¹1هَادُو هُمَا اَلْسْمِيَاتْ تَاَعْ جْدُودْ يَسُوْع اَلْمَسِيحْ بَنْ دَاوْدْ بَنْ بْرَاهِيمْ : ²إِبْراهِيمُ وَلَدَ إِسْحَاقَ. وَإِسْحَاقُ وَلَدَ يَعْقُوبَ. وَيَعْقُوبُ وَلَدَ يَهُوذَا وَإِخْوَتَهُ. ³وَيَهُوذَا وَلَدَ فَارِصَ وَزَارَحَ مِنْ ثَامَارَ. وَفَارِصُ وَلَدَ حَصْرُونَ. وَحَصْرُونُ وَلَدَ أَرَامَ.⁴وَأَرَامُ وَلَدَ عَمِّينَادَابَ. وَعَمِّينَادَابُ وَلَدَ نَحْشُونَ. وَنَحْشُونُ وَلَدَ سَلْمُونَ. ⁵وَسَلْمُونُ وَلَدَ بُوعَزَ مِنْ رَاحَابَ. وَبُوعَزُ وَلَدَ عُوبِيدَ مِنْ رَاعُوثَ. وَعُوبِيدُ وَلَدَ يَسَّى. ⁶وَيَسَّى وَلَدَ دَاوُدَ الْمَلِكَ. وَدَاوُدُ الْمَلِكُ وَلَدَ سُلَيْمَانَ مِنَ الَّتِي لأُورِيَّا⁷وَسُلَيْمَانُ وَلَدَ رَحَبْعَامَ. وَرَحَبْعَامُ وَلَدَ أَبِيَّا. وَأَبِيَّا وَلَدَ آسَا. ⁸وَآسَا وَلَدَ يَهُوشَافَاطَ. وَيَهُوشَافَاطُ وَلَدَ يُورَامَ. وَيُورَامُ وَلَدَ عُزِّيَّا⁹وَعُزِّيَّا وَلَدَ يُوثَامَ. وَيُوثَامُ وَلَدَ أَحَازَ. وَأَحَازُ وَلَدَ حِزْقِيَّا. ¹⁰وَحِزْقِيَّا وَلَدَ مَنَسَّى. وَمَنَسَّى وَلَدَ آمُونَ. وَآمُونُ وَلَدَ يُوشِيَّا. ¹¹وَيُوشِيَّا وَلَدَ يَكُنْيَا وَإِخْوَتَهُ عِنْدَ سَبْيِ بَابِلَ¹²وَبَعْدَ سَبْيِ بَابِلَ يَكُنْيَا وَلَدَ شَأَلْتِئِيلَ. وَشَأَلْتِئِيلُ وَلَدَ زَرُبَّابِلَ. ¹³وَزَرُبَّابِلُ وَلَدَ أَبِيهُودَ. وَأَبِيهُودُ وَلَدَ أَلِيَاقِيمَ. وَأَلِيَاقِيمُ وَلَدَ عَازُورَ. ¹⁴وَعَازُورُ وَلَدَ صَادُوقَ. وَصَادُوقُ وَلَدَ أَخِيمَ. وَأَخِيمُ وَلَدَ أَلِيُودَ¹⁵وَأَلِيُودُ وَلَدَ أَلِيعَازَرَ. وَأَلِيعَازَرُ وَلَدَ مَتَّانَ. وَمَتَّانُ وَلَدَ يَعْقُوبْ ¹⁶وَيَعْقُوبُ وَلَدَ يُوسُفَ رَاجلَ مَرْيَمَ الَّتِي وُلِدَ مِنْهَا يَسُوعُ الَّذِي يُدْعَى الْمَسِيحَ. ¹⁷ڨَاعْ ْلجِيلْ مَنْ إْبرَاهِيمْ حَتَّى لْدَاوَدْ رْبَعْطَاشْ نْجِيلْ وَمَنْ دَاوْدْ حَتَّى َلْوَقْتْ سَبْيْ الْيَهُودْ لْبَابْلْ رْبَعْطَاشْ نْجِيلْ وَمَنْ سَبْيْ بَابْلْ حَتَّى الْمَسِيحْ رْبَعْطَاشْ نْجِيلْ¹⁸لَوْلَادَة تَاعْ َيَسُوعُ اْلَمَسِيحْ. وْبَصَّحْ لْوْلَادَة نْتَاعْ يَسُوعْ الْمَسِيحْ كَانْتْ هَكَّا: كَانْتْ مَرْيَمْ أُمَهُ مَخْطُوبَة لْيُوسَفْ، وْقْبَلْ مَا تَتْزَوَجْ بٍيهْ لْقَاتْ رُوحْهَا حَامْلَة بِقُوَةْ الَرُوحْ اْلقُدُسْ. ¹⁹وْيُوسَفْ رَاجَلْهَا كَانْ رَاجْلْ مُتَّقِي الله وْمَابْغَاشْ يَفْضَحْهَا وْبْغَا يَتْفَارَقْ مْعَاهَا فَي اَلسَرْ²⁰. وْكِي كَانْ إِخَمَمْ في دَاكْ الَشِّي ، بَانْ لَهْ فْي لْمْنَامْ وَاحَدْ مَلَاكْ وْڨَالَهْ " يَايُوسَفْ بَنْ دَاوْدْ مَاتْخَافْشْ بَاشْ تَتْزَوَجْ بْمَرْيَمْ عْلَى خَاَطَرْ هَاذَاكْ اَللِّي رَافْدَاتَهْ فِي كَرْشْهَا هُوَ مَنْ اَلرُوحْ اْلقُدسْ. ²¹وْغَادِي تَوْلَدْ وَلْدْ وْ تْسَمِيهْ يَسُوعْ عْلَى خَاطَرْهُوَ لِي غَادِي ْيسَلَكْ اَلشَعْبْ مَنْ دْنُوبْهُمْ²²وْهَذَا ڨَاْع صْرَا بَاشْ يَتْحَقَقْ كْلَامْ رَبِّى بَلْسَانْ الَنْبٍي : ²³هاَ يَلاَ لْعَذْرَى تَرْفَدْ وْتَوْلَدْ وَلْدْ وَيَتْسَمَى عَمَّانُوئِيلِ اَللِّي َمعْنَاتَهْ الله مْعَاَنَا²⁴وْكِي فْطَنْ يُوسَفْ ، دَرْ كِيمَا ڨَالَهْ مَلاَكْ اَلرَبْ وْتْزَوَجْ بْمَرْيَمْ ²⁵وْبَصَّحْ مَتْزَوَجْشْ بِهَا حَتَى لِوَلْدَتْ الْوَلْدْ وْسَمَّاتَهْ يَسُوعْ.

¹وْكِي زَادْ يَسُوعْ فِي بِيتْ لْحَمْ فَاليَهُودِيَة، فِي عَهْدْ هِرُودُسْ، جَاوْ عُلَمَاءْ النْجُومْ لْأُورُشَلِيمْ ²إِسَقْسُوا : " وِينْ هُو مَلِكْ الْيَهُودْ الِّي تَوْلَدْ؟ عْلَى خَاطَرْ شَفْنَا النَّجْمَة تَاعَهْ فِي المَشْرِقْ وْجِينَا نَسَّجْدُو لَهْ". ³وْكِي سْمَعْ المَلِكْ هِرُودُسْ دَاكْ الشِّي خَافْ هُوَ وْڨَاعْ أُورُشَلِيمْ⁴لَمْ ڨَاعْ رُؤَسَاءْ رِجَالْ اَلدِّينْ وَاْلكَتَبَة وْسَقْسَاهُمْ،" وٍينْ غَاِدي يْتَوْلَدْ اَلمَسِيحْ؟" ⁵ڨَالُوا لَهْ: فِي بِيتْ لْحَمْ الْيَهُودِيَة، عْلَى خَاطَرْ هَكَّا مَكْتُوبْ بَالَنْبٍي لِي قَالْ: " ⁶وْأَنْتِ يَابِيتْ لْحَمْ اَليَهُودِيَة أَرْضْ يَهُودَا، مَاشِي أَنْتِ هِيَ الَصْغِيرَة فِي مْدُنْ يَهُوذَا عْلَى خَاطَرْ مَنَكْ يَخْرَجْ مْدَبَرْ يَرْعَى شَعْبِي إِسْرَائِيلْ"⁷وْمَمْبَعْدْ رْسَلْ هِرُودَسْ لْعُلَمَاءْ اَلْنُجُومْ فَي الَسَرْ وْتْحَقَقْ مَنْهُمْ عْلَى اْلوَقْتْ اللِّي بَانِتْ فِيهْ اَلْنْجُومْ ⁸أَمْبَعْدْ أَرْسَلْهُمْ لْبِيتْ لْحَمْ وْڨَالْ: " رُوحُو وْحَوْسُوا غَايَا عْلَى الْوَلْدْ، وْكِي تَلْقَوَهْ أَرْوَاحُوا خَبْرُونِي بَاشْ أَنَا ثَانَي نْرُوحْ مْعَاكُمْ وْنَسْجَدْ لَهْ "⁹وْكِي سَمْعُوا مَنْ الْمَلِكْ رَاحُو، وْشَافُو الَنَّجْمَة تْبَانَلْهُمْ فَي اَلشَرْقْ وْهِيَ غَادِيَة قُدَامْهُمْ حَتَّى لِوَقْفَتْ فَالْبْلاَصَة لِكَايَنْ فِيهَا لْوَلْدْ ¹⁰وْغِيرْ شَافُو اَلنَّجْمَة فَرْحُوا بَزَافْ¹¹وْكِي دَخْلُوا لَدَّارْ شَافُوا لْوَلْدْ وْأَمَّهْ مَرْيَمْ ، رَكْعُوا وْسَجْدُوا لَهْ .وْحَلُّوا كْنُوزْهُمْ وْ مَدُّولَهْ ذْهَبْ وْلْبَانْ وْلْمُرْ ¹².وْكِي نَبَّهُمْ الَرَّبَ ْفَمْنَامْ بَاشْ مَا يْوَلُوشْ لْهِرُودُسْ،رَاحُو فِي طْرِيڨْ وَحْدُو خْرَى وْوَلاَوْ لَبْلاَدْهُمْ¹³وْكِي رَاحُوا، بَانْ مَلاَكْ اَلرَّبْ لْيُوسَفْ فِي مْنَامْ وْڨَالَه : " نُوضْ وْدِّي لْوَلْدْ وْأَمَهْ وَأَهْرَبْ لْمَصَرْوْڨَعَدْ تَمْ حَتَّى نْڨُولْكْ. عْلَى خَاطَرْهِرُودُسْ رَاهْ بَاغِي يَكْتَلْ ْلَولْدْ ". ¹⁴نَاضْ وَآَدَى لْوَلْدْ وْأَمَّهْ وْرَاحُوا لْمَصَرْ ¹⁵وْڨَعْدُوا تمَّ حَتَّى لِيمَاتْ هِرُودُسْ . َباشْ يَتْحَقَقْ وَاشْ قَالْ اَلرَّبْ بِالنْبٍي لِي قَالْ:" مَنْ مَصَرْدْعِيتْ وَلْدِي "¹⁶وْكِي شَافْ هِرُودُسْ بَلِي عُلَمَاءْ الَنْجُومْ زَعْقُواعْلِيهْ زْعَفْ بَزَافْ. أَرْسَلْ وْكْتَلْ ڨَاعْ لَوْلَادْ اللِّي فِي بِيْتْ لْحَمْ وْڨَاعْ جْوَايَهْ مَنْ لِعَنْدْهُمْ عَامِينْ لْتَحْتْ عْلَى حْسَابْ لْوَقْتْ لِتْحَقَقْ فِيهْ مْعَ ْلمَجُوسْ¹⁷وْتْحَقَقَ لِتْڨَالْ عْلَى فَمْ اَلْنبِي إِرْمْيَا ¹⁸"نَسْمَعْ صُوتْ فَي اَلرَّامَة ، زْڨَا، بْكَا وْالَنْوَّاحْ، رَاحِيلْ تَبْكِي عْلَى وْلاَدْهَا وْ مَابْغَاتْشْ تَتْعَزَى عْلَى خَاطَرْ مَابْقَاوْشْ كَايْنِينْ."¹⁹كِي مَاتْ هِرُودُسْ، مَلاَكْ اَلرَّبْ بَانْ لْيُوسَفْ فْْمنَامْ فِي مَصْرْ ²⁰ڨَالَهْ: " نُوضْ وَدِي لْوَلْدْ وَأَمَّهْ وْوَلَاَوْا َلَأرْضْ إِسْرَائِيلْ عْلَى خَاطَرْ هَادُوكْ لِي كَانُوا َباغْيِينْ يُكَتْلُوااَلَوَلْدْ ". ²¹أَيَا نَاضْ وْدَا ْلوَلْدْ وْأَمَّهْ وْجَاوْ لْإَسْرَائِيلْ²²وْبَصَّحْ كِي سْمَعْ بَلِي أَرْخِيلاَسْ مَلِكْ عْلَى الْيَهُودِيَة فِي بْلاَصَة هِيرُودُسْ بُوهْ، خَافْ بَاهْ يْرُوحْ لْتَمْ. وْتْوَحِى لَهْ فَي حُلْمْ ، إِرُوحْ لَجْوَايَهْ اْلجَلِيلْ ²³وْجَا وْسْكَنْ فِي مْدِينَة اَلنَاصِرَة بَاشْ يَتْحَقَقْ ِلنْڨَالْ "غَادِي َيتْسَمَى نَاصِرَي".

¹وْ فْدِيكْ الَلِيَامْ جَا يُوحَنَا اَلْمَعْمَدَانْ يْبَشَرْ فْي ْلْخلَا نْتَاعْ بْلاَدْ اَلْيَهُودِيَة ²وْيْڨُولْ:" تُوبُواعْلَى خَاطَرْ ڨَرَبْ مَلَكُوتْ اَلسَمَاوَاتْ" ³وْهَذَا لِي ڨَالْ عْلِيهْ الَنْبِي إٍشْعِيَاءْ صُوتْ يْزَڨِي فْي َلْخَلَا وْيْڨُولْ: "وَجْدُوا طْرِيڨْ الَرَّبْ وْصَڨْدُوا طَرْقَانَهْ "⁴وْكَانْ لْبَاْس يُوحَنَا مَنْ وْبَرْ ْجَمْلْ وْمْحَزَّمْ بْحْزَامْ الْجَلْدْ وْيْعِيشْ بْالَجْرَادْ وْلَعْسَلْ اْلحُرْ ⁵وْجَاوْ عَنْدَهْ ڨَاعْ النَّاسْ نْتَاعْ أُورُشَلِيمْ وْالْيَهُودِيَة وْڨَاعْ الْجْوَايَهْ نْتَاعْ وَادْ الْأُرْدُنْ وَتْغَطْسُوا مَنَهْ فَي اْلأُرْدُنْ ⁶مَسْتْعَرْفِينْ بِذُنُوبٍهِمْ⁷وْكِي شَافْ يُوحَنَا بَزَافْ اَلنَاسْ مَنْ الْفَرِيسَيِينْ وْاَلصَدِوقَيِينْ إِيجُو لْعَنْدَهْ بَاشْ يَتْعَمْدُوا ڨَالْهُمْ: " يَاوْلاَدْ اْلَفاعِي، شْكُونْ نَبَهْكًمْ بَاشْ تَهَرْبُوا مَنْ زْعَافْ الله الَجَايْ؟ ⁸" أَيَا بَيْنُو تُوبْتْكُمْ بِاَعْمَالْكُمْ الَصَالْحَة ⁹وْمَاتْڨُولُوشْ فَي رْوَاحْكُمْ عَنْدْنَا ْبرَاهِيمْ بُونَا عْلَى خَاطَرْ نْڨُولْكُمْ : الله قَادَرْ إِيدِيرْ مَنْ هَاذْ الْحَجَرْ وْلَادْ لِإبْرَاهِيمْ¹⁰وْدُرْوَكْ هُوَلاَ اْلفَاسْ مَحْطُوطْ عْلَى جَذْرْ اَلشْجَرْ، وْكُلْ شَجْرَة مَاتَعْطِيشْ غَلَّة مْلِيحَة تَنْڨَطَعْ وْتَنْقَاسْ فَالنَّارْ ¹¹أَنَا نْغَطَّسْكُمْ فِالْمَا لَلتُّوبَة، بَصَّحْ غَادِي إِيجِي وَاحَدْ مَمُّورَايَا قْوِيْ مَنِّي وْمَانَسْتَهَلْشْ حَتَّى نَڨْلَعْ صَبَّاطَهْ وْهُوَ يْعَمَّدْكُمْ بَالرُّوحْ القُدُسْ وَالنَّارْ ¹²وْفِي يَدَّهْ المَدْرَى يْنَقِّي بِهَا اْلدَّرْسْ نْتَاعَهْ وَيْلَمْ الڤَمْحْ فِي لَمْخَازَنْ نْتَاوْعَهْ ، بَصَّحْ التْبَنْ غَادِ يَحَرْڤَهْ بَالنَّارْ الِّي عُمَّرْهَا مَا غَادِي تَنْطْفَا>>¹³وْمَنْ بَعْدْ جَا يَسُوعْ مَالجَلِيلْ حَتَّى لْوَادْ الأُرْدُنْ لْعَنْدْ يُوحَنَّا بَاشْ يْغَطْسَهْ ¹⁴بَصَّحْ يُوحَنَّا مَاخَلاَّهْشْ وْڤَالَّهْ: " أَنَا لِي مَحْتَاجْ نَتْغَطَّسْ مَنَّكْ وَنْتَ جِيتْ لِيا نْغَطْسَكْ؟ ", ¹⁵جَاْوَبَهْ يَسُوعْ وْڤَالَهْ: "غِيرْ قْبَلْ بْهَاذْ الشِّي دَرْوَكْ عْلَى خَاطَرْ ِإلِيقْ نْكَمْلُوا مُرَادْ الَلَّه " وْتَمْتَمْ خَلَّاهْ يَتْغَطَّسْ¹⁶وْغِيرْ تْغَطَّسْ يَسُوعْ طْلَعْ مَلْمَا تْحَلَّتْ لَهْ السْمَا وْشَافْ رُوحْ الله نَازَلْ عْلَى صُورَةْ حْمَامَة وَتْحَطَّتْ عْلِيهْ ¹⁷وْصُوتْ مَنْ السْمَا يْڤُولْ :" هَذَا بْنِي لَحْبِيبْ الِّي بِيهْ فْرَحْتْ بَزَّافْ".

¹وْمَنْ بَعْدْ دَا رُوحْ الله يَسُوعْ لَلَخْلاَ بَاشْ يْجَرْبَهْ إبْلِيسْ ²وْ صَامْ رَبْعِينْ يُومْ وْرَبْعِينْ لِيلَة، وْمَنْ بَعْدْ جَاهْ الجُوعْ. ³وْجَا عَنْدَهْ إِبْلِيسْ الِّي يْجَرْبْ وْڤَالَّهْ: " الاَ كُنْتْ إِبْن الله، تْڤُولْ لْهَاذْ لَحْجَرْ إِيوَلِّي خُبْزْ ⁴" وْرَدْ عْلِيهْ يَسُوعْ وْڤَالْ: " مَكْتُوبْ فِي كْتَابْ الله، مَشِي غِيرْ بَالخُبْزْوَحْدَه يْعِيشْ البْنَادَمْ، بَصَّحْ يْعِيشْ بِكُلْ كَلْمَة ْيڤُولْهَا الهُ "⁵مَنْبَعْدْ دَاهْ إبْلِيسْ لَمْدِينَة أُورُشَلِيمْ المْقَدْسَة، أوَڤْفَهْ فِي مَوْضَعْ عَالِي فُوڤْ بِيتْ الله. ⁶وْڤَاَّلهْ: "إِلَا كُنْتْ إِبْن الله ، قِيسْ رُوحَكْ لَتَّحْتْ عْلَى خَاطَرْ مَكْتُوبْ فَ كْلاَمْ الله غَادِي يْوَصِّي الْمَلاَيْكَة انْتَاعَهْ عْلِيكْ ، وَعْلَى إِيدِّيهُمْ َيدُّوكْ بَاشْ مَتُدْرُبْشْ رَجْلِيكْ مْعَ لَحْجُرْ"⁷وْجَاوْبَهْ يَسُوعْ : " مَكْتُوبْ فِي كْتَابْ الله ثَانِي مَاتْجَرَّبْشْ الرَّبْ إلَهَكْ" ⁸مَنْبَعْدْ طَلْعَهْ إْبَلِيسْ لْوَاحَدْ لَجْبَلْ عَالِي بَزَّافْ، وْوَرَّالَهْ ڤَاعْ الْمَمَالَكْ تَاعْ الدَّنْيَا وْالْعَزْ لْلِّي عَنْدْهُمْ ⁹وْڤَاَّلهْ: " ڤَاعْ هَاذْ الْشِّي غَادِي أَنْمَدَّهْلَكْ إِذَا اسْجَدَتْلِي وَعْبَدْتْنِي"¹⁰تَمْتَمْ رَدْلَهْ َيسُوعْ:" رُوحْ يَاشِيطَانْ أَعْلاَ خَاطَرْ مَكْتُوبْ فَكْتَابْ الله، لَلْرَّبْ إِلاَهَكْ تَسْجُدْ وْغِيرْ لِيهْ وَحْدَهْ تَعْبَدْ ". ¹¹وْمَنْ بَعْدْ هَادْ الْشِّي خَلَّاهْ إِبْلِيسْ، وْجَاوْ المَلاَيْكَة وْبدَاتْ تَخَدْمَهْ¹²وْكِي سْمَعْ يَسُوعْ بَلِّي يُوحَنَّا الغَطَّاسْ تْشَدْ فَالْحَبْسْ، رَاحْ لَلْجَلِيلْ ¹³خَلَّى النَّاصِرَة وْرَاحْ سْكَنْ فْكَفَرْنَاحُومْ الْلِّي حْدَا بْحَرْ الْجَلِيلْ فَبْلاَدْ زَبُولُونَ وْنَفْتَالِي¹⁴بَاشْ يَتْحقَّقْ الْلِّي ڤَالَهْ الْنْبِيْ إِشْعِيَاءْ ¹⁵" بْلاَدْ زَبُولُونْ وْبْلاَدْ نَفْتَالِي الْلِّي فِي طْرِيڤْ لَبْحَرْ، مَنْ جِهَة لُخْرَى انْتَعْ وَادْ الأُرْدُنْ بْلاَدْ الجَلِيلْ نْتَاعْ الشُّعُوبْ الْلِّي يَهُوذَا ¹⁶الشَّعْبْ الجَالَسْ فَالظَّلْمَة شَافْ نُورْ عَظِيمْ، وَالْجَالَسِينْ فِي بْلاَدْ الْمُوتْ شْرَقْ عْلِيهُمْ وَحْدْ النُّور"¹⁷مَنْ دَاكْ الْوَقْتْ بْدَا يَسُوعْ اخَبَّرْ النَّاسْ وَيْڤُولْ : " تُوبُوا عْلَى خَاطَرْ مَلْكُوتْ السَّمَوَاتْ"¹⁸كِي كَانْ يَسُوعْ يَتْمَشَّى حْدَى بْحَرْ الجَلِيلْ شَافْ زُوجْ خَاوَة، سِمْعَانْ الْلِّي يْعَيْطُولَهْ بُطْرُسْ وْأَنْدْرَاوُسْ خُوهْ، كَانُوا يْقِيسُوا الشَّبْكَة فِالْبْحَرْ عْلَى خَاطَرْشْ كَانُوا صَيَّادِينْ الْحُوتْ ¹⁹وْڤَالْهُمْ يَسُوعْ:" تَبْعُونِي وَانَا نْرَدْكُمْ صَيَّادِينْ النَّاسْ". ²⁰تَمْتَمْ خَلاَّوْ الشَبَّاكْ تَاعْهُمْ وْتَبْعُوهْ²¹وْمَنْ بَعْدْ رَاحْ مَنْ تَمَّا وْشَافْ زُوجْ خَاوَة وَحْدُخْرِينْ، يَعْقُوبْ إْبنْ زَبَدِي وْخُوهْ يُوحَنَّا، مْعَ بُوهُمْ زَبَدِي فِي وَحْدْ لَفْلُوكَة يْصَڤْدُوا الشَّبَاكْ تَاعْهُمْ وْغِيرْ عَيَّطَلْهُمْ ²²خَلاَّوْ بُوهُمْ وَالفْلُوكَة وْتَبْعُوهْ²³يَسُوعْ يُعَلِمْ وَيَشْفِي الْمَرْضَى وْرَاحْ يَسُوعْ لْڤَاعْ الْمْكَانْ فِي بْلاَدْ الْجَلِيلْ يْعَلَّمْ فِي دْيَارْ الْصْلاَةْ وَيْخَبَّرْ بَبْشَارَة مَمْلَكَة الله وْكَانْ يْبَرِّي ڤَاعْ ضْعِفْ وْمْرِضْ ²⁴وَتْشَيَّع ْخْبَارَهْ فِي ڤَاعْ سُورِيَا وْجَابُولَهْ ڤَاعْ الْمَرْضَى لِّي كَانُو يَتْوَجْعُوا وَالْمَسْكُونِينْ الْلِّي فِيهُمْ الأَرْوَاحْ وَاْلمَشْلُولِينْ وْبَرَّاهُمْ ²⁵وْتَبْعَهْ بَزَّافْ الْنَّاسْ مَنْ الْجَلِيلْ وْالمْدُنْ العَشْرَة أُورُشَلِيم وْبْلاَدْ الْيَهُودِيَة وْمَنْ جِهَة لُخْرَى انْتَاعْ بْلاَدْ الأُرْدُنْ.

¹وْكِشَافْ يَسُوعْ لْجْمَاعَاتْ تَاعْ النَاسْ طْلَعْ لَلْجْبَلْ ، وْكِجَمَّعْ جَاوْ عَنْدَهْ التَلَاميذْ تَاعَهْ وْبْدَا يْعَلَمْهُمْ وْ ²ڤَالْ: ³"سَعْدَاتْ المْسَاكِينْ بارُوحْ عْلَاخَطَرْ لِيهُمْ مَمْلَكَة السَمَوَاتْ ⁴سَعْدَاتْ لِيحْزِينِينْ عْلَاخَطَرْ غَادِي يَتْعَزَاوْ⁵سَعْدَاتْ المَتْوَاضْعِينْ عْلَاخَطَرْ غَادِي يَوَرْثُوا الاَرْضْ ⁶سَعْدَاتْ هَادُوكْ الجِيعَانِينْ والعَطْشَانِينْ لَلْبِرْ عْلَاخَطَرْ غَادِي يَشَبْعُوا ⁷سَعْدَاتْ هَادُوكْ لِيَرَحْمُوا عْلَاخَطَرْ اللَهْ غَادِي يَرْحَمْهُمْ ⁸سَعْدَاتْ هَادُوكْ لِقَلْبْهُمْ بْيَضْ عْلَاخَطَرْ غَادِي يْشُوفُوا اللَّهْ⁹سَعْدَاتْ هَادُوكْ لِيْعِيشٌوا فالَهْنَا عْلَاخَطَرْ غَادِي يْتْسَمَاوْ وْلَادْ الَّلهْ ¹⁰سَعْدَاتْ المَطْرُودِينْ مِن اجْل البِرْ عْلَاخَطَرْ غَادِي يْكُونْ لِيهُمْ مَلَكُوتْ السَمَوَاتْ¹¹سَعْدَاتْ هَادُوكْ لِعَايْرُوهُمْ وْ يْطَرْدُوهُمْ وْيْقُولوا عْلِيهُمْ كْلَامْ كَاذَبْ عْلَاجَالِي ¹²افَرْحُوا عْلَاخَاطَرْ اَبُوكُمْ عَظِيمْ في السَمَوَاتْ عْلَاخَاطَرْ هَاكْدَا طرْدُوا الاَنْبِيَاءْ لِي قْبَلْكُمْ¹³نْتُومَا مِلْحْ الاَرْضْ ، بَصَّحْ اذَا خْسَرْ الملْحْ ، بَاشْ غَادِي يْتْمَلَّحْ ؟ مَايَصْلَحْ حَتَى لْحَاجَة ، غِيرْ يْنْقَاسْ بَرَا وْيَعفْسُوا عْلِيهْ النَاسْ ¹⁴نْتُمَا نُور هَادْ الدَّنْيَا ، مَايْمْكَنْشْ لْمَدِينَة فٌوڤْ الارْضْ تْدَّرَّڤْ¹⁵وْمَاكَاشْ وَاحَدْ يَشْعَلْ القَنْدِيلْ وْيْحَطَّهْ تَحْتْ المِكْيَالْ بَصَّحْ يْحَطَّهْ في بْلَاصَة بَاشْ يْضَوِي عْلى ڤَاعْ الدَّارْ ¹⁶وْهَكَا خَلِيوْ النُورْ تَاعْكُمْ يْضَوِي ڤُدَّامْ النَّاسْ ، بَاشْ يْشُوفوا فْعَالْكُمْ لْمْلِيحَة وْيَعْطُوا العِزْ وْ المَجْدْ لْبُوكُمْ لِفْسْمَا" .¹⁷رَدُّوا بَالْكُمْ تَحَسْبُوا بَلِّي جِيتْ بَاشْ نَڤْلَعْ وَلَاَّ نَنْقُدْ الشَرِيعَة تَاعْ مُوسَى وَلَاّ كُتُبْ الاَنْبِيَاءْ . مَاجِيتْشْ مَاجِيتْشْ بَاشْ نَنْقُذْ بَصَّحْ بَاشْ نْكَمَّلْهُمْ . ¹⁸وْنْڤُولْكُمْ الحَقْ غَادِي تْزُولْ السْمَا والاَرْضْ وْ بَصَّحْ مَايْزُولْ حَتَى حَرْفْ وَاحَدْ وْكَلْمَة وَاحَدَة مَنْ هَادِ الشَرِيعَة حَتَى يَتْحَقَّقْ كُلْ شِي لِيفِيهْ¹⁹وَلِّي مَايْدِيرْشْ وَحْدَة من الوَصَايَا الصْغِيرَة وْيْعَلَّمْ بِهَا لُخْرِينْ بَاشْ يْدِيرُوهَا غَادِي يْكُونْ هُوَ الصْغِيرْ في مَلَكُوتْ السَمَوَاتْ وْ اللِّي دَارْ بِهَا وْ عَلَّمْهَا لْنَّاسْ غَادِي يْكُونْ كْبِيرْ في مَلَكُوتْ السَمَوَاتْ . ²⁰وْ اَنَا نْڤُولْكُمْ : "يْلَا مَاكَانَتْشْ الطَاعَة تَاعْكُمْ كْتَرْ مَنْ عُلَمَاءْ الشَرِيعَة والفَرَسِيينْ غَادِي عَمَرْكُمْ مَا تَدَخْلُوا لْمَمْلَكَة السَمَواتْ ".²¹رَاكُمْ سْمَعْتُوا بَلِّي نْڤَالْ لْنَّاسْ اللَّوْلِينْ مَاتَكَتْلُوشْ وْ لِيَكْتَلْ مْسْتْحِقْ الحُكْمْ ²²بَصَّحْ اَنَا نْڤُولْكُمْ ڤَاعْ لِيَزْعَفْ عْلَى خُوهْ فِي البَاطَلْ يَسْتْحَقْ الحُكْمْ وْلِي يْڤُولْ لْخُوهْ مَافِيكْشْ فَايْدَة يْسْتْحَقْ يَتَحْكَمْ عْلِيهْ في المَحْكَمَة الكْبِيرَة وْ لِي ڤَالْ لْخُوهْ احْمَقْ غَبِي يْسْتَاهَلْ نَارْ جَهَنَمْ²³وْ يْلَا جَبْتْ قُرْبَانَكْ لَلْمَذْبَحْ وْ تْفَكَرْتْ بَلِي نْتَا زَعْفَانْ عْلَى خُوكْ ²⁴خَلِي قُرْبَانَكْ تَمَّا ڤُدَّامْ المَذْبَحْ وْرُوحْ وْصَالَحْ خُوكْ وْمْبَعْدْ ارْوَاحْ وْ قَدَّمْ قُرْبَانَكْ²⁵تْصَالَحْ مْعَ الِّي مُدَّعِي عْلِيكْ مَادَامْ تَتْمَشَاوْ مْعَ بَعْضْ في طْرِيڤْ وَحْدَة ، بَاشْ مَيْسَلْمَكْشْ عْدُوَّكْ لَلْقَاضِي وْيْسَلْمَكْ لْقَاضِي لَلْبُولِيسِي وْتَنَرْمَى في الحَبْسْ ²⁶الحَقْ نْڤُولْكُمْ :"مَاتَخْرجْشْ مَنَّا حَتَى تْكَمَلْ الدُورو التَالِي لِي عْلِيكْ" .²⁷وْسْمَعْتُوا بَلِّي نْڤَالْ لَلَّوْلِينْ مَتَزْنِيشْ ²⁸وبَصَّحْ انَا نْڤُولْكُمْ ڤَاعْ الِّلي شَافْ مْرَا بَاشْ يَتْشَهَاهَا رَاهْ هُوَ زْنَا مْعَاهَا فِي ڤَلْبَهْ²⁹وْ يْلَا عِينَكْ لِمْنَى طَّيْحَكْ فِي الذَّنْبْ ڤْلَعْهَا وْ قِيسْهَا عْلِيكْ عْلَى خَاطَرْ الَّلاهُمَ تَخْسَرْ طَرْفْ مَنْ ذَاتَكْ وْلَا يْنْقَاسْ ڤَاعْ جَسَدَكْ في النَارْ ³⁰وْيْلَا يَدَّكْ لِمْنَى طَّيْحَكْ في الذْنُوبْ ڤْطَعْهَا وْقِيسْهَ عْلِيكْ عْلَا خَاطَرْ الَّلهُمَ تَخْسَرْ طَرْفْ مَن ذَاتَكْ وْلا يْنْقَاسْ كَامَلْ جِسْمَكْ فِي جَهَنَمْ .³¹وْنْڤَالْ لِي يْطَلَّڤْ مَرْتَهْ الِيقْ يَعْطِيهَا وَرْقَتْهَا تَاعْ الطْلَاڤْ ³²وْبَصَّحْ اَنَا نْڤُلْكُمْ لِيْطَلَقْ مَرْتَهْ عْلَى سْبَابْ وَحْدَاخُرْ مَنْ غِيرْ الزِنَا رَاهْ يْرُدْهَا تَزْنِ وْلِيَتْزَوَجْ بْمْطَلْقَة يْرُدْهَا تَزْنِ .³³وْ سْمَعْتُوا نْڤَالْ لَلَّوْلِينْ :مَاتَحْلَفْشْ بَصَّحْ يْلَا حْلَفْتْ مَاتَحْنَتْشْ ³⁴و بَصَحْ انَا نْڤُلْكُمْ عُمَرْكُمْ مَا تَحَلْفُوا بالسْمَا عْلَى خَاطَرْ هِيَ عَرْشْ الَّلهْ ³⁵وْلَا بالارْضْ عْلَا خَطَرْ هِيَ مَوْضِعْ رجْلِيهْ ولا بأُرْشَالِيمْ عْلى خَاطَرْ هِيَ مْدِينَة المَلِكْ العَظِيمْ³⁶وْمَاتَحْلَفْشْ بْرَاسَكْ عْلىخَاطَرْ مَتقْدَرْشْ تْرُدْ شَعْرَة وَحْدَة مَنَهْ كَحْلَا وَلا بَيْضَا ³⁷بَصَّحْ يْلِيقْ تْكُونْ هَدْرَتْكُمْ وَاهْ وَاه ، وْ لَا لَا وْلِي يَنْزَادْ عْلَى هَدَا هُوَ مَنْ ابْلِيسْ³⁸سْمَعْتُوا بَلِي نْڤَالْ :"عَيْنْ بْعَيْنْ ،وْسِنْ بْسَنْ" ³⁹وْبَصَّحْ اَنَا نْڤُولْكُمْ مَاتْرُدْشْ الشَرْ بالشَرْ بَصَحْ لِيَصَفْعَكْ عْلَى خَدَّكْ لِمْنَى عْطِيهْ الخَدْ لَاخُرْ⁴⁰وْلِبْغَا يْعَادِيكِ وْيَدِيلَكْ عْبَايْتَكْ خَلِيلَهْ حَتَى البَرْنُوسْ تَاعَكْ . ⁴¹وْيْلَا وَاحَدْ سَيَّفْ عْلِيكْ بَاشْ تَمشِي مْعَاهْ اَلْفْ خُطْوَة ، تْمَشَى مْعَاهْ اَلْفِينْ . ⁴²وْلِي يَطْلَبْ مَنَكْ شِي حَاجَة عْطِيهَا لَهْ وْلِي بْغَا يَتْسَلَّفْ مَنَّكْ مَاتْرُدَهْشْ خَاوِي .⁴³سْمَعْتُوا بَلِّي نْڤَالْ :"تَبْغِي قْرِيبَكْ وْتَكْرَهْ عْدُوَكْ ⁴⁴وبَصَحْ تَنَا نْڤُلْكُمْ بْغِيوْ عَدْيَانْكُمْ ، وْبَارْكُوا الِلي لَعْنُوكُمْ وْدِيروا لَحْسَنْ اللِي يَكَرْهُوكُمْ وْدْعِيوْ بَاشْ يَصْطَاهْدُكُمْ وْ يْطَرْدُكُمْ ⁴⁵بَاشْ تْكُونُوا وْلَادْ بُوكُمْ اللِي فْسْمَا الِيَشْرَقْ شَمْسَهْ عْلَى الاَشْرَارْ وْ الصَالْحِينْ ، وْ يْنَزَلْ النُّوْ عْلَى الحَقِيينْ و الظَالْمِينْ⁴⁶يْلَا بْغِيتُوا غِيرْ الِّلي يَبْغِيكُمْ وَاشْ مَنْ اَجْرْ عَنْدْكُمْ ، مَاشِي حَتى العَشَارِينْ تَانِي ايْدِيرُوا كِيف كِيفْ ؟ ⁴⁷وْ يْلَا سَلَمْتُوا عْلَى خُوتْكُمْ بَرْكْ وَاشْ مَنْ فَضْلْ دَرْتُوا؟ مَشِي العَشَارِينْ ايْدِيرُوا هَكَا ؟ ⁴⁸كُونُوا نْتُومَا كَامْلِينْ كِيمَا بُوكُمْ اللِّي فْسْمَا هُوَ كَامَلْ ".

¹احَرْزُوا رْوَاحْكُمْ تْصَدْقُوا قُدَامْ النَاسْ بَاشْ يْشُوفُوكُمْ ولَا مَاغَادِيشْ يْكُونْ عَنْدْكُمْ اجْرْ عَنْدْ بُوكُمْ الِّلي فْسْمَا ²وْيْلَا بْغِيتْ تْصَدَقْ مَاتْبَرَّحْشْ بِهَا بالْبُوقْ قُدَامْ النَّاسْ كِيمَا يْدِروا المُنَافِقِينْ في دْيُورْ الصْلَاةْ وْ الزُنْقَا بَاشْ النَاسْ تَشْكَرْهٌمْ وْتَعْطِيهُم العِزْ ، نڤُولْكُمْ الحَقْ هَادُوكْ النَاسْ دَّاوْ الاَجْرْ تَاعْهُمْ مَنْ عَنْدْ النَاسْ³وْ بَصَّحْ نْتَا كِي تَعْطِي صَدَقَة يْلِيقْ يَدَّكْ لْيُسْرى مَتَعْرَفْشْ وَاشْ تْدِيرْ يَدَّكْ لِمْنى ⁴بَاشْ تَبْقى الصَدَقَة تَاعَكْ فِي السِرْ وْ بُوكْ لِفْسْمَا لِي مَا يْخْفَى عْلِيهْ حَتَى حَاجَة هُوَ غَادِي يْجَازِيكْ ."⁵وْكِتْصَلُوا مَاتْدِيرُوشْ كِيمَا المُنَافِقِينْ ، لِّي يَبْغُوا يْصَلُوا وْهُمَا وَاڤْفِينْ في الدْيُورْ الصْلَاةْ وْ في الطُرڤَانْ بَاشْ يْبَانُوا للنَّاسْ . نْڤُولْكُمْ الحَقْ هَادُوكْ النَّاسْ دَّاوْ اجْرْهُمْ ⁶بَصَّحْ انْتَ مِينْ تَبْغِي تْصَلِّي دْخُلْ لَلْمَخْدَعْ تَاعَكْ وْ غْلَقْ بَابَكْ وْ صَلِّي لْبُوكْ الِّلي هُوَ في الخَفَاءْ وْبُوكْ الِّلي هُوَ في الخَفَاءْ يْشُوفْ وْ يْجَازِيكْ في العَلانْ ⁷وْ كِتْصَلُّوا مَا تْعَاوْدُوشْ الهَدْرَة فِي البَاطَلْ كِيمَا يْدِيروا هَادُوكْ النَّاسْ لِيَعْبْدُوا الاصْنَامْ ، عْلَاخَطَرْ يَحَسْبُوا بْكَثْرَة الهَدْرَة غَادِي يُسْتَجَابْ لِيهُمْ⁸مَاتْكُونُوشْ كِيفْهُمْ عْلَى خَاطَرْ بُوكُمْ يَعْرَفْ وَاشْ تَسْتْحَقُوا قْبَلْ مَا تَطَلْبُوهْ صَلُّوا نْتُومَا هَكَا: ⁹" بَابَا الِّلي في السْمَا اِسْمَكْ يَتْقَدَّسْ ¹⁰وْ مَمْلَكْتَكْ تْجِي وْمَشِيئْتَكْ تْكُونْ كِيمَا في السْمَا هَكَا عْلَى الاَرْضْ¹¹الخُبْزْ الِّلي يَكْفِينَا اليُومْ ¹²غْفَرْ لِينَا ذْنُوبْنَا كِيمَا نَغَفْرُوا لْهَادُوكْ لِيذَنْبُوا في حَقْنَا ¹³وْحْفَظْنَا بَاشْ مَانْطِيحُوشْ في التَجْرُبَة وْ نَجِينَا من الشِريرْ عْلَاخَطَرْ لِيكْ المُلْكْ وْ القُوَة وْ المَجْدْ الى الابَدْ ، امِينْ"¹⁴وْيْلَا غْفَرْتُوا للنَاسْ ذْنُوبْهُمْ بُوكُمْ في السْمَا يْغْفَرْلْكُمْ تَانِي ¹⁵وْيْلَا مَاغْفَرْتُوشْ للنَاسْ دْنُوبْهُمْ حَتَى بُوكُمْ السْمَاوِي مَيْغْفَرْلْكُمْشْ دْنُوبْكُمْ . الصيام¹⁶وْكِيتْصُومُوا مَاتْكُونُوشْ مذْبَالِينْ كيمَا المُنَافِقينْ كِيْبَيْنُوا وْجُوهْهُمْ للنَاسْ بَلِّي صَايْمِينْ ¹⁷وْ بَصَّحْ نْتَا كِيتْصُومْ ، دْهَنْ شَعْرَكْ وْ غْسَلْ وَجْهَكْ ¹⁸عْلَاخَطَرْ مَاشِي للنَاسْ لِخَصَّكْ تْبَان صَايَمْ بَصَّحْ لْبُوكْ السْمَاوِي الِّلي في السَّرْ وْبُوكْ الِّلي في السَّرْ يْجَازِيكْ عَلَانِيَة . كنوز في السْمَا¹⁹مَاتْلَمُوشْ لِيكُمْ كْنُوزْ في الارْضْ وِينْ يَفْسَدْ السُّوسْ وْ الصْدَا وْ وِينْ يَحَفْرُوا الخِيَّانْ وْيَخَوْنُوهْ ²⁰بَصَّحْ لَمُّوا لِيكُمْ كْنُوزْ في السْمَا وِينْ مَا يَفَسْدَهْ لَا سُوس ولا وِينْ مَايَحْفَرْشْ الخَايَنْ بَاشْ يَخَوْنَهْ ²¹عْلَى خَاطَرْ وِينْ مَاكَانْ كَنْزَكْ تَمَا غَادِي يْكُونْ قَلْبَكْ²²العِينْ هِي نُورْ الجَسَدْ اذا كَانتْ عِينَكْ مْلِيحَة جَسدَكْ يْكُونْ مْنَوَرْ ²³وْ اذا كَانتْ عِينَكْ شَرِيرَة جَسَدَكْ ڤَاعْ يْكُونْ مْظَلَّمْ وْ يْلَا كَانْ النُّورْ اللِّي فِيكْ ظْلَامْ ايَّا ظْلَامْ كِيفَاهْ غَادِي يْكُونْ . ²⁴مَايقْدَرْشْ وَاحَدْ يْخَدَّمْ زُوجْ سْيَادْ عْلى خَاطَرْ غَادِي يَبْغِي وَاحَدْ وْ يَكْرَهْ وَحْدَاخُرْ ولَا يْكُونْ امِينْ لْوَاحَدْ وْيَحْڤَرْ لَاخُرْ مَاتَقَدْرُوشْ بَاشْ تَخَدْمُوا اللَّهْ والدْرَاهَمْ . الله يعْتَنِي بِنَا²⁵وْعْلى هَادْ الشِي نْڤُولْكُمْ :مَاتْقَلْقُوشْ عْلى حْيَاتْكُمْ ، وَاشْ تَاكْلُوا ولاْتَشَرْبُوا ولَا وَاشْ تَلْبْسُوا مَاشِي الحْيَاةْ مُهِمَة كْتَرْ مالْمَاكْلَة وْالذَاتْ مُهِمَّة كْتَرْ مالَّبْسَة ؟ ²⁶شُوفُوا طْيُورْ السْمَا رَاهَا مَاتَزْرَعْ مَاتَحْصَدْ وْمَاتْلَمْشْ فالْمَخَازِنْ وْبُوكُمْ اللِّي فالسْمَا يَرْزَقْهَا مَاكْلَتْهَا . وَاشْ مَاشِي نْتُومَا خيرْ مَنْهَا بزَاف ؟²⁷شْكُونْ مَنْكُمْ يْلا تْقَلَقْ غَادِي يْزِيدْ غِيرْ سَاعَة فِي عُمْرَهْ ؟ ²⁸عْلَاشْ رَاكُمْ تَتْقَلْقُوا عْلى اللَّبْسَة شُوفُوا غَايَا الوَرْدْ الِّلي في الحقُولْ كِيفَاشْ تَكْبَرْ ، مَاتَتْعَذَبْ مَاتَغْزَلْ ²⁹وْ بَصَّحْ نْڤُولْكُمْ الحَقْ حَتَّى سلَيْمَانْ بْرُوحَهْ في العَزْ تَاعَهْ عُمْرَهْ مَالْبَسْ كِيمَا شِي وَرْدَة فِيكُمْ³⁰يَاقْلِيلِي الايمَانْ اذا كَانْ الحْشِيشْ اللِّي في الحْقُولْ اللِّي اليُومْ تْشُوفَهْ وْغَدْوَ الِّلي عْلِيهْ يْنْقَاسْ في النَارْ اِلَبْسَهْ الَّله هَاكَا ، كِيفَاشْ مَايْلَبَسْكُمْشْ نْتُمَا لِي خِيرْ مَنَّهْ ؟ ³¹مَاتَتْقَلْقوشْ وَاشْ نَاكُلْ ؟ وَاشْ نَشْرَبْ ؟ وَاشْ نَلْبَسْ ؟³²ڤَاعْ هَادَا تَطَلْبَهْ النَاسْ لِمَتَعْرَفْشْ الَّلهْ . عْلَى خَاطَرْ بُوكُمْ الِّلي فْسْمَا يَعْرَفْ بَلِي تَسْحَقُوا لْكُلْ هَادْ الشِي ³³بَصَّحْ طَلْبُوا في الَّلوَلْ مَلَكُوتْ الَّلهْ وْ البِرْ تَاعَهْ وْڤَاعْ هَادْ الشِي غَادِي يَنْزَادْلْكُمْ ³⁴مَاتَتْقَلْقُوشْ عْلَى غَدْوَة خَلِي هَمْ غَدْوَة لْنَفْسَهْ وْكُلْ نْهَارْ بَرْكَاهْ غِيرْ هَمَهْ

¹مَاتْحْكْمُوشْ عْلَى حَدْ بَاشْ مَايْنْحْكَمْشْ عْلِيكُمْ ²عْلَى خَاطَرْ بالْحُكْمْ الِّلي تْحْكْمُوا بِيهْ يَنْحْكَمْ عْلِيكُمْ بِيهْ³عْلَاشْ تْشُوفْ القَشْرَة لِي فِي عِينْ خُوكْ وْ بَصَحْ مَاتْشُوفْشْ الخَبْشَة لِي فِي عِينَكْ . ⁴وْلَا كِيفَاشْ تْقُولْ لْخُوكْ خَلِينِي نَڤْلَعْ القَشْرَة مَنْ عِينَكْ وْنْتَ فِي عِينَكْ كَايَنْ خَبْشَة ؟ ⁵يَالْمُنَافِقِينْ ، خَرَّجْ قْبَلْ العُودْ مَنْ عِينَكْ وْمَمْبَعْدْ تْشُوفْ غَايَا بَاشْ تَڤْلَعْ القَشْرَة تَاعْ التِينْ مَنْ عِينْ خُوكْ⁶مَاتَعْطُوشْ الحَاجَة المْقَدْسَة لَلْكْلَابْ وْمَاتْقِيسُوشْ الجُوهَرْ تَاعْكُمْ لَلْحْلَالِيفْ لَئِلَا يَعْفْسُوا عْلِيهْ بْرَجْلِيهُمْ اسئلوا ، اطلبوا ، اقرعوا⁷سَالُوا يْنْعْطَالْكُمْ ، حَوْسُوا غَادِي تَلْڤَاوْ .ضَرْبُوا في البَابْ وْغَادِي يَنْحَلْ لْكُمْ ⁸رَاهْ ڤَاعْ لِي يَطْلَبْ يَنْعْطَالَهْ وْ الِّلي يْحَوَسْ يَلْقَى وْ الِّلي يَضْرَبْ في البَأبْ يَنْحَلْ لَهْ ⁹شْكُونْ فِيكُم الِّلي اِيلا طْلَبْ مَنَّهْ وَلْدَهْ الخُبْزْ يَعْطِيهْ حَجْرَة ¹⁰وْ ايلَا طْلَبْ مَنَهْ حُوتَة يَعْطِيهْ لَفْعى¹¹كِيفَاشْ نْتُمَا الشْرَار تَعْرْفُوا تَعْطُوا وْلَادْكُمْ الحَاجَاتْ مْلِيحَة ، كِيفَاشْ بُوكُمْ الِّلي فِي السمَاواتْ مَيَعْطِيشْ الخِيراتْ لَلِّلي يْسَقْسِيوَهْ ؟ ¹²ڤَاعْ لِتَبْغُوا يْدِيرَهْلْكُمْ النَّاسْ دِيرُوهْ نْتُمَا تَانِي لِيهُمْ عْلَى خَاطَرْ هَاكَا مَوْجُودْ في تَعْلِيمْ الشَرِعَة والانْبِيَاء .¹³دُخْلُوا مَالْبَابْ الضَيَّقْ عْلَى خَاطَرْ البَابْ الِّلي يَدِي لَلْهْلَاكْ وَاسَعْ وْطْرِيڤَهْ سَاهْلَهْ وْبَزَافْ لِي يَدَخْلُوا مَنَّهْ ¹⁴شْحَالْ ضَيَّقْ البَابْ وْ شْحَالْ وَاعْرَة الطْرِيڤْ الِّلي تَدِّي للْحْيَاةْ وْقْلَالْ هُمَا لِي يَلْقَاوْهَا " الشَجْرَة وثْمَرْهَا¹⁵احَرْزُوا رْوَاحْكُمْ مَنْ الانْبِيَاء الكدَابِينْ الِّلي يْجِيوْ عَنْدْكُمْ لَابْسِينْ لْبَاسْ الخِرْفَانْ وْبَصَّحْ هُمَا منْ الدَاخَلْ دْيَابْ خَطَافَة ¹⁶رَاهْ منْ غَلَتْهُمْ تَعْرْفُوهُمْ ، وَاشْ تَقَدْرُوا تَجْنِيوْ لَعْنَبْ ما الشُوكْ ولَا الكَرْمُوسْ ما السَدْرَة ¹⁷وْهَكَا كُلْ شَجْرَة مْلِيحَة تَعْطِي غَلَّة مْلِيحَة وْكُلْ شَجْرَة مَاشِي مْلِيحَة تَعْطِي غَلَّة مَاشِي مْلِيحَة¹⁸وْ الشَجْرَة مَاشِي مْلِيحَة مَاتْقْدَرْشْ تَعْطِي غَلَّة مْلِيحَة ¹⁹وْكُلْ شَجْرَة مَاتَعْطِيشْ غَلَة مْلِيحَة تَنْڤْطَعْ وْتَنَرْمَى في النَارْ ²⁰مَنْ غَلَتْهُمْ تَعْرْفُوهُمْ²¹مَاشِي ڤَاعْ الِّلي يْڤُولي :يَارَبْ ،يَارَبْ يَدْخُلْ مَلَكُوتْ السَمَوَاتْ ²²بَزَافْ غَادِي يْڤُولُولِي في دَاكْ نْهَار:ْيَارَبْ، يَارَبْ مَاشِي باسْمَكْ تْنَبَّانَا وْبَسْمَكْ خَرَجْنَا الشَيَاطِينْ وْباسْمَكْ صْنَعْنَا بَزَافْ قُواتْ ؟ ²³وْفْدَاكْ النْهَارْ غَادِي نْزَڤِّي عْلِيهُمْ ، انَا مَعْرَفْتْكُمْشْ رُوحُوا عْلِيَا يَاللِّي تْدِيروا الاثْمْ. البناؤون الحكماء والبناؤون الجهلاء²⁴ڤَاعْ الِلي يَسْمَعْ هَدَّرْتِي هَاذِ وْيْدِيرْ بِيهَا ، نْشَبْهَهْ بْرَاجَلْ عَاقَلْ بْنى دَارَه عْلى صْخَرْ ²⁵صَبَّتْ النُّوْ وْفَاضُوا الوْدْيَانْ وْجَاتْ رِيحْ قْوِيَة وْضَرْبَتْ دِيكْ الدَّارْ مَاطَحْتْشْ عْلىخَاطَرْ السَاسْ تَاعْهَا كَانْ مَبْنِي عْلَى الصْخَرْ²⁶وْڤَاعْ لِي يَسْمَعْ هَادْ لْكْلَامْ تَاعِيوْمَايْدِيرْشْ بِيهْ رَاهْ يْشَبَهْ لْوَاحْدْ الرَاجَلْ جَاهَلْ بْنِى دَارَهْ عْلَى الرْمَلْ ²⁷طَاحَتْ النُّوْ وْضَرْبَتْ رِيحْ قْوِيَة وْضَرْبَتْ دِيكْ الدَّارْ ، طَاحَتْ وْكَانْ طْيَاحْهَا يْخَوَّفْ²⁸كِكَمَلْ يَسُوعْ هَادْ الكْلَامْ ، تْعَجْبُوا النَّاسْ من التَعْلِيمْ تَاعَهْ ²⁹عْلى خَاطَرْ كَانْ يْعَلَمْهُمْ كِيمَا لِي عَنْدَهْ سُلْطَانْ وْمَاشِي كِيمَا عُلَمَاء الشَرِيعَة تَاعْهُمْ .

¹وْكِنْزَلْ مالْجْبَلْ تَبْعُوهْ بْزَافْ النَّاسْ . ²وْجَاعَنْدَهْ وَاحَدْ مَجْرَبْ وْسْجَدْ لَهْ وْڤَالْ :"يَاسِيدِي اذَا بْغِيتْ ، رَاكْ تْقْدَرْ تْرُدْنِي طَاهَرْ " . ³مَدْ يَسُوعْ يَدَّهْ وْلَمْسَهْ وْڤَالَهْ :" بْغِيتْ ،كُونْ طَاهَرْ "وْتَمْتَمْ نْڤْلَعْ مَنَّهْ البَرْصْ وْوَلَى طَاهَرْ .⁴وْڤَالَهْ يَسُوعْ :" تحْرَزْ تْڤُولْ لْشِي وَاحَدْ بصَّحْ رُوحْ وْوَرِّي جَسدَكْ لْرَاجَلْ الدِّينْ وْاعْطِي العْطِيَة الِّلي وْصَّى بِهَا مُوسَى بَاشْ يْكُونْ هَادْ الشِي شْهَادَة لِيهُمْ "⁵وْكِدْخَلْ يَسُوعْ لْكَفْرْ نَاحُومْ جَا عَنْدَهْ وَاحَدْ الڤَايَدْ تَاعْ العَسْكَرْ يَطْلَبْ مَنَّهْ ⁶وْيْڤُولَهْ :"يَا سِيدِي ، الخَدَامْ تَاعِي في الدَارْ طَايَحْ في الفْرَاشْ ، مَشْلُولْ وْيَتْعَدَّبْ بَزَافْ" ⁷ڤَالَهْ يَسُوعْ:" غَادِي نْجِي وْنَشْفِيه"ْ.⁸وْجَاوْبَهْ ڤَايَدْ العَسْكَرْ :" اَنَا مَنْسْتَاهَلْشْ يَا سِيدِي تَدْخُلْ تَحْتْ السْقَفْ تَاعْ دَارِي وْ بَصَّحْ ڤُولْ غِيرْ كَلْمَة وَحْدَة وْالخَدَّامْ تَاعِي غَادِي يَبْرَا ⁹عْلى خَاطَرْ حَتى انَا كَايَنْ لِي يَحْكَمْ فِيَّ وْتَنِي عَنْدِي عَسْكَرْ وْنَحْكَمْ فِيهُمْ وْنْڤُولْ لْوَاحَدْ رُوحْ يْرُوحْ وْلْوَحْدَاخَرْ ارْوَاحْ يْجِي وْنْڤُولْ لَلْعَبْدْ تَاعِي دِيرْ هَادِي وْيْدِيرْهَا " ¹⁰وْ كِي سْمَعْ يَسُوعْ تْعَجَّبْ وْڤَالْ لْهَادُوكْ الِّلي تَابْعِينَهْ :" نْڤُولْكُمْ الحَقْ مَالْقِيتْشْ حَتَى وَاحَدْ في اسْرَائِيلْ عَنْدَهْ اِيمَانْ قْوِي كِيمَا هَادَا¹¹وْرَانِي نْڤُولْكُمْ بْزَافْ نَاسْ غَادِي يْجُو منْ الشَرْقْ وْ مَن الغَرْبْ وْغَادِي يَتَكَاوْ مْعَ ابْرَاهِيمْ وْاسْحَاقْ وْيَعْقُوبْ في مَلَكُوتْ السَمَواتْ . ¹²وْبَصَّحْ هَادُوكْ لِيكَانْ خَاصْهُمْ يْكُونُوا في المَلَكُوتْ غَادِي يْنْقَاسُوا بَرَّا في الظَلْمَة ، وِينْ غَادِي يْكُونْ البْكَا وْصَرِيرْ السْنَانْ" . ¹³وْمَمْبَعْدْ ڤَالْ يَسُوعْ لَلْڤَايَدء تَاعْ العَسْكَرْ :" رُوحْ ، وْكِيمَا امَنْتْ غَادِي يْكُونْ لَكْ " .وْبْرَا الخَدَامْ تَاعَهْ تَمْ تَمْ¹⁴وْكِدْخَلْ يَسُوعْ لْدَارْ بُطْرُسْ ، لْڤَا نْسِيبَة بُطْرُسْ طَايْحَة فْرَاشْ وْفِيهَا الحُمَّى ¹⁵وْغِيرْ مَسْ يَسُوعْ يَدْهَا ، الحُمَّى رَاحْتْلْهَا وْنَاضَتْ وْضَيْفَتْهُمْ¹⁶وْكِجَاتْ العْشِيَة ، جَابُولَهْ بْزَافْ نَاسْ ، مْسْكُونِينْ بالارْوَاحْ وْبْدَا يْخَرَجْ الارْوَاح بْكَلْمَة وْڤَاعْ المَرْضى بَرَّاهُمْ . ¹⁷بَاشْ يَتْحَقَّقْ الِّلي نْڤَالْ في اشْعِياءْ النَبِي ، لِڤَالْ :" هُوَ الِّلي دَّا وْجَعْنَا وْرْفَدْ مَرْضْنَا ". ثمن التبعية¹⁸وْكِيشَافْ يَسُوعْ بْزَّافْ نَاسْ مْدَّاوْرِينْ بِيهْ اْمَرْ التَلامِيذْ تَاوْعَهْ بَاشْ يَڤَطْعُوا لَلْجِهَة لُخْرَى تَاعْ البْحَرْ ¹⁹وْڤَرَبْ عَنْدَهْ وَاحَدْ من العُلَمَاءْ تَاعْ الشَرِيعَة وْڤَالَهْ :"يَا مُعَلِمْ نْتَبْعَكْ وِينْ مَا تْرُوحْ " ²⁰ڤَالَهْ يَسُوعْ :" التْعَالَبْ عَنْدْهَا غِيرَانْهَا وْطْيُورْ السْمَا عَنْدْهَا عْشَاشْهَا وْبَصَّحْ وَلْدْ الانْسَانْ مَاعَنْدَهْشْ حَتَى وِينْ يْحَطْ رَاسَهْ²¹وْڤَالَهْ وَحْدَاخُرْ نا التَلَامِيذْ :"يَاسِيدِي خَلِينِي غِيرْ نْرُوحْ وْنَدْفَنْ بُويَا" ²²وبَصَّحْ يَسُوعْ جَاوْبَهْ :" تَبَعْنِي وْخَلِي المُوتى يَدَفْنُو المُوتى تَاعْهُمْ" تهدئة العاصفة²³وْكِدْخَلْ يَسُوعْ الفْلُوكَة تَبْعُوهْ تَلَامِيذَهْ . ²⁴وْجَاتْ وَحْدْ الرِيحْ قْوِيَة فالْبْحَرْ حَتى المْوَاجْ عَمْرُوا الفْلُوكَة وْيَسُوعْ كَانْ رَاڤدْ . ²⁵وْڤَرْبُوا عَنْدَهْ تَلَامِيذَهْ وْنَوْضُوهْ وْڤَالُولَهْ :"سَلَكْنَا يَاسِيدي رَانَا نْمُوتُو²⁶وْهُوَ ڤَالْهُمْ :"مَالْكُمْ خَايْفِينْ يَاقْلَالْ الايمَانْ ؟" وْمَنْبَعْدْ نَاضْ وْنْتَهَرْ الرِيحْ وْ البَحْرْ وْتْهَدْنَتْ الحَالَة . ²⁷وْتْعَجْبُوا النَّاسْ وْڤَالُو :" شْكُونْ هُوَ هَادْ الرَاجَلْ الِّلي الرِيحْ وْ البْحَرْ يْطِيعُوهْ ."²⁸وْكِوْصَلْ يَسُوعْ للجِهَة لُخْرَى مالْبْحَرْ حْدى بْلَادْ الجَرْجَسِيِّينْ ، لَاقَاهْ زُوجْ مالْمْجَانِينْ خَارْجِينْ مالْقْبُورْ ، كَانُوا بْزَافْ هَايجِينْ وْبَسْبَابْهُمْ مَاكَانْ حَتئ وَاحَدْ يْفُوتْ منْدِيكْ الطْريق ²⁹وْ غِيرْ شَافُوهْ بْدَاوْ يْزَڤُوا وْ يْڤُولُوا:"وَاشْ بِينَّا وْ بِينَكْ يَايَسُوعْ اِبْنْ الَّلهْ ؟ جِيتْ هْنَا قْبَلْ الوَقْتْ بَاشْ تْعَذَبْنَا ؟"³⁰وْكَانْ وَاحدْ الڤطِيعْ تَعْ الحْلَالَفْ كْبِيرْ يَسْرَحْ فْوَحْدْ المَوْضِعْ ڤْرِيبْ لْهُمْ ³¹الشْوَاطَنْ طَلْبُوا مَنَهْ وْ ڤَالُولَهْ اذَا بْغِيتْ تْخَرَّجْنَا رْسَلْنَا نَدَّخْلُوا فالڤْطِيعْ تَاعْ الحْلَالَفْ " ³²وْهُوَ يْڤُولَلْهُمْ رُوحُوا ،خَرْجُوا وْرَاحُوا لَلْقطِيعْ تَاعْ الحْلَالِيفْ وْجْرَا ڤَاعْ القطِيعْ وْطَاحْ مالْحَافَة تَاعْ الجْبَلْ لَلْبْحَرْ وْعَرْفُوا فِيهْ³³وْ بَصَحْ السُّراحْ هَرْبُوا وْرَاحُوا للْمْدِينَة وْخَبْرُوا بْڤَاعْ دَاكْ الشِي لِصْرَا ³⁴وْمَمْبَعْدْ ڤَاعْ نَاسْ تَاعْ المْدِينَة خَرْجُوا بَاشْ يَتْلَاقَاوْ مْعَ يَسُوعْ . وْكِي شَافُوهْ طَلْبُوا مَنَّهْ بَاشْ يَخْرَجْ منْ بْلَادْهُمْ .

