AADA HAROMAT PAULUS ¹Naing anga Paulus, Naing metma Lahatala E etvala ening angu ual hula manusia eomi bot manusia be naing songgar, aarunge Kristus Yesus bot Lahatala ba aing ening Ana nehe aamina ehahama mi bale aabeta angu banaing songgar. ²Bot nekaku naug ba iomi metma Lahatala vengaanamang naing Veng hama-hama ang naung, ning emangpi Vengbanang metma iing ba jemaat-jemaat Galatia mi ang naung iiadanat hula.³Aaung-hama bot tominu-tahanu timang Lahatala bot Mutu Yesus Kristus Abung angu metma iiloa. ⁴Timang Lahatala Eomi eamulung, Yesus Kristus Ana Ediri-Ababahi angu metma sadaka ening piahalang-piavali ang naung sai tila, senge ping ening lohit metma jamang ba jasi anga eahalang. ⁵Lahatala Aing tajaning-Aing palevang ejehing-emeang. AminKRISTUS EVOUNG-EPAHANG HAMULANG ANGU NU KOLANG ⁶Kristus Eaaung-Ehama angu ebele, Lahatala enang bot iiapang balet metma vomung -pahang ba aabeung angu adama. ⁷Emamolo anguse vomung-pahang ba aabeung iiba bae ne niang. Aarunge, nehe iiba angu ini Kristus Evomung Epahang hamulang angu mi akal-mi kabulet metma Veng iiat hubai senge iing ening bir veng ahala.⁸Kristus Evomung-Epahang hamulang angu ni metma veng iiat hubai tila. Aarunge kalo nehe iiba, ning niange Lahatala Egahingvala Sorga mi angu ba nu vomung-pahang aabenung ba bae ni metma veng iiat hubai tila. Aarunge kalo nehe iiba, ning niange lahatala Egahingvala Sorgami angu ba nu vomung-pahang aabeung ba bae ni metma veng iiat hubai tila angu edadenang niang metma veng iiat hubai se, Lahatala Ana aing hukung! ⁹Emang hula ni tura vengbanang iila angu edadenang, angase na bot taang vengbanang. Vomong-pahangaabenung ba bae vomung-pahang iini tarima tila angu edadenang niang angu, Kalo nehe iiba metma veng iiat hubai se, nehe angu Lahatala Ana malekang aing hukung. ¹⁰Base angase tatalang Nababa Manusia eomi eamulang angu ba na valaping, ee niang, nababa Lahatala Eomi eamulang angu ba na valaping? Nabae Manusia iomi medit iomi ening sanang senge naing tapaning niang. kalo na jedung manusia iomi medi senge naing tajaning se, naing bae Kristus Emalea niang.ETATALANG BA BISA PAULUS AING METMA MUTU YESUS E ETVALA ENING ¹¹Kaku naung, nomi etatabit miravak sehit hula iiat mateng senge iini ateng hula, Kristus Evomung-Epahang Hamulang ba na vengmaring angu bae manusia abung hoa niang. ¹²Vomung pahang hamulang angu nabae Manusia abung medi niang, bot manusia ba bae metma netubing niang, Aarunge Yesus Kristus ba Ava metma netubing bot aing ba Evomung-epahang hamulang angu metma manenang.¹³Neaabetang elamal-etahi tura agama Yahudi mi angu iini vengmae tila. Lahatala e jamaat ang naung na lumul metma iadanat iajajasing-iababutung bot via valaping hula iameang. ¹⁴Agama Yahudi evia-via at lamal angu, nehe ba naing vavaang bangsa Yahudi mi ang naung iiba bae naing edadenang niang. Naing mi ataang oa Nidat minang ehada evia-via anguna etatabit vengkalakat eamulung.¹⁵Aarunge, Lahatala omi aaung angu ebele, na jedung niva atok mi sehise Ana naing Vengtalail bot Ana ndoru senge na Aing vengbalenta. ¹⁶Lahata Ana oal Yesus Kristus adana angu na vengmaring metma nehe ba bae yahudi enehe niang ang naung di veng iiat hubai. Uangu veng angu na bae nehe iiba ebele ila singe ia banang iot navonung-napahang niang. ¹⁷Ing ba imaturat ing met ma mutu Yesus E etvala eninge bendar Yesusalem mi ang naung di nabae i bele ila,ing harak niang. Aarunge mihanako mi na Arab eooang mi ila, seng ang muse na bot bale bendar Damsik mi hoa¹⁸Mitung tue muse, na bendar Yerusalem mi ila Kefas ain harak bot na abunf mihit elung mi etang arinu belta iising. ¹⁹Mutu Yesus E etvala aabeung ang naung na bae ing harak niang, aarunge Yakobus, Mutu Yesus ekaku angu ba na aing harak. ²⁰Naba ba na hurak metma maiinang anga etabi. Lahatala Ana ateing se hula, na bae iiat akal niang.²¹Seng ang muse, na Siria bot kilikia eooang mi ila. ²²Jamaat-jamat ba Yesus Kristus omi mi aabeta Yudea eooleng mi ang naung bae napang ateung aaung jedung. ²³Ini vengmee se nehe vengbananng hula, "Nehe ba tura ping ening susa-lala bot piaja jasing-piababutung hula piameang angu, angase aing ba Yesus Kristus Evomung-Epahang Hamulang angu vengmaring senge nehe omi metma Lahatala Aing vengaanamang? ²⁴Vengmeet aulang muse ing emangpi lahatala Aing tajaning-Aing palevang, se na nomi metma mutu Yesus vengaanamang iila angu ebele.

MUTU YESUS E ETVALA ANG NAUNG PAULUS EETABI VENG BANANG ¹Mitung arinu belta bata, misse naing, Barnabas bit Titus nin ang tue bale bendar Yerusalem. angmi ila. ²Na ila angu nababa na ateing ang ba nahula ila seng ii laba injil hamulang angu metma ingba bae Yahudi niang ang naung veng ima ring "Arunge elamal etahi angu Yeruusalem e agama buang vala ang naung ba na ing harak aulang anghe nababa na ening iila bot jedung angu ekang pa sasumang ekang.³Aulang di, Titusba, nat lamal angu, ema molo angse bae sunet niangkan dati aing angu Yunani e nehi. ⁴Na Aalang angu ue angu pi serang ang naung ba ioomi jasi via aalaping hula au iangke ping mmetma Yesus Kristus eaaung e hama angu e ahalang seng iila ba bale ping metma malea ening. ⁵Aulang arunge ni bae ea mulung niang aulang anghe injil e etabi angu ana kilang ue iing veng.⁶Bot iingba iiturat hula metma jemaatangu e buang vala ening angna ung igunang veng nian. Ini bot nanu ening metma neo nada veng niang, Lahatala angu ana bae nehe apang kalalang niang. ⁷Aulang di, ini ateing se hula naing angadi gahing vala Injil angu metma nehe ba sunat niangba sunat niang anganaung veng imaring emang hula Petrus ana metma ingba sunat veng imaring angu eda denang. ⁸Petrus angudi Lahatala ba aing gahing, metma ingba sunat ang na ung i gahing vala ening, bot lahatala anguba naing gahing naing metma ingba Yahudi niang angnaung i gahing vala ening⁹Lahatala eaung e hama ba naing veng angu jemaat ini ateing angmu se Yakobus, Petrus, bot Yohanes ba hula metme jemaat e eela ening angu, hoa naing bot Bernabas noleve niatang adoii e vengbanang hula Ni tominu, aulang he ning angu metma neheba sunat niang ang naung i bele ila bot ing angu nehebe sunat ang naung i bele ila. ¹⁰Nanu etatabit veng kalakat vengkara jang beriang ba ini veng banang hula nehe masiking ang naung ing veng aani.¹¹Au lang arunge, uangu veng Kefa ana hoa bendar Antiokhia mi nuse nomi ang na metme calil se ana ahala angu ebele. ¹²Tangmi Yakobus bot eserang ang naung veng hoa jedung, angu Petrus ana ingba Yahudi niang ang naung iat na adang hama-hama. Aulang arunge ini hoa ana ava medit i oola se nehe sunat toang angu veng uang mari.¹³Ing ba Yahudi abeung andi ila i akal ikabule angu eamulung aulangdi Barnabas di va ila iaka likabule angu eaamulung. ¹⁴Ne ateing omi mi angu ilamal itahi angu bae va ila Injil angu ea mulung niang, angu e bele nehe toang e hahamami na Kefas atma teng, iing angu Yahudi e manusia etatalang ba iini abeta emang hulanehe Yahudi niang molo, Bot etatalang ba iini ingba Yahudi niang ang naung iot abeta emeng hula nehe Yahudi eda denang?¹⁵Ping anga bangsa Yahudi emi mi ping veng ajai ual hula nehe jasi ahalaba bae Yahudi niang ang naung e nehe. ¹⁶Aulang ba pingdi hula pi abetang anga ening aaung hama Kristus omi mi, ping angadi tava rasase nehe ahalang avali enehe. Kristus angu bae jasi ahala angu e balenta vala niang.¹⁷Aulangba pingdi hula pi abetang anga ening aa ung hama Kristus omi mi, ping angadi tava rasase nehe ahalang avali enehe. Kristus angu bae jasi ahala angu e balenta vala niang. ¹⁸Nababa natura arahak avetang iila angu angase na bot bale bakung atahinng angu e bele na atengse na hukum tura angu angu na lavang iila. ¹⁹Se hukum tura ang ea mulung anguba na hukum Tura angu omi mi aamina tila aarange aulang senge nabisa Lahatala angu veng balenta.²⁰Naing anga Kristus at leut veng hilit aamina tila. Aulang arunge na bot at hama-hama bale abeta tila, base, abetang na omi mi abeta anga Kristus ba naingmi aabeta. ²¹Nabae Lahatala e aaung e hama angu at hela mea niang, kalau moloe una angu hukum tura angmi hoa, Anguse Kristus e amina angu e bili niang.

OMI ANAMANG ANG BAMOLO ANGU NE MET MA ENANG ¹Ee iing ba, Galatia e manusia ang naug iing ang iio mi-omi di veng niang! nuba ga iia jajala? niang iia teing omi mi Yesus nehe aing met leut venghele ue nehe toang apa ngadangmi? ²Ne nomi nu ae anga na hula iiadang taaning, lahatalae Roh ga iimi met iomimi niang hukung tura, angba iini ea mulung ini veng me muse iiomi veng anga namang? ³Iing agang iiomi -oomi di veng niang iini halomang angu hula Lahatala e Roh nagaba iini vengme angu iia eveng tahi mi se tarak tavetang angba ue.⁴Iing ang ii gu nang iba niang iidira e ii moleng angu mang to ang arunge e gunang veng niang. ⁵Naga ba ana metma mainang ue Roh Hamulang omi angu mi, got tanda herang angba ana vengkara jang ue iiha-hama angumi hukung tura angba iimi aat lamai ee niang iini veng me ang muse iiomi veng anamang ang ue?⁶Emeng hula Abraham ne hamulang omi metma Lahatala veng mea angu e bele ba, na angu veng taanang ue aung omi angu mi. ⁷Angu ebele, iini ateing hula nehe ba omi venganamang angba eveng ganang hula Abraham oal. ⁸Surat hamulang ematura ateing se hula Lahatala ama nehe ba bae Yahudi e manusia niang angu iomi venga namang ang ue ana ing ening molo. Surat hamulang e matura veng mateing metma Abraham e nang veng ganang hula, "bangsa emang pi e kavasa angu ue iing luang angu mi." ⁹Base, iingba iiomi venga namang angu Abraham at hama-hama ue ne hamulang omi angu mi.¹⁰Nehe ba Hukung tura angu omi metma veng mea angse, ana ne luituk e lanat omi angu mi, ue hurak vengganang iing ba hukung tura ea mulung niang angu bot karajang angu kutuk e lanat angu metiiola. ¹¹Anga se tarang iila veng ganang hula Lahatala apangadang mi nehe mu gae molo niang, taang mi nehe molo naba se abeta omi venganamang. ¹²Aulang arunge hukung tura eela angu, tomi venganamang niang aulang di, neneba hukung tura angu veng karajang anami abeta.¹³Kristus ana ping sai tila ue tamadie ahual veng toda e lamal e tahi tamadi ahual, ping anga pi bele, taang mi ana hurak tamadi ahual met ma nehe ba leut veng nili angu ada na. ¹⁴Yesus Kristus, Ana eningi iila aulang e ue Abraham e karasa omimi metma muba ba uai hula Yahudi, aulange tomi veng aanamang angu Roh ba met ma tapalai ang pi harak.LAHATALA EPALAI BOT HUKUNG TURA ¹⁵Ne kanu naung, na hula sarenta nu veng sarenta ue abetang ved kakanap omi angu mi. hula palai angu etabitila, kandati oras kabindene omimi, ue manusia eha hama angumi, nehenu bae veng tahang niang, niang e palai angu tang maveng. ¹⁶Angase taangmi Lahatala ana palai metma Abraham got etaganing ene angu Lahatala bae veng ganang hula. Metma etaganing tahe li nehe toang e mea got metma etaganing omimi genang ba Yesus Kristus.¹⁷Ne nomi angu hukung tura ga ava apaleneng, tung ratu buta aritue (430) evaila angu omimi gae Lahatala ejol angu a sorong niang, apalai angu ue niang ¹⁸Hula nehe toang e angu e ela angu hukung tura mi. angu se nehe tomang e angu bae eela ba palai angu. aulang arunge lahatala metma Abtraham enang palai nu ening¹⁹Angu ebele, ea talang ba hukung tura angu ue, hukung tura ue, taang mi pi lopi pariku angu ilatabaning taheli veng jehi anguba, palai angu ue, hukung tura angu ana lamal ue malaikat atang omi mi. ²⁰Lahatala angu nu aulang arunge e gahing vala angu ana bae nehenu kolang gahing niang.HUKUNG TURA E,OMI ²¹Hula aulangse hukung tura angu bot Lahatala e palai angumi tebelung, oma niang angu ebele hukung tura angu ana a betang angu metma mainang molo angu ue hukung tura angu mi. ²²Aulangarunge surat hamulang angu ana emang pi kaomi got nehe emang pi ahalang mi ga angu, aulang e palai tomi venganamang, Yesus Kristus met mainang.²³Angse iiomi veng anamangangu hoa, ana ping kaomi ue hukung tura angu pi bae ening niang iila ue nehe jaga ivang. ²⁴bot aulange hukung tura metma napa maniang ening, Kristus veng hoa, aulange iiomi venganamang angu iot molo. ²⁵Anga se iiomi venganamang angu hoa, arunge hukung tura angu pi bae ening niang iila ue nehe jaga ivang. ²⁶Yesus Omimi, pingemang pi angu Lahatala oal, ue iiomi venganamang angu mi.²⁷Ping emeng pi ping sai ue Kristus omimi Yesus met iioa. ²⁸Ne he Yahudi, niange nehe Yunani ue niangiila, malea niange nehe ilva, mehal niange jangu iing emangpi nu ue Yesus Kristus omini. ²⁹Iing angu Yesus Kristus e pasaka, iing angu di Abraham etabaning got iing metma e manusia ening palai angu ea mulung.

¹Ne nomi anga , nehaba omi naung , ana jedung kaka neing bot malea niang toangera e enehe. ²Aingba Kavasa met hava omi adana , i mang veng palai tila angu.³Pimba anga, ana jedung kak neing roh jasi poralolang. ⁴VEd eka emampi ana hoa , Lahatala mehal angu ana nehe jangu ot veng ajai hukung tura e ha hama angu mi. ⁵Ana metma ping sai pingvai , aulange pingohima oal idat ening.⁶Ing ba noal e nidat, Roh hamulang ana panatut hela poralolang tang piera ya nimang ya Lahatala. ⁷Inga anguba malea niang, arung e oal. Lahatala ana ingma aol idat ening. EKANG POR ALOLANG E ROH JASI AHALA ANGU OMIMI ABETA EKANG.⁸Tura angu iini uling Lahatala ateing niang, emang hula i Lahatala niang angu eda denang. ⁹Anga se iini Lahatala ateing etabit iini ateing hula Lahatala, aimota met roh jasi ahala ang e ola; iini jalit hula emalea ening.¹⁰Veng suka veng navera ved- ved, tereng- tereng , bot tung -tung ! ¹¹Nababa ba iini veng susah veng lala ila angu have parasasuma.¹²Ana banang e senang, kaku serang , emang hula aing ededenang. Ing angu ba hala niang. ¹³E halomang ana bae surat hamulang angu ana bae at lalal niang. dilang moleng ana harak. ¹⁴Ediri ava vahi angu metma aing uji aing tapis, arunge iini vae e hura e mananti niang. bale veng banang hula aing angu malaikat Allah, Yesus Kristus molo.¹⁵Lahatala iini e aung e hama rasa tila angu , ana hula metma i tubing matura ? niang iini jali se eing kokar angu doket medi se iini jali. ¹⁶Iini have hula naing nehe palevang ba aung hama ang met ni maring.¹⁷Iing angu usaha ula naing dapa, arung ba iomi ba aung niang. tara e iapaing angu ba iini alaping. ¹⁸IIni aung hama iini veng suka veng nevera iini veng karajang na kalo iava ia toang pina.¹⁹Noal naung, iing angu ibele ba na neboa ipi anga dilang moleng harak emenghula nehe ajai molo sampe Yesus kristus ediri ma itubing. ²⁰Na veng banang na bisa ia toang pina, arunge namal anga osing ila ne akal met iadana angu niang ila na me iadana. HAGAR BOT SARAH AING E SONTOH²¹Ing ba Taurat e larang e bandu, aing ivang angu naung,iini ekek veng naat mateng hula iini ue Taurat e larang bandu angu venghele e niang. ²²Ulang ambaue harak veng maateng ila, Oal nu angu jangu maleaba aing veng ajai, bot nu angu e mamolo ba aing veng ajai. ²³Aulang base val ba jangu malea veng ajaia angu hue e boa ipi abetang oimimi.²⁴Nehe jangu aru anga e sarenta pi ateing se emang hula eukong e lamana arungba met a pasang ededenang. Jangu nu angu ene Hagar doe sinai dol tang hoa ana malea val veng ajai. ²⁵Anga se HAgar anga emanghula sinai dol ue Arab por tang angu e ukong e olamana metama i Yesusalem veng mea abetat malea ededenang bot oal naung veng.²⁶Aulang arunge Yerusalem doe atelang mi ando aing aba jangu emamolo, bot aingba metma tiva ening. ²⁷Aulang angu ba Ue hurak veng banang ila, Aung hama met nehe jangu ba atou pamar jasi angu enang , ana val veng ajai niang angu ba ue veng banang ila. Lebab tojang metma ing ba e , val veng ajai niang bot bae veng dira niang ue mateng ila ; jangu ba enang kolang abeta angu, Oal naung mi toang metma jangu ba emehal veng oal kabing.²⁸Kaku naung serang naung, ing angu ba Ishak oal idat. ²⁹Minu mi se val ba manusia veng ajai angu ana val ba Lahatala e Roh hamulang mi ajai angu aing due.³⁰Aulang arunge nababa Ue Lahatala e surat hamulang mi hurak ila, jangu malea, met oal veng angu iat teri , pasaka ae hava omi anga bae metma mainang niang.Arunge pasaka anga ba avaomi metma jangu ma emolo angu ba enang. ³¹Aulang base kaku mnaung serang naung ping anga val jangu malea oal. Arunge ping anga jangu e mamolo angu oal.

KRISTUS ANA NEHEBA OMI FENG ANA MANG OT ILFA ¹Etabe iifae doni, Kristus Ana mapinang ila. Angu ebele tahit anamang bot ake tamadi ahual angu met tama tengge ening mapi malea ening. ²Feng hele neing, Paulus, metma atmateng fembanang, ini ahe Yahudi e hukung tura angu medi ekang, Kristus ebili metma adana iba niang.³Minu mafeng na feng banang, metma neheba Hukung tura angu medi ana malekang ea mulung. ⁴Ini male kang hula moloe hukung tura angu la mulung, ia betang angu Kristus ea halang ila, bot eaung ehama angu metma i ta jebing ening.⁵Roh omimi hoa bot tomi feng anamang, pi ading, emolo angu feng tomi. ⁶Tangmi Yesus omimi, hukung tura angu ea mulung-lamulung niang, egunang niang. Aulang arunge tomi feng anamang feng karajang, teja jahi anguba ebilifing. ⁷ini bihit aung ngila, nubaba iapang sakang, we moloe ea mulung omi angumi.? ⁸Ajali angu ual hula aingba earu angu abung mi hoa.⁹Na kabing dena angu ana ening emampi angu toang. ¹⁰Na ee tabit fembanang ing ba Lahatala omimi, feng banang hula ini ahe ukur abeung medi ekang. Aulang arunge nerbaba i ukur ande angu aboi, nabase ana ebili angu medi.¹¹Angu e bele ne kaku naung, feng banang hula najedung hukung tura angu feng maring sei, ea talangba nehe jedung na jaja sing sei? hula aulang, netma fur ening tang kodo leut angu ea halang. ¹²Nafeng baing, ingba i karanjang metma ia dan, nabose ini ina iafa angu fe tahang.¹³Ne keku naung, ia ru tila hula metma nehe iifa ening. Aulang atunge ake iifa angu medi, sengi laba abetat comi angu ea mulung aulang arunge taing feng baba lenta bot tejajahi. ¹⁴Taangmi hukung tura emampi akanapila, ue ehur nu angu omimi, Ekaka e serang angu omi metma ejahi, emeng hula ediri afa bahi angu eda denang. ¹⁵Hula ini taing ai bot taing mamu, feng haraka aulange ini ake tama meang ehang.ROH EJALING BOT PIJALING ALIL ANGU OLEH TAING OA ¹⁶Angu ebele, nafeng kanang, abebat Roh omimi, aulange naba-nababa ifeng jali ea mulung angu ini ahe ening ekang, benangba yomi alil angu. ¹⁷Tomi eamulung alil angu, ana Roh ejaling angu ini taing oa,Roh ejalingangu bot pi jaling angu, arei anga ana taing oa, aulange nabal ini feng yomi angu ini ake feng karajang ekang. ¹⁸Aulang arunge Roh ana iapang pinase, ini bae ue hukung angu aing ifang niang.¹⁹Karajang ba yomi ea mulung angu afa apa letingila, benang ba manisi karita, ahalang afali, alil amarah., ²⁰nama niang feng somba, kua kete, alil, tata dana, alil metma tomimi, alilba ebale niang, abetat pinang kolang, tota orang tarae tea pahing, ²¹taing ening ahala, naboa, haja ening bae at ha hama niang, bot ea beung mafeng. Angase na me ifengani ening, emeng hula jedung sei namet ifenagni ening angu, nubaba na alang ang naung ening metma sorga abang feng taanang niang.²²Aulang arunge Roh e ihi angu, tejahi nafera, aung hama, feng tahang, taimang, aung, kalaka, ²³moleng haleng. bot bot afa fengani. Na alang ang naung hukung bae metma adana niang. ²⁴Ing ba met Yesus epasaka ening angu, ini yomi ea mu lunge bot kafasar angu met leut feng hela tila.²⁵Pi roh mi a beta tila, aung ba pi lamal Rong angu la mulung. ²⁶Pi ake lafa ening atela, niange ake te alil ekang.

