ आमज पोयरो हाय, आने ओ आंदलो जोल्माम आलेलो आथो ऐहेकी आमहान मालुम हाय,” ²¹तेबी आमी तियाल केहेकी देखाया लाग्यो इ आमाहान मालुन नाहा काहाका तिया डोआ केडाय उगडाव्या इबी आमाहान मालुन नाहा,” मियालुज फुचा तो उबरीम आलेलो हाय, तो तियाबोद्दल आखी.”²²तिया याहाकी बाहाकाल यहुदी अधिकाऱ्याहा बीख आथी तियाहाल एहेकी आख्यो काहाका तो ख्रिस्त हाय एहेकी केडो मानी तियाल सभास्थानामेने काडी देवाम आवी एहेकी यहुदृया पेलाज एकुज मत वि गेहेलो आथो. ²³इया खातोर तिया याहाकी बाहाकाय आख्यो, “तो उबरिम आलेलो हाय तियालुज फुचा”²⁴ताहा जो माअहु आंदलो आथो तिया तियाहाय बिहीरादाव हाद्यो आने तियाय तियाल आख्यो, “ देवा गौरव केरा, इ माअहु पापी हाय इ आमा जांताहा” ²⁵इयापेने तियाय उत्त्र देदेा, “तो पापी हाय का नाहा इ आय जांतो नाहा, आय एक गोठ जोहू, आय पेला आंदलो आथो आने आमी माल देखाहाय.”²⁶ताहा तियाहाय आख्यो तियाय तुल काय केएयो ? तियाय तो डोआ केहेकी उगडाव्या ? ²⁷तियाल तियाहान उत्तर देदो, “मायुय तुमाहान आमीज आख्यो तेबी तुमा उनाया नाहा, तो फाचे उनाया काहा होदताहा ? तुमाबी तियाचेला वेरा होदतो का ? ²⁸ताहा तियाहाय तियाल दोष दिईन आने तियाहाय तियाल आख्यो, “तु तिया चेला हाय, आमा मोशे चेला हाय.” ²⁹देव मोशे आरी गोगलो इ आमाहान मालुम हाय ओ किहीने हाय इ आमाहान मालुम नाहा.”³⁰तिई माहाय तियाहान उत्तर देदो, “ इज तो मोठो खुब नोवाय हाय का ओ कीहीने हाय इ तुमाहान मालुम नाहा, आने तेबी तियाय डोआ उगडाव्या, ³¹आपुहूल इं मालुम हाय का देव पापी लोकाहा उनातो नाहा ता जो माअहु देवा भक्ती केअनरा हाय आने जो तिया मोरजीकाही केहे तिया तो उनायेहे,³²आंदलो जोल्मामेने केडा डोआ उगडाव्या इ दुनिया सुरवातीहिने कीधी केडाहाकी उनायाम आलो नाहा, ³³ओ जर देवाहीने नय रेतो तर इयाल काय केता आवतो नाय, ³⁴तियाय तियाल आख्यो, “तु ता बिलकुल पापाहिमे जोल्मोहा आने तु आमाहल हिकवुतोहा का ? आने तियाही तियाल बारे काडी देदो,³⁵तियाही तीयाह बारे काडो देदो इ येशुय उनायो, आने तियाल तो सापड्यो ताहा तियाल आख्यो , तु ता माअहा पोयरावे विश्वास थोवतो का ?” ³⁶तिया उत्तर देदो, साहेब आय तियावे विश्वास थोवा एहेकी तो केडा हाय ?” ³⁷येशुय आख्यो, “ तुयुय तियाला वेलो हाय आने तो आरी आमी गोगीरेहेलो हाय तोज तो हाय,” ³⁸तियाय आख्यो “प्रभुजी, आय भोरुसो थोवुहू.” आने तियाय तियाल पागे पोड्यो.³⁹ताहा येशुय आख्यो, “आय न्यायनिवाडो केरा खातोर इ दुन्याम आलो इयाखातोर जियाहान देखाते नाहा तियाहान देखाया जोजे अने जियाहान देखाहाय ते आंदला वेरा जोजे.” ⁴⁰ताहा परुश्याहामेने जे तियआरी आथे तियाहाय अे गोठ्या उनाया, आने तियाय तियाल आख्यो “आमाबी आंदले हाय का ?” ⁴¹येशुय तियाहान आख्यो, “ तुमा आंदला रेता ता तुमाम पाप नाय रेतो, पेन तुाम आखताहा का आमाहान आमी देखाहे तियाहाल तुमा पाप तेहेकीज रेहे.”

¹माय तुम्हाल खेरो खरो आखु जो मेंढा वाडामे दरवाजोपणे नेय जाता बिहीरी होवे ते चोडी जाय तो चोर आने लुटारु हाय. ²जो दरवाजामने माज जाय तो मेडाचारणारो हाय.³तियाकेंहता राखवाल्यो दरवाजो उगळावे आने मेढे तिया आवाज उनाते तो तिया मेढान जी तिया नावा की हादे आने तियान बारे ली जाय. ⁴आने तिया आखे मेंढे बारे काडे ताहा तो तिहीया आगला चालेहे आने मेऐ तिया फासला चालते काहाका ते मेढे तिया आवाज वोखूतेहे.⁵ती मेऐ पारका माहा फासला किधीज नेय जाय पेन ती तियाहावे नाय पोडी काहाका ति मेंढे पारखा माहा आवाज जे वोखूते नाहा.

¹आमी बेथानीयामेन लाजर नावा एक माहाव आजारी आथो ई मरीया आने तियी बोहीय मार्था हे बेनी तिज गावा आथ्या. ²तियूय मोगो तेल लीन प्रभु यीशूल लागव्यो आने तियू चोट्याव्याय तिया पाग तोव्या ती ईज मरीया आथी आने तियू पावू लाजर आजारी आथो.³तियाल तियु बोहीय यीशुल आखी मोकल्यो इतव्यो, “प्रभुजी, व्या तु जियापे माया केहतो तो ता बिमार हाय, ⁴पेन तो उनाय यीशुय आख्यो, “ई बिमारी मरणा केता नाहा पेन देवा महिमा केहता हाय म्हणजे देवा पोयरा तियाकी महिमा वेरी.”⁵आमी मरीया आने तियू बोय मार्था आने लाजर या वे यीशु मोया केतुलो. ⁶म्हणजे तोह बिमारी हाय ऐंहकी तो उनायो ते बी तो आथो ति जागाप आजी बेन दिह तिज गावाम रियो. ⁷फासी तिया ताहा तियाय शिष्यान आख्यो “आपु आजी यहूदीया शहराम जाहु का ?⁸शिष्याय तियाल आख्यो “रब्बी, यहुदी लोक आपुल डोगडमार केरा वाट जोवतुला आने आपु आजी तिही जाहु का ? ⁹यीशुय उत्तर देदो “दिहा बारा तास हाय का नाहा दिहाम जर केंडो चाले तो ठेचलातो नहा काहाका तो या जगा उजवाडो वेहे.¹⁰पेन जर ऐगो राती चाले ता तो ठेचलायेहे काहाका तिया आगला उजवाडो नाहा. ¹¹यीशुय ऐ गोठ्या गोगता तियाल आख्यो आपे हेगात्या लाजर हुतलो हा पेन माय तियाले निदीमेने उठवा जाव.¹²तियाले तिया शिष्याय तियाल पुच्छो “प्रभु जी तियाल निद लागली वेरी ता तो हारो वीजाय. ¹³आमी यीशु तिया मोनु विषयाम गोगलो आथो हुतलामने मिलणारो आरामा बारेम गोग्यो ऐंहकी तियान लाग्यो. ¹⁴फासी यीशु खुलो आखी देदो “लाजर मोय गियोहो.”¹⁵आने माय तिह नेय आथो तियाल तुमा केहता खुशी वाटेहे काहाका मा ऐंहकी ईष्या हाय का तुमा विश्वास थोवा ते बी आू तियाय जाहु.