¹دْخَلْ يَسُوعْ لَلْفْلُوكَة وْڨْطَعْ لَبْحَرْ ْووَلَى لَمْدِينْتَهْ. ²وْ جاَبُولَهْ وَاحَدْ المَشْلُولْ رَاڨَدْ فَلْفْرَاشْ. وْكِيشَافْ يَسُوعْ إِيمَانْهُمْ ڨَالْ لَلْمَشْلُولْ: " ثِقْ يَاوَلْدِي . نَتْغَفْرَتْ لَكْ دْنُوبَكْ".³وَوَحْدِيْنْ مَنْ عُلَمَاءْ الشَرِيعَة ڤَالُو فِي نْفُوسْهُمْ:" هَادْ الرَاجَلْ رَاهْ اِجَدَفْ!". ⁴عْرَفْ يَسُوعْ أَفْكَارْهُمْ وْ ڤَالْ:"عْلاَهْ رَاكُمْ تْفَكْرُو بِالشَّرْ فِي ڤْلُوبْكُمْ؟" ⁵وَاشْ لِسَاهَلْ، يَنْڤَالْ :" مَغْفُورَة دْنُوبَكْ، وْ لاَ نُوضْ وْ امْشِي؟ ⁶بَصَحْ اِبْنْ الانْسَانْ عَنْدَهْ سُلْطَانْ عْلَى الارْضْ يَغْفَرْ الخَطَايَا". امَبْعَدْ ڤَالْ لَلْمَشْلُولْ : "نُوضْ وَرْفَدْ فْرَاشَكْ وْ رْجَعْ لْدَارَكْ."⁷ايَ نَاضْ وْرَاحْ لْدَارَهْ. ⁸وْ كِشَافُو النَاسْ وَاشْ صْرَا تْعَجْبُوا وْ أَعْطاَوْ المَجْدْ لله أَلِي أَعْطَى كِمَا هَادْ السُلْطَانْ لِلْنَاسْ. ⁹وْكِكَانْ يَسُوعْ غَادِي مَنْ ثَمَ ، شَافْ وَاحَدْ الرَاجَلْ إِسَمُوهْ مَـــتَى مْجَمَعْ فِي دَارْ الضَريِبَة، وْ ڤَالْ:"تَبَعْنِي". نَاضْ وْ تَبْعَهْ.¹⁰وْ كِكَانْ هُوَ مَتَكِي فِي دَارَهْ ، جَاوْ عَنْدَهْ بَزَافْ مَالِينْ الضَريِبَة وْ المَذْنِبيِنْ وْ ڤَعْدُوا مْعَ يَسُوعْ وْ مْعَ تْلاَمْذَه. ¹¹وْ كِشَافُوا رْجَالْ الدِّينْ ڤَالُوا لْتَلاَمِيذَهْ :"عْلاَشْ المُعَلِّمْ نْتَاعْكُمْ يَاكُلْ مْعَ مَالِينْ الضْرِيبَة وْ المُذْنِبِينْ؟"¹²وْ كِسْمَعْهُمْ يَسُوعْ جَاوَبْهُمْ وْ ڨَالْ : "المَرْضَى هُمَ لِمَحْتَاجِينْ لَطْبِيبْ مَاشِي الصْحَاحْ. ¹³رُوحُوا وْ تْعَلْمُوا المَعْنَى نْتَاعْ الكْلَامْ: أَنَا بْغِيتْ الرَحْمَة مَاشِي الذَبِيحَة،عْلَى خَاطَرْ مَا جِيتْشْ نْعَيَطْ لِلْمُتَقِينْ الله. بَصَّحْ نَدْعُوا الخُطَاةْ لِلْتَوْبَة".¹⁴وْ مَمْبَعْدْ جَاوْ عَنْدَهْ تَلاَمِيذْ تَعْ يُوحَنَا وْ ڨَالُو لَهْ:"عْلاَشْ أَحْناَ وْ رْجَالْ الدِينْ نْصُومُوا بَزَافْ، وْ تَلاَمِيذَكْ مَا يْصُومُوشْ؟". ¹⁵جَاوَبْهُمْ يَسُوعْ وْ ڨَاْلهُمْ : "وَاشْ يَقَدْرُو المَعْرُوضِينْ لَلْعَرْسْ يَحَزْنُوا وْ العْريِسْ مْعَاهُمْ؟ غَادِي يْجِي الوَقْتْ وِينْ العْرِيسْ غَادِي يَتْرَفَعْ مَنْ بِينَاتْهُمْ، فِي دَاكْ الوَقْتْ غَادِي ْيصُومُوا.¹⁶حَتَى وَاحَدْ مَايْرَقَّعْ لْبَاسْ قْدِيمْ بِطَرَفْ كَتَّانْ مَنْ لْبَاسْ جْدِيدْ، عْلَى خَاطَرْ التَرْقِيعَة غَادِى تَتْكَمَشْ،وَيْزِيدْ يَكَبَرْ التَڨْطَاعْ¹⁷وْحَتَى وَاحَدْ مَايْدِيرْ الشْرَابْ الجْدِيدْ فىِ ڨُرْبَاتْ قْدُمْ،عْلَى خَاطَرْ غَادِي يَطَرْدْڨُو، وْيْضِيعْ الشْرَابْ الجْدِيدْ وْيَتْشَقُّوا الڨُرْبَاتْ، وْبَصَحْ يَنْدَارْ الشْرَابْ الجْدِيدْ فىِ ڨُرْبَاتْ جْدُدْ بَاشْ مَايْضِيعْ حَتَّى حَاجَة ". إقامة إبنة يايرس وشفاء نازفة الدم¹⁸وْكِيكَانْ يَهْدَرْ مْعَاهُمْ بْهَادْ الشِي، وْجَالْعَنْدَهْ وَاحَدْ الرَايَسْ وْسْجَدْ لَهْ وْڨَالَهْ:" بَنْتِى هْذَا وِينْ مَاتَتْ، بَصَحْ أَرْوَاحْ وْحَطْ يَدَكْ عْلِيهَا وْتَحْيَا". ¹⁹نَاضْ يَسُوعْ وْتَبْعَهْ هُوَ وْتَلاَمِيذْ تَاعَهْ.²⁰وْكَانَتْ تَمَ وَاحَدْ لَمْرَة مْرِيضَة طْنَاعَشْ نْعَامْ وْهِيَ تَدْمَى ڨَرْبَتْ مَنْ مُورَ يَسُوعْ وْلَمْسَة جَلَابْتَهْ، ²¹عْلَي خَاطَرْ ڨَالَتْ فِي نَفْسْهَا: إِذَا "لْمَسْتْ غِيرْ قَشَّهْ نَبْرَى". ²²دَارْ يَسُوعْ وْشَافْهَا، وْڨَالْ: "ثِقِي يَاْبنَتىِ، إيِمَانِكِ شَفَاكِ". وَفْهَدِيكْ السَّاعَة بَرَاتْ لَمْرَا.²³وْكِي وْصَلْ يَسُوعْ لَدَّارْ الرَائِيسْ، وْشَافْ النَّاسْ يْنَوْحُوا وَيْزَڨُّوا، ²⁴ڨَاْلهُمْ:" خُرْجُوا مَنَّا، البَنْتْ مَامَتَتْشْ رَاهِي غِيرْ رَاڨْدَة". وْهُمَا يَظَّحْكُوا عْلِيهْ²⁵وْكِخْرَّجْهُمْ يَسُوعْ لْبَرَّا دْخَلْ وْشَدْ البَنْتْ مَنْ يَدْهَا، وْنَاضَتْ البَنْتْ. ²⁶وْخْرَجْ لَخْبَرْ فْ ڨَاعْ دُوكْ لَجْوَايَهْ .²⁷وككان يسوع فايت، تبعوه زوج عَمْيِينْ وَيْڨُولُوا: " إرْحَمْنَا يَا إبْنْ دَاوَدْ ". ²⁸وْكِدْخَلْ لَدَّارْ ڤَرْبُوا لْعَنْدَهْ، وْ ڨَالْهُمْ يَسُوعْ :" تْأَمْنُوا بَلِّي نَقْدَرْ نَشْفِيكُمْ؟". وْجَاوْبُوهْ: "وَاهْ يَاسِيدِي "²⁹وْتَمْ تَمْ تْلَمَّسْ يَسُوعْ عَيْنِيهُمْ وْڨَالْ:"عْلَى قَدْ إْيمَانْكُمْ غَادِي يْكُونْ لِيكُمْ الشِّي لِبْغِيتُوهْ". ³⁰وَنْتْحَلَّتْ عَيْنِيهُمْ. وْنْهَاهُمْ يَسُوعْ وْڨَالْهُمْ: "عَنْدْكُمْ تْڨُولُوا، هَادْالشِّي لِصْرَا لْكَاشْ وَاحَدْ". ³¹وْبَصَّحْ هُمَا خَرْجُوا وْشَنْعُوا لَخْبَرْ فْڨَاعْ هَدُوكْ جْوَايَهْ.³²وْكِي جَاوْ خَارْجِينْ، جَابُولَهْ وَاحَدْ الرَّاجَلْ بَكُّوشْ وْمَسْكُونْ. ³³وْكِخْرَجْ يَسُوعْ الرُّوحْ الشَرِّيرْ هْدَر البَكُّوشْ، تْعَجْبُوا النَّاسْ وْڨَالُوا:" عَمُرْنَا مَاشَفْنَا هَذَا الشِّى فِي إسْرَائِيلْ". ³⁴وْبَصَّحْ رْجَالْ الدِّينْ ڨَالُوا:" رَاهْ إخَرَّجْ الشّيَاطِينْ بْرَئِيسْ الشَّيَاطِينْ!". الفعلة قليلون³⁵وْكَانْ يَسُوعْ يْرُوحْ لْڨَاعْ لَمْدُنْ وَ دْوَاوِيرْ وَيْعَلَّمْ فَدْيُورْ الْصْلَاة، وَ يْبَشَّرْ بَالْبْشَارَة نْتَاعْ مَلَكُوتْ الْلَّه، وْ كَانْ يْدَاوِي ڨَاعْ الْمَرْضَى وْ كُلْ ضُعْفْ فَالْشَّعْب. ³⁶وْ كِي شَافْ جْمَاعَة تَاعْ الْنَّاسْ تْحَنَّنْ عْلِيهُمْ، عْلَى خَاطَرْ كَانُوا مَتْعَذْبِينْ وْ مَتْشَتَتِينْ كِيمَا لَغْنَم الِّي مَعَنْدَهْش سَرَّاح³⁷مَنْ بَعْدْ ڨَالْ لْتَلَامِيذَة:" لْحَصَادْ بَزَّافْ بَصَّحْ الْخَدَّامَة قْلَالْ. ³⁸اطَّلْبُوا لْمُولْ الْحَصَادْ بَاشْ يَرْسَلْ الْخَدَّامَة لَحْصَادْ نْتَاعَه".

¹مَنْ بَعْدْ عَيَّطْ لَتَّلَامِيذْ الطنَاعَشْ وَ عْطَاهُمْ سُلْطَانْ عْلَى الْأَرْوَاحْ الْنَّجِسَة بَاشْ يْخَرْجُوهَا، وْ يَشْفِيوْ مْكُل مَرْضْ و مْكُلْ ضُعْفْ²وَ سْمِيَاتْ تَاعْ طنَاعَشْ تَلْمِيذْ هِيَ: هَذِي الْلَّوَلْ سَمعَانْ لِّي يَنْڨَالَّهْ بُطْرُس،وانْدْرَاوُسْ خُوهْ. و يَعْقُوبْ بَنْ زَبَدِي، وْ يُوحَنَّا خُوهْ. ³فِيلِبُوسْ، وْبَارْثُولْمَاوَسْ. تُومَا، مَتَّى مُولْ الْضْرِيبَة، يَعْقُوبْ بَنْ حَلَفِي، تَدَّاوُسْ. ⁴سَمْعَانْ الْقَنَاوِي، وْ يَهُودَا الْاسْخَرْيُوطِي الِّي خَانَه.⁵هَادُوكْ الْطْنَاعَشْ رْسَلْهُمْ يَسُوعْ وْ وَصَّاهُمْ وْ ڨَالْهُمْ:" مَتْرُوحُوشْ عَنْدْ الْشُّعُوبْ الِّي مَشِي يْهُودْ، وْ مَتَدُّخْلُوشْ مْدِينَة الْسَامِرَة. ⁶بَصَّحْ رُوحُوا لْعَنْد الْخِرْفَانْ الْمْوَدْرِينْ الِّي مَنْ شَعْب اسْرَائِيل. ⁷وْ فَطْرِيڨْكُمْ خَبْرُوا الْنَّاسْ: بَلِّي الْوَقْت نْتَاعْ مَلَكُوتْ الْسَّمَواتْ ڨَرَّبْ⁸بَرُّوا الْمَرْضَى. طَهْرُوا الِّي فِيهُم الْبْرَصْ. وْ حَيِّيوْ الموتى. وْ خَرْجُوا الْارْوَاحْ الْشَّرِيرَة. ⁹دِيتُوا بْلَاشْ أَيَّ اعْطُوا بْلَاشْ. وْ مَتَدُّوشْ فِي جْيُوبْكَمْ لاَ ذْهَبْ وْلَا فَضَّة وْلَا نْحَاسْ، ¹⁰وْ لَا رَزْمَة لَلْطْرِيڨ وْ لَا زُوجْ لَبْسَات وْ لَا صَبَابَط وْ لَا حَتَّى عْصَا، عْلَا خَاطَرْ الْخَدَّامْ يَسْتَاهَل مَاكْلَتَّه.¹¹"و الْمدِينَة وْ لَا الْدُّوَارْ الِّي تَدَّخْلُوهُم سَقْسُوا عْلَى لِشْكُونْ يَسْتَاهَل، إِضَيَفْكُم و ڨُعْدُوا عَنْدَه حَتَّى لِتُخُرْجُوا مَنْتَم. ¹²و اذَا دْخَلْتُوا الْشِي دَارْ سَلْمُوا عْلَى مَّالِيهَا، ¹³و الَا كَانُوا مَّالِينْ الْدَّار يَسْتَاهْلُوا سْلَامْكُم، أَيْ سْلاَمْكُمْ يَوْصُلْهُمْ وْ إِلَى مَا كَانُوشْ يَسْتَاهْلُوا ، سْلاَمْكُمْ يْوَلِّيلِكُمْ¹⁴وْلِّي مَايَقْبَلْكُمْشْ وْ مَا يَسْمَعْشْ كْلاَمْكُمْ أَخُّرْجُوا مَنْ دَارَهْ وْمَنْ دِيكْ المْدِينَة، وْ أَنَّفْظُوا الغُبْرَة الِّي فِي رْجْلِيكُمْ . ¹⁵نْڨُولْكُمْ الْحَقْ :" حَالَة سَدُومْ وْ عَمُّورَة غَادِي تْكُونْ قَلْ مَنْ حالة هديك المدينة.¹⁶غَادِي نَرْسَلْكُمْ كِمَا الغْنَمْ فِي وَسْطْ الذْيُوبَ ، كُونُوا حُكَمَا كِلْفَاعِي وْ ظْرَيْفِينِ كِي الْحْمَامْ . ¹⁷أَحَّرْزُوا أَرْوَاحْكُمْ مَالْنَّاسْ، عْلَى خَاطَرْ غَادِي يْسَلْمُوكُمْ لَلْمْحَاكَمْ، وْ فِي دْيُورْهُمْ تَاعْ الصْلاَةْ غَادِي يْضَرْبُوكُمْ وْ يَجَّلْدُوكُمْ. ¹⁸وْغَادِي يْجَرُّوكُمْ ڨُدَّامْ الحُكَامْ و ْالْمْلُوكْ عْلَى جَالِي شْهَادَة لِيهُمْ وْ لَنَّاسْ وْ لْمَاشِي يْهُودْ.¹⁹وْ كِي يَدِّيكُمْ مَا تَتْقَلْقُوشْ كِيفَاشْ وْ لاَ وَاشْ غَادِي تَهَّدْرُوا ، ²⁰بَصَّحْ الْرُّوحْ تَعْ بُوكْمْ الِّي فِي السْمَا هُوَ الِّي غَادِي يَعْطِيكُمْ الْكْلاَمْ لِّي تْڨُولُوهْ²¹وْ غَادِي الْخُو يْسَلَّمْ خُوهْ، وَ الْبُو يْسَلَّمْ وَلْدَهْ وْ الْوْلاَدْ يْنُوضُو ضَدْ وَالْدِيهُمْ وْ يُكَّتْلُوهُمْ ، ²²وْ غَادِي تْكُونُوا مَكْرُوهِينْ مَالنَّاسْ عْلىَ جَالْ إِسْمِي. بَصَّحْ لِيْصْبُرْ حَتَّى التَّالِي وْ يَثْبَتْ فِيَّ غَادِي يَسْلَكْ . ²³وْ كِيْطَرْدُوكُمْ مَنْ هَادْ الْمْدِينَة هَرْبُوا لْوَحْدُ أُخْرَى. الْحَقْ نْڨُولْكُمْ : " مَا غَادِيشْ تْكَمْلُوا مْدُنْ اسْرَائيلْ حَتَّى يْجِي ابْن الْإِنْسَانْ.²⁴"مَشِّي الْتِّلْمِيذْ خِيرْ مَنْ مْعَلَّمْ، تَاعَهْ وْ مَشِّي الْعَبْدْ خِيرْ مَنْ سِيدَه. ²⁵بَرَكَا عْلَى التَّلْمِيذْ إِكُونْ كِمَا مُعَلِّمْ تَاعَهْ ،و ْلاَ الْعَبْدْ كَمَا سِيدَهْ. وْلِّي سَمَّاوَهْ مُولْ الْدَّارْ بَعْلَزَبُولْ، مَالِينْ الْدَّارْ كِيفَاشْ غَادِي يْسَمُّوهُمْ!²⁶مَا تْخَافُوهُمْشْ. عْلَى خَاطَرْ ڨَاعْ لْمَسْتُورْ غَادِي يَعَّرْفُوهْ، وْ ڨَاعْ لْمَدْسُوسْ غَادِي يْبَانْ. ²⁷وْعْلَى دَاكْ الشِّي ڨَاعْ لِنْڨُولَهَلْكُمْ فِالظَّلْمَة ڨُولُوهْ فَالنُّورْ، وْ لِّي تْسُمُعُوهْ بْوَذْنِيكُمْ بَرْحُوا بِيهْ فُوڨْ السْطُوحْ،²⁸مَا تْخَافُوشْ مَنْ هَادُوكْ لِيكَتْلُوا الجَسَدْ وْ مَا يَقَّدْرُوشْ يَكَّتْلوُا الْرُّوحْ ، بَصَّحْ خَافُوا مَنْ هَادَاكْ الِّي قَادَرْ يَهْلَكْ الْرُوحْ وْ الجَسَدْ فِي زُوجْ فِي جَهَنَّمْ. ²⁹مَشِّي زُوجْ زْوَاوَشْ يَنْبَاعُو بْدِينَارْ؟ وْ غَادِي مَا يْطِيحْ عْلَى لَرْضْ حَتَّى وَاحَدْ فِيهُمْ إِلاَ إِذَ بْغَا بُوكُمْ الِّي فَالْسْمَا. وْ ³⁰بَصَّحْ نْتُمَا حَتَّى شْعَرْ رَاسْكُمْ رَاهْ ڨَاعْ مَحْسُوبْ. ³¹مَا تْخَافُوشْ! رَاكُمْ نْتُمَا خِيرْ مَنْ بَزَّافْ الزْوَاوَشْ!³²ڨَاعْ لِيَسْـتَعْرَفْ بِيَا ڨُدَّامْ النَّاسْ ، نَسْتَعْرَفْ بِيهْ ڨُدَّامْ بُويَا الِّي فَالْسْمَا، ³³وْ لِّي يَنْكَرْنِي ڨُدَّامْ النَّاسْ نَنُّكْرَهْ ڨُدَّامْ بُويَا الِّي فَالسْمَا³⁴مَا تَحَسْبُوشْ جِيتْ بَاشْ نْدِيرْ لَهْنَا فَالأَرْضْ. مَاشِّي لَهْنَا بَصَّحْ السِّيفْ . ³⁵جِيتْ بَاشْ نْفَرَّقْ الوَلْدْ عْلَى بُوهْ، وْ بِينْ البَنْتْ وَ مْهَا، وْ بِينْ الكَنَّة و عْجُوزَتْهَا. ³⁶لْعَدْيَانْ تَعْ بْنَادَمْ لْعَايْلَة تَعَهْ.³⁷أَلِّي يَبْغِي بُوهْ وَ لاَّ مَهْ كْثَرْ مَنِّي مَا يَسْتَهَلْنِيشْ، وْ لِي يَبْغِي بَنْتَهْ وَلَّا وَلْدَه كْتَرْ مَنِّي مَا يَسْتَهَلْنِيشْ، ³⁸وْلِمَيَرْفَذْشْ صَلِيبَهْ وَ يْتَبَّعْنِي مَا يَسْتَهَلْنِيشْ. ³⁹عْلَى خَاطَرْ لِبْغَى يَرْبَحْ حْيَاتَهْ يَخْسَرْهَا ، وْ لِيَخْسَرْهَا عْلَى جَالِي غَادِي يَلْقَاهَا.⁴⁰ِليَقْبَلْكُمْ يَقْبَلْنِي، وْ لِيَقْبَلْنِي يَقْبَلْ لِرْسَلْنِي . ⁴¹وْ لِيَقْبَلْ كَاشْ نْبِيْ وْ هُوَ عَارَفَهْ نْبِي غَادِي يَاخَذْ أَجَرْ كِمَا تَعْ نْبِيْ ، وْالِّي يَقْبَلْ بْوَاحَدْ مَتَقِّي الله وْ هُوَ عَارَفَهْ مَتَقِّي الله غَادِي يَاخَذْ أَجْرْ كِمَا تَاعْ مَتَقِّي الله،⁴²وَ الِّي إِيمَدْ غِيرْ كَاسْ مَاء بَارَدْ لْهَادُوكْ الصْغَارْ بْسَمْ غِيرْ تَلْمِيذِ ، الحَقْ نْڨُولْكُمْ :هَادَا مَا غَادِيشْ إِضِيعْ أَجْرَهْ".

¹وْ كِي كَمَّل يَسُوعْ كْلَامَهْ و الْوْصَايَا الِّي أَعْطَاهَا لَتْلَامْذَه الْطْنَاعَشْ، رَاحْ مَنْ تَمْ بَاشْ يْعَلَّمْ وَيْخَبَّرْ بَالْبْشَارَة فَالْمْدُنْ نْتَاعْ الْيَهُودْ. يَسُوعْ وْ يُوحَنَّا الْمَعْمَدَانْ وْ كِي سْمَعْ يَسُوعْ يُوحَنَّا ²وْ هُوَ فَالْحَبْسْ بْهَادْ الْشِّي لِرَاهْ يْدِيرْ فِيه ، رْسَلْ زُوجْ مَنْ الْتْلَامَذْ نْتَاعَهُمْ ، ³وْ ڤَالَه:" أَنْتَا هُوَ لِغَادِي يْجِي وَلَّا نْسْتَنَّاوْ وَحْدَاخُر؟".⁴وْ جَاوْبَهُمْ يَسُوعْ وْ ڤَالْهُمْ:" رُوحُوا وْ خَبْرُوا يُوحَنَّا بْڤَاعْ لِرَاكُمْ تَسَّمْعُوا وَ تْشُوفُوا: ⁵الْعُمْيِينْ وَلَّاوْ يْشُوفُوا، وَ الْقَجْعِينْ وَلَّاوْ يَتْمَشُّوا، وَ الْبْرُصْ تْنَقَّاوْ، وَ الْطَّرْشِينْ رَهُمْ يَسَّمْعُوا، وَ الْمُوتَى حْيَاوْ، وَ الْمْسَاكَنْ رَاهُمْ يَقَّبْلُوا لَبْشَارَة. ⁶وْ سَعْدَاتْ هَدَاكْ الِّي مَغَادِيشْ يْشَكْ فِيَّ".⁷وْ كِي رَاحُوا تْلَامِيذْ يُوحَنَّا بْدَا يَسُوعْ يْڤُولْ لَلْجْمَايَعْ عْلَى يُوحَنَّا: " وَاشْ خْرَجْتُوا تْشُوفُوا فَالْصَّحْرَء ؟ قَصْبَة يْحَرَّكْهَا الْرِّيحْ؟ ⁸وَلَّا وَاشْ خْرَجْتُوا تْشُوفُوا؟ بْنَادَمْ لَابَسْ لْبَاسْ حْرِيِرْ؟ ڤَاعْ لِيَلَبْسُوا لْبَاسْ حْرِيرْ هَادُوك سَاكْنِين فِي قْصُور الْملُوك⁹ڤُولُولِي وَاشْ خْرَجْتُوا تْشُوفُوا ؟ شِي نْبِي ؟ نْعَمْ، نْڤُولْكُمْ رَاهْ خِيرْ و اكْتَرْ مَنْ نْبِيْ. ¹⁰هَدَا هُوَ أَلِّي ڤَالْ عْلِيهْ الْلَّه فِي كْتَابَهْ: غَادِي نَرْسَلْ ڤُدَّامَه مْلَاكِي يْوَجَّدْلَه الْطْرِيڤْ.¹¹وَ نْڤُولْكُمْ الْحَقْ : مَبَانْشْ مَنْ الِّي نْزَادُوا مَانْسَا شِي وَاحَد خِير مَنْ يُوحَنَّا الْغَطَّاسْ، وْ بَصَّحْ الصْغِير ڤَاعْ فِي مَمْلَكَة السَّمَوَاتْ رَاه خِيرْ مَنَّه. ¹²وْ مَنْ لِيَّامْ يُوحَنَّا الْغَطَّاسْ حَتَّى لْيُومْ مَمْلَكَة الْسَّمَوَات هُمَا الْقْوِيِينْ، لِيْدِيرُوا جَهْدْهُمْ بَاشْ يَخَّطْفُوهَا¹³وْ ڤَاعْ الْأَنْبِيَاء وشَرِيعَة نْتَاعْ مُوسَى تْنَبَّاْ حَتَّى الْوَقْت الِّي جَا فِيه يُوحَنَّا الْغَطَّاس. ¹⁴وْ إِدَا بْغِيتُوا تَقَّبْلُوا، فْيُوحَنَّا الْغَطَّاسْ هَذَا هُوَ إِلِيَّا الِّي خَاصَّه إِيجِي. ¹⁵وَ الِّي عَنْدَه وَدْنِينْ يَسْمَع .¹⁶بَشْكُونْ غَادِي نْشَبَّه هَاد الْجِيلْ؟ اشَبْهُوا لَوْلَادْ ڤَاعْدِينْ فَالْسُّوڤْ يْعَيْطُوا لْبَعْضِيَاتْهُمْ ¹⁷وَ يْڤُولُوا: زَمَّرْنَالْكُمْ وْ مَارْڤَصْتُوشْ! وَ نْدَبْنَالْكُمْ و مَابْكِيتُوشْ!¹⁸عْلَى خَاطَرْ جَا يُوحَنَّا مَايَكُلْ مَا يُشْرُبْ، وَيْڤُولُوا: فِيه شِيطَانْ. ¹⁹وْ جَا ابْنْ الإِنْسَانْ يَاكُلْ وْ يُشْرُبْ، وَ يْڤُولْ: هَوَلَا ابْنْ الإِنْسَانْ وَكَّالْ ويَشْرَبْ اَلشْرَابْ، وَ مْصَاحَبْ غِيرْ مَلِمينْ الْضْرِيبَة و الْمَدَّنْبِينْ. وْ بَصَّح حَكْمَة الْلَّه تْبَانْ صَالْحَة مَالعَلَّة نْتَاعْهَا. ويل للمدن التِي لَمْ تَتُب²⁰وْ فْدَاكْ الْوَقْتْ بْدَى يْلُومْ الْمْدُن الِّي دَارْ فِيهُمْ الْمُعْجِزَاتْ كْثَرْ مَنْ الْمدُنْ لُخْرِينْ عْلَى خَاطَرْ الْنَّاسْ تَاعْهُمْ مَاتَبُوشْ: ²¹"يَاوِيلَك يَا كُورَزِين! وْ يَاوِيلَكْ يَابِيتْ صَيْدَا! عْلَى خَاطَرْ لُوكَانْ انْدَارَتْ الْمُعْجِزَاتْ فِي صُورْ وْ صَيْدَا كِيمَا نْدَارُوا فِيكُمْ، رَاهُمْ شْحَالْ هَدِي تَابُوا مَمَّالِيهُمْ فِي لَمْسُوحْ وَ الْرْمَادْ. ²²بَصَّحْ نْڤُولْكُمْ: الْآخْرَة نْتَاعْ صُورْ وْ صَيْدَا فِي يُومْ لَحْسَابْ غَادِي تْكُونْ قَلْ مَنْ آخِرَتْكُم.²³وَأَنْتِ أَكَفَرْنَحُومْ الْعَالْيَة فَالْسْمَا! غَادِي تْهَوْدِي لَلْهَاوْيَة. عْلَى خَاطَرْ لُوكَانْ نْدَارَتْ الْمُعْجِزَاتْ فِي سَدُومْ كِمَا نْدَارَتْ هْنَا لَڤَعْدَتْ حَتَّى لْيُومْ . ²⁴وْ بَصَّحْ نْڤُولْكُم: أَرْضْ سَدُومْ وْ عَمُّورَة غَادِي تْكُونْ آخْرَتْهَا قَلْ مَنْ آخْرَتْكُمْ فِي يُومْ لَحْسَابْ".²⁵وْ فِي دْيكْ الْسَّاعَة تْكَلَّمْ يَسُوعْ وْ ڤَالْ: "نَحْمَدْ الْابْ يَارَبْ الْسَّمَاوِي و لَرْضْ عْلَى خَاطَرْ دَسِّيتْ دَاكْشِي عْلَى الْحُكَمَا وَ الْفَاهْمِينْ وْ وَرِّيتَه لَوْلَادْ الْصْغَارْ. ²⁶وَاهْ يَالْآبْ، هَكَّا كَانْ مُرَادَكْ بُويَا. ²⁷أَعْطَانِي كُلْشِي، وْ حَتَّى وَاحَدْ مَايَعْرَفْ الابْنْ غِيرْ الْبُوا، وْ حَتَّى وَاحَدْ مَا يَعْرَفْ الْبُوا غْير الْإِبْنْ وْ لِبْغَى وَ قْبَلْ الْإِبْنْ غَادِي يْوَرِّيلَه.²⁸رْوَاحُوا عَنْدِي نْتُمَا ڤَاعْ الْعَيَّانِينْ وْ لِرَافْدِينْ الْثْقِيلْ، وْ أَنَا نَعْطِيكُمْ الْرَّاحَة. ²⁹رَفْدُوا نِيرْ نْتَاعِي وَ تْعَلْمُوا مَنِّي، عْلَى خَاطَرْ أَنَا ضْرِيفْ وْ مَتْوَاضَعْ، وْغَادِي تَلْقَاوْ الْرَّاحَة لَنْفُوسْكُمْ. ³⁰عْلَى خَاطَرْ الْنِّيرْ نْتَاعِي سَاهَلْ وْ الْحْمَلْ نْـتَاعِي خْفِيفْ".

¹وْ فيِ دَاكْ الوَقْتْ فِي النْهَارْ السَبْتْ رَاحْ يَسوُع ْفِي وَسَط ْالزُرُوعْ، جَاعُو تلْاَمَذَه وْ بْداَوْ يَڤَطْعوُ السْبوُل ْو ْياَكْلوُا . ²وْ كِشاَفُوهُمْ رِجاَلْ الدِينْ قاَلوُ لَه: "شوف تلامذك راهُم ْايْدِيرُوا حْوَايَحْ لِماَخَصْهوُمَشْ ايْدِيِرُها فِي نَهاَرْ السَبْتْ!".³وْ رَدْ عْليِهُم ْ: "مَا قْرِيتُوشْ شَا دَارْ دَاوَدْ ولِمْعَاهْ مِينْ جَاعُو؟" ⁴كِدْخَلْ لْبِيتْ اللهْ وْ كْلَ الخُبْزْ لِيْقْدْمُوهْ للهْ اللِي مَا كَانْشْ خَاصَهْ ياَكْلَهْ لاَ هُوَ وْ لاَ هَادُوكْ اللِي مْعَاه ْ،مَنْ غِيرْ رْجَالْ الدِينْ .⁵وْ مَا قْريتُوشْ فِي التُورَاة ْبَلِي رْجَالْ الدِينْ وْ هُماَ يَخَدْمُو فِي بِيتْ اللهْ فِي نْهَارْ السَبْتْ يَتْغَدَاوْ عْلَى نْهَارْ السَبْتْ وْ هُمَا مَا عْلِيهُمْ لُومْ ؟ ⁶وْ بْصَحْ نْقُولَلْكُمْ: رَاهْ كَايْنْ هْناَ اللِي هُوَ كْبَرْ مَنْ بِيتْ اللَهْ!⁷وْ لُكاَنْ فْهَمْتُوا مَعْنَى لْلآيَهْ اللِي رَانِي نْقُولَلْكُمْ : بْغِيتْ الْرَحْمَهْ مَا شِي دْبيِحَه، كِحْكَمْتُو عَلَى اللِي مَا فِيهُومْشِ الُومْ ! ⁸اِبَنْ الِأنْسَانْ هُوَ رَب السَبْتَ تاَن".⁹وْ رَاحْ مَنْ تْمَا وْ جاَ لْدَارْ الصْلاَة ْنْتَاعْهُمْ ، ¹⁰وْ لْقَا وَاحَدْ الرَاجَلْ يْدَهْ ياَبْسَه، سَقْسَاوَهْ وْ قاَلُولَه : "وَاشْ حْلاَلْ الشْفاَ فِي السْبُت ؟" سَقْسَاوَهْ بَاشْ ايْلَصْقُولَهْ تَهْمَهْ¹¹جاوَبْهُمْ : "اِذاَ وَاحَدْ فِيكُمْ عَنْدَهْ خْرُوفْ، اِذَا طَاحْ فِي حُفِرَهْ فِي نْهَارْ السَبْتْ مَا غَادِيشْ اِيْشَدْلَهْ يَدْهْ وْ يْخَرْحه ؟ ¹²شْحَالْ بْناَدَمْ خِيرْ مْلَخْرُوْف! عْلَى هَادْ شِي حْلَالْ تْدِيرْ لْخِيرْ فِي السْبُت! ".¹³وْ مَمْبَعْدْ قَالْ لَلْاِنْسَانْ: "مَدِ يَدَكْ". وْ مَدْهاَ. وْوَلَاتْ صْحيِحَهْ كِماَ لْيَدْ لُخْرَى. ¹⁴وْكِخَرْجُوا الفَرِسِيِينْ تْشَاوْرُو عْلِيهْ بَاهْ يَقَتْلُوهْ،¹⁵كِعْرَفْ يَسُوعْ رَاحْ مَنْ تَمْ . وْ تَبْعُوهْ جْمَايَعْ بَزَافْ نْتاَعْ النَاسْ وْ شْفَاهُمْ ڤَاعْ. ¹⁶وَوْصَاهُمْ باَشْ مَا يْخَبْرُوا حَتَى وَاحَدْ، ¹⁷بَاشْ يَتْحَقَقْ وَاشْ نْقاَلْ بَالنْبِي أشْعِياَءْ¹⁸: "هَذَا هُوَ بْنِي اللِي خْيَرْتْ ،وْ لْعْزِيْز نْتاَعِي اللِي بِيهْ نَفْسِي فَرْحَانَهْ بَزَافْ.غَادِي نْحَطْ عْلِيهْ رُوحِي وْ يْخَبَرْ الشْعُوبْ بالْحَقْ¹⁹مَا يْعاَدِي مَا يْزَڤِي،وْ مَا يَسْمَعْ حْتَى وَاحَدْ صُوتَهْ فَطْرِيقْ ²⁰قصبه مَشْقَوقَه مَا يْهَرَسْ،وفتيله تَطْلَقْ الدُخَانْ ماَ تَطْفَي، حَتَى يَخْرَجْ الْحَقْ هُوَ الْغاَلَبْ. ²¹وْ باَسْمَهْ غَادِي يْكُونْ رَجَاءْ لْشْعُوبْ لِمَايْعَرْفُوشْ الرَبْ ". يسوع و بعلزبول²²وْ فِي ذَاكْ الْوَقْتْ جَابُوا لْعَنْدَهْ وَاحَدْ الْمَجْنُونْ عْمَى وْ بْكُوشْ وْ بْرَاهْ ،حْتَى الآعْمَى وْ الْبْكُوْش هْدَرْ وْ شَافْ. ²³تْعَجْبُوا جْمَاعَاتْ نْتَاعْ النَاسْ وْ قَالوُا: "باَلاَكْ هَدَا هُوَ اِبْنْ دَاوْدْ؟".²⁴وْ بَصَّحْ رْجَالْ الدِينْ كِسَمْعُوا هَادْ الشِّي ڤَالُوا: "هَادَا مَا رَاهْشْ يْخْرَجْ الشْياَطِينْ غِيرْ بْبَعْلَزَبُولْ رَئِيسْ الشَياَطِينْ". ²⁵وْعْرَفْ يَسُوعْ أَفْكَارْهُمْ،و ڤَالْهُمْ : "كُلْ مَمْلَكَهْ تَنْخْرَبْ ، وْ كُلْ مْدِينَهْ وْلَا عاَيْلَهْ تَنْقْسَم ْمَا غَادِيشْ تْدُوم ْ.²⁶وْ اِدَا كاَنْ الشِيطَان يْخْرَجْ الشِيطاَنْ غَادِي يْكوُنْ الشِيطَانْ نْڤَسَمْ وْوْلَى ضَدْ رُوحَهْ وِيلاَ نْقْسَمْ وْوْلاَ ضَدْ رُوحَهْ. كِيفاَشْ غَادِي تَبْقَى مَمْلَكْتَهْ تاَبْتَهْ؟ ²⁷وِيِلاَ كُنْتْ أَناَ بَعْلَزَبوُلْ وْ نْخَرَجْ الشَيَاطِينْ، وَوْلاَدْكُمْ بْشْكوُنْ رَاهُمْ يْخَرْجُوهُمْ ؟عْلىَ هَادْ الشِي رَاه ْوْلاَدْكُمْ لِغَادِي يْحَكْمُوا عْليِكُمْ !²⁸كُنْتْ بْرُوحْ اللهَ نْخْرَجْ الشَياَطِينْ، فْمَمْلَكَةْ اللَه جَاتْ فْوْسْطْكُمْ ²⁹!شْكُونْ يْقْدَرْ يْدْخُلْ لْداَرْ وَاحَدْ صْحِيحْ وْ قْوِي وْ يَخْوَنْ لَه ْصْوَالْحَهْ، بْلاَماَ يْكْتْفَهْ الصْحِيحْ هُوَ الُلْوَلْ ،وْ عَادْ يْخْوَنْ لَه ْدَارَهْ ؟ ³⁰الْليِ مَاشِي مْعاَياَ هُوَ ضْدِي وْ لِمَا يْلْمْشْ وْ يْجْمَعْ مْعاَياَ رَاه هُوَ يْفَرَقْ.³¹عْلَى دَاك ْالشِّي أَنَا نْقُولْلْكُم: كُلْ ذَنْبْ وْ كْلاَمْ كْفَرْ رَاهْ يْنْغْفَرْ لْلْناَسْ، ³²و بَصَّحْ كْلاَم ْ الْكْفَرْ عْلَى الرُوحْ القُدُسْ مُا يَتَغْفْرْشْ . وْ لِيْقُولْ كْلْمَهَ ضْدْ اِبْنْ الِانْسَانْ يْتَغْفَرْلَه ْ،وْ بَصَحْ لِيْقُولْ كْلْمَه ضْدْ الرُوحْ القُدُسْ ماَ يْتْغْفَرْلَهْشْ، فِي الدْنيْاَ وْلاَ فِي الاَخْرَه .³³غَرْسوُا شَجْرَهْ مْليِحَه، وْ غْلَتْهاَ مْليِحَه وْلا غْرْسوُا شْجْرَهْ مَاشِي مْليِحَهْ وْ غْلَتْهاَ مَاشِي مْليِحَه ،رَاهْ مَالْغْلَه تْنَعْرَفْ الشْجْرَهْ . ³⁴ياَ وْلاَدْ الْلفَاعِي! كِيفَاشْ تْقْدْرُوا تَهْدْرُوا عْلَى الصَالْحَاتْ وْنْتُماَ اَشْرَارْ؟ عْلَى خَاطَرْ لِمْعْمَرْبِيه الڤَلْبْ يْهْدْرْ بِيهْ الفُمْ. ³⁵الاِنْساَنْ الصَالَحْ يْخْرَجْ الصْوَالَحْ لْمْلاَحْ مْنْ كْنْزْ الَصاَلَحْ لِفْي قَلْبَهْ. وْ البْنَادْم ْالشرِيرْ مَالْكْنْزْ الشرِيرْ يْخْرَجْ الشرُ.³⁶وْ بْصَحْ نْقوُلْلكُمْ :كُلْ كَلْمَه بَاطْلَة يْهْدْرُوا بيِهاَ النَاسْ غاَدِي يْعْطُوا عْليِهَا حْسَابْ فِي يوُمْ الدِينْ. ³⁷عْلىَ خاَطَرْ رَاه ْبْكْلَامَكْ غاَدِي يْنْحْكُمْ عْليِكْ اِمَا تَتْبْرَرْ وْلاَّ تُنْداَنْ". ايه يونان³⁸وْ فِدِيكْ الْسَاعَهْ جَاوْبَهْ قُومْ مَنْ عُلَمَاءْ الْشَرِيعَهْ وْ رْجَالْ الْدِينْ وْ قاَلوُا : "يَا سِيدِي ،بْغيِنَا أَنْشُوفُوا مْنَكْ مُعْجِزَه". ³⁹جَاوْبْهُم ْو ڤَاَلَلْهُمْ: " جِيلْ فاَسَقْ وْ شْرِيرْ يْطْلَبْ مُعْجِزَهْ، وْ مَا يْنَعْطَالَهْشْ غيِرْ مُعْجِزَة ْيُوناَنْ النْبيِ . ⁴⁰عْلىَ خَاطَرْ كيِماَ كاَنْ يُوناَنْ فِي كَرْشْ الحُوتْ ثَلْتْ أِياَمْ وْ ثْلْتْ لِياَلِي، هَكَا غَادِي يْكُونْ اِبْنْ الِانْساَنْ فِي قْلْبْ لَرْضْ ثْلْتْ أِياَم ْو ثَلْتْ ليِاَلِي.⁴¹وْ ناَسْ نيِنِيوِى غَادِي يْقوُمُوا فِي يُومْ الدِينْ وْ الْحِساَبْ مْعَ هَاذْ الْجِيلْ وْ غَادِي يَشَهْدُوا عْليِهْ ،عْلَى خاَطَرْ هُمَا تاَبوُا كِنَبَهْهُمْ يوُناَنْ وْ دَرْوَكْ رَاهْ هْناَ وَاحَدْ اَحْسَنْ وْ اَفْضَلْ مَنْ يُوناَنْ !⁴²مَلِكَةْ الْجَنوُبْ التَيْمَنْ غاَدِي تَنْبْعَثْ مْعَ هَادْ الْجِيلْ فِي يُومْ الْحْسَابْ وْ تَشْهَد ْعْلِيهْ، عْلَى خَاطَرْ جَاتْ مَنْ أَرْضْ بْعيِدَهْ بَاشْ تَسْمَع ْحِكْمَةْ سْليِماَنْ، وْ هَاهُوَ دَرْوَكْ هْناَ وَاحَدْ اَحْسَنْ وْ اَفْضَلْ مَنْ سْليِماَنْ!⁴³رَاهْ كِيَخْرُجْ الرُوحْ الشْرِيرْ مَالبْناَدَمْ يْرُوحْ فِي بْلاَيْصْ مَا كاَنَشْ فِيهُمْ الْمَاء، وْ يْحَوَسْ. ⁴⁴وْ يْقوُلْ:" أَناَ نْوَلِي لْدَارْ لِخْرَجْتْ مَنْهَا. وْ يْوَلِيلِهَا وْ يَلْقاَهَا خَاوْيَهْ وْ مَصْلُوحَه وْ مْصَڤدة. ⁴⁵وْ يْرُوحْ وْ يَدِي مْعاَهْ سَبْعَه نْتاَع ْالآرْوَاحْ وْحَدْ خْرِينْ أَشَرْ مَنهَ، وْ كِيَدَخْلُوا يَسَكْنوُا تَمْ ،وْ تْوَلِي حَالَه هَادَاكْ البْناَدَمْ أَشَرْ مَا الْلوَلْ! وْ هَكْذاَ غاَدِي يْصْرَا لْهَادْ الْجِيلْ لِيْديِرْ الْشَرْ حَتَى هُوَ". عمل مشيئة الله⁴⁶وْ كِكاَنْ يَهدرمْعَ الْجْمَاعاَتْ نْتاَعْ الْناَسْ جَاتْ مُه ْوْ خُوتَهْ وْوَقْفُوا بَرَا باَغِينْ يَهَدْرُوا مْعاَه، ⁴⁷ڤَالَّه وَاحَدْ مَالْحاَضْرِينْ :"هَيَالَ مُكْ وْ خُوتَكْ وَاقْفِينْ بْرَا وْ باَغِينْ يَهَدْرُوا مْعاَكْ".⁴⁸وْ يْجَاوَبْهُمْ يَسُوع ْوْ يْقُولَلْهُم ْ: "شْكُونْ هِيَ اَمَّا وْ شْكُونْ هُمَا خُوتِي؟". ⁴⁹وْ نَعَتْ بْيَدَه ْلْجِهَةْ تْلاَمْذَهْ وْ ڤَاَلْ :"هاَهُمَا اَمَّا وْ خُوتِي. ⁵⁰عْلَى خَاطَرْ هَادُو هُماَ لِيْديِرُوا مَشِيئَةْ اَبِي لِيفيِ السْمَاوَاتْ".

¹وْ فِي دَاكْ النْهَارْ خْرَجْ يَسُوعْ مَنْ الدَّارْ وْ جَمَّعْ عَنْدْ البْحَرْ، ²وْ تْلَايْمُوا عْلِيهْ بَزَّافْ،النَّاسْ ،وْمَنْ كَثْرَةْ الدْمِيرْطْلَعْ لَلْفَلُوكَه وْ جَمَّعْ. فِيهاَ وْوَڤْفُوا ڤَاعْ هَدُوكْ النَاسْ عَنْدْ الشَّطْ.³وْهْدَرَلْهُم ْبْزَّافْ بْاِلَمْتُولْ وْ ڤَاَلْ : "وَاحَدْ الرَّاجَلْ خْرَجْ بَاشْ يَزْرَع ْ، ⁴وْ كِكَانْ يَزْرَعْ طَاحُولَهْ حَباَتْ فِي الطْرِيڤْ ،وْ جَاوْ الزْوَاوَشْ وْ كْلاَوْهُمْ. ⁵وْ طَاحُوا حْبَاتْ وَحْدْ خْرِينْ فْوَحَدْ الْأَرْضْ مْحَفْرَه، مَا فِيهَاشْ تْرَابْ بْزَافْ وْ تَمْ تَمْ نَبْتُوا عَلَى خَاطَرْ التْرَابْ مَاكَانْشْ غَامَقْ. ⁶وْ كِشَرْقَتْ الشَمْسْ نْحَرْڤُوا، عْلَى خَاطَرْ مَاكَانَشْ عَنْدَهُمْ الجْذُورْ أَيَّا يَبْسُوا.⁷وْ طَاحُوا حْبَاتْ وَاحَدْ خْرِينْ فْوَسْطْ الشُّوكْ وْ كِكْبَرْ الشُّوكْ جَيَّفْهُمْ . ⁸وْ طَاحُوا حْباَتْ وَاحَدْ خْرِينْ فِي أَرْضْ مْليِحَه وْ عْطَاوْ الْغَلَة، كاَيَنْ فِيهُمْ لِعْطَى مِيَهْ وْ كَايَنْ لِعْطَى سَتِينْ وْ كاَيَنْ لِعْطَى تْلاَتِينْ. ⁹أَيَّا لِعَنْدَه ْ وَدْنِينْ يَسْمَعْ"¹⁰وْ ڤَرْبُوا عَنْدَهْ تْلاَمْذَه وْ ڤَالوُلَهْ :" عْلاَ شْ رَاكْ تَهْدَرْ مْعَانَا بْالَمْتُولْ؟". ¹¹وْ هُوَ يْجَاوَبْهُمْ وْ يْڤُولْ : "عَلَى خَاطَرْ نْتُماَ نَعْطَالْكُمْ بَاشْ تَفَّهْمُوا سْرَارْ مَلَكُوتْ السَّمَاوَاتْ،وْ بْصَّحْ هَادُوكْ مَانَعْطَالْهُمْشْ بَاشْ يَفَهْمُوهُم. ¹²عْلَى خَاطَرْ لِعَنْدَهْ غَادِي يْتَعْطَالَهْ وْ يَنْزَادْلَهْ، كْتَرْ وْ لِماَعَنْدَهْشْ حَتَى دَاكْ الشِّي لِعْنْدَهْ غَادِي ينَقْلَعْلَهْ¹³وْ عْلَى هَادَا أَنَا رَانِي نْكَلَمْكُمْ بْالْمْتُولْ، عْلَى خَاطَرْ مَلِي يْشُوفُوا مَا يْشُوفُوشْ، وْ كِيَسَمْعُوا مَايَسَمْعُوشْ. ¹⁴وْ هَكَا تْحَقَّتْ فِيهُمْ الْنًبُوَّه تَاعْ إشْعِيَاءْ: تَسَّمْعُوا لِتَسَّمْعُوهْ وْ مَتَفَّهْمُوشْ، وْ تْشُوفُوا اللِي شَفْتُوا وْ مَايْبَانْ لْكُمْ وَالُوا .¹⁵عْلَى خَاطَرْ ڤَلْبْ هَادْ الشَّعْبْ قَاسَحْ، وْوَدْنِيهُمْ وْلَّاتْ تْقِيلَهْ بَاشْ تَسْمَعْ. وْغَمْضُوا عَيْنِيهُمْ، بَاشْ مَا يْشُوفُوشْ، وْ مَا يَسْمَعُوشْ بْوَدْنِيهُمْ ،وْ يْفَّهْمُو بْڤْلُوبْهُمْ ، وْ يْوَلُولِي بَاشْ نَشْفِيهُمْ.¹⁶بَصَحْ سَعْدَاتْ لْعَيْنِيكُمْ عْلَى خَاطَرْ رَاهَا تْشُوفُ، وْ لوَدْنِيكُمْ رَاهَا تَسْمَعْ. ¹⁷وْ نْڤُولَلْكُمْ الْحَقْ:" رَاهْ بْزَّافْ تَاعْ الأَنْبِيَاءْ وْ الصَالْحِينْ تْمَنَاوْ بَاشْ يْشُوفُوا لِرَاكُمْ تْشُوفُوهْ نْتُمَا، وْمَاشَافُوهْشْ وْ يَسَّمْعُوا لِرَاكُمْ تَسَّمْعُوهْ وْ مَاسْمَعُوهْشْ. "¹⁸أَسَّمْعُوا نْتُمَا مْتَلْ الرَّاجَلْ الِّي يَزْرَعْ: ¹⁹لِيَسْمَعْ الْكْلَامْ تَاعْ مَمْلَكَةْ اللَهْ وْ مَايَفْهَمْشْ، وَ يْجِي الشِّيطَانْ وْ يَخْطَفْ لِنَزْرَعْ فِي قَلْبَهْ .هاَدَا هُوَ المَزْرُوعْ عْلَى الطْرِيقْ.²⁰وَ الْمَزْرُوعْ عْلَى الْبْلَايْصْ الْمْحَجْرَهْ هُوَ لِيَسْمَعْ الْكَلْمَهْ، وْ يَقَبَلْهَا بْلْخُفْ بْالْفَرْحَه، ²¹وْ بْصَّحْ كَلْمَةْ اللَّهْ مَاعَنْدْهَاشْ أَصْلْ فِي ڤَلْبَهْ، وِيلَا فَاتْ مَالضِّيقْ وَلَّا الأَضْطَاهَادْ عْلَى جَالْ الْكَلْمَهْ يْبَعَّدْ بَلْخَفْ عْلَى الإِيمَانْ .²²وْ الْمَزْرُوعْ فِي وَسْطْ الشُّوكْ هُوَ لِيَسْمَعْ كْلَامْ، الّلَهْ وْ بَصَّحْ هَمْ الدَّنْيَا وْ مَحَبَّةْ الدْرَاهَمْ يْجَيْفُوا كْلاَمْ اللَّه مَايَلْقَاشْ كِيفَاشْ يَعْطِي الْغَلَة. ²³وْ بَصَّحْ الْمَزْرُوعْ فِي لَرْضْ صَالْحَه وْ مْلِيحَه هُوَ الِّي يَسْمَعْ كْلَامْ اللَّهْ .هُوَ لِيَعْطِي الْغَلَّهْ ،يَعْطِي مِيَّة وْ مَنْبَعْدْ سَتِينْ وْ مَنْبَعْدْ تْلَاِتينْ". مَثَلْ القَمْحْ وَ الْزَّوَانْ²⁴وَ عْطَاهُمْ مْثَلْ وَاحْدَاخُرْ وْ ڤَالْ : "يْشَبَّهْ مَلَكُوتْ السَّمَاوَاتْ إنْسَانْ زْرَعْ وَاحَدْ الزَرِّيعَه مْلِيحَه فِي أَرْضَه. ²⁵وْ كِكَانُوا النَّاسْ رَاڤْدِينْ جَا عْدُوَّهْ زْرَعْلَهْ الزْوَانْ وَسْطْ الڤَمْحْ وْ رَاحْ. ²⁶وْ كِي نْبَتْ الزْرَعْ وْ خْرَجْ السْبُولْ، بَانْ مْعَاهْ الزْوَانْ حَتَّى هُوَ.²⁷وْ جَاوْ الخَدَّامَا تَاعْ مُولْ الدَّارْ وْڤَلُولَهْ: يَا سِيدِي، َمشِّي زْرَعْتْ زْرَعْ مْلِيحْ فِي أَرْضَكْ؟ مْينِنْ جَا الزْوَانْ؟. ²⁸وْهُوَ يْجَاوَبْهُمْ : رَاهْ كَاشْ عْدُوْ دَارْ هَادْ الشِّي. ڤَالُولَهْ الخَدَّامَا ،إِدَا بْغِيتْ نْرُوحُوا وَ نْلَمُّوه؟²⁹ڤَالْ: أَلَّا! بَاشْ مَايَتَڤْلَعْشْ الْڤَمْحْ مْعَ الزْوَانْ ³⁰. خَلُّو الْڤَمْحْ يَكْبَرْ مْعَ الزْوَانْ حَتَى يَوْصَلْ وَقْتْ الْحْصَادْ، وْ دِيكْ السَّاعَه نْڤُولْ لَلْحَصَادِينْ:" جَمْعُوا فِي اللَوَلْ الزْوَانْ وْ أَحَزْمُوهْ حْزَامَاتْ بَاشْ يَنْحْرَڤْ، بْصَّحْ الْڤَمْحْ نْلَمُوهْ وْ نَدُّوهْ لْمَخْزَنْ تَاعِي". مَثَلْ حبة الخردل و مثل الخميرة³¹وْ عَاوَدْ ڤَالْهُمْ مْثَلْ وَحَداخُرْ: "مَلَكُوتْ السَّمَاوَاتْ إِشَبَّهْ لْحَبَّةْ الخَرْدَلْ أَدَّاهَا وَاحَدْ الرَّاجَلْ وَ زْرَعْهَا فِي أَرْضَهْ، ³²وْ هِيَ الْحَبَّهْ الصْغِيرَه فِي الزَرٍيعَه. وْ بَصَّحْ كِتَكْبَرْ، تْوَلِي شَجْرَه كْبِيرَه كْبَرْ مَنْ ڤَاعْ الغَرْسْ، حَتَى طْيُورْ السْمَا تْجِي وْ تَتْعَشَّشْ فِيهَا".³³وْ زَادْ أَعْطَاهُمْ مْثَلْ وَحْدَاخُرْ: "مَلَكُوتْ السْمَا إِشَبَّهْ لَخْمِيرَ دَارَتْهَا مْرَا فِي تَلْثْ كْيَالْ فَرِينَه حَتىَ خَمْرَتْ ڤَاعْ الْعْجِينَه".³⁴ڤَاعْ هَذَا الْهَدْرَهْ هْدَرْهَا يَسُوعْ لَلنَاسْ بْالَمْثُولْ، وْ بْلَا الْمْثُولْ مَا كَانْ إِڤُولْهُمْ حَتَى حَاجَهْ، ³⁵بَاشْ يَتْحَقَقْ الْكْلَامْ اللِي ڤَالَه النْبِي: "بْالَمْثُولْ نَتْكَلَمْ، وَ نْخَبَّرْ بْڤَاعْ لِكَانْ مَدْسُوسْ مَا الْيُومْ لِتْخَلْقَتْ فِيهْ الدَنْيَا". مثل القمح و الزوان³⁶دِيِكْ السَّاعَه خَلَّا يَسُوعْ الجُمُوعْ إِرُوحُوا وْجَا لَلْدَّارْ. ڤَدْمُوا عَنْدَهْ تْلَامْذَه وْ ڤَالُوا: "فَسَرَّنَا مْثَلْ الزْوَانْ أَلِّي فْلَرْضْ". ³⁷وْ جَاوَبْهُمْ وْ ڤَالْ: "لِيَزْرَعْ الزَرِيعَه الْمْلِيحَه هُوَ إِبْنْ الإِنْسَانْ. ³⁸وْ الْحَقَلْ هُوَ الدْنْيَا. وْ الزَرْعْ الْمْلِيحْ هُوَ بَنُوا مَلَكُوتْ اللَّه. ³⁹وَ الزْوَانْ هُوَ بْنُوا إِبْلِيسْ. وْ الْحْصَادْ هُوَ آخَرْ الزْمَانْ. وْ الْحَصَّادَه هُمَا الْمْلَايْكَه.⁴⁰كِمَا يَنْجْمَعْ الزْوَانْ وْ يَنْقَاسْ فَاالنَارْ، هَكَا غَادِي يْكُونْ فِي آخَرالزْمَانْ: ⁴¹غَادِي يَبْعَتْ إِبَنْ الإِنْسَانْ الْمْلَايْكَه نْتَاعَهْ وْ يْلَمْ مَنْ الْمَمْلَكَه نْتَاعَهْ ڤَاعْ الْصْوَالَحْ أَلِّي تْعَتَّرْ و ڤَاعْ المَذْنُوبِينْ، ⁴²وْ يْقِيسْهُمْ فَالنَارْ. وِينْ غَادِي يْكُونْ البْكَا وْ تَغْزَازْ الْسْنَانْ، ⁴³بَصَّحْ الصَالْحِينْ وْ لِكَانُوا يَطِيعُوا اللَهْ غَادِي يْضَوِي وْ كِي الشَمْسْ فِي مَمْلَكَةْ بُوهُمْ. لِعَنْدَهْ وْدْنِينْ يَسْمَعْ، غِيرْ يَسْمَعْ.امثلة الكنز و اللؤلؤ و الشبكه "⁴⁴وْعَاوَدْ تَانِي يْشَبَّهْ مَلَكُوتْ السَّمَاوَاتْ لْوَاحَدْ الكَنْزْ مَدْفُونْ فِي وَاحَدْ لَرْضْ، لْقَاهْ وَاحَدْ الرَّاجَلْ وْ عَاوَدْ دَفْنَهْ. وْمَالْفَرْحَه رَاحْ بَاعْ ڤَاعْ مَلْكَهْ وْ شْرَا دِيكْ لَرْضْ. ⁴⁵وْ يْشَبَهْ تَانِي مَلَكُوتْ السَّمَاوَاتْ لْوَاحَدْ تَاجَرْ كَانْ إِحُوَّسْ عْلَى الْجَوْهَرْ الصَافِي، ⁴⁶وْ كِلْقَى الجَوْهَرْ غَالِي بْزَافْ، رَاحْ وْ بَاعْ ڤَاعْ أَلِّي عَنْدَهْ وَ شْرَاهَا.⁴⁷وْ تَانِ يْشَبَهْ مَلَكُوتْ السَمَاوَاتْ ،شَبْكَه قَاسُوهَا الصِيَادَه فِي البْحَرْ، وْ لَمَتْ ڤَاعْ لَنْوَاعْ تَاعْ الحُوتْ. ⁴⁸وْ كِتْعَمْرَتْ خَرْجُوهَا الصِيَادَه حْدَى البْحَر، وْ جَّمْعُوا وْ بْدَاوْ يْفَرْزُوا لَمْلِيحْ دَارُوهْ فَالسْلَلْ، وْ لِّمَيَصْلَحْ لْوَالُوا يْقِيسُوهْ.⁴⁹وْ هَكَا غَادِي يْكُونْ فِي آخَرْ الزْمَانْ: "غَادِي يْجُوا الَمْلَايْكَهْ وْ يَعَزْلُوا المُدَنْبِينْ مَنْ بِينْ لْمَتْقِنينْ اللهَ، ⁵⁰وْ يْقِيسُوا الْمَدَنْبِينْ فِي النَارْ وِينْ غَادِي يْكُونْ الْبَكَا وْ تَغْزَازْ السْنَانْ".⁵¹وْ ڤَالْهُمْ يَسُوعْ: "فْهَمْتُوا ڤَاعْ هَادْ الشِّي؟". وْ جَاوْبُوهْ:"واه،يَاسِدِي" ⁵²وْهُوَ يْڤُولْهُمْ:"عْلَى جَالْ دَاكْ الشِي، كُلْ وَاحَدْ مَنْ عُلَمَاءْ الشَرِيعَه عْرَفْ مَمْلَكَةْ السَمَاوَاتْ إِشَبَهْ لْوَاحَدْ مُولَ دَارْ اللِي خَرَّجْ مَا الْكَنْزْ تَاعَهْ كُلْ حَاجَه قْدِيمَه وْ جْدِيدَه". ⁵³وْ كِكَمَلْ يَسُوعْ هَادْ الْمْثُولْ رَاحْ مَنْ تَمْ.الناصرة ترفض يسوع⁵⁴وْ كِجَا لَمْدِينْتَهْ كَانْ يْعَلَّمْهُمْ فِي دَارْهُمْ تَاعْ الصْلاَةْ حَتَى نْخَلْعُوا فِيهْ وْ ڤَالُوا: "مِينْ عَنْدَهْ ڤَاعْ هَادْ الْحِكْمَه وْ السُّلْطَانْ؟ ⁵⁵مَشِي هُوَ هَذَا وَلْدْ النَجَّارْ،مَشِي امَهْ يْسَمُوهَا مَرْيَمْ وْ خُوتَهْ يَعْقُوبْ وْ يُوسِي وْ سِمْعَانْ وْ يَهُودَا؟ ⁵⁶وْ مَشِي خُوَاتَاتَهْ ڤَاعْ هُمَا مَنْ عَنَدْنَا؟ آيَّا مِينْ جَاهْ ڤَاعْ هَادْ الشِي؟".⁵⁷مَا عْجَبْهُمْشْ الْحَالْ. وْ بَصَحْ يَسُوعْ ڤَالْهُمْ :"النْبِي هُوَ بْلُا كَرَامَه غِيرْ فِي بْلَادَهْ وْ فِي وَسْطْ عِيلْتَهْ". ⁵⁸وْ مَادَارْشْ فْدِيكْ البْلَاصَه بَزَافْ المُعْجِزَاتْ عْلَى خَاطَرْ مَا كَانَشْ عَنَدْهُمْ إِيمَانْ .

¹الْمُوتْ نْتَاعْ يُوحَنَّا مَالمُوت! عْلَى جَالْ دَاكْ الْشِّي الْمَعْمَدَانْ وْ فْدَاكْ الْوَقْتْ سْمَعْ هِيرُودُسْ الْحَاكَمْ بَخْبَارْ يَسُوعْ، ²وْ هُوَ يْڤُولْ لْخَدَّامَة نْتَاعَه: "هَذَا هُوَ يُوحَنَّا الْمَعْمَدَان لِقَامْ الْمُعْجِزَات انْدَارُوا عْلَى يَدِّيهْ".³وْهِيرُودُسْ ڤْبَضْ يُوحَنَّا وْ كَتْفَهْ وْ دَخْلَهْ لَلْحَبْسْ عْلَى جَالْ هِيرُودْيَا مَرْتْ خُوهْ فِيلِبُسْ ، ⁴عْلَى خَاطَرْ يُوحَنَّا كَانْ إِيڤُولَّه:"مَشِّي حْلَالْ عْلِيكْ بَاشْ تَتْزَوَّجْهَا". ⁵وْ كَانْ بَاغِي يُكَّتْلَهْ وْ بَصَّحْ خَافْ مَالْشَّعْب ،عْلَى خَاطَرْ كَانُوا يْأَمْنُوا بِيهْ بَلِّي هُوَ الْنْبِي .⁶وْ فْحَفْلَة عِيد الْمِيلَادْ نْتَاعْ هِيرُودُسْ ، رَڤْصَتْ بَنْتْ هِيرُودْيَا فَالْحَفْلَة وْ عَجْبَتْ هِيرُودُسْ . ⁷وْ مَنْ تَمَّا حْلَفْ بَاشْ يَعْطِيهَا ڤَاعْ الْلِّي تُطُلْبَهْ.⁸وْ كِيمَا وَصَّاتْهَا أَمْهَا شَاتدِيرْ ڤَالَتْ لْهِيرُودُسْ : " جِيبْلِي دَرْوَكْ رَاسْ يُوحَنَّا الْمَعْمَدَانْ فِي طَبْسِي". ⁹انْتْغَمْ الْمَلِكْ. بَصَّحْ عْلَى جَالْ الْحَلْفْ الْلِّي حَلْفَهْ وَ الْنَّاسْ الْلِّي كَانُوا حَاضْرِينْ أْمَرْ بَاشْ يَنْتْمَدَّلْهَا الْشِّي الْلِّي طُلْبَاتَهْ.¹⁰وَرْسَلْ الْلِّي يَڤْطَعْ رَاسْ يُوحَنَّا فَالْحَبْسْ. ¹¹وْ جَابُوهْ فَوَحْدْ الْطَّبْسِي وَ عْطَاوَهْ لْبَنْتْ هِيرُودُسْ، دَاتَهْ لَمْهَا. ¹²وْ جَاوْ تَلَامِيذْ يُوحَنَّا وْ دَاوْ الْجَتَّة انْتَاعَهْ وْ دَفْنُوهَا. وْمَنْبْعْدْ مْشَاوْ وْخَبْرُوا يَسُوعْ. يسوع يوكل خمسلاف واحد¹³وكِي سْمَعْ يَسُوع رَاحْ مَنْ تَمْ فِي وَحْدْ لَفْلُوكَة لْوَاحَدْ الْمُوضَعْ خَاوِي. و كِعَرْفُوا جْمَاعَاتْ الْنَّاسْ وِينْ رَاهْ رَايَحْ تَبْعُوهْ مَلْ الْمْدُنْ عْلَى كَرْعِيهُمْ. ¹⁴و كِينْزَلْ يَسُوعْ مَنْ الْفْلُوكَة شَافْ جْمَاعَة كْبِيرَة تَاعْ الْنَّاسْ وْ حَنْ عْلِيهُمْ وَشْفَى الْمَرْضَى نْتَعْهُمْ¹⁵وْكِي جَاتْ لَعْشِيَة ڤَرْبُوا عَنْدَه تْلَامْدَه وْ ڤَالُولَه: " رَاهْ رَاحْ الْحَالْ وَحْنَا مَازَلْنَا فِي هَاد لَخْلَا . ڤُولْ لَجْمَاعَاتْ الْنَّاسْ إِيرُوحُوا لَدْوَاوِيرْ وْ يَشْرُوا لَرْوَاحْهُمْ شَا يَاكْلُوا".¹⁶بَصَّحْ يَسُوعْ ڤَالْهُمْ : " مَكَانْلَّهْ غِيررُوحُوا. أَعْطُوهُمْ أَنْتُومَا شَا يَاكْلُوا". ¹⁷وْ ڤَالُولَه : "عَنْدْنَا هْنَا غِيرْ خَمْسْ خُبْزَاتْ وْ زُوجْ حُوتَاتْ". ¹⁸وْ ڤَالْهُمْ: " جِيبُوهُمْ لِي هْنَا".¹⁹وْ أْمَرْ جْمَاعَتْ نْتَاعْ الْنَّاسْ بَاشْ يْجَمْعُوا عْلَى لَحْشِيشْ. وَأَدَّى هَدُوكْ لْخَمْس خُبْزَات و زُوجْ حُوتَأتْ، وْ طَلَّعْ عَيْنِيه لَسْمَا وَ شْكَرْ الْلَّه وْ كِي ڤَسَّمْ الْخُبْز أَعْطَى لَتَّلَامِيذْ، وَ الْتَّلَامِيذْ أَعْطَاو لَلْجُومُوعْ. ²⁰وَ كْلَاوْ ڤَاعْ حَتَّى شَبْعُوا. وْ مَنْ بَعْدْ لَمُّوا طْنَاعَشْ ڤُفَّة مْعَمْرَة بَالْطْرُوفَة الْخُبْزْ الِّي بْقَاوْ. ²¹وْ كَانُوا هَدُوكْ الِّي كْلَاوْ خَمْسَالَافْ وَاحَد، مَنْ غِيرْ الْنْسَا وْ لَوْلَاد. معجزة المشي على الماء²²وَأْمَرْ يَسُوعْ تَلَامِيذَه بَاشْ يَكَّتْبُوا فَالْفْلُوكَة وْ يَسَّبْڤُوه لَلْجِيهَة الُّخْرَى بِيلَامَا مَا يْرَوَّحْ الْجْمَاعَاتْ تَاعْ الْنَّاس. ²³وْ كِيرْسَلْهُمْ طْلَعْ لَجْبَلْ وَحْدَه بَاشْ يْصَلِّي .وَ ڤْعَدْ تَمَّا وَحْدَه حَتَّى لَعْشِيَة . ²⁴وَ الْفْلُوكَة تَاع الْتَّلَامِيذ بَعْدَتْ بَزَّافْ فْوَسْط لَبْحَر غَلْبُوهَا لَمْوَاجْ .عْلى خَاطَرْ كَانَت الْرِّيح مْعَاكْسَة.²⁵وْ فَالْفَجْر جَا يَسُوع عَنْد الْتَّلَامِيذ وْ هُوَ يَمْشِي فُوڤ الْمَاء. ²⁶تْخَلْعُوا وْ ڤَالُوا: " هُو خْيَال". وْ مَالْخَوْف بْدَاو ازَڤُّوا ! ²⁷وْ تَمْتَمْ هْدَرْ مْعَاهُمْ يَسُوعْ وْ ڤَالْهُمْ : " اتْشَجْعُوا! أَنَا هُوَ . مَاتْخَفُوش".²⁸جَاوْبَه بُطْرُس وْ ڤَالْ: " يَاسِيدِي، إِلَا أَنْتَ هُوَ، بَصَّحْ آمَرْنِي بَاشْ نْجِي عَنْدَكْ نَتْمَشَّى فُوڤْ الْمَاء". ²⁹وْ ڤَالَّه يَسُوع :" أَرْوَاح". وَنْزَلْ بُطْرُسْ مَالْفْلُوكَة وَتْمَشَّى عْلَى الْمَاء لْجِيهَة يَسُوع. ³⁰و بَصَّحْ كِي شَافْ الْرِّيحْ قْوِيَّة خَافْ وَتَخْلَعْ. و بْدَا يَغْرَقْ، و يْزَڤِّي وَ يْڤُولْ : " يَارَبْ سَلَّكْنِي !"³¹تَمْتَمْ مَدْ يَسُوعْ يَدَّه و شَدَّه و ڤَالَّه :" يَاقْلِيلْ الْإِيمَانْ عْلَاشْ شَكِّيتْ؟". ³²و كِي دَخْلُوا لَفْلُوكَة تْهَدْنَتْ الْرِّيح . ³³وْ هَدُوكْ لِي كَانُوا فَالْفْلُوكَة جَاوْ سَجْدُولَهْ وْ ڤَالُوا:"حَقِيقَة أَنْتَ ابْنَ الْلَّه. !"³⁴وْ ڤَطْعُوا لَلْجِيهَة لُخْرَى مَالْبْحَر و جَاوْ لَبْلَاد جَنِّيسَارتَ، ³⁵عَرْفُوه رْجَالْ دِيكْ لَبْلَادْ. شَيْعُوا خَبْرَه فِي ڤَاعْ هَادُوكْ الجْوَايَه وْ جَابُولَهْ ڤَاع هَادُوكْ الْمَرْضَى نْتَاعْهُم، ³⁶و طَلْبُوه بَاشْ إِمَسُّوا غِيرْ طَرْفْ مَنْ لَبْسَتَّه. و ڤَاعْ أَلِّي تَلَمْسُوه بْرَاوْ.