¹Keku naung serang naung, neheba ahalang ateng veng karajang se, iing ba aung angu, neheba alang enga, aing metma Roh ebaka angu mi. Iava veng haraka aulange eke doging amulung. ²Toang molingtamadi omi mi, engu e, iini va ila Yesus e parenta emulung.³Nehe ipa angu ava ohit hula aing hengi, arunge ual aulang, ana ava kabule. ⁴Mae ne nanut ekarajang ana piling, seng aungue ana ava ohitma eboa ipi angu ateing. Bot ual metma nehe abeung angu veng uling. ⁵senenanut ana etamadi angu enaitetang.⁶Nubaba vomung pahang Lahatala ehur kokal angu niedi, anamalekang emampi Paul metma, neheba vengemaring angu enang. ⁷Eke nehe aing kabule. Lahatala angu bae at mamulal niang nehe kurdi avaving , nababa ana barai. ⁸Neheba alil amara eboa ipi omi angumi barai, ana kudi e manisa eboa ipi omi angu avaning. Aulang arunge, neheba Roh hamulang omi mi ana barai, ana kudi apetang avening Roh hamulangmi avaning.⁹Eke tava veng Berea sehi aung veng karajang. kalo ejol hoa, pikudi avaning. Asala eke ava holong. ¹⁰Aulangba, pi kalo sanang horak, mae pi aung angu vengkurajang metma nehe toang enang , emamolo metma ikaku ba iyomi anamang nu omi angu.¹¹Enguling, hurkokabolba na hurak maenang angu, naingba. ¹²Nehe suka jasi ahala angu matubing metma aung ening, aing manda ot vengkarajang. Ini vengkarajang aulange nehe ingbue ingheli ehang, karna Yesus elaut angu. ¹³Ingba sunati ladi bae eparentah Taurat mi eamulung niang. Ini hula iyot sunat, aulange ini iava ohi.¹⁴Na bae nava ohi niang, arunge nanava ohit Lahatalah Yesus eleut omi mi. Eleut omi mi poralolang nehere tila metmonenang, bot naingme poralolang enang. ¹⁵Sunat e sunat niang, e pahang naba. Emolo angu metma apetang hiba ening. ¹⁶Metma ing emampiba eparenta paning lamal angu, kilang dunghama. Lebal tojang, metma ingteng hela, bot ingba Israel, Lahatalah epasuka angu.¹⁷Evengabang, eke neheot naing ening susah. Na ateing, Yesus eande-eande anguba naae paning, bot ae ne boa ipi omi mi. ¹⁸kaku naung serang naung, aung hama sukana vera timang Lahatalah, Yesus, Roh hamulang, tatoangpina. Amin.

PAULUS EH ADA ¹Naingba Paulus, Yesus Kristus eh sakola bai, Lahatalah eh jaling omi mi ingba nehe hamulang Efesus mi, ne he omi metma Yesus Kristus omi. ²Aung hama, toang ahung suka nabera Hatala piLahatalah bot Yesus Kristus.³Timang Lahatalah, Yesus Kristus ing tajaning, aung hama mona maja lung, bot Sorga eh sadaka metma pi oa. ⁴Por burang ue jeduung, ana ping veng talaita toot hamulang, bot eke kasita Roh hamulang omi mi.⁵Eh Halomang ana, ping veng talait pingohit metma oal ening ba ila Yesus Kristus, eh ial ing omi mi. ⁶Ana metma etajaning eming, eh aung omi taangmi ana para surang metma ma pinang, ba ila Yesus omi mi.⁷Ene omi mi , ana talibal aunglaeh, ma eh pasaka hamulang ening. ⁸Lahatala eh ande aung metma ping veng atotu lebe-lebe eh ande aung.⁹Ana pinaning pi tubino, Kristus aungeh hama ba, ana at lamal angu. ¹⁰Yesus Kristus nababa ana, lamal angu oras nu mise, ana toang apina Sorga eh bot ala mula eh angu.¹¹Yesus Kristus omi ping ametma eh pasaka ening turang mi, ana metma tapalai tila. ¹²Au langeh pingba halomang-halomang, tomi metma Yesus Kristus vengmea, metma aing tajaning, aing palebang.¹³Ene omi mi, ingdi amal mamolo angu vengme, aing anguba slamat ehela, ih iomi metma venganamangi partat anung Roh Hamulang omi mi. ¹⁴Roh Hamulang ia vaning, ing sai metma Lahatala o al ih dat ening, aing tajaning aing palebang.¹⁵Uang uh, eh bele nabanang iih omi veng aa namang ue Mutu Yesus omi, metma nehe Hamulang toang adana. ¹⁶Naing veng ah ladil niang, ing metma ne sambajang omi mi.¹⁷Na sambajang metma Lahatala, bot Kristus Yesus, enang gulang eeh iih ande angu metma iih omi mi. ¹⁸Na sambajang eulang eeh, iih omi angu ot jara sengeeh ih ing metma eeh pasaka eh ning.¹⁹Eh da eeri eehele aana metma mapinang toot tomi metma veng anamang. ²⁰Eeh ehle eeh daeri ana ma, tubing eng uba Kristus oot bale ameta nehe amina eh haltami, bot ana mida Sorgami imang atang tene out mi hi. ²¹Lahatala e mihingma angu bot mi ele-mibalolu, bae ming manaba ae por alolong taang ole hama niang, bot Lahatala ene angudi mi elle mi balolu metma aangmi ametang eeh moe manengu. ²²Kristus eeh mampi angu, metma la ibang mea bot eeh boa ih pi, ena mapinang metma jemaat oong ening. ²³Eboa ih pini anguba eh mang-emang pi ue mi.

PILOHIT UWEAUNG EHAMA OMIMI ¹Turangmi, iini aamina ue iahalang iiavali angu omimi. ²Taangmi uangveng angu iini poralolang elamal etahi anguba eamulang, kavasa burang osing eamulang, enar iasih anguba kakanengba bae ulie aloda niang angu iomimi karajang angu. ³Imba naung bot ping emampi, turangmi ambetat piboaipi balea anguba eamulung , umbul barang metma piboaipi balea anguba eamulang. Umbal barang metma piboapi bot pi ukur omimi. Ping anga emamolo angse kakaneng durhaka, emanghula nehe abeung angnaung edadenang.⁴Aulang arunge Lahatala anguba garing sabui angu fengkavasa, bot eawung ehama anguba etatabit ele, anguba ana omimetma pijahi. ⁵Niangba tangmi pipiahalang piavali omiangumi aminadiba ana ambetang angu mapinang, emang hula, Yesus angu edadenang eaung ehama omimi pilohi. ⁶bot ana aabetang angu mapinang, sengilaba ana pingohit hama-hama ue abang sanang, Yesus Kristus omimi. ⁷Awlange orasba ae mahoa anga, ana ekavasa aung hama ba baetupa at eng niang angu, ana eanung ehama mapinang, metma uwe Mutu Yesus Kristus ene omiangumi.⁸Bot eaung ehama angu embele, iava mbahi angu lohi. Uwe yomi fenganamang omiangumi bot angu egariangee sabui. ⁹Bae itarung embele niang, anguba neheimba bae atambahi angu ohit atela niang angu. ¹⁰Ping anga Lahatalaba pingmajadi. Majadi ue Yesus Kristus omiangumi. Aunghama angu ana turangmi fengharakat, tot fengkara awlange pi ue omi angu miabeta.KRISTUS PINGMA TOANGANUNG¹¹Asngu embele fenganit hula, inganga turangmi kua kete omimi tambaning eveng banang hula sunat niang. Bot metma imba ivambahi sunat angu, evangbanang hula manusia ba iatang metma iboaipi angu sunat. ¹²Ini fenganit hula uang adena angu, Yesus Kristus iat ambeta jedung, Israel e warga at tatara bot nehe hoangmanang, metma taiveng partat anung mbaning palai omi angu, bae akanap niang bot Lahatala bae poralolang tang jedung.¹³Aulang arunge, Yesus Kristus ene omimi, imba turang olla elemba angu, iatma peangila uwe Yesus Kristus tue ham ulang omiangumi. ¹⁴Bot aiing anguba, salamat emamolo. Pingba tomi ening aaru angu, malekang tomi angu eningmu, metma alil amara angu arahak bot aat tatara. ¹⁵Lumul kavasar jasih ahala javambahimi angu, mbiah sengangse Lahatala ebandu ba, parenta bot bomung, arru angaba metma manusia angu abaiit metma manusia hiba ening. ¹⁶Leut angu embele, arupi Lahatala at aung uwe tavambahi omi angumi. Awlange, inii bae toang tahi niang.¹⁷Ana hoa bomung pahang metma pingba peang di feng tatmateing, bot bomung pahang metma pingba peang di feng tatmateing. ¹⁸Ene omimi polepi fia imang embele ila angu harak uwe Roh nu omimi.¹⁹Base angase ingangu bae hongmanang niang ila, arunge indi metma manusia hamulang angu feng taanang bot metma Lahatala oale idat ening. ²⁰Iing ohit metma Rasul bot Nabi ening, sengilase Yesus Kristus anguba metma iivar halomang ening. ²¹Kristus omimi ahami ateing metma taifeng anung ahami sengilase metma Lahatala ehava hamulang ening. ²²Ene omimi ingdi iavambahi angu fengkarajang hama-hama metma Lahatala edeling edaval ening uwe enar hamulang omi angumi.

PAULUS EBALENTA METMA NEHEBA BAE YAHUDI NIANG ANG NAUNG INANG. ¹Naing ba Paulus, Yesus Kristus ene-amal angu baing lamal metma iingba bae Yahudi enehe niangang angu metma iia vomung iiapahang angu ebele nehe naing metma bui. ²Lahatala eaung-ehamaba Ana metma manenang sengilaba not baning lamal metma iing veng balenta-laleang angu iini vengme tila,³Lahatala eomi ana metma netubing ana emanghula nababa jedung sehimi na harak iila angu edadenang. ⁴Iini nateing bot naing manggaratise nababa na hurak iila angu Kristus eomi angu eamulung. ⁵Angu bae metma neheba aabeung mi hoa angu veng imaring niang, aarunge metma Mutu Yesus e etva bot Lahatala ehur vala ba hamulang kadulang angu ba metma itubing.⁶Neheba bae Yahudi enehe niang angudi metma pi nehe ening se Lahatala eomi angu ini surat hamulang mi ateing iila bot ingdi iava metma Yesus Kristus veng apinatela. ⁷Lahatala eaung ehama ana metma naing kavasa angu elebe naing metma ehur vala ening.⁸Lahatala ekavasa-ebisaba pi bae ateing niang angu ana Metma naingba masiking kasiang ba ae nehe aaung-hama ehahama mi anga di manenang sengila ba metma neheba bae Yahudi niang ang naung iavomung ia pahang. ⁹Bot Lahatala evomung pahangba nehebae veng maring jedung tung ila tung hoa angu Paulus ana veng maring metma jara nu ening se aingba emampi angu majadi angu ebele.¹⁰Lahatala e kavasa angu jemaat di baning veng maring metma Lahatala emale ba doe mana hamulang mi angu di inang. ¹¹Yesus Kristus ba pi Lahatala angu ana evamung-pahang ejajehing angu metma pitubing.¹²Sengila ba pi baranit Lahatala evia angu eamulung se pi tomi metma Kristus venganamang. ¹³Angu ebele ne susa lala angu iini ateing engse ekang ilava berea sei ekang. Susa lala angu ba aaung hama. PAULUS SAMBAJANG METMA JEMAAT EFESUS ADANA

KRISTUS EBOA NU KOLANG ¹Lahatala ene amal angu ebele ba, naae hava kaana omimi,namet ivengani ening, aulange iini abetat emenghula na halomang iaru imoring angu eda denang. ²Nanava ening alolang- alolang, bot moleng haleng , nomi vengtahang, tomi metma tejajahi senge tamadi angu hama tevang. ³Yesus e Roh Hamulang edairi omimi, iini etetabit tominu angu veng karajang, vaila aung hama angu ateing. Pi boa ipa anga nu, bot Lahatala E Roh hamulang angu dinu⁴Pi boa ipi anga nu, bot Lahatala E Roh hamulang angudi nu , emenghula taangmi ana aru iamoring , metma nababa ini veng iomi, angu eda denang. ⁵Lahatala nu, tomi anamang dinu, bot jar sarani dinu. ⁶Nababa doe atelami, nianghe ae poralolang tang, emampi Elahatala ba nukolang.⁷Aulang ngarunge, uukur ande angu ana metma hehe nanut enang, emeng hula Yesus eukur , angu edadenang. ⁸Angu ebele nehe vengbanang , minuse ana mana atela mimida neheba kuakete ing pina angu naung, Ana Iadoi bot ukur aung ande awung angu. ana met mainang.⁹Minuse nehe vengbanang hula Ana mida anguse evengbanang hula aingdi ue por eivangmi hela ila? ¹⁰Aingba hela angu, Aingba bot mida, ebalolu angu doe Burang atang mimida, aulanghe ana emampi ot teng kanap.¹¹Aingba gahing vala angu mainang, Lahatala ajabur aninggal. Lahatala amal angu, metma netoang veng emaring, ue buangvala, vomun pahang vala iabungmi. ¹²Aulanghe nehe hamulang ekarajang, ebalenta otteng kanap, metma Yesus ene ohi ene atela. ¹³Yesus Kristus anguba Lahatala oal mamolo, Aingba elebalomang, bot emepi angu aing ba ateing, aulanghe nababa piveng tomi emenghula, veng karajangse, ana ila venghili vengadang.¹⁴Aulang ila base, ping anga ual hula kakaneingba, buat atva atms bot neheba akal kabule angu eke ehur angu vengtomi ekang, bot venghele vengme ekang. ¹⁵Yesus Kristus Aingba metma pi ong ening, aulanghe nababa hula molo una angu, piveng mateng se,pitomi metma tajajahi, aulanghe ana pihamami bilangda. ¹⁶Yesus omimi anguba, anaping partat ening anung, metma aingudok, aulang base , nenanut hula, ekarajang metma Eboaipi adana diseba iomi metma tejajahi. ABETAT EMOLO ANGU UE YESUS OMIMI¹⁷Aulang base Lahatala omimi na etabit metma veng iat mateng. iini eke abetat emenghula neheba omi anamang niang, bot ukur vengdadena angu edadenang. ¹⁸Iukur iande angu vaila kua kete mi, bot abetat Lahatala eola tila , aungba iomi anamang angu ening iot kamuke. ¹⁹Iini se iava ateing niang ila, bot iomi kumal ila. Anguba iini iava metma jasi ahala miabang, bot vengkarajang iabetang omimi.²⁰Aulang base iini hula Yesus Kristus , Ehur kokal angu vengajar se, iini eke najasi ahala angu ening ekang. ²¹Misavaka etabit iini ue vengme tila, vengbanang hula Yesus aungba aing, bot ene amal angu iini hula vengajar se molouna anguba metma iabetang omimi. ²²Manusian ba jasi ahala vengkarajang eabetang omimi baning ming vemang, ila se aungba biana ila.²³Lahatala E Roh hamulang bau e iukur omimi angu ening anahiba. ²⁴Manusia ba Lahatala ahami atenit ila angu, iini malekang iabetang angu ening molo- molo bot hamulang, aulanghe ehiba angba baning abeta.²⁵Aulangbase iini hula akal kabule ba ue ing vengangu, iini bianailat ila se, aungba na, hur molo una anguba vengmateng metma ekaku, e serang adana, emenghula pinganga ue nehe nukolong omimi abetang angu edadenang. ²⁶Alil amara ba ue, ngarunge eke jasi ahala, ening ekang eke alil amara angu vengkilang vaila vedba ekang. ²⁷Iini eke i ava metma, setang enang ekang.²⁸Neheba Nataavi tilase, aungba eke bot nataavi ekang. Emi aung ana atang metma karajang pina aulanghe. angdi ena iba aing veng, ana metma nehe abeung vengpaut. ²⁹Hur jasi ahala angu, eke vengkilang, met iai omimi vengmateng ekang, ngarung e hur aung hama anguba vengmateng aulanghe neheba vengme angu, aunghama metma eoa. ³⁰Eke Lahatala E roh hamulang angu ening omi adira ekang. Lahatal E Roh hamulang anguba ing sai bot iene dimaveng ila.³¹Hura mananti, jasi ahala, alil amara, orang tota ehur angu naung aungba biana ila, bot jasi ahala emampi angu iava metma eola epaleteng. ³²Ia betang angu, ening anateninge rama, metma nehe abeung adana, bot iava ening balea balea metma iomimi, aulanghe iini taingampong, emanghula Lahatala Yesus Kristus ana ing vengampong ededena.

¹Aulangba iing metma Lahatala eaboing ening, emenghula val ba ana omi metma ejahi angu. ²Apetat vaila tomi tejajahi omimi, emenghula Yesus omi metma pi jahi bot eboa ipi ana mapinang metma sadakah ening, manema Lahatala apangadang omimi.³Aulangba, eke jahi ahala, ahalang avali, akrita emanisa angu vengbanang hur alang an, bae metma nehe hamulang ehama-hama angu mi niang. ⁴Eke hur karita, hur kamuke lebal jasi, angu ening, emi aung Lahatalah angu ba tajaning.⁵ini ateng etabit, ne everi ne omi hamulang niang, nehe alil amara aneda domba angu, ini bae Kristus Lahatala e hava hamulang ateing ning. ⁶Eke nehe ot hur osing veng mateng met ing kabule. Anguba Lahatala e alil e amara metma val karita jadi angu ing tanghela. ⁷Aulang ba, eke iat apeta.⁸Mini ing angu kua kete, arunge engase ini jara Lahatala omi mi apetat emeng hula, jara val angu edadenang. ⁹Jara eiipi angu ba aung, una molo. ¹⁰Ba mahe pidaping naba ba Lahatalah ot sanang. ¹¹Eke kua kete oomi me amulung. Engu eiipi niang e vengaboi, karajang alang anga ehamulang. ¹²Senababa ini taimang-taimang veng karajang, pi vengbanang di pitavaaloring.¹³Aulang arange, emampi piateing jara ahamu langila. ¹⁴Emampi engu etabit aing angu ba jara anguba eveng barang aungba tahi ingbatia, ne emina omimi aung ba tahi Yesus e jara maenang.¹⁵Aulang ba, euling aling aung tatalange iini abeta eke emenghula nehe kamuke molo. Aung anguba vengkarajang . ¹⁶Ved-ved ue angu ved jasi ahala, aulangba orah ba ue angu ening aung-aung. ¹⁷Eke metma neke kamuke ening, aalang arunge Lahatalah ejali angu ba eamulung.¹⁸Tuana na boa angu, uangu ahala. Emamolo angu, aung anguba metma omimi. ¹⁹Lahatala aitajaning aing palevang angu, veng tat mamateng aulange iini dalohit bot vengkarajang vaila aing anguba veng somba. ²⁰Ebanang esenang angu emampi me Lahatala enang, bot vaila Yesus Kristus ene omimi.VOMUNG PAHANG METMA JANGU MEHAL ENANG ²¹Teing veng tatou metma Lahatala veng taku e veng paliul.²²Jangu-jangu, imehal ang veng tout emeng hula Lahatalaaana veng tou angu edadenang. ²³Mehal angu metma jangu e ong ening, emeng hula Kristus me jamateong ening angu edadeneng, anguba eboa iipi angu bot aing anguba sai vala eela emanaing. ²⁴Emanghula jemaat metma Kristus vengtou, eulang eliba jangu metma mehal vengtou ekarajang toarang omimi.²⁵Mehal-mehal, iiomi metma iijangu ejahi emenghula Kristus omimi metma Jemaat ejahi angu edadenang, bot eboipi angu di ana metma jamat enang ila, ²⁶Lahatalah Ene amal bot ejar angu metma ing lomang aulange ini hamulang. ²⁷Wangu ebele Kristus Yesus ana ping metma alival eboa ipi hamulang omimi, aulange pi ekang vaila karita manisa omi angumi ekang.²⁸Aulangdi bot mehal-mehal , ijangu angu iomi metma ijahi emenghula eboaipi angu edadenang. Eingba omi metma ejangu ejahi angu, ana eboa ipi di omi ejahi. ²⁹Nehe ipa bae eboa ipi angu omi metma ealalil niang, eaulang anunge ana gariange bot seboi. Emenghula Kristus vengkarajang metma nehe toang adang. ³⁰ping anga ba ebo epi iae atang angu.³¹Uuangu ebele, val mehal angu ana imang bot iva eola aulange ole anung vaila iboa epinu omimi. ³²Omi emang angu ele, angu ba Kristus omi mi nametma veng iat mateng. ³³Aulangba, nehe nanut omi metma ejangu ejahi, emenghula omi ava ejahi angu edadenang bot ingba jangu angu nabase iimehal angu aing vengtou.

