¹۱۔ یسوع مسیح اِبن داؤد پُتر ابراہام دا نسب نامہ ۔ ²۲۔ ابراہام تھوں اضحاق جمیا تے اضحاق تھوں یعقوب جمیا تے یعقوب تھوں یہوداہ تے اُوندے دے بھرا جمے۔ ³۳۔ تے ول یہوداہ تھوں فارص تے زارح تمرتھوں جمے۔تے فارص تھوں حصرون جمیا تے حصرون تھوں رام جمیا۔⁴۴۔ تے ول رام تھوں عمینداب جمیا تے عمینداب تھوں نحسون جمیا تے نحسون تھوں سلمون جمیا۔ ⁵۵۔ تے وَل سلمون تھوں بوعز راحب تھوں جمیا تے وَل بوعز تھوں عبید رُوت تھوں جمیا تے ول عبید تھوں یسی جمیا۔ ⁶۶۔ تے وَل یسی تھوں داؤد بادشاہ جمیا۔ تے وَل داؤد تھوں سلیمان اوُں ذال کولوں جمیا جیہڑی پہلے اوریا دی ذال ہائی۔⁷۷۔ وَل سلیمان تھوں رُحبعام جمیا تے وَل رُحبعام تھوں ابیاہ جمیا تے ابیاہ تھوں آسا جمیا۔ ⁸۸۔ آسا تھوں یہوسفط جمیا تے یہوسفط تھوں یورام جمیا تے وَل یورام تھوں عزیاہ جمیا۔⁹۹۔ تے وَل عزیاہ تھوں یوتام جمیا تے وَل یوتام تھوں آخز جمیا تے وَل آخز تھوں حزقیاہ جمیا۔ ¹⁰۱۰۔ تے وَل حزقیاہ تھوں منسی جمیا تے وَل منسی تھوں امون جمیا تے امون تھوں یوسیاہ جمیا۔ ¹¹۱۱۔وَل او نپی کے بابل ونجن دے زمانے اِچ یوسیاہ تھوں یکونیاہ تے اوندے بھرا جمے۔¹²۱۲۔ اوہ نپی کہ بابل ونجن تھوں بعد یکونیاہ تھوں سیالتی ایل جمیا۔ وَل سیالتی ایل تھوں زربابل جمیا۔ ¹³۱۳۔ تے وَل زربابل تھوں ابیہود جمیا تے وَل ابیہود تھوں الیاقیم جمیا تے وَل الیاقیم تھوں عازورجمیا۔ ¹⁴۱۴۔ تے وَل عازور تھوں صدوق جمیا تے وَل صدوق تھوں اخیم جمیا تے اخیم تھوں الیہودجمیا۔¹⁵۱۵۔تے وَل الیہود تھوں الیعزر جمیا تے الیعزر تھوں متان جمیا تے متان تھوں یعقوب جمیا۔ ¹⁶۱۶۔ تے وَل یعقوب تھوں یوسف جمیا۔ ایہہ اوُں مریم دا پئے ہا جیندے وچوں یسوع جمیا ہا جیہڑا مسیح اکھویندا ہِے۔ ¹⁷۱۷۔ داؤد کولوں گھِن کے ابراہام تک ساریاں چوڈاں پشتاں تھیاں اَتے داؤد تھوں گھِن کے نپی کےبابل ونجن تائیں چودہ پشتاں اَتے نپی کے بابل ونجن تھوں گھِن کے مسیح تائیں چوڈاں پشتاں تھیاں ۔¹⁸۱۸۔ خداوند یسوع مسیح دا جمناں اِیویں تھیا کہ جڈاں اوُندی ماں مریم دی منگی یوسف دے نال تھئی تاں اونہاں وے ملن تھوں پہلاں ای روح القدس دی قدرت نال حاملہ تھی گئی۔ ¹⁹۱۹۔ اوُندے پئے یوسف نے جیہڑا نیک ہائی اوُں کوُ بدنام کرنا ناں چاہند ہا ۔ایں پاروں اوُں کوُ چُپ چاپ چھوڑ ڈیون دا ارادہ کیتے۔²⁰۲۰۔ جیویں ہی اوہ اپنے دل دے وچ اے گالھ سوُچیندا پیا ہا کہ خدا دےفرشتے کوُ اوُں خواب ڈِٹھا، فرشتے نے اوُں کوُ آکھیا اَے یوسفؔ داؤد دے پُتر! اپنی ذال مریم کوُں اپنے گھر گھن آؤن تھوں نہ ڈر کیو ں جو اوُندے ڈھِڈ اِچ ہِے اوہ روح القدس دی قدرت تھوں ہے۔ ²¹۲۱۔ اوہ ہِک پُتر کوُں جمسی تے توُں اوندا ناں یسوع رکھیں کیوں جو اوہ اپنے بندیاں کوُں اُنھاں دے گناہواں تھوں بچا گھنسی۔²²۲۲۔ اے سارا کجھ اوُں گالھ کوُں پورا کرن کیتے تھیا جو خدا نے اپنے نبی دی رائیں آکھیا ہا اوہ پورا تھیوے۔ ²³۲۳۔ ڈیکھو ہک کنواری ڈِھڈ نال ہوسی تے پُتر جمسی اَتے اوندا ناں عمانوایل رکھسن جیندا ترجمہ ہِے خدا ساڈے نال۔²⁴۲۴۔ یوسف نے اپنی نیندر تھوں جاگ کے تے اوُں ویں ای کیتا جیویں خدا دے فر شتے نے اوُں کوُں حکم ڈِتا ہا تے وَل اوہ مریم کوُں اپنی ذال دی حیثت نال اپنے گھر گھن آیا۔ ²⁵۲۵۔ اَتے وَل اوہ اوُں ویلے تائیں کٹھے نہ تھئےجئیں ویلے تائیں اُنھاں نے اپنے پُتر کوُں جم نہ ڈِتا اَتے اُوں دا ناں یسوع رکھیا۔

¹۱۔جڈاں ہیرودیس بادشاہ دے زمانے وِچ یسوع دے یہودیہ دے بیت الحم وچ جمن دے کجھ عرصہ بعد مجوسی ڈبھار کولُوں یروشلیم وچ اِے آدھے ہوئے آئے کہ۔ ²۲۔ یہودیاں دا بادشاہ جیہڑا جمیا ہِے او کِتھاں ہِے؟ کیوں جو اساں ڈبھار اِچ اوندھا تارا ڈیکھ کے اوُں کوُں سجدہ کرن کیتے آئے ہئیں۔ ³۳۔ ول ہیرودیس بادشاہ نے ایہہ سُن کے تے اوندھے نال دے سارے بندے گھبریج گئے۔⁴۴۔ ہیرودیس نے سارے وڈیریاں تے کاہناں تے فقیہیاں کوُ کھٹا کیتا تے اُنہاں کولوں پُوچھیا جو مسیح کِتھاں پیدا تھیسی۔ ⁵۵۔ اوہناں نے اوُں کوُ ڈسایا یہودیہ دے بیت لحم وِچ کیونکہ نبی دی معرفت ایہو لکھاگیا ہِے کہ۔ ⁶۶۔ اے بیت لحم یہوداہ دے علاقے تُو یہوداہ دے وڈیریاں وچوں ہرگز چھوٹا نئیں کیونکہ تیڈے وچوں ہِک وڈیرا نکلسی جیہڑا میڈی اُمت اسرائیل دا آجڑی ہوسی ۔⁷۷۔ وَل ہیرودیس نے چُپ کر کے مجُوسیاں کوُں کھٹا کیتا تاں اُنہاں کولوں تارے دے بارے پُوچھیا کہ اوہ کیہڑے ویلے ڈِٹھا ہا۔ ⁸۸۔ وَل ایہہ آکھ کے اُنہاں کوُں بیت لحم کو گھلیا کہ ونجو تے اوُں بال کُوں چنگی طرح گولو جیہڑے ویلے بال تُہاکُوں مل ونجے تے میکوُں آن کے ڈساؤ تاں جو میں وی اوُں بال کو سجدہ کر سگاں ۔⁹۹۔ اوہ بادشاہ دی گالھ سُنن دے بعد اُہناں نے اپنی راہ گِدی تاں ڈیکھو اوہ تارا جیہڑا اُنہاں نے چڑھدے پاسے ڈِٹھا ہائی اوہ اُنہاں دے اَگے اِگےٹُر پیا اِتھوں تک کہ اوُں جاہ تے ونج کے رُک گیا جِتھاں اوہ بال ہا۔ ¹⁰۱۰۔ جیہڑے ویلے اُنہاں نے تارے کو ڈِٹھا تے او خُوشی نال بھر یج۔¹¹۱۱۔ اوہ اوُں گھر دے اندر گئے تے نِکے بال کوُ اپنی ماں مریم دے کول ڈِٹھا تے اُنہاں نے جھُک کے اوُں کوُں سجدہ کیتا وَل اُنہاں نے اپنے ڈبے کھول کے سونا تے لُبنان تے مُر اوُں کوُں نظر کیتے۔ ¹²۱۲۔ وَل خدا نے اُنہاں کُوں خواب وِچ آکھیا کہ ہیرودیس کوں ول نہ ونجو وَل اوہ ڈوجھی راہ تھوں اپنے وطن ول روانہ تھی گئے۔¹³۱۳۔ اُنہاں دے روانہ تھیون دے بعد یوُسف کُوں خواب وِچ خُداوند دا فرشتہ ڈِکھائی ڈِتا وَل اوُں کوُ آکھیا اُٹھ۔ بال تے اوہندی ماں کُوں گھِن کے مصر کوُ بھج ونجو اَتے جیہڑے ویلے تائیں میں تیکوُ نہ آکھاں اُتھائیں راہویں کیونکہ ہیرودیس اِیں بال کوُ گولیندا وَدا ہِے تاں جو اِیں کوُ مار سَٹے۔ ¹⁴۱۴۔ وَل رات دے ویلے یوسف اُٹھی کے بال تے اوہندی ماں کُوں گِھن کے مصر راوانہ تھی گیا۔ ¹⁵۱۵۔اوہ ہیرو دیس دے مرن تک اُتھائیں ریہا تاں جو ایہہ گالھ پوری تھی ونجے جیہڑی خُدا نے اپنے نبی دی راہئیں آکھی ہا کہ میں اپنے پُتر کُوں مِصر وچوں سڈائے۔¹⁶۱۶۔ جیہڑے ویلے ہیرودیس نے ڈِٹھا کہ مجوسیاں نے میڈے نال مذاق کیتے تاں اوہ بہوں غصے تھیا اَتے بندے گھل کے بیت لحم تے اوُں علاقے دے اندروں اوُں سارے بالاں کوُں مروا ڈِتا جیہڑے ڈوُ ڈوُ سال دے یا ایندے کولوں نکے ہَن۔ اوُں ویلے دے حساب نال جیہڑے اوُں مجوسیاں نے پتا کیتا ہا۔¹⁷۱۷۔ اوُں ویلے اوہ گالھ پوری تھئی جیہڑی یرمیاہ نبی دی معرفت آکھی گئی ہائی کہ۔ ¹⁸۱۸۔ رامہ وِچ ہِک آواز سُنائی ڈِتی۔ کہ روونا تے وڈا ماتم ۔ راخل اپنے بالاں کو روندی پئی ہِے تے اوُں نے ہر طرح دے سکون تے آرام دا انکار کر ڈِتے جو اوہ مر گئے ہِن ۔¹⁹۱۹۔ جیہڑے ویلے ہیرودیس مر گِیا تاں ڈیکھو خدا دے فرشتے نے مِصر وچ یوسف کُوں خواب اِچ آکے اوُں کوُں آکھیا۔ ²⁰۲۰۔ اُٹھی تے اِیں بال تے اِیندی ماں کوُں گِھن کے اسرائیل دے مُلک اِچ لگا ونج کیونکہ جیہڑے بال دی جان گھنن آلے ہَن او مر گئے ہِن۔ ²¹۲۱۔ وَل یوسف اُٹھی کے تے بال تے اوہندی ماں کوُں گَھن کے اسرائیل دے مُلک وِچ لگا گیا۔²²۲۲۔ پر جیہڑے ویلے اوُں کوُں پتہ لگے کہ ہیرودیس دی جاہ تے اُوہندا پُتر ارخلاؤس یہودیہ تے حکومت کریندا پیا ہِے تاں اُتھاں ونجن کولوں ڈر گیا اَتے خواب اِچ ہدایت گھِن کے گلیل دے علاقے کوُ روانہ تھی گیا۔ ²³۲۳۔ اَتے ناصرت نامی ہِک شاہر دے وِچ راہون لگا تاں جو اے گالھ پوری تھیوے جیہڑی خدا نے نبیاں دی راہیئں آکھی گئی ہا کہ او ناصری اکھواسی۔

¹۱۔ اُنھاں ڈیواہاراں وِچ یوحنابپتسمہ (پانی وچ غوطا) ڈیون آلا یہودیہ دے ویرانے وِچ تبلیغ کریندا ہویا آیا تے ویرانےاِچ آکھن لگا ۔ ²۲۔ توبہ کرو کیوں جو آسمان دی بادشاہی نیڑے آ گئی ہِے۔ ³۳۔ کیوں جو اے اوُہو ہِے جیندے بارے وِچ یسعیاہ نبی آدھا پیا ہا کہ ویرانے وِچ ہوکا ڈیون آلے دی آواز آندی ہِے کہ خداوند دی راہ تیار کرو۔اوُندے رستے سِدھے بناؤ ۔⁴۴۔ ایہہ یوحنا اوُٹھ دے والاں دا کرُتا پاندا ہا تے اپنے لَک دے نال چمڑے دا پٹکا بَدھیندا ہا تے اوُں دا کھاون ٹڈیاں تے جنگلی شہد ہائی ۔ ⁵۵۔ اوُں ویلے یروشلیم تے سارے یہودیہ تے دریائے یردن دے آسے پاسے دے علاقیاں دے بندے اوُندے کول گئے۔ ⁶۶۔ وَل اپنے گناہواں دا اقرار کر کے دریائے یردن اِچ اوُندے کولوں بپتسمہ گِدا۔⁷۷۔ پر جیہڑے ویلے اوُں نے بہوں سارے فریسیاں تے صدوقیاں کوُں بپتسمہ (پانی وِچ غوطا ) گِھنن کیتے آندیاں ہویاں ڈِٹھا تے ول اُنہاں کوں آکھیا کہ اے نانگ دے پُترو تُہاکو کئیں ڈسائے جو آؤن اَلے قاہر تھوں بھج ونجو؟۔ ⁸۸۔ توبہ دے موافق پھل گِھن آؤ ۔ ⁹۹۔ تُساں اپنے دِلاں وِچ اِے گلاں آکھن دا سوچو وی نہ کہ ابراہام ساڈا پیو ہِے کیو ں جو میں تُہاکو آدھا ہاں کہ خدا اِنہاں پتھراں وِچوں وی ابراہام کیتے اولاد جما سگدے۔¹²¹⁰۱۰۔ پہلے اِی کلہاڑا درختاں دیاں جڑاں تے رکھا لاتھے۔ ہُن جیہڑا درخت چنگا پھل نہ گھن آسی او کٹ ڈِتا ویسی تے وَل اوہ بھا اِچ سَٹا ویسی۔ ¹¹۱۱۔ میں تاں تہاکو تو بہ دے کیتے پانی نال بپتسمہ ڈیندا ہاں پر جو میڈے بعد آؤن آلا ہِے او میڈے کولوں ڈاڈھا ہِے۔ تے میں اوُں دی جُتی چاؤن دے لائق وی نئیں۔ اوہ تہاکوُ روح تے اَگ نال بپتسمہ ڈیسی ۔ اوُں دا چھجا اؤں دے ہتھ وِچ ہِے تے او اپنے کھلیان کوُ ڈاڈھا صاف کریسی اَتے اپنے اناج کوُ گودام وچ کھٹا کریسی تے او بھوُں کوُ اَگ نال بھا لاَ ڈِیسی تے او بھا کڈائیں وی نہ بُجھ سی۔¹³۱۳۔ تے اوُں ویلے یسوع گلیل تھوں دریائے یردن دےکنڈے آیا تاں جو یوحنا تھوں بپتسمہ گِھنے۔ ¹⁴۱۴۔ پر یوحنا اِے آکھ کے اوُں کوُ روُکیندا رِہیا کہ میکوُ تُہاڈے کولوں بپتسمہ گِھنن دی لوڑ ہِے تُساں میڈے کول آئے ہو؟۔ ¹⁵۱۵۔ یسوع نے اوُں کوُ جواب ڈِتا ہُن اے ایویں ای تھیون ڈے کیوں جو ساکوُں ایویں ای ساری راستبازی کوُ پوری کرنا ضروری ہِے۔ وَل یوحنا نے اوُں وی ای ہوون ڈِتا۔¹⁶۱۶۔ بپتسمہ گِھندے ای یسوع پانی تھوں باہر نکل آیا۔ تے اُنہاں ڈِٹھا کہ اوُں دے کیتے آسمان کھُل گیا ہِے تے اوُں نے خدا دے روح کوُں کبوتر دی شکل دے اِچ اُتر دے تے اپنے اُتے ٹھاہر دے ڈِٹھا ۔ ¹⁷۱۷۔ اَتے ڈیکھو آسمان تھوں ہِک آواز اے آدھی ہوئی آئی کہ اے میڈا پُتر ہِے میں اِیندے کولوں بہوں خوش ہاں۔

¹۱۔ اوُں ویلے روح یسوع کُوں جنگل اِچ کھن گیا تاں جو شیطان کولُوں آزمایا ونجے ۔ ²۲۔ ول چالیس ڈیں تے چالیس رات تایں فاقہ کر کے چھیکڑ تے اوُں کُوں بھُک لگی۔ ³۳۔ تاں آزماؤن آلے نے کول آ کے اوُں کوں اکھیا اگر تُوں خُدا دا پُتر ہئیں تاں اِنہاں پتھراں کُوں آکھ کہ اے ٹُکر بن ونجن۔ ⁴۴۔ ول یسوع نے اوُں کوُں جواب ڈِتا کہ بندہ صرف ٹُکر نال ای جیوندا نہ راہسی بلکہ ہر گالھ تھوں جیہڑی خدا دے منہ وِچوں نکلدی ہِے۔⁵۵۔ وَل شیطان اوُں کوُں پاک شاہر اِچ گِھن گیا اَتے ہیکل دی ساریاں تھوں اُچی جاہ تے کھڑا کر کے اوُں کوُ آکھیا ۔ ⁶۶۔ اگر تُوں خدا دا پُتر ہئیں تاں اپنے آپ کوُ تھلے سُٹ ڈےکیوں جو لکھا لاتھے کہ اوہ تیڈے کیتے اپنیاں فرشتیاں کوُ حکم ڈیسی اَتے اوہ تیکوُ اپنے ہتھاں تے چا گِھنسن تاں جو اے نہ تھیوے کہ تیڈے پیراں کوُ تھُڈا لگے۔⁷۷۔ یسوع نے اوُں کُوں آکھیا اے وی لکھا لاتھے کہ تُوں خداوند اپنے خدا دی آزماش نہ کر۔ ⁸۸۔ وَل شیطان اوُں کوں ہک بہوں اُچے پہاڑ تے گھن گیا اَتے دنیا دی ساریاں سلطنتاں تے اُنہاں دی ساری شان و شوکت اوُں کوُں ڈِکھائی۔ ⁹۹۔ تے وَل اوُں کوُں آکھیا کہ اے ساری شان و شوکت میں تیکوں ڈے ڈیساں اگر توں میکوں جھک کے سجدہ چا کریں۔¹⁰۱۰۔ یسوع نے اوُں کوُں آکھیا کہ توں خداوند اپنے خدا ای کوُں سجدہ کر تے صرف اوُندی ای عبادت کر۔ ¹¹۱۱۔ وَل شیطان اوُں دے کولُوں لگا گیا تے فرشتے آکے اوُں دی خدمت کرن لگ پئے۔¹²۱۲۔ ول جیہڑے ویلے یسوع کو پتہ لگے کہ یوحنا کوُں پکڑوا ڈِتا گیا ہِےتاں اوہ گلیل کوُ لگا گیا۔ ¹³۱۳۔ اَتے ناصرت کوُں چھوڑ کے کفر نحوم اِچ وَنج ریہاہ جو گلیل دی جھیل دے کنڈے زبولوُن تے نفتالی دے علاقے وچ ہِے۔¹⁴۱۴۔ تاں جو یسعیاہ نبی دی معرفت آکھیا گیا ہائی او پُورا تھیوے کہ۔ ¹⁵۱۵۔ زبولون تے نفتالی دی زمین دریائے یردن دے پار غیر قوماں دی گلیل۔ ¹⁶۱۶۔ جیہڑے لوگ اندھارے وِچ بیٹھے ہَن اُنہاں نے عظیم نُور ڈِٹھا تے اوہ جیہڑے اپنے خطے تے موت دے سائے دے ہیٹھاں بیٹھے ہن اُوہناں تے ہک نور چمکے۔¹⁷۱۷۔ اوُں ویلے تھوں یسوع نے پر چار کرنا شروع کیتا تے آکھیا توبہ کرو کیوں جو آسمان دی بادشاہی نیڑے آگئی ہِے۔¹⁸۱۸۔ ول او گلیل دی جھیل دے کنارے ٹُردا ویندا ہا تے اوُں نے ڈو بھراواں کو ڈِٹھا شمعون جیہڑا پطرس اکھواندا ہا تے اوُں دا بھِرا اندریاس کوُ جھیل وِچ جال سٹیندیاں ہویاں ڈِٹھا کیوں جو اوہ مچھیرے ہن۔ ¹⁹۱۹۔ یسوع نے اوہناں کوُ آکھیا میڈے پچھوں آؤ تاں میں تُہاکوں آدم گیر بنیساں۔ ²⁰۲۰۔ اُنہاں نے جلدی نال اپنے جال چھور ڈِتے تاں اوُں دے پچھوں ٹُر پئے۔²¹۲۱۔ وَل اوہ اُتھوں ٹُر پیا تاں اَگے آ کے اوُں نے ڈو بھراواں یعنی زبدی دے پُتراں یعقوبؔ تے اُہناں دے بھرا یوحنا کُوں ڈِٹھا کہ اوہ اپنے پیو زبدی دے نال کشتی وِچ اپنے جال ٹھیک کریندے پئے ہن تاں اُنہاں کوُ اپنے وَل سڈیا ۔ ²²۲۲۔ تاں اُنہاں نے جلدی نال اپنی کشتی تے اپنے پیو کو چھوڑ کے اُوندے پیچھوں ٹُر پئے ۔²³۲۳۔ یسوع گلیل دی جھیل کے سارے علاقیاں وِچ پھردا ریہا تے اُنہاں دے عبادت خانہ وِچ تعلیم ڈیندا تے خدا دی بادشاہی دا پرچار کریندا تے بندیاں دی ہر طرح دی بیماریاں تھوں شفا ڈیندا ریہا۔ ²⁴۲۴۔ اوُں دے بارے وِچ اے خبر سوریہ دے سارے علاقیاں وِچ پھیل گئی تاں لوگ سارے بیماراں کو اوندھے کول گِھن آئے کئی مریض تاں طرح طرح دی بیماریاں وِچ پھسے ہوئے ہَن جیہڑے بندے شیطان دی پکڑ اِچ ہن مرگی آلیاں تے مفلوُجاں کوُ یسوع کول گِھن آئے تے یسوع نے اُنہاں کوُں چنگا کر ڈِتا۔ ²⁵۲۵۔ گلیل تے دکپلس تے یروشلیم تے یہودیہ تے یردن دے پار ہک بہوں وڈا ہجوم اُوندھے پِچھوں تھی پیا۔

¹۱۔ اوہ بندیاں دی وڈی بھیڑ کوُ ڈیکھ کے پہاڑ تے چڑھ گیا وَل جیہڑے ویلے بیٹھ گیا تاں اوندے چیلے اوندے کول آئے۔ ²۲۔ اوہ اپنامنہ کھول کے اُنہاں کوُ تعلیم ڈیون لگا۔ ³۳۔ مبارک ہن اوہ جیہڑے دِل دے غریب ہِن کیوں جو آسمان دی بادشاہی اُنہاں دی ہِے۔ ⁴۴۔ مبارک ہِن اوہ جیہڑے غم کریندے ہِن کیوں جو اوہ آرام پاسن۔⁵۵۔ مبارک ہِن اوہ جیہڑے حلیم ہِن کیوں جو اوہ زمین دے مالک ہوسن۔ ⁶۶۔ مبارک ہِن اوہ جیہڑے راستبازی دے بھُکے تے پیاسے ہِن کیوں جو اوہ رَج ویسن۔ ⁷۷۔ مبارک ہِن او جیہڑے رَحم دِل ہِن کیوں جو اُنہاں تے رَحم کیتا ویسی۔ ⁸۸۔ مبارک ہِن اوہ جیہڑے پاک دِل ہِن کیوں جو اوہ خدا کو ڈیکھسن۔⁹۹۔ مبارک ہِن اوہ جیہڑے صلح کرینددے ہِن کیوں جو اوہ خدا دے پُتر اکھویسن ۔ ¹⁰۱۰۔ مبارک ہِن اوہ جیہڑے نیک نامی دے پاروں ستائے گئے ہِن کیوں جو آسمان دی بادشاہی اُنہاں دی ہِے۔¹¹۱۱۔ جڈاں میڈے پاروں لوگ تُہاڈی بے عزتی کریسن تے ستاسن تے اوہ ہر طرح دیاں گندیاں گالہیں تُہاڈے بارے وِچ کریسن تاں تُساں مُبارک ہوسو۔ ¹²۱۲۔ خوش تھیوؤ تے خوشی نال ٹپو کیوں جو آسمان دے اُتے تُہاڈے کیتے بہوں وڈا اجر ہِے اِیں کیتے کہ بندیاں نے اُنہاں نبیاں کوُ وی جیہڑے تُہاڈے کولوں پہلے ہَن ایویں ای ستایا ہائی۔¹³۱۳۔ تُساں زمین دا لُون ہیوے جیہڑے ویلے لُون دی چَس اوندے وچوں لگی ونجے تاں وَل اوُں کوُں کیڑہی شے نال لُونا کیتا ویسی؟ تاں وَل اوہ کئیں کم دا نہ راہسی سوائے ایندے جو کہ باہر سَٹا ونجے تے جیہڑا لوگاں دے پیراں دے تھلے آوے۔ ¹⁴۱۴۔ تُساں دنیا دا نور ہیوے جیہڑا شہر پہاڑ اُتے وسایا گیا ہووے اوہ نہیں لُک سگدا۔¹⁵۱۵۔ ڈیوا جگا کے ٹوکری دے تھلے نئیں رکھیندے ہتھوں چراغ دان دے اُتے رکھیندِن تاں جو گھر دے وچ ساریاں دے کیتے سوجھلے دا سبب بنے۔ ¹⁶۱۶۔ اپنے سوجھلے کوُ بندیاں دے سامنے ایویں چمکن ڈِیو کہ اوہ تُہاڈے نیک کماں کوُ ڈیکھ کے تُہاڈے باپ دی تعریف کرن جیہڑا آسمان تے ہِے۔¹⁷۱۷۔ ایہہ تُساں کڈائیں وی نہ سمجھائے کہ میں توریت تے نبیاں دیاں کتاباں کوُ منسوخ کرن کیتے آیا ہاں ۔میں تاں اُنہاں کوُ منسوخ کرن کیتے نئیں ہتھوُں اُنہاں کوُ پورا کرن کیتے آیا ہاں۔ ¹⁸۱۸۔کیوں جو میں تُہاکوں سچ آدھاا ہاں کہ جڈاں تائیں آسمان تے زمین ٹَل نہ ویسن توریت دا ہِک وی نقطہ یا شوشہ ہرگز ٹل نہ سَگسی جڈاں تائیں سارا کجھ پورا نہ تھی ونجے۔¹⁹۱۹۔ اِیں پاروں جیہڑا کوُئی انہاں حکماں وچِوں کوئی وی بہوں چھوٹا وی حکم توڑیسی تے جیہڑا ڈوجیہاں کوُں اِیہو کرن دی تعلیم ڈیسی آخر اوہ آسمان دی بادشاہی وِچ نچلے درجے دا سَڈا ویسی پر جیہڑا اُنہاںحکماں دی پیروی کریسی تے اُنہاں حکماں دی تعلیم ڈیسی او آسمان دی بادشاہت وِچ وڈا اَکھواسی ۔ ²⁰۲۰۔ کیوںجو میں تُہاکوں آدھاا ہاں کہ اگر تُہاڈی دین داری فقیہاں تے فریسیاں دی دین داری کولوں وَدھ کہ نہ ہوسی تاں تُساں آسمان دی بادشاہی دے وِچ کڈائیں وی داخل نہ تھی سگسو۔²¹۲۱۔ تُساں سُن چُکے ہو گہ اگلے زمانے ویلے دے وِچ اُنہاں کوُں اکھیا گیا ہا کہ تُساں قتل نہ کرنا تے جیہڑا قتل کریسی اوہ عدالت دی سزا دے لائق ہوسی۔ ²²۲۲۔ پر میں تُہاکوُں آدھا ہاں جے کوُئی اپنے بھرا دے نال غصہ کریسی اوہ عدالت دی سزا دے لائق ہوسی اَتے جے کوُئی اپنے بھرا کوُ پاگل آکھسی اوہ وڈی عدالت دی سزا دے لائق ہوسی تے جے کوُئی اپنے بھرا کوُ کملا آکھسی اوہ دوزخ دی اَگ دا حق دار ہوسی۔²³۲۳۔ ایں پادوں جے تیکوُں قربان گاہ تے اپنا نذرانہ چڑھاندے ویلے یاد آونجے کہ میڈے بھرا کوُ میڈے نال کجھ شکایت ہِے۔ ²⁴۲۴۔ تاں توں قربان گاہ دے اَگے اپنا نذرانہ چھوڑ ڈے اَتے ونج کے پہلے اپنے بھرا دے نال صُلح کر تے وَل آکے اپنا نذرانہ پیش کر۔²⁵۲۵۔ جڈاں تائیں تُوں راہ وِچ اپنے مُدعی دے نال ہئیں چھیتی کر تے اوندے نال صُلح کر گھن۔ کڈائیں ایویں نہ تھیوے کہ مُدعی تیکوُ انصاف کرن آلے دے حوالے کر ڈیوے تے انصاف کرن آلا تیکوُ سپاہی دے حوالے کر ڈیوے تاں تُوں قید اِچ سَٹیا ونجیں۔ ²⁶۲۶۔میں تیکوُ سچ آدھا ہاں کہ جڈاں تائیں تُوں ہِک ہِک پیسہ نہ واپس کریسیں اُتھوں کڈائیں وی باہر نہ نکل سگسیں۔²⁷۲۷۔تُساں سُن چُکے ہیوے آکھیا گیا ہا کہ زنا نہ کرنا۔ ²⁸۲۸۔ پر میں تُہاکو اے آدھا ہاں بئی جیہڑا کوئی کئیں زنانی وَل گندی اکھ نال ڈیکھسی او اپنے دِل دے وِچ اُندے نال زنا کر گِھنسی۔²⁹۲۹۔ اگر تیڈی سجی اَکھ تیڈے کیتے تُھوڈے دا سبب بنے تاں توں اوُں کوُں کڈھ کے دوُر بُھکا سَٹ کیوں جو ایہہ تیڈے کیتے چنگا ہوسی کے تیڈے جسم دا ہِک حصہ کھڈ ڈِتا ونجے اے نہ تھیوے کہ تیڈا سارا جسم جہنم اِچ سَٹیا ونجے۔ ³⁰۳۰۔ اَتے اگر تیڈا سجا ہتھ تیڈی بربادی دا سبب بنے تاں اوُں کوُ کَپ کے اپنے کولوں دوُر بُھکا چھوڑ کیوں جو اے چنگا ہِے کہ تیڈے جسم دا اوہ ٹوٹا جیہڑا وکھرا کیتا گیا ہِے برباد ہووؤن دی وجہ تھوں تیڈا پورا جسم دوزخ دے وِچ نہ سُٹیا ونجے۔³¹۳۱۔ اے وی اکھیا گیا ہا کہ جو کوئی اپنی ذال کوُں چھوڑ ڈیوے تاں اوُں کوُ طلاق نامہ لِکھ ڈیوے ۔ ³²۳۲۔ پر میں تُہاکوں آدھا ہاں کہ جے کوئی اپنی ذال کوُں حرام کاری تے بُرے کم کرن تھوں علاوہ کئیں بئی وجہ تھوں چھوڑ ڈیسی تاں اوہ اوُندے کولوں زنا کرویسی تے جیہڑا وی اوُں چھوڑی ہوئی نال ویاہ کریسی او زنا دا مجرم ہوسی۔³³۳۳۔وَل تُساں اے وی سُن چُکے ہیوے کہ اگلیاں کوں آکھیا گیا ہا کہ کوُڑی قسم نہ کھاوناں بلکہ اپنی قسماں خداوند دے کیتے پوری کرائے۔ ³⁴۳۴۔ پر میں تُہاکوُں آدھا ہاں کہ کڈائیں وی قسم نہ کھاوناں نہ اِی آسمان دی کیوں جو اوہ خدا دا تخت ہِے۔ ³⁵۳۵۔ نہ زمین دی کیوں جو اوہ خدا دے پیر دی چَوکی ہِے۔ تے نہ یروشلیم دی کیوں جو اوہ وڈے بادشاہ دا شہر ہِے۔³⁶۳۶۔ نہ اپنے سَر دی قسم کھاونا کیوں جو توں اپنے سَر دا ہِک وال وی چٹا یا کالا نیں کر سگدا۔ ³⁷۳۷۔ بلکہ تیڈا کلام ہاں دی جاہ ہاں تے نہ دی جاہ نہ ہووے کیوں جو اِیں تھوں زیادہ ہِے اوہ گُناہ ہِے۔³⁸۳۸۔ تُساں اے سُن چُکے ہیوے جو اے آکھیا گیا ہا کہ اَکھ دے پاروں اَکھ تے ڈَند دے پاروں ڈَند۔ ³⁹۳۹۔ پر میں تُہاکوں اِےآدھا ہاں کہ بُرے دا مقابلہ نہ کرنا بلکہ ایں دے پاروں جے کوئی تُہاڈی ہِک گال دے تھپڑ مارے تاں تُساں ڈوجھی گال وی اوُندے اگے کر ڈیوؤ۔⁴⁰۴۰۔ تے اگر کوُئی تیڈی بےعزتی کر کے تیڈا کُرتا گِھننا چاہوے تاں اوُں کوُ اپنا چولا وی ڈے چھوڑ۔ ⁴¹۴۱۔ اَتے جیہڑا کوُئی تیکوُں ہِک میل وگار اِچ گِھن ونجے تاں تُوں اوُندے نال ڈوُمیل لگا ونج ۔ ⁴²۴۲۔ جیہڑا کوئی تیڈےکولوں مَنگے اوُں کوُں ڈے اَتے جیہڑا تیڈے کولوں اُدھارمنگے اوُندے کولوں منہ نہ موڑ۔⁴³۴۳۔ تُساں اے وی سُن چُکے ہو کہ اے آکھیا گیا ہائی کہ اپنے گوانڈی دے نال پیا کرو تے اپنے دُشمن تھوں نفرت۔ ⁴⁴۴۴۔پر میں تہاکوُں اے آدھا ہاں کہ اپنے دُشمناں نال پیار کرو تےجیہڑے تُہاکوُ تنگ کریندِن اُنہاں کیتے دعا کرو۔ ⁴⁵۴۵۔ تاں جو تُساں اپنے باپ دے پُتر آکھواؤ کیوں جو اوہ آسمان دے اُتے ہِے تے اوہ اپنا سورج چنگے تے بُرے ڈوہاں اُتے چمکیندا ہِے اَتے راستبازاں تے ناراستاں ڈوہاں تے مینہ برساندا ہِے۔⁴⁶۴۶۔ کیونکہ اگر تُساں اُنہاں دے نال ای پیار کریسو جیہڑے تُہاڈے نال پیار کریندِن تاں وَل تُہاے کیتے کیا اَجر ہوسی؟ کیا چونگی گِھنن آلے ایویں نئیں کریندے؟۔ ⁴⁷۴۷۔ تے اگر تُساں صرف اپنے بھراواں دے نال پیار کرو تاں کیا زیادہ کریندے ہیوے؟ کیا غیر قوماں دے لوگ وی ایویں نہیں کریندے؟۔ ⁴⁸۴۸۔ اِیں پاروں تہاکوُں کامل ہووناں چاہیدا ہِے جیویں تُہاڈا آسمانی باپ کامل ہِے۔

¹۱۔ خبردار اپنے راستبازی دے کم لوگاں کُوں ڈیکھاون کیتے نہ کرو۔ نئیں تاں تُہاڈے باپ دی ترفوں جیہڑا آسمان دے اُتے ہِے کوُئی صلہ نہ ملیسی۔ ²۲۔ تُساں خیرات کریندے ہیوئے تاں اپنے اگوُں ڈھول نہ وجاؤ جیویں کے ریاکار اپنے عبادت خانہ تے کوچیاں وِچ کریندِن ایِں کیتے کہ لوگ اُونہاں دِی تعریف کرن میں تہاکُوں سچ آدھا ہاں کہ او اپنا صلہ پا چُکے ہِن۔³۳۔ ول جیہڑے ویلے تُساں خیرات کرو تاں جیہڑا کم تُہاڈا سجا ہتھ کریندا ہے اوُندا پتا تیڈے کھبے ہتھ کوُں نہ تھیوے۔ ⁴۴۔ تاں جو خیرات لُک کے ڈِتی ونجے کیوں جو تُہاڈا باپ جیہڑا لُک کے تہاکوُں ڈیدھا ہِے تُہاکوں اُوں دا صلہ ڈیسی۔⁵۵۔ جیہڑے ویلے تُساں دُعا منگو تے ریا کاراں دی وانگر نہ بنو کیوں جو اوہ اپنے عبادت خانیاں تے بازاراں دے موڑاں تے کھڑے تھی کے دُعا منگناں پسند کریندِن تاں جو لوگ اوہناں کو ڈیکھن۔ میں تُہاکُوں سچ آدھا ہاں کہ اوہ اپناں صلہ پا چُکے ہن۔ ⁶۶۔ ول جیہڑے ویلے تُساں دُعا منگو تاں اپنے کوٹھری اِچ دروازہ بند کر کے اپنے باپ کوُلوں دُعا منگو جیہڑا لُک کے ڈیدھا ہِے اوہ تیکو صلہ ڈیسی۔ ⁷۷۔ ول جیہڑے ویلے دعا منگو تاں ڈوجیہاں قوماں دے لوگاں دی طرح بَک بَک نہ کرو کیوں جو اوہناں دا اے خیال ہے کہ ساڈے بہوں زیادہ علواون دے نال ساڈی سُنی ویسی۔⁸۸۔ تُساں اُنہاں دی وانگر نہ بنو کیوں جو تُہاڈا باپ تُہاڈے منگن کولوُں پہلے جان دا ہِے کہ توُُساں کیہڑی کیہڑی شئے دے محتاج ہیوے ۔ ⁹۹۔ اِیں کیتے تُساں ایِویں دُعا کیتا کرو اَے ساڈے باپ تُو جو آسمان تے ہئیں تیڈا ناں پاک منیا ونجے۔ ¹⁰۱۰۔ تیڈی بادشاہی آوے تیڈی مرضی جیویں آسمان تے پُوری تھیندی ہِے زمین تے وی تھیوے۔¹¹۱۱۔ ساڈی روز دی روٹی اَج ساکوُ ڈے۔ ¹²۱۲۔ ساڈے قرض (قصور) ساکوُں معاف کر جیویں اَساں اَپنے قرض داروں کوُں معاف کریندے ہئیں۔ ¹³۱۳۔ ساکوُں آزمائش اِچ نہ پوون ڈے ہتھوُں بُرائی کولُوں بچا (کیوں جوبادشاہی تے قُدرت تے جلال ہمیشہ تیڈے اِی ہِن۔آمین)۔¹⁴۱۴۔ اِیں کیتے کہ اگر تُساں لوگاں دے قصوُر معاف کریسو تاں تُہاڈا آسمانی باپ وی تُہاکوں معاف کریسی۔ ¹⁵۱۵۔ پر اگر تُساں لوگاں دے قصوُر معاف نہ کریسو تے تُہاڈا آسمانی باپ وی تُہاڈے قصوُر معاف نہ کریسی۔¹⁶اَتے جیہڑے ویلے تُساں روزہ رکھو تاں ریاکاراں وانگوں اپناں منہ اُداس نہ بناو کیوں جو اوہ اپنا منہ ویگڑیندِن کے لوگ اُنہاں کوُں روزہ دار جانن۔ میں تُہاکوں سچ آدھاں ہاں کہ اوہ اپناں صلہ پا چُکے ہِن۔ ¹⁷۱۷۔ تاں وَل جیہڑے ویلے تُوں روزہ رکھیں تے اپنے سر اِچ تیل پا تے اپنا منہ دھو۔ ¹⁸۱۸۔ تاکہ بندہ نیئں بلکہ تیڈا باپ جیہڑا تیکوُں علیحدگی ڈیدھا ہِے تیکوُ روزہ دار سمجھے- ایں صورت اِچ تیڈا باپ جیہڑا علیدگی اِچ ڈیدھا ہے تیکوُ صلہ ڈیسی۔¹⁹۱۹۔اپنے کیتے زمین تے مال کٹھا نہ کرو جِتھاں کیڑا تے زنگ خراب کریندِےتے چور پیندہ لگیدِن تے چوری کریندے ہِن۔ ²⁰۲۰۔ بلکہ اپنا مال آسمان اُتے کٹھا (جمع) کرو جِتھاں نہ کیڑا خراب کریندے نہ زنگ تے نہ ہی چور چوری کر سگدے۔ ²¹۲۱۔ کیونکہ جتھاں تیڈا مال ہوسی اُتھاں تیڈا دِل وی لگا راسی۔²²۲۲۔ بدن دا چراغ اَکھ ہے۔ ایں کیتے اگر تیڈی اَکھ چنگی اے تے تیڈا سارا بدن سوجھلے نال بھریا ہوسی۔ ²³۲۳۔ پر اگر تیڈی اَکھ خراب ہےتاں تیڈا سارا بدن اندھا رے نال بھریا ہوسی۔ ول اگر اوہ سوجھلا جیڑا تیڈے اندر ہِے او اندھارا تھی ونجے تاں کیڈا وڈا اے اندھارا ہوسی!۔ ²⁴۲۴۔ کوُئی بندہ وی ڈوُ مالکاں دی خدمت نئیں کر سگدِے یا تاں ہک نال نفرت کریسی تے ڈوجے نال محبت یا ہک نال مِلا راہسی یا ڈوجے کو کمتر ۔توُساں دولت تے خدا ڈوہاں دی خدمت نیں وے کر سگدے۔²⁵۲۵۔ ایں کیتے میں تُہاکوُ آدھا ہاں اپنی زندگی دی فکر نہ کرنا کہ تُساں کیا کھا سو یا کے پیِسو؟ نہ اپنے بدن دی کہ اَساں کیاپاسوُں؟ کیا جان خوراک کولُوں تے بدن کپڑیاں کولوں وَدھ کے نئیں؟ ²⁶۲۶۔ ہوا دے پنکھیاں کوُں ڈیکھو نہ اوہ وہیندِن تے نہ اوہ کپیندِن۔ نہ گودام وِچ کٹھا کریندِن تُہاڈا آسمانی باپ اُنہاں کُوں خوراک ڈینڈا ہے۔ وَل کیا تُہاڈی قدر اُنہاں کولُوں وَدھ نئیں؟۔²⁷۲۷۔ تُہاڈے وِچوں ایہو جیہا کیہڑا ہِے جیہڑا فکر کر کے اپنی زندگی دا ہک لمحہ ودھا سگے ؟۔ ²⁸۲۸۔ تُساں اپنے کپڑیاں دے بارے کیوں پریشان ہیوے؟ جنگلی سوسن دے رُکھاں کوُ غور نال ڈیکھو اوہ کیویں وَدھدے ہِن۔ اوہ نہ محنت کریندِن نہ اوہ کپڑے بنیندن۔ ²⁹۲۹۔ تاں وی میں تُہاکوں آدھا ہاں کہ سلیمان اپنی ساری شان و شوکت دے تھیندے ہویاں اُنہاں دے وِچوں کئیں دی کار وی نہ ہا۔³⁰۳۰۔ خدا میدان دی گھاہ کوُ جیہڑی آج ہے تے کل تندور وِچ سٹی ویسی ایہو جَے کپڑے پویندا ہِے تے اوہ تُہاکوں کیویں چنگے کپڑے نہ پویسی؟۔ ³¹۳۱۔ تاں وَل تُساں پریشان تھی کے ایہہ نہ آکھو کہ اساں کیا کھاسوُں یاکئی شئے پاسوُں؟۔³²۳۲۔ کیونکہ اِنہاں ساریاں شئیاں دی فکر اِچ غیر قوماں راہندیاں ہن تے تُہاڈا آسمانی باپ جان دا ہے کہ تُہاکوں اِنہاں ساریاں شئیاں دی لوڑ ہے۔ ³³۳۳۔ پر تُساں پہلے اوُندی بادشاہی تے دینداری دی تلاش کرو تے وَل ایہہ ساریاں شئیاں تُہاکوُں مل ویسن۔ ³⁴۳۴۔ ایں کیتے کل دی فکر نہ کرو کل دا ڈینں اپنی فکر آپ کرگھنیسی۔ اَج کیتے اَج دا ڈُکھ کافی ہے۔

¹۱۔ عیب جوئی نہ کرو تاں جو تہاڈی وی عیب جوئی نہ کیتی ونجے۔ ²۲۔ کیونکہ جیویں تُساں عیب جوئی کر یندے ہیوے اوُں وے ای تہاڈی وی عیب جوئی کیتی ویسی اَتے جیہڑی ترکڑی دے نال تُساں تولیندے ہیوے اوُں دے نال ای تُہاڈے کیتے وی تولا ویسی۔³۳۔ توں کیوں اپنے بھرا دی اِکھ دے ککھ کوُں ڈیدھا ہئیں اِپنی اَکھ دے شہتیر وَل غور کیوں نئیں کریندا ⁴۴۔ اَتےٍ جڈاں تیڈی ہی اَکھ اِچ شہتیر ہِے تاں توُں اپنے بھرا کول کیویں آکھ سگدِیں کہ آ میں تیڈی اَکھ دے وچوں ککھ کوُں کڈھ ڈیواں؟ ۔ ⁵۵۔ اے ریاکار پہلے اپنی اَکھ دا ککھ تاں کھڈ تاں وَل توں اپنے بھرا دی اَکھ وچوں ککھ کوُ چنگی طرح ڈیکھ کے کڈھ سگسیں۔⁶۶۔ پاک شئیاں کُتیاں کوُں نہ ڈیوو تے اپنے موتی سوؤراں دے اگوں نہ سَٹو۔ اے ناں تھیوے کہ اوہ اُنہاں کوُں پیراں دے تلےگھیلن تے وَل مُڑ کے اوہ تہا کوُں وی پھاڑ ڈیون ۔⁷۷۔ منگو تاں تُہاکوں ڈِتا ویسی۔ گولیسو تاں لبھ ویسی۔ کھٹکھٹاسو تاں تُہاڈے کیتے کھولا ویسی۔ ⁸۸۔ کیونکہ جیہڑا کوُئی منگدا ہِے اوُں کُو مِلدا ہِے اَتے جیہڑا گولیندے اوُں کوُ لبھ ویندے۔ اَتے جیہڑا کھٹکھٹاندا ہِے اوندے کیتے کھولا ویسی۔ ⁹۹۔ تہاڈے وِچوں اوہ کیڑھا بندہ ہِے جنیدا پُتر اوُندے کولوں ٹُکر منگے تے اوہ اوُں کوُں پتھر ڈیوے؟ ¹⁰۱۰۔ اگر اوہ مچھی منگے تاں اوہ اوُں کو سَپ ڈیوے؟¹¹۱۱۔ جے تساں بُرے تھی کے وی اپنے بالاں کو چنگی شئیاں ڈیوناں چاہندے ہیوے تاں تہاڈا آسمانی باپ جیہڑا آسمان تے ہِے اپنے منگن آلیاں کوُں چنگیاں شئیاں کیویں نہ ڈیسی؟۔ ¹²۱۲۔ جو کجھ تُساں چاہندے ہیوے کہ لوگ تُہاڈے نال کرن تُساں وی اونہاں دے نال اوُں وے ای کرو کیونکہ توریت تے نبیاں دی تعلیم ایہو ہِے۔¹³۱۳۔ تنگ دروازے وِچوں لنگھو کیوں جے اوُؤ ای دروازہ چوڑا ہِے او رستہ کُھلا ہِے جیہڑا بربادی وَلے گِھن ویندا ہِے۔ اَتے اُوندے وِچوُں لنگھن آلے بہوں ہِن۔ ¹⁴۱۴۔کیونکہ سوڑا ھے اوہ دروازہ تے اوکھی ہِے اوہ راہ جیہڑی جندڑی دی طرف گِھن ویندی ہے بہو ں تھوڑے ہن اوُں کوُں پاؤن آلے۔¹⁵۱۵۔ کوُڑےنبیاں تھوں ہوشیار راہو جیہڑے بھیڈاں دے ہُلئیے وِچ تہاڈے کول آندِن پر اوہ اصل دے وِچ اندروں پھاڑن آلے بھیڑیے ہِن۔ ¹⁶۱۶۔ تساں اُنہاں دے گماں کولوں اُنہاں کوں سُنجان گھنسو ۔ کیا جھاڑیاں تھوں انگورتے اوُنٹ کٹاریاں تھوں انجیریں توڑیندے ہِن؟۔ ¹⁷۱۷۔ ایویں ای چنگا رُکھ چنگا پھل ڈیندا ہِے اَتے بُرا رُکھ بُرا پھل ڈیندا ہِے۔¹⁸۱۸۔ چنگا رُکھ بُرا پھل نئیں گِھن آندا اَتے نہ ای بُرا رُکھ چنگا پھل گِھن آندے۔ ¹⁹۱۹۔ جیہڑا رُکھ چنگا پھل نہیں گِھن آندا اوُں کوُ وڈھ ڈِتا ویندا ھے اَتے اوہ اَگ اِچ سٹَ ڈَتا ویندا ہِے۔ ²⁰۲۰۔ تُساں اُنہاں کوُ انہاں دےپھلاں تھوں سیان ویسو۔²¹۲۱۔ جیہڑے میکوُں اَے خُداوند اَے خداوند آدھے ہِن اُنہاں وچوں ہر کوُئی خدا دی بادشاہی دے وِچ نہ ویسی پر صرف اوُہو لوگ جیہڑا میڈے باپ دی مرضی تے چلدا ہِے ۔ ²²۲۲۔ اوُں ڈینہ بہوں سارے لوگ میکوں آکھسن کہ اے خداوند اے خداوند! کیا اَساں تیڈے ناں تھوں نبوت نہیں کیتی تے تیڈے ناں تھوں بدروحوہاں کوُں نئیں کڈھیا؟ تے اَتے تیڈے ناں تھوں بہوں سارے معجزے نہیں ڈِکھائے۔ ²³۲۳۔ اوُں ویلے میں اُنہاں کوُ صاف آکھ ڈیساں کہ میڈی تُہاڈے نال کڈایں وی واقفیت نہ ہائی۔اے بدکارو میڈے کولوُں دوُر تھی ونجو۔²⁴۲۴۔ ایں پاروں ہر ہِک جیہڑا میڈا کلام سن دا ہِے تے اوُں دے تے عمل کریندا ہِےاو اوُں سیانے بندے دی وانگوں ہوسی جئیں اپنا گھر چٹان دے اُتے بنایا ہِے۔ ²⁵۲۵۔ وَل مینہ وسیا تے پانی چڑھیا تے اندھاریاں جُھلیاں اَتے اوُں کوُ ٹکراں وی لگیاں پر اوہ نہ ڈَٹھا کیوں جو اوُں دی نیو چٹان دے اُتے رکھی گئی ہا۔²⁶۲۶۔ اَتے وَل ہر ہِک جیہڑا میڈا کلام سندا ہِے اَتے اوُں دے تے عمل نہیں کریندا اوہ اوُں کملے وانگوں ہِے جئیں اپنا گھر ریت تے بنایا ہِے۔ ²⁷۲۷۔ اَتے مینہ وسیا تے پانی چڑھیا تے آندھاریاں جُھلیاں تے بڑے زور دے نال گھر نال ٹکرائیاں تے اوہ ڈِیہہ پیا تے وَل سارا برباد تھی گیا۔²⁸۲۸۔ وَل ایویں تھیا کہ جیہڑے ویلے یسوع نے اپنی تعلیم ختم کیتی تاں بھیڑ اُنہاں دی تعلیم تھوں بہوں حیران تھئی ²⁹۲۹۔ کیوں جو اوہ اُنہاں کوُں فقیہیاں دی کارنہیں بلکہ ہِک اختیار رَکھن آلے دی کار تعلیم ڈیندا ہائی۔

¹۱۔ جیہڑے ویلے اوہ اوُں پہاڑ تھوں لتھا تاں بہوں وڈی بندیاں دی بھیڑ اوُں دے پِچھوں ٹُر پئی۔ ²۲۔ اَتے ڈیکھو ہِک کوڑھی آیا تے اوُں نے یسوع دے سامنے جھک کے آکھیا اے خداوند جے توں چاہیویں تاں توں میکوں پاک صاف کر سگدا ہئیں۔ ³۳۔ یسوع مسیح نے اپنا ہتھ ودھا کے اوُں کوُ اپنا ہتھ لایا تے اکھیا میں چاہندا ہاں کہ تو پاک صاف تھی ونج تے اوہ جلدی نال کوڑھ دی بیماری تھوں پاک صاف تھی گیا۔⁴۴۔ یسوع نیں اوُں کو آکھیا اِیں دے بارے کئیں کوُ نہ آکھیں بلکہ اپنے آپ کوُ کاہن کوُں ڈِکھا تے وَل نذرانہ پیش کر جیویں کہ بزرگ موسیٰ نے حکم فرمایا ہے جو ایں کیتے گواہی تھیوے۔⁵۵۔ جیہڑے ویلے یسوع کفر نحوم شاہردے وِچ گیا تے ہِک صوبیدار اوُں دے کول آیا تے اوُں دی منت کر کے آکھیا۔ ⁶۶۔ اے خداوند میڈے غلام کوُ فالج تھی گیا ہِے تے اوہ گھر دے وِچ بہوں ڈاھڈھی درد وچ پیا ھے ۔ ⁷۷۔ یسوع نے اوُں کوُ آکھیا کہ میں آساں تے اوُں کوُ ٹھیک کر ڈسیاں۔⁸۸۔ صوبہ دار نے جواب اِچ اوُں کوُ آکھیا وَل خداوند میں تاں اِیں لائق نئیں جو توں میڈی چھت دے تلے آویں توں صرف زبان نال ای آکھ ڈے تاں میڈا نوکر شفا پا ویسی۔ ⁹۹۔ کیوں جو میں وی ڈوجے دے حکم دے تابع ہاں اَتے سپاہی وی میڈے تابع ہِن میں ول اُنہاں وِچوں ہِک کوُں وی آکھاں کے ونج تاں او لگا ویسی تاں وَل ڈوجھے کوُ آکھاں آ تاں اوہ آ ویندے اَتے اَپنے نوکر کوُ کہ ایویں کر تاں اوہ کریندا ہِے۔ ¹⁰۱۰۔ یسوع اے سُن کے بہوں حیران تھیا تے جیہڑے اوُندے پچھوں آندے پئے ہَن اُنہاں کوُ آکھیا میں تہاکوں اے سچ آدھا ہاں کہ میں اسرائیل وِچ وِی ایہو جیہا ایمان نہیں ڈِٹھا۔¹¹۱۱۔ اَتے وَل میں تہاکوں آدھا ہاں کہ بہوں سارے پورب تے پچھم تھوں آکے آسمان دی بادشاہی دی دعوت وِچ ابراہام تے اضحاق تے یعقوب دے نال شامل تھی ویسن۔ ¹²۱۲۔ پر بادشاہی دے پُتر جھکے اندھارے وِچ سَٹے ویسن۔ تے اُتھاں روونا تے ڈنداں دا پیسنا ہوسی۔ ¹³۱۳۔ یسوع نے صوبہ دار کوُں آکھیا لگا ونج جیویں تیڈا ایمان ہِے اوُیویں تیڈے کیتے تھیوے اِتے اوُں ویلے ای اوُں دا نوکرچنگا تھی گیا۔¹⁴۱۴۔ وَل یسوع پطرس دے گھر آیا تے پطرس دی سَس کوُں بخار وِچ ڈِٹھا۔ ¹⁵۱۵۔ یسوع نے اوُں کوُ ہتھ لایا تے اوُں دا بخار لہہ گیا اَتے اوہ اُٹھ کے کھڑی تھئی تے اوُں دی خدمت کرن لگی پئی۔¹⁶۱۶۔ جڈاں شام تھئی تاں اوُں دے کول بہوں سارے لوگاں کوُ یسوع دے کول گھن آئے جنہاں وِچ بدروھاں ہَن۔ اوُں نے اپنی زبان ای نال آکھ کہ بدروحاں کوُں کھڈ ڈِتا تے سارے لوگاں کوُ جیہڑے بیمار ہَن چنگا کر ڈِتا ۔ ¹⁷۱۷۔تاں ایویں اوہ سارا کجھ پورا تھیا جیہڑا یسعیاہ نبی دی رائیں آکھیا گیا ہا اوُں نے آپ ساڈی بیماریاں تے تکلیفاں کوُں اپنے اُتے چا گِدے۔¹⁸۱۸۔ جیہڑے ویلے یسوع نے بہوں بھیڑ کوُں اپنے اگوں پچھوں ڈِٹھا تاں ڈوجھے پاسے پار ونجن دا حکم ڈِتا۔ ¹⁹۱۹۔ ہک فقیہ نے کول آ کے اوُں کوُآکھیا اے استاد توں جتھاں وی ویسیں میں تیڈے پچھوں چلساں۔ ²⁰۲۰۔ یسوع نے اوُں کوُ آکھیا لومڑیاں دے تاں بھٹ ہوندِن تے آسمانی پکھیاں دے آہلنے پر اِبنِ آدم کیتے سرلکاون دی وی جاہ کئے نہیں۔²¹۲۱۔ وَل ہِک بئے چیلے نے آ کے اوُں کوُ آکھیا خداوند میکوں اجازت ڈے کہ پہلے ونج کے اپنے پیو کوُں دفن کر آواں۔ ²²۲۲۔ یسوع نے اوُں کوُ آکھیا توں میڈے پچھے ٹُر اَتے مُردیاں کوُں اپنے مُردے دفن کرن ڈے۔²³۲۳۔ جیہڑے ویلے یسوع کشتی دے وِچ چڑھ گیا تاں اوُں دے چیلے وی اوندے نال کشتی اِچ آگئے۔ ²⁴۲۴۔ اَتے ڈیکھو جھیل اِچ ہِک وڈا طوفان آیا تے کشتی پانی وِچ لُک گئی پر اوہ سُتا پیا ہا۔ ²⁵۲۵۔ چیلے اوُں دے کول آئے تے اوُں کوُں جگایا تےآکھیا اے خداوند ساکوں بچا! نئیں تاں اَساں مر ویسوں ۔²⁶۲۶۔ یسوع نے اُنہاں کو آکھیا اے گھٹ ایمان رکھن آلیو ڈردے کیوں ہیوے؟ وَل اوُں اُٹھی کے ہوا تے پانی کوُ جھڑکیا تے بالکل چپ تھی گئی۔ ²⁷۲۷۔ بندے وڈے حیران تھئے تے آکھن لگے کہ اے کیہو جیا بندہ ہِے کہ جیندا ہوا تے پانی وی حکم منیندے ہِن؟²⁸۲۸۔ جیہڑے ویلے یسوع گدرِینیاں دے مُلک وِچ آیا تے ڈوُ بندے جیہڑے بدروحاں دے قبضے وِچ ہَن اوُں کوُں ملے اوہ قبراں دے علاقے وِچ راہندے ہَن۔ اوہ بہوں خطرناک ہِن اِیں پاروں کوُئی وی اوُں راہ تھوں لنگھ نہ سگدا ہا۔ ²⁹۲۹۔ تاں ڈیکھو اُنہاں نے بہوں شور گھتیا تے آکھیا اے خدا دے پُتر ساکوُں تیڈے نال کیا کم ہِے؟ کیا توں ساکوں ویلے تھوں پہلے عذاب اِچ سَٹن آیا ہئیں؟۔³⁰۳۰۔ اُنہاں کولوں کجھ دور سوراں دا ہِک وڈا اِجڑ اُتھاں چرن اِچ مصروف ہا۔ ³¹۳۱۔ وَل بدروُحاں نے یسوع دی منت کر کے آکھیا جے توں ساکوں کڈھیندیں تاں توں ساکوُں اِیں سوراں دے اِجڑ وِچ ونجن ڈے۔ ³²۳۲۔ یسوع نے اُنہاں کوُں آکھیا ونجو۔ اَتے اوہ بدروُحاں نکل کے سوراں دے وِچ لگیاں گیاں تے وت ڈیکھو سارا اِجڑ اُچی پہاڑی تھوں چھال مار کےجھیل دے وِچ ڈھے پیا تے او پانی وچ ڈب کے مَر گیا۔³³۳۳۔ اوہ بندے جیہڑے سور چریندے ہَن بھج کے شہر وِچ گئے تے انہاں نے سارا کجھ ڈسیا تے خاص طور تے اُنہاں بندیاں دے بارے جیہڑے بدروحاں دِے قبضے وچ ہَن۔ ³⁴۳۴۔ اَتے ڈیکھو سارا شہر یسوع کوُں ملن کیتے نکلیا تے اوُں کوُ ڈیکھ کے اوُندی منت کیتی کہ ساڈے علاقے وِچوں نکل ونج۔

¹۱۔ وَل اوہ کشتی وِچ بہہ کے پار گیا تے اپنے شہر وچ آیا۔ ²۲۔ اَتے ڈیکھو لوگ ہک فالج آلے بندے کوُ کھٹ تے چا کے اوُندےکول گھن آئے۔ یسوع نے اُنہاں دا ایمان ڈیکھ کے فالج آلےکُوں آکھیا پُتر (خاطر جمع) رکھ تیڈے گناہ معاف تھی گئے۔³۳۔ وَل ڈیکھو کئی فقیہاں نے اپنے دِ ل اِچ آکھیا اے کفُر آدھا ہِے۔ ⁴۴۔ یسوع نے اُنہاں دے خیال جان کے آکھیا کہ تُساں کیوں اپنے دِلاں وِچ بُرے خیال گھن آندے وے؟۔ ⁵۵۔ سوکھا کیا ہے۔ ایہہ آکھناں کے تیڈے گناہ معاف تھی گئے یا ایہہ آکھنا کہ اُٹھ تے ٹُر پھِر؟۔ ⁶۶۔ اِیں کیتے کہ تُساں جان گھِنو کہ ابنِ آدم کُوں زمین تے گناہ معاف کرن دا اختیار ہے۔اوُں نے فالج آلے بندے کُوں آکھیا کے اپنی کھٹ چا تے اپنے گھر لگا ونج۔⁷۷۔ ول او اُٹھی کے اپنے گھر لگا گیا۔ ⁸۸۔ لوگ ایہہ ڈیکھ کے ڈر گئے تے خدا دی تعریف کریندے راہے جئیں بندیاں کُوں اے اختیار ڈِتا۔ ⁹۹۔ یسوع نے اُوں جاہ توں اَگے وَدھ کے متی ناں ہک بندے کوُں مصول چونگی تے بیٹھے ڈِٹھا تے اوُں کوُں آکھیا میڈے پیچھوں آ۔ اوہ اُٹھی کے اوُندے پچھوں تھی پیا۔¹⁰۱۰۔ جیہڑے ویلے اوہ گھر وِچ ٹُکر کھاون بیٹھا ہا تاں ایویں تھیا کہ بہوں سارے محصول گھِنن آلے تے گنہگار یسوع تے اوُندے چیلیاں نال ٹکر کھاون بیٹھے۔ ¹¹۱۱۔ فریسیاں نے ایہہ ڈیکھ کے اوُندے چیلیاں کُوں آکھیا کہ تُہاڈا اُستاد محصول گھِنن آلیاں تے گنہگاراں دے نال کیوں کھاندا ہِے؟۔¹²۱۲۔ یسوع نے اے سُن کے آکھیا کہ تگڑیاں کُوں ڈاکٹر دی کوئی لوڑ نہیں بلکہ بیماراں کوُں ہِے۔ ¹³۱۳۔ پر تُساں ونج کے ایندےمعنی گولو کہ میں قربانی نئیں بلکہ رَحم پسند کرینداں ہاں کیونکہ میں دینداراں کوُ نئیں بلکہ گنہگاراں کوُ سَڈن آیا ہاں۔¹⁴۱۴۔اوُں ویلے یوحنا دے چیلیاں نے اوُندے کول آکے آکھا کیا وجہ ہِے کہ اَساں تے فریسی اکثر روزہ رکھیندے ہئیں تے تیڈے چیلے روزہ نئیں رکھیندے؟۔ ¹⁵۱۵۔ یسوع نے اُنہاں کُوں آکھیا کہ جڈاں تائیں گھوٹ اُنہاں دے نال ہے غم منا سگدِن؟ پر اوہ ڈیں آسن کہ گھوٹ اُنہاں کولُوں اَنج کیتا ویسی۔ اوُں ویلے اوہ روزہ رکھ سن۔¹⁶۱۶۔ نویں کپڑے دی ٹاکی پُرانے کپڑے تے کوُئی نیں لیندا کیونکہ اوہ ٹاکی کپڑے کولُوں اَنج تھی ویسی تاں کپڑا پہلے کولُوں زیادہ پھٹ ویندا ہِے ۔¹⁷۱۷۔ اَتے نویں مے پُرانی مَشکاں وِچ نئیں بھریندے اگر او ایویں کریسن تاں مشکاں پھٹ ویسن تے مے وَٹی ویسی تے مشکاں تباہ تھی ویسن ایندے بجائے نویں مے نویاں مشکاں اِچ بھرن تاں اوہ ڈوویں بچیاں راہندِن۔¹⁸۱۸۔ اوہ اُنہاں کُوں اے آدھا پیا ہا کہ ڈیکھو ہک سردار آیا تے اُوں کُو سجدہ کیتا تے اوُں کُو آکھیا میڈی دھی ہالی ہُن موئی ہِے پر تُساں چل کے اوُندے تے اپنا ہتھ رَکھیسیں تاں اوہ زندہ تھی ویسی۔ ¹⁹۱۹۔ یسوع اُٹھی کے اپنے چیلیاں دے نال اُوندے پچھوں تھی پیا۔²⁰۲۰۔ اَتے ڈیکھو ہک تریمت نے جیندے بارہ سالاں تُوں خون وگدا ہا اوُں دے پچھوں اوُندے کپڑیاں دی نُکر کُوں ہتھ لایا۔ ²¹۲۱۔کیونکہ اوہ اپنے جی اِچ آدھی ہائی کہ اگرصرف اوُندے کپڑیاں کوُ ہتھ لا گھنساں تاں چنگی تھی ویساں۔ ²²۲۲۔ یسوع نے مُڑ کے اوُندے وَل ڈِٹھا تے آکھیا دھیئے حوصلہ رکھ۔ تیڈے ایمان نے تیکوں چنگا کر ڈِتا ہِے تاں اوہ تریمت اوُں ویلے ای چنگی تھی گئی۔²³۲۳۔ جیہڑے ویلے یسوع وڈیرے دے گھر آیا تے اُتھاں بانسری وجاون آلیاں کوُں تے لوگاں کو شور کریندے ہوئیاں ڈِٹھا۔ ²⁴۲۴۔ تاں یسوع آکھن لگے پرے تھی ونجو کیوں جو چھویر موئی نیں بلکہ سُتی پئی ہے۔ اوہ اوُندے تے کھلن لگ پئے۔²⁵۲۵۔ پر جیہڑے ویلے لوگاں کُوں باہر کڈ ڈِتا گیا تاں اوُں اندر ونج کے اوُں چھویر دا ہتھ پکڑے تے اوہ اُٹھ گئی۔ ²⁶۲۶۔ اِیں گال دی خبر اوُں سارے علاقے وچ پھیل گئی ۔²⁷۲۷۔ جیہڑے ویلے یسوع اَگے آیا تاں ڈو اَ نھے اوُندھا پیچھا کیتا اَتے اوہ ایہہ آدھے ہوئے کہ اے ابنِ داؤد ساڈے تے رَحم کر۔ ²⁸۲۸۔ وَل جیہڑے ویلے یسوع گھر وِچ آیا تاں اوہ انھے اُوندھے کول آئے یسوع نے اُنہاں کُوں آکھیا کہ کیا تُساں ایمان رکھیندے ہیو ے کہ میں ایہہ کر سگدا ہاں اُنہاں نے اوُں کوُں آکھیا ہاں اے خُداوند۔²⁹۲۹۔ وَل یسوع نے اُنہاں دی آکھیاں کُوں ہتھ لایا تے آکھیا بئی تُہاڈے ایمان دے مطابق تُہاڈے نال تھیوے۔ ³⁰۳۰۔ اَتے اُنہاں دی اکھیاں کھُل گنیاں وَل یسوع نے سختی دے نال اُنہاں کُوںحکم ڈِتا تے آکھیا ڈیکھو کوئی وی ایندےبارے جانن نہ پاوے۔ ³¹۳۱۔ پر اُوں ڈو بندیاں نے باہر ونج کے اینں ساری خبر کوُں پورے علاقے وچ ڈس ڈِتا۔³²۳۲۔ جیویں ہی او ڈوہیں بندے ویندے پئے ہن ڈیکھو ہک گونگا جیہڑا بدروح دے ہتھاں اِچ ہا اوُں کوُ یسوع دے کول گھن آئے۔ ³³۳۳۔ جیہڑے ویلے بدروح کڈھ ڈِتی گئی تاں گونگا بندہ علواون لگ پیا اَتے لوگ بہوں حیران تھئے تے آکھن لگے کہ اسرائیل وِچ ایویں پہلے نہیں ڈِٹھا گیا۔ ³⁴۳۴۔ پر فریسی اے آدھے پئے ہن کہ اے تاں بدروحاں دے سردار دی مدد نال بدروحاں کوُ کڈھیندا ہِے۔³⁵۳۵۔ اَتے یسوع سارے شاہراں تے پِنڈاں وِچ پھردا ریہا یسوع اُنہاں دے عبادت خانیاں وِچ تعلیم ڈیندا تے بادشاہی دی خوشخبری ڈینڈا ریہا اَتے اُنہاں کُوں ہرقسم دی بیماریاں تُوں چنگا کریندا ریہا۔ ³⁶۳۶۔ اَتے جیہڑے ویلے یسوع نے اُنہاں بندیاں کوُ ڈِٹھا تے اُنہاں تے ترس آیا کیوں جو اوہ ڈُکھ وِچ ہن او ایہو جئے ہن جیویں بھیڈاں آجاٹری دے بغیر ہوون تے جنہاں دا بہوں بُرا حال ہوئے۔³⁷۳۷۔ وَل اوں نے اپنے چیلیاں کوُ آکھیا فصل تاں بہوں ہِے پر مزدور گھٹ ہِن۔ ³⁸۳۸۔ اِیں کیتے فصل دے مالک دی منت کرو کہ اوہ اپنی فصل کیتے مزدور گھلے۔

¹۱۔ وَل یسوع نے بارہ چیلیاں کوُ اپنے کول سَڈا کے اُنہاں کُوں پلید روُحاں تے اختیار ڈِتا کہ اُنہاں کوُ کڈھن تے ہر قسم دے روگاں تے ہر طرح دی کمزوری کوُ دوُر کرن۔²۲۔ اُنہاں بارہ چیلیاں دے ناں اے ہِن۔ پہلا شمعون جیہڑا پطرس اکھویندا ہِے اَتے اُوندا بھرا ا ندریاس. زبدی دا پُتر یعقوب تے اوندا بھرا یوحنا ۔ ³۳۔ فلپس تے برتلمائی۔ توما تے متی چوُنگی گھنن آلا۔ ⁴۴۔ حلفئی دا پُتر یعقوب تے تدی۔ شمعون قنانی تے یہودا اسکریوتی جئیں اوُں کوُں پکڑوا وی ڈِتا ہائی۔⁵۵۔ اِنہاں بارہ کوُ یسوع نے گھلیا تے اُنہاں کوُ حکم ڈِتا۔ کہ ڈوجھیاں قوماں دے پاسے نہ ونجنا۔اَتے سامریہ دے کئیں شاہر اِچ نہ ونجائے۔ ⁶۶۔ بلکہ اسرائیل دے گھرانے دی گُم تھیاں بھیڈاں کول ونجنا۔ ⁷۷۔ اَتے ٹُردے ٹُردے ایہہ مُنادی کرنا کہ آسمان دی بادشاہی نیڑے آ گئی ہَِے۔⁸۸۔بیماراں کوُں چنگا کرنا موئے ہوئیاں کو زندہ کرنا ۔ کوڑھیاں کو پاک صاف سُتھرا کرنا۔ تے ناپاک روحاں کُوں کڈھناں۔ تُہاکو مُفت مِلا ہے تے مُفت ڈیونا ⁹۹۔ اپنی تھلیاں وِچ سونا یا چاندی نہ پیسے گھن ونجناں۔ ¹⁰۱۰۔ اپنے سفر دے کیتے سامان نہ گھن ونجناں نہ ہی ڈوُ ڈوُ چولے نہ جوتیاں تے نہ سوٹی کیونکہ مزدور اپنی مزدوری دا حق دار ہے۔¹¹۱۱۔ وَل جئیں شاہر یا دیہات وچ تُساں ویندے ہیوئے گولو کہ کوئی ایں لائق ہے تے اپنی واپسی تک اُتھائیں راوآئے۔ ¹²۱۲۔ جیہڑے ویلے تُساں گھر وِچ وڑ وے ویلے اُنہاں وی سلامتی منگو۔ ¹³۱۳۔ اگر اوہ گھر اِیں لائق ہے تاں تُہاڈا سلام اوُں کوُ پہنچے اَتے اگر اوہ ایں لائق نئیں تاں تُہاڈا سلام تُہاڈے وَل مڑ آوے۔¹⁴۱۴۔ اَتے اگر کوئی تُہاکوں قبول نہ کرے تے تُہاڈیاں گالہیں نہ سُنے تاں اوُں گھر یا شاہر وِچوں بارھوں نکلدے ویلے اپنے پیراں دی مٹی چھنڈ ڈیوائے۔ ¹⁵۱۵۔ میں تُہاکوُں سچ آدھا ہاں کے عدالت آلے ڈِیں اوُں شاہر دی نسبت سدوم تے عمورہ دے علاقے دا حال زیادہ برداشت دے لائق ہوسی۔¹⁶۱۶۔ ڈیکھو میں تُہاکوں بھجیندا ہاں جیویں بھیڈاں کوُ بھیڑیاں دے وِچ۔ وَل سپاں دے وانگوں چلاک تے کبوتراں دے وانگوں بھولے بنو۔ ¹⁷۱۷۔ پر بندیاں کوُلوں ہوشیار راہو اوہ تُہاکوُں عدالتاں دے حوالے کریسن تے اپنی عبادت گاہواں وِچ تُہاکوُں کوڑے مریسن۔ ¹⁸۱۸۔ اَتے تُساں میڈے پاروُں بادشاہواں تے وڈیریاں دے سامنے حاضر کیتے ویسو تاں جو اُنہاں دے تے غیر قوماں کیتے گواہی تھیوے۔¹⁹۱۹۔ پر جیہڑے ویلے اوہ تُہاکوُں پکڑواون تاں فکر نہ کرائے کہ اَساں کیا آکھسُوں کیونکہ جو کجھ تُہاکوں آکھنا ہوسی اوُں ویلے ای تُہاکوں ڈسا ڈِتا ویسی۔ ²⁰۲۰۔ کیوں جو علاون آلے تُساں نیں بلکہ تُہاڈے باپ دا روُح ہِے جیہڑا تُہاڈے وچوں بولیندا ہے۔²¹۲۱۔ بھرا کُو بھرا قتل کرواون کیتےحوالے کریسی پُتر کوُ پیوُ۔ تے پُتر اپنے ماں پیوُ دے خلاف کھڑے تھی کے اُنہاں کُو مروا ڈیسن۔ ²²۲۲۔وَل میڈے ناں دے پاروُں سارے لوگ تُہاڈے کولُوں نفرت کریسن پر جیہڑا آخیر تائیں برداشت کریسی اوہو نجات پاسی۔ ²³۲۳۔ وَل تُہاکوں ہک شاہر اِچ تنگ کرن تاں ڈوجھے شاہر وِچ لگے ونجو کیوں جو میں تُہاکوُ سچ آدھا ہاں کہ تُساں اسرائیل دے سارے شاہراں وچ نہ پھر سگسو کہ ابنِ آدم آ ویسی۔²⁴۲۴۔ چیلا اپنے اُستاد کولُوں وڈا نیں تھیندا ناں نوکر اپنے مالک کولُوں۔ ²⁵۲۵۔ چیلے کیتے اے بہوں ہے کہ اوہ اپنے اُستاد آلی کار ہووے تے نوکر کیتے کے اوہ اپنے مالک آلی کار۔جیہڑے ویلے اُنہاں نے اپنے گھر دے مالک کُوں بُعلز بُول آکھیا تے وَل اُوندے گھر دے لوگاں کوُ کیوں نہ آکھسن؟۔²⁶۲۶۔ اَتے اُنہاں کوُلوں نہ ڈرو کیونکہ کوئی شئے لُکی نئیں جیہڑی کھولی نہ ویسی تے نہ کوئی لُکی ہے جیکوں جانیا نہ ویسی۔ ²⁷۲۷۔ جو کجھ میں تُہاکوں اندرھا ے وچ آدھا ہاں سوجھلے وِچ آکھو وَل جو کجھ تُساں کن وِچ سُندے ہیوے کوٹھیاں تے اُوندی منادی کرو۔ا ²⁸۲۸۔ جیہڑے بدن کُوں قتل کریندِن تے روح کوُں قتل نئیں کر سگدے اُنہاں کولوں نہ ڈرو بلکہ اوُندے کولُوں ڈرو جیہڑا بدن تے روُح ڈوہاں کُوں جہنم وِچ ہلاک کر سگد دا ہے۔ ²⁹۲۹۔ کیا ہک پیسے دیاں ڈوُ چڑیاں نئیں وِکدیاں؟ تے اُنہاں وِچوں ہک وِی تُہاڈے باپ دی مرضی دے بغیر زمین نئیں ڈھے سگدی ۔ ³⁰۳۰۔ بلکہ تہاڈے سِر دے وال وی سارے گنے ہوئے ہِن۔ ³¹۳۱۔ اَتے ڈرو نئیں تہاڈی قدر چڑیاں تُوں بہوں زیادہ ہے۔³²۳۲۔ جیہڑا بندیاں دے سامنے میڈا اقرار کریسی میں وی اپنے باپ دے سامنے جیہڑا آسمان تے ہِے اُوندا اقرار کریساں۔ ³³۳۳۔ پر جو کوئی بندیاں دے سامنے میڈا مُنکر تھیسی میں وی اپنے باپ دے سامنے جیہڑا آسمان تے ہے اُوندا مُنکر تھیساں۔³⁴۳۴۔ اے نہ سمجھو بئی کہ میں زمین تے صُلح کرواون آیا ہاں صُلح کرواون نئیں ہتھوُں تلوار چلاواون آیا ہاں۔ ³⁵۳۵۔ کیوں جو میں ایں کیتے آیا ہاں کہ بندے کُوں اُوندے پیوُ تھوں تے دھی کوُں اوندی ماں تھوں اَتے نونہہ کوُ اوندی سَس کولُوں اَینج کراں۔ ³⁶۳۶۔ آدمیاں دے دشمن اُوندے گھر ہی دے لوگ ہوسن۔³⁷۳۷۔ جیہڑا پیوُ یا ماں کُو میڈے کولُوں زیادہ عزیز رکھیندا ہِے اوہ میڈے لائق نئیں اَتے جیہڑا کوُئی پُتر یا دھی کُوں میڈے کولُوں زیادہ عزیز رکھیندا ہِے اوہ میڈے لائق نیں۔ ³⁸۳۸۔ اَتے جیہڑا کوئی اپنی صلیب نہ چاوے تے میڈے پچھوں نہ آوے او میڈے لائق نیں۔ ³⁹۳۹۔ جیہڑا کوئی اپنی جان کوُ بچیندا ہِے اوُں دے کولوں اوہ کھُس ویسی اَتے وَل جیہڑا میڈی خاطر اپنی جان ونجیسی اوہ اپنی جان بچا گھنسی۔⁴⁰۴۰۔ جیہڑا تُہاکوں قبول کریندا ہِے اوہ میکوُں قبول کریندا ہِے اَتے جیہڑا میکوُں قبول کریندا ہِے اوہ میڈے گھلن آلے کُوں قبول کریندا ہِے۔ ⁴¹۴۱۔ جیہڑا نبی دے ناں تھوں نبی کوُں قبول کریندا ہِے اوہ نبی دا صلہ پاسی۔ وَل جیہڑا دیندار دے ناں تُھوں دیندار کو قبول کریندا ہِے اوہ دینداری دا صلہ پاسی۔⁴²۴۲۔ اَتے جیہڑا کوئی چیلے دے ناں تُھوں اِنہاں نکیاں وِچوں کئیں کوُں ہک پیالہ ٹھنڈا پانی پلاسی میں تُہاکوں سچ آدھا ہاں اوہ اپنا صلہ ہرگز نہ گوانسی۔

¹۱۔ جڈاں یسوع اپنے بارہ چیلیاں کوُں حکم ڈے ڈِتا تاں ایویں تھیا کہ اوہ اُتھوں لگا گیا تاں جو ڈوجھے شاہراں دے وِچ تعلیم ڈیوے تے منادی کرے۔ ²۲۔ اَتے یوحناؔ نے قید خانے دے وِچ مسیح دے چنگے کماں دے بارے وچ سُن کے اپنے چیلیاں دی رائیں پچھوا گھلیا۔ ³۳۔ کہ آون آلا توں اِیں ہِے جیہڑا آون والا ہِے یا اساں کئیں ڈوجھے دی راہ ڈیکھوں؟۔⁴۴۔ یسوع نے انُہاں کوُں جواب ڈِتا تے آکھیا کہ جو کجھ تُساں سُن دے ہیوے اَتے ڈیدھے ہیوےونج کے یوحنا کو خبر ڈیوو۔ ⁵۵۔ کہ انہے ڈیدھے ہِن تے لنگڑے چلدے ٹُردے ہِن تے کوڑھی پاک صاف کیتے ویندِن ڈورے سن دے ہِن اَتے مُردے جیوندے کیتے ویندِن تے غریباں کوُں خوشخبری سنائی ویندی ہِے۔ ⁶۶۔ اوہ بھاگاں والے ہِن جیہڑے میڈے پاروں تُھڈا نہ کھاون۔⁷۷۔ جیہڑے ویلے او بندے اپنی راہ تے لگے گئے تاں یسوع نے یوحنا دی بابت لوگاں کوُں آکھنا شروع کیتا کہ تُساں بیابان دے وِچ کیا ڈیکھن گئے ہاوے؟ کیا ہوا دے نال ہلدے ہوئے کانے کوں۔ ⁸۸۔ تاں وَل تُساں کیا ڈیکھن گئے ہاوے؟ کیا اوُں بندے کوُں جئیں چنگے تے مہانگےکپڑے پاتے ہووون؟ اے سچی گالھ ہِے بئی جیہڑے بندے چنگےکپڑے پاندے ہِن او بادشاہواں دے محل اِچ راہندِن۔⁹۹۔ تُساں وَل کیوں گئے ہاوے؟ کیا ہِک نبی کوُں ڈیکھن کیتے؟ ہاں میں تہاکوُں آدھا ہاں بلکہ نبی کولوں وی وڈے کوُ۔ ¹⁰۱۰۔ اے اوہو جنیدے بارے وِچ لکھا لاتھے کہ ڈیکھو تہاڈے اگوں ہِک پیغمبر بھجیندا پیا ہاں جیہڑا تہاڈے اگوں تہاڈا راہ سِدھا کریسی۔¹¹۱۱۔ میں تہاکوں سچ آدھا ہاں کہ جتنے وی سوانیاں تھوں جمے ہِن اُنہاں وچوں کوُئی وی یوحنا بپتسمہ ڈیون آلے تھوں وڈا کوئی نہیں پر جو آسمان دی بادشاہی وچ جیہڑا سب کولوں نکا ہِے اوہ اوندے کولوں وڈا ہِے۔ ¹²۱۲۔ تے وَل یوحنا بپتسمہ ڈیون آے دے ڈینہ تھوں چل کے اَج تائیں آسمان دی بادشاہی تے زور تھیندا رہ گئیے اَتے زور آور اوُں کوُ چھِک گھندِن۔¹³۱۳۔کیوں جو سارے نبیاں تے شریعت نے یوحنا تک نبوت کیتی ہِے۔ ¹⁴۱۴۔ اَتے وَل تُساں چاہو تا اِیں کوُ من گھِنو۔ ایلیاہ جیہڑا آون آلا ہا ایہو ہِے۔ ¹⁵۱۵۔ اَتے جیندے سنن آلے کن ہوؤن اوہ سن گھِنے۔¹⁶۱۶۔ اَتے میں ہن ایندی نسل دی برابری کیندے نال کراں؟ اے تاں اوُں بالاں وانگوں ہِن جیہڑے بازار دے وِچ بیٹھے ہوئے اپنے دوستاں کوُ سَڈ کے آدھے ہِن۔ ¹⁷۱۷۔ اَساں تُہاڈے کیتے بانسری وجائی تے تُساں نَچے وی ناں۔ اساں ماتم کیتے تے تُساں اَپنے سینے تے ہتھ نہ مارے۔؟¹⁸۱۸۔ کیوں جو یوحنا ٹُکر کھاون تے شراب پیون تاں نہ آیا ہا تے پر اوہ آدھے ہِن ایندے وچ بدروح ہِے۔ ¹⁹۱۹۔ ابنِ آدم کھاندا پیندا ہویا آیا اَتے اوہ آدھِن ڈیکھو کھاؤ تے شرابی ہِے۔ چونگی گھنن آلے گنہگاراں دا یار! پر حکمت اپنے کماں تھوں سچی ثابت تھئی۔²⁰۲۰۔ اوہ اُنہاں شاہراں کوُ پھٹکارن لگا جتھاں اوُں نے بہوں سارے معجزے کیتے ہَن کیوں جو انہاں نے توبہ نئیں کیتی کہ۔ ²¹۲۱۔ تیڈے اُتے افسوس ہِے خُرازین! تیڈے اُتے افسوس ہِے اِے بیت صیدا! اگر اے معجزے صور تے صیدا وِچ تھیون ہا تاں اوہ ٹاٹ پا کے تے مٹی اِچ بیہہ کے کَڈَن دی توبہ کر گھِیندے۔ ²²۲۲۔ اَتے میں تُہاکوں آدھا ہاں کہ عدالت دے ڈینہ صور تے صیدا دا حال تُہاڈے حال کولوں زیادہ برداشت دے لائق ہوسی۔²³۲۳۔ ٍاَتے اِے کفر نحوم! توُں کیا سوچیندا ہئیں کہ توں آسمان تایں اوُچا کیتا ویسیں؟ نئیں بلکہ توُں تاں عالمِ ارواح دے وچ اُتر ویسیں کیونکہ جیہڑے معجزے تیڈے وِچ تھئے اگر سدوم اِچ تھیون ہا تاں اوہ اَج تائیں قائم راہندا۔ ²⁴۲۴۔ پر میں تہاکوں آدھا ہاں کہ عدالت دے ڈینہ سدوم دا علاقہ تہاڈے مقابلے وِچ بہوں سوکھ پاسی۔²⁵۲۵۔ اوُں ویلے یسوع نے آکھیا اِے باپ میں تیڈی حمد کریندا ہاں آسمان تے زمین دے خداوند۔ کیوں جو توں اے گالہیں عقلمنداں تےسمجھ داراں تے ظاہر نہ کیتیاں پر اوہناں تے ظاہر کیتیاں جیہڑے بالاں دے وانگوں ہِن۔ ²⁶۲۶۔ ہاں اَے باپ کیونکہ ایویں ای تیکوُ پسند آئے۔ ²⁷۲۷۔ میڈے باپ دے پاروں سارا کجھ میڈے حوالے کیتا گیا ہِےتاں جو کوئی وی میڈے پُتر کو کوئی نہ جان دا ہاں سوائے باپ دے تے کوُئی باپ کوُ نئیں جان دا سوائے پُتر دے اَتے اوندے تے جنیدے اُتے پُتر ظاہر کرنا چاہندا ہووے۔²⁸۲۸۔اے بھار دے چاون آلیو تے بہوں تھکے ماندے بندیو سارے میڈے کول آؤ میں تہاکوں آرام ڈیساں۔ ²⁹۲۹۔ میڈا جوا اَپنے تے چا گھِنو اَتے میڈے کولوں سِکھو کیوں جو میں حلیم تے دِل دا عاجز ہاں تے تُہاڈیاں جاناں آرام پاسن۔ ³⁰۳۰۔ کیونکہ میڈا جوا ملائم ہِے اَتے میڈا بوجھ ہولا تے نرم ہِے۔

¹۱۔ اوُں ویلے یسوع سبت آلے ڈینہ فصلاں دے وچوں ویندا پیا ہا اَتے اوُں دے چیلیاں کوُ بھُک لگی اوہ کنک دے سٹے توڑ کے کھاون لگے۔ ²۲۔ فریسیاں نے اِے ڈیکھ کے یسوع کوُں آکھیا ڈیکھ تیڈے چیلے اوہ کم کریندِن جیہڑا سبت آلے ڈینہ کرنا جائز نئیں۔³۳۔ یسوع نے اُنہاں کوُ آکھیا کیا تُساں اِے نئیں پڑھیا کہ جیہڑے ویلے داؤد تے اوُں دےسنگتی بھکے ہَن تاں اُنہاں نے کیا کیتے؟۔ ⁴۴۔ کیویں اوہ خدا دے گھر دے وچ گیا تے نذر دے ٹکر کھادے جو اوُں دے کیتے جائز نہ ہَن تے نہ اوُں دے چیلیاں کیتے پر صرف کاہناں کیتے ای جائز ہائی؟۔⁵۵۔ کیا تُساں توریت اِچ پڑھیا کہ نئیں پڑھیا کہ کاہن سبت آلے ڈینہ ہیکل اِچ سبت دی بےحرمتی کر دے ہِن تے اوہ بے قصور راہندِن؟ ۔ ⁶۶۔ میں تہاکوں آدھا ہاں کہ اِتھاں اوہ ہِے پیا جیہڑا ہیکل تھوں وی بہوں وڈا ہِے۔⁷۷۔ پر اگر تساں اِیں دے معنی جان دے کہ میں قربانی نئیں بلکہ رَحم پسند کریندا ہاں تاں بے قصوراں کوُ قصوروار نہ ٹہراوؤ ہا۔ ⁸۸۔ کیوں جو اِبنِ آدم سبت دا مالک ہِے۔⁹۹۔ یسوع اُتھوں ٹُر کے اُنہاں دے عبادت خانے وچ گیا۔ ¹⁰۱۰۔ اَتے ڈیکھو اُتھاں ہِک بندہ ہا جندا ہتھ سُکا ہویا ہا۔ اُنہاں نے اوُں دے تے الزام لاون دے ارادے نال اِے پُچھیا کہ کیا سبت آلے ڈیں شفا ڈیونا جائز ہِے؟¹¹۱۱۔ یسوع نے وَل اُنہاں کو آکھیا! تہاڈے وِچوں ایہو جیا کون ہِے جنیدے کول ہِک بھیڈ ہوے تاں اوہ سبت دے ڈینہ ٹوئے وچ ڈھیہ پووے تاں اوہ اوُں کوُں پکڑ کہ نہ کڈھے؟۔ ¹²۱۲۔ بندے دی عزت تاں اوُں بھیڈ کولوں بہوں زیادہ ہِے ۔ ایں پاروں سبت آلے ڈینہ چنگا کم کرنا جائز ہِے۔¹³۱۳۔ تاں یسوع نے اوُں بندے کوُ آکھیا اپنا ہتھ وَدھا۔اوُں ہتھ وَدھایا تے اوہ ڈوجھے ہتھ وانگوں چنگا تھی گیا۔ ¹⁴۱۴۔ اَتے فریسی باہر گئے تے اُوں دے خلاف منصوبہ بنائے کہ اوُں کوُں کیویں ہلاک کرؤں۔¹⁵۱۵۔ جڈاں یسوع کوُ اِیں گالہیں دا پتہ لگے تاں اوہ اُتھوں لگا گیا اَتے بہوں سارے لوگ اوُں دے پچھو ں ٹُر پئے اوُں نے ساریاں کوُں چنگا کر ڈِتے۔ ¹⁶۱۶۔ اُنہاں کو آکھیا کہ میکوں ظاہر نہ کرائے۔ ¹⁷۱۷۔ تاں جو یسعیاہ نبی دی راہئیں جو آکھیا گیا ہِے اوہ پورا تھی وے کہ ۔¹⁸۱۸۔ ڈیکھو اے میڈا نوکر ہِے جئیں کوُں میں چُن گِدے۔ میڈا پیارا جیندے تھوں میڈا دل خوش ہِے۔ تے میں اپنی روح اُوں اُتے سٹیساں اَتے وَل اوہ غیر قوماں کوُ انصاف دی خبر ڈیسی ۔¹⁹۱۹۔ ایہہ نہ جھگڑا کریسی تے نہ ای شور اَتے نہ ای بازاراں وِچ کوُئی اِیندی آواز سُن سی۔ ²⁰۲۰۔ اوہ گھٹے ہوئے سرکنڈےکو نہ توڑیسی وَل اوہ دھواں ڈیندے ہوئے سن کونہ بجھا سی جڈاں تائیں اوہ انصاف دی فتح نہ کرا ڈیسی۔ ²¹۲۱۔ اَتے غیر قوماں اِیں دے ناں تھوں بھروسہ رکھ سن۔²²۲۲۔ ول ہِک انہے تے گونگے کوُ جیندے وچ بدروح ہا۔ یسوع دے کول گھن آئے اوُں نے اوُں کوں چنگا کرڈِتا۔تے جیندے پاروں گونگا بولن تے ڈیکھن لگ پیا۔ ²³۲۳۔ اِتے ساری بھیڑ حیران تھی تے ول آکھیا اے بندہ داؤد دا پتر ہو سگدے؟۔²⁴۲۴۔ فریسیاں نے اِیں معجزے دے پارے وچ سن کے آکھیا اِے بندہ جناں دے شہزا دے بعلز بول دے سوا جناں کوں نیں کڈھ سگدا۔ ²⁵۲۵۔ یسوع نے اُنہاں دے خیال جان کے اُنھاں کو آکھیا کہ جئیں بادشاہی وچ پھُٹ پوندی ھے اوہ تباہ تھی ویندی ہِے اَتے اوُں وے ای جئیں شہر یا گھر جندے وِچ پُھٹ پوسی او قائم نہ راہسی۔²⁶۲۶۔ اَتے اگر شیطان ای شیطان کو کڈھ ڈیوے تاں اوہ آپ ای اپنا مخالف تھی ویسی۔ وَل اوُندی بادشاہی کیویں قائم راہسی ؟۔ ²⁷۲۷۔ اَتے جے کر میں بعلز بول دی مدد دے نال جناں کو کڈھیندا ہاں تاں توہاڈے پُتر کئیں دی مدد نال کڈھیندِن؟ ایندے پاروں اوہو توہاڈے منصف ہوسن۔²⁸۲۸۔ جے گر میں خدا دی روح نال جن کڈھندا ہاں تاں وَت خدا دی بادشاہی تُہاڈے کول آگئی ہِے۔ ²⁹۲۹۔ یا کیویں کوئی ڈھاڈا زور آلا بندہ کئیں دے گھر وڑھ کے اوں دا مال لُٹ سگدے جڈاں تائیں کہ پہلے اوُں زور آور کوُ بدھ نہ گھِنے؟ وِل اوہ اوُں دا گھر لُٹ گھِنسی۔ ³⁰۳۰۔ جیہڑا میڈے نال نئیں اوہ میڈا دشمن ہِے۔تے جیہڑا میڈے نال جمع نہیں کریندا اوہ بکھریندا ہِے۔³¹۳۱۔ ایں کیتے میں تُہاکوں آدھا ہاں کہ بندیاں دا ہر گناہ تے کفر معاف کیتا ویسی پر جو کُفر روح دے حق وِچ ہوسی اوہ معاف نہ کیتا ویسی۔ ³²۳۲۔ اَتے جیہڑا کوئی ابنِ آدم دے خلاف بولیسی اوُں کوُں معاف کر ڈِتا ویسی۔ پر جو کوئی پاک روح دے خلاف کجھ بولیسی اوہ تاں کڈائیں وی معاف نہ کیتا ویسی ۔نہ اِیں دنیا وچ نہ جیہڑی آون آلے جہان وِچ۔³³۳۳۔ یا تاں جھاڑ کوُں چنگا آکھواَتے اوُندے پھل کوُ وی چنگا آکھو، یا وَل جھاڑ کوُ وی بُرا آکھو تے اوُندے پھل کو وی بُرا آکھو کیونکہ جھاڑ اپنے پھل تھوں سنجھانا ویندے۔ ³⁴۳۴۔ اے نانگ دے بالو تُساں بُرے تھی کے چنگیاں گالہیں آکھ سگدےھو؟ کیونکہ جیہڑا دل اِچ ہووے اوھو منہ تے آندے۔ ³⁵۳۵۔ چنگا بندہ چنگے خزانے وچوں چنگیاں شئیاں کڈھیندے اَتے بُرا بندہ بُرے خزانے وِچوں بُریاں شئیاں کڈھیندے۔³⁶۳۶۔ اَتے میں تُہاکوں آدھا ہاں عدالت آلے ڈنیہ ہر کہیں کوں اپنی ہر بُری گل دا حساب ڈیونا پوسی۔ ³⁷۳۷۔ کیونکہ تُوں اپنی گالہیں دے پاروں دین دار ٹھہرایا ویسیں اَتے اپنیاں گالہیں دے پاروُں قصور وار ٹھہرایا ویسیں۔³⁸۳۸۔ تے وَل کجھ فقیہاں تے فریسیاں نے یسوع کوں جواب ڈِتا تے آکھیا۔اَے اُستاد اساں تُہاڈے کولوں ہِک نشان ڈیکھنا چاہندے ہاں۔ ³⁹۳۹۔ یسوع نے اُنہاں کوُ جواب ڈِتا تے آکھیا اِیں زمانے دے بُرے تے زِنا کارقوم نشان منگدِن پر یوناہ نبی دے نشان دے سوا بیئا کوئی نشان نہ ڈِتا ویسی۔ ⁴⁰۴۰۔ کیونکہ جیویں یوناہ ترائے دیہاڑے تے ترائے راتیں مچھی دے ڈِھڈ وچ ریہا اوُں وے ای ابنِ آدم ترائے دیہاڑے تے ترائے راتیں زمین کے اندر راہسی۔⁴¹۴۱۔ عدالت کے ڈینہ نینوہ دے لوگ اِیں زمانے دے لوگاں دے نال کھڑے تھی کے اِنہاں کوُ مُجرم ٹھہراسن کیوں جو اُنہاں نے یوناہ دی مُنادی تے توبہ کیتی پر ڈیکھو اِتھاں اوہ ہِے جیہڑا یوناہ تھوں وی وڈا ہِے ۔⁴²۴۲۔ دکھن دی ملکہ عدالت آلے ڈینہ اِیں زمانے دے لوگاں دے نال جیوائی ویسی تے اُنہاں کوُں مُجرم ٹھہرآسی۔ کیوں جو اوہ زمین دی اخیر تھوں سلیمان دی حکمت کوُ سُنن آئی اَتے ڈیکھو جیہڑا اِتھاں ہِے جیہڑا سلیمان تھوں وہی وڈا ہِے۔⁴³۴۳۔ جڈاں ہِک پلید روُح بندے وِچوں نکلدی ہِے تاں خشک جاہ تے آرام گوُلیندی پھردی ہِے اَتے اوُں کوُ نئیں مِلدی۔ ⁴⁴۴۴۔ تے وَل اِے آدھی ہِے کہ میں پِچھاں اپنے گھراِچ وَل ویساں جتھوں میں آئی ہامی ۔اوہ واپس آئی تے اوہ اپنے گھر کوُں صاف ستھرا پاندی ہِے۔ ⁴⁵۴۵۔ وَل اوہ اپنے گھر ویندی اے تے اپنے نال ست بُریاں روحاں کوُں گھِن ویندی ہِے۔جیہڑیاں اِیں تھوں وی بہوں بُریاں ہونیدِن تے وَل اوہ ساریاں اُتھاں آن کے راہندِن اَتے اوُں بندے دی اخیری حالت پہلے کولوں وہی زیادہ بُری تھی ویندی ہِے۔ اِیں زمانے دے بُرے لوگاں دا حال ضرور ایویں ای ہوسی۔⁴⁶۴۶۔ جڈاں یسوع بھیڑ نال گالہیں کریندا پیا ہا اوُندی ماں تے بِھرا باہر کھڑے ہَن اَتے اوندے نال گالھ کرنا چاہندے ہَن۔ ⁴⁷۴۷۔ کئیں نے اوُں کوُں آکھیا تیڈی ماں تے تیڈے بھرا باہر کھڑے ہِن کہ تیڈے نال گالھ کرنا چاہندِن۔⁴⁸۴۸۔ وَل یسوع نے اُنہاں کوُ آکھیا کون ہِے میڈی ماں تے کون ہِن میڈے بھرا؟۔ ⁴⁹۴۹۔ تے وَل اوُں نے اپنے چلیاں دی طرف اشارہ کیتا تے اپنیاں ہتھ ودھا کے آکھیا ڈیکھو اِے ہِے میڈی ماں تے اِے ہِن میڈے بھرا۔ ⁵⁰۵۰۔ کیوں جو کوئی وی میڈے باپ دی مرضی تے چلدے، اوہ ای میڈا بھرا تے میڈی بھین تے ماں ہِے۔

¹۱۔ اوُں ڈینہ یسوع گھر کولوُں نکل کے تے جھیل دے کنڈے تے ونج بیٹھا۔ ²۲۔ تے اوُندے کول بہوں وڈی بندیاں دی بھیڑ کٹھی تھی گئی تاں اوہ ہک کشتی وچ چڑھ بیٹھا تے اوہ سارے لوگ جھیل دے کنارے کھرے تھی گئے۔³۳۔ وَل یسوع نے بہوں ساری گالہیں اوُنہاں کُوں مثالاں اِچ بیان کیتیاں۔ڈیکھو ہک بیج بوؤن والا بیج بوؤن نکلے۔ ⁴۴۔ اَتے بوؤن دے ویلے کجھ دانے راہ دے کنڈے ڈھٹے تے پکھیاں نے اُنہاں کوُ آکے چُگ گِدے۔ ⁵۵۔ تے کجھ پتھراں آلی زمین تے ڈٹھے جِتھاں اُنہاں کوُں بہوں مٹی نہ ملی تے بہوُں مٹی نہ ملن دے کاروُں جلدی اُگ آئے۔ ⁶۶۔ اَتے جڈاں سورج نکلے تاں سڑ گئے تے جڑ نہ ہوؤن دے کاروں سُک گئے۔⁷۷۔ اَتے کجھ جھاڑیاں وچ ڈٹھے تے جھاڑیاں نے اوُں کوُ دبا گِدے۔ ⁸۸۔ اَتے کجھ چنگی زمین تے ڈٹھے تے پھل گھن آئے کجھ سو گناہ کجھ سَٹھ گناہ تے کجھ ترِیھ گناہ۔ ⁹۹۔ جیندے کن ہون او سن گھِنے۔¹⁰۱۰۔ چیلاں نے اوُندے نیڑے آکے اوُں کوُں آکھیا تُساں مثالاں وِچ کیوں گالہیں آدھے ہیوے؟۔ ¹¹۱۱۔ اوُں نے جواب اِچ اُنہاں کوُ آکھیا اِیں کیتے کہ تُہاکوُں آسمان دی بادشاہی دی گالہیں دی سمجھ ڈِتی گئی ہِے پر اُنہاں کوُ نئیں ڈِتی گئی۔ ¹²۱۲۔ کیونکہ جیندے کول ہِے اوُں کوُں ڈتا ویسی تے اوُندے کول زیادہ تھی ویسی اَتے جیندے کول نئیں ہے اوُندے کولوُں اوہ وی گھن گِدا ویسی جیہڑا اوُندے کول ہے۔¹³۱۳۔ میں اُنہاں ناں مثالاں اِچ اِیں کیتے گالہیں کریندا ہاں کے او ڈیدھے ہوئے نئیں ڈیدھے تے سُندے ہوئے نئیں سُندے اَتے ناں ای سمجھدِن۔ ¹⁴۱۴۔ اَتے اُنہاں دے حق وِچ یسعیاہ نبی دی پیشین گوئی پوری تھیندی اِے کہ تُساں کناں نال سُنسو پر ہر گز نہ سمجھ سو اَتے اکھیاں نال ڈیکھ سو پر ہر گز پتا نہ کریسو۔¹⁵۱۵۔ کیونکہ اِنہاں دے دِلاں تے چربی چھا گئی اے تے اوہ کناں تھوں اُچا سُندِن تے اُنہاں نے اَپنیاں اَکھیاں بند کر گِدِن کہ ایویں نہ تھیوے کہ آکھیاں نال ڈیکھن تے کناں نال سُنن تے دل تھوں سمجھِن تے میڈے کول آؤن تے میں اُنہاں کُوں چنگا کراں۔¹⁶۱۶۔ پر خوش نصیب ہِن تُہاڈیاں اَکھیاں ایں کیتے کے اوہ ڈیدھیاں ہن اَتے کن اس کیتے کے اوہ سُن دے ہن۔۔ ¹⁷۱۷۔ میں تُہاکوں سچ آدھا ہاں کے بہوں سارے نبیاں تے دینداراں کوُں آرزو ہائی کے جو کجھ تُساں ڈیدھے ہیوئے اوہ ڈیکھن پر نہ ڈیکھ سگے تے جوگالہیں توُساں سُندے ہیوئے سُنن پر نہ سُن سگے۔¹⁸۱۸۔ہُن بیج بوؤن آلے دی مثال سنو۔ ¹⁹۱۹۔ جیہڑے ویلے کوئی بادشاہی دا کلام سُن دا ہے تے نئیں سمجھدا تاں جو کجھ اوُندے دِل وِچ بویا ویندا ہِے۔اوُں کوُں شیطان آکے چھِک گھِندے۔ اے اوہ ہِن جیڑھے راہ دے کنارے بویا گیا ہا۔²⁰۲۰۔ اَتے جیہڑا پتھر یلی زمین وِچ بویا گیا ہِے اوہ ہِے جیہڑا کلام کُو سُندا ہِے تے خوشی نال قبول کر گھندِے۔ ²¹۲۱۔ پر اپنے اندر جڑ نہیں رکھیندا بلکہ تھوڑے ڈیواراں دا ہِے اَتے جیہڑے ویلے کلام دے پاروُں ڈُکھ یا ظلم برپا تھیندا ہِےتاں چھیتی نال تھُڈا کھاندا ہِے۔²²۲۲۔ اَتے جو جھاڑیاں وِچ دبایا گیا ہِے اوہ ہِے جیہڑا کلام کوُ سُندا ہِے تے دُنیا دی فکرتے دولت دا فریب اُوں کلام کوُ دبا ڈیندا ہِے اِتے اوہ پھل نئیں گِھن آندا ۔ ²³۲۳۔ اَتے جیہڑا چنگی زمین وِچ بویا گیا ہِے اوہ ہِے جیہڑا کلام کوُ سُندا تے سمجھدا ہِے اَتے پھل وی گِھن آندے۔ کوُئی سوگُناہ تے کوُئی سَٹھ گُناہ تے کوئی تریِھ گُناہ۔²⁴۲۴۔ وَل یسوع نے ہک بئی مثال اُنہاں دے سامنے پیش کیتی تے آکھیا آسمان دی بادشاہی اوُں بندے دی کار ہے جئیں نےاَپنی زمین وِچ چنگا بیج بوئے۔ ²⁵۲۵۔پر بندیاں دے سُوتے ہوئے دشمن آیا تے کنک وِچ کوڑے دانےے وی بو گیئے۔ ²⁶۲۶۔ وَل جیہڑے ویلے پتیاں نکلیاں تے پھلپیاں تے اوہ کڑوے دانے وی ڈکھائی ڈِتے ۔²⁷۲۷۔ نوکراں نے آکے گھر دے مالک کوُں آکھیا اَے خداوند کیا توُں اپنے کھیت وِچ چنگا بیج نئیں بویا ہا؟ اوُندے وِچ کڑعے دانے کِتھں آ گئے؟۔ ²⁸۲۸۔ یسوع نے اوُنہاں کوُ آکھیا ایہہ کئیں دُشمن دا کم ہِے نوکراں نے اوُں کوُ آکھیا کیا توں چاہندا ہیں کہ اَساں ونج کے اوُنہاں کو اکٹھا کروُں؟۔²⁹۲۹۔ اوُں نے آکھیا نئیں اِیویں نہ تھیوے کہ کڑوے دانے جمع کریندے ہویاں تُساں اُنہاں دے نال کنک وی اُکھاڑ ڈیوو۔ ³⁰۳۰۔ کٹائی دے ویلے تک ڈوہاں کوُں اکٹھا ودھن تےڈیوو تے کٹائی کرن آلیاں کُو آکھ ڈیوو کے پہلے کڑوے دانے جمع کر گھِنو تے جلاون دے کیتے اُنہاں دے گٹھے بَدھ گھِنو اَتے کنک کوُ میڈے کیتے جمع کر گھِنو۔³¹۳۱۔ یسوع نے ہک بئی مثال اُنہاں دے سامنے پیش کیتی کے آسمان دی بادشاہی اوُں رائی دے دانے کار ہِے جیکوُں کے آدمی نےگِھن کے اپنے کھیت اِچ پُور ڈِتا۔ ³²۳۲۔ اوہ سارے بیجاں وِچوں چھوٹا تاں ہِے پر جیہڑے ویلے ودھدا ہے تاں ساریاں سبزیاں کولوُں وڈا تے ایہو جیہا درخت تھی ویندے کہ ہوا دے پنکھی آکے اوُندے اُتے آکے بسیرا کریندے ہِن۔³³۳۳۔ وَل اوُں نے ہِک بئی مثال اُنہاں کوُ سُنائی کہ آسمان دی بادشاہی اوُں خمیر دی کار ہِے جیکوُوں کئیں تریہمت نے گھِن کے تریئے پیمانے آٹے وِچ مِلا ڈِتا تاں تھیندے تھیندے سارا خمیر تھی گیا۔³⁴۳۴۔ ایہہ ساریاں گالہیں یسوع نے بھیڑ کو مثالاں وِچ آکھیاں اَتے بغیر مثال دے اوہ اوُنہاں کوُ کجھ نہ آدھا ہا۔ ³⁵۳۵۔ تاں جو نبی دے پاروُں آکھا گیا ہا اوہ پورا تھیوے کہ میں مثالاں اِچ اپنا مُنہ کھولیساں۔ میں اُنہاں گالہیں کوُ ظاہر کریساں جو شروع تھوں ہی لُکیاں رہیاں ہَن۔³⁶۳۶ ۔ اوُں ویلے اوہ رش کو چھوڑ کے گھر گیا تے اوُندے چیلیاں نے اوُندے کول آکے آکھیا کھیت دے کڑوے دانیاں دی مثال ساکوُں سمجھا ڈے۔ ³⁷۳۷۔ وَل یسوع نے جواب وِچ آکھیا کہ چنگے بیج دا پوُرن آلا ابنِ آدم ہے۔ ³⁸۳۸۔ تے کھیت دُنیا ہے تے چنگا بیج بادشاہی دے پُتر ہِن تے کڑوے دانے اوُں شیطان دے پُتر ہِن۔ ³⁹۳۹۔ جئیں دُشمن نے اُنہاں کوُ بویا اوہ شیطان ہےتے کٹائی دنیا دا آخیر ہِے تے کٹن آلے فرشتے ہِن۔⁴⁰۴۰۔ وَل جیویں کڑوے دانے جمع کیتے ویندِن تے آگ وِچ ساڑے ویندِن اوُں ویں ای دُنیا دے آخیر وِچ ہوسی۔ ⁴¹۴۱۔ ابنِ آدم اپنے فرشتیاں کوُں بھجیسی تے اوہ سارے ٹھوکر کھلاون آلی شیئیاں تے بدکاراں کوُ اوُں بادشاہی وچ جمع کریسی۔ ⁴²۴۲۔ اَتے اُنہاں کوُ بھا دی بھٹی وِچ سٹ ڈیسن۔ اُتھاں رووناں تے دنداں دا پیسنا ہوسی۔ ⁴³۴۳۔ اوُں ویلے دیندار اپنے باپ دی بادشاہی وِچ سِجھ دی کار چمک سن۔ جیندے کن ہوون اوہ سُن گھِنے۔⁴⁴۴۴۔ آسمان دی بادشاہی کھیت وِچ لُکے ہوئے خزانے دی کار ہے جیکوُں کئیں بندے نےگھِن کے لُکا ڈِتے اَے خوشی دے مارے جو کجھ اوُں دا ہا ونج کے وِچ ڈِتے تے اوُں کھیت کوُ مُل گھِن گِدے۔ ⁴⁵۴۵۔ وَل آسمان بادشاہی اوُں سوداگری دی کار ہے جیہڑا چنگے موتیاں دی تلاش وچ ہا۔ ⁴⁶۴۶۔ جیہڑے ویلے اوُں کوُں ہک بہو قیمتی موتی ملے تاں اوُں نے ونج کے جو کجھ اُوندا ہا ویچ ڈِتے تے دَل اوُں کوُں مُل گھِن گِدے۔⁴⁷۴۷۔ وَل آسمان دی بادشاہی اوُں وڈے جال دی کار ہے جیہڑا دریا وِچ سٹیا گیا تاں اوُں نے ہر طرح دیاں مچھیاں گھیر گِدیاں۔ ⁴⁸۴۸۔ تے جیہڑے ویلے اوہ بھریج گئے تاں اوُں کوُں کنارے وَل چھِک کے گھن آئے تے بہہ کے چنگی چنگی تاں تھانوں وِچ جمع کر گِدیاں تے جیہڑیاں خراب ہن او سٹ ڈِتیاں ۔⁴⁹۴۹۔ دنیا دے آخیر وِچ ایویں تھیسی۔ فرشتے نکل سن تے شریراں کوُ دینداراں کولوں اَنج کریسن اَتے اُنہاں کوُ بھا دی بھٹی وِچ سٹ ڈیسن۔ ⁵⁰۵۰۔ اُتھاں رووناں تے ڈنداں دا پیسنا ہوسی۔⁵¹۵۱۔ کیا تُساں ایہہ ساری گالہیں جان گئے ہیوے؟ اُنہاں نے اوُں کوُ آکھیا ہاں۔ ⁵²۵۲۔ اوُں نے اُنہاں کُوں آکھیا اِیں پاروُں ہر فقیہ جیہڑا آسمان دی بادشاہی دا چیلا بنا ہِے اُوں گھر دے مالک کارہے جیہڑا اپنے خزا نے وچوں نویاں تے پرانیاں شیئیاں کڈھیندا ہِے۔ ⁵³۵۳۔ یسوع جیہڑے ویلے اے مثالاں ڈے چُکے تاں ایویں تھیا کے اُُتھوں لگا گیا۔⁵⁴۵۴۔ اَتے اپنے وطن وِچ آکے اُنہاں دے عبادت خانہ وِچ اُنہاں کوُ ایہو جئی تعلیم ڈیون لگے کہ اوہ حیران تھی کہ آکھن لگے کے ایندے وِچ ایہہ حکمت تے معجزئے کِتھوں آگئین۔ ⁵⁵۵۵۔ کیا اِے ترکھان دا پُتر نئیں؟ تے ایندی ماں دا ناں مریم تے ایندے بھِرا یعقوب تے یوسف تے شمعون تے پہُوداہ نئیں؟۔ ⁵⁶۵۶۔ اَتےکیا ایندیاں ساریاں بھینیں ساڈے کول نئیں ؟وَل ایہہ سارا کجھ ایندے وِچ کِتھوں آئے؟۔⁵⁷۵۷۔ اَتے اُنہاں نے اوُندے پاروُں تُھڈا کھادے۔ پر یسوع نے اُنہاں کوُں آکھیا کہ نبی اپنے وطن اِچ تے اپنے گھر دے سیوا کِتھائیں وی بےعزت نئیں تھیندا۔ ⁵⁸۵۸۔ اَتے اوُں نے اُنہاں نے دی بے اعتقادی دے پاروُں اُتھاں بہوں سارے معجزے نہ ڈِکھائے۔

