¹Inyerte tisa kuwunun Yisa Kristi, usaun in Dauda, usaun Ibrahim. ²Ibrahim wadi uchifin Ishaku, a Ishaku uchifi Yakubu, a Yakubu uchifin Yahuda nin nuanamẹ. ³uchifin Parez nin Zaraha unuzun kumantin Tamar, Parez uchifin Hasruna, Hasruna uchifin Arama.⁴Arama wa maru Aminadaba ku, Aminadaba mara Nahashuna ku, Nahashuna mara. ⁵Salmuna ku, Saalmuna mara Bu'az ku unuzu kumantin Rahab, Bu'az mara Ubida ku, unuzu kumantin Ruth, Ubida mara Jesẹ ku. ⁶Jesẹ wadi uchif ngoh Dauda, Dauda mara Solomon ku, unuzun kitin wanin Uriya.⁷Solomon wadi uchifin Rehoboam, Rehoboam mara Abija ku, Abija mara Asa ku. ⁸Asa mara Jehoshapat, Jehoshapat mara Joram ku, Joram wa maru Uzaya ku.⁹Uzaya mara Jotham ku, Jotham wa di uchifin Ahaz, Ahaz mara Hizikiya ku. ¹⁰Hizikiya mara Manasa ku, Manasa mara Amon ku, Amon mara Josaya ku. ¹¹Josaya mara Jikoniya ku nin nuanẹ kubin kifuzun nonon Israila udumun u Babila.¹²Kimalin kifuzu udu u Babilẹ, Jikoniya mara Shealtiel ku, Shealtiel mara Zarubabel ku. ¹³Zarubabel mara Abiud ku, Abiud mara ilayikum ku, Ilayakum mara Azor ku. ¹⁴Azor mara Zadok ku, Zadok wadi uchifin Achim, Achim wadi uchifin Eliud.¹⁵Eliud wadi uchifin Ileza, Ileza mara Mattana ku, Mattana mara Yakub ku. ¹⁶Yakub mara Yusufu ku, ulessin Maremu ulenge na awa maru Yisa ku unuzu kitene, ulenge na idin yicighe Kristi. ¹⁷Vat naji aji uyiru kitin Ibrahim udak kubin Dauda aji likure nin na nassari, uyiru kubin Dauda udu kubi ko na iwa yiru nani udu u Babila aji likure nin na nassari.¹⁸Kumanti Yisa Kristi wadi nafo nengenari. Unene Maremu wa yiinnin aba su ilugma nin Yusufu, a na isa su ilugma ba iseghe nin liburin in Fip Kutellẹ. ¹⁹Ulesse Yusufu wadi unan fiu Kutellẹ, na awa di nin su a nighe ncin nan nya nanit ba. Bara nani awa di nin su asughe likire.²⁰Na awa di kpilizu ni leli imone, unan kadura Kutellẹ da kitime nan nya namoro, aworo, YUsufu, uusaun Dauda, na uwa lanza fiu in woru uyiru Maremu ku a so uwanife ba, bara fisudu fo na fidi nanya liburi me unuzu kitin Ruhu ulauwari. ²¹Ama maru gono, uma yichu lisame Yisa, bara amma tuchu anit me nanya nalapi mine."²²Vat nilele wase bara inan kulo imon ile na Cikilari wa belli nnu nanan liru nin nu me, a woro. ²³"Yenen kubura ma ti liburi kumaru gono, ima yicu lisame immanuel, uninare Kutellẹ ligowe nan ghirik."²⁴Yusufu fita nanyan moro me asu nafo na unan kaduran Cikilare na bellinghe, ayira Maremmu ku aso uwanime. ²⁵Nanya nani iwa so lisosin nless nin wanii, na izuro ba udu kubi kongo na awa maru. A na lisan gone Yisa.

¹kubẹ na iwa maru Yisa ku in Baitalami un Yahudiya nayiri tigoh in Hiridus, amon anitt anan yiru yenju niyini kusari kitene nin Urushalima da ida woro, ²Adin weri ulenge na ina marughe ugoh na Yahudawe? Tina yene fiyini mere kusari kitene unnare ti da tida zazinghe." ³Na ugoh Hiridus in lanza nani, ayi me nin na nitin Urushalima fita vat.⁴Hiridus pitirino a didya na Priest nin na nan ninyerte nanit vat kiti kirum, anin tirino nani, "Nweri ima Kristi ku?" ⁵I woro ghe nenge, "In Baitalamin Yahudiya, bara imon ile na nyan lirun nuu Kutullẹ na nyertin nari ine, ⁶'A fe, ubaitalami, in myin Yahudiya, na fere ubene nan nya na nan bun Yahudiya, nani nan nya fere unan tigo ba nuzukuulenge na ama su libya nanit nig Israila.'"⁷Hiridus tunna ayicila anan yiru vat likire a tirino nani in dert kubi kongo na fiyine na nuzu. ⁸A to nani udu ubaitalahmi, a woro, "Can idi piziru ubeleng gono seng. Asa i se ghe, dan ida belli, bara meng wang nan do in di zazinghe."⁹Na i lanza ugowe ku, i kiffo libau i nya, fiyine na ini yene kusari kitene tunna ncin nbun mine fidi duru fiyisina kiti kirum dert kiti kanga na gọnọ diku. ¹⁰Na iyene fiyinie, isu ayi abo nin liburi libo kang.¹¹Itunna ipira nan nya kilare iyene gone nin nene Maryamue. Itumuno izazin ghe. Itunna i puzuno tika mine i nakpaghe imon ile na i ming mun, izinariya, lubban a kwul. ¹²Na ise uwannu nataf kiti Kutellẹ nan nya namorona iwa kpilin kitin Hiridus ba, ifita i yira nlong libau ugang ukpillu kipin mine.¹³Na inung nna nya, Gono kadura Kutellẹ tun na a da kitin Yusufu nan nya namoro, a woroghe, "Fita uyiru gono, kinesse nin nene urum udu uMasar, udi so kikane se kubi kongo na mbellin fi uliru bara na Hiridus ma pizuru gone a molu kining." ¹⁴A tunna nin kitik ka ne afita a yauna ggono kinesse nin nene inya mun ucindu umasar. ¹⁵Awa di so kikane udi duru kubin nkul in Hiridus, ulire nan kulo na cikilare wa bellin kitin nnan liru nin nuu Kutellẹ, "Unuzun nan nyan Masar nna yicila usaun ning ku."¹⁶Na Hiridus iyene anitt ayinjing ane nrusuzo ghe, ayi nana ghe kang, ato idi molusu nnono ni lirine vat na niwadi in Baitalahmi, udu ligan nminne vat, ucizunu na kus aba utolu kadas nalenge na idurun ba, nafo kubatino kube na awa lanza Ubeleng nan nyan tinu na nit ajinjin ghe.¹⁷Ulirue u ni wa kulo vilengwe na iwa bellin kitin Irimiya unan liru nin nuuKutellẹ. ¹⁸"I wa lanza liwani nan nyan rama, kuculu nin tiyom a liburi lisirne, Rahilla di kuculu nnono me."¹⁹Na Hiridus nku gono kadura Kutellẹ da kitin Yusufu nan nya namoro in masar. ²⁰"Aworo, Fita, yauna gono kinesse nin nene, udo nan nyan nmin Israila." ²¹Yusufue fita, a yauna gone nin nene, ada nan nya nmin Israila.²²Na alanza Arkila usari di tigon yahudiya kudarun ncife, Hiridus, fiu kiffo ghe na ado ba, vat nin woru Kutellẹ nwununghe kutuf nan nya namoro, ana lassina udu nmin ngalili. ²³Amini ana wa dak ada da so nkan kipin na idin yiccu kinin unazarati, inan kulo uliru na iwa bellin tinu na nan nliru nnu Kutellẹ ima yiccu ghe kunan Nazarat.

¹Na yiri ane Yohanna unan Shitizinu nanit nmyen wa dak adin bellu nliru ntucu nan nya ntene in Yahudiya a woro, ²"Sunan alapi, bara kipin tigo Kutellẹ nda duru." ³Bara amere ulele ulenge na iwa bellin ubelen me nnu Ishaya unan liru nin nuu Kutellẹ, a woro, "Liwui umong din yiccu nan nya ntene, 'Kelen libau ncikilari, kelen ulin mine nan-ghe.'"⁴Imon kidowo in Yohanna wa di kukpa kuron komiari a likpa na liwa terin kutino me. Imonli me wa di acin ni titong. ⁵Anan Urushalima, nin Yahudiya a vat nigbiri nkilinu kurawan urdun wa nuzu idọ kitime. ⁶Awa shintu nani nan nyan nmyen kurawan urdun, a icin bele alapi mine.⁷Kube na awa yene liigo na Farisawa nin na Saddukiyawa ucinfak kitime a shintu nani nmyen, a woro nani, "Anung kumat niyii timung, gharin wunung minu atuf ina ni din cum kiti tinana nayi na ti din ciinu? ⁸Nutunong kumat ko na ku batiina usunuu na lapi. ⁹Ana iwa kpiliza i woro nan nya mine, 'Tidi nin Ibrahim ucif bit.' Bara ndin belu minu Kutellẹ wasa ana Ibrahim ku nnan nono ko kiti na tala alele.¹⁰Nene imali ciu gidowo litino naca. Vat kuca kongo na ku mara kumat kucine ba ima kowu kunin iti kunin nan nya nla. ¹¹Meng din shintu minu nmyen i sun alapi mine. Ame ulenge na adin cinu kidun nighe a di nin likara a katini, na meng wang batin in yaun akpatak me ba. Ame ma shintu minuu nin Ruhu Ulau a ula. ¹²Ku puruk me di nacara me, ama shintulu a nutun alkama nan nya kusheri lan, ama nin ciu alkame nan nya filai. Nani ama nin juju kusheri nin la ule na uma so ubico ba."¹³Yisa tunna a fita a da kurawan urdun unuzun in Galili kitin Yohanna ada shintin ghe nmyen. ¹⁴Ame Yohanna ta usu nworo a nantinghe, a woro, "Meng din piziru fe shintini nmyen, fe uni nna da kiti nigha?" ¹⁵Yisa kpana a woro ghe, "Yinna nani nene, bara udi gegeme kiti bite tikulo katwa kacine vat." Yohanna yinnin ghe mun.¹⁶Kimal nshintin ghe kule, Yisa nuzu nan nyan nmyene mas, na nin molu kubi ba, i punghe kitene kani. A yene Uruhu Kutellẹ utolu kadas nafo kuwullung udak kitime. ¹⁷Itunna liwui nuzu kitene Kutellẹ liworo, "Ggono nsu kibinai Nighari kane. Ndin lanzu mmang me kang."

¹kubi kongo na Uruhu wa yiru Yisa ku udu na kusho bara Shintang di dumun nghe. ²Na a su ukotu nayi, a yiri akut anas, nin limot a kut anas, Kukpong da ghe. ³Shintang da woro ghe, "Andi fe gono Kutellẹ ri kpilia atala alele a sofi imonli." ⁴Yisa kawaghe a woro, "Ina nyertin, 'Na nin nemaliari cas unit ma ti ulai mun ba, sei nin liru ule na unuzu nnu Kutellẹ.'"⁵Shintang kuru a yiraghhe a piramuun nan nya kipin kilau a ghantinghe fitulleri kuti nlira, ⁶a woro, "Andi fe gono Kutellẹ, yinna udiu kutyin bara ina nyertin abati nono kadura me, isu-uchafe, 'Tutung ima kpafi nin na chara mine,' bara 'Uwa riu kubunu fe kitene kutala.'"⁷Yisa woroghe, "Ina nyertin 'Tutung na uwa dumun Kutellẹ fe ba.'" ⁸Shintanghe kuru a yira ghe a domun likup lizallang a durso ghe nipinpin nan nimong igegeme in yeh vat. ⁹A woroghe, "Illenge imone mba niyi ining vat, uwa tumun uzazini."¹⁰Kikanere Yisa nin woroghe, "Nyaa kikane Shintang! Bara ina nyertin 'Kutellẹ fere chas uma zazinghe, usu ghe liru.'" ¹¹Kikanere Shintanghe nyaa a chibhe, nono katwa me tunna idasu ghe katwa.¹²Na Yisa nlanza ikifo Yohanna ku, a tunna a kpilla udu Ugalili. ¹³A cino Unazaret a di son in Kaparnaum, susut nin kurawan Ngalili, kagbiri nan Zabulun nin Naphtali.¹⁴Ilenge imone wa tinani inan kulo imon irika na Ishaya unan liru nin nu Kutelle wa belin, ¹⁵" Nyin Nzabulun nin Naptalin, udu kusari kurawa, nbun Urdun, Galilli un nawurmi! ¹⁶Anit alenge na iwa sosin nanya sirti nyene nkanang midya, nin nalenge na iwa sosin kiti nkul nin kuyoli nkule, nkanang wa do kiti minee."¹⁷Kubi konere Yisa tunna-nbelle ani, "Sunan matiza mananzang, tigo-kitene kanae nda susut."¹⁸Kube na a wadin cin ngau kurawan ngalili, a yene awaba linuana, Simon na iwa yicu nghe Bitrus, nin Andrawus gnana me, idin dwang, bara na inung anan kifi zu nibo. ¹⁹Yisa woro nani, "Dofinon ni, mba kpiliu minu iso ana kifizu nanit." ²⁰Itunna isuna ndwan-ghe idofinghe.²¹Na Yiysa nleu ubun nin cinne, a yene amon-a waba linuana, Yakub usaun NZebadi nin Yohanna gwana me. Nan nya nimon cin kitenen myeene ligowe nan chif mine, nke nimon ndwanghe. A yicila nani, ²²ituunna isuna imon ncin kitene nmee nin chif mine idofin nghe.²³Yisa tunna ngalu nan nya Ngalili, ndursuzu nan nya natii nlira mine, abelle na ni uliru tigo kite nee kane, ninshizinu na nan tikonu ngangang nan nya nanite. ²⁴Uliru kitenee me mala kiti nyanyan Insiriya, anitee da nin lee na iwa-di nin tikonu kiti mee ngangang nan na lee na agbergenu nkifo nani. Yisa shino nin nghinu. ²⁵Ligozin nanit Ngalili, Udakafolis, nin Urushalima, Uyahudiya, nin kapinaum Urdun.

¹Na Yesu wa yene ligozin nanite, a ghana kitene likupi na a so kutyen, nono katwaa me da kitime. ²A puno uunuu atunna ndursuzu nanii a woro, ³"Anan maoriari alenge na iidi likimon nruhu, kipin tigo Kutellẹ kin minere. ⁴Anan maoriari alenge na idi tiyom.⁵Anan mmariari anan lazun nkune-kune, bara ima su ugadun nyii. ⁶Anan mmariari alenge na idi kukpon nin kotuzu nayi nsu katwa kacine, ima ti nani ishito. ⁷Anan mmariari alenge na idin nin kune-kune, inung wang mase nkune-kune. ⁸Anan mmariari alenge na idinin nibinayi ni lau, inughere ma yenu Kutelle.⁹Anan mmariari anan gafizu lissosin limang, ima yiccu nani nono Kutelle. ¹⁰Anan mmariari alenge na idi tizu nani nanya niu bara katwa kacine, tigo kilari Kutelle maso tin mine.¹¹Anan mmariari anunghe na idin tizu minu tinanayi nin niu, sa idin bellu imon inanzang natimine bara lissaning. ¹²Sun ayiabo kan nin lanzun mang, bara na uduk mine udindyawari kitene kani. Nanere wang anit wa tizu nono katwa alenge na ina yarin minu uniu.¹³Anunghre nto nyii ulele, asa nto nta rututu, miba ti inyizari miti mamas? Na midu nin katwa kacine tutung ba, asa igutuna minin ipatila nin nabunu. ¹⁴Anughere nkanang nyii. Kipin kanga naki tardin kitene likup na ki nyeshin ba.¹⁵Nanere wang na anit wasa ita ula npitilla iwufu unin nanya kukuzung ba, sedei itarda unin kitin banju npitilla, unan niza anan kilare nkanang. ¹⁶Sunan nkanang mine baltu nbun nanit vat, nani mati kogha yene adu mine, inan su liru Ncifn mine na adi kitene kani.¹⁷Na iwa yenje nafo nna dak nda musuzu uduka sa katwa nadura Kutelle ba. Na nna ndak nda musuzu ba, kuluzun tininari. ¹⁸Kidegenari ndin bellu minu, uyii nin kitene kani ba malu, ama na ligbula sa fiyerte nanya nduka ma malu ba, se ikuluna imon ilenge na ina yerti nanya vat.¹⁹Bara nani, vat ulenge na apuro uduka cingilin nanya tiduka, anin dursuzo among isu nani, aba so unit ubene nanya kilari tigo Kutelle. Vat ulenge na adi dortu, akuru adursuzo tinin ima yiccughe unit udya kilari tigo Kutelle. ²⁰Ndin bellu minu, asa na katwa kacine mine katin kan nanan dursuzu nan na Farisawa ba, na iba piru nanya tigo Kutelle ba.²¹Inan lanza uliru ulenge na iwa bellu anan burne, 'yenje iwa molu unit,' nin woru, 'ulenge na amolo unit apira nanya licin nshara.' ²²Meng ule din bellu minu, unit ulenge na ata tinanayi nin gwana, ama piru licin nshara. Ame ulenge na aworo ngwana, 'Fe ulalaghari!' Ama piru nacara tigo. Ulenge wang na woro 'fe di hem!' Ama piru nanya kuwu nla.²³Bara nani asa uma du nni nimon nfillufe nbun Kutelle, unin lizino nin kon kulapi kurika na kudi kitik fe nin gwana, ²⁴suna imon fillu fe nanuwa nakpa ba. Tu kpilla udi kyele kulape nin gwanafine, unin kpillin uda nakpa imon nfillu fe kiti Kutelle.²⁵Yinna mas ikyele uliru nati mine nin lenge na adi cinu udu nin fi ngan Go a idutu libau ucin du kuti nsharawe, bara awa do ninfi kiti nnan su nshara, ame unan sharawe di nakpafi naccara kudugari, anin di pirinfi nanyya kutii licin. ²⁶Kidegenari ndin bellu fi na uma nuzu nanya licin lole ba, se ubya vat nikurfung ilenge na idi dortufi.²⁷Ina lanza ulire na iwa woro, 'Yenje iwa nozo nin nawanin ndas.' ²⁸Ama meng woro minu, vat ulenge na ayene uwani, ata kuna niyizi me nanya kibinai, amala usu linoni ningheri une.²⁹Andi liyizi ncara ulimefe din tizufi usu kulapi, kawurno linining ufillin. Bara uma katin fi nin caut nbara umong ugap kidowofe nana, nnun woru kidowofe vat piru nanya nla. ³⁰Andi ucara ulime fe matifi kulapi, werne unin ufillin. Bara uma katinfi nin caut umong ugap kidowofe nana, nnin woru kidowofe vat piru nanya nla.³¹Iwa woro tutung, 'Vat nlenge na ako uwani, na anighe iyerte nmalu nilugma.' ³²Meng ule din bellu minu, vat na ako uwani me, andi na kitene kulapin nozu nin nalilime ba, ataghe unan nozu nin nnalilimeari une. Vat tutung ulenge na ayauna uwani ule na ina ninghe iyerte nmalu nilugma, adi kulapin nozu nin nawanin bidibidi.³³Tutung, ina lanza iwa bellu anit nayiri nburne, 'Yenje iwa su isilin kinu, ama sun imon ile na isulo mung kitin Cikilari.' ³⁴Meng ule din bellu minu, na iwa su isilin ba, sa nin kitene kani, bara na kutet tigo Kutelleri; ³⁵Sa nin kutyin, bara kiti na kiti liyisin nabunu Kutelleri, sa nin Urushalima, bara na kipin Ngo Udyawari.³⁶Na uwa sillo nin litife ba, bara na uwasa ukpilla titife tita tibo sa tisirne ba. ³⁷Na 'kidegen mine so kidegen,' kinu mine so kinu.' Vat nimon ilenge na ikatin ilele, inuzu kitin Shetanari.³⁸Ina lanza iwa woro, 'Liyizi yita nnu liyizi, a liyini nnu liyini.' ³⁹Ama Meng nworo minu, yinnan, icuce minu, Vat ulenge na aparshin kuwan ncara ulime, kpilaghe kucara ugule tutung.⁴⁰Andi umong bolo kultukfe, anin din pizuru udu ninfi kityii shara, sughe amuunu ugudunfe ku wang. ⁴¹Andi umong tafi udi kaghe ncin fimel firum, can ninghe timel tiba. ⁴²Vat ulenge na atirinfi naghe, tutung yenje uwa nari ubalu nnit ule na adi nin su nbalu nimon kitife.⁴³Inan lanza iwa woro, 'Ta usu ndofin kupofe unari unan nivirafe. ⁴⁴Meng woro minu, 'ta usu nnan nivira fe, usu anan tizufi nanya nniu nlira, ⁴⁵bara inan so nono Ncifi mine ulenge na adi kitine kani. Ame din tizu uwui tutuzo kuneen nnan magunta nin nit ulau, asa a toltuno uwuru me tutung vat, kuneen nnan sali kulapi nin nan kulapi.⁴⁶Fewang ti usu nalenge na idi nin sufere cas, uyapin udukari umase? Na anan sesu ngandu dinsu nani wang ba? ⁴⁷Andi udin su ilip nan linuwna nmang, nyaghari udin ukatina among? Na alumai wang din su nani ba? ⁴⁸Bara nani sun lidu lidert, nafo na Ucif mine kitene kane di dert.

¹Yiran seng bara iwa su katwa kacine mine bara uyenju niyizi nanit asirne, iwa su nani na ima se uduk kitin Ciff mine na adi kitene kani ba. ²Asa ima fillu unit imon, na iwa fo kulantun nbun mine nafo na anan liya kiti din suzu nanya tibau a nilarin lira ba, bara inan se liru nanit asirne. Kidegen ndin bellu minu, imal seru uduk mine.³Ama andi uma fillu, na uwa yinni ucara ugule fe yinnin imon irika na udin sue ba, ⁴Asa uta nani, ufillu fe mayitu nanyan nyeshinu, Ucif fe tutung na adin yenju nanya liyeshighe manifi uduk.⁵Tutung andi ima ti nlira, na iwa su nafo anan liya kiti ba, bara inung dinin su iyisizin nanya nati nlira nin ngau libau, anit nan yenje nani. Kidegen ndin bellu minu, inung mal seru uduk mine. ⁶Anung andi ima ti nlira, piran nanya npiit natii mine. Tursun nibulung mine, inin ti nlira udu kitin Cif mine ulenge na adin yenju nanya liyeshin. Ame tutung Ucif mine na adin yenju nya liyeshine ma timinu uduk. ⁷Tutung andi ima ti nlira, na iwa lawan kpilzu nliru urume tibatiba nafo alumai ba, bara inung din yenju nafo ngbardang liru minere mati ilanza nani.⁸Bara nani yenjen iwa yita nafo inughe, bara Ucif mine yiru vat nimon irika na idi nin suwe a na isa tiringhe ba. ⁹Bara nani, tan nlira nafo nenge: 'Ucif bit nanya kitene kani, kusu lissafe. ¹⁰Na tigofe dak, na isu imon nayife nyii nafo na idin sue kitene kani.¹¹Nanari kitimone imonli liyirin. ¹²Kala nari tire bite, nafo na arike wang din kalzu na lenge na tidin dortu nani tire. ¹³Tutun na uwa do ninghirik kitin maluzu ba, ama bolo nari ncara shintan: bara kipin tigowe kinfere, likara nin gongon uyaunu nene udu saligan. Usonani.'¹⁴Bara asa idin kalzu anit alapi mine, ucif mine kitene kani wang ma kalu amin alape. ¹⁵Ama andi na anung din kalzu alapi na lenge na idin su minu ba, nanere wang na ucif mine ma kalzu amin alape ba.¹⁶Nanere tutung andi ima su ukotu nayi, na iwa timoro nafo anan tiyom ba, nafo na anan liya kiti dinsu inan ta anit yinno inung din su ukotu nayi. Kidegen ndin bellu minu inung nmal se uduk mine. ¹⁷Ama anung andi imasu ukotu nayi, ikusu timuro mine lau itiza nnuf. ¹⁸Bara anit wa yinnin idin kotu nayi. Ame Ucif mine na adin yenju usanme ma nimunu uduk.¹⁹Na iwa ceo atimine utamani nanya nle uyie ba, kiti kanga na kijiji nin binju din li, nin kiti kanga na akiri din kuluzu i tuzuzu. ²⁰Na ceun ati mine utamani kitine kani, kiti ka na kijiji nin biju wasa inaza ba, kiti kanga na akiri wasa ipuro ituzuzu ba. ²¹Kiti kanga na utamani fe duku, kikanere wang kibinayi fe ma yitu ku.²²Liyizi, linere upitila kidowo. Bara nani, asa liyizife di licine, kidowo fe vat mayitu lau. ²³Ama asa na liyizi dilicine ba, kidowofe vat mayitu nin dinong. Asa kidowo fe sali nin kanan, gbardang nsirte kati likara nbellu! ²⁴Na unit urum wasa asu katwa kiti nacikilari aba ba, nbara anari umon, ati usu nmon, asa na ata nani ba, aba ni litime kan kiti nmon anin dira usu katwa kacine kitin mong. Na iwasa isu Kutelle liccin nin tamani kubi kurume ba.²⁵Bara nani nbelin minu, na iwa ciso ucara litawa nbelen kpilizu nliru nbelen natime inyaghari ti ba li sa tiba sonu, sa nidowo bite inyaghari tiba shonu. Na ulai katin imoli ba, nakidowo katin imon shonu ba? ²⁶Ton iyizi iyene anyin kitene kani! Na idi su tibila sa upitiru kusana iciso lilai ba, Ucif mine na adi kitene kane din nizu nani imonli. Na anung katin nani nin gongon kan ba?²⁷Uyeme unitari nanya mine bara tiyom nimon nyii ulele wasa akpina ngbardang nayiri nlai me? ²⁸Nyaghari nta idi tiyom nbelen nimon kidowo, kpilzan uliru nanya nibinayi mine iyene amamu naneen, imus tikunang nanin; na adin su katwa ba, ana adin sho imon kidowo ba. ²⁹Na nbellin minu tutung, Solomon litime vat nin gongong me, na awa ashon imon kidowo na iwa katin amamu nin caut ba.³⁰Andi Kutelle din su amamu nanya naneen kuyok kucine nani, arika na asa atuto kitimone, ula kurtuno uleo anin nin kui, ama so sa uni miinu imon nshonu kidowa? Anung anan kibinayi kikaf? ³¹Bara nani na iwa su tiyom iworo, 'Inyaghari tiba li'? Sa iworo, 'iyagahri tiba sonu'? Sa tutung iyaghari tiba shonu kidowo'?³²Imon ilele vat alumai din cisu nibinayi mine npizuru ninin, Ucif mine tutung kitene kani yiru idi nin su ninin vat. ³³Ama cizinan upiziru tigo nin katwa kacine me, vat ngisin nimon ilele ima kpin minu ku. ³⁴Bara nani na iwa su tiyom nbellen nkui ba, bara na ukui ba su tiyom litime. Kolome liri di nin niume.

¹Na uwa sharanta ba, iba sharanta fi. ²Nin sharaa ule na usuu, iba suu fi. Tutung kuyangi koo na uguro mung, iba guru fi mung.³In yan ghari taa uyene kamong na ka di liyizin gbana fine, na uyene ku kunti kuca nya liyizi fe ba? ⁴In yiziyari uba bellu gbana fine, 'Nan kala kamong nya liyizi fe,' a fee nin kukunti kuca nya liyizife? ⁵Anun anan kinuu! Kalan ku kunti ku ce nya niyizi mine, iba nin yenu kanang kamong ne nya niyizin gbana mine.⁶Na uwa ni nanau imon ilau ba, tutung na uwa tuu imon i cine nbun ninau ba, mboti iba patilu inin gitiring ikifizing fi.⁷Tirino, Iba nifi piziran umase. Reu kibulung ghe iba punfi mung. ⁸Ko uyeme utirinu unit din sessu, unan pizu re din sessu, unan fo nibulung ghe iba puun ghe mu. ⁹Sa ghari nya mine na usa ne nwatiring ghe kugirin borodi ayira litala a nakpa ghe? ¹⁰Sa awa tiring ghe fiboo, a nakpo ghe fiyii?¹¹Bar nani andi anun anan nibinei ni nanzang yiru unin nono mine imon icine, inyizyari ucif mine na adi kitene kani yiru uni nimon ki ne udu kiti na le na itirng ghe? ¹²Bara nani vat ni le imon na udinin su anit suu fi, fe wan suu nani mung, uduka re une nin anabawa.¹³Pira nya kibulun kishuute, libau di pash na li din wunu anit udu ukul, anit gbardang din cinu nyan nye. ¹⁴Kibulung ghe di shuut, tutung libau we wan di shut na li din wunu anit udu ulai, anit cing lin aghari din se lining.¹⁵Sung seng nin nan kadura kinuu, ale na idin dasu minu nin nakpa nakam, nya mine ninyinyowari. ¹⁶Nya kumat mine iba yinnu nani, sa anit din kolu ulemu na ca kumart kushari, sa idin kolu kumal kupul kumart? ¹⁷Nanere, vat kuca kucine din macu kumat ku cine, kuca ku nanzang, maca kumal kunanzang.¹⁸Na kuca kucine din macu kuman kunan zang ba, sa kuca kunanzang ko na kudin macu nono nicine ba. ¹⁹Vat ku ca koo naku mara nono ni cine ba asa ikiwe kuning itoo nyan la. ²⁰Bari nani kiti kumat mine re uba yinnu nani.²¹Na vat ghari na adin yicci, 'Cikilari, Cikilari,' b apiru nya kilari Kutelle ba, sei ule cas na adin suu unufin Cif nighe na adi. ²²Anit gbardang ba belli nloli lirre, 'Cikilari, Cikilari, na tiwa suu anabci nin lisafe ba, nin lisafe tinutuzuno agber genu, nin lisafe ti suu imon zikikya?' ²³Mba nin bellu nani kanang, 'Nan ina yiru minu ba! Nyan ku poo nin, anun anan kataa kananzang!'²⁴Bar nani, vat nle na alanza tigbulang ni ghe asuu kataa mung ma soo nofo unit ujingjing une na ake kilari me kitene kuparang. ²⁵Na ijuu uwuru, mmen ncung daa, ufunu udya wufu ufo kilare, vat nane na ki deu ba, bara na iwa ke kining kitene kuparang²⁶Vat ule na alanza tigbulan nin amini nari usuu kataa mung ba masinu unit ulanlang une na akee kilari kitene licin cing. ²⁷Uuwuree juu, mmeng cung daa, ufunu daa ureu kilare ki deu. Udeu we wa di gbardang.²⁸Uda duru kubi koo na Yesu wa malu ubelu na gbulan alele, ligozin na nite, umamaki kifo anii nin dursusu me. ²⁹Bar na awa dursuzo nani nofo ule na adi nin na kara, na nofo anan ni nyert mine ba.

¹Na Yisa nto; o kitene likup, ligozi gbardang dofine. ²Umon, ame ukuturu da kitime, atumuno mbun me, aworo, "Cikilari andi uyinna, uwasa utayi nso lau." ³Yisa nakpa ucara me a dudoghe aworo, "Meng yinna. Ta lau." Na nin nmolu kubi ba atinna a weseghe ata lau nin tikuturu me.⁴Yisa woroghe, "Yene yenje uwa bellin umon imomon, can libaufe, udurso litife kitin pirist nin nni nimon ule na udukan Musa na bellin, bara uni ngodiya kitime.⁵Na Yisa npira nanyan Kaparnahum, nkon kusoja kudia nroma, da kitime ada tiringhe, ⁶aworoghe, "Cikilari, kucin nighe non nanya kilari nin nkonun nriu nagbergenu, adi nanyan nlanzu npazaza kang." ⁷Yisa bellinghe, "Meng ba dak nda shin ninghe."⁸Ame udia nasoja kawaghe aworo, "Cikilari, na meng mabtin fe da piru nanya kilari nig ba, bara nani belle ligbulang cas kucineghe ba shinu. ⁹Bara meng wang unitari ulle na nsosin kuteet likara, nmini dinin na soja alle na idi kadas nigh, assa nworo nlenge, 'Can,' ame nsa anya, nin kiti nmong tutun nworoghe, 'Da,' ame asa ada, nin kucin nigh, 'Su nenenghe,' asa asu inin." ¹⁰Na Yisa nlanza nani, asu umamaki anin belle alenge na idi ligowe nanghe, "Kidegen ndin bellu munu, nin nanyan Iseraila, na nse umon na adinin nimus nle uyinnu sa uyene gbardang nani ba.¹¹Ndin bellu minu, anit gbardang ba dak unuzu gabar nin yamma, iba da so ili kutebul nin Ibrahim, isheku a yakubu nanya kilari tigo kitene kani. ¹²Bara inug, nono tigowe iba turnu nani nanya nsirti midiya, kiti kanga na kuculu ba yitu ku nin nyaku nayini." ¹³Yisa belle udia nasoja, "Can! Nafo na uyinna uba di so nani, iba sufi." Kucin me tunna ku shine ndedei kube.¹⁴Kubi na Yisa wa piru kilarin Bitrus, ayene kumara Bitrus kuwane, annon nin nkonu. ¹⁵Yisa dudo ucarame, atinna ashino. Na afita asughe uhidima.¹⁶Na kuleleng nda, anite da nin nale na agbergenu na rizu nani kitin Yisa anutuzuno agbergenue nin ligbulang nliru, ashino nin na nan tikonu vat. ¹⁷Nanere iwa kullu ule imon na iwan mo bellu kiti nnan liru nin nnu Kutelle Ishaya, nworu, "Ame litime na yaun tikonu bite nin ticuta."¹⁸Nene na Yesu nyene ligozi nkilinghe, ana uduka isun koni kusari kurawan Galili. ¹⁹Nani umong unan ninyerte da kitime aworo, "Unan durrsuzu meng ba dofinfi vat kika na uba du." ²⁰Yesu woroghe, "Ninyanyawa dinin ti mine, anyin yita nin tido mine, amma na gono nnit dinin kiti ka na aba nonku litime ku ba."²¹Umong nanya nono katuwa me bellinghe, "Cikilari, yinna menku ntu ndo ndi kasu ucif nighe." ²²Bara nani Yisa woroghe, "Dofini anan nkul kasu atimine anar nkul."²³Na Yesu npira uzirgi, nono katuwa me dofinghhe udu nanye. ²⁴Itunna, kikane kuwut nin funu nuzu kitene kurawan fibarakh nmyin tursu uzirge, ame Yisa yita nmoro. ²⁵Inun nono katuwa da kitime ida fiyaghe, iworo, "Su utucu bite Cikilari; arike ba kuzu!"²⁶Yesu woro nani, "Inyari nta idin lanzu fiu, idinin nyinu sa uyenu cingligha?" Afita akpada ufune nin kurawe. Kite tinna ki so tik. Inug anite su umamaki iworo, "Imusi nyapin unitari, ulle ufunu nin kurawa din dortu uliru me?" ²⁷Anite su umamaki, inin woro, "Uyapin unitari ulele har tifinu nin kuli din latizighe?"²⁸Na Yesu nda nkon kusari nmyin Garasinawa, anit anwaba alle na agbergenu din cinnu ninghinu zuroghe, asa i wa nuzu nanya nisek idin nin magunta, na umon unan cin wansa akata libau lole ba. ²⁹Itunna isu kuculu iworo, "Iyaghari tidumun na tiba su ninfi, gono Kutelle? fe nda kikanere unan tanari tinoo kamin kube na ina jeowa?"³⁰Nene Ligo naladii wandi kikane kileo, na iwa di pit kitimine ba. ³¹Inug agbergenue foghe acara iworo, "Assa unutuno nari, ta nari tipiru ligo naledu ane." ³²Yesu belle nani "Can!" Inug agbergenue nuzu idi piru nanya naladue, itunna vat ligowe putu likup udu nanya kurawa inane nanya nmyen.³³Inug anite alle na idin ndortu nalade ico udu nanya kipin, idi bellin vat nimone, umunu imon na ise alle na agbergenue din cinu ninghinu. ³⁴Itunna vat kagbire nuzu udii zuru nan Yisa. Na iyene ghe, ifoghe acara asun kagbir mine.

¹Yesu pira nanya nzirgi, akafina udu nanya kanme kagbire. ²Itunna ida nin nimon alle na adinin nkonu nriu nfunu, anon kitene kuppe. Uyenun nyinu mine sa uyenu, Yesu woro nnan konu nriu nfune, "Gono, su liburi libo, alapi fe iwese."³Itunna amon anan ninyerte iworo nanya natimine, "Ulle unite unan nanzu kitiari." ⁴Yesu yinno ugbilizu mine aworo, "Iyari nta idin gbilizu imon inanza nanya nibinai mine? ⁵Bara iyeme ari kalin nin sheu nbellu, 'Iwese alapi fe sa iworo fita ucinu'? ⁶Bara nani inan yirino nworu usaun nnit dinin likara nyi a wese alapi,..." a woro nnan konu nrui nfunue, "Fita, yauna kupefe, udo kilarife."⁷Nin nani unite fita anya udu kilari me. ⁸Na ligosi nyene nani, Iwasu umamaki izazina Kutelle, ulle na adin nizu imus nlo likare kiti nanit. ⁹Na Yesu nkata likane, ayene unit unan lisa Matta, ule na awa sosin kitin nsesu ngandu. A bellinghe, "Dofini." Ame fita atunna a dofinghe.¹⁰Na Yesu nso ali imoli nanya kilari, itunaa anan sesungandu nin nanit anan kulapi dasa ida li imonli nin Yesu a nono katuwa me. ¹¹Na afarisayawa nyenenani, iworo nnono katuwa me, "iyari nta unadursuzu mine din li imomli na nan sesu ngandu nin nanit anan nalapi?"¹²Na Yesu nlanza nani, aworo anit alle na idinmun nakara nidowa, na idin piziru ukan ba, cas anitalle na idimun tikonu idinin su nkan, ¹³anug iwasaqaq inya idi yinin imon na idin su, "meng din nin nsu nadalci na uhadaya ba, bara nna dak na nyicila anit alau ba, ituba ba, anan kulapi."¹⁴Inug nono katuwa Yohanna da kiti me iworo, iyaghari nta arik nan na farisawa asa ti tere tinu, na inu nono katuwafe din tecu tinu ba." ¹⁵Yisa belle nani, "Inug alle na ido kiti nilumga wasa isu liburi lisire a kwanyana tiyome yita nanghinua? bara ayiri din cinu na iba da yaunu kwanyana tiyome kitimine, iba teru tinu.¹⁶Na umon nwasa atafa kuzeni kupese nin ku kuse ba, bara kupori kupese bati kulutuke jarta, tutun uba yitu kang.¹⁷Nanere anti nwasa ita nmyin narau lisu ikuse ba, iwa su nani, lisue ba wutu, nmyen naraue gutun, lisuwe ba malu kitii, bara nani ibati nmyen narau mipese lisu lipese vat mine baso."¹⁸Kubi na Yesu wadi nbellu nile imone kitimine atunno umong unit udia ada atumuno kitime. A woro, " ushono nighe nene akuu, bara nani da uda tarda ghe acarafe aba fitu." ¹⁹Nin nani Yesu fitah adofighe, nanere inun nono katuwa me.²⁰Itunna umon uwani adi nin gu5tuzunu nmie kang akus likure nin na ba, ada mamalin Yesuada dudo kubaga kulutuk me. ²¹Bara awa bellin litime," asa ndudo kulutik me cas meng ba shinu." ²²Bara nani Yesu gitirno ayeneghe aworo, " ushono ning ta ayi akone, uyinnu fe sa uyenu nshono nin fi, uwane tinna ashino deddei.²³Na Yesu nda kilari nnit udia, ada se anan nalantu di naru, a ligozi yita. In ghejilu kang. ²⁴ame woroghe, "Canfi na kubure nkuwariba, adin nmoroare, bara nani inug sisaghe nin sughe ubaha.²⁵Na iceou ligoze ndas, a pira nanya kutee, akifoghe ncara kubure fita. ²⁶Unin ulirue tunna umala kiti, nyanya kipi kane.²⁷Na Yesu wa kata unzu kikane, adu an waba dofinghe, itunna ntutuzu idi nsu " lanza nkunekune bite usau Dauda." ²⁸Kubi na Yesu ndah nanya kilare, inung aduanne da kitime, Yesu belle nani" anung nyinna nwasa nsu ille imone," Inung woroghe, "eh Chikilari."²⁹Nin nnani Yisa dudo iyizi mine, aworo, "Uso nani kitimine, nafo uyinnu mine sa uyenu." ³⁰Nanere iyizu mine wa pun. Yesu kpada nani kang aworo, "Yenen na umon wa yinin kitene nile imone ba." ³¹Var nin nani adu ani nuzu itunna nbellu nlirie vat kaghir kane.³²Na anit an waba ane wa nya, itunna idamun nin nmong uturi na agbergenu na pirughe iida mu nghe kitin Yesu. ³³Kubi na inutuno agbergenue, uturi une lirina, ligozi su umamaki iworo, "Ille imone na tisa yene inin in Israila ba." ³⁴Bara nani inung a farisawa woro, "Adin nutuzunu agbergenue nin ndia nagbergenere."³⁵Yisa nya udu vat nighiir nan nitari: aleo ubun dursuzu nanya nati nlira, adi nbelle uliru nlai un tigo, ashino nin vat tikonu nan nale na idi acine ba. ³⁶Na ayene ligozi nanit, alanza nkune kune mine, bara iwa su udamuwa, nibinai wulu nani bara wnadi nafo akam sa unan libia.³⁷A belle nono katuwa me "Unin ugirbe karin inun anan karin ba. ³⁸Bara nani, deddei sun nlira kiti Ncikilari ngirbe, anan kpina nan girbe nanya kunene."

¹Yesu yicila nono katwa me inung likure nan nawaba ligowe a na nani tigo kitene tiruhu tinanzang, i nutuzung nani ndas, ikuru ishizin nin vat tikonu a nsalin cine nidowo vat.²Nene tisan nono katwa we inung likure nan nawabe wadi ne. Unan cizune, Simon (urika na awa yicughe Bitrus), a Adrawus gwane; Yakub usaun Zabadin, nin Yuhana gwane; ³Filibus, nin Batalomi; Yakub usaun Alpensus, nin Tadawus; ⁴Simon unan pizuru tigo nati, nin Yahuda Iskaroti, ulenge na ama lewughe.⁵Ale likure nan nawabe Yesu wa tuu nani. a wunno nani atuf aworo, "Na iwa do kika alumai duku ba, tutung yenjen iwa piru kan kagbirin Samariya. ⁶Nana na can kilarin nakam nwulun Israila. ⁷Tutung asa inya, belen nani uliru Kutelle iworo, "udak kipin tigo Kutelle nda duru.'⁸Shizinon nin nanan tikonu, fyan anan kul, wesen anan tikutulu, tutung nutuzunon agbergenu. Inan filin munari, anung wang filizinang. ⁹Na iwa yiru fizinariya, azurfa sa fi jangaci tika mine ba. ¹⁰Yenjen iwa yaun nkan cin bara ucin mine, sa altuk aba, sa akpata, sa ucan ncin, bara unan katwa ma diru imonli me ba.¹¹Vat kagbiri sa atii alenge na ipira, pizira ulenge na ado Kutelle nanye, isoku udu lilongo na ima nyiu. ¹²Asa idin piru nanya kilare, lisonnani. ¹³Iwa kawu minu mang na ayi asheu mine so nanghinu, anna ikawa minu mang ba na ayi asheu mine kpilin kiti mine.¹⁴Inung tutung alenge na Isere minu ba, a na ilanza uliru mine ba, iwa nya yiu kilari kane sa kani kagbire, kotinon lidau nabunu mine. ¹⁵Kidegen ndin bellu minu, anan Sodom nin Gomora ma katinu nin lanzu mang lirin shara nin kani kabgwere.¹⁶Yenen, nto minu ndas nafo akam nanya niyiyo, bara nani, yitan jijin nafo iyii ikuru iyita sa unanzu nimon nafo awulung. ¹⁷punon iyizi anit mung! Iba du ninghinu ubun nago, tutun nanya natii nlira mine iba kpizu minu. ¹⁸Iba kuru ida ninghinu ubun na gomna nan nago bara meng, uma so nafo ushaida nanya nalumai.¹⁹Iwa do ninghinu kiti mine, yenje iwa fo kidowo kitene nimon ilenge na ima bellu, bara imon ilenge na ima bellu ima niminu nanyan koni kube. ²⁰Bara na anughere ma su ulire ba, Uruhu Kutelle nanya minere ma liru.²¹Gwana ma lewu gwana idi molu, Ucif tutung gonome. Nono mafitu mayardang nin nacif mine inin tizu nani idi molsu nani. ²²Anit vat ba nari minu bara lissaning. Ama vat nlenge na atere kibinayi udu liganye, ama se utucu. ²³Iwa kara minu nka kagbiri, con udu kan, bara kidegenere idin bellu minu, na ima nuzu vat uduru nigbirin Israila ba, gonon Nit ma dak.²⁴Na gono unan masu wasa akata unan dursuzu me ba, sa kucin yita nbun Cikilari me. ²⁵Ubatina ame unan mase so nafo unan dursuzu me, nanere kucin nafo Cikilari me, iwa yicila Cikilare Belzubal, ma ngbardang nanzu nale na idi nanya kilari me ma yitu nyizari!²⁶Bara nani, na iwa lanza fiu mine ba, bara na imomong duku na itursun, ilenge na ima punu ba, a na imong duku ilenge na iyeshin ile na ima yinnu nin ning ba. ²⁷Ilenge imon na Nbellin minu nanya nsirti, bellen ining nin wui, tutung ile imon na ilanza baat nin natuf mine, ghanan kitene kilari ibellin ku.²⁸Na iwa lanza fiu nle na ama molu ka kidowe ba, ama na awasa amolo ulai ba. Na lanzan fiu nlenge na awasa amolo vat ka kidowe nin laiye nla saligan.²⁹Na niwulun niba idin lesu ni nin nin nikurfu baat ba? Vat nin nani, karum wasa ka deu kutyin sa uyirun Cif mine ba. ³⁰Titi litife wang ayiru timashi nari. ³¹Na iwa lanza fiu ba, ikatin niwulung nane nin gongon.³²Bara nani, vat nlenge na a yinna nin mi nanya nanit, Meng wang ma yinnu ninghe nbun Ncif ning, ulenge na adi kitene kani. ³³Ame tutung ulenge na anari nbun nanit, meng wang mmanari ghe nbun Ncif ning, ulenge na adi kitene kani.³⁴Yejen iwa kpilza nna dak nin lissosin limang nyie. Na nna dak nin lissosin limang ba, nna dak nin kusangaliari. ³⁵Bara nna dak nda dunjo unit nin cifme, a ushono nin name, a uwul nin nanlesme. ³⁶Anan nivira nin nit ba yitu anan nanya kilari me.³⁷Ame ulenge na adi nin su cif sa uname nbun ning na abati unan dortu ninghe ba. Tututng ame ulenge na adi nin su nshonome sa usaunme nbun ninghe, na abatin unan dortu ning ba. ³⁸Ame ulenge na ayauna kucan kotinu me adofini ba, na abatin unan dortu ninghe ba. ³⁹Ame ulenge na ase ulai me ba diru unin. Ame tutung na adira ulai me bara meng, ama se unin.⁴⁰Ulenge na asere minu, asere mengku, ame tutung na aserai, asere ulenge na atoyi. ⁴¹Ame ulenge na asere unan liru nin nu Kutelle ama seru ulada nna liru nin nu Kutelle. Tutung ame ulenge na asere unit ulau bara adi unit ulau, ama seru ulada nnit ulau.⁴²Vat nlenge na ana umong nanya nabebene alele, ka kop nmyen micancam asono, bara ame unan kadura Kutelleri, kidegen nbellin minu na ama diru ulada me ba."

¹Na Yesu wa malu uni nnono katwa me likure nan wabe kadura, a nya kikane cundu nanya Nigbiri udu ndursuzu nani tipinpin. ²Na Yuhana nlaza kilari licin, kata ka na Kristi dumun, a to nono katwa me kadura inung naba. ³aworo nani, can idi woroghe, "Fere ule na udin cinu udake, sa tiso nca nmong?"⁴Yesu kawa aworo nani, "Can idi belin Yuhana ku imon ilenge na ilanza iyene. ⁵Adu din sesu uyenju kiti, anan sali nabunu din cin, akutulu se ushinu, a turi din lanzu tutung, abi din fituzu nin lai, idin bellu anan sali nimon uliru ulau. ⁶Unan mariari ule na ase imon ntirzu liti ning ba."⁷Na ale anite nya libau mine, Yesu cizina ubelu ligonzine uliru litin Yuhana, "Inyaghari i do nyenje nanya kusho- ufunu nzunu nkpe myena? ⁸Ani inyaghari inuzu ndin yenje ndas- unit na ashono imon tigowa? Nanere, ale na idin sho imon tigo sosin nilari Tigo.⁹Sa nyaghari ido idi yene ndase- unan liru nin nu Kutelle? Eh nbelin minu tutun, ukatin unan liru nin nu Kutelle. ¹⁰Ulengenere ame ule na iwa yertin litime, 'yenjen nma tu unan kadura ning nbun timuro mine, ulenge na ama ke udina ning nbun mine.'¹¹Nbelin minu kidegene, vat nale na kumat nwani, na warum duku na akatin Yuhana unan shintu nanit nyen ba. Vat nani unit ubene kilari tigo kitene kani katinghe. ¹²Unuzu nayirin Yuhana unan shintu nanit nmyen udak nene, kilari tigo kitene kani nneu nin fizu nayi, tutun anit anan fizu naye na bolu nin likara.¹³Bara vat anan liru nin nu Kutelle nin duka wa tizu amoro alau udakin Yuhana. ¹⁴Andi tutung iyina userun nin, ulele amere Iliya, urika na awadi unan dak. ¹⁵Ame ulenge na adinin natuf nlanzu, na alanza.¹⁶Inyaghari nma batu ko kuje mun? Imasin nonoari navu nkasa, alenge nasa iso iyica atimine. ¹⁷Inin woro, 'tidin wulsu fi fishira na udin yizunu ba. Tiyita tiyom ana ugila ba.'¹⁸Bara Yuhana wadak, na awadi nli nimonli a aso nmyen narau ba iworo, 'adi nin kugbergenu.' ¹⁹Gono Kutelle wa dak, nli nimonli nin so nmyen narau iworu, 'Yeneng unan su kileu kikan, nin shituzu nso, udondong nanan sesun gandu nan nanan kulapi!' Ama njijing nse ubunku bara kata me."²⁰Yesu cizina ukpaduzu nigbiri nirika asuzu imon izikiki ku, bara iwa nari uni nati. ²¹"Ukaito fe Corazin! Ukaitofe Betsaida! Nfo katwa kadidya kane na nnasu kiti mine, nwansu Ntyra nin Sidon, iwa ni ati nworsu, icino alapi mine nanyan najasi nimon nin tong. ²²Bara nani, uma katinu anan Sidon ku nin Tire liri nshara Kutelle.²³Anung u Kaparnahum, idin yenju ima ghatinu minu udu kitene kane? Na nanere ba, ima tultun minu udu ukul sa ligan. Bara andi Nsodom iwa su nita nididya nanga na ina su anung ku, uwa dutuku udak kitimone. ²⁴Uma yitu sheu ni nmyin Nsodom lirin shara nbun mine.²⁵Kubi kone, Yesu woro, "ndi rufi, Ucif, Cikilari unan kitene kani nin kutyin, bara una nyeshe ilenge imone kiti na jijin nin nanan yiru, tutung umini na pun kiti nalenge na iyiru ba, nafo ninono ni bebene. ²⁶Aee Ucif, nanere una tifi mang nyenjufe. ²⁷Vat nimon inani ununzu Ncif ning. Tutung na umong yiru Usaune ba se Ucife, ana umong yiru Ucife ba se Usaune, tutung nin lenge na Usaune nyina aduroghe ame.²⁸Dan kiti ning, vat anung ale na imin kutura kugetek, meng ma nimu ushinu. ²⁹Yaunang Kugbetu ning kiti mine imasu uyinnu kiti ning, bara ndi sheu nin kibinayi kimang, imanin se ushunu tilai mine. ³⁰Bara kugbetu ning sheu a kutura ning di getek ba."

¹Kubi kone na Yesu wa din cin nanya kunen nilarum liri na Sabbat. Kukpon da nono kadura me itunnan pucu nillarume nle. ²A farisawa yene nani, iworo Yesu ku, "Yene nono katafe din su nimon ile na icaun isu liri na Sabar ba."³Yesu woro nani, "Ikuna belu iyerti ile na iwa yertin nimon ile na Dauda wasu a, na kukpon wa daghe, nin nale na awa di naghinua? ⁴Na awa piru nanya kilari Kutelle, aleu imonli nanan katwa kilari Kutelle, ile na iserin nworu ali ba, nan nale na awadi nanghinu, ule na uduka wa nazaghe nin le, nin nalenge na iwa di ninghe wang, uduka wa naza nani nin le, Uduke wa yinnin a Priesta ku nin le nmang?⁵Tutung na isa yene nanya neyert, au liri na Sabat a Priest din nanzu Asabate ana asa usonani kulapi ba? ⁶Bara nani meng belin minu, umong ulenge na na akatin kutii Kutelle di kikane.⁷Ndafo iyiru ilenge imone, 'Meng din pizuri nkunekune nayiari ana ma nakpizu nakpizu ba.' Na iwa ni anan sali kulapi kulapi ba. ⁸Nanere gononit ame Cikilari liri na Sabatari."⁹Yesu suna kite udu nany kutii nlira mine. ¹⁰Kitene, umong uni wadduku, nin cara na una koto. A Farisawa tirino Yesu ku, i woro, " Ucaun i shin nin mong liri na Sabata?" Bara inan se kulapi kiti me.¹¹Yesu bele nani, ghari nanya mine, awadi nin kukam kurum, tutung kukam kone nnin deu nanya kuwu kucamcam liri na Sabat, na ama kifu kunin anutun ba? ¹²Bara nani, na unit katin kukam nin tigo kiti Kutelle ba! Nanere nta, ucaun isu imon icine liri n Sabat."¹³Yesu woro nnite, "Nakpa ucarafe," unite nakpa ucare, utunna ushino, uso ucine nafo uleli ucare. ¹⁴A Farisawa nuzu udas, itunna pizuru nimon ile na iba kifughe mun. Iwadin pizuru libau longo na iba ti imolughe.¹⁵Na Yesu nyino nani, a wonno kidowo kusari kurum, anit gbardang dofinghe, a shizuno nani nin tikonu mine. ¹⁶Awunno nani atuf na iwa belin umong ba. ¹⁷Unan so kidegen, ilemon na iwa belin nnuun Ishaya unan liru nin nu Kutelle, nbellu,¹⁸"Yene, kucin ning urika na nna fere; kinayi ning, urika na kibanayi ning din lanzu nmang me. Nma ti uruhu ning nanya me, ame manin bellu ushara kiti nanan salin bi.¹⁹Na ama fo kidowo ba, sa agilu nin liwui kang; na umong tutung ma lanzu liwui me libau libene ba. ²⁰Na awasa apuro kugosin ndiru likara ba; kinni ncin tutung na ama molu ba, se anin nutuno ushara unnasara. ²¹Alumai tutung mase likara nanya lissame."²²Kube itunna ida nin mon unit kitin Yesu unan niduu nin nituri, agbergenu wadi nanya me. Ashino ninghe, unit unan niture nin niduwe yinno ulira akuru atunna nyenju kiti. ²³vat ligozin nanit wa yatinju inin woro, "Sa ulelere ma yitu usaun Daude?"²⁴Na Farisawa nlaza uliru nimon izikiki ilele, iworo, "Na unit ulele din nutuzunu agbergenu ba se nin yinnun Belzubab, usaun ngo nagbergenu." ²⁵Yesu wa yiru nin kpilizu mine aworo nani, "Vat tigo tongo na tidi nin nivira nin litime wulu, tutung kokame kagbiri sa kilari kanga na adi nivira nin liteme ma yisunu ba.²⁶Adi shitan din nutuzunu shitan ku, to adi nivira nin liteme. iyizari kipin tigo me ba yissunu? ²⁷Adi tutung ndin nutuzunu agbergenu nin yinnun Belzubal, nin yinnun ghari anan dortu mine din nutuzunu nani? Bara nani, ima sominu anan mawucu-wucu.²⁸Adin tutun ndin nutuzunu nagbergenu nin Ruhu Kutelleri, to kipin tigo Kutelle nda nanya mine. ²⁹Tutung iyizari unit ba piru kilari nnan nagang asu likiri nomon irika na adumun sa ucizunun teru nan nagaghe? Aning su likiri nimon nnite kilari me. ³⁰Ulenge na adi nin miba adi nivira nin mi, ulenge tutung na adin piture nin mi ba, unan musuzuri.³¹Bara nani ndin bellu minu vat nalapi nin nanzu lissa iba kusu anit mun, ama unanzu lissan Ruhu na iba kusu ba. ³²Tutung vat nlenge na abele nlon ligulang kitenen Nsaun nit, ilele ima kusughe mun. Ama vat nlenge naa abele uliru nivira nin Ruhu ulau, na iba kusu alele ba, na nle uyii ba, ana nyii ulenge na udin cinu wang ba.³³Sa ukyele kuca gegeme a iburi me yita gegeme, sa kyele kuce nanzang a iburi kuni yita nanzang. ³⁴Anung nono nabuni, tunda na idi nin likara lifacak, iba bellu imon icine nyizari? Bara unuzu nanya adadu liburari asa unu lira. ³⁵Unit ulau unuzu filai kibinayi me asa anutuno imon icine, unit unan likara lifacak tutung unuzu filai kibinayi me asa anutuno ileli imon na idi facak.³⁶Ndin bellu minu tutung, lirin shara, anit mani litul vat nliru unanzang ule na ina bellu. ³⁷Bara nanya nliru minere ima se ucinu, nanya nliru minere tutung ibase uteru.³⁸Among anan niyerti nin na Farisawa kawa Yesu ku iworo, "Unan dursuzu, tidi ninsu tuyene kulap unuzu kitife." ³⁹Yesu kawa aworo nani, "Aji likara linanzang nin nanan funu din pizuru kulap. Ama na nkon kulap duku na iba ninani ba se kun Yunana unan liru nin nu Kutelle. ⁴⁰Bara Yunana wati ayiri atat nin nitik nitat nanya liburi fibo, nanere wang Usaun nnit bati ayiri atat nin nitik nitat kibinayi nyii.⁴¹Anitin Ninivi ma yissunu kitin shara ninko kuji nanite, iba ti uteru nani. Bara iwa sun alapi mine nin lirun kpaduzun Yunana, manin yenen, umong nbun nin Yunana di kikane.⁴²Ushono ngo kusarin nlime ma fitu liri nshara nin nanit nko kuje ati itere nani. Awa dak unuzu ligan nyii anan da lanza ubelen njijin Solomon, manin yeneng, umong nbun Solomon di kikane.⁴³Asa uruhu unanzanghe nnuzu nanya nnit, asa ukatiza nitin salin nmyen npiziru shinu, adi na ase ba. ⁴⁴Asa aworo, 'nma kpilu kilari ning na nna nuzu ku.' Adi a kpilla, ase kilari kane ikuzu kinin inin ceu kinin lau. ⁴⁵Amanin kpillu adi yiru ligowe ninghe nton tiruhu tinanzang tining kuzor na ti katinghe nin magunta, iba nin dak vat inin daso kikane. Ngisin lissosin nlele unite makatinu lin burne nin nanzang. Nanere bayitu nin ko kuje."⁴⁶Na Yesu wa dutu nliru nin ligozine, uname nin nuwname tunna iyisina ndas, iwa di npizuru nwo ilirin ninghe. ⁴⁷Umong woroghe, "Yene, unafe nin nuwnafine yissin ndas, idin pizuru nwo ilirin ninfi."⁴⁸Yesu kawa aworo nani ulenge na abellinghe, "Ghari unanin? Ayagha tutung nuwna nin?" ⁴⁹Atunna a nakpa ucara me udu kitin nono katwa me aworo, "Yene, kikane unaning nin nuwna ning! ⁵⁰Bara vat nlenge na adin su imon kibinai Ncif ulenge na adi kitene kani, uleli unitere gwana ning kilime, nin kishono, a unaning."

¹Lilonne Yesu wa nuzu nanya kilari ado adi so nbiu kurawa. ²Ligozi nanit gbardang da pitirino kitime, afita a pira nanya njirigi mmeyen a so ku; vat ligozie yissina licicin nbiyu kurawe.³Yesue bele nani iuliru bardang nin tinan tigoldo. A woro, "Yenen unan tibila wa nuzu tibila. ⁴Da na a bilisa, imon imus disso likot libau, anyin tolo da ida leo inin. ⁵Imon disso nanya napparang, kika na ise mmin ku gbardang ba. Na nin molu kubi ba inuzu, bara na mmine wadi pit ba. ⁶Da na uwui nghana, ilo bara na iwa dinin tiling ba, itunna ikoto.⁷Imon imus disso nan nya nimart. Aca imarte kunjo i parda ining. ⁸Imong imus disso mmin micine itaa iyip. Imong nkoli akalt akalt imong akut kutocin, a imong atat. ⁹Ame ule na adi nin na tuf na a lanza.¹⁰Nono katwawe da ida woro Yesu ku, "Iyanghari nda usu anite uliru nin tinan tigoldo?" ¹¹Yesu kawa a woro nani, "Anung ina ni minu uyinnu nworu iyinin imon izikiki kipin tigo kitene kani, amma kiti mine na ina nani ba. ¹²Bara kiti lenge na adimun, amere ima kpinghe ku, tutung ama nin yitu mun gbardang. Amma ame ulenge na a salin mu, kitime ima seru i cingilinghe na adi mune.¹³Bara nani ndin su uliru nan ghinu nin tinan tigoldo, vat nin yenju mine, na idin yenju gegeme ba, vat nin lanzu mine, na idin lanzu gegeme ba, ana idin yinnuzu ba. ¹⁴Kiti mine anabcin Ishaya na kulo, ale na ana woro, 'Nanyan lanzu, ima lanzu, amma nanyan ko lome libo na ima yinnu ba. Nanyan yenju ima yenu, ama nanyan ko lome libo na ima se uyinnu ba.¹⁵Bara nibinai nanit alele na ti gotek, atuf mine ani nati getek nlanzue, iyizi mine ina tursu inin, Nsa nani ba se uyinnu nin niyizi mine, lanza nin na tuf mine se uyinnu ni nibinai minee, inin se utpillu tutung, meng ma ni nani ushinu.'¹⁶Amma imong koliari iyizi mine; idin yenju nin natuf mine, adin lanzu. ¹⁷Kidegenere ndin belu minu, a anbawa gbardang nin na nan katwa kacine npizira iyene imon ile na idin yenju, amma na ina yene a, na yita nin su ilanza imon ile na ina lanza, amma na ina lanza ba.¹⁸To lanzan tinan tigoldo nnan tibuk. ¹⁹Asa umong nlanza uliru kipin tigowe ana a yinno ba, ame kugbergenuere nda kuda bolo imon ile na ina bilisu nanya me. Amere ulenge na iwa bilsu ghe libo.²⁰Ame ulenge na iwa bilisu ghe napzmbara amere ulenge na awa seru uliru nin liburi libo dedei. ²¹Vat nani na adi nin tiling tin liti me ba, amma awa yissin gangang nin kabiri bat. na uniu nin gbagba wa dak bara uliru ntucue, awa diu dedei.²²Ame ulenge na iwa bili ghe nanya nimart, amere ulenge na awa lanza ulirue, amma adadu in yii nin karusuzo nimon in yii, ma pardu ulirue, ama so sa kumat. ²³Ame ulenge na iwa bili ghemmin micine, amere ulenge na alanza ulirue amimin yinno unin, anere ulenge na a macca nono a pitirino ni nin bara kidegene; imon nkoli akalt akalt, imong akut akut kutocin, a imong akut atat."²⁴Yesu kuru a belle nani umon uliru nin tinan tigoldo. Aworo, "Kipin tigo Kutelle masin nafo unit ule na abilisa imus kine kunen me. ²⁵Nin kitik na anit ndo nmoro, udon nivira me da ada bilisa kunya nileli imusse nanya kunene, anya udughe. ²⁶Na i nuzu i kuno ita iyip, inin kunyawe wang nutuno ati.²⁷Nono katwa nnan kunene da ida woroghe, 'Cikilari, na imus in alkamari uwa bilisu kunen fe ba? Iyiziari nta amamu ketilin ku?' ²⁸A woro nani, 'Unan nivirari nasu nani.' Nono katwa wwe worooghhe nenge, 'Udi nin su ti do tidi dussu anina?'²⁹Unan kunene woro, 'Nanere ba, iwa na do ndussu na manue, ima dussu alkame ligowe nin na mamue. ³⁰Na vat mine kunjo ligowe uduru kubin pitiru kiti. Kubi npitiru kiti mma woru anan pitiroe, "Tun kalizan amamue itecu agum agum, idi juju, amma pitirinon alkane udu filai nighe."'"³¹Yesu kuru ana nanii umoon uliru nin tinan tigoldoe. A woro, "Kipin tigo Kutelle masin nafo fimus kuca kukuu na unit in yira a bila nan nya kunenme. ³²Fimus fonee finare fi bene nanya nimu vat. Amma uwa bilu fining fi kuno, ku katin vat naca nanya kunene asa kuta kuca kudya, asa anyin kitene kani da ida kye tido mine tilanghe."³³Yesu kuru a belle nani nton tinan tigoldo aworo, "Kipin tigo Kutelle masin nafo uyist ule na uwani nwa yiru a munu nanya nbulung ayangi atat asa mite hogogo mi ghana."³⁴Vat ni lenge imone Yesu wa belu ligozi nanite nin tinan tigoldo. Andi na nin tinan tigoldo ba na awa belin nani imon ba. ³⁵Uwa so nani bara vat nimon ile na iwa belin kiti nanan liru nin nuu Kutelle nan so kidegen, na iwa woro, "Mma punu unu ning nin tinan tigoldo. Mma bellu imon ile na inyeshin uworsu kubi ncizunu nkye in yii."³⁶Yessu suna ligozi nanite a pira nan nya kilari. Nono katwa me da kiti me iworo, "Durso nari tinan tigoldo kunyua kunene." ³⁷Yesu kawa a woro, "Ame ulenge na a bilisa inus in alkama Usaun Nnitari. ³⁸Kunene uyii ulelere; a imus in alkama inughere nono kipin tigowe. Amamue annare nono nnan katwa kananzanghari, ³⁹a unan nivire na ana bilisu inin kugbergenuari upitiru kiti unare imalin in yii, a anan pitiru kiti unare imalin in yii, a anan pitiru kiti inughere nono kadura Kutelle.⁴⁰Nafo na iwa pitirin amamue ijuju nanyan nla, nanere una so kubi nimalin in yii. ⁴¹Usaun Nit ma tu nono katwa me, ima du idi pitirin imon vat na idi tizzu anit utazuna, nin na lenge na ina su nitwa ni nanzang. ⁴²Ima ta nani nan nya nla ugbagbai, kikanga na kuculu ma yitu ku nin nyaku nayini. ⁴³Inung anan katwa kacine ma nin waltu nanya kipin tigo Ncif mine. Ame ulenge na adi nin natuf na alanza.⁴⁴Kipin tigo Kutelle masin nafo utamani na unyeshin nanya kunen. Unit wase unin a nyeshe unin. Nanya liburi libo me anya, adi lewu vat nimon ile na adi mun, a sere kunen kone. ⁴⁵Tutung kipin tigo Kutelle masin nafo unit na adi kupatiki adin piziru filu'ulu'u icine kujama me. ⁴⁶Na ase filu'ulu'u fi gegeme fin nikurfun idya, awa nya adi lewu nimon me vat a sere finin.⁴⁷Tutung kipin tigo Kutelle masin ukuma na iwa bworin nanya kurawa, a kifizo inawa mmyen ngangang ⁴⁸Na uwa kulo, unan kifizu nibowe wunno unin likot udu ubiwu kurawe. ima nin so iferu inawa icine iti nanya nakuzung, amma imon i nanzaghhe ima fillu ining.⁴⁹Nanere uma yitu nin nayiri nimalin inyii. Nono kadura Kutelle ma dak ida feru anan katwa kananzaghe nanya na nan katwa kacine. ⁵⁰Ima nin tu nani nanya nla unoiwu ugbagbai, kikanga na kuculu ima yitu ku nin nya ku nayini.⁵¹Iyinno ile imone vatta?" Nono katwa we woro ghe, "Tiyinno." ⁵²Yesu tunna aworo nani, "Nanere vatt nnan ninyerte na alawa gono katwa kipin tigo Kutelle a massin nafo unit ulenge na adi nin kilari, na a kaliza imon ikisse nin nipesse nan nya filai me." ⁵³Kube da na Yesu nmala tinan tigoldo tone, anya asuna kiti kane.⁵⁴Yesu nya a pira nanya mmin me a tunna ndursuzu nanite nanya kutyi nlira, na ilanza fiu kifo nani i woro, "Unit ulele nse ule uyirue nin nimon izikiki ilele nweri? ⁵⁵Na unit ulele usaun nnan kye nibulung unereba? Na unamere Maryamu ba? Na nwana nilime mere an Yakubu, Yusufu, Simon a Yahuda ba? ⁵⁶Na nwana nishono mere vat di ligowe nan ghiruk kakane ba? Ani unit ulele nase ile imone vat nweri?"⁵⁷Iwa lanza ayi ninghe. Amma Yesu woro nani, "Na annabi diu diru ngongong ba se mmyin me nin na nan ngame." ⁵⁸A na awa tizzu imon izikiki gbardang kikane ba bara udiru in yinnu mine.