¹फासे येशु वलाण्डणा सणा सोववा दिहा गागलो बेथानी गावुम आलो, येशुय जियाल मोलामेने जिवतो केलो लाजर बी तीही आथो. ²आन तिही तियाह येशु वाटो बाती तेला मांडो तियार केयो आने मारथा गोवारा सेवा चाकरी केतली लाजर तिया आरी मांडो खा बोठलो.

¹वल्हांडण सणा आगलोज येशुय होमजी लेदो का तियाल आमी इ दुन्या सोडीन पोरमेहेरा बाहका कोअ जावनु टेम आवी गियोहो. ²ताहा वाअती वेल मांडो खावनु टेमावे काल्या पुतांय शीमोना पोयरो यहुदा इस्कार्योता मोनाम येशुल दुश्मनाल आथाम तिई देवुनु विचार पोय देदो.³येशुय इ मालुम आथो, परमेहेरा बाहाकाय बांदोज तिया आथाम देदलो, ओन तो पोरमेहे बाहाकयाने आललो आथेा आन तो पोरमेहेर बाहेकाही जाहलेा . ⁴येशु मांडो खाहलो तिहीने उठीन तियांय फांगलो पोतडो काडी थोव्यो आने रुबाल लीन कंबराल बांद्यो. ⁵आन येशुय बासनाम पांअय लिन चेलाहा पाग तुव्या आन कंबराल बांदला रुबलाकी तियाहा पाग नुसा लाग्यो.⁶जाहा येशु शिमोन पेतराही आलो ताहा पेतर तियाल फुचेहे, “प्रभु, तु मा पाग तोवहो का ?” ⁷ताह येशुय आख्यो, “आमी आय काय किहु तो तुल नाय होमजानारो, पेन फाचे होमजाय.” ⁸पेतर तियाल आखेहे, “मा पाग तु किदिहीज तोवोहो मा.” ताह येशुय तियाल आख्यो, “मायुय तो पाग नाय तोव्या ता, तुल मा आरी वाटो नाहा हाय.” ⁹ताहा शिमोन पेतर येशुल आखेहे, “प्रभु, मा पागुज नाहा पन आथ आन मुनको बी तोवी दे.”¹⁰येशुय तियाल आख्यो, “जो उगलो हाय तिया फोक्त पाग तुवनुज गोरज हाय.” (पागालुज माहार घाण लागी जाहे) काहाका तो चोखो हाय तुमा आत्माकी चोखा हाय पेन बादाज आत्मीक चोखा नाहा. ¹¹तियाल केउो ती दी इ येशूल मालु आथो. तिया खातोर चोखा नाहा एहकी येशुय आख्यो.¹²जाहा तो पाग तोवी पारवाये ताहा, तियाय पोतळे पोव्ये आन जागाप आलो आन फुचा लाग्यो, “मायुय इ काय केअयो तो तुमाहान होमजायो का ?” ¹³तुमा मान गुरुजी आन प्रभु आखताहा इ हारो आखताहा काहाका आय तोज हाय. ¹⁴पेन आय जो प्रभु ओन गुरु हाय ते बी मायुय तुमा पाग तुव्या तेहकीज तुमा बी एकबिहीरा पाग तो वा जोजे. ¹⁵जेहेंकी मायुय केअयो तेहकी तेमा बी केरा जोजे, तियहाल मायुय इ देखाव्योहो.¹⁶आय तुमाहान खेरोज आखुहू आवत्यो तोनारासे माठो नाहा रेतो आन मोकलुलो माहू मोकलुनारासे मोडो नाहा रेतो. ¹⁷ए गोठ्या तुमा हेमजुताहा आने तुमाहाय जर एहेंकीज केअयो ता तुमा आशिर्वादीत हाय. ¹⁸माय तुमाहामेने बाठ्ठा केता गोगतो नाहा मायुय जियाहान निवड्याहा तियाहान माय ओखुहू. तेबी जियाहाय मा आरी मांडो खादलो तीयाय मा उचे लात उसल्यो इ शास्त्रलेखाम लिखलो हाय आन इ पुरा वेरा जोजे.¹⁹इ वेअनु आगलोज आय तुमाहान आखी थेावुहू, इया खातोर का जाहा इ वेरी ताहा तुमाहाय भोरुसो थोवा जोजे का आय मसिह ख्रिस्त हाय. ²⁰आय तुमाहान खेरोज खेरोज आखुहू आय जियाल मोकलेहे तियाल जो केडो बी मानी ली तो मान मनी ली आने जो कडो मान मानि ली तो माज माकलुनाराल मानी ली.²¹एहकी गोगीन येशु मोनाम दुखी वी गियो आन साक्षी दा लाग्यो, “आय तुमाहान खेरोज खेरोज आखुहू तुमाहामेने एक जा मान दुश्मना आथाम तिई दी.” ²²ता येशु केडाल आखेहे इ होमजा केअता बाद्दा चेला एकबिहीरा वेला वेरा लाग्या.²³चेलाहामेने ए जां येशु जियवे मोया केअतलो तो येशुय हेकीन हुदिवेल जो मान पाना जागो हाय तिही बोठलो आथो. ²⁴ताह शिमोन पेतरांय तियाल ठाकोज इसारो किईन आख्यो, “येशु केडोल ऐहकी आखेहे तो केडो हाय इ फुच.” ²⁵तो चेलो येशु पाही आवीन तिया सातील टेकीन तियाल फुच्यो, “प्रभु, तो केडो हाय ?”²⁶येशुय आख्यो, “आय जियाल मांडा कुटको रोहाम पिजवीन खा देहे, तोज जो हाय. फाचे तियाय मांडा कुटको रोहाम पिजवीन शिमोन पोयरो येहुदा इस्कार्योत याल देदो. ²⁷तियाय मांडा कुटको लेताज काल्यो पुथ तिया मोनाम विही गीयो ताहा येशुय तियाल आख्यो, “तुल जो केअनु हाय तो माहार के”²⁸पेन येशुय एहकी काह आख्यो, इ जे जे मांडो खा बोठले तियायहामेने केडालुज होमजायो नाहा. ²⁹यहुदावेज पोयसा रेतला तियाहाल बिहीरान लाग्यो का येशु तियाल सणा मांडा केअतो जो जोजी तो लावा खातोर नायता गरीबाहान थेाडक पोयसा दा खातोर आखेहे. ³⁰आन यहुदा मांडो लेतांज बारे निगी गियो, ताहा रात आथी.³¹तो जातांज येशुय आख्यो, “आमी मा नाव उचो बि गियो. मा महिमा वेअयी आन मामेने पोरमेहेर बाहका महिमा वेअयी ही. ³²आन जर आय तिया नाव रंचो केहेता माहारुज पोरमेहेर मान बी मा महिमाम ली आवी. ³³मा पोयराहाय आजी आय थोडीक वाअ तुमा आरी हाय फाचे तुमा मान होदाहा जेहकी मायु यहुदी लोकाहान आख्यो तेहकी तुमहान बी आखुहू जिही आय जाहू तिही तुमहान आवानारो नाहा.