¹۱۔ اوُں ویلے چوتھائی مُلک دے حاکم نے یسوع ہیرودیس نے یسوع دی شہرت سُنی ۔ ²۲۔ اَتے اپنے نوکرآں کوُں آکھیا کہ اِے یوحنا بپتسمہ ڈیون آلہ ہِے جیہڑا مُردیاں وِچوں زندہ تھی گیا ہِے۔اِیں کیتے اوُندے کولوں ایہہ معجزے ظاہر تھیندے پئے ہِن۔³۳۔ ہیرودیس نے اپنے بھرا فلپس دی ذال ہیرودیاس دے پاروُں یوحنا بپتسمہ ڈیون آلے کوُ پکڑ کے بندھوایا تے قید خانے اِچ ڈھک ڈِتا ہا۔ ⁴۴۔ کیوں جو یوحنا نبی نے اُنہاں کوُ آکھیا ہا کہ اِیں کوُ اپنے کول رکھنا تیڈے کیتے جائز نئیں۔ ⁵۵۔ کیوں جو ہیرودیس اوُں کوُں قتل کر ڈیونا چاہندا ہا پر اوہ عام بندیاںکولوں ڈردا ہا کیونکہ اوہ اوُں کوُ نبی من دے ہَن۔⁶۶۔ پر جڈاں ہیرودیس دی سالگرہ تھئی تاں ہیرودیاس دی دھی نے محفل دے وِچ نچ کے ہیرودیس کوُ خوش چا کیتے۔ ⁷۷۔ اِیں پاروُں اوُں نے قسم کھادی تے وعدہ کیتا کہ توں جو کجھ منگیس میں تیکوُ ڈیساں۔⁸۸۔ اوُں نے اپنی ماں دے سکھاون تے آکھیا نے میکوں یوحنا بپتسمہ ڈیون آلے دا سر تھال اِچ اِتھائیں منگوا ڈے۔ ⁹۹۔ تے وِل بادشاہ کوُ اوُں دی درخواست تے بہوں ارمان لگے پر اوہ اپنی قسماں تے مہماناں دے پاروُں مجبور ہا اوُں نے حکم ڈِتا کہ سر ڈے ڈِتا ونجے۔¹⁰۱۰۔ وَل اوُں نے بندیاں کو بھجوایا تے قید خانے وچوں یوحنا دا سرالگ کٹوا چھوڑے۔ ¹¹۱۱۔ وَل اوُندا سر تھال دے وچ رَکھ کے چھویر دے کول گھن آئے وَل اوُں دی ماں دے سامنے پیش چا کیتے۔ ¹²۱۲۔ اَتے اوُندے چیلے آئے تے اُنہاں لاش گِدی تے اوُں کوُ دفن کیتے اِیں دے بعد اوہ یسوع دے کول گئے تے اوُں کوُ خبر ڈِتی۔¹³۱۳۔ جڈاں یسوع نے ایہہ سنیا تاں تاں اُتھاں ہِک کشتی دے وچ بہہ کے ہِک کلی جاہ تے لگا گیا لوگاں دی بھیڑ اے سن کے اوُندا پِچھا کرن لگ پئی۔ ¹⁴۱۴۔ وَل یسوع نے کشتی وِچول لہہ کے ہک وڈی بھیڑ ڈٹھی اتے اوُں کوُ اُنہاں تت بہوں ترس آیا پہلے اوتھے آیا اَتے اوُں نے اُنہاں دے بیماراں کو چنگا کرڈِتا۔¹⁵۱۵۔ اَتے جیہڑے ویلے شام تھی تاں چیلے اوُندے کول آے تے اُنہاں آکھیا جو ایہہ سنسان جاہ ہِے پئی اَتے ویلہ لنگھ گیا ہِے۔ لوگاں کوُ کو ونجن ڈے تاں جو اوہ وسطی اِچوں اپنے کیتے کھاونا مل گھن سگن۔¹⁶۱۶۔یسوع نے اُنہاں کوُ آکھیا اِنہاں کوُ ں ونجن دی ضرورت کائی نئیں تُساں اُنہاں کوُ کھاون کیتے ڈیووو۔ ¹⁷۱۷۔ اُنہاں نے اوُں کوُ آکھیا ساڈے کول اِتھاں صرف پنج روٹیاں تے ڈو مچھیاںہِن بئیا کجھ کئے نئیں۔ ¹⁸۱۸۔ یسوع نے آکھیا! اُنہاں کوُ میڈے کول گِھن آؤ۔¹⁹۱۹۔ وَل یسوع نے بندیاں کو حکم ڈِیتا کہ گھا دے اُتے بیہ ونجو۔ اَتے اوُں نے پنج روٹیاں تے ڈو مچھیاں گھِن کے آسمان دی طرف ڈِیکھ کے برکت ڈِتی تے وَل روٹیاں توڑ کے چیلیاں کو ڈِتیاں تے چیلیاں نے بندیاں کو ڈِتیاں۔ ²⁰۲۰۔ ول اُنہاں ساریاں کھادیاں تے رَج گئے وَل کھانے دے بچے ہوئے ٹکڑیاں دے نال بھریاں ہویاں بارہ ٹوکریاں چاتیاں۔ ²¹۲۱۔ اَتے کھاون آلےتریہمتاں تے بالاں دے علاوہ پنج ہزار جنے ہَن۔²²۲۲۔ اَتے وَل چھیتی ہی اوُں نے چیلیاں کوُکشتی دے وچ مجبور کر کے سوار کرایا تے آکھیا کہ میڈے کولوُں پہلے پار لگے ونجو اَتے وَل اوُں نے بندیاں دی بھیڑ کوُ ونجن ڈِیتا۔ ²³۲۳۔ وَل بندیاں کوُ ونجن دا حکم ڈے کے کلہا دُعا کرن کیتے پہاڑ تے چڑھ گیا جیہڑے ویلے شم تھئی تاں اوہ پہاڑ تے کلہا ہا۔ ²⁴۲۴۔ پر کشتی اوُں ویلے کنارے تھوں پرے ہا اَتے لہراں دے تھپیڑے کھاندی پئی ہا کیوں جو ہوا اوُں دے مخالف چلدی پئی ہائی۔²⁵۲۵۔ رات دے چوتھے پہر یسوع جھیل تے چلدے ہویاں اُنہاں دے کول آیا۔ ²⁶۲۶۔ جڈاں چیلیاں نے اوُں کوُ جھیل تے چلدیاں ہویاں ڈِٹھا تاں گھبریج گئے اَتے آکھن لگے کہ اِے تاں بھوت ہِے تے وَل ڈر نال چیخن لگ پئے۔ ²⁷۲۷۔ یسوع نے وَل جلدی نال اُنہاں کوُ آکھیا میں ہاں حوصلہ رکھو۔ ڈرو نئیں۔ میں ہاں۔ ۔²⁸۲۸۔ پطرس نے اوُں کوُ جواب اِچ آکھیا اِے خداوند اگر توُں ہئیں تا میکوُ حکم ڈِے کہ پانی تے چل کے تیڈے کول آواں۔ ²⁹۲۹۔ اوُں نے آکھیا آ۔ پطرس کشتی تھوں اُتر کے یسوع دے کول ونجن کیتے پانی تے چلن لگ پیا۔ ³⁰۳۰۔ پر جیہڑے ویلے ہوا ڈِٹھی تاں ڈر گیا تے جڈاں بُڈن لگے تاں چیخن لگ پیا اَے خداوند میکوُ بچا!۔³¹۳۱۔ یسوع نے چھیتی نال ہتھ لمبا کیتا تے اوُں کوُ نَپ گِدے اَتے وَل اوُں کوُ آکھیا اَے بے یقینا توں کیوںشک کیتے؟۔ ³²۳۲۔ اَتھ وَل جیہڑے ویلے اوہ کشتی دے وچ سوار تھی گئے تاں ہوا رُک گئی۔ ³³۳۳۔ اَتے جیہڑے کشتی دے وچ بیٹھےہَن اُنہاں اوُں کوُ نے سجدہ کیتا تے آکھیا سچ دے وچ توُں خدا دا پُتر ہئیں۔³⁶³⁴۳۴۔ جڈاں او پار کر گئے تاں اوہ گنیرت دے علاقے دے وچ آئے۔ ³⁵۳۵۔ اَتے اٗتھاں دے موجود بندیاں نے یسوع کوُں سنجانیا تے وَل اُتھاں آس پاس دے علاقاں دے وِچ لوگاں کوُں خبر ڈِتی اَتے سارے بیماراں کوُ اوُندے کول گھن آئے۔ ۳۶۔ وَل اوہ اوُں دی منت کرن لگ پئے جو اوُندے کپڑیاں دے کنارے کوُ ای ہتھ لگ ونجے۔ تاں جنہاں نے ہتھ لایا اوہ چنگے تھی گئے۔

¹۱۔ اوُں ویلے کجھ فقیہ تے فریسی یروشلیم تھوں یسوع دے کول آئے۔ اُنہاں نے آکھیا۔ ²۲۔ تیڈے چیلے وڈیاں دی بنائی ہوئی روایات کو کیوں تُڑیندِن کہ تُکر کھاؤن تھوں پہلاں ہتھ نئیں دھوندے؟۔ ³۳۔ یسوع نے جواب اِچ آکھیا وَل تُساں کیوں اپنی روایات کوُں پورا کرن خاطر خداوند دے حکماں کو توڑیندے ہیوے؟۔⁴۴۔کیوں جو خدا نے فرمائے اپنے پیو تے ماں دی عزت کرائے اَتے جیہڑا کوئی اپنے پیو تے ماں دی برائی کریسی اوہ ضرور جان تھوں مارا ویسی۔ ⁵۵۔ پر تُساں آدھے ہیوے کہ جیہڑا کوُئی اپنے پیو یا ماں کو آکھے جیہڑی مدد تُہاکوُ میڈے کولوُں مِل سگدی ہائی اوہ تاں خدا کوُ ہدیہ دے طور تے ڈے ڈِتی گئی ہِے۔ ⁶۶۔ اوُں کوُں اپنے پیو دی عزت کرن دی ضرورت نئیں۔ ایویں تُساں تے اپنی روایات نال خدا دے کلام کو رَد کرڈِتے۔⁷۷۔ اَے ریا کارو یسعیاہؔ نے تُہاڈے حق دے وِچ ٹھیک نبوت کیتی ہِے۔ ⁸۸۔ اے بندے بُلاں نال تاں میڈی عزت کریندِن پر اِنہاں دا دِل میڈے کولوُں دوُر ہِے۔ ⁹۹۔ اِے بے فائدہ وڈی میڈی تعریف کریندِن کیو جو انسانی حکماں دی تعلیم ڈیندے ہِن۔¹⁰۱۰۔ وَل اوُں نے بندیاں کوُ اپنے کول سڈایا تے وَل اُنہاں کوُ آکھیا سنو تے سمجھو۔ ¹¹۱۱۔ جیہڑی وی شئے مُنہ اِچ ویندی ہِے اوہ بندے کوُ پلید نئیں کریندی پر جیہڑی مُنہ وِچوں نکلدی ہِے اوُہو بندے کوُ پلید کریندی ہِے۔¹²۱۲۔ وَل یسوع دے چیلے یسوع دے کول آئے تے یسوع کوُ آکھیا کہ کیا توُں جان دا ہئیں کہ فریسی تیڈے جواب کوُلوں بہوُں ناراض ہَن۔ ¹³۱۳۔اوُں نے جواب ڈِتا ہر اوہ پودا جو میڈے آسمانی باپ نے نئیں لایا جڑ تھوں پَٹ ڈِتا ویسی۔ ¹⁴۱۴۔ اُنہاں کوُ چھوڑ ڈیوو۔اوہ اندھے راہ ڈِکھاون آلے ہِن اَتے وَل ہِک اندھا ڈوجھے اندھےکوُ راہ ڈکھاسی تاں اوہ ڈوہیں ٹوئے دے وچ ڈھے پوسن۔¹⁵۱۵۔ پطرس نے جواب اِچ اوُں کوُ آکھیا اے تمثیل ساکوُں سمجھا ڈے۔ ¹⁶۱۶۔ اوں نے آکھیا کیا تُساں ہالی تائیں بے سمجھ ہیوے؟ ¹⁷۱۷۔ کیا تُہاکوں نئیں پتہ کہ جیہڑا کجھ منہ ویندا ہِے اوہ ڈِھڈ اِچ ویندے اَتے اوہ گندگی اِچ سٹیا ویندے۔¹⁸۱۸۔ پر جیہڑیاں گالہیں منہ چوُں نکلدیاں ہِن اوہ دِل دے وِچوں نکلدیاں ہِن تے اوُہو بندے کوُ ناپاک کریندیاں ہِن۔ ¹⁹۱۹۔ کیونکہ بُرے خیال۔قتل ۔زِنا۔جنسی بدکاری۔ چوری۔ کوُڑی گواہی۔ بے عزتی دِل وِچوں ای نکلدِن۔ ²⁰۲۰۔ ایہو ای گالہیں ہِن جیہڑیاں بندے کوُ پلید کریندِن پر ہتھ دھوؤن تھوں بغیرکھاؤناں بندے کوُ پلید نئیں کریندا۔²¹۲۱۔ وَل یسوع اُتھوں نکل کے صُور تے صَدا دے علاقاں کوُ لگا گیا۔ ²²۲۲۔ اَتے ڈیکھو ہِک کنعانی تریہمت اوُں علاقے دے وچوں نکل کے آئی اَتے اُچی اواز نال آکھیا اَے خداوند ابنِ داؤد میڈے تے رَحم کر۔ میڈی دِھی کوُ ہِک بدروح بہوں تنگ کریندی ہِے۔ ²³۲۳۔ پر یسوع نے اوُں کوُ کوُئی جواب نہ ڈِتا اَتے اوُں دے چیلیاں نے اوندی منت کیتی تے آکھن لگے کہ اِیں کوُ اِتھوں گھل چھوڑ کیونکہ اوہ ساڈے پچھوں ڈنڈ مچاندی پئی ہِے۔²⁴۲۴۔ اوُں نے جواب اِچ آکھیا میں تاں صرف اسرائیل دیاں گُم تھیاں ہویاں بھیڈاں دے علاوہ بئے کئیں دے کول نئیں گھلیا گیا۔ ²⁵۲۵۔ پر اوُں نے آ کے اوُندے سامنے جھک کےآکھن لگی خداوند میڈی امداد کر۔ ²⁶۲۶۔ اوُں نے جواب اِچ اوُں کوُ آکھیا چھویراں دا ٹکر گِھن کے کُتیاں دے اگوں سٹنا چنگا نئیں۔²⁷۲۷۔اوُں نے آکھیا ہاں خداوند کتے وی تاں مالک دی میز تھوں ڈھاون آلے ٹکریاں وچوں کھاندِن جیہڑے اوُں مالکاں دی میز تھوں ڈھاندِن۔ ²⁸۲۸۔ ایندے تے یسوع نے جواب اِچ اوُں کوُ آکھیا اَے تریہمت تیڈا ایمان بہوں وڈا ہِے۔جیویں توں چاہندی ہئیں تیڈے کیتے اوُں وے ہی ہوسی تے وَل اوُندی دھی اوُں ویلے ای چنگی تھی گئی۔²⁹۲۹۔ وَل یسوع اُتھوں نکل کے گلیل دی جھیل دے نیڑے لگا گیا اَتے اوہ پہاڑ تے چڑھ گیا تے اُتھائیں بیہہ گیا۔ ³⁰۳۰۔ اَتے ہِک بہوں وڈی بندیاں دی بھیڑ لنگڑے ۔اندھے گونگے۔ تے ٹنڈے اَتے بہوں سارے بیماراں کوُ اپنے نال گھِن کے اوُں دے کول آئی تے انُہاں کوُ یسوع دے پیراں وِچ حاضر چا کیتا یسوع نے اُنہاں کوُں چنگا کیتا۔ ³¹۳۱۔ جڈاں بھیڑ نے اِے سارا کجھ ڈِٹھا تاں اوہ بہوں حیران تھئےکہ گونگے بولیندِن لنگڑے ٹُردے پھردے ہِن اکھاں تھوں اَنھے ڈیدھِن ھن تاںاُنہاں نے اسرائیل دے خدا کی تعریف کیتی۔³²۳۲۔ یسوع نے اپنے چیلیاں کوُ سڈایا تے اُنہاں کوُ آکھیا میکوُں ایں بھیڑ تے ترس آندا ہِے کیوں جو اِے میڈے نال ترئے ڈیہواراں تھوں ہِن تے اُنہاں دے کول کھاؤن کیتے کجھ وی نئیں َتے میں اُنہاں کوُ کھاؤن تھوں بِنا گھلنا نئیں چاہندا۔ کتھائیں ایویں نہ تھیوے جواِے راہ اِچ تھک کے رِہ ونجن۔ ³³۳۳۔ چلیاں نے اوُں کوُ آکھیا اِیں ویرانے دے وِچ اَساں اتنا سارے بندیاں کوُ رجاؤن کیتے ٹکر کِتھوں گِھن آسوں؟ ³⁴۳۴۔ یسوع نے اُنہاں کوُ آکھیا ،تُہاڈے کول کتنیاں روٹیاں ہِن؟ اُنہاں نے آکھیا سَت اَتے کجھ مچھیاں ہِن۔ ³⁵۳۵۔ اوُں نے بندیاں کوُ زمین تے باہون دا حکم ڈَتا۔³⁶۳۶۔ اوُں نے سَت روٹیاں تے مچھیاں کوُ گھِن کے شکر کیتا تے اُنہاں توڑ کے ٹکڑیاں کوُں اپنے چیلیاں کو ڈیندا گیا اَتے چیلے بندیاں کوُ۔ ³⁷۳۷۔ اَتے سارے کھا کے رَج گئے تے وَل جیہڑے ٹکڑے بچ گئے ہَن اوُں دے ست ٹوکرے بھریج گئے۔ ³⁸۳۸۔ اَتے کھاؤن آلے تریہمتاں تے بالاں تھوں علاوہ چار ہزار بندے ہَن۔ ³⁹۳۹۔ وَل اوہ بندیاں کوُ گھل کے کشتی اِچ سوارتھیا تے مگدن دے علاقیاں وِچ آ گیا۔

¹۱۔ فریسی تے صدوقی اوُندے کول آئے تے اوُں کوُں آزماون دے کیتے اوُں کوُں آکھن لگے کے ساکوُں آسمان دی طرفُوں کوئی نشان ڈِکھا۔ ²۲۔ اوُں نے اُنہاں کوُں جواب ڈِتا کے جیہڑے ویلے شام تھیندی ہِے تے تُساں آدھے ہیوتے کے موسم چنگا ہوسی کیونکہ آسمان رَتا ہے۔³۳۔ وَل فجر کوُ تُساں آدھے ہیوے کہ اندھاری آسی کیونکہ آسمان رَتا تے دھندلا ہے۔تُسان آسمان دی ظاہری حالت دی تمیز کرنا جان دے ہیوے پر ویلے دے نشان دی تمیز نئیں وے کر سگدے۔ ⁴۴۔ اِیں زمانے دے بُرے تے زناکار لوگ نشان منگدِن پر یوناہ دے نشان تھوں سِوا کوئی بئیا نشان اُنہاں کُوں نہ ڈِتا ویسی وَل اوہ اُنہاں کوُ چھوڑ کے لگا گیا۔⁵۵۔ وَل چیلے پار ویندے ہویاں ٹُکر نال گھینناں بھُل گئے ہن۔ ⁶۶۔ یسوع نے اُنہاں کوُں آکھیا خبردار فریسیاں تے صُدقیاں دے خمیر تھوں ہوشیار راہوائے۔ ⁷۷۔ اوہ آپس اِچ اینج آکھن لگے کہ اَساں ٹُکر نئیں گِھن آئے۔ ⁸۸۔ یسوع نے اِے پتا کر کے آکھیا اے گھٹ ایمان رکھن آلیو تُساں آپس اِچ کیوں آدھے ہیوے کہ ساڈے کول ٹُکر نئیں۔⁹۹۔ کیا تُساں ہُن تک نئیں وے سمجھدے اَتے اُنہاں پنج ہزار بندیاں دیاں پنج روٹیاں یاد نئیں تے نہ اِے کہ کتنی ٹوکریاں چاتیاں ہَن؟۔ ¹⁰۱۰۔ اَتے نہ اُنہاں چار ہزار بندیاں دیاں سَت روٹیاں اَتے نہ ایہہ جو کتنے ٹوکرے چاتے ہَن؟۔¹¹۱۱۔ کیا وجہ ہِے جو تُساں ایہہ نئیں وے جان دے کہ میں تُہاکوں روٹی دے کیتے نئیں آکھیا؟ فریسیاں تے صدوقیاں دے خمیر تھوں خبردار راہو۔ ¹²۱۲۔ وَل اُنہاں دی سمجھ وِچ آیا کہ اوُں روٹی دے خمیر تھوں نئیں بلکہ فریسیاں تے صدوقیاں دی تعلیم تھوں خبردار راہون تھوں آکھیا ہا۔¹³۱۳۔ جیہڑے ویلے یسوع قیصریہ فلپی دے علاقے وچ آیا تاں اوُں نے اپنے چیلیاں کولُوں ایہہ پُچھیا کہ لوگ ابنِ آدم کوُ کیا آدھِن؟۔ ¹⁴۱۴۔ اُنہاں نے آکھیا کہ بہوں سارے یوحنا بپتسمہ ڈیون آلہ آدھِن تے بعض ایلیاہ تے بعض یرمیاہ یا نبیاں دے وِچوں کوُئی۔ ¹⁵۱۵۔ اوُں نے اُنہاں کوُں آکھیا پر تُساں میکوُں کیا آدھے ہیوے۔ ¹⁶۱۶۔ شمعون پطرس نے جواب ڈِتا توں زندہ خدا دا پُتر مسیح ہئیں۔¹⁷۱۷۔ یسوع نے جواب اِچ اوُں کوُ آکھیا بھاگاں آلا ہئیں توں شمعون بر یوناہ کیونکہ اے گالھ گوشت اور خُون نے نئیں ہتھوں میڈے باپ نے جیہڑا آسمان اُتے ہے تیڈے تے ظاہر کیتی ہِے۔ ¹⁸۱۸۔ اَتے میں وی تیکوُ آدھا ہاں کہ توں پطرس ہئیں تے میں ایں پتھر تے اپنی کلیسیا بنیساں اَتے عالم ارواح دے بوہے اوُندے تے غالب نہ آسن۔¹⁹۱۹۔ میں آسمان دی بادشاہی دئیاں کُنجیاں تیکوُ ڈیساں وَل جو کجھ توں زمین تے بدھیسیں اوہو آسمان اتے بدھیسی اَتے جو کجھ تُوں زمین تے کھولیسں اوہو آسمان تے کھُل ویسی۔ ²⁰۲۰۔ اوُں ویلے چیلاں کو حکم ڈِتا کے کئیں کوُ نہ ڈسائے جو میں مسیح ہاں۔²¹۲۱۔ اُوں ویلے کولوُں یسوع اپنے چیلاں تے ظاہر کرن لگا کہ اوُں کوُ ضرور ہے کہ یروشلیم کوُ ونجے تے بزرگاں تے سردار کاہناں تے فقیہیاں دی طرفوں بہوُں ڈکھ چاوے تے قتل کیتا ونجے اَتے تریجھے ڈِیں زندہ تھی ونجے۔ ²²۲۲۔ ایں گالھ تے پطرس اوُںکوُ آنجھ گھِن کے گیا تے بُرا بھلا آکھن لگا کہ اے خُداوند خدا نہ کرےکے اِے تیڈے نال تھیوے۔ ²³۲۳۔ اوُں پھِر کے پطرس کوُں آکھیا اِے شیطان میڈے کوُلوں پر تے تھی۔ توں میڈے کیتے تُھڈے دا باعث ہئیں کیونکہ توں خُدا دی گالہیں دا نہیں بلکہ بندیاں دی گالہیں دا خیال رکھینداں ہئیں۔²⁴۲۴۔ اوُں ویلے یسوع نے اپنے چیلیاں کوُں آکھیا کہ اگر کوُئی میڈے پیچھے آوناں چاوے تاں اپنی خودی کوُ چھوڑ ڈیوے اَتے اپنی صلیب چاوے تے میڈے پیچھوں تھی ونجے۔ ²⁵۲۵۔ کیونکہ جیڑ اپنی جان بچاونا چاوے او اوُں کوُں ونجا ڈیسی تے جیڑا میڈی خاطر اپنی جان کُو ومجیسی اوہ اوُں کوُ پا گھنسی ۔ ²⁶۲۶۔ تے وَل اگر بندہ ساری دُنیا پا گھِنے اَتے اپنی جان دا نقصان چاوے تاں اوُں کوُ کیا فائدہ تھیسی؟۔²⁷۲۷۔ کیونکہ ابنِ آدم اپنے باپ دے جلال وِچ اپنے فرشتیاں دے نال آسی۔اوُں ویلے ہر ہِک کُوں اوُں دے کماں دے حساب نال بدلہ ڈِتا ویسی۔ ²⁸۲۸۔ میں تُہاکوُ سچ آدھا ہاں کہ جیہڑے اِتھاں کھڑے ہِن اُنہاں وِِچوں بعض ایہو جئے ہِن جیہڑے ویلے تائیں ابنِ آدم کوُ اوُندی بادشاہی وِچ آندے ہوئے نہ ڈیکھ گھنن سن موت دا مزہ ہر گز نہ چکھسن۔

¹۱۔ چھی ڈینہ بعد یسوع نے پطرس تے یعقوب تے اوندے بِھرا یوحنا کوُ نال گھِن کے ہِکبہوُں اُچے پہاڑ تے الگ گِھن گیا۔ ²۲۔اَتے اُوندی صورت اُنہاں دے سامنے بدل گئی ہائی تے اوندا مُنہ سِجھ دی کار چمکن لگ پیا تے اوُندے کپڑے نور دی کار چٹے تھی گئے۔³۳۔اَتے ڈیکھو اُنہاں کو ایلیاہ تے موسیٰ دے گالہیں کریندیا ہویا ڈِٹھا۔ ⁴۴۔ پطرس نے یسوع کوُ آکھیا اِے خداوند ساڈا اِتھاں ہوونا چنگا نئیں- توُں چاہویں تاں میں ترائے ڈیرے بناؤں۔ہِک تیڈے کیتے ہِک موسیٰ کیتےتے ہِک ایلیاہ کیتے۔⁵۵۔ اوہ اِے آدھا پیا ہا تے ڈیکھو ہِک نورانی بدل نے اُنہاں دے اُتے چھاں چا کیتی ول اَتے اوُں بدل وِچوں ہِک آواز آئی کہ ایہہ میڈا پیارا پُتر ہِے میں ایندے توں بہوں خوش ہاں ایندی سنو۔ ⁶۶۔ چیلے ایہہ سُن کے مُنہ دے بھار ڈھے پئےتے بہوُں ڈر گئے۔ ⁷۷۔ یسوع نےاُنہاں دے کول آیا تے اُنہاں کوُں ہتھ لا کےآکھن لگا اُٹھو تے خوف زدہ نہ تھیوؤ۔ ⁸۸۔ جیہڑے ویلے اُنہاں نے اپنیاں اکھیاں کوُ چاتیاں تاں یسوع دے سِوا کئیں کوُ نہ ڈِٹھا۔⁹۹۔ جیہڑے ویلے اوہ پہاڑ تھوں لاہندے پئے ہَن تاں یسوع نے اُنہاں کوُں ایہہ حکم ڈِتا کہ جڈاں تائیں ابنِ آدم مُردیاں وچوں جی نہ اُٹھے جو کجھ تُساں ڈِٹھا ہِے کئیں دے نال ایندا ذکر نہ کرائے۔ ¹⁰۱۰۔ چلیاں نے اوُں دے کولوُں پُچھیا کہ وَل فقیہ کیوں آدھے ہِن کہ ایلیاہ دا پہلے آونا ذرور ہِے؟۔¹¹۱۱۔ یسوع نے جواب ڈِتا تے آکھیا ایلیاہ بے شک آسی تے وَل اوسایاں شئیاں کوُں پورا کریسی۔ ¹²۱۲۔ پر میں تُہاکوُں آدھا ہاں کہ ایلیاہ تاں آگیا ہِے اَتے تُساں اوُں کوُ نئیں سُجانے بلکہ جو جی وِچ آئے تُساں اوندے نال کیتے۔ایویں اِی ابنِ آدم وی اُنہاں دے ہتھوں مصیبت چاسی۔ ¹³۱۳۔ تاں چیلے ایہہ سمجھ گئے کے اوُں نے یوحنا بپتسمہ ڈیون آلے دے بارے وِچ آکھے۔¹⁴۱۴۔ جڈاں اوہ بھیڑ دے کول آیا تاں ہِک بندہ گوڈیاں دے بھار جھک کے اوُں کو آکھن لگا۔ ¹⁵۱۵۔ اَے خداوند میڈے پُتر تے رَحم کر کیوں جو اوہ مرگی دے نال بہوں مصیبت وچ ہِے تے ہر ویلے ڈکھ برادشت کریندے۔ اوہ ہر ویلے اگ تے پانی دے وچ ڈھاندا راہندِے۔ ¹⁶۱۶۔ اَتے میں تیڈے چلیاں کول گِھن کے گیا ہامی پر اوہ اوُں کوُں چنگا نہ کر سگے۔¹⁷۱۷۔ یسوع نے جواب اِچ اُنہاں کوُ آکھیا اَے بے اعتقادو تے شریر نسل میں کیہڑے ویلے تائیں تُہاڈے نال راہساں؟ کڈاں تائیں میں تُہاکوں برداشت کریساں۔ ایں کوُ میڈے کول گِھن آؤ۔ ¹⁸۱۸۔ یسوع نے اوُں کوُں جھڑکیا اَتے بدروُح اوندے وچوں نکل گئی تے اوہ جوان اوُں ویلے ای چنگا تھی گیا۔¹⁹۱۹۔ تاں چیلے اوندے کول آئے تے علیحدگی وِچ آکھیا؟ اَساں ایں کوُ کیوں نہ کڈھ سگے؟۔ ²⁰۲۰۔ اوُں نے اُنہاں کوُ آکھیا تُہاڈے گھٹ ایمان دی وجہ تھوں کیونکہ میں تُہاکوُ سچ آدھا ہاں کہ اگر تُہاڈے وِچ رایئ دے دانے جیہا وی ایمان ہوسی تاں اِیں پہاڑ کوُ آکھسو کہ اِتھوں ہَٹ کے اُتھاں لگا ونج تاں کوئی وی گالھ تُہاڈے کیتے ناممکن نہ تھیسی ۔ ²¹۲۱۔(پر ایہہ قسم دعا تے روزے تھوں بغیر نہ نکل سگے ہا)۔²²۲۲۔ اَتے جڈاں اوہ گلیل دے وِچ روکے ہوئے سَن یسوع نے اُنہاکوں آکھیا ابنِ آدم بندیاں دے حوالے کیتا ویسی۔ ²³۲۳۔ اَتے اُوہ اوُں کوُ قتل کر ڈیسن پر اوہ تریجھے ڈینہ زندہ کیتا ویسی۔ چیلے ایں گالھ تھوں بہوں ارمانی تھے۔²⁴۲۴۔ اَتے جیہڑے ویلے کفرنحوم دے وِچ آئے تاں ادھا مثقال چنگی گھنن والے پطرس کول آکے آکھیا کیا تُہاڈا اُستاد ادھا مثقال چنگی نئیں ڈیندا؟ ²⁵۲۵۔ اوُں نے آکھیا ہاں ڈیندا تاں ہِے اَتے جیہڑے ویلے اوہ گھر وِچ آیا تاں یسوع نے اُندے بولن کولوں پہلے اکھے شمعون توں کیا اُکھا تو کیا سمجھدا ہئیں؟زمین دے بادشاہ کیندے کولوں محصول یا جزیہ یا گھِندے ہِن؟ اپنے پُتراں کولوں یا غیراں کولوں۔²⁶۲۶۔ جڈاں اوُں نے اکھیا غیراں کولوں تاں یسوع نے اوُں کوُ اکھیا کہ پُتر اوُں کوُں ادا کرن تھوں آزاد ہے۔ ²⁷۲۷۔ وَل ایویں نہ تھیوے کہ اَساں اُنہاں کیتے تھُڈے دا باعث نہ بنوں توں جھیل تے ونج کےکنڈا سَٹو تے جو پہلی مچھی اُتے آوے اوُں کوُں پکڑ گھِنو اَتے جیہڑے ویلے توُں اوُں دا منہ کھو لیسیں تاں تو اوُندے مُنہ وِچ ہِک مثقال پاسیسں۔ اوہ گِھن کے تے میڈے تے اپنے کیتے اُنہاں کوُ ڈے۔

¹۱۔ اوُں ویلے چلیے یسوع دے کول آکے آکھن لگے کے آسمان دی بادشاہی وِچ وڈا کون ہِے۔ ²۲۔ اوُں نے ہک بال کوُ اپنے کول سَڈ کے اُنہاں دے وچ کھڑا کیتا۔ ³۳۔تے آکھیا میں تُہاکوُ سچ آدھا ہاں کہ اگر تُساں توبہ نہ کریسو تے بالاں دی کار نہ بنسو تاں آسمان دی بادشاہی وِچ ہرگز داخل نہ تھیسو۔⁴۴۔ ول جیہڑا کوُئی اپنے آپ کوُ اِیں بال دی کار چھوٹا بنیسی اوُہو آسمان دی بادشاہی وِچ وڈا ہوسی۔ ⁵۵۔ اَتے جیہڑا کوُئی اِیں بال کوُ میڈے ناں تُھوں قبول کریندا ہِے اوہ میکوُں قبول کریندا ہِے۔ ⁶۶۔ پر جو کوُئی اِنہاں نِکیاں وِچوں جیہڑے میڈے تے ایمان گِھن آئے ہِن کئیں کوُ ٹھوکر کھویندا ہِے اوُں کیتے اے چنگا ہے کہ وڈی چکی دا پاٹ اوندے گلے وچ لٹکایا ونجے تے اوُں کوُ ڈونگے سُمندر اِچ سٹ ڈِتا ونجے۔⁷۷۔ ٹھوکراں دے پاروُں دُنیا تے افسوس ہِے کیونکہ ٹھوکراں دا ہوونا ضرور ہِے پر اوُں بندے تے افسوس جیندے پاروُں ٹھوکر لگے۔ ⁸۸۔ پس اگر تیڈا ہتھ یا تیڈا پیر تیکوں ٹھوکر کھلاوے تاں اوُں کوُں کپ کے اپنے کولوں اَنج کر کے سٹ چھوڑ۔ ٹُنڈایا لنگڑا تھی کے زندگی دے وِچ داخل تھیوناں تیڈے کیتے اِیں کولوں چنگا ہے کہ ڈوُ ہتھ یا ڈوُ پیر رکھیندے ہویاں تُوں ہمیشہ دی بھا وِچ سٹیا ونجے۔⁹۹۔ اَتے اگر تیڈی آکھ تیکوں ٹھوکر کھلاوے تاں اوُں کوُ کڈھ کے اپنے کولوں سَٹ ڈے کاناں تھی کے زندگی وِچ داخل تھیوناں تیڈے کیتے ایندے کوکوں چنگا ہِے کہ ڈو آکھیاں رکھیندیاں ہویاں توُ جہنم دی بھا وِچ سٹیا ونجے۔¹⁰۱۰۔ خبردار اِنہاں نِکیاں وِچوں کئیں کوُ ناچیز نہ جاننا کیونکہ میں تُہاکوُ آدھا ہاں کہ آسمان تے اُنہاں دے فرشتے میڈے آسمانی باپ دا مُنہ ہر ویلے ڈیدھے ہِن۔ ¹¹۱۱۔ (کیونکہ ابنِ آدم جیہڑے لوگ گُم تھی گئے ہِن اوُنہاں کوُ گولن تے نجات ڈیون آیا ہے)۔¹²۱۲۔ تُساں کیا سمجھدے ہیوئے؟ اگر کئیں بندے دیاںسو بھیڈاں ہوون تے اُنہاں وِچوں ہِک گُم تھی ونجے تاں کیا اوہ نناوےکوُں چھوڑ کے پہاڑاں تے وَنج کے اوُں گُم تھئی ہوئی کوُ نہ گویسی؟۔ ¹³۱۳۔ اَتے اگر ایں وے تِھیوے کہ اوُں کوُ گول گھِنے، تاں مَیں تُہاکوُ سچ آدھا ہاں کہ اوہ اُنہاں ننانویاں دے پاروں جیہڑی گُم تھی گئی ہا ایں بھیڈ دی زیادہ خُوشی کریسی۔ ¹⁴۱۴۔ ایِں کیتے تُہاڈا آسمانی باپ ایہہ نئیں چاہندا کہ ایناں نِکیاں وِچوں ہک وی ہلاک تھیوئے۔¹⁵۱۵۔ جے تیڈا بِھرا تیڈا گناہ کرے تاں ونج تے آنجھ تھی کے اوُندے نال گالھ کر تے اوُں کوُں سمجھا۔ اگر اوہ تیڈی سُن گھنے تاں تُو اپنے بھرا کوُ پا گدے۔ ¹⁶۱۶۔ اَتے اگر اوہ نہ سُنے تاں ہک ڈوُ بندیاں کوُں اپنے نال گھِن وَنج تاں جو ہر ہِک گالھ ڈوُ تریے گواہاں دی زبان تھوں ثابت تھی ونجے۔¹⁷۱۷۔ اگر اوہ اُنہاں دی سُنن تھوں وی انکار کرے تاں کلیسیا کوُ آکھ اَتے اگرکلیسیا دی وی سُنن تھوں انکار کرے تاں تُوں اوُں کوُں غیر قوماں آلے تے چونگی گھنن والے دے برابر جان۔¹⁸۱۸۔ میں تُہاکوُ سچ آدھا ہاں کہ جو کجھ تُساں زمین تے بدھیسو اوہ آسمان تے بدھا ویسی اَتے جو کجھ زمین تے کھولیسو اوہ آسمان تے کھولا ویسی۔ ¹⁹۱۹۔ وَل میں تُہاکوُ آدھا ہاں کہ اگر تُہاڈے وِچوں ڈوُ بندے زمین تے کئیں گالھ دے کیتے جیکوں اوہ چاہندے ہوون مِل ونجن تاں اوہ میڈے باپ دی طرفوں جیہڑا آسمان تے ہِے اُنہاں دے کیتے تھی ویسی ۔ ²⁰۲۰۔ کیونکہ جِتھاں ڈوُ یا تریے میڈے ناں تے اکٹھے ہِن میں اُنہاں دے وِچ موجود ہاں۔²¹۲۱۔ اوُں ویلے پطرس نے نیڑے آکے اوُں کُوُں آکھیا اَے خداوند اگر میڈا بھِرا میڈا گناہ کریندا راہوے تاں میں کتنی واری اوُں کوُں معافی ڈیواں؟۔کیا سَت واری؟۔ ²²۲۲۔ یسوع نےاوُں کوُ آکھیا میں تیکوُ اِے نئیں آدھا کہ سَت واری بلکہ سَت واری دے ستر وار۔²³۲۳۔ پس آسمان دی بادشاہی اوُں بادشاہ دی کار ہِے جئیں اپنے نوکراں کولوں حساب گھنناں چاہندا ہا۔ ²⁴۲۴۔ اَتے جیہڑے ویلے حساب گھنن لگا تاں اوُندے سامنے ہِک قرض دار حاضر کیتا گیا جیندے تے اوُندے ڈاہ ہزار توڑے آندے ہَن۔ ²⁵۲۵۔ پر اوُندے کول ڈیون کیتے کجھ وی نہ ہا اِیں کیتے اُوُندے مالک نے حکم ڈِتا کہ ایہہ تے ایندی ذال تے بال بچے تے جو کجھ ایندا ہے سارا کجھ ویچیا ونجے اَتے قرض گھِن گدا ونجے۔²⁶۲۶۔ پس نوکر نے ڈھے کے سجدہ کیتا تے آکھیا اَے خداوند میکوُں مہلت ڈے میں تیڈا سارا قرض ادا کر ڈیساں۔ ²⁷۲۷۔ اوُں نوکر دے مالک نے ترس کھا کے اوۃں کوُ چھوڑ ڈِتا تے اوُندا قرض معاف کر ڈِتا۔²⁸۲۸۔ جیہڑے ویلے نوکر باہر نکلے تے اوُندے نال خدمت کرن آلیاں وچوں ہک اوُں کوُ ملے جیندے تے اوُندے سو دینار آندے ہَن ۔اوُں نے اوُں کوُ پکڑ کے اوُندی گِچی چا دبائی تے آکھیا جو کجھ میڈا ہِے میکوُ ایں ویلے ہی ڈے۔ ²⁹۲۹۔ اوُندے نال خدمت کرن آلے نے اوُندے اُگوں ڈئیھ کے اوُندی منت کیتی تے آکھیا میکوُں کجھ مُہلت ڈے میں تیکوُں ڈے ڈیسساں۔³⁰۳۰۔ پر اوہ نہ منیا ہتھوں ونج کے اوُں کوُ جیل وِچ سَٹ ڈِتا کہ جڈاں تائیں توں قرض ادا نہ کر ڈیسیں قید وِچ راہسیں۔ ³¹۳۱۔ اوُندے ہم خدمت ایہہ حال ڈیکھ کے بہوُ ڈُکھی تھی گئے آتے اپنے مالک کوُ ونج سارا کجھ جو تھیا ہا ڈسایا ۔³²۳۲۔ ایہہ سُن کے اوُندے مالک نے اوُں کوُ اپنے کول سڈاہ تے اوُں کوُ آکھیا کے ایہہ شریر نوکر میں سارا قرض تیکوُں ایں کیتے بخش ڈِتا ہا کہ تئیں میڈی منت کیتی ہائی۔ ³³۳۳۔ کیا تیڈے کیتے ضروری نہ ہا جو کہ جیویں میں تیڈے تے رَحم کیتا ہا توں وی اپنے ہم خدمنت تے رَحم کرے ہا؟ ۔³⁴۳۴۔اَتے اوُندے مالک نے غصے تھی کے اوُں کوُ جلاداں دے حوالے کر ڈِتا کہ جڈاں تائیں سارا قرض چُکا نہ ڈیوے قید وِچ راہوے ³⁵۳۵۔ میڈا آسمانی باپ وی تُہاڈے نال ایویں ای کریسی اگر تُہاڈے وِچوں ہر کوئی اپنے بھرا کوُ دِل نال معاف نہ کرے۔

¹۱۔ ایویں تھیا کہ جڈاں یسوع نے ایہہ گالہیں ختم کیتاں تے اوہ گلیل تھوں نکل کے دریائے یردن تھوں اَگے یہودیہ دے علاقے وچ آیا۔ ²۲۔ اَتے ہِک وڈی بِھیڑ نے اوندا پِچھا کیتا اَتے اوُں نے اُنہاں کوُ اُتھاں چنگا کیتا۔³۳۔ اَتے فریسی آئے تے اوُں کوُ آزماون کیتے اوندے کول آئے تے آکھن لگے کہ کوئی بندہ شرعی وجہ تھوں اپنی ذال کو کئیں وجہ تھوں طلاق ڈے سگدے؟ ⁴۴۔ اوُں نے جواب اِچ اُنہاں کوُں آکھیا کیا تُساں نے نئیں پڑھے کہ جئیں نےاُنہاں کوُ بنائے اوُں نے شروع ای تھوں اُنہاں کوُ مَرد تے عورت بنا کے آکھے۔⁵۵۔ ایں دے پاروں مرد پیو تے ماں کولوں اَنج تھی کے اپنی ذال نال راہسی اَتے اوہ ڈوُہیں ہِک جسم تھی سن؟۔ ⁶۶۔ پس اوہ ڈوُ نئیں بلکہ ہِک جسم ہِن۔ ایں کیتے جئیں کوُ خدا نے جوڑیا ہِے اوُں کوُ بندہ الگ نہ کرے۔⁷۷۔ اُنہاں نے اوُں کوُ آکھیا کہ وَل موسیٰ نے کیوں حکم ڈِتا ہا کہ طلاق نامہ ڈے کے چھوڑ ڈِتا ونجے؟۔ ⁸۸۔ اوُں نے اُنہاں کوُ آکھیا موسیٰ نے تاں تُہاڈی سخت دلی دے پاروُں تُہاکوُں اپنی ذال کوُ اَنج کرن دی اجازت ڈِتی ہائی پر شروع کولوں ایویں نہ ہا۔ ⁹۹۔ اَتے میں تُہاکوُں آدھا ہاں کہ جیہڑا کوئی اپنی ذال کوُ حرامکاری دے علاوہ کوُئی بئی وجہ تھوں چھوڑ ڈیندے اَتے ڈوجھی نال ویاہ کریندے تاں اوہ زنا کریندے اَتے جو کوئی اوُں چھوڑی ہوئی نال ویاہ کریندے اوہ وی زِنا کریندے۔¹⁰۱۰۔ چیلیاں نے یسوع کو آکھیا کہ اگر مَرد دا ذال دے نال ایہو جیا حال ہِے تاں ویاہ نہ کر نا ای چنگا ہِے۔ ¹¹۱۱۔ اوُں نے اُنہاں کوُ آکھیا سارے اِیں گالھ کوُ قبول نہ کریسن پر صرف اوُہو جِنہاں کوُ ایہہ قدرت ڈِتی گئی ہِے۔ ¹²۱۲۔ کیومکہ کجھ ہیجڑے ایہو جئے ہِن جیہڑے اپنی ماں دے ڈِھڈ وِچوں ای ایویں جمے ہِن اَتے بعض ہیجڑے ایہو جئے ہِن جِنہاں نے آسمان دی بادشاہی کیتے اپنے آپ کوُ ہیجڑا بنائے۔ جو قبول کریندے اوہ قبول کرے۔¹³۱۳۔ اوُں ویلے کجھ لوگ بالاں کوُ اوُں دے کول گھِن آئے تاں جو اوہ اُنہاں تھے ہتھ رکھ کے اُنہاں کوُ دعا ڈیوے پر چلیاں نے اُنہاں کو جِھڑکیا۔ ¹⁴۱۴۔ پر یسوع نے آکھا بالاں کوُ میڈے کول آون ڈیوو اِنہاں کوُ نہ ہٹکو کیوں جو آسمان دی بادشاہی ایہو جیہاں دی ہِے۔ ¹⁵۱۵۔ اَتے اوُں نے انہاں تے ہتھ رکھے اُتھوں لگا گیا۔¹⁶۱۶۔ وَل ہِک بندے نے یسوع دے کول آ کے اوُں کوُ آکھیا میں کیہڑی نیکی کراں کہ ہمیشہ زندگی میکوُ مل ونجے؟ ۔ ¹⁷۱۷۔ یسوع نے اوُں کوُ آکھیا توُں میڈے کولوں کیوں نیکی دے بارے پُچھدا ہئیں؟ نیک تاں ہِکو ای ہِے لیکن اگر تُوں ہمیشہ دی زندگی چاہندا ہئیں تاں حکماں تے عمل کر۔¹⁸۱۸۔ اوُں نے اوُں کوُں آکھیا کیہڑے حکماں تے؟ یسوع نے آکھیا قتل نہ کر۔زنا نہ کر۔چوری نہ کر۔کوڑی گواہی نہ ڈے۔ ¹⁹۱۹۔ اپنے پیو دی تے ماں دی عزت کر اَتے اپنے گواہنڈی نال اپنے وانگوں محبت رکھ۔²⁰۲۰۔اوُں جوان نے اوُں کوُ آکھیا میں اِنہاں ساریاں حکماں تے عمل کر چکا ہاں تے ہُن میڈے وِچ کیہڑی شئے دی کمی ہِے؟ ²¹۲۱۔ یسوع نے اوُں کوُ آکھیا اَتے اگر تُوں کامل تھیونا چاہندیں تاں ونج اپنا سارا کجھ ویچ کے غریباں وِچ وَنڈ چھوڑ۔ تے تیکوُں آسمان تے خزانہ مِلسی وَل آ کے میڈے میڈے پچھوں ٹُر پَو۔ ²²۲۲۔ پر اوہ جوان ایہہ گالھ سُن کے بہوں ڈُکھی تھی کے لگا گیا کیوں جو وڈا مالدار ہا۔²³۲۳۔ یسوع نے اپنے چیلیاں کوں آکھیا میں تُہاکوُںسچ آدھا ہاں کہ امیر بندے دا خدا دی بادشاہی وِچ داخل تھیونا بہوں اوکھا ہِے۔ ²⁴۲۴۔ میں وَل تُہاکوُں آدھا ہاں کہ اُٹھ دا سوئی دےکھپے وِچوں وڑنا ایں تھوں زیادہ سوکھا ہِے کہ امیر بندہ خدا دی بادشاہی دے وچ لنگھ ونجے۔²⁵۲۵۔ جڈاں چیلیاں نے اے سُنیا تاں بہوں حیران تھئے اَتے آکھن لگے کہ وَل کون نجات پا سگدے؟۔ ²⁶۲۶۔ یسوع نے اُنہاں دے پاسے ڈِٹھا تے آکھیا بندے کیتے ایہہ اوکھا ہِے پر خدا دے کیتے ہر شے سوکھی ہِے۔ ²⁷۲۷۔ ول پطرس نے جواب دے وچ اوُں کوُ آکھیا ڈیکھ اَساں تاں ہر شئے چھوڑ کے تیڈے پچھوں ٹُر پئے ہئیں۔ ساکوُ کیا مِلسی؟²⁸۲۸۔ یسوع نے اُنہاں کوُں آکھے میں تُہاکوُں سچ آہدھا ہاں کہ جیہڑے ویلے ابن آدم نویں پیدایش اِچ اپنے جلال دے تخت تے باہسی تاں تُساں وی جو میڈے پچھوں ٹُر پئے ہیوے بارہ تختاں تے بیہہ کے اسرائیل دے بارہ قبیلیاں دا انصاف کریسو ۔²⁹۲۹۔ جئیں کئیں نے اپنا گھراں یا بھیناں یا پیو یا ماں یا بالاں یا زمیناں کو میڈے ناں دی خاطر چھوڑ ڈِتے اوُں کوُ سو گُنا مِلسی اَتے ہمیشہ دی زندگی دا وارث ہوسی۔ ³⁰۳۰۔ لیکن بہوں سارے اول آخر تھی ویسن اَتے آخر اول۔

¹۱۔ کیوں جو آسمان دی بادشاہی اوُں گھر دے مالک دی کار ہِے جیہڑا سویرے نکلے تاں جو اپنے تاکستان(انگوراں دا باغ) اِچ مزدور لاوے۔ ²۲۔ اَتے اوُں نے مزوراں دے نال ہِک دینار روز دا مقرر کر کے اُنہئیں کوُ اپنے تاکستان (انگوراں دا باغ) اِچ بھیج ڈِتے۔³۳۔وَل ڈیں چڑھن دے بعد ڈوپاہراں کوُ اوُں نے بئے مزدوراں کوُ بازار وِچ کھڑے ہوئے ڈِٹھا ۔ ⁴۴۔ اَتے اُنہاں کوُ آکھیا تُساں وی میڈے تاکستان (انگوراں دا باغ) اِچ لگے ونجو۔ جیہڑا واجب ہوسی میں تُہاکوُ ڈیساں۔ ایہہ سُن کے اوہ لگے گئے۔⁵۵۔وَل اوُں نے ڈوپاہر تے تریجھے پاہر دے نیڑے وی نکل کے اوُں وے ہی کیتا۔ ⁶۶۔ وَل کوُئی ہک گھنٹہ ڈیں راہندا ہا نکل کے بئے مزدوراں کوُ کھڑے ڈِٹھا ا۔تے اُنہاں کوُ آکھیا تُساں کیوں اِتھاں سارا ڈیں بےکار کھڑے ہیوے ؟۔ ⁷۷۔ اُنہاں نے اوُں کوُ آکھیا ایں کیتے کہ کئیں نے ساکوُ مزدوری تے نئیں لایا۔ اوُں نے اُنہاں کوُ آکھیا تُساں وی تاکستان (انگوراں دا باغ ) اِچ لگے ونجو۔⁸۸۔ جیہڑے ویلے شام تھئی تاں تاکستان ( انگوراں دا باغ ) دے مالک نے اپنے ناظم کو آکھن لگا مزدورں کوُ سڈا تے پچھلیاں توُں گھن کے پہہلے مزدوراں تائیں اُنہاں دی مزدوری اُنہاں کوُ ڈے چھوڑ۔ ⁹۹۔ جیہڑے ویلے اوہ آئے جنہاں نے گھنٹہ بھر کم کیتا ہا اُنہاں کوُ ہِک ہِک دینار ملے۔ ¹⁰۱۰۔ جڈاں پہلے مزدور آئے تاں اُنہاں نے سوچے کہ ساکوں ڈھیر مزدوری ملسی پر اُنہاں کوُ وی ہِک ای ہِک دینار ملے¹¹۱۱۔ جڈاں اُنہاں کوُ مزدوری ملی تاں اُنہاں گھر دے مالک دے بارے وِچ یہوں گِلہ کرن لگ پئے کہ ¹²۱۲۔ اِنہاں پچھلیاں مزدوراں نے صرف ہِک گھنٹہ کم کیتے اِتے اُنہاں کوُ ساڈے برابر مزدوری ملی ہِے اَساں تاں سارا ڈینہ اُنہاں تھوں زیادہ کم کیتے اساں سارا ڈینہ گرمی برداشت کیتی ہِے اُنہاں کوُ ساڈے برابر کر ڈِتے۔¹³۱۳۔ اوُں نے جواب ڈے کے اُنہاں وِچوں ہِک کوُ آکھے میاں مین تیڈے نال کوُئی بے انصافی نئیں کیتی۔ کیا تیڈا میڈے تے ہِک دینار طے نہ تھیا ہائی؟ ¹⁴۱۴۔جیہڑا تیڈا ہِے اوہ چا گھِن اَتے لگا ونج۔ میڈی مرضی ایہہ ہِے کہ جتنا تیکوُ ڈیندا ہاں اوُں پچھلے کوُ وی اُتنا ہی ڈیواں۔¹⁵۱۵۔ کیا ایہہ میکوُ جائز نئیں کہ اپنے پیسے دے نال جو کجھ وی کراں؟ یا توُں ایں کیتے کہ میں نیک ہاں بُری نظر نال ڈیدھا ہئیں؟ ¹⁶۱۶۔ایویں ای آخیر اول تھی ویسن تے اول آخیر۔¹⁷۱۷۔ جڈاں یروشلیم ویندیاں ہویاں یسوع بارہ چیلیاں کوُ اَنج گھن گیا اِتے راہ اِچ اُنہاں کوُ آکھیا۔ ¹⁸۱۸۔ ڈیکھو اساں یروشلیم ویندے ہاں اِتے ابنِ آدم سردار کاہناں تے فقیہیاں دے حوالے کیتا ویسی اِتے اوہ اوُں دے قتل دا حُکم ڈیسن۔ ¹⁹۱۹۔ اوُں کوُ غیر قوماں دے حوالے کیتا ویسی تاکہ اوہ اوُں دا مذاق اُڑاون تے کوڑے مارن تے صلیب تے ڈے ڈیون اَتے اوہ تریجھے ڈیں زندہ کیتا ویسی۔²⁰۲۰۔ اوُں ویلے زبدی دے پُتراں دی ماں نے اپنے پُتراں دے نال اوُں دے سامنے آ کے سجدہ کیتا اَتے اوُں دے اگے عرض کرن لگی۔ ²¹۲۱۔ اوُں نے اوُندے کولوں پُچھیا کہ توں کیا چاہندی ہئیں؟ اوُں نے اوُں کوُ آکھیا فرما کہ ایہہ میڈے ڈوہیں پُتر تیڈی بادشاہی اِچ تیڈے سجے تے کھبے ہتھ بھاون۔²²۲۲۔یسوع نے جواب وِچ آکھیا تُساں نئیں جان دے کہ کیا منگدے ہیوے۔ جیہڑا پیالہ میں پیون کوُ ہاں کیا تُساں پی سگدے ہیوے؟ اُنہاں نے اوُں کوُ آکھیا پی سگدے ہئیں۔ ²³۲۳۔ اوُں نے اُنہاں کوُ آکھے میڈا پیالہ تاں پی سگسو پر اپنے سجے تے کھبے ہتھ کئیں کوُ بٹھاونا میڈا کم نئیں پر جنہاں کیتے میڈے باپ دی طرفوں تیار کیتا گیا ہِے اُنہاں کیتے ہِے۔ ²⁴۲۴۔ اَتے جیہڑے ویلے ڈاہ چیلیاں نے ایہہ سُنے تاں اوہ اُنہاں ڈو بھراواں کوُ غصے تھئے۔²⁵۲۵۔ پر یسوع نے اُنہاں کوُ اپنے کول سڈا تے آکھیا کہ تُساں جان دے ہو کہ غیر قوماں وڈیرے اُنہاں تے حکم چلاندے تے امیر اُنہاں تے اختیار جتاندے ہِن۔ ²⁶۲۶۔ تُہاڈے وِچ ایویں نہ تھیسی بلکہ جیہڑا تُہاڈے وِچوں وڈا تھیونا چاہندے اوہ تُہاڈا نوکر بنے۔ ²⁷۲۷۔ اَتے جو کوئی تُہاڈے وِچوں اول تھیونا چاہندا ہِے اوہ تُہاڈا نوکر بنے۔ ²⁸۲۸۔ اوویں وانگوں جس طرح ابنِ آدم ؔ خدمت کراوڑن نیں آیا وت خدمت کرے تے اپنڑی جان ڈھیراں دے ہدیے فدیہ ڈیوے۔²⁹۲۹اَتے جیہڑے ویلے اوہ یریحو چوں نکل کے ویندے پئے ہَن تاں ہِک وڈی بندیاں دی بِھیڑ اوُندے پِچھوں ٹُر پئی۔ ³⁰۳۰۔ اَتے ڈیکھو ڈو اندھیاں نے جیہڑے سڑک دے اُتے بیٹھے ہَن اے سُن کےکہ یسوع ویندا پئے تاں اُچی آواز نال آکھیا اے ابنِ داؤد ساڈے اُتے رَحم کر۔ ³¹۳۱۔ لوگاں نےاُنہاں کوُ جھڑکیا کہ چُپ راہون لیکن اوہ بئی اُچی آواز نال چیخن لگ پئے کہ اَے خداوند ابنِ داؤد ساڈے تے رَحم کر۔³²۳۲۔ یسوع کھڑے تھی کے اُنہاں کوُ سڈایا تے آکھیا تُساں کیا چاہندے ہیوےکہ میں تُہاڈے کیتے کیا کراں؟۔ ³³۳۳۔ اُنہاں نے اوُں کوُ آکھیا اَے خداوند ایہہ کہ ساڈیاں آکھاںکھل ونجن ۔ ³⁴۳۴۔ یسوع کوُ اُنہاں تے ترس آیا تے اُوں نے اُنہاں دی آکھیاں کوُ ہتھ لایا تے اوہ اوُں ویلے ای ڈیکھن لگ پئے تے اوندے پچھے ٹُر پئے۔

¹۱۔ وَل جیہڑے ویلے اوہ یروشلیم دے نیڑے پہنچے تے زیتون دے پہاڑ تے بیت فگے دے نیڑے آئے تاں یسوع نے ڈو چیلیاں کوُں ایہہ آکھ کے گھلیا کہ۔ ²۲۔ اپنے سامنے دے پنڈ وچ ونجو۔ اُتھاں پہنچدے ہی ہک کھوتی بدھی ہوئی تے اوندے نال کھوتی دا بچہ پاسو اوُں کوُ کھول کے میڈے کول گھن آؤ۔ ³۳۔ اَتے اگر کوُئی تُہاکوُ آکھے تاں آکھوائے کہ خداوند کوُ ایندی ضرورت ہے۔ اوہ جلدی نال اُنہیں کوُ بھیج ڈیسی۔⁴۴۔ اے ایں کیتے تھیا کہ جو کجھ نبی دی رائیں آکھیا گیا ہا اوہ پُورا تھیوے کہ۔ ⁵۵۔ صیون دی دھی کوُ آکھو کہ ڈیکھ تیڈا بادشاہ تیڈے کول آندا ہِے۔ اوہ حلیم ہِے تے گڈھاں تے سوارہے بلکہ لادو دے بچے تے۔⁶۶۔ وَل چیلاں نے ونج کے جیوں یسوع نے اُنہاں کوُ حکم ڈِتا ہا اوں ویں ہی کیتا۔ ⁷۷۔ وَل کھوتی تے اوندے بچے کو گھن کے اپنے کپڑے اوندے تے سٹے اَتے اوہ اوندے تے بیہ گیا۔ ⁸۸۔ اَتے بِھیڑ وِچوں بہوں سارے بندیاں نے اپنے کپڑے راہ وِچ وچھائے تے کئی لوگاں نے رُکھاں توں ڈالیاں کٹ کے راہ وِچ پھیلا ڈِتیاں۔⁹۹۔ اَتے بِھیڑ جو اوندے اگوں اگوں ویندی تے پچھوں پچھوں لگی آندی ہا چلا چلا کےآدھی ہائی کہ ابنِ داؤد کوُ ہوشعنا مبارک ہے اوہ جیہڑا خداوند دے ناں تھوں آندہ پئے۔ عالمِ بالا تے ہوشعنا۔ ¹⁰۱۰۔ وَل جیہڑے ویلے اوہ یروشلیم وِچ داخل تھیا تاں سارے شاہر اِچ ہلچل پے گئی تے لوگ آکھن لگے ایہہ کون ہے؟۔ ¹¹۱۱۔ بِھیڑ دے لوگان نےاکھیا ایہہ گلیل دے ناصرت دا نبی یسوع ہے۔¹²۱۲۔ یسوع نے خدا دی ہیکل وِچ داخل تھی کے اُنہاں ساریاں کوُں کڈھ ڈِتا جیڑے ہیکل وِچ کاروبار کریندے پے ہن تے صرافاں دے تختے تے کبوتر ویچن آلیاں دیاں چوکیاں اُلٹ ڈِتیاں۔ ¹³۱۳۔ تے اُنہاں کوُں آکھیا کہ میڈا گھر دُعا دا گھر ہوسی پر تُساں اِیں کوُں ڈاکواں دی غار بنا چھوڑے۔ ¹⁴۱۴۔ وَل اندھے تے لنگرے ہیکل وِچ اوندے کول آئے تے اوُں نے اُنہاں کوُں چنگا کیتا۔¹⁵۱۵۔ پر جیہڑے ویلے سردار کاہناں تے فقیہاں نے اوندے عجیب کماں کوُں جیہڑے اوُن کیتےہَن تے چھواراں کوُں ہیکل وِچ ابنِ داؤد کوُں ہوشعنا آدھاے ہوئے ڈِٹھا تاں غصے تھی کے اوکوں آکھن لگے۔ ¹⁶۱۶۔ توں سُندا ہئیں جو ایہہ کیا آدھنِ یسوع نے جواب اِچ اُنہاں کوُ آکھیا ہاں۔ کیا تُساں ایہہ کِڈایں نئیں پڑھیا کہ بالاں تے کھیر پیون آلیاں دے مُنہ تھوں تُوں حمدکوُ کامل کراےَ؟۔ ¹⁷۱۷۔ وَل اوہ اُنہاں کو چھوڑ کے شاہر کولوں باہر بیت عنیاہ اِچ لگا گیا تے رات کوُں اُتھایں ریہا۔¹⁸۱۸۔ اَتے جیہڑے ویلے سویر تھئی تاں اوہ شاہر کوُ ویندا پیا ہا تاں اوُں کوُ بُھک لگی۔ ¹⁹۱۹۔ اَتے راہ دے کنارے انجیر دا ہک رُکھ ڈیکھ کے اوُندے کول گیا تے پتیاں دے سِوا اوُندے تے کُجھ نہ ہا ایہہ ڈیکھ کے آکھے جو ہُن تھوں تیڈے کڈائیں پھل نہ لگیسی اَتے اوہ انجیر دا رُکھ اوُں ویلے ای سُک گیا ۔²⁰۲۰۔ چیلاں نے اے ڈیکھ کے تعجب کیتا تے آکھیا اے انجیر دا رُکھ کینویں ہک دَم ُسک گئے!۔ ²¹۲۱۔ یسوع نے جواب وِچ اُنہاں کوُ آکھیا میں تُہاکوُ سچ آدھا ہاں جو اگر ایمان رکھو تے شک نہ کرو تاں نہ صرف اُوہو کریسو جو کجھ انجیر دے رُکھ نال تھئے بلکہ اگر اِیں پہاڑ کو آکھ سو کہ تُوں اُکھڑ ونج تے سمندر اِچ جا ڈیہہ تاں ایں وے ای تھیسی۔ ²²۲۲۔ اَتے جو کُجھ دُعا اِچ ایمان نال منگسو اوہ سارا کجھ تُہاکوُں مِلسی۔²³۲۳۔ جیہڑے ویلے او ہیکل وِچ آکے تعلیم ڈیندا پیا ہا تاں سردار کاہناں تے قوم دے بزرگاں نے اوُندے کول آکےآکھیا تُوں اینہاں کماں کوُں کیندے اختیار نال کریندِیں؟ اَتے ایہہ اختیار تیکُوں کیئیں ڈِتے۔ ²⁴۲۴۔ یسوع نے جواب وِچ اُنہاں کوُں آکھیا میں وی تُہاڈے کولوُں ہک گالھ پُچھدا ہاں۔ اگر اوہ میکوُں ڈیسسو تاں وَل میں وی تُہاکوُں ڈسیساں کہ اِنہاں کماں کوُں کیندے اختیار نال کرینداں ہاں۔²⁵۲۵۔ یوحنا دا بپتسمہ کیندی طرفوں ہائی؟ آسمان دی طرفوں یا بندیاں دی طرفوں؟ اوہ آپس وِچ آکھن لگے کہ اگر اساں آدھے ہئیں کہ آسمان دی طرفوں تاں اوہ ساکوُ آکھسی تے وَل کیوں تُساں یقین نہ کیتا؟ ²⁶۲۶۔پر گر آکھوں بندیاں دی طرفوں تاں وَل لوگاں کولوں ڈردے ہئیں کیونکہ سارے یوحنا کوُ نبی جان دے ہِن ²⁷۲۷۔ اُنہاں نے جواب وِچ یسوع کوُ آکھیا اَساں نئیں جان دے۔ یسوع نے وی اُنہاں کوُ آکھیا کہ میں وی تُہاکوُ نئیں ڈٖسیندا کہ اِنہاں گالہیں کوُ کیندے اختیار دے نال کریندا ہاں۔²⁸۲۸۔ ُتساں کیا سمجھدے ہیوے؟ ہِک بندے ڈے ڈوُ پُتر ہَن۔ اوُ ں نے پہلے دے کول ونج کے آکھیا پُتر ونج اَج تاکستان (انگوراں دا باغ) وِچ کم کر ²⁹۲۹۔ اوُں نے جواب ڈِتا میں نہ ویساں مگر بعد اِچ پچھتا کے لگا گیا۔ ³⁰۳۰۔وَل ڈوجھے کول وَنج کے اوُں کوُں وی آکھیا اوُں نے جواب ڈِتا چنگا جناب۔ پر گیا نئیں۔³¹۳۱۔ اِنہاں ڈوہاں وِچوں کیہڑے نے اپنے پیو دی مرضی کو پورا کیتا؟ اُنہاں نے آکھیا پہلا۔ یسوع نے اُنہاں کوُ آکھیا میں تُہاکوں سچ آدھا ہاں کہ چونگی گھنن آلے تے کسبیاں تُہاڈے کولوں پہلے خُدا دی بادشاہی وِچ داخل تھیندیاں ہِن۔ ³²۳۲۔کیونکہ یوحنا دینداری دی وجہ تھوں تُہا ڈے کول آیا اَتے تُساں اوُندا یقین نہ کیتا پر چونگی گھنن آلیاں تے کسبیاں نے اوُندا یقین کیتے تے تُساں ایہہ ڈیکھ کے بعد وِچ وی نہ پچھتائے کے اوُندا یقین کر گھن دے۔³³۳۳۔ ہِک بئی مثال سنو۔ ہِک گھر دا مالک ہا جئیں تاکستان (انگوراں دا باغ ) لایا اَتے اوُندے چاروں پاسے چاردیواری کیتی اَتے اوُندے وِچہِک حوض بنائے تے ہِک بُرج وی بنائے اَتے اوُں کوُ باغباناں کوُ ٹھیکے تے ڈے کے پر دیس لگا گیا۔ ³⁴۳۴۔ وَل جیہڑے ویلے پھل دا موسم نیڑے آیا تاں اوُں نے اپنے نوکراں کوُ باغباناں دے کول اپنے باغ دا پھل گھنن کیتے گھلیا۔³⁵۳۵۔ اِتے باغباناں نے اوُندے نوکراں کوُ پکڑ کےکئیں کوُ مارے تے کئیں کوُ قتل کیتے تے کئیں کوُ سنگسار کیتے۔ ³⁶۳۶۔ وَل اوُں نے بئے نوکراں کوُ گھلے جیہڑے پہلے تھوں زیادہ ہَن اَتے اُنہاں نے اُنہاں دے نال وی اوُہو سلوک کیتے ³⁷۳۷۔ وَل آخیر وِچ اوُں نے اپنے پُتر کوُ اُنہاں دے کول ایہہ آکھ کے گھلیا کہ اوہ میڈے پُتر دا تے لحاظ کریسن۔³⁸۳۸۔ جیہڑے ویلے باغباناں نے اوُندے پُتر کوُ ڈِٹھے تاں آپس وِچ آکھے ایہو وارث ہیوئے۔ آؤ ایں کوُ قتل کرکے اِیندی میراث تے قبضہ کر گھِنوں۔ ³⁹۳۹۔ اوُں کوُ پکڑ کے باغ وِچوں باہر کڈھے تے قتل کر ڈِتے۔⁴⁰۴۰۔پس جیہڑے ویلے تاکستان (انگوراں دا باغ ) دا مالک آسی تاں اُنہاں باغباناں دے نال کیا کریسی؟۔ ⁴¹۴۱ اُنہاں نے اوُں کوُ آکھیا کہ اُنہاں بدکاراں کو بُری طرح ہلاک کر یسی اَتے باغ دا ٹھیکا ڈوجھے باغباناں کوُ ڈے ڈیسی جیہڑے موسم تے اوُں کوُں پھل ڈیون۔⁴²۴۲۔ یسوع نے اُنہاں کوُ آکھیا کیا تُساں کتاب مُقدس وِچ کِڈائیں نہیں پڑھیا کے جئیں پتھر کوُ راج مستریاں نے رَد کر ڈِتے اوُہو کونے دے سِرے دا پتھر تھی گیا۔ ایہہ خُداوند دی طرفوں تھیا اَتے ساڈی نظر وِچ عجیب ہِے۔⁴³۴۳۔ اِیں کیتے میں تُہاکو آدھا ہاں کے خُدا دی بادشاہی تُہاڈے کولوں گھِن گِدی ویسی تے اوُں قوم کوُ جو اوُندے پھل گھِن آوے ڈے ڈِتی ویسی۔ ⁴⁴۴۴۔ اَتے جیہڑا اِیں پتھر تے ڈھاسی ٹکڑے ٹکڑے تھی ویسی پر جیندے تے اوہ ڈھاسی اوُں کوُ پھیہ ڈیسی۔⁴⁵۴۵۔ اَتے جیہڑے ویلے سردار کا ہناں تے فریساں نے اوندیاں مثالاں سُنیاں تاں سمجھ گئےکہ ساڈے حق وِچ آدھا ہِے۔ ⁴⁶۴۶۔وَل اوہ اوُں کوُ پکڑن دی کوشش وِچ ہَن لیکن لوگاں کولون ڈردے ہَن کیونکہ لوگ اوُں کوُ نبی جاند دے ہَن۔

¹۱۔ یسوع وَلا اُنہاں کوُ مثالاں دے وِچ آکھن لگا کہ ۔ ²۲۔ آسمان دی بادشاہی اوُں بادشاہ دی کار ہِے جئیں اپنے پُتر دی شادی کیتی۔ ³۳۔ اوُں نے اپنے نوکراں کو گھلیا کہ اُنہاں لوگاں کوُ سڈو جیہڑے شادی دی دعوت وِچ سڈے گئے ہِن پر اوہ لوگ نہ آئے۔⁴۴۔ وَل بادشاہ نے بئے نوکراں کو حکم ڈِتا تے آکھیا کہ جیہڑے سڈے گئے ہَن اُنہاں کوُ ڈَسو کہ ڈیکھو میں اپنا کھانا تیار کر گِدا ہِے۔ میڈے ڈاند تے موٹے موٹے جانور ذبح تھی چُکے ہِن اَتے سارا کجھ تیار ہِے۔ شادی وِچ آؤ۔⁵۵۔ پر اوُں لوگاں نے اوُندی دعوت دی پرواہ نہ کیتی کجھ اپنے کھیتِاں وِچ لگے گئے تے ڈوجھے اپنے کماں کو لگے گئے۔ ⁶۶۔ جیہڑے باقی ہَن اوُنہاں نے بادشاہ دے نوکراں کو ماریا تے بُری طرح پیش آۓ تے اُنہاں کوُ قتل کیتے۔ ⁷۷۔ بادشاہ بہوں غصے وِچ آگیا تے اوُں نے اپنی فوج گھل کے اوُنہاں قاتلاں کوُ ہلاک چا کیتے تے اوُنہاں دے شاہر کوُ بھا لا ڈِتی۔⁸۸۔ وَل اوُں نے اپنے نوکراں کو آکھیا شادی دی دعوت تاں تیار ہِے پر سڈے ہوے لوگ اِیں قابل نہ ہَن۔ ⁹۹۔ تے تُساں رستیاں دے ناکیاں تے ونجو اَتے جتنے تُہاکوُ مِلن شادی بدی وِچ گھِن آؤ۔ ¹⁰۱۰۔اَتے اوہ نوکر باہر چوکاں وچ گئے تے کیا بُرے تے کیا بھلے ساریاں کوُ جمع کر کے گھِن آئے تے شادی دی محفل مہماناں نال بھریج گئی۔¹¹۱۱۔ اَتے جیہڑے دیلے بادشاہ مہمانان کوُں ڈیکھن کیتے اندر آیا تاں اوُں نے اُتھاں ہِک بندہ ڈِٹھا جیہڑا شادی دے کپڑیاں وِچ نہ ہا۔ ¹²۱۲۔ بادشاہ نے اوُں کولوں پُچھیا میاں توُں اِتھاں شادی دے کپڑیاں دے بغیر کیویں آ گیا ہئیں؟ پر او بندہ کوئی جواب نہ ڈے سگا۔¹³۱۳۔ وَل بادشاہ نے اپنے لوگاں کوں آکھیا اِیں بندے دے ہتھ تے پیر بَدھ کے اِیں کوُ باہر اَندھارے وِچ سَٹ ڈیوو اُتھاں رؤناں تے ڈنداں دا پیسناں ہوسی۔ ¹⁴۱۴۔ کیونکہ سڈے ہوئے تاں بہوں ہِن پر الگ کیتے ہوئے تھوڑے ہِن۔¹⁵۱۵۔ اوُں ویلے فریسی گئے تے مشورہ کرن لگے کہ یسوع مسیح کوُ کیویں اوندیاں گالہیں وِچ پھنسایا ونجے۔ ¹⁶۱۶۔پس اُنہاں نے اپنے چیلیاں کوُں ہیرودیوں دے کول گھلیا اَتے اُنہاں نے یسوع کو آکھیا اَے اُستاد اَساں جان دے ہئیں کہ تُوں سچا ہِیں اَتے سچائی دے نال خدا دی راہ دی تعلیم ڈیندا ہِیں اَتے کئیں دی پرواہ نئیں کریندا کیونکہ تُوں کئیں بندے دا طرفدار نئیں۔ ¹⁷۱۷۔ اِیں کیتے ساکوُ ڈسا۔ توں کیا سوچندا ہِیں جو قیصر کوُ جزیہ ڈیونا قانون دے مطابق ہِے یا نئیں؟۔¹⁸۱۸۔ یسوع اُنہاں دی مکاری کوُ سمجھ گیا تے وَل آکھیا اَے ریا کارو تُساں میکوُں کیوں آزماندے ہیوے؟۔ ¹⁹۱۹۔ جزیے دا سکہ میکوُ ڈِکھاؤ۔ اوہ ہِک دینار اوُں دے کول گِھن آئے۔²⁰۲۰۔ یسوع نے اُنہاں کوُں آکھیا ایندے تے کیندی صورت تے ناں ہِے؟۔ ²¹۲۱۔ اُنہاں نے آکھیا کہ قیصر دا۔ وَل یسوع نے اُنہاں کوُ آکھیا کہ جیہڑا قیصر دا ہِے اوہ قیصر کوُ اَتے جیہڑا خدا دا ہِے اوہ خدا کو ڈیوؤ۔ ²²۲۲۔ اُنہاں نے اِے سنیا تے بہوں حیران تھئے تے اوُں کوُں چھوڑ کے لگے گئے۔²³۲۳۔ اوُں ڈینہ صدوقی اوُندے کول آئے جیہڑے آدھے ہَن کہ قیامت نہ تھیسی اَتے اوُندے اگے ایہہ سوال چا کیتا کہ۔ ²⁴۲۴۔ اَے اُستاد موسیٰ بنی نے آکھیا ہا کہ جو اگر کوُئی بے اولاد مَر ونجے تاں اوُندا بھِرا اوُندی ذال دے نال ویاہ کرے اَتے اوہ اپنے بِھرا دے کیتے نسل پیدا کرے۔²⁵۲۵۔ ساڈے وِچ سَت بِھرا ہَن پہلے نے شادی کیتی تے اوہ مَرگیا اَتے پاروں کہ اوُندی اولاد نہ ہِے اپنی ذال اپنے بِھرا کیتے چھوڑ گیا۔ ²⁶۲۶۔ ول ڈوجھے بِھرا نے وی ایویں اِی کیتا تریجھے کولوں چل کے ستاں بِھراواں تک سارے بِھراواں نے ایویں کیتا۔ ²⁷۲۷۔ وَل اُنہاں ساریاں دے اخیر دے وِچ اوہ تریہمت وی مرگئی۔ ²⁸۲۸۔ اوہ قیامت وِچ اُنہاں ساریہاں وِچوں اوہ کیندی ذال ہوسی؟ کیوں جو اوُں نے ساریاں دے نال ویاہ کیتا ہا۔²⁹۲۹۔ یسوع نے جواب اِچ اُنہاں کوُ آکھیا تُساں گمراہ ہیوے اِیں کیتے کہ نہ کتابِ مُقدس کوُ جان دے ہیوے نہ خدا دی قدرت کوُ۔ ³⁰۳۰۔کیونکہ قیامت آلے ڈینہ نہ تاں کوُئی شادی ہوسی نہ ناں اوہ ڈینہ کوُئی شادی دے بندھن وِچ بدھا ویسی بلکہ لوگ آسمان تے فرشتیاں دی کار ہوسن۔³¹۳۱۔ پر مُردیاں دے وِچوں جی اُٹھن دے بارے وچ خدا نے تُہاکوُ جو فرمایا ہِے کیا تُساں اوہ نئیں پڑھیا کہ۔ ³²۳۲۔ میں تاں ابراہام دا خدا تے اضحاق دا خدا تے یعقوب دا خدا ہاں؟ اوہ تاں مُردیاں دا خدا نئیں بلکہ زندیاں دا خدا ہِے۔ ³³۳۳۔ لوگ ایہہ سُن کے اوُندی تعلیم تھوں بہوں حیران تھئے۔³⁴۳۴۔ وَل جیہڑے ویلے فریسیاں نے سُنیا کہ یسوع نے صدوقیاں کوُ چُپ کرا چھوڑے تاں اوہ اکٹھےتھی گئے۔ ³⁵۳۵۔ اَتے اُنہاں دے وِچوں ہِک عالم دین ہا اوہ اوُں کوُ آزماون کیتے اوُں دے کولوں پُچھیا۔ ³⁶۳۶۔ اِے اُستاد توریت دے وِچ ساریاں تھوں وڈا حکم کیہڑا ہِے۔³⁷۳۷۔ یسوع نے اوُں کوُ آکھیا کہ خداوند اپنے خدا دے نال اپنے سارے دِل تے اپنی ساری جان تے اپنی ساری عقل دے نال محبت رکھ۔ ³⁸۳۸۔ اِیہو سب تھوں وڈا تے پہلا حکم ہِے۔³⁹۳۹۔ اَتے ڈوجھا حکم ایں طرح دا ہے کہ اپنے گواہنڈی دے نال اپنی جیہی محبت رکھ۔ ⁴⁰۴۰۔ اِنہاں ڈوُہاں حکماں دے اُتے توریت تےانبیا دی کتاباں دا قیام ہِے۔⁴¹۴۱۔ اَتے جیہڑے ویلے فریسی جمع تھئےتاں یسوع نے اُنہاں کولوں پُچھیا۔ ⁴²۴۲۔ کہ تُساں مسیح دے بارے وِچ کیا سمجھدے ہیوے؟ اوہ کیندا پُتر ہِے؟اُنہاں نے اوُں کوُ آکھیا داؤد دا۔⁴³۴۳۔ یسوع نے اُنہاں کوُں آکھیا وَل کیویں داؤد روح دی ہدایت نال یسوع کوُ خداوند آدھے کہ۔ ⁴⁴۴۴۔ خداوند نے میڈے خداوند کوُ آکھے میڈی سجے پاسے بیہ جڈاں تائیں میں تیڈے دشمناں کوُ تیڈے پیراں دے ہیٹھ نہ کر چھوڑاں۔⁴⁵۴۵۔ پس جڈاں داؤد مسیح کوُ خداوند آدھے تاں اوہ اوُں دا پُتر کیویں تھی سگدے؟۔ ⁴⁶۴۶۔ اَتے کوُئی وی اوُندے جواب اِچ ہِک لفظ نہ آکھ سگے اَتے نہ اوُں ڈینہ دے بعد اوُندے کولوں کوُئی وی سوال کرن دی جرت نہ کیتی۔

¹۱۔اوُں ویلے یسوع نے بِیھڑ نال تے اپنے چیلیاں نال ایہہ گالہیں کیتیاں کہ ²۲۔ فقیہہ تے فریسی موسیٰ دی کُرسی تے بیٹھے ہِن۔ ³۳۔ اوہ جو کجھ تُہاکوُ ڈساون اوہ سارا کجھ کرو اِتے منو پر اُنہاں جئیے کم نہ کرو کیونکہ اوہ آدھے ہِن پر آپ کریندے نئیں۔⁴۴۔ اوہ اجیہے وڈے بوجھ لوگاں دے مونڈھیاں تھے رکھیندے ہِن جنہاں کو چاونا بہوں اوکھا ہِے اوہ آپ اُٹہاں کو اپنی انگل نال ہلاونا وی نئیں چاہندے۔ ⁵۵۔ اوہ اپنے سارے کم بندیاں کوُ ڈِکھاون کیتے کریندے ہِن کیونکہ اوہ اپنے تویت وڈے تے اپنی قمیض دے کنارے چوڑے رکھیندے ہِن۔⁶۶۔ اَتے دعوتاں وِچ اعلیٰ جاہ تے عبادت خانیاں اِچ اعلیٰ درجے دیاں کُرسیاں۔ ⁷۷۔ اَتے بازاراں وِچ سلام تے بندیاں کولوں ربی( اُستاد) اکھوانا پسند کریندے ہِن۔⁸۸۔ پر تُساں اپنے آپ کوُ ربی (اُستاد) نہ سڈواو کیوں جو تُہاڈا اُستاد ہِک ای ہِے اَتے تُساں سارے بھرا ہیوے۔ ⁹۹۔ اَتے زمین تے کئیں کوُ اپنا باپ نہ آکھو کیوں جو تُہاڈا باپ ہِک ای ہِے جیہڑا آسمانی ہِے۔ ¹⁰۱۰۔ وَل نہ تُساں ہادی اکھواو کیونکہ تُہاڈا ہادی ہِک ای ہِے یعنی مسیح۔¹¹۱۱۔ پر جو تُہاڈے وِچوں جیہڑا وڈا ہِے اوہ تُہاڈا نوکر بنے۔ ¹²۱۲۔ اَتے جو کوُئی اپنے آپ کوُ وڈا بنیسی اوہ نکا کیتا ویسی تے جیہڑا اپنے آپ کوُ نکا بنیسی اوہ وڈا کیتا ویسی۔¹³۱۳۔ اَے ریاکار فقیہو تے فریسیو تُہاڈے اُتے افسوس! کہ تُساں لوگاں اُتے آسمان دی بادشاہی دے دروازے بندکریندے ہو نہ تاں تُساں آپ داخل تھیندے ہو تے نہ ڈوجھیاں کو جیہڑے داخل تھیونا چاہندِن داخل تھیون ڈیندے ہو۔ ¹⁴۱۴۔ (اے ریا کار فقیہو تے فریسیو تُہاڈے تے افسوس! تُساں بیواہ تریمتاں دے گھراں کو ہڑپ کر ویندے ہیوے اَتے ڈِکھاوے کیتے نماز کوُ لمیا کریندے ہیوے۔ ایں وجہ تھوں تُہاکوُ ڈھیر سزا تھیسی)۔ ¹⁵۱۵۔ اَے ریاکار فقیہو تے فریسیو تُہاڈے تے افسوس! کہ تساں ہِک مُرید کرن کیتے سمندر پار علاقاں دے وچ ویندے ہیوے اَتے جیہڑے ویلے اوہ مُرید بن ویندےتاں اوُں کوُ اپنے تھوں دوگنا جہنم دا پُتر بنا ڈیندے ہیوے۔¹⁶۱۶۔ تُہاڈے تے افسو ہیوے جو تُساں اندھے راہ ڈِکھاون آلے ھیوے۔ جو آدھے ہِن کہ اگر کوُئی مَقدِس دی سوں کھاوے تاں کوئی گل نئیں لیکن جیہڑا مَقدِس دے سونے دی سوں کھاوے اوہ اپنی سوں کوُ پورا کرن دا پابند ہوسی۔ ¹⁷۱۷۔ تُساں اندھے تے بے وقوف ہیوے کیوں جو وڈا کون ہِے سونا یا مَقدِس جیہڑا سونے کوُ پاک کر یندا ہِے؟۔¹⁸۱۸۔ تے وَل آدھے ہیوے کہ جو کوئی قربان گاہ دی سوں کھاوے تاں کوئی گالھ نئیں لیکن جیہڑا نذرانے دی سوں کھاوے تاں اوُں کوُ پورا کرے جیہڑا اِیں قربان گاہ تے چڑھایا ویندا ہِے۔ ¹⁹۱۹۔ اے اندھو وڈا کون ہَے نذرانہ یا قُربان گاہ جیہڑی نذرانے کوُ پاک کریندی ہَے۔²⁰۲۰۔پس جیہڑا قربان گاہ دی سوں کھاندا ہِے اوہ اُنہاں سارایاں شیئاں دی سوں کھاندا ہِے جیہڑیاں اوُندے اُ تے چڑھایاں ویندیاں ہِن۔ ²¹۲۱۔ اَتے جیہڑا مَقدِس دی سوں کھاندا ہِے اوہ اوندی جیہڑا اوُندے وِچ رہندا ہِے اوُندی سوں کھاندا ہِے۔ ²²۲۲۔ اَتے وَل جیہڑا کوُئی آسمان دی سوں کھاندا ہِے اوہ خدا دے تخت دی تے جیہڑا اوُندے تے بیٹھے اوُں دی سوں کھاندے۔²³۲۳۔ اے ریا کار فقیہو تے فریسیو تُہاڈے تے افسوس! کہ تُساں پودینہ تے سونف تے زیرے تے دَہ یکی ڈیندے ہیوے پر تُساں شریعت دے بہوں خاص گالہیں دے وِچ یعنی اِنصاف تے رَحم تے ایمان کو چھوڑ ڈِتا ہِے۔ ضروری ہا جو تُساں اے وی کریندے تے اوہ وی نہ چھوڑیندے۔ ²⁴۲۴۔ اَے اندھے راہ ڈساون آلیو جیہڑے مچھر کوُ تاں چھان گھِندے وے اَتے اُٹھ کوُ نگل ویندے ہیوے۔²⁵۲۵۔ اَے ریاکار فقیہو تے فریسیو تُہاڈے تے افسوس! کہ تُساں پیالے تے چنگیر کوُ باہروں صاف کر یندے ہیوے پر اوہ اندروُں لُٹ دے لالچ دے بھرے ہوئے ہِن۔ ²⁶۲۶۔ اِے اَندھے فریسیو پہلے پیالے تے چنگیر کوُ اندروُں صاف کرو تاں جو اوہ اُتوں وی صاف تھی ونجے۔²⁷۲۷۔ اَے ریاکار فقیہو تے فریسیو تُہاڈے تے افسوس! کہ تُساں چٹیاں قبراں دی کار ہیوے جیہڑیاں باہروں تاں سوہنیاں ڈ ِکھائی ڈیندیاں ہِن پر اندروُں موئے ہوئے بندیاں دی ہڈیاں تے ہر طرح دی پلیتی نال بھریاں ہِن۔ ²⁸۲۸۔ ایویں ای تُساں وی ظاہر تاں لوگاں کوُ ڈِکھاون کیتے چنگے بن دے ہیوے پر اندروُں ریاکاری تے بے دینی نال بھرےہوئے ہیوے۔²⁹۲۹۔ اِے ریاکار فقیہو تے فریسیو تُہاڈے تے افسوس! کہ تُساں نبیاں دیاں قبراں بناندے ہیوے اَتے نیک لوگاں دے مزاراں کوُ سجاندے ہیوے۔ ³⁰۳۰۔ اَتے آدھے ہیوے کہ اگر اساں اپنے پیو ڈاڈے دے زمانے وچ ہووں ہا تاں نبیاں دے خون بہاون وِچ اُنہاں دے نال شریک نہ ہوؤں ہا۔ ³¹۳۱۔ اِیں طرح تُساں اپنے خلاف آپ گواہی ڈیندے ہیوے کہ تُساں نبیاں قتل کرن آلیاں دے پُتر ہیوے۔³²۳۲۔ اَتے تُساں اپنے پیو ڈاڈے دی کار کریندے ہیوے ۔ ³³۳۳۔ اَے نانگو! اِے افعی دے بالو! تُساں جہنم دی سزا تھوں کیویں بچ سگدے ہیوے؟۔³⁴۳۴۔ اِیں پاروُں ڈیکھ میں نبیاں تے فقیہاں کوُ تُہاڈے کول بھجیندا ہاں۔ اُنہاں دے وِچوں تُساں کجھ کوُ قتل تے مصلوب کریسو اَتے کجھ کوُ اپنے عبادت گاہواں وِچ کوڑے مریسو اَتے وَل شہر بہ شہر ستاندے پھرسو۔ ³⁵۳۵۔ تاں جو سارے راستبازاں دا خون جیہڑا زمین تے وگایا گیا ہِےتُہاڈے تے آسی۔ راستباز ہابل دے خون تھوں گھِن کے برکیا دے پُترزکریا دے خون تائیں جینکوُں تُساں مَقدِس تے قربان گاہ دے وِچ قتل کیتا ہا۔ ³⁶۳۶۔ میں تُہاکوُ سچ آدھا پیا ہاں جو ایہہ سارا کجھ ایں زمانے دی نسل تے آسی۔³⁷۳۷۔ اَے یروشلیم! اَے یروشلیم! توں جو نبیاں کوُ قتل کریندا اَتے جو تیڈے کول گگھلے گئے اُنہاں کوُ سنگسار کریندا ہئیں! کئی واری میں سوچے کہ جیویں کُکڑی اپنے بالاں کوُں اپنے پراں دے تھلے لُکا گھِندی ہِے تُہاکوُ وی اوُں ویں ای لُکا گھنِاں پر تُساں نئیں چاہندے!۔ ³⁸۳۸۔ ڈیکھو تُہاڈا گھر تُہاڈے کیتے ویران چھوڑا ویندے۔ ³⁹۳۹۔ کیونکہ میں تُہاکوُ آدھا ہاں کہ ہُن تُساں میکوُں اوُں ویلے تائیں نہ ڈیکھسو جڈاں تائیں تُساں ایویں نہ آکھسو کہ مُبارک ہِے اوہ جیہڑا خداوند دے ناں تھوں آندا ہِے۔

¹۱۔ اَتے یسوع ہیکل وِچوں نکل کے ویندا پیا ہا کے اوُندے چیلے اوُندے کول آئے کہ اوُں کوُ ہیکل دی عمارتاں ڈِکھاون۔ ²۲۔ اوُں نے جواب اِچ اوُنہاں کوُ آکھیا کہ کیا تُساں اِنہاں ساریاں شیئاں کوُ نئیں وے ڈیدھے؟ میں تُوہاکوُں سچ آدھا ہاں کے اِتھاں کئیں پتھر تے پتھر باقی نہ راہسی جیہڑا سٹیا نہ ویسی۔³۳۔ وَل جیہڑے ویلے اوہ زیتون دے پہاڑ تے بیٹھا ہا اوُندے چیلیاں نے آنج اوُندے کول آکے آکھیا ساکوُں ڈَس کے ایہہ گالہیں کڈن تھی؟ سن تے تیڈے آون تے دُنیا دے آخیر تھیون دا کیا نشان ہوسی؟۔ ⁴۴۔ یسوع نے جواب وِچ اُنہاں کوُں آکھیا خبردار! کوُئی تُہاکوُں گمراہ نہ کر ڈیوے۔ ⁵۵۔ کیوں جو بہوُں سارے میڈے ناں توں آسن اَتے آکھسن کہ میں مسیح ہاں تے بہو ں سارے لوگاں کوُں گمراہ کریسن۔⁶۶۔ اَتے تُساں لڑایاں تے لڑایاں دی افواواں سُن سو۔خبردار! گھبرا نہ ونجائے! کیونکہ اِنہاں گالہیں دا ہوناں ضرور ہِے لیکن اوُں ویلے خاتمہ نہ تھیسی۔ ⁷۷۔ کیونکہ قوم تے قوم تے سلطنت تے سلطنت چڑھائی کریسی تے جاہ جاہ تے کال پوسن تے زلزلے آسن۔ ⁸۸۔ پر ایہہ ساریاں گالہیں ڈُوکھاں دا شروع ای ہوسن۔⁹۹۔ اوُں ویلے لوگ تُہاکوُں سزاواں ڈیون کیتے پکڑواسن اَتے تُہاکوُ قتل کریسن وَلا تُساں میڈے ناں دے پاروں ساریاں قوماں تُہاڈے کولوں عداوت رکھیسن۔ ¹⁰۱۰۔ اَتے اوُں ویلے بہوں سارے تھُڈا کھاسن تے ہِک ڈوجھے کوُں پکڑواسن اَتے ہِک ڈوجھے نال عداوت رکھیسن۔ ¹¹۱۱۔ اَتے بہوُں سارے کوُڑے نبی اُٹھی پوسن اَتے بہوُں سارے بندیاں کوُ گمراہ کریسن۔¹²۱۲۔ اَتے بے دینی دے وَدھ ونجن تھوں بہوُں ساریاں دی محبت ٹھنڈی تھی ویسی۔ ¹³۱۳۔ پر جیہڑا آخیر تائیں برداشت کریسی اوُہو نجات پاسی۔ ¹⁴۱۴۔ بادشاہی دی اِیں خوشخبری دی مُناسی ساری دنیا وِچ ہوسی تاکہ ساری قوماں کیتے گواہی ےتھیوے۔ وَلا خاتمہ تھیسی۔¹⁵۱۵۔ وَل جیہڑے ویلے تُساں اُجاڑن والی مکروہ شیئہ کوُ جیندا ذکر دانی ایل نبی دی رائیں تھیا ہِے پاک جاہ تے کھڑا ہویا ڈیکھو (پڑھن والا سمجھ گھِنے)۔ ¹⁶۱۶۔ تاں جیہڑے یہودیہ وِچ ہوون اوہ پہاڑاں تے بھج ونجن۔ ¹⁷۱۷۔ جیہڑے کوٹھے تے ہوون اوہ گھر دا سامان گھنن کیتے تھلے نہ اُترن۔ ¹⁸۱۸۔ اَتے جیہڑا کھیت وِچ ہووے اوہ اپنا کپڑا گھنن کیتے پِچھاں نہ ولے ۔¹⁹۱۹۔ پر افسوس! اوُنہاں تے جو اوُنہاں ڈینہاں وِچ ڈھِڈھ نال ہوون اَتے جیڑھیاں کھیر پِلاندیاں ہوون۔ ²⁰۲۰۔ پس دُعا منگو کہ تُہاکوُں سردیاں یا چھن چھن دے ڈیں بھجناں نہ پووے۔ ²¹۲۱۔ کیونکہ اوُں ویلے ایہو جئی وڈی مصیبت ہوسی کہ دُنیا دے شروع تھوں گھِن کے ہُن تک نہ تھئی ہوسی۔ ²²۲۲۔ اَتے اگر اوہ ڈیں گھٹائے نہ ویندے تاں کوُئی بندہ نہ بچے ہا مگر دینداراں دے پاروُں اوہ ڈیں گھٹائے ویندِن۔²³۲۳۔ اوُں ویلے اگر کوُئی تُہاکوُں ایہہ آکھے کہ ڈیکھو مسیح اِتھاں ہِے یا اُتھاں ہِے تاں یقین نہ کرائے۔ ²⁴۲۴۔ کیونکہ کُوڑے مسیح تے کُوڑےنبی اُٹھ کھڑے ہوسن اَتے ایجئے وڈے تے عجیب کم ڈِکھیسن کہ اگر ممکن تھیوئے تاں دینداراں کوُں وی گمراہ کرگھن سن۔ ²⁵۲۵۔ ڈیکھو میں پہلے ای تُہاکوُں آکھ ڈِتے۔²⁶۲۶۔ پس اگر اوہ تُہاکوُ آکھن کہ ڈیکھو اوہ بیابان وِچ ہِے تاں باہر نہ ونجائے ڈیکھو اوہ کوٹھڑیاں وِچ ہِے تاں یقین نہ کرائے۔ ²⁷۲۷۔کیونکہ جیویں بجلی پورب تھوں چمک کے پچھم تک ڈِکھائی ڈیندی ہِے ایویں ای ابنِ آدم دا آونا ہوسی۔ ²⁸۲۸۔ جِتھاں مُردار ہے اُتھاں گِدھ جمع تھی ویسن۔²⁹۲۹۔ اَتے جلدی نال اُنہاں ڈیہناں دی مصیبت دے بعد سِجھ اندھارا تھی ویسی تے چن اپنی روشنی نہ ڈیسی تے تارے آسمان تھوں ڈھاسن اَتےآسمان دیاں قوتاں ہلائیاں ویسن۔³⁰۳۰۔ اَتے اوُں ویلے ابنِ آدم دا نشان آسمان تے ڈِکھائی ڈِتا ویسی۔ اَتے اوُں ویلے زمین دیاں ساریاں قوماں چھاتی پٹیسن تے ابنِ آدم کو وڈی قدرت تے جلال دے نال آسمان دے بدلاں تے آندے ڈیکھ سن۔ ³¹۳۱۔ اَتے اوہ نرسنگے دی وڈی آواز دے نال اپنے فرشتیاں کوں بھجیسی اَتے اوہ اوُندے دینداراں کوُ چاراں طرفوں آسمان دے اِیں کنارے توں اوُں کنارے تک جمع کریسن۔³²۳۲۔ ہن انجیر دے درخت تھوں ہِک مثال سیکھو۔ جیہڑے ویلے اوُں دی شاخ نرم تھیندی ہِے تاں اَتے پتے نکلدِن تُساں وَل جان گھِن دے ہیوے کے گرمی آون آلی ہِے۔ ³³۳۳۔ ایویں ای جڈاں تُساں اِنہاں ساریاں گالہیں کوُں ڈیکھو تاں جان گھِنو کے اوہ نیڑے ہِے بلکہ دروازے تے کھڑا ہِے۔³⁴۳۴۔ میں تُہاکوُں سچ آدھا ہاں کہ جڈاں تائیں اے ساریاں گالہیں نہ تھی ونجن ایہہ نسل ہرگز ختم نہ تھیسی۔ ³⁵۳۵۔ آسمان تے زمین ٹل ویسن پر میڈے منہ دیاں گالہیں ہرگز نہ ٹلسن۔³⁶۳۶۔ لیکن اوُں ڈیں تے اوُں ویلے دی بارے کوُئی نئیں جان دا نہ آسمان دے فرشتے نہ پُتر مگر صرف باپ۔³⁷۳۷۔ جیویں نوح ڈیہواراں وِچ تھیا ہا اوُں وے ہی ابنِ آدم دے آون دے ویلے ہوسی ³⁸۳۸۔ کیوں جیویں طوفاں تھوں پہلے لوگ کھاندے پیندے تے شادی ویاہ کریندے ہَن اوں اوُں ڈیں تائیں کہ نوح کشتی وِچ داخل تھیا۔ ³⁹۳۹۔ اَتے جڈاں طوفان آکے سب کجھ گھِیل نہ گھِن گیا اُنہاں کوُں پتا نہ لگے اوُں ویں ہی اِبنِ آدم دا آؤنا ہوسی۔⁴⁰۴۰۔ اوُں ویلے ڈوُ بندے کھیت وِچ ہوسن ہِک گِھن گِدا ویسی تے ڈوجھا چھوڑ ڈِتا ویسی۔ ⁴¹۴۱۔ ڈوُ ترہمتاں چکی پسیندئیاں ہوسن ہِک گھِن گِدی ویسی تے دوجھی چھوڑ ڈ ِتی ویسی۔ ⁴²۴۲۔پس جاگدے رہوائے کیونکہ تُساں نئیں وے جان دے کے تُہاڈا خداوند کیڑھے ڈِیں آ ویسی۔⁴³۴۳۔ پر ایہہ جان رکھو کہ اگر گھر دے مالک کوُں پتا ہوے ہا چور رات کوُں کیڑھے ویلے آسی تاں جاگدا راہوے ہا اَتے اپنے گھر وِچ چوری نہ تھیون ڈیوے ہا ۔ ⁴⁴۴۴۔ اِیں کیتے تُساں وی تیار رہوائے کیوں جو جیہڑے ویلے تُہاکوں پتہ وی نہ ہوسی بنِ آدم آ ویسی۔⁴⁵۴۵۔اوہ دیانتدار تے عقلمند نوکر کیہڑھا ہِے جینکوُ مالک نے اپنے نوکراں تے مقرر کیتے تاں جو وقت تے اُنہاں کوُ ٹُکر ڈیوے؟ ⁴⁶۴۶۔ خوش قسمت ہِے اوہ نوکر جینکوُ اوُندا مالک ایویں کریندا ہووے ڈیکھے۔ ⁴⁷۴۷۔ میں تُہاکوُ سچ آدھا ہاں کہ اوہ اوُں کوُ اپنے سارے مال دا مُختار کر ڈیسی۔⁴⁸۴۸۔ پر اگر اوہ خراب نوکر اپنے دِل وِچ ایہہ آکھ کے کہ میڈے مالک دے آون کوُ دیر ہِے۔ ⁴⁹۴۹۔ اپنے ہم خدمتاں کوُ مارنا شروع کر ڈیوے اَتے شرابیاں دے نال کھاوے پیوے۔ ⁵⁰۵۰۔ تاں اوُں نوکر دا مالک اوُں ویلے آ ونجے جیہڑے ڈیں کوُ نوکر نہ جان دا ہووے ۔ ⁵¹۵۱۔ اوُں کوُ بہوں کوڑے مار کے اوُں کوُ ریا کاراں اِچ شامل کریسی۔ اُتھاں روونا تے ڈنداں دا پیہونا ہوسی۔

¹۱۔ ول آسمان دی بادشاہی اُنہاں ڈاہ کنواریاں دی کار ہِے جیہڑیاں اپنیاں مثعلاں گھِن کے گھوٹ دے استقبال کوُ نکلیاں۔ ²۲۔ اُنہاں دے وچوں پنج کملیاں ہَن۔ تے پنج سیانیاں ہَن۔ ³۳۔ جیہڑیاں کملیاں ہَن اُنہاں نے اپنیاں مثعلاں تا گھِن گدیاں پر اپنے نال تیل نہ گِدا۔ ⁴۴۔ پرجیہڑیاں سیانیاں ہَن اُنہاں نے اپنیاں مشعلاں دے نال تیل کُپیاں وِچ تیل وی گھِن گِدا۔⁵۵۔جیہڑے ویلے گھوٹ دے آؤن کوُ دیر تھی گئی تا اوہ اُنہاں کوُ نیندر آ گئ ۔ ⁶۶۔ اَدھی رات کوُ ڈَنڈ پے گئی کہ گھوٹ آ گئیے! اوُن دے استقبال کوُ نکلوُں۔⁷۷۔ اوُں ویلے اوہ ساریاں کنواریاں اُٹھی کے اپنی اپنی مثلاں کوُ ٹھیک کرن لگ پئیاں ۔ ⁸۸۔ اتے کملیاں نے وی سیانیاں کوُ آکھیا ول اپنے تیل وِچوں ساکوُں وی کجھ تیل ڈیوو کیوں جو ساڈیاں مثعلاں بجھن آلیاں ہِن۔ ⁹۹۔ سیانیاں نے جواب ڈِتے کہ شاید ساڈے کول اساں ڈوہاں کیتے پورا نہ تھی وے۔ چنگا تاں ایہہ ہِے جو کہ ویچن آلیاں کولوں وَنج کے اپنے کیتے مُل گھِن آو۔¹⁰۱۰۔ جیہڑے ویلے اوہ مُل گھنن کیتے ویندیاں پئیاں ہَن کہ گھوٹ آ گئیے اَتے جیہڑیاں تیار ہَن اوہ اوُں دے نال شادی دے جشن اِچ اندر لگیاں گئیاں اَتے بوہا بند تھی گئے۔ ¹¹۱۱۔ وَل اوہ ڈوجھیاں کنواریاں آیاں تے آکھن لگیاں اَے خداوند! اے خداوند! ساڈے کیتے بوہا کھول ڈے۔ ¹²۱۲۔ اوُں نے جواب وِچ آکھیا میں تُہاکوُ سچ آدھا ہاں بئی میں تُہاکوُ نئیں سُنجھاندا۔ ¹³۱۳۔ ایں پاروُں تُساں جاگدے راہوائے کیوں جو تُساں نہ اوُں ڈیں کوُ جان دے ہیوے نہ اوُں ویلے کوُ ۔¹⁴۱۴۔ کیونکہ ایہہ اوُں بندے جیہا حال ہِےجئیں نے ڈوجھے مُلک اِچ وَیندے ویلے اپنے گھر دے نوکراں کوُ سڈایا تے اپنا مال اُنہاں دے حوالے کیتا۔ ¹⁵۱۵۔ اَتے ہِک کوُ پنج توڑے ڈِتے۔ ڈوجھے کوُ ڈوُ تے تریجھے کوُ ہِک یعنی ہر ہِک کوُ اوُں دی لیاقت دے مطابق ڈِتا تے اوہ اپنے سفر تے لگا گیا۔ ¹⁶۱۶۔ جیکوں پنج توڑے ملے ہَن اوُں نے جلدی ونج کے لین دین کیتا اَتے پنج توڑے بئے کمائے۔¹⁷۱۷۔ ایں ویں ہی جئیں کوُ ڈوُ ملے ہَن اوُں نے وی وُو بئے کمائے۔ ¹⁸۱۸۔ پر جئیں کوُ ہِک مِلا ہا اوُں نے ونج کے ٹویا کحڈیا تے اوُندے وِچ اپنے مالک دا روپیہ لُکا ڈِتا۔¹⁹۱۹۔ ہِک بہوں لمبے عرصے دے بعد اُنہاں نوکراں دا مالک وَلیا اَتے اوہ حساب گھنن لگے۔ ²⁰۲۰۔جئیں کوُ پنج توڑے مِلے ہَن اوہ پنج توڑے بئے گھِن آیا اَتے آکھن لگیا اَے خداوند! تُساں پنج توڑے میکوُ ڈِتے ہَن۔ ڈیکھ میں پنج توڑے بئے کمائے ہِن۔ ²¹۲۱۔ اوُں دے مالک نے اوُں کوُ آکھیا شاباش چنگا تے وفادار نوکر توں تاں تھوڑے دے وچ دیانتدار ریہا ہئیں رہیا ھیں۔میں تیکوں بہوں ساریاں شئیاں دا مختار بنیساں۔ اپنے مالک دی خوشی وِچ شریک تھی۔²²۲۲۔ اَتے جینکوُ ڈوُ توڑے مِلے ہَن اوُں نے وی کول آ کے آکھیا اَے خداند تُو میکوُ ڈوُ توڑے ڈِتے ہَن۔ ڈیکھ میں اوُندے نال ڈوُ توڑے بئے کمائے ہِن۔ ²³۲۳۔اوُں دے مالک نے اوُں کوُ آکھیا تے شاباش ڈِتی تُوں گھٹ وِچ دیانتدار ہاویں۔ میں تیکوُ بہوں ساریا شئیاں دا مُختار بنیساں۔ اپنے مالک خوشی وِچ شریک تھی۔²⁴۲۴۔ اَتے جینکوُ ہِک توڑا ملیا ہا اوہ وی کول آ کے آکھن لگا اَے خداوند میں تیکوُ جان دا ہاں کہ توُں بہوں سخت بندہ ہئیں اَتے جتھاں نئیں وہایا تُوں اٗتھوں وی کٹ گھِندیں اَتے جِتھاں نئیں سَٹیا تُوں اُتھوں وی جمع کر گھِندیں۔ ²⁵۲۵۔ میں ڈر گیا ہامی اَتے ونج کے تیڈا توڑا زمین اِچ لُکا ڈِتا ہا۔ ڈیکھ جو تیڈا ہِے اوہ ایہہ ہِے۔²⁶۲۶۔ اوُں دے مالک نے جواب وِچ اوُں کوُ آکھیا اَے مکار تے سُست نوکر! تُوں جان دا ہاویں کہ میں جتھاں نئیں وہایا اُتھوں کٹیندا ہاں اَتے جتھاں میں نئیں سٹیا اُتھوں جمع کریندا ہاں۔ ²⁷۲۷۔ ایں پاروں تیڈے تے لازم ہا کہ میڈا روپیہ سا کئیں مالدار کوُ ڈیندا تاں میں آ کے سُود سمیت اوندے کولوں واپس گھِن گھِندا۔²⁸۲۸۔ ایں وجہ تھوں ایدے کولوں اوہ توڑا گھن گھنو ا اَتے اوُں کوُ ڈے چھوڑو جیندے کول جیندے کول ڈاہ ہِن۔ ²⁹۲۹۔ کیوں جو جیندے کول ہِے اوُں کوُ ڈِتا ویسی اَتے اوندے کول ڈھیر تھی ویسی پر جیندے کول نئیں اوُندے کولوں اوہ وی جو اوُندئے کول ہِے گھِن گِدا ویسی۔ ³⁰۳۰۔ اِیں نکمے نوکر کوُں باہر اَندھارے وِچ سَٹ ڈِتا ونجے۔ اُتھاں روونا تے ڈنداں دا پیسنا ہوسی۔³¹۳۱۔ جڈاں ابنِ آدم اپنے سارے فرشتیاں دےنال جلال دے وچ آسی تاں اوہ اپنے جلال دے تخت تے بیہہ ویسی۔ ³²۳۲۔ اَتے ساریاں قوماں اُندے سامنے جمع کیتیاں ویسن اَتے اوہ ہِک کو ڈوجھے تھوں اَنج کریسی جیویں آجڑی اپنیاں بھڈاں کوُں بکریاں تھوں اَنج کریندے۔ ³³۳۳۔ اَتے بھیڈاں کوُ اپنے سجے پاسے تے بکریاں کوُ اپنے کھبے پاسے کھڑا کریسی ۔³⁴۳۴۔ اوُں ویلے بادشاہ اپنے سجے پاسے آلیاں کو آکھسی آؤ میڈے باپ دے چنگے بھاکاں والے لوگو بادشاہی کوں وراثت دے وِچ گِھن گھِنو جیہڑی دنیا دے شروع تھوں ہی تُہاڈے کیتے تیار کیتی گئی ہِے۔ ³⁵۳۵۔ جڈاں میں بُھکا حامی تُساں میکوُں ٹُکر کھوائے۔ میں پیاسا حامی تُساں میکوُں پانی پلاے۔ میں پردیسی حامی۔ تُساں میکوُں اپنے گھر اِچ جاہ ڈِتی۔ ³⁶۳۶۔ ننگا حامی تُساں میکوُں کپڑے پوائے۔ بیمار حامی تُساں میڈا خیال کیتا۔ قید اِچ حامی۔ تُساں میڈے کول آئے۔³⁷۳۷۔ وَل راستباز جواب وِچ اوُں کوُ آکھسن اَے خداوند! اَساں تیکوُ کڈاں بھُکا ڈیکھ کے ٹُکر کھوائے یا پیاسا ڈیکھ کے پانی پلائے؟۔ ³⁸۳۸۔ اَساں کڈاں تیکوُ پردیسی ڈیکھ کے اپنے گھر اِچ گھِن گئے ہاسے؟ یا ننگا ڈیکھ کے تیکوُ کپڑے پوائے؟۔ ³⁹۳۹۔اَساں کڈاں تیکوُ بیمار یا قید اِچ ڈیکھ کے تیکوُ مِلن آئے؟۔ ⁴⁰۴۰۔ بادشاہ جواب وِچ اُنہاں کوُ آکھسی میں تُہاکوُ سچ آدھا ہاں کہ جڈاں تُساں میڈے اِنہاں نِکے بھِراواں وِچوں کئیں نال ایہہ سلوُک کیتے تاں میڈے ہی نال کیتے۔⁴¹۴۱۔ وَل اوہ کھبے پاسے آلیاں کوُ آکھسی اِے لعنتیو میڈے سامنے تھوں اوُں ہمیشہ دی بھا وِچ لگے ونجو جیہڑی شیطان تے اوُں دے فرشتیاں کیتے تیار کیتی گئی ہِے۔ ⁴²۴۲۔ کیونکہ میں بھُکا حامی۔ تُساں میکوُ ٹُکر نہ کھوائے۔ پیاسا حامی۔ تُساں میکوُ پانی نہ پلائے۔ ⁴³۴۳۔ پردیسی حامی تُساں میکوُ گھر اِچ نہ آؤن ڈِتے۔ننگا حامی۔ تُساں میکوُ کپڑے نہ پوائے۔ بیمار تے قید اِچ حامی۔ تُساں میڈے کول نہ آئے تے میڈی فکر نہ کیتی۔⁴⁴۴۴۔ تاں اوہ جواب اِچ آکھسن اَے خداوند! اَساں کڈاں تیکوُ بھُکا یا پیاسا یا پردیسی یا ننگا یا بیمار یا قید وِچ ڈیکھ کے تیڈی خدمت نہ کیتی؟۔ ⁴⁵۴۵۔ اوُں ویلے اوہ اُنہاں کوُ جواب اِچ آکھسی میں تُہاکوُ سچ آدھا ہاں کہ جڈاں تُساں ساریاں وِچوں نِکیاں نال کئیں دے نال ایہہ سلوک نہ کیتا تاں میڈے نال نہ کیتا۔ ⁴⁶۴۶۔ اَتے ایہہ ہمیشہ دی سزا پاسن پر راستباز ہمیشہ دی زندگی۔