¹Nanya kubi kone, Firauna lanza ubeleng Yesu. ²Aworo nono katwa kilari me, "Ulele Yohanna unan shintuzunu nanit mmyena; ana fita nanya na nan kule. Unnare nta adi nin na kara nsu nna nitwawe."³Hiridus wa kifo Yohanna ku, a tere gbe, a ceo ghe nanya kilari licin bara Herodiya, uwani ngwana me Filibus. ⁴Bara Yohanna wa belinghe, "Na uma caunu ba uyiru ghenafo uwani fe." ⁵Hiridus wa molu ghe, ama awa lanza fiu nanit bara iwa yirughe nafo unan liru nin nuu Kutelle.⁶Na lirin marun Hiridus wa kuru likeo lida, ushonon Herodiya su avu kiyitik nanit a puo Hiridus ku ayi. ⁷Ame wang poa ghe ayi, a ceo ghe uliru nin nisilin nworu vat nimon ile na atiringhe ama nighe.⁸Na unene ndi kyeghe ulirue, a woro, "Nai kikane, kukurum, litin Yohanna unan shintu nanit mmyen." ⁹Ugowe ayi ine wa fita kan nin tirinu me, amma bara isiling me, tutung bara alenge na iwa di lni nimonle vat ninghe, ato idi so nani.¹⁰A to idi werin litin Yohanna nanya kilari licine. ¹¹Itunna ida nnun lite nanya kukurum ina kubure ina kubure ado adi ni uanme. ¹²Nono katwa me tunna ida, iyira libie, idi kassu linin. Kimal nani, ido idi bellin Yesu ku.¹³Na Yesu nlanza nani, ama suna kitene nanya nzirgin mmyen ado nkankiti likot. Na ligozi nanite nlanza nani, i nuccu nipiin pin mine nin nabunu i dofinghe. ¹⁴Yesu yunna ada ubun mine a yene ligozi nanit. Alanza nkune kunemine a shizino nin na nan tikonu mine.¹⁵Na kuleleng nta, nono katwa we da kitime i woro, "Kiti kane di nin nanit ba, tutun kuleleng nta. Suna anite inya, inan se iducu nanya nigbiri idi sesu atimine imonliku."¹⁶amma Yesu woro nani, "Na ucaun inya ba. Anung nan nani imonmong ili." ¹⁷I woroghe nenge, "Kikane tidi nin fungal utaunari cas nin nibo iba." ¹⁸Yesu woro nani, "Dan nani inin."¹⁹Yesu woro ligozi nanite isozo nkpi kutyene. A yauna ufungal utaume nin nibo ibe, a yene kitene Kutelle, ata nkoli ku apuco unin anin na nono katwa we unin, nono katwa we ani wani ligozi nanite unin. ²⁰Iwa li vat ishitizo. Inani wa pitiru ngissin nimon ile na iwa nazu nfungale nin nibowe-akuzun likure tinap gbem gbem. ²¹Alenge na iwa li wa di nafo nanilime amui ataun, kimal na wani nin nono.²²Ata nono katwa we ipira nanya nzirga mmyen i kafina uleli uwul kurawe, ame nin man ti ligozi nanit inya. ²³Kimal na ata anitee inya, aghana kitene likup ussan me adi ti nlira. Na kulelen nta kang, awa lawa kitene ussan me. ²⁴Amma kubi uzirgi mmyene wa yita kiyitik kurawe, iwa nin pya kang nin lin nin zirge bara fibark mmyene nin furu na uwa kurtuzun nani.²⁵Nin nikoro inas nin kiyitik Yesu da kitimine, awa din cin kitene mmyene. ²⁶Na nono katwa we in yene ghe adin cinu kitene mmyene, ilanza fiu i woro, "Ilele mmolyari," Itunna in tizun tet bara fiu. ²⁷Yesu tunna a lirina nan ghinu a woro, "Tan ayi akone! Menghari! Na iwa lanza fiu ba."²⁸Bitrus kawa ghe aworo, "Cikilar, andi fere, ta meng ku ndak kitife nin cin kitene mmyene." ²⁹Yesu woroghe, "Da." Bitrus tunna anuzu nanya nzirge acina kitene mmyene ucin du kitin Yesu. ³⁰Amma na Bitrus in yene ufunu, fiu kifoghe. Na a cizina upicu nan nya mmynenen a ta kuculu a woro, "Cikilari, tucui."³¹Yesu tanna anakpa ucara me mas, a kifo Bitrus ku, a woroghe neng, "Fe unan yinnu sa uyenu bat. Iyaghari nta umini a jirjir?" ³²Na Yesu nin Bitrus npira uzirge, ufunue yissina. ³³Nono katwa we nanyan zirgin mmyene su Yesu ku usujada, iworo, "Kidegenere fe usaun Kutelleari."³⁴Na ikaffina uleli uwul kurawe, i tolon Janisarata. ³⁵Na anit kiti kane in yinno Yesu ku, isa kadura udu nigbiri nanga na kilin nani, idi pilu anan ti kunu vat ida mun kiti me. ³⁶I foghe acara nworu na ise idu do kulada kulutuk me cas, vat ngbardang nanit alenge na iwa dudo kunin wa se ushinu.

¹Among a Farisawa nin na nan ninyerte ds kitin Yesu in Urushalima. I woro, ²"Iyaghari nta nono katwa fe din nanzu utandu na kune? Bara na idin kuzu acara mine ba andi ima li imonli." ³Yesu kawa a woro nani, "Anung wang-iyanghari ntaa idin patulu uduka Kutelle bara utanda mine?⁴Bara Kutelle na woro, 'Ta ucife nin na fine ku gongong,' tutung, 'Ame ulenge na ashu uliru unanzang liti ncife sa nna me, Kidegene aba ku.' ⁵Amma anung ani na woro, 'Vat nlenge na a woro ncif me sa uname, "Vat ubuunu ulenge, na una seru kiti ning nene ufilluari udu kiti Kutelle,"' ⁶na unit une caun ati ucife gongong ba. Nanya nloli libowe unanza uliru Kutelle bara utanda mine.⁷Anun an rusuzu nati, gegememiari Ishaya na liru nin nuu Kutelle nati mine na awa woro, ⁸'Anit alele din tizui gongong nin nakpa tinuu minere, amma nibinai mine di pit nin mi. ⁹Idin su usujada lemmari, amma idin dursuzu adadu nduka nanittari.¹⁰Atunna ayicila ligozi nanite udak kitime a woro nani, "Lanzang iyinin- ¹¹Na imon mong diku na asa ipira unuu din nanza unit ba. Amma imong ilenge na inuzu nnuu nnit nnare din nanzu unit."¹²Nono katwa we dak ida woro Yesu ku, "Uyiru nworu Afarisawa nin nana ayi na ini lanza uliru une?" ¹³Yesu wa kwan a woro, "Vat kuca kongo na Ucif nighari nbila ba iba dusulu kunin. ¹⁴Sunan nani usan min, anan durusuzu nanitari liboo amma aduu. Asa unit uduu nwanno uduu Liboo vat mine ma di diu nanya kuu."¹⁵Bitrus kawa aworo Yesu ku, "Durso nari tinan tigoldo tone." ¹⁶Yesu woro, "Anung wang duusa uyirue? ¹⁷Na uyene nworu vat nimon ile na ipira nanya nnu maadi katu udu nanya kiti npunju ba?¹⁸Amma imon ile na inuzu nnuu ida unuzu kibinaiyari innare imon ile na idin nanzu unit. ¹⁹Bara unuzu nanya kibinaiyari ukpilizu unanzang din nucu ku, umolsu nanit, upiziru nawani, kaput ndinong, likiri, ushaida kinnu, nin tizogo. ²⁰Ile imonere din nanzu unit. Amma uli nimonli sa utusu nacara din nanzu unit ba."²¹Yesu nya kikane ado kusarin Taya nin Sida. ²²Umong uwani na Kananiyawa nuzu kusari kone. A ta ntet a woro, "Lanza nkunekune nighe, Cikilari, usaun Dauda; ushono nin din sonu ngbada bara kugbergenu." ²³Amma na Yesu nworo iyang ba. Nono katwa me da ida foghe acara, i woroghe, "Woroghe anyaa bara adin gbejullu kang kidung bite."²⁴Amma Yesu kawa nani aworo, "Na ina tuuyi kitin mon ba se kiti nakam uwulusu nnonon Israila." ²⁵Amma ada ubun me a tumuno, aworo, "Cikilari, buuni." ²⁶Akawa aworo, "Na ucaun i yiru imonli nnono ini nono ninau ba."²⁷A woro, "Nanere, Cikilari, amma nono ninuawe asa ileo ibure na asa disso kitene kutebul ncikilari mine." ²⁸Yesu kawa aworoghe, "Uwani, uyinna sa uyenu udyawari, na isu fi nafo nafe di nin suu we." Ushonoe uni wa tannun ashino kubi kone.²⁹Yesu uni wasun kiti kane anya udu kupo kurawan Galili. Amini wa ghana likup adi so ku. ³⁰Ligozi nanit gbardang daa kitime. Iwa dak nan ghinu anan kentu, aduu, aturi nin na nan salin nabunu, nan na mong gbardang na iwa di nin tikonu. Ina ni wa ceo nani nabunun Yesu amini wa shin nin ghinu vat. ³¹Ligozi nanite ani fiu wa kifo nani na iwa yene unan sali nabunu nshino, unan kentu din cin, uturi din liru a uduuin yenju kiti. Iwa zazin Kutellen Israila.³²Yesu wa yicila nono katwa me kiti me aworo, "Nlanza nkunekune lipitin nanite, idi ligowe nan mi ayiri atat na idi nin nimonmon na ima li ba. Na idi nin su nworo nani inyaa sa uli nimon ba, Iwa dissu liboo bara kukpong." ³³Nono katwa we woro ghe, "Tima se ufungal gbardang nweri kikanee na anit diku ba ubatin ligozin nanit alengen vat?" ³⁴Yesu woro nani, "Ufungal umashiniari idi mun?" Iworo, "Kuzor nin nibo ibebene cin." ³⁵Yesu woro ligozin isozo kutyin.³⁶A yauna ufungal kuzor nin nibowe, na ataa nliraa, apuco ufungalle ana nono katwa we. Nono katwa we naa ligozi nanite. ³⁷Anite vat leo ishitizo. Ipitirino agissin niburi nimonle na ileo, ikulo akuzun kuzor. ³⁸Alenge na iwa li wadi amui anas banin nawani nin nono. ³⁹Yesu woro ligozi nanite inyaa, ame doo adi piru nanya nzirgi mmyen anyaa udu kusari Magadan.

¹A Farisiyawa nan na Sadukiyawa daa kitime idin tirughe in an dumunghe a duro nani kulap nnuzu kitene kani. ²Bara nani a kawa a woro nani, "Na kuleleng ntaa, uworo, 'Kefe mayitu ugang, bara awuten nshaa.'³Nin kuyi dindin uworo, 'Kite ma cauna kang kitimone, bara na awuten nshaa.' I yiru ubelu nalu ile ketene kane, bara na iwasa iyino ubelu kulap kube ba. ⁴Kuji kunanzan kun zino din pizirun uyine nkon kulap ba banin kun Yunana." Yesu nin nyaa a suna nane.⁵Nono katwa me kafina udu uleli ugau kurawe, Ishawa uyirun mborodi. ⁶Yesu woro nani, "Sunseng nin na Farisiyawa nan na Sandukiyawa." ⁷Nono katwa nighe kpiliza nibinai mene i woro, bara na ti yira uberadi ba." ⁸Yesu wa yeru nani a woro, "Anung ana yenu sa uyenu ucin, iyanin ta idin Kpiilizu nati mene au na iyira uborodiari ba?⁹Na isa lizino sa itoo iyizi na gi nborodi ataun na anit amoi ataun wa li ba, a kagisine amashinara i wa piriru? ¹⁰Sa agir kuzure na anit amoi anas wa li, akuzeng amashinari walawa?¹¹Iyarin nta na iyino au inwadin beleminu ubelen mborodiari ba? Sun seng nin na Farisiyawa nan na Sadukiyawa." ¹²Inin yino na awadin belenani uboleng inyeast mborodiari ba, bara u madursuzu na Farisiyawa nin na Sadukiyawa.¹³Nene na Yesu waa dak nlong likotin Kasiriya nFilipi, atiro nono katwa me, aworo, "Nyari anit din yicu Gonon nit?" ¹⁴I woro, "Anung woro Yohanna unan shitu; among, Ilaisha; among woro, Irimiya, among woro unang liru nin nuu Kutelleari." ¹⁵A woro nani, "Bara nani anung din su meng ghari?" ¹⁶Na akawa, Simon Bitrus woro, "Fere Kristi, Gono Kutelle unang nlai."¹⁷Yesu kawa a woroghe, "Fe unang mariari, Simon usaun nYunana, nmii nin kidow was a durofi ilele ba, Ucif nighe na adi kitene kauri amere ndurofi. ¹⁸Nkuru mbelenfi fere Bitrus kitene litala lole mma kye kutii nlira. Ni bulun kuwunun nkull wasa ni wantina ba.¹⁹Mba nifi mabudi kilari tigo kitene kani. Vat nimon ile na itere nyii imateru kitene kane, vat nimon iile na ibuku nyii iba bunku kitene kani." ²⁰Yesu benle nono katwa me nin likara au na iwa belin umong amere Kristi ba.²¹Nnuzu kubi kone Yesu woro nono katwa me a ma nyiu adoo Urushalima, ama niu kang nacaran nakunen ntardun nacara kutii nlira, nin nadidya kutii nlira, aa amon ninyert, Ima molughe, ama nin fitu liri lin tate. ²²Bitrus yicilaghe likoot akpadaghe, abenle, "Cikilari ulele di piit nin fi; na ulele nwa sefi ba." ²³Yesu gifirino aworo Bitrus ku, "Kpilla kimal nin shetan! Fe litalan ntirzuwari kiti ni, na myen fe duku nin nimon Kutelle ba, bara imon na nit."²⁴Yesu tunna a belle nono katwa me, "Vat urika na adinin su adofini, se ata umusu litime, ayauna kucan kotinu me, anin dofini. ²⁵Bara vat urika na adinin su aceu ulai me ama diru uni, vat tutung ulenge na a adira ulai me bara meng ama se uning. ²⁶Iyaghari ba kpinu unit ku, awa se vat nye anin dira ulai me? Iyaghari unit ba su kusere nlai me muna?²⁷Bara Gonon Nnit ba dak nan nya ngongon ncif me nan nono kadura me. Ama nin nni koghaku nafo nile imon na anasu. ²⁸Kidegen meng bellin munu, among duku nan nya mine allenge na iyisin kikane, na iba dudu ukul ba, iba yenu Gono Nnit ncinu nanya tigo me."

¹Ayiri kutocin wa kata, Yisa yira Bitrus ku nin Yakubu a Yuhanna gwana me, ada ninghinu kitene likup lizalang inung litiime. ²Atunna asaka ukama nbun mine. Umuro me balta naffo uwui, kulutuk me ta kanag nafo nkanag.³Na nin nanzu kubi ba Musa nin Iliya nuzu ilira nan ghe. ⁴Bitrus kawa aworo Yisa ku, "Cikilari, ucaun na arike di kikane. Andi uyinna, meng ba ke adanga atat kurum kunfe, kurum kun Musa, a kurum kun Iliya."⁵Kubi ko na awa di nlirua na nin nanzu kubi ba kuwut nuzu ku kanag da ta nani ushin, na nin molu kubi ba liwui nuzu nan nya kuwut, aworo, "Kanere Gono kin nayi nighe, ulle na ndin nlatizu nmang me lanzan ghe." ⁶Na nono katuwa me nlanza nani, ideo nin timuro mine kutyin, iwa di nlanzu fiu. ⁷Ame Yisa da ada duduzo nani a woro, "Fitan yenje iwa lanza fiu." ⁸Inug yene kitene kani, na iyene umon ba, Yisa ari cas wa duku.⁹Na iwa kpilin unuzu kitene likupe, Yiisa kpada nani aworo, "Na iwa bellin alle amore kitin nmon ba, udu kubi ko na Usaun Nnit ba fitu nan nya nkul." ¹⁰Nono katuwa me tiringhe iworo, "Iyaghari wati anan ninyerte wa woro Iliya ma burnu adak?"¹¹Yisa kauwa a woro nani, "Iliya badak ada kurtunu imon vat." ¹²Nene meng bellin minu, Iliya namalu udak, na iyininghe ba. Nin nani, iwa a sughe vat nimon ille na idinin suwe. Nanya libau lirume, Gono Nnit ba niu nacara mine." ¹³Inug nono katuwa me, yinno adin nliru nanghinu kitene Yuhanna unan Baptismari.¹⁴Na ikpilla kiti ligozine, umon unit da kitime, ada tumuno nbun me, anin woro, ¹⁵"Cikilari, lanza nkune kune ngono nighe, bara adinin nkonu matirizi, adin nniu mun kang, kubi-kubi asa adiso nlah sa nmyen. ¹⁶Meng da ninghe kitin nono katuwa fe, na iyinno ushinu ninghe ba."¹⁷Yisa kauwa a woro, "Anan salin nyinnu nin kuji kunanzang, udu kome kubiari mba so nanghinua? Udu kome kubiari mba nonku kibinai ninghinua? Dan ninghe kiti nig kika." ¹⁸Yisa kpada ghe, Kugbergenue nuzu nan nya me, kwanyane shino nkone kube.¹⁹Nani nono katuwa da kiti Yisa kusari kurum i woro, "Iyaghari ntah na arik nyinnno nutunghe ba?" ²⁰Yisa belle nani, "Bara ncingilin nyinnu sa uyenu mine. Kidegen ndin bellu minu, asa idinin yinnu sa uyenu cing nafo fiyip fikan Imustard, uwasa ubelle likup lole, 'kalla litiife kikane udo kanie,' aba du nin litime, na imomon ba yitu munu nin nijasi nsu ba. ²¹Vat nani imus nale agbergenu wasa inuzu nani cas ba, se ligowe nin lira a ukifu nnu."²²Kube na iwa sosin Galili, Yisa belle nono katuwa me, "Iba ni gono nnit nacara nanit. ²³Inug ba molughe, nan nya liri lintat aba fitu." Ayi nana nono katuwa me nani yototo.²⁴Na ida Ukafarnahum, annit alenge na iwadi imal sesu kagisin fishekel nafo ugandu, da kitii Bitrus a woroghe, "Na unan yirru mine din nizu kagisin nishekel ngandu ba?" ²⁵A woroghe, "Nanere." Da na Bitrus npira nan nya kilari, Yisa cizina uliru ninghe aworo, "Iyaghari udin kpilize, Simon? Ago inyi, kitinghari idin sesu ugandu kuwa? Kiti nanit minere sa kiti namara?"²⁶Na Bitrus nworo, "Kiti namarari," Yisa bellinghe, "Ikala anit mine nbiuze. ²⁷Na tiwa ti nani anan sesu ngandu isu kulapi ba, cang kulli kudia, to liwita fe nanye, uwunun fibo fo na fi burno udake. Asa upuno unu finin uba se fishekel ku, yira finin udi ni anan sesun unani ni unfe."

¹Nanya kubi kurume nono katwa me da kitin Yisa iworo ghe, "Ghari udiawe nanya kipin tigo Kutellẹ?" ²Yisa yicila gono kibene adak kitime, ayisa ghe kiyitik mine, ³anin woro, "Kidegene ndin belle munu se anung nsuna alapi mine iso nafo nono nibebene, anung ghe nan nya nkolome libau na iwasa ise upiru kipin tigo Kutellẹ ba.⁴Bara nani vat ulle na a toltuno litime nafo gono, kibene kane unit une amere udiawe nan nya kipin tigo Kutellẹ. ⁵Nin ullenge na asere nkang gono kibene nan nya lisa nighe, asere mereku. ⁶Vat nle na ata warum nan nya nibebene nane na iyinna nin mi, ita kulapi, uba katinghe iyaun litala lidia iterighe nto, inin turunghe nan nya kuli kudia kiti kicacam.⁷Kash udu uyi bara kubin ntirzuari! bara uso doleari kubi kone ba dak bara ame! ⁸Assa ucara sa kubunu fe, bba tifi utiro, werne unin ufilig pit kitife, uba katinfi usee ulai nin kagiisin kidowo, ninworu itufi nan nya nla so ligan uyiita nin ncara sa abunu fe vat.⁹Assa iyizife bba tiifi utiro, herina linin ufilin kitife, uba katinfi use ulaii nin liyizi lirum, nin woru itufi nan nya nla sa ligun nin niiyizi fe ib. ¹⁰Yenjen na iwa yassu warum nan nya kitene kane nono kadura Kutellẹ mine ko kome kubi idi nyenju nmoru ncif nighe ulle na adi kitene kani. ¹¹Bara gono nnit na dak ada tucu nalenge na ina wulu.¹²Iyaghari idi nkpilize? Asa umon unit dinin nakam akalt likure, kurum nanye nwulu, na aba cinu akalt likure udiru kuurume kitene kikup adi piziru kone na kuna wulu ba? ¹³Andi ase kunin, kidegen ndi nbellu munu, liburi libo me kitene kukam kurume bba katinu nin gbardang kitene nakam akalt likure udiru kurum na kuna wulu ba. ¹⁴Nan nya nanere, na usun Ncif mine allenge nadi kutenit kane warum nan nya nibebene nai nanna ba.¹⁵Asa gwana fine ntafi kulapi, durso ghe utanu me, anung ligan mine, cas, asa a lanza fi, utuucu gwana fine. ¹⁶Andi na a lanzafi ba, yira nuwa na fine unit kiti nwanana urum sa anwaba ido kitime bara iyizi nawaba sa awaatat sa ko lome lugbulang base uyisinu.¹⁷Asa anari ulanza nanan dortu Yisa, awa nari ulanzu nanan dortu Yisa, na ame so kitife nnafo kulumai sa unan sesen ngandu.¹⁸Kidegene re ndin bellu minu, vat nile imon na itere nan nya nnye, iba teru kitene kane, nin vat nile imon na ibunku nnye nanere iba bunku kitene kane. ¹⁹Ukpiine ku ndi bellu munu asa an wada nwa yinin nin nimon ule na iba tirrinu menku nan nya nnyi ucif nighe ulle na adi kitene kane bba su nani mun. ²⁰Bara kiti ka na awaba sa an watat nzuro nan nya lisa nigh, ndi nanghinu."²¹Nin nani Bitrus da ada belle Yisa ku, "Cikilari, udu timashinari gwana nighba sui kulapi meng shawa muna? udu so kuzora?" ²²Yisa bellinghe, "Nna meng na bellinfi udu kuzor ba, uduru akalt kuzorii sau kuzor.²³Bara nani, kipin tigo Kutellẹ di nafo umon ugo, na awa dinin su asu kibatiza nan nacin me. ²⁴Kubi ka na awa acizina kibatize, ida nin nkon kucin me ulle na ame din dortughe titalent amui likure. ²⁵Bara na awa idinin libau nbiuwe ba, Cikilari me na uduka idi lewuughe nin nwane a none umunu vat nile iimon na adumun, ida biyaghe.²⁶Ame kucine dio kutyin, atumuno nbuun me aworo, 'Ccikilari, tursui limuri meng ba biyufi imonẹ vat.' ²⁷Nin nani, Cikilari kucine, atinna alanza nkunekune me, bunkun ghe, shawan nin nre me.²⁸Ame kucin kone nuzu ase umon udone licin me ulle na ame din dortu ghe idinari likalt akifo ghe kusholshok, a woroghe, 'Blayi imon ile na ndi ndortu fi.' ²⁹Ame udone licinne dio kutyin, adi fo ghe nacara aworo, 'Ta ayi ashau nin mi nba biufi.'³⁰Ame kucin nburne nari, nin nani, ayiraghe atoghe licin, udu kubi ko na aba biughe ule imon na adin dortu ghe. ³¹Kubii na adone licin nyene ile imon na asu, ayi mine nana. Ida idi belle Cikilari mine vat nile imon na asu.³²Cikilari kucin kone yicila ghe, a bellinghe, 'Fe vat bara uwa sui kuculu. ³³Na fe nwasa ulanza nkunekune ndofine kucine ba? Nafo na meng na lanza nkunekune fe?'³⁴Cikilarri me wa nanna ayi ninghe, a nakpa ghe nacara nanan nfo nanit udu kubi ko na aba biu imon ile na idi ndortu ghe. ³⁵Nanere wang ucif nighe kitene kani, ba su anunku, asa na anug ba shawa nin nalapi nuana nan nya nibinai mine ba.

¹Na ida kubi na yisa mmala tigbulange, a sunna Ugalili, ada nan nya ligan Yahudiya ukafinu kurawa urdu. ²Ligozi gbardang dofinghe, a shizino nin ghinu kikane.³Afarisiyawa da kitime, idumunzun ghe, nbellinghe, "Uduka nyinna nworo unit ko uwani me nan nya nimon ille na uwane tawa?" ⁴Yisa kauwa a woro, "Na anun wa yene ubellu ninyyerte ba, nworu ame ulle na awa ke nani nin gankilime nin uwani?⁵Akuru a woro, 'Bara nanere unit ba cinnu ucif me nin nna me a munu nin nwani me, anwabe ba da so finawa firuma? ⁶Nin ndu mbun na awabari ba, finawa firuum bara nani, imon ule na Kutellẹ munu, na umon wa kosu ba."⁷Inugh woroghe, "Ani iyari ntta Musa wa bellin nari tiniza awani bite inyerte nworu ilugma bite nmala anin ko ghe?" ⁸A belle nani, "Bara ngbas niibinai minere Musa wa sun muunu iko awani mine, nin nburne na nanere wandi ba. ⁹Meng bellin munu, vat ulle na ko uwani me andi na kulapi nzina ba amini ndi yira uumon, asu kulapin nzina, unit ule na adi yira uwani ule na ina ko ghe asu uzina."¹⁰Nono kadura belle Yisa ku, "Andi nanere ubellen ngankilime nin nwani, na ucaun isu ilugma ba." ¹¹Yisa woro nani, "Na koghari ba yinnu ninle uduursuze ba, se allenge cas na ina yinin nani iseru unin. ¹²Bara amon duku iwa machu nani sa tinanilime mine. Amon tutun annitari wa gbaru nani. Amon asa inughere ta atimine ku bara kipin tigo Kutellẹ. Ame ulle na adini su seru ulle udursuze, na a seru unin."¹³Iwa da nin nono nibebene kitime anan tarda nani acara me na ti mine ati nlira, nono katwa me kpada nani. ¹⁴Yisa woro, "Sunan nono nibebene, na iwa wantin nani udak kiti nighe ba, kipin tigo Kutellẹ di kin nimuwsu minere." ¹⁵A tarda nani acara me, a tunna anya kitene.¹⁶Umon unit da kitin Yisa a woro, "Unan dursuzu kiti, iyapin imon iciniari mma su nnan se ulai un sali ligangha?" ¹⁷Yisa woroghe, "In yaghari nta uminin ntirini ubelen nimon igegeme? Unit urumari cas di gegeme, nan nya nani andi udi nin su use ulai nsali ligang, dorto uuduke."¹⁸Unite woroghe, "Uyeme uduka?" Yisa woro, "Yenje nwa mollu unit yenje uwa nozo nin na wani, namon yenje uwa su likiri, yenje uwa su kinu, ¹⁹gyantina ucif fe nin nafi ne unin ti usu nnan kupo fe nafo litife."²⁰Kwanyane woroghe, "Ilenge imone vat nna su. Iyaghari kuru iduyi?" ²¹Yisa woroghe, "Andi udi nin su use ukulu, can, lewe imon ilenge na udimun, uni nikimon, uma se imon nacara kitene. Kani unin dak, udofi ni." ²²Na kwanyane nlanza imon ilenge na Yisa nbelle, anya nin tinana nayi, bara awa di nin nimon nacara gbardang.²³Yisa woro nnono katwa me, "Mbellin minu kidegene, udin konu unan nimon nacara ghana kitene kani. ²⁴Nkuru nbellin minu, nworu uman nimon nacara piru kipin tigo Kutellẹ, ukatin nin shew kurakomi piru ligalon nalira."²⁵Na nono katwa me nlanza nani, umamaki kifo nani kang i woro, "Ani ghari wasa ase utucue?" ²⁶Yisa yene nani aworo, "Kiti na nanit udin konu, kiti Kutellẹ vat nimon in suari." ²⁷Biturus ttunna akpana a woroghe, "Yene, tina sun imon vat ti dofin fi. Ani iyaghari arik ba se?"²⁸Yisa woro nani, "Mbbellin minu kidegene, anughe na ina dofini, nan nmaru upese na gono Kutellẹ ma so kutet tigo me, anung wang ma so na tet likure nin na ba, isu ushara nnonon Israila likure nin naba.²⁹Vat nlenge na a suna nilari, nuana nilime, nuana nishono, ucif, una, nono sa kumen bara lisanin, ama seru mmari akalt likure a ulai un sa ligang. ³⁰Nan nya nnani gbardang na idi anan cizunu nene mada so anan kidung, a gbardang na idi anan kidung maso anan bun.

¹Kinin kipin tigo Kutellẹ masin unan kunen, ulenge na anuzu nin kwui dinding adi piziru anan katwa kunen me. ²Na immala tijuana katwa we ko uyeme unit liyirinn me fisulai, a ta nani kunene.³A kuru nuzu tutung kubi ni koro itat a yene among anan katwa yissing nkasua sa katwa. ⁴A do kiti mine a woro, 'Anan wang, can kunene, imon ilenge nan yene idi dort mma ni minu, inughe tunna inya udu katwa we.⁵Akuru a nuzu kubi nikoro kutocin nin nikoro kuti tutung, asa nan ghinu nane wang. ⁶Tutun akuru anuzu kubi nikoro likure nin firum ase amon yissinn sa katwa. A woro nani, 'Iyaghari nta iyissin kikane uworu kwui dinding sa katwa' ⁷I woroghe, 'Na umong in yira nari katwa ba.' A woro nani, 'Anun, wang, can nan nya kunene.'⁸Na kuleleng nda unan kunene woro nnan yenju katwa we, 'Yicila anan katwa we uni nani uduk mine, cizinu kitin nnan dak kidunghe umalzin nin nan burnun dake.' ⁹Anan katwa we na ini yira nin nikoro likure nin firum da, ko uyeme mine sere fisule. ¹⁰Na anan burnun cizunu katwa we nda, i cisso inung ma seru gbarandan, inung wang ko uyema sere fisuule.¹¹Na isese uduk mine, igbondulo kitene nnan kunene. ¹²I woro, 'Anan katwa kidughe nta fikoro firumari cas katwawe, nani umini nna nane irume nan ghirik, arike nna ti juju nidowe bite nan nya liyirin nin gbagbai nwui.'¹³Unnare unan kunene kpana a woro nmong mine, 'Udondong, N nta minu kulapi ba. Naa tini su nan ghinu nan nya fisule ba? ¹⁴Seren imon ilenge na nnare di inmine inyai ulanzun mmmang nighari nni anan yiru kidunghe irume nan ghinu.¹⁵Na meng di nin likara nworu nsu imong ilenge na idi nin sue nin tamani nighe ba? Sa iyizi fe tifi uti lalapi bara na men di gegeme? ¹⁶Bara nani anan kidung bada so anan cizunu, anan cizunu so anan."¹⁷Kubi na Yisa wa cinu ucindu Urshalima, awa yiru nono katwa me likure nin nan wabe ninghe, libau we a woro nani, ¹⁸"Yenen ti din cinu udu Urshalima, ima nakpi usaun nnit nacara ndidya nin nan ninyerte kutin nlira. Ima sughe ushara nkul ¹⁹ima nakpi ghe nacara na awurmi bara inan sughe liyakiti ishuru ghe, inin kotun ghe kitene kuca. Nan nya liyiri lin tatte ima fiughe."²⁰Una nnonnon |Zabede da kitin Yisa ligowe nin na saun ne. A tumuno nbunme aniin tiringhe imongmon. ²¹Yisa woro ghe, "Iyaghari udi nin su we?" A woro ghe, "Yinna nono nighe nibe se uso, unit urum ncara ulime fe, a unan be ncara ugul fe, nan nya kipin tigo fe."²²Yisa kpana a woro, "Na uyiru imon ilenge na udin tirue ba. Anung wa sa isone nan nya kakkuk kanga na meng din cinu usonue?" Inung woro ghe, "Ti wa sa ti (sono)." ²³A woro nani, "Kakkuk nin uma sonu. Amma ubelleng nso ncara ulime sa ncara ugule ning na unanghari na ma noi ba, uunna lenge na ucif nigghari nshirya." ²⁴Na kagisin nono katwa likure nlanza, ayi nana nani kang nin nuana ni be.²⁵Yisa yicila nani kitime a woro, "Iyiru ago nnawurmi din dursuani tigo, adidya mine tutung durso nani akara. ²⁶Amma na uma yitu nani nan nya mine ba. Uma na so ulenge na adi nin su ayita udya nan nya mine uma so ghe gbas aso kucin mine. ²⁷A ulenge na adi nin su ayita unan bun mine uma so ghe gbas a so kucin mine. ²⁸|N|afo na asaun nnitt na dak isu ghe licin ba, nani ame su nari licin, anin kuru ani ulai me imon kusere nanit gbardang."²⁹Na iwa nuzu nan nyan Jericho, ligozi nanit gbardang dofinghe. ³⁰Ise aduu aba sosin kupo libau. Na i lanza Yisa din cinu ukatu, ita ntet i woro, "Cikilari, usaun Dauda, lanza nkune kune bite." ³¹Amma ligozie Kpada nani, i woro nnani i min tik. Nani ina kpina ughantinu tiwui mine i woro, "Cikilarri, usaun Dauda lanza nkune kune bit."³²Yisa tunna ayisina ayicila nani a woro, "Iyaghari idin pizuru nsu minu?" ³³I woro ghe, "Cikilari, iyizi bite pun." ³⁴Yisa tunna, nkune kune kifo ghe nin ghinu, a dudo iyizii mine. Dedei ise uyenu kiti i dofin ghe.

¹Na Yisa nin nono katwa me nda duru susut nin urshalima ida U Baitfayi, kusari likup Nzaitan, Yisa tunna a to nono katwa me naba, ²a belle nani, "Can nan nya kagbiri nbune, ima yenu kajaki terin ku, nin gono kajake ku. bunkun ninin ida nei ni ning. ³Andi umong matirinu ubeleng nining, ima woru, 'Cikilari di nin su nining,' unit une na turun munu nin nining.⁴Imone wa so nani inan kulo uliru ulenge na iwa bellin kkiti nnan liru nin nuu Kutelle nworo, ⁵"Bellen ushonon Sihiyona, yene, Ugo fee din cinu udak kitife, Nin toltunu liti kitene kajaki, Kitene kalpadari, gono kajaki."⁶Nono katwa me tunna ido idi su nafo ubellu me. ⁷I da nin kayake nin ka gonoe, i tarsa imon nidowo mine kitene, Yisa nin so kitene. ⁸Ngbardangg nanite nonkuzo imon mine libauwe, among tutuung kezze tilang nace inonkuzo libauwe.⁹Ligozin nanite na iwa din nbun in Yisa nin na lenge na iwadi dortughe, jartiza kang, i woro. (Hossana) Liru udu kiti Nsaun Dauda! Unan mmariari ame ulenge na adin cinu nanya lissan Cikilari. Hosanna udya!" ¹⁰nKubi kongo na Yesu wa piru Urushalima, vat kipine wayissin dang, "Ghari ulele?" ¹¹Ligozin nanite kawa, "Yesuari ulele, unan liru nin nuu Kutelle, na ana nuzun Galili."¹²Na Yesu npira ukaikali Kutelle, akoo ale na idin sessu ilesse nya kaikale atunna awufuzu atebur na nan kpillizu nikkurfung ghe nan niti lisosin na nan lessu na tattabara. ¹³Aworo nani, "Ina nyertin, 'Kilari nighe iba yicu kinin kilarin nlira,' inani kpilaa kinin ki so lii na kir." ¹⁴Aduuwe nanan kentu daa kitime nyan haikali, a shino nin ghinu.¹⁵Na udya na priest nin na nan nyerte inyene imon izikiki na a suu, na ilanza nono din teit nyan haikali idin belu, "Huzana kitin gonon Dauda," nibinei mine nana. ¹⁶I woroghe, "Ulanza ile imon na anile alele din bele?" Yesu woro nani, "Ee! Na anun sa karanta baa, 'Na iyiru liruu din nucu tinuu nnono nibebene nin ninese baa'?" ¹⁷Yesu suun nani anuzu kipine adoo Ubetani adi moru ku.¹⁸Nin kui ding-ding ghe na akpilla nya kipine, awadin lanzu kukpon. ¹⁹Libau we ayene ku ca kupal, adoo kiti kunin, na ase imonku ba sei afa, awore kuce, "Sali gang na iwa se kumat kiti fe ba." Kitene kuca kupule tunna ku koto.²⁰Na nono katwa we inyene nani, imone taani zikiki i woro, "Inyizyarin ntaa kuca kupul koni mba tunna ko koto kite?" ²¹Yesu kawa aworo nani, "Kidegen inbelin minu, i wa dinin kidegen na ikosu nibinei ba, naiba suu ile imon na ina su ku ca kupule kune cas ba, iba bellu likup lole caccana udyun nyan mmen, tutung uba soo nanin. ²²Asa iyinna vat nile imon na itirina nya nlira iba seru."²³Na Yesu ndaa nyan haikali, udya na priest nin nakune na nite daa kitime, a ayitan ndursuzu aworo, "Na yapi akarari udin su ile imone? tutung ghari nafi lolikare?" ²⁴Yesu kawa aworo ani, "Meng wang ba tirin mi nu utirinu urum, anun wa belli meng wang ba bellu minu sa likara nghari ndin suu ile imon.²⁵Ubaptisman Yohanna-uwa nuzun weari, unuzu kitene sa nanit?" Igbondilo na timine, iworo, "Tiwa woro, 'Unuzu kitene,' aba woro ari, 'Inyan ghari wa ti na iyinna nin ghe ba?' ²⁶Tiwa woro unuzu nati, 'Tilanza fiu ligozin,' bara na vat iwa yene Yohanna kufo unan kadura." ²⁷Ikawa Yesu ku iworo, "Na tiyiru ba." Ame wang woro ani na meng ba bellu minu sa nya na kara nghari meng din su ile imone ba.²⁸Iyanghari ukpilzu mine? Unit nin nasaun a ba, adoo kiti kin funu aworo, 'Usaun can kuneng kitimone udu su kataa.' ²⁹Usaun kawa aworo, 'Nan ba duba,' na akpilza kibinei me anyaa udu kunene. ³⁰Unite doo kitin saun unbee abellin ghe fo unan infune. Ule usaune kawa ghe aworo, 'Mba du, Cikilari,' na adoo ba.³¹Nya na saun abe uyemeari wa poo ucif me liburi?" I woro, "Unan finu." Yesu woro nani, "Kidegennari in belin minu, anan sessun gandu nin nakilaki ba yarin minu npiru kilari Kutelle. ³²Yohanna wa dak kitimine nin libau lilau, na iyinna nin ghe ba, anan sessun gandu nin na kilaki yinna nin ghe, anun tutung, na iyene ileli imone, na iba cino alapi mine idan se kubi iyinna ninghe ba.³³Lanzan nton tinan tigoldo, umong unit wa duku, unite nin kuneng gbardang, a bilsa a ca ku anin kee udanga ku, awuzu kuu kaciso ku anin kee kutii ncaa ku, anaa kibala kunin, anin nyaa udu mmon mmin. ³⁴Na kubi kusane ndaa susut, atoo aciin me kiti na nan kataa we inighe kumat na ce.³⁵Anan kataa kunene kifo aciin me, ifo warun, imolo umong nannyee inin kunene kifo aciin me, ifo warun imolo umong nannyee inin tasa umong nin na tala. ³⁶Tutung unan kunene too among aciin me, ngardang mine kata anan finue, anan kataa kunene suu nin ghinu fo anan finue. ³⁷Nkatu nani, unan kunene too usaun me kitime, aworo, 'Iba ghantinu usauni ghe gongong."³⁸Na anan kataa we nyene usaune, I woro nati mine, 'Usau nare ulele. Dan timolu ghe ti li ugadu me.' ³⁹Inutung ghe nya kunene, inin imolo ghe.⁴⁰Neenee kubi koo na unan kunene nwadak, nyan gharai aba suu nin na nan kataa kunene?" ⁴¹Anite woroghe, "Aba molu anan kataa ananzang anee nya libau nsalin kune kune, anin ni kibala kunene kiti nameng, anit ale na iba biu ikurfung kubi ko na imon kunene nyini."⁴²Yesu woro ani, "Na ikaranta nyan litape ba, 'Litala lo na anan makeke na nari linnare nda soo liti ne. Ilele unuzu kitin Cikilari, tutung udi zikiki bite?'⁴³Bara nani nbelin minu, iba seru kutii tigoo Kutelle kitimine ini mmin moo na ini maa kazuzu minin kolu kumati te. ⁴⁴Vat nle na deo kitene litala lole aba putuzu agir-agir. Ulenge na litale ndeo litime liba jazilinghe.⁴⁵Na udya na priestoci nin na Farisawa nlanza too tinan tigoldue iyinno adi nliru natimine re. ⁴⁶Ko kobe kubi ko na asa imala ukifu ghe, asa ilanza fiu ligozin na nite bara na anit gbardang nyira ghe ame unan nliru nin nuu Kutelleari.

¹Yesu kawa anin lira nani nin tinan kuguldo tutung, abenle, ²"Kilari tigo Kutelle masin umon unit na awa su usaune ubuki ni lumga. ³A too a cin me idi yicila ale na a wa duru nani ilumge idak, na ida ba.⁴tutung a too among a cin, abenle nani, 'Benlang ale na ina duru nani ilumge, "Yenen, mmalu kanju imonle. Ina nan niyin nighe i malu basu, vat nimong nmalu zuru. Dan kiti nilumge."'⁵Bara nani na anit an nda ba. Among kpila udu anenmene kagisine kpila udu kitin lesu nin sesu mene. ⁶Amen ta acin me imancing, inin molo nani. ⁷Bara nani ugowe nana ayi. A too anang likum me idi mulsu nani, inin juju kagbire.⁸Anin woro na cin me, 'Ilumge din cinu, uzuru tutung ale na ina belin nani na ida ba. ⁹Bara nani can kitene tibau idi beleng vat ule na iyeneghe adok kitin nilumge.' ¹⁰A cine do kitenen libauwe idi yicila va nle na iyeneghe, anit a acine nin na le na idi acine ba, bara nani kutii nilumge wa kula gbem nin nanit.¹¹Bara nani na ugowe nda aba da yenu ale na ida kutii nilumge, a yene umun ule na awa shon kultuk nilumghe ba. ¹²Ugowe woroghe, 'Udundun, utiza iyiziyari upira kikane sa kulutuk nilumge?' unite yisina nin kutike.¹³Ugowe nin woro na cin me, 'Teren unit ulele nacara nin nabunu i tuughe ndas nanyan nsirti, kika na ama gilu nin talu nayini.' ¹⁴Bara na anit gbardang na iwa yicila nani ma cunghari ina fere."¹⁵A Farasiyawa non do idi mune atee ikye inda na ima kifu Yesu nanyan nliru me. ¹⁶Inin too ghe nono katwa mene, ligowe nan na Hirudiyawa. I woro Yesu ku, "Kumalami, ti yiru fe unan kidegenari unin din dursuzu tibau Kutelle nanya kidegene, tutung na umong ma wantinfi ubenlu kibinai fe ba, na udin feru anit ba. ¹⁷Bara nani benle nari iyanghari udin kpilizu? Ukari i ugandu kitin Kaisar ra sa babu?"¹⁸Bara nani Yesu yino nibinai ni nanzan mene anin woro, "Iyarin ta idin dumuzuni, anu anan kinuu? ¹⁹Duruni fikurfunghe." Inin da nin fikurfunghe kiti me.²⁰Yesu woro nani, "Kuyelin ghari nin lisa di kiteme fikurfunghe?" ²¹Iworoghe, "Kaisar." Yesu nin woro nani, "Bara nani nang kaisar ku imon ile na idi Kaisar, in Kutelle tutung imon ile na idi in Kutelle." ²²Na ilanza nani, ikifo ti nuu mene. Inin sunghe iya.²³Liri lole amon a Sandukiyawa da kitime, ale na ina woro na ufitun kul duku ba. I tiringhe, ²⁴i woro, "Kumalami, Musa naworo, 'Unit wa ku na amara go ba, gwane yira uwane a se nono ku bara gwane.'²⁵Linwana kuzir wa duku, unan burne ku na asu ilumge, na ase nono ba. A suna gwane uwane. ²⁶Unan mbe ta nafo ame, nanere unan tat udu unang zure. ²⁷Kimal mine vat, uwane da kuu. ²⁸Nene lirin fitun nyii, uwanin ghari ba yitu nanya mene? Bara na vat mene wa yininghe nafo uwani."²⁹Bara nani Yesu kawa a woro nani, "I tana bara na iyiru uliru Kutelle sa likara me ba. ³⁰Bara na nin fitu nanan kull, na ilumga ma yitu ba a na ima nizu ilumga ba. Nnu nani, ima yiti nafo anan kadura Kutelle kitene kane.³¹Bara ubelen nfitu nanan kull, na isa yene nanya niyerte ile imon na i wa beleng minu nuzu Kutelle, ³²'Mere Kutellen Ibrahim, Kutellen Ishaku, nin Kutellen Yakub'? Kutelle na Kutelle na beari ba, bara na Kutelle nanang nlai yari." ³³Na ligozin na nite nlanza nani, ikifo tinuu nin ma dursuzu dursuzu me.³⁴Bara na a Farisiyawan nlanza au Yesu ntursu ti nuu na Sandukiyawa, i pitirino ati mene kiti kirum. ³⁵Umon nanya mene, ulauya, tiringhe a dumunghe- ³⁶"Kumallami, lome liduari lidya nanya na du fe?"³⁷Yesu woroghe, "'U ma ti usu ncif Kutelle nin kibinaife, nin kidowe fe vat nin kibinai fe.' ³⁸Uleleunare udyawe nin unburne.³⁹Un be masin ulele-'Uma ti usun nang kupoo fe nafo litife.' ⁴⁰Kitene na le adu abere uduke sosin ku nin liru nin nuu Kutelle."⁴¹Nene na a Farisiyawa wadu kiti kirum, Yesu tirino nani. ⁴²A woro, "Iyanghari idin kpilizu nin Kristi? Gonon ghari ame?" I woroghe, "Gonon Dauda."⁴³Yesu woro nani, "iyarin nta Dauda nanyan Ruhu din yecughe ucef, a benle, ⁴⁴'Ucef uworon ncef nin, "Suu ncara uleme ning, saide nta anan nari fe imon patilu na bunu fe.'"⁴⁵Andi Dauda din yicu Kristi ku 'Ucif', a ta iyiziari a so Gonon Dauda?" ⁴⁶Na umong ula kawughe imon ba, na umong kuru a tiringhe imomon tutung ba uworu lire.

¹Nin nani, Yesu su uliru ligozi, nin nono katwa mye. ²A woro, "Anan ninyerte nin na Farisiyawa, asa iso kiti lisosin Musa. ³Bara nani, vat nile imon na ibellin munu isu, suun inin kin yenje, na iwa su adu mine ba. Bara inung di nbellu, na idin su inin ba.⁴Nanere, asa itere kutura ku getek, kun nijasin inyaunu, inin tarda anit nabandang, inung atimine na iba dudu nin ticin bara iyaun ba. ⁵Vat nadu mine idin su, anit nan yenje nani, asa ikye ilaya gba gbardang, inin ta alutuk ajangaran.⁶Idinin su niti lisosin tigo kiti nbuki, nin kiti lisosin nago nanya kutyi nlirag, ⁷nin nilip tikune nanya nkasu, anit yicu nani 'Unan yiru'.⁸Bara anung na iwa yicu munu 'Unan yiru', bara idinin nnan yiru warumari, vat mine linuanari. ⁹Na iwa yicu unit nanya inyi Ucif mine ba, bara tidi nin Ncif warum, amere ule na adi nanya kitene kani. ¹⁰Sa iyicu munu 'Unan dursuzu', bara idinin nnan dursuzu warum, ame Kristi.¹¹Ame ulenge na adi udia nanya mine, na aso unan su munu katwa. ¹²Vat nlenge na aghantina liti mye, iba toltunghe, nin vat nlenge na a toltuno liti mye iba ghantinghe.¹³Kash anughe, anan ninyerte nin na Farisiyawa, anan rusuzu nati, anung ntursu kipin tigo Kutelle kiti nanit, na anung ati mine npira ba, a na iyinna ale na idinin su pire, ipuru ba. ¹⁴Kash anung, anan ninyerte nin na Farisiyawa, anan rusuzu nati, idin bolusu nalari nawani ale na ales mine na kuzu, inani din dursuzu ati mine kiti nlirag mijangarang bara nani iba seru uca nkul udia. ¹⁵Kash anung, anan ninyerte nin nafarisiyawa, bara asa idoo kurawa nin kutyin, npiziru anan dortu Kutelle, iwa se, asa ukuru itaghe aso gono nlahira nafo na anung atimine di.¹⁶Kash anung anan ninyerte nin na Farisiyawa, anung na ina woro, 'Vat nlenge na asillo nin kutyi nlirag, na imomo nari ba, vat nlenge na a sillo nin nazurfa kutyi nlirag, isillin ntere ghe.' ¹⁷Fe uduu ulalang, iyaghari katin, azurfe sa kutyi nlirag na kuna kussu fi azurfe?¹⁸Nin nworu, vat nlenge na asillo nin bagadi na imomonari ba, bara vat nlenge na asillo nin nfillu na udi kitene, isillin in tereghe. ¹⁹Anung anit aduu, Iyaghari katin, ufille sa ubagadi na nnere na kussu ufille?²⁰Bara nani, vat nlenge na asillp nin nbagadi, asillo nin vat nimon ile na idi kitene nbagade. ²¹Ame ule na asillo nin kutyi nlirag, asillo nin kunin nin nlenge na asosin nanya kunin. ²²Ame ulle na asillo nin kitene kani, asillo nin kutet tigo Kutelle ninghe ule na asoson kitene.²³Kash anung anan ninyerte nin na Farisiyawa, anan rusuzu nati, idin nizu uzakka vat nimon kunen, ina suna litino nimone, kidegen usu gegeme, uyitu dert, ile imonere caun isu, na iwa fillin inin ba. ²⁴Anung aduu, fe ulenge na asa ifillo kajiji kacing, ina milla kulonkomi.²⁵Kash anung anan ninyerte nin na Farisiyawa, a sa ukusu mamal kakuk nin kishik, ina suuna nanye nin ndinon. ²⁶Anung Afarisiyawa aduu, burno ukussu nanya kakupe nin kishik, bara uddase nan da yita lau tutun.²⁷Kash anung anan ninyerte nin na Farisiyawa, anan rusuzu nati, anung di nafo nisek nibo pert, alenge ndase idin yenju gegeme, nanye kullun nin nakuu na nan kuzu, nan nimon nsalin nlau. ²⁸Nin nanere, asa anung ndase inuzu anit alau, udu nanye ikullun nin rusuzu nati nin kulapi.²⁹Kash anung anan ninyerte nin nafarisiyawa, bara din nkye nissek na nan nliru nin nnu Kutelle, nin su nissek na nan fiu Kutelle kuyok. ³⁰Anung sa iworo, 'Nda tiwa duku nayiri nacif bite, na tiwa munnu nanghinu nanya ngutunu nmyi, na nan nliru nin nnu Kutelle ba.' ³¹Bara nani, anung nsheida atimine, nworu anughere nono nalenge na iwa mollu anan nliru nin nnu Kutelle.³²Anung tutun ba kullunu kagisin kulapi nacif mine. ³³Anung iyii abuni, inung isudun niyii, iba ti iyiziyari isortu kiti nwucu kidegen nin kilari nlah?³⁴Bara nani, yenen ntoo munu anan nliru nin nnu kutelle, anit ajinjin, nin na nan ninyerte, among nanya mine iba mollu nani, ibana nani kutca, amon nanya mine iba kpizu nani nanya kutyi nlirag, ukoo nani kagbir udu kagbir. ³⁵Kiti minere alakin nmyi nanan fiu kutelle, mongo na iwa gutun inye, uyiru nmyi Habila unan fiu Kutelle, udu nmyi zakariya usaun Barikiya ulenge na iwa mollughe, kiyitik, kiti nlirag nin nbagadi. ³⁶Kidegen Meng nbellin munu, vat nile imone base kuji kone.³⁷Urushelima, Urushelima, fe ulenge na udin mollusu anan nliru nin nnu Kutelle, idin filisu na ina tuu nani kiti mine, iyanghari uworsu ndinin su npitirin nono fe, kiti kirum, nafo kukuru na asa pitirino nono mye, nagilit mye, bara nani, inani nari! ³⁸Yenen nilari mine ba lawu ni lem sa anit. ³⁹Bara Meng nbellin munu, na iba kuru iyenei ba nene udu ubun, se iworo, 'Unan nmariari ule na aba dak nanya lisa Ncikilarie.'"

¹Yesu nuzu nanya kutii nlira a tunna ncin me; non katwa me da kitime ida dursoghe makeke kutii nlira. ²A kpana aworo nani, na anung din yenju ile imone vat ba? "Idin bellu minu kidegen, na litala lirum duku longo na ima sunu kitene ilong sa ukpiliwu ba."³Na aso likup in Zaitun, non katwa me da kitime likot iworo. "Belle nari, ile imone mayitu nishiyari? Iyaghari ma dursu udakfe nin nimalin inyii? ⁴Yesu kpana aworo nani. "Yenjen umon wa rusuzu minu. ⁵Bara anit gbardang ma dak nin lissa ning; ima woru 'myari Kristi', tutung ima rusuzu anit gbardang. ⁶Ima lanzu ubeleng likum nin liru likum; yenjen ayi mine wa fita, bara ilenge imone ma dak gbas a na imaline nsa da ba. ⁷Bara nmon min ma fitu nivira nin mon min, tigo kitene ntong tigo. Ima su akpon nin hirtizu nmyen niti niti. ⁸Vat ninlenge imone ma yitu ucizunu nniuwari.⁹Tutung ima nin nakpu minu nacara na lenge na ima timinu ineo, imolsu minu. Uyii vat ma nari minu bara blissa ning. ¹⁰Anit gbardang ma tirzu inin lessu ati. ¹¹Anan bellu liru nin nuu Kutelle kinu ma fitu gbardang, iba wultunu anit gbardang.¹²Bara na likara linanzang bati gbardang usu nanit ma ti camcam. ¹³Vat ulenge na a tere kibinayi nanya neu udu imalne, amere ma se utucu. ¹⁴Ule uliru umang nbelleng kipin tigo Kutelle ima su unin nyii vat unan so kutuf kunba timin timin vat; imaline ma nin dak.¹⁵Nene asa iyene adadu an fiu, alenge na Daniel unan liru nin nuu Kutelle wa bellin, yissin nanya kiti kilau, (na unan bellu niyerte yinnin). ¹⁶na alenge na idi in Yahudiya cum udu akup. ¹⁷na ame ulenge na kitene kutii kitene nwa tolu adi yiru imonmong nan nya kilare ba. ¹⁸ame ulenge na adi kunen na awa kpilin kilari ada yiru ugudun ba.¹⁹Ushe nawani alenge na ima yitu nin naburi, nin nalenge na ima yitunmazunun nono kubi kone! ²⁰Sun nlira na ucum mine waso nin kubi likus sa liri na Sabbat ba. ²¹Bara uniu ma yitu kang, umusun lenge na isa su unin ba tun ucizunu inyii udak kitimone, ana imakuru isu umusun nnin ba. ²²Sasa na ima canu ayiri ane ba, na unit wase utucu ba; bara alenge na ina fere, inani ma canu ayiri ane. ²³Asa umong woro minu, yeneng Kristi ule; sa a "Kristi uni" na iwa yinin ba. ²⁴Anan kinuu nKristi nin nanan liru nin nuu Kutelle kinuu ma dak isu imon fiu izikiki gbardang, iwultun anit libau, umunu wang alenge na imal ferui nani. ²⁵Yenen nbellin minu a kubi dutu sa udak²⁶Bara nani, iwa bellin minu, "yenen, Kristi di nanya kusho," na iwa nuzu udue ba, iwan woro minu, adi nanya kutii limot, na iwa yinin ba. ²⁷Nafo na umalzinu kiti asa unya kusari kitene udu kadas, nanere wang udak in Saun in Nit ma yitu. ²⁸Kikanga na libi nonku kikanere agbulluk ma pitirnu ku.²⁹Kimal na leli ayiri nniuwe uwui ma siriu, na upui mani nkanang me ba, iyini ma dissu unuzu kitene kane, akara kitene kani ma zullunu kidowo.³⁰Udursu kulap ndak in Saun in Nit ma nuzu kanang kitene kani, vat tilem inyii ma su tiyom. Ima yenu Usaun Nnit din cinu nanya nawut kitene kani nin likara a ngogong midya. ³¹Ama nin tu nono kadura me nin liwui kulangtung kanan, inung manin pitirunghe anit alau me na sari anas vat kiti kirum, unuzu nlo ligang kitene kani udu loli liganghe.³²Sen uyinu nimoimon kiti kuca kupau. Asa ulang in nutuno tifa tipese, yinnon kussik nda susut. ³³Nanere wang, asa iyene ile imone, yinnon nworu a daduru, adi susut nin kibulunghe.³⁴Kidegennere nbellin minu, na ko kuje ma katu ba, se ilenge imone nse ukulu vat. ³⁵Kitene kani nin kadas ma katu, a na uliru ning ma katu ba.³⁶Ubellen nwui une nin kube na umong yiru ba, umunun inung nono kadura kitene kane, sa Usaunne, Uciffere cas yiru.³⁷Nafo na ayirin Nuhu wadi, nanere ma yitu udak Nsaun Nnit. ³⁸Nafo aleli ayirin kulu nmyen inye wa dutu sa udak iwa din li iso, ipilla awani a iniza a shono mine nilugma udi duru lire na Nuhu wa piru uzirge, ³⁹na iwa yiru imoimon ba nmyene da kulo uye umila nani, nanere ma yitu udak Nsaun Nnit.⁴⁰Ima se anit naba kunen; ima yiru unit urum, i sun urum. ⁴¹Awani aba mayitu tiyazun; ima yiru urum, isun urum. ⁴²Nanya nani sun lisosin nca, bara na iyiru liri longo na cikilari mine ma dak ba.⁴³Yinnon ulele, Cikilari nwa yiru kubi kongo na ukiri din cinu, ama su uca na ama yinnu i puro kilae ipira ba. ⁴⁴Nanere anung wang imasu uca bara Usaun Nnit ma dak kubi kongo na ima yiru ba.⁴⁵Ani ghari kucin kone kujijing, na kuyina cikilari me tighe in yenju ngame, anan niza nani imonli mine nanya kubi dert? ⁴⁶Unan nmari ari kucin kone, ulenge na cikilari me ma dak ada seghe nsu nani. ⁴⁷Nbellin minu kidegene cikilari une ma tardughe kitene nvat nimon ilenge na a dimun.⁴⁸Andi kucin kunanzang nworo nanya kibinei me. Cikilari nigye ndandauna; ⁴⁹anin cizin ufo nadon licinme, anin li aso nin nanan so nadadu, ⁵⁰Cikilari kucin kone ma dak liri longo na kucin kone nceo kibinei ku ba, ⁵¹Cikilari me ma kifigye a fogye anin ceo gye urume nan nanan rusuzu nati, kikanga na kuculu mayiti ku nin nyakku nayini.