¹و مَبْعْدْ جاوْ عَنْد يسوع فرِسيِن و عُلما الشريعة مَنْ أُرشَلِيمْ ﭭالوُلهْ : ²"عْلاَشْ تْلاَمْذَك يَتْعَدَّاوْ عْلَى العَادة تَاعْ الشْيُوخْ ، عْلىَ خَاطَرْ مَايَغَسْلُوشْ يَدِّيهُمْ قْبَل مَا يَاكْلُوا؟". ³بَصّحْ هُوَ جَاوَبْهُمْ وْ ﭭالْ : " وْنْتُمَا تَاِني، عْلاَشْ تَتْعَدّاوْ وْصِيَّةْ الّله بَاشْ تبْعُوا العَادَة نْتَاعْكُمْ؟"⁴و اللّيِ يْعَايَرْ بُوه وْ لاَ مَّهْ خَاصّهْ يْمُوتْ. ⁵بَصَّحْ نْتُمَا تڤُولوا: اللّي ﭭَال لْبُوهْ وَ لاّ لَمُّهْ : هَادَاك الشِّي اللّي نْعَاوَنْكُمْ بِيهْ عْطِيتُوا هدِّية لِله . مَارَاهْشْ يَتْهَلّى فِي بُوه وْ مَّهْ . ⁶وْهَكَّا بَطَّلْتُوا وْصِّيّةْ اللّه بَاشْ تَبْعُوا العَادَة نتَاعْكُمْ!⁷يَا مُنَافقين! أشعِياءْ كَانْ عَنْدهْ الحقْ مِينْ تْنَبَّأْ عْلِيكُمْ وْ ﭭَالْ : ⁸"هَادْ الشعب يْقرّب لّيِ غِيرْ بْفمّهْ، بصَّحْ ﭭَلْبَهْ بْعِيدْ عْلِي. ⁹وْ فِي بَاطَلْ هُمَا يَعْبْدُونِي وْ يْعَلْمُوا تَعالِيمْ هِيَ غِيرْ وْصِيّاتْ تَاع النَّاس".¹⁰وْعَيّطْ للنَّاس بَاشْ إيجُوا و ﭭَالْهُمْ : " آسَمْعُوا ¹¹وْ فَهْمُوا. مَاشِ لِيَذْخُلْ مَنْ فُمْ البْنَادَمْ، لِيَنْجَسَهْ بَصَّحْ لِيُخْرَجْ مَنْ فَمَهْ لِيْنَجَسَهْ".¹²وْ مَمْبَعْدْ جَاوْ عَنْدَهْ التَّلآمَدْ وْ ﭭَالُولَهْ : " عْرَفْتْ بَلِي الفَرِسِينْ زَعْفُوا كِسَمْعُوا هَدْرتكْ؟". ¹³وْجَاوْبْهُمْ و ﭭَالْ : " كُلّْ غَرْسْ مَاغَرْسَهْشْ بُويَا السَّمَاوِي يَنْڨْلَعْ. ¹⁴خَلُّوهُمْ. هَادُوا رَاهُمْ عُمْيِين إﭭُعْدُوا عُمْيِينْ. وْبْزُوجْهُمْ غَادِي يْطِيحُوا فِي الحُفْرَة".¹⁵وْ ﭭَالَهْ بُطْرُس :"فَسَّرَلْنَا هَادْ لَمْثَلْ". ¹⁶وﭭَالْ يَسُوعْ : "حَتَّى نْتُمَا مَازَالْ مَافْهَمْتُوشْ ؟ ¹⁷مَاتَعَرْفُوشْ بَلِّي ﭭَاعْ لِيَذْخُلْ لْفَمْ لْبْنَادَمْ إرُوحْ لْكَرْشَه وْمَمْبَعْدْ يَخْرُجْ لْبَّرَا؟¹⁸وْ بَصَّحْ لِيَخْرُجْ مَنْ فُمْ البْنَادَمْ يَخْرُجْ مَا الڤَلْبْ، وْ هُوَ لِيْنَجَسْ البْنَادمْ، ¹⁹عْلَى خَاطَرْمَا الڨَلْبْ تَخْرُجْ الأفْكَارْ الشَريرَة :الَقْتِيلَة, الزِنَّى, فُسْقْ, الخِيَانَة,وْ شَهَادَةْ الزُورْ, التَجْدِيفْ. ²⁰وْ هَادَا هُوَّ لِيْنَجَسْ البْنَادَمْ. مَاشِ المَاكْلَة بِيَدِّينْ مَاشِي مَغْسُولِينْ لِيَنْجْسُوا البْنَادَمْ". إِيمَان المرأَة الكَنْعَانِيَة²¹وْ خْرَجْ يَسُوعْ مَنْ تَمَّ وْ رَاحْ لَجْوَايَهْ صُورْ صَيْدَا. ²²وَاحْدْ المْرآ كَنْعَّانِيَة خَرْجتْ مَنْ هَادُوكْ الجْوَايَهْ وْزَڨَتْ وْ ﭭَالَتْ : "رْحَمْنِي، يَاسَيِدِي، يَا بَنْ دَاوَدْ! بَنْتِي رَاهْ سَاكَنْهَا جَنْ و رَاهْ مْعَدَّبهَا بَزَّافْ". ²³وْ بَصَّحْ هُوَ مَاجَاوَبْهَاشْ حَتَّى بَكَلْمَة. ڨَدْ مُوَهالَهْ تَلآمْذهْ وْ طَلْبُوهْ : "خَلِيهَا تْرُوحْ ،على خَاطَرْ رَاهْ تَبَّعْ فِينَا وْتْزَڨِ!"²⁴وْجَاوْبَهُمْ يَسُوعْ وْ ڨَالْ : "أنَا مَا تَرْسَلْتْشْ غِير لَلْخَرْفَانْ الَمْوَدْرة تَاع بِيتْ إسْرَائِيل". ²⁵جَاتْ وْ سَجْدَتْلَهْ وْڨَاتْلَهْ: " يَا سِيدِي، عَاوَنِي !" ²⁶وْجَاوَبْهَا وْ ڨَال: " مَاشِي مْلِيحْ يَتَرْفَدْ خُبْز الوْلادْ وَ يَتَرْمَى لَلْكلاَبْ".²⁷وْ ڨَاتْلَهْ الَمْراة: " وَاه، يَا سِيدِي ! بَصَّحْ حَتّى الكْلاَبْ يَاكْلُوا مَالْفْتَاتْ الِلّي يْطِيحْ مَالْمَايْدَة تَاعْ مَالِيهَا!". ²⁸وْ جَاوْبْهَا يَسُوعْ وْ ڨَالْ : "إيمَانَكْ كْبِيرْ! غَاذِي إيكُونْ لَكْ هَاذَاكْ الشِّي اللِّي بْغِيتِيهْ". وْ بْرَاتْ بَنْتْهَا تَمْ تَمْ.إِشْبَاع الأَرْبَعة الآلَاف رَجل²⁹وْ مَمْبَعْدْ رَاحْ يسوع منْ تَمْ لَحْدَى البْحَرْ تَاعْ الجَلِيلْ، وْ طْلَعْ وَ ﭭْﻌَدْ تّمَّ. ³⁰وْجَاوْ لْعَنْدَه جْمَاعاتْ، مْعَاهُم قَجْعِينْ وْ عُمْيينْ وْ طُرْشِينْ وْ مَشْلولين وْ نَاسْ وَحْدُخْرِينْ بَزاّفْ، وْ حَطُّوهُمْ عَنْدْ رَجْلِيهْ. وْبَرَّاهُمْ ³¹حَتَّى تْعَجْبُوا الجْمَاعَات كِشَافُوا الْبْكَاكِيشْ يَهَدْرُوا، و الْمَشْلُولِين بْرَاوْ، و الْقَجْعِينْ يَتْمَشَاوْ، وَ الْعُمْيِينْ يْشُوفُوا. وْ مَجْدُوا إلاَهْ إسْرَائِيل.³²وْ بَصَّحْ يَسُوعْ عَيَّطْ لَتَلَاْمْذَهْ وْ ﭭََالْ : "شَفُّونِي هَادْ اَلْنَّاس، عَلى خَاطَر هَادِي ثَلْتْ يَّامْ وْهُمَا مْعَايَ وْ مَاعَنْدْهُمْشْ شَايَكْلُوا. وْ مَا بْغِيتْشْ إِرُوحُوُا صَايْمِينْ بَاشْ مَايَسَخْفُوشْ فالطْرِيقْ. ³³" ﭭَالُولَهْ تْلَامْذَهْ : " مِينْ غَاذِي نْجِيبُوا فِي هَادْ اَلْخَلاَ اَلْخُبْزْ، لِيَشَبَعْ جْمَاعَة كْبِيرَة كِمَا هَادِي؟". ³⁴وْﭭَالْهُمْ يَسُوع :"شْحَالْ عَنْدْكُمْ مَا لْخُبْزْ؟". ﭭَالُوا:" سَبْعَة و شْوِيَّ حُوتَاتْ صْغَارْ". ³⁵أْمَرْ اَلْنَّاسْ بَاشْ إِجَمْعُوا عَلَى اَلْأَرْض،³⁶وَ دَّى اَلْسَبْعْ خُبْزَاتْ وْ اَلْحُوتْ، وْ شَكَرْ رَّبِي وْ ﭭَطَعْهُمْ وْعْطَى لَتلَامَذْ، واَلْتَلَامْذْ عْطَوْ لَجْمَاعَاتْ تَاعْ الْنَّاسْ. ³⁷وْ كْلاَوْ ﭭَاَعْ حَتَى شَبْعُوا. وْ دَّاوْ سَبْعْ ﭭُفَّاتْ مَعَمْرِينْ مَا اَلْخُبْزْ لِيبْقَى، ³⁸وْ كَانُوا اَلْنَّاسْ لِكْلاَوْ رَبْعَا لاَفْ رَاجَلْ مَنْ غِيرْ اَلْنْسَا وْ اللوْلاَدْ . ³⁹وْ كِرَوَّحْ يَسُوعْ اَلْنَّاسْ رْكَبْ فَالْفْلُوكَة وْ جَا لَجْوَايَهْ بَلاَدْ مَجْدالْ.

¹وْ جَا عَنْدَه اَلْفَرِسِّيُونْ وْ اَلْصَدُقِيُونْ بَاشْ يْجَرْبُوه، وْ طلبُو مَنَّهْ مُعْجِزَة مَالسْمَا. ²بَصَّحْ هُوَ جَاوَبْهُمْ وْ ﭭَالْ : "كِتَغْرَبْ اَلْشَمْس تْڨُولُوا: اَلْحَالْ غَاذِي يْكُونْ صَافِي عْلَى خَاطَرْاَلْسْمَا حَمْرَا.³وْ فِي اَلْصَبَاحْ بَكْرِي تْڨُولُوا: اَليُوم غَاذِي يْكُونْ اَلْشْتَا عْلَى خَاطَرْ اَلْسْمَا حَمْرَا و مْضَّبَبة. يامُرَاؤُونْ! تْعَرْفُوا تَمَيْزُوا وَجْهْ اَلْسْمَا، وْ بَصَّحْ عَلاَمَاتْ الْزَّمَانْ مَاتَقْدْرُوشْ تْفَسْرُوهَا! ⁴جِيلْ قْبِيحْ وْ فَاسَدْ اَلِّلِي يطلب معجِزه، وْ مَا تَنعْطَالَهْشْ غِيرْ معجِزة يُونَانْ اَلْنَّبِي" . و مَمْبْعَدْ رَاحْ وْخلاهُمْ. خمير الفرسيين⁵وْ كِجاوْ تَلاَمْذه لَجِهَة لُخْرَا مَنْ لَبْحَر نْسَاوْ بَاشْ يَدُّوا مْعَاهُمْ اَلْخُبْزْ. ⁶وْ ﭭَالْهُمْ يَسُوعْ :" مَيِّزُوا، و أحَرْزُوا مَنْ خَمِيرْ اَلْفَرِسِيينْ و اَلْصدِّقِين". ⁷خَمُّوا فِي نَفْسْهُمْ وْ ﭭَالُوا: " مَاجَبْنَاشْ مَعَانَا اَلْخُبْزُ". ⁸عْرَفْ يَسُوعْ وْ ﭭَالْهُمْ: "عْلاَشْ رَاكُمْ تْخَمْمُوا فِي رْوَاحْكُمْ يَا قْلِيلي اَلْإيمَانْ مَاشِي مَاجَبْتُوشْ مْعَاكُمْ اَلْخُبْزْ؟⁹حَتَّى لْدَرْوَكْ مَاتَفَهْمُوشْ؟ وْ مَا تَعَقْلُوشْ اَلْخَمْسْ خُبْزَاتْ وَ اَلْخَمْسَتَلاَفْ وْ شَحَالْ مَنْ ڤُفَّة دِّيتُوا مَا اَلْلِّي بْقَى؟ ¹⁰وْ لاَّ سَبْعْ خُبْزَاتْ اَلْلأربَعْتَلاَفْ وْ شَحَالْ مَنْ ﭭُفَّة دِّيتُوا ؟¹¹كِيفَاشْ مَا تَفَهْمُوشْ بَلِّي مَا كُنْتْشْ نْڨُولْكُمْ عَلَى اَلْخُبْزْ بَصَّحْ بَاشْ تَحَرْزُوا مَنْ خَمِيرْ اَلْفَرِسِيينْ و اَلْصَّدُوقِينْ؟". ¹²و فِي دَاك اَلْوَقْت عَادْ بَاشْ فَهْمُوا بَلِّي مَاكَانْشْ يَهْدَرْ عْلَى خْمِيراَلْخُبْزْ، بَصَّحْ بَاشْ يَحَرْزُوا مَنْ تَعْلِيمْ اَلْفَرِسِيين و اَلْصَدّوقين. إعْتِرَافْ بُطْرُسْ بِاَلْمَسِيحْ¹³وْ كِجَا يَسُوع لَجْوَايَهْ قَيْصَرِيَة فِلِبُسْ سَقْسَ تْلاَمْدْ وْ ڨَالْ: " شَا إِقُولُوا عْلِّيَّ اَلْنَّاسْ أَنَا إبْن اَلْإنْسَانْ؟" ¹⁴ڨَالُوا : "قَوْم إِقُول: يُوحَنَّا اَلْمَعْمَدَانْ، وْ وَحْدُ خْرِينْ إِڤُولُوا: اَلْنَّبِي إِليَّا وْ وَحْدُخْرِينْ: تَان إِيڨُولُوا أَرْمِيَا وْ لاَ وَاحَدْ مَا اَلْأنبِيَّاء". ¹⁵وڨَالْهُمْ: "وْ نْتُمَا ،شْكُونْ أَنَا بِالنِسْبَة لِيكُمْ؟". ¹⁶وجَاوَبْ سَمْعان بُطْرُسْ وْڨَالْ :"أَنْتَ هُوَ اَلْمَسِيحْ إِبْن اللَّه اَلْحَيّْ!".¹⁷و جَاوْبَهْ يَسُوعْ :" سَعْدَاتَكْ يَا سَمْعَان بَنْ يُونَا ، لَى خَاطَرْ مَاشِي اَلْبَنادَمْ لِوَرَّاكْ هَادْ اَلْحَقْ، بَصَّحْ بُويَا لِيفْسَمَّاوَات لِأَعْلَنْ لَكْ هَادْ اَلْحَقْ. ¹⁸و أَنَا نْڨُولَكْ تَانِي:"أَنْتَ بُطْرُسْ، وْ عْلَى هَادْ اَلْصَخْرَة غَاذِي نَبْنِي كَنِيسْتِي، وْ قُوَّة اَلْمَوْتْ مَا غَاذِيشْ تَقْدَرْ عْلِيَهَا¹⁹وْ نَعَطِيكْ مْفَاتِيحْ مَلَكُوتْ اَلْسَمَاوَاتْ، وْ ڨَاعْ لِتَرْبْطَه فِي اَلْأَرْضْ غَاذِي يْكُونْ مَرْبُوطْ فِي اَلْسّْمَا. وْ ڨَاعْ لِتْحَلُ فِي اَلْأَرْضْ غَادِي يَنْتْحَلْ فِي اَلْسْمَا". ²⁰وْ مَمْبَعْدْ وَصَّى تْلاَمْذَه بَاه : مَا يْڨُولُوا حَتَّى لْوَاحَدْ بَلِّي هُوَ اَلْمَسِيح. يسوع ينبئ بموته و قيامته²¹وْ مَنْ دَاك اَلْوَقْتْ بْدا يَسُوعْ إبْيَّنْ لَتَلامْذة بَّلِي خَصَّهْ إِرُوحْ لْأُرْشَلِيمْ وْ يَتْعَذَّبْ بَزَّافْ مَنْ اَلْشُيُوخْ وْرُؤسَاء رْجَالْ الدِّينْ و عُلماَ اَلْشَرِيعَة، وْ خَصَّه يَتَقْتَلْ، وْ فِي اَلْيُومْ اَلْثَالِثْ يْقُومْ مَنْ اَلْمُوتْ. ²²وأدَّاه بُطْرُسْ عْلَى جَنْبْ وْ بْدَا يَنْتَهْرَه و يْڨُولَهْ :"حَاشَا يَا سِيدِي! بَاشْ يَصْرَلَكْ هَادْ اَلْشِي!". ²³دَار وْ ڨَالْ لِبُطْرُسْ :" بَعَّدْ عْلِيَّ يَا شَيْطَانْ! أَنْتَا سَبَّتْ عَثْرَة لِيَّ ،عْلىَ خَاطَرْ تْخَمَّمْ فِي أُمُورْ اَلْنَّاسْ مَاشِي فِي أُمُورْ اَلْلَّه".²⁴وْ تَّمَ ڨَالْ يَسُوعْ لَتْلاَمْذَه :" إِذَا بْغَى وَاحَدْ يْتَبَعْنِي يُنْكَرْ نَفْسَهْ وْ يَحْمَلْ صَلِيبَهْ وْيْتَبَّعْنِي، ²⁵عْلَى خَاطَرْ لِبْغَى يْسَلَّكْ حْيَاتَهْ غَاذِي يْضَيْعْهَا، بَصَّحْ لِيْضَيِّعْ حْيَاتَهْ عْلىَ جَالِي غَاذِي يَلْقَاهَا. ²⁶وَاشْ مَانْفَعْ عَنْدَهْ اَلْبَنَادَمْ إِذَا رْبَحْ اَلْدُّنْيَا ڨَاعْ وْ ضَيَّعْ حْيَاتَهْ؟ شا غَاذِّي يَعْطِي اَلْبْنَادَمْ فِدَاءْ لِنَفَسَهْ؟²⁷رَاهْ غَاذِي يْجِي إِبْن اَلْإنْسَانْ مْعَ اَلْمَلاَيْكَة، نْتَاعَهْ فِي مَجْدْ بُوهْ وْ غَاذِّي يْجَازِي كُلّْ وَاحَدْ عْلَى حْسَابْ اَلْأَعْمَالْ نْتَاعَهْ. ²⁸وْنْڨُولْكُمْ :اَلْحَق رَاه كَايَنْ فِي اَلْحَاضْرِينْ هْنَا لِمَا غَادِيشْ إيمُوتُوا حَتَّى يْشُوفُوا إِبْن اَلْإِنْسَان جَايْ فِمَمْلَكْتَهْ".

¹وْمَمْبَعْدْ سَتْ يَّام دَّا يَسُوعْ بُطْرُسْ وَ يَعْقُوبْ وْيُوحَنَّا خُوهْ وْ طْلَعْ بِيهُم لْوَاحَدْ جْبَلْ عَالِ غِير بْوَحَدْهُمْ. ²وْ تْبَدَّل اَلْشَكْلْ نْتَاعَه ڨُدأمْهُمْ، وْ وَجْهَهْ بَدَا يْضَوِّي كِالْشَمْسْ، وْ وَلاَّتْ لَبْسَتَهْ بَيْضَا كِاَلْنُّورْ³وْ تَمّْ بَانَلْهُمْ مُوسَى إلِيَّا يَهَدْرُوا مْعَاهْ. ⁴وْ ڨاَلْ بُطْرُسْ لِيَسُوعْ :"شْحَالْ غَايَا نْكُونُوا هْنَا يَا سِيدِي، إِذَا بْغِيتْ نَصَنْعُوا تَلْتْ خَيْمَاتْ: وَحْدَة لِيكْ، و لْمُوسَى وَاحْدَة، و لِإلِيَّا وَاحْدْ خْرَى"⁵وْ فِي اَلْوَقْتْ لِكَانْ يَهْدَرْ فِيه ضَلَّلَتْ عْلِيهُمْ، وَاحَدْ اَلْسْحَابَة مْضَوْيَّة وَتَكَلَّمْ صُوتْ مَنْ اَلْسْحَابَة وْ ڨَالْ:" :"هَادَا هُوَ وَلْدِي اَلْعَزِيزْ اَلْلِي بِيهْ أَنَّا فْرَّحْتْ بَّزَافْ. سَمْعُوا لِيهْ" . ⁶وْ كِسَمْعُوا اَلْتْلاَمَذْ هَادْ اَلْشِي طَاحُوا عْلَى وْجُوُهُمْ وْ خَافُوا بَزّاف. ⁷جَا يَسُوعْ وْ مَّسْهُمْ وْڨَالْهُمْ :" نُوضُوا، مَا تْخَافُوشْ". ⁸وْ طَلْعُوا عَيْنِيهُمْ وْ شَافُوا غِيرْ يَسُوعْ وَحْدَهْ.⁹وْ كِهَوْدُوا مَالَجْبَلْ وَصَّاهُمْ يَسُوعْ وْ ڨالْ:" مَا تْڨُولُوا حْتَى لْوَاحَدْ وَاشْ شَفْتُوا حْتَّى يْقُومْ إِبْنْ اَلْإِنْسَانْ مَالْمُوتْ". ¹⁰وْ سَقْسَاوَهْ تْلاَمْذَه وْڨَالُولَهْ: "أَيَّ عْلأَشْ عُلَمَاءْ اَلْشَرِيعَة: يْڨُولُوا إِلِيقْ إِلِيَّ اجِي هُوَ اَلْلَّوَّلْ؟"¹¹جاوْبهمْ يَسُوعْ وْ ڤَالْهُم ׃" إِلِيَّا يْجِي هُوَ اَلْلَوَّلْ و يْصَلَّح كُل شي. ¹²وْ بَصَّحْ نْڤُولْكُمْ: إِلِيَّا جَا وْمَاعَرْفُوهْشْ، بَصّحْ دَاروْ بِيَا ڤَاعْ وَاشْ بْغَاوْ. وْ هَاكَا تَانِ إِبنْ اَلْإِنْسَانْ هُوَغَاذِي يَتْعَذّْبْ عْلَى يَدْهُمْ". ¹³وْ فْدَاكْ اَلْوَقْتْ فْهَمُوا اَلْتَلأَمَذْ بَلِي كَان يَهدَرْ لْهُمْ عَلَى يُوحَنَّا اَلْمَعْمَدَانْ. شفاء غلام به شيطان¹⁴كِوَصْلُوأ عَنْدْ اَلْجَمعْ، ڤَدَمْ عَنْدَه وَاحْدْ اَلْرَاجَلْ وْ سْجَدْ لَهْ ¹⁵وْڤَالْ : " يَاسِيدي، إرْحَمْ وَلْدِي عْلَى خَاطَرْ رَاهْ يَتْعَّدَبْ بَزَافْ، وْشْحَالْ مَنْ خَطْرَة يْطِيحْ فَاَلْنَّارْ وْ فَلْمَاء. ¹⁶وْ جَبْتَهْ لَتْلاَمْذَكْ بَصَّحْ مَانَجْمُوشْ يْبَرُّوهْ".¹⁷جَاوْبْهُمْ يَسُوعْ وڤَالْ: "يَاهَادْ اَلْجِيلْ لِمَا عَنْدَهْشْ إِيمَانْ، حَتَىّ لْوِينْتَى غَاذِي نَتْحَمَّلْكُمْ ؟ ڤَدْمُوهْلِي هْنَّا !". ¹⁸انتهْرَهْ يَسُوعْ، وْ خْرَجْ مَنَّهْ اَلْشَيْطَانْ. وْبْرَى اَلْوَلْدْ فِي دِيكْ اَلْسَاعَه¹⁹وْمَمْبَعْدْ ڤَدْمُوا اَلْتَلاَمَذْ عَنْدْ يَسُوعْ وْسَقْسَاوَهْ غِيرْ بِينْهُمْ وْ بِينَهْ وْ ڤَالُوا : " عْلاَشْ حْنَا مَانَجَمْنَاشْ نْحَرْجُوا اَلْرُوحْ اَلْشَرِيرَة ؟". ²⁰وْ ڤَالَلْهُمْ :" بَسْبَابْ قَلَة إيمَانْكُمْ. وْ نْڤُولْكُمْ اَلْحَقْ: إِلاَ كَانْ عَنْدَكُمْ إِيمَانْ قَدْ حَبَّة اَلْخَرْذَلْ ، غَاذِي نْڤُولْ لْهَادْ اَلْجْبَلْ: تْحَوَلْ مَنْ هْنَا رُوحْ لْهِيهْ غَاذِي يَتْحَوَلْ وْ مَاكَانْ حْتَى حَاجَة مُحَالْ عْلِيكُمْ. ²¹وْ بَصَّحْ هَاذْ اَلْنَّوْعْ مَالَرْوَاحْ مَا يَخْرُجْشْ غِيرْ بِاَلْصَلاَة وَ اَلْصُوْمْ"²²وْ كِكَانُوا مُجْتَمْعِينْ فِي اَلْجَلِيلْ ڤَالْهُمْ يَسُوعْ :" إِبْنْ اَلْإِنْسَانْ غَاذِي يَتْسَلَّمْ لْيَدِّينْ اَلْنّاسْ ²³وْ غَادِي يَكْتْلُوهْ، وَ فِي اَلْنَّهَارْ اَلْثَالث غَاذِي يْنُوضْ". وْ حَزْنُوا اَلْتلاَمَذْ بَزَّافْ. ضَريبةِ اَلْهَيْكَلْ²⁴وْ كِوَّلاَيَسُوع وْتْلاَمَذْ هْ لْكَفْرْ نَاحُومْ جَاوْ مَّالِينْ اَلْضْرِيبَةْ تَاعْ بِيتْ اَلْلَّه عَنْدْ بُطْرُسْ وَ سَقْسَاوَهْ :" اَلْمُعَلِّمْ نْتَاعْكُمْ مَا يْخَلَّصْشْ اَلْضَرِيبَة تَاعْ بِيت اَلْلَّه ؟". ²⁵وْجَاوَبْهُمْ :"وَاهْ غَاذِي يْخَلَصْهَا ". وْ كِدْخَلْ لَدَّارْ سَبْڤَهْ يَسُوعْ وْ ڤَالْهْ :" وَاشْ تْخَمَّمْ يَا سَمْعَانْ ؟ مَنْ عَنْدْ مَنْ يَدُّوا مُلُوكْ اَلْأرْضْ اَلْضْرِيبَة وْ لاَ اَلْجِيزْيَّة، مَنْ عَنْدْ اَلْبَرّانِي ؟"َ.²⁶وْجَاوْبَهْ بُطْرُسْ: "مَاَلْبَرَّانِي ". و ڤُالَهْ يَسُوعْ :"عْلَىَ هَادْ اَلْشِي وْلاَدْهُمْ رَاهُمْ مَعْفِيِّينْ مَا اَلْضَرِيبَة. ²⁷وْ بَصَّحْ بَاشْ مَا تَتْسَبُوشْ فِي مُشْكِلْ، رُوحْ لَلْبْحَرْ وْقِيسْ اَلْصَّنَارَة، و اَلْحُوتَه اَلْلَوْلَىَ لِغَاذِي تْشَدْهَا، حَلَلْلَهَا فُمْهَا وْ غَاذِي تَلْقَى فِيهْ رَبْعَة تَاعْ اَلْدْرَاهَمْ ، دِّيهُمْ وْ رُوحْ خَلَّصْ عْلِيكْ وْ عْلِيَّا.

¹وْ فِي دِيك اَلْسَاعَةَ ڤَرْبُوا اَلْتَلاَمذْ عَنْدْ يَسُوعْ وْ سَقْساوَه ׃" شْكُونْ هُوَّ اَلْمْخْيَّرْ فِي مَلَكُوتْ اَلْسَمَاوَاتْ ؟" ²عَيَّط يَسُوع لْوَاحَدْ اَلْوَلْدْ وْوَڤْفَهْ فِي وَسْطْهُمْ. ³وْڤَالْ نْڤُولْكُمْ اَلْحَقْ ׃" إِذَا مَا تْبَدّلْتُوشْ وْ مَوَلِيتُوشْ كِمَا اَلْوْلاَدْ اَلْصْغَارْ غَادِي عُمُّرْكُمْ مَا تَدْخْلُوا مَلَكُوتْ اَلْسَمأوَاتْ⁴وْلِّي يَتْواضَعْ كِمَا هَادْ اَلْوَلْدْ اَلْصَغِيرْ غَادي يْكُونْ اَلْمْخَيَّرْ فِي مَلكُوتْ اَلْسْمَا. ⁵وْلِّي يَقْبَلْ بْوَلْدْ كِمَا هَادَا بِإسْمِي رَاه قْبَلْنِي أَنَّايَا. ⁶وْلِي طَيَّحْ فَاَلْذُنُوبْ وَاحَدْ مَنْ هَادْ اَلْصْغَارْ الِّي يْآَمْنُوا بِيَّ، غِيرْ خِيرْ لَهْ تْتْعَلٌّقْ فِي عُنْقَهْ حَجْرة كْبِيرَة تَاعْ اَلْرْحَى وْ يَتْقَاسْ فِي ڤَاعْ اَلْبَحَر⁷يَاوِيلْ اَلْعَالَمْ مَاَلْأُمُورْ وْ بَصَّحْ يَاوِيلْ هَادُوكْ لِيَتْسَبُوُّا فِي هَادْ اَلْأُمُورْ . ⁸وْ إِلاَ الْيَّدْ نْتَاعَكْ وْ لاَ رَجْلَكْ طَيْحُوكْ فِي اَلْذُنُوبْ ! ڤَطَعْهُمْ وْ قِيسْهُمْ عَلىَ خَاطَرْ خِيرْ تَدْخُلْ اَلْحَيَاةْ اَلْدَايْمَةْ قْجَعْ وْ لاَ بْيَدْ وَحْدة وْ لاَ يَكُونُوا عَنْدَكْ بْزُوجْ وْ تَدْخُلْ لِلْنَّارْ⁹و إِلىَ طَيْحَتَكْ عَيْنَكْ فِي اَلْذُنُوبْ ڤْلَعْهَا وْ قِيسْهَا ، خِيرْ لَكْ تْذْخُلْ اَلْحَيَاة اَلْدَّايْمَة عْوَرْ وْلاَ تَنْقَاسْ فِي اَلْنَّارْ وَ أَنْتَ عَنْدَكْ عَيْنِيكْ اَلْزوُجْ. "¹⁰أَحَرْزُوا تَحَڤْرُوا وَاحَدْ مَنْ هَادُوكْ اَلْصْغَارْ عْلَىَ خَاطَرْ نْڤُولْكُمْ اَلْمَلأيْكَة نْتَاعْهُمْ رَاهُمْ فِي فَاَلْسْمَا دِيمَا مْعَ بُويَا اَلْلِّي فِي اَلْسْمَا . ¹¹عْلَىَ خَاطَرْ إِبْنْ اَلْإنْسَانْ رَاهْ جَا بَاشْ يْسَلَكْ اَلْنَّاسْ اَلْضَايْعِينْ .¹²وَاشْ تْخَمَّمُوا؟ إِلاَ وَاحَدْ عَنْدَهْ مْيَّه خْرُوفْ وْ تَوَدَرْلَهْ وَاحَدْ مَنْهُمْ، مَاشِي غَاذِي يْخَلِّي اَلْتَسْعَ وَ اَلْتَسْعِينْ فَاَلْجْبَلْ وْ يْرُوحْ يْحَوْسْ عْلَىَ اَلْخْرُوفْ اَلْمْوَدَّرْ؟.نْڤُولْكُمْ اَلْحَقْ :" ¹³إِلاَ لْقَاهْ، غَاذِي يَفْرَحْ بِيهْ كْثَرْمَا اَلْفَرْحَة نْتَاعَهْ باَلْتَسْعَه وَ اَلْتَسْعِينْ اَلِلِّي مَاتَوَدْرُوشْ". ¹⁴وْهَاكَّ بُوكُمْ لِفْسْمَا مَا يَبْغِيشْ حْتَّى وَاحَدْ يْضِيعْ مَنْ هَادُوكْ اَلْصْغَّارْ¹⁵وْ إِذَا ذْنَبْ خُوكْ فِي حَقَكْ ، رُوحْ عَنْدَهْ وْعَاتْبَهْ بِينَكْ وْ بِينَهْ، وَحَدْكُمْ وْ إذَا يَسْمَعْ مَنَّكْ رْبَحْتْ خُوكْ. ¹⁶وْإلاَ مَابْغَاشْ يَسْمَعْ دِّي مْعَاكْ وَاحَدْ وْلاَ زُوجْ بَاشْ كُلْ كَلْمَة تَتْبُثْ بِاَلْشْهَادَة تَاعْ زُوجْ وْ لاَ ثَلاَتَ تَاعْ اَلْشُهُودْ.¹⁷وْ إِلَىَ مَابْغَاشْ يَسْمَعْ لْهُمْ ڤُولْهَا لَلْكْنِيسَة وْ إِلاَ مَابْغَاشْ يَسْمَعْ مَا اَلْكْنِيسَة أَحَسْبَهْ (أعْتَبْرَه) كِمَا وَاحَدْ يَعْبَّدْ اَلْأَصْنَّامْ وْ لاَ وَاحَدْ مُولْ اَلْضَرِيبَة¹⁸نْڤُولْكُمْ اَلْحَقْ :" ڤَاعْ لِغَادِي تْرَبْطُوهْ فَاَلْأرْضْ غَاذِي يْكُونْ مَرْبُوطْ فْاَلْسْمَا. ¹⁹وْ نْڤُولْكُمْ تَانِي إِذَا تَافْقُوا زُوجْ مَنْكُمْ فَاَلْأَرْضْ بَاشْ يَطْلْبُوا حَاجَة غَاذِي يَتْحَقَقْ لْهُمْ مَنْ بُويَا لِفْسْمَا. ²⁰عْلَىَ خَاطَرْ وِينْ مَا إِجْتَمْعُوا زُوجْ وَ لاَ تْلاَثَ بِإِسْمِي تَمْ نْكُونْ فِي وَسْطْهُمْ".²¹ڤَرَّبْ لِيهْ بُطْرُسْ وْ ڤْالْ :" يَا رَبْ، شْحَالْ مَنْ مَرَّة نْغَفَرْ لْخُويَ كِيَذْنَبْ فِحَقِيّ؟ حتّى لْسَبْعْ مَرَّاتْ ؟". ²²وْڤأَلَهْ يَسُوعْ مَاشِي غِيرْ سَبْعْ مَرَّاتْ بَصَّحْ سَبْعِينْ مَرَة سَبْعْ مَرَّات²³عَلَىَ هَادْ اَلْشِي يَشْبَهْ مَلَكُوتْ اَلْسَمَاوَاتْ لْوَاحَدْ اَلْمَلِك بْغَا يَتْحَاسَبْ مْعَ اَلْعَبِيدْ نـتاوْعَهْ، ²⁴وْ مَلِّي بْدَا يَتْحَاسَبْ مْعَاهُمْ جَابُولَه وَاحَدْ عْلِيهْ اَلْدِّينْ نْتَاعْ مْلاَيَينْ دِينَارْ تَاعْ اَلْفَضَة. ²⁵وْكِمَا كَانْشْ عَنْدَهْ بَاشْ يرَدْ لَهْ أَمَرْ سِيدَه بَاشْ يَتْبَاعْ هُوَّ وْمَرْتَهْ وْوْلاَدَهْ وْ ڤَاعْ مَا يَمْلَكْ بَاشْ إِرُدْ اَلْدِينْ لِعْلِيهْ²⁶وْ سْجَدْ لَهْ اَلْعَبْدْ وْ ڤَالْ صْبَرْ عْلِيَّا يَا سِيدِي وْ غَاذِي نْرُدْ لَكْ ڤَاعْ اَلْشِي لِي عْلِيّاَ. ²⁷حَنْ عْلِيهْ سِيدَهْ وْ طَلْڤَهْ وْ سَمَحْلَهْ فِي اَلْدِّينْ لِي عْلِيهْ.²⁸وْ كِخْرَجْ دَاكْ اَلْعَبْدْ لْقَا وَاحَدْ مَا اَلْعَبِيدْ صْحابَهْ كَانْ إسَالَهْ مْيَّة دِينَارْ فِضَة، شَدَّهْ فِي عُنْڤَهْ وْڤَالَهْ:" رُدْلِي وَاشْ نْسَالَكْ !". ²⁹وْطَاحْ صَاحْبَهْ عَنْدْ رْجْلِيهْ يَطُلَبَهْ وْ يْڤُولَهْ، صْبَرْ عْلِيَّا وْ غَاذِي نْرُدْ لَكْ وَاشْ تْسَالْنِي³⁰بْصَّحْ مَابْغَاشْ وَ دَّاهْ وْ قَاسَهْ فِي اَلْحَبْسْ حْتَىَ يْرُدْ اَلْدِّينْ لِي عْلِيهْ. ³¹وْ كِشَافُوأ اَلْعْبِيدْ صْحَابَهْ وَاشْ صْرَا حَزْنُوا بَزَّافْ وْ رَاحُوا خَبْرُوا سِيدْهُمْ بْڤَاعْ لِصْرَا.³²وْعيّْطْ لَهْ سِيدَهْ وْ ڤَالَهْ :" يَا عَبْدْ يَا شَرِيرْ، ڤَاعْ هَادَاكْ اَلْشِي لِسْمَحْتْ لَكْ عْلَىَ خَاطَرْ مَاعَنْدَكْشْ وَتْوَسَلْتْنِي. ³³مَاشِي كَانْ لاَزَمْ نْتَا تَانِي تَرْحَمْ اَلْعَبْدْ صَاحْبَكْ كِمَا رْحَمْتَكْ أَنَايَا؟"³⁴وَزْعَفْ سِيدَهْ بَزَّافْ وْقَاسَهْ فِي اَلْحَبْسْ بَاشْ يْعَذْبُوهْ حْتَىَ يْرُدْ وَاشْ عْلِيهْ. ³⁵هَكَا يْدِيرْ بُويَ اَلْسَّمَاوِي بِيكُمْ إِذَا مَا سْمَحْتَشْ كُلّْ وَاحَدْ فِيكُمْ لْخُوهْ مَنْ قَلْبَهْ.

¹وْكِكَمَلْ يَسُوعْ هَادْ الَكْلاَمْ خْرَجْ مَالْجَلِيلْ وْ رَاحْ لَجْوَايَهْ الْيَهُودِيَة لِهَيَّا مَالْجِيهة لُخْرَى تَاعْ الأُرْدُنْ. ²وْتَبْعُوهْ بَزَّافْ النَّاسْ وْ شَفَاهُمْ تَمَّ³وْجَاعَنْدَهْ الْفَرِّسِيِنْ بَاشْ إِجَرْبُوهْ وْڤَالُولَهْ: "وَاشْ حْلاَلْ إِطَلَقْ الرَاجَلْ مَرْتَهْ لِأَيِ سَبَّة؟". ⁴وْجَاوَبْهُمْ وْيْڤُولْهُمْ: "مَاقْرِيتُوشْ فَكْتَابْ اللَّهْ بَلِّي اللَّهْ خْلَقْ الْبْنَادَمْ مَا الْبَدْيَة ذْكَرْ وَأُنْثَى؟⁵وْڤَالْ : هَادْ الشِي عْلاَهْ إِلِيقْ إِيخَلِّي الَرَاجَلْ بُوهْ وْامَّهْ وْيَتَّحَد مْعَ مَرْتَهْ ويْوَّلُوا فَى زُوجْ جَسَدْ وَاحَدْ. ⁶وْاللِّي جَمْعَهْ اللَّهْ مَايْفَرْقَهْ حَتَّى إِنْسَانْ".⁷وْڤَالَولَهْ: "عْلاَشْ وَصَّى مُوسَى بَاشْ يَعْطِي الَرَاجَلْ لْمَرْتَهْ وَرْقَةْ الطْلاَقْ كِطَلَقْهَا". ⁸وْجَاوَبْهُمْ يَسُوعْ: "عْلَى جَالْ قْسُوحِيَةْ ڤْلُوبْهُمْ خَلاَّهُمْ مُوسَى اطَلْقُوا نْسَاهُمْ. وْبَصَّحْ هَادْ الشِي رَاهْ مَاكَانْشْ كِخْلَقْ اللَّهْ آدَمْ وْ حَوَّاء فَاللَّوَلْ. ⁹وْنْزِيدْ نْڤُولْكُمْ: الاَّ إِطَلَقْ مَرْتَهْ عْلَى شِي سَبَّة مَنْ غِيرْ الزْنَا وْتْزَوَجْ بْوَاحْدْ خْرَى رَاهْ زْنَى، وَلِّي يَتْزَوَجْ بَمْطَلْقَة رَاهْ يَزْنِي".¹⁰ڤَالُو لَهْ التْلاَمَذْ: "إِلاَ كَانَتْ هَادِي هِيَّ حَالَةْ الرَاجَلْ مْعَ المْرَا خِرْلَهْ مَايَتْزَوَجْشْ ڤَاعْ". ¹¹وْجَاوْبْهُمْ يَسُوعْ: "مَاشِي ڤَاعْ النَّاسْ يَقَبْلُوا هَادْ الكْلاَمْ غِيرْ هَدُوكْ لِنْعَمْ عْلِيهُمْ اللَّهْ بَاشْ يَقَبْلُوهْ، ¹²عْلَى خَاطَرْ كَايَنْ نَاسْ تْوَلْدُوا مَنْ كْرُوشْ مَّاتْهُمْ وْ مَا قَادْرٍينْشْ عْلَى الزْوَاجْ، وْكَايْنِينْ اللِّي رَدُّهُمْ النَّاسْ هَكَّا، وْكَايْنِينْ لِمَا يَتْزَوْجُوشْ عْلَى جَالْ مَمْلَكَةْ السَمَاوَاتْ. وْلِقْدَرْ بَاهْ يَقْبَلْ هَادْ الشِي يَقَبْلَهْ".¹³وْ جَابُولَهْ وْلاَدْ صْغَارْ بَاشْ إِحَطْ يَدِّيهْ عْلِيهُمْ وْ يَدْعَى لْهُمْ، بَصَّحْ التْلاَمَذْ زَعْفُوا عْلَى اللِّجَابُوهُمْ. ¹⁴وْبَصَّحْ يَسُوعْ ڤَالْ : "خَلُّوا الدْرَارِي إِيجُوا لْعَنْدِي وْ مَا تْحَبْسُوهُومْشْ عْلَى خَاطَرْ كِمَا هَادُوا اللِّي غَادِي إِكُونَلْهُمْ مَلَكُوتْ السَمَّاوَاتْ". ¹⁵حَطْ يَدِّيهْ عْلِيهُمْ، وْ رَاحْ مَنْ تَمَّ¹⁶وْجَا عَنْدَهْ وَاحَدْ الشَابْ وْ ڤَالَهْ: "يَا مُعَلِمْ الصَّالَحْ، وَاشْ مَنْ صْلاَحْ نْدِيرْ بَاشْ تْكُونْ لِيَّ الحْيَاةْ الدَايْمَة؟". ¹⁷ڤَالَهْ يَسُوعْ: "عْلاَشْ رَاكْ تْعَيَطْلِي صَالَحْ؟ مَاكَانْشْ وَاحَدْ صَالَحْ مَنْ غِيرْ وَاحَدْ وْهُوَ اللَّهْ. بْصَّحْ إِذَا بْغِيتْ تَدْخُلْ الْحْيَاةْ الدَايْمَة طِيعْ الوَصَايَا".¹⁸ڤَالَهْ: "وَاشْ مَنْ وْصَايَا؟" وْجَاوْبَهْ يَسُوعْ: "مَاتُكْتَلْشْ. مَتَزْنِيشْ. مَتَخْوَنْشْ. مَاتَشْهَدْشْ بَاالزُورْ. ¹⁹قَادَرْ بُوكْ وِا مُّكْ، وْبْغِي لِقْرِيبْ لِيكْ كِمَا تَبْغِي نَفْسَكْ".²⁰وْ يْڤُولَهْ الشَابْ: "رَانِي دَرْتْ بْڤَاعْ هَادُو الوْصَايَا، وَاشْ خَاصْنِي ثَانِي نْدِيرْ؟" ²¹وْجَاوْبَهْ يَسُوعْ: "إِلَى بْغِيتْ تْكُونْ بْلاَعِيبْ، رُوحْ بِيعْ ڤَاعْ دَاكْ الشِي لِعَنْدَكْ وْعْطِي دُوكْ الدْرَاهَمْ لَلْمْسَاكِينْ، وْغَادِي يْكُونْ عَنْدَكْ كَنْزْ فَي السْمَا، وَأَرْوَاحْ وْ تَبَعْنِي". ²²بَصَّحْ كِسْمَعْ الشَابْ دَاكْ الكْلاَمْ رَاحْ حْزِينْ، عْلَى خَاطَرْهُوَ مْرَفَّهْ.²³وْڤَالْ يَسُوعْ لَتْلاَمَذْ: "نْڤُولْكُمْ الْحَقْ: رَاهْ صْعِيبْ عْلَى وَاحَدْ مَتْرَفَهْ يَدْخَلْ لْمَمْلَكَةْ السَمَاوَاتْ ²⁴وْنْزِيدْ نْڤُولْكُمْ : رَاهْ دْخُولْ الجَمَلْ مَنْ عِينْ لَبْرَة سَاهَلْ مَنْ دْخُولْ وَاحَدْ مَتْرَفَهْ لْمَمْلَكَةْ اللَّهْ!".²⁵وْتْعَجْبُوا التْلاَمَذْ بَزَّافْ كِسَمْعُوا هَادْ الكْلاَمْ وْ ڤَالُوا: "عْلَى هَادْ الحْسَابْ، شْكُونْ غَادِي يَقْدَرْ يَسْلَكْ؟". ²⁶وْشَافْ فِيهُمْ يَسُوعْ وْ ڤَالْهُمْ: "النَّاسْ مَايَقَدْرُوشْ عْلَى هَادْ الشِي، بَصَّحْ اللَّهْ يَقْدَرْ عْلَى كُلْ شِي". ²⁷وْجَاوْبَهْ بُطْرُسْ وْ ڤَالْ: "هَا حْنَا خَلِّينَا كُلْ شِي وْ تَبَعْنَاكْ وَاشْ غَادِي يْكُونْ الجْزَاءْ نْتَاعْنَا؟".²⁸وْڤَالْهُمْ يَسُوعْ: "نْڤُولْكُمْ الَحَقْ: كِغَادِي يَڤْعَدْ إِبْنْ الإِنْسَانْ عْلَى عَرْشْ الْعَزْ تَاعَهْ فَالزْمَانْ اللِّي غَادِي يْوَلِي فِيهْ كُلْ شِي جْدِيدْ، نْتُمَا لِتَبَعْتُونِي غَادِي تُڤَعْدُوا عْلَى طْنَاعْشْ عَرْشْ بَاشْ تَحَكْمُوا عْلَى قْبَايَلْ إِسْرَائِيلْ الطْنَاعْشْ.²⁹وْكُلْ مَنْ تْخَلَّى عْلَى دْيَارْ وْلاَ خُوتْ وْلاَ خْوَاتَاتْ وْلاَ بَوهْ وَلاَ مَّهْ وْلاَ أَرَاضِي مَنْ أَجْلْ اسْمِي، غَادِي يَنْتْرَدْلَهْ دَاكْ الشِي لِسْمَحْ فِيهْ مْيَة مَرَّة، وْغَادِي يَوْرَتْ الَحْيَاة الَدَايْمَة عَنْدْ اللَّهْ. ³⁰وْبَصَّحْ بَزَاّفْ مَنْ هَادُوكْ لِكَانُوا لَوْلِينْ يْوَلِيوْ اللَّخْرِينْ، وْ بَزَّافْ لِكَانُوا لَخْرِينْ يْوَّالُوا اللَّوْلِينْ".

¹مَلَكُوتْ السَمَاوَاتْ يْشَبَه لْوَاحْدْ الرَّجلْ عَنْدَه جْنَانْ تَاعْ لَعْنَبْ خْرَجْ مْعَ الصْبَاحْ بَكْرِي بَاهْ يْكرِيْ خْدَامَا للْجْنَانْ نْتَاعَه، ²وْتْفَاهْمْ مْعَاهُم عْلَى دِيْنَارْ لْلنْهَارْ، وَرْسْلْهُم للْجْنَان نْتَاعَه³وْمَنْ بَعْد خْرَج عْلَى جْوَايَه التَّسْعَة تَاعْ الصْبَاح وْلْقَى خْدَاما وَاحْد خْرين وَاڨفِين فِالسُوڨ بْلاَ خْدْمَة، ⁴وَڨالْهُم:" رُوْحُوا نْتُمَا تَانِيْ لْلجْنَانْ نْتَاعِيْ وْغاَدِيْ نَعْطِيْكُم حَقْ خَدْمَتْكُمْ". وْ رَاحُوا.⁵وخْرَجْ تَانِيْ جْوَايَه الطْنَاعَشْ تَاعْ النْهَار وْعَاوَد خرَج عْلَى التْلاَثَة تَاعْ النْهَارْ وْ دَارْ كِيفْ كِيفْ. ⁶خرَجْ مَرَة خْرَى جْوَيَه الخْمْسَة تَاعْ لَعْشِيَة وْلْقَا خْدَامَا وَحْدُخْرِينْ وَاڤْفِين، وْڨالْهُم: "عْلاشْ رَاكُم واڨْفيِن هْنَا ڨاعْ الْنْهَار بْلاَ خْدْمَة ؟" ⁷وْجَاوْبُوه:" حْتَى وَاحَدْ مَاخْدْمْنَا عَنْدَه" ، وڨالْهُم: "رُوْحُوا نْتُوْمَا تَانِي لْجْنَان نْتَاعِيْ"⁸كِيْ جَاتْ الَعْشِيَة ڨالْ مُولْ الجْنَانْ لْلوْكِيْل نْتَاعَه:"عَيَطْ لْڨاعْ الخْدَّامَا وْخْلّصْهُمْ مَنْ الْتْوَالَا لَلْوَالَا. ⁹وْجَاوْ هَادُوكْ النَاسْ اللِي كَرَاهُم عْلَى الخَمْسَة تَاعْ الَعْشِيَة وْ دَا كُلْ وَاحَدْ دِينَارْ. ¹⁰وْكِي جَاوْ اللَّوْلِيْن كَانُوا يَحَسْبُوا غَادِيْ يدُوا كْثَرْ. بْصَّح دَّاوْ غِيْر دِيْنَار لْلوَحَد.¹¹كِي كَانُوا يْتْخَلْصُوا بْدَاوْ يَشْتْكُوا عْلَى مُولْ الْجْنَانْ ¹²وْيْڨوْلُوا :"هَادُوكْ اللَّخْرِيْن خَدْمُوا غِيْرْسَاعَة ، وَسَاوِيْتهُم مْعَانَا تْحَمْلْنَا الثُقْلْ والسْخَانَة تَاعْ ڨاعْ النْهَارْ! "¹³وْمُولْ المَلْكْ إِيْجَاوَب وْيقُوْل لْوَاحَد فِيِهُم:" يَاصَاحْبِي، أَنَا مَاضْلَمْتَكْش! مَاشِي تْفَاهَمْتْ مْعَايَا عْلَى دِيْنَارْ؟ ¹⁴أَدِيْ حَقَكْ وْرُوحْ، أَنَا نْبْغِي نَعْطِيْ كِيفَك لِجَا التَّاليْ.¹⁵مَشِي مَنْ حَقِيْ نْدِيرْ بَدْرَاهْمِيْ شَا نَبْغِي؟ وْلاَ عَيْنَكْ هِيَ لِشَرِيْرَة عْلَى خَاطَرْ أَنَا صَالِح؟ ¹⁶هَكَا يْكُوْنُوا اللَخْرِيْنْ هُمَا اللَّوْلِينْ، واللَّولِينْ هُمَا لَخرِينْ عْلَى خَاطَرْ بَزَافْ يدْعُوهُم وبَصَح غِيْر لَقْلِيْل لِيُنْتَخْبُوا".¹⁷وْ كِيْ كَانْ يَسُوعْ طَالَعْ لأُورْشَلِيْمْ أَدَّا مْعَاه الطْنَاعْشْ تَلْمِيْذْ وَحْدْهُم وْڨَالْهُم فالطْرِيڤْ: ¹⁸"هَاحْنَا طَالْعِيْن لأُرْشَلِيْمْ وْإِبْنْ الإنْسَانْ غَادِي يَتْسَلَّم لْرُؤَسَاءْ رْجَالْ الدّينْ وْ عُلَمَاء الشَرِيْعَة، وْيَحْكْمُوا عْلِيْه بْالمُوتْ، ¹⁹وَيْسْلْمُوه لْلِي مَايْعَرْفُوشْ الله بَاهْ يْضَّحْكُوا وْيَتْمَسْخْرُوا بِيْه وْيجَّلْدُوْه وَيَصَلْبُوهْ، وْفِيْ النْهَارْ الثَّالَثْ يْقُومْ مْن المُوت". طَلَب يْمَاتْ ولاد زَبَدِي.²⁰وْڤَدْمَتْ عَنْدَه أُمْ وْلاَد زَبَدِي هِيَ وْ وْلاَدْهَا عَنْدْ يَسُوع، وْسَجْدَت وْطَلْبَتْ مْنَه وَاحْد الشِيْ. ²¹وْڤَالْهَا:" شَا بْغِيْتِي؟" . وْڤَاتلَه:" أْمَرْ بَاشْ يَڤُعْدُواوْلاَدِيْ هَادُوا، وَاحَدْ عْلَى يْمِيْنَك ولَّخُرْ عْلَى يْسَارَك فِي مَلَكُوْتَكْ".²²جَوَبْهَا يَسُوْع وْڤَالْهَا:" مَارَكُمْشْ عَارْفِينْ وَاشْ رَاكُم تُطُلْبُوا. تْقَدْرُوا تَشَرْبُوا الكَاس اللِّي غَادِيْ نَشْرُبْهَا أَنَا، وَتَنْغَبْنُوا لَغْبِينَة لِغَادِيْ نَنْغْبَنْهَا؟". ڤَالو له:" نقَدْرُوا". ²³ڤَالهُم يَسُوعْ:" كَاسِي غَادِي تَشَرْبُوْهَا، بْصَّح الْڤْعَاد عْلَى يَمِينِي وْيَسَارِي مَانَعْطِيهْشْ غِيْر لْهَادُوك لِوَجدَهْلهُمْ بُويَا". ²⁴كِسَمْعُوا التْلاَمَذْ العَشْرة هَادْ الهَدْرَة زَعفُوا عْلَى يَعْقُوب وخُوه يُوحَنَا²⁵وْعَيطْ لْهُمْ يَسُوع وْڤَال:" أنْتُمَا تعَرْفُوا بَلِّي الرؤسَاء يَتْحكمُوا في الشُعُوب نْتَاعْهُم وَالمَسؤولينْ الكِبَارْ. يَتْسَلْطُوا عَلَى لِتَحتْ مَنْهُم. ²⁶وْنْتُمَا مَا خَاصْشْ إِيْكُون هَدَا بِينَاتْكُم وْاللّي بْغَا يْوَّلِي كْبِير فِيْكُم خَصَّهْ إِيولٍي الخَدَامْ نْتَاعْكُمْ، ²⁷واللّي بْغَا يْوّلِي اللَّولْ فِيكُم خَاصَه يْوَّلِي العَبْدْ نْتَاعْكُم، ²⁸وْهَكَّا إِبْنْ الإنْسَان مَاجَاشْ بَاشْ يَخَدْمُو النَاس، وبَصَّح بَاشْ يَخْدَم ويَفْدِي بَزَّاف النّاس بَحياتَه". شفاء أعميين في أريحا²⁹وْ فَلْوَقْتْ لِخَرْجُوا مَنْ أَرِيْحَا تَبْعُوه نَاسْ بَزَافْ، ³⁰وْكَانُوا زُوجْ عُمْيينْ ڤَاعْدِين عْلى الطْرِيْق. وغِيْر سَمْعُوا بَلِيْ يَسُوع كَان فَايَت مَنْ تَمْ بْدَاوْ إِيزٌڤُّوا وْيْڤُولُوا:" أَرْحَمْنَا يَاسِيدِي، يَاإبنْ دَاوُدْ!"، ³¹زْڤُّوا عْلِيهُمْ الْجْمَاعَة تَاعْ النَّاس بَاش يْسَّكْتُوا ،بْصَّح هُمَا زَادُوا يزڤُّوا كْثَر وْيْڤُولُو:" رْحمْنَا يَاسِيديْ يَا بَنْ دَاوُد!".³²وَ وْڤَفْ يَسُوع وعَيَّطلْهُم وْڤَال:" وَاش بْغِيتُوا نْدِيرَلْكُمْ؟". ³³وْجَاوبُوه:"يَاسِيدِي، بْغِينَا عَينِينَا يَتْحَلُوا" ³⁴وْتْحَنَّنْ يَسُوع عْلِيهُم وغِير مَسْ عَيْنِيهُم، بْداوْ إيشُوفُو وْهُمَا يْتَبْعُوه.

وْكِڤَرْبُوا لأُورْشَلِيمْ ¹وْوَصلُوا لْدُوَار بِيتْ فَاجِي اللِّي حْدَّا جْبَل الزِيْتُون،أ رْسَل يَسُوع زُوجْ مَا التْلاَمَذْ ، ²وْڨَالْهُم:" رُوحوا لَلْدّوَار اللّي كَايَن ڨدَامْكُم، غَادِي تْلْقَاوْ وَاحْدْ الحْمَارَة مَرْبُوْطَة مْعَاهَا وَاحْد الجَحْشْ، طَلْقوه وْجِيبُوهُمْ لِيْ. ³وْ إِلاَ ڨالْكُمْ وَاحَد شِيْ حَاجَة، ڤُولُولَه: رَاه الرَّب مَحْتَاج لِيهُم. وْغَادِي يْرُدْهُمْ بَلْخَفْ".⁴وْصْرَى ڨَاع هَادْ الشِي بَاشْ يَتْحقَق كْلاَم النْبِي لِڨالْ: ⁵" قُولُوا لْبَنْت صَهْيُون: هَاهُوَ المَلِك نْتَاعَك جَايْ لْعَنْدَك مَتوَاضَع، وْرَاكْب عْلَى حْمَارْة وْجَحْشْ وُلْد حْمَارَة"⁶وْرَاحُو التْلاَمَذ وْدَارُوا كِمَا أْمَرْهُم يَسُوعْ، ⁷وْجَابُو له الحْمَارَة والجَحْش، وْحَطُّوا عْلِيهُم حْوَايْجْهُم وْركَبْ يَسُوع فُوڨهُم. ⁸وْفَرشُوا جْمَاعَة كْبِيرَة مَا النَاس حْوَايَجهُم فالطْرِيق. وْنَاسْ وَحْدُخْرِيْنْ ڨطْعُوا الأغْصَانْ تَاع الشْجَر وفَرْشُوهُم في الطْرِيْقْ.⁹وكَانُوا النَاسْ لِيَتَبْعُوا يَسُوع وْسَابْڨينَه يْزْقُوا يْقُولُوا: "أُوصَنَا لإبْنْ دَاوُد! مٌبَارَك هَادَا اللِجَايْ بإِسْم الرَّب! العَزْ للَّه فْي السْمَا العَالْيَة! " ¹⁰وْكِدْخَلْ لأُورْشَلِيم هَاجُوا نَاسْ المْدِيْنَة ڨاع وْبْدَاو يْڨولُوا: " شْكُون هُوَ هَذا ؟". ¹¹وْجَاْوبُهُم النَاسْ: "هَادَا هُوَ يَسُوع النْبِي الِلي مَن نَاصِرَة اللِي في الجَلِيل". تَطْهِير الهَيْكَل¹²وْدْخَل يَسُوع لْبِيت الله وْخرَّجْ ڨاعْ اللِّي كَانُوا يْبِيعُوا وْيَشْرُوا تْمَ، وْڨلَبْ ڨاعْ الْطوَابل نْتَاع النَاسْ اللِّيْ يْصَرْفُوا الدّْرَاهْم وَالكَرَاسَ نْتَاع اللِّي يْبِيعُوا الحْمَامْ ¹³وڨالهُم :" مَكْتُوب: فِي كْتَابْ اللَّه بْلِي دَّارِّي تَتْسمَى دَّارّْ الصْلاَة . بْصَح نْتُمَا رْدِيْتُوهَاغَارْ للسَرَّاقِين". ¹⁴وْجَاو عَنْدَه عُمْيِين وْقُجْعِينْ وْشْفَاهُم¹⁵وِكِي شَافُوا رؤساء رجَالْ الدِين وْعُلَمَاء الشَرِيْعَة وَاشْ دَارْ، وَالولاَد يْزَقُوا فِي بِيْت اللَه وْيْڤُولُو:" أوصَنَا لإبْن دَاوَد!". زَعْفُوا وْ ¹⁶ڨَالُولَه :" رَاكْ تَسْمَع وَاشْ رَاهُم إيقُولوا؟" وڤَالْهُم يَسُوع :" وَاه ! مَاقْرِيتُوشْ بَلِي: مَن فْوَام الوْلاَد الصْغَارْ و اللِي يْرضْعُوا يَخْرُجْ كْلاَم التَسْبِيح؟". ¹⁷ومَمبَعد خَلاَهُم وْخْرَج مَن المْدِيْنَة لْبِيت عَنْيَا وْبَات تَمَ. شجرة التين اليابسة¹⁸وْفِي الصْبَاح كِي كَان مْوَلْي لَلْمْدِيْنَة جَاعْ، ¹⁹وْشَافْ شْجْرَة الكَرْمُوس عْلَى الْطرِيڤ، وْجَا لْعَنْدْهَا وْمَا لْقَا فِيْهَا حْتَى حَاجَة مَنْ غِيْر الوْرَاق. ڨَالْهَا :" عُمْرّْ الْغَلَّة مَاغَادِي تْكُونْ فِيْك لَلَّبْدا !". يَبْسَتْ شَجْرَةْ الكَرْمُوس تَم تَم.²⁰وْكِيْ شَافُوا التْلاَمَذْ دَاكْ الشِي اللّي صْرّى تْعَجْبُوا وْڨالُوا :" كِيْفَاش يَبْسَت شْجْرَة الكَرْمُوس بَلْخَف؟". ²¹جَاِوبهُم يَسُوع وڨالْهُم :" نْڨولْكُم الحَقْ: إِلاَ كْان عَنْدْكُم إِيْمَانْ وْمَاتْشُكُوشْ، رَاه مَاغَادِيشْ دِيرُوا غِير هَادَاك لِدَرْتَه أَنَا لْشَجْرَة الكَرْمُوسْ وْبْصَّح إِلا ڨلْتُوا لْهَادْ الجْبَل: يَتْحَرك وْيْطِيح في الْبحَرّْ غَادِي يْصْرَّا. ²²دَاكْ الشِي لِڨولْتُوا وْڨاعْ الّْلي تَطَّلْبُوه فَالْصْلاَة بالإِيْمَان تَاخْذُوه". السؤَالْ عْلَى سُلْطَانْ يَسُوع²³وْكِي جَا لْبِيت اللّه يْعلَّم فِيه جَاوْ لْعَنْدَه رُؤسَاء رْجَالْ الدّين وشْيُوخْ الشَعْب وْڨالُو لَه :" وَاشْ مَنْ سُلْطَة رَاكْ دِيْر هَاد الشِي؟ وْشكُونْ عْطَاهَالَك؟"، ²⁴وْجَاوْبهُم يَسُوع وْڨالْهُم:" حْتَى أَنَا بَاغِي نْسَقْسِيكُم، سُؤَال وَاحَد وْ إلاَ جَاوَبْتُوا عْلِيه غَادِي نْڨولكٌم بْوَاش مَنْ سُلْطَة رَانِي نْدِيرْ هَادْ الشْي:²⁵مِينْ جَات المَعْمُودِيَة تَاع يُوحَنَا المَعمَدان: من الله ولاَ مَنْ النَاس؟". وْتْشَاوْرُوا مْعَ بَعْضْيَاتْهُم وْ ڨالُوا: " إلاَ ڨلْنَا جَاتْ مَنْ عَنْد الله، غَادِي يْقُولو لْنَا: عْلاَش مَا أَمنْتُوشْ بْيُوحَنَا؟ ²⁶وإِلاَ ڨلْنَا: مَنْ عَنْد النَاس، نْخَافوا مَن الشَعب، عْلَى خَاطَر يُوحَنَا عَنْد النَاس كِمَا النْبِي". ²⁷وْجَاوبُوا يَسُوع وْڨالُو:" مَاعْلاَبَلْنَاشْ". وْڨالْهم:" أَنَا تَانِي مَانْڨولْكُمْش بْوَاش سُلْطَة رَانِي نْدِير هَاد الشِي. "²⁸وَاشْ تفَكْرُوا؟ فِي وَاحَد البْنَادَام ،عَنْدَه زُوجْ وْلاَد وْرَاح عَنْد اللَّول وْڨالَه: رُوح يَاوَلْدِي، وْخدَم اليُومْ فَلجْنَان تَاعْ العْنَب تَاعِي. ²⁹جَاوْبَه وَلْدَه وْڨالَه : مَابْغِيتْش. وْبَصَح مْعَ التَالي نْدَم وْرَاح. ³⁰وْرَاحْ البُو عَنْد الوَلْد الزَاوَج وْڨالَه كِمَا ڨال لْلُوَّل. وْهُوَّ جَاوْبَه وْڨالَه: وَاه يَاسِيدي. وْمَرَاحْشْ³¹بْصَح مَارَاحْشْ ، أَيَا، شْكُون مَن هَادْ الزُوجْ اللِّي دَار إِرَادَة بُوه؟". وْقَالُولَه "اللَّوَّل". وْڤَالْهُم يَسُوع:" نْڨولْكُم الحَق: مَّالِين الضْرِيبَة والزُنَاة غَادِي يَسَبْقُوكُم لْمَمْلَكَة الْلَّه، ³²عْلَى خَاطَر يُوحَنَا جَاكُم مْتَبَع طْرِيْقْ الحَقْ وْمَأمَنْتُوش بِيه، وْبَصَح مَالِين الضْرِيْبَة وْالزُنَاة أَمْنُوا بِيه".³³إسمْعُو مَثَل وَاحْدَ أخُر: وَاحَد الرَجَل عَنْدَه أَرض وْغْرَس جْنَان الدَالْيَة العْنَب، وْدَوَّر عْلِيه السُورْ، وَحْفَر مْعَصْرَة، وَبْنَى بُرْج، وكَرَاه لْؤَحْدِين جْنَايْنِيَة وْسَافَر. ³⁴وْكِي وْصَل الوَقْت وِيْن غَادِي يَجْنِيو الغَلَة رْسَل العَبِيد تَاعَه لَلْجْنَاينِيَة بَاشْ يجِيبُو الغَلَة تَاعَه³⁵نَاضُوا هَادُوك الْجْنَايْنِيَة وْضَربوا واَحَد العَبْد مَنْ هَادُوك العَبِيد وقَتْلُوا وَاحَد ورَجْمُوا وَاحَد آخُر بالحَجْرَة. ³⁶وْعَاوَد رْسَل عْبِيد وَحْدُخرين كْثَر مَالَّوْلِين، ودَارُولهُم الجْنَاينِيَة كِمَا دَارُوا لَلْولِيْنْ. ³⁷وْمْعَ التَّالِي رْسلَلْهُم وَلْدَه وْڨال: "غَادِي يْحْتَرْمُوا وْلدِي"!³⁸وْكِي شَافُوا الجْنَايْنِيَة وَلْدْ مُول الجْنَان قَالُوا بِينَاتْهُمْ: " هَادَا هُوَ لِغَادِي يَوْرَث! أَيَا نُكُتْلُوه ونَدُوا الوَرث نْتَاعَه! ³⁹وْيْشَدُوه وْيخَرْجُوه بَرَّا الجْنَان وكَتْلُوه⁴⁰وْدَرْوَك، إلاَ جَا مُول الجْنَان، وَاشْ إِلِيق إِيدِير لْدُوك الجْنَايْنِيَة ؟". ⁴¹وْهُمَا يْجَاوْبُوه:"هَادُوك المَشْرَارِين غَادِي تْكُون أَخْرَتْهُم وَاعْرَة، وْغَادِي يَعطِي الجْنَان تَاع العْنَب لَجْناَيْنِيَة وَحْدَ خرِين لِغَادِي يَعْطُوا الغَلَة فِي وَقْتهَا".⁴²ڨالْهُم يَسُوع :"عُمَرْكُم مَاقْرِيتُوا فِيْ كْتَاب اللَّه: الحَجْرَة اللِّي مَاقَبْلُوهَاشْ البَنَايَا هِيَ لِغَادِي تِوَلِي حَجْرَة الْسَاسْ؟ هَادْ الشِّي مَن عَنْد الرَّب وْهُوَ عَجِيبْ فِي عَيْنَيَا!⁴³عْلَى هَاد الشِي أَنَا نْڨولْكُم:" مَلَكُوت اللَّه يَنْڨلَعْلْكُم وْيْنَعْطَى لْنَاس لِتَعْطِي الثِمَارْ . ⁴⁴وَاللِّي يْطِيح عْلَى هَاد الحْجَر غَادِي يَتَقردْ طْرَاف، وبَصَحْ اللِّي طَاحَت عْلِيه الحَجْرَة غَادِي تْسَحْقَه. !"⁴⁵وْكِي سَمْعُوا رُؤَسَاء رْجَال الدِين والفَرِيْسِيين المْثُول نْتَاعَه، عَرفٌوا بَلِي رَاه يَهْدَر عْلِيهُم. ⁴⁶وْبْدَاو إيحَوْسُوا كِيْفَاش إشَدُوه، بْصَح خَافُوا مَاالنَاس، عْلى خَاطَر كَان يْشُوفُوه كِمَا نْبِي.