¹۱۔ اَتے جیہڑے ویلے یسوع ایہہ ساریاں گالہیں ختم کر گِدِن تاں ایویں تھیا کہ اوُں نے اپنے چیلیاں کوُ آکھیا۔ ²۲۔ تُساں جان دے ہیوے کہ ڈوُ ڈیہواراں دے بعد عیدِ فسح ہوسی اَتے ابنِ آدم مصلوب تھیون کیتے پکڑوایا ویسی۔³۳۔ اوُں ویلے سردار کاہن تے قوم دے بزرگ کائفا ناں سردار کاہن دے دیوان خانے وِچ جمع تھئے۔ ⁴۴۔ اَتے مشورہ کیتے کہ یسوع کوُ دھوکے نال قتل کیتے پکڑواؤں۔ ⁵۵۔ پر آدھے ہَن کہ عید وِچ نئیں۔ ایویں نہ تھیوے کہ لوگاں وِچ بلوا تھی ونجے۔⁶۶۔اَتے جڈاں یسوع بیت عنیاہ وِچ شمعون کوڑھی دے گھر ہا۔ ⁷۷۔ تاں ہِک تریہمت سنگِ مَرمَر دے عطر دان وِچ بہوں ماہنگا عطر گھِن کے اوُندے کول آئی اَتے جڈاں اوہ ٹُکر کھاون بیٹھے تاں اوُندے سر تے گھت چھوڑے۔ ⁸۸۔ چیلے ایہہ ڈیکھ کے بہوں ناراض تھئے اَتے آکھن لگے جو ایہہ کِس کیتے ضائع کیتا گئے؟۔ ⁹۹۔ ایں دے تاں بہوں پیسیاں وِچ ویچیا جا سگدا ہائی تے غریباں دی مدد وی کیتی جا سگدی ہائی۔¹⁰۱۰۔ یسوع نے ایہہ جان کے اوُنہاں کوُ آکھیا کہ ایں تریہمت کوُ کیوں تنگ کریندے ہیوے؟ اِیں نے تاں میڈے نال چنگائی کیتی ہِے۔ ¹¹۱۱۔ کیوں جوغریب غُربا تاں ہمیشہ تُہاڈے کول ہِن پر میں تُہاڈے کول ہمیشہ نہ راہساں۔¹²۱۲۔ اَتے اِیں نے تاں میڈے دفن دی تیاری کیتے ایہہ عطر میڈے بدن تے سٹیا ہِے۔ ¹³۱۳۔ میں تُہاکوُ سچ آدھا ہاں کہ ساری دُنیا وِچ جتھاں کتھائیں وی اِیں خوشخبری دی مُنادی کیتی ویسی ایہہ وی جیہڑا اِیں نے میڈے نال کیتے اِیں دی یادگاری وِچ آکھیا ویسی۔¹⁴۱۴۔ اوُں ویلے اُنہاں بارہ وِچوں ہِک نے جیندا ناں یہوداہ اسکریوتی ہا اوُں نے کاہناں دے کو ونج کے آکھے کہ۔ ¹⁵۱۵۔ اگر میں اوُں کوُ تُہاڈے حوالے کرا ڈیواں تاں میکوُ کیا ڈیسو؟ اُنہاں نے اوُں کوُ تریہہ روپئے تول کے ڈے ڈِتے۔ ¹⁶۱۶۔ اِتے اوہ اوُں ویلے تھوں ہی اوُں کوُ پکڑواون دا موقع گولن لگا۔¹⁷۱۷۔ وَل عیدِ فطیر دے پہلے ڈیں چیلیاں نے یسوع دے کول آ کے آکھیا توں کِتھاں چاہندا ہئیں جو اساں تیڈے کیتے فسح کھاون دی تیاری کروں؟۔ ¹⁸۱۸۔ اوُں نے آکھے شاہر اِچ فلاں بندے دے کول ونج کے اوُں کوُ اکھائے اُستاد فرماندے کہ میڈا ویلہ نیڑے ہِے۔ میں اپنے چیلیاں دے نال تیڈے گھر عیدِ فسح کریساں۔ ¹⁹۱۹۔ اَتے جیویں یسوع نے چیلیاں کوُ حکم ڈِتا ہا اُنہاں نے اوُں وے ہی کیتے اَتے فسح تیار کیتی۔²⁰۲۰۔ وَل جڈاں شام تھئی تاں اوہ بارہ چیلیاں دے نال کھانا کھاون کیتے بیٹھا ہا۔ ²¹۲۱۔ اَتے جڈاں اوہ کھاندے پئے ہَن تاں اوُں نے آکھے میں تُہاکو سچ آدھا ہاں تُہاڈے وِچوں ہِک میکوُ پکڑواسی۔ ²²۲۲۔ اوہ بہوں اُداس تھی گئے تے ہر ہِک اوُں کوُ آکھن لگااَے خداوند کیا میں ہاں؟۔²³۲۳۔ اوُں نے جواب وِچ آکھیا جئیں نے میڈے نال تھال اِچ ہتھ پاتے اوُہو میکوُ پکڑویسی۔ ²⁴۲۴۔ ابنِ آدم تاں جھیویں اوُندے حق وِچ لکھے ویندا ای ہِے پر اوُں بندے تے افسوس جیندے وسیلے نال اِبنِ آدم پکڑوایا ویندے! اگر اوہ بندہ جمدہ ای ناں تاں اوُندے کیتے چنگا تھیوے ہا۔ ²⁵۲۵۔ اوُں سے پکڑواون آلے یہوداہ نے جواب وِچ آکھیا اَے ربی(استاد) کیا میں ہاں؟ اوُں نے اوُں کوُ آکھیا توں آپ آکھ چھوڑے۔²⁶۲۶۔ جیہڑے ویلے اوہ کھاندے پئے ہَن تاں یسوع نے روٹی گِدی تے برکت ڈے کے توڑی اَتے چیلیاں کوُ ڈے کے آکھیا گھِنو کھاؤ۔ ایہہ میڈا بدن ہے۔²⁷۲۷۔ وَل پیالہ گھِن کے شکر کیتے اَتے اُنہاں کوُ ڈے کے آکھیا تُساں سارے ایں دے وِچوں پیو۔ ²⁸۲۸۔ کیوں جو ایہہ میڈا اوہ عہد دا خون ہِے جیہڑا بہوں لوگاں دے گناہاں کیتے وہایا ویندا ہِے۔ ²⁹۲۹۔ وَل میں تُہاکوُ آدھا ہاں کہ انگور دا ایہہ شیرہ وَل کڈائیں نہ پیساں۔ اوُں ڈیں تائیں کہ تُہاڈے نال اپنے باپ دی بادشاہی وِچ نواں نہ پیواں۔³⁰۳۰۔ اوہ تعریف دے گیت گا چُکے تاں زیتون دے پہاڑ تے لگے گئے۔ ³¹۳۱۔ اوُں ویلے یسوع نے اُنہاں کوُ آکھیا تُساں اَج دی رات میڈے پاروُں تھُڈا کھاسو کیوں جو لکھا لاتھے کہ میں آجڑی کوُ مریساں اَتے بھیڈاں کھنڈی ویسن۔ ³²۳۲۔ پر میں اپنے جی اُٹھن دے بعد تُہاڈے تھوں پہلے گلیل کوُ ویساں۔³³۳۳۔ پترس نے جواب اِچ اوُں کوُ آکھیا سارے تیڈے پاروں تھُڈا کھاسن پر میں کڈائیں تھُڈا نہ کھاساں۔ ³⁴۳۴۔ یسوع نے اوُں کوُ آکھیا میں تیکوُ سچ آدھا ہاں کہ اَج دی رات کُکڑ دے بانگ ڈیون کولوں پہلے تُوں ترئے وار میڈا انکار کریسیں۔ ³⁵۳۵۔ پطرس نے اوُں کوُ آکھیا اگر تیڈے نال میکوُ مرنا وی پوئے تاں وی تیڈا انکار ہر گز نہ کریساں اَتے سارے چیلیاں نے وی ایں وی ای آکھیا۔³⁶۳۶۔ اوُں ویلے اُنہاں دے نال گتسمنی ناں دی ہِک جاہ تے آیا اَتے اپنے چیلیاں کوُ آکھن لگا اِتھائیں بیٹھے راہوائے جڈاں تائیں کہ میں اُتھاں ونج کے دعا منگ گھِناں۔ ³⁷۳۷۔ وَل اوہ پطرس تے زبدی دے ڈوہاں پُتراں کوُ نال گھِن کے بہوں غمگین تے بیقرار تھیون لگا۔ ³⁸۳۸۔ اوُں ویلے اوُں نے اُنہاں کوُ آکھیا میڈی جان بہوں غمگین ہِے۔ اِتھوں تائیں جو مرن تائیں پہنچ گیا ہاں۔ تُساں اِتھاں رُکو تے میڈے نال جاگدے راہوو۔³⁹۳۹۔ وَل ذرا اَگے وادھ کے مُنہ دے بھار ڈھیہ پیا تے ایویں دعا کیتی کہ اَے میڈے باپ! اگر تھی سگے تاں ایہہ پیالہ میڈے کولوں ہٹا گھِن۔ تاں وی جیویں توں چاہندا ہئیں اوُں ای تھیوے نہ کہ جیویں میں چاہندا ہاں۔ ⁴⁰۴۰۔ وَل چیلیاں دے کول آکے اُنہاں کوُ نیندر اِچ ڈِٹھا اَتے پطرس کوُ آکھن لگا کیا تُساں میڈے نال ہِک گھڑی وی نہ جاگ سگے؟۔ ⁴¹۴۱۔جاگو تے دعا منگو تاں جو آزمائش اِچ نہ پووو۔ روح تاں مضبوط ہِے پر جسم کمزور ہِے۔⁴²۴۲۔ وَل دوبارہ اوُں نے وَنج کے ایویں دعا کیتی کہ اَے میڈے باپ! اگر اَے میڈے پئے بغیر نئیں ٹل سگدا تاں تیڈی مرضی پوری تھیوے۔ ⁴³۴۳۔ اَتے آ کے اُنہاں کوُ ولا نیندر اِچ ڈِٹھا کیونکہ اُنہاں دیاں اکھیاں نیندر نال بھریا ہویا ہَن۔ ⁴⁴۴۴۔ اوُ اُنہاں کوُ چھوڑ کے وَل لگا گیا اَتے وَل اوہو گالھ آکھ کے تریجھی وار دعا منگی۔⁴⁵۴۵۔ وَل چیلیاں دے کول آ کے اُنہاں کوُ آکھیا ہُن سُتے راہو اَتے آرام کرو۔ ڈیکھو ویلہ آ پہنچے ا۔تے ابنِ آدم گناہگاراں دے حوالے کیتا ویسی۔ ⁴⁶۴۶۔ اُٹھو جُلوںُ۔ ڈیکھو میڈا پکڑواون آلا نیڑے آ پہنچے۔⁴⁷۴۷۔ اوہ ایہہ آدھا ہی پیا ہا کہ یہوداہ جیہڑا اُنہاں بارہ وِچوں ہِک ہا آیا تے اوُں دے نال ہِک وڈی بِھیڑ تلواراں تے ڈنڈے چا کے کاہناں تے قوم دے بزرگاں دی طرفوں آ پہنچی۔ ⁴⁸۴۸۔ اَتے اوُں سے پکڑواون آلے نے اُنہاں کوُ ایہہ نشان ڈِتا ہا کہ جیندا میں مُنہ چُمساں اوہو ہوسی۔ اوُں کوُ پکڑ گھِنائے۔⁴⁹۴۹۔ جلدی نال اوہ مسیح دے کول آیا تے آکھیا اَے ربی سلام اے آکھ کے اوُندا منہ چُومیا۔ ⁵⁰۵۰۔ یسوع نے اوُں کوُ آکھیا سنگی جیہڑے کم کوُ توں آیا ہئیں اوہ کر۔ ایں تے اُنہاں نے کول آکے یسوع تے ہتھ گھتا تے اوُں کوُ پکڑ گِدے۔⁵¹۵۱۔ اَتے ڈیکھو یسوع دے چیلیاں وِچوں ہِک نے ہتھ ودھایا تے اپنی تلوار نال سردار کاہن دے نوکر دا کَن کَپ چھوڑیا۔ ⁵²۵۲۔ یسوع نے اوُں کوُ آکھیا اپنی تلوار کوُ اپنی میان اِچ کر گھِن کیونکہ جیہڑے تلوار چیندِن اوہ سارے تلوار نال قتل کیتے ویسن۔ ⁵³۵۳۔ کیا تیکوُ سمجھ نئیں آندی کہ میں اگر اپنے باپ دی منت کراں تاں اوہ فرشتیاں دے بارہ تُمن کولوں زیادہ میڈے کول اِیں ویلے ای بھیج ڈیسی؟۔ ⁵⁴۵۴۔ پر اوہ جو لکھیا لاتھے اوہ کیویں پورا تھیسی۔⁵⁵۵۵۔ اوُں ویلے یسوع نے بِھیڑ کوُ آکھیا کیا تُساں تلواراں تے ڈانگاں گھِن کے میکوُ ڈاکوُ آلی کار پکڑن کیتے نکلے ہیوے؟ میں تاں ہر روز ہیکل وِچ بیہہ کے تعلیم ڈیندا ہامی اَتے تپساں میکوُ نئیں پکڑیا۔ ⁵⁶۵۶۔ پر ایہہ سارا کُجھ ایں کیتے تھیا ہِے کہ نبیاں دیاں کتاباں اِچ لکھیا ہویا پورا تھیوے اوُں ویلے سارے چیلے اوُں کوُ چھوڑ کے بھج گئے۔⁵⁷۵۷۔ اَتے یسوع دے پکڑاوا آلے اوُں کوُ کائفا ناں سردار کاہن کول گھِن گئے جِتھاں فقیہہ تے بزرگ جمع تھئے ہوئے ہَن۔ ⁵⁸۵۸۔ اَتے پطرس دوُر دوُر اوُں دے پِچھوں پِچھوں سردار کاہن دی عدالت تائیں گیا اَتے اندر ونج کے سپاہیاں دے نال نتیجہ ڈیکھن کوُ بیہہ گیا۔⁵⁹۵۹۔ اَتے سردار کاہن تے سارے صدرِ عدالت آلے یسوع کوُ مار سَٹن کیتے اوُں دے خلاف کوُڑی گواہی گولن لگ پئے ۔ ⁶⁰۶۰۔ جیہڑے ویلے اُنہاں کوُ نہ مِلی تاں کوُڑے گواہ آئے۔ پر آخر کار ڈوُ گواہاں نے آ کے آکھیا کہ۔ ⁶¹۶۱۔ اِیں نے آکھیا ہا میں خدا دے گھر کوُ ڈھا سگدا ہاں اَتے ترئے ڈیہواراں اِچ بنا وی سگدا ہاں۔⁶²۶۲۔ اَتے سردار کاہن نے کھڑے تھی کے اوُں کوُ آکھیا تُوں جواب نئیں ڈیندا؟ ایہہ تیڈے خلاف کیا گواہی ڈیندے ہِن؟۔ ⁶³۶۳۔ پر یسوع چُپ ہی ریہا۔ سردار کاہن نے اوُں کوُ آکھیا میں تیکوُ زندہ خدا دی قسم ڈیندا ہاں جو اگر تُوں خدا دا پُتر ہئیں تاں ساکوُ آکھ ڈے۔ ⁶⁴۶۴۔ یسوع نے اوُں کوُ آکھیا تُوں آپ آکھ چھوڑے بلکہ میں تُہاکوُ آدھا ہاں جو اِیں دے بعد تُساں ابنِ آدم کوُ قادرِ مُطلق دے سجے پاسے بیٹھے تے آسمان دے بدلاں تے آندے ہوئے ڈیکھسو۔⁶⁵۶۵۔ وَل سردار کاہن نے اپنے کپڑے پھاڑے تے آکھیا کہ ایں نے کُفر بکیا ہِے۔ ہُن ساکوُ گواہاں دی کیا ضرورت ہِے؟ ڈیکھو تُساں وی ایہہ کُفر سُنیا ہِے۔ تُساں کیا آدھے ہیوے؟ ⁶⁶۶۶۔ اُنہاں نے جواب اِچ آکھیا اوہ قتل دے لائق ہِے۔⁶⁷۶۷۔ اُنھاں نے اوُندے مُنہ تے تُھکیا تے اوُں دے مُکے مارے تے بعض لوگاں نے تھپڑ مار کے آکھیا۔ ⁶⁸۶۸۔ اَے مسیح نبوت نال ساکوُ ڈَس کہ تیکوُ کئیں مارے؟۔ او آکھا مسیح ساٖے کیتے نبوت کر تے چیکوں مارا ھے۔⁶⁹۶۹۔ اَتے پطرس باہروں ڈیوڑھی وِچ بیٹھا ہا کہ ہِک نوکرانی نے اوُں دے کول آ کے آکھیا تُوں وی یسوع گلیلی دے نال ہاویں۔ ⁷⁰۷۰۔ اوُں نے ساریاں دے سامنے ایہہ آکھ کے انکار چا کیتا کہ میں نئیں جان دا کہ تُوں کیندے بار وِچ آدھی ہئیں۔⁷¹۷۱۔ اَتے جڈاں اوہ ڈیوڑھی وِچ لگا گیا تاں ڈوجھی نوکرانی نے اوُں کوُ ڈِٹھا اَتے جیہڑے اُتھاں لوگ ہَن اُنہاں کوُ آکھیا ایہہ وی یسوع ناصری دے نال ہا۔ ⁷²۷۲۔ اوُں نے قسم کھا کے وَل انکار کیتے کہ میں اِیں بندے کوُ نئیں جان دا۔⁷³۷۳۔ کجھ دیر بعد جیہڑے لوگ اُتھاں کھڑے ہَن اُنہاں نے پطرس دے کول آ کے آکھیا بے شک تُوں وی اُنہاں وِچوں ہئیں کیونکہ تیڈی بولن تھوں وی ظاہر تھیندے۔ ⁷⁴۷۴۔ وَل اوہ لعنت کرن تے قسم کھاون لگ پیا کہ میں اِیں بندے کوُ نئیں جان دا اوُں ویلے اچانک کُکڑ نے بانگ ڈِتی۔ ⁷⁵۷۵۔پطرس کوُ یسوع دی اوہ گالھ یاد آئی جیہڑی اوُں نے آکھی ہائی کہ کُکڑ دے بانگ ڈیون کولوں پہلے تُوں ترئے واری میڈا انکار کریسیں اَتے اوہ باہر ونج کے بہوں اوچی اوچی رونا۔

¹۱۔جڈاں سویر تھئی تاں سردار کاہناں تے قوم دے بزرگاں نے یسوع دے خلاف صلاح کیتی کہ اوُں کوُ مار سٹوُں۔ ²۲۔ اَتے اوُں کوُ بدھ کے گھِن گئے تے پیلاطُس دے دے حوالے چا کیتا۔³۳۔ جیہڑے ویلے اوُں دے پکڑاون آلے یہوداہ نے ایہہ ڈِٹھا کہ اوُں کوُ مجرم بنا ڈِتا گئے تاں اوہ بہوں پچھتایا اَتے تریہہ روپے سردار کاہناں تے بزرگاں دے کول واپس گھِن آیا تے آکھن لگا۔ ⁴۴۔ میں گُناہ کیتے کہ ہِک بےقصور کوُ قتل کیتے پکڑوائے اُنہاں نے آکھے ساکوُ کیاَ تُوں جان۔ ⁵۵۔ اَتے اوہ پیسیاں کوُ اوُں مَقدس اِچ سَٹ کے لگا گیا اوے ونج کے اپنے آپ کوُ پھا چا ڈِتے۔⁶۶۔ سردار کاہناں نے پیسے گھِن کے آکھے اِنہاں پیسیاں کوُ ہیکل دے خزانے وِچ پاونا چنگا نئیں کیوں جو ایہہ خون دی قیمت ہِے۔ ⁷۷۔ وَل اُنہاں نے مشورہ کر کے اُنہاں پیسیاں دے نال کُمہار دا کھیت پردیسیاں دے دفن کیتے گھِن گِدا۔ ⁸۸۔ ایں دے پاروُں اوہ کھیت اَج تائیں خون دا کھیت اکھواندے۔⁹۹۔ اوُں ویلے اوہ پورا تھیا جیہڑا یرمیاہ نبی دے پاروُں آکھیا گیا ہا کہ جیندی قیمت مقرر کیتی گئی ہا اُنہاں نے اوُں دی قیمت دے اوہ تریہہ روپے گھِن گدے۔(اوُں دی قیمت بعض بنی اسرائیلیاں نے مقرر کیتی ہائی)۔ ¹⁰۱۰۔ اَتے اوُں کوُ کُمہار دے کھیت کیتے ڈِتا جیویں خداوند نے میکوُ حکم ڈِتا ہا۔¹¹۱۱۔ یسوع حاکم دے سامنے کھڑا تھیا اَتے حاکم نے اوُں دے کولوں ایہہ پُچھیا کہ کیا تُوں یہودیاں دا بادشاہ ہئیں؟ یسوع نے اوُں کوُ آکھیا تُوں آپ آدھیں۔ ¹²۱۲۔ اَتے جڈاں سردار کاہن تے بزرگ اوُندے تے الزام لیندے پئے ہَن اوُں نے کجھ جواب نہ ڈِتا۔ ¹³۱۳۔ وَل پیلاطُس اوُں کوُ آکھیا کیا تیکوُ سُندا نئیں ایہہ تیڈے خلاف کتنی گواہیاں ڈیندے پئے ہِن؟۔ ¹⁴۱۴۔ اوُں نے ہِک گالھ دا وی اوُں کوُ کوُئی جواب نہ ڈِتا۔ اِتھوں تائیں کہ حاکم بہوں حیران تھیا۔¹⁵۱۵۔ اَتے حاکم دا رِواج ہا کہ عید تے لوگاں کیتے ہِک قیدی جینکوُ اوہ چاہندے ہوون چھوڑ ڈِتا ونجے۔ اوُں ویلے برابا ناں دا ہِک مشہور قیدی ہا۔ ¹⁶۱۶۔ اوُں ویلے برابا ناں دا ہِک مشہور قیدی ہا۔¹⁷۱۷۔ وَل جیہڑے ویلے اوہ کٹھے تھئے تاں پیلاطُس نے اُنہاں کوُ آکھیا تُساں کئیں کوُ چاہندے ہیوے جو میں تُہاڈی خاطر آزاد کر ڈیواں؟ برابا کوُ یا یسوع کوُ جیہڑا مسیح اکھواندے؟۔ ¹⁸۱۸۔ کیوں جو اوُں کوُ پتہ ہا کہ اُنہاں نے یسوع کوُ حسد تھوں پکڑوایا ہِے۔ ¹⁹۱۹۔ وَل جڈاں اوہ تختِ عدالت بیٹھا ہا تاں اوُندی ذال نے اوُں کوُ اکھوا بھیجے کہ تُوں اِیں راستباز نال کجھ کم نہ رکھ کیونکہ میں اَج خواب وِچ اِیں دے پاروں بہوں ڈُکھ چاتے۔²⁰۲۰۔ پر سردار کاہناں تے بزرگاں نے لوگاں اُکسائے کہ برابا کوُ منگ گھِنن اَتے یسوع کوُ مروا چھوڑن۔ ²¹۲۱۔ حاکم نے اُنہاں کوُ آکھیا اِنہاں ڈوہاں وِچوں کئیں کوُ چاہندے ہیوے کہ تُہاڈی کیتے چھوڑ ڈیواں؟ اُنہاں نے آکھے برابا کوُ۔ ²²۲۲۔ پیلاطُس نے اُنہاں کوُ آکھے وَل یسوع دا کیا کراں جیہڑا مسیح اکھواندے؟ ساریاں نے آکھے اوُں کوُ مصلوب تھیون ڈے۔²³۲۳۔ اوُں نے آکھے کیوں اِیں نے کیا بُرائی کیتی ہِے؟ پر اوہ اوُں تھوں وی زیادہ اُچی اُچی آواز نال چیکاں مارن لگ پئے تے آکھن لگے اِیں کوُ مصلوب کیتا ونجے۔ ²⁴۲۴۔ جڈاں پیلاطُس نے ڈِٹھا جو ہُن کجھ نہ تھیسی بلکہ ہتھوں اُلٹا بغاوت تھیندی پئی ہِے تاں اوُں نے پانی منگوا کے لوگاں دے سامنے اپنے ہتھ دھوتے اَتے آکھیا میں اِیں راستباز دے خون تھوں بَری ہاں۔ ہُن تُساں جانو۔²⁵۲۵۔ سارے لوگاں نے جواب ڈِتے اِیں دا خون ساڈی تے ساڈی نسلاں تے ہووے!۔ ²⁶۲۶۔ وَل اوُں نے برابا کوُ اُنہاں دے کیتے آزاد کر ڈِتے اَتے یسوع کوُ کوڑے مروا کے اُنہاں دے حوالے کیتا کہ اِیں کوُ مصلوب کیتا ونجے۔²⁷۲۷۔ ول صوبہ دار تے سپاہی یسوع کوُ قلعے وِچ تے ساری پلٹن اوُندے آسے پاسے جمع تھی تھی گئی۔ ²⁸۲۸۔ اَتے اوُندے کڑے لہا کے اوُں کوُ قرمزی چوغہ پوایا۔ ²⁹۲۹۔ وَل اُنہاں نے کنڈیاں دا تاج بنا کے اوُں دے سر تے رکھیا تے ہِک سرکنڈا اوُں ہتھ وِچ پکڑوایا تے اوُں دے اَگے جُھک کے اوُں دا مذاق اُڑاون لگے کہ اَے یہودیاں دے بادشاہ آداب!۔³⁰۳۰۔ اَتے اوُں دے تھوکیا تے اوہو سرکنڈا گھِن کے اوُں دے سر تے مارن لگ پئے۔ ³¹۳۱۔ اَتے جیہڑے ویلے اوُں دا مذاق اڑا چکے تاں چوغے کوُ اوُں تھوں لہا کے وَل اوُں دے کپڑے اوُں کوُ اَتے مصلوب کرن کیتے گھِن گئے۔³²۳۲۔ جڈاں باہر آئے تاں اُنہاں نے ہِک بندہ کرینی جیندا ناں شمعون ہا اوُں کو پکڑے کے مجبور کیتے تے اوُں کو آکھے یسوع دی صلیب چا پر تیکوُ اِیندی مزدوری کئے نہ مِلسی۔ ³³۳۳۔ وَل اوُں جاہ جیہڑی گُلگتا یعنی کھوپڑی دی جاہ اکھواندی ہِے پہنچ کے۔ ³⁴۳۴۔ اوُں کوُ پِت ملی ہوئی مَے پیون کوُ ڈِتی پر اوُں نے چکھ کے نہ پیتی۔³⁵۳۵۔ وَل اُنہاں نے اوُں کوُ مصلوب کیتے اَتے اوُندے کپڑیاں تے قرعہ پا کے آپس اِچ وَنڈ گِدے۔ ³⁶۳۶۔ وَل اُتھاں بیہہ کے اوُں دی نگرانی کیتی۔ ³⁷۳۷۔ اَتے اوُندا الزام لکھ کے اوُں دے سر دے اُتے لا ڈِتا کہ ایہہ یہودیاں دا بادشاہ یسوع ہِے۔³⁸۳۸۔ اوُں ویلے اوُندے نال ڈو ڈاکوُ وی مصلوب کیتے گئے۔ ہِگ سجے پاسے تے ڈوجھا کھبے پاسے۔ ³⁹۳۹۔ اَتے آندے ویندے لوگ سر ہلا ہلا کے اوُندا مذاق اڑاندے ہَن اَتے آدھے ہَن۔ ⁴⁰۴۰۔ اَتے مِقدس دے ڈھاون آلے اَتے تریئے ڈیہاں وِچ بناون آلے اپنے آپ کوُ بچا۔ اگر تُوں خدا دا پُرت ہئیں تاں صلیب تھوں لیہہ آ۔⁴¹۴۱۔ ایویں ای سردار کاہن وی فقیہیاں تے بزرگاں دے نال مِل کے مذاق نال آدھے ہَن۔ ⁴²۴۲۔ اِیں نے ڈوجھیاں کوُ بچایا۔ پر اپنے آپ کوُ نہ بچا سگسی۔ ایہہ تاں اسرائیل دا بادشاہ ہِے۔ اگر ہُن وی صلیب تھوں لیہہ آوے تاں اَساں ایندے تے ایمان گھِن آسوں۔⁴³۴۳۔ اِیں نے خدا تے بھروسہ کیتا ہِے اگر اوہ چاہوے ہا تاں اِیں کوُ چھُڑا گھِنے ہا کیوں جو اِیں نے آکھیا ہا کہ میں خدا دا پُتر ہاں۔ ⁴⁴۴۔ اِیں ویں ای ڈاکو وی جیہڑے اوُندے نال مصلوب کیتے گئے ہَن اوُندا مذاق اُڑاندے ہَن تے لعن طعن کریندے ہَن۔⁴⁵۴۵۔ اَتے ڈوپاہراں تھوں گھِن کے تریجھے پاہر تائیں سارے مُلک اِچ اندھارا تھیا ریہا۔ ⁴⁶۴۶۔ اَتے تریجھے پاہر دے نیڑے یسوع نے وڈی آواز نال آکھے ایلی۔ ایلی۔ نویں گھنٹے کے قریب یسوع نے وڈی آواز دے نال چیکاں ماریاں تے ول آکھا ایلی۔ ایلی لما شبقتنی؟ جیندا مطلب ہِے اَے میڈے خدا! اَے میڈے خدا! تُوں میکوُ کیوں چھوڑ ڈِتے؟۔ ⁴⁷۴۷۔ جیہڑے اُتھاں نیڑے لوگ کھڑے ہَن اُنہاں وِچوں بہوں سارے لوگاں نے سُن کے آکھیا ایہہ تاں ایلیاہ کوُ سڈیندا پئے۔⁴⁸۴۸۔ اَتے بہوں جلدی ہِک بندے نے سپنچ گھِن کے تے سِرکے وِچ ڈبو کے اَتے اوُں کوُ سرکنڈے تے رکھ کے یسوع کوُ چُسایا۔ ⁴⁹۴۹۔ پر باقیاں نے آکھے رُک ونجو۔ ڈیکھوں تاں ایلیاہ اوُں کوُ بچاون آندے یا نئیں۔ ⁵⁰۵۰۔ یسوع نے وَل وڈی اُچی آواز نال چیخ کے اپنی جان ڈے ڈِتی۔⁵¹۵۱۔ اَتے مَقدس دا پردہ اُتوں گھِن کے تھلے تائیں پھٹ کے ڈوُ ٹکڑے تھی گئے اَتئے زمین کمب گئی تے پہاڑاں دیاں چوٹیاں وِچ دراڑ پئے گئی۔ ⁵²۵۲۔ قبراں کُھل گیاں اَتے بہوں سارے جسم اُنہاں مقدساں دے جیہڑے سو گئے ہَن زندہ تھی گئے۔ ⁵³۵۳۔ اَتے اوُں دے زندہ تھیون دے بعد قبراں وِچوں نکل کے مُقدس شاہر اِچ گئے اَتے بہوں لوگاں کوُ نظریندے ریہے⁵⁴۵۴۔ پس صوبہ دار تے جیہڑے اوُندے نال ہَن یسوع دی راکھی کریندے ہَن زلزلہ تے ایہہ سارا ماجرا ڈیکھ کے بہوں ڈر گئے تے آکھن لگے کہ بے شک ایہہ خدا دا پُتر ہا۔ ⁵⁵۵۵۔ اَتے اُتھاں بہوں ساریاں تریہمتاں جو گلیل وچ یسوع دی خدمت کریندیاں ہَن اوُں دے پِچھوں پِچھوں آئیاں ہَن دور تھوں ڈیدھیاںکھڑیاں ہَن۔ ⁵⁶۵۶۔ اُنہاں وِچوں مریم مگدلینی تے یعقوب تے یوسیس دی ماں مریم تے زبدی دے پُتراں دی ماں ۔⁵⁷۵۷۔ جڈاں شام تھئی تاں یوسف ناں دا ارمتیاہ ہِک امیر بندہ آیا جیہڑا آپ وی یسوع دا چیلا ہا۔ ⁵⁸۵۸۔ اوُں نے پیلاطُس دے کول ونج کے یسوع دی لاش منگی اَتے پیلاطُس نے ڈے ڈیون دا ھُکم ڈے ڈِتا اوں نے پیلاطُس دے کول ونج کے یسوع دی لاش منگی تے پیلاطُس نے ڈے ڈیون دا حُکم ڈتا۔⁵⁹۵۹۔ وَل یوسف نے لاش کوُ گھِن کے صاف مہین چادر اِچ لپیٹیا۔ ⁶⁰۶۰۔ اَتے اپنی نویں قبر وِچ جیہڑی اوُں نے چٹان اِچ بنوائی ہا رکھیا۔ وَل اوہ ہِک وڈا پتھر قبر دے مُنہ تے رکھ کے لگا گیا۔ ⁶¹۶۱۔ اَتے مریم مگدلینی تے ڈوجھی مریم اُتھاں قبر دے سامنے بیہہ گئیاں۔⁶²۶۲۔ ڈوجھے ڈینہ جیہڑا تیاری دے بعد دا ڈینہ ہا سردار کاہناں تے فریسیاں نے پیلاطُس کول جمع تھی کے آکھیا۔ ⁶³۶۳۔ خداوند! ساکوُ یاد ہِے کہ اوُں دھوکے باز نے جیہڑے ویلے جیوندا ہا اوُں نے آکھیا ہا کہ میں تریئے ڈیہاں دے بعد زندہ تھی ویساں۔ ⁶⁴۶۴۔ پس تُوں حکم ڈے کہ تریجھے ڈیں تائیں قبر دی رکھوالی کیتی ونجے۔ کِتھائیں ایویں نہ تھیوے کہ اوُں دے چیلے آکے اوُں دی لاش کوُ چوری کر کے گھِن ونجن اَتے لوگاں کوُ آکھ ڈیون کہ اوہ مُردیاں وِچوں زندہ تھی گئے اَتے ایہہ دھوکا پہلے دھوکے کولوں وی بہوں بُرا تھیوے۔⁶⁵۶۵۔ پیلاطُس نے اُنہاں کوُ آکھیا تُہاڈے کول پہرے آلے ہِن۔ ونجو تاں جِتھاں تائیں تھی سگےاوُں دی رکھوالی کرائے۔ ⁶⁶۶۶۔ پس اوہ پہرے والیاں کوُ نال گھِن کے گئے تے اوُں پتھر تے مُہر کر کے قبر دی رکھوالی کیتی۔

¹۱۔ وَل سبت دے بعد ہفتے دے پہلے ڈین پَو پھٹن تھوں پہلاں مریم مگدلینی تے ڈوجھی مریم قبر کوُ ڈیکھن کیتے آیاں۔ ²۲۔ اَتے ہِک بہو وڈا زلزلہ آیا کیونکہ خداوند دا فرشتہ آسمان تھوں اُتر کے اوُندے کول آ کے پتھر کوُ ہٹا ڈِتا تے اوُں دے تے بیہہ گیا۔ِ³۳۔ اوُندی شکل بجلی دی کار ہا اَتے اوُں دے کپڑے برف دی کار چٹے ہَن۔ ⁴۴۔ اُوندے ڈر تھوں پہرے آلے کنمب گئے تے مُردہ جئے تھی گئے۔⁵۵۔ فرشتے نے تریہمتاں کوُ آکھیا تُساں نہ ڈرو کیونکہ میں جان دا ہاں کہ تُساں یسوع کوُ گولیندی ہیوے جئیں کوُ صلیب ڈِتی گئی ہائی۔ ⁶۶۔ اوہ اِتھاں کئے نئیں کیونکہ اوہ اپنے آکھن دے مطابق زندہ تھی ہِے۔ آؤ ایہہ جاہ ڈیکھو جِتھاں خداوند پیا ہا۔ ⁷۷۔ اَتے جلدی ونج کے اوُں دے چیلیاں کوُ آکھو کہ اوہ مُردیاں وِچوں زندہ تھی گیا ہِے اَتے ڈیکھو اوہ تُہاڈے کولوں پہلے گلیل کوُ ویندا پئے۔ اُتھاں تُساں اوُں کوُ ڈیکھسو۔ ڈیکھو میں تُہاکوُ آکھ ڈِتے۔⁸۸۔ اَتے اوہ خوف تے وڈی خوشی دے نال قبر تھوں جلدی ٹُر کے اوُں دے چیلیاں کوُ ایہہ ڈساون کیتے بھج کے گئیاں۔ ⁹۹۔ اَتے ڈیکھو یسوع اُنہاں کوُ مِلے تے اوُں نے آکھے سلام! اُنہاں نے کول آ کے اُندے پیر پکڑے اَتے اوُں کوُ سجدہ کیتے۔ ¹⁰۱۰۔ یسوع نے اُنہاں کوُ آکھیا ڈرو نئیں۔ ونجو میڈے بھراواں کوُ آکھو کہ گلیل کوُ لگے ونجن۔ اُتھاں میکوُ ڈیکھ سن۔¹¹۱۱۔ جڈاں اوہ ویندیاں پئیاں ہَن تاں ڈیکھو پہرے آلیاں وِِچوں کجھ نے شاہر اِچ آکے سارا کجھ سردار کاہناں کوُ ڈسایا۔ِِِِِِِِِِِِِِِِِِِِِِِِِِِِ ¹²۱۲۔ اَتے اُنہاں نے بزرگاں دے نال جمع تھی کے صلح کیتی اَتے سپاہیاں کوُ بہوں سارے پیسے ڈے کے آکھیا۔ ¹³۱۳۔ ایہہ آکھ ڈیوائے کہ رات کوُ جڈاں اساں نیندر اِچ ہاسے تاں اوُں دے چیلے آئے تے اوُں کو چوری کر کے گھِن گئے۔¹⁴۱۴۔ اگر ایہہ گالھ حاکم دے کن تائیں پہنچ وی گئی تاں اَساں اوُں کوُ سمجھا کے تُہاکوُ خطرے تھوں بچا گھِن سوں۔ ¹⁵۱۵۔ وِل اُنہاں نے پیسے گھِن کے جیویں سِکھایا گیا ہا اوں ویں ہی کیتا اَتے ایہہ گالھ اَج تائیں یہودیاں وِچ مشہور ہِے۔¹⁶۱۶۔ وَل گیارہ چیلے گلیل کوُ اوُں پہاڑ تے گئے جو یسوع نے اُنہاں کیتے مقرر کیتا ہا۔ ¹⁷۱۷۔ اَتے اُنہاں نے اوُں کوُ ڈیکھ کے سجدہ کیتا پر کجھ لوگاں نے شک کیتے۔¹⁸۱۸۔ یسوع نے کول آکے اُنہاں نال گالہیں کیتیاں اَتے آکھیا کہ آسمان تے زمین دا سارا اختیار میکوُ ڈِتا گئے۔ ¹⁹۱۹۔ تُساں ونج کے ساریاں قوماں کوُ چیلے بناؤ اَتے اُنہاں کوُ باپ تے پُتر تے روح القدس دے ناں اِچ بپتسمہ ڈیو۔²⁰۲۰۔ اَتے اُنہاں کوُ ایہہ تعلیم ڈیوو کہ اُنہاں ساریاں گالہیں تے عمل کرن جِنہاں دا میں تُہاکوُ حکم ڈِتے اَتے ڈیکھو میں دُنیا دے آخیر تائیں ہمیشہ تُہاڈے نال ہاں۔

¹۱۔ خُدا دے پُتر یسُوع مسیح دی خُوشخبری دی شروعات۔ ²۲۔ جیویں یسعیاہ نبی دے صحیفے اِچہ لکھا لاتھے کہ ڈیکھ میں اِپنا پیغمبر تیڈے اگوں بھجیندا ہاں جو تیڈی راہ تیار کریسی ۔ ³۳۔سُن سان جاہ اِچ سڈن آلے دی آواز آندی ہِے کہ خُداوند دی راہ کوں تیار کرو چا۔ اَتے اوُندی راہ کو سیدھا بناؤ۔⁴۴۔ یُوُحنا ناں دا ہَک بندہ آیا اَتے سُن سان جاہ اِچ بپتسمہ ڈیندا تے گُناہاں دی معافی کیتے توبہ دے بپتسمہ دی مُنادی کریندا ہا۔ ⁵۵۔ یہوُدیہ دے مُلک دے سارے لوگ تے یروشلیمؔ دے سارے راہون آلے نکل کے اُندے کول گئے اَتے اُنہاں نے اپنے گُناہاں دا اقرار کر کے دریائے یردن اِچ بپتسمہ گِدا۔ ⁶۶۔ یُوحنا اپنی کمر دے نال چمڑے دا پٹکا بَدھ رکھیندا ہا تے اُٹھ دے والاں نال بنے ہوے کپڑے وی پا رکھیندا ہا۔ وَل ٹڈیاں تے جنگلی شہد کھاندا وَدا ہا۔⁷۷۔ اَتے ایہہ مُنادی کریندا ہا کہ میڈے اوہ بندہ آون آلا ہِے جیہڑا میتھوں زور آلا ہِے۔ میں اِیں لائق نئیں جو اوُندی جُتی دا تسماں وی کھول سگاں۔ ⁸۸۔ میں تاں تُہاکوُ پانی نال بپتسمہ ڈِتے پر اوہ تُہاکوُ پر اوہ تُہاکوُ روح القدس نال بپتسمہ ڈیسی۔⁹۹۔ اَتے اُنہاں اِچ ایویں تھیا کہ یسوع نے گلیل دے ناصرۃ تھوں آکے یردن اِچ یوحنا کولوں بپتسمہ گِدے۔ ¹⁰۱۰۔ اَتے جیہڑے ویلے اوہ پانی وِچوں نکل کے اُتے آیا تاں بہوں جلدی اوُن نے آسمان کوُ پھٹدے تے روُح کوُ کبوتر آلی کار اپنے اُتے اُتردے ڈِٹھا۔ ¹¹۱۱۔ اَتے آسمان تھوں ایہہ آواز آئی کہ تُوں میڈا پیارا پُتر ہئیں۔ تیڈے کولوں میں بہوں خوش ہاں۔¹²۱۲۔ اَتے وَل جلدی نال روُح نے اوُں کوُ بیابان وِچ گھل ڈِتے۔ ¹³۱۳۔ اَتے اوہ بیابان وِچ چالہی ڈیں تائیں شیطان تھوں ذمایا گیا اَتے اوہ جنگلی جاوراں دے نال ریہا اَتے فرشتے اوُں دی خدمت کریندے راہے۔¹⁴۱۴۔ وَل یوحنا دے پکڑیجن تھوں بعد یسوع نے گلیل اِچ آ کے خدا دی خوشخبری دی مُنادی کیتی۔ ¹⁵۱۵۔ اَتے آکھے جو ویلہ پورا تھی گیا ہِےاَتے خدا دی بادشاہی نیڑے آگئی ہِے۔ توبہ کرو تے خوشخبری تے ایمان گھِن آؤ۔¹⁶۱۶۔ وَل جھیل دے کنڈے تے ویندیاں ہویاں اوُں نے شمعون تے شمعون دے بھرا اندریاس کوُ جھیل وِچ جال سٹیندیاں ہویاں ڈِٹھا کیونکہ اوہ مچھیرے ہَن۔ ¹⁷۱۷۔ اَتے یسوع نے اُنہاں کوُ آکھیا میڈے پچھوں لگے آؤ تاں میں تُہاکوُ آدم گیر بنیساں۔" ¹⁸۱۸۔ اوہ جلدی نال جال چھوڑ کے اوُں دے پچھوُں ٹُر پئے۔¹⁹۱۹۔ اَتے اوہ تھوڑی دوُر گئے ہَن کہ اوُں نے زبدی دے پُتر یعقوب تے اوُندے بِھرا یوحنا کوُ کشتی تے جالاں کوُ ٹھیک کریندیاں ہویا ڈِٹھا۔ ²⁰۲۰۔ یسوع نے جلدی نال اُنہاں کوُ سڈیا اَتے اوہ اپنے پیو زبدی کوُ کشتی تے مزدوراں دے نال چھڈ کے اوُندے پچھوں ٹُر پئے۔²¹۲۱۔ وَل یسوع کفر نحوم ویندیاں ہویاں چھن چھن (سبت۔یعنی ہفتہ) آلے ڈِیں فوراً عبادت خانے اِچ ونج کے تعلیم ڈیون شروع کر ڈِتی۔ ²²۲۲۔ اَتے لوگ اوُندی تعلیم تھوں بہوں حیران تھئے کیونکہ اوہ اُنہاں کوُ فقیہاں دی کار نئیں بلکہ پورے اختیار دے نال تعلیم ڈیندا ہا۔²³۲۳۔ اَتے فوراً اُنہاں دے عبادت خانے وِچ ہِک بندہ مِلے جیندے وِچ پلید روُح ہا۔ اوہ نے ایہہ آکھ کے چیخن لگ پیا۔ ²⁴۲۴۔ اَے یسوع ناصری! ساکوُں تیڈے نال کیا کم ہِۓ؟ کیا تُوں ساکوُں ساکوُں ہلاک کرن آیا ہئیں؟۔ میں تیکوُ جان دا ہاں کہ تُوں کون ہئیں۔ خدا دا قدوس ہئیں۔ ²⁵۲۵۔ یسوع نے اوُں کوُ جھڑک کے آکھیا چُپ رِہ اَتے ایندے وِچوں نکل ونج۔ ²⁶۲۶۔ وَل اوہ پلید روُح اوُں کوُ مروڑ کے اَتے اُچی اواز نال اوُندے وِچوں نکل گئی۔²⁷۲۷۔ اَتے سارے لوگ حیران تھی گئے اَتے آپس اِچ ایہہ آکھ کے بحث کریندے راہے جو ایہہ کیا ہِے؟ ایہہ تاں ہِک نویں تعلیم ہِے! اوہ پلید روُحاں کوُ وی پورے اختیار نال حکم ڈیندے اَتے اوہ اوُندا حکم منیندیاں ہِن۔ ²⁸۲۸۔ اَتے فوراً اوُندی ایہہ خبر اوُں سارے علاقے وِچ ہر جاہ تے پھیل گئی۔²⁹۲۹۔ اَتے اوہ فوراً عبادت خانے وِچوں نکل کے یعقوب تے یوحنا دے نال شمعون تے اندریاس دے گھر آئے۔ ³⁰۳۰۔ شمعون دی سَس کوُ بہوں تیز بخار ہا اَتے اوُں نے فوراً اوُں دی خبر یسوع کوُ ڈِتی۔ ³¹۳۱۔ یسوع نے کول ونج کے اوُں دا ہتھ پکڑ کے اوُں کوُ اُٹھن دا حکم ڈِتے اَتے اوُں دا بخار اوُں ویلے ہی اُتر گیا وَل اوہ اوُں دی خدمت کرن لگ پئی۔³²۳۲۔ شام کوُ جیہڑے ویلے سِجھ ڈُب گئے تاں لوگ بہوں سارے بیماراں کوُ اَتے اُنہاں کوُ وی جِنہاں دے وِچ بُریاں روُحاں ہَن اوُندے کول گھِن آئے۔ ³³۳۳۔ اَتے سارا شاہر بوہے تے جمع تھی گیا۔ ³⁴۳۴۔ اَتے یسوع نے بہوں سارے لوگاں کوُ جیہڑے اَنج اَنج بیماریاں وِچ پھسے ہوئے ہَن چنگا کیتے اَتے بہوں ساریاں بُریاں روُحاں کوُ وی کڈھیا اَتے اُنہاں کوُ بولن وی نہ ڈِتے کیونکہ اوہ بُریاں روُحاں اوُں کوُ سنجاندیاں ہَن۔³⁵۳۵۔ اَتے صبھ سویرے ہی ڈِیں نکلن کولوں بہوں پہلے اوہ اُٹھی کے نکلے تے ہِک ویران جاہ تے ونج کے دعا کیتی۔ ³⁶۳۶۔ وَل شمعون تے اوُندے سنگتی اوُندے پچھوں گئے۔ ³⁷۳۷۔ اَتے اوُں کوُ گول کے اوُں کوُ آکھے جو ایہہ سارے لوگ تیکوُ گولیندے وَدے ہِن۔³⁸۳۸۔ یسُوع نے اُنہاں کوُ آکھے آؤ اساں کِتھائیں ڈوجھے شاہراں وِچ جُلوُں تاں جو اُتھاں وی مُنادی کروُں کیونکہ میں اِیں کیتے نکلا ہاں۔ ³⁹۳۹۔ اَتے اوہ سارے گلیل وِچ اُنہاں دے عبادت خانیاں اِچ ونج ونج کے مُنادی کریندا ریہا تے بُریاں روحاں کوُ وی کڈھیندا ریہا۔⁴⁰۴۰۔ وَل ہِک کوڑھی نے اوُندے کول آ کے اوُں دی منت کیتی تے اوُندے سامنے جُھک کے اوُں کوُ آکھیا اگر تُوں چاہویں تاں میکوُ پاک صاف کر سگدیں۔ ⁴¹۴۱۔یسوع نے اوُندے تے ترس کھا کے اپنا ہتھ ودھایا تے اوُں کوُ ہتھ لا کے اوُں کوُ آکھیا میں چاہندا ہاں۔ تُوں پاک ساف تھی وَنج۔ ⁴²۴۲۔ اَتے فوراً ہی اوُندا کوڑھ ویندا رِہ گیا اَتے اوہ پاک ساف تھی گیا۔⁴³۴۳۔ یسُوع نے اوُں کوُ تاکید کر کے فوراً ہی بھیج ڈِتا۔ ⁴⁴۴۴۔ اَتے اوُں کوُ آکھیا خبردار کئیں کوُ کجھ نہ اکھوائے پر ونج کے اپنے آپ کوُ کاہن کوُ ڈِکھا اَتے اپنے پاک صاف تھیون دے پاروُں اُنہاں شئیاں کوُ جو موسیٰ نے مقرر کیتیاں ہِن نذر دے طور تے چڑھا تاں جو اُنہاں کیتے گواہی تھیوے۔⁴⁵۴۵۔ پر اوہ باہر ونج کے بہوں مشہوری کرن لگ پیا اَتے اِیں گالھ کوُ ایہو جیا مشہور کیتا کہ یسوع ولا شاہر اِچ ظاہری طور تے نہ آ سگیا بلکہ باہر سنسان جاہ تے ریہا اَتے لوگ چاروں پاسیوں اوُندے کول آندے ہَن۔

¹۱۔ کئی ڈیہاں بعد جیہڑے ویلے یسوع کفر نحوم وِچ ولا آئے تاں لوگاں نے سُنیا کہ اوہ گھر وِچ ہِے۔ ²۲۔ وَل اتنے بندے جمع تھی گئے کہ بوہے دے کول وی جگہ نہ راہی اَتے اوہ اُنہاں کوُ کلام سُنیندا پیا ہا۔³۳۔ کُجھ لوک یسُوع دے کول ہک مفلوج کوُگھن آئے چار بندے اوُں کوُ چائی ودے ہَن ۔ ⁴۴۔ پر جیہڑے ویلے اوہ بِیھڑ دے پاروُں اوُں دے نیڑے نہ آسگے تاں اُنہاں نے اوُں چھت کوُ جِتھاں اوہ ہا کھول ڈِتے اَتے اوُں کوُ اُدھیڑ کے اوُں کھٹ کوُ جیندے تے اوہ مفلوُج پیا ہا لٹکا ڈِتے۔⁵۵۔ یسوع نے اُنہاں دا ایمان ڈیکھ کے مفلوُج کوُ آکھے پُترا تیڈے گناہ معاف تھئے۔ ⁶۶۔ پر کجھ فقیہ جو اُتھاں بیٹحے ہَن۔ اوہ اپنے دِلاں وِچ سوچن لگ پئے کہ۔ ⁷۷۔ ایہہ کیوں ایویں آدھے؟ کُفر پیا کریندے خدا دے سِوا کو ہِے جو گناہ معاف کر سگدے؟⁸۸۔ اَتے فوراً ای یسوع نے اپنی روُح نال پتا کر کے کہ اوہ اپنے دِلاں وِ کیا سوچیندے پئے ہِن اُنہاں کوُ آکھے تُساں کیوں اپنے دِلاں وِچ ایہہ گالہیں سوچیندے ہیوے؟۔ ⁹۹۔ آسان کیا ہِےِ؟ مفلوُج کوُ ایہہ آکھنا کہ تیڈے گناہ معاف تھئے یا ایہہ آکھنا کہ اُٹھ کھڑا تھی تے اپنی کھٹ چا تے ٹُر پھِر؟۔¹⁰۱۰۔ ایہہ اِیں کیتے تھیا جو تُہاکوُ پتا لگے کہ ابنِ آدم کوُ زمین تے گناہ معاف کرن دا اختیار ہِے (اوُں نے مفلوُج کوُ آکھے)۔ ¹¹۱۱۔ میں تیکوُ آدھا ہاں اُٹھ تے اپنی کھٹ چا کے اپنے گھر لگا ونج۔ ¹²۱۲۔ اوہ مفلوُج اُٹھی کے تے جلدی نال اپنی کھٹ چا کے اُنہاں ساریاں دے سامنے باہر لگا گیا۔ اوہ سارے حیران تھی گئے اَتے خدا دی تمجید کر کے آکھن لگے اساں ایِں تھوں پہلے ایویں تھیندے ہویاں نئیں ڈِٹھا۔¹³۱۳۔ وَل اوہ باہر جھیل دے کنڈے تے گیا اَتے ساری بِھیڑ اوُندے کول آئی تے اوہ اُنہاں کوُں تعلیم ڈیون لگ پیا۔ ¹⁴۱۴۔ جڈاں اوہ ویندا پیا ہا تاں اوُں نے حلفئی دے پُتر لاوی کوُ ٹیکس گھنن آلی چونگی تے بیٹھے ہویاں ڈِٹھا اَتے اوُں کوُ آکھے میڈے پچھوں آ۔ اوہ اُٹھی کے اوُندے پچھوں ٹُر پیا۔¹⁵۱۵۔ وَل ایویں تھیا کہ اوہ اوُں دے گھر وِچ ٹُکر کھاندا بیٹھا ہا اَتے بہوں سارے چونگی گھنن آلے تے گناہگار لوگ یسوع تے اوُندے چیلیاں دے نال ٹُکر کھاون بیٹھے ہَن کیوں جو اوہ بہوں سار ے ہ۔ن اَتے اوُں دے پچھوں تھی پئے۔ ¹⁶۱۶۔ وَل فریسیاں تے فقیہہاں نے اوُں کوُ گناہگاراں تے چونگی گھنن آلیاں دے نال کھاندے ہوئے ڈِٹھا تے اوُندے چیلیاں کوُ آکھن لگے ایہہ تاں چونگی گھنن آلیاں دے نال تے گناہگاراں نال کھاندا پیندا ہِے۔¹⁷۱۷۔ یساوع نے ایہہ سُن کے اُنہاں کوُ آکھیا تندرست کوُ حکیم دی ضرورت نئیں بلکہ بیماراں کوُ ہِے۔ میں راستبازاں کوُ نئیں بلکہ گناہگاراں کوُ سڈن آیا ہاں۔¹⁸۱۸۔ یوحنا دے چیلے تے فریسی روزے نال ہَن۔ اُنہاں نے یسوع کول آن کے آکھیا یوحنا دے چیلے تاں روزہ رکھیندِن لیکن تیدے چیلے روزہ کیوں نئیں رکھیندے؟۔ ¹⁹۱۹۔یسوع نے اُنہاں کوُ آکھیا کیا براتی جڈاں تائیں گھوٹ اُنہاں دے نال ہِے روزہ رکھ سگدِن؟ جئیں ویلے تائیں گھوٹ اُنہاں دے نال ہِے اوہ روزہ نئیں رکھ سگدے۔²⁰۲۰۔ پر اوہ ڈِیں آسن کہ گھوٹ اُنہاں تھوں اَنج کیتا ویسی۔ اوُں ویلے اوہ روزہ رکھیسن۔ ²¹۲۱۔ کوُئی بندا وی پُرانے کپڑے وِچ سوتی کپڑے دی ٹاکی نئیں لیندا۔ کیوں جو اوہ سوتی کپڑے دی ٹاکی پُرانے کپڑے کوُ چھک کے پھاڑ کے اَنج کر ڈیسی۔²²۲۲۔ اَتے کوُئی بندہ نویں مَے کوُ پُرانیاں مشکاں اِچ نئیں بھریندا۔ نئیں تاں مشکاں مَے دی وجہ تھوں پھٹ ویسن تے مَے تے مشکاں ڈوہیں برباد تھی ویسنبلکہ نویں مَے کوُ نویان مشکاں اِچ بھریندے ہِن۔²³۲۳۔ وَل ایویں تھیا کہ اوہ سبت (چھن چھن) آلے ڈِیں کھیتاں وِچوں تھی کے ویندا پیا ہا اَتے اوُندے چیلے راہ وِچ ٹُردے ہویاں کنک دیاں پھلیاں توڑ کے کھاون لگ پئے۔ ²⁴۲۴۔ اَتے فریسیاں نے اوُں کوُ آکھے ڈیکھ ایہہ سبت (چھن چھن ) دے ڈِیں اوہ کم کریندے جینکوُ کرنا جائز نئیں؟۔²⁵۲۵۔ یسوع نے اُنہاں کوُ آکھیا کیا تُساں کڈائیں نئیں پڑھیا کہ داؤد نے کیا کیتے جیہڑے ویلے اوُں کوُ تے اوُں دے ساتھیاں کوُ ضرورت تھئی اَتے اوہ بُھکے تھئے؟ ²⁶۲۶۔ اوہ کیوں ابیاتر سردار کاہن دے ڈیہاں اِچ خدا دے گھر وِچ گیا اَتے اوُں نے نذر دی روٹیاں کھادِن جِنہاں کوُ کھاونا کاہناں دے سِوا کئیں کوُ جائز نہ ہا اَتے وَل اپنے ساتھیاں کوُ وی ڈِتیاں۔²⁷۲۷۔ یسُوع نے اُنہاں کوُ آکھیا سبت(چھن چھن) بندے کیتے بنیا ہِے اَتے نہ بندہ سبت(چھن چھن) کیتے۔ ²⁸۲۸۔ اِیں کیتے ابنِ آدم سبت دا وی مالک ہِے۔

¹۱۔ یسوُع وَل عبادت خانہ وِچ وَلا گئے اَتے اُتھاں ہِک بندہ ہا جیندا ہتھ سُوکا ہویا ہا۔ ²۲۔ اَتے اوہ اِیں کوشش وِچ ہَن کہ اگر یسوع سبت (چھن چھن) دے ڈِیں اِیں کوُ چنگا کریندے تاں اوُندے تے الزام لیسوُں۔³۳۔ یسوع نے اُں بندےکوُ جیندا ہتھ سُکا ہویا ہا آکھے ساریاں دے وِچ کھڑا تھی وَنج۔ ⁴۴۔ وَل اُنہاں کوُ آکھیا سبت (چھن چھن) آلے ڈِیں چنگا کم کرنا جائز ہِے یا یا گناہ کرنا؟ جان بچاونا یا قتل کرنا؟ اُنہاں دے مُنہ تے چُپ لگ گئی۔⁵۵۔ یسوع نے اُنہاں دی سخت دِلی دے پاروُں غمگین تھی کے اَتے چاریاں پاسے اُنہاں کوُ غصے نال ڈیکھ کے اُں بندے کوُ آکھے اپنا ہتھ ددھا۔ اوُں نے اپنا ہتھ ودھایا اَتے اوُں دا ہتھ ٹھیک تھی گیا۔ ⁶۶۔ وَل فریسی فوراً باہر ونج کے ہیرودیاں دے نال اوُں دے برخلاف مشورہ کرن لگ پئے کہ اوُں کوُ ہلاک کیویں کروُں۔⁷۷۔ وَل یسُوع اپنے چیلیاں دے نال جھیل دے پاسے لگا گیا اَتے گلیل دے پاسیوں بندیاں دی ہِک وڈی بِھیڑ پچھوں ٹُر پئی اَتے اوہ یہودیہ۔ ⁸۸۔ تے یروشلیم تے اِدومیہ تھوں وَل یردن تھوں پار وَل صور تے صیدا دے آسے پاسے تھوں بندیاں دی ہِک وڈی بِھِیڑ ایہہ سن کے کہ اوہ وڈے وڈے کم کریندا ہِے اوُندے کول آئی۔⁹۹۔ وَل اوُں نے اپنے چیلیاں کوُ آکھیا ایہہ بھِیڑ بہوں زیادہ ہِے ہِک کشتی میڈے کیتے تیار راہوے تاں جو اوہ میکوُ دبا نہ ڈیون۔ ¹⁰۱۰۔ کیوں جو اوُں نے بہوں سارے بندیاں کوُ چنگا کیتا ہا۔ چنانچہ جتنے وی لوگ بیماریاں وِچ پھسے ہوئے ہَن اوُندے تے ڈھاندے پئے ہَن کہ اوُں کوُ ہتھ لا گھِنوں۔¹¹۱۱۔ اَتے پلید روُحاں جڈاں اوُں کوُ ڈیدھیا ہَن تاں اوُندے تے ڈھاندیاں پیاں ہَن اَتے اُچی اُچی آدھیاں ہَن کہ تُوں خدا دا پُتر ہئیں۔ ¹²۱۲ اَتے اوہ اُنہاں کوُ وڈی تاکید کریندا ہا جو میکوُ ظاہر نہ کرائے۔¹³۱۳۔ وَل اوہ پہاڑ تے چڑھ گیا اَتے جنہاں کوُ اوہ آپ چاہندا ہا اُنہاں کوُ کول سڈایا اَتے اوہ اوُندے کول لگے آئے۔ ¹⁴۱۴۔ وَل اوُں نے بارہ کوُ مقرر کیتا تاں جو اوُں دے نال راہون اَتے اوہ اُنہاں کوُ گھلے کہ مُنادی کرن۔ ¹⁵۱۵۔ اَتے اوہ بُریاں روھاں کوُ کڈھن دا اختیار وی رکھن۔ ¹⁶۱۶۔ اوہ ایہہ ہِن؛۔ شمعون جیندا ناں پطرس رکھیا۔¹⁷۱۷۔تے زبدی دا پُتر یعقُوب اَتے یعقوب دا بھِرا یوحنا جیندا ناں بُوانرگِس یعنی گرج دے پُتر رکھیا۔ ¹⁸۱۸۔ وَل اندریاس تے فلپس تے برتلمائی تے متی تے توما تے حلفئی دا پُتر یعقوب تے تدی تے شمعون قنانی۔ ¹⁹۱۹۔ اَتے یہوداہ اسکریوتی جئیں نے اوُں کوُ پکڑوا وی ڈِتے۔ وَل اوہ گھر آگئے²⁰۲۰۔ وَل اتنے لوگ اُتھاں جمع تھی گئے کہ اوہ ٹُکر وی نہ کھا سگے۔ ²¹۲۱۔ جڈاں اوُندے جانن آلیاں نے ایہہ سُنے کہ اوُں کوُ نکلے ہِن کیوں جو آدھے ہَن کہ اوہ اپنے ہوش وِچ کئے نئیں۔ ²²۲۲۔ اَتے فقیہہ جیہڑے یروشلیم تھوں آئے ہَن یہہ آدھے ہَن کہ اوُندے نال بعلزبول ہِےاَتے وَل ایہہ وی آدھے ہَن کہ اوہ بُریاں روُحاں دے سردار دی مدد نال بُریاں روُحاں کوُ کڈھیندا ہِے۔²³۲۳۔ اُں نے اُنہاں کوُ اپنے کول سڈیا تے اُنہاں دے نال مثالاں وِچ آکھن لگا کہ شیطان کوُں شیطان کیویں کڈھ سگدے؟۔ ²⁴۲۴۔ اَتے اگر کئیں حکومت اِچ پھُٹ پے ونجے تاں اوہ حکومت قائم نئیں رِہ سگدی۔ ²⁵۲۵۔ اَتے اگر کئیں گھر وِچ پھُٹ پے ونجے تاں اوہ گھر قائم نہ رِہ سگسی۔²⁶۲۶۔ اَتے اگر شیطان اپنا ہی مخالف تھی کے اپنے آپ اِچ ہی پھُٹ پا ڈیوے تاں اوہ قائم نئیں رِہ سگدا بلکہ اوُندا خاتمہ تھی ویسی۔ ²⁷۲۷۔ لیکن کوُئی بندہ کئیں زور آور دے گھر وَڑ کے اوُندے سامان کوُ لُٹ نئیں سگدا جڈاں تائیں اوہ پہلے اوُں زور اور کوُ بَدھ نہ گھنے۔ وَل اوُندا گھر لُٹ گھِنسی۔²⁸۲۸۔ میں تُہاکوُ سچ آدھا ہاں بندیاں دے سارے گناہ معاف تھی ویسن اِتھوں تائیں کہ ساریاں کُفر ویاں گالہیں وی معاف تھی ویسن۔ ²⁹۲۹۔ پر جو کوُئی روح القدس دے حق اِچ کُفر آکھسی اوُں کوُ آخیر تائیں معافی نہ مِلسی ہمیشہ کیتے گناہ دا سزاوار ہوسی۔ ³⁰۔ کیوں جو اوہ آدھے ہَن کہ اوُندے وِچ پلید روُح ہِے۔³¹۳۱۔ وَل اوُندی ماں تے اوُندے بھِرا آئے تے باہر کھڑے تھی کے اوُں کوُ سڈوا بھیجے۔ ³²۳۲۔ اَتے بھِیڑ اوُندے آسے پاسے بیٹھی ہائی اَتے اُنہاں نے اوُں کوُ آکھے ڈیکھ تیڈی ماں تے تیڈے بھِرا باہر تیڈا پُچھدے پئے ہِن۔³³۳۳۔ یسوع نے اُنہاں کوُ ایہہ جواب ڈِتے کہ میڈی ماں تے میڈے بھِرا کون ہِن؟۔ ³⁴۳۴۔ اَتے وَل یسوع نے اُنہاں تے نگاہ کیتی جیہڑے اوُندے آسے پاسے بیٹھے ہَن تے آکھے ڈیکھو میڈی ماں تے میڈے بھِرا ایہہ ہِن!۔ ³⁵۳۵۔ کیونکہ جیہڑا کوُئی خدا دی مرضی تے چلدے اوُہو میڈا بھِرا تے میڈی بھین تے ماں ہِے۔

¹۱۔اوہ وَلا اُنہاں کوُ جھیل دے کنارے تعلیم ڈیون لگ پیئے اَتے اوُندے کول ایہو جئی وڈی بھِیڑ جمع تھی گئی کہ اوہ جھیل وِچ ہِک کشتی اِچ ونج بیٹھے اَتے ساری بھِیڑ جھیل دے کنارے سُکی جاہ تے ہائی۔ ²۲۔ اَتے اوہ اُنہاں کوُ مثالاں وِچ بہوں ساریاں گالہیں سِکھاون لگ پیا تے اپنی تعلیم اِچ اُنہاں کوُ آکھیا۔³۳۔ سنو! ڈیکھو ہِک بیج بوون آلا بیج بوون کوُ نکلے۔ ⁴۴۔ جیہڑے ویلے اوہ بیج سٹیندا پیا ہا تاں ایویں تھیا کہ کجھ بیج راہ دے کنارے تے ڈَٹھےاَتے اوہ بیج پکھیاں نے آ کے چُگ گِدے۔ ⁵۵۔ اَتے کجھ بیج پتھراں آلی زمین تے ڈَٹھے جِتھاں اوُں کوُ بہوں مٹی نہ ملی اَتے گہری مٹی نہ مِلن دے پاروُں جلدی اُگ آیا۔⁶۶۔ اَتے جیہڑے ویلےسِجھ نکلے تاں اوہ سڑ گئے اَتے جڑ نہ ہوون دے پاروں سُک گئے۔ ⁷۷۔ اَتے کجھ جھاڑیاں وِچ ڈٹھے تاں جھاڑیاں نے وَدھ کے اوُں کوُ دبا چھوڑے اَتے اوہ پھل نہ گھن کے آئے۔⁸۸۔ اَتے کجھ چنگی زمین تے ڈٹھے اوہ اُگ آیا اَتے وَدھ کے پھل گھِن آیا کوُئی تریہہ گُنا تے کوُئی سٹھ گُنا کوُئی سَو گُنا پھل گھِن آئے۔ ⁹۹۔ وَل اوُں نے آکھیا جیندے کَن ہوون اوہ سُن گھِنے۔¹⁰۱۰۔ جیہڑے ویلے یسوع کلہا رِہ گیا تاں اوُندے چیلیاں نے تے کجھ لوگاں نے اوُمدے کولوُں اِنہاں مثالاں دے بارے وِچ پُچھیا۔ ¹¹۱۱۔ اوُں نے اُنہاں کوُ آکھیا کہ تُہاکوُ خدا دی بادشاہی دا بھید ڈِتا گئے پر اُنہاں کیتے جو باہر ہِن ساریاں دے نال مثالاں وِچ ڈسایا گئے۔ ¹²۱۲۔ تاں جو اوہ ڈیدھے ہوئے نہ ڈیکھن اَتے جان نہ سگن اَتے سُن دے ہوئے سُنن پر سمجھ نہ سگن۔ ایویں نہ تھیوے جو اوہ ایمان گھِن آون تے اُنہاں کوُ میں معاف کر ڈیواں۔¹³۱۳۔ وَل یسوع نے اُنہاں کوُ آکھیا کیا تُساں ایہہ مثال نئیں سمجھدے؟ وَل ساریاں مثالاں کیویں سمجھ سگسو؟۔ ¹⁴۱۴۔ بوون آلا کلام کوُ زمین بوندے۔ ¹⁵۱۵۔ جیہڑے راہ دے کنارے ہِن جتھاں کلام بویا ویندے ایہہ اوہ ہِن کہ جڈاں اُنہاں نے کلام کوُ سُنے تاں شیطان فوراً آکے اوُں کلام کوُ جیہڑا اُنہاں وِچ بویا گیا ہا چا کے گھِن ویندے۔¹⁶۱۶۔ اَتے اوُں وے ای جیہڑے پتھراں آلی زمین وِچ بوئے گئے ایہہ اوہ ہِن جیہڑے کلام کوُ سُن کے فوراً خوشی نال قبول کر گھِندِن۔ ¹⁷۱۷۔ اَتے اپنے اندر جڑ نئیں رکھیندے بلکہ کجھ ڈیہاں دے ہِن۔ ولا جڈاں کلام دے پاروُں مصیبت یا ظلم اُنہاں تے آندے تاں فوراً تھُڈا کھاندِن۔¹⁸۱۸۔ اَتے جیہڑے جھاڑیاں وِچ بوئے گئے ہَن اوہ بئے ہِن۔ ایہہ اوہ ہِن جنہاں نے کلام کوُ سُنے۔ ¹⁹۱۹۔ تے جیہڑے ویلے دُنیا دی فکر تے دولت دا فریب تے ڈوجیاں شئیاں دا لاچ آ کے اُنہاں کوُ کلام کوُ دبا ڈیندِن تے اوہ پھلاں تھوں بغیر رِہ ویندِن۔ ²⁰۲۰۔ اَتے جیہڑے چنگی زمین وِچ بوئے گئے ہِن ایہہ اوہ ہِن جیہڑے کلام کوُ سُن دے تے قبول کریندِن تے پھل وی گھِن آندِن۔ کوُئی تریہہ گُنا کوُئی سٹھ گُنا۔ کوُئی سَو گُنا۔²¹۲۱۔ وَل یسوع نے اُنہاں کو آکھیا کیا ڈیوا اِیں کیتے گھِن آندے ہیوے کہ ٹوکرے یا منجی دے تھلے رکھیا ونجے؟ کیا ایں کیتے نئیں کہ چراغ دان تے رکھیا ونجے؟۔ ²²۲۲۔ کیونکہ کوُئی وی شئے لُکی نئیں پر اِیں کیتے کہ ظاہر تھی ونجے اَتے اوہ لُکی نئیں پر اِیں کیتے کہ ظاہر تھی ونجے۔ ²³۲۳۔ اگر کئیں دے سُنن دے کن ہوون تاں سُن گھِنے۔²⁴۲۴۔ وَل یسوع نے اُنہاں کوُ آکھے خبردار راہو کہ کیا سُن دے ہیوے۔ جیہڑے معیار نال تُساں ناپدے ہیوے اوُندے نال ہی ناپا ویسی اَتے تُہاکو زیادہ ڈِتا ویسی۔ ²⁵۲۵۔ کیونکہ جیندے کول ہِے اوُں کوُ ڈِتا ویسی اَتے جئیں دے کول نئیں اوُندے کولوُں جیہڑا اوُندے کول ہِے گھِن گِدا ویسی۔²⁶۲۶۔ اَتےیسوع نے آکھیا خدا دی بادشاہی ایویں ہِے جیویں کوُئی بندہ زمین اِچ بیج سَٹے۔ ²⁷۲۷۔ اَتے رات کوُ نیندر کرے تے ڈِیں کوُ جاگے اَتے اوہ بیج اِیں طرح اُگے تے ودھے کہ اوُں کوُ پتا وی نہ لگے۔ ²⁸۲۸۔ زمین اپنے آپ پھل گھِن آندی ہِے پہلے پتی۔ وَل سِٹا۔ وَل سِٹے وِچ دانے تیار۔ ²⁹۲۹۔ وَل جیہڑے ویلے کنک پک ویندی ہِے تاں اوہ چھیتی نال داتری نال کٹن لگ پوندے کیونکہ کٹن دا ویلہ آویندے۔³⁰۳۰۔وَل اوُں نے آکھے اَساں خدا دی بادشاہی کو کئیں دے نال تشبیہ ڈیووں اَتے کئیں مثال دے نال اوُں کوُں بیان کروں؟۔ ³¹۳۱۔ اوہ رائی دے دانے دی کار ہِے کہ جڈاں زمین وِچ بویا ویندے تاں زمین دے ساریاں بیجاں کولوں نِکا ہوندے۔ ³²۳۲۔ پر جیہڑے ویلے بویا گیا تاں اُگ کے ساریاں سبزیاں کولوں وڈا تھی ویندےاِتے وَل ایہو جئی وڈی ڈالیاں کڈھیندے کہ ہوا در پنکھی اوُندی چھاں تھلے بسیرا کریندِن۔³³۳۳۔ اَتے اوہ اُنہاں کوُ اِیں قسم دیاں بہوں ساریاں مثالاں ڈے کے اُنہاں دی سمجھ دے مطابق کلام سُناندا ہا۔ ³⁴۳۴۔ اوہ اُنہاں کوُ مثالاں دے بغیر کجھ نہ آدھا ہا۔ پر الگ تھی کے اپنے خاص چیلیاں کوُ ساریاں گالہیں ے معنی ڈسیندا ہا۔³⁵۳۵۔ اوُں ڈیہوار جڈاں شام تھئی تاں یسوع نے اُنہاں کوُ آکھیا آؤ پار جُلوُں۔ ³⁶۳۶۔ وَل اوہ بھیِڑ کوُ چھوڑ کے یسوع کوُ جئیں حاک وِچ اوہ ہا کشتی تے اوُں کوُ نال گھِن گِدا اَتے اوُندے نال بئیاں کشتیاں وی ہَن۔ ³⁷۳۷۔اوُں ویلے بہوں تیز اندھاری جُلی تے لہراں کشتی تے اِتھوں تائیں آیاں کہ کشتی پانی نال بھریج گئی۔³⁸۳۸۔ اَتے اوہ آپ کشتی دے پچھلے پاسے گدی تے سُتا پیا ہا۔ وَل اُنہاں نے اوُں کوُ جگا کے آکھیا اے اُستاد کیا تیکوُ ساڈی کوُئی فکر نئیں کہ اساں مرن آلے ہئیں؟۔ ³⁹۳۹۔ یسوع نے اُٹھی کے ہوا کوُ جھڑکیا اَتے پانی کوُ آکھے رُک ونج! اِتھائیں تھم ونج! اوُں ویلے ہی ہوا بند تھی گئی تے وڈا امن تھی گیا۔⁴⁰۴۰۔ وَل اُنہاں کوُ آکھیا تُساں کیوں ڈردے ہیوے؟ ہُن تائیں ایمان نئیں رکھیندے۔ ⁴¹۴۱۔ اوہ بہوں ڈر گئے اَتے آپس وِچ آکھن لگے ایہہ کون ہِے کہ ہوا تے پانی وی اوُں دا حکم منیندِن؟

¹۱۔ وَل اوہ جھیل دے دوُجھے پاسے گراسینیاں دے دے علاقے وِچ پہنچے۔ ²۲۔ اَتے جیویں ہی یسوع کشتی وِچوں باہر آیا تاں فوراً ہی ہِک بندہ جیندے وِچ پلید روح ہااوہ بندہ قبراں وِچوں نکل کے اوُں کوُ مِلے۔³۳۔ اوہ قبراں وِچ راہندا ہا اَتے کوُئی وی اوُں کوُ سنگلیاں نال بَدھ کے نہ رکھ سگدا ہا۔ ⁴۴۔ کیونکہ اوُں کوُ بہوں واری بیڑیاں تے سنگلیاں نال بَدھ کے رکھیا گیا ہا پر اوُں نے سنگلیاں کوُ توڑ کے بیڑیاں کوُ ٹکڑے ٹکڑے کیتا ہا اَتے کوُئی وی اوُں کوُ قابو نہ کر سگدا ہا۔⁵۵۔ اَتے اوہ ہمیشہ رات ڈِیں قبراں تے پہاڑاں اِچ شور مچیندا تے اپنے آپ کوُ پتھراں دے نال زخمی کریندا ہا۔ ⁶۶۔ اوہ یسوع کوُ ڈیکھ کے بھج کے آئے تے یسوع کوُ سجدہ کیتے۔⁷۷۔ اَتے وڈی اُچی آواز نال چلا کے آکھے اَے یسوع خدا تعالیٰ دے پُتر میکوُ تیڈے نال کیا کم ؟ تیکوُ خدا دی قسم ڈیندا ہاں جو میکوُ عذاب وِچ نہ سَٹ۔ ⁸۸۔ کیونکہ یسوع نے اوُں کوُ آکھیا ہا کہ اَے پلید روُح اِیں بندے وِچوں نکل ونج۔⁹۹۔ وَل یسوع نے اوُندے کولوں پُچھیا تیڈا ناں کیا ہِے؟ اوُں نے یسوع کوُ جواب ڈِتے میڈا ناں لشکر ہِےکیوں جو اساں بہوں سارے ہئیں۔ ¹⁰۱۰۔ وَل اوُں نے یسوع دی بہوُں مِنّت کیتی کہ ساکوُ اِیں علاقے تھوں باہر نہ گھل۔¹¹۱۱۔ اَتے اُتھاں پہاڑ تے سُئوراں دا ہِک اجڑ چردا پیا ہا۔ ¹²۱۲۔ وَل اُنہاں نے اوُندی مِنّت کر کے اکھیا کہ ساکوُ اُنہاں سُئوراں اِچ بھیج ڈے تاں جو اساں اُنہاں وِچ وَڑ ونجوں۔ ¹³۱۳۔ یسوع نے اُنہاں کوُ اجازت ڈِے ڈِتی اَتے پلید روُحاں اُنہاں سُئوراں وِچ وَڑ گیاںاَتے اوہ سارا اجڑ جیہڑا کوئی ڈوہزار دا ہا جھکی جاہ تھوں جھیل وِچ ونج پیا تے بُڈ کے مَر گیا۔¹⁴۱۴۔ اَتے جیہڑے بندے سُئور چریندے پئے ہَن بھج کے شاہر تے آسے پاسے دے علاقیاں وِچ اِیں گالھ دا ساریاں کوُ ڈسایا۔ ¹⁵۱۵۔ اوہ لوگ ایہہ ماجرا ڈیکھن کوُ نکل کے یسوع دے کول آئے اَتے جیندے وِچ پلید روُحاں ہَن بلکہ پلید روُحاں دا لشکر ہا اوُں کوُ بیٹھے کپڑے پاتے تے اوُں کوُ ہوش اِچ ڈیکھ ڈَر گئے۔¹⁶۱۶۔ اَتے ڈیکھن آلیاں نے اوُں دا حال جیندے وِچ پلید روُحاں ہَن اَتے سُئوراں دا سارا ماجرا اُنہاں کو سُنایا۔ ¹⁷۱۷۔ اوہ اوُں دی مِنّت کرن لگ پئے کہ ساڈے علاقے وِچوں باہر نکل ونج۔¹⁸۱۸۔ اَتے جیہڑے ویلے اوہ کشتی وِچ چڑھن لگے تاں جیندے وِچ بُریاں روُحاں ہَن اوُں نے یسوع دی مِنّت کیتی کہ میں تیڈے نال راہونا چاہندا ہاں۔ ¹⁹۱۹۔ پر یسوع نے اوُں کوُ اجازت نہ ڈِتی بلکہ اوُں کوُ آکھے کہ اپنے گھر آلیاں دے کول لگا ونج اَتے اُنہاں کوُ ڈَس کہ خداوند نے تیڈے کیتے کیویں وڈے وڈے کم کیتیِن اَتے تیڈے تے رَحم کیتے۔ ²⁰۲۰۔ اوہ گیا اَتے دِکپُلِس اِچ اِیں گالھ کوُ ڈساون لگ پیا کہ یسوع نے اوُں دے کیتے کیویں وڈے وڈے کم کیتیِن تاں سارے لوگ حیران تھی گئے۔²¹۲۱۔ جیہڑے ویلے وَل یاوع کشتی وِچ بیہ کے پار گیا تاں ہِک وڈی بھِیڑ اوُندے کول جمع تھی گئی اَتے اوہ اوُں ویلے جھیل دے کنارے ہا۔ ²²۲۲۔ اَتے عبادت خانے دے سرداراں وِچوں ہِک بندہ یائر ناں دا آیا تے اوُں کوُ ڈیکھ کے اوُں دے پیراں اِچ ڈھے پیا۔ ²³۲۳۔ اَتے ایہہ آکھ کے اوُں دی بہوں مِنّت کیتی کہ میڈی نِکی دھی مرن آلی ہِے۔ تُوں آ کے اپنے ہتھ اوُندے تے رکھ تاں جو اوہ چنگی تھی ونجے اَتے جیوندی راہوے۔ ²⁴۲۴۔ یسوع اوُندے نال ٹُر پیا اَتے بہوں سارے لوگ وی اوُندے پِچھوں ٹُر پئے اوہ تاں اوُندے تے ڈھاندے ودے ہَن۔²⁵۲۵۔ اوتھاں ہِک تریمت ہائی جیں دے بارہ سال تھوں خون واہندا پیا ہا۔ ²⁶۲۶۔ اوہ تاں بہوں سارے حکیماں کولوں علاج کروا کے بہوں تنگ آگئی ہائی اَتے اپنا سارا مال خرچ کر کے وی اوُں کوُ کجھ وی فائدہ نہ تھیا ہا ہتھوں زیادہ بیمار تھی گئی ہائی۔ ²⁷۲۷۔ اوہ یسُوع دا حال سُن کے اوُندے پِچھوں بھِیڑ وِچ آئی اَتے اوُندے کپڑے دا کنارے کوُ ہی ہتھ لا گھِنے۔²⁸۲۸۔ کیوں جو اوہ آدھی ہائی کہ اگر میں صرف اوُندے کپڑیاں کوُ ای ہتھ لا گھن نساں تاں چنگی تھی ویساں۔ ²⁹۲۹۔ اَتے فوراً ای اوُندا خون باہونا بند تھی گیا اَتے اوُں کوُ اپنے جسم اِچ پتا لگے کہ میکوُ اِیں بیماری تھوں شفا مِل گئی ہِے۔³⁰۳۰۔ یسوع نے فوراً ای اپنے آپ اِچ پتا لا گِدے جو میڈے وِچوں طاقت نکلی ہِے وِل اوُں نے بِھیڑ کوُں پِچھوں مُڑ کے آکھیا کئیں نے میڈے کپڑیاں کوُ ہتھ لائے؟۔ ³¹۳۱۔ یسوع دے چیلیاں نے اوُں کوآکھیا تُو ڈیدھا ہئیں کہ بِھیڑ تیڈے تے ڈھاندی پئی ہِے تُوں وَل وی آدھیں کہ میکوُ کئیں ہتھ لائے؟ ³²۳۲۔ یسوع نے اپنے چاراں پاسے نگاہ کیتی تاں جو ڈیکھے کہ ایہہ کم کئیں کیتے؟۔³³۳۳۔ اوُں تریہمت نے جو کجھ اوُندے کولوں تھیا ہا محسوس کر کے ڈردی تے کمبدی ہوئی آئی تے اوُندے اگے ڈھے پئیاَتے سارا حال سچ سچ اوُں کوُ سُنا ڈِتے۔ ³⁴۳۴۔ یسوع نے اوُں تریہمت کوُ آکھے دھیئے تیڈے ایمان نال تیکوُ شفا ملی ہِے۔ سلامتی نال ونج اَتے اپنی اِیں بیماری تھوں بچی رِہ۔³⁵۳۵۔ اوہ ایہہ آدھا ای پیا ہا کہ عبادت خانے دے سردار دے بندیاں نےآ کے آکھے کہ تیڈی دھی مَر گئی ہِے۔ ہُن استاد کوُ تکلیف کیوں ڈیندیں؟۔³⁶۳۶۔ جیہڑی گالھ اوہ آدھے پئے ہَن اوُندے تے یسوع نے توجہ نہ کر کے عبادت خانے دے سردار کوُ آکھے خوف نہ کر صرف ایمان رکھ۔ ³⁷۳۷۔ وِل اوُں نے پطرس تے یعقوب دے بھرا یوحنا دے علاوہ بئے کئیں کوُ اپنے نال چلن دی اجازت نہ ڈِتی۔ ³⁸۳۸۔ وِل اوہ عبادت خانے دے سردار دے گھر وِچ آئے اَتے اوُں نے ڈیکھیا کہ بہوں شور تھیا کھڑے تے بہوں روندے تے پٹیندے پئے ہِن۔³⁹۳۹۔ اَتے اوُں نے اندر ونج کے اُنہاں کوُ آکھے تُساں کیوں شورمچا رکھے اَتے روندے پئے ہیوےَ؟ چھویر مَر نئیں گئی بلکہ سُتی پئی ہِے۔ ⁴⁰۴۰۔ اوہ اوُندے تے کھلن لگ پئے پر اوُں نے ساریاں کوُ کڈھ ڈِتے اَتے چھویر دے ماں پیو کوُ تے اپنے چیلیاں کوُ نال گھن کےاندر گیا جِتھاں چھویر پئی ہائی۔⁴¹۴۱۔ اَتے چھویر دا ہتھ پکڑ کے اوُں کوُ آکھے تلیتا قومی۔ جیندا ترجمہ ہِے اَئے چھویر میں تیکوُ آدھا ہاں اُٹھی پَو۔ ⁴²۴۲۔ اوہ چھویر فوراً اُٹھی کے ٹُرن پھرن لگ پئی کیونکہ اوہ بارہ سال دی ہائی۔ تاں لوگ اوُں کوُ ڈیکھ تے بہوں حیران تھئے۔ ⁴³۴۳۔ وَ یسوع نے اُنہاں کو سکتی نال منع کیتے کہ ایہہ گالھ کئیں کوُ نہ ڈسائے وَل آکھے کہ چھویر کوُ کجھ کھاون کوُ ڈِتا ونجے۔

¹۱۔ وَل اوہ اُتھوں نکل کے اپنے وطن اِچ آئے اَتے اوُندے چیلے اوُندے پچھوں ٹُر پئے ²۲۔ جڈاں سبت (چھن چھن) دا ڈِیں آیا تاں اوہ عبادت خانے وِچ تعلیم ڈیون لگے تا ں لوگ اوُندی تعلیم سُن کے بہوں حیران تھئے اَتے آکھن لگے جو ایہہ گالہیں ایندے وِچ کِتھوں آ گیئِن؟ اَتے ایہہ کیا حکمت ہِے جو اِیں کوُ ڈِتی گئی ہِےاَتے کیہڑے معجزے ہِن جیہڑے اِیں دے ہتھ تھوں ظاہر تھیندِن؟۔ ³۳۔ کیا ایہہ اوُہو ترکھان نئیں جیہڑا مریم دا پُتر تے یعقوب تے یوسیس تے یہوداہ تے شمعون دا بھِرا ہِے؟ اَتے کیا اوُندیاں بھینیں اِتھاں ساڈے کول نئیں؟ پس اُنہاں نے اوُندے پاروں ٹھوکر کھادی۔⁴۴۔ یسوع نے انُہاں کوُ آکھے نبی اپنے وطن تے اپنے رشتے داراں وِچ تے اپنے گھر دے علاوہ کتھائیں وی بے عزت نئیں تھیندا۔ ⁵۵۔ اَتے اوہ اُتھاں کوُئی وی معجزہ نہ ڈِکھا سگے۔ بلکہ تھوڑے جئے بیماراں تے ہتھ رکھ کے اُنہاں کوُ چنگا چا کیتے۔ ⁶۶۔ اَتے یسوع اُنہاں دی بے اعتقادی تے بہوں حیران تھیا۔ وَل اوہ چاریاں پاسے پنڈ اِچ تعلیم ڈیندا پھردا رِہ گئے۔⁷۷۔ اَتے اوُں نے اُنہاں بارہ چیلیاں کوُ اپنے کول سَڈ کے اُنہاں کوُ ڈو ڈو کر کے اوُں نے انہاں کُوں آکھیا وَل ڈُو ڈُو کر کے گھلنا شروع کیتا اَتے اُنہاں کوُ پلید روُحاں تے اختیار وی ڈِتے۔ ⁸۸۔ اَتے حکم ڈِتے کہ رستے کیتے سوٹی دے علاوہ کج نہ گھِنو۔ نہ ٹُکر۔ نہ جھولی۔ نہ ای اپنے کمر بند اِچ پیسے۔ ⁹۹۔ پر جُتیاں پا گھِنائے اَتے ڈُو کُرتے نہ گھِنو۔¹⁰۱۰۔ اَتے یسوع نے اُنہاں کوُ آکھیا جِتھاں تپساں کئیں گھر اِچ ونجو تاں اُتھائیں راہوجڈاں تائیں اُتھوں اَگے نہ ونجو۔ ¹¹۱۱۔ اَتے جِتھوں دے لوگ تُہاکوُ قبول نہ کرن اَتے تُہاڈی نہ سُنن اُتھوں ٹُردے ویلے اپنے پیراں دی مٹی جھاڑ ڈِیوائے تاں جو اُنہاں کیتے گواہی تھیوے۔¹²۱۲۔ اَتے اُنہاں نے اُتھوں نکل کے مُنادی کیتی کہ توبہ کرو۔ ¹³۱۳۔ اَتے بہوں ساریاں بُریاں روُحاں کوُ کڈھے تے بہوں سارے بیماراں کوُ تیل مَل کے چنگا کیتے۔¹⁴۱۴۔ اَتے ہیرودیس بادشاہ نے اوُندا ذکر سُنے کیونکہ اوُندا ناں بہوں مشہور تھی گیا ہا اَتے اوُں نے آکھے کہ یوحنا بپتسمہ ڈیون آلا مُردیاں وِچوں زندہ تھی گئے کیونکہ اوُندے معجزے ظاہر تھیندے پئے ہِن۔ ¹⁵۱۵۔ پر بعض لوگ آدھے ہَن کہ ایہہ ایلیاہ ہِے اَتے بعض لوگ ایہہ آدھے ہَن کہ نبیاں وِچوں کئیں دی کار ہِک نبی ہِے۔¹⁶۱۶۔ پر ہیرودیس نے سُن کے آکھے کہ یوحنا جئیں دا سر میں کٹوایا ہا اوہوُ زندہ تھی گئے۔ ¹⁷۱۷۔ کیوں جو ہیرودیس بادشاہ نے آپ بندے گھل کے یوحنا کوُ پکڑوایا ہا اَتے اپنے بھرا فلپس دی ذال ہیرودیاس دے پاروُں اوُں کوُ قید وِچ بَدھ کے رکھیا ہا کیونکہ ہیرودیس نے اوُں دے نال ویاہ کر گِدا ہا۔¹⁸۱۸۔ اَتے یوحنا نے اوُں کوُ آکھیا ہا کہ اپنے بھرا دی زال کوُ رکھنا تیکوُ جائز نئیں۔ ¹⁹۱۹۔ پس ہیرودیاس اوُندے نال دُشمنی رکھیندی ہائی اَتے اوہ چاہندی ہا کہ اوُں کوُ مروا چھوڑے پر اِے نہ تھی سگے۔ ²⁰۲۰۔ کیوں جو ہیرودیس یوحنا کوُ نیک تے پاک باز بندہ جان کے اُندے کولوں ڈردا ہا تے اوُں دی حفاظت کریندا ہا اَتے اُندیاں گالہیں سُن کے بہوں حیران تھی ویندا ہا پر سُن دا خوشی نال ہا۔²¹۲۱۔ اَتے ہِک ڈیں آیا جڈاں ہیرودیس نے اپنے جمن آلے ڈِیں اپنے امیراں تے فوجی سرداراں تے گلیل دے رئیس لوگاں دی دعوت کیتی۔ ²²۲۲۔ اَتے وَل اوُں ہیرودیس دی دھی اندر آئی اَتے نچ کے ہیرودیس تے اوُں دے مہماناں کوُ کوش کیتے تاں بادشاہ نے اوُں چھویر کوُ آکھے جو تُوں چاہندی ہئیں میڈے کولوں منگ۔ میں تیکوُ ڈیساں۔²³۲۳۔ اَتے اوُں نے قسم کھادی کہ جو تُوں میڈے کولوں منگ سیں میں اپنی اپنی اَدھی بادشاہت تائیں تیکوُ ڈے ڈیساں۔ ²⁴۲۴۔ اَتے اوُں نے باہر ونج کے اپنی ماں کوُ آکھے کہ میں کیا منگاں؟ اوُں نے آکھے یوحنا بپتسمہ ڈیون آلے دا سر منگ گھِن۔ ²⁵۲۵۔ اَتے اوہ جلدی نال بادشاہ دے کول اندر گئی تے بادشاہ کوُ آکھے کہ میں چاہندی ہاں کہ تُوں یوحنا بپتسمہ ڈیون آلے دا سر ہک تھال اِچ ہُنے ہی منگوا ڈے۔²⁶۲۶۔ بادشاہ بہوںغمگین تھیا پر اپنی قسماں تے مہماناں دے پاروں اوُں کوُ انکار کرنا نہ چاہندا ہاَ۔ ²⁷۲۷۔ وَل بادشاہ نےجلدی نال ہِک سپاہی کوُ حکم ڈِے کہ بھیجیا جو اوُندا سر گھن آئے۔ اوُں نے ونج کے قید خانے وِچ یوحنا بپتسمہ ڈیون آلے دا سر کٹ ڈِتے۔ ²⁸۲۸۔ اَتے تھال اِچ یوحنا بپتسمہ دا سر کٹ کے اپنی ماں کوُ ڈِتے۔ ²⁹۲۹۔ وَل اوُندے چیلے سُن کے آئے اَتے اوندی لاش چا کے قبر وِچ چا رکھی۔³⁰۳۰۔ اَتے چیلے یسوع دے کول جمع تھئے اَتے جو کجھ اُنہاں نے کیتا ہا وَل سکھایا وی ہا سارا کجھ یسوع دے سامنے آکھ ڈِتے۔ ³¹۳۱۔ اوُں نے اُنہاں کُوں آکھیا تُساں آپ ہی کئیں سُنجی جاہ تے لگے ونجو کیوں جو آرام کر گھِنو۔ اِیں کیتے کہ بہوں بندے آندے ویندے ہِن اَتے اُنہاں کوُ ٹُکر کھاون دا وی ویلہ نئیں مِلدا۔ ³²۳۲۔ وِل اوہ کشتی وِچ بیہہ کے ہِک الگ سُنجی جاہ تے لگے گئے۔³³۳۳۔ اَتے لوگاں نے اُنہاں کوُ ویندے ہویاں ڈِٹھا اَتے بہوں بندیاں نے اوُں کوُ سُنجان گِدے اَتے سارے شاہراں وِچ کٹھے تھی کے پیدل اوُں پاسے بھج پئے تے اُنہاں کولوُں پہلے پہنچ گئے۔ ³⁴۳۴۔اوُں نے اُتر کے وڈی بھِیڑ ڈِٹھی اَتے کوُں کوُ اُنہاں تے ترس آیا کیونکہ اوہ اُنہاں بھیڈاں دی کار ہَن جیندا کوُئی آجڑی نہ ہوئے اَتے اوہ اُنہاں کوُ بہوں ساریاں گالہیں سکھاون لگ پئے۔³⁵۳۵۔ جیہڑے ویلے ڈِیں بہوں لیہہ گئے تاں اوُندے چیلے اوُندے کول آ کے آکھن لگے کہ ایہہ جاہ سُنجان ہِے اَےئ ڈِیں بہوں لیہہ گئے۔ ³⁶۳۶۔ اِنہاں کوُ بھیج چھوڑ تاں جو وستیاں دے چاریاں پاسے پِنڈ اِچ ونج کے اپنے کیتے کھاون کوُ مُل گھِن گھنن۔³⁷۳۷۔ یسوع نے اُنہاں کوُ جواب اِچ آکھیا تُساں ہی اِنہاں کوُ کھون کوُ ڈیوو۔ اُنہاں نے اوُں و آکھے کیا اساں ونج کے ڈوُ سو دینار دیاں روٹیاں مُل گھِن آؤں اَتے اِنہاں کوُں کِھلاؤں؟َ۔ ³⁸۳۸۔ یسوع نے اُنہاں کوُ آکھیا تُہاڈے کول کتنی روٹیاں ہِن؟ ونجو ڈیکھو۔ اُنہاں نے پتا لا کے آکھیا پنج تے ڈوُ مچھیاں۔³⁹۳۹۔ یسوع نے اُنہا کوُ حکم ڈ،تے کہ سارے ٹولیاں تھی کے گھا تے بیہہ ونجو۔ ⁴⁰۴۰۔ وَل او پنجھا پنجھا تے سَو سَو دی قطار بنا کے تے بیہہ گئے۔ ⁴¹۴۱۔ وَل اوُں نے اوہ پنج روٹیاں ڈُو مچھیاں گھن کے اَتے آسمان دی طرفوں ڈیکھ کے برکت ڈِتی تے روٹیاں تڑوڑ کے چیلیاں کوُ ڈیندا گیا کہ اُنہا دے ا۔گے رکھِن اَتے اوہ ڈُو مچھیاں وی اُنہاں وِچ وِنڈ ڈِتیاں۔⁴²۴۲۔ وَل اوہ سارے کھا کے تے رَج گئے۔ ⁴³۴۳۔ اَتے اُنہاں نے روٹی دے بچے ہوئے ٹکڑیاں تے مچھیاں دے نال ٹوکریاں بھر کے چُکیاں۔ ⁴⁴۴۴۔ اَتے کھاون آلے پنج ہزار مَرد ہَن۔⁴⁵۴۵۔ اَتے جلدی دے نال یسوع نے اپنے چیلیاں کوُ مجبور کیتے کہ کشتی تے بیہہ کہ اوُندے کولوں پہلے ڈوجھے پاسے بیت صیدا کوُ لگے ونجن جیہڑے ویلے اوہ لوگاں کوُ بھیج ڈیوے۔ ⁴⁶۴۶۔ اَتے اُنہاں کوُ بھیج کے پہاڑ تے دُعا کرن کیتے لگا گیا۔ ⁴⁷۴۷۔ اَتے جیہڑے ویلے شام تھئی تاں کشتی جھیل دے وِچ ہائی تے اوہ کلہا سُکی جاہ تے ہا۔⁴⁸۴۸۔ جیہڑے ویلے اوُں نے ڈِٹھا کہ کشتی کوُ گھیلن توں تنگ ہِن کیونکہ ہوا اُنہاں دے مخالف ہا تاں رات دے پچھلے پہر دے ویلے اوہ جھیل تے ٹُردیاں ہویاں اُنہاں دے کول آیا تے اُنہاں تُوں اَگے نکل ونجنا چاہندا ہا۔ ⁴⁹۴۹۔ پر اُنہاں نے اوُں کوُ جھیل تے ٹُریاں ڈِکھ کے خیال کیتا کہ کوئی جِن ہِےاَتے شور مچاون لگ پئے۔ ⁵⁰۵۰۔ کیونکہ سارے اوُں کوُ ڈیکھ کے گھبریج گئے پر یسوع نے جلدی اُنہاں نال گالہیں کیتِن اَتے آکھیا حوصلہ رکھو۔ میں ہاں۔ ڈرو نہ۔⁵¹۵۱۔ وَل اوہ کشتی وِچ بیہہ کے اُنہاں دے کول آیا تے ہوا رُک گئی اَتے اوہ اپنے دِل وِچ بہوں حیران تھئے۔ ⁵²۵۲۔اِیں کیتے کہ اوہ روٹیاں دے بارے وِچ نہ سمجھ سگے بلکہ اُنہاں دے دِل بہوں سخت تھی گئے۔⁵³۵۳۔ اَتے پار ونج کے گنیسرت دے علاقے وِچ پہنچے تے کشتی کنارے تے لا ڈِتی۔ ⁵⁴۵۴۔ اَتے جیہڑے ویلے اوہ کشتی توں اُترے تاں فوراً ہی لوگاں نے اوُں کوُ سُنجان گِدے۔ ⁵⁵۵۵۔ اوہ اوُں سارے علاقے وِچ چاراں پاسے بھج دے گئے تے بیماراں کوُ کھٹ تے پا کے اُنہاں سُنے کہ اوہ کِتھاں ہِے اوُں پاسے اوہ پِھر گئے۔⁵⁶۵۶۔ اَتے اوہ پِنڈ۔ شاہراں تے وستیاں اِچ جتھاں کتھائیں وی ویندا ہا لوگ بیماراں کوُ بازار وِچ رکھ کے اوُندی مِنّت کریندے ہَن کہ اوہ صرف اوُندے کپڑیاں کوُ ای ہتھ لا گھِنن اَتے جتنے وی اوُندے کپڑیاں کو ہتھ لیندے ہَن چنگے تھی ویندے ہَن ۔

¹۱۔ وَل فریسی تے فقیہہ اوُندے کول جمع تھئے۔ اوہ یروشلیم توں آئے ہَن۔²۲۔ اَتے اُنہاں نے ڈیکھیا کہ اوُندے بعض چیلے پلید یعنی ہتھ دھوون توں بغیر تُکر کھا گھِندِن۔ ³۳۔ کیونکہ فریسی تے سارے یہودی بزرگاں دی روایت دے مطابق جڈاں تائیں اپنے ہتھ چنگی طرح دھو نہ گھِنن ٹُکر نئیں کھاندے۔ ⁴۴۔ اَتے بازار توں آکے جڈاں تائیں دھاں نہ گھِنن کھاندے نئیں اَتے بہوں ساریاں بئی وی گالہیں ہِن کہ جیہڑیاں اُنہاں تک پہنچیاں ہِن اُنہاں دے پابند ہِن جیویں پیالیاں تے لوٹیاں تے تانبے برتناں کوُ دھوونا۔⁵۵۔ وَل فریسیاں تے فقیہاں نے نے اوُندے کولوں پُچھیا ایہہ کیا ہِے کہ تیڈے چیلے بزرگاں دی روایت تے نئیں چلدے بلکہ پلید ہتھاں نال ٹُکر کھاندے ہِن؟۔⁶۶۔ یسوع نے اُنہاں کوُ آکھیا یسعیاہ نبی نے تُساں ریاکاراں دے حق وِچ کیا خوب نبوت کیتی ہائی جیویں کہ لکھا لاتھے:۔ ایہہ لوگ ہونٹاں دے نال تاں میڈی تعظیم کریندِن پر اِنہاں دِل میڈے کولوں دوُر ہِن۔ ⁷۷۔ ایہہ بے فائدہ میڈی پرستش کریندِن کیونکہ انسانی حکماں دی تعلیم ڈِیندِن۔⁸۸۔ خدا دے حکماں کو ُ تُساں چھوڑ ڈِتے اَتے بندیاں دی روایت کوُ قائم رکھی کھڑے ہو۔ ⁹۹۔ وَ یسوع نے اُنہاں کوُ آکھیا تُساں اپنی روایت دے منن کیتے خدا دے حکماں دی کوُئی پرواہ نئیں کریندے۔ ¹⁰۱۰۔ کیونکہ موسیٰ نے فرمایا ہِے کہ اپنے پیو دی تے اپنی ماں دی عزت کر اَتے جیہڑا کوُئی اپنے پیو کوُ بُرا آکھ سی اوہ ضرور جان توں مارا ویسی۔¹¹۱۱۔ پر تُساں آدھے ہیوے کہ اگر کوُئی ماں یا پیو کوُ آکھے کہ جیہڑی شئے دا فائدہ تیکوُ میڈے کولوں پہنچ سگدے اوہ قربان کر ڈِتی ہِے یعنی اوہ خدا دی نذر تھی گئی ہِے۔ ¹²۱۲۔ تاں تُساں اوُں کوُ وَل ماں یا پیو دی کجھ وی مدد کرن نئیں وے ڈیندے۔ ¹³۱۳۔ ایویں تُساں خدا دسے کلام کوُ اپنی روایت دے نال جیہڑی تُساں جاری کیتی ہِے جھوٹا کر ڈیندے ہیوے۔ اَتے ایہو جئے بہوں سارے کم کریندے ہیوے۔¹⁴۱۴۔ اَتے اوہ لوگاں کوُ کول سَڈ کے اُنہاں کوُ آکھن لگےتُساں سارے میڈی سُنو اَتے سمجھو۔ ¹⁵۱۵۔ کوُئی وی شئے جیہڑی بندے دے اندر باہروں آ ویندی ہِے اوُں کوُ پلید نئیں کر سگدی پر جیہڑی شئے بندے وِچوں نکلدی ہِے اوہو اوُں کوُ پلید کریندی ہِے۔ ¹⁶۱۶۔ (اگر کوُئی سُنن آلا ہووے تاں سُن گھنے)۔¹⁷۱۷۔ اَتے جیہڑے ویلے وہ بھِیڑ دے کولوں گھر وِچ گیا تاں اوُندے چیلیاں نے اوُندے کولوں اوُں مثال دے معنی پُچھے۔ ¹⁸۱۸۔ یسوع نے اُنہاں کوُ آکھیا کیا تُساں وی بے سمجھ ہیوے؟ کیا تُساں نئیں وے سمجھدے کہ کوُئی وی شئے جیہڑی باہر کولوُں بندے دے اندر ویندی ہِے اوُں کوُ پلید نئیں کر سگدی۔ ¹⁹۱۹۔ اِیں کیتے کہ اوہ اوُں دے دِل وِچ نئیں بلکہ ڈِھڈ وِچ ویندی ہِے اَتے گند بن کے باہر نکل ویندی ہِے؟۔ ایہہ آکھ کے اوُں نے ساریاں کھاون دیاں شئیاں کوُ پاک کر ڈِتے۔²⁰۲۰۔ وَل اوُں نے آکھے جو کجھ بندے دے اندروُں نکلدے اوُہو اوُں کوُ پلید کریندے۔ ²¹۲۱۔ کیونکہ بندے دے اندروُں یعنی بندے دے دِل وِچوُں بُرے خیال نکلدِن۔ حرام کاریاں ۔ ²²۲۲۔ چوریاں ۔ قتل ۔ زناکاریاں ۔ لالچ ۔ بدیاں ۔ مکر۔ شہوت پرستی ۔ بدنظری ۔ بد گوئی ۔ شیخی۔ بیوقُوفی ۔ ²³۲۳۔ایہہ ساریاں بُریاں گالہیں اندروُں نکل کے بندے کوُ پلید کریندِن۔²⁴۲۴۔ وَ اُتھوں اُٹھی کے صور تے صیدا دی سرحداں وِ چ گیا اَتے ہِک گھر اِچ گیا اوہ چاہندا نہ ہا کہ کوُئی وی اوُں کوُ جانے پر اوہ لُک نہ سگے۔ ²⁵۲۵۔ بلکہ فوراً ہی ہِک تریہمت جیندی نکی دھی اِچ پلید روُح ہائی اوُں دی خبر سُن کے آئی اَتے اوُں دے پیراں وِچ ڈھے پئی۔ ²⁶۲۶۔ ایہہ تریہمت یونانی ہا تے سُور فینیکی قوم دی ہا۔اوُں نے یسوع دے اَگے مِنّت کیتی کہ میڈی دھی وِچوں بدروُح کوُ کڈھ ڈیوے۔²⁷۲۷۔ یسوع نے اوُں کوُ آکھیا پہلے چھویراں کوُ رَجن ڈے کیونکہ چھویراں دا ٹُکر گھن کے کُتیاں دے اَگے سَٹ ڈیوونا چنگا نئیں۔ ²⁸۲۸۔ اوُں تریہمت جواب اِچ آکھیا ہاں خداوند۔ کتے وی اُتھاؤں کھاندِن جیہڑے ٹکڑے مالکاں دی میز توں ڈھاندِن۔²⁹۲۹۔ یسوع نے اوُں کوُ آکھیا اِیں کلام دے پاروُں وَنج۔ تیڈی دھی وِچوں بد روُح نکل گئی اے۔ ³⁰۳۰۔ اَتے اوُں نے اپنے گھر وِچ وَنج کے ڈِٹھا کہ چھویر پلنگ تے پئی ہِے اَتے بدروُح نکل گئی ہا۔³¹۳۱۔ اوہ وَ صور دی سرحداں توں نکل کے صیدا دی راہ توں دِکَپُلِس دی سرحداں توں تھینیدیاں ہویاں گلیل دی جھیل تے پہنچیا۔ ³²۳۲۔ اَتے لوگ ہِک اوُں دے کول ہک بندے کوُ گھِن آئے جیہڑا ڈورا تے ہکلیندا ہا اَتے اوُں دی من او اوتھاں ہِک بندے کُوئی گھین ائے جیہڑا ڈورا تے ہکلیندا ھائی۔ِمِنّت کیتی کہ اپنا ہتھ ایندے تے رکھ۔³³۳۳۔ یسوع اوُں کوُ بھِیڑ کولوں اَنج گھن گیا اَتے اپنی اُنگلیاں اوُندے کناں اِچ پاتیاں وَل تُھک کے اوُندی زبان کوُ ہتھ لائے۔ ³⁴۳۴۔ وَل آسمان کوُ ڈیکھ کے ہک آہ بھری اَتے اوُں کوُ آکھیا اِفّتّح یعنی کُھل ونج۔ ³⁵۳۵۔ اَتے اوُندے کن کُھل گئے تے اوُندی زبان وی ٹھیک تھی گئی تے اوہ بولنا شروع تھی گیا۔³⁶۳۶۔ وَل یسوع نے اوُں کوُ حکم ڈِتا کئیں کوُ وی کجھ نہ ڈسائے پر جتنا وی یسوع نے اوُں کوُ حکم ڈیندا ریہا اُتنا ہی اوہ زیادہ چرچا کیتے۔ ³⁷۳۷۔ اَتے وَل حیران تھی کے اُنہاں نے آکھے کہ جو کجھ اوُں نے کیتے سارا کجھ چنگا کیتے۔ اوہ ڈوریاں کوُ سُنن دی تے گونگیاں کوُ بولن دی طاقت ڈیندا ہِے۔

¹۱۔ اُنہاں ڈیہاں وِچ جڈاں وَل بہوں وڈی بھِیڑ جمع تھئی تاں اوُندے کول کھاون کوُ کجھ وی نہ ہا تاں یسوع نے اپنے چیلیاں کوُ کول سَڈ کے اُنہاں کوُ آکھیا۔ ²۲۔ میکوُں اِنہاں لوگاں تے بہوں ترس آندے کیونکہ ایہہ ترئے ڈیہاں توں برابر میڈے نال راہندے پئے ہِن اَتے اِنہاں سے کول کھاون کوُ کجھ وی نئیں۔ ³۳۔ اگر میں اِنہاں کوُ بُھکا گھر کوُ وَنجن ڈیواں تا ایہہ راہ وِچ بہوں تھک کے رِہ ویسن اَتے بعض اِنہاں وِچوں دوُر روں آئے ہِن۔ ⁴۴۔اوُندے چیلیاں نے اوُں کوُ جواب ڈِتے کہ اِیں بیابان اِچ کوئی کِتھوں اتنی روٹیاں گھن آسیکہ اِنہاں کوُ رَجا سگے؟۔⁵۵۔ یسوع نے اُنہاں کولوں پُچھیا تُہاڈے کول کتنی روٹیاں ہِن؟ اُنہاں نے آکھے سَت۔ ⁶۶۔ وَل اوُں نے لوگاں کوُ حکم ڈِتے کہ زمین تے بیہہ ونجن اَتے اوُں نے اوہ سَت روٹیاں گھن کے شُکر کر کے توڑیاں اَتے اپنے چیلیاں ڈیندا گیا کہ اُنہاں دے اَگے رکھن اَتے اُنہاں نے لوگاں دے اَگے رکھ چھوڑیاں۔⁷۷۔ اَتے اُنہاں دے کول کجھ نکیاں مچھیاں وی ہَن۔ یسوع نے اُنہاں تے برکت ڈے کے آکھیا کہ ایہہ وی اُنہاں دے اَگے رکھ چھوڑو۔ ⁸۸۔ پس اوہ کھا کے رَج گئے اَتے بچے ہوئے ٹکڑیاں دے سَت ٹوکرے چاتے۔ ⁹۹۔اَتے لوگ چارہزار دے نیڑے ہَن۔ وَل اُنہاں نے اوُں کوُ گھل چھوڑیا۔ ¹⁰۱۰۔ اَتے اوہ فوراً ہی اپنے چیلیاں دے نال کشتی وِچ بیہہ کے دَلَمنُوتہ دے علاقے وِچ لگا گیا۔¹¹۱۱۔ وَل فریسی نکل کے اوُندے نال بحث کرن لگ پئے اَتے اوُں کوُ آزماون کیتے اوُندے کولوں کوُئی آسمانی نشان منگیا۔ ¹²۱۲۔ یسوع نے اپنی روُح اِچ آہ بھر کے آکھیا اِیں زمانے دے لوگ کیوں نشان منگدِن؟ میں تُہاکوُ سچ آدھا ہاں کہ اِیں زمانے دے لوگاں کوُکوُئی وی نشان نہ ڈِتا ویسی۔ ¹³۱۳۔ اَتے وَل اوہ اُنہاں کوُ چھوڑ کے کشتی وِچ بیہہ کے جھیل دے پار لگا گیا۔¹⁴۱۴۔ وَل چیلے اپنے نال روٹی گھینناں بھُل گئے اَتے کشتی وِچ اُنہاں سے کول ہک توں زیادہ روٹی نہ ہا۔ ¹⁵۱۵۔ وَل یسوع نے اُنہاں کوُ ایہہ حکم ڈِتے کہ خبردار فریسیاں خمیر تے ہیرودیس دے خمیر توں ہوشیار رہوائے ۔¹⁶۱۶۔ اوہ آپس وِچ بحث کرن لگ پئے تے آکھن لگے کہ ساڈے کول روٹی کئے نئیں۔ ¹⁷۱۷۔ پر یسوع نے ایہہ پتا کر کے اُنہاں کوُ آکھیا کیوں تُساں آپس اِچ ایہہ بحث کریندے ہیوے کہ ساڈے کول روٹی کئے نئیں؟ کیا تُساں ہُن تائیں نئیں جان دےاَتے نہ ہی سمجھدے ہو؟ کیا تُہاڈا دِل سخت تھی گئے؟۔¹⁸۱۸۔ تُہاڈیاں اَکھیاں ہِن پر ڈیدھے نئیں؟ کن ہِن پر سُن دے نئیں؟ اَتے کیا تُہاکوُ یاد نئیں؟۔ ¹⁹۱۹۔ جیہڑے ویلے میں اوہ پنج روٹیاں پنج ہزار کیتے توڑیاں ہَن تاں تُساں کتنی ٹوکریاں چاتیاں ہَن جیہڑیاں ٹکڑیاں دے نال بھریاں ہویاں ہَن؟ اُنہاں نے اوُں کوُ آکھیا بارہ۔²⁰۲۰۔ اَتے جیہڑے ویلے سَت روٹیاں چار ہزار کیتے توڑیاں ہَن تاں تُساں کتنے ٹوکرے ٹکڑیاں دے نال بھرے ہوئے چاتے ہَن؟ اُنہاں نے اوُں کوُ آکھیا سَت؟۔ ²¹۲۱۔ یسوع نے اُنہاں کوُ آکھیا کہ کیا تُساں ہُن تائیں نےئیں وے سمجھدے؟۔²²۲۲۔ وَل اوہ بیت صیدا وِچ آئےاَتے لوگ ہِک اندھے کوُ اوُندے کول گھن کے آئےاَتے اوُندی مِنّت کیتی کہ اوُں کوُ ہتھ لاوے۔ ²³۲۳۔ یسُوعؔ نے اوُں اندھے دا ہتھ پکڑ کے اوُں کوُ پِنڈ وِچوں باہر گھن گیا اَتے اوُندیاں اکھیاں اِچ تُھک کے اپنے ہتھ اوُندے تے رکھے وَل اوُں کولوں پُچھیا کیا تیکوُ کجھ نظر آندے؟۔²⁴۲۴۔ اوُں نے نظر چا کے آکھیا میں بندیاں کوُ ڈیدھا ہاں کیونکہ اوہ میکوُ ٹُردے پھردے ہوئے ایویں ڈِکھائی ڈیندِن جیویں درخت ہوون۔ ²⁵۲۵۔ وَل یسوع نے ڈوجھی وار اوُں دی اکھیاں تے اپنے ہتھ رکھے اَتے اوُں نے بہوں غور نال ڈِٹھا تے چنگا تھی گیا اَتے ساریاں شئیاں صاف صاف ڈیکھن لگ پیا۔ ²⁶۲۶۔وَل یسوع نے اوُں کوُ اوُندے گھر دے پاسے بھیج ڈِتے اَتے آکھیا کہ اِیں پِنڈ دے اندر ولا پیر نہ رکھیں۔²⁷۲۷۔ وَل یسوع تے اوُندے چیلے قیصریہ فِلپّی دے پِنڈ وِچ لگے گئے اَتے راہ اِچ یسوع نے اپنے چیلیاں کولوں ایہہ پُچھیا کہ لوگ میکوُ کیا آدھِن؟۔ ²⁸۲۸۔ اُنہاں نے جواب ڈِتے کہ یوحنا بپتسمہ ڈیون آلا اَتے بعض ایلیاہ اَتے بعض نبیاں وِچوں کوُئی۔²⁹۲۹۔ یسوع نے اُنہاں کولوں پُچھیا پر تُساں میکوُ کیا آدھے ہیوے؟ پطرس نے جواب اِچ اوُں کوُ آکھیا تُو مسیح ہئیں۔ ³⁰۳۰۔ وَل یسوع نے اُنہاں کوُ تاکید کیتی کہ میڈے بارے وِچ کئیں کوُ ایہہ نہ ڈسائے۔³¹۳۱۔ وَل اوہ اُنہاں کوُ تعلیم ڈیون لگے جو ضرور ہِے کہ ابنِ آدم بہوں سارے ڈُکھ چاوے اَتے بزرگ تے سردار کاہن تے فقیہہ اوُں کوُ رَد کرن اَتے اوہ قتل کیتا ونجے وَل ترئیے ڈیہواراں دے بعد زندہ تھی ونجے۔ ³²۳۲۔ وَل یسوع نے ایہہ گالھ صاف صاف آکھی۔ پطرس اوُں کوُ اَنج کر کے اوُں کوُ ملامت کرن لگ پئے۔³³۳۳۔ پر یسوع نے مُڑ کے اپنے چیلیاں تے نگاہ کر کے پطرس کوُ جھڑکیا اَتے آکھیا اَے شیطان میڈے سامنے توں دوُر تھی ونج کیوں جو تُو خدا دی گالہیں دا نئیں بلکہ بندیاں دی گالہیں دا خیال رکھیندا ہئیں۔ ³⁴۳۴۔ وَل یسوع نے بھِیڑ کوُ اپنے چیلیاں سمیت اپنے کول سَڈ کے اُنہاں کوُ آکھے اگر کوُئی میڈے پیچھے آونا چاہوے تاں اپنی خودی کوُ چھوڑ ڈیوے اَتے اپنی صلیب چاوے تے میڈے پچھوں ٹُر پووے۔³⁵۳۵۔ کیونکہ جو کوُئی اپنی جان کوُ بچاونا چاہوے اوہ اوُں کوُ ونجا ڈیسی اَتے جیہڑا کوُئی میڈی تے میڈی اِنجیل دعے کیتے اپنی جان ونجا ڈیسی اوہ اوُں کوُ بچا گھن سی۔ ³⁶۳۶۔ اَتے اگر کوئی ساری دُنیا کو حاصل کر گھنے اَتے اپنی جان دا نُقصان چاوے تاں اوُں کوُ کیا فائدہ ہوسی؟۔ ³⁷۳۷۔ اَتے بندہ اپنی جان دے بدلے کیا ڈیسی؟۔³⁸۳۸۔ کیونکہ جو کوُئی اِیں زِنا کار تے خطا کار قوم اِچ میڈے کولوں تے میڈی گالہیں توں شرماسی تاں ابنِ آدم وی جڈاں اپنے باپ دے جلال وِچ پاک فرشتیاں ے نال آسی تاں اوہ وی اوُندے کولوں شرماسی۔