¹Kipin tigo Kutelle masin nafo abura kulidi alenge na iwa yiru ti pitilla i nya udun di zuru nin kwanyana nkifu kudan. ²An wa taun nanya mine wa di alalang, an wa taun yita jijing. ³Kube na abura alalangye wa yiru tipitilla mine na iwa yaun nmon nuf ugang ba; ⁴Inung abura ajijingye wa min amon abo nnuf ugang.⁵Nene na kwanyana kifu kudangye wa molu kubi, vat mine gbishizino i tunna nmoro. ⁶Nanya kiitik kitik, ilanza ntet, yeneng, kwanyana nkifu kudangye! Nuzun udas idi zuro nangye.'⁷Abura ane tunna ifita vat i ngaatizina tila tipilla mine. ⁸Alalangye woro na jijijngye, fulonnari nnuf mine bara tipitila bite din cinu ubicu.' ⁹Inung ajijigye kawa nani i woro, Tidin yenju na mima batiinu nari ligowe na ghinu ba, nbara na can kiti nanan lessu idi seru min mine.¹⁰Na inuzu ucin dun di serue, kwanyanan kifu kudane da, inung alenge na iwa di nin nimon mine vat pira kitin teru nilugme nan gye, ¹¹kimal nane inung aleli abura da iworo, Cikilari, Cikilari, puno nari kibulung.' ¹²Akpana a woro, 'kidegenere ndin bellu minu, na nyiru minu ba.¹³Sun uca bara na i yiru lirei sa kubi nsame ba.¹⁴Umasin nafo kube na unit din cinu ucindu imon nmin; ayicila a cinme a kosso nani imon nacara me. ¹⁵Umong anagye ti talents ti taun, umong anagye iba, umong tutung anagye tirum, kogha aw nigye cot nin likara m, anin nya udun cinme. ¹⁶Na nin molu kubi ba, unan nitaune nya, adi kpliza acara mun, ase imon itaun kitene.¹⁷Nanere wang ame ulenge na awa seru iba wase imon iba kitene. ¹⁸Ame ulenge na awa seru firume wa nyagye, adi wuzu kuwu nanya kutii, a nyeshe ikurfun ncikilari me ku.¹⁹Na kubi nkata gbardang cikilari na cin ane kpilla, ada batiza ikurfun me nan ghinu. ²⁰Kucin kongo na kuwa seru itaun da ada kurtuno imon itaun kitene; a woro, cikilari, uwa nii ti talents ti taun. Yene, nna se ukpinu nimon itaun kitene. ²¹Cikilari me worogye, gaja kang nin katwa, kucin kugegeme nin lidu licine! Usu lidu licine nanya nimon cing. Meng ma tifin yenju nimon gbardang. Pira nanya liburi libo ncikilarife.²²Kucin kongo na kuwa seru iba da ada woro. 'Cikilari, uwa nii iba. Yene, nse ukpinu nton ti talents tiba kitene! ²³Cikilari me worogye, 'gaja kang ni katwa, kucin kugegeme nin lidu licine! Usu lidu licine nanya nimon cing. Meng ma tifi uyenje imon gbardang. Pira nanya liburi libo Ncikilari fe.²⁴Kunin kucing kongo na kuwa seru firum da ada woro. 'Cikilari. Men yiru fe unit ulenge na idin kpilizu fi ba: udin pitiru kiti kanga na ubilisa ku ba, udin bassu kiti kanga na ukpewu ku ba. ²⁵Meng wa lanza fiu, nmini wa do ndi nyeshe fi talent fe nanya kutyen. Yene, kutura fe kongo.²⁶Cikilari me kawa aworogye, fe kucin nla liburi ni kugballa, fe yiru ndin pitiru bkiti kanga na nna bilissu ku ba nbassa ki kanga na nna npui ku ba. ²⁷Uwanani ukpilizu nacara nin nikurfu, kubin sa nigye nwa seru ikurfun nigye nin nmyen kitene.²⁸Bara nani seren fi talente kitime ini ulenge na adi nin ti talents kulidei. ²⁹Vat nle na adi ni nimon, ima kpingye ku gbardan. Ame ulenge na adu mun ba, ilenge na adumune wang ima seru. ³⁰Gbudulnong inin tecu kucin kuhem kone i filing nanya nsirti mi bibit, kikanga na ama su kuculu nin nyakku nayini ku.³¹Kubi kongo na Usaun Nnit ma sa nanya ngongong ligowe nin nono kadura me, ama so kutet ngongong tigo me. ³²Ima nin pitirunu anit timyin timyin vat nbun me, ama nin wucu anite ngangaang, nafo na unan libya asa akoso akam nanya niyiin. ³³Ama ciu akame ncara ulime me, a niyine ncara ugule.³⁴Ame Ugowe mani nin woru na lenge na idin cara ulime me, Daan, anung anan mmari Ncifning, leon ugadu kipin tigo kanga na iwa kyeminu mun, nworu kubi ntunun nyii. ³⁵Bara na nwadi nin kukpon, inayi imonli; Nwadi nin kotu nayi inayi nmyen nsonu; Nwadi limari ipiri kutii; ³⁶Nwadi fisere, ishoni imon; Nwadi nin konu ida lissai; in yita licin ida kitinigye.³⁷Inung anan katwa kacine ma kawu i woro, 'Cikilari, ninshiyari tiwa yenefi nin kukpong tinafi imolin? Sa nin kotu nayi tinafi nmyen? ³⁸Sa inweri tina yenefi limara, tinafi kutii? Sa fisere tishonfi imon? ³⁹Sa nishirari tina yenefi nin konu, sa licin tida kitife? ⁴⁰Ame Ugawe ma kawu aworo nani. Kidegenere idin bellu minu, imon irika na ina su unit urum nanya na bebene linuananing, myeri ina sui.⁴¹Ama woru alenge na idin cara ugule me, cancanan kuponing, anung anan tin nnu, pira nanya nla sa ligan ulenge na ina kye unin bara shintan ku nin nanan kadura me, ⁴²bara na nwadi nin kukpon na inayi imonli ba; Nwadi nin kotu nayi na inayi nmyen ba. ⁴³Nwadi limari na ipiri kutii ba; fisere na ishoni imon ba; nin konu a kutii licin, na ida lissai ba.⁴⁴Inung wang ma kawu iworo, 'Cikilari, tiwa yenefi nweri nin kukpon, sa nin kotu nayi, sa limara, sa fisere, sa nin konu, sa kutii licin na tisufi imonmong ba?' ⁴⁵Ame manin kawu nani awor, 'kidegen idin bellu minu, bara na ina su ko unit urum nanya nabebene alele imon irum nanya ni lenge imone ba, myeri na ina sui ba'. ⁴⁶Inung alele ima nyiu udu piru nanya nniu unsa lingang a inung anan katwa kacine udu nanya nlai unsa ligang"

¹Kube na Yesu wa malu ubellu nliru une vat, a woro nono katwa me. ²"iyiru upaska nlawa ayiri abari cas, ima nakpu Usau Nnit ikotinghe kitene kuca."³Ugo na Priest nin nakune nbun nanite wa da pitirin kiti kirum kudaru Ngo na Prieste, ulenge na iwa yirughe nin lissa Kefas. ⁴Ligowe ipizira tibau nworu ikifo Yeso ku imolughe likire. ⁵Iwa din bellu, " Na kubin idi paska, bara iwa fya anite ayi."⁶Kube na Yesu wa di in Baitanya ngan Simon ukutulu, ⁷na awa sossin kiti nli nimonli, umong uwani da kitime nin libo nnuf kunya kumang min nikurf gbardang, a kpilya minin litime. ⁸Na nono katwa me in yene nani, ayi nana nani i woro, "Nyaghari finu nka kimole? ⁹Iwa lewu mini nin nikurfu gbardaang ikoso nikimon."¹⁰Yesu nin yiru nane, a woro iyaghri nta idin bukuru nwani ulele kibinayi? Bara asuyi katwa kacine. ¹¹Idi ligowe nan nikimone ko kome kubi, na meng ma yitu nan ghinu ko kome kubi ba.¹²Ule ukpilyu nnufe kidowe na asuyi, asu nani a kelei bara ukassu nigha. ¹³Nbelin minu kidegen, kiti kanga na ima su ulenge uwaze ku nanya lenge uyeh vat, imon ilenge na uwani ulele nsu ima bellu unin inan lizino nighe.¹⁴Umong nanya likure, ulenge na iwa yicughe Yahuda Iskaroti, ado kitin Ngo na Priest ¹⁵aworo, "Imashinari ima ni meng nakpa minu ame?" Ibataghe azurfa akut atat. ¹⁶Atunna ipizuru ndina ule na ama nakpu nani ame.¹⁷Lirin ncizunu nli fungal nsalin muccu, nono katwa me da kitime iworoge, "Weri udi nin su tidi kyele bara uli npaske?" ¹⁸Aworo, "Can kitin mon unit nanya kipine iworoghe, 'Cikilari nworo, "kubi nighe nda duru. Meng ba su upaska ngafere ligowe nin nono katwa nighe" ¹⁹Nono katwawe su nafo ubellu me, I kyele imonli Npaske.²⁰Na kubi kuleleng nta, aso ama li ligowe nin nono katwa me likure. ²¹Idi nanya kilewe, aworo, "Ndin bellu minu kidegen umon nanya mine ma lewui." ²²Ita aburi asirne kang, kogha nanya mine tiringhe, sameri Cikilari?"²³Akawa aworo, "ulenge na adin sho ncara kishik kirume nin mi amere ma lewui. ²⁴Usaun Nnit ma nyiu nafo na ina yerti litime. Kash nnit ulenge na ama liwu Usaun Nnit! Uma katinu unit une nin caut na iwa na marughe ba." ²⁵Yahuda ulenge na amere ma lewughe woro, "Sa menghari unan dursusu niyerti?" Aworoghe, ubelle nin litife."²⁶Na iwa di kilewe, Yesu yauna ufungal, ata nlira ku, a pucco unin. Ana nono katwa me unin aworo, "Seren, leon. Kidowo nighari."²⁷Ayauna kakkuke ata nlira ku, a nakpa nani aworo, "Sonon, vat mine. ²⁸Mone nmii nalikawali nigharibmongo na ina gutun bara gbardang na se ukusu nalapi. ²⁹Ndin bellu minu, na nma kuru nsono nmyen kumat kuce ba, se loli lire na nma sonu minin mipesse nan ghinu nanya kipin tigo Ncif ning."³⁰Na ita avu nimalin, inuzu inya ucindu likup in zaitun. ³¹Yesu woro nani, "kyitik kane vat mine ma tiru bara meng, bara ina nyerti,'nma kpui unan libyawe ligo nakame ma malu kiti.' ³²Vat nani asa ifyyi, nma nyiu ubun mine udu nanyan Galili."³³Bitrus woroghe, " Andi vat min ba diu bara fewe, na meng wasa nma tiro nsunfi ba." ³⁴Yesu woroghe, meng din bellufi kidegen, nin kyitik kane kukulok mayitu kusa kolsino ba, uba woru na uyiri ba so titat." ³⁵Bitrus woroghe, Andi ma mma ku ninfi gbas, na nma narifi ba." Ngisin nono katwa me vat belle nanare wang.³⁶Yesu tunna a nya ligowe nanghinu udu nkan kiti na idin yiccu kinin Ugetsemani a woro nono katwa me, "Son kikane meng do kikani ndi ti nlira." ³⁷A yira Bitrus ku nin na saun Zabeden ligowe nanghe atunna a cizina usirzu nayi, ayime nana. ³⁸A tunna a woro nani, "Liburi nin siro bibit, nafo nku. Son kikane i yenje kiti nan mi."³⁹A cancana udu ubun bat, a deo nin nalung ata nlira, a woro, "Ucif ning, andi uwasa uso nani, na kakukkane kata kiti nighe. " Vat nani, na ubellu nighe ba, ubellu fere." ⁴⁰Ada kiti nnono katwa me ada se nani nmoro, a woro, a woro Bitrus ku, "inyaghar, na uwasa uyenje kiti nin mi kutanki kurumba? ⁴¹Yenjen kiti isu nlira bara iwa piru nanyan dumuzunu. Uruhe yinna, kidowere dinin likara ba."⁴²Ado tutung unba adi ti nlira, aworo, "Ucif ning, andi na uwasa ukata nani ba se nsono uning, na ubellu fere so." ⁴³Ada tutung ada se nani idin moro, bara iyizi mine wa ti getek nin moro kang. ⁴⁴Akuru a nya tutung, adi ti nlira uti un tat a belle uliru urume.⁴⁵Yesu da kitin nono katwa me aworo nani, "Idu nmoro nin shinua? Yeneng, kubi mal da duru, imal lewu Usaun nnit nacara nannan nalapi. ⁴⁶Fitan nari ti nya. Yenen ulenge na aba lewiye nda duru."⁴⁷A dutun nlirue, Yahuda, umong nanya mine likure da. Ligozin gbardang wa di ligowe ninghe unuzu kiti ngo na priest nan nakune nanite. Ida nin na sangali nan tica. ⁴⁸Nene unit ulenge na amere ma lewu Yeseku wa tinani udursu, aworo, "Ulenge na in nyukkunghe, amere kiffonghe."⁴⁹Ata mas ada kitin Yesu aworo, Ndin lissufi una dursuzu ninyerte! A nyukunghe. ⁵⁰Yesu woroghe, "Udondong su imong irika na uda nsue." Inughe tunna ida, i kiffo Yesu ku, i nya ninghe.⁵¹Umong nanya nalenge na iwa di ligowe nan Yesu tunna a nakpa ucara me, a shuku kusangali, a kowo kucin Ngo na Priest, a weringhe kutuf. ⁵²Yesu tunna aworoghe, kpilla ushon kusangali fe kuparinme, bara vat nalenge na idin molsu nin na sangali iba molsu nani nin na sangali. ⁵³Udin yenju na meng wasa in yicila Ucif ning, a toyi nin nono kadura me a lenge na ima katunu amui akut atat nin kutocin ba? ⁵⁴Ani iba ti iyizari uliru Kutelle kulo, nworu unan so nani gbas?"⁵⁵Kubi kone, Yesu woro ligo nanite, "I da nin na sangiali nan tica ida kifoi nafo ukirya? Ndin sozu ndursuzo anit nanya kutii nlira kolome liri, ana i kiffoi ba. ⁵⁶Vat ilenge imone so nani iyerte nanan liru nin nu Kutelle nan kulo." Nono katwa me tunna isunghe ico.⁵⁷Alenge na i kiffo Yesue ku nya nighe udumun kiti Kefas ugo na Priest kikanga na anan niyerte nin nakune wa pitin ku ligowe. ⁵⁸Bitirusa cas wa dortughe kidun piit udu kudaru nwuccu nliru ndya kutii nlirie. A wa piru nanya a so ligowe nin nan ca ayene inyaghari iba su ninghe.⁵⁹Nene udya kutii nlirie nin nanan kpilzu me vat pizira uliru bellu litime na ise Yesu ku nin kulapi, bara inan se finu nliru imolughe. ⁶⁰Na iwa se uliru ba, vat nin nan liru kinuwe na iwa da ida su. kimal nani among naba da ⁶¹I woro, "Unit ulele wor, meng wasa npuco kutii nlira Kutelle nkpila nke kunin nanya nayiri atat."⁶²Udya kutii nlire fita ayisina, aworoghe, "na udin liru ule na uma kpanu ba? Inyaghari ilele idin bellu litife?" ⁶³A Yesu yita nin kutike. Udya kilari nlira woroghe, "Ndifi kucukusu nin Kutellen lai, belle nari sa fere Kriste, Gono Kutelle." ⁶⁴Yesu kawaghe, "Ubelle nani litife. Meng bellinfi nene, udu ubun uma yenu Usaun nnit sossin ncara ulime un likara, adin cinu kitene nawut kitene kani."⁶⁵Udya kilari nlire marya kulutuk me aworo, "A zogo Kutelle. Iyaghari nta tutung ti kuru ti du nin su nmon uliru? Yeneng nene anung lanza tizogoe. ⁶⁶Iyaghari idin kpilizue?" Ikawaghe i woro, "Abatina ukul."⁶⁷Itufuzunghe ataf nmoro, ikuru iruzoghe, ifoghe tutung nin nacara mine, ⁶⁸I woro, "Sunari anabci fe Kristi. Ame ghari ulenge na a riofi?"⁶⁹Kubi kone, Bitrus wa sossin ndas nbun kutii nwuccu nlirue, nkan kabura kucin da kitime a woro. "Fewang di ligowe nin Yesu Ngalili." ⁷⁰Ata amusu kun nbun mine vat, aworo, "Na meng yiru imon ilenge na udin liru kitene ba."⁷¹Na anuzu udu kibulung, nkon kubura kucin ugan tutung yeneghe a woro alenge na iwa di kitene, "Unit ulele wang wa di ligowe nin Yesu Nnazaret." ⁷²Akuru ata amusu ku tutun nin nisiling, "Na in yiru unite ba."⁷³Nin kubiri bat, alenge na iwa yissin kitene da ida woro Bitrus ku, "Kidegenere, fe wang umong nanya minere, bara lilemfe ndursofi." ⁷⁴Atunna a cizina izogo nin nisiling, "Na in yiru unitte ba." Na nin dandaunu ba, kukulok kolsuno. ⁷⁵Bitrus lizino ulire na Yesu nin bellinghe. "Kukulok mayitu kusa kolsuno ba, uma ti umusun yiru nin titat." A nuzu ado udas adi gilu kang.

¹Nene na kitin shanta, vat na didya na priest iyawa nin na kukune na nite kpiliza umolun Yesu ku. ²Itere ghe inyaa mung idi nakpa ghe na caran Bilatus, ugumna.³Ku bi kongo Yahuda, ulenge na awa leu ghe nyene isuu Yesu ku ushara nkul, a deo kutin akurtuno ikurfunghe akut atat na iwa bya ghe na cara na priest didya nin na kune, ⁴A woro, "Nati kulapi nlewe unan myii milau, min nan sali kulap." Amma inun woro, "Ilele nsoo nyan kiti bit? Ulele ulawa ufin." ⁵Atoo ikurfunghe nya kuti nlira, atunna anuza anyaa adi bana litime.⁶Adya kutii nlire yira ikurfunghe inin woro, "Na ucaun i taa ile ikurfunghe nanya filaiye ba bara na ikurfung myii yari." ⁷I kpiliza ulire ligowe idi seru kunen nin nikurfunghe ki ka na ima kasu amaraku. ⁸Bara nani kunen kune idin yucu kunin, "Kunen nmyii" udak kitimone.⁹Nani imon ile na Irimiya na beleng i kulo, na awa woro, "I yira ikurfunghe akut atat, uparashi ule na iwa ti liti me nnuzu na nit me Israila, ¹⁰Ining na kiti kunenen, nafo na Cikilare na duru nani."¹¹Nene Yesu yisina nbun ngumna, ugumne nin tiringhe, "Fere ugo na Yahudawe?" Yesu kawaghe, "ubelle nani." ¹²Bara nani na i wa din pizirughe nin kulapi, na akawa nani imon ba. ¹³Bilatus nin woroghe, "Uku lanza imon ile na idin belu litii fe?" ¹⁴Bara nan na a kawa ligbulang lirumba, bara nani ugumne kifo unuu me.¹⁵Kubin buki mene ugadwari ugummne suun nkon kucin ko na anite fere. ¹⁶Nkuni kube i wadi nin kon kucim kugbas lisa me Barabas.¹⁷Na izuru vat kiti kirum, Bilatus woro nani, "Ghari idi nin su insun minu ame? Barabas sa Yesu ule idin yicu KKristi?" ¹⁸Bara na ayiri i wa nakpaghe bara nshinari. ¹⁹Na a wa sosin kutet nwucun nliru uwani me tooghe nin kadura a woro, na uwati imon nin kadura a woro, "Na uwati imon nin nit une ba. Bara na inneu kitimone nanya namoro bara ame."²⁰A didya kutiii nlira nang na kukune ntardu nacara kutii nlira risa ligosin na nite i woro, idi nin su Barabas, imolu Yesu ku. ²¹Ugumne tirino nani, "Ghari nan wabe idi nin su in cin minu ame?" I woro, "Barabas." ²²Bilatus woro nani, "I yari mma ti nin Yesu ule na idin yicughe Kristi?" Vat mene kawa i woro, "Kotin ghe kitene kucan nkull."²³Anin woro na nin, "Bara iyang, kulapin nyanghari ataa?" Bara nani ighantina ti uwi mene kang, "Katin ghe ku can nkull." ²⁴Bara na Bilatus nyene na a wa sa a wantina nani ba, banin nani ayene i cizina ufeuj nibinai, i yira myein, akusu acara me mbun ligozin na nite, a woro, "Na myein nin duku nin nang sali kulapi ulele. Yeneng ati mene imon ile na ima tighe."²⁵Anite vat woro, "Na nmyii me so natii bite udu nono bite." ²⁶Anin suna nani Barabas ku, aning nakpa nani Yesu ku idi kotinghe kucan nkull.²⁷A sojan gumne yira Yesu ku udu nanya kitin yisizunu kutiin nwucun nliru idi pitirin a soje vat. ²⁸I kalaghe imon kidowome vat itaghe imoon licin kidowe. ²⁹Inin kyele kitik tigoo namart itaghe liti, i taghe uca ncara uleme me inin tumunu nbun me idighe liyom, idin belu, "Ulai dandaun Ugo na Yahudawa!"³⁰I tufuzunghe ataf, i bolo ucan na cara me i kpizoghe mun kitene liti. ³¹Na imala usughe liyarne, i kala imonne na itaghe kidowe, ishonghe inme, ini nya ninghe cindi kutinu kucan kull.³²Na inuzu udas, I se umong unit kunang sirmi lisa me simon, uli na iwa boroghe iyizi a nya nanghinu bara anan yauna kucan nkull me. ³³Idaa kankiti na idin yicu Ugolgota, kite na idin sumun, "Kiti na kankang nati." ³⁴Inaghe nmyein me gbalala a sono. Na a buti minin, na a yino usone ba.³⁵Na ikofinghe ikoso imoon kito wome nin kuriya. ³⁶Inin suu idin yenju ghe. ³⁷|Kitene litime i Yertine lo ligbulanghe na li woro, "Yesuari, ulele ugo na Yahudawa."³⁸A kiri aba wa di ninghe kitene kuce, warum ncara ulime, warum ncara ugule. ³⁹Ale na idin katizu zugizoghe, idin zinlu ati mene ⁴⁰inin din belu, "Fe ule na uwadin woru uturiin atat! Tucu litife andi fe Gono Kutelleari, tolo kitene ku can nkull kone!"⁴¹Nanere adidya kutiin nlire wadin sisughe ligowe nanang niyerte nin nakukunen ntardu nacara kutii nlira, nin wor, ⁴²"Ana tucu among, na a wasa atucu litime ba. Amere Ugoon Israila. Na atolu kitine kucan nkulle, ti ma nin yinun ninghe.⁴³Ana yinin min Kutelle. Na Kutelle tucughe nene a wadi nin suwe, bara ana woro, 'Meng Gono Kutelleari.'" ⁴⁴A kire na i wa kutin nani ligowe taghe liyarin lirume.⁴⁵Nene ucizinu kubi kun tocin insirti talo nmgeine vat udu kubi kun zakure. ⁴⁶Udu kubi kun zakure, Yesu taa intet nin liwui kang a woro, "Eli, Eli, lama sabachthani?" na idin nufi, "Kutelle nin, Kutelle nin, iyarin taa usuni?" ⁴⁷Na ale na iwa yisin kupoowe nlanza nani, i woro, "Adin yicu Iliya ku."⁴⁸Kitene umong ta ucum a di yiru usoso, a lumu unin nin myein mi gbalala, ataa nca ujangaran a nakpaghe a sono. ⁴⁹Kagisin mene woro, "Sunanghe tiyene sa Iliya ba dak ada tucughe." ⁵⁰Yesu nin ghantina liwui nin teet anin suna nfep me a kuu.⁵¹Bara nani azanin kesu kiti kilau kutii nlire marta tiba unuzu kitene udak kadase. Kutine nin zuluno kang, apara martiza. ⁵²Ni sek wa pozun, abe na nit alau ale na iwa nun fitiza. ⁵³I nuzu nanya niseke na ame nfita, a pira kipin kilau, a duro anit gbardan litime.⁵⁴Nene na asoje nyene nani nan nale na iwadin yenjun Yesu ku yene uzulunu kutine nin nimonile na isee feu da nani kang inin woro, "Kidegene Gono Kutelleari kane wadi." ⁵⁵A wani gbardan na iwa dufin Yesu ku unuzun Galili inan di kye ghe waduku idin yenju vat iyisina piit. ⁵⁶Nanya mene Maryamu Magdaliya, Maryamu unang Yakub, nin Yusufu ning naa nnonon zibide.⁵⁷Na kulelen nda, umong unan nikurfung kunan Arimatiya, lisane Yusufu, ule na awadi gono kaduran Yesu. ⁵⁸Ada see Bilatus ku atiringhe kidowon Yesu. Bilatuse woro nani i ninghe.⁵⁹Yusufu yira kidowe, a gbincilo nanya mayapi ma boo, ⁶⁰a nunku nanya kisek kipese kanga na awa wuzu nanya natala. Anin tarda llitala kibulun kiseke anin nya. ⁶¹Maryamu Magadaliya nin leli Maryamu wa di kikane, i sosin idin Yenju kideke.⁶²Nin kurtunun koiye, lo na liwa kafin, lirin shiri, a didya kultiin nlira nin na Farisiyawa wa pitirin nan Bilatus. ⁶³I woro, "Cikilari, ti lizino na unang kinu kane wadi nin nlai a wa woro, 'Mbaya nayiri atat nma fitu tutung.' ⁶⁴Bara nani ta anit idi yenje kiseke udu liri lin tatte. Bara nono katwa me wada tuughe i belle anit au, 'Afita nanya kiseke.' Kinu kin mbe wa kata kin burne."⁶⁵Bilatus woro nani, "Yiran unan ncaa. Can idi kiliin kitene vat." ⁶⁶Bara nani i do idi kilin Kiseke vat, itursu litale inin ceu anan ncauleku.

¹Nene na Asabat wa cinu ukatu, a icina upiru liri lin finnun nsati, Maremu Magdalin nin leli Mareme da ida yene kiseke. ²Itunna iyene ina su uzulunu kutyin kang, bara kunan kadura Kutelle wa tolu unuzu kitene kani, ada turno litale, anin so kitene linin.³Uyenju me wadi nafo umalizunu nwuru, a imon me wa pugun nafo aduga. ⁴Anan cawe nketuzu ninfiu inin so nafo abi.⁵Unan kadura Kutelle lira nin nawane, aworo nani, "Yenje iwa lanza fiu, bara nyiru idin pizuru Yesue ku, urika na iwa kotinghe. ⁶Na adi kikane ba, amal fitu, nafo na awa belin minu. Dan ida yene kiti kanga na Cikilare wa non ku. ⁷Can mas idi bellin nono katwa me, 'Afita nanya nanan kul. Yenen amini nbun mine udu Ugalili.' Ima yenughe kikane, yenen, nbelin minu."⁸Awane tunna inya kiti kisseke nin fiu nin nayiabo kan, nin cum ndi bellin nono katwa me. ⁹Yesu tunna azuro nan ghinu aworo, "Ishawan." Awane da, ikpa abunu me, inin sughe usujaida. ¹⁰Yesu nin woro nani, "Yenje iwa lanza fiu. Can idi bellin nuana inya udu Ugalili. Kikane, ima yenii."¹¹Na awane wadi ncin, vat nanan cawe pira nanya kipine idi bellin Ugo na Prieste vat nimon ilenge ifara. ¹²Na a Prieste wa zuro nin nakune isu ulire nan ghinu, ina anan tecu natine ikurufun gbardang. ¹³Inin woro nani, "Belle among non katwan 'Yesu' na dak nin kitik ida tuzu kidowo me a arik yita nmoro.'¹⁴Asa uliru ulele nduru kitin gumna, tima sonu litime na ama su minu imonimon ba." ¹⁵Asoje sere ikurfughe, itunna isu nafo na ibelle nani isu. Uliru ulele mala kiti nanya na Yahudawa, uleo ubun tutung udak ko kube.¹⁶Ama inung nono katwa likure nin warum nya udu Ugalili, udu likup longo na Yesu wa woro nani ido. ¹⁷Na iyeneghe, isughe usujada, among yitan shaka me.¹⁸Yesu da kiti mine, alira nan ghinu aworo, "Likara vat kitene kani nin lin kutyin, inani nacara ning. ¹⁹Bara nani, can nanya nipinpin nyii idi su uwazi ise nono katwa. Ishintu nani nmyen nanya lissa Ncif, nin Saun, a Uruhu ulau.²⁰Dursuzon nani idofin vat nimon ile na nna bellu minu. Tutung yenen, Ndi ligowe nanghinu kolome liri, udu ligan nyii."

¹Ulele unighere ucizunun nliru umang un Yisa Kriti, Gono Kutellẹ. Nane nafo na ina nyer²tu nan nya niyerten Ishaya Gono kadura, ''Yene, Meng ma tu nin nan kadura nbunfe urika na aba wesufi libau. ³Liwuin nmong na adi yichu nan kusho, kelen libau NCikilare, tan udina me yita dert.''⁴Na Yuhana wa dak, awadi nshintu nanit mmyen nan nya ntene a yita kagbaran nbeleng chinu lidu linazang nin sen kusu nalapi. ⁵Kipin Yahudiya vat nan nanitin Urshalima nuzu udu kiti me. Vat mine ishitino nani mmyen nacharame nya kurawan Yahudiya, arika na iwa bellu alapi mine. ⁶Yuhana wa su kuyok nin kukpan nsup kuronkomi, a kutino me wa terin nin belt kukpa, imoli me wa di aching nin titong kusho.⁷Asu uwazi aworo, ''Umong din chinu kimal nin urika na akatini nin likara, na nbatin nwo in tumuno nbunku tii na kpatak me ba. ⁸Meng din shintu minu mmyen kurawa, ame basu minu ushitoe nin nfip Kutellẹ.''⁹Imone daso nayiri anẹ na Yisa wa dak unuzun Nazaret kusarin Galili, Yuhana da shintighe nan nya mmyen kurawan Urdun. ¹⁰Kube na Yisa nuzu nan nya mmyene, a to iyizi ayene kitene kani npuno, Nfip Kutellẹ tollo udak kitime nafo kuwullung. ¹¹Liwui tutung kuru linuzu nan nya kitene kane, ''fe'ari Gono kin nayi ning. Indi nin liburi libo ninfi kang.''¹²Nfip Kutellẹ tunna uyaunghe dedei udumun nan nya kusho. ¹³Aso nan nya kushoe ayiri akut anas, shaitan sughe ugwaji. Awa so ligowe nan ninawan tene, anan kadura Kutellẹ sughe katwa nimon irika na awadi nin suwe.¹⁴Kimalun kifun Yuhana, Yisa da Ugalili ada jarta uliru umang Kutellẹ, ¹⁵anin di du, '' kubẹ nkulo, kuti tigo Kutellẹ nda susut. Sunan alapi iseru uliru umang.''¹⁶Achina ukatu nbii kurawan Galili, a to iyizi ayene simon ku nin Andirawus gwanan Simon nawa din kifizu nibo nin nitaru me nan nya kurawe, bara na katwa mine wadi ndwanghari. ¹⁷Yisa woro nani, dofnani, nba kpiliu minu iso anan ndwang nanit asurne.'' ¹⁸Itunna ita mas iderne imon nkifizu nibowe idofin ghe.¹⁹Kube na Yisa wa chachan ubun, båt, ayene Yakubu ku usaun Zebeden nin Yuhana gwaname; iwadi nan nya zirgin mmyen iyita nkye nimon nkifizu nibon. ²⁰Ayichila nani dedei, inuzu ichino uchif mine Zabadee nan nya zirgi ligowe nin nachin katwawe na iwa yiru nani, idofinghe.²¹Nin piru mine nan nya Kafarnahum, deidai liri na Sabbath a pira nan nya kutin lira a tunnan dursuzu nanite. ²²Umamaki kifo nani nin dursuzu me, bara na awa dursuzo nani nafo ule na adin nin tigoh a na nafo adidya niyerte ba.²³Ki kane nan nya kutin lire, umong unit wa duku nin ruhu unanzang. A ta intet. ²⁴"Iyanghari nmyen feku nan ghirik, Yisa kunan Nazaret? Udå uda molu nariya? In yiru fe ghari. Fe unit ulauwari unuzu Kutellẹ!" ²⁵Yisa kpada agbergenue a woro nani, "Tan tik nuzun nan nya kidowo me!" ²⁶Na uruhu unanzaghe iyaughe ukpeo kutein, uruhu jarta nin liwui kang unin nuzu nan nya me.²⁷Anite vat umamaki kifonani, itunan tiru nanit mine, "iyaghari ilele? Udursuzu upese nin tigoh! Adin kpadizu tiruhu ti nanzang wang, inani din dortu uliru me." ²⁸Na nin molu kubi ba ubeleng me mala kiti udu nan nya vat nigbiri nkilinun Galili.²⁹Dedei na iwa nuzu isuna kuti kudya nlire, i nya idi piru ngan Simon nin Andrawus, ligowe nin Yakubu a Yuhana. ³⁰Nene ise unan wanin Simone non nin konu kidowo. Ittunna i belle Yisa ku ubelleng me mas. ³¹A tunna ado a kifoghe nchara, a fyaghe kiti linoninghe; ukone tunna uchinghe, a tunna nsunani likanju.³²Nin kubi kuleleng, na uwui ndeo, ida nin nanan tikonu vat kitime nin na lenge na idi nin na gbergenu. ³³Kipine vat da zuro ligowe kibulunghe. ³⁴A shino nin nanan tikonu ngangang gbardang, anutuzuno agbergenu tutung gbardang. Na awa yinin agbergenue su uliru ba bara na iyirughe uworsu.³⁵A mu ufitu nin kwi dinding a kiti dutu yilili a gya udu kan kiti usanme rututu, adi su nlira ku. ³⁶Simon nin nalenge na iwadi ligowe tunnan pizuru kitika na aduku. ³⁷Na iseghe, iworoghe nenge, "Vat nanit din pizuru uyenu fe."³⁸A woro ne, "channari tido nkan kiti ugang, tinuzu udu nan nya nigbiri nkilinu kipine, nnan disu uwazi kusari kone wang. Imon ilenge na ina nutuniari une nda su." ³⁹Apicha niti niti vat nan nyan Galili, asu uwazi nan nya nati nlira mine a nutuzuno agbergenu.⁴⁰42 Nkon kukutule da kitime; adin foghe nachara a tumuno nin nalun. Aworoghe nenge, " Andi uba yinnu, uwasa ushino nin mi lau." ⁴¹Yisa do susut nin kune-kune a nakpa uchara adudoghe, adi sughe, "iyinna. Talau." ⁴²Tikutule tunna ti chinghe dedei, a shino lau.⁴³Yisa kpadaghe nin likara anin nutughe mass a gya. ⁴⁴A woroghe "yenje uwa bellin umong unit, can udi durso litife kitin Priest ngma, udi ni mong ilenge a Musa na woro inuzu bara ukusu litife, inan so usheda kiti mine."⁴⁵Ana nuzu a tunnan bellu kogha ku. Unite malakiti nin lirue kang, imone ta na Yisa nse upiru nan nya kipine tap ba; adi so nan nya ntene anite nin tunnan duzu kitime unuchu niti-niti ngagang.

¹Kimal nayiri båt Yisa wa kpilin Ukafarnahum, na nin molu kubiba ulire ta bú Yisa di nan nya kilark. ²Na nin dandaunu ba, anit pitirino gbardang kite Yisa wa duku Lisosine wa di gbardang kilare kulo. Na kiti liyisin wa duku ba, ko kupo kibilun wang. Yisa belle nani uliru Kutellẹ.³Among anit nanas da nin nan riu nfunu kitin Yisa nya kilarie. Inung nanase wa yaughe kupe linoni me. ⁴Na iwa se uduru nin nite kitin Yisa ba, bara ngbardang ligozi nanit. Itunna ighana fitulleri kutiye ikulu indert kiti liyissin me. Itotino unan riun nfunne ligolong filullerue ubun in Yisa.⁵Na Yisa yene uni nibinayi mine, aworo unan riu nfune, "Gononing nkusu alapife." ⁶Among anit anan dursuzu lidu na Yahudawa wa sosin kite. Ichizina upilizu nan nya nibanayi mine. ⁷"Unit ulele din yenju ame ghari? Ule ulire tizogo Kutellẹri nin fo figiri! Kutellẹri cas wasa akusu alapi.''⁸Yisa tunna ayinno imon ile na iwa din kpiluzue nibinayi mine, a woro nani, ''inyaghari nta idin kpiluzu nile imone nibinayi mine? ⁹Uyeme ma katini nin nworo, 'Nkusu alapi fe' sa 'Nworo fita yira imon linoni fe ugya'?¹⁰Bara inan yinno Gono Nnit di nin likara in yii a kala alapi, ''abelle unan konu nfunue. ¹¹Nworo fi, fitå, yauna kupe fe, ukifo libau udu kilari fe." ¹²A fita deidei a yauna kupewe, anuzu nan nya kilare nbun na nite vat. Na iyene nani vat mine umamaki kifonani isu liru Kutellẹ, iworo, "nworu natidi na tisa yene imus nile imone ba."¹³Akuru a nuzu udu ubiu kurawa vat ligozin nanite da kiti me, a tunna in dursuzu nani. ¹⁴Na awa chinu ukatu ayene Levi ku usaun Alfiyus, na awa sosin kitin sesun gandu aworoghe, "Dofini" A fita a dofinghe.¹⁵Kube na Yisa wa din linimoli nan nya kilarin Levi, anan wewun gandu nan nanan nalapi gbardang wa sosin ligowe nin Yisa a nono katwa me in linimoli, anite na iwa di dortu ghe wa di gbardang. ¹⁶Kube na anan niyerte, ale na idi a Farisawa iyene Yisa ku sosin nlinimoli ligowe nan nanan sesun gandu a anan nalapi, iworo, "Iyanghari ta a din li nimonli ligowe nan nanan sesun gandu a anan nalapi?"¹⁷Na Yisa lanza nani a woro nani. " Anit ale na idi acine na idin pizuru kabere ba; ale na idi nin tikonari cas di nin sun kabere. Na Nna dak Nda yichila anit alauwa ba, bara anan nalapiri Nna dak."¹⁸Nonon massu katwa Yuhana nin na Farisawa wa din kotu nayi. Idå ida woroghe, bara iyanghari ntå nonon massu katwa in Yuhana nin nonon massu katwa na Farisawe dinsu ukotu nayi, na ninfi nono katwe nsue ba?" ¹⁹Yisa woro ani, ''Anwapardu wasa isu ukotu nayi a kwanyana tiyome dutu ku ligowe nan ghinue? Kwanyana tiyome nwa dutu ku nan ghinu na iwasa isu ukotu nayi ba.²⁰Ayiri ba dak na iba da yiru kwanyana tiyome kiyitek nayiri anere iba nin zu ukotu nayi. ²¹Na unit wasa a vå kupari kupese kitene kulutuk kukuse ba, kupese ba ti kukuse jarta jazi jazi.²²Na umong wasa ata nmyen narau mipese lissu kuse ba, awa su nani lissuwe ba tutu nmyen narauwe malu kiti nin lissuwe vat. Bara nani, ta nmyen narau mipese nan nya lissu lipese.''²³Liri Nasabbath Yisa pira nan nya kunen nilarum, nonon massu katwa me tunna ncin pucu nati nilarume icin leo. ²⁴A Farisawa woroghe, '' Yene, inyagharin ta idin su imon ile na icau isu liri Nasabbath ba?''²⁵A woro nani, ''Na anung na gbin nan nya niyerte ba, imon ile na Dauda nin nanit me wasu na kukpon wa nani ba? ²⁶Na awa piru nan nya kilari Kutellẹ kubi kongo na Abiyatha wadi UPriest udya, aleo ufungal ulau ule na uduka nworo na umong wasa aleo se a Priest cas; akuru ana ale na iwadi ligowe nin ghe?''²⁷Yisa woro, ''Iwake Asabbath bara unitari, a na unit bara Asabbath ba.'' ²⁸Bara Gonon Nit Chikilarairi wang un na Sabbath.

¹Yisa kuru a pira nan nya kuti Nlira kudya, umon unan kotun ncara yita nan nye. ²Idinaghe iyizi iyene sa aba shinu ninghe liri na Sabbath. Iwadin pizuru finu nliru fo na iba seghe nin tånu.³Yisa woro unan kotun chare, ''Fita u yisin kitik mine,'' ⁴A nin woro nanite, ''uchau nworu isu katwa ma gegeme liri na Sabbathe sa kananzang; isun ulaiya sa imolu?'' Itunna iso tik.⁵A gitirno ayenje nani vat nin tinanayi, bari ngbas nibinayi mine, aworon nnite, "Nakpa uchara fe." A nakpa unin Yisa tunna akurtuno uni uchine. ⁶A Farisawa nuzu deidei isu uzuru nan na Horidiyawa, i tere tinu mine urum, inan se libau nmolughe.⁷Yisa tunna a gya nin nono katwa me udu kurawa. Ligozin nanit gbardang dofino unuzun nan nya Galili nin Yahudiya, ⁸nin nuzun nan nya Urushalima, Idumiya udu duru nbun urdun udu kusarin Tayar nin Sidon. Ligozin nanit lanza vat imon ile na awa din sue, itunna ida kitime.⁹A woro nanan katwa me iceo uzirgin nmyene susut, bara ligozi nanite wa pardizughe kang, bari gbardang mine, iwa masin nafo ima turunghe. ¹⁰Ashino nin nanit kang, gbardang nale na iwa di nin tikonu ngangang wa din shò nati nwo ise ududughe.¹¹Kubi ko na anan na gbergenu wa yeneghe, nò kutein nbun me nin kuchulu, iworo, "Fe Gono Kutellẹri." ¹²A kpada ani kang nin likara yeje iwa tinani anit yinighe.¹³A ghana kitene likup, anin yichila ale na adin nin suwe itunna ida kitime. ¹⁴A fere likure nin nan waba (ale na awa ninani lisa, nono kadura), bara inan so nin ghe ligowe anan tuzo nani udun di sun wazi,¹⁵inan se likaran nnutuzunu na gbergenu.¹⁶A fere likure nin nan waba: Simon anaghe lisa Bitrus;¹⁷Yakubu usaun Zabedi, nin Yuhana gwanan Yakubu (alenge na awa ni nani lisa Boanerges, watu nonon ntutuzu); ¹⁸nin Anderawus, Filibus, Bartalamawus, Matiyu, Toma, Yakub usaun Alfiyus, Taddawus, Simon Zelotu, ¹⁹nin Yahuda Iskariyoti ule na aba lewughe.²⁰A tunna a gya udu kilari, ligozin nanite zuro gbardang tutung na ise kubi nli nimonli wang ba. ²¹Na anan game nlanza ubelenghe, inuzu udun di yichulughe, iworo kibinaye nwulu. ²²Anan niyerte na iwa dak unuzun Urshalime woro, " Adumun nagbergenu unuzun Beelzub," tutung "nan nya likara ndya nagbergenuari adin nutunuzunu agbergene mun."²³Yisa yicila nani udak kitime a belle nani uliru nin tinan tigoldo, " Iyiziari Shetan ba nutunu Shetan ku? ²⁴Kipin tigoh nwa gatizin kiwasa kiyisina ba. ²⁵I wa din woro kilari ngatizinawang, na kiwasa kiyisina ba.²⁶Andi Shetan nfita akoso litime, na awasa a se likara inyisinu ba, tutung imalin mere ine. ²⁷Na umon wasa apira kilarin nan likara a tuzu imonme sa uworo atu atere unan likare ba. Anin se likara likiri nimone nya kilare.²⁸Kidegenghari ndin belu minu, vat nalapi nanit asurne iwasa ikusu anin, umunu ngbasin nazu lisa Kutellẹ na anit din su; ²⁹Vat nlenge na alawan gbas nnanzu lisa Kutellẹ nin Fip me na iwasa i kusu koni kulape ba, uleli unite sosin nan nya ndere kulapi sa ligang." ³⁰Yisa wa belin ulire nani bara na iwa din du au "Adinin funu unanzang."³¹Uname nin nuana me da kitime ida yisina ndas. I tó iyicilaghe. ³²Ligozin sosino ikilighe, i lirina ninghe, "Naffine nin nuanafe yisin ndas, ayedi nani iyinin kiti ka na uduku."³³A kpana aworo nani, "A yaghari a nanighe nan nuananighe?" ³⁴A yenje anite na isosin na iwa kilinghe, a woro, "yenen alele re an nanigh nan nuana nighe!" ³⁵Vat nlenge na adin su imon kibinayj Kutellẹ, unitere gwananing kilime, a gwananing kishono, amere tutung unaning."

¹Tutung acizina udursuzu nani nbiu kuli. igozi nanit gbardang kilinghe, apira nan nya zirgin nmyen acha-chana udu nan nya kule, aso nan nye. Vat ligonzighe wa di mbiu kule. ²A dursuzo nani imon gbardang nin tinan tigoldo, nan nya dursuzoe, a woro nani:³Lanzan unan tibila wa nusu udu tibila. ⁴Adi tibile, imong imus disso libau, aying da zoto ining. ⁵Imong imus disso kupanbaran, bara usalin nmyin, imuse nuzu deidei, bara na nmyine wa di tendeleng.⁶Kube na uwui wa ghana, bara na nmyine wadi tendeleng kutyiene pya itunna ikoto. ⁷Imon imus disso nan nya nimart. Na imarte kuno itunna iparda ining na ita iyip ba.⁸Imon iyip disso kutyen kucine ikunjo ini yatina ita kpasharak. ining macha ita iyoli, imon akut atat, imon akut kutocin, imon akalt-akalt ikata intibile." ⁹Aworo " Ulenge na adinin natuf in lanze na alanza."¹⁰Kube na Yisa wa di usamme, ale na iwa di susut ligowe nighe nin nono katwa me likure nin nan waba itiringhe tigoldo tone. ¹¹A woro nani, "Anunghere ina ni minu uyiru nimon ilenvge na iyeshin kipin tigo Kutellẹ. Inung ale na idin das ko iyeme imon mine se nin tinnan tigoldo, ¹²Bara uyenje, eh ba yenju, vat nani iba yenu ba, bara ulanzu, eh ba lanzu, vat nani na iba yinnu ba, bara iwa kpilin kiti Kutellẹ akusu nani."¹³Aworo, "Na anung nyinno ko kugolde ba? Ibati iyiziari iyinin kagisin tigolde? ¹⁴Unan tibile wa bilsu uliru Kutellẹ. ¹⁵Imus ilenge na iwa dissu libau, inughere alenge na iwa lanza uliru Kutellẹ itunna isere deidei, asa Shetan nnin da nin kujijing me abolo ulire nan nya nibinayi mine.¹⁶Inughere ilenge na iwa dissu kitene kupanbara, inughe wa lanza uliru Kutellẹ asa itunna isere unin deidei nin nayi-abo; ¹⁷Na iwa di nin tiling liyisin nin nakara ba, asa itere ayi nin kabiri båt; na licin nin niu nda bara ulire itunna isarta ideo.¹⁸Imong ilenge na iwa bilsu nan nya nimart. Inneghare wa lanza ulire. ¹⁹nin nanere adadun inyi, nin tok kagisin nimon in yï, nin lanzu mmang parda ulire, itunna iso hem. ²⁰Ilenge na iwa bilsu kutein kucine, inneghare ilenge na iwa lanza uliru Kutellẹ isere nin liwui lirum imaca gbardang, imong akut atat, imong akut kutocin imon akalt akalt ikata intibile.²¹Yisa woro nani, "uwa ti ula inpitilla asa ucheu unin nan nya kukuzughare sa nan nya lii. komi? Asa utarda unin in tadangha. ²²Na imoimon yeshin ilenge na iwaghya idira upune ba, sa imoimon nan nya sirti na iba diru unutune ikanang ba. ²³Ulenge na adinin natuf nlanze, na alanza.²⁴Aworo nani, "Dinan atuf nimon ile na idin lanzu, kuyangi ko na uguro mun, kunnare iba guru fi mun ukuru use gbardang wang. ²⁵Bara vat nle na adinin nimon iba kpinghe ku, ulenge na asalimun, kitime ima seru ilenge na adimun wang."²⁶Yisa woro, "Kipin Tigö Kutellẹ masin fo unitari na awa bilsu imus kutein. ²⁷Asa a nö nmoro afita kitik nin liring, imuse nuzu ikuno ame löng, na asa yiro nin tikunnanghe ba. ²⁸Kutyiene asa kunutno imus nin litime ita ticilak, itunna nabaga, inin kunjo ida nutuno ati inin ta iyip. ²⁹Kubi ko na ilewe inyini, ata mass ayira kuwatan a basa bara na kubin basu. "³⁰Aworo, "iyapin imonari iba batu kipin tigoh Kutellẹ mun nin, tutung tiyapin tigoldori iba batizu mun? ³¹Timasin fo fiyip kukù, na iwa bilsu fi katin ko fiyapin fiyip nin cingiling na asa ibila kuttyien. ³²Vat iwa bilu fining nani fi nuzu, asa fi kuno, fita kucha ku dyå fi kata acha vat nan nya kunene. Asa kuta tilang jakaka kang na agyin kitene kani wang asa ida ke tido mine nan nya nshine."³³Nin tinan tigoldo gbardang nafo tone a bele nani uliru Kutellẹ, udu ligang longo na yiru ulanze. ³⁴Nin nani na awa sunani uliru sa tinang tigoldo ba. Nin nani ame ligowe nin nono katwa mere cas asa apuno nani ncasarak nlire.³⁵Lilole nin kuleleng aworo nani, channari ti kafi uleli uwule." ³⁶Itunna igya isuna ligozinghe. Nono katwa me gya ligowe naghe nan nya zirgin nmyen, bara asosin nan nya ligowe nanghinu. Ntong tizirgin nmyen wang ligowe waduku. ³⁷Fiyilili nin funu udya tunna ufita nan nya kurawẹ, tikara nmyen tunnan pichu nan nya zirge utunna ulentina ukulu nin nmyen.³⁸Ame Yisa wana din nmoro nan nya kadasi nzirge. Itunna ifyghe inin din sughe nenge, "Unan dursuzu nanit, tiba ku nan nya zirgi ulele afe nmora?" ³⁹Na azinto, a kpada ufune, anin woro kurawe, ta shew, yisina tik." Ufune tunna u kete, kurawe tunna kusina dang.⁴⁰Aworo nani nenge, "Bara iyaghari tå inani lanza fiu? Na iduu nin yinnu sa uyenu mine." ⁴¹Fiu fidya wa kifo nani iworo nati mine, "imusin yapin unitari ulele di, na ufunu nin kurawa wang din dortu uliru me?"

¹Idå ida kafina ule uwul kule, udu kon kusari nmyin nanit in Garasina. ²Nin nuzun Yisa nan nya zirgin nmyene, umong unit nin ruhu unangzang zuro ninnghe. Unite wa nuzu nan nya nisek.³Unite wa sosin nan nya nisek. na umong wa duku ule na awasa a kifoghe ba, ma ining woro iterughe nin nyang. ⁴Iwa sö ntechughe ayiri gbardang nin ni nyang nan tiseleng nabunu me. Vat nani asa a tacha inyanghe umunu tiselenghe ku. Na umong wa dutu ku nin likara nworu aterughe ba.⁵Ko kame kitik nin lirin nan nya nisek nin nakup, asa tiza ntèt ayilizuno abasa kidowo me nin natala apapat. ⁶Kube na awa tü iyizi ayene Yisa ku pït, atuna gya nin cum adi zuro nighe a tumuno nin nalun nbun me.⁷Ajarta nin liwui lidya, "Iyanghari nba su ninfi, Yisa, Gono Kutellẹ Kudindya? Umunu nin Kutellẹ yenje uwa tï nneo." ⁸Bara na Yisa wa din bellughe "Nuzu nya kidowon nnit ulele, fë uruhu unanzang"⁹A tiringhe, "Lisafe nghari?" Aworoghe "Lisaninghe libutari bara na ti karin." ¹⁰Aso nfoghe nachara aworoghe na awa nutun nani nkoni kusari nyë ba.¹¹Kikane kitene nakupe, ligö nalede wadi kileo ku. ¹²Ifoghe achara iworoghe, "Turno nari nan nya ligö nalede tipiru nan nya mine." ¹³Ayina nani mun idi piru. Tiruhu tinanzaghe tunna tinuzu tipira ligö naledẹ, itunna ilala rididi udi piru nan nya kurawa. Ngbardang ligö naledẹ wa duru amui aba na nmyenẹ wa gya nin naning.¹⁴Anan su ncha naledẹ gya nin cum uduṣnan nya kipin idi belli imon ile na ise nani, anit tunna inuzu gbardang udun ndi yenu nbelenghe. ¹⁵Ida kitin Yisa, ida yene unite na awa di nan nya tishot nagbergenue sosin, a nin kirin a litulme kite. Fiu kifo kogha ku.¹⁶Ale na iwa yene imon ile na isü unit une na awadi nin na gbergenue imon ile na inung yene ikuru ibelle nani ubelle nalede ane. ¹⁷Anit ane na iwa dak kitin Yisa idin sughe kucukusu anuzu kagbiri mine.¹⁸Unite na awa di neo nin na gbergenue da kitin Yisa kube na awa ciju upiru nan nya zirgin nmyen uchin nyiu. Unite tiringhe sa aba yinnu igya ligowe ninghe. ¹⁹Yisa wantighe ugyu ligowe nan ghinu, aworoghe, "Chang kilari kiti nanit fe, udi belli nani imon ile na Kutellẹ nṣufi, nin kune-kune na asufi." ²⁰Unite tunna a gya adi malu kiti nin bellenghe vat nan nya Dikapolis imon ile na Yisa sughe mun. Vat mine tunna ita kpak.²¹Kube na Yisa nkafina kurawe nan nya zirgin mmyene udu uleli uwule, ligozin nanit pitirno kupome, ame yisina ingau kurawe. ²²Umon nan nya nadi dya kutin lira unan lisan Jairus, na awa yene Yisa ku, adeo nabunume. ²³A tunna nfoghe nachara kang, aworoghe, " Kashono ni kabene din cinu ku. kusari ntafi da uda tardaghe uchara fe anan shinu ata ulai." ²⁴Yisa gya ligo nin ghe ligozin nanit gbardang wufughe, i pardizaghe chot-chot.²⁵Umon uwani wa duku na awa din neu nin yenu naffa akus likure nin naba. ²⁶Awa niu kang nachara nanan tikankan. Awultino nachara me vat. Na ashino ba, ukone na yitan kpizinu.²⁷Alanza ubelleg Yisa. A tunna a kyio kimal me achina nan nya ligozine adudo kubaga kulutuk me.²⁸Aworo na kibinayi me, "Inwa dudo kubaga kulutuk me chas, nba shinu." ²⁹Na a dudoghe uyenu nafa me tunna uyisina, a tunna alanza ashino nan nya in niu me.³⁰Yisa lanza deidei kidowo me likaran nuzu, a girtino nan nya ligozin nanite a tirino, "ghari dudo kultuk ning?" ³¹Nono katwa me woroghe, "fen yene ligozin lole na ikilin fi unin woro gharin dudoiya? ³²Yisa gitirno yenju kiti anan yene sa ghari dudoghe.³³Uwani une nin yiru nimon ile na iseghe atunna ada nin fiu nin ketuzu kidowo a deu nbun Yisa a bellinghe kidegeghe vat. ³⁴Aworoghe ''ushononinghe, uyinnu sa uyenufe nnafi ushinu. Chang nan nya nayi ashewu uso uchine, fang sa ukonu''³⁵A aduntun nliru nin wane, anit di dak unuzu kilarin nanbun kutin lirẹ, idin sughe, "ushonofe nku. Iyaghari nni nnan dursuzu nanite ijasi?³⁶Na alanza imon ile na idin belle, Yisa woro nnan nbun kuti nlire,"na uwa lanza fiu ba. Yinin fi cas." ³⁷Na awa yinnin umon nan nya nanite dofinghe ba, ma Bitrus nin Yakubu, a Yuhana gwanan Yakubu. ³⁸Ipira nan nya kilarin nnan bun kuti nlire. Yisa yene ubunkurunu kiti, anite nin di kuculu nin kalzun ntẹt.³⁹Na apira kilare, aworo nani, ''iyaghari nta ibukuro kiti nene, nin kuculu? Kabure nku ba, adin nmorori.'' ⁴⁰Isisaghe tak, atunna anutuno nani vat ndas. Atunna ayira uchife nin nnan gone nan nalenge na iwa di ligowe, ipira nan nya kutiyẹ na gono wa nonku.⁴¹A kifo gonẹ inchara, a woroghe ''Talitha koumi,'' unnare, kabura, nworofi fita.'' ⁴²kabure fita deidei a tunnan chin (akus kanin likure nin nabari wadi). Anite vat umamaki kifonani. ⁴³A kpada nani nin likara yenje umon wa yinin imon ile na asu. A woro nani nanghe imonli ali.

¹Yisa nuzu kikane ada kipin me, nono katwa me dofinghe. ²Na liri na Sabbath nda, adursuzo nani nan nya kutin nlira. Indya nanit ale na iwa lanzaghe fiu kifo nani. Iworo, ''Nweri ana se ule udursuze ku?'' Uyapin uyirari ulele na Kutellẹ na nighe? ''Kayapin katwa fiu wari kane adin su nin nachara me?'' ³Na unan kisẹ kanere ulele, usaun Maremu, gwanan Yakubu nin Joses, a Yahuda nin Simon ba?''⁴Yisa woro nani, ''Na unan liru nin nu Kutellẹ din diru ngogong ba, se nan nya kagbiri me nin likura me, a nan nya gamẹ,'' ⁵Na awa yinin usu kang katwa kadya nan nya kipinme ba, ma anan tikonu batari awa tarda nani achara ishino chas. ⁶Usalin yinnu sa uyenu minere na Yisa ku umamaki. A pira nan nya nigbiri mine adursuzo nani.⁷A yichila nono katwa me likure nin nan waba, a tonani inung nababa, a nani likara kitene tiruhohi tinanzang, ⁸a ta nani ligan na iwa yiru imomon ba se ucan ncin. Na iwa yiru imonli sa nka likura, sa ikurfung najip mine ba, ⁹ima shonu akpatak nabunu mine, ba nin nalutuk aba.¹⁰A woro nani ''Asa ipira kilari, iso ku udu lirin gyu mine. ¹¹Andi nkan kiti nnari useru munu, sa inari ulanzu munu, asa iba gyu kitẹ, ikotino lidau nabunu mine kitẹ, unan so imon bellu nati mine,'' Ndin belu minu kidegen, Usodom nin Gomora ma katunu nin lanzu nmang liri nshara nin kagbiri kane.¹²Inuzu idin bellu anit icin alapi mine. ¹³Inutuzuno agbergenu gbardang, itinto anan tikonu, ishizuno nin ghinu gbardang.¹⁴Ugoh Hirdus lanza nani, bara na lisan Yisa wa nuzu kanang. Among yitang du au Yuhana unan sun Mbaptismari ina fyaghe nan nya kisek, bara nanere nta wang adin suzu matiza likara.'' ¹⁵Among mine woro, ''Iliyari di'.'' Among tutung woro au ''Unang kadura Nnu Kutellẹ ari, nafo umong nan nya kaduran nnu Kutellẹ na awadi nanan burnu.''¹⁶Na Hiridus nlanza nani aworo ''Yuhana na nwan kalaghe liti inan fyaghe.'' ¹⁷Ame Hiriduse litime, wa ti ikifo Yuhana ku a tereghe nan nya kilari lichin, bara Hiriduya uwanni gwaname Filibus na awa nutu asu ilugma mun.¹⁸Bara na Yuhane wa bellin Hiridus ku, ''Na uchau nan nya duka uyaun uwannin gwanafine usu ilugma mun ba.'' ¹⁹Ame Hiriduya ta tinanayi kitenen lirun Yuhana, atunna a pizira umolughe. Ama na ase libau ba, ²⁰bara na Hiridus wa din lanzu fiun Yuhanẹ, bara ayiru Yuhana unan lanzun fiu Kutellẹri nin chin ukanang, unere ta Hiriduse gyesheghe bara imoi imon wa seghe. Kube na awa lanza uwazin Yuhana, asa fyaghe kibinayi, vat nanẹ, ata ayi abọ nin lanzun nlirun Yuhana.²¹Na lirin nda na Hiriduya nsẹ kubi kongo na aba su imon kibinayi me, abata gai lirin kulu nayiri kumantin, Hiridus asu likanju limang bara Agoh nyi, Agoh likum nan nadidyan Galili, bara liburi libọ lirin maru me. ²²Ushonon Hiriduya da ada su avu nbun mine, ata Hiridus ku nin namara me lanza nmang. Ugoh tunna aworo kuburẹ, ''vat nimon ilenge na udinin suwẹ, tirini nma nifi ining''²³A siloghe aworo, vat nimon ile na utirini, nba nifi, adi ma yitu udu kiyitik nayi tigo ning.'' ²⁴A nuzu udas adi woro nname, ''Iyaghari imba tiringhe?'' Unẹ woroghe ''Litin Yuhana unan sun baptisma.'' ²⁵A kpila mass udu nan nya kudarẹ kitin gohwe a woroghe, Ndinin su uni nene litin Yuhana unan sun baptisma nan nya kishik.''²⁶Imone tunna ita Ugohwẹ yototo, ama bara isilingme nin namara a didyawe, na ayinno unari nimone na kuburen tirino ba. ²⁷Ugohwẹ tunna a tọ nkong kusoja nan nya nanan cha nin liru likara a dọ adi kala litin Yuhana a dak mun. Unan chawẹ do adi werin litin Yuhana nan nya kilari lichine. ²⁸A da nin litẹ na kishik ada na kubure, ame kubure na unamẹ. ²⁹Nin lanzu nani, anan katwa me da ida yauna libẹ idi kasu.³⁰Anan kadurẹ pitiruno atimine kitin Yisa, ibelinghe vat nimon ile na isu nin nilẹ. ³¹Aworo ani dan vat min tido likot kiti ka na anit diku ba ida shin baat. ''Bara na among wadi idasu igyiza, na ise kubin shinu sa kun linimonli ba. ³²Itunna igya nan nya zirgin nmyen udu kan kiti tik ussanminu.³³Ama anite yene nani kubin gyiwẹ iyinno. Itunna iwufuani ligowe nin nabunu unuzu nigbiri-nigbiri, idi yarin nani udi durẹ. ³⁴Kube na iduru ugauwe, Yisa yene ligozin, alanza inkune kune mine, bara na iwa masin fo ligọ nakam sa unan dortu nighinu. A tunna dursuzu nani nimon gbardang.³⁵Kiti tunna kita yilili, nono katwa me woroghe, ''kikane kiti kikoneri, tutung kitin mal cizunu usiru. ³⁶Turno nani idọ na kipin nin nigin gbiri inan disesu umonli usammin.''³⁷Yisa kpana a woroani, ''Anung na nani imonlẹ ili.''I woroghe, ''Ti wasa tidi seru imonli nakalt aba ibatina naniẹ?'' ³⁸Aworo nani, ''Idin nin nimalak imashina? Chan idi gbin." ''Kube na igbinọ, iworo, imalak itaun nin nibọ iba.''³⁹A ta anitẹ vat iso abut-abut kitenen kpi ushifi. ⁴⁰Na isọ abute; among akalt akalt, among akut a taun-taun. ⁴¹A yauna imalak itaune nin ninbo ibẹ a ghatina kitene kani, a ta nmari ku, anin na nono katwa me ikoso ligozin nanitẹ.⁴²I leo imonli ine vat mine kogha shitu gbem icinọ kagisighe. ⁴³I pitiro kagisighe ita nakuzung likure nin naba. ⁴⁴A rika na iwa li imonlẹ, nalililme amui ataunari wadi.⁴⁵A tunna ata anan katwa ipira uzirgi igya nbunme udu uleli uwule, udun Betaseda, ame na lawa kidung nfizu ligonzi nanite igya. ⁴⁶Na iwa malu kiti, a tunna a ghana likup nwo adi ti nlira. ⁴⁷kulele da uzirge nin diyita kitik kulẹ, ame nin di yita usame ndase.⁴⁸Ayene ani idin notuzu kiyitik kulẹ, bara na ufunu wadin yauzunu nani. Kitike wa di kimal fulu kiti kube wa di nafo ikoro inas, awa din chinu kitenen nmgyene uchin du kiti mine, ata nafo aba katuani. ⁴⁹Na iyene nchin kitenen kurawe, itunnan su au nmọleri i ta ntẹt, ⁵⁰bara na iwa iyeneghe, fiu kifo nani kang. Ame tunna ata deidei alirina nan ghinu aworo, '' Tan ayi akone! Mẹri di! Na iwa lanza fiu ba.''⁵¹A pira nan nya zirge ligowe nan ghinu, ufune tunna uyisina dang, vat mine umamaki kifo nani ninghe. ⁵²Bara na iwa yinin ubeleng nakalang nimonli ine ba, nibinayi wa di deidei nyinne ba.⁵³Kube nawa kafin kurawe, ida tolo kagbirin Janisarata inin tere uzurge nmyene kikane. ⁵⁴Na itolo nan nya zirgi nmyene, anite tunna iba yinnọ Yisa ku deidei. ⁵⁵A nite tunna ipira udu nan nya kipinẹ vat idin nuchu nin nanan tikonu kitene nawaga mine, idasa mung kitime, ligan kiti ka na iwa lanza anuzu cin due.⁵⁶Vat kiti ka na awa piru ku nin gin gbiri, sa kagbiri, sa kipin, asa ida chiso anan tikonu nan nya niti tikasau, inin sughe kuchu kusu ayinin nani idi dudo (kubaga) kulutuk chass. Vat ligan nalenge na iwa dudo, iwa se ushinu.

¹A farisawa so kiti kirum ligowe na Yisa, nan nadidye nyiru niyerte na iwa dak unuzun Urushalima.²Ba iyene among nan nya nono katwa me ili nimonli nin dinong nachara mine, wati na iwa kusu achara ba. ³(Bara na inung a Farisawa nan na Yahudawa vat, na idin li imonli ba se ikusu achara lau; na idin su avu nin kani kite ba, bara iwa seru nani kiti nakune minerẹ. ⁴Andi a Farisawa nsa unuzun kasau, na asa ileo imonli ba se isulsuna. Tutung ti duka di nani ku gbardang to na idin dorte nin likara, nafo ukuzu tikop, ameleng, asu-nishik, umunu kitin lisosin linimolẹ wang.)⁵A Farisawa nan nadidyan yiru niyertẹ tirino Yisa ku, ''Iyaghari ta na nono katwa fe din dortu ugadu nakune ba, bara na idin li nimonli mine sa ukusu nachara?⁶A woro nani, ''Ishaya unan liru nin nu Kutellẹ wa yertin gai kitene kinu ndortu liru Kutellẹ na idin su, 'Anit alele din sue liru nin na kpa tinu minere, a nibinayi mine yita piit ninmi. ⁷U dortu mine kuholari su unin, idin dursuzu tiduka nanitari, na un Kutellẹ ba.⁸Ina filin uduka Kutellẹ i nanin na kifo adadun ngadu nanit asirne.'' ⁹A woro, i lanza nmang infillu duka Kutellẹ inan yinnọ udortu gadu! ¹⁰Unnare Musa wa woro, na uchif fe nin nafighe ngogong, tutung urika na adin su uliru unanzang ayasa uchif nin nna, aba ku gbas.'¹¹Anughe kuru iworo, ''Asa unit belle uchif me sa aname, vat ubunu urika na usere kiti nin kobaghari,'' (wati nworu, 'imon nni Kutlellẹri) -¹²na asa iyinna asu uchifi me sa uname katwa ba. ¹³Idin tizu uduka Kutellẹ shogo-shogo bara udortu timin ti duka idimun. Nan nimon gbardan irika na idin sue.''¹⁴Ayichila ligozin nanite aworo ani, ''Lanzanni, vat mine, ikuru iyinin. ¹⁵Na imon nnuzun dasari irika na idin pichu nan nya kidowong nit din nanzughe ba. Imon irika na idin nuchu nan nya nutere din nanzughe. ¹⁶Vat urika na adinin natuf nlanzun liru na alanza.''¹⁷Nene kube na Yisa wa chin ligozin nanite a pira kilari, anan katwa me tiringhe tigoldo tone. Yisa woro, ¹⁸''Anung wang dunani sa uyinnue? Na anung yene nwo vat nimon ile na ipira unit unuzun ndas na inare din nanzughe ba, ¹⁹bara na iwaya ipira nan nya kibinayi ba, asa ipira nan nya liburu me, idi tolu itunna idi nuzu kitin tin das (npunju).''²⁰A woro, "Imon irika na idin nuchu daga nanya nit usurneri din nanzughe. ²¹Bara nan nya kibinayin nit usurneri, makpilizu-kpilizun magunta din nuchu ku, unozu nin nin nawani sa nalililme, likiri, umolsu nanit, ²²unozu nin wani nilugma sa gakilime nilugma, kunannizi, umagunta, usali kidegen, usu nlazun mang, tinanayi nin linbu nmong, ufiu liti, tilalang. ²³Vat nimon magunta ilele din nuchu nan nya liburin nitari, inare din nanzu unit.²⁴A fita kikane a gya udu kusarin Sur nin Sidon. A pira nkan kilari bara na awa dinin su umun yinin aduka ba, bara nani na awa yenshin ba. ²⁵Na nin dandaunu umong uwani na kashune wadi nin nagbergenu uwani une lanza ubeleng Yisa adah ada deu na bunun me. ²⁶Uwani une ushono hẹllen iyawa ri unuzu surofinikiya, a fuu ye acara anutun agbergene nanyan shune me.²⁸Iwa kifo munu idomun kiti nagoh, na iwah fya ayi mine kifene nile imon na iba bellu ba. Ka na iba bellu nkoni kube amon nanyan nkoni kube, ille imon na iba bellu ima nie munu; na nughere masu ulire ba, nfip Kutellẹari. ¹²Gwana banii gwana me imollu, uchif nin gono me. Nono ba fiu nibineyi nachif mine bara imolsu nanin. ¹³Anit vat ba naari munu bara lissanni. Amma ule na a ba tere, kibinai me aba se ulai.²⁹A woro, "Bara na ubenle nani, can fi. Ku gbergene in nuzu nanyan nshono fe." ³⁰Uwane kpilla Kilari adi se gone nọn kitenen nkomi, kugbergene nuzu.³¹Tutung anuzu kusarin Tyre, akatan Sida udak kurawan Galili, vat udu Kusarin Dikafoli. ³²I daghe nin mon unan nituri, unan sali nbellun liru gegeme, ifoghe acara a tarda kuture acara ulau me.³³A nuzu ninghe nanya ligozin nanite udu kusari kurum a dudo atufe nin ticin me, atufuno attaf, a dudo lilem me. ³⁴A ghantina izi kitene kani, aceu kibinai a woronghe, "ifafattha," nworo, "puno" ³⁵Na nin dodonu ba atufemme puno alanza, ikala ile imong na kese lilem me atuna nliru gegeme.³⁶A wuno nani atuf na iwa belin umonba. Illeu ubun mbellu nimong na a kpada nani na iwa belin ba. ³⁷I su umamaki kang, nin nille imong na iyene, ibelle, " A su kanta gegeme. Atah kuturi alanza unan saling bellu nliru lirina."

¹Nanya nayiri ane, ligozin na nit gbardan, wa duku na iwa di nin nimonli ba. Yisa yicila nono kata me a woro nani, ²"In lanza nkunekune ligozine, bara na idi nin mi ayiri a tat sa imongli. ³Inwa ti nani igya sa ulli ni mongli ima kuzu izintizo indina. Among mine na nucu niti nipït." ⁴Nono katame kawaghe, "Tima se akallang in burodi nweri ti ni anit alele nin kiti kane sa anit?"⁵A tirino nani, "Akalang nburodi amashin nari i dumun?" I woroghe, "Kuzor." ⁶A ta ligozin na nite i sozọ kutin a sere a kallang kuzore. Na ata inlira, a pucu akallanghe ana nono kata me i koso ligozin nanite.⁷Iwa din nin nagir niboa, tutun na atta nlira ku, akuru ana nono katame i koso. ⁸Ileu ishito. I pitiro ingisin nimonlẹ, i kullo akuzun kuzur. ⁹Anite waduru amui anass kikane. Yisa nin cino nani i gya. ¹⁰Na apira nanya zigin myen nin nono kata me, i gya udu kusarin Dalmanutha.¹¹Afarasiyawa nuzu ida ida cizina mayardan nanye. I pizira kulap kiti me inuzu kitene kani, inan dumunghe. ¹²A Kpilliza nanya kibinayi me nanya nfip mi lau a woro, "I yarin ta ko kuje din piziru kulap? Kidegen in bellin minu, kuji kone mase kon kulap ba." ¹³A suna nani, a kuru a pira nan nya zirgin myen, udu uleli uwul kullẹ.¹⁴Nono katwa me kuru I shawa uyirun borodi. Na iwa myen uborodi na uwa kata urum nangyen jirige ba. ¹⁵A wuno nani atuf a woro, "Punon iyizi iyenje kiti bara iwa ming kuse na Farisawa nin wala mi kusen Hiridus."¹⁶Nono kata me kpilza nati mine, "Bara na ti di nin u'nburodi ba." ¹⁷Yisa wa yiru illeli imone, anin woro nani, "In yarin ta idin kpilizu nbelleng diru nburodi? Idu sa uyinne? Na isa yino ba? Nibinayi mine nta ni lalangha?¹⁸Idi nin nizi, na idin yenju ba? Idinin natuf na idin lanzu ba? na i lizino ba? ¹⁹Nan nwa kosu anit amoiyi ataun akallang nborodi a taun a ngisin na kuzun acecek amashin nari iwa pitiru an borode?" I woro ghe, "Likure nin na ba."²⁰"Tutung na nwa kosu anit amoiyi anas akallang nburodi kuzor, akuzun acecek amashinari kagisin nburodi wa lawa?" I woro ghe, "Kuzor." ²¹A woro nani, "Idu sa uyinuawa?"²²I da Ubaitsaida. A nite ki kane daghe ning mong udü i fo Yisa ku acara a dudo ghe. ²³Yisa kifo udüwe ncara, a nuzu ninghe nanya kagbire. Na atanghe ataf nizi a tarda ghe acara, a tiringhe, "Udin yenju nimomongha?"²⁴A yene kitene, anin woro, "In yene anit nafo aca ale na adin gallu." ²⁵Akuru a tarda acara me nizi nnite, unite puno iyizi me, uyenju me kpilla lau, ayenje imong vat kanang. ²⁶Yisa taghe agya udu killari me, anin woro, "Na uwa piru nanya kagbiri ba."²⁷Yisa nuzu nin nono kata me udu nanya kagbirin Siseriya Filipi. Na iwa din cinu libauwe atirino nono katame, "Anit din du menghari?" ²⁸I kawaghe I woro, "Among dindu Yohanna unang sulsuzunu ulau. Among dü 'Iliya,' among tutun din su umong nanya nanang nliru nin nnu Kutellẹ.' "²⁹A tirino nani, "Anung din su meng ghari?" Bitrus bellinghe, "Fere Kristi." ³⁰Yisa wunno nani atuf na iwa belling umong ubelleng me ba.³¹A cizina udursuzu nani gono in nit ma niu nan nya nimon gbardang, a kune nan na Priestoci nan nanang niyerte ba narighe, I ma molughe, Kimal nayiri atat afita nanya kisek. ³²A benlle ulle ulire kanang. Bitrus yiraghe udu kasari kurum anin ghanan wunughe kutuf.³³Yisa gitirino a yene nono katame anin tunna a kpada Bitrus ku anin woroghe, "Kpilla kimal nin Shaitan! Na udin kpilzu imong Kutellẹ ba, ma ubelleng nimung na nit cas." ³⁴Anin yicila ligozin na nite nan nono kata me a woro " Asa umong di nin su a dorti, na anari liti me, a yira kuchan nkulme adofini.³⁵Bara ullenge na adinin su a se ullai sa ligan amaku, tutung ulenge na a dira ulai me bara meng nin liru nlai a ma se ulai. ³⁶Iyaghari imong icine unit ma se use nimong inyï ullele vat, anin dira ulai me? ³⁷Iyanghari unit ma serzu nin nlai me?³⁸Vat ulenge na adin lanzu nci nin nin nliru ning nangya nko kuji ku zenzen nin kulapi, gono nit ma lanzu ncinme asa ada nan nya tigo ncif me nin nono kadura Kutellẹ."