VOMUNG PAHANG METMA VAAL BOT IVA IMANG ENANG ¹Noal naung, iingba Lahatala omi mi aabeta, emamolo angu, vamung pahang ba iiva bot iimang metma iia vomung angu, iini malekang eamulang. ²Ina bot iimang angu ing aada, anguba parenta ehalomang ba Lahatala veng palai angu. ³Aaulange iiabetang angu aaung, bot iiumur angu navening ae por alolang anga taang.⁴Nimang iimal ekang iioal angu ing ening iot iava aaloring sengila ba ini alil ekang, aarunge Lahatala evomung pahang anguba, metma iavomung -ia pahang aulange ini aabetat aaung hama.VOMUNG PAHANG METMA MALEA BOT NIMANG ENANG⁵Ingba malea ae por alolang taang, iini malekang honang angu aing aada, bot eamulung etatabit emanghula iini iomi metma Kristus venganamang angu edadenang. ⁶Ekang hula nehe ot iiuling senge iini karajang angu emanghula Lahatala emalea ba omi mi karajang pinat Lahatala ejaling angu eamulung. ⁷Oomi angu ening anung vengbalentat metma Lahatala enang, bae metma manusiaba enang niang. ⁸Se iini ateing aing angu melea, eeniangba nehe lohi di, hula ana na aaungba vengkarajang anguse, Lahatala Ana e seva angumetma maenang.⁹Nimang di karajang aalang metma malea adana. Alil amara angu barenti, se pi ateing hula, nimang e manaing, bot malea di emanaing angu, hama-hamat doe mana hamulang mi, bot ana bae nehe apang kalalang niang. LAHATALA EHUR AANUNG HAMA ANGUBA METMA IIARING ENING¹⁰Eveng tahi mise Lahatala anguba pi mi kuat midaeri bot ekavasa anguba pi omimi aabeia. ¹¹Lahatala e kuat edaeri anguba emampi pina, aulange iimi bisat tahit kua kete poralolang angu aing lavang.¹²Se pi bae manusiaba aing lavang mang, aulang aarunge pi kua kete elumul namang anguba aing lavang, bot nehe jasi ahala e roh ue burang osingmi, anguba pi ing lavang. ¹³Anguebele Lahatala eaung ehama anguba emampi pinat aanamang, aulange ved lumul namang angu hoa dise pikilang veng tahang veng daeri, bot emampi angu sengmuse pi kelang tahit aamang.¹⁴Base tahit aanamang sengilaba Lahatala eaung ehama angu metma aahabang angu mi partat aulange metma kamandul nu evai bot eaung ehama angu pinat aanamang metma oomimi emenghula metma ekondo eele angu evai sengilaba aana pina. ¹⁵Lahatala eaung ehama anguba metma ee sapatu ening, sengilaba lamal ene amal angu metma nehe tuang veng emaring. ¹⁶Oomi metma Lahatala anguba veng anamang aulange jasi ahala e aad huring ba ue da angu aana pak ameang.¹⁷Aabetang ejajening angu medit metma sindal ening, bot Lahatala ene amal angu ba metma eearing ening. ¹⁸Banage senang ved kakanap, bot banang emampi angu Roh Hamulang omimi. Eebanang omi mi oomi venganamang angu emampi veng harakat sengilaba at mida metma nehe hamulang ang naung eadana.¹⁹Banage senang metma nandi nadana, aulange eorasmi na mateng anguse Lahatala ana hur koleal aung hama anguba veng maring. ²⁰Na ehur aaung hama veng maring angu ebele nehe naing langi-langi. Banange senang metma nadana aulange na baranit Lahatala ene amal angu metma nehe toang veng imaring.AADA EVENG ABANG²¹Titikhus, aing angu pikaku bot aing angu kalakat Lahatala ekarajang angu veng balenta. Eningse ana na emampi angu metma liat mateng, aulange iingdi nateing, bot nababa na ue veng karajang angu di iini ateing. ²²Angu ebele na aing gahing ot iibele ila aulange iini nesarenta angu vengme bot ana iiomi angu eving suka navera.²³Iiomi metma Lahatala bot Mutu Yesus Kristus venganamang angu ebele ana aaung hama angu metma iinang. ²⁴Neheba omi metma Mutu Yesus venganamangangu, Lahatala Ana aaug hama angu metma enang, bot Yesus Kristus Ana aabetang ejajening angu metma eoa.

PAULUS BOT TIMOTIUS E BOMUNG ¹Naing Paulus bot Timotius, Yesus Kristus emalea, metma neheba Hamulang kadulang uwe Yesus Kristus omimi ba'ae Filipi omiangmi bot metma jamaat ebuang fala bot ejagafala. ²Lahatala esajang gariang bot Mutu Yesus Kristus eamulang e hama iiat toangpina! PAULUS ESAMBAJANG BOT AUNG FENGMBANANG METMA BENDAR FILIPI ADANA³Tereng kanap naingfengani nane Lahatala eawung fengbanang. ⁴Nasambajang metma ingemampi iadana, bot nasmbajang rasat sanang omimi. ⁵Tangmi karajang hama injil fengmaring ba anametma mainang uwe fed halomang bot anga fengjehi anga. ⁶Naetatabit nomi metma fenganamang hula aiingba halomang-halomang karajang awung hama anga metma ihahama angami, bot aingba ening awung metma Yesus Kristus eved angu omimi.⁷Anguse emamolo angu nandi fengukur awlang metma iadana. Bot ing emampi ae nomimi tila maut hula nabuimi niangba nauwe injil elamal etahi angu fengbanang bot fengmaring aingngangu pikarajang hama-hama uwe Lahatala eawung ehama omimi. ⁸Lahatala anguba nateing, naetatabit ingemampi ingvengani uwe Yesus Kristus eawung ehama omimi.⁹Na sambajang aalang: Awung hama iang atoang bot naateng manggarati. ¹⁰Awlange ini fengfalail etatabit eaung angu medi. Aulange ivambahi angu hamulang, bot bae jasi niang uwe Yesus Kristus eved omi angu mi. ¹¹Bot aung hama ehiememang ba ue Yesus Kristus abung hoa angu atoang sengilaba mbaningma Lahatala jajaning. PAULUS EMOLENG ENE AMAL FENGMARING OMIMI¹²kakanaung serangnaung, nasukat hula iyot atengi nababa naharak ae neambetang omimi anga, taangami angu embele Ene ama elamal etahi angu olatila. ¹³Awlange istana ejaga vala bot nehe toang ateing hula nahava kaana mi angu metma Yesus Kristus emanami. ¹⁴Nekaku e neserang efengeleba Lahatala mikuat, angu embele naae hava kaana mi anga malekang ini barenit Lahatala ehur edal angu feng maring ekang takuee mbaliul ekang.¹⁵Etatabit, imba'a naung ukur awung omimi. ¹⁶Ingba iomi awung angu mbaning laimal, maning jahi uwe suka sanang omi mi, bot ini atenghula Ene amal angu fengmaring anguba na'ae mana anga mi ungu. ¹⁷Sngilase eba omi jasi angu, mbaning lamal mbaning tahi isasuka eamulang, iomi awung niang bot lukur angu ening not mang susat maveng ae hava ka'ana omiangami.¹⁸Aulange embili naba ? emamolo ang aalang ini ukur tatalang baening diba Kristus anguba nehe aing palevang bot angu embele nasuka navera ya etatabit nanavera. ¹⁹Bot na'ateing hula, ibanang omimi bot Yesus Kristus eroh Hamulang pingmoling uwe nababa jadit neambetang omimi angaba ening not lohi.²⁰Nepinang anamang ba hula, nabae aloring maniang niang awlang arunge na etatabit fengbaranit awlange, Yesus Kristus angu angaveng bot uwe aing jajaning uwe navambahi omimi mauthula ambeta niangba amina omimi. ²¹Taangami naing nenomi ambetang angu Yesus Kristus, senge aminang angu neseva.²²Awlang arunge na etatabit neboaipi anga mi ambeta, anguse nambaning lamal ehi emenang angu ateing. Bot eta amba namalekang fengtalail. Nabae ateing niang. ²³Ukur aru anga nahamami ahala. Nenomi anguse ambetang ang mbianaila sengilase, Yesus Kristus at hama-hama, bot uangbe lebemianung. ²⁴Awlang arunge, iingangu nahula niaung na kilang aabetat iiat toang pina.²⁵Ukur awung angu embele, ping emampi karajang hama-hama metma suka sanang tomi fenganamang omi angumi. ²⁶Nabot holang imbele ilase sanang ma' atoang mbaning uwe Yesus Kristus omimi taangami nainganga nembele. ²⁷Awlang arunge ambetat uwe Ene amal Kristus esuang angu eamulung awlange ta'angmi naholong bale ila ing harak se, bot holong niangdiba, nafengmese hula iini itominu uwe Rohmu omimi bot ukurnu omimi awlange mbaning lamal mbaning tahit hama-hama mbaningma tomi fenganamang uwe Ene ama omi angumi.²⁸Neheba iyoang jahi angu ekang feng jakue veng mbaliul ekang, angu efengbanang hula ini tarahak tavetang angu afa'aholong, awlang arunge iing angu salamat metma mainang bot, esuang angu di ba Lahatala ba matubing. ²⁹Bot Kristus omimi, aung hama angu metma mainang aruge bae hula, aing mikuat anguba emangkolang niang arunge susalala dimetma at hama-hama. ³⁰Angu embele iindi mbaning ibaning, isenang omimi ta'angmi namilamal namitahi bot iateing omimi nababa naharak anga, bot angase ini fengmese najedung milamal mitahi sehi.

EE ANDE KRISTUS MOLO ¹Pi Kristus omi mi anguse, etang, ariak, Roh tomimu tahanu tomi metma tejajahi angu ue. ²Nesuka navera angu ening aung. Vaila itumenu , iandenu, tomi tejahi partat anung metma Roh omi mi.³Eke ava ovi , oanghuring angu ahala arunge oomi ening alolang eke hula aing hengi, arunge nehe aabeung angu miaung. ⁴Eke nehe nanut engmetma emamolo euling, arunge metma nehee angu dieuling.⁵Kilang ukur anga ue iahama angumi, emenghula ue Yesus Kristus abung mi angu. ⁶Aing anguba Lahatala, arunge ana bae ava angu vengtahang hula aing angu Lahatala oole hama niang. ⁷Ana ening emanghula naipa bae ue abung niang. Ana ava angu alolang metma malea angu edadenang, bot manusia molo. ⁸Emanusia omimi angu, ana ava angu ening alolang va eamulung, ila amina tang boat aminat doe leut venghili.⁹Angepek anguba, Lahatala aing ohit atela bot ene angu nehe toang ene angu mi ateng oa. ¹⁰Aulange Yesus ene omimi, nehe manut iia kuku muding, eba doe burangmi aeporalolang tang, poe porivang. ¹¹Bot nehe nanut ajabur vengbanang, Kristus Yesus Lahatalah metma imang ening. LAHATALAH TOMIMI KARAJANG¹²Nekaku, neserang nomi ijahi iini kilang kalaka selamat ela angu vengkarajang. Metma paliul eke hula na jedung uesehi arunge naueniangdi kilang vengkarajang. ¹³Lahatala anguba iiomimi karajang, bot naba iiomimi delanang se vengkarajang mi omi asanang.¹⁶¹⁴Emampi angu vengkarajang omi vang bot malavang ekang. ¹⁵Aulange ini elue jasi bot ahala niang iing anguba Lahatala oalbot ini bae jasit nehe toang omimi niang, ini jarah metma nehe toang omi angumi bot jarah poralolang tang. Pinat anamang Lahatala ene apetang, angu aulange Kristus eved omimi naing meditmet nava ohit veng banang. Na karajang angu bae parasumang niang.¹⁷Neve angume bokonge menghula jar sadaka engu edadenang, metma ekarajang ebalenta angu adana, na lebale tojang suka navera metma. ¹⁸Aulang dibaiing, hurnu kolang omimi iingmetma naing veng hama-hama lebale tojang.PAULUS ANA TIMOTIUS BOT EPAFRODITUS GAHING¹⁹

KRISTUS BA EHALOMANG ¹Evengtahimi, liang ba nekakue neserang, suka narera Lahatala atang omimi. Na gae nomi Vengtamadi niang naba-naba na hurak metma mainang angu eningse na anga ba ing jaga. ²Liava angu vengani metm nehe ba omi jasi jabar eda dengan ang aung, liana angu vengani metma nehe ba jasi ahala ening angu, golt ve nganit metma neheba ne ega ipi surat angu. ³Aarunge ping angaba nehe sunat ang naung got aaung hawa, Roh Allah omi mi ding somba, Yesus Kristus ehamulang got naba-naba ba ini par saja niang angu egunang veng niang.⁴Naba-naba egunang veng niang angba na met alasan ening aulange naba ba mahena e alus angu iini harak. Ba nehe aabeung ba veng iiomi hula ening mahena e aalus angu met alasam ening ang egunang veng niang, e mamolo angu se naing. ⁵Nandi sunat ue ved tuanu omi angu mi, Bangsa Israel, Suku Benyamin mi hoa Ibranie nehe ba Ibrani hur veng mateing. Hukung tura ang eaamulung angse, naing angaba Farisi eneh.⁶Aabetat na anga omiku, naing anga ba jemaat ana najajabing iila angu, bot naba ba molo ue hungkung tura angumi, naing anga gae jasi ahala enehe niang. ⁷Aulang arunge, naba-naba bana vengu untung avaiila angu, anga se na rasat untung niang Kristus ebele.⁸Etatabit, arinu tuaru angu na untung niang ae vengkapiling metma Yesus Kristus e ateing angu mi, ne mutu, nababa ening hoa angu ebili angu etabit ele, arunge emang pi angu ateing se heila aadaka e mana! ang he nabisa Kristus angu dapa. ⁹Ne he ba Kristus Omi mi na teing angu bae malo omimi hoa niang bot gae nediri ehang kolang mi hoa niang senghe na ateing se ue hukung tura angami arunge nehe ba Kristus omi venganamang miang angumi. ¹⁰Aulang ba na ue ateing aing ba ue abetat ekavasa omimi angu totimu ue edira angumi emeng hula ana ue ea mina omimi angu eda denang. ¹¹senge ila eveng tahimi se ana abetang medi ue nehe aamina ehama-hama ugumi.SURGA VENGGAPE ARU ANGU EAAMULUNG ¹²Aulang arunge, uai hula nababa ana medi angu etabit molo, sengila ba ana aterit va ang he nehe adoi emeng hu la Kristus Yesus na doi angu eda denang. ¹³Kaku Naung serang naung na bae veng nomit hula naing ba iini na doi tila angu. aulang arunge, nanu anga nahula ening: nababa naveng ta jebing ue namota oat vailangu mi got na pangadang mi wa hoa angu. ¹⁴Na mang lamai tarus ila mana angu mi Surga e bili angu ne ma pinang ue Lahatala piaaru aabetang eela angi omimi.¹⁵Mahe ping ba Aaug hama angu vengandet anga edadenang. Iini gae vengandet aaulang niang, Lahatala ana nahu matubing ila ang emamolo angu nehe met maenang. ¹⁶Aulang arunge, mahe pi abetat emang hula molo ba pi meditila angu edadenang.¹⁷Kaku naung serang naung, ne aaung amba iing di e aamulung got eu ulung uling metma nehe neheba abetat aaung hama mi emeng hula iini ue uuling ne aaung ateing ioomi angumi eda denang. ¹⁸Aarunge, nehe toang Eabetang angu ue Kristus eleut omi angu mi. Ae nanga mi ue minanu angse na ue veng mateing metma mainang got ne ngono hela omimi angu mi veng mateing. ¹⁹Aulang aarunge pi aabetang ila eveng tahi mi se aaminang aasinang angba pi harak, aarunge i aatou anguba inimet itajaning ening. Naba por alolang e angba ue i oomi angumi.²⁰Auulang aarunge, pi abang pi lelang emamolo angu doe soga abang mi, pi Aaabang ela angba pi ading ue pi daeri omi angu mi, Aing anguba mutu Yesus Aabetang eela angu. ²¹Ekavasa omi anghe Aka pi jasi pi ahalang anga abot emeng hula Ehamulang angu edadenang, emang pi angu Kristus Ana ening sengila ba aing ba aing veng Tou.

FOMUNG PAHANG HULA ABETAT TOMINU TAHANU ¹Angu ebele nekaku naungba na iing suka, bot nomi iingmi dadanang sehi, iing anguba ening not navera not nomi ot elele aulangba Lahatala anguba omi mu tahit aanamang. ²Na Euodia bot Sintkhe oleva iabanang lot aabetat tominu Lahatala anguba omimi aabeta. ³Yo, na veng iiabanang, neserang naungba iiomi aaung, ioang moling hengi ing anga naungba nooangmoling Lahatala Ehur aaung hama angu vengmaring, aulang di Klemens bot ne serang karajang eabeungba, lene angu we buku aabetang, angu mi hurak.⁴Lahatala omi mi suka navera. Na bale vengbanang suka navera ! ⁵Aulange oomi ebalea angu, nehe emampi ateing se Lahatala ehoa ama peang iila. ⁶Oomi angu ekang vang-vang metma na ang naung adana ekang. Aurunge nababa oomi mi dadanangse, metma Lahatala vengemaring, ue eesambajang bot ebanang aaung hama angu omimi. ⁷Lahatala eaung Ehama ba pi bae ateing niang angu iiat toang pina, bot iiomi iiande angu ana gariang ue Yesus Kristus omi mi.⁸Evengtahi mi, kaku naung serang naung emampi ba molo, emampi ba aalus emampiba nehe veng tajaning. emampi angu metma iiomi mi. ⁹Nababa ini nabungmi vengajar nabungmi medi, nabungmi vengme bot ateing angu emampi vengkarajang aulange Lahatala ba aaung hama e eela angu, iiatoang pina.PAULUS ANA FILIPI MI BANANG TARIMA KASI METMA NEHE BA OMI VENG ANAMANG ANG NAUNG INANG.¹⁰Na etatabit suka navera Lahatala omimi, seila evengtahi mi anga iini bale naing veng iiomi aarunge iioras bae veng niang. ¹¹Na anga na veng banang angu, ualhula na iba ne kurang, arunge aabetat ue kurang eerang omimi angu na vengajar iila. ¹²Kurang eerang angu na ateing iila bot aabetat natoang rae naingveng angu di na ateing ila, uubal barang, niangba malapal tabonggal niangha aabetat seeng veng bot seeng veng niang di emampi angu metma manenang angu na omimi tila. ¹³SeLahatala ba kuat daeri angu metma manenang angu ebele emampi angu na vengkarajang.¹⁴Aulang aarunge iimi aaung ening metma manenang, ue ne kurang eerang angu omi mi tila. ¹⁵Ingba jemaat Filipi enehe, iina ateing turang na Makedonia aabang eahalang sengilaba halomang-halomang na Lahatala ene Amal veng maring angu, jemaat Filipi ba ne euling na teing bot na Paul metma manenang. ¹⁶Aulangdi uangu veng bendar Tesalonika mi angu, nababa na parlu anguse iinu panatut metma manenang minu-miaru tila. ¹⁷Aaurunge na bae neheba na manenang anguba ing valaping niang, aulang aarunge na aaung hamaba metma iuntung ening anguba na valaping.¹⁸Emampi angu na medit mi lebe tila. Bot iini na panatut metma Epafroditus enang ot baninghoa metma manenang angu na tarima tila, angase na baba iini panatut metma Lahatala enang omi ot sanang angu edadenang. ¹⁹Lahatala ba na aing aada aing semba , aing anguba kavasa bisa bot aabetang ejajehing angu Yesus Kristus omi mi base nababa aana parlu angu ana metma maenang. ²⁰Aung hama metma timang Lahatala enang aulang ejehing emeang. Amin.²¹Ni aada haromat anga metma nehe hamulang ang naung emampi inang Yesus Kristus omi mi. Aada haromat metma nekaku naungba iiomi venganamang ba ae nat hama-hamat angami angudi mainang. ²²Nehe hamulang ang naung emampi aada haromat metma maenang, bot neheba kaisar e istana mi karajang ang naungdi, aada haromat metma maenang. ²³Mutu Yesus Kristus eaung ehama angu, kilang iiroh ba ue iing veng angu at toangpina. Amin.