¹۱۔اَتے وَل یسوع نے اُنہاں کوُ آکھیا میں تُہاکوُ سچ آدھا ہاں کہ جیہڑے اِتھاں کھڑے ہِن اُنہاں وِچوں بہوں سارے ایہو جئے ہِن کہ جڈاں تائیں قدرت نال خدا دی بادشاہی کوُ آندیاں ہویاں ڈیکھ نہ گھنسن اُنہاں کوُ موت نہ آسی۔ ²۲۔ چھِ ڈیہاں دے بعد یسوع نے پطرس تے یعقوب تے یوحنا کوُ نال گھن کے اُنہاں کوُ الگ ہک اُچے پہاڑ تے سُنجی جاہ تے گھن گیا اَتے اُنہاں دے سامنے اوُندی شکل تبدیل تے گئی۔ ³۳۔ وَل اوُندے کپڑے بہوں چٹے تھی گئے کہ اِیں جہان اِچ کوُئی وی دھوبی اوُہو جئی چٹی نئیں کر سگدا۔⁴۴۔ وَل ایلیاہ موسیٰ دے نال اُنہاں کوُ ڈِکھائی ڈِتے اَتے اوہ یسوع دے نال گالہیں کریندے ہَن۔ ⁵۵۔ پطرس نے یسوع کوُ آکھے ربیّ! ساڈ اِتھاں راہونا چنگا ہِے۔ ہُن اساں اِتھاں ترئیے ڈیرے بناؤں۔ ہِک تیڈے کیتے۔ ہِک موسیٰ کیتے۔ ہک ایلیاہ کیتے۔ ⁶۶۔ کیوں جو اوہ جان دا نہ ہا جو کیا آکھے اِیں کیتے کہ اوہ بہوُں ڈر گئے ہَن⁷۷۔ وَل ہِک بدل نے اُنہاں تے چھاں کر گدے اَتے اوُں بدل وِچوں ہِک آواز آئی کہ ایہہ میڈا پیارا پُتر ہِے۔ اِیں دی سُنو۔ ⁸۸۔ اَتے اُنہاں نے ہِک دَم چاریاں پاسے نِگاہ کیتی تے یسوع دے علاوہ کئیں کوُ اپنے نال ناں ڈِٹھا۔⁹۹۔ جیہڑے ویلے اوہ پہاڑ توں اُتردے پئے ہَن تاں یسوع نے اُنہاں کوُ حکم ڈِتے کہ جڈاں تائیں ابنِ آدم مُردیاں وِچوں زندہ نہ تھی ونجے جیہڑا کجھ تُساں ڈِٹھا ہِے کئیں کوُ نہ اکھائے۔ ¹⁰۱۰۔ اُنہاں نے ایِں گالہیں کوُ یاد رکھے اَتے اوہ آپس وِچ بحث کرن لگ پئے کہ مُردیاں وِچوں زندہ تھیون دے کیا معنی ہِن؟۔¹¹۱۱۔ وَل اُنہاں نے یسوع کولوُں ایہہ پُچھیا کہ فقیہہ کیوں آدھے ہِن کہ ایلیاہ دا پہلے آونا ضرور ہِے؟۔ ¹²۱۲۔ یسوع نے اُنہاں کوُ آکھیا کہ ہاں ایلیاہ پہلے آ کے سب کجھ قائم کریسی پر کیا وجہ ہِے کہ ابنِ آدم دے حق اِچ لکھا لاتھے جو اوہ بہوُں ڈُکھ برداشت کریسی اَتے حقیر کیتا ویسی؟۔ ¹³۱۳۔ پر میں تُہاکوُ آدھا ہاں کہ ایلیاہ تاں آچُکے اَتے جیویں اوُندے حق اِچ لکھا لاتھے اُنہاں نے جو کجھ اُنہاں دا دِل کیتے اوہوُ اوُندے نال کیتے۔¹⁴۱۴۔ اَتے جیہڑے ویلے اوہ چیلیاں دے کول آئے تاں ڈِٹھا کہ اُنہاں دے چاریاں پاسے بہوُں وڈی بھیِڑ ہِے اَتے فقیہ اُنہاں دے نال بحث کریندے پئے ہِن۔ ¹⁵۱۵۔ اَتے فوراً ہی ساری بھیِڑ اوُں کوُ ڈیکھ کے بہوُں حیران تھئی اَتے اوُندے پاسے دوڑ کے آئی تے اوُں کوُ سلام کیتے۔ ¹⁶۱۶۔ یسوع نے اُنہاں کولوُں پُچھیا تُساں اُنہاں دے نال کیا بحث کریندے پئے ہاوے؟۔¹⁷۱۷۔ اَتے بھیِڑ وِچوں ہِک نے اوُں کوُ جواب ڈِتے کہ اَے اُستاد میں اپنے پُتر کوُ جیندے وِچ گونگی روُح ہِے تیڈے کول گھن آیا ہامی۔َََََََََََِِِِِِِِِِِِِِِِِِِِِِِِِِِِِِِ ¹⁸۱۸۔اوہ جتھاؐ وی اوُں کوُ پکڑدی ہِے اُتھائیں اوُں کوُ سَٹ چھوڑیندی ہےاَتے سوہ اپنے مُنہ وِچوں جھگ وی سٹیندے اَتے ڈَند وی پہیندے اَتے سُکدا ویندے میں اوُں کوُ تیڈے چیلیاں کول گھِن آیا ہامی کہ اوُں گونگی روُح کو کڈھ ڈیون پر اوہ نہ کڈھ سگے۔ ¹⁹۱۹۔ یسوع نے جواب اِچ اُنہاں کوُ آکھیا اَے یقین نہ رکھن آلی قوم میں کڈاں تائیں تُہاڈے نال راہساں؟ کڈاں تائیں تُہاڈی کریساں؟ اوُں کوُ میڈے کول گھِن آؤ۔²⁰۲۰۔ پس اوہ اوُں کوُ اوُندے کول گھِن آئے اَتے جیہڑے ویلے اوُں اوُں کوُ ڈِٹھا تاں فوراً روُح نے اوُں کو مروڑیا اَتے زمین تے سَٹ ڈِتے اَتے اوہ مُنہ وِچوں جھگ کڈھ کے زمین تے کلٹیاں مارن لگ پیا۔ ²¹۲۱۔ یسوع نے اوُندے پیوُ کولوں پُچھیا کہ ایہہ کتنی دیر توں اِیں حالت اِچ ہِے؟ اوُں نے آکھیا بچپن توں ای ہِے۔ ²²۲۲۔ اَتے اوُں روُح نے بہوُں واری اوُں کو بھا تے پانی وِچ سَٹیا ہائی تاں جو اوپں کوُ مار چھوڑے پر اگر توں کجھ کر سگدیں تاں ساڈے تے رَحم کھا کے ساڈی مدد کر۔²³۲۳۔ یسوع نے اوُں کوُ آکھیا! اگر تُوں کر سگدیں! جو ایمان رکھیں تا سب کجھ اوُندے کیتے تھی ویسی۔ ²⁴۲۴۔ اوُں چھئور دے پیُو نے فوراً اُچی آواز نال آکھے میں ایمان رکھیندا ہاں۔ تُوں میڈی بےاعتقادی دا علاج کر۔ ²⁵۲۵۔ جیہڑے ویلے یسوع نے ڈِٹھا کہ لوگ بھج بھج کے جمع تھیندے پئے ہِن تاں اوُں پلید روُح کوُ جھڑک کے اوُں کوُ آکھیا اَے گونگی تے ڈوری روُح! میں تیکوُ حکم ڈیندا ہاں۔ اِیندے وِچوں نکل آ اَتے وَل ایندے وَچ کدائیں نہ وڑیں۔²⁶۲۶۔ اَتے اوہ اُچی آواز نال اوُں کوُ بہوُں مروڑ کے نکل آئی اَتے اوہ ایویں تھی گیا جیویں کوُئی مُردہ ہوئے بہوں سارے لوگاں نے آکھیا اوہ مَر گئیے۔ ²⁷۲۷۔ پر یسوع نے اوُندا ہتھ پکڑ کے اوُں کوُ چاتے اَتے اوہ اُٹھی کے کھڑا تھی گیا۔²⁸۲۸۔ جیہڑے ویلے اوہ گھر آیا تاں اوُں دے چیلیاں نے اَنج تھی کے اوُندے کولوں پُچھیا کہ اساں اوُں کوُ کیوں نہ کڈھ سگے؟۔ ²⁹۲۹۔ یسوع نے اُنہاں کوُ آکھیا کہ ایہو جئی شئے دُعا دے علاوہ کئیں بئے طریقے نال نئیں نکل سگدی۔³⁰۳۰۔ وَل اوہ اُتھوں ٹُر پئے تے گلیل وِچوں تھی کے لنگھے اَتے اوہ نہ چاہندا ہا کہ کوُئی وی جانے۔ ³¹۳۱۔ اِیں کیتے کہ اوہ اپنے چیلیاں کوُ تعلیم ڈیندا تے اُنہاں کوُ آدھا ہا کہ ابنِ آدم بندیاں دے حوالے کیتا ویسی اَتے اوہ اوُں کوُ قتل کریسن اَتے اوہ قتل تھیون دے تریئے ڈیہاں بعد زندہ تھی ویسی۔ ³²۳۲۔ پر اوہ ایں گالھ کوُ سمجھدے نہ ہَن اَتے اوُندے کولوں پُچھدیاں ہویا ڈردے ہَن۔³³۳۳۔ وَل اوی کفر نحوم اِچ آئے اَتے جڈاں اوہ گھر وِچ ہا تاں یسوع نے اوُنہاں کولوں پُچھیا کہ تُساں راہ اِچ کیا بحث کریندے ہاوے؟۔ ³⁴۳۴۔ اوہ چُپ رہ گئے کیوں جو اُنہاں نے راہ وِچ ہِک ڈوجھے نال ایہہ بحث کیتی ہائی کہ ساڈے وِچوں وڈا کون ہِے؟۔ ³⁵۳۵۔ وَل اوُں نے بہہ کے اُنہاں باراں کوُ سَڈیا اَتے اُنہاں کوُ آکھیا کہ اگر کوُئی اوّل تھیونا چاہندا ہووے تاں اوہ ساریاں توں پِچھوں آلا نوکر بنے۔³⁶۳۶۔ اوُں نے ہِک بال کوُ گھن کے اُنہاں دے وِچ کھڑے چا کیتے۔ وَل اوُں کوُ گودی وِچ گھن کے اُنہاں کوُ آکھیا۔ ³⁷۳۷۔ جیہڑا کوُئی میڈے ناں تے ایویں بالاں وِچوں ہِک کوُ قبول کریندے اوہ میکوُ قبول کریندے اَتے جیہڑا کوُئی میکوُ قبول کریندے اوہ میکوُ نئیں بلکہ اوُں کوُ جئیں میکوُ گھلیا ہِے قبول کریندے۔³⁸۳۸۔ یوحنا نے اوُں کوُ آکھے اَے اُستاد۔ اَساں ہِک بندے کوُ تیڈے ناں تے بُریاں روُحاں کوُ کڈھیندیاں ہویاں ڈِٹھے اَتے اساں اوُں کوُ منع کیتے کیونکہ اوہ ساڈی فرمانبرداری نئیں کریندا ہا۔ ³⁹۳۹۔ پر یسوع نے آکھے اوُں کوُ ہٹکائے نہ کیوں جو ایہو جئیا کوُئی نئیں جیہڑا میڈے ناں توں معجزے ڈِکھائے اَتے میکوں جلدی بُرا آکھ سگے۔⁴⁰۴۰۔ کیونکہ جیہڑا ساڈے خلاف نئیں اوہ ساڈے نال ہِے۔ ⁴¹۴۱۔ اَتے جیہڑا کوُئی ہِک پانی دا پیالہ ایں کیتے پلاوے کہ تُساں مسیح دے ہو۔ میں تُہاکوُ سچ آدھا ہاں کہ اوہ اپنا اَجر ہر گز نہ ونجیسی۔⁴²۴۲۔ اَتے جیہڑا کوُئی اِنہاں چھوٹیاں وِچوں جیہڑے میڈے تے ایمان گھن آئے ہِنکئیں کو ٹھوکر کھلاون اِیندے کولوں ایہہ چنگا ہِے کہ ہِک وڈی چکی دا پتھر اوُندے گلے وِچ لٹکایا ونجے اَتے اوہ سمندر اِچ سَٹ ڈِتا ونجے۔ ⁴³۴۳۔ اَتے اگر تیڈا ہتھ تیکوُ ٹھوکر کھلاوے تاں اوُں کوُ کَٹ چھوڑ۔ ٹُنڈا تھی کے زندگی وِچ وڑنا تیڈے کیتے ایں کولوں چنگا ہِے کہ تیڈے ڈوُ ہتھ تھیندیاں ہویاں جہنم دے وِچ اوُں بھا اِچ ونجیں جیہڑی کدائیں وی نہ بُجھ سی۔ ⁴⁴۴۴۔ (جتھاں اُنہاں دا کیڑا نئیں مَردا ا۔تے بھا وی نئیں بُجھ دی)۔⁴⁵۴۵۔ اَتے اگر تیڈا پیر تیکوُ ٹھوکر کھلاوے تاں اوُں کوُ کٹ کے سَٹ چھوڑ۔ لنگڑا تھی کے زندگی وِچ وڑنا تیڈے کیتے ایندے کولوں چنگا ہِے کہ تیڈے ڈوُ پیر ہوون اَتے تُوں جہنم اِچ سَٹیا ونجیں۔ ⁴⁶۴۶۔ (جتھاں اُنہاں دا کیڑا نئیں مَردا تے بھا وی نئیں بُجھ دی)۔⁴⁷۴۷۔اَتے اگر تیڈی اَکھ ٹھوکر کھلاوے تاں اوُں کوُ کڈھ چھوڑ۔ کانا تھی کے خدا دی بادشاہی وِچ وڑنا تیڈے کیتے ایندے کولوں چنگا ہِے کہ تیڈے کول ڈوۃ اکھیاں ہوون تے تیکوُ جہنم اِچ سٹیا ونجے۔ ⁴⁸۴۸۔ جتھاں اُنہاں دا کیڑا نئیں مردا اَتے بھا نئیں بُجھ دی۔⁴⁹۴۹۔ کیوں جو ہر ہِِک بندہ بھا نال لوُنا کیتا ویسی (اَتے ہر ہِک قربانی لوُن نال لوُنی کیتی ویسی)۔ ⁵⁰۵۰۔ لوُن چنگا ہِے پر اگر لوُن دا مزہ ویندا راہوے تاں اوہ کیہڑی شئے نال لوُنا کریسو؟ اپنے اِچ لوُن دا مزہ رکھو اَتے ہِک ڈوجھے نال میل جول نال راہو۔

¹۱۔ وَل اوہ اُتھوں اُٹھی کے یہودیہ دی سرحداں وِچ تے یردن دے پار آیااَتے بھیِڑ اوُندے کول وَل جمع تھی گئی اَتے اوہ اپنے دستور دے موافق وَل اُنہاں کوُ تعلیم ڈیون لگ پئیے۔ ²۲۔ اَتے فریسیاں نے کول آ کے اوُں کوُ آزماون کیتے اوُندے کولوں پُچھیا کیا ایہہ جائز ہِے کہ بندہ اپنی ذال کوُ چھوڑ ڈیوے؟۔ ³۳۔ یسوع نے اُنہاں کوُ جواب اِچ آکھیا کہ موسیٰ نے تُہاکوُ کیا حکم ڈِتے؟۔ ⁴۴۔ اُنہاں نے آکھے موسیٰ نے تاں اجازت ڈِتی ہِے کہ طلاق نامہ لکھ کے چھوڑ ڈیووں۔⁵۵۔ پر یسوع نے اُنہاں کوُ آکھے کہ موسیٰ نے تُہاڈی سخت دِلی دے پاروں تُہاڈے کیتے ایہہ حکم لکھیا ہا۔ ⁶۶۔ لیکن دُنیا بناون دے شروع توں خدا نے اُنہاں کوُ مَرد تے تریہمت بنائے۔⁷۷۔ اِیں کیتے بندہ اپنے پیئو توں تے ماں توں اَنج تھی کے اپنی ذال نال ملیا راہسی۔ ⁸۸۔ اَتے اوہ تے اوُندی ذال ڈوُہئیں ہِک جسم تھی سن۔ پس اوہ ڈوُ نئیں بلکہ ہِک جسم ہِن۔ ⁹۹۔ اِیں کیتے جینکوُ خدا نے جوڑیا ہِے اوُں کوُ بندہ اَنج نہ کرے۔¹⁰۱۰۔ وَل اوہ جیہڑے ویلے اوہ گھر وِچ ہَن اوُندے چیلیاں نے وَلا اوُندے کولوں اِندے بارے وِچ پُچھیا۔ ¹¹۱۱۔ یسوع نے اُنہاں کوُ آکھیا جیہڑا کوُئی اپنی ذال کوُ چھوڑ کے ڈوجھی نال ویاہ کریندے اوہ اوُں پہلی دے برخلاف زِنا کریندے۔ ¹²۱۲۔ اَتے اگر تریہمت اپنے پئے کو چھوڑ کے ڈوجھے نال ویاہ کریندی ہِے تاں اوہ وی زِنا کریندی ہِے۔¹³۱۳۔ وَل لوگ اپنے بالاں کوُ یسوع دے کول گھن کے آون لگے تاں جو اوہ اُنہاں کوُ ہتھ لاوے پر چیلیاں نے اُنہاں کوُ جھڑکیا۔ ¹⁴۱۴۔ یسوع ایہہ ڈیکھ کے ناراض تھیا اَتے اُنہاں کوُ آکھن لگے بالاں کوُ میڈے کول آون ڈیوو۔ اُنہاں کوُ نہ ہٹکو کیوں جو خدا دی بادشاہی ایہو جیہاں دی ہی ہِے۔¹⁵۱۵۔ میں تُہاکوُ سچ آدھا ہاں کہ جیہڑا کوُئی خدا دی بادشاہی کوُ بالاں دی کار قبول نہ کرے اوہ اوُندے وِچ نہ وڑ سگسی۔ ¹⁶۱۶۔ وَل یسوع نے بالاں کوُ اپنی گودی وِچ چا کے اَتے اُنہاں تے ہتھ رکھ کے اُنہاں کو برکت ڈِتی۔¹⁷۱۷۔ اَتے جیہڑے ویلے اوہ باہر نکل کے راہ اِچ ویندا پیا ہا تاں ہِک بندہ بھجدا ہویا اوُندے کول آیا اَتے اوُندے اَگے گوڈے زمین تے لا کے اوُندے کولوں پُچھن لگے کہ اَے نیک اُستاد میں کیا کراں جو ہمیشہ دی زندگی میکوُ مِل ونجے؟۔ ¹⁸۱۸۔ یسوع نے اوُں کوُ آکھیا تُوں کہوں میکوُ نیک آدھیں؟ کوُئی وی نیک نئیں پر ہِک ہِے یعنی خدا۔ ¹⁹۱۹۔ تُو حکماں کوُ تاں جان دا ہیئں۔ قتل نہ کر۔ زِنا نہ کر۔ چوری نہ کر۔ کوُڑی گواہی نہ ڈے۔کئیں کوُ دھوکا ڈے کے اوُندا نقصان نہ کر۔ اپنے پیئو دی تے ماں دی عزت کر۔²⁰۲۰۔ اوُں بندے نے یسوع کوُ آکھیا اَے اُستاد میں تاں جیہڑے ویلے نِکا ہامی اوُں ویلے توں اِنہاں ساریاں گالہیں تے عمل کریندا آیا ہاں۔ ²¹۲۱۔ یسوع نے اوُندے تے نظر کیتی اَتے اوُں کوُ اوُندے تے پیار آیا اَتے اوُں کوُ آکھیا ہِک گالھ دی تیڈے وِچ کمی ہِے۔ وَنج جو کجھ تیڈا ہِے ویچ کے غریباں کوُ ڈے چھوڑ۔ تیکوُ آسمان تے خزانہ مِلسی اَتے آ کے میڈے پیچھے تھی وَنج۔ ً ²²۲۲۔ اِیں گالھ توں اوُندا چہرہ اُداس تھی گیا اَتے اوہ بہوپں ڈُکھی تھی کے لگا گیا کیوں جو اوہ وڈا مالدار ہا۔²³۲۳۔ وَل یسوع نے چاریاں پاسے ڈیکھ کے اپنے چیلیاں کوُ آکھیا امیر بندیاں دا خدا دی بادشاہی وِچ وڑنا کیہو جیا مشکل ہِے۔ ²⁴۲۴۔ چیلے یسوع دیاں گالہیں توں بہوُں حیران تھئے۔ یسوع نے وَلا جواب اِچ اُنہاں کوُ آکھیا بالو! جیہڑے بندے اپنی دولت تے بھروسہ رکھیندِن اُنہاں کیتے خدا دی بادشاہی اِچ وڑنا بہوُں ای مشکل ہِے۔ ²⁵۲۵۔ اُٹھ دا سوئی دی موری وِچوں لنگھ ونجنا اِیندے کولوں آسان ہِے کہ امیر بندہ خدا دی بادشاہی وِچ وڑ سگے۔²⁶۲۶۔ اوہ بہوُں ای حیران تھی کے اوُں کوُ آکھن لگے وَل کون نجات پا سگدے؟۔ ²⁷۲۷۔ یسوع نے اُنہاں دے پاسے ڈیکھ کے آکھیا ایہہ بندیاں توں تاں نئیں تھی سگدے پر خدا کولوں تھی سگدے کیونکہ خدا سب کجھ کر سگدے۔ ²⁸۲۸۔ پطرس اوُں کوُ آکھن لگے ڈیکھ اساں تاں سارا کجھ چھوڑ کے تیڈے پِچھوں ٹُر پئے آں۔²⁹۲۹۔ یسوع نے آکھیا میں تُہاکوُ سچ آدھا ہاں کہ ایہو جیا کوئی بندہ نئیں جئیں نے گھر یا بِھراواں یا بھیناں یا ماں یا پیئو یا بالاں یا کھیتاں کوُ میڈے کیتے اَتے اِنجیل دے کیتے چھوڑ ڈِتا ہووے۔ ³⁰۳۰۔ اَتے وَل ہُن اِیں زمانے اِچ سَو گُنا نہ پاوے۔ گھر تے بِھرا تے بھیناں تے ماواں تے بال تے کھیت پر ظُلم دے نال۔ اَتے آون آلے جہان اِچ ہمیشہ دی زندگی۔ ³¹۳۱۔ پر بہوُں سارے جیہڑے اوّل ہِن چھیکڑ تھی ویسن تے اَتے چھیکڑ اوّل۔³²۳۲۔ اَتے اوہ یروشلیم کوُ ویندیاں ہویاں رَستے اِچ ہَن تاں یسوع اُنہاں دے اگے اگے ویندا پیا ہا۔ اوہ بہوُں حیران تھیون لگ پئے اَتے جیہڑے پِچھوں پِچھوں چلدے پئے ہَن ڈر اِچ پے گئے۔ وَل اوہ وَلا اُنہاں بارہ کوُ نال گھن کے اُنہاں کوُ اوہ گالہیں ڈساون لگے جو اوُندے تے آون آلیا ہَن۔ ³³۳۳۔ ڈیکھو اساں یروشلیم کوُ ویندے پئے ہاں اَتے ابنِ آدم سردار کاہناں تے فقیہاں دے حوالے کیتا ویسی اَتے اوہ اوُندے قتل دا حکم ڈیسن اَتے اوُں کوُ غیر قوماں دے حوالے کریسن۔ ³⁴۳۴۔ وَل اوہ اوُندا مذاق اُڑاسن تے اوُندے تے تُھک سٹیسن تے کوڑے مارسن تے قتل کر ڈیسن اَتے تریئے ڈیہاں بعد اوہ زندہ تھی ویسی۔³⁵۳۵۔ وَل زبدی دے پُتراں یعقوب تے یوحنا نے اوُندے کول آ کے اوُں کوُ آکھیا اَے اُستاد! اساں چاہندے ہئیں کہ جیہڑی گالھ اَساں تیڈے اگے رکھوں تُوں ساڈے کیتے کریں۔ ³⁶۳۶۔ یسوع نے اُنہاں کوُ آکھیا تُساں کیا چاہندے ہیوے کہ میں تُہاڈے کیتے کراں؟۔ ³⁷۳۷۔ اُنہاں نے اوُں کوُ آکھیا ساڈے کیتے ایہہ کر کہ تیڈے جلال وِچ ساڈے وِچوں ہِک تیدے سجے پاسے اَتے ہِک تیڈے کھبے پاسے باہوے۔³⁸۳۸۔ یسوع نے اُنہاں کوُ آکھیا تُساں نئیں وے جان دے جو کیا منگدے ہیوے۔ جیہڑا پیالہ میں پیون آلا ہاں کیا تُساں پی سگدے ہیوے؟ اَتے جیہڑا بپتسمہ مین گھنن آلا ہاں تپساں گھن سگدے ہیوے؟۔ ³⁹۳۹۔ اُنہاں نے اوُں کوُ آکھیا ساڈے کولوں تھی سگدے۔ یسوع نے اُنہاں کوٗ آکھیا جیہڑا پیالہ میں پیون آلا ہاں تُساں پی سو اَتے جیہڑا بپتسمہ میں گھنن آلا ہاں تُساں گھن سو۔ ⁴⁰۴۰۔ پر اپنے سجے یا کھبے پاسے کئیں کوُ بیلاہونا میڈا کم نئیں پر جنہاں دے کیتے تیار کیتا گیا ہِے اُنہاں کیتے ای ہِے۔⁴¹۴۱۔ وَل جیہڑے ویلے اُنہاں ڈاہ چیلیاں نے ایہہ سُنیا تاں یعقوب تے یوحنا بہوُں ناراض تھیون لگے۔ ⁴²۴۲۔ پر یسوع نے اُنہاں کوُ کول سَڈ کے اُنہاں کوُ آکھے تُساں جان دے ہیوے کہ جو کجھ غیر قوماں دے سردار سمجھے ویندِن اوہ اُنہاں تےحکومت کریندِن اَتے اُنہاں دے امیر اُنہاں تے اختیار جتاندِن۔⁴³۴۳۔ پر تُساں ایہو جئے نئیں بلکہ جیہڑا تُہاڈے وِچوں وڈا تھیونا چاہوے اوہ تُہاڈا نوکر بنے۔ ⁴⁴۴۴۔ اَتے جیہڑا تُہاڈے وِچوں اوّل تھیونا چاہوے اوہ ساریاں دا نوکر بنے۔ ⁴⁵۴۵۔ کیوں جو ابنِ آدم وی ایں کیتے نئیں آیا کہ خدمت کرواوے بلکہ ایں کیتے کہ خدمت کرے تے اپنی جان بہوُں ساریاں دے بدلے اِچ فدیہ اِچ ڈیوے۔⁴⁶۴۶۔ وَل اوہ یریحو وِچ آئے اَتے جیہڑے ویلے اوہ تے اوُندے چیلے تے ہِک وڈی بِھیڑ یریحو توں نکلدی پئی ہا تاں تِمائی دا پُتر برتِمائی اکھیاں توں اندھا فقیر راہ دے کنارے تے بیٹھا ہا۔ ⁴⁷۴۷۔ اَتے ایہہ سُن کے کہ یسوع ناصری ہِے اُچی آواز نال آکھن لگا اَے ابنِ داؤد! اَے یسوع! میڈے تے رَحم کر۔ ⁴⁸۴۸۔ اَتے بہوُں سارے بندیاں نے اوُں کو چُپ کرایا کہ چُپ رِہ پر اوہ بئی وی اُچی آواز نال آکھن لگے کہ اَے اِبنِ داؤد میڈے تے رَحم کر!۔⁴⁹۴۹۔ یسوع نے کھڑے تھی کے آکھیا اِیں کوُ سَڈو۔ اُنہاں نے اوُں اندھے کوُ ایہہ آکھ کے سَڈیا کہ حوصلہ رکھ۔ اُٹھی کہ اوہ تیکوُ سڈیندا پئے۔ ⁵⁰۵۰۔ اوُں نے اپنا کپڑا سَٹ کے خوشی نال ٹپا مارے اَتے یسوع دے کول آیا۔⁵¹۵۱۔ یسوع نے اوُں کوُ آکھیا تُوں کیا چاہندا ہئیں کہ میں تیڈے کیتے کراں؟ اوُں اندھے نے یسوع کوُ آکھیا اَے ربونی! ایہہ کہ میں ڈیکھنا چاہندا ہاں۔ ⁵²۵۲۔ یسوع نے اوُں کوُ آکھیا ونج تیڈے ایمان نے تیکوُ چنگا کر ڈِتے۔ اوہ فوراً ہی ڈیکھن لگ پیا اَتے راہ اِچ اوُندے پچھوں ٹُر پیا۔

¹۱۔ جیہڑے ویلے اوہ یروشلیم دے نیڑے زیتون دے پہاڑ تے بیت فگے تے بیت عنیاہ دے کول آئے تاں یسوع نے اپنے چیلیاں وِچوں ڈوُ کو گھلیا۔ ²۲۔ ا۔تے اُنہاں کوُ آکھیا اپنے سامنے دے پِنڈ وِچ ونجو اَتے اوُن دے وِچ وڑدے ہی ہِک گڈھاں دا بچہ بدھیا ہویا تُہاکوُ مِلسی جیندے تے کوُئی وی بندہ ہُن تائیں چڑھیا نئیں۔ اوُں کوُ کھول کے گھن آؤ۔ ³۳۔ اَتے اگر کوُئی تُہاکوُ آکھے کہ تُساں ایہہ کیوں کریندے ہیوے؟ تاں اُنہاں کوُ اکھوائے کہ خداوند کوُ اِیندی ضرورت ہِے۔ اوہ فوراً اوُں کوُ اِتھاں بھیج ڈیسی۔⁴۴۔ پس اوہ گئے اَتے گڈھاں دے بچے کوُ دروازے دے نیڑے باہر چوک اِچ رسی نال بدھا ہویا ڈِٹھا اَتے اوُں کوُ کھولن ڈے پئے۔ ⁵۵۔ پر جیہڑے لوگ اُتھاں کھڑے ہَن اُنہاں وِچوں کجھ نے اُنہاں کوُ ایہہ آکھیا ایہہ کیا کریندے ہیوے کہ گڈھاں دے بچے کوُ گھن کے ویندے ہیوے؟۔ ⁶۶۔ اُنہاں نے جیویں یسوع نے آکھیا ہا اوُں وے ہی اُنہاں کوُ آکھ ڈِتے وَل اُنہاں نے اوُں کو ونجن ڈِتے۔⁷۷۔ وَل اوہ گڈھاں دے بچے کوُ یسوع دے کول گھن آئے اَتے اپنے کپڑے اوُندے تے سَٹ ڈِتے اَتے اوہ اوُندے تے سوار تھی گیا۔ ⁸۸۔ اَتے بہوُں سارے لوگاں نے اپنے کپڑے راہ وِچ وچھا ڈِتے۔ بئے لوگاں نے کھیتاں وِچوں شاخاں کٹ کے وچھا ڈِتیاں۔ ⁹۹۔ اَتے جیہڑے اوُں دے اَگے اَگے ویندے تے پِچھے پِچھے ٹُرے پئے آندے ہَن ایہہ پکار پکار کے آدھے ویندے ہن ہوشعنا ۔ مبارک ہِے اوہ جیہڑا خداوند دے ناں توں آندا ہِے۔ ¹⁰۱۰۔ مُبارک ہِے ساڈے پیئو ڈاڈے دی بادشاہی جیہڑی آندی پئی ہِے۔ عالمِ بالا تے ہوشعنا۔¹¹۱۱۔ اَتے اوہ یروشلیم داخل تھی کے ہیکل وِچ آیا اَتے چاریاں پاسے ساریاں شئیاں ڈیکھ کے اُنہاں بارہ دے نال بیت عنیاہ کوُ گیا کیونکہ شام تھی گئی ہائی۔ ¹²۱۲۔ ڈوجھے ڈِیں جڈاں اوہ بیت عنیاہ وِچوں نکلے تاں اوُں کوُ بُھک لگی۔¹³۱۳۔ اَتے اوہ دوُر توں انجیر دا درخت جیں دے وِچ پتّے ہَن ڈیکھ کے گیا کہ شاید اوُندے وِچ کجھ مِل ونجے۔ پر جیہڑے ویلے اوُندے کول گیا تاں پتیاں دے علاوہ کجھ نہ ہا کیونکہ انجیر دا موسم نہ ہا۔ ¹⁴۱۴۔ یسوع نے اوُں کوُ آکھے ہُن توں گھن کے تیڈے وِچ کڈائیں وی پھل نہ لگےاَتے اوُندے چیلیاں نے ایہہ سُنیا۔¹⁵۱۵۔ وَل اوہ یروشلیم اِچ آئے اَتے یسوع ہیکل اِچ داخل تھیا تے اُنہاں کوُ جیہڑے ہیکل اِچ خریدوفرخت کریندے پئے ہَن باہر کڈھن لگا اَتے صرافیاں دیاں میزاں تے کبوتر ویچن آلیاں دیاں چوکیاں کوُ اُلٹ ڈِتے۔ ¹⁶۱۶۔ اَتے اوُں نے کئیں کوُ وی ہیکل اِچوں کوُئی وی سامان چا تے نہ ونجن ڈِتا۔¹⁷۱۷۔ اَتے وَل اپنی تعلیم اِچ اُنہاں کوُ آکھیا کیا ایہہ نئیں لکھا لاتھے کہ میڈا گھر ساریاں قوماں کیتے دُعا دا گھر اکھواسی؟ پر تُساں ایں کوُ ڈاکواں دی جاہ بنا چھوڑے۔ ¹⁸۱۸۔ اَتے سردار کاہن تے فقیہہ ایہہ سُن کے اوُں کوُ مار سَٹن دا موقع گولیندے راہے کیوں جو اوُندے کولوں ڈردے ہَن اِیں کیتے جو سارے لوگ اوُندی تعلیم توں حیران ہَن۔ ¹⁹۱۹۔ اَتے ہر روز شام کوُ اوہ شہر کنوں باہر ویندا ہا۔²⁰۲۰۔ وَل اوہ سویر کوُ جیہڑے اوہ اُتھوں لنگھے تاں اُنہاں نے ڈِٹھا کہ اوہ انجیر دا درخت جڑ تائیں سُکا پیا ہا۔ ²¹۲۱۔ پطرس کوُ اوہ گالھ یاد آئی اَتے اوُں کوُ آکھن لگا اَے ربی! ڈیکھ ایہہ انجیر دا درخت جیندے تے تُوں لعنت کیتی ہائی سُک گیا ہِے۔²²۲۲۔ یسوع نے جواب اِچ اُنہاں کوُ آکھیا خدا تے ایمان رکھو۔ ²³۲۳۔ میں تُہاکوُ سچ آدھا ہاں کہ جیہڑا کوُئی اِیں پہاڑ کوُ آکھسی تُوں اُکھڑ ونج تے سمندر اِچ ڈھے پَو اَتے اپنے دِل اِچ شک نہ کریسو بلکہ یقین کریسو کہ جو کجھ آکھا گیا ہِے اوہ تھی ویسی تاں اوُندے کیتے اوہو تھیسی۔²⁴۲۴۔ اِیں کیتے میں تُہاکوُ آدھا ہاں کہ جو کجھ تُساں دُعا اِچ منگسو تاں یقین کرو کہ اوہ تُہاکوُ مِل گئے اَتے اوہ تُہاکو مِل ویسی۔ ²⁵۲۵۔ اَتے جڈاں کڈائیں تُساں کھڑے تھی کے دُعا کریندے ہیوے اگر تُہاکوُ کئیں کولوں کجھ شکایت ہِے تاں اوُں کوُ معاف کروتاں جو تُہاڈا آسمانی باپ وی جیہڑا آسمان تے ہِے تُہاڈے گُناہ معاف کرے۔ ²⁶۲۶۔ (اَتے اگر تُساں معاف نہ کریسو تاں تُہاڈا باپ جیہڑا آسمان تے ہِے تُہاڈے گُناہ وی معاف نہ کریسی)۔²⁷۲۷۔ وَل اوہ وَلا یروشلیم اِچ آئے اَتے جداں اوہ ہیکل اِچ پھردا پیا ہا تاں سردار کاہن تے فقیہہ تے بزرگ اوُندسے کول آئے۔ ²⁸۲۸۔ اَتے اوُں کوُ آکھن لگے تُوں اِنہاں کماں کوُ کیندے اختیار نال کریندِیں؟یا اِنہاں کماں دے کرن دا تیکوُ کئیں اختیار ڈِتے؟۔²⁹۲۹۔ یسوع نے اُنہاں کوُ آکھیا میں تُہاڈے کولوں ہِک گالھ پچھدا ہاِں تُساں جواب ڈیسو تاں میں وی تُہاکوُ ڈسیساں جو اِنہاں کماں کوُ کیندے اختیار نال کریندا ہاں۔ ³⁰۳۰۔ یوحنا دا بپتسمہ آسمان دی طرفوں ہا یا انسان دی طرفوں؟ میکوُ جواب ڈیوو۔³¹۳۱۔ وَل اوہ آپس اِچ آکھن لگے کہ اگر اساں آدھے ہئیں آسمان دی طرفوں تاں اوہ آکھسی وَل تُساں اوُندا یقین کیوں نہ کیتے؟ ³²۳۲۔ اَتے اگر آدھے ہئیں کہ انسان دی طرفوں ہِے تاں لوگاں دا ڈر ہِے اِیں کیتے کہ سارے لوگ یوحنا کوُ واقعی نبی جان دے ہِن۔ ³³۳۳۔ پس اُنہاں نے جواب اِچ یسوع کوُ آکھیا ساکوُ نئیں پتا اساں نئیں جان دے۔ یسوع نے اُنہاں کوُ آکھیا میں وی تُہاکوُ نئیں ڈسیندا جو اِنہاں کماں کوُ کئیں دے اختیار نال کریندا ہاں۔

¹۱۔ وَل یسُوع اُنہاں نال تمثیلاں اِچ گالہیں کرن لگا کہ ہِک بندہ ہا جئیں نے تاکستان (انگور دا باغ) لایا تے اوُندے چودھاروُں واڑ لائی اَتے حوض وی بنائے تے بُرج وی اَتے اوُں کوُ ٹھیکے تے ڈے کے پردیس لگا گیا۔ ²۲۔ وَل جیہڑے ویلے پھل دا موسم آیا تاں اوُں نے ہِک نوکر کوُ باغباناں کول گھلیا کہ پھلاں دا اپنا حصہ گھن آوئے۔ ³۳۔ پر اُنہاں نے اوُں کوُ پکڑ کے ماریا تے خالی ہتھ واپس بھیج ڈِتا۔⁴۴۔ اوُں نے وَل ہِل بئے نوکر کوُ اُنہاں دے کول گھلیا پر اُنہاں نے اوُں دا سر پھاڑ ڈِتا اَتے بےعزت وی کیتا۔ ⁵۵۔ وَل اوُں نے ہِک بئے نوکر کوُ گھلیا۔ اُنہاں نے اوُں کوُ قتل چا کیتا۔ وَل اوُں نے بہوُں ساریاں کوُ گھلیا۔ اُنہاں نے اُنہاں نے اُنہاں وِچوں کئیاں کوُ ماریا تے کئیاں کوُ قتل کیتا۔⁶۶۔ ہُن ہِکو باقی ہا جیہڑا اوُندا پیارا پُتر ہا اوُں نے آخر اِچ اوُں کوُ اُنہاں دے کول ایہہ سوچ کے گھلیا جو اوہ میڈے پُتر دا تاں لحاظ کریسن۔ ⁷۷۔ پر اُنہاں باغباناں نے آپس اِچ مشورہ کیتا کہ ایہو ہِے جیہڑا وارث ہِے۔ آؤ ایں کوُ قتل کر چھوڑوں۔ وَل میراث ساڈی تھی ویسی۔⁸۸۔ پس اُنہاں نے اوُں کو پکڑ کے قتل کیتا اَتے تاکستان (انگور دا باغ) دے باہر سَٹ ڈِتا۔ ⁹۹۔ ہُن تاکستان (انگور دا باغ) دا مالک کیا کریسی؟ اوہ آسی تے اُنہاں باغباناں کوُ ہلاک کر کے تاکستان (انگور دا باغ) بئے باغباناں کوُ ڈے ڈیسی۔¹⁰۱۰۔ کیا تُساں ایہہ نوشتے اِچ نئیں پڑھیا کہ جئیں پتھر کوُ مستریاں نے رَد کر ڈِتے اوہو کونے دے سِرے دا پتھر تھی گیا۔ ¹¹۱۱۔ ایہہ خداوند دی طرفوں تھیا اَتے ساڈی نظر اِچ عجیب ہِے؟۔ ¹²۱۲۔ اِیں توُں اوہ یسوع کوُ پکڑن دی کوشش اِچ لگ گئے پر لوگاں توں ڈر گئے کیونکہ اوہ سمجھ گئے ہَن کہ اوُں نے تمثیل اُنہاں تے ہی آکھی ہِے۔ وَل اوہ اوُں کوُ چھوڑ کے لگے گئے۔¹³۱۳۔ وَل اُنہاں نے کجھ فریسیاں تے ہیرودیاں کوُ اوُں دے کول گھلیا تاں جو اوُں کوُ گالہیں وِچ پھنساون۔ ¹⁴۱۴۔ اَتے اُنہاں نے آ کے اوُں کوُ آکھیا اَے اُستاد اساں جان دے ہئیں کہ تُو سچا ہئیں اَتے کئیں دی پرواہ نئیں کریندا کیونکہ تُو کئیں بندے دا طرفدار نئیں بلکہ سچائی دے نال خدا دی راہ دی تعلہیم ڈیندا ہئیں۔ ¹⁵۱۵۔ وَل ساکوُ ڈس کہ قیصر کوُ جزیہ ڈیونا جائز ہِے یا نئیں؟ اساں ڈیووں یا نہ ڈیووں؟ یسوع نے اُنہاں دی ایاکاری دا پتا لا کے اُنہاں کوُ آکھیا تُساں میکوُ کیوں آزماندے ہیوے؟ میڈے کول ہِک دینار گھن آؤ کہ میں ڈیکھاں۔¹⁶۱۶۔ اوہ ہک دینار گھن آئے یسوع نے اُنہاں کوُ آکھیا ایہہ صورت تے ناں کئیں دا ہِے؟ اُنہاں نے اوُں کوُ آکھیا قیصر دا۔ ¹⁷۱۷۔ یسوع نے اُنہاں کوُ آکھیا جو قیصر دا ہِے قیصر کوُ ڈیوو اَتے جو خدا دا ہِے خدا کو ادا کرو۔ ااُنہاں نے ایں دے تے بہوں تعجب کیتے۔¹⁸۱۸۔ وَل صدوقیاں نے جو آدھے ہَن کہ قیامت نہ ہوسیاوُندے کول آ کے اوُں کوُ ایہہ سوال کیتے کہ ¹⁹۱۹۔ اَے اُستاد!موسیٰ دی شریعت اِچ لکھا لاتھے کہ اگر کئیں دا بِھرا بے اولاد مَر ونجے اَتے اوُندی رِہ ونجے تاں اوُندا بِھرا اوُندی ذال نال ویاہ کر گھنے تاں جو اپنے بِھرا دی نسل پیدا کرے۔²⁰۲۰۔ سَت بِھرا ہَن۔ پہلے نے ذال کیتی اَتے اوہ بے اولاد مَر گیا۔ ²¹۲۱۔ ڈوجھے نے اوُندے نال ویاہ کیتا پر اوہ وی بے اولاد مَر گیا اَتے ایویں ای تریجھے نے کیتا۔ ²²۲۲۔ اِتھوں تائیں کے ستوں بِھرا بے اولاد مَر گئے۔ ساریاں دے بعد اوہ تریہمت وی مَر گئی۔ ²³۲۳۔ قیامت اِچ ایہہ اُنہاں وِچوں کئیں دی ذال ہوسی؟ کیونکہ اوہ ستاں بِھراواں دی ذال بنی ہائی۔²⁴۲۴۔ یسوع نے اُنہاں کوُ آکھیا کیا تُساں اِیں پاروں گمراہ نئیں کہ نہ تاں کتابِ مُقّدس کوُ جان دے ہیوے اَتے نہ خدا دی قُدرت کوُ؟۔ ²⁵۲۵۔ کیونکہ جڈاں لوگ مُردیاں وِچوں زندہ تھی سن تاں اُنہاں وِچ ویاہ شادی نہ ہوسی بلکہ آسمان تے فرشتیاں دی کار ہوسن۔²⁶۲۶۔ پر اِیں بارے وِچ کہ مُردے زندہ تھی ویندِن کیا تُساں موسیٰ دی کتاب اِچ جھاڑی دے ذکر اِچ نئیں پڑھیا کہ خدا نے اوُں کوُ کیا آکھے کہ میں ابرہام دا خدا تے اضحاق دا خدا تے یعقوب دا خدا ہاں؟۔ ²⁷۲۷۔ اوہ تاں مُردیاں دا خدا نئیں بلکہ زندہ لوگاں دا خدا ہِے۔ پس تُساں وڈے گمراہ ہیوے۔²⁸۲۸۔ اَتے فقیہاں وِچوں ہِک نے اُنہاں کوُ بحث کریندیاں ہویا سُن کے جان گِدے کہ یسوع نے اُنہاں کوُ خوب جواب ڈِتے۔ اوہ کول آیا تے اوُندے کولوں پُچھیا کہ سارے حکماں وِچوں اوّل کیہڑا ہِے؟۔ ²⁹۲۹۔ یسوع نے جواب ڈِتے کہ اوّل ایہہ ہِے کہ اَے اسرائیل سُن۔ خداوند ساڈا خدا ہِک ہی خداوند ہِے۔ ³⁰۳۰۔ اَتے تُو خداوند اپنے خدا نال اپنے سارے د،ل تے اپنی ساری جان تے اپنی ساری عقل تے اپنی ساری طاقت نال محبت رکھ۔ ³¹۳۱۔ ڈوجھا ایہہ ہِے کہ تُو اپنے گواہنڈی اپنے برابر محبت رکھ۔ ایندے توں وڈا کوُئی حکم نئیں۔³²۳۲۔ فقیہہ نے اوُں کوُ آکھیا اَے اپستاد بہوُں خوب! تُوں سچ آکھے کہ اوہ ہِک ہی ہِے اَتے اوُندے علاوہ کوُئی وی ڈوجھا نئیں۔ ³³۳۳۔ اَتے اوُندے نال سارے دِل تے ساری عقل تے ساری طاقت نال محبت رکھنا تے اپنے گواہنڈی نال اپنے برابر محبت رکھنا ساری سوختنی قربانیاں تے نذراں کنوں ودھ کے ہِے۔ ³⁴۳۴۔ جڈاں یسوع نے ڈِٹھا کہ اوُں نے عقلمندی نال جواب ڈِتے تاں اوُں نے آکھیا تُوں خدا دی بادشاہی توں دوُر نئیں اَتے وَل کئیں کوُ وی اوُں کوُ سوال کرن دی جُرات نہ کیتی۔³⁵۳۵۔ وَل یسوع نے ہیکل اِچ تعلیم ڈیندے ویلے ایہہ آکھیا کہ فقیہہ کیویں آدھے ہِن کہ مسیح داؤد دا پُتر ہِے؟۔ ³⁶۳۶۔ داؤد نے تاں آپ روُح القُدس دی ہدایت نال آکھے کہ خداوند نے میڈے خداوند کوُ آکھے میڈے سجے پاسے بہہ جداں تائیں میں تیڈے دشمناں کوُ تیڈے پیراں دے تھلے دی چوکی نہ بنا چھوڑاں۔ ³⁷۳۷۔ داؤد تاں آپ اوُں کوُ خداوند آدھے۔ وَل اوہ کیویں اوُندا پُتر سگدے؟ اُتھوں دے عام لوگ خوشی نال اوُندیاں گالہیں سُندے پئے ہَن۔³⁸۳۸۔ وَل اوُں نے اپنی تعلیم اِچ آکھے کہ فقیہیاں کولوں خبردار رہوائے جیہڑے لمبے لمبے چوغے پا کے پھر دے ہِن تے بازاراں اِچ سلام وی کرواونا چاہندِن۔ ³⁹۳۹۔ اَتے عبادت خانیاں اِچ اعلیٰ درجے دیاں کرسیاں تے ضیافتاں اِچ اُچے مقام تے باہونا چاہندِن۔ ⁴⁰۴۰۔ اَتے اوہ بیواواں دے گھراں کوُ ہڑپ کر گھنن دے ہِن اَتے ڈِکھاوے کیتے لمبیاں لمبیاں نمازاں پڑھدِن۔ اِنہاں کوُ زیادہ سزا ملسی۔⁴¹۴۱۔ وَل یسوع ہیکل دفے خزانے دے سامنے بیٹھا ڈیدھا پیا ہا کہ لوگ ہیکل دے خزانے اِچ کیویں پیسے پاندِن اَتے بہوُں سارے دولت مند بہوُں کجھ پاندے پئے ہِن۔ ⁴²۴۲۔ اوُں ویلے ای ہِک کنگال بیوہ نے آ کے ڈوُ دمڑِیاں یعنی ہِک دھیلا پایا۔⁴³۴۳۔ یسوع نے اپنے چیلیاں کوُ کول سَڈ کے اُنہاں کوُ آکھے میں تُہاکوُ سچ آدھا ہاں کہ جیہڑے لوگ ہیکل دے خزانے وِچ پاندےے پئے ہَن اُنہاں ساریاں توں زیادہ اِیں کنگال بیوہ نے پائے۔ ⁴⁴۴۴۔ کیونکہ ساریاں نے اپنے بہوُں مال دی وجہ توں پائے پر اِیں نے اپنی غریبی دی حالت اِچ جو کجھ اِیں دے کول ہا یعنی اپنی ساری کمائی پا چھوڑی۔

¹۱۔ جڈاں اوہ ہیکل وِچوں باہر ویندا پیا ہا تاں اوُندے چیلیاں وِچوں ہِک نے اوُں کوُ آکھے اَے اُستاد۔ ڈیکھ ایہہ کیہو جئے پتھر تے کیہو جیہاں عمارتاں ہِن!۔ ²۲۔ یسوع نے اوُں کوُ آکھے تُوں اِنہاں وڈیاں وڈیاں عمارتاں کوُ ڈیدھا ہئیں؟ اِتھیاں کوُئی وی پتھر تے پتھر باقی نہ راہسی جیہڑا ڈھایا نہ ویسی۔³۳۔ جڈاں اوہ زیتون دے پہاڑ تے ہیکل دے سامنے بیٹھا ہا تاں پطرس تے یعقوب تے یوحنا تے اندریاس نے اَنج تھی کے اوُندے کولوں پُچھیا۔ ⁴۴۔ ساکوُ ڈس کہ ایہہ گالہیں کڈاں پوریاں تھی سن؟ اَتے جیہڑے ویلے ایہہ ساریاں گالہیں پوریاں تھیون آلیاں ہوسن اوُں ویلے دا کیا نشان ہوسی؟⁵۵۔ یسوع نے اُنہاں کوُ آکھنا شروع کیتا کہ خبردار کوُئی تُہاکوُ گمراہ نہ کر ڈیوے۔ ⁶۶۔ بہوُں سارے میڈے ناں توں آسن اَتے آکھسن کہ اوہ میں ای ہاں اَتے بہوُں سارے لوگاں کوُ گمراہ کریسن۔⁷۷۔ اَتے جیہڑے ویلے لڑائیاں تے لڑائیاں دی افواہ سُنسو تاں گھبریج نہ ونجائے۔ اِنہاں گالہیں دا تھیونا ضرور ہِے پر اوُں ویلے خاتمہ نہ تھی سی۔ ⁸۸۔ کیونکہ قوم تے قوم اَتے سلطنت تے سلطنت چڑھائی کریسی۔ جاہ جاہ تے زلزلے آسن اَتے کال وی پوسن۔ ایہہ مصیبتاں دا شروع ای ہوسن۔⁹۹۔ پر تُساں خبردار راہوائے کیونکہ لوگ تُہاکوُ عدالتاں دے حوالے کریسن تے تُساں عبادت خانیاں اِچ ماراں کھاسو تے حاکماں تے بادشاہواں دے سامنے میڈی خاطر حاضر کیتے ویسو تاں جو اُنہاں کیتے گواہی ہوئے۔ ¹⁰۱۰۔ اَتے ضرور ہِے کہ پہلے ساریاں قوماں اِچ اِنجیل دی مُنادی کیتی ونجے۔¹¹۱۱۔ پر جڈاں تُہاکوُ اوہ حوالے کریسن تاں تُساں فکر نہ کرائے کہ اَساں کیا آکھسوُں بلکہ جو کجھ اوُں ویلے تُہاکوُ ڈسایا ویسی اوہو اکھوائے کیونکہ آکھن آلے تُساں نئیں ہوسو بلکہ روُح القّدس ہِے۔ ¹²۱۲۔ اَتے بِھرا کوُ بِھرا تے پُتر کوُ پیئو قتل کیتے حوالے کیتا ویسی اَتے پُتر ماں پئیو دے برخلاف کھڑے تھی کے اُنہاں کوُ مروا سٹیسن۔ ¹³۱۳۔ اَتے میڈے ناں دے پاروُں سارے لوگ تُہاڈے نال عداوت رکھیسن پر جو آخر تائیں برداشت کریسی اوہ نجات پاسی۔¹⁴۱۴۔ پس جیہڑے ویلے تُساں اوُں اُجاڑن آلی مکروہ شئے کوُ اوُں جاہ تے کھڑی ہوئی ڈیکھو جِتھاں اوُں دا کھڑا تھیونا جائز نئیں۔( پڑھن آلا سمجھ گھنے) اوُں ویلے جیہڑے یہودیہ وِچ ہوون اوہ پہاڑاں تے بھج ونجن ۔ ¹⁵۱۵۔ جیہڑا کوُئی چھت تے ہووے اوہ اپنے گھر وِچوں کجھ گھنن کیتے تھلے نہ اُترے اَتے نہ ہی اندر ونجے۔ ¹⁶۱۶۔ اَتے جیہڑے کھیت اِچ ہوون اوہ اپنا کپڑا گھننن کیتے پچھے نہ و،لے۔¹⁷۱۷۔ پر اُنہاں تے افسوس ہِے جو اُنہاں دیہاں اِچ حاملہ ہوون اَتے جیہڑیاں کھیر پلاندیاں ہوون!۔ ¹⁸۱۸۔ اَتے دُعا کرو کہ ایہہ سردیاں اِچ نہ ہوون۔ ¹⁹۱۹۔ کیونکہ اوہ ڈِیں ایہو جئے مصیبت دے ہوسن کہ دُنیا دے شروع توں گھن کے جیہڑے ویلے خدا نے سارا کجھ بنائے نہ ای ہُن تک ایہو جیا کڈائیں تھئے۔ ²⁰۲۰۔ اَتے اگر خداوند اُنہاں ڈیہاں کوُ نہ گھٹاوے ہا تاں کوُئی وی بندہ نہ بچے ہا پر اُنہاں برگزیداں دی خاطر جِنہاں کوُ اوُں نے چُنیا ہِے اُنہاں ڈیہاں کوُ گھٹائے۔²¹۲۱۔ اَتے اوُں ویلے اگر کوُئی تُہاکوُ آکھے کہ ڈیکھو مسیح تاں اِتھاں ہِے یا ڈیکھو مسیح تاں اُتھاں ہِے تاں یقین نہ کرائے۔ ²²۲۲۔ کیونکہ کوُڑے مسیح تے کوڑے نبی اُٹھی کھڑسن اَتے نشان تے عجیب کم ڈِکھاسن تاں جو اگر ممکن تھیوے تاں برگزیداں کوُ وی گمراہ کر گھنن۔ ²³۲۳۔ پر تُساں خبردار راہوائے۔ ڈیکھو میں تُہاکوُ پہلے ای سارا کجھ آکھ ڈِتے۔²⁴۲۴۔ پر اُنہاں ڈیہاں وِچ اوُں مصیبت سے بعد سِجھ تاریک تھی ویسی اَتے چند اپنی روشنی نہ ڈیسی۔ ²⁵۲۵۔ اَتے آسمان توں تارے ڈھاون لگ پوسن تے جیہڑیاں طاقتاں آسمان اِچ ہِن اہ ہلایاں ویسن۔ ²⁶۲۶۔ اَتے اوُں ویلے لوگ ابنِ آدم کوُ وڈی قدرت تے جلال دے نال بدلاں تے آندیاں ہویاں ڈیکھسن۔ ²⁷۲۷۔ اوُں ویلے اوہ فرشتیاں کوُ گھل کے اپنے برگزیداں کوُ زمین دی انتہا کولوں گھن کے آسمان دی انتہا تائیں چاریاں پاسوں جمع کریسی۔²⁸۲۸۔ ہُن انجیر دے درخت توں ہِک تمثیل سِکھو۔ جیہڑے ویلے اوُندی شاخ نرم تھیندی ہِے اَتے پتّے نکلدِن تاں تُساں جان گھندے ہیوے کہ گرمی آون آون آلی ہِے۔ ²⁹۲۹۔ ایویں ای جڈاں تُساں اِنہاں گالہیں کوُ تھیندیاں ہویاں ڈیکھو تاں جان گھنو کہ اوہ نیڑے ہِے بلکہ بوہے تے کھڑے۔³⁰۳۰۔ میں تُہاکوُ سچ آدھا ہاں کہ جڈاں تائیں ایہہ ساریاں گالہیں نہ تھی ونجن ایہہ نسل ہر گز ختم نہ تھیسی۔ ³¹۳۱۔ آسمان تے زمین ٹل ویسن پر میڈیاں گالہیں نہ ٹلسن۔ ³²۳۲۔ پر اوُں ڈِیں یا اوُں ویلے دے بارے کوُئی نئیں جان دا۔ نہ آسمان دے فرشتےنہ پُتر نہ باپ۔³³۳۳۔ خبردار! جاگدے تے دُعا کریندے راہوائے کیوں جو تُساں نئیں وے جان دے کہ اوہ کیہڑے ویلے آ ویسی۔ ³⁴۳۴۔ ایہہ اوُں بندے جیہا حال ہِے جیہڑا پردیس گئے اَتے اوُں نے گھر توں ویندیاں ہویاں اپنے نوکراں کوُ اختیار ڈِتے یعنی ہر ہِک کوُ اوُندا کم ڈسائے اَتے چوکیدار کوُ حُکم ڈِتے کہ جاگدا راہوے۔³⁵۳۵۔ پس جاگدے راہو کیونکہ تُساں نئیں وے جان دے کہ گھر دا مالک کیہڑے ویلے آسی۔ شام کوُ یا ادھی رات کوُ یا کُکڑ دے بانگ ڈیون ویلے یا سویر کوُ۔ ³⁶۳۶۔ ایویں نہ تھیوے کہ اچانک آ کے اوہ تُہاکوُ نیندر اِچ ڈیکھے۔ ³⁷۳۷۔ اَتے جو کجھ میں تُہاکوُ آدھا ہاں اوہو ساریاں کوُ آدھا ہاں کہ جاگدے راہوائے۔

¹۱۔ ڈوُ ڈیہاں دے بعد عیدِ فسح تے عیدِ فطیر تھیون آلا ہا اَتے سردار کاہن تے فقیہہ موقع گولیندے پئے ہَن جو اوُں کوُ کیویں دھوکے نال پکڑ کے قتل کروُں۔ ²۲۔ کیوں جو آدھے ہَن کہ عید وِچ نئیں۔ ایویں نہ تھیوے کہ لوگاں وِچ فساد تھی ونجے۔³۳۔ جڈاں اوہ بیت عنیاہ اِچ شمعون کوڑھی دے گھر ٹُکر کھاون بیٹھا ہا تاں ہِک تریہمت جٹا ماسی دا بہوں مہانگاہ تے خالص عطر سنگِ مرمر دے عطردان اِن گھن کے آئی اَتے عطردان کوُ توڑ کے عطر اوُندے سر تے سَٹ ڈِتے۔ ⁴۴۔ پر بعض نے اپنے دِل اِچ فا تھی کے آکھن لگے کہ ایہہ عطر کیوں ایویں ضائع کیتا گئے؟۔ ⁵۵۔ کیوں جو ایہہ عطر ترئے سو دینار توں وی زیادہ ویچ کے غریباں دی مدد کیتی ونج سگدی ہائی اَتے اوہ اوُں کوُ ملامت کرن لگ پئے۔⁶۶۔ یسوع نے آکھیا اِیں کوُ چھوڑ ڈیوو۔ اِیں کوُکیوں تنگ کریندے ہیوے؟ اوُں نے میڈے نال بھلائی کیتی ہِے۔ ⁷۷۔ کیونکہ غریب غربا تا تُہاڈے کول ہِن۔ جیہڑے ویلے چاہوو اُنہاں دے نال نیکی کر سگدے ہو پر میں تُہاڈے کول ہمیشہ نہ راہساں۔ ⁸۸۔ جیہڑا کجھ اوُں نے کیتا ہِے ۔ اوُں نے دفن کیتے میڈے بدن تے پہلے ہی توں عطر مَل چھوڑے۔ ⁹۹۔ میں تُہاکوُ سچ سچ آدھا ہاں کہ ساری دُنیا وِچ جتھاں کتھائیں وی اِنجیل دی مُنادی کیتی ویسی ایہہ وی جو اِیں کیتے اِیں دی یادگاری اِچ بیان کیتا ویسی۔¹⁰۱۰۔ وَل یہوداہ اسکریوتی جیہڑا اُنہاں بارہ وِچوں ہا سردار کاہناں دے کول گیا تاں جو یسوع کوُ اُنہاں دے حوالے کرڈیوے۔ ¹¹۱۱۔ اوہ ایہہ سُن کے بہوُں خوش تھئے اَتے اوُں کوُ روپے ڈیون دا اقرار کیتے وَل اوہ موقع گولن لگ پیا جو کئیں طرح یسوع کوُ قابی کر کے اوُں کوُ پکڑوا ڈیوے۔¹²۱۲۔ فطیر دی عیِد پہلے ڈِیں یعنی جئیں ڈِیں فسح کوُ ذبح کریندے ہَن اوُں دے چیلیاں نے اوُں کوُ آکھیا تُوں کتھاں چاہندیں کہ اساں ونج کے تیڈے کیتے فسح کھاون دی تیاری کروں؟۔ ¹³۱۳۔ یسوع نے اپنے چیلیاں وِچوں ڈوُ کوُ گھلیا اَتے اُنہاں کوُ آکھیا شاہر اِچ ونجو۔ ہِک بندہ پانی دا گھڑا گھن کے کھڑا تُہاکوُ ملسی اوُندے پچھوں تھی ونجائے۔ ¹⁴۱۴۔ اَتے جتھاں اوہ داخل تھیوے اوُں گھر دے مالک کوُ اکھائے اُستاد آدھے کہ میڈا مہمان خانہ جتھاں میں اپنے چیلیاں دے نال فسح کھاساں اوہ کتھاں ہِے؟۔¹⁵۱۵۔ آپ اوہ تُہاکوُ ہِک وڈا چوبارہ ڈکھاسی اُتھائیں ساڈے کیتے ریاری کرائے۔ ¹⁶۱۶۔ پس چیلے لگے گئے اَتے شاہر اِچ ونج کے جیویں یسوع نے آکھیا ہا اوُں وے ای پایا اَتے فسح کوُ تیار کیتا۔¹⁷۱۷۔ جیہڑے ویلے شام تھئی تاں اوہ اُنہاں بارہ دے نال آیا۔ ¹⁸۱۸۔ اَتے جیہڑے ویلے اوہ ٹُکر کھاندے پئے ہَن تاں یسوع نے آکھیا میں تُہاکوُ سچ آدھا ہاں کہ تُہاڈے وِچوں ہِک جو میڈے نال کھاندا پئے میکوُ پکڑوا ڈیسی۔ ¹⁹۱۹۔ اُنہاں کوُ بہوُں ارمان لگے اَتے ہِک ہِک کر کے اوُں کوُ آکھن لگے کیا میں ہاں؟۔²⁰۲۰۔ یسوع نے اُنہاں کوُ آکھیا کہ اوہ بارہ وِچوں ہِک ہِے جیہڑا میڈے نال مُنگر اِچ ہتھ پیندے۔ ²¹۲۱۔ کیونکہ ابنِ آدم تاں جیویں اوُندے حق اِچ لکھا لاتھے ویندا ہی ہِے پر افسوس ہِے اوُں بندے تے جیندے وسیلے نال ابنِ آدم پکڑوایا ویندے! اگر اوہ بندہ جمدا ای ناں تاں اوُندے کیتے چنگا ہوئے ہا۔²²۲۲۔ اَتے اوہ کھاندے ای پئے ہَن کہ یسوع نے روٹی گھن کے برکت ڈے کے توڑی اَتے اُنہاں کوُ ڈِتی تے آکھے گھنو ایہہ میڈا بدن ہِے۔ ²³۲۳۔ وَل اوُں نے پیالہ گھن کے شُکر کیتے تے اُنہاں کوُ ڈتے اُنہاں ساریاں نے اُندے وِچوں پیتے۔ ²⁴۲۴۔ وَل اوُں نے اُنہاں کوُ آکھے ایہہ میڈا اوہ عہد داخون ہِے جیہڑ ا بہوُں ساریاں کیتے وہایا ویندے۔ ²⁵۲۵۔ میں تُہاکوُ سچ آدھا ہاں کہ انگور دا شیرہ وَل کڈائیں نہ پیساں اوُں ڈیں تائیں کہ خدا دی بادشاہی اِچ نواں نہ پیواں۔²⁶۲۶۔ وَل گیت گا کے باہر زیتون دے پہاڑ تے گئے۔ ²⁷۲۷۔ اَتے یسوع نے اُنہاں کوُ آکھے تُساں سارے ٹھوکر کھاسو کیوں جو لکھا لاتھے کہ میں آجڑی کوُ مریساں تے بھیڈاں تتر بتر تھی ویسن۔²⁸۲۸۔ پر میں اپنے زندہ تھیون دے بعد تُہاڈے کولوں پہلے گلیل کوُ ویساں۔ ²⁹۲۹۔ پطرس نے اوُں کوُ آکھے بھاویں سارے ٹھوکر کھاون پر میں ٹھوکر نہ کھاساں۔³⁰۳۰۔ یسوع نے اُنہاں کوُ آکھے میں تُہاکوُ سچ آدھا ہاں کہ تُو اَج اِیں رات کُکڑ دے ڈوُ واری بانگ ڈیون توں پہلے ترئے واری میڈا انکار کریسیں۔ ³¹۳۱۔ پر اوُں نے بہوُں زور ڈے کے آکھے اگر تیڈے نال میکوُ مَرنا وی پووے تاں وی تیڈا انکار ہرگز نہ کریساں۔ ایویں ہی اُنہاں ساریاں نے وی آکھے۔³²۳۲۔ وَل اوہ ہَک جاہ تے آئے جیندا ناں گتسمنی ہا اَتے اوُں نے اپنے چیلیاں کوُ آکھے اِتھاں بیٹھے راہو جڈاں تائیں میں دعا کراں۔ ³³۳۳۔ تے پطرس تے یعقوب تے یوحنا کوُ اپنے نال گھن کے بہوُں حیران تے بےقرار تھیون لگ پئیے۔ ³⁴۳۴۔ اَتے اُنہاں کوُ آکھے میڈی جان بہوُں غمگین ہِے۔ اِتھوں تائیں کہ مرن دی نوبت پہنچ گئی ہِے۔ تُساں اِتھاں ٹھہور تے جاگدے راہوائے۔³⁵۳۵۔ اَتے اوہ تھوڑا جیہا اَگے وَدھ کے زمین تے ڈَھے کے دُعا کرن لگ پیا کہ اگر تھی سگے تاں ایہہ ویلہ میڈے توں ٹل ونجے۔ ³⁶۳۶۔ اَتے آکھے ، اے باپ! تیڈے کولوں سارا کجھ تھی سگدے۔ اِیں پیالے کوُ میڈے کولوں ہٹا گھن تاں وی جو کجھ میں چاہندا ہاں اوہ نئیں بلکہ جو تُوں چاہندا ہئیں اوہو تھی وے۔³⁷۳۷۔ وَل اوہ آیا تے اُنہاں کوُ نیندر اِچ ڈیکھ کے پطرس کوُ آکھے اَے شمعون تُو سُتا پئیں؟ کیا تُوں ہِک گھڑی وی نہ جاگ سگیا؟۔ ³⁸۳۸۔ جاگو تے دعا کرو تاں جو آزمایش اِچ نہ پوو۔ روُح تاں تیار ہِے پر جسم کمزور ہِے۔ ³⁹۳۹۔ اوہ وَل لگا گیا اَتے اوہو گالھ آکھ کے دعا کیتی۔⁴⁰۴۰۔ اَتے وَل آ کے اُنہاں کوُ نیندر اِچ ڈِٹھا کیوں جو اُنہاں دیاں اکھیاں نیندر نال بھریاں ہویاں ہَن اَتے اوہ نہ جان دے ہَن کہ اوُں کوُ کیا جواب ڈیووں۔ ⁴¹۴۱۔ وَل تریجھی واری آ کے اُنہاں کوُ آکھے ہُن سُتے راہو اَتے آرام کرو۔ بس ویلہ آ پہنچیا ہِے۔ ڈیکھو ابنِ آدم گناہگاراں دے ہتھ اِچ حوالے کیتا ویندے۔ ⁴²۴۲۔ اُٹھو جُلوُں۔ ڈیکھو میڈا پکڑواون آلا نیڑے آپہنچے۔⁴³۴۳۔ اوہ ایہہ آدھا ہی پیا ہا کہ فوراً ہی یہوداہ جیہڑا اُنہاں بارہ وچوں ہا اَتے اوُندے نال ہِک بِھیڑ تلواراں تے سوٹیاں گھن کے سردار کاہناں تے بزرگاں دی طرفوں آ پہنچی۔ ⁴⁴۴۴۔ اَتئ اوُندے پکڑواوا آلے نے اُنہاں کوُ ایہہ نشان ڈِتا ہا کہ جئیں دا میں مُنہ چُم گھناں اوُہو ہوسی۔ اوُں کوُ پکڑ کے حفاظت نال گھن ونجائے۔ ⁴⁵۴۵۔ اوہ آ کے فوراً ہی اوُندے کول گیا اَتے آکھے اَے ربیّ اَتے اوُں دا مُنہ چُمیا۔ ⁴⁶۴۶۔ اُنہاں نے اوُندے تے ہتھ پا کے اوُں کو پکڑ گِدا۔⁴⁷۴۷۔ جیہڑے کول کھڑے ہَن اُنہاں وِچوں ہِک نے تلوار پکڑ کے سردار کاہن دے نوکر تے چلائی اَتے اوُندا کن کٹ چھوڑیا۔ ⁴⁸۴۸۔یسوع نے اُنہاں کوُ آکھیا کیا تُساں تلواراں تے سوٹیاں گھن کے میکوُ ڈاکوُ دی کار پکڑن نکلے ہیوےَ؟۔ ⁴⁹۴۹۔ میں تاں ہر روز تُہاڈے کول ہیکل اِچ تعلیم ڈیندا ہامی تاں تُساں میکوُ نئیں پکڑیا۔ پر ایہہ اِیں کیتے تھیا ہِے جو خدا دا کلام پورا تھیوے۔ ⁵⁰۵۰۔ ایندے تے سارے چیلے اوُں کوُ چھوڑ کے بھج گئے۔⁵¹۵۱۔ پر ہَک جوان بہوُں قیمتی چادر اپنے ننگے بدن تے پا کے اوُندے پچھوں ٹُر پیا۔اوُں کوُ لوگاں نے پکڑن دی کوشش کیتی۔ ⁵²۵۲۔ پر اوہ چادر چھوڑ کے ننگا ای بھج گیا۔⁵³۵۳۔ وَل اوہ یسوع کوُ سردار کاہن دے کول گھن گئے اَتے سارے سردار کاہن تے بزرگ تے فقیہہ اوُندے کول جمع تھئے۔ ⁵⁴۵۴۔ اَتے پطرس کجھ فاصلے تے اوُندے پچھوں پچھوں سردار کاہن دی حویلی دے اندر تائیں گیااَتے سپاہیاں دے نال بہہ کے بھا سیکن لگ پیا۔⁵⁵۵۵۔ اَتے سردار کاہن سارے وڈی عدالت آلے یسوع کوُ مار سَٹن کیتے اوُندے خلاف گواہی گولن لگ پئے پر کتھائیں وی نہ ملی۔ ⁵⁶۵۶۔ کیوں جو بہوُں ساریاں نے کوُڑیاں گواہیاں تاں ڈِتِن پر اوہ اُنہاں دیاں گواہیاں تے متفق نہ ہَن۔⁵⁷۵۷۔ وَل بعض نے اُٹھی کے اوُندے تے ایہہ کوُڑی گواہی ڈِتی کہ۔ ⁵⁸۵۸۔ اساں اِیں کوُ ایہہ آدھے سُنیا ہِے کہ میں اِیں گھر (مقدس) کوُ جیہڑا ہتھ نال بنیا ہِے ڈھا ڈیساں اَتے وَل تریئے ڈیہاں اِچ ڈوجھا بنا ڈیساں جیہڑا ہتھ نال نہ بنیا ہوسی۔ ⁵⁹۵۹۔ پر ایندے تے وی اُنہاں دی گواہی متفق نہ نکلی۔⁶⁰۶۰۔ وَل سردار کاہن نے وِچ کھڑے تھی کے یسوع کولوں پُچھیا جو تُوں کجھ جواب نئیں ڈیندا؟ ایہہ تیڈے خلاف کیا گواہی ڈیندِن؟۔ ⁶¹۶۱۔ پر اوہ چُپ ہی ریہا اَتے کجھ جواب نہ ڈِتے۔ سردار کاہن نے وَل اوُندے اگے وَلا سوال کیتے اَتے آکھیا کیا تُوں اوُں خدائے محمود دا پُتر مسیح ہئیں؟۔ ⁶²۶۲۔ یسوع نے آکھیا ہاں میں ہاں اَتے تُساں ابنِ آدم کوُ قادرِ مطلق دے سجے پاسے بیٹھے تے آسمان دے بدلاں دے نال آندے ہویاں ڈیکھ سو۔⁶³۶۳۔ سردار کاہن نے اپنے کپڑے پھاڑ کے آکھیا ہُن ساکو گواہاں دی کیا ضرورت ہِے؟۔ ⁶⁴۶۴۔ تُساں ایہہ کُفر سُنے۔ تُہاڈی کیا رائے ہِے؟ اُنہاں ساریاں نے فتوےٰ ڈ،تے کہ اوہ قتل دے لائق ہِے۔ ⁶⁵۶۵۔ تاں بعض اوپندے تے تُھکن لگ پئے اَتے اُندا مُنہ کج کے تے اوُندے مُکے مارے اَتے اوُں کوُ آکھن لگے نبوت دیاں گالہیں سُنا! اَتے سپاہیاں نے اوُں کوُ چماٹاں مار کے اپنے قبضے وِچ گھن گِدا۔⁶⁶۶۶۔ جڈاں پطرس تھلے صحن اِچ ہا تاں سردار کاہن دی نوکرانیاں وِچوں ہِک اُتھاں آئی۔ ⁶⁷۶۷۔ اَتے پطرس کوُ بھا سیکدیاں ڈیکھ کے اوُندے تے نظر کیتی تے آکھن لگی تُوں وی اوُں ناصری یسوع دے نال ہاویں۔ ⁶⁸۶۸۔ پطرس نے انکار کیتے تے آکھیا کہ میں تاں نہ جان دا تے ناں ای سمجھدا ہاں کہ تُو کیا آدھی ہئیں۔ وَل اوہ باہر ڈیوڑھی اِچ لگا گیا اَتے کُکڑ نے بانگ ڈِتی۔⁶⁹۶۹۔ اوہ نوکرانی اوُں کوُ ڈیکھ کے اُنہاں کولوں جیہڑے اُتھاں کھڑے ہَن وَل آکھن لگی ایہہ وی اُنہاں وِچوں ہِے۔ ⁷⁰۷۰۔ پر اوُں نے وَل وی انکار کیتے اَتے کجھ دیر بعد اُنہاں نے جیہڑے نال ہی کھڑے ہَن پطرس کوُ وَل آکھے بے شک تُوں اُنہاں وِچوں ہی ہئیں کیونکہ تُوں گلیلی وی ہئیں۔⁷¹۷۱۔ پر اوہ لعنت کرن تے قسماں کھاون لگ پیا کہ میں اوُں بندے کوُ نئیں جان دا جیندا تُساں ذکر کریندے ہیوے۔ ⁷²۷۲۔ اَتے فوراً ہی کُکڑ نے ڈوجھی واری بانگ ڈِتی۔ پطرس کوُ یسوع دی اوہ گالھ یاد آئی جو اوُں نے آکھی ہائی کہ کُکڑ دے ڈو واری بانگ ڈیون توں پہلے تُو ترئیے واری میڈا انکار کریسیں اَتے اوہ اِیندے تے غور کر کے روُنا۔

¹۱۔ اَتے سویرے ای فوراً سردار کاہناں نے بزرگاں تے فقیہیاں تے سارے وڈی عدالت آلیاں سمیت مشورہ کر کے یسوع کوُ بدھوایا تے ونج کے پیلاطُس دے حوالے چا کیتا۔ ²۲۔ اَتے پیلاطُس نے اوُندے کولوں پُچھیا کیا تُوں یہودیاں دا بادشاہ ہئیں؟ یسوع نے جواب اِچ اوُں کوُ آکھیا تُوں آپ آدھیں۔ ³۳۔ اَتے سردار کاہن اوُندے تے بہوُں گالہیں دا الزام لیندے راہے۔⁴۴۔ پیلاطُس نے اوُں کوُ ولا سوال کر کے ایہہ آکھے کہ تُوں کجھ جواب نئیں ڈیندا؟ ڈیکھ ایہہ تیڈے تے کتنی گالہیں دا الزام لیندے کھڑے ہِن؟۔ ⁵۵۔ یسوع نے وِل وی کجھ جواب نہ ڈِتا اِتھوں تائیں کہ پیلاطُس بہوُں حیران تھیا۔⁶۶۔ اَتے اوہ عید تے ہِک قیدی کوُ جیندے کیتے لوگ عرض کریندے ہَن کہ اُنہاں دی خاطر چھوڑ ڈیندا ہا۔ ⁷۷۔ اَتے برابا ناں دا ہِک بندہ اُنہاں باغیاں دے نال قید وِچ ہا جنہاں نے بغاوت اِچ خون کیتا ہا۔ ⁸۸۔ اَتے بِھیڑ اُتے چڑھ کے اوُں کوُ عرض کرن لگ پئی کہ جو تیڈا دستور ہِے اوہ ساڈے کیتے کر۔⁹۹۔ پیلاطُس نے اُنہاں کوُ ایہہ جواب ڈِتا۔ کیا تُساں چاہندے ہیوے کہ میں تُہاڈی خاطر یہودیاں دے بادشاہ کوُ چھوڑ ڈیواں؟۔ ¹⁰۱۰۔ کیوں جو اوُں کوُ پتا ہا کہ سردار کاہناں نے اِیں کوُ حسد دے پاروُں میڈے حوالے کیتے۔ ¹¹۱۱۔ پر سردار کاہناں نے بِھیڑ کوُ اُبھارے تاں جو پیلاطُس اُنہاں دی خاطر برابّا ہی کوُ چھوڑ ڈیوے۔¹²۱۲۔ پیلاطُس نے وَلا اُنہاں کوُ آکھے وَل جینکوُ تُساں یہودیاں دا بادشاہ آدھے ہیوے اُندا میں کیا کراں؟۔ ¹³۱۳۔ اوہ وَلا شور مچاون پے گئے کہ اوہ مصلوب تھیوے۔¹⁴۱۴۔ اَتے پیلاطُس نے اُنہاں کوُ آکھے کیوں اوُں نے کیا بُرائی کیتی ہِے؟ اوہ بیا وی شور مچاون لگ پئے کہ اوہ مصلوب تھیوے۔ ¹⁵۱۵۔ پیلاطُس نے لوگاں کوُ خوش کرن دے ارادے نال اُنہاں کیتے برابّا کوُ چھوڑ ڈِتے اَتے یسوع کوُ کوڑے مار کے اُنہاں دے حوالے چا کیتا کہ مصلوب تھی ونجے۔¹⁶۱۶۔ اَتے سپاہی اوُں کوُ گھن کے اوُں صحن اِچ آئے جیہڑا پریتوریُن اکھواندے اَتے اوہ ساری پلٹن کوُ سڈوا کے گھن آئے۔ ¹⁷۱۷۔ اَتے اُنہاں نے اوُں کوُ ارغوانی چوغہ پوایا تے کنڈیاں دا تاج بنا کے اوُندے سر تے رکھیا۔ ¹⁸۱۸۔ اَتے اوُں کوُ سلام کر کے آکھن لگے اَے یہودیاں دے بادشاہ آداب!۔¹⁹۱۹۔ اَتے اوہ اوُندے سر تے سرکنڈا مریندے تے اوُں دے تے تُھکدے تے اوُں دے اگے گوڈے ٹیک ٹیک کے اوُں کوُ سجدہ کریندے راہے۔ ²⁰۲۰۔ اَتے جیہڑے ویلے اوُندا مذاق بنا گِدا تاں اوُندے توں ارغوانی چوغہ لہا کے اوُندے ای کپڑے اوُں کوُ پوائے۔ وَل مصلوب کرن کیتے باہر گھن گئے۔ ²¹۲۱۔ اَتے شمعون ناں دا ہِک کُرینی بندہ سکندر تے روُفس دا پیئو دیہات توں آندے ہویاں اُتھوں لنگھے۔ اُنہاں نے اوُں کو ونگار اِچ پکڑے تاکہ یسوع دی صلیب چاوے۔²²۲۲۔ اَتے اوہ اوُں کوُ گُلگتا دے مقام تے گھن آئے جیں دا ترجمہ ہِے کھوپڑی دی جاہ۔ ²³۲۳۔ اَتے مُر ملی ہوئی مَے اوُں کوُ ڈیون لگے پر اوُں نے نہ گِدی۔ ²⁴۲۴۔ اَتے اُنہاں نے مصلوب کیتا تے اوُندے کپڑیاں تے قرعہ پایا کہ کئیں کوُ کیا ملسی تے اوُندے کپڑے ونڈ گِدے۔²⁵۲۵۔ اُنہاں نے سویر دے پہلے پہر دے نیڑے اوُں کوُ مصلوب کیتا۔ ²⁶۲۶۔ اَتے اوُندا الزام لکھ کے اوُندے اُتے لا ڈِتا کہ یہودیاں دا بادشاہ۔ ²⁷۲۷۔ اَتے اُنہاں نے اوُندے نال ڈوُ ڈاکو وی ہِک کوُ اوُندے سجے پاسے تے ہِک کوُ اوُندے کھبے پاسے مصلوب کیتے۔ ²⁸۲۸۔ (تاں جو ایہہ گالھ پوری تھئی کہ اوہ بدکاراں نال شمار کیتا گیا)۔²⁹۲۹۔ اَتے راہ ٹُرن آلے سر ہلا ہلا کے اوُندے تے لعن طعن کریندے تے آدھے ہَن کہ واہ! مَقدِس کوُ ڈھاون آلے تے تریئے ڈیہاں اِچ بناون آلے۔ ³⁰۳۰۔ صلیب توں اُتر کے اپنے آپ کوُ بچا۔³¹۳۱۔ اِیں طرح سردار کاہن وی فقیہیاں دے نال مِل کے آپس وِچ مذاق نال آدھے ہَن اِیں نے ڈوجھیاں کوُ بچایا۔ اپنے آپ کوُ نئیں بچا سگدا۔ ³²۳۲۔ اسرائیل دا بادشاہ مسیح ہُن صلیب توں اُتر آئے تاں جو اساں ڈیکھ کے ایمان گھن آؤں اَتے جیہڑے اوُندے نال مصلوب کیتے گئے ہِن اوہ اوُندے تے لعن طعن کریندے ہَن۔³³۳۳۔ جیہڑے ویلے ڈوپاہر تھئی تاں سارے مُلک اِچ اندھارا چھا گئے اَتے اوہ تریجھے پہر تائیں ریہا۔ ³⁴۳۴۔ اَتے تریجھے پہر کوُ یسوع وڈی آواز نال چّلائے کہ اِلوہی اِلوہی لما شَبقَتنی؟ جئیں دا ترجمہ ہِے اَے میڈے خدا اَے میڈے خدا! رُوں میکوُ کیوں چھوڑ ڈِتے؟۔ ³⁵۳۵۔ جیہڑے کول کھڑے ہَن اُنہاں وِچوں کجھ نے ایہہ سُن کے آکھے ڈیکھو اوہ تاں ایلیاہ کوُ سڈیندا ہِے۔³⁶۳۶۔ اَتے ہِک نے بھج کے سپنج کوُ سرکے اِچ ڈبویا تے سرکندے تے رکھ کے اوُں کوُ چُسایا اَتے آکھیا ٹھہر ونج۔ دیدھے ہئیں کہ ایلیاہ اِیں کوُ لہاون کوُ آندے یا نئیں۔ ³⁷۳۷۔ وَل یسوع نے وڈی آواز نال چّلا کے دَم ڈے ڈِتے۔ ³⁸۳۸۔ اَتے مَقدِس دا پردہ اُتوں گھن کے تھلے تائیں پھٹ کے ڈوُ ٹکڑے تھی گیا۔³⁹۳۹۔ اَتے جیہڑا صوبہ دار اوُندے سامنے کھڑا ہا اوُں نے اوُں کوُ ایویں دَم ڈیدھے ہویاں ڈیکھ کے آکھے بے شک یہہ بندہ خدا دا پُتر ہا۔ ⁴⁰۴۰۔ اَتے بہوُں تریہمتاں دوُر توں ڈیدھیاں پئیاں ہَن۔ اُنہاں وِچوں مریم مگدلینی تے نکے یعقوب تے یوسیس دی ماں مریم تے سلومی ہَن۔َََََََََََََََََََََََ ⁴¹۴۱۔ جڈاں اوہ گلیل اِچ ہا ایہہ اوُندے پِچھوں ٹُر پوندیاں ہَن اَتے اوُندی خدمت کریندیاں ہَن اَتے وَل بئی وی بہوں ساریاں تریہمتاں ہَن جیہڑیاں اوُندے نال یروشلیم اِچ آئیاں ہَن۔⁴²۴۲۔ جیہڑے ویلے شام تھئی تاں اِیں کیتے کہ تیاری دا ڈیں ہا جو سبت (چھن چھن) توں ہَک ڈیں پہلے تھیندا ہِے۔ ⁴³۴۳۔ ارمتیہ دا راہون آلا یوسف آیا جیہڑا عزت دار مُشیر اَتےآپ وی خدا دی بادشاہی دا منتظر ہا اَتے اوُں نے جرات کر کے پیلاطُس دے کول ونج کے یسوع دی لاش منگی۔ ⁴⁴۴۴۔ اَتے پیلاطُس حیران تھی گیا کہ اوہ ایویں جلدی نال مَر گیا اَتے صوبےدار کوُ سڈا کے اوُندے کولوں پُچھیا کہ اوُں کوُ مویاں ہویاں دیر تھی گئی ہِے؟۔⁴⁵۴۵۔ جڈاں صوبےدار کولوں سارا حال پتا لگ گئے تاں لاش یوسف کوُ ڈیوا ڈِتی۔ ⁴⁶۴۶۔ اوُں نے ہِک بہوُں قیمتی چادر مُل گھن کے اَتے لاش کوُ لہا کے اوُں چادر اِچ کفنایا تے ہِک قبر دے اندر جیہڑی چٹان اِچ کھودی گئی ہائی رکھیا اَتے قبر دے مُنہ تے ہِک پتھر ریڑھ ڈِتا۔ ⁴⁷۴۷۔اَتے مریم مگدلینی تے یوسیس دی ماں مریم ڈیدھی پئی ہائی کہ اوُں کوُ کتھاں رکھا گیا ہِے۔

¹۱۔ جیہڑے ویلے سبت (چھن چھن ) دا ڈِیں لنگھ گئے تاں مریم مگدلینی تے یعقوب دی ماں مریم تے سلومی نے خوشبودار شئیاں مُل گھن گِدیاں تاں جو آ کے اوُندے تے مَلن۔ ²۲۔ اوہ ہفتے دے پہلے ڈِیں بہوُں سویرے جڈاں ہالی سِجھ نکلیا ای ہا قبر تے آئیاں۔³۳۔ اَتے اوہ آپس اِچ آدھیاں ہَن کہ ساڈے کیتے پتھر کوُ قبر دے مُنہ توں کون ہٹاسی؟۔ ⁴۴۔ جیہڑے ویلے اُنہاں نے نگاہ کیتی کہ پتھر ہٹیا کھڑے کیونکہ اوہ بہوُں ہی وڈا ہا۔⁵۵۔ اَتے قبر دے اندر ونج کے اُنہاں نے ہِک جوان کوُ چٹے کپڑیاں اِچ ڈِٹھا جیہڑا سجے پاسے بیٹھا ہا اَتے اوہ بہوُں حیران تھی گئیاں۔ ⁶۶۔ اوُں نے اُنہاں کوُ آکھے ایویں حیران نہ تھیوو۔ تُساں یسوع ناصری کوُ گولیندیاں ہیوے جیہڑا مصلوب تھیا ہا۔ اوہ تاں زندہ تھی گیا ہِے۔ اوہ اِتھاں نئیں ہِے۔ ڈیکھو ایہہ اوہ جاہ ہِے جتھاں اُنہاں نے اوُں کوُ رکھیا ہا۔ ⁷۷۔ پر تُساں ونج کے اوُندے چیلیاں کو ڈسو کہ اوہ تُہاڈے کولوں پہلے گلیل کوُ ویسی۔ تُساں اُتھائیں اوُں کوُ ڈیکھ سو جیویں اوُں نے تُہاکوُ آکھیا ہا۔⁸۸۔ اَتے اوہ قبر چوں نکل کے بھج پئیاں کیونکہ تھرتھری تے خوف اُنہاں تے غالب آگئے ہَن اَتے اُنہاں نے کئیں کوُ کجھ نہ آکھیا کیونکہ اوہ ڈردیاں ہَن۔⁹۹۔ ہفتہ دے پہلے ڈِیں جڈاں اوہ سویرے جی اُٹھیا تاں پہلے مریم مگدلینی کوُ جیندے وِچوں اوُں نے سَت بدروُحاں نکلیاں ہَن ڈِکھائی ڈِتے۔ ¹⁰۱۰۔ اوُں نے ونج کے اوُں دے ساتھیاں کوُ خبر ڈِتی جیہڑے ماتم کریندے تے روندے پئے ہَن۔ ¹¹۱۱۔ اَتے اُنہاں نے ایہہ سُن کے کہ اوہ زندہ ہِے اَتے اوُں نے اوُں کوُ ڈِٹھا ہِے یقین نہ کیتے۔¹²۱۲۔ ایندے بعد اوہ ڈوجھی صورت اِچ اُنہاں وِچوں ڈوُ کوُ جیہڑے ویلے اوہ دیہات دے پاسے پیدل ویندے پئے ہَن ڈِکھائی ڈِتے۔ ¹³۱۳۔ اُنہاں نے وی جا کے باقی سارے لوگاں کوُ خبر ڈِتی پر اُنہاں نے اُنہاں دا وی یقین نہ کیتا۔¹⁴۱۴۔ وَل اوہ اُنہاں گیارہ کوُ وی جڈاں ٹُکر کھاون بیٹھے ہَن ڈکھائی ڈِتا اَتے اوُں نے اُنہاں دی بے اعتقادی تے سخت دَلی تے اُنہاں کوُ ملامت کیتی کیونکہ جِنہاں نے اوُں دے زندہ تھیون دے بعد اوُن کوُ ڈِٹھا ہا اُنہاں نے اوُں دا یقین نہ کیتا ہا۔ ¹⁵۱۵۔ اَتے یسوع نے اُنہاں کوُ آکھیا کہ تُساں ساری دُنیا اِچ ونج کے ساری خلق دے سامنے اِنجیل دی مُنادی کرو۔ ¹⁶۱۶۔ جیہڑا ایمان گھن آئے اَتے وَل بپتسمہ گھنے اوہ نجات پاسی اَتے جیہڑا ایمان نہ گھن آئے اوہ مُجرم ٹھہرایا ویسی۔ََََََََََََََِِ¹⁷۱۷۔ اَتے ایمان گھن کے آون آلیاں وِچ ایہہ معجزے تھی سن۔ وہ میڈے نام توں بدروُحاں کڈھیسن۔ ¹⁸۱۸۔ نویاں نویاں زباناں بولسن۔ نانگ کوُ چاگھن سن اَتے اگر کوُئی ہلاک کرن آلی شئے پی گھن سن تاں اُنہاں دا کجھ نقصان نہ تھی سی۔ اوہ بیماراں تے ہتھ رکھسن تا چنگے تھی ویسن۔¹⁹۱۹۔ خداوند یسوع اُنہاں نال ایہہ گالہیں کرن دے بعد آسمان تے چاتا گیا اَتے خدا دے سجے ہتھ بہہ گیا۔ ²⁰۲۰۔ وَل اُنہاں نے نکل کے ہر جاہ تے مُنادی کیتی اَتے خداوند اُنہاں دے نال کم کریندا ریہا اَتے کلام کوُ اُنہاں معجزیاں دے وسیلے نال جیہڑے نال نال تھیندے ہَن ثابت کریندا ریہا۔ آمین۔

¹۱۔ جڈاں بہوں سارے بندیاں نے اِیں کم کوُں ہتھ پاتے تاں جیہڑیاں گالہیں ساڈے وِچ تھیاں ہِن اُنہاں کوُ ٹھیک ٹھیک لکھوُں۔ ²۲۔ جیویں کہ اُنہاں نے جو کجھ شروع تھوں آپ ڈِٹھا ہا اَتے کلام دی خدمت کرن آلے ہَن اُنہاں کوُ ساڈے تک پہنچائے۔ ³۳۔ میڈے پیارے تھفلس میں وی اے کوشش کیتی ہے کہ سب کجھ شروع تھوں گھِن کے ترتیب نال تیڈے کیتے لکھاں۔ ⁴۴۔تاں جو تُوں جیہڑی گالہیں دی تعلیم پائی ہائی اوندی سچائی دا تیکوُ پتا لگ ونجے۔⁵۵۔یہودیہ دے بادشاہ ہیرودیس دے زمانے وِچ ابیاہ دے گروہ وِچوں زکریا ناں دا ہِک کاہن ہا اُتے اوندی ذال ہارون دی اولاد وِچوں ہائی اَتے اوندا ناں الیشبع ہائی۔ ⁶۶۔اَتے اوہ ڈوویں خدا دے اَگوں راستباز تے خدا دے سارے حُکم تے ہدایت تے عمل کرن آلے ہَن تے ایہو جئی زندگی گزریندے پئے ہَن کہ جیندے وِچ کوئی کمی نہ ہووے۔ ⁷۷۔اَتے اُنہاں دے بال بچے نہ ہن اَتے الیشبع بال نہ جم سگدی ہائی ہَن اوہ ڈوویں بُڈھے تھی گئے ہَن۔⁸۸۔ہک ڈیں ابیاہ دے گروہ دی واری ہائی کہ خدا دے حضور کہانت دا کم پورا کرے تاں ایویں تھیا۔ ⁹۹۔کہ کہانت دے دستور دے مطابق نال زکریا دا ناں نکل آیا کہ اوہ مَقدس اِچ ونج کے خوشبو کوُ بھا لاوے۔ ¹⁰۱۰۔وَل خوشبو ساڑن دے ویلے بہوں سارے لوگ باہر دُعا منگدے پئے ہَن۔¹¹۱۱۔کہ خداوند دا فرشتہ خوشبو ساڑن دی جاہ دے سجے ہتھ اوُں کوُ ڈِکھائی ڈِتے۔ ¹²۱۲۔اَتے زکریا اوُں کوُ ڈیکھ کے گھابر گئے تے ڈر گیا۔ ¹³۱۳۔پر فرشتے نے اوُں کو آکھیا اے زکریا! نہ گھبرا کیوں کے تیڈی دُعا سُن گِدی گئی ہے اَتے تیڈے کیتے تیڈی ذال الیشبع پُتر جَمسی توُں اوندا ناں یوحنا رکھیں۔¹⁴۱۴۔تے تُوں خوشی دے نال بھریج ویسیں اَتے اوندے جمن نال بہوں سارے لوگ خوش تھیسن۔ ¹⁵۱۵۔اوہ بال خدا دے نیڑے بہوں عظیم ہوسی اَتے نہ او شراب پیسی نہ مَے پیسی اَتے اپنی ماں دے ڈھِڈ وِچ ای روح نال بھریج ویسی۔¹⁶۱۶۔تے اوہ بہوں سارے اسرایلیاں کوُ خدا دے پاسے پھیر گھِنسی جیہڑا اُنہاں دا خدا ہے۔ ¹⁷۱۷۔تے اوہ ایلیا دی رُوح تے طاقت نال خداوند دے اَگے اَگے چلسی کہ پیوواں دے دِل پُتراں دے پاسے تے نافرماناں کوُ راستبازاں دی حکمت دی طرف چلن دے پاسے پھیرے اَتے اوہ اوُں قوم کوُ خدا کیتے تیار کرے۔¹⁸۱۸۔زکریا نے فرشتے کوُ آکھیا میں کیویں اِیں گالھ کوُ جان ساں؟کیونکہ میں بُڈھا ہاں تے میڈی ذال دی عمر بہوں زیادہ تھی گئی ہے۔ ¹⁹۱۹۔فرشتے نے اوُں کوُ جواب ڈِتا ۔میں جبرائیل ہاں جیہڑا خدا دے حضور کھڑا راہندا ہے۔اَتے اِیں کیتے بھیجا گیا ہاں کہ تیڈے نال کلام کراں تے تیکوُ اِنہاں گالہیں دی خوشخبری ڈیواں۔ ²⁰۲۰۔اَتے ڈیکھ جیئں ڈیہاں تائیں ایہہ گالہیں پوریاں نہ تھی ونجن تیکوُ چُپ لگی راہسی اَتے توں بول نہ سگ سیں۔ایں کیتے کہ توں میڈی گالہیں تے یقین نہ کیتے جیہڑیاں اپنے ویلے تے پوریاں تھیسَن۔²¹۲۱۔اَتے لوگ زکریا دی راہ ڈیدھے ہَن تے حیران تھیندے ہَن کہ اوُں کوُ اوُں جا ہ تے دیر کیوں لگی۔ ²²۲۲۔جیہڑے ویلے اوہ باہر آیا تے کجھ نہ آکھ سگا۔اُنہاں نے اوُندے کولوں پچھن دی کوشش کیتی اُنہاں کوُ پتا لگے کہ اوُں جاہ تے اوُں کوُ دیر کیوں لگی۔اوہ اُنہاں کوُ اشاریاں دے نال ڈسیندا ہا تے کجھ بول نہ سگا۔ ²³۲۳۔وَل ایویں تھیا کہ جڈاں اوُں دی خدمت دے ڈیں پوُرے تھی گئے تاں اوہ اپنے گھر لگا گیا۔²⁴۲۴۔ اُنہاں ڈیہاں دے بعد اوندی ڈال الیشبع ڈِھڈ نال تھئ گئی۔ اَتے اوندے پنج مہینے تک اپنے آپ کوُ ایہہ آکھ کے لُکائے رکھیا کہ۔ ²⁵۲۵۔ جڈاں خداوند نے میڈی بےعزتی لوگاں وچوں دور کرن کیتے میڈے تے نگاہ کیتی، اُنہاں ڈیواراں اِچ اوُں نے میڈے کیتے ایویں کیتا۔²⁶۲۶۔ چھیویں مہینے وِچ جبرائیل فرشتہ خدا دی طرفوں ناصرۃ نامی گلیل دے ہِک شاہر اِچ ہِک کنواری دے کول بھیجا گئے۔ ²⁷۲۷۔ جیندی منگنی داؤد دے گھرانے دے ہِک جوان یوسف ناں دے نال تھئی ہا اَتے اوُں کنواری دا ناں مریم ہائی۔ ²⁸۲۸۔ وَل فرشتے نے اوُں کوُ اندر آکے آکھیا سلام تیکوُ جیندے تے فضل تھیا ہِے! خداوند تیڈے نال ہِے۔ ²⁹۲۹۔ اوہ ایں کلام تھوں بہوں پریشان تھی گئی اَتے سوچن لگی کہ ایہہ کیئو جیہا سلام ہِے³⁰۳۰۔ فرشتے نے اوُں کوُ آکھیا اے مریم! گھبرا نہ کیونکہ خداوند دی طرفوں تیڈے تے فضل تھیا ہِے۔ ³¹۳۱۔ اَتے توں ڈِھڈ نال ہوسیں تے تُوں پُتر جمسیں تے اونداناں یسوع رکھیں۔ ³²۳۲۔ او نیک ہوسی تے خدا تعالیٰ دا پُتر اکھواسی۔ اَتے خداوند خدا اوندے پیئو داؤد دا تخت اوُں کوُ ڈیسی۔ ³³۳۳۔ اَتے او یعقوب دے گھرانے تے اخیر تک بادشاہی کریسی تے اوندی بادشاہی دا اَخیر نہ تھیسی۔³⁴۳۴۔ مریم نے فرشتے کوُ آکھیا ایہہ کیویں تھی سگدے جڈاں کہ میں کئیں جوان کوُ نئیں جان دی۔ ³⁵۳۵۔ اَتے فرشتے نے جواب اِچ اوُں کوُ آکھیا کہ روح القدس تیڈے تے نازل تھیسی تے خدا تعالیٰ دی قدرت تیڈے تے چھاں کریسی تے ایندے پاروں اوہ پاک بال خدا دا پُتر اکھواسی۔³⁶۳۶۔ اَتے ڈیکھ تیڈی رشتے دار الیشبع دے وی بُڈھے وارے پُتر تھیون آلا ہِے۔ ہُن اوہ جیہڑی بال نہ جم سگدی ہائی چھیواں مہینہ ہِے۔ ³⁷۳۷۔ کیونکہ جو کجھ خدا نے آکھیا ہائی اوہ بےکار نہ تھیسی۔ ³⁸۳۸۔ مریم نے آکھیا ڈیکھ میں خداوند دی عبادت کرن آلی ہاں میڈے کیتے تیڈے کلام دے مطابق تھیوے۔ تاں فرشتہ اوُں دے کولوں لگا گیا۔³⁹۳۹۔اوُں ڈیواراں وِچ چھیتی نال مریم پہاڑی مُلک اِچ یہوداہ دے ہِک شاہر کوُ گئی۔ ⁴⁰۴۰۔ اَتے زکریا دے گھر اندر آ کے الیشبع کوُ سلام کیتا۔ ⁴¹۴۱۔ جیویں ای الیشبع نے مریم دا سلام سُنیا تا ایویں تھیا کہ بال اُوندے ڈِھڈھ اِچ خوش تھی گیا تے الیشبع روح القدس نال بھر گئی۔⁴²۴۲۔اَتے اُچی آواز نال آکھن لگی تُوں عورتاں وِچوں خوش قسمت ہیئں تے تیڈے ڈِھڈھ دا پھل وی خوش قسمت ہے۔ ⁴³۴۳۔اَتے میڈے تے ایہہ فضل کتھوں تھیا کہ میڈے خداوند دی ماں میڈے کول آئی؟۔ ⁴⁴۴۴۔کیوں جو ڈیکھ جیویں ہی تیڈے سلام دی آواز میڈے کن اِچ آئی بال خوشی دے پاروں میڈے ڈِھڈھ اِچ خوشی تھی پیا۔ ⁴⁵۴۵۔اَتے اوہ خوش قسمت ہے جیہڑی ایمان گھِن آئی کیونکہ جو گالہیں خداوند دی طرفوں اوُں کوُں آکھیاں ہن اوہ پوریاں تھیسن۔⁴⁶۴۶۔وَل مریم نے آکھیا کہ میڈی جان خداوند دی وڈیائی کریندی ہے ⁴⁷۴۷۔اَتے میڈی رُوح میڈے نجات ڈیون آلے خدا تھوں خوش تئھی۔⁴⁸۴۸۔کیونکہ اوُں اپنی عبادت کرن آلی بندی دی بدحالی تے نگاہ کیتی اَتے ڈیکھ ہن تھوں گھِن کہ ہر زمانے دے لوگ میکوں خوش قسمت آکھسن۔ ⁴⁹۴۹۔کیونکہ اوُں ذات کریم نے میڈے کیتے وڈے وڈے کم کیتے ہَن اَتے اوندا ناں پاک ہے۔⁵⁰۵۰۔جیہڑے اوندے کنوں ڈردے ہن اُنہاں تے اوندا رحم ہر دوار اِچ ہوسی۔ ⁵¹۵۱۔اوُں نے اپنی بانہہ نال زور ڈِکھایا کہ جیہڑے اپنے آپ کوُ وڈا سمجھدے ہن اُنہاں کوُ حیران کر ڈِتے۔⁵²۵۲۔اوُں زور آلیاں کوُ تخت تھوں ہٹا ڈِتا جیہڑے کمزور ہَن اُنہاں کوُ طاقت ڈِتی۔ ⁵³۵۳۔اوُں نے بُھکے بندیاں کوُ چنگیاں شیئاں ڈِتیاں اَتے پیسے آلیاں کوُ کنگال کر ڈِتا۔⁵⁴۵۴۔اوُں نے اپنے خدمت گار اسرایئل کوُ سنبھال گِدے تاں جو اپنی رحمت کوُ یاد کرے۔ ⁵⁵۵۵۔جو ابرہام تے اوندی نسل تے اخیر تک راہسی جیویں اوُں نے ساڈے پیو ڈاڈا کوُ آکھیا ہائی۔⁵⁶۵۶۔تریئے مہینے الیشبع دے کول رہ کے مریم اپنے گھر واپس لگی گئی۔ ⁵⁷۵۷۔اَتے وَل الیشبع دے بال جمن دا ویلہ آگئے اَتے اوندے پُتر تھیا۔ ⁵⁸۵۸۔اَتے اوندے ہمسایاں تے رشتےداراں کوُں جیہڑے ویلے پتا لگے کہ خداوند دی طرفوں اوندے تے وڈی رحمت تھئی ہے تاں اُنہاں نے بہُوں خوشی کیتی۔⁵⁹۵۹۔اَٹھویں ڈیں اوُں بال دی طہور دا ویلہ آیا اَتے اوندا ناں اوندے پیئو دے ناں تے زکریا رکھن لگے۔ ⁶⁰۶۰۔پر اوندی ماں نے آکھے نیئں بلکہ ایندا ناں یوحنا رکھیا ونجے۔ ⁶¹۶۱۔لوگاں آکھیا کہ تیڈے گھرانے اِچ کیئں دا ایہہ ناں نیئں۔⁶²۶۲۔وَل اُنہاں نے بال دے پیئو کوُں اشارے نال پچھیا کہ توُں ایندا کیا ناں رکھنا چاہندا ہیئں؟ ⁶³۶۳۔اوندے پیئو لکھن کیتے ہک تختی منگائی تے اوندے تے لکھیا کہ ایندا ناں یوحنا ہے۔اَتے سارے ہکے بکے رہ گئے۔⁶⁴۶۴۔ ابڑ گت اوندی زبان کھل کھُل گئی تے اوہ بولن لگ پیا تے خدا دی تعریف کریندا ریہا۔ ⁶⁵۶۵۔ اَتے اُنہاں دے آسے پاسے راہن آلے حیران تھی گئے تے یہودیہ دے سارے پہاڑی علاقے اِچ اُنہاں ساریاں گالہیں دا چرچا تھی گئے۔ ⁶⁶۶۶۔سارے سنن آلیاں نے اُنہاں کوُ اپنے دل اِچ سوچ کے آکھے کہ ایہہ بال کیئوں جیا ہوسی؟کیونکہ خداوند دا ہتھ اوندے تے ہا۔⁶⁷۶۷۔اوُں بال دا پیئو زکریا روح القدس نال بھر گیا۔تے نبوت نال آکھن لگا کہ ۔ ⁶⁸۶۸۔خداوند اسرایئل دے خدا دی تعریف تھیوئے کیونکہ اوُں نے اپنے بندیاں تے نظر کر کے اوُں بچا گِدا۔⁶⁹۶۹۔اَتے اپنے خادم داؤد دے خاندان اِچ ساڈے کیتے نجات گھلی۔ ⁷⁰۷۰۔جیویں کہ اوُں نے اپنے پاک نبیاں دی راہیں آکھیا ہا جو کہ دنیا دے مُڈھوں تھیندے آیئن۔ ⁷¹۷۱۔یعنی ساکوُں ساڈے دشمناں تھوں اَتے سارے دشمنی کرن آلیاں دے ہتھ تھوں نجات ڈِتی۔⁷²۷۲۔ تاں جو ساڈے پیئو ڈاڈا تے رحم تھیوے اَتے اپنے عہد کوُ یاد فرمائے۔ ⁷³۷۳۔یعنی اوُں قسم کوُ جیہڑی اوُں نے ساڈے پیئو ابرہام نال کھادی ہا۔ ⁷⁴۷۴۔ کہ اوہ ساکوُ ایہہ ڈیسی کہ اپنے دشمناں دے ہتھ تھوں آزاد تھی کے۔ ⁷⁵۷۵۔اوندے حضور پاک تھی کہ راستبازی دے نال ساری عمر بے خوف اوندی عبادت کروں۔⁷⁶۷۶۔وَل تُوں اے بال خدا دا نبی اکھویسیں کیونکہ تُوں خداوند دی راہ تیار کرن کیتے اوندے اَگے اَگے چلسیں۔ ⁷⁷۷۷۔تاں جو اوُں دے لوگاں کوُ رہائی دا علم ڈیوے تاکہ اُنہاں کوُ گناہاں دی معافی حاصل تھیوے۔⁷⁸۷۸۔ایہہ ساڈے خدا دی رحمت نال تھیسی جیئں دے پاروں عالمِ بالا دا سورج ساڈے تے ظاہر کریسی۔ ⁷⁹۷۹۔تاں جو اُنہاں کوُ جیہڑے اندھارے تے موت دے پرچھاویں وِچ بیٹھے ہِن سوجھلا ڈیوے اَتے ساڈے پیراں کو سلامتی دی راہ تے ٹراوے۔⁸⁰۸۰۔اَتے اوہ بال ودھدا تے روح اِچ طاقت پاندا گیا تے اسرایئل تے ظاہر تھیون دے ڈِیں تائیں جنگلاں اِچ ریہا۔

¹۱۔اُنہاں ڈیہاں اِچ ایویں تھیا کہ قیصر اوگوستس نے ساری دنیا دے راہون آلے لوگاں کوُ گینن دا حُکم ڈِتا۔ ²۲۔شام اِچ کورنیس دے حکومت دے دور اِچ پہلی واری لوگاں کوُ گنِیا گیا۔ ³۳۔ایں کیتے ہر بندہ اپنے اپنے شاہر کوُ گیا تاں جو اِیں گنتی دے پاروں اپنا ناں لکھواوے۔⁴۴۔یوسف وی گلیل دے شاہر ناصرۃ تھوں یہودیہ دے قصبے بیت لحم کوُ گیا۔جیہڑا داؤد دا شاہر آکھیا ویندا ہا۔کیونکہ اوہ داؤد دے خاندان تے اوندی نسل تھوں ہا۔ ⁵۵۔اوہ ناں لکھواون کیتے اپنی منگیندی مریم دے نال گیا جیہڑی اُمید نال ہائی۔⁶۶۔جیہڑے ویلے اوہ اُتھاں ہَن تاں مریم دے بال جمن دا ویلہ آ گئے ۔ ⁷۷۔وَل اوندا پلیٹھی دا پُتر جمیا اَتے اوُں نے اوُں کوُ نرم کپڑے اِچ لپیٹ کے کھُرلی اِچ رکھیا کیونکہ اُنہاں کوُ سَر لُکاون دی جاہ کئے نا مِلی۔⁸۸۔اوُں علاقے اِچ آجڑی رات کوُ اندھارے اِچ اپنے اِجڑ دی رکھوالی پئے کریندے ہَن ۔ ⁹۹۔ابڑ گت اُنہاں تے خداوند دا ہک فرشتہ ظاہر تھیئے ۔اَتے خداوند دا جلال اُنہاں دے آسے پاسے روشن تھی گیا تے اؤہ بہوں ڈر گئے۔¹⁰۱۰۔پَر فرشتے نے اُنہاں کوُ آکھیا گھبراو نہ کیونکہ ڈیکھو میں تہاکوُں وڈی خوشی دی خبر ڈیندا ہاں جیہڑی سارے لوگاں کیتے ہوسی۔ ¹¹۱۱۔ کہ اَج داؤد دے شاہر اِچ تہاڈے کیتے ہک چھڑاؤن آلا جَم گئے یعنی مسیح خداوند۔ ¹²۱۲۔ایندا تہاڈے کیتے ایہہ نشان ہوسی کہ تُساں ہک بال کوُ کپڑے وِچ لپیٹیا ہویا تے کھُرلی وِچ پاتا ہویا پاسو۔¹³۱۳۔ابڑ گت اوُں فرشتے دے نال ہک بہوں وڈا آسمانی لشکر خدا دی تعریف کریندے ہوئے تے ایہہ آدھے ہوئے ظاہر تھیا۔ ¹⁴۱۴۔"آسمان تے خدا دی تعریف تھیوے اَتے زمین تے اُنہاں بندیاں دے نال جنہاں تھوں اوہ راضی ہے صُلح"۔¹⁵۱۵۔جڈاں فرشتے اوندے کولوں آسمان تے لگے گئے تاں آجڑیاں نے ہک ڈوجھے کو آکھیا"جُلو بیت لحم کوُ جُلوں اَتے جیہڑی اے گالھ تھئی ہے اَتے جیندے بارے ساکوُ خداوند نے ڈسایا ہے ونج کے ڈیکھُوں۔" ¹⁶۱۶۔اوہ جلدی نال اُتھاں پُج گئے اَتے مریم نے یوسف کوُ ڈِٹھا اَتے بال کوُ کھُرلی وِچ ڈِٹھا۔¹⁷۱۷۔جڈاں اُنہاں نے بال کوُ ڈیکھ گِدے تاں بال دے بارے اِچ جیہڑا کجھ اُنہاں نے ڈِٹھا اَتے لوگاں کوُ ڈسایا۔ ¹⁸۱۸۔جنہاں نے آجڑیاں کولوں اے گالہیں سُنیاں ہَن اوہ سارے بہوں حیران تھیئے۔ ¹⁹۱۹۔پر مریم نے ایہہ ساریاں گالہیں جیہڑیاں سُنیاں ہَن اُنہاں کوُں اپنے دِل اِچ رکھ کے اُنہاں تے غور کریندی راہی۔ ²⁰۲۰۔اَتے آجڑی جیویں اُنہاں کوُ ڈسایا گیا ہا۔سُن کے تے ڈیکھ کے خدا دی تمجید تے تعریف کریندے ہوئے واپس لگے گئے۔²¹۲۱۔اَٹھویں ڈیں جیہڑے ویلے بال دے طہور دا ڈیں آیا تاں اُنہاں نے اوندا ناں یسوع رکھیا جو فرشتے نے اوندے جمن کولوں پہلے ڈسایا ہا۔²²۲۲۔جڈاں موسیٰ دی شریعت دے مطابق اُنہاں دے پاک ہون دے ڈِیں پورے تھی گئے تاں مریم تے یوسف یروشلیم دی ہیکل اِچ بال کوُ خداوند دے حضور گھِن آئے ۔ ²³۲۳۔ جیویں کہ خداوند دی شریعت اِچ لکھا لاتھے کہ"ہر پہلوٹھا جیہڑا اپنی ماں دا رِحم کھولیندا ہے اوہ خداوند کیتے مخصوص کیتا ویسی۔ ²⁴۲۴۔اوہ قربان کیتے جانور وی گھِن آئے جیویں کہ خداوند دی شریعت اِچ لکھا لاتھے۔"قمریاں یا کبوتراں دا ہک جوڑا لایا ونجے۔"²⁵۲۵۔ ڈیکھو یروشلیم اِچ شمعون ناں دا ہک بندہ ہا اوہ بندہ نیک ہا اَتے اوُں نے اپنے آپ کوُ خدا کیتے الگ کر رکھیا ہا۔ اوندے وِچ پاک روح ہائی۔اَتے اوہ اسرایئل کیتے تسلی ڈیون دی راہ ڈیدھا ہا۔ ²⁶۲۶۔پاک روح دے وسیلے نال اوندے تے ظاہر تھیاکہ جڈاں تایئں اوہ خداوند دے مسیح کو ڈیکھ نہ گھِنسی مرسی کئے ناں۔²⁷۲۷۔ہک ڈیں او پاک روح دے وسیلے نال ہیکل اِچ آیا۔جیہڑے ویلے یسوع دے ماں پیئو اوُں کوُ شریعت دے دستور دے مطابق ہیکل اِچ گھِن آئے۔ ²⁸۲۸۔وَل شمعون نے بال کوُ اپنی گودی وِچ چاکے تے خدا دی تعریف کریندے ہویاں ایہہ آکھیا۔ ²⁹۲۹۔"اے خداوند اپنے کلام دے مطابق ہن اپنے خادم کوُ سلامتی نال گھِن ونج۔³⁰۳۰۔کیونکہ میڈی اکھاں نے تیڈی نجات ڈیکھ گِدی ہے۔ ³¹۳۱۔جیہڑی توُں سارے لوگاں کیتے تیار کیتی ہے۔ ³²۳۲۔ایہہ غیر قوماں تے ظاہر تھیون آلا نُور اَتے اسرایئل دے لوگاں دا جلال ہے۔³³۳۳۔ بال دا پیئو تے ماں اُوندے بارے وِچ ایہہ گالہیں سُن کے حیران تھئے۔ ³⁴۳۴۔ وَل شمعون نے اوُں کوُ برکت ڈِتی اَتے مریم کو آکھیا ۔"اے بال اسرایئل دے بہوں سارے لوگاں دے ڈھاون تے اُٹھن کیتے نشان مقرر کیتا گیا ہے۔ جیندی مخالفت کیتی ویسی۔ ³⁵۳۵۔ اَتے تیڈی جان تلوار نال زخمی کیتی ویسی تاں جو بہوں سارے لوگاں دے دِلاں دے خیال ظاہر تھی ونجن۔³⁶۳۶۔اُتھاں حناہ ناں دی ہک نبیہ وی راہندی ہائی۔ اوہ آشر دے قبیلے وچوں فتوایل دی دِھی ہائی۔ اوہ بہوں بُڈھی ہائی۔اُوں نے ویاہ کرکے ست سال اپنے پئے دے نال گزارے ہَن۔ ³⁷۳۷۔اوہ چوراسی سال تھوں بیوہ ہائی۔ اَتے اوہ ہیکل تھوں اَنج نہ تھیندی ہائی۔ اوہ رات ڈِیں روزے تے دُعاواں دے نال خدا دی عبادت کریندی راہندی ہائی۔ ³⁸۳۸۔اُوں ویلے ای اوہ اوندے کول آئی اَتے خدا دا شکر کرن لگی۔ اوہ بندیاں نال اوُں بال دے بارے گالہیں کرن لگی جو یروشلیم دے چھڑواون آلے دی تانگ اِچ ہَن۔³⁹۳۹۔جڈاں اوہ خداوند دی شریعت دے مطابق سب کجھ کرچکے تاں اوہ گلیل اِچ اپنے شاہر ناصرۃ کوُ لگے گئے۔ ⁴⁰۴۰۔اوہ بال ودھدا تے عقل مندی اِچ ترقی کریندا گیا۔ اَتے خدا دا فضل اوُندے تے ہا۔⁴¹۴۱۔اوندے ماں تے پیئو ہر سال عید فسَح مناون کیتے یروشلیم ویندے ہَن۔ ⁴²۴۲۔جڈاں اوہ بارہ سال دا تھیا تاں اوہ وُل دستور دے مطابق عید کیتے آئے۔ ⁴³۴۳۔جڈاں اوہ عید دے ڈیں پوُرے تھی گئے تاں واپس اپنے گھر دی طرف سفر کیتا۔ پر یسوع یروشلیم اِچ ای رہ گیا۔ اَتے اوندے ماں پیوُ کوُں ایں گالھ دا پتا نہ ہا۔ ⁴⁴۴۴۔اُنہاں نے سوچے کہ یسوع اوُں قافلے دے نالِ ای ہوسی جیڑے اَنہاں دے نال سفر کرہندے پئے ہَن۔ ایہو سوچ کے اوہ ٹُردے راہے۔⁴⁵۴۵۔جڈاں اوہ اُنہاں کُو نہ مِلا تاں اوہ یروشلیم اِچ واپس آگئے۔اُتے اُتھاں اُوں کوُ گولنا شروع کرڈِتا۔ ⁴⁶۴۶۔تریئے ڈیں بعد اُنہاں نے یسوع کوُ ہیکل اچ استاداں دے وچ بیٹھے ہوئے اَنہاں دی گالہیں سُن دے اُتے انہاں دے نال سوال و جواب کریندے ہوئے ڈِٹھا۔ ⁴⁷۴۷۔سارے جو اوندی سُندے پئے ہَن اوندی عقل تے جواب ڈیون تھوں بہوُں حیران ہَن۔⁴⁸۴۸۔جڈاں اُنہاں نے اوُں کوُں ڈِٹھاں تاں اوہ حیران رہ گئے۔ اوُں دی ماں نے اوُں کوُ آکھیا '' پُتر ، تُوں کیوں ساڈے نال ایویں کیتے؟ ڈیکھ میں تے تیڈا پیئو بہوں پریشان تھی کے تیکو گولیندے راہے ہاسے۔ ⁴⁹۴۹۔اوُں نے اوُں کوُ آکھیا '' تساں میکوں کیوں گولیندے ہاوے؟کیا تساں نیئں وے جان دے کہ میکوُ اپنے باپ دے گھر ہوونا ضروری ہا۔ ⁵⁰۵۰۔پر جو اوُں نے آکھے اور اوندا مطلب نہ سمجھ سکے۔⁵¹۵۱۔وَل اوہ اُنہاں دے نال ناصرۃ کوُ اپنے گھر لگا گیا اُتے اُنہاں دی گالھ منیندا رہیا۔ اوندی ماں اِنہاں گالہیں کوُ اپنے دِل وچ رکھ کے اُنہاں تے غور کرہندی را ہی۔ ⁵²۵۲۔تے یسوع عقل مندی تے قدوقامت وِچ اَتے خدا تے انساناں دی نگاہ اِچ مقبول تھیندا گیا۔