¹Yisa wora ani nani "na nbellin minu kidegen, among mine kikane na iyisin na iba ku ba sai iyene udak tigoh Kutellẹ nin likara mẹ. ²Na ayiri kutoci wa kata yisa gya nin Butrus, Yakubu a Yohanna, ighana kitine lukup nin natimine. kidowo me kpillia ki ta ugang mbun mine. ³Kultuk me kpilia, kubọ pau har ma na iwase ise unan tizu npozu nalutuk nye nani ba.⁴Iliya nin musa tinna inuzu mbun mine, itunna in liru nin yisa. ⁵Bitrus kauwa aworo Yisa ku, Cikilari a unan yiru, uchaunari na tidi kikane, Na ti kẹ adanga atat ti kẹ feku kurum, kurum bara Musa a kurum kun Iliya". ⁶Na Bitrus wadi asa mala imon ille na adi belle ba, fiu kiffo nono katuwa yisa vat.⁷Kuwut tolo kuda ta nani ushin, liwui tunna linuzu nan nya kuwute aworo "Gono kane kin kinnayi nighari lanzan ghe". ⁸Na nin dandaunu ba igitirno na ikuru iyeni umong nanghinu ba, ma yisa ri chas.⁹Na iwa din tolu kitene kupare. A wunno nani atuf na iwa bellin umon imonille na iyeni ba. Sai Usaun nnit nfita nanya na nan nkul. ¹⁰Iso nin nlire tik nanya nibinai mine ikwiliza nan nya natimine iyaghari ba yitu ufitu nanya na nan nkiu une.¹¹Itiringhe "iyarin ntah anan niyerte wa woro Iliya ri batu adak?" ¹²Aworo nani nanere Iliya na burun dak, anan kele imon vat. Iyari ntah iina nyertin gonon nit ba nieu nanya nmon gwardang anit tutun banin narrighe? ¹³Meng woro munu Illiya nadak inani wa sughe ille imon na wa dinin su we nafo na ina nyertu na bellin kitene me."¹⁴Na igbilla kikaa na ingisin nono katuwe, duku, iyene anit gwardang kiilino nani ida se anan nyerte din nani matiru liru. ¹⁵Na iyenne yisa ku vat nnanite isu umamaki itinna iputu nin nchum ida kitime ida lisoghe na inya nin dak. ¹⁶Atiro nani nono katuwa memanyardang nnyaghari idun sua nanghinu?¹⁷Umon nanya ligoze kawaghe "unan yiru nndamun nin gono nighe adumun nagbergenu alle na sa iwantighe uliru gegeme. ¹⁸Idin tizughe nafo abakuu assa itaghe atiza yeryer, adeo kutin, anutuzuno kapunjet nnuu me adinga unyakuayini me. anin ta cakatak. nmini uwan tiirin nono katuwa fe inunta agbergene, ina ni na iyinno ba." ¹⁹A kawa nani "Anun kujji nsalin yinnu sa uyenu udu kome kibiari meng ba tizu ayi ashau ninghinu? Dan ninghe kitinighe."²⁰idamun gone kitime na agbergenu iyene yisa ku, gone tunna ntizu yer yer dedei gone deo kutin apunjet tunna nnucughe nnu. ²¹Yisa tiirino uchifun gona "ninshiyari ile imone na so nene?" uchife woroghhe "tun tinono mi. ²²Kon kubi asaataghe nanya nlah sa nanya nmyen, akuru amassa ummolughe. Andi uwa uta nimomon lanza nkunekane bite ubunari."²³Yisa woroghe "Andi uba yinnua? Ko iyapin imon insuari kitin nle na ayinna nin kibinai me." ²⁴Na nin nmolu kubi ba ucifin gone ghantina liwui kuchullu aworo "Inyinna! Buni nanya ninsalin nyinnu nighe. ²⁵Na yisa nyyenie ligozi nanite uchindak kitimine a kpada kugbergenue aworoghe, "Fee kugbergenue a nsalin bellu nin salin nlannzu nliru ntafi nuzu nanya me, Na uwu kuru upirughe nanya me ba."²⁶Kugbergenue ta ntet anyunguruno gone kang annin anuzu, gone wan ti fo ulle na aku gwardang nanit woro aku."²⁷Yisa akifo ghe ncara a fiyaghe gonne fitah ayisina.²⁸na yisa da pira kilari nono kaluwa me duku itiirino gheekusari kurum "iyaghari ntah na arike nyino unutunu kugbergenu ba?" ²⁹A woro nani, "imuse nile imone din nuchu hem nani ba sai nin liirang³⁰Inuzu kakane ikata ngalillee, na yisa wa dinun su umon yinin kiti kkanga na iduku ba. ³¹Bara awa din dursu nono katuwa me. A woro nani, ibanie gonnon nnit nachara nanit, inughe ba mollughe kubi ko na im ologhe, asa nayiru atat nkata aba fitu tutun." ³²Na iwa yinin uliru me ba, ilanza fieu nworu itiiringhe.³³Idah kafarnahum kubi ko na awandi nanya kilari atirino nono katuwa me. "Uyapin uliruri ini yita nsue libau we?" ³⁴Nin nani itunna imino tuk ini yita manyardang nati mine libau we nnanya woru ghari baso udia nanya mine. ³⁵Aso ayichila lukure nin nanwaba. Aworo nanni, "Vat ulle nge na adinin su aso bun aso unan kidun akuru aso kuchin mine vat."³⁶A yira Kagono kabene achiau ketik mine, a kuru a yira ka gone nin na chara me aworo nani.³⁷"Vat ule nge na a serre gono kibbene kane nanya lisanig, uso miyari aserei ule na aserre me nku na mere ku chas ba ninle nge na ana tuuyi."³⁸Yohana bellinghe "unan yiru tiiyene umon din nutuzunu nagbergenu nanya lisafe ti nani wantinghe bara na adin dortu bitari ba." ³⁹Bara nani yisa woro "na iwa wantin ghe ba na umon duku ulle na awnya asu katuwa kadia nanya lissa nigh anin kuru akpilla abelle imon inanzan kitene lissa nighe.⁴⁰Vat ulle na adin nivira nanghirk ba, ame umbitari.⁴¹Ullenge na ana manu kakuk nsonu nmyen bara anun anit nighari kidegen indin bellu munu aba se imon wesu tinonto⁴²Vat ule na atah umon nanya nibebene nane na inah nibinai mine kitinighe idiou. Uba kaitiniuh ghe yaun litala lidia aterughe nto itughe nanyakulli kudia. ⁴³Assa ucharafe ba tifi utirro, werne unin uba katinifi nwoni use ulai Kutellẹ ninchara urum nin nworu upiru nlaah nin nacara aba nsali nbichu. ⁴⁴Kiti kanga na ajiji naburu mine ba bijuba, a ulamine ba bichu ba.⁴⁵Andi kubunu fe batifi utirru werne kuninn ukatinfi use ulai sa ligan nin kubunu kurum nin woro upiru nanya laah nin na bunufe abaa ⁴⁶¹⁴⁷i use ulai nanya kufee tigo Kutellẹ nin lisa lirum da iworo upiru nanya kilari laa nin niyizi ibah. ⁴⁸Kiti kanga na ishun ba kuzu ba. Tutun ula ba bichu ba.⁴⁹Vat nanite nani ninla nafo nto iba kelu Nto chaun. ⁵⁰Asa nto ndira mmamas me fe ba kellu minin miti mamas Iziyari? yita mamas nafo nto nanya mine, iso mang nan nati

¹Yisa chinno kiti kane uchindu kusarin Yahudiya nin mbun kurawa Judan ligozi nanite kuru idah kitine. Awandi ndurzuzu nani tutun nafo na amene nsuze. ²A farisiyawa dā kitime ida malaghe inin tiiringhe, " Uchau chikilari ko uwani me?" ³A kaw, "Inyaghrri Musa na woro minu isu?" ⁴Inug woro "Musa wa yinin gankilime a su iyerte nsunun wani anin koghe anya."⁵Yisa woro nani ulele vat bara kugwas minere wati ana minu ule uduke. ⁶"Nburnu makekewe Kutellẹ wa ke gankilime nin wani.⁷Bara nanere gankilime ba sunu uchifeme nin namẹ atafin nin wani me. ⁸Inun nabẹ ibaso kidowa kirum. Bara nani inug nabe baso kidowo kirum na niba ba.⁹Bara nani imon ile na Kutellẹ ntere na umon uwa bunku ba."¹⁰Kubi ko na iwadi nanya kilari nono katuwa me tiringhe imon ine.¹¹A woro nani vat ule na akọ uwani me adiyiru umon uwani uso adin su nzina nin uwani upese. ¹²Assa uwani nchino ulese adi su ilugma nin kan gankilime aso adin sun zina"¹³Anit dā nin ni nono ni bebene kitime anan duduzo nani, Nono katuwa me kpada nani. ¹⁴Na Yisa yene nani, ayi nanaghe, aworo nani "sunan nono nibebene idak kitinig na iwa wanttin nani ba, kutï tigoh kitene di kun musu nalelere.¹⁵Kidegene indin bellu munu vat ulle na ayinna nin kutï tigoh Kutellẹ nafo ni nono nibebene ba na abase upiru kutï tigowe ba." ¹⁶Atunna ayira ni nono nibebene nin nachara me atarda acara ata nani immari.¹⁷Na a cizina uchinme umon daghe nin chum a da tumuno nin nalung a tirrighe "unan yiru ugegeme iyapin imonari mmasu nnanseh ulai sa ligang?" ¹⁸Yisa woroghe "iyarintah uyicilai unit ugegeme? na umon duku unit ugegeme ba andina Kutellẹ chas ba. ¹⁹Fe yiru uduka: na uwa mollu unit ba, na uwa su uzina ba uwa su likiri ba, uwa su kinu'u ba, uwa bollusu imon na nit ba. Tutun Tumuzuno Uchifi fe nin Nafine."²⁰Unite woro, ''Unanyiru, elle imone vat nwa dortu a nduttu kwanyana." ²¹Yisa yeneghe nin kibinai nsu aworoghe vat imon irumari lawafi "can udi lewu vat nimon na udumu udi kosu anan diru nimon, ubase kiti lisosiin kitenne kani. unin da dofini."²²Nin lanzun nlirun ne kidowo taghe yototo ayime nanakang atinna a gya bara adinin nimon nachara gbardong.²³Yisa gitirino anin woro nono katuwa me "ubayitu nin nijasi unan nimon nachara se upiru Kilari tigoh Kutellẹ!" ²⁴Nono katuwa me nidowo mine wati cancam nin tigbulang me Yisa tutun kuru a belle nani nono nig ubayitu nin nijasi unan nimon nacara piru kilari tigoh Kutellẹ!²⁵Ubayitu shiyau wang kurakomi se upiru ligalang nalura nun woru unan nimon nacara piru kilari i tigoh Kutellẹ.²⁶I wa su umamaki kang ibelle atimine ani ghari ba se utucue? ²⁷Yisa yene nani anin woro "kiti nanit udumun nijasi ana kiti Kutellẹ ba kiti Kutellẹ imon vat nsuari. ²⁸Bitrus cizina uliru ninghe "nanere arik na sun imon vat tinani na ndofifin"²⁹Yisa woro nani kidegene nbelun munu na umon duku ulle na a cino kilari sa nuawana ni limi sa nishono sa unna sa uchif sa nono sa anen bara meng nin lirun lai so, ³⁰ulle na aba serru uwesu tinonto akalt likure kiteni nakalt likure nanyan nyulele, use nilari nwanna nilime nin nishono a una nin uchif nan Nanen nin niu nyi incindak ulai sa ligang. ³¹Bara nani gwardang ana idi bun iba kpulu kidung anan kidung kpillun ubun.³²Iwadin cinnu libau lo na li ghana udu Urushalima yisa wa din ncin mbun mine. nono katuwa me lanza umamaki allenge na iwadin kidung mine lanza fiu, Yisa yira likure nin nawabe kusari kurum tutung, imon ille na iba seghe na nin dandauna ba. ³³"Yenen, tidin cinnu udu Urushelima ibadi ni gonon in Nit nachara nadidya kutyï Kutellẹ nin na nan nnsu niyerte. ³⁴Iba su ghe ushara un kul iba nakpughhe kiti na lumai. Iba sughe liyong itufuzunghe ataf ikpizi ghe inin mollughe. Nanya nayiri atat aba fitu.³⁵Yakub nin Yohanna nonon Zabadi dah kitime iworo "unan yiru nimon tidininsu usu nari vat ile imon na tiba tirrinfi." ³⁶A woro nani, "iyaghari idununsu meng su minu?" ³⁷Inung belle "yinna nari tiso ninfi nanya ngongon fe. Warum nchara ulime umon nchara ugul. "³⁸Ame yisa kawa nani "Na anughe yiru imon ille na idin pizuru ba, iwasa isono nmyin libbo lo na meng ba sonah? Sa iwasa ita ayi akone nin musun mmen mọ na iba nshintini kuwa?³⁹I woroghe nenge tiwasa tisu, Yisa belle nani nmyen libo mo na meng ba sonu iwasa isona. Ushintinu ulle na ima sue anunọg wangp ima su minu mun.⁴⁰Bara nani ulle na aba so nchara ulime sa nchara ugule nighe na unanighari ba, udi un nalle na ina mekeni mun"⁴¹Na kagisin likure nlatiza nani ayi cizina unanizu nani nin Yakub a Yohanna.⁴²Yisa yichilla ani a woro nani, "Iyiru alle na idi agoh na wurumi, anan kuteet likara asa ita isu kitene mine.⁴³Na uwa uso nani nanya mine ba vat ulle na atah ayi nworu aba so udya nanya mine na aso gono katuwa mine. ⁴⁴Vat ulle na adi nin nayin woro aba so unan bun mine na ayita kucin mine. ⁴⁵Na gonon in Nit nadak asu tigoh ba, awa dak nafo kucin, anan da serze ulai me bara anit.⁴⁶Vat mine gbardang. I dah u Jeriko. Na a ichino u Jeriko ligowa nan nono katame nan ligozi nanit. Umon wa duku iwa yicighe Bartimaus (a wadi usaun Timaus) uduuwari asa aso nbun ndina likura. ⁴⁷Na alanza yisa din cinnu ukatu ndine atunna ntutuzu aworo "Yisa usaun Dauda lanza nkunekune nigh" ⁴⁸Anit gwardang Kpada ghe ati tik, ame na ghantina liwuye, "Yisa usaun Dauda, lanza nkunekune nighe!"⁴⁹Yisa Jombilino a woro iyichila ghe inun yichila uduwe iworoghe "terre kibinnai, ufita, a din yichufi." ⁵⁰A tunna a fillo kultuk me kusari ata katari udu kitin Yisa.⁵¹Yisa kawa aworoghe "udumusu ntifi iyaghari?" Uduwe woroghe " unanyiru aye die nse uyenu kiti. ⁵²Yisa woroghe "cang uyinnu sa uyenufe nshino ninfi" atunna ase uyenu kiti adofino Yisa ku, ncine ndine.

¹Kubi ko na iwa daku Urushalima, iwa dak susut nin Batipagi nin Baitanya kiti kupara Zaitun. Yisa tọ nono katuwa me ²a woro nani, "can kagbiri ka na kadi likot bite adi ipira, ima yenu ka gono kajaki ka na umon nsa ghanaku ba, bunkun kanin idani. ³Asa umon tirin minu, 'iyaghari indin sue?' i woro ghe 'Chikilari ba su imomonmu, nanin dondonu ba ima kpillu mu.' "⁴I gya idise gono kajaki terrin kibulun Ndas fwang. Ibunku kanin. ⁵Anit ba-at wa yisin kiteh i woro nani, "iyagharinta idin bunku ngono kajaki kane?" ⁶Vat mine i belle nanin uliru ule na Yisa wa belling Anite tuna isuna nani in gya.⁷Nono kata me nabe da nin ka gono kajaki kitin Yisa i kalza alutuk mine i tarda kitenne Yisa nin ghanaku. ⁸Anit gwardang nonkizo alutuk mine ndinnẹ, amon nonkuzo affah na iwadi kezu kusho.⁹Alle na iwa diw mbun me nin nale na iwa din dortighe ighantina tiwui mine Hossana! Imari kitin inle na ada nanya lissan Cikilari. ¹⁰Unan mariari tigoh to na tidin cinu tin bit Dauda! Hossana uzazunu kitene kani!"¹¹Yisa gya udu nanyan Urushalima, adi piru kusari kutin nlira, a gitirno a yenje imon vat. Nin kuleleng shew, anin nuzu udu Baitanya ligowe ni likure nin nawaba. ¹²Lirin nkurtunin nkuiye, na iwa sa unuzun in Baitanya, ku kpong daghe.¹³A tọ iyizi adi yene kucha kupul nin tifa gbik, atinna ado adi yene sa a base kumat kucheku. Na'ada kiti kunin aseh ma affari cas, bara na kubi na pullere wa diba. ¹⁴A lirina nin kunin, "na umon ba akuru alli kumat fe ba." Nono katame lanza ilemon na a belle.¹⁵Idah Urushalima, anin pira kusari kutin nliran atinna nko nanan lesu nin nanan sessu nanya kutïn nlirẹ atinna nkpilluzu matebul in serzu nikurfug nan niti lisosin nanan lesu na wullug.¹⁶Na awa yinin umon yira imomon nanya kutï nlire bara a di lewu ba.¹⁷A dursuzo nani aworo "ikuna nyertina, na kilari nighe maso kin lira bara nipinpin nyii vat ba? Nkani nso munu kuta na kiri." ¹⁸Adidya kuti nlira nan nanan ninyerte lanza ilemon na abelle, itunna npiziru nworu imolughe. Iwa din lanzu fiu bara vat ligozin nanite wa suu umamaki nin dursuzume. ¹⁹Vat kuleleng nin du kulelen asa inuzu nanya kagbire.²⁰Na iwa din cin nin kuididing, iyene kudya kupule nkoto umunu tilighe ku. ²¹Bitrus lizino aworo, "unan yiru, yenne! ku pulle na uwati kunim unu nakoto"²²Yisa kawa nani "Yitan nin yinnu sa uyenu kiti Kutellẹ. ²³Kidegene ndin bellu minu, vat ulle na a woro 'kupara kone, Kutellẹ kalafi adi tu nanya kuli kudya,' assa udinin yinnu sa uyenu nanya kibinai fe imon ille na ubelle ima so, ileli imonere Kutellẹ masu.²⁴Bara nani mbellin munu, vat imon ille na itirino nanyan nlira, yinna kibinai fe usere ima so infe. ²⁵Uwa uyisin nlira, ukifofi ushawa nin nimon inanzang ille na idi kibinaife nin mong, nanere ucif fe na adi kitene kane ma mashawu ni na lappi fe wang. ²⁶"Assa na anu nshawa utazunu ulle na amonng din suzu minu ba, nanere wang ucif mine na adi kitenekane ma shawu nin mine utazune ba."²⁷I kuru ida Urushalima. Kube na yisa wa di ncin nanya kutï nlira, Adidya kutï nlire nin nanan niyerti, nan na kune alle na inatarda nanin achara da kitime. ²⁸I woroghe, "nin yinnu nghari udi nsuu nile imone? sa ghari yininfi uda su inin?"²⁹Yisa woro nani, "mma su minu utirinu urum. Bellen ni, meng wang ma belling muni sa nin yinnu inghari ndin su ile imone. ³⁰Ushintizunu Yuhana uwa nuzu kitene Kaneara sa kiti na nitari? Kawanni."³¹Ikpiliza nati mine na iyina ba iworo, "Tiwa woro, 'au unuzu kitene kani ari' amma woru 'bara iyagharin ta na ina yining ninghe ba?'³²Assa ti woro, una nuzu kiti 'na nitari,...' Iwa din lanzu fiu nanite, bara vat min wa yinning Yohanna unan liru nin nu Kutellẹari. ³³Itinna ikawa Yisa ku inin woro, "na ti yiru ba." Yisa tinna a belle nani, "meng wang na nma bellu minu ba sa nin yinnu nghari ndinsu ille imone."

¹Yisa ciziina udursuzu nani nin tinan tigoldo. A woro, "Umong unit wa billisu kunen akese kunin, a kuru a wuzu kuwu in pulu immen kumat nacha Ake-e kifi kizalang kinan cha, Abala Among kunen Anin suu uchin. ²Na kubi nda, Afo-o gono katah me udu kiti nate na abala nanin kunene idi nighe kumat nacha kunene. ³Itinna ikifheghe, Ifhoghe inin koghe anya nin na chara akone.⁴Akuru atọ nani nkang gono katah me, i lanzaghe ukul liti inin sughe imon inanzang. ⁵Akuru atoo nani nkang gono, kahh gone imolo kinin. Isuu among guardang nani nafo na iwa suu alele, iifho among nin molsu namong.⁶Adumun nimong ulenge na ama tü ghe, kinnayi me. Amere wadi unan ninalighe na awa tuu ghe udu kifimine, aworo, "imma seru gono nighe gegeme." ⁷Anan kibala kunene belle nati mine, ulelere kuwane, dan, timolughe, kunene so-o kunbit.⁸I kiffoghe, imologhe iyiraghe ifillo ndas kunene. ⁹Bara ilemone, unan kunen kone ba ti iyizari? Ama dak ada molusu alle na ana ninaning kunene, anin yiru kunene ani among.¹⁰Ikkuna cheu iyizi ni iyert inne? "Litala loe aa anan makyekye na nari lining inlo indaso lifala likii kutiye. ¹¹Ile mone kafa-a nchikilara ri ini dinin mamalci niyizi bite." ¹²Pizira ukifu Yisa ku, bara nani ilanza fiw ligozin nanite, iyinno bara inughere awa suu toni tinan tigolde. Itina i sunghe ikifo libo min.¹³Inin tọ among a Farisiyawa nan na Hirudiyawa udu kitime, inan taghe a tana uliru.¹⁴Na ida, iworoghe, "Unan dursuzu, tiyirufii unan kidegen ghari, na udin feruanitba. Kidegen ri udin dursuzu libo Kutellẹ. Udut an yinna ini siza ku ugaudua sa babu? ti niza sa babu?" ¹⁵Yisa uni wa yining kirusuzu nati mene abele nani, "Yaghari unta idiu dumuzini? dan nani fikurfung nyene finin."¹⁶Ida na ise ku firung. a woro nanin, "ulele umuro nin niyerti nghari?" Iworo, "unkaisarari."¹⁷Yisa woro naning, " nan kaisar ku ile imon na idi nkaisar tutung ini Kutellẹ ille imon na idi in Kutellẹ." I lanza umamakime.¹⁸Tutung a a Sandukiyawa da kitime, inug alle na idin du na ufitu nanan nkul duku ba, Itirighe, iworo, ¹⁹"unan dursuzu, Musa wayertin nari mun, 'gwanan mon nwa ku a suna uwanime, sa gono, unite yira uwani gwana, a mara gwane gono.'²⁰Amon wa duku inun kuzor linuawana unan burnu mine yira uwani a kü sa gono. Unan dortine yira uwane akuru akü sa gono. ²¹Unan tatte nanere. ²²Ame unan zorre da kü sa gone, umalzine vat uwa ne wang kü. Lirinfitin yï, iwa fita tutun. ²³Uwani nghari ma yitu? bara inug vat mine kuzore wasu ilugma ninghe."²⁴Yisa woro, "Na imon ilenge na ita idin tazuna ile ba, bara na anunghe yiru uliru Kutellẹ sa likara me ba? ²⁵Iwa fita liri Fitin ye na iba su ilugma ba a na iba ni ilugma ba, imaso nafo nono kadura Kutellẹ kitene kani.²⁶Ubellen nanan kul na iwa fiya nani, na ina cisu iyizi niyerten Musa ba, inbeleng kukot, na Kutellẹ wa lirin ninghe, a woroghe 'Menghere Kutellẹn Ibrahim, Kutellẹ Ishaku nin Kutellẹ Yakub'? ²⁷Na ame Kutellẹ nanan kula-ari ba, kun nan laiyari. Anughe din ntazunu kang."²⁸Umong nanya nanan niyerte da ada lanza nliru min; ayene Yisa nkawa nanin gegeme, atiringhe, "uyeme uduka kufelteari ucine vat?" ²⁹Yisa kawa, "ucine nanye vat unere, 'Lanzang, Ana Isrela, Cikilari Kutellẹ bite, Cikilare uwarumari. ³⁰Ubati usü Kutellẹ nin kibinai fe vat, nin kidowo fe vat, nin kpiluzu fe vat, umunu likarafe vat.' ³¹Unba me unere, uma yinnu nin nan lisosin kupofe nafo litife.' Na umon uduuka udia duku ukatiin ulele ba."³²Anan ninyerte woro, "uchaun na, unan dursuzu! Ubelle kidegen Kutellẹ kurumari, Tutung na nkon Kutellẹ duku ba, amere chas. ³³Uma yinnin ninghe vat nin kibinai fe vat nin yirrufe, vat nin kodowo fe, vat nin likara fe, ukuru uyinnin nin nan lisosin kupofe nafo nafo litife, ukatin unakpizu nimon jujuzu mine inbon Kutellẹ nin chant kang." ³⁴Na Yisa wa yene akawa gegeme, a woroghe, "Na udi piit nin kilari tigo Kutellẹ ba." Nani na uman kuru amalla utiringhe nimomon tutung ba.³⁵Yisa wa din dursuzu nani nanya kutee nlira a tardda nani a woro, "Uduziyari anan ninyerte na woro unan tuchu usaun Dauda?³⁶Dauda litime, nanya infin Kutellẹn, wa woro 'Cikilare wa woro in Cikilari nin, so nchara ulime nin, udu kubi ko na uba patilu anan Nivirafe.' ³⁷Dauda nin litime wa yicilla unan tuchẹ 'Chikilari' Iyiziyari ama so usaun Dauda?" Ligozi nanite lanza ghe nin nibineyi nibọ.³⁸Nanyan ndursuzu me Yisa woro, "Sug seng nin nanan ninyerte, alege na idinin sun sho nalituk adidya nin woru isu nanin ilip ugang nanyan nkasau, ³⁹nin natet lisosin adidya nanya kuteen nliran nin niti nididya kiti tibuki. ⁴⁰Idin bolsu nilari na wani alle na ales mine na kuzzu, Asa itiza nlira mi jangaram anit nan yenje nani bara nani iba seru uneu udiya."⁴¹Yisa do adi so-o likot adiin yenjuu kitin tusu nikurfun nanya kuttii nlira; awa din yenju nanite na iwa din ntusu nikurfung nanya kitin tussu ni kurfung. Ndiya nanan nimon na chara wadin tussu ninime gwargwardang. ⁴²Umon uwani ukimon unan dirum nles, da ada to-o anini abaku.⁴³Yisa yichilla nono kattah me ligowe aworo nani, "Kidegen nbellin munu, uwani ulele kikimon unan diru nles ile mon na ato-o ikafin in nanan tusse vat. ⁴⁴Vat mine i nyofizo nanya nse miner. Amme ule uwae unan dirin nles wani vat ilemon na adamu."

¹Na Yisa wa cinu unuzu nanya kutein nlira, warum nanya nnono kattah me woroghe, "unan dursuzu, yene atala alele nin makyekye nmanaki!"²A woroghe, "Uyene makyekye madidia maane? Na nlon litala ba lawu kitene Non ba vat iba turzunu anin."³Adi so kitene litalan zaitun likot kutii nlira, Bitrus, Yakubu, Yohanna, ligowe nin Andrawus tiringhe likot, ⁴"Belle nari ninshiyari iba suu ile mone? Yaghari madura nari nworo vat nile imone nan naduru udaka?"⁵Yisa tunna nbellu nani, "Yenjeng umon wa wultung munu. ⁶Anit gwardang ba dak nanya ni, 'Mere Ame,' tutung ibati anit gbardang wulu.⁷Assa ilanza ubellen nakum kitene nakum, na iwa fya nibinai mine ba; ima suu ille imone, vat nani ligaghe nsa daba. ⁸Nkang kipin ba firunu nkang, Tigoh ba nari tigoh. Iba se uzunu niti niti gwardang iba su akpong. Ile imon inanzaghe uchizinari.⁹Song cha. Ima du nin ghinu kiti nago, iba fo minu nanya natii nlira. Iba yisinu nbun na go nafo imon nyenu kitimine. ¹⁰Bara nani ima burnu ubelu nlirun nlai udu kifi nanit vat.¹¹Iwa kifo munu idomun kiti nagoh, na iwah fya ayi mine kifene nile imon na iba bellu ba. Ka na iba bellu nkoni kube amon nanyan nkoni kube, ille imon na iba bellu ima nie munu; na nughere masu ulire ba, nfip Kutellẹari. ¹²Gwana banii gwana me imollu, uchif nin gono me. Nono ba fiu nibineyi nachif mine bara imolsu nanin. ¹³Anit vat ba naari munu bara lissanni. Amma ule na a ba tere, kibinai me aba se ulai.¹⁴Asa uyene umon izemzem yissin kiti kah na idin woro iyisin ku ba, (na unan yenju niyert yining), na allenge na idin Yahudiya na icumm udu apara, ¹⁵ulle na adi kutii kitene na awa toluba, sa ada yiru imomon nanye imomon nanya, ¹⁶ulle na adi kunnen nawa dak nyiru ugudum me ba.¹⁷Kash imon nkunne kuneri na lenge na imayitu nin nono nibebene nin nalenge na idumun nonon nmazinu na yiri ane! ¹⁸Sun nlira na ile imone nwada kubi likus ba. ¹⁹Unieu udya ba yitu, i masu ilemon na anitin sa yenne ba, nworu na Kutellẹ wa kye uyẹh, udak nene, na isa su nani ba, å na iba kuru isu nani ba ²⁰In sasana Cikilare na can ayire ba, na iwa se unan lai ba, bara alle na ina fere, unin nare nati i werne ayire.²¹Tutun asa umon mbellin minu, 'Yenen, Kristi ulle!' Sa, 'Yenen, aminii!' na iwa yinin ba.²²Bara an Kristi kinu nin na nan nliru nin nu Kutellẹ kinu ma nuzu ima dursuzu imon yenju nin ni mon nmamaki, inan wultuno anit Kutellẹ wang adin uso nani. ²³Song ncha. Nna me bellum minu vat nille mone a na kube nsa da ba."²⁴Assa ayiri nneu ane nkata, uwui ba siriu, na upui mani nkanang me ba, ²⁵iyin kitene kani ba dissu akara allenge na adinitene nani ma zulunu. ²⁶Ma imanin yenu gono nnit in nuzu nanya nawut nin likara lidyah nin gongong. ²⁷A banin tu nono kadura Kutellẹ amma piturnu allenge na ana fere nanin nnuzu tikot tinas uyiru na pori nyi udu napori kitene kani.²⁸Yiran uyiru nimon kiti kucha kupul. Assa iyene tilanghe ncizina utilu naffa appese yinnong kusike nda susut. ²⁹Nanere tutung iyinigh ille mone ncizina, yinnon ada susut kibuluu'.³⁰Kidegen, mbellin minu, imon illele ma kulu vat ma kuji kone nin kata. ³¹Kitene nin yii ma katu, na uliru nin ma katuba. ³²Ubelleng liri lole nin kubi kone na umong yiru ba, na nono kadure kitene kane, sa gono me yiru ba, uchifere chas.³³Song nin yiru! Yenjeng, bara iyiru sa kome kubiari ba. ³⁴Umasin nafo unit ulle na assu uchin: acinno kilari me na chara nacin me, koyeme nin kata-a me. Anin belle unan ca kibulughe yenje uwasu mmoro.³⁵Bara nani sun ucha! Bara na iyiru kubi ko na Cikilare ma dak ba, sa nin dew nwui, sa nin kitik, sa nin kolusunu kukulok, sa nin kui dindin. ³⁶Awa da minu, na awa adah da se minu mmoro ba.³⁷Ille mon nan din bellu minu, ndin bellu anit vat, yenjen kitii!"

¹Uwa lawa ayiri abba isu ubukin Paska nin bukin Burodin salin yist. Adidya kutin nlira nin nanan ninyerte wa din kpilizu libau longo na iba kifi Yisa ku i molughe likire. ²I woro nenge, "Na wa ti wa kifoghe kitin buké ba, bara nnun wa fita nan nya nanite."³Kube na Yisa wa di in Baithanya nan nya kilarin Simon ukuturu a sosino nli nimonli, umong uwani da nin libon nnuf mongo na idin yicu minin, "Narda" min nikurfung kang a puno minin a kalaghe liti. ⁴Among wa duku nanya mine na iwa lanza ayi. I lira nati mine iworo, "Bara iyanghari idin nanzun nnuf mone? ⁵Nnuf kunya kumang mone batin nworu ileu minin nnu ni dinari akalt atat ini nikimon." I tunan ngbandulu litin nwani une.⁶Yisa woro nani, "Bara iyanghari idin ngbondulu litime? A suyi imon icine. ⁷I sosin nan nikimon ko kishi, iwasa i su nani imon icine vat kubi kongo na nibinai mine yinna, meng tutun anung di nan mi ko kishi ba. ⁸A su imon ilenge na a wa sa a su: A kelei yari bara liyirin nkul ning. ⁹Kidegen ari mbellin minu, vat kiti kanga na iba belu uliru Kutellẹ ku nanya nyih ulele, imon ilele na uwani ulele su imamang belu uliru mẹ nanyan yï ulele."¹⁰Yahuda Iskarioti warum nayan nono katwu me likure nin nan wabe do kiti na didya kutin nlira anan lewe Yisa ku nachara mine. ¹¹Na adidya kutin nlire nlanza nani, ulire bina nani itunna ita likawali ima nighe ikurfung. A cizina upiziru libau longe na ama kifughe a lew nani.¹²Liyirin cizinun mbukin Paskan mburodin nsalin yist na iwa malu ubọ kukam nlira, nono katwa me tiringhe, "Ti ba du weri ti di kele fi kiti kanga na uma li imonli ku?" ¹³A to an waba nan nyan nono katwa me aworo nani, "Can nan nya kipine ima zuru nin mong na a torin lidulin mmyen i dofinghe. ¹⁴Kilari kanga na a pira ku i wufunghe udu nanyeh, i balle unan kilare, 'Chikilarin nworo, Kuti limara nighe din we ari na nma li imonli ku ligowe nin nono katwa nin?" '¹⁵Ama dursu minu kong kuti ketene ku pash kongo na ikele kunin gegeme, i kele nari imonle nanye. ¹⁶Nono katwa we gya udu nanya kipene idi se imone di dirt nafo na a belle, itunna i kelle uciwu nimonlin mbukin Paske.¹⁷Na kuleleng nta a da ligowe nin likure nin nan wabbe. ¹⁸Na ikilino kutebule nli niimonle Yisa woro, "Kidegen mbelin minu, unit urum nan nya mine na adin nli nimonli ligowe ninme a ma lewi. ¹⁹Vat mine ayih tunna a nana nani kang, i tirighe na lalarum, "Sa me ari?"²⁰Yisa kawa a woro nani, "Umong ari nan nya likure nin nan wabbe ulenge na a shono uchara me nanya kishik nimonle ligowe nin mi. ²¹Gono in nit ma katu nafo na ina nyertin kitene liti me, kash in lenge na ima ni Gonon nit nachara me! Ukatin nin chaut iworo na iwa na marughe ba."²²Na iwa di kileo we, Yisa yauna uburodi, a ta mmari, ku a nyemile unin. A niza nani a woro, "Leon. Kidowo ning ari kane." ²³A yauna kakkuke, a tan nlira a nakpa nani vat mine sono nan nya kakkuke. ²⁴A woro nani, "Min nare ingmyi likawali, mongo na ina gutun bara a nit gbardang. ²⁵Kidegen ari mbelin minu, na nma kuru nsono mmyen kumat kucha kongone ba, sei liyiri longo na nma sonu minin mi Pesse nan nya kilari tigo Kutellẹ."²⁶Na i mala uti nasem, itunna i gya udu kuparan Zaitun. ²⁷Yisa woro nani, "Vat nghinu ima diu bara meng nafo na ina nyerting, nma kpiu unan, 'libya nakame, Akame ma malu kiti.'²⁸Asa ifyayi, ima gyiu nbun mine udu Ugalili." ²⁹Bitrus woroghe, "Andi anite vat ma diu, na meng ma diu ba."³⁰Yisa woroghe, "Kidegen nbellin fi nin kitic kane, kafin kukulok kolsin tiba fye ba nari titat."³¹Bitrus woro, "Asa uso nma ku ninfi na nma narifi ba." Vat nin yinna nin liru urume.³²Ida kiti kanga na idin yicu kinin Jethsaimani, Yisa woro nono katame, "Song kikane ndo ndi ti nlira." ³³A yono Bitrus ku nin Yuhana a Yakubu igya ligowe, a cizina uniu ichang nin kpilizu nan nya kibineyi me. ³⁴A woro nani, '' Ulai nin dinin tiyom kang, udu ukul wang. Yisinan kikane isu ucha.''³⁵Yisa chillina udu ubun, a deu kutin anin tah nlira, asa uma chaunu ukalai kokube. ³⁶A woro, "Abba, Uchif, imon vat nsuari kitife. Kalai kakkuk kane litinin, na nafo ubellu nin ba na unfe so."³⁷Akpilla adase nanin nmoro, anin belle Bitrus ku, "Simon, idin nmora-a? Na iwasa ita kubi kurum nyenju kiti ba? ³⁸Yenjeng kiti isu nlira bara iwa piru nanya ndumuzunu. Nfip Kutellẹ nyinna kidowe ka nari." ³⁹A kuru agya udun nti nlire, a kuru abelle tigulan tirume.⁴⁰Ada senanin nmoro tutung, bara nmoro wa di nizi mine ichang na iyinno imong ille na ima bellinghhe ba. ⁴¹Ada untat ada woro nani, "Idu nmoro nin shinuare? Batan nani! Kube nda. Yenen! Ima nakpu gonon nnit nan nya nachara nanan kulapi. ⁴²Fitang ti gya. Yenen, ullenge na ama kifi anakpa ndaduru.⁴³Ayita nlire na idondonoba, Yahuda uwa rum nanya likure nin nan awabe, da nin ligozin nanit gbardang nin titang nan tiyop unuzu kiti nan kubi nlira, anan niyert nan nakune. ⁴⁴Ulle na ama lewughe, namo unanin kulap, a belle, vat ulle na ngbindiringhe amere. Kifonghe anan techu natino nya ninghe. ⁴⁵Na Yahuda nda, atinna ada kitin Yisa, a woro, "Rabbi!" Anin gbindiringhe. ⁴⁶Inin Kifoghe inyamu.⁴⁷Umong nanya mine nutuno litang lidya a kala kutuf nnan kata ndya kutin nlire. ⁴⁸Yisa woro nanin, "Ida nafo ima kifu ukiri nin titang nan tiyop ida kifoiya?" ⁴⁹Na nwadi nan ghinu kolome liri, ndursuzu minu nanya kutin nlira, na ikifei ba. Idin su ile imone bara inyerti nan kullo. ⁵⁰Vat nalle na iwa di nan Yisa wa chom isunghe.⁵¹Nkong Kwanyana dofinghe, na awa kiring nin gudun ubo; ikifoghe ⁵²a suna ugudume kitene aco fisere.⁵³Ido nin Yisa ubon ndya kutyi nlira. Adidya kutyi nlira, Akune, nan nanan ninyerti vat da zuro nanghe. ⁵⁴Bitrus tinna adofighe na susut ba, udu duru kiti kutyi ndya nwucu nlire. A so ligowe nan nanan nca, na iwa din lanzu nla.⁵⁵Udya na didya nin na nan kpilizu me wa din npizuru libo longo na ima se Yisa ku nin Kulapi imolughe. Na ise ba. ⁵⁶Ngbardang na mon mine dasa nin liru kinu na uliru mine nse upiru ba.⁵⁷Among fita iyisina isu uliru unkinu litime; i woro, ⁵⁸"Tina lanzaghe aworo, 'Nma turnu kutyi nlira ko na ina kye nin na chara, nan nya nayiri atat mma kye nkong kongo na ina kye nin na chara ba.' " ⁵⁹Inug wang na uliru mine wase upiru ba.⁶⁰Udya na didya kutyi nlire fita ayisina kitik mine atirino Yisa ku, "Na udi nin tardu ba? Uyapin ulirari ullele na anit din bellu litife?" ⁶¹Vat nin nani amino tik na atardaba. Udya na didyawe kuru atiringhe a woro, "Fere Kristi, usaun Kutellẹ mmarẹ?" ⁶²Yisa woro, "Mere ame. Usaun nnit ullenge na ima yenughe a sosin nchara ulime tigo adin cinu nin nawut kitene kani."⁶³Udya na didya kutyi nlire jarya kulutuk me a woro, "Tidu nin sun mon ukpinu lirikwa? ⁶⁴Anung nlanza tizogo Kutellẹ. Yaghari ukpilliu mine?" Vat mine yinna nworo abatina asso nca nkul. ⁶⁵Among cizina utufuzinghe nataf i tursuzughe umuro, ikpizoghe i bellinghe, "Su nari uanabci!" Ana ncha ngo Yonghe ikpizoghe.⁶⁶Bitrus da yita kadas kutyin nwucu nlira, nkon kubura nanya nanan katah ndya kutyi nlire da seghe. ⁶⁷Ayene Bitrus ku din nlanzu nla atinna abelle, fewang una yita nin kunan Nazaret, Yisa." ⁶⁸Abelle "Kinuwari, na nyinno ile imon na udin nbelle ba." An gya kiti nanite adi piru kudaru nwucu nliru. Ku kulloke kolsuno.⁶⁹Kubure kuru ayeneghe atinna nbellu na lenge na iyissin kite, "Unit ullele umong nan nya minere!" ⁷⁰Akuru anari tutung. Nanin dandaunu ba, allenge na iwa yissin kitene tunna nbellun Bitrus ku, "Kidegenere udi nanya mine, bara fewang kunan Galiliari."⁷¹Atunna a cizina tizogo nin nisiling, "Na in yiru unit ullele na idin liru litime ba." ⁷²Kukuloke tunna ku kolsuno un ba. Kitenere Bitrus tunna a lizino nin lire na Yisa wa bellinghe: "Kamin kukullok kolsin tiba Uba nari sau titat." Na alizino nani kidowo me kughe, apuro kuchulu.

¹Nin shantu kiti nin kui dinding, adidya kutin nlira, nan nalcu kuna, nan nanan niyert a-a vat an lisosin tere tinu, itere Yisa inya ninghe idi nakpa Bilatus ku. ²Bilatus tinighe, "Fere ugo na Yahudawe?" a kawaghe, "U belle nane re." ³A didya kutin nlire dunjo tinu gbardang kitenne Yisa.⁴Bilatus kuru atiringhe, "Na ukawa ba? Lanza tipinpin tongo na idin bellu litife? ⁵Na Yisa nkuru akawa Bilatus ku Ulliru ba, imone na Bilatus ku umamaki.⁶Kubi idi Bilatus asa bunku nani kucin kurum, urika na inin tiringhe. ⁷Nan nya nanan licinne among waduku anan firu nnun, nan nya nanan nfiru nune lisa nmong wa di Barabas. ⁸Ligozin nanite da kitin Bilatus i woroghe a sü nani imonghe na amene nsue.⁹Bilatus kawa nanin a woro, "I dinin nsu nsun minu ugoh na Yahudawa?" ¹⁰Awa yinin bara ivirari nta adidya kutin nlira da nin Yisa kitime. ¹¹Adidya kutin nlira tula ligozin nanite Ighantin tiwui ibellinghe idinin su ibunku nanin Barabasari ku.¹²Bilatus kawa nanin tutung aworo, "Nene yaghari nba ti nin goh na Yahudawe?" ¹³Ikuru ighantina tiwui, "Kotinghe kitene kucha!"¹⁴Bilatus woro nani, "Iyapin imon inanzanghari atah?" Ikuru ighantina tiwuiye, "Kotinghe." ¹⁵Bilatus wa yita nin su a nonko anite nibineyi, a bunku nani Barabas ku. Na a kpizo Yisa ku anin nakpa nanin ame idi kotinghe.¹⁶Anan techu natino pira ninghe nanya kutii lipitin, inin yicilla lipitin nan techu natino. ¹⁷Ishono Yisa ku kultuk kudya, i peu imart itaghe liti. ¹⁸Ichizina ulisuzughe, "i lisofi ugo na Yahudawa!"¹⁹I kpeghe liti nin likpu, i titizinghe ataf. Izazinghe, itumuzunghe. ²⁰Na iwa malu usughe liyong, ikalaghe kultuk kudyawẹ, ikpilla i shonghe kunme. I gya ninghe uchin din kotinghe. ²¹Ita umong unan katu ayauna kucha nkotunẹ gbas, ulenge na awa nuzu kagin gbiri, lisame Simion kunan Kirawani (uchiffin Alexander nin Rufus).²²Anan techu natino da nin Yisa nkankiti na idin sumun u Golgotha (kikanga na idin yicu skull). ²³Iketilne nmyen inabi nin myrrd inaghe anari usonẹ. ²⁴Ikotinghe kucha inin koso imon me isu maferu feru natimine kitene nimon me iyinin kome kusareri kogha mase.²⁵Kubi nikoro itat nin kulelenghari iwa kotinghe. ²⁶I yertine kulap I tafaghe kuchẹ un bellu kulapi me, "UGOH NA YAHUDAWA." ²⁷Iwa kotinghe ligo nin nakiri a waba, uwarum nchara ulime, uwwarum nchara ugule. ²⁸Ulire na iwa su nanya niyertẹ kullo ulenge na iwa bellinng (Imunughe ligowe na nan kulapi).²⁹Alle na iwa din katizu libauwe zoguzoghe, izullu atimine mine idin du "Aha" fe ulle na uba turnu Kutin nlira ukuru ukẹ kunin nanya nayiri attat, ³⁰bollo litife utolu kitene kuche!"³¹Nanere wang adidya kutin lira wa dighe liyong ligowe nan nanan niyerte iworo, "Ana tuchu among amini ndari utuchu litime. ³²Na Kristi, ugoh Isaraila tollu kitene kuchan kotine, tinan yene tiyinna." Allenge na iwa kotin nani ligowe billighe uliru unanzang.³³Kubi kun tochin, kiti tinna kisirou vat udu ikoro in tir. ³⁴Nin fikoro fin tire Yisa tina ghatina liwui, "Eloi, Eloi, Lama Sabatani?" Ulle na ukpliwe nworo, "Kutellẹ nin, Kutellẹ nin, inyagharin ta usuni?" ³⁵Among na iwa yisin kupowe lanza inin woro, "Lanzang adi yichu Iliya ku."³⁶Umong tah uchum adi shintin usoso nmyen mi gbalala, ata likpu, anakpaghe asono. Unite woro, "Nati yene sa Iliya ba da toltinghe." ³⁷Yisa ghatina liwui ata kuchulu atinna aku. ³⁸Kuzeni kongo na kuwa kese kiti kilau kutï nlire tinna kujarta tiba unuzu kitene unuzu kitene uda dak kadas.³⁹Na unan chawe na awa yising in yenju Yisakun yene aku nani, aworo, "Kidegen unit ulele gono Kutellẹri." ⁴⁰Among awani wang wa yisin npït idin yenjẹ. Nanya mine Maremu Magadaline, Maremu (unan Yakubu ubene nin Yoses), a Solomi. ⁴¹Kube na awadi in Galili iwa dofinghe isuzughe katah. Among awani gbardang wa da ninghe Urushalima.⁴²Na kuleleng nta, bara lire wadi lirin kye kitiari, wati liri kafin lin na Sabat, ⁴³Yusufu kunan Armatiya da kite, awa di umong udyawa nanya nanan kutï nlira, ulle na awadin cha ntollu kilari tigoh Kutelle. A tah ayi akone ado adi tiring kidowo Yisa kitin Bilatus. ⁴⁴Bilatus lanza umamaki nworu Yisa mal ku; ayichila unan chawe atiringhe sa Yisa mal ku.⁴⁵Na awa lanza kitin na chawa Yisa nmal bku, a na Yusufu ku kidowe. ⁴⁶Yusufe wadi amal seru kumalti. A toltighe kitene kuchẹ a techeghe nya kumaltẹ, adi nonkoghe nanya na tala. Ma anin yillino kutala a tursu kibullung kiseke mun. ⁴⁷Maremu Magdaline nin Maremu unan Yoses yene ki kanga na ikasa Yisa kuku.

¹Na liri na Sabbat wa kata, Maremu Magdalin nin Maremu unan Yakubu, a Salomi, sere imong kugya kumang, inan da ida tintilo kidowo Yisa bara ukasu. ²Nin kwui didin lirin in cizinu nayiri kuzor, iwa dak kiseke kubin nuzun wui.³Iwa din bellu natimine, "ghari ma turnu nari litala kibulun kiseke?" ⁴Na iwa ghantin iyizi kitene kani, iyene umong in mal turnu kutale, kongo na kuwadi gbardang kang.⁵Ipira iyene in koon kwanyana nin nimon ibọ, asosin kusarin cara ulime, isu umamaki. ⁶Aworo nani "Na iwa lanza fiu ba. Idin pizuru Yisa ku, unit in Nazaret ullenge na iwa banaghe kitene kucha, a fita! Adi kikane ba. Gbinon iyene, kite kanga na iwa ceoghe ku. ⁷Nene can idi bellin nono katuwa me nin Bitrus, adin cinu nbun mine udu u Galili. Kikane iba yenugheku, nafo na awa bellin minu."⁸Inuzu kiseke nin chum; iwadin ketuzu nin mamaki, na iwa bellin imon imoimon ba, bara iwadin lanzu fiu.⁹Nin kwui didin liyirin cizunu nayiri kuzor, na awadi amal fitu, awa cizin udursuzu litime kitin Maremu Magdalin, ullenge na awa nutun agbergenu kuzor nanya me. ¹⁰A gya adi bellin allenge na iwa di ninghe, kubi ko na iwa di tiyom nin kuculu. ¹¹Ilanza adinin lai, nin wo amal fitu kiti me, na inungh wa yinin ba.¹²Kimal nille imone vat, adurso liti me kiti nan waba nin kang kidowo ugang, kubi ko na iwa cinu unuzu udu in kang kagbiri. ¹³Ido idi bellin kagisin nono kadurẹ, na inugh yinna nin nimone na ibelle ba.¹⁴Nin kidughe, Yisa durso litime kiti nanit likure nin nit urum, na iwa din linimonli kutebul, a gbada nani bara usalin yinnu mine, nin gangang nibinai mine, bara na iwa yinni nin na lenge na iwa di imal yennughe kubi ko na awadi amal fitu nanya nanan kul. ¹⁵Aworo nani. "Can nanya inyï vat. ¹⁶Ullenge na ayinna, isulsunghe lau amere mase utucu, ame ullenge na ayinna ba, iba sughe ushara.¹⁷Alle alappe ma dofinu allenge na iyinna. Nanya Lisa nighe iba nutuzunu agbergenu. Ima liru nin telem tipese. ¹⁸Iba yauzunu iyï nin nacara mine, iwa sono imoimon timung na iba tinani imon ba. Ima tarduzu anan tikonu acara ishizin nin ghenu."¹⁹Kimalin malun lire na Cikilare wa sunani, iwa tunung iyiraghe udu kitene kani, adi so ncara ulime Kutellẹ. ²⁰Nono katuwa me gya idi bellu uliru Kutelẹ nanya kowe. Cikilare wadi katuwa nan ghinu, adi teru limurin lirẹ nin nimon mamaki nalap na awa dofin nani.

¹Anit gbardang wa mala unyertinu nadu adu na ana malu kulu nanya bit. ²Alenge na iwa di iyizin yenju ucizunun burne ida so acin ligbulang, ida so acin ligbulang, ida belle arike ku. ³Nani, udu menku gigime wang nin feru nimoon dert oworu uburnu-nnan nyertine inin dert-udak kitin Theofilus unit ugigime. ⁴Ndi nin su iyinin incasarak nimoon ile na ina masu minu.⁵Nanya nayirin Hiridus, ugon Yahudiya, umong unit wa duku ku priest lisa me Zakariya, unuzun likuran Abijah. Uwani me wa di unuzu anashonon Haruna, lisa me Alisabatu. ⁶Vat mine iwa cinu dert mbun Kutelle, icing lau sa utanu vat nanya nadu na Kutelle wa di nin su we. ⁷Na iwa di nin nonol ba, bara na Alisabatu wa di uwanin sali kumat, vat mun wa di imalu ti akune.⁸Lon liyiri Zakariya wa di kiti katwa me kan ti priest mbun Kutelle. ⁹A priest nanya nadu ale na imenen sue ifere Zakariya ku a piro nanya kutiin nlira Kutelle a juju uhadaya. ¹⁰Ligoo na nite vat wa sosin ndas iyitan nlira kube na iwa jujun hadaye.¹¹Gono kadura Kutelle tunna a nusno mbun me, a yisina likoot ncara ulime kupo napik njujuzun hadaya. ¹²Zakariya ta zabat kube na awa yeneghe; bara na fiu wa kifoghe kang. ¹³Gono kadura Kutelle woroghe, "Na uwa lanza fiu ba, Zakariya, bara ina lanza nlira fe. Uwane fe, Alisabatu, ama maru fi gono, uma ni lisa me Yohanna.¹⁴Ima se mmang nin kibinai ki mang bara ame, anit gbardang ma lanzu mang nin maru me. ¹⁵Ame ma yitu unit u dya kiti Kutelle. Na a ma sonu nmyen nanab sa ntoro ba, Ima kulu ngeh nin Ruhu Ulau a dutu nanya liburin nna me.¹⁶A ma ti non Israila grardang i kpilin udak kitin Cikilari Kutelle mine. ¹⁷A ma katu mbun me nanyan ruhu nin likaran Iliya. A ma kpiliu nibinai na cif udu kitin nono, a ti anan dortun liru i cunu nanyan yiru nin libau licine. Ama su nani anan ta anit isoo kiti kirum nanya lisosin ncaa ndak Ncikilari."¹⁸Zakariya woron gono kadura kutelle, "Nmati iyiziari nyimin kubin dak ni le imone? Bara na meng kukune ari, uwani ning tutung mali ti kuwali." ¹⁹Gono kadura Kutelle kpana a woro, "Meere Jibrailu, in yisin mbun Kutelle. I wa tuyi nda bellin fi nda nifi uliru umang ulele. ²⁰Yene, uma ti uturo na u ma liru ba se kubi ko na uliru ulele ma kulu, bara unari uyinnu nin tigbulang too ne, ton go na ti ma kulu nanya kubi ku dert."²¹Nanya nani, anite wa din ncaan Zakariya iyitan Kpilizue iyang ari ta a mini dandauna tituut nanya kutiin nlire nani. ²²Kube na awa nuzu udas, na ayinno uliru nan ngyinu ba, itunna yinno a di yene amoro Kutelle nanya kutiin nlire. A bela nani nin nacara, nna yinno uliru nin nuu ba. ²³Na ayiri katwa me nkulo, a yanya udu kilari.²⁴Na ayirin nda, uwani me Alisabatu ta liburi. A nyeshe litime tipui titaun, adin su, ²⁵"Ile imone Kutelle ari suui mun. Adin yenjii, aba kalui imon ncing nanya na nit."²⁶Nene nanya mpuin toocin nin ti liburin Alisabatu, itoo gono kadura Kutelle Jibrailu udu nanya nkang kagbirin Galili, lisa kanin Nazarat, ²⁷kitin nkong kubura na awa su likawali nin mong unit lisa me Yusufu. A wa di likura nan Dauda, lisa kubure wa di Maryamu. ²⁸Gono kaddura Kutelle da kiti me, a woro, "Nliso fi, udi gongong kang! Kutelle di ligowe ninfi!" ²⁹A tunna ata kpak nin tigbulang to ne, anin kpiliza sa imus ni yapin ilipp ari ine di.³⁰Gono kadure woroghe, "Na uwa lanza fiu ba, Maryamu, fee nse ngongong kiti Kutelle. ³¹See, u ma ti liburi u maru gono, u ma ninghe lisa Yesu. ³²A ma yitu udya, i ma yicu lisa me Gonon Ngo Udya kitene kani. Kutelle Ucif ma nighe kutett tigo ncif me, Dauda. ³³A ma su tigo kitene nakuran Yakubu udu sa ligang, na kutii tigo me ma yitu nin nimalin ba."³⁴Maryamu woron gono kadure, "Iyiziari ile imone ma ti, meng tutung du kabura?" ³⁵Gono kadura woro nghe, "Uruhu Ulau ma dak Kiti fe nin likara Ndya kitene kani ma kirinfi. Bara nani, unit ulau une na uma maru i ma yicu lisa me Gono Kutelle.³⁶Yene, Alisabatu likura fe wang di nin fisud (liburi) nanya tiwali me. A di nanyan piu untoocin nin libure, vat nin yicue na iwa yicu nghe uwanin diru kumat. ³⁷Na imon katin likara Kutelle ba." ³⁸Maryamu woro, "Usoo nani, meng kucin Ncikilari ari." Na ile imone so dert nafo na ubelle.³⁹Nanya nayiri ane Maryamu tunna a fita dedeiughanu udu kipin, udu kang kagbiri nayan Yahudiya. ⁴⁰A pira nanya kilarin Zakariya a liso Alisabatu ku. ⁴¹Kube na Alisabatu wa lanza ilippin Maryamu, gono nanya liburi me tunna ki metiline, Alisabatu tunna a kulo nin Ruhu Ulau.⁴²A tunna a lirina a ghantina liwui kang a woro, "Fe unan mmari ari nanya nawani, fisudu nanya liburi fe wang di nin mmari. ⁴³Iyizi ari nta unan Cikilari ning na dak kiti ning? ⁴⁴Kubi kongo na liwui nilip fe wa diu natuf ning, gono nanya liburi ning tunna a zulluno bara ayi aboo. ⁴⁵Ame ulenge na ayinna a di nin mmari, bara na uliru ulenge na ina belin litime unuzu kitin Cikilare ma kuluu."⁴⁶Maryamu woro, "Ulai ning di liru Kutelle, ⁴⁷Uruhu ning di nayi abo nin Kutelle unan tucu ning.⁴⁸Bara na ana ghantin kuchin me kikimon. Nin nene udu ubun ji ma yicui unan mmari. ⁴⁹Bara na Ame Udya na su imoon ididya bara meng, tutung lisa me di lau.⁵⁰Nkune-kune me di kitene kuji udu kuji na nit alenge na idin lanzu fiu me. ⁵¹Ana su imon likara nin cara me; ana malu kiti nin na lenge na idin ghantizunu ati mine.⁵²Ana toltizin ago ketene natet tigo mine, anin ghantina kimon. ⁵³Ana niza anan kukpong imonli icine, anin kko anan nimon naacara sa imong nacara mine.⁵⁴Ana bun kucin me Israila, anan lizino nin ⁵⁵Ibrahim nin likura me sa ligang, nafo na awa ti likawali kiti nan kaa bit a masu."⁵⁶Maremu wa so nin Alisabatu tipui titat, anan kpilla udu kilari me. ⁵⁷Na kubin Alisabatu wa duru kongo na ama maru gono me a tunna a mara gono. ⁵⁸A doon lisosinn me nan likura me lanza ubeleng inkune-kune mongo na Kutelle su Maremu ku, inung wang su ayi abo ligowe ninghe.⁵⁹Ituna, na ayiri linuanu me in kulo ayiri kulir, idaa nda kalu kucuru ngone, iwa din nworu inighe lisan Zakariya, nafo lisan incifme. ⁶⁰Unan gone kpana a woro, "Babu, ima yicu lisame Yohanna ari." ⁶¹Anite woroghe, "Na umong duku nanya likura mine na idin yicughe nin lisa lole ba."⁶²Itunna i kpiliya ucifin ngone ulire nin nacara inan yinno lisa longo na ibaa yicu gone mun. ⁶³A joorino nin cara inighe imon nanyert, a tuna a nyertine, "Lisa me Yohanna ari." Vat mine umamaki kifo ani.⁶⁴Na nin nanzu kubi ba unuume tunna upuuno kidowo lileme buntu, a tuma nliru, nin su liru Kutelle. ⁶⁵Fiu tunna fi kifo alenge vat na iwa di ligowe kite itunnan belu nimon ilenge na isu vat nanya kipin natala ucin du Uyahidiya. ⁶⁶Vat na lenge na iwa lanza ubeleng nimon ilele itunan kpilizue nanya nibinai mine iworo nenghe, "Ani nene, gono kane ma yitu Iyiziari?" Bara na iwa yinin ucaran Ncikilari di ligowe ninghe.⁶⁷Ucif me Zakariya wa kulun nin Ruhu Ulau, a tunan belu nimon ilenge na ima su mbun, ⁶⁸"Liru udu kitin Cikilari, Kutellen Israila, bara na ana dak kiti bit a puuno lbaun nutunu nanitme licin.⁶⁹Ana ni nari unan likaran tucu nanya likura kucinme Dauda, ⁷⁰Nafo na Kutelle wa belin tinuu nnono ni lau kadura me uworu. ⁷¹A na ti nari likawalin tucu nacara na nan nivira bit, nin nacara na lenge na inari arik.⁷²Ana su nani anan durso nkune-kune udu nan kaa bite, anan nin likawale me, ⁷³loli likawale isilinari na awa belin udu kitin kaa bit Ibrahim. ⁷⁴A wa su isilin anan nutun nari nanya nacara na nan nikira bit anan ta nari ti sughe katwa sa fiu, ⁷⁵nanyan nlau ni su nimon icine mbun me udu ligan nayiri bit.⁷⁶A fee, gonon ning, ima yicufi unan liru nin nuu Kutelle Ugo Udya, bara na uma diu mbun Incikilari ukelee anit bara udak me, ⁷⁷unan buuno anit iyinin use ntucu nshawa nin nalapi mine.⁷⁸Kutelle bite ma shawa nin nalapi bite bara nkune-nkune migbardan me, kitenen mon kune-kune, unan tucu ulenge na adi nafo uzun nwui, ma dak unuzu kitene kani a da bun mari. ⁷⁹A ma ni nkanang kiti nalenge na isosin nanyan nsirti nin kuyelin nkul. Ama dortu nin nabunu bite nanya libau lisosin limanng."⁸⁰Gone tunna ki kuno, ada nin likara kidowo nin ruhu. A wa di so nanya kusho ku kau udu kobi kongo na a wa cizin upicu nanya na nitin Isaraila.

¹Nene nanya nayiri a ne, kaisar Agustus yita tigo a nutuno uduka nworuu i nyertu tisa na nit vat na idi nanyan mmyin nRoma. ²Ulelere kibatiza nfari na iwasu kubi na kiriniyas wandi ugumuna nSiriya. ³Ko gha nya udu kagbir mye idi nyertu ghe bara kibatiza.⁴Yusufu fita anuzu kipin Nazarat nanya Ngalili, acina udu Uyahudiya, kipin Baitalami, kanga na iyuru kinin kipin Dauda, bara ame wandi kuwunu unuzu likuran Dauda. ⁵A doo kikane idi nyertin ghe nin Maryamu, ule na awa di kubura nilugma mye, iyita ncaa ngono.⁶Nene uduru kubi na iwadi kikane, kubi nmaru ngono da ghe. ⁷Amara gono, kin pari mye, a tursu ghe nin kupori, a cio ghe kiti nlii nimonli nakam. Bara na kutyi wa duku ba, kilari namara.⁸Kusari kone, anan liwalli ninab wa duku, alenge na iwa sosin nfong iwadi ncaa ligozi nakam nin kiitik. ⁹Kpak unan kadura Ncikilari nuzu kiti mine, ngongong Kutelle din nbaltu kiyitik mine, fiu da noni.¹⁰Unan kadura Kutelle woro nani, "Na iwa lanza fiu ba bara nba bellin munu uliru ucine, ulenge na uba dak nin lanzu nmang kang kiti nanit vat. ¹¹Kitimone imarra munu unan tucu, nanya kagbir Dauda! Amere Kristi Cikilari! ¹²Alamere ale na iba ni munu, iba se gone ikiroghe nin kuzeni anong kiti nlii nimonli nin kuzeni anong kiti nlii nimonli nakam."¹³Kpak nin unan kadura Kutelle a soja kiteni kani gbardang wan duku nsu liru kutelle idin su, ¹⁴"Ngongon udu kiti Kutelle kitene kani, lisosin lishau ba yitu inyi nanya nanit nin nalenge na ayi mye npoon ninghinu."¹⁵Uso na unan kadura Kutelle nnnya kiti mine, anan liwali nine woro natimine, "Cannari nene udu Baitalami tiyene imon ile na idi ilenge na Cikilari nta tiyino inin." ¹⁶Ido kikane dedei ise Maryamu ku nin Yusufu, iyene gono nonn kiti nlii nimonli nakame.¹⁷Na iyene nani, ita anit yinno imon ile na ibelle nani kitene ngono kane. ¹⁸Vat nalenge na iwa lanza ikifo tinnu, bara ile imon na ubelle nani kiti na nan liwali ninah. ¹⁹Ame Maryamu tinna nkilizu kitene vat nile imon na lanza acio inin nanya kibinai mye. ²⁰Anan liwali nineh kpilla, idin nzazinu nin liru Kutelle, bara imon ile vat na ilanza, iyene idi nafo na ina belin nani.²¹Na ayiri kuliri nkulo, kubi nkalu kucuru ngone ndah, inaghe lisa Yesu, Lisa na unan kadura Kutelle wa mallu unighe, kamin nuzu nanya libure.²²Na ayiri linanu mye nmala, bara uduka Musa, Yusufu nin Maryamu damun kagone nanya kutyi nliran nurushelima, inakpa ghe kitin Cikilari. ²³Nafo na inyerte di nanya duka Cikilari, "Ko kame gono nfari kilime iba yicu ghe ulau Ncikilari." ²⁴Tutun iwa dak ida ni uhudaya bara uleli ubelle nanya nduka Ncikilari, "awullung abba sa atanta bara."²⁵Au umong unit nanya Urushelima lisa mye Simeon, unit une ullau wari unan ni litii, awadi ncaa nle na aaba da bunu Isiraila ku, Uruhu ulau wa di litimye. ²⁶Awa se uleli uyinno kiti nruhu ulau, na uwa woroghe, na ame ba kuu ba, sei ayene Cikilari Kristi.²⁷Nlon liri ada kutyi nlira, Uruhu ulau wari wa dofin ninghe. Kubi na Ucife nin nne wa dinin gone Yesu, ida sughe ile imon na uduka anbelle isu. ²⁸Ame Simeon ne sereghe nin nacara mye, asu liru Kutelle anin woro, ²⁹"Nene na kucin fe nya sheu, Cikilari, bara uliru ligbulang fe.³⁰Bara iyizi nighe nyene utucu fe, ³¹Ulenge na uwa keele nanya nyenju nanit vat. ³²Ame ba so nkanan bara upunu kidegen kiti nalumai, aba so ngongon nanit mye Isiraila."³³Ucif nin nnah nngone kiffo tinu kitene nile imon na idin kitin gone. ³⁴Simeon ta nani nmari, abelle Maryamu ku unene, "Lanzai gegeme gono kane ba so libau ndiu nin nfitu nanit gbardang nan Isiraila nin nalama alenge na idin bellu kitene mye. ³⁵Tutun Kusangali ba wariu kidowo fe, bara ukpilizu nibinai gbardang bba nuzu fong."³⁶Umong uwani unan nliru nin nnu Kutelle, lisa mye Anna ame wang wa duku, ame ushonon Fanuwel unuzu likuran Ashar, awa dinin mye nin nlesi akus kuzor cas, ³⁷a so nanya likulok uduru akus akut kulir nin na nas. Na a suna u picu kutiin nlira ba kitik nin liring, a suzu ukotu nayi nin lira. ³⁸Nkoni kube ada kiti mine a cizina ugodiya kiti Kutelle, asu uliru kitene ngone kiti nko gha, alenge na idin ncaa ntucu Urushelima.³⁹Kubi na imala vat nile imon na iwa dinin su nsuwe bara uduka Ncikilari, ikpilla udu Ugalili, udu kagbir mine Unanzaret. ⁴⁰Kinin gone kunno ata likara, njinjin kpina ku nsheu Kutelle so liti mye.⁴¹Ucife nin nnere asa ido Urushelima ko lome likus bara ubukin (keterewa). ⁴²Kubi na awa duru akus likure inung tutun nya kubi nalada a kubi nbuki. ⁴³Na iso, ayiri nbuke vat malla, izina ukpilizinu kilari, ame gone Yesu lawa kidung, nanyan Urushelima, na inung Ucife nin nnene wa yiru ba. ⁴⁴Inung dinsu nworu adi nanya ligo nanit, na iwa di nanghinu, isu ucin liri lirum, inin cizina upiziru ghe nanya likura nan nadondon.⁴⁵Na iseghe ba, inung kpilla udu Urushelimma, itunna npiziru ghe kikane. ⁴⁶Iduru ayiri ataat iseghe nanya kutyi nliran, asosin kiyitik na nan nyiru, inlanzu nani nin ntinu nani. ⁴⁷Vat nalenge na iwa lanza ghe iwa kiffo tinu, bbara uyiru nin nkawu mye.⁴⁸Kubi na iyene ghe ikiffo tinu unna mye woro, "Gono, iyaghari nta usu nari nani? Lanza Cife nin mye tidin piziru fi kkang." ⁴⁹A woro nani, "Iyaghari nta idin pizirie? na anug yiru ba uso yi gbasari nso kilari Kutelle?" ⁵⁰Bara na inung nyinno ile imon na tigbulang mye din bellu ba.⁵¹A kpilla kilare nanghinu udu Unazareet adorto uliru mine, unna mye cio vat nimon ine nanya kibinai mye. ⁵²Yesu leo ubun nkunju nin njinjin a njangaram, ase uyinnu Kutelle nan nanit.