PAULUS E AADA HAROMAT ¹Paulus, Lahatala e Veng jali omomi ana aing Veng talail metma e gahing vala ening, bot Timatius pi kaku tomi anamang nu kolang. ²Ole aada e , i heromat angu panatut met ma mehe hamulang,bot i kaku i serang ba iomi met ma yesus veng anamang, niang e Yesus veng kalaka poe kolose abang ming angu naung i panatu. Lahatala e aung e hama bot e tenangeli e mulenoa na met mainang. PAULUS E BANANG E SANANG ³E jol mi ni kalu Lahatala a banang a senang se ni kilang Tarimakasi met ma Lahatala niang e Yesus Kristus enang.⁴Taang mi ni vengme se hula, iyni i omi metma Yesuss Kristus Veng anamang, bot tejajahi ba iyni metma mehe hamulang angu naung iadana angu. ⁵Iyomi anamang bot tejajahi angu ue, e veng banang hula, naba ba iyni veng iaomi angu doe abang hamulang ming met ma imea i hele tila.Taang mi iyni ue Lahatala e surta hamulang ming veng me tila angu ba Lahatala amal ba angu. ⁶Lahatala Amal hamulang Angu ue iabung , niange poralolang teding anga e manusia angu naung di iabung ila. Aulang ba se Lahatala amal amulang angu malekang eipi veng bot iyni kilang veng mateng emeng hula iyni ue vede halomang halomang Lahatala amal hamulang iyni veng me angu edadenang.⁷Iyni ue Epafras Abung veng ajar ila, Aing angu di ba Yesus Kristus e malea bot Lahatala amal amulang angu ana etatabit kalakat veng balengta. ⁸Aing ba iahung bot ihama angu baning hoa metma veng i maring.⁹Angu ebele angu ba, ni veng mee angmu se ni Lahatala a banang e sia bot e hibul veng niang met iadana aulang e Lahatala kilang iukur bot iande angu tang ma tang emau e jaling angu ba e amulung. ¹⁰Aulang ba se iyni kilang Lahatala abung angu mia beta, naba ba iyni veng karajang angu ening Lahatala omi ot sanang.Bot a betat e aung e hama veng karajang, aulang e ana kudi eipi veng bot Lahatala e Ukur angu ana kilang loung e ahembal.¹¹Lahatala e daeri angu kilang met ma ing veng apina, aulang e iyni kilang daeri Lahatala e kavasa omi angu meng, bot e iyni uli e aloda mang veng tojang e mang veng lebal. ¹²Tajani palevang met ma Lahatala angu ba oang adu, karena Aing ba ping veng piling ping veng taloul, aulang e naba ba nehe hamulang tobang lalung harak e ateing angu ping di kudi harak.¹³Ana ping met ma kuae kete e kavasa angu e halang ila, seng ila se ana bot ping baning ila oal e abang sanang angu mi tila. ¹⁴Abung ming angu ba pi ahalang e pi avali angu ana sai e vai tila .EMAMPI ANG YESUS BA MET BA E ELA ENING¹⁵Aing abgu ba Lahatala e ukong e bot e ola mana ba bae ten tang ateing niang bot naba ba Lahatala ahami ateni angu e mutu. ¹⁶Naba- naba ba ae por alolang tang niang e doe sorga abang ming angu, aing ba ma jadi. E ba ten tang ateing, niang e ba tentang ateng niang, mihing mana, kavasa bisa, kuat daeri,emampi ang aing ba veng karajang bot ai amal mi hoa. ¹⁷Naba- naba ang bae ue jedung se ana e tura ue tila, bit emampi angu ue karena e kavasa e bisa.²⁰¹⁸Piboa ipi anga ba jemaat angu.Aulang ba se Aing ba met ma pi ong ening, Aing angu ba e halomang bot Aing angu ba met ma nehe a mina toang angu e mutu ening,aulang diba Aing ba metma nehe toang angu ela ening. ¹⁹Lahatala e jaling angu hula, emam pi angu kilang abung angu ba mi abeta. E boa ipi angu ba ana metma natoang rae angu at tenangeli e mule noa naba ae por alolang tang niang e doe sorga abang ando ming. E ve ba doe Leut Balal hela angu ba tenangeli angu baning hoa ma.²¹Tura angu ba iyni Lahatala angu e ola bot iyni at tebelabala, yangde omi angu mi bot jasi ahala angu ba iyni veng karajang. ²²Arung e angase Yesus e amina omi angu mi, ana ping met ma e boa ipi angu at tenangeli e mulenoa tila bot ana ping met ma sadakah hamulang nu ening ila, aulang ba se pi bae jasi ahala Lahataka apang adang ang mi niang ila. ²³Aulang ba se iyni kilang iomi anamang angu at toang pina, tadiri niang, Lahatala amal hamulang ba iyni veng metila, bot ala mula teding anga enehe aung naung angu di veng me tila iyni kila pinat anamang angu e bele ba naing ba Paulus met ma e malea ening. PAULUS E BALENTA MET MA JAMAAT A DANA²⁴Anga se na susa e lala omimi tojang e lebal, karena na moleng e haleng arung e na Yesus e susa e lala angu ot kudi taing kanap, e veng banang hula e boa ipi angu ba jamaat angu. ²⁵Naing ang ba metma Lahatala e malea e kaneng ening, karena balenta e laleang anga Lahatala metma manenang ila, aulang e Lahatala amal hamulang anga na kudi veng mateeng ening kanap- kanap. ²⁶Na anga ba mehe metma piamang tung bana bana tereng bana bana, arung e anga se ana metma e nehe hamulang angu naung i tuving e i tapeang ila. ²⁷Naba ba nehe me piamang angu etatabit kavasa bot bisa angu ba Lahatala na mau met pituving e pi tapeang veng banang hula Yesus ue iabung angu ming kuring e jara ba iyni veng iaomi angu.²⁸Ni aing metma nehetoang veng e maring angu iyni hapa e maniung, ni iabomung e iapahang e kavasa omi angu ming, aulang e iyni kudi va ila ele e balolung Yesus omimi. ²⁹Angu ba na susa e lala diseba, na e tatabit tait anamang veng balenta, emeng hula kuatdaeri ba ana met ma nomi oa napang adang ila angu e amulung

¹Na ateyng nababa na ening metma yadana angu, etabit tamadi, bot ingba uwe Laudekia mi, bot nehe emangpi angu bae yapang metma netubing jedung. ²Na hula awulang he yomi lebal tojang, toniku tahana met yakavasa ening uwe Lahatala Kristus Yesus omimi angu yini ateying bot manggarati. ³omimi anguba kavasa eveng ateying emampi ana veng amang.⁴Nababa na veng banang anga hula, nehe abewung eke ying doging met veng ulak bot nehe towang vengmeese,bae molo niang. ⁵Neboa yipi anga bot noramana bae uwe yathama niang, ngarunge Lahatala e Roh hamulang omomi se na uwe yathama hama KILANG YESUS KRISTUS AMULUNG EJEHING⁶Angase ini Yesus Kristus medit me yiLahatala ening ila base kilang omimi abeta. ⁷yomi anamang ang metma ebariking ening, bot aying mi abeta, emenghula towang met yavomung,yini Lahatala eawung veng banang.⁸yava vengani, awulanghe nehe nu eke ying doging, tedot met hur osingba ying metma Roh poralolang omimi yajajala yini eke Yesus Kristus amulang. ⁹omimi anguba Lahatala ekavasa, emampinmet maenang uwe abetat eboa yipi omomi.¹⁰yini ayingmi abeta anguse, uwe vengaring ila, ayingba metma e ong ening, bot kavasa emampi ayingba parenta. ¹¹Omimi angu ba yingdi iboa amulang ila, uwal manusia atangba metma vengkarajang, ngarunge Yesus Kristus ana turangmi ening ila, ana eboa jasi ahala angu nehe toaing ila. ¹²Jar sarani nehe metma yong tang ilabase, yini Yesus Kristus atamina bot Yesus Kristus abeta, met iomi anamang ening, vengmateng hula Lahatala ekavasa matubing, ana nehe aminang ehamaming bale abeta tila.¹³Ahalang avaliba uwe yabua veng anguba, turang mi yini vengaminat ila, angrunge Lahatala ana ingmetma Yesus venghama abetat ila, bot ana piahala emangpi vengampong ila. ¹⁴Surat uta parenta, untu banga hula ping metma Lahatala venghamua ana venghakang angu Yesus ana venghapat ila. Ana bot vengtou medit doe leut atela venghili. ¹⁵Doe Leut te venghili ana amina ngrunge bot balea abeta, awulanghe ele balomang angu nawung aing tokung se iyawa aloring. MANUSIA EMATENG ANGU EKE EAMULUNG EKANG¹⁶Awulang base nubaba nuhula adange na, niyanghe ved lebal tojang bot uru ved veng somba angu yini eka iying vengkilang ekang. ¹⁷Emampi angu mang metma elaving ening,Nababa hula uwe hoa angu adana, ngarunge Kristus anguba emamolo.¹⁸Neheba avaeningdi, bae moloniyang, bot ingaba malaikat vengsomba angu nawungdi, yini eke vengkilang iyot yiahalang vengtaaning ekang. nehe angu nawungba, poralolang enababa ini iyeng tang ateyingse, ini iyowanguring angu. ¹⁹Nehe awulang angu, ana baehula, ong angu vengpinat anamang niyang. pi boa, tatang, tia taying tapina metma toonganga wudok, bot emampiangu Lahatala omimi bilang.²⁰Poralolang ebuju doging,anguba ening, yini Kristus ataminatila se, etatalang ba,yini emenghula jedung poralolang anga met yimana ening sesi ? bot parenta amulang hula aalang; ²¹Eke vengpina, eke adang,eke deyi ? ²²Parenta,niyanghe vomung pahangba, manusia metma eela ening angu, piamulung minuse, ana amina. ²³Parenta awulang angu nawung, nehe omimi wulingse hula, ingba ina iyavaohi bot iyava matubing, aulanghe taying veng somba, bot ini iyava ening alolangdi baemolo niyang base, iboa vengtabang awulang diba hula metma iyabeta vengmea se ebili niang.

EA BETANG HIBA UE KRISTUS OMIMI ¹Iini aminatila arunge Lahatala yotbale abeta Kristus weng hama- hamase, nababa doe atela angu walaping, taangmi Kristus ue Lahatala atang tene oat mihi. ²Nababa doe atela anguba wengukur,ake poralolang angu weng ukur ekang. ³iini aminatila bot ia etang angu ue Kristus bot Lahatala omimi. ⁴Kristus angu bale abeta, bot Eboa ipa angu ana metma itubing, ingdiba iboa ipi anggu inimatubing hamulang kadulang omimi metma aing weng.⁵Uangu ebele iukur bot iande poralolange,wengbanang ula; ukur jasi, ande jasi,tota orang,jasi ahala wengukur wengande,bot aneda angu wengsomba ekang. ⁶Naba aalang angaba, Lahatala alil bot amarah angu ue hoa sei. ⁷Iini Tura mi weng karajang ila bot omimi abetatila. ⁸Aulang base angase aungba bianaila; wengbanang hula alil bot Amarah hurae mananti hur jasi hur ahala bot hur jasi hur ahala ue ibartupa tang angu.⁹Eke nehe kabule ekang ia betang etura angu bot ikurang etura angu, ini latak mea tika. ¹⁰manusia hiba angu ini ening ana hibat aulang waila ukur bot ande omimi waila ahomana angu weng jehi. ¹¹Uangu e bele anguba , Yunani emanusia , niang Yahudi emanusia bae ue niang. Nehena nehe ene maweng, bot neheba ene mawengniang jedung, barbar e manusia, skit emanusia bot nianghe nehe malea, bot neba naiba bae aing sakang niang, arunge Kristus aingba Ipimi angu ue omimi. E KAKU E SERANG ANGU AT HIBA MI ABETA¹²Ing anga naung Lahatala iing wengtalail ila, hamulang kadulang, bot Lahatala omi metma i jahi, aulang base iini metma tejajahi, tenangeli, iava ening alolang- alolang iabetang omimi. ¹³E kaku e Serang angu at tominu tahanu bot tainggariang emeng hula tiang ana ping ampong edadenang, aulang base ingdi taing aampong. ¹⁴Aulang base tomi tejajahi angu iini pinat anamang, aing anguba metma sarnu edadenang metma ing parta.¹⁵Kristus e tenangeli bot eaung ehama angu, metma iomi bale anguba nehe piaru pi moring metma nehe nu kolang ening bot tajaning e palevang. ¹⁶Kristus e hur e dal angu toangerae ue iiabung bot e hur aung angu, aulang e iini vomungpahang angu metma nehe toang veng avomung tahit Lahatala tajaning, Aing Palevang bot dal ba ue iabung angu ohit metma Lahatala angu ba aing tajaning. ¹⁷Nababa iini vengkarajang ue iabetang omimi angu vengkarajang bot bae nehe abeung ene niang, arunge Tuhan Yesus ene bot Timang Lahatala aungba pi aing tajaning.ABETAT HIBA UE HAVA OMIMI¹⁸Iingba jangu ang naung nabase imehal angu vengtou emenghula iini Lahatala vengtou angu edadenang. ¹⁹Iing ba mehal- mehal angu i jangu angu iomi metma ejahi eke lumul namang metma iomioa ipang adang ekang. ²⁰iingba val- val angu, iva imang angu vengtou vaila medi pina omimi angaba Lahatala omi ot sanang. ²¹Iingba imang-imang eke val angu naung ialil ekang aulang he iini eke ikuat idaeri angu eke akabita ekang²²Iingba malea-malea ae poralolangtang angu iiele ibalomang angu vengtou vengliu,iini veng karajang erupa aulang taangmi iini veng mateng iomi ot sanang seng se Lahatala anguba veng taku veng baliul. ²³Nababa iini hula veng karajang iomi angu ening kanap- kanap Lahatala e karajang angu veng karajang, bae manusia e karajang niang. ²⁴Iini ateing karajang ba veng karajang angu Lahatala ba iini veng balenta, bot iini karajang angu isusa ilala angu Lahatala ba veng aboit mainang. ²⁵Nubaba ahalang -avali angu veng karajang se eahalang angu ana ena vengmaring Lahatala apang adang mi.

¹Ingba huradang dal adang angu, nabase aung hama aungba metma malea veng imaring, aulange indi ateing hula iele ibalolu ue mana hamulang mi. NABA NABA ANGU IINI MALEKANG VENGKARAJANG²Omi angu ening aanamang , sengse ediri ava bahi angu vengharaka, sengila se abanange asenang. ³Banange senang metma nioa niadana aulange Lahatala ehur amulang eviaha angu Anaa abaleleng ma nienang angue ni Yesus e hurba jedung avaamang sehi angu ni metma nehe toang venge maring, eveng banang hula angu e bele angu ba ni hava kaana mi anga. ⁴Abanange asenang, aulange nakudi ene amal angu vengmateng emenghula tura angu edadenang.⁵Tahit anamang- anamang senge ene amal angu metma hoang manang andi veng i maring. ⁶Itominu itahanu, aulange ehur kokal hamulang angu metma nenanut veng imaring.PAULUS METMA I SERANG ANG NAUNG VENG I ADA I HAROMT⁷Tikhikus, aulange neabetang anga emampi vengsarenta. aing angu diba pikaku bot tomi anamang nukolang.Balenta vala emanaing, Lahatala e karajang omimi. ⁸Na metma vengimaring, vengbanang hula, nabase iabetang omimi angu,iomi angu ening aanamang. ⁹Aing metma Onesimus veng, ingangu diba turangmi iomi metma taing veng anamang ila,aulangba nababa iini ateing angu iini metma veng imaring.¹⁰Aristarkhus niserang hava kaana mi, ana ada haromat metma ipanatu, aulang diba Markus bernabas ebilang, aulangba ana hoase iatang metma ealala. ¹¹Bot Yesus eada haromat vengaru Yustus, metma i serang ang naung veng, Lahatala ebalenta vala, bot neheba iboa ipi hamulang etang ariak angu ue iomimi.¹²Epafras, i serang karajang, metu Yesus emalea , andi aada haromat metma ipanatu, bot ana etabit Lahatala abanang, aulange eaung ehama ana metma iomimi, omimi angu iini iomi metma aing venganamang, vaila Lahatala e jaling angu omimi. ¹³Na angami vengbanang, ing metma ingba Laodikia abang niange Hieropolis,iing angu ibele, vaila ana susa lala angu harak. ¹⁴Lukas aing angu molang vala, bot Demas, iini ada haromat metma mainang.¹⁵Ada haromat anga, metma nikaku niserang ba poe laodekia abangmi, neimfa, niange ingba ue hava omi angu ipanatu. ¹⁶Hur ba ue karatasi omimi angu iini baca ilase, metma ingba poe jemaat Laodekia mi, angudi veng imaring, aulange ingba Laodekia abangmidi ateing. ¹⁷metma Arkhipus veng imaring, nabase ada haromat aulange Lahatala e karajang angu lamal aung.¹⁸Naing anga ba Paulus, ada haromat nahurak metma ipanatu. Vengani naing anga ba ne naing langi bot naing parta . Aulangba Lahatala eaung e hama angu metma ia va iatoangpina.

PAULUS E HAROMAT BOT AUNG VENGBANANG ¹Ning anga ba Paulus , Silwanus , bot Timatius, metma Jamaat Tesalonika ba ue Tinang Lahatala Yesus kristus omimi.Au hama suka sama iat toang pina.²Ni Lahatala eaung vengbanang esia epodu veng niang metma iadana bot iene angu vengbanang ue ni sambajang omimi, ³Ba se iomi metma Lahatala veng anamang, iomi metma tejajahi bot iomi metma aung hama veng mea Yesus Kristus omimi angu iini kilang vengani Timang Lahatala apang adang mi.⁴Kaku naung serang naung ing ba Lahatala omi metma ijahi angu, iini malekang ateing hula Lahatala ana ing vengtalail ila. ⁵Yesus Kristus evomung epahang angu ebele ni ebele hoa, Ual hula hur ba baning hoa veng iat hubai arunge Lahatala bot Roh hamulang e kawasa angu di baning ibele hoa. ni ibele hoa anga ni omi emamampi base iini ni ateing se ning anga emeng hula nuba edadenang ue ihahama mi. Arunge ing angu ebele.⁶Anga se iini ni amal nitahi amba eamulung bot Lahatala di iini ea mulung ila. Kandati etatabit metma iadana. arunge Lahatala e hur aung hama ba ni vengmaring angu, iini vengsuka veng navera medit metma iabetang omimi tila, suka navera angu Lahatala e roh hamulang ba met mainang. ⁷Aulang senge nehe omi metma Lahatala venganamang ba Makedonia bot akhaya mi angu naung, iini uling i lamal i tahi angu ateing se ing di Lahatala ea mulung.⁸Angu ebele, ue i hahama mi Lahatala evomung epahang ual hula Mekadonia bot Akaya ba enang kolang mi, arunge ue mana kanap ila, iomi metma Lahatala venganamang angu, alilit manakanap nehe emampi vengme tila. Angu ebele ni bot hula nababa vengbanang. ⁹Se iing ba niing vengsarenta hula, iini ning tarima bot ning ada angu tatalang, bot tura iini aneda ahiang naung. angase iini ia mota met maenang, seng Lahatala abeta bot molo una angu ba iini iomi metma venganamang, bot aing veng balenta. ¹⁰Bot iini veng sarentat hula, Lahatala Oal mehal Yesus Kristus hula sorga mi bale hoa angu iini ue ading sehi. Yesus Kristus angu nehe Aing ening ana amina tila, arunge Lahatala ana aing ening bale abeta. Aing ba ening se ping ening lohit metma Lahatala e alil eamara ue hoa sehi angu eahalang.

PAULUS E HAROMAT BOT AUNG VENGBANANG ¹Ning anga ba Paulus , Silwanus , bot Timatius, metma Jamaat Tesalonika ba ue Tinang Lahatala Yesus kristus omimi.Au hama suka sama iat toang pina.²Ni Lahatala eaung vengbanang esia epodu veng niang metma iadana bot iene angu vengbanang ue ni sambajang omimi, ³Ba se iomi metma Lahatala veng anamang, iomi metma tejajahi bot iomi metma aung hama veng mea Yesus Kristus omimi angu iini kilang vengani Timang Lahatala apang adang mi.⁴Kaku naung serang naung ing ba Lahatala omi metma ijahi angu, iini malekang ateing hula Lahatala ana ing vengtalail ila. ⁵Yesus Kristus evomung epahang angu ebele ni ebele hoa, Ual hula hur ba baning hoa veng iat hubai arunge Lahatala bot Roh hamulang e kawasa angu di baning ibele hoa. ni ibele hoa anga ni omi emamampi base iini ni ateing se ning anga emeng hula nuba edadenang ue ihahama mi. Arunge ing angu ebele.⁶Anga se iini ni amal nitahi amba eamulung bot Lahatala di iini ea mulung ila. Kandati etatabit metma iadana. arunge Lahatala e hur aung hama ba ni vengmaring angu, iini vengsuka veng navera medit metma iabetang omimi tila, suka navera angu Lahatala e roh hamulang ba met mainang. ⁷Aulang senge nehe omi metma Lahatala venganamang ba Makedonia bot akhaya mi angu naung, iini uling i lamal i tahi angu ateing se ing di Lahatala ea mulung.⁸Angu ebele, ue i hahama mi Lahatala evomung epahang ual hula Mekadonia bot Akaya ba enang kolang mi, arunge ue mana kanap ila, iomi metma Lahatala venganamang angu, alilit manakanap nehe emampi vengme tila. Angu ebele ni bot hula nababa vengbanang. ⁹Se iing ba niing vengsarenta hula, iini ning tarima bot ning ada angu tatalang, bot tura iini aneda ahiang naung. angase iini ia mota met maenang, seng Lahatala abeta bot molo una angu ba iini iomi metma venganamang, bot aing veng balenta. ¹⁰Bot iini veng sarentat hula, Lahatala Oal mehal Yesus Kristus hula sorga mi bale hoa angu iini ue ading sehi. Yesus Kristus angu nehe Aing ening ana amina tila, arunge Lahatala ana aing ening bale abeta. Aing ba ening se ping ening lohit metma Lahatala e alil eamara ue hoa sehi angu eahalang.

