¹۱۔یسُوع مسیح اِبنِ داؤؔد اِبنِ ابرؔہام ری پوتھی۔ ²۲۔ ابرؔہام خاں اضحاؔق پیدا تھیو آݨ اضحاؔق خاں یعقُوب پیدا ھویو آݨ یعقُوب خاں یہودؔا آݨ اُوے را بھائی ھویا۔ ³۳۔ یہوؔدا خاں فارؔص آݨ زارؔح تمؔر خاں پیدا ھویو۔ فارؔص خاں حصروؔن پیدا ھویو آݨ حصروؔن خاں راؔم پیدا ھویو۔⁴۴۔آݨ راؔم خاں عمّیندابؔ پیدا ھویو آݨ عمّیندابؔ خاں نحسون پیدا ھویو آݨ نحسون خاں سلمونؔ پیدا ھویو۔ ⁵۵۔ آݨ سلموؔن خاں بوعزرابؔ خاں پیدا ھویو آݨ بوعزؔ خاں عوبیدؔرُوت خاں پیدا ھویو آݨ عوبید خاں یسّؔی پیدا ھویو۔ ⁶۶۔ آݨ یسّؔی خاں داؤؔد بادشاہ پیدا ھویو۔ آݨ داؤؔد خاں سلیمؔان اُوے لوگائی خاں پیدا ھویو جکوپہلی اُوؔرِیّاہ ری لوگائی ھوتی۔⁷۷۔ آݨ سلیمؔان خاں رحُبعؔام پیدا ھویو آݨ رحُبعؔام خاں اِبیّاؔہ پیدا ھویو آݨ اِبیّاؔہ خاں آسؔا پیدا ھویو۔ ⁸۸۔آݨ آسؔا خاں یہوسفؔط پیدا ھویو آݨ یہوسفؔط خاں یُورؔام پیدا ھویو آݨ یُورؔام خاں عُزِّیاہ پیدا ھویو۔⁹۹۔ آݨ عُزِیّاؔہ خاں یُوتؔام پیدا ھویوآݨ یُوتؔام خاں آخؔز پیدا ھویو آݨ آخؔز خاں حِزقِؔیاہ پیدا ھویو۔ ¹⁰۱۰۔ آݨ حِزقِیؔاہ خاں مُنسؔی پیدا ھویو آݨ مُنسؔی خاں امُوؔن پَیدا ھویو آݨ امُوؔن خاں یُوسیاؔہ پَیدا ھویو۔ ¹¹۱۱۔ آݨ گرفتار ھورو بابؔل جاوݨ رے زمانے میں یُوسیاؔہ خاں یکوُنؔیاہ آݨ اُوے را بھائی پَیدا ھویا۔¹²۱۲۔ آݨ گرفتار ھو را بابؔل جاوݨ خاں بعد یکوُنؔیاہ خاں سیالتؔی ایل پَیدا ھویو آݨ سیالتؔی ایل خاں زَرُبّابُلؔ پَیدا ھویو۔ ¹³۱۳۔ آݨ زَرُبّابُلؔ خاں اَبِہُوؔد پَیدا ھویو آݨ اَبِہُوؔد خاں اِلیؔاقِیم پَیدا ھویو آݨ اِلیؔاقِیم خاں عازوؔر پَیدا ھویو۔ ¹⁴۱۴۔ آݨ عازوؔر خاں صدؔوق پَیدا ھویو آݨ صدؔوق خاں اخیؔم پَیدا ھویو آݨ اخیؔم خاں الیِہُود پَیدا ھویو۔¹⁵۱۵۔ آݨ الیِہُود خاں الیعؔزر پَیدا ھویو آݨ الیعؔزر خاں متُاؔن پَیدا ھویو آݨ متُاؔن خاں یعقوبؔ پَیدا ھویو۔ ¹⁶۱۶۔ آݨ یعقوبؔ خاں یُوسفؔ پیدا ھویو۔ اِے اُوے مریم رو دھݨی ھتو جکے خاں پربھویسوع پَیدا ھویو جکو مسیح کہڑاوئی ہے۔ ¹⁷۱۷۔ خارے پہیڑے (پُشتاں) ابرؔہام خاں داؤؔد تک چوݙھے (14) پہیڑے ہووئے آݨ داؤؔد خاں لے رو گرفتار ھورا بابُلؔ جاوݨ تک چوݙھے (14) پہیڑے ہووئے۔¹⁸۱۸۔ہمیں یسوع مسیح رو جنم ائیاں ہویو کہ جݙے اُوے ری ماں مرؔیم ری منگݨی یُوسفؔ خاں تھی گی تو اُواں رے بھیݪو ہووݨ خاں پہلی اُو پویترآتما ری قدرت خاں گربوتی ہوگی۔ ¹⁹۱۹۔ جݙے اُوے رو دھݨی یُوسفؔ جکو راستباز ھتو آݨ اُوے ناں بدنام کرݨ کونی چاھتوھتو اُوے اُوے ناں چپکے خاں چھوڑ ݙیوݨ رو اِرادو کیو۔²⁰۲۰۔اُو ائیے باتاں ناں خوچتو ہی پیو کہ ایشور رو فرشتو اُوے رے خپنیے میں آرو کہیو اَے یُوسفؔ اِبنِ داؤؔد! آپ ری لُوگائی مرؔیم ناں تیں کوڈھی لے آوݨ خاں نی بہی کیاں کے جکو اُوے رے پیٹ میں ہے اُو پویترآتما ری قدرت خاں ہے۔ ²¹۲۱۔ اُو رو ݙیکرو تھیخے آݨ توں اُوے رو ناں یِسُوؔع راکھے کیاں کے اُو ہی آپ رے منکھاں ناں اُواں رے پاپاں خاں مگتی ݙیخے۔²²۲۲۔اِے خارو کجھ اِے رے خاروں ہویو کہ ایشور جکو سنت ری طرف خاں کہیو تو اُو پورو ہووے کہ۔ ²³۲۳۔ جووہ ہیک کنواری گربوتی ہوخے آݨ ݙیکرو جݨخے آݨ اُوے رو ناں عِمانُواؔیل راکھخے جکے رو مطلب ہے ایشور مھاں بھیݪو ہے۔²⁴۲۴۔جݙھے یُوسفؔ اُونگ خاں اُوٹھی رو اُواں ہی کیو جیکر ایشور رے فرشتے اُوے ناں حُکم ݙھنو تو آݨ آپ ری لُوگائی ناں آپ کوڈھی لے آیو۔ ²⁵۲۵۔ آݨ اُوے ناں نی جاݨیو جتی تک اُوے رو ݙیکرو نی تھیو آݨ اُوے رو ناں یسوع راکھیو۔

¹۱۔جݙھے یسوع ہیرودیس رے زمانے میں یہوادیہ رے بیت لحم میں جنم لیو۔ او خاں پچھے گݨھاں مجوسی پورب خاں یروشلیم میں اے کہتا ہویا ۔ ²۲۔ کہ یہودیاں رو راجا رو جنم ہویو ہے او کتھے ہے۔ ماھاں پورب میں اؑو رو تاروݙیٹھو ھاں اوئے ناں نمسکار (سلام) کرݨ آیا ھاں۔ ³۳۔ جݙھے ہیرودیس راجا ائے سݨیو تو او آݨ اوے رے بھیݪا یروشلیم را خارا منکھ پریشان (ݙکھیاری) ہویا،⁴۴۔ہیرودیس گھݨݪاں کاہین (عالم) ناں سرداراں آݨ ٻیجا فقیاں ناں بھیݪا کیا۔ آݨ اواں خاں پوچھو مسیح کھتے جنم لیخے۔ ⁵۵۔اؤاں اوے ناں کہیو یہودیہ رے بیت لحم میں کیانکہ اے ہی سنتاں ری معرفت لکھو گیو ہیں ⁶۶۔ یہوادیہ رے حاکماں میں توں کیݙھے بھی چھوٹو کونی کیو جاویں، کیانکہ تیں خاں حکمران (راجا) سردارنخرخےجکومانجی اسرائیل ری نگاہ بانی کرخے۔⁷۷۔ائے رے کرے ہیرودیس مجوخیاں ناں چھپکے خاں اݪاں را اواں (تقیق) تخلی کیکہ او ستارو کئی گھݪی ݙکھائی ݙھنو ہوتو۔ ⁸۸۔ اوے اواں ناں ائے کہے رو بیت لحم بھہر کیا (رونوکیا) اوئے ٻاݪ ری خٻر کرو جݙے ٻاݪ تھناں ملے تو مناں بھی ݙخیلو کہ ھوں بھی اوے ٻاݪ ناں نمسکار کر خگھا۔⁹۹۔ راجا رو آدیس (حکم) سݨ رو پچھے او آپ رے مارگ اوے تارو جکو اواں پورب میں ݙیٹھو تو، او اواں رے اگیا اگیا بہیتو گیو، اوے جگہ جا اوبھو جیتھے چھوٹو ٻاݪ ہوتو۔ ¹⁰۱۰۔ او تارے ناں جو رو ݙاڊھا راضی تھیا۔¹¹۱۱۔او اوے گھر میں گیا اواں اوے ناں آپ ری ماں مریم ری جھوݪی میں ݙیٹھو اواں اوے ناں جھک را نمسکار کیو، اواں آپ را (تحفحہ) کھولیا آݨ خونو (سونو) مر آݨ عطر اٹو ݙنھو۔ ¹²۱۲۔ایشور اواں ناں خپنئیں میں کہیو واپس ہیرودیس کھوڈیا نی جاؤ ائیے رے کرئے ٻجیے مارگ خاں آپ رے مولکھ ݙخیا روانہ تھیو۔¹³۱۳۔جݙھے او روانہ تھیا، پچھے یوسف ناں خپنیے میں ایشور رو فریشتو ݙکھائی ݙھنو، اؤئے ناں کہیو اؤٹھی ٻاݪ آݨ اوے ری ماں ناں مصر ری طرف (پاخے) بھج جا، آݨ اوتھے رہے جتری تک ھوں تھاناں نی کہاں، کیانکہ ہیرودیس ٻاݪ ناں مارݨ رے خاروں کوشش کرئیں پیو، ¹⁴۱۴۔اوئے رات یوسف اٹھیو ٻاݪ آݨ ٻاݪ ری ماں ناں لے رو مصر طرف (پاخے) روانو تھیو۔ ¹⁵۱۵۔اوئے ہیرودیس رے مرݨ تک اوتھے ہی رہو، او بات پوری ہووے جکو ایشور آپ رے خنت ( معارفت) کی تھی، میں آپ رے ݙیکرے ناں مصر خاں ھیلو کریو۔¹⁶16 پچھے ہیرودیس ائے ݙیٹھو کہ مجوخیاں اوے رو مزاق اݙایو ہے تو اؤے ناں گݨھی ریخ آئی اؤے گݨھݪے خاراں چھوٹا ٻاݪاں ناں قتل کروہ ݙھنا۔ جکو بیت لحم میں ھتا۔آݨ اوے علاقے (خطے) رے گݨھاں خاراں ٻاݪاں ناں ٻے ٻے خال یا اے خاں چھوٹاھتا،اوے وقت رے حخاب خاں جکو مجوخیاں اواں ناں کہیو ھتو۔¹⁷۱۷۔پچھے او بات پوری ہوئی جکو یرمیاہ خنت ری معرفت کہی گی تی۔ ¹⁸۱۸۔رامہ میں ھیک (ھیلو) آواز خیݨی ݙھنی روݨوآݨ ماتم کرݨو۔ راخل آپ رے ٻاݪاں رے خاراں روتی ری آݨ تخلی قبول کونی کرتی اے رے کرے کہ او کونی ہے۔¹⁹۱۹۔جݙے ہیرودیس مر گیو۔ جݙے ایشور رے ھیکے فریشتے مصر میں اوے ناں خپنیے میں آیو یوسف خاں کہیو۔ ²⁰۲۰۔ اٹھی ائیے ٻاݪ ناں تے ائیے ری ماں ناں لے رو اسرئیل رے مولکھ رے پاخے ݙیخا جا، اے رے کہ جکو ٻاݪ ری جان لیؤݨ ری خواہش راکتھو ھتو او مر گیورو۔ ²¹۲۱۔ یوسف اٹھیو آݨ ٻاݪ آݨ اوے ری ماں ناں بھیݪی لیی آݨ اسرائیل رے علاقے میں آگیو۔²²۲۲۔پݨ جݙے اوےناں خٻرلگی کہ او ری جگہ تے اوے رو ݙیکرو اَراخلاؤس یہودیہ تے راجائی (بادشائی) کرئیں پیو۔تو او اتھا جاؤݨ خاں ٻہیو،جݙے ایشور اوے ناں خپنیے میں خبردار کیو۔ تو اوے گلیل رے علاقے ناں (میں) روانہ ہو گیو۔ ²³۲۳۔ آݨ ناصرۃ ناں رے ھیکے شہر میں جا رو راہیݨ لاگو، اے بات پوری ھوئی جکو ایشور آپ رے خنتاں (نبیاں) ری معرفت کئی ھتی۔ او ناصری کہݪاخے۔

¹۱۔ائیے ݙھیاں میں یوحَنا پوترخنان ݙاݨ آݪو یہودیہ رے (بیابان) ریݨ پٹ میں پرچار کر تو او یو آیو آݨ کہوݨ لاگو۔ ²۲۔توٻا کرو کیانکہ آکاخ ری راجائی نیݪی ہے۔ ³۳۔ کیانکہ ائے اوہی ہے جکو رے بارے میں یسعیاہ خنت کہیو ھتو، ریݨ پٹ میں ھیلو کرݨ آݪے ری آواز آوی کہ ایشور رو مارگ تیار کرو، آݨ اوے را مارگ خیدھاکرو۔⁴۴۔ہیݨاں یوحَنا اونٹھ رے ٻاݪاں رو خوٹھ پہریوݪو آݨ آپ رے کݪیاں رے ٻاروں چانٻݪے روگھاٻوٻادھیے رہتو۔ آݨ اوے رو کھادو جنگلی تݙے آݨ جھنگ ری ماکھی ھتی۔ ⁵۵۔اوگھݪی یروشلیم آݨ خارے یہودیہ آݨ دریائے یردن خاراں( گردونواح) رے آخاں پاخاں را منکھ نخر را اوے کوڈھی گیا۔ ⁶۶۔ آݨ آپ رے پاپاں رو اقرار کرتا آݨ دریایِ یردن میں پوتر شنان (خنان) لیتا۔⁷۷۔پݨ ڄڈے اوے گݨݪاں خارا فریسیاں آݨ صدؤقیاں ناں پوتر خنان لاݨ رے خاروں آپ ݙخیا آوتے ݙیٹھا، تو اواں ناں کہیو، اے لونڈ را ݙیکراں (اے سانپ کے بچو) تھاناں کے ݙیخلو ھے کہ آؤݨ آݪے ݙکھ (غضب) خاں بھڄو۔ ⁸۸۔تے توٻاں رے بدلے (موافق) اَجر پاؤ۔ ⁹۹۔ آݨ آپ رے من میں (دل) اِے باتاں نی کہو۔ ابراہام مھارو ٻاپ ہے ائیے رے کرے ھوں تھاناں کہئی وہ کہ ایشور اہݪو خیاݨو ہے کہ اُوپتھراں خاں ابراہام رے خاروں اُولاد پیدا کرخیگی۔¹⁰۱۰۔ پہلی خاں ہی کوہاݪی ٻݨݪاں ری جݪاں تے راکھی گی ری، ایے رے کرے کہ جکو ٻݨ پھݪ کونی لاوتو او ٹکیو (باڈھیو) جاخے آݨ ٻاخݙے میں خاݪیو جاخے۔ ¹¹۱۱۔ھوں تھاناں توٻاں رے خاروں پاݨی خاں پوتر خنان ݙئی وہ پݨ جکو میں خاں لارے (باد) (پچھے) آخے اُو میں خاں موٹو(گھݨو)ہے، ھوں اُوے ری جوتی رو تخمو کھولݪݨ رے ڄیݪوبھی کونی ھوں۔ اُو تھاناں پوترآتماں آݨ ٻاخݙے خاں پوترخنان ݙیخے۔ ¹²۱۲۔ اُوےرو چھڄݪوآݨ کونڈی اُوے رے ہاتھ میں ہے آݨ اُوکݪنک ناں (بھوں) بوخے خاں داہارکر گودام میں جمع کرخے،پݨ بوخے ناں ٻاخݙےخاں خاݪخے آݨ اُوٻاݙے کݙے وی کونی ٻوڄھ خگے۔¹³۱۳۔بھݪے یسوع مسیح گلیل خاں دریائے یردن تے آیو کیانکہ یوحَنا خاں پوترخناں لے۔ ¹⁴۱۴۔پݨ یوحَنا اِے کہے رو اُوے ناں روکیو، کہ مناں تے خاں پوترخنان لاݨ ری ضرورت ہے آݨ تو میں ݙیخاآویں وہ۔ ¹⁵۱۵۔ یسوع اُوے ناں جواب ݙیھنو، آݨ اُوے ناں کہیو ہمیں اِییاں ہوؤݨ ݙئے ائیے گھݪی ہوؤݨ ݙیے کیانکہ اے پھوٹری بات ھے مھیں خاری ایمانداری ناں پوری کرئیاں پچھے یوحَنا ہوؤݨ ݙھنو۔¹⁶۱۶۔ پوترخنان لوتے ہی ڄݙے یسوع پاݨی خاں ٻاہر آیو، تو جویو کہ آکاخ اُؤے رے خاروں کھل گیو، تے اُوے آپ رے ماتھے ایشور ری روح کبوتر ری خیکل میں آوتی ݙیٹھی۔ ¹⁷۱۷۔ جووہ آکاخ خاں آواز آئی اِے مانجو پیارو ݙیکرو ہے۔ ائیے خاں ھوں گھݨݪو راجی ہاں۔

¹۱۔پچھے آتماں یسوع ناں جھنگ میں لے گی کہ شیطان اوے نہ آزماوے۔ ²۲۔ڄݙے یسوع چاݪیخ ݙیھن آݨ چاݪیخ راتاں رو ورت راکھیو پچھے اُوے ناں بکھ لاگݨ لاگی ³۳۔ازماؤݨ آݪو شیطان اُوے کوڈھی آیو آݨ کہیو، کہ تو ایشور رو ݙیکرو ہے، تو پتھراں ناں کہے تاجے خارو ٻاٹی بݨ جاوے۔ ⁴۴۔ یسوع اوے ناں جواب ݙنھو کہ لکھیوڑو ہے کہ انخان صرف ٻاٹی خاں جیوتو کونی رہتو پݨ ہر اوے بات خاں جکو ایشور رے مھانݙے خاں نخری۔⁵۵۔ پچھے شیطان یسوع ناں پویتر شہر لے گیو آؐݨ بھگتی گھر رے ماتھے ابھیجاݨ رو کہیو۔ ⁶۶۔جے توں ایشور رو ݙیکرو ہیں تو آپ چھت خاں ہیتھو کھر۔ کیانکہ اے لکھیوڑو ہے کہ او آپ رے ݙوتاں (فرشتاں) ناں حکم ݙیخے کہ او تاجی حفاظت کرخے۔ آؐݨ تناں آپ رے ہاتھاں تے کھݨیخے۔ کیانکہ تاجے پگاں ناں پتھراں خاں تھُݙو نی لاگے۔⁷۷۔یسوع اوے ناں کہیو ہے توں آپ رے ایشور ناں نی آزما۔ ⁸۸۔پچھے شیطان یسوع ناں اونچی جگہ ماتھے لے گیو آݨ پورے جُگ (جگت) ری راجائی بتائی ۔اݨ اوے ری شان مان بتائی۔ ⁹۹۔ آݨ اوے ناں کہیو، کہ جے توں مانجے اگ جھکیخ تو اے شان مان تناں ہوں ݙئیخ ری۔¹⁰۱۰۔ پچھے یسوع اوے ناں کہیو، توں صرف ایشور ری پوجا آݨ بھگتی کر۔ ¹¹۱۱۔پچھے شیطان اوے خاں بوہو گیو۔ آݨ فرشتہ (ݙوت ) اوے ری خیوا کرݨ لاگا۔¹²۱۲۔ پچھے جݙے یسوع ناں خٻر لاگی کہ یوحنا ناں حکومت جھالیورو تو یسوع گلیل میں پاچھو گیو۔ ¹³۱۳۔ آݨ ناصرۃ خاں کفرنحوم گیو۔ آݨ اُتھے رہیو۔ جکو گلیل رے سمندر کوڈھیا ہتو۔ جکو ذبلون آݨ نفتالی رے علاقے میں ہے۔¹⁴۱۴۔ اے ائیے خارو ہوؤ کہ اے بات خیچی ہووے کہ جکو یسعیاہ سنت رے وسیلے کہیو گیو ہتو او پورو ھئیے۔ ¹⁵۱۵۔ذبولون آݨ نفتالی ری دھرتی یردن دریاہ رے پارسمندر رے پاخے گلیل رے غیرقوماں۔ ¹⁶۱۶۔ جکے منکھ اندھارے میں ٻیٹھاتا خاراں (تمام) گھݨو اوجاڑو (نور) ݙیٹھو، آݨ او منکھ جکو آپ رے علاقے میں مرݨ تے ٻیٹھا ہے اُوئاں تے اوجاڑو(نور) چمکیو۔¹⁷17 اوے ݙن خاں یسوع پرچار کرݨ شروع کیو، کہ تھاں ٻہیا کرو کیانکہ ایشور ری راجائی نیݪی آوݨ آݪی ہے۔¹⁸۱۸۔جاں ہی او گلیل رے سمندر رے کنارے گیو، تو اوے ٻہیاں بھائیاں نا ݙیتھا۔ شمعون جکوپطرس کہووی آݨ اوے رو بھائی اندریاس جکو سمندر میں جاݪ ناکھتا پیا کیانکے او موھݨاں ہتا۔ ¹⁹۱۹۔یسوع اوئاں ناں کہوکہ تھیں مانجے لارے آؤتوہوں تھاناں آدم گیر بݨائخ۔ ²⁰۲۰۔اوواں جھٹ میں آپ را جاݪ چھوڑیا آݨ یسوع رے لارے بوہا۔²¹۲۱۔جاں ہی یسوع اتھوں خاں جاؤݨ لاگو، اوے ٻہیاں بھائیاں زبری رے ݙیکرے یعقوب آݨ اُوے رو بھائی یوحنا ناں ݙیھٹو۔ او آپ رے ٻاپ بھیݪا ٻیڑی میں ہتا،آݨ آپ را جاݪ ٹھیک کرتا پیا یسوع اوئاں ناں ہیلو کیو۔ ²²۲۲۔ آݨ اوئاں جھٹ میں (جلدی میں) آپ ری ٻیڑی آݨ آپ رے ٻاپ ناں چھوڑرو یسوع رے لارے ٻوہا۔²³۲۳۔یسوع گلیل رے خارے علاقے میں جاتو اوئاں رے بھگتی گھراں میں تعلیم ݙیتوآݨ ایشور ری راجائی ری خوشی ری خٻر رو پرچارکرتوآݨ منکھان ناں ہر بیماری خاں (بھلاں) خاجو خورو کرتو ہتو۔ ²⁴۲۴۔سوریہ رے خارے علاقے میں اوے ری خٻر کھنڈ گی، آݨ منکھ ہربیماراں نا اوے کوڈھی لے آیا، جکے بھونتاں میں پھاتھوڑا مرگھی آݪا آݨ فالج آݪا ہتا۔ یسوع اوئاں ناں (شفا ݙنی) خاجا خورا کیا۔ ²⁵۲۵۔گلیل،دُکپلس،یروشلیم،یہودیہ آݨ یردن رے پار خاں (تمام) گݨھے خاں گݨھا منکھ اوے رے لارے بوہو۔

¹۱۔ڄݙے پربھو یسوع گݨھے منکھاں رو رش ݙیٹھو تو او (پہاڑ) جبل تے چھڑھ گیوجݙے او اوتھے بیخ گیو تو اوے را چیلا اوے کوڈھیا آیا۔ ²۲۔او آپ رو مُکھ کھولو آݨ اوئاں ناں تعلیم (سٻدھ) ݙیوݨ لاگو، اوے کہیو۔ ³۳۔دھن ہے او منکھ جکو دل را غریب ہے کیانکہ او آکاش ری راجائی اوئاں ری ہے۔ ⁴۴۔ دھن ہے او منکھ جکوݙیکھیاہے کیانکہ او سُکھ میں ہوخے۔⁵۵۔ دھن ہے او منکھ جکو نیماݨو ہے کیانکہ اودھرتی را وارث ہوخے۔ ⁶۶۔دھنہے اوجکو بھلائی را بوکھیا آݨ ترخیا ہے کیانکہ او انند پاخے۔ ⁷۷۔دھن ہے او جکو ترخوند ہے اوے ماتھے ݙایا کی جاخے۔ ⁸۸۔ دھن ہے او جکو اچھے دل را ہے کیانکہ او ایشور ناں جوخے۔⁹۹۔ دھن ہےاوجکوٻیڑوڑا ناں ٹھاوی کیانکہ ایشور را ݙیکرا کہلاخے۔ ¹⁰۱۰۔ دھن ہے او جکو بھلائی ری وجہ خاں ختایا گیا کیانکہ آکاش ری راجائی اوئاں ری ہے۔¹¹۱۱۔ دھن تھیں ہو جکومہارے خاطر تھاناں بے عزیت کرئں تے تھاناں ختاوی آݨ ہر ھیک بری باتاں تھارے باروکہیں آݨ کوڑا ݙوھو تھاناں تے لگاوی۔ ¹²۱۲۔ راضی آݨ خوشی ہوے کیانکہ آکاش ماتھے تھارے پگا کݨھو اجر (ثواب) (پھل) (دھرم) کیانکہ ائیے پگا منکھ سنتاں نا وی ستایوہتو، جکو تھاں خاں پہلی ہوتا۔¹³۱۳۔تھیں دھرتی رو لوݨ ہو جے لوݨ رو مزو جاتورہے تو کئی چیزخاں نمکین کیو جاخے؟ او کیݙھے ہی خراب لوݨ استعمال کونی ہوتو خواے اوے لوݨ نا ٻاہر ناکھیو جاوے، جکو منکھاں رے پگاں رے نیچاں لیتاڑیو جاخے۔ ¹⁴۱۴۔ تھیں جگت رو ݙیو ہو او شہر جکو پہاڑ تے بخایو گیو ہے لوکایو کونی جا سگتو۔¹⁵۱۵۔ نی لوک بتی ٻاݪ ری اوے ناں اوݙھی رے نیچاں راکھی، بتی ٻاݪ آݪھیے میں راکھی ائیے پگا کے گھر میں اُجاݪو ہوئے۔ ¹⁶۱۶۔ تھیں آپ رو اُجاݪو منکھاں رے خامے چمکاؤ،تاکہ تھارا بھلا اعمال جو را تھارے اوے ٻاپ ری بݙائی کرے جکو آکاش ماتھے ہے۔¹⁷۱۷۔اے نی خوچیا کہ ہوں سریعت(دھرم) آݨ سنتاں رے کتاباں ناں ختم کرݨ آیوہاں ہوں اوواں ناں ختم کونی اُوے ناں پورو کرݨ آیو ھاں۔ ¹⁸۱۸۔ ہوں تھاں ناں خیچی کہیں جیتی تک آکاش تے دھرتی تݪ نی جاوے سریعت (دھرم) رو ھیک وی نقطو آݨ شوشہ توریت خاں ٹݪ کونی خگتو، جیتری تک او پورونی ہوجاوے۔¹⁹۱۹۔ائیے پگا جو کوئی حکماں میں خاں کوئی وی گھٹ کرخے تے اییڑی پرچار کرخے آخر او ایشور ری راجائی میں نیچ کہلاخے، آݨ جکو ایشور آدیشاں (حکماں) ری پیرؤائی کرخے تے اوے ری پرچار کرخے او ایشور ری راجائی میں موٹو ہوخے۔ ²⁰۲۰۔ہوں تھاناں کہیں وہ کے جیتی تک تھاری بھلائی فریسیاں رے گرواں (علما) ری بھلائی خاں گݨھی نی ہوے اوتی تک آکاش ری راجائی میں کونی آخیگو²¹۲۱۔ تھیں سݨ چکا ہو کے پرانے وقت (ٹائم) میں کہیو گیوں ہے کہ تیھں قتل نی کرو جکو قتل کرخے او انصاف رے پگا عدلت کچاری میں جاخے۔ ²²۲۲۔ آݨ ہوں تھاناں کہیں او جو کوئی آپ رے بھائی خاں ریخایو ڑو ہے۔ او عدلت رے گٹھ میں ہوخے، آݨ جو کوئی آپ رے بھائی ناں کہے کے اے نکمومنکھ ہے او ہی عدلت میں ہوخے آݨ جکو آپ رے بھائی ناں بےوقوف سمجھے اونرگ رے باخݙھے رو مقرارہے۔²³۲۳۔ تو خجݪئیے تے بیخ بھاوی بدھاوے آݨ تنا یاد آوے کے مہارے بھائی ناں میں ریخایوڑو ہے ²⁴۲۴۔ اورے دل میں ڈوکھ ہے۔ تو آپ ری بھاوی خجݪیئے ناں اوتھے ہی چھوڑ ݙے آݨ پہلی جا آپ رے بھائی ناں مناہ پہلی صلاح کر پچھے آپ ری بھاوی بدھار²⁵۲۵۔ جکو ہی آپ رے الزام (ݙوھو) لگاوݨ آݪے ناں راضی کرے جݙے توں عدلت رے گٹھ میں جاوے تو مارگ میں ہی اوے ناں مناہ اے نی ہوئے کے او تنا نیات میں نیا گروکڈھے جاوے آݨ تنا نیات (عدلت) رے حوالے کرے نیات تنا ݙوھو لگا تنا قیدخانے میں ناکھے۔ ²⁶۲۶۔ہوں تھاناں سچی کہیں توں اوتھے خاں کڈے ہی ٻاہر کونی آخگو، جیتی تک توں اوے ری ٻاٹی پاݨی نی چک آوے۔²⁷۲۷۔ تھیں سݨ اوبھاہو کہیو گیو ہے زنا (بھوگ) نی کریا۔ ²⁸۲۸۔ہوں تھاناں کہیں وہ جکو کوئی پرائی ناری ناں برے خیال (حوس) خاں جوخے او آپ رے دل (من) میں برائی (بھوگ) کر چکوہے۔²⁹۲۹۔جے تھاری خاجھڑی آنکھ تھارے پگا تھوڑے رو زیرذہ وی تو تھیں اوے ناں آپ رے بدن خاں کاڈھ ناکھو تھارے پگا اے ٹھیک ہے کیناں کے تھارے بدن خاں ھیک ہی حیخوکاڈھہو جاوخے اے نی ہوئے کہ تھارو خارو بدن نرگ میں نی جاوے۔ ³⁰۳۰۔جے تھارو خاجیڑی ہاتھ خاتمے رو خبب بیݨرے تو اوے ناں آپ بدن خاں الگ کر ݙے کنیاں کے اے تھارے پگا بھلائی ہے تھارو بدن خاں او حیخو نیارو کرݙھینو جاوخے۔³¹۳۱۔ اے ہی کہیو گیوتو جکو آپ ری لوگائی (ناری) چھوڑے (طلاق) آݨ طلاقنامے کاگݙ لکھوݙے۔ ³²۳۲۔ پݨ ہوں تھاناں کہیں جکو کوئی آپ ری لوگائی (ناری) غیر مرد رے بھوگ (برائی) خاں خوا کئی ٻیجی وجہ خاں (طلاق) چھوڑخے تو او اوے خاں (برائی بھوگ) زنا کراخے، آݨ جکو اوے خاں باد میں بیاہ کرخے او وی اوے خاں زنا کریئی۔³³۳۳۔تھیں بار بار سݨ چکا ہو پراݨے ٹائم (وقت) میں اوواں خاں کہیو گیو تو کے تھیں کوڑو خانخ (دیج) نی ݙیا۔ ³⁴۳۴۔پݨ ہوں تھاناں کہیں وہ کےکوڑی دیج (خایخ) نی کھایا نی آکاش ری ، نی دھرتی ری، کنیاں کے اے ایشور رے ³⁵۳۵۔ پگ ری چوکی ہے نی یروشیلم ری کیناں کے او موٹے راجا رو شہر ہے۔³⁶۳۶۔ نی آپ رے شہر ری دیج (خایخ) ݙیا، کنیاں کے تھیں آپ رے ھیکے ٻاݪ ناں وی چیٹو یا کاݪو کونی کر خگتا۔ ³⁷۳۷۔ پر ھاں تھارے باتاں ہاں ری جگہ ہاں ناں ری جگہ ںاں ہووے ایے خاں ذیادو ہر بات برائی ہے۔³⁸۳۸۔تھیں سݨ چکا ہوکہیو گیو تو کے آنکھ رے بدلے آنکھ ݙانت رے بدلے ݙانت ۔ ³⁹۳۹۔ پݨ ہوں تھاناں کہیں کے برائی رے بدلے برائی نی کرو ایے بدلے جو کوئی تھاناں تھارے گال ماتھے چماٹ مارے تو تھیں ٻیجوڑو گال وی اورے آگھوکر ݙو۔⁴⁰۴۰۔جے کوئی تھاناں پنچایت (عدالت) میں لے جاوے آݨ تھارو (قیمض) چوݪو اتاوے تو چوݪو بھی ݙے ݙو۔ ⁴¹۴۱۔ جے کوئی تھاناں ھیک میل (کوخ) لے جاوݨ تے مجبور کرے تو اورے بھیݪوٻیے میل (کوخ) تک جاؤ۔ ⁴²۴۲۔ جکووی تیں خاں مانگیں اوے ناں ݙے ݙو آݨ جکو تیں خاں اودھار مانگے اوے خاں مانݙو نی موڑ۔⁴³۴۳۔ تھیں اے وی سݨ چکا ہو کے آپ رے پاڑے سری خاں پریم راکھو آݨ آپ رے دشمن نفرت۔ ⁴⁴۴۴۔پݨ ہوں تھاناں اے کہیں کے تھیں آپ رے دشمناں کاں پریم کرو آݨ اوے رے پگا پراتھنا کرو جکو تھاناں تے وی وے۔ ⁴⁵۴۵۔ تاکہ تھیں ٻاپ را ݙیکرا کہلاو جکو آکاش تے ہے کنیاں کے او آپ رو خورج بھلے آݨ برے تے برابر چمکاوی آݨ او نیا کرݨ آݪہ آݨ بے نیا ماتھے برابر مہیں (بارش) برخاوی۔⁴⁶۴۶۔ جے تھیں اواں خاں پریم کرای تو تھاناں کیڑو (دھرم) ہوخے(صلہ) کی چونگی (محصول)(ٹیکس) لیوݨ آݪہ وی تو اییاں کرای؟ ⁴⁷۴۷۔جے تھیں صرف آپ رے ہی بھائیاں خاں پریم کرای تو ٻیجاں خاں گݨھو کونی کرتا، اییاں تو غیر قوماں وی کرای۔ ⁴⁸۴۸۔ ایے خاروں تھاناں کامل ہووݨ چاہجے، جہاں تھارو آکاشی پتا کامل ھے۔

¹۱۔ خبردار آپ ری بھلائی را کام منکھاں ناں بتاؤݨ رے خاروں نی کرو، نی تو ائیے رو تھاناں ایشور ری طرف خاں جکو آکاش ماتھے ہے کوئی صلوکونی ملے۔ ²۲۔ اگر تھیں خرات کرو تو ڈھول باجا نی بجواؤ جاں ریا کار بھگتی گھراں میں آݨ گھٹیاں میں کرئں، کیانکہ منکھ اُوئاں ری تعریف کرے۔ ہوں تھاناں سچ کہیں کہ اُوئاں آپ رواجر لیو رو۔³۳۔پݨ جݙے توں خرات کرے جکو تاجو کھاٻڑی ہاتھ کرے تو خاجڑی ہاتھ ناں خٻرنی لاگے۔ ⁴۴۔ائیے خاروخرات لُک میں ݙنی جاوے پچھے تھاروایشور پتاجکو لُک میں ہے تھاناں جووئی پیو، اوہ تھاناں صلو ݙیخے۔⁵۵۔ آݨ جݙے تھیں دعا کرو تو ٻجے قوماں جیڑھا نی بݨو،کیانکہ او بھگتی گھراں میں آݨ گھٹیاں رے کنڈاں ماتھے ابھیج را دعا کرݨ پخند کرئی۔ کہ منکھ اُوئاں ناں جووے ہوں تھاناں خچی کہیں کہ اُوئاں آپرو اجر لیئو رو۔ ⁶۶۔ پݨ جݙے تھیں دعا کرو، تو آپری چھپری میں جاؤ، در بند کرو آݨ آپرے ٻاپ خاں دعا کرو جکو لُک میں ہے۔ پچھے تھارو ٻاپ جکو لُک میں جووئی پیو، تھاناں صلوݙیخے۔ ⁷۷۔ آݨ جݙے تھیں دعا تو غیر قوماں آݪی کار ہیکی بات ناں گھڑی گھڑی نی کہو۔ کیانکہ اُوئاں ری خوچ ہے کہ گھݨے ٻولݨ خاں اُوئاں ری خݨی جاخے۔⁸۸۔ائیے خاروں اُوئاں جیڑھا نی بݨو،کیانکہ تھارو ایشور پتا تھارے مانگݨ خاں پہلی جاݨی کہ تھاناں کہڑی کہڑی چیزاں ری ضرورت ہے۔ ⁹۹۔ائیے خاروں ایئاں دعا کی کرو، اے مھارا خورگی پتا تو جکو آکاش ماتھے ہے تاجو ناں پویتر مانیو(منیو) جاوے، ¹⁰۱۰۔تاجو راج آوے، تاجی مرجی جاں آکاش ماتھے پوری ہوئی،دھرتی ماتھے پوری ہوئے،¹¹۱۱۔مھاری روض ری باٹی آج مھاناں ݙے، ¹²۱۲۔ جاں مھیں آپرے قرض آݪاں ناں معاف کرئیں توں مھارا قرض مھاناں معاف کر، ¹³۱۳۔مھاناں آزمائش میں نی پڑݨ ݙے، پݨ برائی خاں بچا۔¹⁴۱۴۔ کیانکہ جاں تھیں آپرے قصور آݪاں ناں معاف کرخو۔ تو تھارو آکاشی پتا بھی تھاناں معاف کرخے۔ ¹⁵۱۵۔ پݨ اگر تھیں اُوئاں را قصور معاف نی کرخو تو تھارو آکاشی پتا تھارا قصور کونی معاف کرے۔¹⁶۱۶۔ ائیے خاں پچھے جݙے تھیں ورت راکھو تو ریاکاراں آݪی کار آپری خورت ناں اُداس نی بݨاؤ۔ کیانکہ او آپری خورت ناں بگاڑئی۔ کیانکہ منکھ اُوئاں ناں ورت راکھݨ آݪا جاݨے۔ ھوں تھاناں خچی کہیں کہ اُوئاں آپ رو اجر اتھے پا چکا۔ ¹⁷۱۷۔پݨ جݙے تھیں ورت راکھوتو آپرے ماتھے میں تیل مار آݨ مہانݙو دھوئو۔ ¹⁸۱۸۔ کیانکہ منکھ نی، پݨ تاجو پتا تنا لُک میں جووئی پیو، تنا صلو ݙیخے۔¹⁹۱۹۔ دھرتی ماتھے آپرو دھن بھیݪو نی کرو، جتھے کیڑا آݨ زنگ خراب کرئی آݨ جتھے چور چوری کر جاوی را۔ ²⁰۲۰۔ ائیے خارو آپ رو مال آکاش ماتھے بھیݪو کرو جتھے نی زنگ خراب کرے نی کیڑا کھاوے آݨ جتھے چوروی چوری کونی کر خگتو۔ ²¹۲۱۔ کیانکہ جتھے تاجو دھن ہے اُوتھے تاجو من وی لاگو ریخے۔²²۲۲۔ آنکھ بدن رو ݙیئو ہے ائیے رے خارو اگر تھاری آنکھ خہی ہے تو تھارو خارو بدن اجاݪے خاں بھریوڑو ہے ۔ ²³۲۳۔ پݨ تھاری آنکھ گندی ہے تو تھارو خارو بدن اندھارے خاں بھریوڑوہے۔ ائیے رے خارو جے اوجاݪونتھاں رے بھیتر ہے اصل میں اندھارو ہی ہے تو اُو اندھارو کیترو گھݨوہے۔ ²⁴۲۴۔ کوئی وی ٻہیاں مالکاں ری سیوا کونی کرخگتو۔ جاں او ہیکے خاں نفرت کرخے، آݨ ٻجے خاں پریم ، آݨ جاں تو اُوہیکے رے بھیݪوریہخے آݨ ٻجے خاں پاخو کرخے۔ تھیں دھن آݨ ایشور ٻہیاں ری سیوا کونی کر خگتا۔²⁵۲۵۔ ائیے رے خاروہوں تھاناں کہیں کہ آپ رے جیوݨ ری فکر نی کرو، کہ تھیں کی کھاخو یا کی پیخو، آݨ آپ رے بدن رے بارے میں کہ تھیں کی پہرخو۔ کیانکہ او کھادھے خاں ودھ کونی؟ آݨ بدن گابھاں خاں؟ ²⁶۲۶۔ہوا میں پکھیاں ناں جووہ! نی او باوئی نی باڈھی آݨ نی گودام میں بھیݪو کرئی۔ پݨ تھارو آکاشی پتا اُوئاں ناں کھادھو ݙئی۔ کی تھارو قدر اُوئاں خاں گھݨوں کونی؟²⁷۲۷۔ آݨ تھاں میں کُݨ آپری فکر خاں آپرے جیوݨ رو ہیک پل بدھا خگھی؟ ²⁸۲۸۔ آݨ تھیں آپ رے گابھاں رے خارو کیاں پریشان ہو؟ پھخلاں میں نرگس رے پھولاں رے بارے میں خوچو ۔ اوکِکربدھئی پیا۔ نی تو اوکام کرئی۔ آݨ نی اُو گابھا بݨاوَئی۔ ²⁹۲۹۔ پݨ ہوں تھاناں کہیں پیو کہ سلیمان باچھا آپری شان مان میں ائیاں جیڑآ گابھا کونی پہرتوہتو۔³⁰۳۰۔اگر ایشور پدھر رے گاھ ناں جکو آج ہے آݨ خوارے تندور میں خاڑیو جاخے۔ ایڑی پوخاگ پہراوئی۔ اے گھٹ وشواس آراں تھاناں کیاں کونی پہراوے۔ ³¹۳۱۔ کیانکہ پریشان ہُورا اے نی کہو، کہ مھیں کی کھاخاں؟ یا کی پی خاں؟ یا کی پہرخاں؟³²۳۲۔ کیانکہ ائیاں خارے چیزاں ری فکر میں غیر قوماں رہی۔ آݨ تھارو آکاشی پتا جاݨئی کہ تھاناں آئیاں خارے چیزاں ری ضرورت ہے۔ ³³۳۳۔ پݨ پہلی ایشور ری راجائی آݨ اُوے ری خچائی ناں لابھو، تو اے خارے چیزاں تھاناں ݙے جاخے ³⁴۳۴۔ائیے رے خارو، خوارے ری فکرنی کرو ۔ کیانکہ خوارے ری رو ݙینھں آپ ری فکر آپ کرخے۔ ہر ݙہنھں رے خارو اُوے رو آپرو فکر گھݨو ہے۔

¹۱۔ عیب جوئی نی کرو کیانکہ تھاری بھی عیب جوئی کونی کی جاوے۔ ²۲۔ کیانکہ جاں تھیں عیب جوئی کرئی، ائیاں تھاری وی عیب جوئی کی جاخے۔ آݨ جکے ٹھہاں خاں تھیں بھرخو اُوے ٹھہاں خاں تھارے خاروں بھریو جاخے۔³۳۔تھیں آپرے بھائی ری آنکھ میں پیوڑے لکِھ نا جووئی، پݨ تھیں آپری آنکھ میں پیوڑے پنجر تے غور کونی کرتا؟ ⁴۴۔ تھاں آپرے بھائی کنکݨ کہے خگے، آ ہوں تاجی آنکھ میں پیوڑے ککِھ ناں کاڈھاں۔ جݙےتھاری آپری آنکھ میں پنجر پیو ہے۔ ⁵۵۔اے ریاکار، پہلی آپری آنکھ خاں پنجر کاڈھ، پچھے توں اُوے ناں جکو تاجے بھائی رے آنکھ میں ہے کاڈھ خگھیخ۔⁶6۔ پویتر چیز(شے) (بخت) کتاں ناں متے (نی) ݙؤ۔ آݨ آپرا موتی خویراں رے اِگ میں نی ناکھو، آݨ نی تو وہ اُواں رے پگا رے ہیٹا لتاڑے پچھے مُٹرتے اُو تھاں ناں پھاڑ تے ٹوٹا ٹوٹا کرخے را،⁷۷۔ مانگو تو تھاناں ݙھنو جاخے ، جوخو تو لابھخے، کھڑکھاخو، تو تھارے خاروں کھولیو جاخے۔ ⁸۸۔ کیانکہ ہر ہیک جکو مانگخے، اوے ناں جڑی ، اُو جکو لابھئی، اُوے ناں ملی آݨ جکو کوئی کھڑکاوی، اُوے رے خاروں کھولیو جاخے۔ ⁹۹۔ کی تھاں میں خاں اھیڑو کوئی منکھ ہے کہ اُوے رو ݙیکرو پاݨی مانگے تو او اُوے ناں پھتر ݙے۔؟ ¹⁰۱۰۔ آݨ جݙے اُو مچھی مانگے تو اُوے ناں لنڈ (باخینگ) ݙے؟¹¹۱۱۔ ائیے خاروں کہ تھیں جکو کہ بُرا ہو تے آپری اولاد ناں بھلے چیزاں ݙوݨ جاݨیں، ائیے رے خاروں تھارو آکاشی پتا اُوے ناں بھلے چیزاں ݙیخے، جکو اُوے خاں مانگخے؟ ¹²۱۲۔ ائیے رے خاروں جکو باتاں تھیں پہاوی کہ لوک (ماݨیخ ) تھاں خاں کرئے، تھیں وی اُواں خاں اُواں ہی کرو، کیانکہ توریت آݨ سنت ری یہی تعلیم (سبق ہے ۔¹³۱۳۔خوڑے در خاں بڑو کیانکہ اُوہی کھولو در ہے۔ آݨ کھولو مارگ جکو تباہی (بربادی)موت رے پاخے لے جاوی۔ گݨناں اہڑا منکھ ہے جکو ائیے مارگ میں جاوی۔ ¹⁴۱۴۔ پݨ خوڑو در آݨ ݙکھیو مارگ جکو خرگاپُور میں جاوی۔ تمام گٹ منکھ ہے جکو اُوے ناں جو لابھئی۔¹⁵۱۵۔اُوے کوڑے سنتاں خاں ہوشیار رہو، اُواں خاں جکو رڈھاں رے لباس (روپ) میں تھاں کوڈھی آوی، پݨ اُو اصل میں پھاڑ کھاؤݨ آرا نہار ہے۔ ¹⁶۱۶۔ تھیں اُواں رے پھݪ خاں اُواں نا اُوݪکھ خورا۔ کی منکھ پھٹ ککریاں خاں انگور آݨ کنڈیراں خاں انجیر پٹئی؟ ¹⁷۱۷۔ اِئیاں، ہیک بھلو بݨ بھلو پھݪ ݙئی۔ پݨ بُرو بݨ بُرو پھݪ ݙئی۔¹⁸۱۸۔ ہیک بھلو بݨ بُرو پھݪ کونی ݙے خگتو، آݨ بُرو بݨ بھلو پھݪ کونی ݙے خگتو۔ ¹⁹۱۹۔ ہربݨ جکو بھلو پھݪ کونی ݙیتو اُو باڈھیو کاوی آݨ باخݙے میں خاڑیو جاوی۔ ²⁰۲۰۔تو پچھے تھیں اُواں ناں اُواں رے لچھݨاں خاں اُوݪکھ خو۔²¹۲۱۔ اُو خارا منکھ جکو مناں ایشور ایشور کہی اُواں میں خارا ایشور ری راجائی میں کونی جاوے پݨ صرف اُو جاوخے جکو مانجے ٻاپ ری مرضی تے بہوی اُو جکو آکاش تے ہے۔ ²²۲۲۔ اُوے ݙینھں گھݨاں منکھ مناں اے ایشور اے ایشور کہخے۔ کی مھاں تاجے ناں ری گواہی کونی ݙنی؟ آݨ تاجے ناں خاں بھوتاں ںاں کونی کاڈھیا؟ آݨ تاجے ناں خاں موٹا موٹا کام کونی کریا؟ ²³۲۳۔ آݨ پچھے ہوں اوئاں ناں خاراں رے خامھو کہیخ کہ ہوں تھاناں کݙے بھیکونی اوݪکھتو۔ اے بُراں میں الگ ہو جاؤرا۔²⁴۲۴۔ ائیے رے خاروں جکو مانجے باتاں خݨئی آݨ اُوے تے عمل کرئی او اُوے خیاݨے منکھ آری کار ہوخے جکے آپروگھر پھترتے ٹھاہوئی۔ ²⁵۲۵۔میھ بوخیو، طوفان آیا، جانکھے آئے آݨ اُوے گھرخاں لاگے( ٹکریے) پݨ اُو گھر نی کھریا۔ کیانکہ اُو پھتر ماتھے بݨیوگیوتو۔²⁶۲۶۔ پݨ جکو مانجے باتاں خݨئی آݨ اُوے تے عمل کونی کرتو اُو اُوے بے عقل (بےسمجھ) منکھ آݪی کار ہے جکو آپرا گھر بیݪو تے ٹھاہوی۔ ²⁷۲۷۔میھ برخیو، طوفان آیا، جانکے آئے آݨ اُوے گھرخاں لاگے آݨ اُو کھریو، آݨ برباد ہوگیو۔²⁸۲۸۔ائیاں ہوئو جݙے یسوع آپری تعلیم ݙیؤݨ بند کی تو سارا منکھ اُوے رے باتاں خاں حیران ہتا۔ ²⁹۲۹۔ کیانکہ اُو اُواں ناں فقیہاں آݪی کار نی پرا اختیار راکھݨ آݪے آری کار تعلیم ݙیتو ہتو۔

¹۱۔ جݙے یسوع پہاڑ(ٹکر) خاں اُتریو، موٹو ماݨخاں رو ٹوݪواُویرے لاریوں ھتو۔ ²۲۔ آݨ جوؤ ہیک کوڑھی آیو یسوع رے اگیا جُھک (نوگڑیو) آݨ کہیو، مالک جیکݙے توں چاہویں تو مناں آچھو کرخگھیں۔ ³۳۔ یسوع مسیح ہاتھ بدھا رو اُوے ناں ہاتھ لگایو آݨ کہیو،ً ھوں چاہویں ، کہ توں بھلاں تھی جا، جلدی ہی (بیگوہی) اُوآپرے کوڑھ خاں اچھوتھی گیو۔⁴4۔ یسوع اُوے ناں کہیو،ً ائیے رے بارے میں کہی ماݨخ ناں نی کہئے۔ آپرو مارگ جھال آݨ آپرے آپ ناں بھگت (سنت) ناں جواݪ آݨ چہڑاوا چہڑا جاں کہ موسی' سنت حُکم ݙنھوہے ائیے رے خاروں کے اُواں رے خاروں شاہدی ھوئے۔⁵۵۔جݙے یسوع کفرنحوم میں بیݪو تو ہیک خوبیدار اُوے کوڈھیاں آیو۔ ⁶۶۔مالک مانجو نوکر فالج رو ماریو ڑیوگھر میں خوتو پیو ہے ݙاڈھی ݙوکھن میں ہے۔ ⁷۷۔ یسوع اُوے ناں کہیو، ھوں آئیخ آݨ اُوئے ناں بھلاں کریئخ۔⁸۸۔ خوبیدار جواب ݙنھو آݨ کہیو،ً مالک ھوں ائیے لائق کونی کہ تو مانجے گھر ری چھت رے ھہٹھیاں آویں۔ چھڑو کہہ ہی ݙی، تو بھی مانجو نوکر بھلاں تھی خے رو۔ ⁹۹۔ کیاں کے ھوں ہی اختیاررے ھٹیھیاں ھاں۔ آݨ خپائی بھی مانجے ھیٹھیاں ھے۔ ھوں اُواں میں ہیکے ناں ہی کہاں کہ جا، تو اُو جاویرو، آݨ ٻجے ناں کہاں کہ آ تو اُوآوی رو، آݨ ھوں آپ رے نوکر خاں کہاں ائیاں کر تو کرئی رو۔ ¹⁰۱۰۔جݙے یسوع ائیے خوݨیو تو اُو ݙاڈھو حیران تھیو، آݨ جکواُورے لاروں آتا تا اُواں ناں کہیو،ً ھوں تھاناں خچی کہیں کے میں اسرائیل میں اھیݪو وسواش کتھے کونی ݙٹھو،(جویو)¹¹۱۱۔ ھوں تھاناں کہیں گھݨاں اوگھݨ آݨ آتھوݨ خاں آخے آݨ ایشور ری راجائی میں ابراہام،اضحاق آݨ یقعوب رے بھیݪا بچݪخے۔ ¹²۱۲۔ پر راجائی را ݙکرا گُگھ اندھارے میں ناکھیا جاخے جتھے روؤݨ آݨ ݙانتا رو پیخݨ ھوخے۔ ¹³۱۳۔یسوع خوبیدار خاں کہیو،ً ہمیں جا، جہڑو تاجو وسواش ھے اُواں ہی تاجے خاروں ویے۔ آݨ اُوے رو نوکراُوہی گھڑی بیماری خاں چھوٹ کارو پا گیو۔¹⁴۱۴۔جݙے یسوع پطرس رے گھر میں آیو، تو اُوے پطرس ری خاخو ناں ًتاٍ میں (بخار) پیوݪی جوئی۔ ¹⁵۱۵۔ یسوع اُورے ہاتھ ناں ہاتھ لگایو آݨ اُوے رو ًتاٍ جاتو رہیو۔¹⁶۱۶۔ جݙے آتھݨ (شام) تھی تو ماݨخ گھݨاں بھونتاں آݪاں ماݨخاں ناں یسوع کوڈھیاں لایا، اُوے ہیکے ہی شٻدھ خاں آتماواں ناں ( بھونتاں) کاڈ بھجایا، آݨ خاراں ماݨخاں ناں جکو بیمار ھتا بھلاں کریا۔ ¹⁷۱۷۔ ایئی خاروں اُو خاراں کجھ پورو تھیو جکو یسعیاہ سنت ری طرف خاں کہیو گیو ھتو،ً کہ اُوے آپ مھاری بیماری آݨ ݙوکھاں ناںآپ رے ماتھےلے لھنا۔¹⁸۱۸۔جݙے یسوع ماݨخاں رے ٹوݪےناں آپرے ٻاہریوں جویا تو گلیل رے خمندر رے ٻجوڑے کندھے رے پار جاؤݨ رو کہیو۔ ¹⁹۱۹۔ پچھے ہیک فقیہ اُوے کوڈھیا آیو آݨ کہیو،ً اے استاد جتھے بھی جائخ ھوں تاجے لاروں جائخ (بہیخ)۔ تاجے باتاں ناں منئخ۔ ²⁰۲۰۔ یسوع اُوے خاں کہیو۔ لونکڑیاں رے تو کھݙاں وئی، آݨ آکاشی پکھیاں را تو ڄاݪیا، پر (ابن آدم) ایشور رے ݙیکرے رے خاروں تو ماتھو لُکاؤݨ ری جگہ کونی۔²¹۲۱۔ہیکے ٻجے چیلے اُوے ناں کہیو، مالک مناں موکل ݙی، کہ پہلی ھوں آپرے ٻاپ ناں ٻورآؤں۔ ²²۲۲۔پر یسوع اُوے ناں کہیو، مانجے لاروں آ آݨ موؤڑاں ناں اُواں را آپرا موؤڑا ٻورݨ ݙیو۔²³۲۳۔جݙے یسوع ہیکی ٻیݪی میں چڑھیو، تو اُوے را چیلاں بھی اُوے رے لاریوں ٻیڑی میں چڑھیا۔ ²⁴۲۴۔ آݨ جوؤ سمندر میں ہیک ݙاڈھی جانکھ آئی آݨ چھولیاں ٻیڑی ناں بݪا لھنو، پریسوع خوتو پیو تو۔ ²⁵۲۵۔ چیلاں اُوے رے کوڈھیا آرا اُوے ناں اٹھاݨیو آݨ کہیو، اے مالک مھاناں بچا مھیں مریا جاویں!²⁶۲۶۔یسوع اُواں ناں کہیو، تھیں کیاں ٻہی؟ اے تھوڑے بھروخے آݪاں؟ پچھے اُواٹھیو جانکھ ناں دیݪکو ݙھنوآݨ جانکھ رُکی ری، ²⁷۲۷۔اے ماݨئخ ݙاڈھا حران تھیا آݨ کہیݨ لاگا،ً اے کہݪے قیخم رو ماݨخ ھے۔ کہ بیئرو آݨ سمندر بھی ائیے رو حُکم منئ۔²⁸۲۸۔ جݙے یسوع (اُوے پار)ٻجے پاخے گدرِؔینِیاں رے ملک میں آیو تو آ ماݨخجکو بھونتاں رے قبضے میں ھتا اُوے ناں ملیا،(خہیٹیا) اُو قبراں خاں باہر آتا پیا آݨ ݙاڈھا ٻہیاݪݨ آݪا آݨ نقصان کرݨ آݪا ھتا آݨ ائیے رے خاروں کوئی بھی مارگ اوتھ خاں کونی ٹرپ تو ھتو۔ ²⁹۲۹۔ آݨ جوؤ کہ اُو ݙاڈھے زور خاں چیخاں کرݨ لاگا، آݨ کہݨ لاگا اے ایشور را ݙیکرا مھاور تیں خاں کی واختو، کی توں مھاناں مقرر کریوڑے وقت خاں پہلی ݙکھاؤݨ آیو ہے³⁰۳۰۔آݨ اُتھے خوہراں رو ہیک دھݨ چرتو پیوجکو اُواں خاں گھݨو پروکونی ھتو۔ ³¹۳۱۔آݨ بھونت یسوع خاں منت کرݨ لاگا آݨ کہݨ لاگا جیکݙھں توں مھاںاں کاڈھیخ تو مھاناں ائیاں خوہراں رے دھݨ جاؤݨ ݙے۔ (گھات را) ³²۳۲۔ یسوع اُواں ناں کہیو، جاؤ ! نخر جاؤ،ً اُو بھونت خوہراں میں گیا آݨ جوؤ خارا دھݨ خودھا پہاڑ خاں بھج را سمندر میں کھریا آݨ پاݨی میں ٻُݙ گیا³³۳۳۔ اُو ماݨخ جکو خوہر چراتا ھتا بھج گیا۔ آݨ جݙے اُو شہر میں گیا تو اُواں خارو کجھ ݙخل چھوڑیو۔ خاص کر اُواں ماݨخاں رے بارے میں جکو بھونتاں رے ھاتھاں میں ھتا۔ ³⁴۳۴۔ آݨ جوؤخارو شہر یسوع ناں خیݨݨ رے خاروں آ نخریو۔ جݙے اُواں اُوے ناں جویو توً اویری منت کرئی کہ اُو اُواں رے علاقے خاں جاوے رو۔

¹۱۔پھربھو یسوع ٻیڑی میں ٻخ رو ڈھنڈ پار کر ری آپرے شہر میں آیو۔ ²۲۔ آݨ جوؤ اُو ہیک لولہے پانگڑے ناں ماچے تے کھݨ رو پربھو یسوع کوڈھی لایا پربھو یسوع اُواں رو بخواخ جو رو کہیو ݙکرا خوشی منا کیانکہ تاجا پاپ معاف ہویا۔³۳۔ جوؤ کئنک فقہیاں ہیک ٻیجے خاں کہݨ لاگاً، اے منکھ جکھ ماری ⁴۴۔پربھویسوع اُواں رے خیالات (سوچ) جاݨ را، آݨ کہیو تھیں آپ رے من میں گندی خوچ کیاں خوچی پیا؟ ⁵۵۔خانجو کی ہے اے کاہݨ کے تانجا پاپ معاف ہوا۔ ےا اے کاہݨ کہ اوٹھی بہے پھیر؟ ⁶۶۔ پݨ اے رے خاروں کہ تھیں اُوݪکھ خگو کہ پربھو یسوع کوڈھی دھرتی تے منکھاں را پاپ معاف کرݨ رو حق ہے۔ پربھو یسوع لولہل پانگڑے ناں کہیو، اُوٹھی آپ رو ماچو کھݨ آپ رے گھرے جا۔⁷۷۔پچھے اُو منکھ اُوٹھی رو آپ رے گھرے گیو۔ ⁸۸۔جݙے عوام اے جویو روݨ گوݨ میں پیا، آݨ ایشور ری ٻݙئی کی۔ جکے منکھاں ناں اہڑو حق ݙھنو ہے ۔ ⁹۹۔ جیکر ہی پربھویسوع اُوتھوں لگھیو تو اُوے ہیک منکھ جویو جکے رو ناں متی سنت ہتو، جکو چونگی تے ٻٹھو ہتو، پربھو یسوع اُوے ناں کہیو، کہ مانجے لارے ٻہے متی سنت اُوتھی رو پربھو یسوع رے لارے بہݨ لاگو۔¹⁰۱۰۔جیکر پربھو یسوع ٻاٹی کھاؤݨ رے کرے گھر میں بڑیو تو جوؤ گھݨا خارا چونگی لیوݨ آرا آݨ منکھ بھی پربھویسوع آݨ اُوے رے چیلاں رے بھیڑا ٻاٹی کھاؤݨ رے خاروں آیا۔ ¹¹۱۱۔ جݙے فریسیاں جویو تو پربھویسوع رے چیلاں خاں کہیو،تھارو استاد چونگی لیؤݨ آراں آݨ پاپیاں بھیڑو کیاں کھاوی؟¹²۱۲۔جݙے پربھو یسوع اے خݨیو تو اُوے کہیو، جکو منکھ خاجا خورا ہے اُواں ناں حُکم ری لوڑ کونی۔ صرف اُواں ناں جکو بیمار ہے۔ ¹³۱۳۔تھاناں کھپئی کہ جارا ایے رو مطلب خیکھو، کہ مناں کرپا بھلی لاگی نی کہ چڑاوا، کیانکہ ہوں بخواخیاں ناں توٻہاں کراوݨ کونی آیو۔ پݨ پاپیاں رے خاروں آیو ھاں۔¹⁴۱۴۔ پچھے یوحنا را چیلا پربھو یسوع کوڈھی آیا آݨ کہیو، کہ مھیں آݨ فریسی خدا ئیں اکاخݨو راکھں پر تاجا چیلا اکاخݨو کونی راکھتا؟ ¹⁵۱۵۔ پربھو یسوع اُواں ناں کہیو، جتئ تئیں بِیݙ جان میں ہے جان ناں دلگیر ہووݨ ری لوڑ کونی۔ پراُو ݙنھی آخے جݙے بِینݙ جانیاں خاں پرو کیو جاخے،اُوےݙنھی اُو گھڑی اُو ورت راخے۔¹⁶16 پݨ کوئی بھی منکھ نوئیں گابھے ناں پراݨے گابھے ری کاری کونی لگا تو، کیانکہ اُو پیوند لگاؤݨ خاں کھیچج رو پراݨو گابھو بیگو پھاٹخے رو،¹⁷17 آݨ نی ہی منکھ نیوئی مے پراݨے مٹیاں میں گاتئیں جیکݙے اُو ایئیاں کرئی تو پراݨے مٹٖے پھاٹئی رے آݨ مے ڈھڑئی ری، اے رے کرے نوی مے نوئے مٹیاں میں بھرئ،ً تو مے آݨ مٹے ٻہنے بیچیے رہے،(خلامت ریخے¹⁸۱۸۔ جݙے پربھو یسوع اے باتاں کہے ریو ہتو تو ہیک بݙرو آیو آݨ پربھو یسوع رے اگیا نوڑو(جھک)رو کہیو،کہ مانجی ݙکری انجاں ہیݨاں موئی ہے، تو حال رو اُوے تے ہاتھ راکھ تو اُو جیوتی ہوخے ری، ¹⁹۱۹۔ پچھے پربھو یسوع آپ رے چیلاں خمیت اُٹھی رو اُوے بݙیرے بھیڑو بہیو۔²⁰۲۰۔ جوؤ ہیک لُوگائی جکے ناں ٻارا برخاں خاں لوہی بہتو ہتو، یسوع رے لارے آ ری اُوے ری پوخاگ رو پلو چُھؤیو، ²¹۲۱۔کیانکہ اُو آپ رے جی کہتی پیی کہ جے صرف اُوے ری پوخاگ ہی ہوں چُھؤخ ری تو بھی ہوں ٹہیک ہویخری۔ ²²۲۲۔ پربھویسوع پھر رو اُوے ناں جویوآݨ کہیو، ݙکری حوصلو راکھ، تاجے ایمان ہی تناں بھلاں کر ݙھنی۔ بس اُو لُوگائی اُوے گھڑی بھلاں تھی گیی۔²³۲۳۔ جݙےپربھو یسوع بݙیرے رے گھرے پگو تو اُوے رے گھر آراں رو رؤݨ جویو۔ ²⁴۲۴۔ تو اُوے کہیو ہیٹ جاؤ رو نی کیانکہ چھوکری مؤی کونی بلکہ خوتی پیئ ہے، تو اُو پربھو یسوع تے گجر کرݨ آݨ ہخݨ لاگا۔²⁵۲۵۔ جݙے عوام نہ ٻاہر کاڈھی آݨ آپ گھرمیں بیݪ گیو، آݨ اُوے تے ہاتھ راکھیو تو چھوکری اُٹھی ابھیجی۔ ²⁶۲۶۔ایئے پرچے ری خٻر اُوے خارے علاقے میں گھݨی خنڈ گی۔²⁷۲۷۔ جݙے پربھو یسوع اُوتھ خاں ٹپیو تو ٻے اندھا منکھ پربھو یسوع رےلارے ہیلا کرتا آݨ رڑے کرتا ہویا اے پربھویسوع مھاں تے کرپا کر۔ ²⁸۲۸۔جݙے پربھسوع گھر میں آیو تو ٻے اندھا منکھ پربھو یسوع کوڈھی آیا۔ پربھو یسوع اندھا ناں کہیو، کی تھیں بخواخ راکھئی کہ ہوں ایئیاں کر خگئیں؟ً اندھا بڑتی ݙھنی " ہاں " ایشور"²⁹۲۹۔ پچھے پربھویسوع اندھا رے آنکھیاں تے ہاتھ راکھ کہیو، تھارے بخواخ ری وجہ خاں تھارے کرے ہوؤےً۔ ³⁰۳۰۔آݨ اُواں رے آنکھیں کُھل گیئے۔ پربھویسوع اُواں ناں کہیو، ایے پرچے ری باتاں کہیئں ناں نی کریا۔ ³¹۳۱۔ جݙے اُوٻہیں ٻاہر گیا آݨ ائیے پرچے ری خٻر خارے علاقے میں کھنڈا چھوڑی۔³²۳۲۔ جیکر ہی اُو ٻہیں منکھ جاتا ؤا جوؤ ہیک گونگو منکھ جکے میں بھونت ہتا پربھویسوع کوڈھی لایا۔ ³³۳۳۔جݙے پربھویسوع اُوے منکھ را بھونت کاڈھیا تو اُو گونگو منکھ ٻولݨ لاگو، عوام ائیے پرچے ناں جورو آݨ گُݨ میں پڑگیا، آݨ کہیݨ لاگا، کہ اٰیڑو مہاں اسرائیل میں پہلی کونی جویو۔ ³⁴۳۴۔ پݨ فریسی اے کہیݨ لاگا، کہ بھونتاں رے بݙٰرے ری مدد خاں اُو بھونت کاڈھئی۔³⁵۳۵۔ پربھو یسوع گھݨے شہراں آݨ گاؤاں میں گیو۔ پربھویسوع اُواں رے بھگتی آری جگہ میں بھگتی کراؤݨ لاگو، آݨ آکاش ری بادشاہی ری پرچار کرݨ لاگو، آݨ ہربیماری خاں خاجا کرݨ لاگو۔ ³⁶۳۶۔ پربھویسوع عوام ناں جو ری، اُوے ناں ترس آیو کیانکہ پربھویسوع اُواں ناں ݙکھ میں بے دل کونی جو خگتو ہتو۔ آݨ اُوائیاں ہتا جیکر دھنار خاں بغیر رڈھاں ۔³⁷۳۷۔ پربھویسوع آپرے چیلاں ناں کہیو،کہ فصل گھݨی ہے پر مزدور تھوڑا ہے۔ ³⁸۳۸۔ائیے رے کرے فصل رے مالک خاں پراتھنا کرو کہ اُو مزدور بہیر کرے۔

¹1۔ پربھو یسوع آپ رے ٻارھاں چیلاں ناں ھیلو کریو آݨ اُواں ناں بھونتاں آݨ خارے بیماریاں آݨ مرضاں تے اختیار ݙنہو کہ اُواں ناں کاڈھے۔²۲۔ اُواں ٻارھاں چیلاں را ناں اے ہے شعمون(جکے ناں اُو پطرس وی کہوتو) آݨ اندریاس،زبدی رو ݙیکرو، یعقوب آݨ اُوے رو بھائی یوحنا، ³۳۔فلیس آݨ برتلمائی، توما آݨ متی چونگی لیؤݨ آݪو۔ ⁴۴۔حلفی رو ݙیکرو یعقوب آݨ تدی، شمعون کنانی آݨ یہودہ اسکریوتی، جکے اُوے ناں جھلوایو ھتو۔⁵۵۔ اُواں ٻارھاں ناں پربھویسوع بہیرکریا۔ اُوے اُواں ناں خمجھا رو کہیو! کہ ایڑی جگہ نی جایا جتھے غیرقوماں آݨ خامریاں رے کہی پاڑے میں نی ٻڑیا۔ ⁶۶۔ائیاں خاں ٹاݪ اسرائیل رے گمیجوݪے بھڈاں کوڈھی جایا۔ ⁷۷۔ جݙے تھیں جاؤ تو اے پرچارکریا کہ آکاش ری راجائی نیݪی ہے۔⁸۸۔ بیماراں ناں بلاں کریا، مؤڑاں ناں جیوتا کریا، کوڑھیاں ناں کوڑھ خاں آچھا کریا، آݨ بھونتاں ناں کاڈھیا، تھاں موکھت میں لی ہے مومکھت میں ݙیئا۔ ⁹۹۔آپرے تھیلاں میں خونو، چاندی یا پتݪ نی لے جایا۔ ¹⁰۱۰۔ آپرے سفر رے خاروں خامان نی لے جایا، نی گابھا،جتّی یا ݙنڈی، کیانکہ مزدورآپری ٻاٹی رو حقدار ہے۔¹¹۱۱۔ جکے شہر یا پاڑے میں جاؤ تو جویا کہ کݨ قابل ہے جتی تک پاچھا نی جاؤ تھیں اتھے رہیا۔ ¹²۱۲۔جݙے تھیں گھر میں بڑو تو (سلامتی) خیرخیریت (ری دعا) مانگو۔ ¹³۱۳۔ جے گھرائیے لائق ہے تو تھاری خیرخیریت اُواں تے ھوئے، جے اُوے لائق کونی توتھاری خیرخیریت پاچھی تھاں نی آوخے ری۔¹⁴۱۴۔آݨ جکو تھاناں قبول کونی کرتا، آݨ تھارے شٻدھ ناں کونی خݨتا تو اُوے گھر یا شہر خاں ٻاہرنخرݨ ری گھڑی آپرے پگاں ری مٹی چھنٹکیا ری۔ ¹⁵۱۵۔ ھوں تھاں خاں کہ عدالت رے ڈھن اُوے شہر آݪی کرسُوؔدم آݨ عمُوؔرہ رے علاقے رے حال خاں گھݨوبے کابھو ھوخے۔¹⁶۱۶۔ جوؤ ھوں تھاناں رڈھاں ناں نہاراں میں بہیر کرئی وہ۔ پر تھیں لُنڈ (سانپ) آݪی کر ہوشیار آݨ کبوتر آݪی کر بھݪا(بے آزار) بݨو۔ ¹⁷۱۷۔منکھں تے نظر راکھو، اُو تھاناں عدالتاں میں لے جاخے آݨ بھگتی گھرمیں کوڑا مارخے۔ ¹⁸۱۸۔ آݨ تھیں مانجی خاطرراجاواں آݨ نیات (صدرعدالت) کوڈھی لایا جاخو تاکہ اُواں رے آݨ ٻجے قوماں رے خاروں گواہی ہووئے۔¹⁹۱۹۔ پݨ جݙے اُو تھاناں جھلواوے تو گھٻرایا نی کہ ککر آݨ کی ٻولخاں، جکو کہیوݨوھے اُوے گھڑی کہیوجاخے۔ ²⁰۲۰۔ اے تھیں ٻولݨ آݪا کونی ہووہ، پݨ تھاں میں اے آکاشی پتا رو روح تھاں میں ٻولخے۔²¹۲۱۔ بھائی بھائی ناں مراؤݨ رے خاروں ٻندھاخے، آݨ ٻاپ آپ رے ݙیکرے ناں۔ اولاد آپ رے ٻاپ رے خلاف ہوخے آݨ اُواں ری موت رو خبب بݨخے۔ ²²۲۲۔پر کوئی مانجے ناں خاں تھاں خاں نفرت کرخے پݨ جکو یہ ناں آکھر تک خہخے بچایو جاخے۔ ²³۲۳۔ جݙے اُوتھاناں ائیے شہر میں تنگ کرے تو ٻجے میں جایا، ھوں تھاناں خچ کہیں کہ اسرائیل رے خارے شہراں میں کونی جاؤ تے، (ابن آدم) منکھ جایو آخے رو۔²⁴۲۴۔ چیلو آپ رے گرو خاں موٹو کونی، نوکر آپ رے مالک خاں۔ ²⁵۲۵۔ چیلے رے خاروں کہیوڑو ھے اُو آپرے گرو آݪی کر ہوئے، آݨ نوکر آپ رے مالک آݪی کر بݨے۔ جݙے اُواں گھر رے دھݨی(مالک) بعلزٻول کہیو تو گھر رے ٻیجا منکھاں ناں یہ خاں گھݨو کیاں کونی۔²⁶۲۶۔ائیے خاروں ائیاں خاں نی گھٻرایا، کیانکہ ایڑو کوئی کونی جکو لکیؤݪو ݙخیجے نی،آݨ کوئی کونی جکو لکیوݪوھے پر اُوݪکھیو نی جاوے۔ ²⁷۲۷۔ جکوھوں تھاناں اندھارے میں کہیں ، تھیں اُو اجاݪے ݙخلو، آݨ تھیں آپ رے کاناں میں ہوݪیا خاں خوݨیی گھراں ری چھت تے پرچار کرو۔²⁸۲۸۔ اُواں خاں نی ٻہیوجکو جسم ناں ماری اُو یہ قابل کونی کے آتما ناں مارے، ائے خارواُوے خاں ٻہیو جکو جسم آݨ آتما ٻہیاں2 ناں مار خگئی (ختم کر خگئی) ²⁹۲۹۔کی ٻے چڑکے ٹکّے رے کونی بکتے؟ پݨ اُواں میں خاں ہیک وی پتا ری مرضی خاں ٹاݪ دھرتی تے کونی کھرے۔ ³⁰۳۰۔ اتری تک کے تھارے ماتھے را باݪ بھی گݨیوڑا ھے۔ ³¹۳۱۔ تھاری قدر توگھݨے چڑکیاں خاں گھݨی (زیادہ) ھے۔³²۳۲۔ ائیے رے خاروں جکو منکھاں رے آگی مانجو اقرار کرئی ھوں وی اُوے رو پتا رے آگی مانجواقرار کریخ جکو آکاش (آسمان) میں ھے۔ ³³۳۳۔پݨ جکو منکھں رے خامھومانجو انکار کرئی ھوں وی پتا رے آگی اُوے رو انکار کریخ جکو آکاش تے ھے۔³⁴۳۴۔ اے نی خچو کہ ھوں دھرتی تے شانتی کرݨ آیوھاں پݨ تلوار چلاؤݨ رے خاروں۔ ³⁵۳۵۔ ھوں منکھاں ناں اُوے رے پتا خاں آݨ ݙیکری ناں ماں رے خلاف آݨ بوہاری ناں اُوے ری خاخو رے خلاف کرݨ آیوھاں۔ ³⁶۳۶۔ منکھاں را دخمݨ اُوے رے گھر آݪا ھوخے۔³⁷۳۷۔ جکو آپ رے مات پتا خاں گھݨو پریم کرئی اُو ماجو کونی آݨ جکو ݙیکرے آݨ ݙیکری خاں گھݨو پریم کرئی اُو ماجو کونی۔ ³⁸۳۸۔آں جکو آپرا ݙکھ (صلیب) اُکھݨ مانجے لارے کونی آوتو اُو ماجو کونی۔ ³⁹۳۹۔ جکو جیؤݨ چاوہی اُو آپ ری جاں گماخے پݨ جکو مانجے خاروں آپ رو جیؤݨ ݙئی اُو آپ رو جیؤݨ پاخے۔⁴⁰۴۰۔ جکو تھاناں منئی اُو مناں منئی آݨ جکو منا منئی اُو مانجے بہیر کرݨ آݪے ناں منئی۔ ⁴¹۴۱۔ جکو سنت(نبی) ناں منئی ائیہے رے خاروں کہ اُو سنت ھے، تے اُو سنت رو پھݪ (اجر) پاخے، جکو خچے منکھ ناں منئی کیانکہ اُو خچو ہے تو اُو خچے منکھ رو پھݪ پاخے⁴²42 آݨ جکو ائیاں چھوٹا میں خاں کہی ناں چیلو خمجھ ہیک گلاخ پاݨی پیاݪخے ھوں تھاناں خچی کہیں کہ اُو آپ رو پھݪ کونی گماوئے۔

¹۱۔ تے ائیاں تھیو کہ جݙے پربھویسوع آپ رے ٻاراں چیلاں ناں خمجھا چیکو۔ پچھے اُو اتھ خاں ٻجے شہراں میں بھگتی ری پرچار کرݨ رے خروں بہو۔ ²۲۔ھہڑآں یوحنا جݙے قید کانے میں مسیح رے پرچاں رے بارے میں میں خݨیو، تو اُوے آپ رے چیلاں رے ہاتھ خاں ہیک خنݙے خو بہیر کیو۔ ³۳۔ آݨ اُوے ناں کہیو، کی توں ہی ہیں جکو آؤݨ آݪو ہوتو۔ یا مھیں کہئی ٻیجے رو مارگ جوواں ۔⁴۴۔ پربھویسوع اُواں ناں بڑتی ݙھنی تے کہیو، جاؤ آݨ یوحنا ناں خٻر ݙو، جکو تھیں جووی تے خݨوڑیں پیا۔ ⁵۵۔اندھا جووی پیا، لولاھا بہئی واہ، کوڑھی بھلاں کیا جاوی، ٻوڑا منکھ کاںاں خاں خوݨی پیا، مؤوڑا جیوتا کیا جاوی، آݨ لوڑ آڑاں رے لوڑاں پورے کیے جاؤی۔ ⁶۶۔تے دھن اُو ھے جکو منجے کارݨ خاں تھوڑو نی کھاوے۔⁷۷۔ جݙے اے منکھ آپ رے مارگ خاں بیوا جاتا، تو پربھویسوع یوحنا ری عام ناں کہݨ لاگو، تھیں بر (بیابان) میں کی جووؐ گیاتا۔ کی ہوا خاں ہلتوڑا کنڈیراں ناں۔ ⁸۸۔پݨ تھیں کی جووݨ گیاتا، ہیک منکھ بھلے خاں بھلا گابھا پہریوڑا؟ خچیلی جکو منکھ بھلے خاں بھلا گابھا پہرھی اُو باچھاواں رے محل میں رھی۔⁹۹۔ پݨ تھیں کی جووݨ گیاتا، کی ہیک سنت نہ؟ ہاں، ہوں تھاں خاں کہئی پیو، ہیک سنت خاں بھی وھدیک۔ ¹⁰۱۰۔ اے اُوے اُو ہی ہے جکے رے بارے میں لکھوڑو ہے جوؤ تھارے خاروں ہوں ہیک سنت بہیر کرئیں پیو۔ تھارے خاروں مارگ بݨاوخے۔¹¹۱۱۔ ہوں تھاںاں خاں خچی کہیں پیو، جترا بھی لُوگائی خاں جنم لیواُواں میں خاں کوئٰی بھی ایڑو کونی جکو یوحنا پویترخنان ݙیؤݨ آݪے خاں ودیک ہووئے۔ پݨ آکاش ری راجائی میں جکو خاداں خاں چھوٹو ہے اُو موٹو کیو جاخے۔ ¹²۱۲۔ آݨ یوحنا پویترخنان ݙوؤݨ آݪے رے ݙھنیاں خاں انجاں تائی آکاش ری باچھائی تے بڑاند ہُوتی ری، ٻڑھاند کرݨ آݪاں منکھاں ݙاڈھائی خاں اُوے ری جگہ لاݨ لاگا۔¹³۱۳۔خارے سنتاں تے دھرمیاں ری یوحنا کودھی آگاہی (گواہی) (نبوت) ہوتی ری۔ ¹⁴۱۴۔آݨ تھیں چاویں تے من لو، ایلیاہ جکو آؤݨ آݪو ہوتو اُو اے ھی ہے ۔ ¹⁵۱۵۔ جکے را خوڑئݨ آݪا کان ہوے اُو خݨ لے وئے۔¹⁶۱۶۔ پݨ ہوں اُوے نخل ری توڑگوڑ کے خاں کراں؟ کی اے چھوکراں (ٻاڑاں) آݪی کرہے جکو گٹیاں میں ٻہٹھوڑا ہیکے ٻیجے خاں باتاں کرئیں۔ ¹⁷۱۷۔ آݨ کہئی پیا مھاں تھارے خاروں باخلی بجائی تے تھیں ناچیا کونی مھاں ماتم کیو تے تھاں رونا کونی۔¹⁸۱۸۔ کیانکہ یوحنا ٻاٹی کھاوݨ تے مے پیݨ کونی آیو، تے اُواں کہیو ائیے میں بھونت ہے۔ ¹⁹۱۹۔ پربھویسوع کھاوݨ آݨ پیݨ آݪاں میں ہے۔ آݨ اُوے کہئں کہ اُو کھاؤ تے سرابی ہے۔ چونگی لاݨ آݪاں تے پاپیاں رو ساتھی آݨ اُوے رے کاماں خاں حکمت جوئی جاویں۔²⁰۲۰۔پچھے اُو اُواں شہراں تے ارمان کرݨ لاگو۔ جتھے اُوے موٹا پرچا کیا تا۔ کیانکہ اُوان توبہ کونی کئی۔ ²¹۲۱۔اَے خُرازِؔین تئیں تے افسوس (ارمان) اَے بَیت صَیدا! تیئں تے افسوس، جیکݙے اَے موٹا کام سدوم تے عمورہ میں کیا جاونیت تو اُو گھݨی دیر پہلی ماتھے میں راکھ گات ری توبہ کر لیونت۔ ²²۲۲۔ آݨ پنچائت آݪے ݙنھی تئیں آݪی کر سدوم آݨ عمورہ گھݨو برداست رے قابل ہتا۔²³۲۳۔اَے کفرنحوم کی توں سوچئیں کہ آکاش تائیں اُونچا کیا جاؤنت؟ نہ کیانکہ توں نوݪ جاؤنت؟ جیکݙے سدوم میں اَے موٹا کام ہوؤنت تو اُو آج تائیں اُوے قائم رانت۔ ²⁴۲۴۔ پݨ ہوں تھاں خاں کہیں پیو، کہ پنچانت رے ݙھنی سدوم رو مُکھ تھارے مقابلے میں گھݨی آسانی پاونت۔²⁵۲۵۔ اُوے گھڑی پربھو یسوع بڑتی ݙنی آݨ کہیو،ہوں تاجی بݙئی کرئیں پیو۔ (اَے پتا) آکاش تے دھرتی را ایسور کیانکہ تئیں اَے چیزاں عقل مند تے خمنجھداراں تے ظاہر کونی کیے۔ بلکہ اُواں تے ظاہر کیے جکو ٻاڑاں آݪی کراݨ خمنجھ تا کونی ہوتا۔ ²⁶۲۶۔ہاں اَے پتا اَے تاجی نظر میں کیترو بھلو ہوتو۔ ²⁷۲۷۔ منجے پتا ری ظرف خاں خارو کجھ میجے حوالے کیو گیو۔ تے کوئی بھی ݙیکرے ناں کونی اُوݪکھتو سوا ݙیکرے رے تے اُو اُوے تے جکیتے ݙیکرو اُوے ناں ظاہر کرݨ چاوہے۔²⁸۲۸۔ اَے بھار خاں ٻوڈوڑا تھکاماندہ منکھاں خارا میں کنی آؤ، ہوں تھاناں آرام (خوکھ) ݙیخ۔ ²⁹۲۹۔ مانجو بھار (جُؤا) اُوکھݨو تے میں خاں خوکھ لو، کیانکہ ہوں نماڑو تے دل رو مسکیں ہاں تے تھارے جاناں سکھتی پاخے ³⁰۳۰۔ مانجوبھار ہڑکو تے ، وچن کاؤݨیو ہے۔

¹۱۔اُوے گھڑی ی پربھویسوع پویتر ݙینھن رو پھخل میں تھی رو لنگھیو۔ اُوے را چیلا ناں بوکھ لاگی، آݨ اُواں خٹا پٹ را کھاوݨ لاگا۔ ²۲۔ پݨ جݙے فریسیاں ائیاں ناں ݙیٹھو، اُواں پربھویسوع ناں کہیو، جو تاجا چیلا اُو کی کرئی پیا۔ جکو پویتر ݙینھن رو کرݨ ٹھیک کونی۔³۳۔ پݨ پربھویسوع اُواں ناں کہیو، کی تھاں کونی پڑھیو داؤد سنت کی کریو جݙے اُو آݨ اُوے بھݪا ماݨخ بُکھیا ھتا؟ ⁴۴۔ کی کراُو ایشور رے گھر میں گیو، ھاں منت ری ٻاٹے کھادھے، جکو اُوے ناں ٹھیک کونی ھتو، آݨ اُوے ماݨخاں ناں بھی جکو اُوے بھݪا ھتا، جکو چھڑو کاہناں ناں جائیز ھتی۔⁵۵۔ کی تھاں دھرم (شریعت) میں کونی پڑھیو کہ پویتر ݙنیھن اُو کاہن پویتر ݙنیھن ری بے عزتی کرئیں ۔آݨ بے قخور رھئی؟ٍ ⁶۶۔پر ہوں تھاناں کہیں کہ اِتھے اُو ہے جکو ایشور رے گھر خاں بھی موٹو ہے۔⁷۷۔پرجیکݙھن تھیں اوݪکھنت کہ ایئرو مطلب کی ہے، ھوں کرپا (دیا) پسند کرئیں چڑھاوؤ(منتاں) کونی، تو پچھے بے قخور ناں قخوروارکونی کہنت۔ ⁸۸۔ کیانکہ پربھویسوع پویتر ݙنیھن رو بھی مالک ہے۔⁹۹۔ پچھے پربھویسوع اُوتھ خاں گیوتو رو۔ آݨ اُو اُواں رے بھگتی کرݨ آݪی جگھاواں تے گیو۔ ¹⁰۱۰۔ جوؤ اُتھے ہیک ماݨخ ھتو جیکرو ہیک ہاتھ خوکوڑو ھتو۔فریسیاں پربھویسوع خاں پوچھیو، کی پویترݙنھن رو بھلو کرݨ دھرم رے مطابق ہے؟ ائیے رے خاروں کہ اُو اُوے تے پاپ کرݨ رو ݙوہ ھݨ (لگا) خگھے۔¹¹۱۱۔ پربھویسوع اُواں ناں کہیو، تھاں میں اھڑو کہیو ھے جکے کوڈھیاں ہیک رڈھ وہے آݨ او کھݙے میں کھرے ری کی اُوے ناں کھݙے خاں کونی کاڈھے؟ ¹²۱۲۔ تو ماݨخ رو شان (قدر) اُوے رڈھ خں کتری گھݨی ہے! ائیے رے خاروں بھلائی کرݨ جائیز ہے۔¹³۱۳۔ پچھے پربھویسوع اُوے ماݨخ ناں کہیو، آپرو ہاتھ کھولً اُوے کھولو آݨ اُو خفا ٻجڑے ہاتھ آݪی کر ٹھیک تھی گیو۔ ¹⁴۱۴۔ پچھے فریسی ٻاہر گیا آݨ یسوع تے ناحق باتاں ٹھاہے، اُو مارگ لابھتا پیا کی کر اُوے ناں موت تک پُجایوجاوے۔¹⁵۱۵۔جݙے پربھویسوع ناں اَے کھٻر پڑی، اُو اُوتھ خاں گیوتورو۔ گھݨاں ماݨخ اُوے رے لاریوں گیا آݨ اُوے اُواں ناں بھلاں کریا۔ ¹⁶۱۶۔اُوے اُواں ناں کہیو، ائیے بارے میں ٻجاں ناں نی کہیا۔ ¹⁷۱۷۔ ائیے رے خاروں کہ جکو سنت یسعیاہ کہیو ھتو اُو خچ ثابت تھیں۔¹⁸18۔ جوؤ مانجو نوکر جکے ناں میں چݨیو ھاں مانجے پیاورہے جکے خاں مانجو من راضی ہے، ھوں آپری آتماں اُوے میں گھاتیخ۔ آݨ اُو بنا وسواس منخاں میں انخافب رو اعلان کرخے۔¹⁹۱۹۔ اُونی جسم رو زور لگاوے آݨ نی اؤنچے رڑے کرے، آݨ نی ھی اُوے ری آواز مارگاں تے خݨی جاخے۔ ²⁰۲۰۔اُو پھخیوڑاں سرکنڈاں ناں کونی توڑے، اُو دونھہ اُوٹھتا سَن ناں کونی ٻہجھاوے۔ جتی تائیں اُوے انصاف ری جیت نی وئے۔ ²¹۲۱۔ آݨ غیروسواسی اُوے رے ناں تے بھروخو راکھخے۔²²۲۲۔ پچھے ہیک اندھو گونگو بھونت میں پھاتھوڑو پربھویسوع کوڈھی لایو گیو، پربھویسوع اُوے ناں بھلاں کریو۔ ائیے رے کارݨ میں اُو گونگو ٻولݨ لاگو۔ ²³۲۳۔ خاری عوامً آݨ گُݨ میں پڑیً آݨ کہیو کی اَے ماݨخ داؤد رو ݙیکرو ھے؟²⁴۲۴۔جݙے فریسیاں ائیے پرچے رے بارے میں خݨیو، اُواں کہیو کہ اَے منکھ بھونتاں رے راجہ بعلزبول خاں ٹاݪ کونی کاڈھ خگتو۔ ²⁵۲۵۔ پݨ پربھویسوع اُواں ناں کہیو،ہرراجائی جکے میں پھوٹ پڑئی ری برباد کی جاخے۔²⁶۲۶۔جے شطان ہی شطان ناں کاڈھے رو تو اُو خود ہی بھج جاخے، تے اُوے ری باچھائی کیکر قائم رہے خے۔ ²⁷۲۷۔ جے ہوں بعلزبول ری مدد خاں بھنت کاڈھئی ویو جکو تاجے منݨ آݪاں ائیاں ناں کیکر کاڈھئی ویا۔ ائیے رے وجہ خاں اُو ہی تھارا گواہ ہو خے۔²⁸۲۸۔ پݨ جے ایشور ری باچھائی تھاں رے آخے۔ آئی ری۔ ²⁹۲۹۔آݨ کیکرکوئی طاقتور منکھ گھر میں بڑ رو تے ، اُوے ناں ٻاندھے بنا اُوے رے چیزاں ری چوری کر سگھتا۔ جݙے ہی اُوے رے گھر خاں چیزاں چوری کر خگھیں۔ ³⁰۳۰۔ جکو میں بھیݪو کونی مانجو دخمݨ ھے، رے جکو میں بھیݪو جمع کونی کرتو اُو کھنڈارئی۔ (بکھری را)³¹۳۱۔ اعیے رے خاروں ہوں تھاں خاں اَے کہیئں منکھاں رو ہر پاپ تے کوڑ معاف کیا جاخے پݨ پویتر آتماں رے بر خلاف کوڑ کہڑو وی ہوخے معاف کونی کیو جاوے۔ ³²۳۲۔ آݨ پربھویسوع رے خلاف کنیک کہے اُوے ناں معاف کیوجاخے۔ پݨ جکو پویترآتماں رے خلاف کنیک کہخے اُوے ناں معاف کیو جاوے۔ نی تو ائیے خنخار میں تے نی ہی اُوے خنخار میں جکو آوݨ آݪوھے۔³³۳۳۔ ٹاوکوبݨ ٹاوکوپھݪ پیدا کرئیں آݨ گندو بݨ گندوپھݪ ݙائی، کیانکہ بݨ آپ رے پھݪ خاں اُوݪکھیو جاویں۔ ³⁴۳۴۔اے بانخنیگ را ٻاڑاں تھیں گندہ ہورا ٹاوکے باتاں کیکر کہیے خگیں ویا۔ جکودل میں ہوی، اُوہی مانݙے خاں نخریں۔ ³⁵۳۵۔ بھلو منکھ آپ رے دل ری بھلی دھرتی خاں بھلےچیزاں کاڈھی تے گندو منکھ آپ رے دل ری بری دھرتی خاں گندے چیزاں۔³⁶۳۶۔پݨ ہوں تھاں خاں کہیئں پیو کہ عدالت رے ݙن ہر کہئ ناں آپ رے برے باتاں رو حخاب چھوڑوݨو پڑخے۔ ³⁷۳۷۔ آݨ تھیں آپ رے باتاں خاں اُوݪکھیا جاؤخو۔ تے آپ ہی باتاں رے وخیلے خاں ناکھیا جاؤخو۔³⁸۳۸۔ پچھے کنیک فقیاں تے فریسیاں پربھویسوع ناں جواب ݙنہو۔ مھیں تیں خاں کوئی نخاں جوؤݨ چاویں۔ ³⁹۳۹۔پݨ پربھو یسوع جواب ݙنو تے کہیو۔ ہیک گندی تے زناکرݨ آݪی قوم نخاں مانگی۔ پݨ یوناہ سنت رے خوا کوئی نخان کونی ݙھنوجاوے۔ ⁴⁰۴۰۔جیکر یوناہ تین ݙھن تے ےین راتے موٹی مچھی رے پیٹ میں رہیو ائیاں ہی پربھویسوع بھی تین ݙھن تین راتے دھرتی رے بہتریا رے خے۔⁴¹41 ۔عدالت رے ڈھن نینوہ را منکھ ائیے نخل رے منکھاں رے بھیݪا اُوبھجخے۔ آݨ اُواں ناں ݙوہاری نݨا خے۔ کیانکہ اُواں یوناہ رے پرچار تے توبہ کی تے جووہ یوناہ خاں بدھیک بھی اُتھے ھیک⁴²42۔ ݙکھݨ ری رائی عدالت رے رواج ائیے نخل رے منکھاں رے بھیݪی ابھی آݨ ائیاں ناں ݙوہاری بݨاخے اُو دھرتی ری کونڈ خاں خوڑݨ رے خاروں آئی۔ آݨ اُوے سلمان رے عدل رے بارے میں خڑیو تے جووہ جکو اُتھے سلمان خاں بھی موٹو ھے۔⁴³۴۳۔ جݙے ہیک ناپاک آتماں اُوے منکھ خاں نِکل ری پرھی گی آݨ خوکی جگاواں خاں لنگھہ کہ اُنگ کرے پݨ اُونگ کونی کرخگھی۔ ⁴⁴۴۴۔جݙے اُو کہتی کہ ہوں آپ رے گھرے پاچھی جائیخ ، جُتھوں ہوں آئی ہاں۔ پاچھی آری اُوے گھر ناں صاف خوتھروپاوئیی۔ ⁴⁵۴۵۔ پچھے اُو جاوی آݨ آپ رے بھیݪے خات ناپاک آتماں ٻجے لے آوی جکو ائیے خاں بھی گھݨی کندے آتماں ہووے آݨ اُو خارے آوی کہ اُتھے رہے اُوے منکھ ری حالت پہلی خاں بھی گھݨی خراٻ بݨاوی ری۔ ائیے گندی عوام خاں بھی ائیاں ہی کیو جاخے۔⁴⁶۴۶۔ جݙے پربھویسوع کہنئں منکھاں کاں باتاں کرتوؤہ تو جوؤ ہیک منکھ آرو پربھویسوع ناں کہیو کہ تاجی ماتا آݨ بھائی ٻاہرابھا جووی وا کہ اُوے خاں باتاں کرے۔ ⁴⁷۴۷۔کئیں اُوے ناں آرو کہیو، کہ تاجی ماتا آݨ بھائی ٻاہرابھا ہے آݨ تئیں خاں باتاں کرݨ چاویں۔⁴⁸۴۸۔ پݨ پربھویسوع جواب میں اُواں ناں کہیو، کُݨ ہے مانجی ماتا؟ کُݨ ہے مانجو بھائی؟ ⁴⁹۴۹۔پچھے پربھویسوع آپرے چیلاں نی ہاتھ بدھا رو کہیو، کہ جوؤ،، اَے مانجا ماتا آݨ اَے ہی مانجا بھائی۔ ⁵⁰۵۰۔ کیانکہ جکو کوئی مانجے پتا ری مرضی ناں پورو کرئی جکو آکاش تے ہے اُؤ ہی منکھ مانجو بھائی آݨ ٻہن آݨ ماتا ہےً۔

¹۱۔اُوے ݙیھن پربھویسوع گھرخاں ٻاہرگیو ھاں سمندر رے نیݪیو جا ٻیٹھو۔ ²۲۔ ہیک موٹو ھُجوم یسوع رے ٻہاروں بھیݪوپچھے اُو ہیکی ٻیڑی میں جا ٻیٹھو جݙے خارا منکھ سمندر رے کنارے تے اُوبھیج گیا۔³۳۔ جݙے پربھویسوع گھݨے باتاں اُواں ناں مخالاں میں خوڑاوݨ لاگو۔ اُوے کہیو،جوؤ ہیک راہکی باؤݨ آݪو ٻیج باؤݨ لاگو۔ ⁴۴۔جݙے اُوے ٻیج بایو، کنیک بیج مارگ تے کھریو آݨ پکھیاں آئےاُوے ناں چوگ لیو۔ ⁵۵۔ کینک ٻیج پھتریلی زمین تے کھریو جیکاں ناں مٹی گھݨی نی میلی آݨ اُوبیگو اُگ گیو۔ مٹی گھݨی کونی ہوتی۔ ⁶۶۔ جݙے خورج نخیریو تو جݙ نئی ہوؤڑݨ رے کرے خڑگیو۔ آݨ خُک گیو۔⁷۷۔ کینک کنڈیراں آݪی دھرتی میں جا کھریو۔ کنڈیراں بدھیا آݨ اُواں ناں دٻا چھوڑیا۔ ⁸۸۔کینک ٻیج بھلی دھرتی ماتھے کھریو خُو، خاٹھ، آݨ تریخ بھانگا پھݪ لاگو۔ ⁹۹۔ جیکاں را کان ھے اُو خُݨ لے۔¹⁰۱۰۔ چیلاں آیا آݨ پربھویسوع ناں کہیو،کہ گرو جی تھیں منکھاں ناں مخالاں میں باتاں کیا کرئی؟ ¹¹۱۱۔پربھو یسوع اُواں ناں جواب ݙھنو، تھاناں آکاش ری راجائی ری بھیداں ری خمجھ ݙنی گی ھے۔ ¹²۱۲۔ کیانکہ جکیے کوڈھی ھے اُواں ناں گھݨو ݙینو جاخے۔ پݨ جکیے کوڈھی کونی۔ اُوے خاں اُوھو بھی لینھوجاخے جکو اُواں کوڈھی ھے¹³۱۳۔ ائیے رے کرے ھوں ائیاں خاں ، مخالاں میں باتاں کرئیں، کیانکہ اُو خوݨتا ھوا حقیقت میں کونی خمجھتا۔ ¹⁴۱۴۔ اُؤاں رے بارے میں یسعیاہ سنت ری اِگ کھتی پوری ھوئی ھے۔ جکے میں لکھیوݪو ھے کہ خوݨتا ھوا تھیں خوݨخو پݨ خمجھ کونی خگھو۔ جوتا ھوا جوخو پݨ کونی جُو خگھو۔¹⁵15 کیانکہ ائیاں منکھاں رے من تے چرٻی چڑھݪی ری آݨ خݨ کونی خگھتا۔ آݨ اُواں آپرے آنکھیں بند کر ݙھنے رے کہ جُو نی خگھے۔ جاں آپرے کاناں خاں خوݨ نی خگھے، جاں آپرے من خاں خمجھ نی خگھے، کیانکہ اُو ایمان لاوے آݨ ھوں ائیاں ناں شفئا ݙاں۔ (بھلاں کراں)¹⁶۱۶۔ پݨ بھلو ھے آنکھیں تھارے جکو جؤئے ھاں تھارا کان خوݨئی ¹⁷۱۷۔ کیانکہ ھوں تھاناں خچی کہیں پیو کے گھݨا سنتا آݨ بھلے منکھاں ناں خواش ھوتی کہ جکو تھیں جوئی پیا، پݨ اُو جؤئے پݨ نی ݙٹھا، آݨ جکو باتاں تھیں خݨیں پیا خݨیو پݨ نی خݨیے۔¹⁸۱۸۔ پچھے ہیک راہیک ری مخال خݨو جکو ٻیج باوتو ہتو۔ ¹⁹۱۹۔ جݙے کوئی ایشور ری راجائی رے بارے میں خوݨیئی آݨ اُوے ناں خمجھتو کونی تو سطان آوئی آݨ اُوے رے من میں جکو ٻیج اگوڑو ھوئی اُوھو چوری کر لے جاوئی اَے اُوھو ٻیج ھے جکو مارگ رے ماتھے بایوگیو ھتو۔²⁰۲۰۔ ایئاں ھے جکو شٻدہ خوݨئیی آݨ بیگو اُوے ناں خوشی خاں قبول کرئی۔ ²¹۲۱۔ پݨ اُوے میں جڑکونی لاگوڑی ھوتی اَے رے کرے تھوڑی دیر تک قائم رھی جݙے شٻدہ ری وجہ خاں ڈُکھ آݨ تکلیفاں آوئی تو اُو قائم کونی رھتو۔ آݨ بیگو بھٹک جاوئی رو۔²²۲۲۔جکو کنڈیراں میں ٻیج اُگایو گیو ھتو اے اُوے جکوشٻد خوݨیں پݨ جگت ری فکر مال آݨ دولت رو ݙکھ شٻد رو گݪو گھݨی رو آݨ اُو پھݪ کونی لاوتو۔ ²³۲۳۔ جکو بلھی دھرتی تے اُگایو گیو ھتو اَے اُو ھے جکوشٻد خوݨئی آݨ خمجھی۔ اُو پھݪ لاوئی آݨ جݙے پک جاوئی اُو ٻیج کوئی خُو گوݨاں کوئی خاٹھ گھوݨاں کوئی تریخ گوݨاں²⁴۲۴۔ یسوع ہیک ٻیجی مخال خوݨائی کہ ایشور ری راجائی اُوے ماݨخ آݪی کر ھے جکے آپ ری فخل میں بھݪو ٻیج اُگایو۔ ²⁵۲۵۔ پݨ جکے گھڑی منکھ اُونگھ میں ہوتا اُواں رو دخمݨ آیو کݨک میں جھگلی ٻوٹی بھی اُگا گیو۔ ²⁶۲۶۔ جݙے پان (پتیاں) نخریا، آݨ خٹا جھلیا تو جھنگی گھاوی ݙخیجو۔²⁷۲۷۔ مالک را نوکر آیا اُوے ناں خٻر ݙھنی، مالک کی تیں دھرتی میں بھلو ٻیج کونی بایو؟ اے زمین میں کھارا ٻیج (کڑوا ٻیج) کݨہاں خاں آیا؟ ²⁸۲۸۔ اُوے اُواں ناں کہیو، کہئں دخݨ ائیاں کریو ہے۔ نوکراں اُوے ناں کہیو کی تو چاویں کہ مھیں کھارو ٻیج اُوے میں خاں کاڈھاں را؟۔²⁹۲۹۔دھرتی رے مالک کہیوناں، ائیاں نی ہوئے کہ تھیں کھارے ٻیجاں رے بھیݪی کݨک (گندم) وی پٹوری ³⁰۳۰۔ ائیاں ناں فخل ری باڈھی تک بدھݨ ݙو، فخل ری باڈھی آݪی بݪا باڈھݨ آݪاں نا کہیخ کہ پہلی کھارا ٻیج بھیݪا کرو آݨ اُواں ناں خاڑݨ رے خاروں ٻاندھو آݨ کݨک ناں مانجے گودام میں بھیݪی کرو۔³¹۳۱۔ پچھے پربھویسوع اُواں ناں ہیک ٻجی مخال خݨائی، اُوے کہیو، ایشور ری راجائی خریّم رے ٻیج جہڑی ہے جکے ناں منکھ لیوآݨ آپرے دھرتی میں با ݙھنو۔ ³²۳۲۔بے شک اَے ٻیج ٻجے خاراں ٻیجاں خاں چھوٹو ہے پݨ جݙے اَے بدھئی رو تو باغ رے ٻیجاں چھوٹاں ٻݨاں خاں گھݨو موٹو ہوئی رو آݨ اَے ہیک بݨ بݨئ رو کہ پکھی ائیے رے ݙاݪیاں ماتھے رہے (ٻیخ) خَگھے۔³³33 پچھےپربھویسوع اُواں ناں ہیک ٻیجی مخال خُݨائی، آکاش ری راجائی اُوے کھٹاݨ جہڑی ہے، جکے ناں ہیکی لُگائی لیو آݨ اُوے را تین ڈھک آٹے میں بچاڑ ݙِنا۔ جتی تائی اُو خارو آٹو گھٹونی بݨ گیو۔³⁴۳۴۔ اَے خارے باتاں پربھویسوع گھݨاں منکھاں ناں (ٹوڑےخاں) مخالاں میں خݨا تو ہُتو۔ آݨ مخالاں خاں خوا اُواں ناں کہیے کونی کہتو ہُتو۔ ³⁵۳۵۔ اَے اُو کجھ ہُتو، جکو سنت ری معرفت کہیو گیو ہُتو، اُوپُورو ہُوئے۔ جݙے اِئیے کہیو، ہُوں مخالاں میں آپرو مہاݙو کھولیخ۔ ھُوں اُو باتاں خݨائیخ جکو خنخار ری شروعات خاں ہی لکھیوڑے ہے۔³⁶۳۶۔پچھے پربھویسوع جتھے ٹوݪے (بھیڑ) ناں چھوڑ رو گھر میں گیو اُوے را چیلا آیا آݨ کہیو، فخل رے کھارے ٻیج ری مخال مہاناں خمجھا۔ ³⁷۳۷۔پربھویسوع اُواں ناں بݪتی میں کہیو جکو بھلو ٻیج باوی اُو( آدم زاد) آدم جایوہے۔ ³⁸۳۸۔فخل دنیا (جگت) (کائنات) ہے بھلوٻیج ایشور ری راجائی را ݙیکرا ہے کھارو ٻیج برائی را ݙیکرا ہے۔ ³⁹۳۹۔ بݪے دخمݨ بایا اُو شطان ہے بڈھائی (کٹائی) جگت (دنیا) رو آخر ہے۔ بݪے باڈھݨ آݪا فریشتہ ہے⁴⁰۴۰۔ ائیے خارا کھرا ٻیج بھیݪا کیا جاوی بݪے باخݙے میں ناکھیا جاوی، ایو جگت رے آخر میں ہےخے۔ ⁴¹۴۱۔(آدم زاد) آدم جایو آپ رے فریشتاں ناں باہیر کرخے جکو اُوے ری راجائی مہناں خاں تھوݙھا کھاوݨ آݨ پاپاں آݪے چیزاں ناں بھیݪا کرخے۔ ⁴²۴۲۔ اُو اُواں ناں باخݙے ری بھٹی میں گاتخے جتھے روّݨ آݨ ݙانتاں رو پیخݨو ہوخے۔ ⁴³۴۳۔ آݨ خالکھ منکھ ایشور ری راجائی میں خرج آݪی کر چمکخے، جکے را کان ہووئے اُو خݨے۔⁴⁴۴۴۔ ایشور ری راجائی پھخل میں لکیوڑے دھن (خزانہ) آݪی کر ہے۔ جکو ہیکےمنکھ ناں ڈھیو (میلو) آݨ اُوے اُوے ناں لُوکا ݙھنو ائیے خوشی میں جاوی اُو آݨ جکو کوئی اُوے کوڈھی ہووئی بیچ آݨ اُو پھخل مول (خرید) لے وی۔ ⁴⁵۴۵۔پچھے ایشور ری راجائی ہیکے بپاری آݪی کر ہے جکو قیمتی موتیاں ری تلاش میں وی۔ ⁴⁶۴۶۔ جݙے اُو قیمتی موتی اُوے ناں لابھئی را تو اُو جاوی آݨ آپ رو خاروکجھ بیچ رو اُوے ناں مول لے وی۔⁴⁷۴۷۔ آݨ ایشور ری راجائی ہیک جاݪ آݪی کر ہے جکو سمندر میں ناکھیو گیو ہے ⁴⁸۴۸۔ آݨ جکو ہرقسم رے مچھیاں ناں بھݪے کرئیے جݙے اَے بھریجیو تو مھاݨا جاݪ ناں گیخل کندے تے لے آیا، آݨ پچھے ٻیخ را آݨ بھلے مچھیاں ناں ݙبا میں جمع کیئے آݨ بیکار مچھیاں ناں ناخئی رے۔⁴⁹۴۹۔ آݨ ائیاں ہی جگت (دنیا) رے آخر میں تھیخے۔ ⁵⁰۵۰۔ خالکھاں ناں شطاناں خاں دھار کرخے آݨ اُو اُواں ناں باخݙے ری ٻݪتی بھٹی میں گھاتخے۔ جتھے روؤݨ آݨ ݙانتاں رو پیخݨ ھوخے۔⁵¹۵۱۔ کی تھیں اَے خارے چیزاں خمجھ گیا ھو؟ چیلاں اُوے ناں کہیو، "جی ھاوے" ⁵²۵۲۔پچھے پربھویسوع اُواں ناں کہیو، ائیے رے خاروں ہر فہقیی جکو آکاش ری راجائی را چیلا تھیا ہے اُوے ماݨخ آݪی کر ہے جکو ہیک گھر رو مالک ہے آݨ آپرے دھن (خزانے) خاں بھلے آݨ خراٻ (گندے) چیزاں کاڈھئی۔ ⁵³۵۳۔ پچھے اُو گھڑی آئی جݙے پربھویسوع اُواں ناں خارے مخالاں خݨاے تو اُو اُوے جگہ خاں گیو۔⁵⁴۵۴۔پچھے پربھویسوع آپرے علاقے میں آیو آݨ منکھاں ناں اُواں رے بھگتی گھر مھیں (اندر) پرچا ݙھنا اَے رے بارے میں اُو اُوے خاں اِبرت میں پڑیا آݨ کہوݨ لاگا ائیے میں عقل آݨ پرچہ کیتھ خاں آیا۔ ⁵⁵۵۵۔ کی اَے ڈرکھاݨ رو ݙیکرو کونی ہے کی اُوے ری ماں مریم کونی آݨ کی اَے را بھائی یعقوب،یوسف، شمعون آݨ یہودہ کونی۔ ⁵⁶۵۶۔ آݨ کی ائیے رے ٻہناں اُو خارا منکھ مھارے بیچ میں کونی، پچھے اَے خارو کجھ اِئیے میں کہݨاں خاں آیو۔⁵⁷۵۷۔ اُو اِئیے رے کارݨ اُو تھوڑاں کارݨ (بحث) بݨیو پݨ پربھیسوع اُواں ناں کہیو ہیک سنت آپرے ݙیخ (وطن) آݨ گھر رے علاوہ کتھ بے عزت کونی ھوتو۔ ⁵⁸۵۸۔آݨ اُوے اُواں ری بے یقنی رے کارݨ اُتھے گھݨاں پرچہ کونی کریا۔