¹Nanya likus likure nin natowun kube na ugo Tiberius Kaisar, ame Bilatus Ba-bunti wa di ugomna Nyahudiya, Hiridus wadi unan bunu gwamnna in Galili, gwana me Filibus wadi unan bunu kipin ituriya nin Tarakunitis, Lisaniyas wadi unan bunu gwamna Abiliya, ²nin kubi na Annas wadi kumalami kudya nin Kayafas, uliru Kutelle da kitin Yohanna, usaun Zakariya, nanya kusho.³A wa cinu akeu nigberi naa na ni wadi ngau kurawa urdun, a wadin wazin shintinu nmyen nin foo na acara udu uwesu kulapi.⁴Nafo na inna yertin nanya kufa ligbulang Ishaya unan liru nin nuu Kutelle, "Li wai nmong din yicu nanya kusho, 'Kelen libau Kutelle, kelen tikoot mene ti so dert.⁵Vat awu ima kulu anin, vat atala nin naparan ima toltinu ana nin vat, tibau ti ginlang ima nakpu tinin, tibau ti nanzan ima kelu tinin lau. ⁶Vat anit ma yenu utucu Kutelle.'"⁷Yohanna woro ligozin na nite ale na iwa ccinu uda kiti me ada shintu nani nanya mmyen, "Anung kuewunu fiyii timung, nghani na kpada minu icun kiti finana nayi to na tidin cinu?⁸Nutunon nono nanga na nibatina ufubu, na iwa cizin ugbondilu nanya mine ba, "Tidin Ibrahim ucif bite,' bara na ina belen munu au Kutelle wa sa a nutuno Ibrahim ku nono tutung unuzu natala alele.⁹Nene imalu tii kidowo tilin kuce bara nani vat kuca ko na kunutuno kumat kucine ba wase ikowo kunin i ta ulaku."¹⁰Amon nanya ligozie teringhe imoro, "Iyanghari ti ma nin ti." ¹¹A kawa a woro nnani, "Umong wa di nin nalutuk aba, ana ule na a salimung, ule na asi nin nimonli a su nani."¹²Among anan sessun gandu da ida shintin nani nmyen, i woroghe, "'Unan yiru, inghanghri ti ma ti?" ¹³A woro nani, "Na ima seru ikurfung ikata ile imong na ina beling minu.¹⁴Among a soja da tiringhe, i woro, "Arike fa? Tiba tizighari?" Aworo nani, "Na iwa seru ikurfun kifin mmong nin likara ba. Na iwa vura umong ba teren kibinai nin imung na idin bizu minu."¹⁵Nene na anite wa din ncaa ndak Yesu, kogha wadin kpilzule sa Yohanna re Kristi. ¹⁶Yohanna kawa a woro nani vat, "Bara meng idin shintu munu nanya myen, umong din cinu ulenge na akafini nin likara, na meng bafin inbunku tii nakpatak mye ba, ama shintu munu nanya Ruhu Ulau nin laa.¹⁷Kupark mye di nanya nacara mye na ama kyeliu uaalkama a gutun insoronghe ayiru iyole atii filai ama juju insoronghe nin la ule na iwa se ibico ba."¹⁸Nin mong ugbaru udia tutung, abele anite ulilrun nlai. ¹⁹Yohanna kpada Hiridus ku kitin yerun nwaii mbene mye Hirudiya, nin vat nadu ananzang Hiridus na ana su. ²⁰Bara nan Hiridus kuru a ti nlong lidu tinanzang a mati i tursu Yohanna ilu nanya kilari lican.²¹Nene kubi da, na Yohanna wa shintu anit vat nanya nmyen, a shintino Yesu ku wang na awa din nlira kitene kani puno. ²²Uruhu Kutelle tulu kitene mye nafo kuwulung, liwui nuzu kitene kani, "Fere gono nayi ning udin puzi ayi."²³Yesu liti mye, kube na awa cizin udursuzue awa di nin nallus akut atat. Awa di usaun Yusufu, usaun Heli, ²⁴usaun Mathat, usaun Nlawi, usaun Melchi, usaun Jannai, usaun Yusufu,²⁵usaun Matatiyas, usaun Amos, usaun Nnahum, usaun Hasli, usaun Nayjaya, ²⁶usaun Maatha, usaun Mattathiya, usaun Shimi, usaun Yuseka, nin saun Joda,²⁷usaun Yohanna, usaun Risa, usaun Zurbabila, usaun Shaaltiya, usaun Niri, ²⁸usaun Malki, usaun Addi, usaun Kusana, usaun Almodama, Usaun Iri, ²⁹usaun Yosi, usaun Aliazara, usaun Yorina, usaun Mattahata, usaun Lami,³⁰usaun Simion, usaun Yahuda, usaun Yusufu, usaun Yonana, usaun Aliyakima, ³¹usaun Malaya, usaun Mainana, usaun Mattahata, usaun Nattana, Usaun Dawuda, ³²Usaun Yassa, usaun Obida, usaun Buaza, Usaun Salmona, usaun Nahashuma,³³usaun Aminasaba, usaun Arana, usaun Hasruna, usaun Harisa, usaun Peres, usaun Yahuda, ³⁴Usaun Yakubu, Usaun Ishaku, Usaun Ibrahim, usaun Taraha, Usaun Nahura ³⁵usaun SAruja, usaun Rauwa, usaun Palaju, usaun Aberu, usaun Shalahu,³⁶Usaun kinana, usaun Arfakshada, usaun Samana, usaun Nuhu, usaun Lamaka, ³⁷usaun Matushalaha, usaun Anuhu, usaun Jarada, usaun Mahalailu, usaun Kanana, ³⁸Usaun Anosha, usaun Shittu, usaun Adamu, Gono Kutelle.

¹Nani Yesu, na iwa kullo ghe nin Uruhu Ulau, akpilla unuzu kurawan Yahudiya, Uruhu nya ninghe udu nanya kusho ²nanya nayiri akut anas shetan. Wa di dumunghe kikane, nanya na leli ayire, na awa lii imon ba, udu nimalin nkoni kubi alanza kukpon.³Shetan ghe woroghe, "Andi fe gono Kutelle ari taah atala ale aso uborodi." ⁴Yesu kauwa ghe ina nyertin, "Na unit ba so ninlai bara uborodi cas ba."⁵Nin nani shetan dofino nunghe udu kiti kizalan, adi durso ghe vat kipin tigo nanya inye na nin kubi ba. ⁶Shetan ghe woro ghe, "Meng ba nifi likara asu tigo nanya kipin tigone nin ngongon vat, meng wan su nsu nani bara ina nii nsu tigowe kitene, tutun nwansa nnah ko ghaku ulenge na ndinin nsuwe. ⁷Bara nani asa uba tumunu nbun nighe unii ngongon, vat nilele ba so infe."⁸Bara nani Yesu kauwa a wono ghe, "Udi nanya ninyerte uba tumuzunu Cikilari Kutelle fe amere cas uba nighe ngongon."⁹Udu nbune shetan dofino nin Yesu udu Urushelima adi cio ghe kiiti kizalang kuttyi nliran a woro ghe, "Andi fe gono Kutelle ari nyinna kikane. ¹⁰Bara inyerte na bellin abati nono kadura mye iminfi, ikese fi. ¹¹Inung ba ghantinfi nin nacara mine, bara uwa tiro kitene litala."¹²Yesu kauwa a woroghe. "Ina bellin na uwa dumun Cikilari Kutelle fe ba. ¹³Kubi na shetan nmala udumuzunu Yesu ku, a nya a sunghe udu nkon kubi.¹⁴Nani Yesu kpilla udu Ugalili nin likara Uruhu, uliru kitene mye malla kiti vat nkilinu ligan nmyino. ¹⁵A dursuzo nani nanya kutyi nliran ko gha wa sughe liru.¹⁶Nlon liri adah Unazaret, kagbir kanga na ana kunjoku, nafo ile imon na amene nsuzuwe, a pira kutyi nliran liri nasabar, a fita ayisa a karanta inyerte. ¹⁷Kufah nnan nliru nin nuu |Kutelle Ishaya ri iwa nighe a puno kufe, asa kiti kaa na inyerte ule duku,¹⁸"Uruhu Kutelle di nin mye, Bara unashipai nbellu uliru ucine kiti nakimon. Ana tuuyi nbellin ibunku alenge na idi licin, nin npunu niyisi nale na idi aduu, ¹⁹Nin nbellu likus nse nyinnu Ncikilari."²⁰Na atursu kuffe, akpilla mun ana unan kutuwa kutyi nlirane, atina aso, iyizi na nite vat nanya kutyi nliran kpilla kitimye. ²¹A cizina uliru nanghinu, "Kitimone nkullo nanya nlanzu mine." ²²Ko gha wanso iyizi inba nanya nimon vat na awa bellin nanuu itunna ikiffo tinu, bara tigbulang timang na ti di nnucu nnu mye. I wa din du "Kaane gonon Yusufu ari, sa na nani ba?"²³Yesu woro nani, "Kiden nari iba belle to tinan kugoldo, kabere shinno nin litife, vat nile imon na tina lanza au una su Ukafarnahum su inin kikane kagbirfe." ²⁴Ame tutun woro, "Kidegenari ndi nbellu munu, na iwasa iyina nin nan nliru nin nnu Kutelle kipin mye ba.²⁵Kidegen meng di nbellu munu, awani alenge na ales mine wa kuzu wa diku gbardang kubon Iiya, kubi na kitene kani wa tursu, sa uwuru udu akus atat nin tipwui kutocin kubi na kukpon wandi vat kipine. ²⁶Bara nani na iwa tuu Iliya ku kiti nmong nanya mine ba, bara cas udu kiti nmong uwani na ules mye na kuu, kupo kipin Sidon. ²⁷Tutun akuturu wa duku gbardang kubin Alisha unan nliru nin nuu Kutelle, bara nani na iwa shinn nin nmong ba se Naaman kunan Suriya."²⁸Vat nanite nanya kutyi nliran lanza ileli imone ayi mine nana. ²⁹Inung fita inutunghe nanya kagbire nin likara, inya ninghe udu kitene likup longo na iwa ke kagbir mine ku, bara itununghe udak kutyin. ³⁰Ame tunna anya dert kiyitik mine libau mye.³¹A tolo udu Ukafarnahum kagbir nanya ngalili, namon asabar awandi ndursuzu nanit nanya kutyin nliran. ³²Inung wa kiffo tinu nin ndursuzu mye, bara awa liru nin likarra.³³Nene nanya kutyin nliran umong wa duku ulenge na awa dinin Nruhu nagbergenu, asu kuculu komg, ³⁴Iyaghari arike basu ninfi Yesu kunan Nazarat? Udah kikane uda molu nari? Meng yiru sa fe ghari, fere Ulau un Kutelle!"³⁵Yesu kpada agbergenu a woro, "Taan tik inuzu nanya mine!" Kubi na agbergenu liinghe kutyen kiyitik mine, anuzu nanya mye sa uworu ataghe ukul. ³⁶Vat nanite kiffo tinu, itunna nliru nanya nati mine, i woro, "Imusin ntime tigbulan ghari tine? A kpada agbergenu ananzang nin likara inanai inuzu wa?" ³⁷Uliru we kitene mye tunna umala kiti nanyan nkilinu kipine.³⁸Na Yesu nsuna kutyin nlira, apira kilari Simon, nene unan nwani simo ne awadi nniu nin nkonu, inung foghe acara nmemuku mye. ³⁹Bara nani a fita ayisina kitime akpada ukone, atinna ashino, deddei atina a fita acizina asu nani katuwa.⁴⁰Kubi ndiu nwui, anite da nin na nan tikonu gbardang kitin Yesu, Ame tarda nani acara itino itinna ishino. ⁴¹Agbergenu nuzu kiti nani gbardang, nin kuculu i woro, "Fe gono Kutelle Yesu kpada agbergenu a wantina nani uliru. Bara iwa yinin au ame Kristi ari.⁴²Nin nshantu kiti ada, anya udu kiti kah na unit duku ba, ligozi nanit wadi npiziru ghe ida kiti kah na aduku, isu inda na iba wantinghe asun nani. ⁴³Baara nani, aworo nani, "Usoyi gbasari tutun nbellin ulinu ucine kitene kipin tigo Kutelle nanya nigbir gbardang, bara nanere iwa tuuyi kikane." ⁴⁴Nin nani atina aleo ubun nbellu nliru nlai nanya natyi nlira, nin vatt ligan Yahudiya.

¹Nene icizina, ligozi nanit wa kilinghe idin lanzu nliru Kutelle, ame wa yisin ngau kurawa. ²Ayene tizirgin nmyin tiba yisin ngau kurawa. Anan nduwane wandi imal nuzu nanya tizirge, idin kussu tikuma. ³Yesu wa piru nanya njirgin Simon a woroghe a cancanah udu ubune, a so nanya nzirge anin durssozo annite.⁴Na amala udursuzu nanite, a woro Simon ku, "Ayiru uzirge a domun kiti chonchome bara nduwaned." ⁵Bitrus kpana a woro, "Cikilari, timorin katuwa, nati kifo imon ba, bara ligbulan fe, mba tuu tikume ku." ⁶Na ita nani ikifo iboo gbardang, tukume putuzo. ⁷Iyicila adon mine nin nacara na idi nton tizirgi ida bun nani, idah ida kullo tizirge icizina wulu nanya nmyen.⁸Na Bitrus nyene nani adio nabunu Yesu anin din sughe, "Cacanah kupo nighe, bara na meng unan kulapari, Cikilari." ⁹Imone wa tighe Zikiki, ligowe nan nale na awadi nanghinu nin kifu nibowe ulenge na iwa yiru. ¹⁰Ulele wa munun Yakubu nin Yohanna asaun Zabadi, alenge na iwadi ligowe nin Bitrus. Yesu woro Simon, "Ku na uwa lanza fiu ba, bara nenen udu ubun uba kifizu annit." ¹¹Kubi ko na inutuno tizirgi mine ndas, isuna imone vat idofin ghe.¹²Uwadi nani kubi, na awadi nanya nkan kupin nigbire, umong unit wa duku nin tikuturu. Na ayene Yesu ku, adio nbun mye adin nfoghe nacara aworo, "Cikilari assa uyinna uwasa ushino nin mye." ¹³Yesu nakpa ucara mye adudo ghe, a woroghe, "Meng nyinna. Shino." Kitene tikuture tina tishino.¹⁴A kpada ghe yenju awa bwllin umon, a woroghe, "Caanfi, udurso litife kiti npirist, caan udi ni uhadaya nwesu fe bara ubellun Musa, bara ushaida kiti mine."¹⁵Uliru litime mala kiti piit, Ligozi nanit gbardang dah kitime nwonu ilanza ghe, ndursuzu nani nan nshizinu nin tikonu mine. ¹⁶Bara nani asuna nani apira nanya kusho usame, bara anan tah nliran.¹⁷Iwa duku nlon liri na awadi ndursuzu nanit, a Farisiyawa na nan wucu kidegen wa duku, alle na iwa nucu niti ngangan nanya nmyin Ngalili a Uyahudiya nin kakpiri Urushalima. Agang Kutelle wadi litime nworo a shhizin nin nanit.¹⁸Nene amon annit da, nin nmong unan nkonu npenu nfunu, ipizira libau longo na iba dak ninghe kitin Yesu. ¹⁹Na iwa se libau nworu Idamun ninghe ubun mye ba, bara ukullu kiti, ighana kitene fitulleri kutyie itoltunnghe kiyitik nanit nbun Yesu.²⁰Na awa yene uyinnu mine sa uyenu a woro, "Ikusu alapi fe." ²¹Anan ninyerte nan na Farisawa icizina utiru iworo, "Ghari ule na adin tizogo? ghari nwasa awesu kulapi, nbanin Kutelle?"²²Yesu wa yinin ukpilizu nibinai mine, a kauwa a woro nani, "Iyaghari ntah idi kpilizuwe nanya nibinai mine? ²³Uyemeri dinin dedei nbellu, 'Iwese alapi fe sa fita ucinu?" ²⁴Bara inan yinno gonon nnit dinin likara nanya inyulele akusu kulapi, nworo fi, 'Fita uyiru kuppe, fe unya udu kilari.'"²⁵Na nin mollu kubi ba nbun mine a fita a yauna kuppe mye na wa nnonku akpilla kilari mye adin nzazinu Kutelle. ²⁶Ko gha imone wa tighe zikiki izazina lisa Kutelle, fiu da nani iworo, "Tiyene imon ipese kitimone."²⁷Na ile imone nkatah, Yesu nuzu kikane adi yene umon unan sesun ngandu lissa mye lawi, asosin kudanga nsesun ngandu mye, a woroghe, "Dofini." ²⁸Lawi suna vat imon ile na awa dumun adofinghe.²⁹Lawi yicila ubuki udiya kilari mye bara Yesu, anan sesun ngandu gbardang wa dak ku, among annit wa sosin nanghe idin leo ligowe kutebule. ³⁰Afarisiyawa nin nan ninyerte wadi ngondilu nbun nan nan kadura mye, iworo, "Iyaghari ntah idin lii nin nso na nan sesun ngandu ligowe na nan kulapi?" ³¹Yesu kauwa nani, annit alenge na idi acine, na idinin su nnan nizu nkan ba, anan tikonuari cas dinin su nnan nkan. ³²Na ina dakk nyicila annit alau ba, ayicila anan kulapi ituba."³³Inug bellinghe, "Nono kadura Yohanna asa itere tinu nin nliran, nono kadura na Farisiyawa asa isu nani inung nono kadura fe din nlii isono." ³⁴Yesu woro nani, "Umon wasa aterunu kwanya tiyime yita nanghinu?" ³⁵Bara ayiri ba dak na iba da yiru kwanya tiyome, nanya naleli ayirere iba teru tinu."³⁶Yesu tutunn lira nanghinu nin tinan tigoldo, na umon wasa ayira kupari kupese avah kukuse mun ba, asa asu nani, aba jariu kuzeni kupese, kuzeni kupese wasa ado dert nin kukuse ba.³⁷Tutun na umon wasa ayira nmyen narua ata lisu likuse ba asa asu nani, nmyen narau mipese ba tutu nin lisuwe, nmyen narauwe mala kiti, linin lisuwe putto. ³⁸Bara nmyen narau mipese, ibati minin nanya lisu lipese lilau. ³⁹Na umon, asa asono nmyen narau mikuse, adin piziru mipese, bara aba woru, 'Mikuse katin.'"

¹Na iwa di lirin Nassabath na Yesu wadin cin nanya kunen ni leu acurmye wadin nkulu nati ni leu, ipara na cara mene ituna nlee. ²Amon nanya na Farisiyawa woro, "Inyari ita idin nsu nilemong le na i caun isu liri na Sabbth ba?"³Yesu kauwa nani a woro, "Na anung na karanta imung ile na Dauda wasu kube na wa lazan kukpong, ligowe nan nanit na iwa di nanghe? ⁴Awa piru kilari Kutelle, ayira uburodi ule na iwa ceu a leu umon nanya ukuru ama alenge na imadi ligo we nan ghe un na priestari cas ile." ⁵Anin woro nani, "Gono nit Ucifari un na Sabath."⁶Uda among Asabar na awa piru nanya kutii nlira adin dursuzu anite kikane umong unit wa diku nin ku girin cara. ⁷Anan niyert nang na Farisiyawa wadin yenju susut sa a ba shinu nin mung unan konu lirin na Sabath, inan se imong ile na inna Vuruzughe mung. ⁸Bara nani ayino ile imung na idin kpilizue nibinai myene a woron nle na ucara di kuger, "Fita, uyisin kitill nanite." Unite fita a yisina kitene.⁹Yesu woro nani, natirin minu, ucaun isu imong icine liri na Sabatha sa isu inanzang i tucu ulai ya sa inanza unin?" ¹⁰A yenje nani vat anin woro anite, "Nakpa ucara fe." Ata nani ucara mye kpilaku. ¹¹Bara nani ayi mine nana ilira nanya natimine, kitene nile imon na ibasu Yesu ku.¹²Uso nani, nanya nayiri ane a ghana kitene liikup asu nliran, a leo ubun nin kiitike vat nlira kiti Kutelle. ¹³Kubi na kiti nshanta, ayicila nono katuwa mye, a fere annit likure alenge tutung na iwa ni nani lissa "anan kadura."¹⁴Tisa nanan kadura mye inughe Simon (ulenge na iwa nighe lisa Bitrus) nin gwana mye Andrawus, Yakubu, Yohanna, Filibus, Bartamalawus, ¹⁵Matta, Tomas, Yakubu usaun Alfa, Simon, ulenge na idin yicughe Zaloti, ¹⁶Yahuda usaun Yakubu, nin Yahuda Iskariyoti ulenge na aba lewughe.¹⁷Kube Yesu tolo kitene likupe nan ghinu ida yisina kiti kitendelen, ligozi na nan katuwa mye gbardang wa duku, nin ligozi nani gbardang na inuzu Nyahudiya nin Urushelima, nin nbui kurawa Sidoniya a Utaya. ¹⁸Iwa daka ida lanza ghe, ukuru ise ushinu nin tikonu mine, anit alenge na iwadi nniu nin nruhu unanzang iwa shinn. ¹⁹Ko gha nanya ligoze wa dinin su a dudo ghe bara likara nshishinu vat.²⁰Ame yene anan katuwa mye a woro, "Anung anan nmariari ulenge na idi akimon, bara anughere anan kipin tigo Kutelle. ²¹Anan nmariari unughe na idi lanzu kukpon nene, bara anug ba shittu, anan nmariari anughe na idi kuculu, bara iba su tisina.²²Anan nmariari anughe asa anit nnari munu, kubi na ikoso ligo nan ghinu, isu munu nshina, inani nanza munu lisa nworo anug umuguari, bara upiziru lisa ngono nnit. ²³Suun liburi libo liyiri lole, inyizin bara ulanzu nmang, bara fe base uduk udia nanya kitene kani bara acif mine nanere iwa su anan kadura Kutelle.²⁴Kash anung anang nimon nacara, barra imal seru uduk mine. ²⁵Kash anung alenge na ishitin nene, bara kukpon ba da munu nin ndu nbun, kash anung na idi tisina. nene, iba su tiyom nin kuculu nin ndu nbun.²⁶Kash anung alenge na anit di nliru gegeme kitene mine, bara acif wa su anan nliru kinu nin nnu Kutelle nanere.²⁷Bara nani meng di belle munu na idin lanzu, taan usu na nan nivira nanghinu, isu imon icine kiti nalenge na inari munu. ²⁸Taan aleenge na itamunu unnu nmari, suun alenge na idin tumunu ineo nliran.²⁹Ame ulenge na areoufi kuwwau kpiliya ghe kunbe, asa umon bollo ugudum fe munu ghe kulutuk fe ku tutun. ³⁰Na vat nlenge na atirin fi, asa umon nbollo imomon na idi infe, na uwa tiringhe anifi ba.³¹Ile imon na fe idinin su anit sufi fe wang su nani. ³²Asa fe din su usu nalenge na idinin su fere cas, iyaghari uduk fe? Vat inung anan kulapi dinin nsu nalenge na idinin su mine. ³³Asa udin suu imon icine kiti nale na idin su fi imon icine, iyaghari uduk fe? Nanere wang anan kulapi din su we. ³⁴Asa udin yenju iba biufi, iyaghari uduk fe? Inung anan kulapi din nizu ure kiti nalenge na idin yenju iba kpillu ini nani tutun.³⁵Taa usu nnan nivira nin fi, usu ghe gegeme. Niza nani ure na iwa ceo kibinai nworu uba seru ba, uuduk fe ba yitu gbardang, uba so gono nnan kitene kani. Bara ame liti mye din su gegeme kiti nale na idinsu ugodiya ba. ³⁶Lanza nkune kune, nafo Ucif fe na adin lanzu nkunekune.³⁷Na uwa ti umon aso unan kulapi ba, bara fe wang iwa su fi nani. Na uwa mollu umon ba. Fewang na iba mollu fi ba, shawa nin kulapi namong, fewang iba shawu nin kunfe.³⁸Niza anit fewang iba niiti, uni udia na iba zinlinu ukuru ituku bara kuyanga kongo na uguro uman mun, kunere iba guni fe ku mun."³⁹Akuru a belle nani tinan tigoldo. "Unan uduu waansa adursu umon unit uduu libauwa? Asa asu nani vat mine ba diu nanya kuwu, su nani ba? ⁴⁰Unan nmasu nyinnu nimon wasa akata unan dursuzu mye ba, bara kogha kubi ko na amala umase, aba so nafo unan dursuzu mye.⁴¹Ani iyaghari nta udin yenju limoo nanya niyizin gwana fine, na idin yenju kukunti na ku di niyizifi ba? ⁴²Iyizirari uba bellu gwana fine, 'Gwana nan nkala limoo longo na lidi nanya niyizi,' fe litife na uyene kukunti na ku di nanya niyizife? Fe unan rusuzu liti! Burno ukala kukunti nanya niyisife, nin nani unin yene gegeme limoo longo na lidi niyizin gwana fine.⁴³Bara na kon kutca kucine wansa anaa kumat kunanzang ba, sa kutca kunanzan nii kumat kucine ba. ⁴⁴Bara ko kuyemu kutca idin kunin bara kumat mere. Bara na anit wasa ikala kupu kidowo fimart ba, nanere iwasa ikala inabi nanya fimart kusho.⁴⁵Unit ucine nanya nile imon na adin cisu kibinai mye, asa abelle imon ile na idi icine, unan magunta nutuno imon inanzang ile na idi kibinai mye nin nnu mye.⁴⁶Iyaghari nta idin yicie, 'Cikilari, Cikilari,' nin nani na idin dortu imon ile na nbellen munu ba? ⁴⁷Vat ulenge na ada kiti nighe, a lanza tigbulang adofino tinin a di nafo. ⁴⁸Adi nafo unit ule na akee kilari amini nwuzu kiteen anin tuno kutyi ata atata ku. Kubi na uwuru nda kang nmyen nda kilari kane wasa kizillino ba, bara kidinin litino licine.⁴⁹Bara nani, ulenge na a lanza tigbulang ninghe na adofino tinin ba, aba so nafo unite ulenge na kidiin sa litino licine, aswu uwuru ntolo, nmyen ndofino kilari kane, deddei ki diu, na udiu wa ba caunuu ba."

¹Kubi na Yesu nmala ubellu nimon natuf nanite, a pira Ukafarnahum.²Kucin nmong unit udia, na awadi nin nkanu acina ukuu, Cikilari wa di nin su mye. ³Bara na alanza ubellen Yesu, unit udia une to akukune na Yahudawa idi yicila ghe adak ada tucu kucin kone bara awa kuu. ⁴Kubi na ida kupoo Yesu inung tiringhe iworo, "Ucaun isughe nani, ⁵Bara adinin su nanit bite, amere na ke nari kutyin nliran kone."⁶Bara nani Yesu leo ubun nanghinu kubi na awadii piit nin kilare unit udia une to adondon mye iworoghe, "Cikilara na uwa ti litife kudira ba, na meng batin uda piru nanya kilari nig ba. ⁷Bara nanere na nyene liti nighe nbatin ndak kitife ba, belle ligbulang kucin nighe ba shinu. ⁸Bara meng wang unitari na idinin tigo, ndinin nasojja, asa nworo ulle, 'Cang,' asa anya andi nworo umong, 'Da,' asa ada, ame kucin nighe su nenge asa asu."⁹Kubi na Yesu nlanza nani akiffo unu, a gitirino kiti ligozi na idin dortu ghe, "Meng bellin munu, vat nanyan Israila na nse umon nin nimusin nle uyinu sa uyenu ba." ¹⁰Inung alenge na to nani, kpilla udu kilari idi se kucine nshino.¹¹Nin nkon kubi, uso na Yesu wadi ncinu udu kipin na idin yicu unayin, adon katwa mye wadin ncinu nanghe, ligowe nin ligozi nanit gbardang. ¹²Na ada kupo kipine kidia we, iwa min umong unit na akuu, amere gone cas kitin nene, ame wand ules mye na kuu, ligozi gbardang nanya kipine wa di nanghe. ¹³Na ayeneghe, Cikilari lanza nkunekune mye kang, "Na uwa sillu ba." ¹⁴A da ubun mine adudo akwatu libe, itunna iyisina a woro, "Kwanya, nbellin fe, fita." ¹⁵Atina a fita a so acizina uliru, Yesu yiraghe ana unene.¹⁶Feu tina fi da nani vat. Itina nzazinu Kutelle iworo, "Unan nliru nin nnu Kutelle udia nnuzu nanya bite" nin "Kutelle din yenju anit mye." ¹⁷Uleli uliru kitene Yesu malla kiti nanya vat Yahudiya nin nigbir kupowe.¹⁸Adon katuwa Yohanna bellinghe vat nile imone. ¹⁹Yohanna yicila adon katuwa mye an waba, a ti nani udu kiti Cikilari i woro, "Fere unan dak ule, sa umon ghari ule na tiba so nca mye?" ²⁰Kubi na ida kupon Yesu, anite woro, "Yohanna unan shintizinu nanit nmyen nto nari kilifi ti woro fi, 'Fere unan Dak Ule, sa umon duku na tibo soon nca mye?'"²¹Nkoni kube anit gbardang wa shinn nin tikonu mine nin nniu na nan nruhu unanzang, ata anit gbardang aduu yenje kiti. ²²Yesu kauwa a woro nani, "Asa ikpilla, bellen Yohanna ku ile imon na iyene inani lanza. Anit aduu di nyenju kiti, a gurgu din cinu, akuturu din nshizhinu, aturi din lanzu, idin fizu anan kul udu ulai, akimon din lanzu uliru nlai. ²³Unit ulenge na asuna uyinnu nin bara imon ile na ndi su ba, ame unan nmariari."²⁴Kubi na anan kaduran Yohanna nkpilla, Yesu cizina ubellu ligoze nanite kitene Yohanna, "Iyaghari iwa do nanya kusho ndi yene amon ale na ufunu din pilluwa? ²⁵Bara nani iyaghari iwa nuzu ndi yene, unit unan kuyok kucine? Yene anit alenge na idinsu kuyok kucine inani sosin nanya nlanzun mang, idi kilari tigo wari. ²⁶Bara nani Iyaghari i wa nuzu udas idi yene, una nliru nin nnu Kutelle? Nanere, mong bellin munu, ame katin unan nliru nin nnu Kutelle.²⁷Amore ulenge na ina nyertin litime, 'Yene meng nto unan kadura nighe nbun fe, ulenge na aba kelu libau kamin fe.' ²⁸Meng nbellin munu nanya nale na awani na macu nani, na umon katin Yohanna ku ba, nin nani tigo Kutelle akatinghe."²⁹Kubi na vat nanite nlanza nani, umunu anan sesun ngandu, itambata Kutelle unit ulau wari, iwadi nanya nalenge na iwae ushintinu Yohanna. ³⁰Bara nani, Afarisiyawa nin na nan nyiru nanyan nduka na Yahudawa, alenge na awa shintin nani, iwa nari njinjin Kutelle bara atimine.³¹Nin nyanghari mba gwadu anit nko kuje muna? Idi nafo iyaghari? ³²Idi nafo nono na idi navu nanya nkassa, alenge na isa iso iyica atimine iwroro, 'Tidin npee nishirau bara anughe, na anug nsu ikarma ba, tisu tiyom ana anung nsu kuculu ba.'³³Bara na Yohanna wa dak na asu kilecu sa usonu ba, anung woro, 'Ame kugbergenu ri.' ³⁴Gono nnit daa adin nlii, aso anug woro, 'Yene, ame unan kileou nin nso udondon na nan sesun ngandu nin nanan kulapi!' ³⁵Bara nani njinjin nsu utucu nvat nnono mye."³⁶Nene nkon ku Farisiyawa waddi likura au Yesu lii imonli ninghe. Bara kubi na Yesu npira kilari ku Yahudawe, ikilino kutebul isu kileou. ³⁷Nani umon uwani wa duku nanya kagbire unan kulapi, ayinno nworu Yesu din nli nimon li kilari Kufarisiyawa, ada nin nmon nnut albasta. ³⁸A da yisina nbun mye, kupo na bunu mye a gilla. Imizine tantizo nabune, atina nweze nin titi liti mye, ngbindirizinu nabunu, nlolizu nanin nin nufe.³⁹Kube na Afarisiyawe alenge na iyicila Yesu ku, Iyene nani a kpiliza nanya kibinai mye aworo, "Ndah unit ule unan nliru nin nnu Kutelleri, awa yinnu imusi nwani ule na adin duduzughe ame unan kulapiari." ⁴⁰Yesu kauwa a woroghe, "Simon, ndinin nimon ile na mba bellinfi." A woro, "Belle unan yiru!"⁴¹Yesu woroghe, "Amon wa duku an waba iwa seru ure kiti nnan nizu nre, warum wa sere tidinari akat ataun, ulele tidinari akut ataun. ⁴²Na iwa dinin nikurfin nbiuwe ba, a woro nani na iwa biya ba. Bara uyemeari nanya mine ba katinu nin su mye?" ⁴³Simon kauwa ghe aworo, "Ndi yenju ulenge na adin dortu ghe ikurfun idia." Yesu woroghe, "Fe uwusu kidegen dert."⁴⁴Yesu gitirno kiti nwane a woro Simon ku, "uyene uwani ule npira kilari fe, na unayi nmyen nkusu nabunu, ame nin nmizin a kikkai abunu, amini nwese nin titi mye. ⁴⁵Na fe ngbindiri ba, amere, unuzu kube na ndah nanye, na asuna ugbindiri zinu nabunu nigbe ba.⁴⁶Na uwolo abunu nighe nin nuf ba ame nwolo abunu nighe nin nnuf. ⁴⁷Bara ile imon na asu, nworo fi ame ulenge na adinin nalapi inani nyapa ghe, ata usu gbardang, bara ulenge na iyapa ghe cinglin, ame nta usu cingling."⁴⁸Atuna aworoghe, "Iyapa alapi fe." ⁴⁹Alenge na idi kileowe ligowe woro nati mine, "Ghari ule na awasa ayapa kulapi?" ⁵⁰Nani Yesu woro nwani une, "Uyinnu fe sa uyene nsu utucufe caan sheuwu."

¹Uso na nin dandaunu ba, Yesu cizina ucin nanya nigbir ngangan na nitari, nbellu nliru ucine, kitene kipin tigo Kutelle, inung likure nya nanghe. ²Among awani alenga na iwa kalla nani Uruhu unanzan nan tikonu. Inughere, Maryamu ule na idin yicughe Magdaliya, Kitime iwa kalla ghe agbergenu kuzor. ³Yuwana uwanin Kuza, unan katuwa Hirdus, Suzana, nan namon awani gbardang, alenge na iwa buun nani nin nimon nacara mine.⁴Nene na ligozi nanit gbardang nzura ligowe, umunu anit ale na iwa cinu udak kiti mye unuzu nigbir gbardang, asu uliru nanghinu nin tinan tigoldo. ⁵Unan tibila ndo nbilisu nimus, na adi tibile imon imusu disso, libau, ipatila inin nin nabunu anyin kitene kani da pilla inin. ⁶Imon imus disso kiti ikoto, bara na idinin nmyin ba.⁷Har nene imon imus disso kiti nimart, na imarte nkuno ligowe nin nimuse, imarte buco imuse. ⁸Bara nani imon imus disso kutyin kucine inin na iyoli na iwa duru akat kazakure." Kube na Yesu nbelle nani, ayicila nani, "Vat nlonge na adinin natuf na alanza."⁹Inung nono kadura mye tiringhe iyaghari tinan tigoldo mye di nbellu. ¹⁰Yesu woro nani, "Ina ni munu kubi iyinin imon linyeshin kitene kipin tigo Kutelle, bara kagisine iba bellu nani nin tinan tigoldo, 'iba yenju na iba yene gegeme ba, iba lanzu, na iba yinnu ba.'¹¹Nene tinan tigoldo tinere, imuse uliru Kutelle ri. ¹²Imus ile na idisso libou, innere anit alenge na ilanza ligbulang nliru, shetan uni nda ada bollo ligbulang nliru nanya nibinai bara iwa yinin ise utucu. ¹³Inin ile na idisso kiti natala anitari alenge na ilanza ligbulang nliruwe, inani sere nin liburi liboo na iyisin nin likara ba, inung sa iyinna bara kubi baat, kubi na igwada nani asa idio.¹⁴Imus ile na idisso kiti nimart inughere anit alenge na ilanza ligbulang nliru, inani nsuna linin inani nda parda nani nin nbellen nikurfung nin nlanzu nmang nlai, na isa ina imus ile na idisso kutyin kucine. ¹⁵Inughere anit ale idinin kibinai kilau ninn nan nbellu kidegen, na imala ulanzu nlire, imino unin nin likara, isu kumat nin likara.¹⁶Nene, na umon duku ule na aba ti ulah npitila awufu nin kishik, sa a ceo nanya lii nkoni, se dei atarda unin kutet, vat nlenge na apira ama yenu nkananghe. ¹⁷Na imomon nyeshin, ilenge na una sali sa uyinnu ba, a na imomon nyeshin ile na iba yinnu idak nanya nkanang. ¹⁸Suun seng nanya nlanzu, vat nlenge na adumun, amere iba kpinghe ku, ame ule na asali mun, iba seru ile na adin kpilizu a adumun."¹⁹Kubi na unan Yesu nin nuane wa kiti mye, iwase uduru kupo mye ba, bara gbardang nanit. ²⁰Ibellin ghe, "Unafe nin nuanafine yisin ndas, idinin su iyene fi." ²¹Yesu kauwa aworo nani, "Una nighe nin nwana nighe, inunghere alenge na idin nwana nighe, inughere alenge na idin lanzu uliru Kutelle idorto unin."²²Nene uso nlon liyiri, Yesu nin nono kadura mye ipira nanya nzirgin nmyen, a woro, "Nati kafin udu uleli uwul kulle." Itunna ndinna ikafinar. ²³Na idinna ukafine, Yesu tina nmoro fiyilili nfunu fita kang nanya kulle, uzirge kullo nin nmyen itunna ipira nanya tikanci.²⁴Nono katuwa mye di fiyaghe, iworo, "Cikilari, Cikilari, nmyen ba millu nari!" A fita akpada ufune nin mye ne, fiyilili yisina kite so dang. ²⁵Uyinnu mine, sa uyene de atirino nono katuwa mye nanya fiu nin kiti tinu itirino atimine, ghari ule adi kpadizu ufunu nin nmyen, inani din dortu ghe?"²⁶Ikafina udu kipin Ngarisinawa, na ki nleli uwul Ngalili. ²⁷Kubi na Yesu yisina nbiu kurawa, a zuro nin nmong unan nilaza nanya kipine, nin dandaunu na adin nsho. Imon a sosin kilari ba, asosin nissek.²⁸Na ayene Yesu ku, usu agilla adio nabunu mye, atah ntet kang, "Iyaghari udin piziru kiti nighe Yesu gono Kutelle? Inan kitene, ndin nfofi nacara yenje uwa fuuni ba." ²⁹Yesu atta uruhu unazan ghe a nuzu nanya nnite, nkon kubi gbardang asa imone yiraghe. Inani sa itaghe inyang naccara nin nabunu, iceoghe unan ncaa, asa atasa inya ghe agbergenu wunnu ghe udi niti ninanzang.³⁰Yesu tiringhe, "Lisafe ghari?" A kawoghe, "Libutari," Bara agbergenu gbardang di nanya mye. ³¹Ifoo Yesu ku acara kang, na awa mollu nani ba.³²Ligo naladu wa di kileo kusari, agbbergenu foo Yesu ku acara, asun nani, ipiru nanya naladu, Yesu yinna nani. ³³Na agbergenu nnuzu nanya nnite, idi piru nanya naladue, itunna iputu nin ncum idi diu kule ituna iwulu.³⁴Na anan libiya nalade nyene ile na isu, ido nanya kipine nin ncum, idi bellin kagbire nin nanya kipine. ³⁵Anite nuzu idi kiti Yesu, ise unite ule na agbergenu nnuzu kiti mye, sosin nabunun Yesu, nin nimon kidowa nin kibinai dert, ilanza fiu.³⁶Alenge na iyene nani ibelle anite inda na agbergenu nnuzu, unite uni nshino. ³⁷Vat nanite kipin Ngarisinawa woro Yesu ku asun nani, bara anite apira uzirgi nmyen a nya.³⁸Unite ulenge na agbergenu nnuzu kiti mye, foo Yesu ku acara adofinghe. Yesu kpiliya ghe aworo, ³⁹"Kpilla kilari, ubellin ile imon na Kutelle nsu fi, unite kpilla abelle nanya kipine vat nile imon na Yesu nsu ghe.⁴⁰Na Yesu nkpilla, ligozi nanite ta ghe mahabi, bara vat mine di ncaa mye. ⁴¹Umon unit lisa mye Jairus, udia kutyi nlirag ada dio nabunu Yesu nfo ghe nacara adak kilari mye, ⁴²bara gono kishono mye kirum, unan nakus likure, anon fawal, na Yesu wa cinu uduwe, ligozi keseghe.⁴³Umong uwani wa duku, ulenge na awadi nanya nmyi, akus likare, na ase unan nshinu ninghe ba. ⁴⁴Ada mamal mye, adodo imon mye likot nanya kube nmyi mye yisina.⁴⁵"Ghari ndudui?" Yesu tirino, vat mine ta amusuku, Bitrus woro, "Cikilari, anite di gbardang ina ni din parduzu fi." ⁴⁶Yesu woro, "Umong ndudui, yinno likara nnuzu kiti nighe."⁴⁷Uwani nin nyene, na awanya anya likire ba, ada nin ketizu adeo nabunu mye. Nbun nanite vat, abelle ile imon na ita amini ndudoghe, nin inda na atunna ashino. ⁴⁸Atunna aworo, "Ushono, nigh uyinu sa uyenu fe nshino ninfi. Can sheu."⁴⁹Kube na Yesu wadi nliru, umon da kiti mye unuzu kilarin Jairus udia kutyi nliran, "Ushono fe, nkuu. Yenje uwa damu unan dursuzu ninyerte. ⁵⁰Nin lanzu nani, Yesu woro, "Jairus ku, yenje uwa lanza fiu, yinna ushono fe ba shinu."⁵¹Kubi na aduru kilarin Jairus, na ayinna umon pira ninghe ba, se Bitrus nin Yohanna a Yakubu, a ucif nin nnan ngone. ⁵²Vzat ninite yita kuculu nin tiyom, "Cinnon kuculu Yesu woro na akuu wari ba, adi nmorari." ⁵³Isisaghe, bara inug yiru a kuu, wari.⁵⁴Akiffo ghee ncara a woro, "Gono nig fita."⁵⁵Ulai mye kpila, nanya mye, kubi atuna afita, Yesu woro nani inighe imomon alii. ⁵⁶Anit mye kiffo tinu, yesu woro nani na iwa bellin umon imon ile na idi ba.

¹Ayicila nono katwa mye likure nin wabe, ana nani likara kitene nagbergenu nin shizhinu nin tikonu. ²Ato nani, idi bellin uliru kiti kipin tigo mye, nin shizinu nanan tikonu.³A woro nani na iwa yiru imon bara ucine ba, sa uca, imon inyi, imonlii, ukurfung, sa alutuk abba. ⁴Vat kilari ka na ipira soo kinin, udu liyiri lo na iba cinu kipine.⁵Inung alle na inari munu, asa iba nuzu nanya kipin, kotinon lidau we nabune mine, liba so ushaida nati mine." ⁶Itunna iwatuna, ipira nigbire itina nbellin nliru umang, nin shizinu nanit niti niti.⁷Hirdus ugo na alanza ile imon na idinsu, au Yohanna unan shintu nanit infita. ⁸Kiti namong idin su Iliya nsah, among woro umon unan nburnari, in fita nanya na nan nlai. ⁹Hiridus woro, "Ina malu ukalu liti Yohanna, ani ghari ndi nlanzu kiti mee nene." Hiridus do npiziru ayene Yesu ku.¹⁰Alenge na iwa tuu nani issah, ibellinghe vat nile imon na isu, anya nanghinu ligowe nanghe, udu kipin Batsaida. ¹¹Inung ligoze lanza nani Idofinghe, atah nani mahadi, abelle nani ubellen kipin tigo na idinin su inshinue.¹²Nin ndu kulelen, inung likure nin wabe, woroghee suuna ligoze idoo nigbir nkilinue, idi piziru kiti linanin nin nimonli, bara kikane na tidi ku kushori. ¹³Aworo nani, "Nan nani imonli ili." Inug woro, "na tidi nin nimomon na ikatin nfungul utaun nin niboo ibba ba, sse tido tidi seru nani imonli bara ligozi vat. ¹⁴Iwadi annit amui alaun. A woro nono kadura mye, "Taan nani iso acuri akut ataun taun.¹⁵Isu nani anite so vat kutyin. ¹⁶A yauna ufungul utaune nin niboo ibe, ato iyiizi kitene atah nmari ku, a pucu agir anaa nono katuwa mye, inin koso nani. ¹⁷Inung vat leo ishito, kagisin nbubun nimole nazza, ipitirno ita nakuzun likure nin nabba.¹⁸Idoo nkon kubi adin nti nliran usame, nono katuwa mye nanghe anin tirino nani, "Ligozi din su meng ghari?" ¹⁹Ikauwa ghe iworo, "Yohanna unan shintu nmyen (Baptisma) amon woro Iliya, amon woro nkon kunan nburnuari in fita."²⁰Anin woro nani, "Anung dinsu meng ghari?" Bitrus kauwa aworo kristi unuzu Kutelle." ²¹A wunno nani atuf, Yesu woro nani na iwa bellin umon ba. ²²Nworu gono nnit ba niu nin nimon gbardang, iba nari ghe, akune nin uso napirist a anan ninyerte, iba mollughe ayiri atat a ba fitu nin lai.²³A woro nani vat, "Asa ule na adinin nsu adak kiti nigh, aba nari liti mye, aba diru, ule na anari litime bara meng aba se utucu. ²⁴Ulenge na idinin su a tucu liti mye, aba diru, ule na anari litime bara meng aba se utucu. ²⁵Iyaghari ncaute unit se imon inye vat, anin dira ulai mye?²⁶Vat nle na adi nlanzu ncin nigh nin ligbulang nigh, gono nnit ba lanzu ncin mye nwui une na aba dak nanya ngongon Ncif mye nin nono kadura Kutelle. ²⁷Nworo munu kidegenere indi bellu munu, among yisin kikane, na ukul ba dudu nani ba, se idoo kipin tigo Kutelle."²⁸Na ayiri kulir nkata na Yesu nbelle nani tigbulang tone, ayira Bitrus, Yohanna, a Yakubu, ighana kitene kupara ati nlirag. ²⁹Na adi nliraghe, umuro mye saka, imon mye tunna ipo pau nwaltu.³⁰Itunna ise amon naba ida idin nliru nanghe, ashe Musa nin Iliya. ³¹Ale na iwa yenje nani gongon, idin nliru kitene nnyiu mye, ule na iba kullu nanya Urushelima.³²Kubi, Bitrus nan nale na iwa di nanghe nmoro wadi nani kang, na izinto, iyene ngongon mye nin nale iwa yisin nanghe. ³³Uso nani, na inya ligowe nan Yesu, Bitrus woroghe, "Cikilari ucaun na tidi kikane, tiba ke adanga atat, ti ke kurum kun Iliya." Na ayinno ile imon na adin belle ba.³⁴Kube na adin belle nleli imone, kuwut tolo ku tursu nani, fiu da nani, na kuwute nkilino nani. ³⁵Liwui nuzu nanya kuwute liworo, "Gono nighari kane na ina fere lanzan ghe." ³⁶Na imala ulanzu liwuiye, Yesu yita usame, inung so tik, nanya nayiri ane na iwa bellin umong ba, ile imon na iyene.³⁷Ukurtunu nkuiye, na isa unuzu kupara, ligozi nanit da zuro nanghe. ³⁸Umon nanya ligozi gilla a woro, "Unan yiru ndin fofi nacara yene usaun nighe, amere gono nighe cas. ³⁹Yene Uruhu sa uyaunghe, amalzino, aketize, anutuzuno kupunget nnuwe, na asa usunghe ba, se ushalaghe. ⁴⁰Asa nfo nono katwa fa acara, nshin ninghe na isa iyinno ba."⁴¹Yesu kauwa a woro, "Anung anan salin nyinnu nin kuji kugbas, udu kishiyari nba yinu uso nanghinu danin nsaun fe kikane." ⁴²Na gone din cinu uduwe agbergenu yaunghe ilina kutyin atunna nketizu. Yesu kpada Uruhu unanzang, ashino nin gone, anin nakpa ucife.⁴³Vat mine yene nziziki ngbardang Kutelle, na vat mine nkiffo tunu nile imon asu, ani woro nono katuwa mye, ⁴⁴"Na to tigbulanghe do piit nnit nacara nanit." ⁴⁵Na inin wa yinin ule idiru ba, Bara na uwa nyeshin kiti mine na iyinno liti nlire ba. Vat nani nlanza fiu nworu itiringhe uliru une.⁴⁶Manyardang fita nanya mine, nbelleng nworu ghari ba so udiya mine. ⁴⁷Yesu nin yiru nkpilizu nibinai mine, a yicila kagone kabene a yisa likot me, ⁴⁸Anin woro nani, ulenge na asere gono kane, asere menku. Ulenge na asere menku, asere ulenge na ana tuuyi, ulenge na aceo liti me nafo gono kibene amere ba so udya nanya mine.⁴⁹Yohanna kauwa, "Cikilari tiyene umong nutuzunu nagbergenu nin lisafe, tinanin wantinghe, bara na adi ndortu nari ba." ⁵⁰Na iwa wantinghe ba, "Ubellun Yesu, vat nlenge na adi nivira nan ghinu ba unminere."⁵¹Na ayiri nyiu me nda susut aceo umuro me udu Urushelima. ⁵²Ato anan kadura nbun me, inya ipira kagbir Nsamariya, ikeleghe imone. ⁵³Anite kikane wa tighe mahabi ba, bara amal ciu umuro me udu Urushelima.⁵⁴Na nono katuwa me, Yakubu nin Yohanna inyene nani, iworo, "Cikilari titi ulah tolu umolu nani?" ⁵⁵A gitirino a kpada nani. ⁵⁶Itunna inya udu nkan kagbir.⁵⁷Na idin cine libau we, umon woroghe, "Meng ba dofin fi udu kika na uba duu." ⁵⁸Yesu kauwa a woroghe, "Ninyan yau dinin tiyyi, Anyin yita nin nado, meng gono nnit dinin kiti nciu liti ba.⁵⁹Anin woro nmong, "Dofini." Ame woroghe, "Cikilari ucizine na ndo ndi kassu ucif nigh." ⁶⁰Ame atimine anan nkul, fe can udi belle piit nin npash uliru kipin tigo Kutelle."⁶¹Umong ugang woroghe, "Meng ba dofinfi Cikilari, na ntuu ndi bellin anan kilari nighe meng nya." ⁶²Yesu kauwa a woroghe, "Na umong duku alenge na ata ucara me nkeke nikawa, asa a gitirno, na abase upiri kipin tigo Kutelle ba."

¹Nene, nkon kubi Cikilari fere annit akut kuzor, ato nani nababa ido ubun mye nigbire nin niti nanga na amye dinin su nduwe. ²A woro nani, "Ugirbe karin, anan katuwa yita cing. Bara nani nta munu sun nlirang, Cikilaringirbi nan kpina anan ngirbe ku.³Caan munu ntomunu nafo akam nanya ninyonyo, ⁴Na iwa yaun nkka nikurfun ba, sa nkkan ncin ba, sa akwatak, na iwa su ilip libau ba.⁵Nanya vat kilari ka na ipira, nin cizine woro, 'Nsheu so nanya kilari kane.' ⁶Asa unan kibinai kisheu duku, nsheu mine ba so nanghe, andi na aduku ba, nshew mine ba kpilu kiti mine. ⁷Soon nanya kilari kani, ilii iso ile imon na ina mune, bara unan kauwa nbatina aseru uduk mine na iwa dortu niliri ba.⁸Vat kagbir ka na ipira, asa isere munu leo vat nile imon na inna munu, ⁹shinon nin na tikonu, iworo nani, 'kipin tigo Kutelle di susut nanghinu.¹⁰Bara vat nanya kagbir ka na ipira asa na isere munu ba, nuzun nanya tibau mine iworo, ¹¹'Vat lidau kagbir mine na litafina nabunu bite, ti wese kiti mine, bara yinnon kipin tigo Kutelle nda susut nanghinu.' ¹²Meng nworo munu, uwui nwucu kidegen, nbati ayi asheu nin Sodom nanin kipin kane.¹³Kash Korasinu! Kash Batsaida! Dafo umon izikiki ile na ina su kiti mine nda innere inasu ntaya nin Sidon iwa su udiu kutyin, iwa shonu imon tiyom iso nanya ntong. ¹⁴Bara nbati ayi asheu nin ntaya nin Sidon au na anug ba. ¹⁵Anung anan Kafarnahum idin kpilizu iba ghantin munu kitene kane? Nani ba iba da nin ghinu udu kuwu nlah sa ligan.¹⁶Ule na alanza munu, alanza menku, ule na anari munu anari menku, anari ule na ana tiiyi.¹⁷Anit akut kuzor ane saa nin liburi libo, agbergenu nna nari atimine nanya lisafe. ¹⁸Yesu woro nani, "Nwandi nyenju sheitan wa diu kitene kani nafo ummali nu kiti. ¹⁹Yenen, ina na munu likara, ipatilu iyii nan ninang, nan vat nakarra na nan nivira mine, na imomon ba lanzu munu ukul ba. ²⁰Vat nani na iwa su, liburi liboo bara nani cas ba, nworu tiruhu nna atimine kiti mine ba, suun liburi libo inyertinee ti sa mine kitene kani."²¹Nanya kubi kurum, asu liburu libo nanya Nruhu Ulau, "Nzazin fi Ucif nigh, Cikilarikitene nin kutyin bara unyeshe ile imone kiti ni najinjin anan yiru, umini npuno kiti nalenge na ina dursuzo nani ba, ni nono nibebene, nanere Ucif nigh, ucaun nanya nyenu fe."²²"Vat nimon Ucif nighe na niy, na umon yiru gone ba, Ucife, na umon yiru Ucife ba se gone, vat nle na gone nyinna aba dursu ghe liti mye."²³Na agitirno kiti nono katuwa mye a woro kusari, "Anan nmariari alenge na idin yenju ile imon na anug nyene. ²⁴Meng woro munu gbardang na nan nliru nin nnu Kutelle nan nago din piziru iyene ile imon na anung na yene na iyene inin ba, Ukuru ilanza ile imon na anung na lanza, na ilanza ba."²⁵Nani umon unan ndursuzu nduka na Yahuduwa, dumunghe a woro, "Unan nyiru iyaghari nba su inan se ulai sa ligan?" ²⁶Yesu woroghe, "Iyaghari di nanya ninyerte nduke?" ²⁷Akawa awooro, "Ubati usu Ncikilari Kutelle fe, nin vat nlaife inin vat likara fen nin kibinai fe, nin ndindin lisosin kupofe nafo liti fe." ²⁸Yesu kawa a woroghe, "Ubelle dert, su nani unan so."²⁹Ame unan yiru ninyerte dinin su a durso liti mye, a woro Yesu ku, "Ghari udondon kupo nighe?" ³⁰Nkawe Yesu woroghe, "Umon unit wa nuzu Nurushelima udu Ujariko apira nacara nakiri, ifoghe icinghe fal.³¹Nanya kube umon upirist dofino libau we, n ayene a raffa likot akata nkon kusari. ³²Nani tutung nkon kuliviyawa da kitene ayene ghe, akuru ayira nkon kusari akata.³³Nkon ku Samariyawa di ncin mye ada kiti nkunekune mye. ³⁴Ada kupo mye atece ghe annute, atintio ghe nnufu ku, a tarda ghe kitene kajaki mye, ada ninghe kilari namara, amin ghe gegeme. ³⁵Ukurtunu nkuiye, ayira isule iba anah unan kitene aworoghe, 'Mini ame gegeme, ndo ndak, vat nile imon na Uwutuno mba biufi.'³⁶Uyemeri nanya na watat ale udin yenju adi udondon lisosin kiti nle na awa piru a cara nakire?" ³⁷Unan yure woro, "Ulange na awa lanza ukunekune." Yesu woroghe, "Can udi su nani."³⁸Nene ikiffo ucin, ipira nkan kagbir umon uwani lisa mye Marta taa ghe mahabi, ada ninghe kilari mye. ³⁹Ayita nin gwana kishono lisa mye Maryamu, aso nabunu Ncikilari adin nlanzu nliru mye.⁴⁰Ame Marta yita nijasi likanju nimoli ado aworo Yesu ku, "Cikilari na fe nyene gwana ninghe ncini likanje usanin ba? Bara nani belinghe ada buuni." ⁴¹Ame Cikilari kawa a woro ghe, "Marta, Marta, fe ndama nin nimon gbardang. ⁴²Imon irumari cas icine. Maryamu nfere imon icine ile na umon ba bollu kiti mye ba."

¹Na amala nliran nkan kiti, umon nanya nono kadura mye woro, "Cikilari, dursuzo nari usunn nliran nafo na Yohanna wa dursuzo nono kadura mye."²Yesu woro nani, "Kubi na iba su nliran woron, 'Ucif na lisafe so lau. Na kipin tigo fe dak.³Na nari imonli nkolome liyiri. ⁴Shawa nin nalapi bite, nafo na arike din shawuzu nin nalenge na isu nari alapi. Na uwa do ninghirik kiti ndumuzunu ba.'"⁵Yesu woro nani, "ghari nanya mine dimun ndondon, amin ndo kiti mye nin kiyitik, a bellinghe, 'Udon nigh nei ure nakalan nfon gol atat, ⁶umong udon nigh worin ndak unuzu ncin, na ndinin nile imon na nba nighe ba.' ⁷Ame ulele nanye ba kawughe, na uwa damei ba, nmal tursu kibulung, meng nan nono nmall noo, nwasu nfita nnafi ufungul ba. ⁸Meng nbellin munu, ko na aba fitu a nighe ufungule ba bara fe udon mere, bara uciu kibinai fe nin salin nlanzu ncing, aba fitu anifi ile imon na udinin su we gbardang.⁹Meng tutun nbellin munu, tirinon iba nii munu, piziran iba se, reyon kibulu aba punu, munu mun. ¹⁰Bara vat nle na atirino aba seru, unan piziru ba se unan nrizu kibulun iba punghe mun.¹¹Ghari nanya mine ulenge na adi ikifi gono mye ntiringhe ufungul aba nighe litala, sa fibo anaghe fiyii ya? ¹²Sa atirin likpai, ana naghe finagha? ¹³Bara nani anung na idi anan maggunta, iyiruufilizinu nimmon icine kiti nono mine, iyaghari ngbardang na ucif mine kitene kani ba nii Uruhu Ulau nale na itiringhe?"¹⁴Nin kidughee, Yesu wa di nutuzunu nagbergenu, nan naturi, uso kubi nna agbergenu wa nuzu, unit uture lirina, ligozi nanit kiffo tinu! ¹⁵Among nanya nanite woro, "Nin Bazelbula, ugo nagbergenu adin nutuzunu agbergenu."¹⁶Among dumunghe idin piziru nalama unuzu kitene kani. ¹⁷Yesu yinno ukpilizu mine, a woro nani, "Vat tigo tongo na tidi nivira nati mine ti ba so hem, Kilari ka na kidi nivira nati mine kiba di.¹⁸Asa Sheitan di nivira nin liti mye Iyiziyari tigo mye ba yisina? Bara anung nworo ndin nutuzunu agbergenu nin Balzebul. ¹⁹Andi ndin nutuzunu agbergenu nin Balzebul, nin iyanghari anan dortu din nutuzunu muna? Bara nani inung ba so munu anan sharaa. ²⁰Ama asa ndin nutuzunu agbergenu nin liyicin Kutelle, kipin tigo Kutelle nda kiti mine.²¹Kubi na unan likara, kullun nin na soja idin ncaa kilari mye, imon mye ba so cai, ²²bara kubi ba unan likara nsu inasara a bollo imon likum kit nnite, aba pitirinu imon nacara nnit une. ²³Ulenge na adi nin mye ba, adi nivira nin mye ame ulenge na apitirno nin mye ba ashagilina.²⁴Kubi kongo na uruhu inanzang nnuzu kiti nnit, asa akatiza kiti nmyen, adin piziru nshinu, asa na ase ba, a woro, 'Nba kpillu kilari kanga na nna nuzu ku.' ²⁵Na akpilla, aba se kilari ikuzu kinin inin ceo kinin gegeme. ²⁶Aba nuzu adi yiru nton tiruhu kuzor, tongo nati katinghe nin magunta, vat mine ba dak ida so kikane, imali lisosin nnit une ba katinu uburne nin nanzang.²⁷Uso kubi na abelle ileli Imone vat, umon uwani ghantina liwui mye nbun ligozi nanit, a woro, "Nmarari liburi longo na lina marufi, nin nayazin ale na una mazin ku." ²⁸Bara nani ame woro, "Anan nmariari alenge na idin lanzu tugbulan Kutelle, inani myin tinin."²⁹Na ligozi din pitiru anit gbardang, acizina ubellu, ko kuje, kuji magunta ri, idin piziru alama, na amon duku alenge na iba nii nani ba, se an Yunana. ³⁰Nafo na Yunana wa da so alama udu uniniva, nanere tutun gono nnit, ba so alama kiti nko kuje.³¹Uwani ngo Kusari nkudu ba fitu liyiri nwucu kidegen nin nanilime nko kuje ati nani iso anan nca nkul, bara awa duk unuzu nimalin kutyin ada lanza uyiru Solomon, ayene ulenge na akatin Solomon ku kikane.³²Nanilime Nninniva ba yisinu liri wucu kidegen, nin nanit kuji kone, iba ti nani iso anan ncaa nkul, bara iwa diu kutyin nin wazi yunana, yene umon duku, akatin Yunana ku adi kikane.³³Na umong duku ulenge na aba ti ulah npitila a nyeshe unin ba, sa kadas kukuzun, se kitene kiti ncise bara alenge na iba piru iyene nkanang. ³⁴Iyizife nnert upitila kiddowo fe ba kullu nin kanag, andi iyizi caun ba, to kidowo fe ba kulu nin Sirti. ³⁵Bara nani su seng, nkanang nanya fe na nsirtiyari ba. ³⁶Asa nanere, kidowo fe kulun nin nkanang, na nkan kiti di nsirti ba, vat kidowo fe ba so nafo uputila a udin kassu, aba tifi nkanang."³⁷Kubi na amala utiru, ku Farisiyawa bellinghe au idi lii imonli kilari mye, Yesu do adi lii imonle. ³⁸Kunin Kufarisiya su amamaki nworu atina nlw sa ukusu nacara.³⁹Ame Cikilari woroghe, "Anung a Farisiyawa, asa ikusu mamal nkop nin kishik, nanya mine kulun nin ucuci a magunta. ⁴⁰Anung anan sali nati! Na ulenge na ana ke udase, amere na ke nanye ba? ⁴¹na anan sali nimon ile imon na idi nanye, vat nimone bati lau.⁴²Bara nani, kash, anung Afarisiyawa bara idin nizu uzakka nimon kunen vat, inani nsuna imon icine nin su Kutelle. Uso lellei tisu gegeme nin nsu, na tiwa dira usu kagisin nimon ba tutun.⁴³Kash anung Afarisiyawa, idinin su lisosin nbun, nanya nkasssa we. ⁴⁴Kash udu kiti mine, idi nafo nissek nanga na idin yenju ba anit sa ipalila sa uyiru mine."⁴⁵Umong unan yiru nanya nduka Nayahudawa kauwa aworoghe, "Unan yira ile imon na ubelle tigozori kiti bite." ⁴⁶Yesu woroghe, "Kash anung anan nyiru nduka! Bara asa anung na anit kutura gbardang kun nijasin in yauna, anung ba dudu kutura kone nin tiyicin mine ba.⁴⁷Kash udu kiti mine, anun din ke niti nlizinu nin na nan nliru nin nnu Kutelle, alenge na acif mine wa mollusu nani. ⁴⁸Bara anung iyizi inbari, iyinna nin katuwa nacif mine, bara inughere wa molusu anan nliru nin nuu Kutelle, ina ke nisek mine, inan lizino mung.⁴⁹Bara nanere tutun uyiru Kutelle a woro, 'Nba tuu nani, anan nliru nin nuu Kutelle, nin na nan kadura, ibati nani ineo, imolsu amon mine.' ⁵⁰Ko kuje, inughere ba yaunu uhaki nmyi nanan nliru nin nnuu Kutelle mongo na iwa gutun, tun uburnu inye, ⁵¹Unuzu nmyi Habila udu Zakariya ule iwa mulu kiyitik nbagadi nin kilari nliran, nanere nworo munu ko kuje ba yaunuu uhakke.⁵²Kash anung anan nyiru nduka na Yahudawa, bara ina yaun imon npunu nyiru, na anung ati mine npira ba, inani nwantina anan pire."⁵³Kubi na Yesu nsuna kikane, anan ninyerte nan na Farisiyawa ighana ghe, isu amusunanghe kitene nimon gbardang, ⁵⁴Nkukari nwori ikiffo ghe nanya tigbulang mye.