PAULUS ANA JEMAAT TESALONIKA ING VENG BALENTA ¹Kaku naung serang naung iini ateing ni ibele ila angu bae parasasumang niang. ²Ni ateing ehalomang angu ning etetabit dira, Pilipi abang mi nehe ningbue ning sabai niang e ni hura nimananti toang era e iomi metma nialalil. arunge ni etatabit tahit anamang Lahatala amal hamulang angu metma veng i maring.³E veng banang hula nibomung e bot nipahang angu ual hula niot ila vil vengahala, niange bae emamolo, niange ni avari mateng. ⁴Arunge emenghula Lahatala eveng jali omi angu mi ana niot ene amal hamulang angu veng mateng, ening Lahatala omi ot sanang, ual manusia.⁵Ni bele hoa e ma anga ni bae hur avari baning hoa e ma niang emeng hula iini ue ateing bot ni bae maroha niang e. Lahatala ue ni uling nia teing, ⁶Ni bae manusia ot ning tajaning e ning palevang niang ing niange neheabeu, ning angba Kristus e gahing vala arunge ni kudi iadang taning.⁷Aulang arungba se ni iat moleng haleng emeng hula nehe ivanung ana metma oal naung iadana angu edadena. ⁸Ual hula Lahatala amal hamulang anga metma ingba inang kolang veng i maring, aulang arungba se metma ningdi niabetang anga vengmea evengbanang hula ping emangpi anga ana omi metma pi jahi. ⁹Aulang base kaku naung serang naung, iini vengani ni etatabit karajang kua niange jala omimi aulange Lahatala amal hamulang angu ake metma tamadi nu evait ning tang mea ekang.¹⁰Iing metma Lahatala veng ba meni saksi eni. Ni ae ihama anga mi abetat anga niabetat hamulang, molo molo bot jasi ahala ni bae veng karajang niang. ¹¹Emeng hula iina ateing ni iabomung iapahang iomi ot sanang, ing gahing ing oho angu emeng hula ne imang nu ana oal naung veng karajang angu eda denang. ¹²Aulange iini abetat Lahatala e mau e jaling angu ba iamulung, Lahatala ba iaru imoring va ila ehuring ejara angu mi.¹³ved kanap ni Lahatala abanang e asenang e vengbanang hula ni vengme se hula Lahatala amal hamulang angu iini tarima tila. iini tarima angu ual hula manusia ehur kokal edadenang, arunge emenghula Lahatala ehur kokal hamulang ba ue iomimi karajang angu edadenang.¹⁴Kaku naung serang naung, iabetang angu ening emenghula Lahatala oal e idat ba poe Yudea ming angu edadenang ila. I susah e i lala angu emeng hula i susah e i lala angu ededenang. ¹⁵Susah e lala angu emeng hula Yahudi naung Yesus ameang bot neheba Lahatala aninggal ajabul niange iini bot niateri. Iini vae Lahatala omi ot sanang niang bot iini nehetoang angu at tevelavala. ¹⁶Iini ning sakang aulange diot ake salamat angu metma neheba Yahudi niang angu naung veng imaring ekang, aulang e iini kilang jasi ahala anguba mi abeta, aulang base Lahatala e alil angu kudi inga tanghela. PAULUS E JALING ANA HULA BALE TESALONIKA MI ILA²⁰¹⁷Kaku naung serang naung jol kabing dena omimi anga ni boa ipi angu iat tatara, Ual enar hamulang. NI omi etatabit ing mi ravak sehi hula ing harak. ¹⁸Ni hula ibele hoa ing harak, lebe- lebe naing ba paulus hula ibele hoa miaedeng ila arunge setang naing sakang. ¹⁹Eveng banang hula Yesus e bale hoa omimi se nuba ba metma niomi apinang, niang e nitojang nilebal, niange ni sindal abetang angu ening? haveva ing angu ?

PAULUS ANA JEMAAT TESALONIKA ING VENG BALENTA ¹Kaku naung serang naung iini ateing ni ibele ila angu bae parasasumang niang. ²Ni ateing ehalomang angu ning etetabit dira, Pilipi abang mi nehe ningbue ning sabai niang e ni hura nimananti toang era e iomi metma nialalil. arunge ni etatabit tahit anamang Lahatala amal hamulang angu metma veng i maring.³E veng banang hula nibomung e bot nipahang angu ual hula niot ila vil vengahala, niange bae emamolo, niange ni avari mateng. ⁴Arunge emenghula Lahatala eveng jali omi angu mi ana niot ene amal hamulang angu veng mateng, ening Lahatala omi ot sanang, ual manusia.⁵Ni bele hoa e ma anga ni bae hur avari baning hoa e ma niang emeng hula iini ue ateing bot ni bae maroha niang e. Lahatala ue ni uling nia teing, ⁶Ni bae manusia ot ning tajaning e ning palevang niang ing niange neheabeu, ning angba Kristus e gahing vala arunge ni kudi iadang taning.⁷Aulang arungba se ni iat moleng haleng emeng hula nehe ivanung ana metma oal naung iadana angu edadena. ⁸Ual hula Lahatala amal hamulang anga metma ingba inang kolang veng i maring, aulang arungba se metma ningdi niabetang anga vengmea evengbanang hula ping emangpi anga ana omi metma pi jahi. ⁹Aulang base kaku naung serang naung, iini vengani ni etatabit karajang kua niange jala omimi aulange Lahatala amal hamulang angu ake metma tamadi nu evait ning tang mea ekang.¹⁰Iing metma Lahatala veng ba meni saksi eni. Ni ae ihama anga mi abetat anga niabetat hamulang, molo molo bot jasi ahala ni bae veng karajang niang. ¹¹Emeng hula iina ateing ni iabomung iapahang iomi ot sanang, ing gahing ing oho angu emeng hula ne imang nu ana oal naung veng karajang angu eda denang. ¹²Aulange iini abetat Lahatala e mau e jaling angu ba iamulung, Lahatala ba iaru imoring va ila ehuring ejara angu mi.¹³ved kanap ni Lahatala abanang e asenang e vengbanang hula ni vengme se hula Lahatala amal hamulang angu iini tarima tila. iini tarima angu ual hula manusia ehur kokal edadenang, arunge emenghula Lahatala ehur kokal hamulang ba ue iomimi karajang angu edadenang.¹⁴Kaku naung serang naung, iabetang angu ening emenghula Lahatala oal e idat ba poe Yudea ming angu edadenang ila. I susah e i lala angu emeng hula i susah e i lala angu ededenang. ¹⁵Susah e lala angu emeng hula Yahudi naung Yesus ameang bot neheba Lahatala aninggal ajabul niange iini bot niateri. Iini vae Lahatala omi ot sanang niang bot iini nehetoang angu at tevelavala. ¹⁶Iini ning sakang aulange diot ake salamat angu metma neheba Yahudi niang angu naung veng imaring ekang, aulang e iini kilang jasi ahala anguba mi abeta, aulang base Lahatala e alil angu kudi inga tanghela. PAULUS E JALING ANA HULA BALE TESALONIKA MI ILA²⁰¹⁷Kaku naung serang naung jol kabing dena omimi anga ni boa ipi angu iat tatara, Ual enar hamulang. NI omi etatabit ing mi ravak sehi hula ing harak. ¹⁸Ni hula ibele hoa ing harak, lebe- lebe naing ba paulus hula ibele hoa miaedeng ila arunge setang naing sakang. ¹⁹Eveng banang hula Yesus e bale hoa omimi se nuba ba metma niomi apinang, niang e nitojang nilebal, niange ni sindal abetang angu ening? haveva ing angu ?

³TIMATUIS EVOMUNG AUNG METMA EMANUSIA TESALONIKA VENG E MARING ¹Uang ebele ni wengtahang jadi niang aulang base ni hur nu pina ninangkolang ae Atena, ²bot nikaku Timotius ni aing panatu Lahatala emalea bot ni serang karajang Kristus ene amal metma i kuat ening, metma iawomung iomi anamang angu. Aulanghe nehe nu bae hojang niang ba ila susah lala angu bot iini ateing, ning angba ne ning gahing.⁴Etatabit pi jedung toang pina angu ni veng mateng terus banang hula Ni ae susah lala omimi, emenghula iini ateing ila angu. ⁵Uangu ebele naba e veng tahag jadi niang aulangba na ain g gahing aulange omi anamang angu na hula ateing. Nang nuangmali, ake ahalat jasi ahala angu aing akal aing kabule, aulangse nisusa nilala anga mang parasuma.⁶ArunG Base Timitius ana bale nibele hoa ae ni abung bot vomung aung angu vaila niomi oat anamang bot omi aung veng banang hula aung e hama angu bot tejajahi angu ba pi taing harak veng banang hula pi malekang taing harak. ⁷Uang ebele nekaku bot ne serang susah lala omimi ming anga, Iini bale niot neval vaila iomimi anamang angu.⁸Angase , Niabeta tila ni tahi anamang anamang Lahatala omimi ming. ⁹Nababa metma ni sadaka ening ni metma Lahatala enang, ing angu ibele nianghe nebale tojang anga vaila Lahatala apang adang mi ? ¹⁰Kua jala ning etatabit Lahatla abanang aulang he ni ing harak, bot metma veng imaring nababa bae ue jedung.¹²¹¹Angasa, Nimang ni Lahatala ni kaku mutu Yesus, ni lamal ebele ila Aing harak.

³TIMATUIS EVOMUNG AUNG METMA EMANUSIA TESALONIKA VENG E MARING ¹Uang ebele ni wengtahang jadi niang aulang base ni hur nu pina ninangkolang ae Atena, ²bot nikaku Timotius ni aing panatu Lahatala emalea bot ni serang karajang Kristus ene amal metma i kuat ening, metma iawomung iomi anamang angu. Aulanghe nehe nu bae hojang niang ba ila susah lala angu bot iini ateing, ning angba ne ning gahing.⁴Etatabit pi jedung toang pina angu ni veng mateng terus banang hula Ni ae susah lala omimi, emenghula iini ateing ila angu. ⁵Uangu ebele naba e veng tahag jadi niang aulangba na ain g gahing aulange omi anamang angu na hula ateing. Nang nuangmali, ake ahalat jasi ahala angu aing akal aing kabule, aulangse nisusa nilala anga mang parasuma.⁶ArunG Base Timitius ana bale nibele hoa ae ni abung bot vomung aung angu vaila niomi oat anamang bot omi aung veng banang hula aung e hama angu bot tejajahi angu ba pi taing harak veng banang hula pi malekang taing harak. ⁷Uang ebele nekaku bot ne serang susah lala omimi ming anga, Iini bale niot neval vaila iomimi anamang angu.⁸Angase , Niabeta tila ni tahi anamang anamang Lahatala omimi ming. ⁹Nababa metma ni sadaka ening ni metma Lahatala enang, ing angu ibele nianghe nebale tojang anga vaila Lahatala apang adang mi ? ¹⁰Kua jala ning etatabit Lahatla abanang aulang he ni ing harak, bot metma veng imaring nababa bae ue jedung.¹²¹¹Angasa, Nimang ni Lahatala ni kaku mutu Yesus, ni lamal ebele ila Aing harak.

ABETAT LAHATALA EJALING ANGU E AMULUNG ¹Nekaku e neserang nibanang aulang e mutu Yesus ene amal hamulang angu ni metma veng iavomung, emenghula iini ue vengme tila angu edadenang, vaila eaung e hama omi angu mi , bot veng karajang metma eamulung. ²Aulange iini ateing hur dal nababa ni metma veng imaaring Yesus e kawasa omi angu ming.³Lahatala e vengjali omi angu ming e hamulang e kadulang angu ba veng karajang aulange jasi ahala angu metma idiri angu eola e paleteng. ⁴Aulangba nenanut ateing bot eboa ipi angu veng tahang, aulange ediri avabahi angu metma jasi ahala eola, vaila hamulang kadulang omi angu mi. ⁵Eke ukur jasi angu amulung, emenghula neheba Lahatala aking niang angu edadenang ekang. ⁶Aulang ne eke aing akal aing kabule, metma jasi ahala miabang ekang. bot emampi angu Lahatala vengpiling metma maenang, emenghula ni vengkarajang ila angu edadenang.⁷Lahatala piaru angu ana bae tot karita niang, ana tot hamulang kadulang arunge, eaung anguba veng karajang. ⁸Aulang base, nubaba ekarajang angu atobang, arunge Lahatala e Roh hamulang anguba ana atobang.⁹Hur iamutu bot hur tenangeli iini ba e neot vengimaring niang, arunge Lahatala ena metma veng i maring ila. ¹⁰Etatabit iini veng karajang ila metma i kaku i serang ba poe Makedonia abang ang veng imaring ila, Aulang arunge ing ba nekaku e ne serang nai abanang iini bot etatabit veng karajang. ¹¹Bot malekang abetat tening e rama iatang ma molo angba veng karajang emenghula ne metme veng imaring ila angu edadenang. ¹²Aulange iini abetat molo e una netoang rae apang adang mi, bot nai ba bae ikurang iganasing niang. LAHATALA E HOA E MA¹³

ABETAT LAHATALA EJALING ANGU E AMULUNG ¹Nekaku e neserang nibanang aulang e mutu Yesus ene amal hamulang angu ni metma veng iavomung, emenghula iini ue vengme tila angu edadenang, vaila eaung e hama omi angu mi , bot veng karajang metma eamulung. ²Aulange iini ateing hur dal nababa ni metma veng imaaring Yesus e kawasa omi angu ming.³Lahatala e vengjali omi angu ming e hamulang e kadulang angu ba veng karajang aulange jasi ahala angu metma idiri angu eola e paleteng. ⁴Aulangba nenanut ateing bot eboa ipi angu veng tahang, aulange ediri avabahi angu metma jasi ahala eola, vaila hamulang kadulang omi angu mi. ⁵Eke ukur jasi angu amulung, emenghula neheba Lahatala aking niang angu edadenang ekang. ⁶Aulang ne eke aing akal aing kabule, metma jasi ahala miabang ekang. bot emampi angu Lahatala vengpiling metma maenang, emenghula ni vengkarajang ila angu edadenang.⁷Lahatala piaru angu ana bae tot karita niang, ana tot hamulang kadulang arunge, eaung anguba veng karajang. ⁸Aulang base, nubaba ekarajang angu atobang, arunge Lahatala e Roh hamulang anguba ana atobang.⁹Hur iamutu bot hur tenangeli iini ba e neot vengimaring niang, arunge Lahatala ena metma veng i maring ila. ¹⁰Etatabit iini veng karajang ila metma i kaku i serang ba poe Makedonia abang ang veng imaring ila, Aulang arunge ing ba nekaku e ne serang nai abanang iini bot etatabit veng karajang. ¹¹Bot malekang abetat tening e rama iatang ma molo angba veng karajang emenghula ne metme veng imaring ila angu edadenang. ¹²Aulange iini abetat molo e una netoang rae apang adang mi, bot nai ba bae ikurang iganasing niang. LAHATALA E HOA E MA¹³

PI MANAING EHOA EMA ANGU FEENG HARAKA ¹Anga se , kaku naung , eoras e jamang mi tila, bae hurak metma mainang niang. ²Taang mi, iini nehe veng banang hula Lahatala efed hoa angu emeng hula nehe taafi kua mi hoa angu ededenang. ³Taang mi nehe feng banang, senang bot rama, safa kami se aminang ingtang hoa, emenghula nehe jangu ba hula ajaie edira hoa angu edadenang bot iini iava veng ahit jadi niang.⁷⁴Arunge, ne kaku ne serang naung , iini ake kua mi abeta ekang, aulang di efed angu ana ing tang ma se emeng hula nehe taafi angu ede denang. ⁵Ig emampi jara e manusia bot ved e manusia. Ping anga bae kua kete e niang. ⁶Angu ebele, piake emenghula nehe abeung molo, aulang arunge mahe veng uling veng haraka.⁸Aulang arunge , ping anga jara e manusia , mahe pi vengani, kondo aungangu pina, tomi venganamang bot eba loli angu medi, sanang ba tomi mi da danang angu. ⁹Lahatala bae tot e lalil angu harak ekang, aulang arunge sanang angu medi ue Yesus abung. ¹⁰Aing ba amina metma ta dana, hula pi ue veng haraka, niang tia pi ue a va. ¹¹Angu ebele, daeri baleking metma ia belung veng, bot hama- hama tahi emeng hula pi ue ening ila angu ededenang . VOMUNG VENG BOT HAROMAT¹²Kaku naung , ni metma veng ia banang , ing ba karajang e tatabit ue ia hama-hama mi angu ing haromat, bot ing ba iapang pina ue Lahatala omimi angubaning i hapa. ¹³Ing ada etetabi, tejajahi ue i karajang omimi. Abetar ue toang omimi, nu metma ia beung adana. ¹⁴Ni iamotami kaku naung, i hapal ima niung angba abetat a ladil angu, da eri mainang ing ba iomi kikirangu, ing tulung ing molin ing ba moleng angu, bot veng tahang metma ing emampi iadana¹⁵I uling, aulang e i ba ake jasi metma te dadana ekang, aulang arunge tatalang, aung amba veng karajang, ue iahama- hama angu mi, bot metma toan adana. ¹⁶Mang suka naveta ! ¹⁷Sambajang ma maung. ¹⁸Aung vembanang ue naba naba omimi.¹⁹Ake roh angu pak ! ²⁰Ake palai- palai at hela mea ekang. ²¹Arunge emampi angu veng kapiling ! Nababa aung anguba pina. ²²Ava metma jasi ahala angu e ola.²³Taang mi, Lahatala , E aung E hama enang kolang, emampi angu ahamulang. Taang mi roh ora mana, bot eboa ipi,emampi veng gariang, bae moleng haleng niang. ue ehoa ema omi Lahatala , Kristus Yesus. ²⁴Aingba i aru, vengbanang hula kalaka, nabase ana ening.²⁵Ne kaku naung, mang sambajang meatma nia dana. ²⁶Haromat metma ne kaku angu naung emampi mainang. vengbanang hula amiku angu hamulang. ²⁷Timang ere, etabi na ia banang, aulange surat angu iini basa metma ne kaku naung ba poe ampomi angu ing emampi mainang. ²⁸Pi Lahatala kavasa , Kristus Yesus, iat toang pina.

PI MANAING EHOA EMA ANGU FEENG HARAKA ¹Anga se , kaku naung , eoras e jamang mi tila, bae hurak metma mainang niang. ²Taang mi, iini nehe veng banang hula Lahatala efed hoa angu emeng hula nehe taafi kua mi hoa angu ededenang. ³Taang mi nehe feng banang, senang bot rama, safa kami se aminang ingtang hoa, emenghula nehe jangu ba hula ajaie edira hoa angu edadenang bot iini iava veng ahit jadi niang.⁷⁴Arunge, ne kaku ne serang naung , iini ake kua mi abeta ekang, aulang di efed angu ana ing tang ma se emeng hula nehe taafi angu ede denang. ⁵Ig emampi jara e manusia bot ved e manusia. Ping anga bae kua kete e niang. ⁶Angu ebele, piake emenghula nehe abeung molo, aulang arunge mahe veng uling veng haraka.⁸Aulang arunge , ping anga jara e manusia , mahe pi vengani, kondo aungangu pina, tomi venganamang bot eba loli angu medi, sanang ba tomi mi da danang angu. ⁹Lahatala bae tot e lalil angu harak ekang, aulang arunge sanang angu medi ue Yesus abung. ¹⁰Aing ba amina metma ta dana, hula pi ue veng haraka, niang tia pi ue a va. ¹¹Angu ebele, daeri baleking metma ia belung veng, bot hama- hama tahi emeng hula pi ue ening ila angu ededenang . VOMUNG VENG BOT HAROMAT¹²Kaku naung , ni metma veng ia banang , ing ba karajang e tatabit ue ia hama-hama mi angu ing haromat, bot ing ba iapang pina ue Lahatala omimi angubaning i hapa. ¹³Ing ada etetabi, tejajahi ue i karajang omimi. Abetar ue toang omimi, nu metma ia beung adana. ¹⁴Ni iamotami kaku naung, i hapal ima niung angba abetat a ladil angu, da eri mainang ing ba iomi kikirangu, ing tulung ing molin ing ba moleng angu, bot veng tahang metma ing emampi iadana¹⁵I uling, aulang e i ba ake jasi metma te dadana ekang, aulang arunge tatalang, aung amba veng karajang, ue iahama- hama angu mi, bot metma toan adana. ¹⁶Mang suka naveta ! ¹⁷Sambajang ma maung. ¹⁸Aung vembanang ue naba naba omimi.¹⁹Ake roh angu pak ! ²⁰Ake palai- palai at hela mea ekang. ²¹Arunge emampi angu veng kapiling ! Nababa aung anguba pina. ²²Ava metma jasi ahala angu e ola.²³Taang mi, Lahatala , E aung E hama enang kolang, emampi angu ahamulang. Taang mi roh ora mana, bot eboa ipi,emampi veng gariang, bae moleng haleng niang. ue ehoa ema omi Lahatala , Kristus Yesus. ²⁴Aingba i aru, vengbanang hula kalaka, nabase ana ening.²⁵Ne kaku naung, mang sambajang meatma nia dana. ²⁶Haromat metma ne kaku angu naung emampi mainang. vengbanang hula amiku angu hamulang. ²⁷Timang ere, etabi na ia banang, aulange surat angu iini basa metma ne kaku naung ba poe ampomi angu ing emampi mainang. ²⁸Pi Lahatala kavasa , Kristus Yesus, iat toang pina.

ADA HAROMAT METMA JEMAAT TESALONIKA IE NANG ¹Ada haromat Timang Lahatala ,bot Yesus Kristus omimi, naing ba Paulus, Silwanus bot Timatius, ni metma jemaat ba poe Tesalonika abang mi angu ipanatu. ²Aung hama, mona majalung ba ue Timang Lahatala, bot Yesus Kristus abang angu mi metma mainang.³Iing angu i bele ba, Lahatala abanang asenang, kaku naung serang naung, bot mi malekang veng karajang aulang. E veng banang hula iomi anamang angu bilang mang longe ahemba bot iomi metma tejajahi angu di mang tang ma tang . ⁴Anga ebele anguba , mi tojang e lebab omimi , iini Lahatala e jemaat apaing adang angu mi, i aung i hama angu mi metma nehetoang veng imaring, veng banang hula nehe ing bue mi angua nehe i hura i seba ini kilang veng tahang iomi anamang angu mi. ⁵Aing anga metma e ukong e olamana ening vengbanang hula Lahatala e taaming angu etatabit, molo molo aulang base sorga abang angu ing di kudi harak e ateing, taang mi ing di susah e lala angu milahal e mitahi.⁶Lahatala ana kudi veng aboit ening molo molo,metma neheba iot iLa susah lala mi baa anga omi oa apang adang. ⁷Aulang arung base ana kudi lohi angu metma neheba me ing pariku angu metma mainang bot ming di mainang , jol Yesus Metma e buangvala angu naung veng iava a paleteng omi angu mi. ⁸Ad huring omi anga mi, Aulange neheba bae Lahatala ateing niang bot pi mutu Yesus Kristus e hur hamulang kadulang angu e mulung niang angu, ni kudi e holong e bale angu metma mainang.⁹Iini kudi ue ila omi angu e jeing e meng angu ateing harak. iini Lahatala apang adang , bot e huring e jara angu iola e paleteng. ¹⁰Taang mi ana hoa e ma , e nehe hamulang kadulang ang naung ot Aing tajaning. bot neheba iomi metma aing veng anamang ila angu naung iomi metma iang veng ravak sehi e vengbanang hula aungba ni metma veng imaring angu iini iomi metma venganamang ila.¹¹Angu ebele angu ba ni kilang Lahatala abanang a senang me adana, aulang e Lahatala kilang e aru e moring bot aing veng talail, ot aung hama angba veng karajang iomi anamang niang e e kavasa omimi e veng banang hula anguba e jaling ba anga. ¹²Aulang e mutu Yesus ene amal angu pi e amulung iomi angu mi. bot iini ue Yesus omi angu mi, emenghula Lahatala bot mutu Yesus Kristus e aung e hama angu ededenang.