¹۱۔تبریاس قیصر دی حکومت دے پندرھویں سال جڈاں یہودیہ دا گورنر پینطُس پیلاطس ہا۔ تے ہیرودیس گلیل دا تے اوندا بھرا فلپ اتوریہ تے ترخونی تس اَتے لسانیاس ابلینے دا حاکم ہا۔ ²۲۔اوُں ویلے حنا تے کائفا سردار کاہن ہَن اُنہاں ڈیہواراں اِچ جنگل اِچ زکریا دے پُتر یوحنا تے خدا دا کلام نازل تھیا۔³۳۔اوُں نے یردن دے آسوں پاسوں پھردے ہویاں گناہواں دی معافی تے توبہ دے بپتسمے دے منادی کیتی ۔⁴۴۔جیوں کہ یسعیاہ نبی دی کتاب اِچ لکھا لاتے کہ بیابان اِچ ہک سَڈن آلے دی آواز آندی ہے۔"خداوند دی راہ تیار کرو اَتے اوندے رستے سیدھے بناو۔⁵۵۔ہر جھکِی جاہ بھریج ویسی،ہر ہک پہاڑ تے جھکِی اوچی جاہ برابر کیتی ویسی۔ٹیڑھے رستے سِدھے کیتے ویسن اَتے اوکھی راہواں ٹھیک کیتیاں ویسن۔ ⁶۶۔سارے لوگ خدا دی نجات کوُ ڈیکھسن۔⁷یوحنا نے اوُں بندیاں دی بھیڑ کوُ جو بپتسمہ گھِنن کیتے آئی ہائی آکھے۔"اے سپ دی نسل تہاکوُں کیئں نے ڈسایا ہے کہ آون آلی مصیبت تھوں بھج ونجو؟۔⁸۸۔توبہ دے موافق پھل گھِن آو۔اَتے اپنے آپ کوُ ایہہ آکھنا بند کرو کہ ابرہام ساڈا پیئو ہے ۔کیونکہ میں تہاکوُ آدھا ہاں کہ خدا اُنہاں پتھراں وِچوں وی ابرہام کیتے بال جمن دی قدرت رکھیندا ہے۔⁹۹۔ہُن درختاں دی جڑ تے کہاڑا رکھا لاتھے ہُن جیہڑا درخت پھل نیئں ڈیندا اوہ کٹ کے تے اَگ اِچ سَٹیا ویسی۔¹⁰۱۰۔وَل بندیاں دی بھیڑ وچوں بندیاں نے اوُں کوُ آکھیا۔"وَل ساکوُں کیا کرنا چاہیدا ہے؟۔ ¹¹۱۱۔اوُں نے اُنہاں کوُ جواب اِچ آکھیا۔"اگر کیئں دے کول ڈو چوغے ہوون تاں اوُں کوُ چاہیدا ہے بئی کہ اوہ ہک اوُں کوُ ڈے چھوڑے جئیں دے کول نئیں اَتے جیندے کول ٹُکر ہے اوہ وی ایویں ای کرے۔¹²۱۲۔وَل کجھ چُنگی گھنن آلے وی بپتسمہ گھنن کیتے آئے اَتے اُنہاں نے اوُں کوُ آکھیا۔"اُستاد ساکوُ کیا کرنا چاہیدا ہے؟ ¹³۱۳۔اوُں نے اُنہاں کوُ آکھیا۔"جتنا ڈیون کیتے آکھا گیا ہے اوندے کولوں زیادہ پیسے نہ گھِنو۔¹⁴۱۴۔کجھ سپاہیاں نے وی اوندے کولوں پچھیا،"اَتے ساڈے بارے کیا حکم ہے؟ ساکوُں کیا کرنا ہوسی؟ اوُں نے اُنہاں کوُ آکھیا کیئں کولوں زبردستی پیسے نہ گھِنو اَتے کیئں تے جھوٹا الزام نہ لاو۔اپنی تنخواہ تے گزارہ کرو۔"¹⁵۱۵۔اوُں ویلے لوگ وڈی بے چینی نال مسیح دے آون دی راہ ڈیدھے ہَن۔اَتے ہر کوُئی اپنے دِل اِچ ایہو سوچیندا ہا کہ ایہہ تھی سگدے کہ یوحنا ہی مسیح ہے۔ ¹⁶۱۶۔یوحنا نے جواب اِچ اُنہاں ساریاں کوُ آکھیا ،"میں تاں تہاکوُں پانی نال بپتسمہ ڈیندا ہاں پر جو میڈے بعد آون آلا ہے اوہ میڈے کولوں بہوں زور آور ہے۔اَتے میں اِیں قابل وی نیئں کہ اوندی جُتیاں دے تسمے وی کھول سگاں اوہ تہاکوُں پاک روح تے اَگ نال بپتسمہ ڈیسی۔¹⁷۱۷۔اوندا چھج اوندے ہتھ اِچ ہے تاں جو اپنے کھلیان کوُ صاف کرے تے کنک کوُں تاں اپنے کھِتے اِچ جمع کرے۔پَر بھُوں کوُ اوُں اَگ اِچ سڑیسی جیہڑی کڈایئں بھجن آلی نیئں۔¹⁸۱۸۔اوُں نے بہوں ساری نصیحتاں دے نال بندیاں کوُں خوشی دی خبر سنائی۔ ¹⁹۱۹۔یوحنا نے ملک دے چوتھے دے حاکم ہیرودیس تے اُنہاں دی ساریاں بُرائیاں دے پاروں جو اوہ کریندا ہا اَتے ایندے پاروں وی کہ اوُں نے اپنے بھرا فلپ دی بیوئی ہیرودیس نال ویاہ کیتا ہویا ہا۔بُرا بھلا آکھیا۔ ²⁰۲۰۔ہیرودیس نے ہک بیہا گناہ کیتے کہ یوحنا کوُ قید اِچ سَٹ ڈِتا ہا۔²¹۲۱۔جڈاں سارے لوگ بپتسمہ گھنن کیتے آندے پئے ہن تاں یسوع نے وی بپتسمہ گِدا وَل جڈاں اوہ دُعا کریندا پیا ہا تاں آسمان کُھل گیا۔ ²²۲۲۔اَتے پاک روح آسمانی صورت اِچ کبوتر دی شکل اِچ نازل تھیا۔اوُں ویلے آسمان تھوں ہک آواز آئی ۔"توں میڈا پیارا پُتر ہیئں جیندے نال میں پیار کریندا ہاں ۔تیڈے کولوں میں خوش ہیں۔"²³۲۳۔جیہڑے ویلے یسوع نے آپ تعلیم ڈیونا شروع کیتا تاں اوہ تقریباََ تریح سال دا ہا۔ (اَتے جیویں آکھاویندا ہا) اوہ یوسف دا پُتر ہا۔ ²⁴۲۴۔اَتے اوہ عیلی دا پُتر ہا اوہ متاب دا پُتر ہا، اَتے اوہ لاوی دا پُتر ہا، اَتے اوہ ملکی دا پُتر ہا اَتے اوہ یناہ دا پُتر ہا،اَتے اوہ یوسف دا پُتر ہا۔²⁵۲۵۔ اَتے اوہ متیاہ دا پُتر ہا، اَتے اوہ عاموس دا پُتر ہا، اَتے اوہ ناحوم دا پُتر ہا، اَتے اوہ اسلیا دا پُتر ہا، اَتے اوہ نوگہ دا پُتر ہا۔ ²⁶۲۶۔ اَتے اوہ ماعت دا پُتر ہا، اَتے اوہ متیاہ دا پُتر ہا، اَتے اوہ شمعی دا پُتر ہا، اَتے اوہ یوسیخ دا پُتر ہا، اَتے اوہ یوداہ دا پُتر ہا۔²⁷۲۷۔اَتے اوہ یوحنا دا پُتر ہا، اَتے اوہ ریسا دا پُتر ہا، اَتے اوہ زربابل دا پُتر ہا، اَتے اوہ سیالتی ایل دا پُتر ہا، اَتے اوہ نیری دا پُتر ہا۔ ²⁸۲۸۔اَتے اوہ ملکی دا پُتر ہا، اَتے اوہ اَدی دا پُتر ہا، اَتے اوہ قوسام دا پُتر ہا، اَتے اوہ المودام دا پُتر ہا، اَتے اوہ عیر دا پُتر ہا۔ ²⁹۲۹۔اَتے اوہ یشوع دا پُتر ہا، اَتے اوہ الیضر دا پُتر ہا، اَتے اوہ یوریم دا پُتر ہا، اَتے اوہ متات دا پُتر ہا، اَتے اوہ لاوی دا پُتر ہا۔³⁰۳۰۔اَتے اوہ شمعون دا پُتر ہا، اَتے اوہ یہودہ دا پُتر ہا، اَتے اوہ یوسف دا پُتر ہا، اَتے اوہ یونان دا پُتر ہا، اَتے اوہ الیاقیم دا پُتر ہا۔ ³¹۳۱۔ اَتے اوہ ملےآہ دا پُتر ہا، اَتے اوہ مِناہ دا پُتر ہا، اَتے اوہ متتا دا پُتر ہا، اَتے اوہ ناتن دا پُتر ہا، اَتے اوہ داود دا پُتر ہا۔ ³²۳۲۔ اَتے اوہ یسی دا پُتر ہا، اَتے اوہ عوبید دا پُتر ہا، اَتے اوہ بوعز دا پُتر ہا، اَتے اوہ سلمون دا پُتر ہا، اَتے اوہ نحسون دا پُتر ہا۔³³۳۳۔اَتے اوہ عمینداب دا پُتر ہا، اَتے اوہ ادمین دا پُتر ہا، اَتے اوہ ارنی دا پُتر ہا، اَتے اوہ حصرون دا پُتر ہا، اَتے اوہ فارص دا پُتر ہا، اَتے اوہ یہودہ دا پُتر ہا۔ ³⁴۳۴۔ اَتے اوہ یعقوب دا پُتر ہا، اَتے اوہ اضحاق دا پُتر ہا، اَتے اوہ ابرہام دا پُتر ہا، اَتے اوہ تاراح دا پُتر ہا، اَتے اوہ نحور دا پُتر ہا۔ ³⁵۳۵۔ اَتے اوہ سروج دا پُتر ہا، اَتے اوہ رعو دا پُتر ہا، اَتے اوہ فلج دا پُتر ہا، اَتے اوہ عبر دا پُتر ہا، اَتے اوہ سیلح دا پُتر ہا۔³⁶۳۶۔ اَتے اوہ قینان دا پُتر ہا، اَتے اوہ ارفکسد دا پُتر ہا، اَتے اوہ سِم دا پُتر ہا، اَتے اوہ نوح دا پُتر ہا، اَتے اوہ لمک دا پُتر ہا۔ ³⁷۳۷۔ اَتے اوہ متوسلح دا پُتر ہا، اَتے اوہ حنوک دا پُتر ہا، اَتے اوہ یارد دا پُتر ہا، اَتے اوہ محلل ایل دا پُتر ہا، اَتے اوہ قینان دا پُتر ہا۔ ³⁸۳۸۔ اَتے اوہ انوس دا پُتر ہا، اَتے اوہ سیت دا پُتر ہا، اَتے اوہ آدم دا پُتر ہا، اَتے اوہ خدا دا پُتر ہا۔

¹۱۔وَل یسوع پاک روح دے نال بھریج کے دریائے یردن تھوں واپس ولیا، تے روح تھوں ہدایت پاکے بیابان دے طرف لگا گیا۔ ²۲۔جِتھاں او چالہی ڈِیں تایئں شیطان تھوں آزمایا گیا۔ایں دوران اوُں نے کجھ نا کھادا، تے وَل اخیر کوُ اوُں کوُ بھُک لگی۔³۳۔شیطان نے اوُں کوُ آکھیا،"اگر تُوں خدا دا پُتر ہیئں تاں اِنہاں پتھراں کوُ حکم ڈے کہ ایہہ ٹُکر بن ونجن۔ ⁴۴۔یسوع نے اوُں کوُ جواب ڈِتا،"ایہہ وی لکھیا ہے کہ بندہ صرف ٹکر ہی نال جیوندا نہ رہسی۔⁵۵۔وَل شیطان اوُں کوُ ہک اُچی جاہ تے گھِن گیا اَتے ہکو واری اوُں کوُ ساری دنیا دی بادشاہت ڈیکھائی۔ ⁶۶۔شیطان نے اوُں کوُں آکھیا"میں تہاکوں انہاں ساریاں سلطنتاں دا اختیار تے اُنہاں دی شان و شوکت دے ڈیساں ۔ میں ایہہ ایں کیتے کر سگدا ہاں کیونکہ اُنہاں ساریاں تے اختیار میکوُ ڈِتا گیا ہے اَتے جیں کوُں چاہندا ہاں اوُں کوُں ڈے ڈیندا ہاں۔ ⁷۷۔اگر تُو میڈے سامنے جِھکا تھی کہ میکو سجدہ چا کر اَتے میڈی عبادت کر تاں ایہہ سارا کجھ تیڈا تھی ویسی۔⁸۸۔پَر یسوع نے جواب اِچ اوُں کوُ آکھیا،"ایہہ وی لکھا لاتھے کہ صرف اپنے خدا دی عبادت کر، اَتے صرف اوندی خدمت کر۔⁹۹۔وَل شیطان یسوع کوُ یروشلیم گھِن گیا اَتے اوُں کوُ ہیکل دی سب تھوں اُچی جاہ تے گھِن گیا تے اُتھاں ونج کے آکھیا"اگر تُوں خدا پُتر ہیں تاں اِتھوں اپنے آپ کوُ تھلے سَٹ ڈے۔ ¹⁰۱۰۔کیونکہ لکھا لاتھے کہ اوہ (خدا) اپنے فرشتیاں کوُ حکم ڈیسی کہ اوہ تیڈی حفاظت کرن۔ ¹¹۱۱۔ اَتے اوہ تیکوں اپنے ہتھاں تے چا گھنسن، تاں جو تیڈے پیراں کوُں ٹھُڈا نہ لگے۔¹²۱۲۔یسوع نے ایہہ آدھے ہوئے اوُں کوُ جواب ڈِتا کہ ۔"تُوں خداوند اپنے خدا کوُ نہ آزما۔" ¹³۱۳۔جیہڑے ویلے شیطان یسوع کوُ آزما چُکا۔تاں اوہ تھوڑی دیر کیتے یسوع کو چھوڑ کے لگا گیا۔¹⁴۱۴۔وَل یسوع پاک روح نال بھریج کے گلیل کوُ واپس آیا تاں سارے علاقے اِچ اوندی خبر پھیل گئی۔ ¹⁵۱۵۔اوہ اُنہاں دے عبادت خانیاں اِچ تعلیم ڈیون لگا۔ اَتے ہر کوُئی اوندی تعریف کریندا ہا۔¹⁶۱۶۔اوہ ناصرۃ اِچ جتھاں اوہ وڈا تھیا ہا، اَتے اپنے دستور دے مطابق اوہ سبت آلے ڈیں عبادت خانے اِچ گیا اَتے کھڑا تھی کے آسمانی کتاب وِچوں پڑھن لگا۔ ¹⁷۱۷۔وَل اوُں کوُ یسعیاہ نبی دا طومار ڈِتا گیا، اوُں نے طومار کوُ کھولا اَتے اُتھوں پڑھن لگا جتھاں ایہہ لکھا ہا کہ۔¹⁸۱۸۔"خداوند دی روح میڈے اُتے ہے۔کیوں جو اوُں نے میکو غریباں کوُ خوشی دی خبر سناون کیتے مَسح کیتا ہے اوُں نے میکو قیدیاں دی آزادی دا اعلان کرن اَتے جیہڑے ڈیدھے نہ ہَن اُنہاں کوُ اکھیاں ڈیون تے ستائے ہویاں کوُ آزاد کرآں۔ ¹⁹۱۹۔اَتے خداوند دے سال مقبول دا اعلان کرن کیتے گھلیا ہے۔²⁰۲۰۔وَل اوُں نے طومار کوُ بند کر کے عبادت خانے دی خدمت کرن آلے کوُ واپس ڈے ڈِتا۔ اَتے بیٹھ گیا۔ عبادت خانے وِچ بیٹھے سارے بندیاں دیاں نظراں اوندے تے ہَن۔ ²¹۲۱۔اوُں نے اُنہاں کوُ آکھنا شروع کیتا۔" جیویں کہ تُساں سُنے اَج ایہہ نوشتہ پورا تھیا۔ ²²۲۲۔اوُں نے جو کجھ آکھے اُتھاں جیہڑے لوگ ہَن اُنہاں ساریاں نے اوندی گواہی ڈِتی۔اَتے اوندے منہ وِچوں فضل نال بھریاں ہویاں گالہیں سُن کے حیران تھیئے۔اوہ آکھن لگے"کیا ایہہ یوسف دا پُتر نیئں؟"۔²³۲۳۔یسوع نے اُنہاں کوُ آکھیا کہ ایہہ مثال تُساں میڈے تے آکھسو کہ "اے حکیم پہلے توُں اپنے آپ کوُ تاں چنگا کر۔جو کجھ اَساں سُنا ہِےکہ توُں کفرنحوم اِچ کیتا ہے اَتھاں وی اپنے پیئو ڈاڈے دے شاہر اِچ کر کے ڈِکھا۔" ²⁴۲۴۔اوُں نے ایہہ وی آکھیا ۔" میں تہاکوُں سچ آدھا ہاں کہ کیئں نبی کوُ اوندے اپنے ملک اِچ قبول نیئں کیتا ویندا۔²⁵۲۵۔پَر میں تہاکوُ سچ آدھا ہاں کہ ایلیاہ دے زمانے اِچ اسرایئل اِچ بہوں ایہو جیاں عورتاں ہَن جنہاں دے پئے مَر گئے ہَن ،جیہڑے ویلے آسمان بند تھی گیا اَتے ساڑھے تریئے سال مینہ نا وسیا،تے ساری زمین تے کال ہا۔ ²⁶۲۶۔پر ایلیاہ کوُ اُنہاں عورتاں وِچوں کیئں دے کول نہ گھلیا گیا ہا۔ پر اوہ اوُں بیوہ دے کول جیہڑی صیدا دے نیڑے ہک شاہر صاریت اِچ راہندی ہائی گھلیا گیا ہا۔ ²⁷۲۷۔الیشع نبی دے زمانے اِچ اسرایئل اِچ بہوں سارے کوڑھی ہَن پر شامی نعمان کوڑھی دے سوا کوئی وی چنگا نہ تھیا ہا۔²⁸۲۸۔عبادت خانے اِچ جڈاں لوگاں نے ایہہ گالہیں سُنیں تے او سارے غصے نال بھر گئے۔ ²⁹۲۹۔اوہ اوُں کوُ زبردستی پھَد کے شاہر تھوں باہر پہاڑی دے اُتے گھِن گئے جتھاں اوہ شاہر آباد ہا۔تاں جو اوُں کوُ اوُں پہاڑی تھوں تھلے سَٹ چھوڑن۔ ³⁰۳۰۔پر اوہ اُنہاں دے وِچوں نکل کے لگا گیا۔³¹۳۱۔وَل اوہ گلیل دے ہک شاہر کفرنحوم کوُ گیا اَتے سبت آلے ڈیں عبادت خانے اِچ بندیاں کوُ تعلیم ڈیون لگا۔ ³²۳۲۔اوہ اوندی تعلیم تھوں بہوں حیران تھیئے کیونکہ اوہ اختیار نال بولیندا ہا۔³³۳۳۔ہک ڈیں عبادت خانے اِچ ہک بندہ ہا جیندے وِچ پلید روح ہائی۔اوہ اُچی آواز نال دھاڑاں پاون لگ گیا۔ ³⁴۳۴۔اے یسوع ناصری تیکوُ ساڈے نال کیا کم ہے ؟کیا توُں ساکوُ مار سٹن کیتے آیا ہیئں ؟میں جان دا ہاں کہ توُں کون ہیں !توُں خدا دا قدوس ہیئں۔³⁵۳۵۔یسوع نے بُری روح کوُ جھٹکیا اَتے آکھیا ،"چُپ تھی ونج تے ایندے وِچوں نکل ونج ! تاں بُری رُوح نے اوُں بندے کوُ اُنہاں دے وِچ ہی چاکے زمین تے سٹ چھوڑے ،اَتے اوُں بندے کوُ کوُئی نقصان پہنچائے بغیر ہی نکل گئی۔ ³⁶۳۶۔سارے لوگ بہوں حیران تھیئے اَتے آپس اِچ آکھن لگے ۔"ایہہ کیہو جیا کلام ہے؟ اوہ اختیار تے قدرت نال بُری روحاں کوُ حکم ڈیندا ہے تاں اوی نکل ویندیاں ہَن۔ ³⁷۳۷۔اِیں طرح تھیندے ہویاں ایہہ خبر سارے آسوں پاسوں پھیل گئی۔³⁸۳۸۔وَل یسوع عبادت خانے وِچوں نکل کے شمعون دے گھر آیا۔اُتھاں شمعون دی سَس کوُ بہوں سخت بخار ہا۔اَتے اُنہاں نے اوُں دے اَگے اوُں دے کیتے منت کیتی۔ ³⁹۳۹۔پَس اوہ کھڑا تھیا اَتے بخار کوُ جھڑکیا اَتے اوہ چنگی تھی گئی۔ اوہ جلدی نال اُٹھی کہ اُنہاں دے خدمت کرن لگ پئی۔⁴⁰۴۰۔جیہڑے ویلے سورج نکلن لگا تاں لوگ اُنہاں ساریاں کوُ جیہڑے بیمار ہَن اَتے کئی طرح دیاں بیماریاں اِچ پھسے ہوئے ہَن یسوع دے کول گھِن آئے۔اوُں نے اُنہاں وِچوں ہر ہک تے ہتھ رکھے تے اُنہاں کوُ چنگا کیتا۔ ⁴¹۴۱۔بہوں بندیاں وِچوں بُری رُوحاں چیخ دے ہوئے اَتے ایہہ آدھے ہوئے نکل گیاں ،"توُ خدا دا پُتر ہے! یسوع نے بُری رُوحاں کوُں جھڑکیا تے اُنہاں کوُں بولن نہ ڈیندہ ہا کیونکہ اوہ جان دیاں ہَن کہ اوُہو ای مسیح ہے۔⁴²۴۲۔سویرے تڑکے ای یسوع علیدگی اِچ دُعا کرن کیتے گیا۔تاں بندیاں دی ہک وڈی بھیڑ اوُں کوُں گولیندے ہوئے اُتھاں پُج گئی۔چیلیاں نے بھیڑ کوُ یسوع تھوں دور رکھن دی کوشش کیتی۔ ⁴³۴۳۔پَر اوُں نے اُنہا کوُ آکھیا۔"لازمی ہے کہ میں خدا دی بادشاہی دی خوشی دی خبر سناواں اَتے مُنادی ڈوجھے شاہراں وِچ وی کراں کیونکہ اِیں کیتے میں بھیجا گیا ہاں۔ ⁴⁴۴۴۔وَل اوہ یہودیہ دے عبادت خانیاں اِچ مُنادی کریندا ریہا۔

¹۱۔ہَن ایویں تھیا کہ لوگاں دی ہک وڈی بھیڑ خدا دا کلام سُنن کیتے یسوع تے ڈھاندی پئی ہائی۔اوہ گینسرت دی جھیل دے کنڈے تے کھڑا تھی گیا۔ ²۲۔اوُں نے جھیل دے کنڈے تے ڈو کشتیاں کوُ ڈٹھا۔جتھاں مچھیرے کشتیاں تھوں اُتر کے اپنے جال صاف کریندے پئے ہَن۔ ³۳۔اُنہاں کشتیاں وِچوں یسوع ہک کشتی تے ونج بیٹھا جیہڑی شمعون پطرس دی ہائی یسوع نے اوُں کوُ آکھیا کہ کشتی کوُ کنڈے تھوں تھوڑا دور پانی اِچ گھِن ونج وَل اوہ کشتی وِچ بیٹھ کے لوگاں کوُ تعلیم ڈیون لگ پئے۔⁴۴۔جیہڑے ویلے اوہ کلام سُنا چُکے تاں اوُں نے شمعون کوُ آکھیا اپنی کشتی کوُ ڈوُنگے پانی وِچ گھِن ونج اَتے مچھیاں پکڑن کیتے جال سَٹو۔ ⁵۵۔شمعون نے جواب اِچ آکھیا۔"اے اُستاد اَساں ساری رات محنت کیتی ہے پَر کجھ وی ہتھ نیئں آیا ،پَر جیویں توُں آدھا ہیں میں جال سٹیندا ہاں۔ ⁶۶۔ جیہڑے ویلے اُنہاں نے جال سٹیا تاں اُنہاں نے بہوں زیادہ مچھیاں پکڑیاں اِتھوں تایئں کہ اُنہاں دے جال پھٹن لگ پئے۔ ⁷۷۔وَل اُنہاں نے اپنے سنگتیاں کوُ سڈیا جیہڑے ڈوجھی کشتی تے ہَن تاں جو اُنہاں دی مدد کیتے آون۔اوہ آئے اَتے اُنہاں نے ڈویں کشتیاں مچھیاں نال بھر گیاں اَتے کشتیاں پانی اِچ ڈُبن لگ گیئاں۔⁸۸۔ پَر شمعون پطرس نے جیہڑے ویلے ایہہ ڈِٹھا تاں اوہ یسوع دے اَگے جُھک گیا تے آکھن لگا۔"اے خداوند توُں اِتھوں لگا ونج کیونکہ میں ہک گنہگار بندہ ہاں۔ ⁹۹۔کیونکہ اوہ تے اوندے سنگتی اوُں شکار تھوں جیہڑا اُنہاں نے پکڑیا ہا بہوں حیران تھئے۔ ¹⁰۱۰۔اِنہاں وِچ زبدی دے پُتر یعقوب تے یوحنا وی جیہڑے شمعون دے سنگتی ہا۔اَتے یسوع نے شمعون کوُ آکھیا ، گھبرا نہ،کیونکہ ہُن توُں بندیاں کوُ پکڑا کریسیں۔ ¹¹۱۱۔جیہڑے ویلے اوہ اپنی کشتیاں کوُ کنڈے تے گھِن آئے تاں سارا کجھ چھوڑ کے اوندے پچھوں ٹُر پئے.¹²۱۲۔ اُنہاں شاہراں وِچوں ہک شاہر اِچ جڈاں یسوع آیا تاں اُتھاں ہک بندہ ہا جیندے سارے جسم تے کوڑھ ہا۔جیہڑے ویلے اوُں نے یسوع کوُ ڈِٹھا تاں اوں منہ دے بھار ڈِھے کو مِنت کرن لگا۔"اے خداوند اگر تیکوُ پسند ہے تاں میکوں معاف کر سگدیں۔ ¹³۱۳۔ یسوع نے اوُں دے پاسے اپنا ہتھ ودھایا اَتے اوُں کوُ ہتھ لایا تے آکھیا۔" میں چاہندا ہاں کہ توُں صاف تھی ونج ۔"تاں اوُں ویلے ای اوندا کوڑھ ختم تھی گیا۔¹⁴۱۴۔یسوع نے اوُں کوُ حُکم ڈِتا کہ اوہ ایہہ کیئں کوُ نہ ڈساوے ،اوُں کوُ آکھیا۔"ونج اپنے آپ کوُ کاہن کوُ ڈکھا جیویں موسیٰ نے حکم ڈِتا ہے۔اوُں دے مطابق پاک و صاف تھیون دی قربانی چڑھا تاں جو اُنہاں کیتے گواہی تھیوے۔¹⁵۱۵۔ پَر ایہہ خبر دُور دُور تک پھیل گئی۔اَتے لوگاں دی وڈی بھیڑ بیماریاں تھوں چنگے تھیون کیتے تے اوندی تعلیم سُنن کیتے کٹھی تھی گئی۔ ¹⁶۱۶۔یسوع بہوں واری ویران جاہ تے دُعا کرن کیتے ویندا ہا۔¹⁷۱۷۔اُنہاں ڈیواراں اِچ جڈاں اوہ تعلیم ڈیندا ہا تاں اُتھاں فریسی تے شریعت دے اُستاد وی بیٹھے ہَن جیہڑے گلیل تے یہودیہ دے آسے پاسے دے علاقیاں وِچوں آئے ہَن۔اَتے خداوند دی چنگا کرن آلی قدرت اُنہاں دے نال ہا۔¹⁸۱۸۔ وَل کجھ بندے ہِک مفلوگ کوُ کَھٹ تے چاہ کے گھِن آئے۔اوہ اوُں مفلوج کوُ گھِن کے اندر ونجن دی کوشش کریندے ہَن تے راہ گولیندے پئے ہَن تاں جو اوُں کوُ یسوع سے سامنے گھِن آون۔ ¹⁹۱۹۔بندیاں دی بھیڑ دی وجہ تھوں اُنہاں کوُ راہ نہ مِلا۔وَل اوہ پوڑیاں تھوں چڑھدے ہوئے چھت تے گئے اَتے چھت اکھیڑ کے کھَٹ کوُ بندیاں دے وِچ یسوع دے بالکل سامنے رکھ ڈِتا۔²⁰۲۰۔ اُنہاں دا ایمان ڈِیدھیاں ہویاں یسوع نے اوُں بندیاں کوُ آکھیا۔"تیڈے گناہ معاف تھئے ²¹۲۱۔صدوقی تے فریسی آپس اِچ ایہہ سوال کرن لگے کہ،"ایہہ کون ہے جو کُفر آدھا ہے؟کیونکہ خدا دے سوا کوئی گناہ معاف نیئں کر سگدا۔"²²۲۲۔ پَر یسوع نے اپنی رُوح اِچ ایہہ جان کہ اوہ کیا سوچیندے ہَن جواب اِچ اُنہاں کوُ آکھیا۔"تُساں اپنے دِلاں اِچ کیوں شک کریندے ہیوے؟۔ ²³۲۳۔آسان کیا ہے؟کیا تیڈے گناہ معاف تھئے یا ایہہ کہ اُٹھ تے پھر ٹُر۔ ²⁴۲۴۔پَر تہاکوُں ایہہ جان گھننا چاہیدا ہے کہ اِبن آدم کوُ زمین تے گناہ معاف کرن دا اختیار ڈِتا گیا ہے ،میں تہاکوُں آدھا ہاں ،"اُٹھ اپنی کھٹ چا تے اپنے گھر لگا ونج۔²⁵۲۵۔اوہ اُنہاں دے سامنے جلدی نال اُٹھ بیٹھا اَتے جیہڑی کھٹ تے اوہ سُتا ہا اوُں کوُ چایا تے اوہ خدا دی تعریف کریندا ہویا اپنے گھر کوُ لگا گیا۔ ²⁶۲۶۔اوہ سارے حیران تھی گئے اَتے خدا دی تمجید کرن لگ پئے تے اوہ سارے خوف نال بھر گئے اَتے آکھن لگے ،کہ"اَج اساں بہوں حیرت آلیاں گالہیں ہوندیاں ہویاں ڈٹھیاں ہِن۔²⁷۲۷۔ ایہہ گالہیں تھیون دے بعد یسوع لاوی ناں دے ہک چُنگی گھِنن آلے کوُ مِلا۔جیہڑا چُوکی اُتے چُنگی گھنن بیٹھا ہا۔یسوع نے اوُں کوُ آکھیا۔"میڈے پیچھے آ۔" ²⁸۲۸۔لاوی نے سب کجھ اُتھایئں چھوڑا تے اُٹھ کے یسوع دے پیچھے ٹُر پیا۔²⁹۲۹۔وَل یسوع نے لاوی کیتے اپنے گھر اِچ ہک بہوں وڈی دعوت کیتی۔اُتھاں بہوں سارے چُنگی گھنن آلے اَتے ڈوجھے لوگ وی اوندے نال ٹُکر کھاون کیتے بیٹھے ہَن۔ ³⁰۳۰۔ فریسی نے صدوقی یسوع دے چیلیاں دے اَگے ایہہ شکایت کریندے ہوئے ایہہ آکھن لگے۔"تُساں کیوں چُنگی گھنن آلیاں تے گنہاگار بندیاں دے نال کھاندے پیندے ہو؟"۔ ³¹۳۱۔ یسوع نے جواب اِچ اُنہاں کوُ آکھیا۔"اوہ بندے جیہڑے چنگے ہَن اُنہاں کوُ حکیم دی ضرورت نیئں بلکہ صرف اُنہاں کوُ ہے جیہڑے بیمار ہِن۔ ³²۳۲۔میں نیک لوگاں دی توبہ کیتے نیئں آیا بلکہ گنہگاراں دی توبہ کیتے آیا ہاں۔³³۳۳۔ اُنہاں نے اوُں کوُ آکھیا۔"یوحنا دے چیلے تو ہمیشہ روزہ رکھیندے ہَن اَتے دُعا وی کریندے ہَن تے فریسیاں دے چیلے وی ایویں ای کریندے ہَن۔پَر تیڈے چیلے کھاندے پیندے ہَن۔ ³⁴۳۴۔یسوع نے اُنہاں کوُ آکھیا۔"کیا بُرائی جڈا تایئں گھوٹ دے نال ہَن روزہ رکھسن؟۔ ³⁵۳۵۔پَر اوہ ڈِیں آسان جڈاں گھوٹ اُنہاں کولوں الگ کیتا ویسی،اُنہاں ڈِیہاں وِچ اوہ روزہ رکھسن۔³⁶۳۶۔یسوع نے اُنہاں کوُ ہک تمثیل وی سُنائی،"کوئی بندہ ایہو جیا نیئں جیہڑا نویں کپڑے دا ٹوٹا پُرانے کپڑے وِچ لاوے۔اگر اوہ ایویں کریسی تاں نواں کپڑا پھٹ ویسی۔اَتے پُرانا کپڑا نویں کپڑے اِچ چنگا وی ناں لگسی۔³⁷۳۷۔کوُئی بندہ نویں مَے وی پُرانی مشکاں اِچ نیئں بھریندا ۔اگر اوہ ایویں کریسی تاں نویں مَے مشکاں کوُ پھاڑ ڈیسی اَتے ساری مَے وَٹیِ ویسی۔تے مشکاں برباد تھی ویسن۔ایں کیتے ضروری ہے کہ نویں مَے نویاں اِچ ہی بھری ونجے۔ ³⁸۳۸۔ بلکہ نویں مَے نویں مشکاں اِچ ای بھرنا ٹھیک ہے۔ ³⁹۳۹۔کوُئی بندہ پُرانی مَے پی کے نویں مَے دی خواہش نیئں کریندا کیونکہ اوہ آدھا ہے کہ ۔"پُرانی ہی چنگی ہائی"۔

¹۱۔وَل سبت آلے ڈیں اِیویں تھیا کہ یسوع اَتے اوندے چیلے کھیتاں وچوں تھی کے ویندے پۓ ہَن اَتے اوندے چیلے کنک دے سِٹے توڑ کے اپنے ہتھاں تے مَل کے کھاون لگے۔ ²۲۔پر تھوڑے جۓ فریسیاں نے آکھیا " تُساں اوہ کم کیوں کریندے او جیکوں سبت دے ڈیں کرنا شریعت دی طرفوں جائز نئیں ؟"³۳۔یسوع نے اُنہاں کوُں جواب ڈِتا "کیا تُساں نیئں پڑھیا کہ جیہڑے ویلے داود تے اُنھاں بندیاں کوُں جیہڑے اوندے نال ہَن بُھک لگی تاں اُنہاں نے کیا کیتا۔ ⁴۴۔اوہ خدا دے گھر گیا تے نذر دی روٹی جیکوں صرف کاہناں کوُں کھاوناں جائز ہائی گھِن کے کھادی اَتے اوندے بندیاں نے وی ایویں ای کیتا۔ ⁵۵۔وَل اوُں نے اُنہاں کوُں آکھیا "ابنِ آدم سبت دا مالک ہے۔"⁶۶۔ وَل ہک بئے سبت کوُں اوہ عبادت خانے وِچ لوگاں کوُں تعلیم ڈیون گیا۔اَتھاں ہِک بندہ ہا جیندا سجا ہتھ سک گیا ہا۔ ⁷۷۔ فقیہی تے فریسی بڑے غور نال اوُں کوُ ڈیکھن لگے کے کیا اوہ سبت آلے ڈیں اوُں کوُں چنگا کریندا ہے کہ نیئں تاکہ اوندے خلاف الزام لاون دی وجہ لبھ سگن۔ ⁸۸۔ پر اوہ جان دا ہا کہ اوہ کیا سوچیندے پئے ہِن اُتے اوُں نے اوُں بندے کوُ جیندا ہتھ سُکا ہویا ہا آکھے "اُٹھ اَتے بندیاں دے وِچ کھڑا تھی ونج۔وَل اوہ بندہ سارے بندیاں دے وچ کھڑا تھی گیا۔⁹۹۔ یسوع نے اُنہاں کو آکھیا " میں تہاڈے کولوں پچھدا ہاں کہ کیا سبت آلے ڈیں چنگے کم کرنا جائز ہے یا بُرے کم کرنا کئیں دی جان کوں بچاونا یا کیئں کوُ مارسٹنا؟"۔ ¹⁰۱۰۔وَل اُوں نے ساریاں تے نظر کیتی اَتے اُوں بندے کوُں آکھیا اپنا ہتھ وَدھا اُوں نے ایویں ای کیتا اُتے اونداہتھ ٹھیک تھی گیا۔ ¹¹۱۱۔ پَر اوہ غصے نال بھریج گئے اَتے آپس اِچ گالہیں کرن لگے کہ یسُوع نال کیا کروُں۔¹²۱۲۔ اُنہاں ڈیوہاراں اِچ ایویں تھیا کہ اوہ ہک پہاڑ تے دُعا کرن کیتے گیا۔اُوں نے خدا تھوں دُعا کرن اِچ ساری رات کڈھ چھوڑی۔ ¹³۱۳۔جیہڑے ویلے سوجھلا تھیا تاں اُوں نے اپنے چیلیاں وِچوں گیاراں کوُں چُن گِدا جنہاں کوُں اُوں نے رسول وی آکھیا۔¹⁴۱۴۔یعنی شمعون جیندا ناں اوُں نے پطرس وی رکھیا ہا اَتے اوُندا بھرا اندریاس تے یعقوب تے یوحنا تے فَلپُّس تے بر تُلمائی۔ ¹⁵۱۵۔ تے متّی تے توما تے حلفئی دا پُتر یعقوب تے شمعُون جیہڑا زیلوتیس اکھواندا ہا۔ ¹⁶۱۶۔تے یعقوب دا پُتر یہوداہ تے یہوداہ اسکریوتی جیہڑا اوُں کوُ پکڑواون آلا تھیا۔¹⁷۱۷۔ ۔ اَتے اوہ اُنہاں دے نال اُتر کے برابر آلی جاہ تے کھڑا تھیا اَتے اُوں دے چیلیاں دی وڈی جماعت تے لوگاں دی وڈی بھیڑ اُتھاں ہائی جو سارے یہودیہ تے یروشلیم تے صُور تے صَیدادے بحری کنارے تے اوُندی سُنن تے اپنی بیماریاں تھوں چنگے تھیون کیتے اوُندے کول آئی ہائی۔ ¹⁸۱۸۔اَتے جیہڑے ناپاک روحاں تھوں ڈُکھ پاندے ہَن اوہ چنگے کیتے گئے۔ ¹⁹۱۹۔ اتے سارے لوگ اوُں کوُ ہتھ لاون دی کوشش کریندے ہَن کیونکہ اوُندے وِچوں ہِک قوت نکلدی تے ساریاں کوُ چنگا کریندی ہائی۔²⁰۲۰۔وَل اوُں نے اپنے چیلیاں کوُ ڈیکھ کے آکھیا خوش قسمت ہو تُساں جو غریب ہیوے کیوں جو خدا دی بادشاہی تُہاڈی ہِے ۔ ²¹۲۱۔خوش قسمت ہو تُساں جو ہُن بُھکے ہیوے کیوں جو رَج ویسو۔خوش قسمت ہو تُساں جو ہُن روندے ہیوےکیوں جو تُساں کھِلسو۔²²۲۲۔جڈاں ابنِ آدم دے پاروں تُہاڈے نال عداوت رکھیسن اَتے تُہاکوُ کڈھ چھڈیسن تے لعن طعن کریسن تے تُہاڈا ناں بُرا جان کےکٹ سٹیسن تاں تُساں خوش قسمت ہوسو۔ ²³۲۳۔اوُں ڈِیں خوش تھیونا اَتے خوشی دے پاروں ٹپّے مارنا ۔ اِیں کیتے کہ ڈیکھو آسمان تے تُہاڈا بہوں وڈا اَجر ہِےکیوں جو اُنہاں دے پیو ڈاڈا نبیاں دے نال وی ایویں ای کریندے ہَن۔²⁴۲۴۔پپر افسوس تُہاڈے تے جو بہوں اَمیر ہوکیوں جو تُساں اپنی تسلّی پا چُکے ہو۔ ²⁵۲۵۔ افسوس تُہاڈے تے جو ہُن تُساں رَجے ہیوےکیونکہ بُھکے ہوسو۔ افسوس تُہاڈےتے جو ہُن کھِلدے ہیوے کیونکہ تُساں ماتم کریسوتے روسو ۔²⁶۲۶۔افسوس تُہاڈے تے جڈاں سارے لوگ تُہاکوُ بھلا آکھن کیوں جو اُنہاں دے پیو ڈاڈا کوُڑے نبیاں دے نال وی ایویں ہی کریندے ہَن۔²⁷۲۷۔پر میں تُہاکوُ جیہڑے سُندے ہو آدھا ہاں کہ اپنے دُشمناں نال محبت رکھو۔ جیہڑے تُہاڈے نال عداوت رکھیندِن اُنہاں دا بھلا کرو۔ ²⁸۲۸۔جیہڑے تُہاڈے تے لعنت کریندِن اُنہاں کیتے برکت منگو۔ جیہڑے تُہادی بےعزتی کریندِن اُنہاں کیتے دُعا کرو۔²⁹۲۹۔جو تیڈے ہِک گال تے تھپڑ مارے ڈوجھا وی اُوندے پاسے پھیر ڈے اَتے جو کوئی تیڈا چوغہ گھننا چاہوےاُوں کوُ کُرتا وی گھنن توں منع نہ کر۔ ³⁰۳۰۔جو کوئی تیڈے کولوں منگے اوُں کوُ ڈےاَتے جو کوئی تیڈا مال گھن گھنے اوُں دے کولوں نہ منگ ۔³¹۳۱۔اَتے جیویں تُساں چاہندے ہو کہ لوگ تُہاڈے نال کرن تُساں وی اُنہاں دے نال اوُں وے ہی کرو۔ ³²۳۲۔اگر تُساں اپنے محبت رکھن الیاں دے نال ہی محبت رکھیسو تاں تُہاڈا کیا احسان ہِے ؟ کیونکہ گناہ گار وی اپنے محبت رکھن آلیاں نال محبت رکھیندے ہِن۔ ³³۳۳۔اَتےاگر تُساں اُنہاں دا ہی بھلا کرو جیہڑے تُہادا بھلا کریندِن تاں تُہاڈا کیا احسان ہِے؟ کیونکہ گناہ گار ویایویں ہی کریندِن۔ ³⁴۳۴۔اَتے اگر تُساں اُنہاں کوُ ہی قرضہ ڈیسو جنہاں کولوں واپس آون دی اُمید ہِے تاں تُہاڈا کیا احسان ہِے؟ گناہ گار وی گناہ گاراں کوُ قرضہ ڈیندے ہِن تاں جو پورا پورا واپس گھن گھنن۔³⁵۳۵۔پر تُساں اپنے دُشمناں نال محبت رکھو تے بھلا کرو اَتے بغیر نااُمید تھیئے قرضہ ڈیووتاں تُہاڈا اَجر وڈا تھی سی اَتے تُساں خدا تعالیٰ دے پُتر ٹھہرسو کیونکہ اوہ ناشکراں تے بُریاں تے وی مہربان ہِے۔ ³⁶۳۶۔جیویں تُہاڈا باپ رحیم تُساں وی رَحم دِل تھیوو۔³⁷۳۷۔ نکتہ چینی نہ کرو۔ تُہاڈی وی نکتہ چینی نہ کیتی ونجے ۔ مُجرم نہ ٹھہراؤ۔ تُساں وی مُجرم نہ ٹھہرائے ویسو ۔ آزاد کرو تُساں وی آزاد کیتے ویسو۔³⁸۳۸۔ ڈِتا کرو۔ تُہاکوُ وی ڈِتا ویسی۔چنگی ترکڑی دَب دَب کے تے ہلا ہلا کر تے بھر کے تُہاڈے پلّے وِچ سٹیسن کیونکہ جیہڑی ترکڑی نال تُساں تُلیندے ہیوے اوُں دے نال ہی تُہاڈے کیتے تولا ویسی۔³⁹۳۹۔اَتے اوُں نے اُنہاں کوُ ہِک تمثیل وی سُنائی کہ کیا اندھے کوُ اندھا راہ ڈِکھا سگدے؟ کیا ڈوہیں کھڈے وِچ نہ ڈھِےپوسن؟ ⁴⁰۴۰۔چیلا اپنے اُستاد توں وڈا نئیں بلکہ ہر ہِک جڈا کامل تھی سی تاں اپنے استاد جیہا تھی سی۔⁴¹۴۱۔تُوں کیوں اپنے بھرا دی اَکھ دے تیلے کوُ ڈیدھا ہیِں اَتے اپنی اَکھ دے شہتیر تے غور نئیں کریندا ؟ ⁴²۴۲۔اَتے جیہڑے ویلے تائیں توں اپنے اَکھ دے شہتیر کوُ نئیں ڈیدھا تاں اپنے بھرا کوُ کیویں آکھ سگدا ہیئں کہ بھرا آ میں اُوں تیلے کوُ جیہڑا تیڈی اَکھ وِچ ہِے کڈھ ڈیواں؟ اَے فریبی ! پہلے اپنی اَکھ وچوں تاں شہتیر کڈھ ۔ وَل اوُں تیلے کوُ وی جیہڑا تیڈے بھرا دی اَکھ وِچ ہِے چنگی طرح ڈیکھ کے کڈھ سگسیں ۔⁴³۴۳۔کیوں جو کوئی ایہو جیا چنگا رُکھ نئیں جیہڑا بُرا پھل گھن آوے اَتے نہ ای کوئی بُرا رُکھ ہِے جیہڑا چنگا پھر گھن آوے۔ ⁴⁴۴۔ہر ہِک رُکھ اپنے پھل توں سُنجھانا ویندے کیونکہ جھاڑیاں وِچوں انجِیر نئیں توڑیندے اَتے نہ ایجھڑ بیری توں انگور۔⁴⁵۴۵۔چنگا بندہ اپنے دِل دے چنگے خزانے وِچوں چنگیاں شئیاں کڈھیندا ہِےاَتے بُرا بندہ بُرے خزانے وِچوں بُریاں شئیاں کڈھیندا ہِےکیونکہ جو کجھ دِل وِچ بھریا ہویا ہِے اوہو اوُندے مُنہ تے آندے۔⁴⁶۴۶۔جڈا تُساں میڈے آکھن تے عمل نئیں کریندے تاں کیوں میکوں خداوند خداوند آدھے ہو؟ ⁴⁷۴۷۔جو کوئی میڈے کول آندے تے میڈیاں گالہیں سُن کے اُنہاں تے عمل کریندے میں تُہاکوُ ڈسیندا ہاں کہ اوہ کئیں دی کار ہِے۔ ⁴⁸۴۸۔اوہ اوُں بندے دی کار ہِے جئیں نے گھر بناندے ویلے زمین ڈونگی کھود کے چٹان تے بنیاد رکھی ۔ جیہڑے ویلے طوفان آیا اَتے ہَڑ نےاوُں گھر کوُ ٹکر ماری پر اوُں کوُ نہ ہلا سگیاکیوں جو اوہ مضبوط بنی ہویا ہا۔⁴⁹۴۹۔پر جو سُن کے عمل نئیں کریند اوہ اوُں بندے دی کار ہِے جئیں نے زمین تے گھر کوُ بے بُنیاد بنایا ہِے ۔ جیہڑے ویلے ہَڑ اوُں دے تے زور نال آیا تاں اوہ جلدی نال ڈھِے پیا اَتے اوہ گھر بالکل برباد تھی گیا۔

¹۱۔جیہڑے ویلے یسوع نے اُنہاں کوُ ساری گالہیں دی تعلیم ڈے دِتی تاں لوگاں نے سُنے کہ اوہ کفرنحوم کوُ گیا ہے۔²۲۔ہک صوبےدار دا نوکر جیہڑا کہ اوُں کوُ بہوں پیارا ہا۔بہوں بیمار ہا اَتے مَرن آلا ہا۔ ³۳۔جڈاں اوُں نے یسوع دے بارے سُنے تاں یہودیاں دے بزرگاں کوُ یسوع دے کول گھلیا کہ اوہ اوندی منت کرن تاں جو مسیح اوندے گھر اِچ آوے تے اوندے نوکر کوُ چنگا کرے۔ ⁴۴۔اَتے جیہڑے ویلے اوہ یہودی یسوع دے کول گئے تاں اُنہاں نے اوندے اَگے مِنت کیتی کے اوہ صوبےدار ایں قابل ہے کہ توں اوندے کیتے ایہہ کم کریں۔ ⁵۵۔کیونکہ اوہ ساڈی قوم نال پیار کریندا ہے۔اَتے اوُں نے ساڈے کیتے عبادت خانہ وی بنوایا ہے۔⁶۶۔تاں یسوع اُنہاں دے نال جُل پیا۔جیہڑے ویلے یسوع صوبےدار دے گھر تھوں تھوڑی ہی دُور ہا۔تاں اوُں نے اپنے دوستاں کوُ اوندے کول ایہہ آکھن کیتے گھلیا کہ۔"اے خداوند اپنے آپ کوُ تکلیف نہ ڈے۔کیونکہ میں ایں قابل نیئں کہ توں میڈی چھت دے تھلے آویں۔ ⁷۷۔ایہو وجہ ہے کہ میں اپنے آپ کوُ ایں قابل نیئں سمجھدا کہ تیڈے کول آواں پَر اگر تُو ہک لفظ وی آکھ ڈیویں تاں میڈا نوکر چنگا تھی ویسی۔ ⁸۸۔اَتے میں اوہ بندہ ہاں جیندے کول بہوں زیادہ اختیار ہے۔ اَتے بہوں سارے سپاہی میڈے ماتحت ہَن۔اگر میں ہک کو آدھا ہاں ونج تا اوہ لگا ویندا ہے۔اَتے ڈوجھے کوُ آکھاں آ تاں اوہ آندا ہے۔اَتے میں اپنے نوکر کوُ آکھاں کہ "ایہہ کر تاں اوہ کریندا ہے۔"⁹۹۔جیہڑے ویلے یسوع نے اوندی گالھ سُنی تاں بہوں حیران تھیا۔اَتے یسوع اوُں بھیڑ آکھن لگا کہ میں تہاکوُ سچ آدھا ہاں کہ سارے اسرایئل اِچ ایہو جیا بندہ نیئں ڈٹھا جیندا ایمان ایندے جتنا ہوئے۔ ¹⁰۱۰۔وَل اوہ جنہاں کوُ گھلیا گیا ہا گھر واپس آئے تاں ڈِٹھا کہ نوکر چنگا تھی گیا ہے۔¹¹۱۱۔ ایں دے بعد یسوع بندیاں دی بھیڑ دے نال نائن ناں دے ہک شاہر کوُ گیا۔اوندے چیلے تے وڈی بھیڑ اوندے نال گئی۔ ¹²۱۲۔ جیویں ای اوہ شاہر دے پھاٹک دے نیڑے پجا اوُں نے ہک مُردے کوُ ڈِٹھا جیئں کوُ لوگ چا کے آندے پئے ہَن جیہڑا اپنی ماں دا ہِکو پُتر ہا۔اوہ ہک بیوہ ہائی اَتے ہک وڈی بھیڑ بندیاں دی اوندے نال ہا۔ ¹³۱۳۔اوُں بیوہ کوُ ڈیکھ کے خداوند کوُ اوُندے تے ترس آیا اَتے اوُں نے اکھیا رو نہ۔ ¹⁴۱۴۔ اوہ اوُندے کول آیا اَتے اوُں نے جنازے کوُ ہتھ لایا اَتے جیہڑے بندے اوُں مُردے کوُ چا کے ویندے پئے ہَن رُک گئے۔اوُں نے آکھیا"اے جوان میں تیکوُ آدھا ہاں اُٹھ۔"َ ¹⁵۱۵۔اوہ مُردہ اُٹھ گیا تے بولن لگ پیا۔وَل یسوع نے اوُں کوُ اوُندی ماں دے حوالے کر ڈِتا۔¹⁶۱۶۔وَل اوہ سارے خوف زدہ تھی گئے اَتے ایہہ آدھے ہوئے خدا کی تعریف کرن لگے کہ ساڈے وِچ ہک وڈا نبی آ گیا ہے۔تے خدا نے اپنے بندیاں تے نظر کیتی ہے۔ ¹⁷۱۷۔یسوع سے ایں معجزے دی خبر سارے یہودیہ تے آسے پاسوں دے علاقے وِچ پھیل گئی۔¹⁸۱۸۔یوحنا دے چیلیاں نے اوُں کوُ ایہہ سارے گالہیں دے بارے وِچ ڈسایا۔ ¹⁹۱۹۔وَل یوحنا نے اپنے ڈو چیلیاں کوُ سڈایا اَتے اُنہاں کوُ خداوند دے کول گھلیا کہ اوُندے کولوں پچھو کہ "کیا توُ اوُوہو ہے جیہڑا آون آلا ہے یا اساں کیئں ڈوجھے دے راہ ڈیکھوں؟۔ ²⁰۲۰۔جڈاں اوہ یسوع سے کول آئے تاں اُنہاں نے اوُں کوُ آکھیا۔"کہ یوحنا بپتسمہ ڈیون آلے نے تیڈے کول گھلیا ہے کہ آون آلا توُ ای ہیئں یا اساں کیئں ڈوجھے دی راہ ڈیکھوں؟۔²¹۲۱۔اوُں ویلے یسوع نے بہوں سارے لوگاں کوُ بیماریاں ،تکلیفاں تے بُری روحاں تھوں چنگا کیتا اَتے بہوں سارے اندھیاں کوُ اکھاں دا سوجھلا ڈِتا۔ ²²۲۲۔یسوع نے جواب اِچ اُنہاں کوُ آکھیا۔" جڈاں تُساں واپس ونجو تاں جو کجھ تُساں ڈِٹھا ہے اَتے سنا وی ہے۔یوحنا کوُ ونج ڈسو۔اندھے سوجھلا پاندے پئے ہَن ،لنگڑے ٹُردے ہَن ،کوڑھے پاک و صاف کیتے ویندے ہَن ،ڈورے سُن دے پئے ہَن،مُردے زندہ کیتے ویندن اَتے جنہاں بندیاں دا بُرا حال ہے اُنہاں کوُ خوشی دی خبر سُنائی ویندی ہے۔ ²³۲۳۔خوش نصیب ہے اوہ جیہڑا میڈے پاروں ٹھوکر نہ کھاوے۔²⁴۲۴۔جیہڑے ویلے یوحنا دے چیلے لگے گئے تاں یسوع بھیڑ کوُ یوحنا دے بارے آکھن لگا کہ تُساں بیابان اِچ کیا ڈیکھن گئے ہاوے ،کیا ہوا نال ہلدے ہوئے کاہنے کوُ؟۔ ²⁵۲۵۔ہک بندے کوُ جیہڑا بہوں نرم کپڑے پا کے کھڑا ہا؟ڈیکھو اوہ لوگ جیہڑے شاندار کپڑے پیندے ہَن اَتے آرام دے نال بھری ہوئی زندگی گزریندے ہَن اوہ بادشاہ دے محلاں ہوندے ہَن؟ ²⁶۲۶۔پَر تُساں باہر کیا ڈیکھن گئے ہاوے؟۔ہک نبی کوُ؟ ہاں میں تہاکوُ آدھا ہاں کہ نبی تھوں وی ودھ کے۔²⁷۲۷۔اوُہو ہے جیندے بارے اِچ لکھا گیا ہے کہ ڈیکھو میں تہاڈے کیتے اپنا پیغمبر بھیجدا ہاں۔جیہڑا تہاڈے کیتے راہ تیار کریسی۔ ²⁸۲۸۔میں تہاکوُ سچ آدھا ہاں کہ عورتاں وِچوں جینے وی جمے ہَن یوحنا کولوں وڈا کوُئی کئے نیئں۔پَر خدا دی بادشاہی وِچ جیہڑا ساریاں کولوں چھوٹا ہے اوہ یوحنا تھوں وڈا ہے۔²⁹۲۹۔جیہڑے ویلے سارے بندیاں نے تے چُنگی گھنن آلیاں نے ایہہ سُنیا تاں اُنہاں نے اقرار کیتا کہ خدا سچا ہے۔ایہہ اوہ لوگ ہَن جیہڑے یوحنا دے نال تھوں بپتسمہ گھِن چُکے ہَن۔ ³⁰۳۰۔پَر فریسیاں تے یہودی مذہبی علماں جنہاں نے یوحنا کولوں بپتسمہ نہ گِدا ہا اپنے کیتے خدا دی حکمت کوُ وی قبول نہ کیتا۔³¹۳۱۔تاں میں اوُں نسل دے لوگاں کوُ کئیں دے نال تشبیہ ڈیواں۔ایہہ کیئں دی مانند ہَن؟۔ ³²۳۲۔ایہہ اُنہاں بالاں دی طرح ہَن جیہڑے بازار اِچ بیٹھے ہک ڈوجھے کوُ الوا کے آدھے ہَن کہ اساں تہاڈے کیتے بانسری وجائی اَتے تُساں نچے نیئں۔اساں ماتم کیتا تُساں روئے نیئں۔³³۳۳۔حالانکہ یوحنا بپتسمہ ڈیون آلا ناں تے ٹُکر کھاندے اَتے نہ مَے پیندے ہوئے آیا ہا۔تے تُساں آدھے وے اوندے اِچ بُری روح ہے۔ ³⁴۳۴۔ ابنِ آدم کھاندا تے پیندے ہوئے آیا اَتے تُساں آدھے ہو کے ڈیکھو اوہ بہوں کھاون آلا تے شرابی،گنہگار تے چُنگی گھنن آلیاں دا سنگتی ہے۔ ³⁵۳۵۔پَر حکمت اپنے سارے کماں اِچ ٹھیک ثابت تھئی۔³⁶۳۶۔اَتے ہک فریسی نے یسوع دے اگے مِنت کیتی کہ اوندے نال ٹُکر کھاوے تاں یسوع اوُں فریسی سے گھر آکے میز تے ٹُکر کھاون بیٹھا۔ ³⁷۳۷۔اَتے ڈیکھو شاہر اِچ ہک ذال ہائی جیہڑی بہوں گنہگار ہائی اَتے اوُں کوُ پتا لگے کہ یسوع فریسی دے گھر ٹُکر کھاون آیا ہے تاں اوہ جٹاماسی دا عطردان گھِن آئی۔ ³⁸۳۸۔اوہ یسوع دے پیراں کول کھڑی تھئی اَتے بہوں روئی۔تے اوہ اپنے آنسوواں دے نال یسوع دے پیر گِلے کرن لگی تے اپنے سر دے والاں نال پونجھیا،چومیا تے عطر اوندے پیراں تے سُٹیا۔³⁹۳۹۔وَل جیہڑے فریسی نے یسوع کوُ ٹُکر کھاون دی دعوت ڈِتی ہا۔سوچن لگ پیا کہ اگر ایہہ بندہ ہک نبی ہووے ہا تاں جانے ہا کہ ایہہ عورت جیہڑے ایندے پیراں کوُ ہتھ لائی کھڑی ہے ایہہ گنہگار ہے۔ ⁴⁰۴۰۔یسوع نے اوُں فریسی کوُ آکھیا۔"شمعون میں تیکوُ کجھ آکھنا چاہندا ہاں "اوُں نے آکھیا"اے اُستاد ڈسو"۔⁴¹۴۱۔یسوع نی آکھیا"ڈو قرضداراں نے ہک ہی بندے کوُ قرضہ ڈیونا ہا۔ہک نے پنج سو دینار تے ڈوجھے نے پنجھاہ دینار۔ ⁴²۴۲۔اِنہاں ڈوہاں دے کول ڈیون کیتے کجھ نہ ہا۔ وَل اوُں بندے نے اُنہاں ڈوحاں کوُں معاف کر ڈِتا۔اُنہاں ڈوحاں وِچوں کیہڑا اوُں بندے نال زیادہ محبت کریسی۔ ⁴³۴۳۔شمعون نے اوُں کوُ جواب اِچ آکھیا"میڈے خیال اِچ جیئں دی زیادہ رقم اوُں بندے نے معاف کیتی۔"یسوع نے اوُں کوُ آکھیا"توُں بالکل ٹھیک فیصلہ کیتا ہے"۔⁴⁴۴۴۔یسوع نے اوُں ذال دے پاسے مُڑ کے شمعون کوُ آکھن لگا۔توں اے ذال کوُ ڈٹھاہے میں تیڈے گھر اِچ داخل تھیا پر توُں میکوُ پیر دھوون کیتے پانی تک نہ ڈِتا۔پَر ایں ذال نے اپنے ہنجوواں دے نال میرے پیر دھوتے تے اپنے والاں نال اُنہاں کوُ پونجھیا۔ ⁴⁵۴۵۔توں میکوں چُمی نہ ڈِتی پَر ایں ذال نے جڈاں دا میں اِتھاں آیا ہاں میڈے پیراں کوُں چومنا نئیں چھوڑیا۔⁴⁶۴۶۔توں میڈے سَر تے تیل نہ سٹایا۔پَر ایں ذال نے میڈے پیراں تے عطر ملے۔ ⁴⁷۴۷۔ایں لحاظ نال میں تیکوُ آدھا ہا کہ ایہہ ذال جیندے بہوں گناہ ہَن اوہ بخشے گئے ہَن اَتے ایں نے بہوں محبت ڈیکھائی ہے۔پَر جیندے گھٹ گناہ معاف تھیئے ہَن اوہ گھٹ محبت ڈِکھیندا ہے۔⁴⁸۴۸۔یسوع اوُں ذال کوُ آکھیا کہ تیڈے گناہ معاف کیتے گئے۔ ⁴⁹۴۹۔اُتھاں جیہڑے کھاون کیتے میز تے اوُندے نال کٹھے بیٹھے ہَن آپس اِچ آکھن لگے کہ "ایہہ کون ہے جیہڑا گناہ وی معاف کریندا ہے؟" ⁵⁰۵۰۔یسوع نے اوُں ذال کوُ آکھیا"تیڈے ایمان نے تیکو بچا گِدے سلامتی نال ونج۔"

¹۱۔ اَتے ایندے بعد جلدی ہی یسوع اپنے شاگرداں دے نال ڈوجھے شاہراں تے وستیاں وِچ ونج کے خدا دی بادشاہی دی مُنادی کرنی شروع کیتی۔ ²۲۔ اوُندے نال اوہ زنانیاںوی ہَن جیہڑیاں بُری روحاں تے روگاں کنے چنگیاں تھئی گیاں ہَن۔ اُنہاں وچوں ہِک مریم مگدلینی ہائی جیندے وچوں سَت بُری روحاں کڈھیاں ہَن۔ ³۳۔ اَتے یوآنہ ہیرودیس دے مُنشی خوزہ دی ذال اَتے سوسناہ اَتے بہوں ساریاں زنانیاں وی ہَن جیہڑیاں اپنی دولت دے نال اُنہاں دی خدمت کریندیاں ہَن۔⁴۴۔ اوُں ویلے جڈاں ہَک اکٹھ کٹھا تھیندا پیا ہا اَتے لوگ اوُندے کول بہوں سارے شاہراں کنے کٹھے تھیندے پئے ہَن تاں اوُں نے اُنہاں کوُ ہِک مثال سنائی۔ ⁵۵۔ ہِک بیج بوؤن آلا بیج بوؤن کوُ باہر گیا، اَتے جیویں ہی اوُں نے بیج زمین اِچ سٹیا تاں اُنہاں وچوں سڑک دی کنی تے ڈھے پیا تے پیراں تھلے لتڑیج گیا تے پکھیاں نے اوُں کوُ چُگ گِدا۔ ⁶۶۔ کجھ دانے پتھراں آلی زمین اِچ ڈَٹھے تے اُگدیاں سار ہی سُک گئے کیوں جو اُنہاں کوُ پانی نہ ملیا۔⁷۷۔ پر کجھ دانے کنڈیاں آلے جھاڑ اِچ ڈَٹھے تے اوہ ودھن لگے پر جھاڑ اُنہاں کوُ ودھن نہ ڈِتا۔ ⁸۸۔ وَل وی کجھ دانے چنگی زمین اِچ ڈَٹھے تے سو گُنا پھل گھن آئے۔ جئیں ویلے یسوع ایہ گالہیں کیتیاں تاں اُچی اَلا کے اُنہاں کوُ آکھیا کہ جیندے کن ہوؤن اوہ سُن گھینے۔⁹۹۔ وَلا اوُندے شاگرداں اوُں کنے پُچھیا جو ایں مثال دا کیا مطلب ہِے؟۔ ¹⁰۱۰۔ یسوع اُنہاں کوُ آکھیا کہ تُہاکوں خدا دی بادشاہی دیاں رازاں دی سمجھ ڈِتی گئی ہِے، پر باقی لوگاں کوُ صرف مثالاں دے نال سکھایا ویسی۔ تاں جو اوہ ڈیدھیاں ہویاں نہ ڈیکھن تے سُندے ہویاں نہ سم جھن۔¹¹۱۱۔ اِیں تمثیل دا مطلب ایہ ہِے: بیج تھوں مُراد خدا دا کلام ہِے۔ ¹²۱۲۔ اوہ بیج جیہڑا سڑک دے کنے ڈَٹھے اوُں تھوُں مُراد اوہ لوگ ہِن جینہاں نے کلام کوُ سُنیا پر شیطان آ کے اُنہاں دے دِلاں وچوں کڈھ کے گھن گیا تاں جو اوہ اوُں دے تے ایمان گھن کے بچ نہ پوؤن۔ ¹³۱۳۔ وَل کجھ دانے پتھراں آلی زمین تے ڈَٹھے، ایہ لوگ ہِن جنہاں کلام کوُ سُنیا تاں اوُں کوُ خوشی نال قبول وی کیتا، پر اوہ کلام اُنہاں وچ جڑ نہ پکڑ سگیا صرف کجھ دیر کیتے ایمان تاں گھن آندِن پر اوکھے ویلے مُکر ویندِن ۔¹⁴۱۴۔ اوہ دانے جیہڑے کنڈیاں آلی جھاڑ اِچ ڈَٹھے، اوہ لوگ ہِن جِنہاں نے کلام کوُ سُنیا تے ہولے ہولے زندگی دی پریشانیاں، دولت دا لالچ تے اپنی عیش و آرام اِچ پہ ویندِن تے پھل نئیں گھن آندِے۔ ¹⁵۱۵۔ پر اوہ دانے جیہڑی چنگی زمین تے ڈَٹھے ہَن، اوہ لوگ ہِن جیہڑے ایماندار تے نیک دِل ہِن، تے اوہ کلام سنن تھوں بعد اوُندے تے مظبوطی نال قائم راندھن تے ثابت قدمی نال پھل گھن آندِن۔¹⁶۱۶۔ کوُئی ڈیوا بال کے اوُں کوُں ڈیوے دان دے تھلے نئیں رکھیندا بلکہ ڈیوے دان دے اُتے رکھیندِن تاں جو جیہڑا کوُئی اندروں آوے اوُں کوُ سوجھلا ہوؤے۔ ¹⁷۱۷۔ اِیں کیتے کوُئی شئے لُکی ہوئی نئیں جیہڑی ظاہر نہ کیتی ویسی نہ کوُئی راز جیندا پتا نہ لگسی۔ ¹⁸۱۸۔ پس خیال کرائے کہ تُساں کیا سُندے ہیوے، کیوں جو جیندے کول ہِے اوُں کوُ بیا وی ڈِتا ویسی، تے جیندے کول نئیں اوُں کنے اوہ وی گھن گِدا ویسی جیہڑا اوہ سوچیندے کہ میڈے کول ہے۔¹⁹۱۹۔ وَل یسوع دی ماں تے اوُندے بھرا اوُندے کول آئے پر وڈی بھیڑ دے سببوں اوُندے کول نہ آ سگے۔ ²⁰۲۰۔ تے اوُں کوُ ڈسایا گیا کہ، " تیڈی ماں تے تیڈے بھرا تیکوُ ملنا چاہندے ہِن"۔ ²¹۲۱۔ پر یسوع اُنہاں کوُ آکھیا جو، "میڈی ماں تے میڈے بھرا اوہ ہن جیہڑے خدا دا کلام سُندے ہِن۔²²۲۲۔ہِک ڈِینہ یسوع تے اوُندے شاگرد ہِک بیڑی اِچ سوار تھئے تے اوُں اُنہاں کوُ آکھیا جو، "اساں جھیل دے پرلے پاسے جُلوں۔" اُنہاں اپنا سفر شروع کیتا۔ ²³۲۳۔ پر جیویں ہی اوہ جھیل اِچ گئے یسوع سُم تھیا۔ بہوں تیز اندھاری گھُلیتے جھیل اِچ طوفان آگیا تے بیڑی پانی نال بھریجن پئے گئی تے اُنہاں کوُ زندگی دا خطرہ پئے گیا۔²⁴۲۴۔ وَل یسوع دے شاگرد اوُندے کول آئے تے اوُں کوُ ایہ آکھ کے جگایا، "مالک اساں مردے پیوں۔" اوہ اُٹھیا، تے اپنا ہتھ ودھا کے ہوا تے پانی کوُ جھڑکیا تے اُتھاں وڈا امن تھی گیا۔ ²⁵۲۵۔ وَل اوُں نے اُنہاں کوُ آکھیا، "تُہاڈا ایمان کِتھا ہِے؟" اوہ ڈر گئے تے حیران تھی کے ہِک ڈوجھے کوُ آکھن لگے کہ ایہہ کون ہِے جیہڑا ہوا تے پانی کوُ حکم ڈیندا ہِے تے اوہ ایندا حکم منیندِن۔²⁶۲۶۔ وَل اوہ گراسینیاں دے علاقے وِچ آئے جیہڑا گلیل دے ڈوجھے پاسے ہا۔ ²⁷۲۷۔ جڈاں یسوع اوُں شاہر اِچ وڑیا تے اوُں کوُ ہِک بندہ ملیا جیندے وِچ بُریاں روحاں ہَن۔ وڈے عرصے تھوں اوُں کپڑے نہ پاتے ہَن۔ تے اوہ گھر اِچ نئیں بلکہ قبراں اِچ راہندا ہا۔²⁸۲۸۔ جئیں ویلے اوُں یسوع کوُ ڈِٹھا تے اُچی آواز نال آکھن لگا۔" اے یسوع خدا تعالیٰ دے پُتر تُوں مئیں کنے کیا چاہندا ہَیں؟ میکو عذاب اِچ نہ سَٹ۔ ²⁹۲۹۔ یسوع بُری روح کوُں اوُں بندے وچوں نکلن دا حکم ڈِتا کیوں جو اوہ وڈی مُدت تھوں اوُں دے قبضے وچ ہا۔ بہوں دفعہ لوگاں اوُں کوُ سَنگل نال بدھا پر اوہ اوُں کوُ وی تروڑ سٹیندا ہا۔ تے بُری روُح اوُں کوُ جنگلاں وچ گھن ویندی ہائی۔³⁰۳۰۔ وَل یسوع اوُں کنے پُچھیا۔" تیڈا ناں کیا ہِے؟ تاں اوُں نے آکھیا "لشکر"کیوں جو اوُندے وچ ڈھیر ساریاں بُریاں روحاں ہَن۔ ³¹۳۱۔ تے اوہ اوُندی منت کر کے آکھن لگے کہ ساکوں سزا آلے کھڈے وِچ ونجن دا حکم نہ ڈے۔³²۳۲۔ اوُں دے نیڑے ای پہاڑ تے سئوراں دا اجڑ چردا پیا ہا۔ تے بُری روحاں نے اوُندی منت کیتی جو ساکوں اجازت ڈے جو سئوراں وِچ وڑ ونجوں تے اوُں نے اُنہاں کوُں اجازت ڈے ڈِتی۔ ³³۳۳۔ تے بُری روحاں اوُں بندے وِچوں نکل کے اُنہاں سئوراں وِچ وڑ گیئیاں تے اوہ اجڑ پہاڑی تھوں ریڑھ کے جھیل اِچ بُڈھ گیا۔³⁴۳۴۔ جئیں ویلے اوُں بندیاں ایہہ ڈِٹھا تے اوہ بھجدے ہوئے آئے تے شاہر اِچ ونج کے لوگاں کوُ ایہہ واقعہ ڈسایا۔ ³⁵۳۵۔ جئیں ویلے لوگاں ایہہ گالھ سُنی تاں اوہ ایہہ ڈیکھن کیتے شاہروں باہر یسوع کول آئے تے اوہ بندے کوُں جیندے وچوں بُری روحاں نکل گئیاں ہَن، ڈِٹھا تے اوہ بندہ اپنی صحیح حالت اِچ تے کپڑے پاتے ہویاں یسوع دے قدماں اِچ بیٹھا ہا، اَتے اوہ بہوں ڈر گئے۔³⁶۳۶۔ وَل جِنہاں ایہ ڈِٹھا ہا جو کیا تھیا ہِے، بِناں کوُ ڈسایا کہ اوہ بندہ جیندے وچ بُری روحاں ہَن، ٹھیک تھی گیا ہِے۔ ³⁷۳۷۔گراسینیاں تے آسے پاسے دے علاقے دے لوگاں یسوع کوُں آکھیا جو ایں جاہ تھوں لگا ونج کیوں جو اوہ بہوں ڈر گئے ہَن۔ وَل اوہ واپس ونجن کیتے بیڑی وِچ بیٹھ گیا ۔³⁸۳۸۔ تے اوُں بندے جیندے وِچوں بُری روحاں نکل گئیاں ہَن، یسوع دی منت کیتی جو اوُں کوُ وی اپنے نال ونجن دی اجازت ڈیوے۔ پر یسوع اوُں کوُ ایہہ آکھ کے وَلا چھوڑیا جو۔ ³⁹۳۹۔ اپنے گھر لگا ونج تے اُنہاں کوُ ڈسا جو خدا نے تیڈے کیتے کیا وڈا کم کیتا ہِے۔ وَل اوہ بندہ شاہر دے پاسے ٹُر پیا تے پورے شاہر اِچ اوُں وڈے کماں دی مُنادی کریندا گیا جیہڑے یسوع اوندے کیتے کیتے ہَن۔⁴⁰۴۰۔ جئیں ویلے یسوع واپس وَلیا تے بھیڑ اوُندا استقبال کیتا کیوں جو اوہ اوندا انتظار کریندے پئے ہَن۔ ⁴¹۴۱۔ تے ڈیکھو یائر ناں دا ہِک بندہ آیا جیہڑا عبادت خانے دا سردار ہا۔ اوہ یسوع دے پیراں وِچ ڈھے کے منت کیتی کہ اوہ اوُندے گھر آوے۔ ⁴²۴۲۔ کیوں جو اوندی ہِکو ہِک دھی جیہڑی بارہ سال دی ہائی مرن آلی ہا۔ جئیں ویلے یسوع ویندا پیا ہا تے اوُندے چارے پاسے بہوں لوگ ہَن۔⁴³۴۳۔ اُنہاں لوگاں وِچ ہِک زنانی ہائی جیندا بارہ سالاں تھوں خون واہندا ہائی۔ تے اوہ اپنا سارا پیسہ حکیماں تے خرچ کر چکی ہائی۔ پر اوہ اُنہاں وچوں کئیں کنوں وی ٹھیک نہ تھی سگی۔ ⁴⁴۴۴۔ اوہ یسوع دے پِچھوں آئی تے اوندے کپڑیاں کوُ ہتھ لایا، تے اوُں ویلے اوندا خون واہونا بند تھی گیا۔⁴⁵۴۵۔ یسوع آکھیا جو "اوہ کون ہِے جئیں میکوُ ہتھ لایا؟ ۔" جئیں ویلے ساریاں انکار کیتا تے پطرس آکھیا، "مالک لوگ تُہاڈے اُتے ڈھاندے پئے ہِن۔ ⁴⁶۴۶۔ پر یسوع آکھیا جو، " کئیں میکوُ ہتھ لایا ہِے، کیوں جو میڈے اندروں قوت نختی ہِے۔⁴⁷۴۷۔ جئیں ویلے اوُں زنانی ڈِٹھا کہ اوُں جو کجھ کیتا ہِے اوہ نئیں لُکا سگدی تے اوہ ڈردی ہوئی آئی تے یسوع دے پیراں وِچ ڈھے کے ساریاں لوگاں دے سامنے ایہہ اعلان کیتا جو کیویں اوُں کوُں ہتھ لائے تے کیویں اوہ ہتھ لاون نال ٹھیک تھی گئی ہِے۔ ⁴⁸۴۸۔ وَل اوُں کوُ آکھیا " دھیئے تیڈے ایمان تیکوُ ٹھیک کیتا ہِے، سلامت لگی ونج۔"⁴⁹۴۹۔ اوہ ایہہ گالہیں کریندا ای پیا ہا۔ ہِک بندہ عبادت خانے دے سردا دے گھروں آ کے آکھن لگا۔" تیڈی دھی مر گئی ہِے اُستاد کوُ تکلیف نہ ڈے۔ ⁵⁰۵۰۔ جئیں ویلے یسوع ایہ سُنیا تے اوُں کوُ جواب ڈِتا "پریشان نہ تھی "صرف ایمان رکھ تے اوہ بچ ویسی۔⁵¹۵۱۔ وَل جڈاں اوہ گھر آیا تے اوُں پطرس، یوحنا، یعقوب، چھویر دے پیئو تے ماں دے علاوہ کئیں کوُ اندر آون دی اجازت نہ ڈِتی۔ ⁵²۵۲۔ اُتھائیں سارے لوگ روندے تے پٹیندے پئے ہَن۔ پر اوُں آکھیا " رو ناں" ایہ موئی نئیں بلکہ نیندر اِچ ہِے۔ ⁵³۵۳۔ پر اوہ اوندے تے کھلن پے گئے، کیوں جو اُنہاں کوُ پتا ہا کہ اوہ مر گئی ہِے۔⁵⁴۵۴۔ پر اوُں اوندا ہتھ پکڑ کے آکھیا " میڈی دھی اُٹھی" ⁵⁵۵۵۔ اوندی روح اوندے وِچ وَل آئی تے اوہ اُٹھی بیٹھی۔ اوُں حکم ڈِتا کہ چھویر کوُ کجھ کھاون کیتے ڈیوو۔ ⁵⁶۵۶۔ اوُں چھویر دے ماں پیئو حیران تھئے۔ وَل اوہ اُنہاں کوُ حکم ڈِتا کہ " اِتھاں جو کجھ وی تھیا ہِے اوہ کئیں کوُ نہ ڈسائے۔

¹۱۔اوُں نے اُنہاں باراں کوُں کٹھے سَڈ کے ساریاں بدروحاں تے بیماراں تھوں چنگا کرن دی طاقت تے اختیار بخشیا۔ ²۲۔اوُں نے اُنہاں کوُں خدا دی باشاہی دی مُنادی کرن اَتے بیماراں کوُں چنگا کرن کیتے گھلیا۔³۳۔اوُں نے اُنہاں کوُں آکھیا۔"اپنی راہ کیتے کجھ نہ گھِننا نہ سوٹی نہ بٹوا نہ ٹُکر نہ پیسہ اَتے نہ چولا۔ ⁴۴۔تُساں جیہڑے گھر اِچ داخل تھیسو اُتھایئں روکائے جڈاں تایئں اُتھوں ٹُر نہ پووو۔⁵۵۔اَتے جیہڑے شاہر دے لوگ تہاکوُ قبول نہ کرن اوُں شاہر تھوں نکلدے ویلے اپنے پیراں دی مٹی اُتھایئں جھاڑ ڈیواے تاں جو اُنہاں دے خلاف گواہی تھیوے۔ ⁶۶۔وَل اوہ اُتھوں ٹُر کے بئے شاہراں اِچ خوشخبری دی مُنادی کریندے گئے اَتے ہر جاہ بیماراں کوُ چنگیاں کریندے گئے۔⁷۷۔اَتے چوتھائی ملک دا حاکم ہیرودیس اے سارا کجھ سُن کے پریشان تھی گیا کیوں جو کجھ لوگ آدھے ہَن کہ یوحنا بپتسمہ ڈیون آلا زندہ تھی گیا ہے۔ ⁸۸۔اَتے کجھ آدھے ہَن کہ ایلیاہ ظاہر تھی گئے اَتے کجھ ایہہ کہ پہلے نبیاں وِچوں کوئی زندہ تھی گیا ہے۔ ⁹۹۔ہیرودیس نے آکھیا کہ "میں یوحنا دا سَر کٹ ڈِتا ہا پَر ایہہ کون ہے؟ جیندے بارے اِچ ایہوجئی گالہیں سُندا ہاں؟ہیرودیس نے یسوع کوُ مِلن دے کوشش کیتی۔¹⁰۱۰۔وَل رسولاں نے جو کجھ کیتا ہا واپس آ کے اوُں کوُ ڈسایا اَتے یسوع اُنہاں کوُ اپنے نال گھِن کے بیت صیدا ناں دے ہِک شاہر کوُ لگا گیا۔ ¹¹۱۱۔پَر وڈے ہجوم نے ایہہ سُنا تاں اوندے پیچھوں ٹُر پیا ۔اَتے اوُں نے اُنہاں کوُ خوش آمدید آکھیا اَتے اُنہاں کوُ خدا دی بادشاہی دے بارے وِچ ڈسایا اَتے جنہاں کوُ چنگا کرن دی ضرورت ہا اُنہاں کوُ چنگا کیتا۔¹²۱۲۔ڈیں ختم تھون کوُ ہا آیا تاں اوہ باراں اوُندے کول آئے اَتے آکھن لگے کہ "اِیں ساری بھیڑ کوُ واپس بھیج چھوڑ تاں جو اوہ آس پاس دے پنڈاں اِچ وَنج کے ٹُکر تے راہون دی جاہ دا بندوبست کرن کیونکہ اَساں ویران جاہ تے پیئں۔ ¹³۱۳۔ پَر اوُں نے اُنہاں کوُ آکھیا"تُساں ای انہاں کوُ کھاون کوُ کجھ ڈیوو۔"اُنہاں نے آکھیا "ساڈے کول پنج روٹیاں تے ڈُو مچھیاں کولوں زیادہ کیئے نیئں، پَر ہاں اساں اُنہاں کیتے ٹُکر مُل گھِن کے آسگدے ہاں۔ ¹⁴۱۴۔اُتھاں تقریباََ پنج ہزار بندے ہَن اَتے اوُں نے اپنے شاگرداں کوُ آکھیا کہ "انہاں کوُ پنجھا پنجھا دے ٹولے اِچ بلہاو"۔¹⁵۱۵۔پَس اُنہاں نے اوُں ویں کیتا اَتے سارے لوگ بہیہ گئے۔ ¹⁶۱۶۔اوُں نے پنج روٹیاں تے ڈو مچھیاں گھِن کے آسمان دی طرف ڈیدھے ہویاں اُنہاں کیتے برکت دی دُعا منگی روٹیاں توڑ کے شاگرداں کوُ ڈیتاں تاں جو بھیڑ اِچ ونڈ چھوڑن۔ ¹⁷۱۷۔اُنہاں ساریاں نے کھادا تے رَج گئے،جڈاں ٹُکر کھاون دے بعد بچے ہوئے ٹکڑے چُنے گئے تاں اُنہاں نال بارہ ٹوکرے بھریج گئے۔¹⁸۱۸۔جڈاں یسوع کلیاں اپنے شاگرداں دے نال دُعا کریندا پیا ہا تاں اوُں نے اُنہاں کولوں پچھیا جو بھیڑ میڈے بارے اِچ کیا آدھی ہے کہ میں کون ہاں؟۔ ¹⁹۱۹۔اُنہاں نے جواب اِچ آکھیا کہ"یوحنا بپتسمہ ڈیون آلا ،کجھ ایہ کہ توُں ایلیاہ ہیئں اَتے کجھ آدھے ہَن کہ توُں پُرانے نبیاں وِچوں ہک ہیں جیہڑا دوبارہ زندہ تھی گئے۔²⁰۲۰۔ اوُں نے اُنہاں کوُ آکھیا کہ"تُساں میکوُ کیا آدھے ہو۔"کہ میں کون ہاں ؟پطرس نے آکھیا کہ توُں خدا دا گھلیا ہویا مسیح ہیئں۔ ²¹۲۱۔پَر یسوع اُنہاں کوُں نصیحت کریندے ہویاں ہدایت کیتی کہ اوہ کیئں کوُ نہ ڈساون ۔ ²²۲۲۔کیوں جو ایہ ضروری ہے کہ ابن آدم بہوں ڈکھ چاوے اَتے بزرگاں تے سردار کاہناں تے صدوقیاں دی طرفوں رَد کیتا ونجے اَتے مارا ونجے اَتے تریجھے ڈیں وَل زندہ تھی ونجے۔²³۲۳۔وَل اوُں نے اُنہاں ساریاں کوُ آکھیا کہ اگر کوُئی میڈے پیچھے آونا چاہوے تاں اپنے آپ دا انکار کرے اَتے ہر روز اپنی صلیب چا کے میڈے پیچھے تھی ونجے۔ ²⁴۲۴۔جو کوُئی اپنی جان کوُ بچاسی اوہ اوُں کوُ گواسی پَر جیہڑا کوُئی اینکوُ میڈی خاطرگواسی اوہ اوُں کوُ بچا گھِنسی۔ ²⁵۲۵۔بندے کوُ ایندا کیا فائدہ تھیسی کہ اگر اوہ سارا جہان حاصل کر گھِنے پَر اپنی جان گنوا چھوڑے۔²⁶۲۶۔جیہڑا کوُئی میڈے کولوں تے میڈے کلام تھوں شرماندا ہے،ابنِ آدم وی جڈاں اپنے باپ دے جلال وِچ پاک فرشتیاں دے نال آسی تاں اوہ وی اُنہاں کولوں شرماسی۔ ²⁷۲۷۔پر میں تہاکوُ سچ آدھا ہاں کہ تہاڈے وِچوں کجھ لوگ جیہڑے اِتھاں کھڑے ہَن موت دا مزہ نہ چکھسن جڈاں تایئں اوہ خدا دی بادشاہی ڈیکھ نہ گھِنن۔²⁸۲۸۔ایہہ آکھن دے تقریباََ اَٹھ ڈیہاں دے بعد یسوع پطرس ،یوحنا تے یعقوب دے نال پہاڑی تے دُعا کرن کیتے گیا۔ ²⁹۲۹۔جیہڑے ویلے اوہ دُعا کریندا پیا ہاں تاں اوندے چہرے دے رنگ بدل گیا اَتے اوندے کپڑے چٹے تے چمکدار تھی گئے۔³⁰۳۰۔ڈیکھو اُتھاں ڈو بندے یسوع نال گالہیں کریندے پئے ہَن اوہ موسیٰ تے ایلیاہ ہَن ۔ ³¹۳۱۔اوہ جلال اِچ ڈِکھائی ڈِتے اُنہاں نے اوندے مرن دے بارے گالھ کیتی جیہڑی یروشلیم اِچ تھیون آلی ہا۔³²۳۲۔پطرس تے باقی جو اوُندے نال ہَن اُنہاں تے نیند دا بہوں اثر ہا۔پَر جیہڑے ویلے اوہ پوری طرح جاگ گئے تاں اُنہاں نے اوُندے جلال اَتے اوُندے نال دُو بندیاں کوُ ڈٹھا۔ ³³۳۳۔اَتے جڈاں اوہ یسوع کولوں دُور تھیندے پئے ہَن پطرس نے اوُں کوُ آکھیا"مالک اِتھاں ہوونا ساڈے کیتے چنگا ہے ساکوُ تر یئے پناہ گاہ بناون ڈے ،ہک تیڈے کیتے،ہک موسیٰ کیتے تے ہک ایلیاہ کیتے۔اوُں کوُ سمجھ نہ آئی کہ اوہ کیندے بارے اِچ گالھ کریندے پئے۔³⁴۳۴۔جڈاں اوہ اُنہاں نال ایہہ گالہیں کریندا پیا ہا،ہک بدل نے اُنہاں کوُ لُکا گِدے اَتے اوہ ڈر گئے تے بدل نے اُنہاں کوُ لپیٹ گِدے۔ ³⁵۳۵۔آسمان تھوں آواز آئی کہ "ایہہ میڈا چُنیا ہویا پُتر ہے ایندی سنو"۔ ³⁶۳۶۔جڈاں آواز آونا بند تھی گئی تاں یسوع کلہا ہا، اوہ چُپ رِہ گئے اَتے اُنہاں نے جو کجھ ڈیکھیا ہا اوندے بارے وِچ کیئں کوُ کجھ نہ ڈسایا۔³⁷۳۷۔ڈوجھے ڈیں جڈاں اوہ پہاڑ تھوں تھلے لاہندے پئے ہَن تاں ایویں تھیا کہ ہک وڈی بندیاں دی بھیڑ اوُں کوُ مِلی۔ ³⁸۳۸۔اَتے ڈیکھو بھیڑ وِچوں ہک بندے نے آوُں کوُ آواز ڈِتی استاد میں تیڈے اَگے منت کریندا ہاں کہ میڈے پُتر تے نظر کر کیوں جو اوہ میڈا پلیٹھی دا پُتر ہے۔ ³⁹۳۹۔اَتے ڈیکھ ہک رُوح اوُں کوُ قابو کر گھِندی ہے۔اَتے اوہ اَبڑ گَت روندا پٹیندا ہے جیندی وجہ تھوں اوندے منہ وِچوں جھگ نکلدی ہے اَتے اوہ اوُں کوُ بہوں تکلیف ڈیندے ہویاں نچوڑ کے چھوڑ ڈیندی ہے۔ ⁴⁰۴۰۔میں شاگرداں دی مِنت کیتی ہا کہ اوہ اِینکوُ کڈھن پَر اُنہاں کولوں نیئں تھیا ۔⁴¹۴۱۔یسوع نے جواب اِچ اُنہاں کوُ آکھیا کہ"اے بے اعتقاد اَتے وگڑی ہوئی نسل میکوں کیہ تک تہاڈے نال رِہ کے برداشت کرنا ہوسی۔اپنے پُتر کوُ اِڈے گھِن آو۔ ⁴²۴۲۔جیہڑے ویلے اوہ جوان آندا پیا ہا تاں بدرُوح نے اوُں کوُ تھلے سَٹ ڈِتا اَتے زور نال جھٹکا ڈِتا۔پَر یسوع نے بد رُوح کوُ جھڑکیا تے جوان کو چنگا کر کے اوندے پیئو دے حوالے کر ڈِتا۔⁴³۴۳۔اوہ سارے خدا دی عظمت کوُ ڈیکھ کے حیران تھی گئے۔پَر جڈاں اوہ اِیں عجیب کماں تے جیہڑے اوُں نے کیتے ہَن تعجب کریندے پئے ہَن تاں یسوع نے اپنے شاگرداں کوُ آکھیا کہ"۔ ⁴⁴۴۴۔ تُساں ایہہ گالھ کن کھول کے سُن گھِنو کہ ابنِ آدم بندیاں دے حوالے کیتا ویندا ہے۔ ⁴⁵۴۵۔پر اوہ ایں گالھ دا مطلب نہ سمجھ سگے کیونکہ ایہہ اُنہاں کولوں لُکائی گئی ہا اِیں کیتے اوہ ایندا مطلب نہ سمجھ سکے اَتے یسوع کولوں ایندے بارے پوچھن تھوں ڈردے ہَن۔⁴⁶۴۶۔وَل اُنہاں دے وِچ جھگڑا شروع تھی گیا کہ اُنہاں وِچوں وڈا کون ہوسی ؟۔ ⁴⁷۴۷۔پَر جیہڑے ویلے یسوع کوُ پتا لگے کہ اوہ کیندے بارے وِچ بحث کریندے ہَن تاں اوُں نے ہک چھوٹے بال کوُ اپنے نال بٹھایا۔ ⁴⁸۴۸۔اَتے اُنہاں کوُ آکھیا کہ"اگر کوُئی ایں چھوٹے بال کوُ میڈے ناں تھوں قبول کریندا ہے تاں اوہ میکوُ قبول کریندا ہا۔اَتے جیہڑا میکو قبول کریندا ہے اوہ اوُں کوُ وی قبول کریندا ہے جیئں میکو گھلے جیہڑا تہاڈے وِچوں سب تھوں گھٹیا ہے اوُہو ساریاں تھوں وڈا ہے۔⁴⁹۴۹۔یوحنا نے جواب اِچ اوُں کوُ آکھیا"مالک اساں کیئں بندے کوُ تیڈے ناں تھوں بدروحاں کڈھیندے ہوئے ڈٹھا اَتے اساں اوُں کوُ روکے۔کیونکہ اوہ ساڈی پیروی نیئں کریندا۔ ⁵⁰۵۰۔پَر یسوع نے اوُں کوُ آکھیا کہ "تُساں اوُں کوُ نہ روکو کیونکہ اوہ جو تہاڈے خلاف نیئں اوہ تہاڈے نال ہے۔⁵¹۵۱۔اَتے جیویں ای اوُندے آسمان دے ونجن دے ڈِیں نیڑے آئے اوُں نے یروشلیم ونجن دا پکا ارادہ کر گِدا۔ ⁵²۵۲۔اوُں نے پیا مبراں کوُ اپنے تھوں پہلے گھلیا اِتے اُنہاں نے سامریاں دے پِنڈ اِچ داخل تھی کے اوُں کیتے تیاری کیتی۔ ⁵³۵۳۔پَر اُتھاں دے لوگاں نے اوُں کوُ قبول نہ کیتا کیوں جو اوہ یروشلیم ویندا پیا ہا۔⁵⁴۵۴۔جڈاں اوُندے شاگرداں یعقوب تے یوحنا نے ڈیکھیا تاں اُنہاں نے آکھیا کہ اے خداوند تُوں چاہندا ہیئں کہ اساں حکم کروں اَتے آسمان تھوں اَگ نازل تھیوے تے انہاں کوُ ہلاک کر ڈیوے۔ ⁵⁵۵۵۔پر اوُں نے مُڑ کے اُنہاں کوُ جھڑکیا۔ ⁵⁶۵۶۔وَل اوہ کیئں ڈوجھے پِنڈ اِچ گئے۔⁵⁷۵۷۔جڈاں اوہ رستے وِچ ہا تاں کیئں نے اوُں کوُ آکھیا کہ توں جِتھاں کِتھاں وی ونجیں میں تیڈے نال ویساں۔ ⁵⁸۵۸۔یسوع نے اوُں کوُ اکھیا۔کہ لومڑیاں دے راہون کیتے غار ہوندن اَتے ہوا دے پنکھیاں دے گھونسلے پر ابن آدم دے کول سَر لُکاون دے وی جاہ کیئے نیئں۔⁵⁹۵۹۔وَل اوُں نے کیئں ڈوجھے بندے کوُ آکھیا کہ"میڈے پیچھوں آ" پر اوُں نے آکھیا کہ "خداوند پہلے میکوُ اپنے پیئو کوُ دفن کرن دی اجازت ڈے۔ ⁶⁰۶۰۔پَر یسوع نے اوُں کوُ آکھیا کہ"مُردیاں کوُ اپنے مُردے دفن کرن ڈے پَر توُں ہر جاہ ونج کے خداوند دی بادشاہی دا علان کر۔⁶¹۶۱۔ہک بئے بندے نے اوُں کوُ آکھیا کہ"اے خداوند میں تیڈے پیچھے چلساں پر پہلے میکوُ اپنے گھر آلیاں کوُ الوداع آکھن ڈے۔ ⁶²۶۲۔پَر یسوع نے اوُں کوُ آکھیا کہ"جیہڑا کوُئی ہل تے ہتھ رکھ کے پیچھے ڈیدھا ہے اوہ خدا دی بادشاہی دے لائق نیئں۔

¹۱۔ اِنہاں ساریاں گالہیں دے بعد خداوند نے ستر بئے لوگاں کوُ مقرر کیتے۔ اَتے اُنہاں کوُ ڈو دوُکر کے ہر شاہر اِچ بھیجے جتھاں اوہ آپ ونجن دا ارادہ رکھیندا ہا۔ ²۲۔اوُں نے اُنہاں کوُ آکھیا کہ۔"فصل تاں بہوں ہے پَر مزدور گھٹ ہِن۔ایں کیتے خداوند تھوں دُعا منگو کہ اوہ مزدوراں کوُ فصل کپن کیتے گھلے۔³۳۔پَس ونجو تے ڈیکھو میں بھجیندا ہاں جیویں بھیڈاں بھیڑیاں دے وِچ۔ ⁴۴۔تُساں ایں سفر کیتے نہ پیسے نہ جھولا نہ جُتے گھِن ونجنا اَتے نہ ہی راہ اِچ کیئں نال مِلنا۔⁵۵۔تُساں جیہڑے گھر ویسو سب تھوں پہلے آکھو کہ۔"ایں گھر تے سلامتی تھیوئے"۔ ⁶۶۔اگر اُتھاں کوُئی سلامتی دار فرزند ہوسی تاں اوندے تے تہاڈی سلامتی ٹہر ویسی پَر اگر نہ ہوسی تاں سلامتی تہاڈے تے واپس آ ویسی۔ ⁷۷۔تُساں اوُں گھر وِچ ای راہو اَتے جو کجھ ڈِتا ونجے اوُہو کھاو تے پیو کیونکہ مزدور اپنی مزدوری گھنن دا حق رکھیندے تُساں گھر گھر نہ ونجو۔⁸۸۔تُساں جیہڑے شاہر وی ونجو اَتے اوہ تہاکوُ قبول نہ کرن تاں جو کجھ وی تہاڈے سامنے رکھن اوہ کھاو۔ ⁹۹۔اَتے اُتھاں جو وی بیمار ہوون اُنہاں کوُ چنگا کرو۔اُنہاں کوُ آکھو کہ خداوند دی بادشاہی نیڑے آ گئی ہے۔¹⁰۱۰۔پَر تُساں جیہڑے شاہر وی ونجو اَتے اوہ تہاکوُ قبول نہ کرن تاں تُساں گلیاں وِچ ونجو اَتے آکھو۔ ¹¹۱۱۔اساں تہاڈے شاہر دی مٹی جیہڑی ساڈے پیراں تے لگی لاتھی ہے اوُں کو تہاڈے خلاف جھاڑ ڈیندے ہیں پَر اے جان گھِنو کہ خدا دی بادشاہی نیڑے آگئی ہے۔ ¹²۱۲۔میں تہاکوُ آدھا ہاں کہ عدالت آلے ڈِیں اوُں شاہر دی نسبت سدوم دا حال زیادہ برداشت دے لائق ہوسی۔¹³۱۳۔اے"خرازین "! تیڈے تے افسوس اے بیت صیدا" تیڈے تے افسوس کیونکہ جیہڑے معجزے تہاڈے وِچ ظاہر تھئے ہَن اگر صُور تے صیدا اِچ ظاہر تھیندے تاں اوہ بوری پا کے مٹی وِچ بیٹھ کے کڈایئں دی توبہ کر گھِندے۔ ¹⁴۱۴۔پَر عدالت آلے ڈِیں صُور تے صیدا دا حال تہاڈی حالت تھوں زیادہ برداشت دے قابل ہوسی۔ ¹⁵۱۵۔اے کفرنحوم کیا توُں سوچیندا ہیں کہ توں آسمان تائیں اوُ چا کیتا ویسیں؟"نہیں بلکہ توُں عالم ارواح اِچ سٹیا ویسیں۔¹⁶۱۶۔اوہ جو تہاڈی سُن دا ہے اوہ میڈی سُن دا ہِے اَتے جیہڑا تہاکوُ نئیں منیندا اوہ میکوُ نئیں منیندا اَتے جیہڑا میکوُ نئیں منیندا اوہ میڈے بھیجن آلے کوُ نئیں منیندا۔¹⁷۱۷۔وَل اوہ ستر خوش تھی کہ ایہہ آدھے ہوئے واپس آئے کہ "اے خداوند تیڈے ناں تھوں بُری روحاں وی ساڈے تابع ہَن"۔ ¹⁸۱۸۔یسوع نے آکھیا"میں شیطان کوُ آسمان تھوں بجلی دے طرح ڈھاندے ہویاں ڈیدھا پیا ہاں۔ ¹⁹۱۹۔اَتے ڈیکھو میں تہاکوں سپاں ،ٹھوئیاں تے دشمن دے ساری طاقت کوُ مَسلن دا اختیار ڈِتا ہے۔اَتے کوُئی تہاکوُ نقصان نہ پجا سَگسی۔ ²⁰۲۰۔تُساں ایں گالھ تھوں خوشی نہ مناو کہ بُری روحاں تہاڈے تابع ہَن پَر ایں گالھ تے خوشی کرو کہ تہاڈے ناں آسمان تے لکھے گئے ہِن ۔²¹۲۱۔اوُں ویلے اوہ روح القدس اِچ خوش تھی کہ آکھن لگا کہ"اے باپ آسمان تے زمین دے خداوند میں تیڈی تعریف کریندا ہاں کیونکہ توُں عقل منداں کولوں ایہہ گالہیں لُکائیاں ہَن اَتے انہاں اَن پڑھاں تے بچیاں تے ظاہر کیتن۔ ہاں اے باپ کیونکہ ایویں ای تیکو پسند آئے۔²²۲۲۔اَتے باپ دی طرفوں ساریاں شئیاں میکوں ڈِتیاں گیاں ہَن تے باپ دے علاوہ کوُئی نہیں جان دا کہ پُتر کون ہے اَتے پُتر دے علاوہ کوئی نہیں جان دا کہ باپ کون ہے پر اوہ جیندے تے پُتر ظاہر کرے۔²³۲۳۔وَل اوُں نے شاگرداں دے پاسے مُڑ کے علیحدگی اِچ اُنہاں کوُ آکھیا کہ "خوش نصیب ہَن جیہڑے اوہو شیئاں ڈیدھے ہَن جنہاں کوُ تُساں ڈیدھے وے۔ ²⁴۲۴۔میں تہاکوُ آدھا ہا کہ "بہوں سارے نبی تے بادشاہ اوہ معجزے جیہڑے تُساں ڈیدھے ہو ڈیکھن دی خواہش رکھیندے ہَن پَر نہ ڈیکھ سگے اَتے جو گالہیں تُساں سُن دے ہو اوہ سُنن پَر نہ سُن سگے۔²⁵۲۵۔ڈیکھو ہک شرع دا عالم کھڑا تھیا اَتے ایہہ آدھے ہوئے اوُں کوُ آزماون لگا کے "اے استاد میں کیا کراں کہ ہمیشہ دی زندگی پاواں؟۔ ²⁶۲۶۔یسوع نے اوُں کوُ آکھیا کہ"شریعت اِچ کیا لکھا لا تھے؟"توُں اینکوُں کیویں پڑھدیں؟۔ ²⁷۲۷۔اوُں نے جواب ڈیندے ہوئے آکھیا کہ"توں خداوند اپنے خدا دے نال اپنے سارے دِل،اپنی ساری جان،اپنی ساری طاقت تے اپنی ساری عقل نال محبت رکھ تے اپنے گواہنڈی نال وی اپنی مانند محبت رکھ۔" ²⁸۲۸۔یسوع نے اوُں کوُ آکھیا کہ "توں بالکل صیح آکھے ایویں ای کرتے توں ہمیشہ دی زندگی پاسیں۔²⁹۲۹۔پَر اوُں نے اپنے آپ کوُ پاک ٹھراون کیتے یسوع کوُ آکھیا کہ "میڈا گواہنڈی کون ہے؟۔ ³⁰۳۰۔یسوع نے جواب اِچ اوُں کوُ آکھیا کہ ہک بندہ یروشلیم تھوں یریحو کوُ ویندا پیا ہا اوہ ڈاکواں وِچ پھس گیا اَتے اُنہاں نے اوُں کوُ لُٹ کے بہوں ماریا تے اوُں کوُ مَرن آلا چھوڑ کے تے لگے گئے۔³¹۳۱۔ابڑگت ہک کاہن اوُں رستے تے آندا پیا ہا اَتے جیہڑے ویلے اوُں نے اوُں کوُ ڈیکھیا تاں اوہ سڑک دے ڈوجھے پاسے تھی کے ٹُرن لگ گیا۔ ³²۳۲۔ایویں ای ہک لاوی وی جیہڑے ویلے اوُں جاہ تے آیا اَتے اوُں نے اوُں کوُ ڈٹھا تاں اوہ وی سڑک دے ڈوجھے پاسے تھی گیا۔³³۳۳۔پَر ہک سامری وی سفر کریندے ہوئے اُتھاں آیا۔جیہڑے ویلے اوُں نے اوُں کوُ ڈیکھیا تاں اوُں کوُ اوُندے تے ترس آیا۔ ³⁴۳۴۔اوہ اوندے کول گیا تے اوندے زخماں تے تیل تے مَے لاکے اوُندے زخماں تے پٹی بَدھی تے اوُں کوُ اپنے جانور تے بیلہا کے ہک سراں اِچ گھِن گیا تے اوُندی ڈیکھ بھال کیتی۔ ³⁵۳۵۔ڈوجھے ڈیں اوُں نے سراں دے مالک کوُ ڈُو دینار ڈے کے آکھیا کہ "ایندا خیال رکھائے اَتے بئے جتنے پیسے ایندے تے خرچ آسن میں آکے تیکو ڈیساں"۔³⁶۳۶۔اِنہاں تریہاں وِچوں اوُں بندے دا جیکو ڈاکواں نے ماریا ہا تیڈے مطابق کون اوُندا گواہنڈی ہے؟ ³⁷۳۷۔شرع دے عالم نے اوُں کوُ آکھیا"اوہ جیئں نے اوندے تے رحم کیتا"۔یسوع نے اوُں کوُ آکھیا کہ "ونج توں وی ایویں ای کر"۔³⁸۳۸۔اَتے جڈاں اوہ سفر کریندے پئے ہَن تاں اوہ ہک پنڈ اِچ گیا اَتے مرتھا ناں دی ہک زنانی نے اپنے گھر اِچ اوُں کوُ آون دی اجازت ڈِتی۔ ³⁹۳۹۔اوُندی ہک بھین ہائی جیندا ناں مریم ہا اوہ خداوند دے پیراں وِچ بیٹھ کے اوندا کلام سُن دی ہائی۔⁴⁰۴۰۔پَر مرتھا ٹُکر بناون اِچ لگی ہائی اوہ یسوع دے کول آئی اَتے آکھن لگی کہ اے خداوند کیا تیکو کوئی فکر نیئں کہ میڈی بھین نے میکو خدمت کرن کیتے کلہا چھوڑ ڈِتا ہے توساں اینکوُ میڈی مدد کرن کیتے آکھو۔ ⁴¹۴۱۔پَر خداوند نے جواب اِچ اوُں کوُ آکھیا کہ"مرتھا مرتھا توں تاں بہوں شئیاں دے بارے اِچ فکر مند ہیئں۔ ⁴²۴۲۔صرف ہر ہک شئے ضروری ہے مریم نے اوُں چُن گِدا ہے جیہڑا ساریاں تھوں چنگا ہے جیہڑا کہ ایندے کولوں کھسیجا نہ ویسی۔