³⁴आय तुमाहान नावी आज्ञा हुकवु तुमा एक बिहीरावे मोया केअजा जेहकी मायुय तुमाहवे मोया केअयी तेहेंकीज तुमाबी एकबिहिरावे मोया केअजेा ³⁵तुमा एक बिहिरावे मोया री ताहांज बादा लोक तुमाहांन ओअखी का तुमा मा चेला हाय”³⁶शिमोन पेतराय येशुल फुच्यो, “प्रभु, तु काहि जा हाय?” येशुय आख्यो, “आय जिही जाहु आमी तो की आवानारो नाहा, पेन फाचे तु मा फाचाडी आवोहो.” ³⁷पेतराय येशुल आख्यो, “मा की आमीज तो फाचाडी काहाल आवानारो नाहा ? आय तो खातोर मोरा बी तियार हाय.” ³⁸ताहा येशुय आख्यो, “तु खेरोज तो जीव मा खातोर दीहो ? पेन आय खेरोज आखुहू तु मान तीन दाव नाकारी दिहो तांव लुगू हाकाल चुनख्यो कुकडो वाहनारोज नाय.”

¹येशुय तिया चेलाहान आजी आख्यो, “तुमा मोना मोनाम दुखी मा वी जाहा. पोरमेहेरापे भोरुचो थोवा, आन मावे बी भोरुचो थोवा.” ²मा बाहाका कोम रेवनु खुब जागो हाय जर जागो नाय रेतो ता आय तुमहान आखतो काहाका आय तुमा केअता जागो तियार केरा जाहु. ³आन आंय जायन तुमा खातोर जागो तियार किईन फाचे तुमाहान लां आवेहे आने तुमाहोन मा आरी ली जाहे, इया खातोर का आंय जिही रेहे तिही तुमा बी कायक रा जोजे.⁴आय कीही जाहु ती वाट तुमाहान मालुम हाय.” ⁵थोाय येशुल आख्यो, “ प्रभुजी, तु काही जावहो तो आमाहान मालुम नाहा, ता ती वाट केहकी मालुम र?” ⁶येशुय तियाल आख्यो, “मार्ग, सत्य आन जिवन मायज हाय, केडाल बी मा इही आव्या वाची पोरमेहेर बाहाकाही जावानारो नाय.” ⁷पेन तुमा जर मान आखुताहा ता तुमा मा बाहकाल बी आखुताहा आन आमीनेज तुमा तियाल ओखुताहा, आन तुमहाय तियाल देख्योहो.”⁸ताहा फिलीपाय येशुल आख्यो, “प्रभु, आमाहान पोरमेहेर बाहको देखाव ओतोज आमाहान जोजे.” ⁹येशुय तियाल आख्यो, “फिलीप्पा, आय आमी लुगू तुमा आरी आथो, तेबी तुयूय मान वोअख्यो नाहा का?” जियाय मान देख्यो, तियाय मा बाहाकाल बी देख्योहो. ता बाहको देखाव एहकी काहाल आखतोहो ?”¹⁰आय बाहकाम हाय आन बाहाको माअम हाय, एहकी भोरुसो तु थोवतो नाहा का ? जे गोठ्या आय आखुहू ते मा मोनाकी नाहा आखतो, पन माम रेनारो बाहाको तिया सोवताहा काम केहे. ¹¹आय बाहाकाम हाय आन बाहाको माअम हाय एहकी तुमा भोरुचो थोवा, नाय ता मायुय केअले कामे विईन तेबी माअप भोरुचो थोवा.¹²आय तुमाहान खेरोज आखुहू आय जे कामे किईहु ते कामे माअपे भोरुसो थोवनारो बी केरी आन तियासेबी मोडे कामे केरी काहाका आय पोरमेहेर बाहाकाही जाअहु. ¹³जो काय तुमा मा नावाहाकी मागाहा तो आहे देहे इया खातोर का पोयराकी बाहाका नावा उचो वेरो जोजे. ¹⁴तुमा मा नावाहाकी माअप कायबी मागाहा ताहा आय तुमाहाल देहे.¹⁵माअप तुमा मोया वेरी ता मा आखल्या गोठ्या तुमा पालाहा. ¹⁶आय बाहकाल आखेहे, आन तो तुमाहांन तुमा आरी कायमुज रा खातोर मोदत केअनारो आत्मो दी. ¹⁷तो खेरो आत्मो हाय, तियाल दुनिया अविश्वासी माअही मानते नाहा, काहाका ते तियाल देखी नाहा सेकते, आन ओअखुते नाहा, पेन तुमा तियाल ओअखुताहा काहाका तो आमी तुमाआरी रेअहे आने फांचो तो तुमाहामुंज री.¹⁸आय तुमाहान आमी अनाथ रा देणारो नाय, आय तुमाही आवीही. ¹⁹अमी आजी थोडाहाज टेमाम दुनिया अविश्वासी माहे मान वेअनारे नाहा , पेन तुमा मान वेअहा, आय जिवतो हाय तियाहाल तुमा बी जिवते रऱ्याहा. ²⁰तहा तुमाहान होमजाय का आय बाहकाम हाय आन तुमा मां हाय, आय तुमाहाम हाय.²¹जियाप मा नियम हाय आन जो ते नियम पालेहे, तो माअवे मोया केअनारो हाय आन जो माअवे मोया केअहे तियाव मा बाहका मोया केरी आन आन आय बी तियावे मोयाकेअहे आन आय केडो हाय इ तियाल हारी रिती देखावेहे. ²²यहुदा इस्कार्योत नाहा तियाल आख्यो, “प्रभु, एहडो काय वेअयो का आपमेहेन देखाहो आने था दुनिया अविश्वासी माअहान नाय देखाहो .²³येशुय आख्यो, “जो केअडो माअवे मोया केअहे तो मा वचन पालेहे तियवे मा बाहको मोया केरी आन आमा आविन तिया आरी रीहू. ²⁴जो माअपे मोया नाहा केअतो तो मा वचन नाहा पालतो आन तुमा जे वचने उनातेहे ते मा नाहा पेन जियाय मान मोकल्योहो त्या पोरमेहेर बाहाका हाय.²⁵आय तुमा आरीज हाय ताहा ए गोठ्या तुमाहांन आखल्या हाय. ²⁶आन जियाल बाहको मा जागो ला मोकली तो मोदत केअनारो पवित्र आत्मों तुमा होमजा जोजे एहड्या गोठ्या तुमाहान हिकवी आन मायुय जो तुमाहान आख्यो तियो गोठीहीमेने जो तुमा विहीराय गेहेला ते गोठ्या बी तो तुमाहान इतवी दी. ²⁷आय तुमाहान मा शांती दिहू, आय मा शांती तुमाहान दिहू जेहेंकी दुन्यामेने गोठ्या शांती देत्याहा तेहंकी शांती आय तुमाहान देतो नाहा, तुमा दुखी मा व्याहा, आन बियाहा मा.²⁸आय जाहु आन तुमाही फाचे आविही, एहकी मायुय जो तुमाहान आख्यो तो तुमा उनाये, माप तुमा मोया रेती ता माय पोरमेहेर बाहकाय जाहू आखिन तुमा खुष वेता काहाका मा बाहाको मा से बी मोडो हाय. ²⁹आय तुमाहान इ वेरा आगलोज आखहू इया खातोर का जाहा इ वेरी ताहा तुमा मावे भोरुसो थोवा जोजे. ³⁰आय तुमा आरी आमी वाद नाय गोगू काहाका इया दुनिया अधिकारी काल्योपुत आवेहे पेन मावे तिया काविंज अधिकार ना चालनारो. ³¹पेन दुन्यामेने लोकाहान मालुम वेरां जोजे का आय बाहकावे मोया किहु, आय बाहकाय जो हुकूम केअयो तो आय पालुहू चाला आपू आमी इहीने निंगता.”