¹ومَرَه لَخْرَى يَسُوع ْبدَا يَهْدَرْ مْعَاهُمْ بْالْمتُولْ وْ ڤَالْ : ²"يْشَبَهْ مَلَكُوتْ السَمَاوَاتْ لْوَاحَدْ الْمَلِكْ دَارْ عَرْسْ لْوَلْدَهْ، ³وْ رْسَلْ لْعَبِيدْ نْتَاعَهْ بَاشْ يْعِيَطْ لْلمَعْرُوضِينْ بَصَّحْ مَابْغَاوَشْ إيْجُوا⁴وْ عَاوَدْ رْسَلْ عَبِيدْ وَحْدْ خْرِينْ ڤَالْهُمْ: ڤُولُوا لْلمَعْرُوضِينْ رَانِي وَجَدْتْ لَلْعَرْسْ وْ دْبَحْتْ الْبْڤْرِى وَالَوَكْرِيِفْ السْمَانْ ، وْ كُلْ شِي رَاهْ مْوَجَدْ . أَرْوحُوا لَلْعَرْسْ!⁵وْ بَصَّحْ هُمَا مَادَاوْهَاْش فِيهْ ,وَاحَدْ رَاحْ لَلْرْضْ تَاعَهْ يَخْدَمْهَا وْ وَحَدَ اخُرْ رَاحْ لْتِجَارْتَهْ . ⁶وْ وَحَدخْرِينْ شَدُوا لْعَبِيدْ نْتَاعَهْ وْ عَايَرُوهُمْ وْ كتْلوُهُمْ. ⁷وَزْعَفْ الْمَلِكْ وْ رْسَلْ الْعَسْكَرْ وْ هْلَكْ هَادُوكْ الْقَتَالَه وْ حْرَڤْ مَدِينَتْهُمْ⁸وْ مَنْبَعَدْ ڤَالْ لْعَبِيدَهْ:" الْعَرْسْ هَاهُو كَايَن ْبَصَّحْ هَاذُوكْ الْمَعْرُوضِينْ مَايَسْتَاهْلُوشْ. ⁹رُوحُوا دَرْوَكْ وِينْ يَتْلاَقَاوْ الطُرْڤَانْ، وْعَرْضُوا كُلْ وَاحَدْ لْقِيتُوهْ لَلْعَرْسْ". ¹⁰خَرْجُوا هَادُوكْ لْعَبِيدْ لَلطْرِيڤْ، وْ لَمُوا ڤَاعْ هَادُوكْ لِلْقَاوْهُمْ أَشْرَارْ وْ صَالْحِينْ حَتَى عَمْرُوا دَارْ الْعَرسْ بْالضِياَفْ .¹¹وْ كِدْخَلْ الْمَلِكْ بَاشْ إِشُوفْ الْمَتَكْيِينْ فِي الْعَرْسْ ,شَافْ وَاحَدْ البْنَادَمْ مَالْبَسَشْ صْوَالَحْ الْعَرَسْ. ¹²ڤَالَهْ :"يَا صَاحْبِي، كِيفَاشْ دْخَلْتْ هْنَا وْمَالْبَسْتَشْ صْوَالَحْ الْعَرْسْ ؟" وسْكَتْ¹³أَيَ ڤَالْ الْمَلِكْ لَلْخَدَامَا تَاعَهْ:" أَرَبْطُورَجْلِيهْ وْ يَدِيهْ، وْدُوهْ وْ قِيسُوهْ بَرَا فِي الضُلْمَهْ. وِينْ يْكُونْ البْكَا وْ تَغْزَازْ السْنَانْ. ¹⁴عْلَى خَاطَرْ بْزَّافْ لِيَنْعَرْضُوا وْ بَصَّحْ لِيْتَخْتَارُوا هُمَا قْلَال" .¹⁵وْرَاحُوا الْفَرِسيِيِن ْوْ تْشَاوْرُوا بَاشْ إِشَدُوا كَاشْ غَلْطَة على يَسُوع ْفِكْلاَمَهْ. ¹⁶رَسْلُولَهْ تْلَامْذَهْ مْعَ الْهَرُودُوسِيِينْ وْ ڤَالُولَهْ: "يَا مُعَلِمْ نَعَرْفُوا بَلِي رَاكْ صَادَقْ وْ تْعَلَمْ طْرِيقْ اللهْ بْالْحَقْ، وْمَاعْلَابَالَكْ بْحَتَّى وَاحَدْ، عْلىَ خَاطَرْ مَادِيرَشْ بْالَوْجُوهْ. ¹⁷أَيَ ڤُولْنَا: وَاشْ تْفَكَرْ ؟وَاشْ حْلَالْ نَعْطِي الجَزْيَة لْقَيْصَرْ وَلَا ؟".¹⁸وَعْرَفْ يَسُوعْ الحِيلَة نْتَاعْهُمْ وْ ڤَالْهُمْ: "عْلَاشْ جَرْبْتُونِي يَا مُنَافِقِينْ؟ ¹⁹وَرِوْلِي الدْرَاهَمْ لِتْخَلْصُوا بِهَا الضْرِيبَة ". وْجَابُولَهْ دِينَارْ.²⁰وْ سَقْسَاهُمْ :"هَادْ التَصْوِيرَة وْهَادِ الكْتْبَة اللِّي فِي الدْرَاهَمْ تَاعْمَنْ؟". ²¹ڤَاَلُولَهْ: "تَاعْ قَيْصَرْ". وْ هُوَ يْڤُولَهُمْ: "أَعْطُوا لْقَيْصَرْ مَالْقَيْصَرْ وَعْطُوا لَلَّهْ مَا لَلَّه". ²²وْ كِسَمْعُوهْ تْعَجْبُوا وْ خَلَاوَهْ وْ رَاحُوا²³فِي دَاكْ النْهَارْ جَاوْعَنْدَهْ صَدُوقِينْ، اللِي يْڤُولُوا مَاكَانْشْ قِيَامَه أَياَ سَقْسَاوَهْ ²⁴ڤَالُولَهْ: "يَا مُعَلِمْ ڤَالْ مُوسَى: إِذَا مَاتْ وَاحَدْ مَاعَنْدَاهَشْ وْلَادْ، خُوهْ يَتْزَوَجْ بْمَرْتَه ْو ْيْكُونْ عَنْدَهْ وْلاَدْ وْ يْدِيرْ نَسَلْ لْخُوهْ.²⁵كَانْ عَنْدَنَا سَبْعَ خوُتْ وَ تْزَوَجْ اللَّوَلْ وْمَاتْ. وْ كِمَاعَنْدَهَشْ لَوْلَادْ خَلَى مَرْتَهْ لْخُوهْ. ²⁶ومَنبَعْد للزَاوَجْ وَ الثَالَثْ حَتَى السَابَعْ. ²⁷وْمْعَ التَالِي ڤَاعْ مَاتُوا وْ حَتَّى لَمْرَا مَاتَتْ هِيَ تَانِي. ²⁸وْ فِي الْقِياَمَة شْكُونْ اللِّي غَادِي يْكُونْ رَاجَلْ هَادِيكْ لَمْرَا؟ عْلَى خَاطَرْ تْزوجُوْا بِهَا ڤَاعْ"²⁹جَاوَبْهُمْ يَسُوعْ :"رَاكُمْ غَالْطِينْ وْ ضاَلِينْ عَلَى خَاطَرْ مَاتَعَرْفُوشْ كْتَابْ اللَهْ وْلَا قُوَةْ اللَهْ. ³⁰عْلَى خَاطَرْ فيِ القِيَامَة مَايْزَوْجُوشْ وْ مَايَتْزَوْجُوشْ، بَصَحْ إِيْكُونُوا كِالْمَلَاْيْكة فْي السْمَا³¹وْ مَنْ جِهَةْ قِيَامَةْ المُوتَى، مَاقْرِيتُوشْ كْلَامْ اللَهْ لِيكُم كڤَالْ: ³²"أَنَا هُوَإِلَهْ إِبْرَاهِيمْ وْ إِلَهْ إِسْحَاقْ وْإلَهْ يَعْقُوبْ؟ اللَهْ مَاشِي إِلَهْ المُوتَى بَصَّحْ إِلَهْ الأَحْيَاءْ". ³³كِسَمْعُوا جْمَاعَة النَاسْ التَعْلِيمْ تَاعَهْ تْعَجْبُوا فِيهْ .³⁴وْ كِسَمْعُوا الفَرِسِيِينْ بْلِّي سَكَتْ الصَدُوقِينْ تْلَّامُوا مْعَ بَعْضْيَتْهُمْ، ³⁵وْ سَقْسَاهْ وَاحَدْ مَنْهُمْ وْهُوَ مَنْ عُلَمَاءْ الشَرَعْ بَاشْ ايْجَرْبَهْ: ³⁶"ياَ مُعَلِمْ وَاشْ هِيَ الوَصِيَة الْكْبِيرَة فَاالشَرِيعَة؟".³⁷وْ جَاوَبْهُمْ يَسُوعْ وْ ڤَالَهْ: " تَبْغِي الرًبْ إِلاَهَكْ مَنْ ڤَاعْ ڤَلْبَكْ، وْمَنْ نَفْسَكْ، وَمَنْ ڤَاعْ عَقْلَكْ. ³⁸هَادِي هِيَ الْوَصِيَة اللَّوْلَى وْالكْبِيرَة.³⁹وْ الزَاوْجَة كيِفْهَا: تَبْغِي لِقْرِيبْ لِيكْ كِمَا تَبْغِي رُوحَكْ. ⁴⁰وْعَلَى هَادْ الزُوجْ الوْصَايَا تَنَبْنَى ڤَاعْ الشَرِيعَة وْ كُتُبْ الأَنْبِيَاء⁴¹وْ كِكَانُوا الفَرِيسِييِنْ مَتْلَايْمِينْ سَقْسَاهُمْ يَسُوعْ: ⁴²"وَاشْ تْڤُولُوا عْلَى المَسِيحْ؟إِبَنْ شْكُونْ؟" ڤَالُولَهْ: "إِبَنْ دَاوُدْ".⁴³ڤَاْلُهْمْ:"كِيفَاشْ دَاوُدْ باْلْوَحِيْ تَاْع رُوحْ اللَّه إيْعِيَطْلَهْ رَبِي؟ كِيْ ڤَاَلْ: ⁴⁴ڤَاَلْ الرَّبْ لْرَبِي: ڤْعَدْ عْلَى الْيَمِينْ نْتَاعِي حَتَّى نْدِيرْعَدْيَانَكْ تَحْتْ رَجْلِيكْ⁴⁵إِذَا كَانْ دَاوُدْ إيْعِيَطْلَهْ رَبِي، كِيفَاشْ إِكُونْ الْمَسِيحْ إِبْنَهْ ؟". ⁴⁶وْمَاقْدَرْحَتَّى وَاحَدْ إِسَقْسِيهْ أَسْئِلَة وَاحَدْخْرَى.

¹تْكَلَمْ يَسُوعْ مْعَ جْمَاعَاتْ النَاسْ وْ تْلَامْذَهْ ²وْقَالْ: "عُلَمَاءْ الشَرْعْ وْ الفَرِسِيِينْ ڤعْدُوا عَلَى كُرْسِي مُوسَى هُمَا لِعَنْدْهُمْ الحَقْ بَاشْ إِفَسْرُوا الشَرِيعَة تَاعْ مُوسَى، ³ڤاعْ لِيْقُولُولْكُمْ دِيرُوهْ وْ تَبْعُوهْ، وْبَصَحْ مَاتْدِيرُوشْ فْعَايَلْهُمْ عْلَى خَاطَرْ مَايْدِيرُوشْ هَادَاكْ الشِّي لِيْقُولُوهْ⁴هُمَا إِحَزْمُوا حْزَامَاتْ تْقَالْ وْ صْعَابْ وْ يْحَطُوهُمْ عْلَى كْتَافْ النَّاسْ، وْ بْصَح ْهُمَا ماَيْحَرْكُوا حْتَى صْبَعْهُمْ بَاشْ يَرَفْدُوا مْعَاهُمْ، ⁵وْ إِلاَ دَارُوا حَاجَة، يْدِيرُوهَا غِيرْ بَاشْ إِشُوفُوهُمْ النَاسْ: وْيْوَسْعُوا العِصَابَاتْ عْلَى جْبَاهيِهُمْ وْ يْطُوْلُوا جْلَايَلْهُمْ،⁶وْ يَبْغُوا يْكُونُوا فَا البْلَايَصْ المْخَيْرِينْ فَالَوْلَايَمْ، وْ فَدْيُورّْ الصْلَاةْ، ⁷وْ يَبْغُوا اِسْلْمُوا عْلِيهُمْ النَّاسْ فْلَسْوَاقْ، وْ يَعْيطُولْهُمْ النَّاسْ: يَا سِيدِي يَا سيِدِي!⁸وْ بْصَحْ نْتُومَا مَاتْخَلِيوْشْ حَتَى وَاحَدْ اِيْعِيَطَلْكُمْ سِيدِي، عْلَى خَاطَرْ نْتُمَا قَاعْ خُوتْ، وْ عَنْدَكُمْ سِيدْ وَاحَدْ. ⁹وْ مَانْسَمُوشْ حَتَى وَاحَدْ عْلَى هَادْ الأَرْضْ بُوكُمْ، عْلَى خَاطَرْ بُوكُمْ وَاحَدْ وْ هُوَ الأَبْ اللِي فِي السْمَا. ¹⁰وْ مَا تْسَمِيوْشْ أَرْوَاحْكُمْ مْعَلْمِينْ، عْلَى خَاطَرْ مْعَلِمْكُمْ وَاحَدْ وْ هُوَ المَسِيحْ.¹¹وْالْكْبِيرْ فِيكُمْ اِيْكُونْ خَدَامْ لِيكُمْ . ¹²وْ لِيَرْفَدْ رُوحَهْ وْ يْعَلِي شَّانَهْ اِيْطِيحْ، بْصَحْ اللِّي يْتْوَاضَعْ الرَّبْ اِيْعَلِيهْ".¹³بْصَحْ يَاوِيلْكُمْ يَا عُلَمَاءْ الشَرِيعَة وْ الفَرِسِيِينْ المُنَافِقِينْ! عْلَى خَاطَرْ تْبَلْعُوا مَلَكُوتْ السَّمَاوَاتْ قُدَامْ النَّاسْ، مَاتَدَخْلُوشْ نْتُمَا وْ مَاتْخَلُوشْ لُخْرِينْ يْدَخْلُوا. ¹⁴يَا وِيلْكُمَ يَا عُلَمَاءْ الشّرِيعَه وَ الفَرِسِييِنْ وْ المُنَافِقِينْ! عْلَى خَاطَرْ تَاكْلُوا رَزْقْ الهَجَالَاتْ، وْطُوْلُوا فِي صْلَاتْكُمْ غِيرْ بَاشْ تْبَانُوا. عْلَى هَادْ الشِّي الْعِقَابْ نْتَاعْكُمْ غَادِي يْكُونْ صْعِيبْ مَنْ نْتَاعْ النَّاسْ لَخْرِينْ. ¹⁵يَاوِيلْكُمْ يَا عُلَمَاءْ الشَرِيعَه وَ الفَرِسِيِينْ وْ المُنَافِقِينْ! عْلَى َخَاطَرْ رَاكُمْ تَقَطْعُوا البَّرْ وْ البْحَرْ بَاشْ تْرَدُوا شِّي وَاحَدْ يْهُودِي، وْ كِيْوَليِ يْهُودِي تْرَدُوهْ يَسْتَاهَلْ جِهَنَمْ كْتَرْ مَنْكُمْ زُوجْ مَرَاتْ.¹⁶يَا وِيلْكُمْ يَا لمَسْؤُولِينْ الْعُمْيِينْ! اللِّي تْقُولُوا لِيَحْلَفْ بْبِيتْ اللَه مَا عْلِيهْ حَتَى شِي، بْصَحْ لِيَحْلَفْ بْذْهَبْ تَاعْ بِيتْ الله يْوَفِي حَلْفَهْ. ¹⁷يَاجُهَالْ، يَا عُمْيِينْ! وَاشْ لِكْبِيرْ وْ عَنْدَهْ القِيمَةْ: الدْهَبْ وْلَا بِيتْ الله اللِّي يْرَدْ الدْهَبْ مْقَدَسْ؟¹⁸وْاللِّي يَحْلَفْ بْالمَدْبَحْ حْلَفْ مَاشِي مَقْبُولْ، وْ بَصَحْ إلاَحْلَفْ بْالفدِيَة اللِّي فُوڤ مَنْهَا خَاصَهْ يُوفِي بْحَلْفَهْ. ¹⁹يَا جُهَالْ يَا عُمْييِنْ! وَاشْ لِخِيرْ: الدْبِيحَة وْلَا الْمَدْبَحْ اللِّي يْرَدْ الدْبِيحَه مْقَدْسَة؟²⁰لِيَحْلَفْ بْالْمَدْبَحْ رَاهْ حْلَفْ بِيهْ وْ بْقَاعْ دَاكْ الشِّي لِفُوڤهْ ²¹وْاللِّيَ حْلَفْ بْبِيتْ الله رَاهْ يَحْلَفْ بِيهْ وْ بْالله اللِّي سَاكَنْ فِيهْ، ²²وْلِحْلَفْ باْلسّْمَا يَحْلَفْ بْعَرْشْ الله وْ حَتَى بالله اللِّي قَاعَدْ عْلِيهْ.²³يَا وِيلْكُمْ يَا عُلَمُاءْ الشَرِيعَة وْالفَرِسِيِينْ وْ المُنَافِقِينْ! تْعَشْرُوا النَعْنَاعْ وْالبْسْبَاسْ وَ الْكَمُونْ، وْخَلِيتُو الحْوَايَجْ المُهِمِينْ فالشَرِيعَة اللِّي هُمَا الحَقْ الرَحْمَة. وَ الإِيمَانْ ,كَانْ خَاصْكُم ْتْدِيرَوا هَادْ الشِي بْلَامَا تْخَلِيوْ الاُمُورْ لُخْرَي. ²⁴يَاالْمَسْؤُولِينْ الْعُمْيِينْ! اللِي يْصَفِيوْ الْمَا مَنْ النَامُوسْ وَ يْصَرْطُوا الْجْمَلْ²⁵يَا وِيلْكُمْ يَا عُلَمُاءْ الشَرِيعَهْ وْ الفَرِسِيِينْ المنافقين! رَاكُمْ تْنَقُوا الكَاسْ وْ الطَبْسِي مَنْ بَرَا، وَتْخَلُوا لدَاخَلْ مْعَمَرْ بْهَادَاكْ الشِي لِجَاكُمْ مَاالسَرْقَة وْالطْمَعْ. ²⁶يَا الْفَرِيسِي الْعْمَى! نْقِي فَااللَوَلْ الكَاسْ وْالطَبْسِي مَاالدَاخَلْ بَاشْ اِيْوَلِي نْقِي حَتَى مَنْ بَرَا.²⁷ياَوِيلْكُمْ يَا عُلَمَاءْ الشَرِيعَة وَ الفَرِسيِيِنْ الْمُنَافِقيِنْ نْتُمَا كِمَا الَقْبُورْ الْمَبِيضْ اللِي تْبَانْ شَابَة مَنْ بَرَا، وْبَصَحْ مَالدَاخَلْ مْعَمَرْ بَعْضَامْ المُوتَى وْ بْكُلْ حَاجَة نَجِسَة، ²⁸وْهَكَا حَتَى نْتُمَا تْبْانُوا لَنَاسْ مَنْ بَرَا مَتْقِينْ الله، وَبَصَحْ مَاالدَاخَلْ رَاكُمْ مْعَمْرِينْ بالنِفَاقْ وْ الدْنُوبْ.²⁹ياَ وِيلْكُمْ يَا عُلَمَاء الشَرِيعَه وَ الفَرِسِيِينْ المُنَافِقِينْ! عْلَى خَاطَرْ رَاكُمْ تْبْنُوا قْبُورْ الأَنْبِيَاء وَ تْزَيْنُوا مَدَافِنْ الصَالْحِينْ، ³⁰وْتْقُولُوا: لُكَانْ عَشْنَا فُوقْ جْدُودْنْا كَانْ قَاعْ مَا شَارَكْنَاهُمْ فِي الَقْتِيلَة تَاعْ الأَنْبِيَاء. ³¹وْهَكَا غَادِي تْشَهْدُوا عْلَى رْوَاحْكُمْ بَلِي اَنْتُمَا وْلَادْ هَادُوكْ لِقَتْلُوا الأَنْبِيَاء³²أَيَ كَمْلُوا أَنْتُمَا دَاكْ الشِي لِبْدَاوَهْ جْدُودْكُمْ. ³³يَالَحْنُوشَة وْ وْلَادْ الْفَاعِي! كِيفَاشْ تْهَرْبُوا مَنْ دَيْنُونَةْ جِهَنَمْ؟³⁴عْلَى دَاكْ الشِي غَادِي نَرْسَلَلْكُمْ الأَنْبِيَاء وَ الْحُكَمَاء وْعُلَمَاء الشَرِيعَة، كَايَنْ مَنْهُمْ لِغَادِي تَكَتْلُوهُمْ وْ اللِي غَادِي تْصَلْبُوهُمْ، وْمَنْهُمْ لِغَادِي تْضَرْبُوهُمْ فِي دْيُورْ الصْلَاةْ نْتَاعْكُمْ وْ طَرْدُوهُمْ مَنْ مَدِينَة لَمْدِينَة، ³⁵بَاشْ يَنْزَلْ عْلِيكُمْ الْعِقَابْ تَاعْ كُلْ دَمْ مَغْدُورْ طَاهَرْ سَالْ عْلَى الأَرْضْ، مَنْ دَمْ هَابِيلْ اللِي كَانْ مَتْقِي الله حَتَى دَمْ زَكَرْياَ بْنْ بَرْخِيَا اللِي قَتْلُوه بِبنْ المَوْضِعْ الْمُقَدَسْ وْ الْمَذْبَحْ. ³⁶وْرَانِي نڤولكم الحَقْ:" هَادْ الْعِقَابْ قَاعْ غَادِي يَنْزَلْ عْلَى هَادْ الجِيلْ"³⁷يَا أُرْشَلِيمْ ياَ أُرْشَلِيمْ يَا اللِي تُكْتَلْ الأَنْبِيَاء وْ تَرْجَمْ الْمَرْسُولِينْ لِيهَا، شْحَالْ مَنْ مَرَا بْغِيتْ نْلَمْ وْلَادَكْ كِمَا تْلَمْ الْجَاجَه فْلَالِيسْهَا تَحْتْ جْنَاحْهَا، بَصَحْ مَابْغِيتْيشْ! ³⁸هَاهِيَ دَارْكُمْ غَادِي تَبْقَالْكُمْ خَرِبَة. ³⁹عْلَى خَاطَرْ نْقُولْ:" مَا غَادِيشْ تْشُوفُونِي مَاالْيُومْ حَتَى تْقُولُوا مْبَارَكْ اللِي جَايْ بِاسَمْ الرَّبْ!".

¹خرَجْ يَسُوعْ وْرَاحْ لْبِيتْ اللَّهْ، وْڤَدْمُوا عَنْدَهْ تْلاَمْذَهْ بَاشْ يْوَرِيوَهْ البَنْيْ تَاعْ اللَّهْ. ²ڤَالْهُمْ يَسُوعْ: "شَفْتُوا ڤَاعْ هَادْ الشِي رَانِى نْڤُولْكُمْ الْحَقْ: مَاغَادِي تَبْقَى هْنَا حَتَّى حَجْرَة عْلَى حَجْرَة".³وْكِكَانْ يَسُوعْ ڤَاعَدْ فجْبَلْ الزَيْتُونْ، وْسَقْسَاوَهْ بِينْتهُمْ وْ بِينَهْ: "ڤُولْنَا يَاسِيدِي وِينْتَ غَادِي يَصْرَا هَادْ الشِي؟ وْوَاشْ هِيَ الْعَلاَمَة تَاعْ الْمَجْيَ نْتَاعَكْ وْنْتَاعْ آخَرْ الزْمَانْ؟" ⁴وْجَاوْبْهُمْ يَسُوعْ وْڤَالْ: "رَدُّوا بَالْكُمْ! لَيْغَلَطْكُمْ شِي وَاحَدْ. ⁵عْلَى خَاطَرْ غَادِي يْجِيوْ بَزَّافْ النَّاسْ بِاسْمِي وْيْڤُولُوا أَنَا هُوَ الْمَسِيحْ! وْغَادِي يَغَلْطُوا بَزَافْ النَّاسْ.⁶وْ غَادِي تَسَمْعُوابَالَحْرُوبْ وَأَخْبَارْ الْحُرُوبْ، شُوفُوا، وْعْنْدَاكُمْ تَنْخَلْعُوا!. عْلَى خَاطَرْ هَادْ الشِي ڤَاعْ لاَزَمْ يَصْرا وْبَصَّحْ مَاغَادِيشْ إِيكُونْ هُوَ آخَرْ الزْمَانْ. ⁷عْلَى خَاطَرْ غَادِي يَهْجَمْ شَعْبْ عْلَى شَعْبْ وْ مَمْلَكَة عْلَى مَمْلَكَة، وْغَادِي تْكُونْ مَجَاعَاتْ وْ مَرْضْ وْ زْلاَزْلْ بْزَّافْ. ⁸وْبَصَّحْ هَادْ الشِي غِيرْ البَدْيَا تَاعْ الوْجَعْ⁹وْ فْدِيكْ السَاعَة غَادِي يْسَلْمُوكُمْ لَلِغَادِي يْعَدْبُوكُمْ وْ يْكَتْلُوكُمْ وْغَادِي تْكُونُوا مَكْرُوهِينْ مَنْ ڤَاعْ الشُعُوبْ عْلَى جَالْ إِسْمِى. ¹⁰وْفْدِيكْ السَاعَة، بَزَافْ غَادِي يْخَلُّوا إِيمَانْهُمْ وْغَادِي يْبِيعُوا بَعْضَاهُمْ بَعْضْ. ¹¹وْ غَادِي يْبَانُوا بَزَافْ الأَنْبِيَاءْ الْكَذَّابِينْ وْ يْغَلْطُوا بَزَافْ النَّاسْ.¹²وْمَنْ كَثْرَة الدْنُوبْ غَادِي تَبْرَدْ المْحَبَة نْتَاعْ بَزَاّفْ النَّاسْ. ¹³وْبَصَّحْ لِيَبْقَى تَابَتْ حَتَّى لَّخَرْ هَادَاكْ غَادِي يَسْلَكْ. ¹⁴وْيْبَشَرْ بَبْشَارَة المَلَكُوتْ فِڤَاعْ الدَّنْيَا وْغَادِي يْكُونْ شَهَادَةْ لْشُعُوبْ الدَّنْيَا ڤَاعْ وْفِي هَادِيكْ السَاعَة غَادِي يْجِي آخِرْ الزْمَانْ".¹⁵وْكِتْشُوفُوا فَالْمَوْضِعْ الْمُقَدَّسْ النَّجَاسَة تَاعْ الخَرَابْ اللِّي هْدَرْ عْلِيهَا النْبِي دَانْيَالْ - لِيَقْرَا يَفْهَمْ -. ¹⁶فْدِيكْ السَاعَة اللِّي فِي بْلاَدْ الْيَهُودِيَة يَهَرْبُوا لَلْجْبَالْ، ¹⁷وْلِفُوقْ السْطَحْ مَايْهَوَدْشْ يَدِّي وَاشْ كَايَنْ فِي دَارَهْ، ¹⁸وَاللِّي فِي اللَرْضْ تَاعَهْ مَايْوَلِيشْ بَاشْ يَدِّي اللَّبْسَة تَاعَهْ.¹⁹وْيَاوَيْلْ النْسَا اللِّي بَالْكَرْشْ وْلِيْرَضْعُوا فِي ذِيكْ اللَّيَامْ! ²⁰صَلُّوا بَاشْ مَايْكُونْشْ هْرُوبْكُمْ فِي نْهَارْ السَبْتْ وْلاَ فِي الشْتَا، ²¹عْلَى خَاطَرْ غَادِي يْكُونْ ضِيقْ كْبِيرْ عُمَّرْ مَاكَانْ كِيفَهْ مَنْ الْوَقْتْ اللِّي خْلَقْ فِيهْ اللَّهْ الدَّنْيَا حَتَّى لَلْيُومْ وْ عَمُّرْهَا مَاغَدِي تَتْعَاوَدْ تَصْرَى مَمْبَعْدْ. ²²بَصَّحْ مَا قَصَّرْشْ اللَّهْ دِيكْ اللِّيَامْ لُكَانْ حَتَّى وَاحَدْ مَسْلَكْ مَا النَّاسْ، وبَصَّحْ بَسْبَابْ هَادُوكْ لِخْتَارُهُمْ اللَّهْ دِيكْ لِيَّامْ غَادِي تَقْصَر.²³وْدِيكْ السَاعَة إِلاَ ڤَالْكُمْ شِي وَاحَدْ: هَاالْمَسِيحْ هْنَا! وْلاَرَاهْ لْهِيهْ! مَا تَيْقُوهشْ. ²⁴عْلَى خَاطَرْ غَادِي يْبَانُوا نَاسْ يَكَدْبُوا وْأَنْبَيَاءْ كَدَابِينْ وْغَادِي يْوَرِيوْ مُعْجِزَاتْ، بَاشْ يَغَلْطُوا بَزَافْ النَّاسْ وَإِذَا قَدْرُوا إِغَلْطُوا حَتَّى هَادُوكْ لِخْتَارْهُمْ اللَّهْ. ²⁵هَارَانِي عْلَمْتْكُمْ مَنْ قَبْلْ²⁶إِلاَ ڤَالُولْكُمْ رَاهْ فِي الصَحْرَاء! مَاتْخُرْجُوشْ وْ لاَ هَاهُوَّ فِى الدْيَارْ الدَحْلاَنِيَة مَا تَيْقُوهٌومْشْ. ²⁷عْلَى خَاطَرْ كِمَا يَضْرَبْ الْبَرْقْ فَالشَرْقْ وْيْبَانْ فَى الْغَرْبْ هَكَا غَادِي تْكُونْ المَجْيَ تَاعْ إِبْنْ الإِنْسَانْ. ²⁸وِينْ مَا غَادِي تْكُونْ الْجِيفَة تَمَّ غَادِي يَتْلاَمُوا النْسُورْ²⁹وْمَمْبَعْدْ ضِيقْ نْتَاعْ دِيكْ اللَّيَامْ غَادِي تَضْلاَمْ الَشَمْسْ، وْالْقْمَرْ مَايَضَوِيشْ، وْالنْجُومْ غَادِي طِيحْ مَا السْمَا، وْغَادِي تَتْزَعْزَعْ القُوَاتْ نْتَاعْ السْمَا³⁰وْفْدِيكْ السَاعَة غَادِي تْبَانْ الْعَلاَمَة نْتَاعْ إِبْنْ الإِنْسَانْ فَاالسْمَا. وْمَمْبَعْدْ غَادِي يَنَدْبُوا قْبَايَلْ اللَرْضْ، ڤَاعْ وْغَادِي يْشُوفُوا إِبْنْ الإِنْسَانْ جَايْ فُوقْ سْحَابْ السْمَا بْقُوَة وْ عِزْ كْبِيرْ. ³¹وْغَادِي يَرْسَلْ مَلاَيْكَة نْتَاعَهْ وْمْعَاهُمْ بُوقْ صُوتَهْ، قْوِيْ بَاشْ إِيلَمُّوا اللِّتَخْتَارُوا مَنْ رَبْعَةْ تَاعْ الْجِيهَاتْ، مَنْ كُلْ مَوْضِعْ تَحْتْ السْمَا³²مَنْ شَجْرَة الْكَرْمُوسْ تْعَلْمُوا لَمثَلْ: كِيْوَّلِي غْصُنْهَا رُطْبِينْ وْيْوَّلُو خُضْرِينْ وَتَخَرَّجْ الوْرَاقْ نْتَاعْهَا تَعَرْفُوا بَلِّي الضِيقْ رَاهْ ڤَرَّبْ. ³³وْهَكَّا حَتَّا نْتُمَا، مَلِّي تْشُوفُوا هَادْ الأُمُورْ كُلْهَا تَصْرَى عَرْفُوا بَلِّي رَاهْ قَرَبْ إِيجِي وْرَاهْ حْدَا الْبِيبَانْ³⁴نْڤُولْكُمْ الْحَقْ :" مَا يَنْقْضَاشْ هَادْ الجِيلْ حَتَّى يَصْرَوا ڤَاعْ هَادْ الأُمُورْ. ³⁵السْمَا وَ اللَرْضْ غَادِي يَفْنَاوْ وْبَصَّحْ كْلاَمِي عُمْرَهْ مَاغَادِي يَفْنَى"³⁶دَاكْ النْهَارْ وْدِيكْ السَاعَة مَايَعْرَفْ بِهَا حَتَّى وَاحَدْ، لاَمَلاَيْكَة السَمَاوَاتْ، إِلاَّ بُويَا وَحْدَهْ³⁷وْكِمَا كَانَتْ يَامَاتْ نُوحْ غَادِي ثَانِي تْكُونْ المَجْيَ تَاعْ إِبْنْ الإِنْسَانْ. ³⁸عْلَى خَاطَرْ كِمَا كَانُوا فْالْيَامْ قْبَلْ الطُوفَانْ , يَاكْلُوا وْيَشَرْبُوا وْيَتْزَوْجُوا وْ يْزَوْجُوا، حَتَّى الْيَوْمْ أَلِدْخَلْ فِيهْ نُوحْ الفْلُوكَة، ³⁹وْمَاعَرْفُوشْ حَتَّى جَا الطُوفَانْ وَدَّاهُمْ ڤَاعْ، هَكَا ثَانِي غَادِي تْكُونْ المَجْيَ تَاعْ إِبْنْ الإِنْسَانْ⁴⁰تَمَّ غَادِي يْكُونُوا زُوجْ فَي اللَّرْضْ، يَتَخَذْ وَاحَدْ وْ لاَخُرْ يُڤْعَدْ. ⁴¹زُوجْ نْسَا يَطَحْنُوا فَى الرْحَى، تَتَاخَذْ وَاحْدَة وْ لُخْرَى تُڤْعَدْ". ⁴²أَسَهْرُوا عْلَى خَاطَرْ مَاتَعْرَفُوشْ وَاشْ مَنْ سَاعَة يْجِي الرَّبْ نْتَاعْكُمْ⁴³وْعَرْفُوا هَادْ الشِي: لُكَانْ يَعْرَفْ مُولْ الدَّارْ أَمَا سَاعَة فَي اللَّيلْ غَادِي يْجِي الْخَايَنْ لُكَانْ سْهَرْ وْمَا يْخَلِيهْشْ يَخْوَنْ لَهْ دَارَهْ. ⁴⁴هَادْ الشِي حَتَّى نْتُمَا كُونُوا وَاجْدِينْ، عْلَى خَاطَرْ إِبْنْ الإِنْسَانْ غَادِي يْجِي فِي وَاحَدْ الْوَقْتْ مَاعْلاَبَالْكُمْشْ بِيهْ⁴⁵وْ شْكُونْ هُوَّ الْعَبْدْ الأَمِينْ الْحَكِيمْ اللِّي كَلَفَهْ سيدَهْ بَالْعْبِيدْ تَاعْ دَارَهْ بَاشْ يَعْطِيهُمْ الْمَاكْلَة فَالْوَقْتْ؟ ⁴⁶سَعْدَاتْ هَادَاكْ الْعَبْدْ اللِّي فَي الْوَقْتْ اللِّي غَادِي يْجِي سِيدَهْ غَادِي يَلْقَاهْ إِيدِيرْ الْخَدْمَة اللِّي وَصَّاهْ عْلِيهَا!. ⁴⁷نْڤوُلْكُمْ الْحَقْ : "رَاهْ غَادِي يْكَلْفَهْ بْكُلْ مَايَمْلَكْ.⁴⁸وْإِلاَ كَانْ دَاكْ الْعَبْدْ قْبِيحْ وْڤَالْ مْعَ رُوحَهْ سْيدِي غَادِي يَبْطَى بَاهْ إِيْوَّلِي. ⁴⁹وَيَبْدَا يَضْرَبْ صْحَابَهْ الْعْبِيدْ وْيَاكُلْ وْيَشْرَبْ مْعَ السْكَايْرِيَة. ⁵⁰غَادِي يْجِي سِيدْ دَاكْ الْعَبْدْ فِوَاحَدْ النْهَارْ مَاقَارْعَهْشْ، ⁵¹وْغَادِي يْعَاقْبَهْ بَزَّافْ وْ يْدِيرَهْ مْعَ الْمُنَافْقِينْ تَمَّ وِينْ غَادِي يْكُونْ الْبْكَاوْ تَغْزَازْ السْنَانْ".

¹وَفْداكْ الْوَقْتْ غَادى تْكُونْ مَمْلَكَة الَسَّمَاوَاتْ تَشَبَهْ لْعَشْرَ تَاعْ الْعَزْبَاتْ، دَاوْ مْصَابِيحْهِمْ وْخَرْجُوا بَاشْ يَتْلاَقَاوْ مْعَ الْعَرِيسْ. ²وْكَانُوا خَمْسَ مَنْهُمْ جَاهْلاَتْ، وْخَمْسَ وْحَدَخْرِينْ عَاقْلاَتْ بَصَّحْ. ³هَادُوكْ الْجَاهْلاَتْ دَّاوْ مْعَاهُمْ الْمَصَّابِيحْ نْتَّاعْهُمْ بَصَّحْ مَادَارُوشْ فِيهُمْ الَزِيتْ، ⁴وْالْخَمْسَة لُخْرِينْ الْعَاقْلاَتْ دَّاوْ مْعَاهُمْ الْمَصَّابِيحْ تَاعْهُمْ ْدَّاوْ الَزِيتْ فِي الْقْرُعْ.⁵وْكِبْطَى الْعَرِيسْ بْدَاوْ الْعَزْبَاتْ ڤَاعْ يَنَعْسُوا وْفَرْشُووْرَڤْدُوا. ⁶وْفْنَصْ الِلّيْلْ تَسْمَعْ وَاحَدْ الَصُوتْ قْوِيْ وْيْڤْولْ: "هَالَعْرِيسْ جَايْ، خَرْجُوا بَاشْ تَتْلاَقَاوْ مْعَاهْ!⁷وْنَاضُوا الْعَزْبَاتْ ڤَاعْ وْصَڤْدُوا الْمَصَّابِيحْ نْتَاعْهُمْ. ⁸وْڤَالُوا الْعَزْبَاتْ الْجَاهْلاَتْ: عْطُونَا شْوِيَ مَاالَزِيْتْ نْتَاعْكُمْ عْلَى خَاطَرْ الْمَصَّابِيحْ نْتَاعْنَا قْرِيبْ يَنَطْفَاوْ. ⁹بَصَّحْ الْعَقْلاَتْ جَاوْبُهُمْ وْڤَالُوا: يَقْدَرْ مَايْقَدْنَاشْ حْنَّا، وْنْتُمَا رُوحُوا وْاشْرُوا مَنْ عَنْدْ الّلي يْبِيعُوا.¹⁰وْكِكَانُوا غَادْيِينْ يَشْرُوا الَزِيتْ، جَالَعْرِيسْ وْدَخْلُوا مْعَاهْ هَادُوكْ الِّلى كَايْنِينْ لَلْمَوْضِعْ تَاعْ الَعْرِسْ، وْتْبَلَعْ الْبَابْ. ¹¹وْمَمْبَعْدْ وْلاَوْ الْعَزْبَاتْ لُخْرِينْ وْڤَالُوا: يَاسِيِدِي، يَاسِيدِي، حَلْ عْلِينَا! ¹²وْبَصَّحْ الَعْرِيسْ جَاوَبْهُمْ وْ ڤَالْ: فَاالْحَقِيقَة اَنَا مَنَعْرَفْكُمْشْ. ¹³عْلَى هَادْ الَشِي سَهْرُوا عْلَى خَاطَرْ مَاتَعَرْفُوشْ لاَ الَنْهَارْ وْلاَ السَاعَة الِلِي غَادِي يْجِي فِيهَا إِبْنْ الْإِنْسَانْ".¹⁴وْيَتْشَبَهْ مَلَكُوتْ الَسَّمَاوَاتْ لْوَاحَدْ مْسَافَرْ عَيَّطْ لَلْعَبِيدْ نْتَاعَهْ وْكَلَفْهُمْ بَدْرَاهْمَهْ، ¹⁵عْطَى لْوَاحَدْ خَمْسَ وَزْنَاتْ، وْوَاحَدْ اخُرْ زُوجْ وَزْنَاتْ، وْوَحْدَاخُرْ وَزْنَة وْحَدَة. وْكُلْ وَاحَدْ عْلَى قَدْ جُهْدَهْ. وْهُوَسَافَرْ. ¹⁶وْرَاحْ هَادَاكْ الِّلى دَّا خَمَسْ وَزْنَاتْ تَاعْ الَدْرَاهَمْ وْ بْدَا يْبِيعْ وْ يَشْرِي بِيهُمْ، وْرْبَحْ خَمَسْ وَزْنَاتْ وَحَدْ خْرِينْ¹⁷وْهَادَاكْ اللِّي دَّا زُوجْ وَزْنَاتْ، رْبَحْ زُوج وَحدَخْرِّين. ¹⁸وْهَادَاكْ اللِّي دَّا وَزْنَة وَحْدَة رَاحْ وْحْفَرْ حَفْرَة فِي الأَرْضْ وْدَسْ فِيهَا هَادِيكْ الْوَزْنَة اللِّي عْطَاهالَهْ سِيدَهْ.¹⁹وْمَمْبَعْدْ وَاحَدْ الْمُدَة طْوِيلَة , وَلَّى الَسَّيِدْ نْتَاعْ هَادُوكْ الْعَبْيدْ وْ تْحَاسَبْ مْعَاهُمْ. ²⁰وْجّا عَنْدَهْ اللِّي دَّا خَمْسْ وَزْنَاتْ وْأَعْطَاهْ خَمْسْ وَزْنَاتْ وَحَدْخْرِينْ وْڤَالْ :" يَاسَيِدِي، عْطِيتْنِي خَمَسْ وَزْناتْ وْهَامَلاَ خَمْسْ وَزْنَاتْ وَحَدْخْرِينْ رْبَحْتْهُمْ". ²¹ڤَالَهْ سِيدَهْ :" مَاعَنْدِي مَانْسَالَكْ رَاكْ عَبَدْ مْلِيحْ وْأَمِينْ! كُنْتَ أَمِينْ فِي الْقَلِيلْ نْوَكْلَكْ عْلَى الْكَثِيرْ. دْخَلْ وْفْرَحْ مْعَ سِيدَكْ.²²وْمَمْبَعْدْ جَا اللِّي دَّا زُوجْ وَزْنَاتْ وْڤَالَ:" هَكْ مْعَاهُمْ زُوجْ وَحَدْخْرِينْ لِرْبَحْتْهُمْ زَايْدِينْ". ²³وْڤَالَهْ سِيدَهْ:" مَا عَنْدِي مَانْسَالَكْ! نْتَ عَبَدْ مْلِيحْ وْ أَمِينْ، كُنْتْ أَمِينْ مْعَايَ فِي الْقْلِيلْ وْدَرْوَكْ غَادِي نْكَلْفَكْ بَالْكَثِيرْ. أَرْوَاحْ وْفْرَحْ مْعَ سِيدَكْ.²⁴وْمَنْبَعَدْ جَاعَنْدَهْ هَادَاكْ اللِّي دَّا وَزْنَة وَاحْدَة حَتَّى هُوَ وْڤَالْ:" يَاسِيدِي أَنَا عْرَفْتْ بَلِّى نْتَ رَاجَلْ قَاسَحْ تَحْصَدْ دَاكْ الَشِّي اللِّي مَازْرَعْتَهْشْ، وْتَجْمَعْ دَاكْ الَشِّي لِمَادَرْتَهْشْ. ²⁵وْعَلَى هَادْ الَشِّى خَفْتْ وْدَسِيتْ الْوَزْنَة تَاعَكْ فَى الَلَرْضْ. وْدَرْوَكْ هَاوَلَارَزْقَكْ²⁶وْيْجَاوْبَهْ سِيدَهْ: "يَالْعَبْدْ الَشَرِيرْ وْالْفَنْيَانْ، يَاكْ عْرَفْتْنِي نَحْصَدْ دَاكْشِ لِمَازْرَعْتْشْ، وْنَجْمَعْ دَاكْ الَشِّي لِمَا دَرتَهشْ، ²⁷كَانْ عْلِيكْ تْحَطْ دْرَاهْمِي عَنْدْ التُّجَارْ تَاعْ الَدْرَاهَمْ، بَاشْ كِنْوَلِي نَدِّي الَرْبَحْ تَاعَهْ²⁸ودُولَهْ هَادْ الْوَزْنَة وْزِيدُوهَا لْهَادَاكْ لِعَنْدَهْ عَشْرَة وَزْنَاتْ. ²⁹عْلَى خَاطَرْ ڤَاعْ لِكَانْ عَنْدَهْ غَادِي يَتَعْطَالَهْ وْيَتْزَادْلَهْ كْتَرْ مَنْ الاَزَمْ، وْبَصَّحْ اللِّي مَاعَنْدَهْشْ حَتَّى هَادَاكْ الَشِّي لِعَنْدَهْ غَادِي يَنْڤْلَعْلَهْ. ³⁰وْهَادْ الْعَبْدْ لِمَصَالَحْ لْوَالُوا قِيسُوهْ بَرَّا فَاالَضَلْمَة، وِينْ غَادِي يْكُونْ الَبْكَا وْ تَغْزَازْ السْنَانْ".³¹وْكِغَادِي يْجِي إِبْنْ الإِنْسَانْ فِي الْعَّزْ وَالْمَجْدْ نْتَاعَهْ وْ مْعَاهْ ڤَاعْ الْمَلاَيْكَة، وْفْدَيكْ الَسَاعَة غَادِي يَڤْعَدْ عْلَى الْعَرْشْ تَاعْ الَعْزْ وَالْمَجْدْ نْتَاعَهْ. ³²وْغَادِي يَتْجَمْعُوا ڤَاعْ الَشُعُوبْ، ڤُدَامَهْ وْغَادِي يَعْزَلْهُمْ عْلَي بَعْضَاهُمْ كِمَا يَعْزَلْ السُرَاحْ الْخِرْفَانْ مَاالْمَعِزْ، ³³وْغَادِي يْدِيرْ الْخِرْفَانْ عْلَى لْيْمِينْ تَاعَهْ وَالْمْعَازْ عْلَى الْيْسَارْ تَاعَهْ.³⁴وْمَمْبَعْدْ غَادِي يْقُولْ الْمَلِكْ لْهَادُوكْ اللِّي عْلَى لْمِينْ تَاعَهْ:" أَرْوَاحُوا يَااللِّي بَارَكْهُمْ بُويَا إِوَرْثُوا مَمْلَكَةْ اللهْ اللِّي مْوَّجَدْهَالْكُمْ مَالْوَقْتْ لِتْخَلْقْتْ فِيهْ الَدَّنْيَا. ³⁵عْلَى خَاطَرْ جُعْتْ وْوَكَلْتُونِي. وْعْطَشْتْ شَرَّبْتُونِي. وْكُنْتْ غْرِيبْ وْضَيَفْتُونِي. ³⁶عَرْيَانْ وْكْسِيتُونِي وْمْرِيضْ وْزورْتُونِي. وْفَالْحَبْسْ وْجِيتُوا لْعَنْدِي.³⁷وْفْدِيكْ الَسَّاعَة غَادِي يْجَاوْبُوهْ هَادُوكْ لِدَارُو مُرَادْ اللَّهْ ويْڤُولُوا: "يَارَبِّي وْقْتَاشْ شَفْنَاكْ جِيعَانْ وْوَكَلْنَاكْ، وْلاَّ عَطْشَانْ وْشَرَّبْنَاكْ؟، ³⁸ووْقْتَاشْ غْرِيبْ وْضَيَفْنَاكْ، وْلاَ عَرْيَانْ وْكْسِينَاكْ؟، ³⁹وْقْتَاشْ شَفْنَاكْ مْرِيضْ وْلاَفَاالَحَبْسْ وْجِينَاعَنْدَكْ؟، ⁴⁰وْغَادِي يْجَاوْبْهُمْ الْمَلِكْ: نڤْولْكُمْ الْحَقْ:" كُلْ خَطْرَة دَرْتُوا هَادْ الَشِّي لْوَاحَدْ مَنْ خُوتِي الَصْغَارْ، رَاكُمْ دَرْتُوهْ لِى".⁴¹وْغَادِي يْڤُولْ تَانِي لْهَادُوكْ عْلَى لْيْسَارْ نْتَاعَهْ: رُوحُوا عْلَيَ يَامَلاَعِينْ لَلْنَّارْ الَدَّايْمَة اللِّي مْوَجْدَة لإِبْلِيسْ وْلْمَلاَيْكَة لِمْعَاهْ، ⁴²عْلَى خَاطَرْ جُعْتْ وْمَاوْكَلْتُونِيشْ. وْعْطَشْتْ وْمَاشَرَبْتُونِيشْ. ⁴³وْكُنْتْ غْرِيبْ وْمَاضَيَفْتُونِيشْ. وْعَرْيَانْ وْمَا كْسِيتُونِيشْ. وْمْرِيضْ وْمَحْبُوسْ وْمَاجِيتُوشْ لْعَنْدِي⁴⁴وْفْدِيكْ الَسَّاعَة غَادي يْجُو هُمَا تَانِي وْيْڤُولُوا: يَارَبْ ، وِينْتَ شَفْنَاكْ جِيعَانْ وعَطْشَانْ، عَرْيَانْ و مْرِيضْ وْلاَ مَحْبُوسْ وْمَخْدَمْنَاكْشْ؟ ⁴⁵وْغَادِي يْجَاوَبْهُمْ الْمَلِكْ وْيْڤْولْهُمْ: الْحَقْ نْڤُولْكُمْ: إلاَ مَادَرْتُوشْ هَادْ الَشِّي لْهَادُوكْ الَصْغَارْ رَاكُمْ مَادَرْتُوشْ لِى. ⁴⁶هَادُوكْ غَادِي يْرُوحُوا لَلْعَذَابْ الَدَّايْمْ وْ لِدَارْ مُرَادْ الَّلهْ غَادِي يْرُوحْ لَلْحْيَاة الأَبَدِيَة".

¹وْكِكَمَلْ يَسُوعْ ڤَاعْ هَادْ لَكْلاَمْ ڤَالْ لْتْلاَمِذَهْ: ²"تَعَرْفُوا بَلِي يُومِينْ مَنْبَعْدْ غَادِي يْكُونْ عِيدْ الْفَصْحْ، وْإِبْنْ الإِنْسَانْ غَادِي يْسَلْمُوهْ بَاهْ يَتَصْلَبْ"³وْفْدَاكْ الْوَقْتْ تْجَمْعُوا رُؤَسَاءْ رْجَالْ الَدِّينْ وْشْيُوخْ الشَعْبْ فِي دَارْ قَيَافَا رَئِيسْ رْجَالْ الَدِّينْ، ⁴وْتْشَاوْرُوا بِينَاتْهُمْ بَاشْ يَشْدُوا يَسُوعْ بَالْحِيلَة وَيْكَتْلُوهْ. ⁵وْڤَالُوا: "بَصَّحْ مَانْدِيرُوشْ هَادْ الَشِّي فَالْعِيدْ بَاشْ مَتْنُوضْشْ الْفَوْضَى فِي وَسْطْ الَشَعْبْ".⁶وْكِكَانْ يَسُوعْ فِي بِيتْ عَانْيَا فِدَارْ سَمْعَانْ الْمَجْدَامْ، ⁷وْهُوَ مْتكِي ڤَرْبَتْ عَنْدَهْ وَاحَدْ الَمْرَا عَنْدْهَا قَرْعَة رِيحَة غَالِيَة بَزَافْ وْكُبَتْهَا عْلَى رَاسَهْ. ⁸وْكِيشَافُوا الَتْلاَمِدْ تَاعَهْ لِدَارْتَهْ الْمْرَا مَا عْجَبْهُمْشْ الْحَالْ وْ ڤَالُو: "عْلاَشْ هَادْ الضْيَاعَة؟ ⁹هَادْ الرِيحَة كَانَتْ تَقْدَرْ تَتْبَاعْ بْسُومَا غَالِيَة يَتْقَسْمُوا دْرَاهَمْهَا عْلَى لْمْسَاكَنْ".¹⁰وْكِعْرَفْ يَسُوعْ ڤَالْهُمْ: "عْلاَشْ رَاكُمْ تْصَدْعُوا فَالْمْرَا؟ رَاهِي دَارَتْ مْعَايْ غِيرْ الْخِيرْ! ¹¹عْلَى خَاطَرْ الْمْسَاكَنْ رَاهُمْ دِايمَنْ مْعَاكُمْ، بَصَّحْ أَنَا مَغَدِيشْ نْكُونْ دِيمَا مْعَاكُمْ.¹²وْهِيْ كِخَواَّتْ الرِيحَة عْلَى الْجْسَدْ تَعِي هِيَ رَاهَا تْوَجَدْنِي لَلْدْفِينَة. ¹³نْڤُولْكُمْ الْحَقْ: وِينْ مَاغَادِي يْبَشْرُوا بَالإِنْجِيلْ فِي ڤَاعْ الْعَالَمْ، غَادِي يَهْدْرُوا عْلَى هَادْ الَشِّي لِدَارَتَهْ هَادْ الْمْرَا وْيَتْفَكْرُوهَا".¹⁴وْفْدَاكْ الْوَقْتْ رَاحْ وَاحَدْ مَاالَتْلاَمِيذْ الطْنَاعْشْ، اللِّي سَمُوهْ يَهُوذَا الإِسْخَرْيُوطِي لْعَنْدْ رُؤَسَاءْ رِجَالْ الَدِينْ ¹⁵وْڤَالْهُمْ: "شَا غَادِي تَعْطُونِي إلاَ سَلَّمْتَهْلْكُمْ؟". وْتَافْڤُوا مْعَاهْ عْلَى تْلاَتِينْ قِطْعَة تَاعْ الْفَضَة. ¹⁶وْمَنْ دَاكْ الْوَقْتْ هُوَ يْحَوَّسْ عْلى فُرْصَة بَاشْ يْسَلْمَهْ.¹⁷وْفَالَنْهَارْ اللَّوَلْ تَاعْ عِيدْ الْفْطِيرْ جَاوْ الَتْلاَمِذْ عَنْدْ يَسُوعْ وْسَقْسَاوَاهْ : "وِينْ بْغِيتْ نْوَجْدُولَكْ العْشَا تَاعْ عِيدْ الْفَصْحْ؟". ¹⁸وْجَاوَبْهُمْ وْڤَالْهُمْ: "رُوحُوا لَلْمْدِينَة، لْعَنْدْ فْلاَنْ وْڤُولُولَهْ: رَاهْ إِيڤُولَكْ سِيدْنَا: رَاهْ سَاعْتِي ڤَرْبَتْ وْ غَادِي نْجِي نْفَوَّتْ عِيدْ الْفَصْحْ أَنا وْ تْلاَمِيذِ تَاعِي عَنْدَكْ". ¹⁹ودَارُوا الَتْلاَمِيذْ كِمَا ڤَالْهُمْ يَسُوعْ وْوَجْدُوا لَعْشَا تَاعْ عِيدْ الْفَصْحْ.²⁰وْكِڤَرَبْ وَقْتْ لَعْشَا ڤْعَدْ يَسُوعْ حْدَا الْمَايْدَا بَاشْ يَاكُلْ مْعَ الَتْلاَمِيذْ الَطْنَاعْشْ. ²¹وْهُمَا يَتْعَشَاوْ ڤَالْهُمْ: "نْڤُولْكُمْ الْحَقْ: رَاهْ وَاحَدْ مَنْكُمْ غَادِي يْسَلَمْنِي". ²²وْحَزْنُوا الَتْلاَمِيذْ بَزَافْ وْبْدَا كُلْ وَاحَدْ فِيهُمْ إِسَقْسِى: "أَنَا يَاسِيدِي؟".²³وْجَاوَبْهُمْ وْ ڤَالْ: "اللِّي مَادْ يَدَّهْ مْعَايْ فَاالَطَبْسِ هُوَ لِغَادِي يْسَلَمْنِي! ²⁴إِبْنْ الإِنْسَانْ غَادِي يْمُوتْ كِمَا مَكْتُوبْ عْلِيهْ فِي كْتَابْ اللَّهْ، وْبَصَّحْ يَاوِيلَهْ الرَاجْلْ لِغَادِي يْسَلَمْ إِبْنْ الإِنْسَانْ. كَانْ خِيرْلَهْ لُكَانْ مَتَّوْلَدْشْ". ²⁵وْيْسَقْسِيهْ يَهُوذَا اللِّي غَادِي يْسَلْمَهْ ڤَالَهْ: "أَنَا هُوَ سَيدِي؟". ڤَالَهْ: "أَنْت ڤُلْتْ".²⁶وْكِكَانُوا يَاكْلُوا جْبَدْ يَسُوعْ الْخُبْزْ، وِبَارْكْ وْقْسَمْ وْعْطَى لَتَلاَمِذْ وڤَالْ: "هَاكُوا كُولُو هَذَا هُوَ جَسْدِي".²⁷وْجْبَدْ الْكَاسْ وْشْكَرْ اللَّهْ وْعْطَاهُمْ وْڤَالْ: "شُرْبُوا مَنْهَا ڤَاعْ، ²⁸عْلَى خَاطَرْ هَادَا هُوَ دَّمِي، دَّمْ تَاعْ الْعَهْدْ جْدِيدْ لِغَادِي يْسِيلْ عْلَى جَالْ بَزَافْ الَنَّاسْ لْمَغْفِرَةْ الَدْنُوبْ ²⁹وْنْڤُولْكُمْ: مَالْيُومْ مَا غَادِيشْ نْعَاوَدْ نَشْرَبْ مَنْ هَادْ لَعْصِيرْ تَاعْ لَعْنَبْ حَتَّى يْجِي الَنْهَارْ اللِّي غَادِي نَشُّرْبَهْ مْعَاكُمْ جْدِيدْ فَلْمَمْلَكَة تَاعْ بُويَا".³⁰وْمَمْبَعْدْ سَبْحُوا الَّلهْ وْخَرْجُوا وْرَاحُوا لَجْبَلْ زَيْتُونْ. ³¹وْڤَالْهُمْ يَسُوعْ: "فْهَادْ اللِّيْلَة غَادِي تَسَمْحُوا ڤَاعْ فِيَّ عْلَى خَاطَرْ مَكْتُوبْ فِي كْتَابْ اللَّهْ: تَضْرَبْ السَرَّاحْ و يَتْفَرْقُوا الْخِرْفَانْ تَاعْ الْقْطِيعْ. ³²وْبَصَّحْ مَنْبَعْدْ الْقِيَامَة نْتَاعِي نْسَبْقْكُمْ لَلْجَلِيل".³³وْجَاوْبَهْ بُطْرُسْ وْڤَالَهْ: "لُكَانْ إِشْكُّوا ڤَاعْ فِيكْ أَنَا عُمْرِي مَا نْشْكْ فِيكْ". ³⁴ڤَالَهْ يَسُوعْ: "نْڤُولَكْ الْحَقْ: قْبَلْ مَايْصِيحْ الَدِّيكْ غَادِي تُنْكَرْنِي ثَلْثْ مَرَاتْ". ³⁵وْجَاوْبَهْ بُطْرُسْ: "وْلُكَانْ يَتْحَتَمْ عْلِيَ نْمُوتْ مْعَاكْ مَا نُنْكْرَكْشْ!". وْهَاكَ ڤَالُوا ڤَاعْ الَتْلاَمِيذْ³⁶وْفْدَاكْ الْوَقْتْ جَا يَسُوعْ مْعَ الَتْلاَمِذْ تَاوَعَهْ لْوَاحَدْ الجْنَانْ إِسْمُوهْ جِتْسِمَانِي، وْڤَالْهُمْ: ُ"ڤعْدُوا هْنَا بِلَمَا نْرُوحْ لْهِيهْ وْنْصَلِي". ³⁷وْمْبَعْدْ دَّا مْعَاهْ بُطْرُسْ وَوْلاَدْ زَبَدِي فِزُوجْ، وْبْدَا يْحَسْ بَالْغَمْ وْلَحْزَنْ. ³⁸وڤَالْهُمْ: "نَفْسِى حْزِينَة بَزَّافْ حَتَّى لَلْمُوتْ ڤَعْدُوا هْنَا وَاسَهْرُوا مْعَايَ".³⁹وْبَعَّدْ عْلِيهُمْ شْوِيَ وْسَجَدْ وْبْدَا ، يْصَلِي ڤَالْ: "يَا بُويَا، إِذَا تَقْذَرْ تْبَعَدْ عْلِيَ هَادْ الْمَحْنَة وْبَصَّحْ مَاشِي كِيمَا بْغِيتْ أَنَا، كِيمَا تَبْغِي أَنْتَ". ⁴⁰وَمَنْبَعْدْ وَلَّى عَنْدَ الَتّْلاَمِذْ وْلْقَاهُمْ رَاڤْدِينْ، وْڤَالْ لْبُطْرُسْ: "مَقْدَرْتُوشْ تَسَهْرُوا مْعَايَ غِيرْ سَاعَة وَاحْدَة؟ ⁴¹سَهْرُوا وْ صَلُوا بَاشْ مَاطِحُوشْ فَاالَتَجْرِبَة. رَاهْ الَرُوحْ قْوِيَة وْبَصَّحْ الَذَاتْ ضْعِيفَة".⁴²وَيْرُوحْ وْ يْصَلِي لَلْخَطْرَة الَزَاوْجَة وْصَلَّى وْڤَالْ: "بُويَا، إِلاَ مَا يَمْكَنْشْ تْبَعَدْ عْلِيَ هَادْ الْمَحْنَة حَتَّى نْذُوقْهَا، مَا يْكُونْ غِيرْ مُورَادَكْ". ⁴³وْعَاوَدْ وَلَّي وْلْڤَاهُمْ رَاڤْدِينْ عْلَى خَاطَرْ غْلَبْهُمْ النْعَاسْ، ⁴⁴وْخَلَاهُمْ وْرَاحْ وْصَلَّى لَلْمَرَة الثَالْثَة وْعَاوَدْ نَفْسْ الَكْلاَمْ⁴⁵وْمَنْبَعْدْ جَاوْلْعَنْدَهْ الَتّْلاَمِذْ تَاوْعَهْ وْڤَالْهُمْ: "رُڤْدُوا وْرَيْحُوا! هَاهِيَ الَسَاعَة ڤَرْبَتْ، وْإِبْنْ الإِنْسَانْ غَادِي يَتَسْلَمْ لَلْيَدِينْ تَاعْ الَمَدَنْبِينْ. ⁴⁶أَيَاوْ نْرُوحُوا! هَادَاكْ لِغَادِي يْسَلَمْنِي ڤَرَبْ إِيجِي".⁴⁷وْكِكَانْ يَسُوعْ مَازَالْ يَهْدَرْ وْصَلْ يَهُوذَا لِهُوَ وَاحَدْ مَا الطْنَاعْشْ وْمْعَاهْ جْمَاعَة كْبِيرَة مْسَلْحِينْ بَالسْيُوفَة وْ الْمْطَارڤْ رَسْلُوهُمْ رُؤَسَاءْ رْجَالْ الدِّينْ وْشُيُوخْ الَشَعْبْ. ⁴⁸وْهَادَاكْ لِسَلْمَهْ كَانْ عْطَاهُمْ وَاحَدْ الإِشَارَة وْڤَالْهُمْ: "الَرَاجْلْ لِغَادِي نْسَلَمْ عْلِيهْ هَادَاكْ هُوَ لِتْشَدُوهْ".⁴⁹وْفْدِيكْ الَسَاعَة ڤَرْبْ يَهُوذَا عَنْدْ يَسُوع ، سَلَمْ عْلِيهْ وْ ڤَالَهْ: "سْلاَمْ عْلِيكْ يَاسِيدِي!" ⁵⁰وْڤَالَهْ يَسُوعْ: "يَاصَاحَبْ، عْلاَهْ جِيتْ؟" وْڤَرْبُوا عَنْدْ يَسُوعْ وْشَدُوهْ⁵¹وْ مَدْ وَاحَدْ مَنْ هَادُوكْ لِكَانُوا مْعَ يَسُوعْ يَدَّهْ وْجْبَدْ الَسِيفْ تَاعَهْ وْضْرَبْ الْعَبْدْ تَاعْ رَئِيسْ رِجَالْ الَدِّينْ، وْحَلَّهْ وَدْنَهْ. ⁵²وْڤَالَهْ يَسُوعْ: "رُدْ سِيفَكْ لَلْدَاخْلْ، عْلَى خَاطَرْ ڤَاعْ هَادُوكْ لِيْخَدْمُوا بَالسِيفْ، إِيمُوتُوبِهْ! ⁵³حَسَبْتْ مَانَقْدَرْشْ نْعَيَطْ لْبُويَ وْيَرْسَلْي طْنَاعْشْ جِيشْ مَالْمَلاَيْكَة ؟ ⁵⁴وْبَصَّحْ كِيفَاشْ غَادِي يَتْحَقَقْ الَكْلاَمْ لِتَكْتَبْ: وْاللِّي يڤُولْ بَلِي هَكَا إِلِيقْ إِيكُونْ؟".⁵⁵وْفْدِيكْ الَسَاعَة يَسُوع ڤَالْ لَلْجْمُوعْ: "كَلِّي جِيتُوا تَدُّوا خَايَنْ وْلاَ مُجْرِمْ بَالسْيُوفْ وْ الْعْصَا ! كُلْ يُومْ كُنْتْ مْعَاكُمْ فَي الْهَيْكَلْ وْمَاشَدِيتُونِيشْ. ⁵⁶وْبَصَّحْ هَادَا ڤَاعْ بَاشْ يَتْحَقَق ْلِنْڤَالْ فَي كْتُبْ الأَنْبِيَاءْ". خَلاَوَه ْڤَاعْ تْلاَمِذَهْ وْهَرْبُوا.⁵⁷وْهَادُوكْ لِشَدُّوا يَسُوعْ دَّوَاهْ عَنْدْ قَيَافَا رَئِيسْ رْجَالْ الَدِّينِ، وْينْ كَانُوا مَلْمُومِينْ عُلَمَاءْ الْشَّرْع وَ الْشُيُوخْ. ⁵⁸وْتَبّْعَهْ بُطْرُسْ مَنْ لْبْعِيدْ حَتَّى لَدَّارْ نْتَاعْ رَئِيسْ رْجَالْ الْدِّينْ، وْهُوَ يُدْخُلْ وْ يُڤْعُدْ مْعَ الْخَدَّامَا بَاشْ يَعْرَفْ وَاشْ غَادِي يَصْرَا مْعَ الْتَّالِي.⁵⁹وْ كَانُوا رُؤَسَاءْ رْجَالْ الْدِّينْ وَ كْبَارْ الْمَحْكَمَة يْحَوْسٌوا يْشَدُّوا عْلِيهْ شْهَادَةْ الْزُّورْ بَاشْ يَكَّتْلُوهْ، ⁶⁰وْبَصَّحْ مَلْقَاوْشْ. وْ ڤَاعْ حَتَّى كِي جَاوْ شْهُودْ زُورْ بَزَّافْ بَصَّحْ مَالْقَاوْشْ. وْمْعَ لَخَّرْ ڤَدْمُوا زُوجْ شْهُودْ زُورْ ⁶¹وَيْڤُولُوا: "هَاذَا الْرَّاجَلْ ڤَالْ: رَانِي نَقْدَرْ نْهَّدَمْ بِيِتْ الْلَّهْ و فْتَلْتَيَّامْ نَبْنِيه".⁶²وَيْنُوضْ رَئِيسْ رْجَالْ الْدِّينْ وَ يْسَقْسِي يَسُوعْ: "وَاشْ مَاغَادِيشْ تْجَاوَبْ حَتَّى حَاجَة عْلَى هَادْ الْشِّي لِرَاهُمْ يَشَّهْدُوا عْلِيكْ هَادْ الْرْجَالْ؟". ⁶³وْبَصَّحْ يَسُوعْ ڤْعَدْ سَاكَتْ. وَيْڤُولَّه رَئِيسْ رْجَالْ الْدِّينْ: "نَحْلَفْلَكْ بَاللَّهْ الْحَيْ بَاشْ تْڤُولْنَا إِلَا أَنْتَ هُوَ الْمَسِيحْ ابْنَ الْلَّه؟". ⁶⁴ڤَالْ يَسُوعْ: " أَنْتَ ڤُلْتْ! وتَانِي نْڤُلْكُمْ مَنْ دَرْوَكْ: غَادِي تْشُوفُوا ابْنَ الْإِنْسَانْ ڤَاعَدْ عْلَى يَمِينْ الْلَّه الْقُدْرَة، وْجَايْ عْلَى سْحَابْ الْسْمَا"⁶⁵فْدِيكْ الْسَّاعَة ڤَطَع رَئِيسْ رْجَالْ الْدِّينْ حْوَايْجَهْ وْ ڤَالْ: "هَذَا رَاهْ يَكْفَرْ! وْمَعَدْنَا مَنْدِيرُوا بَالْشْهُودْ؟ رَاكُمْ سْمَعْتُوا كْلاَمْ الْكُفْرْ تَاعَهْ! ⁶⁶وَاشْ تَفَكْرُوا؟". وْجَاوْبُوهْ وْڤَالُولَهْ: "رَاهْ يَسْتَاهَلْ الْمُوتْ".⁶⁷وْدَفْلُوا عْلَى وَجْهَهْ، وْضَرْبُوهْ ⁶⁸وْڤَالُو: "تْنَبَّأْ أَلْمَسِيحْ مَنْ ضَرْبَكْ".⁶⁹بَصَّحْ بُطْرُسْ كَانْ ڤََاعَدْ بَرَّا الَدَّارْ، وْ جَاتْ عَنْدَهْ وَاحَدْ الْمْرَا وْڤَالَتْ: «أَنْتَ كُنْتْ مْعَ يَسُوعْ الْجْلِيلِى!». ⁷⁰نْكَرْ ڤُدَامْ ڤَاعْ الْغَاشِى وْڤَالْ :"مَنِيشْ عَارَفْ وَاشْ رَاكِى تْڤُولِي!".⁷¹وْمَنْبَعْدْ خْرَجْ لَلْحَوْشْ وْشَافْتَهْ وَحْدُ خْرَى، وْڤَالَتْ لَلِي كَانُوا تَمَّ: "هَذَا كَانْ مْعَ يَسُوعْ الَنَّاصِرِي!". ⁷²وْنْكَرْ وْهُوَ يَحْلَفْ: "أَنَا مَا نَعْرَفْشْ هَادْ الَرَّاجْلْ!".⁷³وْمَنْبَعْدْ جَاوْ وَقْفِينْ وْڤَالُوا لْبُطْرُسْ: "بَصَّحْ نْتَّ تَانِي مَنْهُمْ، لَهْجْتَكْ تْبَيَنَكْ!". ⁷⁴وْبْدَا يَلْعَنْ وْيَحْلَفْ: "أَنَا مَانَعْرَفْشْ الَرَّاجْلْ!". وْتَّمْ تَّمْ صَاحْ الَدِّيكْ. ⁷⁵تْفَكَرْ بُطْرُسْ هَدْرَةْ يَسُوعْ اللِّي ڤَالَهْ: "قْبَلْ مَايْصِيحْ الَدِّيكْ غَدِي تُنْكَرْنِي ثَلْثْ مَرَّاتْ وْخْرَجْ بَرَّا وْبْكَا بَكَيَتْ الْمْرَارْ".