¹Nanya nkoni kube, na gbardang limui nanit wa zuro ligowe, gbardang ipalila ati mine, acizina ubellu nono katuwa mye, "Yinnon ubellen nyist na Farisiyawa, unere magunta.²Bara na imomon duku ilenge na inyeshin, ile na iba punu ba, sa itursun ile na iba yinnu ba. ³Bara vat nile imon na ubelle nsirti, iba lanzu nanya nkanang, ile imon na ubelle nanya kutyi, iba beellu kitene kilari.⁴Meng bellin munu adondon nigh, yenje iwa lanz fiu nle na aba molu kidowo, nin nani na idumun nimomon ile na iwasa isu tutun ba. ⁵Nba wunun munu atuff kitene nlenge na iba lanzu fiu mye, lanzan fiu nlenge na awa mdu adinin likara nworu atu kidowo nanya nlah. Nanere nbellin munu lanzan fiu mye.⁶A na ninari nitaun asa ilewe ikubu iba ba? Vat nani na nkan duku asa ishawa mun ba, nyenjie Kutelle. ⁷Vat titi litife ina batiza tinin. Na uwa lanza fiiu ba. Udunin ndaraja ukatin ninari gbardang.⁸Meng bellin munu, vat nle na ayinni nbun nanit, meng ba yinin ghe nbun nanan kadura Kutelle. ⁹Bara ame ule na ata amusu nigh nbun nanit, meng bati amusu nigh nbun nanan kadura Kutelle. ¹⁰Vat nlenge na abelle tigbulang niviran kitenen ngono Kutelle iba shawu, ame ulenge na asu tizogo nin nivira kitene Nruhu, na iba shawu mun ba.¹¹Kubi ko na idanin ghinu kiti wucu kidgen, anan tigo, nin na nan nakara, na iwa dama ba, kitene nile imon na iba bellu ubun munu, sa ile imon na iba bellu. ¹²Bara uruhu ulau ba dursu munu, nanya nkoni kube ile imon na iba bellu.¹³Umon nanya ligoze woroghe, "Unan yiru belle gwana nighe ti kosu ugadu.¹⁴Yesu woroghe, "Unit, ghari ntayi unan wucu kidge sa unan yisinu kiyitik mine?" ¹⁵Ame woro nani, "Sun seng i kala ati mine kiti ngbardang nimon nacara mye ba."¹⁶Yesu belle nani tinan tigold, aworo, "Kunen nmong wa ni kumat kang, ¹⁷a kpiliza liti mye aworo, 'Iyaghari nba su, na ndumun kiti kanga na nba ciu ileo nighe ku ba?' ¹⁸Ame woro, 'Nene nbasu. Nba turzunu illai ile nkee ididia, nceu vat nile imon na ndumun. ¹⁹Nnin bellin kidowo nighe, " kidowo, ning uceo illyou in nakus gbardang. Shinno, uso ulii, uso nin, lanzu nmang."'²⁰Kutelle worroghe, 'Fe unit ulalang nin kiyitik kane nba seru ulaife, ile imone na uceu iba lawu inghari?' ²¹Nanere umon ba yitu, ulenge na a ceo imon, a na ayita nin nimon kiti Kutelle ba."²²Yesu woro non Katuwa mye, "Bara nani meng nbelling munu, yenje iwa dama nin nlai-sa imon nli, sa imon nshonu kidowo mine. ²³Bara ulai katin imon nlii, kidowo tutun katin imon nshonu.²⁴Yenjen agoron, na idin su tibli sa ugirbi ba. Na idinin kiti kaciso sa filai ba, Kutelle din nli ninghinu. Na anun katin anyine ba! ²⁵Nin ghari nanya minne nwasa akpina ngbardanag nayiri mye? ²⁶Andi na iwasu isu ile imon icinghe ba, iyari inta idama nin kagisine?²⁷Yenjen amamu kusho inda na idin kunju. Na idin su katuwa sa fiyari. Nin nani meng nbelling munu ko Solomon nin ngongon mye wa shon imon nafo umong mine ba. ²⁸Andi Kutelle din tizu ukpi kusho kuyok, uleng na idiku kitimone, udu nkui ina to nani nlah, iyaghari bati na aba su anunku kuyok ba, anan cing nyinnu sa uyenu!²⁹Na iwa dama kitene nimonli sa ile imon na iba sonu, na iwa so nin damuwa ba. ³⁰Bara vat nigbir inye din piziru, ile imone, ame Ucif mine yiru au idinin su nile imone.³¹Piziran kipin tigo mye, kagisin nimone iba kpin munu ku. ³²Na iwa lanza fiu, bara na idi kago kabene ba, bara ucif mine din lanzu nmang ani munu kipin tigowe.³³Lessen ile imon na idumun Inii anan diru, keen tikka to nati ba jarzu ba, ceon imus kitene kani kika ukiri duku, sa kiyoro ba. ³⁴Kiti kanga na Imus fe duku, kinere kibinaife ba yitu ku.³⁵Tern alutuk ajangarang mine gangang, na tipilila mine yita nkasu, ³⁶soon nafo annit alenge na idin ncaa Nchikilari mine, ule na aba sa unuzu kitin buki nilugma, asa ada ariyo kibulun ima punghe mun dedei.³⁷Kucin kone unan nmariari ale na Cikilare mine ba dase nani ncaa, kidegen nworo munu, aba bunku kulutuk ku kujangarang mye, ati nani iso, a ni nani imonli. ³⁸Cikilari une nwandak nin lijii kiyitik, sa udu shantu kiti idi se nani idin ncaa, acin ane anan nmariari.³⁹Udu Ubune yinno, asa Cikilari Kilare yiru kubi ko na akiri ba dak, na aba yinnu ipuru ghe kilari ba. ⁴⁰Soon nin yiru, na iyiru kubi ko na gono nnite ba dak ba."⁴¹Bitrus woroghe "Cikilari, udin bellu to tinan tigoldo bara arika, sa anite vat?" ⁴²Cikilare woro, "Ghara unan nginu sa uyenu, ujinjin ule na Cikilare ba nighe acin mye, ani nani imonli kube dedei ya? ⁴³Unan nmariari kucin kone, ule na Cikilare ba da seghe nsu nile imon na ataghe in suwe? ⁴⁴Kidegene nworo munu, aba nighe imon mye vat.⁴⁵Kucin kone nwa woro kibnei, 'Cikilari ndandauna sa udak,' acizina ufo nacin mye nilime nan nishono, atunna ncii nin nso atah hem, ⁴⁶cikilari kucin kone ba dak liri lo na adin ncawe ba, sa kubi ko na ayiru ba, aba kezughe agir, a ceoghe kiti na na salin yinnu.⁴⁷Kucin kone nin tanni npilizu ncikilare, nin salin nke ncin nye sa asu nafo na Cikilare na bellin, iba foghe nin likuntung. ⁴⁸Ame ule na ayiru ba, idinsu ile imon na ibatin ikpizighe, iba kutughe baat bara utanni mye, vat ile na inaghe gbadang, iba piziru gbardan kiti mye, ule na iyinna ninghe, iba tirinu gbardang kiti mye.⁴⁹Nnna dak nda tii ulah inye, nda usu nigheri iwadi ita ula ku. ⁵⁰Meng dinin nshintinu ule na nba shintinu munu mun, ndi shotu iwadi imala!⁵¹Idin kpilizu nafo nna dak, nda ni munu nshau inye? Nani ba, nna dak nda wuso munuari. ⁵²Nene nbellin munu nanya kilari awatua ba yitu ku, anit na tatt ba su ivira nin na nanit natat. ⁵³Iba kosu kidowo, ucif nivira nin nsaune, usaune nivira nin ncif; unna nivira nin nshono, ushon nivira nin nnah; nan nles nivira nin nwul, uwul nivira nin nan nles."⁵⁴Yesu wadi nbellu ligoze, tutun, "Asa iyene awut kusari kitene, asa woro, 'Na nin dandaunu,' ba uwauri ba juuy nanere udi. ⁵⁵Asa iyene ufunu nuzu kadas, asa iworo, 'Kiti ba yitu puu kang,' nanere ba yitu. ⁵⁶Anun anan rusuzu natiminne, iyiru ubellu nimon inyi nin kitene, ani iyaghari nta na iyiru ubellu kube ko na tidi nanye ba?⁵⁷Iyaghari ntah na idin wucu kidegen nati mine ba? ⁵⁸Asa uda nin nan nivira kitingo kubi na idi libau udowe keelin uliru baba iwa do idi teru munu kilari tigo. ⁵⁹Meng bellin munu, na uba nuzu nacara mine ba, se una nari fikubu na udumun vat."

¹Kubi kone among anit bellinghe kitene na Galiliyawa, alenge na Bilatus wa munu nmyi mine, kitin ngutunu nmyi. ²Yesu kauwa aworo nani, "Ulin kpilizu nafo a Galitiyawa ale katin kagizine nin kulapi, nara idin niu nlo libau we? ³Na nani ba, meng nbelling munu, asa na anung su udiu kutyin ba vat mine iba nanu nloli libauwe lineme.⁴Sa anit likure nin kulir nanyan Nsiliyom, ale na kisoro wa diu ki molo nani, idin kpilizu nafo inung wa din kulapi ikatina vat nanit Urshalima? ⁵Na nani ba, meng bellin munu, asa na anung su udiu katyin ba vat mine ba nanu tutun."⁶Yesu belle nani tinan tigoldo, "Umang wa bilisu kupau nanya kunen me, ada pizira kumate na ase ba. ⁷Unite belle unan ncaa kunene, 'Yene akus atatari ale asa nda nnan da se kumat kutca kone, na nse imonku ba, werne kunin, bara iyang ku wa nanza kunene?'⁸Unan ncaa kunene kauwa aworo, 'Suna kunin nlo likuse, mang ba wuzu kuwu, in tighe utanki. ⁹Asa natah kumat likus ndake, ucaun, asa na ana ba, uwerne kunin!'"¹⁰Nene Yesu wadin ndursuzuwe nanya kutyin nlirag namon Asabbath, ¹¹umon uwani wa duku kikane, wenge na adimun nakus likure nin kulir, uruhu unazang, nkuzu kidowo wa seghe, aso kangarang awasa ayisina dert ba.¹²Kubi na Yesu nyene ghe, ayicila ghe aworo, "Shino nin nkuzu kidowo fe." ¹³A tarda ucara me kitene me, dedei ayisina dert, azazina Kutelle. ¹⁴Inung ago nanya kutyin nlirag, lanza ayi, bara Yesu nnaghe ushinu liyiru nasabar. Ago we kauwa, iworo ligoze, "Ayiri kutocin duku alonge na iwasa isu katuwa, dan lelan shin ninghinu a na liyiri Nasabbath ba."¹⁵Cikilari kauwa aworo nani, "Anan rusuzu nati, na anug sa itere nijaki sa innah kite mine, idi ni nani nmyen liri Nasabbath ba? ¹⁶Bara tutun ule ushono Ibrahim, ulenge na Sheitan ntereghe akus likure nin kulir, itereghe na iwasa ibunku ghe liyiri Nasabbath ba?"¹⁷Na abelle ile imone, vat nale na idi nivira nanghe lanza incing, vat ligoze wadi su liburi liboo, kitene nimon ididia na asu.¹⁸Ame Yesu woro nani, "Kipin tigoo Kutelle di nafo iyaghari? Nin nyaghari nba gwadu kinin muna? ¹⁹Kidi nafo fimus kuku, fongo na unit nyawna amin nfilo nanya kunen me, in foni nkuno fiso kutca kudia, anyin kusho ani nda kee addo mine tilanghe."²⁰Tutun aworo, "Min nyanghari nba gwadu kipin tigoo Kutelle muna? ²¹Kidi nafo uyist na uwani nyauna, amunu nin nayanga atat an nbulun, udu kubi na umuzo."²²Yesu wa do lizzi nanya kipin nin nigbir libau udu Urshulima a dursuzo nani. ²³Umong woroghe, "Cikilari, anan nse ntucu ba karnu ba?" A belle nani, ²⁴"Suun nnono inan pira kibulun kishuut, bara anit gbardang ba piziru, na iba se upiruwe ba.²⁵Kubi na unan kilari nnuzu, amin ntursu kibulun, anung ba yisinu ndas inin riyuu kibulun woro, 'Cikilari, Cikilari, tiba piru.' Ame ba kauwu aworo munu, 'Na meng yiru munu, sa inuzu nwere.' ²⁶Aning ba woru, 'Tina tii tisono nbun fe, udursuzu tibau bite.' ²⁷Ame ba kauwa nani, 'Meng bellin minu, na meng yiru kika na inuzu ku ba. Cacanan kupo nighe, anan magunta.'²⁸Kubi ba dak na iba su kuculu nin yaru nayini, kubi na iyene Ibrahim, Ishaku, Yakubu, nin vat na nan nliru nin nnu Kutelle, nanya kipin tigo me, - anung inutun munu ndas. ²⁹Iba da duru unuzu nasari annass inyi, inani nshino idin nlii nimonli kutebul kipin tigoo Kutelle. ³⁰Yinon nani, unan ncizinu ba so unan kidung, unan kidung da so unan ncizinu."³¹Kubi baat, amon Afarsayawa da kiti me iworo, "Caan suuna kikane bara Hirudus dinin su amollufi." ³²Yesu woro "Caan idi bellin kinyinyo kane, 'Ndin kaluzu nagbergenu nshizhino nin tikonu, kitimone nin nkui, a liyiri lin tat, nba malu katuwa nighe.' ³³Nanya nko yang, usoyi doli, ntunun kitimone nin nkui, nin liyiri ndortine, na iyinna imolu unan nliru nin nnu Kutelle ndas nin Urshulima ba.³⁴Urshulima, Urshulima, te na udin molusu anan nliru nin nnu Kutelle ufiliso alenge na ina tu nani kitife. Ndinin su npitirin nono fe, nafo kukuru na asa a pitirino nono me nanya nagilit nafe nyinna nani ba. ³⁵Yene nfillo kilari fe, meng bellin fi, na iba kuru uyenei ba, se ubelle, 'Unan nmariarife ulenge na uba dak nanya lisan Cikilare.'"

¹Uso liyiri namong Asabbath, kube ado nanya kilari nmon udia Nafarsayawa alii imonlii, iwadi ncara me chochot. ²Kikane nbun me, umon wa duku awa dinin nkonu nmyi adin nniyu mun kang. ³Yesu tirino anan nyiru nduka nanya Nayahudawa, nin na Farsayawa, "Iyinna ishin nin nit liyiri Nasabbath, sa babu?"⁴Inung so tiik. Ame Yesu minghe a fiyaghe, a woro caang. ⁵Ame woro nani, "Ghari nanya mine ule na adinin gono sa finna na adio nanya nrijiya nwui Nasabbath na aba du dedei adi natun ba?" ⁶Na inung wa yinin ukauwu ghe nite imone ba.⁷Kubi na Yesu wa yene alenge na ina yicila nani asa ifere niti lisosin ngongong, abelle tinan tigoldo aworo nani, ⁸"Kubi na iyicilati uduu kiti nbuki nilugma, nauwa so kiti nse ngongon ba, bara sa umon duku na ina yicila ghe na akatinti nin ngongong. ⁹Asa unite nin fe vat ndah, iba woru fi, 'Naci unit ule kitife,' nin ncing uba kpulu idi so kiti kibene.¹⁰Asa iyicilafi cang idi so kiti kibene, kube na ulle na ana cila yicilafi ndaa, aba bellin fe, 'Udon nigh dah kiti kidya.' Uba se ngongon kiti nale vat na isosin nan fi. ¹¹Bara vat nlenge na atoltuno liti me iba ghantingh, ame ulenge na aghantina liti me iba toltunghe."¹²Yesu tutun woro nnit une na ana yicila ghe, "Kubi na ushiniya ubuki sa imonli, na uwa yicila adondon fe, likura fe, sa anan nimon nacara kupo fe, inung ba kuru iyicila fi, ikpilin in nifi na ubase uduk ba.¹³Asa ubasu ubuki yicila akimon, agurgu aturri nin naduu ana salin nyenju kiti, ¹⁴uba se nmari, bara na iwasa ikpilla inafi ba, bara uba se uduk liyirin nfitu nanit alau."¹⁵Umong na asosin kutebule nin Yesu, lanza ile imone, aworo ghe, "Unan nmariari ulenge na aba su kileo nanya kipin tigoo Kutelle!" ¹⁶Ame Yesu woro ghe, "Umon unit wa dinin nbuki udia, ayicila anit gbardang. ¹⁷Na imonli nyini, ayicila anan katuwa kilari me, ato nani ido idi yicila alenge na ana bellin nani, 'Idak, bara ko yang inyini.'¹⁸Inug vat nafo itere tinu cizina udasu nin kucikusu, unan nburne woro ghe, 'Meng na seru kunen, nba du ndi yene. Na nbase udake ba.' ¹⁹Umong tutun woro, 'Meng na seru inna ibaba ukashi utaun, ndin cinu udu idi gwada inin. Na meng base udake ba.' ²⁰Umon unit woro ghe, 'Meng nasu ilugma ipese, bara nani na nbase udake ba.'²¹Unan katuwa kilare kpilla ada belle Cikilare ile imone. Ale Cikilare kilare nana nayi, abelle unan katuwa my, 'Caan nanya kagbire dedei nan tibau udanin, nakimon, agurgu, a aduu nan naturi.' ²²Unan katuwa woro, 'Cikilari, ile imon na ubelle nsu inin, har nene kiti duku, sa unit.²³Cikilare belle unan katuwa me, 'Nuzu udo tibau tididia ukpeshilu nani idak, bara kilari nighe nan kullo. ²⁴Bara meng nbellin munu, na umon nanya nalele na iwa burun uyicilu nani dudu imonli nighe ba.'"²⁵Nene ligozin na nit wa din cin nin ghe, a girtino a woro nani, ²⁶wase umong ndaa kiti ning na anari ucef mge, unna nye, uwani nye, nwana nye, ni lime nan nishono - ee, umunu ulai me - na a batina usu gono katwa nin ba. ²⁷vat inle na a yira kuca nkul nye a dufini ba na awa sa asu gono katwa nin ba.²⁸Bara ghari nanya mine, ule na a dinin su a kee kilari na aba so a batiza imon ile na aba mulun kewe ayinin sa a nin nimong ile na ama ke kelare mun udu umale anin cizin ba? ²⁹Ana nani ba, a wa cizin lituine na a mala ba, vat nle na a yene a ba sisughe, ³⁰a beling ule unite na cizin ukee kilari na amala ba.³¹Sa uyapin agomari, na ama du likum nin mung ugo, na aba so a seru ashawara sa ama yinnu likume nin na nit amoi likure wase uleli ugowe nda nin na nit amoi akutaba? ³²Andi na nani ba, aleli anang likume nwadi piit, a taa umong adi foo acara bara iso mang. ³³Bara nanere, vat nanya mine andi na usuna ile imong na udumung ba na uwa sa usoo unam masun iyinu ning ba.³⁴Nto caun, bara na misali mamas, mi ba kuru me lawa ntwe tutungha? ³⁵Na mima yitu nin katwa tutung ba, I ma gutunu mining. Ule na adi nin na tuf na a lanza, na a lanza.

¹Vat nanang sesun gandu nan gisin nanan kulapi wa dasu kitin yesu idin lanzughe. ²Afarsayawa nan nanang niyerte wa din gbulu idin belu natimene, "unit ulele din sesu aman kulapi amini din nlii nanghenu."³Yesu benle nani tinankuguldo, ⁴"Ghari nanya mine, a wadi nin nakam akut likure ada dira kurum naye na aba sunu akut kutir nin kutir a doo mpiziru kurume nanya kushue se ase kuninba? ⁵A wanin se kuning, na ama ti kunin nabandang a su ayi aboo ba.⁶A wa saa kilari, a yicila adondong nan nanan kupoo mye, abelin nani, "Bunoni liburu liboo, bara nan nse Kukam nighe na kuna wulu." ⁷Nbelin munu au nanere, liburi liboo ba yitu kitene kani bara unan kulapi warum ule na a suna kulapi mye, akatin anit akut kutir nin kutir ale na idi nanya kulapi mene.⁸Sa u yeme uwaniari na adi nin nikubu likure, firum wa wulughe, na aba ti ula limoo a kuu kutyye a piziru sey a see fi nin ba? ⁹A wa see, a yicila adondong nin naman kupoo mye a benle nani "buno ni liburi liboo bara nam see fikubunighe na fina wulu." ¹⁰Nanere, mbelen minu, liburi liboo ba yitu nbun nnono kadura Kutelle uwarum nwa sun kulapi mye."¹¹Yesu moro, "Umong unit wadi nin nano niba, ubene nanya myene woron ncife, ¹²'Ucif, nai unang ugadue,' a koso nani utamani mye vat.¹³Ma itaa ayiri ba, ubene fita udun kan kipen piit, adi wultun vat imong ile na iwa nighe nan nadondong a hem. ¹⁴Na amala uwultune vat, kukpong kudindya deu nanyan mgene, anin cizina upiziru nimonli.¹⁵Ado adi piziru katwa kitin kon kunang myenne, a naghe katwa libya na ledu. ¹⁶Aso nin nayiaboo adin lii nimonli naledu bara na umong naghe imonli ba.¹⁷Bara nani na kibinaiye nsa kidomomye, aworo, 'Acin ncef nighe amashinnari din lii imonli igutuzuna, mmile da sosin kikane kukpon ba moliia! ¹⁸Mba sunu kikane ndo kitin ncif ning, nning belinghe, "Ucif, nta kulapi nnang kitene, nin kiti fe. ¹⁹Na mbatin iyicilai usaun fe ba; tai nafo nkong kucin fe."'²⁰Usaun ubene nya udu kitin ncife, na awa doo piit, ucife yeneghe, anin lanzan nkunekune me, a taa ucum, adi gbindiringhe a luluu kukpan nuu me. ²¹Usaune woroghe, 'Ucif, nta kulapi kitene kani nin bun fe. Na mbatin i yicilai usaun fe ba.'²²Ucife woro na cinme, 'Daan nin nimoon icine, i shoonghe, i tighe ficancan, nin na kpatok nabunu me. ²³Daan ning fina fi gbondilong ida boo fining. Na ti li tisu liburi liboo. ²⁴Bara na usaunighe wa ku aminim nta luai. A wa wulu aminin saa.' Inin cizina liburi liboo.²⁵Usaun ukune wa di di kunen. Na a da susut kilare, alanza tigangang nan na lantung nin nyizinu. ²⁶Ayicila nkan kucin a tirino iyanghari nse kilare? ²⁷Kucine woroghe, 'gwana fe nsa ucif fe uni boo fina fidya, bara na asaa ucine.'²⁸Ayi nana usaun ukune, a nari upiru kilare ucife nuzu, ada fooghe acara. ²⁹Bara nani usaun ukune kpana a woron ncife, 'Yene, mbgardang nakus ale na nta nin fi, na insa nanza fi kibinai ba, na usa nayi kagono kayin nboo nan na du nighe ba. ³⁰bara na usaun fe nsaa, ule na ana di molu imon lisosin nan nawani ahem, umini nabooghe fina fidya.'³¹Ucife woroghe, 'usaun ning, udi ligowe nin me vat ni mon ile na idi inan in fere. ³²Bara nani ucaun ti su ayiaboo ti nyizin, bara na gwana fe wa ku, amini nta ulai nene: awa wulu aminin nsa."

¹Yesu kuru a woro nono katwa me, "Umong unan nikurfung wadi nin nang tamani me, ida belinghe unang yeujun ntamanie din nanzu unis. ²Unan nikurfughe yicila ghe aworoghe, 'I yanghari ndin lanze litife? Daa uda nyii kibatiza nimon ile na nwa nili uyenje bana na fe unit ucineari ba.'³Unan yenjughe ntamane woro letime, 'I yanghari mbati nin litining, I yanghari mba ti, bara na cikilari nighe ma kalu katwa kane nacara nighe? Na indi nin likava mawuzu wuzu ba, tutung indi lanzu incin kufili. ⁴In yiru imon ile na mba ti, bara na lwa kala katwa kane nacara nighe, anit ma sesui ngamine.'⁵Unan yeujun ntamane yicila vat nale na cikilare din durtu nami tire, anin tirino unan burne, 'Imashinari cikilare din durtu fi?' ⁶A woro, 'A mudu akut likure nnuf kuca.' Anin waroghe 'Soo mas, kibatiza fe kaa, u nyertin akut ataun.' ⁷Unang yeuju ntamane woro mmong, 'I mashinari idin durtufi?' A woro, 'A mudu akut likure nialkama.' A woroghe 'Kibatiza fe kanga yertina akut likure sa aba.'⁸Unan nikurfughe taghe njah bara na awa su katwa me caut ba, bara na nono nyii ulele di nin nibinai nsu nimon icine bara anit mime ba na nafo nonon nkananghe di. ⁹In belin fi, pizira adondong bara litife nin nimon nyii, bara I wa nyaa ima pirizin fi nanya nilari mi ne.¹⁰Ule na adi nin yinnu-sa-uyenu nanya nimon baat ade nin yinnu-sa-uyenu nanya ni dya, ule na adi nin salin yinnu-sa-uyenu nanya ni baat na ama yitu nin yinnu-sa-uyenu nanya nimon idya ba. ¹¹Bara nani, andi na udi nin yinna-sa-uyenu nimoon inyii ba, ghari ba yinnu ninfi nin nimoon kidegene? ¹²Nanere, andi na udi nin yinnu-sa-uyenu kitene kuturan mong ba, ghari ma nifi ile na idi infe?¹³Na kucin wasaa amyino an cin nilara naba kubi kurume ba, sa a ma nari umong ati usun mmong, sa a su umong katwa amari usun mmong, na u wasa usu Kutelle licin nin tamani kubi kurume ba."¹⁴Afarsayawe na i wadi anam su nikurfunghari, I lanza ule ulire vat, itunna nsisu ghe. ¹⁵A woro nani, "Idin suzu kidegen mine niyizi nanitari, bara nani Kutelle yiru nibinai mine. Ileli imon na idin ruu ining idi zemzem nizi Kutelle.¹⁶Uduka nin nanan liru nin nuu Kutelle wa di, Yohana nin daa. Unuzun koni kubi udu sa ligang, uliru Kutelle idim belun nin, vat nanit din shoo ati nanya ti bau ti bau. ¹⁷Bara nani ukatin nin sauki nworu kitene kani nin kadas kata nin waru fiyert firum nanyan nliru me ikala sa uti kinuu.¹⁸Vatin nlenge na akoo uwani me ayira umong adin nozu nin na wani ahem, nanere uwani ule na akoo ules me aminin di yira umong adin nozu nin les uhem.¹⁹Umong unan nikurfung wa duku na iwa shonghe imoon icine anin din lanzun mmang vat liri nanya ntamani udya. ²⁰Umong unan kufilli nunnu kibulung me nin nanut kidowo me. ²¹A wadin su a li mbubun nimon li na idin disu kuteen, banin nani, ninau nin din lelu anut kidowo me.²²Usuo inlong liyiri unam kufille kuu anan kadura Kutelle da yiraghe udu abunu Ibrahim. Unam nikurfughe wang kuu ikasaghe. ²³Nanyan nla, adin niu, a fiya iyisi me ayene Ibrahim ku piit nin Liazaru figiri me.²⁴A fiya liwai me aworo, 'Ibrahim ucif lanza nkune-kune ning utuu Liazaru ku, a diti liyicin me nanyan myen adak ada tii limila cancam, indin niu namyan nla ulele.'²⁵Bara nani Ibrahim woro, 'Gono kubin laife uwa seru imon icine nlaife, Liazaru sere imon inanzang. Bara nani itaghe insheu kibinai kikane, fe tutung uniu. ²⁶Banin nani kuwu kudya nkese nari bara na alenge na ima kafinu udu kiti fe na iwasa i kafina ba, a na umong wasa a kafina udak kiti bite ba.²⁷Unan nikurfughe woro, 'Ndin foo fi nacara, Ibrahim ucif. U tuughe udun ngan cif nighe. ²⁸Bara na idi nin nwana inung nataun bara anan wunno nani atuf, bara iwa dak imus kitin niu kaane tutung.'²⁹Bara nani Ibrahim woro, 'Idi nin Musa nan nanan liru nin nuu Kutelle; na ilanza nani.' ³⁰Unan nikurfunghe kpana aworo, 'na nanere ba, Ibrahim ucif, bara nani iwase umong ulenge na aba du kitimene nanya nabi, I ma kpiliu nibinai mine.' ³¹Bara nani Ibrahim woroghe, 'Andi na ima lanzu Musa ku nan nanan liru nin nuu Kutelle ba, na ima lanzu umong tutung ba sa afita nanya nani.'"

¹Yesu woro nono katwa me, "Nanere imong duku na I ma ti nari ti te kulapi, bara nani kash inle na imong ine madak nacaramye! ²Uma yitughe barabara I terughe kuyazan n nto I tuu ghe nanya kuli kudya, nuuru ati umong nanya nabebene alele atiro.³Yenjen ati mime, gwana fe nwa ti kulapi, kpadanghe, a wa yenin, I shawa nin kulapi me. ⁴A wa tifi kulapi kuzur nanya liyirine, akuru a da kitife kuzure, abelin 'men intafi kulapi,' doleari u shawa nin kulapi kune.⁵Nono katwan Yesu wa woro ucef kinari mene, "kpina nari uyenu sa uyenu ku." ⁶Cikilare woro, "I wadinin yinu sauyenu nafo fiyip nikan, I ba benlu kuca koone, 'Fita kikane udi soo nanya kuli,' kuma lanzu a nunko lifi.⁷Bara nani ghari nanya mine, na adi nin kucin katwa kunen sa adi libya nakam, na asaa unuzu kunen ubelinghe, 'abelinghe da nenenene ama soo kilai'? ⁸Na ama belinghe, 'Kankai imemon nli, anin teru katino me a suyi katwa mmalu kilai. Fe nin le infe'?⁹Na a benle kucine nja ba, bara na asuu lmonile na itaghe ku, a suwa? ¹⁰Nanere anun wang, I wa su vat nimong ile na ita munu nsue, I ma benlu, 'Na arik a cin a cuneari ba. Fi suu imon i le na itanarin suere cas."¹¹Na I wa din libau udu urshalima, a wa din cin magazangazam nsamariyo nin Galili. ¹²Na awa piru inkan kagbiri, kikane azuru nin namong anit akuturu. I yisina piit nin ghe. ¹³I ghantina ti wuyi me, I din belu, "Yesu, Kumalami, lanza nkunekume bit."¹⁴Na ayene nani, a woro nani, "Can idi duro a timune kitin nadidya kutii nlira." Na i doo, ise ushinu. ¹⁵Na warum nanya mene yene ashino a kpiliya kidowo a ghartina liwui adin vuu Kutelle. ¹⁶Ada tumuno nabun Yesu, adin godighe ame wadi ku Samariya wari.¹⁷Yesu kawa, a woro, "Na anun likurera wa shin baa? Ingisin mzakure dey? ¹⁸Na amon duku na iba kpinlu I ruu Kutella ba, maa koo kumarare?" ¹⁹A woro ghe, "Fita ughaa, uyinun sali yenu fe nshino nin fi."²⁰Na afarsayawe ntiringhe ubelem nsa kitari tigoo Kutelle, Yesu kawa nani a woro, "Kilari togoo Kutelle na imun ncamari ba. ²¹Sa ima woro, 'Yene kikaa!' sa, 'Yene kikan ni!', bara na kilari tigoo Kutelle di nanya mene."²²Yesu woro nanang katwa me, "Ayiri din cinu na I ba yitu nin su nyenu nlon lirin ngono nit, na ima yenu ba. ²³I ma benlu minu, 'Yeneng, kekanii!' Yeneng kikaa!' na iwa doo nyenjwe ba, sa I durtu nani, ²⁴nafo na nicananghe nwa nuzu na wite awa manliin, asa mi nuzun ko kuwut udu kitin kune, nanere Gono nnit ba yitu nanya liri me.²⁵Bara na ama niyu nimon gbardan nin burne i nin narighe nko kuje. ²⁶Nafo na uwa di nanyo nayirin Nuhu, nanere tutung ima ti nanya nayirin Gono nnit. ²⁷I wadin nle, iyitan nso, I suzu ilugma I niza ashono mene nilugma, udu liri lo na Nuhu wa pirum njirgi - men nwure daa mida mulso nani vat.²⁸Namere nafo na udi nanya nayirin Lot, I wadin nli iyitan nso, I sese, I lese I bilsa, I key ni lari. ²⁹Bara nami nanya liri longo na Lot in nuzu nanyan Sodom, atantani nla wa din nnuzu kitine kani uda leo nani vat.³⁰Nanere u ma so liri longo na Gono nnit ba dak. ³¹Nanyan lolire, na I wa yinin ule na adi kitene kutii tolu adi yiru kutura me nanya kilare. Na iwa yinin ule na adi kunen saa kilari ba.³²Lizinon nin wanin Lot. ³³Vat nle na a din piziru ulai me ama diru unin, bara nani elu na anari ulai me aba se unin.³⁴Nbelim minu, nanya kitik kane ida se an waba non kitene nkomi urume. I ba yiru umong, isuun umong. ³⁵Awani naba ba yitu tiyazung, I ba yiru warum isuun warum. ³⁶Anit naba ma yitu kuneen, I ba yiru umong isuun umong." ³⁷I tiringhe, "Nweri cikilari?" Anin woro nani, kika na libi nonku agbulluk ma kilinu kitee.

¹A benle nani tinan tigoldo intizu nlira, na nibinai mene nwati seeng ba, ²a benle, "umong unan wucun nliru wadin kan kagbiri, unam wucun nliru une wadi nin fiu Kutelle ba, tutng na adin yenju unit nin titti litiba.³Umon uwani wa duku na ules me wa ku nanya kagbiri kane, asu ada kitime kolome liyiri, abenle, 'Buuni anan nayi asirne mpardai.' ⁴Kubi kata piit na adinin su a buunghe ba, na I dandauna ba a woro liti me, 'Bara na indin lanzu fui Kutelle sa unit ba, ⁵vat nani uwanin salin nles ulele din fizwi kibinai, nma buunghe nwusughe kedegene, bara a wa tii kudirya nin dasu me vat liri.'"⁶Cikilare nin woro, "Lanzan imon ile na unan wucun nlire mbele. ⁷Nene na Kutelle ba bulu ale na ana fere nami na idin ku culu uwui nin kitik udu kiti me ba? Na aba ti ayiasheu nin yenuba? ⁸Mbeling minu au aba saru nani dedai sa unanzu kubi. Bara nani Gono nit wadak uyi ulele aba se anan yenu-sa-uyenu kuwa?"⁹A kuru abenle tiwankari tone nale na inun din yenju ati mene anit alau wari. Inani din narsi amon anit, ¹⁰"An waba wa doo nanya kutii nlira iba ti nlira - warum wadi Kufarsayawa nin nanbe unan sesun gandu.¹¹Kufarsayawe yisina a taa imusin immong inlire nin liti me, 'Kutelle ngode fi bara na meng masin nafo among anit ale na akiriyari. anan salin nlau, anan nuzu nin naulani a buu, sa nafo ule unan sesun ngandue ba. ¹²In din su ukotu nayi tiba nanya na yiri kuzoor, in din nizu uzakka vat ni mon ile na in dumun.'¹³Bara nani ame unan sesun ngandue yisina piit, na awa sa a fya iyizi me ayene kitene kanin ba, bara nani a reo figiri me, a woro, 'Kutelle, lanza in kune-kune ning, unam kulapi.' ¹⁴Nbelin minu, unit une wa nyaa udu kilari lau, na nafo unan mba me ba, bara na vat ule na a ghantina liti me, iba tultinghe, ule na a tiltino liti me ima ghantinghe."¹⁵A nite wa din dasughe nin nono nibebene, anan dudo nani, nono katwa me yene, ikpada nani. ¹⁶Yesu yicila nani udak kitime, aworo, 'Sunam nono nibebene dak kitining, na iwa wantin nani ba, bara na kilari tigoo Kutelle kin nimus nalelere. ¹⁷Kidegene indin belu minu, vat inle na ama seru kilari tigoo Kutelle nafo nono naneba to na ama piru ba."¹⁸Umong unan tigoo tiringhe, aworo, "Ku mallami kucine, iyanghari ma ti inse upirun nlai sa ligang?" ¹⁹Yesu woroghe, "Iyangharin ta udin yicwi ucine? Na umong ucine duku ba, ma se Kutelle cas. ²⁰U yiru uduka - na uma piziru awani ahemba, na uma molu umong ba, na uma su likiri ba, na uma ti kinu litin mong ba, na tikune kitin cife nin nafene." ²¹Unam tigoo we woro, "Vat ile imoone ina malu su an duttu gono kibene."²²Na Yesu nlanza nai, a woroghe, "Imun irumari duu fi. Can udi lewu imoon ile na udumun vat ukosu anan sali mun, udak uda dofini, uma nin se kiti lisosin kitene kani." ²³Na unan nimoon nacare nlanzanani ayi me nana kang, bara na awa di nin nimoon nacara kang.²⁴Yesu na ayeneghe, ayin nanghe anin woro, "Uma yity nin nijasi kang unan nimoon nacara piru kilari tigoo Kutelle! ²⁵Uma katinu nin sheu Kuronkomi piru nanga ligalong nalura nworu unan nimoon nacara piru kilari tigoo Kutelle."²⁶Ale na iwa din lanzwe woro, "To ghari ba se utuce?" ²⁷Yesu kawa aworo, "Imun ile na idin yenju na iwasa itaa ki ti nanit ba iwa sa itaa kiti Kutelle."²⁸Bitrus woro, "Arikin suna vat imon ile na tidi mun ti nani ndofin fi." ²⁹Yesu nin woro nani, "Kidegene, mbelin minu na umong duku na a cino kinari, sa uwanime sa qwana me, sa una nin cif, sa nono, bara kilari tigoo Kutelle, ³⁰ule na aba se mgbardang nanya nyi ulele ba, nin nyi ule na udin cinu ulai nsali ligang."³¹Na awa pitirin likure nin naba udu kiti me, a woro nani, "Yenen, ti ma nyiu udu Urshalima, vat nin nimon ile na ina yertin inuzu nanan liru nnuu Kutelle litin Gono nit ima kulu. ³²Bara ima nakpughe nacara na wurmi, ima yasughe, ima tighe a lanza incing, inin tufuzunghe ataf. ³³I wa malu ukpizughe, ima mulughe liri lin tat aba fitu tutung."³⁴Na iyinno vat ni le imone ba, too ti gbulanghe wa nyeshin nani, na iyinno imon ile na a wa belin nani ba.³⁵I daa nkang kubi, na Yesu ndaa susut nin Jeriko, umong uduu wa sosin kupoo libau in piziru i filizinghe ikurfung, ³⁶na a lanza ligozi nanit din cinu, a tirino iyanghari nse? ³⁷I belinghe Yesu kunan Nazarat ari din cinu ukatu.³⁸Bara nan uduuwe fya liwui me, a woro, "Yesu, Gonon Dauda, lanza nkune-kune ning." ³⁹A lenge na Iwa din cin nbune kpada uduuwe I woroghe a ti tik. Ana kpina liwuiye ku, "Gonon Dauda, lanza nkune-kune ning."⁴⁰Yesu yisina daang anin benle nin likara au I dak nin nite kiti me. Na uduuwe nda susut, Yesu tiringhe, ⁴¹"I yanghari udinin suu insufi?" A woro, "Cikilari, in di nin suu in yene kiti."⁴²Yesu woroghe, "Puno iyizi fe, uyinnu-sa uyenu fe nshino nin fi." ⁴³Kiteene iyizi me puuno kidowo, a nin dofinghe, nruu Kutelle. Na iyene nani, anite vat ruu Kutelle.

¹Yesu pera a wa nin din cinu nanyan Jeriko. ²Umong unit wa duku lisa me Zakka. A mere udiya nanang sesun gandu a wa di nin nikurfung kang.³A wade nin su ayene sa ghari Yesu, bara ligozi nanit na ayinno ba, bara na a wadi kaff. ⁴A kata mbun na nite nin cum adi ghana kuca kuppul anan yeneghe, bara na Yesu wa cinu ukatun loli libau we.⁵Na Yesu ndaa kitene, a fya iyizi a woroghe, "Zakke, tolo mas, bara kitomone nmadu ngafe." ⁶A taa mas, a tolo anin sereghe nin nayi aboo. ⁷Na anit vat nyene nani, I tunnan ngbondilu, I din duu, "A doo kilarin nlenge na adi nim kulapi."⁸Zakka yisina a woron Cikilare, "Yene, Cikilare, kuger intamani nighe in ma ni anan diru na kara, sa ina seru umong imong imon in ma kpillu inighe tinas na ina seru." ⁹Yesu woroghe, "Kitimone utucun daa kilari kane, bara na ane wang donon Ibrahim mari. ¹⁰Bara na Gono nit na dak ada piziru a tucu anit alenge na I wulu."¹¹Na I lanza ile imone, a leo ubun ntirwe a benle nani nin nanan tigoldon, barana a wa dak susut nin Urshalima, inung nin ceo nibinae sa kilari tigoo Kutelle ba sa ku bere. ¹²A woro nani, "Umong unit wa su ucin udu kipin ki piit anan di seru kilari tigoo me anin nya usa.¹³A yicila acin me likure, a naa nani amoi likure, a woro nani, 'Can kpilizan a cara mun udu kubin sa nighe.' ¹⁴Bara nani anan kipen me nari ame I too among a didya udu kiti me, I belinghe, 'Na ti ma yinnu unit ulele su tigo nati bite na.' ¹⁵Uso kubi ko na a saa, unuzun seru kilari tigo we, a woro I yicila acin me vat na awa ninani ikurfunghe bara a yinin imashinari I see kitine nikurfunghe bara ukpilizu nacara.¹⁶Unan burne da ubun me, a woro, 'Cikilari, ikurfungfe mmara amoi likure tutung.' ¹⁷Cikilare woroghe, injaa, 'Gajiya nin katwa, kucin kucine. Bara na una su uyinu-sa-uyenu nanya nimon icing, uba se kutet likara nigberi likure.'¹⁸Unan mba me da, a woro, 'Ikurfung fe, Cikilari, na maru amoi ataun.' ¹⁹Cikilare woroghe, 'Yenje nigbiri nitaun.'²⁰Umong kuru adaa a woro, 'Cikilari, ikurfung fe ile na in wa ceo inin gegeme nany nimoon, ²¹bara na imwa lanza fiu fe, bara na fe dinin kibinai kinanzang. Asu uyira kikanga na uceo ku ba, ukowo ile imon na una bilisu ba.'²²Cikilare woroghe, 'Bara ti gbulang imliru fe nma wucufi mun, fe kucin kibinai ki sirne. Uyiru meng unan kibinai kisine ari, in din pilu imon ile na in ceo ba, nin kezu ni mon ile na mbilsa ba. ²³Iyarin taa na una ceo ikurfung ninghe kikaa na idin cisu ku ba, bara inwa sa imba di seru inin nin nimon kitene?'²⁴Cikilare woro nalenge na iyisin kupoo we, 'Seren ikurfung, ile na idi kiti me ini ule na di nin likure.' ²⁵I woroghe, 'Cikilari, a di nin namoi likure.'²⁶'Inbeling minu, vat ule na adi mun Iba kpinghe ku, bara nani ule na asalin mun, I lele na adimun wang ima bulu. ²⁷Bara nani ale na ina nari na iwa din nin su meng su tigoo kitene mine ba, daan nin ghinu ida molsu nani mbun nighe.'"²⁸Na a benle nani ile imoone, a tuna ncin me, cindu Urshalima.²⁹Uso na ada kupoon Baitfaji nin Bethany, litala loo na idin yicu Uzaitun, a too nono katwa me naba, ³⁰a woro nani, "Can nanya kagbirin mbune I wadin pire, Ima yenu kagono kajaki kanga na isa ghana ku ba, bunkun kanin ida niyi. ³¹Wase umong ntirin minu, 'I yarin taa idin bunku kanin?' I belinghe, 'Cikilari di nin su kanin.'"³²Ale na I wa tuu nani doo idi se kijakye nafo na Yesu mbele nani. ³³Na I wadin bukwe, unan kanin woro nani, "I warin ta I din burku kijakye?" ³⁴I woro, "Cikilare de nin nsukanim." ³⁵I da nin kanin kitin Yesu, I tiza alituk mene kitene kaning, min tarda Yesu ku kitene kaning. ³⁶Na aghana, I tiza alituk mene kitene libauwe.³⁷Na a wa dak susut kikaa na litalan Zaitun ntula ku, vat nono katwa me cizina ulanzun mang I kifo uruu Kutelle nin ti wui ti kang nin nitwa ni didya naa na iyenje, ³⁸I din belu, "Ubab mariari ugo ule na adaa nanya lisan Cif! Ayiasheu nanya kitene kani, nin ruu kitene ki piit!"³⁹Among afarsayawa na i wadi nanya ligozene woroghe, "Ku mallami kpada nono katwa fe." ⁴⁰Yesu kawa a woro nani, "Inbelen minu, alele nwa ti tik, atala alele ba kawu."⁴¹Na Yesu nda kupoo kagbire, a tultino nmizin bara kagbire, ⁴²a benle, "Mkuru fo iyiru nanya liri lole, anun wang, imon ile na ida minu nin nayi aboo! Bara nani iyeshe imon nizi mine.⁴³Bara ayire ma dak nati mine, na anan sali nsu mine ma kye udanga I kilin vat nasare iparda minu. ⁴⁴I ma kezu minu utulu kutiin nin nono minue, na ima sunu nlon litala kitene nlon ba, bara na amun wa yinnin ba na Kutelle wa ceu ayi nworu atucu minu."⁴⁵Yesu pira nanya kutii nlira a cizina ukuu nale na iwa din lesu nimoon, ⁴⁶a din belu nani, "Ina yertin, 'Kilari ninghe ba so kilarin nlira,' bara nani anung ani nkpiliya kinin kiso kuwu na kiri."⁴⁷Bara nani Yesu wadin dursuzu nanit nanya kutii nlira, anan yenji kutii nlire nin nanan niyert umunu adidya na nite vat wadi sin su imolughe, ⁴⁸bara nani na I see libau nsunani ba, nara na anite vat wadin lanzughe.

¹I wa diku nlon liri, na YEsu wadin dursuzu na nite nanya kutii nlira nin belu nani utiru Kutelle, adidya kutii nlire nang nanan niyerte daa kiti me nan na kukune ntardu nacara alau. ²I benle ulire, I woroghe, "Benle nari nin liyapin licarari udin su ka katwa we? Sa ghari ule na anafi lo likare?"³A kpana a woro nani, "Meng wang ba tirin minu imemong. ⁴Belenni ubelen inshintun Yohana, Uwa nuzu kiti Kutelle aria. Sa kiti na nit?"⁵I kpilza nati mene, I benle, "Ti wa woro, 'kitene kani,' a ba benlu, 'too iyarin taa na iyina yina nin ghe ba?' ⁶Tutung ti ma belin 'unuzu na nitari,' anite vat ma fil su nari nin natala bara na iyire Yohana wadi unam liru nin nuu Kutelleari."⁷I kawa au na iyiru kite na a nuzuku ba. ⁸Yesu woro nani, "Na meng ma belin minu nin liyapin likarari in din su ale adodwe.⁹A taa anite ntun tiwankare, "Umung wa bilisu kunem, anaa among ukewe, anya udu nkankipin a di dandaun ku. ¹⁰Na kubi da atoo kucin me udu kitin nanan kye kunene, au inighe kumat kuce, bara nani anan kye kunene fooghe, inin kooghe nin na cara akone.¹¹A kuru a too nkun kucin me ikuru I fooghe, I naghe incin, inin kooghe nin na cara akone. ¹²A kuru a too unan tat ikuru I lanzaghe ukul, inin fillinghe indas.¹³Bara nani Cikilari kunene woro, 'I yanghari mba ti? Na ntoo gononsunighe. Mbuti ima yenu ngongonme.' ¹⁴Bara nani naiyeneghe ncinu, I munu ati I woro, 'Ulelere unan nlin gadu kunen kune, dan ti molughe, ugadwe nan soo unbit.'¹⁵I fillinghe mamal kunene, inin mologhe. Iyari unan kunene ma tii nani? ¹⁶Ama dak ada mulsu nani, anin ni amon kunene." Na I lanza, I woro, "Kutelle sauke."¹⁷Bara nani Yesu yene nani, anin woro, "Iyari ile I yerte din belu? 'Litala loo na anan kye kilare nari, linnere nda so lin tune kilare'? ¹⁸Vat nle na a deu kitene litala lile ama putuzu agerager. Bara nani bat ne na litale ndeu liti me lima yarughe."¹⁹Bara nani anan niyerte nin na didya kutii nlire wa piziru I kifoghe nanya kuni kube, bara na I yino a wasu too tiwankare nati menere. Bara nani I wa lanza feu nanite. ²⁰I yenjeghe mseen, I too anan gbizinu kipin ita nafo anit alau, inan se ufanu nliru me, bara inan kifoghe inakpa anan natet tigoo ngumna.²¹I tirighe, I benle, "Unan dursusu, ti yiru udin dursuzu ubele dert, na umon din rusuzu fiba, bara nani udin dursuzu kedegene udu libau Kutelle. ²²Udukari kiti bite ti ni Kaisar ku uganu bite sa babu?"²³Bara nani Yesu yinno kujinjin mene, a woro nani, ²⁴"Dursuni fikubu, kuyeli nghari, nin lisa du kitene fin nin?" I woro "Un Kaisar."²⁵A woro nani, "Naan Kaisar ku imun ile na idi un Kaisar, nin Kutelle imun ile na idi in Kutelle." ²⁶Anan miyerte nan nadidya kutii nlire na iwa yinin unari ni mon ile na awa belen nbun nanite ba. I lanza umamaki nkawu me na ibenle uliru ba.²⁷Na amon Asandukiyawa nda kiti me, ale na I wa woro na ufitun yii duku ba, ²⁸I tiringhe, I benle, "Ku mallami, Musa wa yertin nari a woro, gwana nmung wa kuu nin ulani, na I mara ba, unite yira uwanin gwana me, a maraghe gono ku.²⁹Nwana wa duku imun kuzur, unan burne yira urani, a kuu na imaraba, ³⁰unan mba me wang nanere. ³¹Unan tate udu unan zurre nanere na imara ba, ³²na ikala ayeri uwane kuu wang. ³³Lirin fitun yii ama yitu uwani ngha nany mene? Bara na ma suzu ilugma min wane?"³⁴Yesu woro nani, "Nono inyii ulele din suzu ilugma, I niza awani. ³⁵Bara nani ale na idumna nani ise iduru useru nanan fitu unuzum kul inin piru ulai sa ligang na idin suzu ilugma sa i nakpa uwani ba. ³⁶Na I ba kuru I kuu tutung ba, bara na isoo nafo nono kadura Kutelle, inun nso nono Kutelle.³⁷Bara nani iba feu abe, Musa wang I wa durughe, mbeleng kitene na a wadi kusho kikaa na awa yicila Ucef Kutellen Ibrahim, Kutellen Ishaku, nin Kutellen Yakub. ³⁸Nene na ame Kutelle nanan nkulari ba ama kun nanan nlaiyari, bara na vat di nin nlai udu kiti me."³⁹Among anan niyerte kpana iworo "Ku mallami ukpana caut." ⁴⁰Bara nani ikuru I tiringhe imemon turtung ba.⁴¹Yesu woro nani, "I yizieri I din belu au Kristi gono Daudari? ⁴²Bara na Dauda litime wa belen nanya niyert in Zabura, Ucife wa woro Ucif nighe, 'Soo incara ulime ning, ⁴³sai dai nta anan narife kitin cisu na bunu fe.' ⁴⁴Nanere Dauda yicila Kristiku 'Ucif' a suu usaun Dauda nene?"⁴⁵Natuf nanit vat a woro nono kadura me, ⁴⁶"Sun insen nin nanang niyert, ale na idinin su I cinu nanya nalutuk ajajangaran, nin su nilip icine nanya tikasau, nin niti lisosin nididya nanya natii nlira, nin niti nididya niti tibuki. ⁴⁷Ikuru idin nanzu ninari nawani ale na ales mene nakuzu, nin nlira mijakaka kirusuzo. Alele maseru ukul udindya."

¹Yesu fiya iyizi ayene kitene kani anin yene anan nikurfunghe din nizun usadaka mine nanya kukuzenghe. ²A yene umon uwani na ulese wa ku adin ti nikubu iba nanya kukuzunghe. ³Anin woro, "Kidegene mbelen minu, ule uwanin derun lese inta vat a kata anit ane. ⁴Vat mene wani nanya nigbardan ile na idimun. Bara nani ule uwanin salin lese, wani nanya likimun me, vat nikurfun mere a wanutun.⁵Nafo na amon waliru kutii nlira, nafo na ma kye nin natala acine nin sadaka, a woro, ⁶"Bara ile imune na idin yenju, ayiri ba dak na ima sunu nlon litala kitene nlong na ima sali sa uturne ba."⁷Bara nani itiringhe, I woro, "Kumallami, nin shiyari ile imone ba ti?" ⁸Yesu kawa, "Yenjen umon wada rusuzu minu Bara anit gbardan ba dak nin lisa ning, I din belu, 'Mere ame,' 'Kuben ndaa susut.' Na i wa dufin nani ba. ⁹I wa lanza ubelen likum nin fizu nayi, na I wa lanza fiu ba, bara na ile imone ma dak nin burne, nara nani na liganghe nsa da ba."¹⁰Akuru a woro nani, "Nmgiin ma su likum nin umong nmgiin, kipin tigoo nin kan kipin tigoo. ¹¹Kutyene ma zullunu kang, nin nite gbardan kukpan ma yitu nin nijase tekanu tididya. Adadu fiyu ma yitu nin nalap adidya kitene kani.¹²Bara nani makin ile imoone vat, ima ti minu acara iti minu ayiasirne, ima du nin ghinu nanya ni larin nlira nin nilari licin, I ma du nin ghinu ubun tigoo nin nbun na gumna bara lisa ning. ¹³Uba soo kube na iba belu imoon icine ile na Kutelle nsuu minu.¹⁴Bara nani keleng nibinai mine na ima kesuzu ati mine udu kuni kube ba. ¹⁵Bara na nba ni minu tigbulan nin kujinjin, na vat anan nari mine wasa ita mayardan ku sa I kpiliya umon uleru ba.¹⁶Bara nani acef, nwana, adondon nin nakura ma nakpu minu, ima ti among mine ikuzu. ¹⁷Ima nari minu bara lisa ning. ¹⁸Bara nani na liti titi mine lirum ma wulu ba. ¹⁹Nenyan nteru nibinai mine I ba se imon kitene tilai mine.²⁰I wa yene ikilino Urshalima nin nasoja, yinnong unanzwe nda susut. ²¹Na ale na idin Yahudiya cum udu kitene natala, ale na idi nanya kipine kitik nuzu, na I wa yining a le na idi tikauye piru ba. ²²Bara na ale ayire an tunjuari, bara vat ni lee imon na ma yertin kulo.²³Kash nawani ale na idin nin naburi kumat nin nalee na idin mazinu nono nanya na yiri ane! Bara na ijasi idya ma yitu nmgine, niin tinana nayi udu anite. ²⁴Imanin mulsu nani nin kusangali ima soo alin nanyan nmgene vat, awurmi ma patilu Urshalima udu kubin kulu na wurmi.²⁵Kulap ma yitun nwui, nanyan mpoi, nin nanya niyinin, nin kitene nyii, nin puyu nati nmgen, nany nlazu fiyu ngurzunu na rawa adidya nin fune. ²⁶Anit ma kuzu ifiliza bara fuyu inca nimon ile na idin cinu kitene nyii. Bara na likara kitene kani ma zulunu.²⁷I ba nin yenu Gono nnit din cinu nanya na wut nin likara nin zazu udya. ²⁸Bara nani ile imoone nwa cizin, fitan iyisin, inin ghantin ati mine, bara na utucu mine nda duru susut."²⁹Yesu benle nani tiwankari, "Yenen kuca kupul nin nace vat, ³⁰I wa yene kuca kupul ngutuna afa apese din tilu I yino bara ate mine au kubi kusik nda susut. ³¹Nanere, I wa yene ile imoone din dasu, yinong au kipin tigoo Kutelle nda susut.³²Kidegene, mbelinminu, na ko kuje a katu ba, se imoon ilelee nkulo vat. ³³Kitene kane nin nmgen ma katu vat, bara nani na ligbulan lirum nanya nlirunighe ma katu ba.³⁴Bara nani, dinjan atuf nati mine, bara na nibinai mine wati getek nin na dadu ananzang, inyeu mso na dadu ahem, nin kpilizun nliru nyii, bara na lere wada muu minu, ³⁵nafo libarda, bara na lima dak liti na nit vat nanan nlai na idi nanya inyii ulele.³⁶Bara nani, Punon iyizi vat kubi idin tizun nlira bara inan se agan kang inan cuo ile imoone na ima dak, inin yisin mbun Gono nit."³⁷Kubi ko na awadin dusuzu nanya kutii nlira nin kitwik a nuzu udas, anin moro kiten nlon litala na idin yicu litalan Zaitun. ³⁸Anite vat da nin koi dindin inan lanzaghe nanya kutii nlira.

¹Nene ubukin burodin salin nimon infizwe da susut, ule na idin yecu kata natibite. ²Adidya kutiin nliara nan nanang niyert soo ikpilza na ima kifu Yesu ku imulughe, bara na iwadin nlanzu fiu na nite.³Shetan pira nanya Yahuda Iskariyot, owarum nanya likure nin naba me. ⁴Yahuda du idi kpilza nang na didya kutii nlira nang nanan niyert na ma nakpu Yesu ku nacara mene.⁵I lanzan nmang, inin yina imanighe ikurfung. ⁶Ayina, a nin din piziru nimon baat na ama tii ananakpaghe anit wa yinin.⁷Lirin nborodi sa imon fitize da, na uso doleari inakpa kukam nhadaya. ⁸Yesu too Bitrus nin Yohana ku, a benle "Can idi kanja nari imonlin kalu nati bite, bara tinan lau ining." ⁹I tiringhe, "Inweri udin nin sun woro ti di su lakanjwe ku?"¹⁰Akawa nani, "I wa piru nanya kipine, umon na a yauna ka suu nmyen ma zuru minu, dufinonghe udu kilari kaa na apira nanye. ¹¹I benle Cikilari kilare, 'Kumallami benle nari, "Kutii na mare dinweri, inweri nba lii imonlin kahu nate nwere nin nono katwa ninghe?"'¹²A ma duru minu kuti ko na I malu kyelu kudya. Kun kitene, kanjan imonle kikane." ¹³I do, I di se vat nmoonghe na abenle nani. Inin kele kiti keleuwa.¹⁴Na kube ndaa, a so nan nono katwa me. ¹⁵A nin woro nani, "Indi nin su nwadi inmalu nlii imonlui ilele nanghinu uworu min niyu. ¹⁶Bara nan belin minu, na inma kuru nli nan ghinu tutun ba, saidai ikulu nanya kilari tigoo Kutelle."¹⁷Yesu nin yira ukoop, na ata ugodiya, a woro, "Seren I kosu nati mine. ¹⁸Bara nan mbelin minu, na mba kuru nsumo ko kumati kuce kune tutun ba, se kipin tigoo Kutelle ndaa."¹⁹A nin yira uborodi, na ana ugodiya ku, afucu unin, anin naa nani, abenle, "Kidowa nunghere kane kaa na nna ni bara anung. Sun nene I lizizin nin me." ²⁰A kuru ayira ukoope nafo na ani taa na imala kileuwe, abenle, "Ule ukoope likamali nirghari lipese nanga nmii ning, mo na wa gutun bara anung.²¹Bara nani yenjen. Ule na alewei adi logowe nin me keetebur kone. ²²Bara na Gono nit ma nyeu nafo na ina belin. Bara nani kash nleli unite na amere ina lewughe nacara me!" ²³I nin cizina utiru nati mene, nghari nanga mene ma su lidungu lone.²⁴Kubung nin fita nanya mene mpeziru ghani ba so udiya nanya mene. ²⁵A woro nani, "Ago na wurme dinin nan cinilare mene, ale na itti nin natek licara udin yicu nani anan tigoo in ruu.²⁶Bara nani na uma so nani nin ghinu ba, nmaimako nani, na ule na amere udiyawe nanya mine kpilin aso nafo kagono kabene. Na ule na amene idin cisughe iyizi kpilin aso kulin mene. ²⁷Ghari udiyewe, ule na a sosin kitene kutebure sa ule na asu kucin? Na ule na asosin kitene kutibure re ba? Nin nani ndi nanya mene nafo kucin.²⁸Bara nani anughere na I wadi nin me nanya ndumunu ning. ²⁹Mnani minu kipin tigoo, nafo na ucenighe na mo nyii kipin tigowe, ³⁰I nan leu iso kutabur nighe nanya kipin tigoo nighe. Inin so kutet in wucu tilem likure nin tiban Israila.³¹Simon, Simon, yino, Shetan di nin su akifo fi, anan cecile fi nafo ualkama. ³²Bara nani meng mma tifi nlira, bara uyenu nsalin yenu wa dire. Uwadi umalu gitirinu kimal tutung, ta nwana fine likara."³³Bitrus woroghe, "Ucef, mang ba du ningfi kilari licin nin nkule." ³⁴Yesu kawaghe, "Inbelinfi, Bitrus, na ku kuluke ma culsinu ti tat ba, uma benlu na uyiri ba."³⁵Yesu woro nani, "Na awa tuminu sa lijip, nkatizu ni moon, sa akpatak, I wa dira imemoona?" Inin kawa, "Na ti wan dira ba." ³⁶Anin woro nani, "Bara nani nene, ule na adinin lijip, na a kala linin, tutung nin nkaa ntizu nimoon. Ule na a sali nin kusangali na a leueu kulutukme adi seru kurum.³⁷Bara nan beleng minu, I mon ile na ina yertin litinighe ima kulu gbas, 'I yeneghe nafo unan salin duka.' Bara nani ile iman na iwa beling litinighe din kulusu." ³⁸Inin woro, "Ucef, yene! Asangali aba ale." Anin woro nani, "A batina."³⁹Na ileu imari, Yesu nga, nafo na amene udi litalan Nzaitu, nono katwa mge nin dofinghe. ⁴⁰Ma iduru, aworo nani, "taan nlira iwa piru nanyan njaraba."⁴¹A cacana kupuu mene nafo utuu litala, anin tumuro nin nalung ataa nlira. ⁴²A benle, "Ucef, wase y yina, kala ukoop ulele litining, min nani na uwa dofin kibinai ning ba, na kin fere so."⁴³Unan kadura Kutelle nin daa unuzu kitene kani, a taaghe likara. ⁴⁴Na awaadin niyu, a kpina nlire ku, tinuntu me tantizo kang nafo nmyii na ngutuna kuteen.⁴⁵Na afita unuzun nlire, adaa kitin nono katura me, ada se nani idin moro bara nibinai nisirne mene, ⁴⁶anin tirino nani, "Inyarin taa idin moro? Fitan iti nlira, bara I wa piru ticankira."⁴⁷Na awa din nlire, iyene, ligozin na nite ndaa, ligowe nin Yahuda, uwarum nanya likure nin nabe, a dewu nbune. Ada kupoon Yesu anan taghe usumba, ⁴⁸bara nani Yesu woroghe, "Yahuda uma lewu Gano nit nin sumbaa?"⁴⁹Na ale na I wa killinghe nyene nani, I woro, "Cikilari, ti kewu umong nin kusangalia?" ⁵⁰Umong nanya mene kewe kucin ndiya nang yenju kutii nlere, kutuf, ncara ulime a nin werne kunin. ⁵¹Yesu woro, "Naneli mbatina," a nin dudo kutufe, ku shino.⁵²Yesu woro udiya nnan yenju kutii nlire, anan ncaa kutiin nlire, nin nadidiya ntardu nacara kutii nlira na iwa dak kiti me nin mayardam, "Idaa nafo anang kifun kiria nin nasangali nan tiyupa? ⁵³Na uwadi nan ghinu nanya kutii nlire vat lire, na umong myene nakpa ucara liti nighe ba bara nenere kubi myene, nin likara nsirti."⁵⁴Na I kifoghe, I yaa nin ghe, I duu ninghe kilari ndya kutii nlire. Bara nani Bitrus difino nani piit. ⁵⁵Na I suso ula nanya kudarwe inin so ligowe idin lanzwe, Bitrus soo nanya myene.⁵⁶Nkan kabera kucin yeneghe a sosin nkanang nlee, ayene iyizemye anin woro, "Ule unite nyita ligowe nanghe." ⁵⁷Bara nani Bitrus ta mayardan ku, aworo, "Uwani nan yirughe ba." ⁵⁸Na idandouna ba, umong kuru ada yeneghe, a woro, "Fe wang di nan ghinu." Bara nani Bitrus woro, "Unit, na meyari ba."⁵⁹Na ita kubiri kubi umong unit kuru ada woro, "Kedegene unit ulelen yita nin ghe, bara ane kunan Galiliari." ⁶⁰Bara nani Bitrus woro, "Unit nang yiru imon ile na udin belu ba." Na aduu inlire kukulok kolsuno.⁶¹Na a kpilia umuro me, Cikilare yene Bitrus ku, Bitrus nin lizino imon ile na Cikilare nni belinghe, na aworoghe, "Na kukulok ma kulsinu titat ba uma woro na uyirwui ba." ⁶²Na a nuzu udas, Bitrus gila kang.⁶³Anite na iwa din caan Yesu su ghe liyong inin fooghe. ⁶⁴Na ituswughe iyizi, itininghe i woro, "Su anabci, ghari ulenge na areofi?" ⁶⁵I bele imon gbardang litin Yesu, izoguzo ghe.⁶⁶Na kitin shanta, a kukune na nite da pitiruno ligowe. Umunu adidya na priest nin na nan ni nyerte. I pira nin ghe kudaru nwuchun liru, ⁶⁷iworo, "Andi fere Kriste, belle nari." Ama a woro nana, "Asa nbelling minu, na ima yinnu ba, ⁶⁸asa meng tirin minu, na ima kawu ba.⁶⁹Ama ucizunu nene udu ubun, Gono nit ma so ncara uline unlikara Kutelle." ⁷⁰Vat mine woro, "Ani fera Gono Kutelle?" Yesu woro nani, "Anughere nworo mere." ⁷¹I woro, "Iyaghari nta tidu nin su nnan ba? Bara arik nin nati bite nlanza nnu me."