¹۱۔ تقریباً اُوے ٹائم ہیرودیس (گورنر) پربھویسوع رے بارے میں خٻر خݨئ ۔ ²۲۔ اُوے آپ رے نوکراں ناں کہیو اَے یوحنا پوتیر سینان ݙیؤݨ آݪو ہے۔ جکو مؤوڑاں خاں جیتوہووہے؟ ائیے خاروں اُوے میں اِے شختی (طاقت) اُوے میں کام کرای۔³۳۔ہیرودیس آپ رے بھائی فلپس ری لوگائی ہیرودیس ری وجہ خاں سنت یوحنا پویتر سینان ݙاݨ آݪے ناں جھلایواُوے ناں ٻھندھوایو آݨ قید خانے میں رکھایو۔ ⁴۴۔کنیاں کے سنت یوحنا اُواں ناں کہیو ہتو ائیے ناں آپ ری لُوگائی بݨاں راکھے تھارے خارو جائز کونی ۔ ⁵۵۔ہیرودیس اُوے ناں مرواہ (قتل) ݙیؤت پݨ اُو گھݨے ماݨخاں میں ابھو ہتو کیناں کے گھںاں منکھ اُوے ناں سنت منتا ہوتا۔⁶۶۔ جݙے ہیرودیس رو جنم ݙھین آیو تو ہیرودیس ری ݙیکری خارے منکھاں رے میݪ میں (محفل) اُو ناچ ری اُوے ناں راضی کیو۔ ⁷۷۔ اُوے بدلے میں ہیرودیس خانخ (قسم) اوکھݨ رو وعدو کیو کے جکو تو مانگیخ ہوں تنا ݙیخ۔⁸۸۔ اُوے آپ ری ماتا (ماں) ری خکھاوت خاں اُو آُوے کوڈھی آئی کے مناں سنت یوحنا پویتر سنان ݙیوݨ آݪے رو خیر تھاݪی میں ݙھنو جاوے۔ ⁹۹۔ بادشاہ اُوے ری منت ݙاڈھو پریشان ہووہ پݨ اُوے منکھاں رے خامے خانخ (قسم) رے کرے اُوے حُکم ناں منݨو پیو کے ائیاں ہی کیو جاوے۔¹⁰۱۰۔ اُوے خنݙیخو ݙینھو کے قید خانے (جیل) میں سنت یوحنا رو خیر اتارݙھنو جاوے۔ ¹¹۱۱۔بیݪے اُوے رو خیر تھاݪی میں گھات رو اوے چھوکری کوڈھی لایا، اُوے آپ ری ماتا (ماں) رے حوالے کیو۔ ¹²۱۲۔ بیݪے اُوے را چیلا آیا اُوے ری میت (لاش) لی آݨ اُوے ناں مٹی حوالے کی، اُوے خاں پچھے اُو پربھویسوع کوڈھی آیا آݨ اُوتے ناں خٻر ݙے۔¹³۱۳۔ جݙے پربھویسوع اَے خݨیو اُو اُوتھے خاں ٻیݪی ماتھے ہیکھلی آݨ سنسان جگہ تے گیو ، گھݨے منکھاں اِے خوݨیو تو شہراں پینݙے(پیدل) اُوے رے لارو گیا۔ ¹⁴۱۴۔ پربھویسوع اُواں خاں پہلی اُوتھے آیو آݨ اُوتھے گھݨو منکھاں رو جیتھو جویو، اُوےناں اُواں ماتھے ترخ آیو پربھویسوع اُواں رے بیماراں ناں خاجا کیا۔¹⁵15۔ جݙے شام ہوئی تو چیلا اُوے کوڈھی آیا اُوے ناں کیہو اَے خنخان جگہ ہے ݙھین پہلے ہی ڈھل گیو رو منکھاں ناں جاوݨ ݙے کیانکہ اُو گاں میں جارا آپ رو اپ خاروں خادھو مول لے خگیے۔¹⁶۱۶۔ پݨ پربھویسوع اُواں ناں کہیو ائیاں ناں جاوݨ نی ݙو تھیں ہی ائیاں ناں کھاوݨ رے خاروں کہنک ݙو۔ ¹⁷۱۷۔اُواں پربھویسوع ناں کہیو مہاں کوڈھی صرف پانچ ٻاٹے آݨ ٻے مچھے ہے ۔ ¹⁸۱۸۔ پربھویسوع اُواں ناں کہیو۔¹⁹۱۹۔پچھے پربھویسوع ٻاٹے تے ٻے مچھے لیے آُوے آکاش تے جویو۔ آݨ برکت ݙہنی ٻاٹیاں را ٹوٹا کر چیلاں ناں ݙھنا چیلاں آُوے ٻاٹے (امنت) منکھاں ناں ݙھنیے۔ ²⁰۲۰۔ اُواں خاراں ٻاٹی کھادی آݨ ڈھاپ گیا آݨ ٻاٹی رے بچیوڑے ٹکراں خاں بارے ٹوکرا بھرج گیا۔ ²¹۲۱۔ جکاں ٻاٹی کھادی اُو لُوگائیاں آݨ ٻاݪاں خاں ٹاݪ پانچ ہزار منکھ ٻاٹی کھاؤݨ آݪا ہتا۔²²۲۲۔ بیگو ہی اُوےچیلاں ناں ٻیݪی ماتھے چڑایا ائیے رے خاروں کے ٻیجوڑے پاخے جاوے، کہ اُوے منکھ جیتھے امت (بھیڑ) ناں باہیر کرے، جݙے اُوے جیتھے (بھیڑ) ناں باہیر کری۔ ²³۲۳۔تو ہکھلوپراتھنا رے خاروں ٹکر(پہاڑ) تے گیو جݙے اںڈھے (شام) رو ٹائم ہویو تو اُو اتھے ہکھیلو ہی ہتو۔ ²⁴۲۴۔ پݨ ٻیݪی اُوے گھڑی ڈھنڈ (جھیل) رے بیچ میں ہوتی آݨ ٻیݪی چھولیاں میں آئی کیانکہ اُو ہوا رے مُخالِف ہوتی۔²⁵۲۵۔رات رے چوتھے پہار پربھویسوع سمندر رے پاݨی ماتھے بہتو اُواں کوڈھی آیو۔ ²⁶۲۶۔ جݙےچیلاں پربھویسوع ناں پاݨی ماتھے بہتو ݙِٹھو، اُو ٻہیا را آݨ کہیو، اَے بھونت ہے،، آݨ ٻیح (ڈر)خاں رڑے کرݨ لاگا۔ ²⁷۲۷۔ پربھویسوع جَھٹ میں اُوئاں ناں کہیو ہُوں ہاں ٻہیو نی،،۔²⁸۲۸۔ پطرس پربھویسوع ناں بݪتی ݙھنی آݨ کہیو، اَے ایشور جے توں ہیں تو مناں حُکم ݙے تو ہوں پاݨی تے بیھ رو تیں کوڈھی آواں۔ ²⁹۲۹۔پربھویسوع کہیو " آ " آݨ پطرس ٻیݪی خاں بہار آیو آݨ پوبھویسوع نی جاوݨ رے خاروں پاݨی تے بوہو۔ ³⁰۳۰۔ پطرس جݙے ہَوا ݙٹھی تو ٻہیݨ لاگو آݨ جݙے ٻوݙݨ لاگو تو پربھویسوع ناں رڑکر کہیو، اَے ایشور مناں بچا۔³¹۳۱۔ پربھویسوع جَھٹ میں اُوے ناں جھالیو آݨ کہیو اَے گھٹ وشواس آݪا تیں شک کیا کیوّ۔ ³²۳۲۔پچھے جݙے پطرس آݨ پربھویسوع ٻیݪی میں آیا تو ہوا بند ہوگی۔ ³³۳۳۔ پچھے ٻیݪی میں ٻیٹھوڑاں چیلاں پربھویسوع ناں سجدو کیو آݨ کہیو، خچی میں تُوں ایشور رو ݙیکرو ہیں۔³⁴۳۴۔پچھے اُو پار گنیسرت رے علاقے میں آیا۔ ³⁵۳۵۔جݙے اُوتھے رے منکھاں پربھویسوع ناں اُوݪکھیو تو اُوئاں اُوے علاقے رے منکھاں ناں کھٻر ݙھنی، آݨ خاراں جکو بیمار ہتا پربھویسوع کوڈھی لے آیا۔ ³⁶۳۶۔ اُوئاں پربھویسوع ناں منت کی کہ اگر اُو اُوے رے گابھاں ناں ہی ہاتھ لگاخے را تو بھی ٹھیک ہُو جاخے را۔ آݨ جتاں منکھاں اُوے ناں ہاتھ لگایو خارا بھلاں ہُویا۔

¹۱۔ پݨ کہئں فقہہ آݨ فریشی یروسیلم خاں مسیح یسوع کوڈھی آیا اُوئاں کہیو ²۲۔تاجا چیلا موٹا ری بݨایوݪی ریت ناں کیاں ٹوݪی، کی اُو کھاوݨ پیئݨ خاں پہلی ہاتھ کونی دھوتا۔ ³۳۔ یسوع مسیح جواب ݙھنو آݨ کہیو اُو تھیں کیاں آپری ریت ناں پوری کرݨ ری غرض کونی ایشور رے بچناں (حُکماں) ناں کیاں ٹوݪی واہ۔⁴۴۔ ایشور کہیوہے کہ آپ رے ماں ٻاپ ری عزت کرو آݨ جکو کوئی آپرے ماں ٻاپ ری بورائی کرخے ضرور مرخے۔ ⁵۵۔ ائیاں تھیں کہیو، جکو کوئی آپ رے ،ماں آݨ ٻاپ خاں کہے جکو مدد مھیں خاں مل خگھیں اِیڑاں ایشور ناں تحفے رے طور تے ݙھنی گی ہے۔ ⁶۶۔ اُوے منکھ ناں آپرے ٻاپ ری عزت کرݨ ری ضرورت کونی ائیے طریقے خاں تھیں آپ ریت ری خاطر ایشور رے ژٻید ناں ردھ کریو ہیں۔⁷۷۔ اَےنی منݨ آݪا منکھاں سنت یسعیاہ تھارے بارے میں بلکل ٹہیک کہیو ہے۔ ⁸۸۔جݙے اُوے کہیو اَے منکھ چپاں آݨ ہونٹھاں خاں مانجی عزت کری ہے کیانکہ ائیاں را من میں خاں اݪگا ہے ⁹۹۔اَے بے وجہ مانجی ٻݙائی کرئیں ہے کیانکہ اَے منکھاں رے بݨایوڑے حُکماں ناں آپ رے ایمان آݨ حختی خاں تعیلم ݙھنی ہے¹⁰۱۰۔پݨ پربھویسوع ٹوݪے ناں (بیھڑ) آپرے کوڈھیا آݨڑیاں آݨ اُواں ناں کہیو خݨو آݨ خمجھو۔ ¹¹۱۱۔ کوئیوی اِڑی چیزکونی جکومانݙے میں جاوے منکھ ناں پلیت کرے بلکہ جکو اُوے رے مانݙے خاں نخیری اُو اُوے ناں پلیت کرئی ہے۔¹²۱۲۔پݨ چیلاں پربھویسوع کوڈھی آیا آݨ کہیو کی تو اَے جاݨیں ہے کہ فریشی تاجے جواب خاں ݙاڈھا ناراض ہویا۔ ¹³۱۳۔یسوع مسیح اِے جواب ݙھنو آݨ کہیو ہر اُو بݨ جکو مانجے آکاشی ٻاپ کونی اُوگایو اُو باڈھیو جاخے۔ ¹⁴۱۴۔ آݨ اُواں ناں اُواں رے حال تے چھوڑݙو اُو اَندھا اُستاد ہے اگر ہیک اَندھوٻیجے اَندھے ناں مارگ ݙخلخے تو ٻہیے کھݙے میں کھرخے۔¹⁵۱۵۔پطرس جواب ݙھنو آݨ یسوع مسیح ناں کہیو مھاناں اَے مخال خمجھا؟ ¹⁶۱۶۔یسوع مسیح اُواں ناں کہیو تھیں ِجیݨ تک کونی خمنجھیا۔ ¹⁷۱۷۔ کی تھاں اِے کونی جویو کہ جکو مانݙے رے بھیتریا جاوی اُو پیٹ خاں باہر نخریں۔¹⁸۱۸۔جے اُو چیزاں مانݙے خاں نخریں اِے اُودِل خاں ہی نخریں اِے اُو چیزاں ہے۔ جکو منکھاں ناں پلیت کریئں۔ ¹⁹۱۹۔کیانکہ من خاں برا خیال، خونریزی، زِنا کارے۔حرامکارے چھورے، کوڑے گواہیں، بدگواہیں دِل ہی خاں نخریں۔ ²⁰۲۰۔اِے اُو چیزاں ہے جکو ناپاک کرئیں جیکرکے نی ہاتھ دھو ٻاٹی کھاوݨ اُوناپاک کونی کرتو۔²¹۲۱۔ آݨ پچھے یسوع مسیح اُوتھ خاں صُوؔرآݨ صِیدؔا رے علاقے ݙیخیا بہو۔ ²²۲۲۔ آݨ جووہ ہیک کہنائی لُگائی اُوے علاقے خاں نخرآئی اُوے رڑھ کر کہیو اِے مالک دُاؤد ری اُولاد میں تے رحم کر مانجی ݙیکری بھنوتاں رے قبضے میں ہے آݨ گھݨے ݙکھ میں ہے ²³۲۳۔ پݨ یسوع مسیح جواب میں اُوے خاں کئیں کونی کہیو اُوے را چیلاں اُوے خاں منتھ کرݨ لاگا کے اِے ناں اِتھ خاں باہیر کر کیانکہ اِے مھارے لارے رڑیں کرئیں وی۔²⁴۲۴۔پݨ پربھویسوع جواب میں کہیو، ہُوں کئیں ٻجے رے خاروں کانی بلکہ اِسرائیل ری گمیجݪے رڈھاں رے خاروں بہیر کیو گیو ھاں۔ ²⁵۲۵۔پݨ اُو آئی تے اُوے رے خامݨے نگڑ تے کہوݨ لاگی مالک مانجی مدد کر۔ ²⁶۲۶۔ اُوے جواب ݙھنو آݨ کہیو، ٻاݪاں ری ٻاٹی کھوخ ری چھوٹے کتاں رے اَگ میں گھاتݨ ٹہیک کونی"²⁷۲۷۔ اُوے کہیو، ہاں مالک پݨ کُتا بھی مالک رے مانݙے خاں کھریوڑے ٹوٹا خاں پیٹ بھرئی۔ ²⁸۲۸۔ پچھے پربھویسوع جواب ݙِنو آݨ کہیو، اِے لُوگائی تاجو بخواخ تمام گھݨوہے جیکݙھں توچاوی تاتجے خاروں اُوہی ہُوے آݨ اُوے ری ݙیکری اُوے گھڑی بھلاں ہو گی۔²⁹۲۹۔پربھویسوع اُوتھے خاں نخر تے گلیل رے سمندر رے نڑو گیو۔ پچھے اُو پہاڑی (ٹکر) تے گیو آݨ اُوتھے ٻیخ گیو۔ ³⁰۳۰۔موٹا ٹوݪا اُوے کوڈھی آیا، اُوآپرے بھیݪا منڈا(لنگڑا) اندھا، گونگا،پانگݪا آݨ گھݨاں خارا بیماراں ناں لے آیا۔ اُواں ناں پربھویسوع رے چرݨݨاں میں لے آیا۔ آݨ پربھویسوع اُواں ناں بھلاں کیا۔ ³¹۳۱۔جݙے ہجوم ائیے سب ݙیٹھو تو اُو حیران ہویا کہ گونگا ٻولئی، منڈا بہوی آݨ اندھا جووی، اُواں اِسرائیل رے ایشور ری تعریف کرئی۔³²۳۲۔پربھویسوع آپ رے چیلاں ناں ہیلو کریو آݨ اُواں ناں کہیو، "مناں اِئیے منکھاں تے ترخ آوئی، کیانکہ اِئیے مانجے بھیݪا تیناں ݙیھیاں خاں ہے آݨ اُواں کوڈھی کھاوݨ رے خاروں کیئں کونی۔ ہُوں اُواں ناں کھوݪے بغیر کونی بہیر کرݨ چاہتو۔ نی تو اِئیے مارگ میں بے ہوش ہو جاخے ۔ ³³۳۳۔ چیلاں اُوے ناں کہیو، ائیے خنخان جگہ میں اترے منکھاں ناں ڈھپاوݨ رے خارو ٻاٹی کِتھ خاں لے آجے۔ ³⁴۳۴۔پربھویسوع اُواں ناں کہیو،" تھاں کوڈھی کترے ٻاٹے پے اُواں کہیو،" خات (ساتھ) آݨ کئنک مچھے،" ³⁵۳۵۔ پچھے پربھویسوع اُواں ناں دھرتی تے ٻہخݨ رو حُکم ݙھنو۔³⁶۳۶۔ اُوے خات ٻاٹے آݨ مچھے کھݨ رے آݨ شکر ادا کراݨ رے بعد ٻاٹے بھانگیے آݨ آپ رے چیلاں ناں ݙھنئی۔ چیلاں منکھاں میں ٻاٹے بھیڑے۔ ³⁷۳۷۔منکھاں کھادے آݨ ڈھاپیا آݨ اُواں ٻاٹیاں را ٹوٹو کھݨیا تو خات ٹوکرا بھرجا۔ ³⁸۳۸۔ کھاوݨ آݪاں چارہزار مڑداں خاں ٹاݪ لُوگائے آݨ ٻاݪ بھی ہوتا۔ ³⁹۳۹۔ پچھے پربھویسوع منکھاں ناں بہیر کریا آݨ ٻیݪی تے چڑھ رو مگدان رے علاقے نی بھہو گیو۔

¹۱۔ فریسی آݨ صدوقی اُوے کوڈھی آ را اُوے ناں آزماؤݨ رے خاروں اُوے ناں کہیو، کہ مھاناں آکاش خاں کوئی نخاں ݙخل۔ ²۲۔ پݨ اُوے اُواں ناں بیݪتی ݙھنی جݙے آتھݨ (شام)تھئی تو تھیں کہی کہ موسم بھلو ہے کیانکہ آکاش راتو(لال) ہے³۳۔ خاکݪو رو تھیں کہی کہ موسم کھراٻ ہے کیانکہ آکاش راتو آݨ دندھلو ھے تھیں آکاش ری ݙخیجݨ آݪی حالت تو ݙخل خگھی پر وقت رے نخان ناں بیان کونی کر خگھتا ⁴۴۔ شطانی آݨ بدکار منکھ ہیک نخان لابھئی پݨ اُواں ناں کونی نخان ݙھنو جاوے، یوناہ خاں ٹاݪ بݪے پربھویسوع اُواں ناں چھوڑ تے بہیوؤگیو۔⁵۵۔ جݙے ٻیجے پاخے پُگا تو ٻاٹی بھیݪی لیوݨ بھلیا ھتارا۔ ⁶۶۔پربھویسوع اُواں ناں کہیو، دھیان کریا کہ فریسی آݨ صدوقیاں رے کھٹاݨ خاں بچیا رہیا۔ ⁷۷۔چیلاں ہیکے ٻیجے ناں کہیو کہ اِے ائیے رے خاروں کہی وہ کیانکہ آپاں ٻاٹی کونی لایا۔ ⁸۸۔پربھویسوع ائیے باتاں ری خٻر ھتی! اُوے کہیو، بخواخ کرݨ آݪاں تھیں کیاں ہیکے ٻیجے خاں مشورو کرئیں واہ کی اِے ائیے رے خاروں کہ تھاں کوڈھی ٻاٹی کونی؟⁹۹۔ کی تھیں حالی تک کونی خمجھیا، تھاناں پانچ ہزار منکھاں رے خاروں پانچ ٻاٹے یاد کونی، آݨ نی اِے کہ کیترا ٹوکرا بھیݪا کریا ھتا؟ ¹⁰۱۰۔ یا خات ٻاٹے چار ہزار منکھاں رے خاروں ، تھاں کیترا ٹوکرا اکھݨیا ھتا؟¹¹۱۱۔ اِے تھیں کیکر کونی خمجھتا کہ ھوں تھاناں ٻاٹی رے بارے میں کونی کہیتو؟۔ دھیان ݙدکہ فریسیاں آݨ صدوقیاں رے کھٹاݨ (خمیر) خاں ہوشیار رہیا۔ ¹²۱۲۔پچھے اُو خمجھ گیا کہ اُو اُواں ناں ٻٹی ری کھٹاݨ خاں ہوشیار رہیݨ رے خروں کونی پݨ فریسیاں آݨ صدوقیاں ری تعلیم خاں ہوشیار رہیݨ رے خاروں کہی وہ۔¹³۱۳۔ جݙے پربھویسوع قیصریہ فلپی رے حخے میں بڑیو تو اُوے آپ رے چیلاں خاں پوچھیو کہ منکھ کی کہی کہ ابِن آدم کِݨ ھے؟ ¹⁴۱۴۔اُواں کہیو، کوئی یوحنا پویترشنان ݙیوݨ آݪو، کوئی ایلیاہ کوئی سنتاں میں خاں کوئی ہیک۔ ¹⁵۱۵۔اُوے اُواں ناں کہیو، پر تھیں کی کہی کہ ھوں کݨ ھاںن؟ ¹⁶۱۶۔ شمعون بݪتی ݙہنی کہ تومسیح ہیں، جیوتے ایشور رو ݙیکرو،¹⁷۱۷۔ پربھویسوع اُواں ناں بݪتی ݙھنی آݨ کہیو، دھن ہے توں شمعون بریوناہ، تیں تے اِے بات مانجے گوشت آݨ لُوہی خاں کونی پݨ مانجے پتا ظاہر کی ہے جکو آکاش میں ہے۔ ¹⁸۱۸۔ ھوں تھاناں کہیں وہ کہ توں پطرس ہے ہی جبل (چٹان)تے آپری منڈݪی (کلیساء) بݨائیخ ۔ آݨ اُو نرگ(جہنم) میں کونی جاوے۔¹⁹۱۹۔ ھوں تناں آکاش ری باشاہی رے کونچے ݙئی جکواِتھے دھرتی تے ٻاندھ خو وہ آکاش تے بھی ٻاندھ خوآݨ جکو کاہی تھے دھرتی تے کھولوچھوڑخو اُو آکاش تے بھی کھولیوجاخے ²⁰۲۰۔ پچھے پربھویسوع چیلاں ناں حُکم ݙھنو کہ کہیں ناں نی کہیا کہ یسوع مسیح ہوں ھاں۔²¹۲۱۔ اُو وقت رے پچھے پربھویسوع آپرے چیلاں ݙخلیو کے اَئیے ضروری ہے کہ اُو یروشیلم جاؤئے بوڈھیاں آݨ سردارکاہناں آݨ فقیہاں ری طرف خاں گھݨو ݙوکھ خے، ماریو جاؤے آݨ تیجے ݙیھن مؤوڑاں میں خاں جی اُوٹھے۔ ²²۲۲۔پچھے پطرس اُواں ناں ہیکے پاخے لے گیو، آݨ اُوے ناں بُروبھلو کہݨ لاگو اِئیے ایشور نی کرے وے ، اِئیے تیں تے ہرگز نی آوے۔ ²³۲۳۔ پربھویسوع مݪ رو پطرس ناں کہیواِے شیطان توں میں خاں اݪگو جا کہ توں مانجے خاروں تھوڑوکھاوݨ رو کارݨ بݨیو کیانکہ تناں ایشور خاں بدیک منکھاں ری باتاں روفکر ہے²⁴۲۴۔پچھے پربھویسوع آپرے چیلاں ناں کہیو جیکݙھں مانجے لاریوں آوݨ چاوی، (اُوے رےخاروں ضرور ھے) آپرے آپ خاں انکار کرے، آپری خوݪی کھݨو آݨ مانجے لاریوں بہو۔ ²⁵۲۵۔جکو کوئی آپری حیاتی ناں بچاوݨ چاوہی اُو اُوے ناں گماخے، آݨ جکو کوئی اُوے ناں کماخے اُو اُوے ناں پالیخے۔ ²⁶۲۶۔ ائیے رو کی فائیدو ہے کہ انخان خاری دنیا حاصل کرے پر آپری جان ناں گماوئے، ہیک انخان آپری جان رے کارݨ میں کی ݙے خگھیں۔²⁷۲۷۔ پݨ اِبن آدم آپرے ٻاپ ری راجائی (جلال) میں آپرے فرشتاں رے بھیݪو آخے۔ ²⁸۲۸۔ھوں تھاناں خیچ کہیں کہ تھاں میں خاں کہنک منکھ (ماݨیخ) جکو اِتھے اُبھا ھے۔ جکو اِبن آدم ری راجائی میں آوݨ خاں پہلی مرݨ رو مزو کونی چکھے۔

¹۱۔ چھ ݙناں خاں پچھے پربھویسوع پطرس یعقوب آݨ یوحنا رے بھائی ناں ہیکے اُونچے پہاڑ تے لے گیو۔ ²۲۔ اُوے ری خورت اُواں اگیا بدل گی۔ اُوے رو مہانݙو خورج آݪی کر چمکݨ لاگو، آݨ اُوے را گابھا اُوجاݪے آݪی کر چمکݨ لاگا۔³۳۔جوؤ اُواں ناں ایلیاہ آݨ موسٰی سنت اُوے خاں باتاں کرتا نظر آیا۔ ⁴۴۔ پطرس پربھویسوع ناں کہیو، ایشور مھارو اِتھے ہُوّݨ بھلو ھے۔ جیکݙھں توں چاویں تین جگاہواں ٹھاواں ہیک تاجے خاروں ہیک ایلیاہ آݨ ہیک موسٰی رے خاروں۔⁵۵۔جݙے اُو کہیوتو ہی پیو آݨ باݙݪ میں خاں ہیک آواز آئی،" اِئیے مانجو پیارو ݙیکروہے۔ جکے خاں ھوں ݙاڈھو راضی ھاں،"اِئیے ری خݨو" ⁶۶۔ جݙے چیلا اِے خݨیو اُو اُوندھا مانݙے کھریا آݨ ݙاڈھا ٻہیا۔ ⁷۷۔پچھے پربھیسوع آیو آݨ اُواں ناں ہاتھ لگا رو آݨ کہیوݨ لاگو ٻیھو نی۔ ⁸۸۔ پچھے اُواں ماتھے ݙٹھو تو اُواں ناں پربھویسوع خاں ٹاݪ ٻیجوکوئی نظرکونی آیو۔⁹۹۔ جݙے اُوجبل (ٹکر) خاں اُترتا پیا تو پربھویسوع اُواں ناں وچن ݙی کہیو، جتری تک اِبن آدم مؤوڑاں خاں جی نی اُوٹھے کہیں ناں اِے بات نی کریا۔ ¹⁰۱۰۔ چیلاں اُوے ناں کہیو، عالم اِے کیاں کہی کہ ایلیاہ رو پہلی آوݨ ضرورھے۔¹¹۱۱۔پربھویسوع جواب ݙھنو آݨ کہیو،"ایلیاہ بے شک آخے آݨ خارے چیزاں پورے کرخے۔ ¹²۱۲۔ پݨ ھُوں تھاناں اِے کہیں کے ایلیاہ آیو رو پݨ اُواں اُوے ناں کونی اُوݪکھیو، پݨ اُوے خاں جکو من چاہوے کریو، ائیاں ائہں ابن آدم بھی اُواں رے ہاتھاں خاں ݙُکھ کھݨ خے۔ ¹³۱۳۔پچھے چیلان اِے خمجھ گیاکہ اُو یوحنا پویترشنان ݙیوݨ آݪے رے بارے میں کہی پیو۔¹⁴۱۴۔جݙے اُو ٹوݪے رے کوڈھیا آیو تو ہیک منکھ اُوندھا گوݙاں تائیں نوگڑرو اُوے خاں کہیݨ لاگو۔ ¹⁵۱۵۔ ایشور مانجے ݙیکرے تے کرپا کر کیاں کے اُو مِرگی خاں ݙاڈھو ݙُکھ (تکلیف) میں ہے۔ اُو خدھاں باخݙے یا پاݨی میں خریئی رو۔ ¹⁶۱۶۔ ھوں اُوے ناں تاجے چیلاں کوڈھیا لے آیو، پݨ اُو اُوے ناں بھلاں کونی کرخگھیا۔¹⁷۱۷۔پربھیسوع جواب ݙھنو آݨ کہیو،" اِے بے یکیناں آݨ حرکتی نخل ھوں کتری تک تھاں بھیݪو رہیخ؟ ھُوں کتری تک تھاری خہیخ؟ اُوے ناں میں کوڈھی لے آؤ۔ ¹⁸۱۸۔ پربھویسوع اُوے ناں دڑکو ݙھنو آݨ بھونت اُوے رے بدن (جسم) خاں نخیر گیو، آݨ اُو چھوکرو اُوہی گھڑی بھلاں تھی گیو۔¹⁹۱۹۔پچھے چیلاں اُوےکوڈھیاں ھکھلائی میں آیا آݨ کہیو،" مھاں اُوے ناں کیاں کونی کاڈھ خگھیا؟ ²⁰۲۰۔ پربھویسوع اُواں کہیو، تھارے تھوڑے بخواخ رے خاروں، ھُوں تھاناں خچی کہیں جیکݙھن تھاں میں خرّم (تُوّر) رے ݙاݨہ جیترو بھی بخواخ وے تو تھیں جبل (ٹکر) ناں کہو کہ ایتھ خاں ٹݪ جارو تو ائیائیں تھیخے، آݨ تھارے خاروں کوئی کام نی تھیݨ جہڑو کونی وہے۔ ²¹۲۱۔ پݨ اِئیے قسم را بھنت دُعا آݨ روزے رے ٹاݪ کونی کاڈھ خگھتا۔²²۲۲۔گلیل میں ٻیٹھوڑے وقت پربھویسوع چیلاں ناں کہیو، اِبن آدم منکھاں رے حوالے کیوجاخے۔ ²³۲۳۔ آݨ اُو اُوے ناں مارخے رو آݨ تیجے ݙھین اُو جیوتو کیو جاخے، چیلاں گھݨاں پریشان ھُویا۔²⁴۲۴۔ جݙے اُو کفرنحوم میں آیا تو چُونگی لیوݨ آݪاں پطرس رے کوڈھیا آیا آݨ کہیو، کی تاجو اُستاد (گرو) آدھی چونگی ݙیخے؟ ²⁵۲۵۔اُوے کہیو ہاں پݨ جݙے پطرس پاچھوگھرے آیو، تو پربھویسوع اُوے رےٻولݨ خاں پہلی ہی کہیو۔ شمعون! توں کی خوچئیں پیو؟ دھرتی را بادشاہ کے خاں جزیہ یا خراج لے وی؟ آپری عوام خاں یا پرائیاں (مخیواڑ یا ٹھیکو لے وی پیا؟²⁶۲۶۔ جݙے پطرس کہیو، پرائیاں خاں، تو پربھویسوع اُوے ناں کہیو،"تو پچھے عوام اُوے ناں ادا کرݨ خاں آزاد ہے پچھے اِئیے خاں آزاد ہے ²⁷۲۷۔ پݨ اِئیاں نی ہوے کہ مھیں چُونگی لیوݨ آݪے رے خاروں پاپاں (گناہواں) رو خیبب بݨاں۔ اِئیے خاروں سمندار تے جاؤ کنڈی ناکھو، آݨ جکو پہلی مچھی اُونچا آوے اُوے ناں چھالوری جݙے تھیں اُوے رو مھانݙو کھول خورو تو تھیں اُوے میں خاں پیخو(روپیہ) لابھخے، اُوے ناں لیے رو آݨ چُونگی لیؤݨ آݪے ناں مانجے آݨ آپ رے خاروں ݙے ݙیا۔

¹۱۔ اُوے گھڑی چیلا پربھویسوع کوڈھی آیا آݨ کہوݨ لاگا ایشور ری راجائی میں موٹو کوݨ ہے۔ ²۲۔ پربھو یسوع آپرے کوڈھیاہیک ٻاݪ ناں ہیلو کیو آݨ اُوے ناں بیچ میں ٻیخاݨیو۔ ³۳۔ آݨ کہیو کے ھوں تھاناں خچی کہیں کے جیسی تائیں تھیں توبہ کر، تے ائیے ٻاݪ آݪی کر نی تھیخو اتیری تائیں تھیں ایشور ری راجائی میں کونی داخل تھیو۔⁴۴۔پݨ جکو آپرے آپ ناں ائیے ٻاݪ آݪی کر نعماݨو کرخے اُو ماݨخ ایشور ریراجائی میں خاراں خاں موٹو ھوخے۔ ⁵۵۔ آݨ اُو جکو ائیے نڈھیے ٻاݪ ناں مانجے ناں (نام) خاں قبول کرخے اُو مناں قبول کرئی۔ ⁶۶۔ آݨ جکو ائیاں نڈھیاں میں خاں میں تے وشواش لے آوے کہئں ناں نقصان ݙئی تو اُوے رے خاروں بھلو ہے کے اُوے رے گݪے میں گھرٹی رو پاٹ ٻاندھ رو سمندر میں ناکھیو جاوئے۔⁷۷۔ ٹھوکراں رے کرے جگت تے افسوس ہے جکے ری وجہ تھوݙو (ٹھوکر) آویں۔ ⁸۸۔ جیکݙے تاجو ہاتھ یا پُگ تناں تھوݙو ݙیوݨ رو سبب بݨے تو توں اُوے ناں باڈ چھوڑ ھاں آپرو آپ خاں دھار کر چھوڑ ۔ منڈو ٹونڈو تھی تے خورگ میں جاؤݨ تاجے خاڑوں بھلو ہے، ٻہیں ہاتھ تے پُگ نرگ میں جاویں۔⁹9۔ جیکݙھیں تاجی آنکھ ٹھوکر ݙیوݨ ری سبب بݨیئ تو توں اُوے ناں کاڈھ آݨ کاݨو ہو تے خورگ میں جاوݨ تاجے پگا بہتر ہے کہ توں ٻہیاں آنکھیاں رے ہوتے توں جہنم رے باخݙے میں ناکھیو جاوئے۔¹⁰۱۰۔ جوؤ تھیں اِے چھوٹا میں خاں کہیں ناں گھٹ نی خمجھو، ھوں تھاناں کہیݨ وہ کہ آکاش تے اُوے را فرشتہ مانجے پتا رے چہرے ناں جکو آکاش تے ہے جووئ۔ ¹¹۱۱۔ کیانکہ ابن آدم بھٹکیوڑاں ناں بچاوݨ آیو ہے¹²۱۲۔ تھیں کی خوچئی پیا؟ ہیک ماݨخ کوڈھی خو(سو)(100) ریڈھاں ہوئے آݨ اُوے میں ہیک ریڈھ گومیجے ری تو اُو کی نڑانوے ناں ٹکر تے چھوڑ رے کی اُو اُوے ہیکی ریڈھ ناں لابھݨ (جووݨ) کونی جاوئے؟۔ ¹³۱۳۔جیکݙھیں اُو اُوے ناں لابھے ری تو ھوں تھاناں خچی کہیں وہ کہ گُم تھیوڑی ریڈھ ری خوشی نڑانوے ریڈھاں خاں گھݨی ھوخے۔ ¹⁴۱۴۔ ائیاں ہی آکاشی پتا کونی چاھتو کے نیڈیا وی ہلاک ھوئے۔¹⁵۱۵۔جیکݙھیں تاجو بھائی تاجے خلاف پاپ کرے تو توں جا رو اُوے ناں اُوے ری غلطی خوݨاں، جے تاجی بات ناں خوݨے تو توں اُوے ناں آپ رو بݨائیخ رو۔ ¹⁶۱۶۔ جیکݙھیں تاجی بات کونی خݨتو تو توں آپرے بھیݪو ہیک یا ٻئہیاں بھائیاں ناں لے جا کیاں کے اُو ہر لفظ را شاہد ہوئے۔¹⁷17۔ آݨ اُو ائیاں ری خوݨݨ نی چاوئے تو خارو معاملو منڈݪی (کلیسیا) ناں خوݨاوے آݨ منڈݪی ری بھی نی خاݨے توپچھے غیراقوام آݨ چونگی لیوݨ آݪا رے حوالے کیوجاوے۔¹⁸۱۸۔ھُوں تھاناں خاں خچ کہیں پیو، کہ جکو کجھ تھیں زمین تے باندھ خو اُو آکاش تے بھی باندھیو جاخے آݨ جکو کجھ زمین تے کھولخو اُو ہی آکاش تے کھلخے۔ ¹⁹۱۹۔ بیڑے ھُوں تھاں کہیں پیو جیکݙھیں تھاں میں خاں ٻئے منکھ زمین تے کہیں بات رے خاروں جیکر اُو چاویں راضی ہوئے تو اُو مانجے پتا ری طرف خاں جکو آکاش تے ہے اُواں رے خاروں ہوخے ری۔ ²⁰۲۰۔ کیاں کے جِتھے ٻئے یا تین منکھ مانجے ناں خاں بھیݪا ہُوئی ھُوں اُوئاں بھیݪو ہُوئیں۔²¹۲۱۔ پطرس آیو آݨ پربھویسوع ناں کپوݨ لاگو، پربھو اگر مانجو بھائی مانجے ݙوھ کرے تو ہُوں اُوے ناں کیرا پھیرا بخکاں (معاف)؟ " کی ساتھ پھیرا؟" ²²۲۲۔ پربھویسوع اُوے ناں کہیو، ہُوں تھاناں ساتھ پھیرا نی پݨ خِتر پھیرا کہیں پیو۔²³۲۳۔ ائیے رے خاروں آکاش ری راجائی اُوے راجا آݪی کر ہے جکو آپرے نوکراں خاں حِخاب کِتاب لیوݨ چاہتو پیو۔ ²⁴۲۴۔ آݨ جاں ہی اُوے حِخاب کرݨ شروع کیو، اُوے کوڈھی اُو نوکرل؟ لِیایو گیو جکے ناں ݙخ (دس) ہزار روپیا اُدھار تے ݙھنا گیا ہُتا۔ ²⁵۲۵۔ پݨ اُوے کوڈھی قرض ݙیوݨ رے خارو پیخا کونی ہُتا۔ اُوے رے مالک حُکم ݙنوں کہ اُوے آݨ اُوے ری لُگائی آݨ ٻاݪا ناں بیچ را رقم پوری کی جاوے۔²⁶۲۶۔جݙے نوکر کھریو رو آݨ نگڑ رو کہیوݨ لاگو۔ اُوے مالک میں تے ݙایا کر ہُوں تاجو خارو قرض اُتار ݙیئخ رو۔ ²⁷۲۷۔ مالک ناں اُوے تے ترس آیو آݨ اُوے اُوے ناں چھوڑ ݙنو آݨ اُوے رو خارو قرض بخک ݙنو۔²⁸۲۸۔ پچھے اُو نوکر گیو آݨ اُوے رو ٻجے نوکر نی ہیک خَو رپیو قرض ݙنو ڑو ہتو۔ اُوے ناں جھال رو گھٹو ݙے رو کہیو۔ "مناں پئیخا ݙے جکو تیں میں خاں قرض لیو ہیں ۔ ²⁹۲۹۔ ٻجوڑو نوکر ہیٹھو نگڑیو آݨ منت کر ری کہیوݨ لاگو تھوڑو صِبر کر ہُوں تاجو خارو قرض تنا ݙئیخ رو۔³⁰۳۰۔ پݨ پہلکو نوکر نی منیو۔ آݨ اُوے ناں قید کرواݙنو۔ جِتی تائیں اُو قرض نی ݙے۔ ³¹۳۱۔ جݙے اُوے ناں ٻجاں نوکراں ݙٹھو کہ اِے کی تھیو ہے اُو گھݨاں ݙُکھی تھیا، اُو گیا آݨ آپ رے مالک ناں خرو کجھ کہے ݙنو۔³²۳۲۔ پچھے اُوے نوکر رے مالک اُوے ناں آݨوایو آݨ کہیو، " اِے چلاک نوکر، تنا تاجو خرو قرض بخک ݙنو۔ کیاں کےتیں مناں منت کی ہتی۔ ³³۳۳۔ کی تناں ٻجوڑے نوکر تے ݙایا کونی کرݨی کھپتی، جاں میں تیں تے ݙایا کی۔³⁴۳۴۔ اُوے رے مالک ناں ریخ آئی آݨ اُوے ناں پولیس رے حوالے کیو۔ جِتی تائیں اُو قرض پاچھو نی ݙے۔ ³⁵۳۵۔ جݙے مانجو آکاشی پتا وی تھاں خاں ائیاں ہی کرخے۔ جِتی تائیں تھیں آپ رے بھائی ناں پورے مَن خاں نی بکخو۔ (معاف نی کرخو)

¹۱۔ پچھے ائیاں تھیو کہ جݙے پربھویسوع شٻد پورو کیو تو اُو گلیل خاں نکل رو دریائے یردن خاں آگو یہودیہ رے علاقے میں آیو۔ ²۲۔ہیک موٹو منکھاں رو ٹوݪو پربھویسوع رے لارو گیا آݨ پربھویسوع اُواں نہ بیماریاں خاں خاجا کیا۔³۳۔فریسی آیا آݨ پربھویسوع ناں ازماوݨ رے کرے پربھویسوع خاں کہیو کی کوئی منکھ دھرمی طرقے تے آپ ری لُوگائی ناں کہیں وجہ خاں طلاق ݙے خگئی؟۔ ⁴۴۔ پربھویسوع اُواں ناں جواب میں کہیو، کی تھاں کونی پڑھیو کہ جکے ائیاں ناں بݨایا۔ اُوے پہلی خاں ہی مرد آݨ لُوگائی بݨائی؟⁵۵۔ آݨ پربھویسوع اِے بھی کہیو" ائیے رے کرے منکھ آپ رے ماتا پتا ناں چھوڑخے آݨ آپ ری لُوگائی بھیݪو ریخے،۔ کیاں کے دھݨی آݨ لُوگائی ہیک بدن ہُوخے؟۔ ⁶۶۔ نی کہ ٻئے بدن۔ کیاں کے جکاں ناں ایشور جوڑیا ہے اُواں ناں منکھ جدا نی کرے۔⁷۷۔ اُواں منکھاں پربھویسوع ناں کہیو، تو پچھے موسیٰ سنت تھاری ماناں کیاں حُکم ݙنوکہ طلاق ݙے ری چھوڑ ݙوؤ۔ ⁸۸۔پربھویسوع اُواں منکھاں خاں کہیو، موسیٰ سنت تھاری پکے من رے کرے تھاناں تھاری لُوگائیاں ناں طلاق ݙیݨ ری موکل ݙنی پݨ شررع خاں ائیاں کونی ہتو۔ ⁹۹۔ ہُوں تھاناں کہیں، جکو کوئی آپ ری لُوگائی ناں بھونݙے (زنا) کام رے بنا چھوڑخے، آݨ کہیں ٻجی لُوگائی خاں بہیاں کرخئیں تو اُو اُوے خاں بھونݙئی کرئیں، آݨ جیکݙھیں کوئی منکھ طلاق ݙنھوڑی لُوگائی خاں بہیاں کرئی تو اُو بھی اُوے لُوگائی خاں بھونݙئی کرئی۔¹⁰۱۰۔چیلاں پربھویسوع ناں کہیو، جیکݙے کہیں منکھ رو آپ ری لُوگائی خاں ایڑو حال ہے تو بہیاں نی کرݨ ہی بھلو ہے ¹¹۱۱۔ پݨ پربھویسوع اُواں ناں کہیو، ہر منکھ ائیے حُکم ناں کونی من سگتو۔ پر اُو ھوئی جکے ناں منݨ ری موکل ݙنی گی ہے۔ ¹²۱۲۔ کیاں کے کئیک کھدڑا ایڑا ہے جکو ماتا رے پیٹ خاں ہی ائیاں جنم لیوی آݨ کئیک ایڑا کھدڑا ہے جکاں ناںمنکھاں بݨایا ہے آݨ کئیک ایڑا ہے جکاں آپ رے آپ ناں ایشور ری راجائی رے خاروں بݨیا، اُو جکو ائیے بات ناں من خگئی اُوے ناں منݨ ݙئو۔¹³۱۳۔ پچھے کئیک چھوٹا ٻاݪ پربھویسوع رے کوڈھی لایاگیا تاکہ اُو اُواں تے ہاتھ راکھ رو برکت ݙے۔ پر چیلاں اُواں ناں دڑکو ݙاݨ لاگا۔ ¹⁴۱۴۔پݨ پربھویسوع کہیو، ٻاݪاں ناں میں کوڈھی آوݨ ݙئو، ائیاں ناں متے روکو۔ کیاں کے آکاش ری راجائی ائیاں ری ہے ¹⁵۱۵۔ آݨ پربھویسوع اُواں ٻا ݪاں تے ہاتھ راکھ رو برکت ݙنی آݨ اُو اُتھو بہو۔¹⁶۱۶۔ جؤو ہیک منکھ پربھعیسوع کوڈھی آیو آݨ کہیو، گرو جی ہُوں کہیو بھلو کام کراں کے امر جیوݨ پاؤں ۔ ¹⁷۱۷۔ پربھویسوع اُوے ناں کہیو تو مہیں خاں کیاں پوچھیی پیو کی بھلو ہے۔ بھلو تو صرف ہیک ہی ہے جے توں جیوݨ میں آوݨ چاوی تو شٻدھاں تے عمل کر۔¹⁸۱۸۔ اُوے منکھ اُوے خاں کہیو کیڑا شٻدھ پربھویسوع اُوے ناں کہیو کہ قتل نی کر، پرائی ناری خاں بھوگ نی کر۔ کوڑی گوائی نی ݙے۔ ¹⁹۱۹۔ آپ رے ماتا پتا ری عزت کر۔ آپ رے پاڑے خیری خاں آپ آݪی کر پریم کررو۔²⁰۲۰۔ ہیکے موٹیار اُوے ناں کہیو، میں تمام شٻدھاں تے عمل کیو ھاں ہمیں مناں کی کرݨو ہے۔ ²¹۲۱۔پربھویسوع اُوے ناں کہیو، جے تو پورو خالکھ بݨیخ تو آپ رو خارو مال دھن غریٻاں ناں بنڈھ ݙے تو تناں آکاش تے دھن دولت ملخے تو مہارے لارے آ۔ ²²۲۲۔ جݙے اُوے موتیار اِے خݨیو کہ پربھویسوع کی کہیو ہے تو اُو ݙاڈھو پشمان ہویو آݨ اُوتھ خاں گیو بوہو۔ کیاں کے اُو گھݨو دھنوتی ہتو۔²³۲۳۔ پربھو یسوع آپ رے چیلاں ناں کہیو، ہُوں تھاناں خچی کہیں وہ کے دھنوتی منکھ رو ایشور ری راجائی میں جاوݨ گھݨو اوکھو ہے۔ ²⁴۲۴۔ ٻݪے ہُوں تھاناں کہیں کہ اونٹ رو خوئی (سوئی) رے ناکے میں جاوݨ خورو ہے آݨ دھنوتی رو ایشور ری راجائی میں جاوݨ اتیرو اوکھو ہے۔²⁵۲۵۔جݙے پربھویسوع رے چیلاں اِے خݨیو تو اُوگھݨاں حیرت میں آیا آݨ کہیوݨ لاگا تو کوݨ بیچ خگای۔ ²⁶۲۶۔پربھویسوع اُواں ݙخیا جویو آݨ کہیو ماݨخاں رے خاروں تو اوکھی بات ہے پر ایشور رے خاروں کوئی چیز کونی۔ ²⁷۲۷۔پچھے پطرس جواب میں کہیو، جو مہیں خارو کُجھ چھوڑیو رو آݨ تاجے لارے آیا را تو مہاناں کی ملخے۔²⁸28۔ پربھویسوع اُوے ناں کہیو، ھوں تناں خچی کہیں وہ توں مانجے لارے آیو تو نئیو جیوݨ میں (ابن آدم) آدم زاد رے ٻݙائی رے تخت تے ٻیخیخ، تھیں وی ٻاراں تختاں تے ٻیخخو، آݨ اسرئیل رے ٻاراں قبیلاں رو نیاء کرخو۔²⁹۲۹۔ جکو کوئی آپ رو گھر،ٻہین، بھائی، ماتا پتا، ٻاݪ تے دھرتی مانجے ناں خاں چھوڑخے اُوے رو اجر سو حیخا ہوخے آݨ اُو امر جیوݨ رو مالک ہوخے۔ ³⁰۳۰۔ پݨ گھݨاں پہلی ہے اُو لارے کیا جاخے آݨ گھݨاں لارے ہے اُو آگی کیا جاخے۔

¹۱۔ آکاش ری باچھائی اُوے زمیندار ری آݪی کر ہے جکو صبو رو آپ رے انگوراں رے باغ میں کام کرݨ رے خاروں مزدوراں ناں مزدوری تے لیوݨ گیو۔ ²۲۔ جݙے اُوے مزدوراں خاں ہیک روپیو مزدوری موکائی، تو اُوے اُواں ناں باغ میں کام کرݨ رے خاروں بہیرکرچھوڑیا۔³۳۔تیجے پہار اُو بݪے گیو تے اُوے ٻیجاں مزدوراں ناں شہر میں بے کار اُوبھوڑا ݙٹھا۔ ⁴۴۔ اُوے اُواں ناں کہیو، تھیں بھی باغ میں جاؤ۔ آݨ جکو بھی مناسب ہوخے ہُوں تھاناں ݙیخ رو۔ اُو کام تے بووھا گیا۔⁵۵۔ اُو بݪے چھیویں تے ناویں گھنٹے میں آیو تے اُواں ہی کیو۔ ⁶۶۔اُوے خاں پچھے اُو اگیارویں گھنٹے میں گیو تے بݪے وی مزدوراں ناں بےکار اوبھڑا ݙٹھا۔ اُوے اُؤاں خاں کہیو، " تھیں کیاں اتھے خارو ݙن بے کار اوبھا ہو؟ ⁷۷۔ اُواں اُوے ناں کہیو، " کیاں کے کہیئں بھی مھاناں کام کونی ݙھنو" اُوے اُواں کہیو، " تھیں بھی باغ میں جاؤ"⁸۸۔جݙے انڈھے ہوئی تو باغ رو مالک آیو آݨ آپ رے رکھواݪے خاں کہیو، خاراں مزدوراں ناں ھیلو کر۔ آݨ آخری مزدور خاں لے رو پہلی آݪے تک خاراں ںاں اُواں ری مزدوری ݙے ݙو۔ ⁹۹۔ڄفے اُو مزدور جکے ناں اگیاروے آݪے ناں مزدوری تے لایوگیو تو آیا تو اُواں میں ہر ہیک ناں ہیک روپیو ملیو۔ ¹⁰۱۰۔ جݙے پہلی آݪا مزدورآیا تو اُواں سوچیو کہ مھاںاں گھݨی مزدوری ملخے، پݨ اُواں ناں بھی ہیک روپیو ملیو۔¹¹۱۱۔جݙے اُواں ناں اُواں ری مزدوری جوڑی۔ تو اُواں زمیندار رے بارے میں دھاں ݙنھی۔ ¹²۱۲۔ اُواں کہیو ائیاں مزدوراں صرف ہیک گھݨو کام کیو پݨ تیں ائیاں ناں مھارے برابر مزدوری ݙھنی ہے۔ جݙے کہ مھاں تو خارو ݙن اُواں خاں گھݨو کام کیوھاں، آݨ گرمی تے تاوڑ خی ھاں۔¹³۱۳۔ پݨ مالک اُواں میں خاں ہیکے ناں جواب ݙھنو تے کہیو، "یار" میں تو کوئی غلط کونی کیو۔ کی توں میں خاں ہیکے روپیے تے راضی کونی تھیو تو۔ ¹⁴۱۴۔ اُو لے جکو تاجو حق ہے۔ آݨ آپ رو مارگ جھال۔ اِے منجی خوشی ہے کہ ہُوں آخری میں آیوݪے مزدور ناں تاجے برابر مزدوری ݙھاں۔¹⁵۱۵۔ کی اِے منجو حق کونی کہ جکو مرضی خاں آپ رے پیخے خاں کراں۔ یاتاجی آنکھ میں برائی ہے۔ کیاں کے ہوں ٹاوکو ھاں؟ ¹⁶۱۶۔ پݨ پہلا آکر آݨ آخیر آݪا پہلی کیا جاخے۔¹⁷۱۷۔جݙے پربھویسوع مسیح یروسیلم جاوتو پیو تو مارگ میں آپرے ٻارہ چیلاں ناں ہیکے پاخے لے گیو آݨ کہاݨ لاگو۔ ¹⁸۱۸۔جوؤ مھیں یروسیلم جاؤیں واں آݨ پربھویسوع سردار کاہناں آݨ فقہیاں رے حوالے کیو جاخے آݨ اُو اُوے ناں موت ری سزا ݙیخے۔ ¹⁹۱۹۔ اُوے ناں غیرقوماں رے حوالے کرخے اُو اُوے تے ہخا(مزاق) کرخے، کوڑا مارخے آݨ اُوے ناں خوݪی ݙیخے، پچھے اُو تیجے ݙن مؤوڑاں خاں جیوتو ہوخے۔ (جیوتو کیو جاکے)²⁰۲۰۔ پچھے زبدی رے ݙیکراں ری ماں پربھویسوع کوڈھی آئی اُوے پربھو ناں نمسکار کریو آݨ کنیک پوچھݨ لاگی۔ ²¹۲۱۔ پربھویسوع اُوے ناں کہیو، تاجی مرضی ہے اُوے کہیو حُکم ݙے کہ تاجی باچھائی میں مانجو ہیک ݙیکرو تاجے خاجݪی آݨ ٻیجو ݙیکرو کھاٻݪی ٻیخے۔²²۲۲۔ پچھے پربھویسوع اُوے ناں کہیو، تو کونی جاݨتی کہ کی مانگی وی کی تو ائیے رے قابل ہے کہ اُو کُوپ پیو جکو ہُوں اُو کُوپ ہُوں پیݨ آݪو ہاں۔ اُواں اُوے ناں کہیو، ہاوے مھیں ائیے رے قابل ہاں۔ ²³۲۳۔اُوے اُواں ناں کہیو، تھیں ضرور مانجو کُوپ پیخو رو، پچھے مانجے خاجݪی آݨ کھاٻݪی پاخے ٻیخاݨیں رو حُکم مانجو کونی پچھے اِے گھر اُواں ناں ݙنھی جاخے جکے رے خارو مانجے ٻاپ ٻݨایوہے۔ ²⁴۲۴۔ جݙے باقی ݙخاں(دس) چیلاں اِے سݨیو تو اُواں ٻہیاں خاں گھݨاں نارض ہویا۔²⁵۲۵۔ پچھے پربھویسوع اُواں ٻہیاں ناں آپ ݙیخا ھیلو کرایو آݨ کہیو تھیں جاݨئی کہ غیرقوماں را حُکم ݙاݨ آݪا آپ رے ماݨخاں ناں نوکر بݨاوتا را آݨ اُواں را خاص منکھ اُواں تے حُکم چیلاوتا رہی۔ ²⁶۲۶۔پچھے تھاں ائیہاں نی ہووݨ چائجے کیاں کے تھاں مھیں خاں جکو موٹو بݨݨ چاوی اُو شیواکار(غلام)بݨے۔ ²⁷۲۷۔آݨ جکو کوئی اگیا ہوݨ چاوی اُو شواکار بݨے۔ ²⁸۲۸۔ جیکر پربھویسوع شواکرواݨ کونی کیاں کے شوا کرݨ آیو، آݨ آپ ری زندگی گھݨیاں زندگیاں رے خاروں قربانی رے طور تے ݙیوݨ آیو۔²⁹۲۹۔ جݙے اُو یرِؔیحو خاں نخیرݨ لاگا تو ہیک گھݨو ٹوݪو اُواں رے لارے آیو۔ ³⁰۳۰۔ آݨ اُواں ٻئے اندھا منکھاں ناں سڑک رے پاخےب ٻیٹھوڑا ݙٹھا، جݙے اُواں خݨیو کہ پربویسوع بہوؤ جاوی تو اُو رڑے کرݨ لاگا آݨ کہیو، اِے پربھویسوع مھاں تے کرپا کر۔ ³¹۳۱۔ پچھے ٹوݪے آݪاں اُواں ناں دڑکا ݙاݨ لاگا کہ چھپ کرو تو اُو گھݨے رڑے کرݨ لاگا آݨ کہیو، اِے ایشور پربھویسوع مھاں تے کرپا(رحم) کر۔³²۳۲۔ پچھے پربھویسوع ابھیجو آݨ اُواں ناں کہاݨ لاگو کہ تھیں کی چاوی کے ھوں تھارے خاروں کراں؟ ³³۳۳۔اُواں کہیو کہ ایشور اِے کر کہ مھاری آنکھیں کھُل جاوے رے۔ ³⁴۳۴۔ پربھو یسوع ناں اُواں تے ترخ آیو، آݨ اُو اُواں رے آنکھیاں ناں ہاتھ لگایو، آݨ اُو اُوے گھڑی خاجا کھورا ہو گیا آݨ اُوے رے لارے ہوگیا۔

¹۱۔ آݨ جݙے اُو یروشلِمؔ رے نیݪا پوگا آݨ زَیتُون رے پہاڑ تے بیتؔ فگے رے نیݪا آیا تو پربھویسوع ٻہیاں چیلاں ناں اِے کہے رو بہیرکیا کہ۔ ²۲۔اگلے گائاںمیں جاؤ، آݨ اتھے ہیک گݙھی ٻادھوڑی نظر آخے آݨ اُوے بھیݪوگݙھی رو ٻچیوبھی اُوے ناں کھول ری میں کوڈھی لے آؤ۔ ³۳۔ آݨ جیکݙے کوئی منکھ تھاںاں خاں کہے تو اُ وے ناں کہیا کہ پربھویسوع ناں ائیے ری لوݪ ہے آݨ اُو منکھ اُوے گھڑی تھاناں ݙخے ری۔⁴۴۔اِےائیے رے کرے تھیو کہ سنت ری طرف خاں لکھیوگیوتو اُو پورو ہووے، اُوے کہیو۔ ⁵۵۔ اِے یروشلیمؔ ری ݙیکری، جو تاجو باچھا تئیں کوڈھی آوی ؤہ اُو نماݨو ہے آݨ گݙھی تے سوار ہے بلکہ گݙھی رے ٻچیے تے۔⁶۶۔ آݨ چیلاں گیا آݨ اواں ھی کیو جاں پربھویسوع اُواں ناں کہیو ہتو۔ ⁷۷۔اُو گݙھی آݨ اُوے رو ٻچیو لے آیا آݨ آپ را گابھا اُوے تے اُوڈھاٌیا آݨ پربھویسوع اُوے تے سوار ہوؤ۔ ⁸۸۔ عوام مارگ میں آپ را گابھا بچھایا آݨ کئنک منکھاں بݨاں رے لہڑے باڈھ رے مارگ میں بچھائیے۔⁹۹۔ ٹوݪو جکو پبھویسوع رے اگیا ھاں لاروں ھتو اُو رڑے کر تے کہتا پیا ابن دُاؤد ری بݙائی ہو وے، دھن اُوے ناں ہے جکو ایشور رے ناں خاں آوی، آکاش تے اُوے ری بݙائی ھوے۔ ¹⁰۱۰۔جݙے پربھویسوع یروشلمؔ میں آیو تو خارو شہر تھرتھلے میں آیو آݨ کہیݨ لاگا "اِے کُݨ ہے؟" ¹¹۱۱۔ ماݨخاں جواب ݙھنو اِے گلیل رے شہرناصرت رو نبی پربھویسوع ہے۔¹²۱۲۔پچھے پربھویسوع ہیکل میں بݪیو آݨ خامان بیچݨ آݪاں ناں اُوتھ خاں کاڈھ چھوڑیا، اُوے شاہوکاراں آݨ کبوتر بیچݨ آݪاں رے پھٹاں ناں اُوندھا کر چھوڑیا۔ ¹³۱۳۔اُوے اُواں ناں کہیو لکھیݪو ہے مانجو گھر پراتھنا رو گھرخݙیڄ خے۔ پرتھاں ائیے ناں چوراں آݨ ٹہگاں رو اݙو ٹھایو رو۔ ¹⁴۱۴۔ پچھے اندھا آݨ پانگݪاں اُوے کوڈھیا ہیکل میں آیا آݨ اُوے اُواں ناں بھلاں کریا۔¹⁵۱۵۔ پݨ سردارکاہناں آݨ فقہیاں اُوے ناں عجیب کام کرتے جویو آݨ ہیکل میں ماݨخاں ناں ابن دُاؤد ری بݙائی کرتے خݨیو تو اُواں ناں ݙاڈھی ریئخ آئی۔ ¹⁶۱۶۔اُواں اُوے ناں کہیو کی تھیں خݨوئی پیا کہ اِے ماݨخ کی کہی پیو؟ پربھویسوع اُواں ناں کہیو، ہاں پر کی تھاں کونی پڑھیو کہ چھوٹاں آݨ ݙودھ پیݨ آݪاں ٻاݪاں رے مُکھ خاں آپری بݙائی خچی کروائی۔ ¹⁷۱۷۔ پچھے پربھویسوع اُواں ناں چھوڑ رو بیت عنیاہ رے شہر نی گیو آݨ اُتھے رھیو۔¹⁸۱۸۔ جݙے اُو خاکݪو ور شہر پاچھا آیا ےو پربھویسوع ناں بُکھ لاگی۔ ¹⁹۱۹۔ پربھویسوعع سڑک رے پاخے انجیر رو بݨ ݙٹھو۔ اُو بݨ کوڈھی گیو پݨ پاناں خاں ٹاݪ بݨ میں کہئی نی لاگوڑو ݙٹھو۔ اُوے بݨ ناں کہیو، "تنا بݪے پھݪ کونی لاگے" آݨ اُوے گھڑی اُو بݨ خُک گیو۔²⁰۲۰۔جݙے چیلاں اِے ݙٹھو تو حیران ہُویا آݨ کہیو، اِے انجیر رو بݨ اُوچھتو کَکر خُک گیو رو؛؛؟ ²¹۲۱۔پربھویسوع بݪتی ݙھنی آݨ کہیو؛ ہُوں تھاناں خچی کہیں کہ اگر تھاں میں وشواس ہے آݨ تھیں شک کونی کرتا، تو نی صرف اِے کر خگھئی جکو اِے انجیر رے بݨ خاں تھیو۔ پݨ تھیں جبل خاں کہخو جا آݨ سمندر مین کھر تو اُو ائیاں ہی ہُوخے۔ ²²۲۲۔ آݨ جکو وی تھیں وشواس خاں پراتھناں میں مانگخو تھاناں اُو ملیو جاخے۔²³۲۳۔ آم جݙے پربھویسوع بھگتی گھر میں پرچار کعتو پیو تو سردار کاہن آݨ فقہی پربھویسوع کوڈھی آیا آݨ کہݨ لاگا توں کے رے اختیار خاں اِے کام کرائیں، آݨ تناں اِے اختیار کے ݙھنو ہے۔ ²⁴۲۴۔ پربھویسوع اُواں ناں بݪتی ݙھنی ھُوں تھاں خاں ہیک سوال پوچھیخ آݨ پچھے ھوں تھاناں اِے ݙخلیخ کہ ھوں اِے کام کے رے اختیار خاں کرائیں۔²⁵۲۵۔یوحنا سنت رو پویترسنان کے ری طرف خاں ہُتو؟ آکاش ری ری طرف خاں یا منکھ ری طرف خاں؟ اُو آپت میں باتاں کرݨ لاگا کہ مھیں کی کہاں کہ آکاش ری طرف خاں تو اُو کہخے تھاں اُوے رو وشواس کیاں کونی کیو؟ ²⁶۲۶۔پݨ آپاں کہاں کہ انسان ری طرف خاں تو خارا منکھ نارض ہُوخے۔ کیاں کےاُو یوحنا ناں سنت کمجھتا ہُتا۔ ²⁷۲۷۔ پچھے اُواں پربھویسوع نہ بݪتی ݙھنی، "مھیں کونی جاݨتا" اُواں اُوے نا کہیو، پربھویسوع بھی اُواں نا کہیو ھُوں وی تھاناں کونی ݙخلاں کہ ھُوں اِے کام کے رے بݪ خاں کرئیں پیو۔²⁸۲۸۔ پچھے تھیں کی خوچئی پیا؟ ہیکے منکھ را ٻئے ݙیکرا ہتا۔ اُو موٹے ݙیکرے کوڈھی گیو آݨ کہیو ݙیکرا جا آݨ آج باغ میں کام کر۔ ²⁹۲۹۔پݨ ݙیکرے بݪتی ݙھنی آݨ کہیو کہ حوں کونی جاواں، ُݨ پچھے اُو آپ ری خالا پھری آݨ بوہوگیو۔ ³⁰۳۰۔ آݨ اُو منکھ ٻجے ݙیکرے کوڈھیا گیو، آݨ اُوکہیو ائیے ݙیکرے بݪتی ݙھنی اَے مالک ھُوں ضرور جائیخ پݨ اُو کونی گیو۔³¹۳۱۔ ائیاں ٻہیاں ݙیکراں میں خاں کہیو ݙیکرو آپ رے پتا رو وچن منݨ آݪوتھیو۔ اُواں بݪتی ݙھنی پہلی آݪو، پربھویسوع اُواں ناں کہیو ھُوں تھاناں خچی کہیں پیو، کہ تھاں منکھاں پہلی چونگی لیوݨ آݪا آݨ بدچال ایشور ری باچھائی میں جاخے را۔ ³²۳۲۔ کیاں کے یوحنا سنت تھاناں سچائی رو مارگ ݙخلݨ آیو تو، پݨ تھاں اُوے رو اعتبار کونی کیو، جݙے چونگی لیوݨ آݪاں آݨ بدچالݨ لُوگائیاں اُوے تے وشواس لے آئے، آݨ تھاں منکھاں اِے ݙیٹھو کے اِے کی تھیو پݨ تھاں بݪے وی توٻاں کونی کی۔ کہ اُوے تے وشواس لے آونت۔³³۳۳۔ہیک ٻجی مخال خݨو ہیکے منکھ کوڈھیا گھݨی دھرتی ہوتی ائیے ہیک باغ لگایو آݨ ائیے رے ٻارو لوݪو ݙھنو۔ ہیک ہودی کھتری آݨ رکھوالی رے خاروں منہار بݨایو آݨ باغ لگاوݨ آݪاں ناں کرائے تے ݙے ݙھنو آݨ آپ ٻیجے ملک بہیوگیو۔ ³⁴۳۴۔ آݨ جݙے باغ ری کٹائی رو وقت نیݪو آیو تو ائیے کہنک نوکراں ناں بہیر کیا کہ انگور لا خگے۔³⁵۳۵۔پݨ مالہیاں نوکراں ناں جھالیا آݨ کئہی کوٹیا آݨ کئہی ناں جان جان خاں ماریو آݨ کئہی ناں سنگسار کریا۔ ³⁶۳۶۔پچھے باغ رے مالک ٻجے نوکراں ناں بہیر کیا، آݨ پہلے خاں گھݨاں ناں بہیر کریا اُواں اُواں خاں بھی اُو جی سلوک کریو۔ ³⁷۳۷۔ ائیے رے بعد، مالک آپ رو ݙیکرو اُواں کوڈھی بہیر کریو،آݨ خوچیو کے اُو مانجے ݙیکرے ری عزت کرخے؛³⁸۳۸۔ پݨ جݙے مالہیاں ݙیکرے ناں ݙیٹھو تو آپت میں کہوݨ لاگا، اِے مالک ہے آؤ اِئیے ناں مار رو آݨ خارے باغ تے قبضو کر لے جے۔؛؛ ³⁹۳۹۔ اِے رے خاروں اُواں اُوے ناں جھالیو آݨ باغ میں ٻاہر کاڈھیو آݨ مار ݙھنو۔⁴⁰۴۰۔ اِے رے خاروں جݙے باغ رو مالک آخے تو اُواں مالہیاں خاں کی کرخے؟ ⁴¹۴۱۔ اُوے منکھاں جواب ݙھنو،"مالک آخے آݨ اُواں گنداں منکھ ناں بُری طرح خاں برباد کرخے، آݨ باغ رو ٹھیو ٻجے مالہیاں ناں ݙیخے، تاکہ اُو موسم تے اُوے ناں پھݪ ݙے۔⁴²42۔ پربھویسوع اُواں ناں کہیو،" کی تھاں سنتاں رے شٻد میں کونی پڑھیو، جکے پتھر ناں مستریاں رد کریو اُو ہی کنڈ آݪو پتھر ہوخے۔ اِے ایشور ری طرف خاں ہوؤ پݨ مھاری نظر میں عجیب ہے؟۔⁴³۴۳۔اِے رے خاروں ھُوں تھاں خاں کئیں پیو کہ ایشور ری باچھائی تھاں خاں لے لی جاخے آݨ اُوے قوم رے خاروں جکو پھݪ لاخے ݙے ݙھنی جاخے۔ ⁴⁴۴۴۔ آݨ جکو اِے پتھر تے کھرخے ٹوکݪا ٹوکݪا ہوجاخے پݨ جکے تے اُو کھرخے اُوے ناں پیخخے رو۔⁴⁵۴۵۔ آݨ جݙے سردار کاہناں آݨ فریسیاں اُوے رے ، مخالاں خݨیں تو اُوخمنجھ گیا مھارے بارے میں کئہی پیو۔ ⁴⁶۴۶۔ آݨ اُو اُوے ناں جھالݨ ری کوشش میں ہوتا، پݨ اُو منکھاں خاں ٻہیتا ہتا، کیاں کے اُو اُوے ناں سنت جاݨتا ہتا۔

¹۱۔ پربھویسوع اُواں ناں بݪے مخالاں میں کہوݨ لاگو۔ ²۲۔آکاش ری باچھائی حقیقت میں اُوے راجا آݪی کار ہے جکے آپ رے ݙیکرے رو بہیاں کیو۔ ³۳۔ اُوے آپ رے نوکراں ناں بہیر کیا کہ اُو اُواں منکھاں ناں ھیلو کر آوے جکاں ناں بہیاں ری دعوت ݙھنی گی ہتی، پݨ اُو منکھ کونی آیا۔⁴4 ۔راجا آپرے ٻجے نوکراں اِے کہہ رو بہیر کیا کہ جکاں ناں دعوت ݙھنی گی ہے اُواں ناں کہیو کہ میں ٻاٹی تیار کی ری، مانجا ڈھگا آݨ پݪیوڑا ٹوگھڑا بڈھیج گیا را، آݨ خارے چیزاں کھاوݨ رے خاروں تیار ہے اِئیے رے خاروں بہیاں میں آؤ۔⁵۵۔پݨ اُواں منکھاں اُوے رے ہیلے تے غور نی کیو۔ کئہی آپ رے پھخلاں نی گیا، آݨ کئہی آپ رے آپ رے کاماں تے بوہاگیا۔ ⁶۶۔آݨ ٻجاں باچھا رے نوکراں تے ہاتھ کھݨیو آݨ اُواں خاں برائی خاں پیش آیا، آݨ اُواں ناں مار چھؤڑیا۔ ⁷۷۔پچھے باچھا گھݨو نارض ہُویو، اُوے آپ ری فوج ناں بہیر کرری، اُواں مارݨ آݪاں ناں مروا چھوڑیا آݨ اُواں رے شہر ناں خاݪ ݙھنو۔⁸۸۔پچھے اُوے آپ رے نوکراں ناں کہیو، بہیاں ری ٻاٹی تیار ہے پݨ اݨایوڑا اِئیے رے قابل کونی ہُتا۔ ⁹۹۔اِئیے رے خاروں چَوباٹاں تے جاؤ، آݨ جتراں منکھاں ناں دعوت ݙے خگھئی ݙؤ کہ بہیاں ری دعوت میں آوئے۔ ¹⁰۱۰۔ نوکر چَوباٹاں تے گیا آݨ بھلا کی بُرا خاراں ناں بھیݪا کیا، آݨ دعوت آݪو گھر پرھاݨاں خاں بھریڄ گیو۔¹¹۱۱۔جݙے راجا پرھاݨاں ناں جُوؤݨ رے خاروں آیو، اُوے ہیکے منکھ ناں ݙیٹھو، جکے بہیاں را گابھا کونی پہریا ہُتا۔ ¹²۱۲۔ باچھا اُوے ناں کہیو، خنگتی(یار)تُوں اِتھے کِکر بہیاں رے گابھاں خاں ٹاݪ آیو ہیں؟۔ آݨ اُو منکھ بݪتی نی ݙے خگھیو۔¹³۱۳۔پچھے باچھا آپ رے نوکراں ناں کہیو۔ اِئیے منکھ را ہاتھ آݨ پُگ ٻاندھیا جا وے۔ آݨ اُوے ناں ٻہار اندھارے میں ناکھیو جاوے، جِتھے روئݨ آݨ ݙانتاں رو پیخݨ ہُوئے۔ ¹⁴۱۴۔ اَݨایوݨاں توگھݨاں ہے پݨ چُݨیوڑا گھٹ ہے۔¹⁵۱۵۔ پچھے فریسی گیا آݨ خوچݨ لاگا کہ پربھیسوع ناں آپ رے باتاں خاں کَکر پھخاجے۔ ¹⁶۱۶۔پچھے اُواں آپ رے چیلاں ناں ہیرودیاں بھیݪا پربھویسوع کوڈھیا بہیر کیا۔ اُواں پربھویسوع نا کہیو، گروجی مھیں اوݪکھئں کہ توں خچو ہیں۔ آݨ توں ایشور رے مارگ ری خچائی خاں تعلم ݙئیں، ¹⁷۱۷۔ آݨ تُوں ٻجے منکھاں ری خلاں ری پرواہ کونی کرتو آݨ کہیں رو پاخو کونی لیتو۔¹⁸۱۸۔پݨ پربھویسوع اُواں ری چلاکی ناں خمجھ گیو آݨ کہیو، اِے ریاکاراں تھیں مناں کیاں آزماوئی۔ ¹⁹۱۹۔ مناں چونگی ری رقم ݙؤ۔ پچھے اُو اُوے کوڈھی دنیار لے آیا۔²⁰۲۰۔ پربھویسوع اُواں ناں کہیو، اِئیے روپے تے کے رو پھوٹو تے کے رو ناں ہے۔ ²¹۲۱۔اُواں اُوے ناں کہیو، باچھا قیصر رو، پچھے اُواں ناں کہیو، "جکوقیصررو حِخو ہے قیصر ناں ݙو آݨ جکو ایشور رو ہے اُو ایشور ناں ݙؤ۔ ²²۲۲۔ جݙے اُواں اِے خݨیوں تو حیران ہُویا آݨ اُوے ناں چھوݪ رو بوہا گیا۔²³۲۳۔اُو ݙنھں کئنیک صدوقی اُوے کوڈھی آیا، جکو کئہی کہ موؤڑا جیوتا کونی تھیے، اُواں پربھویسوع خاں پوچھیو۔ ²⁴۲۴۔اِے گروجی، موسٰی سنت کہیوہتو کہ جݙے کوئی منکھ مرجاوے، آݨ اُوے ری کوئی اولاد نی ہُووے۔ تو اُوے رو بھائی ضروری اُوے ری لُوگائی خاں بہیاں کرے۔ آݨ آپ رے بھائی رے کرے اولاد پیدا کرے۔²⁵۲۵۔ساتھ بھائی ہتا،پہلکے بہیاں کیو آݨ موؤہ رو آݨ اُوے میں کوئی اولاد کونی تھی آݨ آپ ری لُوگائی آپ رے بھائی رے کرے چھوݪ گیو۔ ²⁶۲۶۔آݨ ٻیجے بھائی بھی ائیاں کیو۔ آݨ تیجے بھی ائیاں کیو۔ آݨ خارے بھائیاں ائیاں کیو۔ ²⁷۲۷۔ آݨ اُواں خاراں خاں پچھے اُو لُوگائی بھی مرگی۔ ²⁸۲۸۔ آݨ جݙے اُو مؤوڑا جی اُٹخے تو اُوے ݙھنی اُواں خاتاں بھائیاں میں اُو کے ری لُگائی ہُوخے، جݙے کے اُو خاتاں بھائیاں ری لُوگائی ہُتی۔²⁹۲۹۔کہیو، تھیں غلط خوچئی پیا، کیاں کے تھیں پویترشٻد آݨ ایشور ری طاقت ناں کونی جݨتا۔آݨ پربھویسوع جواب ݙھنو آݨ ائیاں خاں۔ ³⁰۳۰۔ مؤوڑا رے جی اُٹھݨ خاں پچھے بہیاں کونی تھئیے۔ آݨ اُوتھے کوئی بہیاں رے بندھن میں کونی ٻاندیو جاوے بلکہ اُو آکاش تے فرشتاں آݪی کا ہُوخے۔³¹۳۱۔کی تھاں مؤواڑاں میں خاں جی اٹھݨ رے بارے میں کونی پڑھیو۔ ³²۳۲۔ھُوں ابراہام رو ایشور، اضحاق رو ایشور آݨ یعقوب ایشور ہاں؟ ایشور مؤوڑاں رو ایشور کونی بلکہ جیوتاں رو ایشور ہاں۔ ³³۳۳۔ جݙے عوام ائیے رے بارے میں خݨیو تو ایشور رے پرچار تے حیران ہُویا۔³⁴۳۴۔ جݙے فریسیاں خݨیو کہ پربھویسوع صدوقیاں ناں چُپ کرایا ہے آݨ اُو بھیݪوہُویا۔ ³⁵۳۵۔ائیاں میں خاں ہیک جکو خاراں میں چھوٹا(نڈھیا) ہُتا اُوے ناں آزماوݨ رے کرے سوال کیو۔ ³⁶۳۶۔ گروجی سریعیت میں خاراں خاں موٹو حُکم کی ہے۔³⁷۳۷۔پربھویسوع اُواں خاں کہیو، تھیں ضروری ایشور آپ رے ایشور خاں آپ رے خارے مُن، آپ رے خارے جسم آݨ آپ ری خاری عقَل خاں محبت کرو۔ ³⁸۳۸۔ائیے موٹو آݨ پہلو حُکم ہے³⁹۳۹۔ آݨ ٻجے حُکم ائیے آݪی کر ہے کہ تھیں آپ رے پاڑے خیریاں خاں آپ آݪی کر محبت کرو۔ ⁴⁰۴۰۔ ائیاں ٻہیاں حُکماں تے خارے نبیاں آݨ خاری سریعت رو بھروخو ہے۔⁴¹۴۱۔ آݨ پچھے ائیے فریسی بھیݪا ہوا، پربھویسوع اُواں خاں سوال کیو۔ ⁴²۴۲۔ اُوے کہیو، تھیں مسیح رے بارے میں کی خوچئی؟۔ کہ مسیح کے رو ݙیکرو ہے؟۔۔۔۔۔ اُواں پربھویسوع خاں کہیو، "داؤد رو ݙیکرو"⁴³۴۳۔ پربھویسوع اُواں خاں کہیو، پچھے کِکر داؤد آتماں میں اُوے ناں ایشور کہے رو ھیلو کرئی۔ ⁴⁴۴۴۔ ایشور مانجے ایشور خاں کہیو، مانجے خاجݪی پاخے ٻیخ، جتئی تائیں تاجے دشمناں ناں تاجے پُگاں نیچا نی کر ݙیواں۔⁴⁵۴۵۔ جیکݙھیں داؤد اُوے ناں ایشور مسیح کہی، تو اُو داؤد رو ݙیکرو کِکر تھیو۔ ⁴⁶۴۶۔ کوئی قابل کونی ہُتو کے اُوے ناں ہیکے الفاظ رو بھی جواب ݙے خگے۔ ائیے ݙھین کہیں منکھ رو ائیے خاں سوال کرݨ رو حوصلو کونی تھیو۔

¹۱۔پچھے پربھویسوع ٹوݪے آݨ چیلاں خاں روبُرو ہُویو۔ ²۲۔ اُواں ناں کہیو، فقہیہ آݨ فریسی موسٰی ری تے ٻیخے۔ ³۳۔ جکو اُو تھاناں حُکم ݙے اُو کرو آݨ اُوے تے عمل کرو آݨ اُوے رو خچ وچارکرو آݨ اُوے جہڑاکام نی کرو کیاں کے اُو کہتا ہوتا پݨ آپ کونی کرتا۔⁴۴۔ ہاں اُو ایڑا بھاری وزن منکھاں رے کاندھے تے راکھتا ہوتا جکے ناں اُوکھݨݨ بھاری ہے کیاں کے ائیے ناں راکھاوݨ رے خاروں خود آپ ری انگݪی کونی لگاتا۔ ⁵۵۔ اُو آپ را گھݨاں کام جکو کریں منکھاں ناں بتاوݨ رے کرے کریں، اُوآپ را تعویض موٹا آݨ آپ را گابھا راں کنارا موٹا بݨاوی۔⁶۶۔اُو بھگتی رے گھراں آݨ دعوت ری جگہواں میں بھی عزت پسند کرتا ہوتا۔ ⁷۷۔ آݨ بازاراں میں سلام کہووݨ پسند کریں آݨ منکھ خاں را گرو ہیوݨ پسند کریں ہیں۔⁸۸۔پݨ تھیں آپ نہ گرو نی کہوایا کیاں کے تھارو گرو ہیک ہی ہے آݨ تھیں خارا بھائی ہو۔ ⁹۹۔ آݨ دھرتی تے کہی ناں بھی پتا نی کہو، کیاں کے تھارو پتا ہیک ہی ہے، جکو آکاش تے ہے۔ ¹⁰۱۰۔ کوئی تھاناں گرو نی کہے کیاں کے تھارو گرو ہیک ہی ہے جکو پربھویسوع ہے۔¹¹۱۱۔ جکو تھاں میں خاں موٹو بݨے اُو تھارو شواداری بݨے۔ ¹²۱۲۔ جکو آپ رو آپ ناں موٹو بݨاوخے اُو چھوٹو کیو جاخے آݨ جکو چھوٹو کہݪاخے اُوے رو رتبو اُونچو کیو جاخے۔¹³۱۳۔اِے طرف دار فقیہ آݨ فریسیاں تھاں تے لعنت تھاں مکھاں ری آکاش ری باچھائی را دروازہ بند کریں نی تو تھیں خُود اُوے میں داخل ہُوخو تے، تے اُو جکو داخل ہُووݨ چاوہی ہےنی داخل ہُووݨ ݙھہی۔ ¹⁴۱۴۔ اِ ے طرفدار فقیہ آݨ فریسیاں تھاں تے لعنت کے تھیں بیواؤں رے گھراں تے قابض ہووݨ چاوی، جݙے تھاں ݙکھاݪے رے کرئے پراتھنا لانٻی کرئیں اِئیے خاروں تھیں گھݨی لعنت رے قابل ہو۔ ¹⁵۱۵۔ اِے طرف دار فقیہ آݨ فریساں تھاں تے لعنت کے تھیں سمندر پار ٹپ را علاقاں میں جاوی صرف ہیکے منکھ ناں وشواسی بݨاوی آݨ جݙے اُو وشواسی ہو جاوی تو اُوے ناں ٻیݨو نرگ رو ݙیکرو بݨاوی جاں تھیں آپ ہو۔¹⁶۱۶۔ لعنت تھاں تے کے تھاں اندھا مارگ بتاوݨ آݪا ہو، تھیں جکو کہی اُو پویتر جگہ رو خانخ کھاوی اُو کوئی بات کونی، پݨ جکو کوئی پویترجگہ رے سونے رو کانخ کھاوے اُو آپ رے خانخ ناں پورو کرݨ رو پابند ہوخے۔ ¹⁷۱۷۔ تھیں اندھا ہو کالھا ہو موٹو کوݨ ہے سونو یا پویترجگہ جکے سونے ناں پویتر کیو؟۔¹⁸۱۸۔آݨ جکو قربانی ری جگہ روخانخ کھݨی تو اُو کوئی بات کونی پݨ جکو کوئی اِے منت رو خانخ کھݨی جکو اِے قربانی ری جگہ تے چڑاوں ݙتا تو اُوآپ رے خانخ ناں پورو کرݨ را پابند ہے۔ ¹⁹۱۹۔ اِے اندھا منکھاں مھٹو کوڑ ہے منت یا قربانی ری جگہ جکو منت ناں پویتر کریں ہے۔²⁰۲۰۔آݨ جکو کوئی قربان گاں روخانخ کھاوی ہے اَے گھݨے چیزاں روخانخ کھاوی جکو اُوتے چڑھائی جاوی ہے۔ ²¹۲۱۔ آݨ جکو کوئی پویتر جگہ رو خانخ کھاوی ہے اُو پویترجگہ رو آݨ جکو اِئیے رے مھیں رہیی ہے اُوے رو خانخ کھاوی ہے ²²۲۲۔ آݨ جکو کوئی آکاش رو خانخ خانخ کھاوی ہے پربھویسوع رے تخت جکو اُوے تے ٻیھٹو ہے خانخ کھاوی ہے۔²³۲۳۔ اِئے ریاکار فقیہ آݨ فریسیاں تھاں تے لعنت! کہ تھیں پودنے، اجیاں(جوائݨ) آݨ زیرے رو ݙخوو(دہیکی) حخو تو ݙئی پݨ تھیں سریعت رے گھݨے ضروری معاملے یعنی انصاف، دیا کرݨ آݨ وشواس ناں چھوڑ ݙئی رو، لازمی ہے کہ تھیں اِے وی کرتا آݨ اُو وی کونی چھوڑتا۔ ²⁴۲۴۔ تھیں مارگ بتاوݨ آݪا اندھاھو، جکو ماچھر ناں تو چھانٹی پݨ اُونٹ ناں خاجو گِٹ جاوی را۔²⁵۲۵۔ اِے ریاکار فقیہ آݨ فریسیاں تھاں تے لعنت! کہ تھیں پیالے آݨ پلیٹ(رکابی) ناں ٻہار خاں تو آچھو کرئں رو پݨ مہناں خاں اُو ٹھگی ناں لالچ خاں بھریوڑا ہے۔ ²⁶۲۶۔ اندھا فریسیاں پہلی آپرے پیالے آݨ پلیٹ ناں مہناں خاں آچھا کرو، پچھے اُو ٻہار خاں آچھا ہوخے۔²⁷۲۷۔ریاکار فقیہ آݨ فریسیاں تھاں تے لعنت! کہ تھیں چٹے رنگ آݪی قبر(سفدی پھری قبر) ہو جکو ٻاہر خاں تو صاف ݙیخیجئی پݨ مہناں خاں مؤڑے منکھاں رے ہاݙکھیاں تے ہر طرح رے پلیتائی خاں بھریوڑا ھو۔ ²⁸۲۸۔ اہڑی طرح تھیں وی جوؤݨ میں خچیار(راست باز) ہو پݨ مہناں خاں ریاکاری آݨ سخت ناانصافی خاں بھریوڑا ھو۔²⁹۲۹۔ریاکارفقیہی آݨ فریسیاں تھاں تے لعنت! کہ تھیں سنتاں(نبیوں) رے درٻاراں (مقبروں) ناں ٹھاوݨ آݪاں آݨ سچیاراں رے درٻاراں ناں پھوٹراپ کرݨ آݪا ھو۔ ³⁰۳۰۔پݨ ھوں تھاناں کہیں کہ مہاں آپ رے ٻاپ ݙاݙے رے دور میں زندگی گزاری ھوونت تو مھیں سنتاں رو لوہی بہاوݨ میں بھیݪا کونی ھونت۔ ³¹۳۱۔ جݙے تھیں آپ رے خلاف گواہی ݙئی وا کہ تھیں قتل کرݨ آݪا را ݙیکرا ھو۔³²۳۲۔ تھیں آپ رے ٻاپ ݙاݙے آݪی کر کروئی وا۔ ³³۳۳۔ اِے باخینگاں! اِے موٹے باخنینگ را ݙیکراں تھیں نرگ رے باخݙے خاں کیکر بچخو۔³⁴۳۴۔اِئیے رے خاروں جؤو ھوں سنتاں خمجݨ آݪا آݨ منݨ آݪا ناں تھاں کوڈھی بہیر کرئیں، اُواں میں خاں گھݨاں تھاں قتل آݨ خوݪی چاڑھیا آݨ گھݨاں تھاں بھگتی گھراں میں کوڑمارخو آݨ شہرباشہر خاں کاڈھ خو۔ ³⁵۳۵۔جکے رو نیتجو اِے ھوؤ کہ تھیں دھرتی تے خارے خچیارں رو لوہی بہاوݨ میں میں قصور وار بݨیا۔ خچیار ھابل رے قتل خاں لے تے برکیاہ رے ݙیکرے زکریا تک جکے ناں تھاں پویترجگہ آݨ قربانی آݪی جگہ قتل کیو۔ ³⁶۳۶۔ ھوں تھاناں خچی کہیں کہ اِئیے باتاں ری بݪتی ݙیوݨ آݪی اِے نسل ہوخے۔³⁷۳۷۔یروشلیم، یروشلیم توں جکو سنتاں ناں قتل کرݨ آݪاں آݨ اواں تے جکے تھاناں بہیر کریو پھتر مارݨ آݪا ھو۔ میں گھݨی دفعہ چاہیو کہ جہڑی طرح ککڑی آپ رے ٻچیاں ناں آپ رے پانکھیاں میں لُکاوئی ھوں وی تھاناں ائیے طرح لُکا لیواں۔ ³⁸۳۸۔جو تا بخوں گھر کھالی کریورو۔ ³⁹۳۹۔ھوں تناں کہیں توں مناں کونی جووے جیتری تک اِے کونی کہہ کے دھن ھے اُو جکو ایشور رے ناں خاں آوئی۔

¹۱۔پربھویسوع بھگتی گھر(عبادت گاہ) خاں ٻاہر نخیریو تو آپ رو مارگ لیو اُوے را چیلا اُوے کوڈھی آیا، اِئیے رے خاروں کے اُو ہیک بھگتی گھر ری جگہ بتاوے۔ ²۲۔ بݪے پربھویسوع بݪتی میں اُواں ناں کہیو کی تھیں اِے چیزاں ناں کونی جوؤتا، ھُوں تھاناں سچی کہیں وہ کے اتھے پتھر ماتھے پھتر کونی رہے جکو کیھرے کونی۔³۳۔جݙے اُو زَیتُونؔ رے ٹکر(جبل) ماتھے ٻیٹھو تو اُوے را چیلا ھیکھلائی میں اُوے کوڈھی آیا آݨ کہیو ہمیں مہاناں بتا کے اِے باتاں کݙے حوخے بݪے تھارے آوݨ آݨ جگت رے خاتمے رو نشان کی حوخے۔ ⁴۴۔ پربھویسوع اُواں ناں اِے بݪتی ݙھنی خاوچیت رہیا کے کوئی تھاناں تھیݪ نی ݙے۔ ⁵۵۔ گھݨاں مانجے ناں آخے کے ھُوں مسیح ھاں آݨ گھݨاں ناں تھیݪ خے۔⁶۶۔تھیں(لڑائیاں) بیݪ تے (لڑائیوں) بیݪاندھیاں رے خٻراں خوݨخو جوؤ تھیں گھٻرا نی جایا کیاں کے اِئیے باتاں رو حووݨ ضروری حوخے بݪے وی اِئیے رو خاتمو کونی ہووے۔ ⁷۷۔ ہیک قوم ٻیجوݪی قوم تے آݨ ہیک راجائی ٻیجی راجائی تے چیݪئی کرخے آݨ گھݨے علاقاں میں کاݪ تے زلزلہ آخے۔ ⁸۸۔ اِے تمام باتاں ݙوکھاں رو شروع ہی ہوخے۔⁹۹۔ بݪے اُو تھاناں ݙوکھ ݙیوݨ رے خاروں جھلواخے آݨ تے مرواخے آݨ قتل کرخے۔ تمام قوماں مانجے ناں رے خاطر تھاناں خاں نفرت کرخے۔ ¹⁰۱۰۔ گھݨاں تھوݙھا کھاخے تے ہیکے ٻیجے ناں دشمن رے حوالے کرخے ہیکے ٻیجے خاں نفرت کرخے ۔ ¹¹۱۱۔ گھݨاں ہی کوݪا سنت بھگت اٹھخے آݨ حق رے مارگ خاں تھیݪخے۔¹²۱۲۔ کیاں کے دنیا ری بے اپھالی بھد جاخے جکے ری وجہ خاں گھݨو پریم ٹھاڈھو ہو جاخے رو۔ ¹³۱۳۔جکو آخر تک برداشت کرخے اُو بچیا ریخے۔ ¹⁴۱۴۔آکاش ری راجائی ری اِے پرچار تمام دنیا میں گواہی رے طور تے بیان کرخو پچھے ہی خاتمو ہوخے۔¹⁵۱۵۔ اِئیے خاروں جݙے تھیں (اجاڑنے) اجاݪݨ آݪی خرمناک برائی ناں پویتر جگہ تے ابھوڑا جوؤ جکے رو زکر سنت دانی ایل ری معرفت کیو ہے پڑھݨ آݪا سمجھ لے۔ ¹⁶۱۶۔جکو یہودیہ شہر میں خاں ہوخے اُو ٹکراں (جبلاں) تے چڑھ جاخے۔ ¹⁷۱۷۔جکوگھراں رے چھتاں تے چڑیوڑا ہے اُو نیچا خمان لیوݨ نی اُوترے۔ ¹⁸۱۸۔جکو فصلاں میں ہے اُو آپ رو چوݪو لیوݨ نی آوے۔¹⁹۱۹۔ آݨ افسوس اواں تے جکو اُوے ٹائم پگ بھارݨ تے ݙودھ پاوݨ آݪی ہوخے۔ ²⁰۲۰۔پراتھنا کرو کے موسم سردی میں اِے واقعیونی ہوے ٻجو بھگتی رے ݙھیں ناخݨونی پڑے۔ ²¹۲۱۔ اِے گھݨی ݙوکھ آݨ مصبت ری اِے گھڑی ہوخے، شروع خاں لے تے آج تک نی ہوئی نی کݙے بݪے ہوخے۔ ²²۲۲۔ اِئیے رے خاروں جے اِے ݙھیں گھٹیا نی جاونت تو کوئی جیتی جان کونی بچنت اِے ݙھن بھلیں منکھاں رے خاروں گھٹیا جاخے۔²³۲۳۔جے کوئی تھاناں کوئی کہیے، "جوؤ" مسیح اِتھے ہے! یا اُتھے ہے تو تھیں یقین نی کریا۔ ²⁴۲۴۔کوڑا مسیح ہاں کوڑا سنت آخے، حیران کرݨ رے موٹے نشانے بتاخے، پݨ جکو وشواسی ہوخے اُو اُواں ناں بھی گمرا کرخے۔ ²⁵۲۵۔ جوؤ میں تھاناں ہیڑاں خاں پہلی خوݨایو رو۔²⁶۲۶۔جے اُو تھاناں کہیے کے مسیح سنسان جگہ میں ہے تو تھیں سنسان جگہ تے نی جایا آݨ جے اُو تھاناں کہیے کمرے میں ہے تو تھیں یقین نی کریا۔ ²⁷۲۷۔جیکر بجلی اُوگاݨ (مشرق) خاں اتھوݨ (مغرب) تک چمکئی آݨ تھارے مارگ ناں روشن کرئی ائیاں ابن آدم رو آوݨ ھوخے۔ ²⁸۲۸۔جیتھ کیتھ مردہ جانور ہوئی اُوتھے گرجاں جمع ہوئی۔²⁹29۔ پݨ گھݨے ݙوکھاں خاں پچھے جلدی خورج آندھارو ھو جاخے، چاند آپری روشنی کونی ݙے تارا آکاش خاں کھریا جاخے آݨ آکاش ری طاقتاں لوݙی جاخے۔³⁰۳۰۔ جݙے ابن آدم روشان آکاش تے ظاہر ھوخے آݨ خارا دھرتی را قبیلا ماتم کرخے آݨ اُوے ابن آدم ناں بادلاں تے آݨ طاقت آݨ موٹی بݙئی خاں آوتے جوخے۔ ³¹۳۱۔ اُو آپ رے فرشتاں ناں نرسنگاں ری موٹی آواز رے بھیݪا بہیر کرخے، آݨ آکاش ری ہیکی کونڈ خاں ٻیجی کونڈ چارے پاخے خاں چوگیوڑاں ناں بھیݪا کرخے۔³²۳۲۔ انجیر رے بݨ خاں سبق خیکھو، جیکر ہی پونبلی خاں پان نخرئی تھیں خمجھ جاوئی را کے گرمی نیݪی ہے۔ ³³۳۳۔ جݙے تھیں اِے باتاں ناں ہوتے جوؤ تو تھیں خمجھ جایا کے اُو نیݪیو ہے آݨ دروازے تے ہے۔³⁴۳۴۔ھُوں تھاناں خچی کہیں وہ اِے نسل کیݙے ختم کونی ہوے جیس تائیں اِے باتاں ناں ہوتے نی جوئے۔ ³⁵۳۵۔ آکاش آݨ دھرتی ختم ھوجاخے پݨ مانجو شٻدھ کونی مٹے۔³⁶36۔ پݨ اُوے ݙھیں آݨ وقت رے بارے میں کوئی کونی جاݨتو۔ نی آکاش را فرشتہ نی ݙیکروخوائے پتا رے۔³⁷۳۷۔جیکر نوحؔ سنت ری ݙھیاں میں ہوتو ائیاں ابن آدم رے آوݨ رو وقت ہوخے۔ ³⁸۳۸۔ جیکر طوفان آوݨ خاں پہلی ݙھیں میں ماݨخ کھاتا پیتا آݨ شادی بہئیاں کرتا ہوتا، جیس تائیں نوحؔ سنت ٻیݪی میں چڑھ نی گیو۔ ³⁹۳۹۔ آݨ جتری تک طوفان اُواں ناں لے نی گیو، جیتریتک اُواں ناں خٻر کونی پئی، ائیاں ابن آدم رے آوݨ تے ہوخے۔⁴⁰۴۰۔ آݨ ٻئے منکھ ٻنئی میں ہوخے، ہیک اُوکھݨیو جاخے آݨ ہیک لارے چھوݪیو جاخے۔ ⁴¹۴۱۔ ٻئے لُوگائے چیکی پیختے ہوخے ہیک لینی جاخے آݨ ہیک چھوݪی جاخے۔ ⁴²۴۲۔ اِے رے کرے تیار رہو کیاں کے تھیں کونی جاݨتا کے تھارو ایشور کیݙے آجاخے رو۔⁴³۴۳۔پݨ اِے جاݨݨ ری ضرورت ہے کہ گھر رے مالک ناں اِے خٻر ہوئے کہ چور کیݙے آخے تو اُو جاگتو رہے خے۔ آݨ آپ رے گھر میں چوری ری اجازت کونی ݙے وے۔ ⁴⁴۴۴۔ اِے رے خاروں تھیں ضرور ہوشیار رہو جکے گھڑی تھیں جاݨوبھی کونی ابن آدم آوخے رو۔⁴⁵۴۵۔اِے رے خاروں ایمان آݪو آݨ عقل آݪو نوکر کوݨ حوخے جکے رو مالک اُوے ناں گھرتے بارخائی (اختیار) ݙے، تاکہ اُوے ناں وقت تے کھادھو ݙے؟۔ ⁴⁶۴۶۔ دھن ہے اُو نوکر جکے رو مالک آرو اُوے ناں اُواں ہی کرتو جووے، جݙے اُو آخے۔ ⁴⁷۴۷۔ ھُوں تھاناں خچی کہیں، مالک اُوے ناں اُو خارو کجھ ݙخے جکے رو اُو مالک ہے۔⁴⁸۴۸۔پݨ شرارتی (بیمان) نوکر آپ رے دل میں کہیخے مانجے مالک رے آوݨ میں اجّاں گھݨی دیر ہے،،۔ ⁴⁹۴۹۔ آݨ آپ رے بھیݪو کام کرݨ آݪے نوکراں ناں مارخے، آݨ شرابیاں رے بھیݪو کھاخے پیخے۔ ⁵⁰۵۰۔مالک اِے ݙیھں آخے رو، جکے ݙیھں نوکر خوچیو بھی کونی وئے، آݨ اِے گھڑی ناں اُوجاݨتو کونی وے۔ ⁵¹۵۱۔اِئیے رو مالک اِئیے ناں ٻیاں ٹوݨاں میں بانڈخے را، آݨ اِئیاں خاں اُوحال کرخے، جکو ریاکاراں خاں کیو جاخے، جتھے روّݨ آݨ ݙانتاں رو پیخݨ ہوخے۔

¹۱۔بݪے آکاش ری راجائی اُواں کنراریاں ری آݪی کر ہے جکو آپ را ݙیئا لے را بینݙ(دلہا) خاں خیٹݨ گئے۔ ²۲۔ائیاں رے مھیں پانچ بیوقوف ہوتے آݨ پانچ خمجھ دار ہوتے۔ ³۳۔ جݙے بے وقوف کنورایاں آپ را ݙیئا اُوکھݨیاں تو اُواں آپ رے بھیݪو تیل کونی اُوکھݨیو۔ ⁴۴۔پݨ خمجھ آݪیاں کنواریاں آپ رے ݙیئا بھیݪو تیل رے کپّے بھی اُوکھݨیے۔⁵۵۔ اجّاں بینݙ(دلہا) رے آوݨ میں دیر ہوتی، اُو خارے اونگھ میں خوؤݨ لاگے۔ ⁶۶۔ پݨ آدھی رات رو شور مچیو، بینݙ ناں جوؤݨ ٻاہر جاو آݨ اُوے خاں خنٹو۔⁷۷۔پچھے خارے کنوارے جاگئے آݨ آپ را ݙیئا ٹھیک کرݨ لاگے۔ ⁸۸۔بےوقوفاں خمجھ داراں ناں کہیو آپ رے تیل خاں کنئک تیل مھاناں ݙو کیاں کے مھارا ݙیئا ٻجھݨ آݪا ہے۔ ⁹۹۔ پݨ خمجھ آݪیاں جواب ݙھنو متاں (شاید) اِے مھارے آݨ تھارے خاروں پورو نی ھوے اِے رے بجائے تھیں بیچݨ آݪاں کوڈھی جاؤ آݨ آپ رے خاروں مول رو لے آؤ۔¹⁰۱۰۔ھیݨاں اُو لیوݨ رے خاروں گئے ہی ہوتے کہ بینݙ(دلہا)آیو پرو، جکو تیار ہوتے اُو اُوے رے بھیݪے بیھاں ری دعوت میں بوھے گئے۔ آݨ در بند تھی گیو۔ ¹¹۱۱۔پچھے ٻجے کنوارے آئے، آݨ کہیو "مالک" مالک" مھارے خاروں در کھولو۔ ¹²۱۲۔پݨ اُوے جواب کونی ݙھنو، آݨ کہیو، ہُوں تھاں خاں خچ کہیں ، ہُوں تھاناں کونی اُوݪکھتو۔ ¹³۱۳۔ ائیے رے خاروں ہوشیار رہو کیاں کے تھیں اُوے ݙھیں یا گھڑی ناں کونی اُوݪکھتا۔¹⁴۱۴۔ اِئیے اُوے منکھ آݪی کر ہے جکو ٻیجے ملک جاؤݨ آݪو ہوتو۔ آݨ اُوے آپ رے نوکراں ناں ھیلو کیوآݨ آپ ری دولت ائیاں رے حوالے کی۔ ¹⁵۱۵۔ ائیاں میں خاں ہیکے ناں پانچ ٻورٹا ݙھنا۔ ٻجے ناں ٻئے ٻورٹا ݙھنا، آݨ ہیکے ٻجے ناں ہیک ٻورٹو ݙھنا۔ ہر ہیک آپ ری قابلیت رے حخاب خاں لیا، آݨ پچھے اُو منکھ آپ رے سفر تے بوھو گیو۔ ¹⁶۱۶۔ جکے ناں پانچ ٻورٹا ملیاتا اُو بیگو بیگو گیو اُوے اُواں خاں کاروبار شروع کیو آݨ اُواں خاں پانچ ٻورٹا ٻجا کمایا۔¹⁷۱۷۔ اِئیے آݪی کر ہیکے ٻجے جکے ناں ٻئے ٻورٹا لیاتا، اُوے اُواں خاں ٻئے ٻجا بݨایا۔ ¹⁸۱۸۔ پݨ اُو نوکر جکے ہیک ٻورٹولیوتو گیو آݨ دھرتی میں ہیک کھݙو کھٹیو آݨ آپ رے مالک رو روپیو لُکایو۔¹⁹۱۹۔ ہیکے گھݨے عرصے خاں پچھے اُواں نوکراں رو مالک پاچھو آیو آݨ اُواں خاں حخاب کتاب کرݨ لاگو۔ ²⁰۲۰۔اُو نوکر جکے ناں پانچ ٻورٹا لھناں ہوتا اُوے کہیو۔ مالک تئیں مناں پانچ ٻورٹا ݙھناہوتا۔ "جو" میں پانچ ٻجا ٻورٹا کمایا ھاں۔ ²¹۲۱۔ اِے رے مالک کہیو شاباش۔ ٹھاوکا آݨ وفادار نوکرتوں تھوڑے میں وفادار رہیو۔ ہوں تناں گھݨیاں چیزاں رو مالک بݨایخ رو، آپ رے مالک ری خوشی میں بھیݪو تھی۔²²۲۲۔ جکے نوکر ناں ٻئے ٻورٹا ݙھناتا۔ اُوے کہیو، "جو" میں ٻئے ٻورٹا ٻجا کمایا ھاں۔ ²³۲۳۔ ائیے رے مالک اُوے ناں بھی کہیو، شاباش، ٹھاوکا آݨ وفادار نوکر توں بھی تھوڑے میں وفادار رہیو۔ ہوں تناں بھی گھݨیاں چیزاں رومالک بݨایخ۔ آپ رے مالک ری خوشی میں بھیݪوتھی۔²⁴۲۴۔ جکے ناں ہیک رُوپیو جݪیوہتو اُو آیو آݨ کہیو، "مالک" ھُوں اُوݪکھئں کہ توں سخت منکھ ہیں۔ توں اتھ خاں باڈھی جتھی تئیں کونی بایو۔ آݨ اُتھ خاں بھیݪوکرئیں جتھے توں کونی کھنڈاتو۔ ²⁵۲۵۔ ہُوں ٻیہوتورہیو، ائیے رے خاروں میں جا رو تاجو رُپیو دھرتی میں لُکایوھتورو ہیݨاں اَتھے ہے اُوتاجوہے۔²⁶۲۶۔پݨ اِیے رے مالک اُوے ناں بݪتی ݙھنی آݨ کہیو۔ اِئیے چلاک آݨ سست نوکر۔ توں جاݨتو ہُتو کہ جتھے میں کونی بایو اُتھ خاں باڈھیئں آݨ جتھے میں کونی کھنڈایو اُتھ خاں بھیݪوکرئیں۔ ²⁷۲۷۔ اِئیے رے خاروں تناں چاہیتوکہ توں مانجو رُپیو بپاریاں ناں ݙیونت آݨ جݙے ھوں آونت تو بیاج خودُھا آپرا رُپیا پاچھا لیونت را۔²⁸۲۸۔ اِئیے رے خاروں اُوے خاں رُپیو لے رو اُوے نوکر ناں ݙو جکے کوڈھی ݙخ رُپیا ہے۔ ²⁹۲۹۔کیاں کے جکے کوڈھی ہے اُوے ناں ٻیجو وی ݙھنو جاخے، پݨ اُو جکے کوڈھی کہیں کونی اُوے خاں اُو وی لے لیو جاخے جکواُوے کوڈھی ہے۔ ³⁰۳۰۔نکمے نوکر ناں ٻہار اندھارے میں دھکوݙے چھوڑو۔³¹۳۱۔جݙے ابن آدم آپ رے فریشتاں بھیݪو پرتاٻ میں آخے پچھے اُو آپ رے پرتاٻ آݪے تخت تے ٻیخخے۔ ³²۳۲۔اُوے رے خامھے خارے قوماں بھیݪے ھوخے آݨ اُو منکھاں ناں ہیکےٻیجے خاں دھارکرخے، جاں دھݨواݪ رڈھاں ناں ٻکریاں خاں دھارکوئیں۔ ³³۳۳۔ آݨ اُو رڈھاں ناں آپ رے خاجݪی آݨ بکریاں ناں کھاٻݪی پاخے راکھخے (ٻیخاݨخے)۔³⁴۳۴۔ پچھے راجا آپ رے خاجݪی پاخے آݪاں ناں کہیخے، آؤ مانجے پتا را بھلاں (دھن) منکھاں۔ اُوے راجائی ناں حخے (وراثت) میں لوجکو دنیا رے بݨݨ خاں ہی تھارے خاروں بݨائی گئی ہے۔ ³⁵۳۵۔جݙے ھُوں بکھیوھتوتھاں مناں ٻاٹی ݙھنی، ھُوں ترخیوھتو تھاں پیئݨ رے خاروں پاݨی ݙھنو،ھُوں اجنبی (اُوپرو)ھتو تھاں مناں گھرمیں جگہ ݙھنی۔ ³⁶۳۶۔ ھُوں اُوگھاݪوھتو تھاں مناں گابھا پہرایا، ھُوں بیمارھتوتھاں مانجو خیال کیو ھوں قید میں ھتو تھیں میں کوڈھی آیا۔³⁷۳۷۔ پچھے بھلا منکھ جواب ݙیخے آݨ کہیخے "ایشور" مہاں کݙھے تناں بکھیو ݙٹھوآݨ ٻاٹی کھوݪائی جاں ترخیوݙٹھو آݨ تناں پاݨی پیاݪیو؟۔ ³⁸۳۸۔ آݨ مھاں کݙھےتناں اجنبی (اُوپرو) ݙٹھو آݨ تناں جگہ ݙھنی؟ جاں اُوگاݪو ݙٹھو آݨ تناں گابھا پہرایا؟۔ ³⁹۳۹۔مھاں کݙھے تناں بیمار ݙٹھو جاں قید میں آݨ تناں خٹیݨ آیا؟۔ ⁴⁰۴۰۔ آݨ پچھے راجا اُواں ناں بݪتی ݙیخے، ھُوں خچی کہیں کہ جکوتھاں اِتھے مانجے گریٻ بھائیاں رے خاروں کیو اُوتھاں مانجے خاروں کیو۔⁴¹۴۱۔ پچھے اُو اُواں ناں جکو اُوے رے کھابݪی پاخے ھوخے اُواں ناں کہیخے، اِے لعنتیاں میں کاں اَݪگا جاؤ آݨ اُوے کݙھے نی ختم تھیݨ آݪی باخݙے میں جاؤ جکو شیطان آݨ اُوے رے فرشتاں رے خاروں بݨائی گی ہے۔ ⁴²۴۲۔ کیاں کے ھُوں بکیھو ھتو تھاں مناں ٻاٹی کونی ݙھنی، ھُوں ترخیوھتو پݨ تھاں مناں پاݨی کونی پیاݪیو۔ ⁴³۴۳۔ ھُوں اجنبی(اُوپرو) ھتو پݨ تھیں مناں گھر میں کونی لے گیا، ھُوں اُوگاݪو ھتو پݨ تھاں مناں گابھا کونی پہرایا، ھُوں بیمارآݨ قید میں ھتوپݨ تھاں مانجی فکرکونی کرئی۔⁴⁴۴۴۔پچھے اُو وی بݪتی ݙیخے آݨ کہخے،کہ مھاں کݙھے تناں بکھیو، ترخیوآݨ اجنبی(اُوپرو) جو رو تیں خاں کونی پوچھیو؟۔ ⁴⁵۴۵۔پچھے اُو اُواں ناں بݪتی ݙیخے آݨ کہخے، ھُوں تھاناں کہیں پیو جݙے تھاں آپ خاں چھوٹاں خاں اِے کونی کیو، تھاں اِے میں خاں بھی کونی کیو۔ ⁴⁶۴۶۔ اہݪا ہیمشہ ری سزا را ھُک دار ھوخے، پݨ بھلے منکھاں رے خاروں امر جیوݨ ہوخے۔