¹۱۔وَل ایویں تھیا کہ اوہ کیئں جاہ تے دُعا کریندا پیا ہا۔ جیہڑے ویلے دُعا کرچکے تاں اوُں دے شاگرداں وچوں ہک نے اوُں کوُ آکھیا اے خداوند! جیویں یوحنا نے اپنے شاگرداں کوُ دعا کرنا سکھایا ہِے ساکوُں تُوں وی سیکھا۔²۲۔اوُں نے انہاں کوں آکھیا جیہڑے ویلے تساں دُعا کرو تا آکھو۔ اے باپ! تیڈا ناں پاک منیا ونجے تیڈی بادشاہی آوے۔³۳۔ساڈی روز دی روٹی روز ساکوُ ڈِتاکر۔ ⁴۴۔اَتے ساڈے گناہ معاف کر کیوں جو اساں وی اپنے ہر قرض دار کوُ معاف کرینے ہاں اَتے ساکو آزمائیش اِچ نہ لا۔⁵۵۔وَل اوُں نے انہاں کو آکھیا تہاڈے وچوں کون ہے جیندا ہک دوست ہووے اَتے اوہ ادھی رات کوُ اوندے کول ونج کے اوُں کوُ آکھے اے دوست میکوُ تریئے روٹیاں ڈے۔ ⁶۶۔کیوں جو میڈا ہک دوست پینڈا کرکے میرے کول آیا ہِے اَتے میڈے کول کجھ وی نیئں کہ اوندے اگے رکھاں۔ ⁷۷۔اَتے اوہ اندروں جواب اِچ آکھے میکوُ تکلیف نہ ڈے ہَن دروازہ بند ہِے اَتے میڈے بال میڈے کول بستر اِچ ہِن۔ میں اُٹھی کے تیکو ڈے نیئں سگدا۔ ⁸۸۔میں تیکوُ آدھا ہاں کہ اگرچہ اوہ ایں پاروں کہ اوندا دوست ہے اُٹھی کے اوں کوُ نہ ڈیوے تاں وی اوُں دی بےحیائی دے پاروں اُٹھی کے جتنی اوُں کو چاہیدی ہے اوُں کوُ ڈیسی۔⁹۹۔پَس میں تہاکوُ آدھا ہاں۔ منگوں تاں تہاکوُ ڈِتا ویسی۔گولو تاں ملسی۔ بوہا وجاؤ تاں تہاڈے کیتے کھولاویسی۔ ¹⁰۱۰۔کیونکہ جو کوُئی منگدا ہے اوُں کوُ مِلدا ہے، جیہڑا گولیندا ہے اوُں کوُ مِلدا ہِے۔ جیہڑا وجیندا ہے اوُں کیتے کھولا ویسی۔¹¹۱۱۔تہاڈے وچوں کہیڑا ایہو جیا پیئو ہے کہ جڈاں اوندا پُتر ٹُکر منگے تاں اوہ اوُں کو پتھر ڈیوے؟ یا مچھی منگےتاں مچھی دے بدلے اوُں کوُ سَپ ڈیوے۔ ¹²۱۲۔یا انڈا منگے تاں اوُں کوُ ٹھوُواں ڈیوے؟۔ ¹³۱۳۔پس جڈاں تساں بُرے تھی کے اپنے بالاں کوُ چنگی شیئاں ڈیوناں جان دے ہیوے تاں آسمانی باپ روح القدس کیوں نہ ڈیسی۔¹⁴۱۴۔وَل اوہ ہک گونگی روح کوُ کڈھیندا پیا ہا۔ اَتے جیہڑے ویلے بدروح نکل گئی تاں ایویں تھیا کہ گونگا بولن لگ پیا تاں لوگ حیران تھی گئے۔ ¹⁵۱۵۔پر اُنہاں وچو کجھ آکھن لگے ایہہ تاں بدروحاں دے سردار بعلز بول وی مدد نال بدروحاں کوُ کڈھیندا ہے۔¹⁶۱۶۔آزمائیش کیتے کئی لوگ آسمانی نشان منگن لگے۔ ¹⁷۱۷۔پر اوُں نے انہاں دے خیالات کوُ جان کے اُنہاں کوُ آکھیا۔ جیندی حکومت اِچ پھُٹ پے ونجے اوہ ویران تھی ویندی ہے۔ اَتے جیئں گھر اِچ پھُٹ پے ونجے تاں اوہ برباد تھی ویندا ہے۔¹⁸۱۸۔اَتے اگر شیطان وی اپنا خلاف تھی ونجے تاں اوُں دی حکومت کیویں قائم راہسی؟ کیوں جو تساں میڈے پاروں آدھے ہوکہ ایہ بدروحاں کوُ بعل زبول دی مدد نال کڈھیندا ہے۔ ¹⁹۱۹۔اَتے اگر میں بدروحاں کوُ بعلزبول دی مدد نال کڈھیندا ہاں تاں تہاڈے پُتر کیندی مدد نال کڈھیندے ہِن؟ پَس اوُہو تہاڈا انصاف کرن آلے ہوسن۔ ²⁰۲۰۔لیکن اگر میں بدروحاں کوُ خدا دی قدرت نال کڈھیندا ہاں تاں خدا دی بادشاہی تہاڈے کول آپہنچی۔²¹۲۱۔جڈاں زور آور بندہ ہتھیار دے نال اپنی حویلی دی رکھوالی کریندا ہے تاں اوُندا مال محفوظ راہندے۔ ²²۲۲۔پر جڈاں اوُندے کولوُں کوُئی زور آور حملہ کرکے اوُندے تے غالب آ ویندے تاں اوُندے سارے ہتھیار جنہاں تے اوہ بھروسہ کریندا ہا چھک گھن دے اَتے اوُندا مال لُٹ کے ونڈ ڈیندا ہے۔ ²³۲۳۔جو میڈے پاسے نیئں اوہ میڈے خلاف ہے اَتے جو میڈے نال جمع نیئں کریندا اوہ ونڈیندا ہے۔²⁴۲۴۔جڈاں پاک روح بندے اِچوں نکلدی ہے تاں سوکھے ہوئے ٹھکانے آرام کرن کیتے گولیندی ہے۔ اَتے جیہڑے ویلے نیئں ملدی تاں آدھی ہے کہ میں اپنے اوُں گھر وچ ویساں جتھوں میں نکلی ہاں۔ ²⁵۲۵۔اَتے آکے اوُں کو جھاڑیا تے سنواریا ہویا ڈیدھی ہے۔ ²⁶۲۶۔وَل ونج کے بیئاں سَت بُری روحاں اپنے نال گھن آندی ہے اَتے اوہ اوُندے وچ داخل تھی کے اُتھائیں راہندن تے اوُں بندے دا حال پہلے کولوں وی بُرا تھی ویندے۔²⁷۲۷۔جیہڑے ویلے اوہ ایہہ گالہیں کریندا پیا ہا تاں ایویں تھیا کہ بھیڑوچوں ہک عورت نے اُچی ساری آواز نال اوُں کوُ آکھیا مبارک ہے اوہ رِحم جیندے وچ توں ریہا اَتے اوہ چھاتیاں جیہڑیاں توں چوسیاں۔ ²⁸۲۸۔اوُں نے آکھیا ہاں۔ پر زیادہ مبارک اوہ ہن جیہڑے خدا دا کلام سُندے تے اوُں دے تے عمل کریندے ہن۔²⁹۲۹۔جیہڑے ویلے وڈی بھیڑ جمع تھیندی ویندی ہائی تاں اوہ آکھن لگا کہ اِیں زمانے دے لوگ بُرے ہن۔ اوہ نشان منگدے ہن پر یوناہ دے نشان دے علاوہ کوُئی نواں نشاں اُنہاں کوُ نہ ڈِتا ویسی۔ ³⁰۳۰۔کیونکہ جیویں یوناہ نینوہ دے لوگاں کیتے نشان بنا ہِے اوُں ویں ای ابن آدم وی اِیں زمانہ دے لوگاں کیتے نشان ٹہرسی۔³¹۳۱۔دَکھن دی ملکہ اِیں زمانے دے بندیاں دے نال عدالت آلے ڈیں اَٹھی کے اِنہاں کوُں مجرم ٹھراسی کیوں جو اوہ دُنیا دے کنارے تھوں سلیمان دی حکمت سنن کوُ آئی ہا۔ اَتے ڈیکھو اِتھاں اوہ ہے جیہڑا سلیمان تھوں وی وڈا ہے۔³²۳۲۔نینوہ دے لوگ اِیں زمانے دے لوگاں دے نال عدالت آلے ڈیں کھڑے تھی کےاِنہاں کوُں مجرم ٹھہراسن کیونکہ کہ اُنہاں نے یوناہ دی مُنادی تے توبہ کر گِدی اَتے ڈیکھو اِتھاں اوہ ہِے جیہڑا یوناہ کولوں وی وڈا ہے۔³³۳۳۔کوئی بندہ ڈیوا بال کے تہہ خانے وِچ یا کے کیئں شئے دے تھلے نیئں رکھیندا بلکہ ڈیوا کئیں اُچی جاہ تے رکھیندا ہے تاں جو اندر آون آلیاں کو سوجھلا ڈکھائی ڈیوے۔ ³⁴۳۴۔تیڈے بدن دا ڈیوا تیڈی اکھ ہِے۔ جڈاں تیڈی اَکھ ٹھیک ہے تاں تیڈا سارا بدن وی روشن ہوسی۔ جڈاں تیڈی اَکھ ای خراب ہے تاں تیڈا بدن اِچ وی اندھارا ہوسی۔ ³⁵۳۵۔پَس ڈیکھ جیہڑا سوجھلا تیڈے اندر ہے اندھارا تاں نیئں۔ ³⁶۳۶۔اگر تیڈا سارا بدن سوجھلا ہوئے اَتےکئیں جاہ تے اندھارا نہ راہوے تاں اوہ سارا ایویں سوجلا ہوسی جیویں اوں ولیلے تھیندا ہے جڈاں ڈیوا اپنی چمک نال تیکو روشن کریندا ہے۔³⁷۳۷۔جیہڑے ویلے اوہ گالہیں کریندا پیا ہا تاں کوُئی فریسی نے اوُندی دعوت کیتی ہا وَل اور اندر ونج کے ٹُکر کاؤن کو بیٹھ گیا۔ ³⁸۳۸۔فریسی ایہہ ڈیکھ کے بہوں حیران تھئیا کہ اوہ کھاؤن کولوں پہلاں دھاتا نئیں۔³⁹۳۹۔خداوند نے اوُں کوُ آکھیا اے فریسیو تُساں پیالے تے چنگیر کوُ اُتوں اُتوں صاف کریندے ہو پر تہاڈے اندر لُٹ مارتے بدی بھری ہوئی ہِے۔ ⁴⁰۴۰۔اے بےوقوفو! جئیں نے باہر کوُ بنایا کیا اوُں نے اندر کوُ نیئں بنایا؟ ⁴¹۴۱۔ہاں تُساں اندر دیاں شئیاں خیرات کر ڈیوؤ تاں ڈیکھو سارا کجھ تہاڈے کیتے پاک تھی ویسی۔⁴²۴۲۔اے فریسیو تہاڈے تے افسوس! پودینے تے سُداب تے ہر ہک سبزی تے داہ یکی ڈیندے ہیوے اَتے انصاف تے خدا دی محبت تھوں بے خبرراہندے ہو۔ لازم ہا کہ ایہہ وی کریندے تے اوہ وی نہ چھوڑیندے۔⁴³۴۳۔اَے فریسیو تہاڈے تے افسوس! کہ تساں عبادت خانیاں اِچ اعلیٰ قسم دی کرسیاں تے بازاراں اِچ سلام چاہندے ہیوے۔ ⁴⁴۴۴۔تہاڈے تے افسوس! کیوں جو تُساں اُنہاں لُکی ہویاں قبراں دی طرح ہو جنہاں دے اُتے بندے چلدے ہِن اَتے اُنہاں کوُں ایں گالھ دی خبروی نیئں۔⁴⁵۴۵۔وَل شرع دے عالماں وچوں ہک جواب اِچ اوُں کوُ آکھیا اے استاد ! اِنہاں گالہیں کرن دے نال توں ساکوُں بے عزت کریندا پیئں۔ ⁴⁶۴۶۔اوُں نے آکھیا اَے شرع دے عالمو تہاڈے تے افسوس! کہ تساں ایہو جئے بوجھ جنہاں کوُ چاونا اوکھا ہے بندیاں تے رکھیندے ہو تے آپ ہک انگلی وی انہاں کوُں لاونا نیئں چاہندے۔⁴⁷۴۷۔تہاڈے تے افسوس! کہ تُساں تاں نبیاں دی قبراں کوُ بناندے ہیوے اَتے تہاڈے پئیو ڈاڈا نے اُنہاں کوُ قتل کیتا ہا۔ ⁴⁸۴۸۔پس تساں گواہ ہیوے اَتے اپنے پئیو ڈاڈا دے کماں کوُ پسند کریندے ہو کیونکہ اُنہاں نے تاں اُنہاں کوُقتل کیتا ہا اَتے تُساں اُنہاں دیاں قبراں بنیندے ہیوے۔⁴⁹۴۹۔اِیں کیتے خدا دی حکمت تے آکھیا ہے کہ میں نبیاں تے رسولاں کوُ اُنہاں دے کول بھیج ڈیساں۔ اوہ اُنہاں وچوں بہوں ساریاں کوُں قتل کریسن تے بہوں ساریاں کوُں ستاسن۔ ⁵⁰۵۰۔تاں جو سارے نبیاں دے خون دی جیہڑا مڈھوں ہی وہایا گیا ہا اِیں زمانے دے لوکاں کوُ پُچھیا ویسی۔ ⁵¹۵۱۔ہابل دے خون تھوں گھن کے اوُں زکریاہ دے خون تک جیہڑا قربان گاہ تے مَقدس دے وِچ ہلاک تھیا ہا۔ میں تہاکوُ سچ آدھا ہاں کہ اِیں زمانے دے لوگاں کولوں ساریاں دی بازپُرس کیتی ویسی۔⁵²۵۲۔اے شرع دے عالمو تہاڈے تے افسوس! کہ تُساں خدا شناسی دی کنجی چھک گدی ہے۔تساں آپ وی داخل نہ تھئے اَتے داخل ہوؤن آلیاں کو وی داخل نہ ہوؤن ڈِتا۔⁵³۵۳۔جڈاں اوہ اُتھوں نکلا تاں فقیہ تے فریسی اوُں کوُ بُری طرح جھڑیندے راہے تاں جو اوہ بہوں ساری گالہیں دا ذکر کرے۔ ⁵⁴۵۴۔اَتے اوُں دی تاک اِچ راہے تاں جو اوُں دی منہ دی کوُئی گالھ کو پکڑن۔

¹۱۔اوُں ویلے جڈاں ہزاراں بندے اکٹھے تھی گئے اِتھوں تک کہ اوہ ہِک ڈوجھے تے ڈھےپوندے ہَن تاں اوُں نے ساریاں تھوں پہلے اپنے چیلیاں کوُ ایہہ آکھنا شروع کیتا کہ اوُں خمیر کولوں ہوشیار راہونا جیہڑا فریسیاں دی ریاکاری ہِے۔²۲۔کیوں جو کوئی شئے ایہو جئی نئیں جیڑی کَجی ہوئے کہ کھولی نہ ویسی اَتے نہ ای کوئی شئے لُکی ہِے جیندے بارے وِچ پتہ نہ لگسی۔ ³۳۔اِیں کیتے جو کجھ تُساں اندھارے وِچ آدھے او سوجھلے وِچ سُنیا ویسی اَتے جو کجھ تُساں مکاناں دے اندر کئیں دے کن وِچ آدھے او کوٹھیاں دے اُتے اوُں دی مُنادی کیتی ویسی۔⁴۴۔پَر میں تُساں دوستاں کوُ آدھا ہاں کہ اُنہاں کولوں نہ ڈرو جیہڑے بدن کوُ قتل کریندے ہِن اَتے اوُں دے بعد او کجھ نئیں کر سگدے ۔ ⁵۵۔پَر میں تُہاکوُ ڈسیندا ہاں کہ کیندے کولوں ڈرنا چاہیدا ہِے ۔ اوُں دے کولوں ڈرو جیندے کول اختیار ہِے کہ قتل کرن دے بعد جہنم اِچ سٹیسی۔ ہاں میں تُہاکوُ آدھا ہاں کہ اوُندے کولوں ڈرو۔⁶۶۔کیا ڈو چھوٹے سکیداں اچ پنج چڑیاں نیئں وکدیاں ؟ بس خدا دی نگاہ اچ کوئی وی بھولیا ہوا کانئی۔ ⁷۷۔ایں تک کہ نواڈے بسر دا ہک ہک وال وی گنڑیا پائے لیکن ڈرونا تہاڈی قدر چڑیاں کنی زیادہ اے۔⁸۸۔میں تواکوں آہدا جیہڑا آدمیاں دے اگو میڈا اقرار کریسی آدم دا پتر وی خدا دے فرشتیاں دے اگو ہوندا اقرار کریسی۔ ⁹۹۔لیکن جیہڑا آدمیاں دے اگو میکوں ناں منیسی۔ خدا دے فرشتے وی ہوندا اقرار کائنا کریسی۔ ¹⁰۱۰۔تساں وچوں جیہڑا وی آدم دی اولاد دے مخالف آیندے او تے معاف تھی سگدے لیکن جیہڑا پاک روح دے خلاف کفر ایندے او معاف نیئں تھی سگدا۔¹¹۱۱۔جیہڑے ویلے تیکوں طاقت آلے بادشاہ تے خدمت کرن آلیاں دے اگو پیش کریسی تے وَل ڈرہے ناں کہ کیویں اپنے آپ کوں بچاؤ گئے تے کیا آکھسو۔ ¹²۱۲۔کیویں جو پاک روح تواکوں ڈیسی کہ تواکوں کیا آکھنا اے۔¹³۱۳۔ول اوں کٹھ وچوں ہک بندے آلیا اے استاد ''جیڈے بھرا کوں آکھو میڈے ناں میڈی جائیداد ونڈے۔ ¹⁴۱۴۔ول یسوع اوں کوں آکھیا کہ میکوں کایئں آکھیے جو میں انصاف الایا درمیان الا آں۔ ¹⁵۱۵۔ول یسوع اوکوں آکھیا ڈیکھو تساں اپنے آپ کوں صرص وغیرہ کنے پرے رکھو کیونکہ کہیں دی زندگی دا انحصار پیے تے کانئی۔¹⁶۱۶۔ول یسوع انہاں کوں ہک مثال ڈِتے اے کہ ہک پیسے آے بندے دی فصل بہوں ڈھیر تھئی اے۔ ¹⁷۱۷۔اوُں ول اپنے آپ کوں آکھیا ''میں کیا کرں'' میڈے کنے کنک محفوظ کرن دی جاہ کانئی؟ ¹⁸۱۸۔ول اوُں آکھیا میں اپنی وڈیاں گھراں کو مٹ ڈیساں تے ایناں کو وڈا بڑا ڈیساں تے اپنا سارا سامان کنک بیاں چیزاں کوکا رکھ ساں۔ ¹⁹۱۹۔اوں ول اپنے آپ کوں آکھیا ''او میڈی جند میڈے کنے بہوں سالاں واسطے بہوں کجھ اے آرام نال رہ سکون نال کھاتے خوش تھی۔²⁰۲۰۔لیکن خدا اوکوں آکھیا او گالھا آدمی ''اگر میں اج ای تیڈا ساہ کڈھ گھنا تے جیہڑیاں چیزاں توں تیار کیتی۔ اے کیندا ہوسی؟ ²¹۲۱۔اے اوں آدمی آلی کار اے جیہڑا اپنے خاطر مال جمع کریندے لیکن خدا دے نزدیک او غریب اے۔²²۲۲۔یسوع اپنے شاگردوں کوں آکھیا ''ات واسطے میں تواکوں آہداں کہ اپنی زندگی وچ کھاون پیوں یا جسم دے پاون کینے کچھ فکرنا کرو۔ ²³۲۳۔ززندگی کھاون کنے زیادہ اے تے بدن کپڑے پاوں کنے زیادہ ضروری اے۔²⁴۲۴۔کانواں کو ڈیکھو او نا کاشے رہدن نا کاٹ دِن نا اوناں کنے ٹکٹن کتے کوئی جاہ اے ناں کوئی گودام لیکن خدا اونہاں کوں وی کھاوندے لیکن تُساں پرندے کنے زیادہ قیمتی او۔ ²⁵۲۵۔تساں وچوں کون اے انجا جیہڑا سوچ تے اپنی زندگی دا ہک وی لحظہ گزار بندا اے؟ ²⁶۲۶۔بس جیہڑے ویلے تساں سب توں چھوٹی سنے وی کرن دے قابل کانوے، تے باقی زندگی دی کیوں فکر کریندو؟²⁷۲۷۔جنگلی پھولاں کوں ڈیکھو او کیویں وڈے تھیدن او نا محنت کرادن نا کاٹدن، میں تیکوں آہداں سلیمان اپنی ساری عزت دے باوجود لباس کائنا پاتا ہا۔ ²⁸۲۸۔اگر خدا میدان دی گھاہ کوں کپڑے پاوا سگدے جیہڑا اج ہے تے کل او گھاہ تنور وچ ساڑی ویسی۔ اے گھٹ ایماں الو او تواکوں کیوں نا کپڑے پاویسی۔²⁹۲۹۔اوں پاسے نا ڈیکھو کہ تساں کیا کھاسو، کیا پیسو پریشانی نہ گھنو۔ ³⁰۳۰۔دُنیا دِیاں سارِیاں قوماں اِنہاں دے گولن وِچ ہن تُہاڈا باپ جانداد اے کہ تُساں کُوں کئیں شَے دی ضرُورت ہَے۔³¹۳۱۔لیکن خدا دی بادشاہت کوں کھولو وَل تواکوں ساریاں چیراں مِل ویسان۔ ³²۳۲۔ڈرو نہ چھوٹے گَلے کیوں جو تُہاڈے باپ تُہاکُوں بادشاہی ڈتی ہَے۔³³۳۳۔اپنا مال وچ تے غریباں کوں ڈیو اپنے اینحاے بٹوے بنڑاؤ جیہڑے پھٹ نا پوون آسمان تے انجاو مال بنڑاو جیہڑا فانی ناتھیوے جیندے قریب چور وی نیں آسگدا نا کیڑا خراب کریندے۔ ³⁴۳۴۔کیویں جو جیتھاں تیڈا مال ہوسی اوتھاں تیڈا دِل وی ہوسی۔³⁵۳۵۔بس تواڈی کمر بندھی رہے تے تواڈے چراغ جلدے رہن ۔ ³⁶۳۶۔تے ول اونہاں لوکاں آلی کاربڑاو جیہڑے اپنے آقا دا شادی توں واپس آون دا راستہ ڈہیدن، تاکہ او جیہڑے ویلے واروازکھڑاکاوئے تے اوندے کیتے جلدی دروازہ کولوں۔³⁷۳۷۔او نوکر چنگا اے جیہڑا اپنے مالک دے آون تے جگدا پیسا ہووے۔ میں سچ آہداں او مالک اپنی کمربادھ تے اوں نوکر کو اپنے نال روٹی کھاوسی تے نال ابلھا گھنی۔ ³⁸۳۸۔او نوکر وہ خوش قسمت اے جیہڑا دا مالک رات کو ڈوجھے تار آوسی تے نوکرول وی جاگدا پیسا ہوسی۔³⁹۳۹۔بیا اے کہ اگر دے مالک کوں چور دے آون دا ویلہ پتا ہووے تے او چور کوں چوری ناکرن ڈیسی۔ ⁴⁰۴۰۔ہین واسطے تیار تھیو آدم دے پتر دے آونڑ دا پتا کانئی۔⁴¹۴۱۔پطرس آکھیا ''اے خداوند اے مثالاں تساں صرف ساکوں ڈسیندے پیو یا ساریاں کوں؟ ⁴²۴۲۔خداوند آکھیا تساں وچوں عقل تے ایماں الہ تھانیداد کوں اے جیندا مالک اوکوں اپنے نوکراں تے ڈیوٹی لاوے کھانا ڈیون واسطے؟ ⁴³۴۳۔خوش نصیب اے او نوکر جیندا مالک اپنے آون تے اویں کریندا ہاوے۔ ⁴⁴۴۴۔میں تواکوں سچ آہداں او مالک اوکوں اپنی جائیداد دا مالک پنڑا ڈیسی۔⁴⁵۴۵۔لیکن اگر نوکر آکھے میڈے مالک کوں دیراے میں کھا پی گھِنا تے مالک پنڑ تے باقی نوکراں کو مارن شروع کراں۔ ⁴⁶۴۶۔تے اوُں نوکر دا مالک وی اوُں ڈنہیہ اونجاے ویلے آدمی جیہڑے ویلے نوکر کوں توقع وی کائنا ہوسی او مالک اوُں نوکر کوں کوڑے ماریسی تے بے ایماناں نال جاہ ڈیسی۔⁴⁷۴۷۔اگر نوکر کوں اپنے مالک دی مرضی دا وی پتا ہووے ول ول او اوندی مرضی دے مطابق تیاری ناکرے تے اوکوں مکے ماریسی مالک۔ ⁴⁸۴۸۔لیکن او جیہڑا جانڑدا وی کانئی ہنرا دے طابق کام کریندے کجھ سزا او مُکے نال گھندے لیکن جینکوں سزا ڈھیر ڈتی گئی اے۔ اوں کنے مانگیا وہ زیادہ گئے جنکوں کم زیادہ ڈِتا گئے اوں کنے گھدا وی زیادہ ویسی۔⁴⁹۴۹۔میں زمین تے بھاہ لاون آیا ہم او لگ گئی ہووے ہاتے میں نوش تھواں ہا۔ ⁵⁰۵۰۔ہک بپتسمہ جیہڑا میں گھنڑے او جیہڑے ویلے تک نہ ہوسی میں پریشان رہ ویساں۔⁵¹۵۱۔کیا تساں خیال کریندو کہ میں زمیں تے صلح کراون آیاں؟ لیکن نیئں میں آہداں میں اوندے خلاف جدائی پاوان آیاں۔ ⁵²۵۲۔کیویں جو آج کنے ہک ہی گھر دے پنج بندے ہک ڈوجھے دے خلاف ہوسین نرالے لوک ڈو دے تے ڈو لوک ترائے دے خلاف ہوسن۔ ⁵³۵۳۔پیو پتر دے، پتر پیو دے ، مال دھی دے تے دھی مال دے، ساس اپنی بہو دے تے بہو اپنی ساس دے مخالف ہوسی۔⁵⁴۵۴۔یسوع نے لوکاں کو آکھیا ''جیہڑے ویلے تساں بادل مغرب توں آندا ڈھیردو تساں آہدو حینہ آوسی تے مینہ آندا وے اے۔ ⁵⁵۵۵۔جیہڑے ویلے تساں جنوب اے پاسو وائیں کوں آندا ڈہدو تے آہدو گرم ہوا آوسی او ہوندی وی گرم ہوا اے۔ ⁵⁶۵۶۔او ڈیکھوے آے لوکو! آسمان تے زمین دا فرق کرسگدو لیکن ایں وقت دا فرق کیوں نئیں کریندے؟⁵⁷۵۷۔تساں اپنے واسطے ٹھیک فیصلہ کیوں کریندے؟ ⁵⁸۵۸۔اگر توں اپنے مخالف نال کہیں وقت دے بادشاہ کنے فیصلے واسطے ویندا پئیں تو راستے وچ ای صلح کرچاء ایں نہ ہووے او تیکوں حاکم دے اگو پیش کرے۔ حاکم تیکوں انصاف اے دے تے او تیکوں سپاہی دے تے سپاہی قید وچ نال سٹ ڈیوے۔ ⁵⁹۵۹۔وَل توں بہہہ تک ہک ہک پیسہ تا ڈیساں او تیکوں نا چھوڑیسی۔

¹۱۔اوُں ویلے کجھ بندیاں نے یسوع کوُ گلیلی بندیاں دے بارے ڈسایا جنہاں دے خون کوُ پیلاطس نے اپنی کجھ قربانیاں دے نال رَلا ڈِتا ہا۔ ²۲۔یسوع نے اُنہاں کوُ جواب اِچ پُچھیا کیا تُساں سمجھدے اوہ کہ اے گلیلی ڈوجھے گلیلیاں تھوں ڈھیر گنہاگار ہَن کیونکہ اُنہاں نے ایں طرح دی مصیبت چاتی ہائی؟ ³۳۔نیئں میں تُہاکوں ڈسیندا ہاں کہ اگر تُساں توبہ نہ کریسو تاں سارے دے سارے ایویں ای مَریسو۔⁴۴۔یا اوہ اٹھارہ بندے جیہڑے شیلوخ اِچ ہَن اَتے جنہاں تے بُرج ڈَٹھا ہائی تے اوہ مَر گئے ہَن کیا تُساں اے سمجھدے اوہ کہ اوہ تہاڈے کولوں ڈھیر گنہگار ہَن اُنہاں لوگاں تھوں جیہڑے یروشلیم اِچ ہَن۔ ⁵۵۔نیئں میں آدھا ہاں"اگر تُساں توبہ نہ کریسو تاں تُساں سارے مَر ویسو۔"⁶۶۔یسوع مسیح نے ایہہ تمثیل ڈسائی کہ کوئی بندے نے اپنے انگوراں دے باغ اِچ انجیر دا یک درخت لایا وَل اوہ اوُندھے کول آیا پَر اوُندے وِچ پھل نہ ہائی۔ ⁷۷۔اوُں مالک نے باغبان کوُ آکھیا ڈیکھ تریئے سال میں اِیں انجیر دے درخت کول آندا ریہا تاں جو پھل پاواں پَر کجھ نہ ہائی اِیں کوُ وَڈ سٹو ایہہ زمین کوُ کیوں برباد کرے ۔ .⁸۸۔باغ دے نوکر نے جواب ڈِتا کہ ہِک سال اِیں کوُ بیہا راہوں ڈے میں ایندے آسے پاسے کھڈا بنیساں تے کھاد وی سٹیساں۔ ⁹۹۔اگر اگلے سال ایندےوِچ پھل آیا تاں ٹھیک پَر اگر پھل نہ آیا تاں وَڈھ سٹائے۔¹⁰۱۰۔یسوع مسیح ہیکل اِچ سبت آلے ڈینہ تعلیم ڈیندے پئے ہَن۔ ¹¹۱۱۔ڈیکھو اُتھاں ہک زنانی ہائی جیکوں اٹھاراں سال تھوں کمزوری دی بُری روح نے گھیرا پاتا ہائی کہ اوہ کبڑی تھی گئی ہا ئی اوہ پورے طور تے سِدھی وی کھڑی نہ تھی سگدی ہائی۔¹²۱۲۔جڈاں یسوع نے اُوں کوُ ڈِٹھا تاں سڈیااَتے آکھیا۔"اپنی کمزوری تھوں آزاد تھی ونج"۔ ¹³۱۳۔یسوع نے اپنے ہتھ اُوں زنانی تے رکھے اَتے اوہ ہک دَم سِدھی تھی گئی اَتے خدا دی تعریف کرن لگ پئی۔ ¹⁴۱۴۔پر عبادت خانے دا سردار یسوع تھوں ناراض تھی گیا کیونکہ یسوع نے سبت آلے ڈینہ اُوں زنانی کو چنگا کیتا ہائی۔عبادت خانے دے سردار نے بندیاں دی بھیڑ کوُ آکھیا "چھ ڈیں تک کم کرنا ٹھیک ہے ایں ڈیہاں وِچ آو تے چنگے تھی ونجو نہ کر سبت آلے ڈیں۔¹⁵۱۵۔خداوند یسوع نے اوُں کوُ جواب ڈِتا تے آکھیا۔اے مکارو کیا تہاڈے وچوُں ہر ہک اپنے گڈھاں یا ڈاندھ کوُ اپنے واڑے چوُں پانی پلاون کیتے سبت آلے ڈیں نیئں گھِن ویندا؟ ¹⁶۱۶۔وَل ابراہام دی اے دِھی وی جینکوُں شیطان نے اٹھارہ سال تھوں بَدھ رکھیا ہائی کیا اوُں کوُ سبت آلے ڈیں قید تھوں آزاد کرنا ضروری نہ ہائی؟¹⁷۱۷۔جیویں ہی اوُں نے ایہہ گا لہیں آکھیں تاں اوہ سارے جنہاں نے اوُندی مخالفت کیتی ہائی اوہ شرمسار تھے پر سارا کٹھ اوندے شاندار کماں تھوں خوش تھیئے جیہڑے اوُں نے کیتے ہَن۔¹⁸۱۸۔وَل یسوع نے پچھیا،خدا دی بادشاہی کیں دے مانند ہے۔اَتے اِیں بادشاہی دا مقابلہ کیں دے نال کیتا وَنج سگدے؟ ¹⁹۱۹۔آسمان دی بادشاہی رائی دے دانے دی مانند ہے۔جیکوں ہک بندے نےاپنے باغ وِچ بویا ہائی اَتے اوہ وَدھ کے ہک وڈا درخت بن گئے، ہوا دے پکھیاں نے اوُندی شاخ تے آہلنا پاتے۔²⁰۲۰۔وَل یسوع نے پچھیا خدا دی بادشاہی کوُ میں کیں دے برابر آکھ سگدا ہاں؟ ²¹۲۱۔آسمان کی بادشاہی اوُں خمیر دی مانند ہے جیئں ہک زنانی نے خمیر گھن کے تریئے حصے آٹے وِچ مِلا ڈتے جیئں نے سارے آٹے کو خمیر کر ڈِتا۔²²۲۲۔یسوع نے یروشلیم کوُ ویندے ہویاں راہ اِچ ہر علاقہ تے پینڈ وِچ ونج کے تعلیم ڈِتی۔ ²³۲۳۔کئیں بندے نے یسوع کولوں پچھیا اے خداوند کیاکجھ بندے ای بچائے ویسن؟ وَل یسوع نے اُنہاں کوُ جواب ڈِتا۔ ²⁴۲۴۔تنگ دروازے وچوں لنگھن دی کوشش کرو۔کیونکہ بہوں سارے کوشش کریسن پر اندر داخل نہ تھی سگسن۔²⁵۲۵۔جبکہ گھر دا مالک کھڑا تھی کہ بوہے کوُ تالا لا ڈیندا ہے اوُں ویلے تساں باہر کھڑے راہسو اَتے زور دے نال بوہا وجا سوتے آکھسو"خداوند خداوند ساکوُ اندر آون ڈے"اَتے اوہ جواب ڈیسی اَتے تہاکوُ آکھسی،"میں تہاکوُ نیئں جان دا کہ تُساں کھِتاں دے ہو۔" ²⁶۲۶۔وَل تُساں آکھسو۔"اَساں تیڈے نال کھادا پیتا ہے اَتے تُساں ساڈی گلیساں اِچ تعلیم وی ڈِتی۔" ²⁷۲۷۔پر اوہ جواب اِچ آکھسی میں تہاکوں آدھا ہاں میں نیئں جان دا کہ تُساں کھِتاں دے ہو؟اے بُری راہ تے چلن آلیو میڈے سامنے تھوں دُور تھی ونجو۔²⁸۲۸۔جیہڑے ویلے تُساں ابراہام ،اضحاق ،یعقوب اَتے سارے انبیا کوُ خدا دی بادشاہی وِچ ڈیکھسو اُتھاں روونائے ڈنداں دا پیسنا ہوسی ،پر تُساں باہر سٹے ویسو۔ ²⁹۲۹۔اوہ مشرق ،مغرب ۔شمال تے جنوب تھوں آسن اَتے خدا دی بادشاہت دی ضیافت وِچ شامل تھی سَن۔ ³⁰۳۰۔اَتے ایہہ جان گھِنوکہ اَخیری پہلاں آلے تھی ویسن اَتے پہلا آلے اَخیری تھی ویسن۔³¹۳۱۔ اوُں ویلے کجھ فریسیاں نے آن کے اوُں کوُ آکھن لگے کہ اِتھوں نکل کے لگا ونج کیونکہ ہیرودیس تیکوُ قتل کرواونا چاہندا ہِے۔ ³²۳۲۔ اوُں نے اوُنہاں کوُ آکھیا کہ ونج کے لومڑی کوُ آکھ ڈیوو کہ ڈیکھ میں اَج تے کل بُری روحاں کوُ کڈھیندا تے چنگا کرن دا کم کریندا راہساں اَتے تریجھے ڈیں کمال کوُ پہنچ ویساں۔ ³³۳۳۔ پر میکوُ اَج تے کل تے پرسوں اپنی راہ تے چلنا ضرور ہِے کیوں جو ممکن نئیں کہ نبی یروشلیم تھوں باہر ہلاک تھیوے۔³⁴۳۴۔ اے یروشلیم! اے یروشلیم! تُوں جو نبیاں کوُ قتل کریندی ہئیں اَتے جیہڑے کول گھلے گئے ہَن اُنہاں کوُ سنگسار کریندی ہئیں بہوں واری میں سوچے کہ جیویں کُکڑی اپنے بچیاں کوُ اپنے پراں تھلے جمع کر گھندی ہِے اوں وے ای میں وی تیڈے بالاں کوُ جمع کر گھناں پر تُوں نئیں چاہندی!۔ ³⁵۳۵۔ ڈیکھو تُہاڈا گھر تُہاڈے کیتے ای چھوڑا ویندا ہِے اَتے میں تُہاکوُ آدھا ہاں کہ میکوُ اوُں ویلے تائیں ہر گز نہ ڈیکھ سو جڈاں تائیں ایہہ نہ آکھسو مبارک ہِے اوُہ جیہڑا خداوند دے ناں تھوں آندا ہِے۔

¹۱۔ہک واری چھن چھن آلے ڈِیں ایویں تھیا کہ جڈاں یسوع فریسیاں وچوں کیئں ہک دے گھر ٹُکر کھاون گیا تاں اوہ اوُں کوُ بڑے غور نال ڈیدھے پئے ہَن۔ ²۲۔ڈیکھو اُنہاں دے سامنے ہک بندہ ہا جیہڑا جلندر دی بیماری دا مریض ہا۔ ³۳۔یسوع نے یہودی شریعت دے عالماں تے فریسیاں کولوں پُچھیا، ''کیا چھن چھن آلے ڈِیں کیئں کوُ چنگا کرنا جائز ہے؟''۔⁴۴۔پَر اوہ چُپ رہ گئے۔ وَل یسوع نے اوُں کوُ پکڑ کے چنگا کر ڈِتا اَتے گھلا ڈِتا۔ ⁵۵۔اوُں نے اُنہاں کوُ آکھیا ''تہاڈے وچوں اگر کیئں دا پُتر یا ڈاندھ کھوہ اِچ ڈھے پووے تاں کیا تساں اوُں کوُ چھن چھن آلے ڈِیں جلدی نال باہر نہ گڈھیو؟۔ ⁶۶۔اوہ اوُں دی گالہیں داجواب ڈیون جوگے نہ ہَن۔⁷۷۔جیہڑے ویلے یسوع نے ڈیکھیا کہ جنہاں کوُ دعوت ڈِتی گئی ہا اوہ اعلیٰ کرسیاں پسند کریندے ہن تاں اوُں نے ہک تمثیل آکھی۔ ⁸۸۔جڈاں تہاکوُ کوُئی ویاہ دی ضیافت اِچ دعوت ڈیوے تاں بڑی اعلیٰ جاہ تے نہ بیھٹو کیونکہ شایہ تہاڈے کوبہوُں زیادہ عزت آلے بندے کوُ سڈیا گیا ہوئے؟۔ ⁹۹۔جڈاں اوہ بندہ جیئں نے تُساں ڈوہاں کوُ سڈایا ہوئے آونجے تاں اوہ تہا کوُ آکھسی اپنی ایہہ جاہ ڈوجھے بندے کوُ ڈے ڈے۔ وَل تہاکوُ شرمسار تھی کے ساریاں تھوں جھکی جاہ تے باہونا پوسی۔¹⁰۱۰۔پر جڈاں تہاکوُ سڈایا ویندا ہے تاں ونجو تاں جھکی جاہ تے بیٹھو تاں جو جڈاں اوہ جیئں تہاکوُ سڈایا ہے آئے تاں آکھے دوست اُچی جاہ تے بیٹھ تاں تساں ساریاں دے نال جیہڑے تہاڈے نال میز تے بیٹھے ہَن عزت مِلسی۔ ¹¹۱۱۔جیہڑا کوُئی اپنے کوُ وڈا بناسی اوہ چھوٹا کیتا ویسی اُتے جیرا کوئی اپنے آپ کوُ چھوٹا بناسی اوہ وڈا کیتا ویسی۔¹²۱۲۔یسوع نے اوُں بندے کوُ جئیں اوُں کوُ دعوت ڈِتی ہائی آکھے ، '' جڈا تساں کیئں کوُ کھاون دی دعوت ڈیوو تاں اپنے دوستاں، اپنے بھراواں یا اپنے امیر گواہنڈیاں کوُ نہ سَڈو تاں جو بدلے اَچ اوہ وی تہاکوُ سڈن اَتے تہاڈا بدلہ پورا تھی ونجے۔¹³۱۳۔پر جڈاں تُوں دعوت کرے تاں غریباں، معذوراں، لنگڑیاں اَتے اندھیاں کوُ سڈو کیونکہ اوہ تہاڈا بدلہ نیئں ڈے سگدے۔ ¹⁴۱۴۔اَتے تساں برکت پاسوتے تہاکوُ نیک بندیاں دی قیامت اِچ صلہ مِلسی۔¹⁵۱۵۔ اُنہاں وچوں ہک بندہ جیہڑا میز تے یسوع دے نال بیٹھاہا ایہ گالہیں سُنیں تاں اوُں نے آکھیا۔ '' مبارک ہے اوہ جیہڑا خدا دی بادشاہت اِچ ٹُکر کھاوے۔ ¹⁶۱۶۔پر یسوع نے آکھیا'' کیئں بندے نے ہک بہوں وڈی ضیافت تیار کیتی اَتے بہوں بندیاں کو سڈایا۔ ¹⁷۱۷۔جیہڑے ویلے کھاتا تیار تھی گیا تاں اوُں نے اپنے نوکراں کو گھلیا کہ جنہاں کو سڈیا ہائی اُنہاں کوُ آکھو آؤ کیوں جو ہَن سارا کجھ تیار ہے۔¹⁸۱۸۔اُنہاں ساریاں نے بہانے بناونے شروع کر ڈِتے۔ پہلا بندہ آکھن لگا۔ '' میں ہک کھیت مُل گِدا ہے میکو جاکے اوُں کوُ ڈیکھنا ہے، مہربانی کرکے میکوُ معاف کریں۔ ¹⁹۱۹۔اتے ڈوجھے نے آکھیا۔ '' میں پنج جوڑی ڈاندھ مُل گِدے ہِن۔ میں اُنہاں کوُں ڈیکھن ویندا ہاں۔ مہربانی کرکے میکوُ معاف کریں۔ ²⁰۲۰۔اَتے تریجھے نے آکھیا '' میں ویاہ کیتا ہے ایں کیتے میں نیئں آسگدا''۔²¹۲۱۔نوکر نے آکے اپنے مالک کوُ اُنہاں ساریاں دے بارے ڈسایا۔ گھر دا مالک بہوں غصےّ تھیا اَتے اوُں نے اپنے نوکر کوُ آکھیا۔ '' جلدی نال شاہر دے بازاراں وِچ تے وستیاں وچ ونجو اَتے غریباں، معذوراں، اندھیاں تے لنگڑیاں کوُ اِتھاں گِھن آؤ۔ ²²۲۲۔نوکر آکھن لگا۔ '' اے خداوند! جیویں توُں آکھیا ہا اوُں وے ای تھیا پر ہن وی جاہ باقی ہے۔²³۲۳۔مالک نے نوکر کوُ آکھیا سڑکاں تے اَتے کھیتاں دی طرف وی لگے ونجو اَتے بندیاں کوُ مجبور کرو کہ اندر آؤن تاں جو میڈا گھر بھر ونجے۔ ²⁴۲۴۔میں تہاکوُ آدھا ہاں کہ اُنہاں آدمیاں وچوں کوُئی وی جینکوں دعوت دِتی گئی ہا میڈا ٹکر نہ چھک سی۔²⁵۲۵۔وَل وڈی بِھیڑ اوُں دے نال ویندی پئی ہا۔ اَتے اوہ مُڑ کے اُنہاں کو آکھن لگا۔ ²⁶۲۶۔اگر کوُئی میڈے پیچھے ٹُرے تاں اپنے ماں، پیئو، ذال، بچیاں، بھراواں بھیناں دے اَتے اپنی جان دے نال وی دشمنی نہ کرے تاں اوہ میڈا شاگرد نہیں تھی سگدا''۔ ²⁷۲۷۔جیہڑا کوئی اپنی صلیب نہ چاوے اَتے میڈے پیچھے نہ ٹُرے اوہ میڈا شاگرد نیئں تھی سگدا۔²⁸۲۸۔تہاڈے وچوں کون ہے جیہڑا ہک مینار بنواونا چاہندا ہے۔ تاں پہلے بیٹھ کے حساب نہ گھنے کہ اوندے کول ایں کوُ مکمل کرنے کیتے کتنا خرچہ کول ہے؟۔ ²⁹۲۹۔نیئں تاں جڈاں اوہ نیئو رکھ گِھنے اَتے اوُں کو مکمل نہ کرسگے تاں سارے ڈیکھن آلے اوُں دا مذاق اُڑیسن۔ ³⁰۳۰۔کہ اوُں بندے نے تعمیر تا شروع کر ڈتی ہا پر اوُں کوُ مکمل نہ کرسگے۔³¹۳۱۔یا کیہڑا بادشاہ ہے جیہڑا ڈوجھے بادشاہ دے نال جیہڑے ویلے جنگ کرن کوُ ویندا ہے تاں پہلے بیٹھ کے مشورہ نہ کر گھنے کہ اوہ ڈاہ ہزار سپاہیوں دے نال ڈوجھے بادشاہ دے نال جیہڑا وی ہزار سپاہیوں جنگ کرن کیتے آندہ ہے؟۔ ³²۳۲۔اَتے اگر ایویں نہ تھیوے تاں اپنا ایلچی بھیج کے حالانکہ ڈوجھی فوج دوڑای ہا تاں صلح دی درخواست ڈیوے۔ ³³۳۳۔پَس تُساں وچوں کوئی جو اپنا سب کجھ جو کجھ اوندے کول ہے چھوڑ نہ ڈیوے میڈا شاگرد نیئں تھی سگدا۔³⁴۳۴۔لوُن چنگا ہے ہر اگر لوُن دا مزہ ختم تھی ونجے تاں اوُں کوُ کیویں لوُنا کیتا ویسی؟۔ ³⁵۳۵۔نہ تاں اے زمین دے کم دا ہے نہ ای کھاد دی جا تے ، ایہ لوُں باہر سَٹن دے لائق ہے۔ جیندے سُنن آلے کَن ہوون اوہ سُن گھنے۔

¹۱۔ ول سارے چُنگی گھنن آلے تے ڈوجھے گنہگار یسوع دے کول اوُں کوُسنن کیتے آؤن لگے۔ ²۲۔فریسی تے شرع دے استاد ڈوحیں ہک ڈوجھے دے نال گالہں کرکے اعتراض کرن لگے۔ ''ایہہ بندہ گنہگاراں دے نال اُٹھیندا باندھا ہے اَتے اُنہاں دے نال کھاندا پیندا وی ہے''۔³۳۔یسوع نے اُنہاں کو ایہہ تمثیل آکھی۔ ⁴۴۔تہاڈے وچوں اگر کئیں دیاں سئوبھیڈاں ہوئون اَتے ہِک گویچ ونجے تاں کیا اوہ ننانوے بھیڈاں کو ویران جاہ تے چھوڑ کے ہک گویحجی ہوئی بھیڈ دے پیچھے نہ ویسی جے توڑیں اُوں کوُ گول نہ گھنے۔ ⁵۵۔تاں جیہڑے ویلے اوہ اُوں کو گول گھِندے تاں اپنے موڈھیاں تے جاکے خوشی کریندا ہے۔⁶۶۔جیہڑے ویلے اوہ اپنے گھر آندے تاں اوہ اپنے دوستاں تے گواہنڈیاں کوُ سڈیندے اَتے آدھے ''میڈے نال خوشی مناؤکیوں جو میں اپنی گویحجی ہوئی بھیڈ کوُ گول گدِے۔ ⁷۷۔میں تہاکوُ آدھا ہاں کہ ایویں ہی آسمان تے ہک گنہگار کیتے جیہڑا توبہ کریندا ہے نناوے نیک لوگاں دی نسبت جنہان کوُ توبہ کرن دی ضرورت نئیں ہے ڈھیر خوشی تھیندی ہے۔⁸۸۔ایہہ کیوُں جئی عورت ہے جیندے کول دس چاندی دے سکے ہوؤں اَتے اگر اُنہاں وچوں ہک گُم تھی وجے تاں اوہ ڈیوا جگاکے تے بُہاری پھیر کے محنت کر ے اوُں ویلے تائیں جڈاں اوُں کو مِل ونجے۔ ⁹۹۔اَتے جیہڑے ویلے اوُں کوُ مِل ونجے تاں اپنی سہیلیاں تے گواہنڈیاں کوُ سڈکے تے اُنہاں دے نال خوشی مناؤے کیوں جو اوُندا گُم تھیا سکہ مِل گیا ہے۔ ¹⁰۱۰۔ایویں ای میں تہاکوُ آدھا ہاں ہک گنہگار کیتے جو توبہ کریندا ہے خدا دے فرشتیاں دے سامنے ڈھیر خوشی تھیسی۔¹¹۱۱۔وَل یسوع نے آکھیا، ہک بندے دے ڈوُ پُتر ہَن۔ ¹²۱۲۔اَتے ہِک پُتر نے اپنے پیوُ کو آکھیا۔''جائیداد دا جیہڑا حصہ میکوُ آندا ہے اور میکوُ ڈے ڈے'' پس اوُں نے جائیداد اُنہاں ڈوہاں پُتراں اِچ ونڈ چھوڑی۔¹³۱۳۔وَل بہوں ڈِیں لنگھ گئے کہ ہِک پُتر نے اپنا مال جمع گھن کے بہوُں دوُر دے ہک مُلک اِچ لگا گیا۔ اَتے اُتھاں اوُں اپنا پیسہ فضول خرچی تے عش و عشرت اِچ اُڑا ڈِتا۔ ¹⁴۱۴۔جیہڑے ویلے سب خرچ تھی گیا تاں اوُں سارے مُلک اِچ سخت کال پے گیا اَتے اوہ فقیر تھی گیا۔¹⁵۱۵۔ہک امیر بندے دے کول اوہ مزدوری کرن لگ پئے۔ جیئں اوُں کوُ اپنے کھیت اِچ سوُر چراؤن کیتے بھیجے۔ ¹⁶۱۶۔اُتے جیہڑیا پھلیاں سوُر کھاندے ہن اوہوُاوہ کھاندا ہا۔ کیونکہ اُوں کو بیئا کجھ کھاؤن کوُ نہ مِلدا ہا۔¹⁷۱۷۔وَل جیہڑے ویلے اوُں جوان کوُ ہوش آیا تاں اوُں نے آکھیا ''میڈے پیئو دے کول بہوں سارے نوکر ہن جیہڑے رَج کے ٹکر کھاندے ہِن اَتے میں اتھاں بھکا مردا پیا ہاں! ۔ ¹⁸۱۸۔میں اپنے پیئو دے کول ویساں اُتے اوُں کوُ آکھساں ''ابا سائیں میں خدا تے تیڈا گناہ کیتا ہے۔'' ¹⁹۱۹۔میں اِیں لائق نیئں کہ تیڈا پُتر اکھواواں، میکوُں اپنے نوکراں وچوں ہی ہک دی مانند بنا گھن۔''²⁰۲۰۔وَل نِکا پُتر اپنے پیوُ دے کول آیا۔ جیہڑے ویلے اوہ دوُر ای ہا تاں پیئو اوُں کر ڈیکھ کے ترس نال بھر گیا اَتے دوڑ کے اوُں کوُ گلے لایا تے چوُمیا۔ ²¹۲۱۔پُتر نے پیئو کوُ آکھیا۔ ''میں خدا تے تیڈی نظر اِچ گنہگار ہاں۔ میں اِیں لائق نیئں کہ تیڈا پُتر اکھواواں۔''²²۲۲۔پیئو نے اپنے نوکراں کوُ آکھیا جلدی نال چنگے کپڑے گھِن آو تے میڈے پُتر کوُ پواوُ اَتے اوُندے ہتھ اِچ مُندری تے پیرا اِچ جُتی پواؤ۔ ²³۲۳۔ہک موٹا تازہ وَچھا گھِن آو تے اوُں کوُ ذبح کرو۔ ²⁴۲۴۔آو ضیافت کروں اَتے کھاوُں پیئوں کیونکہ میڈا پُتر مرَ گیا ہا اَتے ہُن زندہ تھیئے۔ اِیہہ گویج گیا ہا اُتے ہُن ملِا ہے۔ وَل اوہ دعوت کرن لگ پیئے۔²⁵۲۵۔اَتے اوندا وڈا پُتر باہر کھیت اِچ ہا۔ جیوں ہی اوہ گھر دے نیڑے آیا اوُں نے ساز تے گاون دی آواز سُنی۔ ²⁶۲۶۔اوُں نے ہک نوکر کر سڈیا اَتے پوچھیا کہ ایہہ کیا تھیندا پیئے۔ ²⁷۲۷۔نوکر نے اوُں کوُ ڈسیا۔ '' تیڈا بھِرا واپس آگیئے۔ اَتے تیڈے پیئو نے ہک موٹا تازہ وچھا ذبح کیتا ہے ، کیونکہ اوہ صحیح سلامت پہنچ گیا ہے۔²⁸۲۸۔وڈا پُتر ناراض تھی گیا۔ اَتے اندر نہ آؤنا چاہندا ہا۔ تے اوُندا پیئو باہر آیا اَتے منت کیتی۔ ²⁹۲۹۔پر وڈے پُتر نے جواب اِچ پیئو کوُ آکھیا۔ ''ڈیکھ کئی سال میں تیڈی خدمت کیتی ہِے اَتے میں تیڈے کُوئی وی حکم کوُ نیئں توڑیا تاں وی توں میکوُ ہک نِکا جیئا بکری دا بچہ وی نہ ڈِتا تاکہ میں اپنے دوستاں دے نال دعوت کراں۔ ³⁰۳۰۔پر جیہڑے ویلے تیڈا ایہہ پُتر آیا جیئں تیڈا مال آوارہ عورتاں دے نال مِل کے ضائع کرڈِتا تاں توُں ہک موٹا تازہ ڈاندھ ذبح کیتا۔³¹۳۱۔پیئو نے اوُں کوُ آکھیا '' توں تاں ہمیشہ میڈے نال ہیں اَتے سب کچھ جو میڈا ہِے اوہ تیڈا ہِے۔ ³²۳۲۔پر ساڈے کیتے ایہ مناسب ہا کہ ضیافت کروں تے خوشی کرؤں کیوں جو تیڈا ایہ بھرا مَرگیا ہا ہُن زندہ ہے، گویچ گیا ہا ہُن مِل گیا ہے۔

¹۱۔ وَل اوُں نے شاگرداں کوُ وی آکھیا کہ کوُئی امیر بندے دا ہک مختار ہا۔ لوگاں نے اوُں دے اَگے اوُں مختار دا گِلا کیتا کہ ایہ تیڈا مال اُڑاندا ہِے۔ ²۲۔ پس اوُں کوُ بُلا کے آکھیا کہ اِے کیا ہِے جو میں بارے وِچ سُندا ہاں؟ اپنی مختاری دا حساب ڈے کیوں جو اَگے تھوں توں مختار نئیں رِہ سگدا۔³۳۔ اوُں مختار نے اپنے جی اِچ آکھیا میں کیا کراں؟ کیونکہ میڈا مالک میڈے کولوں مختاری چھِک گھننا چاہندا ہِے۔ مٹی تاں میڈے کولوں کھودی نئیں ویندی اَتے بھیک منگن کولوں میکوُں شرم آندی ہِے۔ ⁴۴۔ میکوُ سمجھ آگئی ہے کہ میکوُ کیا کرنا چاہیدا ہِے تاکہ جڈاں مختاری تھوں میکوُ ہٹا ڈتا ونجے تاں لوگ میکوُ اپنے گھراں اِچ جاہ ڈیون۔⁵۵۔ وَل اوُں نے اپنے مالک دے ہک قرضدار کوُ سڈا کے پہلے کولوں پچھیا کہ تیڈے تے میڈے مالک دا کتنا قرض ہِے ؟ ⁶۶۔اوُں نے آکھیا سَو من تیل۔ اوُں نے اوُں کو آکھیا اپنی دستاویز گھن اَتے جلدی بہہ کے پنجھا لکھ چھوڑ۔ ⁷۷۔ وَل ڈوجھے کوُ آکھیا تیڈے تے کیا آندا ہِے؟ اوُں نے ڈسایا سَو من کنک۔ اوُں نے اوُں کو آکھیا اپنی دستاویز گھن کے اَسی لکھ چھوڑ۔⁸۸۔ اَتے مالک نے بےایمان مختار دی تعریف کیتی کیوں جو اوُں نے ہوشیاری کیتی ہائی کیونکہ ایں جہان دے پُتر اپنے جئے بندیاں دے نال معاملات اِچ نُور دے پُتراں تھوں زیادہ ہوشیار ہِن۔ ⁹۹۔اَتے میں تُہاکوُ آدھا ہاں کہ ناراستی دے پیسے نال اپنے کیتے دوست پیدا کرو تاں جو جڈاں اوہ ویندی راہوے تاں ایہ تُہاکوُ ہمیشہ دے گھر وِچ جاہ ڈیوے۔¹⁰۱۰۔ جیہڑا تھوڑے اِچ دیانتدار ہِےاوہ بہوں اِچ وی دیانتدار ہِے اَتے جیہڑا تھوڑے وِچ بدیانت ہِے اوہ بہوں وِچ وی بدیانت ہِے ۔ ¹¹۱۱۔ جڈاں تُساں ناراست پیسے وِچ دیانتدار نہ راہے تاں حقیقی پیسہ کیہڑا تُہاکوُ ڈیسی؟۔ ¹²۱۲۔ اَتے اگر تُساں ڈوجھے دے مال اِچ دیانتدار نہ راہے تاں جو تُہاڈا اپنا ہِے اوُں کوُ کون تُہاکوُ ڈیسی؟¹³۱۳۔ کوُئی نوکر ڈُو مالکاں دی خدمت نئیں کر سگدا کیونکہ یا تاں ہک نال دشمنی رکھیسی اَتے ڈوجھے نال محبت، یا ہک نال ملا راہسی تے ڈوجھے کوُ چنگا نہ جان سی۔ تُساں خدا تے دولت ڈوُحاں دی خدمت نئیں وے کر سگدے۔¹⁴۱۴۔ فریسی جیہڑے پیسے دے لالچی ہَن اِنہاں ساریاں گالہیں کوُ سُن کے اوُں دا مذاق اُڑاون لگ پئے۔ ¹⁵۱۵۔ اوُں نے اُنہاں کوُ آکھیا کہ تُساں اوہ ہیوے کہ بندیاں دے سامنے اپنے آپ کوُ بہوں نیک بنیندے ہیوے پر خدا تُہاڈے دِلاں کوُ جان دا ہِے کیونکہ جیہڑی شئے بندیاں دی نظر اِچ بہوں نیک بن دے ہیوے پر خدا دے نیڑے مکروہ ہِے۔¹⁶۱۶۔ شریعت تے انبیا یوحنا تک رہے۔ اوُں ویلے تھوں خدا دی بادشاہی دی خوشخبری ڈِتی ویندی ہِے اِتے ہر ہک زور نال اوندے وِچ داخل تھیندا ہِے۔ ¹⁷۱۷۔ پر آسمان تے زمین دا ٹل ونجنا شریعت دے ہک نقطے دے مِٹ ونجن کولوں آسان ہِے۔¹⁸۱۸۔ جیہڑا کوُئی اپنی ذال کوُ چھوڑ کے ڈوجھئ دے نال ویاہ کریندا ہِے اوہ زنا کریندا ہِے اَتے جیہڑا بندہ بئے دی چھوڑی ہوئی ذال نال ویاہ کرے اوہ وی زنا کریندا ہِے۔¹⁹۱۹۔ ہک امیر ہا جیہڑا رنگ دار تے بہوں قیمتی کپڑے پیندا ہا اَتے ہر روز خوشی منیندا اَتے بہوں شان و شوکت نال راہندا ہا۔ ²⁰۲۰۔ اَتے لعزر ناں دا ہک غریب زخماں نال بھریا ہویا اوُں دے دَر تے بیٹھا راہندا ہا۔ ²¹۲۱۔ اوُں دا دِل کریندا ہا بئی میں امیر بندے دی میز تھوں ڈھاون آلے ٹکڑیاں دے نال اپنا ڈھڈ بھرے بلکہ کُتے وی آ کے اوُندے زخماں کوُں چٹیندے ہَن۔²²۲۲۔ اَتے ایویں تھیا کہ اوہ غریب شودا مَر گیا اَتے فرشتیاں نے ونج کے اوُں کوُ ابرہام دی جھولی وِچ پُچا ڈِتا، اَتے امیر بندہ وی مَر گیا اَتے دفن تھیا۔ ²³۲۳۔ اوُں نے عالم ارواح دے وِچ عذاب اِچ تھی کے جیہڑے ویلے اپنیاں اکھیاں چائیاں اَتے دور ابرہام کوُ ڈیکھیا تے اوُندی جھولی وِچ لعزر کوُ۔²⁴۲۴۔ اَتے اوں نے اُچی آواز نال آکھیا اے باپ ابرہام میڈے تے رَحم کر کے لعزر کوُ بھیج کہ اپنی اُنگل دے سِرے تے پانی لا کے میڈی زبان کوُ تَر کرے کیوں جو میں ایں اَگ اِچ تڑپدا پیاں۔²⁵۲۵۔ ابرہام نے آکھیا پُتر! یاد کر کہ توں اپنی حیاتی وِچ اپنی چنگیاں شئیاں گھن چُکیاں ہِے اَتے اوُں ویں ای لعزر بُریاں شئیاں پر ہُن اوہ اِتھاں تسلی وِچ ہِے اَتے توں تڑپدا پئیں۔ ²⁶۲۶۔ اَتے اِنہاں ساریاں گالہیں دے علاوہ ساڈے تے تُہاڈے وِچ ہک بہوں وڈا ٹویا ہِے۔ ایہو جیہا کہ جیہڑے اِتھوں تُہاڈے کول ونجنا پار ونجنا چاہون نہ ونج سگن اَتے نہ کوُئی اوُں پاسوں اِیں پاسے آ سگن۔²⁷۲۷۔ اوُں نے آکھیا پس اے باپ! میں تیڈی منت کریندا ہاں کہ توں اوُں کوُ میڈے پئیو دے گھر بھیج۔ ²⁸۲۸۔ کیونکہ میڈے پنج بھرا ہِن تاں جو اوہ اوُنہاں دے سامنے اِنہاں گالہیں دی گواہی ڈیوے۔ایویں نہ تھیوے کہ اوہ وی ایں عذاب دی جاہ تے آ ونجن۔²⁹۲۹۔ ابرہام نے اوُں کوُ آکھیا اُنہاں دے کول موسیٰ تےانبیا تاں ہِن۔اُنہاں دی سُنن۔ ³⁰۳۰۔ اوُں نے آکھیا نئیں اے باپ ابرہام۔ ہاں اگر کوئی مُردیاں وِچوں اُنہاں دے کول ونجے تاں اوہ توبہ کر گھنسن۔ ³¹۳۱۔ اوُں نے اُنہاں کوُ آکھیا کہ جڈاں اوہ موسیٰ اَتے نبیاں ہی دی نئیں سُن دے تاں اگر کوئی مُردیاں وچوں زندہ تھی ونجے اوہ اُنہاں دی وی نہ منیسن۔

¹۱۔ وَل اوُں نے اپنے چیلیاں کوُ آکھیا اِے نئیں تھی سگدا کہ جو ٹھوکراں نہ لیکن اُنہاں تے افسوس ہے جیندے پاروں ایہہ لگن!۔ ²۲۔اِنہاں چھوٹیاں وِچوں ہِک کوُ ٹھوکر کھلاون دی بہ نسبت اُوں بندے کیتے ایہہ چنگا ہوئے ہا جو چکی دا ہِک پاٹ اوُں دے گلے وِچ لٹکایا ویندا اَتے اوہ سمندر اِچ سٹیا ویندا۔³۳۔ خبردار راہو! اگر تیڈا بھرا گناہ کرے تاں اوُں کوُ ملامت کر ۔ اگر اوہ توبہ کر گھنے تاں اوُں کوُ معافی چا ڈے۔ ⁴۴۔اَتے اگر اوہ ہِک ڈِیں وِچ سَت واری وی تیڈا گناہ کرے تاں ستاں واری تیڈے کول آکے وَل آکھے کہ توبہ کریندا ہاں تاں اوُں کوُ معافی ڈے چا۔⁵۵۔ایندے بعد چیلیاں نے خداوند کوُ آکھیا ساڈے ایمان کوُ ودھا ۔ ⁶۶۔ خداوند نے آکھیا جو اگر تُساں وِچ رائی دے دانے دے برابر وی ایمان ہوئے تاں تُساں اوُں تُوت دے رُکھ کوُ آکھو ہاکہ جڑ توں اُکھڑ کےسمندر اِچ لگ ونج تاں اوہ تُہاڈی گالہہ منے ہا۔⁷۷۔۔ پَر تُہاڈے وِچوں ایہو جئیا کون ہِے جیندا نوکر ہل وہیندا ہوئے یا بھیڈاں دی رکھوالی کریندا ہوئے اَتے جڈاں اوہ اپنے کھیتاں وِچوں واپس آوے تاں اوُں کوُ آکھے جو چھیتی آ کے ٹکُر کھاون کیتے بہہ؟ ⁸۸۔تے ایہہ نہ آکھے کہ میڈے کیتے تکُر تیار کر اَتے جڈاں تائیں میں کھاواں پیواں دِل لا کے میڈی خدمت کر ۔ ایندے بعد توں آپ کھاویں پیویں؟⁹۹۔کیا اوہ ایں کیتے اوُں نوکر دا احسان منیسی کہ اوُں نے اُنہاں گالہیں دی جنہاں دا حکم تھیا ہا عمل کریسی؟ ¹⁰۱۰۔ اِیں طرح تُساں وی جڈاں اُنہاں ساریاں گالہیں دا جنہاں دا تُہاکوُ حکم تھیا ہاعمل کر گھِنو تاں تاں آکھو اساں نکمے نوکر ہاں ۔ جو ساڈے تے کرنا فرض ہائی اساں اوؤ کیتے۔¹¹۱۱۔اَتے ایویں تھیا کہ کہ یروشلیم کوُ ویندیا ہویاں اوہ سامریہ تے گلیل دے تھی کہ ویندا پیا ہا۔ ¹²۱۲۔اَتے ہِک پینڈ دے وِچ وڑدیاں ہویاں اوُں کوُ ڈاہ کوڑھی مِلے۔ ¹³۱۳۔ اُنہاں نے پند تےکھڑے تھی کے اُچی آواز نال آکھیا اے یسوع! ساڈے تے رَحم کر ۔¹⁴۱۴۔اوُں نے اوُنہاں کوُ ڈیکھ کہ آکھیا ونجو ۔ اپنے آپ کوُ کاہناں کوُ ڈِکھاؤاَتے ایویں تھیا کہ اوہ ویندے ویندے پاک صاف تھی گئے۔ ¹⁵۱۵۔ وَل اُنہاں وِچوں ایہہ ڈیکھ کہ جو میں چنگا تھی گیا ہاں اُچی آواز نال خدا دی تمجید کریندا ہویا واپس پرت آیا ۔ ¹⁶۱۶۔ اَتے یسوع دے پیراں اِچ مُنہ دے بھار ڈھے کہ اوُں دا شکر کرن لگا اَتے اوہ سامری ہا۔¹⁷۱۷۔یسوع اُوں کنے پوچھا۔ کیا ڈاھے کوڑھی پاک نئیں تھئے؟ وَل اوبھے ناؤں کیتھاں ہِن؟ ¹⁸۱۸۔کیا اُوتھاں ہک غیر بندے دے سِوا خدا دی تعریف کرَن آلا کوئی نہ ہا؟ جو واپس آ کے خدا دی تمجیدکریندا۔ ¹⁹۱۹۔ وَل یسوع اوُں کوُ آکھیا، '' اُٹھی تے لگا ونج تیڈے ایمان تیکوں چنگا کر ڈِتے''۔²⁰۲۰۔فریسیاں دے آکھن تے کہ آسمان دی بادشاہی کڈھن آسی؟ یسوع اُوہناں کو جواب ڈِتا،'' خدا دی بادشاہی نظر نہ آسی۔ ²¹۲۱۔اُو اے نا آکھسن کہ ڈیکھو آسمان دی بادشاہی اِتھاں یا اُوتھاں ہِے کیویں جو خدا دی بادشاہی تے تہاڈے نال اے۔²²۲۲۔یسوع اپنے شاگرداں کوُں آکھیا، '' او ڈینہ وی آ سَن جڈاں تُساں ابن آدم دے ڈیہنہ ڈیکھن دی خواہش کریسو، پر تُساں ڈیکھ نہ سگسو۔ ²³۲۳۔اِتے لوگ تُہاکو آکھسن،'' اِتھاں ڈیکھو، اُتھاں ڈیکھو پر تُساں نہ اُہناں کو ڈیکھنا نا اُہناں دے پیچھوں ونجنا ''۔ ²⁴۲۴۔ کیونکہ جیویں بجلی آسمان دے اُتے ہک پاسے کنے ڈوجھے پاسے چمکدی اے ، ایویں ای ابن آدم وی ایویں ای ظاہر تھیسی۔²⁵۲۵۔لیکن ہک واری او ڈُکھ چیسی اَتے اوُں دی نسل اوُ کوُ رَد کر ڈیسی۔ ²⁶۲۶۔جیویں اے نوح دے ڈینہاں وچ تھیاء ہا اوُں وے ای ابن آدم دے ڈیہاں اِچ وی تھیسی۔ ²⁷۲۷۔اُو کھاندے پیندے شادیاں کریندے ہن جہیڑے ڈینہ تک نوح بیڑی وچ وَڑ نیئں گیا تے وَلا طوفان نے اوُنہاں کوُں چَٹ نہ کر سٹیا۔²⁸۲۸۔ایویں ای لوط دے ڈینہاں وچ وی تھیا ہا اوہ وی کھاندے پیندے چیزاں گھندے تے وچیندے ہن، فصلاں وی رہندے تے گھراں کول بناندے ہن۔ ²⁹۲۹۔لیکن جیہڑے ڈینہ لوُط سدوُم کنے باہر گئے، آسمان کنے بھاہ تے گندھک وَسی وَلا اُہناں ساریاں کوُں چٹ کرڈِتا۔³⁰۳۰۔ایویں ای اُوں ڈینہ تھیا ہا جڈاں ابن آدم ظاہر تھیسی۔ ³¹۳۱۔اوُں ڈینہ، جیہڑا گھر دی چھت تے ہوؤے اوہ تھلے ساماں چاؤن کیتے نہ اُترے وَلا جیہڑا فصلاں وچ ہووئے اوہ پچھے آؤے۔³²۳۲۔لوط دی ذال کُوں یاد رکھو۔ ³³۳۳۔جہیڑا اپنی جان بچاؤن دی کریسی اوہ اوُں کنے ہاتھ دھوسی پر جیہڑا اپنی جان کھو ڈیسی او اپنی زندگی بچاگھنسی۔³⁴۳۴۔میں تُہاکوں آدھا ہاں، کہ اُوں رات ڈو بندے اپنے بسترے تے ہوسِن ہک کوُں گِھن گدا ویسی ڈوجھے کوُں چھوڑ ڈِتا ویسی۔ ³⁵۳۵۔ڈو عورتاں چکی چلیندیاں ہوسن ہک کوُں گَھن گدا ویسی ڈوجھی کوُں چھوڑ ڈِتا ویسی۔ ³⁶۳۶۔ڈو بندے فصلاں وچ ہوسن ہک کوں گدا ویسی ڈوجھے کوُں چھوڑ ڈِتا ویسی۔³⁷۳۷۔۔اُنہاں نے جواب اِچ اوُں کوُ آکھیا کہ اِے خداوند اِے کتھاں ہوسی؟'' وَلا اُوں نے اُنہاں کوُ آکھیا ، '' جتھاں مُردار ہِے اُتھاں گِدھ وی کٹھے تھی ویسن۔

¹۱۔اوُں ویلے اوُں نے اُنہاں کو اِیں غرض تھوں کہ ہمیشہ دُعا کرو اَتے ہمت نہ ہارو تمثیل آکھی۔ ²۲۔کیئں شاہر اِچ ہک قاضی ہا۔ جیہڑا نہ تاں خدا تھوں ڈردا ہا اَتے نہ ای کیئں بندے دی پرواہ کریندا ہا۔³۳۔اوُں ای شاہر اِچ ہک بیوہ ہائی اَتے بار بار اوُندے کول آندی تے آدھی،"میڈے مخالف تھوں انصاف گھنن اِچ میڈی مدد کر۔" ⁴۴۔بہوں عرصہ تایئں اوُں نے اوُندی مدد نہ کیتی پر کجھ دیر دے بعد اوُں نے اپنے آپ کوُ آکھیا۔"حالانکہ میں خدا تھوں نہیں ڈردا اَتے کیئں بندے دی پرواہ نیئں کریندا۔ ⁵۵۔ایں دے باوجود کہ ایہہ بیوہ میکوُ ستاندی ہے۔ انصاف دے بارے وِچ میں ایندی مدد کر یساں،تاکہ لگاتار آون دے باعث اوہ میکوُ تنگ نہ کرے۔⁶۶۔ پَر خداوند آکھیا سنو بے انصاف قاضی کیاآدھے ۔ ⁷۷۔ہن کیا خدا وی اپنے چُنے ہویاں کوُ جیہڑے ڈِیں رات اوندے اَگے روندے راہندے ہَن ؟ دیر نہ کریسی ؟ ⁸۸۔میں تہاکوُں آدھا ہاں کہ اوہ بہوں جلدی اُنہاں کوُ انصاف ڈیسی۔تاں وی جڈاں، اِبنِ آدم آ سیں تاں کیا اوہ زمین تے ایمان پا سی؟⁹۹۔وَل اوُں نے بعض لوگاں کوُ جیہڑے اپنے آپ اِچ راضی ہَن کہ اوہ نیک ہَن اَتے اوہ ڈوجھیاں لوگاں کولوں نفرت کریندے ہَن تمثیل آکھی۔ ¹⁰۱۰۔ڈو بندے ہیکل اِچ دُعا کرن کیتے گئے ہک فریسی ہا تے ڈوجھا چُنگی گھنن آلا ہا۔¹¹۱۱۔فریسی کھڑا تھیا اَتے اپنے کیتے ایویں دُعا کیتی کہ خداوند میں تیڈا شُکر کریندا ہاں کہ میں ڈوجھیاں بندیاں دی طرح نیئں جیہڑے کہ چور،بے انصاف اَتے زِنا کرن آلے ہَن تے ناں ہی ایں چُنگی گھنن آلے دی طرح ہاں ۔ ¹²۱۲۔میں ہک ہفتے اِچ ڈو روزے رکھیندا ہاں جیہڑا کچھ میکو مِلدے اوہ ساریاں دی دہ یکی ڈیندا ہاں ۔¹³۱۳۔پَر چُنگی گھنن آلے نے جیہڑا کجھ پند تے کھڑا ہا اوُں نے اے وی چنگا نہ سمجھیا کہ اپنی اَکھاں اُتاں چاواں پَر اپنی چھاتی پٹدا ریہا تے آکھیا خدا میڈے جیئے گنہگار تے رحم کر۔ ¹⁴۱۴۔میں تہاکوُ آدھا ہاں کہ ایہہ بندہ ڈوجھے دے برعکس راستباز تھی کہ اپنے گھر لگا گیا۔کیونکہ ہر کوئی جیہڑا اپنے آپ کوُ وڈا کریندا ہے نِکا کیتا ویسی،پر ہر کوُئی جیہڑا اپنے آپ کوُ فروتن کریندا ہے وڈا کیتا ویسی۔¹⁵۱۵۔لوگ اپنے بالاں کوُ اوندے کول گھن آئے تاں جو اُنہاں تے ہتھ رکھے پَر جیہڑے ویلے شاگرداں نے ایہہ ڈِٹھا تاں اُنہاں نے اُنہاں کوُ جھڑکیا۔ ¹⁶۱۶۔لیکن یسوع نے اُنہاں کوُ سڈیا اَتے آکھیا۔"بالاں کوُ میڈے کول آون ڈیو اَتے اُنہاں کوُ منع نہ کرو کیوں جو آسمان دی بادشاہی اُنہاں دی ہے۔ ¹⁷۱۷۔میں تہاکوُ سچ آدھا ہاں کہ جیہڑا کوئی بالاں دی مانند خدا دی بادشاہی کوُ قبول نہ کریسی اوہ بقیناََ اوُندی بادشاہی وِچ داخل نہ تھیسی۔¹⁸۱۸۔ہک حاکم نے اوُں دے کولوَں پچھیا اَتے آکھیا، اے نیک استاد میں ابدی زندگی پاؤن کیتے کیا کراں؟ ¹⁹۱۹۔یسوع نے اوُں کوُ آکھیا ''میکوُ نیک کیوں آدھے ہو؟ خدا دے سِواکوُئی نیک نہیئں۔ ²⁰۲۰۔تساں حکماں کوُ تاں جان دے ہو۔ زنا نہ کرنا، خون نہ کرنا، چوری نہ کرنا، کوُڑی گواہی نہ ڈیوناں، اپنے ماں پیئو دی عزت کرنا۔ ²¹۲۱۔حاکم نے آکھیا کہ میں اِنہاں ساریاں گالہیں تے نِکے تھیندیاں ہی عمل کیتا ہے۔²²۲۲۔جیہڑے ویلے یسوع نے ایہہ سُنیا تاں اوُں کو آکھیا۔ تیڈے وچ ہک گالھ دی کمی ہالی وی ہے۔ ضرور ہے کہ اپنا سارا کجھ ویچ کے اَتے غریباں وچ ونڈ چھوڑ وَل تیکوُ آسمان تے خزانہ مِلسی اَتے آمیڈے پیچھوں ٹُرپو۔ ²³۲۳۔پر جیہڑے ویلے امیر بندے نے ایہ گالہیں سُنیاں تاں اوُں کوُ بہوں ڈکھ تھیا کیوں جو اوہ بہوں امیر بندہ ہا۔²⁴۲۴۔وَل یسوع نے اوُں کوُ ڈکھی ڈیکھ کے آکھیا۔ ''امیر بندے دا خدادی بادشاہی اِچ وڑنا بہوں مشکل ہے!۔ ²⁵۲۵۔اُٹھ دا سوئی دے مورے وچوں نکل ونجنا امِیر بندے دا خدادی بادشاہی وچ وڑن کولوں آسان ہے۔²⁶۲۶۔سنن آلیاں نے آکھیا۔ وَل کون نجات پاسگدے؟۔ ²⁷۲۷۔یسوع نے جواب ڈِتا ''جیہڑا کم انسان کیتے ناممکن ہے اوہ خدا کرسگدے۔²⁸۲۸۔پطرس نے آکھیا ''ڈیکھ اساں اپنا سارا کجھ چھوڑ کے تیڈے پیچھے ٹُرپئے ہاں۔ ²⁹۲۹۔وَلا یسوع نے اُنہاں کو آکھیا میں تہاکوُ سچ آدھا ہاں کہ ایہو جیا کوئی وی نہیں جیئں خدا دی بادشاہی کیتے اپنے گھر یا ذال یا بھرواں یا ماں پیئو اَتے اپنے بالاں کوُ چھوڑ ڈِتا ہوئے۔ ³⁰۳۰۔اَتے اوہ اِیں زمانے اچ بہوں زیادہ صلہ نہ پاوے اَتے آون آلے زمانے اَچ ہمیشہ دی زندگی۔³¹۳۱۔اوُں نے بارہ کوُ کٹھا کر کے انہاں کوُ آکھیا اساں یروشلیم ویندے پئے ہاں اتے اوہ ساریاں گالہیں جیہڑیاں نبیاں دی معرفت لکھیاں گئیاں ہَن ابنِ آدم دے بارے وچ پوریاں ہوسن۔ ³²۳۲۔کیوں جو اوہ غیرقوماں دے حوالے کیتا ویسی اَتے ذلیل کیتا ویسی تے اوندے نال شرمناک سلوک کریسن۔ تے اوُندے تے تھوکسن۔ ³³۳۳۔کوڑے مارن دے بعد اوہ اوُں کوُ قتل کریسن۔ اَتے اوہ تر یجھے ڈِیں دوبارہ زندہ تھی ویسی۔³⁴۳۴۔اُنہاں کو وی اِنہاں گالہیں دی کوُئی وی سمجھ نیئں آئی اَتے ایہہ کلام اَنہاں کولوں لُکا رہ گیا اَتے جیہڑیاں گالہیں انہاں کو آکھیاں گیئاں ہَن انہاں کو سمجھ نیئں آئیاں۔³⁵۳۵۔جڈاں یسوع یریحو دے کول اَپڑ گیا تاں ہک اندھا بندہ راہ دے کنارے بھیک منگدا پیا ہا۔ ³⁶۳۶۔جیہڑے ویلے ایہہ کٹھ اوُندے کولوں لنگھیا تاں کٹھ دی آواز سُن کے اوُں نے پچھیا کہ ایہ کیا تھیندا پئے؟۔ ³⁷۳۷۔انہاں نے اوُں کو ڈسایا کہ ناصرۃ دا یسوع ویندا پئے۔³⁸۳۸۔تاں اوہ اندھا شخص اُٹھا تے چلاندے ہویاں آکھن لگا۔ ''اے یسوع ابنِ داوُد میڈے تے رحم کر۔ ³⁹۳۹۔اَتے جیہڑے اوندے اَگے اَگے ویندے پئے ہَن۔ اُنہاں نے اوُں اندھے شخص کو جھرکیا تے آکھیا چُپ رہ پر اوہ بہوں زیادہ اُچی آواز نال بولن لگ پیا۔ ''اے ابن داؤد میڈے تے رحم کر''۔⁴⁰۴۰۔یسوع نے کھڑے تھی کے حکم ڈِتا کہ ایں بندے کوُ میڈے کول گِن آؤ۔ جڈاں اوہ اندھا یسوع دے کول آیا تاں یسوع نے اوُں کوُ آکھیا۔ ⁴¹۴۱۔توُں کیا چاہندا ہیئں کہ میں تیڈے کیتے کراں ؟اوُں نے آکھیا"اے خداوند میں ڈیکھنا چاہندا ہاں"۔⁴²۴۲۔یسوع نے اوُں کوُ آکھیا"سوجا کھا تھی ونج۔تیڈے ایمان نے تیکوُ چنگا کر ڈِتا ہے۔ ⁴³۴۳۔اوہ فوراََ سو جا کھا تھی گیا اَتے اوُں دے پیچھوں ٹُر پیا تے خداوند دی تمجید کرن لگ پیا ایہہ سارا کچھ ڈیکھ کے سارے بندیاں نے خداوند دی حمد کیتی۔

¹۱۔یسوع یریحو وِچوں تھی کے ویندا پیا ہا۔ ²۲۔ڈیکھو اُتہاں ہک بندہ ہا جیندا ناں زکائی ہا۔اوہ بہوں امیر اَتے چونگی گھنن آلیاں دا سردار ہا۔³۳۔اوہ اوُں کوُ ڈیکھن دی کوشش کریندا ہا بئی یسوع کون ہے پَر بندیاں دے کٹھ دے پاروں ایویں نہ کر سگے۔کیوں جو اوندا قد چھوٹا ہا۔ ⁴۴۔اِیں کیتے اوہ بندیاں دے اگوں بھج کے اوُں کوُ ڈیکھن کیتے گولر دے درخت تے چڑھ گیا کیوں جو یسوع اوُں رستے تھوں لنگھن والا ہا۔⁵۵۔جیہڑے ویلے یسوع اوُں جاہ تے پہنچے تاں اوُں نے اُتے ڈِٹھا اَتے آکھیا۔"زکائی جلدی تھلے اُتر آ کیوں جو اَج میکوُں تیڈے گھر راہوناں ضرور ہے۔ ⁶۶۔اِیں کیتے اوہ جلدی تھلے اُتر آیا اَتے خوشی نال اوُں کوُ خوش آمدید آکھیا۔ ⁷۷۔جڈاں ساریاں نے ایہہ ڈِٹھا تاں غُصے تھئے تے آکھن لگے"اے اوُں بندے دا گھر گیا ہے جیہڑا گنہگار ہے۔⁸۸۔زکائی کھڑا تھیا اَتے خداوند کوُ آکھن لگا"ڈیکھ مالک میں اپنا ادھا مال غریباں کوُ ڈیندا ہاں اَتے اگر کیئں وی شئے اِچ کیئں کوُ دھوکا ڈِتا ہوئے تاں اوُں کوُ چار گناہ زیادہ ڈیساں۔ ⁹۹۔یسوع نے اوُں کوُ آکھیا"اَج ایں گھر اِچ نجات آئی ہے کیونکہ ایہہ وی تاں ابرہام دا پُتر ہے۔ ¹⁰۱۰۔کیونکہ اِبن آدم گُم تھیئے ہویاں کوُ گولن تے بچاون کیتے آیا ہے۔¹¹۱۱۔جیویں ہی اُنہاں نے ایہہ گالہیں سُنیں تاں اوُں نے تمثیل آکھی کیوں جو اوہ یروشلیم دے نیڑے ہا۔اُنہاں نے سوچ کے خدا دی بادشاہی ہَن ظاہر تھیون آلی ہے۔ ¹²۱۲۔لہذا اوُں نے آکھے"ہک امیر بندہ دور دراز دے ملک کوُ گیا کہ اپنی بادشاہی گھِن کے واپس آ ونجے۔¹³۱۳۔اوُں نے اپنے نوکراں وِچوں ڈاہ کوُ سڈیا اَتے اُنہاں کوُں ڈاہ اشرفیاں ڈِتیاں اَتے اُنہاں کوُ آکھے اپنے کاروبار کوُ جاری رکھو۔جڈاں تایئں میں واپس نہ آواں۔ ¹⁴۱۴۔ پَر اوندے شاہری اوندے تھوں نفرت کریندے ہَن ،اُنہاں نے اوندے پیچھے سفیر گھلے کہ اساں ایں بندے کوُ اپنے اُتے بادشاہی نہ کرن ڈیسوں۔ ¹⁵۱۵۔جڈاں اوہ بادشاہی کر کے واپس آیا تاں ایویں تھیا اوُں نے حُکم ڈِتا کہ اُنہاں نوکراں کوُں سڈیا ونجے جنہاں کوُں اوُں نے اشرفیاں ڈِتیاں ہَن تاں جو پتا لگے کہ اُنہاں نے کاروبار کر کے کیا کمایا ہے۔¹⁶۱۶۔پہلا نوکر آیا اَتے آکھیا، مالک تیڈی ہک اشرفی نال میں ڈاہ اشرفیاں بنایئں۔ ¹⁷۱۷۔امیر بندے نے اوُں کوُ آکھے،شاباش میڈے چنگے نوکر کیونکہ توں تھوڑے وِچ ایماندار ریہا ایں تیکوُ ڈاہ شاہراں تے اختیار ڈِتا ویسی۔¹⁸۱۸۔ڈوجھا نوکر آیا اَتے آکھن لگا کہ مالک تیڈی اشرفی نال پنج بیئاں بنایئں۔ ¹⁹۱۹۔امیر بندے نے اوُں کوُ آکھے توں پنج شاہراں تے حکمرانی کریسیں۔²⁰۲۰۔ہک بیئا آیا اَتے آکھیا کہ مالک ایہہ ہے تیڈے اشرفی جینکوُں میں کپڑے اِچ لپیٹ کے سنبھال کے رکھیا ہے۔ ²¹۲۱۔اِیں کیتے کہ تیڈا ڈر ہا کیوں جو توُں سخت بندہ ہیئں جیہڑا توُں نیئں رکھیا اوُں کوُ چا گھِندا ہیئں۔اَتے اُتھاوں کٹیندیں جتھاں توُں بویا وی نیئں۔²²۲۲۔امیر بندے نے اوُں کوُ آکھیا" اے شرارتی نوکر میں تیڈے ہی الفاظ تھوں تیڈا انصاف کریساں۔توں جان دا ہاویں کہ میں سخت بندہ ہاں جِتھاں نیئں رکھیندا اُتھاوں چیندا ہاں اَتے جِتھاں بیج نیئں سٹیا اُتھاوں کٹیندا ہاں۔" ²³۲۳۔تاں وَل توُں میڈے روپے کوُ مالدار کول کیوں نہ رکھیا تاں جو میں واپس آکے سود سمیت اوندے کولوں گھِن گھِندا؟۔²⁴۲۴۔امیر بندے نے اُنہاں کوُں آکھیا جیہڑے اُتھاں کھڑے ہَن "ایندے کولوں اشرفی گھِن گھِنو اَتے اوُں کوُ ڈے چھوڑو جیندے کول ڈاہ اشرفیاں ہَن۔ ²⁵۲۵۔اُنہاں نے اوُں کوُ آکھیا مالک ،اوُں دے کول ڈاہ اشرفیاں ہَن۔²⁶۲۶۔میں تہاکوُ آدھا ہاں جیندے کول ہے اوُں کوُ بیئا ڈِتا ویسی۔اَتے جیندے کول نیئں اوندے کولوں اوہ وی جو کجھ اوندے کول ہے گھِن گِدا ویسی۔ ²⁷۲۷۔پَر میڈے اوہ دُشمن جو نیئں چاہندے کہ میں اُنہاں تے حکومت کراں اُنہاں کوُ اِتھاں گھِن آو اَتے میڈے سامنے قتل کرو۔²⁸۲۸۔جڈاں اوہ ایہہ گالہیں کر چُکا تاں اُنہاں دے اَگے اَگے یروشلیم کوُ ٹُر پیا۔²⁹۲۹۔جڈاں اوہ زیتون دے پہاڑ دے نیڑے جیہڑا بیت فگے اَتے بنت عنیاہ اکھواندا ہے۔پہنچا تاں ایویں تھیا کہ اوُں نے اپنے شاگرداں کوُ گھلیا۔ ³⁰۳۰۔اَتے آکھیا "نال آلے پنڈ اِچ ونجو اَتے جیہڑے ویلے تُساں اُتھاں ویسو تاں تہاکوُ گڈاہاں دا بال مِلسی جیندے تے کڈایئں کیئں سواری نہ کیتی ہوسی ۔اوُں کوُ کھول کے میڈے کول گھِن آوائے"۔ ³¹۳۱۔اگر کوئی تہاڈے کولوں پُچھے کہ ایں کوُ کیوں کھولیندے ہیوے؟تاں آکھوائے خداوند کوُ ایندی ضرورت ہے"۔³²۳۲۔جنہاں کوُ گھلیا گیا ہا اوہ گئے اَتے جیویں یسوع نے ڈسایا ہا گڈہاں دا بال مِلے۔ ³³۳۳۔جیہڑے ویلے اوہ اوُں کوُ کھولیندے پئے ہَن اُتے اوُں دے مالک نے اُنہاں کوُ آکھیا"تُساں ایں کوُ کیوں کھولیندے ہو؟"۔ ³⁴۳۴۔اُنہاں نے آکھیا"خداوند کوُ ایندی ضرورت ہے"۔ ³⁵۳۵۔اوہ اوُں کوُ یسوع سے کول گھِن آئے اَتے اُنہاں نے اپنے کپڑے اوُں گڈھاں دے بال تے سَٹے اَتے یسوع کوُ اوُندے تے بِٹھایا۔ ³⁶۳۶۔اَتے جیہڑے ویلے ٹُریا تاں اُنہاں نے اپنے کپڑے راہ دے وِچ وچھائے۔³⁷۳۷۔جیہڑے ویلے اوہ شاہر دے نیڑے زیتون دے پہاڑ تھوں تھلے لاہندے پئے ہَن تاں شاگرداں دا کٹھ اُنہاں سارے وڈے کماں دے پاروں جیہڑے اُنہاں نے ڈِٹھے ہَن خدا دی حمد کرن لگا۔ ³⁸۳۸۔اَتے آکھے"خوش قسمت ہے اوہ بادشاہ جیہڑا خداوند دے ناں تھوں آندا ہے! آسمان تے صُلح تے عالمِ بالا تے جلال!۔³⁹۳۹۔کٹھ اِچوں کجھ فریسیاں نے اوُں کوُ آکھے"اے اُستاد اپنے شاگرداں کوُ جھڑک" ⁴⁰۴۰۔یسوع نے جواب ڈِتا اَتے آکھے۔"اگر ایہہ چُپ راہسن تاں وَل پتھر دھاڑاں مریسن۔⁴¹۴۱۔جیہڑے ویلے یسوع شاہر دے نیڑے پہنچیا تاں اُچی آواز نال چلایا"۔ ⁴²۴۲۔اَتے آکھیا"توُں اَمن دیاں گالہیں اِیں ڈیں اِچ جان دا !پر ہَن اوہ تیڈی اکھیاں تھوں لُک گیئں"۔⁴³۴۳۔کیونکہ تیڈے تے اوہ ڈیں آسی جڈاں تیڈے ڈشمن تیڈے آسے پاسے مورچہ بناسن اَتے تیکوُ گھیر گھِنسن۔ ⁴⁴۴۴۔اوہ تیکوُ تیڈے بالاں سمیت زمین تے سَٹ ڈیسن۔اوہ ہک پتھر تے ڈوجھے پتھر کوُ نہ چھوریسن۔کیونکہ جڈاں خدا تہاکوُ بچاون دی کوشش کریندا ہا تاں تُساں اوُں کوُ نہ سنجھانا۔⁴⁵۴۵۔یسوع ہیکل اِچ گیا اَتے اُنہاں کوُ باہر کڈھنا شروع کیتا جو وچیندے پئے ہَن۔ ⁴⁶۴۶۔اَتے آکھیا"لکھا لا تھے کہ میڈا گھر دُعا دا گھر ہوسی پَر تُساں اوُں کوُ ڈاکواں دے جاہ بنا ڈِتا ہے"۔⁴⁷۴۷۔اَتے یسوع ہر روز ہیکل اِچ تعلیم ڈیندا ہا،سردار کاہن صدوقی تے اُنہاں لوگاں دے راہنما اوُں کوُ قتل کرنا چاہندے ہَن۔ ⁴⁸۴۸۔پَر اُنہاں کوُ کوئی موقع نا مِلا کیونکہ سارے لوگ اوُں کوُ غور نال سُن دے ہَن۔

¹۱۔ہک ڈینہ جیہڑے ویلے یسوع ہیکل وچ لوکاں کوں علم ڈیندا پیاء ہا، اُتھاں سردار کاہن تے فقیہہ بزرگاں دے نالاوُں دے کول آکھڑے تھئے۔ ²۲۔اَتے آکھن گے کہ ساکوُ ڈس۔ تُوں ایہہ کم کیندے اختیار نال کریندہ ہئیں یا کون ہِے جئیں تیکوُ ایہہ اختیار ڈِتا ہِے۔³۳۔اوُں اونہاں کو جواب وچ آکھیا، ''میں وی تساں کنے ہک گالھ پچھداں، میکوں یوحنا دے بپتسمہ دے بارے ڈسو۔ ⁴۴۔یوحنا دا بپتسمہ: ''کیا او آسمان دی طرفوں ہا یا لوکاں دی طرفوں ہا''؟⁵۵۔اوہ آپس وچ گالہین کرن لگ گئے۔ تے آکھن پے گئے اگر اساں آکھوں '' آسمان طرفوں، تے اوہ آکھسی تُساں میڈا یقین کیوں نئیں وے کریندے''؟ ⁶۶۔لیکن اگر اساں اے آہدوں، کے اے لوکاں دی طرفوں ہِے تے ول سارے لوگ ساکوں پتھراں نال مارسن۔ ایں واسطے کیویں جو اوہناں کوں پتا ہا پیاء جو یوحنا بنی اے۔⁷۷۔بس اوہناں جواب ڈِتا کہ اساں نئیں جاندے کہ کتھوں آیا ہا۔ ⁸۸۔یسوع وی اوہناں کوُں آکھیا میں وی تُہاکوں نئیں ڈسیندا کہ اے سارا کجھ کیندے زور نال کریندا ہاں۔⁹۹۔اوُں لُوکاں کوں اے مثال سنائی۔ ''ہک بندے نے انگوراں دا باغ لا کے کرائے اُتے مالیاں کوں ڈِتا تے اوہ آپ ڈوجھے ملک بہوں وقت کیتے گئے پیاء۔ ¹⁰۱۰۔وقت پورا تھیون تے اوُں اپنے نوکراں کوُں مالیاں کنئے پٹھیاء کہ اوہ ایں کوُں باغ دے پھل ڈیون، لیکن مالیاں اوُں کوُں کٹیا تے بغیر کجھ ڈتِے خالی ہتھ واپس کر ڈِتا۔¹¹۱۱۔ول اوُں ہک بئے نوکر کوں پیٹھا، اوہناں اوُں کوُں وی کٹیا بے عزت کیتا تے خالی ہتھ پٹھ ڈِتا۔ ¹²۱۲۔ول اوں تریجھا نوکر پٹھیا تے اوُہناں اوُں کوں وی زخمی کیتا تے باہر کڈھ ڈِتا۔¹³۱۳۔وَل باغ دے مالک آکھیئے، ہن میں کیا کراں؟ میں اپنے پیارے پتر کوُ پٹھاداں، تھی سگدے او اوُندی عزت کرن۔ ¹⁴۱۴۔لیکن باغ دے ٹھیکداراں اوُں کوُں ڈیٹھا تے اُنہاں آپس وِچ گالھ کیتی وَل آکھیا، اے تاں وارث ہِے، آؤ ایں کوں ماروُں۔ ایں واسطے اے وَل ساڈا باغ بن ویسی۔¹⁵۱۵۔اُنہاں وَل اوُں کوں نپ گدا اَ تے باغ تھوں باہر قتل کر ڈِتا۔ ہُن انگور دے باغ دا مالک اُنہاں نال کیا کریسی؟ ¹⁶۱۶۔اوہ آسی وَل انگور دے باغ دے ٹھیکےداراں کوُں ہلاک کر ڈیسی تے باغ بِئے کوُں ڈے ڈیسی۔ اُنہاں نے ایہہ سُن کے آکھیا خدا نہ کرے۔¹⁷۱۷۔لیکن یسوع اُنہاں دے پاسے ڈِٹھا تے آکھیا، وَل ایہہ کیا لکھا ہِے ؟ جیہڑے پتھر کو راج گیراں نے رد کیتے اوہو کونے دے سرے دا پتھر بن گیا۔ ¹⁸۱۸۔جیہڑا وی ایں تے ڈھاسی اوہ ٹوٹے ٹوٹے تھی ویسی۔ لیکن او جیہڑے ویلے کہیں دے اُوتے ڈھاسی تاں اوُں کوں پیس ڈیسی۔¹⁹۱۹۔اوُں ویلے فقہیاں نے سردار کاہناں اُوندے اُتے ہتھ سٹن دا سوچیا کیوں پر لوگاں کولوں ڈردے ہَن کیوں جو اوہ سمجھ گئے ہَن کہ اوُں نے ایہہ تمثیل ساڈے تے کیتی ہِے۔ ²⁰۲۰۔وڈے غور نال اوُندے ولوں ڈیدھے ہوئیاں، اُنہاں نےکجھ جاسوس پیٹھئے جیہڑے اپنے آپ کوں پاک بن گئے کیویں جو اوُندیاں گالہیں وچوں غلطی کڈھن تے اِیں کوُں حکومت تےاختیار آلے گور دے اگوں پیش کروُں۔²¹۲۱۔اُنہاں اوُں کوُ آکھیا استاد ساکوُں پتا ہے توں ٹھیک آدھیں تے سکھیندھیں تے کہیں بئے دی طرف داری نئیں کریندا بلکہ سچائی دے نال خدا دی راہ دی تعلیم ڈیندا ہئیں۔ ²²۲۲۔کیا ساکوں قیصر کوُ خراج ڈیونا ٹھیک ہِے یا نئیں؟²³۲۳۔لیکن یسوع اوہناں کوں چالاک سمجھ تے جواب ڈِتا۔ ²⁴۲۴۔میکوں ہک دینار ڈِکھاؤ اوُندے اُتے کیندی فوٹو اے تے کیندی مہر اے؟ انہاں نے آکھیا قیصر دی۔²⁵۲۵۔اوں اونہاں کو آکھیا جیہڑی شئے قیصر دی اے قیصر کوں ڈیوؤ اَتے جیہڑی خدا دی ہِے خدا کوں ڈیوؤ۔ ²⁶۲۶۔ اوہ لوگاں دے سامنےاوُندے قول کوُ پکڑ نہ سگے بلکہ اوُں دے جواب اِچ حیران تھئے تے چُپ لگ گئی۔²⁷۲۷۔کجھ صدوقی اوُندے کولھوں آئین جیہڑے آہدے ہئن قیامت کئے نئیں آ کے تے ایہہ سوال کیتا کہ ۔ ²⁸۲۸۔اے استاد موسیٰ دی شریعت دے مطابق اگر کہیں بندے دا بھرا مر ونجے وَل اوُندی ذال ہوؤے تے اوُندے بال نہ ہوؤن تے اوہ اوُں کوں اپنی ذال بناوے وَل اپنے بھرا کیتے بال جنے۔²⁹۲۹۔سَت بھرا ہَن ہک پہلے آلے نے ویاہ چا کیتا اَتے اوہ بغیر بالاں دے مر گیا۔ ³⁰۳۰۔ول ڈوجھا وی ایویں مر گیا۔ ³¹۳۱۔وَل ترجھے بھرا اوُندے نال ویاہ کیتے وَل وی ایویں تھیا ستے بغیر بالاں دے مرگئے۔ ³²۳۲۔اوُندے بعد او ذال وی مرگئی۔ ³³۳۳۔وَل اوہ قیامت آلے ڈینہ کیندی ذال آکھواسی؟ کیوں جو ستاں بھروال نے اوُندے نال شادی کیتی ہا۔³⁴۳۴۔ یسوع اوہناں کوُں آکھیا دُنیا دے لوگ شادی ویاہ کریندن۔ ³⁵۳۵۔لیکن جو لوگ اِیں لائق ہوسن کہ اوُں جہان کوُ حاصل کرن اَتے مُردیاں وچوں زندہ تھی ونجن اُنہاں وِچ ویاہ شادی نہ تھیسی۔ ³⁶۳۶۔ناں ای اُتھاں مرن ہوسی اوہ فرشیتاں آلی کار ہوسن ول او خدا دے پتر تے قیامت دے بال ہوسن۔³⁷۳۷۔لیکن مڑدے وی جیندے تھئی ویندن ایں تک جو موسیٰ دی بلدی جھاڑی وچ خدا ڈِسی پیاء، جتھاں اوہ خداوند کوُں ابرہام دا خدا اضحاق دا خدا تے یعقوب دا خدا آدھا پیاء ہا۔ ³⁸۳۸۔ہن اوہ مُردیاں دا خدا نیئں جیویں کہ اوہ جیوندیاں دا خدا ہِے، کیوں جو اوُندے کیتے سارے جیوندے ہن۔³⁹۳۹۔کجھ فقیہاں جواب اِچ اوُں کوُ آکھیا، ''استاد تساں چنگی گالھ کیتی''۔ ⁴⁰۴۰۔ایں واسطے اوہناں کوں ہمت نہ تھئی کہ او بئے سوال کرن۔⁴¹۴۱۔ وَل یسوع نے اُنہاں کوُں آکھیا، اوہ مسیح کوُں ابن داؤد کیت واسطے آدھن؟'' ⁴²۴۲۔ایں واسطے داؤد زبوروں وچ آپ آدھے کہ ''خداوند نے میڈے خداوند کوُں آکھے میڈے سجھے ہتھ تے بہہ''۔ ⁴³۴۳۔جیہڑے ویلے تک میں تیڈے دشمناں کوُں تیڈے پیراں دی چوکی نہ بنا ڈیواں۔ ⁴⁴۴۴۔داؤد ہیئں واسطے اوُں کوُں ''خداوند'' آدھے بس او کیویں ابن داؤد اے؟''⁴⁵۴۵۔جیہڑے ویلے سارے لوگ سُن دے پئے ہَن تاں اوُں نے اپنے شاگرداں کوُ آکھیا۔ ⁴⁶۴۶۔فقیہاں تھوں خبردار راہو، اوہ وَڈے وَڈے چوغے وچ ٹُرن دِی سوچیندِن، اوہ بازاراں وِچ سلام کریندِن اوہ عبادت کرن آلی جاہ وِچ اُچی جاہ تے باہونا پسند کریندِن، اوہ دعوتاں وِچ اُچی عزت منگدِن۔ ⁴⁷۴۷۔او بیواؤاں دے گھراں کوُں لوٹ کے کھاؤنا چاہندِن تے ڈِکھاؤے کیتے وڈیاں دعاواں منگدِن۔ اے لوک وڈی سزا پاسن۔

¹۱۔یسوع نگاہ کیِتی تاں ڈِٹھا جو امیر بندے ہیکل دے خزانے وِچ اپنے ہدیے پیندے پیئے ہِن۔ ²۲۔اوُں ہِک بیوہ (رَنڈڑ) کوُں وی ڈؤ سِکے پیندیاں ڈِٹھا۔ ³۳۔تے اوُں آکھیا، میں تہاکوُں سچ آدھا ہاں جو ایں غریب رنڈڑ (بیوہ) ڈوجھیاں کَنوں زیادہ پاتے۔ ⁴۴۔اُنہاں ساریاں اپنے چنگے چوکھَے مال وِچوں پاتے، لیکن اوُں رنڈڑ (بیوہ) اپنی غربت دے باوجود اپنا سب کجھ ڈے ڈِتے جیندے تے اوُں گزارہ کرنا ہا۔⁵۵۔کجھ لوکاں ایہہ آکھیا جو خدا دا گھر نزر کیتی گیئاں شیئاں دی وجہ کَنے بہوں اعلیٰ پتھریں نال سجیا ہویا اِے، اوُں آکھیا۔ ⁶۶۔جیہڑیاں شئیں تُساں ڈھیڈے ہیوے، او ڈینہ آسن جو اِنہاں وِچوّں پتھر اُتّے پتھر وی باقی نہ راہَسی، جیہڑا ڈھٹا نہ ہوسی۔⁷۷۔اُنہاں پچھیا ''استاد ایہہ واقعہ کڈن تِھسی؟ تےِ ایں وقوعے دے کیا نشان ہوسن؟'' ⁸۸۔یسوع جواب ڈِتا، خبردار دھوکا نہ کھوائے، میڈا ناں گِھن کے بہوں سارے آؤسن تے آکھسن جو میں اُوہو ہاں کیوں جو ویلہ بہوں تھوڑا ہے اُنہاں دے پِچھوُں نہ ونجائے۔ ⁹۹۔جئیں ویلے تُساں جنگاں تے لڑائیاں دیاں افوائیں سُن سو، تے گھبرا نہ ونجائے، ایں گالہیں دا ہوؤنا ضروری ہِے۔ لیکن اوُں ویلے اخیر نہ تھیسی۔¹⁰۱۰۔وَل اوُں اُنہاں کوُں آکھیا۔ قوم تے قوم ، اَتے حکومت تے حکومت چڑھائی کریسی۔ ¹¹۱۱۔وَلا زمین تے وڈے وڈے زلزلے آوسَن، کال اِی پوسَن، آفتاں نازِل تھیسن، اَتے وڈے عجیب تے حیران کرڈیون آلے واقعے آسمان تے ظاہر تھیسن۔¹²۱۲۔لیکن اِیں ساریاں گالہیں دے تھیون توں پہلے، اُنہاں کوُں پکڑ گھِن سَن تے مارکٹائی ہوسی، تہاکوُں عبادت خانیاں تھوں بےدخل کریَسن تے قید وچ سٹ ڈیسن، میڈے ناں دی وجہ کنے تہاکوں بادشاہاں تے حاکماں دے اگوں حاضر کیتا ویسی۔ ¹³۱۳۔ایہہ تہاڈے کیتے گواہی ڈیون ڈا موقع ہوسی۔¹⁴۱۴۔ایں واسطے یاد رکھو جو تُساں فکر مند نہ تھی ونجائے جو اُنہاں کوُں کِیا جواب ڈیسوں۔ ¹⁵۱۵۔اِیندے کیتے میں تہاکوُں ایہو جئی زبان تے حکمت ڈیساں جو تہاڈے کہیں مخالفت کوُں وی تہاڈا ساہمنا کرن یا خلاف آکھن دی جرات نہ ہوسی۔¹⁶۱۶۔ایں تائیں جو تہاڈا ماں پیئو، بھین بھرا، رشتہ دار تے سنگتی تہاکوں دھوکا ڈیسَن، تے تہاڈے وچوں کیئاں کوُ پکڑویسن تے بعض کوُ موت دے حوالے کریسن۔ ¹⁷۱۷۔ہر کوئی میڈے ناں دی وجہ کَنے تہاڈے نال نفرت کریسی۔ ¹⁸۱۸۔لیکن تہاڈے سِردا ھِک وال وی فنا نہ تِھیسی۔ ¹⁹۱۹۔تساں اپنے ایمان نال اپنیاں زندگیاں بچا گِنسو۔²⁰۲۰۔جئیں ویلے تُساں یروشیلم کوُں فوج نال گھیرا پاتا ہویا ڈیکھو تاں سمجھ ونجائے جو اُوندا اُجڑ ونجنا نیڑے ہِے۔ ²¹۲۱۔وَل جیہڑے یہودیہ وِچ ہوون اوہ پہاڑاں دو دھروک ونجن۔ تے جیہڑے یروشلیم وچ ہوون اوُں جاء تھوں نکل ونجن، اُتے جیہڑے وستیاں وِچ ہوون او شہر وِچ نہ وڑن ²²۲۲۔ایہہ وڈے مَہر دے ڈیں ہوسَن، ایں واسطے جیہڑیاں گالہیں لِکھیاں لاتِھیاں ہِن اوہ پوریاں تھی سن۔²³۲۳۔افسوس اُنہاں تے جیہڑیاں اُنہاں ڈیہاں وِچ حاملہ ہوون تے اپنے بچیاں کوں کھیریلیندیاں ہوون! زمین اُتے بہوں وڈی مصیبت ہوسی تے لوکاں تے عذاب نازل تھیسی ²⁴۲۴۔لوک اُنہاں کوُں تلواراں نال مار ڈیسن تے قید وچ سَٹ ڈیسن، تے جے تائیں غیرقوماں دا ویلہ پورا نہ تھی ونجے یروشلیم غیرقوماں تھوں لتڑیندا راہسی۔²⁵۲۵۔سِجھ، چندر تے تاریاں وچ نشان ظاہر تھی سن تے قوماں وڈی مصیبت وِچ ہوسن کیوں جو سمندر دے شور تے چھَلاں توں گا بھر ولیَسن۔ ²⁶۲۶۔آسمانی طاقتاں ہلائیاں ولیَسن تے لوک خوفزدہ تھِی کے زمین اُتے آون آلیاں مصیبتاں دا راہ ڈیدھیاں ڈیدھیاں، لوکاں دی جان وچ جان نہ راہسی۔²⁷۲۷۔وَل اوہ ابنِ آدم کوُں قوت تے جلال نال بدلاں اُتے آندا ڈیکھ سَن۔ ²⁸۲۸۔لیکن جئیں ویلے ایہہ گالہیں تھینداں پیاں ہوون تے کھڑ تے سر اُتاں چوائے ، کیوں جو تہاڈا چھُٹکارا نیڑے آگِیا ہوسی۔²⁹۲۹۔یسوع ولا اُنہاں کوں ہک مثال سنائی جو تُساں انجیر دے درخت تے ڈوجھیاں درختاں کوُں ڈیکھو۔ ³⁰۳۰۔جَد اُتھاں تے پُمپبھلیاں ڈیدھے وِے تاں تہا کوُ پتہ لگ ویندے کہ گرمی آون آلی ہِے۔ ³¹۳۱۔تے ایویںِ جَد تُساں اِے شئیاں تھیندیاں ڈِیکھو، تاں جان گِھنو جو خدا دی بادشاہی نیڑے ہِے۔³²۳۲۔میں تہاکوں سچ آدھا ہاں جو ایہہ نسل ختم نہ تھیسی، جے تاہئیں ایہہ سَاریاں گالہیں پوریاں نہ تھی ویسَن۔ ³³۳۳۔آسمان تے زمین مٹ ویسن، پر میڈیاں گالہیں قائم راہسن۔³⁴۳۴۔پر خبردار راہو جو ایویں نہ تھیوے کہ تہاڈے دل خمار تے نشہ بازی اَتے زندگی دیاں فکراں نال سُست تھی ونجن اوہ ڈینہ جیہڑا اچن چیت پھا ہی وانگ آویسی۔ ³⁵۳۵۔کیوں جو ایہہ ساری زمین تے راہون آلے لوگاں تے ایویں آ پوسی۔³⁶۳۶۔پر ہر ویلے تیار رَاہوو، دعا کرو کہ تساں بچ نِکلن کیتے مظبوط تھی ونجو، اُنہاں ساریاں گالہیں تُھوں جیہڑیاں تھیون آلیاں ہِن، تے ابنِ آدم دے سامنے کھڑسَگو۔³⁷۳۷۔اوہ ہر روز ہیکل وچ تعلیم ڈیندا اَتے راتیں باہروں نِکل ویندا تے ساری رات اوہ پہاڑ تے گزریندا ہا جیہڑا زیتون دا پہاڑ اکھویندا ہا۔ ³⁸۳۸۔سارے لوگ فجرے ای ہیکل وچ اُندیاں گالہیں سنن کیتے آندے ہَن۔

¹۱۔ہَن عید فیطر دا ویلہ نیڑے ہا جیہڑی عید فسحَ وی اکھواندی ہا۔ ²۲۔سردار کاہناں تے فقیہاں نے آپس اِچ مشورہ کیتا کہ اوہ کیویں یسوع کوُ ہلاک کرن، پَر لوگاں تھوں اوہ ڈر دے ہَن۔³۳۔ وَل شیطان یہوداہ اسکریوتی وِچ وَڑ گیا جو اُنہاں بارہ وِچوں ہک ہا۔ ⁴۴۔یہوداہ سردار کاہناں تے سرداراں دے کول گیا اَتے مشورہ کیتا کہ کیویں یسوع کوُ اُنہاں دے حوالے کرے۔⁵۵۔ اوہ بہوں خوش تھی گئے اَتے اوُں کوُ پیسے ڈیون تے راضی تھی گئے۔ ⁶۶۔اَتے اوہ موقع دی تلاش اِچ ہا کہ جڈاں یسوع دے کول بھیڑ نہ ہوئے تاں اوہ یسوع کوُ اُنہاں دے حوالے کرا ڈیوے۔⁷۷۔ وَل بے خمیری روٹی دی عید دا ڈیں آیا جیندے وِچ فسَح دا برہ ذبح کرنا لازمی ہا۔ ⁸۸۔ یسوع نے پطرس تے یوحنا کوُ ایہہ آدھے ہوئے گھلیا"ونجو ساڈے کیتے فَسح دا ٹُکر تیار کرو تاں جو اساں کھاوں۔" ⁹۹۔اُنہاں نے اوُندے کولوں پچھیا"اساں کِتھاں تیڈے کیتے تیاری کروں؟۔¹⁰۱۰۔اوُں نے اُنہاں کوُں جواب ڈِتا"سنو جیہڑے ویلے تُساں شاہر اِچ وڑسو تاں ہک بندہ تہاکوُپانی دا گھڑا چاتے ہوئے مِلسی جیئں گھر اِچ اوہ ونجے اوُندے پچھوں لگے ونجنا۔ ¹¹۱۱۔وَل گھر دے مالک کوُ آکھنا"استاد آدھا ہے اوہ مہمان خانہ کِتھاں ہے جِتھاں میں اپنے شاگرداں دے نال فسح کھاساں ؟"۔¹²۱۲۔ اوہ تہاکوُ ہک سجا سجایا اُتے عالیٰ کمرہ ڈکھیسی۔"اُتھاں تیاری کرائے۔" ¹³۱۳۔وَل اوہ گئے اَتے اُنہاں نے اوُں ویں اِیں ڈِٹھا جیویں اُنہاں کوُ ڈسایا گیا ہا وَل اُنہاں نے اُتھاں عید فَسح دا کھانا تیار کیتا۔¹⁴۱۴۔ جڈاں ویلہ آگیا کہ اوہ اپنے شاگرداں دے نال باہوے۔ ¹⁵۱۵۔ وَل اوُں نے اُنہاں کوُ آکھیا "میڈی بڑی آرزو ہا جو ڈُکھ برداشت کرن تھوں پہلے میں ایہہ فَسح تہاڈے نال کھاواں۔ ¹⁶۱۶۔اِیں کیتے میں تہاکوُ آدھا ہاں کہ "وَل تہاڈے نال نہ کھاساں جڈاں تایئں کہ ایہہ بادشاہی پوری تھی نہ ونجے"۔¹⁷۱۷۔ وَل یسوع نے ہک پیالہ گِدا اَتے جڈاں اوہ شُکر کر چکے تاں آکھیا۔"ایہہ گھنو اَتے آپس اِچ ونڈ گھنو"۔ ¹⁸۱۸۔اِیں کیتے میں تہاکوُ سچ آدھا ہاں "میں وَل انگوراں دی مَے دوبارہ نہ پیساں جڈاں تایئں خدا دی بادشاہی نیئں آ ویندی۔¹⁹۱۹۔ وَل اوُں نے روٹی گھِن کہ اَتے شکر کیتا تے روٹی توڑی ۔اَتے اُنہاں کوُ ڈِتی ایہہ آدھے ہوئے کہ ایہہ میڈا بدن ہے جیہڑا تہاڈے کیتے ڈِتا ویندے ۔میڈی یادگاری اِچ ایویں ہی کیتا کرو۔ ²⁰۲۰۔ایویں ہی اوُں نے کھاون دے بعد پیالہ وی ایہہ آدھے ہوئے ڈِتا کہ "اے پیالہ میڈے خون اِچ نواں عہد ہے جیہڑا تہاڈے کیتے بہایا ویندے۔²¹۲۱۔میڈے وَلے ڈیکھو، جیہڑا میکو دھوکا ڈیندا ہے اوہ میڈے نال میز تے ہے۔ ²²۲۲۔ابنِ آدم تاں جیویں اوُندے بارے اِچ آکھیا گیا ہے ''وینداای ہے'' پر افسوس اوُندے تے جیندی وجہ تھوں اوُں کوُ دھوکا ڈِتا گیا۔ ²³۲۳۔اَتے اوہ آپس اِچ ہک دوجھے نال سوال پچھنا شروع تھی گئے۔ کہ انہاں وچوں کون ہے جو ایویں کرن آلا ہے۔²⁴۲۴۔وَل اُتھاں اُنہاں دے وچ محث چھڑ گئی کہ اُنہاں وچوں وڈا کیہڑا ہے؟۔ ²⁵۲۵۔یسوع نے اُنہاں کوُ آکھیا غیر قوماں دے بادشاہ اِنہاں تے حکومت کریندے ہِن اُتے جیہڑے اُنہاں تے اختیار رکھیندے ہِن عزت دے لائق حاکم اکھواندے ہن۔²⁶۲۶۔پَر تُساں ایویں نہ کرنا، بلکہ جیہڑا تہاڈے وچوں وڈا ہوئے اوہ ساریاں تھوں نِکا ہے۔ اَتے تہاڈے وچوں جیہڑا خاص ہوئے اوہ ڈوجھیاں دی خدمت کرے۔ ²⁷۲۷۔تاں کون وڈا ہے، اوہ جیہڑا میز تے باہندا ہے یا اوہ جیہڑا خدمت کریندا ہے؟ کیا ایہہ نیئں جیہڑا میز تے بیٹھا ہے؟ میں ہالی تک تہاڈے وِچ ہک خدمت کرن آلے دی طرح ہاں۔²⁸۲۸۔پر تُساں میڈی آزما نشاں اِچ ہر ویلے میڈے نال راہے ہو۔ ²⁹۲۹۔مَیں تہاکوُں ہک بادشاہی ڈیندا ہاں جیویں میڈے باپ نے میکوُ ہک بادشاہی ڈِتی ہے۔ ³⁰۳۰۔تاں جو تُساں میڈے نال میڈی بادشاہی اِچ کھاوؤ تے پیوؤ۔ اَتے تساں اسرائیل دے بارہ قبیلیاں دا انصاف کرن کیتے تخت سے باہسو۔³¹۳۱۔شمعون،شمعون، خبردار رِہ، شیطان نے تہاکُو منگ گِدے۔ تاں جو تہاکُو کنک دی طرح چھنڈے۔ ³²۳۲۔پر میں تہاڈے کیتے دعا کیتی ہے تاں جو تیڈا ایماں ویندا نہ راہوے۔ ایندے بعد جڈا تُساں دوبارہ مُڑو تاں اپنے بھراواں کُوں مضبوط کرائے۔³³۳۳۔پطرس نے اوُں کوُ آکھیا ''خداوند میں تیڈے نال قید اِچ ونجن اِتے مرن کیتے وی تیار ہاں۔ ³⁴۳۴۔یسوع نے جواب اِچ اُوں کوُ آکھیاہ پطرس میں تیکو آدھا ہاں دعا اَج دے ڈیں بانگ نہ ڈیسی جیہڑے ویلے تک توں ترئیے داری میڈا انکار نہ کریسیں کہ میکو جان دا ہیئں۔³⁵۳۵۔وَل یسوع نے اَنہاں کوں آکھیا جڈاں میں تہاکوں بٹوے جھولی تے جُتی دے بغیر گھلیا ہا تاں کیا تہاکوُ کیئں شئے دی کمی تھیئں؟۔ اتے اُنہاں نے جواب ڈِتا''نہیں''۔ ³⁶۳۶۔وَل اوُں نے اُنہاں کوُ آکھیا ''پر ہَن تہاڈے وچوں جیندے کو بٹوا ہے اوُں کوُ اپنے نال گھِن گھنے۔ ایویں ای جیندے کول تھیلی وی۔ جیندے کول تلوار نئیں اوہ اپنے کپڑے ویچ کے اپنے کیتے مول گھِن گنے۔³⁷۳۷۔ایں کیتے میں تہاکو آدھا ہاں۔ جولازمی ہے کہ پورا ہوسی۔ اَتے اوہ بدکاراں دے نال گنا گیا۔ تاں جو میڈے متعلق آکھا گیا ہے اوہ پورا ہوسی۔ ³⁸۳۸۔وَل انہاں نے آکھے۔ ''خداوند ڈیکھ اِتھاں ڈو تلواراں ہن'' اَتے اوُں نے انہاں کو آکھیا۔''ایہہ کافی ہن''۔³⁹۳۹۔ٹکر کھاون دے بعد، یسوع زیتوں دے پہاڑ دے پاسے گیا۔ جتھاں اوہ پہلے وی ویندا راہندا ہا اَتے شاگرد اوُں دے نال گئیے۔ ⁴⁰۴۰۔جڈاں اوہ اتھاں پہنچے۔ تاں اوُں نے اُنہاں کو آکھیا۔ ''دعا کو تاں جو آزمائش اِچ نہ پوؤ۔⁴¹۴۱۔اوہ اُنہاں کو چھوڑ کے ہک پتھر دے ٹپے تک اَگے ودھا اَتے جُھک کے دُعا کیتی۔ ⁴²۴۲۔اوُُں نے آکھیا، باپ اگر تیڈی مرضی ہوئے تاں ایہہ پیالہ میتھوں ہٹا گھِن، وَل وی میڈی مرضی نیئں بلکہ تیڈی مرضی پوری تھیوے۔⁴³۴۳۔اوُں ویلے آسمان تھوں ہک فرشتہ ظاہر تھیئے جیئں اوُں کو طاقت ڈِتی۔ ⁴⁴۴۴۔بہوں زیاد ڈکھ اِچ اوُں نے بہوں زیادہ ڈکھی تھی کے دُعا کیتی۔ اَتے اوندا پسینہ خون دے وڈے وڈے قطرے بن کے زمین تے ڈھاندا پیا ہا۔⁴⁵۴۵۔جیہڑے ویلے اوہ دُعا کرکے اُٹھے، اوہ شاگرداں دے کول آیا اَتے اوہ سارے غم دی وجہ تھوں سُتے پئے ہَن۔ ⁴⁶۴۶۔اَتے اُنہاں کولوں پچھیا۔ ''تساں کیوں سُتے ہو اٹھوتے دُعا کرو تاں جو آزمائش اچ نہ پوؤو''۔⁴⁷۴۷۔اوہ گالہیں کریندا پیا ہا کہ ہک کٹھ یہوداہ دے نال جیہڑا اُنہاں بارہ وچوں ہک ہا دی راہنمائی اِچ اُتھاں آپہنچے۔ اوُں نے یسوع دے کول آکے اوُں کو چُمیا۔ ⁴⁸۴۸۔پر یسوع نے اوُں کوُ آکھیا، یہوداہ ''کیا توں ابنِ آدم کو چُم کے دھوکا ڈیندا ہیئں۔⁴⁹۴۹۔جیہڑے ویلے اُہناں نے جیہڑے یسوع دے نال ہن ایہ سارا کجھ تھیندے ہویاں ڈِٹھا تاں انہاں نے آکھیا، ''اے خداوند کیا ساکوُ تلوار دے نال حملہ کرنا چاہیدا ہے؟۔ ⁵⁰۵۰۔تاں اُنہاں دے وچوں ہک نے حملہ کرکے سردار کاہن دے نوکر دا سجا کن کٹ ڈِتے۔ ⁵¹۵۱۔یسوع نے آکھیا ''بَس بہوں تھی گیا۔ اوُں نے اوُندے کن کوُ ہتھ لایا تاں اوُں کوُ چنگا کر ڈِتا۔⁵²۵۲۔یسوع نے سردار کاہناں، ہیکل دے سرداراں تے بزرگاں کوُ جیہڑے اوُندے خلاف آئے ہَن آکھیا، کیا تُساں سوٹے تے تلواراں گھن کے کوُئی ڈاکو کو پکڑن آئے ہیوے؟۔ ⁵³۵۳۔جڈاں میں ہر روز ہیکل اِچ تہاڈے نال ہامی تاں تساں میکوں نہ پکڑا۔ پر ہن ایہہ تہاڈا ویلہ ہے اَتے اندھارے دا اختیار ہے۔''⁵⁴۵۴۔اُنہاں نے اوُں کوُ پکڑیا تے اُتھوں گھِن گئے۔ اَتے سردار کاہن دے گھر گھِن آئے۔ پطرس کجھ دور اُنہاں دے پچھوں ہا۔ ⁵⁵۵۵۔اِیں دے بعد اُنہاں نے ویہڑے وچ بھا بالی اَتے اوندے آسے پاسے بیٹھ گئے۔ پطرس وی اُنہاں دے وچ بیہ تھیا۔⁵⁶۵۶۔ہک نوکرانی نے اوُں کوُ بھا دی لوَ اِچ بیٹھے ڈِٹھا اَتے اوُں کوُ ڈیدھے ہوئے اوُں کوُ آکھیا۔ ''ایہہ بندہ وی اوُندے نال ہا۔'' ⁵⁷۵۷۔پر پطرس نے اوُں دا انکار کریندے ہوئے آکھیا۔ ''عورت'' میں ایں کوُ نیئں جان دا۔ ⁵⁸۵۸۔تھوڑی دیر بعد کیئں بئے نے اوُں کو ڈِٹھا اَتے آکھیا۔توں وی اُنہاں وچوں ہک ہئیں۔ پر پطرس نے آکھیا۔ '' میں نیئں ہاں''۔⁵⁹۵۹۔وَل تقریباً ہک گھنٹے بعد ہک بئے بندے نے پورے یقین نال آکھیا، حقیقت اِچ ایہہ بندہ وی اُنہاں دے نال ہا اِیں کیتے کہ ایہ گلیلی ہے۔ ⁶⁰۶۰۔پر پطرس نے آکھیا ''میں نیئں جان دا کہ تُساں کیا آدھے وے۔'' اَتے اوُں ویلے جڈاں اوہ بولیندا پیا ہا ہک ککڑ نے بانگ ڈے ڈِتی۔⁶¹۶۱۔خداوند نے پطرس کوُ غور نال ڈِٹھا اَتے پطرس کوُ خداوند دے الفاظ یاد آئے۔ جیہڑے ویلے اوُں نے اوُں کوُ آکھیا، ''ککڑ دے بانگ ڈیوں کولوں پہلے تریئے وارتوں میڈا انکار کریسیں''۔ ⁶²۶۲۔باہر ویندے ہویاں پطرس بہوں زیادہ رُونا۔⁶³۶۳۔جنہاں بندیاں نے یسوع کوُ پکڑیا ہویا ہا انہاں نے یسوع دا مذاق اڑایا اَتے اوُں کو ماریا۔ ⁶⁴۶۴۔ایندے بعد اوُندی اَکھاں تے پٹی بنھ کے اوُں کوُ آکھن لگے کہ ساکوُ نبوت نال ڈس کہ تیکو کیئں نے مارا ہے؟۔'' ⁶⁵۶۵۔جیویں بہوں ساریاں گالہیں اوندے خلاف آدھے رہئے اَتے کفر بلیندے رہئے۔⁶⁶۶۶۔جیویں ہی ڈِیں چڑھے تاں قوم دے بزرگ، ڈووہیں سردار کاہن تے صدوقی اکٹھے تھیئے۔ اوہ صدرِعدالت دے سامنے آکھن لگے کہ۔ ⁶⁷۶۷۔اگر توُ مسیح ہمیئں تاں ساکوُ ڈَس، پَر اوُں نے آکھے ''اگر میں تہاکو ڈساواں تاں تساں میڈا یقین نہ کریسیو۔ ⁶⁸۶۸۔اَتے اگر میں تہاڈے کولوں پُچھاں تاں تُساں جواب نہ ڈیسو۔⁶⁹۶۹۔پر ہن تھوں ابنِ آدم خدا دی قدرت دے نال اوندے سجے ہتھ ملسی۔ ⁷⁰۷۰۔اوہ سارے آکھن لگے تو تاں خدا دا پُتر ہیئںَ ''اَتے یسوع نے اُنہاں کوُ آکھیا۔'' تساں آدھے ہو تے میں ہاں۔ ⁷¹۷۱۔انہاں نے آکھیا، ''ہَن ساکو کیئں گواہی دی ضرورت نیئں۔ کیوں جو اساں آپ اونُدے منہ اِچوں سُن گِدا ہے۔