¹Vat lipitin mine fita, ida nin Yesu nbun Bilatus. ²I tunna nvuruzughe nliru, I woro, "Ti se unit ulele adin nanzu nmyin bite, a wantina anit uni in Kaisar ku ugandu, a din belu ame litine Kristiari, Ugo."³Bilatus tiringhe, a woro, "Fere Ugo na Yahudawa?" Yesu kawa ghe a woro, "Fere nbelle nani." ⁴Bilatus woro na didya na prieste nin lipitin nanit. "Na nse unit ulele nin taanu ba." ⁵Amma ileo ubun nin sho nati, i woro, "Adin rusuzu anit, adin dursuzu anit nan nyan Yahudiya vat, ucizunun Galili uda duru kikane."⁶Na Bilatus nlanza nani, a tirino sa unite kunan Galiliari. ⁷Na ayinno adi nmyin tigon Hirudus ari, a turung Yesu ku udu kitin Hirudus, ama litine wang wadin Urshalima nayiri ane.⁸Na Hirudus in yene Yesu ku, ayi poo ghe, bara na dandauna nin su nworu a yeneghe. Ana lanza ubeleng me amini din piziru ayeneghe asu imon izikiki. ⁹Hirudus tirino Yesu ku uliru gbardang, amma na Yesu nkawa ghe imon ba. ¹⁰Adidya na priest nin na nan ninyerte fita, nin tinana nayi nvuruzughe nliru.¹¹Hirudus nin nasoja me zognzo ghe, I kuru isu ghe liyong, inin shonghe imon icine, inin kurtuno Yesu ku udu kitin Bilatus. ¹²Hirudus nin Bilatus waso adondon nati lilone (amma iwa tu iyita anan nivira nati).¹³Bilatus tunna ayicila udya na priest, nin nagoo a ligozi nanite kiti kirum, ¹⁴a woro nani, "Ida nayi unit ulele nafo unit ulenge na adin cinu nin nait nanzang, yeneng, meng, nbun minere ntiroghe uliru, na nse ghe nin kulapi kitene nile imon na idi uvuruzughe mun ba.¹⁵Baba, sa ame Hirudus wang, a kurtunghe udak kiti bite, yenen, na asu imong imon ilenge na iduru nworu aku ba. ¹⁶Bara nani mma tighe aneo, nsunghe." ¹⁷Amma uwa so Bilatus ju gbas a nutun a Yahudawe ku kucin kurum kilari licin kubin idi.¹⁸Vat mine jartiza kang, I woro, "Caan nin nit ulele, I nutun nari Barabas ku!" ¹⁹Barabas unitari wadi ulenge na iwa ceo ghe licin kitene kulapi nsali dortu nliru tigo kipine nin katwa likiri.²⁰Bilatus kuru asu nani uliru tutung, nin su nworu a sun Yesu ku. ²¹Ijaritiza I woro, "Na ikotinghe kuca, na ikotinghe kuca." ²²A woro nani tutung untat, "Iyanghari, kuyapin kulapiari unit ulele nati? Na meng see ghe nin kulapi kongo na batin ushara nkul liti me ba. Bara nani, asa nkpizoghe mma sunghe."²³Amma ileo ubun njartiza kang, npiru nworu ikotinghe kucha. Tiwui mine ta Bilatus yinna. ²⁴Bilatus yinna nani nin kuculu mine. ²⁵A nutuno ulenge na inung tirino nworu inutun ule na ina ceo kilari licin kitene in fizu nay nanit a umolsu nanit. Amma ana nani Yesu ku nafo usu nibinai mine.²⁶Na inya ninghe, ikifo umong Simon unit Nkirawani, awa nuzun nan nya ntene, itina ghe kuca ndi kotunue, a dortu Yesu ku.²⁷Ligozi nanit gbardang, nin nawani ale na iwa di tiyomme wa din dortu ghe. ²⁸A gbitirno kiti mine, Yesu woro, "Nishonon Urshalima, na iwa gilu meng ku ba, ama gilan atimine nin nono mine.²⁹Amma yenen, ayire din cinu na ima woru, 'Anan koliari awani are, nin naburi ale na ina maru ba, nin na yazin ale na amazina ba.' ³⁰Ima cizunu ubelu na kup, 'Dio nati bite,' a apara, 'Kiro nari.' ³¹Iwa su ile imone a kuce dutu kushiti, Iyaghari ma se ku wa malu kotu?"³²Iwa yiru among anit naba anan likara linanzang idi molu ligowe ninghe.³³Na iwa dak kiti kanga na idin yicu akankan nati, kitenere iwa kotunghe kucaa ligowe nin nanan likara linanzang, unit urum ncara uline a unan be ncara ngule me. ³⁴Yesu woro, "Ucif, wesse nani alapi mine, bara na iyiru imon ile na idin sue ba." I tunna idinja timo, I koso imon me.³⁵Anite yissina in yenju ghe a imung ago mina yita nsughe liyong, idin su, "Ana tucu among. Na atuca litine, andi amere Kristi Kutelle, unan feruwe."³⁶Inung anan likum wang sughe liyong, ida kupo me, ina ghe nmyen migbalala, ³⁷idin belu, "Andi fere uga na Yahudawe, tucu litife." ³⁸I wa su imong inyerte ibana kitene litine, "ULELERE UGO NA YAHUDAWA."³⁹Unit urum nan nya na nan likara linanzanghe na iwa kotunghe kuce, belinghe lifai, a woro, "Na fere Kristeba? Tucu litife umunu arik ku." ⁴⁰Ame unan be kawa, a kwada ghe a woro, "Na udin lanzu fiu Kutelle ba, bara na ushara fe di urume nin ghe? ⁴¹Kiti bite udi dert, arik din seru nduk katwa bitari. Na unit ulele na su imonmong inanzang ba."⁴²A kpinaku, a woro, "Yesu, lizino nin mi asa upira kipin tigo fe." ⁴³Yesu woroghe, "Kidegenere nbelin fi, uma yitu nin mi kipin tigo nighe."⁴⁴Kube da susut nin nikoro kutocin, nsirti tursu kutyine vat uduru ikoro kutir ⁴⁵na nkanang nwii nmala. Kusakala kutyi nlira jarta kyitik kitene utolu kadas.⁴⁶Yesu jarta nin liwui kang ayila, a woro "Ucif, nan nya nacara fere nnakpa ulai ning." Na a belle nani, aku. ⁴⁷Na udya na nan likum akalt likure in yene imon ile isu, azazina Kutelle, a woro, "Kidegenere, ulele unan katwa kacineari nadi."⁴⁸Na vat ligozie na iwa dak ida ti iyizi nba nimon ile na isu yene imon ile na ise, ikpilla idin fo igiri. ⁴⁹Vat na nan yiru me, nin na wani ale na ina dofin ghe unuzun Galili, yissina pit, idin yenju ni leli imone.⁵⁰Umong unit wa diku unan lissan Yusufu, nan nya na nan kpiluzu, unit ugegeme nin katwa kacine ⁵¹(na awa yinin nin kpiluzue nin lidu longo na isu ba), unit in Arimathiya, nkan kipin na Yahudawa, ulenge na awa di nca kipin tigoo Kutelle.⁵²Unit une do kitin Bilatus, tirino kidowon Yesu. ⁵³A toltuno kinin, a jinkpilo nin malti ulau, adi nonko nan nya kissek na ina sarsu nan nya kutala, kikanga na isa nonko umong ku ba.⁵⁴Uwui nshiriari wadi, Assabath wa dak susut npiru. ⁵⁵Awane na iwa dak nanghe unuzun Galili, dofino kidung, iyene kissekke iyene imusun nonkue kidowe non. ⁵⁶I kpilla, ida shirya nnuf kunya min tintu. Lirin Nasabbath ishino nafo ubellin duke.

¹Lirilin lizunu nayiri kuzor nin kwui dinding, ida kiti kissekke, ida nin nuffe na ishirya. ²Ise iturno litala ntursu kissekke. ³I pira nan nya, ama na iyene kidowo Ncikilari Yesu ba.⁴Ita buu nan nya nkpilizu mine kitene ni leli imone, I tunna, anit naba yissina kupo mine nin nimon ibo in baltu. ⁵Na awane tiu nkifo nani I tunnu ati mine kutyin, I woro na wane, "Iyiziari idin piziru nnan lai nan nya na nan kue?⁶Na adi kikane ba, ama a fila! Lizinon ulirue na awa belu minu adutun Galili, ⁷asa a woro Gono nnit uma nakpu ghe nacara na nan nalapi gbas inan kotunghe kucar lirin lin tatte a fita tutung."⁸Awane lizino iliru me, ⁹ikpilla unuzu kissekke I belle ngissin kuzakure ubeleng ni leli imone vat umunu ngissin nanite. ¹⁰Maryamu Magdaliya, Yuwana, nin Maryamu unan Yakubu, a ngissin na wane na iwa di ligowe di belin nono katwawe ile imone.¹¹Ka kadura so nono katwa we nafo uliru uhem, na iyinna nin liru na wane ba. ¹²Vat nani Bitrus fita, nin cum a do kiti kissekke, a tumuno adin yenju nan nye, ayene kumalti kubowe non likot. Bitrus nya ado ngame, adin kpilizu kitene nimon ile na ise.¹³Anit naba nan nya mine wa din cin libo ucin du kagbiri Imwasu. Kanga na npite wa durun timel akut kutocin unuzun Urshalima. ¹⁴I wa din belu nbeleng nimon ile na ina se.¹⁵I wa din lirue icin cine a iyita ntiru nati mine ligowe Yesu da duru nani a tunna ncine nanghinu. ¹⁶Amma iyizi mine wa turdun na iyininghe ba.¹⁷Yesu woro nani, "Iyaghari idin belue nabe icin cina?" Iyissina kitene nin tecu timuro. ¹⁸Unit urum mine, unan lissan, Kilyobas, kawa ghe, "Fere cas in Urshalima ulenge na nyiru imon ilenge na ina se nayiri alele ba?"¹⁹Yesu woro nani, "Iyeme imon?" Ikawa ghe, "Imon nbeleng Yesu Nnazareth, na awa di unan liru nin nuu Kutelle, awa di nin likara katwa a uliru nbun Kutelle a anit. ²⁰Na udya na prieste nin na go na iwa nakpa ghe aso nca nkul I kotunghe kuca aku.²¹Ti wa cisso ayi nworu amere ma tucu anan Israila. Nanere, kinal ni lele vat, kitimone lin tat na ile imone na se.²²Nani tutung, among awani nan nya bite nna nari tissina, ini do kissekke nin kwui dinding. ²³Na iyene kidowo me ba, inani kpilla, ina ni nworo inin ta amoron wui nono kadura Kutelle nworo nani adi nin lai. ²⁴Among anit na idi ligowe nan ghiruk ndo kiti kissekke, ina nin se kinin nafo ubellu na wane. Amma na iyene ghe ba."²⁵Yesu woro nani, "Anung na nilime ni lalang idi shankalong in yinnu nin vat nimon unan liru nin nuu Kutelle na bellin! ²⁶Udi gbas nworu Kristi nco nan nya nile imone, a piru nan nyan ngongong me?" ²⁷Ucizunu kitin Musa udu anan liru nin nuu Kutelle vat, Yesu wa belin nani imon ile na idi litine nan nya nliru ntucue.²⁸Na ida susut nin kagbire, na iwa cinu ucin due, Yesu ta nofo ama katu ulsun. ²⁹I masa ghe nworu, "Aso nanghinu, bara kuleleng wadi ku mal dak, kiti cizna usirui." Yesu pira a so nan ghinu.³⁰Iwa se nani, na awa so nanghinu ima li imonli, ayauna ufungale, ata nkoli ku, a pucco unin, a na nani unin. ³¹Iyizi mine tunna ipuno, inin yininghe, atunna a wulu niyizi mine. ³²Itunna nbelu nati mine, "Na nibinai bite npya nan nya bite ba, kube na tini cina ninghe libowe, na ani bele nari uliru ntueue?"³³Iwa tunun ifita nan nya kube, I kpilla udu Urshalima. Idi se kuzakure nzuro ligowe, nan na lenge na Iwa di nanghinu, ³⁴I woro, "Kidigenere, Cikilare na fita, amini na durso litina kitin Simon." ³⁵Inung tunna I belle imon ile na ise libowe, nin nimusun dursue na ani pucco nani ufungule.³⁶Na iwadi nbelu nileli imone, Yesu da ada yissina kyitik mine, a woro nani, "Lissosin limang sa nanghinu." ³⁷Iwa ketize fiu kifo nani, iyenje nafo inung yene mmoli.³⁸Yesu woro nani, "Iyaghari nta nibinai mine nfita? Iyaghari nta matiru tiru din fitiyu nibinai mine? ³⁹Yeneng acara nighe nin nabune, mere nin liti nighe. Dudoi uyene. Bara na mmoli di nin kidowo nin naku ba, nafo na iyene men dimun." ⁴⁰Na awa belin nani, a durso nani acara me nin nabunue.⁴¹A I dutu nan nyan salin yinnu a liburi libo, a ukpiliza, Yesu woro nani, "I di nin nimonmong nlia?" ⁴²Inaghe kugir fibo nwui. ⁴³Yesu sere fining, a leo finin nbun mine.⁴⁴A woro nani, "Kube na nwa di nanghinu, nwa woro minu nenge vat nimon ile na ina nyertin liti nighe nan nya ndukan Musa nin na nan liru nin nuu Kutelle a Uzabura vat ma kulu gbas."⁴⁵A tunna apuno nibinai mine, inan yinno ulirun ntucue. ⁴⁶A woro nani, "Tutung ina nyertin nworo Kriste ba niu, anin fita tutung nan nyan ku lirin lin tat. ⁴⁷Uwazi nsunu nalapi nin shawu nin kulapi isu unin nan nya ligang in yie vat, icizin in Urshalima.⁴⁸Anung iyizi nbari ni lenge imone. ⁴⁹Yeneng, mma tu nin ciu nnuu ncifnighe nati mine. Amma cican nan nya kipine, sei ikulo minu nin likara unuzu kitine kani."⁵⁰Yesu tunna na nuzu nan ghinu udu susut nin Baithanya. A ghantina acara me, ata nani nkoli. ⁵¹Uwa se nani, kube na awa di nan nya nti nani nkolie, asuna nani iyira ghe ughanu udu kitene Kutella.⁵²Isu ghe usajada, inin kpilla udu Urshalima nin nabari abo kang. ⁵³Iwa so nan nya kutyi nlira ko lome liyiri, idin tizzu Kutelle nkoli.

¹Uworsu ucizine Ligbulang wadiku, Ligbulanghe wadi nin Kutelle, a Ligbulanghe Kutelleri. ²Ulengene, Ligbulanhe, wadi nin Kutelle uworsu ucizine. ³Imon vat iwa kye unuzu mere, nin dirume na imon irum duku ilenge na ina kye sa ame ba.⁴Nanya mere ulai di, uleli ulaiye tutun unere nkanang nanit asuren vat. ⁵Nkanaghe na nuzu kanang nanya nsirti, a na nsirte na kata likara mining ba.⁶Umong unit wa duku na iwa tughe unuzu kiti Kutelle, na lissame wadi Yuhana. ⁷Awa dak nafo unan lin musu niyizi nba nbellen nkananghe, bara vat nan yinna nnuzu me. ⁸Na Yuhanere wadi nkanaghe ba, awa dak anan belle ubelle kanaghere.⁹Mininghere nkanang kidegen mongo na miwa cinu ucin dak nanya in yii mi durso ko uyeme unit.¹⁰Awadi nanya inyee, unin uyee iwa kye unuzu mere, ana uyee wa yinin ninghe ba. ¹¹Awadak kiti nanit me, na anit me wa sereghe ba.¹²Nani, ngbardang na lenge na iwa serughe, alenge na iwa yining nin lissa me, kitimine awa yining nani iso nono Kutelle. ¹³Alenge na iwa macu nani, na kumat nmii ba, na nin su kidowo ba, a na nin su nnit ba, iwa macu nani nane nin su Kutelleri.¹⁴Nene, Ligbulanghe wa so kidowo, liso nanya bite. Tina yene ngongon me, nafo ngongon lenge na ana nuzu kitin Ncif, awa kulun cek nin bollu Kutelle a kidegen me. ¹⁵Yuhana wa su uliru litime a ghatina liwui kang aworo, "Amere ulenge na nwa woro, 'Ulenge na adin cinu kidun nighe, kamin meng, ame cikilari nighari.¹⁶Bara unuzun kulnu me, vat tina seru ubolu kitine nbollu Kutelle. ¹⁷Bara iwa ni uduke kitin Musa, ubolu nin kidegen wa dak unuzu kitin Yesu Kristi. ¹⁸Na umon na yene Kutelle nkon kubi ba. Ame unit urumari cas, ame litime Kutelle, ulenge na adi figirin Ncife, amere nati iyininghe.¹⁹Ushadan Yuhanari ulele, kube na a Yahudawa wa tuu nin na Priest nin na Leviyawa id tiringhe, " Fe ghari?" ²⁰Ayinna na asu mayardang ba, akawa nani "na mere Kristi ba." ²¹I tiringhe, " Anife ghari? Fe Iliya?" Aworo, " Na meng amere ba" Iworo, fe unan liru nin nuu Kutelle?" Akawa naworo "Nanere ba."²²Itunna iworoghe, "feghari, bara tinan belle alenge na i to nari? Uma woro nari fe ghari? ²³Aworo, 'Mere liwui longo na lidi kuculu nanya ntene: kyelen ucin mine nanya cikilari dert,' Nafo ubellu Ishaya unan liru nin nu Kutelle."²⁴Nene among duku na a Farisawa wa tu nani. I tiringhe, inin woroghe, ²⁵" Iyaghari ta udin shintizunu anit nmyen andi na fe Kristi, sa Iliya, sa unan liru nin nu Kutelle ba?"²⁶Yuhana kawa nani aworo, "Meng din shintizunu nani nmyen. Vat nin nani, nanya mine umong yissin ku ulenge na anung yirughe ba. ²⁷Amere ulenge na ama dak kidung nighe. Na meng batin nbunku ti na kpatak me ba." ²⁸Iwa su ilenge imone in Baitanya nleli uwulun urdun, kikanga na Yuhana wa din shintu nanite ku nmyen.²⁹Ukurtunun nkwuiye Yuhana yene Yesu ku ucin dak kitime aworo, "Yeneng, Kukam Kutelle kongo na kuma yiru kulapin nyee! ³⁰Amere ulenge na nna bellin minu, 'ulenge na adin cinu kidung nighe katin meng ku, bara awa yita ku ameng dutu.' ³¹Na meng yininghe ba, una so nani inan dursoghe kitin nonon Israila unnare meng na dak ndin shintu anit nmyen."³²Yuhane wa ti ushaida, "Nwa yene uruhu din tolsu unuzu kitene kani nafo kuwulung, uda lwa kiteneme. ³³Na nwa yiningghe ba, ame ulenge na ana tuyi nshintu anite nmyene na woroi, 'kitenen nlenge na uma yenu uruhu ntolo uso litime, amere ulenge na ama shintu anit nanyan Ruhu ulau.' ³⁴Meng yene, nkuru nna ushaida ulengene Usaun Kutelleari."³⁵Tutung, ukurtunun kwui, na Yuhana wa yisin ligowe nin nanan katwa me naba, ³⁶iyene Yesu ku adin cin, Yuhana woro, Yenen, uleliye Kuzara Kutelleari!"³⁷Anan katwa we naba wa lanza Yuhana ku din bellu nani, idofino Yesu ku. ³⁸Yesu tunna a gitirno ayene idin dortughe a woro nani, "iyaghari idin nin suwe?" I kawaghe, "Rabbi (Unnare 'unan dursuzu niyerte), ussosin nweri?" ³⁹Aworo nani, "dan ida yene." ida ida yene kite na assosin ku; iso ligowe nanghe lilone, bara kubi nikoro kulidi wa malu uti.⁴⁰Unwasamme nanya nan wabe na iwa lanza Yuhane din liru a tunna a dofino Yesu ku, Andirawusari wadi, gwanan Simon Bitrus. ⁴¹A wa tu ase gwana me Simon aworoghe. "Tisse unan tuce" (Na ukpiliuwere 'Kristi'). ⁴²Ada nighe kitin Yesu, Yesu yenjenghe, aworo, "fe Simon, usaun Yuhana. Ima yiccu fi Kefas" (ukpiliuwe unnere 'Bitrus).⁴³Ukurtunun kuiye, Yesu wa di nin su ado Ugalili, ase Filibus ku a woroghe, "Dofini." ⁴⁴Filibus wa nuzu Nbaitsada, kipin Andirawus nin Bitrus. ⁴⁵Filibus se Nataniyel ku aworoghe, " Ulenge na Musa nanya nduka nin nanan liru nin nu Kutelle na yertu ubellen me tiseghe, Yesu, Usaun Yusufu kunan Nazaret."⁴⁶Nataniyel woroghe, "Imonmong icine wasa inuzu Nnazareta?" Filibus woroghe, "da uda yene." ⁴⁷Yesu yene Nataniyel ku din cinu udak kitime a lirina litime, "Yeneng, kunan Israila kidegen, ulenge na adinin kinu ba!" ⁴⁸Nataniyel woroghe, fe ta inyizari uyinni?" Yesu kawaghe aworo, kube na inin sossino litino kuca napau a Filibus dutu sa uyicilu fi, Nni yenefi."⁴⁹Nataniyel kawa, "Rabbi, fe Usaun Kutelleari! Fere Ugo nan Israila!" ⁵⁰Yesu kawaghe a woro, Bara na nworo fi. 'Nni yene fi litino kuca napau,' fe uni in yinna? Uma yenu imon nzikpu kibinai ididya na ikatin ilengene." ⁵¹Yisa woro, "Ndin bellu minu kidegen, Ima yennu kitene kani npuno, nono kadura Kutelle din ghanju itoluso kitene Nsaun Nnit."

¹Kimal nayiri atat, uteru nilumgma wadi in Kan'ana un Galili, unan Yesu wa yita ku. ²Ame Yesu wang iwa nighe uyicilue, nin na nan katwa me, udu kiti nilugme.³Na nmyen narauwe ndari, unan Yesu woroghe, "Na idi nin myen narau ba." ⁴Yesu kawaghe " Uwani, inyaghari nmyen nin ku? Na kubi nighe nsa da ba." ⁵Unene woro nono katwa, "Vat nimon ilenge na abelin minu isu, sun inin."⁶Asul natala kutocin wa duku alenge na ko kome din li ayangi likalt udu akalt aba na Ayahudawa wa suzu katwa mun kuubi ntanda nwesuzu. ⁷Yesu woro nani, "Kulson asulun nmyene nin nmyen." I tunna i kulso anin gbem gbem. ⁸A woro anan katwa we "tyan, iyaun idi ni cin buke." Nanaere iwasu, itya idi nighe.⁹Cin buke ciro nmyene ase miso nmyen narau, na ame yinno kikanga na minuzu ku ba (acinne na iwa tya nmyene wa yiru). Cin buke tunna ayicila kwanyane. ¹⁰aworoghe, "kagha asa atu anutuno nmyen narau micine ana anite, iwa shito anin nutuno mi nangzaghe. Fe uni nna nyeshe micine udak ko kube."¹¹Ileli imon izikike in Kan'ana un Galili wa di ncizunuari nanya nimon izikiki ilenge na Yesu na suzu, awa durso Ngongong me, anan katwa me ani wa yining ningghe.¹²Kimal nani, Yesu wa do Kafarnhum, ame unene, nuawne, nin nanan katwa me, kikane iwa di so ku nanya nayiri bat.¹³Kubi in paska na Yahudawa wa dak susut, Yesu uni wa do Urshalima. ¹⁴Amini wa dase anit din lessu nina, akam, nan nawulun nanya kutii nlire. Anan kusere ni kurfun wa duku wang.¹⁵Amini wa piu lishon a ko nani vat unuzu udas nanya kutii nlire, umunu akame nan nine. A gutuna anan kusere nikurfughe. Ikurfughe nan na tebule a turzuno kutyen. ¹⁶Aworo anan lessu na bilane, "kalan ilenge imone kikane. Na iwa ceo kilari Ncif nin kiti kujauna ba."¹⁷Anan katwa me lizino ina yertin, "Ufo liti ngafe ma wulttunui." ¹⁸Ayahudawa tardaghe, i woro, "Alama ayapinari uma dursu nari bara na udin su ilenge imone?" ¹⁹Yesu kawa aworo, "Musuzun kutii nlira kone, nanya nayri atat nma fiwu kunin."²⁰Ayahudawa woro, "Ina ti akus akut anasari ninkutocin nkye kutii nlira kone, fe uni ma kye kunin nanya nayiri atata?" ²¹Nani ame wadin bellu nin kutii nlira litimere. ²²Bara nin bun iwa fyaghe nanya nanan kule, anan katwa me lizino iwa bellin nani, i yinna nin liru Kutelle a unin ulire na Yesu wa bellin.²³Nayire na awadin Urshalima kubin paska, nayirin idi, gbardang wa yinnin nin lissame, na iwa yenje imon izikiki ilenge na awa su. ²⁴Vat nin nani, na Yesu wa yinnin ni ghinu ba, bara na ayiru anit asurne vat. ²⁵Na ame dinin su imong bellinghe imonmon litin nnit usurne ba. Ame litime yiru imong ilenge na idi nnit usurne.

¹Nkon ku Farisawa wa duku lissame Nikodimus, awa di nin tigo nanya kudaru na Yahudawa. ²Unit une wa dak kitin Yesu nin kitik a woroghe, "Rabbi, tiyiru fe unan dursuzu nanitari unuzu kiti Kutelle, bara na umong wasa asu ukama nilenge imone na udin suze se dei Kutelle di ninghe."³Yesu kawaghe aworo, "kidegenere andi na imara unit tutung ba, na awasa ayene kipin tigo Kutelle ba." ⁴Nikodimu woroghe, "Ima kuru imaru unit inyizari na amal ti kukune? Na awasa apira liburi nna me imaraghe unba ba, awasa ayinnua?"⁵Yesu kawa, aworo, "Kidegenere ndin bellu minu, andi na imara unit nanya nmyen nin Ruhu ba, na awasa apira nanya kipin tigo Kutelle ba." ⁶Imong ilenge na ina maru nanya kidowo, kidowari, a ilenge na ina maru nanya Ruhu, uruhuari.⁷Na iwase uzikpu bara na nbellin minu, 'uso gbas ikuru imacu minu tutung.' ⁸Ufunu din ko udu kusari ko na unya udue. Asa ilanza uduwe, nani na iyiru kiti kanga na unuzu ku sa kiti kanga na udin cinu udue ba. Nanere wang unit ulenge na imaraghe nanyan Ruhu"⁹Nikodimu kawa, aworo, "Inyizari imon ilele ma yitu nani?" ¹⁰Yesu kawaghe, aworo, "Fe unan dursuzu nanan Israila, vat nani, na uyinno ilenge imone ba? ¹¹Kidegenere, tidin belu ilenge imon nati yiru, ti din belu ilenge na tiyene, vat nani na anughe nsere uliru bite ba.¹²Asa nbelin minu ubelen nimon nle uye a na anung yinna mun ba, ima yinnu inyizari nwa bellin ubelen nimon kitene kutelle? ¹³Na umong nsa ghana kitene kani ba, se dei ulenge na ana tolu unzu kitene kani.¹⁴Nafo na Musa wa ghantin fiyii nanya ntene, nanere wang uso gbas i ghantin Usaun Nnit kitene. ¹⁵Bara vat na lenge na iyinna ninghe nan se ulai unsali ligang.¹⁶Bara Kutelle nati usu inyii ulele, amini na ni gono kinin kirum cas, vat nlenge na ayinna ninghe, na ama nanu ba, ama se ulai un saligang. ¹⁷Na Kutelle natu Gono me nanya nyie ada molu uyie ba, nani uyie nan se utucu unuzume. ¹⁸Ulenge na ayinna ninghe na ima molughe ba. Ulenge na ayinna ninghe ba imal ciughe nca nkul bara na ayinna nin lissan Gono Kutelle ba.¹⁹ILenge imonere finu nsharawe, nworu nkanang na dak nanya inyii, anit ani nadi nin su nnsirti a na nkannanghe ba bara na adadumine an sirtiari. ²⁰Bara vat nlenge na adin su adadu nsirti din su ivira tutung na ama dak kiti nkanangghe ba bara katwa me wa nuzu kanang. ²¹Vat nani, ulenge na adin su kidegen ma dak kitin kanang adadu me nan yita fang nyenju tutung inin damun ubun Kutelle unuzu nyinnu nin Kutelle."²²Kimal nani, Yesu nin nono katwa me wa nya udu nmyin Yahudiya. Awa di dandaun kikane ligowe nanghinu acin shinto anit nmyen. ²³Yuhana tutung wadi nshitu nanite in Ayinon kupo in Salim bara nmyen wadiku gbardang. Anit wa dasu kitime a shinto nani nmyen, ²⁴Na iwa di isa tursu Yuhana ku kilari licine ba.²⁵Mayardang fita kiyetik nnono katwa in Yuhana nin nkon ku Yahudawaaa in belen nwesu ulau. ²⁶I do kiti in Yuhana i woroghe, "Unan dursuzu niyerte, ulenge na ani yita ninfi nleli ugau kurawan urdunghe, ame ulenge na uni su uliru kitene me, yene adin shintu anit nmyen, tutung vat din cinu kiti me."²⁷Yuhana kawa nani, "Na unit wasa a sere imonmong ba, andi na inaghe unuzu kiti Kutelle ba. ²⁸Anung nin nati mine wasa ileoyi unanba, nlire na belle. 'Na meghari Kriste ba' nna woro, 'ina tuyi nbun mere.'²⁹Ulenge na adinin wani upese, unan kifu kudanari. Nengene udo tiyom, ulenge na ayisina alanza, asa asu liburi libo kang bara liwui kwanyane. Nengene liburi libo nin nkulo. ³⁰Uma so gbas ame kpizinku, meng cazin.³¹Ulenge na ana dak unuzu kitene, di kinen vat. Ulenge na ana nuzu kutyin kunan kutyinari akuru adin belu nimon kutyin. Ulenge na ana nuzu kitene kani di kitenen koyan. ³²Adin su uliru nimon ilenge na ana yene akuru alanza, nani na umon wasa asere uliru me ba. ³³Ulenge na asere uliru me ayinna Kutelle kidegenare.³⁴Ame ulenge na Kutelle na tughe din bellu uliru Kutelle. Bara na adin guccu uruhu me anin na unin ba. ³⁵Ucife dinin su Nsaune, amini nani imon vat nacara me. ³⁶Ulenge na ayinna nin Saune di nin lai nsali ligang, ame ulenge na ayinna nin Saune ba, ama yenu ulai ba, nani tinana nayi Kutelle sossin litime.

¹Na Yesu wa yinin a Farisawa nmal lanzu ame din sesu nnono katwa gbardan a ashinto nani nmyen, ikata nin Yuhana, ²(kona ame Yesu nin litimaere wa shintu anite nmyene ba, non katwa mere wa suzu), ³awa sun u Yahudiya a nya udu u Galili.⁴Uni wasoghe gbas akata nanya in Samariya. ⁵Amini wa dak nkan kipin in Samariye, idin yiccu kinin Sacer, susut nin kunen kongo na Yakub wani usaune Yusufu.⁶Kuwu nmyen Yakubu wadi kite, Yesu wa dira nin cin me a so kupo kuwe. Uwui wadi umal dak ati. ⁷Umong uwanin Samariya da nda tiwu nmyen, Yesu woroghe, "Filli nmyen nsono." ⁸Bara nono katwa me wa do nseru nimoli nanya kipin.⁹Uwana Samariya tunna aworoghe, "Inyizari nta fe Kuyahudawa, udin tiru menku, uwani Nasamariyawa nmyen sonu?" Bara na Ayahudawa din su ligo nan Nasamariyawa ba. ¹⁰Yesu kwaghe aworo, "Ndaeo uyiru Kutelle nin lenge na aworofi filli nmyen nsonu fe wa tiringhe anifi nmyen nlai."¹¹Uwane kawaghe, "Cikilari, na udinin guga ntiweba, a kuwu nmyene kongo cancom, fe ma se nmyen nlaiye nweri? ¹²Fe katin Ucif bite ku Yakube, na ana ni nari kuwe ame wang na soku umunu nono nin nina me?"¹³Yesu kawaghe aworo, "vat nnit ulenge na asono mongo nmyene ama kuru a lanza ukotu nayi tutung, ¹⁴nani vat ulenge na asono nmyen mongo na meng manighe na aba kuru alanza ukotu nayi tutung ba. Nworu nani, nmyene na meng ma nanighe maso nanya mye figunanag nmyen na mima ghanju udu ulai sa ligan.¹⁵Uwani une woroghe, "Cikilari, nai nmyen mono bara nwa kuru nlaza ukotu nayi nda tutung nda tiya nmyen." ¹⁶Yesu woroghe, "Can udi yicila ulesfe isa kikane ligowe."¹⁷Uwane kawa aworghe, "Na ndinin les ba,"Yesu kawaghe, "Ubele dert, 'na ndi nin les ba,' ¹⁸bara umal ti ales ataun, a ame ulenge na udi ninghe nene na ulesfere ba! Nanya nle ulire na ubelle kidegenere!"¹⁹Uwane woroghe, "Cikilari, in yinno fe unan liru nin nu Kutelle ari. ²⁰A Cifbit na suzu usujada likup longone, anung ani din su Urushalimari kiti kanga na ki do tissu usujada ku."²¹Yisa kawaghe, "Uwani, yinna nin mi, kubi din cinnu kongo na ima su Ucif usujada na likup longone ba sa in Urshalima ba. ²²Anughe din su ulenge na iyirughe ba usajada. Arik din su ulenge na tiyirughari usujada, bara utucu nnuzu kiti na Yahudawari.²³Vat nani, kubi din cinnu, kuda nene wang, na anan sujada kidegene ma zazinu Ucife nanya Nruhu nin kidegen, bara Ucif di piziru nimus nanit anere isughe usujada. ²⁴Kutelle Uruhuari, inung anit alenge na idin sughe usujada ma sughe nanya Ruhu nin kidegen."²⁵Uwane woroghe, "Meng yiru unan tuccu din cinu" (ulenge na idin yicughe Kristi). Asa a da, ama punu nari imone vat." ²⁶Yesu woroghe, "Menghe, na ndin lire, mere ame"²⁷Nkoni kubere nono katwa me kpilla. I yita nkpilu nibinayi mine inyizari adin liru nin wani, vat nani na umong nworoghe inyaghari udin pizure? Sa, "In yaghari nta udin liru ninghe?"²⁸Uwane tunna a suna lidul nmyene, a kpilla ucin du na kipine, a woro nanite, ²⁹"Dan, ida yene unit ulenge na a belli vat nimon ilenge na nna mosu. Na amere ma yitu Kriste ba, sa amere?" ³⁰Inuzu nanya kipine, ida kitime.³¹Nanya kube, nono katwa me sughe cikusu, I woro "Unan dursuzu niyerti, leo imonmon." ³²Ana woro nani, "Ndi nin nimonli na nmal lii ilenge na anung yiru mun ba." ³³Nono katwawe tunna tiru nati mine, "Sa umong da naghe imon nliari?"³⁴Yesu woro nani, "Imonli nighe innare nsu katwa ilenge na ana tuyi, in malu kanin tutun. ³⁵Na idin su, 'Ngisin tipui tinas cas ugirbi nin dak ba?' Meng ndin bellu minu, fyan iyizi iyene anene, amal yini adin ca ngirbi! ³⁶Ame ulenge na adin su ugirbe adin sesu ulada, akuru a pitiro ileo nlai nsa ligang, bara ame ulenge na adin su tibila nin nan girbe na su liburi libo ligowe.³⁷Nanere ubellu une di kidegen, umong din bilsu, a umong su ugirbi. ³⁸Nto minu idi su ugirbi katwa ka na ina su ba. Amonghari nasu katwawe, anung atimine ani npira nanya katwa mine."³⁹Gbardang na Samariyawa nanya kipin kane yina ninghe bara uliru nwane, ame ulenge na awa woro, "A belli vat nimon ilenge na nna malusue." ⁴⁰Kube na a Samariyawe wa dak kitime, iwa sughe kucukusu aso nan ghinu, amini wa ti ayiri aba ku.⁴¹Among gbardang yina bara uliru me. ⁴²Inin belle uwane, tiyina na bara ulirufe cas ba, bara arik nlaza nin nati bite, nene ti yinno ulengenere unan tucu inyee."⁴³Kimal nayiri abane, awa sun kikane ucin u G alili. ⁴⁴Bara ame Yesu litime wa bellin na unan liru nin nu Kutelle di gogon nanya kagbiri me ba. ⁴⁵Na awa piru u Galili, anan Galile sereghe. Bara iwa yene umone na asu vat in Urshalima kitin buke, inung wang wa do kitin buke.⁴⁶Tutung amini wa dak u Kan'ana in Galili, ki kanga na awa kpilya nmyen miso nmyen narauwe. Umong Ugo udya ulenge na usaune wadi nin konu nanya in Kafarnahum. ⁴⁷Na awa lanza Yesu nmal sunnu u Yahudiya a kpila u Galili, ado kiti Yesu a sughe kucukusu a doffinghe ada shin nin saune, na awa cinu uku.⁴⁸Yesu tuna aworoghe, " Anung anit andi na iyene adu azikiki ba, na ima yinnu ba." ⁴⁹Ugo une woroghe, "Cikalari dacari a gono nighe dutu sa uku." ⁵⁰Yesu woroghe nenge, "Cang. Usaun fe shino." Unite yina nin lirue na Yesu nbelleghe, atunna a nyaghe.⁵¹Kube na awadin tole, acinme zuroghe, ibellighe usaune shino. ⁵²A tunna a tirino nani kube na acizina ushine. I kawaghe. Nleng nin nikoro kuzorari ukone na sughe.⁵³Uciffe tunna ayinno nin kono kubere Yesu na woroghe, "Usaunfe nshino." Ame litime nin kilari me vat yinna. ⁵⁴Imon izikiki in bari ine na Yesu wasu tun na ana sun u Yahudiya udu u Galili.

¹Kimal ni leli imone, u idi na Yahudawa adi. Yesu nya udu Urshalima. ²In Urshalime, kupo kibulun na kam, kuli wadiku, kongo na iwa yiccu nin lilem na Yahudawa Baitseda. Kudi nin nitin tolsu nitaun. ³Anan tikonu gbardang wa non nbiu kule, aduu, anan kentu, anan nabunu ayerere na kotuzo. Iwa din ca nbukunun nmyen ne. ⁴Bara gono kadura Kutelle nkon kubi asa atolo ada a bukurno nmyene, vat nlenge na a yarna upiru nya kule ama se ushinu nanya nkonu me ko uyapinari di.⁵Umongunit wa duku ulenge na awa dandaun kitene akus akut atat nin kulir. ⁶Na Yesu in yeneghe anon kitene, na ayinno nwo unite dandauna linonighe kitene, aworoghe, "Udi nin su ushina?"⁷Unan kone woroghe, "Cikilari, na ndi nin mong ba, urika na kubi kongo na ibunkurno nmyene a shintini nanya kule. Asa nmala nin kayiri baat, umong asa a yarni upire," ⁸Yesu woroghe, "Fita uyisin, yauna kupefe, ucinu."⁹Unite tunna ase ushinu mas, ayana ukomime, a tunna ncin. Lilone wadi Asabath tari.¹⁰Adidya na Yahudawa woro nnite na i shino nighe, "Uwui Nasabath tari na iyinin fi uyaun kupye fe ba." ¹¹Akawa nani, aworo, "Ulenge na a shino ninmi, aworoi, yauna kupye fe unya."¹²I tiringhe, "Ghari unite na aworofi, 'yauna kupye fe unya?'" ¹³Ame ulenge na iwa shinighe na awa yiru saghari ba, bara Yesu wadi amal nyiu, bara anit wa kilinghe kitene.¹⁴Kimal nani, Yesu wa seghe kutii nlira aworoghe, "Yene, nene ushino! Na uwa kuru uti kulapi ba, bara imonimong nanzang na i katin ilengene wasefi." ¹⁵Unite nya adi belli adidya na Yahudawa Yesari nshino ninghe.¹⁶Bara ilenge imone adidya na Yahudawwe wati Yesu ku aneo, bara na awa su ilenge imone liri na Sabbat. ¹⁷Yesu woro nani, "Ucif nin di katwa nene wang, meng ndi katwa." ¹⁸Bara nani a Yahudawa wa pizuru tibau vat nworu imolughe, na bara ananza Asabbat cas ba, bara akuru adi yicu Kutelle Ucifme. Ayira litime urum nin Kutelle.¹⁹Yesu kawa nani aworo, "Kidegenere na gono wasa asu imonimong litime ba, se ilenge na ayene Ucife din suzu, gono asa su inmusu nileli imone wang. ²⁰Bara Ucife dinin sun Saune, tutung amini din dursuzughe imon ilenge na ame din suzu, ama kuru adursoghe imon ididya ilenge na i katting ilengene bara anung nan se uzikpu.²¹Nafo na Ucife na fiza anan kul, aniza nani ulai, nanere wang Usaune ma kuru aniza alenge na ame nfere ulaiye tutung. ²²Nafo na Ucife din su umong ushara ba, ana nani usaune ushara vat. ²³Bara vat nan zazina Usaune nafo na idin zazunu Ucife. Ulenge na adin zazunu Usaune ba, na adin zazunu Ucife na atughe ba.²⁴Kidegenere, ulenge na alanza uliru nighe, aminin yinna nin lenge na ana tuuyi adi nin lai sa ligang ana ama so nca nkulba. Ana kafina ukul udu nanya nlai.²⁵Kidegenere ndin bellu minu, kubi din cinnu nene wang kuda, na anan kul ma lanzu liwui ning, Usaun Kutelle, inung alenge na ilanza ma ti ulai.²⁶Nafo na Ucife di nin lai unlitime, nanere wang ana ni Usaune ayita nin lai unlitime. ²⁷Ucife uni nani Usaune likara nsu nshara bara na ame Usaun nnitari.²⁸Na iwa se uzikpu nanya nilenge imone ba, bara kubi din cinu kongo vat na lenge na idi nisek ba lanzu liwui me, ²⁹tutung ima nuzu udas: alenge na inasu imon icine ima fitu iti ulai, a inung alenge na ina su imon inanzang, ima fitu ufitun shara.³⁰Bara litinin nwasa nsu imon ba, nafo na ndin lanzu, nanere ndin su ushara, tutung ushara ning ucinari, bara na ndi su un kibinai ning ba, se kin lenge na ana tuuyi. ³¹Andi nma su uliru litining usaning, na uliru nighe ma yitu kidegen ba. ³²Umong duku na adin su uliru litinighe, tutung meng yiru ulire na adin bellu litinighe kidegenari.³³Ina tuu kitin Yuhana, amini na su uliru un kidegen. ³⁴Vat nani, uliru ulenge na ina seru na kitin nnitari ba. Nbelle ile imone inan se utucu. ³⁵Yuhana wadi ulari na uwadin lii uta kiti kanang, anung ani wadi nin su i yita nin liburi libo nin kubiri kongo na idin yenje.³⁶Vat nani ushada ulenge na ndimung, ukatin un Yuhana, bara katwa kane Ucife na nii nmalu, katwa ka na ndin su, nna ushaida litining nwo Ucifari na tuyi. ³⁷Ucife, ulenge na ana tuyi litime ana ni ushada litining. Na isa lanza liwuime ba, sa iyene ukama me ba. ³⁸Na uliru me du nanya mine ba, bara na ina yinin nin lenge na ana tuyi ba.³⁹Idin pizuru uliru ulau nanya niyerte, idin yenju nafo nanya ninnere ima se ulai, unin uliru ulau urum unere nani ushada litining, ⁴⁰ana anung dinin su idak kiti nin inan se ulai ba.⁴¹Na ndin sesu uzazinu kiti nanit ba. ⁴²Bara inyiru na idi nin su Kutelle nanya nibinayi mine ba.⁴³Nna dak nanya lissa Ncif ninghari, inani na ina seri ba. Andi umong ma dak nanya lissa me ima serughe. ⁴⁴Ima ti inyizari iyining, anung alenge na idin piziru uzazinu nati mine, a na idin sesu uzazinu ulenge na udi kiti Kutelle kurum cas ba?⁴⁵Na iwa yenje nafo meng litinighe, nma ti ukara mine kitin Cife ba. Umong duku ulenge na adin tizu ukara mine, Musari une ulenge na anung ceo ayi ku. ⁴⁶Nda ina yinin nin Musa, iwa yinnu nin mi bara ana su iyerte liti nighe. ⁴⁷Andi na iyinna nin niyerti me ba, ima ti inyizazari iyinin nin liru ning?

¹Kimal nile imone, Yesu uni wa nya udu uleli uwul kurawa Ngalili, na ikuru idin yiccu kunin kurawa Tibariya. ²Ligozin nanit gbardang wa din dortughe, bara iwa yenje imon ile na awa suzu anan tikonu. ³Yesu wa ghana kitene likup asoku ligowe nin nono katwa me.⁴(Kubin paska, u idi na Yahudawa wa dak susut.) ⁵Na Yesu wa yene ligozin nanit gbardang din cinu udak kitime, a woro Filibus ku, "Tima seru imonli nweri alele nan leo?" ⁶(Yesu wa belli nani anan dumuna Filibus ku, bara ame wa yiru imon ile na ama su.)⁷Filibus kawa ghe aworo, "ufungal nisulai akalt aba ma batunu nwo kogha mine bat wang ba." ⁸Umong nanya nono katwa we, Andrawus, gwanan Simon, woro Yesu ku. ⁹"nkan gono di kikane nin fugal utaun, a ibo iba, ilele mati inyaghari nanya nanit gbardang nene?"¹⁰Yesu woro,"Tan anite iso kutyen."(ukpi ushifi wadi kitene gbardang) Anite so kutyen, ngbardang mine wa durun amui ataun. ¹¹Yesu yauna uffugale, na ata nlira, a koso alenge na iwa sosin. Akuru akoso ibowe nanere, kogha se cot liburi me. ¹²Na anite wa shito, aworo nono katwa me, "pitirnon ngisi nagire na alawa, bara imoimong wa nana."¹³I pitirno vat, ikulo akuzun likure nin nagisin nfungal utaunne, ngisin nagir na lenge na ileo. ¹⁴Na anite in yene imon ilenge na asu, i woro, "kidegenere, ulengenere unan liru nin nu Kutelle ulenge na ama dak nanya inyi." ¹⁵Na Yesu wa yinin idi nin su ikufoghe nin likara iterughe tigo, anuzu nanya mine likire aghana likup usanme.¹⁶Na kulele nta, nono katwa me tolo udu kurawa. ¹⁷Ipira nanya nzirgin nmyen, itunna ncin nya kurawe cindu Ukafarnahum. (kiti wadi kimal siru na Yesu wadi asa da kitimine ba.) ¹⁸Koni kube, ufunu likara wadi, nmyen kurawe tunna nfituzu nin likara.¹⁹N a isu ucin nafo timel titat sa tinas, idi yene Yesu ku din cin kitenen nmyene ucin dak kitimine nanya nzirge fiu kifo nani. ²⁰Atunna aworo nani, "Menghari! Na iwa lanza fiu ba." ²¹Itunna iyinna a pira uzirge, na nin molu kubi ba iduru kiti kanga na idin cinu udue.²²Ukurtunun kwuiye, ligozin nanit na iwa yissin nleli kurawe yene na umong uzirgi duku ba, urum unere cas, ulele tutung na Yesu wa piru ku nin nono katwa me ba, nono katwawere cas wa nya usanminu. ²³Nton tizirgi da unuzun Tibariya susut nin kiti kanga na ini leo imonleku, kimalin tin liran Ncikilare.²⁴Na ligozine wa yinni nwo, Yesu sa nono katwa me na iwa di kite ba, inung atimine pira nanya tizirge i nya udu u Kafarnahum udun pizirun Yesu ku. ²⁵Na iseghe ileli uwul kurawe, I woroghe nenge, "Unan dursuzu niyerte, nin kome kubiari uda kikane?"²⁶Yesu kawa nani aworo, "kidegenere ipizarai, na bara iyene imon izikiki ba, bara ina lii ufungal ishito. ²⁷Sunan katwa nimoli ile na ima nanu, sun katwa nimonli ilenge na ima daudaunu udu ulai un sa ligan ulenge na usaun Nnit ma ni minu, bara Kutelle Ucif na malu uti ushaida me litime.²⁸Itunna i woroghe, "inyaghari tibasu tinan su nitwa Kutelle?" ²⁹Yesu kawa a woro nani, katwa Kutelle kanin nere: Iyinin ni lenge na ame na tughe."³⁰I tunna i woroghe, "Uyapin ushaidari uma ti, arik nan yene, ti yinna nin fi?" Inyaghari umati? ³¹Acif bit wa lizu umanna nanya ntene, nafo na ina yertin, "Awa ni nani ufungal un nuzu kitene kani ili."³²Yesu tunna a kawa nani, "Kidegenere, na Musari wa niminu ufungal un nuzu kitene Kutelle ba, Ucif nigha ulenge na adin nizu minu ufungal kidegen un nuzu kitene Kutelle. ³³Bara ufungal Kutelle unin nare ulenge na udin tolusu unucu kitene Kutelle uniz uyi ulai." ³⁴I woroghe nenge, " Cikilari, niza nari ufungal une ko kome kubi."³⁵Yesu woro nani, "Menghari ufungal un laiye, ulenge na ada kitining na aba lanzu kukpong ba. Ulenge na ayinna nin mi, aba lanzu ukotu nayi ba. ³⁶Nani, nbelin minu nenge, imal yeni, vat nani na iyinna ba. ³⁷Vat nalenge na Ucife nayi, ima dak kitininghe, ame ulenge na ada kitinighe, na nwasa nkoghe ba.³⁸Bara meng na dak unuzu kitene Kutelle, na nda su imon litinin ba, se nsu imon ilenge na ana tuyi nsu. ³⁹Ilengenere imon ile na ana tuyi mun, nworu nenge vat nalenge na ana ni, na iwa wultun unit urum ku ba, na ida fya nani vat liri nimalin. ⁴⁰Bara kadura Ncifere kane, vat nlenge na ayene usaune, amini yinna ninghe, ama se ulai un sa ligan; Meng tutung ma fyughe liri nimalin.⁴¹Adidya na Yahudawa tunna icizina ugbondulu kitene me bara na ani woro, "Menghere ufungal ulenge na una nuzu kitene Kutelle." ⁴²I woro, "Na ulengenere Yesu Usaun Yusufu ba, na ucife nin nene arika na tiyiru nani ba? Inyizari aworo, 'Nna dak unuzu kitene Kutelle'?"⁴³Yesu kawa a woro nani, "Sunan ugbondulu nanya nati mine. ⁴⁴Na umong unit wasa a da kiti ning ba se Ucife ulenge na ana tuyi nwunghe, Meng tutung ma fyughe liri nimali. ⁴⁵Imone di nya niyerte nanan liru nin nu Kutelle, 'Vat mine Kutelle ma dursuzu nani' Vat nlenge na a lanza amini massa kiti Ncife ma dak kitining.⁴⁶Na iworo umong name yenu Ucife ba, se ame ulenge na ana nuzu kiti Kutelle, amere na yene ucife. ⁴⁷Kidegenere, ame ulenge na ayinna adi nin lai nsali ligan.⁴⁸Menghari ufugal nlai. ⁴⁹Acif mine wa li ufungal nanya ntene inani wa kuzu.⁵⁰Ulengenere ufungal ulenge na una dak unuzu kitene Kutelle, bara unit uleng na leo nanya nin na awa kuba. ⁵¹Menghari ufungal un lai ulenge na una tolu unuzu kitene Kutelle. Asa umong nleo nanya nfungal ulele, ama ti ulai un sa ligang. Ufungal ulenge na mma ni kidowo nighari bara ulai in yii."⁵²A Yahudawa lanza ayi nanya mine itunna icizina umusu, idi du, "inyizari unit ulele ma ninari inawa me tili?" ⁵³Yesu tunna a woro nani, "Kidegenere, se ileo inawa Nsaun Nnit, isono nmyi me, andi na nani ba na ima yitu nin lai nati mine ba.⁵⁴Vat nlenge na aleo inawa ning, asono nmyi ning adi nin lai un sa ligan, meng tutung ma fiwughe liri nimalin. ⁵⁵Inawa ning innare imonli kidegen, nmyi ning minnare nmyen kidegen ⁵⁶Ulenge na aleo inawa ning, asono nmyi nin, ama so nanya ning, a meng nanya me.⁵⁷Nafo na Ucif un lai na tuyi, tutung nafo na meng di bara Ucif, nanere nanere ulenge na aleyi, nanere wang ama ti ulai bara meng. ⁵⁸Ulelere ufungal ulenge na una tolu unuzu kitene Kutelle, na imusun nilenge na acifi mine wa li ikuzu ba. Ame ulenge na aleo ufungal ulele mati ulai sa ligang." ⁵⁹Yesu wa belli ule ulire nanya kutyi nlira, kube na awa din dursuzu nanit in Kafarnahum.⁶⁰Gbardang nanyan nono katwa me na iwa lanza nani, i woro, " Ulenge udursuzu kite dinin nijasi kang; ghari ma yinnu mu?" ⁶¹Yesu, bara awa yinnin nanya me nono katwa me din gbondilu lire, aworo nani, "ule ulire mati minu idiuwa?⁶²Uma nin yittu inyiziari asa iyene Usaun Nnit din ghanu ukpillu kiti kanga na awa yita ku? ⁶³Uruhu unere din nizu ulai. Kidowo din kpizunu imonimon ba. Ulire nan su minu, Uruhari, tutung ulaiyari.⁶⁴Vat nani among mine duku na isa yinna ba." Bara Yesu wa yiru tun nin cizine alenga na iyinna ba, a ayiro tutung ulenge na ama lewughe. ⁶⁵Aworo nani, "Bara nanere nta nbellin minu, na umong wasa ada kitining ba andi na Ucif nyininghe mun ba."⁶⁶Kimal nani, gbardang nono katwa me kpilla, na i kuru i cina ninghe ba. ⁶⁷Yesu woro nono katwa me likure nin nan wabe, "Anung wang di ninsu i nyawa?" ⁶⁸Simon Bitrus kawaghe aworo, "Cikilari, kitin ghari tiba du? Fere dinin liru lai saligaghe, ⁶⁹arik ani na yining, tinani na dak tiyinno fere unit ulau Kutelle."⁷⁰Yesu woro nani, "Na mere na fere minu likure ba, umong mine uni di kugbergenu ba?" ⁷¹Awa di nliru litin Yahuda, Usaun Simon Iskaroti, bara amere wadi, umong nanya likure na ama lewughe.

¹Kimal ni lenge imone Yesu uni wa wasu ucin udu u Galili, na awa di ninsu a dofin nanya Yahudiya, bara a Yahudawa wa din pizuru nwo imolughe. ²Kubin idi na Yahudawa, u idi na danga wa dak susut.³Nuana me woroghe, "suna kikane udo u Yahudiya, bara nono katwafe nan yene katwa kanga na udin sue. ⁴Na umong din su imonmong liyeshin ba, andi ame litime di nin su iyinin ghe. Andi udi su ile imone, durso litife nanya nyie"⁵Bara inung nauna me wang wa yinin nighe ba. ⁶Yesu uni wa belin nani, " Na kubi ninghe nsa da ba, anung dinin kubi ko kishi. ⁷Na uyie was unari minu ba, ama unari meng ku bara nna ni ushaida liti nnin kitene lidu linanzang nnin.⁸Anung can kitin ide; na meng ba du kiti idi ulele ba, bara na kubi nighe nsa kulo ba." ⁹KImal nbellu nani nleli ulirue, amini wa so in Galili.¹⁰Vat nani na nuane nya udu kitin ide, ame tutung nya na nin yiru nanit ba, likire. ¹¹A Yahudawa wa pizurughe kitin ide, i woro. "Adin nwe?"¹²Anit wa su uliru litime kan. Among woro. "Unit ucinari ame" Among woro "Nanere ba, adin wultunu nanitari." ¹³Vat nani na umong wa su uliru litime kanang ba, bara fiu na Yahudawa.¹⁴Na u idi wa dak susut nmalu, Yesu do nanya kutii nlira adin dursuzu nanit ku. ¹⁵A Yahudawa wa su umamaki i woro, "Ita iyizari unit ulele di nin yiru kang? Na asa do kutii ndursuzu, idursuzoghe ba." ¹⁶Yesu kawa nani aworo, "Imon ile na ndin dursuzue na inaghari ba, in lenge na a toyiari.¹⁷Andi umong dinin su asu imon kibinai nnit une, ama yinnu ubellen nlenge udursuzue, sa una dak unuzu kiti Kutelle, sa ndin su uliru bara lit ningahri. ¹⁸Ulenge na adin su uliru bara litime adin pizuru ngongon litime, ame ulenge na adin pizuru ngongong nlenge na ana tughe, unit une unan kidegenari, ana udiru katwa kacine dinghe ba.¹⁹Na Musari wa nimu uduke ba. Vat nani na umong mine din dortu uduke ba. Iyaghari nta idi nin su imoli?" ²⁰Ligozin kawaghe, "Udi nin kugbergenu. Ghari dinin su amolufi?"²¹Yesu kawa nani a woro, "Nna su nkan katwa vat mine ani na lanza nzikiki kanin. ²²Musa na niminu ukalzu nacuru (Na una nuzu kitin Musere ba, kiti na Cif nburnuari), inani asa kala unit kucuru liri na Sabbat.²³Asa ikala unit kucuru liri na Sabbat bara iwa patilin udukan Musa, iyaghari nta idin lanzu ayi ninmi kitene nwo nshino nin nit liri na Sabbat? ²⁴Na iwa su ushara bara u yenju nmuro ba, sun usharawe nin fiu Kutelle."²⁵Among mine anan Urshalima woro, "Na amere ulengene na idin pizuru imolu ba? ²⁶Yeneng, adin liru kanang, ana iworoge iyang ba. Na umaso nafo adidya bite yiru amere Kriste, na nanere ba? ²⁷Arik yiru kikanga na unit ulele na nuzu ku, asa Kristi nda, na imong ma yinnu kikanga na ana nuzu ba."²⁸Yesu uni wa ghatin liwui kan nanya kutii nlira, ndursuzu kiti a woro, "Anung vat yirue, iyuro kikanga nan nna nuzu ku; na nna dak bara litinin ba, ame ulenge na ana tuyi unan kidegenari, ulenge na iyirughe ba. ²⁹Meng yirughe, bara nna dak unuzu kiti mere, amere na tuyi.³⁰Icizina nworu i kifoghe, na umong nkifoghe ba bara na kubi me wadi kusa da ba. ³¹Nani, among gbardang nanya ligozin wa yinin nighe. I woro "Asa Kristte nda, ama su imon izikiki ikata ilenge na unit ulele nsuwa?" ³²Afarisawa lanza ligozin nanite din belu ulenge ulirue litin Yesu, adidya na Yahudawe nin na Farisawa to a dugari idi kifoghe.³³Yesu tunna a woro, "Ndu nin kubiri bat in yita ligowe nan ghinu, Nma nin du kitin lenge na ana tuyi. ³⁴Ima pizirui na ima yeni ba, kiti kanga na nma du, na yinnu idak bak."³⁵Ayahudawa tunna nbelu nati mine, "Unit ulengene madu weri ki kanga na arik ma yinnu upizirughe ba? Sa ama du kiti na Helenawari, alenge na isosin buu adi dursuzo nani ti Helenawa? ³⁶Uyapin uliruiari ulele na a belle, 'ima piziri, ana ima yeni ba; kiti kanga na nma du, na anung ma yinnu udake ba.'?"³⁷Nengene liri nimalin idi udya, Yesu wa fita asu uliru nin liwui kang, aworo,"Andi umong dinin kotu nayi na adak kitining ada sono. ³⁸Ulenge na ayinna nin mi nafo na uliru Kutelle na belli, unuzu nanya me, igawan nmyen nlai ma cun ku."³⁹Nani awa su uleli ulire litin Ruhu, ulenge na ale na iyinna ninghe ma seru; na iwadi isa na uruhe ba, bara na iwa di isa ta Yesu ku gongong ba.⁴⁰Among ligozin, na iwa lanza uleli ulirre, iworo, "Kidegene ulengene unan liru nin nu Kutelleari." ⁴¹Among woro, "Ulengenere Kristi." Among tutung woro, "Iyangha, Kristi ma dak unuzun Galiliaria? ⁴²Na uliru Kutelle na woro Kristi ma dak unuzu fimusun Dauda in Baitalami, ka gbiri kanga na Dauda wa duku?"⁴³Usalin yinnu nin nati fita nanya ligozighe bara ame. ⁴⁴Among mine wa dinin su ikifoghe, a nan umong mine tardaghe ucara ba (na umong mine kifoghe ba.)⁴⁵Adugare tunna i kpilla kiti na didya na Yahudawa nan na Farisawe, inung woro nani, "Iyaghari nta na ida ningheba?" ⁴⁶Adugare kawa nani, iworo, "Na umong nsa su uliru nafo ulengene ba."⁴⁷Afarisawa kawa nani, iworo "Anung wang iwultun minua? ⁴⁸Umong nanya na Gowe sa Afarisawa nyinna ninghe? ⁴⁹Linin ligozin longo na liyiru uduke ba, ita nani unuu."⁵⁰Nikodimo woro nani, (Umong na awa mang dak kitin Yesu, ame wang ku Farisawari), ⁵¹"Uduka bite din suzu unit ushara a udutu sa ulanzu kitime iyinnin imong ilenge na adin sua?" ⁵²I kawage i woro, "Fe wang kunan Galiliaria? Piziran iyene na umong unan liru nin nuu Kutelle ma dak unuzun Galili ba."⁵³Kogha mine nya udu kilari me.

¹Yesu wa ghana likup in Zaitun. ²Nin kwui dindin akuru ada nanya kutii nlira, anite vat da kitime; a tunna aso a dursuzo anite. ³Anan niyerte nin na Farisawa da nin mong uwani na iwa kifoghe nanya kulapi nfunu nin mong, iceoghe kitikmine.⁴Inin woro Yesu ku. "Unan Dursuzu, uwani ulele, ikifogheari nanya kulapin nfunu, ima niyitan nsure. ⁵Nene nanya duke, Musa na woro nari asa ti filiso imus nnit une; fe nworo iyaghari kiteneme?" ⁶Iwa belli nani inan kifoghe nin tikanci. Yesu tunna a tumuno a su inyerte kutyen nin licin me.⁷Na iwa li ubu nin tirighe, a fita a yissina a woro nani, "Ame ulenge na addi nin kulapi ba nanya mine, na amere cizin ufilughe nin litale." ⁸Akurru atumuno tutung niyerte nin licin me kutyen.⁹Na inung lanza nani, itunna nyizu na lalarum, ucizunu nin kune udak unan ni maline. Ida malizina isuna Yesu ku nin usanme nin wani une na awa di kityek mine. ¹⁰Yesu fita aworo nwane, "Uwani, inung anan kifufe nde? Na umong mine nmolofi ba?" ¹¹A wor, "Ko unit urum, Cikilari." Yesu woro, "Na meng wang nse fi nin kulapi ba, Canfi, ucizunu nene udu nbun, na uwa kuru uti kulapi ba."¹²Yesu kuru asu uliru nin nanite aworo, "Menghari nkanang in yi; ulenge na a dofini na ama cinu nanya nsirti ba nani ama se nkanang nlai." ¹³A Farisawa woroghe, "Una ushaida litife; na ushaida fe kidegeneri ba."¹⁴Yesu kawa aworo nani, Andi ma nna ushaida litining, ushaida ning kidegenari. Meng yiru kikanga na nna nuzu ku, in yiru kikanga na ndin cinu udue, na anung dinin yiru kiti ka na inan nuzuku ba, sa kika na ndin cinu udue. ¹⁵Anung din su ushara un yenju nyizi, meng din su umong ushara ba. ¹⁶Vat nani asa nsu ushara, ushara nighe kidegenari bara na ndi usanning ba ndi nin Cif ulenge na ana tuyi.¹⁷Nanere nanya nduka mine ina yertin au ushaida nanit anwaba kidegenere. ¹⁸Menghari ame ulenge na ndin shaida litining, a ame Ucife na ana tuyi din nin ushaida litining."¹⁹I woroghe, "Uciffe din weri?" Yesu kawa nani, "Na iyiru menku sa Ucif nin ba; idafo ina yiri, iwa yiru Ucif nighe wang." ²⁰Awa belin uliru une susut nin kiti in nyeshizu nikurfu ayita ndursuzu nin kiti nanya kutii nlira, ana umong nkifoghe ba, bara na kubi me wa di kusa daba.²¹Akuru a woro nani, "Mma su ucin, ima piziri, inin kuzu nanya nalapi mine. Kiti kanga na nma du, na iwa sa idaku ba." ²²A Yahudaw woro, "Ama molu litime, ame ulenge na aworo, 'kiti kanga na ndin cinu udue, anung wasa ida ba?"²³Yesu woro nani, 'Anung anan kadassari; Meng unan kitenari, Anung anan yi ulelere, Na meng unan le uyere ba. ²⁴Bara nani, nworo minu, ima kuzu nanya nalapi mine. Andi na iyinna mere AME ba, ima kuzu nanya nalapi mine."²⁵Iworoghe nenge, "Feghari?" Yesu woro nani, "uliru urika na nna bellin minu nin cizine. ²⁶Ndi nin nimon gbardang na nma su uliru ku, nkuru nsu ushara ku kitene mine. Vat nani, ulenge na ana tuyi di kidegen; a imon ilenge na nna lanza kitime, imonere ndin bellu uyie. ²⁷Na iwa yinin nworu adin liru nanghinu liti Ncif ba.²⁸Yesu woro, "Asa i ghantina Usaun Nnit kitene kani, Ima nin yinnu MERE, ima yinnu tutung na ndi su imoimong in litining ba. Nafo na Ucif na duzsuzoi, ndin belu ilenge imone. ²⁹Ulenge na ana tuyi di ligowe nin mi, ana ama suni ussaning ba, bara ndin su imon ilenge na idin puzughe liburi." ³⁰Kube na Yesu wa din bellu nleli ulirue, gbardang nanit wa yinnin nighe.³¹Yesu wa woro na Yahudawa alenge na iwa yinnin nighe, "Asa ileo ubun nanya nliru nighe, kidegenere anung nono katwa nighari; ³²Ima nin yinnu kidegene, kidegenere ma bunku minu utucu." ³³I kawa ghe, Arik kuwunun Ibrahimari na tisa su licin nacara nmong ba; inyizari uma woru, 'Ima se ubuntu iso fong?"³⁴Yesu kawa nani, "Kidegenere ndin bellu minu, vat nlenge na ata kulapi, ame kucin kulapiari. ³⁵Na kucin din so kilari cikilari me udu ukul ba, usaun ncikilarere din so udu uku me. ³⁶Andi usaune ma bunku minu, nanere wang ima se ubuntu.³⁷Nyiru anung kuwunun Ibrahimari; idin pizuru umoli, bara na uliru ninghe se kitin so nanya mine ba. ³⁸Nbele imon ilenge in yene nin Cifning, anung ani din su imon ilenge na ina lanza kitin Cif mine."³⁹I kawa iworo, "Ucif bit Ibrahimari." Yesu woro nani, Ndafo anung nonon Ibrahimari, iwa su katwan Ibrahime. ⁴⁰Vat nani, inani pizira imoli, unit ulenge na a belin minu kidegen kanga na a lanza kiti kutelle. Na Ibrahim nasu ilenge imone ba. ⁴¹Idin su nitwa ncif minere." I woroghe, "Na iwa maru nari nanya nfunu ba; tidi nin Cif urum, Kutelle."⁴²Yesu woro nani, "Andi Kutelle Ucif minere, iwa yitu nin su ninghe, bara meng na nuzu kiti Kutellari nda; na nna dak bara litining ba, amere na tuyi. ⁴³Iyaghari nta na i yinno uliru nighe ba? Bara na idi nin su ilanza uliru nighere ba. ⁴⁴Anung nonon cif minere, shaitan, inani din pizuru isu ntok imusun min cif mie. Ame unan molusu nanitari nworu ucizunue ana adi nin yissunu kitene kidegen ba, bara na kidegen di nanya me ba. Asa a belle kinu, asa asu dert nin yitu mere, bara ame unan kinuwari a Ucif kinu.⁴⁵Vat nani, bara na ndin belu kidegene, na anunghe in yinna ning me ba. ⁴⁶Ghari nanya mine nseyi nin kulapi? Andi ndin bellu kidegen, iyaghari nta na iyinna nin mi ba? ⁴⁷Ame ulenge na adi un Kutelle din lanzu uliru Kutelle; na anung din lanzu unin ba, bara anung anit Kutelleari ba."⁴⁸A Yahudawa kawa i woroghe, "Tina belin kidegene au fe kunan Samariyaridi, tutung udi nin na gbergenu? ⁴⁹Yesu kawa a woro, "Na meng di nin ku gbergenu ba; ama meng din ti Ucif ning gongong, anung ani na ita yi gongon ba.⁵⁰Na meng din pizuru ngongon lit ning ba, unit urumari din pizuru akuru asu ushara. ⁵¹Kidegenere ndin bellu minu, asa umong lanza uliru nighe, asu katwa mun, na ama yenu ukul ba."⁵²A Yahudawa woroghe, "Nene tiyinno udinin kugbergenu. Ibrahim nin na anabawa na kuzu; fe unin woro, 'Asa umon lanza uliru nighe na aba yenu ukul ba.' ⁵³Na Fe katin Ucif bite Ibrahime, na ana kuba, sa ukatinghe? A a anabawa wang na kuzu, Fe yira litife iyaghari?"⁵⁴Yesu kawa nani, aworo, "Asa nta liti ninghe ngongong, ngongong nighe di imon ba; Ucif nighari ulenge na ama ti ngongong- ame ulenge na anung woro Kutelle minere. ⁵⁵Anung pa na iyirughe ba, ame meng yirughe. Andi nma belle na nyirughe nma so nafo anughe, unan kinu. Vat nani, nyirughe, nmini din dortu uliru me. ⁵⁶Ucif mine Ibrahim wasu liburi libo ninyenu nwui nighe; awa yene unin, ayi poghe."⁵⁷A Yahudawa woroghe, "Na usa duru akus akut ataun ba, ama fe uni na yene Ibrahim kua? ⁵⁸Yesu woro nani, "kidegenere ndin bellu minu, a idutu sa umaru Ibarahim ku, MENG wa yita ku." ⁵⁹I tunna i pila atala ima filusughe mun, Yesu tunna a nyeshe litime a nuzu nanya kutii nlire a nya.