¹وْ فِي الصْبَاحْ بَكْرِي تْشَاوْرُوا ڤَاعْ رُؤَسَاءْ الْكَهَنَة وْ شُيُوخْ الَشَعْبْ عْلَى يَسُوعْ بَاهْ يَكْتْلُوهْ ، ²سلْسْلُوهْ مَنْ يَدَّهْ وْدَّاوَهْ وْسَلْمُوهْ لَلْوَالِي بِيلاَطُسْ الْبُنْطِي.³وْفْي دِيكْ الَسَّاعَة كِي شَافْ يَهُوذَا اللِّي سَّلْمَهْ بَلِي حَكْمُوا عْلَى يَسُوعْ، نْدَمْ وْرَدْ الَتْلاَثِينْ مَا الْفَضَّة لْرُؤَسَاءْ رْجَالْ الَدِينْ وْ الَشُيُوخْ ⁴وْڤَالْهُمْ : "رَانِي غْلَطْتْ مِينْ سَلَّمتْ وَاحَدْ مَا عْلِيهْ حَتَّى ذَنْبْ". وْڤَالُولَهْ :"مَاشِي شُغْلْنَا دَبَّرْ رَاسَكْ!". ⁵وْ قَاسْ يَهُودَا هَدِيكْ الْفَضَّة فْبِيتْ اللَّه وْ مَنْبَعْدْ رَاحْ وْ جَيَّفْ رُوحَهْ.⁶وْدَّاوْ رُؤَسَاءْ رْجَالْ الدِّينْ الْفَضَّة وْڤَالُوا : "مَاشِي حَلاَلْ نْدِيرُوهُمْ فَصَنْدُوقْ تَاعْ بِيتْ اللَّهْ عْلَى خَاطَرْ هَذِهِيَ الَسُومَى تَاعْ دَّمْ بْنَادْمْ". ⁷وْتْشَاوْرُوا وْشْرَاوْ بِيهُمْ لَرْضْ الفَخَارِي مَقَبْرَة لَلْبَرَاوِيَ. ⁸وْعْلَى دَاكْ الَشْى إِسْمُوا هَادِيكْ اللَرْضْ "حَقْلْ الدَّمْ" لَلْيُومْ⁹وْ فْدِيكْ الَسَاعَة تْحَقَّقْ دَاكْ الَشِي لِڤَالَهْ الَنَبِي إِرْمْيَا: "وْدَّاوْ تْلاَثِينْ مَالْفَضَة، الَسًومَى لِتَافْقًوا عْلِيهْ شِي وَحْدِينْ مَنْ شَعْبْ إِسْرَائِيلْ بَاشْ تْكُونْ الَسُومَى تَاعَهْ، ¹⁰وْبْهَادْ الَسُومَى شْرَاوْ الأَرْضْ الفَّخَارِي كِيمَا وْصَانِى الرَّبْ".¹¹وْقَفْ يَسُوعْ ڤُدَامْ الْوَالِي وْسَقْسَاهْ : "نْتَ هُوَ مَلِكْ الْيَهُودْ؟". رَّدْ عْلِيهْ يَسُوعْ : "أَنِتَ ڤُلْتْ". ¹²وْكِكَانُو رُؤَسَاءْ رْجَالْ الَدِّينْ وْ الَشْيُوخْ تَّهْمُوهْ مَاكَانْ إِجَاوْبْهُمْ بْحَتَى حَاجَة. ¹³وْڤَالْه بِيلاَطُسْ:"وَاشْ مَاسْمَعْتْشْ ڤَاعْ الَشِي لِيْشَهْدُوا بِيهْ عْلِيكْ؟". ¹⁴وْ مَا جَاوْبَهْمْشْ يَسُوعْ حَتَّى بْكَلْمَة، وْعْلَى هَادْ الَشِي تْعَجَبْ فِيهْ الْحَاكَمْ بَزَافْ.¹⁵وْكَانَتْ الْعَادَة عَنْدَ الْحَاكَمْ فِى كُلْ عِيدْ الْفَصْحْ يَطَلْڤُوا وَاحَدْ مَالْمَحْبُوسِينْ اللّي بْغَاوْه النَّاسْ. ¹⁶وْكَانْ عَنْدْهُمْ فْدِيكْ السَاعَة وَاحَدْ الْمَحْبُوسْ مَشْهُورْ سَمُوهْ بَارَابَاسْ.¹⁷وْكِتْجَمْعُوا النَّاسْ سَقْسَاهُمْ بِيلاَطُسْ :"شْكُونْ لِبْغِيتُوا نَطَلْڤَهْ لْكُمْ؟ بَارَابَاسْ وْلاَيَسُوعْ لِيَتْسَمَى الْمَسِيحْ؟". ¹⁸عْلَى خَاطَرْ كَانْ عْلاَبَالَهْ سَلْمُّو يَسُوعْ عْلَى خَاطَرْ كَانُوا حَاسْدِينَهْ. ¹⁹كِكَانْ ڤَاعَدْ عْلَى كُرْسِيْ الْحُكْمْ رَسْلَتْلَهْ مَرْتَهْ وْڤَاتْلَهْ:" حْرَزْ تْآدِي هَادَاكْ الَرَاجْلْ الْبَّارْ عْلَى خَاطَرْ تْعَدْبَتْ الْيُومْ بَزَافْ فَلْمْنَامْ مَنْ جِيهْتَهْ".²⁰وْبَصَّحْ رِؤَسَاءْ رْجَالْ الدِّينْ وْالشْيُوخْ حَرْشُوا جْمَاعَاتْ تَاعْ الَنَّاسْ بَاشْ يَطَلْبُوا مَنْ بِيلاَطُسْ يَطْلَڤَلْهُمْ بَارَابَاسْ وْيَكْتَلْ يَسُوعْ. ²¹وْسَقْسَاهُمْ بِيلاَطُسْ :"شْكُونْ فِي هَادْ الَزًوجْ بْغِيتُوا نَطْلَڤَهْلْكُمْ ؟". وْجَاوْبُوهْ بَارَابَاسْ!". ²²ڤَالْهُمْ بِيلاَطُسْ وَاشْ غَادِي نْدِيرْ بْيَسُوعْ اللِّي سَمَّوَهْ الْمَسِيحْ ؟ وْجَاوْبُوهْ كُلْهُمْ: "صَلْبَهْ !".²³وْڤَالْهُمْ : "وَاشْ مَنْ شَرْ دَارْ؟". بَصَّحْ هُمَا زَادُوا فِي زْڤَاهُمْ وْڤَالُولَهْ : "صَلْبَهْ!" ²⁴وْكِشَافْ بِيلاَطُسْ بَلِّي مَانْفَعْ مْعَاهُم حَتَّى حَاجَة وْ الشَعْبْ زَادْ هَاجْ، جْبَدْ المَا وْغْسَلْ يَدِّيهْ ڤُدَامْ الَنَّاسْ وْڤَالْ : "أَنَا رَانِي مَتْبَرِّي مَنْ دَّمْ هَادْ الَرَّاجَلْ! شُوفُوا نْتُمَا مْعَاهْ!".²⁵وْيْجَاوْبَهْ ڤَاعْ الَشَعْبْ : "غِيرْ خَلِّي دَّمَهْ عْلِينَا وْعْلَى وْلاَدْنَا". ²⁶وْفْدِيكْ الَسَاعَة طْلَڤْلْهُمْ بَارَابَاسْ، وْبَصَّحْ يَسُوعْ سَّلْمَهْ بَاشْ يَتَصْلَبْ. مَنْبَعْدْ مَا جَلْدُوهْ²⁷الْعَسْكَرْ تَاعْ الْحَاكْمْ دَّاوْ يَسُوعْ لْدَارْ الْوِلاَيَة وْلَمُّوا عْلِيهْ ڤَاعْ الْفِرْقَة تَاعْ الْعَسْكَرْ، ²⁸وْعَرَّاوَهْ وْلَبْسُوهْ لْبَاسْ أَحْمَرْ، ²⁹وْضَّفْرُوا تَاجْ الَشُوكْ وْحَطُوهْ عْلَى رَاسَهْ، وْدَارُولَهْ فِي يَدَهْ لِمْنَى ڤَصْبَة . وْبْدَاوْ يَرْكْعُوا ڤُدَّامَهْ وْيَضَحْكُوا عْلِيهْ وْ يْڤُولُوا لَهْ:"سَلاَمْ عْلِيكْ يَامَلِكْ لِيهُودْ!".³⁰وِتفْلُوا عْلِيهْ وْڤَلْعُولَهْ الْڤَصْبَة وْضَرْبُوهْ بِيهَا عْلَى رَاسَهْ . ³¹وْمْبَعْدْ ضَحْكُوا عْلِيهْ، ڤَلْعُولَهْ اللْبَاسْ وْلَبْسُوهْ قَشَهْ، وْ دَّاوَهْ بَاهْ يَصَلْبُوهْ³²وْكِكَانُوا خَارْجِينْ بِيهْ مَالْمْدِينَة تْلاَقَاوْ مْعَ وَاحَدْ الَرَاجَلْ مَالْقِيرَوَانْ إِسَمُّوا سَمْعَانْ، وْسَّيْفُوا عْلِيهْ بَاشْ يَرْفَدْ الَصَلِيبْ تَاعْ يَسُوعْ الْمَسِيحْ. ³³وْوَصْلُوا لَلْمَوضِعْ لِسَمُّوهْ الْجُلْجُثَة لِيعْنِي "الْجُمْجُمَة " ³⁴وْعْطَاوَهْ يَشْرَبْ الْشْرَابْ مْخَلَطْ بْوَاحَدْ الْعُشْبَة سَمُّوهَا الْمُرْ. وْكِدَاقَهْ مَابْغَاشْ يُشَرْبَهْ.³⁵وْصَلْبُوهْ وْڤَسْمُوا بِينَاتْهُمْ حْوَايْجَهْ بَعْدْ مَادَارُوا عْلِيهُمْ الْقُرْعَة، بَاشْ يَتْحَقَقْ وَاشْ نْڤَالْ عْلَى لْسَانْ الَنَبِيْ: "تْڤَاسْمُوا قَشِّي بِينَاتْهُمْ وْ دَارُوا عْلِيهُمْ الْقُرْعَة". ³⁶وْمَنْبَعْدْ ڤَعْدُوا إِعَسُّوا عْلِيهْ. ³⁷وْدَارُوا فُوْقْ رَاسَهْ لُوحَة مَكْتُوبْ فِيهَا: "هَذَا هُوَّ يَسُوعْ مَلِكْ الْيَهُودِ".³⁸الْيَهُودِيَة وْ دِيكْ الَسَاعَة صَلْبُوا مْعَاهْ زُوجْ خَيَّانْ وَاحَدْ عْلَى لَيْمِنى وْلاَخَرْ عْلَى لْيَسْرَى تَاعَهْ. ³⁹وْكَانُوا ڤَاعْ لِكَانُوا يْفُوتُوا عْلِيهْ يَكَفْرُوا وْيْعَايْرُوا فِيهْ وْهُمَا يْدَّوْرُوا فِي رِسَانْهُمْ ⁴⁰ويڤولو: "يَالِي هَدَمْتْ بِيتْ اللَّهْ وْغَادِي تْعَاوَدْ تَبْنِيهْ فِي تَلْتْ يَّامْ، سَلَّكْ رَاسَكْ! إِلَى كُنْتْ إِبْنْ اللَّهْ وْهَوَّدْ مَنْ فُوقْ الَصَلِيبْ!".⁴¹وْكَانُوا رُؤَسَاءْ رْجَالْ الَدِّينْ وْعُلَمَا الَشَرْعْ وَالشُيُوخْ حَتَّى هُمَا يَضَحْكُوا عْلِيهْ وْيْڤُولُوا: ⁴²" سَلَّكْ نَاسْ خْرِينْ وْ مَاقْدَرْتشْ يسَلَّكْ رُوحَه! إِلَى كَانْ هُوَ مَلِكْ إِسْرَائِيلْ يَنْزَلْ دَرْوَكْ فُوقْ الَصَلِيبْ وْغَادِي نْأَمْنُوا بِيهْ !⁴³يَكْ هُوَ تْكَلْ عْلَى اللَّهْ، أَيَ يْعَتْقَهْ دَرْوَكْ إِلَى بْغَا! عْلَى خَاطَرْ هُوَّ ڤَالْ:" أَنَا إِبْنْ اللَّهْ!". ⁴⁴وْ حَتَّى الْخِيَانْ اللِّي تَصَلْبُوا مْعَاهْ عَايْرُوهْ كِمَا لُخْرِينْ⁴⁵وْطَاحَتْ الَضَلْمَة عْلَى ڤَاعْ الْبِلاَدْ مَا الطْنَاعْشْ تَاعْ النْهَارْ حَتَّى التْلاَتَة تَاعْ العْشِيَة. ⁴⁶وْمَنْ جْوَايَهْ تْلاَثَة تَاعْ العْشِيَة زْڤَا يَسُوعْ بْصوتْ عَالِي : "إِلِي إِلِي لِمَا شَبَقْتَنِي؟" أَلِي مَعْنَاتْهَا: إِلَهِي، إِلَهِي، عْلاَشْ سْمَحْتْ فِيَّ ؟ ⁴⁷وْسَمْعُوهْ وْحْدِينْ مَنْ هَادُوكْ لِكَانُوا وَاڤْفِينْ تَمَّ وْڤَالُوا : "رَاهْ يْعَيَطْ لْإِلِيَا⁴⁸وْجْرَى وَاحَدْ مَنْهُمْ وْ دَّا طَرْفْ تَاعْ الْقَشْ وْعَمْرَهْ خَلْ وْعَصْرَهْ فِي قَصْبَة وْشَرْبَهْ لَهْ. ⁴⁹وْبَصَّحْ لُخْرِينْ ڤَالُوا: "خَلٍّى نْشُوفُوا إِلِيَّا إلَى إِيجِي يْسَلْكَهْ!". ⁵⁰وزَڤَا يَسُوعْ ثَانِي بْصَوْتْ قْوِيْ وْسَلَمْ الَرُوحْ⁵¹وْتْڤَطَعْ حْجَابْ بِيتْ اللَّهْ عْلَى زُوجْ مَالْفُوقْ لَتَحْتْ، وْ تْزَلْزْلَتْ لَرْضْ، وْالْحْجُرْ الْكْبَارْ تْشَقْقَتْ، ⁵²وْتْحَلُّوا القْبُورْ، وْقَامُوا بَزَّافْ النَّاسْ المْقَدْسِينْ مَالْمُوتْ، ⁵³وْخَرْجُوا مَالْقْبُورْ بَعْدْ قِيَامَتِه، وْدَخْلُوا المْدِينَة المْقَدْسَة، وْبَانُوا لْبزَافْ النَّاسْ.⁵⁴وْڤَايْدْ العَسْكَرْ وْ اللِّي مْعَاهْ عَسَّاسَا عْلَى يَسُوعْ شَافُوا الَزْلْزْلَة وْلْصْرَا، خَافُوا بَزَّافْ وْ ڤَالُوا : "بَصَّحْ هَادْ الَرَاجَلْ كَانْ إِبْنْ اللَّهْ!". ⁵⁵وْكَانُوا تَّمْ نْسَا بَزَّافْ لِتَبْعُوا يَسُوعْ مَالْجَلِيلِ وْيْخَدْمُوهْ كَانُوا ڤَاعْدِينْ تَمَّ وْيْشُوفُو فِيهْ مَالْبْعِيدْ، ⁵⁶وْمَنْ بِينَاتْهُمْ مَرْيَمْ الْمَجْدَلْيَة، مَرْيَمْ أُمْ يَعْقُوبْ وْيُوسَفْ، وْأُمْ وْلاَدْ زَبَدِي.⁵⁷وْفَالْعْشِيَة، جَا وَاحَدْ الرَاجَلْ لاَبَاسْ عْلِيهْ مَالرَّامَة إِسَمُّوهْ يُوسَفْ، وْكَانْ هُوَّ تَانِي تَلْمِيذْ يَسُوعْ. ⁵⁸وْدْخَلْ هَادْ الَراجَلْ عَنْدْ بِيلاَطُسْ وْ طَلْبَهْ بَاهْ يَعْطِيهْ الجَسَدْ تَاعْ يَسُوعْ. وْفْدِكْ الَسَاعَة أْمَرْ بِيلاَطُسْ بَاهْ يَعْطُوهْلَهْ.⁵⁹وْدَّا يُوسَفْ الجْسَدْ وْكَفْنَهْ فِكَتَانْ نْقِيْ، ⁶⁰وْحَطَّهْ فَالْقْبَرْ الجْدِيدْ اللِّي فَالصْخَرْ، وْبَلَّعْ بَابْ الْقْبَرْ بْحَجْرَة كْبِيرة وْرَاحْ. ⁶¹وْكَانَتْ تَمَّ مَرْيَمْ الْمَجْدَلِيَة وْ مَرْيَمْ لُخْرَى ڤَاعْدِينْ ڤُدَامْ القْبَرْ⁶²وْ لْغَدْوَا كِينَا مَنْبَعْدْ النْهَارْ اللِّي يْوَجْدُوا فْيهْ السَبْتْ، تْلَّمُوا رُؤَسَاءْ رْجَالْ الدِّينْ وَالْفَرِيسِيِنْ عَنْدْ بِيلاَطُسْ ⁶³وْڤَالُولَهْ: "يَاسِيدِى، تْفَكَرْنَا بَلِّي هَادَاكْ الْكَذَّابْ كِكَانْ حَيْ كَانْ إِقُولْ:" بَلِّى مَنْبَعْدْ تَلْثْ يَّامْ غَادِي يْقُومْ. ⁶⁴أَيَ أَعْطِي أَمْرْ بَاشْ تْكُونْ العَسَّة عْلَى القَبْرْ حَتَّى النْهَارْ الثَالْثْ بَاشْ مَايْجُوشْ التْلاَمَذْ تَاعَهْ فَالْيلْ أُيْخَوْنُوهْ، وْ يْڤُولُوا لَلْشَعْبْ: بَلِّي قَامْ مَالْمُوتْ، وْغَادِي تْكُونْ هَادِي الكَذْبَة لَخْرَة أَشَرْ مَالْوْلَى!".⁶⁵وْيْقُولْهُمْ بِيلاَطُسْ : "عَنْدْكُمْ عَسَّاسِينْ أَيَ رُوحُوا وْعَسُّوا القْبَرْ كِمَا بْغِيتُوا". ⁶⁶وْرَاحُوا وْشَّمْعُوا الحَجْرَة تَاعْ القْبَرْ وْ دَارُوا عْلِيهْ العَسَة.

¹وْمَمْبَعدْ نْهَارْ الَسَبْتْ طْلَعْ الْفْجَرْ تَعْ نْهَارْ الأَحَدْ، جَاتْ مَرْيَمْ الْمَجْدَلِيَة وْمَرْيَمْ لُخْرَى بَاشْ يْشُوفُوا لَقْبَرْ. ²وْعْلَى غَفْلَة صْرَاتْ زَلْزْلَة قْوِّيَة، عْلَى خَاطَرْ مَلاَكْ نْزَلْ مَالَسْمَا وْجَا وْ لَزْ الْحَجْرَة اللِّي عْلَى بَابْ الَقْبَرْ، وْجَمَّعْ عْلِيهَا.³وْكَانْ إِيضَوِّي كِمَا الْبَرْقْ، وْقَشَّهْ بْيَضْ كِمَا الثَلْجْ. ⁴وْتْرَعْدُوا الْعَسَّاسَا مَاالْخُوفْ وْوَلاَوْ كِمَا الْمُوتَى.⁵وْبَصَّحْ الْمَلاَكْ ڤَالْ لَزُوجْ الَنْسَا: «مَاتْخَافُوشْ أَنَا عَارَفْ بَلِّى رَاكُمْ تْحَوْسُوا عْلَى يَسُوعْ لِتَصْلَبْ. ⁶رَاهْ مَارَاهْشْ هْنَا عْلَى خَاطَرْ قَامْ كِمَا َڤَالْ! رُوحُوا المُوضَعْ لِكَانْ مَحْطُوطْ فِيهْ. ⁷وْرُوحُوا بَلْخَفْ وْڤُولُوا لَتْلاَمَذْ: رَاهْ قَامْ مَالْمُوتْ. وْهَاهُوَّ غَادِي يَسْبَقْكُمْ لَلْجْلِيلْ. تَمَّ غَادِي تْشُوفُوهْ. هَاأَنَا رَانِي ڤُلْتَلْكُمْ».⁸خَرْجُوا بَلْخَفْ مَالْقْبَرْ وْهُمَا خَايْفَاتْ وْ فَرْحَانَاتْ، وْرَاحُوا يَجْرُوا بَاشْ إِخَبْرُوا التْلاَمَذْ. ⁹وْكِكَانُوا رَايْحِينْ فَالطْرْيڤْ لاَقَاهُمْ يَسُوعْ وْڤَالْهُمْ: «سَلاَمْ لِيكُمْ». لَزُّوا عَنْدَهْ وْشَدُّوا رَجْلِيهْ وْ سَجْدُوا لِيهْ. ¹⁰وڤَالْهُمْ يَسُوعْ : «مَاتْخَافُوشْ. رُوحُوا وْ ڤُولُوا لْخُوتِي بَاشْ إِيرُوحُوا لَلْجْلِيلْ، وْتَمَّ غَادِي يْشُوفُونِْى».¹¹وْكِكَانُوا النْسَا لْزُوجْ غَادْيَاتْ فَى الْطْرِيقْ رَاحُوا شِي عَسَّاسَا لَلْمْدِينَة وْخَبْرُوا الرُؤَسَا تَاعْ رْجَالْ الدِّينْ بْڤَاعْ دَاكْ الشِي لْصْرَا. ¹²وْتْلَّمُوا مْعَ الشْيُوخْ، وْتْشَاوْرُوا فْهَادْ الشِي، وْرْشَاوْ الْعَسْكَرْ بَدْرَاهَمْ بَزَّافْ ¹³وْڤَالُولْهُمْ: «ڤُولُوا بَلِّى التْلاَمَذْ تَاعَهْ جَاوْ فَاللَّيلْ خَوْنُوهْ وَحْنَا رَاڤْدِينْ.¹⁴وْ إِلاَ عْرَفْ الْحَاكُمْ حْنَا غَادِي نَقَنْعُوهْ، وْمَا غَادِي يْصْرَالْكُمْ حَتَّى حَاجَة». ¹⁵وْدَّاوْ العَسَّسَا الْدَرَاهَمْ وْ دَارُو كِمَا وَصَّاوْهُمْ، وَتَنْشَرْ الخْبَرْ عَنْدْ لِهُودْ حَتَّى هَادْ الْيُومْ.¹⁶وْالطْنَاعْشْ التْلْمِيذْ رَاحُوا لَلْجْلِيلْ لَجْبَلْ، كِمَا وَصَّاهُمْ يَسُوعْ. ¹⁷وْغِيرْ شَافُوهْ سَجْدُوا لَهْ، وْبَصَّحْ وَحْدِينْ مَنْهُمْ شَكُّوا.¹⁸يَسُوعْ وْتْكَلَّمْ مْعَاهُمْ وْڤَالْ:«اللَّهْ عْطَانِي ڤَاعْ السُلْطَة فِي السْمَا وْعْلَى اللَرْضْ، ¹⁹رُوحُوا وْ تَلْمْذُهُمْ جمِيْع النَاسْ وْعمدُوهُمْ بإسْم الأَب والإبن والرُّحْ القُدُسْ²⁰وْعَلْمُوهُمْ بَاشْ إِيدِيرُوا بْڤَاعْ الدَاكْشِي اللِّي وْصِيتْكُمْ بِيهْ. وْغَادِي نْكُونْ مْعَاكُمْ حَتَّى اللَّخَرْ تَاعْ الزْمَانْ». آمِينَ.

¹هَذِي هِيَ لْبَدْيَا تَاعْ إِنْجِيلْ الْمَسِيحْ إِبْنْ الَّلَهْ ،   ²كِمَا ڤَالُوا لَأَنْبِيَا لَّوْلِينْ :<<غَادِي نَرْسَلْ ڤُدَّامَكْ مَلَاكِيِ،لِي يْوَجَّدْلَكْ طْرِِيڤْ . ³صُوتْ وَاحَدْ إيزَڤي فَالْخْلَا: وَجْدُّوا طْرِيڤْ الرَّبْ، وْ صَڤْدُوا طُرْڤَانَهْ >>.⁴كَانْ يُوحَنَا إَغَطَّسْ فَالْخْلَأ إخَبَّرْ بْتَغْطِيسْ الْتُّوْبَة وْغُفْرَانْ الْدْنُوبْ .  ⁵وْكَانُوا يْجُوا عَنْدَه ڤَاعْ مَنْ جِهَة تَاعْ الْيَهُودِيَة وْنَاسْ اُرُوشَلِيمْ وْكَانُوا يَتْغَطْسُوا عْلَى يَدَّهْ فِي وَادْ الأُرْدُنْ، وْ كَانُوا يَسْتَعَّرْفُوا بَدْنُوبْهُمْ . ⁶وْكَانْ يُوحَنَّا يَلْبَسْ لَوْبَرْ تَاعْ جْمَلْ وْ يَتْحَزَّمْ بَالْجَلْدْ ،وْ يَاكُلْ الْجْرَادْ ولَعْسَلْ الْحُّرْ .⁷كَانْ إخَبَّرْ وَيْڤُولْ : " غَادِي يْجِي وَاحَدْ مَنْ مُورَايَ قْوِيْ عْلِيَّا ، لِمَانَسْتَاهَلْشْ حَتَّى نْطَاطِي وَنْحَلْ خْيُوطْ تَاعْ صَبَّاطَهْ . ⁸أَنَا غَطَّسْتْكُمْ بَالْمَاءْ، بَصَّحْ هُوَ يْغَطَّسْكُمْ بَالْرُّوحْ الْقُدُسْ ".⁹فْهَاذُوكْ لِيَّامْ جَا يَسُوعْ مَنْ النَاصِرَةِ الْجَلِيلْ وَتْغَطَّسْ مَنْ يُوحَنَّا فِي وَادْ الأُرْدُنْ . ¹⁰كِي خْرَجْ مَالْمَا شَافْ الْسْمَا نَحَلَّتْ ، وْا لرُوحْ هَوَّدْ عْلِيهْ كِي لْحْمَامَة ¹¹جَا صُوتْ مَالسْمَا يْڤُولْ: " أَنْتَ بْنِي الْحْبِيبْ الْلِّي أَنَا فَرْحَانْ بِهْ ".¹²وْ تَمْتَمْ ادَّاهْ الْرُّوحْ لَلْخْلَا ،  ¹³ ڤْعَدْ رَبْعِينْ يُومْ وَالشّيطَانْ اجَرَّبْ فِيهْ .وْكَانْ بِينْ لَوْحُوشْ. وَالْمَلاَيْكَة تَخَّدْمَهْ . دعوة التلاميذ الأولين¹⁴وْكِي ڤَظْبُوا يُوحَنَّا ، جَا يَسُوعْ لَلْجَلِيلْ إِخَبَّرْ بْمَلَكُوتْ الْلَّهْ  ¹⁵ وَ يْڤْولْ : "وْصَلْ الْوَقْتْ وْ ڤَرَّبْ مَلَكُوتْ الْلَّهْ ،تُوبُوا وْآمْنُوا بَالإِنْجِيلْ"¹⁶وْهُوَ يَتْمَشَّى عْلَى بْحَرْ الْجَلِيلْ شَافْ سِمْعَانْ وْ أَنْدْرَاوُسْ وْ خُوهْ لِهُمَا صَيّادِينْ. ¹⁷ڤَالْهُمْ يَسُوعْ : "تَبْعُونِي وْ غَادِي نْرُّدْكُمْ صَيَّادِينْ الْنَّاسْ". ¹⁸تَمْ تَمْ خَلَّاوْ الْشْبَكْ وْ تَبْعُوهْ .¹⁹مَنْبَعْدْ شْوِيَا شَافْ يَعْقُوبْ بَنْ زَبَدِي وْيُوحَنَّا خُوهْ ، يْرَقْعُوا فَالشْبَكْ . ²⁰عَيَّطَلْهُمْ . تَمْ تَمْ خَلَّاوْ بُوهُمْ زَبَدِي فَالْفْلُوكَه مْعَ لْخَدَّامَة وْ تَبْعُوهْ .²¹مَنْبَعْدْمَا دَخْلُوا كَفَرْ نَاحُومْ تَمْ تَمْ دْخَلْ لَلْمَجْمَعْ فَنْهَارْ السَّبْتْ وْبْدَا يْعَلَّمْ.  ²² وْكَانُوا مَخْلُوعِينْ فَالتَّعلِيمْ تَّاعَهْ عْلَى خَاطَرْ كَانْ يْعَلَّمْ كِي لِي عَنْدَهْ سُلْطَانْ مَاشِّي كِيمَا الْكَتَبَة .²³وْكَانْ كَايَنْ فَالْمَجْمَعْ وَاحَدْ مَسْكُونْ بْدَا يْزَڤِّي  ²⁴وَيْڤُولْ : " شَا كَايَنْ بِينَّا وْ بِينَكْ يَا يَسُوعْ النَّاصِرِي؟ جِيتْ بَاهْ تَهْلَكْنَا! اَنَا نَعْرَفْ شْكُونْ انْتَ : قُدّوسْ الْلَّهْ!". ²⁵ڤَالَّهْ يَسُوعْ بْصُوتْ عَالِي: " أسْكُتْ! وُخْرُجْ مَنَّهْ !". ²⁶طَيْحَهْ الْرُّوحْ الْنَّجِسْ وْ بْدَى وَيْزَقِّي وَخْرَجْ مَنَّهْ .²⁷ڤَاعْ تْحَيّْرُوا، وْ بْدَاوْ إسَقْسُوا بَعْضِيَاتْهُمْ وَيْڤْولُوا:" وَاشْ هَادْ ؟الْتَّعْلِيمْ لَجْدِيدْ ؟ عْلَى خَاطَرْ بْسُلْطَانْ يَامَرْ الأَرْوَاحْ النَّجِسَة تْطِيعَهْ !". ²⁸تَمْ تَمْ شَاعْ خَبْرَهْ فِي ڤَاعْ جِهَةْ الْجَلِيلْ . شفاء حماة سمعان و آخرين²⁹كِخَرْجُوا مَالْمَجْمَعْ رَاحُوا لْدَارْ سِمْعَانْ وْ أَنْدْرَاوَسْ مْعَ يَعْقُوبْ وْ يُوحَنَّا . ³⁰وْ كَانَتْ نْسِيبَةْ سِمْعَانْ رَاقْدَة وْ فِيهَا الْحُمَّى، وْ ڤَالُوا لْيَسُوعْ عْلِيهَا . ³¹وْ ڤَرَّبْ يَسُوعْ وْ شَدْهَا مَنْ يَدِّيهَا، وْ نَوَّضْهَا وْ تَمْ تَمْ رَاحَتَلْهَا الْحُمَّى وْ بْدَاتْ تَخْدَمْهُمْ .³²لَعْشِيَة كِي طَاحَتْ الشَّمْسْ، جَابُوا ڤََاعْ الْمَرْضَى وَلْمَسْكُونِينْ . ³³وْ نَاسْ لَمْدِينَة كَانُوا ڤَاعْ مَتْلَايْمِينْ عَنْدْ الْبَابْ. ³⁴وْ شْفَى بَزَّافْ لِيكَانُوا يْعَانُوا مَنْ أمْرَاضْ مَتْنَوْعَة ، وْ خَرَّجْ شَيَاطِينْ بَزَّافْ ، وْ مَخَلَّاهُمْشْ يَهَدْرُوا عْلَى خَاطَرْ عَرْفُوهْ.³⁵فَالصْبَاحْ بَكْرِي نَاضْ وْرَاحْ لَلْخْلَا، وْبْدَا يْصَلِّي تَمَّاكْ ، ³⁶وْمْبْعَدْ رَاحْ سِمْعَانْ وْلِي مْعَاهْ إحَوْسُوا عْلِيهْ. ³⁷وْ كِي لْقَاوَهْ ڤَالُولَهْ: " ڤَاعْ رَاهُمْ إحَوْسُوا عْلِيكْ".³⁸ڤَالْهُمْ يَسُوعْ : " نْرُوحُوا لَدْوَاوِيرْ لِقُدَّامْنَا نْبَشْرُوا تَمَّا تَانِي، عْلَى جَالْ هَادْ شِي جِيتْ ". ³⁹وْ رَاحْ إِبَشَّرْ فِي ڤَاعْ الْمَجَامِعْ تَاعْهُمْ فِي الْجَلِيلْ يْحَرَّرْ لْمَسْكُونِينْ .⁴⁰وْ جَا عَنْدَهْ وَاحَدْ فِيهْ لَبْرَصْ يَطْلَبْ مَنَّهْ وْ هُوَ رَاكَعْلَهْ ڤَالَهْ :"الاَ بْغِيتْ، تْنَجَّمْ تْنَقِّينِي". ⁴¹تْحَنَّنْ عْلِيهْ يَسُوعْ مَدْ يَدَّهْ وَ لَمْسَهْ وْ ڤَالَهْ :" أَتْنَقَّى! ". ⁴²وْ تَمْ تَمْ وْ هُوَ يَهْدَرْ بْرَا وْ رَاحْلَهْ لْبَرْصْ.⁴³تَمْ تَمْ رَسْلَهْ وْ حَّدْرَهْ ⁴⁴وْ ڤَالَهْ: " رُوحْ وْ مَا تْڤَولْ حَتَى لْوَاحَدْ، وْوَرّي رُوحَكْ لَلْكَاهَنْ وْ مَدْ عْلَى نْقَاوْتَكْ كِيمَا أْمَرْ بِيهْ مُوسَى ،بَاهْ تْكُونْ شْهَادَه لِيهُمْ ".⁴⁵بَصَّحْ هُوَ كِخْرَجْ بْدَا يْزَڤَي بَزَّافْ وْ شَيَّعْ لَخْبَرْ، حَتَى مَوَلَّاشْ يَسُوعْ يْنَجَّمْ يُدْخُلْ وَيْبَانْ فْدِيكْ لَمْدِينَة ، وْ كَانْ يُقعُدْ فَالْخْلَا ، وْ كَانُوا يْجُوا عَنْدَهْ مَنْ كُولْ جِهَة.

¹بعْدْ يَامَاتْ دْخَلْ يَسُوعْ كَفَرْنَاحُومْ ،وَسَمْعُوا بَلِّ كَانْ فْاالدَّارْ ²تَمْ تَمْ تْلاَيمُوا عَنْدَهْ بَزَافْ لْغاشِي ومَكَانْشْ وِينْ إجَّمْعُوا حْتَى عَنْدْ الْبَابْ،وْكَانْ يَخَبَرْهُمْ بْكْلاَمْ الله.³وْجَاوْعَنْدَهْ جَابُولَهْ وَاحَدْ مَشْلُولْ رَافْدِينَهْ رَبْعَ رْجَالْ ⁴وْكِي مَنْجّْمُوشْ إِ ڤَرْبُوا عَنْدَهْ ، حَلُّوا سْقَفْ وِينْ كَان يَسُوعْ ، وْدَلاَّوْ مَنَهْ الَفْرَاشْ اللِّى كَانْ الْمَشْلُولْ مْكَسَّلْ فِيهْ .⁵كِشَافْ يَسُوعْ إيمَانْهُمْ ڤَالْ لَلْمَشْلُولْ " يَاوْلْدِي دْنُوبَكْ رَاهُمْ مَغْفُورِينْ " ⁶وْكَانْ تَمَ جْمَاعَة مْنْ الْكَتَبَة ڤَاعْدِينْ إِيْخَمْمُوا فِي ڤَلُوبْهُمْ ⁷" عْلاَهْ يَهْدَرْ كِمَا هَاكْ رَاهْ ْيَكُفْرْ ؟ شْكُونْ يْنَجَمْ يَغْفَرْ الدْنُوبْ مَنْ غِيرْ للَهْ وَحْدَهْ "⁸تَمْ تَمْ عْرَفْ يَسُوعْ بْرُوحْ نْتَاعَهْ بَلِّى كَانُوا يْخَمْمُوا كِمَا هَاكْ فِى نْفُوسْهُمْ ،و ڤَالْهُمْ<< عْلاَهْ رَاكُمْ تْخَمْمُوكِمَا هَاكْ فِى ڤَلُوبْكُم ⁹،وَاشْ مَنْ أَمْرْلِسَاهَلَ ؟ يَتْ ڤَالْ لَلْمَشْلُولْ دْنُوبَكْ مَغْفُورَة ،وْلّاَ يَتْڤَالْ نُوضْ وَأَرْفَدْ فْرَاشْكْ وْأتمْشَّي؟.¹⁰بَصَّحْ بَاهْ تَعَرْفُو بَلِّى إِبْنْ الْإنْسَانْ عَنْدَهْ السُلْطَانْ عْلَى الأَرْضْ بَاهْ يَغْفَرْ الدْنُوبْ ڤَالْ لَلْمَشْلُولْ ¹¹" نْڤُولَكْ نُوضْ وَأَرْفَدْ فْرَاشَكْ وْرُوحْ لْدَارَكْ ¹²نَاضْ وْتَمْ تَمْ رْفَدْ لَفْرَاشْ خْرَجْ ڤُدَامْهُمْ ڤَاعْ ،حَتَى نْخَلْعُوا وْبْدَاوْ يْسَبْحُوا فِى اللهْ وْيڤُولُوا " عُمَّرْنَا مَا شَفْنَا حَاجَة كِمَا هَادِي".¹³وْزَادْ خْرَجْ يَسُوعْ لَلْبْحَرْوْجَاوْعَنْدَهْ بَزَافْ غَاشِي وْعَلَّمْهُمْ ¹⁴كِكَانْ فَايْتْ شَافْ لاَوِيَ بَنْ حَلْفَى ڤَاعَدْ وِينْ اخَلْصُوا الضْريبَة وْ ڤَالْهْ <<تَبَّعْنِى>> ، نَاضْ وْ تَبّْعَهْ¹⁵كِى كَانْ يَسُوعْ مَتَّكِي فَدَارْاللاَّوِى هُوَوْتَلاَمْذَهْ بَزَّافْ الْعَشَّارِينْ وَالْخَاطِييِنْ ڤَاعْدِينْ مْعَاهْ ،وْكَانُوا يْتَبْعُوهْ ¹⁶الْكَتَبَة وْالْفَرِيسَيُونْ شَافُوهْ يَاكُلْ مْعَا الْخَاطِيينْ وْالْعَشَارِينْ وْڤَالُوا لْتْلاَمْذُهْ " عْلاَهْ يَاكَلْ وْ يَشْرَبْ مْعَ الْعَشَارِينْ وَالْخَاطِيينْ ؟".¹⁷وْكِسْمَعْ يَسُوعْ ڤَالْهُمْ "مَشِ لِبْصَحَتْهُمْ لِيَسْتْحَقُوا الَطْبِيبْ بَصَّحْ اْلمُّرْضْى هُمَاَ لِيْسْتْحَقُوهْ ، أنَا مَاجِيتْشْ بَاهْ نَعْيَّطْ لْصْحَاحْ بَصَّحْ جِيتْ نْعَيَّطْ لَلْمَدْنُوبِينْ لْتُوْبَة "¹⁸السُؤَالْ عَنْ الصَوْمْ وْكَانُوا تْلاَمْذْ تَاعْ يُوحَنَّا وَلْفَرِِيسِينْ إِيصُومُوا ، وْجَاوْ وْڤَالُوا لْيَسُوعْ "عْلاَهْ تَلاَمِيذْ يُوحَنَّا وْ لْفَرِيسِيِنْ إِصُومُوا وْتَلاَمِيذْ نْتَاوْعَكَ مَايْصُومُوشْ ؟ " ¹⁹ڤَالْهُمْ يَسُوعْ << يْنَجَمْوا صْحَابْ لَعْرِيسْ ايْصُومُوا وْلَعْريسْ مْعَاهُمْ، مَدَامْ لَعْرِيسْ بِنَاتْهُمْ مَيْنَجْمُوشْ إِيصُومُوا.²⁰بَصَحْ غَادِ إجُوا يَامَاتْ وِينْ يْتَرَفَعْ لَعْرِيسْ مَنْ عَنْدْهُم فِي ذَاكْ الْوَقْتْ غَادِ يْصُومُوا . ²¹حْتَى وَاحْد مَايْنَجَّمْ إِرَقَعْ لْبَسْة قْدِيمَة فُوڤْ طُرْفْ كْتَانْ جْدِيدْ وْلاَمَاكَاشْ الْطَرْفْ الْجْدِيدْ إيفَزَرْ لْقْدِيمْ تْوَلِّى التَُقْبَة كْتَرْمَلِّى كَانْتْ .²²حْتَى وَاحْدْ مَيْنَجَمْ إِيْدِيرْ شْرَابْ جْدِيدْ فِى ڤُرْبَاتْ قْدُمْ ، بَاشْ الشْرَابْ الْجْدِيدْ مَايْشَقَقْشْ الْڤُرْبَاتْ وْيْضِيعْ الشْرَابْ ، بَصَّحْ الشْرَابْ الجْدِيدْ يَنْدَارْفِى ڤُرْبَاتْ جْدْدَ".²³وْ فَاتْ يَسُوعْ فِى يَوْمْ السَبْتْ بِينْ الزَرْعْ تَاعْ الْڤَمْحْ ، وْبْدَوْا تْلاَمْدْ نْتَاوْعَهْ يْڤَلْعُوا السْبُولْ وْهُمَا يَتْمَشُوا . ²⁴ڤَالُوا الْفَرِّيسيِّنْ:" عْلاَهْ رَاهُمْ إِيْدِيرْوا فَى الشِّي لِمًيْنْدَارْشْ فِى نْهَارْ السَبْتْ ؟".²⁵"ڤَالْهُمْ عَمَّرْكُمْ مَاقْرِيتُوا شَادَارْ دَاوْدْ وَلِكَانُوا مْعَاهَ كسْحَقُواوْجَاعُوا؟ ²⁶كِيفَاهْ دْخَلْ لْدَارْ اللهْ فِي زْمَانْ أَبِيأثَارْ رَئِس الْكَهَنَة ، وْكْلَا خُبْزْ التَقْدِمَة لِمَيْلِيقْشْ يَنْتْكَلْ لِكَانْ مَنْ حَقْ الْكَهَنَة يَاكْلُوهْ ، وْمَدْ لِكَانُوا مْعَاهْ تَانِ>>.²⁷ڤَالْهُم :" السَبْتْ نْدَارْ للأنْسَانْ ، مَاشِى الإنْسَانْ لِنْدَارْ لَسَبْتْ . ²⁸إِمَلاَ إِبْنْ الإِنْسَانْ هُوَ رَبْ السَبْتْ تَانِ ".

¹مَمْبَعْدْ دْخَل ْيَسُوْع ْالمَسِيحْ لَلْمَجْمَع ْوكَانْ تَمَاكْ رَجُلْ يَدَه ْيَابْسَا . ²وْ بْدَاوْ اِعَسُّو فِيهْ :اِذَا كَانْ يْدَاوِيهْ فَنْهَارْالسَّبْتْ بَاشْ يَشْكُوا عْلِيهْ.³وْ ڨَالْ لَلْرَجَلْ لِي كَانَتْ يَدِيه ْيَابْسَا " نُوضْ فَلْوَسْط"  ⁴مَمْبَعْدْ ڨَالْهُمْ :" وِيذَا حْلاَلْ نْهَارْ السَّبْتْ يَنْدَار لْخِيرْ وَلاَ الَشَّرْ ؟اسَلْكُواحْيَاة وَلاَ اكُّتْلوُهَا " سَكْتُوا.⁵وَيَسُوعْ شَافْهُمْ غَضْبَانْ وْحْزَنْ عْلىَ ڨْلُوبْهُمْ لقَاسْحاَ وْڨَالْ لَلْرَاجَلْ: " اَعْطِينِي يَدِيكْ ". وْمَدْهَا بْرَاتْ يَدِّيهْ وْ وَلاَّتْ كِيمَا لُخْرَى.  ⁶ وتَمْتَم خَرُجُو الفَارِيسِيِينْ وَالهِيرُودِسِيِينْ وَتَشَاوْرُوا عْلِيهْ بَاه اهَلْكُوهْ.⁷رَاحْ يَسُوعْ مْعَ التَّلاَمَيذْ تَعَهْ لَلْبْحَرْ، وْ تَبْعُوهْ بَزَافْ نَّاسْ مِنَ الجَلِيلْ وَ اليَهُودَيَةُ ⁸وَارُشَلِيمْ وَ اَدُومِيَّةَ وَمِنْ الاُرْدُنْ . وْمَنْ جْوَايَهْ صُورَ وَصَيْدَا، وَهَذَا عْلىَ خَاطَرْنَاسْ بَزَّافْ سَمْعوُا لِدَارَهْ جَاوْ عَنْدَهْ.⁹وْڨَالْ لَلْتَلاَمِيذْ تَاوْعَهْ اوَجْدُولَهْ فْلُوكَا صْغِيرَى عْلىَ جَالْ لغاشي ،بَاهْ مايغبنوهش، ¹⁰خَاطَرْ بَرَى بَزَافْ ،نَاسْ حَتَى وَلاَّوْ ڨَاعْ ايِجُو عَنْدَهْ لَمْرَاضْ اتْلَمْسُوهْ بَاهْ يَبْرَاوْ¹¹وَالاَرْوَاحْ النَّجِسَة كِي شَافْتَهْ سَجْدَتْلَهْ وْزَقَّتْ و ڨَعْدَتْ تْڨُولْ :"أَنْت َإبْنْ اللهْ".  ¹² وْوَصَّاهُمْ بَزَّافْ بَاه ْمَيْكَشْفُوهْشْ.¹³وْكَي طْلَعْ لَجْبَلْ عَيَّطْ لِّي بْغَاهُمْ وْجَاوْ عَنْدَهْ  ¹⁴ وْنَوَّظْ طْنَاعَشْ وْخَيَّرْهُمْ بَاهْ إِكُونُومْعَاهْ وْرْسَلْهُمْ باَهْ ابَشْرُوا ¹⁵إِكُونْ لِيهُمْ سُلْطَانْ بَاهْ يْبَرُّوا لْمَرْضَى وَيْخَرْجُوا الشَّيَاطِينْ ¹⁶وْبَدَّلْ اسَمْ سِمْعَانْ ْببُطْرُسْ.¹⁷وَيَعقُوبْ بَنْ زَبْدِي وَ يُوحَنَّا خُوا يَعْقُوبْ ،وْدَارَلْهُمْ إسْمْ بُوَانَرْجِسَى لِمَعْنَاهْ ابْنيِ الرَّعْدِ. ¹⁸وَانْدَرَاوُسْ، وَفِلِيِبِينْ، بَرْثولَمَاوُسْ،مَتَّى،وَتُومَا، ويَعْقُوبَ بْن حَلْفَى،وَتَدّاَوَُسَ، وَسِمْعانَ الْقَانَوِيَّ، ¹⁹يَهُوذاَ الإسْخَرْيُوطِيَّ اللَّي خَانَهْ .ممْبَعْد جَاوْ لْوَاحْدْ الدَّارْ.²⁰وَتْلاْيْمُوا عَنْدَهْ بَزَّافْ لْغَاشِي حَتَى مَنَجْمُوشْ يَاكْلُوا لْخُبْزْ.  ²¹ وْكِيْ سَمْعُوعَايَلْتَهْ خََرْجُوا بَاهْ يَحَكْمُوهْ وْڨَالُو رَاهْ "بْلاَ عْقَلْ" ²²وَلْكَتَبَةُ لِي هَوْدُوا مَنْ اوُرُشَلِيمْ ڨَالُوا: " فِيهْ بَعْلَزَبُولْ وَهُوَ رَئِيسْ الشَّيَاطِينْ وَيْخَرَّجْ الشَيَاطِينْ"²³وْڨَالْهُمْ بْلَمْثُولْ: " كِيفَاشْ اِنَجَّمْ شِيطَانْ يْخَرَّجْ شِيطَان ْ ؟  ²⁴ وِيذَا انْڨَسْمَتْ مَمْلَكَةُ عْلَى رُوحْهَا مَتْنَجَّمْشْ هَدِيكْ لْمَمْلَكَةُ تَرْسَخْ . ²⁵وِيْلاَ نْڤْْسَمْ دَارْ عْلَى رُوحَهْ مَيْنَجَّمْشْ هَداَكْ الدَّار ْ يَرْسَخْ.²⁶وْاِذَا نَاضْ شِيطَانْ ضَّدْ نَفْسَهْ وْخْرَجْ ضَدْ رُوحَهْ مَغَادِيشْ يَرْسَخْ بَلْعَكْسْ انَّقْضَى عْلِيهْ ²⁷مَغَادِشْ انَجَّمْ وَاحَدْ يُدْخُلْ لْعَنْدْ وَاحَدْ مَجْهَدْ يَدِّيلَهْ صْوَالْحَهْ، وِلاَ مَا رْبَطْشْ هَدَاكْ لْمَجْهَدْ مَالْبَدْيَا ،تَمَّاكْ يْنَجّمْ يَدِّيلَهْ صْوَالْحَهْ.²⁸الْحَقْ اَنَا نْڨُولْكُمْ:ڨَاعْ الذْنُوبْ تَتَّغْفَرْ لَلْنّاسْ، والكْفيِراللِّي يَكَفْرُوهْ. ²⁹بَصَّحْ ليَكْفَرْ عَلىَ الرُّوحِ اُلْقُدُسِ مَيَنْتَغْفَرْلَهْشْ لَلَّبْداَ،بَصَّحْ هُوَ مَسْتْحَقْ دَيْنُونَه لَلَّبْدَا". ³⁰عْلىَ خَاطَرْ ڨاَلُوا: " فِيهْ رُوحْ نَجِسْ".³¹جَاوْ خُوتَهْ وْامَّه ْاُو وَڨْفُوا بَرَّى وْرَسْلُوا عَنْدَهْ . ³²وْكَانُوا النّاسْ ڨَاعَدْينْ وْمَدَّاوْرِينْ عْلِيهْ ،وْڨَالُولَهْ: "مُّك و خُوتَكْ ْرَاهُم ْبَرَّى يَعيطُولَكْ".³³وْ رَدَّلْهُمْ وْ ڨَالْهُمْ: "شْكُونْ مَّا وَ شْكُونْ خُوتِي؟" . ³⁴وْشَافْ مْجِيهَتْ الڨَاعْدِينْ وْ ڨاَلْ: "هَاوْمَالاَ مَّا وْخُوتِي ، ³⁵عَلىَ خَاطَرَ لِي يْدِيرْ مَشِيئَةْ رَبِي هُوَ خُويَا وْاخْتِي وَ مَّا".

¹وَ بْدَا يَسُوعْ يْعَلَّمْ عَلَى شَطْ الْبْحَرْ ، وْ كِي شَاف تْلاَيْمُوا عَليهْ بْزَافْ غَاشِي طْلَعْ لِلْفْلُوكَة وَ هُومَا ڨَعْدُوا فَالشَّطْ . ²كَانْ يْعَلَّمْهُمْ بْزَافْ بالمْثُول وْ ڨَالْهُم فَالتَّعْلِيمْ تَاعَهْ :³اسْمْعُوا الفَلاَّحْ خْرَجْ بَاشْ يَزْرَعْ ، ⁴وْ ِكي كَانْ يَزْرَعْ طَاحتْلَهْ شْوِيَّ مْالزَرِّيعَة على الطْرِيڨْ ، وْ جَاوْ زْوَاوَشْ وْكْلَاوَها . ⁵وْ طَاحتْلَهْ تاَنِي شويَّ عْلَى طْرِيڨْ مْحَجْرَة ، مَكَانْشْ فِيهَا بْزَاف تْرَابْ وَ نْبَتْ ، تَمْتَمْ عْلاَخَاطَرْ مَكَّانَتْشْ الَأرْضْ غَامْقَة.⁶بْصَّحْ كِي طَلْعَتْ الشَّمْسْ انْحْرَڨَتْ وَ يَبْسَتْ عَلاَخاَطَرْ مَعَنْدْهَاشْ جْذُورْ . ⁷وْ طَاحَتْ شْوِيَّ فْالشُّوكْ، وْ اطْلَعْ الشُّوكْ وْ جيَّفْهَا وْ مَعْطَاشْ الغَلَّة⁸وْ طَاحَتْلَهْ شْوِيَّ فَالأَرْضْ مْلِِيحَة ، وْ عْطَات بْزَافْ غَلَّة، كَايْنْ زَرِيعَة لِي مَدَّتْ ثْلاَثِينْ وْ لُخْرَى سَتِّينْ وْ كَايَنْ لِي مَدَّتْ مْيَة . ⁹وْ ڨَالْ لْهُمْ لِي عَنْدَهْ وَذْنِينْ بَاشْ يَسْمَعْ، غِيرْ يَسْمَعْ.¹⁰وْ كِي كَانْ وَحْدَهْ سَقْسَاوَهْ لِي كَانُو مْداَوْرِينْ بِيهْ وَ التْلاَمَذْ تَاوْعَهْ عْلَى الْمْثَلْ ، ¹¹وْ ڨَالْهُمْ : نْتُومَا مَعْطِيَتَلْكُمْ بَاهْ تَعَرْفُوا سِّرْ مَلَكوُتْ اللهْ بَصَّحْ لِي رَاهُمْ بَرَّا يَوْصَلَلْهُمْ كُلْشيِ بِالْمْثُولْ، ¹²قَدْ مَا يَخَّزْرُوا مَيْشُوفُوشْ وْ قَدْ مَا يَسَّمْعُوا مَا يَفَهْمُوشْ ، حَتَى يْوَلُّوا وْ يْتُوبوُا وْ تَنَغْفَرْلْهُمْ ذْنُوبْهُمْ .¹³وْڨاَلْهُمْ : مَفْهَمْتُوشْ هَاذْ لَمْثَلْ؟ كِيفَاشْ تَفَّهْمُوا ڨَاعْ المْثُولْ ؟  ¹⁴ الْفَلاَّحْ يَزْرَعْ الكَلِمَة تَاعْ اَللهْ. وْهَاذُوا لِي عْلىَ الطْرِيڨْ وِينْ اِنْزَرْعَتْ الكَلْمَة ، ¹⁵كِي يْسَّمْعُوا تَمْتَمْ يْجيِ الشِّيطَانْ وْ يَڨْلَعْ الكَلِمَة المَزْرُوعَة فِي ڨْلُوبْهُمْ.¹⁶وْهَاذُوهُمَا لِي نْزَرْعُوا فَالْأَرْضْ المْحَجْرَة ،كِي يْسَمْعُوا الْكَلِمَة يَتْقَبْلُوهَا بِالفَرْحَة ، ¹⁷بْصَّحْ مَعَنْدْهَاشْ الجْذُورْ وْمَنْ بَعْدْ كِي تْجِي الشَّدَة وْ الضِّيقْ تَمْتَمْ يْطِيحُوا وْ يَرْتَدُوا فِي الْإِيمَانْ.¹⁸وْ هَاذُوكْ لِي نْزَرْعُوا فَالشُّوكْ ،هُمَا لِي يْسَّمْعُوا الكَلِمَة ،  ¹⁹ بْصَّحْ هْمُومْ الدَّنْيَا وْ شُهْرَةْ الْعَالَمْ يْجَيْفُوا الْكَلِمَة وْ مَتْجِيبْشْ الغَلَّة. ²⁰وْ لِي نْزَرْعُوا فَالْأَرْضْ المْلِيحَة، لِي يَسَمْعُوا الكَلِمَة وْ يَتْقَبْلُوهَا وْ يْجِيبُوا الغَلَّة ،وَحْدِينْ يْجِيبُوا ثْلاَثِينْ ،وَحْدِينْ سَتِينْ ،وْ وَحْدُخْرِينْ مْيَّة. لمثل نتاع المصباح²¹وْ ڨَالْهُمْ : الْفَانُوسْ يَنْحَطْ تَحْتْ الْمِكْيَالْ وْلاَّ تَحْتْ السَّرِيرْ ؟ مَشِي يَنْحَطْ عْلَى المْنَارَة ؟ ²²عْلَى خَطَرْشْ حْتَى حَاجَة مَا تَڨْعُدْ مَدْسُوسَة وْ مَتْبَانْشْ، وْ حَتَّى حَاجَة مَا تَڨْعَدْ فَالسَّرْ وْ مَتْنَعْرَفْشْ . ²³لِي عَنْدَهْ وَذْنَينْ بَاشْ يَسْمَعْ غِيرْ يَسْمَعْ.²⁴وْ ڨَالْهُمْ : رَدُّوا بَالْكُمْ عْلَى شَارَاكُمْ تَسَّمْعُوا. يَنْتْكَالَلْكُمْ بِالكِيلَة لِي تْكِيْلُوا بِيهَا ،وْ يْنْزَادْ لْكُمْ. ²⁵عْلَى خاَطَرْ لِي عَنْدَهْ يَنْعْطَالَهْ كْتَرْ ، وْ لِي مَعَنْدَهْشْ حْتَّى لِي عَنْدَهْ يَدُّوهْلَهْ. مْثَلْ تَاعْ الزَّرِيعَة لِي تَكْبَرْ²⁶وْ ڨَالْ : كِيمَا هَاكْ مَلَكُوتْ اللهْ كِيمَا البْنَادَمْ لِّي يْقِيسْ الزَّرِيعَة فَالْأَرْضْ.  ²⁷ يَرْڤُدْ فَاللِّيلْ وْ يْنُوضْ فَالنْهَارْ وْ الزَّريعة تَطْلَعْ وْ تَعْطِي الْغَلَّة مَبْلاَمَا يْعْرَفْ كِيفَاهْ ، ²⁸عْلَى خَاطَرْ الْأَرْضْ وَحَدْهَا تْجِيبْ الغَلَّة. ²⁹لْوَقْتْ لِي تَطْلَعْ فِيهْ الغَلَّة تَمْتَمْ يَرْسَلْ لِي يَحَصْدَهْ باِلمِنْجَلْ عْلَى خَاطَرْ وَقْتْ الغَلَّة لْحَڨ.ْ.³⁰وْ ڨَالْهُمْ : بَاشْ تْشَبْهُوا مَلَكُوتْ اللهْ ؟ وَاشْ مَنْ مْثَلْ نْمَثْلُوهْ بِيهْ ؟  ³¹ كِيمَا حَبَّةْ خَرْدَلْ كِي تَنْزْرَعْ فَالْأَرْضْ ،هِيَ الزَّرِيعَة ڤَاعْ الصْغِيرَة لِي تَنْزْرَعْ فَالْأَرْضْ، ³²بْصَّحْ كِي تَنْزْرَعْ ،تَنْبَتْ تْوَلِّي هِيَ الْكْبِيرَة فْالزَّرِيعَة وْ يْوَلُّوا عَنْدْهَا أَغْصَانْ كْبِيرَة وْ يْجُوا زْوَاوْشْ تْعَشَّشْ فِيهَا.³³كَانْ يَهْدَرْ لْهُمْ بِبْزَافْ مْثُولْ كِيمَا هَاذُوا عْلَى حْسَابْ مَا يْنَجْمُوا يْسَّمْعُوا. ³⁴هَدْرَتَهْ كَانَتْ غِيرْ بْالمْثُولْ ،وْ كِي يْكُونْ وَحْدَهْ مْعَ التْلاَمَذْ يَشْرَحَلْهُمْ كُلْشِي.³⁵وْ دَاكْ النْهَارْ مْعَ الْعْشِيَّة ،ڨَالْهُمْ ارْوَاحُوا نْڨَطْعُوا لْلجِهَة الْأُخْرَى.  ³⁶ رَوْحُوا الْغَاشِي وْ دَّاوَهْ مْعَاهُمْ فَالْفْلُوكَة وْ كَانَتْ مْعَاهْ فْلَايَكْ صْغَارْ وْ وَاحْدُخْرِينْ. ³⁷كِيجَاتْ الرِّيحْ قْوِيَّة وْ بْدَاتْ المْوَاجِي تَضْرَبْ فَالْفْلُوكَة ،حْتَى ڨْرِيبْ مَاتَتْعَمَّرْ بِالمَاء.³⁸وْ كَانْ هُوَ حَاطْ رَاسَهْ عْلَى مْخَدَّة وْ رَاڨَدْ. نَوْضُوهْ وْ ڨَالُولَهْ : يَا مْعَلَّمْ ،مَعْلاَبَالَكْشْ بِينَا كُونْ نَغَتْرُوا ؟. ³⁹وْ نَاضْ وْحَبَّسْ الرِّيحْ وْ ڨَالْ لِلْبْحَرْ تْهَدَّنْ وَاسْكُتْ وْ حَبَّسْ الرِّيحْ وَ تْهَدْنَتْ الْحَالَة.⁴⁰وْ مَنْ بَعْدْ ڨَالْ لْهُمْ : عْلاَشْ رَاكُمْ خَايْفِينْ ڨَاعْ هَاكَا ؟كِيفَاشْ مَعَنْدْكُمْشْ إِيمَانْ ؟ . ⁴¹وْ خَافُوا بْزَّافْ وْڨَالُوا مَا بِينَاتْهُمْ : شْكُونْ هَاذَا ،حْتَّى الرِّيحْ وْ البْحَرْ يْطِيعُوا كْلاَمَهْ.