¹आय द्राक्षा वेलो हाय आन मा बाहाको खेती केअनारो हाय ²तो माअमेने फालवे नाय देनाऱ्या बाद्या डाहग्या रोंडी टाकेहे, जियो डाहगीहीन फोलवे आवेते हे तियाहोन बाद फोलवे लागा जोजे तियाल ते डाहग्या उचेने वाडीन साफ केअहे.³जो वचन मायुय तुमहान आख्योहो तियावे तुमाहांया भोरुचो थोव्यो तियाल तुमा आमी पापामेने चोखा बी गियाहा. ⁴तुमा आरी जोडायन रेजा, आन आय तुहाम रेहे. जेहेंकी डाहगी वेलाम रियावोगर फल देती नाहा तेहेंकी माआम रिया वोगर तुमाहांन फल देता आवतो नाहा.⁵आय द्राक्षा वेलो हाय आन तुमा डाहग्या हय जो माअम रेहे आन तियाम आय रिहूं, तो खुब फोलवे देहे काहाका माहिने जुदो रिईन तुमाकी कायज केअता आवतो नाहा. ⁶जो माआम रेतो नाहा, तियाल डाहगी होज रोंडीन बारे फेकी देवाम आवी आन ते डाहग्या हुकाय जातल्या तहा ते टालवीन आगी की सिलगावी देतेहे. ⁷तियाल तुमा मां रिहा आन तुमा मा वचना प्रमाणे चालहा, ताहा जो काय तुमहांन जोजी तो तुमा मावे मागहा तो आय तुमाहान देहे.⁸तुमा वाद फोलवे द्याहा ताहा मा बाहाका नांव उचो वेरी आन ताहा तुमा मा खेरा चेला वी जाहा. ⁹जेंहकी बाहाकाय मावे मोया केअयीही तेहेंकी मायुय बी तुमाहावे मोयाकेअयी ही तियाल तुमा मा मोयाम रेजा.¹⁰जेंहकी आय मा बाहाका आज्ञा मानीन तिया मोयाम रिहू तेंहेंकी तुमा बी मा आज्ञा मानहा ताहा मा मोयाम रिहा. ¹¹मा आनंदु तुमाहाम रां जोजे आन तुमा आनंद पुरेपूर वेरा जोजे इया खातोर ए गोठ्या मायुय तुमाहान आख्याहा.¹²जेहेंकी मायुंय तुमाहवे मोया केअयी तेहेंकी तुमा बी एक बिहिरावे मोयाकेअजा ईज मा आज्ञा हाय. ¹³तिया आऱ्या खातोर जीव देवनु से केडाबी मोया मोडी नाहा¹⁴जर तुमा मा आज्ञा पालताहा ता तुमा मा आऱ्या हाय. ¹⁵आमी आय तुमाहान आवत्या एहेंकी आखतो नाहा काहाका तिया तोनारो जो केरा तियाल लागवेही तिया आर्थ आवत्याल मालम नाह रेतो पेन आय तुमाहान मा आऱ्या हाय ऐहेकी आखुहू जे गोठ्या आय मा बाहाकाहीने उनायो ते गोठ्या तुमाहन आख्याहा.¹⁶तुमाहाय मान नाह निवडी लेदो, पेन मायु तमाहान निवडी लेदले हाय, आन तुमा जायन फोलवे दा जोजे तिया खातोर नेहला हेय. तो इया खातोर का तुमा फावलवे टिके आन तुमा मा आधिकाराकी बाहाकाही जो मागाहा बाहाको तुमाहान तो दी. ¹⁷एक विहीरवे मोया केरा तियाल आय तुमाहन इ आशा किहॅू.¹⁸विश्वास नाय केआनारे तुमा विरुध्द केअतेहे इ तुकाहान मालुमु हाय इतवी लेजी का तियाहाय पेअलो मा बी विरुद्ध केअयीही. ¹⁹तुमा दुन्या रेता ता दुन्या अविश्वासी लो तुमाहवे मोया केअता पेन तुमा दुन्या नाहा मायुय तुमाहन पाी लोकाहामेने निवडी लेदा तियाल ते लोक तुमा विरुध्द केअताह.²⁰आवत्यो तोनारा से मोडो नाहा इ वचन मायुंय तुमाहन आख्यालो तिया विचार केरा ते दुन्या लोक मान सोतवतला ता ते तुमाहंन बी सोतावी ते लोम मा वचन पाली ना तुमा बी वचन पाली. ²¹पेन तुमा इ बांदो ते मा नावाकी केरी, काहाका जियांय मान इया दुन्याम मोकल्योहो तियाल ओअखुते नाहा. ²²आय आवतो नाहा आन तियाहान आख्यातो नाह ता पेन ते मा नावाखातोर इ बादो तुमाआरी केअरी काहाका जियाय मान मोकल्योहो तियाल ते वोअखुते नाहा. तियाहावे दोष नयारेतो पेन आमी तियाहा पापाल केललो बी बाहानो नाहा.²³जो मा विरुध्द केअहे तो मा बाहाका बी विरुध्द केअहे. ²⁴केडांयज केअये नाहा ऐहेंडे चमत्कार कामे जर तियाहाम आय केअतो नाय ता ते दोषी नया रेते पन आमी तियाहाय मान आन मा बाहाकाल ओअखीन बी विरुध्द केअयीही. ²⁵तियाहाय एहेंडी मा विरुध्द केअयी इ वचन तियाहा शास्त्राम लेखलो हाय, तो पुरो वेरा जोजे तियालुज कावींज कारण नाह ते बी इ विरुध्द वेअयी.²⁶बाहाकाहीने जो आवनारो हाय तियाल आय बाहाकाही जायत तुमाही मोकलेहे तो मोदत के अनारो खेरो आत्मो जाहा आवी ताहा तो मा बोद्दल साक्षी दी. ²⁷मा सेवा सुरु वेअयी तेहे तुमा बी मा आरी हाय तियाल तुमा बी मा बोद्दल साक्षी द्याहा.