¹Na Yesu wa cinu ukatu, a yene umong nin niduu tun umaru me. ²Nono katwa me tiringhe, "Unan dursuzu, ghari nati kulapi, amere sa anan maru me, inyaghari nta ina marughe udu."³Yesu kawa aworo, "Na amere sa anan marume na ti kulapi ba, ama bara inan durso katwa Kutelle litime. ⁴Tima su katwa nlenge na ana tuyi a kiti dutu kanang. Kitik din cinu na umong wasa asu katwa ba. ⁵Asa ndu nanya nyie, mere nkanang in yie."⁶Kimal nbelun liru une, a tufuno ataf kutyen, a lumu tiwin nin natafe, a lolo iyizi nnite nin tiwine. ⁷A woroghe, "Cang udi kusu kulin Siluwam (Ukpiluwe unnare 'Ulau')" Unite nya adi kusu, a kpila adin yenju.⁸Anan kupo nnite nin nalenge na i yirughe uworsu nafo unan likura iidin du, "Na unit ulele na adin sozu kikane asuzu likura ba?" ⁹Among woro "Ameredi." Among woro na amere ba, ama adi nafo ulele." Ama ame wadi bellu mere di."¹⁰I woroghe nenge, "Inyizari iyizi fe puno." ¹¹A kawa, awor, "Unite na idin yiccughe Yesu nni lumu tiwin amini loloo niyizi ninghe, aminin woro, 'Can Usiluwam udi kusu.' Mminin nin do ndi kusu, mminin tunna yenju kiti." ¹²I woroghe nenge, "Adinwe?" Akawa, "Na meng yiru ba."¹³I nani wa yiru unite na awa di nin niduwe idomu kiti na Farisawa. ¹⁴Liri na Sabbatari wadi na Yesu wa lumun tiwine a punghe iyize mun. ¹⁵A Farisawe kuru itiringhe inyizari ase uyenu kiti. A woro nani, "Ani ta tiwin niyizi ninghe, Mminin kussu, nene ndin yenju kiti."¹⁶Among Afarisawa woro, "Na unit ulele na nuzu kiti Kutellari ba, bara na adin dortu Asabbat ba." Among woro. "Ima ti inyizari unit ule na adi nin kulapi su nmusu nilenge imone?" Nwase usalin munu nati kitik mine. ¹⁷I kuru itirino uduwe tutung. Inyaghari ubelle litime bara a punfi iyizi?" Uduwe woro, "Ame u annabiari." ¹⁸Na Yahudawa wa yinin ni liru liti nnite nworu awa di udu aminin se uyenju kiti se na iwa yicila acif nnite na ana se uyenju kit.¹⁹Itirino acif nnite i woro, "Usaun mire ulele na ina woro iwa marughe uduwa? Ani inyizari nene adin yenju kiti? ²⁰Acif me kawa nani, "Arik yiru usaun bitari ulele, tutung iwa marughe udu. ²¹Ita inyizari adin yenju kiti nene na arik yiru ba, saghari npunghe iyize, na arik yiruba. Tinonghe. Amal waurnu. Awasa asu uliru nin liti me."²²Acife wasu uleli ulire bara na iwa din lanzu fiu na Yahudawa. Bara a Ayahudawe wa di imal yinnun nworu asa umong nyinna Yesu Kristari, ima nutunghe nanya kutii nlira. ²³Bara nanere wati, acif me wa woro, "Ame nwasirna, Tirinonghe."²⁴Unba tutung iyicila unite na awadi uduwe Iworoghe, "Na Kutelle ngongong. Tiyiru unit ulele unan kulaperi." ²⁵Unit une kawa nani, "Sa adi unan kulapi na nyiru ba. Imong irumari cas nyiru: Nwa yita udu nene ndin yenju."²⁶I tunna i woroghe, "Inyaghari atafi? Apuno iyizi fe nyizari?" ²⁷A kawa, "Mmal bellin minu, inani nari ulanzue! Inyaghari nta idin su ikuru nlanza tutung? Anung wang dinin su ikuru iso nono katwa mere?" ²⁸Izogoghe i woro "Fere gono katwa me, arik nono katwa in Musari. ²⁹Arik yiru Kutelle wa su uliru nin Musa, ama unit ulele na tiyiru sa ana nuzun nweri ba."³⁰Unite kawa aworo nani, "Inyaghari, ilele imong izikikikari, au na anung yiru sa ana nuzun nweri ba, vat nin nani aminin puno iyizi nin. ³¹Tiyiru nworu na Kutelle din lanzu anan nalapi ba, ama andi vat nnit ule na adi lanzu uliru Kutelle amin din su imon nsu me, Kutelle din lanzughe.³²Uworu ucizinun nyie, na ina so ilanza umong puno iyizi nnit ulenge na ina marughe udu ba. ³³Andi na unit ulele na nuzu kiti Kutelleri ba, na awa yinnu usu nimonmong b." ³⁴I kawaghe i woro, "Ina marufi vat nanya nalapi, nene umini din dursuzu narie?" Inani wa tunnun i koghe nanya kutii nlire.³⁵Yesu uni wa lanza inutunghe kutii nlire, amini wa seghe aworo, "Uyinna nin Saun Nnita?" ³⁶A kawa aworo, "Ame ghari, Cikilari, nnan yinna ninghe? ³⁷Yesu woroghe, "Uyeneghe, ame ulenge na adin lirue nin fi amere." ³⁸Unite woro, Cikilari, meng yinna."A tunna a zazinghe.³⁹Yesu woro, "Bara ushara wari nna dak nanya nyi ulele, bara anan salin yenju nan se uyenju, anan yenje tutung nan ta aduu." ⁴⁰Among A Farisawe na iwa di ligowe nanghe lanza ileli imone i tiringhe, "Arik wang aduwarie?" ⁴¹Yesu woro nani, "Ndafo idi aduu, na iwa yitu nin nalapi ba. Vat nani, nene inin woro, 'Tidin yenju,' bara nani, alapi mine nlawa nanghinu.

¹"Kidegenere, Nbelin minu, ulenge na apira nanya nshing ligo nakame na libo kibulun ba, asa a kala udanga a pira, unit une ukiriari nin nan bolsu nimon. ²Ule na a pira kibulun amere unan libya nakame.³Ame unan ca ma punghe kibulun. Akame ma lanzu liwui me, ama yicu akame nin tissa mine a nutun nani udu udas. ⁴Asa anutuno akame ndas vat, ama cinu nbun mine, akame dortoghe, bara na i yiru liwui me.⁵Na ima dofunu kumara ba, iba na cumghari bara na iyiru liwui kumara ba." ⁶Yesu wa belin nani to tinan tigolde, na iwa yinnin sa inyaghari adin bellu ba.⁷Yesu kuru aworo nani, "Kidegenere, nbelin minu, menghari kibulun nakame. ⁸Vat na lenge na ina dak ameng dutu udak, akiriari nin na nan bolusu nimon, na akame ma lanzu nani ba.⁹Menghari kibulunghe. Asa ko uyeme unit npira unuzu ning, ama se utucu; ama pira anuzu ama se kiti kileo. ¹⁰Na ukiri din dak ba se asu likiri, amolu, anin nanza. Meng na dak ina se ulai ise unin gbardang kang.¹¹Menghari unan libya ugegeme. Unan libya ugegeme asa ana ulai me bara akame. ¹²Ame unan libya nduk, na unan nakam ba, na amere unan nakame ba, awa yene kinyinyo ucin dak ama sunu akame a cum awulu. Kiyinyo ma yiru a wulttun ani. ¹³Ama cum asun akame na ama rissu anin ba, bara na ame unan katwa ndukkari.¹⁴Menghari unan libya ugegeme, in yiru ananing, ananighe yiruoi. ¹⁵Ucife yirui, Meng wang yiro Ucife, Meng nani ulai ning bara akame. ¹⁶Ndi nin na mong akama alenge na adi an longo ligowe ba. Anin wang, nma dak mun gbas, ima lanzu liwui nighe iso ligo lirum unan libyawe wasamme.¹⁷Bara nanere nta Ucif di nin su ning, nna ni ulai ning nnan sere unin tutung. ¹⁸Na umong ma seru unin kiti nin ba, Menghari na ceo unin usan ning. Ndi nin likara nciu nnin, in yita nin likara in yirun nin. Nna seru ulenge uduke kitin Ncif ningari."¹⁹Iwa se ukosu nibinayi nanya na Yahudawa bara ubellu nliru une. ²⁰Among mine gbardang woro, "Adi nin kugbergenu ayita nin nilaza. Iyaghari nta idin lanzughe?" ²¹Among mine woro, "Na ule ulire un nan nilazari ba. Kugbergenu wasa ku puno iyizi nduwa?"²²Kubi nbukin wessu da in Urshalima. ²³Kubi linna wadi, Yesu yita ncin nanya kutii nlira kitin shizunun Solomon. ²⁴A Yahudawa kilighe, iworoghe, "Udiduru kome kubiari uma sunu nari nanya nkpilzu? Andi fere Kriste nuzu fang ubelin nari."²⁵Yesu kawa nani, Nna bellin minu na iyinna ba. Nitwa nanga na nsu nanya lissan Ncif ning, ilele nna ushaida litininghe. ²⁶Vat nani na iyinna ba bara na anung akam nighari ba.²⁷Akam nin din lanzu liwui ning; in yiru nani, inung din dortui. ²⁸Ndin nizu nani ulai un saligann; na ima so inana ba, ana umong ma bolu nani nacara ning ba.²⁹Ucif nighe, na ana nii inung, akatin koghaku vat nin likara, na umong wasa a bolo nani nacara Ncif ba. ³⁰Meng nin Cif ninghe, unit urumere." ³¹A Yahudaw kuru iyauna atala iba filusughe.³²Yesu kawa aworo nani, "Ndurso minu imon igegeme gbardang Nnuzu kitin Cif. Nanya niyeme imonari iba filusui mung?" ³³A Yahudawe kawaghe iworo, na tiba filusu fi kitenen kan katwa ka gegeme ba, tiba filusufi kitenen nanzu lissa Kutelle na udinsu, bara fewe, unitari, umini din pilu litife nafo Kutelle."³⁴Yesu kawa nani aworo, "Na udi nanya niyertin nduka mine ba, 'Nworo, "anung atenlleari"' ³⁵Asa ayicila nani atenle, kiti na lenge na uliru Kutelle na dak kiti mine (ana uliru Kutelle iwasa ikoso uni ba), ³⁶idin bellu nile na Ucif na kussu ato nanya nyii, 'Udin nanzu lissa Kutelle,' bara na nworo, Meng Usaun Kutelleari'?³⁷Andi na ndin su nitwa Ncif ninghari ba, na iwa yinnin nin i ba. ³⁸Vat nani, ndi su nining, andi ma na iyinna nin mi ba, yinna nin nitwawe bara inan yiro iyinno Ucife nanya nmi ameng nanya Ncif." ³⁹Ikuru imala ukifun Yesu ku tutung, a nyaghe sa upiru nacara mine.⁴⁰Yesu wa nya tutung udi kaffinu kurawan Urdun kiti kanga na Yuhana wa shintu anit ku nmyen nin cizunue; awdi so kikane. ⁴¹Anit gbardang wa dak kitin Yesu. Iso nbellu, "Na Yohana wa durso nkan katwa in yenu ba, vat nimon ilenge na Yuhana wa bellu litin Nnit ulele kidegenere." ⁴²Kitene nane, anit gbardang wa yinnin nin Yesu.

¹Umong unit unan lissan Laazaru wadi nin konu. Ame unit Nbaitanyari, kagbirin Maryamu nin gwane Marta. ²Maryamu une na awa tintilo nnuf kunya kumang nabunun Cikilare awese abune nin titime, gwanemere wadi Laazaru unan kone.³Nuane nishono to kitin Yesu iworoghe, "Cikilari, yene ame ulenge na udi nin suwe dinin konu." ⁴Na Yesu nlanza, a woro, "Na ule ukone unkulari ba, umana so un gongong Kutelleari, bara usaun Kutelle nan se ngongong kitenen nin."⁵Yesu wayita nin sun Marta nin gwane kishono a Lazaru. ⁶Na awa lanza Lanzaru di nin konu, Yesu kpina ayiri aba kiti kanga na awa yita ku. ⁷Kimal nani, aworo nono katwawe "Cannari tido u Yahudiya tutung."⁸Nono katwawe woroghe, "Rabi, na udandauna ba, na a Yahudawa nyita nin su iffillusu fi, umini di nin su ukpili kite tutungha?" ⁹Yesu kwana, a woro, "Na abiri kubi likureari di nanya liyirin ba? Asa umong din cin nin liring, na ama tiru ba, bara na adin yenju kiti kanang nin liring.¹⁰Nanya nani, as adin cin nin kitik, aba tiru bara na nkanang di ninghe ba." ¹¹Yesu wa bellin uleli ulire, kimal nleli ulire, aworo nani, "Udondong bite Laazaru ndo nmoro, mma du nnan di fyaghe nmore."¹²Nono katwawe tunna iworoghe, "Cikilari, andi nmoroari adi mum, ama fitu.' ¹³Yesu wasu uliru nbellen nkul Laazaruari, inung wa su adin liru nmoro nshinuari. ¹⁴Yesu nin belle nani kanang, "Laazaru nku.¹⁵Nlanza nmang bara anughe, na nni yita kite ba anung nan yinna. Cannari tido kitime." ¹⁶Tuma, ulenge na iwa yiccughe fibari, woro nadon katwa me, "Na arik wang do ligowe tinan ku ligowe nan Yesu."¹⁷Na Yesu nda, ada se Laazaru nmal ti ayiri anas kisekk. ¹⁸Ubaitanya wadi susut nin Urshalima, npit mine nafo timel tiba. ¹⁹A Yahudawa gbardang wa dak kitin Marta nin Maryamu, ida lissu nani nin kul ngwana mine. ²⁰Marta tunna na a lanza Yesu din cinu, anuzu adi zuro ninghe, Maryamu lawa kilare.²¹Marta tunna aworo Yesu ku, "Cikilari, ndfo uwa duku, na gwana nighe wa kuba. ²²Nene wang, ko iyapin imonari utirino Kutelle, ama nifi inin." ²³Yesu woronenge, "Gwanafine ma fitu tutung."²⁴Marta woroghe nenge, "In yiru ama fitu tutung kubi nfiyu na nan kul, liri nimalin." ²⁵Yesu woroghe, "Menghari ufyu na nan kul, Myeri ulai; ulenge na ayinna nin mi, ko aku, ama ti ulai; ²⁶ame ulenge na adi nin lai, aminin yinna nin mi na ama kuba. Uyinna nin le ulire?"²⁷Aworoghe nenge, "Nanere, Cikilari, in yinna fere Kristi, Usaun Kutelle, ulenge na adin cinu ucin da nanya nyi." ²⁸Na a belle nani, a nya adi yiccila Maryamu gwane likot. Aworo, " Unan dursuzu niyerte di kikane, adin yiccufi." ²⁹Na Maryamu nlaza nani, afita mas ado kitin Yesu.³⁰Kube na Yesu wadi asa pira nanya kagbire ba awa dutu kite na Marta nni zuro ninghe. ³¹A Yahudawa alenge na iwa dak lippe, wadi ligowe nin Maryamu nanya kilare, na iwa yeneghe afita mas anuzu udas, idofinghe, iwa yenje nafo anuzu ucindu kisseskkere adi gilu ku. ³²Maryamu tunna na ada kiti kanga na Yesu yissin ku a yeneghe, adio kutyen nbun me a woroghe, "Cikilari ndafo una yita kikane, na gwana ninghe wa ku ba."³³Na Yesu in yeneghe kuculu, a a Yahudawe na ida ligowe ninghe wang di kuculu, ata liduru nanya nruhu, ayi me fita kang; ³⁴a woro, "Ina nonkoghe nweri?" Iworoghe, "Cikilari da uda yene." ³⁵Yesu gila.³⁶A Yahudawa woro,"Yenen ngbardang nsuwe na adi Laazaru ku mun!" ³⁷Among mine woro, "Na unit ulelere, ulenge na awa pun iyizi nnit ule na awa di udu ba, na ana wanti ulele ukule ba?"³⁸Yesu nin lidurun nanya kibinayi me, do kiti kisekkee. Kisekke kutiyari, kutala wa yerdin nnuwe. ³⁹Yesu woro, "Kalan litale." Marta, gwanan Laazaru unan kule, woro Yesu ku, "Nene aduru ayiri anas kidowe nmal di cizunu ubiju." ⁴⁰Yesu woroghe, "Na nbelinfi nenge, andi uyinna, uma yenu ngongong Kutelle ba?"⁴¹Itunna ikala kutale. Yesu ghatina iyizi me kitene kani aworo, "Ucif ning, ndin zazunfi bara na udin lanzui. ⁴²Meng yiru ko kuyeme kubi udin lanzui, bara kukirinanite na ikilini unnare nta nbelle nani, inan yinna fere na tui."⁴³Kimal nbellu nani, ata ntet nin liwui kang, "Laazaru nuzu udas." ⁴⁴Unan kule nuzu udas, anin tecin abunu nin nacara nin nimon nkassu libi, umuro me wa tecin nin nimon nkassu libi. Yesu woro nani, "Buncughe isughe a nya."⁴⁵A Yahudawa gbaedang na iwa dak kitin Maryamu yene imong ilenge na Yesu nsu, i yinna ninghe; ⁴⁶among mine nya ido kiti na Farisawa idi bellin nani imon ile na Yesu nsu.⁴⁷Ugo na Priest nan na Yahudawa pitirino kudaru mine kiti kirum, iworo,"Inyaghari tiba ti? Unit ulele din su imon izikiki gbardang. ⁴⁸Asa tisughe aleo ubun nengene, vat ma yinnu ninghe, a Rumawa ma dak ida bollu kiti bite nin min bite."⁴⁹Vat nani, umong unit nanya mine lissa me Kefas, amere wadi ugo na Priest likus lole, woro nani, "Na iyiru ko imong ba. ⁵⁰Na idin yenju ucaun kitiu mine unit urum ku bara anit va, nnun woro anit vat nana."⁵¹Awa bellin uleli ulire na un litime ba, bara awa di upriest udya likusse. Awa su annabci, Yesu maku bara anit; ⁵²na bara nmyen cas ba, Yesu nan pitiruno kiti kirum nono Kutelle alenge na ishogilin nkowe. ⁵³Ucizunu lilone, udu ubun, iwa kpiliza tibau nworu imolughe.⁵⁴Na Yesu wa kuru a gala nanya na Yahudawa fang ba, awa nya a suna kikane ado nmon min nkan kagbiri idin yicu Ifiraimu nkon kusho. Kikanere awa so ku nan nono katwa me. ⁵⁵Upaska na Yahudawa wa dak susut, gbardang na mong ani wa nuzu nanya nmine udu Urshalima inan di wesse ati mine a upaska dutu.⁵⁶Iwa din pizurun Yesu ku, ilira nan nati mine nanya kutii nlira, "Iyaghari idin kpiluze? Na aba dak kitin ide ba?" ⁵⁷Ugo na priest nan na Farisawa wani uduka andi umong yiru kikanga na Yesu duku, na abelin inan kifoghe

¹Upaska dutu nin nayiri kutocin, Yesu da Ubaitanya, kikanga na Laazaru wa duku, ulenge na awa fyaghe nkul. ²I kanjaghe imori kikane, Martari wadi nkosue, Laazaru wadi nanya nale na iwa sosin kutebul nin Yesu. ³Maryamu yauna libon nuf nin kunya kumang na idin yicu minin nard, a titilo nabunun Yesu, a wesse abune nin titi me; kunya nnufe mala kiti vat nanya kilare.⁴Umong nanyan nono katwa me, ule na idin yicu Yahuda Iskaroti, ulenge na amere ma lewu Yesu ku, woro. ⁵Inyaghari nwantina ulewu nnuf mone nanya nidinari akalt atat ikossu anan diru?" ⁶Awa belli nani na bara adin lanzu nkunekune nanan diruere ba, ama bara na ame ukiriari: amere wadi unan mizunu nka nikurfunghe anan se ayira litime imong nanya⁷Yesu woro, "Sunnaghe ali ubun nimon ile na adi mun bara lirin nkasunigha adinsue. ⁸Idi ligowe nin na nan dirre ko kome kub, na ima yitu ligowe nan mi ko kome kubi ba."⁹A Yahudawa gbardang lanza Yesu di kikane, ida, na bara Yesu cas ba, ama inan se iyene Laazaru ku, ulenge na Yesu wa fyaghe nanya nkul. ¹⁰Ama adidya na nan dursuzu kite munu tinuu imolu Laazaru ku; ¹¹bara amere a Yahudawa gbardang wa sun nani iyinna nin Yesu.¹²Ukurtunun nkuiye anit gbardang da kitin buke. Na ilanza Yesu din cinu udak Urshalima. ¹³Ibalsa incem inuzu udundi zuru ninghe, itiza ntet, iworo, "Hossana! Unan mariari ulenge na ada nanya lissa NCikilari, Ugo in Israila."¹⁴Yesu se kajaki kabene a ghanaku nafo na iwa yertin. ¹⁵"Na uwa lanza fiu ba, fe ushonon Sihiyona; yenen Ugo mine din cinu, assosin kitene kajaki kabene."¹⁶Na nono katwa me wa yinin ileli imone nin cizune ba; ama na iwa ti Yesu ku gongong, ilizino nworu ina nyertin ileli imone litime inung ani nsughe inin.¹⁷Nene ligozin nanite na iwa di nin Yesu kube na awa yicila Laazaru ku a fyaghe nanya kissek, inung wa belu among. ¹⁸Bara nanere wati ligozin loli wa nuzu lidi zuro ninghe bara na iwa lanza asu ileli imone. ¹⁹A farisawa woro nati mine, "Yenen, iwasa ita imonmong ba; uyii vat din dortughe."²⁰Among a Helenawa wa di nanya na lenge na iwa do nsujada kitin nbuke. ²¹Inughe do kitin Filibus, ulenge na awa nuzu Nbaitanya Ngalili, itiringhe, iworo, "Cikilari tidi ninsu tiyene Yesu ku." ²²Yesu do adi bellin Andirawus ku, Andirawus nin Filibus do idi belin Yesu ku.²³Yesu kawa nani, aworo, "Kube nda nworu iti Usaun Nnit gongong. ²⁴Kidegenere ndin bellu minu, se fimus ficikapa ndeo kutyin fiku, andi na nani ba, fiba lawu finin firume; ama andi fiku, fima nin maru imong iyip gbardang.²⁵Ame ulenge na adi nin su nlai me ama diru unin; ame ulenge na anari ulai me nanya nle uye ma ciu unin ucin du ulai nsa ligan. ²⁶Andi umong din sui katwa, na a dortui; kiti kanga na nduku, kikanere kucin ning ma yitu ku wang, andi umong din sui katwa, Uci ning ma ni unit une tikunang.²⁷Ayi ning nana nene; Iyaghari mma bellu? 'Ucif sui utucu nanya kubi kone?' Bara ile imonere nda ko kube. ²⁸Ucif, ta lissafe gonggong," Liwui nuzu kitene kani liworo, "Nna ti lining gongong, nma kur nti lining gongon tutung." ²⁹Ligozin nanite na iwa yissin kitene wa lanza i woro Kutelle tuto. Among woro, "Gono kadura Kutelleari nlirina ninghe."³⁰Yesu kawa a woro, "Na liwui lole nda bara Menghari ba, ama bara anughere. ³¹Nenere idin shara in yii ulele; Nene ima ko unan tigo nyii ulele.³²A Meng, asa ifyi nanya kutyin, nma wunnu anit vat udak kitining." ³³Awa bellin nani adurso imus nkul ule na uma seghe.³⁴Ligozin kawaghe, iworo, "Tina lanza nanya nduka Kristi maso sa ligang. Iyiziari uworo, 'Ima fyu Usaun Nnit kitene gbas? Ghari Usaun Nnit une?" ³⁵Yesu woro nani, "Nkanang du kiti mine nin kubi bat. Sun ucin a nkanang dutu kiti mine, ana nsirti nsa da duru minu ba. Ulenge na adin cinu nanya nsirti na ayiru kiti kanga na adin cinu udue ba. ³⁶Yinnan a idutu nin kananghe, inan so nonon kanang."³⁷Vat nin nimon izikiki gbardang na Yesu wa su nbun mine, vat nin nani na iyinna ninghe ba. ³⁸Bara ulirun Ishaya unan liru nin nuu Kutelle nan kulo, ule na awa woro: "Cikilari, ghari nyinna nin liru bite? Ucara Ncikilari ndurso liti kiti ghari?³⁹Bara ilenge imone na iwa yinnin ba, Ishaya wa kuru a belle. ⁴⁰"Ana ti idu niyizi mine, amini na kuru ata nibinai mine getek; andi na nani ba, ima yenju nin niyizi mine, ikuru iyinnin nin nibinayi mine, inin kpilin, Meng nin shin ninghinu."⁴¹Ishaya wa belin ileli imone bara na awa yene ngongong Yesu asu uliru litime. ⁴²Vat nin nani, among gbardang wang nanya na didyawe wa yinin nin Yesu; ana bara a Farisawa na iwa yinin ba bara iwa kala nani nanya kutii nlira. ⁴³Iwa di nin su nzazinu nanit ukatina nani uzazinu Kutelle.⁴⁴Yesu ghatina liwui kang aworo, "Ulenge na ayinna nin mi, na Menghari a yinna mun cas ba ama umunu ulenge na ana tuyi na wang, ⁴⁵ulenge na ayenei, ayene ulenge na ana tuyi.⁴⁶Meng na dak nafo nkanang nanya nyii ulele bara vat nnit ule na ayinna nin mi ama lawu nanya nsirti ba. ⁴⁷Asa umong lanza uliru nighe na asu katwa mun ba, na nma sughe ushara ba; bara na nna dak nsun yii ushara ba, nna dak ntucu uyere.⁴⁸Ulenge na anari menku, amini nari userun nliru nighe di nin lenge na adin sughe ushara; ulirere na ndin bellu ma sughe ushara liri nimalin. ⁴⁹Na ndin liru litining ba. Nna din su un Cifning nin na ana tuyi, ulenge na ana nii likara nliru ule na nma bellu nin liru ule na nma su. ⁵⁰Meng yiru uduka me ulai sa liganghari; bara imon ine na nna belli nafo na ame Ucif na belli inin, nanere nna bellin nani."

¹Nene a u idin paska dutu sa udak, Yesu wa yiru kubi me nmal dak nworu ama nyiu nle uyee udu kitin Cife, na ata usu nanit me na idi nanya nle uyee, a durso nani usu un sa ligang. ²Shinta wadi amal ti ukpiliu unanzang kibinayin Yahuda Iskarioti usaun Simon, a lewu Yesu ku.³Yesu wa yiru nworu Ucife nna imon vat nacara me, ame na dak unuzu kiti Kutelle, ama kpillu tutung udu kiti Kutelle. ⁴A fita kishik nimonli ashuku kulutuk me. A yauna kupari a tere kutino me. ⁵A ta nmyen kishik atunna nkuzu nabunu nnono katwa me acin weze nin kupori na a tere kutinoe.⁶A da kitin Simon Bitrus, Simon woroghe, "Cikilari, uma kusu abunu nigha?" ⁷Yesu kawa a woroghe, "Imong ile na ndin sue na uma yinnu nene ba, ama nin kubi bat uma yinnu." ⁸Bitrus woroghe, "Na uba kusu abunu ning ba." Yesu kawaghe, aworo, " Asa na nkusu fi abunu ba, na nmyenfe duku nin mi ba." ⁹Simon Bitrus woroghe, "Cikilari na uwa kusu abunu nighere cas ba, munu acara nighe nin lite wang."¹⁰Yesu woroghe, "Ulenge na ana malu sulusunu na adu nin woru asulsun tutung ba se akusu abunu, ame unit ulauwari vat; idi lau, ana vat mine ba." ¹¹Bara Yesu wa yiru ghari ba lewu ghe; unare ta a woro, "Na vat minere di lau ba."¹²Na Yesu nmala ukuzu nani nabune, a yauna kulutuk me a shono a so tutung, a woro nani, "Iyiru imong ile na nsu minnue? ¹³Idin yiccui 'unan dursuzu niyerti' sa 'Cikilari' idin bellu dert, nanere ndi. ¹⁴Andi meng Cikilari nin nan dursuzu niyerti, nkusu abunu mine, anung wang ma kuzu an nati mine. ¹⁵Bara nsun minu, imon yenju anung wang man suzu nafo na meng su minu.¹⁶Kidegenere, nbelin minu, na kucin katin Cikilari me ba; ana ule na ina tuughe katin ulenge na ana tuughe ba. ¹⁷Andi iyiru ile imone, anan mariari anung andi idin su inin. ¹⁸Na Ndin liru nati mine vat ba, bara meng yiru alenge na meng na fere-Nbelle nani uliru ulauwe nan kulo: 'Ulenge na adin li ufaungal ning din pulii atirfong.'¹⁹Ndin belu minu ilele nene a na Isa se kidowoba bara asa ida se, Ima yinnu MERE. ²⁰Kidegenere, ndin belu minu, ulenge na a serei nsere ulenge na nto, a ulenge na a serei nsere ulenge na anatuyi."²¹Na Yesu nbelle nani, Uruhu me wa neo kang, akpina ubellun lirue a woro, "Kidegenere Nbelin minu umon mine ma lewi." ²²Nono katwa we tunna nyenju nati mine, idin kpilizu ghari adin liru litime.²³Umong nanyan nono katwa me wadi kilewe ninghe, awa yerdin figirin Yesu, ule na Yesu wadi nin sume. ²⁴Simon Bitrus taghe gbiton nin lit a woro. "Belle nari ghari udin liru litime." ²⁵Kani gono katwawe na awa yerdin figirin Yesu woroghe, "Cikilari gharidi?"²⁶Yesu kwana, aworo, "Amere ulenge na ama shintinu kagir nfungal nmyene ninghe." Na a shintino ufungal nmyene, a na Yahuda ku, Usaun Simon Iskaroti. ²⁷Kimal nli nimole, Shintan piraghe, Yesu woroghe, "Imong ile na udin cinu usue, su inin mas."²⁸Na umong kiti kutebul kilewe wa yiru imon ile na ita Yesu uni nbelinghe ileli imone ba. ²⁹Among kpiliza, nmoti bara na amere miin nka nikurfunghe. Yesu uni woroghe, "Sere imon ile na tidi nin suwe in idi," sa ani anan diru imonimong. ³⁰Kimal nseru fungali Yahuda, anuzu udas mas; kiti wadi kimal sirui.³¹Na Yahuda nnya, Yesu woro, "Nene Usaun nnit nta gongong, Kutelle nta gongong ninghe. ³²Kutelle mati ghe gongong nanya me, ama tighe gongong mas. ³³Nono nibebene ndu ligowe nanghinu nin nayiri bat. Ima piziri, nafo na nna belli a Yahudawaa, 'kiti kanga na ndin cinu udue, Iwasa ida ba.' Nene ndin bellu anung kuwang.³⁴Ndin ni uduka upesse, nworu iyita nin su nati, nafo na meng nati usu mine nanere anung wang tan usu nati. ³⁵Bara nanere anit vat ma yinnu anung nono katwa nighari, asa iyita nin su nati mine."³⁶Simon Bitrus woroghe, "Cikilari, uma du weri?" Yesu kwana, "kiti kanga na ndin cinu udue, uwasa uyinno udofini nene ba, nlonliri uma dofini." ³⁷Bitrus woroghe, "Cikilari, inyaghari mati na nma dofinfi nene ba? Nma ni ulai nin bara fewe." ³⁸Yesu kwana, aworo, "Uma ni ulaife bara mengha? Kidegenere, nbelin fi, uma na uyirui ba so titat a kukulok dutu sa ukolsunu."

¹Na iwa yinin ayi mine nana ba. Yinnan nin Kutelle; yinna nin mi wang. ²Ngan Cifining niti lissosin duku gbardang; ndafo na nani ba, nwa bellin minu, nma du ndi kyele minu kiti. ³Asa ndo ndi kyele minu kiti, nma kuru nsa nda yiru minu nin litining bara kiti kanga na meng duku, anung wang nan so ku.⁴Kiti ka na ndin cinu udue, iyiru libauwe." ⁵Tuma woro Yesu ku, "Cikilari, nati yiru kikangga na udin cinu udue ba, iyizari tima yyinnu libauwe?" ⁶Yesu woroghe, "Menghari libauwe, kidegene nin lai; na umong wasa ada kitin Cifeba, se adofino kiti ning. ⁷Andi iyinni, ima yinnu Ucif ninghe wang; ucizunu nene udu ubun, iyininghe, iyeneghe tutung."⁸Filibus woro Yesu ku, "Cikilari durso nari Ucife, ulele ma batinu nari." ⁹Yesu woroghe, "Ndandauna kiti mine kan nani, umini du sa uyinniya Filibus? Vat nlenge na ayenei, ayene ucife; iyizari uma woru, durso nari Ucife?¹⁰Na uynna nworu ndi nanya Ncife, a Ucif nanya nighe ba? Ulire na ndin su na unliti nighari ba; nani, Ucifere na adi nanya nighere dinsu katwa me. ¹¹Yinna nin mi, nworu ndi nanya Ncife, a Ucife nanya ning; andi na nani ba, yinna ni mi bara nitwa nighe.¹²Kidegenere, ndin belu minu, ulenge na ayinna nin mi, nitwawe na ndin su, ame ma su ni ning wang, ame masu ni didya bara na meng din cinu ucindu kitin Cife. ¹³Vat nimon ile na itirino nanya lissaning, Meng masu ining bara Ucife nan se ngongong nanya Nsaune. ¹⁴Asa utirino imonmong nanya lissaning, mma su.¹⁵Andi udi nin su ning uma dortu uduka ning. ¹⁶Meng masu Ucife kucukusu, ame ma nimu umong unan bunu bara anan so nan ghinu udu sa ligang. ¹⁷Uruhu kidege. Na uyii wasa usereghe ba bara na udin yenjughe ba ana uyirughe ba. Anung, iyirughe, bara a sosin nanghinu tutun ama yitu nanya mine.¹⁸Na nma sun minu usanminu ba; nma kpillu kiti mine. ¹⁹Nin kubiri bat, uyee ba kuru uyene ba, ama anung ma yenjui. Meng ma yittu nin lai, anung ma ti ulai. ²⁰Lilone ima yinnu nworu ndi nanya Ncifning, anung yitta nanya nighe, ameng yitta nanya mine.²¹Ulenge na adi nin duka nighe amini din dortu unin, amere ule na adi nin sunighe; ame ulenge na adi nin sunig, Ucif ning mati usume, Meng mati usu me ndurso liti ning kiti me." ²²Yahuda (na Iskaroti ba) woro Yesu ku, "Cikilari, iyaghari mati udurso litife kiti bit ana kitin yii ba?"²³Yesu kawa aworoghe, "Andi umong di nin suu nighe ama dortu uliru nighe. Ucif nighe ma yitu nin suu me, arik tina dak kitime ti da so ligowe nanghe. ²⁴Ulenge na adi nin suu nighe ba, na adin dortu uliru nighe ba. Ulire na ilanza na unaghari ba un Cifere na anan tuyi.²⁵Ndin bellu minu ule ulire, a ndutu nanginu. ²⁶Vat nani, unan bune, Uruhu ulauwe, ulenge na ucife matuu nin lissa nighe, ma dursuzu minu imon vat, imon ile na nna belu minu. ²⁷Lissosin lishau nsun minu mun, Nna minu lissosin lisheu ning. Na ndin nizu nafo na uyii din nizu ba. Na iwa yinin ayi mine nana ba, a na iwa yinni ilanza fiu ba.²⁸Ina lanza, nna bellin minu, 'Nma su ucin, nma kpilu kiti mine tutung.' Andi idi nin sunighe, iba su liburi libo bara ndin cinu ucin du kitin Ncif. Bara Ucife karin akatini. ²⁹Nene nna bellin minu a idutu sa uti, asa imone nin ta ima yinnu. ³⁰Na nma su uliru nanghinu gbardang ba, bara ugo nyii ulele din cinu. Na adi nin likara kitene ning ba, ³¹Uyii nan yinno Meng di nin suu Ncife. Ndin su imon ile na Ucife asa atayi nsu, nafo na ana nei uduke. Fitan, dan ti sun kiti kane."

¹"Menghari na kuca napau kidegene, Ucif ninghari unan bilisue. ²Adin kaluzu kidowo nighe ko uyeme ulang ule na udin macu ba, adin kaulu vat nlang ule na udin macu unan kpina umacu.³Anung di lau uworsu bara ulirue na nna belin minu. ⁴Son nanya ning, meng so nanya mine. Nafo na ulang wasa usu kumat usamme ba se udofin kuce, nanere anung wang, se iso nanya ning.⁵Menghari litinoe; anunghari tilanghe. Ule na adi nin mi ameng ninghe, ame uleli unite masu kumat gbardang, andi na nin mi ba iwasa isu imon ba. ⁶Andi na unit nso nin mi ba, ima fillinghe a koto nafo ulang; anit ma pitiru tilanghe iti nla, tima juju kidowo. ⁷Asa iso nan mi, tutung asa uliru nighe nso nanya mine, tirinon imon ile na idi nin sue, ima su minu ining.⁸Nin nanere idin ti Ucif gongong, inan macca nono gbardang ikuru iso nono katwa. ⁹Nafo na Ucife dinin suninghe, Meng wang di nini sumine; Son nanya nsu ninghe.¹⁰Asa Idorto uduka nighe, ima so nanya nsuu nighe nafo na meng na dortu uduka Ncif nighe nmini naso nanya nsu me. ¹¹Nbelin minu ile imone liburi libo ning nan yita nan ghinu, lin min liburi libowe nan se ukulu.¹²Uduka nighari ulele, iti usuu nati nafo na meng nati usuu mine. ¹³Na umong dinin suu ule na ukatin ulele ba, na ama ni ulai me bara adondong me.¹⁴Anung adondong nighari adi idi su imon ile na nbellin minu. ¹⁵Na uma kuru nyiccila minu acin ba, bara na kucin asa yiro imon ile na Cikilari din su ba. Ncila minu adondong, vat nimon ile na nna lanza kitin Cifning, nna belin minu.¹⁶Na anunghari na fere yiba, menghari nafere minu nmini na ni minu katwaa inan do idi macu nono, tutung nono mine so. Uso nane bara vat nimon ile na ima tirinu Ucif nanya lissaning, ama ni minu inin. ¹⁷Ilenge imone ndin bellu minu inan su usuu nati mine.¹⁸Asa uyii nnari anung, yinnon nworu una cizin unari menku. ¹⁹In dafo anung anan yieari, uye wa yitu nin suu mine nafo anit me; bara anung anan yiere ba tutung Meng na fere minu unuzu nanya yie, bara ile imone uyie ma nari anung.²⁰Lizinon ulirue na nna belin minu, 'Na kucin katin Cikilari me ba.' Andi ina ti meng ku uniu, anung wang ima ti minu uniu, andi ina lanza uliru nighe, ima lanzu umine wang. ²¹Ima su minu ile imone vat bara lissanighari, bara na iyiru ulenge na ana tuyi ba. ²²Ndafo na nna dak nda su nani uliru ba, na iwa di nin nalapi; ama nene na idi nin surtu ba bara kulapi mine.²³Ulenge na a narii anari Ucif nighe wang. ²⁴Ndafo nna su nitwa nanya mine nanga na umong nsa su ba, na iwa di nin kulapi ba, ama nene ina yene, ikuru inarii umunu Ucifnighe ku. ²⁵Ile imone din tizu nani bara uliru nan kulo na udi nanya niyerte nduka mine, 'Inari mengku sa finu.'²⁶Asa unan bunue nda, ulenge na nma tu minu mum unuzu kiti Ncife, unnare, Uruhu kidegen, ulenge na una nuzu kitin Ncife, uma ti ushaida kitene nighe. ²⁷Anung wang dinti nshaida bara idi ligowe nan mi unuzun cizunue.

¹Nbelin minu ile imone bara iwa ti minu itiro. ²ima nutuzun minu nanya nilari nlira; kube din cinu kongo na alenge na ima molusu minu ma cissu idi su Kutelle katwa kacine.³Ima su ileli imone bara na isa yinno Ucife sa menku ba. ⁴Ndin belu minu ile imone bara asa kube nda na ima se, ima lizinu inin nin woru iyiziari nna belin minu. Na nna belinminu ubellenghe nin cizunue ba bara nwa di ligowe na ghinu.⁵Nene nba du kiti nlenge na ana tuyi; vat nani, na umong mine ntirini ba. 'Udin cinu udu weri'? ⁶Bara na nna bellin minu ile imone, liburi lisirne nmal kulu nibinayi mine. ⁷Vat nani, nbeling minu kidegene; uma caunu minu meng nya; bara asa na nya ba, na unan bunue ma dak kitimine ba; ama nwan nya nma tughe kiti mine.⁸Asa ada, unan bunue ma kpashulu uye nbeleng kulapi, nbeleng katwa kacine, nin beleng nshara. ⁹Nbeleng kulapi bara na ina yinnin nimi ba, ¹⁰nbeleng katwa kacine. Ndin cinu ucin du kitin Cif, na ima kuru iyene tutung ba. ¹¹a ubeleng nshara, ina malu usu ugo nyii ulele ushara.¹²Ndin nin nimon gbardang na nma belin minu, na ima yinnu inin nene ba. ¹³Vat nani, asa ame Uruhu kidegene nda, ama dofunu ninghinu nanya kidegene vat; bara na ama su uliru unlitime ba, ama vat nimon ile na alanza, nanere ama belu, amaa nin pun minu imon ile na idin cinu. ¹⁴Ama tii gongong, ama yiru imon ning a pun minu inin.¹⁵Vat ligang nimon ile na Uci dumun. inaghari, unnare nbelle, Uruhu ma yiru imon ning ada pun minu inin. ¹⁶Nin kubiri bat, ima kuru iyene ba; nin kubiri bat tutung, ima kuru iyenei."¹⁷Among nono katwa me woro nadon mine, "Uyapin uliruari ulele na aworo nari, 'nin kubiri bat, na ima kuru iyenei ba; aminin woro tutung nin kubiri bat tutung, ima yenei,' tutung, 'Bara nma du kitin Ncifa?' ¹⁸Inin woro, "Iyaghari ilele a belle, 'Kubi cingiling'? Na tiyino iyaghari adin belu ba."¹⁹Yesu yene idin shotu itiringhe, ame woro nani, "Idin tiru atimine ubelen nileli imone, nworu 'Nin kubi bat, na ima kuru iyenei ba; kimal kubi bat tutung, ima yenei'? ²⁰Kidegenere, ndin belu minu, ima su kuculu nin lidurun, ama uye masu liburi libo, anung masu liburi lisirne, ama liburi lisirne mine ma kpinlu ayi aboo. ²¹Uwani asa asu liburi lisirne andi adi nin konu liburi kumat bara kubin nlolu me nda; ama asa amara gone, asa a lizino uniu me ba bara ayi aboo nworu imara gono nanya in yii.²²Nanere anung wang, idi nin naburi asirne nene, ama meng ma kuru inyene minu tutung, ima ti ayi abo. ²³Liri lole, ima sui umon utirinu ba, kidegenere, Ndin belu minu, asa itirino imonmong kitin Cif, ama ni minu inin nanya lissa ning. ²⁴Udu da duru nene na isa tirrino imonimon nya lissa ning ba; tirinon, tutung ima seru, liburi libo mine manin kulu.²⁵Nsu minu ule ulire nin tinan tigoldo, ama kubi din cinu na nma kuru nsu minu uliru nin tinan tigoldo ba, ama nma na su minu kanang nbeleng Ncife.²⁶Nloli lire, ima tirini nya lissa ning, a na nworo minu nba ti nlira kiti Ncif bara anung ba; ²⁷ame Ucife di nin sumine, bara na anung di nin su nin, inani nyinna nin mi bara na nna dak unuzu kiti Ncife. ²⁸Nna dak unuzu kiti Ncif, nmini na dak nanya yii ulele tutung, Nma sunu uyei nma kpilu ndo kiti Ncife."²⁹Nono katwa me woro, "Yene nene udin liru kanang; na udin liru nin tinan tigoldo ba. ³⁰Nene ti yinno uyiru imon vat, ana udin pizuru umong tirifi umong uliru ba. Bara nani ti yinna una dak unuzu kiti Kutelle. ³¹Yesu kawa nani aworo, "Nene iyinna?"³²Yenen kubi din cinu, nanere, nene kumal dak, na ima malu kiti, kogha mine udu kiti me, ima nin sunui Ussanii. Vat nani na nma yitu ussanin, bara Ucif ma yittu nin mi. ³³Nsu minu ulenge ulire bara nme inan se lissosin lisheu. Nanya nyie idi nin tinanayi, ama sen likara nibinayi, Meng na li likara nyie."

¹Meng Yesu nbelle ilenge imone, a ghantina iyizi me kitene Kutelle aworo, "Ucif, kube nda; ta Usaunfe gongong- ²nafo na una nighe tigo kitene nanan tilai vat, bara anan na alenge na una nige ulai nsa ligang.³Ulai un saligaghere ulele: inan yininfi, fere cas Kutelle kidegen, a ame ulenge na una tuu, Yesu Kristi. ⁴Meng ntafi gongong in yie, na nna kulo katwa ka na unani nsu. ⁵Nene, Ucif, tye ngogong umunu litife wang nin nimus ngongon mongo na nwa dimun ninfi a uyie dutu sa ukye.⁶Nna durso lissafe kiti nanit alenge na una ni nanyan yii. Inung anit fere, umini na ni inung, inani din dortu ulirufe. ⁷Nene inung yiru vat nimon ile na una nii, inan nuzu kitifere, ⁸uliru fe na una nii, nna ni nani uliru une. Ina seru tining, inani na yinin kidegenere nna dak unuzu kitife, inani na yinin fere na tuyi.⁹Ndi nani nlira, na ndi su uyii nlira ba, ama inung alenge na unayi, inung anit fere. ¹⁰Vat nimon ilenge na idi inang, in fere, imongfe inanghari. Meng ta gongon nanya ni ning. ¹¹Na meng du nanya nyie ba, ama inung anit ane di nanya nyie. Meng din cinu udak kitife. Ucif ulau mino nani nanya lissafe inung alenge na una nii, inan so unit urum, nafo na arik di urume.¹²Kube na nwa di nan ghinu, nwa ceo nani nanya lissa fe alenge na uwa nii; nwa kesse nani, na unit urum na wolu ba, se ame gonon nnanu, bara ulirufe nan se ukulu. ¹³Nene ndincinu udak kitife; ama ndin bellu ile imone nanya nyi, bara ayiabo mine nan se ukulu nati mine. ¹⁴Nna ninani ulirufe, uyi na nari inung, bara na inung anan yieri ba, nafo na meng kunan yiere ba.¹⁵Na ndi nlira ukala nani nanya inyieba ama u kesse nani nin nanan naburi asirne. ¹⁶Na inung anan yiere ba, nafo na meng kunan yieri ba. ¹⁷Kusu wesse nani nin kidegen, ulirufe kidegenghari.¹⁸Una tuyi nanya nyii, meng uni na tuu nani nanya yie. ¹⁹Bara inung, meng na wesse litinighe, inung atimine wang nan se uwessu nanya kidegene.²⁰Na bara alele cas ndin su nlira ba, umunu alenge vat na ima yinnu unuzun liru mine. ²¹Bara inan so arume vat, nafo nafe Ucif, udi nanya ning, a meng yita nanyafe. Ndin lira inung wang yita nanya bite uyie nan yinna fere na tuyi.²²Ngongonghe na una nii, nna nii nani unin, inung wang nan yita urum, nafo na arike di arum- ²³Meng nanya mine, a fe nanya ning, inan se ukulu nanyan warume; bara uyie nan yinno fere na tuyi, umini dinin su mine nafo na udinin su ninghe.²⁴Ucif, aleli na una nii wang. Ndin piziru inung yita nan mi kiti kanga na nduku, inan yene ngongong nighe, mongo na uwa nii: bara udi nin su nighe a i ditu sa ucizinun kye in yii.²⁵Ucif katwa kacine, na uyii yirufi ba, ama meng yirufi, inung alele yiru fere na tuyi. ²⁶Nna durso nani lissafe, tutung nba ti nani iyinin bara usuwe na udi mun nan yita nati mine, meng wang nan yita nanya mine."

¹Na Yesu uleli ulire, a nuzu a nya nin nono katwa me a kafin kurawan kidiron, kikanga na awa piru nkon kunen ku, ame nin nono katwa me. ²Nene Yahuda, ulenge na awa cinu ulewughe, ame wang wa yiru kitene, bara Yesu wa duzo kiti kane ko kome kubi nin nono katwa me. ³Yahuda, na amal se ligozi na soja nin nadidya kiti ndya na Priest a Afarisawa, da kitime nin tila, tico a imon likum.⁴Yesu, ule na awa yiru nin vat nimon na idi sesughe, kata udu ubun a tirino nani, "Idin piziru ghari ku?" ⁵I kawaghe i woro "Yesu Nnazaret." Yesu woro nani, "Mere ame." Yahuda, ule na awa lewu ghe, awa yissing ligowe nin na soje.⁶Na aworo nani, "Mere" ikpilla nin kidung i deu kutyen. ⁷A tirino nani tutung, "idin piziru ghari ku?" I kuru i woro, "Yesu Nnazaret."⁸Yesu kawa nani, "Nworo minu mere ame; andi meri idin piziri, sunan alele i nya ucin mene." ⁹Uwa so nani uliru nan kulo na awa woro, "Nalenge na una nii, na nna wultun unit urum ba."¹⁰Simon Bitrus, ule na awa min kussangali, a shuku kunin a kowo kucin ndya na Priest kutuf ncara uleme me. Lissa kucine wadi Malkusari. ¹¹Yesu woro Bitrus ku, "kurtuno kusangale nanya kuparin me. Kakuke na Ucif nani nan nwa sono kani ba?"¹²Ligozin na soje, a adidya mine, nin na didya na Yahudawa tunna ikifo Yesu ku i tereghe. ¹³Itu ido ninghe kitin Annas, bara ame wadi kumaran Kefas, ulenge na awa di udya na Prieste nloli likusse. ¹⁴Nene Kefasari ulenge na awa ni a Yahudawa ukpilizu nworu ucaun unit urum ku bara anite.¹⁵Simon Bitrus dofino Yesu ku, nanere wang nkang gono katwa we. Ame kani gono katwa we, udya na Priest wa yirughe, amini wa piru kuti nshara ndya na Prieste nin Yesu; ¹⁶Bitrus wa yissin kibulun ndas. Ame kani gono katwa we, na udya na Prieste wa yirughe tunna anuzu udas adi lirin nin kucin kuwani na kuwadi nca kibulunghe a pirna Bitrus ku nanye.¹⁷Kucin kuwane na awa din nca kibulughe woro Bitrus ku. "Nafe umonghari nanyan nono katwa nnit ulelere ba?" A woro "Na meri ba." ¹⁸Inung acine nin na dugari wa yissin kitene; iwa susso ula nin ticini bara tituwui wadi, inani wa di lanzu nla, Bitrus wadi ligowe nan ghinu, awa yissin nlanzun nla.¹⁹Udya na Priest uni wa tirin Yesu ku ubellen nono katwa me nin dursuzu kiti me. ²⁰Yesu kawa ghe aworo, "Nna suzu uliru kiti nanit kanang; Nna suzu uliru nanya niti nlira nin niti nilau, kikanga na a Yahudawa na da zurso ku vat. na nna bellu umon uliru likire ba. ²¹Inyaghari nta umini ntirini? Tirino alenge na ina lanzan imon ile na nna bellu. Anit alele yiru imon ilenge na nna bellu."²²Na Yesu belle nani, umong nanya na dugari wa yissin kupo Yesu a tunna a rioghe nin cara me a woro. "Nanere uma kpanu udya na Prieste?" ²³Yesu kawaghe aworo, "Andi nbelle imonimong nanzang, durson ni utanu nighe, vat nani andi nkawa gegeme, inyaghari nta umini reoyi?" ²⁴Annas uni wa teccu Yesu ku a turunghe kitin Kefas udya na Priest.²⁵Simon Bitrus wa yissin nlazun nla. Anite woroghe, "Nafe wang umong nanyan nono katwa mere ba?" A nari ulire a woro, "Na meng di nan ghinu ba." ²⁶Umong nanya nacin Ndya na Priest na awadi fimus nin lenge na Bitrus wa kalaghe kutufe, wa woro, "Na meng niyenefi kunene ninghe ba?" ²⁷Bitrus kuru anari ulire, kukulok tunna ku kolsuno mas.²⁸Iwa nya nin Yesu kitin Kefas udu kuti nshara. Nin kwui dindinghari wadi, na inung ati mine wa piru kuti nsharawe ba, bara iwa ti atimine ndinong, inan se ulin paska. ²⁹Bilatus nuzu ado kiti mine, a woro, "kuyapin kulaperi idamun liti nnit ulele?" ³⁰I kawaghe i woro, "Ndafo na unit ulele unan katwa kananzanghari ba, na tiwa damun kitife ba."³¹Bilatus woro nani, "Yiranghe i nyamun idi sughe usharawe ussanmin dert ni duka mine." A Yahudawe woroghe, "Na udi dert arik molu unit ba." ³²Iwa belin nani uliru Yesu na se ukulu, ulire na awa belin wa durso imusin yapin ukulari ama su.³³Bilatus kuru a pira kutin sharawe a yicila Yesu ku; a woroghe, "fere ugo na Yahudawe?" ³⁴Yesu kawa, aworoghe, "udin tiru bara litifere sa amonghari nbelin fi utirini?" ³⁵Bilatus kawa, "Na meng Kuyahudawari ba, sa uyene ndi? Anan minfere nin dya na Priest nnakpa fi nacara ning; iyaghari unati?"³⁶Yesu kawa, aworo, "Tigo ning na tin nle uyiere ba. Nda Tigo ning tin nle uyiere, anan katwa ning wa su likum bara iwa nakpayi nacara na Yahudawa, anan Tigo ning na tina dak unuzun le uyieri ba." ³⁷Bilatus woroghe, "Ani fe ugowarie?" Yesu kawa ghe, "fere woro meng ugowari, bara nanere ina marui, bara nanere nna dak nanya in yie bara nnan na ushaida kidegene. Vat nlenge na ame un kidegenari din lanzu liwui ning."³⁸Bitrus woroghe, "Iyaghari kidege?" Na a belle nani, akuru anuzu tutung ado kiti na Yahudawe a woro nani, "Na nse unit ulele nin kulapi ba. ³⁹Idi nin tanda nworu nma sun minu kucin kurum nin kubin paska. Nene idi nin su nsun minu ugo na Yahudawe?" ⁴⁰I kuru ijarta nin tiwui kang I woro, "Na unit ulele ba, ama Barabbas." Barabbas wa di ukiri udyawari.

¹Bilatus yira Yesu ku adi kpizughe. ²A soja pio imart i kyeghe litappa mun. I shono linin litin Yesu inin shonghe inin diuu. ³I da kitime I woro, "Idin lissufi, ugo na Yahudawa!" Inin fighe nin nacara mine.⁴Bilatus kuru anuzu a woro anite, "Yeneng, ndin cinu unutunu minu unite ndas inan nyinno nan seghe nin kulapi ba." ⁵Yesu tunna a nuzu; awadi nin tilapa nimart litime a imon iduwe kidowo me. Bilatus woro nani, " Yeneng unite ule!" ⁶Na udya na Priest nin na soja nyene Yesu ku. I ta ntet iworo "Na ikottunghe kuca, na ikottunghe kuca!" Bilatus woro nani, "yiranghe ussaminu idi kotinghe kuce, bara na meng seghe nin kulapi ba."⁷A Yahudawa kawa Bilatus ku iworoghe, "Tidi nin duka, tutung bara ubellu leli uduke, ucaun aku, bara na ata litime aso Usaun Kutelle." ⁸Na Bilatus nlaza uleli ulire, fiu kpina jukifughe kang, ⁹akuru apira kudarun sharawe tutung a woro Yesu ku, "Una dak unuzun nweri?" Na Yesu kawaghe ba.¹⁰Bilatus kuru a woroghe, "Na uma lirunu nin ba? Na uyiru ndi ni likara nsunfi u nya nkuru nyita nin likara nti ikottun fi kuca ba?" ¹¹Yesu kawaghe a woro na uwasa uyita nin likara litinin ba, andi na inafi unuzu kitene kani ba. Ulenge na a nakpafi meng ku katin nin kulapi."¹²Nin leli ukpinue, Bilatus wa pizuru nworu a sughe, ama a Yahudawa jartiza kang iworo, "Asa usuna unit ulele, nafe udondong Nkaisarari ba: Vat nlenge na ana litime tigo, adin nliru ule na Kaisar din lanzu nman nin ba." ¹³Na Bilatus nlaza uleli ulire, anutuno Yesu ku ndas, aso kutet nshara kiti kanga na idin yiccu upaviment, nin ti Ibranaci lisse Gabbata.¹⁴Liri nshirin Npaskari wadi, kusari nikoro kutocin. Biltus woro a Yahudawe, "Yeneng ugo mine ule!" ¹⁵Ijarta kang i woro, Can ninghe, can ninghe; kottunoghe kuca!" Bilatus woro nani, "Meng kottin ugo mine?" Udya na Priest kawwa, "Na tidi nin mong ugo ba se Kaisar." ¹⁶Bilatus kurtuno nani Yesu ku, idin ikottunghe kucan.¹⁷I yira Yesue ku, a nuzu udas, a yauna kuca ndi kottunu me usanme, ucindu kite na idin yiccu kin ku kankan liti. kanga na idin yiccu nin ti Yahudawa Golgota. ¹⁸I kottuno Yesu ku kuca kikane, ligowe ninghe among naba, kolome likt me unit urum, a Yesu kitik mine.¹⁹Bilatus yertine nkon kulap ndursu a bana kitene kuce. Iwa su iyerte nenge: YESU NNAZARET, UGO NA YAHUDAWA. ²⁰Gbardang na Yahudawa wa bellu iyete ine, bara kite na iwa kottun Yesu ku kuce wa di susut nin kipine. Iwa su iyerte nin ti Yahudanci, ti Romawa a ti Helenawa.²¹Udya na Priest na Yahudawe woro Bilatus ku, "Na uwa yertin 'ugo na Yahudawa ba' mbara uworo, ame na woro, 'Meng ugo na Yahudawari.'" ²²Bilatus kawaghe a woro, "Imong ile na nyerti, nmal yerunari une."²³Na a soja nkottuno Yesue ku, i yauna ugudun me i kosso uni niti ninas, ko kome kusoja nin kusari kitime; nanere wang kultukke. Kulutukke wadi nin tutun ku ba, iwa ke kunin sundulunghari. ²⁴I woro nati mine, "Na tiwa marya kunin ba, nbaa ira ti dinja timoku tiyene sa kuma so kunghari." Uwaso nani uliru Kutelle na iwa bellin nenge nan kulo, "Iwa kossu tigudun nin nati mine, imon nin tutung i dinja timo ku."²⁵Asoje wassu ileli imone. Unan Yesu, gwana nne, Maryamu uwanin Kilopas, a Maryamu Magdaliya- awanin alele wa yissin susut nin kuca nkottunun Yesu. ²⁶Na Yesu yene unene nin gono katwa me na wadi nin sume yissin susut kupo me, a woro nna me, "uwani, yene, gonofe kanga!" ²⁷A woro gono katwa we, "Yene, unafe ule!" Nanya kubi konere nono katwa we wa yirughe ucin du mun ngame.²⁸Kimal nani nin yirun Yesu, nworu imon vat nmala, anan ta uliru Kutelle nan so kidegen, a woro, "Ayin kotoi." ²⁹KItene lissu nmyen mi gbalala wa duku, I buro lissut likpu jangarang i shono nanya nmyen mi gbalale, i taghe nnuu. ³⁰Na Yesu nciro nmyen mi gbalale, a woro "Imone nmala." A tumu litime, a suna nfip me.³¹Kubi nshiriari wadi, bara iwa sun nidowo kitene naca nkottunu liri na Sabbat (bara liri na Sabbat liri lidya wari), a Yahudawa tirino Bilatus ku nworu a yinnin nani idi pucu abunu na lenge na ibana nani naca, inan toltino nidowo mine kutyin. ³²A soja da ida puco abunu na le na ikotuno nani kuca ligowe nin Yesu. ³³Na ida kitin Yesu, Ise amal ku, na i puco abunu me ba.³⁴Vat nani, nkon kusoja buro lipala me nin liyop, nmii nin myen nuzu kitene dedei. ³⁵Ulenge na ana yene ilenge imone, nati iyizi nba, iyizi nba me kidegenere. Ayiru nworu ulire na ana belli kidegenere, bara anung wang nan yinna.³⁶Ilenge imone na se, bara uliru Kutelle nan kulo, "Na ina puru liku me ko lirum ba." ³⁷Tutung umong uliru Kutelle wa belli "Ima yenjughe ame ulenge na iwa burughe."³⁸Kimal ni leli imone, Yusufun Armatiya, ame wang wa di gono katwan Yesu, ama nanya liyeshinbar fiu na Yahudawa, awa tirin Bilatus ku anan se ayira kidowon Yesu. Bilatus wa yinninghe mu. Yusufe da ada yira kidowo me. ³⁹Nikodimo wang wa dak, ame ulenge na awa tu ada kitin Yesu nin kitik. A wa munu nnuf Myrth nin aloes adamun, ngetek mini wa durun ngetek nimon ngucu kiti akalt likure.⁴⁰Inani wa yaun kidowon Yesu i tere nin kusu kuba kubo a nnuf kunya kumang, nafo utanda na Yahudawa andi ima kasu libi. ⁴¹Kitene na iwa kottunghe kuce kunen wa duku; nanya kunene kissek waduku kipesse kanga na iwa di isa kassa unit ku ba. ⁴²Bara lirin shiriari wa di a Yahudawa, tutung kiti kisseske wa di susut, inani wa nonko Yesu ku nanya kini.

¹Nin kwui dindin nwui un cizinu nayiri kuzor, a kiti dutu kalum kalum, Maryamu Magdalin da kiti kissekke; ayenne iyilino litala nnu kissekke. ²A co ada kitin Simon Bitrus nin kanin gono katwawe na Yesu wa di nin suwe, a woro nani nenge, "Ina da yiru Cikilare ku nanya kissekke i nya mun, na tiyiru sa ina di nonkoghe nweri ba."³Bitrus nin kani gono katwawe nuzu udas, ido kiti kissekke. ⁴I tunna ncum ligowe, kani gono katwawe katiza Bitrus ku nin cum a yaringhe ndi duru kiti kissekke. ⁵A tumuno a gbino nanye; a yene ugudun ubome non kitene, ama na awdi asa pira nanye ba.⁶Simon Bitrus da kidun me a pira nanya kissekke. A yene ugudun ubowe non nanye, ⁷nin nimon ile na iwa di litime, na iwa non kiti kirume nin nileli imone ba, inin wa jinkpilin ussanme ugan.⁸Ame kani gono katwa we wang pira, ule na awa tu a duru kiti kissekke; ayene ayinna. ⁹Uduru koni kube na iwa yiru uliru Kutelle nworu, gbas Yesu ma fitu nanya nanan kul. ¹⁰Nono katwa tutung nya ucin du nilari mine.¹¹Maryamu wa yissin ndas kisseske kuculu, na awa di kucule, a tumuno a gbino nanya kissekke. ¹²A yene anan Kadura naba sossin nin nimon ibo, umong kusari lite a umong kusari nabune, kiti kanga na kidowon Yesu wa non ku. ¹³I woroghe, "Uwani, iyaghari nta udi kuculu?" A woro nani, bara ina yiru Cikilari ning a nan yiru kiti ka na ina ceoghe ku ba."¹⁴Na a belle nani, a gitirno ayene Yesu ku yissin kitene, ama na ame wa yinnin nworu Yesuere ba. ¹⁵Yesu woroghe, "Uwani iyaghari udi kuculu mun? Udin pizuru ghari ku? Awa kpiliza nafo unan kye kunenari, a woroghe, "Cikilari andi ukalaghe kite, belli kika na uceoghe ku, Meng ma di yirughe in nya mun."¹⁶Yesu woroghe, "Maryamu" A kpila kidowo me a woroghe nin ti Yahudanci, "Rabboni" Unare, "Unan dursuzu niyerti." ¹⁷Yesu woroghe, "Na uwa dudai ba, bara na nsa ghana udu kiti Ncif ba; ama can kitin nnuwna nighe u woro nani, nma ghanu udu kitin Ncif ning nin Cif mine, Kutelle ning nin Kutelle mine. ¹⁸Maryamu Magdalin uni wa da bellin nono katwa we, a woro, "Inyene Cikilare" amini nbelleghe ile imone.¹⁹Na kulelen nta nwui une, lirin ncizunu nayiri kuzor a nibulun tursuzuno vat, kiti kanga na nono katwa we wa sossin ku bara fiu na Yahudawa, Yesu da ada yissina kitik mine a woro nani, "Sen lissosin lisheu." ²⁰Na a belle nani, a durso nani ucara me nin likot me. Na nono katwa we yene Cikilare, ayi poa nani.²¹Yesu kuru a woro nani, "Na lissosin lisheu yita nanghinu. Nafo na Ucife na tuyi, nanere meng to minu." ²²Na Yesu belle nani, a pene nani a woro nani, "Seren uruhu ulau. ²³Alenge na ishawa nin kulapi mine, ishawari une; alenge na anung ceo alapi mine, alapi ane nsowa une."²⁴Tuma umong nanya likure, ulenge na idin yiccughe fibari, na awa di ligowe nanghinu kubin dakin Yesu ba. ²⁵Ngisin nono katwa we d woroghe, "tiyene Cikilare."A woro nani, "Andi na meng yene nacara me kitin kottunu nikuse nceo licin ning ku, ikuru ceo ucara ning likot me ba, na meng ma yinnu ba."²⁶Kimal nayiri kulir, nono katwa me wadi kutii, a Tuma yita ligowe nanghinu. Yesu da pira a kibulune tursuno, a yissina kiyitik mine, a woro, "Na lissosin lisheu yita nanghinu." ²⁷A woro Toma ku, "Nakpa licinfe ududo kikane, yene ucara nin tutung; nakpa ucarafe, dudo likot nighe; na uwa yita nin salin yinnu sa uyenu ba, yinna."²⁸Toma kpana a worogeh, "Cikilari ning ni Kutelle ning." ²⁹Yesu woroghe, "Bara na uyenei, umini in yinna. Anan mariari ale na i yene ba, inani nyinna."³⁰Nene Yesu wa su imon izikiki gbardang nbun nnono katwa me. Imon izikiki gbardang, ilenge na iwa yertin nanya kubaga nliru ba; ³¹Ilengene na ina yertin bara anung nan yinna Yesu amere Kristi, Usaun Kutelle, bara asa iyinna, nmoti ise ulai nanya lissame.