¹۱۔ جݙے یسوع مسیح اِے شٻدھ پوروکویو،پربھویسوع آپ رے چیلاں ناں کہیو۔ ²۲۔ کی تھیں جاݨیں کہ ٻہیاں ݙھنیاں خاں پچھے عید فسح آوݨ آݪی ہے ۔³۳۔پچھے سردار،کاہن آݨ منکھاں را پوڑیا بݙیرا کاہناں رے محل تے بھیݪا ہووا، جکےناں کائفا کہتا ہتا۔ ⁴۴۔آݨ اُو لُک میں پربھویسوع ناں مارݨ ری خلاہ کرݨ لاگا۔ ⁵۵۔ اِئیے رے کرے اُو کہتا پیا، منکھاں رے ٻہی خاں کہ ائیاں خاں پھخادھ نی تھئیے رو۔ آݨ اُو عیدفساہ تے ائیاں کونی کرݨ چاہتا ہتا۔⁶۶۔ آݨ جݙے پربھویسوع بیت عنیاہ مین شمعون کوڑی رے گھرے ہتو۔ ⁷۷۔آݨ جݙے اُو میز رے ٻاہروں ٻٹھو ہوتت ہیک لُوگائی سنگ مرمر مہانگو عطر لے آئی۔ آݨ اُوے پربھویسوع رے ماتھے تے ڈھݪیو۔ ⁸۸۔ آݨ جݙےپربھویسوع رے چیلاں اِے جویو تو اُوے ریخایا پرا، آݨ کہیو، ائیے ناں کیاں ڈھݪیو ہے۔ ⁹۹۔اِے مہانگو بیچیوجاونت، آݨ غریٻاں ناں ݙنو جاونت۔¹⁰۱۰۔ پݨ پربھویسوع اِے جاݨیو، آݨ اؤاں خاں کہیݨ لاگو، کیاں کے تھیں ائیے لُوگائی رے بارو اِے ݙوکھا ری شیکار ہے۔ اِے مانجے خاروں گھݨوبھلو کام کریوہے؟۔ ¹¹۱۱۔ غریب تو خدائیں تھاں بھیݪا رہیخے، پݨ تھیں خدائیں مناں آپ بھیݪو کونی جوؤ۔¹²۱۲۔ پݨ جݙے ائیے عطر مانجے جسم تے ڈھوݪیو، اِے مانجے ٻورݨ رے کرے کیو۔ ¹³۱۳۔ھُوں تھاناں خچی کہیں پیو، جیھ کیتھ ائیے خوشخٻری رو پرچار خارے جگت میں کیو جاخے۔ جکو کیئ ائیے لُوگائی کیو۔ ائیے ری یاد گاری میں کیوجاخے۔¹⁴۱۴۔ پچھے اُواں میں خاں ہیک جکے رو ناں یہودہ اسکریوتی ہتو سردارکاہناں کوڈھی گیو۔ ¹⁵۱۵۔آݨ کہیو، جیکݙے ہوں پربھویسوع ناں جھلاواں تو تھیں مناں کی ݙیخو؟۔ اُواں چاندی را تریخ سکا اُوے ناں توݪ را ݙھنا۔ ¹⁶۱۶۔ ائیے گھڑی خاں اُو اُواں ناں جھلاوݨ رو موقعوجوؤݨ لاگا۔¹⁷۱۷۔ ھیݨاں عید فطر رے پہلکے ݙنھی پربھویسوع را چیلا پربھویسوع کوڈھی آیا آݨ کہݨ لاگا۔ توں کی چاہویں کہ مھیں تاجے خاروں کیتھ فسح کھاوݨ ری تیاری کراں؟۔ ¹⁸۱۸۔پربھویسوع کہیو، شہر میں ہیک ایݪے منکھ کوڈھی جاؤ آݨ اُوے ناں کہیو، استاد(پربھویسوع) کہی، مانجو ٹائم نیݪو آیو رو۔ ھُوں آپ رے چیلاں بھیݪو عید فسح تاجے گھر میں منائخ۔ ¹⁹۱۹۔ آݨ چیلاں ائیاں ہی کیو جیکر پربھویسوع اُواں ناں کہیو ہتوآݨ اُواں عید فسح ری ٻاٹی کھاوݨ ری تیاری کی۔²⁰۲۰۔ جݙے ݙنھی آتھویو(ڈھݪیو) اُوٻہاراں چیلاں بھیݪو ٻاٹی کھاوݨ ٻیٹھو۔ ²¹۲۱۔جݙے اُو ٻاٹی کھاتا پیاتا، اُوے کہیو، ھُوں تھاناں خاں خچی کہیں پیو، تھاں میں خاں ہیک مناں دُکھو ݙیخے۔ ²²۲۲۔ آݨ اُو گھݨاں پشیمان ہویا، آݨ اُو ہر کہی خاں پوچھݨ لاگو۔ "خچݨی ھُوں کونی ایشور؟²³۲۳۔ اُوے بݪتی ݙھنی، جکے ٹھاں میں مُیں بھیݪو ہاتھ گاہتو اُو مناں دھوکو ݙیخے۔ ²⁴۲۴۔ابن آدم جیکر اُواں رے بارے میں لکھیو ہے اُو جاخے پݨ لعنت اُوے منکھ تے جکے رے کارݨ ابن آدم ماریو جاخے۔ ²⁵۲۵۔ یہودہ جکو پربھویسوع ناں جھلاوݨ آݪو ہُتو کہیو، گُروجی کی ہُوں ہاں؟ پربھویسوع اُوے ناں کہیو، تیں اِے آپ ہی کہیو رو۔²⁶26۔ جݙے اُو کھاوتا پیا، پربھویسوع ٻاٹی لی، اُوے ناں بھانگی(بھانجی) آݨ برکت ݙنی، اُوے آپ رے چیلاں ناں ݙھنی آݨ کہیو، لُو کھاؤ۔ اِے مانجو بدن ہے۔²⁷۲۷۔ اُوے ہیک پیالو لیو آݨ شکرکیو آݨ آپ رے چیلاں ناں ݙھنو آݨ کیو، تھیں خارا ائیے خاں پیو۔ ²⁸۲۸۔اِے مانجے لُوہی رو اُو وعدو ہے جوؤ گھݨاں رے پاپاں ری معافی رے خاروں بہایو جاوی۔ ²⁹۲۹۔ پݨ ہُوں تھاناں کہیں کہ بݪے انگور رو اِے رَخ کونی پّیاں، جِتی تائیں آپ رے پتا ری راجائی میں تھاں بھیݪونِی پیاں۔³⁰۳۰۔ جݙے اُواں ایشور ری بݙائی را بھجن گایا، اُو جیتُون رے جبل ماتھے گیا۔ ³¹۳۱۔جݙے پربھویسوع اُواں ناں کہیو، آج رات تھیں مانجی وجہ خاں تھݙا کھاخو جاں لِکھیوݪو ہے ہُوں دھنار(چراوݨ آݪے) ناں ماریخ آݨ رڈھجاں رو دَھݨ کھنڈ جاخے رو۔ ³²۳۲۔پݨ جݙے ہُوں جیوتو تھیخ، ہُوں تھاں خاں پہلی گلیل نی جائیخ۔³³۳۳۔پݨ پطرس اُوے ناں کہیوݨ لاگو، اِتی تائیں کہ خارا تاجی وجہ خاں تُھݙا کھاخے، پݨ ہُوں کونی کھِراں۔ ³⁴۳۴۔ پربھویسوع اُوے ناں کہیو، "ھُوں تناں خچی کہیں پیو" آج رات کُکڑ ری ٻانگ ݙیؤݨ خاںں پہلی تو تین پھیرا مانجو اِنکارکرئیخ۔ ³⁵۳۵۔ پطرس اُوے ناں کہیو،اِتی تائیں کے مناں تیں بھیݪو مرݨوں وی پݪے ہُوں تاجو اِنکار کونی کراں، آݨ ٻجاں خاراں چیلاں وی ائیاں کہیو۔³⁶۳۶۔پچھے پربھویسوع اُواں بھیݪواُوے جگہ گیوجکو گتسِمنیؔ کہاوِی، آݨ آپ رے چیلاں ناں کہیو، اِتھے ٻیخو جتی تائیں ہُوں اُتھے جارو پراتھنا کرئیں۔ ³⁷۳۷۔اُوے پطرس آݨ زبدی رے ٻہیاں ݙیکراں ناں بھیݪاں لیا آݨ پریشان آݨ ݙُکھی ہوئݨ لاگو۔ ³⁸۳۸۔پچھے اُوے اُواں ناں کہیو، مانجی آتماں گھݨی ݙُکھی ہے۔ اِتی تائیں کہ مرݨ آݪی ہے۔ اِتھے رہو آݨ میں بھیݪا جووہ۔³⁹۳۹۔ اُو آگھو بُوآݨ دھرتی تے جھکیو آݨ پراتھناں کرݨ لاگو۔ اُوے کہیو، اِے مانجا پتا! جے اِے ہُوخگھے تو اِے پیالو میں خاں ٹݪ جاوے۔ تووی ہُوں چاہوئیں ائیاں نیں پݨ جاں تُوں چاہویں اؤاں اِی ہُوئے۔ ⁴⁰۴۰۔ اُوچیلاں کوڈھی آیو آݨ اُواں ناں خوتوݪا ݙٹھا، اُوپطرس ناں کہوݨ لاگو، تھیں پَل وی میں بھیݪا جاگ نی خگھیا؟ ⁴¹۴۱۔ جاگو آݨ پراتھنا کرو کیاں کے آزمائیش میں نی پڑو۔ آتماں تیار ہے پݨ بدن کمزور ہے۔⁴²۴۲۔اُوپاچھو بݪ گیو آݨ پراتھنا کرݨ لاگو، اُوے کہیو، اِے مانجا پتا جے اِے بات ٹݪ کونی خگھتی، جتی تائیں کے ہُوں اِے پیالو نی پیاں۔ تو تاجی اِی مرضی پوری ہُوے۔ ⁴³۴۳۔ اُوبݪے پاچھو آیو آݨ اُواں ناں ختوڑا ݙٹھا، کیاں کے اُواں رے آنکھیں اُونگھ خاں بھریوݪے ہتے۔ ⁴⁴۴۴۔ اُو اُواں ناں بݪے چھوڑ رو بُوہوگیو، آݨ تیجے پھیرے اُواں لفظاں خاں پراتھناں کرݨ لاگو۔⁴⁵۴۵۔پچھے پربھویسوع چیلاں رے کوڈھی گیو آݨ اُواں ناں کہیو، کی تھیں ہݨا ں تک خوتا رہخو آݨ اُونگھ کرتا ریخو جووہ اُو بیݪا آئی ری آݨ ابن آدم پاپئیاں رے حوالے کریو جاخے رو۔ ⁴⁶۴۶۔ اُٹھو حالاں جووہ مانجو جھلاوݨ آݪونیݪو آیو ہے۔⁴⁷۴۷۔جݙے اُو اِے کہوتو پیو یہودہ جکو اُوے ٻہاراں مھیں خاں ہتو آیو اُوے بھیݪا سردار کاہناں آݨ منکھاں رو ٹوݪو ہتو اُو تلوارں آݨ ݙنڈے بھیݪے لے آیا۔ ⁴⁸۴۸۔ ہمیں جکو منکھ اُوے ناں جھلاوݨ جاوتو پیو اُوے ہیک نشان مسح رے خاروں ݙھنو تو اُوے کہیو جکے ناں ھُوں مٹھکی ݙئیخ اُوے ناں جھالیا رو۔⁴⁹۴۹۔ بیگو اُو مسیح کوڈھی آیو آݨ کہیو نمشکارگروجی آݨ اُوے اُوے ناں مٹھکی ݙھنی۔ ⁵⁰۵۰۔ پربھویسوع اُوے ناں کہیو خنگتی جکے کام ناں توں کرݨ رے خاروں توں آیو ہیں کرلے پچھے اُو آیا پربھویسوع تے ہاتھ راکھ آݨ جھالیو رو۔⁵¹۵۱۔جووہ اُواں مھیں خاں جکو پربھویسوع بھیݪا ہُتا ہیکے آپ رے ہاتھ بدھا رو آپ ری تلوار کاڈ ری سردارکاہن رے نوکرروکان اُوݙا چھوݪیو۔ ⁵²۵۲۔پچھے پربھویسوع اُوے ناں کہیو تلوار واپس اُوے جگہ تے راکھ ݙے کیاں کے جکو کوئی تلوار کھݨخے تلوار خاں مرخے۔ ⁵³۵۳۔ کی تھیں خمجھیں وا کہ ہُوں مانجے ٻاپ ناں کونی ھیلو کر خگھتو کہ اُو مانجے خاروں ٻارے تُمن خاں گھݨاں فرشتہ بہیر کرنت۔ ⁵⁴۵۴۔ پݨ پچھے شٻدھ کیکر پورو ھوونت کہ اِے خارو کنئک ھوے۔⁵⁵۵۵۔ اُوے گھڑی پربھویسوع گھݨے منکھاں ناں کہیو کی تھیں تلوار آݨ گیݙے لے را مناں چورآݪی کر جھالݨ آیا ہو ھُوں روزانہ گرجے میں بیخ رو تعلیم ݙئنی آݨ تھاں مناں کونی جھالیو۔ ⁵⁶۵۶۔ پݨ اِے خارو اِئیے رے خاروں ہویو کیاں کے سنتاں رے شاشتر میں لکھیو گیو تو کہ اُو پورو ہوئے پچھے خاراں چیلاں چھوݪ رو بوہا گیا۔⁵⁷۵۷۔پچھے پربھویسوع ناں قاٻوکرݨ آݪا کائفا اُوے ناں سردارکاہن ݙیخیا لے گیا جتھے فقیہ آݨ سردارکاہن بھیݪا ہویاتا۔ ⁵⁸۵۸۔ پݨ پطرسردارکاہناں ری صدرعدالت تک اُوے رے لارے گیو آݨ بھیتر جارو نوکراں رے بھیݪو نتیجو جووݨ ٻیٹھو۔⁵⁹۵۹۔پچھے سردارکاہن آݨ خاری پنچایت پربھویسوع رے خلاف کوݪے گواہے جوؤݨ لاگا کیاں کے اُوے ناں مارخگھیے۔ ⁶⁰۶۰۔پݨ اُواں ناں کہنئ کونی لابھو کیاں کے گھݨے خارے کوݪے گواہے خامݨے آئے پچھے بعد میں ٻئے منکھ خامݨے آوئ۔ ⁶¹۶۱۔ آݨ اِئیے منکھاں اِے گواہی ݙھنی کہ ھُوں اِے قابل ہاں کہ ایشور ری ہکل ناں بربادکرڈیخ آݨ تیناں ݙھیاں میں بݪے بݨایخ ری۔⁶²۶۲۔سردارکاہن اُوٹھی ابھیجا آݨ اُواں اُوے ناں کہیو کی تیں ݙیخیا اِے رو کوئی جواب کونی اِے تاجے خلاف کوݪے گواہی ݙیی پیا پݨ پربھویسوع چھپ رھیو سردارکاہن اُوے ناں کہیو تنا زندہ ایشور رے ناں خاں حُکم ݙئی وہ مھاناں ݙخل کہ توں ایشور رو ݙیکرو یسوع مسیح ہے۔ ⁶³۶۳۔پربھویسوع اُواں ناں جواب میں کہیو تھاں خود ہی کہیی پیا۔ ⁶⁴۶۴۔ پݨ ھوں تھاناں کہیں پیو آݨ ہمیں ابن آدم نہ ایشورپرمشور رے خاجݪی پاخے ٻیٹھوݪو آݨ آکاش خاں بادلاں رے بھیݪو آوتے جوخو رو۔⁶⁵۶۵۔ پچھے سردارکاہن آپ را گابھا پھاݪیا آݨ کہیو، اِے جَکھ ماریو ہے۔ ہمیں تو گواہی ری لوݪ ہی کونی رہی، ہمیں تھاں خݨیو ہے۔ ⁶⁶۶۶۔ تھیں کی خوچئی پیا؟ اُواں جواب ݙھنو آݨ کہیو۔ اِے قتل رے لائق ہے۔⁶⁷۶۷۔اُواں پربھویسوع رے مہانݙے تے تھوکیو آݨ تھاپاں مارئیے۔ ⁶⁸۶۸۔ آݨ کہیو، میسح مھارے خارو پرچو کر اُو کݨ ہے جکے تناں ماریو ہے؟۔⁶⁹۶۹۔پطرس ٻاہر آنگݨ میں ٻیٹھو ہتو۔ آݨ ہیکے نوکراݨی اُوے کوڈھی آئی آݨ کہیو، توں بھی گلیل رو رہݨ آݪے مسیح بھیݪو ہتو۔ ⁷⁰۷۰۔ پر اُوے اِے بات رو انکار کریو، ھُوں کونی جاݨتو کے تھیں کے رے بارے میں بات کرئی پیا۔⁷¹۷۱۔ اُو اُتھو اُٹھی رو ٻجی جگہ ٻیٹھو، آݨ ہیک ٻیجی نوکراݨی جویو آݨ جکو اُتھے ہتا، اُواں خاں کہیو، اِے منکھ یسوع مسیح بھیݪو ہتو۔ ⁷²۷۲۔ آݨ اُوے خانخ کھݨ رو انکار کیو، کہ ھُوں اِے منکھ ناں کونی اُوݪکھتو۔⁷³۷۳۔ کنئک دیرخاں پچھےجکو ابھاتا اُو آیا آݨ پطرس خاں کہݨ لاگا خچلی توں بھی اُواں میں خاں ہیں۔ کیاں کے تاجی ٻولی بھی اُواں آݪی کر ہے۔ ⁷⁴۷۴۔آݨ پچھے اُو خانخ کھݨݨ لاگو، ھُوں اِے منکھ ناں کونی اُوݪکھتو آݨ اُوے گھڑی ککݪ ٻانگ ݙھنی۔ ⁷⁵۷۵۔ پطرس ناں پربھویسوع ری اُو بات یاد آئی کہ آج ہی توں ککݪ رے بانگ ݙیوݨ خاں پہلی تین دعفہ انکار کریخ، آݨ پطرس ٻاہر جارو گھݨو رونو۔

¹۱۔ جݙے خاکݪو تھی ماݨخاں رے خاراں سردارکاہناں آݨ بوڈھیاں پربھویسوع ناں مارݨ ری خلاہ کرئی۔ ²۲۔ اُواں اُوے ناں ٻادھو آݨ راجا پیلاطسؔ رے حوالے کریو۔³۳۔پچھے جݙے یہودہ جکے اُوے ناں جھلایو ہتو جݙے اُوے اُوے ناں جویو کہ پربھویسوع ناں سزا ݙھنی ری۔ اُو پچھتاوݨ لاگو آݨ سرادرکاہناں آݨ بوڈھیاں پوڑھیاں ماݨخاں ناں چاندی را تریخ روپیا اُچھلاہ ݙھنا۔ ⁴۴۔ آݨ کہیو میں ہیک نماݨے ناں دوکھے خاں جھلارو پاپ کریوھاں، پر اُواں کہیو، "مھاناں اِے خاں کی؟ اِے ناں توں ہی جاݨ۔ ⁵۵۔ پچھے اُو چاندی را سکہ بھگتی گھر میں ناکھ را بوھوگیو آݨ آپ رے آم ناں پھاخی ݙھنی۔⁶۶۔سردارکاہن چاندی را سکہ لھنا آݨ کہیو اِے دھرم رے مطابق کونی کے بگھتی گھر رے خزانے میں گھاتیا (راکھیا) جاوے۔ کیاں کے لوہی (خون) ری رقم ہے۔ ⁷۷۔اُواں آپس میں اِے بات تے خلاح کری آݨ اِئیے پئیخاں خاں کُمبھار ری دھرتی اُوپراں ماݨخاں ناں ٻورݨ رے خاروں مول لی۔ ⁸۸۔ اِے رے خاروں اِے دھرتی ناں اُوے ݙھیں خاں لوہی ری دھرتی کہیو جاوݨ لاگو۔⁹۹۔اِے رے خاروں جکو سنت یرمیاہ رے مُکھ خاں جکو کہیو گیو ہتو اُو پورو تھے۔ اُواں چاندی را تریخ روپیا لے لھنا جکو اسرائیل رے منکھاں اُوے ری رقم راکھی ھتی۔ ¹⁰۱۰۔ آݨ اُوے ناں کُمبھار ری دھرتی رے خاروں ݙھناں گیا جاں ایشور مناں خمجھایو۔¹¹۱۱۔ ہمیں مسیح صوبیدار رے خامھوں اُبھوتو۔ آݨ صوبیدار اُوے خاں پوچھیو، کی توں یہودیاں رو راجا ہیں؟ مسیح اُواں ناں جواب ݙھنو، تیں آپ ہی کہیو۔ ¹²۱۲۔پݨ جݙی سردارکاہناں آݨ بوڈھیاں اُوے تے بکیا۔ (الزام لگایا) اُوے کہیں بݪتی کونی ݙھنی۔ ¹³۱۳۔ جݙے پیلاطس اُوے ناں کہیو کی توں کونی خُݨ تو جکو تاجے بارے میں کی کہیے جاوی پیا؟ ¹⁴۱۴۔ پݨ اُوے ہیک آخر رو بھی جواب کونی ݙھنو، صوبیدار اِے بات تے ݙاڈھی عبرت کری۔ (حیران تھیو) ۔¹⁵۱۵۔ عید تے رواج ہتو کہ صوبیدار ہیک قیدی ناں ماݨخاں رے خاروں چُگتو ہتو اِے خاروں کہ عید تے اُوے ناں آزاد کرے۔ ¹⁶۱۶۔ اُوے گھڑی ہیک مشہورقیدی ہتو جکے رو ناں برابا ہتو۔¹⁷۱۷۔ جݙے اُوے بھیݪا تھیا ، پلاطسؔ اُواں خاں کہیو، تھیں کے ناں چاہوی کی تھارے خاروں چھوڑیو جاوے ، برابا ناں یا پربھویسوع ناں جکے ناں تھیں مسیح کہیوئی۔ ¹⁸۱۸۔کیاں کے اُوجاݨتو ہتو کہ اُواں ناں ریخ خاں جھلایو ہے۔ ¹⁹۱۹۔ جݙے اُو عدالت رے تخت تے ٻیٹھو تو، اُوے ری لُوگائی اُوے ناں کہیہ بہیرکریو کہ اِے نماݨے ماݨخ خاں کہیں نی کرے۔ کیاں کے میں آج رات خپنیئے میں اِے ماݨخ رے کرے ݙاڈھو ݙُکھ کھݨیوھاں۔²⁰۲۰۔ پچھے سردارکاہناں آݨ بوڈھیاں ماݨخاں، ماݨخاں رے ٹوݪے ناں بھݪکایو کہ برابا ناں چھوݪو آݨ مسیح ناں مرواؤ۔ ²¹۲۱۔صوبیدار اُواں ناں کہیو، ائیاں ٻہیاں میں تھیں کے ناں چاوہں کے تھارے خاروں چھوݪ ݙاں؟۔ اُواں کہیو برابا ناں۔ ²²۲۲۔ پیلاطسؔ اُواں ناں کہیو، پچھے ہُوں پربھویسوع جکے ناں تھیں مسیح کہوی اُوے رو کی کراں؟ اُواں خاراں جواب ݙھنو اُوے ناں خوݪی تے چڑھاؤ۔²³۲۳۔ آݨ اُوے کہیو۔ "کیاں؟ اِے کی ݙوھ کریو ہے؟ اُو بݪے بدھیک ݙاڈھے زور خاں کہݨ لاگا اِے ناں خوݪی تے چڑھایو جاوے۔ ²⁴۲۴۔ آݨ جݙے پیلاطسؔ ݙٹھو کہ اُو کئہں کونی کرخگھتو پݨ شور آݨ اُدھماٹ شروع تھیورو، اُوے پاݨی لیوآݨ آپرا ہاتھ ماݨخاں رے ٹوݪے رے اِگیا دھویا۔ آݨ کہیو ھُوں اِے بے گناہ ماݨخ رے خون خاں آزاد ھاں، تھیں ہی اُوے ناں جوؤہ۔²⁵۲۵۔خاراں منکھاں کہیو، اِے رو لوہی مھارے آݨ مھاری اُولاد رے ماتھے، پچھے اُوے برابا ناں اُواں رے خاروں چھوݪیو۔ ²⁶۲۶۔ اُوے مسیح ناں کوڑا مروا آݨ خوݪی چاݪوݨ رے خاروں حوالے کریو۔²⁷۲۷۔پچھے صوبیدار رے سپاہیاں اُوے ناں قلعہ میں لے جا تے خارے پلٹݨ ناں بھیݪا کریا۔ ²⁸۲۸۔اُواں اُوے را گابھا اُتاریا آݨ اُوے ناں کرمچی رنگ را گابھا پہرایا۔ ²⁹۲۹۔پچھے اُواں کانٹا رو ہیک تاج اُوے رے ماتھے تے راکھیو، آݨ ݙنڈی اُوے رے خاجݪی ہاتھ میں ݙے ݙھنی۔ اُو اُوے رے خامھے گوڈاں تے جُھک آݨ اُوے خاں مزاق کرتا پیا۔ اِے یہودیاں را راجا " نمشکار"³⁰۳۰۔ آݨ اُوے رے ماتھے تھوکیو، آݨ اُواں ݙنڈی اُوے رے ماتھے تے ماری۔ ³¹۳۱۔ جݙے اُو اُوے خاں مزاق کرتا پیا۔ اُواں اُوے را گابھا لیا۔ آݨ آپرا گابھا اُوے تے ناکھیا۔ آݨ اُوے ناں خوݪی چاݪوݨ رے خاروں لے گیا۔³²۳۲۔ جݙے اُو ٻاہر آیا، اُواں ناں ہیک منکھ خنٹیو جکے رو ناں شمعون کُرینی ہتو اُوے ناں مسیح رے بھیݪو جاوݨ تے مجبور کریو گیو جݙے کہ پݨ اُو اُوے ری خوݪی کونی کھݨ خگھیو۔ ³³۳۳۔اُو اُوے جگہ آیا جکو گُلگتا کہلاوتی، جکے رو مطلب ہوتو "کھوپڑی ری جگہ" ³⁴۳۴۔ اُواں اُوے ناں پت میں ملی ہوئی مے پیئݨ رے خاروں ݙھنی، پݨ جݙے اُوے چُکھی، اُوے اُوے ناں کونی پیی۔³⁵۳۵۔ جݙے اُواں اُوے ناں خوݪی چاݪہایو، اُواں اُوے رے گابھا پکھا گھتیا۔ ³⁶۳۶۔آݨ اُو ٻیخ گیا آݨ اُوے ناں جووݨ لاگا۔ ³⁷۳۷۔ اُوے رے ماتھے رے اُونچا اُواں تختی لکھی جکے تے لکھیو اِےیہودیاں رو رو راجا پربھویسوع ہے۔³⁸۳۸۔ بئے ڈاکو اُوے بھیݪا خوݪی چہݪایا گیا ہیک اُوے رے خاجݪی پاخے۔ ³⁹۳۹۔جکو اُوے رے بٹ خاں ٹپتا پیا آُوے خاں مزاق کرتا ہتا، آپ را ماتھا ہلاتا۔ ⁴⁰۴۰۔ آݨ کہتا پیا، اِے بھگتی گھر ناں تباہ کرݨ آݪا، آݨ تیناں ݙھیاں میں بݨاوݨ آݪا، آپ رے آپ نا بچا! جے تو ایشور رو ݙیکرو ہے تو خوݪی خاں ہیٹھا آ!⁴¹۴۱۔ ائیاں ہی سردارکاہناں آݨ فقہیاں آݨ بوڈھیاں رے بھیݪا اُوے خاں مزاق کرتا پیا۔ ⁴²۴۲۔ اِے ٻجاں ناں بچایا، پݨ آپ ناں کونی بچا خگھتو۔ توں اسرائیل رو راجہ ہے خوݪی خاں اُتر آ آݨ توپچھے مھیں تیں تے وشواس لاخاں۔⁴³۴۳۔اُو ایشور تے وشواس راکھی، جوؤہ کہ ہمیں ایشور اُوے ناں بچاؤی۔ کیاں کے اِے کہئ وہ کہ ہوں ایشور رو ݙیکرو ہاں۔ ⁴⁴۴۴۔ آݨ جکو ڈاکو اُوے رے بھیݪا خوݪی چہݪایا گیا تا، اُواں بھی اُوے خاں مزاق کرتا پیا۔⁴⁵۴۵۔ چھیویں گھنٹے خاں ناوے گھنٹے تائیں خاری دھرتی تے اندھارو تھی گیو۔ ⁴⁶۴۶۔ناوے گھنٹے رے مھیں پربھویسوع اُونچی رݪ کری تے کہیو، ایلی ایلی شبقتی؟ جکے رو مطلب ہے اِے مانجا ایشور اِے مانجا ایشور تیں مناں کیاں چھوݪ ݙھنو؟۔ ⁴⁷۴۷۔ جکو نیݪا اُوبھا ہوتا اُواں خݨیو۔ اُواں میں کہنکاں کہیو، اِے ایلیاہ ناں ھیلوکرئی پیو۔⁴⁸۴۸۔ اُواں میں خاں ہیک بیگو بیگو بھجتو آیو آݨ مے خاں بھیگوݪوپھووہ ݙنڈے تے لگا رو۔ اُوے ناں پیئݨ ناں ݙھنو۔ ⁴⁹۴۹۔ٻیجے منکھاں کہو، اِے ناں اکیلو چھوݪ ݙو۔ مھیں جووئیں کہ ایلیاہ اِے ناں بچاوݨ آوی کہ کونی۔ ⁵⁰۵۰۔ پچھے مسیح دوبارہ اُونچی ٻولی میں رݪ کی آݨ آپ ری جان ݙے ݙھنی۔⁵¹۵۱۔جووہ بھگتی گھر رو پردو اُونچاں خاں تھی ہٹھا تک ٻھیاں حخاں میں پھاٹ گیو۔ آݨ دھرتی کانپ اُٹھی۔ آݨ پہاڑ ٹکراٹکرا ہورا الگ الگ ہو گیا۔ ⁵²۵۲۔قبراں کھل گیے آݨ گھݨے پوترمنکھاں را جسم جکو موؤݪا ہوتا جی اٹھیا۔ ⁵³۵۳۔ آݨ اُو آپ رے جی اُٹھݨ رے بعد گاؤاں میں آیو پوتر شہر میں بݪیو تو۔ آݨ گھݨاں ناں نظر آیو۔⁵⁴۵۴۔ ہیݨاں صوبیدار آݨ جکے مسیح ناں آݨ زلزلے ناں آݨ اِے باتاں ہوتے ݙیٹھے تے اُو گھݨاں ٻہیا تے کہیو، خچیلی اِے ایشور رو ݙیکرو ہے۔ ⁵⁵۵۵۔گھݨے لُوگائے جکو گلیل خاں اُوے رے لارے ہوتے آݨ اُوے ری فکر کرتے ہوتے، جݙے اُواں اُوے ناں پرھےخاں ݙٹھو۔ ⁵⁶۵۶۔ اُواں رے بیچ میں جتھے مریمؔ مگدلینی ہوتی، مریمؔ جکو یعقوب آݨ یوسفؔ ری ماں ہوتی۔ آݨ زبدیؔ رے ݙکراں ری ماں ہوتی۔⁵⁷۵۷۔ جݙے انڈھے ہوئی۔ ہیک امیر منکھ جکو ارِمَتِؔیاہ میں رہتو۔ جکے ناں یوسف ہوتو۔ جکو پربھویسوع رو چیلوبھی ہوتو۔ ⁵⁸۵۸۔ اِے پیلاطس تائیں گیو۔ موقل لی آݨ پربھویسوع رو موݪو جسم اُوے خاں مانگیو۔ پیلاطس اِئیاں ناں حُکم ݙھنو کہ لاش ائیے ناں ݙو ری۔⁵⁹۵۹۔ یوسفؔ لاش لھنی آݨ اُوے ناں ہیک صاف مانگھے گابھے میں بھیݪی۔ ⁶⁰۶۰۔آݨ اُوے ناں آپ ری بݨایݪی نوی قبر میں راکھیو۔ جکو پہاڑ(جبل) ناں کِٹ رو بݨائی گئی ہوتی۔ اُوے قبر تے ہیک گھݨو موٹو پتھر راکھیو آݨ بوہو گیو۔ ⁶¹۶۱۔ مریمؔ مگدلینی آݨ ٻیجوݪی مریمؔ قبر رے خامے ٻھٹے تے۔⁶²۶۲۔ اگلے ݙن جکو تیاری رو ݙنھ ہوتو۔ سردارکاہن آݨ فریسی پیلاطسؔ رے کوڈھی جمع تھیا۔ ⁶³۶۳۔اُواں کہیو، سردار مھاناں یاد ہے کہ اُوے دھوکے باز کہیوہوتو، تیناں ݙھیاں خاں ہُوں جی اُوٹھیخ رو۔ ⁶⁴۶۴۔ اِئیے رے خاروں اِے حُکم ݙے کہ تیناں ݙھیاں تک قبرری رکھواݪی کرئی جاوے۔ ائیاں نی ہوے کہ اُوے را چیلا آوے آݨ اُو اُوے ناں چوری کر جاوے را۔ آݨ منکھاں خاں کہے ݙے، اُو موݪاں خاں جی اُٹھیو ہے۔ آݨ آخری دھوکو پہلی آݪے خاں بھی بُرو حوخے۔⁶⁵۶۵۔ پیلاطسؔ اُواں ناں کہیو پہارے آݪاں ناں لے جا۔ آݨ جیتری حفاظت کر خگھی کرو۔ ⁶⁶۶۶۔ اُوگیا آݨ قبر ری حفاظت کئ۔ آݨ ہیک موٹو پتھرراکھیو آݨ اوے تے مہر لگا ݙھنی آݨ جگہ ٻیخ گیا۔

¹۱۔ پوتر ݙنھ رے بعد ہفتے رو پہلوݙیھں ہوتو، مریمؔ مگدلینی آݨ ٻیجوݪی مریمؔ قبر جوؤݨ گیے۔ ²۲۔ جووہ اُوتھے موٹو بھونچاݪ آیو، اُوچھتو ایشور رو ہیک فرشتو آکاش خاں آیو آݨ پتھر ناں پرو کیو آݨ اِے رے ماتھے ٻیٹھو۔³۳۔ اِے رو جلال روشنی آݪی کر ہتو آݨ اُوے را گابھا پرف آݪی کر آچھا ہوتا۔ ⁴۴۔آن اُوئے رے ٻہی خاں رکھوالی کرݨ آݪا کانپ گیا ائیاں جاں مرَیوڑا ہوئے۔⁵۵۔ فرشتو لُگائیاں خاں ٻولو، آݨ اُواں ناں کہیو۔ ٻہیو نی ہوں جاݨیی کہ تھیں پربھویسوع ناں جوتے پھرئی۔ جکو خوݪی تے چہݪیو گیو تو۔ ⁶۶۔اُو اِتھے کونی ، پݨ اُو جی اُٹھیو ہے، جیکݨ اُوے کہیو تو، آؤ جووہ، اُو جگہ جِتھے مسیح ہوتو۔ ⁷۷۔ بیگے جاؤ آݨ اُوے رے چیلاں ناں ݙخلو کہ اُو موؤݪاں میں خاں جی اُٹھیو ہے۔ جوؤہ، اُو تھاں خاں پہلی گلیل ݙخاں جاوئی وہ۔ اُوتھے تھیں اُوے ناں جوخو۔ جوؤہ، میں تھاناں ݙخلیو رو۔⁸۸۔ اُو لُگائے بیگے ݙاڈھی خوشی آݨ ٻہیہ خاں قبر خاں ٻاہر گئے آݨ اُوے رے چیلاں ناں ݙخلݨ رے خاروں بھجئیے(بھگے)۔ ⁹۹۔جوؤہ، پربھویسوع اُواں خاں میلو(خنٹیو) آݨ کہیو، تھاری سلامتی ہووئے۔ اُو لُگائے اُوے رے پگے پݪیے۔ آݨ اُوے ری بݙائی کرݨ لاگے۔ ¹⁰۱۰۔ پچھے پربھویسوع اُواں ناں کہیو، ٻہیو نی۔ جؤ مانجے بھائیاں ناں ݙخلو تاکہ اُو گلیل ݙخیا جاوے۔ اُوتھے اُو مناں جوخے۔¹¹۱۱۔ جݙے اُو لُگائے جاتے پیئے، جوؤہ، کنئک پاہرے دار شہر ݙخیا گیا، آݨ سردارکاہناں ناں اُو خارے باتاں ݙخلیے جکو ہوئے ہتے۔ ¹²۱۲۔جݙے کاہناں آݨ پوݪیاں خاں ملیا آݨ خاروحال حوال ݙھنو، اُواں ہیک موٹی رقم پاہرے داراں ناں ݙھنی۔ آݨ اُواں کہیو۔ ¹³۱۳۔ ٻجاں ناں کہو، پربھویسوع را چیلا رات رو آیا جݙے مھیں خوتا پیا تا اُو آتے اُوے ری لاش ناں چوری کرتے لے گیا۔¹⁴۱۴۔ اگر اِے خٻر صوبیدار تک پُگی، مھیں اُوے ناں راضی کرلے خاں، آݨ تھاناں کوئی پریشانی کونی تھیئے۔ ¹⁵۱۵۔ پچھے پاہرے آݪاں اُو رقم لی، آݨ جیکݨ کہیو گیو تو اُواں ہی کریو۔ اِے خٻر آج تک یہودیاں میں مشہور ہے۔¹⁶۱۶۔ پݨ اگیارے چیلا گلیل رے پہاڑ تے گیا جکو پربھویسوع اُواں رے خاروں مقرّر کیو تو۔ ¹⁷۱۷۔ جݙے اُواں اُوے ناں ݙیٹھو، اُواں اُوے ری بݙائی کی، پݨ کئنیک شک کیو۔¹⁸۱۸۔پربھویسوع اُواں کوڈھی آیو۔ اُواں خاں باتاں کرئیے آݨ کہیو، دھرتی آݨ آکاش رو اختیار مناں ݙھنوگیو ہے۔ ¹⁹۱۹۔ اِے رے خاروں جاؤ آݨ خارے قوماں ناں چیلا بݨاؤ اُواں ناں ٻاپ آݨ ݙیکرے آݨ پویتر آتماں رے ناں خاں پویتر شنان ݙؤ۔²⁰20 ۔آݨ اُواں ناں اِے تعلیم ݙؤ کہ اُواں خارے باتاں تے عمل کرئے جکے رو حُکم میں تھاناں ݙھنوھاں۔ آݨ جوؤہ، ھُوں دھرتی رے آخر تک ہمیشہ تھاں بھیݪو ہاں۔

¹۱۔ایہ اِیشوَر رے ݙِیکرے یسوع مسیح رے بارے میں خُوشی ری خبر ری شرُوعات ہے۔ ²۲۔ جیکر یسعیاہ نبی رے شاستر میں اِیشوَر کَہیو ہَتو،ہوُں آپرو خَنݙیخو ݙیوݨ آݪے نا تھارے آگے آگے میلیخ۔او تھارے آوݨ خاں پہل تھارو مارگ تیار کرخے۔ ³۳۔  بیابان میں پرچار کرݨ آݪو کَہی وو’پرمیشوَر رے خارُو مارگ تیار کرو،اَن اُوئے رے خارُو مارگ خِدھو کرو۔⁴۴۔اِیئے خارُو پبتسمہ ݙیوݨ آݪو یُوحنا آیو اَن بیابان میں پرچار کرݨ لاگو، تھے آپرے پاپاں خاں توٻاں کرو اَن پبتسمہ لو، پَچھے اِیشوَر تھاں را پاپ معاف کرخے۔ ⁵۵۔پُورے یہُودیہ رے علاقے خاں تے یروشلم شہر خاں وی لوک اُوئے کَڈھے آوݨ لاگا اَن مِنکھاں رے رُوبرُو آپرا پاپ من را یَردن رے دریا میں اُوئے خاں پبتسمہ لیوݨ لاگا۔ ⁶۶۔یُوحنا اُون٘ٹھ رے باݪاں خاں بݨیوڑا گابھا پہرتو اَن کڑیاں تے چامٻڑے رو پَٹو ٻان٘دھتو۔ او تیݙے اَن جن٘گلی ماکھی کھاتو۔⁷۷۔ او ایہ پرچار کرتو کہ، ”مھیں خاں پَچھے ہیک ایَہڑو مِنکھ آوݨ آݪو ہے جکو مھیں خاں گھݨو قُدرت آݪو ہے، ہُوں تو اِیئے لائق وی کونی کہ جھُک رو اُوئے ری جُتی رو تسمو کھولاں۔ ⁸۸۔ہُوں تو تھاں نا پاݨی خاں پبتسمہ ݙئیں پݨ او تھاں نا پویتر آتما خاں پبتسمہ ݙیخے۔⁹۹۔ اوئاں ݙناں میں جَݙے مِنکھ یُوحنا خاں پبتسمہ لیوتا وا، تو پربھُو یسوع گلیل صُوبے رے ناصرت شہر خاں آیو اَن یَردن رے دریا میں یُوحنا خاں پبتسمہ لِنو۔ ¹⁰۱۰۔ جاں جی پربھُو یسوع پبتسمہ لے پاݨی خاں ٻاہر نِخریو، تو اُوئے اَکاش نا کھُلتے اَن پویتر آتما نا کبھُوتر آݪِیکار آپرے ماتھے اُترتے ݙِٹھو۔ ¹¹۱۱۔پَچھے اَکاش خاں اَواز آئی، ”تُوں مانجو پیارو ݙِیکرو ہے اَن تیں خاں ہُوں گھݨو راضی ہاں۔ ‏¹²۱۲۔ پَچھے پویتر آتما پربھُو یسوع نا اُوئے گھڑی بیابان میں لے گیو۔ ¹³۱۳۔بیابان میں او چاݪیخ ݙن اَن چاݪیخ راتاں تک رہیو اَن شیطان اُوئے نا اَزماوتو رہیو۔ او جن٘گلی جِناوراں بھیݪو رہیو اَن فرشتا اُوئے ری خدمت کرتا رہیا۔¹⁴۱۴۔ پبتسمہ ݙیوݨ آݪے یُوحنا رے جیل میں ڈھَکیجݨ خاں پَچھے پربھُو یسوع گلیل صُوبے میں گیو اَن مِنکھاں نا اِیشوَر ری خُوشی ری خبر خُݨاوݨ لاگو۔ ¹⁵۱۵۔وقت پُورو ہو گیو رو اَن اِیشوَر ری بادشاہی نیڑی آئی ری، اِیئے خارُو آپرے پاپاں خاں توٻاں کرو اَن اِیئے خُوشی ری خبر تے وشواس لے آؤ۔¹⁶۱۶۔ ہیکے باری جَݙے پربھُو یسوع گلیل ری جھیل رے کندھے خاں جاوتو وو، تو اُوئے شمعُون اَن اُوئے رے بھائی اندریاس نا جھیل میں جاݪ ناکھتے ݙِٹھا۔ او ٻِنہے مُہاݨا ہَتا۔ ¹⁷۱۷۔ پربھُو یسوع اُوئاں نا ہیلو کر کَہیو، ”آؤ اَن مناجے لارے بَہو، تو ہُوں تھاں نا خِکھائیخ کہ تھے مَچھے بھیݪے کرݨ ری جگہا مناجے خارُو مِنکھ بھیݪا کرو۔ ¹⁸۱۸۔ایہ خُݨتے اِی اُواں آپرا جاݪ ناکھ ݙِنا اَن پربھُو یسوع را چیلا بݨ را اُوئے رے لارے بہوݨ لاگا۔¹⁹۱۹۔ پَچھے پربھُو یسوع اوتھ خاں تھوڑو آگے گیو، تو اُوئے زبدی ناں رے مِنکھ رے ٻے ݙِیکراں، یعقُوب اَن یُوحنا نا ݙِٹھا جکو ٻیَڑی میں آپرے پھاٹوڑے جاݪاں نا گنڈھتا وا۔ ²⁰۲۰۔پربھُو یسوع اُوئے گھڑی اُوئاں نا ہیلو کریو، تو اُوئاں وی آپرے ٻاپ زبدی نا ٻیَڑی میں مزدُوراں بھیݪو چھوڑیو اَن اُوئے رے لارے بہوݨ لاگا۔²¹۲۱۔پَچھے پربھُو یسوع آپرے چیلاں بھیݪو کَفرنحُوم شہر میں گیو اَن جاں اِی چھنچھر یعنی پویتر ݙن آیو، تو او بھَگتی گھر میں گیو اَن خِکھاوݨ لاگو۔ ²²۲۲۔خارا اُوئے رے باتاں خُݨ را حیران ہَتا کیان٘کے او فقہیاں آݪِیکار کونی بلکے اختیار خاں خِکھاوتو ہتو۔²³۲۳۔ اُوئے گھڑی بھَگتی گھر میں ہیک ایَہڑو مِنکھ آیو جکے میں بھُون٘ت ہَتو۔ اُوئے اُون٘چی اَواز خاں کَہیو ²⁴۲۴۔”اَے یسوع ناصری، تاجو مھاں خاں کی واسطو؟ کی تُوں مھاں نا برباد کرݨ آیو ہے؟ مھاں نا ٹھاء ہے کہ تُوں کُݨ ہے۔ تُوں اوئے اِیشوَر ری میلیوڑی پویتر ہستی ہے۔ ²⁵۲۵۔پربھُو یسوع بھُون٘ت نا دڑکو ݙینوان کَہیو، ”چُپ کر۔ اِیئے مِنکھ خاں نِخر جا۔ ²⁶۲۶۔پَچھے بھُون٘ت اُوئے مِنکھ نا مروڑیو اَن زور خاں رَڑ کی اَن اُوئے خاں نِخر گیو۔²⁷۲۷۔ ایہ جو تے خارا جِݨا تمام گھݨا حیران ہویا اَن آپت میں کَہوݨ لاگا، ”ایہ کی؟ ایہ تو نَویں بات ہے کہ او بھُون٘تاں نا اختیار خاں حُکم ݙئی اَن او اُوئے رو کَہیو منئی۔ ²⁸۲۸۔اِیئاں اُوئے گھڑی پربھُو یسوع گلیل رے خارے علاقے میں مشہور ہو گیو۔²⁹۲۹۔ بھَگتی گھر خاں نِخر رو پربھُو یسوع یعقُوب اَن یُوحنا بھیݪو خِدھو شمعُون اَن اندریاس رے گھرے گیو۔ ³⁰۳۰۔ ‏اُوئے گھڑی شمعُون ری خاخُو نا گھݨو تا آ ہَتو، اِیئے خارُو اُوئاں آوتے اِی پربھُو یسوع نا اُوئے رے بارے میں خُݨایو۔ ³¹۳۱۔پربھُو یسوع اُوئے کَڈھے جا رو اُوئے نا ہاتھ خاں جھال ٻِخاݨی، تو اُوئے رو تا اُتر گیو اَن او اُوئاں رے خارُو خِیدھو کرݨ لاگ گی۔³²۳۲۔ جَݙے آتھݨ ہوئی، تو مِنکھ بِیماراں نا اَن اُوئاں نا جکاں میں بھُون٘ت ہَتا، پربھُو یسوع کَڈھے لے آیا۔ ³³۳۳۔اِتری تک کہ پُورو شہر اُوئے گھر رے دروازے ماتھے بھیݪو ہو گیو۔ ³⁴۳۴۔پربھُو یسوع گھݨے بِیماراں نا بھَلاں کریا جکاں میں ٻِجے ٻِجے بِیمارے ہَتے اَن گھݨا خارا بھُون٘ت وی کاڈھیا۔ پݨ بھُون٘تاں نا ٻولݨ نی ݙِنا کیان٘کے او پربھُو یسوع نا اوݪکھتا۔³⁵۳۵۔ خبیݪے حالی جݙے اَندھارو ہَتو اَن پربھُو یسوع اُٹھی رو ہیک ویران جگہا تے گیو اَن پراتھنا کرݨ لاگو۔ ³⁶۳۶۔ پَچھے شمعُون اَن اُوئے را خن٘گتی پربھُو یسوع نا جووݨ رے خارُو گیا۔ ³⁷۳۷۔ جَݙے اُوئاں نا پربھُو یسوع لابھو، تو اُوئاں کَہیو، ”خارا جِݨا تناں نا لابھئی وا۔³⁸۳۸۔ پربھُو یسوع اُوئاں نا کَہیو، ”ہالو، آپاں کیتھ آخے پاخے رے بَستیاں میں ہالاں اَن اوتھ وی پرچار کراں کیان٘کے ہُوں جَگت میں اِیئیَج کام رے خارُو آیو ہاں۔ ³⁹۳۹۔ایئاں پربھُو یسوع پُورے گلیل رے علاقے میں یہُودیاں رے بھَگتی گھراں میں جا رو پرچار کرتو رہیو اَن مِنکھاں خاں بھُون٘ت کاڈھتو رہیو۔⁴⁰۴۰۔ پَچھے ہیک مِنکھ پربھُو یسوع کَڈھے آیو جکے نا کوڑھ ری بِیماری ہَتی۔ اُوئے پربھُو یسوع رے آگے گوݙا کھویا اَن کَہوݨ لاگو، ”جے تاجی مرضی ہووے، تو مھناں اِیئے بِیماری خاں بھَلاں کر وبے داغ کرو۔ ⁴¹۴۱۔پربھُو یسوع نا ترس آیو اَن آپرو ہاتھ آگہو کر تے اُوئے مِنکھ نا لگایو اَن کَہیو، ”بیشک مانجی مرضی ہے کہ تُوں بھَلاں ہو جاوے رو۔ ⁴²۴۲۔ تو اُوئے گھڑی اُوئے مِنکھ ری کوڑھ ری بِیماری ختم ہو گی اَن او بھَلاں ہو گیو۔⁴³۴۳۔ پربھُو یسوع اُوئے نا خَمجھا تے بئیر کریو۔ ⁴⁴۴۴۔ان اُوئے نا کَہیو، ”خبردار، ایہ بات کَئی نا وی نی خُݨائے پݨ اِیشوَر رے گھر میں جا رو آپرو کاہن نا بتا اَن او چڑھاوو چڑھا، جکے رے بارے میں مُوسیٰ رے شاستر میں کَہیوڑو ہے، اِیئے خاں خاراں نا ٹھاء لاگخے کہ تُوں بھَلاں ہویو رو۔⁴⁵۴۵۔ پݨ او ٻاہر جا رو ہر کَئے نا خُݨاوݨ لاگو اَن اِیئے بات نا اِتری مشہور کر ݙِنی کہ پربھُو یسوع کَئی بھی شہر میں کھُلے عام کونی جا خَگتو ہَتو۔ پربھُو یسوع بیابان میں رہوݨ لاگو پݨ پَچھے وی مِنکھ چارے پاخاں خاں اُوئے کَڈھے آ جاوتا را۔

¹۱۔آن او گھݨے ݙناں خاں پَچھے کفر نحوم میں بݪے آیو۔ آن خݨݨ میں آیو کہ او گھَر میں ہے۔ ²۲۔آن اُتھے اِترا مِنکھ بھیݪا ہو گیا کہ در تک بھی جگہ کونی ہَتی ، آن او اُواں ناں پویتر شاستر خݨاتو پیو۔³۳۔آن مِنکھاں ہیکے ادھ رنگ آݪے مِنکھ ناں چاراں مِنکھاں خاں کھݨوا اُوے کَڈھی لایا۔ ⁴۴۔آن جݙے او ٹوݪے رے کارݨ اُوے نا اُوے رے خامو کونی لا خَگیا،تو اُواں جِتھے او ہَتو اُتھے چھت نا کھولی آن اُوے ادھ رنگ آݪے رے ماچے ناں ہیٹھو اوتاریو۔⁵۵۔یسوع اُواں رو ایمان جو رو اُوے ادھ رنگ آݪے منکھ ناں کہیو۔ ݙکر تاجا گناہ معاف وا۔ ⁶۶۔ پݨ اُتھے کئینک دھَرم ناں جاݨݨ آݪا ٻیٹھا ہتا آن او آپ رےمَن خوچݨ لاگا کہ ⁷۷۔ایہ کیِاں اِیاں کہَوئی پیِو؟ ایہ آپ ناں ایشور خمَجئی پیو۔ گُناہ کُݨ معاف کر خَگئی خِوائے اِیشور رے؟⁸۸۔آن اُوے بݪا یسوع ناں پوَیتر آتما خاں ٹھاہ لاگی کہ او آپ رے دِلاں میں اہڑ ے باتاں خوچئی وا؟اُوے اُواں ناں کہیو کہ تھیں کِیاں آپ رے دِلاں میں اہڑے باتاں خوچئی وا؟ ⁹۹۔خاہنجو کی ہے ادَھرَنگ آݪے خاں کہوݨو کہ تاجا پاپ معاف ہوُوا یا ایہ کہݨ کہ اُٹھی اُبھیج آپ رو ماچو کھَݨ بہہ رو؟¹⁰۱۰۔اِئیے رے خاروں کہ تھیں اوݪکھو کہ ابنِ اِنساں ناں دھَرتی ماتھے پاپ معاف کرݨ رو اِختیار ہے۔ اُوے اُوےاَدھرنگ آݪے ناں کہیو۔ ¹¹۱۱۔ہُوں تیخاں کہیں اُٹھی آپ رو ماچو کھَݨ آپ رے گھَرے جارو۔ ¹²۱۲۔ائیے خاروں او خارا حیران تھی گیِا۔آن اِشوَر ری بݙائی کرتا کہݨ لاگا کہ مہاں اِئیاں کِݙے کونی ݙٹھو۔¹³۱۳۔آن پَچھے او ٻاہر جھِیل رے کندھے تے گِیو آن خارے مِنکھاں رو ٹوݪو اُوے رے کَڈھیں آیو۔ آن او اُواں ناں تعلیم ݙیوݨ لاگو۔ ¹⁴۱۴۔آن جݙے او جاوتو پِیو تو حلفئ رے ݙیکرے لاوی یعنی متی ناں ݙِٹھو جَکو ٻیٹھوڑو چنُگی لیوتو وو ۔ آن اُوے ناں کَہیو، مانجےلارے آ آن او اُٹھی رو اُوے رے لارے بوہو۔¹⁵۱۵ ۔آن ایِاں تھیو کہ جݙے او خارا اُوے رے گھَر میں باٹی کھاوتا پِیاتو ݙِگھ خارا چنگی لیوݨ آݪا ے آن ٻِجا پاپی یسوع آن اُوے رے چیلاں بھیݪا اُوے رے دعوت میں ٻاٹی کھاوتا پِیا۔ ¹⁶۱۶۔آن جݙے فَریسیاں آن دھَرمی گُروئاں اُوے ناں چنگی لیوݨ آݪا بھیݪو کھاوتو جویو ۔ تو اُوے رے چیلاں ناں کَہیو کہ تھارو گَرو چنگی لیوݨ آݪا آن پاپِیاں بھیݪو کِیاں کھاوی پِیئی پیِو۔¹⁷۱۷۔ یسوع اے خُݨ رو اُواں ناں کَہیو۔ خاجاں ناں ݙاکدار ری لو ڑکونی جݙے کہ بیماراں ناں ، کِیاں کہ ہوں خاجاں ناں کونی پݨ پاپِیاں ناں بَچاوݨ آیو ہاں۔¹⁸۱۸۔آن یوحنا را چیلا آن فَریسی وَرت خاں ہَتا۔ اُواں اُوے خاں کہیو کہ اِیئے رو کی کارݨ ہے کہ یوحنا را چیلا آن فَریسیاں را چیلا تو وَرت راکھئی پَر تاجا چیلا وَرت کونی راکھتا۔ ¹⁹۱۹۔یسوع اُواں ناں بݪتی ݙِنی ۔جانی جِتری تک بینݙ راجہ اُواں بھیݪوہے وَرت کونی راکھ خَگتا۔²⁰۲۰۔پَر او ݙینھں آخے جِݙے بینݙ راجہ اُواں خاں دھار کِیوجاخے اُوے گھَڑی او وَرت راکھخے۔ ²¹۲۱۔کوئی وی کورے گابھے ری کاری پُرانے جوڑے تےکونی لگاوتو ۔ نی تو نَوئ کاری اُوے پُراݨی کاری میخاں کئینک چھِک لیخے ری۔²²۲۲۔ آن نَویں مَے ناں پُراݨی ݙیڑیاں میں کوئی کونی بھَرتا۔ نیں توݙیڑی میخاں ٹڑک جاخے ری آن ٻینھیں ݙیڑے برباد تھی جاخے رے پَݨ نَوی مے ناں نوی ݙیڑی بھَری جاوی۔²³۲۳۔آن ایِاں تھِیو کہ او پویتر ݙینھیں آپ رے چیلاں بھیݪا جاوتو پیِومارگ میں کݨَک بایوڑی ہوتی اُوے را چیلا خِٹا پَٹݨ لاگا۔ ²⁴۲۴۔تو فَریسیاں اُوے ناں کہیو۔ جو پویتر ݙن رو اے کیاں اہیڑو کام کَرئی جَکو کَرݨ روا کونی۔²⁵۲۵۔اُوے اُواں ناں کہیو ۔کی تھاں اے کونی پڑھیو کہ داؤد کی کِریوݙے جݙے اُوے ناں لوڑ پئی تی۔او آن اُوے را خَنگتی بُکھیا ہتا؟ ²⁶۲۶۔او کیاں کر خردار کاہن اعظم ابی یاتار رے ݙناں میں ایشور رے گھَر میں گیو آن چھڑھاوے رے ٻاٹے کھادھے ۔ جَکےرو کھاوݨ کاہنا خاں خِوا ٻجے کہیں ناں بھی کھاوݨ روا کونی ہوُتو۔ آن آپ رے خَنگتیاں ناں بھی ݙُنھے۔²⁷۲۷۔ آن اُوے اُواں نا کہیو۔ کہ پویتر ݙِن اِنخاناں رے خاروں بݨایو گیو ہے۔ ²⁸۲۸۔پَ ݨ ابنِ مِنکھ خَبَت رو بھی مالک ہے۔

¹۱۔آن او بھگتی گھر میں آیو ۔ آن اوتھ ہیک مِنکھ ہتو جیکے رو ہاتھ خکھوڑو ہتو ۔ ²۲۔آن اُوے ری تاڑ میں رہیا کہ جیکر او خبت رے ݙن بھلاں کریئی تو اَوے تے ݙوھ لگاوجے ۔³۳۔آن او اُوے منکھ ناں کہیو کہ جیکو رو ہاتھ خُکھوڑو ہتو کہ توں بِچ میں اُبھیج جا۔ ⁴۴۔آن اُوے اُواں نا کہیو کہ خبت رے ݙن نیکی کر ݨ لازم ہے یا بدی کرݨ جان بچاوݨ یا مارݨ ؟ پݨ او چھپ رہ گیا۔⁵۵۔اُوے اُواں ناں ریخ خاں جو یو آن اُواں ری پتھر دلی ری وجہ خاں ݙکھ لاگو ۔اُوے منکھ ناں کہیو آپرو ہاتھ آگھو کر آن اُوے آگھو کِیو آن اُوے رو ہاتھ صَحیح ہو گِیو۔ ⁶۶۔تے فریخی ٻاہر جا را اُوے بِݪا ہیرو دیخ رے بھیݪو اُواں رے خلاف مَخورو کرݨ لاگا کہ کہڑی طریقے خاں اُوے ناں پھخاجے۔⁷۷۔آن یسوع آپ رے چیلاں بھیݪو جھیل رے پاخے گیو آن جھیل خاں ہیک موٹو ٹوݪو لارے ہو گیو۔ ⁸۸۔آن یرو شیلم آن ادَوم ،آن اُردن رے پار آن صُور آن صیدون رےآخے پاخے خاں بھی گھݨ ی خلقت اُو رے موٹے کاماں ری خٻر خُݨ ری اُوے کوڈِھیں ۔⁹۹۔تو اُوے آپ رے چیلاں خاں کہیو ۔ٹوݪے رے کرے ہیک چھوٹی خیک ٻیڑی مانجے خاروں تیار کرو ائیے رے کرےکہ او لتاڑے نیں۔ ¹⁰۱۰۔ائیے کرے کہ او گھݨ ے منکھاں ناں شفاء ݙیتو ۔ ایئے رے کرے کہ جِترا بیمار یاں میں ہے او اُوے تے کھِریا جاوتا پیا کہ اُوے ناں ناں ہاتھ لگاوے۔¹¹۱۱۔آن بدرُوح اُوے ناں جووتی ہتی تو اُوے رے آگی کھِرتی ری آن زور خاں رڑے کر تے کہیوتی ہتی کہ ¹²۱۲۔توں ایشور رو ݙیکرو ہیں آن اواُواں ناں دھمکاوتو ہتو کہ مَناں مشوُر نیں کَریا۔¹³۱۳۔آن بھیݪا او پہاڑ تے چھڑھ گیو۔ جیکاں ناں او آپ چاہوَتو ہتو اُواں ناں آپ کݙھیں ہیلو کِیو ۔ تو او اُوے ݙخا آیا ۔ ¹⁴۱۴۔آن اوے ٻاہراں ناں مُقرر کیا جَکو اُوے بھیݪا رہےآن جَکاں ناں او گواہی رے خاروں بِہیر کرے۔ ¹⁵۱۵۔آن او بیماراں ناں بھَلاں کرݨ آن بھُوتاں ناں کاݙھݨ رو اخِتیار رَاکھے۔ ¹⁶۱۶۔آن اُوے ٻاہراں ناں مُقرر کیا۔شمعون جَکے رو ناں اُوے پَطرس راکھیو۔¹⁷۱۷۔آن یعقوب رو ݙیکرو زبدی آن یعقوب رو بھائی یوحنا جَکے رو ناں اُوے بوائز گِس راکھِیو جَکے رو مطلب ہے گاجݨ آݪو۔ ¹⁸۱۸۔اِندریاس،فِلپس ،برتُلما،متی ،تُوما، حلفئی رو ݙیکرو یعقوب تدی،شمعون جَکے ناں ݙیخ پریمی وی کہَی۔ ¹⁹۱۹۔آن یہہودہ اسکَریوتی جَکے اُوے ناں جھَلوایو۔²⁰۲۰۔آن او ہیکے گھر میں آیو ۔آن اوتھ موٹو ٹوݪو ٻھیݪو ہو گیو او ٻاٹی بھی کونی کھا خَگیو۔ ²¹۲۱۔جِݙے اُوے رے مُخالفاں اے خُݨ یو تو اُوے ناں ہتھیکو کر ݨ رے خارو نِخریا۔ ائیے رے کرے کہ او کہوتاہتا کہ اے کالھو ہو گیو رو۔ ²²۲۲۔آن کئیں فقیہہ جَکو یروشلیم آیوڑا ہتا او کہیوݨ لاگا یسوع رے مہیناں بھُوتاں رو سردار بَعل زبُول ہے آن ایہ اُوئے ری مدد خاں بھُونت کاڈھئ۔²³۲۳۔تو پربھو یسوع اواں ناں کَڈھے ہیلو کریو آن ایہ مِخال ݙے تے پوچھیو بھونت کیاں بھونتاں نا کاڈھخے۔ ²⁴۲۴۔ آن جیکر کہیں بادشاہی میں پھوٹ پڑ جاوے ، تو او وی برباد ہو جاوئی۔ ²⁵۲۵۔آن جݙے کئیں گھر میں پھُوٹ پڑ جاوے تو او گھراݨ و وی برباد ہو جاوئی۔²⁶۲۶۔ایاں جی جے شیطان آپرو جی بَیری ہو جاوے تو او قائم کونی رہ خَگتو آن او وی برباد ہو جاوئی۔ ²⁷۲۷۔کوئی منکھ کہیں ݙاڈھےرے گھر میں بَڑ رو تے اوے نا پھُر کونی خگتو۔آن جِتری تک اُوے ناں ٻاندھ نی لے آن او اُوے بݪا اُوے رے گھر ناں لُٹ خگئی۔²⁸۲۸۔ہوں تھاناں خَچی کہیں پیو ۔ کہ انخان رو ہر پاپ آن ایشور رے خلاف کریوڑی ہر بات بُخخیج جاخے۔ ²⁹۲۹۔ پݨ جݙے کوئی پویتر آتما رے خلاف بات کرخے ، او کݙے وی معاف کونی کیو جاوے آن اوے رو ایہ پاپ ہمیشہ تک رہخے۔ ³⁰۳۰۔کیانکہ او کہوتا ہتا کہ ائیے میں بھُوںت ہے۔³¹۳۱۔ تو اُوے را ماں آن بھائی آیا ٻاہر اُبھیج آن اُوے ناں ہولو کروایو ۔ ³²۳۲۔آن ٹوݪو اُوے رے آہروں ٻاہروں ٻیٹھو ہتو آن او کہوݨ لاگو کہ جوو تھاری ماں آن ٻہن بھائی تاجو پوچھئ وا۔³³۳۳۔ اُوے اُواں ناں جواب میں کہیو ۔ کݨ ہے مانجی مان آن مانجو بھائی کݨ ہے؟ ³⁴۳۴۔پچھے او ئے آپ رے چارے پاخے ٻیٹھوڑے منکھاں ݙخا جو رو کَہیو ، جو وو مانجی ماں آن مانجو بھائی ایہ ہے۔ ³⁵۳۵۔کیانکہ جَکو کوئی ایشور ری مرضی تے بہی اُوہو مانجو بھائی آن ٻہن آن ماں ہے۔

¹۱۔آن او بݪے ڈنڈرے کندے تے تعلیم ڈیوݨ لاگو آن اہڑو موٹو ٹوݪو اوے رے کوڈھیا بھیݪو تھیو۔آن او ہیکی ٻیڑی تےچڑھ ٻیٹھو۔تے خجو ٹوݪو خکی دھرتی رے کندھے تےرہیو۔ ²۲۔تے اوہ اواں ناں مخالاں میں گھݨےباتاں خکھاوݨ لاگو ۔آن تعلیم میں اے کہیو۔³۳۔ خݨو بیج باوݨ آݪو بیج باوݨ نکلیو۔ ⁴۴۔آن باوݨ ری بیݪا ایاں ہوو۔کہ کینک مارگ میں کھریا ۔آن پکھی چُگ گیا۔ ⁵۵۔کینک پتھریلی دھرتی تے کھریا آن گݨی مٹی ہوݨ ری وجہ خاں بیگا اُگیا را۔⁶۶۔آن جڈے خورج لکلیو تو اوہ سڑ گیا۔آں جڑ نی ہوݨ ری کارݨ سڑ گیا۔ ⁷۷۔آن کیں کانٹاں آریاں ڈیںڳراں میں کھریا آن کانٹاں آݪے ڈینگراں موٹے ہو رے اواں ناں دباڈناں۔آن او پھݪ کونی لایا۔⁸۸۔آن کیں بھلی دھرتی میں کھریا۔کئیں آن پھݪ ڈنو۔جاں او اُگو آن بدھیو آن تریخ گُݨاپھݪ لایا۔آن کئیں کئیں خاٹھ ڳݨاآن کیئں کیئں خو ڳݨاوی۔ ⁹۹۔پچھے اوے کہیو۔جَکے را خݨݨ آݪاکان ہوے او خݨ لے۔¹⁰۱۰۔آن جڈے او ہیکھلو رہیو رو۔تو اواں ٻاراں میں جکو اوے بھیݪا ہتا۔مخالاں رے باروں اواں خاں پوچھیو۔ ¹¹۱۱۔تو اوے اواں ناں کہیو ایشور ری راجائی رو بھید تھاناں ڈنھو گیو ہے۔ پݨ جکو ٻاہر ہے اواں رے خاروں خارے باتاں مخالاں میں ہوئی۔ ¹²۱۲۔ایے رے خاروں کہ جوتا ہوا جوئے پر نی اوݪکھے۔آن خݨتاہوا خݨیے۔پر نی سمجھے۔ائیاں نی ہوے کہ اوےپاخے آوے۔آن چھٹکارو لے۔¹³۱۳۔پچھے اوے اواں ناں کہیو کہ کی تھیں اے مخال کونی سمجھتا ۔تو خارے مخالاں ناں کیکر سمجھخو ۔ ¹⁴۱۴۔باوݨ آرو ایشور رو شٻد باوی۔ ¹⁵۱۵۔جکو مارگ رے کندھے تے ہے۔جتھے پویتر شاشتر بایوجاوئی۔اے او ہے کہ جڈے اواں خݨیو تو خیطان اوے گھڑی آ رو اوے شٻدھ ناں جکو اواں میں بایو گیو تو۔کھݨ لے جاوئی۔¹⁶۱۶۔آن ائیاں ایج جو پتھریلی دھرتی میں بایا گیا ہتا ۔اے او ہے جکو شٻدھ ناں خݨ بیگا راجی ہورا من لیئ ۔ ¹⁷۱۷۔پݨ آپرے آپ میں جڑ کونی جھالتا۔پݨ کیئں ڈنھاں را ہے۔آن جکے گھڑی پویتر شاستر رے کارݨ مخیبت جاں ڈکھ ہوئی ۔تو اوئی گھڑی ٹھوکر کھاوئی۔¹⁸۱۸۔آن ٻیجا اوہ جکو کانٹاں آرے کانڈیریاں میں بایا جاوئی ۔اوہ اے ہے۔جکو پویترشاستر خݨئ تو وی۔ ¹⁹۱۹۔پݨ جگت رے فکراں آن دولت رےی لالچ آن چیجاں رو لالچ بچ میں آرو پویتر شاستر ناں دباڈئی ۔آن اوہ بے پھݪ رے جاوئی ۔ ²⁰۲۰۔آن جکو بھلی دھرتی میں بایا گیا ہے۔اے اوہ ہے جکو پویترشاستر ناں خݨئ۔آن اوے ناں من را پھݪ لاوئی۔کوئی تریخ گݨا ۔کوئی ساٹھ گݨا۔آن کوئی خو گݨا۔مسیحت رو نور۔²¹۲۱۔آن اوے اواں ناں کہیو ۔کی ڈیو ائے رے خاروں لایو جاوی۔کہ ٹوکرے یا مانچے رے ہیٹھا راکھیو جاوے۔؟ کی ایے رے خاروں کونی کہ ڈیاسڑی تے راکھیو جاوے۔ ²²۲۲۔کیانکہ کوئی بات لکیوڑی کونی جکو ظاہر کونی کی جاوے۔آن نی ہی چھپایوڑی۔پݨ ایے رے خاروں کہ اوہ ظاہر ہوے۔ ²³۲۳۔جکے ر ا خݨݨ آݪا کام ہوے اوہ خݨ لے۔²⁴۲۴۔بݪے اوے اواں ناں کہیو کہ دھیان خاں خݨو۔جکے ٹوپے خاں تھیں توݪئی اوے خاں تھانرے خاروں توݪیو جاخے۔آن تھاناںگݨو ڈنو جاخے۔ ²⁵۲۵۔جکے کڈی ہے اوے ناں ڈنھو جاخے۔ آن جکے کڈی کونی ،اوے خاں اوہ وی لے لیو جاخےجکواوے کڈی ہے۔(ٻیج ری مخال)²⁶۲۶۔آن اوے کہیو۔ایشور ری راجائی اہڑی ہے۔جاں کوئی منکھ دھرتی میں ٻیج باوے۔ ²⁷۲۷۔آن رات رو خوے آن ڈنھ ناں اُٹھے۔آن ٻیج اُگے آن بدھے۔آن اواں ناں خٻر وی نی ہوے کہ اے کیکرہوے۔ ²⁸۲۸۔دھرتی آپرے آپ پھݪ لیاوی۔پہل پتا پچھے سٹے میں ڈاݨا۔ ²⁹۲۹۔آن جڈے پھݪ پکئئ رو۔تو اوے گھڑی ڈاتری فھریئ،کیانکہ باڈھݨ رو ٹیم آوی رو۔(سرم رے ڈاݨے ری مخال)³⁰۳۰۔بݪے اوے کہیو کہ مھیں ایشور ری راجائی ناں کے جیھڑی کہاں۔جاں کھڑی مخال ڈے ری سمڄھاواں۔ ³¹۳۱۔اوہ سرم رے ڈاݨے آری کار ہے۔کہ جڈے اوہ دھرتی میں بایو جاوی۔ ³²۳۲۔تو دھرتی رے سارے ٻیجاں خاں چھوٹو ہووئی۔پݨ جڈے اوہ بایو جاوئی۔تو اُگئی آن خارے بھاجیاں رے ٻودھا خاں موٹو ہو جاوئی رو۔آن اہڑے موٹے ڈاݪے کاڈھئی ۔کہ آکاش را پکھی اوے ری چھاں میں رہے خگئی۔³³۳۳۔آن اوہ اہڑے ئی گھݨے مخالاں میں اواں ری سمجھ رے مطابق اواں ناں سمجھاوتو ہتو۔ ³⁴۳۴۔آن بنا مخال رے اواں ناں کیئں کونی کہتو ہتو۔پݨ اکیلائی میں آپرے چیلاں ناں خارے باتاں را مطبل بتاتو ہتو۔(طوفان رو رک جاوݨ)³⁵۳۵۔آن اوے ڈن جڈے آتھݨ ہوئی ،تو اوے اواں ناں کہیو۔آو پار ھالاں۔ ³⁶۳۶۔آن اوہ ٹوݪے ناں بہیر کر رو ۔اوہ جاں اوہ بیڑی ماتھے ہتو۔لے گیا آن اوے رے بھیݪے ٻیجے وی ٻیڑےبھیݪے ہتے۔ ³⁷۳۷۔آن موٹی جانکھ آئی۔آن چھلاں ٻیڑی ناں اتی تائیں لاگے۔کہ ٻیڑی پاݨی خاں بھریجݨ لاگی ۔³⁸۳۸۔آن اوہ لارے گدی ماتھے خوتو ہتو۔تڈے اواں اوے ناں جگا رو کہیو۔اے استاد کی تناں فکر کونی کہ مھیں مرݨ آݪاں ہاں۔ ³⁹۳۹۔آن اوہ اُٹھی رو بائیرے ناں دڑکو ڈنو آن ڈانڈھ ناں کہیو۔خاموش۔خانت ہو۔تو بائیرو بند تھیو رو۔آن موٹو امن تھیو رو۔⁴⁰۴۰۔آن اوے اواں ناں کہیو۔کیاں ٻیہیوئی؟انجاں تائیں بخواخ کونی راکھتا۔؟ ⁴¹۴۱۔اوہ گݨاٻیہا را۔آن آپت میں کاہݨ لاگا۔ کہ اے کُݨ ہے۔؟کہ بائیرو آن ڈانڈھ وی ایے ری بات منئی۔

¹۱۔ آن او جھیل رے پار جَرجاخیاں رے علاقے میں پُگا۔ ²۲۔آن جݙے او ٻیڑی خاں اُتریو اُوے گھڑی ہیک منکھ جَکے میں بھُونت ہتو قبر خاں نَخر تے اوے کَݙھی آیو۔³۳۔ او قبراں میں رہتو ہتو۔آن کوئی وی اُوے نا جنجھیراں خاں وی کونی ٻاندھ خَگتو ہتو۔کیانکہ او کئی پھیرا ٻیڑیاں آن خانکڑاں خاں ٻاندھیو گیو ہتو۔ ⁴۴۔پݨ اُوے خانکڑاں ناں ٹوڑ ݙیوتو ہُوتو۔آن اُوے ٻیڑیاں نا ٹوٹا ٹوٹا کر ݙنا ہتا۔تے کوئی وی اُوے نا قا ٻُو کونی کر خگتا ہتا۔⁵۵۔ آن او ہمیشہ رات آن ݙن قبراں آن پہاڑاں میں پھِرتو۔آن آپ رےآپ نا پَتھراں خاں زخمی کرتو رہتو۔ ⁶۶۔آن ڄݙے اُوے یسوع نا اݪگے خاں آوتو ݙٹھو۔تو ناخ رو اُوے ݙخاگیوے آن خیِخ نِوایوو۔⁷۷۔آن رڑ کر کہیو۔اے ایشور را ݙیکرا تِناں میں خاں کی کام؟ہوں تناں ایشور ری دھیج ݙئیں۔مناں ݙُکھ نی ݙے۔ ⁸۸۔کیانکہ اُوے اُواں نا کہیو ہتو۔کہ اے بھونت ائیے منکھ خاں نِخر آ⁹۹۔ پَچھے یسوع اُوے خاں پوچھیو۔تاجو ناں کی ہے اُوے یسوع نا کہیو۔مانجو ناں ہے بھُوتاں رو موٹو ٹوݪو۔ائیے خاروں مہیں گھݨاخارا ہاں۔ ¹⁰۱۰۔پچھے اوے یسوع ری ݙگھ منت کی کہ مہاناں ائیے علاقے خاںٻاہر نی کاݙھ¹¹۱۱۔ آن اوتھ پہاڑ تے خوُہراں رو ہیک موٹو دھݨ چرتو ہتو۔ ¹²۱۲۔ بھُوتاں یسوع ری منت کر آن کہیو۔کہ مہاناں اُواں خوہراں میں بہیر کر ݙے تاکہ مہاں اواں میں بڑ جاواں۔ ¹³۱۳۔پُچھے یسوع اُواں نا موکل ݙے ݙنی۔بھونت نَخر را خوہراں میں بڑگیا۔آن او دھَݨ جکو ٻے ہزار رو ہتو جھیل میں ٻُݙ مریو۔¹⁴۱۴۔آن اُوے دھَݨ را دھنار اُتھوں خاں بھَجیا۔آن شہر آݪا ناں خٻرپُجائی۔ پَچھے خارا اُوے ناں جووݨ نِخریا۔ ¹⁵۱۵۔آن یسوع کݙھی آیا۔آن اوے منکھ نا جَکے خاں بھونت یعنی بھوتاں رو ٹوݪو نِخریو ہتو گابھا پہریوڑا آن پورے ہوش میں ٻیٹھوڑوݙٹھو۔آن ٻہی گیا۔¹⁶۱۶۔آن جووݨ آݪا بھوتاں آن خوہراں رو حال خُݨایو۔ ¹⁷۱۷۔پچھے او اُوے ری منت کرݨ لاگا مھارے علاقے خاں نِخر جا۔¹⁸۱۸۔ ڄݙے او ٻیڑی تے چھڑیو۔او منکھ جکے خاں بھونت نِخریا ہتامنت کرݨ لاگو ہوں تے بھیݪو رَہاں۔ ¹⁹۱۹۔پݨ یسوع اُوے ناں موکل نی ݙنی۔بلکہ اوے ناں کہیو آپ رےگھرے آپ راں میں جا آن اُواں نا خُݨا کہ ایشور تاجے خاروں کہڑو موٹو کام کِیو ہے۔آن تے تے کرپا کئی ہے۔ ²⁰۲۰۔پچھے او بوہو گیو۔آن دکپُلس رے علاقے میں اُواں کاماں روپرچار کیو۔²¹۲۱۔ڄݙے یسوع ٻیڑی تے ٻیخ رو پار آیو تو گھݨا منکھ بھیݪا ہوگیااُوے کݙھی جھیل رے کندھے تے۔ ²²۲۲۔اوتھ یائیر ناں رو ہیک منکھ آیو جکو بھگتی گھر رو خردارہتو۔او پربھو یسوع نا جو رو اُوے رے پَگاں میں کھِر گیو۔ ²³۲۳۔آن اُوے ری منتھ کر کہݨ لاگو۔مہاری چھوٹی ݙیکری مَرݨ آݪی ہے کرپا کر ری تھِیں آؤ آن آپ رو ہاتھ اُوے ماتھے راکھو کہ بھَلاں ہو جاوے آن بَچ جاوے ری۔ ²⁴۲۴۔پچھے یسوع اُوے رے لارے لارے بہݨ لاگو آن اُوے رےچودھاروں تمام گھݨا منکھ ہتا۔²⁵۲۵۔اُواں منکھاں میں ہیک بیمار لُگائی ہتی جکے رو ٻاہرے برخاں خاں لوہی کونی رُکتو ہَتو۔ ²⁶۲۶۔آن اُوے آپ را خارا پئخا علاج کراوݨ ماتھے لگا ݙنا پݨ اُوے ناکوئی فرق کونی پڑیو آن او گھݨی بیمار ہُوتی گی۔ ²⁷۲۷۔یسوع رے بارے میں خُݨ رو او لُگائی گھݨے خارے منکھاں رےبِچ میں خاں اُوے رو لارے آئی آن اُوے رے گابھاں نا ہاتھ لگایو۔²⁸۲۸۔ کِیانکہ اُوے آپ رے من میں خوچیو ہَتو۔جے ہوں اُوے رےگابھاں نا چھَڑو ہاتھ لگائخ رو تو ہوں بھَلاں ہُوئیخ ری۔ ²⁹۲۹۔آن اُوے گھڑی بھَلاں ہُو گی۔آن اُوے ناآپ رے خَریر میں لاگو کہ ہوں بھَلاں ہوئی ری۔³⁰۳۰۔پچھے یسوع ڄاݨیو کہ میں خاں طاقت نِخری ہے۔پچھے یسوع پوچھیو کہ مہارے گابھاں نا کے ہاتھ لگایو ہے۔ ³¹۳۱۔اُوے رے چیلاں اُوے ناں کہیو۔تُوں جووئیں تو پیو تھارے آخےپاخے گھَݨا مِنکھ ہے۔ آن تو کہیں کہ مَناں کہ ہاتھ لگایو ہے۔ ³²۳۲۔ڄݙے اُوے لُگائی نا ٹھاہ لاگی تو ٻیہوتی آن کانپتی آئی آن اُوےرے آگِیا کھِر گی آن خاری بات خَچی خَچی کہہ خُݨائی۔³³۳۳۔او لُگائی جو کُجھ اُوے خاں ہُوو ہَتو جو رو محخوخ کیو آن ٻہیوتی آن کانپتی آئی آن اُوے رے اَگیا پَگاں میں ٻیخ ری اُوے ناں خارو حال خَچ خَخ خُݨایو۔ ³⁴۳۴۔ پچھے اُوے کہیو۔ ݙیکری تاجے ایمان تَناں بھَلاں کِیو ہے۔خئی خلامت جا آن آپ ری تکلیف خاں بَچی رہ۔³⁵۳۵۔او اے کہوتو جی ہتو۔کہ بھگتی گھر رے خردار رے منکھاں آ آن کہیو تاجی ݙیکری مر گی ری گرو جی نا تکلیف نی ݙے۔³⁶۳۶۔یسوع اُواں رے باتاں نا خُݨ رے تے بھگتی گھر رے خردار ناکہیو گھٻرا نی بلکہ ایمان راکھ۔ ³⁷۳۷۔آن اُوے پطرس،یعقوب آن یعقوب رے بھائی یوحنا خاں ٹاݪ ٻِجوکہیں نا آپ بھیݪو کونی آوݨ ݙنو۔ ³⁸۳۸۔آن او بھگتی گھر رے خردار رے گھرے آیا۔آن اُتھے ݙگھ خارولُڑ، ماتم آن رووا پِٹکو ہتو۔³⁹۳۹۔آن او گھر میں جا آن کہیو۔تھاں کِیاں ماتم آن روا پِٹکو کرئی ووا۔چھوکری مر ی کونی بلکہ خُوتی پئی ہے۔ ⁴⁰۴۰۔او اُوے تے ہخݨ لاگا۔پݨ او خاراں نا ٻاہر کاݙھ چھوکری رے ماں ٻاپ آن آپ رے چیلاں نا لے چھوکری رے ماچے تے گیو۔⁴¹۴۱۔آن چھوکری رو ہاتھ جھال آن کہیو۔اے چھوکری تَناں کہیَں اُٹھی۔ ⁴²۴۲۔چھوکری اُوے گھڑی اُٹھی آن پھرݨ لاگی کیانکہ او ٻاہرے برخ ری ہتی۔اے جو رو خارا منکھ حیران ہو گِیا۔ ⁴³۴۳۔پچھے اُواں ناخَختی خاں کہیوکہ۔اے بات کہیں نا وی نی خُݨایا۔آن ایہ کہیو کہ اِئیے ناں کَئیں کھاوݨ نا ݙنو جاوے۔

¹۱۔پچھے او اوتھ خاں بیئر ہو رو آپرے ݙیخ میں آیو۔ ان اوے را چیلا وی اوے رےلارے بیئر ہویا۔ ²۲۔جݙے سبت رو ݙن آیو تو او بھگتی گھر میں پرچار کرݨ لاگو اَن خُݨݨ آݪاں میں خاں کہینک حیران ہو را کہݨ لاگا اُوے نا ایے خارو کچھ کیتھ خاں لابھو اَن ایہ کہڑی خیاݨپ ہے جکو ایے نا ݙنوڑی ہے۔اَن کہڑ پرچا ایے رے ہاتھاں خاں ہووئی۔ ³۳۔کی اے او ڈکھاݨ کونی ابنِ مریم ان یقعوب ان یوسف اَن یہودہ ان شمعون رو بھائی ان کی ائیاں رے ٻہناں آپاں کݙے کونی آن اوئاں نا ایئے رے خارو تھُݙو لاگو۔⁴۴۔ائیے تے یسوع اُئاوں کہیو سنت کݙے وی بے عزت کونی ہووتو۔ پݨ آپرے ݙیخ آپرے عزیزاں آن آپرے گھر میں ⁵۵۔ آن او اوتھ کوئی معجزو نی جووݪ خگیو۔ پݨ بھݪے وی کہینک بیماراں تے ہاتھ راکھ ان شفا ݙنی۔آن اوے اُوئاں ری بے اعتباری تے حیران ہویو۔ ⁶۶۔ آن کݙے کݙے رے گاواں میں پرچار کرتو پھریو۔⁷۷۔ آن اُوئے اُوئاں ٻارہاں نا ہیلو کریو ان اُوئاں نا ٻے ٻے کر بہیر کرݨ لاگو۔ آن اُوئاں نا بھوتاں تے وی اختیار ݙنو۔ ⁸۸۔آن اُوئاں نا حکم ݙنو کہ مارگ میں خوائے گیݙی رے ٻجو کئی نی لیا۔ نی ٻاٹی نی جھوݪی ان نی جی پیخہ۔ ⁹۹۔پݨ جُتی پہریا آن ٻے چوݪا نی پہریا۔¹⁰۱۰۔ آن اُوئاں نا کہیو کہ جکے گھر میں جاؤ اوتھ جی رہو۔ جتری تک کے تھاں اُتھ خاں آگا بہیر نی ہو وو۔ ¹¹۱۱۔آن جکے جگہ لوک تھاناں نی منئے ان تھاری نی خُݨے اُوتھ خاں جاوتے بݪا آپری جُتی ری مٹی چھنڈک ڈو ایہ اُوئاں رے خارو گواہی ہوخے۔¹²۱۲۔آن اُو بہیر ہوتا پرچار کرݨ لاگا کہ توٻہ کرو۔ ¹³۱۳۔آن او گھݨئے بھوتݨیاں نا کڈھتا ان گھݨے بیماراں نا تیل لگا ان شفا ݙیوݨ لاگا۔¹⁴۱۴۔آن ہیرودیس باچھاہ اُئاوں رے بارے میں خُݨیو۔ کیانکہ اُوئاں رو ناں گھݨو مشہور ہو گیو ہَتو۔ اَن لوک کہوتا وا کہ یوحنا اصطباغی مریوڑاں میں خاں جیتو ہویو ہے۔ایے خارو او معجزہ بتائی وا۔ ¹⁵۱۵۔پݨ کہینک کہݨ لاگا کہ الیاس ہے آن کہینک کہوتا وا کہ سنتاں میں خاں ہیک سنت آݪی کار ہے۔¹⁶۱۶۔ پݨ ہیرودیس خُݨ رو کہیو یوحنا جکے رو ماتھو میں بڈھوایو او جی جیتو تھیو ہے۔ ¹⁷۱۷۔کیانکہ ہیرودیس آپ جی ہیرودیاس رے وجہ جکو اوے رے بھائی فیلبُوس رے لُگائی ہَتی۔ یوحنا نا جھلوایو ان اوے نا جیل میں ڈھکوایو کیانکہ اُوے اُوے خاں بہیاں کریو ہتو۔¹⁸۱۸۔ آن یوحنا ہیرودیس نا کہیو ہتو کہ آپرے بھائی ری لُگائی راکھݨ تھارے خارو ٹھیک کونی۔ ¹⁹۱۹۔ایئے خارو ہیرودیاس اُوئے خاں دشمنی رکھے ٻیٹھی ہتی آن او چاہتی کہ اُوے نا مَرواوے پݨ نی کروا خگئی۔ ²⁰۲۰۔ایئے خارو کہ ہیرودیس یوحنا نا راستباز ان بھلو منکھ جاݨ تے اُوے نا بچائے راکھتو پݨ اُوئاں رے باتاں خُݨ تے گھݨو پریشان ہوجاتو۔ پݨ خُݨتو گھݨو راجی تھی تے۔²¹۲۱۔ ہیک ݙن جݙے ہیرودیس آپرے جنم ݙن رے ݙن آپرے امیر لوکاں اَن فوج رے سردارں اَن موٹے لوکاں ری دعوت کی۔ ²²۲۲۔پچھے ہیرودیاس ری جی ݙیکری مہنے آئی اَن نچ نچ تے ہیرودیس اَن اوئے رے بھیݪا ٻیٹھوڑا نا راجی کریا۔ پچھے باچھاہ چھوکری نا کہیو مانگ ہوں تنا کی ݙا۔²³۲۳۔اَن اُوئے دھیج اُکھݨ اَن کہیو کہ مانگ جے تو آدھی راجئی مانگے تو وی ہوں تنے ݙئخ۔ ²⁴۲۴۔ اُو ٻاہر گی اَن آپری ماں نا کہیو کہ ہوں کی مانگا اَن اُوے کہیو یوحنا اصطباغی رو خر۔ ²⁵۲۵۔پچھے اُو بیگی پاچھی مہنے آئی اَن ارداس کی کہ ہون چاہوئی کہ توں یوحنا اصطباغی رو خر تھاݪ میں مناں ݙے۔²⁶۲۶۔ باچھاہ گھݨو حیران ہویو پݨ او آپری دھیج اَن آپرے مہماناں رے خامھوں اوے رو دل کونی ݙُکھاݨو چاہتو ہَتو۔ ²⁷۲۷۔پچھے باچھاہ اوئے جی گھڑی خپائیاں نا حکم ݙنو کہ اُوے رو خر لے آؤ اوئاں جا تے جیل میں جی اُوئے رو خر باڈھیو۔ ²⁸۲۸۔اَن اُوئے رو خر تھاݪ میں لے آیا۔ اَن اُوے چھوکری نا ݙنو اَن چھوکری آپری ماں نا جا ݙنو ²⁹۲۹۔اَن اُوے را چیلا ایئے خُݨ تے آیا اَن اُوئے ری لاش نا قبر میں راکھی۔³⁰۳۰۔ اَن خنت یسوع کڈھے بھیݪا ہویا۔ اَن جکو کج اُوئاں کریو اَن خکھایو ہَتو۔ خارو اُوئے نا خُݨایو۔ ³¹۳۱۔پچھے اُوے اُوئاں نا کہیو کہ تھاں دھار پدھر میں آؤ۔ اَن تھوڑو آرام کرو۔ ایئے خارو کہ رش گھݨی ہتی اَن اُوئاں نا ٻاٹی کھاوݨ رو وی ٹائم کونی مِلیو ہَتو۔ ³²۳۲۔پچھے اُو ٻیڑی میں ٻیخ اَن دھار ہیک کھلی جگہ تے گیا۔³³۳۳۔ اَن گھݨے منکھاں اُوئاں نا جاتا جویو اَن اُوئاں نا ٹھا لاگ گی اَن خارا شہراں خاں بھیݪا ہو اَن پینݙے ہوڑے کڈھتا اُوئاں خاں پہل جا پُگا۔ ³⁴۳۴۔اَن یسوع اتر تے منکھاں رو موٹو ٹوݪو جویو۔ اَن اُوئے نا اُوئاں تے ترخ آیو کیانکہ اُو اُوئاں بھیݙاں آݪی کار ہتا جکا رو کوئی دھنار کونی ہتو۔ اَن اُو اُوئاں نا گھݨے باتاں ری تعلیم ݙیوݨ لاگو۔³⁵۳۵۔ جݙے گھݨی دیر تھی گی تو اُوئے را چیلا اوئے کڈھے آ اَن کہیو ایہ جگہ ویران ہے اَن گھݨی دیر تھی ری۔ ³⁶۳۶۔ائیاں نا جاوݨ ݙے کیانکہ کڈھلے گاں بختی خاں آپرے کھاوݨ خارو ٻاٹی مول ری لیوئے۔³⁷۳۷۔اُوئے بݪتی میں اُوئاں نا کہیو تھاں جی ائیاں نا کھاوݨ رے خارو ݙو۔پچھے او ٻولیا کی مھاں جا تے ٻے خو دینار رے ٻاٹے مول رے لاں اَن ائیاں نا کھواواں۔ ³⁸۳۸۔پݨ اُوئے اُوئاں نا کہیو کے تھاں کڈھے کیترے ٻاٹے ہے۔ جاؤ جو وو اَن اُوئاں جویو پانچ ٻاٹے اَن ٻے مَچھے۔³⁹۳۹۔ اَن اُوئے اُوئاں نا کہیو خاراں نا خاوے چارے تے لین خاں ٻیخاݨو۔ ⁴⁰۴۰۔اُو خو خو اَن پچاخ پچاخ ری لین میں ٻیخ گیا۔ ⁴¹۴۱۔پچھے اُوئے پانچ ٻاٹے اَن ٻے مَچھے لنھے اَن آکاش نی مھانݙو کر اَن برکت مانگی اَن ٻاٹے توڑئیے اَن آپرے چیلاں نا ݙنے کہ اُوئاں رے آگیا راکھے اَن اُوئاں او ٻے مَچھے اُوئاں خاراں میں بنڈئیے۔⁴²۴۲۔اَن خارا کھا اَن دھاپا۔ ⁴³۴۳۔اَن اُوئاں بچوڑا ٹُکڑا را ٻارھے ٹوکرا بھریا۔ اَن کہینک مَچھیاں را۔ ⁴⁴۴۴۔اَن جکاں اُو ٻاٹے کھادھے او پانچ ہزار منکھ ہَتا۔⁴⁵۴۵۔ اَن اُوئے جی گھڑی اُوئے آپرے چیلاں نا کہیو کہ بیڑی آݪے پاخے جاؤ اَن اُوئے خاں پہل بیت صیدا نی پار جاؤ جیتری تاڑی ہوں عوام نا بہیر کراں۔ ⁴⁶۴۶۔اَن اُوئاں نا بہیر کر اَن پہاڑ ماتھے دُعا کرݨ لاگو۔ ⁴⁷۴۷۔اَن جݙے آتھݨ ہوئی تو ٻیڑی جھیل رے آدھ میں ہَتی اَن او ہیکھلو جی خشکی تے ہتو۔⁴⁸۴۸۔اَن اُوئے جویو کہ او گھݨاں تنگ تھیی وا کیانکہ ہوا اُوئاں رے خامھلی ہَتی۔ پچھے او رات رے چوتھے پاہر جھیل میں پاݨی تے اُوئاں کڈھے آیو اَن او چاہتو کہ ہوں ایاں خاں آگھو نکݪ جاواں۔ ⁴⁹۴۹۔جݙے اُوئاں اُوئے نا پاݨی رے بہتے جویو تو اوئاں خوچیو کہ کوئی بھونت ہے اَن رڑے کرݨ لاگا۔ ⁵⁰۵۰۔کیانکہ خاراں اوئے نا جویو اَن ٻہی گیا۔ پݨ اُوئے جلدی خاں اُوئے خاں باتاں کریے اَن کہیو کہ ٻہیو نی حوصلو راکھو ہوں ہاں ٻہیو نی۔⁵¹۵۱۔ اُو ٻیڑی تے اُوئاں کڈھے آیو۔ اَن ہوا رُک گی۔ پچھے او آپرے من میں ٻجا وی حیران ہویا۔ ⁵²۵۲۔ایئے خارو کہ او ٻاٹیاں آݪی بات وی کونی خمجھیا پݨ اُوئاں را من سخت رہیا۔⁵³۵۳۔ اَن او پار جا را گنیسرت رے علاقہ میں پُگا اَن ٻیڑی نا گھٹ تے لگائی۔ ⁵⁴۵۴۔جݙے او ٻیڑی میں خاں اُتریا تو لوکاں اُوے جی گھڑی اُوئے نا اوݪکھیو۔ ⁵⁵۵۵۔اَن او پورے گاں میں گیا اَن بیماراں نا مانچاں تے اُکھݨ اوئے جگہ گیا جیتھ اُوئاں خُݨیو کہ او ہے۔⁵⁶۵۶۔ اَن او جیتھ وی گاں بستی میں جاوتو ہتو اوتھ لوک بیماراں نا چوک میں ٻیخاݨتا۔ اَن اُوئے رے منتھ کرتا ہتا۔ کہ او چھڑو اوئے رے گابھا ری چاݪ نا جی ہاتھ لگاوئے اَن جتراں اُوئے نا ہاتھ لگایو او بھلاں تھی جاوتا ہتا۔

¹۱۔بݪے فریسی آن کئینک دھرمی گروجکو یر شیلم خاں ہوتا۔ اُوے کݙھی بھیݪا وا۔²۲۔ آن اُواں ݙتھو کہ اوُے را کئی چیلا حرام کام کرئی وا یعنی او بِنا ہاتھ دھوئے ٻاٹی کھاوئی۔ ³۳۔کیانکہ خارا فریسی آن یہودی بوڈھیاں ری ریت رے مطابق جترے تک آپ را ہاتھ بھلے طریقے خاں کونی دھوتا ہوتا کئیں کونی کھاوتا۔ ⁴۴۔آن بازار ری چیزاں ناں اُتی لگ کونی کھاوتا ہوتا جتی لگ اوے تے پاݨی کونی ڈھوڑتا ہوتا۔گھݨے باتان اُواں کݙھیں پُگے ہے جکے ناقائم راکھݨ جروری ہے۔⁵۵۔پݨ گھݨے دھرمی گروئاں اُوے خاں پوچھیوکہ تاجا چیلا بوڈھیاں ری ریت تے کیاں کونی بہتا؟بلکہ حرام ہاتھاں خاں ٻاٹی کھاوئی۔⁶۶۔اُوے اواں نا بݪتی ݙنی۔یسعیاہ خنت تھاں ٹھگاں رے بارے میں پہلی ہی صاف صاف کہہ ݙنو ہوتو، کہ ایہ قوم مانجی مانݙھے خاں تو عزت کرخے۔پݨ اواں را دل میں خاں اݪگا ہوُخے۔ ⁷۷۔او بے فائدو مانجی بھگتی کرئی وا کیانکہ او منکھاں رے بݨایوڑے ریتاں ائیاں خِکھاوئی،جکݨ اے ایشور را حکم ہوے۔⁸۸۔ کیانکے تھیں ایشور رے حکماں ری جگہا تے منکھاں رے بݨایوڑے ریت رواج قائم راکھوئی۔ ⁹۹۔آن اوے اواں نا ایہ وی کہیو۔کہ تھیں آپ رے بݨایوڑے ریتاں نا تو جاری راکھوئی پݨ ایشور رے حکماں نا رد کروئی وا۔ ¹⁰۱۰۔جاں موسیٰ کہیو۔ آپ رے ماں آن ٻاپ ری عزت کرو آن جکو وی آپ رے ماں ، ٻاپ نا بھلو بُرو کہَخے اُوے نا ضرور مار ناکھیو جاوے۔¹¹۱۱۔یپݨ تھیں منکھاں نا کہوئی پݨ ڄڈے تھارے ماں ٻاپ نا کئی شے ری لوڑ وئی تو تھں کہوئی ماھاں شے ایشور ے ناں کر ݙنی ری۔ ¹²۱۲۔تو تھیں بݪے ماں آن ٻاپ مدد کونی ہووݨ ݙیوتا۔ ¹³۱۳۔آن آپ ری ریت رواج خاں ایشور رے شٻد ناں ٹوڑئی آن ایہڑا گھݨا کام کرئی۔¹⁴۱۴۔ آن او منکھاں نا بݪے آپ ݙخا ہیلو کر تے کہݨ لاگو مانجی خُݨو آن خَمجو۔ ¹⁵۱۵۔کوئی وی چیز ٻاہر خاں منکھ رے بھیتر جا، تے اوے نا حرام کونی کر خَگتی۔پݨ جکو چیز منکھ رے بھیتر خاں نِخرئی اوہو جی اوے نا حرام کرئی۔ ¹⁶۱۶۔جے کہیں را خُݨݨ آݪا کان ہووے تو خُݨے۔¹⁷۱۷۔ آن ڄݙے او ٹوݪے رے کو ڈھیں خاں گھرے گیو تو اُوے را چیلاں اُوے خاں مِخال رو مطبل پوچھیو۔ ¹⁸۱۸۔تو اُوے ناں کہیو۔کہ تھیں بھی اِیاں آݪی کر بے خَمجھ ہوکی تھیں کونی خمجھتا کہ کوئی چیزمنکھ رے بھیتر جاوی تو اُوے ناں حرام کونی کرئتی۔ ¹⁹۱۹۔ائیے خاروں اُواں رےدل میں کونی پر پیٹ میں جاوئی آن پیٹ خاں ٻاہر نِخر جاوئی ری۔²⁰۲۰۔ بݪے اُوے کہیو۔جکو منکھ را بھیتر خاں ٻاہر آوئی اُوہو اُوے نا حرام کرئی۔ ²¹۲۱۔کیاں کہ منکھ رے بھیتر خاں گندی خوچ نِخرئی او اُوے ناں حرام کرئی۔ ²²۲۲۔خون کرݨ آݪو ،زنا کرݨ آݪو لالچ، بدی، مکر ،کرݨ آݪو ،جسم ری خواہش کرݨ آݪو،بری نظر خاں جووݨ آݪو،ِگلیہ،شیخی ، مارݨ آݪو آن بیوقوف۔ ²³۲۳۔ایہ خارے باتاں بھیتر خاں نخر تے منکھ ناں حرام کرئی۔²⁴۲۴۔ آن اوتھ خاں اٹھی رو صور آن صیداری حد میں گیو۔آن ہیک گھر میں گیو آن او کونی چاہتو ہتو کہ کوئی اُوے نا آݪکھے بݪے وی لُک کونی خَگیو۔ ²⁵۲۵۔بلکہ اوے گھڑی ہیک لُگائی جکے ری چھوٹِی ݙیکری نا بھونتڑی ہتی اے خٻر خُݨ ری آئی آن اوے رے پَگاں میں آ کھِری۔ ²⁶۲۶۔او لگائی یونانی ہوتی قوم ری سور فیینکی ۔ اوے اُواں نا منتھ کئی کہ بھونتڑی نا اُوے ری ݙیکریخاں کاڈھے۔²⁷۲۷۔تو پربھو یسوع اُوے نا کَہیو، پہل ٹاٻراں نا کھاوݨ ݙے کیانکہ ایہ ٹھیک کونی کہ ٹاٻراں ری ٻاٹی کُتاں آگے نکھیجے۔ ²⁸۲۸۔آن اوے اواں نا کہیو ہاوے ایشور پرمیشور کُتا وی میز رے ہیٹھاں چھوکراں ری ٻاٹی رے ٹوٹاں میں خاں کھاوئی۔²⁹۲۹۔اِئیے تے پربھو یسوع کہیو۔تیں بھلی بݪتی ݙنی ہیں ائیے خارو تو جا بھونتڑی تاجی ݙیکری خاں نِخر گی ری۔ ³⁰۳۰۔ڄڈے او لگائی گھرے پُگی ۔تو جویو کہ اوے ݙِکری ماچے تے خُتی پئی ہوتی آن اوے خاں بھُونتڑی نخرگیوڑی ہوتی۔³¹۳۱۔ آن او صور رے علاقے خاں نخر رو صدون رے مارگ خاں گلیل ری جھیل رے پاخے جاوتو ووہ دیکا پولس رے علاقے میں آیو ۔ ³²۳۲۔آن منکھاں ہیکے گونگے نا اوے کݙھی لے آیا اوے ری منتھ کری کہ او اوے تے ہاتھ راکھے۔³³۳۳۔او اوے نا ٹوݪے خاں اݪگو لے گیو آن اپ ری آنگڑے اوے رے کاناں میں گھاتیے۔آن تھوک لگا رو اوے ری جٻان نا چھوئی۔ ³⁴۳۴۔آن آکاش رے پاخے جو رو کہیو ۔ آن نِخکارو ناکھیو کہ کہ اِفتح یعنی کھُل جا۔ ³⁵۳۵۔آن اُوے گھڑی اُوے را کان کھُل گیا آن اوے ری جٻان وی کھُل گی۔آن او صاف صاف ٻولݨ لاگو۔³⁶۳۶۔ آن اُوے اواں نا جھَلیو کہ اے کہیں نا نی کہیا۔ پݨ جترا نا او روکتو ہوتو اترو ہی زیادہ اوے نا مشہور کرتا رہتا۔ ³⁷۳۷۔آن اہوے گھݨا حیران ہُو تے کہیو۔ کہ ائیے خارو کُجھ ٹھیک کیو ہے۔او ٻوڑاں نا خُݨݨ آن گونگاں نا ٻولݨ ری طاقت ݙئی۔

¹۱۔اُوے ناں میں ج موٹو ٹوڑو جمع ہوو آن اواں َکڈھیں کئیں وی کہ او نا کونی َہتو۔ تواُوے آپ رے چیلا ں نا آپ ِڈخان ہولو کراُواں نا کہیو۔ ²۲۔َمناں ٹوڑےتِے ترخ آوی پِیو۔ِکیانکہ اے تیں ناں خاں یکا میں بیا ہے۔آن ایاں َکڈھیں کئیں ک او نا کونی۔ ³۳۔جے ہوں ِایاں نا ُبکھیا ِایاں رے گھرے بہیر َکرئیں تو اے مارگ میں تَھک جاخے را۔ِکیانکہ گھا ِائیے میں پرہےخاں آیوڑا ہے۔ ⁴۴۔ُاوے راچیلاں ُاوے نا کہیو۔کہ ِائیے ُخن میں ِکتھوں خاں کوئی ِایاں نا ٻاٹی خاں ڈَھپوڑ َخگئی؟⁵۵۔تےاُوے اُواں خاں کہ تھاں ِݙ خا ِکترے ٻاٹے ہے اُواان کہیو خات۔ ⁶۶۔بہ اُوے ٹووڑے ناں دھرتی تے بیح رو ُحکم ِݙ نو ۔آن اُوے اُوےخات ٻاٹے ِلنھے ُشکر َکرتے بھانجتو ِگیو آن آپ رے چیلاں نا یتو ِگیوکہ ِایاں رے َاگیا راکھتا جاؤ ۔آن اُو ٹووڑے رے َاگیا راکھتا گیِا۔⁷۷۔آن اُواں ݙِخا تھوڑے خِیح مَچھے بھی ہَتے۔ اُوے اُواں تے برکت ݙیتے کہیو کہ اے بھی اِیاں رے آگھی راکھو۔ ⁸۸۔آن اُواں کھا تے ڈھرو کِیو۔ ⁹۹۔ آن اُواں بَچیوڑا خات ٹوکرا کھݨیا۔آن کھاوݨ آݪا لگ بھگ چار ہزار ہَتا۔بݪے اُوے اُواں نا بہیر کَیا۔ ¹⁰۱۰۔آن او آپ رے چیلاں بھیݪو اوے گھڑی ٻیڑی تے چڑَھ رو جھ دَلمانوتا رے علاقے میں گیا۔¹¹۱۱۔تے فَریسی ٻاھر آ را تے بات کرݨ لاگا آن اوے نا آزماوݨ رے کرے آکاش خاں کوئی نِشان مانگیو۔ ¹²۱۲۔اُوے موٹو نِخخارو لے تے کہیو۔اے پیڑہی نِشاں کِیاں مانگئی پئی ہو۔ ہوں تھاناں خَچی کہیں کہ اے پیڑہی نا کوئی نِشان کونی ݙِنو جاوے۔ ¹³۱۳۔آن او اُواں نا چھوڑ تے ٻیڑی تے چھڑھ رو جھیل رے پار گیو۔¹⁴۱۴۔آن او ٻاٹِی بھیݪی لیوݨ بھُل گیاترا۔آن اُواں کڈھیں ٻیڑی میں خِوائے ہیک ٻاٹی رے کئیں کونی ہَتو۔ ¹⁵۱۵۔آن اُوے اُواں نا بھلی طرح خَمجھا تے کَہیو ۔ خبردار فریسیاں رے خَمیر آن ہیرو دیس رے خمیر خاں پرہیز کرو۔¹⁶۱۶۔پَچھے او آپت میں ایاں کہتا ہوا تکرار کرݨ لاگا کہ مہان کَڈھیں ٻاٹی کونی۔ ¹⁷۱۷۔پݨ اوے اے خٻر راکھتے ہوُئے اواں نا کہیو کہ تھیں کیاں تکرار کرئی پئَیا کہ مہاں کَڈھیں ٻاٹی کونی۔کی تھیں اَجاں تَک کونی اُوݪکھتا آن کونی خَمجھتا؟کی تھارو دِل پکو تھی گیا را ؟¹⁸۱۸۔آنکھیں ہُوݨ رے باوجود تھیں کونی جووتا ۔ ¹⁹۱۹۔آن کان ہُوݨ رے باوجود تھیں کونی خُݨتا؟آن کی تھاں نا یاد کونی۔کہ جَکے بݪا میں اُوے پانچ ٻاٹے اواں پانچ ہزار رے خارو بھانجیے تو تھاں کِترا ٹوکرا ٹوٹاں را بھریوڑا کھݨیا تا؟ اُواں اُوے نا کہیو خات۔²⁰۲۰۔ آن جَکی بݪا خات ٻاٹے چار ہزار رے خاروں بھانجیے تو تھاں کِترا ٹوکرا ٹوٹاں را بھریوڑا کھݨیا؟ اُواں اُوے نا کہیو خات۔ ²¹۲۱۔آن اُوے اُواں نا کہیو۔ کی تھیں اَجاں تَک کونی خَمجھتا؟²²۲۲۔آن او بیت صیدا میں آیو آن منکھ ہیک اندھے ناں اُوے کَڈھی لایا آن اُوے ری منتھ کی کہ اُوے نا ہاتھ لگاوے ۔ ²³۲۳۔او اُوے اندھے رو ہاتھ جھالتے گاں خاں ٻاہر لے گیو۔ آن اُوے رے آنکھیاں میں تھوک تے آپ را ہاتھ اُوے تے راکھتے اُوے خاں پوچھیو کی کئینک تو جو خَگئی۔²⁴۲۴۔جݙے جووݨ لاگو تو کہیو ہون مِنکھاں نا جو خَگئی پَیو۔آن بݨاں نا وی پݨ بہی پئیا۔ ²⁵۲۵۔تے اُوے بݪا اُوے ری آنکھیاں تے ہاتھ راکھیا آن او بھلی طرح جووݨ لاگو۔آن او ٹھیک تھی گیو آن خارو کجُھ ٹھیک ٹھیک جووݨ لاگو۔ ²⁶۲۶۔تے اوے ناں اے کہہ تے گھراں ݙِخا بہیر کیو۔کہ آپ رے گھرے جا آن تو جݙے گاں میں بݪیں تو کہیں نا کہے ۔²⁷۲۷۔پَچھے یسوع آن اُوے را چیلا قیصریہ فِلپی رے گاں میں بُوہا گیاآن مارگ میں اُوے آپ رے چیلاں خاں خُوال پُوچھیو آن اُواں خاں کہیو کہ مِنکھ مناں کی کہوئی۔ ²⁸۲۸۔تے اواں اوُے نا جواب میں کہیو۔یوحنا اصطباغی آن گھݨا ایلیہ ۔تے گھݨا خَنتامیں خاں کوئی۔²⁹۲۹۔بݪے اُوے اُواں خاں پوچھیو ۔پݨ تھیں مَناں کی کہوئی؟ پطرس ب ناں جواب میں کہیو کہ تُو المسیح ہیں۔ ³⁰۳۰۔پَچھے اُوے اُواں نا بھَلیطرح خَمجھایو۔کہ مانجے بارے میں کہیں نا اے نی کہیا۔³¹۳۱۔بݪے او اُواں نا خَمجھاوݨ لاگو کہ ۔ ضرور ہے کہ ابنِ اِنخان موٹو ݙکھ اُٹھاخے آن مُٹیرڑا آن خِردار کاہِن آن فَقیہاں خاں رَد کیو جاخے آن ماریو جاخے آن تین ݙِنا خاں بعد بݪے جی اُٹھخے ۔ ³²۳۲۔آن اُوے بات صاف صاف کہی۔ائیے تے پطرس اُوے خاں دھار جا تے اعتراض کَرݨ لاگو ۔³³۳۳۔ پݨ اوے مُڑ رو آپ رے چیلاں نا جو رو تے پطرس نا ملامت کئی آن کہیواے خیطان مانجے خاہمے خاں پرہو کیانکہ تُو ایشور ری باتاں ناکونی بلکہ مِنکھاں ری باتاں رو خیال راکھئیں۔ ³⁴۳۴۔بݪے اُوے موٹےٹوݪے ناآپ رے چیلاں خمیت آپ ݙِخا ہولو کر اُواں نا کہیو اگر کوئی مانجے لارے آوݨ چاہوئی تو آپ رو آپ انکار کرےآن آپ ری خلیب کھݨے آن مانجے لارے بہے۔³⁵۳۵۔ کیانکہ جکو کوئی آپری جان بچاوݨ چاہوَئی او گُماخے آن جَکو کوئی مانجی انجیل ری خاطر آپری جان گُماخے او اُوے نا بَچاخے ۔ ³⁶۳۶۔آن آدمی خاری دُنیا نا حاصل کرے آن آپ ری جان رو گھاٹو کھاوے تو اُوے نا کی فائدو تھیخے۔ ³⁷۳۷۔آن مِنکھ آپ ری جان بدلے میں کی ݙیخے؟³⁸۳۸۔ کیانکہ جَکو کوئی ائیے زناکار آن ݙہو دار قوم میں خاں میں خاں آن مانجی باتاں خاں شرماخے ابنِ مانڑخ بھی ڄݙے آپ رے ٻاپ رے جلال میں پویتر فرشتاں رے بھیݪو آخے تو اُوے خاں شرماخے۔