¹येशुय आजी तिया चेलाहान आख्यो, “तुा मरमेश्वरापने भोरुसो सोउीन पुलवाय नाय जा जोजे तियाल तुमाहन मायुय ए गोठ्या आगलोज आखल्या हाय. ²यहुदी धर्मा पुढारी तुमाहान देवालायामेने बारे काडीदी ते तियाहा परमेश्वरा सेवाज केअताहा ऐहेंकी होमजीन तुमाहन माय टाकी दी एहेंडो टेम आवी.³तियाहाय परमेश्वरा बाहाकाल आने मान ओख्या नाहा, तियाखातोर ते तुमाहन एहेंकी केरी. ⁴मायु तुमाहान ए गोठ्या इया खातोर आखी थोवल्या हाय का ते गोठ्या जाहा वेरी तहा तुमाहान मा आखलया गोठ्या इत की आवा जोजे, ए गोठ्या मायुय तुमाहान पेहलांज आख्या नाहा काहाका आय आजी थेाडो टेम तुमा आरी रेनारो आथो.⁵पेन जियाय मान मोकल्योहा तियाही आय आमी जाहु पेन तु काही जातोहो एहेंकी तुमामन केडोज मान फुचतो नाहा. ⁶आन मायु तुमाहन ए गोठ्या आख्या, तियाल तुमा मोनाम इदगो पोराय गीयोहो. ⁷ते बी आय तुमाहान खेरोज आखुहू आय होरग्या बाहाकाही जाहु इ तुमा हारा खातोर हाय, आय नाया गियो ता तुमा मोदत केनारो आत्मो आवे नाय, आन आय जाहा जाये ताहा मोदत केनाराल तुमाही मोकली देहे.⁸आने तो आवीन पाप बोद्दल न्यायीपणा बोद्दल आन न्याय निवाडा बोद्दल दुन्या लोकाहान होमजावी दी. ⁹ते लोक मापे भोरुसो थोवता नाहा तियालुज ते तियाहा पापामुज रेताहा. ¹⁰न्यायीपणा बोद्दल तो आवीन तुमाहान होमजावी दी काहाका आय होरग्या बाहाकाही निंगी जाहे, ताहा आय तुमाहान देखानारो नाय, ¹¹आने न्याय निवाडो बी गियहो तियाखातोर इया दुन्यामन पापी लोकाहा न्याय निवाडो नक्कीज वेअनारो हाय द तो लोकांहान होमजावी दी.¹²मान आजी तुमाहान आखनु सारख्या खुबूज गोठ्या हाय, पेन तु तुमाहान खेटाय नाय, ¹³ते बी जाहा खेरो आत्मो आवी ताहा तो तुमाहान वाट देखवीन खेऱ्या हाय ते होमजुनु मोदत केरी काहाका तो आत्मो सोबताहा गोठ्या आवनारी नाहा पेन जो तो बाहाकाही ने उनायी तोंज आखी, आन तिही देखानाऱ्या गोठ्य तुमाहान आखी. ¹⁴तो मा नाव उचो केरी काहाका तो मा गोठीहीमनज तुमाहन आखी¹⁵जो काय होरग्या बाहाका हाय तो मा हाय इया खातोरुज जी मा हाय तियामने लीन तो आत्मो तुमाहान आखी एहेंकी आय तुमाहान आखतलो. ¹⁶थोडीक वाअकी माय तुम्हान देखानारो नाह पेन फाचे थोडीक वाअकी माय तुमाहन देखयेहे.¹⁷एहेंकी आख्यो तियाल इसु चेलाहामने थोडाक जा एक बिहीराल फुचा लाग्यो, “थोडीक वाअकी तुमा मान देखानारो नाय फाचे थोडीक वाअकी माय तुमाहान देखय काहाका आय होरग्या बाहाकायही जाहु एहेंकी एपलाय आख्यो, तो तुमाहान होमजायो का ? ¹⁸ते चेला आख्या लाग्या “थोडीक वाअ इ का आखहो ? इ आमाहान काय होमजातो नाहा!¹⁹ते तिया काय तेबी फुचा हाय एहेंकी होमजीन येशुय तियाहान आख्यो, “थोडीक वाअ तुमा मान देखाहा नाय, आन थोडीक वाअ तुमा मान देखाहा इ जो आय गोग्यो तियाल तुमा एक बिहीराल फुचताहा ! ²⁰मान जो वेनारो हाय तो आय तुमाहन खेरो खरो आखी देखावुहू, तुमा रोहा आन दुखी व्याहा पेन दुनीयाम लोक ताहा आनंद केरी तुमा दुखी व्याहा पेन तुमा दुख जातो री आन तुमाहान आनंद वेरी. ²¹जाहा एगदी बाय पोयराल जोल्मो देहे ताहा तियुल खुब तारास वेहे पेन तियुय पोयराल जोल्मे देदो ताहा तियु पोयरो दुन्याम जाल्माल आलो यिाल तियुल आंनद वेहे, आन ती बादो दुख आन तारास विहाराय जाहे²²तियाज होच आमी तुमहान दुख हाय पेन आय तुमाहान मिलेहे ताहा आनंद क्याहा, आन तुमामने तो आनंद केडोज काडी नाय लेनारो. ²³त्या दिहाल मान काहीज फुचा मा पेन आय तुम्हान खेरो खेरो आखुहू पेन मो नावाकी होरग्या बाहाकाही तुमा जो मागाहा तो तुमहान दी. ²⁴आमी लुग तुमाहाय मा नावकी कावीज माग्यो नाहा पेन मागाहा ताहा तुमाहान मिली आने तुमा आनंद पुरा बी जाय.²⁵ए गोठ्या आय तुमाहान दाखलाहाम आखतलो पेन आमी आय कावीज दाखलाकी नाय गोगू पेन होरग्या बाहाका बोद्दल आम आय तुम्हान खुलली रिते आखेहे एहेंडो टेम आललो हाय.²⁶तिदीही तुमा मा नावाकी मागाहा पेन आय तुमा खातोर होरग्या बाहाकाल आखी देखावेहे एहेंकी आय आख्तो नाहा. ²⁷काहाका बाहको सोवताहा तुमाहापे माया केहे काहाका तुमाहाय मापे माया केयी आने आय बाहाकाहीने आलोहो एहेंकी भोरुसो बी थोव्योहो.