¹وْجَاوْ لْجِهَة واحْدُخْرَى لْلْبْحَرْ لْبْلاَدْ سْمُوهَا اَلْجَدَرِيِينْ. ²وْكِي خْرَجْ مَالْفْلُوكَة تَمْ تَمْ لَقَاهْ وَاحَدْ لَبْنَادْمْ فِيهْ رُوحْ نَجِسْ،³كَانَ يْسْكُنْ فَلْقْبْرْ، وْحْتَى وَاحْدْ مَا نَجَّمْ يَرْبْطَهْ حْتَّى بَالْسْلاَسَلْ،  ⁴ عْلَى خَاطَرْ نْشَدْ بْزَّافْ بالْسْلاَسَلْ وْحْتَّى ولَّى يْطَرْطَڤْهُمْ وْ مَا نَجَّمْ حْتَّى وَاحَدْ يْتْحْكَّمْ فِيهْ.⁵وْكَانْ دَايْمَنْ لِيلْ وْ نْهَارْ فْلْجْبَالْ وْ لْقْبَرْ وْ يْزَڤِّي وْ يْجْرَحْ رُوحَهْ بْلَحْجْرْ.  ⁶ وْ كِشَافْ يَسُوعْ مْلْبْعِيدْ جْرَى وْ سْجَدْلَهْ،⁷وْ زَڤَّى بْزَّافْ وْ ڤَالْ: " شَا بِينِي وِ بِينَكْ يَا يَسُوعْ ابْنْ الله؟ فِوْجَهْ رْبِّي مَتْعْدَبْنِيشْ!". ⁸عْلَى خَاطَرْ ڤَالَهْ: " اخْرْجْ مَالْبْنَادَمْ يَا رُوحْ نَجِسْ".⁹وْ سْقْسَاه: "كِي سَمُّوكْ".وْ جَاوْبَهْ :"سَمُّونِي جَيْشْ، عْلَى خَاطْرْ رَانَا بْزَّافْ".  ¹⁰ وْ حَاوْلُوه ْبَاشْ مَايْرْسَلْهُمْشْ بَرَّى لمْدِينَة.¹¹وْ كَانْ تْمَا عْنْدْ لْجْبَلْْ ڤْطِيعْ كْبِيرْ تَاعْ لَحْلَالِيفْ يْرْعَاوْ،  ¹²وْطْلْبُوه ڤَاعْ شْوَاطْنْ وِ يْڤُولُو:" رْسَلْنَا نَدُّخْلٌو فَلْحْلَالِيفْ". ¹³وْ تَمْ تَمْ سْمَحَّلْهُمْ يَسُوعْ. وْ خَرْجَتْ اَلْأَرْوَاحْ اَلْنَّجِسَةُ وْ دَخْلَتْ فَلْحْلَالِيفْ، وْجْرَا لْڤْطِيعْ وْ طَاحْ فْلَبْحَرْ وْ كَانُو وَحْدْ اَلْفِينْ وْ جَافُو فْلْبْحَرْ.¹⁴بْصَّحْ سُرَّاحْ لَحْلَالِيفْ هَرْبُو وْ خَبْرُو لِّي فْلْمْدِينَة وْ دْوَاوِيرْ .وْ خَرْجُو بَاشْ يْشُوفُو شَا صْرَى. ¹⁵وْ جَاوْ لْعْنْدْ يَسُوعْ و كِشَافُو لْمْجْنُونْ لِّي كَانْ فِيهْ رُوحْ نَجِسْ مْجْمَّعْ وْ لاَبَسْ وْ عَاقْلْ ،خَافُو.¹⁶وْ حْكَاوْلْهُمْ ِلّي شَافُو شَا صْرَى مْعَ لْمَجْنُونْ وْ لَحْلَالِيفْ . ¹⁷وْ ڤَالُو لْيَسُوعْ يَرْحَلْ مْنْ بْلاَدْهُمْ.¹⁸وْ كِي دْخَلْ يَسُوعْ لْلْفْلُوكَة طْلْبْ مْنَّهْ لِّي كَانْ مْجْنُونْ بَاشْ يْكُونْ مْعَاهْ،  ¹⁹ وْ مَخْلاَهْشْ ،يَسُوعْ بْصَّحْ ڤَالَه ْ: "رُوحْ عَنْدْ دَارْكْ وْ مَّالِيكْ ، وْ خْبَّرْهُمْ شَا دَارْلَكْ الله ْو ِكيفَاشْ رَحْمَكْ". ²⁰وْ رَاحْ وْ بْدَا يْبَرّحْ فْعَشْرْ مْدُنْ شَدَارْ يَسُوعْ مْعَاهْ. وْ تْعَجْبُو لْغَاشِي. اقامة ابنة يايرس و نازفة الدم²¹وْ كِفَاتْ يَسُوعْ بْلْفْلُوكَة لَلْجِهَة لُخْرَى ، تْلاَمُّو عْنْدَهْ بْزَافْ الْنَّاسْ ، وْ كَانْ عَنْدْ لْبْحَرْ.  ²² وْ جَا عَنْدَهْ وَاحْدْ رَئِيسْ الْمْجْمَعْ سْمُوهْ يَايْرُسُ. وْ كِيشَافَهْ سْجْدْلَهْ ، ²³وْ حَاوْلَهْ وْ هُوَ يْڤُولْ :"بْنْتِي الصْغِيرَة رَاهِي تْلَقَّفْ. لُوكَانْ غِيرْ تْجِّي وْ تْحْطْ يْدَْكْ عْلِيهَا بَاشْ تْبْرَا وْ تْحْيَا!" . ²⁴وْرَاحْ مْعَاهْ وْ تْبْعُوهْ بْزَّافْ الْنَّاسْ وْ كَانُو غَابْنِينَهْ.²⁵وْ كَانْتْ مْرَاه عَنْدْهَا طْنَاعْشْ سْنَة وْ ِهيَ تَدْمِي ، ²⁶نْضَرَّتْ بْزَّافْ مَاالْطْبَّى وْ خْسْرْتْ ڤَاعْ لِي عْنْدْهَا وْ مَانْفْعْهَا وَالُو، غِيرْ زَادْ عْلِيهَا الضَّرِ. ²⁷وْ كِي سَمْعَتْ بْيَسُوعْ جَاتْ فِي وَسْطْ الْجْمَاعَة مْنْ مُورَاهْ ، وْمَسَّتْ قْشَهْ،²⁸عْلَى خَاطَرْ ڤَالَتْ : " إِلاَ تْلَمّسْتْ يَالُوكَانْ غِيرْ قْشَّهْ نْبْرَا". ²⁹وْ تَمْ تَمْ حَبَّسْ نَزِيفْ دَمْهَا ، وْ فَاقَتْ فِي رُوحْهَا بْلِّي بْرَاتْ مَالْمَرْضْ.³⁰وْ تَمْ تَمْ دَارْ يَسُوعْ بِينْ الجْمَاعَة وْ حَّسْ فِي رُوحَهْ بْقْوَّة خَرْجَتْ مْنَّهْ، وْ ڤَالْ:" شْكُونْ لِّي لْمَسْ قْشِّي؟". ³¹وْ ڤَالُولَهْ تْلاَمْذْه:" رَاكْ تْشُوفْ ڤَاعْ الْغَاشِي يَدَّمْرُوكْ، ْو تْڤُولْ: شْكُونْ لِمَسْنِي؟". ³²وْ كَانْ يْشُوفْ وِ يْحَوَّسْ بَاشْ يْشُوفْ لِّي دَارَتْ هَادْ الشِّي.³³بَصَّحْ لْمْرَاه جَاتْ وْهِيَ خَايْفَة بْزَّافْ، وْ عَارْفَة شَاصْرَالْهَا، وْ سَجْدَتْ وْ ڤَالْتْلَهْ ڤَاعْ اْلْحَقْ. ³⁴وْ ڤَالْهَا : " يَا بْنْتِي ِإيمَانَكْ شْفَاكْ ، رُوحِي بَسْلاَمَة وْ كُونِي صْحِيحَة".³⁵وْ هْوَ يْهْدَرْ جَاوْ مْنْ دَارْ رَئِيسْ الْمَجْمَعْ وِ يْڤُولُو:" بْنْتْكْ مَاتَتْ. عْلاَهْ رَاكْ تْشَقّؤي فْلْمْعَلَّمْ؟".³⁶وْ تَمْ تَمْ سْمَعْ يَسُوعْ الْكْلْمَة لِّي نْڤَالَتْ، وْ ڤَالْ لْرَئِيسْ المَجْمَعْ : "مَتْخَافْشْ ! آمْنْ بَرْكْ".  ³⁷ وْ مَاخَلَّى حْتَى وَاحَدْ يْتَبْعَهْ غِيرْ بُطْرُسْ وْ يَعْقُوبْ، وْ يُوحُنَّا خُو يَعْقُوبْ. ³⁸وْ جَا لْدَارْ رَئِيسْ الْمْجْمَعْ وْ سْمَعْ التْوَاغْ . يْبْكُو وِ يْنَوْحُو.³⁹وْ دْخَلْ وْ قَالْهُمْ : "عْلاَهْ رَاكُمْ تْبْكُو وْ تْنُوْحُو؟ لْبْنْتْ مَمَاتْتْشْ رَاهِي غِيرْ رَاڤْدَة ".  ⁴⁰وْ ضَحْكُو عْلِيهْ. بْصَّحْ هُوَ خْرَّجْهُمْ ڤَاعْ. وْ دَّى مْعَاهْ بُوا البْنْتْ وَ امْهَا وْ لِي كَانُو مْعَاهْ وْ دْخْلْ وِينْ كَانْتْ الْبْنْتْ مْكَسْلَة،⁴¹وْ شْدْ يَدْ الْبَنْتْ وْ ڤَالْهْا: "طَالِيثَا ، نُوضِي!". لِي مْعْنَاهْ: يَا بْنْتْ لِيكْ نْقُولْ: نُوضِي!  ⁴² وْ َتمْ تَمْ نَاضَتْ الْبَنْتْ وْ تْمْشَاتْ، عْلَى خَاطَرْ كَاْنتْ بْنْتْ تَاعْ طْنَاعْشْ سْنَة نْخْلْعُوا خْلْعَة كْبِيرَة . ⁴³وْ وَصَّاهُمْ بْزَّافْ بَاشْ حْتَّى وَاحْدْ مَا يْعْرَفْ شَا صْرَى وْ ڤَالْ بَاشْ يَعْطُوهَا تَاكُلْ.

¹وخْرَجْ مَنْ ثَمَّا وَ رْجَعْ لَبلاَدَهْ وتَبْعُوهْ تَلَامْذْهْ. ²وْفَالنْهَارْ الَسَّبْتْ بْدَا يْعَلَّمْهُمْ فَالمُجَمَعْ. وبَزَّافْ النَّاسْ ّلِي سَمْعُوهْ نْخَلْعُو ڤَالُو:"مْنِينْ جَاهْ ڤَاعِ هَادْ الْشِّي ؟و شَا هَاذْ الحِكْمَة لِّي نَعْطَاتْلَهْ بَاشْ يَصْرُوا ڤَاعْ هَادْ المُعْجِزَاتْ عْلَى يَدِّيهْ؟ ³مَاشِِي هَذَا هُوَ النَجَّارْ وَلْدْ مَرْيَمْ خُو يَعْقُوبْ و يُوسِي و يَهُوذَا و سَمْعَانْ؟ مَاشِي خُوتَهْ لِّي رَاهُمْ هْنَا عَنْدْنَا وكَانُو يْشَكُّوا فِيهْ.⁴ڤَالْهُمْ :"مَاكَانْشْ النْبِي بْلا كَرَامَة غِيرْ فِي وَطْنَهْ و فِي دَارَهْ بِينْ مَّالِيهْ ". ⁵و مَنَجَّمْشْ يْدِيرْثَمَّا حَتَّى مُعْجِزَة، كَانْ يْحَطْ يَدِّيهْ عْلَى شِي مَرْضَى و شْفَاهُمْ. ⁶وتَعَجَّبْ كِي مَعَنْدْهُومْشْ الإِيمَانْ . وَبْدَى يْدُورْ فَالدْوَاوِيرْ يْعَلَّمْ.⁷و عَيَّطْ طْنَاعَشْ وْ بْدَى يَرْسَلْهُمْ زُوجْ زُوجْ، وأَعْطَاهُمْ سُلْطَانْ عْلَى لَرْوَاحْ النَجِسَة.  ⁸وْوَصَّاهُمْ مَيَدُّوشْ مْعَاهُمْ لاَ خُبْزْ ولاَعَوْلَة و لاَدْرَاهَمْ فِي حْزَامْهُمْ ، بَصَّحْ يَرَّفْدُوا مْعَاهُمْ غِيرْ مَطْرَڤْ. ⁹ويَلَّبْسوُ صَبَّاطْ و لَبْسَة وَحْدَة.¹⁰و ڤَالْهُمْ :"وْ كِي تَدُخْلُو لْدَارْ ڤُّعْدُو فِيهَا حَتَى تُخُّرْجُومَنْ ثَمَّا.  ¹¹ وڤَاعْ لِّي مَا يَقَّبَلْوكُمْشْ ومَايَسْمْعْولْكُمْشْ، خُّرْجُو مْنِ ثَمَّ وأَنْفْضُوا التْرَابْ لِّي فِي كَرْعِيكُمْ بَاشْ تْكُونْ شْهَادَة عْلِيهُمْ. الحَقْ نْڤُولْ لْكُمْ غَادِي تْكُونْ أَرْضْ سَدُومْ و عَمُورَة فِي يُومْ الدِّينْ ضِيقْ قَلْ مَنْ هَاذِيكْ لَمْدينَة".¹²و خَرْجُو يْبَشْرُو لَتَوْبَة. ¹³وخَرْجُوبَزَّافْ شَيَاطِينْ، و دَهْنُو بَالزِّيتْ بَزَّافْ مَرْضَى وشْفَاوْهُمْ. قطع راس يوحنا الغطاس¹⁴سْمَعْ الْمَلِكْ هَيرُودُسْ بَلِّي إِسْمَه وَلَّى مَعْرُوفْ . ڤَالْ:" هَذْا يُوحَنَا الغَطَّاسْ نَاضْ مَنْ بِينْ المُوتَى و عْلَى يَدِّيهْ رَاهْ تَصْرَى مُعْجِزَاتْ".  ¹⁵ وَحْدِين ڤَالُو:"هُوَ إِِيلِيَّا"ولُخْرِينْ ڤَالُو:"هُوَ النَبِي كِيمَا الانْبِيَاء".¹⁶و كِي سْمَعْ هِيرُودُسْ ڤَالْ:" هَذَا يُوحَنَا لِّي أَنَا ڤْطَعْتْ رَاسَهْ نَاضْ مْنْ بِينْ المُوتَى". ¹⁷عْلَى خَاطَرْ هَيرُودَسْ هُوَ بْرُوحَهْ شَدْ يُوحَنَا و دَارَهْ فَالحَبْسْ عْلَى جَالْ هِيرُودِييَّا مَرْة فِيلِيبُسْ خُوهْ ، لِّي كَانْ تْزَوَجْ مْعَهَا.¹⁸عْلَى خَاطَرْ يُوحَنَا كَانْ يْڤُول لْهِرُودُسَ:"مَاشِي حْلاَلْ عْلَيكْ مَرْتْ خُوكْ". ¹⁹ حَڤْدَتْ هِيرُودِييَّا عْلِيهْ، بَاشْ تَكُّتْلَه ْبَصَّحْ مَنَجْمَّتْشْ، ²⁰عَلَى خَاطَرْ هِيرُودُسَ كَانْ يْهيبْ يُوحَنَا و يَعْرَفْ بَلِي هُوَ رَاجْلْ بَّارْ و قَديسْ، كَانْ يَدّْضَايَقْ كِي يَسَّمْعَهْ بَصَّحْ يْدِيرْ بَزّافْ عَلَى رَايَهْ ، ويَسَمْعَهْ بَالفَرْحْ.²¹كَي جَا عِيدْ مِيلاَدَهْ دَارْ مَلُومَة و عْرَضْ لَسْيَادْ و لِّي مَعْرُوفِينْ و قَادَةْ العَسكَرْ نْتَاعْ الجَلِيلْ، ²²دَخْلَتْ بَنْتْ هِرُودِييَّا ورَڨَصَتْ وفْرَحْ هِيرُودُس ولِّي كَانُو مْعَاهْ . و ڨَالْ السَلْطاَنْ للْبَنْتْ :"طَُلْبِي شَا بْغِيتِي نْمَدْ هْلَكْ".²³و حْلَفْ لْهَا:" لُو كَانْ تَطَُّلْبِي نَّصْ مَمْلَكْتِي نَعْطِيهَالَكْ " ²⁴خَرْجَتْ و ڨََالَتْ لَمَّهَا :"شَا نَطْلَبْ؟. ڨَالَتْ لْهَا :" رَاسْ يُوحَنَا الغَطَاسْ". ²⁵دَخْلَتْ تَم تَمْ عَنْدْ السُلْطَانْ و طَلْبَتْ مَنَّهْ:"بْغِيتْ تْمَدْلِي رَاسْ يُوحَنَا الغَطَاسْ عْلَى طَبْسِي فَالحِينْ".²⁶حْزَنْ السَلْطَانْ بْزَافْ . عْلَى جَالْ النَّاسْ لِّي مْعَاهْ وْلْحَلْفْ لِّي حَلْفَهْ مَبْغَاشْ إِرُدْهَا. ²⁷تَمْ تَمْ رْسَلْ السَلْطَانْ الْخَدَّامْ إِجِيبْ رَاسَهْ. ²⁸رَاحْ و ڨَْطَعْ رَاسْهْ فَالحَبْسْ وْجَابَهْ فِي طَبْسِي و أَعْطَاهْ لَلْبَنْتْ، وْالبَنْتْ عْطَاتَهْ لَمُهَا. ²⁹وكِي سَمْعُوا تْلاَمْذْ تَعَاهْ جَاوْ جَابُو الْجَثَة تَاعَهْ وْدَفْنُوهْ فِي قْبَرْ.³⁰وْتْلاَيْمُوا الرُسُلْ عَنْدْ يَسُوعْ وْحْكَاوْلَهْ ڨََاعْ الشِّى ، لِّي دَارُوهْ. ³¹ڨَالْ لْهُمْ:" رْوَاحُو نْتُمَا وَحَدْكُمْ لْمْكَانْ خَالِي ْورْتَاحُوا شْوِيَة". عْلَى خَاطَرْكَانُو بَزَّافْ نَاسْ رَايحَين وْ جَايِين حَتَى مَاقَدْرُوشْ يَاكْلُو. ³²و رَاحُوا بَالفْلُوكَة لَلْخْلَى وَحَّدْهُمْ.³³شَافُوهُمْ بَزَّافْ نَاسْ كِي رَاحُوا، وْعَرْفُوهْ. وْجَاوْ لِيهْ يَتْمَشَوْ مَنْ كُلْ مْدِينَة . سَبْڨَُوهْ و تْلاَ يْمُو تَّمَّا مْعَاهْ. ³⁴كِي خْرَجْ يَسُوعْ شَافْ بَزَّافْ غَاشِي ، تْحَنَّنْ عْلِيهُمْ عْلَى خَاطَرْكَانُوا كِي لَغْنَمْ بْلاَ رَاعِي وْبْدَا يْعَلَّمْهُمْ بَزَّافْ صْوَالَحْ.³⁵وْكِي رَاحْ لْوَقْتْ جَاوْ لْعَنْدَهْ تَلاَمْذْ و ڨَالُو لَهْ:" رَانَا فِي مْكَانْ خَالِي و رَاحْ لْوَقْتْ ، ³⁶سَرْحُوهُمْ بَاهْ إِيْرُوحُوا لَدْوَاوِيرْ وَيَبشْرُوا لَخْبْزْ،عْلَى خَاطَرْ مَعَنْدْهُومْشْ شَا يَاكْلُوا.³⁷جَاوْبْهُمْ وْڨَالْ:"عْطُوهُمْ أَنْتُمَا يَاكْلُوا".ڨَالُولَهْ:"نْرُوحُوا نَشْرُوا خُبْزْ بْمِتَينْ دِينَارْ؟". ³⁸ْوڨَالْ لْهُمْ :" شْحَالْ مَنْ خُبْزَة عَنْدْكُمْ؟ رُوحُو شُوفُوا". وكِي عَرْفُوا ڨَالُوا:"خَمْسَ وْ زُوجْ حُوتَاتْ".³⁹وْامَرْهُمْ يْجَمْعُوهُمْ جْمَايَعْ جْمَايَعْ عْلَى لَحْشِيشْ . ⁴⁰وْ تَكَّاوْ جْمَايَعْ: تَاعْ مْيَة مْيَة وْ تَاعْ خَمْسِينْ خَمْسِينْ. ⁴¹رْفَدْ يَسُوعْ الخَمْسْ خُبْزَاتْ وْأَ زُّوجْ حُوتَاتْ، وْ رْفَدْ عِينِيهْ لَسْمَا، وْبَارَكْ وْڨَسَّمْ الْخُبْزَاتْ ، وْمَدْ لَتَلاَمَذْ بَاشْ يَڨَسْمُوهُمْ عْلَى النَّاسْ وْ ڨَسَّمْ ثَانِي الزُوجْ حُوتَاتْ عْلَى النَّاسْ.⁴²وْ كْلاَوْ ڨَاعْ وْ شَبْعُوا . ⁴³مَنْبَعْدْ رَفْدُو طْنَاعْشْ ڨَُفَة مْعَّمْرَة بالخُبْزْ وْالحُوتْ لِّي بْقَى . ⁴⁴وْ كَانُو لِّي كْلاَوْ ڨَْرِيبْ خَمْسْ ضْعَافْ رَاجَلْ .⁴⁵تَمْ تَمْ ڨَالْ لَتْلاَمَذْ نْتَاعَهْ يَدَّخْلُوا َلْلفْلُوكَة و يَسْبْڨَُوهْ لَشَّطْ فِي بِيتْ صَيْدَا بِلاَمَا يْسَرَّحْ لْغَاشِي. ⁴⁶وْمْنْبَعْدْ مَا وَدْعْوهُمْ رَاحْ لَجْبَلْ بَاشْ يْصَّلِي. ⁴⁷مْعَ لَعْشِيَة كَانَتْ لَفْلُوكَة فِي وَسْطْ لَبْحَرْ، وْ هُوَ على الشََّطْ وَحْدَهْ.⁴⁸وشَافْهُمْ مْعَذْبِينْ فَالجَدْفْ ،عْلَى خَاطَرْ كَانَتْ الرِّيحْ مْعَاكْسَتْهُمْ وْ كِي ڨََرَّبْ يَكْمَلْ اللِّيلْ جَاهُمْ يَسُوعْ يَتْمَشَّى فُوڨَ الَبْحَرْ، بَغِي يْفُوتْهُمْ. ⁴⁹وْكِي شَافُوهْ يَتْمَشَي عْلَى الْمَا حَسْبُوهْ خْيَالْ، بْدَاوْ يَزَّڨَُوا. ⁵⁰عْلَى خَاطَرْ شَافُوهْ وْخَافُوا، تَمْ تَمْ ڨَالْهُمْ :"تِقُوا ! أَنَا هُوَمَتْخَافُوشْ".⁵¹طْلَعْ يَسُوعْ لَفْلُوكَة حَبْسَتْ الرِّيحْ، تْعَجْبُوا فِيهْ بَزَّافْ . ⁵²عْلَى خَاطَرْمَافَهْمُوشْ مُعْجِزَة الخُبْزْعْلَى خَاطَرْ ڨَْلُوبْهُمْ كَانَتْ قَاسِيَة.⁵³كَي لَحْڨَُو لأَرْضْ جَنِّيسَارَتْ . ⁵⁴كِي خَرْجُوا مَالَفْلُوكَة تَمْ تَمْ عَرْفُوهْ ⁵⁵وْدَارُوا بِيهْ ڨَاعْ النَّاسْ تَاعْ هَادِيكْ لَبْلاَدْ، وْ بْدَاوْ يْجِيبُولَهْ النَّاسْ لِّي مْرَاضْ فُوڨْ مْطَارَحْهُمْ.⁵⁶كُلْ دُوَّارْ وْبْلاَدْ يْدْخَلْلْهَا ، يْجِيبُو لَهْ لْمَرْضَى لَسُوڨْ غِيرْ بَاشْ يْمَسُّوا طَرْفْ مَنْ كَسَوْتَّهْ وْ يَبْرَاوْ.

¹وْتْلاَيْمُوا عَنْدَهْ الفَرِّسِيُونْ وْ الكَتَبَة لِجَاوْ مَنْ اُرُوشَلِيم.²كيِ شَافُوا بَعْضْ التَّلاَمَذْ تَاوْعَه يَاكْلُوا الخُبْزْ بْيَدِين مَشِي نْقَيِّينْ،لاَمُوهْ  ³عْلَى خَاطَرْ الْفَرِيسِيينْ وْ اليَهودْ اِلَى مَغَسْلُوشْ يَدِّيهُمْ مْلِيحْ .مَيَاكْلُوشْ، وْهُمَا شَادِّينْ فْعَادَتْ لِهُودْ. ⁴وْحَتَّى كِيْ يْجُوا مَالسُّوڨْ إِذَامَغَسْلُوشْ مَيَاكْلُوشْ. وْبَزَّافْ عْوَايَدْ تْعَلْمُوهُمْ وْ مَزَالْهُمْ شَادِّينْ فِيهُمْ غْسِيلْ الَمًّاعَنْ وَ الكِيسَانْ وْالسْنِّيَاوَاتْ تَاعْ نْحَاسْ وْحَتَّى النَّامُوسِيَّاتْ.⁵وْمَنْبَعْدْ سَقْسَاوَهْ الفَرِّسِيِينْ وْ الكَتَبَةُ: "عْلاَشْ التَّلاَمْذْ تَاوْعَكْ مَيَتْمَشُّوشْ عْلَى لَعْوَايَدْ تَاعْ لَجْدُودْ ،وْيَاكْلُوا الْخُبْزْ بْيَدِّينْ مَاشِّي نْقَيِّينْ؟".⁶وْ ڨَالْهُمْ: " كِيمَا اِشْعِيَاءْ تْنَبَّأْ عْلِيكُمْ نْتُومَا يَا الْمُنَافِقِينْ! كِمَا هُومَكْتُوبْ :هَادَا شَّعْبْ إكَرَّمْنِي بْفُمَّهْ ،بَصَّحْ ڨَلْبَهْ بْعِيدْ عْلِيَا ، ⁷يَعَبْدُونِي فِي بَاطَلْ وْهُمَا اِعَلْمُوا اتَعَاليِمْ تَاعْ النَّاسْ.⁸خَلِيتُوا وْصيَّة اللهِ وْشَدِيتُوا فِي عْوَايَدْ النَّاسْ كِمَا غْسِيلْ لَمَّاعَنْ وْالْكِيسَانْ وْ حْوَايَجْ وْحْدُخْرِينْ كِيمَا هَادُوا دِّيرُوهُم ⁹وْڨَاَلْهُمْ: "مْلِيحَا هَادِي! خَلِّيتُوا وْصِيَةْ الله ِبَاشْ تْشَدُّوا فِي عْوَايَدْكُمْ ¹⁰عْلَى خَاطَرْ مُوسَى ڨَالْ :كَرَّمْ بُوكْ وَامُّكْ، وَلِّي يْعَايَرْ بُوهْ وَ امَّهْ يَتْعَاقَبْ بالمُوتْ.¹¹انْتُومَا تْڨُولُوا :اذَا وَاحَدْ ڨَالْ لَلْوَالِدْ وْ للوَالدَة ُ لِكُنْتْ قَادَرْ نْعَاوْنَكْ بيِهْ نْمَدُوهْ هِبَة لَلِرَّبْ . ¹²مَتْزِيدُوشْ تْخَلُوهْ ادِيرْ حَاجَة لَلْوَالِدْ وَلَلْوَالِدَة . ¹³مْبَطْلُينْ كْلاَمْ اللهِ بَعْوَايَدْكُم لِنَقَلْتُوهَا. وْبَزَّافْ صْوَالَحْ كِيمَا هَادُوا دَرْتُوهَا.¹⁴وْعَاوَدْ عَيَّطْ لَلْغَاشِي وْ ڨَالْهُمْ:" اسَّمْعُوا ڨَاَعْ كِيماَ رَاكُم ْوْافَّهْمُوا ¹⁵مَاشِّي لِيَدْخُلْ مَنْ بَرَّى لْبْنَادَمْ لِيْنَجْسَهْ ،بَصَّحْ لِيَخْرَجْ مَنْ لَبْنَادَمْ هُوَ لِيْنَجْسَهْ. ْ ¹⁶وَلِّي عَنْدَهْ وَدْنِينْ باَهْ يَسْمَعْ ،غِيرْ يَسْمَعْ".¹⁷وْكِي خَلّى الْغَاشِي وْ دْخَلْ لَدَّارْ سَقْسَاوَهْ التَّلامَذْ تَاوْعَه ْعْلىَ لَمْثَلْ. ¹⁸وْڨَاَلْهُمْ :"نْتُومَا ثَانِي مَرَاكُمْشْ فَاهْمِين؟ بَلِّي ڨَاعْ لِيُدْخُلْ مَنْ بَرَّى الَبْنَادَمْ مَايْقَدْرْشْ انَجْسَهْ ، ¹⁹عْلَى خَاطَرْ مَيُدْخُلْشْ لْڨَلْبَه يُدْخُلْ لْكَرْشَه وْ يُخْرُجْ لْبَرَّى، هَاكَا انَقِّى ڨَاَعْ ْلَمْوَاكَلْ".²⁰مَنْبَعْد ڨَالْ:< لِيُخْرُجْ مَا لَبْنَادَمْ هَذاَ لِيْنَجَّسْهْ ²¹ عْلَى خَاطَرْ مَنْ دَاخَلْ ڨَلُوبْ النَّاسْ لِيُخْرُجْ التَّخْمَامْ لْمْاشِي مْلِيحْ ،الزْنَى،الفُسْقْ،قَتْلْ ، ²²السَّرِقَة الطَّمْعْ،الخُبْثْ،الشَّرْ، الحِيلَه،والجَهْلْ. ²³ڨَاعْ هَادْ لَحْوَايَجْ مَنْ دَاخَلْ َويْنَجْسُوا لَبْناَدَم ْ".²⁴وْمَنْبَعْدْ نَاضْ مَنْ تَمَّ وْرَاحْ لْصُورْ و صَيْدَا وْدْخَلْ لْدَارْ وْ مَبْغاَشْ حَتَّى وَاحَدْ يَعْرَفهْ ، بَصَّحْ مَقْدَرْشْ ادَّسْ رُوحَهْ ²⁵اِمَلاَ وَاحْدْ لَمْرَة كَانْ عَنْدْهَا بَنْتْ مَسْكُونَه بْرُوحْ نَجِسْ وْسَمْعَتْ لْهَدْرَة عْليِه ْجَاتْ وْطَاحَتْ عَنْدْ رَجْليِهْ. ²⁶هِيِ مْرَا يُونَانِيَة وْ أَصَّلْهَا فيِنِيقِي سُورِي وْ طَلْبَتْ مَنَّهْ ْبَاشْ اخَرَّجْ الشَّيْطَانْ مَن ْبَنْتْهاَ²⁷بَصَّحْ يَسُوعْ ڨَالْهَا :"حَتَى قْبَلْ الْدْرَارِي يَشَّبْعُواعْلَى خَاطَرْ مَاشِّي مْلِيحْ يَنْڨَلَعْ الخُبْزْ تَاعْ الدْرَارِي وْيَتْمَدْ لَلْكْلاَبْ ". ²⁸وْهِيَ وَاجْبَاتَهْ :"وَاهْ، يَاسَيدِي! :حَتَى لَكْلاَبْ ياَكْلُوا تَحْتْ المَايْدَا مَنْ فْتَاتْ ْتَاعْ الدْرَارِي!".²⁹ڨَالْهَا: "عْلىَ جَالْ هاَدْ لْكَلْمَة رُوحِي ،الشِّيطَانْ رَاه ْخْرَج ْمَنْ بَنتَكْ". ³⁰وْ كِي رَاحَتْ لَدَّارْهَا لْقَاتْ بَنْتْهاَ فاَلْفْرَاشْ وَ الشِّيطَانْ خْرَجْ مَنْهَا .³¹وْرَاحْ خْرَجْ مَنْ جْوَايَه صُورْ وْ صَيْدَا وْجَا لَلبْحَرْ الجَلِيلْ فِي وَسْطْ حُدُودْ المْدُنْ العَشرَا. ³²وْجَابُولَهْ طَْرشْ يَهْدَرْوْ يْتَأْتَأْ وْڨَالُولَه بَاه ْاحَطْ يَدَّيه ْعْليِه³³دَّاهْ يَسُوعْ وَحْدَهْ فِي جِهَة بْعيِدْ عْلَى لْغَاشِي وْدَارْ صْبَاعَهْ فِي وَدْنِينْ الرَاجَلْ وْ دْفَلْ وْ تْلَمَسْلَهْ لْسَانَه ³⁴وْ رْفَدْ عَينِيهْ لَسْمَا وْ تْنَهَّد ْوْ ڨَالْ <اِفَّثَا> .يَعْنِي انْحَلْ ³⁵وْ تَمْتَمْ نْحَلُوا وَدْنِيهْ ْوْ لْسَانَه تْحَرَّرْ،وْبْدَا يَهْدَر عَاَدِي .³⁶وْوَصَّاهُمْ يَسُوعْ بَاشْ مَايْقُولُوا لْحَتَى وَاحَدْ بَصَّحْ قَدْ مَا كَانْ اوُصِّيهُمْ قَدْ مَا كَانُوا يْبَّرْحُوا وْكَانُوا مَخْلُوعِينْ بَزَّافْ،بَزَّافْ . ³⁷وْيْڨَولُوا: "ڨَاعْ شَايْدِيرْ مْلِيحْ رَدْ طُّرْشِينْ اسَّمْعُوا وُبْكَاكِيشْ يَهَدْرُوا".

¹فْى هَاذوُكْ اْلْلّيَامْ، كَانُو غَاشِي بْزَّافْ وْمَكَانْش عْنْدْهُم شَا يَاكْلُو، يَسُوعْ المَسِيحْ عْيْطْ لْلتَلاَمَذْ تَاوْعَهْ ْوڤَالهُمْ:  ² "رَانِي نشْفْقْ علِيهُمْ،عْلَى خَاطَرعْندْهُمْ تَلْتَيَامْ بَايْتِينْ ْ مْعَايَا ، ومَاعنْدْهُمشْ شَا يَاكْلُو. ³وْاذَا خْلِيتُوهُمْ إِوّلُوا لْديَارْهُمْ صَايْمِينْ، رَايَحْ يَعْيَاو فْى الطْرْيڨْ ، عْلَى خَاطَرْ نَاسْ بْزَّافْ مْنْهُمْ جَاوْ مَنْ بْعِيدْ". ⁴وْڤَالُو لَهْ تَلاَمْذْهْ : " مِْنِ نْقَدْرُو نْشَبْعُوهُمْ بْالخُبز فِى هَاذْ الصَحْرَا؟.⁵وْالمَسِيحْ سْقْسَاهُم :" شْحَالْ مْنْ خُبْزَة عنْدكُمْ؟ وڤَالُو لْهْ : عْنْدنَا سْبْع خُبْزَات". ⁶وْڤَالْ لَنَّاسْ بَاْه اِجَّمْعُوا عْلَى اللَّرْضْ، وْدَاَ السْبْعَة خُبْزَاتْ وَحْمْدْ رْبِيْ و عْطَى لَتْلاَمَذْ اِڤسْمُوعْليهُمْ.⁷وكَانْ مْعَاهُمْ شْوِيَة نْتَاعْ الْحُوتْ، وْ بَارْكْ وْطْلْبْ مَا التَلاَمَدْ بَاهْ يْمَّدُو لّنَّاسْ. ⁸كْلاَو وْشَبْعُو، وْجَمْعُو ّلِيْ بْقَى "سْبْعَة تَاعْ السَّلاَتْ". ⁹وْكَانْو لِّي كْلاَّوْ رَبعَالاَّفْ وَاحَدْ، وْمْبَعدْ سَّرَحْهُم . ¹⁰تَمْ تْم دْخَلْ لّْفلُوكَة هُوَ وْتْلاَمْدَهْ ، وْ رَاحْ لْجْوَايَهْ دَلمَانُوثَة.¹¹وجَاو عْنْدَهْ الفَرِيسِيينْ وبْدَاو يهَدْرُوا مْعَاهْ وطلبُوا مْنَهْ مُعْجِزَة بَاهْ يْجَرْبُوْهْ. ¹²تْنَهَّدْ وْ ڤَالْ: وَعْلاَهْ يْطْلْبْ هَاذْ الجِيْلْ مُعْجِزَة؟، وْنْڤُولْكُمْ اْلحَقْ مَا َيَنْعطَّاشْ لْهَاذْ الْجِيلْ مُعْجِزَة. ¹³وْمْنْبَعدْ خَلاَّهُمْ وْدْخْلْ تَانِي لَفْلُوكَة وْرَاحْ لْمْكَانْ وَحَدَاخُرْ¹⁴وْنْسَاوْ بَاهْ يْدِّوُ مْعَاهُم خُبْزْ، وْكَانْ عنْدهُمْ غِيْر وَحْدَة. ¹⁵وْصَّاهُمْ وْڤَالهٌمْ : " حَرزُوا رْوَاحْكُمْ مْا اْلفَرِّيْسِييْن وهِيْرُودُسْ ".¹⁶وخْمُّو بِيْنَاتْهُمْ ْوڤَالُو: " مَاعْندْنَاشْ خُبْزْ"، ¹⁷وعْرّْفْ يَسُوعْ شَا كَانُو يْخَمَّمُوا وْڤَالْهُمْ: " عْلاَّشْ تْخّمٌوبَلِّي مَاعنْدْكُمْشْ الخُبْزْ؟، مَازَال مَافْهْمْتُوشْ؟، مَنْ دَرْوَكْ ڤْلُوبْكُمْ رَاهَا قَاسْحَة؟،¹⁸كِيفَاهْ؟ عْندْكُمْ عِيْنِينْ وْمَاتْشُوفُوشْ؟، وعْندُكُمْ وْدْنِين وْمَاتْسْمْعُوشْ وْمَاتْعَقْلُوشْ؟، ¹⁹كِي ڤْسَّمْتْ خَمْسْ خُبْزَاتْ عْلََى خْمسَاَلاَفْ بْنَادَمْ، َشْحَالْ مْنْ ڤُفَة مْعَمْرَة تَاعْ الْخُبْزْ رْفْدَتُوهَا؟". وْڤَالُو لَهْ ،" طْنَاعْشْ".²⁰وْالمُعْجِزَة لَّيْ فِيهَا رْبْعَالاَفْ ، شْحَالْ مْنْ ڤُفَة عْمَّرْتُمْ؟. ڤَالُو لَهْ سْبْعَة، ²¹وْ ڤَالْهُمْ: كِيْفَاشْ مَتَفَّهْمُوشْ؟. شِفَاءْ أَعْمَى فِي بَيْتْ صيدا²²وْجَا لْبِيتْ صَيْدَا ، وْجَاَبُولَهْ رَاجَلْ عْمَى وْطْلْبُو مْنَّهْ بَاهْ يْشْفِيهْ، ²³شَدْلَهْ يَدَّهْ وْدَّاهْ بَرَّا الدَوَّارْ، دْفْلَّهْ فِي عِيْنِيهْ، وْحَطْ يْدِّيهْ عْلِيهْ وْسْقْسَاهْ " إِذَا رَاكْ تْشُوفْ؟"²⁴وْرَدْ عْلِيهْ بْلِّي رَاهْ يشُوفْ النَّاسْ كي شْجُر يَتْمَشَّوا. ²⁵وْمَنْبَعْدْ حَّطْ يْدِّيهْ عْلَى عِيْنِيهْ ، بْرَى وْوَلَّى يْشُوفْ. ²⁶رَسْلَهْ لْدَارَهْ وْڤَالَّهْ مَا يَدْخُلْشْ لَلْدَوَّارْ وْمَا يْڤُولْ لْحْتَّى وَاحَدْ.إِعْتِرَافْ بطرس بالمسيح²⁷وْمَنْبَعْد خْرَجْ يَسُوعْ مْعَ تْلَامْذَهْ َلدْوَاوِيرْ تَاعْ قِيصَرْيَة فِيلِبُسْ، وْ فَالطْرِيڤْ سَقْسَاهُمْ وْ ڤَالْهُمْ: "شَا يْڤُولُو النَّاسْ عْلِيَا؟ ". ²⁸جَاوْبُوهْ: " يُوحَنَا الغَطَّاسْ ، وْوَحْدُخْرِينْ إِيلِيَّا، وْ وَحَدُخْرِينْ وَاحد منْ الأنْبِيَاءْ".²⁹وْ زَادْ ڤَالْهُمْ : وْنْتُمَا شَا تْڤُولُو عْلِيَا؟، وْجَاوْبَهْ بُطْرُسْ وْڤَالَّهْ " نْتَ هُو المَسِيحْ إِبنْ الله"، ³⁰وَطْلَبْ مَنْهُمْ بَاهْ مَا يْڤُولُو لْحَتَّى وَاحَدْ.³¹بْدَا يْعَلَّمْهُمْ بَلِّي إِبْنْ الإِنْسَانْ إِلِيقْ يْتْعَذَّبْ وْيَنْضَّرْ بْزَّافْ، وْيَرْفْضَهْ الشُّيُوخْ وْرُؤَسَاءْ الكَهَنَةْ وْالْكَتَبَة وْ يَكُّتْلُوهْ ، وْبَعْدْ ثَلْثْ أَيَامْ يْنُوضْ. ³²وڤَالْ هَاذْ الهْدْرَة بْالزْڤَا ، وْجَبْدَهْ بُطْرُسْ عْلَى جِهَة وْبْدَا يْعَاتْبَهْ.³³دَارْ وْشَافْ فْالتْلاَمَذْ تَاعَهْ وْزَڤَّا عْلَى بُطْرُسْ وْڤَالَه: " رُوحْ عْلِيَا يَاشِيطَانْ ،عْلَى خَاطَرْ مَارَاكْشْ تْخَمَّمْ عْلَى صْوَالَحْ نْتَاعْ الرَّبْ ، بَصَّحْ نْتَاعْ النَّاسْ". ³⁴وْڤَالْ لنَّاسْ وْ التْلاَمَذْ نْتَاعَهْ : " لِّي بْغَا يْجِي مُورَايَا ، يْليقْ يَنْكَرْ رُوحَهْ وْيَرْفَدْ الصَّلِيبْ نْتَاعَهْ وَيْتَبَّعْنِي .³⁵لِّي بْغَا يَرْبَحْ نَفْسَهْ يَهْلَكْهَا، وْلِّي يَهْلَكْ نْفْسَهْ عْلَى جَالِي وْعْلَى جَالْ الإِنْجِيلْ يَرْبَحْهَا. ³⁶شَا يَنْفَعْ البْنَادَمْ لُوكَانْ يَرْبَحْ ڤَاعْ الدَّنْيَا وْيَخْسَرْ نَفْسَهْ؟ ³⁷وْلاَّ شَا يْمَدْ الإنسَانْ بَاهْ يْفدِي حْيَاتَهْ؟³⁸لِيَحْشَمْ بِيَّا وْبَكْلاَمِي فِي هَاذْْ الجِيلْ الفَاسَقْ الخَاطِي، تَانِي اِبْنْ الإِنْسَانْ يَحْشَمْ بِيهْ كِيْ يْجِي بْمَجْدْ بُوهْ مْعَ المَلاَيْكَا فَالسْمَا .

¹وْڤَالْهُمْ الْحَقْ نْڤُولْكُمْ : كَايَنْ وَحْدِينْ مَنْكُمْ هْنَا مَايْمُوتُوشْ حَتَّى يْشُوفُو مَلَكُوتْ الله جَا بْقَوَّة ²وْمَنْ بَعْدْ سَتِّيَامْ جَابْ يَسُوعْ بُطْرُسْ وْ يَعْقُوبْ وْ يُوحَنَا وْطْلَعْ بِهُمْ لَجْبَلْ عَالِ وْڤَعْدُو وَحَدْهُمْ وْتْبَدْلَتْ صُورْتَهْ ڤُدَّامْهُمْ ³وْوَلاَّتْ كَسَّوْتَهْ بَيْضَا كِثَلْجْ وْتَلْمَعْ مَكَانْشْ حَاجَة بَيْضَة كِمَاهِيَ عْلَى الأَرْضْ⁴بَانْ لْهُمْ إِلْيَاسْ مْعَ مُوسَى وْكَانُوا يْهَدْرُومْعَ يَسُوعْ  ⁵ وْخَلَّى بُطْرُسْ يْڤُولْ لْيَسُوعْ يَاسِيدِي مْلِيحْ نُڤَعْدُواهْنَاوْنَّصنْعُوا تْلْتْ خْيَامْ وَحْدَة لِيكْ وَحْدَة لْمُوسَى وَحْدَة لإيلْيَّا ⁶مَاكَانْشْ عْلَى بَاَلْه شَاكَانْ يَهْدَرْ عْلَى خَاطَرْ كَانُوا خَايْفِينْ .⁷وْكَانَتْ سْحَابَة ظَلَّتْ عْلِيهُمْ وْجَا صُوتْ مَا سْحَابَة هَذَا هُوَبْنِي لَحْبِيبْ سَمْعُوا لَهْ ⁸وْشَافُو مَنْ كُلْ جِهَة كَانْ غِيرْ يَسُوعْ وَحْدَهْ مْعَهُمْ.⁹وْكِي كَانُوا مْهَوْدِّين مَا الجْبَلْ وْصَّاهُمْ حَتَّى وَاحَدْ مَايْڤَُولْ شَاشَافُوا حَتَّى يُْقُومْ إِبْنْ الأِنْسَانْ مَنْ بِينْ لْمُوتَى ¹⁰وْخَلَاّوْلَكْلَامْ لَنْفُوسْهُمْ وْيْسَقْسِيوْ شَاهُوَ اْلقِيَامَة مَنْ بِينْ لْمُوتَى؟¹¹وْسَقْسَاوْ يَسُوعْ عْلاَشْ يْڤَُولُوا الْكَتَبَة بَلِّي إِيلِيَّا لاَزَمْ يْجِي لَوَّلْ، ¹²وْجَاوَبْهُمْ: " إِيلِيَّا يْجِي لَوَّلْ وْيْرُّدْ كُلْ شِي كِمَا هُوَ مَكْتُوبْ عْلَى إِبْنْ الأِنْسَانْ يَتْأَلَمْ بَزَّافْ وْيَتْهَانْ، ¹³وْأَنَا نَڤَُولْكُمْ إِيلِيَّا تَانِي جَا وْدَارُو فِيهْ شَابْغَاوْكِمَا هُوَ مَكْتُوبْ.¹⁴وْكِي جَا عَنْدَ تْلاَمَذْ شَافْ بَزَّافْ النَّاسْ مْدَّاوْرِينْ بِهْ وْلْكَتَبَة يْحَاوَرْهُمْ، ¹⁵وْ تَّمْ تَّمْ كِي شَافُوهْ ڤَاعْ هَدُوكْ النَّاسْ تْحَيّْرُوا وْجْرَاوْ عَنْدَهْ وْسَلْمُواعْلِيهْ ¹⁶سَقْسَاوْلْكَتَبَة عْلَى وَاشْ تْحَاوَرْهُمْ؟¹⁷وْجَاوَبْ وَاحَدْ مَا النَّاسْ وْڤََالْ يَا مْعَلَمْ جَبْتْلَكْ وْلْدِي فِيهْ رُوحْ أَخْرَسْ، ¹⁸وْهَادْ الرُوحْ يْطَيْحَهْ عْلَى لَرْضْ وْ يْغَزَزْلَهْ فِي سَنّيِهْ وْيَبْسَهْ وْڤُلْتْ لَتْلاَمْذَكْ بَهْ يْخَرْجُوهْ بَصَّحْ مَنَجْمُوشْ. ¹⁹وْجَاوَبْهُمْ يَسُوعْ يَالْجِيلْ لْغِيرْ لْمُومَنْ حَتَّى لْوِنْتَ نْكُونْ مْعَاكُمْ وْنَصْبَرْعْلِيكُمْ؟ ڤَدْمُوهْ لِي.²⁰قَدْمُوهْ لَهْ كِي شَافَهْ مَصْرُوعْ وْطَايَحْ عْلَى لََّرْضْ ²¹سَقْسَا بُوهْ مَنْ وِنْتَ وْهُوَّ عْلَى هَادْ الْحَالَة؟ وْجَاوْبَهْ :مَنْ لِّي كَانْ ْصغِيرْ ²²وْشْحَالْ مَنْ خَطْرَة قَاسَهْ فَي النَّارْوْالْمَا بَاشْ يَكَتْلَهْ وْبَصَّحْ إِلَاتَقْدَرْ دِيرْ حَاجَة تْحَنَنْ عْلِينَا وْعَاوَنَّا.²³وْڤَالَهْ يَسُوعْ :" إِلَا تَقْدَرْتْآمَنْ كُلْ شِي مُسْتَطَاعْ َللِّي ْيآمَنْ" ²⁴تَّمْ تَّمْ زَڤَا لْوَلْدْ بَاالدْمُوعْ وْ ڤَالْ نَآمَنْ يَا سِيدِي عَاوَنْ عَدَمْ إِيمَانِي ²⁵وْكِيشَافْ يَسُوعْ النَّاسْ يَجْرُوا أْمَرْ الرُوحْ النَجِسْ وْڤَالَه ْ"يَا الرُّوحْ لَخْرَسْ وْلَبْكَمْ نَأَمْرَكْ أُخْرَجْ مَنَهْ وْمَا تْعَاوَدْشْ تَدْخَلْ فِيهْ!"²⁶زَڤَا وْصَرْعَهْ بَزَّافْ وْخْرَجْ وْلَّى كِي ْلَميّتْ حَتَّى ڤَالُوا الَّناسْ رَاهْ مَاتْ!  ²⁷وْشَدَّهْ يَسُوعْ مَنْ يَدَّهْ وْنَوْضَهْ .²⁸وِكِي دْخَلْ لْوَاحَدْ الدَّارْ سَقْسَاوَهْ تْلاَمَذْ عْلاَهْ مَا قْدَرْنَاشْ نَخَرْجُوهْ؟ ²⁹ڤَالْهُمْ "هَادْ اْلَجنْسْ مَا يَخْرَجْشْ غِيرْبَالصْلاَةْ وْالصُومْ". يسوع يُنْبِئُ بِمَوتِهِ وَقِيَامَتِهِ³⁰وْخَرْجُوا مَنْ تَمَّا وْفَاتُوا مَا الْجَلِيلْ وْمَا بْغَاشْ حَتَّى وَاحَدْ يَعْرَفْ ³¹عْلَى خَاطَرْ كَانْ يْعَلَّمْ التْلاَمَذْ وْيْڤُولْهُمْ "إِبْنْ الأِنْسَانْ يْسَلْمُوهْ لْيَدِينْ النَّاسْ وْيْكُتْلُوهْ وْمَنْبَعْدْ فَالْيُومْ التَالَتْ يْقُومْ ³² بَصَّحْ هُمَا مَا فَهْمُوشْ كْلاَمَهْ وْخَافُوا بَاهْ يْسَقْسُوهْ. مَنْ هوالاعظم³³وْرَاحْ كَفَرْنَاحُومْ . كِي كَانْ فَالدَّارْ سَقْسَاهُمْ "عْلَى شَاهْ كُنْتُوا تَهَدْرُوا بِينَاتْكُمْ فَالطْرِيڤْ ³⁴سَكْتُواعْلَى خَاطَرْ كَانُوا يَتْنَاقْشُوا شْكُونْ هُوَالأَعْظْم ³⁵وْڤْعَدْ وْعَيَّطْ لَتْلاَمَذْ وْڤَالْهُمْ"إِذَا وَاحَدْ بْغَى يْوَلِّى لَوَّلْ يْكُونْ لَخَّرْ وْيَخْدَمْ لْكُلْ".³⁶نَوَّضْ وَلْدْ صْغِيرْ فِي وَسْطْهُمْ وْحَظْنَهْ وْڤَالْهُمْ ³⁷لِيَقْبَلْ وَاحَدْ مَنْ لَوْلَادْ كِمَاهَادَ بَاسْمِي يَقْبَلْنِي وْلِيَقْبَلْنِي مَيَقْبَلْنِيشْ غِيرْ أَنَا بَصَّحْ يَقْبَلْ لِرْسَلْنِي".³⁸وْجَاوَبْ يُوحَنَا وْڤَالَهْ: يَامْعَلَمْ شَفْنَا وَاحَدْ يْخَرَجْ شَيَاطِينْ بَاسْمَكْ وْهُوَمَايْتَبَعْنَاشْ ³⁹وْڤَالْ يَسُوعْ "مَا تَمَنْعُوهْشْ عْلَى خَاطَرْحَتَّى وَاحَدْ مَا يَصْنَعْ مُعْجِزَة بَاسْمِي وْيَقْدَرْ بَلْخَفْ يْڤُولْ عْلِيَّ الشَّرْ.⁴⁰عْلَى خَاطَرْ لِمَشِي ضَدْنَا هُوَمْعَانَا. ⁴¹ِلْيْشَرَّبْكُمْ كَاسْ مَاء بَاسْمِي عْلَى خَاطَرْ نْتُومَا لَلْمَسِيحْ نْڤُولْكُمْ الْحَقْ مَاظَاعْشْ أَجْرَهْ.⁴²وْلِّي يْطَيَّحْ وَاحَدْ مَاالصْغَارْلِيْآمْنُوا بِيَا خِيرْلَهْ يَنْدَارْعْلَى رَڤْبَتَهْ حَجْرَة الرْحَى وْيَنْقَاسْ فَالَبْحَرْ ⁴³وْإِذَا طَيْحَاَتَكْ يَدَّكْ فَالْخَطِيَّة ڤْطَعْهَا خِيرْلَكْ تَدْخُلْ لَحْيَاةْ بْيَدْ وَحْدَة وْلاَّتَدْخُلْ نَّارْجَهَنَمْ لِمَتْنَطْفَاشْ بْزُوجْ يَدِّينْ ⁴⁴وِينْ دُودْهُمْ مَايْمُوتْشْ وْالنَّارْ مَاتَنَّطْفَاشْ.⁴⁵وْإِذَا طَيْحَاتَكْ رَجْلَْكْ فَالْخَطِّيَة ڤَطْعْهَا خِيرْلَكْ تَدْخُلْ لَحْيَاْة قْجَعْ مَِّلي تْكُونْ عَنْدَكْ زُوجْ رَجْلِينْ وْتْنْقَاسْ فَاالنَّارْجَهَنَمْ لِمَتَّنَطْفَاشْ ⁴⁶وِينْ الدُودْ مَايْمُوتْشْ وْالنَّارْمَا تَنَّطْفَاشْ .⁴⁷وِيلَا طَيْحَاتَكْ عَيْنَكْ فَالْخَطِيَّة ڤْلَعْهَا خِيرْلَكْ تَدْخُلْ مَلَكُوتْ لله عْمَى مَلِّي تْكُونْ عَنْدَكْ زُوجْ عَيْنِيْن وْتَتْقَاسْ فِي نَّارْجَهَنَّمْ . ⁴⁸وِينْ دُودْهُمْ مَا ْيمُوتْشْ ْوالنَّارْمَاتَنَّطَْفَاشْ .⁴⁹كُلْ وَاحَدْ يَتْمَلَّحْ بَالنَّارْ وْكُلْ دْبِيحَة تَتْمَلَّحْ بَالْمَلْحْ ، ⁵⁰الْمَلْحْ مْلِيحْ بَصَّحْ إِذَا كَانْ الْمَلْحَ فَاسَدْ بَاشْ غَادِي نْصَلْحُوهْ ؟ إِيْكُونْ فِيكُمْ الْمَلْحْ وْكُونُومُسَالْمِينْ بَعْضَكُمْ مْعَ البَعْضْ .

¹وْرَاحْ مَنْ ثْمَّا وْجَالْجْوَايَهْ اليَهُودِيَة لِڤَْرِيبَا مَالأُرْدُنْ تْلَمُّوا عْلِيهْ بَزَّافْ الْنَّاسْ وْكَانْ إعَلَّمْهُمْ كِيمَا مْدَارِي ، ²ڤَدْمُوا عَنْدَهْ الْفَرِيسِيِنْ بَاهْ إِجَرْبُّوهْ سَقْسَاوَهْ ،إِلاَ حْلاَلْ لْرَّاجْلْ إطَلَّڤْ مَرْتَهْ ؟ ³جَاوَبْهُمْ وْڤَالْ : بَاهْ وْصَّاكُمْ مُوسَى ⁴ڤَالُوا: مُوُسَى سْمَحَّلْهُمْ بَاهْ يَكَّتْبُوا كْتَابْ الطْلاَڤْ⁵جَاوَبْهُمْ يَسُوعْ ڤَالْهُمْ عْلَى "جَالْ ڤْلُوبْكُمْ الْقَاسْحَة أَكْتَبَلْكُمْ هَاذْ الْوْصِيَّة " ⁶بَصَّحْ رَبِّى خْلَقْ رَاجَلْ وَ مْرَى مَلِّى بْدَاتْ الدَّنْيَا⁷عْلَى جَالْ هَادْ شِّى الرَّاجَلْ إخَلِّي بُوهْ وَ أمَّهْ وَيَتَّاحَدْ مْعَ مَرْتَهْ  ⁸ وَيْوَلُّوا لَزُّوجْ جَسَدْ وَاحَدْ مَڤَعْدُوشْ زُوجْ بَصَّحْ وْلاَوْ وَاحَدْ ⁹وْلِّي لَمَّهْ رَبِّى وَاحَدْ مَايْفَرْقَهْ¹⁰وْفَالدَّارْ سَقْسَاوَهْ تْلاَمَذْ تَاوْعَهْ عْلَى هَاذْ شِّى ¹¹لِّي يْطَلَّڤْ مَرْتَهْ وْتْزَّوَجْ بْوَحْدَ خْرَى رَاهْ زْنَى ¹²وْإِذَا طَّلْڤَتْ مْرَاة رَاجَلْهَا وْ تْزَّوجَتْ بْوَاحْدَاخَرْ رَاهِي زْنَاتْ يَسُوع يُبَارِكْ الأَطفَال¹³ڤَدْمُوا لَهْ غْرَايِينْ بَاهْ يَلْمَسْهُمْ بَصَّحْ تْلاَمَذْ تَاوْعَهْ وَخْرُوهُمْ وْ مَخْلاَّوْهُمْشْ إِڤَدْمُوا ¹⁴وْكِي شَافْ يَسُوعْ هَكَّا زْعَفْ وْڤَالْهُمْ <خَلُّوا الدْرَّارِي إِجُوا عَنْدِي عْلىَ خَاطَّرْ لِّي كِيمَاكِفْهُمْ مَدْيُورْ مَلَكُوتْ الله¹⁵الْحَقْ نْڤَُولْكُمْ: لِّي مَايَقْبَلْشْ مَلَكُوتْ الله كِيمَا وَلْدْ صْغِيرْ مَيَدْخُلْشْ " ¹⁶عَنَّڤهُمْ وحَطْ يَدِّيهْ عْلِيهُمْ وْبَارَكْهُمْ.¹⁷وْكِي كَانْ يَسُوعْ يَتْمَشَّى فَالطْرِيڤْ جَا يَجرِي عَنْدَهْ وَاحَدْ أرْكَعْلَهْ وْسَقْسَاهْ <يَامْعَلَّمْ الْصَّالَحْ شَا نْدِيرْبَاهْ نَوْرَثْ الْحَيَاة الأبَدِيَّة ؟" ¹⁸ڤَالَهْ يَسُوعْ عْلاَهْ ڤُتْلِي صَالَحْ مَكَانْشْ حَتَّى وَاحَدْ صَالَحْ مَنْ غَيرْ رَبِّى ¹⁹نْتَ تَعْرَفْ لَوْصَايَا مَاتَزْنِشْ مَاتَكْتُلْشْ مَاتَخْوَنْشْ وْمَا تَشْهَدْشْ بَالزُّورْ،قَادَرْ بُوكْ وَأمَّكْ²⁰جَاوْبَهْ وْڤَالَهْ "يَامْعَلِّمْ هَاذَا ڤَاعْ حْفَظْتَهْ مَنْ صُغْرِي . ²¹شَافْ فِيهْ يَسُوعْ وْحَبَّهْ وْڤَالَهْ :خَاصَّاتَكْ حَاجَة وَحْدَة رُوحْ بِيعْ ڤَاعْ لِعَنْدَكْ وْأعْطِيهْ لَلْڤَلاَلِيلْ وْهَكَا إِكُونْ لَكْ كَنْزْ فَالسْمَا رْوَاحْ وْتَبَّعْنِى وَ نْتَ رَافَدْ الصَّلِيبْ. ²²غَاضَاتَهْ الْهَدْرَة وْرَاحْ حْزِينْ عْلَى خَاطَرْعَنْدَهْ بَزَّافْ دْرَاهَمْ.²³شَافْ يَسُوعْ لِي دَايْرِينْ بِيهْ وْ ڤَالْ لَتْلَامْذَهْ شْحَالْ وَاعَرَة عْلَى الَمَتْرَفْهِينْ يَدُّخْلُوا مَلَكُوتْ الله". ²⁴تْحَيْرُوا التْلاَمْذْ مَنْ كْلاَمَهْ .وْجَاوَبْهُمْ يَسُوعْ وْڤَالْهُمْ : "يَاوَلْدي شْحَالْ وَاعْرَة عْلَى الْمَتْرَفْهِينْ بَاهْ يَدُّخْلُوا مَلَكُوتْ الله ²⁵سَاهْلَة فُوتَتْ جْمَلْ مَنْ تُقْبَةْ لَبْرَا عْلَى الْمَتْرَفَّهْ بَاهْ يُدْخَلْ مَلَكُوتْ الله".²⁶نْخَلْعُوا بَزَّافْ وْڤَالُوا لْبَعْضِيَاتْهُمْ شْكُونْ إِنَجَّمْ يَسْلَكْ؟" ²⁷شَافْ فِيهُمْ يَسُوعْ وْڤَالْ لْوَاعَرْ عَنْدْ الَنَّاسْ مَاشِى وَاعَرْ عَنْدْ الله عْلَى خَاطَرْ رَبِى قَادَرْ عْلىَ كُلْشِى ²⁸وْبْدَا بُطْرُسْ يْڤَولَّهْ هَاحْنَا رَانَا خَلِّينَا كُلْشِى وْتَبَّعْنَاكْ ".²⁹جَاوَبْهُمْ يَسُوعْ وْڤَالْهُمْ:" لْحَقْ نْڤُولْكُمْ :مَكَانْشْ حَتَّى وَاحَدْ خَلَّى الدَّارْ خُوتْ وْ خْوَاتَاتْ، بُوهْ وْمَّاهْ وْمَرْتَهْ وْلاَدَهْ وْاللاَرْضْ عْلاَ جَالِى وْعْلىَ جَالْ الإِنْجِيلْ ، ³⁰غَادِي يَدِّي مَيَّةْ ضِعْفْ دَرْوَكْ فْهَاذْ الزْمَانْ مَنْ دَارْ وْ خُوتْ وَخْوَاتَاتْ وْوْلاَدْ وَمْرَى وَ الأَرْض وْإضْطِهَادَاتْ وْفِى زْمَانْ لَخَّرْ الْحَيَاةْ الاَبَدِيَّة  . ³¹بَزَّافْ لْوَالَى يْوَلُو تْوَالَى وْتْوَالَى يْوَلُو لَوْلِينْ³²يَسُوعْ يُنَبِىء بِموْتِه وَقيامته كَانُواطَالْعِينْ لْأُرُشَلِيمْ وْسْبَقْهُمْ يَسُوعْ وْكَانُوامَتْحَيْرِينْ وْ خَايْفِينْ وْدَّا الطْنَاعْشْ وْ بْدَا يْڤُولْهُمْ شَاغَادِي يْصْرَا لَهْ ³³:" رَانَا طَالْعِينْ لْأُرُشَلِيمْ وْإِبْنْ الإِنْسَانْ إِسَّلْمُوهْ لْرُؤَسَاءْ الْكَهَنَةِ وْالْكَتَبَة بَاهْ يَحَكْمُوا عْلِيهْ بَالْمُوتْ ،وْيْسَّلْمُوهْ ³⁴وْيْزَعْقُوا بِهْ وْيْجَّلْدُوهْ وْيَدَفْلُوا عْلِيهْ وْ يَكُّتْلُوهْ وْنْهَارْ الثَّالَثْ إِقُومْ³⁵طلَبَة يَعْقُوبْ وَيُوحَنَا وْڤَدَّمْ عَنْدَهْ يَعْقُوبْ وَيُوحَنَا وْلاَدْ زَبَدِي ڤَالُوا يَامْعَلَّمْ بْغِينَاكْ أَدِيرَلْنَا ڤاعْ شِى لِّى طْلَبْنَاهْ . ³⁶ڤالْهُمْ "شَارَاكُمْ بَاغْيِينْ نْدِيلْكُمْ ". ³⁷ڤالُوا لَهْ طَالْبِينْ وَاحَدْ يَجَمَّعْ عْلَى يْمِينَكْ وْلاَخُرْعْلَى يْسَارَكْ فِي مَجْدَكْ".³⁸وْڤالْهُمْ يَسُوعْ " مَارَكُمْشْ عَارْفِينْ شَارَكُمْ تُطَّلْبُوا تَنَّجْمُوا تَشُّرْبُوا مَالْكَاسْ لِّي شْرَبْتْهاَ أَنَا ؟وتَوَّصْلُوا تَتْأَلْمُوا بَالْألاَمْ لِّي غَادِي نْقَبْلَهْ أَنَا ، ³⁹ڤالُوا لَهْ <نَّجْمُوا> ڤالْهُمْ يَسُوعْ "امَلاَ الْكَاسْ لِشْرَبْتْهَا غَادِي تْشَرْبُهَا، وْلْأَلاَمْ لِتْأَلَّمْتَهْ أَنَا غَادِي تَتْأَلْمَهْ، ⁴⁰بَصَّحْ لَڤْعَادْ عْلى لَيْمِينْ وَعْلَى لَيْسَارْ مَغَادِيشْ نْمَدَّهْ غِيرْ لِّي مَعْطِيَتْلَهْ".⁴¹وْكِي سَمْعُوا هَادُوكْ لْعَشْرَة زَعْفُوا عْلَى شَادَارُوا يَعْقُوبْ وْيُوحَنَّا، ⁴² عَيَّطْ لْهُمْ يَسُوعْ وْڤَالْهُمْ نْتُومَا لِّي حَاسْبِينْ رْواحْكُمْ عْلَى النَّاسْ يْسَيْرُوهُمْ سْيَادْهُمْ يَتْسَلْطُواعْلِيهُمْ .⁴³مَايْلِيقْشْ يْكُونْ هَاكَّا بِينَاتْكُمْ بَصَّحْ لِّي بْغَى فِيكُمْ يْوَلِّي عَظِيمْ يْلِيقْ يْكُونْ خَادَمْ ،  ⁴⁴ لِّي بْغَى يْوَلِّي فِيكُم لَوَّلْ ،يْكُونْ عَبْدْ لَلْجَمِيعْ ⁴⁵عْلَى خَاطَرْ إِبْنْ الإِنْسَانْ تَانِى مَجَاشْ بَاهْ يْخَدْمُوهْ بَصَّحْ يْمَّدْ نَفْسَهْ فَدْيَة عْلَى جَالْ لُخْرِينْ ".⁴⁶وْجَاوْ لأرِيحَا وْكِي كَانْ خَارَجْ مَنْهَا هَوَ وَتْلَامْذَهْ وْ نَاسْ بَزَّافْ وْكَانْ بَارْتِمَاوسْ الاَعْمَى إِبْنْ تِيمَاوْسْ مْجَمَّعْ عْلَى الطْرِيڤْ يَطْلُبْ ⁴⁷وْكِي سْمَعْ بَلِّي هُوَ يَسُوعْ النَّاصِرِى بْدَا يْزَڤّي وْيْڤَولْ <<يَايَسُوعْ إِبْنْ دَاوُدْ رْحَمْنِى>> ⁴⁸بَزَّافْ النَّاسْ كَانُوا يْسَكْتُّوا فِيهْ بَصَّحْ كَانْ يْزَڤِّي كْتَرْ وَ كْتَرْ:" يَابَنَ دَاوُدْ رْحَمْنِى!".⁴⁹حَبَّسْ يَسُوعْ وْڤَالْهُمْ عَيْطُوا لَلْعْمَى. عَيْطُولَهْ الْتْلَامَذْ وْڤَالُوا لَهْ : "آمَنْ وْ نُوضْ هُوَ رَاهْ يْعَيَّطْلَكْ ". ⁵⁰قَاسْ بَرْنُوسَهْ وْنَاضْ وْرَاحْ عَنْدْ يَسُوعْ.⁵¹جَاوْبَهْ يَسُوعْ وْڤَالْ لَهْ :"شَارَاكْ بَاغِي نْدِيرْ لَكْ ؟" وْجَاوْبَهْ لَعْمَى "يَاسِيدِي رَانِى بَاغِى نْشُوفْ". ⁵²ڤَالَّهْ يَسُوعْ :" رُوحْ إِيمَانَكْ شْفَاكْ " تَمْ تَمْ شَافْ وْ تَبَّعْ يَسُوعْ فَالطْرِيڤَ.