¹۱۔بݪے چھے ݙب بعد پطرس آن یعقوب آن یوحنا نا بھیݪو لیو اُواں نا ہیکے پاخے اُونچے پہاڑ ماتھے لے گِیو۔آن اُواں رے خامےاُوے ری صورَت بدل گی۔ ²۲۔آن اُواں ری پوشاک اہیڑی پھُوٹری آن چِٹی ہُوتی کہ دُنیا میں کوئی اہیڑی چِٹی کونی کر خَگتو۔ ³۳۔آن ایلیاہ آن موسٰی رے بھیݪو اُوے نا جویو آن او یسوع خاں باتاں کرتو ہُوتا۔⁴۴۔ آن پطرس یسوع نا کہیو کہ اے گرؤ جی اِتھے رہیوݨ ٹھیک ہے آن مھیں اِتھے تین جھونپڑے بݨاوئیں ہیک تھارے خارُوں ٻِجو موسٰی آن ہیک ایلیاہ رے خارُوں۔ ⁵۵۔کِیانکہ او اُواں نا اوݪکھتو کہ اے کی کہی وا ائیے خارو کہ او اوآ خاں ٻہیوتا۔کِیانکہ او اُواں نا اوݪکھتو کہ اے کی کہی وا ائیے خارو کہ او اوآ خاں ٻہیوتا۔ ⁶۶۔ڄݙے ہیک باݙݪ اُواں تے چھاں کئی آن اوے باݙݪ میں خاں آواز آئی کہ اے مانجو پیارو ݙیکرو ہے اِیئے ری خُݨو۔⁷۷۔اُواں بَیگی بَیگی نظر کئی تو یسُوع خاں ٹاݪ آپ رے بھیݪو کہیں نا کونی جویو ۔ ⁸۸۔آن ڄݙے او پہاڑ خاں اُترتا پِیا تو اُوے اواں نا روکِیو کہ جتری تک مِنکھ رو ٻَچو مُوڑے خاں نی جیوتو ہُووے جَکو وی تھاں جویو ہے کہیں نا نی کہیِا۔⁹۹۔ آن اُواں اُوے وچن نا یاد راکھیو آن ہیکو ٻِجے خاں تکرار کرتا وا کہ مُووڑاں خاں بݪے جی اُٹھݨ رو کی مطلب ہے۔ ¹⁰۱۰۔آن اُواں اُوے خاں خُوال کر کہیو کہ فقہیہ کی کہی کہ ایلیاہ رو پہلی آوݨ ضروری ہے؟¹¹۱۱۔ اُوے اُواں خاں کَہیو کہ ایلیاہ پہلی آوے آن خارو خِدھ کرے منکھ رے بارے میں کی لکھیو ہے او گھݨو ݙُکھ خہیکھے آن اُوے نا گھَٹیا خَمجیو جاخے۔ ¹²۱۲۔پَݨ ہوں تھاں خاں کہیں کہ ایلیاہ آ گیو ہے آن اُواں نا جاں بَݨیو اُوے خاں کیو جاں اُوے رے حق میں لِکھیوڑو ہے۔ ¹³۱۳۔آن ڄݙے او چیلاں کڈھی آیو اُوے رے آخے پاخے منکھاں رو ہیک موٹو ٹوݪو فقہیاں خاں تکرار کرتے جویو۔¹⁴۱۴۔ آن خارا بیگو یسوع نا جوئے گھݨا حیران ہویا ہُڑی کَڈھ یسوع رو نمخخار کیو۔ ¹⁵۱۵۔جݙے اُوے اُواں خاں پوچھیو تھِیں اُواں خاں کی تکرار کرتا وا۔ ¹⁶۱۶۔اُوے ٹوݪے میں خاں ہیکے بݪتی ݙِنی کہ اے گرو جی مہارے ݙیکرے نا گوُنگی بھُونتڑی لاگوڑی ہے اِئیے خارو تیں کُڈھیں لے آیا ہاں۔¹⁷۱۷۔ او جݙے اِئیے نا قاٻو کرئی اُوے نا ہیٹھو پٹک ݙئی آن او جھاگ آن ݙنت پیخئی، آن او بیہوخ ہو جاوئی رو۔آن میں آپ رے چیلاں نا کہییو آن او اُوے ناں کاڈھے۔ پݨ او نیں کر خَگیا۔ ¹⁸۱۸۔اُوے اُواں نا جواب میں کہیو اے بے وشواشیو ہوں کِتری تک تھاں بھیݪو رہیخ آن ہون کِتری تک تھاری برداشت کرئیخ ائیے ناں میں ݙِخا لاؤ۔ ¹⁹۱۹۔آن اوے ناں اوے کڈھی لے آیا آن اُوے نا جو تے ہی بھوُنت اُوے نا گھٹݨ لاگو آن او دھرتی تے کھِر نی بَٹ کھاوݨ لاگو۔²⁰۲۰۔ ڄݙے اُوے اُواں رے ٻاپ خاں پوچھیو کہ کِتری بݪا خاں اے ایاں ہے تو او ٻولیو چھوٹے لا خاں ہے ²¹۲۱۔آن او اُوے نا باخݙے میں ہی ناکھئی آن پاݨی میں ناکھئی تاکہ ائیے نا تباہ کرے۔ پݨ جے توں کئیں کر خَگئی تو مہاری مدد کر آن کرپا کر۔ ²²۲۲۔آن یسوع اُوے نا کہیو کیاں کونی ہو خَگتو ۔ وِشواشی رے خارو خارو کُجھ ہو خَگئی۔²³۲۳۔ چھوکرے رے ٻاپ رو آن رڑ کر کہیو۔ہو وشواش راکھئی تو مہاری بے وشواشی میں وی مہاری مدد کر ۔ ²⁴۲۴۔آن جݙے یسوع جویو کہ گھݨا مِنکھ ناخ ناخ تے بھیݪا ہووئی وا تو اُوے بھونت ری بُری آتما نا جھڑکیو آن اوے خاں کہیو ائے گونگی آتماواں ہوں تھاناں آدیش ݙئیں ائیے میں خاں نِخر آن بݪے پاچھے ائیے میں نیں آیا۔ ²⁵۲۵۔آن او رڑے کر کر اوے نا بُری طرح خاں جھنجھوڑیو تے اُوے رے کڈھی خاں بوہو گیو آن ہویو کہ کئی منکھاں کہیو کہ اے جِݨاں مر گیو ہے۔²⁶۲۶۔بݪے یسوع اُوے رو ہاتھ جھال اُوے نا کہیو اُٹھی اُبھیج ²⁷۲۷۔بݪے جݙے او گھر میں آیو تو اُوے را چیلاں اُے خاں ہیکے پاخے اُوے خاں پوچھیو کہ مہیں اُوے ناں کیاں کونی کاڈھ خگیا؟²⁸۲۸۔ اوے اواں نا کہیو کہ اے جنخ خوائے پراتھنا آن اکاخ ݨو رے کِکر نخر خَگئی۔ ²⁹۲۹۔بݪے او اوے خاں بوہو آن گلیل میں خاں لنگھیو آن کونی چاہتو کہ اُونا اوݪکھے ۔³⁰۳۰۔ کیانکہ او آپ رے چیلاں نا تعلیم ݙیتو آن اُواں خاں کہیوتو کہ منکھ رو ٻچو منکھاں رے حوالے کِیو جاخے آن او اُوے نا مارخے آن مر ݨ خاپچھے تیجے ݙن او جی اُٹھخے ۔ ³¹۳۱۔پَ ݨ او اِئیے بات ناں کونی خَمجھتا تو وی پوچھݨ ری جُورَت کونی کرتا ہوتا۔ ³²۳۲۔بݪے او کفرنحوم میں آیو آن جݙے گھر میں ہوتو تو اُوے اُوے خاں پوچھیو کہ تھیں مارگ میں کی تکرار کرتا وا۔³³۳۳۔بݪے او ماٹ رہ گیا کہ اُواں مارگ میں ہیکو ٻجے خاں تکرار کی تے کہ موٹو کُݨ ہے۔ ³⁴۳۴۔آن او بیختے اُواں ٻاہراں نا ہیلو کیو آن اُواں نا کہیو کہ جے کوئی تھاں میں خاں موٹو شیوا کرے۔ ³⁵۳۵۔آن ہیک چھوتے ٻاݪ ناں اُواں را بِچ میں اُبھجاݨیو آن اُوے نا کہیو۔³⁶۳۶۔ کہ جَکو مہارے نا تے اِئیے ٻاݪان میں خاں ہیک نا قبول کرئی او مَناں قبول کرئی جکو مناں قبول کرئی او مانجے بہیر کرݨ آݪے نا قبول کرئی۔ ³⁷۳۷۔یوحنا اُواں نا کہیو اے گرو جی میں ہیکے نا تھارے ناں خاں بھونتڑیاں نا کاڈھتے ݙٹھو آن او آپݨا شیواداری کونی آن اوے نا روکیو۔³⁸۳۸۔ جݙے یسوع کہیو اُوے نا نیں روکو اہیڑو کوئی کونی جکو مانجے ناں تے اجموتو کرے آن بیگو مناں بُرو کہہ خَگے۔ ³⁹۳۹۔کیانکہ جکو مانجو بیَری کونی او مانجے بھیݪو ہے۔⁴⁰۴۰۔ ائیے خارو جکو کوئی مانجے نا خاں تھاناں ہیک پیالو پاݨی رو پیاڑئی او آپ رو اجر کونی گماوے۔ ⁴¹۴۱۔آن جکے ائیاں چھوٹاں میں خاں میں تے ایمان لاوئی کہیں نا تھݙو ݙے ائیے خارو گھرٹِی رو چکو اُوے رے گَݪے میں گھاتیو جاخے آن او خمندر رے تڑے میں ناکھیو جاوے۔⁴²۴۲۔ تھُݙو ݙے تو باڈھ ناکھ زندگی میں ٹنڈو ہووݨ تھارے خارو ائیے خاں ٹھیک ہے کہ ٻے ہاتھ راکھ تے نَرگ میں جاوے اُوے باخݙے میں جکو ٻُجھتی کونی۔ ⁴³۴۳۔جِتی لگ اُواں رو کیڑو کونی مرتو باخݙے ٻُجھتی کونی۔ ⁴⁴۴۴۔جے تھارو پگ تنا تھݙو کھݪاوے تو اُوے نا باڈھ ناکھ زندگی میں لنگڑو ہووݨ تھارے خارے ٹھیک ہے پَگ راکھتے نرگ میں جاؤ جِتھے باخݙے ٻُجھتی کونی۔⁴⁵۴۵۔ جِتھے اُواں رو کیڑو مرتو کونی آن باخݙے ٻُجھتو کونی۔ ⁴⁶۴۶۔آن جے تھاری آنکھ تھاناں تھݙو ݙے تو اُوے نا کاڈھ ناکھ تاجے خاروں ہیک آنکھ راکھتے ایشور ری راجاݨی میں جاوݨ ٹھیک ہے کی ٻے آنکھیں راکھ تے نرگ میں ناکھیو جاویں۔⁴⁷۴۷۔ جِتھے اُواں رو کیڑو کونی مرتو آن باخݙے کونی ٻُجھتو۔ ⁴⁸۴۸۔کیانکہ ہر منکھ باخݙے خاں لوݨیو جاخے آن ہر چڑھاوو لوݨ خاں لوݨیو جاخے۔⁴⁹۴۹۔ لوݨ بھلی چیز ہے جے لوݨ بے مزو ہووے تو کہی چیز خاں مزیدار کیو جاخے ⁵⁰۵۰۔آپ میں لوݨ راکھو آن آپَت میں آوݨ جاوݨ راکھو۔

¹۱۔آن اوتھ خاں روانہ ہو ان او یہودیہ رے علاقے میں آن اُردن رے پار آیو ۔ آن پچھے ٹوݪو اُوے کڈھے بھیݪو ہو گیو آن او آپرے قانون رے مطابق اواں نا تعلیم ݙیوݨ لاگو۔ ²۲۔آن فریسی اُوے کڈھے آیا آن اُوے نا آزماوݨ خارُو اُوے خاں پُوچھیو کہ کی ایہ جائز ہے کہ مرد آپری لُگاآی نا چھوڑ ݙے۔ ³۳۔اُوے اواں نا بݪتی ݙے کہیو کہ موسٰی تھانا کی حُکم ݙنو ہے۔ ⁴۴۔اُواں کہیو کہ موسیٰ اجازت ݙنی ہے کہ طلاق نامو لکھ چھوڑ ݙے۔⁵۵۔پر یسوع اُواں نا کہیو اُوے تھانری سخت دِلی ریی وجہ خاں تھانرے خارُو ایہ حُکم لکھیو ہتو۔ ⁶۶۔پݨ خلقت رے شروع خاں ایشور اُوے نا نر ناری بݨایا۔⁷۷۔ایئے خارُو مرد آپرے ٻاپ آن ماں نا چھوڑخے آن آپری لُگائی کڈھے رہخے۔ ⁸۸۔ان او ٻنھائیں ہیک تن ہوخے ہمے او ٻے کوننی بلکہ ہیک ہے۔ ⁹۹۔پݨ جکے نا ایشور جوڑیو ہے اُوے نا انسان جُدا نی کرے۔¹⁰۱۰۔آن گھر میں اُوے رے شاگرداں اُوے خاں اُوے بات رے بارے میں بھݪے پُوچھیو۔ ¹¹۱۱۔آن اُوے اُواں نا کہیو جکو کوآی آپری لُگائی نا چھوڑے آن ٻجی خاں بیہاں کرے تو او اُوے رے خلاف زنا کرئی۔ ¹²۱۲۔جے کوئی لُگائی آپرے دھݨی نا چھوڑ ݙے آن ٻجے خاں بیہاں کرے تو زنا کرئی۔¹³۱۳۔پھچے لوگ ٻاݪاں نا اُوے کڈھے لے آیا کہ او اواں تے ہاتھ راکھ برکت ݙے پݨ چیلاں اواں نا دڑکا ݙنا۔ ¹⁴۱۴۔یسوع ایہ جو راضی نی ہویو۔ آن اواں نا کہیو کہ چھوٹے ٻاݪاں نا مھیں کڈھے آوݨ ݙو اُواں نا روکو نی کیانکہ ایشور ری بادشاہی ایاں جیڑھاں ری جی ہے۔¹⁵۱۵۔ہُوں تھاناں خچی کہیں جکو کوئی خُدا ری بادشاہی نا چھوٹے ٻاݪاں آݪیکار قبول نی کرے اور اُوے میں بالکل داخل کونی ہو خگے۔ ¹⁶۱۶۔پچھے اُوے اواں نا آپرے کھوݪے میں لِنھا آن اُواں تے ہاتھ راکھ اُواں نا برکت ݙنی۔¹⁷۱۷۔آن جݙے او نکݪ ان مارگ میں آیو ہیک منکھ اُوے ݙخا ناخ آیو۔ آن اُوے رے آگے گوݙا تاݨی ٻیخ اُوے خاں پُوچھیو۔ اے نیک اُستاد ہُوں کی کراں تاکہ خداں ری زندگی حاصل کراں۔ ¹⁸۱۸۔یسوع اُوے نا کہیو تُو منا نیک کیاں کہیں کوئی نیک کونی پݨ ہیک خُدا ہے۔ ¹⁹۱۹۔تُو حکماں خاں تو واقف ہے۔ زنا نی کر۔ خون نی کر۔ چوری نی کر۔ کُوڑی گواہی نی ݙے۔ دھوکو نی ݙے۔ آپرے ماں ٻاپ ری عزت کر۔²⁰۲۰۔آن اُوے اواں نا کہیو اے اُستاد ایئاں خاریاں تے ہُوں چھوٹے تھکے خاں کرتو آیو ہاں۔ ²¹۲۱۔جݙے یسوع اُواں تے نگاہ کری آن عزیز جاݨیو۔ آن اُوے نا کہیو ہیک بات ری تھیں میں کمی ہے جا آپرو خارو کجھ بیچ ݙے آن گریٻاں ناں ݙے تو تناں آسمان تے خزانو لادھخے۔ آن پچھے مھارے لارے آ رو۔ ²²۲۲۔ایئے بات تے اُوے رے مھانݙے تے اُداسی چھا گی آن او غمگین ہو بُوہو گیو کیانکہ اُوے ری گھݨی دولت ہَتی۔²³۲۳۔تو یسوع نظر مار آپرے شاگرداں خان کہیو۔ خُدا ری بادشاہی میں دولتمند رو جاوݨ کِترو مُشکل ہے۔ ²⁴۲۴۔شاگرد اُوے ری باتاں خاں حیران ہویا۔ تو یسوع بھݪے مخاطب ہو آن اواں نا کہیو ٻاݪاں ایشور ری بادشاہی میں جاوݨ کِتو مُشکل ہے۔ ²⁵۲۵۔خُوئی رے ناکے خان اُونٹ رو گزر جاوݨ دولت مند رو ایشور ری بادشاہی میں جاوݨ خاں آسان ہے۔²⁶۲۶۔او گھݨا حیران ہو آپت میں کہوݨ لاگا پچھے کݨ مُگتی پا خگئی۔ ²⁷۲۷۔یسوع اُواں تے نگاہ کر کہیو کہ منکھاں خارُو ایہ ممکن کونی پݨ ایشور خارُو کونی کیانکہ ایشور خارُو ہر چیز ممکن ہے۔ ²⁸۲۸۔آن پطرس اُوے نا کہوݨ لاگو جو مھیں خارو کجھ چھوڑ ݙنو ہے۔ ان تھارے لارے آیو رو۔²⁹۲۹۔یسوع کہیو ہُوں تھانا خچی کہیں ایہڑو کوئی کونی جکے گھر جاں بھایا جاں ٻہناں جاں ماں ٻاپ جاں ٻاݪ ٹینگر جاں زمیناں نا مھارے خارُو جاں انجیل خارُو چھوڑ ݙنو ہوے۔ ³⁰۳۰۔جکو ہمیں ایئے زمانے میں خؤ گُنا کونی پاوے۔ گھراں آن بھائیاں آن ٻہناں آن ماواں آن ٻاݪ ٻچاں آن زمیناں میں ظلم آوݨ آݪے زمانے میں اِیشور ری زندگی۔ ³¹۳۱۔پݨ گھݨا جکو آگے ہے او لارے ہوجاخے آن جکو لارے ہے او آگے۔³²۳۲۔ان او یروشلم جاوتا مارگ میں ہَتا۔ ان یسوع اُواں رے آگے آگے بیوتو ہَتو۔ ان او حیران ہوݨ لاگا۔ ان جکو لارے لارے بیہوتا وا او ٻیہوتا وا۔ پچھ او ٻارھے نا بھیݪو لے اُواں نا کہوݨ لاگو کہ مھیں تے کی کی ہوݨ آݪو ہے۔ ³³۳۳۔جووہ مھاں یروشلم ݙخا جاوی اَن منس پُتر اِیشور رے موٹے پُجاریاں ان فقیہاں رے حوالے کریو جاخے۔ ان اُوے ری موت رو فیصلو کرخے ان اُوے نا غیر قوماں رے حوالے کرخے۔ ³⁴۳۴۔او اُوے خاں ہاخا کرخے ان اُوے تے تھُوکخے۔ اُوے نا کوڑا مار تے ان اُوے نا قتل کرخے ان اور تین ݙن بعد جی اُٹھخے۔³⁵۳۵۔تو زبدی رے ݙیکراں یعقوب ان یوحنا اواں کڈھے آن کہیو کہ اے اُستاد مھاں چاہویں کہ جکو کجھ تھیں خاں مانگاں تُو مھانرے خارُو کر۔ ³⁶۳۶۔اُوے اُواں نا کہیو تھیں کی چاہوی کہ ہُوں تھانرے خارُو کراں۔ ³⁷۳۷۔اُواں اُوے نا کہیو مھاں نا تھاری جلال ری بادشاہی میں ہیک تھارے خاجڑی ہیک کھاٻڑی ٻیخے۔³⁸۳۸۔جݙے پربھُو یسوع اوان نا کہیو تھاں کونی جاݨتا تھیں کی مانگئی ووا۔ جکو پیالو ہوں پیئیں کی تھیں پی خگئی۔ جاں جکو بپتسمو ہُوں لئیں تھیں لے خگوئی۔ ³⁹۳۹۔اُواں اوے نا کہیو مھاں لے خگئیں ایئے تے یسوع اُواں نا کہیو کہ جکو پیالو ہُوں پیئیں تھاں وی پیخو ان جکو بپتسمو ہُوں لئیں تھیں لیخو۔ ⁴⁰۴۰۔پݨ آپرے خاجڑی جاں کھاٻڑی کئی نا ٻیخاݨݨ مھارو کام کونی خِوا اُواں رے جکاں خارُو تیار کریو گیو ہے۔⁴¹۴۱۔ان او ݙخ ایہ خݨ یعقوب ان یوحنا تے خفا ہوݨ لاگا۔ ⁴²۴۲۔جݙے یسوع اُواں نا کڈھے ہیلو کر اُواں نا کہیو تھیں جاݨآی کہ او جکو غیر قوماں را خردار خمجھیا جاوی۔ اُواں تے حُکم چلاوی۔ ان اُواں را وزیر اُواں تے اِختیار جِتاوتا۔⁴³۴۳۔پݨ تھاں میں ایہڑو کونی۔ بلکہ جکو تھاں میں موٹو ہوݨ چاہوے اور تھانرو خادم بݨے۔ ⁴⁴۴۴۔آن جکو تھاں میں پیلکو ہوݨ چاہوے او خاراں رو غلام بݨے۔ ⁴⁵۴۵۔کیانکہ منش پُتر وی ایئے خارُو کونی آیو جو خِدمت کراوے بلکہ ایئے خارُو کہ خِدمت کرے آپ آپری جان گھݨا خارُو قُربان کرے۔⁴⁶۴۶۔پچھے او یریحو میں آیا۔ آن جݙے او آپرے شاگرداں آن موٹے ٹوݪے خمیت یریحو خاں نکݪتو ووہ تو تیمائی رو ݙیکرو بیتمائی آندھو فقیر مارگ کِنارے ٻیٹھو ہَتو۔ ⁴⁷۴۷۔ایہ خݨ او یسوع ناصری ہے رڑے کر ان کہوݨ لاگو اے داؤد را ݙیکرا یسوع مھیں تے رحم کر۔ ⁴⁸۴۸۔آن گھݨا اُوے نا دڑکایو کہ چپ کر پݨ او ٻجو وی زور زور خاں کہیو کہ اے داؤد رے ݙیکرے مھیں تے رحم کر۔⁴⁹۴۹۔جݙے یسوع ابھیج کہیو کہ اُوے نا ہیلو کرو۔ اوان اوئے آندھے نا اے کہ ہیلو کرایو کہ حوصلو راکھ اُٹھی تنا او ہیلو کرئی۔ ⁵⁰۵۰۔او آپرو گابھو ناکھ ان ٹپو کھادو آن یسوع کڈھے آیو۔⁵¹۵۱۔یسوع اُوے نا بݪتی ݙے کہیو کہ تو کی چاہویں کہ ہُوں تھارے خارُو کراں اُوے آندھے کہیو ربونی ایہ کہ ہُوں جوݨ لاگاں۔ ⁵²۵۲۔یسوع اُوے نے کہیو جا تھارے ایمان تھنا بچایو ہے۔ آن اُوے گھری او جوݨ لاگو آن مارگ میں اُوے بھیݪو ہو گیوا۔

¹۱۔ آن جݙے اُو یروشلم رے نیڑو زیتون رے پہاڑ تے بیت فگے ان بیت عنیاہ رے نیڑو آیو تو اُوے آپ رے چیلاں میں خاں ٻہیاں نا بہیر کریا۔ ²۲۔آن اُواں نا کہیو جکو گاں تھارے خامھو ہے اُوے میں جاؤ آن اُوے میں بڑتے جی تھیں ہیک گݙہی رو ٻچیو ٻادھوڑو جوخو جکے تے اجاں تک کوئی منکھ کونی چڑھیو۔ اُوے نا کھول لے آو۔ ³۳۔آن جے کوئی تھاناں کہے کہ تھیں ایے نا کی کرخو۔ تو کہیا کہ ایشور نا ایے ری لوڑھ ہے آن او بیگو ایے نا پاچھو ݙخے۔⁴۴۔او گیا آن ٻچیے نا در رے نیڑو ٻاہر چوک میں ٻادھوڑو جویو۔ آن اوے نا کھولݨ لاگا۔ ⁵۵۔آن نیڑا ابھوڑا میں خاں کہیاں اواں نا کہیو کہ تھیں ایے کی کرئی وا تھاں ٻچیے نا کھولئی وا۔ ⁶۶۔اُواں یسوع رے کہوڑے رے مطابق اُواں نا کہیو آن اواں اواں نا لے جاوݨ ݙنو۔⁷۷۔او ٻچیے نا یسوع کݙے لایا آن آپرا گابھا اوے تے اُڈھیا آن او اوے تے ٻیٹھو۔ ⁸۸۔آن گھݨائی لوکاں آپرا گابھا مارگ میں بچھایا آن ٻجا فصل خاں لاماں باڈھے مارگ تے بچھائے۔ ⁹۹۔آن جکو آگیا آگیا جاتا آن ٻجا جکو لارے لارے آوتا ہتا او زور زور خاں نعرا لگاوتا ہتا۔ ایشور ری بݙائی ہوئے۔ دھن ہے جکو ایشور پرمیشور رے ناں خاں آوئی۔ ¹⁰۱۰۔دھن ہے مھانرے ٻاپ داؤد ری رجائی آئی وی۔ آکاش ماتھے وی دھن کرخے۔¹¹۱۱۔ آن او یروشلم میں ہیکل میں آیو آن خارے چیزاں نا جویو آن اُواں ٻارھاں بھیݪو بیت عنیاہ نی گیو کیانکہ آتھݨ ہوئی ہتی ری۔ ¹²۱۲۔آن ٻجے ݙن جݙے او بیت عنیاہ خاں ٻاہر آیو تو اوے نا بُکھ لاگوڑی ہتی۔¹³۱۳۔ آن اوے پرہے خاں انجیر رو خاوو بݨ جو رو گیو کے متاں اُوے میں کہنیک لابھے پݨ جݙے اوے رے نیڑو آیو تو پاناں خاں ٹاݪ کیں کونی لابھو کیانکہ پھݪ ری مُند کونی ہَتی۔ ¹⁴۱۴۔پچھے اُوے اوے نا کہیو اگتے تیں خاں کݙے وی کوئی میوو کونی کھاوے آن اوے رے چیلاں وی خُݨیوں۔¹⁵۱۵۔ آن او یروشلم میں آیا آن او ہیکل میں بڑ رو اُواں ناں جکو ہیکل میں بپار کرتا وا ٻاہر کاڈھݨ لاگو آن صرافاں را پھٹا آن کبوتر بیچݨ آݪاں را کُھݙا اوندھا کریا۔ ¹⁶۱۶۔آن کہے نا وی ہیکل میں خاں کوئی ٹھاں ٹھیکر لے جاوݨ کونی ݙنو۔¹⁷۱۷۔آن اُواں نا خمجھایو کہ کی ایے کونی لِکھیوڑو کے مھارو گھر خارے قوماں رے خارو بھگتی رو گھر ہوخے۔ پݨ تھاں اُوے نا چوراں رے ٻیخݨ ری جگھہ بݨائی ری۔ ¹⁸۱۸۔جݙے موٹا دھرمی گُرواں اے خݨیوں تو اوے نا مارݨ رو مارگ لابھݨ لاگا۔ کیانکہ او اوے خاں ایئے رے خاروں ٻہتا ہتا کہ خاری عوام اُوے رے باتاں خاں حیران تھیتا ہتا۔ ¹⁹۱۹۔آن آتھݨ رو او شہر خاں ٻاہر جاتا ہتا۔²⁰۲۰۔ آن خاکلو رو جݙے او اتھ خاں ٹپیا تو جویو کہ انجیر رو بݨ جڑ خاں خوکو رو۔ ²¹۲۱۔پچھے پطرس نا یاد آیو آن اوے اوے نا کہیو گُرو جی انجیر رو بݨ جکے تے تئیں لعنت کری ہتی خوک گیو رو۔²²۲۲۔یسوع بݪتی میں اواں نا کہیو کہ ایشور تے بھروسو راکھ کہ۔ ²³۲۳۔ہوں تھاناں خچی کہیں وو جکو کوئی ایئے پہاڑ نا کہیے کہ پٹیج جا آن سمندر میں جا پڑ آن آپرے دل میں شک نی لے آوے آن بھروسو راکھے کہ جکو اُو کہیئی وو ہو جاخے تو اُوے رے خارو او تھی جاخے۔²⁴۲۴۔ایئے خاروں ہوں تھاناں کہیں کے جکو تھیں دُعا میں مانگئی بھروسو راکھو کہ تھاناں ملیو رو تو تھاناں مل جاخے۔ ²⁵۲۵۔ آن جݙے تھاں دُعا رے خاروں ابھیجو تو جے کݙے تھاں کئی رے خارو کاݪ راکھئی تو معاف کرو تو تھارو ٻاپ وی جکو آکاش تے ہے تھارا پاپ معاف کرے۔ ²⁶۲۶۔آن جے تھاں معاف نی کرخو تو تھارو ٻاپ وی جکو آکاش تے ہے تھارا پاپ معاف کونی کرے۔²⁷۲۷۔ آن بݪے یروشلم میں آیا آن جݙے او ہیکل میں پھرتو وو تو دھرمی گُرو ان اُواں را بوڈھیا اُوے کڈھے آیا۔ ²⁸۲۸۔آن اوے نا کہیو کے تو کے رے زور خاں ایئے کرئی۔ آن ایہ زور تنے کے ݙنو ہے کہ ایاں کر۔²⁹۲۹۔ پچھے یسوع اُواں نا کہیو کے ہوں وی تھاں خاں ہیک بات پوچھیں جے تھاں بݪتی ݙنی تو ہوں وی تھاناں خُݨائخ کے ہوں کے رے زور خاں کرئی۔ ³⁰۳۰۔یوحنا رو پوتر شنان آکاش خاں ہتو یا منکھاں خاں مناں بݪتی ݙو۔³¹۳۱۔ پچھے او خوچݨ لاگا کہ جے مھاں کہیو آکاش خاں تو او کہخے تو تھاں اوے رو یقین کیاں نی کریو۔ ³²۳۲۔تو پچھے کی ائیاں کہاں کے منکھاں خاں تو او منکھاں خاں ٻہتا ہتا کیانکہ خارا یوحنا نا خچو سنت خمجھتا ہتا۔ ³³۳۳۔پچھے اُواں یسوع نا کہیو مھاناں کونی ٹھاہ یسوع اواں نا کہیوں ہوں وی تھاناں کونی خُٹاوتو کہ ہوں کے رے زور خاں ایہ کرئی وو۔

¹۱۔ آݨ او اُواں خاں مِخالاں ݙے تے بات کرݨ لا گو ، کہ ہیک مِنکھ باغ لگاوی تے اوے رے چارے طرف جنگلو لگاوی تے بَڑے کھوکھٹی آݨ پچھے تھانبو بݨاوی پچھے او باغ ری راکھی کرݨ آراں نا راکھی تے ݙے تے ٻجے ملک جاوی رو ۔ ²۲۔بݪے وقت آوݨ تے اوے ہیک نوکر نا باغ ری رکھواݪی کرݨ آراں ݙخا بہر کریو او باغ رے رکھواݪاں خاں پھڑاں رو حخو لے آوے۔ ³۳۔پر اُواں اُوے نہ جھال تے کوٹیو تے کھالی ہاتھ پاچھو بہر کریو ۔⁴۴۔اُوے بَڑے ہیکے ٻجے نوکر نا اُواں ݙخا بہر کریو اُواں اُوے رو ماتھو پھاڑیو بے عزتو کریو ۔ ⁵۵۔بَڑے اُوے ہیک ٻِجے نا بہر کریو اُواں اُوے نا مار ݙنوں پچھے اُوے ڈِھِگ خارہ نا بہر کریا اُواں اُوے خاں ڈِھِگاں نہ ماریا تے گݨاں نا قتل کریا ۔⁶۶۔ہجے اُوے رو ہیک مِنکھ باقی ہو تواُوے رو پیارو ݙیکرو اوے آپ رے پیارے ݙیکرے نا اے کہہ کر بہر کریو کہ او مانجے ݙیکرے رو تو لحاظ راکھخے ۔ ⁷۷۔ آݨ اُواں باغ ری راکھی کرݨ آݪاں آپس میں کہیو اے جی بارخ ہے آؤآپاں اییے نا مارجے رو تو ملکیت آپݨی ہوخے ری ۔⁸۸۔ آݨ اُواں اُوے نا جھال تے قتل کرتے باغ خاں ٻاہرناکھ چھوڑیو ۔ ⁹۹۔پݨ باغ رو مالک کی کرخے ؟ او آخے تے اُوے باغ رے رکھواݪاں نا مار چھوڑخے پچھے او باغ ٻجاں نا ݙے ݙیخے۔¹⁰۱۰۔ کی تھاں اے کہاوت کونی پڑھی ، جکو پتھر مختریاں ناکھ ݙنوں اُوہؤجی کُنڈ ری شروعات بݨیوں ۔ ¹¹۱۱۔اے ایشور ری طرف خاں ہویو ہے ،اے آپݨی نظراں میں عجیب ہے وہ ۔ ¹²۱۲۔بݪے او اُوے نا جھالݨ ری کوشش کرݨ لاگا ، پر او عوام خاں ٻہیتا کیانکہ او خمجھ گیاترا کہ اے مِخال اییاں رے بارے میں ہے ، بس او اُوے نا چھوڑ تے بوہا گیا ۔¹³۱۳۔ پچھے اُواں کیتک فریسیاں آݨ ہیرودیاں نا اُوے ݙخا بہر کریا تاکہ اُوے نا باتاں میں پھخاوے ۔ ¹⁴۱۴۔اُواں آتے اُوے خاں کہیو کہ اے اُستاد تو خچو ہیں آݨ تناں کہیں ری پروا کونی کیانکہ تُو مِنکھاں ری طرفداری کونی کرتو بلکہ خچائی خاں ایشور رو مارگ تیار کرئیں ،بس مھاناں اے ݙخل کہ قیصر نا ٹیکس ݙیوݨ ٹھیک ہے یا کونی؟ کی مھاں ݙیجے یا نی؟ ¹⁵۱۵۔اُوے اُواں را مکر جاݨتے ہوئے کہوݨ لاگو تھاں مینا کیاں آزماوی؟ ہیک دینار میں ݙیخا لے آؤ ہوں جوواں ۔¹⁶۱۶۔ بس اُوے آیا ، جݙے اُوے اُواں نا کہیو ایے تے شکل تے لکھت کے ری ہے ۔ اواں اُوے نا کہیو کہ اے قیصر ری ہے ۔ ¹⁷۱۷۔یسوع اُواں نا کہیو نا کہوݨ لاگو جکو قیصر رو ہے او قیصر نا تے جکو ایشور رو ہے ایشور نا ݙو آݨ او ایے بات تے ڈھگ حران ہوا۔¹⁸۱۸۔ پچھے صدوقی جکو قیامت نا کونی منتا او اُوے ݙیخا آیا تے خوال کریو ۔ ¹⁹۱۹۔اے اُستاد مھارے خاروں موسَی لکھیو ہے کہ اگر کہیں رو بھائی مرجاوی رو اُوے ری لُگائی ری کوئی اولاد نی ہووے تو اُوے رو بھائی اُوے نا لیوے کیانکہ اُوے ری نسل پیدا کرے۔²⁰۲۰۔خات بھائی ہوتا پہلکو اُوے خاں بیہاں کرئی او بے اولاد مر جاوی۔ ²¹۲۱۔ پچھے ٻجو اُوے نا لیئ او وی مر جاوی اُوے خاں بھی اولاد کونی ہوتی۔ ²²۲۲۔ایؔاں جی تیجو بھی بلکہ خات را خات ایّاں جی مرجاوی ،ایّاں خاں پچھے او لُگائی بھی مرجاوی ری۔ ²³۲۳۔پچھے جݙے قیامت رے ݙن خارا جی اُٹھخے تو او لُگائی کے ری ہوخے جݙے کہ او خاتاں ری لُگائی ہوتی ۔²⁴۲۴۔ یسوع اُواں نا کہی کہ تھاں پرانی کہاوتاں تے ایشور ری قدرت نا جاݨتا ہوا غلطی تو کونی کرتاوا۔ ²⁵۲۵۔کیانکہ جݙے مریوݪاں نا جیوتا کریا جاخے تو نی بیھاں کراخے نی بیھاں کرخے جݙے کہ آخمان تے خارا فرشتہ آریکر ہوخاں ۔²⁶۲۶۔ آݨ تھاں مردہ ری قیامت رے بارے میں موسَی ری کتاب جھاڑی رے ذکر میں کونی پڑھیو کہ ایشور اُوے خاں بات کرتے کی کلام کہیو کہ ہوں ابراہیم رو ایشور آݨ اسحاق رو ایشور آݨ یعقوب رو ایشور ہاں ۔ ²⁷۲۷۔او مریوڑا رو کونی او جیوتاں رو ایشور ہے، بس تھاں موئی غلطی تے ہو ۔²⁸۲۸۔ آݨ فقیہاں میں خاں ہیک ایاں رے باتاں خݨتووہ تے او خارا جواب خݨروہ تو او کݙی نا آتے پوچھئی کہ خاراں خاں پہلے حکم کہیو ہے۔ ²⁹۲۹۔یسوع اُوے نا جواب ݙیوی کہ پہلو حکم اے ہے ،خݨ اے اسرائیل ایشور آپݨوں ہیک جی ہے ایشور ہے ۔ ³⁰۳۰۔پس تو ایشور آپ رے پویتر ایشور خاں آپ رے خارے دل آݨ آپ ری خاری جان آݨ آپ ری خاری عقل آݨ آپ رے خارے زور خاں اُوے خاں پیار راکھ ۔ ³¹۳۱۔آݨ ٻجو اے کہ تو آپ رے گھر رے کݙے آڑے خاں آپ آریکر پیار کر ایے خا موٹو ٻجو کوئی حکم کونی ۔³²۳۲۔ فقیہہ اُوے نے کہیو کی بات ہے تھاں خچی کہیو کہ ایشور ہیک ہے ٻجو کہ اُوے خاں ٹاڑ ٻجو کوئی کونی ۔ ³³۳۳۔آݨ آپ رے خارے دل آپ ری خاری عقل آݨ زور آݨ آپ رے گھر رے کݙے آڑے خاں آپ آریکر پیار کرݨ اے خارو کجھ سوختنی قربانیاں آݨ جانوراں نہ باڈھݨ خاں بھلو ہے ۔ ³⁴۳۴۔آݨ جݙے یسوع ݙٹھو کہ اُوے خوچ خمجھ تے جواب ݙھنو ہے ۔ تو اُوے نا کہیو کہ ایشور ری بادشاہی تے خاں اڑگی کونی ، ایے خاں پچھے کیہے بھی یسوع خاں خوال کررݨ ری ہمت کونی کری ۔³⁵۳۵۔ آݨ یسوع ہیکل میں ٻولتو کہیوݨ لاگو کہ فقیہہ کیاں کہیوی کہ المسیح داؤد رو ݙیکرو ہے ۔ ³⁶۳۶۔داؤد آپ جی روح القدس خاں کہیو کہ ایشور آپ مانجے ایشورنا کہیو کہ تو مانجے خدھے پاخے ٻیخ ، اتری تک جتے تک تانجے دشمناناں ہوں تانجے پگاں رے ہیٹھا نی کرݙاں۔ ³⁷۳۷۔داؤد تو خود اوے نا ایشور کہیوی تو پچھے او اوے رو ݙیکرو کیکݨ ہے ؟ تے گھݨاں مِنکھ خوشی خاں اُوے رے باتاں خݨیں ۔³⁸۳۸۔ آݨ اُوے آپ رے وچار میں کہیو فقیہاں خاں ہوشیار رہو جکو لامٻا لامٻا چوڑا پہر کر جاوی کہ لوک اُواں نا جوئے ۔ ³⁹۳۹۔آݨ بھگتی رے گھراں میں اُواں نا آگے کرخی تے جگہ ݙیوے آݨ موٹے دعوتاں میں اُواں ناں خاراں خا بھلی جگہ ݙے ۔ ⁴⁰۴۰۔او بیوا لُگایاں رے گھراں ری طرف جاوی تے مقاری خاں لامٻے لامٻے پراتھناواں کری ، ایڑا لوک ڈھگ سزا را حق دار ہوخے ۔⁴¹۴۱۔ پچھے یسوع خزانے رے خامے ٻیخ تے جوتووہ کہ لوک ایشور رے ناں تے کیکݨ ݙئی وا اُوے جکو امیر ہوتا اُواں ݙھگ ئج ݙھنو۔ ⁴²۴۲۔ہیک گریٻ بیوا لُگائی ٻے پیخا یعنی ہیک ٹکو اُوے میں ناکھیو ۔⁴³۴۳۔ جݙے ایشور آپ رے چیلاں نا ہولو کر تے کہیوݨ لاگو کہ ہوں تھاں خاں خچی کہیں وہ کہ جکو بی غلے میں دان ݙئی وہ اُواں خاراں خا ں زیادواجر اُوے کنگال بیوہ رو ہے ۔ ⁴⁴۴۴۔کیانکہ خاراں آپ رے گھݨیں میں خاں ݙئی ، پر ایے آپ ری گریٻی میں خاں جمع کریوڑو خاروکجھ ایے میں ناکھ ݙنو ۔

¹۱۔آن جݙے اُو ہیکل خاں ٻاہر جاوتو ہَتو۔ اُوئے رے چیلاں میں خاں ہیکے اُوئے نا کہیو اے استاد جو ایہ کہڑا پتھر اَن کہڑے جیگاواں ہے۔ ²۲۔آن یسوع اُوئے نا بݪتی میں کہیو۔ توں ایہ موٹے جگھاواں جووئیں وو؟ ایتھ کہئی پتھر ماتھے پتھر کݙے وی کونی چھوڑیو جاوئے جکو ناکھیو نی جاوئے۔³۳۔آن جݙے اُو زیتون رے پہاڑ تے ہیکل رے خامھو ٻیٹھو ہَتو۔ تو پطرس اَن یقعوب اَن یوحنا اَن اندریاس ہیکھلے میں اُوئے خاں پوچھیو۔ ⁴۴۔مھاناں خُݨا کہ ایہ باتاں کݙے ہوخے۔ آن جݙے ایہ خارو کچھ پورو ہووݨ آݪو ہوخے۔ تو اُوئے گھڑی کی نشان ہوخے؟⁵۵۔پچھے یسوع اُوئاں نا کہیݨ لاگو۔ خُجاگ تھیا کہ کوئی تھاناں دھوکھو نی ݙے۔ ⁶۶۔ کیانکہ گھݨاں مھارو ناں لے تے آخے۔ آن کہخے کہ ہوں جی ہا۔ آن اُو گھݨاں نا پھیرخے را۔⁷۷۔آن جݙے تھاں بڑھاند اَن بڑھانداں ری اُݙتے باتاں خُݨو۔ تو ٻہی نی جایا۔ کیانکہ ایئاں تھیݨ لازم ہے پݨ جگت رو خاتمو بیگو کونی ہووے۔ ⁸۸۔کیانکہ قوم خاں قوم اَن بادشاہی خاں بادشاہی بِڑھخے۔جگہا جگہا زلزلا آخے اَن کاݪ پڑخے۔ ایہ باتاں ݙکھ ری شروعات ہوخے۔⁹۹۔پݨ تھاں خبردار رہیا۔ اُو تھاناں عدالتاں رے حوالے کرخے۔ اَن بھگتی گھراں میں کوڑا کھاخو آن اُو تھاناں مھارے کرے حاکماں اَن بادشاہواں رے خامھا لے جاخے۔ ایئے رے خارو کہ اُوئاں رے خارو گواہی ہووے۔ ¹⁰۱۰۔پݨ ضرور ہے کہ خارے قوماں میں انجیل رو پرچار کریو جاوئے۔¹¹۱۱۔پݨ جݙے لوک تھاناں لے جا اَن اُوئے رے حوالے کرے تو پہل خاں فکر نی کرو کہ مھاں کی بݪتی ݙخاں۔ بلکہ جو کچھ تھاناں کہوݨو ہے اُوئے گھڑی تھاناں کہیو جاخے۔ کیانکہ کہݨ آݪا تھاں کونی بلکہ پویتر آتماں ہے۔ ¹²۱۲۔آن بھائی نا بھائی اَن ݙیکرے نا ٻاپ مَراوݨ رے خارو جھلواخے. آن اولاد ماں ٻاپ رے خلاف ابھا ہوخے۔ آن اُوئاں نا مَروا ݙیخے۔ ¹³۱۳۔آن مھارے ناں رے کرے خارا تھاں خاں نفرت راکھخے۔ پݨ جکو آخر تے مھارے باتاں منخے اوئے نا جی مگتی لابھخے۔¹⁴۱۴۔جݙے تھے اُوئے برباد کرݨ آݪی پلیت چیز نا پویتر جگہا میں اَبھوڑِی جووو جیتھ اُوئے رو اَبھیجݨ ٹھیک کونی ۔ تو تھاں خَمجھ جایا۔ اُوئے گھڑی جکو یہودیہ صُوبے میں ہووے ، او پہاڑاں ݙِخا ناخ جاوے۔ ¹⁵۱۵۔آن جکو کوٹھے تے ہووے او گھر میں نی آوے نی جی مھنے جاوے کہینک لیوݨ رے خارو۔ ¹⁶۱۶۔آن جکو زمین میں ہووے او آپرو گابھو لیوݨ رے خارو پاچھو نی جاوے۔¹⁷۱۷۔پݨ افسوس اُوئاں لُگائیاں تے جکو اُوے ݙناں میں اُمیدواری خاں ہوخے۔آن جکو ݙُودھ پاوتے ہوخے۔ ¹⁸۱۸۔دُعا کرو کہ ایہ باتاں خِیاݪے میں نی خُݨنے پڑے۔ ¹⁹۱۹۔کیانکہ اُو ݙِن ایہڑھے مصیبتاں آݪا ہوخے۔ کہ جݙے خاں ایشور دھرتی نا بݨائی۔ہݨے تک نی جی ائیاں ہویو اَن نی کݙے ہوخے۔ ²⁰۲۰۔آن جے پرمیشور اُوئاں مصیبت رے ݙناں نا نی گھٹاونت تو کوئی وی کونی بچنت پݨ اُوئے آپرے چُگیوڑے منکھاں رے خارُو اُوئاں ݙنا نا گھٹا ݙنا را۔²¹۲۱۔اُوئے گھڑی جے کوئی تھاں نا کہے کہ جووو مسیح ایتھ ہے جاں اوتھ ہے۔ تو اُوئے ری بات نی منیا۔ ²²۲۲۔کیانکہ کوڑا مسیح اَن کوڑا نبی وی آخے۔ او نِشان اَن عجیب کام بتاخے جکاں خاں مِنکھ حیران ہو جاخے۔ اُوئاں رو مقصد ہوخے کہ ایشور را چُگیوڑا وی بھٹک جاوے۔ ²³۲۳۔پݨ تھاں خبردار رہیا۔ جووو مھیں اِیئاں باتاں رے ہووݨ خاں پہل تھاں نا خارو کچھ خُݨا ݙنھو رو۔²⁴۲۴۔پݨ اُوئے ݙناں میں اُوئے مصیبت خاں بعد خورج اندھو ہو جاخے اَن چاند آپرو اجاݪو ݙیوݨ چھوڑ ݙیخے۔ ²⁵۲۵۔آن آسمان را تارا کھرخے را اَن جکو طاقتاں آسمان میں ہے اُو خارے ہِلائے جاخے۔ ²⁶۲۶۔تو پچھے منکھ ابن آدم نا بادلاں میں موٹی قدرت اَن جلال خاں آتو جوخے۔ ²⁷۲۷۔پچھے او آپرے فرشتاں نا میلخے اَن او ایشور رے چُگیوڑے منکھاں نا دھرتی اَن آسمان رے چارے پاخے جیتھ وی ہوخے بھیݪا کرخے۔²⁸۲۸۔ہمے انجیر رے بݨ ری مثال خاں ایہ خیکھو۔ جݙے اُو ݙاݪی کچی ہووئے اَن پتا نخرئی۔ تو تھاں جو اَن خمجھ جاوئی، کہ اُنہاݪو آوݨ آݪو ہے۔ ²⁹۲۹۔ایئاں جی جݙے تھاں ایئاں باتاں نا ہووتے جووو۔ تو خمجھ جایا کہ اُو نیڑو ہے بلکہ دَر تے ہے۔³⁰۳۰۔ہوں تھاناں خچی کہیں، کہ ایہ پیڑھی کونی مُکے جتری تک کہ ایہ باتاں پورے نی ہووے۔ ³¹۳۱۔آسمان اَن زمین ٹݪ جاخے، پݨ مھارے باتاں کݙے کونی ٹݪے۔ ³²۳۲۔پݨ اُوئے ݙن جاں گھڑی رو ٻاپ خاں ٹاݪ ٻجو کہئی نا وی کونی ٹھاء۔ نی آسمان را فرشتا نی جی ݙیکرو۔³³۳۳۔ایئے رے خارو تھاں ہوشیار اَن جاگتا رہیا، اَن دُعا کرتا رہیا۔ کیانکہ تھاناں کونی ٹھاء کہ اُو ݙن کݙے ہوخے۔ ³⁴۳۴۔ایہ اُوئے منکھ آݪی کار ہے۔ جکو گھر چھوڑ ٻجے مُلکھ بوہو گیو۔ آن آپرے غلاماں نا اختیار اَن ہر ہیک نا اُوئے رو کام خُݨا ݙنو اَن چوکیدار نا حُکم ݙنو کہ خُجاگ رہوے۔³⁵۳۵۔ ایئے رے خارو خُجاگ رہو( کیانکہ تھاناں کونی ٹھاء کہ گھر رو مالک کݙے آخے۔آتھݨ ری جاں اَدھی رات رو جاں کُوکڑ رے ٻانگ ݙیوݨ آݪی بݪہ جاں خاکݪو ری۔) ³⁶۳۶۔ایئاں نی ہووے کہ اُو اچھتو آ تے تھاناں خُوتوڑا جووے۔ ³⁷۳۷۔آن جکو کچھ ہوں تھاناں کہیں وو او جی خاراں نا کہیں کہ خُجاگ رہو۔

¹۱۔ ٻہیاں ݙینھاں خاں بعد فصح آن عید فطیر ہووݨ آݪی ہوتی آن خردار کاہن۔ ²۲۔آن فقہیہ خوچتا وا کہ اُوے ناں دوکھے خاں جھلواجے آن مارجے بݪے کہتا وا کہ عید رے ݙن نا ائیاں نی ہوے کہ بݪے منکھاں میں بِڑاھاند نیں ہُووے ۔³۳۔ آن جݙے او بیت عنیا میں شمعون کوڑھی رے گھر میں گیو آن ٻاٹی کھاوݨ ٻیٹھا ہتا تو ہیک لُگائی جٹا ماسی روخنگِ مرمر رو گھݨو خالص عطر لے آئی آن عطردان نا بھانج رو اُوے رے ماتھے ڈھوڑیو۔ ⁴۴۔آن گھݨا دل میں ریخ کر تے کہݨ لاگا ایہ عطر کے رے خارو ضائع کیو گیو ہے؟ ⁵۵۔ پݨ کہینک منکھ آپرے من میں رئیخ راکھ اَن کہݨ لا گا کہ ایئے عطر رو کیاں جان کریو گیو ہے۔ کیانکہ ایہ عطر تین خو دینار خاں وی گھݨو مہانگو بِک خگتو ہَتو۔ آن غریباں نا ݙنہو جاونت۔ آن او اوئے نا بھلو بُرو کہݨ لاگا۔⁶۶۔ پَݨ یسوع اُواں نا کہیو ۔ائیے نا جاوݨ ݙؤ ، کی وجہ ہے تھیں اِئیے نا تنگ کرئی وا؟ائیے مانجے خارون بھلو کام کیو ہے۔ ⁷۷۔کیانکہ غریب غربا تو یکہ تھاں بھیݪا ہے تھیں جݙے چاہو اُواں خاں بھلائی کر خگوئی۔پݨ ہوں تھاں بھیݪو یکو کونی رہواں۔ ⁸۸۔پَݨ او جکو کجھ او کر خگتی اُوے او کیو۔او مانجے بُت نا ٻورݨ خاں پہلی ہی عطر لگاوݨ آئی ری۔ ⁹۹۔آمین ہوں تھاناں کہَیں کہ خاری خلقت میں جِتھے بھی ائیے انجیل رو پرچار کیو جاخے اُتھے اِئیے ری یاد میں جو کُجھ اِئیے کِیو ہے اُواں نا ݙخلیو جاخے۔¹⁰۱۰۔بݪے یہوداہ اسکریوتی جکو اُواں ٻاہراں میں خاں ہیک ہوتو خردار کاہناں ݙخا گیو تاکہ اُوے نا اُواں رے ہاتھ میں ݙے۔ ¹¹۱۱۔او ایہ خُݨ را راضی وا آن اُوے نا پئیخا ݙیوݨ رو وعدہ کیو آن او موقع جوݨ لاگو کہ کہڑی طرح اُوے نا قاٻو کر تے جھلواوے۔¹²۱۲۔ عید فطیر رے پہلے ݙن یعنی جکے ݙیہاڑے فسح نا باڈھتا ہوتا اُوے را چیلاں اُوے نا کہیو کہ تو کِتھے چاہووئیں کہ جا تے تاجے خاروں فسح ری ٻاٹی تیار کرجے؟ ¹³۱۳۔جݙے او آپ رے چیلاں میں خاں ٻیہاں نا بہیر کیو آن اُوان نا کہیو شہر میں جاؤ ہیک منکھ پاݨی رو دِلو کھݨیوڑو تھاناں ٹکرخے آن تھیں اُوے رے لارے لارے جایا۔ ¹⁴۱۴۔آن جِتھے او داخل ہووے تو اُوے گھر رے مالک خاں کہیا کہ میاڑے خاروں او مہمان گھر کِتھے ہے۔¹⁵۱۵۔جِتھے ہوُں آپ رے چیلاں بھیݪو فسح کھاواں او ہیک موٹو کوٹھو ٹھیوو تھاناں جواڑخے اُتھے مانجے خارو تیار کریا۔ ¹⁶۱۶۔جݙے چیلا گیا آن شہر میں آ تے اُوےاُواں خاں جاں کہیو تو اُواں جی پایو آن فسح تیار کئی۔¹⁷۱۷۔جِݙے شام ہُوئی تو او اُواں ٻاہراں بھیݪو آیو۔ ¹⁸۱۸۔آن جݙے او ٻاٹی کھاوتا پیا تو یسوع اُواں نا کہیو۔ہوں تھاناں خَچی کہیں کہ تھاں میں خاں ہیک جکو میں بھیݪو ٻاٹی کھاوی وا مَناں جھلاخے۔ ¹⁹۱۹۔جݙے او پریشان ہووݨ لاگا آن باری باری اوے خاں کہوݨ لاگا کہ ہوں آں۔²⁰۲۰۔ اُوے اُواں نا کہیو ائیے ٻاہراں میں خاں ہیک جکو میں بھیݪو تھاݪی گھاتئی۔ ²¹۲۱۔ایشور رو ݙیکرو تو جِکݨ اُوے رے حق میں لِکھیوڑو ہے جاوی پݨ اُوے منکھ تے افخوخ جکو ایشور رے ݙیکرے نا جھلاوی۔ اوے رے خاروں بھلو اے ہووتو کہ پیدا ہی نی ہوونت۔²²۲۲۔آن جݙے او ٻاٹی کھاوتا وا تو یسوع مسیح ٻاٹی لِنھی آن برکت ݙے تے بھانجی آن اُواں نا ݙنی آن کہیو اے مانجو ہے۔ ²³۲۳۔آن پیالو لے تے شکر کریو آن ݙنو آن اُواں خارا نا کہیو کہ ائیے میں خاں پِیو۔ ²⁴۲۴۔آن اُوے اُواں نا کہیو اے نویں عہد رو مانجو او لوہی ہے جکو خاراں رے خاروں بہایو جاوی۔ ²⁵۲۵۔ہُوں تھاناں خَچی کہیں کہ ہُوں انگور رے شیرے خاں بݪے کونی پیاں۔²⁶۲۶۔ جݙے او بھگتی کرتو کوہ زیتون ݙخا گیو۔ ²⁷۲۷۔آن یسوع اُواں نا کہیو تھیں خارا آج رات مانجے کرے دھکا خاخو کیانکہ لِکھیوڑو ہے ہوں دھنار نا مارِخ آن رِڈھاں در پدر تھی جاخے رے۔²⁸۲۸۔ پر ہوں آپ رے جی اُٹھݨ خاں پچھے تھاں خاں پہلی گلیل نیں جائیخ رو۔ ²⁹۲۹۔پچھے پطرس اُواں نا کہیو خارا ٹھوکر خاخے پݨ ہوں کونی خاواں؟³⁰۳۰۔ یسوع اُواں نا کہیو ہوں تناں خَچی کہیں پیو کہ آج ائیے رات کُکڑ ری ٻانگ ݙیوݨ خاں پہلی تُوں تیں پھیرا مانجو انکار کریخ۔ ³¹۳۱۔پݨ اُوے جوش خاں کہیو جے اگر تیں بھیݪو مناں مرݨو بھی پیو تو بھی تاجو انکار کݙے کونی کراں ایاں جی خاراں کہیو۔³²۳۲۔پَچھے او ہیک جگہ تے آیا جکے رو ناں گتسمنی ہُوتو آن اُوے آپ رے چیلاں نا کہیو اِتھے ٻیٹھا رہو جِتری تک ہوں پراتھنا کراں۔ ³³۳۳۔آن پطرس آن یعقوب یوحنا نا آپ رے بھیݪو لے تے ݙاڈھو حیران آن مونجھو ہُووݨ لاگو۔ ³⁴۳۴۔آن اُواں نا کہیو مانجی جان ݙاڈھی ݙُکھی ہے اتری تک کہ مرݨ رو وقت آیو رو۔ تھیں اِتھے ابھیجو آن خُویا مَتے۔³⁵۳۵۔ آن او تھوڑو آگھو جا رو دھرتی تے کھِریو آن پراتھنا کی کہ جے ہو خَگے تو ایہ گھڑی میں خاں ٹَڑ جاوے ری۔ ³⁶۳۶۔آن کہیو اے ابا اے ٻاپ تیں خاں خارو کُجھ ہُو خَگئی اِئیے پیالے نا میں خاں ٹاڑ رو تو بھی جکو ہوں چاہووئیں او بلکہ جکو تُوں چاہووئیں اہوو جی وے۔³⁷۳۷۔بݪے او آیو آن اُواں نا ختوڑا جویو آن پطرس نا کہیو اَے َشمعون کی توں خُووئیں پیو؟کی ہیک گھڑی بھی جاگ کونی خَگیو؟ ³⁸۳۸۔جاگتا آن پراتھنا کرتا رہو تاکہ آزمائش میں نیں پڑو۔آتما تو ݙاڈھی ہے پݨ بُت ہیݨڑو ہے۔ ³⁹۳۹۔پَچھے بوہو گیو آن اُہو جی بات کہہ ری آن پراتھنا کی۔⁴⁰۴۰۔ آن پاچھو آ رو اواں نا بݪے خُتوڑا جویا کیانکہ اواں رے آنکھیں اُونگھ خاں بھریوڑے ہوتے آن او کونی جاݨتا ہَتا کہ اُوے نا کی بݪتی ݙے۔ ⁴¹۴۱۔آن بݪے تیجی دفعہ آ رو اُواں نا کہیو ہمیں خوتا رہو آن آرام کرو۔بس ہمیں بݪا آئی ری۔جوو ابنِ منکھ پاپیاں رے ہاتھ میں ݙنو جاوی۔ ⁴²۴۲۔جوو مناں بندھواوݨ آݪو نیڑو جی ہے او اے کہیوݨ آݪو جی ہوتو کہ یہوداہ اسکریوتی آیو جکو اِیاں ٻاہراں میں خاں ہیک ہُوتو۔⁴³۴۳۔ آن اُوے بھیݪو ہیک موٹو ٹوݪو تلوار آن ݙنڈہ لیوڑا خردار کاہناں آن بوڈھیاں خمیت آ پُگا۔ ⁴⁴۴۴۔آن جھلاوݨ آݪو اے نخاں ݙنو کہ جکے نا ہوں مٹھکی ݙاں اُوے نا جھالیا۔ ⁴⁵۴۵۔آن خیح خلامت خاں لے جایا۔آن بیگواوے ݙخا گیو۔ ⁴⁶۴۶۔آن کہیو اے گرو جی آن اوے نا مٹھکے ݙنے جݙے او اُوے تے ہاتھ۔⁴⁷۴۷۔ راکھ رو جھلوایو آن بھیݪا ابھوݪا میں خاں ہیک تلوار کاڈھ ری کاہن رے نوکر تے چلائی آن اُوے رو کان باڈھیو۔ ⁴⁸۴۸۔جݙے یسوع تقریر کر ری اُواں نا کہیو کی تھیں تلوار آن ݙنڈہ لے را مناں چوراں آݪی کر جھالݨ آیا ہو۔ ⁴⁹۴۹۔ہوں تو ہر روز تھاں بھیݪو ایشور رے گھر میں تعلیم ݙیوتو ہُتو تھاں مناں کونی جھالیو بݪے اے وچن پورو ہووݨ رے خارو ہے۔ ⁵⁰۵۰۔اِئیے تے خارا چیلا اُوے نا چھوڑ تے بھَج گیا۔⁵¹۵۱۔ پچھے ہیک نوجوان جکو بُت تے اُہونی کھیخ اوڈھیوڑو ہوتو اوے رے لارے گیو آن اوے نا منکھاں جھالیو۔ ⁵²۵۲۔پݨ او کھیخ چھوڑ رو بھَج گیو۔⁵³۵۳۔ جݙے او یسوع نا موٹے کاہن رے کوڈھی لے گیا آن خارا خردار کاہن آن فقیہہ آن مُٹیرڑا اُوے کوڈھی بھیݪا تھیا۔ ⁵⁴۵۴۔آن پطرس بِتھی خاں اُوے رے لارے لارے موٹے کاہن رے آنڳݨ تک بھیݪو گیو آن خنتا بھیݪو ٻیخ تے باخݙے خیخݨ لاگو۔⁵⁵۵۵۔آن خردار کاہن خارا یسوع رے خلاف گواہ جووݨ لاگا کیانکہ اُوے نا مارے پݨ کونی مار خگیا۔ ⁵⁶۵۶۔کیانکہ گھݨا اوے رے خلاف گواہی ݙیوݨ آیا گواہیاں خاں راضی کونی ہوتا۔⁵⁷۵۷۔ پݨ گھݨا اُٹھی تے کوڑی گواہی ݙنی آن کہیو۔ ⁵⁸۵۸۔مہاں اُوے نا اے کہیوتے خُݨیو کہ ہوں ائیے ہیکل نا جکو ہاتھ خاں بݨیوڑی ہے ناکھخ ری آن تیں ݙن میں ٻجی۔ ⁵⁹۵۹۔بݨائیخ ری جکو ہاتھ خان نیں بݨیوڑی ہوخے۔ آن اُوے میں بھی اواں ری گواہی ہیکو جہیڑی کونی ہوتی جݙے کاہن آن بِچ میں۔⁶⁰۶۰۔ابھیج رو اے کہیوتو ہویو یسوع خاں پوچھیو تو کوئی بݪتی کونی ݙیوتو۔ ⁶¹۶۱۔ اے تاجے بارے کی گواہی ݙئی پیا۔ تیں ماتھے ݙوھ لگاوی پݨ او ماٹ جی رہیو آن کوئی بݪتی کونی ݙنی پچھے کاہن اُوے خاں پوچھݨ لاگا آن اُوے خاں۔ ⁶²۶۲۔کہیو کہ تو المسیح ہیں ابنِ المبارک یسوع کہوݨ لاگو ہوں ہاں۔ تھیں ابنِ انخان نا ایشور رے خاجڑی پاخے ٻیٹھوڑو آن آکاش رے۔⁶³۶۳۔ جھُڑ بھیݪو آوتو جوکھو اُوے تے کاہن آپ را گابھا پھاڑ را کہیو ہمیں مناں گواہی ری کوئی ضرورت کونی۔ ⁶⁴۶۴۔جکو تھاں اے خُݨیو ہے تھاری کی صلاح ہے؟ ⁶⁵۶۵۔او خارا کہوݨ لاگا کہ اے منکھ قتل رے لائق ہے۔پچھے کئینک اوے تے تھوکݨ آن اُوے رے مانݙھے نا ڈھکݨ آن اُوےنا مُکا مارݨ آن اُوے نا کوڑا لگایا کہ اگکتھی کر آن نوکر اُوے نا چماٹاں مار رے گیا۔⁶⁶۶۶۔ آن جݙے پطرس ٻیٹھو ہُوتو تو کاہن ری ٻاہنی میں خاں ہیک آئی آن ⁶⁷۶۷۔پطرس نا باخݙے تے تپتے نا جویو تے دید کر ری ٻولی تو بھی یسوع ناصری بھیݪو ہوتو ۔ ⁶⁸۶۸۔ اوے نیں منیو آن کہیو ہوں تو کونی اوݪکھتو آن خَمجھتو توں کی کہیں پئی آن او ٻاھر جا رو چوکاٹھ تے گیو آن کُکڑ ٻانگ ݙنی۔⁶⁹۶۹۔ آن او ٻاہنی جکے اوے نا جویو ہوتو بݪے او منکھاں نا کہݨ لاگی ایہ اواں میں خاں جی ہے۔ ⁷⁰۷۰۔او بݪے نیں منیو آن تھوڑی دیر خاں پچھے بݪے ابھوڑا مانڑخاں پطرس بݪے کہوݨ لاگا کہ تو خچیلی توں اُواں میں خاں ہیں کیانکہ تو گلیلی بھی ہیں⁷¹۷۱۔ آن او لعنت کرݨ آن دھیج کھݨݨ لاگو ۔ ⁷²۷۲۔کہ ہوں اوے منکھ نا کونی اوݪکھتو جکے رو تھیں ناں لوئی پیا آن اُوے گھڑی کُکڑ آ بݪے ٻانگ ݙنی جݙے اُوے نا او بات یاد جکو یسوع اوے خاں کہی ہتی کہ کُکڑ ری بݪے ٻانگ ݙیوݨ خاں پہلی تُو تین واری مانجو انکار کریخ آن او اِئیے تے خوچ آن روݨ لاگو۔

¹۱۔ آݨ جیکرہی صبح تھی سردار کاہین ٻوڈاھ خاں ، فقہیاں خاں آݨ خاری عدالتِ عدلیہ خاں خُلا کرتے یسوع نا ٻاندیو آݨ لے جاتے پیلاطس رے حوالے کریو۔ ²۲۔آݨ پیلاطُسؔ اووے خاں پوچھیو کے کی تو یہودیاں رو راجا ہے؟اُوے جواب میں اُوے ناں کہیو کہ تو خود جی کہی پیو ۔ ³۳۔آݨ سردار کاہیں اُوے تے گݨی باتاں را الزام لگاوݨ لاگا۔⁴۴۔ بَڑے پیلاطس اُوے خاں پوچھیو کی تُو کوئی جواب کونی ݙےتو، جو اُوئے تیں تے کیتری باتاں رو الزام لگائی وا، آݨ یسوع ٻڑے کوئی جواب کونی ݙینو، جو رو تیئں ماتے کیترے باتاں رو الزام لگاوے پیاء ۔ ⁵۵۔پݨ یسوع پچھے کئیں بڑتی کونی ݙنی ، اتری تک کہ پیلاطس حیران تھی گیو ۔⁶۶۔ آݨ او عید ماتھے ہیک قیدی ناں اُواں ری کرے کر چھوڑ ڈیوتا ہتا جکے رے بارے او بینتی کرتا ہتا ۔ ⁷۷۔آݨ برابؔا ناں رو ہیک مِنکھ اُواں باغِیاں بھیڑو قید ہتو جکاں بغاوت میں قتل کریو ہتو ۔ ⁸۸۔آݨ جݙے منکاں رو ٹوڑو اُوے کڈھی آ رو عرض [منت ]کرݨ لاگو کہ جکو تایو دستور[اخول ]ہے مہارے واسطے او کر ۔⁹۹۔ تو پیلاطس اُواں ناں کہیو کہ تھیں کی چاہوی کہ ہوں تھانرے پگا یہودیاں رے راجا ناں چھوڑ ݙاں ؟ ¹⁰۱۰۔کیانکہ او اوکھتو ہتو کہ سردار کاہیناں ہخد[جلن/حسد ] خاں مانجے حوالے کریوہے ۔ ¹¹۱۱۔پݨ سردار کاہیناں منکھاں ناں بھڑکایو کہ او اُواں رے پگا برابؔا نا ہی چھوڑ ݙے ۔¹²۱۲۔ آݨ پیلاطس پچھے مخاطب ہو رو آݨ اُواں خاں کہیو کہ پچھے جکے ناں تھیں یہودیاں رو راجا [بادشاہ] کہی اُوے خاں ہوں کی کراں ۔ ¹³۱۳۔پچھے او رڑے کرݨ لاگا کہ اُوے ناں خوڑی ݙے ۔¹⁴۱۴۔ پݨ پیلاطس اُواں نا کہیو کیاں اُوے کی بُرائی کی ہے، پچھے اواں ٻجے بھی رڑے کرئے ، اُوے ناں خوڑی ݙیوُہ ۔ ¹⁵۱۵۔پچھے پلاطس منکھاں ناں راجی کرن رے اِٰرادے [سوچ] خاں اُواں رے خاروں برابؔا ناں چھوڑ ݙنو آن یسوع ناں کوڑا لگوا را اُواں رے ہاتھ ݙنو کہ ماریو جاوے ۔¹⁶۱۶۔ آن خپائی اُوے ناں فقعہ رے آگن میں لے گیا آن خجے منکھاں ناں بھیڑو کیو ۔ ¹⁷۱۷۔آن اُواں اُوے ناں بادشاہی ڳابھا پہرایا آن کانٹا رو تاج بنارو اُوے رے ماتھے تے راکھیو ۔ ¹⁸۱۸۔آن اُوے ناں خلام کرن لاگا کہ اے یہودیاں رے بادشاہ [راجا] خلام ۔¹⁹۱۹۔ آن او اُوے رے ماتھے تے ٹھنڈھوننیا مارتا آن اُوے ماتھے تھوکتا آن گوݙا کھوھ را سیں نماتا رہتا۔ ²⁰۲۰۔آن جݙے اُوے خاں گجر کر ٻیٹھا تو پچھے بادشاہی ڳابھا اُتاریا آن اُوے را ڳابھا اُوے ناں پہرا را اُوے ناں خُوڑی ݙیون رے خاروں ٻاہر لے گیا۔ ²¹۲۱۔آن شمعون ناں رو ہیک کُرینی منکھ جکو سکندر آن روفُس رو ٻاپ ہتو او اوتھخاں لنگیو تو اُواں اُوے ناں بینگار میں جھالیو تاکہ اُوےری خوڑی کھنے ۔²²۲۲۔ آن او اُوے ناں گُلگُتاؔ ری جگہ تے لایا جکے رو مطلب کھوپڑی ری جگہ ہے۔ ²³۲۳۔اُواں اُوے ناں مے پیݨ ناں ݙیھںی پݨ اُوے کونی پی۔ ²⁴۲۴۔اُواں اُوے ناں خوݪی ݙھنی اُوے رے گابھا تے پکھا گھاتیا کہ کہیی ناں نخرے۔²⁵۲۵۔ آݨ ایہ تیجی گھڑی ھتی جݙے اُواں اُوے ناں خوݪی تے چہݪایو۔ ²⁶۲۶۔آݨ ھیکی پھٹی تے اِیہ الزام بھی لکھ لگایوکہ اِیہ یہودیاں رو راجا ہے۔ ²⁷۲۷۔اُوے بھیݪا ٻے ڈاکو بھی خوݪی تے چہݪایا ھیک ناں اُوے رے خاجݪی پاخے آݨ ٻجے ناں کھاٻݪی پاخے۔ ²⁸۲۸۔آݨ اُو گیان پورو ہو کے بُرا منکھاں میں شمار تھیو ۔²⁹۲۹۔ جکو اُوے رے پاخے خاں جاوتا اُوے ناں لعن طعن کرتا ہوتا ھاں او ماتھو لوݙے لوݙے کہتا کے بھگتی گھر نا بیکھیرن آݪا آن تین ݙیھاڑا میں ٹھاون آݪا۔ ³⁰۳۰۔آپرے آپ ناں بچا آن صلیب خاں ھیٹو اُترآ۔³¹۳۱۔ سردار کاہین آن فقیہ اُوے خاں مزاق کرن لاگا ایئے ٻیجاں ناں بچایا پر آپ رو آپ ناں بچا کونی خگھتو ۔ ³²۳۲۔اے مسیح اسرائیل را راجا صلیب خاں ھیٹواُتر آ کیانکہ مھیں تنا جوتے ایمان لاجے آن جکو اوے رے بِھیڑا صلیب تے ہوتا اُئے بھی اُوے ناں برو بھلو کہون لاگا۔³³۳۳۔ پچھے چھٹے پہر خاں ناویں پہر تک خارے ملک میں اندھارو تھیو۔ ³⁴۳۴۔پچھے ناویں پہر رے نیڑیو پربھو یسوع اُنچی رڑ خاں کہیو :الوھی الوھی لماشبقتنی: ایے رو ترجموں ہے مانجا ایشور مانجا ایشور تے منا کیاں چھوڑ ݙینو؟ ³⁵۳۵۔جکو اُوے کوڈھیاں ہوتا اوناں کہیو کہ جوؤ ایلیاہ ناں ھلو کری پیو ۔³⁶۳۶۔کہے ٻجے بھج آ تے پھوؤ روخے ری لکڑی تے راکھ ری اُوے ناں پین رے خارؤں ݙینی اُوے منکھ کہیو جوؤ کے ایلیاہ کھتے ہے اُوے ناں ھیٹھو اوتارخے۔ ³⁷۳۷۔پچھے پربھو یسوع اُنچی رڑ خاں جان ݙے ݙنی ۔ ³⁸۳۸۔آن ھیکل رو پردو اُونچاں خاں ھیٹیاں تک پھاٹو آن ٻےحعاں میں تھی گیو ۔³⁹۳۹۔ آن نیڑیو اُبھوڑو خپائی پربھو یسوع رے مانݙے ناں جوتو رھیو جݙے پربھو یسوع ری موت ݙیٹی تو کہیو کے یقین خاں اے مانخ ایشور رو ݙیکرو ہے ۔ ⁴⁰۴۰۔اُتھے کہنک لوگائے بھی ہوتے جکو اے خارو جووتے ہوتے ایئے میں مریم مگدلینی،مریم نݙھیئے [چھوٹے] یعقوب آن یوسف ری ماتا آن سلومی بھی ہوتی ۔ ⁴¹۴۱۔جیݙے اُو گلیل میں ہوتو او اُوے ری شیوا کرتے ہوتے آن ٻیجے بھی لوگائے ہوتے اُوے بھیݪے یروشلم میں آے تھے ۔⁴²۴۲۔ جیݙے شام ہوئی تو اُو پویتر ݙن ری تیاری رو ݙن ہوتو ۔ ⁴³۴۳۔یوسف جکو ارمتیا رو رہھواشی ہوتو آیو اوتھے رو عزت آرو روکن ہوتو آن ایشور ری راجائی رو منتظر ہوتو او دیلیری خاں پیلاطس کوݙی آیو ھاں پربھو یسوع ری لاش مانگی ۔ ⁴⁴۴۴۔پیلاطس حیران تھیو کہ پربھو یسوع اِترو بیگو موؤ رو اُوے جتھے رے سردار ناں ھیلو کرایو پربھو یسوع ری موت رے بارے میں پوچھیو ۔⁴⁵۴۵۔ جیݙے اُوے ناں یقین ہُیو کہ پربھو یسوع موؤ رو تو یوسف نا پربھو یسوع ری لاش لے جاون رے خاروں اجازت ݙھنی۔ ⁴⁶۴۶۔یوسف کفن رو ڳابھو لئے تے پربھو یسوع ناں صلیب خاں ہیٹو اُوتاریو کفن میں بݪہنٹیو آن اُوے ناں قبر میں راکھیو جکو ہیک غار میں بنایوڑی ہوتی آن قبر رے مانݙے تر ہیک پتھر ݙینو۔ ⁴⁷۴۷۔مریم مگدلینی آن یوسیس ری ماتا مریم اووے جگہ ناں جُوؤ جیتھے پربھو یسوع ناں دفن کیو ہوتو ۔

¹۱۔جَݙے پویتر ݙن ٹَپ گیو، تو مریم مگدلینی، یعقُوب ری ماں مریم اَن سلومی گیے اَن پربھُو یسوع ری لاش نا لگاوݨ رے خارُو خُوشبو آݪے چیزاں لے لِنے۔ ²۲۔او اِتوار رے ݙن، خبیݪے، ݙن نِخرتے وقت قبر ماتھے گیے۔³۳۔ مارگ میں او آپت میں کَہوتے وے، ”مھارے خارُو قبر رے ماتھے راکھیوڑے پتھر نا کُݨ پاچھو کرخے؟ ⁴۴۔ کیان٘کے او پتھر گھݨو موٹو ہَتو۔ پݨ جَݙے اُوئاں جا ݙِٹھو، تو او پتھر پاچھو تھیوڑوہَتو۔ ‏⁵۵۔جَݙے او غار رے مھناں گیے، تو ہیکے جوان نا اوتھ ݙِٹھو جکے چمکدار گابھا پہریوڑا خاجڑی پاخے ٻیٹھو ہَتو۔ او اُوئے نا جو رے گھݨے حیران ہو وو۔ ⁶۶۔ اُوئے اُوئاں نا کَہیو، ”تھاں حیران نی ہووو۔ کی تھے یسوع ناصری نا لابھئی وے، جکے نا خُوݪی تے چڑھایو تو؟ او جیوتو ہوو رو اَن ایتھے کونی۔ جووو، ایہ او جگہا ہے جیتھے اُوئاں اُوئے نا ٻُوریو ہَتو۔ ⁷۷۔ہمے تھے جا رے پطرس اَن ٻِجے چیلاں نا خُݨاؤ کہ پربھُو یسوع تھاں خاں پہلے گلیل صُوبے ݙِخا جاخے۔ اوتھےتھے اُوئے نا جوخو، جیکراُوئے آپ تھاں نا خُݨایو ہَتو۔⁸۸۔ پَچھے او لُگائے غار خاں نِخرتے بھجتے گیے کیان٘کے او ٻِیہی ری وجہ خاں کان٘پتے وے اَن حیران ہَتے۔ اِیئے خارُو مارگ میں اُوئاں کَئیے خاں کوئی بات نی کری۔⁹۹۔ پربھُو یسوع اِتوار نا جیوتو ہووݨ خاں پَچھے خاراں خاں پہلے مریم مگدلینی نانظر ایو، جکے خاں اُوئے خات بھُون٘ت کاڈھیا ہَتا۔ ¹⁰۱۰۔مریم مگدلینی گی اَن پربھُو یسوع رے چیلاں نا خُݨایو جکو ماتم کرتا وا اَن روتا وا۔ ¹¹۱۱۔جَݙے اُوئاں خُݨیو کہ پربھُو یسوع جیوتو ہے اَن اُو مریم مگدلینی نظر ایوہے، تو وی اُوئاں اِیئے بات رو یقین نی کریو۔¹²۱۲۔ اُوئے خاں پَچھے پربھُو یسوع ٻِجے رُوپ میں ٻے چیلاں نا نظر ایوجکو دیہات ݙِخا پَگے ٻھراڹڑاجاوتا وا۔ ¹³۱۳۔اُوں پاچھا یروشلم شہر جا را ٻِجاں مِنکھاں نا خُݨایو پݨ مِنکھاں اُوئاں ری بات رو یقین نی کریو۔¹⁴۱۴۔ پَچھے پربھُو یسوع گیارے خاص چیلاں نا اُوئے گھڑی نظر ایو جَݙے او ٻیٹھا ٻاٹی کھاتا وا۔ پربھُو یسوع اُوئاں نا دڑکو ݙِنو کیان٘کے اُوئاں را دل سخت ہوا ترا اَن اُوئاں یقین نی کریو ان اُوئاں رو وی یقین کونی کریو تو، جکاں پربھُو یسوع نا بھَݪے جیوتو ہووݨ خاں پَچھے ݙِٹھو تو۔ ¹⁵۱۵۔پَچھے پربھُو یسوع اُوئاں نا کَہیو، ”تھاں خاری دُنیا میں جاؤ اَن خارے مِنکھاں میں مائیں بارے میں خُوشی ری خبر رو پرچار کرو۔ ¹⁶۱۶۔جکو یقین لے آ تے پبتسمو لیخے اُوئے نا مُگتی ملخے پݨ جکو یقین کونی لے آوے او قصُوروار ہوخے۔¹⁷۱۷۔ جکو یقین لے آخے، اُوئاں میں ایہ معجزا ہوخے۔ او مانجے ناں خاں بھُون٘ت کاڈھخے اَن نَوئے نَوئے ٻولے ٻولخے۔ ¹⁸۱۸۔جے او ناگ نا اُکھݨخے یا کوئی زہر آݪی چیز پِیخے، تو اُوئاں نا کئیں بھی کونی ہووے۔ او بِیماراں ماتھے ہاتھ راکھخے، تو بِیمار بھَلاں ہو جاخے را۔¹⁹۱۹۔ جَݙے پربھُو یسوع اُوئاں خاں باتاں کر چکو، تو او اَکاش ماتھے کھݨیج گیو اَن اِیشوَر رے خاجڑی پاخے عزت اَن اختیار خاں ٻٹھو۔ ²⁰۲۰۔اِیئے خاں پَچھے چیلا ہر جگہا جا را پرچار کرݨ لاگا۔ پرمیشوَر اُوئاں بھیݪو ہر کام میں اُوئاں ری مدد کرتو رہیو اَن اُوئاں رے ہاتھ خاں معجزا بتا را ثابت کرتو رہیو کہ اُوئے رے کَہیوڑے باتاں خَچے ہے۔

¹۱۔کیانکے گھڹا رِی اے کوشش ہوتی کہ ایاں باتاں نا ترتیب خاں لکھیو جاوے۔ ²۲۔ ایہ باتاں ماں نا اُوئاں مِنکھاں خُݨائے جکاں آپ شرُوع خاں اُوئاں نا آپرے آن٘کھیاں خاں ݙِٹھو اَن پربھُو یسوع رو پرچار کرݨ آݪا بݨ گیا۔ ³۳۔میں وی بھَلی طرح اِیئاں باتاں ری پُوچھ گاچھ کی ہے اَن ٹھیک خَمجھیو کہ اِیئاں باتاں نا تھارے خارُو ترتیب خاں لِکھاں۔ ⁴۴۔اُوں اِیئے خارے باتاں ایے رے خارو کہے کہ تُوں یقین کرے کہ جکو باتاں تھاں خِیکھیے ہے، او خارے خَچے ہے۔⁵۵۔ یہُودیہ علاقے رے بادشاہ ہیرودیس رے ݙناں میں اِیشوَر رو ہیک پُجاری ہَتو جکو اَبِیاہ رے ٹوݪے رو ہَتو۔ اُوئے رو ناں زکریا ہَتو اَن اُوئے ری لُگائی رو ناں اِلیشِبَع ہَتو۔ ⁶۶۔ زکریا اَن اُوئے ری لُگائی، ٻِنہے اِیشوَر ری نظر میں نیک ہَتا اَن او پرمیشوَر رو ہر ہیک حُکم بھَلی طرح منتا۔ ⁷۷۔اُوئاں ری اُوݪاد کونی ہَتی کیان٘کے اِلیشِبَع را ٻاݪ کونی ہووتا ہَتا اَن او ٻِنہے بُوڈھا ہَتا۔⁸۸۔ہیک واری اِیشوَر رے پُجاری زکریا رے ٹوݪے ری باری آئی کہ او خارا اِیشوَر رے گھر میں شیوا کرے۔ ⁹۹۔جاں اِیشوَر رے پُجاریاں ری رِیت ہَتی اُوئاں پُکھا گھاتیا کہ کُݨ اِیشوَر رے گھر رے میں نا جا رو خوشبو لگاوے۔ تو اُوئے ݙن پُکھو زکریا رے ناں رو نِخریو۔ ¹⁰۱۰۔جَݙے اِیشوَر رو پُجاری زکریا خوشبوکرتو وو، تو خارا مِنکھ ٻاہر بھگتی کرتا وا۔¹¹۱۱۔اُوئے گھڑی پرمیشوَر رو ہیک فرشتو ݙِخیجو جکو خوشبو کرݨ ری جگہا رے خاجڑی پاخے اَبھو تو۔ ¹²۱۲۔فرشتے نا جو رو زکریا گھݨو گھٻرایو اَن ٻِیہݨ لاگو۔ ¹³۱۳۔پݨ فرشتے اُوئے نا کَہیو، ”زکریا، تُوں نی ٻِیہی، کیان٘کے اِیشوَر تھاری دُعا خُݨ لِنی ری اَن تاجی لُگائی اِلیشِبَع نا ݙِیکرو ہوخے، جکے رو ناں تُوں یُوحنا راکھے۔¹⁴۱۴۔ اُوئے رے جَنم تے تُوں آپ گھݨو راضی ہوئیخ اَن گھݨا مِنکھ خُوشی کرخے۔ ¹⁵۱۵۔ کیان٘کے او پرمیشوَر ری نِگاہ میں گھݨو عزت آݪو ہوخے۔ او نی چھَڑو شراب خاں بلکہ ان٘گُوراں رے رَس خاں وی اݪگو رہخے اَن ماں رے پیٹ خاں اِی پویتر آتما خاں بھریوڑو ہوخے۔¹⁶۱۶۔ او گھݨے اِسرائیلیاں نا اُوئاں رے اِیشوَر ݙِخا پاچھو لے آخے۔ ¹⁷۱۷۔او ایلیاہ آݪِیکار پُورے مَن اَن طاقت خاں پرچار کرخے اَن پربھُو رے آوݨ رے خارُو مِنکھاں نا تیار کرخے۔ او ماں ٻاپ رے مَن میں اُوݪاد رے خارُو بھَݪے پریم بھَرخے اَن نی منَݨ آݪاں نا نیک مِنکھاں نا خِدھے مارگ تے لے آے۔ اِیئاں او پربھُو رے خارُو اُمت تیار کرخے۔¹⁸۱۸۔ پَچھے زکریا فرشتے نا کَہیو، ”ہُوں تائی اِیئے بات رو کیکراعتبار کراں کہ اِیئاں ضرُور ہوخے کیان٘کے ہُوں تو بُوڈھیو ہاں اَن مانجی لُگائی وی بُوڈھکی ہے؟ ¹⁹۱۹۔اِیئے بات تے فرشتے اُوئے نا کَہیو، ”ہُوں جبرائیل ہاں جکو اِیشوَر رے درٻار میں اَبھو رئیں۔ اِیشوَر آپ من ناں ٻھر کریو ہے کہ ہُوں تھناں ایہ خُوشی ری خبر خُݨاواں۔ ²⁰۲۰۔پݨ تھیں مائی بات تے اعتبار کونی کریو جکوکہ آپرے وقت تے پُورو ہوخے۔ اِیئے خارُو ایہ باتاں پُورے ہووݨ تک تُوں گُون٘گو رئیخ اَن ٻول کونی خَگے۔²¹۲۱۔ اِیشوَر رے گھر رے ٻاہر مِنکھ زکریا رو مارگ جوتا وا اَن حیران ہَتا کہ زکریا مئیں نا اِتری دیر کِیاں لَگائی ہے۔ ²²۲۲۔پݨ جَݙے زکریا ٻاہر آیو، تو او اُوئاں خاں ٻول نی خَگیو کیان٘کے او گُون٘گو ہو تو پݨ ہاتھاں خاں اشارا کرتو رہیو۔ اِیئے خاں مِنکھاں نا ٹھاء لاگی کہ اُوئے نا اِیشوَر ری طرف خاں درشن ݙِٹھو ہے۔ ²³۲۳۔جَݙے زکریا ری شیوا کرݨ ری باری پُوری ہوئی، تو او پاچھو آپرے گھرے گیو۔²⁴۲۴۔ کئیں ݙناں خاں پَچھے زکریا ری لُگائی اُمیدواری خاں ہوئی اَن او پان٘چھ مہیݨاں تک گھر خاں ٻاہر کونی نِخری۔ ²⁵۲۵۔ اُوئے کَہیو، ”اِیئاں ݙناں میں پرمیشوَر میں ماتھے گھݨی دَیا کی ہے۔ اُوئے مِنکھاں خاں مانجی جند چھُڑائی ری۔²⁶۲۶۔ اِلیشِبَع نا اُمید ہووݨ خاں پَچھے چھیویں مہیݨے میں اِیشوَر جبرائیل فرشتے نا گلیل صُوبے رے ناصرت ناں رے شہر ݙِخا میلیو۔ ²⁷۲۷۔اَن ہیک کُن٘واری چھوکری ݙیخاں گیو۔ او یُوسف ناں رے ہیکے مِنکھ خاں من٘گایوڑی ہَتی، جکو داؤد بادشاہ ری پیڑھی خاں ہَتو۔ اُوئے کُن٘واری رو ناں مریم ہَتو۔ ²⁸۲۸۔جبرائیل فرشتے مریم کَڈھے آ رو اُوئے نا کَہیو، ”سلام، تھناں یشور ری بَدھائی ہووے کیان٘کے پرمیشوَر تیں بھیݪو ہے۔ ²⁹۲۹۔مریم فرشتے رے اِیئے خَنݙیخے خاں گھݨی حیران ہوئی اَن خوچݨ لاگی، ”اِیئے بَدھائی رو کی مطلب ہے؟³⁰۳۰۔فرشتے اُوئے نا کَہیو، ”مریم، تُوں نی ٻِیہی کیان٘کے اِیشوَر تیں ماتھے کِرپا کی ہے۔ ³¹۳۱۔  تُوں اُمیدواری خاں ہوئیخ اَن تاجو ݙِیکرو ہوخے۔ تُوں اُوئے رو ناں یسوع راکھے۔ ³²۳۲۔او گھݨو عزت آݪو ہوخے۔ او پرمیشوَر رو ݙِیکرو کہلاخے اَن اِیشوَر اُوئے رے ݙاݙے داؤد رو تخت اُوئے نا ݙیخے۔ ³³۳۳۔او یعقُوب رے پیڑھی تے ہمیشہ بادشاہی کرخے اَن اُوئے ری بادشاہی کَݙے وی ختم کونی ہووے۔³⁴۳۴۔ مریم فرشتے نا کَہیو، ”ہُوں تو کُن٘واری ہاں پَچھے اِیئاں کیکر ہو خگئی؟ ³⁵۳۵۔پَچھے فرشتے بَݪتی ݙِنی، ”پویتر آتما تیں ماتھے اُترخے اَن اِیشوَر ری قُدرت تیں بھیݪی ہوخے۔ اِیئے خارُو او ٻاݪ پویتر ہوخے اَن اِیشوَر رو ݙِیکرو کہلاخے۔³⁶۳۶۔ جو، تاجی رشتے دار اِلیشِبَع نا بُوڈھاپے میں وی ݙِیکرو ہووݨ آݪو ہے اَن ہمے او جکو بے اُوݪاد ہوتی اُوئے نا چھیووں مہیݨو ہے۔ ³⁷۳۷۔ کیان٘کے کوئی ایَہڑی بات کونی جکو اِیشوَر ری قُدرت خاں ٻاہر ہووے۔ ³⁸۳۸۔پچھے مریم کَہیو، ”ہُوں پرمیشوَر ری بندی ہاں اَن اِیئان٘ج ہووے جاں تیں کَہیو ہے۔“ پَچھے فرشتو اوتھ خاں بُوہو گیو۔³⁹۳۹۔ کئیں ݙناں خاں پَچھے مریم خَن٘بھ ری بیگی بیگی یہُوداہ مُلکھ میں پہاڑی علاقے رے اُوئے شہر ݙِخا گی، ⁴⁰۴۰۔جیتھ اِیشوَر رو پُجاری زکریا رہتو۔ مریم اُوئے رے گھرے گی اَن اُوئے ری لُگائی اِلیشِبَع نا سلام کریو۔ ⁴¹۴۱۔جَݙے اِلیشِبَع مریم رو سلام خُݨیو، تو اِیئاں ہووہ کہ اُوئے رو ٻاݪ پیٹ میں چُݪکݨ لاگو۔ اِلیشِبَع پویتر آتما خاں بھریج گی۔⁴²۴۲۔ ان اُون٘چی اَواز خاں کَہوݨ لاگی، ”تُوں لُگائیاں میں برکت آݪی ہے اَن تاجو ٻاݪ وی برکت آݪو ہے۔ ⁴³۴۳۔میں تے کرپا اِتری کہ مھارے پربھُو ری ماں مائیں گھرے آئی ہے؟ ⁴⁴۴۴۔جَݙے میں تاجو سلام خُݨیو، تو ٻاݪ خُوشی خاں مانجے پیٹ میں چُݪکݨ لاگو۔ ⁴⁵۴۵۔ تُوں مبارک ہے کہ تیں وشواس راکھیو کہ جکو خَنݙیخو پرمیشوَر تیں کَڈھیا میلیو، او پُورو ہوخے۔⁴⁶۴۶۔ پَچھے مریم کَہیو، ہُوں پُورے مَن خاں پرمیشوَر ری بَݙائی کرئیں ⁴⁷۴۷۔اَن مانجی آتما مائیں مُگتی داتا خاں راضی ہے۔⁴⁸۴۸۔ہُوں تو چھَڑی اُوئے ری خسیس بندی ہاں پݨ پَچھے وی اُوئے مانجو خیال کریو ہے۔ آج خاں لے تے ہر زمانے را مِنکھ مھناں برکت آݪی کَہخے۔ ⁴⁹۴۹۔کیان٘کے اُوئے قُدرت آݪے اِیشوَر مھارے خارُو موٹا موٹا کام کریا ہے اَن اُوئے رو ناں پویتر ہے۔⁵⁰۵۰۔ اُوئے ری برکت پیڑھی خاں پیڑھی اُوئاں ماتھے ہے جکو اُوئے ری عزت کرئی۔ ⁵¹۵۱۔اُوئے آپری طاقت بتائی ہے اَن جکو آپرے آپ نا موٹا خَمجھتا اُوئاں نا اُوئے نیارا نیارا کریا ہے۔⁵²۵۲۔ اِیشوَر بادشاہواں نا اُوئاں رے تخت خاں ناکھیا ہے اَن اُوئے غریباں ری عزت بَدھای ہے۔ ⁵³۵۳۔اُوئے بُوکھاں نا بھَلے چیزاں خاں دھپایا ہے پݨ اَمِیراں نا خالی ہاتھ پاچھا میلیا ہے۔⁵⁴۵۴۔ اِیشوَر آپرے دَیا رے وعدے نا پُورو کریو ان آپری شیوا کرݨ آݪی اِسرائیلی قوم ری مدد کی ہے۔ ⁵⁵۵۵۔ایشوَر ایہ وعدو مھان٘رے ٻاپ ݙاݙے خاں کریو تو کہ او اَبرہام اَن اُوئے ری پیڑھی تے ہمیشہ تک دَیا کرتو رہخے۔⁵⁶۵۶۔ مریم اِلیشِبَع بھیݪی تِین مہیݨا رہئی اَن پَچھے آپرے گھرے پاچھی بُوہی گی۔ ⁵⁷۵۷۔اِلیشِبَع رے ٻاݪ ہووݨ ری بیݪا آئی اَن اُوئے نا ہیک ݙِیکرو ہوو۔ ⁵⁸۵۸۔جَݙے پاڑے آݪاں اَن رشتے داراں نا ایہ خیٻر لاگی کہ پرمیشوَر اُوئے تے دَیا کی ہے، تو او وی اُوئے بھیݪا ہو را خُوشی کرݨ لاگا۔⁵⁹۵۹۔ آٹھویں ݙن مِنکھ ٻاݪ رے ختنے تے آیا اَن او ٻاݪ رو ناں اُوئے رے ٻاپ زکریا رے ناں تے راکھݨ لاگا، ⁶⁰۶۰۔ پݨ ٻاݪ ری ماں کَہیو، ”کونی، اِیئے رو ناں یُوحنا راکھخاں۔ ⁶¹۶۱۔اُوئاں کَہیو، ”تاجے گھر میں ایَہڑو ناں تو کَئے رو کونی۔⁶²۶۲۔ پَچھے اُوئاں ٻاݪ رے ٻاپ نا اشاراں خاں پُوچھیو، ”تُوں ٻاݪ رو ناں کی راکھیخ؟ ⁶³۶۳۔زکریا تختی اَݨوائی اَن اُوئے ماتھے لِکھیو، ”اِیئے رو ناں یُوحنا راکھݨو ہے۔“ اِیئے تے خارا حیران ہو وا۔⁶⁴۶۴۔ اوئے گھڑی زکریا ری زبان کھُل گی اَن او ٻولݨ لاگو اَن اِیشوَر ری بَݙائی کرݨ لاگو۔ ⁶⁵۶۵۔اَن خارا مِنکھ جکو آخے پاخے رہوتا، او گھݨا حیران ہو وا اَن یہُودیہ رے اُوئے خارے پہاڑی علاقے میں ایہ بات مشہور ہو گی۔ ⁶⁶۶۶۔جکاں خُݨیو او خوچ میں پَڑ گیا اَن کَہوݨ لاگا، ”ایہ ٻاݪ کیَہڑو ہوخے؟“ کیان٘کے پرمیشوَر رو ہاتھ اُوئے ماتھے ہَتو۔⁶⁷۶۷۔ یوحنا رو ٻاپ زکریا پویتر آتما خاں بھریج رو اِیشوَر رو ایہ خَنݙیخو ݙیوݨ لاگو ⁶⁸۶۸۔پرمیشوَر ری بَݙائی ہووے جکو اِسرائیلیاں رو اِیشوَر ہے کیان٘کے اُوئیَج آپرے مِنکھاں رو خیال کریو ہے اَن اُوئاں نا اَزادی ݙِنی۔⁶⁹۶۹۔ اَن آپرے ٻندے داؤد ری پیڑھی مئیں خاں ماں نا مُگتی ݙیوݨ رے خارُو ہیک طاقت آݪی ہستی میلی ہے۔ ⁷⁰۷۰۔ آپرے پویتر نبیاں خاں کَہوایو۔  اِیشوَر گھݨا بَرخ پہل ⁷¹۷۱۔ہُوں تھاں نا تھان٘رے دُشمناں خاں بَچائیخ اَن جکو تھاں خاں نفرت راکھئی ہُوں تھاں نا اُوئاں رے ہاتھاں خاں چھُڑائیخ۔⁷²۷۲۔ اِیشور رو مقصد ایہ ہتوَ کہ اومانرے ٻاپ ݙاݙے ماتھے دَیا کرے۔ اَن آپرے پویتر وچن نا یاد کرے۔ ⁷³۷۳۔اِیشوَر مھان٘رے ݙاݙے اَبرہام خاں خان٘خ اکھݨ رو ایہ کَہیو ہَتو ⁷⁴۷۴۔ہُوں تھاں نا تھان٘رے دُشمناں خاں چھُڑائیخ کہ ہمے تھے بِنا کَئی ٻِیہی رے مانجی بھَگتی کرتا رہیا۔ ⁷⁵۷۵۔اَن آپری پوری زندگی نیک نیت ان خچے من خاں اوے ری خدمت کرئیخ۔⁷⁶۷۶۔ ان اَے ٻاݪ، تُو پرمیشوَر رو نبی کہلاخے کیان٘کے تُوں پربھُو رے آگے آگے اُوئے رو مارگ تیار کریخ۔ ⁷⁷۷۷۔مُگتی تو پاپاں ری معافی خاں لابھ خَگئ۔ تُوں اُوئے رے مِنکھاں نا خُݨائیخ کہ⁷⁸۷۸۔ اپݨو اِیشوَر مہربان اَن دَیا کرݨ آݪو ہے۔ او خاٻݙے رے اُجاݪے آݪِیکار آپاں ماتھے اَکاش خاں مُگتی رو اُجاݪو چمکاخے۔ ⁷⁹۷۹۔ایہ اُجاݪو اُوئاں خاراں ماتھے چمکخےجکو اَندھارے میں موت رے ماہن٘ݙے میں رہئی۔ اَن اِیشوَر خُلح رے مارگ میں آپاں نا مارگ بتاوتو رہ۔⁸⁰۸۰۔ او ٻاݪ، یُوحنا، بَدھتو گیو اَن اُوئے ری خَمجھ وی بَدھتی گی۔ او اُوئے گھڑی تک بیابان میں رہیو جِتری تک اِسرائیلیاں نا اِیشوَر رو خَنݙیخو ݙیوݨ رو وقت نی آیو۔

¹۱۔ آن اُواں ݙ ینھاں میں ائیاں ہو۔ کہ قیصر اوگوستس رے پاخے خاں فرمان جاری ہو۔ کہ خارے جگ رےمنکھاں را ناں لکھیا جاوے۔ ²۲۔اے پہلی آدم شماری ھتی جیݙے کیرینس سُریا حاکم ہتو۔ ³۳۔پئے خجا منکھ آپرے آپرے شہر خاں ناں لکھوواڹگیا۔⁴۴۔آن یوسف وی گلیل رے شہر ناصرت خاں یہودیہ میں داود رے شہر نی گیو۔ جکو بیت لحم کہلاوی۔ائیے رے کرے کہ او داود رے گھرانے خاں ہتو۔ ⁵۵۔کہ آپری منگیتر مریم رے بھیݪو جکو کہ پیٹ بھریے خاں ہتی جا تے ناں لکھواوَے۔⁶۶۔ آن اُو جݙے اُوتے ہتا اوے رے ٻاݪ ہووڹ ری وقت آیو۔ ⁷۷۔آن اوُے رُو پہلکو ݙیکرو پیدا ہوو۔اُواں اُوے نا گابھہے میں بھیڑ رو چرنی میں راکھیو۔ ائیے رے خارو کے اُوتھے اُواں رِے خاروجگھا کونی ہتی۔⁸۸۔ اُوئے علاقے میں چرواہا ہتا جکو رات رومیدان میں رہتا آن آپرے مال ری راکھواݪی کرتا ۔ ⁹۹۔اِن جووہ یشور رو ہیک فرشتواُواں رِے کوڈھی آ اَبھیجیو۔ یشوَر ری رُوشنی اُوئاں رے چارے پاخے چمکݨ لاگی اَن او گھݨا ٻِہی گیا۔¹⁰۱۰۔ تو فرشتےاوُاں نا کَہیو، ” ٻِیہو نی ہُوں تھاں نا موٹی خُوشی ری خبر خُݨاوئیں، جکے خاں خارا مِنکھ گھݨا راضی ہوخے۔ ¹¹۱۱۔ آج داؤد رے شہر بَیت لحم میں تھارے خارُو ہیک نجات ݙیوڹ آݪو پیدا ہووہ ہے، جکو مسیح ایِشور ہے۔ ¹²۱۲۔اَن ایئے بات رو تھارے خارُو ایہ نِشان ہے کہ تھے ہیکے ٻاݪ نا گھابھے میں بھٹیوڑو اِن چرنی میں پیوڑو پاخو۔¹³۱۳۔اِن اُوے گھڑی اُوے فرشتے رے بھیݪو اَکاشی فرشتاں رے ٹوݪو ری جماعت اِیشوَر ری بَݙائی کرتا اِیئاں کَہتا وا۔ ¹⁴۱۴۔اَکاش تے اِیشوَر ری بَݙائی ہو وے اَن دھرتی تے اُوئاں مِنکھاں میں خُلح ہوے جکاں خاں او رَاضی ہے۔¹⁵۱۵۔ جَݙے فرشتا اُوئے رے کوڈی خاں پاچھا اَکاش تے بُوہا گیا، تو چرواہا آپس میں کَہوݨ لاگا، ”ہالو، بَیت لحم شہر ݙِخا ہالاں اَن ایہ بات جکے ری ایشوَر ماں نا خبر ݙِنی ہے، اُوئے نا جوجے۔ ¹⁶۱۶۔پچھے اوجلدی خاں گیا مریم اَن یُوسف نا اَن ٻاݪ نا چرنی میں ݙِٹھو۔¹⁷۱۷۔ اَن جو رہ اُو بات کہی جکو او ٻاݪ رے حق میں اُواں خاں کہی۔ ¹⁸۱۸۔ان خیجا خنڹڹ آݪااوُاں باتاں تے حیران ہوا جݙے چرواہا اُواں نا کہیو۔ ¹⁹۱۹۔‎اِن مریم اِیئاں باتاں نا مَن میں راکھیے اَن اِیئاں ماتےغور کرتی رہی۔ ²⁰۲۰۔ان چرواہا ائیاں خیجے باتاں رِے خارو ایشور ری بݙائی ان حمد کرتا ہوا پاچھا گیا جیکو اوُاں خاں کہیو گیو تو اُواں اَیاں جی ݙیٹھو ان خُوݪایو۔²¹۲۱۔آن جٻڑے اُوے روختنہ کروڹ رے خاروں آٹھ ڈھن پورا ھوا تو اوُےروناں یسوع راکھیوگیو جیکو فرشتے اوُے رِے رحم میں پڑڹ خاں پہلی راکھیوھتو۔ ‎²²۲۲۔ آن جٻڑے موسی رِی شرِیعت رِے مطابق او رِےچھیلے را ڈھڹ پورا ہو گیاتو اِوے ناں یروشیلم مھیں لے آیا۔ایے رِے کرے کہ اُوےناں ایشور رِے آگیاں حاضر کرے۔ ²³۲۳۔جیکر کے ایِشور رِی شرِیعت میں لکھِو ڑو ھے۔کہ ہر ھیک موبھی ڈیکروایِشور رِے خارُوں مخصُوص کرے۔ ²⁴۲۴۔اِن چڑاوہ لایئں یعنی کہ قمریوں رو ھیک جوڑویا کبوتر را ٻہہ ٻچا۔جیکر اِیشور رِی شرِیعت مھیں لکِھیو ڑھے۔²⁵۲۵۔ آن جووہ یروشلم مھیں شعُمِون ناں رُو ھیک منکھ ہتو۔آن اُو راستباز آن دَیندار آن اِسراِیئل رِی تغلی رِی آخسں ہتی آن پوترآتماں اُوے تے ھتی۔ ²⁶۲۶۔اُوے ناں پوتر آتماں خاں آگاہی ہوئی تی۔کہ جیتی تک توں ایِشور رِے ڈیکرےناں جوہ نہیں لےتو موت ناں کونی جووہ۔²⁷۲۷۔ پوتر آتماں رِی ہدایت خاں ہیکل مھیں آیو جیکے بھیݪا ماں ٻاپ او ٻاݪ یسوع ناں اندر لے آیا۔اِے رِے کرے کہ اُو رے خاروں شرِعی قانون ادا کریں۔ ²⁸۲۸۔تو اِوے ناں گود مھیں نی لیوآن ایِشور رِی حمد کرتے کہیو۔ ²⁹۲۹۔اِے مالک توں آپرے قُول رِےمطابق ہڹا آپرے بندےناں اِمن خا بہیر کر۔³⁰۳۰۔ ایے رِے کرے کہ مانجی آنکھیاں تاجی نجات جووہ لینہی ھے۔ ³¹۳۱۔جیکوتیاں خاری اُمتوں رِے رُوبرو تیار کری ھے۔ ³²۳۲۔غیر قوماں رِے خاروں موٹو نور آن آپری اُمت اِسرائِیل رُو جلال۔³³۳۳۔آن اُوے رو ٻاپ آن اُوے رِی ماں ائیاں باتاں تے خوچھتیی رہی۔جیکو اُو رِے حق مھیں کہیاں جاوتھیں۔ ³⁴۳۴۔ آن شُعمون اُوئیاں رِے خاروں برکت چاہئی آن اُوے رِی ماں مریم خاں کہیو۔جوہ اِے اِسراِئیل مھیں گھیڹا رے کھدڹ آن اُوٹھڹرِے کرے آن ایٹرو نخِان ھووڹ رِے خاروں مقرر کییو گیو ھے۔جیکے رِے خلاف کہیو جا وِے۔ ³⁵۳۵۔آن تھاجی آپری جان رِے اندر خاں تلوار گزار ری جاوے۔ایےرِے کرِے کہ گھڹا رِے دِل را خیال کھُل جاوَے۔³⁶۳۶۔ آن آشیر رِے قبیلے مھیں خاں خنہ قنُوایل رِی ڈیکری ھیک نبیہ ھتی۔اُو گھڹی موٹی عمر رِی ھتی۔آنااُو آپرے کنوارپن خاں پاچھے خات برس تک آپرے ݙنٹی بھیݪی رہی۔ ³⁷۳۷۔ائیڹا اور راڹݙ میر چوراسی برس رِی ہتی آن ہیکل خاں جدُا کونی ہو ئی تھی پڹ اُو رُوزاں آن نمازاں رِے بھیݪو رات ڈھڹ بھگتی کرتی رہتی ھتی۔ ³⁸۳۸۔آن اُوے وِی اُوے گھِڑی اِیشور رِی حمد کری۔آن اُو رِے بارے میں ائیاں خیجا خاں باتاں کییاں جیکو یرُوشلِیم رِی نجات رُو آس وادھتا۔³⁹۳۹۔ آن جٻڈِے اِو اِیشور رِی شرِیعت رِے مطُابق خیجو کچھ کر چکایا تو گلِیل مھیں آپرے شہر ناصرِت ناں پاچھا آیا۔ ⁴⁰۴۰۔آن اُو ٻاݪ بد ھتو گیو آن مضبوط ہو تو گیو آن حکمت خاں بھرپوُر ھتو آن اِیشور رِی کرپا اوُے تے ھتی۔⁴¹۴۱۔ آن اُوے را ماں ٻاپ ہر خال عیِد فصح تے یرِوشلیِم نی جاتا کرتا ھتا۔ ⁴²۴۲۔آن جٻڈِے اُو ٻارے برس رو ہوگیو تو اُو عید رِے دِستُور رِے مطابق یروشِلیم نی گیا۔ ⁴³۴۳۔آن جٻڈِے اوُاں ڈھڹاں ناں پورُو کر رُو پاچھاآیا تواو چھُوکرو یسوع یرِوشلِیم مھیں رھے گیو۔پڹاو رِے ماں ٻاپ ناں کھٻر کونی ھتی۔ ⁴⁴۴۴۔پڹ اوُ اِے خمجھ گیو کہ اُو قافلہ مھیں ھے۔ھیک منزل نکِل گیا آن اوُے آپرے رِشتہ دَارں آن جان پہیچان آ ݪا مھیں جووڹ لاگاں۔⁴⁵۴۵۔ آن نی لا بھ رہو اُوے رِی تلِاش میں یرِوشلیِم ناں پاچھا گیا۔ ⁴⁶۴۶۔آن اُواں تین ڈھڹ خاں بعد اُوے ناں ہِیکل مھیں اسُتادِاں رِے بچھ مھیں ٻٹھو اُواں رِی خڹ تو آن خوال کرتو پایو ۔ ⁴⁷۴۷۔آن جتیرا اُوے رِی خمچھ اُوے رِے جواباں خاں حیران ھتا۔⁴⁸۴۸۔ آن اُو اُوناں جوہ را حیران ھواہ۔آن اُوے رِی ماں اُوے خاں کہیو ڈیکرا تیں مھاں خاں ائیاں کیا کیو؟جوہ تا جو ٻاپ آن ھوں رُواتا ہوا تاناں لابھتاں واہ۔ ⁴⁹۴۹۔اُوے اُواں نا کہیو کہ تھائیں مھناں کیا لابھتا واہ کی تھا ناں اِےخیال کونی ھتوکہ او ضرور آپرے ٻاپ رِے گھر میں ھو خئے۔ ⁵⁰۵۰۔پڹجیکو بات اُوے اُواں نا کہیی اُو اُواں کونی خمجھی۔⁵¹۵۱۔ پاچھے اُو رُوانہ ھو اِن ناصرت میں آیا آن اُواں رِے تابع رہیو آن اُوے رِی ماں اِے خیجاں باتاں آپرے من میں رکھخیاں۔ ⁵²۵۲۔آن یسوع حکمت اِن قدوقامت میں آن اِیشور آن منکھاں رِی مقبولیت میں ترقی کرتو گیو۔