¹ए गोठ्या गोगीन येशुय उचे विईन प्रार्थना केरा लाग्यो, “ओ मा बाहाका आमी टेम आवी गियोहो आय तो पोयरो तो नाव उचो केरा खातोर मानाव उचो के.” ²काहाका तय मान बादा माहापे अधिकार देदहो तुय मान जे देदलो हाय तिया बादाहान जोलाम जुग्यो जीवन दा जोजे.³आने एकुज खेरो परमेश्वराल आन जियाल तियाय मोकल्योहो तिया येशु ख्रिस्ताल ओखुनू इ जोलाम जुग्यो जीवन हाय. ⁴तुय जो काम मान केरा देदलो तो पावावीन मायुय तोरतीपे तो नवा उचो केयो.

¹ई आखीन येशु तिया शिष्याआरी किद्रोन वोला तेसली मेर गिया तिही एक बोगिचो आथेा तिही तो आण तिया शिष्या गेहेला. ²ओ जेागो तियाल ती देणारो यहुदीयालबी माहित आथो काहाका येशु खुब दाव तिया शिष्याआरी तिही जातुला. ³ताहा सैनिकाहा तुकडी आन मुख्य याजक लोक आन परुशी तिया होवेनु कामदार मिललो याहा दिवा मशाल आन हत्यार लीन योहुदी तिही आलो.⁵येशु तियाप जो काय वेणारो आथो तो आख्यो जाईन बारे आलो आन तियाहान आखा लाग्यो, ‘तुमा केडोल होदी रियाह ? ⁴तियाहीं तियाहीं तियाल उत्तर देदो, ‘नासरेथकर येशुल’ तो तियाहन आखा लाग्यो, “तो मायज हाय”⁶तो मायज हाय ऐहेकी आखताज ते फाचाडी होरकी जाईन तोरती पोंड्या, ⁷फाचे तियाय तियाहान फासे पुच्छो तुमा केडाल होदताहा आन ते आखा लाग्या नासरेथकर येशुल.⁸येशुय उत्तर देदो, मायज तो हाय एहकी माय तुमाहान आखुहू , तुमा मान होदता वेरी ता इयाहान जा द्या, ⁹जो तुय मान देदोहो तियामनु माय एकबी गोमाव्या नाह एहेकी जो वचन तियाय आखलो आथो तो पुरो वेराजोजे तियाहाय इ वेयो,¹⁰ताहा शिमोन पेत्रापाही तलवार आथी तियाय ती खेची आण महायाजका दासप चालवी आन तिया हुदा कान कातरी टाक्यो , तिया दासा नाव मल्ख आथो, ¹¹ताहा येशुय पेत्राल आख्यो तलवार माजमे थोव बाहाकाय मान जो पिया देदलो हाय तो माय पियु नेय का ?¹²फासे सैनिकाहा तुकडी आन हाजारा सरदार आन यहुदां अधिकारी ईयाही येशुल तीन बांधलो. ¹³आन तियाल हन्नापाही ली गिया काहाका तिया वर्षी महायाजक आथो तिया कयफा ओ हारो आथो, ¹⁴एका माहाय लोकां खातोर मराजोजे इ फायदा हाय एहेकी सल्ला येहुदीयाहान कयफाय देदली आथी,¹⁵शिमोन पेत्र आन बिहरो एक शिष्य येशु फाचाडी फाचाडी चाल तुलो तो शिष्य माहायका वोहोकात्यो आथेा आन येशु आरी माहायाजका वाडाम गेहोलो, ¹⁶पेन पेत्र बारे दारवाजा आरी उबो रेहोलो आथो तियाहाल जो बिहीरो शिष्य महायाजका वोखात्यो आथो तियाहाय बारे जाईन दरबानाल आखिन पेत्राल माज हादला.¹⁷इयापुन ती जुवान दरबाना आथी ती पेत्राल आखलागी तुबी इया माहा शिष्या होवेनु हाय का तो आखा लाग्यो माय नाहा. ¹⁸हियालो आथो तिया खातोर दास आन कामदार कोलाहा आग सिलगाीवन हेकाता उभी रेहेला आन पेत्र बी तियाहाआरी हेकातो उभी रेहेलो,¹⁹ताहा महायाजकाय येशुल तिया शिष्याविषयाम आन तिया शिक्षणा विषयाम प्रश्न केयो, ²⁰येशुय तियाहान उत्तर देदो, “माय जगाहुबूर उदास गोगलो हाय सभास्थानाम आन परमेश्वरा भवनाम आख्या यहुदी टोलवाता तिही माय रोज हिकवुतोहो आन दोबीन माय कायज गोग्यो नाहा.” ²¹मान काहा फासताहा माय काय गोगलो तो जे उनाला हाय तियाहान फुसा वेरा माय जो गोगूहू तो तियाहान मालुम हाय.²²तियाय एहेकी आकताज बरोबर पाह उभी रेणारो एक कामदार येशुल थापड ठोकीन आखा लाग्यो, ‘तु महायाजकाल एहेकी उत्तर देतो काहा ?’ ²³येशुय तियाल उत्तर देदो माय गलत रितीकी गोगलो वरी तो केहेकी गलत गोगलो तो होमजावी देखाड, हारी रीतीकी गोगलो ता मान काहा ठोकतोहो, ²⁴ताहा हन्नाय तियाल महायाजक कयफा इयातीही बांधलो आथेा तेहेकी मोकल्यो,²⁵शिमोन पेत्र हेकाता उभी रेहेला तियाहान बिहीरा आखा लाग्या, ‘तुबी तियाहा शिष्याहामनु हाय का?” तियाहा नाहा एहेकी आखे आन आखा लाग्यो ‘माय नाहा.’ ²⁶पेत्रा याजियाकान कानरुलो आथे तिया जातुलो वेरी मायाजकादासमनु एक आथो, तो तियाल आखा लाग्यो माय तुल तियाआरी बगीचाम नाहा वेयो, ²⁷पेत्राय फासे नाह एहेकी आखा लाग्यो आन तुरुतुज कुंकडो वाहायो,²⁸ताहा तियाहाय येशुल कयफायानु सरकारा वाडाम लीगीया ताहा वेगीवेल आथी आन आपु अशुद्ध नेय वेरा जोजे, पेन वल्हांडण मांडो खा आवा जोजे आखीन ते सोता सरकार वाडांम गेहेला नाहा, ²⁹ताहा पिलात तियाहा पाही बारे निगीन आखा लाग्यो तुमा इया माहाप काय आरोप थोवताहा, ³⁰तियाहाय तियाल उत्तर देदो तो दुष्कर्मी नेय रेतो ता आमा तियाल तो आथो नाय देता,³¹पिलाताय तियाहान आख्यो तियाल तुमा तुमाज नियमाकी तिया न्याय केरा यहुदी अधिकारी तियाहान आख्या लाग्या, आमाहान केडोज जीव लेवुलो अधिकार नाहा, ³²मान केडाकी ठोकीन मारी इ होमजावीन येशुय जो वचन आखलो आथो ता पुरो वेरी आखीन एहेकी वेयो,³³तियाहाल पिलात आजी सरकारा वाडाम गिया आन तियाय येशुल हादिन आख्यो, “तु यहुदींया राजो हाय का?” ³⁴येशुय उत्तर देदो, “तुमा सोता एहेकी आखताहा का बिहीराहाय तुमाहाल मा बद्दल एहेकी आख्यो.” ³⁵पिलाताय उत्तर देदो ताय यहुदी हाय का तोज लोकाहाय आन मुख्यासेवकाही तुल मा हामाम देदो तुय हाय केयोहो,³⁶येशुय उत्तर देदो, “मा राज्य इया जगा नाहा मा राज्य इया जगा रेतो ता यहुदीया आथाम मान देवुलो नेय आखीन मा सेवक चुलाया खातोर आवता पेन मा राज्य ईहीनु नाहा. ³⁷तियाहाल पिलात तियाल आखा लाग्यो ता तु राजो हाय का येशुय अत्तर देदो माय राजो हाय एहेकी माय आखु माय इया खातोर जल्म लेदलो हाय आन इया खातोर माय जगाम आलोहो माय खेरी साक्षी दीन जो केडो खेरो हाय तो मा गोठ्या उनाहे,³⁸पिताल तियाल आखा लाग्यो सत्य काय हाय आन इ आखीन तो फासे यहुदाहाय बारे गियो अने तियाहन आखा लाग्यो मान इयाम कायज अपराध देखातो नाहा, ³⁹पेन तुमा केता येशुल सोडनु सोमयाप माय एकाल सोडेहे एहेकी तूता रीत हाय ता तुमा केता माय यहुदीयाहा राजा सोडु एहकी तुमा मन हाय का?” ⁴⁰ताहा तियाहाय फांसे बोंबलीन आख्यो, ‘इया सोडाहा मा, ता बरब्बाही ल सोडा.’ आन बरब्बा ओ एक डाखु आथो.

¹फांसे पिलाताय येशुल ली जाईन फटका ठोकाव्या, ²ताहा शिपायाही एक कांटा मुकूट गुफीन तिया मुनकाम पेाव्या आन तियाला एक जांबलो पोतळे पोवाव्ये. ³आन ते तिया हुबूंर आवीन आखा लाग्या “ए यहुदा राजा तो जय जयकार वेरे” फासे तियाहाय तियाल चापका वाय ठोक्यो.⁴तियाहायल पिलाताय फांचे बारे आवीन आखा लाग्यो ‘वेरा माल तियाम कायज गुन्हो देखातो नाहा, इ तुमाहन होमजायाजोजे आखीन माय तियाल तुमापही बारे लावूहू.’ ⁵ताहा येशु काटाहा मुकूट आन जांबले पोतळे पोवले बारे आलो आन पिलाता तियाहान आखा लाग्यो ‘वेरा ओ माहुव, ⁶मुख्य सेवक लोक आन तिया कामदार तियाल विन बोंबलीन आखा लाग्या ईयाल वधस्तंभाप खिला ठोका वधंस्तंभाप खिला ठोका पिलात तियाहान आखा लाग्यो तुमाज तियाल लीजाईन वधस्तंभाप खीला ठोका काहाका माल तियाम कायज गुन्हो देखातो नाहा,⁷यहुदी लोकांही उत्तर देदो आमाहापे नियमशास्त्र हाय आण तिया शास्त्रा हिसाबाकी ओ मोराज जोजे, काहाका तियाय सोताहा देवा पोयरो होमजुतलो. ⁸पिलात एहेकी गोगुलो ऊनायलीन जास्तीज बी गीयो, ⁹आन तो फासे जाईन आन येशुल आखा लाग्येा “तु कीहीनु हाय ?” पेन येशुय तियाल उत्तर देदो नाहा.¹⁰पिलाताय तियाल आख्यो, ‘मा आरी तु गोगतो काहा नाहा ? तुल सोउुलो अधिकार मालु हाय आन वधस्तंभाप खिला ठोकुला अधिकार मालुज हाय ई तु मालुम नाहा का ?” ¹¹येशुय उत्तर देदो, ‘तुल तो अधिकार उच्चेनु देदोलो नय रेतो ता माप चालतो नय तियाहाल जियाय माल तो हाताम देदो तिया पाप खुब हाय,¹²इयापनु पिलातसाय तियाल सोडा प्रयत्न केयो पेन यहुदी बोंबलीन आखा लाग्या ‘तुय जर इयाल सोड्यो ता तु र्केसरा हंगात्याह नहा जो केडो सोताहाल राजो होमजेहे तो कैसराल नाकारेहे.’ ¹³तियाहाल पिलातया ऐहेकी गोगुलो उुनयलीन येयशुल बारे लालो आन तो फरसबंदी नावा जागाप न्यायसनाप बोठोलो इब्री भाषाम इया जागाल गब्बाथा आकतेहे,¹⁴तो येशुल तियाहा आताम होपी देवनु दिही आथो ताहा दिहा बारा वाजता समय आथो आन तो यहुदीयाना आखा लाग्यो, ‘वेरा तुमा राजो, ¹⁵इयाप ते बोंबला लाग्या ईयाल माय टाका तियाल वधस्तंभाप ठोका पिलात तियाहान आखा लाग्यो, ‘माय तुमा राजाल वधस्तंभाप खिला ठोका जोजे मुख्या सेवकाय उत्तर देदो आमाहान कैसराशिवाय राजो नाहा जोजतो , ¹⁶फांसे तियाहाय येशुल वधस्तंभाप खिलाठोका खातोर तिया हाताम देदो,¹⁷ताहा तियाहाय येशुल तियाहा ताब्याम लेदोलो आन तो तिया वधस्तंभा सोतो उुखलीन कवटी आकतेहे ती जागाप गीयो, ईया जागल इब्री भाषाम गुलगुथा आकतेहे. ¹⁸तिही तियाहाय तियाल आन तियाआरी बिहीरा बेन जाहाल ऐकाल ऐकेमेरे आने बिहीराल बिहीरी होवे आन येशुल बोसमे ऐहकी वधस्तंभाप खिला ठोकला.¹⁹आन पिलाताय एक पत्र लिखिन मो वधस्तंभाप लागव्यो “यहुदीया राजो ! नासोरी येशु” ऐहेकी लिखलो आथो. ²⁰येशुल वधस्तंभाप खिलाटलो आथो तो ठिकाण शोहरा पाहेच आथो, तीयाल खुबूज यहुदीयांही तो पोत्रो वाच्यो, तो इब्री, रोमी आने ग्रीक भाषाम लेखलो आथो.²¹ताहा यहुदीया मुख्यायाजकाय आने लोक पिलाताल आखा लाग्या यहुदीया राजे एहेकी लिखो नाहा ता ईयाय आख्यो माय यहुदीयाहा राजो हाय ऐहेकी लिख, ²²पिलाताय उत्तर देदो ‘माय लिख्यो तो लिख्यो’²³फांसे शिपायाही येशुल वधस्तंभाप खिला ठोकला नाहा तियापोतडे लेदे प्रत्येक शिपायाल ऐकेक वाटा एहकी चार वाटा केया, आन कुरतो बी लेदो ओ कुरतो हिवलो नय आथो तो ऊपेने निचे हुदग विंलो आथो, ²⁴तियाल तो एक बिजाल आखा लाग्या ‘आपु ईयाल फाडता नेय पेन तो केडाल मिली ई वेरो खातोर चिठ्ठ्या टाकी वेता, ई इया खातेार वेयो का ‘तियाहाय मा पोतडे आपसाम वाटी लेदले आने मा कुरताप तियाहाय चिठ्ठ्या टाक्या’ एहेकी जो शास्त्रलेश पुरो वेरा जोजे आखीन शिपायाय ए गोठ्या केल्या,²⁵पेन वधस्तंभा पाही तिया याहकी, तिया मावशी आन क्लोपा थेय मरीया आन मल्दालीया गावा मरीया ए उब्या आथ्या, ²⁶येशुय जाहा तिया याहकील आन तो जिया शिष्यापा तिया प्रेम आथो तियाल पाही उबो विन ताहा तो तिया याहाकील आख लाग्यो “आया वे तो पोयरो” ²⁷फासे तो तिया शिष्याल आन आखा लाग्यो वे ई तो याहकी आन तिया शिष्याय तियुल तेवारिज तियाय होव हादी लेदली,²⁸पेन आमी आख्यो “पुरो वी गियो एहकी होमजिन येशुय शास्त्रलेख पुरा जोजे आखिन “माल पाहपी लागीही” ऐहकी आख्यो. ²⁹तिही ऐ कोल्हाहो पोईन थोवलो बासनो आथो, ताहा एका शिपायाय पांय चुही लेहे एहेंकी एक खाटी वस्तु लाकडाव बांदीन पाजवा खाातोर येशु मुयाही लागवी. ³⁰इशुय अुब खाटो राहो लेलो आन आख्यो “बादो पुरो वी गियो” ताहा तो तिया मुनको नोवावी लीन मोय गियो.³¹तो तियारी दिही आथो आन शाब्बात दिहाल वधस्तंभाप शरीर नेय रा जोजे आखीन काहाका तो शब्बाथ मोडो दिही आथो, तियाहाल यहुदीयाय पिलाताल विनंती कियाी का तिया पाग तोडीन तियाहान काडी ली जाजा. ³²ताहा शिपाया आल्ला ताहा तियाहाय तिया आरी वधस्तंभाप खिला ठोकला वी लीन आन बिहिरा पाग तोडला, ³³पेन ते येशुपाही आविन तो मोय गियोहाक एहकी विन तियाहय तिया पाग तोड्या नाहा,³⁴तबी शिपयाहामनु एकाय भालो की तीया खुकीम ठोक्यो आन तुरुतूज रोगत आन पाय बारे आलो. ³⁵आन जियाय ई वेयो तियाय साक्षी देदी तिया साक्षी खेरी हाय आन आपु खेरो गोगतोह ई तियाल मालुम हाय ईया खातोर का तुमाबी विश्वास थोवा जोजे,³⁶काहाका तिया एकबी आटको मुटे नेय ओ शास्त्रलेख पुरो वेरा जोजे आखिन ए गोठ्या वेया, ³⁷आन बिहिरो ऐ शास्त्रलेख फांसे आखी जियाल तियाही ठोकलो ते तियाहोवे वेरी,³⁸ईया फांसे जो अरिमथईनु योसेफ ईयाय तियाल येशु शरीर लीजा खातोर पिलाताल एहेकी विनंती केयी, तो येशु शिष्य आसिन पेन यहुदीयाहा धाखी खातोर गुप्त शिष्य आथो, पिलाताय तियाल परवागी देदली ताहा तियाय जाईन येशु शरीर ली घेलो, ³⁹आण तियापाही पेहेलाज राती आल्लो निकदेम बी गंधरा आन द्राक्षा इयाहा सुमोर शंभर माप मिश्रण लीन आलो,⁴⁰फासे तियाहाय येशु शरीर लेदो आन यहुदीयाहा उत्तर कार्या रीतीहोस तियाहाय तो सुगंधी मसाला आरी एक पोतडाम वेटालावलो, ⁴¹तियाल जिजागाप वधंस्तीााप यिखला ठोकलो आथेा तिही एक बगीचो आथो आन तिया बगीचाम एक नवी कबर आथाी तियाम केडाल किधीज थोवलो नय आथो, ⁴²तो यहुदीयाहा तियारी दिही आथो तियाहाल आन ती कबर पाही आथाी तियाहाल तियाहाय येशुल तिही थोवलो.