MANUSIA JASI UE HOA ¹Kaku naung serang naung, pi mutu Yesus Kristus Ana hoa se Ana ping metma Aing veng anung nu kolang. ²Aulang e iini eke iava vai ekang bot vengukur iava manasal misavaka ni karatasiva hur kokal ma mi hurak niang he mang vomung metma ienang hula; Lahatala e Roh hamulang e ved ue hoa.³Ene eke vengkilang nehe ot naba metma veng iajajala ekang e veng banang hula val ba kasasar bot aminang via ming tahi angu iini veng marteng hula Lahatala e ved hoa niang se iini Lahatala e ola e paleteng ila, ⁴Ing anguba Lahatala Aing lavang bot iava ening atela seng se veng mateng hula ing ba Lahatala e hava mimisi ne ot ing veng sombah.⁵Minu na jedung ue pi mampi hama sehi angu hur anga na metma iat vengmateng ilase iini ue veng ani sei e niang ? ⁶Angse nababa bot ing vensakangba,iini vengmateng hula ana hue hoa. ⁷Angu se jasi ahala angu ini veng amaang bot veng karajang sehi aulange nubaba hula vengsakang se kilang ana veng sakang va ila nehe ing tabuang.⁸Aulang he manusia jasai angu Ana ava atubing arunge Lahatala e hoa e mamise ana eaung hama iomi iai omi angu metma iameang bot ing ening ilang isi. ⁹Manusia jasi ba ue hoa angu e karajang angu setang ole hama bot uakete e kavasa molo niang angba iini ening. ¹⁰Bot nehe emampi jasi ahala eniang angu ba ing metma aminang omimi arunge iini vengatobang base iini abetang aharak.¹¹Aulang angu ba , Lahatala Ana etatabit iomi tajebing angu panatut me mainang. Aulang he iini nababa etabit niang angu ba iomi metma veng anamang. ¹²Aulang e ing emampi eke iomi metma molo una angu veng anamang ekang bot jasi ahala angu ba ening metma iabetang omimi aulange nehe iadang taaning.¹³Kaku naung serang naung ing ba Lahatala omi metma i jahi niang di Lahatala veng lebal tojang mema iadana e veng banang hula halomang mi Lahatala ue ing vengatalail ila aulang he iini aung hama angu ateing hue Roh hamulang molo una omi angu mi. ¹⁴Angu ebele Lahatala amal hamulang baning vengmateng angu, Ana veng aru aulang e Lahatala Yesus Kristus e Hamulang kadulang iini ateing. ¹⁵Aulan base kaku naung serang naung , tahit anamang bot nababa nehe ue metma iavomung ia pahang ila angu pinat anamang ue mateng omimi niang ba karatasi ba ni mi hurak angu omimi.¹⁶Angse mutu Yesus Imang Lahatala Ana omi met pi jahi tila bot omi una ana tot sanang , bot tomi metma Aing veng anamang. ¹⁷Iomi angu ening anamang hur kokal bot e karajang e aung hama medit metma ea betang omimi.

PAULUS E BANANG E SENANG ¹E vengabang, ne kaku nea serang, banang senang aulang he Lahatala ene angu alilit denaveng denaveng bot Aing tajani emenghula ue iabung angu. ²Bot aulang e mitahi tila ne jasi ne ahala angu bot ing ipimi angu iomi anamang angu bae iabung niang. ³Arunge Lahatala angu omi bisa Ana Kuat daeri bot ping metma jasi angu eola e paleter.⁴Lahatala e kavasa angu ae nia bung ing ang ebele iini ue vengkarajang sehi bot tarus veng karajang nababa ni metma vengiat mateng angu. ⁵Aulang base Lahatala iomi ening amolo va ila Lahatala omi metma pijahi, bot va ila Kristus e malea omimi. MALEKANG VENGKARAJANG⁶Ne kaku ne serang anga se ni metmaveng imaring, Timang Lahatala ene Yesus Kristus ene. Aulang he i boa ipi angu metma i kaku i serang eba abetat aladil angu ea halang emenghula vomung pahang iini kudi milamal mitahi. ⁷Ing di ateing etatalang ba iini kudi mi lamal mitahi eamulung , vengbanang hula nibae aladil niang taangmi ming metma ing veng. Pihama hama. ⁸Ning diba nehe abung e mod angu adang niang bot bae veng beli niang, Ni bot veng taburi bot veng karajang bir kua bot bir jala aulang he eke tamadi metma nehe angu naung mainang ekang. ⁹Na uang naung ual hula nii metma emanaing ening arunge ni boa ipi anga ukong nu e vai aulang he nii kudi ea mulung.¹⁰Uang adana pi jedung hama- ham sei angu parenta anga ni metma mainang eat karajang niang se ang bae na adang niang. ¹¹Nii veng me se nehe aedeneng ue iabung angu abetat aladil- aladil, iini iat karajang niang, arung e na abeung iini veng kalakat karajang. ¹²Nehe aulang angu naung ni metma veng imaring bot iavomung ai pahang Yesus Kristus ene aulang he iini karajang tening e rama bot inang kolang adang.¹³Aulang arunge ne kaku e ne serang eke moleng ekang aung ang vengkarajang m ¹⁴Nubaba bae eamulung niang bot nababa ni ae surat omi anga mi veang banang anga nehe angu iini ea uling bot eke at abeta ekang aulang he ana ava aloring. ¹⁵Nehe ba aulang angu naung iat tota ekang orang ekang arunge a vomung a pahang metma e kaku e serang ening. HUR EVENG ABANG¹⁶Lahatala etenangeli eaung e hama met mainang i tenangeli, jol kanap, va ila ia etang omimi. Lahatala ing ipimi ae toangpina. ¹⁷Naing anga ba Paulus ada e haromat anga naingba natang me hura, emenghula metma amanang angu aing anguba na hurak. ¹⁸Yesus Kristus e aung e hama angu uling pina iatoang pina bot iatoang pina.

AADA METMA TITUS ENANG ¹Naingba Paulus Lahatala Emalea bot Kristus Yesus Eetvala, Aingba Nainggahing Neheba, Omi venganamang Lahatala Aing Yesus Kristus Vengtala, Metma Hamulang omi mi. ²Aaulange iini avetang abening turang mi, bet hoa anga veng jehi Lahatala metma lih maringla, Angu ang bae akal niang. ³Halonang mi Ana Ene, amal mi Vengbanang Ila bot Ana naing ganing ba Iilah Lahatala bot Yesus Eh bandu angu amulung⁴Aingba Titus Noal Maholo, Lahatala Eh ahung hama Eh tenangeli, Eh mule noa Yesus omi mi, bor Yesus Anguba Avetang ejajehing Eela-Emanaing. TITUS E KARAJANG KRETA MI PENATUA-PENATUA VENGTALAIL ⁵Aangu ebele Naa Aaing metma Kreta abang mi aulange h iini hula parlut vengkarajang bot penatua-penatua Angudi, Aan veng talai ue bandar kanap emenghula, Na metma veng liat ma tengila angu edadeneng.⁶Nehe Angu bae jasi hala ening niang Ejangu nu, loel naung lomi venganamang veng bot Nehe at tota niang niang. ⁷Neheba Jamaat ehiang vala angu, ana bae jasi ahalang ening niang. Emamolo angse Aing angu Lahatala ebalenta vala, aba omi niang, user alil niang, Naboa niang, nehe at totaniang, koa adang kameli eh untung mediniang.⁸Eholong e bale angu, neheba via mi lamal uling ia teing, omi metma Nehejahi ea ung hama veng mea, bot Ametat molo-molo, hamulung, lebe-lebe, aba angu Aana eeh hapa. ⁹Hurba Ana vengmetua, angu Ana pinat anamang-anamang, Got na baba Nehema, Eetubing ila, aulange Ana meta Nehe Vengemaning.¹⁰Nehe toang tota orang, Ini abari mating, bot nehe akal kabule lebe-lebe, Nehba toang pina hamulang niang angu. ¹¹Malekang ih ai angu tapai, hurjasi ahela, Pi ihma jaidena angu vengimaring vaila aloring maniang.¹²Lih hur-hala Nu, vengbanang hula, Kreta Eeh Nehe ang naung abari mateng emenghula bianatang balebang lumul edadeneng. ¹³Naba na veng banang anga etabi, angu ebele Inapa imaniung Aulange ini Mona majelung ue Iomi venganamang angu omi mi.¹⁴Aaoli ba Yahudi enehe ang naung Veng matengangu bot neheba aung hama atobangangu ing veng hele ekang.¹⁵Eba hamulang emampi, angu hamulang Aaarunge neheba karita- manisa bot iomi venganang nian, ing angu nu bae hamulang di seiukur, bot iomi angu mang karita manisa. ¹⁶Ini hula ini Lahatala ateing, Arunge imedi - Iping omi mi, angu ini Lahatala Ajajala. Se ing angu bae bisat aung-hama iba vengkarajang niang.

VOMUNG PEHANG BA MOLO UUA¹Aarenge, aaing Titus angu, naba-naba ba lahatala eomi eamulung angu ba aana malelang vengwaring. ²Nehe mehal ba boma tita ang naung iat mateng senge ini aabetat idiri-iababahi anga vengtahangk, bot iene aaung angu vengjaga, iomi metaua nehe ejahi, bot etatabit iomi lahatela aing venguea.³Bot nehe jangu ba memet iila aag naung iat mateng senge ini malekang ilawat-itahi ba hamalang angu vengjagat aaung-aaung bot matubing, ekang nehe ehura ewanauti ekang, bot ekang aarak nat naboa ekang. Aarenge naba ba aaung-hama angu ba ini malekang vengmaring. ⁴Ening aulang senge, ini bisa nehe jangu ba mehal veng iila jedung daeri sehi ang naung iavomung iapahang senge ini iomi metwa iehal ejahi, bot iomi metma ioal ejahi. ⁵Bot aabetat idiri-iababahi angu vengtahang, aabetat hamulang-kadulang, kalakat ihava omi angu vengpiling, tening-rawa, bot imehal eamulung, senge lahatala e hier aauug-hama angu nehe ekang ejajahi ening ekang.⁶Bot nehe ba jedung kuar sehi ang naung di iavomung iapahang senge ini idiri-iababahi angu vengtahang. ⁷Na emangpi ba aana omi mi aabeta angu aara malekang karajang aaung angu ba ening senge metena nehe emangpi itubing. Aana nehe avouung-apahang se aana malekang oomi anung-anung, eene aanung angu vengjaga, ⁸bot mateng hur emolo ba bae akal-kabule jasi ue omimi niang anguba aana vengbanang, senge nehe ba iomi bae ping vengsanang riang ang naung vengmee se ini iavaaloring, base ini bae na jasi iiba vengbanang senge mehe ba iomi bae na jasi iba vengbanang metma piadanat jadi niong.⁹Aulang di malea ong naung, na emangpi ba imaraing ana ing gahing iot vengkarajang omimi angu, ini malekang imanaing angu aing vengtou. Ini ekang imanaing angu at natataanang ekang, aarunge ening tatalang senge imanaing angu ana omi sanang. ¹⁰Ekang taavi ekang, aarunge karajang aaung angu ba ini malekang ening metma imanaing angu etubima senge omi ing vengsanang, bot na emangpi omi mi angu ini bisa lahatala pi aabetang e eela e hur aaung-hama angu e etabi vengbanang.¹¹Se, lahatala eomi aaung hama ba manusia emangpi ing ening lohit metma iahalang-iavali ang naung eahalang angu ana matubing iila angu ebele. ¹²Base aabetat bae aaung ening niang, bot nukur jasi ba tomi mi ang naung pi malekang atobang metma piahalang. Jamang vea ba pi omi mi aabeta sehi anga pi malekang aaung angu ba vengpikir bot vengkarajang, aabetat hamulang kadulang bot aabetat lahatala angu ba aing vengtou. ¹³Eningse Yesus Kristus Ana lahatala e eele e balolu anga omi mi bale hoa, angu metma aaung-hama ening metma ping metma vengmea, bot angase pi ading sehi.¹⁴Yesus Kristus angu, Ana Ediri-Ababahi angu metma sadaka ening ping ening lohit metma piahalang-piavoli ang naung emangpi lahalang iila bot Ana ping vengtalail ping metma enehe ening senge aabetat hamulang kadulang, bot karajang aanung angu ba ening alolang niang.¹⁵Base Titus, emangpi anga aana malekang metma jamaat ang naung veng iat hubai. Iavomung iapahang senge naba ba aana metma veng iat hubai ang naung ini semongpi eamulung. Nehe iiba jasi-ahala ening se ihapa bot via aaung metma itubing, se aaing ba malekang emongpi angu ening metma iadana angu ebele. Aulang senge nehe iiba ekang eejajahi ening ekang.

MOTOBA MIABOTA¹Metma iivengani ening, aulange imi neheba parentah pina bot emi atang andi veng tou, aulange veng ualakat bot veng karajang, ²nuba-nuba angudi ake iihura iimenanti ekang, tota niang orang niang, taimang, aulang di etatabit iidiri iivabehi angu ening moleng haleng metma nehe toang rai angu etubing³Taangmi, tura angu ping di tomi iedung kamuke, bae ea mulung niang, birveng ahala, metma aunu-aunu, auilamarah bot tomi esanang lamerlung angu emalea ening, abetat ue jasi ahala bot tomi metma nehe lahalil, nehe omi metma pialalil, bottomi metma tealalil.⁴Aulang atunge, taangmi lahatala omimetma pejahi, bot eaung-ehama angu, pimutu Yesus Kristus ava matubing. ⁵Oras angu adana, ualhula aungba piveng karajang anguba Anatot ilvae doni, arange eaung-ehoma, ahamulang, bale veng ajai bot aboi, ue Roh hamulang omimi.⁶Ba toang rai Ana metma ping vengahuwung hela, Kristus Yesus piabetang ula angu. ⁷Amba ana tot moloe una, ue eaung-ehama omimi, metma eiba-eama laung, bot metma pipinang anamang ening, nabase abetang ejajehing angu piharok.⁸Hur anga etabit molo. Angaba nasukat hulu yot utabit vembenang aulange iingba lahatala paesaja hila angu nabase aung angu lamulung veng karajang. Naba-nababa aung bot egumang veng amba metma nehe toang adana.⁹Iiai metma toda dana angee iitamet eola, sarenta-sarenta ba egunang niang angu, tomi metma tea halang, tota oeng, tomiveng niang anguba metma hulung tura adana, na ang naungba egunang niang, bot para sumang. ¹⁰Neheba tarahak tavetang ening angku metma ineng ani ening, minu niangse miaru, angmese ava metma lola. ¹¹Taangmi nehe aulang angnaung iini ateingse iiabetang angu bieveng ahala tila. Bot ua halang angu toangilu, ana hukung angu bonang, metang euri atabahi angu adana.MATUBINGEVENGTAHI BOT HAROMAT¹²Na Artemas aing gahingila, niange Tikhikus met maenang, tatalange ana nebele hoa dekapolismi, bot naven banang minu, kajavi loras miangse ila angmomi mihi. ¹³Bot ekuat edau omimu, senas oing moling, neheba hukung ula angu. bot Apolos ka ue via navening oa angu, aulange naba-naba angudi ake iikukang ekang.¹⁴Pinehe angnaung, iini makekang karajang ba aung angu vengajer vengtahang, aulange uabe tang ved kakanap angu abetat kae eihi vengniang angu niang.¹⁵Nehe toangka ae nimampi, adal haromat itu vem banang met maenang, neadal neha romat angadi ana vembonang met mainang, iingka iiomi metma nijahi ue iiomi venga namang omimi. Aung homa suka sonang iing emampi iiat toang pina.

ADA HAROMAT MET FILEMON ENANG ¹Yesus Kristus e bele ba naing ba Paulus nehe metma Bui mi, Angu e bele naingba Paulus, bot pi kaku Timotius ba omi metma lahatala aing veng anamang ila angu iini ada haromat panutut ma Filemon enang bot pi kaku pi serang balenta vala ba ni omo i jahi. ²Bot metma Apfia, bot pi kaku Arkhipus, ni serang aung naung e ma lival vala, bot metma serang toang iini iomi nu e vahaa mi. ³Aung hama tenang eli met mainang, Lahatala abung hoa , Timang bot Yesus Kristus abung hoa. TOMI MAENANG TOMI ANAMANG BOT OMI METMA FILEMON E JAHI⁴Na nomi me nimang e Lahatala enang mi nu na ingveng ani ne banang omimi, ⁵Arunge na vengmee iomi anamang bot metma nehe toang hamulang angu adana . ⁶Na banang aulange itomi nu , iomi anamang angu ba veng karajang, aulange iini ateing nababa aung angu matang bot ue tabung angu Kristus ebele. ⁷Suka navera bot ma sanang omi angu e bele bot ing angu ebele, kaku ne ba omi hamulang angu bale sanang. PAULUS E BANANG METMA ONESIMUS ADANA⁸Aulange nomi anamang angu etatabi ue naing veng Kristus omi, bot na ing gahing nababa iini hula veng karajang angu ba veng karajang, ⁹Arunge omi aung angu ebele, lebe mi aung na hula metma beng abana , naing paulus na daeri niang bot anga emeng hula ne bui mi, ede denang Kristus Yesus ebele.¹⁰Na veng banang metma noal Onesimus e nang, angu ba harak angu veng jehi na ue bui mi. ¹¹Tura angu naing ne gunang niang, angase ne gunang veng metma ia dana metma ia dana. ¹²Na ing gahing aing ba nomi ue bale nebele hoa. ¹³Ema molo e nomi anga na hula ot jedung na va , aulang e na mana mi, veng balenta ejehi na jedung bui mi injil ebele.¹⁴Arunge ana bae veng jali niang nababa veng karajang niang aulange aung ana ba iini veng karajang ual hula ne naing manda arunge aing omi. ¹⁵Oma gavelok Onesimus at tatara jol kabing edang omimi aulang iini balei iiava aulang e jehing e meang. ¹⁶Ual hula metma e malea ening , arunge e etang mida, emeng hula ne kaku nomimi. Ual hula metma ne nang kolang nadana ingba ne kaku eni ataang anga met ia dana, metma ne boa ipi adana niange Lahatala omimi.¹⁷Aulang ba iini hula naingandi i serang karajang , Onisimus aing medi emeng hula iini naing medi angu edadenang. ¹⁸Hula ana ahalang metma iadana niange uta nababa ana medi metma naing tang mea. ¹⁹Naing, Paulus naing anga na hurak matang maveng pina minu mi se na mainang iuta naba mamaung se metma vengme ne maring , bot iboa ipia angu. ²⁰Etabit ne kaku, ana kilang e Lahatala omimi aung ba ne abung angu namedi nomi anga ana sanang Kristus omimi.²¹Arunge kalaka angu nomi venganamang , ehur hamulang angu na hurak metma mainang, Arunge na ateing iini veng karajang mi aatang, arunge na ateing nababa angu iini veng karajang miatang. ²²Kabing dena omimi anga noangmoling, omi nu veng haraka metma manenang, aulange na vengbaing ibanang omimi minuse bale ibele hoa.ADA EFENG ABANG²³Epafras, ne serang poleve ni miada haromat, panatut ma maenang . ²⁴Aulang di ba Markus, Aristarkhus, Demas, bot Lukas ing ba ne serang hama-hama piveng balenta. ²⁵Aung hama Lahatala abung hoa Yesus Kristus , Roh hamulang taat toang pina.