¹۱۔ تبِریُس قَیصِر رِی حُکومت رے پندرھویں برخ خاں جݙے پُنِطسُ پیِلاطُس یہُودا رو ملک ہو تو آن ہیروِدیس گِلیل رو حاکم ہتو۔ آن اُوے رو بھائی فلپُس توریہ آن ترخونیِس رِے علاقے رو حاکم ہتو۔آن لِسانیاں اَبلِینے رو حاکم ہتو۔ ²۲۔کاہن اِعظم حناہ آن کائفِا رِے وقت ایِشور رو پوتر شِاستر خُنُخاں میں زکرَیا رِے ݙیکرے یوحنا تے نازل ہوو۔³۳۔ آن او اِردن رِے چِود ھاری جا تے گناہواں ری معافی رِے خاروں توبہ رِے بپتسمہ رو پرچار کرڹ لاگو۔⁴۴۔ جیکڹ یِسعَیاہ خنت رِی کتاب میں لکھیوڑو ہے۔ ٻوݪن آݪے رِی آواز خُنخُاں میں اِیشور رو مارگ تیار کرو۔ آوے رو مارگ خیدھو بڹاو۔⁵۵۔ ہر ایک گھٹی بھر ݙینہی جاوے آن ہر ایک پہاڑ تے ٹیلہ ہیٹھا کریا جاوے۔ جکو آنٹو ہے او خِدھو ہوو آن جکو مارگ ٹھیک کونی او کریو جاخے۔ ⁶۶۔آن ہر منکھ اِیشور رِی مُگتی جوخے۔⁷۷۔پڹ او منکھ اُوے خاں بپتِسمہ لیوڹ نخر آتا۔آن او اُواں نا کہتو اِے لنُڈ رِی اُولاد تھا ناں کہ کہیو کہ آوڹ آݪے ݙکھ خاں بِھجُو۔⁸۸۔ پڹ تَوبہ رِے مُطابق پھݪ لاو آن اِے کہوڹ رِی ہمت نی کرو کہ ابَراہم مھارو ٻَا پ ہے۔ کیاں کہ ہوں تھاں خاں کہیں پیو کہ اِیشور ابرَاہم رِے خاروں ایے پتھراں خاں اوُلاد پیدا کر خگئی۔⁹۹۔ ہمیں تو بڹ اں رِی جڑتے کوہاڑی راکھا پڹ جوکو بڹ پھل کونی لاتو اُو نا باڈہو رو باخڈھے میں ناخیو جاخے۔¹⁰۱۰۔ منکھاں اُوے خاں پوچھ تے کہیوپِچھے مھیں کی کر جے؟ ¹¹۱۱۔اُوے جواَب میں اُواں خاں کہیوکہ جکے کو ڈھیا ٻے چوݪہ ہوئے اُو اوُے ناں ݙے جکے کُوڈھیا کونی اُو جکے کُوڈھیا کھِاون رِی چیز ہوئے اُوبھی اِیاں کرے۔¹²۱۲۔ آن چُونگی آݪہ وِی بپتسمہ لݪ آیا آن اُواں کہیو کہ گرُو مھیں کی کرجے۔ ¹³۱۳۔اُوے اوُاں خاں کہیو۔جکو تھا رِے خاروں مقرر ہے اُوے خاں گھنڑو نی لو۔¹⁴۱۴۔ آن خیُپایاں وی اُوے خاں پوچھیو کہ مھیں کی کر جے۔ اُوے اُواں نا کہیو کہ نی کہیں تے کاہر نی کہیں خاں ناحق کرو۔آن آپری تنُخواہ تے گزارو کرو۔¹⁵۱۵۔ آن جݙے لوُکاں ناں موٹی اُمید ہون لاگی آن خارا آپ رِے دل میں یوُحنا رِے بارے میں خُوچن لاگا کہ شایِد اِے ہی مِسیح ہے۔ ¹⁶۱۶۔تو یوُحنا جواب میں اوُاں خاں کہیو کہ ہوں تھانا پاڹی خاں بیِتسمہ ݙہی پڹ میں خاں وِی ایک طاقت آݪو ہے۔ جکے رِی جوتی رِی ہوں تخُمو کُھولڹ رِے بھی لایق کونی۔او تھاناں پوتر آتما خاں بیتِسمہ ݙخے۔¹⁷۱۷۔ اُوے رو چھاجڑو اِوے رِے ہاتھ میں ہے۔آن او آپ رِی زمین ناں بھَلی تر خان آچھو کرے آن کڹ ک آپ رِی زمین میں بھیݪی کر خے آن بھوخے نہ اُوے ٻاخݙے میں خاڑخے جکو ٻجتھی کونی۔¹⁸۱۸۔ آن اُوخمبھاوڹ رِے گھڑ ے باتاں کرتے منکھاں ناں خوشی کی خٻرݙ تو رہو۔ ¹⁹۱۹۔پِچھے ہیِرودیس ریئس رُبح آپ رِے بھائی رِی لوگائی ہُیرویاس رِی وجہ خاں آن خا رِے برائیاں رِی وجہ خاں جو ہیُرودیس گریے تے یُوحنا خاں ملامِت کریی۔ ²⁰۲۰۔خارا خاں گھڑو اِے بھی کہ اُوے یُوحنا نہ ڈھکوایو گیو۔²¹۲۱۔ آن جݙے خارامنِکھ بپتسِمہ لیتاتھا آن یِسوع وی بیتِسمہ لے رو دعا کرتوپیو تو آسمان کھُل گیو۔ ²²۲۲۔آن پُوتر آتما جسمانی خَیکل میں کبُوتر آݪی کر اُوے تے یو۔آن آسمان خاں آواز آئی۔کہ تو مانجو پیارو ݙیکرو ہے تے ہوں تے خاں رَاضی ہاں۔²³۲۳۔ آن جݙے یِسوع خود کلام کرڹ لاگو تو اولِگ بھَگ تیِس برخ رو ہو تو آن مِنکھ رو ݙیکرو یوُسف رو ڈیکر وعیلی۔ ²⁴۲۴۔ݙیکرو متَستات رو لاوی ݙیکرو ملکی رو ینا ݙیکرو یُوسُف رو۔²⁵۲۵۔ متت یاہ ݙیکرو عامُوس رو عامُوس ݙیکرو نُحوم رو نُحوم ݙیکرو اسلیاہَ رو اسلیاہَ ݙیکرو نوگہ۔ ²⁶۲۶۔نوگہ ݙیکرو ماعَت رو ماعَت ݙیکرو مِتتَ رو مِتتَ ݙیکرو شِمعی رو شِمعی ݙیکرو یوسنح رو یوسنح ݙیکرو یودُاہ رو۔²⁷۲۷۔ یودُاہ ݙیکرو یوُحنا رو یوُحنا ݙیکرو ریِسا رو ریِسا ݙیکرو زرُبابِل رو زرُبابِل ݙیکرو شالتی ایل رو شالتی ایل ݙیکرو نیَری رو۔ ²⁸۲۸۔نیرَی ݙیکرو ملکی رو ملکی ݙیکرو اَدی رو َادی ݙیکرو قوسُام رو قوسُام ݙیکرو اِلمودَام رو اِلمودَام ݙیکرو عیر رو۔ ²⁹۲۹۔عیر ݙیکرو یشُوع وو یشُوع ݙیکرو الِیعز رو الیِعز ݙیکرو یِوراِم رو یِوراِم ݙیکرو مُتات رو مُتات ݙیکرو لاوی رو۔³⁰۳۰۔ لاوی ݙیکرو شُمعون رو شمُعون ݙیکرو یہُوداہ رو یُہوداہ رو ݙیکرو یُوسِف رو یُوسِف ݙیکرو یونان رو یونان ݙیکرو الیاقِیم رو۔ ³¹۳۱۔الیاقِیم ݙیکرو ملےآہ رو ملےآہ ݙیکرو مِناہ رو مِناہ ݙیکرو متُتا رو متُتا ݙیکرو ناتن رو ناتن ݙیکرو داوُد رو۔ ³²۳۲۔داوُد ݙیکرو یسِی رو یِسی ݙیکرو عوبید رو عوبید ݙیکرو بوغر روبوغر ݙیکرو سلُمون رو سلُمون ݙیکرو نحسون رو۔³³۳۳۔نحسون ݙیکرو عمَینداب رو عمیَنداب ݙیکرو ارِنی رو ارِنی ݙیکرو حصرون رو حصرون ݙیکرو فارص رو فارص ݙیکرو یہُوداہ رو۔ ³⁴۳۴۔ یہُوداہ رو ݙیکرو یعُقوب رو یعُقوب ݙیکرو اسحاق رو اصِحاق ݙیکرو ابرِاہم رو ابِراہم ݙیکرو تارہ رو تارہ ݙیکرو ناحُور رو۔ ³⁵۳۵۔ناحوُر ݙیکرو سرُوج رو سُروج ݙیکرو رعُو رو رعُو ݙیکرو فلج رو فلج ݙیکرو عبِر رو عبِر ݙیکرو سلح رو۔³⁶۳۶۔ سلح ݙیکرو قینان رو قینان ݙیکرو اَرفکسد رو اَرفکسد ݙیکرو سِم رو سِم ݙیکرو نُوح رو نُوح ݙیکرو لَمک رو۔ ³⁷۳۷۔لَمک ݙیکرو مُتوسِلح رو مُتوسِلح ݙیکرو حَنوُک رو حِنوُک ݙیکرو یارِد رو یارِد ݙیکرو مَہلل ایل رو مہَلل ایل ݙیکرو قِینان رو۔ ³⁸۳۸۔قیِنان ݙیکرو انوش رو انوش ݙیکرو سیت رو سیت ݙیکرو آدِم رو آن آدِم ݙیکرو ایِشور رو۔

¹۱۔ آن یِسوع پویتر آتماں خاں بھرپُور ہو آن اُردن خاں پاچھو آیو آن پویتر آتماں رِی ہدایت خاں جھِنک میں گیو۔ ²۲۔چالیخ ݙن تک او خیِطان خاں آزمایو جاوے آن اُوے ݙناں میں اُوے کڹ ی کونی کھادھو آن جݙھےݙھی پورا ہوا تو اُوے ناں بُوکھ لاگی۔³۳۔جݙھے خیطان اُوے ناں کہیو کے جے تو ایِشور رو ݙیکِرو ہے تو ائے پتھر ناں کہہ کے ٻاٹی بڹ جاوے۔ ⁴۴۔ یِسوع اُوے ناں جواب ݙینو کے لیکھیوڑو ہے کے منِکھ صرف ٻاٹی خاں ہی کونی آن ایشِور رے ہر بات خاں جیتا ریخے۔⁵۵۔ آن خیطان اُوے ناں اُونچے پہاڑ تے لے جاتے جگت رِی خاری راجائے پل بھر میں بتائے۔ ⁶۶۔آن خیطان اُوے خاں کہیو کے میں اِے خارو اختیار آن اُوے رِی خاری شان و شُوکت تناں ݙینح کیاں کے اِے مہارے حوالے کی ہے آن جکے ناں چاہاوی ݙای۔ ⁷۷۔جے توں منجے آگے سجدا کرئے تو ہوں اِیے خب کچھ تناں ݙئیخ۔⁸۸۔ یسِوع جواب میں اُوے ناں کیہو لکُھت ہے کہ تو ایِشور آپ رِے ایِشور رِی پندگی کر ان صرف اُوے رِی بھگَتی کر۔⁹۹۔بݪے او اُوے ناں یروشِیلم میں لے گیو آن ہِیکل رِے کنگرے تے او بھانیو آن اوُے ناں کہیو جے تو ں ایِشور رو ݙیکرو ہے تو آپ رِے آپ ناں نیچا ناکھ۔ ¹⁰۱۰۔کیاں کے لکھیو ہے کے اُوے آپ رِے دوتاں ناں تھارے خارو حَکم ݙینو کے تھاری رکَھی کرے۔ ¹¹۱۱۔ان کے او تناں ہاتھاں تے کھڹ لیخے ایاں نی ہووے کے تھارے پگاں ناں پتھر خاں دِھک لاگے۔¹²۱۲۔ اِن یِسوع بݪتی میں اوُاں ناں کہیو کے کہیو گیو ہے کے تو ایشِور آپ رِے ایِشور رو آزموتو نی کر۔ ¹³۱۳۔اِن خیطان جݙے طرح طرح را آزموتو کر لیا تو کئی گھڑی تک اوُے خاں تیار کرتا رہیا۔¹⁴۱۴۔ اِن یِسوع پوتر آتما رے زور خاں گلیل ݙخا ٻݪ آیو بان آخے پاخے رِے علَاقے میں اُوے رِی مَخوری ہوئی۔ ¹⁵۱۵۔ان او اُواں رِے بھگتی گھراں میں سبدھ ݙیتو رہیو ان خارا اوُے رِی بݙائی کرتا رہیا۔¹⁶۱۶۔ بݪے او ناصرت میں آیو جتھے اوُے پݪیو موٹو ہویو اِن آپ رِی ریت رِے مَطابق بھگتی رِے ݙن بھگتی گھر میں گیو ان پڑھڹ رہیو۔ ¹⁷۱۷۔او یِسعِیاخنت رِی طومار ݙینو گیو ان جݙے اُوے طومار کھُو لیو تو جگر لکُھت ہِتی۔¹⁸۱۸۔ ایِشور رِی آتما میں متھے ہے ائیے خارو اُوے مناں چوگیو کے مسَکیناں ناں خوشُخبری ݙھاں اوُے مناں ائیے خارو باہر کیو ہے کہ قیداں ناں چھوڑاں اِن اندھاں ناں دید ان لتاڑیو راں ناں رہاآی ݙاں۔ ¹⁹۱۹۔ان ایِشور رِے خاݪ بھݪی پرچار کراں۔²⁰۲۰۔ اِن او طومار ٻݪہٹ بھگِت نا پاچھو ݙے ان ٻیخ گیو اِن جو بھگتی گھر میں ہتا او اوُاں خاراں آنکھیں اوُے تے لاگوڑے ہتے۔ ²¹۲۱۔جݙے او اوُاں نا کہیوڹلاگو کے آج اِے پیُشن گوئی تھارے کاناں میں پوگیو۔ ²²۲۲۔اِن خاراں اوُے رِی گواہی ݙھنی ان ݙایا کی ان اوُے باتاں تے جکو او رِے مہانݙے خاں نکلی ہتی حیران ہوا ان کہوڹ لاگا کی اے یوَسف رو ݙیکرو کونی۔²³۲۳۔ اوے اوُاں ناں کہیو کے توں بے شک اِے مخال میں ماتھے کہیخ کے طبیب تو آپ ناں تو ٹھیک کر جکو کوئی ماھاں خڹیو ہے کہ تیں کفرنحُوم میں کیو ایے مولک میں وی کر۔ ²⁴۲۴۔آن اوُے کہیو ہوں تھایاں خاں خچ کہیں کے کو ئی خنت آپ رِے ھولکھ میں عزت کوئی ٻاوتو۔²⁵۲۵۔ پڹ ہوں تھا خاں خچ کہیں کے جݙھے ایلیاہ رِے ݙڹ اں میں تین برخ چھے مہیزاں تک آکاش بند رہیو ایتی تک کے تمام مولک میں سخت کال پڑیو گھڹ ی سارے را ڹ روڑاں اسِرائیل میں ہِتی۔ ²⁶۲۶۔جݙھے ایلَیاہ سوائے صیرون رِے صارفت رِی ھیک راڹ ٻروڑ رِے آن اوُے میں خاں کنئی کݙھے کونی باہیر کیو۔ ²⁷۲۷۔آن ایِسع خنت ری گھڑی اِسرایئل میں گھڹ راں خارا کوڑی ہتا پڹ اونواں میں خاں کوئی ناں خاجا خورا کونی کیا گیا سوائے نعمان سریانی رِے۔²⁸۲۸۔ آن جترا بھگتی گھر میں ہتا خارا او نواں باتاں ناں خوڹ تے ہی رینح خاں بھر گیا۔ ²⁹۲۹۔آن اٹھی تے اوُے شہر خاں ٻاہر کاݙیا آن اوُے ناں اوُے ٹکر ری چوٹی تے لے گیا جکے تے اُواں رو شہر بڹ یو رو ہتو ایئے خارو اوُے ناں ماتھے خاں ناکھے۔ ³⁰۳۰۔پڹ او اواں رِے بچ میں خاں نوہو گیو۔³¹۳۱۔ آن او گلِیل رِے ھیک شہر کفر نحُوم ݙیخا گیو آن او بھگتی تے بھِگتی اواں سدھ ݙیتو ہتو۔ ³²۳۲۔آن او مِنکھ اوُے رِی تعلیم خاں حیران ہتا کیاں کے اوُے باتاں اخر آݪے ہتے۔³³۳۳۔ آن بھگتی گھر میں ھیک منکِھ ہتو جکے میں خیطان رِی بوری آتماں ہتی او گھڹ رِی رڑ کر اٹھیو کے۔ ³⁴۳۴۔اے یِسوع ناصری تناں میں خاں کی کام؟کی تو مہاناں مارڹ آیو ہے؟ ہوں تنا جانڹ ریں کے تو کوڹ ہے ایِشور رو قدوس۔³⁵۳۵۔ یسِوع اوُے ناں دڑکو ݙے آن کہیو چپ کر آن ائیے میں خاں نکل آ ایے تے بھوتنی اوُے رِے بچ میں پٹک تے اوُے خاں نخر آئی آن اوُے ناں کوئی ݙکھ کونی ݙیھنو۔ ³⁶۳۶۔آن خارا حیران ہو آ پخ میں کہیوڹ لاگا کے کیڑے باتاں ہے کیا کے اختَیار ان قدرت خاں بوری آتماں ناں حکم ݙای او نکل آوی۔ ³⁷۳۷۔آن آخے پاخے رِے علاقاں رِی ہر جگہ میں اوُے رِی مخوری کھیڈھ گئی۔³⁸۳۸۔ آن او بھگِتی گھر خاں اُٹھی تے شِمعون رِے گھر میں بڑیو آن شمِعوں رِی خاخو ناں گھڹ وتاہ چڑھیو رو ہتو آن اوے اواں اوُے رِے خارو اوُے خاں منت کی۔ ³⁹۳۹۔جݙھے اواوےگݙھے او بھیج تے تاہ ناں جھڑکیو تو اتر گیو آن او یک دَم اٹھحا آن اُواں رِی شیواکرڹ لاگی۔⁴⁰۴۰۔ آن جکے را طرح طرح رِی بیماریاں را مریض ہوتا خار خورج رِے ݙھوٻڹ خاں پچھے اوُے کݙے لے آوتا تا آن او ھیک ھیک تے ہاتھ راکھ تے اواں ناں خاجو کرتو ہتو۔ ⁴¹۴۱۔آن گھڹ راں میں خاں بوری آتماں رڑ رڑتے ایہیاں کہیوی ہوی تخر آتی تی کے توں ایشِور رو ݙیکرو ہے۔ بݪے او اواں ناجھڑکیو آن کہیوڹ کونی ݙیتو ہتو کیا کے او جاڹ رتے ہَتی کے اِے صحیح ہے۔⁴²۴۲۔جݙھے ݙن ہوتو او نخر کئی جھنگ میں جاوتوہتو آن ٹوݪا اوُے نا جوتا آن اوُے کݙے آتے اوُے ناں روکتا تا کے مھارے کݙھے خاں بوہونی جائے۔ ⁴³۴۳۔بݪے اوُے اوُاں ناں کہیو مناں ضروری ہے ٻھے شہراں میں ایِشور رِی راجائی خوشُخری ݙاں کیاں کے ہوں اُواں رِے خارو باہیر کیو گیو ھاں۔ ⁴⁴۴۴۔آن او یہودیہ رِے بھگتی گھراں میں پرچاکرتو رہیو۔

¹۱۔ آڹ جݙی او گینسرت ری ݙڹ ھ رِے کزݙی لے اُبھوں تو اڹ ٹوݪو ایِشور رُوں پویتر شاتر خڹڹ رِے خارو اُو وے تے خرتارا۔ ²۲۔تواییاں تھیو کہ اوُے ݙنڹ ھ رِے کزݙی ٻہ ٻیڑی ابھڑے ڈٹھو ثڹ مھنا اوُی سا اتر رو جال ݙھناوا۔ ³۳۔اُوی اوُاں سا ٻݙی تے چڑ ھ رو جکو شمِعون رِی ہوئی اوُے اوُاں نا منتھ کرے کہ ٻݙی کنٻوی ساتھ او پرے لے ھال آڹ اھو بیخ رُو ٹوڑی نا تعلیم ݙیوڹ لاگا۔⁴۴۔ آن جݙی پویتر سائر خھڹ ایو تو شمِعون ناکھیوں کہ ٻݙی زوݙی میں لے ھال آن تھا شکار رے لئے آپ رُو جاڑ ناخو۔ ⁵۵۔شمِعون جواب میں کہیو کہ اے گروں مھاں خاری رات مخنت کی پر کوئی ھاتھ کونی آیو پر تاجی کہڹ ساجال ناگھی واہ۔ ⁶۶۔اڹ جݙی اوواں جݙی کیو تو مچھیاں رو ماٹو ٹوڈو جھالیو آن اووان راں جال پھٹاڹ لاگا۔ ⁷۷۔جݙی اوواں آپ رِے خمزگتی ناں چکوٻجی ٻیڑی ثی ہوتا اشاروں کیو کہ آو ماری مدد کرو وہ آئے ٻھی ٻݙی ایا بھرٻھی کہ ٻݙڹ لاگی۔⁸۸۔ شِمعون پطَرس یہ جو یو کہ یسِوع رِے پگا میں کیر یاکہیو کہ اِے ایِشور مھاں خا پرھوں جااے رِے کرے میں گنہگا مھانخ ھا۔ ⁹۹۔ کیا کہ ائے مھانگرے رِے سب چکو اواواں کرے سے اووُے را خارا خنگئی ݙاݙا حیران۔ ¹⁰۱۰۔تھا اڹ اواں ئی زبدی رِے ڈحکری یعقوب آڹ یوِحنا بھی جکو شمِعون رِے بھیڑوں ہو تو جڈی یسِوع شمِعون ناں کہیو نئے بیھ ایئے بیڈاں تو مھانخ جھالخ۔ ¹¹۱۱۔اووے ٻیڑیاں ناکزݙی نی لے آیا ان خارو کیک حھوا رو اُوی رِے لارےٻھواں۔¹²۱۲۔ آن جݙے اوُوی ھیک شہر میں ھتا تو جو یو ھیک مھانخ کوڑی یسِوع ناجورو اونݙی ماڈی کھریواں اوُے دُعا منت کر کہ تے ہسڹ لاگوکہ اے ایِشور اگر تو جاوی تو منا پویتر آچھوخگئی۔ ¹³۱۳۔اوی نا ہاتھ لگیوآن کہیو ہوں چاویئے کہ تو پاک صاف تھے جا ان اویئے ثا یئر اوُے رو کو ڑھ جاتو رہو۔¹⁴۱۴۔ آن اوُے نا حکہ ݙنو کہ ایہ باث کئی نا وی نے خڹ ا ئے پن آڹ آپ پاک صاف ہو جاوڹ رِے باری وہ چڑھا وہ چڑموی اوُاں رِے گواہی کے لیے مقررکر یو تو۔¹⁵۱۵۔ آن اوُی را پرچار گھٹو ثھیو آن موٹا موٹا توڑا اوی کے ݙی بھیڑاں تھیتا تا کہ اوے خڹ ےآن آپ رِے بیمار یا خاں بھلا تھیتاں۔ ¹⁶۱۶۔پروں اجھڑ جھنک میں ھیکلو جاں روں دُعا کرتو ہوتو۔¹⁷۱۷۔ آن اوُاں ݙنبھاں میں ھیک ڈھں اھو تعِلم ڈیوٹ ٻیٹھا تھا تو فریِسی آن علم آرا نیڑا ٻپٹھا تھا جقو گلیل آن یہودیہ رے ہر جگہ آن یروسلیم ساآیا تھا۔ایشِور ری قدُرت شفا نجشن رو خارو اوی رِے بھیڑ وں ہو تو ۔¹⁸۱۸۔ آن جݙو کہ گھڹ امدد ھیک شخص نا جقو مازور ہو تو ماجی تی لائے آیا آن چاہنا تھا کہ اوے نا مھڹ ا لی آ رو آگھی راکھی۔ ¹⁹۱۹۔پر ٹوڑی رِی سبب او دعا نا مھینا لے جاوڹ رو راستو کونی مدیو جݙی کوٹھے نا خڑھ گیا اڹ چھت خاں اووی نا ماچی خودو بچ میں یسِوع رِی خامون اتا ریو۔²⁰۲۰۔ اوی اوُوی رو ایمان جو رو کہیو ایئے منکھ ثاجا ٻاپ معاف تھا۔ ²¹۲۱۔او حاتی فقیہر آن فرِیسی سوچڹ لاگا کہ یہ کون ہے چقو کومڑ بدوڑ ٻوبی وہ ایشِور رِی ٹھاڑ ٻجو کوڹ گناواں نا معاف کر خھخیو۔²²۲۲۔ جڑی یِسوع اوُاں رِی خیالات جاڑ ہا ان اوی نا جو کر کہیو کہ تھا آپری دلاں میں کی سوچی واہ۔ ²³۲۳۔گھڹ و خاجھو کی ہے یہ کہناں کہ تا جا پاپ معاف تھایا یہ کا ھن کہ اٹھی بیھی۔ ²⁴۲۴۔تاکہ تھا چانو کہ ابن انسان نا ڈرتی تی گناہ معاف کرڹ روموکل ہے اوی۔اوُوی بیمار نا کہیو ھوں تنا کہی وہ اٹھی آن آپ رو ماچوں کڹ رو آیری گھرے بہوجا۔²⁵۲۵۔ آن وہ بیگو اوواں ری خامی اٹھیو آن چقی تی اوہ خوتو تو اوینے گھڹ رے ایِشور ری بݙائی کر تو آپ رِے گھرے بھوہ گیو۔ ²⁶۲۶۔جڑی اویئے گھٹو حیراں تھا آن ایِشور رِے ٻڈا ئے کرڹ لاگا آڹ گھڹ ا بیھے گیاآن کہیڹ لگا کہ آج مھا بھی عجیب باتاں جوئی ھے۔²⁷۲۷۔ آن اوُاں واقعات رِے پچھےوہ باہر کیو آن لاوی نارو ھیک منشی نا چونکی ری چوکی تی بیھٹو رو ڈٹھو آن اوی اوی خاں کہیو مھاجی لاری تھی۔ ²⁸۲۸۔وہ خارو کچھ چھوڑ رو اٹھیو آن اوُرِی لاری بھیو۔²⁹۲۹۔ آن لاوی بھی آپ رِی گھر میں اوی موٹی دعوت کری آن او تھی چونگی آن ٻجے ری جکو اوے رِے بھیݪہ ٻاٹی کھاون ٻیٹھا تھا موٹے ٹو ݪہ ہوتا۔ ³⁰۳۰۔جݙے خریسی آن اوُاں فقیہ بڑ بڑا تے اوے رے جیلافاں کہیو کہ تو چونگی لیون آݪہ آن پاپیاں بھیݪو کھاویں بیویں۔ ³¹۳۱۔یِسوع جواب میں اوُاں نا کہیو کہ خاجاں نہ کونی بلکہ بیماراں نا ݙکرر ری ضروری اے۔ ³²۳۲۔ہوں ایماندار نا کونی بلکہ پاپیاں نہ تو بہ رِے خاروں ہو لو کرن آیو آں۔³³۳۳۔ آن اوُاں اوُے نا کہیو کہ یوحنا را چیلا اکثر روزہ لاکھی آن دعا کرئی۔ آن اوے طرح فریسَیاں لاوی پڹ تاجاتو کھاوی پیوئی۔ ³⁴۳۴۔پڹ یِسوع اوُاں خاں کہیو کہ تھاں جانیاں خاں جݙے تک بیڹ اواں بھیݪو اے روزور کھواخگئے۔ ³⁵۳۵۔پڹ اوݙن آخے آن بیڈ اواں خاں اݪگو کہ یو جاخے اواں ݙناں میں اوُے روزہ راکھ خے۔³⁶۳۶۔آن اوُے اواُں خاں مثال میں کہیو کہ کوئی منکھ پراٹے گا بھے خاں نوے گا جھے نہ پھا ڑتے کاری کونی لگاتا۔پڹ نوے نہ پھاڑئی آن نوے کی کاری پراڹ ی کاری رِے برابر کونی۔³⁷۳۷۔ آن نوو انگراں رو تازو مشکا میں کونی بھرتا نیتو نئو انگر او رو رخ مشکاں نا فاڑ رو ݙرخی روں آن مشکاں بھی برباد ہوں گی۔ ³⁸۳۸۔جݙی نووانگرر رو رخ نوئے مشکان بھرڹ ی چاہیے۔ ³⁹۳۹۔آن پرا یورس پئے رِی جدی نئے رِی لالچ کوئی کونی کرتا۔ کیانکے کہی کہ پرانی ہے بہتر ھیں۔

¹۱۔پچھے پویتر ݙینہ رو ایاں تھیو کے اور پھخلاں(پوکھاں) میں خاں جاتو پیو آن اُوے را چیلا خِٹا پٹ را آن ہاتھاں خاں مخوٹ را کھاوݨ لاگا۔ ²۲۔ پچھے فریسیاں میں خاں کہینک اواں خاں کہݨ لاگا تھیں او کام کیاں کروئی جکو پویتر ݙینھ رو کرݨ دھرم کونی۔³۳۔یسوع اواں نا بݪتی ݙنی کی تھاں کونی پڑھیو کے جݙے داؤد آن اوے را خنگتی بُکھیا ہَتا تو اواں کی کریو تو؟ ⁴۴۔او کیاں ایشور رے گھر میں گیو آن چڑھاوے رے ٻاٹے لے رے جکاں رو کھاوݨ چھڑو کاہناں رے خِوا کہی نا کھاوݨ ری موکل کونی آن اپرے خنگتیاں نا وی ݙنے۔ ⁵۵۔پچھے اُوے اواں نا کہیو کے ماݨخ رو ݙیکرو ایشور پویتر ݙینھ رو وی مالک ہے۔⁶۶۔آن ٻجے واری وی پویتر ݙینھ رو ایاں تھیو کے اور بھگتی گھر میں آیو آن تعلیم ݙیوݨ لاگو آن ایتھ ہیک ماݨخ ہتو جکے رو خاجڑی ہاتھ خوکوڑو ہَتو۔ ⁷۷۔پچھے فقیہہ آن فریسی اُوے ری تاڑ میں ہتا کہ شاید او پویتر ݙینھ رو خاجو کرے تو اُوے تے جُرم لگاواں۔ ⁸۸۔پر اُوے اُواں ری خوچ نا اوݪکھ ری اُوے ماݨخ نا جکے رو ہاتھ خُوکوڑو ہَتو کہیو اُٹھی آن بچ میں ابھیج او اُٹھی ابھیجو۔⁹۹۔پچھے یسوع اُواں نا کہیوو ہُوں تھاں خان ہیک بات پُوچھئیں کہ پویتر ݙینھ رو نیکی کرݨ ٹھیک ہے جاں بُرائی کرݨ۔ خاخ نا بچاوݨ یا مارݨ؟ ¹⁰۱۰۔آن اُوان خاراں تے دید کر ری اُوے ماݨخ نا کہیو آپرو ہاتہ بدھا اُوے ہاتھ بدھایو آن اُوے رو ہاتھ خاجو تھیو۔ ¹¹۱۱۔پچھے او خارا ریخ خاں بھریج را آپت میں کہوݨ لاگا کہ آپاں یسوع خاں کی کراں۔¹²۱۲۔آن اُواں ݙنان میں اور ٹکر تے پراتھنا کرݨ گیو آن اِیشوَر خاں پراتھنا کرتے ہوے خاری را گزاری۔ ¹³۱۳۔آن جݙے ݙینھ تھیو اُوے آپرے چیلاں نا آپ رے کوڈھیا ہیلو کر رو اوان میں خان ٻارہاں نا چُگیا۔ (جکاں نا اُوے آپرا خاص چیلا کہیو۔ یعنی رسول رو لقب ݙنو)¹⁴۱۴۔یعنی شمعون جکے رو ناں اُوے پطرس راکھیو۔ آن اُوے رو بھائی اندریاس آن یعقوب آن یوحنا آن فلپس آن برتلمائی۔ ¹⁵۱۵۔آن متی آن توما آن حلفی رو ݙیکرو یعقوب آن شمعون جکے نا زیوتیس کہوتا۔ ¹⁶۱۶۔آن یعقوب رو ݙیکرو یہوداہ آن یہوداہ اسکریوتی جکوے اُوے نا جھلاوݨ آݪو ہَتو۔¹⁷۱۷۔آن اُواں بھیݪو اُتر رو پدھر تے ابھو۔ آن اُتھے اُوے رے چیلاں رے موٹے ٹوݪے آن یہودیہ آن یروشلم آن صور آن صیدا رے خمنری کندھے خاں منکھاں رو موٹو ٹوݪو وی ہَتو۔ ¹⁸۱۸۔جکو اوے ری خُݨݨ آن آپری بیماریاں خاں خاجا تھیݨ آیا ہَتا۔ آن جکوبھونتاں خان ختایا جاتا ہَتا او بھلاں ہوݨ لاگا۔ ¹⁹۱۹۔آن خارا اُوے نا ہاتھ لگاوݨ ری کوشش کرتا۔ کیانکہ شکتی اُوے خاں نخرتی ہَتی۔ جکے خاں خارا بھلان تھیتا۔²⁰۲۰۔آن اُوے آپرے چیلاں نا جو رو کہیو دھن ہے تھاناں جکو گریٻ ہو کیانکہ اِیشوَر ری راجائی تھانری ہے۔ ²¹۲۱۔دھن تھاناں ہے جکو ہیݨا بُکھیا ہو تھیں ڈھراپیا جاخو۔ دھن تھانا ہے جکو ھیݨا روئی ووا پچہے ہخخو۔²²۲۲۔دھن تھاناں ہے جݙے انسان رے ڈیکرے ری خاطر منکھ تھاں خاں کِخطو راکھے۔ آن تھاں نا دُھتکارے آن بے عزتا کرے آن تھارو ناں گندو خمجھ رو کٹ چھوڑے۔ ²³۲۳۔اُوے ݙینھ راجی تھیا آن خوشی کریا۔ کیانکہ جووہ آکاش تے تھانرو اجر موٹو ہے۔ کیانکہ اُواں را ٻاپ ݙاݙاں وی خنتاں خاں اِیاں جی کرتا ہَتا۔²⁴۲۴۔پر ݙکھ تھاں تے ہے جکو بھاگیا ہو۔ کیانکہ تھیں آپری تخلی کرے ٻیٹھا ہو۔ ²⁵۲۵۔افسوس تھاں تے جکو ہیݨا دھاپوڑا ہو کیانکہ تھیں بُکھیا ہوخو۔ افسوس تھاں تے جکو ہیݨا ہخوئی وا پچھے تھیں پٹخو آن روخو۔²⁶۔افسوس تھاں تے جݙے ماݨخ تھاں نا بھلو کہے کیانکہ اُواں رے ٻاپ ݙاݙاں کُوڑے نبیان خاں وی ایاں جی کرتا ہَتا۔²⁷۲۷۔ہُوں تھاں نا خُݨݨ آݪاں نا کہیں کے اپرے دُخمݨا خاں پریم راکھو آپرے بیر راکھݨ آݪاں رو بھلو کرو۔ ²⁸۲۸۔آپرے طعنہ ݙیوݨ آݪاں رے خارُو برکت مانگو۔ جکو تھاری گِلیا کرے اُوے رے خارُو پراتھنا کرو۔²⁹۲۹۔جکو تاجے ہیکے گال تے چماٹ مارے ٻجوڑو وی پھیر ݙو آن جکو تاجو جُبو کھوخ لے اُوے نا چوݪو لیوݨ خاں نی روک۔ ³⁰۳۰۔جکو کوئی تیں خاں کہینک مانگے اُوے نا ݙے آن اُوے خاں جکو تاجو مال لے بݪے نی مانگ۔³¹۳۱۔آن جے کر تھیں چاہوی کہ منکھ تھاں خاں کرے تھیں وی اُوان خاں اُواں جی کرو۔ ³²۳۲۔آن جے تھیں آپرے پریم کرݨ آݪاں خاں جی پریم کرخو تو تھانرو کی تھورو ہے۔ کیانکہ پاپی وی آپرے پریم کرݨ آݪان خاں پریم کرئی۔ ³³۳۳۔آن جیکر تھیں اُواں رو بھلو کرو جکو تھانرو بھلو کرے تو تھانرو کی تھورو ہے۔ کیانکہ پاپی وی ایانجی کرئی پیا۔ ³⁴۳۴۔آن جے کݙھئیں تھیں اُواں نا قرضو ݙیو جکاں خاں لیوݨ رو آخرو ہے۔ تو تھانرو کیہڑو تھورو ہے۔ کیانکہ پاپی وی پاپیاں نا قرضو ݙئی کہ اُواں خاں پُورو پاچھو لیاں۔³⁵۳۵۔ بلکہ اپرے دُخمݨاں خان پریم کرو۔ آن بھلو کرو۔ آن پاچھو لیوݨ رو آخرو نی کررو قرضو ݙو تو تھانرو موٹو اجر ہُوخے۔ آن تھیں اِیشوَر را ݙیکرا تھیخو۔ کیانکہ او ناشُکراں آن خیطاناں تے مہر بان ہے۔ ³⁶۳۶۔ایئے رے خارُو تھیں دیا کرو۔ جاں تھانرو پِتا دیالو ہے۔³⁷۳۷۔(یہاں پر کِیا گیا ترجمہ مُجھے موصول نہیں ھُوا) آزاد کرو تو تھیں وی آزاد تھیا جاخو۔³⁸۳۸۔ ݙیو تو تھاں ناں وی ݙنو جاخے۔ پھلے پیمانے خاں دٻا دٻا آن لوݙو ݙنوڑو آن بھریوڑو تھانری جھوݪی میں ݙنو جاخے۔ کیانکے جکے ٹھیکراں خاں تھِیں تولخو اُوے خاں تھانرے خارُو تولیو جاخے۔³⁹۳۹۔آن اُوے اُواں نا ہیک مخال وی خُݨائی کہ اندھو اندھے نا مارگ ݙخل خگئی؟ کی او ٻنہئیں کھݙ میں کونی کھرے؟ ⁴⁰۴۰۔شاگرد آپرے اُستاد خاں موٹا کونی ہَتا۔ پر ہر ہیک جݙے اُوے آݪیکر کرخے تو آپ رے اُستاد آݪی کر ہُوخے رو۔⁴¹۴۱۔تُوں اُوے کٹر نا کیاں جووی جکو تاجے بھائی ری آنکھ میں ہے۔ آن اوے پنجر (بݪہے) نا کونی جوتی جکو تاجی آنکھ میں ہے؟ ⁴²۴۲۔پچھے کِکر توں آپرے بھائی نا کہہ خگئیں کے بھائی ابھیج کٹر جکو تاجی آنکھ میں ہے کاڈھاں رو۔ جݙے کہ تُو اُوے پنجر (بݪھے) نا کونی جوتو جکو تاجی آنکھ میں ہے۔ اے ریا کار پہلی پنجر نا آپری آنکھ میں خاں کاڈھ پچہے کٹر نا جکو تاجے بھائی ری آنکھ میں ہے بھلی طرح جو رو کاڈھ خگیخ۔⁴³۴۳۔کیانکہ کوئی بھلو بݨ کونی جکو گندو میووہ ݙے آن نی کوئی گندو بݨ جکو بھلو میووہ ݙے۔ ⁴⁴۴۴۔پر ہر ہیک بݨ آپرے میوے خاں اوݪکھیو جاوے۔ ایئے خارُو منکھ کانٹا آݪے کھیجڑیاں خاں انجیر کونی توڑتا آن نی جھنگلی ٻورڑی خاں انگور۔⁴⁵۴۵۔بھلو ماݨخ آپرے دل رے بھلے خزانے خاں بھلے چیزاں کاڈھئی آن بُرا منکھ بُرے خزانے خاں بُرے چیزان ٻاہر لے آوی۔ کیانکہ جکے خاں من بھریوڑو ہے او جی ماہنݙے تے آوی۔⁴⁶۴۶۔ آن تھیں مناں کیاں اِیشوَر اِیشوَر کہئی آن مانجے وچن تے عمل کونی کرتا۔ ⁴⁷۴۷۔ جکو کوئی مھیں کڈھیا آوی آن مانجے باتاں خُݨ رے اُواں تے عمل کرئی۔ ہُوں تھاناں کہیں کہ او کے جیہڑو ہے۔ ⁴⁸۴۸۔او اُوے منکھ آݪی کار ہے جکے آپرو گھر ٹھاہتے ہوئے آئیرو اُونݙو کھوتت تو پک تے آئیرو راکھیو جݙے جانکھ آن ٻوڈہ آئی آن اُوے گھر خاں ٹکرایو پر اُوے لوݙ کونی خگی۔ کیانکے او بھلو ٹھایوڑو ہَتو۔⁴⁹۴۹۔ پر جکے خُݨیو آن عمل نی کریو او اُوے ماݨخ آݪی کر ہے جکے گھر نا بغیر ائیرے خاں ٹھایو آن جانکھ اُوے خاں ٹکرائی پچھے او بیگو کھریو آن او گھر گندی طرح برباد تھیو۔

¹۱۔ جݙے اُو منکھاں نا آپ رے خارے باتاں خݨاں چکو تو کفرنحوم میں آیو۔²۲۔آݨ کہی صوبہ دار رو ہیک نوکر جکو اُوے نا پیاروہتو۔ اُو بیمار ہو رو مرݨ رے نیڑو ہتو۔ ³۳۔ آݨ اُوے یسوع ری خبر خوݨی تے اُوے یہودیاں رے کئی موٹیرڑاں نا اُوے رے کو ݙھی بہیر کر را اُوے خاں منتھ کی کہ آ رو مانجے نوکر نا بھلاں کر۔ ⁴۴۔ آݨ اُواں پربھو یسوع رے کوݙھی آ تے اُوے ری منتھ کر ری کہیو۔ کہ اُو ایئے رے لائق ہے کہ تُو اُوے تے اِیئے احسان کرے۔ ⁵۵۔ کیاں کہ اُو مھاری قوم خاں پریم کرئی۔ آݨ مھارو بھگتی رو گھر اُوے ہی بݨوایو ہے۔⁶۶۔جݙے پربھو یسوع اُواں رے بھݪو بہوو۔ آݨ انجاں گھر خاں پرو کونی گیوتو کہ صوبہ دار خنگتیاں ری معرفت اُوے نا خنݙیخو بہیر کریو ۔ اِے پرمیشور تکلیف نی کر۔ کیاں کہ ہوں ائیے رے لائق کونی کہ تُو مانجی چھت رے نیچا آوے۔ ⁷۷۔ایئے رے کرے ہُوں آپ رو آپ نا ایئے رے لائق کونی خمجھتو کہ تیں کوڈھی آواں بلکہ صرف بات ہی کراں ری تو مانجو نوکر بھلاں تھیخے رو۔ ⁸۸۔کیانکہ ہُوں وی ایہڑو منکھ ہاں جکو ٻجاں رے اختیار میں ہاں۔ آن خپائی مانجے ماتحت ہے جݙے ہوں ہیکے خاں کہیں جا تو او جاوے رو آن ٻجے خاں کہیں آ ت او آوی رو آن آپرے غلام خاں اے کر تو او کرئی۔⁹۹۔پربھُو اے خُݨ رو اُوے ماتھے خوچݨ لاگو آن مُڑ رو بھیڑ خاں جکو اُوے رے لاریاں آوتا ہتا کہیو کہ ہُوں تھاں خاں کہیں کہ اِترو موٹو بخواخ میں اسرائیل میں وی کونی ݙٹھو۔ ¹⁰۱۰۔آن او جکو بئیر کریا گیا ہتا جݙے گھر میں بݪے آیا تو اُوے غلام نا ٹھیک ٹھاک ݙٹھو۔¹¹۱۱۔آن ایئے خان پچھے او ہیک بھیتر گیو جکو نائن کہلاوتو ہَتو۔آن اوے را چیلا آن منکھاں رو موٹو ٹوݪو اوے رے بھیݪو ہَتو۔ ¹²۱۲۔جݙے او اُوے شہر رے پھاٹک رے نیڑو پُگو تو ݙٹھو کہ ہیک مُردو ٻاہر لے جاوے پیا۔ جکو آپری مان رو ھیک ہی ݙیکرو ہَتو۔ آن او رانݨ ٻیر ہتی۔ آن آن شہر را گھݨائی منکھ اُوے بھیݪا ہَتا۔ ¹³۱۳۔اوے نا جو رو پربھو نا ترخ آیو آن اُوے نا کہیو رو نی۔ ¹⁴۱۴۔آن نیڑو آ رو میت نا ہاتھ لگایو آن کھݨݨ آݪا ابھیج گیا۔ پچھے اُوے کہیو اے نوجوان ہُوں تیں خاں کہیں اُٹھی۔ ¹⁵۱۵۔آن او مووڑو اُٹھی ٻیٹھو آن ٻولݨ لاگو۔ آن اُوے اُوے ری ماں رے ہاتھاں میں ݙنو۔¹⁶۱۶۔پچھے خجا ٻیہہ گیا آن ایشور ری بݙائی کر را کہݨ لاگا کہ ہیک موٹو نبی مھاں میں تھیو ہے۔ آن کہ اِیشور آپری اُمت ماتھے نظر کری ہے۔ ¹⁷۱۷۔آن اُوے رے بارے میں اے کھٻر خارے یہودیہ آن تمام آخے پاخے رے علاقے میں پھر گی۔¹⁸۱۸۔آن یوحنا رے چیلا اُوے خارے باتان ری خبر ݙنی۔ ¹⁹۱۹۔آن یوحنا آپرے چیلاں میں خاں ٻیہاں نا ہیلو کریو پربھُو یسوع کناں کہہ رو بئیر کریا کہ کی جکو آوݨ آݪو ہے؟ او تو جی ہے؟ جاں مھیں کئی ٻجے رو مارگ جوواں۔ ²⁰۲۰۔اُو مںکھ اُوے کڈھے آ کہوݨ لاگا۔ کہ یوحنا پویتر شنان ݙیوݨ آݪے مھانا تیں کنے بئیر کریا ہے کہ اے کہہ رو کہ جکو آوݨ آݪو ہے او تو جی ہے یا مھیں کئی ٻجے رو مارگ جوواں۔²¹۲۱۔اوے ای بِݪا گھݨا نا بیماریاں خاں آن آفتاں خاں آن بھونتاں آݪاں خاں آزاد آن چھٹکارو آن گھݨائی اندھا نا آنکھے ݙنے۔ ²²۲۲۔آن اُوے جواب میں اُواں خاں کہیو کہ جکو کجھ تھاں ݙٹھو آن خݨیو ہے جا رو یوحنا نا کہو کہ اندھا جووی پیا لولھا لنگڑا بہی وا کوڑھی پاک صاف ہویا جاوی۔ آن ٻوڑا خُݨئی ووا۔ مووڑا جیوتا ہوی ووا۔ آن گریٻاں نا خوشی ری کھٻر خݨائی جاوے وی۔ ²³۲۳۔آن دن ہے او جکو مھارے خارُو تُھݙو نی کھاوے۔²⁴۲۴۔جݙے یوحنا رو خنݙیخو ݙیوݨ آݪا گیا۔ پچھے او یوحنا رے بارو ٹوݪے خاں ایہ کہݨ لاگو کہ تھاں جھنگ میں کی جوݨ گیا تا کی ہوا خاں ہِلتے کاناں نا۔ ²⁵۲۵۔تو پچھے کی جوݨ گیا ہَتا کی پھُوٹرا گابھا پہریوڑے مرداں نا؟ جووہ جکو قیمتی گابھا پیہرتا آن عیش و عشرت میں رہئی او شاہی گھراں میں رہوتا رئی۔ ²⁶۲۶۔تو پچھے کی جوݨ گیا ہَتا کی ہیک سنت نا ہاں ہُوں تھاناں کہیں کے سنت خاں وی موٹے نا۔²⁷۲۷۔اے اوہو جے جکے خارُو لکھیوڑو ہے جوئے ہُوں آپ رو سنت تھارے آگے بئیر کرئیں۔ جکو تھارے آگے مارگ تیار کرخے۔ ²⁸۲۸۔ہُوں تھاں نا کہیں کے اُواں میں جکو لُگایاں میں جایو ہے یوحنا اصطباغی خاں موٹو کونی تو وی جکو ایشور ری راجائی میں چھوٹو ہے او اُوے خاں وی موٹو ہے۔²⁹۲۹۔ان خارے لوکاں بلکہ محصول لیوݨ آݪا وی یوحنا خاں بپتسمو لے تے ایشور ری راستبازی نا پورو کریو۔ (اُوے ریت نا پُورو کریو) ³⁰۳۰۔پچھے فریسیاں آن شرع رے عالمان اُوے خاں بپتسمو نی لے تے اِیشور رے ارادے نا رد کریو ہے۔³¹۳۱۔پݨ ایئے زمانے رے منکھاں نا ہُوں کے بھیݪا بچاڑاں او کے آݪی کار ہے۔ ³²۳۲۔او اُواں ٻاݪاں آݪی کار ہے جکو گݪی میں ٻیخ تے آپت میں رڑ کر کہے کہ مھیں تھارے خارُو بانسلی بجائی پݨ تھیں کونی ناچیامیں ماتم کیو پر تھیں نی رویا۔³³۳۳۔کیانکہ یوحنا اصطباغی نی تو او ٻاٹی کھاوتو آیو نی شراب پیوتو۔ ان تھیں کہی کے اوے مین بھونت ہے۔ ³⁴۳۴۔منکھ رو ݙیکرو کھاوتو پیوتو آیو آن تھیں کہی کے جووہ کھاؤُ آن شرابی محصول لیو ݨ آݪاں آن گُنہگاراں رو یار۔ ³⁵۳۵۔پ ݨ حکمت آپرے خارے ݙیکراں ری طرف خاں نیک ہے۔³⁶۳۶۔فریسیاں میں خاں کئی اُوے نا دعوت ݙنی کہ میں کڈھے آ بھوجن کر آن او اُوے فریسی رے گھر جاتے بھوجن کرݨ ٻیٹھو۔ ³⁷۳۷۔آن جووہ اُوے شہر میں ہیک پاپی لُگائی ہَتی جکو اے کھٻر تے کہ اُوے فریسی رے گھر میں بھوجن کرݨ ٻیٹھو ہے۔ آن سنگِ مر مر رے عطر دان میں عطر لے آئی۔ ³⁸۳۸۔آن اُوے رے پگاں کڈھے روتی رہی لارے ابھیج آنخواں خان اُوے را پگ بھیگوݨ لاگی آن آپ رے ماتھے را باݪاں خاں آچھو کر تے پگاں نا مٹھکی ݙنی آن عطر ملیو۔³⁹۳۹۔آن اُوے فریسی جکے اُوے نا دعوت کی تی اے جوتے کہوݨ لاگو کے جے اے سنت ہونت تو جاݨت کے جکو ایئے نا ہاتھ لگاوی او کݨ آن کیہڑی لُگائی ہے۔ کیانکہ اے بدچلن ہے۔ ⁴⁰۴۰۔آن یسوع اُواں خاں ٻول تے کہیو کے اے شمعون مناں تیں خاں کئیں کہوݨو ہے ۔ اُوے کہیو اے اُستاد کہہ۔⁴¹۴۱۔کئی امیر را ٻے قرضدار ہَتا۔ ہیک پانچ خؤ دینار ٻجوڑو پچاخ رو۔ ⁴²۴۲۔جݙے اُواں نا ادا کرݨ رے واسطے اُواں کڈھے کئیں کونی ہَتو تو اُوے ٻنھا نا معاف کر ݙنا۔ پݨ اواں میں خاں کݨ گھݨو پریم راکھخے۔ ⁴³۴۳۔شمعون بݪتی میں کہیو کہ مھاری خمجھ میں او جکے گھݨو معاف کیو جݙے اوے اُوے نا کہیو تو تھیں ٹھیک فیصلو کریو ہے۔⁴⁴۴۴۔آن اُوے لُگائی ݙخا ماہنݙو پھیر تے اوے شمعون نا کہیو کہ کی تو ایئے لُگائی نا ݙٹھو ہے؟ ہُوں تھارے گھر میں آیو تیں پگ دھوݨ نا پاݨی کونی ݙنو پݨ اُوے مھارا پگ آنخُواں خاں بھگویا۔ آن آپ رے باݪاں خاں آچھا کریا۔ ⁴⁵۴۵۔تیں مناں کونی مِٹھکی لنھی۔ پݨ او جݙے خاں ہوں مئیں آیو آں مھارا پگاں تے مٹھکی لیوݨ خاں باز کونی آئی۔⁴⁶۴۶۔تھیں مھارے ماتھے میں تیل کونی لگایو پݨ اُوے مھارے پگاں تے عطر لگایو ہے۔ ⁴⁷۴۷۔ایئے خارُو ہُوں تناں کہیں کے ایئے را پاپ گھݨا معاف ہوخے کیانکے اُوے گھݨو پریم کیو ہے۔ پݨ جکے را تھوڑا معاف کیا گیا ہے اور تھوڑو پریم راکھخے۔⁴⁸۴۸۔آن اُوے لُگائی خاں کہیو کہ تھارا پاپ معاف ہویا۔ ⁴⁹۴۹۔ایئے تے کھاوݨ آݪاں من میں کہییو کہوݨ لاگا اے کݨ ہے جکو پاپ معاف کرݨ آݪو ہے۔ ⁵⁰۵۰۔پݨ اُوے لُگائی نا کہیو تھارے وشواس تھنا بچایو ہے۔ خہی خلامت بوہی جا۔

¹۱۔آن پچھے او شہراں آن گاواں میں تعلیم ݙیوتو رہیو۔ ان اِیشور ری بادشاہی روی خوشی ری خبر ݙیوتو رہیو۔ ان او باز اُوے رے بھیݪا ہوتا۔ ²۲۔آن گھݨے لُگائے جکاں نا بھونت ان بیماری میں ہتے ٹھیک ہوتے جکاں میں مریم مگدلینی ہتی جکے میں خاں خات بھونت کاڈھیا ہَتا۔ ³۳۔ان حنہ ہیرودیس ارے دیوان خوزہ ری لُگائی۔ ان سوسناہ آن ٻجے لُگایے وی ہتے جکو آپرے مال خاں اُواں ری مدد کرتے ہَتے۔⁴۴۔آن جکے گھڑی موٹو ٹوݪو بھیݪو ہویو۔ ان ہر شہر خاں لوک اُوے کڈھے بھیݪا ہوتا۔ پچھے اُواں خاں مثال میں کہیو۔ ⁵۵۔باوݨ آݪو ٻیج باوݨ نکݪیو۔ ان کئینک پدھر تے کھریا ان ٻیج گیا آن آسمان را پھکی اُواں نا چُگ لنھو۔ ⁶۶۔ان کئینک پتھریلی دھرتی تے کھریا ان اگ تے خُوک گیا۔ کیانکہ اُواں نا خیم کونی پُگی۔⁷۷۔آن کئینک کانٹاں آݪی جگہ کھریا پݨ اُواں کانٹاں اُواں نا دٻا ݙنا۔ ⁸۸۔ان کئینک بھلی دھرتی تے کھریا ان اُگیا ان خو گُناہ پھݪ لایا ان ایہ کہہ تے اُوے کہیو کہ جکے را کان ہے او خݨ لے۔⁹۹۔اُوے رے چیلاں اُوے خاں پُوچھیو کہ ایہ کیہڑی مثال ہے۔ ¹⁰۱۰۔ان اُوے کہیو کہ اِیشور ری بادشاہی رے بھید خاں کہیو گیو ہے۔ پݨ ٻیجاں خارُو مثال ہے کیانکہ او جکو جوتا ہویا نی جوے آن خُݨتا ہویا نی خُݨے¹¹۱۱۔ان او مثال اے ہےکہ ٻیج اِیشور رو کلام ہے۔ ¹²۱۲۔پدھر تے او منکھ ہے جکو خُݨئی تو رو پݨ شیطان آ رو اُوے رے کلام نا دل خاں کھوخ لیوی ایاں جی ہوے کہ او ایمان لے آرو مُکتی پاوے۔ ¹³۱۳۔آن پتھریلی دھرتی او ہے جکو کلام خݨ تے خوشی خاں منی پݨ جڑ کونی جھالتو ان کئینک ݙناں خاں بعد ایمان خاں منکر ہو جاوی۔¹⁴۱۴۔ان جکو کانٹاں آݪی جگہ کھریو۔ دُنیا رے فکراں ان دولت ان زندگی رے خیالاں میں پھخ گیو ان پھݪ نی لایو۔ ¹⁵۱۵۔پݨ جکو بھلی دھرتی تے کھریو اے او کلام ہے جکو خݨ تے اوے تے عمل کریو ان اُوے تے قائم رہیا ان او ایمانداری خاں پھݪ لاوی۔¹⁶۱۶۔کوئی منکھ وی ݙیو ٻاݪ تے اوے تے ٹھیکر کونی راکھتو۔ نی جی مانچے رے نیچا راکھئی پݨ ݙیو راکھݨ آݪی جگہ تے راکھئی کیانکہ جکو مئیں آوے اُوے نا اُجاݪو نظر آوے۔ ¹⁷۱۷۔کیانکہ کوئی ایہڑی چیز کونی جکو تک خگے ان نی جی لُکایوڑی ہے جکے ری کھٻر نی ہووے۔ ¹⁸۱۸۔پݨ خبر دار تھیں کیکر خوئی کیانکہ جکے کڈھے ہے اُوے نا ݙنو جاخے ان جکے کڈھے کونی اُوے خاں او وی لے لنھو خاخے جکے ری اُوے نا کھٻر کونی کہ میں کڈھے ہوتو۔¹⁹۱۹۔اُوے ری ماں ان اُوے را بھائی آیا پݨ ٹوݪے ری وجہ خاں اُوے تک نی پُگیا۔ ²⁰۲۰۔ان اُوے نا کہیو کہ تاجی ماں ان تاجا بھائی ٻاہر ابھا تنا ٹکرݨ چاہوی۔ ²¹۲۱۔اُوے اُواں نا کہیو مھارا بھائی ان مھاری ماں او ہے جکو اِیشور رو کلام خُݨئی ان اُوے تے عمل کرئی۔²²۲۲۔بھݪے اُوے ݙنا میں او آپرے چیلاں بھیݪو ٻیڑی تے چڑھیو۔ ان اُوے اُواں نا کہیو کہ آؤ آپاں جھیل رے پار ہالاں ان او بُوہوا۔ ²³۲۳۔جݙے ٻیڑی بُوہی جاتی تو اُوے نا اونگھ آگی۔ ان جھیل ماتھے تیز ہوا چلݨ لاگی۔ ان او ݙُبݨ لاگا ان ٻیہݨ لاگا۔²⁴۲۴۔پچھے اواں کڈھے جا تے اُوے نا اُٹھاوݨ لاگا۔ اے اُستاد مھیں مریا جاویں۔ پچھے او اُٹھیو ان ہوا ان پاݨی رے لہراں ناں دڑکو ݙنو ان او رک گیو ان سکون آگیو۔ ²⁵۲۵۔ان ااُوے اوان نا کہیو تھانرو ایمان کِیا گیو پݨ او ٻہی گیا او خوچ تے کہوݨ لاگا کہ اے کݨ ہے جکے رو ہوا ان پاݨی وی ایئے رو کہیو منئی۔²⁶۲۶۔ان او گراسینیوں رے علاقے میں جا پُگیا جکو گلیل رے خامھے ہَتو۔ ²⁷۲۷۔ان جݙے او کنارے تے پُگو تو شہر رو ہیک منکھ اُوے نا ٹکریو۔ جکے میں بھونت ہَتا ان او ڈھگ ݙناں خاں گابھا کونی پیہرتو ہتو۔ ان گھرے کونی بلکہ قبراں میں رہوتو ہَتو۔²⁸۲۸۔جݙے اُوے یسوع نا جویو تو رڑے کر تے اُوے رے آگے کھر گیو ان اُونچی آواز خاں کہیو۔ اے یسوع اِیشور را ݙیکرا۔ مھیں خاں تناں کی کام ہے ہُوں تھاری منت کراں کہ مناں عذاب نی ݙے۔ ²⁹۲۹۔کیانکہ او بھُونت نا حُکم ݙیوتو کہ ایئے منکھ خاں نکݪ جا کیانکہ او اکثر اُوے نا تنگ کرتی ان اُوے نا زنجیراں خاں ٻاندھ آن کھٻڑیاں خاں قاٻو کریوڑو ہَتو۔ تو وی او زنجیراں نا توڑ ݙیوتو ان بھونت اُوے نا پدھران میں نخاݨے پھِرتا۔³⁰۳۰۔جݙے یسوع اُوے خاں پوچھیو تھارو ناں کی ہے۔ ان اُوے کہیو کہ لشکر کیانکہ گھݨا خارا بھُونت اُوے مئینا ہَتا۔ ³¹۳۱۔ان او اُوے ری منت کرݨ لاگا کہ مھاں نا حُکم نی ݙے کہ مھیں ݙُباں۔³²۳۲۔اوتھ پہاڑاں تے خوؤراں رو جتھو چرتو ووہ۔ اُوے منت کری کہ مھاناں اُوے جتھے میں میل ان اُوے اُواں نا میل ݙنا۔ ³³۳۳۔ان او بھُونت اُوے منکھ خاں نکݪ تے اُوے خوؤراں میں گیئے۔ ان او جتھو رڑے کرتو ہویو جھیل میں ݙب گیو۔³⁴۳۴۔ایہ نظارو جو رو او ریڈھار شہر آن دیہات میں خبر کری۔ ³⁵۳۵۔ان لوگ یہ نظارو جوݨ خارُو یسوع کڈھے آیا ان او منکھ جکے خاں بھونت کاڈھیا ہَتا۔ اُوے نا گابھا پیرے ان اور یسوع رے پگاں میں ݙٹھو۔ ان او ٻہی گیا۔³⁶۳۶۔ان جوݨ آݪا اُواں نا کہیو کہ جکے بھونت ہَتا او کِکر ٹھیک ہویو۔ ³⁷۳۷۔ان گراسینیو رے رے کڈھے رے علاقے رے منکھاں اُوے نا کہیو کہ مھاں خاں جا رو کیانکہ او ٻہی گیا ان اُواں تے دہشت چھا گی۔³⁸۳۸۔ان او منکھ جکے خاں بھُونت نکݪ گیا تا۔ اُوے منت کری کہ منا تھیں بھیݪو راکھو۔ پݨ یسوع اُوے نا واپس میل ݙنو ان کہیو۔ ³⁹۳۹۔آپرے گھرے جا ان جکو موٹا کام تھیں واسطے ایشور کریا ٻجاں نا خُݨا۔ او جا رو خارے شہر میں مشہور کرݨ لاگو کہ یسوع مھیں واسطے کی کی کریو۔⁴⁰۴۰۔ان جݙے یسوع پاچھو آیو تو ٹوݪے اُوے رو جی آیو کریو۔ کیانکہ خارا اُوے نا جوتا ہتا۔ ⁴¹۴۱۔ان جووہ یائیر ناں رو ہیک منکھ ہَتو جکو بھگتی گھر رو سردار ہَتو۔ آن یسوع رے پگاں میں کھریو۔ ان اُوے ری کنت کرݨ لاگو۔ کہ مھارے گھرے حال۔ ⁴²۴۲۔کیانکہ اُوے ری ہیک ݙیکرے ہَتی ٻارہے سال ری جکو مرݨ آݪی ہوتی۔ ان جݙے او جاوتو تو لوگ اُوے تے کھرتا ووا⁴³۴۳۔اب ہیک لُگائی جکے نا ٻارہے برخ خاں لوہی بہاݨ ری بیماری ہَتی۔ ان اُوے رو خارو مال ݙاگداراں نا ݙے ݙنو ہَتو۔ پݨ کے خاں وی ٹھیک کونی ہوئی۔ ⁴⁴۴۴۔اُوے رے لارے ہو ری اُوے رے گابھے نا ہاتھ لگایو ان او اُوے گھڑی ٹھیک ہوگی۔⁴⁵۴۵۔ایئے تے یسوع کہیو او کݨ ہے جکے مناں ہاتھ لگایو۔ جݙے خاراں نی منیو تو پطرس ان اُوے را ساتھی کہوݨ لاگا اے اُستاد لوگ تھانا دٻائے ان لتاڑے جاوی۔ ⁴⁶۴۶۔پݨ یسوع کہیو کہ کے تو منا ہاتھ لگایو ہے کیانکہ مھیں خاں قوت نکݪی ہے⁴⁷۴۷۔جݙے اُوے لُگائی جویو کہ ہُوں لک کونی خگتی ان او کانپتی آئی ان پگاں میں کھر گی ان خارے لوکاں رے خامھے کہیو کہ میں کِکر تنا ہاتھ لگایو ان کِکر ٹھیک ہوئی۔ ⁴⁸۴۸۔اُوے اُوے نا کہیو کہ ݙیکری تاجو ایمان تنا ٹھیک کریو۔ خاجی خُوری جا۔⁴⁹۴۹۔ان ایہ کہوتو جی ہتو ووہ کہ بھگتی گھر رے سردار رے گھر خاں کئی آتے کہیو کہ تھاری ݙیکری مری ری اُستاد نے تنگ نی کر۔ ⁵⁰۵۰۔یسوع خݨ رو اوے نا کہیو نی ٻیہی ان ایمان راکھ او بچ جاخے۔⁵¹۵۱۔ان جݙے او گھرے آیو تو پطرس ان یوحنا ان یعقوب ان چھوکری را ماں ٻاپ خاں ٹاݪ ٻجو مہینا کئی نا کونی آوݨ ݙنو۔ ⁵²۵۲۔ان خارا اوے واسطے روتا آن ماتم کرتا ووا۔ پݨ اُوے کہیو نی رووہ او مری کونی پݨ خُوتی ہے۔ ⁵³۵۳۔او اُوے تے ہخݨ لاگا۔ کیانکہ اُواں نا کھٻر ہتی کہ او مر گی ری۔⁵⁴۵۴۔پݨ اُوے اُوے رو ہاتھ جھالیو ان کہیو اے چھوکری اٹھ۔ ⁵⁵۵۵۔ان اُوے رو خاخ بݪے پاچھو آیو۔ ان اُوے گھڑی اُٹھی۔ ان یسوع حُکم ݙنو کہ ایئے نا کئینک کھاوݨ خارُو ݙو۔ ⁵⁶۵۶۔جݙے اُوے را ماں ٻاپ حیران ہویا پݨ اُوے اُواں نا خمجھایو کہ جکو کجھ ہویو ہے کہیں نا نی کہیا۔

¹۱۔پچھے اُوے اُواں ٻارھاں نا ہیلو کر اُواں نا خارے بھُونتاں ان بیماریاں نا کاڈھݨ ری قُدرت رو اختیار ݙنو۔ ²۲۔آن اُواں نا بئیر کریو تاکہ ایشور ری بادشاہی ری پرچار کرے ان بیماراں نا بھلاں کرے۔³۳۔آن اُوے اُواں نا کہیو مارگ خارے میں کئی نی لیا۔ نی گیݙی نی تھیلو ٻاٹی نی پاݨی نی دھن ان ٻے ٻے چوݪا وی تھاں کڈھے نی ہوے۔ ⁴۴۔ آن جکے گھر میں جاؤ اوتھ جی رہو ان اوتھ خاں جی بُوہا جایا۔⁵۵۔آن جکے شہر را لوگ تھاناں قبول نی کرے اُوے شہر خاں نکݪتے بݪا آپرے پگ ری مٹی چھنڈک ݙئیا تاکہ اُواں تے گواہی ہوے۔ ⁶۶۔پچھے او گاں گاں خوشخبری خُݨاوتا ان ہر جگہ خاجا کرتا پھریا۔⁷۷۔ان چوتھائی مُلک رو حاکم ہیرو دیس خارا حال خݨ گھٻرا گیو۔ایئے خارُو کئینک کہتا ہَتا یوحنا مریوڑا میں خاں جی اُٹھیو ہے۔ ⁸۸۔ان کئینک ایہ ایلیاہ ظاہر ہویو ہے۔ ان کئینک ایہ کہ پُراݨے خنتاں میں خاں جی اُٹھیو ہے۔ ⁹۹۔پݨ ہیرودیس کہیو کے یوحنا رو تو میں خیخ کٹوا ݙنو ہَتو ہمے ایہ کݨ ہے۔ جکے رے بارے میں ایڑھے باتاں خݨئی ووہ ان اُوے نا جوݨ ری کوشش میں رہیو۔¹⁰۱۰۔آن یسوع را چیلا پاچھا آ ان جکو کجھ کریو ہَتو اُوے نا خݨایو۔ ان او اُواں نا بیت صیدا ناں رے شہر بُوہو گیو۔ ¹¹۱۱۔ایئے جو ان منکھاں رو ٹوݪو اُوے رے لارے گیو۔ ان او خوشی خاں اُواں خاں مِلیو۔ ان اُواں خاں ایشور ری بادشاہی رے باتان کرݨ لاگو ۔ ان جکو بیماریاں خاں خاجا ہوݨ آیا اُواں نا شفاء ݙنی۔¹²۱۲۔جݙے ݙن ڈھݪݨ لاگو تو اُواں ٻارہاں آ ان اُوے نا کہیو منکھاں نا بئیر کر تاکہ آخے پاخے رے گاواں میں جارہے۔ ان کھاوݨ رے خارُو کوآی بندوبست کرے۔ کیانکہ آپاں تو ایتھ پدھر میں ٻیٹھا ہاں۔ ¹³۱۳۔ایئے تے یسوع اُواں نا کہیو تھاں جی ایئاں نا کھاوݨ رے خارُو کئینک ݙو۔ چیلاں کہیو مھاں کڈھے تو پانچ ٻاٹیاں آن ٻے مچھیاں خاں ٹاݪ کئیں کونی۔ پݨ کی مھاں ایاں خاراں خارُو ٻاتی مول ری لے آواں؟ ¹⁴۱۴۔کیانکہ او پانچ ہزار منکھاں رے نیڑا ہَتا۔ پچھے اوے آپرے چیلاں نا کہیو کہ اُواں نا پچاخ پچاخ رے ٹوݪیاں میں ٻخاݨو۔¹⁵۱۵۔چیلاں اُواں جی کریو آن خاراں نا ٻخاݨیا۔ ¹⁶۱۶۔پچھے یسوع او پانچ ٻاٹے آن ٻے مچھیاں نا لے ان آسمان نی جویو ان برکت ݙنی ان توڑ تے آپرے چیلاں نا ݙیتو گیو۔ کہ منکھاں نا ݙیوتو جاؤ۔ ¹⁷۱۷۔اَن اُواں خاراں کھایا ان دھاپ گیا۔ ان بچیوڑا ٻاٹیاں را ٻارہے ٹوکرا بچ گیا۔¹⁸۱۸۔آن ایاں ہویو کہ جݙے او ہیکھلے میں دعا کرتو ووہ تو چیلا اُوے رے بھیݪا ہَتا آن اماں اُوے خاں پُوچھیو۔ کہ منکھ کی کہی کہ ہُوں کݨ ہاں؟ ¹⁹۱۹۔چیلاں بݪتی ݙنی کہ یوحنا اصطباغی آن کہینک ایلیاہ آن کہینک اگلاں میں خاں کوئی خنت جیوتو ہویوہے۔²⁰۲۰۔پچھے اُوے اُوے نا کہیو پݨ تھاں کی کہتا رئی کہ ہُوں کݨ ہاں شمعون پطرس بݪتی میں کہیو ایشور رو مسیح۔ ²¹۲۱۔اُوے اواں نا خمجھا رو حُکم ݙنو ایہ بات کئی نا نی کہیا۔ ²²۲۲۔آن ہاں ایہ ضرور ہے کہ آدم رو ݙیکرو گھݨو ݙکھ اُکھݨے۔ یہودی راہنما ایشور را موٹا پُجاری ان دھرمی گرو اُوے نا تھݙاوے آن مرایو جاخے آن تیجے ݙن جی اُٹھخے۔²³۲۳۔پچھے اُوے خاراں نا کہیو جے کوئی مھارے لارے آوݨ چاہوے تو پیل او آپری مرضی نا چھوڑے ان ہر روز آپری خوݪی اُکھݨے ان مھارے لارے آوے۔ ²⁴۲۴۔کیانکہ جکو کوئی آپری ایہ زندگی نا بچاخے او اُوے امر جیون نا گُماخے پݨ جکو کوئی مھارے خارُو آپری ایئے زندگی نا گُماخے اُوے نا جی امر جیوݨ لابھخے۔ ²⁵۲۵۔کیانکہ منکھا نا کی فائدہ ہے۔ جے کئی نا پُوری دُنیا لابھ جاوے پݨ او آپرے زندگی گُماوے۔²⁶۲۶۔کیانکہ جکو میں خان آن مھارے باتاں خاں خرماخے (ابنِ آدم) وی اُوے خاں خرماخے۔ جݙے او آپرے آن آپرے ٻاپ ان پویت فرشتاں ری شان بھیݪو آخے۔ ²⁷۲۷۔ان ہُوں تھاناں خچ کہیں کہ اُواں میں خاں جکو ایتھ ابھا ہے۔ کئینگ ایہڑا ہے جکو اُتری دیر تک کونی مرے جتی تک او ایشور ری بادشاہی جو نی لے۔²⁸۲۸۔آن ائیاں باتاں رے آٹھ ݙناں خاں بعد پطرس آن یوحنا آن یعقوب نا بھیݪو لے ہیک پہاڑ تے دُعا کرݨ گیا۔ ²⁹۲۹۔آن اُوے رے دعا کرتے بݪا اُوے رو روپ بدل گیو۔ ان اُوے را گابھا چِٹا ہو چمکݨ لاگا۔³⁰۳۰۔ان جووہ او منکھ اُوے خاں باتاں کرتا وا ایہ موسیٰ ان ایلیاہ ہَتا۔ ³¹۳۱۔جکو جلال میں ݙخیجا ان او یسوع ری موت رو ذکر کرتا وا۔ جکو یروشلم میں ہوݨ آݪو ہَتو۔³²۳۲۔پݨ پطرس آن اُوے راخنگتی اُونگھ میں بھریوڑا ہَتا۔ ان جݙے جاگیا تو اُوے رے جلال نا آن ٻے منکھاں نا جویو جکو یسوع بھیݪا ابھا ہَتا۔ ³³۳۳۔آن جݙے جُدا ہوݨ لاگا تو پطرس یسوع نا کہیو کہ اے اُستاد مھارو ایتھ ہوݨ بھلو ہے۔ ہمے آپاں تین ݙیرا بݨاواں۔ ہیک تھارے خارُو ان ہیک موسیٰ خارُو ان ہیک ایلیاہ خارُو پݨ او جاݨتو کونی ہَتو کہ کی کہی ووہ۔³⁴۳۴۔او ایہ کیہوتو جی ہتو کہ بادل آیا ان اُواں تے چھاں کری۔ ان اُواں رے بادل میں جاوݨ خاں او ٻہی گیا۔ ³⁵۳۵۔آن بادل میں خاں ہیک آواز آئی کہ ایہ مھارو ݙیکرو ہے۔ تھا ایئے ری خُݨو۔ ³⁶۳۶۔ان آواز آتے ہی یسوع جویو گیوا۔ ان او چپ رہا ان اُواں جو کجھ جویو ہَتو اُواں ݙنا میں کئی خاں کئیں نی کہیو۔³⁷۳۷۔ان ٻجے ݙن جݙے او پہاڑ خاں اُترتا ہَتا تو ہیک موٹو منکھاں رو ٹوݪو اُواں نی آیو۔ ³⁸۳۸۔آن او ٹوݪے میں خاں ہیک منکھ رڑ کر کہیو اے گرو ہُوں تھاری منتھ کرئیں کہ مھارے ݙیکرے نا جو کیانکہ او مانجو مُونبھی ہے۔ ³⁹۳۹۔ان جو ہیک بھُونت اُوے نا آ جھالئی ان زور زور خاں رڑے کرئی۔ او بھُونت اُوے رے ݙیل نا اِترو مروڑئی کہ چھوکرے ماہنݙے خاں جھگی بہی۔ بھونت اوے نا تمام گھݨی تکلیف ݙیوں خاں پچھے مُشکل خاں جاووتی۔ ⁴⁰۴۰۔آن مِیں تھارے چیلاں ری منتی کری کہ اُوے خاں کاڈھے پݨ اواں خا نی ہو خگیو۔⁴¹۴۱۔پچھے یسوع بݪتی میں کہیو۔ تھے وشواس نی راکھݨ آݪا ان خِدھے مارگ خاں بھٹکیوڑا ہو۔ ہُوں کݙے تک تھاں بھیݪو رآیخ آن تھاں نا خِکھائیخ پچھے یسوع اوے منکھ نا کہیو آپرے ݙیکرے نا ایتھ لے آ۔ ⁴²۴۲۔جݙے چھوکرو یسوع ݙخا آوتو جی ووہ تو بھونت اُوے نا ہینٹھا ناکھیو ان گھݨو مروڑیو۔ پݨ یسوع بھونت نا نخرݨ رے خارُو حُکم ݙنو۔ تو بھُونت اُوے چھوکرے خاں نخر گیو۔ یسوع چھوکرے نا اُوے رے ٻاپ رے حوالے کریو۔⁴³۴۳۔آن خارا ایشور ری قدرت جو ان حیران ہویا۔ ان جݙے خارا اُوے را موٹا کام جو حیران ہوتا ہَتا۔ جکو او کرتو ہَتو۔ یسوع آپرے چیلاں نا کہیو۔ ⁴⁴۴۴۔مھارے ایہ باتاں تھیں غور خاں خُݨو کہ (ابنِ آدم) منکھاں رے حوالے کریو جاخے۔ ⁴⁵۴۵۔پݨ او ایئے بات نا نی خمجھیا۔ کیانکہ ایہ باتاں اُواں خاں لُکایوڑے ہَتے۔ اِترے تک کہ اُواں نا خمجھ نی لاگے۔ اَن او اے باتاں پُوچھݨ خاں ٻیہوتا ہَتا۔⁴⁶۴۶۔پچھے اُواں میں ایہ تکرار ہوئی کہ مھاں میں خاں موٹو کݨ ہے۔ ⁴⁷۴۷۔پچھے اُواں رے دل را خیال خمجھ تے ہیک ٻاݪ نا لیو۔ ان آپرے کڈھے ابھجاݨیو۔ ⁴⁸۴۸۔ان اُواں نا کہیو کہ جکو ایئے ٻاݪ نا مھارے نا خاں قبول کرخے او منے قبول کرخے۔ ان جکو منے قبول کرئی او اُوے نا قبول کرئی جکے مناں بئیر کریو۔ کیانکہ جکو تھاں میں چھوٹو ہے او جیی موٹو ہے۔⁴⁹۴۹۔اَن یوحنا کہوݨ لاگو۔ اے گرو مھاں ہیک نا تھارے ناں خاں بھُونتاں نا کاڈھتے جویو۔ ان اُوے نا روکیو کیانکہ او مھاں میں خاں کونی ہَتو۔ ⁵⁰۵۰۔یسوع اُوے نا کہیو کہ اُوے نا نی روک کیانکہ جکو تھارے خلاف کونی او تھارے پاخے ہے۔⁵¹۵۱۔اَن جݙے یسوع رے آسمان ماتھے اُکھݨیجݨ ری بݪا نیڑی آئیی تو اُوے یروشلم ݙخا جاوݨ ری پکی خلاح کی۔ ⁵²۵۲۔اُوے آپ خاں پیل کئیں منکھ میلیا جکو سامریہ علاقے رے ہیکے گاں میں گیا کہ اوتھ جا را او یسوع رے رہوݨ رے خارُو تیاری کرے۔ ⁵³۵۳۔پݨ اُوے گاں آݪاں یسوع نا قبول نی کریو۔ کیانکہ یسوع یروسلم ݙخا جاوت ووہ۔⁵⁴۵۴۔اُوے را چیلا یعقوب اَن یوحنا ایہ جو ان کہوݨ لاگا۔ اے پرمیشور جے تھاری مرضی ہوے تو مھاں آسمان خاں باخݙے برخا ان ایاں نا مُکا نکھا؟ ⁵⁵۵۵۔پݨ یسوع اُواں ݙخا پاچھل پھور ݙٹھو ان اُواں نا دڑکو ݙنو کہ تھاں کے بھیݪا ہو۔ ⁵⁶۵۶۔کیانکہ (ابنِ آدم) لوکاں نا برباد کرݨ کونی بلکہ بچاوݨ ایو ہے۔ پچھے او کئی ٻجے گاں ݙخا ٻوہا گیا۔⁵⁷۵۷۔آن جݙے او مارگ میں جاوتا وا تو ہیکے منکھ آرو اُوے نا کہیو اے پرمیشور تھے جیتھ وی جاخو ہُوں تھارے بھیݪو حالیخ۔ ⁵⁸۵۸۔یسوع اُوے نا کہیو لونکڑیاں رے کھݙاں ان پکھیاں را آݪیا ہوئی۔ پݨ (ابنِ آدم) رے خارُو ماتھو لُکاوݨ ری جگہ وی کونی۔⁵⁹۵۹۔ان اوے کئی منکھ نا کہیو مھارے لارے بہہ پݨ اُوے بݪتی ݙنی۔ اے پرمیشور مھنا موکل ݙے کہ ہُوں پیہل آپرے ٻاپ نا ٻوراں رو۔ ⁶⁰۶۰۔پݨ یسوع اُوے نا کہیو کہ مریوڑاں نا آپرا مُردا ٻورݨ ݙے پݨ تو جا آن منکھاں میں ایشور ری بادشاہی رو پرچار کر۔⁶¹۶۱۔ہیکے منکھ یسوع نا کہیو اے پرمیشور ہوں تھارے لارے ہالیخ پݨ مناں موکل ݙے ہُوں آپرے گھر آݪاں خاں مُکلا آواں۔ ⁶²۶۲۔یسوع اُوے نا کہیو جکو کوئی ہݪ ماتھے آپرو ہاتھ راکھ لارے جوئی او ایشور ری بادشاہی رے لائق کونی۔

¹۱۔ اوئے خاں بعد پرمیشور ٻہتر ٻجا مقرر کریا آن اُواں نا ٻے ٻے کر ان ہر شہر آن گاں ݙخا بئیر کریا جیتھ او آپ جاݨتو ہتو۔ ²۲۔ان اواں نا کیہتو کہ فصل تو گھݨی ہے پݨ مزدور تھوڑا ہے۔ ایئے خارُو فصل رے مالک ری منت کرو کہ آپری فصل باڈھݨ خارُو مزدور بئیر کر ݙے۔³۳۔ جووہ ہُوں تھاناں جاں نہاراں رے مئیں بئیر کریں۔ ⁴۴۔نی ٻٹووہ لے جاؤ۔ نی تھیلی نی جُتی آن مارگ میں کئی نا وی سلام نی کرو۔⁵۵۔ آن جکے گھر میں تھاں جاؤ پیلی کہو کہ ایئے گھر تے سلامتی ہوئے۔ ⁶۶۔جے سلامتی رو فرزند اوتھ ہویو تو تھانری سلامتی اُوئے تے رہخے نی تو تھاں تے پاچھی بݪ آخے۔ ⁷۷۔آن اُوے گھر میں رہو۔ آن جکو کجھ اواں کڈھے ہوے کھاؤ آن پیو کیانکہ مزدور آپری مزدوری رو حق دار ہے۔ گھر گھر نی پھرو۔⁸۸۔ آن جکے وی شہر میں جاؤ۔ آن جیتھ تھاناں قبول کریو جاوے تو جکو کجھ تھانرے آگے راکھیو جاوے کھاؤ۔ ⁹۹۔آن اوتھ رے بیماراں نا شفا ݙو آن اُواں نا کہو خُدا ری بادشاہی تھانرے نیڑی آ پُگی ہے۔¹⁰۱۰۔ پݨ جکے کئی شہر میں تھاں جاؤ جیتھ تھاناں قبول نی کریو جاوے اوتھ رے چوکاں ماتھے جان کہو کہ۔ ¹¹۱۱۔مھاں ایئے دھوڑ نا وی جکو تھانرے شہر خاں مھانرے پگان تے پڑی ہے تھاں تے جھاڑ ݙئیں۔ پݨ ایہ جاݨ لو کہ اِیشور ری بادشاہی نیڑی آ پُگی ہے۔ ¹²۱۲۔ہوں تھاناں کہیں کہ سدوم رو حال اُوے شہر خاں گھݨو ٻہوݨ آݪو ہوخے۔¹³۱۳۔ اَے کورزین تھیں ماتھے افسوس اے بیت صیدا تھیں ماتھے افسوس کیانکہ ایہ معجزہ جکو تھاناں بتایا گیا جے صور آن صیدون میں بتایا جاونت تو او ٹاٹ اوڈھ ان مٹی میں ٻیخ توٻاں کرنت۔ ¹⁴۱۴۔صور آن صیدون رو حال عدالت رے ݙن تھانری نسبت گھݨو برداشت رے قابل ہوخے۔ ¹⁵۱۵۔آن اے کُفر نحوم ۔ کی تو آسمان تک بُلند کریو جائیخ؟ تو عالمِ اسفل میں اُتریخ۔¹⁶۱۶۔ جکو تھاری خݨئی او مھاری خُݨئی آن جکو تھاناں نا کوئی چیز کونی جاݨتو او مھنا کوئی چیز کونی جاݨتو۔ جکے مھنا بئیر کریو ہے¹⁷۱۷۔ آن او ٻہتر خوش ہو ان پاچھا آیا آن کہوݨ لاگا۔ اے پرمیشور تھارے ناں خاں بھونت وی مھانرے تاٻے میں ہے۔ ¹⁸۱۸۔جݙے اُوے اُواں نا کہیو۔ مھیں شیطان نا بجلی آݪی کار آخمان خاں کھرتے ݙٹھو ہے۔ ¹⁹۱۹۔جووہ ہُوں تھاناں نانگاں آن بِچھواں ناں لتاڑݨ آن دخمݨ ری خاری قُدرت تے اِختیار ݙنو ہے۔ آن تھانا کئی چیز خاں نقصان کونی ہوے۔ ²⁰۲۰۔پݨ ایئے خاں راجی نی ہووہ کہ بھُونت تھانرے تاٻے میں ہے۔ بلکہ ایئے خاں راجی ہووہ کہ تھانرا ناں آخمان تے لکھیوڑا ہے۔²¹۲۱۔ اُوے گھڑی او پویتر آتما میں راجی ہویو آن کہیو۔ اے پِتا آخمان ان دھرتی رے پرمیشور ہُوں تھارو شُکر کرئیں۔ کہ تو ایہ باتاں خیاݨاں آن عقلمنداں خاں لُکایے۔ آن چھوٹاں تے ظاہر کریے۔ ہاں اے پِتا کیانکہ ایاں جی تھاناں پسند ہے۔²²۲۲۔مھارے پِتا خاں خارو کجھ مناں ݙنو گیو ہے۔ کوئی کونی جاݨتو ݙیکرو کݨ ہے خِدوائے پتا رے آن پِتا کݨ ہے۔ خوائے ݙیکرے رے۔ آن اوے منکھ تے جکے تے ݙیکرو ظاہر کرݨ چاہوے۔²³۲۳۔ آن آپرے چیلاں ݙخا توجہ کر آن خاص کر اُواں نا کہیو۔ دھن ہے او آنکھے جکو ایہ جووی جاں جکاں نا تھیں جووی۔ ²⁴۲۴۔کیانکہ ہُوں تھاں نا خچی کہیں کہ گھݨے نبیاں آن بادشاہواں وی چاہیو کہ جکو تھیں جووی او جووے پݨ نی جو خگیا۔ جکو تھیں خُݨئی ووا خݨے پݨ نی خݨ خگیا۔²⁵۲۵۔ آن جووہ ہیک دھرمی گرو اُٹھیو آن ایہ کہ آن اُوے ری آزمائش کری۔ کہ اے اُستاد ہُوں کی کراں جو امر جیون رو وارث بݨا۔ ²⁶۲۶۔اُوے اوے نا کہیو کی شریعت میں کی لکھیوڑو ہے تو کِکر پڑھئیں۔ ²⁷۲۷۔اُوئے بݪتی ݙے کہیو تو پرمیشور آپرے ایشور نا خارے من آن آپری خاری جان خاں آن آپری خاری طاقت خاں آن آپری خاری عقل خاں آن آپرے ہمسائے نا آپ آݪیکار پریم راکھ۔ ²⁸۲۸۔اُوئے اُوئے نا کہیو تھیں ٹھیک بݪتی ݙنی۔ اے جی کر تو تُو جئییخ۔²⁹۲۹۔ پݨ اُوے چاہیو کہ آپرے آپ نا خیاݨو بتاوے۔ پربھو یسوع نا کہیو کہ مھارو ہمسایو کݨ ہے۔ ³⁰۳۰۔ایئے تے پربھو یسوع کہیو کہ ہیک شخص یروشلم خاں یریحو ݙخا جاوتو ووہ کہ ڈاکواں میں جا پڑیو جکا اُوئے نا لٹ رو مار مار آن ادھ مووہ چھوڑ بُوہا گیا۔³¹۳۱۔ اچانک ہیک کاہن اوئے مارگ خاں ٹپیو آن اُوے نا جویو آن کنی کر بُوہو گیو۔ ³²۳۲۔ایاں جی ہیک لاوی وی اُوے نا اوے جگہ آ جویو آن کنی کر بُوہو گیو۔³³۳۳۔پچھے بھݪے ہیک سامری سفر کرتے کرتے اوتھ آیو آن اُوے نا جو ترخ کھادو۔ ³⁴۳۴۔آن کڈھے جا اُوے رے زخماں ماتھے تیل آن مے لگا ٻاندھیا۔ آن آپرے جانور تے ٻیخاݨ آن مسافر خانے میں لے گیو۔ آن ایے ری شیوا کری۔ ³⁵۳۵۔آن ٻجے ݙن ٻے دینار کاڈھ بھٹیارے نا ݙنا آن کہیو۔ کہ ایئے ری کھٻر گیری کر آن جے کئیں گھݨو خرچ ہوے ہُوں بھݪے آن تھنا ݙئیخ۔³⁶۳۶۔ہمے ایاں تیناں میں خاں اُوے رو جکو ڈاکوؤاں میں پڑیو تو کے نا ہمسایو خمجھئی۔ ³⁷۳۷۔اُوے کہیو اوے نا جکے اُوے تے رحم کریو۔ جݙے پربھُو یسوع اُوے نا کہیو جا تو وی ایاں جی کر۔³⁸۳۸۔ آن جݙے او جاوتا ووا تو ہیکے گاں میں گیو آن مارتھا ناں ری ہیک لُگائی آپرے گھرے دعوت ݙنی۔ ³⁹۳۹۔آن مریم ناں ری ہیک اُوے ری ٻہن ہتی۔ آن او وی پرمیشور رے پگاں میں ٻیخ اُوے رو کلام خُݨتی ہَتی۔⁴⁰۴۰۔ پݨ مارتھا کام کرݨ ری پریشانی میں ہَتی او ابھیج کہوݨ لاگی۔ کہ اے پرمیشور تو خیال کونی کرتو مھاری ٻہن خدمت کرݨ خارُو ہیکھلی چھوڑ ݙنی ہے۔ ⁴¹۴۱۔پݨ پرمیشور بݪتی ݙنی مارتھا اے مارتھا تُو گھݨے باتاں میں فکر مند ہے۔ پݨ ہیک جی بات چاہیجئی۔ ⁴²۴۲۔ہمیں مریم بھلو حخو چگ لنھو جکو اُوئے خاں کھوخیو کونی جاوے۔

¹۱۔اَن او ھَیک جگہ تے پراتھنا کرتو پیو جݙے کی تو اوُے رِے چیلاں میں خاں کہیے اوے ناں کہیو کے اِے ایِشور مھناں بھی پر اتھنا کرڹ خیکھا جیکڹ کے یوحنا بھی آپرے چیلاں ناں خیکھویو ہے۔²۲۔ اُوے اوُاں خاں کہیو کے چڈے تھیں پراتھنا کرو تو کہیو اِے پتا تاجو ناں پوتر منیو جاوئے تاجی راجائی آوئے۔³۳۔ منھاری روز ری ٻاٹی آج مہاناں ݙئے۔ ⁴۴۔جہاں مہیں آپرے کخور آرا ناں معاف کریں تو بھی منھارا کخور معاف کر آن آزماش میں نی پڑڹ ݙے۔⁵۵۔ آن اوُے اواُں خاں کہیو کے تھاں میں خاں کہی او ہیک خنگتی ہوئے آن او آدھی رات رو اوُے کو ڈھیا آ رو کہے اے خنگتی منا تین ٻٹے او دھارے ݙے۔ ⁶۶۔کیاں کے مانجوں ھیک خنگتی سفر کریو میں کوڈھیا آیو ہے۔ آن میں کوڈھیاں کہیں کونی کے ھوں اوُے رِے اگیاں راکھاں۔ ⁷۷۔آن او بھتر خاں جواب میں کہے مناں تو تنگ نی کر کے ہیڹ اں دروازو بند ہے۔آن مانجاں ٻاݪ میں بھیݪا بچھاڹ ی تے خوتاپیا ہے ھوں اَٹھی کونی خگتو جکو تناں ڈیاں۔ ⁸۸۔ھوں تھاناں کہیں جے اُو ایئے سبب خاں کے اوُے رو خنگتی ہے اٹھی رو نی ݙے خگھے۔جے اوُے رِی بے حیائی رِے سبب خاں تو جکو کہیں درکار ہے اوے نا ݙے۔⁹۹۔ پر ہوں تھاں خاں بھی کہیں مانگخو تو تھاں ناں ݙنھوں جاخے جو خو تو لابھخے کھڑکاو تو تھا نھرے خاروں کھولیو جاخے۔ ¹⁰۱۰۔کیانکے ھر ہیک جکو مانگخے اوے نا ݙنھوں جاخے جکو لابھخے او پاخے آن جکو کھڑ کاخے اوُے رِے خاروں کھولیو جاخے۔¹¹۱۱۔ تھاں میں کہیو اھڑو ٻاپ ہے جکے رو ݙیکرو ٻائی مانگے تو او پھتر ݙے ہا مچھی مانگ تو مچھی رِے بدلے خنڈ ݙے۔ ¹²۱۲۔یا اہنݙو مانگے تو اوُے نا بچھو ݙ۔ ¹³۱۳۔تھیں برا تھی را بھی آپرے بچاں ناں بھلے چیزاں ݙیون جاڹ وئی تو تھا نرو آکاش پتا آپرے مانگڹ آݪاں ناں پویتر آتماں کیا کونی ݙے۔¹⁴۱۴۔ آن او ہَیک بھو نت ناں کاڈھتو پیو جکو گونگی ھتی آن جݙے بھونت نخرگیو بوپچھے او گونگو پولیو آن منکھاں رُو ٹوتو حیران تھیا۔ ¹⁵۱۵۔پر اوُاں میں کہیاں کہیو کے او بھونتاں ناں بھونتاں رِے سردرد بعل زبوں رِی مدد خاں بھونتاں نا کوڈھئی۔¹⁶۱۶۔ ٻجاں آزموتے رِے خاروں آکاش رو کوئی نشان اُوے خاں مانگیو۔ ¹⁷۱۷۔پر اوُے اوُاں رِے خیالاں اوݪکھتے ہوئے اوُاں خاں کہیو کے جکے راجائی میں پھوٹ پر جاوے۔او اوُاں ہو جاخے۔آن کھر گھرتے کھرخے۔¹⁸۱۸۔ جیکݙہنں شِیطان آپراں ہی میں بغاوت راکھے تو اوُے رِی راجائی کیکر کامیاب رہ خے کیا نکے تھیں مانجی بارے کہی کے اِے بعل زبوں رِی مدد خاں بھوتاں ناں کاڈھئی۔ ¹⁹۱۹۔تو ھوں بھونتاں نا بعل زبوں رِی مدد خاں کاڈھڹ تو تھارا ݙکرر کے رِی مدد خاں کاڈھئی۔ایئے رِے خاروں اوئی تھارا ہوخے۔ ²⁰۲۰۔پرھوں ایِشور رِی طاقت خاں کاڈہین تو بے شک ایِشور رِی راجائی تھاں کوڈھیا آپگی ری۔²¹۲۱۔ جݙے کوئی ݙادھو منکھ آپرے گھر رِی چوکیداری کریئی تو اوُے رو مال محضوظ رہخے۔ ²²۲۲۔پڹ جیکݙہیں اوُے خاں بھی ݙاڈھو آ رو اوُے نا دھمکاوے او اوُے را ہتھیاراں تے اوُے یقین ہوتو او خوخ را اوُے رو مال ٻجے ناں بݪا ݙے رو۔ ²³۲۳۔جکو میں بھیݪو کونی او مانجو بیری ہے آن جکو میں بھیݪو جمع کونی کرتو او بکھیریئی پیو۔²⁴۲۴۔ جݙے بھونت منِکھاں خاں نخریئی تو او بھلی جگھاواں میں آرام کرڹ ری کوشش کریئی جکید ہیں کونی لابھتی تو او واپس جاوڹ رِی کوشش کریئی کے ھوں اوُے گھر میں اوُے منکھ میں جاواں۔ ²⁵۲۵۔او آ ری اوُے ناں صاف آن سینگار یو ڑو ٻاوی۔ ²⁶۲۶۔جݙے او جاری سات بھونتڑیاں ناں جکو اوُے خاں بھی گھڹ ے گندے ھوتے آپرے بھیݪے لے آئی آن اوے میں بخی آن اوُے منکھ ری حالت پِچھے خاں بھی بری تھیں ری۔²⁷۲۷۔ آن پچھے او اِے کہتوئی پیو کے ٹولے میں ہیک اشتری رڑکر کہیو اوے خاں کہو او دھن ہے او گربھ جکے میں توں پݪیو آن او تھڹ جکو تیں پیا۔ ²⁸۲۸۔اوُے کہیو ہاوے پر گھڹا مبارک او ہے جکو ایِشور رو کلام خنڹئی ان اوُ ےتے عمل کرئی۔²⁹۲۹۔ جݙے موٹو ٹوڑو جمع ہوتو گیو تو او کہوڹ لاگو کہ ائیے زمانہ را لوگ برُا ہے او نشان نا لابھئی پر یوناہ رے نِشان رِے خیوا بیجو کوئی نشِان کونی ݙینھیو جاوے۔ ³⁰۳۰۔کیانکہ جیکر یوناہ نینوہ رِے لوگا رِے خارو نشِان بڹیو اواں جی ابن آدَم ائیے زمانے رِے لوگا رِے خارو ہو خے۔³¹۳۱۔ دَکھن رِی ملکہ ائیے زمانے رِے مِنکھ بھڑی عدالت ارِے ݙئ اٹھ خے ان اوُاں نا مجرم کہخے کیاں کہ او دنیا رے کنارے خا سِلیمان ری حکمت خڹاڹ آئی تی ان جووہ اتھے او ہے جکو سلیِمان خا وی موٹو ہے۔³²۳۲۔ نینوہ را لوگ ایئے زمانے رِے لوگا بھیڑا عدالت ارِے ݙی کھڑا ہو خے ان اوُاں نا مجرم کہخے کیانکہ اواں یوناہ ری منادی تے توبہ کرئی ان جووہ اتھے او ہے جکو یوناہ خا وی موٹو ہے۔³³۳۳۔ ہوئی منکھ بتی ٻاݪ ری لوکاوتو کونی کے اندھارو اوُے ٻر بتی آݪی جگہ تے راکھی کے آوڹ آݪا ناں خوجلو ہووے۔ ³⁴۳۴۔پدان رِی بتی آنکھ خاں ہے جتی تک تاجی آنکھ ٹھیک ہے تو تاجو خارو پدان ٹھیک ہے جے خراب ہے تو تاجو خارو پدان اندَھارے میں ہے۔ ³⁵۳۵۔خبردار ایاں نی ہووے کہ او خوجکو جکو تیہیں میں ہے اندھارو نی تھی جاوے۔ ³⁶۳۶۔پے تاجو پدان روُشن تھیو رو ان اوُے میں کوئی کمی کونی رہی تو خجوو ایاں روُشن ہو جاخے۔پر ہیک خوجکے چمک خاں روُشن رہخے۔³⁷۳۷۔ ان او بات کرتو پیو تو ہیک فرَیسی اوے نا دعوت ݙینہی ان بھیتریا بھیݪا ٻاٹی کھاوڹ ٻیٹھا۔ ³⁸۳۸۔فَریسی اے جو را حیران تھیا کے باٹی کھاوڹ خاں پہلی ہاتھ کونی دھویا۔³⁹۳۹۔ ائیے ایشِور اوُاں خاں ایے کہیو تھیں فرُیسی پیالا پلیٹاں باہر خاں تو دھو وی پڑ تاجے بھیتر لوٹ آں برائی خاں بھریو پیو ہے۔ ⁴⁰۴۰۔اِے بے خجھو جکے ٻاہر نا ٹھایو ہے کی اوُے بھیتر نہ کوئی ٹھایو؟ ⁴¹۴۱۔پرجکو بہتر ہے اوُے نا حیرت خاں جو آن جوو تھا نرے خاروں پویتر ہوخے۔⁴²۴۲۔ پر رِے فرَیسو تھاں تے لعنت کے تھیں پھودنے آن دھاڹ ا ھر ہیک ھاجی رِی دیھ یکی تو ݙہی پر انضاف رِی آن خدا ری محبت خاں پاخو کروئی۔کرڹ و اے ھتوکے اییاں ناں بھی نی چھوڑنت آن اے بھی کرنت۔⁴³۴۳۔ اے فرَیسیو تھاں تے افسوس کے تھیں بھگتی گھر میں اونچے درجے رے کرخی آن بازارَاں میں عزت مانگوئی۔ ⁴⁴۴۴۔تھاں تے افِسوس کے تھیں لکیوڑے قبراں آݪی کرہو۔ماڹ خ اوُے تے بیھی آن خمجھتا کونی۔⁴⁵۴۵۔ جݙے گیانی شرُوع میں اٹھی رو کہیو اے استاد ایئے باتاں کہڹ تو مہاناں بے عزت کریئں۔ ⁴⁶۴۶۔پڹ اواں خا کہیو اے گییانیاں پہلی تھاں نے اِفسوس کے اھڑو بھار جکو تھاں خاں بھی کونی کھڹ یوں جاتو او مِنکھاں تے تھیں لݙئی رو آن تھیں آپ اوُے بھار ناں ہیک آنگݪی بھی کونی لگاتا۔⁴⁷۴۷۔ تھاں تے افِسوس کے تھیں نبیاں رِے قبراں ناتو ٹھاوئی آن تھانرے پاپ ݙاݙے اُواں ناں مارہاہے۔ ⁴⁸۴۸۔خچی پچی توں پر چار کرینں آن آپر ٻاپ ݙاݙے رے کاماں ناں بھلو کہیں آن اوُاں ناں تین ماریا آن اوُاں رِے قبراں ٹھاویں۔⁴⁹۴۹۔ ایئے رِے خاروں ایِشور رِی خچائی کہیو ھوں نبیاں آن خنتاں ناں اوُاں کو ڈھیاں بہتر کہ یخ او اوُاں میں کہکاں نا مارخے آن ختاخے۔ ⁵⁰۵۰۔ تاکے خارے نبیاں رِے کھیی ری جکو دنیا رِے شرُوع خاں بہایو گیو ایئے پیڈھی خاں پوچھیو جاوے۔ ⁵¹۵۱۔ہابل رِے خوں خاں لے لو اوُے زکریا رے خون تک جکو چڑھاوے آݪی جگہ خاں آن بھگتی گھر رے بچ میں ماریو گیو ہاں ھوں تھا ناں کہیں کے ایئے ہی پیڑھی خاں جواب لنھوں جاخے۔⁵²۵۲۔ اِے شِریعت را عالموں تھاں تے اِفسوس کے تھاں بچاݪو آݪی کونچی کھوخ لینھی رِی ۔ تھیں آپ بھی کونی بڑیا آن ٻجاں ناں بھی کونی جاوڹ ݙنھاں۔⁵³۵۳۔ آن او جݙے اتھ خاں نخریو تو فقیہ آن فرَیسی اوُے ناں گندی طرح چہڈڹ لاگا۔ ⁵⁴۵۴۔آن اوُے رِی تاڑ میں رہیا ایئے رِے خاروں کے اوُے رِے مکھ رِی کوئی بات جھالے۔