¹۱۔اونہاں ساریاں دا کٹھ اُٹھیا تے یسوع کوُں پیلاطس کنے گھِن آئین۔ ²۲۔اُنہاں اوُندے اُتے اے آدھیاں ہووئے بہتان لاون لگ گئے کہ اے بندہ ساڈی قوم کوُں راستے کنے ہٹاداں وَدے۔ وَلا اے آہدے قیصر کوں عزت نا ڈیوؤ۔ تے اے اپنے آپ کوں مسیح بادشاہ آدھے۔³۳۔پیلاطس اوُں کنے پوچھا تے آکھیا۔ ''کیا توُں بہودیاں دا بادشاہ ایں؟'' یسوع اوُں کوں وَلا جواب ڈِتا تے آکھیا ''پس توُں ایویں آدھیں''۔ ⁴۴۔پیلاطس وَڈے کاہناں تے اوُں کٹھ کوُں آکھیا ''میں ایں بندے وچ کوئی قصو نظر نئیں آیا۔ ⁵۵۔لیکن اوہ اے آدھے ہوے اوُں کوُں بےبس کرن پئے گئے کہ سارے یہودیہ وِچ بلکہ گلیل کنے گھِن کے اِتھاں تک ساریاں لوگاں کوُ سکھا سکھا کے ساڈے خلاف بھڑ کائے۔⁶۶۔ ایہہ سُن کے پیلاطس پُچھیا اے بندا گلیلی ہِے؟ ⁷۷۔جیہڑے ویلے اوُں کوں اِیں گالھ دا پتا لگ گیا کہ اے بندا ہیرودیس دے طاقت دے تھلے ہا اَتے اوُں یسوع کوُں ہیرودیس کنے پٹھیا، اُنہاں ڈیہاں اوہ آپ وی یروشلیم وِچ ہا۔⁸۸۔جیہڑے ویلے ہیرودیس یسوع کوُں ڈیکھیا تے اوہ بہوں خوش تھیا، کیوں جو اوہ بہوں ویلے تھوں یسوع کوں ڈیکھنا چاہندا ہا۔ اوُں یسوع دے بارے وچ سنایا ہا تے او اے چاہندا ہا کہ اوہ اوُندے اَگوں کجھ معجزے ڈیکھاؤے۔ ⁹۹۔ہیرودیس یسوع کنے بہوں سارے سوال کیتے، پر یسوع اوُں کوُں ہک وی جواب نہ ڈِتا۔ ¹⁰۱۰۔صدوقی تے سردار کاہن کھڑے تھی گئے تے بہوں زور نال اوُں کوُں قصور وار اکھیندے راہے۔¹¹۱۱۔ہیرودیس اپنے سپاہیاں نال رَل تے اوُں کوں ذلیل کرن پئے گئے، اوُندا مذاق اُڑاندے راہے۔ وَل اوُں کوں چنگے کپڑے پوائے گئے، وَل یسوع کوُں پیلاطس کنے بھیج ڈِتاَ گیا۔ ¹²۱۲۔ہیرودیس تے پیلاطس اوُں ڈینہ دے بعد یار بن گئین( ایں کنے پہلے او ہک بئے دے مخالف ہَن۔)¹³۱۳۔وَل پیلاطس سردار کاہن وَلا حاکماں وَلا کٹھ آئے لوگاں کوُں ساڈیا۔ ¹⁴۱۴۔ولَا اُنہاں کوُں آکھیا تُساں اوُں بندے کوُں میڈے کنے گِھن آئے وے کہ اے بندا لوگاں کوُں بہکاون آلا آدھے ہوئے میڈے کول گھن آئے ہیوے، ڈیکھو میں تہاڈے سامنے اِیں دی تحقیقات کیتی ہِے پر جیہڑے الزام تُساں ایندے تے لائین میں ایِں بندے وِچ کوئی جرم نئیں ڈیدھا۔¹⁵۱۔ نہ تاں ہیرودیس نے وَلا ایں واسطے اوُں ایِں کوُں ساڈے کنے پیچھو تے پٹھیا گئے اَتے ڈیکھو ایں نے کوُئی ایہو جیہا کم نئیں کیتا جیندے پاروں اوہ قتل دے لائق ہووے ۔ ¹⁶۱۶۔ایں واسطے میں ایں کوں سزا ڈیساں تے وَل چھوڑ ڈیساں۔ ¹⁷۱۷۔ہر عید تے ضرور ہا کہ اُنہاں دے پاروں ہک قیدی کوں چھوڑے۔¹⁸۱۸۔لیکن او سارے رَل کے نعرے مارن پئے گئین کہ ایں بندے کوں گھِن ونجو تے براہا کوُں ساڈے کیتے چھوڑیا ونجے! ¹⁹۱۹۔براہا او بندا ہا جیکوں شہر وِچ مخالفت تے لوگاں دے مارَن دے جرم وچ ڈھکیا گیاء ہا۔²⁰۲۰۔پیلاطس ول یسوع کوُں چھوڑن دی مراد نال اُنہاں نال گالھ کیتی۔ ²¹۲۱۔پر اوہ وڈے نعرے مارن پئے گئے تے آکھن پئے، ایں کوں پھانسی ڈیو، ایں کوں پھانسی ڈیو۔ ²²۲۲۔اوُں اُنہاں کوُں تریجھی دار آکھیا، ''اِیں نے کیا بُرائی کیتی ہِے؟ میں تے ایندے وچ کوُئی غلطی نئیں ڈیکھی جو اِیں کوُ مرن آلی سزا ڈتی ونجے، اِیں واسطے اِیں کوُں سزا ڈیون دے بعد چھوڑ دتا ویسی۔²³۲۳۔پر اوہ ڈھیر زور نال نعرے مریندے راہے کہ ایں کوُں پھانسی ڈیون دا مطالبہ کریندے راہے وَل اونہاں نے پیلاطس کوں راضی کر گدا۔ ²⁴۲۴۔پس پیلاطس نے اُنہاں دی گالھ کوں پورا کرن دا فیصلہ کیتا۔ ²⁵۲۵۔ اَتے جیہڑا بندا بغاوت تےخون دے پاروں ڈھکیا کھڑا ہا اَتے جینکوں اُنہاں نےمنگیا ہا اوں کوں چھوڑ ڈِتے۔ لیکن یسوع کوں اُنہاں دی مرضی واسطے سپاہیاں کوں ڈے ڈتا گئے۔²⁶۲۶۔جیویں ای اوہ یسوع کوُں گھن کے ویندے پئے ہَن۔ تاں اُنہاں شمعون ناں دے ہک بندےکوں پکڑ گِدا جیہڑا کہ دیہات کنے اہندا پیاء ہا، تے اوُں کوُ صلیب چوائی گئی کیوں جو اوہ یسوع دےپِچھوں آؤن پئے۔²⁷۲۷۔ اَتے لوگان دی ہِک وڈی بھیڑاَتے بہوں ساری عورتاں جو اوُندے کیتے روندیاں تے پٹیندیاں اوُں دے پِچھوں آندیاں پیئاں ہَن۔ ²⁸۲۸ُاُنہاں دے پاسے مڑدیاں ہویاں یسوع آکھیا یروشلیم دیاں دھیومیڈے کیتے نہ روؤ بلکہ اپنے بالاں کیتے روؤ۔²⁹۲۹۔کیویں جو ڈیکھو، اوہ ڈینہ وی آسن جیندے وچ اوہ آکھسن خوش نصیب ہِن اوہ عورتاں جیہڑیاں بانجھ ہِن تے اوہ رحم جِنہاں تھوں بال نہ جمے اَتے اوہ چھاتیاں جِنہاں نے کھیر نہ پلایا۔ ³⁰۳۰۔وَل اوہ پہاڑاں کوُں آکھسن، ساڈے اُتے ڈھ پوؤو جھاڑیاں کوں آکھسن ساکوں لُکا گھنو۔ ³¹۳۱۔ایں واسطے جئے کر اے ساؤے درخت نال ایویں کریندے ہِن تاں سُکے نال کیا تھیسئی؟۔³²۳۲۔اوبئے ڈو جرم آلے وی جینکوں مارن دا حُکم ڈتا گیا ہا او وی یسوع نال چلدے پئے ہئن جو قتل کیتے ونجن۔³³۳۳۔اُو اوں جاہ تے پوجھ گئین جیہڑی جاہ کوُں کھوپڑی آکھیا ویندا ہا، جھتاں اُنہاں اوُں کوُں پھانسی ڈِتِی تے ڈاکواں کوُں وی، اُنہاں دے وچوں ہک کوُں سجے پاسے تے ڈوجھے کوُں کھبے پاسے پھانسی ڈِتی گئی۔ ³⁴۳۴۔یسوع آکھیا، اَے باپ اِنہاں کوُں معافی ڈیوو کیوں جو اے نئیں جان دے کہ اے کیا پئے کریندِن وَل اِنہاں کپڑیاں واسطے وی پرچیاں پاتِیاں تے کپڑے ونڈیائے گئے۔³⁵۳۵۔جیہڑے لوگ اوتھاں کھڑے ڈیدھے ہئن اُو اوُندا مذاق اوُڈیندے پئے ہئن کہ اے ڈوجھیاں کوُں وی بچاؤے، اپنے آپ کوں وی بچاؤے، اگر اے خدا دا چُنیا ہویا مسیح تے اوندا برگزیدا ہِے۔³⁶۳۶۔سپاہیئاں وی اوندا ٹھٹھا کیتے، ول اوُندے کول آکے اوُں کوُں سرکہ ڈِتے۔ ³⁷۳۷۔وَل آدھے پئے ہئن، کیوں جو اگر توُں یہودیاں دا بادشاہ اِیں تے اپنے آپ کوُں بچا گھن۔ ³⁸۳۸۔اوُندے اُتے ہک تختی لایئن، ''اے یہودیاں دا بادشاہ اے۔³⁹۳۹۔اوہناں بدکاراں دے وچوں ہک جیہڑے کوُں اوُندے نال پھانسی ڈتِی گئی اوندی بےعزتی کریندے ہویاں آکھیا، کیا توں مسیح نئیں؟ ''اپنے آپ کوُ وی بچا تے ساکوُں وی بچا''۔ ⁴⁰۴۰۔ڈوجھے اوُں کوُں دڑکے ڈتے تے آکھیا، ؛؛کیا میکوں خدا دا ڈر نئیں، حالانکہ پکڑئے وی اوہو جرم وچ گئے ہئیں ⁴¹۴۱۔ساکوں تاں ساڈے کیتے دی اصل سزا ملدی پئی اے۔ جیندے اساں حق دار وی ہئیں۔ لیکن اِیں بندے تاں کجھ وی ایہو جیا کم نئیں کیتا۔⁴²۴۲۔اوُں وَل آکھیا، ''یسوع توں وَلا جیہڑے ویلے اپنی بادشاہی وچ آویں تے میکوں وی یاد کریں''۔ ⁴³۴۳۔یسوع اوُں کوُں آکھیا،''میں سچ آدھا پیاں، توں اَج ای میڈے نال فردوس وچ ہوسئیں۔⁴⁴۴۴۔ وَل ڈُپاہراں تھوں گھن کے تریجھے پہر تاک سارے مُلک اِچ اندھارا تھیا رہ گئے۔ ⁴⁵۴۵۔ سِجھ دی روشنی مُک گئی اَتے ہیکل دا پردہ آدھ وچوں ڈُو حصے وِچ ونڈیا گئے۔⁴⁶۴۶۔بہوں اُچی آواز وچ یسُوعؔ نے آکھیا، ''اے میڈے باپ مَیں اپنی رُوح تیڈے ہاتھاں وچ ڈیندا ہاں اَتے ایہہ آکھ کے دَم ڈے ڈِتے۔ ⁴⁷۴۷۔جیہڑا کچھ تھیندا پیاء ہا جیہڑے ویلے صوبے دار اے ڈِٹھا اوُں وَل خدا دی تعریف کریندے ہوؤے آکھیاء، ''بالکل اے بندا تے سچا ہا''۔⁴⁸۴۸۔ اَتے جیہڑے لوگ ایہہ نظارہ ڈیکھن کوُ آئے ہَن ایہہ ماجرا ڈیکھ کے چھاتی پٹیندے ہوئے واپس لگے گئے ۔ ⁴⁹۴۹۔لیکن اوُندے جانن آلے تے اوہ عورتاں جیہڑیاں گلیل کنے اوُندے نال ہن او کچھ پرے کنے کھڑے، تھی کے اے سارا ماجرا ڈیدھے پئے ہَن۔⁵⁰۵۰۔ڈیکھو، اوتھاں ہک یوسف ناں دا بندا ہا اوہ ہِک مُشیر ہا اوہ ہک نیک تے سچا تےراستباز ہا۔ ⁵¹۵۱۔او اوہناں دے ایں فیصلے دے کم کنے راضی نہ ہا۔ اوہ ارمتیہ دا راہئن آلا ہک یہودی شہری ہا۔ جیہڑا خدا دی بادشاہی دی راہ تکن آلا ہا۔⁵²۵۲۔اوُں بندے نے پیلاطُس کول ونج کے یسوع دی لاش منگی۔ ⁵³۵۳۔اوُں یسوع کوں لہا کے ہِک قیمتی چادر اِچ لپیٹیا، وَل اوں کوُں ہک قبر وِچ رکھیا جیہڑی ہک چٹان وِچ بنی ہوئی ہا اُتھاں پہلے کئیں کوُ وی نہ رکھیا گیا ہا۔⁵⁴۵۴۔اے تیار تھون دا ڈینہ ہا وَلا سبت دا ڈینہ شروع تھیون آلا ہا۔ ⁵⁵۵۵۔جیہڑیاں عورتاں گلیل کنے اوُندے نال آئیاں ہَن اوہ پیچھوں رہ گیاں تے قبر کوُ ڈِٹھا کہ کیویں اوُں کوں رکھیا گئے۔ ⁵⁶۵۶۔اوہ پیچھوں تے آگیاں تے خشبودار شئیاں تے عطر تیار کیتا۔

¹۱۔ سبت دے ڈیں تاں اُنہاں نے حکم دے مطابق آرام کیتا۔ لیکن فجر سویل، چھن چھن دے پہلے ڈینہ، اوہ سارے خوشبودار مصالحے جیہڑے اُنھاں تیار کیتے ہَن، گِھن کے قبر تے آئیاں۔ ²۲۔تے اُنہاں پتھر دی سِل کوُں قبر توں ہٹیا ہویا پاتا۔ ³۳۔اوہ اندر داخِل تھیاں لیکن یسوع دی لاش نہ ہَائی۔⁴۴۔وَل ایویں تھیا کہ جَڈاں اوہ اوُں بارے وِچ حیران ہَن، تاں ڈیکھو ڈو بندے چمک دار لباس پاتے ہوئے اُنہاں کول آکھڑے تھئے۔ ⁵۵۔جیئں ویلے اوہ عورتاں ڈر گئییاں تے اُنہاں اپنے سر زمین تے جُھکائے اَتے اُنہاں اُوں عورتاں کوُں آکھیا۔تساں جیندے کوُں مویاں اِچ کیوں گولیندیاں ہیوے؟۔⁶۶۔اوہ اِتھاں کئے نئیں بلکہ زندہ تھِی گیا ہے! یاد کرو، جیئیں ویلے او گلیل وِچ ہا تے اوُں تہا کوں کیا آکھیا ہائی۔ ⁷۷۔ضروری ہِے جو ابنِ آدم گناہ گاراں دے حوالے کیتا ونجے تے مصلوب تھیوے تے تریجے ڈینہ جیندا تھی ونجے۔⁸۸۔عورتاں کوُں اوُندیاں گالہیں یاد ہَن۔ ⁹۹۔تے اوہ قبر توں ولیاں تے اُنہاں شاگرداں تے باقی سبھناں کوُں وی ایہہ گالہیں ڈسیاں۔ ¹⁰۱۰۔ جِنہاں نے رسولاں نال ایہہ گالہیں کیتاں اوہ، مریم مگدلینی،یوآنہ ، مریم یعقوب دی ماں تے بہوں ساریاں عورتاں ہَن۔¹¹۱۱۔ پرایہہ گالہیں رسولاں کوُں بے کار معلوم تھِیاں تے اُنہاں عورتاں دا یقین نہ کیتا۔ ¹²۱۲۔وَل پطرس اُٹھیا، تے قبر تک دَوڑا گیا تے جُھک کے نظر کیتی تے کفن ای کفن ہا وَل پطرس حیران تھِی کے اپنے گھر لگا گِیا۔¹³۱۳۔تے ڈیکھو ڈو بندے اُوں ڈیہاڑے اوں وَستی ول ویندے پئے ہَن جیندا ناں اماؤس ہائی، جیہڑا یروشلیم تھوں ست میل دے فاصلے تے ہا۔ ¹⁴۱۴۔اُنہاں اوُں گالہیں دے بارے وِچ جیہڑیاں تِھیاں ہَن، آپس وِچ گل بات کریندے ویندے ہَن۔¹⁵۱۵۔جڈاں اوہ ایہہ گالہیں کریندے پئے ہَن تے ہک بئے کوُں سوال کریندے پئے ہَن تے ایویں تِھیا جو یسوع آپ اُنہاں دے نال ٹرن پے گیا۔ ¹⁶۱۶۔لیکن اُنہاں دِی اکھیاں کوُں بند کیتا گیا ہا کہ اوُں کوُں سنجان نہ سگن۔¹⁷۱۷۔یسوع اُنہاں کوُں آکھیا، ''تُساں ڈُووَے ٹردیاں کیہڑیاں گالہیں دا ذِکر کریندے پئے ہیوے؟۔ اوہ پریشان تِھی کے کھڑ گئے۔ ¹⁸۱۸۔اُنہاں وِچوں ہیک جیندا ناں کُلیپاس ہا جواب اِچ اوُں کو آکھیا کیاتُوں یروشلیم وِچ کلہا بندہ ہیں، جیہڑایں گالہیں کوُں نیئں جاَن دا جیہڑیاں انِہاں ڈینہاں وچ تِھیاں ہن؟¹⁹۱۹۔یسوع اُنہاں کوُں آکھیاء ''کیہڑیاں گالہیں؟ اُنہاں نے اوُں کو آکھیا'' یسوع ناصری دے متعلق جیہڑا خدا تے ساری امت آسطے کلام کرن وِچ قدرت آلا نبی ہائی۔ ²⁰۲۰۔تے کیویں سردار کاہن تے ساڈے وڈیریاں نے اوُں کوُ پکڑوایا تے اوُندے تے مَوت دا فتویٰ لایا تے مصلوب کرڈتا۔²¹۲۱۔پر ساکوُں تاں اُمید ہَائی جو ایہو ہِے جیہڑا اسرائیل کوُں آزاد کرویسی، ہاں تے اِتھاں سب دے علاوہ اِتھاں گالہیں کوُں ہُن تِریجا ڈینہ تھی گیا ہے۔²²۲۲۔لیکن ساکوں کُج عورتاں حیران کر ڈتا، جد اوہ سجری سویل قبر تے گییاں۔ ²³۲۳۔تے جڈاں اوُندی لاش نہ ڈِٹھی تے ایہہ آدھیاں ہویاں آئیاں کہ اساں رویا وِچ فرشتیاں کوُں ڈِٹھاہے، جیہڑے ایہہ پئے آدھے ہَن کہ اوہ جیندا ہے۔ ²⁴۲۴۔کُجھ لوک جیہڑے ساڈے نال ہَن جیہڑے قبر دَو گئے تے جیویں عورتاں آکھیا ہائی، اوُویں ایں ہا لیکن اُتھاں اوُں کوُں نہ ڈِٹھا۔²⁵۲۵۔یسوع نے اُنہاں کوُں آکھیا، ''اے گالہو تے اُنہاں گالہیں تے جیہڑیاں نبیاں کیتیاں ہن، سستی نال یقین کرن آلیو! ²⁶۲۶۔کیا مسیح کیتے ایہہ ضروری ہِے جو ڈکھ چاوے، تے اپنے جلال وچ داخل تھیوے؟ ²⁷۲۷۔وَلا موسیٰ تَوں شروع کرکے ساریاں نبیاں دے ذریعے اپنے متعلق لکھیاں ہوئیاں ساریاں گالہیں بیان کیتیاں تے سمجھائیاں۔²⁸۲۸۔تے جڈاں اوہ وستی کول جتھاں ویندے پئے ہَن پہنچ گئے یسوع دے عمل تھوں ایویں معلوم تھیا جو او اَگے ونجنا چاہندا ہے۔ ²⁹۲۹۔لیکن اُنہاں اوُں کوُں مجبور کیتا تے آکھیا، ساڈے کول رَاہو کیوں جو شام تھیندی پئی ہے ڈینہ قریباً لیہہ گیا ہے۔ وَلا یسوع اندر گیا تے انہاں نال رہیا۔³⁰۳۰۔جیئں ویلے اُنہاں نال کھاون بیٹھا تے ایویں تھیا، اوں روٹی گھن کے برکت ڈے کے توڑی تے انہاں کوُں وی ڈتی۔ ³¹۳۱۔ولا اُتھاں اُنہاں دیاں اکھیاں کھُل گیئاں تے انہاں اوُں کوُں پچھان گدا۔ تے ولا اوہ انہاں دی نظرتھوں غیب تھی گیا۔ ³²۳۲۔انہاں ہک بئے کوں آکھیاء ؛؛ کیا جڈاں اوہ راہ وِچ ساڈے تے کلام دے راز کھولیندا پیا ہاتاں کیا ساڈے دِل جوش اِچ بھریج نہ ویندے ہَن؟³³۳۳۔اوں ویلے اوہ اٹھے تے واپس یروشلیم دو لگے گئے۔ انہاں اوں یاراں تے باقی ساریاں کوں کٹھیاں پائے۔ ³⁴۳۔ اوہ آدھے پئے ہَن ''بے شک خداوند جیندا تھی گِیا ہِے شمعون کوُں وکھالی ڈِتا ہے۔ ³⁵۳۵۔تے انہاں اوہ ساریاں گالہیں جیہڑیاں راہ وچ تھیاں ہن، انہاں کوں ڈسایاں جو کیویں روٹی توڑیندیاں یسوع اُنہاں تے ظاہر تھیا۔³⁶۳۶۔تے جیئں ویلے اُتھاں ایہہ گالہیں کیتیاں تے یسوع انہاں وچ آگیا تے انہاں کوں آکھیا، تہاڈی سلامتی ہووے۔ ³⁷۳۷۔لیکن اوہ خوفزدہ تے بہوں ڈرگئے ہَن، تے ایہہ سمجھدے پئے ہَن کہ کہئیں روح کو ڈٹھا ہے۔³⁸۳۸۔یسوع اُنہاں کوُں آکھیا، ''تساں کیوں گابھردے وَے؟ دل وچ سوال کیوں اٹھدے پئے ہن؟ ³⁹۳۹۔ میڈے ہتھاں تے پیراں کوُں ڈیکھو کہ میں اِی ہاں میکوں ہتھ لاؤ تے ڈیکھو کیوں جو روح دیاں ہڈیاں تے گوشت نیئں ہوندا جیویں میڈے وِچ ڈیدھے ہیوَے''۔ ⁴⁰۴۰۔ایہہ آکھ کے اوُں اپنے ہتھ تے پیر اُنہاں کوُ ڈکھائے۔⁴¹۴۱۔جَد خوشی دے سببوں اُنہاں کوں یقین نہ آیا تے حیران ہَن۔ تے یسوع اُنہاں کوُں آکھیا ''کِیا تہاڈے کول کھاون آسطے کجھ ہے؟ ⁴²۴۲۔اُنہاں اوں کوُں مچھی وا بھنیا ہویا ہِک ٹکڑا کھاون آسطے ڈتا۔ ⁴³۴۳۔یسوع اوں کوُںگھِن کے اُنہاں دے سامنے کھا ہدا۔⁴⁴۴۴۔اوُں انہاں کوں آکھیاء ''میں تہاکوں آکھیا نہ ہی جیئں ویلے میں تہاڈے کٹھے ہاسی جو ضرور ہے کہ جتنیاں گالہیں موسیٰ دی توریت، تے نبیاں دے صحائف اَتے زبور وچ میڈے بارے وچ لکھیاں ہِن، پوریاں ہوسن۔⁴⁵۴۵۔ول اوں اُنہاں دا ذہن کھولیا تانجو کتاب مقدس کوُں سمجھن۔ ⁴⁶۴۶۔تے انہاں کوں آکھیا، ایں لکھیا لاتھے جو مسیح ڈکھ چاسی تے تریجے ڈینہ مویاں وچوں جیوندا تھی ویسی۔ ⁴⁷۴۷۔تے یروشلیم توں شروع کرکے ساریاں قوماں وِچ توبہ تے گناہیں دی معافی دی منادی اوُندے نال نال کیتی ویسی۔⁴⁸۴۸۔تساں اِنہاں گالہیں دے گواہ ہیوے۔ ⁴⁹۴۹۔تے ڈیکھو جیندا میڈے باپ وعدہ کیتا ہے۔ مَیں اوُں کوُں تُہاڈے تے نازل کریساں۔ لیکن جے تائیں عالمِ بالا توں تہاکوں قوت دا لباس نہ مِلے ایں شہر اچ ای راہو۔⁵⁰۵۰۔وَل اوہ اُنہاں کوُں بیت عنیاہ دے سامنے تک باہروں گھن گیا تے اپنے ہتھ چاتے اُنہاں کوں برکت ڈِتی۔ ⁵¹۵۱۔جیئں ویلے اُنہاں کوُں برکت ڈیندا پیا ہا تے ایویں تھیا کہ اوہ اُنہاں تو جدا تھِی گیا تے آسمان تے چاتا گیا۔⁵²۵۲۔تے اوہ اوُں کوُں سجدہ کریندے وڈی خوشی نال یروشلیم دَو وَل گئے۔ ⁵³۵۳۔تے ہر ویلے ہیکل وچ حاضر تھی کے خدا دی تعریف کریندے راہندے ہن۔

¹۱۔ مڈھوں کلام ہا اَتے کلام خدا دے نال ہا اَتے کلام خدا ہا ۔ ²۲۔ ایہو مُڈھوں خدا دے نال ہا ³۳۔ ہر ہِک شَے اُوندھے وسیلے نال پیدا تھئی ، اَتے جو کجھ وی پیدا تھئے اُوندھے وچوں کئی شَے وی اُوندھے بغیر پیدا نئیں تھئی ۔⁴۴۔ اوندھے وچ جندڑی ہائی اَتے او جندڑی بندیاں دا نُور ہائی۔ ⁵۵۔اَتے نُور اندھارے وچ چمکدا ہا، اَتے اندھارے اوُکوُں قبول نہ کیتے۔⁶۶۔یوحنا ناں دا ہِک بندہ آئے جیڑھا خُدا دی طرفوں گھلیا گیا ہا۔ ⁷۷۔اےگواہی ڈیون کیتے آیا ہا جو نُور دی گواہی ڈیوے اَتے سارے بندے اوندھے پاروُں ایمان گھِن آون۔ ⁸۸۔او آپ تاں نُور ناں ہا پَر نُور دی گواہی ڈیون کیتے آیا ہا۔⁹۹۔اصلی نُور جیڑھا ہر بندے کو روشن کریندے ایں جہان وچ آون کو ہا۔¹⁰۱۰۔اوہ این جہان وچ ہا اتے دُنیا اوندے پاروُں پیدا تھئی اتے دُنیا نے اوُں کو نہ سنجھاتا ¹¹۱۱۔او اپنے گھر آئے اتے اوندھے اپنے لوکاں نے اوُں کو قبول نہ کیتے۔¹²۱۲۔وَل جینہاں لوکاں اوُں کو قبول کیتے اونہاں کوُں اوُں خدا دے پُتر بنِن دا حق ڈِتےیعنی اوہ پُتر جو اوُندھے تے ایمان گھِن آندِن ¹³۱۳۔او نہ خون نہ جسم نہ بندیاں دے ارادے نال پیدا تھئے بلکہ خدا تھوں پیدا تھئے۔¹⁴۱۴۔اَتے کلام جسم اختیار کیتے اَتے فضل اَتے سچائی دے نال بھر پُور تھی کے ساڈے نال رہیا اَتے اساں اوُندھا ایہو جیہا ڈیٹھے جیویں پیئو دے پُتر دا جلال جیڑھا ہِکو ہوئے ¹⁵۱۵۔یوحنا نے اوُندے بارے گواہی ڈِتی اَتے اوُچی آواز ڈے کے آکھیا اِے اوُو ہِے جِندھا میں آکھیا ہا بئی جو میڈے کولُوں بعد آندے او میڈے کولوں اعلیٰ تھئے کیوں جو او میڈے کولوں پہلے ہا۔¹⁶۱۶۔کیوں جو او خدا دے فضل نال بھرا ہا اَتے اساں وی فضل تے فضل پائے ¹⁷۱۷۔اَتے شریعت موسیٰ دے پاروں ڈتی گئی ہا مگر فضل تے سچائی یسوع مسیح دے پاروں ساڈے تک پہنچی ¹⁸۱۸۔ خُدا کُوں اَج تک کئیں نے وی نیئں ڈِٹھا کلا پُتر جیڑھا باپ دی جھولی وِچ ہَے اوُں نے باپ کُوں ڈِکھائے۔¹⁹۱۹۔اَتے یوحنا دی گواہی اِے ہِے بئی کہ جڈاں یہودیاں نے یروشلیم تُوں کاہن اَتے لاوی اِے پوُچھن کوُں بھیجے کہ تُوں کون ہِیں؟ ²⁰۲۰۔اَتے اوُں اقرار کیتے انکار نہ کیتے ہتھوُں اقرار کیتے کہ مَیں مسیح کئے نئیں ²¹۲۱۔وَل اوُناہاں نے اوُں کولوں پوچھئے بئی ول توُں کون ہئیں؟ کیا تُوں ایلیاء ہیئں ؟ اوُں آکھئے میں نئیں ہاں۔ کیا تُوں اوہ نبی ہئیں؟ ہوُں جواب ڈِتے کہ نئیں۔²²۲۲۔ وَل اُنہاں نے اوُں کولوں پُچھے بئی تُوں کون ہئیں؟ اَتے اساں اپنے بھیجن آلے کوُں ڈس سکوُں ۔ تُوں اپنے بارے کیا آدھیں؟ ²³۲۳۔ اوُں جواب ڈِتے میں جیویں یسعیاہ نبی نے آکھے میں ویران جا تے ہِک سَڈن والے دی آواز ہاں جو تُساں خداوند دی راہ کوں سِدھی کرو۔²⁴۲۴۔ اِے فریسیاں دی طرفُوں گھلے گئے ہن ²⁵۲۵۔ وَل اُنہاں نے اُوں کوُں سوال کیتے کہ اگر نہ تُوں مسیح ہئیں نہ ایلیاء نہ اوہ نبی تاں وَل بپتسمہ کیوں ڈیندیں؟²⁶۲۶۔ یوحنا نے اوُنہاں کوُں جواب وچ آکھے جو میں پانی نال بپتسمہ ڈیندا ہاں تہاڈے وچ ہِک آدمی کھڑے جیکوں تُساں نئیں وے جانندے ²⁷۲۷۔ جو اوُہ میرے بعد آون آلا اِے جیندی جُوتی دا تسمہ کھولن دے وی میں لائق نئیں ²⁸۲۸۔ اِے گالیں یردن دے پار بیت عنیاہ دے وِچ تھئیں جتِھاں یوحنا بپتسمہ ڈیندا ہائی۔²⁹۲۹۔ ڈوجھے ڈِیں اُوں نے یسوع کوُں اپنی وَلے آندے ڈِٹھے اَتے آکھے ڈیکھو اِے خدا دا لیلا ہِے جو اِیں جہان دا گناہ چاتی ویندا اے ³⁰۳۰۔ اِے اوُو ہِے جیندھے پاروُں میں آکھیا ہا کہ ہِک آدمی میرے بعد آندے جیڑھا میڈے کولوُں اعلیٰ ہِے کیوں جو او میڈے کولوُں پہلے ہا ³¹۳۱۔ اَتے میں اوُں کوں سُنجاندا ناں ہاں پَر ایں پاروُں پانی نال بپتسمہ ڈیندا ۤیا ہاں بئی اوہ اسرائیل تے کھُل پووے۔³²۳۲۔ وَل یوحنا نے اِے گواہی ڈتِی جو میں رُوح کوُں کبوتر دے وانگ آسمان تُوں آندے ڈِٹھے اَتے اوہ اوُندھے تے آ کے ٹھہر گئے ³³۳۳۔ اَتے میں تاں اوُں کوُں پچھاندا نہ ہاں پَر جئیں میکوں پانی نال بپتسمہ ڈیون کیتے بھیجے اوُں میکوں آکھے کہ جیندھے تے توں رُوح کوں لاندھے تے ٹھہردے ڈیکھیں اوُہوُ رُوح القدس نال بپتسمہ ڈیون والا ہِے ³⁴۳۴۔ آخر کار میں ڈِٹھے اَتے گواہی ڈِتی ہِے جو ایہو خدا دا پُتر ہِے۔³⁵۳۵۔ ڈوجھے ڈِینہ وَل یوحنا اَتے اوُندھے چیلیاں وچوں ڈوُ بندے کھڑے ہن ³⁶۳۶۔وَل اوُں نےیسوع تے جو ویندا پیا ہائی ڈیکھ کے آکھے ایہو خدا دا لیلا ہِے۔³⁷۳۷۔ او ڈوویں چیلے اوُں کوُں اِے آدھے سُن کے یسوع دے پِچھے ٹُر پئے ³⁸۳۸۔ یسوع اُنہاں کوُں اپنے پِچھے آندے ڈیکھ کے اُنہاں کوُں آکھے کیڑھی شَے گولیندے ودے او؟ اُنہاں نے اوُں کوں آکھے اَے رَبی (یعنی اے اُستاد) تُساں کِتھاں راہندے وے؟ ³⁹۳۹۔ اوُں نے اُنہاں کوُں آکھے چلو تے ڈیکھ گھِنسو۔ آخر اونہاں نے اوندھی راہن دی جاہ ڈِٹھی اَتے اوُں ڈیں توُں اوندے نال رَہِے اَتے اوہ ڈھاویں گھنٹے دے قریب ہائی۔⁴⁰۴۰۔ اونہاں ڈوہاں دے وچوں جیڑھا یوحنا دی گالیں سُن کے یسوع دے پچھے ٹُر ہئے ہن ہِک شمعون پطرس دا بِھرا اندریاس ہائی ⁴¹۴۱۔ اوُں اپنے سگے بِھرا شمعون کوُں مِل کے آکھیا جو ساکوں خرستس یعنی کے مسیح مِل گئے ⁴²۴۲۔اوہ اوُں کوُں یسوع کول گھِن آئے ۔ یسوع اوندھے وَل ڈیکھ کے آکھیا تُوں یوحنا دا پُتر شمعون ہئیں ۔ تُوں کیفا یعنی پطرس سڈیسیں۔⁴³۴۳۔ ڈوجھے ڈیں یسوع گلیل وچ ونجنا چاندھا ہا اَتے فلپس کوں مِل کے آکھیا تُوں میڈے پیچھے آ ⁴⁴۴۴۔ فلپس اندریاس تے پطرس دے شَہر بیت صیدا دا راہون آلا ہا ⁴⁵۴۵۔ فلپس نتن ایل کوُں مِل کے آکھیا جیندھے بارے موسیٰ نے توریت وچ اَتے ڈوجھے نبیاں نے آکھیا ہا او ساکوں مِل گئے۔ او یوسف دا پُتر یسوع ناصری ہِے۔⁴⁶۴۶۔ نتن ایل نے اوُں کولوں پُچھیا کہ جو ناصرۃ دے وِچوں کوئی چنگی شَے نکل سگدی ہِے؟ فلپس نے اُوں کوُں آکھیا چل کے ڈیکھ گھِن ⁴⁷۴۷۔ یسوع نتن ایل کوُں اپنے وَل آندے ڈیکھ کے اُندھے بارے آکھے ڈیکھو! اِے حقیقی اسرائیلی ہِے اَتے ایندھے وچ مَکر کئے نئیں ⁴⁸۴۸۔ نتن ایل نے اوُندھے کولوں پوچھیا جو تُوں میکوں کیتھوں جاندا ہئیں؟ یسوع اوُں کوُں جواب ڈِتے ایندھے کولوُں پہلاں کہ فلپس نے تیکوُں بُلائے جڈاں تُوں انجیر دے جھاڑ دے تلے ہاویں میں تیکو ڈِٹھے۔⁴⁹۴۹۔ نتن ایل نے اوُں کوُں جواب ڈِتے اَے ربی! تُوں خدا دا پُتر ہئیں۔ تُوں اسرائیل دا باشاہ ہئیں ⁵⁰۵۰۔ یسوع نے اوُندے جواب وچ آکھے میں جو تیکوں آکھے جو تیکوں انجیر دے جھاڑ دے تھلے تیکوُں ڈِٹھا ہائی تُوں ائیں کیتے ایمان گھِن آیا ہئیں؟ تُوں ایندھے کولوُں وی وڈے وڈے ماجرے ڈیکھ سیں ⁵¹۵۱۔ وِت وَل اوُں کوں آکھے میں تہاکوں سچ آدھاں جو تُساں آسمان کوُں کھلا اَتے خدا دے فرشتیاں کوُں اوتے ویندے اَتے ابن آدم دے اُتے اُتردے ڈیکھ سو۔

¹۱۔ وَل تریجے ڈیں قانایِ گلیل وچ ہک ویاہ تھیا اَتے یسوع دی ماں اوتھائیں ہائی ²۲۔ اَتے یسوع تے اوُندے چیلیاں دی وی اوُں ویاہ وچ دعوت ہائی۔³۳۔ وَل جیڑھے ویلے مَے مُک گئی تاں یسوع دی ماں اوُں کوُں آکھے کہ اِنہاں کول مَے ختم تھی گئی اِے ⁴۴۔ یسوع نے اپنی ماں کو آکھے اَے عورت میکوں تیڈے نال کیڑھاکم اے؟ اجاں میڈا ویلا کئے نئیں آیا ⁵۵۔ اوُندی ماں نے نوکراں کوُں آکھیا جو کجھ اِے تہاکوں آکھے او کرو۔⁶۶۔ اُتھائیں یہودیاں دی پاکی دے دستور دے پاروں پتھر دے چھیِ گھڑے پئے ہن اَتے اونہاں وچ ڈوُ ڈوُ ترائیے ترایئے من دی جا ہائی ⁷۷۔ یسوع نے اونہاں کوُں آکھیا ایِں گھڑیاں وِچ پانی بھر ڈیوو اونہاں نے گھڑیاں کوُں کناریاں تک بھر ڈِتا ⁸۸۔ وَل اوُنہاں کوُں آکھیاہن ایں کوُں کڈھ کے ایِں مجلس دے وڈیرے کول گھِن ونجو۔ او گھِن گئے۔⁹۹۔جڈاں مجلس دے وڈیرے نے او پانی چکھے جیڑھا مَے بن گیا ہائی اَتے وڈیرہ جاندا نہ ہائی جو اِے مَے کیتھوُں آئی ہِے (پَر او نوکرجان دے ہن جو اے کیتھوُں آئی ہِے ) مجلس دے وڈیرے نےگھوٹ کوں بُلا کے اوُں کوُں آکھیا ¹⁰۱۰۔ ہر بندہ پہلے چنگی مَے ڈیندا ہِے اَتے خراب تے گندی اوُں ویلے جڈاں لوگ نشے وِچ دھُت تھی ونجن اِیں تاں چنگی مَے ہن تک رکھ چھوڑی اِے۔¹¹۱۱۔ اِے پہلا معجزہ ہائی جیڑھا یسوع نے قانایِ گلیل وِچ ڈِکھا کے اپنا جلال ڈِکھائے اَتے اوندھے چیلے اوُندھے تے ایمان گھِن آئے۔¹²۱۲۔ اِیندے بعد او تے اوُندی ماں اَتے بھِرا اَتے اوُندے چیلے کفر نحوم کوُں گئے اُتھاں او کجھ ڈِیں رِہ۔¹³۱۳۔ یہودیاں دی عیدِ فسح نیڑے ہائی اَتے یسوع یروشلیم کوں گیا ¹⁴۱۴۔ اُتھاں اوُں نے ہیکل وِچ ڈاند تے بھیڈاں تے کبوتر ویچن آلے تے سکے بدلن آلیاں کوُں بیٹھے ڈِٹھا۔¹⁵۱۵۔ اوُں رسیاں دا کوڑا بنا کے ساریاں کوُں یعنی بھیڈاں اَتے ڈاندھاں کوُں ہیکل وچوُں کڈھ ڈِتےاَتے سکے بدلن آلیاں دے پیسے وَنجا ڈِتے اتے اونہاں دے تختے اُلٹا چھوڑے ¹⁶۱۶۔ وَل کبوتر ویچن والیاں کوُں آکھیا اِنہاں کوُں اتِھوں گِھن ونجو میڈے باپ دے گھر کوُ سودے بازی دا گھر نہ بناؤ۔¹⁷۱۷۔ اوندے چیلیاں کوُں یاد آئے جو لکھا ہِے تیرے گھر دی غیرت میکوُں کھا ویسی ¹⁸۱۸۔ یہودیاں اوُں کوُں جواب ڈِتے تُوں جو اِے کَم کریندا ہئیں ساکوُں کیہڑا نشان ڈیکھیندا ہئیں؟ ¹⁹۱۹۔ یسوع نے جواب وِچ اُنہاں کوُں آکھے جو تُساں ایں گھر کوُں ڈھا چھوڑو اَتے میں اِیں کوُں ترائیے ڈینہ وِچ کھڑا کر ڈیساں۔²⁰۲۰۔ یہودیاں نے آکھیا چھیالی سال وِچ اِے گھر بنا ہِے اَتے کیا تُوں اِیں کوُں ترایئے ڈینہ وِچ کھڑا کر ڈیسیں؟ ²¹۲۱۔ اِے تاں اوُں نے اپنے جسم دے گھر پاروُں آکھیا ہا ²²۲۲۔ جڈاں او مردیاں وِچوں زندہ تھی گئے اَتے اوُندے چیلیاں کوُں یاد آئے جو اُوں نے اِے آکھیا ہا اتے اونہاں نے کتاب مُقدس تے او قول جیڑھا یسوع نے آکھیا ہا یقین کیتے۔²³۲۳۔ جڈاں او یروشیلم دے وِچ فسح دے ویلے عید وِچ ہائی تاں بہوں سارے بندے اوُندے معجزیاں کوُں ڈیکھ کے جو او ڈیکھیندا ہا اوُندے ناں تے ایمان گھِن آئے ²⁴۲۴۔ اَتے یسوع اپنے پاروں اُنہاں تے اعتبار نہ کریندا ہا اِیں کیتے کہ او سب جان دا ہا ²⁵۲۵۔ اَتے او اِے ضرورت محسوس نہ کریندا ہا جو کوئی بندے دے حق وِچ گواہی ڈیوے کیوں جو آپ جاندا ہا کہ بندے دے دِل وِچ کیا کیا ہِے۔

¹۱۔ فریسیاں وچوُں ہِک بندہ نیکدیمس ناں یہودیاں دا ہِک وڈیرہ ہا ²۲۔ او رات دے ویلے یسوع کول آئے تے اوُں کوُں آدھے اَے ربی (اُستاد) اساں جان دے اِیں جو تُوں خدا دی طرفوں اُستاد تھی کے آیا ہِے کیوں جو معجزے تُوں ڈیکھیندیں کوئی بندہ نئیں ڈِکھا سکدا جے تئیں خدا اوُندے نال نہ ہووے۔³۳۔ یسوع نے اوُں کوُں جواب ڈِتے میں تیکوں سچ آدھاں ہاں کہ جڈاں تائیں کوئی نویں سِرے تُوں ناں جمے او خدا دی بادشاہی کوُ نئیں ڈیکھ سکدا ⁴۴۔نیکدیمس نے اوُں کوں آکھیا بندہ جڈاں بُڈھا تھی ونجے تاں او کیویں جم سکدے؟ اَتے وَت او ڈوجھی وار اپنی ماں دے ڈھیڈھ وچ واڑ کے جم سگدا ہِے؟⁵۵۔ یسوع نے اوُں کوُں جواب ڈِتے جو میں تیکوُں سچ آدھاں جو جڈاں تائیں کوئی بندہ پانی تے روح تُوں نہ جمے او خدا دی بادشاہی وِچ نئیں وَڑ سکدے ⁶۶۔ جیہڑا جسم تُوں جمے او جسم اِے اَتے جیہڑا رُوح تُوں جمے او رُوح ہِے۔⁷۷۔ حیران نہ تھی جو میں تیکوں آکھے کہ تیکوں نویں سِرے تھوں جمنا ضرور ہِے ⁸۸۔ ہوا جیہڑے پاسے چاہندی اِے چلدی اِے وَل تُوں اوُندھی آواز سُندا ہئیں پَر نئیں جان دا کہ او کیتھوُں آندی اِے تے کِتھاں ویندی اِے۔ جیہڑا روح تھوُں جمیا اِے او ایہو جیا اِے۔⁹۹۔ نیکدیمس نے جواب اِچ اوُں کوُں آکھے اِے گالیں کیویں تھی سکدے اِن؟ ¹⁰۱۰۔ یسوع نے جواب وِچ اوُں کو آکھے بنی اسرائیل دا اُستاد تھی کے کیا تُوں انہاں گالیں کوُں نئین جان دا اِیں؟ ¹¹۱۱۔ میں تیکوُں سچ آدھاں کہ جو اساں جان دے ہاں او آدھے ہاں تے جے کوُں اساں ڈِٹھا اِے اُوندھی گواہی ڈیندے ہاں اَتے تُساں ساڈی گواہی قبول نئیں سے کریندے۔¹²۱۲۔ جڈاں میں تہاڈے نال زمین دی گالیں کیتے ہن پَر تُساں یقین کئے نہ کیتے اَتے اگر میں تہاڈے نال آسمان دیاں گالیں کراں تاں وَل کیویں یقین کریسو؟ ¹³۱۳۔ اَتے آسمان تے کوئی نہیں چڑھیا سِوا اوُندھے جیہڑا آسمان تُوں لتھا ہِے یعنی ابنِ آدم جیہڑا آسمان وچ ہِے۔¹⁴۱۴۔ اَتے جیویں موسیٰ نے سَپ کوُ ویرانے وِچ اوُچے تے چڑھایا ہا اوُویں ضرور ہِے جو ابنِ آدم وی اوُچے تے چڑھایا ونجے ¹⁵۱۵۔ تاکہ جو کوئی اوُندھے تے ایمان گھن آوے اوُندھے وِچ ہمیشہ دی حیاتی پاوے۔¹⁶۱۶۔ کیوں جو خدا نے اِیں جہان نال اے جئی محبت رکھی ہے جو اوُں نے اپنا کلم کلہا پُتر ڈے ڈِتا تاں جو کوئی اوُندھے تے ایمان گھِن آوے او مر نہ ونجے ہتھوں ہمیشہ دی حیاتی پاوے ¹⁷۱۷۔ کیوں جو خدا نے اپنے پُتر کوُ اِیں جہان وَچ اِیں کیتے نئیں گھلیا جو جہان تے سزا دا حکم ڈیوے بلکہ اِیں کیتے گھلے جو جہان اوُندھے وسیلے نجات پاوے ¹⁸۱۸۔ جو اوُندھے تے ایمان گھن آندے اوُندھے تے سزا دا حکم کئے نئیں تھیندا۔ اَتے جیہڑا اوُندھے تے ایمان نئیں گھن آندا اوُندھے تے سزا دا حکم تھی گئے اِیں پاروں جو او خدا دے کلہے پُتر تے ایمان نئیں گھن آیا۔¹⁹۱۹۔ اَتے سزا دا حکم اِیں کیتے ہِے جو نُور ایِں جہان وِچ آ گئے تاں بندیاں نے اندھارے کوُ نُور کولوں بہوں پسند کیتے۔ اِیں کیتے جو اُنہاں دے کم بُرے ہن ²⁰۲۰۔ کیوں جو کوئی بُرا کم کریندا ہِے او نُور نال دُشمنی رکھیندے اَتے نُور دے کول نئیں آندا اِیں کیتے جو اوُندے کماں پاروں اوُں کوُں شرمسار کیتا ونجے ²¹۲۱۔ اَتے جیہڑا سچائی تے عمل کریندے او نُور دے کول آندے تاں جو اوُندے کم ظاہر تھی ونجن جیہڑے خدا دے وچ کیتے گئے ہِن۔²²۲۲۔ اِیں گالیں دے بعد یسوع تے اوُندے چیلے یہودیہ دے ملک وچ آئے او اُتھاں رہِ کے اُنہاں دے نال بپتسمہ ڈیون لگے ²³۲۳۔ اَتے یوحنا وی شالیم دے نیڑے عینون دے وچ بپتسمہ ڈیندا ہا کیوں جو اُتھاں پانی بہوُں ہا اَتے بندے آ کے اوُندے کولوُں بپتسمہ گھن دے ہن ²⁴۲۴۔ کیوں جو یوحنا اوُں ویلے تائیں جیل دے وِچ ڈھکا نہ گیا ہا۔²⁵۲۵۔ اوُں ویلے یوحنا دے چیلیاں دی ہک یہودی دے نال پاکی دے پاروں توں توں میں میں تھئی ²⁶۲۶۔ اُنہاں نے یوحنا دے کول آ کے آکھیا اَے ربی! (استاد) جو بندہ یردن دے پار تیڈے نال ہا اَتے جیندی تُوں گواہی ڈِتی ہائی ڈیکھ او بپتسمہ ڈیندا ہِے اَتے سارے اُوندے کول آندے ہن۔²⁷۲۷۔ یوحنا نے جواب وچ آکھیا بندہ کجھ وی نئیں پا سگدے جڈاں تیکر اوُں کوُں آسمان تُوں نہ ڈِتا ونجے ²⁸۲۸۔ تُساں آپ میڈے گواہ ہیوے جو میں آکھے میں مسیح نئیں ہاں اَتے میں اوُندے اگوُں گھلا گیا ہاں۔²⁹۲۹۔ جیندی ذال ہِے او گھوٹ اِے اَتے گھوٹ دا سجن جیہڑا کھڑا تھیا اِے اوُندھی سُندا ہِے گھوٹ دی آواز کولوں بہوں خوش تھیندے۔ اَتے میڈی اِے خوشی پوری تھی گئی ہِے ³⁰۳۰۔ تاں جو ضرور ہِے کہ او ودھے تے میں گھٹاں۔³¹۳۱۔ جیہڑا اُتوں آندے او ساریاں کولوں اُتے اِے ۔ جیہڑا زمین تُوں ہِے او زمین وچوں ای ہِے اَتے زمین اِی دیاں گالیں کریندے اَتے جیہڑا آسمان تُوں آندے او ساریاں کولوُں اُتے ہِے ³²۳۲۔ جو کجھ اوُں ڈِٹھا اِے اَتے سُنیا اِے اوُندی گواہی ڈیندا اِے تے وَل کوئی وی اوُندی گواہی قبول نئیں کریندا ³³۳۳۔ جئیں اوُندی گواہی قبول کیتی اوُں نیں اِیں گل دے اُتے ٹھپہ لا ڈِتے جو خدا سچا ہِے۔³⁴۳۴۔ کیوں جو جیکوں خدا نے گھلیا ہِے او خدا دی گالیں کریندے کیوں جو او رُوح ناپ ناپ کے نئیں ڈیندا ³⁵۳۵۔ باپ پُتر نال مُحبت رکھیندا ہَے اَتے اوُں نے سارِیاں شئیں اوُندے ہَتھ وِچ ڈے ڈیتیاں ہِن ³⁶۳۶۔ جیہڑا کوئی پُتر تے ایمان گھن آندے ہمیشہ دی حیاتی اوندی اِے تے جیہڑا کوئی پُتر دی نئیں منیندا حیاتی کوُ نہ ڈیکھ سی ہتھوں اوُندے تے خدا دا غضب راہندا اِے۔

¹۱۔ وَت جداں خداوند کوُں پتا لگے جو فریسیاں نے سُنا ہِے جو یسوع یوحنا کولوُں ڈھیر چیلے کریندے اَتے بپتسمہ وی ڈیندا ہِے ²۲۔ (یسوع آپ نئیں اوُندے چیلے بپتسمہ ڈیندے ہن ³۳۔اَتے او یہودیہ کوُ چھوڑ کے وَل گلیل کو لگا گئے۔⁴۴۔ وَت اوُں کوُں سامریہ دے وِچوں تھی کے ونجنا ضرور ہا ⁵۵۔ او سامریہ دے ہک شہر تک آئے جیندا ناں سوخار اکھویندا ہا او اوُں قطعہ دے نیڑے ہِے جیہڑا یعقوب نے اپنے پُتر یوسف کوُ ڈِتا ہا۔⁶۶۔ اَتے یعقوب دا کھوُ اُتھائیں ہا وَت یسوع تھکا ماندہ تھی کے اُوں کھوُ تے بہہ گئے کیوں جو پَند کیتا ہووے۔ اِے چھیویں پہر دے نیڑے ہا ⁷۷۔ سامریہ دی ہک ذال پانی بھرن کیتے اُتھاں آئی۔ یسوع ہوُں کوُ آکھے میکوں پانی پلا ⁸۸۔ کیوں جو اوُندے چیلے شہر وچ کھانا مل گھنن گئے ہن۔⁹۹۔اوُں سامری ذال نے اوُں کوُں آکھے تُو یہودی تھی کے میں سامری ذال کولوں پانی کیوں منگدا ایں؟ (کیوں جو یہودی سامریاں نال کہیں قسم دا میل نہ رکھیندے ہن ¹⁰۱۰۔ یسوع نے وَل اوُں کوُں جواب ڈِتے جے تُوں خدا دی بخشش کو جاندی اَتے اِے وی جاندی کہ او کون ہِے جو تیکوں آدھا پئے جو میکوں پانی پِلا تاں توں اُندے کولوں منگدی اَتے او تیکو حیاتی دا پانی ڈیندا۔¹¹۱۱۔ ذال نے اوُں کوُں آکھے اِے خداوند تیڈے کول پانی بھرن کیتے تاں کئی شئے کئے نئیں اَتے کھوُ جھِکا ہے وَت او حیاتی دا پانی تیڈے کول کیتھوں آگئے؟ ¹²۱۲۔کیا تُوں ساڈے پیو یعقوب کولوں وڈا ایں جئیں ساکوں اِے کھوُ ڈِتے اَتے اوُں آپ تے اوندے پُتراں نے تے اوندے ڈنگراں نے ایندے وچوُں پیتے۔¹³۱۳۔ یسوع اوُں کوں جواب وِچ آکھے اَتے جو کوئی اِیں پانی وچوں پیندا ہِے اور ولا پیاسا تھیسی ¹⁴۱۴۔ پَر جو اوُں پانی وچوں پیسی جیہڑا میں اوُں کوں ڈیساں او حشر تک پیاسا نہ تھیسی ہتھوں او اوُندے وچ ہک چشمہ بن ویسی جیہڑا تا حیاتی اوُندے وچو وگدا راہسی۔¹⁵۱۵۔ ذال نے اُوں کو آکھے اِے خداوند او پانی میکوں ڈے تاں جو میں پیاسی تھیواں اَتے نہ پانی بھرن کوُں اِتھاں وَل آواں ¹⁶۱۶۔ یسوع نے اوُں کوں آکھے ونج اپنے جنے کوں اِتھاں سَڈ آ۔¹⁷۱۷۔ اوُں ذال نے جواب دے وِچ اوُں کو آکھے میڈا کوئی جنا کئے نئیں۔ یسوع نے وَت اوُں کوُں آکھے تُوں ٹھیک آدھی اِیں کہ تیڈا کوئی جنا کئے نئیں ¹⁸۱۸۔ کیوں جو توُں پنج جنے کر گدے اِن تے ہن تُوں جیندے کول ہئیں او تیڈا جنا کئے نئیں۔ اِے تُوں سچ آکھے۔¹⁹۱۹۔ اُوں زال نے اوُں کو آکھے اِے خداوند میکوں معلوم تھیندا اِے جو تُوں نبی اِیں ²⁰۲۰۔ ساڈے پیو ڈاڈا نے اِیں پہاڑ اُتے عبادت کیتی ہائی تے تُوساں آدھے وے کہ او جا جتھاں عبادت کرنا چاہدی اِے او یروشلیم وِچ اِے۔²¹۲۱۔ یسُوعؔ نے اوُں کوُں آکھے، اے ذال! تُوں میڈی گالھ دا یقِین کر کہ او ویلہ آون والا ہِے کہ تُساں نہ تاں اِیں پہاڑ تے باپ دی عبادت کریسو اَتے نہ یروشلیم وِچ۔ ²²۲۲۔ تُساں جیکوں کئے نئیں وے جان دے اُوندی عبادت کریندے او۔ اساں جیکوُں جان دے ہاں اوُندی عبادت کریندے ہاں کیوں جو نجات یہودیاں وِچوں ہِے۔²³۲۳۔ ہن او ویلہ آون والا ہِے بلکہ ہن ای ہِے جو اوُندے سچے عبادت کرن آلےباپ دی عبادت روُح تے سچائی نال کریسن کیوں جو باپ اپنے لئی اِیہو جئے عبادت کرن آلے گولیندا ہَے۔ ²⁴۲۴۔ خُدا روُح ہَے اَتے ضرُور ہَے جو اوُندے عبادت کرن آلے ہِن اوُندی عبادت روُح تے سچائی نال کریسن۔²⁵۲۵۔ اُوں ذال نے اوُں کوُں آکھے جو میکوں پتا ہِے کہ مسیح جیہڑا خرستس اکھویندا اِے آون آلا ہِے۔ جداں او آسی اَتے ساکو ساریاں گالیں ڈسا ڈیسی ²⁶۲۶۔ یسوع نے اوُں کوُں آکھے میں جو تیڈے نال بولیندا پیاں میں اوُہو ہاں۔²⁷۲۷۔ اوُں ویلے اوُندے چیلے آگئے اَتے او حیران تھی گئے جو او ذال نال گالیں کریندا کھڑا اِے وَل وی کئیں نہ آکھیا جو تُوں کیا چاہندا اِیں؟ یا اِیندے نال کیوں گالیں کریندا کھڑا اِیں؟²⁸۲۸۔ او ذال اپنا گھڑا اُتھائیں رکھ کے شہر وِچ لگی گئی اَتے بندیاں کوُں آکھن لگی ²⁹۲۹۔ آؤ۔ ہک بندے کوُں ڈیکھو جئیں میکوُں میڈے سارے کم ڈسا ڈِتے ہن کیا اِے تھی سگدے جو اِے مسیح ہوئے؟ ³⁰۳۰۔ او شہر وچوں نکل کے اوُندے کول آون لگے۔³¹۳۱۔اوُں ویلے اوُندے چیلاں اوُندے اَگے منت کیتی جو اِے ربی! (استاد) کجھ کھا گھن ³²۳۲۔ وِت اُنہاں کوُں اوُں نے آکھیا میڈے کول کھاون کیتے ایہو جیا کھانا ہِے جئیں کوُ تُساں نہ وے جان دے ³³۳۳۔ وَت چیلیاں نے آپس وچ ہک ڈوجے کولوُں پُچھیا جو کیا کوئی اِہندے کول کجھ کھاون کیتے گھن آیا ہائی؟³⁴۳۴۔ یسوع نے ولا اُنہاں کوُں آکھیا جو میڈا کھانا ہِے جو میں اپنے بھیجن آلے دی مرضی تے عمل کراں اَتے اوندا کم پورا کراں ³⁵۳۵۔ کیا تُساں آدھے کئے نئیں جو فصل دے آون وچ چار مہینے باقی پئے ہن؟ ڈیکھو میں تہاکوں آدھاں ہاں جو اپنیاں اکھاں چا کے فصلاں دے وَلے ڈیکھو کہ فصل پک گئی ہِے ³⁶۳۶۔ تے فصل کٹن آلا اپنی مزدوری پاندا ہِے اَتے ہمیشہ دی حیاتی کیتے پھل جمع کریندا ہِے تاکہ جو بوؤن آلا اَتے کٹن آلا ڈوہیں مل کے خوشی کریندِن۔³⁷۳۷۔ کیوں جو اُوندے تے اِے مثال ڈوہاں تے ٹھیک آندی ہِے جو بوؤن آلا اتے کٹن آلا ہور اِے ³⁸۳۸۔ میں تہاکوُں او فصل کٹن کیتے بھیجا ہائی جیندے تے تُساں کوئی محنت کئے نی کیتی۔ بئیے بندیاں نے محنت کیتی ہائی اَتے تُساں اُنہاں دی محنت دے پھل وچ شامل تھئے۔³⁹۳۹۔ اَتے اوُں شہر دے بہوں سارے سامری اوُں ذال دے آکھن تے جئیں گواہی ڈِتی ہائی جو اوُں نے میڈے سارے کم میکوں ڈس چھوڑے ہن اوُندے تے ایمان گھن آئے ⁴⁰۴۰۔ اَتے جڈاں او سامری اوُندے کول آئے اَتے منت کر کے آکھن لگے جو ساڈے کول رہِ اتے او اُنہاں دے کول ڈوُ ڈیہاڑے ٹکا اِے۔⁴¹۴۱۔ وَل اوُندے کلام دے پاروُں بہوں سارے جنے اوُندے تے ایمان گھن آئے ⁴²۴۲۔ اَتے اوُں ذال کو آکھن لگے اساں ہن تیڈے آکھن تے ہی ایمان نئیں گھن آئے کیوں جو اساں آپ سُن گِدے اَتے اساں جان دے ہاں جو اِے حقیقت وچ دُنیا دا نجات ڈیون آلا ہِے۔⁴³۴۳۔ وَت او ڈوُ ڈینہ دے بعد اُتھوں پند کر کے گلیل کوُ گئے ⁴⁴۴۴۔ کیوں جو یسوع آپ گواہی ڈِتی ِاے جو نبی کوُ اپنے ملک وِچ عزت نئیں مِلدی ⁴⁵۴۵۔ اَتے جڈاں او گلیل وچ آیا تے گلیلیاں اوُں کوُں قبول کیتے۔ ایں پاروں جیہڑے کم اوُں نے یروشلیم وِچ عید دے ڈینہ کیتے ہن اُنہاں نے اُنہاں کماں کوُں ڈِٹھا ہائی کیوں جو او وہ عید دے وچ گئے ہن۔⁴⁶۴۶۔ وَل او قانای گلیل وچ آئے جِتھاں اوُں نے پانی کوُ مَے بنایا ہائی اوُتھاں بادشاہ دا ہک نوکر ہائی جیندا پُتر کفر نحوم وچ بیمار ہا ⁴⁷۴۷۔ او اِے سُن کے جو یسوع یہودیہ تھوں گلیل وچ آگئے اوُندے کول گیا اَتے اوُندے اَگے منت چا کیتی جو چل کے میرے پُتر کوُ چنگا کر کیوں جو او مرن آلا ہِے۔⁴⁸۴۸۔ یسوع نے ول اوُں کوُ آکھے جڈاں تک تُساں نشان اَتے عجیب کم نہ ڈیکھ سو تُساں کڈھائی وی ایمان نہ گھن آسو ⁴⁹۴۹۔ بادشاہ دے نوکر اوُں کو آکھے اَے خداوند میڈے پُتر دے مرن کولوں پہلے ٹُر ⁵⁰۵۰۔ یسوع نے اوُں کو آکھے جا تیڈا پُتر جیوندا ہِے۔ اوُں بندے نے اوُں دی گل دا اعتبار کیتے جیہڑی یسوع نے اوُں کوُں آکھی ہائی اَتے او ٹُر پئے۔⁵¹۵۱۔ اجاں او راہ وچ ہائی کہ اوُندے نوکر اوُں کوُں ملے اَتے آکھن لگے جو تیرا پُتر جیوندا ہِے ⁵²۵۲۔ وَل اوُں نے اُنہاں کولوں پُوچھے کہ او کیہڑے ویلے چنگا تھیون لگا ہائی؟ او آکھن لگے جو کل ستویں گھنٹے دے وچ اوُندا بخار اُتر گیا ہائی۔⁵³۵۳۔ اوُں ویلے پیو کوُ پا لگ گئے جو اے اوہو ویلہ ہائی جڈاں یسوع نے اوُں کوُ آکھا ہائی جو جا تیرا پُتر جیوندا ہِے اَتے او آپ تے اوندا سارا ٹبر ایمان گھن آئے ⁵⁴۵۴۔ اِے ڈوجا معجزہ ہائی جو یسوع نے یہودیہ تھوں گلیل وچ آن کے ڈِکھائے۔

¹۱۔ ایں گالیں تھوں بعد یہودیاں دی ہک عید تھئی اَتے یسوع یروشلیم کوُ گیا ²۲۔ یروشلیم وچ بھیڑ بوہے دے کول ہک حوض ہا جیندا ناں عبرانی وچ بیت حسدا سڈواندا ہائی اَتے اوندے پنج برامدے ہن ³۳۔ اُنہاں وچ بہووں سارے بیمار اَتے اندھے اَتے لنگڑے اَتے اپنی زندگی تھوں نااُمید بندے جیہڑے پانی دے ہلن دے انتظار وچ پئے ہن ⁴۴۔کیوں جو ہک ویلے خداوند دا فرشتہ حوض تے اُتر کے پانی کو ہلاوے ہا۔ اَتے پانی ہلدے ہی جو کوئی پہلے اُتردا ہا او چنگا تھی ویندا ہا اوُندی چاہے جو کجھ وی بیماری کیوں نہ ہوئے۔⁵۵۔ اُتھاں ہک بندہ ہائی جیہڑا اڑتیس سالاں تھوں بیمار ہائی ⁶۶۔اوُں کُو یسوع نے اتھاں پئے ڈٹھے اَتے اِے جان کے کہ او وڈے ویلے تھوں ایہو حالت وچ ہِے اوُں کوُ آکھے کیا تُو چنگا تھیونا چاہندیں؟⁷۷۔ اوُں بیمار نے اوُں کوُں جواب ڈِتے۔ اَے خداوند میڈے کول کوئی بندہ کئے نئیں کہ جڈاں پانی ہلایا ونجے تاں میکوں حوض وچ لہا ڈیوے ہتھوں میرے پہنچدے پہنچدے ڈوجھا میڈے کولوں پہلے اُتر ویندے ⁸۸۔ یسوع نے اوُں کو آکھے اُٹھ اَتے اپنی منجی چا تے ٹُر پھر۔⁹۹۔او بندہ اوُں ویلے جلدی نال چنگا تھی گئے اَتے اپنی منجی چا کے ٹُرن پھرن لگ پئے۔ او سبت دا ڈیں ہائی۔¹⁰۱۰۔ اَتے یہودی اوُں کوُ جیہڑا چنگا تھی گیا ہائی آکھن لگے کہ اَج سبت دا ڈیں ہِے تیکو منجی چاونا ٹھیک کئے نئیں ¹¹۱۱۔ اوُں نے اُنہاں کوُ جواب ڈِتے جئیں میکو چنگا کیتے اوُں نے میکوں حکم ڈِتے کہ اپنی منجی چا اَتے ٹُر پھر۔¹²۱۲۔ اُنہاں نے اوُں کولوں پُچھے کہ او کیہڑا بندہ ہِے جئیں تیکو آکھے جو منجی چا تے ٹُر پھر؟ ¹³۱۳۔ اَتے جیہڑا چنگا تھی گیا ہائی او جان دا نہ ہا کہ او کون ہِے کیوں جو بندیاں دے رش پاروں یسوع اُتھوں ہٹ گیا ہا۔¹⁴۱۴۔ انہاں گالیں دے بعد او یسوع کوُ ہیکل وچ ملے۔ اوُں نے اوُں کوُ آکھے ڈیکھ تُوں چنگا تھی گیا ہیں۔ اَتے وَت گناہ نہ کرنا۔ ایویں نہ تھیوے جو ایندھے کولوں بہوں زیادہ ڈھیر ساری بیماری تیڈے تے آوے ¹⁵۱۵۔ اوُں بندے نے ونج کے یہودیاں کوُں خبر ڈِتی کہ جیں میکوں چنگا کیتا ہائی او یسوع ہِے۔¹⁶۱۶۔ ایں کیتے یہودی یسوع کوُ تنگ کرن شروع کر ڈِتا کیوں جو او ایہو جئے کم سبت والے ڈینہ کریندا اِے ¹⁷۱۷۔ وَل یسُوعؔ نے اُنہاں کوُں آکھے کہ میڈا باپ اجاں تائیِں کم کریندے اَتے مَیں وی کَم کرینداں ہاں۔ ¹⁸۱۸۔ اِیں پاروُں یہودی اوُں کوُ بہوں زیادہ قتل کرن دی کوشش اِچ لگے رہ گئے کیوں جو نہ او سبت دا حُکم توڑیندے ہَتھوں خُدا کوُں خاص اپناباپ آکھ کے اپنے آپ کوُں خُدا دے برابر بناون دی کوشش کریندے۔¹⁹۱۹۔یسوع نے وِل اُنہاں کو آکھے میں تہاکوں سچ آدھاں کہ پُتر اپنے آپ کجھ نئیں کر سگے ہا سوا اوُندے جو باپ کوُ کریندے ڈیدھا ہِے کیوں جو جیہڑے کم او کریندے اُنہاں کوُں پُتر وی اوویں ہار کریندے ²⁰۲۰۔ ایں وجہ تھوں باپ پُتر کو بہوں عزیز رکھیندے اَتے جتنے کم او خود کریندے اُنہاں کوُں ڈیکھیندا ہِے ایندے کولوں وی وڈے وڈے کم ڈیکھیسی تاں جو تُساں تعجب کرو۔²¹۲۱۔ کیوں کہ جیویں باپ مردیاں کوُ اُٹھیندا اَتے زندہ کریندے اوویں اِی پُتر وی جیکوں چاہندے، زندہ کریندے۔ ²²۲۲۔ کیوں جو باپ کہیندی عدالت نئیں کریندا کیوں جو باپ نے عدالت دا سارا کم پُتر دے ہتھ ڈے چھوڑے ²³۲۳۔ تاں جو سارے بندے پُتر دی عزت کرن جیویں باپ دی عِزّت کریندے ہن۔ جو پُتر دی عزت نئیں کریندا او باپ دی وی جئیں اوُں کوُ بھیجے عِزّت نئیں کریندا۔²⁴۲۴۔ میں تہاکوں سچ آدھا ہاں اَتےجو کوئی میڈی گالیں سُندا ہِے اَتے میڈے بھیجن آلے دا یقین کریندا ختم نہ تھیون آلیحیاتی اوُندی ہِے اَتے اوُندھے تےے سزا دا حکم نئیں تھیندا او موت دے ہتھوُں نکل کے حیاتی وچ داخل تھی گئے۔²⁵۲۵۔میں تہاکوُ سچ آدھا ہاں اَتے او ویلہ آون والا ہِے بلکہ ہن ہی ہِے جو مُردے خدا دے پُتر دی ۤواز سُنسن اَتے جیہڑے سُنسن حیاتی پاسن۔²⁶۲۶۔ کیوں جو جیویں باپ اپنے اندر حیاتی رکھیندا اے اُوں طرح اُوں نے اپنے پُتر کوُ وی اِے بخشے کہ اپنے آپ وچ حیاتی رکھے ²⁷۲۷۔باپ نے پُتر کوُں عدالت کرن دا وی حق ڈِتے۔ اِیں کیتے جو او آدم زاد ھے۔²⁸۲۸۔اِیں پاروُں حیران نہ تھی کیوں جو او ویلہ آندے کہ جیہڑے قبراں وچ پئے ہن اُوندی آواز سُن کے نکل آسن ²⁹۲۹۔جِنہاں نے نیکی کیتی ہِے حیاتی دی قیامت کیتے اَتے جنہاں نے گناہ کیتے سزا دی قیامت دے کیتے۔³⁰۳۰۔ میں اپنے آپ تھوں کجھ نہ کر سگدا ہاں۔ جیویں سُندا ہاں اوویں اوویں عدالت کریندا ہاں اَتے میری عدالت انصاف کریندی ہِے کیوں جو میں اپنی مرضی نہیں بلکہ اپنے بھیجن آلے دی مرضی چاہندا ہاں ³¹۳۱۔ اگر میں اپنی گواہی آپ ڈیواں تاں میڈی گواہی سچی نئیں ³²۳۲۔ہک بیا ہِے جو میڈی گواہی ڈیندا ہِے اوُں کوُں میں جان دا ہاں جو میڈی گواہی ڈیندا ہِے او سچی ہِے۔³³۳۳۔ تُساں یوحنا کوُں سنیہا گھلا ہائی اَتے اُوں نے سچائی دی گواہی دِتی ہِے ³⁴۳۴۔ میں اپنے پاروں بندیاں دی گواہی قبول نہیں کریندا ہاں تاں وی میں اِیں کیتے آدھاں جو تُساں ازاد تھی ونجو ³⁵۳۵۔ اَتے او جلدا تے چمکدا ہویا ڈیوا ہا اَتے تہاکوں کجھ ویلے تک اوُندی روشنی وچ خوش رہنا منظور ہائی۔³⁶۳۶۔ اَتے میڈے کول جو گواہی ھے او یوحنا دی گواہی کولوُں وڈی ھے کیوں جو میڈے باپ نے جو کم میکوں پُورے کرن کیِتے ڈِتے ہن یعنی او کم جیہڑے مَیں کریندا ہاں او میڈے گواہ ہن جنہاں کُو باپ میکوں گھلیا ہے ³⁷۳۷۔ اَتے باپ جئیں میکوں گَھلے اوُں میڈی گواہی ڈِتی ہِےتُساں نہ کڈائیں اوندی آواز سُنی ہِے نہ اوُندی صُورت ڈِٹھی ہِے ³⁸۳۸۔اوُندی گالیں کوُں اپنے دِل وچ قائم نئیں رکھیندے کیوں جو اوُں نے جئیں کوُ بھیجے اوُندا یقین نئیں کریندے او۔³⁹۳۹۔ تُساں خدا دے کلام وچ گولیندے او جو تُساں سمجھدے او بئی ایندے وچ نہ ختم تھیون آلی دی حیاتی ملدی ہِے اَتے او اِے ہِے جو میڈی گواہی ڈیندی ہے ⁴⁰۴۰۔ وَل وی تُساں حیاتی پاون کیتے میڈے کول آونا نیہں چاہندے۔⁴¹۴۱۔اَتے میں بندیاں کولوں عزت نہیں چاہندا ہاں ⁴²۴۲۔ اَتے میں تہاکوُں جان دا ہاں جو تہاڈے وچ خدا دا پیار کوئی نہیں۔⁴³۴۳۔ مَیں اپنے باپ دے ناں تُوں آیا ہاں اَتے تُساں میکوں قبُول نئیں کریندے۔ ہاں جو کوئی اپنے ای ناں توُں آوے اوُں کوُں قبُول کر گھِندے وے۔ ⁴⁴۴۴۔ تُساں جو ہک ڈوجے دی عِزّت چاہندے وے اَتے او عزت خدائے واحد دی طرفوُں تھیندی اے نہیں چاہندے تاں ول کیویں ایمان گھن آسو؟⁴⁵۴۵۔ تُساں اے نہ سمجھو جو مَیں باپ دے اَگے تُہاڈی شکایت کریساں تُہاڈی شکایت کرن آلا تاں ھے یعنی مُوسیٰؔ جیندے اُتے تُساں آس لا رکھی ھے۔ ⁴⁶۴۶۔کیوں جو تُساں موسیٰ دا یقین کریندے تاں میڈا وی یقین کریندے اِیں کیتے جو اوُں نے میڈے حق وچ لکھا ہِے ⁴⁷۴۷۔ جڈاں تُساں اوندیاں کتاباں دا یقین نہیں وے کریندے تاں میڈی گالیں دا یقین کیویں کریسو؟

¹۱۔ اِیں گالیں دے بعد یسوع گلیل دی جھیل یعنی تبریاس دی جھیل دے پار گئے ²۲۔وَت بندیاں دی ہک وڈی بھیڑ اوُندے پچھوں لگ گئی کیوں جو معجزے او بیماراں تے کریندا ہا اوُں کوُں او ڈیدھے ہن ³۳۔یسوع پہاڑ تے چڑھ گئے اَتے اپنے چیلیاں دے نال اُتھاں بہ گئے۔⁴۴۔ اوُں ویلے یہودیاں دی عید فسح نیڑے ہائی ⁵۵۔یسوع نے اپنیاں اکھاں چا کے ڈِٹھا کہ میڈے کول بندیاں دی ہک وڈی بھیڑ آندی پئی اِے تاں فلپس کو آکھے اساں اِنہاں دے کھاون کیتے کیتھوں روٹیاں مُل گھن آؤں؟ ⁶۶۔ اَتے اوُں نے اُنہاں کوُں آزماون کیتے اے آکھا ہا کیوں جو آپ جان دا ہا کہ میں کیا کریساں۔⁷۷۔ فلپس نے اوُں کوُں جواب ڈِتے کہ ڈو سو دینار دیاں روٹیاں اِنہاں کیتے بہوں نہ تھیسن جو ہر ہک کو تھوڑی جئی مل ونجے ⁸۸۔اوُندے چیلیاں وچوں ہک نے یعنی شمعون پطرس دے بِھرا اندریاس نے اوُں کوں آکھے ⁹۹۔ اِتھاں ہک چُھوئر ہِے جیندے کول جَو دیاں پنج روٹیاں اَتے ڈوُ مچھیاں ہن وَت وہ اِے ڈھیر بندیاں دے وچ کیا ہِن؟¹⁰۱۰۔ یسوع اُنہاں کوُں آکھے بندیاں کوُں بٹھاؤ اَتے اُوں جا تےبہوں گھا ہائی۔ تے او بندے تقریباً پنج ہزار ہن ¹¹۱۱۔ یسوع نے او روٹیاں گھن کے شُکر کیتے اَتے اُنہاں کو جو بیٹھے ہن ونڈ چھوڑن ایویں مچھیاں وی جیویں چاہندا ہائی ونڈ چھوڑن ¹²۱۲۔جیہڑے ویلے او رَج گئے ہن تاں اوُں نے اپنے چیلیاں کوُں آکھے جیہڑے ٹُکڑے بچ گئے ہن اُنہاں کو جمع کرو تاں جو کجھ ضائع نہ تھیوے۔¹³۱۳۔ جیہڑے ٹکڑے بچ گئے ہن اُنہاں نے اوُں کو جمع کیتے اَتے جَو دیاں پنج روٹیاں دے ٹکڑیاں توں جیہڑے کھاون والیاں تھوں بچ گئے ہن بارہ توکریاں بھریاں ¹⁴۱۴۔ اِے معجزہ جیہڑھا اوُں ڈِکھائے لوگ اوُں کوں ڈیکھ کے آکھن لگے جیہڑا نبی دُنیا وچ آون والا ہا او ایہو ہِے ¹⁵۱۵۔جڈاں یسوع کوُں اِے پتا لگے جو او اوُں کوں بادشاہ بناونا کیتے نپیندن او وَل پہار تے کلہا لگا گئے۔¹⁶۱۶۔ ولا جڈاں شام تھئی اَتے اوُندے چیلے جھیل دے کنارے گئے ¹⁷۱۷۔ اَتے کشتی وچ بہیہ کے جھیل دے پار کفر نحوم کوُ ویندے ہن اوُں ویلے اندھارا تھی گیا ہا اَتے یسوع ہالی تک اُنہاں دے کول نہ آیا ہائی ¹⁸۱۸۔ وَت اندھاری دے پاروں جھیل وچ لہراں اُٹھن لگیا ہن۔¹⁹۱۹۔جڈاں او کشتی کوُں گھلیندے گھلیندے تریے چار میل دور نکل گئے اَتے اُنہاں نے یسوع کوُ جھیل تے چلدے اَتے کشتی دے نیڑے آندے ڈِٹھا تاں ڈر گئے ²⁰۲۰۔ وَت یسوع نے اُنہاں کو آکھیا ڈرو نئیں میں ہاں ²¹۲۱۔وَت او اوُں کوُں کشتی وچ چڑھاون کیتے راضی تھی گئے اَتے اوُں ویلے کشتی اوُں جا پہنچ گئی جتھاں او ونجنا چاہندے ہن۔²²۲۲۔ ڈوجھے ڈینہ او بندیاں دی بھیڑ نے جیہڑی جھیل دے ڈوجھے پاسے کھڑی ہائ اے ڈِٹھا کہ اِتھاں ہِک دے علاوہ بئی کوئی کشتی کئے نئیں اَتے یسوع اپنے چیلیاں دے نال کشتی وچ نہ چڑھا صرف اوُندے چیلے چلے گئے ہن ²³۲۳۔ وَت بعض نکیاں کشتیاں تبریاس تھوُں اُوں جا دے نیڑے آیاں جتھان اُنہاں نے خداوند دے شکر کرن دے بعد روٹی کھادی ہائی۔²⁴۲۴۔ جڈاں بندیاں دی بھیڑ نے اِے ڈِٹھا کہ اِتھاں نہ یسوع ہِے نہ اوُندے چیلے اَتے او آپ نکی کشتیاں وچ بہہ کے یسوع کوُ گو لیندے کفر نحوم وچ آئے ²⁵۲۵۔ وَت جھیل دے ڈوجھے پاسے اوُں کوُں مل کے آکھیا اَے ربی! (اِے اُستاد) تُوں کیہڑے ویلے اِتھاں آئیں؟²⁶۲۶۔ یسوع نے اُنہاں دے جواب وچ آکھیا میں تُہاکُوں سچ آدھاں جو تُساں میکوں اِیں کیتے نئیں گولیندے جو تُساں معجزے ڈِٹھے ہن بلکہ ایں پاروں گولیندے وے جو تُساں روٹیاں کھا کے رَج گئے ہاوے ²⁷۲۷۔ اِیں جہان دے ختم تھیون آلے ٹکر کیتے محنت نہ کرو اَتے اوُں خوراک کیتے محنت کرو جیہڑی تا حیاتی کیتے باقی راہوے جیکوں ابن آدم تہاکوں ڈیسی کیوں جو باپ یعنی خُدا نے اوُندے تے مہر لا ڈِتی ھے۔²⁸۲۸۔ وَت اُنہاں نے اوُں کوُں آکھے جو اساں کیا کروں جو خدا دے کم پورے کروں؟ ²⁹۲۹۔ یسوع نے جواب وچ اُنہاں کوُں آکھے خدا دا کم اِے ہے جو جئیں کوُں اوُں بھیجے اوُندے تے ایمان گھن آؤں۔³⁰۳۰۔ وَت اُنہاں نے اوُں کوُں آکھے وَل تُوں ساکوں کے جیا نشان ڈیکھاسیں تاکہ اساں تیڈا یقین کروں؟ تُوں کیہڑا کم کرینیں ³¹۳۱۔ ساڈے پیو ڈاڈا نے بیابان وچ مَن کھادے۔ اَتے لکھا ہِے جو اونیں اُنہاں کوُں کھاون کیتے آسمان تُوں روٹی ڈِتی۔³²۳۲۔ یسُوعؔ نے اُنہاں کوُں آکھے مَیں تُہاکوُں سچ آدھاں جو مُوسیٰؔ نے او ٹُکر تُہاکوں آسمان تُوں نہ ڈِتے میڈا باپ تُہاکُوں آسمان تُوں ٹُکر ڈیندے ³³۳۳۔ کیوں جو خدا دا ٹُکر او ہِے جیہڑا آسمان تُوں اُتر کے اِیں جہان کوُں حیاتی بخشیندے ³⁴۳۴۔ اُنہاں نے اوُں کوُں جواب ڈِتے اَے خداوند! اِے ٹُکر ساکوں ہمیشہ ڈِتا کر۔³⁵۳۵۔ یسوع نے اُنہاں کوُں آکھے حیاتی دا ٹُکر میں ہاں اَتے جیہڑا میڈے کول آسی او کڈائیں وی بھکا نہ راہسی اَتے جیہڑا میڈے تے ایمان گھن آسی او کڈائیں پیاسا نہ راہسی ³⁶۳۶۔ تے وَت میں تُہاکوں آدھاں ہاں اَتے تُساں میکوں ڈیکھ گِدے وَل وی ایمان نئیں گھن آندے ³⁷۳۷۔ جو کجھ باپ میکو ڈِتے میڈے کول آویسی اَتے جیہڑا میڈے کول آسی مَیں اوُں کو کڈائیں کڈھ نہ ڈیساں۔³⁸۳۸۔ کیوں جو میں آسمان تھوں ایں کیتے نئیں لتھا کہ اپنی مرضی دے نال عمل کراں بلکہ ایں کیتے جو اپنے گھلن والے دی مرضی دے نال عمل کراں ³⁹۳۹۔اَتے میڈے گھلن آلے دی مرضی اِے ہِے کہ جو کجھ اوُں میکوں ڈِتا ہِے میں اوُندے وچوں کجھ وی گنواں نہ چھوڑاں بلکہ اوُں کوُں آخری ڈینہ وَل حیاتی ڈیواں ⁴⁰۴۰۔ کیوں جو میڈے باپ دی مرضی اے ھے کہ جو کوئی پُتر کوُ ڈیکھے اَتے اوُندے تے ایمان گھن آوے اَتے نہ ختم تھیون آلی حیاتی پاوے اَتے میں اوُں کوُں آخری ڈیں وَل حیاتی بخشاں۔⁴¹۴۱۔ وَل یہودی اوندے تے بڑبڑاون لگ پئے۔ ایں پاروں جو اوُں نے آکیا ہائی کہ جیہڑ ٹُکر آسمان تھوں لتھا ہِے او میں ہاں ⁴²۴۲۔ وَت اُنہاں نے آکھیا جو اِے یوسف دا پُتر نئیں جیندے پیو تے ماں کوُں اساں جان دے ہاں؟ ہن اے کیویں آدھے جو میں آسمان تھوں لتھا ہاں؟⁴³۴۳۔ یسوع نے اُنہاں دے جواب وچ اُنہاں کو آکھے آپ وچ نہ بڑبڑاؤ ⁴⁴۴۴۔ کوئی میڈے کول نئیں آسکدا جڈاں تائیں باپ جئیں میکو گھلیا ہِے اوُں کوُں چِھک نہ گھِناں اَتے مَیں اوُں کوُں آخری ڈِیں وَل حیاتی ڈِیساں۔ ⁴⁵۴۵۔ نبیاں دی کتاباں وچ لِکھا لاتھے کہ او سارے، خُدا تھوں تعلیم پاسن جئیں کئیں او باپ کولوں سُنیا تے سِکھیا ھے او میڈے کول آندے۔⁴⁶۴۶۔ اے نئیں جو کوئی بندے نے باپ کوُں ڈِٹھا ہوئے اَتے جیہڑا خدا سی طرفوں ہِے اوُں نے خدا کوُ ڈِٹھا ہِے ⁴⁷۴۷۔ میں تہاکوُں سچ آدھاں جو میڈے تے ایمان گھن آندے نہ ختم تھیون آلی حیاتی اوُندے ہِے۔⁴⁸۴۸۔ حیاتی دا ٹُکر میں ہاں ⁴⁹۴۹۔تہاڈے پیو ڈاڈا نے بیابان وچ مَن کھادے اَتے مَر گئے ہن۔⁵⁰۵۰۔ اِے او ٹُکر ہِے جیہڑا آسمان تھوں لتھا ہِے جو جیہڑا بندہ ایں کوُ کھاوے او نہ مرے ⁵¹۵۱۔ میں ہاں او حیاتی دا ٹُکر جیہڑا آسمان تھوُں لتھا ہِے تے وَت جیہڑا ایں ٹُکر کعُ کھاندے او تا حیاتی زندہ راہسی اَے جیہڑا ٹُکر میں ایں جہان کیتے ڈیسا او میڈا گوشت ہِے۔⁵²۵۲۔ وَل یہودی اِے آکھ کے آپس وچ جھگڑا کرن پے گئے جو اِے بندہ ساکوں اپنا گوشت کیویں کھاون کوُں ڈے سگدا اِے؟ ⁵³۵۳۔ یسوع نے اُنہاں کوُں آکھیا میں تہاکوُں سچ آدھاں کہ جڈاں تک تُساں ابن آدم دا گوشت نہ کھاسو اَتے اوُندا لہو نہ پیسو تاں تہاڈے وچ حیاتی کئے نئیں۔⁵⁴۵۴۔ جیہڑا بندہ میڈا گوشت کھاندے اَتے میڈا لہو پیندے نہ ختم تھیون والی حیاتی اوندی ہِے اتے میں اوُں کوُں آخری ڈینہ وَل زندہ کریساں ⁵⁵۵۵۔ کیوں جو میڈا گوشت حقیقت وچ کھاون دی شَے ہِے اَتے میڈا لہو حقیقت وچ پیون دی شَے ہِے۔ ⁵⁶۵۶۔ جو میڈا گوشت کھاندے اَتے میڈا لہو پیندے او میڈے وچ قائم راہندا اِے اَتے میں اوندے وچ۔⁵⁷۵۷۔ جیویں زندہ باپ نے میکوُں بھیجے اَتے میں باپ دے پاروُں زندہ ہاں اوُویں او وی جیہڑا میکو کھاسی میڈے پاروُں زندہ راہسی ⁵⁸۵۸۔ جیہڑا ٹُکر آسمان تھوں لتھا ہِے ایہو ہِے۔ پیو ڈاڈا دی طرح نئیں کہ جو کھادے تے مر گئے۔ جیہڑا اِے ٹُکر کھاسی او ہمیشہ تک زندہ راہسی ⁵⁹۵۹۔ اِے گالیں اوُں نے کفر نحوم دے ہک عبادت خانے دے وچ تعلیم ڈیندے ویلے آکھیں۔⁶⁰۶۰۔ ایں کیتے اوُندے چیلیاں وچوں بہوں ساریاں نے سُن کے آکھیا اِے کلام بُرا اِے ایں کوُں کون سُن سگدے؟ ⁶¹۶۱۔ یسوع نے اپنے جی وچ اِے جان کے جو میڈے چیلے اۤپس وچ بڑبراندے ہن اُنہاں کوُں آکھیا تُساں ایں گالیں کولوں تھڈا کھاندے پئے او؟⁶²۶۲۔ اگر تُساں ابن آدم کوُ اوتے ویندے ڈیکھ سو جتھاں او پہلے ہائی تاں وَت کیا ہوسی؟ ⁶³۶۳۔ حیاتی ڈیون آلی تاں روح ہِے۔ جسم دے وچوں کجھ فائدہ نہ تھیسی۔ جیہڑیں گالیں میں تہاکوُں آکھیں ہن او روح ہن اَتے حیاتی وی ہن۔⁶⁴۶۴۔ تہاڈے وچوں لجھ ایہو جئے ہن جیہڑے ایمان کئے نئیں گھن آئے کیوں جو یسوع مُڈھوں اُنہاں کوُں جان دا ہا جو ایمان کئے نئیں گھن آندے اَتے کون میکوں پکڑویسی ⁶⁵۶۵۔ وَل اوُں نے آکھایا ایں کیتے میں تہاکوُں آکھیا ہا جو میڈے کول کوئی نئیں آسگدے جڈاں تائیں باپ دے ولوُں توفیق نہ ڈتی ونجے۔⁶⁶۶۶۔ ایں پاروُں بہوں سارے اوندے چیلے پِھر گئے ہِن اَتے ایندے بعد اوندے نال نہ رہِ ے ⁶⁷۶۷۔ وَل یسوع نے اُنہاں بارہ کوُں آکھے کیا تُساں عی ونجنا چاہندے وے؟ ⁶⁸۶۸۔ شمعون پطرس نے اوُں کوُں جواب ڈِتا اَے خداوند! اساں کیندے کول ونجوں؟ نہ ختم تھیون آلی حیاتی دی گالیں تاں تیڈے کول ہن ⁶⁹۶۹۔ اَتے اساں ایمان گھن آئے ہاں تے جان گئے ہاں کہ خدا دا قدوس توں ای ہئیں۔⁷⁰۷۰۔ یسوع نے اُنہاں کوُں جواب ڈِتا کیا میں تُہاں باراں کوُں الگ نئیں کیتے؟ اَتے تہاڈے وچوں ہک شیطان ہِے ⁷¹۷۱۔ اُوں نے اِے شمعون اسکریوتی دے پُتر یہوداہ کیتے آکھیا کیوں جو او انہاں وچوں اوُں کوُں نپواون والا ہا۔

¹۱۔ ایں گالیں دے بعد یسوع گلیل وچ پِھردا رہِ گئے کیوں جو یہودیہ وچ پِھرنا نہ چاہندا ہا۔ ایں کیتے یہودی اوُں کوُں مارن کیتے تُلے ہوئے ہن ²۲۔ اَتے یہودیاں دی عید خیام نیڑے ہائی۔³۳۔ وَت اوندے بھراوں نے اوُں کو آکھیا اِتھاں نہ رہِ تے یہودیہ کوں لگا ونج کہ جو کم تُوں کریندیں او تیڈے چیلے وی ڈیکھن ⁴۴۔ کیوں جو ایہو جیہا کوئی نئیں جیہڑا مشہور تھیونا چاہوے تے لک کے کم کرے۔ اگر تُو اِے کم کرینا ہیں تاں تُوں اپنے آپ کوُ ایں جہان تے ظاہر کر۔⁵۵۔ کیوں جو اوندے بھرا وی اوندے تے ایمان نہ گھن آئے ہن ⁶۶۔ وَل یسوع نے اُنہاں کو آکھیا میڈا ویلہ ہالی کئے نئیں آیا اَتے تہاڈے کیتے سارا ویلہ ہِے ⁷۷۔ اِے جہان تُہاڈے نال دُشمنی نئیں رکھ سگدا لیکن میڈے نال رکھیندی ہِے کیوں جو میں اوندے تے گواہی ڈیندا ہاں جو اِیندے کم بُرے ہن۔⁸۸۔ تُساں عید وچ ونجو میں ہالی ایں عید وچ کئے نہ آساں کیوں جو میڈا ہالی ویلہ پورا نئیں تھیا ⁹۹۔ اے گالیں اُنہاں کوُ آکھ کے گلیل وچ ای رہیا۔¹⁰۱۰۔ وَت جڈاں اوندے بِھرا عید وچ لگے گئے اوُں ویلے او وی گیا۔ سامنے نئیں ہتھوں لُک کے ¹¹۱۱۔ وَل یہودی اوُں کوُ عید وچ گولیندے رہِ گئے جو او کیتھاں اِے؟¹²۱۲۔ اَتے اوُں دے پاروُں بندیاں وچ چُپ چُپ کے بہوں ساریاں گالیں تھئیں۔ کجھ آکھن لگے بئی او نیک بندہ اِے تے کجھ آدھے ہن نئیں او بندیاں کوُں گمراہ کریندے ¹³۱۳۔ وَل وی یہودیاں دے ڈر پاروُں کوئی بندہ اوندے پاروُں صاف صاف کجھ نی آدھا ہا۔¹⁴۱۴۔ جیہڑے ویلے عید دے اَدھے ڈینہ لنگھ گئے تاں یسوع ہیکل وچ ونج کے تعلیم ڈیون لگا ¹⁵۱۵۔ یہودیاں نے حیران تھی کے آکھیا اِیں کو پڑھن تھوں بغیر کیویں علم آگئے؟ ¹⁶۱۶۔یسوع نے اُنہاں کوُں جواب وچ آکھے میڈی تعلیم میڈی نئیں اِے میڈے گھلن آلے دی اِے۔¹⁷۱۷۔ وَت کوئی اوندی مرضی تے ٹرنا چاہوے تاں او اے تعلیم دے پاروُں جان جاسی کہ اِے خدا دی طرفوں ہِے یا میں اپنی طرفوں آدھا ہاں ¹⁸۱۸۔ جیہڑا اپنی طرفوں آدھا ہِے او اپنی عزت چاہندے اَتے جیہڑا اپنے گھلن آلے دی عزت چاہندے او سچا اِے اَتے اوندے وچ نارستی کئے نئیں۔¹⁹۱۹۔ کیا موسیٰ نے تہاکوں شریعت نئیں ڈِتی؟ وَل وی تہاڈے وچوں کوئی شریعت تے عمل نئیں کریندا۔ تُساں کیوں میکوں مارن دی کوشش کریندے او؟ ²⁰۲۰۔ بندیاں نے اوُں کوُں جواب ڈِتا تیڈے وچ تاں بدروح ہِے۔ کون تیکوں مارن دی کوشش وچ ہِے؟²¹۲۱۔ یسوع نے جواب وچ اُنہاں کوُں آکھیا میں ہک کم کیتے اَتے تُساں سارے حیران تھئے کھڑے او ²²۲۲۔ ایں پاروُں جو موسیٰ نے تہاکوں ختنے دا حکم ڈِتا ہائی ( حالانکہ او موسیٰ دی طرفوں نہ ہائی بلکہ پیو ڈاڈے دی طرفوں چلا آندا ہائی ) اَتے تُساں سبت آلے ڈیں بندے دا ختنہ کریندے او۔²³۲۳۔ جڈاں سبت آلے ڈیں بندے دا ختنہ کیتا ویندا ہِے تاں جو موسیٰ دی شریعت دا حکم نہ ٹُوٹے تاں کیا میڈے نال ایں کیتے غصے ہیوے جو میں ہک بندے کو سبت آلے ڈیں چنگا کیتے؟ ²⁴۲۴۔ ڈیکھن دے موافق فیصلہ نہ کرو بلکہ انصاف دے نال فیصلہ کرو۔²⁵۲۵۔اوُں ویلے کجھ یروشلیم دے راہن آلے آکھن لگے کیا اوہُو نئیں جیندے مارن دی کوشش تھیندی پئی اِے؟ ²⁶۲۶۔ ڈیکھو تاں سہی اے صاف صاف آدھا ہِے اَتے او ایں کوُں کجھ نئیں آدھے۔ کیا تھی سگدے کہ وڈیریاں نے ایں گالیں کوُں سچ سمجھا ہووئے جو مسیح ایہو ہِے ²⁷۲۷۔ ایں کوُں تاں اساں جان دے ہاں کہ کیتھوں دا ہِے پَر جڈاں مسیح آسی تاں کوئی ناں جان سی کہ او کِتھوں دا ہِے۔²⁸۲۸۔ اوُں ویلے یسوع نے ہیکل وچ تعلیم ڈیندے ویلے اوچی آواز نال آکھے بئی جو تُساں میکوں جان دے او اور اے وی جان دے او کہ میں کِتھوں دا ہاں اَتے میں آپ نئیں آیا جئیں میکوں بھیجے او سچا ہِے۔ اوُں کوُں تساں جان دے ہیوے ²⁹۲۹۔ میں اوُں کوُں جان دا ہاں اِیں کیتے کہ اوندی طرفوں آں اَتے اوُں نے ای میکوں بھیجے۔³⁰۳۰۔ وَت او اوُں کوُں نپن دی کوشش کرن لگے لیکن اِیں کیتے کہ اوندا ویلہ ہالی نہ آیا ہا کوئی بندے نے اوُں کوُں پکڑ نہ سگے ³¹۳۱۔ ہتھوں بندیاں دی بھیڑ وچوں بہوُں سارے اوندے تے ایمان گھن آئے اَتے آکھن لگے کہ مسیح جڈاں آسی تاں کیا ایندے کولوں ڈھیر معجزے ڈیکھا سی جو اِیں ڈکھائے ہن؟ ³²۳۲۔ فریسیاں نے بندیاں کولوں سُنے جو اوندے بارے چپ چپیتے کیا گل شل کریندن۔ سردار کاہناں تے فریسیاں نے اوُں کوُں پکڑن کیتے پیدل بندے بھیجن۔³³۳۳۔ یسوع نے آکھیا جو میں تہاڈے کول تھوڑے ڈِیں دے کیتے ہاں۔ وَل اپنے گھلن آلے کول لگا ویساں ³⁴۳۴۔ تُساں میکوں گولیندے راہسو پر میں نہ مِلساں تے جِتھاں میں ہاں تُساں نئیں وے آسگدے۔³⁵۳۵۔ یہودیاں نے آپس وچ گالیں کیتیں جو اِے کِتھاں ویسی جو اساں ایں کوُں نہ گول سگسوں؟ تے کیا اِے اُنہاں کول ویسی جو یونانیاں دے وچ جا جا تے راہندے ہن اَتے یونانیاں کوُ اے تعلیم ڈیسی؟ ³⁶۳۶۔ اِے کیہڑی گال اِے جو اِیں نے آکھی ہِے کہ تُساں میکوں گولیندے راہسو پر گول نہ سگسو اَتے جتھاں میں ہاں تُساں نئیں وے آ سگدے؟³⁷۳۷۔ وَت عید دے آخری ڈینہ جیہڑا خاص ڈینہ ہائی یسوع کھڑا تھِیا اَتے اوچی آواز نال آکھیا اگر کئیں کوُ تریہہ لگی ہووے تاں میڈے کول آ کے پیوے ³⁸۳۸۔ جو کوئی میڈے تے ایمان گھن آندے اوُندے اندروُں جیویں کتاب مُقدس وچ آیا ہِے جو حیاتی دے پانی دیاں نہراں جاری تھیسن۔³⁹۳۹۔ اوُں نے یہ گال اوُں روح دے پاروُں آکھی ہائی جئیں کوُ او پاون کوُ ہن جیہڑے اوُندے تے ایمان گھن آئے ہن کیوں جو روح اوُں ویلے تک ہالی نازل نہ تھیا ہا اِیں کیتے کہ یسوع ہالی اپنے جلال کوُں نہ پہنچا ہا۔⁴⁰۴۰۔ وَت بندیاں دی بھیڑ وچوں کجھ بندیاں سُن کے آکھے کوُئی شک کئے نئیں جو ایہو او نبی ہِے ⁴¹۴۱۔ بئے بندیاں نے آکھیا اِے مسیح ہِے تے کجھ نے آکھیا کیوں؟ کیا مسیح گلیل وچوں آسی؟ ⁴²۴۲۔ کیا کتاب مقدس وچ اِے نئیں آیا جو مسیح داؤد دی نسل وچوں اَتے بیت لحم پینڈ وچوں آسی جتھوُں دا داؤد ہا۔⁴³۴۳۔ وَت بندیاں وچ اوُندے پاروُں جھیڑا تھِیا ⁴⁴۴۴۔ اوُنہاں وچوں کجھ بندے اوُں کوُں پکڑ کے مارنا چاہندے ہن پر کوئی بندے نے وی اوُندے تے ہتھ نہ گھتا۔⁴⁵۴۵۔ وَت پیدل چلن والے سرار کاہناں تے فریسیاں کول آئے اُنہاں نے اوُں کوُں آکھیا تُساں اُوں کوُں کیوں نہ گھن آئے ہیوے؟ ⁴⁶۴۶۔ پیدل چلن والے نے جواب ڈِتا جو کوئی بندے نے اَج توڑی ایہو جہیا کلام نئیں کیتا۔⁴⁷۴۷۔ فریسیاں نے اُنہاں کو جواب ڈِتےکیا تُساں وی گمراہ تھی گئے او؟ ⁴⁸۴۸۔ کیا سرداراں وچوں یا فریسیاں وچوں وی کوئی اوُندے تے ایمان گھن آئے؟ ⁴⁹۴۹۔ پر اِے عام بندے جیہڑے شریعت کوُں نئیں جان دے لعنتی ہن۔⁵⁰۵۰۔ نیکدیمس جیہڑا پہلے اوُندے کول آیا ہا او اُنہاں دے وچوں ہائی اُنہاں کوُں اۤکھے ⁵¹۵۱۔ کیا ساڈی شریعت کوُئی ایسے بندے کوُ جرم وار آدھی اے جڈاں توڑیں پہلے اوُندی سُن کے جان نہ گھنن بئی او کیا کریندا ہِے؟ ⁵²۵۲۔ اُنہاں نے اوُندے جواب وچ آکھیا کیا توں وی گلیل دا ہیئں؟ گول تے ڈیکھ جو گلیل وچوں کوئی نبی نہ آسی۔⁵³۵۳۔ وَل اوُنہاں وچوں ہر کوئی اپنے گھر لگا گئے۔

¹۱۔ وَت یسوع زیتون دے پہاڑ کوں گیا ²۲۔ فجر دے ویلے ای او وَل ہیکل وچ آگئے اَتے سارے بندے اوُندے کول آئے اَتے او بہہ کے اُنہاں کوُں تعلیم ڈیون لگے ³۳۔وَت فقیہ تے فریسی ہک زنانی کوُں اوُندے کول گھن آئین جیہڑی زنا دے وچ نپی گئی ہائی او اُوں کوُ اَدھ دے وچ کھڑا کر کے یسوع کوُ آکھے۔⁴۴۔ اَے اُستاد! اِے زنانی زنا دے عین موقعے تے نپی گئی اِے ⁵۵۔ توریت دے وچ موسیٰ نے ساکوں حکم ڈِتا ہِے کہ ایہو جئی زنانیاں کوُں پتھر مار مار کے مار ڈیوؤں۔ ہن تُوں ڈَس ایندے بارے وچ کیا آدھیں؟ ⁶۶۔ اُنہاں نے اوُں کوُں آزماؤن کیتے اے آکھا ہائی تاں جو اوُندے تے بہتان لاؤن دا کوُئی بہانہ لبھ ونجے پر یسوع تلے بہہ کے اپنی اُنگلی نال زمین تے کجھ لکھن لگ پئے۔⁷۷۔ جیہڑے ویلے او اوُں کوُں سوال کریندے ای رہِ گئے تاں اُوں نے سدھے تھی کے اُنہاں کوُں آکھیا کہ جیئں تُہاڈے وچوں کوئی گناہ نہ کیتا ہوؤے اوہوُ پہلے ایں کوُں پتھر مارے ⁸۸۔ وَل او جھک کے زمین دے اُتے اُنگلی نال لکھن لگ پئے۔⁹۹۔ او اِے سُن کے وڈیاں تھوں گھن کے چھوٹیاں تک ہک ہک کر کر کے سارے لگے گئے اَتے یسوع کھلا رہِ گئے اَتے زنانی اُتھائیں وچالے وچ رہِ گئی ¹⁰۱۰۔ یسوع نے سیدھے تھی کے اوُں کوُ آکھیا اِے زنانی اے بندے کِتھاں گئے ہن؟ کیا کئیں بندے نے تیڈے تے حکم نئیں لاتھا؟ ¹¹۱۱۔اوُں نے آکھیا اِے خداوند! کئیں نے نئیں۔ یسوع نے آکھیا میں وی تیڈے تے حکم نہ لیساں۔ جا۔ وَل گناہ کریں۔¹²۱۲۔یسوع نے وَل اُنہاں نال مخاطب تھی کے آکھیا جہان دا نُور میں ہاں۔ جو میڈے پیچھے ٹُرسی او اندھارے وچ نہ ٹُرسی بلکہ حیاتی دا نور پاسی ¹³۱۳۔ فریسیاں نے اوُں کوُں آکھیا تُوں آپ اپنی گواہی ڈیندا ہیئں تیڈی گواہی سچی کئے نئیں۔¹⁴۱۴۔ یسوع نے اونہاں کوں جواب ڈِتا کیوں جو میں اپنی گواہی آپ ڈیندا ہاں تاں وی میڈی گواہی سچی ہِے کیوں جو میکوں پتا ہِے کہ میں کتھوں آیا ہاں اَتے کتھاں ویندا ہاں ¹⁵۱۵۔ تُساں جسم دے نال فیصلہ کریندے وے۔ میں کہئیں دا فیسلہ نئیں کریندا ¹⁶۱۶۔ اَتے مَیں فیصلہ کراں، تاں وی میڈا فیصلہ سچا ھے کیوں جو مَیں کلہا نئیں ہاں، مَیں ہاں تے میڈا باپ ھے جئیں میکو گھلے۔¹⁷۱۷۔ تے تُہاڈی توریت وچ وی لکھا کھڑے جو ڈوُ بندیاں دی گواہی مل کے سچی تھیندی اِے ¹⁸۱۸۔ ہِک تاں مَیں آپ اپنی گواہی ڈیندا ہاں اَتے ہِک باپ ھے جئیں میکوں گھلے میڈی گواہی ڈیندے۔¹⁹۱۹۔ اُنہاں نے اوُں کوں آکھے تیڈا باپ کِتھاں ھے؟ یسُوعؔ نے اُنہاں کُوں جواب ڈِتے نہ تُساں میکوں جاندے ہِیوے نہ میڈے باپ کوُ۔ جو میکوں جان دے تاں میڈے باپ کوُ وی جان دے ²⁰۲۰۔ اوُں نے ہیکل وچ ڈیندے ویلے اِے گالیں بیت المال وچ آکھیں اَتے کئیں اوُں کا نہ پھدا کیوں جو ہالی تک اوُندا ویلہ نہ آیا ہا۔²¹۲۱۔ اوُں نے وَل اُنہاں کو آکھے میں ویندا ہاں اَتے تُساں میکوں گولیسو اَتے اپنے گناہ وچ مرسو ۔ جِتھاں میں ویندا پیاں تُساں نئیں وے آسگدے ²²۲۲۔ تے یہودیاں نے آکھیا کیا او اپنے آپ کو مار ڈیسی جو اے آدھے جِتھاں میں ویندا ہاں تُساں نہیں وے آ سگدے؟²³۲۳۔ اوُں نے اوُنہاں کو آکھے تُساں تلے دے ہیوے۔ میں اُتوں دا ہاں۔ تُساں اِیں جہان دے ہیوے میں اِیں جہان دا نئیں ہاں ²⁴۲۴۔ اِیں کیتے میں تہاکوں ایہ آدھا کہ اپنے گناہ وچ مرسو کیوں جو تُساں ایمان نہ گھن آسو کہ میں اوُہو ہاں تاں اپنے گناہاں وچ مرسو۔²⁵۲۵۔ اُنہاں نے اوُں کولوں پچھیا کہ توں کون ہئیں؟ یسوع نے اُنہاں کو ڈسیا میں اوُہو ہاں جیہڑا مُڈھ تُوں تہاکو آدھا آیا ہاں ²⁶۲۶۔ میکوں تہاڈے پاروُں بہوں کجھ آکھنا ھے اَتے فیصلہ کرنا ھے پر جئیں میکوں گھلے او سچا ھے اَتے جو مَیں اوُندے کولوں سُنے اوُہو اِیں جہان کُوں ڈسیندا ہاں ²⁷۲۷۔ او نہ سمجھے جو ساکُوں باپ دے پاروُں آدھا ھے۔²⁸۲۸۔ وَت یسوع نے آکھے کہ جڈا ں تُساں ابنِ آدم کُوں اُچے تے چڑھیسو تاں جان ویسو کہ مَیں اوُہو ہاں اَتے اپنی طرفوں کجھ نئیں کریندا ہتھوں جیویں باپ نے میکوں سِکھائے اوُویں تُہاکُوں آدھا ہاں ²⁹۲۹۔ اَتے جئیں میکوں گَھلے او میڈے نال ھے۔ اوُں میکوں کلہا نئیں چھوڑے کیوں جو مَیں ہمیشہ اوُہو کم کرینداں ہاں جو اوُں کوُں پسند آندے ہن۔ ³⁰۳۰۔ جڈاں او اِے گالہیں کریندا پیا ہائی تاں بہوں سارے اوُندے تے ایمان گھن آئے۔³¹۳۱۔ وَت یسوع نے اُنہاں یہودیاں کوُں آکھیا جنہاں نے اوُں دا یقین کیتا ہا جو اگر میڈے کلام تے قائم راہسو تاں اصل دے وچ میڈے چیلے ٹھہرسو ³²۳۲۔ اَتے سچائی نال واقف تھیسو اَتے سچائی تہاکوں آزاد کریسی ³³۳۳۔اُنہاں نے اوُں کوُں جواب ڈِتے اساں تاں ابرہام دی نسل تھوں ہاں اَتے کڈائیں کہئیں دی غلامی وچ نئیں رہئے۔ تُوں کیوں آدھیں جو تُساں آزاد کیتے ویسو؟³⁴۳۴۔ یسوع نے اُنہاں کوں جواب ڈِتے میں تہاکوں سچ آدھا ہاں جو کوئی گناہ کریندے گناہ دا غلام اِے ³⁵۳۵۔ اَتے غلام اخیر تک گھر وچ نئیں راہندا پُتر اخیر تک راہندے ³⁶۳۶۔ اگر پُتر تہاکوں غلامی تھوں چھوڑویسی تاں تُساں اصل وچ آزاد تھیسو۔³⁷۳۷۔ میں جاندا ہاں جو تُساں ابرہام دی نسل تھوں ہو تاں وی میکوں مارن دی کوشش کریندے او کیوں جو میرا کلام تہاڈے دِل وچ جاہ نئیں پاندا ³⁸۳۸۔ مَیں جو کجھ اپنے باپ کول ڈِٹھا اے اوُہو آدھا ہاں اَتے تُساں جو اپنے باپ کولوں سُن دے اوُہو کریندے او۔³⁹۳۹۔ اُنہاں نے جواب دے وچ اوُں کوُں آکھیا ساڈا پیو تاں ابرہام ہِے، یسوع نے اُنہاں کو آکھیا اگر تُساں ابرہام دے پُتر ہووو ہا تاں ابرہام جئے کم کریندے ⁴⁰۴۰۔ لیکن ہن تُساں میڈے جئے بندے کوں مارن دی کوشش وچ او جئیں تہاکو اوُہو حق دی گال ڈسائی ہِے جیہڑی خدا تھوں سُنی ہِے۔ ابرہام نے اے تاں ناں کیتا ہا ⁴¹۴۱۔ تُساں اپنے باپ جئے کم کریندے او۔ اُنہاں نیں اوُں کوں آکھے۔ اساں حرام دے نال نئیں جمے۔ ساڈا ہک باپ ہِے یعنی خُدا۔⁴²۴۲۔ یسُوعؔ نے اُنہاں کوُں آکھے جے خُدا تہاڈا باپ ہووے ہا تاں تُساں میڈے نال پیار رکھیندے، اِیں کیتے جو مَیں خُدا وچوں نِکلیا اَتے آیا ہاں کیوں جو مَیں آپ نئیں آیا ہتھوں اوُں نے میکوں گھلے۔ ⁴³۴۳۔ تُساں میڈی گالیں کیوں نئیں سمجھ سگدے؟ ایں کیتے جو میڈا کلام سُن نئیں سگدے ⁴⁴۴۴۔ تُساں اپنے پیو شیطان دے وچوں ہو اَتے اپنے پیو دیاں خواہشاں کوں پورا کرنا چاہندے او۔ او مُڈھوں خونی ہِے اَتے سچائی تے قائم نئیں رہیا کیوں جو اوُندے وچ سچائی ہِے کئے ناں۔ جڈاں او کوڑ مریندے تاں اپنی مریندے کیوں جو او کُوڑا ہِے بلکہ کُوڑ دا پیو اے۔⁴⁵۴۵۔ اَتے میں جو سچ بولیندا ہاں اِیں کیتے تُساں میڈا یقین نئیں وے کریندے ⁴⁶۴۶۔ تُہاڈے وچوں کون میڈے تے گناہ ثابت کریندے؟ جے میں سچ بولیندا ہاں تاں میڈا یقین کیوں نئیں وے کریندے؟ ⁴⁷۴۷۔ جیہڑ بندہ خدا تھوں ہوندے او خدا دی گالیں سُندے۔ تُساں اِیں کیتے نئیں سُندے جو خدا تھوں نئیں او۔⁴⁸۴۸۔ یہودیاں نے جواب وچ اوُں کوں آکھیا کیا اساں چنگی طرح نئیں آدھے کہ تُوں سامری ہیئں اَتے تیڈے وچ بدروح ہِے؟ ⁴⁹۴۹۔ یسوع نے جواب ڈِتا کہ میڈے وچ بدروح نئیں میں تاں پنے پیو دی عزت کریندا ہاں تے تُساں میڈی بے عزتی کریندے ہو۔⁵⁰۵۰۔ میں تاں اپنی بزرگی نئیں چاہندا ہاں۔ ہک ہِے جو اوُں کوُں چاہندا تے فیصلہ کریندا ہِے ⁵¹۵۱۔ میں تُہاکوں سچ آدھا ہاں جو اگر کوئی بندہ میڈے کلام تے عمل کریسی تاں او اخیر تک کڈائیں موت کوُ نہ ڈیکھ سی۔⁵²۵۲۔ یہودیاں نے اوُں کوُں آکھیا جو اساں ہن جان گئے ہاں کہ تیڈے وچ بدروح ہِے ابرہام مر گیا اَتے ڈوجے نبی وی مر گئے ہن پر توں آدھیں جو اگر کوُئی میڈے کلام تے عمل کریسی تاں اخیر تک کڈائیں مرن دا مزا نہ چکھسی ⁵³۵۳۔ ساڈا پیو ابرہام جو مر گیا ہا کیا تُوں اوندے کولوں وڈا ہیئں؟ ڈوجے نبی وی مر گئے۔ توں اپنے آپ کوں بنیندا ہئیں؟⁵⁴۵۴۔ یسوع نے جواب ڈِتا جو میں آپ اپنی وڈیائی کرینا تاں میڈی وڈیائی کجھ نئیں لیکن میڈی وڈیائی میڈا پیو کریندا ہِے جئیں کوُں تُساں آدھے وے کہ او ساڈا خدا ہِے ⁵⁵۵۵۔ تُساں اوُں کوُ سُنجانا نئیں اَتے میں اوُں کوُں جان دا ہاں جے میں آکھاں کہ اوُں کوُں میں نئیں جان دا تاں وَل میں تُہاڈے وانگوں کُوڑا بنساں پر میں اوُں کوُں جان دا اَتے اوُندے کلام تے عمل کریندا ہاں ⁵⁶۵۶۔ تُہاڈا پیو ابرہام میڑا ڈینہ ڈیکھن دی آس تے بہوُں خوش ہا تے وَت اوُں نے ڈِٹھا تے بہوُں خوش تھیا۔⁵⁷۵۷۔ یہودیاں اوُں کوں آکھے تیڈی عمر تاں ہالی پنجھاہ (50) سال وی کئے نئیں تاں کیا تُوں ابرہام کوُں ڈِٹھا ہِے؟ ⁵⁸۵۸۔ یسوع نے اُنہاں کوُں آکھیا میں تہاکوں سچ آدھا ہاں جو ایندے کولوں پہلے کہ ابرہام جمیا ہا میں ہاں ⁵⁹۵۹۔ وَل اُنہاں نے اوُں کوُں مارن کیتے پتھر چا گدے پر یسوع لُک کے ہیکل دے وچوں نکل گئے۔