¹كِي ڤَرْبُوا مَنْ أُورُشَلِيمْ ڤَرِيبْ مَنْ بِيتْ فَاجِي وْبِيتْ عَانْيَا عَنْدْ جْبَلْ الزِّيتُونْ أَرْسَلْ تْلاَمْدَهْ ، ²وْڤَالْهُمْ رُوحُوا لَدَّشْرَة لِڤَُدَامْكُمْ وْتَّمْ تَّمْ وَنْتُمَا دَاخْلِينْ تَلْقُوا جَحْشْ مَرْبُوطْ وْحَتَّى وَاحَدْ مَاجَمَّعْ عْلِيهْ مَالنّاسْ. حَلُّولَهْ رْبَاطَهْ وْ جِيبُوهْلِي. ³وْإِلاَ كَاشْ وَاحَدْ ڤَالْكُمْ عْلَاهْ رَاكُمْ دِيرُواهَاكْ ؟ ڤُولُولَهْ : الــرَّبْ مَسْحَقَهْ، تَّمْ تَّمْ يَرَسْلَهْ لَهْ " .⁴رَاحُوا وْلْڤَاوْ الْجَحْشْ مَرْبُوطْ عَنْدْ الْبَاْب خَارَجْ ْعْلَى الطْرِيڤْ حَلُّــــوهْ .  ⁵ وْڤَالُولْهُمْ لِكَانُوا سَاكْنِينْ تَمَّْ : شَارَاكُمْ دِيرُّوا ؟ عْلاَهْ تْحَّلُوا الْجَحْشْ ؟" . ⁶وْڤَالُولْهُمْ كِيمَا هَاكْ وْصَّانَا يَسُوعْ, وْخَلَّاوْهُمْ⁷وْجَابُوا الْجَحْشْ لْيَسُوعْ وْحَطُّوعْلِيهْ قَشْهُمْ وْجَمَّعْ عْلِيْـه. ⁸وْبَزَّافْ فَرْشُوا قَشْهُمْ فَالطْرِيڤْ. وَحْدُخْرِينْ ڤَطْعُواالْغُصْنْ مَالشَجْرَة وْفَرْشُوهْ فََــالطْرِيڤْ. ⁹وْلِكَانُوا ڤُدَّامَهْ وْمُورَاهْ كَانُوا يْزَّڤُو وْيْڤُولُوا أُوْصَّنَا مُبَارَكُ الْأَتِي بِاسـمْ الرَّبْ ، ¹⁰مُتْبَارْكَة مَمْلَكَةْ بُونَا دَاوَدْ لِجَايَا بَاسْمِ الرَّبْ، أُوصَانَا فِي الأَعَالِي.¹¹كِدْخَلْ يَسُوعْ أُورُشَلِيمْ وْالْهَيْكَلْ وْكِشَافْ مَنْ جِهَةْ لِدَّايْرِينْ بِهْ وْكَانْ رَاحْ الْحَالْ خْرَجْ لْبِيتْ عَنْيَا مْعَ تَلْمِيدْ ، ¹²وْلْغَدْوَ كِخَرْجُوا مَنْ بِيتْ عَنْيَا جَاعْ .¹³كِشَافْ شَجْرَة كَرْمُوسْ مَنْ بْعِيدْ وَعْلِيهَا وْرَاقْ حْسَبْ غَادِي يَلْقَى فِيهَا كَاشْ حَاجَة بَصَّحْ كِلْحَڤْ عَنْدَهَا لْقَى فِيهَا غِيرْ لَوْرَقْ عْلَى خَاطَرْ مَا كَانْشْ وَقْتَ اْلكَرْمُوسْ ، ¹⁴جَاوَبْ يَسُوعْ وْڤَالْ : "مَا يَكُلْ حَتَّى وَاحَدْ مَنَكْ فَاكِيَة مَالْيُومْ حَتَّى لَبْدَا وْكَانُوا تْلامَدْ تَاوْعَهْ يَسَمْعُوا " .¹⁵وْجَاوْ لْلأُرُوشَلِيمْ، كِدْخَلْ يَسُوعْ الْهَيْكَلْ بْدَا يْخَرَّجْ لِي كَانُوا يْبِيعُوا وْيَشْرُوا فِي الْهَيْكَلْ وْڤَلَّبْ طْوَابَلْ الَصَيَّارِفَة وْلْكْرَاسَا تَاعْ لِيْبِيعُوا لَحْمَامْ.  ¹⁶ وْمَاخَلَّى حَتَّى وَاحَدْ يْفُوتْ َللْهَيْكَلْ فِي غَرْدَهْ.¹⁷وْكَانْ يْعَلّمْ وْيْڤُولْ " مَا شِي مَكْتُوبْ : " يَتْسَمَى بِيتْ الصْلاَةْ لْڤَاعْ النَّاسْ؟ وْنْتُمَا رَدِّيتُوهْ مْغَارَةْ الْخَيَّانْ " . ¹⁸وْسَمْعُوا الْكَتَبَة وْرُؤَسَا الْكَهَنَة طَلْبُوا كِيفَاهْ يَهَلْكُوهْ عْلَى خَاطَرْ خَافُواوْتْعَجْبُوا ڤَاعْ مَالتَّعْلِيمْ تَاعَهْ . ¹⁹وْكِيجَاتْ الْعْشِيَة خْرَجْ بَرَّلْمْدِينَة.²⁰وْفَاالصْبَاحْ كِيكَانُوا فَايْتِينْ شَافُوا شَجْرَةْ الْكَرْمُوسْ يَابْسَةْ مَالْجَدُورْ،  ²¹ تْفَكَّرْ بُطْرُسْ وْڤَالْ: "يَا سِيدِي شُوفْ شَجْرَةْ الْكَرْمُوسْ لِنْعَلْتْهَا يَبْسَتْ!".²²جَاوَبْهُمْ يَسُوعْ وْڤَالْهُمْ " لِيَكُونْ لْكُمْ إِيمَانْ بَاللهْ" . ²³الْحَقْ الْحَقْ نْڤُولْكُمْ : لِيْڤُولْ لْهَادْالْجْبَالْ تْحَرَكْ وْقِيسْ رُوحَكْ فْالَبْحَرْ وْمَتَشْكِشْ فِي ڤَلْبَكْ بَصَّحْ يْآمَنْ بَاالشِي لِيْڤُولَهْ بَلِّى كَايَنْ مَهْمَا ڤَالْ غَادِي إِيْكُونْ لَهْ.²⁴عْلَى هَادَا نْڤُولْكُمْ ڤَاعْ لِتَطَلْبُوهْ آمْنُوا بَلِّي يْكُونْ لْكُمْ. ²⁵كِي تَوَڤْفُوا تْصَلُّوا غَفْرُو إِيلاَ عَنْدْكُمْ كَاشْ حَاجَة ضَدْ وَاحَدْ بَاهْ يَغْفَرْلْكُمْ تَانِي بُوكُمْ لِفَسمَا خَطَايَكُمْ. ²⁶ وِيلاَ مَغْفَرْتُوشْ نْتُمَا مَايَغْفَرَلْكُمْشْ بُوكُمْ لِفَسْمَا تَانِي خَطَايَكُمْ . السؤال على سلطان يسوع²⁷وْجَاوْ تَانِي لْأُورُشَلِيمْ ، وْكِكَانْ يَمْشِي فَالْهَيْكَلْ جَاوْ لْعَنْدَهْ رُؤَسَاءْ الْكَهَنَة وَالْكَتَبَة وْالشُيُوخْ ، ²⁸وْڤَالُولَهْ : "مِينْ جَاتَكْ السُلْطَة بَاشْ تْدِيرْ هَادْ الشِي ؟ وْشْكُونْ لِعْطَاكْ حَتَّى دِّيرْ هَادْ الشِي.²⁹جَاوَبْ يَسُوعْ وْڤَالْهُمْ : " أَنَا تَانِي نْسَقْسِيكُمْ بْكَلْمَة وَاحْدَة وْجَاوْبُونِي بَاشْ نْڤُولْكُمْ بْأَيْ سُلْطَانْ نْدِيرْ هَادْ الشِي. ³⁰مَعْمُودِيَةْ يُوحَنَا : كَانَتْ مَاالسْمَا وْلَا مَالنَّاسْ ؟ جَاوْبُونِي ".³¹فَكْرُوا فِي نْفُوسْهُمْ ڤَايْلِينْ : " إِذَا ڤُولْنَا مَاالسْمَا يْڤُولْ عْلَاشْ مَآمَنْتُوشْ بِهْ ؟  ³² وْإِذَا ڤُولْنَا مَالنَّاسْ غَادِي يْخَافُوا النَّاسْ عْلَى خَاطَرْ يُوحَنَا كَانُوا يْشُفُوهْ النَّاسْ نَبِيْ. ³³جَاوْبُوا وْڤَالُوا لْيَسُوعْ : " مَنَاشْ عَارْفِينْ، جَاوَبْهُمْ يَسُوعْ : حَتَّى أَنَا مَنْڤُولْكُمْشْ شَاُهَوالسُلْطَانْ لِنْدِيرْ بِهْ ".

¹بْدَا يَهْدَرْمْعَاهُمْ بَلْمْثُولْ: ڤَالْهُمْ وَاحَدْ غْرَسْ دَالْيَة وْسَيْجَهَا وْحْفَرْمَعَصْرَة وْ بْنَى بُرْجْ، وْخََلاَهَا لَلْفَلاَحِينْ وْ سَافَرْ. ² وْفْذَاكْ الْوَقْتْ رْسَلْ وَاحَدْ مَالْخَدَامَّة بَاشْ يْجِيبْ الْغَلَّة مَنْ عَنْدْ الْفَلاَّحِينْ ، بَصَّحْ هُمَا ³دَاوَّهْ وْضَرْبُوهْ وْ رَسْلُوهْ خَاوِي⁴مْبَعْدْ رْسَلْ خَدَّامْ وَحْدَاخَرْ، رَجْمُوهْ وَضَرْبُوْهْ وَرَسْلُوهْ مْبَهْدَلْ.  ⁵رْسَلَلْهُمْ وَحْدَاخُرْ تَانِي، كَتْلُوهْ وْخَرْجُوهْ بَرَّا الدَّالِيَة مْبَعْدْ أَرْسَلْ بَزََّافْ ، سَوْطُو وَحْدِيْنْ وَكَتْلُو وَحْدْخْرِينْ.⁶هَاذَاكْ اَلِإنْسَانْ كَانْ عَنْدُهْ وَلْدْ عْزِيْزْ عْلِيْهْ بَزَّافْ، رَسْلَهْ لْهُمْ مْعَ اَلْتَالِي، ڤَالْ :غَادِيِ يْخَافُو مَنَّهْ !  ⁷بَصَّحْ هَاذُوْكْ اَلْفَلاَحِينْ تْشَاوْرُو بِيْنَاتْهُمْ ڤَالُو : هَذَا لِي غَادِي يَوْرَثْ ! خَلُّوْنَا نْكُتْلُوهْ وْيْكُونْ الْوَرْثْ لِيْنَا !⁸أَيَّ دَّاوَهْ كُتْلُوهْ وْخَرْجُوهْ بَرَّا اَلْدَّالِيَة  ⁹ وَاشْ غَادِي يْدِيرْ مُوْلْ اَلْدَّالِيَة؟ يْجِيِ وْ يَكْتَلْ ڤَاعْ اَلْفَلاَّحِينْ، وْيْمَّدْ اَلدَّالِيَة لْوَاحَدْخْرِينْ.¹⁰مَقْرِيْتُوْشْ لِي رَاهْ مَكْتُوْبْ : لَحْجَرْ لِي رَفْضُوهْ لْبَنَاؤُونْ، وْلَّى رَاسْ الزَّاوْيَة؟  ¹¹ مَنْ مَشِيئَةْ رَبِي صْرَا هَكَّا ، وْهَادِ مُعْجِزَة فِى عَيْنِينَا! ¹²بْغَاوْإِحَكْمُوهْ، بَصَّحْ خَافُو مَالْغَاِشِي لِي كَانُو تَمََّا ، عْلَى خَاطَرْعْلاَ بَالْهُمْ بَلِّي كَانْ يْمَعْنِى عْلِيْهُمْ ، خَلاَّوَهْ وْرَاحُو.¹³مَنْبَعْدْ رَسْلُولَهْ وَحَدُخْرِينْ مَالْفَرِسَِيِّيِنْ وَالْهِيرُودُسَيِّينْ بَاشْ يْطَيْحُوهْ فَالْفَخْ  ¹⁴ أَيَّ جَاوْ وَڤَالُولَهْ : يَا سِيدِي،عْلَى بَالْنَا بَلِّي تَهْدَرْ الَصَّحْ وْ مَعْلَبَلَكْشْ بْحََتَّى وَاحَدْ، عْلَى خَاطَرْ مَتْشُوفْشْ لَنَّاسْ، بَصَّحْ تْعَلَمْ طْرِيڤْ رَبِّي. يْلِيْقْ نْمَدُّو لْجَزْيَة لْقَيْصَرْ وَلاَّ لاَ؟ نْمَدُولَهْ وْلاَّ مَنْمَدُوْلَشْ ؟ ¹⁵هُوَ عْرَفْ نِفَاقْهُمْ أَيَّ ڤَالْهُمْ، عْلاَهْ رَاكُمْ تْجَرْبُو فَيَّ؟ جِيبُولِي دِينَارْ بَاشْ نْشُوفَهْ¹⁶وْكِجَابُوهْ لَهْ . ڤَالْهُمْ : تَاعْ مَنْ هَادِ التَّصْوِيرَة ؟ ڤَالُولَهْ تَاعْ "قَيْصَرْ". ¹⁷أَيَّ رَدْ عْلِيهُمْ وْڤَالْ : " مَدُّولْقَيْصَرْ لِهُوَّلْقَيْصَرْ وْ لله لِهُوَّ لله ." أَيَّ نْخَلْعُوا فِيهْ. السؤال عن قيامة الموت .¹⁸جَاوْ عَنْدَهْ وَحْدِينْ مَاَلْصَّدُوقَيِنْ ، لِمَيْآمْنُوشْ بِالْقِيَامَة ، سَقْسَاوَهْ وْڤَالُو لَهْ :  ¹⁹ يَا مُعَلِمْ ، أَكْتَبْ لِينَا مُوْسَى : إِذْا مَاتَ لْوَاحَدْ خُوْهْ ، وَخَلَّى مَرْتَهْ وْمَاجَابْشْ مْعَهَا وْلاَدْ ، يَقْدَرْ يَدِّيهَا خُوْهْ؟ ، وَيْجِيبْ مْعَهَا وْلاَدْ .²⁰كَايَنْ سَبَعْ خُوتْ . اللَّوَلْ فِيهُمْ تْزَوَّجْ وْمَاتْ، وْمَخَلاَّشْ وْلاَدْ . ²¹وْ تْزَوَجْ بِيهَا خُوهْ الزَّاوَجْ هُوَ تَانِي مَاتْ ، وْمَجَابْشْ وْلاَدْ. وْحَتَّى التَّالَتْ كِيفْ كِيفْ ²²وْتْزَوْجُوبِهَا السَبْعْ خُوتْ ، وْمَجَابُوشْ مْعَهَا وْلاَدْ. وَمْعَ التَّالِي مَاتَتْ هَادِيكْ لَمْرَا. ²³أَيَ َفَالقِيَامَة ، مَرْتْ مَنْ فِيهُمْ ؟ عِلَى خَاطَرْ كَانَتْ مَتْزَوْجَ مْعَ السَبْعَ خُوتْ .²⁴رَدَّلْهُمْ يَسُوْعْ وْڤَالْهُمْ : عْلَى هَادْ الشِى رَاكُو تَايْهِينْ عْلَى خَاطَرْمَتْعَرْفُوْشْ لَكْتَابْ وَلاَ قُوَةْ الله ؟ ²⁵فِي يَوْمْ اَلْقِيَامَة مَيْتْزَوْجُوْشْ وَمَيْزَوْجُوْشْ بَصَّحْ يْكُوْنُوا كِالْمَلاَيْكَة فِي اَلْسْمَا²⁶بَصَّحْ مَنْ جِهَةْ اَلْمُوْتَى يْقُوْمُو : مَقْرِتُوْهْشْ فَالكْتَاَبْ مُوْسَى ، فِي أَمْرْ اَلْعَلِيقَة كِيْفَاَشْ ڤَالْ أَنَا إِلَهْ إِبْرَاهِيْمْ وَإِسْحَاقْ وَإِلَهْ يَعْقُوْبْ ؟  ²⁷ هُوَ مَاشِى إلَهْ اَلْمَوْتَ بَصَّحْ إِلَهْ اَلْحَيِيِنْ . نْتُوْمَ غَالْطِينْ بَزَّافْ . لَوْصِيَة اَلْعُظْمَى²⁸جَا وَاحَدْ مَالْكَتَبَة وَسْمَعْهُمْ يَهَدْرُو ، وْكِيْشَافْ رَدَلْهُمْ غَايَ ، سَقْسَاهْ: شَاهِيَ لَوْصِيَّة الَلَّوْلَى ²⁹ رَدَلْهُمْ يَسُوعْ : لَوْصِيَّة اَللَّوْلَى هٍيَ : سْمَعْ يَاإِسْرَائِيْلْ . الرَّبْ إِلَاهُنَا رَبْ وَاحْدْ ³⁰وَتَبْغِى رَبِي مَنْ كُلْ قَلْبَكْ وَمَنْ كُلْ نَفْسَكْ وَمَنْ كُلْ فَكْرَكْ ، وَمَنْ كُلْ قُدْرَتَكْ هَادِ هِيَ لَوْصِيَّة الَلَّوْلَى ³¹وَ اَلْزَاوْجَة كِيْفْهَا : تَبْغِِى غيرك كِنَفْسَكْ . مَكَانْشْ وْصِيَّة كْتَرْ مَنْ هَادُو زُوْجْ³²ڤَالَهْ اَلْكَاتِبْ : مَلِيْحْ يَامْعَلِمْ عَنْدَكْ اَلْحَقْ فِي لِقُلْتَه، الله وَاحْدْ مَاكَنْشْ مِنْ غِيْرَه  ³³ وَلِّي يْحَبَهْ، يْحَبَهْ مَنْ كُلْ القَلْبْ ، وَمَنْ كُلْ اَلْفَهْمْ ، وَ اَلْنَفْسْ وَ اَلْقُدْرَة ، وَمْحَبَّةْ الْغِيرْ كِمَا رُوْحَكْ ،هَادَا الشِيْ ڤَاعْ خِيرْ مَالْذَبَائِحْ وَ اَلْمُحْرَقَاتْ ³⁴وَكِشَافُهْ يَسُوعْ رَدْلَهْ بَصْوَابْ ، ڤَالُهْ : مَرَاكْشْ بْعِيْدْ مَنْ مَلَكُوْتْ الله . وَمَقْدَرْشْ حَتَّى وَاحَدْ يْسَقْسِيه المسيح وداود³⁵رَدَلْهُمْ يَسُوعْ وَهُوَ يْعَلَمْ فَالْهَيْكَلْ وَڤَالْهُمْ كِيْفَاَشْ يْڤُوْلُواالكَتَبَة بَلِّى اَلْمَسِيْحْ إِبَنْ دَاَوُدْ ³⁶عْلَى خَاطَرْ دَاَوُدْ ڤَالْ بِالرُوْحْ اَلْقُدُسْ : ڤَالْ اَلْرَبْ لِرَبِّي ڤْعَدْ عَلَى يَمِيْنِي حَتَى نْرَدْ عَدْيَانَكْ تَحْتْ رَجْلِيْكْ . ³⁷وَدَاَودْ بْرُوْحُ يْعَيْطْ لَهْ رَبًا أَيَ مِنْ وِينْ جَا إِبْنَهْ؟ وْكَاَنُوا نَاسْ بَزَّافْ يَسَمْعُولَهْ بَالْفَرْحْ³⁸وْڤَالْهُمْ فَالتَعْلِيمْ التَاعَهْ حَرْزُوا رْوَاحْكُمْ مَالْكَتَبَة لِيَتْمَشُوا بَالْعَبَايَاتْ الْبُيْضِينْ وْ يْجَرُّوهُمْ فَالسُوڤْ  ³⁹وَيْجَمْعُوا لْوَالَى فَالجْوَامَعْ وَلْوَاَلَى فْلَوْلاَيَمْ ⁴⁰وْيَاكُلُوا حَقْ الْهَجَالاَتْ وَيْطَوْلُوفَالصَلَوَاتْ تَاوَعْهُمْ هَاذُوكْ يْكُونْ عْلِيهُمْ حُكْمْ قَاسِ.⁴¹ڤْعَدْ يَسُوْعْ عَنْدْ لْخَزْنَة وْكَانْ يِشُوْفْ كِيْفَاشْ النَّاسْ تْحَطْ النْحَاسْ فْهَادِيكْ الْخْزَنَة وكَانُو لَمْتْرَفْهِيْنْ يْحَطُوا بَزَّافْ مَلِّى عَنْدْهُمْ  ⁴²وْ جَاتْ مْرَا مَاتْ رَجَلْهَا حَطَتْ فَلْسَيْنِ قِيْمَتْهُمْ رُبْعْ.⁴³عَيْطْ لَتَلَامَدْ تَاوْعَهْ وْڤَالْهُمْ اَلْحَقْ نَڤُولْكُمْ هَادِ لَمْرَا حَطَّتْ كْتَرْ مَلِّى حَطُّوا هَاذُوكْ النَّاسْ ⁴⁴عْلَى خَاطَرْ هَادُوكْ النَّاسْ حَطُّوا مَالشِى لِبْقَالْهُمْ بَصَّحْ هَادْ لَمْرَا مَدَّتْ ڤَاعْ لِعَنْدْهَا وَلٍبْقَاْلهَا.

¹وَ هُوَ خَارَج مَالْهَيكَلْ، ڤَالَهْ وَاحَدْ مَاَلتْلاَمَدْ:" يَا مَّعَلَمْ وَاشْ هَادْ الَحْجَرَة وَاشْ هَادْ اَلْبَنْيَانْ ²جَاوْبَهْ يَسُوعْ وْ ڤَالَهْ :" رَاكْ تْشُوْفْ هَادْ البَنْيَانْ الَعْظِيمْ،مَغَادِيشْ تَبْقَى حَجْرَة فُوڤْ حَجْرَة وْ مَا تَتْهدَّمْشْ".³وْكِكَانْ ڤَاعَدْ عْلَي جْبَلْ الزِيتُونْ ، مْڤَابَلْ الْهَيْكَلْ، سَقْسَاهْ بُطْرُسْ وْ يَعْقُوْب وْيُوحَنَا وْ اَنْدَرَاوْسْ وْ هُمَا وَحَدْهُمْ ⁴"ڤُولْنَا وِينْتَا غَادِي يَصْرَاهَادَ؟ وْشَاهِيَّ العَلَامَة لِّغَادِي تْبيَّن هَادْ الِشِي؟".⁵جَاوَبْهُمْ يَسُوعْ وَبْدَا يْڤْولْهُمْ :" حَرْزُو حَتَّي وَاحَدْ مَا يْوَدَّرْكُمْ  ⁶ بَزَّافْ غَادِي يْجُو وْيَهَدْرُو بَاسْمِي وَيْضَيْعُوا بَزَّافْ النَّاسْ.⁷بَصَّحْ مِينْ تَسَمْعُو بَخْبَرْ الحَرْبْ مَا تْخَافُوشْ هَادا يْلِيْقْ يَصْرَا  ⁸ عْلى خَاطَرْغَادِي يَنْڤْلَبْ شَعْبْ عْلَى شَعْبْ وْ مَمْلَكَة عْلَى مَمْلكَة وْ غَادِي تَصْرَا الزْلاَزَلْ فِي بَزَّافْ جْوايَهْ ،هَادِ هِيَ البَدْيَةُ تَاعْ هَادْ الضُرْ.⁹حَرْزُو رْوَاحْكُم ْعْلَي خَاطَرْغَادِي يَدُّوكُمْ لَلْمْحَاكَمْ وْ يَجَلْدُوكُمْ عْلَى جَالِي وِ يْوَڤْفُوكُم عَنْدْ الوُلاَةْ شَهَادَة لِيهُمْ ¹⁰وَ يْليِقْ الِانْجِيل ْيَتبْشَرْ عَنْد ْڤَاعْ النَّاسْ.¹¹وَ مِينْ يْجَرُوكُمْ لِلْمْحَاكَمْ مَاتْخاَفُوْش وْ مَا تَتْقَلْقُوشْ مِينْ غَادِي تَهَدْرُو، بَصَّحْ ڤُولُو شَانعْطَالْكُم فْديكْ السَاعَة،ُ عْلَي خَاطَرْمَاشِي نْتُومَا لِغَادِي تَهَدْرُو بَصَّحْ الرُوحْ القْدُسْ ¹²غَادِي يْسَلَّمْ الأَخْ خُوهْ لَلْمُوتْ وَالأَبْ يْسَلَم ْوَلْدَهْ ، وَ الوْلاَدْ يْجُو ضَدْ وَالْدِيهُمْ وَ يَكُتَلُوهُم.ْ ¹³غَادِي تْكُونُو مَكْرُوهِين مَالنَّاسْ عْلَي جَالْ سْمِي، بَصَّحْ لِيَصْبَر ْحَتَّي التَالِي يَسْلَكْ.¹⁴مِينْ تْشُوفُو "رَجْسَةْ الْخَرَابْ " كَايْنَة لِهْدَرْ عْليها نْبِي دَانْياَلْ ،مَتَلْقَاشْ لِيَقْدَرْ يَحْرَزْ رُوحَه ْفِي دَاكْ الوَقْتْ يَهَرْبُو لِى فَااليَاهُودِيَة لَلْجْبَلْ ،  ¹⁵ وَ لِيكُونْ فَالسْطَحْ مَا يْلِيقْشْ يْهَوَّدْ وَ يَدِّي حَاجَة مَنْهَا ¹⁶ وَلِي رَاهْ فَجْنَانْ مَيْوَلِيْش لَلُورْ وَ يَدِّي كَسْوَتَهْ .¹⁷يَا وِيلْ النْسَا لِبَلْكَرْشْ وَ لِيْرَضْعُوا فِي دُوكْ لِّيَام ْ  ¹⁸ وَ صَلُّو بَاشْ مَا تْكُونْشْ الضَرْبَة فِي الشْتَا ¹⁹عْلَي خَاطَرْ فِي هَادِيكْ لِّيَامْ يْكُونْ ضِيقْ لِعُمْرَهْ مَا صْرَامَلِّي رَبِّي خْلَقْ الدُنْياَ حَتَّي لْدَرْوَكْ ²⁰لُكاَنْ مَاشِي رَبِّي لِقَلَّلْ هَدِيكْ اللِّيامْ وَاحَد ْفيِهُمْ مَاكَانْ غَادِي يَسْلَكُ ، عْلَي جَالْ لِخْطَارْهُم ْرَبِّي قَلَّلْ هَدِيكْ لَيَامْ.²¹لُكَانْ يْڤُولُولْكُمْ فِدَاكْ الوَقْتْ المَسِيحْ رَاهْ هْنَا وَ لاَ رَاهْ لْهِيهْ مَا تْآمْنُوهْشْ  ²² غَادِي يْبَانُوكُثَرْ مِنْ مَسِيحْ دَّجَالْ وَ أَنْبِياَءْ كَدَّابِينْ وْيْمَدُّو مُعْجِزاتْ بَاشْ يْضَيْعُوكُمْ وْحَتَّي المُخْتَارِينْ ²³حَرْزُو رْوَاحْكُمْ أَنَا رَانِي خَبَّرْتكُمْ بْكُولْشِي قَبْلْ مَا يَصْرَا.²⁴بَصَّحْ فِي هَديِكْ لِياَمْ الشَمْسْ تَطْلَع ْكحْلَة وَالقْمَرْ يْوَلِي بْلْاَ ضَوْ.  ²⁵ النْجُومْ لِفَسْمَا طِيحْ وَالقُوَاتْ تَتْزَعْزَعْ. ²⁶غَادِي تْشُوفُو إِبْنْ الاِنْسَانْ جَايْ فِي السْحَابْ بْقُوَة كْبِيَرة وْ مَجْدْ رَبِي. ²⁷غَادِي يَرْسَلْ المَلَايْكَة مَنْ رَبْعَة جْوَايَهْ مَنْ أَقْصَي السْمَا حَتَّي أَقْصَي الأَرْضْ .²⁸مَنْ شَجْرَةْالكَرْمُوسْ تْعَلْمُو لَمْثَلْ مِينْ تْشُوفُو أَغْصَانْهَا وَلاَتْ طْرَيَّة وْ خَرْجَتْ لَوْرَاقْ تَعَرْفُو بَلِّي الصَيفْ ڤْرِيبْ . ²⁹اَنْتُومَا تَانِي هَاكَاكْ مِينْ تْشُوفُو هاَدْ الصْوَالَحْ يَصْرَاوْ عَرْفُو بَلِّي الوَقْتْ ڤْرِيبْ.³⁰الحَقْ نْقُولْكُمْ مَغَادِي يَكمَلِ هَاد ْالجِيلِ حَتَي يْصِيرْ ڤَاعْ هَادْ الشِي  ³¹ السْمَا وْ اللّرْضْ يَفْنُوْ بَصَّحْ كْلاَمِي مَيَفْنَاشْ . ³²"هاَدِيكْ السَاعَة مَيعْرَفْهَاشْ حَتَّي وَاحَدْ لاَ المَلاَيْكَمَة لِي فَسْمَا وَ لاَ الإبْنْ غِيرْ الأَبْ.³³حَرْزُوسَّهْرُو وْ صَّلُو،عْلَى خَاطَرْ مَتَعَرْفُوشْ وِينْتَا يْجِي هَادْ الَوَقْتْ . ³⁴كِيمَا وَاحَدْ يْسَافَرْ وْ خَلَا دَارَه ْوعْطَي لِلْعَبِيدْ سُلْطَانْ علْيهَا ،وْ كُلْ وَاحَدْ خَدْمَتَهْ وْ وَصَّي العَسَّاسْ بَاشْ يَسْهَرْ.³⁵سَهْرُوعْلَى خَاطَرْ مَتَعَرْفُو ِوينْتَا مُولْ الدَارْ يْوَلِّي فاَلعْشِيَا ،نُص اللِيلْ، مِيْن يْصِيحْ الدِيكْ وَ لا َفَصْبَاح. ³⁶باَشْ مَايِجِيشِ عْلَي غَفْلَة وَ يَلْقَاكُمْ رَاڤدِينْ . ³⁷لِينْڤولَهَ لْكُمْ نْقُولَه ْلْڤَاعْ ،أَسَهْرو".

¹مَقْبَلْ عِيدْ الْفِصْحْ بْيُومِينْ .الكَهَنَة و الكَتَبَة كَانُوا احَوْسُوا يَتْحَايْلُوا عْلِيه وْيُكَتْلُوهْ ، ²بَصَّحْ ڤَالُوا:" مَاشِي فَالعِيدْ بَاشْ الشَّعْبْ مَيْدِيرْشْ فَوْضَى".³كِي كَانْ هُو فِي بِيتْ عَنْيَا وْ هُوَ مْتَّكِي فِي دَارْ سَمْعَانْ الأبْرَصْ، جَاتْ عَنْدَه مْرَا جَايْبَة مْعَهَا قَرْعَة رِيحَة تَاعْ الطِّيبْ تَاعْ نَارِدِينْ صَافْيَة وْ غَاليَة بَزَّافْ . دَفْڤَتْهَا عْلَى رَاسَهْ.   ⁴وْكَانُوا شِي وَحْدِين مَنْهُمْ زَعْفَانِينْ وْڤَالُوا "عْلاَشْ هَاذْ الضْيَاعَة ؟ ⁵كَانْ إِقَدْ يَنْتْبَاع كْثَرْ مَنْ تَلْثْ مِيَة دِينَارو ينعْطِي لَلْڤلَاَلِيلْ". وْكَانُوا ايْلُومُوا فِيهَا⁶بصَّحْ يَسُوعْ ڤَالْ: "خَلُوهَا!مَاضَايْقُوهَاشْ؟ دَارَتْ فِيَا خِيرْ! ⁷عْلَى خَاطَرْ لَڤْلَالِيلْ رَاهُمْ مْعَاكُمْ، وِينْتَا مَابْغِيتُوا دِيرُوا فِيهُمْ الْخِيرْ. بَصَّح انا مَنَيشْ مْعَاكُمْ دِيمَا. ⁸دَارَتْ شِي لِقَدْرَتْ عْلِيهْ ، سَبْڤَتْ وْ دَهْنَتْ بَالطِيبْ جَسْمِي بَاه نَتْكَفَّنْ . ⁹الَحَقْ نْڤُولْكُمْ: وِينْتَا مَا يَتْبَشَّر بْهَادْ الانْجِيلْ فْڤَاعْ الْعَالَمْ يَحْكُوا شَدَارَتْ هَادْ المْرَا شْهَادَة لِيهَا"¹⁰مَمْبْعَدْ يَهُوذَا الاِسْخَرْيُوطِي، وَاحَدْ مَالتْلاَمَدْ طْنَاعْشْ ، رَاحْ عَنْدْ رُؤسَاء الْكَهَنَة بَاهْ اِسَلْمُوهْ لِيهُمْ . ¹¹و كِسَمْعُوا فَرْحُوا وْ وَعْدُوه باَهْ يَعْطُوه افَضَّة . وْ كَانْ احَوَّسْ عْلَى فُرْصَة بَاهْ يْسَلْمَهْ.¹²وفِي النْهَارْ اللَّوَلْ مَنْ عِيد الفْطِيرْ كِي كَانُوا يَذَّبْحُوا خْرُوفْ لَلْعِيدْ الْفِصْحْ ڤَالُولَهْ تْلاَمَدْ تَّاوْعَهْ :"ويِنْ تَبْغِي نْرُوحُوا بَاهْ نْوَجْدُولَكْ تَاكُلْ لَلْعْشَا تَاعْ الفِصْحْ؟". ¹³اَيّا رْسَلْ زُوجْ مَالتْلاَمَذْ تَاوعَه ڤَالْهُمْ :"رُوحُوا لَلْمْدِينَة ،و يْلَاقِيكُمْ انْسَانْ رَافَد قُلَّة تَاعْ المَاء .تَبْعُوهْ. ¹⁴وْوِينْمَا يُدْخُلْ ڤُولُوا لْمُولْ الْدَّارْ الْمُعَلِّم اڤَولْ: وِينْهَا الدّارْ وِينْ غَادِي نَاكُلْ الْفُصْحْ مْعَ التْلاَمَدْ نتاَوْعِي؟¹⁵وْهُوَ اِوَرِّيلْكُم دَارْ كْبِيرَة مْفَرْشَة مْوَجْدَة . وَ نْتُومَا وَجْدُولْنَا لَعْشَا تَاعْ الْفِصْحْ". ¹⁶وْخَرْجُوا التْلاَمَدْ تَاوْعَهْ وْجَاوْ لَلْمْدِينَة، وَلْقَاوْ كِيمَا ڤَالهُم .وْوَجْدُوا لَلفِصْحْ.¹⁷وْفَالْعْشَاجَا مْعَ الطْنَاعْشْ تَلْمِيدْ.  ¹⁸ كِيكَانُوا مَتَّكْيِينْ ، ڤَالْ يَسُوعْ: " الْحٌَقْ نْڤَولْكُمْ : وَاحَدْ مَنْكُم لِي رَاهْ يَاكُلْ مْعَايَا. غَادِي يْسَلَّمْنِي!". ¹⁹بْدَاوْاِحَزْنُوُا،وَيْڤَولُولَهْ وَاحَد بْوَاحَدْ:<<إِلَا أَنَا ؟".²⁰جَاوَبْهُمْ وْڤَالْهُمْ :"وَاحَد مَنْ الطْنَاعْشْ، لِرَاهْ يْغَمَّسْ مْعَايَا فَالْزْلاَفَة. ²¹إِبْنْ الإِنْسَانْ تَصْرَالَهْ كِيمَا هُوَ مَكْتُوبْ عْلِيهْ ، بَصَّحْ يَاوِيلْ هَذَاكْ الرَّاجَلْ لِبِيهْ انْتَسْلَم ابْنْ الاِنْسَانْ كَانْ خِيرْ لَهْ لُكَانْ مَتَّوْلَدْشْ!".²²وْكِيكَانُوا يَاكْلُوا، رْفَدْ يَسُوعْ الخُبْزْ بَارْكَهْ وْ كَسْرَهْ ،اَعْطَاهُمْ وْڤَالْ: " هَاكُوا كُولُوا، هَذَا هُوجَسْمِي". ²³وَرْفَدْ الكَاسْ وَشْكَرْ وْ مَدَّلْهُمْ وْشَرْبُوا ڤَاعْ مَنَّهَا. ²⁴وْڤَالْهُمْ:" هَاذَا هُوَ دَمْ العَهْدْ الجَدِيدْ، ألِّي يْسِيلْ عْلَى جَالْ بَزَّافْ النَّاسْ. ²⁵الْحَقْ نْڤَولْكُمْ: مَغَادِشْ نْزِيدْ نُشْرُبْ مَنْ عْصِيرْ لَعْنَبْ حَتَّى لْدَاكْ نْهَار لِنُشُّرْبَهْ جْدِيدْ فْمَلَكُوتْ اللَّه".²⁶مَنْ مُورَاهْ سَبْحُوا وْخَرْجُوا لَجْبَل الزِّتُونْ . ²⁷وڤَالْهُمْ يَسُوعْ: "غَاديِ ڤَاعْ تْشَكُّوا فِيَّا فِي هَاذْ اللِّيلَة، عْلَى خَاطَرْمَكْتُوبْ: غَادِي نَضْرُبْ الرَّاعيِ تَتْفَرْكَتْ الخَرْفَانْ²⁸بَصَّحْ كِنُوضْ نَسْبَڤَكُمْ لَلْجَلِيلْ". ²⁹وڤَالَهْ بُطْرُسْ:"لُوكَانْ ڤَاعْ اشكُّوا فِيكْ انَا مَانْشَوكْشْ!".³⁰ڤَالَهْ يَسُوعْ :" الحَقْ نْڤَولَكْ: اليُومْ فْهَادْ الِّلِيلَة، مَقْبَلْ مَايْصِيحْ الدِّيكْ مَرْتِينْ ،غَادِي تُنْكُرنِي تَلْثْ خَطْرَاتْ". ³¹أكَّدْلَهْ بُطْرُسْ:" لُكَانْ اظْطَرِّتْ نْمُوتْ مْعَاكْ مَنُنُّكْرُكْشْ!".وْهَاكَا ڤَالُولَهْ ڤَاعْ التَّلامَدْ.³²وْوَصْلُوا لَجْنَانْ اسَمُّوهْ جَثْسَيْمَاني، وْڤَالْ الَتْلاَمَدْ :"اڤَعْدُوا هْنَا حَتَّى نْصَلِّي ".  ³³ وَدَّى مْعَاهْ بُطْرُسْ يَعْقُوبْ وْ يوُحَنَّا، بْدَى يْحَسْ بَالخُوفْ و الرَّهْبَة. ³⁴وْڤَالْهُمْ: " نَفْسِي حْزِينَة بَزَّافْ حَتَّى المُوتْ! اڤَعْدُوا هْنَا و اسَّهْرُوا".³⁵ڤَدَّمْ شْوِيَا وَسْجَدْ عْلَى اللَّرْضْ ،وْكَانْ يْصَلِّي بَاهْ اِبَعَّدْ عْلِيهْ هَدِيكْ السّاعَه. ³⁶و ڤَاَلْ:" يَا أَبَا الآبُ، اَنْتَ قَادَرْعْلَى كُلْ شِي ،فَوَّتْ عْلِيَا هَادْ الْكَاسْ.بَصَّحْ اِكُونْ كِيمَا تَبْغِي نْتَا ،مَشِّي كِيمَا نَبْغِي اَنَا ".³⁷وْ جَا لْقَاهُمْ رَاڤْدِينْ ، وْڤَالْ لْبُطْرُسْ:" يَاسِمْعَانْ، رَاكْ رَاڤَدْ! مَقْدَرْتْشْ تَسْهَرْ سَاعَة وَحْدَة ؟  ³⁸ اسَّهْرُوا وْاصَلُّوا بَاشْ مَتَدُّخْلُوشْ فَالتَّجْرُبَه. عْلَى خَاطَرْ الْرُّوحْ نَاشْطَه، وَالجَسَدْ ضْعِيفْ".  ³⁹ رَاحْ اُو صَلَّى تَانِي وْڤَالْ نَفْسْ الْكْلاَمْ.⁴⁰وْوَلَّى لْقَاهُمْ تَانِي رَاڤْدِينْ ،وْ كَانُوا عَيْنِيهُمْ تْقَالْ، مَعَرْفُوشْ شَيْجَاوْبوا.  ⁴¹ جَا خَطْرَى الثَّالثَة وْڤَالْهُمْ : "خْلاَصْ جَاتْ السَّاعَة! ارَّڤدُوا دوُرْكْ! و ارَيْحُوا! هَوَلَا ابْنِ الاِنْسَانْ يَنْتَمِدُّ لِيَدَيْنِ الخُطَاة. ⁴²لْوَقْتْ نُوظُوا نْرُوحُوا! رَاهْ ڤَرَّبْ لِيْسَلَّمْنِي!".⁴³لْوَقْتْ لِكَانْ يَهْدَرْ وْصَلْ يَهُوذَا، وَاحَدْ مَنْ الْطْنَاعَشْ، و مْعَاهْ نَاسْ بَزَّافْ بَالمْطَارَڤْ و السْيُوفَى مَرْسُولِينْ مَنْ رُؤَسَاء الْكَهَنَة وَ الْكَتَبَة والشُّيوخْ. ⁴⁴وَليِّ سَلْمَه اعْطَاهُمْ عَلاَمَة ڤَالْ :"لِنْسَلَّمْ عْلِيهْ هَذَاكْ هُوَ احَّكْمُوهْ وْ ادُّوهْ وْ عَسُّوهْ غَايَا". ⁴⁵وْ جَا تَمْ تَمْ وْ ڤَدَّمْ عَنْدَهْ و َ يْڤُولْ:" يَا سِيدِي يَاسِدِي!" وْ سَلَّمْ عْلِيهْ. ⁴⁶حَكْمُوهْ⁴⁷وَاحَدْ مَنْ لِكَانْ تَمَّا جْبَدْ سِيفْ، وَضْرَبْ رَئِيسْ الكَهَنَة وَ ڤْطَعْلَهْ وَدْنَهْ. ⁴⁸و ڤَالْهُمْ يَسُوعْ:" كَلِّي عْلَى خَايَنْ خْرَجْتُوا بَسْيُوفَى وَ مْطَارَقْ بَاشْ تَدُّونِي! ⁴⁹كُلْ يُومْ كُنْتْ مْعَاكْ فَالهَيْكَلْ نْعَلَّمْ مَحْكَمْتُونِيشْ! بَاشْ يَصْرَى لِنَكْتَبْ". ⁵⁰خَلَاوَه ڤَاعْ و هَرْبُوا .⁵¹وْتَبْعَه شَابْ مْغَطِّي رُوحَهْ بْطَرْفْ كَتَّانْ،  ⁵² وْ كِي شَدُّوه اطْلَقْ لَغْطَى وَ هْرَبْ عَرْيَانْ ڤَدَّامْ مَجْمَعْ الْيَهُودْ⁵³وَدَّاوْ يَسُوعْ عَنْدْ رَئِيسْ الكَهَنَة،وَتْلَايْمُوا عْلِيهْ ڤَاعْ رُؤَسَاء الْكَهَنَة وَالشُّيُوخْ و الكَتَبَة. ⁵⁴وْ تَبْعَه بُطْرُسْ مَنْ بْعِيدْ لَلدَّاخَلْ دَارْ رَئيسْ الكَهَنَة ،و كَانْ مْجَمَّعْ بِينْ الخُدَّامْ يْدَفِّي عَنْدْ النَّار.⁵⁵وْكَانُوا رُؤَسَاءْ الكَهَنَة وَ المَجْمَعْ ڤَاعْ يَطَّلْبُوا شْهَادَة عْلَى يَسُوعْ بَاهْ يَكَتْلُوه وْ مَلْقَاوَهْشْ. ⁵⁶عْلَى خَاطَرْ بَزَّافْ شَهْدُوا علِيهْ بَزُّورْ، و شْهَادَتْهُمْ مَكَانَتْشْ مَتْوَافْقَة.⁵⁷و نَاظُوا وَحْدِينْ وْشَهْدُوا عْلِيهْ بالزُّورْ وْڤَالُوا: ⁵⁸" اَحْنَى سْمَعْنَاه اڤَولْ: غَادِي نْهَدَّمْ هَاذْ الْهَيْكَلْ الْمَصْنُوعْ بالْيَدِّينْ ،و فِي ثَلثْ اَيَّام نَبْنِي وَحْدَاخُرْ مَشِّي مَصْنُوعْ بَاليَدِّينْ". ⁵⁹وْمَكَنُوشْ مَتَّافْقِين بَالشْهَادَة تَاعْهُمْ⁶⁰وْڤَفْ رَئِيسْ الكَهَنَة فَالْوَسْطْ سَقْسَى يَسُوعْ و ڤَالهْ : "مَتْجَاوَب ؟شَارَاهُمْ اشَهْدُوا عْلِيكْ ؟". ⁶¹بَصَّحْ هُوَ بْقَا سَاكَتْ مَرَدْشْ بْحَّتَى حَاجَة. سَقْسَاهْ رَئسْ الْكَهَنَة تَانِى وْڤَالَهْ :" أَنْتَ الْمَسِيحْ الإبْنْ الْمُبَارَكْ؟". ⁶²ڤَالْ يَسُوعْ أَنَا هُوَ. وْ غَادِي نْشُوفْ إْبْنْ الإِنْسَانْ جَالْسْ عْلَى يَمِينْ الْقُوَة،جَايْ فِي سَحَابِ اسْمَا ".⁶³ڤْطَعْ رَئِيسْ الْكَهَنَة كَسْوَتَهْ وْقَالْ : "شَا حَاجَتْنَا مَمْبَعْدْ لَشْهُودْ؟ ⁶⁴رَاكُمْ سْمَعْتُو كْلاَمْ الْكُفْرْ! شَرَايْكُمْ ؟ ". ڤَاعْ النَّاسْ ڤَالُو عْلِيهْ يَسْتَاهَلْ الْمُوتْ . ⁶⁵وْبْدَاوْ وَحْدِينْ يَدََّفْلُوا عْلِيهْ ،غَطُولَهْ وْجْهَهْ وْيْضَرْبُوهْ وْيْڤُولُولَهْ : " تْنَبَاْ". وْكَانْوا الْخُدَامْ يَضَرْبُوهْ عْلَى وَجْهَهْ .⁶⁶كِكَانْ بُطْرُسْ لْتَحْتْ فْدَارْ جَاتْ وَحْدَة مِنْ جَوَارِي رَئِيسْ الْكَهَنَة .  ⁶⁷ وْكِي شَافْتْ بُطْرُسَ يَدَفِي رُوحَهْ شَافَتْ فِيهْ وْڤَالَتْ :" وْانْتَ كُنْتْ مْعَ يَسُوعْ الَنَّاصِرِي !". ⁶⁸نْكَرْ وْ ڤَالْ :" مَانِشْ عَارَفْ شَا رَاكِي تْڤُْولِي !". وْخْرَجْ عَنْدْ الدّخْلَة تَاعْ الدَّارْ ، وْصَاحْ الدّيكْ .⁶⁹وْشَافْهْ جَارِيَة وَاحْدْوخْرَى وْبْدَتْ تْقُولْ لَلْى كَانُوا تَمَّاكْ :" هَادَا وَاحَدْ مَنْهُمْ !". ⁷⁰بَصَّحْ نْكَرْ تَانِي وَمَمْعْدْ شْوِيَا ڤَالُوا لَهْ لِكَانُوا تَمَاكْ لْبُطْرُسْ :" بَصَّحْ أَنْتَ مَنْهُمْ ، عْلى خَاطَرْ أَنْتَ تَانِي جَلِيلِيٌ وْلُغْتَكْ تَتْشَبَهْ لْلُغَتْهُمْ !".⁷¹بْدَا يَلْعَنْ وْيَحْلَفْ :" أَنَا مَنَعْرَفْشْ هَادْ الَرَاجَلْ لِرَاكُمْ تَهَدْرُوا عْلِيهْ !" . ⁷²وْصَاحْ الدِّيكْ خَطْرَا الَزَاوْجَة وْتْفَكَرْ بُطْرُسْ لَكْلاَمْ لِڤَالَهْ لَهْ ،يَسُوعْ قْبَلْ لِى يْصِيحْ الدِّيكْ مَرْتِينْ تَنْكَرْنِي تَلْتْ خَطْرَاتْ وْكِي تْفَكَرْ بْكَي

¹صْبَاحْ تْشَاوْرُ ِرِياَسْ الكَهَنَة وْ شُيُوخ و الكَتبَة وْ كُلْ الخَدَامِينْ تَاعْ المُجَمَعْ. رَبْطُو يَسُوعْ و دَاوَه ْعَنْدْ بِيلاَطُسْ.  ² سَقْسَاه ْ بِيلاَطُسْ: "اَنْتَ هُوَ مَلِكْ اليَهُودْ؟". جَاوْبَهْ وْ ڤَالَهْ:"أَنْتَ ڤُلتْ". ³وكَانُو رِيَاسْ الكَهَنَة يَشْكيِوْ عْلِيهْ بَزَّافْ.⁴سَقْسَاهْ بِيلاَطُسْ خَطَرَةَ وَحَدْ أُخْرَى ڤَالَهْ :"مَتْرَدْشْ عْلِيهُمْ ؟ شُوفْ شْحَالْ رَاهُمْ يَشْكِيوْ عْلِيكْ!". ⁵تْعَجَبْ بِيلاَطُسْ خَاطَرْ يَسُوعْ مَبْغَاشْ يْرَدْ عْليِهُمْ.⁶كَانْ يَطْلَقْ لْهُمْ كُلْ عِيدْ وَاحَدْ مْنْ المَحْبُوسِينْ ، أَلِي يَبْغِيوَهْ .  ⁷ وْ كَانْ أَلِي يْسِمِوُهْ بَارَابَاسْ مَحْبُوسْ مْعَ صْحَابَه ْ،عْلَى خَاطَرْ قْتيِلَة أَلِي دَارُوهَا فِي رَحْبَة نْهَارْ دَارُو َفوْضَى. ⁸وْبْدَاوْ النَاسْ إِتَّوْغُو أُو يَطَلْبُو مْنَهْ إِدِيرْ كِي مَا كَانْ إِدِيرْلْهُمْ دَايَمْن.⁹جَاوْبْهُمْ بِيلاَطُسْ وْ ڤَالْ:"تَبْغُوا نَطْلَڤْ لْكُمْ مَلِكْ اليَهُودْ؟".  ¹⁰ عْلَى خَاطَرْ كَانْ عَارَفْ بَلِّى رِيَاسْ الكَهَنَة سَلْمُوهْ غِيرْ بْالَحْسَدْ. ¹¹رِِياَسْ الكَهَنَة هَيْجُو النَاسْ بَاهْ يْطْلَڤْ لْهُمْ بَارَابَاسْ.¹²جَاوْبْهُمْ بِيلاَطُسْ وْ ڤَالْ لْهُم ْ:"شَا رَاكُمْ بَاغْيِينْ نْدِيرْ بْهَذَا أَلِي تْسَمُوهْ مَلِكْ اليَهُودْ؟". ¹³عَيْطُو مَرَّة خْرَى :"صْلْبَوهْ".¹⁴ڤَالْهُمْ بِيلاَطُسْ :"شَا دَارْ مْنْ شَّرْ؟". زَادُو تْوَاغْ :"أَصَلْبَهْ".  ¹⁵ بِلاَطُسْ بْغَى يْدِيرْ لَنَاسْ شَا رَاهُمْ بَاغْييِنْ. أَطْلَقْ لْهُمْ بَارَابَاسْ ، أُو سَلَمْ لْهُمْ يَسُوعْ مِينْ جَلْدُوهْ بَاشْ يَصْلْبُوهْ .¹⁶أَدَاوَهْ العَسْكَرْ لْدَاخَلْ الدَارْ أَلِي هِيَ دَارْ الوِلاَيَة، و تْلاَيْمَتْ الكَتِيبَة.  ¹⁷ لَبْسُولَهْ أَرْجْوَانًا أُو ضَفْرُولَهْ إِكْلِيلْ تَع ْالشُوكْ أُو حَطُوهْ عْلَى رَاسَهْ، ¹⁸أُو بْدَاوْ يَسْلْمُو عْليِهْ ڤْايْليِنْ:"سَلاَمْ يَا مَلِكْ اليَهُودْ!".¹⁹وكَانُوا يَضْرْبُوهْ بْمَطْرَقْ عْلَى رَاسَهْ، ويَدْفْلُو عْلِيهْ، ويَسْجْدُو ڤُدَامَهْ.  ²⁰ مْنْ بَعْد ْمَا أَسْتَهْزَاوْ بِيهْ، ڤْلَعولهْ الأَرْجْوَانْ و لَبْسُولَهْ حْوَايْجَه ْ،مَمْبَعْدْ أَدَوَاهْ بَاهْ يَصْلْبُوهْ. ²¹جَابُولَهْ وَاحَدْ الرَاجَلْ كَانْ مْوَلِّي مْا لْخْلَا ،هُوَ سَمْعَانْ القَيْرَوَانِي بُو أَلِكْسَنْدَرْ سَوَوُوفُسَ،بَاشْ يَرْفَدْ الصَليِبْ.²²أَدّاوَهْ "للجُلْجُثَة" ليِ مَعْناَهَا "جُمجُمَة".  ²³ وْ أَعْطَاوَهْ الخَمْرْ مْخَلْطَة بَالمَّرْ بَاشْ يَشْرَبْ، وْهُوَ مَبْغَاشْ. ²⁴كِي صَلْبُوهْ بْدَاوْ يَڤَْسْمُوا قَشَهْ وْ يْقُولُوا شْكُونْ يَدِي هَاذِي شْكُونْ يَدِي هَدَا.²⁵عْلَى السَاعَة الثْلاَتَ صَلْبُوهْ.  ²⁶ فُوڤْ الصَلِيبْ كَانْ مَكْتُوبْ:"مَلِكْ اليَهُودْ". ²⁷صَلْبُو مْعَاهْ زُوجْ سَرَاقِينْ ،وَاحَدْ مْنْ جِهَةْ لِيْمِينْ وْ لاَخُرْعْلَى اليِسْرَة. ²⁸هَكْدَا صْرَى ڤَاعْ شَا كَانْ مَكْتُوبْ مَقْبَلْ:"حَسْبُوهْ بِينْ الَمذْنُوبيِنْ"²⁹وْكَانْ لِي يْفُوتْ يْزَعَّقْ عْلِيهْ، إِيحَرْكُو رِيسَانْهُمْ أُو يْقُولُوا:"أَنْتَ أَلِي قُلْتْ أَنْهَدَمْ الهَيْكَلْ أُو نَبْنِيهْ فِي ثَلاَثَةْ إِيَامْ! ³⁰أَيَا سَلَّكْ رُوحَكْ وهَوَدْ مْالصَليِبْ".³¹حَتَى رِيَاسْ الكَهَنَة و الكَتَبَة كَانُوا يَسْتَهْزَاوْ بِيهْ ، وْيڤُولُوا:"سَلَّكْ لُخْرِينْ وْ مَقْدَرْشْ إِسَلَّكْ رُوحَهْ".  ³²يهَوَّدْ الَمسِيحْ مَلِكْ إِسْرَائِيلْ مْنْ الصَليِبْ، بَاهْ أَنْشُوفُوهْ وْنْآمْنُوا! ". ولِي كَانُو مَصْلُوبِينْ ڤُدَامَهْ إِيْعَايْرُوا فِيهْ.³³وْ عْلَى السَاعَة السَتَّة ، كَانَتْ الضَلْمَة ِ فَي ڤَاعْ اللَّرْضْ حَتَّى السَاعَة التَّسْعَة. ³⁴وْ عْلَى السَاعَة التَسْعَة تَوَّغْ يَسُوعْ بْصُوتْ عَالِي ڤَاَلْ: "إِلْوِِي ،إِلْوِي ،لِمَا شَبَقتَنِي؟" لِّي مَعْنَاهْ :رَبِي ، رَبِي عْلاَهْ خَلتِْنيِ؟ ³⁵ وْ جْمَاعَة مَلِّي كَانُوا حَاضْرِينْ كِي سَمْعُوهْ ڤَالُوا:"رَاهْ إِعَيَّطْ لْ إيليَّا".³⁶جَا وَاحَدْ عَنْدَهْ عَمَرْ إَسْفَنْجَة بْلِْخْلْ دَارْهَا فُوڤْ قَصْبَة وْ سْقاَهْ وْڤَالْ:"خَليِوْ نْشُوفُو إَلىَ يْجِي إِيلِيَّا وْ يْهَوْدَهْ". ³⁷تَوَّغْ يَسُوعْ بْصُوتْ عَالِي وْسَلَّمْ الرُوحْ. ³⁸فِي هَدَاكْ الوَقْتْ تْڤَطَعْ لَحْجَابْ تَاعْ الهَيْكَلْ عْلَى زُوجْ، مْنْ الفُوڤْ حَتَى لَتحْتْ.³⁹كِي شَافْ لْقَايَدْ تَاعْ لَمْيَة عَسْكْرِي أَلِي كَانْ وَاقَفْ مْقَابْلَهْ بَلِّي تَوَّغْ بْهَدَاكْ التْوَّاغْ وْسَلَمْ الرُوحْ ، ڤَاَلْ:"بَالْحَقْ هَذَا هُوَ وَلْدْ الله ! " ⁴⁰وْ كَانُوا ثاَنِي نْسَا إِشُوفُوا مَنْبْعِيدْ، كَانَتْ مَرْيَمْ المَجْدَلِيَّة ،ومَرْيَمْ أُمْ يَعْقُوبْ الصْغِيرْ ويُوسِي، أُوسَالُومَة، ⁴¹لِّي كَانُوا يْتَبْعُوهْ ويَخْدْمُوا مْعَاهْ كِكَانْ فَالجَليِلْ. وْنْسَا وَحَدْخْرِينْ لِّي جَاوْ مْعَاهْ لاُرْشَليِمْ.⁴²فْالَعْشِيَة كِكَانُوا يَْوجْدُوا لَسْبْتْ،  ⁴³ جَا يُوسَفْ لِّي مْنْ الَرَّامَة،لِهُوَ عُضْوْ مْلِيحْ فِي الْمَجْلِسْ الأَعْلَى ،كَانْ هُوَ ثَانِي يَسَّنَى مَلَكُوتْ الله، تْشَجَعْ ورَاحْ عَنْدْ بِيلاَطُسْ طْلَبْ جَسَدْ الَمِسيحْ. ⁴⁴تْعَجَبْ بِيلاَطُسْ عْلَى خَاطَرْ يَسُوعْ مَاتْ بْالْخَفْ. عَيَّط ْلْقَايَدْ مْيَة عَسْكْرِي و سَقْسَاهْ :"عَنْدَهْ بَزَّافْ مَلِّي مَاتْ؟".⁴⁵كي عْرَفْ مْنْ قَايَدْ مْيَةْ عَسْكْرِي ،عْطَى جَسَدْ المَسِيحْ لْيُوسَفْ .  ⁴⁶ وْشْرَى لَهْ ْكفَنْ ، هَوْدَاهْ مْالصَليِبْ كَفنَهْ بَالكَتَانْ ، وْ دَفْنَهْ فِي قْبَْركَانْ مَحْفُورْ فْالَحْجَرْ و بَلَّعْ َلقْبَرْ بَحْجَرْكْبِيرْ. ⁴⁷و كَانَتْ مَرْيَمْ المَجْدَلِيَّة و مَرْيَمْ أًمْ يُوسِي إِشُوفُو وِينْ يَدَفْنُوهْ.

¹وْكِي فَاتْ السّبْتْ ،مَرْيَمْ المَجْدَلِيَّة ومَرْيَم اُمْ يَعْقُوب وَسَالُومَةُ، شْرَاوْ الْزِّيتْ مْعَطْرِينْ بَاشْ يْرُوحُوا يَدَّهْنُوا يَسُوعْ.  ² وْفَالسِّمَاناَ لَّوْلَى صْبَاحْ بَكْرِي كِطَلْعَتْ الشَّمْسْ جَاوْ لَلقْبَرْ.³وْ كَانُوا يْڤُولُوا لْبَعْضِيَاتْهُم ْ:<شْكُونْ لَّزْهَادْ الحَجْرَى مَنْ هَادْ لَقْبَرْ؟".  ⁴ طَلْعُوا عَيْنِيهمْ ْوشَافُوا الحَجْرَى انْتْلَزَّتْ مَن ْمْكَانْهاَ .وْكَانَتْ كْبِيرَة بَزَّافْ.⁵وْ كِي دَخْلُوا للْقبَرْ شَافُوا شَابْ ڤَاَعَدْ عْلَى اليَمِينْ وْلاَبَسْ عْباَيَة بَيْضَاء ْونْخَلْعُوا.  ⁶ وْهُوَ ڤَالْهُمْ: "مَا تَنْخَلْعُوشْ رَاكُم ْتْحَوْسُوا عْلَى يَسُوعْ النَّاصِرِي المَصْلُوبْ .ڤَالْ مَرَاهْشْ هْنَا هَوَلاَ المَكَانْ لِّي كاَنْ مَحْطُوطْ فِيه ْ. ⁷بَصَّحْ رُوحُوا وْقُولُوا لَلتَّلاَمِيذْ تاَوعَه وْ لْبُطْرُسْ بَلِّي غَادِي يْسَبْقْكُمْ لَلْجَلِيلْ وَنْتُمَا تْشُوفُوهْ كِيمَا قَالْكُمْ".⁸خَرْجُوا وْهَرْبُوا مْلَقْبَرْ عْلى َخَاطَرْ كَانُوا مَخْلُوعِينْ وْ مَاقاَلُوا حَتَى حَاجَا لْحَتَّى وَاحَدْ عْلَى خَاطَرْ كَانُوا خَايْفيِنْ.⁹نَاضْ يَسُوعْ صْبَاحْ بَكْرِي اليَوْمِ اللَّوَّلْ تاَعْ السِّيمَانَا . مْعَ اللَّوَلْ باَنْ لْمَرْيَمْ المَجْدَلِيَة، لِخْرَجْ مَنْهاَ سَبْعَة شَياَطِينْ ¹⁰راَحَتْ وْخَبْرَتْ لِكَانُو مْعَاهْ وَ َكَانُو يْنَوْحُوا وْ يَبْكُوا . ¹¹وْهُمَا كِي سَمْعُوا بَليِ يَسُوع ْرَاهْ حَيْ وْبَلِّي شَافْتَه ْمَآمْنُوشْ.¹²وْمْبَّعْدْ بَانْ بِصِفَة وَحْدُخْرَا لَزُّوجْ كَانُوا يَتْمْشُوا وْرَايْحِينْ لِلْبْلاَدْ .  ¹³ وْهُومُا رَاحُوا دَاوْ لْبِشَّارَةُ لْوَحْدُوخْرِينْ بَصَّحْ هَادُوكْ تَانِي مَا آمْنُوهُمْْش.¹⁴وْمْعَ التَّالِي كِيكَانُوا لَحْدَاشْ تِلْمِيذْ مَتَّكْيِينْ بَانَلْهُمْ وْ لاَمْهُمُ عْلَى لِي لِمَا آمْنُوهْشْ وْعْلَى ڤَلْبْهُمْ ْالقَاسِي عْلَى خَاطَرْ مَامْنُوشْ مِشَافُوه ْحَيْ  ¹⁵ وْ قَالْهُمْ: "رُوحُوا لَلدَّنْيَا قَاعْ وْ بَرْحُوا باِلانْجِيلْ ڤَاع ْالخَلْقْ ¹⁶لِيَامَنْ وْيَتْغَطَّس ْيَسْلَكْ وْ لِمَيْامَنْشْ يَتْحَكَّم ْعَلِيهْ¹⁷وْهَاذْ الاَياَتْ تْرَافَڤَ المُؤمِنِينْ بِاسْمِي اخَرْجُوا الشَّيَاطِينْ ،يَهَدْرُوا لُغاَتْ جْدُدْ ¹⁸ اشَدُّوا لَحْنُوشَا فيِ يَدِيهُمْ وِيلا َشَرْبُوا حَاجَا تُكْتُلْ مَدِّلْهُم ْوَالُوْا وَيْحَطٌوا يَدِّيهُمْ عَلىَ المَرْضَى يَبْراُو.¹⁹مَمْبْعَد ْكِي هْدَرَلْهُمْ الرَّب ْ،اتَّرْفَعْ فاَلسّْمَا وْڤَعَدْ ْعْلىَ يَمِين ْاللهِ  ²⁰ وْهُمَا رَاحُوا ابَشْرُوا فْكُلْ مْكَانْ وَ الرَّبْ كاَنْ يَخْدَمْ مْعَاهُمْ وْيثَبَّتْ الكلِمَة بِالايَاتْ لِوَافْقُوهَا آمِين.