¹Yakobus , Lahatala bot mutu Yesus Kristus e malea Ana ada metma lelang ari nu bel ta aru ba tibarakang por kanap angu ma inang. OMI A NAMANG ANGU NE ADI E TAPIS ²Ne kaku e ne serang jasi ahala ne metma iadana naba se mang etang e ariak. ³Aulag ba iini ateing veng banang hula buju e doging ba metma iomi anamang adana angu nabase iini vengtou.⁴Kilang e eveng tou omimi angu e bili kudi veng, aulang e molo una bot mi baa mi hili, naiba bae i ganasing niang . ⁵Aulang arunge, ue ihama mi angu nubaba aung angu e ganasing se ana omi angu ening kanap kanap. seng e metma Lahatala abanang ana eaung angu metma ne toang adana bae hura mananti veng apina niang arunge e aung angu ba ne metma ma enang.⁶Arunge, ana Malekang omi angu ening a anamang bot eke vavavang sehi ekang. aulang arunge, nehe ba omi vavavang sehi angu emeng hula tang eumba enar veng boning se ana vava mama angu edadenang. ⁷Nehe ba aulang angu ana eke veng andet hula Lahatala naiba ma ena ekang. ⁸Nehe ba omi a aru angu , tening e rama bae ue eabetang omimi niang. KAWASA E MAMOLO⁹Aulang ba ne kaku ne serang ba eabetang angu ana ening alolang- alolang angu mi nu se ne ana lebal nehe aing ohit atela , ¹⁰bot nehe ba kavasa angu mi nu se ne at hela alolang emeng hula napa buma angu edadenang bot ana kudi ue niang. ¹¹Ved ba poe hipal da angu tutung , bot etatabit herek, napa angu di marota, e buma angu di latak, bot e aung angu di isik. Aulang di ba ne kavasa angu mi nu se e kavasa angu ue niang. GODA SOBA ANGU BAE LAHATALA ABUNG HOA NIANG¹²Nehe ba ne jasi metma adana di ba ana mang veng tou angu, aung hama metma Eoa, bot Lahatala omi metma e jahi va ila sindal a betang angu ana metma ma enang. ¹³Nehe ba ne aing soba ana eke veng banang hula , Lahatala ba aing soba, Aulang arunge , Lahatala angu ana bae ne soba niang.¹⁴Arunge nehe ba ne soba angu mi nu se ne aing bia aing baraki, va ila e jaling angu ea mulung. ¹⁵Bot taang mi e suka e mau angu ba ana ea mulung , angse e biliba jasi ahala amba ana veng ajahi, bot jahi ahala angu toang ila se va ila ana aminang angu di vengajahi. ¹⁶Ne kaku ne serang, Lahatala omimi, nabase eke bir veng a hala ekang.¹⁷Sadaka i aung bot e molo, Timang ana atelat huring jara mi at hela , bot eukong e olamana di bae aboi niang bot bae taing telul niang. ¹⁸Lahatala e jaling angu ea mulung, amal hamulang angu mi Ana tahami e tateni, aulang e nababa amal hamulang mi hoa angu ping metma e mutu ening.LAHATALA ENE AMAL VENG ME , BOT VENG KARAJANG.¹⁹Kaku e serang , Yesus omi met te jahi, iini ateing aulange ne nanut user veng me, arunge eke user ma teng bot eke user alil. ²⁰Arung e nehe ba alil angu ana bae Lahatala e aung angu veng karajang niang . ²¹Aulang ba e jasi e ahala bot e karita angu aungba bia , seng ila se e diri ening alolang alolang, seng e Lahatala e hur hamulang angu veng me, seng ila se metma omimi taloul, aulang e oramana va ila a betang avening angu harak.²²Lahatala e hur hamulang angu iini malekang veng karajang, bot eke mang veng me ekang. niang se ia betang omimi angu iini kabule. ²³Aulang ba, neheba Lahatala e hur hamulang angu, veng me arunge ana bae veng karajang niang se aing angu emeng hula nehe ba apang metma ukong mi apiu angu ede denang. ²⁴Ana apang angu metma mi apui seng e lamal ila angu se ana apang angu bale veng tajeving . ²⁵Nehe ba, parenta veng piling angu, ing di bae mida mi ba milihi jedung. e veng banang hula parenta ba tot lohi bot kilang veng tou e veng liu omi angu mi. Aing angu bae metma veng me veng hele bot veng tajeving ening niang. nehe ba ana veng karajarang angu andi Lahatala e aung e hama angu metma e nang. E MOLA ANGU BA BANING LAHATALA VENG SOMBA²⁶Nubaba avarasat hula ana etatabit omi metma Lahatala veng somba, arunge ana bae vengani niangse ana bae ajabur angu gariang niang bot ana omi ena kabuke anguse e kalaka angu parasasuma. ²⁷Timang Lahatala apang adang mi Aing veng somba Aing veng liu bot e jasi e hala veng niang , anguse malekang ali val kakaneng, niang e kalabal ali, ue dilang alil omimi, nabase i uling ia teing , bot ing gariange ing saboi seng e iini eke jasi ahala angu mi abeta ekang.

OMI MET NEHE TOANG ANGU E JAHI ¹Kaku naung serang naung omi anamang ba mutu Yesus Kristus omimi angu, iini eke metma nehe e tubing se ake paul abang ekang. ²Iini kalu taing veng e toang pina, senge nehe i ba hoa e ma angu, ana kila ba huling e jala angu metma atang mi, bot pakiang ba e bili ele angu ba ana pake se hoa e ma, jol uang adana angu ba nehe masiking e sakiang angu naung hoa e ma angu, iini pakiang karita e manisa angu ba paket hoa. ³Bot nehe ba pakiang e bili ele pake angu, iini e uling e ateing ening alus- alus seng se iini hur metma e maring, " Alang ma mana aung anga mi mihi," arunge nehe ba masiking angu iini at mateng, " ang mo mi tahi," niange " Hela nia ela ang mi mihi !" ⁴Anguse emeng hula iini taing paul taing a bang ila, bot iukur e i andet jasi angu ba me veng piling e veng taloul ila.⁵Kaku e serang naung ba na nomi metma i jahi, vengme veng hela ! Taang mi Lahatala Ana nehe ba por alolang ateing se hula ana masiking, angu Lahatala ana ing veng talail ila, aulang e iomi anamang omi angu mi iini kudi kavasa e bisa Lahatala e abang sanang ba Ana metma nehe ba iomi metma Lahatala e jahing angu naung veng iapalaing angu naung , ing di kudi harak e ateing ? ⁶Aulang arung ba se, nehe ba masiking angu iini e hura. Iini ateing niang nehe ba kavasa angu ba ing pariku bot iat ila metma piling e taloul vala angu apang adang mi ? ⁷Ing angu ba Lahatala amal hamulang angu, e hura e mananti angu e bele ba nehe ia ru angu ?⁸Iini kalu parentae molo ba ue Lahatala e surat hamulang omi mi angu iini veng karajang, " E veng banang hula nehe toang nehe rae angu iomi metma i jahi, " emeng hula e boa ipi angu ede denang angu se e molo ba iini veng karajang ba angu. ⁹Arunge iini kalo manusia angu paul e avang, angse iini jasi ahala angu ba veng karajang ba angu bot ing angu ba parenta angu pariku ba angu.¹⁰Nubaba parenta angu emampi ea mulung, arunge ana bae nu kolang ea mulung niang ang muse ana bae emampi a mulung niang ila ba angu. ¹¹Aulang base , Aing ba veng banang hula , " Eke buha." Aing amba bot veng banang, " EKe nehe a meang. " Aulang base pi bae buha niang, arung e pi kalu nehe a meang, angus pi parenta angu tang tahi ba angu.¹²Mateing e hubai bot medi e pina angu ening emeng hula nehe ba mi nu se ne adang taaning ot va ila parenta angu e halang angu eda denang. ¹³E veng banang hula tadang taaing angu bae tejajahi angu ateing niang, tejajahi angu ana tadang taaning angu aing uuntung. TOMI ANAMANG ANGU E KARAJANG MA VENG NIANG SE AMINA.¹⁴Kaku naung serang naung, nehe nu hula omi anamang ue arunge ana va e e karajang me veng ping niang se e gunang ba naba? Omi anamang angu ot bisa va ila salamat angu ateing ? ¹⁵E kaku e e serang nu e pakiang niang, bot aadang nananang angu ana etatabit omi metmaveng mea, ¹⁶Arunge iini metma e maring, " Aung ba lamal, aung hama metma eoa, niange e boa ipa angu kudi tutung angu harak bot ubal e barang metma eoa arunge nababa e boa ipi parlu angu iini bae metma aing veng aping niang se e gunang ba naba ? ¹⁷Aulang di ba iomi anamang angu, iomi anamang angu kalu e karajang ma veng apina niang se iomi anamang angu amina.¹⁸Arunge nehe iba ue veng banang hula, " Ing iomi anamang veng , bot naing e karajang veng." Na veng maring , omi anamang e karajang veng niang angu ana eke ma tuving, aulang e nebot nomi anamang e bot e karajang eveng anga na matuving. ¹⁹Iini iomi metma veng anamang se hula lahatala angu nu. angu molo. roh jasi ahala angu naung di iomi metma veng anamang bot iini tavavar. ²⁰hai ing ba nehe kamuke angu naung ! iini hula iava veng aniveng banang hula tomi anamang e karajang veng apina niang angu mang parasasumang.²¹Taang mi timang Abraham, Lahatala aing ening ot molo karna e karajang angu e bele, e veng banang hula oal mehal ishak, ana hula metma sarada ening met Lahatala enang ? ²²Ulinng, tomi anamang e bot e karajang angu ole hama -hama karajang aulang base e karajang angu va ila tomi anamang angu ot taing kanap. ²³Aulang e nababa surat hamulang veng banang angu ot taing kanap, " Abraham ana omi metma Lahatala veng anamang, bot aing angu nehe veng rekeng e veng taanang metma e molo ening, " bot Lahatala e serang ening. ²⁴Aulang base iini ateing veng banang hula e karajang angu ba nehe bot va ila molo, ual tomi anamng ba enang kolang.²⁵Aulang di ba Rahab nehe jangu jasi ahala angu, veng rekeng ot va ila molo angu harak , e veng banang hula ana Israel e vagal bala angu naung iot iava vaning bihit metma via abeung oat ila ? ²⁶Aulang base emeng hula pi boa ipi anga teing hara veng niang se ana amina, angu se tomi anamang ang di e karajang veng niang se ana amina.

HUR NABABA BA PI VENG BANANG SE TAVA VENGANI ¹Kaku naung serang naung, eke ing toang omi mi angu iava ma tubing ula ing di vomung vala,angu ba iini ateing ping ba vomung vala angu mi nu se ne veng tadang taning bot ukur tamadi angu ba nehe ma pi nang. ²Ping emampi pi ahalang ue naba ari nu omimi. angu ba nubaba ava rasa hula hemateng omimi angu bae mi ahala niang, angu se Aing ba nehe molo una, bot anae boa ipi angu veng liko.³Pi sar metma kuda ai veng parta aulang e ana pi a mulung, bot ping di kuda e boa ipi angu emampi veng liko. ⁴Bot uling kampal angu naung, masiking etabit ele bot enar ele iaoling , kampal e uling angu etabit kiki arunge , aing ba kampal e tiri angu veng ebang. bot ana tang adang ila di neha alapa angu ba e jaling.⁵Aulang di, tajabur anga kiki nu ue pi boa ipi anga veng, arunge tajabur anga ana ava tajaning ue nababa ele angu omimi. Uling ahing banaha angu etabit berang arunge Ad viring kiki nu angu ana edet atepul. ⁶Tajabur anga emeng hula ad viring bot jasi ahala ae por alolang tang, ue metma pi boa ipa anga veng a pina, bot aing ba pi boa ipi anga emang pi ajasing. seng e ana pa a betang e lamal e tahi angu ening a viring di seba , andi tutung herek omimi viring.⁷Angu ba binanta palevang emampi bot dung , bot binanta mang era bot binanta ba poe tang omi mi a beta angu naung bot manusia ana ening amunang ila. ⁸Arunge ne nu anga bae ajabur angu ening amunang ahala sehi. Tajabur anga kavasar jasi bot bae tening rama niang bot ransong ue omi aving baning veng amina.⁹Tajabur angu ba ping vaning aung hama ening met mutu Yesus bot Timang Lahatala e dana , Arung ba se Aing angu di ana vala metma nehe ba Lahatala Ana ahami e ateni angu adana. ¹⁰Tai omimi anga ba tajani palevang, bot vala di ni hela. kaku naung serang naung , ba e emeng hula aulang niang.¹¹Aulang se, jar eng nu kolang angu ana jar makara bot jar tama angu hama hama a totut mi nu kolang niang ? ¹²Kaku naung serang naung , aulang se kumi angu e hi veng se zaitun e hi molo; niang he anggur e hi angu veng sekumi hi molo ? Aulang di ba, jar eng va makara angu ana bae jar tama omimi totut hela niang. UKUR E ANDE BANG ARU¹³Ing anga naung nubaba hur ateing bot mang garati? kilang e abetang angu ening ana aung hama ana ava ening balea hur ateing omimi , Aulang he ana nababa veng karajang se nehe met e tuving. ¹⁴Arung ba se iini have iomi alil makara angu eu ing veng bot a betat ia va anamang, inang kokolang ue omimi se iini eke iava tajaning bot mola e una angu aing lawang ekang.¹⁵Hur dal aulang angu ba e doe atela mi hela niang, arunge por alolang e, bae roh hamulang omimi niang bot jasi ahala. ¹⁶Ave iomi bot iava oit atela angu mi angu se tota orang, jasi ahala angu ba iini veng karajang. ¹⁷Hur dal doe atela mi hoa angu e halomang angu molo una seng se tomi nu taha nu tomi tejajahi, moleng haleng, bot tomi met teteleleng , bot ening aung hama , bot tapang veng kalalang niang. ¹⁸Molo una ehe ehi angu nehe ba nehe ening iot tomi nu taha nu angu ana met omimi barehak varai.

E BOA IPI ANGU METMA LAHATALA ENANG ¹Taang mi hoa tota bot horang angu ue Ia betang omimi ? Have ba uangu iukur iande omi mi hoa malibal angu ede denang ue i boa ipi omimi ? ²Iini na nu iomi metma veng mea, arunge iini bae medi niang, ni neha a meang. iini alil bot amara, arunge iini harak niang, iini tota bot orang iini bae ateing niang , iini bot bae banang niang. ³Niange , iini banang, arunge iini bae ateing niang, iini banang arunge ahalang angu metma e ela ening va ila i ukur i ande angu eamulung.⁴Hai, Ingba sama buha angu , iini bae ateing niang, veng banang hula por alolang at tenangeli angu , e veng banang hula Lahatala e tevela vala? Uang u ebele nubaba hula por alolang at tenang eli, ana e boa ipi angu metma Lahatala e tevela vala ening. ⁵Naba ening ba iini veng ukur surat hamulang bae molo niang veng banang hula " Roh ba Lahatala metma ue pi boa omimi angu iini suka alil ma maung angu ?"⁶Arunge Lahatala E aung e hama angu ana metma mainang toang hera e aulang base surat hamulang veng banang, " Neha ba oang uring angu Lahatala i hapa i maliu aulang e aung hama angu ana metma nehe ba omi ening a lolang angu na met mainang". ⁷Uangu ebele i boa ipi angu metma Lahatala enang aulang he goda sona por alolang iini akabita ana oma bihit iola i paleteng.⁸Lahatala angu abung , bot ana ue i abung. Atang angu hamulang ing ba ahalang avali angu bot iomi angu ahamulang, ing ba iomi aru. ⁹Iini susah lala bot bau pei palela angu, a boit va ila bau pei, bot lebal tojang angu aboit metma bau pei omimi. ¹⁰Io mi angu ening alolang Lahatala apang adang mi, aulang e Ana ia mida atela- atela. EKE HURA MANANTI BOT E KAKU E SERANG ANGU ADANG TAANING EKANG.¹¹Ne kaku ne serang, hur jasi angu eke veng mateng i toang pina omimi. Nehe ba jasi ahala veng mateng va ila e kaku e serang angu niang he taaning metma e kaku e serang adana va ila parenta angu tang tahi, bot va ila taaning angu. iini va ila taaning angu metma parenta angu, arunge ing angu bae parenta niang. ing angu mang taaning. ¹²Ana nu kolang metma pina parenta bot taaning arunge aing ba ping metma aung hama angu mi bot ping metma jasi angu ming aulang arunge ing anga naung nubaba iini i kaku i serang angu adang taaning ?ARINU- ARINU BA MANUSIA VENG UKUR ANGU UE LAHATALA E VENG JALI OMIMI¹³Angse, ia vel hele ingba mateng angu, " vede anga niang he tobang iini oma bandar mi ila, angmi mihi e lung mitung nu, naari nu aboi bot eaboing ateing," ¹⁴Arunge iini bae ateing niang nababa ue tobang omimi. e abetang angu e arti ba naba ? Ia betang angu emeng hula mopung eda denang, mi lalung se isik.¹⁵Ema molo se iini kudi veng banang hula, " Lahatala veng jali i oma abeta bot ari nu ari nu angu veng karajang." ¹⁶Aulang arunge iini ia va ohi ; ioang uring, ai va ohi aaaangu emeng hula jasi ahala. ¹⁷Aulang base nu nut ateing , nababa ana veng karajang uang, arunge ana vengkarajang niang ana a halang e avali.

NEHE KAVASA ANGU NAUNG IVENGANI ENING ¹Meinaung inba nekavasa ang naung! Iavelhele iahava e bau iva epei susae lala uehula iing tang hoa. ²Ekavasa ebisa angu manisa tila, bot epakian angu nanaka adang. ³Edongkas kaihali angu hiri adang ila, ehiri angu metma ebukti ening aulang ot tamadi, bot eabua angu ana adang emenghula ad angu eadenang. Ved eveng abang omi angu mi jedungse ini ikavasa angu teing akumpul ila.⁴Vengme, nehebe ibil omi karajange ini iseva angu vengtahang, bae moloniang, ini arue moring metma ing lavang bot iaru imoring angu ila doe Lahatala aver mitilah. ⁵ini abeta poralolang tang anga bae inanu ikurang iganasing, bot sanang metma iboaipi angu adana, vomi iiomi angu ot kuta jol naameang angu adana. ⁶Ini nehe molo angu aing tabuange bot ameangila arunge ana bae inglavang niang. SUSAH LALAMIDI MANG VENGTAHANG⁷Aulang base nekaku neserang vengtahang waila Lahatalah ehoa angu vengjehi., uling emenghula neba madae pina ena omi metmateipi angba, porhula meta manenang angu ading, yomi ang vengtahang senge adinge baing, emenghula anuar ehalomang bot evengabang ini ading edadenang. ⁸Indi malekang yomi angu vengtahang, bot aanamang, evengbananghula Lahatala ehoa ema angu peangila.⁹Nekaku neserang naung inieke taing ening ahala ekang aulange neheke ing tabuang bot inghukung ekang. Yenguling, neheba plinge taloul emanaing angu ue viahami tahitila. ¹⁰Nekaku neserang naung susah lala bot vengtahang angu ini hula eamulung hengise ieng neheba Lahatala ene vengmateng anguba euling. ¹¹Neheba mang vengtoue vengliu angu, ni ateing aing angu mang aunge hama. Ayub evengtoue evengliu angu ini ue ateing evengbanangse vengbanang hula, Lahatala angu ana etatabi omi metma nehe ejahi bot omi aung.AKE SUMPAH¹²Aulangbase nekaku naung neserangnaung, emang emampi angu ini eke por burang bot naba-naba angu ekeme sumpa ekang, vengbanang hula etabi huta etabi niangse hula niang aulange inieke ing hukung ekang sambajang ekavasa angu ue tomi amang omi mi.SAMBAJANG EKAVASA ANGU UE TOMI AMANG OMIMI¹³Hahe ihama miangu nehe iba ue susah lala ? Ana majekang Lahatalah abanang bot iba hahe ue tejang lebal ? Kilanghe ama Lahatalah tajaning. ¹⁴Nehe iba haret ue ihami angmu dila angu ana ila jamaat eboma boma angu iaru bot ini malekang aingveng sambajang, bot Lahatalah ene omi angumi ini ipil metma arobi. ¹⁵Banange senang angu etatabit yomi amang angu uese neheba dila angu Lahatalah ot vaila salamat angu ateing, bot Lahatalah ot bonggalori tahi. Bot ana ahalang avali angu Lahatalah vengemaringse Lahatalah Lahatalah angpongangu metmaenang. ¹⁶Aulangbase ini malekang iahalang ang vengbanang bot sambajang metma tada dama aulanghe ini mona mejalung. Neheba molo-molo angu ana iomi ening kanap-kanap metmaLahatalah vengbanangse ekavasa angu etatabit ele. ¹⁷Elia angu diba manusia biasat emenghula ping anga edadenang. Ama Lahatalah abang anuar ot ir angu mihela ekang, etatabit amuar bae por anga tang hela niang mitung tue miuru taling omimi. ¹⁸Anabale Lahatalah abanangmuse. burang ana anuar ot hela, bot poralokang anga eipiottilangda. NEH OANG MOLING OT LAHATALAH EBELE HOA¹⁹Nekae neserang misasaraka niang ue ihama mi angu nehe iba ue aunge hama angu eahalang ila senge nehe iba ue ot apang bale, ²⁰Ini ateinghula neheba nehe jasi ahala mibatila angu, ana bale at hoa metma via eaung ehama angu veng adu, angse nehe angu ana oramana angu ot salamat eda angu ateing, bot eminang angudi eola, bot ejasi eahalang toang angu vengtering.

ABITANG NAVENING ¹Nababa ini ehalomang, ini veng me tila ini ulingiengtang ateing, ini uling iiatang me tang pina, aingba abetang navening ema molo angu. ²Abetang navening angu ana iiat mateingiila bot ini uling ateing ila, ini ateing angu ba iini vengmariang abetang ejeingeneang imangana iat lamal enaha bot ana vang iat mateing ila angu.³Nababa ini ateing bot ini veng metila angu, ini vengma teing metma mainang metma itai veng toang pina omimi, Lahatala ohal mehal Yesus Kristus imam pilamal hama-hama. ⁴Emampi hurak metma mainang suka navera ana metma mainangJARA OMIMI LAMAL⁵Hur hamulang ba iini ueng vengme metma aing angu nimetma veng imaring, evengbanang Lahatala jara emamolo habetat hama-hama bot kua keta angu bae harak ateing nia. ⁶Iini veng banang hula itai vengtoang pina angu ana ue inveng, aulanga runge ini kua kete anguba iinia habeta. ⁷Etabit ini ue jara omimi angu edadenang pitembeng toang pina ening ana nu senge pi metma nehe habeung adama, Yesus oal mehal hamulang, metma e ahalang toang angu veng laming.⁸Piveng banang hula pi bae ahalang abaling emimiang, pi boa ipi angu pi bale aing akal aikabule bot haung hama ue iomimi niang angu edadenang. ⁹Ahalang avali angu pimangku tila, aing anguba molo bot piamulung aulange ana piahalang veng hampong metma jasi ahala angu ehola. ¹⁰Amuse veng banang hula ahala avali angu ini bae ateing vengkarajang miang. Piaing akal kabule aing ening emanghula ehur hamulang iba bae tomimi niang angu edadenang.