¹۱۔اِترے میں ہزارَاں منکِھاں او ٹوݪو آخے پاخے بھیݪو ہوگیو۔اِتری تک کے ہکوٻجے نہ لتارتاواہ۔تو اوُ پہلی آپ رِے چیَلاں نا کوھاڹ لاگو۔کہ نہ یسیاں رِی ٹھگی خاں ہشِیار رہیا۔کیانکے او خمیر آݪیکار ہے۔²۲۔ کیا نکے کوئی چیز ڈھکیوڑی کونی جکو بتاݪی کونی گی آن کوئی چیز لکیوڑی کونی جکو جامھی کونی کریئ گی۔ ³۳۔ایئے خارو جکو کجھ تھاں اندھَارے میں کہیو ہے او اجاݪے میں خڹ ا یو جاخے آن جکو کجھ تھاں خاں بند کوٹھاں میں کامان میں کہیو ہے اور چھتاں ماتھے اعلان کرتے خڹ ا یو جاخے۔⁴۴۔پڹ تھاں عزیراں نا ہوں کہیں کہ اوُاں خاں نی ٻیو جکو جسِم نہ ماریں۔ آن اوُے خاں پچھے کہیں کونی کر خگتا۔ ⁵۵۔پڹ ہوں خاں نا کہیں کہ کے خاں ٻیو۔اوُے خاں ٻیو کیا نکے اوے نا مارن خاں دچھے پو رو اخَتیار ہے۔کہ نرگ میں ناخے ہاں ہوں خاں نا کہیں کہ اوُے خاں ٻیو۔⁶۶۔ کی ٻیاں پڹ خاں رے پانچ چڑ کے کونی بکتے تو وی ایِشور کوڈھی اوُاں میں خاں ہیک بھی چپ کونی ہوتی۔ ⁷۷۔بلکہ تھارے ماتھے را خارا ٻال وی گینوڑا ہے۔ایئے خارو ٻیونی۔کیانکے اوے رِے آگے تھاں رِی قدر گھڹ ی چڑکیاں خاں وی بر ھیک ہے۔⁸۸۔ آن ہوں تھاں نا کہیں جکو منِکھاں رِے رو برو مھناں منخے کرے ایشِور رو ݙیکرو ایِشور فرشتاں رِے آگے اوُے ناں منخے۔ ⁹۹۔پڹ جکو منکھاں رِے رو برو مانجو انکار کرخے۔ایِشور رِے فرَشتاں رِے روبرو اوُے رو انکار کرخے۔ ¹⁰۱۰۔آن جکو کوئی ایِشور رِے ݙیکرے رِے خلاف بات کرخے اوے نامعاف کریو خاخے پڹ جکو پویتر آتماں رِے خلاف کفُر کہے او معاف کونی کریو جاوے۔¹¹۱۱۔آن جݙے وِی منِکھ تھاں نا بھگتی گھرَاں میں آن حاکماں آن اختیار آݪاں کوڈھیاں لے جاخے تو پریشان نی ہویا کہ میں کی جواب ݙخاں آن کی کیخاں۔ ¹²۱۲۔کیا نکے پویتر آتماں اوُے گھڑی تھاں نا خیال خے کہ کی کہیوڑو اے۔¹³۱۳۔ پجھے ٹوݪے میں خاں پیکے اوُے نا کہیو گرو جی مھارے بھائی نا کہہ کہ مافجے بھانگے میں خاں بھانگوݙے۔ ¹⁴۱۴۔پڹ اوُے اوُاں نا کہیو کہ میاں کے مناتھاں تے ماضی مقرر کیو۔ ¹⁵۱۵۔آن اوُے اوُاں نا کہیو کہ ہوشَیار رہو آن خِاری لالچ خاں اݪگو رہو ۔¹⁶۱۶۔ کیا نکے کہیں رِی زندگی اوُے رِی دولت تے ٻا دھوڑی کونی آن اوے اوُاں نا ہیک مثال ݙنی کہ کئی زمیندار رِی زمین میں گھڹ ی فصل ہوئی۔ ¹⁷۱۷۔آن او آپ رِے دل میں خوچڹ لاگو کہ ہوں کی کراں کیا نکے میں کوڈھیاں جگہ کونی جھتے ہوں آپ رو مال بھیݪو کراں۔ ¹⁸۱۸۔آن اوُے کہیو کہ ہوں اِے کرخ کہ آپ را کوٹھاں ناخیں آن موٹے بڹ اٹیح آن او تھے آپ رو دھان آن مال جمع کرخ۔ ¹⁹۱۹۔آن آپ رِے آپ خاں کہیو کہ اے جان تے کوڈھی گھڹ ڑو مال گھڹ ے پر خاں رِے خاروں بھیݪو اے۔²⁰۲۰۔ پڹ ایِشور اوُاں نا کہیو آن خجھ اِے رات توں مر جایئخ رو پڹ جکو تے تیار کہ یو اے او کے رو ہوخے۔ ²¹۲۱۔ایئے خارو جواب رِے خارو مال بھیݪو کرئی آن ایِشور رِے نیڑو امیر کونی۔²²۲۲۔ پِچھے اوُے آپ رِے چیَلاں نا کہیو ایئے خاروں ہوں تھا ناں کہیں کہ آپ رِی زندگی رِے خارو فکر نی کرو۔ کہ مھیں کی کھاخاں آن نہ جسم رِے خاروں کی پر خاں۔ ²³۲۳۔کیا نکے زندگی کھاوے خاں گھڹ ی بدھیک ہے آن جَسم گا بھا خاں۔²⁴۲۴۔ ہاڈاں نہ جو وہ کرنی ٻاوتانہ ٻاڈتا آن نی اوُاں راگو رام ہے تو بھی ایشِور اوُاں نہ کھاون رِے خارو ݙئی۔ تو تَھاری قدر پکھیاں کہیں گھڹ ی ہے۔ ²⁵۲۵۔تھاں مھنِاں کڹ ہے جکو فکر کرتے آپ رِے قدر نہ ہیک ہاتھ بدھا خگے۔ ²⁶۲۶۔پڹ جݙے خاں چھوٹی خاں چھوٹی بات کونی کر خگتو۔تو کے رِے خاروں باقی چیزاں رو فکر کرئی۔²⁷۲۷۔سوسن نہ جووہ کہ کڹ بدھئی نی او محنت کرئی نی ٻاڈھی ہوں تھاں خاں کہیں کہ سلیَمان وی آپ رِی خاری شان و شوکت میں اوُاں میں خاں ہیک جھڑو کونی ہتو۔ ²⁸۲۸۔جݙے ایِشور گاخ جکو آج رِے میدان میں ہے آن خاگلو تیور میں ٻاݪی خاخ اوے تا وی ایِشور پھوٹراگابھا پراوئی۔ تو اِے گھٹ و شواس آݪاں،کی او تھاں نا کونی پہراوے۔²⁹۲۹۔ آن تھیں ایئے بات رِی فکر نی کرو کہ مھیں کی کھاخاں آن کی پخاں آن شکی نی ہووہ۔ ³⁰۳۰۔کیانکے ایئاں خارے چیزاں رِے لارے دنیا رے قوماں رہتی پڹ تھارے ٻاپ نا ٹھا ہے کہ تھیں کہیاں چیزاں رِی ضرورت اے۔³¹۳۱۔ بلکہ پہلی تھیں ایِشور رِی بادشاہی نا جووہ تو اِے خاری چیزاں تھانا مل جاخے۔ ³²۳۲۔آبے چھوٹا ٹو کونی ٻیو کیا نکے تھا رِے ٻاپ نا تھیں پاخ آیا کہ بادشاہی تھا نا ݙے۔³³۳۳۔ آپری دَھن دولت بیچ ݙو آن خیرات ݙو آن آپرے خارو الیٹراٻٹو اڹ او جکو پراڹ ا کونی ہووتا یعنی آکاش ماتھے ابہڑوخزانو بھیݪو کرو جکو خالی کونی ہووتا جیتھ جو چوری کونی کر خگتو آن کیڑو خراب کونی کرتو۔ ³⁴۳۴۔کیانکے جھتے تاجو مال ہے اتھے تاجو دِل بھی لاگو رہ خے۔³⁵۳۵۔ جند رو ٻاندھے راکھو آن آپراݙیئو ٻاݪے راکھو۔ ³⁶۳۶۔آن تھیں اوُاں منِکھاں جیڑا ہو جکو آپرے مالک رو مارگ جووئی کہ او بہاں خاں کڈے باچھو آخے آن کھڑ کاخے تو اوُے گھڑی اوے رِے خارو کھولیو جاخے۔³⁷۳۷۔دھن ہے ہوئے اوُے نو کرنا جݙے مالک اوُے تو جاگتو جوے ہوں تھاں نا خچی کہیں کہ او آپ خند رو اواں نا ٻاٹی کھاون کے خارے ٻغاڹ آن اواں رِی شیوا کرخے۔ ³⁸۳۸۔آن بݪے او رات رِے ٻجے پہر آن تیجے پہر آخے آن اوُاں نا ایئاں جوخے تو او نوکر گھڹ رو دَھن ہے۔³⁹۳۹۔پڹ یاد راکھو کہ گھرَ رِے مالک نا خبرونت کہ چور کہی بݪا آخے تو او جاگتو رہتو آن آپرے خند لگڹ کونی ݙیونت۔ ⁴⁰۴۰۔پڹ تھیں بھی تیار رہو کہ جکے گھڑی تھیں خیال بھی کونی کرو ابن انخان آخے رو۔⁴¹۴۱۔ جݙے پطِرس اوُے نا کہیو کہ اے ایشور تو اِے مثَال ماھنا ہی کہیں کی خارا خاں۔ ⁴²۴۲۔ایشِور کہیو کڹ ہے او ایمانَدار آن چتر نو کر جکے نا مالک آپرے گھرتے مقرر کریو پیمانہ کٹک وقت تے اواں نا ݙوے۔ ⁴³۴۳۔دَھن ہے اوے نوکر تے جکے نامالک ایئاں ہی کر تو جوے۔ ⁴⁴۴۴۔ہوں تھاں ناخچی کہیں کہ او آپرے رِے مال رو مالک کر ݙخے۔⁴⁵۴۵۔ پڹ او نوکر آپرے دَل میں کہے کہ مانجو مالک آوڹ میں دیر کرئی آن نوکراں آن ٻانہیاں نہ مارڹ او رکھاوڹ پیوڹ اورست تھیڹ خرو کرے۔ ⁴⁶۴۶۔تو اوُے نوکر رو مالک ایہڑے ݙن آخے کہ او انکار نی کر تو وے آن ایہڑے وقت کہ اوے نا خبر نی وے۔آن اوے نا باݙناخے آن بے ایمانا بھیݪو اوے رو خنجو کرݙنو۔⁴⁷۴۷۔ پڹ جکے نوکر آپرے مالک رِے کہڹ رِے مطابق تیاری کونی کری او گھڑی مار کھاخے۔ ⁴⁸۴۸۔پڹ جکے نی جاڹ کہ مار کھاوڹ رو کام کریو او تھوڑی مار کھاخے۔⁴⁹۴۹۔ ہوں دھرتی تے ٻاجݙے لگاوڹ آیو آن نولیوں ٻجو کی چاھویں پڹ اِے کہ اوخڑ جاوے۔ ⁵⁰۵۰۔پڹ مھناہیک بپنسموں لیوٹواے۔آن جݙے تک اونی ہوے ہوں اِیاں ہی تنگ رہیخ۔⁵¹۵۱۔ کی تھیں فخر کرئی کہ ہوں دھرتی ماتھے فتح کراوڹ آیو ہاں ہوں تھانا کہیں کہ کونی بلکہ نکھیڑو کراوڹ ۔ ⁵²۵۲۔کیانکے ہمیں ہیک گھرَ را پانچ آپت میں بیرراکھے تینا خاں ٻے آن ٻہاں خاں تین۔ ⁵³۵۳۔بیر راکھے ٻاپ ݙیکرے خاں آن ݙیکرو ٻاپ خاں ماں ݙیکری خاں آن ڈیکری ماں خاں۔خاخو بوہاری خاں آن بوہاری خاخو خاں۔⁵⁴۵۴۔ پچھے اوُے ٹوݪے نا بھی کہیو کہ جݙے تھیں جھڑ اتھوٹے پاخے خاں آو تو جوخو تو او ے گھڑی کہیو کہ میہہ بر خخے آن اہاں ہی ہوئی۔ ⁵⁵۵۵۔آن جݙے ڈکھن رو بائر و چلَئی تو کہخو گرمی ہوخے آن ایئاں ہی خوخے۔ ⁵⁶۵۶۔اِے ٹھگاں تھیں دھرتی آن اکاش نا جاڹ ئی پڹ ایئے زمانے ناکیاں کونی جاڹ تا۔⁵⁷۵۷۔ آن تھیں آپ کیاں کونی فیصلو کرتا کہ حق کی اِے۔ ⁵⁸۵۸۔آن جݙے تو آپرے فرعی رِے بھیݪا بادچھاہ کوڈھی جاوی تو مارگ میں کوشش کر کہ مارگ میں اوُے خاں فلح کررِی۔ ائیاں نی ہوئے کہ او تنا خپیائی کے حوالے کرے او خپیائی تناجیل میں ڈے۔ ⁵⁹۵۹۔ہوں تھاں خاں کہیں کہ جڈے تو ٹکو ٹکو نی بھر ݙے اِتھے خاں کݙے کونی چھوٹے۔

¹۱۔ اوُے بیݪا تے گھڑاں خارا اتھے ہوتا۔جکاں اوے نا گلیاں رِی خٻر ݙنی جکاں رو لوہی پیلاطَس قربانی ݙیوڹ آراں خاں مدد ݙنھوں ہتو۔ ²۲۔اوُے حوالے میں اوُاں نا کہیو کے کی تھاں خمجھی کے اِے گلیلی ٻجاں خاراں گلیلیاں خاں گھڹ ا پابی ہوتا کے ایاں خاں اے ہیو۔ ³۳۔ہوں تھاں نا کہیں اِے کونی پڹ خارا ٻانی کر خو تو خارا ایاں مرخو۔⁴۴۔ یا او اڈھارے جکاں تے سیلوام رو تھا نبھو کھریو تے دٻج تے مووا۔کی تھا خمجھئی کے او یروشَیلم رِے خارے رہوڹ آراں خاں گھڹ ا قخور وار ہتا؟ ⁵۵۔ہوں تھاں ناں کہوی کے کونی پڹ جے تھاں نوٻانی کرو تو خارا ایاں آری کر ماریا جاخو۔⁶۶۔ آن اوُے رِے مخال ݙنی کے کہیں رِے باگ میں ہیک انجیر رو یڑن ہتو اوُے آتے ایے میں میوو بھڹ لاگا پڹ کونی لادھو۔ ⁷۷۔جݙے اوُے مالی ناکہیو جو تین خال خاں ہوں آوی تے انجیر رے بڑڹ میں ہوں پھڑ او بھئی پر کونی لا بھتو۔اِے نا باڈھ ناکھ ایے دھرتی نہ مل راکھی ہے۔⁸۸۔ پر اوے جواب میں اے کہیو کے اِے ایِشور اِے خال وی ایے نہ رہڑ ݙے کے ہوں ایے رِے ٻاروں دورو بڑایئخ تے کھاد ݙیئخ۔ ⁹۹۔متاں آوڹ آرے ݙنا میں پھڑ لاگ جونی لاگے تو بݙ وائے رو۔¹⁰۱۰۔ پچھے ایِشور رِے پویتر ݙاتاو کہیں بھگَتی گھر میں پرچار کرتوہتو۔ ¹¹۱۱۔آن جووہ ہیک لگائی ہتی جکے تے اٹھارے برخ خاں کمزوری رِی روح ہتی او کیڑی ہوگی تہاری تے اور بلکل خرھی کونی ہو خگتی ہوتی۔¹²۱۲۔ یَسوع اوُے نہ جو رو آپ رِے کݙی ہولو کرتے اوُے نہ کہیو مائی تو آپ رِی بیمَاری خا ٹھیک تھی گی رِی۔ ¹³۱۳۔آن اوُے مائی تے ہاتھ راکھیو تے او اوُے گھڑی ٹھیک تھی گی۔تے ایِشور رِی برائی کرڹ لرگی۔ ¹⁴۱۴۔جݙے بَھگتی گھر رو خیردار رِے واَسطے کہ یَسوع پویتر ݙہ شفاݙی تی تو او ریخ میں نکھاں نا کہݙ لوگو چھ ݙن ہے وا جکاں میں کام کر ڹ و چاہیی آن اوُے میں آتے تھاں شفالیو نی کے پوتیر ݙہ ری۔¹⁵۱۵۔ جݙے ایِشور اوُاں نا جواب ݙنو آن کہیو او ٹھگاں کی تھاں خارا پویتر ݙن آپ رِے ݙھگے آن گݙے نا ہندر خاں کونی کھولتا تے اوُاں نہ پاڹ ی کونی پلاوڹ لے جاتا۔ ¹⁶۱۶۔کی اے بھلو کونی کے اے ابراَہیم رِی ݙیکری جکے ناں اٹھارے خال خاں شَیطان ٻانݙے راکھیو ہتو آج رِے پویتر ݙہ نا ڈھو ڑی چھوڑائی جاوت۔¹⁷۱۷۔ جݙے اوُ ایے باتاں کہیو ہتو تو اوآ را خارا دخمن کرڹ آرا خسرمندہ ہوڹ لاگا آن او خارا لوک ایے بھلالے کاماں خاں خوش ہوتا جکو او کرتو ہتو۔¹⁸۱۸۔ جݙے او کہوڑ لاگو کہ ایِشور رِی بادَشاہی کے آݪی کر ہے؟ آن ہوں اوُے ناکے خاں بچاڑاں ۔ ¹⁹۱۹۔او رائے رِے ݙاڹ ے آݪی کر ہے جکے نا ہیک منکھ لے تے آپ رِی زمین میں باون او اگیوتے موٹو بڹ ہوگیو آن آخمان را پرندہ اوُے رِے ݙائیاں تے آڑیابڹ ایا۔²⁰۲۰۔ آن پِچھے اوُے کہیو ہوں ایشِور رِی بادشَاہی نہ کے آݪی کر خمجھاں۔ ²¹۲۱۔او خمیر آݪی کر ہے جکے نہ ہیک لگائی لے تے تین حخہ آئے میں بچاڑی تے خارو کجھ خمیربڹ جاوی۔²²۲۲۔ آن او یروشیَلم جاوتا ہوا شاہر شاہر آن گاں گاں پھرتا تَعلیم ݙیتا ہتا۔ ²³۲۳۔آن کہیں اوُے نہ کہیو اِے ایِشور کی مگتی ہیوڈ آرا تھوڑا ہے؟اوُے اوُاں نہ کہیو۔ ²⁴۲۴۔تھاں پورے دِل خاں ایِشور نہ یاد کرو کیا نکہ تھاں خوڑے دِروازے خاں لنگھ خاو ہوں تھاں خاں خچی کہیی کے گَھراں کوشش کرئی پر یئر کونی تگے۔²⁵۲۵۔ جݙے گھر رو مالک اٹھی تے دروازو بند کرخلے رو تو تھاں ٻہار ابھِیج رَاتے دروازو کھڑ کھاتا اِے کہخو ایِشور مھارے واسطے دروازو کھُول آن او بݪتی میں کہخے کے ہوں تھانا کونی جاڑڹ توں کے تھا کیتھے راہو۔ ²⁶۲۶۔پچھے تھاں کہخو کے مھاں تاجے بھیڑو کھادو پیو ہاں آن تے مھارے کریاں میں پرچار کریو۔ ²⁷۲۷۔پڹ تھانا کہخے کہ ھوں تھانا کونی جاڹ تو تھاں کتھے راہو؟ اِے خاراں بے اھَاراں میں خاں اڑگاہ جاورا ۔²⁸۲۸۔ اِتھے روڹ آن ݙاتاں رو پیخڑ ہوخے جݙے تھاں ابرَاہیم آن اسَحاق آن یقوب آن خاراں سنتاں نہ ایِشور رِی بادشاہی میں جوخو آن تھاں آپ رِے آپ نہ ٻہار نکلیوڑاجوخو۔ ²⁹۲۹۔آن اوگڹ آتھووڹ اوتر ݙکھن خاں لوک آتے ایِشور رِی بادشاہی رِی دعَوت میں شامل ہوخے۔ ³⁰۳۰۔آن جووہ جکو لارِے ہے او آگے ہوخے آن جکو آگے ہوخے او لارِے ہوخے۔³¹۳۱۔ اوُے گھڑی جی کیڹ ک فریسی آیا آن اوُے نہ کہاڑ لاگا اتھے خاں تو جارو کیانکہ ہیَرودیِس تنا مراوڹ چاہوی۔ ³²۳۲۔اوُے اوُاں نہ کہیو کہ جا اوے چالاک ماڑخ نہ کہے کہ آج کل بھوتڑناں نا کاݙی تے بیماراں نہ بھَلا کرئیں آن پریاں آپ رِے کام نا مکھڹ کرخے۔ ³³۳۳۔آن میں تے ضرور ہے کہ ہو آج آن خاکڹ و آن پریاں کیانکہ کونی ہو خگتو کہ سسَت یروشَیلم خاں ٻہار ماریو جاوے۔³⁴۳۴۔ اِے یروشَیلم اے یروشَیلم تو جکو سنتاں نام واویں جکو تے ݙخابہر کریا گیا اوُے نہ پتھر مرواویں کتری باری میں خوچیو کہ ہوں تاجے ٻاٹیانا بھیݪی کراں ایاں جاں ککڑی آپ رِے جوزیاں نہ پرال رِے نیچا بھیݪا کرئیں۔پرتو ایاں کونی چاہتو۔ ³⁵۳۵۔جووہ ہمے تھا رو گھر تھارے واسطے چھوڑیو جاخے پڹ ہوں تھانا کہوی جہ تھامنتا کݙے کونی جو خگو اتِری تک جتی تک تھاں اِے نی کہو کہ مَبارک ہے او جکو ایِشور رِے ناں خاں آوی۔

¹۱۔ آن ایاں ہویو کہ او سبت رو فریَسیاں رِے سرداَراں میں خاں ہیک رِے گھرے ٻاٹی کھاوڹ گیو۔آن او اوُے ای تاڑ میں رہیا۔ ²۲۔آن جووہ اوُے رِے خامے ایک مِنکھ جکے را ہاتھ پگ خوجمیو ڑا ہوتا۔ ³۳۔آن یِسوع اوُاں نا بݪتی رِے کہیو علما شرع ان فریَسیاں نا ایاں کہہ تے پوچھیو کہ ست رو بھَلاں کرڹ ٹھیک ہے یا کونی۔⁴۴۔ او چَپ ہو گیا آن اوُے ہاتھ لگا رو اوُے ناں ھلاں کریو۔آن صپل ݙیو۔ ⁵۵۔بڑے اوں نا کہیو تھاں میں خاں اہڑو کون ہے جکے رو گݙو پا ڈگھو کرومیں کھرے آن او ھَیگوبت اݪے ݙن اوے نانی کاڑے۔ ⁶۶۔اوُ ائیے رِے باتاں رو جواب نی رِے خگیا۔⁷۷۔ بڑے جکے نائم اوُے ݙٹھو کہ موٹے لوکاں رِی مہان خانو کئے طرح خاں پَسند کریے۔آن اوُے مثال کہیو۔ ⁸۸۔جݙے تا کوئی بیاں تے ہولے کرے۔تو موٹے لوکاں رِی گلہ تے نی ٻنجے مثے تَھیں خاں وی کئے موٹے مِنکھ نہ ہولو کریو ہوئے۔ ⁹۹۔آن جکے تنا آن اوُے نا ہولو کریو او کہیوے کہ اِے جگہ اوے نا ݙے آن پچھے تنا شرمَندہ ہو رو بنچا بخڹ ر پڑے۔¹⁰۱۰۔ بلکہ جݙے تنا ہولو کرے تو توں خاراں خاں پچلی جگہ تے ٻخے۔آن جکے تنا ہولو کریو ہوے او آ ان تنا کہے اِے ساتھی آگے آتے ٻیخ۔ تو تاقی خارِے مہاناں میں تھیں اتی عزت ہوخے۔ ¹¹۱۱۔کیانکہ جکو کوئی آپ نا موثر بڹ اخے او چھوڑ کر یو جاخے آن جکو آپ نا چھوڑ ڹ اخے۔او موٹو کریو جاخے۔¹²۱۲۔ پڑے اوُے ابَرے اِے ہوے کرڹ آݪے نا کہیو کہ جݙے تو ݙن پا رات رو کھا ڹ و ڹ اوے تو اپرے رو ستاں پاھائیاں پا رشتہ دَاراں پا دَولت مند پڑوساں نالی ہوئے کرے۔ائیاں نی ہوئے کہ اوُوی تنا ہولو کرے آن تاجو بدلو ہوئے۔¹³۱۳۔ بلکہ جݙے تو دِعوت کرنے تو عزیاں لیگڑاں آن اندھاں نا ہولو کرئے۔ ¹⁴۱۴۔تو توں رھن ہو پنج۔کیانکہ اوُاں کڑے کیئں کونی جکو تنا ہوے میں ݙیخے پڹ تناں نعݪے لوکاں رِی قیامت میں بدلو ݙنو جاخے۔¹⁵۱۵۔ اوُے رِے مہا ناں میں خاں کے خڹ رو ان کہیو کہ دَھن ہے او جکو ایِشور ایں بادَشاہی میں ٻاٹی کھاخے۔ ¹⁶۱۶۔ائے تے اوُے اِیئے ناں کہیو کہ کئے مِنکھ دعوت کرتے ڈبگھ خاراں نا ہوے کریو۔ ¹⁷۱۷۔آن دعوت رِے ٹائم اوُے اپرے نوکر نا میلیو۔کہ خارے ہوے کرڹ آراں نا کہے کہ ٻاٹی تیار ہے۔¹⁸۱۸۔ ایئے تے او خارا بچڑتے الزام لگایو۔ پہلکے اوُے نا کہیو کہ مھیں زِمین اِصول رِی لنی ہاں۔پہلی خاتے اوُے نا جوواں ہوں حاویں کہ منھاں معزوا راکھ۔ ¹⁹۱۹۔ٻجے کہیو مھیں پانچ جوڑی ڈگھا اَصول نا ہاں آن ہوں اواں نا ہیݪکا کرڹ خاویں ہوں عرض کریں کہ میں نی ٹائم کونی۔ ²⁰۲۰۔ایکے ٻیجے کہیو کہ منجو ٻیہا ہووہ ہے ایے رے خارو ہوو کونی آ خگتو۔²¹۲۱۔ پڹ اوُے نوکر پاچھو آ رو اپرَے مالک نا خارے باتاں خڹ ائے تو گھر آݪے مالک نا رٻخ آئی آن نوکر نا کہیو جاو شہر رِے چوکاں آن گلیاں میں خا آن غریاں آن اندَھاں آن لنگڑاں نے لے آ۔ ²²۲۲۔نوکر کہیو اِے خدا جیکر تیں ہیو اوُاں جی ہیو آن ہالی وی جگہ ہے۔²³۲۳۔ آن مالک اوُے نوکر نا کہیوکہ خڑ کاں تے کھَیت رِی طرف جا ان منِکھاں نا مجبور کر تے لے آ تا کہ مانجو گھر بھر جاوے رو۔ ²⁴۲۴۔کیانکہ ہوں تھاں خاں کہی جکو ہیلو کریا گیا تا اوُے میں خا کوئی مایو کھاڑو کونی لے خگتو۔²⁵۲۵۔ جݙے خجا لوگ اوُے بھیڑا جاتا واتو اوے ٻیڑے اوُاں نا کہیو۔ ²⁶۲۶۔اگر کوئی میں ݙیخا ا وی آن آپ رِے ماں ٻاپ آن ٻاڑا، لوگائی ،بھائی،ٻہَن بلکہ اپ رِی جان خا دُشمنی نی کرے تو نایو شَاگرد کونی۔ ²⁷۲۷۔آن جکو اپرَی صلیب نی اکھڹ ے آن مھیں آرے لا رِے نی اوُے تو اووی مھیں آݪو ضپیلو کونی ہو خگنو۔²⁸۲۸۔ کیانکہ تھا میں خاں اہڑو کوڹ ہے جکو گھر بڹ اوڹ چاوں آن پہل ٻنخ تے اوُے رو خَساں کونی کریو۔کہ مھیں کڑے اوُے نا بڹ اوڹ واسطے خامان ہے نا کونی۔ ²⁹۲۹۔ایئاں نی ہوئے کہ اپر و لگاوَے رو آن تیار نی کر خگے تو جکو لوک تنا جوخے او تھیں تے ڈانت کاڑخے۔ ³⁰۳۰۔کہ یئے منِکھ گھر بڹ اوڹ ری کوشَش تو کری پڹ بڹ انی خکیو۔³¹۳۱۔ پاکیو اپڑو راجہ ہے جکو ٻجے راجہ خاں جنگ کرڹ جاوڹ خاں پہل ٻیخ تے مشَورون کرے۔کہ آیا ہوں دخ ہترار خاں اوں خاں ٻڑ خیگخ یا کونی ٻجو 20 ہزار لے تے مھیں تے چڑے آوے۔ ³²۳۲۔جے او خمھی کہ اوُ جت کونی خگے تو جݙے دشمن حالی اݪگو ہوخے تو او بات کرڹ رے خارو خاص منکھاں نا میلخے کہ او خلح رِے شَیطان پوچھے۔ ³³۳۳۔آن کوئی تھاں مھیں خاں اپرو سب کچھ ترک نی کرے۔مھیں آݪو چیلو کونی ہوخگتو۔³⁴۳۴۔ لوڹ بھلو ہے پڹ لوڹ او مزو جاو تو اِے تو او کیکر لوٹو کریو جاخے۔ ³⁵۳۵۔نی جی او دِھرتی رِے کام رو آن نی جی کھاد اے بلکہ ٻاہر نا کھیو جاخے۔جکے راکان ہوئے او خڹ ݪے۔

¹۱۔ جݙے خارا چونگی لیواڹ آرا آن پاپی اوے کوڈی آیا تا تاکہ اوُے رِی خوڑے۔ ²۲۔آن فرَیسی آن ایاں کہتے ہوئے اعتراض کہیو کہ اِے پاپیاں خاں ٹکیر آن اواں بھیڑو ٻاٹی کھاویں۔³۳۔ جݙے اوُے اوُاں خاں اِے مثال کہی کہ۔ ⁴۴۔تھاں میں خاں ایڈو کہیو مَنکھ ہے جکے کوڈی ریژھا ہوئے اوُے میں خاں ھیک گو میخے رِی تو نیڑاں ہے اوُے نا جنگ میں نی چھوڑو آن جیتی لاگ اوُے نہ نی جووہ اوے گومیجو ڑی نہ جواتو نی پھرے۔ ⁵۵۔آن جݙے لابھے ری تو راَضی ہوں رو آپ رِے کھمیں تے کھڑآیو۔⁶۶۔ آن گھرے آ رو خنَگتیاں آن پاڑے آڑا نہ ہولو کررو ایاں کہیں پیو کہ میں بھیڑا خوَشی کرو کیا کہ ہوں آپ رِی گومیجیو ڑی ریڈ جوئی حاں۔ ⁷۷۔ہوں تھانا کہیں پیو کہ ایئے آݪی کݪ ننانوے ٹیکاں رے بدلے جو توٻہ را محتاج کونی ھیک توٻہ کرڹ پاپیاں رِے بدلے آکاش تے گھنڑی خوشی ہوخے۔⁸۸۔ ایڑی کہی لوگائی ہے ہیکے بھیڑا دخں رو پیاں ہوتے آن ھیک روپیو گومیجے رِی تو دیو ٻاڑو گھرمیں ٻوھاری نی ڈتے آن جیتی لاگ لابھے نی تو کوشش خاں جواتی رہے۔ ⁹۹۔آن جݙے لاٻھے تو خِنگتیاں آن پاڑے ارَاں نا ہیلو کرے کے میں بھیݪے خوَشی کرے کہ ہوں آپ رو گومیجوں ڑو ھَیک روپیو لادو۔ ¹⁰۱۰۔ہوں تھاں خاں کہیں پیو کہ ایر طرح ھیک توٻہ کرڑ آرو پاپی رے خورو ایِشور رِے فرشتوں رِے خامہیں خوشی ہوں ویں۔¹¹۱۱۔ بڑے اوُے نہ کہیو کہی مینکھ را ٻے ݙیکرا ہو تا۔ ¹²۱۲۔اوُے میں خاں چھوٹے ٻاپ خاں کہیو اِے ٻاپ مال رو اوخصو جکو منا آویں منادے اوُے مال اوں نہ بنڈݙنو۔¹³۱۳۔ آن گھڑا ݙن کونی گزریا کہ چھوٹو ݙیکرو خورو کچھ جمع کرو گھڑو پرو مَلک ݙیخا روانو ہو۔ آن اِتھے اوُے ملک آپ رُو مال بدچیلنی او ݙایو۔ ¹⁴۱۴۔آن جݙے خجو خرچ کر چکیو تو اوُے مَلَک میں گھڑو کاڑ پڑیوآن۔¹⁵۱۵۔ او محتاج ہواڹ لاگو جݙے اوُے ملک رِی ھیک راہڑ آرے کڈی جا ٻیٹھو اوے نہ آپ رِے فَضلاں میں سور چرواہاوڹ بہیر کیو۔ ¹⁶۱۶۔آن او چاہتو تو کہ اوے چھلکاں خاں جکو خوار کھاوتا ہوتا آپ رو پیٹ بھرے پیچھے کوئی اوُے نہ کونی ݙیتا ہوتا۔¹⁷۱۷۔ جݙے او ہوش میں آرو کہیو کہ مییاڑے باپ را کترا مزدور نہ گھڑی ٻاٹی مہلی آن ہوں ایتے بھوکا مرو۔ ¹⁸۱۸۔ہوں اٹھیرو آپ رِے ٻاپ کڈی آن اوے خاں کہخی کہ اِے ٻاپ ہوں آسمان رو آن تیاڑی نظر میں۔ ¹⁹۱۹۔گناہ کیو ہاں ہمیں ایے لائق کونی رہیو کہ بڑے تیاڑو ݙیکرو خوڑاوا منا آپ رِے مزدورا میں خاں ھیکے ری مانند بڑاں۔²⁰۲۰۔ آن اٹھی رو آپ رِے ٻاپ کوڈی گیو آن ہیڑا او پرہو ہی تو کہ اوے نا جو رو اوُے رِے ٻاپ نہ ترخں آیو آن بھڄ رو۔ ²¹۲۱۔اوے نہ گھڑے لگایو آن ماݙے تے میٹکے ݙینے3 ݙیکرے اوُے نہ کہیو کہ اِے ٻاپ ہوں آسمان آن تیاڑی نظر میں گناہ کیو ہاں آن ہمیں۔²²۲۲۔ اوُے لائق کونی رہیو کہ ٻڑے تیاڑو ݙیکرو خںڑاوا پچھے ٻاپ آپ رِے نوکراں خاں کہیو کہ بیگا جووہ بھلے خاں بھلے گابھا لے اوہ آن اوُے نہ پہراو آن اوے رِے ہاتھ میں انگوٹھی آن پگا میں جوتی پیہراو۔ ²³۲۳۔آن پڑیو ڑے ڈھگے نہ لے آو ٻاڈو تو ہمیں کھا جے۔ ²⁴۲۴۔آن خوَشی مناجے کیا کہ میاڑو اے ݙیَکرو مریوڑو ہوتو ہیڑا جیتو تھیو ہے گومیجوڑو ہتو ہیڑا لادھو ہے جݙے او خوَشی کرڹ لاگو۔²⁵۲۵۔ آن اوُے رو موٹو ݙیکرو فصلاں میں ہوتو جݙے اُو گھر رِے نیڑو۔ ²⁶۲۶۔آیو لو گیت آن جھومر رِی آواز خوڑی جݙے ھیکے نوکر نہ ہیلو کر رو پوچھیو۔ ²⁷۲۷۔کہ اِے کی ہے اوُے اوُاں نا کہیو تیاڑو بھائی آیو ہے آتیاڑے ٻاپ پڑیو ڑو ڈھگو ٻاڈیو ہے ایے خارو کہ اوُے نہ صحیح۔²⁸۲۸۔ سَلامت پایو او نارَض ہو کہ کونی خاچیو کہ بھیتریا گیو۔ ²⁹۲۹۔پچھے اوُے رو ٻاپ ٻاہر آرو اوُے نہ متاوڹ لاگو اوے جواب مین آپ رِے ٻاپ خاں کہیو جو ایترَے خالاں خاں ہوں تیاڑی خدَمت کرتو رہیو آن کیڈے تیاڑے حَکم خاں ٻاہر کونی گیو پَچھے تو کیڈے ویں ھیک ٻکری رو لیلو منا کونی ݙینو کہ ہوں آپ رِے خَنگتیاں بھیڑو خوَشی مناوا۔ ³⁰۳۰۔پچھے جݙے تاجو اِے ݙیکرو آیو جکے آپ رُو مال متا او ݙایو تو توں اوُے رِے۔³¹۳۱۔ خارو پاڑیو ڑو ݙھگو ٻاڈھیو رو آوُے نہ اوُے خاں کہیو ݙیکرا تو ہمیشہ میں بھیڑو ہے آن جکو ویں میاڑو ہے او تاجو ہے۔ ³²۳۲۔بڑھے خوَشی مناں آن راضی ہوں اوُے رو ھَیک کیاکہ تیاڑو بھائی مووہ ڑو ہتو ہیڑناں جیتو ہووہ ہے گومیجیوڑو ہتو ہیڑاں لادو ہے۔

¹۱۔ بڑھے اوُے چیلاں خاں بھی کہیو کہ ھَیک دھنوتی مینکھ ہوتو جکے رُو ھیک مالک ہوتو آن اوُے رِے بھیڑو۔ ²۲۔اوُے تے الزام لگایو گیو کہ اے کی ہے جکو ہو تیاڑے حق میں خڹڑیں پیو۔³۳۔آپ رِی مال کائی رو ہخاب ݙے کیا کہ برھے تو مالک کونی ہو خگتو اوُے مالک آپ رِے من میں کہیو کہ ہوں کی کراں کیا کہ میارو مالک میں خاں مال کائی لیویں پیو کھاٹی میں خاں کونی ہوتی آن۔ ⁴۴۔مانگڑیا پنڑ خاں مناشرم آویں منا کھیر ہے کہ ہوں کی کر یخں تاکہ جݙے مال کائی خاں اتاریو جاوے تو مینکھ منا آپ رِے گھراں میں جگہ ݙے۔⁵۵۔ بڑے آپ رِے مالک رِے ہیک قرضدار نہ ہولو کرے پہلے خاں پوچھیو کہ کیترو قرض ہے۔ ⁶۶۔اوُے کہیو کہ سومن تیل اوُے اُواں خاں کہیو کہ آپ رو کماتو بیگو لے آ آن ٻیخ رو پچاخں لکھ رو۔ ⁷۷۔بڑھے ٻیجے خاں کہیو کہ تیں ماتھے کیترو ہے قرضو ہے اوُے خان کہیو سو من گھی اوُے اوُاں خاں کہیو کہ آپ رو کھاتو آ آن اوُے نا لکھ رو۔⁸۸۔ جݙے مالک بیمان نوکر ری نیک کی ایے خاں خورو کہ اوُے ہُوشیاری کی تی کیاکہ اوُے دنیا رو ݙیکرو نور دے ݙیکراں خاں آپ رِے طور طریقاں میں زیادہ ہوشیار ہے۔ ⁹۹۔بڑے ہوں تھاں خاں کہیو کہ ٹھگی دے پیخا خاں آپ رِے خارو سنگتی پیلا کرو تا کہ جݙے او تھاں خان جاوے رِی تو سرگ میں ہوں تھا نا فیول کریں۔¹⁰۱۰۔ جکو تھوڑے خاں تھوڑے میں ایماندار ہے او گھرے میں بھی ایماندار ہے آن جکو تھوڑے میں ایماندار ہے او گھڑے میں بھی ایماندار ہے۔ ¹¹۱۱۔ برے جݙے تھیں ٹھگی رے پیخا میں ایماندار نی ابیجو تو سہیں دھن تھارے کوڈ ہوالے کرخں۔ ¹²۱۲۔آن جݙے تھیں پرائے مال میں ایماندار نی او بہیجا تو جکو تھارا آپ را ہے اوُے خاں کو نڑ تھانا چخے۔¹³۱۳۔ کونی نوکر ٻیھیاں مالکاں رِی کری کونی کہ خگتو ایے خارو کہ یا جکے خاں ٻیر راکھے آن ٻیجے خان پریم یا ہیک خان ملیورے خے آپ ٻیجے نہ کہیں نی خمجے تھیں ایِشور آن دہن ٻخھاں رِی نوکری کونی کر خگتا۔¹⁴۱۴۔ آن مطلب را مالدار فریس ایے خارے ٻتاں نہ خڹڑتے ہی ماݙو بڑا رو مزاق کرڹ لاگا۔ ¹⁵۱۵۔جچے اوُے اوُاں خان کہیو کہ تھیں او ہو جکو منِکھاں رِے خاموں آپ رِے آپ نہ بھلو ظاہر کریں پڑھے ایِشور تھارے دِلاں نہ جویں کیا کہ جکو خیز مینکھاں رِے نیڑو آن بھلو ہے او ایِشور رِی دید میں خراب ہے۔¹⁶۱۶۔ تو رات آن کتاب نبیاں یوحنا تک رخے جݙے خاں ایِشور رِی بادشاہی رِی پرچار ݙنی جاویں آن ہر ہیک اوُے میں داخل ہواڹ رِے خورو زور مار گاویں۔ ¹⁷۱۷۔پچھے آسمان آن زمین رو ٹڑجاوڑ سریعت رِے ہیک نقل رِے مٹ جاواڹ آخسان ہے۔¹⁸۱۸۔جکو مینکھ آپ رِے لوگائی نہ چھوڑ ݙے آن ٻیجی خاں ٻیہاں کرے او زنا کرئی آن جکو دھیڈی خاں چھوڑایو ڈی خاں ٻیہاں کرے او بھی زَنا کےیں۔¹⁹۱۹۔ ہیک دھندار مینکھ ہوتو جکو دَشمن آن گلابی گابھا پہرتا۔ ²⁰۲۰۔آن ہر روز عیَش پرَستی کرتو ہوتو آن لَعزرنا رو ناخور خاں بھریوڑ ہیک بھکاری اوُے رِے دروازے تے پڑیو تو۔ ²¹۲۱۔آن اوُے رِی خواشی تھی کہ ہوں اوُاں ٹکڑاں خاں پیٹ بھراں جکو اوُے دھنوتی رِی میز خاں کھیر پیاں بڑھے کتا بھی آرا اوُے رو ناخور چٹیا ہوتا۔²²۲۲۔ آن اییاں ہو کہ (او مانگڑ آرو) مرگیو آن پھر خیتاں اوُے لے جارو اباہیم رِے کھوڑے میں چھوڑویو آ او دھنوتی بھی مریوآن ٻوریو گیو۔ ²³۲۳۔آن جݙے اوُے دوزق رِے عزاب میں ہو رو آپ رِے آنکھیاں خاں جویو تو پریخاں ابَراہیم نہ جویو آن لعزر نہ اوُے رِے کھوڑے میں۔²⁴۲۴۔ آن اوُے نہ ہوتو کر کہیو کہ اے ٻاپ ابرَاہیم میں تے راحم کر آن لعزر نہ بہیر کےر تاکہ او آپ رِی آنگڑی پاٹی میں بھیگو رِی میاڑی جوٻان تے راکھے تاکہ میاڑی جوٻان ٹھاڈی رہے کیا کہ ہوں اوُے ٻاخڹڈے میں خڑیں پیو۔²⁵۲۵۔ پڑھے ابَراہیم کہیو ݙیکہ ایادکہ کہ تو آپ رِی زندگی میں بھیلے چیزاں لہیں ہے آن اییاآڈی کہ لفزر بری چیزاں بڑھے اوتسلی پاویں تو خنڑپیو۔ ²⁶۲۶۔آن خاری ٻاتاں رِے علاوہ او مارے تیاڈے درمیان حیک موٹو کژو ہے ایاں کہ جکو ایتخاں تیں کوڈی آواڑ چاہا وے بھی تو کونی آخیگے آن نی آو تھر خاں ایتے تک کونی آخیگے۔²⁷۲۷۔ جݙے اوُے کہیو اے ٻاپ ہوں تیاڑی منت کریں کہ تو اوُے میاڑے ٻاپ رِے گھرے بہیر کر۔ ²⁸۲۸۔کیاکہ میاڑا پانچ بھائی ہے او اوُاں نہ خیردار کرتے ایاں نی ہوے کہ او بھی اوُاں جاوے عزاب میں آپڑیں۔²⁹۲۹۔ پیچھے ابَراہیم کہیو اواں بھیڑو تو راتاں موسی آن سنتاں رِی لکھت توہے او اوُاں خُنڈی۔ ³⁰۳۰۔اوُے کہیو کونی اے ٻاپ ابَراہیم پڑھے جے کونی مروڈا میں خاں اوُے رِے کیڈی جاوے تو او توٻہ کریں۔ ³¹۳۱۔پچھیے اوُے اوُاں خاں کہیو کہ جݙے او رات موسٰی آن سنَتاں رِی لکِھت کونی خنڑتا تو پچھے مواوڈا میں خاں کوئی جی اُٹھے تو اوُاں رِی بھی کونی خنڑے۔

¹۱۔ پِچھے اوُے آپرے چیلا ناں کہیو۔اِے کونی ہو خگتو کہ تھڈانی لاگے۔پن اِفسوس اوُے ماتھے ہے جکے رِی وجہ خاں لاگے۔ ²۲۔اِےرِے پگا بھلو ہوتو کہ گرٹی رو پڑ اوُے رِے گݪے میں گھات رُو ایاں نندھیا میں خاں ھیک رِے پگا تھڈے رو خبب بٹے۔³۳۔ خبردار رہو۔ جیکڈھن او ُھیک ڈھن تاجو بھائی گناہ کرےتو لوگ اوُے ناں بےعزتو کر۔جیکڈھن توٻہ کرے تو توں اوُے نا معاف کر۔ ⁴۴۔آن جیکڈھن او ھیک ڈھین میں سات چکر تاجو گناہ کرے آن سات دفعہ تیں کناں آ رو کہے کہ ہوں توٻہ کریئں۔ تو توں اوُے ناں معاف کر۔⁵۵۔ آن چَیلا پربھو ناں کہیو کہ مہا رو بخواخ بدھا۔ ⁶۶۔اِیشور کہیو کہ جیکڈھن تور رِے ڈاڹ ے جترو بھی تھیں بخواخ راکھئے ہان تھیں اِے شہتوت رِے بڹ خاں کہخو کہ جڑ خاں اوکھڑ رو سمندر میں جالاگ۔تو تھانرں منت۔⁷۷۔ آن تھاں میں خاں اپڑو کوڹ ہے جکے رو ھیک غلام ہڑٻا ندھے پیو یا ٻکرار ہووے۔کہ جڈے او ٻتی خاں آوے تو اوُے ناں کہیے کہ جلدی کر آن ٻاٹی کھاوڹ ٻیخ۔ ⁸۸۔پڹ اوُے خاں اے نی کہے کہ مانجو ٻاٹی تیار کر۔جتری تک ہوں کھاواں پیانی اِتری تک چیل ٻاندھ مانجی خدمت کر۔اوُے خاں پچھے کھائے پئے۔⁹۹۔ کی او اوُے غلام رو اِےرِے پگا کہڹ منخے کہ اوُے حکم اِے باتاں نا منیو۔ ¹⁰۱۰۔اِھڑی طرح تھیں بھی اوُے خجے باتاں اوُ جکو تھاناں حَکم ہوو ہے تھیں بھی کہو منیں بھی نکما غلام ہاں جکو کرڹ ہاں ماتھے واجب ھتو اوھوئی کیو۔¹¹۱۱۔ آن اییاں تھیو کہ جڈے او یَروشیلم ڈخاں جاوتوپیو۔تو سامریہ ہان گلیل رِے بچ خاں تھی رو جاوتو پیو۔ ¹²۱۲۔آن جڈے او ھیک گاں میں بڑڹ لاگو تو ڈخ کوڑھی اوُے ناں خھٹیا او پھا او بھیج گیا۔ ¹³۱۳۔آن زور خاں کہڹ لاگااِے پربھو اِے استاد مہا ماتھے کرپا کر۔اِے اِیشور اِے اَستاد مانھ ماتھے کرپاکر۔¹⁴۱۴۔ اوُے اوُاں ناں جو رو اوُاں خاں کہیو کہ جاو آپرے آپ ناں بھگتا جا جوواڑو۔ آن اِیاں تھیو کہ او جاتے جاتے پاک پویتر ہوگیا۔ ¹⁵۱۵۔اوُواں میں خاں ھیک جڈے ڈتو کہ ہوں بَھلاں تھیو رو تو اوُنچی رڑ خاں اِیشور رِی بڈائی کرتو ھوو پاچھو آیو۔ ¹⁶۱۶۔آن اوُے رِی بڈائی کرتو ھوو اووُاں رِے پگاں میں اُوندھے مہانڈے کھر گیوں۔ آن او سامری ھتو۔¹⁷۱۷۔ اِیشور ٻول رو اوُواں نا کہیو کہ او ڈخے کی پاک پویتر کونی تھیا؟ پِچھے او نو کٹہے گیا؟ ¹⁸۱۸۔کی اِیئے پرَدسی خاں ٹاݪ ٻجا کوئی کونی ھتا۔جکو پاچھا آرا اِیشور رِی ٻڈائی کرتا۔ ¹⁹۱۹۔آن اوُے اوُے ناں کہیو۔اُٹھی رو آن بیھ رو۔تاجے و خواخ تنا بچالیو ہے۔²⁰۲۰۔ آن جڈے فرَیسیاں اوُے خاں پوچھیو کہ اِیشور رِی رَاجائی کڈے آخے؟ تو اوُے بڑنی میں اوُواں نا کہیو کہ اِیشور رِی رَاجائی جوڹ آݪی کر کونی آوے۔ ²¹۲۱۔آن مِنکھ اِے کونی کہے کہ جوو اتھے اِیشور رِی رَاجائی ہے یا اٹھے ہے۔ کیانکے ہوو اِیشور رِی راجائی تھانرے بچ میں ہے۔²²۲۲۔ آن آپرے چِیلاں نا کہیو کہ او ڈن آخے کہ جڈے تھیں چاہوخو کہ منِکھ رو ڈکروے رِے ڈنا میں خاں ایک نا جووخے آن کونی جووہ۔ ²³۲۳۔آن تھاں خاں کہیو جاخے کہ جوو کہ ہان ہے جوو اُتھے ہے۔تھیں نی جاوو۔آن تھیں لارے نے جاو۔ ²⁴۲۴۔کیانکے جاں کھیوڹ چمکتے آن آسمان رِے ھیک کنڈ خاں ٻجی کنڈ تایئں چمکٹے۔ایائیں منِکھ رو ڈکرو آپرے ڈیھن ہوخے۔²⁵۲۵۔ پن پہلی ضرورت ہے کہ او گھٹو ڈکھ خہے آن اِیئے پیہری خاں دھتکا ایو جاوے۔ ²⁶۲۶۔آن جاں نوح رِے ڈتاں میں تھیو تو اِیاں نی ابن انسان رِے ڈناں میں بھی ہوخے۔ ²⁷۲۷۔کہ منِکھ کھاتا پتا بیاں کرتا آن پرٹیجا جاتا ھتا اوُوے ڈیھن تک کہ نوح ینی بیڑی مہنا جاوے آن طوفان آ رو خجاں ناں مار ڈنا۔²⁸۲۸۔ یا جاں لوُط رِے ڈناں میں تھیو ھتو۔ کہ مِنکھ کھاتا،پیتا آن خامان لیتا ڈیتا پیا آن بڹ لگاوتا آن گھر ناھوتا ھتا۔ ²⁹۲۹۔پن جکے ڈیھن لوُط سووح خاں نخریو تو باخڈے آخمان ناں برخی آن خجا ناں مار ڈناں۔³⁰۳۰۔ آدَم کے ڈکرے رِے ظاہر دھن تے بھی اِیاں ہوخے۔ ³¹۳۱۔اوُے دَھن جکو کوٹھے تے ہووے۔آن اوُوے رو خامان گھر میں ہووُے او اوُوے ناں لیوڹ اِے پگا ھیو نی اِترے آن جکو ٻنی میں ہوے اوُو پاچھونے جاوے۔³²۳۲۔ لوُط رِی لگائی نا یاد راکھیا۔ ³³۳۳۔جکو کوئی آپری جان بچاوڹ رِی کوشش کرخے او مریجخے۔جکو اوُے ناں جکو آپری جان ناں مارخے او بچاخے۔³⁴۳۴۔ ہوں تھاں خاں کہیں کہ اوُے رات ھیکے ماچے تے ٻے جڹ اں خوتوڑا حوخے اوُواں میں خاں ھیک لے کہنو جاخے ٻجی چھوڑ ڈنھی جاخے۔ ³⁵۳۵۔آن ٻی لُگائی گھر ٹی پیخے ھوخے۔ھیک لے لنھی جاخے ٻجی چھوڑ ڈنھی جاخے۔اوُواں اوُے خاں پوچھیو کہ اے پرمشور کتھے؟ ³⁶۳۶۔اوُوے اوُواں خاں کہیو جھتے کتھے ڈونڈھ ہوخے اوُتھے خانوڑی بھی بھیڑے نھی جاخے۔³⁷۳۷۔اواں اوے نا جواب میں کہیو کہ اے خداوند اے کیکر ہوجے۔اوے اواں نا کہیو کے جیتھے مردار ہوخے اوتھے گدھ بھی جمع ہوخے۔

¹۱۔ پاچپھے اوُے اوُاں ناں ائے غرض خاں کہیو کہ ہر بھیݪا دعا کرتا رہہا آن ہمت نی ھارڹ و ضروری ہے اِیاں ھیک مخال خوڹ ائی۔ ²۲۔آن کہیو کہ کہی خیر میں ھیک قاضی ھتو۔ جیکونی اِیشور خاں ٻہتو آن نی منِکھاں رِی کیکس پروا کرتو ھتو۔³۳۔ آن اوُے خیر میں ھیک ریݙ ٻیر ھتی جکو اوُے رِے کوݙی آتی آن اوُے خاں اِے کہو کرتی ھتی کہ مانجھے مرعی خاں مانجھو انصاف کر۔ ⁴۴۔اوُے گھڹ ے ݙھاں تک کونی چایو پڹ بعد میں آپرے جی میں کہیو ہر گھڑی ھوں نی اِیشور خاں ٻہاں آن نی کہکیں مِنکھاں رِی پرواہ کریں۔ ⁵۵۔تووی ائیاں رِے خاروں اِے ریݙٻیر منھاں ختاوی ھوں اِیئے رو انصاف کرخیں ائیاں نی ھوئے کہ اِے گھڑی گھڑی منھاں آ رہی تنگ کرئے۔⁶۶۔ آن اِیشور کہیو کہ خیڹو کہ اِے بہ انصاف قَاضی کی کہیں۔ ⁷۷۔پڹ کی ایِشور آپرے برگزاں رو انصاف نی کرے جیکو رات ݙن اوُے خاں فرَیاد کریں واہ؟یا اوُاں رِے خارو دیر کریں واہ؟ ⁸۸۔ھوں تاں خاں کہیں وہ کہ او بیگو ایئاں رو انصاف کرخے پڹ جیݙے ابِن انسان آخے تو کی دَھرتی کے ایمان باقی ہوخے۔⁹۹۔ پاچھے اوگھڹاں رِے حَق میں جیکو تھیں نے بھروخو رکھتا ہتا کہ مھیں نیک ھا آن ٻیجے ناں ناچیز جاڹتا ہتااے مخل ݙنی کہ۔ ¹⁰۱۰۔ٻہہ منِکھ ہیکل میں دَعا کرڹ گیا ہیک فرَیسی آن ٻیجو معصول۔¹¹۱۱۔ فرَیسی اوُبھیج رو آپرے َدل ایئاں دعا کرڹ لاگا کہ اِے ایِشور ہوں تاجو َشکر کریئیں کہ ہوں باقی منکھاں آݪی طرح جیکو لٹیرا ،ظالم، زنا کار ہاں یا اوُے چُونگی رِی آݪی کارکونی۔ ¹²۱۲۔ہوں 8 ݙیناں میں ٻہہ واری زوزو لاکھڹ آن آپری خاری آمدنی ری دہ یکی ݙیئں۔¹³۱۳۔پڹ اوُے جونگی آݪے پہرو اوبھیج رو اترو کونی چاہو کہ آکاخں رِے پاخے آنکھ کھڹے پڹ چھاتی پیٹ پیٹ رو کہتو ہتو اِے اِیشور مھیں پاپی تے رِحم کر۔ ¹⁴۱۴۔ہوں تاناں کہیں کہ اِے مِنکھ ٻیجوڑے خاں نیک ہوں رو آپرے گھررے گیو ایئاں رِے کرے کہ جو کوئی آپرے آپ ناں موٹو بڹاخیں او چھوٹو کیو جاخے۔¹⁵۱۵۔ آن او چھوٹے ٻاݪاں ناں وی اوُے کوݙھی لاوڹ لاگا ایئے رِے کرے کہ او اویئاں ناں وی ھاتھ لاگاوے چَیلاں ہو رو اوُاں ناں جھڑکیاں۔ ¹⁶۱۶۔پڹ یَسوع اوُاں ناں کوݙی ھیلو کررو کیو کہ ٻاݪاں ناں مھیں کوݙی آوڹ ایئاں ناں منعاں نی کرو اِے رِے کرے کہ اِیشور رِی رَاجائی ایہڑا ری ہے۔ ¹⁷۱۷۔ھوں تاں خاں خیچی کہیں کہ جیکو کوئی ایِشور رِی رَاجاہی ناں ٻاݪ آݪی کار قبوُل نی کرے۔او اوُے مھیں کݙوی داخل کونی ھووے۔¹⁸۱۸۔آن کہیی خبردار اوُے خاں پوچھیو اِے نیک اَستادہ ھوں کی کریں کہ خیدا رِی زندگی رو وارث بڹ اں۔ ¹⁹۱۹۔ یَسوع اوُے ناں کہیو کہ ثوں مھاناں نیک کہیں کوئی نیک کہیں وہ کوئی نیک کونی پڹ ھیک یعنی اِیشور۔ ²⁰۲۰۔توں حکمھاں ناں تو جاڹ یں کہ زنا نی کر۔خون نی کر۔چَوری نی کر۔کوڑی گواہی نی ݙے۔آپرے پتا آن ماں رِی عزت کر۔ ²¹۲۱۔اوُے کہیو کہ ایئاں جیخے باتاں تے تو ہوں جھوٹے ہووتے خاں عمل کرتو آوی وہ۔²²۲۲۔یَسوع اے خڹ اوُے خاں کہیں بیج ݙے آن کھیرٻاں ناں ݙے تو تاناں آکاش تے دھن مالخے آن آرو مھاجے لارے ہوں۔ ²³۲۳۔او رِے بات خڹ رو پرَیشان ہووہ اے رِے کرے کہ او موٹو دولت آݪو ہتو۔²⁴۲۴۔ یَسوع اوُے ناں پریشان جوہ رو کہیو کہ دھن لاکھڹ آݪاں رو ایِشور رِی بادَشاہی مھیں آوڹ کیڑی طرح مشکل ہے۔ ²⁵۲۵۔اے رِے کرے کہ اوُنٹ رو سوئی رو ناکہ مھیں داخل ہووے۔²⁶۲۶۔خیڹڹاں آݪاں ناں کہیو تو بھیݪا کوڹ نجات پاخگیں۔ ²⁷۲۷۔او اوُاں نا کہیو جو کوئی مِنکھ رِے نیڑو ڈگھیو ہے ایِشور رِے نیڑو ڈکھیو کونی۔²⁸۲۸۔ پیچے َپطرس کہیو کہ جووہ مھاں تو خیجو کچھ چھوڑ ݙڹو ہاں آن تاجے لارے ہوواہ را۔ ²⁹۲۹۔اوُے اوُاں نے کہیو ہوں تھاں خاں سچ کہیں وہ کہ ایڑ کوئی کونی جیکے گھر یا لوگائی یا بھائیاں یا ماں ٻاپ یا اولاد ناں ایِشور رِی رَاجائی ہی خاتر چھوڑ ݙنوہے۔ ³⁰۳۰۔جیکو اوُے زمانے میں گھڹے زیادہ نی پاوے آن آوڹ آݪے عالم میں خیدا رِی زندگی ہے۔³¹۳۱۔ آن اوُے اوُاں ٻاراں ناں دار لے جارو ایئاں خاں کہیو کہ جووہ مھیں یرَوشلیم نی جاوتا واہ۔آن خیجے کچھ ابِن انسان رِے حَق مھیں انَبیا رِی معَرفت لکھیو گیا ہے پورو ہو خاخے۔ ³²۳۲۔اِے رِے کرے کہ غیرقوموں رِے حوالہ کیو جاوے آن مِنکھ اوُے رو مزاق میں اڑُایں آن اوُے رِی مزمت کریں آن اوُے تے تھوکے۔ ³³۳۳۔آن کوڑا مار را قَتل کرے آن اوتیجے ݙن جی اتھخے۔³⁴۳۴۔ پڹ اوُاں مھیں خاں کوئی بات کونی خمجی آن اِے کلام اوُاں مھیں خاں چھیو رہو ان ایئاں باتاں رو مطلب اوُاں رِی خمجھ میں کونی آیو۔³⁵۳۵۔ پہاچے ایئاں ہووہ کہ جیݙے اویریحو رِے نہیڑا آیا تو ہیک اندھو مارگ رِے کنڈے ٻیٹھوڑو بھیک مانگ رہیو ہتو۔ ³⁶۳۶۔اوُے ٹھوݪے ناں لاگھتے خڹیو آن پوچھیو کہ کی ہو رہیو ہے۔ ³⁷۳۷۔اوُے ناں کہیو گیو کہ یَسوع ناصری جا رہیو ہے۔³⁸۳۸۔ اوُے ہیلو کررو کہیو اے ایِشور داود را ݙیکرا مھان تے رَحم کر۔ ³⁹۳۹۔جو آگھا جاتا وا او اواں نا دڑکو دان لاگا کہ او چپ رے پر او بیجھح چیلاون لاگا اے ابن داوا میں تے رحم کر۔⁴⁰۴۰۔ تو یَسوع او ُبھیج رو حکم ݙنو کہ اوُے ناں مھیں کوڈی لے آو جیݙے او نیڑو آیو تو اوُے اوُے خاں پوچھیو۔ ⁴¹۴۱۔تو کی چاواہ کہ ہوں تاجے خاروں کی کرہا؟ اوُے ناں کہیو اِے ایِشور یہ کہ ہوں جواوہ۔⁴²۴۲۔ یَسوع اوُے نان کہیو تو جووڹ لاگے تاجے اَیمان تاناں بچالیوہے۔ ⁴³۴۳۔آن او اوہی گھڑی جووڹ لاگو آن ایِشور رِی بݙائی کرتو ہو اوُے رِے لارے ہو گیو آن خیجا مِنکھاں جووہ رو ایِشور رِی حَمد کی۔

¹۱۔ اور او ُیریحو میں ہوتے جار ہوتو۔ ²۲۔جوو زکائی ناں رُو ھیک مِنکھ۔جکو مخول لیوڹ آݪاں رو خردار ان امیر ہتو۔³۳۔ آن اوُے ناں تنماں ہتھی کے او یِسوع نا جووے کے اوُں کوڹ ہے پڹ گفڹ راں منِکھاں رِے خارو اوُے ناں کونی جو سگیو کیاں کے اوُ چھوٹے قَدر وہتو۔ ⁴۴۔جݙھے آگے ہوڑی کرتے ھیک ٹھانخے رِے بڹ تے چڑھ گیو کیاں کے او اوُے مارگ خاں جاوڹ آݪو ہتو۔⁵۵۔ جݙھے یِسوع اوُے جگہ پوگو تو اونچا نظر کی آن اوُے ناں کہیو اِے زکائی بیگو اتر آ کیاں کے آج مناں تھا رے گھر میں رہوٹو ضرور ھے۔ ⁶۶۔جݙھے او بیگو اتُر تے راجیپے خاں او ناں آپ رِے گھر نے لے گیو۔ ⁷۷۔مِنکھ اِے جوتے خارا ایہناں کہیوڹ تے اعزاض کرڹ لاگا کے او ھیک پاپیاں رِے کݙھے گیو ھے۔⁸۸۔ پڹ زکائی ابھیج تے ایِشور ہوں آپ رو آدھو دھن غریباں ناں ݙاہی حے کڹ ی رُو دَھن ناحق لیو ھاں تو اوُے ناں چار بھانگا پاحٻھو ݙاہی۔ ⁹۹۔جݙھے یِسوع اوُے ناں کہیو۔کہ آج ایے گھر میں حگتی آئی ھے ایے خارو کے اِے وی ابرَاہیم رو ݙیکرو ھے۔ ¹⁰۱۰۔کیاں کے مِنکھ رو ݙیکرو ایے خارو آیو کے گومیجیوڑا ناں جووڹ آن بچاواڹ¹¹۱۱۔ آن جڈے او ُاے خڹ رہیا تا تو اوُے ھیک مخال کہیی۔ایے خارو کے او یرَوشیلم رِے کو ݙیا ہتو آن منِکھ خیال کرتا تاکہ ایِشور رِی راجائی ہڹ راں ظاہر ہونی ھے۔ ¹²۱۲۔اوُے اییاں کہیو کے ھیک امیرکئی اݪگے مونکھ میں گیو ایے خارو کے آپ رِے خارو راجائی لے تے بݪے پاچھو آیو۔¹³۱۳۔ اوُے آپ رِے نوکراں میں خاں ݙخاں ناں ہیلو کر اونواں ناں 30 روپیہ ڈینا ان اوتواں ناں کہیو کے مہارے پاچھے آون تک لیوا ݙیوی کرو۔ ¹⁴۱۴۔پن اوُے رِے مولکھ آݪا اوُے خاں بیر را کھتا آن اوُے رِے لارِے خانݙ یخیہ باہیر کیا جکو کونی چاہوتا کے اِےمہاں تے حکومت کرے۔ ¹⁵۱۵۔آن اییاں ہویو کے جݙھے او راجائی کریݪے ٻاچھو آیو تو اونواں نوکراں ناں ہیلو کرایو جکاں ناں اوُے روپیہ ݙہنا تاکے خبر کرے کے ہر ھیک کی لین دین کیو ھے۔¹⁶۱۶۔جڈھے پہلکے حاضر ہوتے کہیو اِے مالک تھارنے 30 روپیہ خاں 30 روپیہ ٻیجا کمایا ھاں۔ ¹⁷۱۷۔اوُے اوُے ناں کہیو خاٻاخ اِے بھلا نوکر ایے خارو کے کھرے ٹھوڑے میں خاں تو دیا نتدار نکلیو ہمیں تو ݙ خاں شہراں تے اختیار راکھ۔¹⁸۱۸۔ان ٻیجے حاضر ہوتے کہیو اِے مالک تھارے ٻانچ روپیہ خاں 10 روپیہ ٻیجا کمایا۔ ¹⁹۱۹۔اوُے اوُے ناں کہیو توں ٻانچاں شہراں تے خرداری کر۔²⁰۲۰۔ ھیک ٻیجے حاضر ہون کہیو کے اِے مالک جو میں تھارا روپیہ رو مال میں باندھ رکھیا ھاں۔ ²¹۲۱۔کیاں کے ہوں تیں خاں ٻیہتو ہتو کے تو سخت منِکھ ھے۔ جکو تیں کونی راکھیو او اوکٹن لینج رو۔ جکو کوی بایو اوُے ناں باڈھیں۔²²۲۲۔ اوُے اوُے ناں کہیو۔اے خَیطان نوکر ہوں تھارے ہی مانݙھے خاں تھارو انصاف کریں جݙھے توں جاڹ تو ہتو کے ہوں سخت مِنکھ ھاں ان جو کونی راکھتو او اوکھڹ لیں۔ ان جکو کونی باوتو او باڈھیں۔ ²³۲۳۔تو توں مہارو روپیہ ساہو کار کڈھے کیا کونی راکھیو ہوں آتے اوُے خاں بیاج خودہ لیوت۔²⁴۲۴۔ جݙھے اوُے اونواں خاں جکو حاضر ہتا کہیو کے ایے خاں روپیہ پاچھا لے لو ان اوُے نا ݙوجکے گھڹ راں کمایا ھے۔ ²⁵۲۵۔جݙھے اونواں اوُے ناں کہیو اے مالک اوُے کݙھے دس روپیہ توھے۔²⁶۲۶۔ پڹ ہوں تنا کہیں کے جکے کݙھے ہے اوُے ناں ݙہنو جانے ان جکے کݙھے کونی اوے خاں او پاچھو لیو جانے جکو اوُے کݙھے ہے۔ ²⁷۲۷۔بݪے مہارے اونواں دخمناں ناں جکو مناں کونی چاہا دتا کے ہوں اونواں تے حَکومت کراں ایھتے لے آو آن مہارے خاھے قتل کرو۔²⁸۲۸۔ آن جݙھے او اِے باتاں کہ تے یرَوشیلم رو مارگ لے تے آگے آگے بوھا۔²⁹۲۹۔ آن ایسیاں ہویو کے جݙھے اوُے ٹکر تے جکو زیتون رو کہاوی بیت فجے آن بیت طنیاہ رِے نیڑا پوکا تو آپ رِے چَیلاں میں خاں ٻییاں ناں اِے کہہ تے باہر کیوکے۔ ³⁰۳۰۔خاملے گاں میں جاو آن اوُے میں بڑے ہی ھیک گڈھی رو بچوٻادھوڑو ہوخے جکے تے کڈھے کوئی مِنکھ کونی ڄڈیو کونی اوُے ناں کھول لاو۔ ³¹۳۱۔ان جے کونی تھاں خاں پوچھے کے کیاں کھولیں واہ؟ تو اوُے ناں کہیا کے ایے ناں ایِشور ناں لوڑ ھے۔³²۳۲۔باہیر کیوڑا جاتے جاں اوُے کہیو ڑو ہتو او نوانج ݙیٹھو۔ ³³۳۳۔ان جڈھے گݙھی رِے بچے ناں کھولڹ لاگا تو اوُے را مالکاں اوُے خاں کہیو کے ایے بچے ناں کیاں کھولیں واہ؟ ³⁴۳۴۔اونواں کہیو کے ایِشور ناں لوڑھے۔ ³⁵۳۵۔آن او اوُے ناں یِسوع کڈھے لے آیا آڹ آپ راگابھا اوُے گݙھیے تے راکھ تے یِسوع ناں چڑھا یو۔ ³⁶۳۶۔جڈھے جا رہیو تو او آپ را گابھا مارک میں بچھاوتا جاتا تا۔³⁷۳۷۔ آن جݙھے او کوہ زیتون رِی ہینٹھلی جگہ تے بوگا تو چیلاں رِی خاری جمات اوُے خارے آزموتاں رِی وجہ خاں انواں جوٹے رَاضی ہوتے اوُنچی آواز خاں اییاں کہتا ہوا کے ایِشور رِی بݙائی کرڹ لاگا۔ ³⁸۳۸۔دَھن ہے او لاجہ جکو ایِشور رِے ناں خاں آوی آکاش تے بَھلائی آن پوری دنیا تے ایِشور رو ٻرتاب۔³⁹۳۹۔ ان اوُے توݪے میں خاں کہیں فرَیسیوں اوُے خاں کہیو کے اِے گروجی آپ رِے چیلاں ھکل ݙے۔ ⁴⁰۴۰۔ان اوُے ناں بݪتی میں کہیو ہوں تھاں خاں کہیں کے جے اِے چپ وی رہیا تو ٻھتر رڑے کراٹھخے۔⁴¹۴۱۔ ان جݙے او نیڑ آیا تو شہر ناں جوئے تے اوُے تے رویو ان کہیو۔ ⁴²۴۲۔جے تو اوُے ݙن میں اوُے باتاں ناں جاڹو جکو تھاری بَھلائی رِے خارو ہے پڹ ہمیں او تھاری آنکھیاں خاں کو کیوڑے ہے۔⁴³۴۳۔ کیاں کے اون تیں تے آخے کے تھارا دخمں تھارے ٻارو مورجہ ٻاندخے تے تنا گیھر لیخے ان ہر طرح خاں تنا تنگ کرخے۔ ⁴⁴۴۴۔ان تنا ان تھارے بچاں جکو تیں خاں ہے مٹی میں بھیݪ ݙیخے ان او تیں میں کونی پتھر تے پتھر کونی چھورے ایے خارو کے طیں اوے گھڑی ناں کو اوݪکھ جݙے تیں تے نگا کی تی۔⁴⁵۴۵۔ ان او ہَیکل میں بڑیو تے چارے بپاریاں ناں کا ݙھڹ لاگو۔ ⁴⁶۴۶۔اِن اونواں خاں کہیو کے لکھت جے کے مہارو گر پراتھنارو گھر ہے۔⁴⁷۴۷۔ اَن او ہر روز ہَیکل میں تعلیم ݙیتو ہتو ان خردار کاہن ان فقہیہ ان قوم را خردار اییے کوشش میں ہتا کے اوے ناں مارے۔ ⁴⁸۴۸۔پڹاییناں کرڹ رو کوئی موقعو کونی میݪو کیاں کے خارا منکھ اوُے رِے باتاں خڹ خیران ہو جاوتا۔

¹۱۔ اَن اوُاں ݙنھاں میں جݙے او ایِشور رِے گھر میں مِنکھاں نا تعَلیم ان خوش خبری ݙہتو ہتو ہیکے ݙنھن اییاں تھیو کے موٹو کاہن ان فقہیہ بوݙھیا بھیݪا اوُے کوڈہیا آ اوبھیجیا۔ ²۲۔اَن اوُے خاں ٻولڹ لاگو ان کہیو مانھاں چخل کے تو کے رِے زور کا اِے کہیں؟ یا کہیو ہے جکے تناں اِے اخَتیار ݙنھوں ہے۔³۳۔اوُے جَواب میں اوُاں خاں کہیو ہوں بھی تھاں خاں ہیک بات پوچھیں منا ݙخلو۔ ⁴۴۔کئی یُوحنا رو پبتسموں آکاش رِی طرف خاں ہتو یا منِکھاں رِی طرف خاں ہتو۔⁵۵۔ او آپرو آپ میں خوچ بچار کرڹ لاگا کے جے مہیں کہاں کے آکاش خاں تو او کہخے پچھے تھاں اوُے تے بھروخو کیاں کونی کریو۔ ⁶۶۔اَن جے مہیں کہاں کے مِنکھاں خاں تو خارا منِکھ آپاں خنخار کرخے۔کیانکے اوُاں نا یقین ہے کے یوُحنا سَنت ہتو۔⁷۷۔ پِچھے اوُاں جَواب ݙنھوں کے مہیں کونی جاڹتا کہ کتھ خاں ہتو۔ ⁸۸۔اَن یِسوع اوُاں ناں کہیو ھوں بھی تھاناں کونی ݙخلتو کے اِے کے رِے ناں خاں کریو۔⁹۹۔ پِچھے او مِنکھاں ناں اِے تمثَیل کہڹ لاگو کے ہکیے مِنکھ باغ لگایو ان اوُے گھڹاں مِنکھاں نا ٹھیکے تے ݙنھوں ان مدت رِے خاروں پرَدیس بوہو گیو۔ ¹⁰۱۰۔اَن وقت تے ہیک نوکر ناں ٹھیکیداراں نی بہیر کریو کے باغ رِے پھݪاں میں خاں اوُے نا ݙے پر ٹھیکیدارَاں اوُے نا مار ݙیری خالی ہاتھ بہیر کریو۔¹¹۱۱۔ بݪے اوُے ٻجے نوکر ناں بہیر کریو اوُاں اوُے نا بھی مار ݙنے رِی ان بے عزت کر او خالی ہاتھ بݪا چھوڑیو۔ ¹²۱۲۔بݪے اوُے تیجے ناں بہیر کریو اوُاں اوُے ناں بھی پھٹی کر رو کاڈھ چھوڑیو۔¹³۱۳۔ پِچھے اوُے باغ رِے مالک کہیو کے کی کراں ہوں آپرے پیارے ݙکرے ناں بہیر کریخ شاہد اوُے رو لخاظ کرے۔ ¹⁴۱۴۔جݙے ٹھیکیدارَاں اوُے ناں جویو تو آپس میں خلاح کر رِی کہیو کے اِے بارخ ہے۔ آو اِیئے ناں مارجے رو اِیئے رِے کرے کے اِے جائیداد مہاری ہو جاوے ری۔¹⁵۱۵۔ پِچھے اوُے نا باغ خاں ٻاہر کاڈھ رو مار ݙنھوں ہمیں باغ رو مالک اوُاں خاں کی کرخے؟ ¹⁶۱۶۔او آخے آن ٹھیکیداراں نا مارخے ان باغ ٻجاں رِے حَوالے کےخے اوُاں اوُے خڹ رو کہیو ایِشور نی کرے۔¹⁷۱۷۔ اوُے اوُاں نی جویو ان کہیو پِچھے اِے کی ہے جکو لکھیوڑو ہے جکو پتھر کاریگراں رد کریو تو اوہی کنڑ رو پتھر تھیو۔ ¹⁸۱۸۔جکو کوئی اوُے پتھر تے کھرخے او چکناچور تھی جاخے رو ان جکے تے او کھرخے پیخیج جاخے رو۔¹⁹۱۹۔ اوُے گھڑی فقہیاں ان سردَاراں کاہناں کوشش کی کے اوُے تے ہاتھ کھڹے پر او منِکھاں خاں ٻہتا پیا کیانکے خمجھ گیا ترا اوُے اِے تمثیل مہانرے ہی بارے میں کہی ہے۔ ²⁰۲۰۔ان او اوُےرِی میں لاگا رہیا ان اوُاں گھڹا جاسوساں ناں بہیر کریا کے خادماں رِے رَوپ میں اوُے رِی کوئی بات جھالو تاکہ اوُ ےناں حَکومت رِے حوَالے کراں۔²¹۲۱۔ پِچھے اوُے اوُاں خاں پوچھیو اِے اَستاد مہیں جاڹئی کے تاجو شٻدآن تعلیم ٹھیک ہے ان تو کہے رو پاخو کونی لیتو پر خچائی خاں ایِشور رو مارگ ݙخلیں۔ ²²۲۲۔مہاناں قیَصر ناں ٻوہل ݙیوڹ جائز ہے یانا۔²³۲۳۔پر اوُے اواُں رِی چالاکی اوݪکھتے اوُاں ناں کہیو۔ ²⁴۲۴۔ہیک رُوپیو مِناں جوآݪو اوُے تے کیری َصورت آن لکھت ہے اوُاں کہیو قَیصر رِی۔²⁵۲۵۔ پِچھے اوُے اوُاں خاں کہیو جکو قَیصر رو ہے قایصر ناں ݙنو آن جکو ایِشور رو ہے ایِشور ناݙیو۔ ²⁶۲۶۔آن او مِنکھاں رِے خاموں اوُے رِی کوئی بات کونی چھاݪ سگیا آن اورے جواب خاں حیران تھی راں چھپ رہیا۔²⁷۲۷۔ پِچھے اوُے َصدروقیاں میں خاں جکو آخرت را نی مڹ آݪا ہے کہیاں کوڈھیا آرو اوُے خاں سوال کررو۔ ²⁸۲۸۔کہیو کہ اِے اَستاد موسیٰ مہارے خاروں لکھیو ہے کے جیکݙہیں کہے رو بیہاں ہووڑو بھائی بے اوُلاد مد جاوے تو اوُے رو بھائی اوے رِی لَگائی پر ڹینج لے آن آپرے بھائی رِے خارو نَسل پیدا کرے۔²⁹۲۹۔ پڹ سات بھائی ہتا پہلو پرڹیخیجوی خہی پڹ بے اوُلاد مرگیو۔ ³⁰۳۰۔پِچھے ٻجے۔ ³¹۳۱۔آن تیجے بھی اوُے نا لینھی آن اییائی اوُاں خاتاں کریو آن خارا بے اوُلاد مرگیا۔ ³²۳۲۔آخرکار او لَگائی بھی مرگی۔ ³³۳۳۔ہمیں آخرت میں اوُاں میں خاں اوُ کے رِی لَگائی ہوخے؟ کیانکے او خاتاں رِی َلگائی رہی ہوتی۔³⁴۳۴۔یِسوع اوُاں خاں کہیو کے اِیئے جہاں را ݙکرا بہیاں کرئی آن پرڹا یا جاوی۔ ³⁵۳۵۔پڹ جکو مائیخ ایئے کائق تھیخے کے اوُے جہان ناں حاصل کرے آن مووڑا میں خاں جی اٹھڹ میں شامل تھی خے او نی بیہاں کرے خگٹھی آن نی او پرڹا یا جاوے۔ ³⁶۳۶۔کیانکے او بݪے مرڹ آݪا کونی ایآے رے خارو کے او فَرشتاں آݪی کر ہوخے آن قیَامت را ݙیکرا ہو را ایِشور را ݙیکرا بھی تھیخے۔³⁷۳۷۔ آن مردَاں رِی قیَامت رِے بارے میں موسیٰ بھی جھاڑی رِے زکر میں اشارو کریو ہےکیانکے او ایِشور ناں ابراہام رو ایِشور آن اصَخاق رو آن یعَقوب رو ایِشور کہی۔ ³⁸۳۸۔پڹ ایِشور مووڑا رو کونی پر حیتاں رو ایِشور کیانکے اوُے رِے نیڑا خارا جیتا ہے۔³⁹۳۹۔ پِچھے کہنیک فقَہیاں تقریر کر کہیو اِے اسَتاد تیں ٹھیک کہیو۔ ⁴⁰۴۰۔پِچھے اوُاں میں خاں کہی رِی جرت کونی ہوئی کے اوُاں میں خاں کوئی ٻیجو خوال پوچھے۔⁴¹۴۱۔بݪے اوُے اوُاں ناں کہیو کیکڹ جاخے کے الَمیسح داود رو ݙیکرو ہے۔ ⁴²۴۲۔کیانکے داود زُبور رِی کتاب میں خود کہی ایِشور مانجے ایِشور خاں کہیو کہ تو مانجے خاجڑی پاخے ٻیخ۔ ⁴³۴۳۔جتیری تک ہوں تاجے دخمڹاناں تاجے َپگاں ہیٹھیاں کونی کرڈیاں۔ ⁴⁴۴۴۔پڹ داود اوُے ناں ایِشور پرمِیشور کہی پِچھے او اوُے رُو ݙیکرو کیکر ہے۔⁴⁵۴۵۔ جݙے خارا مِنکھ خڹتا پیا تو اوُے آپرے چیَلاں چاں کہیو کے۔ ⁴⁶۴۶۔فقَہیاں خاں خبردار رہو جکو لانٻا لانٻا چوݪا پہر را پھرڹ را شوقین ہے آن بازاراں میں عزت آن بھگتی گھراں میں اوُنچے درجے رِے کرخے آن دعوتاں میں خارا چاں اگیاں ٻیخڹ پسند کرئی۔ ⁴⁷۴۷۔جکو رانڈ بیراں رِے گھراں نا کھاوی آن ݙکہاݪے رِے خارو دَعا ناں بدھاو اوُاں ناں گھٹی سزا مل خے۔

¹۱۔ آن اُوے آنکھ کھڹ ری اُواں مالدارَاں ناں ڈڹ ا۔ جکو آپری آنکھے دَھن ماتھے گھاتتا ھتا۔ ²۲۔آن ہیک کنگال را ڹ د ٻیر نا بھی اوُے میں حٻی پَسیغا گھاتتے ڈڹ ا۔ ³۳۔اِے ماتھے اوُے کہیو ہوں تھاں خاں خچ کہیں کہ اے کنگال را ڹ د پیر خجاں خاں گھئو ڈنو ہے۔ ⁴۴۔کیانکہ اُواں خجاں آپری مال و دولت رِے حخاب خاں دیان ڈنو پڹ اییں آپری غریٻی رِی حالت میں آپری خاری جمت جکو ھتی ڈی ڈنی۔⁵۵۔ آن جوے ہیکل رِے بارے میں بات کرتا پیا کہ او پھوٹرے پتھراں آن منت کرتو ڈا نعضان خاں خجا یوڑا ہے۔تو اوُے کہیو۔ ⁶۶۔او ڈینھں آخے کہ اوُے چیزاں میں خاں جکو تھیں جودئیں پیا۔ پتھر ماتھے پتھر باقی کونی رھے جکو ناکھیو نی جاوے۔⁷۷۔ پتھے اُواں اوُے خاں پوچھیو کہ اے اَستاد اے باتاں کڈے ہوخے۔آن جڈے ہوں ناں ھوخے تو اُوے رو کے نشان ھوخے۔ ⁸۸۔اوُے کہیو کہ خبردار کونی تھاننا یرگلا وے نی کیانکے گھٹا ئی مانجے ناں لے رو آخے آن کہجے کہ او ہوں ئی باں آن اے بھی کہ وقت یڹ و آگیا ڑو ہے۔تھیں اوواں لارے نی بوھیا جایا۔ ⁹۹۔آن جڈے بڑا دھا آن فساداں رِے چیزاں خڹ و تو ٻہہ نی جایا کیانکہ ایِاں رو پہلی تھیں ضروری ہے پڹ اوُے وقت جلدی خاں انجاح کونی تھئے۔¹⁰۱۰۔ پِچھے اوُے اُواں ناں کہیو کہ خوہ پہ قوخ آن بادَشاہی ماتھے بادَشاہی چڑھائی کرخے۔آن موٹا زلزلہ آخے۔ ¹¹۱۱۔آن جگہ جگہ بیمارے آن کاݪ پڑخے۔آن بیھڹ رِے باتاں آن آسمان خاں موٹا نشان نظر آخے۔¹²۱۲۔ پن ایے خجی باتاں خاں پِچھے او مانجے ناں رِی وجہ خاں تھاتحا ماتھے ہاتھ گھاتخے آن تنگ کرخے آن بَھگتی گھراں آن جیلال میں لے جاخے آن را جاواں آن حاکماں رِے خاموں لے جاخے۔ ¹³۱۳۔آن اے تھاں رِے خارو گواہی ڈیوڹ رو وقت ھوخے۔¹⁴۱۴۔ پڹ آپرے دَل میں سوچ لو کہ مہاں پہلی خاں فکر نی کراں کہ کی بݪٹی ڈے خاں۔ ¹⁵۱۵۔اے رِے پگاں ہوں تھانہ اھڑو پویتر شاشتر آن خمج ڈیئخ کہ تھانرو کونی نحالف خامنو کرڹ آن خلاف کہڹ جرت کونی ہووے۔¹⁶۱۶۔ آن ماں ٻاپ آن بھائی آن رشتہ دَار آن دوست بھی تھانہ جھلواخے آن تھاں میں خاں گھٹائی ماریا جاخے۔ ¹⁷۱۷۔آن مانجے ناں رِے وجہ خاں خجا منِکھ تھاں خاں نفرت راکھخے۔ ¹⁸۱۸۔پڹ تھاترے ماتھے رو ھیک باݪ بھی ڈنگو کونی ھووے۔ ¹⁹۱۹۔آپرے صبر خاں آپری جاناں خاں بچائے راکھخو۔²⁰۲۰۔ آن جڈے تھیئں یروشَیلم ناں فوجاں رِے بلے میں آیوڑو جووخو تو اوڑکھ لیا کہ اے رِی تباہی نیٹری آ ٻنجی ھے۔ ²¹۲۱۔پچھے او جکو یہودیہ میں ہووے پہاڑاں تے بھبح جاوے آن او جکو اُوے رِے بھیتر ہووے او ٻاھر نخر جاوے آن او جکو ٻنی میں ہووے اھوو شہرنی جاوے۔ ²²۲۲۔کیانکہ او ڈںیھنں پرلو لیوڹ لا ڈیبھن ھوخے جکے میں جکو کجھ لکھیوڑے ہے پورو تھیخے۔²³۲۳۔اوُاں ماتھے اِفسوس جکو اوواں ڈنا میں پیٹ خاں ہوخے یا ڈودھ پیاڑتی ھوخے کیانکہ ملک میں ڈاڈھی تنگی آن ایئے قوم ماتھے ڈاڈھو قہر ہوخے۔ ²⁴۲۴۔آن او تلوار رِے دھار خاں کھر جاخے را آن انحوا ہورا خجا قوماں میں پگایا جاخے آن جتری تیکر عیر قوماں رو ٹائیم پورونی تھئے یروشَیلم عیر قوماں خاں برباد ہوتے رہخے۔²⁵۲۵۔ آن خوچ آن چاند آن ختارا میں نشان ظاہر ہوخے۔آن دھرتی ماتھے قوموں ناں ازیت پچھےَ کیانکہ او سمندر آن اوُے رِے چھوڑیاں رے لڑ خاں ٻیھ جاخے۔ ²⁶۲۶۔آن ٻیھ رِے ارِے اوُ ایئے انتظار میں کہ زمین ماتھے کی تھیخے۔منکھاں رِی جان میں خاں کونی رہے اےرِے پگاکہ آسمان رِی طاقتاں ہدائی جاخے۔²⁷۲۷۔ آن پِچھے او این آدم ناں باڈڑ میں موٹی قدرت آن جلال رِے بھیڑو آوتے جوخے۔ ²⁸۲۸۔آن جڈے یہ باتاں ہوڹ لاگخے تو نظر کھڹ ری اونچا جوو۔ایئے رِے پگا کہ تھانری مگتی یڹ رِی ہے۔²⁹۲۹۔ آن اوے اُواں خاں ھیک تمثیل کہی کہ انجیر رِے پڹ آن خجے بٹاں ناں جوو۔ ³⁰۳۰۔جڈے اُواں میں چکھا نخرئے تو تھیں جو رو آن تھیں خمج جاوے را کہ ہمیں گرمی یڹ ری ہے۔ ³¹۳۱۔ایئے طرح تھیں وی جڈے یہ تھیو تو جوو تو جان لوکے ایِشور رِی راجائی یڹ رِی ہے۔³²۳۲۔ہوں تھاں خاں خچ کہیو یں کہ جتری تیکری سب کچھ نی تھی جاوے رِے نسل ہر گز کونی گزرخے۔ ³³۳۳۔آسمان آن دھرتی ٹݪ جاخے را پڹ مانجے باتاں کڑے کونی ٹݪے۔³⁴۳۴۔ ہمیں آپرے آپ نا خنبھاڑو ایٹاں نی ہووے کہ تھا نہ ا دَل عیاشی نشے بازی آن زندگی رے غنتڑیاں خاں ست ہو جاوے آن او ڈن تھاں ماتھے پھندے آری کربے خبری میں آ پڑخے۔ ³⁵۳۵۔کیانکہ او پوری دَھرتی رِے تمام بادَشاھواں ماتھے آ پڑخے۔³⁶۳۶۔ اےرِے پگاں جاگنا رہو تاکہ تھیں ایاں خجے چیزاں خاں جکو ھوئڹ آڑی ہے بچ جاوڹ خاں ایئں آدم کے خاماں ابھیجڹ رِے لائق ھتیو۔³⁷۳۷۔ آن او ڈیھن رو ہیکل میں تعیلم ڈیو تو آن رات رو باہر جارو اوے پہاڑ ماتھے رہو تو ھتو جکو زیتون رو کہݪاو تو ھتو۔ ³⁸۳۸۔آن خاکڑو جٻڑئے خجا منکھ اوُے رِے باتاں خٹٹں رے پگا ہیکل میں اوُے رِے کڑھاں آوتا ھتا۔

¹۱۔ ہمے عید فطیر جکے ناں فصح کہیو جاوی کڈے آکی۔ ²۲۔آن خیردار کاہن آن فقیہر موقے رِی تلاش میں ہتا کے کیکڹ اوُے ناں مروایو جاوے کیانکہ او عَوام خاں ٻہتا ہتا۔³۳۔ پِچھے شیطان یہودہ عرف اسخریوطی میں خمایو جکو اوُاں ٻارہں میں خاں گھڑیوں جاوتو ہتو۔ ⁴۴۔اوُے جا آن خیردار کاہناں آن عوام رِے خیرداراں خاں مشہورو کریو کے اوُے ناں کیکر جھال اوُاں ناں ڈنوں جاوے۔⁵۵۔ او خوش ہویا آن اوُے ناں پیخا ڈیوڹ رو وعدو کریو۔ ⁶۶۔اوُے یہودہ اسخریوطی وی وعدہ کریو آن موقو جووڹ لاگو کے اوُے نا یغیر لڑائی جگھڑے رِے اوُے ناں اوُاں رِے حلوالے کیو جاوے۔⁷۷۔ آن عید فطیر آئی جکے میں گھیئے ناں قرُبان کرڹ لازم ہتو۔ ⁸۸۔اوُے پطرس آن یوحنا ناں اِے کہہ تے ہر کیو کہ تھاں جائو آن آڹ نیں کھاوڹ رِے خارو قیصح تیار کرو۔ ⁹۹۔اوُاں اوُے ناں کہیو کے توں کیھ چاویں کے مھیں تیار کرجے۔¹⁰۱۰۔ اوُے اوُاں ناں کہیو جوو شاہر میں بڑے ہی تھا ناں ہیک منِگھ پاڹ ی رو دلو آکھلیوں رو ملخے جکے گھر میں او جاوے تھاں اوُے رِے لارے جایا۔ ¹¹۱۱۔آن گھر رِے مالک ناں کہیا کے اسَتاد تنا کہیو ہے کہ او برکت آری جگھہ کتھے ہے جتھے ہوں آپ رِے چیلاں رِے بھیݪو فصح ری ٻاٹی کھاواں۔¹²۱۲۔ او تھا ناں ہیک موٹو کوٹھو تیار کریو ݪو بتاخے اوُے ناں جی تیار کریا۔ ¹³۱۳۔اوُاں جا آن جو اُوے اواں ناں کہیو تو اوُاں جی جویو آن فصح تیار کی۔¹⁴۱۴۔ آن او وقت آیو جڈے او ٻاٹی کھاوڹ رِے خارو آپ رِے سَنتاں بھیݪو ٻٹھو۔ ¹⁵۱۵۔آن اوُاں ناں اوُے کہیو کے مانجی موٹی اے آخے ہتی کہ ڈکھ خہوݪ خاں پہلے اِے فصح رِی ٻاٹی تھاں بھیݪو کھاواں۔ ¹⁶۱۶۔کیانکہ ھوں تھاں ناں کہیں کہ ھوں اوُے ناں اتی تک کونی کھاوال جتی تک او ایِشور رِی بادَشاہی رِے مطابق پورو نی ہوے۔¹⁷۱۷۔ آن پیالو لے تے شکر کریو آن کہیو کہ ایے ناں لے تے آپش میں بڹ ر لو۔ ¹⁸۱۸۔کیانکہ ھوں تھانا کہی وو کے آج خاں پچھے اِنگوراں رو رخ کڈے کونی پیاں جتی تک ایِشور رِی بادشاہی نی آخے۔¹⁹۱۹۔ پچھے ٻاٹی رِی شکر کرتے ٹوݪی آن اے کہہ تے اوُاں ناں ڈنی کہ اِے مانجو بدن ہے جکو تھارے واسطے ڈنو گیو ہے۔مانجی یادگاری واسطے اییاں جی کرتا رہیا۔ ²⁰۲۰۔ایاں جی ٻاٹی خاں پِچھے اے کہہ تے پیا لوجی ڈتو کہ اِے پیالو مانجے لوہی میں نووں عہد ہے جکو تھارے واسطے بہایو جاوی۔²¹۲۱۔ پڹ جوو اوے رو ہاتھ جکو منا جھلاوڹ آݪو ہے میں بھیݪو کھاڹ ے ہے میز ماتھے ہے۔ ²²۲۲۔کیانکہ انساں رو ڈیکرو تو جاخے یی خیں جبکڹ اوُے رِے بار میں لکھیوݪو ہے پڹ اوُے مِنکھ تے افُسوس جکے رِی وجہ خاں او جھلیجھے۔ ²³۲۳۔اِیئے تے او آیش میں پوچھڹ لاگا کہ آیاں میں خاں کڹ ہے جکو ایئاں کرڹ آݪو ہے۔²⁴۲۴۔ آن اوُاں میں اِے بی تکرار ہو یو کہ مھاں میں کڹ موٹو خمجھیو جاوے۔ ²⁵۲۵۔پر اوُے اوُاں ناں کہیو کہ غیرقوماں تے اوُاں را باچھا حکومت کرئی آن جکو اوُاں تے اِختیار راکھئی او اوُاں را عزیز خݙ اوی۔²⁶۲۶۔ پر تھاں ایہݪا کونی ہو پر جکو تھاں میں موتو ہے چھوٹے ری پانند ہے آڹ خیردار شیوا کر ڹ آݪیکار بڹیں۔ ²⁷۲۷۔کیانکہ موٹو کوڹ ہے او جکو ٻاٹی کھاوڹ ٻیخئی یا او جکو شیوا کرئی۔ کی او کونی جکو ٻاٹی کھاوڹ ٻیخئی پڹ ھوں تھارے درمیان میں ہیک شیوادِاری کرڹ آݪے رِی مانند ہاں۔²⁸۲۸۔ پر تھیں او ہو جکو مانجے آزمیشاں میں برابر مانجے بھیݪا ہتا۔ ²⁹۲۹۔آڹ جیکڹ مانجے ٻاپ مانجے واسطے باچھاإی مقرر ہے ہوں بی تھارے واسطے مقرر کرئیں۔ ³⁰۳۰۔پچھے مانجی باچھائی میں ٻاٹی کھاوڹ آری میز تے تھاں کھاو آڹ پیو ان تختاں تے ٻیخ تے اِسرائیل رِے ٻارے قبیلا رو فیصلو کرو۔³¹۳۱۔ بݪے ایِشور کہیو شمعون جو شِیطان تھاں ناں مانگ لینوں کہ تھاں ایِاں الگ کرے جیکڹ بھوں ناں ݙاخاں الگ کریو جاوی۔ ³²۳۲۔آن میں تھیں خارو دعا کری آن کے تھارو وشواس ختم نی ہووے آن جݙے تو میں ݙیخا پاچھو آوے تو آپ رِے بھائیاں ناں مضبوط کرے۔³³۳۳۔ اوُے اوُاں نا کہیو اِے مالک ہوں تیں بھیݪو قید ہووڹ مرڹ رِے خارو بھی تیار ہاں۔ ³⁴۳۴۔پر اوُے کہیو اِے پطرس ہوں تھاناں کہیںن کہ آج کوکڑ بانگ کونی ݙے جتی تک توں تین واری مانجو انکار نی کرخ کہ ہوں ائیے نا کہنی اوݪکھتو۔³⁵۳۵۔ آن اوُے اوُاں ناں کہیو کہ جݙے میں تھاناں ٻٹویں آن تھیلوے آن جتی خاں بغیر یہر کر کی تھاناں کہی چیز رِی کمی ہتی اوُاں کہیو کہی چیز رِی کونی۔ ³⁶۳۶۔اوُے اوُاں ناں کہیو پر ہمے جکے ݙیخا ٻیٹوں ہوے او اوُے نا لے آن اے طرح تھیلی بی آن جکے ݙیخا تلوار نی ہوے او آپرو جوݪو ٻیخ تے صول لیوے۔³⁷۳۷۔ کیانکہ ہوں تھاں ناں کہیں کہ اِے کلام مانجے بارے میں پورو ہوڹ ضروری ہے کہ او بدکرداراں بھݪو گنئیو گیو۔ اِے واسطے کہ جکو مانجے بارے میں لکھیوڑو ہے پورو تھیں آرو اِے۔ ³⁸۳۸۔اوُاں کہیو کہ جو اِے مالک ایتھے ٻے تلوار ہے اوُے اوُاں نا کہیو بس بس۔³⁹۳۹۔ آن او نکل رو ہمیشہ آݪیکار رہتوں رِے پہاڑ ݙخا گیو آن چیلا اوُے رِے لارے گیا۔ ⁴⁰۴۰۔آن اوُے جگھ پگ تے اوُے اوُاں ناں کہیو۔ دَعا کرو تاکہ آزمائیش میں نی پڑو۔⁴¹۴۱۔ آن او اوُاں خاں الگ ہو رو تقیربن جتھے پتھر ناکھیو تو اوُے خاں آگے جاتے گوݙا کھوتے پراتھنا کرے۔ ⁴²۴۲۔کہیو ڑا گوکر کہوڹ لاگو کہ ابا اگر تو چاویں تو اِے پیالو میں خاں ٹاݪ رو۔ پڹ مانجی مرضی نی بلکہ تاجی مرضی پوری ہوے۔⁴³۴۳۔ آن آسمان خاں ہیک فرشتو اوُے ناں ݙخیجو او اوے ناں ہمت ݙتو ہتو۔ ⁴⁴۴۴۔آن پچھے او ݙکھ میں ٻجی وی ہمت خاں پراتھنا کرڹ لاگو آن اوُے رو پسینو لوہی رِے موٹے موٹے ٹٻکا بڹ را دَھرتی تے کھرڹ لاگا۔⁴⁵۴۵۔ جݙے او دَعا خاں اٹھ تے چہیلاں رِے کوݙھی آیو تو اوُاں ناں غم رِی وجہ خاں ختوڑا ݙھتا۔ ⁴⁶۴۶۔آن اوُاں ناں کہیو کہ تھاں کیاں ختا پیا ہو؟ اٹھو آن دَعا کرو کیانکہ آزمائیش میں نی پڑو۔⁴⁷۴۷۔ اوُاے کہتو جی پیو کہ جوو ہیک توݪو آیو آن اوے باراں میں خاں او جکے نہ یہودہ کہوی اوُاں رِے اگیا گیا ہتو آن او یشوع ݙخا آیو کہ اوُے نہ مھکئی ݙے۔ ⁴⁸۴۸۔پچھے یِسوع اوُے ناں کہیو کہ اے یہودہ کی توں مھئکی ݙے تے جھلاوی۔⁴⁹۴۹۔ جݙے اوُے رِے خنگتیاں پوچھیو کہ کی ہوڹ آݪو ہے کہیو میں تلوار چلاجے۔ ⁵⁰۵۰۔آن اوُاں میں خاں ہیک خبردار کاہین رے غلام تے تلوار چلائی آن اوُے رو خا جڑی کان اݙا ݙینو۔ ⁵¹۵۱۔پچھے یِسوع اوُے رِے جواب میں کہیو کہ اترو وہی کافی ہے آن اوُے کان نا ہاتھ لگا تے ٹھیک کریو۔⁵²۵۲۔ پچھے یِسوع خبردار کاہتاں آن ہیکل رِے سردَاراں آن بزرگاں خاں جکو اوُے ناں جھاݪن آیاتا اوُاں ناں کہیو کہ کی تھاں منا ڈاکو خمجھیں ہے تلواراں ان گیݙے لے تے آیا ہو۔ ⁵³۵۳۔ہوں روزانہ ہیکل میں تھارے بھیݪو ہتو تو تھا مینا کیانکہ کونی جھالیو پڹ اِے تھاری گھڑی ہے آن اندھارے رو اختیار ہے۔⁵⁴۵۴۔ پچھے اوُے ناں جھال تے لے گیا آن خبردار کاہین رے گھر میں لے گیا آن پطرس بتھی خاں اوُے رِے لارِے لارِے جاتو وو۔ ⁵⁵۵۵۔ان جݙے اوُاں آنگڹرے بچ میں باخݙے ٻاڑی آن اوُے رِے آخے پاخے ٻیٹھا تو پطرس اوُاں رے بچ میں ٻیخ گیو۔

¹۱۔ جݙے او خارا خاں اُٹھی راں اوُے پیلاطس رِے کوڈیاے گیا۔ ²۲۔آن اوُے تے ایئے کہے او اِلزام لگاوڑ شروع کہو مھہاں پوچھا گھوچھا کئی کے ایئے مھاری قوُم ناں پھیری پیو۔³۳۔ جݙے پیلاطس اوُے خاں پوچھیو کی تو یہودیا رو راجا ہے او اُوے رِے جواب میں کہیو کہ تو خود کہی۔ ⁴۴۔جݙے پیَلاطس سردار آن گیا ناں ان عوام خاں کہیو کہ ہوں آیئے منکھ رِی کوئی قصور کونی جوتو۔ ⁵۵۔پر اوُے نے آن ظور ڈئے او کہیوی کہ گھتا یہودیہ میں بلکے گلیل خاں لے رو آیئے تک منِکھاں نے سِکھا سِکھا رو اوبھریو ہے۔⁶۶۔ پیلاطس آیئے خون رو پھوچھو کے آیئے منِکھ گلپی ہے۔ ⁷۷۔جݙے اوخیٹو ہیرودَیس رِی راجائی رو ہے او ناں ہیرودَیس کو دیا پہیر کیو۔ کیانکہ او بھی اوُے ڈھیناں میں یروِشیلم میں ہتو۔⁸۸۔ ہیرودَیس یَسوع ناں جویو تو ڈاڈھو راجی ہووہ کیاکہ اوُے بات رِے بارے میں جکو اوُے خوڑی تی خاں شوق ہو تو کہ ہوں اوُے ناں جوواں آن اوُے خاں اُمید بھی ہوتی کے اوُے خاں کوئی۔ ⁹۹۔آن او اوُے خاں بھݪی باتاں پوچھیو پر اوُے اوُاں خاں کوئی جواب کونی ݙیہنو۔ ¹⁰۱۰۔آن سردار گپانی ان بھرجانن آݪا اٹھی راں ڈاھ زور خاں اِلزام لگاوڹ کگا۔¹¹۱۱۔جݙے ہیرودیس بیائے فوج آپری نا کہیو کے اوُے ناں دپہل کریں آن مزاق آن ڈھیڈا کریں ان چمکی پوشاک پہرا رو اوُے ناں پیَلاطس کوڈھیا روانو کیو۔ ¹²۱۲۔اوُے ڈیھیں خاں او ہیرودَیس آن پیلاطس آپت میں دوست تھیا پہلی اوُاں میں دَشمنی ہوتی۔¹³۱۳۔ آن پَیلاطس سردار کاہن ان لشکری سرداراں آن عِوام خاں بیھݪا کریا۔ ¹⁴۱۴۔او میں مخے کہیو تھے جیکو مِنکھ میں کوڈیا لے آیا ہو آیئے منِکھاں ناں پرگݪو جو میں تھارے اگھیا پوچھا گو چھا کی جیکو تھے اِلزام اوُے ناں تھے لگاوں اوُے رِی بابت ہوئی کونی جوتو۔¹⁵۱۵۔ ان آیئے ہیرودَیس میں کوڈیا واپس روانو کیو ہے ان جووں کے آیئے میں خاں اہڈو کوئی گناہ یا پاپ کیو کوئی جکے خاں ہوں آیئے قتل رِے لائق کیہا۔ ¹⁶۱۶۔پر ہوں آیئے خاں پوچھ اوُاں چھوٹ ڈیخے۔ ¹⁷۱۷۔اوُے ہر عید میں قصر ر ہتو کہی ناں اوُے اخارو چھڈ ڈیئے۔¹⁸۱۸۔ آم او رڑکر اٹھیو کے تھے آیئے ناں لے جاو ماجی خاطر بزرگ نہ چھوڑ ڈینو۔ ¹⁹۱۹۔آیئے کہئی جھکڑ یا فشری کونی کی نی کوئی خپل کیو جیکے رِی خاطر قید میں راکھیو جائے۔²⁰۲۰۔ پن پیلاطس اوُے او اپرادو آیئے ہو تو آن کہیو یسَوع ناں چھوڑ ڈینو۔ ²¹۲۱۔پن او آپہا رڑئے کر کہیو کے آیئے ناں خوݪی ڈینو خوݪی۔ ²²۲۲۔تہجی بار آیئے او خاں کہیو آیئے کہٹی بدی پا غلطی کی ہے ہوں آیئے میں ایہڑو کوئی قصور کونی جوتو او قتل رِے لائق ہو آیئے خارو کے ایئے خاں پوچھ رو چھوڑ ڈینو جاوے۔²³۲۳۔ پن او رڈ رڈ رو کہیڈ لگا آن طلب کرڑ لگا کے ایئے ناں خوݪی ڈینی جاوے آن اوُاں رو رڑکر سردار آن کاہن او کاھاب تھیڈ۔ ²⁴۲۴۔جݙے پَیلاطس حکم ڈینو کے آئپاری مرضی رِے مطابق ہوئے۔ ²⁵۲۵۔آن اوُاں اوُے مِنکھ نا چھوڑ ڈینہو جکو فساد آن خون رِی وجہ خاں قید ہتو آن جکے ناں اوُاں مانگیو تو آن یَسوع ناں اوُاں رِی مرضی رِے مطابق حوالے کرو۔²⁶۲۶۔ آن جݙے اوُے ناں گیا تو اواں شَمعون ناں رو ہیک کرینی ناں جھالیو جکو فصل خاں آتو پیو خوݪی اوے تے راکھی کے یسَوع رِے لارِے لارِے کھڹے ھال۔²⁷۲۷۔ آن مِنکھاں رو ہیک موٹو ٹوݪو آن لگائی جکو اوُے رِے خارو چھائی پٹتے پئے آن اوُے پئے اوُے رِے لارِے لارِے ٻوہے۔ ²⁸۲۸۔یَسوع اوُاں نے پھر رو کہیو اِے یروشیِلم رِے زکر ییاں میں تے نی روو پر آپ رِے ٻاݪا رِے خاروں روو۔²⁹۲۹۔ کیانکہ او ڈینھاں آخے جکے میں کہخو دھن اوہے جکو اوترکی آن گدبھ جکے میں ٻاݪ کونی پݪیو آن او چَھاتیاں جکاں دودھ کونی پایو۔ ³⁰۳۰۔جݙے اوُے پہاڑاں خاں کہے کے مہاں تے کھرو آن دڑاں ناں کہے کے کہناں ناں لکواو را۔ ³¹۳۱۔کیانکے خارے بڹ خاں بھی اِیاں کر ریئی پیا تو خوکوڑو خاں کی کریو خاخے۔³²۳۲۔ آن اوُاں ٻے ٻجاں ماڹخاں ناں بھی جکو ڈوہی ہتا لیئی جاتا پیا کے اوُے پھیݪا ماریا جاوے۔³³۳۳۔ آن او اوُے جگہ تے پگا جکے نا کھوپری کہیو جاوے اوُے ناں صوݪی ڈیہنی آن اوُاں ڈوہاریاں ناں بھی خوݪی ڈھنی ہیکے ناں خاجڑی آن ٻجے ناں کھاٻڑی۔ ³⁴۳۴۔آن یَسوع کہیو اے ٻاپ توں اییاں ناں معاف کر کیانکہ اے کونی جاڹتا کے اِے کی کریئی پیا ان اوُاں اوُے را گابھا بݪاوڹ رِے خارو پکھا گھاتیا۔³⁵۳۵۔ آن مِنکھ او بیج جوتا پی اآن خردار گجر کر رو کہتا پیا کے ایئے ٻجا ں ناں تو بچایا پر اے آپ اِیشور رو پیارو زیکر وصع تو آپرو آپ ناں بچاوے۔³⁶۳۶۔ آن خپائی بھی اوُے تے ہخن لاگا آن نیرا جارا اوُے نا سرکو پیاݪو۔ ³⁷۳۷۔آن کہیو کے جیکڈ ھن تو یہودیاں رو بادَشاہ ہیں تی آپرے آپ نا بچا۔ ³⁸۳۸۔ان اوُے ماتھے یونانی لاتینی آن عبرانی آکھراں میں ہیک تخطی لگا کے اِے یہودیاں بادَشاہ ہے۔³⁹۳۹۔ آن ہیک اوُاں بدکارا میں خاں جکو خوݪی تے لڈکیوڑو ہتو آن طعنون زبیرو کہیو کے توں المِسیح کونی تو پچھے آپ رِے آپ نا آن مہناں بھی بچا۔ ⁴⁰۴۰۔پن ٻجے اوُے نا ڈونکیو آن کہیو کے تو ایاں تایئں اِیشور خاں بھی کونی بہتو حالانکے اوہوئی سزا میں جھالیوڑو ہے۔ ⁴¹۴۱۔آن آپٹی سزا تو جائز ہے کیانکے مہیں تو آپرے ےپاپاں رِی سزا بھگتیں پیا پر ایئے تو اُھڑو کوئی کام کونی کریو۔⁴²۴۲۔ آن اوُے کہیو اِے یَسوع جݙے توں آپری راجائی میں آویں تو منا یاد کرے۔ ⁴³۴۳۔آن یَسوع اوُے خاں کہیو ہوں تہیں خاں خچی کہیں پیو کے آج ہی توں مہینں بھیݪو جنت میں ہوئیخ۔⁴⁴۴۴۔ آن چھویں گھڑی رِے نیڑو ہتو کے خارے ملک میں اندھارو تھی گیو۔ آن او اندھارو نویں گھری تک رہو۔ ⁴⁵۴۵۔لیانکے خورج اندھارے میں تھی گیو آن ہیکل رو پردو بچ خاں پھاٹ گیو۔⁴⁶۴۶۔ آن یَسوع اوُنچی آواز خاں رڑکر رِی کہیو اے ٻاپ ہوں آپر ی آتماں تاجے ہاتھ میں ڈہین اِے کہہ رو آپرو پران ڈنھوں۔ ⁴⁷۴۷۔ان جکو کجھ تھیو ہتو جݙے خوبیدار اے ڈٹھو تو اِیشور رِی بڈائی کی ان کہیو کے اے شک ماڹخ سَنت ہے۔⁴⁸۴۸۔ آن جتدا مائیخ ایئے نظارے نا جووڹ رے خاروں بھیݪا تھپاتا اے نظارو جو رو چھاتی پٹتا پاچھا بݪ گیا۔ ⁴⁹۴۹۔آن اوُے را اوݪکھڹ آݪا آن او لگاوے جکو اوے بھیݪے گلیل خاں اوُے رِے لارِے آئے ھتے پھدے اُھوڑی اِے باتاں جوتے پآے تے۔⁵⁰۵۰۔ ان جوو یوَسف نامی ہیک منکھ جکو مشیر ہتو نیک مایئخ آن شریف ہتو۔ ⁵¹۵۱۔او اوُاں رِے خلاح میں کونی ہتو او یہودیاں رِے شہر ارتید رو رہن آݪو ہتو آن خود اِیشور رِی راجائی رو آخ ونند ہتو۔⁵²۵۲۔او پَیلاطس کوڈھیاں گیو آن یَسوع رِی لاش مانگی۔ ⁵³۵۳۔ان اوُے ناں اتارو قیمتی چادر میں بیڈھ رو آن ہیک قبر میں راکھیو جکو ٹکر میں کھو تر یوڑی ہتی جکے میں کدٹے کوئی کونی راکھیو گیو۔⁵⁴۵۴۔ آن او تیاری رو ڈیھنوں ہتو آن سَبت بھی شروع تھیں آݪو ہتو۔ ⁵⁵۵۵۔ان او استرے جکو اوُے بھیݪے گلیل خاں آئے ہتے او لارِے لارِے اوُے قبر ناں جووڹ خارو آن اے بھی کے اوُے رِی لاش کیہڑے طریقے خاں رَاکھی ہے۔ ⁵⁶۵۶۔آن پاچھے بݪ رِے چیزاں آن عطر تیار کےی آن اوُاں حکم رِے مطابق سَبت رِے ڈیھن آرام کریو۔