¹۱۔ وَت اوُں نے ویندے ویلے ہک بندے کوں ڈِٹھا جو جماندروں انہا ہا ²۲۔ اَتے اوُندے چیلیاں نے اوُں کولوں پُچھیا کہ اَے ربی! (استاد) کئیں گناہ کیتا ہائی جو اِے انہا جمے۔ اِیں بندے نیں یا ایندے ماں پیو نے؟³۳۔ یسوع نے جواب ڈِتا کہ نہ اِیں بندے نے گناہ کیتا ہائی تے نہ ایندے ماں پیو نے اِے اِیں کیتے تھئے جو خدا دے کم ایندے وچوں نظر آؤن ⁴۴۔ جئیں میکوں گھلے اساں اوُندے کم ڈینہ ہی ڈینہ کوُ کرنا ضرور ہِے۔ او رات آؤن آلی ہِے جیندے وچ کوئی بندہ کم نہ کر سگسی ⁵۵۔ جے توڑی میں اِیں جہان وچ ہاں جہان دا نوُر ہاں۔⁶۶۔ اِے آکھ کے اوُں نے مٹی دے اُتے تھُکے اَتے تھُک نال گارا جیہا بنائے تے او مٹی انہے دی اکھاں تے لا ڈِتی ⁷۷۔ وَت اوُں کوں آکھے ونج شیلوخ (جیندا ترجمہ ہِے گھلیا ہویا) دے حوض وچ دھو گھن۔ او گیا اَتے ونج کے اکھیں کوُ دھوتے اَتے سُنجاکھا تھی کے وَل آئے۔⁸۸۔ تے او گواہنڈی اَتے جئیں جئیں بندیاں نے پہلے اوُں کوُ منگدے ہوئے ڈِٹھا ہائی آکھن لگے کیا اِے او نئیں جیہڑا بیٹھا منگدا راہندا ہائی؟ ⁹۹۔ کجھ بندیاں نے آکھیا اے اوُہو ہِے تے کجھ نے آکھیا نئیں کوئی اوُندا ہمشکل ہِے۔ اوُں آکھے میں اوُہو ہاں۔¹⁰۱۰۔ وَت او اوُں کوں آکھن لگے وَل تیڈیاں اکھاں کیویں کھل گیاں ہن؟ ¹¹۱۱۔ اوُں نے جواب ڈِتا جو اوُں بندے نیں جیندھا ناں یسوع ہِے مٹی تھوں گارا بنائے تے میڈیاں اکھیاں تے لا کے میکوں آکھے ونج کے شیلوخ وچ دھو گھن۔ میں گیاں اَتے دھو کے سوجاکھا تھی گیاں ¹²۱۲۔ اُنہاں نے اوُں کوں آکھے او کِتھاں ہِے؟ اوُں نے آکھیا میں نئیں جان دا۔¹³۱۳۔ بندیاں دی بھیڑ اوُں بندے کوُں جیہڑا پہلے انہا ہا فریسیاں دے کول گھن گئے ¹⁴۱۴۔ اَتے جیہڑے ڈیِں یسوع نے مٹی دا گارا بنا کے اوُندی اکھیں کھولی ہن او سبت دا ڈینہ ہائی ¹⁵۱۵۔ وَل فریسیاں نے وی اوُندے کولوں پُچھیا تُوں کیویں سوجاکھا تھئیں؟ اوُں نے اُنہاں کوُں آکھیا اوُں نے میڈی اکھیاں تے مٹی لائی۔ وَل میں دھو گِدے اَتے ہن میں سوجاکھا ہاں۔¹⁶۱۶۔ کجھ فریسی آکھن لگ پئے اِے بندہ خدا دے ولوُں نئیں کیوں جو سبت دے ڈیں کوُ نئیں منیندا۔ پر کجھ نے آکھیا کہ گناہ گار بندہ کیویں اِے معجزے ڈِکھا سگدے؟ اِیں پاروُں اُنہاں وچ جھیڑا تھئے ¹⁷۱۷۔ اُنہاں نے وَل اوُں انہے کوں آکھے کہ اوُں نے جئیں تیڈیاں اکھیں کھولین تُوں اُندے بارے کیا آدھیں؟ اوُں نے آکھیا او نبی ہِے ¹⁸۱۸۔ پر یہودیاں کوُں یقین نہ آیا کہ اے انہا ہا اَتے ہن سوجاکھا ہِے۔ جئیں توڑی اُنہاں نے ماں پیو کو جیہڑا سوجاکھا تھی گیا ہا بُلا کے۔¹⁹۱۹۔ اُنہاں کولوں پوچھ نہ گِدا جو کیا اے تہاڈا پُتر ہِے جئیں کوُ تساں آدھے وے کہ انہا جمیا ہا؟ وَل او ہن کیویں ڈیکھ سگدے؟ ²⁰۲۰۔اُندے ماں پیو نے جواب ڈِتے اساں جان دے ہاں جو اے سادا پُتر اے اَتے انہا جمیا ہا ²¹۲۱۔ پر اے اساں نئیں جان دے کہ ہن او کیویں ڈیدھا ہِے اَتے نہ اے جان دے ہئیں کہ ایندیاں اکھاں کئیں کھولین۔ او تاں آپ وڈا سارا جوان ہِے اُندے کولوں پوچھ گھنو او اپنا حال تہاکوں ڈسا ڈیسی۔²²۲۲۔ اے اوُندے پاں پیو نے یہودیاں دے ڈر تُوں آکھا ہائی کیوں جو یہوی ہک تھی گئے ہن کہ اگر کوئی اوُندے مسیح ہوؤن دا اقرار کرے تاں اوُں کوں عبادت خانے وچوں کڈھ ڈِتا ونجے ²³۲۳۔ اِیں کیتے اوُندے ماں پیو نے آکھیا ہائی کہ اوُندے کولوں آپ پُچھ گھنو او تاں آپ وڈا سارا جوان ہِے۔²⁴۲۴۔ وَل اُنہاں نے اوُں بندے کوں جیہڑا انہا ہا ڈوجی وار سَڈ کے آکھیا جو خدا دی تعریف کر۔ اساں جان دے ہاں جو اے بندہ گناہ گار ہِے ²⁵۲۵۔ اوُں نے جواب ڈِتا میں نئیں جان دا کہ او گناہ گار ہِے یا نئیں۔ ہک گال جان دا ہاں کہ میں انہا ہامی۔ ہن سوجاکھا ہاں۔²⁶۲۶۔ وَل اُنہاں نے اوُں کو آکھیا کہ اوُں نے تیڈے کیا کیتے؟ کیویں تیڈیاں اکھیں کھولین؟ ²⁷۲۷۔ اوُں نے اُنہاں کوُں جواب ڈِتے میں تے تہاکوں آکھ چکا ہاں پر تُساں نہ سُنے۔ وَل وَل کیوں سُننا چاہندے وے؟ کیا تُساں وی اوُندے چیلے بننا چاہندے ہیوے؟²⁸۲۸۔ اوُ اوُں کوُں گندا چنگا آکھن لگ پئے جو تُوں ہی اوُندا چیلا ہئیں۔ اساں تاں موسیٰ دے چیلے ہئیں ²⁹۲۹۔اساں جان دے ہاں کہ خدا نے موسیٰ دے نال گالیں کیتے ہن پر ایں بندے کوُ نئیں سے جان دے جو اے کِتھوں دا ہِے۔³⁰۳۰۔ ہوُں بندے نے جواب وچ اوُں کو آکھیا اے تاں وڈی حیران کرن والی گال ہِے جو تُساں اوُں کوُں نئیں جان دے کہ او کِتھوں دا ہِے اوُں نے تاں میدیاں اکھیاں کھولین ³¹۳۱۔ اساں جان دے ہاں کہ خدا گناہ گاراں دی نئیں سُندا اَتے اگر کوئی خدا پرست ہوؤے تے او اوُندے حکماں تے چلے تاں او اوُندی سُندا ہِے۔³²۳۲۔ جہان دے مُڈھوں اے کڈائیں سُنن وچ نئیں آیے جو کئیں نے جماندروں انہے دیا اکھیاں کھولیاں ہوؤن ³³۳۳۔اگر اِے بندہ خدا دے ولوُں نہ ہوؤے ہا تاں کجھ نہ کر سگدا ہا ³⁴۳۴۔اُنہاں نے جواب وچ اوُں کو آکھے تُو تاں پکا گناہاں وچ جمیا ہائیں۔ تُوں ساکوں کیا سِکھاندا ہیئں؟ وَل اونہاں نے اوُں کوُں باہر کڈھ ڈِتا۔³⁵۳۵۔ یسوع نے سُنے جو اُنہاں نے اوُں کوُں باہر کڈھ ڈِتے تے جڈاں او اوُں کوُں ملے تا آکھیا کیا تُوں خدا دے پُتر تے ایمان گھن آندا ہیئں؟ ³⁶۳۶۔ اوُں نے جواب وچ آکھیا اَے خداوند او کون ہِے جو میں اوندے تے ایمان گھن آواں؟ ³⁷۳۷۔یسوع نے اوُں کو آکھیا تُوں اوُں کو ڈِٹھا ہِے اَتے جیہڑا تیڈے نال گالیں کریندا ہِے اوہوُ ہِے ³⁸۳۸۔ اوُں آکھیا اے خداوند میں ایمان گھن آندا ہاں اوَت اوُں کوُں سجدہ کیتے۔³⁹۳۹۔ یسوع نے آکھے میں جہان وچ عدالت کیتے آیا ہاں تاں جو نئیں ڈیدھے او ڈیکھن اَتے جو ڈیدھے ہن او انہے تھی ونجن ⁴⁰۴۰۔ جیہڑے فریسی اوُندے نال ہن اُنہاں نے اے گالیں سُن کے اوُں کوُ آکھیا کیا اساں وی انہے ہئیں؟ ⁴¹۴۱۔ یسوع نے اونہاں کوُں آکھیا جو تساں انہے ہوؤو ہا تاں گناہ گار نہ ہوؤو ہا پر ہن آدھے او بئی اساں ڈیدھے اۤں۔ ہن تہاڈا گناہ قائم راہندا ہِے۔

¹۱۔ میں تہاکوں سچ آدھا ہاں کہ جو کوئی بوہے تھوں تبیلے دے وچ نئیں وڑدا بلکہ کئیں بئی جا تھوں چڑھ آندے او چور تے ڈاکو ہِے ²۲۔ پر جو بوہے راہیں وڑدا ہِے او بھیڈاں دا رکھوالا ہِے۔³۳۔ اوُندے کیتے بوہے دا رکھوالا بوہا کھول ڈیندا ہِے اَتے بھیڈاں اوُندی آواز سُندیاں ہن اَتے او اپنی بھیڈاں کوُں نام بنام سڈ کے باہر گھن آندے ⁴۴۔ جیہڑے ویلے او اپنی ساریاں بھیڈاں کوُں باہر کڈھ گھیندا ہِے تاں اُنہاں دے اگے اگے جُلدا اے تے بھیڈاں اوندے پیچھوں پیچھوں تھی ویندن کیون جو او اوندی آواز سُنجاندیاں ہن۔⁵۵۔ پر او اوپرے بندے دے پیچھے نہ ویسن بلکہ اوندے کولوں بھج ویسن کیوں جو او اوپرے بندے دی آواز سُنجاندیاں ہن ⁶۶۔ یسوع نے اُنہاں کوُں اے تمثیل آکھی پر او نہ سمجھے کہ اے کیا گالیں ہن جو ساڈے نال کریندا ہِے۔⁷۷۔ یسوع نے اُنہاں کوُں وِل آکھیا میں تہاکوں سچ آدھا ہاں کہ بھیڈاں دا بوہا میں ہاں ⁸۸۔ جیہڑے میڈے کولوں پہلے آئے ہن او سارے چور تے ڈاکو ہن پر بھیڈاں نے اونہاں دی نہ سُنی۔⁹۹۔ بوہا میں ہاں۔ اَتے میڈے وچوں کوئی لنگھدا ہِے تاں او چھٹکارا پاسی اَتے اندر پاہر آسی ویسی تے چارا پاسی ¹⁰۱۰۔ چور نئیں آندا پر چوری کرن کیتے تے مارن تے قتل کرن کیتے۔ میں اِیں کیتے آیا ہاں تاں جو او حیاتی پاون تے ڈھیر ساری پاون۔¹¹۱۱۔ چنگا آجڑی میں ہاں۔ چنگا آجڑی بھیڈاں کیتے اپنی جان ڈیندا اے ¹²۱۲۔ نوکر جیہڑا نہ آجڑی اے نہ بھیڈاں دا سائیں۔ بھگاڑ کوُں آندے ڈیکھ کے بھیڈاں کو چھڈ کے بھج ویندے اَتے بھگاڑ اوُنہاں کوُں پکڑیندے تے چیڑ پھاڑ کریندے ¹³۱۳۔ او اِیں کیتے بھج ویندے کہ نہ نوکر ہِے اَتے نہ اوُں کوُں بھیڈاں دی فکر ہِے۔¹⁴۱۴۔ چنگا آجڑی میں ہاں۔ جیویں پیو میکوں جان دا ہِے اَتے میں پیو کوں جان دا ہاں ¹⁵۱۵۔ ایویں میں اپنی بھیڈاں کوں جان دا ہاں اَتے میڈی بھیڈاں میکوں جاندین تے میں بھیڈاں کیتے اپنی جان ڈیندا ہاں ¹⁶۱۶۔ تے میڈیاں بئیاں وی بھیڈاں ہن جو ایں تبیلے دیاں نئیں۔ میکوں اُنہاں کوں وی گھن آونا ضرور ہِے تے او میڈی آواز کوں سُنسن وَت ہک ای گلہ تے ہک ای آجڑی ہوسی۔¹⁷۱۷۔ پیو میڈے نال ایں کیتے پیار کریندے جو میں اپنی جان ڈیندا ہاں تاں جو اوُں کوں وَل گھن گھِناں ¹⁸۱۸۔ کوئی وی اوُں کوُں میڈے کولوں چھِک نئیں سگدا بلکہ میں آپ ہی ڈینداں ہاں۔ میڈے کول اوُں کوں ڈیون دا وی اختیار ہِے تے وَل گھنن دا وی اختیار ہِے۔ اے حکم میڈے پیو کولوں میکوں ملے۔¹⁹۱۹۔ انہاں گلاں دے پاروں وَت یہودیاں دے وچ جھیڑا تھیا ²⁰۲۰۔ اُنہاں وچوں بہووں سارے آکھن لگے کہ ایندے وچ بدروح ہِے تے او کملا وی ہِے تُساں اُندی کیوں سُندے او؟ ²¹۲۱۔ کئی بندیاں نے آکھیا اۓ ایہو جئے بندے دی گالیں نئیں جیندے وچ بدروح ہووے۔ کیا بدروح انہیاں دی اکھاں کھول سگدی اے؟²²۲۲۔ یروشیم دے وچ عید تجدید تھئی تے سردی دا موسم ہا ²³۲۳۔ اَتے یسوع ہیکل دے وچ سلیمانی برامدے وچ ٹُردا پھردا ہائی ²⁴۲۴۔ تے یہودیاں نے اوندے آسوں پاسوں کٹھے تھی کے اوُں کوُں آکھے تُوں کڈا تائیں ساڈے دِل کوں ڈانواں ڈول رکھیسیں؟ اگر تُوں مسیح ہئیں تاں ساکوں سیدھا آکھ۔²⁵۲۵۔یسوع نے اُنہاں کوُں جواب ڈِتا کہ میں تاں تہاکوں آکھ ڈِتے تُساں یقین ای کئے نئیں وے کریندے۔ جو کم میں اپنے پیو دے ناں تے کریندا ہاں اوہوُ میڈے گواہ ہن ²⁶۲۶۔ لیکن تُساں ایں کیتے یقین نئیں سے کریندے کہ میڈیاں بھیڈاں وچوں نئیں او۔²⁷۲۷۔ میڈیاں بھیڈاں میڈی آواز سُندین اَتے میں اُنہاں کوں جان دا ہاں اَتے او میڈے پیچھوں پیچھوں چلدین ²⁸۲۸۔ اَتے میں اُنہاں کوُں نہ ختم تھیون آلی حیاتی ڈیندا ہاں تے او اخیر تک کڈائیں ہلاک نہ تھیسن اَتے کوئی اُنہاں کوں میڈے ہتھوں چِھک نہ سگسی۔²⁹۲۹۔میڈا پیو جئیں میکوں او ڈِتیاں ہن ساریاں کولوں وڈا ہِے تے کوئی وی اُنہاں کوُں پیو دے ہتھ وچوں چِھک نہ سگسی ³⁰۳۰۔ میں تے پیو ہک ہئیں ³¹۳۱۔ یہودیاں نے اوُں کوُں مارن کیتے پتھر چاتے ہن۔³²۳۲۔ یسوع نے اُنہاں کوں جواب ڈِتے کہ میں تہاکوں پیو دے ولوں بہوُں سارے چنگے کم ڈِکھائے ہن۔ اُنہاں وچوں کیہڑے کم دے پاروں میڈی جان گھندے وے؟ ³³۳۳۔ یہودیاں نے اوُں کوُں جواب ڈِتے کہ چنگے کم دے پاروں نئیں بلکہ کُفر دے پاروں تیڈی جان گھندے ہاں ایں کیتے کہ توں بندہ تھی کے اپنے آپ کوُ خدا بنیندا ایں۔³⁴۳۴۔ یسوع نے اُنہاں کوُں جواب ڈِتا کیا تُہاڈی شریعت وچ اِے نئیں لکھا کھڑا جو میں آدھاں کہ تُساں خدا ہیوے؟ ³⁵۳۵۔ وَت اِے ہے جو اُنہاں کوُں خدا آکھے جنہاں دے کول خدا دا کلام آئے (اَتے خدا دے کلام دا مِٹ ونجنا سوکھا نئیں) ³⁶۳۶۔وَت تُساں اُوں بندے کو جیں کوُں پیو نے پاک کر کے اِیں جہان وچ بھیجے آدھے ہیوے تُوں کُفر بولیندیں اِیں کیتے کہ میں خدا دا پُتر ہاں؟³⁷۳۷۔ جے میں اپنے پیو دے کم نئیں کریندا تے میڈا یقین نہ کرو ³⁸۳۸۔ لیکن اگر میں کریندا ہاں تاں بے شک میڈا یقین نہ کرو پر اُنہاں کماں دا یقین تاں کرو اَتے تُساں سمجھو بئی کہ پیو میڈے وچ ہِے تے میں پیو دے وچ ہاں ³⁹۳۹۔ اُنہاں نے وَت اوُں کوُں پکڑن کیتے بہوُں کوشش کیتی پَر او اُنہاں دے ہتھوُں نکل گیا۔⁴⁰۴۰۔ وَت او یردن دے پار اوُں جا تے لگا گئے جِتھاں یوحنا پہلے بپتسمہ ڈیندا ہائی اَے او اوُتھائیں رہِ پیئے ⁴¹۴۱۔ اَتے بہوُں سارے اوُندے کول آئے تے آدھے ہن کہ یوحنا نے کوئی معجزہ نئیں ڈِکھایا پر جو کجھ یوحنا نے اِیندے بارے آکھا ہائی او سچ ہائی ⁴²۴۲۔ اَتے اوُتھاں بہوُں سارے اوُندے تے ایمان گھن آئے۔

¹۱۔ مریم تے اوُندے بھین مرتھا دے پینڈ بیت عنیاہ دا لعزر ناں دا ہک بندہ بیمار ہا ²۲۔ اے اوُہو مریم ہائی جئیں خداوند دے اُتے عطر سٹ کے اپنے ولاں نال اوُندے پیر پونجھے ہن۔ اوُندا بِھرا لعزر بیمار ہا۔³۳۔ اوُندی بھیناں نے اوُں کوُ آکھا بھیجے جو اَے خداوند! ڈیکھ جیہڑا تیکوں بہوُں پیارا ہِے او بیمار ہِے ⁴۴۔ یسوع نے سُن کے آکھیا جو اے بیماری موت دی نئیں بلکہ خدا دے جلال کیتے ہِے تاں جو اوُندے پاروُں خدا دے پُتر دا جلال ظاہر تھیوے۔⁵۵۔ یسوع مرتھا تے اوُندی بھین تے لعزر دے نال بہوُں پیار کریندا ہا ⁶۶۔ جڈاں اوُں نے سُنے کہ او بیمار ہِے تاں او اوُں جاہ تے جِتھاں او ہائی اوُتھائیں ڈوُ ڈِیں بیا رِہ گئے ⁷۷۔ وَل ایندے بعد چیلیاں کو آکھے آؤ وَل یہودیہ کو جوُلوں۔⁸۸۔ چیلیاں نے اوُں کوُ آکھے اِے ربی! (استاد) ہالی تاں یہودی تیکوُں مارنا چاہندھن اَتے تُوں ولا اُتھائیں ویندیں؟ ⁹۹۔ یسوع نے جواب ڈِتے کیا ڈِیں دے بارہ گھنٹے کئے تھیندے؟ پر کوئی ڈِیں کوُ چلے تاں تھُڈا نہ کھاسی کیوں جو او جہان دا سوجھلا ڈیدھا ہِے۔¹⁰۱۰۔ پر جیہڑا رات کوُ ٹُرسی تاں او تھُڈا کھاسی کیوں جو اوُندے وچ سوجھلا کئے نئیں ¹¹۱۱۔اوُں نے اِے گالیں آکھ کے ایندے بعد اُنہاں کوُں آکھن لگا کہ ساڈا سجن لعزر سُم تھیا اے پر میں اوُں کوُ جگاون ویندا ہاں۔¹²۱۲۔ وَت چیلیاں نے اوُں کوُں آکھیا اے خداوند! اگر سُم گئے تاں بچ ویسی ¹³۱۳۔ یسوع نے تاں اوُں دی موت دے پاروُں آکھا ہائی پر او سمجھے جو آرام کرن دی نیند دے بارے آدھا پیا ہِے ¹⁴۱۴۔ وَت یسوع نے اوُنہاں کو کھول کے ڈس ڈِتا جو کہ لعزر مر گئے۔¹⁵۱۵۔ میں تہاڈے پاروُں خوش ہاں جو میں اُتھاں کئے نہ ہم تاں جو تُساں ایمان گھن آؤ پر آؤ اوُندے کول ونجوں ¹⁶۱۶۔ وَل توما جیکوں توام آدھین اپنے نال دے چیلیاں کوُں آکھے اؤ اساں وی جُلوں تاں جو اوُندے نال مروُں۔¹⁷۱۷۔ وَت یسوع کوُ آ کے پتا لگے جو اوُں کوُں قبر وچ پاتے ہوئے چار ڈیں تھی گئے ہن ¹⁸۱۸۔ بیت لحم یروشلیم کولوں تقریباً ڈوُ میل دور ہا ¹⁹۱۹۔ اَتے بہوُں سارے یہودی مرتھا تے مریم کوُں اُنہاں دے بِھرا دے بارے تسلی ڈیون آئے ہن ²⁰۲۰۔مرتھا یسوع دے آون دی خبر سُن کے اوُں کوُں ملن گئی پر مریم گھر بیٹھی رہِ گئی۔²¹۲۱۔ مرتھا نے یسوع کوُں آکھے اَے خداوند! اگر توُں اِتھاں ہوئے ہا تاں میڈا بِھرا ناں مرے ہا ²²۲۲۔ اجاں وی میں جان دی ہاں کہ جو کجھ توُں خدا کولوں منگسیں او تیکو ڈیسی ²³۲۳۔ یسوع نے اوُں کوُں آکھیا تیڈا بِھرا زندہ تھی ویسی۔²⁴۲۴۔ مرتھا نے اوُں کوں آکھے میں جان دی ہاں جو حشر ڈینوار دے آخری ڈیں اے زندہ تھی ویسی ²⁵۲۵۔ یسوع نے اوُں کوُں آکھے قیامت تے حیاتی تاں میں ہاں۔ جیہڑا میڈے تے ایمان گھن آندے او مر وی ونجے تاں وی او حیاتی پاسی ²⁶۲۶۔ اَتے جیہڑا حیات ہِے اَتے میڈے تے ایمان گھن آندے او آخیر تک نہ مرسی ۔ کیا تُوں ایندے تے ایمان گھن آندی ہئیں؟²⁷۲۷۔ اوُں نے اوُں کوُں آکھے ہاں اِے خداوند میں ایمان گھن آئی ہاں کہ خدا دا پُتر مسیح جیہڑا جہان وچ آون اۤلا ہا توُں ای ہئیں ²⁸۲۸۔ اے آکھ کے او لگی گئی اَتے چپ کر کے اپنی بھین مریم کوُں بُلا کے آکھے کہ اُستاد اِتھائیں ہِے اَتے تیکوں سڈیندا پئے ²⁹۲۹۔ او اے سُندے ای چھیتی نال اُٹھ کے تے اوُندے کول آئی۔³⁰۳۰۔ (یسوع ہالی اجاں وستی دے وچ نہ آیا ہائی اجاں اُتھائیں ہا جِتھاں مرین اوُں کوُں ملی ہائی ) ³¹۳۱۔ جیہڑے یہودی گھر وچ اوُندے کول ہن اَتے اوُں کوُں دلاسا ڈیندے پئے ہن اے ڈیکھ کے مریم چھیتی نال اُٹھی کے باہر لگی گئی۔ اَتے او بندے اُندے پِچھے ایں کیتے ٹُر پئے جو کہ او قبر اُتے روؤن کیتے ویندی پئی ہِے ³²۳۲۔ جڈاں مریم اُں جا تے اپڑی جِتھاں یسوع ہائی اوُں کوُں ڈیکھ کے اُندے پیراں وچ ڈھے پئی اَتے اُں کوُں آکھے اے خداوند! جے تُوں اِتھاں ہوندوں تاں میڈا بِھرا نہ مردا۔³³۳۳۔ جڈاں یسوع نے اوُں کوُ اَتے اُنہاں یہودیاں کوُں جیہڑے اوُندے نال آئے ہن روندے ڈِٹھا تاں دِل وچ بہوُں دُکھی تھی کے تے گھبرا کے آکھے ³⁴۳۴۔ تُساں اوُں کوُں کِتھاں رکھا ہِے؟ اُنہاں نے آکھے اے خداوند! ٹُر کے ڈیکھ گھن ³⁵۳۵۔ یسوع دے ہنجو وگن لگ پئے۔³⁶۳۶۔ وَل یہودیاں نے آکھے ڈیکھو او اوُں کوُں کتنا پیارا ہائی ³⁷۳۷۔ وَت اُنہاں وچوں بعض نے آکھے کیا اے بندہ جئیں انہے دیاں اکھاں کھولیاں ہن اتنا وی نہ کر سگدا ہائی کہ اے بندہ نہ مرے ہا؟³⁸۳۸۔ یسوع وَل اپنے دِل وچ دُکھی تھی کے قبر تے آیا۔ او ہک غار ہا اَتے اوُن دے اُتے پتھر رکھیا گیا ہائی ³⁹۳۹۔ یسوع نے اُنہاں کوُں آکھے ایں پتھر کوُ ہٹاؤ۔ اوُں فوت تھئے ہوئے بندے دی بھین مرتھا نے اوُں کوُں آکھے۔ اے خداوند! اُندے وچوں تاں ہن بدبو آندی ہوسی کیوں جو اوُں کوُں فوت تھئے چار ڈیں تھی گیئن ⁴⁰۴۰۔ یسوع نے اوُں کوُ آکھے جو میں تیکوں آدھا نہ ہم کہ جے تُوں ایمان گھن آسیں تاں خدا دا جلال ڈیکھسیں؟⁴¹۴۱۔ اُنہاں نے اوُں پتھر کوُ ہٹائے۔ وَل یسوع نے اپنی اکھیاں چا کے آکھے اے پیو میں تیڈا شکر کریندا ہاں جو تُوں میڈی سُن گھنی ہِے ⁴²۴۲۔ اَتے میکوں پتا ہائی جو تُوں ہر ویلے میڈی سُندا ہئیں پر اینہاں بندیاں دے پاروُں جیہڑے آسے پاسے کھڑے ہین میں تاں آکھا ہائی جو اِے ایمان گھن آؤن کہ تُوں ہی میکوں گھلے۔⁴³۴۳۔ اے آکھ کے اوُں نے اوُچی آواز نال سڈے اَے لعزر نکل آ ⁴⁴۴۴۔ اَتے جیہڑا مر گیا ہا او کفن نال ہتھ پیر بدھے ہوئے نکل آئے اَتے اوُں دا منہ رومال نال ڈھکیا ہویا ہا۔ یسوع نے اُنہاں کوُں آکھے ایں کوُں کھول کئ تے ونجن ڈیؤ۔⁴⁵۴۵۔ وَت بہوُں سارے یہودی جیہڑے مریم کول آئے ہن اَتے جیہڑے یسوع دا اے کم ڈیکھ کے اُندے تے ایمان گھن آئے ⁴⁶۴۶۔ پر اُنہاں وِچوں کجھ نے فریسیاں دے کول ونج کے اُنہاں کوُں یسوع دے کماں دے خبر ڈِتی۔⁴⁷۴۷۔ وَت وڈیرے کاہناں تے فریسیاں نے صدر عدالت دے بندیاں کوُں کٹھا کر کے آکھے اساں کریندے کیا ہئیں؟ اے بندہ تاں بہوُں معجزے ڈیکھندا ہِے ⁴⁸۴۸۔ اگر اساں ایں کوُں ایویں ہی چھوڑ دِتا تاں سارے اوُندے تے ایمان گھن آسن اَتے رومی آ کے ساڈی جا تے تے قوم ڈوہاں تے قبضہ کر گھن سن۔⁴⁹۴۹۔ اَتے اُنہاں وچوں کائفا ناں دا ہک بندہ ہائی جو اوُں سال وڈیرہ کاہن ہائی اُنہاں کوُں آکھے تُساں کجھ نئیں وے جان دے ⁵⁰۵۰۔ تے وَت نہ سوچیندے ہو جو تُہاڈے کیتے ایہو چنگا ہِے جو ہک بندہ اُمت دے پاروُں مر ونجے نہ کہ ساری اُمت ہلاک تھیوے۔⁵¹۵۱۔ پر اوُں نے ایہہ اپنے ولوُں نیئں آکھیا ہا بلکہ بلکہ اوُں سال وڈیرہ کاہن تھی کے نبوت کیتی ہا جو یسوع ایں قوم دے کیتے مرسی ⁵²۵۲۔ اَتے نہ صرف ایں قوم دے کیتے بلکہ ایں کیتے وی جو خدا دے پریشان حال پُتراں کوُں کٹھا کر کے ہک کر ڈیوے ⁵³۵۳۔ وَت او اوُں ڈینہ تُوں اوُں کوُں مار سٹن دی صلح کرن لگ پئے۔⁵⁴۵۴۔ اوُں ویلے تُوں یسوع یہودیاں وچ علانیہ نئیں پھردا رہِ گئے بلکہ اُتھاں جنگل دے نیڑے دے علاقے وچ افرائیم ناں دے ہک شہر وچ لگا گئے اَتے اپنے چیلیاں کوُں نال گھن کے اوُتھائیں راہن لگے ⁵⁵۵۵۔ اوُں ویلے یہودیاں دی عید فسح نیرے ہائی اَتے بہوں بندے فسح کولوں پہلے پنڈاں تھوں یروشلیم کوُں گئے تاں جو اپنے آپ کوُں پاک کرن۔⁵⁶۵۶۔ وَت او یسوع کوُں گولن لگ پئے تے ہیکل وچ کھڑے تھی کے آپس وچ آکھن لگے کہ تہاڈا کیا خیال ہِے؟ کیا او عید وچ نہ آسی؟ ⁵⁷۵۷۔ اَتے وڈیرے کاہن تے فریسیاں نے حکم ڈے رکھا ہائی جو اگر کئیں کوُ پتا ہوؤے جو او کِتھا ں ہِے تاں اطلاح ڈیوے تاں جو اوُں کوُں پکڑوں۔

¹۱۔ وَت یسوع عید فسح توں چِھ ڈینہ پہلے بیت عنیاہ وچ آیا جِتھاں لعزر ہائی جیکوں یسوع نے مویاں وچوں جوایا ہائی ²۲۔ اُتھاں اُنہاں نے اُوں کیتے شام دا کھانا بنایا ہائی تے مرتھا خدمت کریندی ودی ہائی پر لعزر اُنہاں وچوں ہائی جیہڑے اوُندے نال کھانا کھاون بیٹھے ہن ³۳۔ وَت مریم نے جٹا ماسی دا اَدھ سیر خالص تے بہوُں قیمتی عطر گھن کے یسوع دے پیراں تے سُٹے اَتے اپنے والاں نال اوُندے پیراں کوُں صاف کیتے اَتے سارا گھر عطر دے بوُ نال بھر گئے۔⁴۴۔ پر اوُندے چیلیاں وچوں ہک بندہ یہوداہ اسکریوتی جیہڑا اوُں کوُ پھدواون کوُ ہا آکھن لگے ⁵۵۔ اے عطر یک سو دینار دا ویچ کے غریباں کوُں کیوں نئیں ڈِتا گیِا ⁶۶۔ اوُں نے اے ایں پارون نئیں آکھیا جو اوُں کوُں غریباں دی فکر ہائی بلکہ اِیں کیتے کہ او چور ہا اَتے اوُں دے کول اُنہاں دی بوجھی راندھی ہائی اُندے وچ جو لجھ پاندے ہن او کڈھ گھندا ہائی۔⁷۷۔ وَت یسوع نے اوُں کوُں آکھیا کہ اے عطر میڈے دفن دے ڈینہ کیتے راہون ڈے ⁸۸۔ کیوں جو غریب غربا تاں ہمیشہ تُہاڈے کول ہِن پر میں ہمیشہ تُہاڈے کول نہ راہساں۔⁹۹۔ پس یہودیاں وچوں عوام اے پتا کر کے کہ او اُتھاں ہِے نہ صرف یسوع دے پاروُں آئے بلکہ اِیں کیتے وی کہ لعزر کوُں ڈیکھن جیکوں اوُں نے مویاں وچوں جوایا ہائی ¹⁰۱۰۔ لیکن وڈیرے کاہناں نے صلح کیتی جو لعزر کوُ وی مار سٹوں ¹¹۱۱۔ کیوں جو اوُندے پاروُں بہوُں سارے یہودی لگے گئے تے یسوع تے ایمان گھن آئے۔¹²۱۲۔ ڈوُجھے ڈیں بہوُں سارے بندیاں نے جو عید مناؤن آئے ہن اے سُن کے کہ یسوع یروشلیم وچ آندا پئے ¹³۱۳۔ کھجور دیاں شاخاں گھن کے اوُندے استقبال کوُں نکلین تے اوُچی آواز نال آکھن لگے ہوشعنا! مبارک ہِے او جیہڑا خداوند دے ناں تے آندے او اسرائیل دا بادشا ہِے۔¹⁴۱۴۔ جڈاں یسوع کوُں گڈھاں دا بال ملے تاں او اُندے بہہ گیِا جیوں کہ لکھا ہِے کہ ¹⁵۱۵۔ اِے صیحون دی دِھی نہ ڈر۔ ڈیکھ تیڈا بادشاہ گڈھاں دے بال تے بہہ کے آندا پئے۔¹⁶۱۶۔ اوُندے چیلے پہلے تاں اے گالیں سمجھ نہ سکے پر جڈاں یسوع اپنے جلال کو اپڑے تاں اُنہاں کوُں یاد آئے کہ اے گالیں اوُندے حق اِچ لکھیاں ہویا ہن اَتے بندیاں نے اوُندے نال اے حال کیتا ہائی۔¹⁷۱۷۔ پس اُنہاں بندیاں نے گواہی ڈِتی جو اوُں ویلے اوُندے نال ہن جڈاں اوُں نے لعزر کوُ قبر وچوُں باہر سڈا تے مویاں وچوں جوایا ہائی ¹⁸۱۸۔ اِیں پاروُں بندے اوُندے استقبال کوُں نکلے جو اُنہاں نے سُنا ہائی کہ اوُں نے اِے معجزہ ڈِکھایا ہِے ¹⁹۱۹۔ وَت فریسیاں نے آپس اِچ آکھے سوچو! تہاڈے کولوں کجھ وی نئیں بن دا۔ ڈیکھو سارا جہاں اوُندے پیچھوں ٹُرن لگ پئے۔²⁰۲۰۔ جیہڑے بندے عید دے پاروُں عبادت کرن کیتے آئے ہن اُنہاں وچوں کجھ یونانی ہن ²¹۲۱۔ پس اُنہاں نے دے کول جیہڑا بیت صیدا دا راہون آلا ہا آ کے اوُں کوُ منت کیتی کہ جناب اساں یسوع کوُں ڈیکھنا چاہندے ہاں ²²۲۲۔ فلپس نے آ کے اندریاس کوُں آکھے۔ وَل اندریاس تے فلپس نے آکے یسوع کوُ اطلاح ڈِتی۔²³۲۳۔ یسوع نے جواب اِچ اُنہاں کوُں آکھے او ویلہ آندے جو ابن آدم جلال پاوے ²⁴۲۴۔ میں تہاکوں سچ آدھا ہاں کہ جڈاں تائیں کنک دا دانہ زمین وچ ڈھیہ کے مر نئیں ویندا کَلھا راہندے پر جڈاں مر ویندے تاں بہوُں سارا پھل گھن آندے۔²⁵۲۵۔ جیکوں اپنی جان بہوں پیاری اے او اوُں کوُ گنوا ڈیسی اَتے جیہڑا ایں جہان اِچ اپنی جان نال دشمنی کریندے اَتے او نہ ختم تھیون آلی حیاتی کیتے محفوظ رکھ گھن سی ²⁶۲۶۔ اگر کوُئی بندہ میڈی خدمت کریسی تاں میڈے پیچھے آسی اَتے جِتھاں میں ہوساں اُتھاں میڈا خادم وی ہوسی۔ اگر کوُئی میڈی خدمت کریسی تاں پیو اوُندی عزت کریسی۔²⁷۲۷۔ ہن میڈی جان گھبراندی ہِے وَت میں کیا آکھاں؟ اے پیوُ! میکوُں ایں ویلے کولوں بچا گھن پر میں ایں پاروُں تاں ایں ویلے کوُں اپڑا ہاں ²⁸۲۸۔ اے پیوُ! اپنے ناں کوُں جلال ڈے۔ وَت آسمان تھوُں آواز آئی کہ میں اوُں کوُں جلال ڈِتا ہِے اَتے وَل وی ڈیساں ²⁹۲۹۔ جیہڑے بندے سُندے کھڑے ہن اُنہاں نے آکھے کہ بدل گرجا ہِے بئے بندیاں نے آکھے کہ فرشتے نے اوُندے نال گالیں کیتاں ہن۔³⁰۳۰۔ یسوع نے جواب اِچ آکھے کہ اے آواز میڈے کیتے نئیں بلکہ تہاڈے کیتے آئی ہائی ³¹۳۱۔ ہن جہان دی عدالت کیتی ویندی اۓ۔ ہن جہان دا وڈیرہ (سردار) کڈھ ڈِتا ویسی۔³²۳۲۔ اَتے اگر میں زمین تھوُں اوُچے تے چڑھایا ویساں تاں ساریاں کوُں اپنے کول چھِک گھنساں ³³۳۳۔ اوُں نے ایں گال دے بارے اشارہ کیتے جو میں کیہوُ جئیں موت مرن آلا ہاں۔³⁴۳۴۔ بندیاں نے اوُں کوُں جواب ڈِتے کہ اساں شریعت دی اے گال سُنی ہِے کہ مسیح آخیر تک راہسی۔ وَل توُں کیوں آدھیں جو ابن آدم دا اوچے تے چڑھایا ونجنا ضرور ہِے؟ اے ابن آدم کون ہِے؟ ³⁵۳۵۔ وَل یسوع نے اُنہاں کوُ آکھے کہ ہن تھوڑی دیر تائیں نُور تُہاڈے کول ہِے۔ جڈاں تک نُور تُہاڈے نال ہِے ٹُرے ونجو۔ اے نہ تھیوے جو ہنیرہ تہاکوُں آ نپے اَتے جیہڑا ہنیرے وچ ٹُردا ہِے او نئیں جان دا کہ کِتھاں ویندا ہِے ³⁶۳۶۔ جڈاں توڑیں نُور تہاڈے نال ہِے نُور تے ایمان گھن آؤ تاں جو نُور دے پُتر بنو۔ یسوع اے گالیں کر کے چلا گئے اَتے اُنہاں کولوں اپنے آپ کوُ لوُکائے۔³⁷۳۷۔ وَت اوُں نے اُنہاں دے سامنے اتنے معجزے ڈِکھائے وَل وی او اوُندے تے ایمان نہ گھن آئے ³⁸۳۸۔ تاں جو یسعیاہ نبی دی گالیں پوریاں تھیوِن جیہڑا اوُں نے آکھیا ہا کہ اَے خداوند ساڈے سنیہے دا کئیں یقین کیتے؟ اَتے خداوند دا ہتھ کیندے تے ظاہر تھِیا ہِے؟³⁹۳۹۔ ایندے پاروُں او ایمان نہ گھن آئے تاں یسعیاہ نبی نے وَل آکھے ⁴⁰۴۰۔ اوُں نے اوُنہاں دیاں اکھیاں کوُں انہا تے اُنہاں دے دِل کوُں سخت کر چھوڑے۔ جو اے نہ تھیوے جو او اکھاں کولوں ڈیکھن اَتے دِل تھوں سمجھن تے رجوع کرن تے میں اُنہاں کوُں شفا ڈیواں۔⁴¹۴۱۔ یسعیاہ نے اے گالیں ایں کیتے آکھیاں ہن کہ اوُں نے اُندا جلال ڈِٹھا ہِے تے اوُں نے اوُندے بارے ای گالیں کیتین ⁴²۴۲۔تاں وی وڈیریاں وچوں بہوُں سارے اوُندے تے ایمان گھن آئے پر فریساں دے پاروُں اقرار نہ کریندے ہن تاں جو اے نہ تھیوتے کہ عبادت خانے وچوں کڈھے نہ ونجن ⁴³۴۳۔ کیوں جو او خدا کولوں عزت پاون گھنن دی بجائے بندیاں کولوں زیادہ عزت پانا چاہندے ہن۔⁴⁴۴۴۔ یسوع نے اوچی آواز نال آکھے جیہڑا میڈے تے ایمان گھن آندے او میڈے تے نئیں بلکہ میڈے گھلن آلے تے ایمان گھن آندے ⁴⁵۴۵۔ اَتے جیہڑا میکوں ڈیدھا ہِے او میڈے گھلن آلے کو ڈیدھا ہِے۔⁴⁶۴۶۔ میں نُور تھی کے جہان وچ آیا ہاں تاں جو کوئی میڈے تے ایمان گھن آندے اندھارے وچ نہ راہسی ⁴⁷۴۷۔ اگر کوُئی میڈی گالیں سُن کے اُنہاں تے عمل کریندے تاں میں اوُں کوُں مجرم نئیں آدھا کیوں جو میں جہان کوُں مجرم بناون کیتے نئیں بلکہ جہان کوُں نجات ڈیون کیتے آیا ہاں۔⁴⁸۴۸۔ جیہڑا میکوں نئیں منیندا اَتے میڈی گالیں کوُں قبول نئیں کریندا اوُں کوُں ہک مجرم آکھن والا ہِے یعنی جیہڑا میں کیتے آخری ڈِیں اوہوُ اوُں کوُ مجرم آکھسی ⁴⁹۴۹۔ کیوں جو میں اپنی طرفوُں کجھ نئیں آکھے بلکہ پیوُ جئیں میکوں بھیجے اوُں نے ای میکوں حکم ڈتے کہ کیا آکھاں تے کیا بولاں ⁵⁰۵۰۔ اَتے میں جان دا ہاں جو اوُں دا حکم نہ ختم تھیون آلی حیاتی ہِے۔ پس جو کجھ میں آدھا ہاں جیویں پیوُ میکوں آکھے اوُویں میں آدھا ہاں۔

¹۱۔ عید فسح تھوں پہلے جڈاں یسوع جان گئے کہ میرا او ویلہ آگئے کہ جہاں تھوں ٹُر کے پیوُ دے کول ونجاں تاں اپنے اوُں بندیاں کوُں جیہڑے ایں جہان اِچ ہن جیہوں جئیا پیار کریندا ہا آخیر تک پیار کریندا رہیا ²۲۔ اَتے جڈاں شیطان نے شمعون دے پُتر یہوداہ اسکریوتی دے دِل وچ گھت ڈِتا ہائی کہ اوُں کوُں نپاوے تاں شام دا ٹُکر کھاؤن ویلے۔³۳۔ یسوع نے اے جان کے جو پیوُ نے ساریاں شئیں میڈے ہتھ وچ کر ڈِتے ہن اَتے میں خدا دے کولوں آیا اَتے وَل خدا دے کول ای ویندا پیاں ⁴۴۔ ٹُکر کھاون آلی جا تھوں اُٹھ کے کپڑے لہائے تے رومال گھِن کے اپنی کنڈ دے نال بدھا ⁵۵۔ ایندے بعد ہک برتن وچ پانی گھت کے چیلیاں دے پیر دھوون تے رومال نال جیہڑا کنڈ نال بدھا ہائی اوندے نال صاف کرن شروع کیتے۔⁶۶۔ وَت او شمعون پطرس تائیں اپڑا۔ اوُں نے اوُں کو آکھے اے خداوند! کیا توُں میڈے پیر دھونا ہئیں؟ ⁷۷۔ یسوع نے جواب اِچ اوُں کوُ آکھے کہ جو میں کریندا ہاں تُوں ہالی نئیں جان دا پر بعد وچ تیکوں سمجھ آسی ⁸۸۔ پطرس نے اوُں کوُں جواب ڈِتے کہ تُوں میڈے پیر اۤخیر تک نہ دھو پاسیں۔ یسوع نے اوُں کوُں جواب ڈِتے جو اگر میں تیکوں نہ دھوواں تاں تُوں میڈے نال شریک نئیں سگدا ⁹۹۔ شمعون پطرس نے اوُں کوُں آکھے اے خداوند! صرف میڈے پیر ای نئیں بلکہ ہتھ تے سر وی دھو چھوڑ۔¹⁰۱۰۔ یسوع نے اوُں کوُں آکھے جیہڑا دھاں چُکے اوُں کوُں پیر دے سوا کجھ دھوون دی لوڑ نئیں او تاں بالکل پاک ہِے تے تُساں وی پاک ہو پر سارے دے سارے نئیں ¹¹۱۱۔ کیوں جو اپنے نپواون والے کوُ جان دا ہائی ایں کیتے اوُں نے آکھے تُساں سارے پاک نئیں۔¹²۱۲۔ جیہڑے ویلے اوں نے اوُنہاں دے پیر دھو گِدے اَتے اپنے کپڑے پا کے بہہ گئے تاں اُنہاں کوُ آکھے کیا تُساں جان دے ہیوے کہ میں تُہاڈے نال کیا کیتے؟ ¹³۱۳۔ تُساں میکوں استاد تے خداوند آدھے وے تے خوب آدھے ہیوے کیوں جو میں ہاں ¹⁴۱۴۔ پس جڈاں میں خداوند تے استاد نے تہاڈے پیر دھوتے ہن تاں تہاڈے تے وی فرض ہِے جو ہک ڈوجھے دے پیر دھویا کرو ¹⁵۱۵۔ کیوں میں تُساں کوُ ہک نمونہ ڈِکھایا ہِے کہ جیویں میں تہاڈے نال کیتے تُساں وی کیتا کرو۔¹⁶۱۶۔ میں تہاکوں سچ آدھا ہاں کہ نوکر اپنے مالک تھوں وڈا نئیں تھیندا تے ناں گھلیا ہویا اپنے گھلاون والے تھوں ¹⁷۱۷۔ اگر تُساں انہاں گالیں کوُں جان دے ہیوے تاں مُبارک ہو پر شرط ہے جو انہاں تے عمل وی کرو ¹⁸۱۸۔ میں تہاڈے ساریاں دے پاروں نئیں آدھا۔ جنہاں کوُں میں چُنا ہِے اُنہاں کوُں میں جان دا ہاں پر اے ایں کیتے ہِے جو اے پیشن گوئی پوری تھیوے کہ جو میڈی روٹی کھاندا ہِے اوُں نے میڈے تے جنگ چاتی۔¹⁹۱۹۔ہن میں اوُندے ہوون تھوں پہلے تہاکوں ڈسا ڈینا ہاں تاں جو جیہڑے ویلے تھی ونجے تاں تُساں ایمان گھن آؤ جو کہ میں اوؤ ہاں ²⁰۲۰۔میں تہاکوں سچ آدھا ہاں کہ جو میڈے گھلے ہوئے کوُں قبول کریندے او میکوں قبول کریندے اَتے جیہڑا میکوں قبول کریندے او میڈےگھلن آلے کوُ قبول کریندا ہِے۔²¹۲۱۔ اے گالیں کر کے یسوع اپنے دِل وچ گھبرا گئے اَتے اے گواہی ڈِتی کہ میں تہاکوں سچ آدھا ہاں کہ تہاڈے وچوں ہک بندہ میکوں نپویسی ²²۲۲۔ چیلے شبہ کر کے کہ او کیندی بارے آدھا پئے ہک ڈوجے کوُ ڈیکھن لگ پئے۔²³۲۳۔ اوُندے چیلیاں وچوں ہک بندہ جیندے نال یسوع محبت رکھیندا ہائی یسوع دے سینے دی پاسے جھک کے ٹُکر کھاون بیٹھا ہائی ²⁴۲۴۔ پس شمعون پطرس نے اوُں کوُں اشارہ کر کے آکھے ڈس تُوں او کیندے بارے آدھیں؟ ²⁵۲۵۔ اوُں نے اوُویں ای یسوع دی چھاتی دا آسرا گھن کے آکھے اے خداوند! او کون اے؟²⁶۲۶۔ یسوع نے جواب ڈِتے کہ جیں کوُں میں نوالہ ڈبو کے ڈے ڈیساں اوُو ہوسی۔ وَل اوُں نے نوالہ ڈبویا اَتے گھن کے شمعون اسکریوتی دے پُتر یہوداہ کوُ ڈے ڈِتا ²⁷۲۷۔ اَتے اوُں نوالے دے بعد شیطان اوندے وچ وڑ گئے۔ وِل یسوع نے اوُں کوُ آکھے کہ جو کجھ تُوں کرنا چاہندیں جلدی کر گھن۔²⁸۲۸۔ پر جیہڑے ٹُکر کھاون بیٹھے ہن اُنہاں وچوں کئیں کوُ پتا نہ لگا کہ اوُں نے اے اوُں کوُ کیوں آکھے ²⁹۲۹۔ کیوں جو یہوداہ دے کول بوجھی راہندی ہائی ایں کیتے کجھ نے سمجھے جو یسوع اوُں کوُ آدھے کہ جو کجھ ساکوُں عید دے کیتے لوڑ اے مل گِھن گِھن یا اے کہ غریباں کو کجھ ڈے ³⁰۳۰۔ او نوالہ گھن کے اوُں ویلے بہوں چھیتی باہر لگا گئے اے رات دا ویلہ ہا۔³¹۳۱۔ جیہڑے ویلے او باہر لگا گئے تاں یسوع نے آکھیا کہ ہن ابن آدم نے جلال پاتے اَتے خدا نے اوُندے وچ جلال پاتے ³²۳۲۔ اَتے خدا وی اوں کوُ اپنے وچ جلال ڈیسی بلکہ خدا اوُں کوُں بہوں جلدی جلال ڈیسی ³³۳۳۔ اے بالو! میں ہن تھوڑی دیر کیتے تہاڈے نال ہاں۔ تُساں میکوں گولیسو تے جیویں میں یہودیاں کوُں آکھے کہ میں جِتھاں ویندا ہاں تُساں نئیں وے آسگدے اوہو جیا میں تہاکوں وی آدھا پیاں۔³⁴۳۴۔ میں تہاکوں ہک نواں حکم ڈیندا پیا ہاں کہ ہک ڈوجے نال محبت رکھو کہ جیویں میں تہاڈے نال محبت رکھی تُساں وی ہک ڈوجے نال محبت رکھو ³⁵۳۵۔ اگر تُساں ہک ڈوجے نال محبت رکھیسو تاں ایں دے پاروُں ساریاں کوُ پتا لگ پوسی جو تُساں میڈے چیلے او۔³⁶۳۶۔ شمعون پطرس نے اوُں کوُ آکھے اے خداوند توں کِتھاں ویندا ہئیں؟ یسوع نے جواب ڈِتے کہ جِتھاں میں ویندا ہاں ہن تاں تُوں میڈے پیچھے آ نئیں سگدا پر بعد اِچ میڈے پیچے آسیں ³⁷۳۷۔ پطرس نے اوُں کوُں آکھے اے خداوند! میں تیڈے پیچھے ہالی کیوں نئیں آ سگدا؟ میں تاں تیڈے کیتے اپنی جان ڈیساں ³⁸۳۸۔ یسوع نے جواب ڈِتا کہ کیا تُوں میڈے کیتے اپنی جان ڈیسیں؟ میں تیکوں سچ آدھا ہاں جو کُکڑ بانگ نہ ڈیسی جڈاں تک تُو ترائے وار میڈا انکار نہ کر گھنسیں۔

¹۱۔ تہاڈا دِل نہ گھبراوے۔ تُساں خدا تے ایمان رکھیندے او میڈے تے وی ایمان رکھو ²۲۔ میدے پیوُ دے گھر دے وچ بہوُں سارے مکان ہن۔ جے نہ ہوون ہا تاں میں تہاکوُں ڈس ڈیواں ہا کیوں جو میں ویندا ہاں جو تہاڈے کیتے جا تیار کراں ³۳۔ اَتے اگر میں ونج کے تہاڈے کیتے جا تیار کریساں تاں وَل آ کے تہاکوں اپنے نال گھن گھنساں تاں جو جِتھاں میں ہاں تُساں وی ہو۔⁴۴۔ اَتے جِتھاں میں وینداں ہاں تُساں اُتھاں دی راہ جان دے ہیوے ⁵۵۔ توما نے اوُں کوں آکھے اے خداوند اساں اساں نئیں سے جان دےکہ تُوں کِتھاں ویندیں۔ وَل راہ کیویں جانوں؟ ⁶۶۔ یسوع نے اوُں کوُں آکھے کہ راہ تے حق تے حیاتی میں ہاں۔ کُوئی میڈے وسیلے دے بغیر پیوُ دے کول نئیں آ سگدا ⁷۷۔ اگر تُساں میکوں جان دے تاں میڈے پیوُ کوُ وی جان دے۔ ہن اوُں کوُں جان دے ہو اَتے ڈیکھ وی گِدے۔⁸۸۔ فلپس نے اوُں کوُں آکھے اے خداوند! پیوُ کو ساکوں ڈِکھا ۔ ایہو ساڈے کیتے ڈھیر اے ⁹۹۔ یسوع نے اوُں کوُ آکھے اے فلپس! میں ایڈی مُدت توں تہاڈے نال ہاں کیا تُوں میکوُں نئیں جان دا؟ جئیں میکوں ڈِٹھے اوُں نے پیوُ کوُ ڈِٹھے۔ تُوں کیوں آدھا ہیں کہ پیوُ کوُ ساکوں ڈِکھا؟¹⁰۱۰۔ کیا تیکوں یقین کئے نئیں کہ میں پیوُ دے وچ ہاں اَتے پیوُ میڈے وچ ہِے؟ اے گالیں جو میں تہاکوں آدھا ہاں اپنی طرفوں نئیں پیا آدھاں ہاں پیوُ میڈے وچ رِہ کے اپنے کم کریندا ہِے ¹¹۱۱۔ میڈا یقین کرو کہ میں پیوُ دے وچ ہاں اَتے پیوُ میڈے وچ ہِے نئیں تاں میڈے کماں دے پاروُں ہی میڈا یقین کرو۔¹²۱۲۔ میں تہاکوُں سچ آدھا ہاں کہ جو میڈے تے ایمان رکھیندا ہِے اے کم جو میں کریندا ہاں او وی کریسی ہتھوں ایندے کولوں وی وڈے کم کریسی کیوں جو میں پیوُ کول ویندا ہاں ¹³۱۳۔ اَتے جو کجھ تُساں میڈے ناں تھوں چاہسو میں اوہوُ کریساں تاں جو پیوُ پُتر وچ جلال پاوے ¹⁴۱۴۔ اگر میڈے ناں تھوں میڈے کولوں کجھ چاہسو تاں میں اوہوُ کریساں۔¹⁵۱۵۔اگرتُساں میڈے نال محبت رکھیندے او تاں میڈے حکماں تے عمل کریسو ¹⁶۱۶۔ اَتے میں پیوُ دے اگوں درخواست کریساں تاں او تہاکوں ڈوجھا مدد کرن آلا ڈیسی جیہڑا اۤخیر تک تہاڈے نال راہسی ¹⁷۱۷۔ یعنی روحِ حق جئیں کوُں اے دُنیا حاصل نئیں سے کر سگدی کیوں جو نہ اُوں کوُں ڈیدھی اِے اَتے نہ جان دی اِے کیوں جو او تہاڈے نال راہندے اَتے تہاڈے اندر ہوسی۔¹⁸۱۸۔ میں تہاکوُں یتیم نہ چھوڑیساں۔ میں تہادے کول آساں ¹⁹۱۹۔ تھوڑی دیر باقی ہِے جو دُنیا میکوں ولا نہ ڈیکھ سی پر تُساں ڈیدھے راہسو۔ کیوں جو میں جیوندا ہاں تُساں وی جیوندے راہسو ²⁰۲۰۔ اوُں ڈیں تُساں جان سو کہ میں اپنے پیوُ وچ ہاں اَتے تُساں میڈے وچ اور میں تہاڈے وچ۔²¹۲۱۔ جیندے کول میڈے حکم ہن اَتے او اونہاں تے عمل کریندا اے اوہو میڈے نال محبت رکھیندا ہِے اَتے جیہڑا میڈے نال محبت رکھیندا ہِے او میڈے پیوُ دا لاڈلا ہوسی اَتے میں اوندے نال محبت رکھیساں تے اپنے آپ کوُں اوندے تے ظاہر کریساں ²²۲۲۔ اوُں یہوداہ نے جیہڑا اسکریوتی نہ ہائی اوُں کوُں آکھے اے خداوند! کیا تھی گئے جو تُوں اپنے آپ کوُ ساڈے تے ظاہر کریندا ہئیں پر دُنیا تے نئیں؟²³۲۳۔ یسوع نے اوُں کوُں جواب وچ آکھے جو اگر کوُئی میڈے نال محبت رکھیندا ہِے تاں او میڈے کلام تے عمل کریسی اَتے میڈا پیوُ اوُندے نال محبت رکھیسی تے اساں اوُندے کول آسوں اَتے اوُندے نال مل باسوں ²⁴۲۴۔ جیہڑا میڈے نال محبت نئیں رکھیندا او میڈے کلام تے عمل نئیں کریندا اَتے جیہڑا کلام تساں سندے او او میڈا نئیں بلکہ میڈے پیوُ دا ہِے جئیں میکوں گھلے۔²⁵۲۵۔ میں اے گالیں تہاڈے نال رہِ کے تہاڈے نال آکھین ²⁶۲۶۔ لیکن مدد کرن آلا یعنی روح القدس جیہڑا پیوُ میڈے ناں توں بھجیسی اوہوُ تہاکوں ساریاں گالیں سکھیسی اَتے جو کجھ میں تہاکوں آکھے او ساریاں تہاکوں یاد کرویسی ²⁷۲۷۔ میں تہاکوں تسلی ڈِتی ویندا ہاں۔ اپنی تسلی تہاکوں ڈیندا ہاں۔ جیویں دُنیا ڈیندی ہِے میں تہاکوں اوُویں نئیں ڈیندا۔ تہاڈا دِ نہ گھبراوے اَتے نہ ڈرے۔²⁸۲۸۔ تُساں سُنی کھڑے ہیوے جو میں تہاکوں آکھے جو میں ویندا ہاں اَتے وَل تہاڈے کول آندا ہاں۔ اگر تُساں میڈے نال محبت رکھیندے تاں ایں گال نال جو میں پیوُ کول ویندا ہاں خوش تھیندے کیوں جو پیوُ میڈے کولوں وڈا ہِے ²⁹۲۹۔ اَتے ہن میں اِیں دے ہوؤن کولوں پہلے آکھ ڈِتا ہِے تاکہ جڈاں تھی ونجے تاں تُساں یقین کرو۔³⁰۳۰۔ ایندے بعد میں تہاڈے نال بہوُں گالیں نہ کریساں کیوں جو دُنیا دا وڈیرہ (سردار) آندا ہِے اَتے میڈے وچ اوُندا کجھ نئیں ³¹۳۱۔ اے ایں پاروُں تھیندا اے جو دُنیا جانے کہ میں پیوُ نال محبت رکھیندا ہاں اَتے جیویں پیوُ نے میکوں حکم ڈِتا ہِے میں اوُں ویں کریندا ہاں۔ اُٹھو اِتھوں جُلوُں۔

¹۱۔ انگور دا اصلی جھاڑ میں ہاں اَتے میڈا پیوُ باغبان ہِے ²۲۔ جیہڑی شاخ میڈے وچ ہِے تے او پھل نئیں گھن آندی اوُں کوُں او کٹ سٹیندا ہِے اَتے جیہڑی پھل گھن آندی ہِے اوُں کوُ او کانٹ جھاڑ کریندے تاں جو او بہوں سارا پھل گھن آوے۔³۳۔ ہن تُساں اوُں کلام دے پاروُں جیہڑا میں تہاڈے نال کیتے پاک ہو ⁴۴۔ تُساں میڈے وچ قائم رہو تے میں تہاڈے وچ۔ جیویں شاخ انگور دے جھاڑ وچ قائم نہ راہوے تاں اپنے آپ پھل نئیں گھن آندی اوُویں ہار تُساں وی اگر میڈے وچ قائم نہ راہسو تاں پھل نہ گھن آسو۔⁵۵۔ میں انگور دا جھاڑ ہاں تُساں شاخاں ہو۔ جو میڈے وچ قائم راہندے تے میں اوُندے وچ اوہو بہوُوں پھل گھن آندے کیوں جو میڈے کولوں الگ تھی کے تُساں کجھ وی نئیں وے کر سگدے ⁶۶۔ اگر کوُئی میڈے وچ قائم نہ راہوے تاں او شاخ وانگوں سَٹ ڈِتا ویندا اے وَت او سُک ویندا اے تے بندے اُنہاں کوُں جمع کر کے بھا اِچ پھونک ڈیندے ہن تے او سڑ ویندی اے ⁷۷۔ اگر تُساں میڈے وچ قائم راہو تے میڈی گالیں تہاڈے وچ قائم راہون تاں جو چاہندے او منگو۔ او تہاڈے کیتے تھی ویسی۔⁸۸۔ میڈے پیوُ دا جلال ایویں تھیندا اے جو تُساں بہوُں سارا پھل گھن آؤ۔ وَل ہی تُساں میڈے چیلے ٹھہرسو ⁹۹۔ جیویں پیوُ نے میڈے نال محبت رکھی اوُں وے ای میں تہاڈے نال محبت رکھی۔ تُساں میڈی محبت وچ قائم راہو۔¹⁰۱۰۔ اگر تُساں میدے حکماں تے عمل کریسو تاں میڈی محبت وچ قائم راہسو جیویں میں اپنے پیوُ دے حکماں تے عمل کیتا ہِے اَتے اوُں دی محبت وچ قائم ہاں ¹¹۱۱۔ میں اے گلاں تہاڈے نال ایں پاروُں کیتیاں ہن جو میڈی خوشی تہاڈے وچ ہووے تے تہاڈی خوشی پوری تھی ونجے۔¹²۱۲۔ میڈا حکم اے ہِے کہ جیویں میں تہاڈے نال محبت رکھی تُساں وی ہک ڈوجے نال محبت رکھو ¹³۱۳۔ ایندے تھوں زیادہ محبت کوئی بندہ نئیں کریندا جو اپنی جان اپنے بیلیاں کیتے ڈے ڈیوے۔¹⁴۱۴۔ جیہڑا کجھ میں تہاکوں حکم ڈیندا ہاں اگر تُساں اوندے تے عمل کریسو تاں میڈے بیلی ہوسو ¹⁵۱۵۔ ہن تھوں میں تہاکوں نوکر نہ آکھساں کیوں جو نوکت نئیں جان دا کہ اوُندا مالک کیا کریندا ہِے بلکہ تہاکوں میں بیلی آکھے۔ ایں پاروُں جیڑھیاں گالیں میں اپنے پیوُ کولوں سُنیں او ساریاں تہاکوں ڈسایاں ہن۔¹⁶۱۶۔ تُساں نے میکوں نئیں چُنا ہِے بلکہ میں تہاکوں چُن گِدے اَتے تہاکوں مقرر کیتے کہ ونج کے پھل گھن آؤ تے تہاڈا پھل قائم راہوے تاں جو میڈے ناں تھوں جو کجھ پیوُ کولوں منگو او تہاکوں ڈیوے ¹⁷۱۷۔ میں تہاکوں ایں گالیں دا حکم ایں کیتے ڈیندا ہاں کہ تُساں ہک ڈوجے نال محبت رکھو۔¹⁸۱۸۔ اگر دُنیا تہاڈے نال دشمنی رکھیندی ہِے تاں تُساں جان دے ہیوے جو اوُں نے تہاڈے کولوں پہلے میڈے نال وی دشمنی رکھی ہے ¹⁹۱۹۔ اگر تُساں دُنیا دے ہوو ہا تاں دُنیا اپنیاں کوُں عزیز رکھے ہا لیکن کیوں جو تُساں دُنیا دے نئیں بلکہ میں تہاکوں دُنیا وچوں چُن گِدے ایں کیتے دُنیا تہاڈے نال دشمنی رکھیندی ہِے۔²⁰۲۰۔ جیہڑی گال میں تہاکوں آکھی ہائی اوُں کوُں یاد رکھائے جو نوکر اپنے مالک کولوں وڈا نئیں تھیندا۔ اگر اُنہاں نے میکوں ستائے تاں تہاکوں وی ستاسن۔ اگر اُنہاں مے میڈی گال تے عمل کیتے تاں تہاڈی گال تے وی عمل کریسن ²¹۲۱۔ لیکن اے سب او میڈے ناں تھوں تہاڈے نال کریسن کیوں جو او میڈے گھلن والے کوں نئیں جان دے ²²۲۲۔ اگر میں نہ آواں ہا اَتے نہ اُنہاں نال کلام کراں ہا تاں او گناہ گار نہ تھیون ہا لیکن ہن اُنہاں دے کول اُنہاں دے گناہ دا بہانہ کئے نئیں۔²³۲۳۔ جیہڑا میڈے نال دشمنی رکھیندا ہِے او میڈے پیوُ نال وی دشمنی رکھیندا ہِے ²⁴۲۴۔ اگر میں اُنہاں وچ او کم نہ کریندا جو کئیں ڈوجھے نے نئیں کیتے تاں او گناہ گار نہ ہؤن ہا۔ پر ہن تاں اُنہاں نے میکوں تے میڈے پیوُ ڈوہاں کوُ ڈِٹھے اَتے ڈوہاں نال دشمنی رکھی ہِے ²⁵۲۵۔ لیکن اے ایں کیتے تھیئے جو او قول پورا تھیوے جیہڑا اُنہاں دی شریعت اِچ لکھا کھڑے جو اُنہاں نے میڈے نال مفت دشمنی رکھی۔²⁶۲۶۔ لیکن جڈاں او مدد کرن آلا آسی جیکوں میں تہاڈے کول پیوُ دی طرفوں بھجیساں یعنی روح حق جو پیوُ تھوں نکلدا ہِے تاں او میڈی گواہی ڈیسی ²⁷۲۷۔ تُساں وی گواہ ہیوے کیوں جو مڈھوں میڈے نال ہیوے۔

¹۱۔ میں اے گالیں تہاکوں ایں کیتے آکھین جو تُساں تھوُڈا نہ کھاؤ ²۲۔ بندے تہاکوں عبادت خانیاں دے وچوں کڈھ ڈیسن بلکہ او ویلہ آندے ہِے کہ جیہڑا تہاکوں قتل کریسی او سوچیسی جو میں خدا دی خدمت کریندا پیاں۔³۳۔ او ایں کیتے کریسن کہ اُنہاں نے نہ پیوُ کوُ سمجھے نہ میکوں ⁴۴۔ لیکن میں اے گالیں ایں کیتے تہاڈے نال کیتیں ہن کہ جڈاں اُنہاں دا ویلہ آسی تاں تہاکوں یاد آسی جو میں تہاکوں آکھا ہائی اَتے میں مڈھوں ای تہاڈے نال اے گالیں ایں کیتے نہ کیتیاں ہن جو میں تہڈے نال ہاسی۔⁵۵۔ پر ہن میں اپنے گھلن والے کول ویندا ہاں اَتے تہاڈے وچوں کوئی میڈے کولوں نئیں پچھدا کہ تُوں کِتھاں ویندا ہیں ⁶۶۔ بلکہ ایں کیتے جو میں اے گالیں تہاڈے نال کیتیاں ہن تہاڈا دل غم نال بھر گیا ہا ⁷۷۔ لیکن میں تہاکوں سچ آدھاں کہ میڈا ونجنا تہاڈے کیتے فائدہ مند ہِے کیوں جو اگر میں نہ ویساں تاں او مدد کرن آلا تہاڈے کول نہ آسی لیکن اگر ویساں تاں اوُں کوں تہاڈے کول بھیج ڈیساں۔⁸۸۔ اَتے او آ کے دُنیا کوُ گناہ تے راستبازی تے عدالت دے بارے وچ قصوروار ٹھہراسی ⁹۹۔ گناہ دے بارے جو او میڈے تے ایمان نئیں گھن آندے ¹⁰۱۰۔ راستبازی دے بارے وچ ایں کیتے جو میں پیوُ دے کول ویندا ہاں اَتے تُساں میکوں وَل نہ ڈیکھسو ¹¹۱۱۔ عدالت دے بارے ایں کیتے کہ دُنیا دا وڈیرہ مجرم ٹھہرایا گیا ہِے۔¹²۱۲۔ میکوں تہاڈے نال بئیاں وی بہوُں ساریاں گالیں آکھنی ہن پر ہن تساں وچ اِنہاں دی برداشت کئے نئیں ¹³۱۳۔ لیکن جڈاں او یعنی روح حق آسی تاں تہاکوں ساری سچائی دی راہ ڈِکھاسی۔ ایں کیتے کہ او اپنی طرفوں کجھ نہ آکھسی لیکن جو کجھ سُن سی اوؤ آکھ سی اَتے تہاکوں آون آلے ویلے دیاں خبراں وی ڈیسی ¹⁴۱۴۔ او میڈا جلال ظاہر کریسی ایں کیتے کہ میڈے کولوں گھن کے تہاکوں خبراں ڈیسی۔¹⁵۱۵۔ جو کجھ پیوُ دا ہِے او سارا میڈا اے۔ ایں کیتے میں تہاکوں آکھے جو او میڈے کولوں گِھن کے تہاکوں خبراں ڈیسی ¹⁶۱۶۔ تھوڑی دیر وَت نہ تساں میکوں ڈیکھ سو اَتے وَل تھوڑی دیر بعد میکوں ڈیکھ گھن سو۔¹⁷۱۷۔ وَت اوُں دے کجھ چیلیاں نے آپس وچ آکھیا اے کیا ہِے جو او ساکوں آدھے کہ تھوڑی دیر تائیں تساں میکوں نہ ڈیکھ سو تے وَت تھوڑی دیر بعد میکوں ڈیکھ گھن سو اَتے اے کہ میں پیوُ دے کول ویندا ہاں ¹⁸۱۸۔ اُنہاں نے آکھیا کہ تھوڑی دیر جو او آدھا ہِے اے کئیں گل اِے؟ اساں نئیں سے جان دے جو کیا آدھا ہِے۔¹⁹۱۹۔ یسوع نے اے جان کے جو او میکوں سوال کرنا چاہندے ہن اُنہاں کوُ آکھیا کیا تُساں آپس وچ میڈی ایں گال دے بارے پُچھ گُچھ کریندے وے جو تھوڑی دیر وچ تساں میکوُں نہ ڈیکھ سو اَتے وَل تھوڑی دیر وچ میکوُں ڈیکھ گھن سو؟ ²⁰۲۰۔ میں تہاکوُں سچ آدھا ہاں کہ تساں روسو اَتے ماتم کریسو پر دُنیا خوش تھیسی تساں ڈکھی ہوسو پر تہادا ڈُکھ خوشی بن ویسی ²¹۲۱۔ جڈا تریہمت بال جننا چاہندی اے تاں ڈُکھی تھیندی ہِے ایں کیتے کہ اوُں دے ڈُکھاں دا ویلہ آ پچدا اے وَت جڈاں بال پیدا تھی ویندا اے تاں ایں خوشی وچ جو دُنیا وچ ہک بندہ پیدا تھی گئے تاں ایں درد کوُ وَل یاد نئیں کریندی۔²²۲۲۔ تہاکوُں وی ہن تاں ڈُکھ ہِے پر جڈاں میں تہاکوُں ملساں تاں تہاڈا دِل خوش تھیسی اَتے تہاڈی خوشی کوئی چھِک نہ گھن سی ²³۲۳۔اُں ڈیں تساں میڈے کولوں کجھ نہ پچھ سو۔ میں تہاکوُں سچ آدھاں کہ اگر پیوُ کولوں کجھ منگسو تاں او میڈے ناں اِچ تہاکوں ڈیسی ²⁴۲۴۔ہن تائیں تساں میڈے ناں وچ کجھ نئیں منگیا۔ منگسو تاں پاسو تاں جو تہاڈی خوشی پوری تھی ونجے۔²⁵۲۵۔ میں اے گالیں تہاکوُں تمثیلاں وچ آکھیاں ہن۔ او ویلہ آندے جو تُہاکوُں میں تمثیلاں اِچ نہ آکھساں پر صاف صاف تہاکوں پیوُ دیاں خبراں ڈیساں۔²⁶۲۶۔ اُوں ڈیں تساں میڈے ناں وچ منگسو اَتے میں تہاکوُں اے نئیں آدھا جو پیوُ اگے تہاڈی منّت کریساں ²⁷۲۷۔ ایں کیتے کہ پیوُ تاں آپ ہی تہاکوُں عزیز رکھیندا ہِے کیوں جو تساں نے میکوں عزیز رکھیا ہِے اَتے ایمان گھن آئے ہیوے جو میں پیوُ دی طرفوں نکلا ہاں ²⁸۲۸۔ میں پیوُ وچوں نکلا ہاں اَتے دُنیا وچ آیا ہاں وَل دُنیا توں ٹُر کے پیوُ دے کول ویندا ہاں۔²⁹۲۹۔ اوُں دے چیلیاں نے آکھیا ڈیکھ ہن توں صاف صاف آدھا ہِئیں اَتے کوئی تمثیل نئیں آدھا ³⁰۳۰۔ اسں ہن جان گئے ہاں جو توں سب کجھ جان دا ہئیں اَتے ایں دا مھتاج نئیں کہ کوئی تیڈے کولوں پچھے۔ ایں کیتے اساں ایمان گھن آئے ہئیں جو توُں خدا وچوں نکلا ہئیں ³¹۳۱۔ یسوع نے اُنہاں کوُں جواب ڈِتے کیا تساں ہن ایمان گھن آندے وے؟³²۳۲۔ ڈیکو او ویلہ آندا ہِے بلکہ پجھ گئی ہِے جو تساں سارے وِکھر کے اپنے اپنے گھر دی راہ گھن سو تے میکو کہلا چھوڑ ڈیسو تاں وی میں کہلا نئیں ہاں کیوں جو پیوُ میڈے نال ہِے ³³۳۳۔ میں تہاکوں اے گالیں ایں کیتے آکھیں ہن جو تساں میڈے وچ تسلی پاؤ۔ اِیں جہاں وچ ڈکھ چاندے وے پر تسلی پاؤ جو میں ایں جہان تے غالب آیا ہاں۔

¹۱۔ یسوع نے اے گالیں آکھیں تے اپنیاں اکھیاں آسمان دی طرفوں چا کے آکھیا اے پیوُ! او ویلہ آگیا ہِے۔ اپنے پُتر دا جلال ظاہر کر تاں جو تیڈا پُتر تیڈا جلال ظاہر کرے ²۲۔ تُوں اوُں کوں ہر بندے تے اختیار ڈِتا ہِے تاں جو تُوں اُنہاں کو ڈِتا ہے اُنہاں ساریاں کوں او نہ ختم تھیون آلی حیاتی ڈیوے۔³۳۔ اَتے نہ ختم تھیون آلی حیاتی اے ہِے کہ او تیکوں ہِکو خدا تے برحق کوُں تے یسوع مسیح کوُں جینکوں توں بھیجے جاننن ⁴۴۔ جیہڑا کم تُوں میکوں کرن کوں ڈِتا ہائی اوُں کوُں ختم کر کے میں زمین اُتے تیڈا جلال ظاہر کیتے ⁵۵۔ اَتے ہن ِے پیوُ توُں اوُں جلال دے پاروں جیہڑا میں دُنیا دی پیدائش کولوں پہلے تیڈے نال رکھیندا ہاں میکوں اپنے نال جلالی بنا ڈے۔⁶۶۔ میں تیڈے ناں کوُں اُنہاں بندیاں تے ظاہر کیتے جنہاں کوُں تُوں میکوں ڈِتا ہائی۔ او تیڈے ہن اَتے تُوں اُنہاں کوں میکوں ڈِتے تے اُنہاں نے تیڈے کلام تے عمل کیتا ہِے ⁷۷۔ ہن او جان گئے ہن کہ جو کجھ تُوں میکوں ڈِتا ہِے او سارا کجھ تیڈی طرفوں ہِے ⁸۸۔ کیوں جو کلام تُوں میکوں ڈِتے او میں اُنہاں کوُں پہنچا ڈِتے اَتے اُنہاں نے اوُں کوُں قبول کیتے تے سچ جان گِدے جو میں تیڈی طرفقوں نکلا ہاں تے او ایمان گھن آئے ہن جو تُوں ہی نے میکوں میکوں بھیجے۔⁹۹۔ میں اُنہاں کیتے درخواست کریندا ہاں میں دُنیاں کیتے درخواست نئیں کریندا بلکہ اُنہاں کیتے جنہاں کوُں تُوں میکوُں ڈِتا ہِے کیوں جو او تیڈے ہن ¹⁰۱۰۔ اَتے جو کجھ میڈا ہِے او سارا کجھ تیڈا ہِے اَتے جو کجھ تیدا ہِے او میڈا ہِے اِنہاں تو میڈا جلال ظاہر تھیا ہِے ¹¹۱۱۔ میں ہن تھوں بعد دُنیا وچ نہ راہساں پر اے دُنیا وچ ہن تے میں تیڈے کول آندا ہاں۔ اے قدوس پیوُ! اپنے اوُں ناں دے وسیلے تھوں جیہڑا تھوں میکوں ڈِت ہِے اُنہاں دی حفاظت کر تاں جع سو ساڈی طرح ہک ہوؤن۔¹²۱۲۔ جڈاں توڑی میں اُنہاں دے نال راہندا رہیاں میں تیڈے اوُں ناں دے وسیلے دے نال جو توُں میکوں ڈِتا ہِے اُنہاں دی حفاظت کیتی اے۔ میں اُنہاں دے ڈیکھ بھال کیتی ہِے تے ہلاکت دے پُتر دے علاوہ اُنہاں وچوں کوُئی ہلاک نہ تھیا تاں جو کتاب مقدس دا لکھیا ہویا پورا تھیوے ¹³۱۳۔ لیکن ہم میں تیڈے کول آندا ہاں تاں اے گالیں دُنیا وچ آدھا ہاں تاں جو میڈی خوشی اُنہاں کوں پوری حاصل تھیوے ¹⁴۱۴۔ میں تیڈا کلام اُنہاں کوں پہنچا ڈِتا ہِے اَتے دُنیا نے اُنہاں نال دشمنی رکھی ایں کیتے جو میں دُنیا دا نئیں او وی دُنیا دے نئیں۔¹⁵۱۵۔ میں اے درخواست نئیں کریندا کہ تُوں اُنہاں کوں دُنیا وچوں چا گھن بلکہ اے کہ اوُں شریر کولوں اُنہاں دی حفاظت کر ¹⁶۱۶۔ جیویں میں دُنیا دا نئیں او وی دُنیا دے نئیں ¹⁷۱۷۔ اُنہاں کوں سچائی دے پاروں پاک کر۔ تیڈا کلام سچائی ہِے۔¹⁸۱۸۔ جیویں تُوں میکوں دُنیا وچ بھیجے اوویں میں وی انہاں کو دُنیا وچ بھجینا ¹⁹۱۹۔ اَتے میں اُنہاں دی خاطر اپنے آپ کوں پاک کریندا ہاں تاں جو او وی سچائی دے وسیلے پاک کیتے ونجن۔²⁰۲۰۔ میں صرف اُنہاں کیتے ہی درخواست نئیں کریندا بلکہ اُنہاں کیتے وی جو ایں کلام دے پاروں میڈے تے ایمان گھن آسن ²¹۲۱۔ تاں جو او سارے ہک تھیون یعنی جیویں اے پیوُ! تُوں میڈے وچ ہئیں اَتےمیں تیڈےوچ ہاں او وی ساڈے وچ ہوؤن اَتے دُنیا ایمان گھن آوے جو توں ہی میکوں بھیجے۔²²۲۲۔ اَتے او جلال جیہڑا توں میکوں ڈِتا ہِے میں اُنہاں کوں ڈِتا ہِے تاں او ہک تھیون جیویں اساں ہک ہاں ²³۲۳۔ میں اُنہاں وچ تے توں میڈے وچ تاں جو او کامل تھی کے ہک ہو ونجن تاں دُنیا جانے کہ تُوں نے ای میکوں بھیجے جیویں توں میڈے نال محبت رکھی اُنہاں نال وی محبت رکھی۔²⁴۲۴۔ اے پیوُ! میں چاہندا ہاں کہ جنہاں کوں تُوں میکوں ڈِتے جِتھاں میں ہاں او وہ میڈے نال ہوؤن تاں جو میڈے ایں جلال کوں ڈیکھن جو توں میکوں ڈِتا ہِے کیوں جو توں بنائے عالم کولوں پہلے میڈے نال محبت رکھی۔²⁵۲۵۔ اے عادل پیوُ! دُنیا نے تاں تیکوں نئیں سنجانا تے اُنہاں نے وی نئیں سنجانا جو توں میکوں بھیجے ²⁶۲۶۔ اَتے میں اُنہاں کوں تیڈے ناں نال واقف کیتے اَتے کریندا راہساں تاں جیہڑی محبت تیکوں میڈے نال ہاسی او اُنہاں وچ ہووے اَتے میں اُنہاں وچ ہوساں۔

¹۱۔ یسوع اے گالیں آکھ کے اپنے چیلیاں دے نال قدرون دے نالے دے پار گئے۔ اوُتھاں ہک باغ ہائی۔ ااوندے اِچ او اَتے اوندے چیلے وَڑ گئے ²۲۔ اَتے اوندا پکڑوانے اۤلا یہوداہ وی اوُں جا کوں جان دا ہا کیوں جو یسوع اُتھاں ویندا راہندا ہا ۔ ³۳۔وَل اوُں ویلے یہوداہ سپاہیاں دا دستہ تے وڈیرے کاہن تے فریسیاں دے پیدل چلن آلے سپاہی گھن کے مثلاں تے چراغ تے ہتھیاراں دے نال اُتھاں آئے۔⁴۴۔ یسوع اُنہاں ساریاں گالیں کوں جو اوندے نال تھیون آلیاں ہن جان کے باہر نکلے اَتے اوُں کوں آکھن لگے جو کیں کوں گولیندے وے؟ ⁵۵۔ اُنہاں نے اوُں کوں جواب ڈِتے یسوع ناصری کوُں۔ یسوع نے اُنہاں کوُں آکھے میں ای ہاں اَتے اوندا پکڑواون آلا یہوداہ وی اُنہاں دے نال کھڑا ہا۔⁶۶۔ اُوندے اے آدھے ای جو میں ای ہاں او پِچھے ہٹ کے زمین تے ڈھِ پئے ⁷۷۔ وَل اُنہاں نے اوندے کولوں پوچھے کہ تُساں کیں کوں گولیندے وے؟ اُنہاں نے آکھے یسوع ناصری کوں۔⁸۸۔ یسوع نے جواب ڈِتے کہ میں تہاکوں آکھ چکا ہاں جو میں ہی ہاں۔ اگر میکوں گولیندے ہیوے تاں اِنہاں کوں ونجن ڈیوو ⁹۹۔ اے اوُں کوں ایں کیتے آکھے جو اوُندا او قول پورا تھیوے کہ جنہاں کوں تُوں میکوں ڈِتے میں اُنہاں وچوں کئیں کوں وی نہ ونجائے۔¹⁰۱۰۔ وَل شمعون پطرس نے تلوار جیہڑی اوندے کول ہائی کڈھ کے وڈیرے کاہن دے نوکر تے چلا کے اوندا سجا کن کٹ چھوڑے۔ اوں نوکر دا ناں ملخُس ہائی ¹¹۱۱۔ یسوع نے پطرس کوں آکھے تلوار کوں میان وچ رکھ گھن۔ جیہڑا پیالہ پیوُ نے میکوں ڈِتا ہِے کیا میں اوُں کوں نہ پیواں؟¹²۱۲۔ وَل سپاہیاں تے صوبے دار تے یہودیاں دے پیدل چلن آلے سپاہیاں نے یسوع کوں پکڑ کے بَدھ گِدے ¹³۱۳۔ اَتے پہلے اوُں کوں حنا دے کول گھن گئے کیوں جو او اوُں سال وڈیرے کاہن کائفا دا سوہرا ہائی ¹⁴۱۴۔ اے اوہوُ کائفا ہائی جئیں نے یہودیاں کوُں صلاح ڈِتی ہائی کہ اُمت دے کیتے ہک بندے دا مرنا چنگا ہِے۔¹⁵۱۵۔ اَتے شمعون پطرس یسوع دے پِچھے ٹُر پئے تے ہک بیا چیلا وی۔ اے چیلا وڈیرے کاہن دا جان پچھان آلا ہا تے یسوع دے نال وڈیرے کاہن دے دیوان خانے دے وچ گئے ¹⁶۱۶۔ پطرس بوہئے دے باہر کھڑا ہائی۔ وَت او دوسرا چیلا جیہڑا وڈیرے کاہن دی جان پہچان آلا ہا باہر نکلے اَتے دربان تریمت کوں آکھ کے پطرس کوں اندر گھن گئے۔¹⁷۱۷۔ اوُں نوکرانی نے جیہڑی دربان ہائی پطرس کوں آکھے کیا تُوں وی ایں بندے دے چیلیاں وچوں او؟ اوُں نے کہا میں نئیں ہاں ¹⁸۱۸۔ نوکر تے پیدل چلن آلے سپاہی سیالے دے پاروُں کوئلے بکھا کے کھڑے سینک رہئے ہن تے پطرس وی اُنہاں دے نال کھڑا سینک دا پیا ہا۔¹⁹۱۹۔ وَل وڈیرے کاہن نے یسوع تے اوندے چیلے تے اوندی تعلیم دے پاروں پوچھے ۔ ²⁰۲۰۔ یسوع نے اوُں کو جواب ڈِتے میں دُنیا دے نال سامنے تھی کے گالیں کیتیاں ہن۔ میں ہمیشہ عبادت خانیاں اَتے ہیکل دے وچ جِتھاں سارے یہودی جمع تھیندے ہن تعلیم ڈِتی اَتے لک کے کجھ نئیں آکھیا ²¹۲۱۔ تُوں میڈے کولوں کیوں پُچھدا ہیئں؟ سُنن آلیاں کولوں پُچھ ڈیکھ جو میں اُنہاں کوں کیا آکھے۔ ڈیکھ اُنہاں کوں پتا ہِے جو کیا کیا آکھے۔²²۲۲۔ جڈاں اوُں نے اے آکھے تاں پیدل چلن آلیاں وچوں ہک بندہ جیہڑا کول کھڑا ہا یسوع دے مُنہ تے تھپڑ مار کے آکھے تُوں وڈیرے کاہن کوں جواب ڈیندا ہئیں؟ ²³۲۳۔ یسوع نے اوُں کوں جواب ڈِتے جو اگر میں بُرا آکھے تاں اوُں بُرائی تے گواہی ڈے جو اگر چنگا آکھے تاں وَل توں میکوں مریندا کیوں ہئیں؟ ²⁴۲۴۔ پس حنا نے اوُں کوں بدھا ہویا وڈیرے کاہن کائفا دے کول بھیج ڈِتے۔²⁵۲۵۔ شمعون کھڑا بھا سینک دا پیا ہا۔ وَت اُنہاں نے اوُں کوں آکھے کیا تُوں وی اوُں دے چیلیاں وچوں ہئیں؟ اوُں نے انکار کر کے آکھیا میں نئیں ہاں ²⁶۲۶۔ جئیں بندے دا پطرس نے کن کٹ چھوڑا ہائی اوُں دے ہک جانن آلے نے جیہڑا وڈیرے کاہن دا نوکر ہا آکھےکیا میں تیکوں اوندے نال باغ وچ نئیں ڈِٹھا؟ ²⁷۲۷۔ پطرس نے وَل انکار کیتے اَتے اوُں ویلے کُکڑ نے بانگ ڈِے ڈِتی۔²⁸۲۸۔ وَل او یسوع کوُ کائفا دے کول قلعے وچ گھن گئے او سویر دا ویلا ہا اَتے او آپ قلعے وچ نہ گئے تاں جو پلید نہ تھی ونجن بلکہ فسح کھا سکین ²⁹۲۹۔ پلاطس نے اُنہاں دے کول باہر آکے آکھے تُساں ایں بندے تے کیڑھا الزام لیندے ہیوے ³⁰۳۰۔ اُنہاں نے جواب وچ اوُں کوں آکھے اگر اے بدکار نہ ہوئے ہا تاں اساں ایکوں تیڈے حوالے نہ کروں ہا۔³¹۳۱۔ پیلاطُس نے اوُنہاں کوں آکھے ایں کوں گھن ونجو تے تُساں ای اپنی شریعت دے موافق ایندا فیصلہ کرو۔ یہودیاں نے اوُں کوں آکھے ساکوں روا نئیں جو کئیں بندے کو مار چھوڑوں ³²۳۲۔ اے ایں کیتے تھیا جو یسوع دی او گال پوری تھیوے جیہڑی اوُں نے اپنی موت دے طریق دے پاروں اشارہ کر کے آکھی ہائی۔³³۳۳۔ پلاطس قلعہ وچ وَل داخل تھیا تے یسوع کوں بلا کے اوندے کولوں پُچھے کیا تُوں یہودیاں دا بادشاہ ہئیں؟ ³⁴۳۴۔ یسوع نے جواب ڈِتے جو توں اے گال آپ ہی آدھا ہئیں یا بئے بندیاں نے میڈے بارے تیکوں آکھین؟ ³⁵۳۵۔ پیلاطس نے جواب ڈِتے کیا میں یہودی ہاں؟ تیڈی ہی قوم تے وڈیرے کاہناں نے تیکوں میڈے حوالے کیتے۔ توں کیا کیتا ہِے؟³⁶۳۶۔ یسوع نے جواب ڈِتے کہ میڈی بادشاہی ایں دُنیا دی نئیں۔ اگر میڈی بادشاہی ایں دُنیا دی ہووے ہا تاں میڈے چیلے لڑدے تے بھڑدے تاں جو میں یہودیاں دے حولے نہ کیتا ونجاں۔ پر ہن میڈی بادشاہی اِتھاں دی نئیں ³⁷۳۷۔ پیلاطس نے اوُں کوں آکھے کیا توں بادشاہ ہئیں؟ یسوع نے جواب ڈِتے تُوں آپ آدھا ہئیں جو میں بادشاہ ہاں۔ میں ایں کیتے جمیا ہاں تے ایں کیتے دُنیا اِچ آیا ہاں جو حق تے گواہی ڈیواں۔ جیہڑا حق دی آواز سُن دا ہِے او میڈی آواز سُن دا ہِے۔³⁸۳۸۔ پیلاطس نے اوُں کوں آکھے حق کیا ہِے؟ اے آکھ کے او وَل یہودیاں دے کول باہر گیا تے اُنہاں کوُں آکھن لگے کہ میں اُوندے وچ کجھ جُرم نہ پاتے ³⁹۳۹۔ مگر تہاڈا دستور ہِے کہ میں فسح دے موقعے تے تہاڈے لئی ہک بندہ چھوڑ ڈِتا کریندا ہاں۔ کیا تُہاکوں قبول ہِے جو میں تہاڈی خاطر یہودیاں دے بادشاہ کوں چھوڑ ڈیواں؟ ⁴⁰۴۰۔ اُنہاں نے اوچی اۤواز نال وَل آکھے ایں کوں نئیں لیکن برابا کوُ ۔ برابا ہک ڈاکو ہا۔

¹۱۔ ایں کیتے پیلاطُس نے یسوع کوُں کوڑے مروائے ²۲۔ اَتے سپاہیاں نے کنڈیاں دا تاج بنا کے اوندے سر تے رکھے اِتے اوُں کوُں ارغوانی رنگ دے کپڑے پوائے ³۳۔تے اوندے کول آ اۤ کے آکھن لگے اِے یہودیاں دے بادشاہ آداب! تے اوندے تھپڑ مارے۔⁴۴۔ پیلاطُس نے وَل باہر ونج کے بندیاں کوُں آکھے کہ ڈیکھو میں اوُں کوں تہاڈے کول باہر گھن آنداں تاں تساں جانو کہ میں اوندے وچ کجھ جرم نئیں ڈیدھا ⁵۵۔ یسوع کنڈیاں دا تاج رکھے اَتے ارغوانی کپڑے پاتے ہوئے باہر آئے تے پیلاطُس نے اونہاں کوں آکھے ڈیکھو اۓ آدمی! ⁶۶۔ جڈاں وڈیرے کاہن تے پیدل چلن آلے سپاہیاں نے ااوں کوں ڈِٹھے تاں پوری آواز نال صلیب ڈے صلیب! پیلاطُس نے اُنہاں کو آکھے کہ تساں ای اینکوں گھن ونجو تے مصلوب کرو کیوں جو میں ایندے وچ کجھ جرم نئیں ڈیدھا۔⁷۷۔ یہودیاں نے اوُں کوں جواب ڈِتے کہ اساں اہل شریعت ہئیں اَتے شریعت دے موافق او قتل دے لائق ہِے کیوں جو اوُں نے اپنے آپ کوں خدا دا پُتر بنائے ⁸۸۔ جڈاں پیلاطس نے اے گال سُنی تاں او بہوُں ڈر گیئے ⁹۹۔ اَتے وَل قلعے وچ ونج کے یسوع کوُں آکھے تُوں کِتھاں دا ہئیں؟ پر یسوع نے اوُں کوں کوُئی جواب نہ ڈِتا۔¹⁰۱۰۔ پس پیلاطس نے اوُں کوں آکھے تُوں میڈے نال الویندا نئیں؟ کیا تُوں نئیں جان دا جو میڈے کول تیکوں چھوڑ ڈیؤن دا وی اختیار ہِے اَتے مصلوب کرن دا وی اختیار ہِے ¹¹۱۱۔ یسوع نے اوُں کوں جواب ڈِتے جو اگر تیکوں اُتوں نہ ڈِتا ویندا تاں تیڈا میڈے تے کجھ اختیار نہ ہووے ہا۔ ایں پاروں جئیں نے میکوں تیڈے ھوالے کیتے اوندا گناہ ڈھیر ہِے۔¹²۱۲۔ ایں کیتے پیلاطس اوُں کوں چھوڑ ڈیوون دی کوشش کیتے پر یہودیاں نے اوچی آواز نال آکھے اگر توں اوُں کوں چھوڑ ڈینیں تاں قیصر دا سنگتی کئے نئیں۔ جو کوُئی اپنے آپ کوُ بادشاہ بنیندے او قیصر دا دشمن ہِے ¹³۱۳۔ پیلاطس اے گالیں سُن کے یسوع کوُ باہر گھن آئے اَتے اوپں جا تے جیہڑا چبوترہ تے عبرانی زبان وچ گبتا اکھویندا ہا عدالت دے تخت تے بیٹھے۔¹⁴۱۴۔ اے فسح دی تیاری دا ڈینہ تے چھیویں گھنٹے دے نیڑے ہا۔ وَل اوُں نے یہودیاں کوُں آکھے ڈیکھو اے ہِے تہاڈا بادشاہ ¹⁵۱۵۔ وَل او اوچی آواز نال اۤکھن لگے کہ گھن ونج! اینکوں مصلوب کر! پیلاطس نے اُنہاں کوُں آکھے کیا میں تہاڈے بادشاہ کوُ مصلوب کراں؟ وڈیرے کاہناں نے جواب ڈِتے کہ قیصر دے علاوہ ساڈا کوُئی بادشاہ نئیں ¹⁶۱۶۔ اے سُن کے اوُں نے اوُں کوُں اُنہاں دے حوالے چا کیتا جو مصلوب کیتا ونجے وَل او یسوع کوُں گھن گئے۔¹⁷۱۷۔ اَتے او اپنی صلیب آپ چا کے اوُں جا تائیں باہر گیا جیہڑی کھوپڑی دی جا اکھواندی ہائی جیندھا ترجمہ عبرانی زبان وچ گُلگتا ہِے ¹⁸۱۸۔ اُتھاں اُنہاں نے اوُں کوں تے اوندے نال بئے ڈوُ بندیاں کوُں مصلوب کیتے۔ ہک کوُ ہک پاسے ڈوُجھے کوُ دوُجھے پاسے اَتے یسوع کوپ وچکار۔¹⁹۱۹۔ وَل پیلاطس نے ہک کتابہ لکھوا کے صلیب تے لا ڈِتا۔ اوندے وچ لکھا ہائی یسوع ناصری یہودیاں دا بادشاہ ²⁰۲۰۔ اوُں کتابہ کوُ بہوُں سارے یہودیاں نے پڑھے۔ ایں کیتے جو او جا جِتھان یسوع مصلوب تھیا ہائی شاہر دے نیڑے ہا اَتے او عبرانی ۔ لتینی تے یونانی وچ لکھا ہائی۔²¹۲۱۔ یہودیاں دے وڈیرے کاہناں نے پیلاطس کوُں آکھے جو یہودیاں دا بادشاہ نہ لکھ بلکہ اے کہ اوُں آکھے میں یہودیاں دا بادشاہ ہاں ²²۲۲۔ پیلاطس نے جواب ڈِتے کہ میں جو لکھ ڈِتے او لکھ ڈِتے۔²³۲۳۔ جیہڑے ویلے سپاہیاں یسوع کوُ مصلوب کر ڈِتے تاں اوُں دے کپڑے گھن کے چار حصے کیتے ہن۔ ہر سپاہی کیتے ہک حصہ تے اوندا کُرتہ وی گِدے۔ اے کُرتہ سلائی کولوں بغیر ہا ²⁴۲۴۔ایں کیتے اُنہاں نے آپس اِچ آکھے کہ ایں کوُں پھاڑوُں نہ بلکہ ایں دے تے قرعہ پاؤں تاں جو پتا لگے اے کیندا نکلدا ہِے۔ اے ایں کیتے تھیا جو او نوشتہ پورا تھیوے جو آدھے کہ اُنہاں نے میڈے کپڑے ونڈ گدے ہن اَتے میڈی پوشاک تے قرعہ پاتے ۔ سپاہیاں نے ایویں ہی کیتے۔²⁵۲۵۔ اَتے یسوع دی صلیب دے نیڑے اوندی ماں اَتے اوندی ماں دی بھین مریم کلوپاس دی ذال تے مریم مگدلینی کھڑیاں ہن ²⁶۲۶۔ یسوع نے اپنی ماں تے اوُں چیلے کوں جیندے نال محبت رکھیندا ہائی نال کھڑے ڈیکھ کے ماں کوُ آکھے اے تریمت! ڈیکھ تیڈا پُتر اے ہِے ²⁷۲۷۔ وَل چیلے کو آکھے ڈیکھ تیڈی ماں اے ہِے تےاوُں ویلے او چیلا اوُں کوں اپنے گھر گھن گئے۔²⁸۲۸۔ ایں دے بعد جڈاں یسوع نے جان گِدے بئی ہن ساریاں گالیں پوری تھی گئین تاں جو نوشتہ پورا تھیوے تاں آکھے میں ترہایا ہاں ²⁹۲۹۔ اُتھاں سرکے نال بھریا ہویا ہک برتن رکھیا ہا وَت اُنہاں نے سرکے دے وچ ڈبوئے ہوئے سپنج کوُ ذوفے دی شاخ تے رکھ کے اوُندے مُنہ نال لگائے ³⁰۳۰۔ جڈاں یسوع نے او سرکہ پیتے تاں آکھے کہ تمام تھی گئے اَتے سر سَٹ کے جان ڈے ڈِتی۔³¹۳۱۔ چونکہ او تیاری دا ڈینہ ہا یہودیاں نے پیلاطس کوں درخواست کیتی کہ اُنہاں دیاں جنگاں توڑی ونجن اَتے لاشیں کوُں لہا گدا ونجے تاں جو سبت دے ڈینہ صلیب تے نہ راہون کیوں جو او سبت ہک خاص ڈینہ ہا ³²۳۲۔ وَت سپاہیاں نے آکے پہلے تے ڈوجھے بندے دی جنگاں بھن چھوڑین جیہڑے اوندے نال مصلوب تھئے ہن ³³۳۳۔ لیکن جڈاں اُنہاں نے یسوع دے کول آ کے ڈِٹھا کہ او مر گیِا ہِے تاں اوندیاں جنگاں نہ بھنیاں۔³⁴۳۴۔ پر اُنہاں وچوں ہک سپاہی نے بھالے دے نال اوندی پسلی وچ چھید چا کیتے اَتے اوندے وچوں اوں ویلے لہو تے پان وگن لگ پے ³⁵۳۵۔ جئیں اے ڈِٹھا ہِے اوُں نے گواہی ڈِتی ہِے تے اوُں دی گواہی سچی ہِے تے او جان دا ہِے بئی سچ آدھا ہِے تاں جو تُساں وی ایمان گھن آؤ۔³⁶۳۶۔ اے گالیں ایں کیتے تھئیاں ہن جو اے نوشتہ پورا تھیوے کہ اوندی کوُئی ہڈی نہ توڑی ویسی ³⁷۳۷۔ وَل ہک بیئا نوشتہ آدھے کہ جئیں کوُں اُنہاں نے چھیدا ہِے اوندے تے نظر کریسن۔³⁸۳۸۔ اِنہاں گالیں دے بعد ارمتیہ دے راہون آلے یوسف نے جیہڑا یسوع دا چیلا ہا ( لیکن یہودیاں دے ڈر کولوں خفیہ ہائی ) پیلاطس کولوں اجازت منگی کہ یسوع دی لاش گھن ونجے۔ پیلاطس نے اجازت ڈے ڈِتی۔ وَت او آ کے اوندی لاش گھن گیئے ³⁹۳۹۔ اوں ویلے نیکدیمس وی آئے جیہڑا پہلے یسوع دے کول رات کوُ گیا ہائی اَتے پنجھا سیر دے قریب مر تے عود ملا کے گھن آئے۔⁴⁰۴۰۔ اُنہاں نے یسوع دی لاش گھن کے اوُں کوُ سوتی کپڑے وچ خوشبودار شئیاں دے نال کفنائے جیویں یہودیاں اِچ دفن کرن دا دستور ہا ⁴¹۴۱۔ اَتے جیہڑی جا تے او مصلوب تھیا ہا اُتھاں ہک باغ ہائی تے اوُں باغ اِچ ہک نویں قبر ہائی جیندھے وچ کڈائیں کوُئی نہ رکھیا گیا ہا ⁴²۴۲۔ پس اُنہاں نے یہودیاں دی تیاری دے ڈینہ دے پاروُں یسوع کوُ اُتھائیں رک چھوڑے کیوں جو اے قبر نیڑے ہا۔

¹۱۔ ہفتے دے پہلے ڈینہ مریم مگدلینی ایویں تڑکے جو اجاں اندھارا ہائی قبر تے آئی اَتے پتھر کوُ قبر تھوں ہٹا ہویا ڈِٹھا ²۲۔ وَل او شمعون پطرس تے اوُں ڈوجھے چیلے دے کول جینکوں یسوع بہوُں عزیز رکھیندا ہائی بھجدی گئی تے اُنہاں کوُں آکھے کہ خداوند کوُں قبر وچوں کڈھ کئ گھن گئین تے ساکوں پتا کئے نئیں جو اوُں کوُں کِتھا رکھے۔³۳۔ پس پطرس تے او ڈوجھا چیلا نکل کے قبر دے وَل گئے ⁴۴۔ او ڈوئیں نال نال بھجدے گئے پر او ڈوجھا چیلا پطرس تھوں اگے ودھ کے قبر تے پہلے پُجا ⁵۵۔ اوُں نے جُھک کے نظر ماری تے سوتی کپڑے پئے ڈِٹھے پر اندر نہ گیا۔⁶۶۔ شمعون پطرس اوندے پِچھے پِچھے پُجا تے اوُں نے قبر دے اندر جا کے ڈِٹھا کہ سوتی کپڑے پئے ہن ⁷۷۔ اَتے او رومال جیہڑا اوندے سر دے نال بدھا ہویا ہا سوتی کپڑیاں دے نال نئیں بلکہ لپیٹا ہویا ہک جا تے الگ پیا ہا۔⁸۸۔ ایں پاروُں ڈوجھا چیلا وی جیہڑھا پہلے قبر تے آیا ہائی اندر گیا تے اوُں نے ڈیکھ کے یقین کیتے ⁹۹۔ کیوں جو او ہالی تک اوُں نوشتہ کوُ نہ جان دے ہن جیندے مطابق اوُں دا مردیاں وچوں زندہ تھیونا ضرور ہائی ¹⁰۱۰۔ وَل اے چیلے اپنے گھر کوُ واپس گئے۔¹¹۱۱۔ لیکن مریم باہر قبر دے کول کھڑی روندی راہی تے جڈاں روندے روندے قبر دے ول جھک کے اندر نظر ماری ¹²۱۲۔ تاں ڈوُ فرشتیاں کوُ سفید کپڑے پاتے ہوئے ہک کوُ سرہانے تے ڈوجھے کوُ پاوندی بیٹھے ڈِٹھا جِتھاں یسوع دی لاش پئی ہائی ¹³۱۳۔ اُنہاں نے اوُں کوُ آکھے اے تریمت! تُوں کیوں روندی ہئیں؟ اوُں نے اُنہاں کوُں آکھے ایں کیتے کہ میڈے خداوند کوُ چا کے گھن گئین تے پتا نئیں جو اوُں کوُں کِتھا رکھا ہِے۔¹⁴۱۴۔ اے آکھ کے او پچھاں کوُں پھر گئی تاں یسوع کوُ کھڑے ڈِٹھا تے نہ سنجھانا کہ اے یسوع ہِے ¹⁵۱۵۔ یسوع نے اوُں کوُں آکھے اے تریمت تُوں کیوں روندی ہیئں؟ کیں کوُں گولیندی ودی ہئیں؟ اوُں نے مالی سمجھ کے اوُں کوُں آکھے میاں اگر تُوں اوُں کوُں اِتھوں چاتا ہِے تاں میکوُں ڈس چھوڑ کہ اوُں کوُں کِتھاں رکھا ہِے تاں جو میں اوُں کوُں گھن ونجاں۔¹⁶۱۶۔ یسوع نے اوُں کوُں آکھے مریم! اوُں نے مڑ کے اوُں کوُں عبرانی زبان اِچ آکھے ربونی! یعنی اَے استاد! ¹⁷۱۷۔ یسوع نے اوُں کوُں آکھے میکوں ہتھ نہ لا کیوں جو میں ہالی تک پیوُ دے کول اوُتے نئیں گیا لیکن میڈے بھراواں دے کول ونج کے اُنہاں کوُں آکھ کہ میں اپنے پیوُ تے تہاڈے پیوُ تے اپنے خدا تے تہاڈے خدا دے کول اوُتے ویندا ہاں ¹⁸۱۸۔ مریم مگدلینی نے آ کے چیلیاں کوُں خبر ڈِتی کہ میں خداوند کوُ ڈِٹھے اَتے اوُں نے میکوں اے گالیں آکھین۔¹⁹۱۹۔ وَل اوُں ڈینوار جیہڑا ہفتے دا پہلا ڈینہ ہا شام دے ویلے جڈاں اُتھاں دے بوہے جِتھاں چیلے ہن تے یہودیاں دے ڈر کولوں بند ہن یسوع آ کے وچ کھڑا تھی گئے اَتے اُنہاں کوُں آکھے تہاڈی سلامتی تھیوے! ²⁰۲۰۔ اَتے اے آکھ کے اوُں نے اپنے ہتھاں تے پسلی کوُ اُنہاں کوُں ڈِکھائے پس چیلے خداوند کوُ ڈیکھ کے خوش تھئے۔²¹۲۱۔یسوع نے وَل اُنہاں کوُں آکھے تہاڈی سلامتی تھیوے! جیویں پیوُ نے میکوں گھلیا ہِے اوں ویں میں وی تہاکوں گھلینداں ہاں ²²۲۲۔ اے آکھ کے اُنہاں تے پُھک ماری اَتے اُنہاں کوُں آکھے روح القدس گِھنو ²³۲۳۔ جنہاں دے گناہ تساں بخشو اُنہاں دے بخشے گئے۔ اَتے جنہاں دے گناہ تساں نہ بخشو اُنہاں دے قائم رکھے گئے۔²⁴۲۴۔ پر اُنہاں بارہاں وچوں ہک بندہ یعنی توما جیکوں توام آدھے ہن یسوع دے آون دے ویلے اُنہاں دے نال ہا ²⁵۲۵۔پس باقی چیلے اوُں کوُں آکھن لگے اساں خداوند کوُ ڈِٹھا ہِے پر اوُں نے اُنہاں کوُں آکھے جڈاں توڑیں میں اُوندے ہتھاں وچ کِلاں دے شیک نہ ڈیکھ گھناں اَتے اُنہاں کلاں دے شیکاں وچ اپنی اُنگل نہ گھت گھناں اَتے اپنا ہتھ اوندی پسلی وچ نہ گھت گھناں کڈائیں وی یقین نہ کریساں۔²⁶۲۶۔ اٹھ ڈیں دے بعد جیہڑے ویلے اوندے چیلے وَل اندر ہن اَتے توما اُنہاں دے نال ہا بوہے وی بند ہن یسوع نے اُنہاں دے وچ کھڑے تھی کے آکھیا تہاڈی سلامتی تھیوے ²⁷۲۷۔ وَل اوُں نے توما کوُ آکھیا اپنی انگلی میڈے کول گھن آ تے میڈے ہتھاں کوُں ڈیکھ اَتے اپنا ہتھ میدی پسلی وچ گھت کے ڈیکھ اَتے بے اعتقاد نہ تھی بلکہ اعتقاد رکھ۔²⁸۲۸۔ توما نے جواب اِچ اوُں کوُں آکھے اے میڈے خداوند! اے میڈے خداوند! ²⁹۲۹۔ یسوع نے اوُں کوُں آکھے تُوں تاں میکوں ڈیکھ کے ایمان گھن آیا ہئیں۔ مُبارک ہن او جیہڑے ڈیکھے بغیر ایمان گھن آئے ہن۔³⁰۳۰۔ یسوع نے بئے بہوُں سارے معجزے چیلیاں دے سامنے ڈِکھائے جیہڑے ایں کتاب اِچ لکھے نیئں گئے ³¹۳۱۔ لیکن اے ایں کیتے لکھے گئے جو تُساں ایمان گھن آؤ کہ یسوع ای خدا دا پُتر مسیح ہِے اَتے ایمان گھن کے اوندے ناں اچ حیاتی پاؤ۔