YESUS ANGBA PI HAMA VALA ¹Noal naung , na anga naung ba hurak metma mainang anghe iini ekang jasi ahala angu eni ekang. arunge iba have ue jasi ahala angu ening, ping anga pi hama vala ue Timang apang adang mi , benang ba Kristus Yesus ba molo angu. ²Aing angu ba metma ping sai ping vai ae pi ahalang omi anga mi. bot bae pinang kolang pi ahalang niang ee ping ba ae por alolang taang anga pi ahalang. ³Angu ebele pi hula pi Lahatala angu ateing, angse pi Lahatala e parenta nagu ea mulung.⁴Nehe ba veng banang hula naing anga Lahatala ateing, arunge bae Lahatala e parenta angu ea mulung niang, ang veng banang hula akal kabule enehe bot aung hama angu bae ing veng niang. ⁵Aulang arunge, nubaba bae Lahatala E hur hamulang angu ea mulung angse Lahatala E aung E hama E molo e una angu ue idiri iava bahi omi angu mi. anghe pi ateing se hula pi ue omi angu mi. ⁶Nehe ba veng banang hula aing angu Lahatala omimi abeta, aing angu ba abeta emeng hula Yesus angu ede denang.TOMI MET TEJAJAHI BOT VENGKARAJANG LAHATALA EJALING OMIMI.⁷Ne kaku ne serang ba , na nomi met ijahi bae parenta hi ba hurak mainang niang, senghe parenta e vemang ba iini tura medi tila hue e va ila angu mi. ⁸Arunge na ae parenta hiba angu hurak met mainang, aing anguba aung ue omimi bot ue iabung angu mi arunge kua kete ba ue ve ila angu bot jara ba ue eva ila angu ae ingveng huring.⁹Neheba vengbanang hula ana ue jara mi arunge ana ue omi metma e kaku e serang omi met ealil sehi angse ana jedung ue kua kete omi ming ae anga vengjehi. ¹⁰Neheba omi metma e kaku e serang ejahi ue jara omimi bot nanu ot aing ening va ila bir vengahala niang. ¹¹Aulang arunge ing ba iomi metma ia kaku i serang ealil angse iini ue kua kete angu ba mi lamal, iini bae ateing hula iini ue tatalang adang ila arunge kua kete angba ening ieng ot kete.¹²Nana anga hurak metma mainang, ing ba nimang iimal naung, arunge ijasi i ahalang angu ana veng ampong ila atabit ue Lahatala omimi. ¹³Nana anga hurat metma mainang, ing ba nimang iimal naung iini turang mi ateing ue eva ila angu mi na hurak metma mainang, ing ba kuar e kaneng arunge iini nehe jasi angu atobang ahibul ila. nana anga hurak metma mainang ing ba kakaneing naung, arunge iing ba Timang Lahatala ateing ila angu. ¹⁴Nana anga hurat metma mainang, ing ba nimang iimal naung, arunge ing ba ateing ila angu ue va ila angu mi. na hurak metma mainang ing ba kuar e kaneing naung, arunge ing angu daeri, bot Lahatala E hur hamulang angu ue iomimi, bot nehe jasi angu iini atobang ahibul ila.¹⁵Poralolang anga ba iomi mi dadanang ekang, bot naba nababa ae poralolang anga tang. senghe nehe nehe ba poralolang anga iomimi dadanang, Lahatala omi pijahi angu bae ue niang. ¹⁶Arunge emempi bae poralolang tang, angba iomi veng ravak, teng met euling muse tomimi dadanang, bot iava osi atela ue abetang angmi ang bae lahatala abung mi hoa niang arunge poralolang mi hoa. ¹⁷Poralolang anga bot etama e tenge angu minu mise ue niang, arunge neheba Lahatang angu ea mulung kilang abetat ejehing emeang.NEHEBA KRISTUS AING LAVANG ANGU EAMULUNG¹⁸Noal naung, anga se jamang eveng tahi mi ; bot emenghula neheba vengmee se hula neheba Kristus Aing lavang angu ue hoa, senghe nehe Kristus Aing lavang angu toang ae hoa. Angu ebele pi ateing se hula angase jamang e veng tahi mi. ¹⁹Iini hoa angu pi hahama mi hoa, arunge ing angu bae pi oang mi hoa niang.²⁰Aulang arunge, na ba iini medi tila angu ue hamulang angu mi hoa, bot emampi angu iini ateing. ²¹Nana anga hurak metma mainang ual hula iini bae naung angu ateing niang, aulang arunge iini ateing bot akal kabule angu bae ue aung angu mi hoa niang.²²Nubaba iiat akal angu have aing angu ba akal hula Yesus angu ba Sang Kristus ? aing angu ba nehe Kristus aing lavang angu, neheba iiat akal hula aing angu Timang Lahatala bot Lahatala oal. ²³Nubaba Lahatala Oal atakal angu ana bae ue Timang Lahatala abung angu mi niang. aulang arunge, nehena mangakut hula aing angu Lahatala oal, aing angu di ue Timang Lahatala omi angu mi.²⁴Kandati nababa iini ue vengmet evaila angu kilang ue omi angu mi bot nababa iini ue vengmet evaila angu kilang ue iomi angu mi, ing angu di kilang ue Lahatala Oal omi angu mi bot Timang Lahatala omimi. ²⁵Bot anga ba epalai ana metma ma pinang, Aing anguna abetang ejajehing angu. ²⁶Nababa na hurak met mainang angu eveng hamua angu ing ba hula taatva bir veng ahala.²⁷Arunge, naba iini medi tila angu vengkilang ana ue iomi mi, bot iini eke nehe abeung iot ing ajar e iavomung ekang, aulang arunge nababa ana metma mainang ila angu metma ing ajar e iavomung taangmi na angu bot na angu ba vengbanang hula molo, Ual hula akal kabule anga ba ama metma piavomung piapahang ila, kilang ue iomimi. ²⁸Angase , noal naung kilang angu mi mihi anghe ana avamatuving, pi tomi veng anamang angu e bot tava bae aloring niang ue ehoa ema omi angu mi. ²⁹Iini have teing se hula aing angu ba aung, ing di ateing se hula nehe ba aung angu veng karajang, aung angu Abung mi oa.

PING ANGABA LAHATALA ¹Euling, taang mi Timang omi pijahi angu mi ele, angu ebele vengbanang hula ping anga ba Lahatala Oal, bot etabit ping anga Lahatala Oal angu ebele poralolang te teing niang, bot por alolang bae ateing. ²Kaku naung serang naung, iimba na nomi metma ijahi angse veng banang hula ping anga ba Lahatala oal. aulang arunge pi lamal pi tahi angu nabase naba eda denang, pi bae ateing jedung. Aulang arunge pi ateing se vengbanang hula naba ana hoa se pi uling ateing. ³Nuba- nuba ba omimi dadenang sehi angu ue aveng ila se, Kristua ue omimi, ana avabahi angu ahamulang Kristus hamulang angu eda denang.

ROH BA LAHATALA ABUNG HOA ¹kaku naung, na etabit nomi metma iijahi, Roh toang eu, ebele roh emampi angu iini ekang iiomi metma venganamang ekang. Arunge roh angu naung iini malekang eauling aung- aung senge iini ateing hula, ing angu Lahatala abung hoa e niang. se angse neheba sukat Lahatala Aing lavang angu naung toang por alolang ang taang hoa iila angu ebele. ²Roh ba Lahatala abung hoa angu iini ateingse alang; kalo roh ang naung iini mangakut vengbanang hula Yesus Kristus angu ana avaaboit emenghula manusia edadenang bot poralolang anga taang hoa iila, se roh angu Lahatala abung hoa. ³Roh ba bae Yesus kristus angu Aing mangakut vengbanang aulang niang angu, bae Lahatala abung lahatala abung hoa niang. Roh aulang angu ba Yesus Kristus Aing lavang angu. iini vengmee se hula ening iini hoa. aarunge angase iini ae poralolang anga taang iila.⁴Noal naung, ing angu iini Lahatala omimi abeta tila, bot ekavasa angu ue iiomimi . Angu ebele neheba Lahatala Aing lavang angu naung iini ing ening iora vengholang iila. Se Lahatala ERoh mba ue ingveng angu lebe mielet roh ba ae poralolang taang angu iini ataang oa angu ebele. ⁵Neheba sukat Lahatala Aing Lavanng ang naung ing angu por alolang ekuat eadiri anguba omimi aabeta. Angu ebele, iini mateng se poralolang eomi ajasi angu ba eamulung, base por alolang e nehe ang naung iini sukat ingveng hela. ⁶Ping anga Lahatala omimi aabeta.Neheba iomi metma Lahatala Aing venganamang ang naung iini pingvenghele , arunge neheba bae Lahatala omimi aabeta niang angu naung iini bae ping venghele niang. Aulange base pi bisa ateing hula a taang ba Roh molo una angu, bot etaang ba roh sukat nehe ening bir veng ahala angu.MAHE PI TOMI METMA TEJAHI⁷kaku naung, na etatabit na nomi metma iijashi. Mahe pi aabetat tomi metma tejahi, se tomi tejahi angu Lahatala abung hoa angu ebele. Bot nehe bae iomi iini aabeta bot iini Lahatala angu ateing. ⁸Nehebaa bae iomi metma nehe ejahi niang ang naung iini bae Lahatala angu ateing niang, Se Lahatala angu Ana omi metma nehe ejahi engu ebele.⁹Lahatala Ana omi metma nehe ejahi angu Ana metma piha hama mi atubing iila angu alang; Lahatala Ana oal nu kakolang angu aing gahing poralolang anga taang hoa senge viaukat metma mapinang. Aulang senghe , pi bisa at aabetat ejajehing. ¹⁰Anga omimi angu ba Lahatala Ana omi metma pijahiangu; Ual hula ping ba tomi metma Lahatala ejahi,arunge Lahatala omi metma pijahi angu ebele Ana oal nu kakolang angu Aing panatut hoa metma sadaka ening senge ping metma Lahatala At toang aaung.bot ping ening iohit metma piahalang piavali ang naung eahalang.¹¹Kaku naung ba na nomi iijahi, kalo Lahatala Ana omi metma pijahit aulang iila se , Ping di malekang aabetat tomi metma tejahi. ¹²Nehe iiba bae uuling Lahatala angu ieng taang ateing jedung. Arunge kalo pi aabetat bot omi ba Ana metma pijahi angu Ana ening akanap piabetang omimi. ¹³Na anga omimi ang ba pi ateing hula ue Lahatala omimi aabetat tila bot Lahatala Ana ping iini aabeta tila, se Lahatala Ana ERoh hamulang angu metma mapinang iila angu ebele. ¹⁴Bot, ni uling nieng taang ateing iila angu ebele ning metma esaksi ening vengmaring hula, Timang Lahatala Ana oal angu Aing gahing Aing metma poralolang anga eaabetang e eela ening iila.¹⁵Nehe emampi ba mangakut vengbanang hula Yesus angu Lahatala Oal se, Lahatala Ana ue aing mi aabete bot andi Lahatala omimi aabeta. ¹⁶Base, Lahatala omi pijahi ba Aing veng Ana metma Piadana pi ateing iila bot pi tomi metma venganamang iila.¹⁷Anga ba, Lahatala Ana omi metma pijahi angu akanap metma piaabetang omimi angu. Base por burang evengtahi Lahatala Ana ue nehe emampi eaabetang. Angu vengparisa se, ping di baranit Lahatala apangadang mi tahi. Se ping ae poralolang taang anga di, eningse ping di aabetat emenghula Yesus Kristus ededenang angu ebele. ¹⁸Tomi metma tejahi angu tuangmari bae ue omimi niang. Tomi metma tejahi ba emolo angu eningse tuang mari angu aterit metma pi ola. Se tuangmari angu eningse sampe hukung evia mitahi angu ebele. Nehe ba Uang mari angu, omi metma nehe ejahi angu bae molo jedung.¹⁹Pi tomi metma nehe ejahi, se Lahatala ematurat omi metma pijahi tila angu ebele. ²⁰Kalo nehe iiba mateng hula," Na nomi metma Lahatala Ejahi", arunge ana omi metma ekaku eserang angu ealalil se, nehe angu Ana Lahatala Ajajala tila. Se nehe be bae omi metma ekaku eserang ba nan auling entaang ateing angu ejahi niang angu tatalang ateing niang angu ejahi. ²¹Bot, parenta anga pi Lahatala abung tarima tila; Nehe emampi ba omi metma Lahatala Ejahi angu, iini malekang iomi metma ikaku- iserang ang naung ijahi.

LAHATALA OAL NAUNG DUNIA ENING A KALA ¹Nubaba hula omi metma Yesus venganamang bot vengbanang hula Aingba Kristus anguse ana Lahatala ami nehe aingvengajai, bot nubaba omi metma lahatala ejahi, anguse ana omi metma valba ana vengajai angu ejahi. ²Angmi angu he piateing evengbananghula ping ba tomi metma Lahatala oal angu naung ejahi. Aulang di bot tomi metma Lahatala ejahi, bot Eparenta angu naung vengtou. ³Aulangbase anga ba Lahatala omi metma pijahi evengbanang hula pi Eparenta angu anung veng tou, bot Eparenta angu naung bae tamadi niang.⁴Anguba nababa ue Lahatala omimi vengajai angu , ana poralolag ang ening ora vengholong , bot tomi aing venganamang anguba , ana sindal abetang metma pinang, muse poralolang ana ora vengholong ila. ⁵Nubaba hula ana poralolang ening oravengholong ila, arunge Ual hula aingba omi metma Lahatala venganamang angu ?ABETANG AVENING ANGU YESUS OMIMI⁶Aing angaba Yesus Kristus evebaning hoa, ual jar ba enangkolang, arungbase jar met veveng. Roh hamulang angu ba metma Esaksi ening. evengbanang hula Roh angu molo una. ⁷Evengbanang hhula nehe tue metma Esaksi ening . ⁸Roh, bot jar ve; bot inang tue angu nu.⁹Pi hula manusia evengmateng angu, tarima se, Lahatala evengmateng angu midaeri. ¹⁰Neheba Lahatala oal angu omi metma aing venganamang, evengmateng angu ue omi angu mi. Neheba bae Lahatala angu omi metma aing venganamang niang angu, ana aing ening ot akal kabule, evengbanang hula Lahatala Ana Oal mehal angu vengmateinge veng hubai angu ang bae omi metma venganamang niang.¹¹Bot, angaba vengmateng angu; Lahatala Ana emateing avening angu metma mapinang iila, bot abetang avening ue oal mehal omi angu mi. ¹²Neheba Lahatala Oal angu ue abung se, abetang angu ue abung, neheba Lahatala oal angu ue abung niang se abetang angu bae abung niang. NEHEBA LAHATALA OMIMI AJAI ANGU ANA JASI AHALA VENGKARAJANG NIANG¹³Na anga na hurat met mainang iila, nubaba omi metma Lahatala oal mehal angu venganamang se ana abetang avening angu ateing e harak. ¹⁴Bot anga ba pivengtomi e bot vengpinat apang adang angu mi, evengbanang hula, nababa pi metma vengabanang ejaling angu ea mulung se, ana aver metma pingveng hele. ¹⁵Bot ping ateing, Ana aver metma pingveng hele nababa pi banang, pi ateing vengbanang hula banang e senang angu pi metma aingba abung anguba banang.¹⁶Neheba ekaku angu euling ana ahalang angu vengkarajang, bae vaila aminang angu harak niang, aungba nehe angu ana banang bot Lahatala ana abeta angu metma maenang, nehaba ahalang vengkarajang angu bae vaila ainang angu ateing niang. Arunge ahalang nu ue vaila aminang angu miba. nbae iatmatang niang vengbanang hula, at ila ahalang angu vengtaaning. ¹⁷Ipimi angu bae molo niang, vengbanang hula ahalang avali arunge ahalang nu angu bae vaila aminang angu ateing niang.¹⁸Iini ateing vengbanang hula , nubaba nehe ajai Lahatala abunghoa ana bae ahalang angu vengkarajang niagn, arunge aingba Lahatala omimi ajai angu ana pingmi baha, bot jasi ahala bae ping dei niang. ¹⁹Pi ateing vengbanang hula pi Lahatala abung hoa bot poralolang anga ae jasi e kavasa omimi.²⁰Bot pi ateing vengbanang hula Lahatala Oal ue hoa iila, bot ana metma vengpimaring , aulanghe piateing aingba molo una, bot pi ue omimi bot oal mehal Yesus Kristus , Aing angu ba Lahatala. ²¹Noal naung iboa ipi angu metma aneda angu eahalng.

YUDAS E AADA HAROMAT ¹Anga Yudas Yesus Kristus Egahingvala bot neserang Yakobus Metma ingba Timang Lahatala ing veng talail bot omi metma ijahi Yesus Kristus egariang omi mi. ²Kilang Eomi met ma iijahi, tenang e eli mulenoa bot omi iijahi angu ana kilang metma mainang.LAHATALA MINUMISE INGBA AHALA ANGU INGHUKUNG ³Kaku Naung na nomi metma iijahi,, nahula Surat metma mainang angu ping hama pi salamat, na malekang surat metma mainang bot naila banang aulangee iibalenta etatalit metma ii oomi venganamang anguba metma iat mateng minurot vengbanang eva metma ingba hamulang kadulang ang naung di i oba i aadana ⁴Se neheba eele angnaung i oomi tang bae i a ava veng karuang niang benangba ingba neturang mi ingveng talail ing hukung. Ingba bae turang mi parsaja niang ang naung pi Lahatala ekavasa ebalenta elaleang angu ajajasing aba butung aulangee i oomi jasi angu akanap bot pi manaing Yesus Kristus e eele balolu angu ini veng ia.⁵Nahula Metma i vengaani erung kandati emampi angu iini ateing, hula pi maningba ing metma Mesir angu eaahalang, aulang aarunge mivea muse Ana ia meang angu i oomi bae aiing veng anamang niang angu ebele. ⁶Bot ingba Lahatala egahing vala Sorgami ba bae Eparenta evia vengka ruang niang, aarunge iaava metma i mana ema molo angu e a ahalang angse Ana esar ejajehing angu metma ing parta ing metma kua kete omi angu mi jol eveng tahi eved eele angu ading.⁷Aulangdi Sodom bot Gomora bot bendar-bendar angmi angudi hula i oomi angu akanap hengi anguba va ila taingveng karuang niang anga ebeleba hukung ad ejajehing angu metma ioa iadana angu metma esuang ening. ⁸Ing anga naung di aulang, idiri i ava bahi angu ajajasing aba butung bot nababa egunang niang anguba veng i oomi eparenta angu ini at hela mea sengiilaba va ila hamulang kadulang-huring jara angu ehura emananiti.⁹Mikael angu gahing vala Sorgami elumul vala, Musa ebaring angu ebele ana angmi setang at tota aulang aa runge ana bae i hura i manan ti niang arunge ana veng banang hula aulange pi manaingba iialil iiamara. ¹⁰Aulang arunge neheba omi jasi ang naung ini naba-naba ba ateing niang angu ini ehura emananti eba ini ateing ini metma uukur jasi angu e eela ening eneng hula binangta ba bae e oo lang emang sari veng niang angu eda denang. Na alang angu ebele angu ba nehe ia musing ia jela. ¹¹Ing angu bae untung niang metma ioa ini va ila kain elamal etahi evia anguba oa boa a halamba toang rae Bileam ana ening anguba ingdi eamulung, bot i lumul ikavasar angu ebele anguba aaminang metma iaoa iadana emeng hula Korah molo.¹²Ing anga emeng hula karita angu eda denang metma taing veng toang pinat naadang ebalenta omi angu mi. Ini mod At tenangeeli angu ini bae veng iuang mari niang, arunge I diri iava bahi anguba ini veng iomi. Ing angu emeng hula bano aanuar veng niang angu eda denang eenar veng boning se ana vaila maila. Ing angu emeng hula teba e ooras mise ei hi veng niang angu eda denang, aminat ni aaru bot ahi lise ebariking emampi vengda angu eda denang. ¹³Ing angu tange olang lumul tantang jehi e uurveng angu eda denang aulang di ia betang angu ingba ina ajajasing aba butung. Ing angu emeng hula iid emana mamo io veng niang angu eda denang kua kete eja jehing anguba metma i oa iadana.¹⁴Bot ing ang naungba henok Adam etabaning emibitu nababa ue jedung angu ana vembanang hula "Iini ieng uling minumise Pi mutu ana hoa bot metma nehe hamulang kadulang sorgami angu imampi, ¹⁵huia nehe toang rae angu vengtalail sengilaba hukung metma nehe toang nehe raeangu vengtalail sengila ba hukung Metma nehe toang nehe rae ba ajabur kalamba angu ing tang mea, metma ikarajang jasi ba ini ening metma ijasi lahala veng mea angu bot ihur jasi ba ini vengbanang ue nehe toang neherae ehamami metma lahatala adana. ¹⁶Ing aangu emeng hula neheba sukat nehe e navengpei bot nehe e ahalang a laping bot iomi ealil anguba eamulung angu edadenang. ing aangu eele bot nehe akal nehe kabule aulange ini hula untung angu metma i ooa.¹⁷Kaku naung serang naung iingba na nomi metma iijahi, iini malekang veng aani, nababa pikaku mutu Yesus Kristus eganing vala ang naung veng banang angu. ¹⁸Ini turang mi iiat mateng iila, tangmi por burang evengtahise neheba omi jasi ahala ang naung ini hula tot va ila i oomi jasi, ia jabur kalambal anguba ea mulung. ¹⁹Ing anguba ini eninghula nehe ot tatara, i oomi jasi poralolang eaamba ea mulung, bot Roh hamulang bae ingveng niang.²⁰Aulang aarunge ingba, nekaku ne serang naung na nomi metma iijahi, tahi ee iidiri ii aava bahi angu metma iioomi veng anamang hamulang angu veng mea bot sambajang e Roh hamulang omi mi. ²¹Ii diri iiava bahi angu gariang metma lahatala omi metma iijahi angu omi mi sengse baning metma pi Mutu Yesus Kristus eved aung hama eele balolu angu ading-aingba tapang pina metma aabetang eja jehing angmi tadu.²²Aaung hama ba iingveng angu nabase metma ingba i oomi vang vang ang naung di metma maiinang. ²³Ingba nehe aba beung niang ee eba admi ang naung ing metma aad angue ahalang, bot ing abeung angu tomi metma tejajahi bot lahatala angu veng taku veng baliul angu metma i tubing ee itapeang, aulange i diri iiava bahi ba iioomi jasi ahala por alolange ening ajajasing aba butung angu oomi metma eaalahi iil.TAJANING PALEVANG METMA LAHATALA ENANG ²⁴Metma adana Aiing anguba eele balolu iing jaga iing buang auulange aaini ekang ba ekang, bot ana bae iing metma jasi angumi iiaadu niang aninge Ana iing metma omi ooa, mana huring jara bot suka navera. ²⁵Aiing anguba etatabit Lahatala ilva eedoni Yesus Kristus abung angmi hoa, pi Mutu, ehuring ejara, eele ebalolu, kuat daeri, bot eparennta angu ejajelung turangmi, vede anga, aot aulang ejehing emeang. Amin