¹۱۔ اِن او ہفتے رے پہلکے ݙن خاکلو رِی خوُشبودار چیزاں جکاں نا لدے تیار کےی ہوتی قبر تے لے آتی۔ ²۲۔ان اوُاں پتھر نا قبر چاں پیرا تھییوڑو جویو۔ ³۳۔ان اُواں مہینا ایِشور یَسوع ری لاش نا کونی ڈیٹھو۔⁴۴۔ اَن ائیَاں ہویو کہ جݙے او حیران ہوتیں تو اوُاں ٻے منِکھاں نا ڈٹو جکاں را گہابھا چٹا پیریوڑا ہتا۔ ⁵۵۔جݙے او بس گیے ان اپروماتھو دھرتی تے جھکایو تو اوُاں ائیا نا کہیو کہ تھیں زندہ نا مردا میں کیاں جووں۔⁶۶۔ او ایتھ کونی پڹجی اٹھیو رو یاد کرو جݙے او ہنسور گلیل میں ہوتو تو اوُے تھاناں کی کہیو تو۔ ⁷۷۔اِے ضرور ہے کہ ابن آدم پاپیاں رِے ہاتھ میں جھلیجے خے۔ ان ماریو جاخے ان تین ڈن بعد جی اٹھخے۔⁸۸۔ جݙے اوُے اِے باتاں اوُے ناں یاد کرائے۔ ⁹۹۔اِن قبر خاں پاچھو آتے اوُاں گپارہ ان باقی خارا ناں ایے باتاں رِی خبر خڹائی۔ ¹⁰۱۰۔ایہو مریم مخدلینی ان حنہ ان یعقوب ری ماں مریم ہوتیں ان باقی لوگائی جکو اوُے رِے بھیݪے ہوتے اوُاں وی اَیئے باتاٻ خاراں نا کہیو۔¹¹۱۱۔ پن اَے باتاں اوُاں نا کہئی آݪی گزاواگی۔ ان اوُاں ائیے رو یقین نی کرلو۔ ¹²۱۲۔پچھے پطرس اُٹھ تے قبر رِے باخے بچھو ان ٻیٹھو تھی تے کفن نا جویو ان ائیے واقع نا جو رو اپرے من میں خوچن لاگو ان بھو گیو۔¹³۱۳۔ ان جوو اوے ݙن اواُں میں خا ٻے عموآس ناں لیبک گاں آݪے پاخے جاونا وا جکو یرَوشیلم خاں ساتھ ضپل الگو ہو تو۔ ¹⁴۱۴۔ان ایئے خارِے باتاں رِے بارو جکو ظاہر ہوتے تھے آپس میں باتاں کرنا جاوتا۔¹⁵۱۵۔ اَن ائیاں ہویو کہ جݙے اور باتاں کرتا جاوتا ہوا تو یَسوع آپ اوُاں رِے نیڑو آ گیا۔ ¹⁶۱۶۔پن اوُاں رِے آنکھیں بند کریوڑے ہوتے تاکہ او نی جووے۔¹⁷۱۷۔ ان اوُے ائیاں نا کہیو اے کیڑے باتاں ہے جکو تھاں مارگ میں کرتا جائی وا اور پریشانی خاں ابیج رہیا۔ ¹⁸۱۸۔بڑے اوُاں میں خاں جکے رو ناں کلَپساس ہوتو اوے ناں جواب میں کہیو۔کہ کی تو ایک ہی یرَوشیلم رو مسافر ہے ان جھڑو اپے باتاں خا نا واقف ہے جکو اوُے ݙن ظاہر ہوتی ہوتی۔¹⁹۱۹۔ اوُے ائیاں نا کہیو کہ کے باتاٻ اوُاں اپے ناں کہیو کہ یَسوع ناصری رِے بارو جکو بنت منکھ ہوتو ان ایِشور ان خاری اُمت رِے نیڑو کام ان کلام میں قدرَت آݪو ہوتو۔ ²⁰۲۰۔جکے نا موٹو بھگت ان مھارے موئیرڑا نا ماریو جھلا یو ان ماریو۔²¹۲۱۔ پڹ مھاناں اُمید ہوتی کہ ایو اَسرئیل نا چھڑا خے ان ایے باتاں خاں علاوہ ائیے بات ناآج تٻحوݙن ہویو رو۔²²۲۲۔ ان مھاں میں خاں کئیک لوگایاں میران کرݙنو او خاکلوں رِی قرتے گیے۔ ²³۲۳۔ان اوُے رِی لاش نا نی جو ری واپس آئے ان کہیو کہ مھیں فرشتاں ناݙئو جکو کیونا وہ کہ او زندہ ہویو رو۔ ²⁴۲۴۔ان کئیک مھارے خگتی وی قسرتے جاتے جماں اواُں لوگایاں کہیو اواں جی حویو پڹ نی ݙئو۔²⁵۲۵۔ پڹ اوُے اوُاں نا کہیو کہ اے بھوݪا ان سنا رے ناتاں نا منڹ میں سَت ایمان ارَاں۔ ²⁶۲۶۔کی ضروری کونی ہوتو۔کہ مَسیح ایو ݙکھ اکھڹ ے ان ائیاں جی او اپرے جلال میں داخل ہوخے۔ ²⁷۲۷۔اَن توریت موسٰی ان سارے ابنیا رے کتاباں رِے شروع خاں خیارے اگ کھتی میں جتسرے باتاں اوُے رِے حق میں لکھیو ڑے اوُے ناں خمجا خگے۔²⁸۲۸۔ ائر میں او اوُے گاں رِے نیئرا یگ گیا جتے او جاوتا وا ان او اوُے رِے کردار خاں معلوم کریو کہ او آگے بدحصڹ جاوی۔ ²⁹۲۹۔پڹ اوُاں اِے کہہ تے اوے نا مجبور کریو۔ مھارے بھیݪو ری۔کیانکہ انڈھے او ٹایم ہویو رو۔ان ݙن حتم ہویو رو۔ان او مہنا گیو۔تاکہ اوُے رِے بھیݪو رہو۔³⁰۳۰۔ ان ائیاں ہویو کہ او اوُاں رِے بھیݪو ٻاٹی کھاوڹ لاگو۔تو اوے ٻاٹی توڑ رِی برکت بابنی۔ ان توڑ تے ݙوڹ لاگو۔ ³¹۳۱۔ائیے تے اوُاں رِے آنکھیں کھل گیے۔ان اوُاں ائیے نا جاڹ لیو ان او اوُاں رِی نظر خاں اوجھل ہوگیو۔ ³²۳۲۔ان اُواں آپس میں کہیو کہ جکے ٹایم او مھاں خاں باتاں کرتا ان مھارے واسطے آگ کھتی را نید کھو یو وہ۔ تو مھارو دَل جوش خاں بھر کونی گیو تو۔³³۳۳۔ ان اوُے گھڑی اُٹھ تے او یروشلیم نا واپس گیو۔ان اوُے گیا اے ان اوُاں رِے خنگھاں نہ بھیݪو کریو۔ ³⁴۳۴۔ان او کہیو تا وا کہ ایِشور خچ مچ جی اٹھیو ان شمَعون ناوی نظر آیو۔ ³⁵۳۵۔پچھے اوُاں خارو کج خڹا یو کہ راہ میں کی کی ہویو ان اوُاں کیکر اوُے ناں ٻاٹی توڑے پچانیو۔³⁶۳۶۔ ان او اِے باتاٻ کرتا جی وا یسوع اوُاں رِے بیچ میں آ ابھجیو ان اوُاں نا کہیو تھاں رِی سَلامتی ہوتے۔ ³⁷۳۷۔پڹ او گھر اگیا ان ٻی تے سجھو کہ کئی رُوح نا جوئی وا۔³⁸۳۸۔ پڹ اوُے اوُاں نا کہیو تھیں کیاں ٻی وا ان تھارے دَل میں کیاں شک آئی وہ۔ ³⁹۳۹۔مھیں آݪا ہاتھ ان مھیں پک جووہ کہ ہوں ہی ہاں مھَناں ہاتھ لگاتے جووہ کیانک رُوح رِے گوشت ان ہاڈکی کونی ہوتی جھاں مھیں میں جوٹی وا۔ ⁴⁰۴۰۔ان اے کہہ او اپرا ہاتھ ان پگ بتایا۔⁴¹۴۱۔ جݙے اوُاں نا یقین نہیں آیا تو او خوچڹ لاگا۔ تو اوُے اوُاں کہیو کہ کی تھاں کڈے کشک کھاوڹ خارو ہے۔ ⁴²۴۲۔جݙے اوُاں بھونجیوں رِی مچھل رو ٹکڑو اُوے نا ݙینو۔ ⁴³۴۳۔اوُے پے اوُاں رِے خامے کھایو۔⁴⁴۴۴۔ ان اواں نا کہیو کہ اے مھیں آلے او باتاں ہےجکو مھیں تھا ناں اوُے گھڑی کہیو ہوتو جݙے تھارے بھیݪو ہوتو۔ ان ضرور ہے کہ او خارو کچھپورو ہوخے جکو موسیٰ رِی توَریت ان مخالف انبیا ان مرامیر مجائے حق میں لکھیوڑا ہے۔⁴⁵۴۵۔ اوُاں را دَماغ کھولیا تاکہ اگ گھتیا نا خجے۔ ⁴⁶۴۶۔ان اُواں خاں کہیو کہ اِے لکھیوڑو کہ ایِشور ڑک کھڹنچے ان تیجے ݙن مووں ڑا میں جوتو تھی خے۔ ⁴⁷۴۷۔ان یرَوشیلم خاں شروَع کررو خجے قوماں میں اوُے اے ناں خاں گناھواں رِی معافی رِے پگا توبہ رِی مَنادی کی جازے۔⁴⁸۴۸۔ تھیں ائی باتاں را گواہ ہو۔ ⁴⁹۴۹۔جوو مھیں اپرے پاپ رو وعدہ کریو ڑو تھاں ماتھیے ظاہر کریورو۔ جتیری تک تھاناں اونچا خاں رُوح القُدس اَصلی قوت رو لباس نی ڑے اپرے شہر میں ٻیٹھا رہیا۔⁵⁰۵۰۔ پَچھے او اوُاں ناں ٻاہر بطنیاں ݙخا لے گیو۔اپرے ہاتھ اونچا کررا اوُاں نا برکت ݙینی۔ ⁵¹۵۱۔ان ائیاں تھیو کہ جݙے او اوُاں ناں برکت ݙتو پیو تو اوُاں ناں جدا تھی گیو ان آسمان ماتھے خڹیو گیو۔⁵²۵۲۔ ان او اوُے نا سجدہ کررو ݙاݙی خوَشی خاں یرَوشیلم پاچھا بھوا گیا۔ ⁵³۵۳۔ان بݪا ہر روز ہیکل میں ایِشور رِی بَھکتی کرتا رہیا۔

¹۱۔ شروع شروع میں شبد ہَتو شبد ایشور بھیݪو ہَتو اَن شبد ایشور ہَتو۔ ²۲۔ایے جی شروعار میں ایشور بھیݪو ہَتو۔ ³۳۔ایئے خاں جی خارو کچھ بݨیو اَن کوئی وی چیز ایئے خاں ٹاݪ کونی بݨی۔⁴۴۔اُوے میں جی جیون ہَتو اَن جیون منکھاں رے خارو اُجاݪو ہتو۔ ⁵۵۔اَن اجاݪو اندھارے میں چمکئی اَن اندھارو اُوے نا ہرا کونی خگیو۔⁶۶۔ ہیک منکھ آیو جکو ایشور ری طرف خاں میلیو گیو جکے رو ناں یوحنا ہَتو۔ ⁷۷۔ایہ گواہی رے خارو آیو کہ اجاݪے ری گواہی ݙیوے تاکہ اوے رے وسیلہ خاں ایمان لے آوے۔ ⁸۸۔اُو آپ تو اجاݪو کونی ہَتو پݨ اوجاݪے ری گواہی ݙیوݨ آیو ہَتو۔⁹۹۔ او خچواجݪو جکو ہر کئی تے اُجیخ کرئی جگت میں آوݨ آݪو ہَتو۔¹⁰۱۰۔ او جگت میں ہَتو جگت اوے رے وسیلے خاں بݨیو پݨ منکھاں اوے نا کونی اوݪکھیو۔ ¹¹۱۱۔او آپراں میں آیوپݨ اوے رے آپراں اوے نا قبول کونی کریو۔¹²۱۲۔ پݨ جتراں وی اوے نا قبول کریو اُوے اُواں نا حق ݙنو کہ او ایشور را ٻاݪ بݨے پݨ اُواں نا جکو اوے رے ناں تے ایمان لے آیا۔ ¹³۱۳۔او لوہی خاں کونی نی مانخ ری مرضی خاں اَن نی جی منکھ ری مرضی خاں پݨ ایشور اُواں نا بݨایا۔¹⁴۱۴۔ شٻد انسان رے روپ میں آیو اَن آپاں بھیݪو رہیو اَن مھاں اُوے رو جلال ݙٹھو ٻاٻ رے مونبھی رو جلال کرپا اَن خچائی خاں بھریوڑو ہَتو۔ ¹⁵۱۵۔یوحنا اُوے ری جی گواہی ݙنی اَن اونچی آواز خاں کہیو ایہ او جی ہے جکے رے بارے میں کہیو ہَتو۔ کہ جکو مھیں خاں پچھے آوݨ آݪو ہے۔ او میں خاں موٹو ہے کیانکے او میں خاں وی پہل ہَتو۔¹⁶۱۶۔ اوے ری حضوری میں مھاں خارا لیو یعنی فضل تے فضل۔ ¹⁷۱۷۔کیانکے ایے شریعت موسٰی رے وسیلے ݙنی گی پݨ فضل اَن خچائی یسوع مسیح خاں لابھی۔ ¹⁸۱۸۔ایشور نا کݙے کئی کونی ݙٹھو پݨ ہیک ݙیکرو جکو اُوے بھیݪو ٻیٹھو ہے اُویج ایشور بتایو۔¹⁹۱۹۔ یوحنا ری گواہی ایہ ہے کہ جݙے یہودیاں یروشلیم خاں کاہن آن لاوی اُوے کݙھے ایہ پوچھݨ بہیر کریو کہ تو کُݨ ہے۔ ²⁰۲۰۔تو اوے اقرار کیو اَن مکریو کونی بلکہ اوے کہیو ہوں تو المسیح کونی ۔ ²¹۲۱۔پچھے اُواں بھݪے پوچھیو پچھے تو کُݨ ہے کی توں ایلیاہ نبی ہے۔ یوحنا بݪتی ݙنی نا ہوں او کونی کی تو نبی ہے اوے جواب ݙنو کونی۔²²۲۲۔پچھے اُواں او نا بݪے کہیو تو توں ہے کُݨ ؟ کیانکے مھاں اوئاں نا بݪتی ݙیوݨی ہے۔ جکے مھاناں میلیو ہے توں آپرے بارے میں کی کہی؟ ²³۲۳۔پچھے اوے کہیو جاں یسعیاہ نبی ری او بات خݨائی ہوں او ہاں جکو بیابان میں پرچار کرئیں کہ پرمیشور رے خارو مارگ خدھو کرو۔²⁴۲۴۔ میلیوڑے منکھاں میں خاں کئیں فریسی آݪا ہَتا۔ ²⁵۲۵۔اَن اُوںاں اُوے خاں سوال کریو۔ جے تو نی مسیح ہے نی ایلیاہ ہے اَن نی جی او نبی ہے تو پچھے تو کیا بپتسموں ݙئی۔²⁶۲۶۔ یوحنا اُوںاں نا بݪتی ݙنی ہوں تو چھڑو پاݨی خاں بپتسموں ݙئیں پݨ تھارے بچ میں ہیک ایہڑو منکھ ابھو ہے جکے نا تھے کونی اُݪکھتا۔ ²⁷۲۷۔ایہ او جی ہے جکو میں خاں پچھے آوݨ آݪو ہے۔ ان ہوں ایئے لائق کونی کہ اوے ری جُتی ری تݨے کھولاں۔ ²⁸۲۸۔ایہ خارے باتاں یردن دریا رے پار بیت عنیاہ میں رے گاں میں ہوئے۔ جیتھ یوحنا بپتسموں ݙتو ہَتو۔²⁹۲۹۔ ٻجے ݙن اوے یسوع نا آپ ݙخا آوتے جو اَن کہیو ایہ ایشور رو گھیٹو(برہ) ہے جکو دنیا رے منکھاں را پاپ اُکھݨ لے جاخے۔ ³⁰۳۰۔ایہ او جی ہے جکے رے بارے میں مھیں کہیو ہَتو میں خاں پچھے ہیک ایہڑو منکھ آوݨ آݪو ہے جکو میں خاں گھݨی عزت آݪو ہے کیانکہ او میں خاں پہلی ہَتو۔ ³¹۳۱۔ہوں وی اُوے نا کونی اوݪکھتو ہَتو۔ پݨ ایے خارو ہوں پاݨی خاں بپتسمو ݙئی کہ او اسرائیل تے ظاہر ہو جاوئے۔³²۳۲۔ اَن یوحنا گواہی ݙے اَن کہیو میں روح نا کبوتر آݪی کر آسمان خاں اُترتے جویو ہا اَن او اوے تے ٻیختے جویو۔ ³³۳۳۔ہوں اُوئے نا کونی اݪکھتو ہَتو۔ پݨ جکے مناں بہیر کریو کہ پاݨی خاں بپتسمو ݙا اُوے مناں کہیو کہ جکے تے تو روح نا اترتے اَن ٻیختے جووئے اُو او جی ہوخے جکو روح القدس خاں بپتسمو ݙئی۔ ³⁴۳۴۔ہمے میں ݙٹھو اَن گواہی ݙئی کہ ایہ ایشور رو ݙیکرو ہے۔³⁵۳۵۔ٻجے ݙن یوحنا بھݪے آپرے ٻے چیلاں بھݪو ابھو ہَتو۔ ³⁶۳۶۔اُوے یسوع ݙخا جو اَن کہیوجو جاوتو وو جووو ایہ ایشور رو برو ہے۔³⁷۳۷۔اَن اوے رے ٻے چیلاں اُوے رے ایہ بات خُݨی اَن یسوع رے لاریاں بوہا گیا۔ ³⁸۳۸۔یسوع اُواں نا لارے آوتا جو اَن اُواں نا کہیو تھاں کی لابھئی ووا۔ اُواں کہیو اے استاد توں کیتھ رئی۔ ³⁹۳۹۔اُوے اُواں نا کہیو آو تھاں جوخو رو اَن اُواں جویو جیتھ او رہتو ہَتو۔ اَن اوے ݙن خاں او اُوے بھیݪا رہیا اَن ایہ ݙخوئے گھنٹے رے نیٹو ہَتو۔⁴⁰۴۰۔ اُواں ٻہیاں میں خاں جکو یوحنا ری ایہ بات خݨ تے اُوے رے لارے بوہا ہیک شمعون پطرس رو بھائی اندریاس ہَتو۔ ⁴¹۴۱۔اُو پہل آپرے بھائی شمعون نا ٹکریو اَن اوے نا کہیو کہ مھاناں مسیح لابھو رو۔ ⁴²۴۲۔پچھے او اُوے نا یسوع کݙے لایا اَن یسوع اُوے نا جو اَن کہیو کہ تو یوحنا رو ݙیکرو شمعون ہے پݨ آج خاں تو کیفا (جکے رو مطلب پطرس) خݙئجخ۔⁴³۴۳۔ٻجے ݙن اُو گلیل جاوݨو چاہتو ہَتو۔ آن فلپس نا ٹکریو۔ اَن یسوع اوے نا کہیو مھارے لارے بوہو آ۔ ⁴⁴۴۴۔فلپس اندیاس اَن پطرس رے شہر بیت صیدا رو ہَتو۔ ⁴⁵۴۵۔فلپس نا نتن ایل ٹکریو اَن اُوے اُوے نا کہیو کہ جکے رو ذکر موسٰی تورات میں اَن نبیاں وی کہیو مھاں اُوے نا لابھو رو اُو یوسف رو ݙیکرو یسوع ناصری ہے۔⁴⁶۴۶۔ نتن ایل اُوے نا کہیو کی ناصرت خاں کوئی بھلی چیز نکݪ خگئی فلپس اُوے نا کہیو آ جو رو۔ ⁴⁷۴۷۔یسوع نتن ایل نا آپ ݙخا آوتو جو رو اَن کہیو جوو ایہ اصلی اسرائیلی ہے ایے میں مکر کونی۔ ⁴⁸۴۸۔نتن ایل اوے نا کہیو تو منے کیکر اوݪکھئی یسوع بݪتی میں کہیو ایے خاں پہل کہ فلپس تناں ٻُلایو تو انجیر رے بݨ رے نیچا ہَتو۔ میں تنے جویو ہَتو۔⁴⁹۴۹۔ نتن ایل اوے نا بݪتی ݙنی کہ اے گرو تو ایشور رو ݙیکرو تو اسرائیل رو باچھا ہے۔ ⁵⁰۵۰۔یسوع اوے نا بݪتی ݙنی کی تو ایے خارو ایمان لایو ہے کہ میں تناں کہیو کہ میں تنے انجیر رے بݨ رے ہینٹھا جویو تو ایے خاں وی موٹا موٹا کام جوئخ۔ ⁵¹۵۱۔پچھے اوے اُواں نا کہیو کہ ہوں تھاناں خچی خچی کہئی کہ تھاں آسمان نا کھُلیوڑو اَن ایشور رے فرشتاں نا اُنچا جاوتا اَن ابنِ آدم تے اترتا جوخو۔

¹۱۔ اَن تیجے ݙن قانائے گلیل میں بیاہ ہویو آن یسوع ری ماں اتھ ہَتی۔ ²۲۔اَن یسوع اَن اُوئے رے چیلاں نا وی اُوئے بیاہ رو ہیلو ہَتو۔³۳۔ آن جݙے انگوراں رو شربت کھٹ گیو تو یسوع ری ماں اُوئے نا کہیو کہ اُوئاں کڈھے انگوراں رو شربت مُکو رو۔ ⁴۴۔اَن یسوع اُوئے نا کہیو اماں آپاں نا کی مھارو ٹائم ہالی کونی آیو۔ ⁵۵۔اُوئے رے اماں نوکراں نا کہیو جو ایئے تھاناں کہے او کریا۔⁶۶۔ آن اُتھ یہودیاں رے رعت رے مطابق پتھراں را چھ مٹ پیا ہَتا۔جکے میں ٻے ٻے تین تین مݨ ری گنجایش ہوتی۔ ⁷۷۔یسوع اُوئاں نا کہیو مٹاں میں پاݨی بھر ݙو۔ آن اُوئاں اُوئے نا فل بھر ݙنا۔ ⁸۸۔اَن بھݪے اُوئے اُوئاں نا کہیو کے ہمے ایئے نا کاڈھو اَن خصوصی مہمان نی لے جاؤ۔ اَن او لے گیا۔⁹۹۔ جݙے اُوئے خصوصی مہمان اُو پاݨی چکھیو جو انگوراں رو شربت بݨ گیو ہَتو۔ اُوئے نا کونی ٹھا ہَتی کہ ایہ کیتھ خاں آئی ہے۔ (پݨ او نوکر جکے پاݨی کھاڈھیو ہَتو جاݨتو ہَتو) تو خصوصی مہمان بینݙ نا ہیلو کرایو۔ ¹⁰۱۰۔آن اُوئے نا کہیو کہ ہر منکھ پہلی بھلو انگوراں رو شربت پیاݪی اَن ہݪکو اُوئے گھڑی جݙے خارا گھݨی پی لئی پݨ تھیں تو بھلو انگوراں رو شربت لُکا راکھیو ہے۔¹¹۱۱۔ نخانیاں ری ایے شروعات یسوع قانائے گلیل میں کی اَن اُوئے آپ رو جلال بتایو اَن اُوئے را چیلا اُوئے تے ایمان لے آیا۔¹²۱۲۔ اُوئے خاں پچھے اُوئے ری ماں اَن بھائی اَن اُوئے را چیلا کفرنحوم نی گیا پݨ اُتھ گھݨا ݙن نی رہیا۔¹³۱۳۔ آن یہودیاں ری عید نیڑی ہَتی آن یسوع یروشلیم نی گیو۔ ¹⁴۱۴۔آن اُوئے ہیکل میں ڈھگا اَن بھیݙاں اَن کبوتر بیچݨ آݪاں نا جویو اَن بپاریاں نا وی جکو اُتھ ٻیٹھا ہَتا۔¹⁵۱۵۔پچھے اُوئے رنڈھوڑیاں رو کوڑو بݨا اَن خارے بھیݙاں اَن ڈھگاں بھیݪا ہیکل خاں ٻاہر کاڈھ ݙنا اَن یپاریاں را پیخا اُݙا اَن پھٹا اُندھا کر ݙنا۔ ¹⁶۱۶۔آن کبوتر بیچݨ آݪاں نا کہیو ایئاں نا ایتھ خاں لے جاؤ مھارے ٻاپ رے گھر نا بپار رو گھر نی بݨاو۔¹⁷۱۷۔ آن اُوئے رے چیلاں نا یاد آیو۔ کہ ائیاں لکھیوڑو ہے کہ تھارے گھر ری غیرت مناں کھا جاخے ری۔ ¹⁸۱۸۔پچھے یہودی بولݨ لاگا اَن کہیو کہ تو مھاناں کہی نخانی بتا اَن ایہ کام کریں۔ ¹⁹۱۹۔یسوع بݪتی میں اُوئاں نا کہیو ایئے ہیکل نا بکھیر ݙو ہوں تیناں ݙناں میں ایئے نا کھڑی کر ݙئیخ ری۔²⁰۲۰۔یہودیاں کہیو کہ چھیاݪخ برخاں میں ہیکل بݨی ہے اَن تو ایئے نا تین ݙناں میں کھڑی کریخ ری۔ ²¹۲۱۔پݨ اُوئے آپرے من ری ہیکل ری بات کی ہتی۔ ²²۲۲۔ایئے خارو جݙے او مریوڑاں میں خاں جیتو ہویو تو اُوئے رے چیلاں نا یاد آیو کہ اُوئے کہیو ہتو۔ اَن او لِکھت تے ان یسوع ری ایئے بات تے جکو اُوئے کہی ہَتی ایمان لے آیا۔²³۲۳۔ جݙے اُو عید رو یروشلیم میں ہَتو۔ گھݨاں اُوئے نخانیاں نا جو جکو اُو جوݪتو ہَتو جو را اُوئے رے ناں تے ایمان لے آیا۔ ²⁴۲۴۔پݨ یسوع آپ رے خیال خاں اُوئاں تے اعتبار کونی کرتو ہتو۔ ²⁵۲۵۔ایئے خارو کہ او خاراں نا اُݪکھتو ہَتو۔آن اُو متھاج کونی ہَتو کہ کوئی وی منکھ اُوئے رے حق میں گواہی ݙے۔ کیونکہ او آپ جی جاݨتو ہَتو کہ انسان رے من میں کی کی ہے۔

¹۱۔ فریسیاں میں ہیک منکھ نیکدیمس ناں رو یہودیاں رو سردار ہَتو۔ ²۲۔او رات رو اُوئے کڈھیا آیو آن اوئے نا کہیو کہ اے استاد مھیں جاݨئی کہ تو ایشور ری طرف خاں استاد تھی آیو ہے۔ کیانکہ جکو تو نخان ݙخلئِ او کوئی کونی ݙخݪ خگتو۔ جتری تک ایشور اُوئے بھیݪو نی ہووئے۔³۳۔یسوع اُوئے نا بݪتی میں کہیو۔ ہوں تھاں نا خچی خچی کہیں کہ جتری تک کوئی نئے خرے خان پیدا نی تھیوئے ایشور ری راجائی نا جو کونی خگتو۔ ⁴۴۔نیکدیمس کہیو کہ منکھ جݙے بوڈھو تھی جاوئے رو تو بݪے کیکر پیدا تھی خگئی۔ کی او بݪے آپری ماں رے پیٹ میں جا رو پیدا تھی خگئی۔⁵۵۔ یسوع بݪتی ݙنی آن کہیو کہ ہوں تنئے خچی خچی کہیں کہ جتری تک کوئی پاݨی آن پویتر آتما خاں پیدا نی ہووئے او ایشور ری رجائی میں داخل کونی ہو خگتو۔ ⁶۶۔جکو جسم خاں پیدا ہویو او جسم ہے اَن جکو پوتر آتما خاں جنم لیو او پوتر آتما ہے۔⁷۷۔ پریشان نی تھی کہ میں تنئے کہیو نوئے خرے خاں پیدا ہوݨ ضروری ہے۔ ⁸۸۔ہوا جینکی چاہوئی اونکی جاوئی توں اُوئے ری آواز خُݨئے اَن کونی خمجھتو کہ او کیتھ خاں آوئی آن کݨھئے جاوئی۔⁹۹۔ نیکدیمس بݪتی ݙنی اَن کہیو کہ ایے باتاں کیکر تھی خگئی؟ ¹⁰۱۰۔یسوع بݪتی ݙنی اَن اُوئے نا کہیو کہ کی توں بنی اسرائیل رو استاد ہے۔ آن ایے باتاں کونی جاݨتو۔ ¹¹۱۱۔ہوں تناں خچی خچی کہیں کہ جکو کجھ مھاں جاݨجیئی او کہجیئں۔ آن جکے نا مھاں ݙٹھو ہا اوئے ری گواہی ݙئجیئں۔اَن تھیئں مھاری گواہی کونی منتا۔¹²۱۲۔ جݙے میئں تھاناں دھرتی رے باتاں کہیئے آن تھاں اعتبار کونی کریو۔ پچھے جے کݙے ہوں تھاناں آسمان رے باتاں کہاں تو تھیئں کیکر یقین کرخو۔ ¹³۱۳۔کوئی آسمان تے کونی چڑھیو خوائے اُوئے رے جکو آسمان خاں اُتریو ہے یعنی ابن انسان جکو آسمان میں ہے۔¹⁴۱۴۔ آن جکر موسٰی باخینگ نا رݨ پٹ میں اونچو کریو۔ ائیاں جی ابن انسان اونچو کریو جاخے۔ ¹⁵۱۵۔تاکہ جکو کوئی اُوئے تے ایمان لے آخے او مرے کونی پݨ امر جیون پاخے۔¹⁶۱۶۔ کیانکہ ایشور جگت خاں ایڑھو پریم کریو کہ اُوئے آپرو ہیک جی ݙکرو ݙے ݙنو تاکہ جکو کوئی اُوئے تے ایمان راکھخے او مرے کونی پݨ امر جیون پاخے۔ ¹⁷۱۷۔کیانکے ایشور ݙیکرے نا جگت میں ایئے خارو کونی بہیر کریو کہ جگت تے الزام لگاوئےبلکہ ایئے خارو بہیر کریو جگت اُوئے ری وجہ خاں چھٹکارو پاوئے۔ ¹⁸۱۸۔جکو اُوئے تے ایمان راکھخے اُوئے تے الزام کونی ݙنو جاوئےپݨ جکو اُوئے تے ایمان نی راکھخے اوئے تے الزام لاگ گیو۔ کیانکہ اُوئے ایشور رے ہیک جی ݙیکرے رے ناں تے ایمان کونی لے آیو۔¹⁹۱۹۔ آن الزام ایہ ہے کہ نور جگت میں آیو اَن منکھاں اندھارے نا نور خاں گھݨو بھایو۔ کیانکے اُوئاں را کام بُرا ہَتا۔ ²⁰۲۰۔کیانکہ جکو کوئی بُرائی کرئی او نور خاں دشمنی راکھئی۔ اَن نور رے نیڑو کونی آتو۔ اَن ایئاں نی ہوئے کہ اُوئاں را کام خامھے آوئے را۔ ²¹۲۱۔پݨ او جکو خچائی تے ایمان راکھئی نور رے نیڑو آوئی تاکہ اُوئاں را کام جوئجݨ میں آوئے کیانکہ او ایشور میں کیا گیا ہے۔²²۲۲۔ اَن ائیاں باتاں خان پچھے یسوع اَن اُوئے را چیلا یہودیا ری دھرتی تے آیا۔ اَن اُو اُتھ اُوئاں بھیلو جی رہیو۔ ²³۲۳۔آن اُوئان نا پویتر شنان ݙتو رہیو۔آن یوحنا وی شالیم رے نیڑو عینون میں پویتر شنان ݙتو رہیو کیانکہ اوتھ پاݨی تمام گھݨو ہَتو آن منکھ پویتر شنان لیوݨ آوتا ہَتا۔ ²⁴۲۴۔کیانکہ یوحنا ایتری تاݨی ڈھکیجوڑو کونی ہَتو۔²⁵۲۵۔ جݙے یوحنا رے چیلاں ری کہیے یہودی خاں پویتر شنان رے بارے میں تکرار ہویو۔ ²⁶۲۶۔اَن اُوئاں یوحنا نا جا کہیو کہ اے استاد جکو اُردن رے پار تھاں بھیݪو ہَتو۔ آن جکے ری گواہی تھیں ݙنی ہَتی او پویتر شنان ݙئی آن خارا اُوئے کڈھے جاوئی وا۔²⁷۲۷۔ یوحنا بݪتی ݙنی آن کہیو کہ کوئی منکھ کئیں کونی لے خگتو جتری تک کہ آسمان خاں نی ݙنو جاوئے۔ ²⁸۲۸۔تھیں مھارا گواہ ہو کہ ہوں کہیئی وا کہ ہوں المسیح کونی پݨ ہوں اُوئے خاں پہل بہیر کریو گیو ہا۔²⁹۲۹۔جکے رے بینݙݨی ہے او بینݙ ہے پݨ بینݙ رو دوست جکو ابھوڑو ہے اُوئے رئی خُݨئی بینݙ ری ٻولی خاں گھݨو راجی تھیئی۔ پݨ مھاری ایے خوشی پوری تھی گی ری۔ ³⁰۳۰۔ضرور ہے کہ او بدھے آن ہوں گھٹاں۔³¹۳۱۔جکو اونچا خاں آوئی او خاراں خاں اونچو ہے۔ او جکو زمین خاں ہے او زمینی ہے اَن زمین رے باتاں کرئی۔ جکو آسمان خاں آوئی او خاراں خاں اونچو ہے۔ ³²۳۲۔آن جکو کجھ اُوئے ݙٹھو اَن خُݨیو اُوئے ری گواہی ݙئی۔ آن جکو اُوئے ری گواہی قبول کونی کرتو ³³۳۳۔جکے اُوئے ری گواہی قبول کرئی اُوئے ٹھپو لگا چھوڑیو ہے کہ ایشور خچو ہے۔³⁴۳۴۔ کیانکے جکے نا ایشور بہیر کریو ہے او ایشور رے باتاں کہخے کیانکہ او تول اَن آتماں کونی ݙتو۔ ³⁵۳۵۔ٻاپ ݙیکرے نا پیار کرئی اَن اُوئے خارو کجھ اُوئے رے ہاتھ میں کر ݙنو رو۔ ³⁶۳۶۔جکو ݙیکرے تے ایمان لے آوئی او امر جیون راکھئی آن جکو ݙیکرے تے ایمان نی راکھے او امر جیون نا کونی جووئے بلکہ اُوئے تے ایشور رو غضب رئی۔

¹۱۔ آن جݙے ایشور نا ٹھا لاگی کہ فریسیاں خݨیو ہے کہ یسوع یوحنا خاں گھݨا چیلا کرئی آن بپتسمہ ݙئی۔ ²۲۔کیانکے یسوع آپ کونی بلکہ اُوئے را چیلا بپتسمہ ݙئی۔ ³۳۔تو او یہودیہ نا چھوڑ تے گلیل ݙخا گیو۔⁴۴۔ آن ایہ ضرور ہتو کہ او سامریہ خاں ہو تے جاوئے۔ ⁵۵۔جݙے اُو سامریہ رے ہیکے شہر تک گیو جکو سوخار خُݨیجتو اُوئے زمین رے نیڑو جکو یعقوب آپرے ݙیکرے یوسف نہ ݙنو ہَتو۔⁶۶۔آن یعقوب رو کھوہ وی اوتھ ہَتو آن یسوع سفر خاں تھکو تھی تے کھوہ کڈھے ٻیخ گیو۔ ایے چھ وئے گھنٹے رے نیڑو ہَتو۔ ⁷۷۔جݙے سامریہ ری ہیک لُگائی پاݨی بھرݨ آئی۔ یسوع اُوئے نا کہیو مناں پیئݨ خارو پاݨی ݙئے۔ ⁸۸۔کیانکے اُوئے را چیلا شہر خاں کھاوݨ پیوݨ رو خمان لیوݨ گیوڑا ہَتا۔⁹۹۔ اُوئے سامری لُگائی اُوئے نا کہیو کہ تُوں یہودی ہو تے سامری لُگائی خاں کیاں پیݨ رے خارو مانگئی کیانکہ یہودی سامریاں خاں کہڑو سلوک کرئی۔ ¹⁰۱۰۔یسوع بݪتی میں اُوئے نا کہیو کہ جے تو ایشور ری خوبی جاݨتی۔ اَن ایہ کہ او کُݨ ہے جکو تناں کہی کہ مناں پیݨ خارو پاݨی ݙے جے تو اُوئے خاں مانگت تو اُو تنے زندگی رو پاݨی ݙائت۔¹¹۱۱۔ اُوئے اُوئے نا کہیو کہ مالک تے کڈھے ݙول تو ہے کونی اَن کھوہ وی اُونݙو ہے تو پچھے تئے او زندگی رو پاݨی کیتھ خاں لیو۔ ¹²۱۲۔کی تُو مھارے ٻاپ یعقوب خاں موٹو ہے۔ جکے مھاناں ایہ کھوہ ݙنو۔ اَن اُوئے آپ اَن اُوئے رے ݙیکراں اَن اُوئے رے جناوراں وی ایے خاں پیو۔¹³۱۳۔ یسوع بݪتی میں اُوئے نا کہیو جکو کوئی ایہ پاݨی پیخے بھݪے ترخو رہخے۔ پݨ جکو کوئی اُو پاݨی پیخے جکو ہوں اُوئے نا ݙئیخ او کݙے ترخو کونی ہوئے۔ ¹⁴۱۴۔بلکہ جکو پاݨی ہوں اُوئے نا ݙئیخ اُوئے میں پاݨی رو کھوہ بݨ جاخے جکو خاری عمر رے خارو چلتو رہئخے۔¹⁵۱۵۔ لُگائی اُوئے نا کہیو اے مالک اُو پاݨی مھناں ݙئے کہ مھناں بݪے ترخ نی لاگے اَن نی جی بھݪے پاݨی بھرݨ خارو ہوں ایتھ آواں۔ ¹⁶۱۶۔اُوئے اُوئے نا کہیو کہ آپرے دھݨی نا ہیلو کر اَن بھݪی تو وی ایتھ آ۔¹⁷۱۷۔ لُگائی بݪتی ݙنی کہ مانجو دھݨی کونی یسوع اُوئے نا کہیو کہ تو ٹھیک کہیں کہ تانجو دھݨی کونی۔ ¹⁸۱۸۔کیانکہ تئے پانچ دھݨی کریا ہے اَن جکو ہݨے تئے بھیݪو ہے تھارو دھݨی کونی تیئں خچی کہیو۔¹⁹۱۹۔ لُگائی کہیو کہ اے مالک جے مناں ٹھا ہونت کہ تو نبی ہے۔ ²⁰۲۰۔مھارے ٻاپ ݙاݙے ایئے پہاڑ تے بھگتی کرئی اَن تو کہیں کہ اُو جگہ جیتھ بھگتی کرݨی چاہجئی اُو یروشلیم میں ہے۔²¹۲۱۔ یسوع اُوئے نا کہیو بی بی مانجی بات رو یقین کر کہ اُو بݪہ آخے کہ تو ایئے پہاڑ تے اَن نی یروشلیم میں ٻاپ ری بھگتی کرخو۔ ²²۲۲۔تھاں اُوئے رے جکے نا جاݨتا کونی بھگتی کرئی۔ مھاں اُوئے ری جکے نا جاݨجئی بھگتی کرئیں کیانکے مگتی یہودیاں میں خاں ہے۔²³۲۳۔ پݨ او بݪہ آخے بلکہ ہݨئے جی ہے کہ خچا بھگت روح اَن خچیائی خاں ٻاپ ری بھگتی کرخے۔ کیانکہ ٻاپ آپرا بھگت ایڑھا جی چاہوئی۔ ²⁴۲۴۔ایشور آتماں ہے اَن جکو اُوئے ری بھگتی کرئی اُواں نا لازم ہے کہ اُو روح اَن خچیائی خاں اُوئے رے بھگتی کرے۔²⁵۲۵۔ لُگائی اُوئے نا کہیو ہوں جاݨئی کہ مسیح آوݨ آݪو ہے۔ جݙے او آخے تو مھاناں خارے باتاں خُݨاخے۔ ²⁶۲۶۔یسوع اُوئے نا کہیو ہوں جکو تئے خاں ٻوݪی وو ہوں اُو جی ہا۔²⁷۲۷۔ ایترے میں اُوئے را چیلا را آیا اَن حیران ہوݨ لاگا کہ او اُوئے لُگائی خاں باتاں کرئی وو پݨ کہی وی نی کہیو کہ تُوں کی چاہوئی جاں اُوئے خاں کیا باتاں کرئی وو۔²⁸۲۸۔ پچھے لُگائی آپرو دِلو اتھ راکھیو اَن شہر میں جا لوکاں نا خݨایو۔ ²⁹۲۹۔آؤ ہیکے منکھ نا جووو جکے خارا کام جکو میں کریا مناں خُݨایا ہے کی ایہ مسیح کونی۔ ³⁰۳۰۔ایئے خارو او شہر خاں نکݪے اُوئے کڈھے آیا۔³¹۳۱۔ اترے میں اُوئے رے چیلاں اُوئے نا منتھ کی کہ مالک کہینک کھا لو۔ ³²۳۲۔پݨ اُوئے اُواں نا کہیو کہ میں کڈھے کھاوݨ رے خارو ایڑہی خوراک ہے جکو تھاناں وی کونی ٹھاہ۔ ³³۳۳۔ایئے خارو چیلا آپت میں کہݨ لاگا کہ کوئی ایئے خارو ٻاٹی لے آیو ہے۔³⁴۳۴۔یسوع اُواں نا کہیو کہ مھاری ٻاٹی ایہ ہے کہ آپرے بہیر کرݨ آݪے ری مرضی مناں اَن اُوئے رو کام پورو کراں۔ ³⁵۳۵۔کی تھیں کونی کہوتا کہ چار مہئݨاں خاں پچھے فصل تیار ہوخے رو۔ جووو ہوں تھاناں کہیں آپری آنکھیں اُکھݨو اَن فصلاں نا جووو کہ او باڈھݨ رے خارو پکی ری۔ ³⁶۳۶۔اَن باڈھݨ آݪا نا مزدوری ملخے اَن اَمر جیوݨ رے خارو پھݪ بھݪو کرخے۔ ائیاں او جکو باوئی اَن جکو باڈھئی ٻنہئی بھیݪا راجی ہووئی۔³⁷۳۷۔ اَن اُوئے تے ایہ مثال خچئی ہووئی کہ ہیک باوئی اَن ٻجو باڈھئی۔ ³⁸۳۸۔میئں تھاناں بہیر کرئی کہ جکے میں تھاں محنت کونی کرتا اُوئے نا باڈھو ٻجاں محنت کرئی آن تھیں اُوئے رے بھیݪا ہو۔³⁹۳۹۔ اَن اُوئے شہر را گھݨئِ سامری اُوئے لُگائی رے کہݨ خاں جکے کہیو کہ اُوئے مانجاں خارا کام مھناں خُݨایا اُوئے تے ایمان لے آیا۔ ⁴⁰۴۰۔پݨ اُواں سامریاں اُوئے کُڈھیا آ اَن اُوئے ری منت کر اَن کہیو مھاں کڈھے رہے اَن اُو ٻے ݙن اوتھ جی رہیو۔⁴¹۴۱۔ آن اُوئے رے کلام رے وسیلے خاں ٻجا وی اُوئے تے ایمان لے آیا۔ ⁴²۴۲۔اَن اُوئے لُگائی نا کہیو کہ ہمے مھیں تھارے کہݨ تے ایمان کونی لے آیا۔ کیانکہ مھاں آپ جی خُݨ لیو رو اَن جاݨجئی کہ اصل میں ایہ جی دنیا نا مگتی ݙیݨ آݪو ہے۔⁴³۴۳۔ ایئے ٻے ݙناں خاں پچھے او گلیل نی گیو۔ ⁴⁴۴۴۔کیانکے یسوع آپ جی گواہی ݙنی کہ نبی ری آپرے ملک میں عزت کونی ہوتی۔ ⁴⁵۴۵۔آن جݙے او گلیل میں آیو تو گلیلیاں اُوئے نا قبول کریو ایئے خارو کہ اُواں او خارو کجھ ݙٹھو جکو اُوئے یروشلیم میں عید رے ݙن کریو ہتو۔ کیانکہ اُو وی اُتھ عید مناوݨ گیا ہَتا۔⁴⁶۴۶۔ آن او بݪے قانائے گلیل میں آیو جیتھ اُوئے پاݨی نا شربت بݨائی ۔ اَن کفرنحوم میں ہیک عزیز ہتو جکے رو ݙیکرو بیمار ہَتو۔ ⁴⁷۴۷۔اُوئے جݙے خݨیو کہ یسوع یہودیہ خاں گلیل میں آیو ہے تو اُوئے کڈھے گیو آن اُوئے ری منتھ کی کہ حال مھارے ݙیکرے نا شفاہ ݙئے کیانکہ او مَرݨ رے نیڑو ہے۔⁴⁸۴۸۔ پچھے یسوع اُوئے نا کہیو جتری تک تھاں معجزا کونی جوتا ایمان کونی لے آؤتا۔ ⁴⁹۴۹۔عزیز اُوئے نا کہیو کہ اے ایشور ایئے خاں پہل کہ مھارو ݙیکرو مر جاوئے ہالو۔ ⁵⁰۵۰۔یسوع اُوئے نا کہیو جا تھارو ݙیکرو جیتو ہے۔ اُوئے منکھ اُوئے ری بات رو یقین کریو۔ جکو یسوع اُوئے نا کہیو اَن بوہو گیو۔⁵¹۵۱۔ آن اُو مارگ میں جی ہتو کہ اُوئے را نوکر اُوئے نا ٹکریا اَن خبر ݙنی کہ تھارو ݙیکرو جیتو ہے۔ ⁵²۵۲۔جݙے اُوئے اُواں خاں پوچھیو کہ اُوئے نا کہی گھڑی خاں آرام آوݨ لاگو ہَتو۔ تو اُواں کہیو کہ کالھے خاتوئے گھنٹے خاں اُوئے رو تا اُتر گیو ہَتو۔⁵³۵۳۔ آن ٻاپ جاݨ گیو ہَتو کہ ایہ اُو جی گھڑی ہَتی جݙے یسوع اُوئے نا کہیو ہَتو کہ جا تھارو ݙیکرو جیتو ہے۔ آن او آپرے خارے گھر خُدھو ایمان لے آیو۔ ⁵⁴۵۴۔ایے ٻجو معجزو ہَتو جکو یسوع یہودیہ خاں گلیل میں آ تے جووݪیو۔

¹۱۔ایئے خاں پچھے یہودیاں ری عید ہوتی اَن یسوع یروشلیم میں گیو۔ ²۲۔اَن یروشلیم میں موٹوے دروازے تے ہیک حوض جکو عبرانی میں بیت حسدا خُݨیجتو جکے را پانچ برآمدہ ہے۔ ³۳۔اُواں میں ڈھگ خارا کمزور، اندھا، لنگڑا اَن ادھ مریوڑا جکو پاݨی رے ہلݨ رو انتظار کرتا وا۔ ⁴۴۔کیانکہ ایشور رو ہیک فرشتو جکو تھوڑی تھوڑی دیر خاں پاݨی ہِلاوتو۔ اَن جکو کوئی ہِلݨ خاں بعد پہلی پاݨی میں اُترتو جیڑھی وی بیماری ہوتی او ٹھیک ہو جاوتو۔⁵۵۔ اَن اوتھ ہیک منکھ ہَتو جکو اٹھتریخ برخ خاں بیمار ہَتو۔ ⁶۶۔یسوع جݙے اُوئے نا ائیاں پیو ڑو جویو اَن جاݨیو کہ او ڈھگ ݙناں خاں ایئے حالت میں ہے۔ تو اُوئے نا کہیو کہ کی تو بھلاں ہووݨو چاہوئی۔⁷۷۔ اُوئے بیمار اُوئے نا بݪتی ݙنی کہ اے ایشور مھیں کڈھے کوئی ایڑھو منکھ کونی جکو پاݨی ہلے اَن منئے حوض میں اُتارئے اَن جتری تک ہوں آپ جی پُگئی تو ٻجو میں خاں پہل اُتر جاوئی۔ ⁸۸۔یسوع اُوئے نا کہیو اُٹھ اَن آپرو مانچو اُکھݨ تے پھر ٹُر اَن جا۔⁹۹۔ اُو اُوئے جی گھڑی ٹھیک ہو گیو۔ اَن آپرو مانچو اُکھݨ تے بہݨ لاگو۔ اَن اُو ݙن سبت رو ݙن ہوتو۔¹⁰۱۰۔پݨ یہودیاں اُوئے منکھ نا جکو ٹھیک ہو گیو ہَتو۔ کہ آج سبت ہے تے خارو ٹھیک کونی کہ تو آپرو مانچو اُکھݨ تے جاوئے۔ ¹¹۱۱۔اَن اُوئے اُوئاں نا بݪتی ݙنی جکے مناں بھݪاں کریو اُوئے مناں کہیو کہ آپرو مانچو اُکھݨ تر پھر ٹُر اَن جا۔¹²۱۲۔ پچھے اُوئاں اُوئے خاں پوچھیو کہ اُو کُݨ ہَتو۔ جکے تناں کہیو کہ آپرو مانچو اُکھݨ تے پھر ٹُر اَن جا۔ ¹³۱۳۔پݨ جکو ٹھیک ہویو کونی جاݨتو ہَتو کہ کُݨ ہے۔ کیانکہ یسوع اوتھ ٹوݪے ری وجہ خاں نکݪ گیو ہَتو۔¹⁴۱۴۔ ایئے خاں پچھے یسوع اُوئے نا ہیکل میں جویو اَن کہیو جو تو ٹھیک ہویو رو۔ بݪے گناہ نی کرئے ائیاں نی ہوئے کہ تھارو حال ایئے خاں وی گھݨو خراب ہوئے۔ ¹⁵۱۵۔او منکھ گیو اَن یہودیاں نا خُݨایو کہ جکے مناں ٹھیک کریو او یسوع ہے۔¹⁶۱۶۔ ایئے خارو یہودی یسوع نا تنگ کرݨ اَن اُوئے نا مارݨ ری کوشش کرݨ لاگا کیانکہ او سبت آݪے ݙن وی ایڑھا کام کرتو ہَتو۔ ¹⁷۱۷۔پݨ اُوئے اُوئاں نا کہیو کہ مھارو ٻاپ اجݨ تاݨی کام کرئی۔ اَن ہوں وی کام کرئی۔ ¹⁸۱۸۔ایئے خارو یہودی ٻجا وی گھݨاں اُوئے نا مارݨ ری کوشش کرݨ لاگا۔ کیانکہ اُو چھڑو سبت رو جی احترام کونی کرتو ہَتو بلکہ ایشور نا آپرو ٻاپ کہیہ اَن ایشور رے برابر بݨ جاتو۔¹⁹۱۹۔ پݨ یسوع اُوئاں نا بݪتی ݙنی ہوں تھاناں خچ کہیں کہ ݙیکرو آپرے آپ خاں کئی کونی کر خگتو۔ بلکہ او جی کرخے جکو ٻاپ نا کرتے جوخے کیانکہ جکو وی او کرتو رئی ݙیکرو او جی کرتو رئی۔ ²⁰۲۰۔کیانکہ ٻاپ ݙیکرے نا پیار کرئی اَن جکو اُو کرئی اُوئے نا وی بتاوئی۔ بلکہ ایئے خاں وی موٹا کام اُوئے نا بتاوئی۔ کہ تھیں حیران تھی جاخو۔²¹۲۱۔ کیانکہ جا ٻاپ مَریوڑاں نا جیتا کرئی ائیاں جی ݙیکرو وی جکے نا چاوئی زندہ کرئی۔ ²²۲۲۔کیانکہ ٻاپ کئی ری وی عدالت کونی کرتو ۔ بلکہ ٻاپ عدالت رو خارو کام ݙیکرے رے ہاتھ میں ݙے ݙنو رو۔ ²³۲۳۔ایئے خارو کہ خاراں ݙیکرے ری عزت کرے۔ جکو ݙیکرے ری عزت کونی کرتو اُو اُوئے رے میلݨ آݪے ری عزت کونی کرتو۔²⁴۲۴۔ہوں تھاناں خچی خچی کہیں کہ جکو مھارو کلام خݨتا۔ اَن جکے مناں میلیو ہے اُوئے تے ایمان لے آخے او ہمیشہ ری زندگی میں شامل تھی جاخے۔ اُوئے تے سزا رو حکم کونی ہوتی۔ بلکہ اُو موت خاں نکل تے ہمیشہ ری زندگی میں داخل تھی جاوئی۔²⁵۲۵۔ ہوں تھاناں خچی کہیں کہ او گھڑی آخے بلکہ ایئے او جی گھڑی ہے کہ مَریوڑا ایشور رے ݙیکرے ری ٻولی خُݨخے اَن جکو خُݨخے اُو جی جیخے۔²⁶۲۶۔ کیانکہ جاں ٻاپ آپ میں زندگی راکھئی ائیاں جی ݙیکرو وی آپ میں زندگی راکھئی۔ ²⁷۲۷۔اَن اُوئے نا اختیار ݙنو کہ عدالت کرے۔ ایئے خارو کہ اُو ابن انسان ہے۔²⁸۲۸۔ ائیاں نی خوچو کیانکہ اُو گھڑی آئی وی کہ جیترا قبراں میں ہے اُوئے ری ٻولی خُݨخے۔ ²⁹۲۹۔اَن جکاں نیکی کی ہے زندگی ری قیامت رے خارو اُٹھخے اَن جکاں بُرئی کی ہے سزا ری قیامت رے خارو اُٹھخے۔³⁰۳۰۔ ہوں آپرے آپ خاں کئیں کونی کر خگتو۔ جاں ہوں خُݨئی اُوئاں جی عدالت کرتو رئی۔ اَن مھاری عدالت خچی ہے کیانکہ ہوں آپری مرضی خاں کونی بلکہ اُوئے ری مرضی خاں جکے مھناں میلیو ہے۔ ³¹۳۱۔جے ہوں آپری گواہی ݙیوا تو مھاری گواہی اعتبار کرݨ آݪی کونی۔ ³²۳۲۔ہیک ٻجو ہے جکو مھاری گواہی ݙئی۔ آن مھنے ٹھاہ ہے کہ جکو اُو گواہی ݙئی اُو اعتبار آݪی ہے۔³³۳۳۔ تھاں یوحنا نی خنݙیخو میلیو اَن اُوئے خچائی ری گواہی ݙنی ہے۔ ³⁴۳۴۔بھانویں ہوں آپرے طور خاں منکھ ری گواہی منظور کونی کرتو۔ تو وی ہوں تو وی ہوں ایئے باتاٻ تھاناں کہیو کہ تھاں نجات پاؤ۔ ³⁵۳۵۔اُو ٻݪتو اَن چمکتو چراغ ہے۔ اَن تھاناں پاخ وی آیو۔ کہ تھوڑی دیر تک اُوئے ری روشنی خاں خوش رہو۔³⁶۳۶۔ پݨ مھیں کڈھے جکو گواہی ہے۔اُو یوحنا ری گواہی خاں موٹی ہے۔ کیانکہ جکو کام ٻاپ مناں پورا کرݨ خارو ݙنا۔ ایہ اُوجی کام ہےجکو ہوں کرئی اُو مھاری گواہی ݙئی کہ ٻاپ مھناں میلیو ہے۔ ³⁷۳۷۔اَن ٻاپ جی جکے مناں میلیو ہے مھاری گواہی ݙنی ہے۔ تھاں کڈے اُوئے ری ٻولی کونی خُݨی اَن نی جی اُوئے ری شکل جوئی۔ ³⁸۳۸۔اَن تھاں اُوئے رو کلام آپرے من میں کونی راکھتا۔ ایئے خارو کہ تھاں اُوئے رے میلݨ آݪے رو یقین کونی کریو۔³⁹۳۹۔تھاں اگ کتھیاں میں جووئی ایئے خارو تھاں خوچیو کہ اُوئاں میں تھاری ہمیشہ ری زندگی ہے۔ اَن ایئے او جی ہے جکو مھاری گواہی ݙئی۔ ⁴⁰۴۰۔ تو وی تھاں زندگی لیوݨ رے خارو مھیں کڈھے آوݨ پسند کونی کرتا۔⁴¹۴۱۔ ہوں منکھاں خاں عزت کونی چاہوتو۔ ⁴²۴۲۔پݨ ہوں تھاناں جاݨیئں تھاں میں ایشور ری محبت کونی۔⁴³۴۳۔ہوں آپرے ٻاپ رے ناں خاں آیو ہا۔ اَن تھیں مناں قبول کونی کرتا۔ کوئی ٻجو آپرے ناں خاں آوئے تو تھاں اُوئے نا قبول کرخو رو۔ ⁴⁴۴۴۔تھاں جکو آپت میں ہیکو ٻجے خاں عزت چاہوئی۔ اَن او عزت جکو ایشور واحد خاں تھاں نا ملئی۔ کونی جووتا۔ کیکر ایمان لے آ خگئی۔⁴⁵۴۵۔ خوچو نی کہ ہوں ٻاپ نا تھاری بارے میں شکایت کرئیخ۔ تھاری شکایت کرݨ آݪو موسٰی جی ہے جکے تے تھارو بھروسو ہے۔ ⁴⁶۴۶۔کیانکہ جے تھاں موسٰی رو یقین کرنت تو مھارو وی یقین کرنت۔ ایئے خارو کہ اُوئے مھارے بارے میں جی لِکھیو ہے۔ ⁴⁷۴۷۔پݨ جݙے تھیں اُوئے ری آگ کتھی تے وی بھروسو کونی کرتا۔ تو مھارے باتاں تے کݙے یقین کرخو۔

¹۱۔ اُوے خاں پچھے یسوع گلیل ری جھیل جکے نا تبریاس ری جھیل کہئی رے پار گیو۔ ²۲۔اَن ہیک موٹو ٹوݪو اُوئے رے لارے ہو گیو۔ کیانکہ اُوئاں اُو چمتکار جویا ہَتا۔ ³۳۔جکو اُوئے بیماراں تے ݙخلیا ہَتا۔پچھے یسوع پہاڑ تے چڑھ گیو۔ اَن اُوتھ آپرے چیلاں بھیݪو ٻیٹھو۔⁴۴۔اَن یہویاں ری عید فصح نیڑی ہَتی۔ ⁵۵۔پݨ جݙے یسوع آنکھیں اُکھݨ اَن جویو کہ موٹو ٹوݪو مھارے کڈھے آئی وو۔ تو اُوئے فلپس نا کہیو کہ مھاں کیتھ خاں ٻاٹی مول ری لاں کہ ایے کھاوئے۔ ⁶۶۔پݨ اُوئے اُوئاں نا آزموتو لیوݨ رے خارو کہیو ہَتو۔ کیانکہ کہ او آپ جی جاݨتو کہ ہوں کی کرݨ آݪو ہا۔⁷۷۔ فلپس اُوئے نا بݪتی ݙنی کہ ٻے خو دینار رے ٻاٹے اُوئے رے خارو گھݨی کونی ہوئے۔ کہ ہر ہیک نا تھوڑی گھݨی ملے۔ ⁸۸۔اُوئے رے چیلاں میں خاں ہیک شمعون پطرس رے بھائی اندریاس اُوے نا کہیو کہ۔ ⁹۹۔ایتھ ہیک چھوکرو ہے جکے رے کڈھے جوو رے پانچ ٻاٹے اَن ٻے مَچھے ہے۔ پݨ ایہ اترے منکھاں رے خارو کی ہوخے۔¹⁰۱۰۔پچھے یسوع اُوئاں نا کہیو کہ منکھاں نا ٻخاݨو اَن اُوئے جگہ گھݨو ہریاول ہتی۔ اَن اُو اُتھ ٻیخ گیا۔ ایہ خاراں پانچ ہزار منکھاں رے نیڑا ہَتا۔ ¹¹۱۱۔اَن یسوع اُو ٻاٹے لیئے اَن شکر کر تے اُوئاں نا جکو ٻیٹھا ہَتا اُوئاں نا بنڈ ݙنئں۔ اَن ایئاں جی مَچھیاں میں خاں وی جتری اُوئاں نا لوڑھ ہَتی بنڈ ݙنیئں۔ ¹²۱۲۔اَن جݙے اُو دھاپ گیا تو اُوئے آپرے چیلاں نا کہیو کہ اُوئاں ٹکڑاں نا جکو بچ گیا اُوئاں نا بھیݪا کرو تاکہ کئی وی زیان نی تھئیں۔¹³۱۳۔ تو اُوئاں بھݪاں کیا۔ اَن جوو رے پانچ ٻاٹیاں رے ٹکڑاں خاں جکو اُوئاں کھاوݨ آݪا خاں بچ گیا ہَتا۔ ٻارہے ٹوکرے بھریئے۔ ¹⁴۱۴۔پچھے اُوئاں منکھاں ایہ چمتکار جکو یسوع اُوئاں نا جووݪیو۔ جو تو کہیو کہ حقیقت میں جکو نبی دنیا میں آوݨ آݪو ہَتو ایہ جی ہے۔ ¹⁵۱۵۔تو پچھے یسوع ایہ خمجھتے کہ اُو چاہوئی کہ آوئے اَن مھناں ضوری ضور آپرو بادشاہ بݨاوئے۔ پچھے پہاڑ تے ہیکھلو بوہو گیو۔¹⁶۱۶۔ اَن جݙے آتھݨ ہوئی تو اُوئے را چیلا جھیل رے کندھے تے گیا۔ ¹⁷۱۷۔اَن ٻیڑی تے چڑھ تے جھیل رے پار کفرنحوم رے پاخے جاوتا وا۔ اُوئے گھڑی اندھارو ہویو ہتو رو اَن یسوع اُوئے نی اجݨ کونی آیو ہَتو۔ ¹⁸۱۸۔اَن جھانکھی ری وجہ خاں جھیل میں موٹے چھوݪے آوݨ لاگے۔¹⁹۱۹۔ آن جݙے اُو لُݙتے لُݙتے تین چار میل آگھا نکݪ گیا۔ تو اُوئاں یسوع نا جھیل تے بہوتے اَن ٻیڑی رے نیڑو آتے جویو۔ اَن اُو ٻہی گیا۔ ²⁰۲۰۔پݨ اُوئے اُوئاں نا کہیو کہ ہوں جی ہاں ٻہیو نی ۔ ²¹۲۱۔پچھے اُو اُوئے نا ٻیڑی میں اُکھݨݨ تے راجی تھیا اَن اُوئے جی گھڑی ٻیڑی اُوئے جگہ جا پُگی جتھ او جاتا وو۔²²۲۲۔ٻجے ݙن اُوئے ٹوݪے نا جو جھیل رے پار ابھا ہَتا۔ ایہ جویو کہ ہیک چھوٹی ٻیڑی خاں ٹاݪ اُتھ کوئی ٻجی ٻیڑی کونی ہَتی۔ اَن یسوع آپرے چیلاں بھیلو ٻیڑی تے کونی چڑھیو ہَتو بلکہ اُوئے را چیلا ہیکھلا جی بوہا گیا ہَتا۔ ²³۲۳۔(پݨ کہینک چھوٹے ٻیڑے تبریاس خاں اُوئے جگہ رے نیڑے آئے جتھ اُوئاں پرمشور رے شکر کرݨ کا پچھے ٻاٹی کھادھی ہَتی)۔²⁴۲۴۔ پݨ جݙے اُوئے ٹوݪے جویو کہ نی تو اُتھ یسوع ہے اَن نی جی اُوئے را چیلا ہے۔ تو اُو اُوئاں چھوٹے ٻیڑیاں تے ٻیخ تے یسوع نا لابھݨ کفرنخوم نی آیا۔ ²⁵۲۵۔اَن اُوئاں جھیل رے پار جو تے یسوع نا کہیو مالک تو ایتھ کݙے آیو۔²⁶۲۶۔ یسوع اُوئاں نا ٻݪتی ݙنی کہ ہوں تھاناں خچی خچی کہیں کہ تھاں مناں ایئے رے خارو کونی لابھتا کہ تھاں چمتکار جویا۔ بلکہ ایئے رے خارو کہ تھاں ٻاٹے کھا تے دھاپ گیا۔ ²⁷۲۷۔عارضی ٻاٹی رے خارو محنت نی کرو۔ بلکہ اُوئے ٻاٹی خارو جکو ہمیشہ ری زندگی تک باقی رہے۔ جکو ابن آدم تھاناں ݙخے کیانکہ ٻاپ یعنی ایشور اُوئے تے مُہر لگائی ہے۔²⁸۲۸۔ پچھے اُوئے اُوئاں نا کہیو مھاں کی کراں کہ ایشور رو کام کر خگاں۔ ²⁹۲۹۔یسوع بݪتی میں اُوئاں نا کہیو ایشور رو کام ایہ ہے۔ تھاں اُوئے تے ایمان لے آؤ جکے نا اُوئے میلیو ہے۔³⁰۳۰۔ پچھے اُوئاں اُوئے نا کہیو کہ ہمے تو کہیو چمتکار بتاوئیں کہ مھاں جو تے تھیں تے ایمان لے آواں تو کی کرتو رئیں۔ ³¹۳۱۔مھارے ٻاپ ݙاݙے رݨ پٹ میں من کھادھا کیانکہ لِکھیوڑو ہے کہ اُوئے اُوئاں نا آسمان خاں ٻاٹی ݙنی۔³²۳۲۔ پچھے یسوع اُوئاں نا کہیو ہوں تھاناں خچی خچی کہیں کہ موسٰی تو تھاناں اُو ٻاٹی آسمان خاں کونی ݙنی ۔ بلکہ مھارو ٻاپ تھاناں آسمان خاں حقیقی ٻاٹی ݙوتو رئی۔ ³³۳۳۔کیانکہ ایشور ری ٻاٹی او ہے جکو آسمان خاں اُترئی اَن دنیا نا زندگی ݙئی۔ ³⁴۳۴۔پچھے اُوئاں اُوئے نا کہیو اے پرمیشور مھاناں ایہ خداں ری ٻاٹی ݙنی کر۔³⁵۳۵۔ یسوع اُوئاں نا کہیو زندگی ری ٻاٹی ہوں ہاں۔ جکو مھیں کڈھے آوئی اُو کݙے وی بُکھو کونی ہووئے اَن جکو میں تے ایمان لے آوئی اُو کݙے ترخو کونی ہووئے۔ ³⁶۳۶۔پݨ میں تھاناں کہیو کہ تھاں مھنے جو لیو رو۔ اَن بھݪے وی ایمان کونی لے آوتا۔ ³⁷۳۷۔خارو کچھ جکو ٻاپ مھنے ݙئی او مھیں کڈھے آ جاخے اَن جکو مھیں کڈھے آوئی ہوں اُوئے نا کݙے کاڈھا کونی۔³⁸۳۸۔ کیانکہ ہوں آسمان خان ایئے رے خارو کونی اُتریو کہ آپ ری مرضی بہاں۔ بلکہ اُوئے رے مرضی تے جکے مھناں میلیو ہے۔ ³⁹۳۹۔اَن مھارے میلݨ اݪے ری مرضی ایہ ہے کہ جکو کچھ اُوئے مھناں ݙنو ہے۔ اُوئے میں خاں کہنک وی گُوماواں نی۔ بلکہ اُوئے نا آخری ݙن بݪے جیتو کراں۔ ⁴⁰۴۰۔کیانکہ مھارے ٻاپ ری مرضی ایہ ہے کہ ہر ہیک نا جکو ݙیکرے نا جو اَن اُوئے تے ایمان لے آوئی خداں ری زندگی پاوئے۔ اَن ہوں اُوئے نا آخری ݙن بھݪے جیتو کرئیخ۔⁴¹۴۱۔ پچھے یہودی اُوئے خاں کُرکو کرݨ لاگا۔ کیانکہ اُوئے کہیو ہَتو کہ جکو ٻاٹی آسمان خاں اُتری اُو ہوں ہاں۔ ⁴²۴۲۔اَن اُوئاں کہیو کی ایہ یوسف رو ݙیکرو یسوع کونی؟ جکے رے ماں ٻاپ نا آپاں اُݪکھئی۔ پچھے ایہ کیکر کہئی کہ ہوں آسمان خاں اُتریو ہا۔⁴³۴۳۔یسوع بݪتی میں اُوئاں نا کہیو۔ کہ آپت میں کُرکو نی کرو۔ ⁴⁴۴۴۔ کوئی مھیں کڈھے کونی آ خگتو جتری تک ٻاپ جکے مھناں میلیو ہے اُوئے نا کھیچ نی لے آوئے اَن ہوں اُوئے نا آخرت میں بݪے جیتو کریئخ۔ ⁴⁵۴۵۔نبیاں رے کتاباں میں ایہ لکھیوڑو ہے کہ ”اُو خارا ایشور خاں تعلیم لیخے۔“ جکو کوئی ٻاپ ری خُݨئی اَن اُوئے ری تعلیم لیئی اُو مھیں کڈھے آوئی۔⁴⁶۴۶۔ (ایئاں کونی کہ کئی وی ٻاپ نا جویو ہے۔ پݨ جکو ایشور خاں ہے اُوئے جی ٻاپ نا جویو ہے)۔ ⁴⁷۴۷۔ہوں تھاناں خچی خچی کہیں جکو ایمان لے آخے او جی خداں ری زندگی پاخے۔⁴⁸۴۸۔ زندگی ری ٻاٹی ہوں ہا۔ ⁴⁹۴۹۔تھارے ٻاپ ݙاݙے رݨ پٹ میں من کھادھا اَن مَر گیا۔⁵⁰۵۰۔ ایہ اُو ٻاٹی ہے جکو آسمان خاں اُترئی۔ تاکہ جکو کوئی ایے میں خاں کھاوئے اُو نی مَرے۔ ⁵¹۵۱۔ہوں جی اُو ٻاٹی ہا جکو آسمان خاں اُتری ہے۔ جے کݙے کوئی ایئے ٻاٹی میں خاں کھاوئے تو اُو ہمیشہ جیتو رہ خے۔ اَن جکو ٻاٹی جگت ری زندگی رے خارو ہوں ݙئیخ اُو مھارو مانخ ہے۔⁵²۵۲۔پچھے یہودی آپت میں ائیاں کہہ اَن تکرار کرݨ لاگا۔ کہ ایہ آپ رو مانخ کیاں کھاوݨ رے خارو ݙئی وو۔ ⁵³۵۳۔ پݨ یسوع اُوئاں نا کہیو۔ کہ ہوں تھاناں خچی خچی کہئی کہ جے تھاں ابن انسان رو مانخ نی کھاؤ اَن اُوئے رو لوہی نی پیو تو تھاں میں زندگی کونی ہو خگتی۔⁵⁴۵۴۔جکو مھارو مانخ کھاوئی اَن مھارو لوہی پیئی۔ او خداں ری زندگی راکھئی۔ اَن ہوں اُوئے نا آخرت میں بݪے جیتو کریخ۔ ⁵⁵۵۵۔کیانکہ مھارو مانخ حقیقی کھادھو اَن مھارو لوہی حقیقی پیݨ ری چیز ہے۔ ⁵⁶۵۶۔جکو مھارو مانخ کھاوئی اَن مھارو لوہی پییئ اُو مھیں میں قائم رہئی اَن ہوں اُوئے میں۔⁵⁷۵۷۔ جاں ٻاپ جکو جیتو ہے مھنے میلیو ۔ اَن ہوں ٻاپ میں جیتو ہا۔ ایئاں جی اُو جکو مناں کھاوئی مھیں میں جیتو رہخے۔ ⁵⁸۵۸۔جکو ٻاٹی آسمان خاں اُتری ہے ایہ جی ہے۔ ٻاپ ݙاݙے آݪی کار کونی کہ کھادھو اَن مَر گیا۔ جکو ایہ ٻاٹی کھاخے او خدائی جیتو رہخے۔ ⁵⁹۵۹۔اُوئے کفرنحوم میں تعلیم ݙوتے بھگتی گھر میں ایہ باتاں کہیں۔⁶⁰۶۰۔ پچھے اُوئے رے چیلاں میں خاں گھݨاں ایہ خُݨ اَن کہݨ لاگا کہ ایہ کلام مشکل ہے۔ ایئے نا کُݨ خُݨ خگئی۔ ⁶¹۶۱۔پݨ یسوع آپرے من میں ایہ جاݨ تے کہ مھاراں چیلا ایئے بات تے کُرکو کرئی وو۔ اُوئاں نا کہیو کہ کی ایہ بات تھارے خارو تھوݙے ری وجہ ہے؟۔⁶²۶۲۔جے تھاں ابن انسان نا اُونچا جاتے جوخو جتھ اُو پہلی ہَتو تو پچھے؟۔ ⁶³۶۳۔جیتو کرݨ آݪی روح ہے۔ جسم خاں کوئی فائدو کونی۔ جکو باتاں مھیں تھاناں کہیں اُو روح ہے اَن زندگی وی ہے۔⁶⁴۶۴۔ پݨ تھاں میں خاں کہینک ایڑھا ہے جکو ایمان کونی لے آوتا۔(کیانکہ یسوع پہل خاں جاݨتو ہَتو۔ کہ اُو جکو ایمان کونی لے آوتا کُݨ ہے۔ اَن کُݨ اُوئےناجھݪواخے۔) ⁶⁵۶۵۔پچھے اُوئے کہیو کہ ایئے رے خارو مھیں تھاناں کہیو ہا کہ کوئی میں کڈھے کونی آ خگتو۔ جتری تک ٻاپ ری طرف خاں اُوئے نا ݙنو نی گیو ہووئے۔⁶⁶۶۶۔ ایئے خاں پچھے اُوئے را گھݨاں چیلا پھر گیا۔ اَن بݪے اُوئے بھیݪا نی رہیا۔ ⁶⁷۶۷۔پچھے یسوع اُوئاں ٻارہاں نا کہیو کہ کی تھاں وی جاوݨو چاہوئی۔ ⁶⁸۶۸۔شمعون پطرس اُوئے نا بݪتی ݙنی کہ اے پرمیشور مھاں کے کڈھے جاواں۔ خداں ری زندگی رے باتاں تو تھیں کڈھے جی ہے۔ ⁶⁹۶۹۔اَن مھاں تو ایمان لے آیا ہا اَن اُݪکھ لیو رو کہ ایشور رو پویتر تو جی ہے۔⁷⁰۷۰۔ یسوع اُوئاں نا بݪتی ݙنی کہ کی مھیں تھاں ٻارہاں نا کونی چُگیا؟ اَن تھاں میں خاں ہیک شیطان ہے۔ ⁷¹۷۱۔اُوئے ایہ شمعون اِسکریوتی رے ݙیکرے یہوداہ رے بارے میں کہیو ہَتو۔ کیانکہ ایہ جی اُوئاں ٻارہاں میں خاں ہَتو۔ جکو اُوئے نا جھلاوݨ آݪو ہَتو۔

¹۱۔ پچھے یسوع گلیل میں پھرتو رہیو کیانکے او یہودیہ میں پھرݨ کونی چاہتو ہَتو۔ ایئے رے خارو کہ یہودی اُوئے نا مارݨ رے لارے ہَتا۔ ²۲۔آن یہودیاں ری عید خیام نیڑی آئی۔³۳۔ پچھے اُوئے رے بھائیاں اُوئے نا کہیو تُوں ایتھ خاں جا رو اَن یہودیہ میں جا تاکہ تھارا چیلاں وی اُوئے کاماں نا جووئے جو تُو کرتو رئی۔ ⁴۴۔کیانکہ ایڑہو کوئی کونی جکو مشہور نی ہو وݨ پسند کرے۔ اَن لُک تے کام کرے۔⁵۵۔کیانکہ اُوئے را بھائی وی اُوئے تے ایمان کونی راکھتا ہَتا۔ ⁶۶۔ پچھے یسوع اُوئاں نا کہیو کہ ہالی مھاری بݪہ کونی آئی۔پݨ تھارے خارو ہمیشہ وقت ہے۔ ⁷۷۔دنیا تھاں خاں بیر کونی راکھ خگتی پݨ مھیں خاں بیر راکھئی کیانکہ ہوں اُوئاں نا گواہی ݙائی کہ تھارا کام بھلا کونی۔⁸۸۔ تھاں ایئے عید تے جاؤ پݨ ہوں ہالی ایئے عید تے کونی جاواں کیانکہ مھاری گھڑی اجݨ کونی آئی۔ ⁹۹۔ایہ باتاں اُوئاں نا کہہ تے او گلیل میں جی رہیو۔¹⁰۱۰۔پݨ جݙےاُوئے را بھائی عید تے بوہا گیا۔تو او وی گیو۔زاہری کونی پݨ لک میں۔ ¹¹۱۱۔پچھے یہودی عید میں ایہ کہہ تے اُوئے نا لابھݨ لاگا کہ او کِتھ ہے؟¹²۱۲۔ اَن لوک آپت میں لُک لُک تے باتاں کرتا ہَتا۔ کہینک کہتا وا کہ او نیک ہے اَن کہینک کہتا وا کونی بلکہ اُو لوکاں نا گمراہ کرئی وو۔ ¹³۱۳۔پݨ یہودیاں ری ٻہی ری وجہ خاں اُوئے رے بارے میں کوئی کھل تے بات کونی کرتا ہَتا۔¹⁴۱۴۔ اَن جݙے عید رو آدھو ݙن لنگھ گیو تو یسوع ہیکل میں آ تے پرچار کرݨ لاگو۔ ¹⁵۱۵۔پچھے یہودیاں حیران ہووݨ لاگا کہ ایئے نا شاستر پڑھے بغیر کیکر ٹھاہ لاگ جاوئے۔ ¹⁶۱۶۔پچھے یسوع اُوئاں نا بݪتی ݙنی کہ مھاری تعلیم مھاری کونی بلکہ اُوئے ری ہے۔ جکے مھناں میلیو ہے۔¹⁷۱۷۔ جے کݙے کوئی اُوئے رے مرضی تے بہݨ چاہوئی تو اُوئے نا ٹھاہ لاگ جاخے کہ ایہ تعلیم ایشور ری ہے جاں ہوں آپرے آپ جی ٻولتو رئی۔ ¹⁸۱۸۔جکو آپری طرف خاں ٻولتو رئی او آپری عزت چاہوئی۔ پݨ جکو آپرے میلݨ آݪے ری عزت چاہوئی۔ اُو خچو ہے اَن اُوئے میں کُوڑ کونی۔¹⁹۱۹۔ کی موسٰی تھاناں شریعت کونی ݙنی؟ تو وی تھاں میں خاں شریعت تے کہینک عمل کونی کرتا۔ ²⁰۲۰۔تھاں کیا مھنے مارݨ ری فکر میں ہو؟ لوکاں بݪتی ݙنی تھیں میں تو آتما ہے۔ کُݨ تھنے مارݨ چاہوئی۔²¹۲۱۔ یسوع بݪتی میں اُوئاں نا کہݨ لاگو میں ہیک کام کریو اَن تھاں خارا حیران تھیا را۔ ²²۲۲۔جو وو موسٰی تھاناں ختنے رو حکم ݙنو ہے۔ (اصل میں او موسٰی ری طرف خاں کونی بلکہ ٻاپ ݙاݙے خاں ہوتو آیو ہے) اَن تھاں سبت آݪے ݙن ختنو کرتا رئی۔²³۲۳۔ جے سبت آݪے ݙن منکھ رو ختنو کریو جاوئی۔ تاکہ موسٰی ری شریعت ری توہین نی ہو وے۔ تو کی تھاں ایئے رے کرے مھیں خاں ناراض ہو۔ مھیں سبت آݪے ݙن ہیکے منکھ نا بھݪا کریو۔ ²⁴۲۴۔جاں تھاناں ݙخیجئی وو اُوئاں فیصلو نی کرو بلکہ انصاف خاں فیصلو کرو۔²⁵۲۵۔ پچھے کہینک یروشلیمی کہݨ لاگا۔ کہ کی ایہ اُو کونی جکے نا مارݨ رے خارو فکر کرئی وا۔ ²⁶۲۶۔اَن جو وو اُو تو علان کرئی وو اَن اُو ایئے نا کئیں کونی کہتا۔جاں بݪے سرداراں وی خچ منیو رو کہ المسیح ایہ جی ہے۔ ²⁷۲۷۔پݨ ایئے نا تو مھاں اݪکھئی کہ ایہ کتھ رو ہے پݨ جݙے المسیح آخے تو کئی نا وی ٹھا کونی ہووئے کہ او کتھ خاں ہے۔²⁸۲۸۔پچھے یسوع ہیکل میں پرچار کرتو زور خاں کہݨ لاگو کہ تھاں مھنے اُݪکھئی اَن ایہ وی اݪکھئی کہ ہوں کتھ خاں ہا اَن ہوں آپ خاں کونی آیو پݨ جکے مھنے میلیو ہے او خچو ہے اُوئے نا تھاں کونی الکھتا۔ ²⁹۲۹۔ہوں اُوئے نا اݪکھئی ایئے رے کرے کہ ہوں اُوئے خاں ہا اَن اُوئے جی مھناں میلیو ہے۔³⁰۳۰۔ ایئے تے اُو اُوئے نا جھالݨ لاگا پݨ کئی وی اُوئے نا ہاتھ نی گھاتیو کیا کہ اُوئے ری بݪہ اجݨ کونی آئی ہَتی۔ ³¹۳۱۔اَن ٹوݪے میں خاں گھݨائی اُوئے تے ایمان لے آیا۔ اَن اُو کہتا ہَتا کہ المسیح جݙے آخے تو کی ایئے خاں وی گھݨاں پرچا ݙخلخے جکو ایئے ݙخلیا ہے۔ ³²۳۲۔فریسیاں ٹوݪے نا خُݨ تے چوری چوری اُوئے رے بارے میں باتاں کرتا ہَتا ایئے خارو سردار کاہناں اَن فریسیاں آپرا منکھ بہیر کریا تاکہ یسوع نا جھلاوئے۔³³۳۳۔ پچھے یسوع کہیو ہوںٻجی وی تھوڑی دیر تھاں کڈھے ہا پچھے اُوئے کڈھے جائیخ جکے مھناں میلیو ہے۔ ³⁴۳۴۔تھاں مھنے لابھخو پݨ لابھ کونی خگو۔ اَن جتھ ہوں ہا تھاں آ کونی خگتا۔³⁵۳۵۔پچھے یہودیاں آپت میں کہیو ایہ کتھ جاخے جو آپاں ایئے نا کونی لابھ خگاں کی ایہ اُوئاں کڈھے جاخے جکو غیر قوماں میں کھوار ہے۔ اَن غیر قوماں نا تعلیم ݙخے۔ ³⁶۳۶۔ایہ کی بات ہے جکو ایئے کہئی ری؟ کہ تھاں مھنے لابھخو اَن جو کونی خگو۔ اَن ایہ کہ جتھ ہوں ہا اُتھ تھاں آ کونی خگتا۔³⁷۳۷۔ پچھے عید رے آخری ݙن جکو خاص ݙن ہے۔ یسوع اُٹھی ابھیجیو۔ اَن زور خاں کہیو کہ جے کوئی ترخو ہے تو مھیں کڈھے آوئے اَن پیئی۔ ³⁸۳۸۔جکو مھیں تے ایمان لے آوئی جاں لِکھت کہئی ”اُوئے رے مہی خاں جیتے پاݨی رے ندے بہݨ لاگ جاخے۔“³⁹۳۹۔اُوئے ایہ اُوئے روح رے بارے میں کہیو جکے نا او جکو اُوئے تے ایمان لے آخے میلنت۔ کیانکہ روح ہجے تک کونی ݙنو گیو ہَتو۔ ایئے رے خارو کہ یسوع ہجے تک آپرے جلال تک کونی پُگو ہَتو۔⁴⁰۴۰۔ آن ٹوݪے میں خاں کہینک اُوئے رے باتاں خُݨ تے کہیو خچی مچی ایہ البنی ہے۔ ⁴¹۴۱۔ٻیجاں کہیو کہ ایہ المسیح ہے ۔ پݨ کہیکاں کہیو المسیح گلیل خاں آخے؟ ⁴²۴۲۔کی لِکھت کونی کہتی کہ المسیح داود ری نخل خاں اَن بیت لحم رے گاں خاں آخے جتھ داود رہَتو ہَتو۔⁴³۴۳۔ ایئے رے کرے ٹوݪے میں اُوئے رے بارے میں اختلاف ہویو۔ ⁴⁴۴۴۔اَن اُوئاں میں خاں کہینک اُوئے نا جھلاوݨ ری خلاح میں ہَتا۔ پݨ کئی وی اُوئے میں ہاتھ نی گاتیو۔⁴⁵۴۵۔پچھے اُو منکھ جکاں نا سردار کاہناں اَن فریسیاں میلیا ہَتا اُوئاں کڈھے پاچھا آیا اَن اُوئاں کہیو کہ تھاں اُوئے نا کیاں نی لے آیا۔ ⁴⁶۴۶۔اُوئاں کہیو کہ کئی منکھ وی ایڑھو کام کونی کریو جہڑا کام اُو کرئی۔⁴⁷۴۷۔ پچھے فریسیاں کہیو کہ کی تھاں وی تھڑ گیا را ؟ ⁴⁸۴۸۔کی سرداراں میں خاں جاں فریسیاں میں خاں کوئی اُوئے تے ایمان لے آیو ہے؟ ⁴⁹۴۹۔پݨ ایہ عوام جکاں نا شریعت ری کونی ٹھاہ لانتی ہے۔⁵⁰۵۰۔ پݨ نیکدیمس جکو پہل اُوئے کڈھے آیو ہَتو اَن اُوئاں میں خاں جی ہَتو اُوئاں نا کہیو۔ ⁵¹۵۱۔کی آپاں آݪی شریعت کہئی نا وی ڈوہی بݨاوئی ایئے خاں پہل کہ اُوئے ری خُݨ نی لے۔ ٹھاہ نی کرے کہ او کی کرئی۔ ⁵²۵۲۔اُوئاں بݪتی ݙنی کہ کی تو وی گلیلی ہے۔ لابھ اَن جو کہ گلیل میں خاں کوئی نبی کونی تھی خگتو۔⁵³۵۳۔پچھے ہر کوئی آپرے آپرے گھرے بوہو گیو۔

¹۱۔ پچھے یسوع زیتون رے پہاڑتے گیو۔ ²۲۔اَن خاکݪو خبیݪ بݪے ہیکل میں آیو ۔ اَن خارا منکھ اُوئے کڈھے آیا۔ اَن اُو ٻیخ اَن اُوئاں نا تعلیم ݙاݨ لاگو۔ ³۳۔پچھے فقی اَن فریسی ہیک لُگائی نا لے آیا۔ جکے نا زنا میں جھالی ہَتی، اَن اُوئے نا اَدھ میں ابھجاݨ تے۔⁴۴۔ اُوئے نا کہیو اے استاد ایہ لُگائی زنا کرتی جھلیجی ہے۔ ⁵۵۔موسٰی تو مھاناں شریعت میں حکم ݙنو ہے کہ ایہڑیاں نا پتھر مار مار اَن مار ݙیوݨو ہے۔ پݨ تُوں کی کہیں؟ ⁶۶۔اُوئاں ایہ اُوئے رو آزموتو لیوݨ رے خارو کہیو ہَتو۔ تاکہ اُوئے تے الزام لگا خگے۔ پݨ یسوع دھرتی تے آپری انگݪی خاں لِکھݨ لاگ گیو۔⁷۷۔ آن جݙے اُو اُوئے خاں پوچھتا جی رہیا۔ تو اُوئے خِدھو تھی اَن کہیو ۔ کہ جکو تھاں خارا میں بے گناہ ہے او پہلکو پتھر مارے۔ ⁸۸۔آن بھݪے دھرتی تے لکھݨ لاگ گیو۔⁹۹۔ آن اُو ایہ خُݨ تے بوڈھاں خاں لے خارا ہیک ہیک کر تے اُتھ خاں بوہا گیا۔ اَن یسوع ہیکھلو رہ گیو۔ اَن لُگائی ادھ میں ابھئی رئی۔ ¹⁰۱۰۔پچھے یسوع خدھو تھی اَن اُوئے نا کہیو اے لُگائی اُو کتھ گیا۔ کی کہیں سزا کونی ݙنی۔ ¹¹۱۱۔اُوئے کہیو کہ اے پرمیشور کہیں کونی۔ اَن یسوع کہیو کہ ہوں وی تنے سزا کونی ݙتو جا ری۔ بݪے گناہ نی کرے۔¹²۱۲۔ یسوع بݪے اُوئاں خاں بات کر اَن کہیو، دنیا رو نور ہوں ہا جکو مھاری منخے او اندھارے میں کونی رہے۔ بلکہ نور لابھخے۔ ¹³۱۳۔پچھے فریسیاں اُوئے نا کہیو تُو آپ رے بارے میں آپ جی گواہی ݙئی وو۔ تھاری گواہی کونی قبول ہووئے۔¹⁴۱۴۔ یسوع بݪتی میں اُوئاں نا کہیو جے ہوں آپرے بارے میں آپ گواہی ݙا تو مھاری گواہی قبول ہے۔ کیانکہ مناں ٹھاہ ہے کہ ہوں کِتھ خاں آیو ہا۔ اَن کِتھ جاوئی۔ پݨ تھاناں کونی ٹھاہ کہ ہوں کِتھ خاں آوئی اَن کِتھ جاوئی۔ ¹⁵۱۵۔تھاں جسم رے مطابق فیصلو کرئی۔ اَن ہوں کئی رو فیصلوں کونی کرتو۔ ¹⁶۱۶۔آن جے ہوں فیصلو کراں وی تو مھارو فیصلو ٹھیک ہے۔ کیانکہ ہوں ہیکھلو کونی بلکہ ہوں وی ہا اَن ٻاپ وی ہے۔ جکے مناں میلیو ہے۔¹⁷۱۷۔تھاری شریعت میں ایہ لِکھیوڑو ہے۔ کہ ٻے منکھاں ری گواہی قابلِ قبول ہے۔ ¹⁸۱۸۔ہیک تو ہوں آپ آپرے بارے میں گواہی ݙائی اَن ہیک ٻاپ جکے مھناں میلیو ہے۔ مھاری گواہی ݙئی۔¹⁹۱۹۔ پچھے اُوئاں اُوئے نا کہیو تھارو ٻاپ کِتھ ہے۔ یسوع اُوئاں نا بݪتی ݙنی تھاں نی تو مناں اوݪکھئی اَن نی جی مھارے ٻاپ نا۔ جے تھاں مناں اوݪکھنت تو مھارے ٻاپ نا وی اُوݪکھنت۔ ²⁰۲۰۔اُوئے ایہ باتاں ہیکل میں تعلیم ݙیوتے غیر قوماں میں کہیے اَن کہیں اُوئے نا جھالیو کونی۔ کیانکہ اُوئے ری گھڑی اجݨ کونی آئی ہَتی۔²¹۲۱۔ اُوئے بھݪے اُوئاں نا کہیو ہوں جاوئی وو۔ اَن تھاں مناں لابھخو۔ اَن آپرے گناہ میں مَرخو۔ جتھ ہوں جاوئی تھاں کونی آ خگتا۔ ²²۲۲۔پچھے یہودیاں کہیو۔ کی او آپرے آپ نا مارخے رو جکو کہی کہ جتھ ہوں جاوئی تھاں کونی آ خگتا۔²³۲۳۔ اُوئے اُوئاں نا کہیو تھاں نیچا را ہو۔ ہوں اُنچا رو ہا۔ تھاں ایئے دنیا را ہو ہوں ایئے دنیا رو کونی۔ ²⁴۲۴۔اِیئے رے خارو مھیں تھاں نا کہیو کہ تھاں آپرے گناہ میں مَرخو۔ کیانکہ جے تھاں ایمان کونی لیاخو تُو ہوں وی او ہا کہ تو تھاں آپرے گناہ میں مَرخو۔²⁵۲۵۔ پچھے اُوئاں اُوئے نا کہیو تو تُوں کُݨ ہے؟ یسوع اُوئاں نا بݪتی ݙنی ہوں تھاں خاں بات کرئی جی کیا وو۔ ²⁶۲۶۔مناں تھارے بارے میں گھݨو کجھ کہݨو اَن فیصلو کرنو ہے۔ پݨ جکے مناں میلیو ہے خچو ہے۔ اَن اُو باتاں جکو اُوئے خاں خُݨیے ہا ہوں دنیا نا کہیں۔ ²⁷۲۷۔او نی خمجھے کہ ایہ مھاناں ٻاپ ری وجہ خاں کہئی وو۔²⁸۲۸۔آن یسوع کہیو جݙے تھاں ابن آدم نا اُونچا کرخو۔ پچھے تھاناں ٹھاہ پڑخے کہ ہوں او جی ہا۔ اَن ہوں آپ خاں کئی کونی کرتو۔ پݨ جاں ٻاپ مناں خیکھایو ہے اُوئاں جی ایہ باتاں کہیں۔ ²⁹۲۹۔آن جکے مناں میلیو ہے او مھیں بھیݪو ہے۔ آن اوئے مھناں ہیکھلو کونی چھوڑیو۔ کیانکہ ہوں او جی کام کرئیں جکو اُوئے نا پاخ آوئی۔ ³⁰۳۰۔جݙے او ایہ باتاں کہتو ہَتو۔ تو گھݨائی اوئے تے ایمان لے آیا۔³¹۳۱۔پچھے یسوع اُوئاں یہودیاں نا جکو اُوئے تے ایمان لے آیا ہَتا۔کہیو جے تھاں مھاری بات تے قائم رہیا۔ تو تھاں مھارا چیلاں بݨخو را۔ ³²۳۲۔اَن خچائی نا اُوݪکھخو آن خچائی تھاناں آزاد کرخے ری۔ ³³۳۳۔اُوئے نا ایہ بݪتی ݙنی گی کہ مھاں تو ابراہیم ری نخل خاں ہا۔ آن کݙے وی کہیئی را غلام کونی رہیا۔ تو تُوں کیکر کہیں کہ مھاں آزاد کیا جاخاں؟³⁴۳۴۔ یسوع اُوئاں نا بݪتی ݙنی ہوں تھاناں خچی خچی کہیں کہ جکو وی گناہ کرخے او گناہ رو غلام ہے۔ ³⁵۳۵۔آن غلام خدائی گھر میں کونی رہتو۔ پݨ ݙیکرو خدائی گھرے رہئی۔ ³⁶۳۶۔آن جݙے ݙیکرو تھاناں آزاد کرخے تو تھاں خچی میں آزاد ہوخو۔³⁷۳۷۔ مناں ٹھاہ ہے کہ تھاں ابراہیم ری نسل خاں ہو۔ پݨ تھاں مناں مارݨ رے لارے ہو۔ کیانکہ تھارے من میں مھارے کلام ری جگہ کونی۔ ³⁸۳۸۔مھیں جکو کچھ آپرے ٻاپ خاں جویو۔ او جی کہیں، اَن تھاں جکو آپرے ٻاپ خاں خُݨی او جی کرئی وا۔³⁹۳۹۔ اُوئاں بݪتی میں اُوئے نا کہیو مھارو ٻاپ تو ابراہیم ہے۔ یسوع اُوئاں نا کہیو ، جے تھاں ابراہیم را ݙیکرا ہو۔ تو ابراہیم آݪا کام کرو۔ ⁴⁰۴۰۔ پݨ تھاں مھیں جیڑھے منکھ نا مارݨو چاہوئی۔ جکے تھاناں او جی خچی بات بتائی جکو ایشور خاں خُݨی۔ ابراہیم تو ائیاں کونی کریو ہَتو۔ ⁴¹۴۱۔تھاں آپرے ٻاپ را کام کرئی۔ پچھے اُوئاں اُوئے نا کہیو۔ مھاں حرام خاں پیدا کونی ہویا۔ مھارو ٻاپ ہیک ہے یعنی ایشور۔⁴²۴۲۔ یسوع اُوئاں نا کہیو جے ایشور تھارو ٻاپ ہوونت۔ تو تھاں مھیں خاں پریم راکھنت۔ کیانکہ ہوں ایشور میں خاں نکݪیو ہا اَن آیو ہا۔ کیانکہ ہوں آپ خاں کونی آیوبلکہ اُوئے جی مناں میلیو ہے۔ ⁴³۴۳۔تھاں مھارے باتاں کیا کونی خمجھتا؟ ایئے رے خارو کہ تھاں مھارو کلام خُݨ کونی خگتا۔ ⁴⁴۴۴۔تھاں آپرے ٻاپ شیطان خاں ہو اَن آپرے ٻاپ رے خواہشاں نا پورو کرݨ چاہوئی۔ او تو شروع خاں خونی ہَتو۔ اَن خچائی تے کونی ابھیجو۔ کیانکہ اُوئے میں خچائی کونی ۔ جݙے اُو کُوڑ ٻولئی تو آپ خاں جی ٻولئی۔ کیانکہ اُو کُوڑو بلکہ کُوڑاں رو وی ٻاپ ہے۔⁴⁵۴۵۔ پݨ تھاں ایئے رے خارو جی مھارو یقین کونی کرتا کہ ہوں خچ کہیں۔ ⁴⁶۴۶۔تھاں میں خاں کُݨ مھیں میں گناہ ثابت کر خگئی؟ جے ہوں تھاں نا خچ کہیں۔ تو تھاں مھاری بات کیاں خچ کونی خمجھ خگتا۔ ⁴⁷۴۷۔جکو ایشور خاں ہے او ایشور رے باتاں خُݨئی۔ تھاں ایئے رے خارو کونی خُݨتا کیانکہ تھاں ایشور خاں کونی۔⁴⁸۴۸۔ یہودیاں بݪتی ݙنی کہ کی مھاں ٹھیک کونی کہتا کہ تُو سامری ہے اَن تھیں میں بد روح ہے؟ ⁴⁹۴۹۔یسوع بݪتی ݙنی کہ مھیں میں کوئی بد روح کونی۔ پݨ ہوں آپرے ٻاپ ری عزت کرئیں۔ اَن تھاں مھاری بے عزتی کرئی۔⁵⁰۵۰۔ ہوں آپ ری عزت کونی چاہتو۔ ہیک ہے جکو چاہوئی اَن فیصلو کرئی۔ ⁵¹۵۱۔ہوں تھاناں خچی خچی کہیں کہ جے کوئی مھارے کلام تے عمل کرے تو او ہمیشہ تک موت نا کونی جووئے۔⁵²۵۲۔پچھے یہودیاں اُوئے نا کہیو ہمے مھاناں ٹھا لاگی ری کی تھیں میں بدروح ہے۔ ابراہیم اَن نبی مَریا را اَن تو کہیں کہ جے کوئی مھارے کلام تے عمل کرے تو او کݙے وی مَر کونی خگتو۔ ⁵³۵۳۔کی تُوں مھارے ٻاپ ابراہیم خاں وی موٹو ہے؟ او مَر گیو اَن بنی وی مَر گیا۔ توں آپرے آپ نا کی کہیں؟⁵⁴۵۴۔ یسوع اُوئاں نا بݪتی ݙنی جے ہوں آپری بݙائی کراں تو کئی کونی۔ پݨ مھاری بݙائی مھارا ٻاپ کرئی۔ جکے نا تھاں کہیں کہ مھارو ایشور ہے۔ ⁵⁵۵۵۔تھاں اُوئے نا کونی اوݪکھیو۔ پݨ ہوں اُوئے نا اوݪکھئی۔ آن جے ہوں کہاں کہ ہوں اُوئے نا کونی اوݪکھتو تو ہوں تھاں آݪی کار کُوڑو ہویئخ۔ ہاوئے ہوں اُوے نا اوݪکھئی آن اُوئے رے کلام تے عمل کرتو رہئیں۔ ⁵⁶۵۶۔تھارو باپ ابراہیم مھارو ݙن جووݨ رے خارو گھݨو راجی ہَتو۔ آن اُوئے جویو اَن گھݨو راجی ہویو۔⁵⁷۵۷۔پچھے یہودیاں اُوئے نا کہیو کہ تھاری عمریا تو ہجے پچاخ برخ ری وی کونی اَن کی تھیں ابراہیم نا جویو ہے۔ ⁵⁸۵۸۔ یسوع اُوئاں نا کہیو ہوں تھاناں خچی خچی کہیں ہوں ابراہیم خاں وی پہل ہَتو۔ ⁵⁹۵۹۔پچھے اُوئاں پتھر اُکھݨیا کہ اُوئے نا ماراں۔ پݨ یسوع لُک اَن ہیکل خاں نکݪ گیو۔

¹۱۔آن اُوئے لنگھتے ہیک منکھ نا جویو جکو جماندرو اندھو ہَتو۔ ²۲۔آن اُوئے رے چیلاں اُوئے خاں پوچھیو گرو جی کے گناہ کریو ہَتو۔ ایئے جا ایئے رے ماں ٻاپ کہ ایہ اندھو جلمیو ہے۔³۳۔ یسوع بݪتی ݙنی کہ نی تو ایئے گناہ کریو ہے اَن نی جی ایئے رے ماں ٻاپ۔ پݨ ایہ ایئے خارو ہویو کہ ایشور را کام ظاہر ہو وے۔ ⁴۴ ۔ضرور ہے کہ جتری تک ݙن ہے اوئے را کام کراں جکے مناں میلیو ہے۔ او رات آوݨ آݪی ہے جکے میں کوئی کام منکھ کام کونی کر خگتو۔ ⁵۵۔جتری تک ہوں دنیا میں ہا دنیا رو نور ہا۔⁶۶۔ ایہ کہہ تے اُوئے دھرتی تے تھوکیو۔ اَن تھوک خاں مٹی گوہی اَن اُو مٹی اُوئے اندھے رے آنکھیاں تے لگائی۔ ⁷۷۔آن اُوئے نا کہیو جا شیلوخ(جکے رو ترجمو ہے میلیوڑو) کے تالاب میں دھو آن او گیو اَن دھویو اَن آنکھیاں آݪو ہو تے آیو۔⁸۸۔ آن پاڑے آݪاں اَن جکاں جکاں منکھاں پہل اُوئے نا پنتے جویو ہَتو کہݨ لاگا۔ کی ایے او کونی جکو ٻیٹھو پنتو ہَتو۔ ⁹۹۔کہینک منکھاں کہیو کہ ایہ او جی ہے اَن کہینک منکھاں کہیو کہ کونی بلکہ اُوئے جہڑو جی ہے۔ اُوئے آپ کہیو کہ ہوں اُو جی ہا۔¹⁰۱۰۔پچھے اُو اُوئے نا کہݨ لاگا کہ پچھے تھاری آنکھیں کیکر کُھل گے رے۔ ¹¹۱۱۔اُوئے بݪتی ݙنی کہ اُوئے منکھ جکے رو ناں یسوع ہے مٹی گوہی اَن مھاری آنکھیاں تے لگائی اَن مناں کہیو کہ شیلوخ رے تالاب تے جا اَن دھو رے آن ہوں گیو اَن دھو لیے اَن ہوں جووݨ لاگ گیو۔ ¹²۱۲۔آن اُوئاں اُوئے نا کہیو کہ او کتھ ہے؟ اُوئے کہیو کہ مناں کونی ٹھاہ۔¹³۱۳۔ لوک اُوئے منکھ نا جکو اندھو ہَتو فریسیاں کڈھے لے گیا۔ ¹⁴۱۴۔( جکے ݙن یسوع مٹی لگا تے اُوئے رے آنکھیں کھولیے ہَتے۔ او سبت رو ݙن ہَتو۔) ¹⁵۱۵۔پچھے فریسیاں وی اُوئے خاں پوچھیو کہ کیکر جووݨ لاگو ہے۔ اُوئے اُوئاں نا کہیو کہ اُوئے مھاری آنکھیاں تے مٹی لگائی اَن میں دھو لنھے اَن ہوں جووݨ لاگ گیو۔¹⁶۱۶۔ پچھے فریسیاں میں خاں کہینک منکھاں کہیو ایہ منکھ ایشور خاں کونی کیانکہ او سبت نا کونی منتو۔پݨ ٻجاں کہیو کہ گناہ گار منکھ ایہڑا چمتکار کیکر جو واݪ خگئی۔ آن ایئاں او آپت میں نی ٹھیا۔ ¹⁷۱۷۔اُوئاں اُوئے اندھے نا بھݪے کہیو کہ جکے تھارے آنکھیں کھولیے تو اُوئے رے بارے میں کی کہیں؟ اَن اُوئے کہیو او نبی ہے۔ ¹⁸۱۸۔پݨ یہودیاں ایہ بات خچی نی خمجھی کہ ایہ اندھو ہَتو۔ اَن ہمے جووئی وو۔ اتری تک کہ اُوئاں اُوئے اندھے رے ماں ٻاپ نا ہیلو کراں۔¹⁹۱۹۔ آن اوئے خاں پوچھیو کہ کی ایہ تھارو ݙیکرو ہے۔ جکے نا تھاں اندھو جݪمیو ہَتو؟ تو پچھے ہمے او کیکر جووئی وو؟ ²⁰۲۰۔اُوئے رے ماں ٻاپ بݪتی ݙنی مھاناں ٹھاہ ہے کہ ایہ مھارو ݙیکرو ہے اَن ایہ کہ او اندھو جݪمیو ہَتو۔ ²¹۲۱۔پݨ ایہ مھاناں کونی ٹھاہ کہ ہمے کیکر جووئی وو۔ آن نی جی ایہ ٹھاہ ہے کہ کے اُوئے رے آنکھیں کھولیے ہے۔ او پوری عمریا رو ہے۔ اُوئے خاں پوچھو او آپ جی آپرو حال خُݨاخے رو۔²²۲۲۔ ایہ اُوئے رے ماں ٻاپ یہودیاں رے ٻہی خاں کہیو۔ کیانکہ یہودیاں ہیک خلہا کری ہَتی۔ کہ جکو وی ایہ منخے کہ اُو مسیح ہے تو اُوئے نا بھگتی گھر خاں کاڈھیو جاخے۔ ²³۲۳۔ایئے رے خارو اُوئے رے ماں ٻاپ اُوئاں نا کہیو کہ ایہ پوری عمریا رو ہے ایئے خاں جی پوچھو۔²⁴۲۴۔ پچھے اُوئاں اُوئے منکھ نا بھݪے ہیلو کرایو جکو پہل اندھو ہَتو اَن پوچھیو۔ کہ ایشور ری بݙائی ہووئے۔ مھاناں ٹھاہ ہے کہ ایہ منکھ گنہگار ہے ۔ ²⁵۲۵۔پچھے اُوئے بݪتی ݙنی کہ مناں کونی ٹھاہ کہ او گہنگار ہے جاں کونی۔ مناں تو ہیک بات ری جی ٹھاہ ہے کہ ہوں اندھو ہَتو ہمے جووئی وو۔²⁶۲۶۔ تو پچھے اُوئاں اُوئے نا کہیو کہ اُوئے تے خاں کی کریو؟ کیکر تھارے آنکھیں کھولیے؟ ²⁷۲۷۔آن پچھے اُوئاں نا کہیو کہ میں ہݨے تو تھاناں کہیو اَن تھاں کونی خُݨیو۔ تو کیاں خُݨݨ چاہوئی۔ کی تھاں وی اُوئے را چیلا بݨخو۔²⁸۲۸۔ پچھے اُوئاں اُوئے تے لعنت کی اَن کہیو کہ تو جی اُوئے رو چیلا بݨ مھاں تو موسٰی را چیلا ہا۔ ²⁹۲۹۔مھاناں ٹھاہ ہے کہ ایشور موسٰی خاں کلام کرتو۔ پݨ مھاناں کونی ٹھاہ کہ ایہ کتھ رو ہے۔³⁰۳۰۔ اُوئے منکھ بݪتی ݙنی کہ ایہ تو ݙکھ ری بات ہے کہ تھاناں وی کونی ٹھاہ کہ اُو کتھ رو ہے۔ بݪے وی اُوئے مھارے آنکھیں کھولیے ہے۔ ³¹۳۱۔مھاناں ٹھاہ ہے کہ ایشور گنہگاراں ری کونی خُݨتو۔ پݨ جے کوئی ایشور نا منݨ آݪو اَن اُوئے ری مرضی تے بہے تو اُو اُوئے ری خُݨی۔³²۳۲۔ دنیا رے شروع خاں کݙے وی خݨیجݨ میں کونی آیو کہ کہئی وی جماندرو اندھے رے آنکھیں کھولیے ہووئے۔ ³³۳۳۔جے ایہ منکھ ایشور خاں کونی ہَتو تو کئیں کونی کر خگتو ہَتو۔ ³⁴۳۴۔اُوئاں بݪتی میں اُوئے نا کہیو تُوں تو گناہواں میں جݨیجو ہے تو کی مھاناں خیکھاوئی؟ پچھے اُوئاں اُوئے نا ٻاہر کاڈھ ݙنو۔³⁵۳۵۔ یسوع خُݨیو کہ اُوئاں اُوئے نا ٻاہر کڈھیو رو۔ اَن جݙے اُوئے نا لابھو تو اُوئے نا کہیو کہ کی تو ابنِ آدم تے ایمان لے آئیخ۔ ³⁶۳۶۔اُوئے بݪتی میں کہیو اے پرمیشور اُو کُݨ ہے کہ ہوں اُوئے تے ایمان لے آواں؟ ³⁷۳۷۔یسوع اُوئے نا کہیو تئیں تو اُوئے نا جویو ہےاَن جکو تئیں خاں بات کرئی وو او جی ہے۔ ³⁸۳۸۔اُوئے کہیو اے پرمیشور ہوں ایمان لے آوئی اَن اُوئے نا سجدو کریو۔³⁹۳۹۔پچھے یسوع کہیو ہوں شرعی حکم ݙیوݨ خارو ایئے دنیا میں آیو ہا۔ تاکہ جکو نی جووئے اُو جووئے اَن جکو جووئی وا اُو اندھاں ہو جاوے۔ ⁴⁰۴۰۔اَن فریسیاں میں خاں جکو اُوئے بھیݪا ہَتا۔ ایہ خُݨ تے اُوئے نا کہیو کی مھاں وی اندھا ہا۔ ⁴¹۴۱۔یسوع اُوئاں نا کہیو جے تھاں اندھا ہونت تو تھاں گنہگار نی ہونت۔ پݨ جے ہمے تھاں کہیں کہ مھاں جووئی وا۔ تو تھارا گناہ قائم رہخے۔

¹۱۔ہوں تھاناں خچی خچی کہئیں کہ جکو دَر خاں بھیݙاں ری باڑی میں کونی بڑتو۔ بلکہ ٻجے پاخاں خاں چڑھ جاوئی اُو چور اَن ڈاکو ہے۔ ²۲۔پݨ جکو دَر خاں مہنے جاوئی او بھیݙاں رو دھنار ہے۔³۳۔ اُوئے رے خارو راکھو دَر کھول ݙئی اَن بھیݙاں وی اُوئے ری ٻولی نا منئیں۔ اَن او آپرے بھیݙاں نا ناں خاں ہیلو کرائی۔ اَن اُوئاں نا ٻاہر لے جاوتو رئی۔ ⁴۴۔اَن جݙے اُو آپرے خارے بھیݙاں ٻاہر کاڈھ لیئی تو اُوئے رے آگو آگو بہتو رئی۔ اَن بھیݙاں اُوئے رے لارے لارے آوئی۔ کیانکہ اُو اُوئے ری ٻولی نا اُوݪکھئی۔⁵۵۔ پݨ اُو اوپرے رے لارے کونی جاتے۔ بلکہ اُوئے خاں ٻہئی۔ ایئے رے خارو کہ اُو اُوئاں ری ٻولی کونی اوݪکھتے۔ ⁶۶۔یسوع اُوئاں نا ایہ مسال خُݨئی پݨ اُوئاں نا خمجھ کونی آئی۔ کہ کہڑے باتاں کرئی⁷۷۔ پچھے یسوع اُوئاں نا بھݪے کہیو ہوں تھاناں خچی خچی کہئی کہ بھیݙاں رو دَر ہوں ہا۔ ⁸۸۔جیتراں میں خاں پہل آیا اُو چور اَن ڈاکو ہے۔ پݨ بھیݙاں اُوئے ری ٻولی نی خُݨی۔⁹۹۔دَر ہوں ہا جے کوئی میں خاں بڑخے تو نجات پا خے اَن ٻاہر مہنے آتو جاوتو رہئیخے۔ اَن چرݨ ری جگہ لیخے۔ ¹⁰۱۰۔چور کونی آتو۔ پݨ چوری اَن مارݨ اَن تباہ کرݨ خارو اَن ہوں ایئے رے خارو آیو ہا کہ او زندگی لے بلکہ گھݨی خاری لے۔¹¹۱۱۔ بھلو دھنار ہوں ہا ۔ بھلو دھنار آپرے بھیݙاں خارو آپری جان ݙتو رئی۔ ¹²۱۲۔مزدور جکو نی تو دھنار ہے اَن نی بھیݙاں رو مالک۔ نہار نا آتو جو تے او بھیݙاں نا چھوڑ بھج جاوئی۔(اَن نہار اُوئاں نا چیر پھاڑ ݙئی اَن گندو کرئی۔) ¹³۱۳۔اُو بھج جاوئی اَن ایہ ایئے رے خارو کہ اُو ہیک مزدور ہووئے۔ اَن اُوئے نا بھیݙاں ری فکر کونی ہوتی ۔¹⁴۱۴۔ بھلو دھنار ہوں ہا اَن اُوئاں جی ہوں آپرے بھیݙاں نا اوݪکھئی۔ اَن مھارے بھیݙاں مناں اوݪکھئی۔ ¹⁵۱۵۔جاں ٻاپ مناں اوݪکھئی اَن ہوں ٻاپ نا اولکھئی اَن ہوں آپرے بھیݙاں خارو آپری جان ݙئی۔ ¹⁶۱۶۔مھارے ٻجے وی بھیݙاں ہےجکو ایئے باڑی رے کونی۔ ضرور ہے کہ ہوں اُوئاں نا وی لے آواں۔ اَن اُو مھاری ٻولی خُݨخے اَن ہیک جی باڑی اَن ہیک جی دھنار ہوخے۔¹⁷۱۷۔ ٻاپ مناں ایئے رے خارو پیار کرئی۔ کہ ہوں آپری جان ݙئی تاکہ ہوں اُوئاں نا بھݪے لے آواں۔ ¹⁸۱۸۔کوئی اُوئاں نا میں خاں کھوختو کونی بلکہ ہوں اُوئے نا آپ جی ݙئی۔ اَن مناں اُوئاں نا ݙاݨ رو اختیار وی ہے۔ اَن اُوئاں خاں بھݪے لیوݨ رو اختیار وی ہے۔ ایہ حکم میں ٻاپ خاں لیو ہا۔¹⁹۱۹۔ پچھے یہودیاں میں ایئے باتاں خاں تکرار ہویو۔ ²⁰۲۰۔اَن اُوئاں میں خاں گھݨاں ایہ کہݨ لاگا کہ اُوئے میں بدروح ہے۔ اَن اُو پاگل ہے۔ تھاں اُوئے ری کیاں خُݨئی۔ ²¹۲۱۔ٻیجاں کہیو کہ ایہ باتاں بھوتاں آݪے رے ہے۔ کی بدروح اندھاں رے آنکھیں کھول خگئی؟²²۲۲۔ آن یروشلیم میں عیدِ تجدیہ ہَتی اَن خیاݪے را ݙن ہَتا۔ ²³۲۳۔اَن یسوع ہیکل میں سلیمانی براندے میں پھرتو وو۔ ²⁴۲۴۔آن یہودیاں چارے پاخے پھر آیا اَن کہݨ لاگا کہ تُوں کترے تک مھارے من نا اُݙ کھݙ میں راکھیئخ۔ ہے تو المسیح ہے تو مھاناں صاف کہیے رو۔²⁵۲۵۔ یسوع اُوئاں نا بݪتی ݙنی کہ میں تو تھاناں کہیو رو پݨ تھاں مھارو اعتبار کونی کرتا۔ جکو کام ہوں آپرے ٻاپ رے ناں خاں کریئں اُو جی مھارو گواہ ہے۔ ²⁶۲۶۔پݨ تھاں ایئے رو اعتبار کونی کرتا۔ کہ تھاں مھارے بھیݙاں میں خاں کونی۔²⁷۲۷۔ مھارے بھیݙاں مھاری ٻولی اُوݪکھئی۔ اَن ہوں اُوئاں نا اُوݪکھئی۔ اَن اُو مھارے لارے لارے بہئی۔ ²⁸۲۸۔آن ہوں اُوئاں نا خداں رو جیون ݙئی۔ اَن او کݙے مَرے کونی۔اَن کوئی وی اُوئاں نا مھارے ہاتھ خاں کھوخ کونی خگتو۔²⁹۲۹۔ جکو مھارے ٻاپ مناں ݙنو ہے او خارا خاں موٹو ہے۔ اَن کوئی اُوئے نا مھارے ٻاپ رے ہاتھ خاں کھوخ کونی خگتو۔ ³⁰۳۰۔ہوں اَن ٻاپ ہیک ہا۔ ³¹۳۱۔یہودیاں بݪے پتھر اُکھݨیا تاکہ اُوئے نا مار ناکھے۔³²۳۲۔ یسوع اُوئاں نا بݪتی ݙنی میں تھاناں ٻاپ خاں گھݨاں بھلا کام ݙخلیا اُوئاں میں خاں کہیے کام رے خارو تھاں مناں مارئیں۔ ³³۳۳۔یہودیاں اُوئے نا بݪتی ݙنی کہ کہئی بھلے کام رے کرے کونی بلکہ ایشور رے خلاف بات کرݨ تے مارئیں۔ کیانکہ تو انسان تھے تے آپرے آپ نا ایشور بݨاوئی۔³⁴۳۴۔ یسوع اُوئاں نا بݪتی ݙنی کہ کی تھاری شریعت میں ایہ کونی لِکھیوڑو کہ ” میں کہیو کہ ہوں ایشور ہا“ ۔ ³⁵۳۵۔جبکہ اُوئاں اُوئے نا ایشور کہیو جکاں خاں ایشور باتاں کرتو۔ (آن پوتر شاستر کُوڑ کونی ہو خگتو)۔ ³⁶۳۶۔تو پچھے تھاں اُوئے خاں جکے نا ٻاپ پاک کر تے دنیا میں میلیو ہے کیاں کہیئی کہ تو ایشور رے خلاف ہے۔ ایئے رے خارو کہ میں کہیو کہ ہوں ایشور رو ݙیکرو ہا؟³⁷۳۷۔ جے ہوں ٻاپ را کام کونی کرتو تو تھاں مھارو اعتبار نی کرو۔ ³⁸۳۸۔پݨ جے کݙے ہوں تو مھارو اعتبار نی کرو پݨ اُوئے کاماں رو تو اعتبار کرو تاکہ تھاں اُوݪکھو اَن خچ منو کہ ٻاپ میئں میں ہے۔ اَن ہوں ٻاپ میں ہا۔ ³⁹۳۹۔اُوئاں بھݪے اُوئے نا جھالݨ ری کوشش کی پݨ او اُوئاں رے ہاتھ خاں نکݪ گیو۔⁴⁰۴۰۔ او بھݪے اُردن رے پار اُوئے جگہ گیو جتھ یوحنا پہلی پویتر شنان ݙتو ہَتو۔اَن اتھ جی رہیو۔ ⁴¹۴۱۔آن گھݨاں اُوئے کڈھے آیا اَن کہتا ہَتا کہ یوحنا تو کوئی چمتکار کونی کریو پݨ جکو باتاں یوحنا اُوئے رے حق میں کریئے ہَتے خارے خچ ہَتے۔ ⁴²۴۲۔آن اُتھ گھݨائی اُوئے تے ایمان لے آیا۔

¹۱۔ مریم اَن اُوئے رے ٻہن مارتھا رے گاں بیت عنیاہ رو لعزر ناں رو ہیک بیمار ہَتو۔ ²۲۔(ایہ او جی مریم ہَتی جکے ایشور رے پگاں تے عطر ڈھوݪ اَن آپرے باݪاں خاں اچھو کریو ہَتو۔لعزر بیمار ایئے رو بھائی ہَتو۔)³۳۔ آن ٻہناں اُوئے نا ایہ خنݙخو میلیو کہ اے ایشور جکے نا تُوں پیار کرتو او بیمار ہے۔ ⁴۴۔یسوع خُݨ اَن کہیو ایہ بیماری موت ری کونی۔ بلکہ ایشور رے جلال رے خارو ہے۔ تاکہ اُوئے ری وجہ خاں ایشور رے ݙیکرے رو جلال ظاہر ہووئے۔⁵۵۔ آن یسوع مارتھا آن اُوئے ری ٻہن آن لعزر نا پیار کرتو ہَتو۔ ⁶۶۔پچھے جݙے اُوئے خُݨیو کہ او بیمار ہے تو جتھ او ہَتو اتھ جی ٻے ݙن ٻجا رہیو۔ ⁷۷۔ایئے خاں پچھے چیلاں نا کہیو آؤ یہودیہ ہالاں۔⁸۸۔ چیلاں اُوئے نا کہیو گرو جی ہݨے تو یہودی تھاناں مارݨ چاہتا ہَتا۔ آن تھاں بݪے اُتھ جاوݨ چاہوئی؟ ⁹۹۔یسوع بݪتی ݙنی کی ݙن را ٻارہے گھنٹاں کونی ہوتا؟ جے کوئی ݙن رو بہے تو تھوݙو کونی کھاتو۔ کیانکہ اُو ایئے ݙن رے اجاݪے میں جووئی۔¹⁰۱۰۔ پݨ جے کݙے کوئی رات ری بݪہ بہے تو او تھوݙو کھاوئی۔ کیانکہ رات رو اجاݪو کونی ہووتو۔ ¹¹۱۱۔اُوئے ایہ باتاں کہیں اَن پچھے اُوئاں نا کہیو اپݨو پریمی لعزر خوتو رو۔ پݨ ہوں جاوئیں کہ اُوئے نا جگاواں۔¹²۱۲۔پچھے چیلاں کہیو اے پرمیشور جے اُو خوتو ہے تو اُو بچ جاخے رو۔ ¹³۱۳۔یسوع تو اُوئے ری موت رے بارے میں کہیو ہَتو۔ پݨ اُوئاں خوچیو کہ اوئے اونگھ آݪے آرام ری بات کرئی وو۔ ¹⁴۱۴۔پچھے یسوع اُوئاں نا صاف کہیو کہ لعزر مَریو رو۔¹⁵۱۵۔ آن ہوں تھاری وجہ خاں راجی ہا کہ ہوں اتھ کونی ہَتو۔ تاکہ تھاں ایمان لے آؤ۔ پݨ آؤ آپاں اُوئے کڈھے ہالاں۔ ¹⁶۱۶۔پچھے توما جکو توام خُݨجتو اُوئے آپرے چیلاں نا کہیو کہ آؤ آپاں وی ہاݪاں تاکہ اُوئے بھیݪاں مَراں۔¹⁷۱۷۔ یسوع بیت عنیاہ میں آیو آن اُوئے نا چار ݙنہاں رو قبر میں راکھیوڑو جویو۔ ¹⁸۱۸۔بیت عنیاہ یروشلیم رے نیڑو تقریناً ٻے میل رے فاصلے تے ہَتو۔ ¹⁹۱۹۔آن گھݨاں خارا یہودی مارتھا اَن مریم کڈھے آتا ہَتا۔ تاکہ اُوئاں نا تسلی ݙیوئے۔ ²⁰۲۰۔مارتھا جاں جی خُݨیو کہ یسوع آئی وو تو اُوئے نا خیٹݨ گی۔ پݨ مریم گھر میں جی ٻیٹھی رئی۔²¹۲۱۔ مارتھا یسوع نا کہیو اے پرمیشور جے تو ایتھ ہوونت تو مھارو بھائی کونی مَرنت۔ ²²۲۲۔آن مناں ٹھاہ ہے کہ ہمے وی جکو کچھ تو ایشور خاں مانگئیخ ۔ ایشور تناں ݙیئخے۔ ²³۲۳۔یسوع اُوئے نا کہیو کہ تھارو بھائی جیتو ہوخے رو۔²⁴۲۴۔ مارتھا اُوئے نا کہیو مناں ٹھاہ ہے کہ قیامت آݪے ݙن جیتو ہوخے۔ ²⁵۲۵۔یسوع اُوئے نا کہیوقیامت اَن زندگی ہوں ہا۔ جکو مھیں تے ایمان لے آوئی جے او مَر وی جاوئے تو وی جیتو رہئخے۔ ²⁶۲۶۔آن جکو وی جیتو ہے اَن او میں تے ایمان لے آوئے اُو خَداں جیتو رہیخے مَرے کونی۔ کی تو ایہ تے ایمان راکھئیں؟²⁷۲۷۔ اُوئے اُوئے نا کہیو ہاوئے اے پرمیشور ہوں ایمان راکھتی رئی۔ کہ تو المیسح ابن ایشور ہے جکو دنیا میں آوݨ آݪو ہَتو۔ ²⁸۲۸۔ او ایہ کہہ تے بوہی اَن لُک میں آپری ٻہن نا کہیو کہ یسوع ایتھ ہے آن تناں ہیلو کرئی۔ ²⁹۲۹۔اُوئے خُݨتے جی اُٹھی اَن اُوئے کڈھے آئی۔³⁰۳۰۔ یسوع ہاݪی اِئے گاں میں آیو جی ہَتو۔ بلکہ اُوئے جگہ ہَتو جتھ مارتھا اُوئے خاں خینٹی ہَتی۔ ³¹۳۱۔آن جکو یہودی اُوئاں کڈھے گھرے ہَتا۔ آن اُوئاں نا تسلی ݙتا ہَتا۔ اُوئاں جویو کہ مریم اُوٻہاݪ میں اُوٹھی اَن ٻاہر نکݪ گئی ہے۔ متاں اُو قبر تے رووݨ خارو گئی ہوئے اُوئے رے لارے بوہا گیا۔ ³²۳۲۔آن جݙے مریم اُوتھ آئی جیتھ یسوع ابھو ہَتو۔ اُوئے نا جویو تو اُوئے رے پگاں میں کھر گی اَن کہیو، اے پرمیشور جے تو ایتھ ہوونت تو مھارو بھائی کونی مَرنت۔³³۳۳۔آن جݙے یسوع اُوئے نا جویو کہ اُو روئیں وی اَن یہودی وی جکو اُوئے رے بھیݪا ہتا روئیں وا۔ تو گھݨو پریشان تھی تے گھٻرا گیو۔ ³⁴۳۴۔کہیو کہ تھاں اُوئے نا کیتھ راکھیو ہے؟ اُوئاں اُوئے نا کہیو، اے پرمیشور حال اَن جو رو۔ ³⁵۳۵۔آن یسوع را آنخو نکݪ آیا۔³⁶۳۶۔ پچھے یہودیاں کہیو کہ جو وو اُو اُوئے نا کیترو پریم کرتو ہَتو۔ ³⁷۳۷۔پݨ اُوئاں میں خاں کہینک کہݨ لاگا کہ ایہ جکے اندھے رے آنکھیں کھولیے اترو کونی کر خگتو ہَتو کہ او نی مَرنت۔³⁸۳۸۔پچھے یسوع نخکارو ناکھ اَن قبر تے آیو۔ او ہیک غار ہَتی۔اَن اُوئے رے مھانݙے تے پتھر پیو ہَتو۔ ³⁹۳۹۔یسوع کہیو پتھر نا ہٹا ݙو۔ مَریوڑے رے ٻہن مارتھا اُوئے نا کہیو۔ اے پرمیشور اُوئے میں خاں تو ہمے باخ آتی ہوخے۔ کیانکے اُوئے نا چار ݙن ہویا را۔ ⁴⁰۴۰۔یسوع اُوئے ناکہیو۔ کی میں تناں کونی کہیو ہَتو کہ جے تو ایمان راکھئیخ تو ایشور رو جلال جوئیخ۔⁴¹۴۱۔پچھے اُوئاں پتھر نا ہٹا ݙنو۔ آن یسوع آپرے آنکھیں اُکھݨ تے کہیو، اے ٻاپ ہوں تھارو شکر کرئیں کہ تئیں مھاری خُݨی ری۔ ⁴²۴۲۔آن مناں تو ٹھاہ جی ہَتی کہ تُوں خدائی مھاری خُݨتو رئی۔ پݨ ایئے لوکاں ری وجہ خاں جکو آخے پاخے ابھا ہے میں ائیاں کہیو تاکہ اُو ایمان لے آوئے۔ کہ مناں تئیں جی میلیو ہے۔⁴³۴۳۔ آن ایہ کہہ تے اُوئے رَڑ کر اَن کہیو اے لعزر نکݪ آ۔ ⁴⁴۴۴۔جکو مَر گیو ہَتو او کفن خُودھو ہاتھ اَن پَگ ٻادھوڑا نکݪ آیو۔ اَن اُوئے رو مھانݙو رُمال خاں بیڑھیوڑو ہَتو۔ یسوع اُوئاں نا کہیو کہ اُوئے نا کھولو اَن جاوݨ ݙو۔⁴⁵۴۵۔ پچھے یہودیاں میں خاں گھݨاں جکو مریم کڈھے آیوڑا ہَتا اَن جکاں یسوع رو ایہ کام جویو اُوئے تے ایمان لے آیا۔ ⁴⁶۴۶۔پݨ اُوئاں میں خاں کہینک فریسیاں کڈھے گیا اَن جکو کچھ یسوع کریو ہَتو اُوئاں نا جا خُݨایو۔⁴⁷۴۷۔ ایئے تے سردار کاہناں اَن فریسیاں صدر عدالت رے منکھاں نا بھیݪا کر تے کہیو کہ آپاں کی کرئیں وا؟ ایہ منکھ تو گھݨاں چمتکار بتاوئیں۔ ⁴⁸۴۸۔جے آپاں اُوئے نا ائیاں جی چھوڑ ݙا تو خارا اُوئے تے ایمان لے آخے۔ آن رومی آ تے مھاری جگہ اَن قوم ٻنہاں تے قبضو کر لیخے۔⁴⁹۴۹۔ آن اُوئاں میں خاں ہیک کائفا ناں رے منکھ جکو اُوئے برخ رو سردار کاہن ہَتو۔ اُوئاں نا کہیو تھاں کئیں کونی جاݨتا۔ ⁵⁰۵۰۔آن نی جی ایہ خیال کرئیں کہ تھارے خارو ایہ بھلو ہے۔ کہ ہیک منکھ قوم رے خارو مَرے نی کہ خاری قوم مَر جاوئے۔⁵¹۵۱۔ اُوئے ایہ آپری طرف خاں کونی کہیو، پݨ ایئے رے خارو کہ اُو ایئے برخ رو سردار کاہن ہَتو۔ اُوئے ایہ نبوت کی کہ یسوع قوم ری خاطر مَرݨ آݪو ہے۔ ⁵²۵۲۔آن نی جی اُوئے قوم ری خاطر بلکہ ایئے رے خارو وی کہ ایشور رے پراگندہ منکھاں ہیک کر اَن بھیݪا کر ݙے۔ ⁵³۵۳۔آن اُوئے ݙن خاں اُوئاں فیصلو کریو کہ اُوئے نا مار ناکھخاں۔⁵⁴۵۴۔ایئے رے خارو اُوئے ݙن خاں یسوع یہودیاں میں کھلے عام کونی پھرتو ہَتو۔ بلکہ اُوئے رے نیڑے جھنگل رے علاقے میں جکو افرائیم ناں رے ہیک شہر میں گیو آن آپرے چیلاں بھیݪو اتھ جی رہݨ لاگو۔ ⁵⁵۵۵۔آن یہودیاں ری عیدِ فصح نیڑی ہَتی۔ آن گھݨائی فصح خاں پہل دیہاتاں خاں یروشلیم نی گیا۔ تاکہ آپرے آپ نا پوتر کرے۔⁵⁶۵۶۔آن اُو یسوع نا لابھݨ لاگا۔ آن ہیکل میں ابھیج تے آپت میں کہݨ لاگا۔ تھاں کی خوچئیں کہ یسوع عید آݪے ݙن کونی آوئے؟ ⁵⁷۵۷۔آن سردار کاہناں اَن فریسیاں حکم ݙنو ہَتو کہ جکے نا وی ٹھاہ ہووئے۔ کہ اُو کیتھ ہے۔ او مھاناں ݙخلے تاکہ اُوئے نا جھال لاں۔

¹۱۔ آن یسوع فصح رے چھوئے ݙن پہل بیت عیناہ میں آیو۔ جتھ لعزر ہَتو جکو مَر گیو ہَتو اَن جکے نا یسوع مَریوڑاں میں جیتو کریو ہَتو، ²۲۔اتھ اُوئاں اُوئے رے خارو شام ری ٻاٹی تیار کی اَن مارتھا ٻاٹی ݙتی وی اَن لعزر وی اُوئاں بھیݪو ہَتو۔ جکو اُوئے بھیݪاں ٻاٹی کھاوݨ رے خارو ٻیٹھا ہَتا۔ ³۳۔پچھے مریم آدھو کلو خالص اَن قیمتی جٹاماسی رو عطر لے تے یسوع رے پاگاں تے لگا اَن آپرے باݪاں خاں اُوئے را پَگ اچھا کیا پورے گھر عطر ری خوشبو خاں بھریئج گیو۔⁴۴۔ پچھے اُوئے رے چیلاں میں خاں ہیک یہوداہ اسکریوتی جکو اُوئے نا جھلاوݨ آݪو ہَتو کہݨ لاگو۔ ⁵۵۔ایہ عطر تین خو دینار میں بیچ اَن غریٻاں نا کیا نی ݙنو گیو۔ ⁶۶۔اُوئے ایہ ایئے رے خارو کونی کہیو ہَتو کہ اُوئے نا غریٻاں ری فکر ہَتی۔بلکہ ایئے رے خارو کہ اُو چور ہَتو اَن تھیلی اُوئے کڈھے جی ہَتی۔ جکو کچھ اِئیے میں پڑتو اُو کاڈھ لیتو ہَتو۔⁷۷۔ پچھے یسوع کہیو کہ اُوئے نا رہݨ ݙے۔ اُوئے مھارے ٻوریجݨ آݪے ݙن رے خارو ایہ راکھیو ہَتو۔ ⁸۸۔کیانکہ محتاج تو خَداں تھاں بھیݪا ہے پݨ ہوں خَداں تھاں بھیݪو کونی رہا۔⁹۹۔آن یہودیاں را گھݨاں منکھ ایہ ٹھاہ کرݨ رے خارو اتھ آتا۔ نی کہ یسوع رے کرے پݨ ائیے رے خارو کہ او لعزر نا جووئے جکے نا اُوئے مَریوڑاں میں خاں جیتو کریو ہَتو۔ ¹⁰۱۰۔ پچھے سردار کاہناں ایہ خلاہ کی کہ لعزر تا وی ماراں رو۔ ¹¹۱۱۔کیانکہ اُوئے ری وجہ خاں گھݨاں خارا یہودی یسوع کڈھے آیا اَن اُوئے تے ایمان لے آیا۔¹²۱۲۔ٻجے ݙن گھݨاں خارے منکھاں جکو عید میں آیوڑا ہَتا ایہ خُݨ تے کہ یسوع یروشلیم میں آیو ہے۔ ¹³۱۳۔کھجیاں رے ݙاݪے لے اَن اُوئے رو استقبال نا نکݪیا اَن رَڑے کر کہݨ لاگا۔ ہوشعنا بدھائی ہووئے او جکو پرمیشور رے ناں خاں آوئی۔بدھائی ہووئے اسرائیل را بادشاہ۔¹⁴۱۴۔آن یسوع گݙہی رو ٻچیو لے اُوئے تے ٻیٹھو ۔ جاں کہ لِکھت میں ہَتو۔ ¹⁵۱۵۔اے صیون ری ݙیکری نی ٻہی۔جو گݙہی رے ٻچیئے تے ٻیئخ تے تھارو بادشاہ آوئی۔¹⁶۱۶۔ (اُوئے را چیلاں پہل تو ایہ باتاں کونی خمجھیا۔پݨ جݙے یسوع آپرے جلال میں پوگو تو اُوئاں نا یاد آیو کہ ایہ باتاں اُوئے رے بارے میں لِکھیوڑے ہَتے۔ اَن ایہ کہ اُوئے خاں ایئاں کریو گیو ہَتو۔)¹⁷۱۷۔اُو منکھ گواہی ݙتا گیا جکو اُوے گھڑی اُوئاں رے بھیݪا ہَتا۔ جݙے اُوئے لعزر نا قبر خاں ٻاہر ہیلو کریو۔ اَن مَریوڑاں میں خاں جیتو کیو ہَتو۔ ¹⁸۱۸۔ایئے رے جی کرے اُو منکھ اُوئے رے استقبال رےخارو نکݪیا۔ کیانکہ اُوئاں خُݨیو ہَتو کہ ایہ چمتکار اُوئے بتایا ہے۔ ¹⁹۱۹۔پݨ فریسیاں آپت میں کہیو جو تو تھاں خاں کئی کونی تھیو۔ جووو دنیا اُوئے رے لارے بوہی ری۔²⁰۲۰۔ جکو عید میں پرستش کرݨ آیا ہَتا۔ اُوئاں میں گھݨاں یونانی ہَتا۔ ²¹۲۱۔او فلپس کڈھے آیا جکو گلیل رے بیت صیدای رو ہَتو۔ آن اُوئے نا منت کر اَن کہیو کہ اے مالک مھاں یسوع خاں خیٹݨ چاہوئی۔ ²²۲۲۔فلپس آ تے اندریاس نا کہیو آن بھلے فلپس اَن اندریاس آ تے یسوع نا خُݨایو۔²³۲۳۔ یسوع اُوئاں نا کہیو او گھڑی آئی ری کہ ابنِ آدم جلال پاوئے۔ ²⁴۲۴۔ہوں تھاناں خچی خچی کہیں کہ جتری تک کݨک رو ݙاݨو دھرتی میں کھر تے مَر کونی جاوتو۔ ہیکھلو جی رئی۔ پݨ جݙے مَر جاوئی تو گھݨو خارو پھݪ لے آوئی۔²⁵۲۵۔ جکو آپرے جسم خاں پیار کرئی۔ اُو اُوئے نا گُماوئی۔ پݨ جکو ایئے دنیا میں آپرے جسم نا گُماوئی اُو ہمیشہ ری زندگی رے خارو خمبھاݪئی۔ ²⁶۲۶۔جے کوئی مھاری شیوا کرے تو مھارے لارے آوئے۔ آن جتھ ہوں ہوئیخ اُوتھ جی مھارو خادم وی ہوخے۔ جے کوئی مھاری شیوا کرخے ٻاپ اُوئے ری عزت کرخے۔²⁷۲۷۔ ہمے مھارو جسم گھٻراوئی آن ہوں کی کہاں؟ ایہ کہ اے ٻاپ مناں ایئے گھڑی خاں بچا۔ پݨ ہوں ایئے رے جی کرے ایئے گھڑی تک پوگو ہا۔ ²⁸۲۸۔اے ٻاپ آپرے ناں نا جلال ݙے۔ پچھے آسمان خاں آواز آئی کہ ”میں جلال ݙنو ہا آن ہوں بݪے جلال ݙئیخ“۔ ²⁹۲۹۔آن جکو منکھ ابھا خُݨتا ہتَا او کہݨ لاگا کہ جھُڑ گرجیو پݨ اُو کہتا وا کہ کوئی فرشتو اُوئے خاں ٻولیو ہے۔³⁰۳۰۔ یسوع بݪتی ݙنی میں کہیو۔ایہ آواز مھارے خارو کونی بلکہ تھارے خارو آئی ہے۔ ³¹۳۱۔ہمیں ایے دنیا ری عدالت ہوئی وی ۔ ہمے ایئے دنیا رو سردار کاڈھیو جاخے۔³²۳۲۔ آن ہوں جݙے دھرتی خاں اُکھݨیو جائیخ تو خاراں نا آپ نی کھیچخ۔ ³³۳۳۔اُوئے اشارو کریو کہ ہوں کیکر مَرݨ آݪو ہا۔³⁴۳۴۔پچھے منکھاں اُوئے نا بݪتی ݙنی کہ مھاں شریعت ری ایہ بات خُݨی ہا کہ المسیح ہمیشہ تک رہخے تو پچھے کیاں کہیں کہ ضرور ہے کہ ابنِ آدم اُکھݨیو جائے؟ ایہ ابنِ آدم کُݨ ہے؟ ³⁵۳۵۔یسوع اُوئاں نا کہیو ٻجو تھوڑی دیر تک اجاݪو تھارے بھیݪو ہے۔ جتری تک اجاݪو تھاں کڈھے ہے۔ بوہا ہالو۔ ایئاں نی ہوئے کہ اندھارو تھاناں آ جھالے۔ آن جکو اندھارے میں بہئی اُوئے نا کونی ٹھاہ کہ کیتھ جاوئی۔ ³⁶۳۶۔جتری تک اجاݪو تھارے بھیݪو ہے۔ اُجاݪے تے ایمان لے آؤ تاکہ تھاں اجاݪے را ݙیکرا بݨو۔ یسوع ایہ باتاں کرتو بوہو گیو اَن اُوئاں خاں لُک گیو۔³⁷۳۷۔ آن جے کݙے اُوئاں رے روبرو اترا چمتکار ݙخلیا تو وی اُو اُوئے تے ایمان کونی لے آیا۔ ³⁸۳۸۔تاکہ یسعیاہ نبی رو کلام پورو تھیے۔ جکو اُوئے کہیو کہ اے پرمیشور جکو مھاں خاں خُݨیو کے اُوئے رو یقین کریو؟ آن پرمیشور ری ٻاہا کے تے ظاہر ہوئی؟³⁹۳۹۔ ائیے رے خارو او ایمان نی لے آیا۔ کیانکہ یسعیاہ ایہ وی کہیو۔ ⁴⁰۴۰۔اُوئے اُوئاں رے آنکھیں اندھے کیے اَن اُوئاں را من کاٹھا کیا۔ ایئاں نی ہوئے کہ اُو آنکھیاں خاں جووئے۔ جاں من خاں خمجھے۔ آن توٻا کرے۔ آن ہوں اُوئاں نا شفا ݙا۔⁴¹۴۱۔ یسعیاہ ایہ باتاں ایئے رے خارو کہیے کیاں کہ اُوئے اُوئے رو جلال جویو۔آن اُوئے رے بارے میں جی کلام کیو۔ ⁴²۴۲۔ایئے رے کرے سرداراں میں خاں وی گھݨاں اُوئے تے ایمان لے آیا۔ پݨ فریسیاں رے کرے انکار کونی کرتا ہَتا۔ تاکہ بھگتی گھر خاں کاڈھیا نی جاوئے۔ ⁴³۴۳۔کیانکہ اُو ایشور خاں عزت لیوݨ خاں زیادہ منکھاں خاں عزت لیوݨ پسند کرتا۔⁴⁴۴۴۔یسوع زور خاں کہیو کہ جکو میں تے ایمان لے آوئی۔ او میں تے کونی بلکہ اُوئے تے ایمان لے آوئی۔ جکے مناں میلیو ہے۔ ⁴⁵۴۵۔ آن جکو مناں جووئی اُو اُوئے نا جووئی۔جکے مناں میلیو ہے۔⁴⁶۴۶۔ ہوں اجاݪو تھی تے دنیا میں آیو۔ تاکہ جکو کوئی میں تے ایمان لے آوئے او اندھارے میں نی رہئے۔ ⁴⁷۴۷۔ جے کوئی مھاری بات خُݨ تے اُوئے تے عمل نی کرے۔ تو ہوں اُوئے تے الزام کونی لگاواں کیانکہ ہوں ایئے رے خارو کونی آیو۔ کہ دنیا نا الزام ݙاں بلکہ ایئے رے خارو کہ دنیا نا نجات ݙا۔⁴⁸۴۸۔ جکو مناں گندو خمجھائی او مھارے باتاں تے اعتبار کونی کرتو۔ اُوئے تے الزام لاگݨ آݪو ہے۔ یعنی جکو کلام میں کہیو ہا او جی آخر میں اُوئے رے خارو الزام ہوخے۔ ⁴⁹۴۹۔کیانکہ میں آپ خاں کئیں کونی کہیو بلکہ ٻاپ جکے مناں میلیو ہے۔ اُوئے جی مناں حکم ݙنو ہے۔ کہ کی کہاں اَن کی ٻولاں۔ ⁵⁰۵۰۔آن منے ٹھاہ ہے کہ اُوئے رو حکم خَداں ری زندگی ہے۔ آن جکو کچھ ہوں کہیں جاں ٻاپ مناں کہیو ہے اُوئاں جی کہیں۔

¹۱۔ عید فسح خاں پہل یسوع نا ایہ ٹھا لاگی ہَتی کہ مھاری گھڑی آئی ری۔ کہ دنیا خاں پاچھو ٻاپ کڈھے جائیخ۔ تو آپرے اُوئے لوکاں خاں جاں ایئے دنیا میں پریم راکھتو او آخر تک پریم کرتو رئیخ۔ ²۲۔اَن شام ری ٻاٹی آݪی بݪہ جݙے شیطان یہوداہ بن شمعون اسکریوتی رے من میں ایہ بات راکھی کہ اُوئے نا جھلاوئے۔³۳۔یسوع نا ایہ ٹھا ہَتی کہ ٻاپ خارو کچھ اُوئے رے ہاتھ میں کر ݙنو رو۔ اَن ایہ کہ ہوں ایشور خاں نکݪیو ہا اَن ایشور کڈھے پاچھو جائی وو۔ ⁴۴۔اُو ٻاٹی خاں اُٹھی اَن گابھا اُتاریا اَن ہیک خوتی گابھو لے تے آپرے کڑیاں نا ٻاندھیو۔ ⁵۵۔اَن ایئے خاں پچھے ٹھیکر میں پاݨی لنھو اَن آپرے چیلاں را پگ دھویا اَن جکو خوتی گابھو کڑیاں نا ٻاندھیو ہَتو اُوئے خاں پگ آچھا کیا۔⁶۶۔پچھے اُو شمعون پطرس کڈھے آیو۔ اُوئے اُوئے نا کہیو اے ایشور کی تو مھارا پگ دھوئیخ؟ ⁷۷۔یسوع اُوئے نا بݪتی ݙنی کہ ہݨے جکو کچھ ہوں کرئی وو تنے کونی ٹھاہ پݨ پچھے تو خمجھئیخ رو۔ ⁸۸۔پطرس اُوئے نا کہیو تو آخر تک مھارا پگ کونی دھو خگے۔ یسوع بݪتی ݙنی کہ جے ہوں تھارا پگ نی دھویا تو تُوں مھیں بھیݪو کونی ہووئے۔ ⁹۹۔شمعون پطرس اُوئے نا کہیو اے ایشور مھارا پگ جی نی دھو بلکہ مھیں آݪو ماتھو وی دھو۔¹⁰۱۰۔ یسوع اُوئے نا کہیو او جکو جھیلیو اُوئے نا دھوݨ ری لورہ کونی بلکہ او پاک صاف ہے۔ تو وی پاک ہے پݨ خارا را خارا کونی۔ ¹¹۱۱۔کیانکہ اُو آپرے جھلاوݨ آݪے نا جاݨئی ایئے خارو اُوئے کہیو کہ تھاں خارا پاک کونی۔¹²۱۲۔ جݙے اُو اُوئاں را پگ دھو لیا اَن گابھا پہر تے ٻیٹھو۔ تو اُوئے کہیو تھاناں ٹھا ہے کہ مھیں تھاں خاں کی کریو۔ ¹³۱۳۔تھاں مھنے اُستاد اَن ایشور کہئی۔ اَن ٹھیک کہیں کیا کہ ہوں ہاں۔ ¹⁴۱۴۔پݨ جݙے ہوں استاد اَن ایشور ہو تے تھارا پگ دھویا۔ تو تھاناں تے وی فرض ہے کہ تھیں وی ٻجا را پگھ دھویا کرو۔ ¹⁵۱۵۔ایئے رے خارو کہ مھیں تھاناں نمونو ݙنو ہا۔ تاکہ جاں میں تھاں خاں کریو تھیں وی ایئاں جی کریا۔¹⁶۱۶۔ ہوں تھاناں خچی خچی کہئی نوکر آپرے مالک خاں موٹو کونی ہوتو۔ اَن نی جی میلیوڑو آپرے میلݨ آݪے خاں موٹو ہوتو رئی۔ ¹⁷۱۷۔جے تھاں ایہ باتاں خمجھ اَن اُوئاں تے عمل کرخو تو تھیں مبارک ہوخو۔ ¹⁸۱۸۔ہوں تھاں خاراں رے خارو کونی کہتو۔ تھاناں مھیں چُگیا ہا اُوئاں نا ہوں اݪکھئی۔ پݨ ایہ ایئے رے خارو ہے کہ او لِکھیوڑو پورو ہویو کہ ”جکومھاری ٻاٹی کھاوئی اُو جی مھیں تے لت اُکھݨیں۔¹⁹۱۹۔ہمے ہوں اُوئے رے ہووݨ خاں پہل تھاناں خُݨاوئی وو کہ جکے گھڑی ایہ ہو جاوئے تو تھاں ایمان لے آیا۔ کہ ہوں اُو جی ہاں۔ ²⁰۲۰۔ہوں تھاناں خچی خچی کہیں جکو مھارے میلیوڑے نا منیئی۔ اُو مھنے منیئی ۔ اَن جکو مھنے منیئی اُو مھارے میلیوڑے نا منیئی۔²¹۲۱۔ یسوع ایہ کہہ اَن روح میں گھٻرایو اَن گواہی ݙے تے ٻولیو۔ ہوں تھاناں خچی خچی کہئی کہ تھاں میں خاں ہیک مھنے جھلواخے۔ ²²۲۲۔پچھے چیلاہیکے ٻجے نا جو اَن کہݨ لاگا کہ اُو کہیو ہے۔²³۲۳۔ اَن اُوئے رے چیلاں میں خاں ہیک جکے نا یسوع پیار کرتو ہَتو۔ یسوع رے خامھو جھکیوڑو ہَتو۔ ²⁴۲۴۔پݨ شمعون پطرس اُوئے نا کہیو اشارو کر اَن خُݨا کہ اُو کہیو ہے۔ ²⁵۲۵۔ایئے رے خارو اُو یسوع رے چھاتی تے جھک اَن اُوئے نا کہیو اے پرمیشور اُو کُݨ ہے؟²⁶۲۶۔یسوع اُوئے نا کہیو جکے نا ہوں ٻاٹی رو گیرہا ݙیئخ او ہوخے۔ بݪے اُوئے ٻاٹی رو گیرہا بݨا اَن شمعون اسکریوتی رے ݙیکرے یہوداہ نا ݙنو۔ ²⁷۲۷۔ اَن ایئے گیرہا خاں پچھے شیطان اوئے میں آ گیو۔ پݨ یسوع نا کہو کہ جکو تھیں کرݨو ہے بیگو کر۔²⁸۲۸۔ پݨ جکو ٻاٹی کھاوتا وا اُوئاں میں خاں کہنا ٹھا کونی لاگی۔ کہ اُو ایہ اُوئے نا کیݨ خارو کہیو ہے۔ ²⁹۲۹۔کیانکہ یہوداہ کڈھے پیخاں آݪی تھیلی ہَتی۔ ایئے خارو کہینک خمجھیا کہ یسوع اُوئے نا ایہ کہیو ہے کہ جکو کچھ ائیاں نا عید خارو خامان لیوݨو ہے لے ݙے اَن کہینک محتاجاں نا ݙے آ۔ ³⁰۳۰۔پچھے او گیرہا کھا رو اوئے گھڑی جی ٻاہر بوہو گیو۔ اَن رات ری بݪہ ہَتی۔³¹۳۱۔ جݙے او ٻاہر گیو تو یسوع کہیو کہ ابن آدم جلال پایو۔ اَن ایشور اُوئے میں جلال پایو۔ ³²۳۲۔اَن جݙے ایشور اُوئے میں جلال پایو تو ایشور اُوئے نا وی جلال ݙئخے بلکہ اُوئے نا اُویئے جی گھڑی جلال ݙے خے۔ ³³۳۳۔ایے ٻاݪاں ہوں ٻجو تھوڑی دیر تک تھاں بھݪیو ہاں تھاں مھنے لابھخو اَن جاں میں یہودیاں نا کہیو جیتھ ہوں جاوئیں۔ تھاں کونی آ خگتا۔ ائیاں جی ہوں تھاناں وی کہئی وو۔³⁴۳۴۔ ہوں تھاناں ہیک نووں حکم ݙیوئی۔ کہ ہیکے ٻیجے خاں پریم راکھو۔ جاں مھیں تھاں خاں پریم راکھیو۔ تھاں وی ائیاں جی ہیکے ٻجے خاں پریم راکھو۔ ³⁵۳۵۔جے تھاں آپت میں پریم راکھخو تو ایئے خاں خارا اݪکھخے کہ تھاں مھارا چیلا ہو۔³⁶۳۶۔شمعون پطرس اُوئے نا کہیو اے پرمشور تو کیتھ جاوئیں؟ یسوع بݪتی ݙنی کہ جتھ ہوں جاوئیں ہمے تُوں تو مھارے لارے کونی آ خگتو۔ پݨ پچھے تو مھارے لارے آیخ۔ ³⁷۳۷۔پطرس اُوئے نا کہیو اے پرمیشور ہوں تھارے لارے ہݨے کیاں کونی آ خگتو۔ ہوں تو تھارے خارو آپری جان وی ݙئیخ ری۔ ³⁸۳۸۔یسوع اُوئے نا بݪتی ݙنی کی تو مھارے خارو آپری جان ݙیخ ری؟ ہوں تناں خچی خچی کہئی کہ کُکڑ ٻانگ کونے ݙے جتری تک تو مھارو تین واری انکار نی کریخ۔

¹۱۔ تھارو من نی گھٻراوئے تھیں ایشور تے ایمان راکھئی تو مھیں تے وی ایمان راکھو۔ ²۲۔مھارے ٻاپ رے گھرے گھݨاں خارا گھر ہے۔ جے نی ہونت تو ہوں تھاں نا ݙخلنت رو۔ کیانکہ ہوں تھارے خارو جگھا تیار کرݨ جائی وو۔ ³۳۔اَن جݙے ہوں تھارے خارو جگھا تیار کر لیخ تو بھݪے پاچھو آئیخ۔ اَن تھاناں بھیݪو لے جائیخ تاکہ جتھ ہوں رہئخ اوتھ تھاں وی ہو وو۔⁴۴۔ آن جتھ ہوں جاوئی تھاناں ٹھاہ ہے اَن اُتھ رو مارگ تھاناں وی ٹھاہ ہے۔ ⁵۵۔توما اُوئے نا کہیو اے پرمیشور مھاناں ٹھاہ کونی کہ تُوں کِتھ جاوئی۔ تو مھاناں اُوئے مارگ ری کیکر ٹھاہ ہوخے۔ ⁶۶۔یسوع اُوئاں نا کہیو مارگ اَن حق اَن زندگی ہوں ہا۔ کوئی مھیں خاں ٹاݪ ٻاپ کڈھے کونی جا خگتو۔ ⁷۷۔جے تھاں مھنے اوݪکھئی تو مھارے ٻاپ نا وی اوݪکھنت۔ اَن ہمے خاں تھاں اُوئے نا اوݪکھخو اَن تھاں اُوئے نا ݙٹھو وی ہو۔⁸۸۔ فلپس اُوئے نا کہیو اے پرمیشور ٻاپ نا مھاناں وی جوواݪ تو مھاں خارو گھݨو ہے۔ ⁹۹۔یسوع اُوئے نا کہیو اے فلپس ہوں اتری دیر خاں تھاں بھیݪو ہا۔ کی تھاں مھنے کونی اوݪکھتا؟ جکے مھنے جویو ہے اُوئے ٻاپ نا جویو ہے۔پچھے تھاں کیکر کہیں کہ ٻاپ نا مھاناں جوواݪ۔¹⁰۱۰۔ کی تھاناں یقین کونی کہ ہوں ٻاپ خاں ہا اَن ٻاپ مھیں میں ہے۔ ایہ باتاں جکو ہوں تھاناں کہئی آپری طرف خاں کونی کہتو۔ پݨ ٻاپ جکو مھیں میں رئی اُو جی آپرا کام کرئی۔ ¹¹۱۱۔مھارو اعتبار کرو کہ ہوں ٻاپ میں ہا اَن ٻاپ مھیں میں ہے۔¹²۱۲۔نی تو کام ری وجہ خاں جی اعتبار کرو۔ ہوں تھاناں خچی خچی کہئی کہ جکو مھیں تے ایمان لے آوئی۔ اُو وی ایہ کام کرخے۔ جکو ہوں کرئی وو بلکہ ایئے خاں وی موٹا کام کرخے کیانکہ ہوں ٻاپ کڈھے پاچھو جاوئی وو۔ ¹³۱۳۔اَن جکو وی تھاں مھارے ناں لے تے (ٻاپ خاں) مانگخو او ہوں جی کریخ۔تاکہ ٻاپ ݙیکرے میں جلال پاوئے۔ ¹⁴۱۴۔جے تھاں مھارے ناں خاں جکو چاہخو تو ہوں او جی کرئخ۔¹⁵۱۵۔جے تھاں مھنے پیار کرئی تو مھار حکم منو۔ ¹⁶۱۶۔اَن ہوں ٻاپ نا منت کریئخ اَن اُو تھاناں ٻجو وکیل ݙخے جکو خداں تے تھاں بھیݪو ہوخے۔ ¹⁷۱۷۔یعنی پویتر آتماں جکے نا دنیا لے کونی خگتی۔ کیانکہ نی تو اُوئے نا جو خگئی اَن نی جی اُوئے نا اوݪکھئی۔ پݨ تھاں اُوئے نا اوݪکھئی کیانکہ او تھاں بھیݪو رہئی اَن تھاں میں ہوخے۔¹⁸۱۸۔ ہوں تھاناں اوتریا کونی چھوڑا۔ ہوں تھاں کڈھے آئیخ۔ ¹⁹۱۹۔ہمے تھوڑی دیر ٻجی ہے۔ کہ دنیا مھنے بݪے کونی جووئے۔ پݨ تھاں مھنے جوتا رہخو کیانکہ ہوں جیتو ہا تھاں وی جیتا رہخو ²⁰۲۰۔اُوئے ݙن تھاناں ٹھاہ لاگخے کہ ہوں آپرے ٻاپ میں ہا اَن تھاں میں میں ہو اَن ہوں تھاں میں۔²¹۲۱۔جکے کڈھے مھارو حکم ہے اَن اُو اُوئے نا منئی او جی مھنے پیار کرئی۔ اَن جکو مھنے پیار کرئی۔ او مھارے ٻاپ نا پیارو ہوخے ۔ اَن ہوں اُوئے نا پیار کریئخ۔ اَن آپرے آپ نا اُوئے تے ظاہر کریئخ۔ ²²۲۲۔اُوئے یہوداہ جکو اسکریوتی کونی ہَتو اُوئے نا کہݨ لاگو اے پرمیشور ایہ بات کیکر ہے۔ کہ تُو آپرے آپ نا مھاں تے تو ظاہر کریئخ پݨ دنیا تے کونی۔²³۲۳۔ یسوع بݪتی میں اُوئے نا کہیو جے کوئی مھنے پیار کرئی۔ تو اُو مھارے کلام تے عمل کرخے۔ اَن مھارو ٻاپ وی اُوئے خاں پیار کرخے۔ اَن مھاں اُوئے کڈھے آ خاں آن اُوئے بھیلا رہئخاں۔ ²⁴۲۴۔جکو مھنے پیار کونی کرتو.اُو مھارے باتاں تے عمل کونی کرتو۔اَن جکو کلام تھاں خُݨئِ اُو مھارو کونی بلکہ ٻاپ رو ہے جکے مھنے میلیو ہے۔²⁵۲۵۔ میں ایہ باتاں تھاناں بھݪے ہوتے تھاں نا کہہ۔ ²⁶۲۶۔پݨ اُو وکیل یعنی روح القدس جکے نا ٻاپ مھارے نا خاں میلخے۔ او جی تھاناں خارے باتاں خکھاخے اَن جکو وی مھیں تھاناں کہیو ہا تھاناں یاد کراخے۔ ²⁷۲۷۔ہوں تھاناں سلامتی ݙئے جاوئیں۔ آپری سلامتی تھاناں ݙئی۔ جاں دنیا ݙئی ہوں اُوئاں کونی ݙوتو۔ تھارو دل نی گھٻراوئے اَن نی ٻہیے۔²⁸۲۸۔ تھاں خُݨیو ہے کہ مھیں تھاناں کہیو ہا کہ ہوں جاوئی وو۔ اَن تھاں کڈے پاچھو آئیخ۔ جے تھاں مھنے پیار کرنت تو تھاں راجی ہوونت کہ ہوں ٻاپ کڈے جائی وو۔ کیانکہ ٻاپ مھیں خاں موٹو ہے۔ ²⁹۲۹۔اَن مھیں تھاناں ایہ ہووݨ خاں پہل کہیو رو کہ جݙے ہو جاوئے تو تھاں ایمان لے آؤ۔³⁰۳۰۔ ہمے خاں ہوں تھاں خاں گھݨے باتاں کونی کراں۔ کیانکہ دنیا رو سردار آئی وو اَن اُوئے رو مھیں میں کئیں کونی ۔ ³¹۳۱۔پݨ ایہ ایئے رے خارو ہووئی وو کہ دنیا نا ٹھاہ لاگے کہ ہوں ٻاپ خاں پیار کرئیں۔ اَن جاں ٻاپ مھنے حکم ݙنو ہے۔ ہوں اُوئاں جی کرئیں۔ اُٹھو اتھ خاں ہالاں۔

¹۱۔ انگور رو حقیقی بݨ ہوں ہا اَن ٻاپ مھارو مالھی ہے۔ ²۲۔جکو ݙاݪی میئں میں ہے اَن پھݪ کونی لے آوتی اُوئے ناں کٹ چھوڑئی اَن جکو پھݪ لے آوئی اُوئے نا اُو چھانگئی تاکہ گھݨو پھݪ لے آوئے۔³۳۔ہمیں تھیں ایئے پویتر شاستر خاں جکو میں تھاناں کہیو ہا پویتر تھی گیا را۔ ⁴۴۔ تھیں میں میں رہو اَن ہوں تھاں میں رہئخ جاں ݙاݪی جتری تک او بݨ میں لاگوڑی نی ہوئے آپرے آپ پھݪ کونی ݙئے خگتی۔ائیاں جی جتری تک تھاں میں میں قائم کونی رہتا۔⁵۵۔ ہوں انگور رو بݨ ہا تھیں ݙاݪئے ہو جکو میں میں رہی اَن ہوں اُوئے میں اُو گھݨو پھݪ لے آخے کیانکے میں خاں جدا ہو تے تھیں کہیں کونی کر خگتا۔ ⁶۶۔جے کوئی میں میں قائم نی رہے تو او ݙاݪی آݪی کار ناکھ ݙنو جاخے۔ اَن خُک جاخے۔ اَن منکھ اُوئے نا بھیݪو کر رو باخݙے میں ناکھ چھوڑخے اَن اُو ٻݪ جاخے۔ ⁷۷۔آن جے کݙے تھیں میں میں رہو اَن مھارے باتاں تھاں میں رہے تو جکو وی تھیں مانگخو اُو تھارے خارو تھی جاخے رو۔⁸۸۔ مھارے ٻاپ رو جلال ایئے خاں جی ہے کہ تھاں گھݨو پھݪ لے آو اَن ائیاں جی مھارا چیلا تھی خگئی۔ ⁹۹۔جاں ٻاپ میں خاں پیار کرئی ائیاں جی ہوں تھاں نا پیار کرئی۔ تھیں مھارے پیار میں قائم رہو۔¹⁰۱۰۔ جے تھیں ہمھارے حکماں تے عمل کرخو تو مھارے پیار میں قائم رہخو جاں میں آپرے ٻاپ رے حکماں تے عمل کیو ہا اَن اُوئے رے پیار میں قائم ہا۔ ¹¹۱۱۔میں ایئے باتاں ایئے خارو تھاناں کہے کہ مھاری خوشی تھاں میں ہووئے اَن تھاری خوشی پوری تھی جاوئے۔¹²۱۲۔ مھارو حکم ایئے ہے کہ جاں میں تھاں خاں پریم کریو ہا تھیں ہیکے ٻجے خاں پریم کرو۔ ¹³۱۳۔ایئے خاں گھݨو پریم کوئی کونی کرتو کہ آپرو پراݨ آپرے خنگتیاں رے خارو تیاگ ݙیوئے۔¹⁴۱۴۔ تھاں مھارا خنگتی ہو پݨ جے کݙے تھاں مھارو حکم منو۔ ¹⁵۱۵۔تو پچھے ہوں تھاناں غلام کونی کہاں کیانکے غلام کونی جاݨتو کہ اُوئے رو مالک کی کرئی وو۔پݨ مھیں تھاناں آپراں خنگتی بݨایا ہا۔ کیانکے جکو باتاں میں ٻاپ خاں خُݨیئے ہا میں او خارے باتاں تھاناں خُݨائے ہا۔¹⁶۱۶۔تھاں منئے کونی چگیو پݨ میں تھاناں چُگیو ہا آن تھاناں مقرر کریو ہا کہ تھیں جاؤ آن پھݪ لے آؤ۔ آن تھارو پھݪ قائم رہے۔ تاکہ تھیں مھارے نا خاں جکو وی ٻاپ خاں مانگو او تھاناں ݙئیخے۔ ¹⁷۱۷۔ہوں تھاناں ایئے حکم ݙئی کہ ہیکے ٻجے خاں پریم کرو۔¹⁸۱۸۔جے کݙئے سنسار آݪا تھاں خاں بیر راکھے تو تھاناں ٹھاہ ہوئے کہ اُواں تھاں خاں پہل میں خاں وی بیر راکھیو ہَتو۔ ¹⁹۱۹۔جے تھاں جگت را ہونت تو دنیا آݪا آپراں خاں پریم کرئی۔پݨ تھیں دنیا را کونی ایئے خارو کہ میں تھاناں دنیا خاں چگ لیا را۔ ایئے رے کرے دنیا آݪا تھاں خاں بیر راکھئی۔²⁰۲۰۔ اَن اُو باتاں جکو میں تھاناں کہیئ ہتی یاد راکھو کہ نوکر آپرے مالک خاں موٹو کونی ہَتو جݙے اُوئاں مناں تنگ کریو تو تھاناں وی اُو تنگ کرخے۔ ²¹۲۱۔پݨ ایے منکھ مھارے ناں خاں خارا کام کرخے کیانکہ جکے مناں میلیو ہے اُوئے نا ایے کونی جاݨتا۔ ²²۲۲۔پݨ جے ہوں نی آونت اَن اُوئاں خاں کلام نی کرنت تو او پاپی کونی ہونت پݨ ہمے اُوئاں نی اُوئاں رے گناہ رو کوئی جواب کونی۔²³۲۳۔ جکو میں خاں بیر راکھئی اُو مھارے ٻاپ خاں وی بیر راکھئی۔ ²⁴۲۴۔پݨ جے ہوں اُوئاں میں اُو کام نی کرنت جکو کئی ٻجے کونی کیا تو اُو پاپی کونی ہونت پݨ ہمے تو اُوئاں جویو ہے اَن بھݪے وی میں خاں آن مھارے ٻاپ ٻنہیاں خاں بیر راکھئی۔ ²⁵۲۵۔پݨ اے ایئے خارو ہویو کہ اُو کلام پورو ہوئے جکو اُوئاں ری شریعت میں لِکھیوڑو ہے کہ اُوئاں میں خاں بے حد بیر راکھیو ہے۔²⁶۲۶۔ پݨ جݙے اُو مدد گار آخے جکے نا ہوں تھارے خارو ٻاپ ری طرف خاں میلیئخ یعنی روح حق جکو ٻاپ خاں ہے۔ اُو مھاری گواہی ݙیخے۔ ²⁷۲۷۔آن تھیں وی مھاری گواہی ݙیخو کیانکہ تھیں شروع خاں مھیں بھیݪا ہو۔

¹۱۔ میں ایہ باتاں تھاناں ایئے رے خارو کہے کہ تھیں تھوݙا نی کھاؤ۔ ²۲۔تھیں بھگتی گھر خاں کاڈھیا جاخو۔ بلکہ اُو وقت آخے کہ جکو تھاناں مارخے۔ اُو فخر کرخے کہ ہوں ایشور ری بھگتی کرئی۔³۳۔ آن اُو ایئے رے خارو ائیاں کرخے کہ اُوئاں نی ٻاپ نا جاݨیو نی مھناں۔ ⁴۴۔پݨ ہوں ایئے باتاں تھاں خاں ایئے رے خارو کرئی کہ جݙے اُوئاں رو ٹائم آوئے تو تھاناں یاد آوئے کہ میں ایہ تھاناں کہیو ہَتو۔⁵۵۔ آن میں شروع میں ایہ باتاں تھاناں ایئے رے خارو کونی کہے کیانکہ ہوں تھاں بھیݪو ہَتو۔ پݨ ہمیں اُوئے کوڈھیا جائی وو جکے مھناں بہیر کریو ہے۔ اَن تھاں میں خاں کوئی کونی پوچھتو کہ توں کیتھ جائی وو۔ ⁶۶۔بلکہ ایئے رے خارو ایہ باتاں تھاں نا کہیں تھارو دل ݙکھ خاں بھر گیو ۔ ⁷۷۔پݨ ہوں تھاں نا خچی کہیں کہ تھاں رے خارو مھارو جاوݨ بھلو ہوخے کیانکہ جے ہوں نی جاؤاں تو او وکیل تھاں کڈھے کونی آوئے۔⁸۸۔ اَن جݙے اُو آخے تو دنیا نا گناہ اَن راستبازی اَن عدالت رے بارے میں ݙُہاری منخے۔ ⁹۹۔گناہ رے بارے میں ایئے رے خارو کہ اُومھیں تے ایمان کونی راکھتا۔ ¹⁰۱۰۔خچائی رے بارے میں ایئے رے خارو کہ ہوں ٻاپ کڈھے جائی وو اَن تھاں مھنے بݪے کونی جو وو۔ ¹¹۱۱۔عدالت رے بارے میں ایئے رے خارو کہ ایئے دنیا رو سردار ݙہاری منیو گیو ہے۔¹²۱۲۔ مھارے ٻجے وی گھݨے باتاں ہے کہ تھاناں کہاں۔ پݨ ہݨے تھاں اُو برداشت کونی کر خگو۔ ¹³۱۳۔پݨ جݙے پوتر آتماں آخے تو اُو خاری خچائی رے خارو تھاری مدد کرخے۔ کیانکہ اُو آپری طرف خاں کونی کہے پݨ جکو خُݨخے اُو جی کہخے۔ اَن تھاناں آوݨ ری خبر ݙخے۔ ¹⁴۱۴۔اُو مھاری بݙائی کرخے ایئے رے خارو کہ مھیں خاں خُݨ تے تھاناں خُݨاخے۔¹⁵۱۵۔جکو کچھ ٻاپ رو ہے اُو خارو مھارو ہے ایئے رے خارو مھیں کہیو کہ اُو میں خاں خُݨ تے تھاناں خُݨاخے۔ ¹⁶۱۶۔تھوڑی دیر خاں پچھے تھاں مناں کونی جو وو اَن پچھے تھوڑی دیر خاں بعد تھاں منے جو خو۔¹⁷۱۷۔ جݙے اُوئے را کہینک چیلا آپت میں ایہ کہیو ۔ جکو اُو آپاں خاں کہیں کہ تھوڑی دیر خاں پچھے تھاں منے کونی جو وو اَن بھݪے تھوڑی دیر خاں تھاں منے جوخو اَن ایہ کہ ہوں ٻاپ کڈھے جاوئی۔ ¹⁸۱۸۔پݨ اُوئاں کہیو کہ تھوڑی دیر خاں بعد جکو اُو کہی۔ ایئے رو کی مطلب ہے۔ مھاں کونی جاݨتا کہ اُو کی کہئی۔¹⁹۱۹۔ یسوع نا اے ٹھاہ ہَتی کہ اُو مھیں خاں خوال کرݨ چاہوئی اَن اُوئے اُوئاں نا کہیو کہ کی تھاں آپت میں مھارے ایئے باتاں ری وجہ پوچھئی کہ تھوڑی دیر بعد تھاں مناں جوخو اَن تھوڑی دیر خاں بعد کونی جووو۔ ²⁰۲۰۔ہوں تھاناں خچی خچی کہیں کہ تھاں روخو اَن پٹخو پݨ دنیا خوشی کرخے تھاں پریشان تو ہوخو پݨ تھارو ݙکھ جی خوشی میں بدل جاخے۔ ²¹۲۱۔جݙے لُگائی نا ݙوکھن لاگئی تو اُو پریشان ہووئی ایئے رے خارو کہ اُوئے ری گھڑی بھریج جاوئی۔ پݨ جݙے ٻاݪ پیدا تھیئی تو اُوئے ری خوشی ری وجہ خاں کہ ہیک منکھ پیدا تھی تے دنیا میں آوئی تو اُوئے ݙوکھن نا بݪے یاد کونی کرتی۔²²۲۲۔ پݨ ہݨے تھاں پریشان ہو۔ ہوں تھاناں بݪے جوئیخ اَن تھارو من خوش ہو جاخے۔ اَن تھاری خوشی کوئی کھوخ کونی خگئی۔ ²³۲۳۔اَن اُوئے ݙن تھاں میں خاں کوئی خوال کونی کرو۔ ہوں تھاناں خچی خچی کہیں جکو وی تھاں مھارے ٻاپ خاں مھارے ناں خاں مانگخو تھاناں ݙیخے۔ ²⁴۲۴۔حالی تک تھاں مھارے ناں خاں کئی کونی مانگیو۔ مانگخو تو تھاناں جُڑخے تاکہ تھاری خوشی پوری ہوئے۔²⁵۲۵۔ میں ایہ باتاں مثالاں میں تھاناں کہہ۔ اُو گھڑی آخے کہ ہوں مثالاں بݪے کونی کہاں بلکہ ٻاپ ری خبر تھاناں صاف صاف کہیخ۔²⁶۲۶۔اُوئے ݙن تھاں مھارے ناں خاں مانگخو۔ اَن ہوں تھاناں ایہ کونی کہتو کہ ہوں ٻاپ نا تھارے بارے میں درخواست کریخ۔ ²⁷۲۷۔ایئے خارو کہ ٻاپ تو آپ جی تھاناں پیدا کرئی۔ کیانکہ تھاں میں خاں پیار کرئی۔ اَن ایمان لے آیا کہ ہوں ایشور خاں نخریو ہاں۔ ²⁸۲۸۔ہوں ٻاپ خاں نخریو ہا اَن دنیا میں آیو ہا بݪے دنیا نا چھوڑ تے ٻاپ کڈھے جائیخ۔²⁹۲۹۔ اُوئے رے چیلاں اُوئے نا کہیو جو تو ہمے صاف صاف کہیں اَن مثال میں کونی کہتو۔ ³⁰۳۰۔ہمے مھیں جاݨئی کہ تو خارو کچھ جاݨئی اَن تو اُوئے رو محتاج کونی کہ کوئی تیں خاں خوال کرے ایئے وجہ خاں مھاں ایمان لے آوئی کہ تو ایشور خاں نخریو ہے۔ ³¹۳۱۔یسوع اُوئاں نا بݪتی ݙنی کہ ہمے تھاں ایمان لایا ہو۔³²۳۲۔ جووو اُو بݪہ آخے ری بلکہ آئی ری کہ تھیں خارا آپ آپ رو مارگ لے تے گندا ہوا اَن تھاں منے ہیکھلو چھوڑخو ݙخو۔ تو وی ہوں ہیکھلو کونی کیانکہ ٻاپ میں بھیݪو ہے۔ ³³۳۳۔میں ایہ باتاں تھاناں ایئے رے خارو کہیں کہ تھاں میں خاں سلامتی لابھو۔ تھاں دنیا میں ݙکھ تو اُکھݨئی پݨ حوصلو راکھو میں دنیا نا ہرایو ہا۔

¹۱۔ یسوع ایہ باتاں کہہ رے آسمان ݙخا آپری آنکھیں اُوکھݨ اَن کہیو۔ اے ٻاپ او گھڑی آ پُگی ری آپرے ݙیکرے رو جلال ظاہر کر تاکہ ݙیکرو وی تھارو جلال ظاہر کرے۔ ²۲۔کیانکہ تھیں اُوئے نا ہر منکھ تے اختیار ݙنو ہے تاکہ اُوئاں خاراں نا ہمیشہ ری زندگی ݙیوئے۔ جکو تے اُوئے نا ݙنی ہے۔³۳۔ اَن ہمیشہ ری زندگی ایہ ہے کہ او تئیں ہکھلے خچے ایشور نا اَن تھارے میلیوڑے یسوع مسیح نا اُݪکھے۔ ⁴۴۔مھیں دھرتی تے تھارو جلال ظاہر کریو ہا۔ مھیں اُو کام کریو جکو تھیں مناں کرݨ رے خارو ݙنو ہَتو۔ ⁵۵۔اَن ہمے اے ٻاپ تو مھناں آپرے نی اُوئے جلال خاں جلالی بݨا ݙے جکو مھیں دنیا بݨݨ خاں پہل تے بھیݪو راکھتو ہَتو۔⁶۶۔ مھیں تھارے ناں نا اُوئاں منکھاں تے ظاہر کریو ہا۔ جکو تئیں مھناں دنیا میں خاں ݙنا ہے۔ او تھارا ہَتا اَن تئیں اُوئاں نا مھنے ݙنا۔ اَن اُوئاں تھارے کلام تے عمل کیو ہے۔ ⁷۷۔ہمے اُوئاں نا ٹھا لاگی ری کہ جکو کچھ تئیں مھناں ݙنو ہے او خارو کچھ تے خاں جی ہے۔ ⁸۸۔کیانکہ جکو باتاں تئیں مھناں ݙنے ہے۔ او مھیں اُوئاں نا ݙے ݙنے۔ اَن اُوئاں من لیے رے۔ اَن اُوئاں خچ نا اُݪکھیو رو۔ کہ ہوں تئیں خاں نکݪیو ہا اَن ایمان لے آیا ہے کہ تئیں جی مھناں میلیو ہے۔⁹۹۔ ہوں اُوئے رے خارو منت کرئی۔ ہوں دنیا رے خارو منت کونی کرتو۔ بلکہ ہوں اُوئاں رے خارو منت کرئیں۔ جکو تئیں مھناں ݙنا ہے۔ کیانکہ اُو تھار جی ہے۔ ¹⁰۱۰۔اَن جکو کچھ مھارو ہے اُو خارو تھارو جی ہے۔ اَن جکو تھارو ہے اُو مھارو ہے۔ اَن ایئاں خاں مھارو جلال ظاہر ہویو ہے۔ ¹¹۱۱۔ہوں آگے تے دنیا تے کونی ہو واں۔ پݨ ایہ دنیا میں ہے۔ اَن ہوں تئے کڈھے آئیں وو۔ اے پاک ٻاپ آپرے اُوئے ناں رے بدلے جکو تھیں مھناں ݙنو ہے۔ ائیاں ری خنبھاݪ کر تاکہ اُو آپاں آݪی کار ہیک ہوئے۔¹²۱۲۔ جتری تک ہوں ائیاں میں رہیو میں تھارے اُوئے ناں رے خارو جکو تئے مھناں ݙنو ہے۔ اُوئاں ری خنبھاݪ کر مھیں ائیاں ری خنبھاݪ کی۔ اَن اُوئے نا جکو ہلاک ہووݨ آݪو ہے اُوئے ݙیکرے خاں ٹاݪ ٻجو کوئی ہلاک کونی ہویو۔ تاکہ لِکھیوڑو پورو تھیئے۔ ¹³۱۳۔اَن ہمے ہوں تھیں کڈھے آئی وو۔ اَن ہوں ایہ باتاں دنیا میں رہ تے کہئی وو۔ تاکہ مھاری خوشی اُوئاں میں پوری ہو جاوئے۔ ¹⁴۱۴۔مھیں تھارو کلام اُوئاں نا ݙنو ہا اَن دنیا آݪاں ایئے خاں دشمنی راکھی ایئے خارو جاں ہوں دنیا رو کونی اُو وی دنیا را کونی۔¹⁵۱۵۔ ہوں تھنے ایے منت کونی کرتو کہ تُوں اُوئاں نا دنیا خاں اُکھݨ را۔ پݨ ایہ کہ تُوں اُوئاں با بُرئی خاں بچا۔ ¹⁶۱۶۔جاں ہوں دنیا رو کونی او وی دنیا را کونی۔ ¹⁷۱۷۔خچائی رے خارو اُوئاں نا پاک کر تھاں رو کلام خچائی جی ہے۔¹⁸۱۸۔ جاں تھیں مھناں دنیا میں میلیو۔ ایئاں جی مھیں وی اُوئاں نا دنیا میں میلیاں ہا۔ ¹⁹۱۹۔اَن اُوئاں ری خاطر ہوں آپرے آپ نا پاک کرئیں۔ تاکہ اُو وی خچائی ری وجہ خاں پاک کیا جاوئے۔²⁰۲۰۔ہوں چھڑو اُوئاں رے خارو جی کونی بلکہ اُوئاں رے خارو وی منت کرئیں جکو اُوئے رے کلام ری وجہ خاں مھیں تے ایمان لے آخے۔ ²¹۲۱۔تاکہ او خارا ہیک ہووئے۔ جاں اے ٻاپ تو مھیں میں ہے اَن ہوں تے میں ہا۔ اُو وی آپاں میں ہیک ہووئے تاکہ دنیا ایمان لے آوئے کہ تھیں مھنے میلیو ہے۔²²۲۲۔اَن اُو جلال جکو تھیں مھناں ݙنو ہے مھیں ایئاں نا ݙنو ہا۔ تاکہ او ہیک ہووئے جاں آپاں ہیک ہا۔ ²³۲۳۔ہوں ائیاں میں اَن تو مھیں میں تاکہ ایہ ہکڑائی میں پورا تھی جاوئے۔ اَن دنیا جاݨ لے کہ تئیں مھناں میلیو ہے۔ اَن جاں تئیں مھناں پیار کریو ہے۔ اِئیاں جی اُوئاں نا وی پیار کریو ہے۔²⁴۲۴۔ اے ٻاپ ہوں چاہئیں کہ او وی جکاں نا تئیں مھناں ݙنا ہے۔ جیتھ ہوں ہا مھیں بھیݪا ہوئیں۔ تاکہ مھارے اُوئے جلال نا جووئے جکو تئیں مھناں ݙنو ہے۔ اس رے خارو کہ تئیں دنیا رے شروع خاں جی مھیں خاں پیار کریو ہے۔²⁵۲۵۔ اے خچا ٻاپ دنیا تنے کونی اݪکھیو پݨ ہوں تنے اݪکھیو ہا۔ اَن اُوئاں وی اݪکھیو ہے کہ تئیں مھناں میلیو ہے۔ ²⁶۲۶۔اَن مھیں تھارو ناں ایئاں تے ظاہر کریو ہا۔اَن ظاہر کرتو ریئخ تاکہ اُو پریم جکے خاں تئے مھیں خاں پریم کریو ہے۔ ائیاں میں ہووئے اَن ہوں ائیاں میں ہو وا۔

¹۱۔ یسوع ایہ باتاں کہہ تے آپرے چیلاں بھیݪو قدرون رے نالے رے پار گیو۔جتھ ہیک باغ ہَتو۔ جکے میں اُو آپرے چیݪاں سمیت داخل ہویو۔ ²۲۔اَن اُوئے رو جھلاوݨ آݪو وی ایہ جگہ جاݨتو ہَتو۔ کیانکہ یسوع اکثر آپرے چیلاں بھیݪو اتھ جاتو ہَتو۔ ³۳۔آن یہوداہ خیپائیاں رے پݪٹن اَن سردار کاہناں اَن فریسیاں نا لے تے چراغاں اَن ہتھیاراں خودھا اُتھ آیا۔⁴۴۔ یسوع او خارے باتاں جکو اُوئے خاں تھیݨ آݪے ہَتے پہلی خا جی جاݨتو ہَتو۔ آگھو تھی تے اُوئاں نا پوچھیو تھاں کے نا لابھئی وا؟ ⁵۵۔اُوئاں اُوئے نا بݪتی ݙنی یسوع ناصری نا۔ یسوع اُوئاں نا کہیو ہوں جی ہا۔ اَن اُوئے نا جھلاوݨ آݪو یہوداہ وی اُوئاں بھیݪو ابھو ہَتو۔⁶۶۔ اَن جاں جی اُوئے اُوئاں نا کہیو کہ ہوں جی ہا تو او پاچھا تھے تے دھرتی تے کھر گیا۔ ⁷۷۔پچھے اُوئے اُوئاں خاں بھݪے پوچھیو کہ تھاں کے نا لابھئی وا؟ او ٻولیا یسوع ناصری نا۔⁸۸۔ یسوع اُوئاں نا بݪتی ݙنی مھیں تھاناں کہیو ہا کہ ہوں جی ہا آن جے تھاں مھنے لابھئی وا تو ایئاں نا جاوݨ ݙے۔ ⁹۹۔(ایہ ایئے رے خارو ہویو تاکہ او کلام پورو تھیئے جکو اُوئے کہیو ہَتو کہ ۔”جکو تھئے مھناں ݙنا ہَتا اُوئاں میں خاں میں ہیک وی کونی گمایو“)۔¹⁰۱۰۔پچھے شمعون پطرس تلوار رے تے سردار کاہن رے نوکر تے چلائی۔ اَن اُوئے رو خاجڑی کان باڈھ ݙنو۔ اُوئے نوکر رو ناں ملخُس ہَتو۔ ¹¹۱۱۔پݨ یسوع پطرس نا کہیو تلوار نا میان میں راکھ۔ کی ہوں اُو پیالو نی پیاں جکو مھارے ٻاپ مھنے ݙنو ہے؟¹²۱۲۔ پچھے خیپائیاں اَن اُوئاں رے خوبداراں اَن یہودیاں بچڑ تے یسوع نا جھالیو اَن اُوئے نا ٻاندھیو۔ ¹³۱۳۔اَن پہل اُوئے نا حنا کڈھے لے گیا۔ کیانکہ او اُوئے برخ رے سردار کاہن کائفا رو خُخرو ہَتو۔ ¹⁴۱۴۔ایہ او جی کائفا ہَتو جکے یہودیاں نا خلاح ݙنی ہَتی کہ قوم رے بدلے میں ہیک منکھ رو مَرݨ بھلو ہے۔¹⁵۱۵۔ پݨ شمون پطرس اَن ہیک ٻجو چیلو وی یسوع رے لارے بوہا۔ اَن اُوئے چیلاں اَن سردار کاہن ہیکو ٻجے نا اُݪکھتا ہَتا۔ اَن اُو یسوع بھݪا سردار کاہن رے آنگݨ تک گیا۔ ¹⁶۱۶۔پݨ پطرس ٻاہر دَر تے جی ابھو رہیو اَن ٻجوڑو چیلو جکو سردار کاہن نا اݪکھتو ٻاہر آ اَن ٻانہی نا کہے تے پطرس نا مہنے لے گیو۔¹⁷۱۷۔پچھے اُوئے ٻانہی پطرس نا جو اَن کہیو کی تُوں ایئے منکھ رے چیلاں میں خاں کونی؟ اُوئے کہیو ہوں کونی۔ ¹⁸۱۸۔نوکر اَن خیپائی خی رے کرے ٹانڈاں رو ٻاخݙے ٻاݪے ابھا تپتا ہَتا۔ اَن پطرس اُوئاں بھیݪو ابھو تپتو ہَتو۔¹⁹۱۹۔ پچھے سردار کاہن یسوع خاں اُوئے رے چیلاں اَن اُوئے ری تعلیم رے بارے میں پوچھیو۔ ²⁰۲۰۔یسوع اُوئاں نا بݪتی ݙنی علان کر اَن دنیا خاں باتاں کریئے میں خداں بھگتی گھراں اَن ہیکل میں پرچار کریو جیتھ خارا یہودی بھیݪا تھئے۔آن لُک میں کئیں کونی کہیو۔ ²¹۲۱۔تُو مھیں خاں کیاں پوچھئیں۔ اُوئاں خاں پوچھ جکاں میں خاں خُݨیو ہے۔ کہ میں اُوئاں نا کی کہیو؟ جو اُوئاں نا ٹھا ہے کہ مھیں کی کی کہیو ۔²²۲۲۔جݙے اُوئے ایہ باتاں کہیں تو ایئے تے اُوئاں میں خاں ہیک جکو نیڑو ابھو ہَتو۔ یسوع نا چماٹ مار اَن کہیو تُو سردار کاہن نا ایئاں بݪتی ݙئیں۔ ²³۲۳۔یسوع اُوئے نا بݪتی میں کہیو کہ جے مھیں غلط کہیو ہا تو اُوئے غلطی تے گواہی ݙے۔ پݨ جے ٹھیک ہے تو تُوں مھناں کیا مارئیں۔ ²⁴۲۴۔اَن حنا اُوئے نا ٻادھوڑو کائفا سردار کاہن نی میلیو۔²⁵۲۵۔ اَن شمعون پطرس ابھوڑو تپتو ہَتو۔ اَن اُوئے خاں پوچھیو گیو کہ کی تُوں اُوئے رے چیلاں میں خاں کونی اُوئے انکار کیا اَن کہیو کہ ہوں کونی۔ ²⁶۲۶۔پچھے سردار کاہن رے نوکراں میں خاں ہیک جکو اُوئے منکھ رو گنے آݪو ہَتو۔ جکے رو کان پطرس اُݙا ݙنو ہَتو۔ کہیو کی مھیں تھنے اُوئے رے بھیݪو باغ میں کونی جویو؟ ²⁷۲۷۔پچھے پطرس بھݪے انکار کریو اَن اُوئے جی گھڑی کُکڑ ٻاگ ݙنی۔²⁸۲۸۔ پچھے یسوع نا کائفا کڈھے قلعے میں لے گیا۔ اَن خاکݪے ری بݪہ ہَتی۔ اَن اُو آپ قلعے میں نی گیا۔ تاکہ ناپاک نی جاوئے بلکہ فصح کھا خگئے۔ ²⁹۲۹۔ایئے رے خارو پیلاطس اُوئاں کڈھے ٻاہر نکݪ آیو۔ اَن کہیو کہ تھاں ایئے منکھ ری کی گلہ کرئیں۔ ³⁰۳۰۔اُوئاں ٻݪتی ݙنی کہ جے ایہ بدکار نی ہونت تو مھاں ایئے نا تھیں کڈھے کونی لے آونت۔³¹۳۱۔ پیلاطس اُوئاں نا کہیو تھاں ایئے نا لے جاؤ۔ اَن آپری ریت رے مطابق ایئے تے الزام لگاؤ۔ یہودیاں اُوئے نا کہیو مھاناں ایہ ٹھیک کونی کہ مھاں ایئے نا موت ری سزا ݙا۔ ³²۳۲۔(ایہ ایئے رے خارو تاکہ یسوع ری اُو بات پوری ہوئیں جکے میں اُوئے اشارو کیو ہَتو کہ ہوں کئی موت خاں مَریخ)۔³³۳۳۔پچھے پیلاطس بݪے قلعے میں گیو اَن یسوع نا ہیلو کر اَن اُوئے نا کہیو کی تو یہودیاں رو بادشاہ ہے؟ ³⁴۳۴۔یسوع اُوئے نا بݪتی ݙنی کہ تُوں آپ جی ایہ بات کہئیں وو۔ جاں ٻجا مھارے حق میں تناں کہئی ہے؟ ³⁵۳۵۔پیلاطس بݪتی ݙنی کہ کی ہوں یہودی ہا؟ تھاری جی قوم اَن سردار کاہناں تنئے مھارے حوالے کیو ہے۔ تیئں کی کریو ہے؟³⁶۳۶۔ یسوع بݪتی ݙنی مھاری بادشاہی ایئے دنیا ری کونی۔ جے مھاری بادشاہی ایئے دنیا ری ہونت تو مھارا چیلا بڑھنت تاکہ ہوں یہودیاں رے حوالے نی کریو جاواں۔ پݨ مھاری بادشاہی ایتھ ری کونی۔ ³⁷۳۷۔پچھے پیلاطس اُوئے نا کہیو کی تو بادشاہ ہے؟ یسوع بݪتی ݙنی تُوں آپ جی کہیں۔ کہ ہوں بادشاہ ہا۔ ہوں ایئے رے خارو پیدا ہویو اَن ایئے رے خارو دنیا میں آیو ہا کہ حق ری گواہی ݙا۔ جکو وی حق تے ہے مھاری آواز خُݨئی۔³⁸۳۸۔ پیلاطس اُوئے نا کہیو کہ حق کی ہے؟ ایہ کہہ اَن اُو بݪے یہودیاں کڈھے ٻاہر گیو اَن اُوئاں نا کہیو۔ ہوں ایئے میں کوئی قخور کونی جوتو۔ ³⁹۳۹۔پݨ تھاری ریت ہے کہ فصح رے ݙن ہوں تھارو ہیک منکھ چھوڑ ݙئی۔ تو تھاں کی چاہوئیں کہ تھارے خارو یہودیاں رے بادشاہ نا چھوڑ ݙاں؟ ⁴⁰۴۰۔اُوئاں خارا رَڑ کر اَن کہیو اُوئے نا نی بلکہ برابا نا چھوڑ اَن برابا ہیک ڈاکو ہَتو۔

¹۱۔ پچھے پیلاطس یسوع نا لے تے کوڑا لگوایا۔ ²۲۔اَن خیپائیاں کانٹاں رو تاج بݨا تے اُوئے رے ماتھے تے راکھیو۔اَن اُوئے نا بادشاہی گابھا پہرائی۔ ³۳۔اَن اُوئے رے کڈھے آ آ تے کہتا رہیا اے یہودیاں را بادشاہ سلام اَن اُوئاں اُوئے نا چماٹاں مارئیں ۔⁴۴۔پچھے پیلاطس ٻاہر جا تے اُوئاں نا کہیو کہ جووو ہوں اُوئے نا تھاں کڈھے ٻاہر لے آیا ہا۔ تاکہ تھاناں ٹھا لگے کہ ہوں ایئے میں کوئی قخور کونی جوتو۔ ⁵۵۔پچھے یسوع کانٹاں رو تاج رکھے اَن بادشاہی گابھا پہرے ٻاہر آیو۔ اَن پیلاطس اُوئاں نا کہیو کہ جووو ایہ منکھ ۔ ⁶۶۔جݙے سردار کاہن اَن اُوئے رے حواریاں اُوئے نا جویو تو رَڑ کر اَن کہیو خُوݪی دے خُوݪی دے پیلاطس اُوئاں نا کہیو کہ تھاں جی ایئے نا لے جاؤ اَن خُوݪی ݙو۔ کیانکہ ہوں ایئے میں کوئی قخور کونی جوتو۔⁷۷۔ یہودیاں اُوئے نا بݪتی ڈنی کہ مھارو ہیک اصول ہے اَن اُوئے اصول رے مطابق ایہ قتل رے لائق ہے۔ کیانکہ ایئے آپرے آپ نا ایشور رو ݙیکرو بݨایو ہے۔ ⁸۸۔جݙے پیلاطس ایہ بات خُݨی تو ٻجو وی ٻہی گیو۔ ⁹۹۔قلعے میں پاچھو آ تے یسوع نا کہیو کہ تو کیتھ رو ہے۔ پݨ یسوع اُوئے نا کوئِی بݪتی کونی ݙنی۔¹⁰۱۰۔ پچھے پیلاطس اُوئے نا کہیو تُو میں خاں کونی ٻولتو۔ کی تناں ٹھا کونی کہ مھنے ایہ حق ہے کہ تناں چھوڑ ݙا۔ اَن ایہ وی حق ہے کہ تناں خوݪی ݙے ݙا۔ ¹¹۱۱۔یسوع اُوئے نا بݪتی ݙنی کہ جے تناں اُونچا خاں نی ݙنی جاونت تو تھارو میں تے کوئی اختیار کونی ہونت۔ ائیے خارو جکے مھناں تھارے حوالے کریو ہے اُو گھݨو قخور آݪو ہے۔¹²۱۲۔ ایئے تے پیلاطس کوشش کرݨ لاگو کہ اُوئے نا چھوڑ ݙے پݨ یہودی ایئاں کہہ کہہ تے رڑئے کرݨ لاگا کہ جکے تو ایئے منکھ نا چھوڑ ݙئی تو تُوں قیصر رو خجݨ کونی۔ جکو کوئی آپرے آپ نا بادشاہ بݨاوئی او قیصر رو دخمی ہے۔ ¹³۱۳۔پیلاطس ایہ باتاں خُݨ تے یسوع نا ٻاہر لے آیو اَن اُوئے جگہ تے جکو چبوترہ اَن عبرانی میں گبتا خُݨجتی تختِ عدالت تے ٻیٹھو۔¹⁴۱۴۔ ایہ فسح ری تیاری رو ݙن اَن چھوئے گھنٹے رے نیڑو ہَتو۔ اَن اُوئے یہودیاں نا کہیو کہ جووو تھارو بادشاہ۔ ¹⁵۱۵۔پݨ اُو رڑے کرݨ لگا کہ لے جا لے جا ایئے نا خوݪی ݙے پیلاطس اُوئاں نا کہیو کہ کی ہوں تھارے بادشاہ نا خوݪی ݙیوا؟ سردار کاہناں بݪتی ݙنی کہ قیصر خاں ٹاݪ مھارو کوئی بادشاہ کونی۔ ¹⁶۱۶۔پچھے اُوئے اُوئاں رے حوالے کر ݙنو تاکہ اُوئے نا خوݪی ݙنی جاوئی۔ پچھے اُو یسوع نا لے گیا۔¹⁷۱۷۔ اَن او آپری خوݪی آپ اُکھݨے اُوے جگہ ٻاہر گیو جکو کھوپڑی رے ناں خاں خُݨیجتی جکے رو عبرانی میں ترجمو گُلگُتا ہے۔ ¹⁸۱۸۔اَن اُوتھ اوے نا خوݪی ݙنی اَن اوے رے بھیݪا ٻے ٻجا نا وی ہیک خاجڑی پاخے اَن ٻجو کھاٻڑی پاخے اَن یسوع نا بچ میں۔¹⁹۱۹۔اَن پیلاطس ہیک تختی خوݪی رے ماتھے لگوائی جکے رے ماتھے لکھیوڑو ہَتو یسوع ناصری یہودیاں رو بادشاہ۔ ²⁰۲۰۔اوے تختی نا گھݨے یہودیاں پڑھیو کیانکہ او جگہ جیتھ یسوع نا خوݪی ݙنی گی ہَتی او شہر رے نیڑی ہَتی اَن او عبرانی اَب لاطینی اَن یونانی میں لکھیوڑو ہَتو۔²¹۲۱۔اَن یہودیاں رے سردار کاہناں پیلاطس نا کہیو کہ یہودیاں رو بادشاہ نی لِکھ بلکہ ایے کہیو ہَتو کہ ہوں یہودیاں رو بادشاہ ہا ²²۲۲۔پیلاطس بݪتی میں کہیو کہ جکو میں لِکھیو او لِکھیو۔²³۲۳۔ جݙے خپاہیاں یسو ع نا خوݪی ݙنی تو اُوئاں اُوے را گابھا لیا اَن چار حخا کریا ہیکوکے خیپائی رے خارو ہیک حخو اَن اُوئے رو چوݪو وی لیو ایہ چوݪو بِن سِلا سَراسَر بݨیوڑو ہَتو۔ ²⁴۲۴۔ایے خارو اُواں آپت میں کہیو کہ آپاں ایے نا نی پھاڑاں بلکہ ایے تے پرچی گھاتاں کہ ایہ کے رو ہوخے ایہ ایے خارو ہویو کہ او بات پوری ہووے جکے میں کہیو گیو ہَتو اُوئاں مھارا گابھا بنڈ لیا اَن مھارے چوݪے تے پرچی گھاتی۔ کیانکہ خیپائیاں ایے جی کریو ہَتو۔²⁵۲۵۔ اَن یسوع رے خوݪی رے کڈھے اُوے رے ماں اَن اُوے ری ماں ری ٻہن مریم کلوپاس ری لُگائی اَن مریم مگدلینی ابھے ہَتے۔ ²⁶۲۶۔یسوع آپری ماں نا اَن اُوے چیلے نا جکے خاں اوے رو پریم ہَتو کڈھے ابھوڑا جویا۔ اَن آپری ماں نا کہیو اے لُگائی جو تھارو ݙیکرو۔ ²⁷۲۷۔اَن پچھے چیلے نا کہیو کہ جو تھاری ماں اَن اُوے جی گھڑی اُوئے چیلے اُوئے نا آپرے رے بھیݪو لے لنھو۔²⁸۲۸۔ ایے خاں پچھے یسوع ایہ خمجھ تے کہ خارے باتاں پورے ہوئے تاکہ جاں لِکھیوڑو ہَتو پورو ہووئے۔ اَن کہیو کہ ہوں ترخیو ہا۔ ²⁹۲۹۔ اُوتھ سرکے خاں بھریوڑو ہیک ٹھاں پیو ہَتو۔ اُوئاں ہیک سپنج نا سرکے میں بھیگو تے زوفے ری لکڑی تے راکھیو اَن اُوئے رے مھانݙے خاں لگایو۔ ³⁰۳۰۔اَن پچھے یسوع سرکو پیو تو کہیو تمام ہویو۔ اَن اُوئے ماتھو نیچا کر تے جان ݙے ݙنی۔³¹۳۱۔ کیانکہ تیاری را ݙن ہَتا یہودیاں پیلاطس نا کہیو کہ اُوئے رے ٹانگیں توڑ ݙنی جاوئے اَن لاش نا اُتار لی جاوئے تاکہ سبت آݪے ݙن خوݪی تے نی رہے۔ کیانکہ سبت رو اُو ݙن خاص ہَتو۔ ³²۳۲۔ایئے رے خارو خیپائیاں پہل اُوئے رے ٹانگیں توڑیں اَن پچھے ٻجوڑے رے جکو اُوئے بھیݪا خُوݪی تے ہَتا۔ ³³۳۳۔پݨ جݙے اُو یسوع کڈھے نیڑا آ اَن جویو کہ یسوع تو مَریو رو تو اُوئے رے ٹانگیں نی توڑیئے۔³⁴۳۴۔ پݨ خیپائیاں میں خاں ہیکے اُوئے ری پاخݪی میں بھالو ماریو اَن لوہی اُوی جی گھڑی بہہ آیو۔ ³⁵۳۵۔اَن جکے ایے جویو اُوئے گواہی ݙنی اَن اُوئے ری گواہی خچی ہے۔ اَن اُوئے نا ٹھا ہے کہ خچی کہیو وو کیاں کہ تھاں وی ایمان لے آؤ۔³⁶۳۶۔ ایئے باتاں ایئے رے خارو ہوئیں کہ جو لِکھیوڑو ہَتو اُو پورو ہووئے کہ اُوئے ری ہیک ہاݙکھی وی توڑی کونی جاوئے۔ ³⁷۳۷۔اَن پچھے ہیک ٻجی لِکھت کہیئی کہ اُو اُوئاں نا جوخے جکے اُوئے نا برباد کیو ہے۔³⁸۳۸۔ائیاں باتاں خاں پچھے ارمتیہ رے رہݨ آݪے یوسف جکو یسوع رو چیلو ہَتو (پݨ یہودیاں رے ٻہی خاں لُک میں) پیلاطس خاں موکل مانگی کہ یسوع ری لاش نا لے جاوئے اَن پیلاطس وی موکل ݙے ݙنی۔ اَن اُو آ تے لاش نا لے گیو۔ ³⁹۳۹۔اَن نیکدیمس وی آیو جکو پہل یسوع نی رات رو گیو ہَتو اَن پچاخ خیر مُر اَن عود بچڑا اَن لے آیو۔⁴⁰۴۰۔ پچھے اُوئاں یسوع ری لاش نا لے تے خوتی گابھاں میں خوشبوواں لگا اَن دفنایو جاں یہودیاں رو رواج ہَتو۔ ⁴¹۴۱۔اَن اُوئے جگہ جتھ اُوئے نا خوݪی ݙنی گی ہَتی۔ ہیک باغ ہَتو اَن اُوئے باغ میں ہیک نوئی قبر ہَتی۔ جکے میں کݙے کئی نا راکھیو کونی گیو ہَتو۔ ⁴²۴۲۔کیانکہ ایہ قبر نیڑی ہَتی اُوئاں یہودیاں ری تیاری رے ݙن ری وجہ خاں یسوع نا اُتھ جی راکھ ݙنو۔

¹۱۔ہفتے رے پہلکے ݙن مریم مگدلینی خبیݪے باکھ پھوٹݨ ری بݪہ اُو قبر تے آئی اَن اُوئے قبر رے پتھر نا ہیکے پاخے ݙٹھو۔ ²۲۔پچھے اُو شمعون پطرس آن اُوئے ٻجے چیݪاں نی ہوڑی کڈھتی آئی جکاں خاں یسوع پریم کرتو ہَتو۔ اَن اُوئاں نا کہیو کہ ایشور نا قبر خاں کاڈھ لیو گیو ہے۔ اَن مھیں کونی جاݨتا کہ اُوئے نا کیتھ راکھیو ہے۔³۳۔پچھے پطرس اَن ٻجوڑا چیلا نکلیا اَن قبر ݙخا گیا۔ ⁴۴۔آن اُو ٻہیں بھیݪا ہوڑی کڈھی پݨ ٻجوڑو چیلو پطرس خاں آگے نکل گیو آن قبر تے پہلی پوگو۔ ⁵۵۔اُوئے نوگڑ تے کفن را گابھا جویا۔ پݨ اُو اُوئاں میں کونی ہَتو۔⁶۶۔ پچھے شمعون پطرس وی اُوئے رے لارے لارے آیو آن قبر رے مہیناں گیو اَن کفن را گابھا پیوڑا جویا۔ ⁷۷۔آن اُو رومال جکو اُوئے رے ماتھے تے بیڑھیوڑو ہَتو کفن رے گابھا میں کونی ہَتو۔ او ہیکے پاخے ٻیجی جگہ پئیو ہَتو۔⁸۸۔ پچھے ٻجوڑو چیلو جکو قبر تے پہلی پُوگو ہَتو قبر رے مہیناں گیو اَن جو تے یعقین کریو۔ ⁹۹۔کیانکہ او پُراݨی لِکھت نا کونی جاݨتا ہَتا کے او مَریوڑا میں خاں ضرور جیتو ہوخے۔ ¹⁰۱۰۔پچھے اُو چیلا پاچھا آپرے گھرے گیا۔¹¹۱۱۔ پݨ مریم ٻاہر قبر تے ابھوڑی روتی رئی۔ اَن روتی روتی جݙے او نوگڑ تے قبر میں جویو۔ ¹²۱۲۔تو ٻے فرشتاں نا آچھا گابھا پہریوڑا ہیکے نا خرانتھیے اَن ٻجوڑے نا پگانتھیے جیتھ یسوع ری لاش پئی ہَتی ٻٹھوڑا جویا۔ ¹³۱۳۔اُوئاں اُوئے نا کہیو اے لُگائی تُو کیاں روئی وی۔ اُوئاں اُوئے نا کہیو ایئے رے خارو کہ مھارے ایشور نا اُکھݨ لے گیا ہے۔ اَن مھنے کونی ٹھاہ کہ اُوئے نا کیتھ راکھیو ہے۔¹⁴۱۴۔ ایہ کہہ تے اُو پاچھی بݪی اَن یسوع نا ابھوڑو جویو اَن اُوئے نا نی اُوݪکھیو کہ ایہ یسوع ہے۔ ¹⁵۱۵۔یسوع اُوئے نا کہیو کہ اَے لُگائی تو کیاں روئی وی۔ کے نا لابھئی وی۔ اُوئے مالی خمجھ تے اُوئے نا کہیو میاں جے تیں اُوئے نا ایتھ خاں اُکھݨیو ہے تو مھناں ݙخل رو کہ اُوئے نا کیتھ راکھیو ہے۔ تاکہ ہوں اُوئے نا لے جاواں۔¹⁶۱۶۔ یسوع اُوئے نا کہیو مریم اُوئے پاچھݪ پھور تے اُوئے نا عبرانی میں کہیو ربونی(اے اُستاد)۔ ¹⁷۱۷۔یسوع اُوئے نا کہیو مھناں ہاتھ نی لگا کیانکہ ہوں ہجے تک ٻاپ کڈھے اُونچا کونی گیو۔ پݨ توں مھارے بھائیاں کڈھے جا اَن اُوئاں نا کہے کہ ہوں آپ رے ٻاپ اَن تھارے ٻاپ اَن آپرے ایشور اَن تھارے ایشور کڈھے اُونچا جاویں وو۔ ¹⁸۱۸۔مریم مگدلینی آ تے چیلاں نا خبر ݙنی کہ میں یسوع نا ݙٹھو ہا اَن اُوئے میں خاں باتاں کیے ہے۔¹⁹۱۹۔ اَن اُوئے جی ݙن ہفتے رے پہلے ݙن آتھݨ ری بݪہ جݙے اُوئے را دروازہ جیتھ چیلا یہودیاں رے ٻہی خاں بھیݪا تھیوڑا ہَتا بند ہَتا۔ یسوع آ تے ادھ میں ابھیجو اَن اُوئاں نا کہیو تھاری سلامتی ہوئے۔ ²⁰۲۰۔آن ایئے کہے تے آپ رے ہاتھاں اَن پاخݪی اُوئاں نا بتائی پݨ چیلا یسوع نا جوئے راجی ہویا۔²¹۲۱۔ اَن یسوع اُوئاں نا بھݪے کہیو تھاری سلامتی ہوئے جاں ٻاپ مھناں میلیو ہے ائیاں جی ہوں وی تھاناں میلئی۔ ²²۲۲۔اُوئے ایہ کہ تے اُوئاں ماتھے پھونکیو اَن کہیو کہ پویتر آتماں لو۔ ²³۲۳۔جکے را پاپ تھیں معاف کرخو اُوئے را پاپ معاف ہوخے جکے را پاپ تھیں قائم راکھخو اُوئے را قائم رہیخے۔²⁴۲۴۔ اُوئاں ٻاراں میں خاں یعنی توماں جکے نا توام کہی یسوع رے آوݨ آݪی بݪہ اُوئاں بھیݪو کونی ہَتو۔ ²⁵۲۵۔جݙے ٻجوڑا چیلاں اُوئے نا کہیو کہ مھاں یسوع نا ݙٹھو ہاں پݨ اُوئے اُوئاں نا کہیو کہ جیتری تک ہوں اُوئے رے ہاتھ پگ میں کوکاں را خوراخ نی جووا اَن خوراخاں ری جگہ انگݪی نی گھاتاں اَن آپرو ہاتھ اُوئے ری پاخݪی میں نی گھاتاں ہوں یقین کونی کراں۔²⁶۲۶۔ آٹھ ݙن باد اُوئے را چیلا بݪے مہناں ہَتا اَن توماں اُوئاں بھیلو ہَتو۔ اَن در بند ہَتا تو وی یسوع آ تے بیچ میں ابھیج تے کہو تھاری سلامتی ہوئے۔ ²⁷۲۷۔آن بݪے اُوئے توماں نا کہیو کہ آپ ری انگݪی کڈھے لے آ تے مھارے ہاتھاں نا جو اَن آپرو ہاتھ نیڑو لیا تے مھاری پاخݪی میں گھات اَن بے اعتبارو نی تھی اعتبار راکھ۔²⁸۲۸۔ توماں جواب میں اُوئے نا کہیو تو مھارو ایشور مھارو پرمیشور ہے۔ ²⁹۲۹۔یسوع اُوئے نا کہیو کہ تُوں تو مھناں جو تے ایمان لے آیو ہے دھن ہے او جکو ان ݙٹھے تے وشواش لے آوئی۔³⁰۳۰۔ یسوع آپ چیلاں رے خامھاں گھݨائی آزموتا بتایا جکو ایئے کتاب میں کونی لکھیا گیا۔ ³¹۳۱۔پݨ ایہ ایئے رے خارو لکھیو گیو ہے کہ تھیں وشواس لے آؤ کہ یسوع جی ایشور رو ݙیکرو مسیح ہے اَن ایمان لے آ تے اُوئے رے ناں خاں زندگی پاؤ۔

¹۱۔ اِئیاں باتاں خاں بعد یسوع بݪے آپ رے آپ تبریاس ری جھیل رے کندھے چیلاں تے ظاہر کیو آن ائیاں ظاہر کیو۔ ²۲۔شمون پطرس اَن توما جکو توام خُݨیجتو اَن نتن ایل جکو قانایِ گلیل رو ہَتو اَن زبدی رے ݙیکرے آن اُوئے رے چیلاں میں خاں ٻے ٻجا وی بھیݪاہَتا۔ ³۳۔شمون پطرس اُوئاں نا کہیو ہوں مچھی رے شکار تے جاویں اُوئاں اُوئے نا کہیو کہ مھاں وی تیں بھیݪا حالیں۔ پچھے اُو نکݪ اَن بیڑی تے چڑھیا پݨ اُوئے رات اُوئاں کئی نی جھالیو۔⁴۴۔آن جݙے خاکݪو ہوئی تو یسوع کندھے تے آ رو ابھیجیو پݨ چیلاں کونی اُوݪکھیو کہ ایہ یسوع ہے۔ ⁵۵۔ پچھے یسوع اُوئاں نا کہیو اے نوجوانا تھاں نی کہینک کھاوݨ رے خارو ہے۔ اُئاوں بݪتی ݙنی کہ کونی۔ ⁶۶۔اُوئے اُوئاں نا کہیو بیڑی رے خاجڑی پاخے جاݪ ناکھخو تو لابھخے۔ اُوئاں جاݪ ناکھیو اَن مچھیاں رے گھݨے ہووݨ رے کرے اُو جاݪ کھچ نی خگیا۔⁷۷۔ پچھے اُوئاں چیلاں جکے خاں یسوع مسیح پیار کرتو پطرس نا کہیو کہ ایئے تو ایشور ہے۔ جݙے شمعون پطرس اے خُݨیو کہ ایشور ہے اُوئے آپرو چوݪو کڑیاں نا ٻاندھیو (کیانکہ اُگھاڑو ہَتو) اَن جھیل میں ٹپو ماریو۔ ⁸۸۔اَن ٻجوڑا چیلا مچھی رو جاݪ کھچتا ٻیڑی تے آیا۔ (کیانکہ او کندھے خاں گھݨا آݪگا کونی ہَتا بلکہ ٻے خو ہاتھ اݪگا ہَتا)۔ ⁹۹۔جاں جی اُو کندھے تے اُتریا تو اُوئاں کوئلاں ری باخݙے اَن اُوئے تے مَچھی راکھیوڑی جوئی اَن ٻاٹی وی۔¹⁰۱۰۔یسوع اُوئاں نا کہیو کہ اُوئاں مچھیاں میں خاں لے آؤ جکو تھاں ہݨڑے جھالیئے ہے۔ ¹¹۱۱۔شمعون پطرس جاݪ نا کندھے تے کھچیو۔ ایہ ہیک خو ترونجا موٹے موٹے مَچھیاں خاں بھریوڑو ہَتو۔ اترے گھݨے مَچھے ہوتے وی جاݪ کونی پھاٹو۔¹²۱۲۔ یسوع اُوئاں نا کہیو۔ آؤ ناشتو کر لو چیلاں میں خاں کئی نا وی جُرت کونی ہوئی کہ اُوئے خاں پوچھے کہ تو کُݨ ہے۔ ¹³۱۳۔یسوع آیو اَن ٻاٹی لے تے اُوئاں نا ݙنی۔ ائیاں جی مچھی وی ݙنی۔ ¹⁴۱۴۔ایہ تیجی دفعہ ہَتی کہ یسوع مَریوڑاں میں خاں جی اُٹھݨ خاں بعد چیلاں نا ݙکھاݪو ݙنو۔¹⁵۱۵۔ اَن جݙے اُوئاں ناشتو کر لیو۔ تو یسوع شمعون پطرس نا کہیو اے شمعون یوحنا را ݙیکرا کی تو ائیاں میں خاں گھݨو مھناں پیار کرئی۔ اُوئے اُوئے نا کہیو ہاوئے اے پرمیشور تناں تو ٹھاہ ہے کہ ہوں تے خاں پریم راکھئی اُوئے کہیو تو تُوں مھارا گھیٹا چرا۔ ¹⁶۱۶۔اُوئے بݪے اُوئے خاں پوچھیو اے شمعون یوحنا را ݙیکرا کی تو مھناں پیار کرئی۔ اُوئے اُوئے نا کہیو ہاوئے اے پرمیشور تناں تو ٹھاہ ہے کہ ہوں تے خاں پریم راکھئی اُوئے اُوئے نا کہیو تو تُوں مھارے رڈھا چرا۔¹⁷۱۷۔ اُوئے تیجی بار اُوئے نا کہیو اے شمعون یوحنا را ݙیکرا کی تو میں خاں پریم راکھئی۔ پچھے پطرس پریشان ہویو ایئے خارو کہ اُوئے تیجی بار اُوئے نا کہیو۔ کہ کی تُوں میں خاں پریم راکھئی۔ اَن اُوئے کہیو ہاوئے اے پرمیشور تناں تو خاروئی ٹھاہ ہے تو جاݨئیکہ ہوں تے خاں پریم راکھئی۔یسوع اُوئے نا کہیو تو تُو مھارے بھیݙاں چرا۔ ¹⁸۱۸۔ہوں تھاناں خچی خچی کہئی کہ جتری تک تو جوان ہَتو تو آپ جی آپرے کڑے ٻاندھتو۔ آن جیتھ من کرتو جاوتو ہَتو۔ پݨ جݙے تو بوڈھو ہوئخ تو تُو آپرا ہاتھ اُونچا کرئیخ اَن ٻیجا تھارے کڑے ٻاندھخے اَن اُتھ لے جاخے جیتھ تو نی جاوݨو چاہوئیں۔¹⁹۱۹۔ اُوئے ایئاں باتاں خاں اشارو کریو کہ اُو کئی طرح ری موت خاں ایشور رو پرتاب ظاہر کرخے۔ اَن ایہ کہیں تے اُوئے نا کہیو مھارے لارے آ۔²⁰۲۰۔ پطرس پاچھل پھور تے اُوئاں چیلاں نا لارے آتا جویا۔ جکاں نا یسوع پیار کرتو ہَتو۔ اَن جکے آتھݨ ری ٻاٹی آݪی بݪہ وی اُوئے ری چھاتی تک جھک تے اُوئے خاں پوچھیو ہَتو۔ اے پرمیشور تھارو جھلاوݨ آݪو کُݨ ہے؟ ²¹۲۱۔پطرس اُوئے نا جو اَن یسوع نا کہیو۔ اے پرمیشور ایئے رو کی ہوخئی؟²²۲۲۔یسوع اُوئے نا کہیو جے ہو چاہونت کہ جیتری تاݨی ہوں نی آواں ایہ ابھو جی رے تو تناں کی تُو مھارے لارے آ۔ ²³۲۳۔ آݨ بھائیاں میں ایہ بات مشہور تھی گی کہ اُو چیلو کونی مَرے۔ پݨ یسوع اُوئاں نا ایہ کونی کہیو کہ اُو چیلو کونی مَرے۔پݨ میں ایہ کہیو کہ جتری تاݨی ہوں نی آواں ایہ ابھو جی رے تو تناں کی؟²⁴۲۴۔ ایہ او جی چیلو ہے جکو ائیاں باتاں ری گواہی ݙتو اَن جکے ایہ لکھیو ہے اَن مھاں جاݨئی کہ اُوئے ری گواہی خچی ہے۔ ²⁵۲۵۔پݨ ٻجاں وی گھݨاں کام ہے جکو یسوع کیا اَن جے اُو جدا جدا لِکھیے جاونت تو مھارے اندازے میں کتاباں جکو لکھِے جاونت او دنیا میں ماں کونی خگنت۔