¹كِي بْدَاوْ بَزَافْ النَاسْ يَكَتْبُوا الْقِصَة تَاعْ الأُمُورْ لِي صْرَاتْ بِينَتْنَا،  ² كِيمَا وَصْلُوهَا لِينَا هَادُوكْ لِي كَانُوا مَلَوَلْ وشَافُوا ڤَاعْ دَاكْ الْشِي بْعِينِيهُمْ و يَخْدْمُوُا كَلْمَة الله، ³مَلِي تَبَعْتْ مَنْ الْلَوَلْ كل هَادْ الأُمُوربَالْدِقَة، خَمَمْتْ أَنَا ثَانِي بَلِي مْلِيحْ نَكْتَبْ لَكْ يَالَحْبِيب ثَاوْفِيلُسْ، ⁴بَاشْ تَعْرَفْ بَلِي لَكْلاَمْ لِي تْعَلَمْتَّه صْحِيحْ.⁵و كَانْ فِي لِيَامْ هِيرُودُسَ مَلَكْ أَلْيهُودِيَّة كَاهَنْ إِسْمَه زَكَرِيَّامَنْ فِرْقَة أَبِيَّا، ومَرْتَهْ مَنْ بْنَاتْ هَارُونْ و إِسْمْهَا أَلِيصَابَاتْ. ⁶و كَانُوا لَزُوجْ بَارِينْ قُدَامْ الله، و كَانُوا يْتَبْعُوا ڤَاعْ فَرَائِضْ الله بْلاَ لُومْ. ⁷و مَكَانْشْ عَنْدْهُمْ وَلْدْ، عْلَى خَاطَرْشْ أَلِيصَابَاتْ كَانَتْ عَاڤْرَة، و كَنُوا لَزُوجْ شْوَابِينْ.⁸كِي كَانْ زَكَرِيَا يْتْنَاوَبْ مْعَ لْفِرْقَة تَاعَهْ ڤُدَامْ الَّلهْ . ⁹عْلَى حْسَابْ عَادَاتْ الكَهَنُوتْ، طَاحَتْ عْلِيهْ قَرْعَة وْجَاتْ فِيهْ بَاشْ يَدْخُلْ لْهَيْكَلْ الَّلهْ وْيْبَخَّرْ. ¹⁰وْكَانُوا ڤَاعْ النَّاسْ مْجْتَامْعِينْ يْصَلُوا بَرَّا وَقْتْ لَبْخُورْ.¹¹وْبَانْلَهْ مَلَاكْ مَنْ عَنْدْ الرَّبْ وَاقَفْ عْلَى اليُمْنَى تَعْ مَذْبَحْ البُخُورْ. ¹²وْكِي شَافَهْ زَكَرِيَا تَخْلَعْ وْخَافْ. ¹³وْڤَالَهْ المَلَاكْ «مَاتْخَافْشْ يَا زَكَرِيَا عْلَا خَطَرْ الرَّبْ سْمَعْ لْصْلَاتَكْ، وْمَرْتَكْ اليصَبَاتْ تَوْلَدْلَكْ وَلْدْ تْسَمِيهْ يُوحَنَا.¹⁴غَادِي تَفْرَحْ فَرْحَة كْبِيرَة وْ بَزَّافْ نَاسْ يَفَرْحُوا بالْوِلَادَة تَاعَهْ. ¹⁵وْغَادِي يْكُونْ عَظِيمْ قدَامْ الَّلهْ. وْعُمْرَهْ مَاغَادِي يَشْرَبْ شْرَابْ وَلَا حَاجَة تْسَكَّرْ ، وْغَادِي يَتْعَمَرْ بالرُوحْ القُدُسْ فِي كَرْشْ مُهْ.¹⁶وْغَادِي بَزَافْ مَنْ بَنِي اسْرَائِيلْ للرَّبْ . ¹⁷غَادِي يَتْمَشَى قدَّامْ الَّلهْ بْرُوحْ وْقُوَة اِيلِيَا بَاشْ يَصْلَحْ الوَلْدِينْ مْعَ وْلَادْهُمْ وْيْرَدْ لْعَاصِي لْطْرِيڤْ طَاعَة الَّلهْ وْيْوَجَّدْ طَاعَة الَّلهْ¹⁸« ڤَالْ زَكَرِيَا لَلْمَلَاكْ: «كِيفَاشْ نَتأَكَدْ بْهَادْ شِي ، انَا شِيبَانِي وْمَرْتِي شِيبَانِيَة؟». ¹⁹جَاوْبَهْ المَلَاكْ وْڤَالَهْ: «انَا جِبْرِيلْ الوَاقَفْ قدَامْ الَّلهْ وْتَرْسَلْتْ بَاشْ نْبَشْرَكْ بْهَادْ الشِي. ²⁰وْنْتَ غَادِي تَتْبَكَشْ وْ مَتنْجَمْشْ تَهْدَرْ حَتِى نْهَارْ لِيَصْرَا هَادْ شِي ، عْلَى خَاطَرْ مَأَمَنْتْشْ لْهَدْرَة لِي غَادِي تَصْرَا فِي وَقْتْهَا».²¹وْكَانْ الشَعْبْ يْقَارَعْ لْزَكَرِيَا مَتْحَيْرِينْ عْلَاهْ طَوَلْ عْلِيهُمْ فالْهَيْكَلْ.  ²² وْكِي خْرَجْ مَنْجَمْشْ يَهْدَرْ مْعَاهُمْ، فَهْمُوا بَلِي شَافْ رُؤيَا وْبْدَا يَهْدَرْ مْعَاهُمْ بالاشَارَاتْ وْبْقَا سَاكَتْ. ²³وْكِي كَمْلَتْ يَامَاتْ خَدَمْتَهْ ولَا لْدَارَه.ْ²⁴وبَعْدْ دِيكْ لِيَامْ رَفْدَتْ مَرْتَهْ أَلِيصَابَاتْ بألْكَرْشْ، وخَبَتْ رُوحْهَا خَمْسْ شْهُرْوتْقُولْ: ²⁵« هَكَا دَارْ فِيَا الْرَب فْلِيَامْ لِي شَافْ فِيَا، ڤْلَعْ عَارِي مَنْ بِينْ الْنَاسْ».²⁶و فِي الْشَهْرْ الْسَادَسْ أَرسَلْ الله الْمَلاَكْ جِيبْرَائِيلْ لَمْدِينَة مَنْ الْجَلِيلْ إِسْمْهَا نَاصِرَة، ²⁷لْعَدْرَاء إِسَمُوهَا مَرْيَمْ مَخْطُوبَة لَرَاجَلْ مَنْ بِيتْ دَاوَدْ إِسَمُوهْ يُوسَفْ، ²⁸ودْخَلْ عَنْدْهَا الْمَلاَكْ و ڤَالْ: «سْلاَمْ عْلَى لِي أَنْعَمْ عْلِيهَا! الْرَبْ مْعَاكْ.مْبَارْكَة نْتِي بِينْ الْنْسَا». ²⁹وكِي شَافْتَهْ تْحَيْرَتْ مَنْ كْلاَمَهْ، و فَكْرَتْ فِ رُوحْهَا: «شَا مَعْنَتْ هَادْ الْسْلاَم!».³⁰وڤَالْهَا الْمَلاَكْ:«مَتْخَافِيشْ يَا مَرْيَمْ، رَاكِي لْقِيتِي نَعْمَة عَنْدْ الله. ³¹و رَكِي رَيْحَة تَرَفْدِي بالكَرْشْ وتَزْيْدِي وَلْدْ و تْسَمِيهْ يَسُوعْ. ³²و هَدَا غَادِي يْكُونْ عَظِيمْ، و يَتْسَمَى إَبْنْ الْعَلِي، ويَعْطِيهْ الْرَبْ الإِلَه الْعَرْشْ تَاعْ دَاوُدْ بُوهْ، ³³و يَمْلَكْ عْلَى دَارْ يَعْقُوبْ لَبْدَّا، و الْمُلْكْ تَاعَهْ مَيَكْمَلْشْ».³⁴وڤَالَتْ مَرْيَمْ لَلْمَلَاكْ: «كِيفَاشْ غَادِي يْكُونْ هَادَا وْانَا مَا عْرَفْتْ حَتَى رَاجَلْ؟» ³⁵وْجَاوْبْهَا المَلَاكْ وْڤَالْهَا: «الرُوحْ القُدُسْ يْنْزَلْ عْلِيكْ، وْقُوَة الَّلهْ تَغَطِّيكْ ،عْلَى بِيهَا القُدُّوسْ لِي غَادِي يْتَوْلَدْ مَنَكْ يَتْسَمَى ولْدْ الَلهْ.³⁶وْهَيَلَا ايلِيصَابَاتْ تَانِي لِي مَنْ عِيلْتَكْ هِي تَانِي بالْكَرْشْ، عْلَى كْبَرْهَا ،وْهَادَا شَهْرْهَا السَادِسْ لْلِي كَانَتْ تَتْسَمَى عَاڤْرَة، ³⁷عْلَى خَاطَرْ مَاكَاشْ حَاجَة صْعِيبَة عْلَى رَبِي. ³⁸ڤَالَتْ مَرْيَمْ: «هَا اَنَا اُمْ الرَّبْ وْ لِي تْقُولْ غَادِي يْكُونْ»، وْرَاحْ مَنْ عَنْدْهَا المَلَاكْ.³⁹وْفْدِيكْ لِيَامْ رَاحَتْ مَرْيَمْ بالْخُفْ لَجْبَالْ فْمَدِينَة يَهُودَا ، ⁴⁰وْدَخْلَتْ لْدَارْ زَكَرِيَا وْسَلْمَتْ عْلَى الِيصَابَاتْ . ⁴¹وْكِي سَمْعَتْ الِيصَابَاتْ سْلَامْ مَرْيَمْ تْحَرَكْ لْجَنِينْ لِي في كَرْشْهَا ، وْتْعَمْرَتْ بالرُوحْ القُدُسْ ،⁴²وْزَڤَاتْ وْڤَالَتْ: «مْبَارْكَة نْتِي بينْ نْسَا وْمْبَارْكَة ثَمْرَة كَرْشَكْ ! ⁴³وَاشْ نْكُونْ انَا حَتَى تْجِي عَنْدِي اُمْ الرَبْ؟ ⁴⁴وْكِي وْصَلْ صُوتْ سْلَامَكْ لْوَدْنِي الغُرْيَانْ زْغَدْ فْكَرْشِي ملْفَرْحَة ⁴⁵.سَعْدَاتْ لِي اَمْنَتْ بَلِي غَادِي يَصْرَا لِي ڤَالَهْ الرَبْ».⁴⁶وڤَالت مَرْيَمْ: «نَفْسِي تْعَظَمْ سِيدِي رَبِي، ⁴⁷و تَفْرَحْ رُوحِي بَالله الْمُخَلَصْ تَاعِي،⁴⁸عْلَى خَاطَرْشْ شَافْ خَدَامتَهْ الْمُتْوَاعْضَة. و ڤَاعْ الْأَجْيَالْ يْقُولُولِي يَاسَعْدَاتَكْ، ⁴⁹عْلَى خَاطَر الله الْقَادَرْ عْلَى كُلْ شِي دَارْلِي أُمُورْ عَظِيمَة، وإِسْمَهْ قُدُوسْ،⁵⁰ورَحَمْتَهْ مَنْ جِيلْ لْجِيلْ لْلِي يْخَفُوهْ. ⁵¹بَيَنْ قَوْةْ ذْرَاعَهْ. وشَتَتْ الْمَتْكَبْرِينْ فِي قَلْبْهُمْ.⁵²هَوَدْ الْحُكَامْ مَنْ عَرْشْهُمْ وعَلَّى شَانْ الْمَتْوَاضْعِينْ. ⁵³شَبَعْ الْجِيعَانِينْ مَنْ خِيرَاتَهْ و رَدْ الْمَرْفْهِينْ خَاوْيِينْ.⁵⁴عَاوَنْ عَبْدْ إِسْرَائِيلْ بَاشْ يَتْفَكَرْ رَحَمْتَهْ، ⁵⁵كِمَا وْعَدْ جْدُودْنَا، لْإِبْرَاهِيمْ ونَسْلَهْ لَلْأَبَدْ».⁵⁶وڤَعْدَتْ مَرْيَمْ عَنْدْ أَلِيصَابَتْ ثَلاَثْة أَشْهُرْ، ورَجْعَتْ لْدَارْهَا. ⁵⁷وصَلْ الْوَقْتْ تَاعْ أَلِيصَابَاتْ بَاشْ تَوْلَدْ. ⁵⁸وسَمْعُو الْجِيرأنْ و حْبَابَاتْهَا بَلِي الرب فَاضْ بْرَحَمْتَهْ عْلِيهَا، فَرْحُوا مْعَاهَا.⁵⁹و فِي الْيُومْ الْثَامَنْ جَاوْ يَخَتْنُوا الْوَلْدْ، و سَمَوَه بْإِسْمْ بُوهْ زَكَرِيَا. ⁶⁰بَصَّحْ أَمَهْ ڤَالَتْ: «لا!غَادِي تْسَمُوهْ يُوحَنَّا». ⁶¹وڤَالُولْهَا: «مَكَانْشْ وَاحَدْ فالْعَايْلَة تْسَمَى بْهَادْ الأَسَمْ».⁶²وسَقْسَاوْ بُوهْ بْالإِشَارَة، كِيفَاشْ بْغِيتْ يَتْسَمَى. ⁶³وطْلَبْ لُوحَا وكْتَبْ يقُولْ: «إِسْمَهْ يُوحَنَّا». ڤَاعْ تْعَجْبُوا⁶⁴و فِدِيكْ الْسَاعَة تْحَلْ فَمْ زَكَرِيَّا و تْسَرَحْ لْسَانَهْ و تْكَلَمْ و بَارَكْ الله.  ⁶⁵ و طَاحْ الْخُوفْ عْلَى ڤَاعْ الْجِيرَانْ. ⁶⁶و حْكَاوْ الْنَاسْ بْكُلْ هَادْ الأمُورْ فْكُلْ جْبَالْ الْيَهُودِيَّة، وْكَانْ لِي يَسْمَعْ هَادْ الاُمُورْ فِي قَلْبَهْ وْيْڤُولُوا :«وَاشْ غَادِي يْكُونْ هَادْ الوَلْدْ؟". وْكَانَتْ يَدْ رَبِي مْعَاهُمْ .⁶⁷و تْعَمَرْ زَكَرِيَّا بْالْرُوحْ الْقُدُسْ، وتْنَبَأْ وڤَالْ: » ⁶⁸مُبَارَكْ الْرَبْ إِلَهْ إِسْرَائِيلْ عْلَى خَاطَرْشْ شَافْ و عْطَى فِدَاءْ لْشَعْبَهْ،⁶⁹ودَرْ لْنَا مُخَلِصْ صْحِيحْ مَنْ دَارْ دَاوَدْ خَدَامَهْ. ⁷⁰كِمَا ڤَالْ بْفَمْ الأَنْبِيَاَ تَعَهْ الْقَدِيسِينْ فِي الْزْمَنْ لِي فَاتْ، ⁷¹لَسْلاَكْ مَنْ عَدْيَانَا و مَنْ يَدِينْ جْمِيعْ لِي يَكَرْهُونَأ .⁷²بَاشْ يَعْطِي رَحْمَة لَجْدُدْنَا ويْفَكَرْبالْعَهْدْ الْمُقَدَسْ، ⁷³الْعَهْدْ لِي حْلَفْ بِيهْ لْبُونَا إِبْرَهِيمْ ⁷⁴بَاشْ نَعَبْدُوه بْلاَ خُوف مَنْ بَعْدْ مَايْسلَكنَا مَنْ يَدِينْ عَدْيَنْنَا ⁷⁵نَعَبْدُوه بَالْقْدَاسَة و الْحَقْ ڤَاعْ إِيَامْ حْيَاتْنَا .⁷⁶وْ نْتَا يَاوَحْدْ الْوَلْدْ نْبِي العَلِي يْعَيْطُولَكْ ، عْلَاخَطَرْشْ تَتْقَدَّمْ ڤُدَامْ وَجْهْ رَبِي بَاشْ تْوَجَدْ طْرِيڤَه. ⁷⁷بَاشْ تَعْطِي لْشَعْبَهْ لْمَعْرِفَة تَاعْ سْلَاك بالْمَغْفِرَة تَاعْ دْنُوبْهُمْ ،⁷⁸بكثْرَة الرَحْمَة تَاعْ رَبِي ، شَرْقَتْ الشَمْسْ تَاعَهْ عْلِينَا من السْمَا . ⁷⁹بَاشْ يْنَوَرْ عْلَى لِي عَايْشِينْ في الظَلْمَة وْ الظَلْ تَاعْ لْمُوتْ، بَاشْ يْقُودْنَا لْطْرِيڤْ السَلَامْ».⁸⁰وْالوَلْدْ كَانْ يَكْبَرْ وْ يَتْقَوَى بالرُوحْ، وْكَانْ في البَرَاري حَتَى نْهَارْ لِي بَانْ لْاِسْرَائِيلْ.

¹وْفْدِيكْ لِيَامْ اَمَرَ القَيْصَرْ اُوغِسْطُسْ بَاشْ يَكَتْبُوا الاِحْصَاءْ تَاعْ ڤَاعْ سُكَانْ الامْبْرَاطُرِيَة. ²وْكَانْ هَدَا اوَّل احْصَاءْ نْدَارْ مَلِّي كَانْ كِيرِينْيُوسْ وَالِي عَلَى سُورْيَا. ³وْ رَاحْ كُل وَاحَدْ لَمْدِينْتَهْ بَاشْ يَكْتَبْ فِيهَا.⁴وْخْرَجْ يُوسَفْ حَتَى هُوَ مَنْ النَاصِرَة الِّلي في الجَليلْ وْ رَاحْ لْمَدِينَة دَاوَدْ ، بَيْتْ لَحْمْ عْلَى خَاطَرْشْ مَنْ عَايْلَة دَاودْ وْ قَبِيلْتَهْ. ⁵بَاشْ يَكْتَبْ معَ مَرْيَمْ خَطِيبْتَهْ الِّلي كَانَتْ بالْكَرْشْ .⁶وْكِكَانوا فِي بَيْتْ لَحْمْ وْصَلْ وَقْتْ الوِلَادَة تَاعْهَا . ⁷زَيْدَتْ وَلْدْهَا البِكَر وْ ڤمْطَاتَهْ وْ رَڤْدَاتَهْ فِي المدْوَدْ ، عْلَى خَاطَرْشْ مَاكَانْشْ عَنْدْهُمْ بْلَاصَة في الدَّارْ .⁸وْكَانُوا فْدِيكْ الجِهَة سُرَّاحْ يْبَاتوا بَرَّا وْ يتْنَاوْبُوا عْلَى العَسَّة تَاعْ لَغْنَمْ تَاعْهُمْ بالِيلْ . ⁹وْ بَانلْهُمْ مَلَاكْ مَنْ عَنْدْ الرَّبْ وْ مَجْدْ الرَّبْ ضَوَّا عْلِيهُمْ وْ نْخَلْعُوا بَزَّافْ .¹⁰وْڤَالْهُمْ : "مَاتْخَافُوشْ عْلَى خَطَرْشْ رَانِي جَايَبَلْكُمْ خْبَارْ مْلِيحْ يْفَرَّحْ ڤَاعْ الشَعْبْ . ¹¹رَاهْ اليُومْ تَوْلَدَلْكُمْ فِي مَدِينَة دَاودْ مُنَجِّي الِّلي هُوَ المَسِيحْ الرَبْ . ¹²وْهَادِي هِي العَلَامَة لِغَادِي نَعْطِيكُمْ : غَادي تْلْڤَاوْ وَلْدْ مْڤَمَطْ وْ رَاقَدْ فِي مَدْوَدْ .¹³وْعْلَى غَفْلَة بَانْ مْعَ المَلاكْ جْمَاعَة من الجَيْشْ تَاعْ السْمَا يْسَبْحُوا الرَبْ وْيْڤُولُوا : ¹⁴" العِزْ لِلّهْ في السَمَاءْ العَالِيَة وْعْلَى الارْضْ لَهْنَا لْهَادُوكْ لِيرَاضي عْلِيهُمْ " .¹⁵وْمَلِّي خَلَّاوْهُمْ المَلَايْكَة وْرَجْعُوا لْسْمَا ، قَالُوا السُّرَاحْ لْبَعْضَاهُمْ :"اَيَا نْرُحُوا دَرْوَكْ لْبَيْتْ لَحْمْ وْنْشُوفُوا هَادَاكْ الشِي لِي عْلَمْنَا بِيهْ الرَبْ " . ¹⁶وْرَاحُوا بَلْخُفْ وْلْڤَاوْ مَرْيَمْ وْ يُوسَفْ وْ الطْفَلْ رَاقَدْ فْالْمَدْوَدْ¹⁷وْكِيشَافُوهْ عَاوْدُوا وَاشْ ڤَالْهُمْ المَلَاكْ عْلَى هَادَاكْ الطْفَلْ . ¹⁸وْڤَاعْ هَادُوكْ لِسَمْعُوا كْلَامْ السُّرَاحْ تْعَجْبُوا مَنْ هَادَاكْ الشِي . ¹⁹بصَّحْ مَرْيَمْ كَانَتْ تْخَلي ڤَاعْ هَادْ الاُمُورْ فِي خَاطَرْهَا وْتَتْمَعَّنْ فِيهُمْ فِي قَلْبْهَا . ²⁰وْوَلَاوْ السُّراحْ وْهُمَا يْعَيْطُوا العِزْ لِلّهْ وْ يْسَبْحُوهْ عْلَى ڤَاعْ لِسَمْعُوهْ وْشَافُوهْ عْلَىخَاطَرْشْ ڤَاعْ دَاكْ الشِي لِي صْرَا كَانْ كِيمَا ڤَالهُمْ المَلَاكْ .²¹وْمَلِّي كَمْلُوا تْمَنيَامْ جَا الوَقْتْ بَاشْ يَتَخْتَنْ الطْفَلْ وْتْسَمَى يَسُوعْ ،كيمَا سمَاهْ المَلَاكْ قْبَلْ مَا تَرْفَدْ مَرْيَمْ في كَرْشْهَا .²²و مَلِي كَمْلَتْ لِيَامْ تَاعْ التَطْهِيرْ نْتَاعْهُمْ كِمَا كَايَنْ فِي شْرَعْ مُوسى، دَاوْ يَسُوعْ لأُرْشَلِيمْ بَاشْ يْقَدْمُوهْ للرَبْ، ²³كِمَا مَكْتُوبْ فِي شْرَعْ الرَبْ: اللِي يْقُولْ بَلِي كُلْ ذْكَرْ بْكَرْ هُوَ تَاعْ الرَبْ. ²⁴وبَاشْ يْقَدْمُوا الدْبِيحَة كِمَا تْقَالْ فِي شْرَعْ الرَبْ: زُوجْ طْيُورْنْتَاع اليَمَامْ و زُوجْ فْرَاخْ نْتَاعْ الحْمَامْ.²⁵وكَانْ فأُرْشَلِيم وَاحدْ الرَاجَلْ صَالَحْ و مُتَقِي الله إِسِمِوَه سِمْعَانْ، يَسَّنَى السْلاَكْ (الخَلاَصْ) نْتَاعْ شَعْبْ إِسْرَائِيلْ ،و كَانْ الروح القُدُسْ عْلِيهْ . ²⁶وعْرَفْ مَنْ الروح القُدُسْ بَلِي مَا غَادِيشْ إيمُوتْ حَتَّى يْشُوفْ مَسِيحْ الرب.²⁷و بَالروح القُدُسْ جَا لْهَيْكَلْ الله. و مَلِي جَابُوا الوالْدِينْ وَلْدْهُمْ يَسُوعْ، بَاشْ يَعْطِيوعْلِيهْ كِمَا يْقولْ فَشْرَعْ. ²⁸رَفْدَه سَمْعَانْ فِدْرَاعََه وبَارَكْ الله وڤَالْ : ²⁹"و دْرَوَكْ يَاربِي طْلَقْ سْرَاحْ العَبْدْ نْتَاعَكْ عْلَى خِيرْ كِمَا فَاتْ ووْعَدْتْ.³⁰عَلَى خَاطَرْ عِينِيَّ شَافُوا السْلاَكْ (الخَلاَصْ)نْتَاعَكْ. ³¹اللِي وَجّدْتَهْ قُدَامْ الشُعُوبْ كُلْهُمْ. ³²نُورْ يَهْدِي الشُعُوبْ أَللِي مَا يَعْبْدُوشْ الله، و العَّزْ لْشَعْبَكْ إِسْرَائِيلْ".³³وتْعَجَّبْ يُوسَفْ وامَّه مَنْ دَاكْ الشِي لِتْڤَالْ فِيه. ³⁴وبَارَكْهُمْ سَمْعَانْ وڤَالْ لْمَرْيَمْ مُّه :" هَادْ الوَلْدْ تَخْتَارْ بَاشْ يْكُونْ سْبَابْ لْبَزَافْ نْتَاعْ النَاسْ فْإِسْرَائِيلْ إِيطِيحُوُا و نَاسْ أُخْرِينْ بَاشْ إِينُضُوا،بَاشْ يْكُونْ عَلاَمَة إِخُوذُوهَا النَاسْ. ³⁵و هَاكَا غَادِي تْبَانْ أَفْكَارْ لَمْخَيْبَة نْتَاعْ النَاسْ ، حَتَى أَنْتِي يَامَرْيَمْ غَادِي يَدْخَلْ سِيفْ فِي نَفْسَكْ.³⁶وكَانَتْ تَمَّ وَاحَدْ النَبِيَّة، كْبِيرَة فْلَعْمَرْ إِسِمِوْهَا حَنَّة بَنْتْ فنُوئِيلْ مَنْ قَبِيلَة أَشِيرْ، تْزَوْجَتْ و عأشَتْ مْعَ رَاجَلْهَا سَبْعْ سْنِينْ. ³⁷وْڤَعْدَتْ هَجَالَة حَتَّى ولَّى فِي عْمَرْهَا رَبْعَة وثْمَانْيِينْ عَامْ، وهِيَ دَايَمْ فِي لْهَيْكَلْ تَعْبَدْ الله بَالصُومْ و الصْلاَة لِيلْ و نْهَارْ. ³⁸و تَمْ تَمْ جَاتْ و ڤَرْبَتْ لْعَنْدْهُمْ و شَكْرَتْ الله يْسَلَّكْ و يَفْدِي أُورْشَلِيمْ.³⁹و مَلِي كَمَّلْ يُوسَفْ و مَرْيَمْ ڤَاعْ دَاكْ الشِي لِمَفْرُوضْ عْلِهُمْ فِي شَرْعْ الرب، وَلاَوْ لَمْدِينَتْهُمْ النَاصِرَة فَالجَلِيلْ. ⁴⁰و كَانْ الوَلْدْ يَكْبَرْ و يَتْقَوَى بالروح، ومْعَمَرْ حِكْمَة، وكَانَتْ نِعْمَة الله عْلِيه.⁴¹و كَانُوا وَلْدِينْ يَسُوعْ يْرُوحُوا كُلْ عَامْ لأُرْشَلِيمْ فِي عِيدْ الفِصْحْ. ⁴²و كِوَّلاَ عَنْدْ يَسُوعْ طْنَاشْ نْعَامْ، طَلْعُوُا لِأُرْشَلِيمْ كِمَا كَانَتْ العَادَة فالعِيدْ. وكِكَمْلَتْ لِيَامْ تَاعْ العِيدْ، ⁴³و كِكَمْلَتْ لِيَامْ تَاعْ العِيدْ، وَلاَوْ وَالْدِينْ يَسُوعْ وبْقَى هُوَ فِي أُورْشَلِيمْ ، بَّلاَ مَا يَعَرْفُوا وَالْدِيهْ. ⁴⁴حَسْبُوا بَّلِي رَاهْ مْعَ النَاسْ المَسَفْرِينْ مْعَاهُمْ، و كِي مْشَاوْ نْهَارْ كَامَلْ، بْدَاوْ يْحَوْسُوُا عْلِيه عَنْدْ العَايْلَة و المَعَارَفْ الِي كَانُوا مْعَاهُمْ.⁴⁵و كِمَا لْقَاوَهْشْ وَلاَوْ لأُورْشَلِيمْ يْحَوْسُوا عْلِيه. ⁴⁶و بَعْدْ ثَلْثْ إِيَامْ لْڤَاوَه فِي هَيْكَلْ الله، جَالَسْ فِي وَسْطْ عُلَمَاء الشْرَعْ، يَصَنَتْ و يْسَقْسِيهُمْ. ⁴⁷و ڤَاعْ الِي كَانُوا يَسَمْعُوهْ تْعَجْبُوا مضنْ الذَكَاء تَعَهْ و مَنْ أَجْوِبْتَهْ.⁴⁸و مَّلِي شَافُوهْ وَالْدِيه تْعَجْبُوا، ڤَالَتْ لَهْ مَّهْ :"عْلاَشْ يَاوَلْدِي دَرْتْنَا هَكْدَا؟ أَنَا و بُوكْ كُّنَا نْحَوْسُوا عْلِيكْ و حْنَا مَخْلُوعِينْ!" ⁴⁹جَاوْبْهُومْ يَسُوعْ وڤَالْ:" عْلاَشْ تْحَوْسُوا عْلِيَّا ؟ مَاتَعَرْفُوشْ بَلِي خَاصْنِي فِي دَارْ بُويَا؟". ⁵⁰بَصَحْ مَا فَهْمُوشْ وَاشْ ڤَلْلْهُمْ.⁵¹وْوَلَّى مْعَاهُمْ للنَاصِرَة وْكَانْ يْطِيعْهُمْ وْدَسَّتْ مُهْ ڤَاعْ هَدِيكْ الاُمُورْ فِي ڤَلْبْهَا . ⁵²وْكَانْ يَسُوعْ يَكْبَرْ وْيْزِيدْ فالْحِكْمَة والقُبُولْ عَنْدْ النَاسْ وْاللَّهْ .

¹فِي لْعَامْ خَمْسَة عَشَرْ مَنْ حُكْمْ طِبْيارْيُوسْ قَيْصَرْ , مَنْ حُكْمْ بِيلاَطُسْ الْبُنْطِى حَاكَمْ عْلَى الْيَهُودِيَة , وْهِيرُودُسْ حَاكَمْ عْلَى الْجَلِيلْ , وْفِيلِبَسْ خُوهْ حَاكْمْ عْلَى إِيطْورِيَّة وَكُورَهْ تَرَاخُونِيتِسْ ,وْلِيسَانِيُونْ حَاكَمْ عْلَى الأَبْلِيَة , ²فِى ذَاكْ الْوَقْتْ لِكَانْ حَنَانْ وْقِيَافْ حَاكَمْ الْكَهَنَة ,كَانَتْ كَلِمَة الله عْلَى يُوحَنَا وَلَدْ زَكَرِيَا فِي الَصَّحْرَاءَ .³رَاحْ ڤَاعْ جْوَارِيهْ الأَرْدُنْ يُبَشِرُ بِتَغْطِسْ الَتَّوْبَة لِمَغْفِرَة الَدْنُوبْ ،⁴كِيمَا مَكْتُوبْ فِي الَنَّبِيْ إشْعَيَاءَ: «صُوتْ يْزَڤِى فَى الْخَلاَ وْجْدُو طْرِيقْ الَرَّبْ ، وْصَڤْدُو طُرْڤَانَهْ .⁵كُلُ وَادْ غَادِى يَتْعَمَرْو كُلْ جْبَلْ غَادِى يَنْقَصْ , وَالَطُرْقَانْ الْمَعْوَجَة تَتْصَڤَدْ وَالْوَاعْرَة تَتْسَهَلْ ، ⁶«وْڤَاعْ الَنَّاسْ يْشُوفُوا خْلاَصْ الَرَّبْ.⁷وْڤَالْ لْڤَاعْ الَنَّاسْ لِتْعَمْدُو عْلَى يَدِيهْ »: يَاوْلاَدْ الَلفْاعِى شْكُونْ لِنَبَهْكُمْ بَاشْ تَهَرْبُوا مَنْ غَضَبْ الله لِجَايْ ؟⁸فِى الَشِّي لِدِرُوهْ بَيْنُو تَوْبَتْكُمْ , مَتْقَعْدُوشْ تْڤُولُوا بُونَا هُوَ بْرَاهِيمْ عْلَخَطَرْ نْڤُولْكُمْ الله قَادَرْ يَصْنَعْ وْلاَدْ لِبْرَاهِيمْ .⁹وْدُوكَ نْحَطَتْ الْفأْسْ عْلَى الشَجْرَة , وْكُلْ شَجْرَة مَتَعْطِيشْ ثَمْرَة مْلِيحَة تَنْقَاسْ بَالنَّارْ».¹⁰سَقْسَاوَهْ الَنَّاسْ وْڤَالْوا: »شَانْدِيرُوا دُورْكْ؟» ¹¹جَاوَبْهُمْ:« لِعَنْدَهْ زُوجْ لْبَسَاتْ يَعْطِي لِمَعَنَدْهُمْشْ , وْلِعَنْدَاهْ مَاكْلَة يَڤَسْمَهَا مْعَ لَخْرِينْ >>.¹²وْجَاوْ جْمَاعَة الَضَرَائِبْ بَاشْ يَتْغَطْسُوا فَالْمَاء <<وْسَقْسَاوَهْ وَاشْ نْدِيرُوا يَاسِيدِي ؟>> . ¹³وْجَاوَبْهُمْ مَتْلُمُوشْ كْتِيرْ مَلِى مَفْرُوضْ عْلِيكُمْ >>.¹⁴وْسَقْسَاوَهْ بَعْضْ لْعَسْكَرْ وْڤَالُولَهْ :<< شَانْدِيرُوا حْنَا تَانِي ؟>> . وْمَمْبَعْدْ ڤَالْ لْهُمْ :<< مَتْظَلْمُوشْ حَتَّى وَاحَدْ وْمَتْحَصْلُوشْ فَى الَنَّاسْ بَالْبَاطَلْ , وْ قَنْعُوا بَالْخْلاَصْ تَعْكُمْ >>.¹⁵وْكَانُوا الَنَّاسْ يْقَارْعُوا مَجِئْ الْمَسِيحْ , وْكَانُوايْفَكْرُوا فِى قْلُوبْهُمْ عْلَى يُوحَنَا بَلاَكْ الْمَسِيحْ، ¹⁶جَاوَبْهُمْ يُوحَنَا :<< أَنَا نْغَطَسْكُمْ بَالْمَاءْ ، بَصَّحْ غَادِى يْجِى لِقْوِيْ مَنِى ، مَنَسْتَهَلْشْ نْحَلْ خْيُوطْ صَبَاطْهْ ، هُوَ يْغَطَسْكُمْ بَالَرُوحْ الْقُدُسْ وْالَنَّارْ¹⁷يَرْفَدْ الْمَدْرَعْ فِى يَدِيهْ , وْيْنَقِى بَرَا وْيْلَمْ الْقَمْحْ فَى الْمَخْزَنْ تَاعَهْ , وَالَتِبْنْ يْحَرْڤَهْ بَالنَّارْ لِمَتْنَطْفَاشْ >>.¹⁸وْكَانْ يُوحَنَا يُشَجِعُهُمْ بِبَزَافْ حْوَايَجْ وَاحَدْ خْرِينْ , ¹⁹بَصَّحْ الْحَاكَمْ هِرُودُسْ زْعَفْ عْلِيهْ يُوحَنَا وْوَبْخَاهْ عْلاَخَاطَرْ تْزَوَجْ بِهُرُودِيَا مَرْتْ خُوهْ فِيلِبُسْ وْدَارْ بَزَافْ دْنُوبْ , ²⁰وْزَادْ كَمَلْهَا كِدَخَلْ يُوحَنَا لَلْحَبْس.²¹وْكِتْغَطْسُوا ڤَاعْ الَنَّاسْ وْتْغَطَسْ يَسُوعْ تَانِي , كِبْدَا يْصَلِى ، ²²نْزَلْ عْلِيهْ الَرُّوحْ الْقُدُسْ عْلَى صِفَةْ لَحْمَامَة , سْمَعْ صُوتْ فَى الَسْمَا يْڤُولْ نْتَ بْنِى لَحْبِيبْ لِي فْرَحَةْ بِهْ .²³نَسَبْ يَسُوعْ الْمَسِيحْ وْكِبْدَا يَسُوعْ يْبَشَرْ كَانْ عُمْرَهْ ثْلاَثِينْ عَامْ , تَقْرِيبَا وْكَانْ مَعْرُوفْ عَنْدْ الَنَّاسْ بَلِى وْلِدْ يُوسَفْ بَنْ هَالِي ²⁴.بْنِ مَتْثَاتَ، بْنِ لَاوِي، بْنِ مَلْكِي، بْنِ يَنَّا، بْنِ يُوسُفَ،²⁵بْنِ مَتَّاثِيَا، بْنِ عَامُوصَ، بْنِ نَاحُومَ، بْنِ حَسْلِي، بْنِ نَجَّايِ، ²⁶بْنِ مَآثَ، بْنِ مَتَّاثِيَا، بْنِ شِمْعِي، بْنِ يُوسُفَ، بْنِ يَهُوذَا،²⁷بْنِ يُوحَنَّا، بْنِ رِيسَا، بْنِ زَرُبَّابِلَ، بْنِ شَأَلْتِيئِيلَ، بْنِ نِيرِي، ²⁸بْنِ مَلْكِي، بْنِ أَدِّي، بْنِ قُصَمَ، بْنِ أَلْمُودَامَ، بْنِ عِيرِ، ²⁹بْنِ يُوسِي، بْنِ أَلِيعَازَرَ، بْنِ يُورِيمَ، بْنِ مَتْثَاتَ، بْنِ لَاوِي،³⁰بْنِ شِمْعُونَ، بْنِ يَهُوذَا، بْنِ يُوسُفَ، بْنِ يُونَانَ، بْنِ أَلِيَاقِيمَ، ³¹بْنِ مَلَيَا، بْنِ مَيْنَانَ، بْنِ مَتَّاثَا، بْنِ نَاثَانَ، بْنِ دَاوُدَ، ³²بْنِ يَسَّى، بْنِ عُوبِيدَ، بْنِ بُوعَزَ، بْنِ سَلْمُونَ، بْنِ نَحْشُونَ،³³بْنِ عَمِّينَادَابَ، بْنِ أَرَامَ، بْنِ حَصْرُونَ، بْنِ فَارِصَ، بْنِ يَهُوذَا، ³⁴بْنِ يَعْقُوبَ، بْنِ إِسْحَاقَ، بْنِ إِبْرَاهِيمَ، بْنِ تَارَحَ، بْنِ نَاحُورَ، ³⁵بْنِ سَرُوجَ، بْنِ رَعُو، بْنِ فَالَجَ، بْنِ عَابِرَ، بْنِ شَالَحَ،³⁶بْنِ قِينَانَ، بْنِ أَرْفَكْشَادَ، بْنِ سَامِ، بْنِ نُوحِ، بْنِ لَامَكَ، ³⁷بْنِ مَتُوشَالَحَ، بْنِ أَخْنُوخَ، بْنِ يَارِدَ، بْنِ مَهْلَلْئِيلَ، بْنِ قِينَانَ، ³⁸بْنِ أَنُوشَ، بْنِ شِيتِ، بْنِ آدَمَ، ٱبْنِ ٱللهِ.

¹وْلَا يَسُوعْ مَنْ الأُرْدُنْ مْعَمَرْ بْرُوحْ الْقُدُسْ ، وْ دَاهْ الْرُوحْ لَصَحْرَا  ² يْجَرَبْ فِيهْ ابْلِيسْ رَبْعِينْ يُومْ وْ مَا كْلَا وَالُو فِي دُوكْ لْيَامْ وْ مْعَ التَالِي جَاعْ .³وْ ڤَالَهْ ابْلِيسْ : " اِلَا كُنْتْ اِبْنْ الله ، ڤُولْ لْهَادْ لْحْجَرْ يْوَلِي خُبْزْ ". ⁴جَاوْبَهْ يَسُوعْ وْ ڤَالَهْ :"مَكْتُوبْ فِي كْتَابْ الله : مَاشِي بْلْخُبْزْ وَحْدَهْ يْعِيشْ الْإِنْسَانْ ، بَصَحْ بْكُلْ كَلْمَة مَنْ الله ".⁵وْ طَلْعَهْ ابْلِيسْ لْوَاحَدْ لْبْلَاصَة عَالْيَة وْ مَنْبَعْدْ وَرَاهْ ڤَاعْ لْمَمَالَكْ تَاعْ الدْنْيَا .  ⁶ وْ ڤَالَهْ إِبْلِيسْ : "غَادِي نَعْطِيكْ الْسُلْطَة عْلَى ڤَاعْ هَادْ لْمَمَالِيكْ وْ لْعَزْ تَاعْهَا عْلَى خَاطَرْ نْتْمَدَتْلِي وْ نَعْطِيهَا لَمَنْ نَبْغِي . ⁷دَرْوَكْ سْجَدْلِي وْ هَاكْ الشِي ڤَاعْ يْوَلِي تَاعَكْ".⁸رَدْ عْلِيهْ يَسُوعْ وْ ڤَالَهْ : مَكْتُوبْ فِي كْتَابْ الله : لِلرَّبْ إِلَاهَكْ تَسْجِدْ وْ هُوَ وَحْدَهْ لِي تَعْبَدْ ".⁹وْ دَاهْ إِبْلِيسْ لْأُورْشَلِيمْ وْوَڤْفَهْ عْلَى الْحَافَة تَاعْ سَطْحْ تَاعْ الْهَيْكَلْ وْ ڤَالَهْ : " إِلَا كُنْتْ ابْنْ الله قِيسْ رُوحَكْ مَنْهْنَا لَلْتَحْتْ ¹⁰عْلَى خَاطَرْ مَكْتُوبْ غَادِي يْوَصِي لْمَلَايْكَة تَاعَهْ عْلِيكْ بَاشْ يْسَلْكُوكْ ¹¹وْ عْلَى يْدِيهُمْ يْرَفْدُوكْ بَاشْ رَجْليكْ مَاتْنْضْرَبْشْ مْعَ لَحْجَرْ ".¹²جَاوْبَهْ يَسُوعْ وْ ڤَالَهْ : " مَا تْجَرَبْشْ الْرَّبْ إِلَاهَكْ ". ¹³وْ كِي كَمَلْ إِبْلِيسْ ڤَاعْ الْتَجَارِبْ فَارْقَهْ وْ خْلَاهْ حْتَى لَلْوَقْتْ .¹⁴وْ وْلَى يَسُوعْ لْبْلَادْ لْجَلِيلْ وْ هِوَ مْعَمَرْ بْقُوَة الْرُوحْ القُدُسْ وْ تْشَيَعْ لْخْبَرْ فِي ڤَاعْ الْجْوَايَهْ ¹⁵وْ كَانْ يْعَلَمْ فِي الْمَجَامِعْ وْ ڤَاعْ الْنَاسْ كَانَتْ تْشَكْرَهْ .¹⁶وْ جَا يَسُوعْ لْنَاصِرَة وِينْ كْبَرْ. وْ كِيمَا كَانَتْ لْعَادَة تَاعَهْ يَدْخُلْ لَلْمَجْمَعْ فْيُومْ السَبْتْ وْ وْڤَفْ بَاشْ يْقْرَا ، ¹⁷وْ عْطَاوَهْ كْتَابْ تَاعْ الْنْبِي أَشْعِيَاءْ وْ كِي حَلْ لْكْتَابْ لْقَا لْبْلَاصَة لِّي مَكْتُوبْ فِيهْ :¹⁸" رُوحْ الْرَّبِّ عْلِيَّ ، عْلَى خَاطَرْخَيَرْنِي بَاشْ نْبَشَرْ لْمْسَاكِينْ بَلْبِشَارَة ، وْ رْسَلْنِي نْخَبَّرْ لِّي مَحْبُوسِينْ بَلِّي غَادِي يَنْطْلَقْ سْرَاحْهُمْ ، وْ لْعَمْيِينْ غَادِي يْشُوفْوا ، وْ لْمَظْلُومِينْ غَادِي يْتْحَرُوا ، ¹⁹وْ رْسَلْنِي بَاشْ نْخَبَّرْ بَلْعَامْ لِّي فِيهْ غَادِي يَقْبَلْ الرَّبْ شَعْبَهْ . "²⁰وْ بَلَّعْ يَسُوعْ كْتَابْ الله وْ عْطَاهْ لَلْخَدَّامْ لِّي فِي لْمَجْمَعْ ، وْ جَمَّعْ . وْ ڤَاعْ لِّي فِي لْمَجْمَعْ يْشُوفُو فِيهْ . ²¹وْ بْدَا يْڤُولَلْهُمْ : " لْيُومْ رَاهْ تْحَقَقْ هَادْ لْكْلَامْ وْ كِيمَا سْمَعْتُوهْ ". ²²وْ ڤَاعْ شَهْدُوا عْلِيهْ بَلَمْلِيحْ وْ تْعَجْبُوا مَنْ كْلَامْ الْنِّعْمَة لِّي كَانْ يَخْرُجْ مَنْ فُمَهْ ، وْ ڤَالُوا : "هَذَا مَاشِي وَلْدْ يُوسَفْ ؟".²³وْ ڤَالَلْهُمْ يَسُوعْ : " عْلَى كُلْ حَالْ عَادِي تْڤُولًولِي هَادْ الْمْثَلْ : يَا طْبِيبْ دَاوِي بَعْدَ رُوحَكْ ! وْ ڤَاعْ دَاكْ الْشِي لِي سْمَعْنَاهْ صْرَا فِي كَفَرْنَاحُومْ ، دِيرَهْ هْنَا تَانِي فِي بْلَادَكْ". ²⁴وْڤَالَلْهُمْ : " نْڤُولَلْكُمْ الْحَقّْ : عُمُرْ شِي نْبِي مَا قَبْلُوهْ فِي بْلَادَهْ .²⁵وْ بَلْحَقْ نْڤُولَلْكُمْ : بْزَافْ هَجَالَاتْ كَانُوا فِي إِسْرَائِيلْ فِي وَقْتْ إَليلِيَّا مَلِي حَبْسَتْ الْشْتَا ثَلَاثْ سْنِينْ وْ سَتْ شْهُرْ ، وْ مَلِي جَا جُوعْ صْعِيبْ فِي ڤَاعْ لْبْلَادْ ،  ²⁶ وْ الله مَرْسَلْشْ إِيلِيَّا غِيرْ لْوَاحَدْ لْمْرَا ، هَجَالَة كَايْنَة فِي ضِرْفَة جْوَايَه صَيْدَاء . ²⁷وْ كَانُوا فِي إِسْرَائِيلْ بْزَّافْ نْتَاعْ لْبُرْصْ فِي زْمَانْ الِنْبَي أَلِيشَعْ بَصَحْ حْتَى وَاحَدْ مَنْهُمْ مَا بْرَا غِيرْ نُعْمَانْ الْسُّرْيَانِي ".²⁸وْ مَلِي سَمِعُوا ڤَاعْ لْحَاضْرينْ فِي لْمَجْمَعْ هَادْ لْكْلَامْ، زَعْفُوا بْزَّافْ ²⁹وْ نَاضُوا وْ خَرْجُوا بَرَّا لْمْدِينَة ، وْجَابُوهْ لَلْحَافَة تَاعْ جْبَلْ لِّي كَانَتْ مَبْنِيَة عْلِيهْ لْمْدِينَة بَاشْ يْقِيسُوهْ لَلْتَحْتْ . ³⁰بَصَّحْ هُوَ فَاتْ بِينَاتْهُمْ وْ رَاحْ .³¹وْ هَوَدْ لْكَفَرْنَاحُومْ ، وْ هِيَ مْدِينَة فِي الْجَلِيلْ ، وْ كَانْ يْعَلَمْ الْنَّاسْ نْهَارْ الْسَّبْتْ . ³²وْ تْعَجْبُوا مَنْ الْتَعْلِيمْ تَاعَهْ ، كِيفَاشْ كَانْ يَتْكَلَمْ بْسُلْطَانْ .³³وْ كَانْ وَاحَدْ الْرَاجَلْ سَاكْنَهْ رُوحْ شَيْطَانْ نَجِسْ ، وْ بْدَا يْزَڤِي ³⁴وْ يْڤُولْ : " آهْ وَاشْ كَايَنْ بِينَّا وْ بِينَكْ يَا يَسُوعْ الْنَّاصِرِي ؟ جِيتْ بَاشْ تْهْلَكْنَا ! أَنَا نَعَرْفَكْ شْكُونْ نْتَ : نْتَ هُوَ قُدُّوسْ الله ! ".³⁵نْتَهَرْ يَسُوعْ الرُّحْ وْ ڤَالْ : " اسْكُتْ ! وْ خْرُجْ مَنَهْ ! ". طَيَحْ الْرُوحْ الْرَاجَلْ فِي وَسْطْ الْنَّاسْ وْ خْرَجْ مَنَهْ مْبْلَا مَا يْأَدِيهْ . ³⁶وْ الْنَاسْ ڤَاعْ تْعَجْبُوا وْ ڤَالُوا فِيمَابِينَاتْهُمْ :" شَا هَادْ لْكَلْمَة ؟ عْلَى خَاطَرْ بلْطَانْ وْ قُوَّة يَامُرْ الْأَرْوَاحْ النَجِسَة وْ تَخْرُجْ ! ". ³⁷وْ سَمْعُوا عْلِيهْ ڤَاعْ هَادُوكْ النَّاسْ لِي سَاكْنِينْ ڤُدَّامْ دِيكْ لْمْدِينَة .³⁸خْرَجْ مَنْ الْمَجْمَعْ وْ دْخَلْ لْدَارْ سِمْعَانْ . وْ كَانَتْ حْمَاةْ سِمْعَانْ مْرِيضَة وْ فِيهَا لْحُمَّى طَالْعَة بْزَّافْ . وْ طَلْبُوا مَنَهْ بَاشْ يْشْفِيهَا . ³⁹وْڤَفْ حْدَاهَا وْ نْتَهَرْ لْحُمَّى وْ بْرَاتْ !وْ تَمْتَمْ نَاضَتْ وْ ضَيْفَتْهُمْ .⁴⁰وْ كِي غَرْبَتْ الْشَمْسْ ، جَاوْ الْنَّاسْ بَلْمَرْضَى تَاعْهُمْ لْعَنْدَ يَسُوعْ وْ كَانْ كُلْ وَاحَدْ وْ مَرْضَهْ ، وْ حَطْ يَدِّيهْ عْلَى كُلْ وَاحَدْ فِيهُمْ وْ شْفَاهُمْ .  ⁴¹ وْ خَرْجُوا الْأَرْوَاحْ الْشِريرَة مَنْ بَزَّافْ نَاسْ وْ هُومَا يْزَڤُو وْ يْڤُولُوا : " نْتَ الْمَسِيحْ ابْنْ الله !" . وْ نْتَهَرْهُمْ يَسُوعْ وْ مَاخَلَاهُمْشْ يَهَدْرُوا ، عْلَاخَطَرْ عَرْفُوهْ بَلِي هُوَ المَسِيحْ .⁴²وْ فَصْبَاحْ بَكْرِي خْرَجْ يَسُوعْ وْرَاحْ لْوَاحَدْ لْمْكَانْ خَالِي ، وْ كَانُوا النَّاسْ يْحَوْسُوا عْلِيهْ . جَاوْ عَنْدَهْ وْ حَكْمُوهْ بَاشْ يَڤْعُدْ مْعَاهُمْ . ⁴³بَصَّحْ هُوَ ڤَالَلْهُمْ : " يْلَاقْ نْرُوحْ نْبَشَرْ المُدُنْ لُخْرِينْ بَلْمَلَكُوتْ تَاعْ الله ، عْلَى خَاطرء هَادْ الشِي جِيتْ ". ⁴⁴وْ كَانْ يْخَبَّرْ بَلْبِشَارَة فِي لْمَجَامِعْ تَاعْ لْجَلِيلْ .

¹كِكَانْ الْنَّاسْ يَدَّامْرُو عْلِيه بَاهْ يَسَمْعُوا كْلَام الْلَّه، كَانْ يَسُوعْ وَاڤَفْ عَنْدْ بُحَيْرَة جَنِّسَارَتَ . ²و شَافْ زُوجْ فْلَايَكْ حَابْسِينْ حْدَا الْبُحْيْرَة وْ خَرْجُوا مَنْهُم الْبَحَّارَة بَاشْ يَغَّسْلُوا شَبَّاكْهُم . ³دْخَلْ لْوَحْدَة مَنْهُمْ نْتَاعْ سَمْعَانْ و طْلَبْ مَنَّه بَاهْ يْبَعَّدْ شْوِيَة عْلَى الْبَّر ومْبَّعْد جَمَّع و بْدَا يْعَلَّم فَالْنَّاسْ مَنْ الْفْلُوكَة .⁴و كِكَمَّلْ كْلَامَه ڤًالْ لْسِمْعَانْ :" رُوحُوا لَلِعُمْقْ و قِيسُوا الْشَبَّاكْ الْتَّاعْكُمْ بَاهْ تْصَيْدُوا ". ⁵جَاوْبَه سَمْعَانْ و ڤَالْ : " تْمَرْمَدْنَا ڤَاعْ الْلِّيلْ يَاسِيدِي و حْنَا أَنْصَيْدُوا و مَلْقِينَا حَتَّى حَاجَة . بَصَّحْ عْلَى كَلْمَتَّكْ غَادِي نْقِيسْ الْشَّبْكَة ". ⁶كِدَارُوا هَادْ الْشِّي صَيْدُوا بَزَّافْ الْحُوتْ حَتَّى بْدَاتْ شَبْكَتْهُم تَتْڤَطَّعْ . ⁷و رَيَّشْ لْهَادُوكْ لِكَانُوا فَالْفْلُوكَة أُحْدُخْرَى بَاهْ يْجُوا وَيْعَوْنُهُمْ . جَاوْ عَمْرُوا الْفْلَايَكْ نْتَاعْهُمْ حَتَّى ڤَرْبُوا يَغَّرْقُوا .⁸كِشَافْ سِمْعَانْ بُطْرُسْ هَادْ الْشِّي رْكَعْ عَنْدْ رَجْلِينْ يَسُوعْ و ڤَالَه: "أُخْرُجْ مَنْ فْلُوكْتِي يَاسِيدِي عْلَى خَاطَرْ أَنَا رَاجَلْ خَاطِي". ⁹عْلَى خَطَرْشْ تْعَجَّبْ هُوَ و ڤَاعْ هَادُوكْ لِمْعَاه مَنْ الْحُوتْ لِصَيْدُوهْ . ¹⁰وتَانِي يَعْقُوبْ و يُوحَنَّا و وْلَادْ زَبَدِي لِكَانُوا شُرْكَا مْعَ سِمْعَانْ. و ڤَالْ يَسُوعْ لْسِمْعَانْ : " مَتْخَافْشْ مَنْ الْيُومْ تْوَلِّي تْصَيَّدْ فَالْنَّاسْ !". ¹¹مَمْبَعْدْ رَدُّوا فْلَايَكْهُم و خَلُّوا كُلْشِي و تَبْعُوا يَسُوع . يَسُوعْ يَشْفِي لَبْرَسْ¹²كِكَانْ فِي وَحْدْ الْمْدِينَة ، كَانْ وَاحَدْ الْرَّجُلْ مْعَمَّر بْرَصْ. كِشَافْ يَسُوعْ طَاحْ رْكَعْ عْلَى وَجْهَه و طَلْبَه و ڤَالَه :" يَاسِيدِي، إِذَا بْغِيتْ تَقْدَرْ اطَهَّرْنِي". ¹³مَدْ يَدَّه و تْلَمْسَه و ڤَالَه : " بْغِيتْ ، تْنَقَّى ". تَمتَمء بْرَى .¹⁴وَصَّاه يَسُوع بَاه مَيْڤُول حَتَّى وَاحَد . و ڤَالَه :" رُوحْ وَرِّي رُوحَكْ لَكَّاهَنْ ، و قَدَّم تَقْدِيمَة عْلَى نْقَاوَة تَاعَكْ كِيمَا وَصَّى مُوسَى بَاشْ يْكُونْ شْهَادَة لِيهُم".¹⁵زَادْ شَاعْ خَبْرَه . و تْلَايْمُوا بَزَّافْ الْنَّاسْ بَاه يَسَّمْعُوا و شْفَاوْ مَنْ مَرْضْهُمْ .  ¹⁶بَصَّحْ كَانْ يَعْتَزِلْ فالْبْلَايَصْ الْخَوْيَا و يْصَلِّي . شِفَاء مَشْلُولْ¹⁷و فْوَاحَدْ نْهَارْ كَانْ يَسُوعْ يْعَلَّمْ ، و كَانُوا فَارِسْيِّينْ مْعَلْمِينْ الْشَّرِيعَة قَاعْدِينْ و هُمَا جَاوْ مَنْ ڤَاعْ دْوَاوِيرْ لِفَالْجَلِيلْ الْيَهُودِيَة و أُورُشَلِيمْ . و بْقُوَّة الْرَّبْ لِكَانَتْ مْعَاهْ بْرَاوْ ڤَاعْ .¹⁸وْ جَاوْ نَاسْ رَافْدِينْ عْلَى الْفْرَاشْ وَاحَدْ مَشْلُولْ ، و كَانُوا احَوْسُوا كِيفَاشْ يْدِيرُوا بَاهْ يْدَخْلُوه و يْحَطُّوهْ فَالْوَسْطْ ڤُدَّامْ يَسُوعْ . ¹⁹و كِيمَا لْقَوْشْ كِيفَاهْ يْدَخْلُوه طَلْعُوا لَسْطَحْ و هَوْدُوه بَفْرَاشَه مَنْ بِينْ الْقَرْمُودْ و حَطُّوهْ فَالْوَسْطْ قُدَّامْ يَسُوعْ .²⁰و كِيشَافْ يَسُوعْ إِيمَانْهُمْ ڤَالْ لَلْمَشْلُولْ :" يَارَجَلْ ، مَغْفُورَة ذْنُوبَكْ ". ²¹و بْدَاوْ الْكَتَبَة و الْفَرِّسِيُّونْ يْفَكْرُوا فِي ڤْلُوبْهُمْ و يْڤُولُوا " شْكُونْ هُوَ هَذَا لِيَكْفَرْ عْلَى رَبِّي ؟ شْكُونْ يْنَجَّمْ يَغْفَرْ ذْنُوبْ مَنْ غِيرْ رَبِّي وَحْدَه؟".²²و عْرَفْ يَسُوعْ شَيْخَمَّمُوا ، و جَاوَبْهُمْ و ڤَالْهُمْ : " عْلَاشْ تْخَمَمُوا كِيمَا هَكَا فِي ڤْلُوبْكُمْ ؟ ²³شْكُونْ لِي سَاهَلْ: نْڤُولْ مَغْفُورَة ذْنُوبَكْ ، وَلَّا نْڤُولْ : نُوظْ اُومْشِي؟ ²⁴و بَاهْ تَعَّرْفُوا بَلِّي لِإِبْن الْإِنْسَانْ سُلْطَة عْلَى الْأَرْضْ بَاه يَغْفَرْ الْذْنُوبْ "، ڤَالْ لَلْمَشْلُولْ : " لِيكْ نْڤُولْ : نُوضْ وَرْفَدْ فْرَاشَكْ و رُوحْ لْدَارَكْ ! ".²⁵تَمْتَمْ نَاضْ مَنْ ڤدَّامْهُمْ ، رْفَدْ فْرَاشَه ، و رَاحْ لْدَارَه و هُوَ يْمَجَّدْ الْلَّه. ²⁶و ڤَاعْ نْخَلْعُوا و مَجْدُوا الْلَّه، و خَافُوا بَزَّافْ و ڤَالُوا : " الْيُومْ شَفْنَا لَعْجَبْ !".²⁷و مَمْبَعْدْ ڤَاعْ هَادْ الْشِّي خْرَجْ يَسُوعْ و شَافْ وَاحَدْ مَنْ جَبَّايِينْ الْضَّرَائِبْ يْسَمُّوهْ لَاوِي مْجَمَّعْ فِي دَار الْضْرِيبَة، و ڤَالَّه : "تَبَّعْنِي ". ²⁸نَاضْ و خَلَّا كُلْشِي و اتَّبْعَه .²⁹و دَارْلَه لَاوِي ولِيمَة فِي دَارَه . و لِي كَانُوا حَاضْرِينْ مَتَّكْيِينْ مْعَاهُمْ كَانُوا ڤَاعْ عَشَّارِينْ وْوَحْدُخْرِينْ . ³⁰زَعْفُوا الْكَتَبَة و الْفَرِّسِيُونْ عْلَى تَلَامِيذْ يَسُوعْ و ڤَالُوا : "عْلَاشْ تَاكْلُوا و تَشَّرْبُوا مْعَ الْخُطَاة و الْعَشَّارِينْ؟". ³¹جَاوَبْهُمْ يَسُوعْ و ڤَالْهُمْ : " مَشِّي الْصْحَاحْ لِيَسَّتْحَقُّوا الْطْبِيبْ ، بَصَّحْ الْمَرْضَى لِيَسَّتْحَقُّوا . ³²مَجِيتْشْ بَاه نْعَيَّطْ لَنَّاسْ لِتَتَّقِي الْلَّه بَصَّح لَلْمَذْنُوبِينْ بَاه يْتُوبُوا ".³³الْبَعْضْ مَنْهُمْ ڤَالْ لْيَسُوعْ : "عْلَاشْ تَلَامِيذْ يُوحَنَّا يْصُومُوا و ايْصَلُّوا بَزَّافْ ، و تَانِي تَلَامِيذ الْفَرِّسِييِّنْ ، بَصَّحْ تَلَامِيذْ نْتَاعَكْ يَاكْلُوا و يَشَّرْبُوا ؟ ". ³⁴و جَاوَبْهُمْ يَسُوعْ : " تْنَجَّمْ تْخَلِّي الْمَعْرُوضِينْ يْصُومُوا و لَعْرِيسْ مَعَاهُم ؟ ³⁵بَصَّحْ غَادِي تْجِي يَمَاتْ وِينْ لَعْرِيسْ يَتَّرْفَعْ ، فْهَادَاكْ الْوَقْتْ غَادِي يْصُومُوا ".³⁶و ڤَالْهُم تَانِي "مَكَانْ حَتَّى وَاحَدْ يْڤَطَّعْ لْبَاسْ جْدِيدْ و يْرَقَّعْ بِيه لْبَاسْ قْدِيم ، و إلَا دَارْ هَدَاكْ الْشِّي غَدِي يَتْڤَطَّعْ الْجْدِيدْ، و الْطَّرْف لَمْرَقَّعْ نْتَاعْ لْبَاسْ جْدِيدْ مَيْجِيشْ مْعَ لَقْدِيمْ .³⁷حَتَّى وَاحَدْ مَيْنَجَّم يْدِيرْ شْرَابْ جْدِيدْ فِي ڤَرْبَاتْ قْدُمْ بَاشْ الْشْرَابْ الْجْدِيدْ، مَايْشَقَّقْشْ الْڤَرْبَاتْ . ³⁸و يْضِيعْ الْشْرَابْ بَصَّح الْشْرَابْ الْجْدِيدْ يَنْدَارْ فِي ڤَرْبَاتْ جْدُدْ . ³⁹و حَتَّى وَاحَد مَايُشْرُبْ لَشْرَابْ لَقْدِيمْ فَالْلَّوَّلْ و يَبْغِي يُشْرُبْ مَنْ مُورَاه شْرَابْ جْدِيدْ عْلَى خَاطَرْشْ يْڤُولْ : الْشْرَابْ لَجْدِيدْ ".

¹فْوَاحْدْ السْبْت فَاتْ يَسُوعْ مْنْ بِيْنْ الزَرْعْ، وْبْدَاو التَلاَمِيذْ تَاوْعَه يڤلعُوْا فْالسبُولْ بيدِيهُمْ وْيَاكْلُوْا. ²وْڤَالُوْ لْهُّمْ وَحْدِينْ مْن الفَرِيْسِيينْ ، «عْلَاشْ رَّاكُمْ دِيْرُوْا الِّيْ مَايْلِيقْشْ نْهَارّْ الْسْبت؟".³جَاوْبْهُمْ يَسُوعْ وْڤَالْ: " مَاقْرِيتُوشْ شَّا دَارْ دَاوُّدْ، كِي جَاعْ هُوَ وْهَادُوكْ الِّي كَانُوْا مْعَاهْ؟، ⁴كِيفَاهْ دْخْل بِيتْ الله وْجْبدْ الخُبْزْ الِّي قْدمُوهْ لله وْكْلاَ ، وْمْد لْرْجَالْ الي مْعَاْه، لِي مَايْلِيقْشْ يَاكْلَه حْتَى وَاحْدْ غِيْرْ الكَهَنَةْ وحَدْهُمْ. ⁵وْڤَالْهُمْ يَسُوعْ : «إِبْنْ الإِنْسَانْ هُوَ رَّبْ السْبْت».⁶فْي السْبْت وَاحْدْ آخرّْ وهوَ فْى المَجْمَعْ يْعْلمْ . وْكَانْ ثَمَة رَّجْل يْدَهْ اليُمْنَى مْشلُولَة، ⁷وْكاَنُوْا الكَتَبَة وْالفَرِيْسِيِّين يْعَسٌوْا يَسُوعْ، إِذَا غَادِيْ يْشْفِي فِيْ نْهَارّْ السَبْتْ بَاشْ يْلْقُوْا عْلِيْه التُهْمَة. ⁸وَعْرفْ يَسُوعْ شَّا كَانُوْا يْخَمُّوْا وْڤَالْ لّْرَّاجْل لِّيْ يْدَهْ مْشْلُولَة:« نُّوضْ وْڤَفْ فْى الّْوسْط»، وْنَاضْ الرَّاجْل وْوْڤَفْ.⁹وْڤَالْ لْهُمْ يَسُوعْ : "غَادِيْ نْسَقْسِيكُمْ، شَّا هُوَ الٍّي حْلاَلْ فِيْ نْهَارْ السَبْتْ؟، نْدِيْرُّوا الخِيْرّْ وْلاَ نْدِيرُّوْا الشَرّْ؟، نْسْلْكُوْا رُّوحْ وْلاَ نْكُّتْلُوهَا؟" ¹⁰ودَّارّْ وْشَافْ فِيهُمْ وْڤَالْ للْرَّاجْلْ مْدْ يْدَكْ، وْكِيْ هُوَ مْدْهَا وْلَّاةْ صْحيِحَة كِيمَا لُّخْرَّى. ¹¹زَعْفُوا بْزَافْ وْوْلاَّوْ يْتْشَاوْرُوا شَّا غَادِيْ يْدِيروْا لْيَسُوعْ. يسوع يخير ثناشّ رسول¹²فِيْ دِيكْ لِّيَامْ طْلَعْ يَسُوعْ لْلّْجْبْل بَاشْ يْصْلي ، وْبْقَى ڤَاعْ اللِيلْ وْهُوَ يْصْلِيْ لله. ¹³فْى صْبَاحْ كِيْ طْلَعْ نْهَّارّْ، عْيطْ لّْتَلَامِيْذْ تَاوْعَهْ وْاخْتَارْ مْنهُمْ ثْنَاشْ، لِّيْ سْمَاهُمْ "الرُّسُلْ" وْهُمَا:¹⁴سِمْعَانَ الِّيْ سَمَّاهُ تَانِي بُطْرُسَ وَأَنْدَرَاوُسَ خُوهْ. يَعْقُوبَ وَيُوحَنَّا. فِيلُبُّسَ وَبَرْثُولَمَاوُسَ. ¹⁵ مَتَّى وَتُومَا. يَعْقُوبَ بْنَ حَلْفَى وَسِمْعَانَ الِّي يْسُمُوهْ الْغَيُورَ. ¹⁶يَهُوذَا بْنَ يَعْقُوبَ وَيَهُوذَا الإِسْخَرْيُوطِيَّ اْلِّيْ خَانْ يَسُوعْ. بركات ودعاوي¹⁷وْهَوّْدْ مْعَاهُمْ يَسُوعْ وْوْڤْفْ فِي مَوْضِعْ سَهْلْ، هُوَ وْجْمَاعَة مْن تَلاَمِيذْ تَاوْعَهْ، وْنَاسْ بْزَافْ مْنْ كُلْ بْلاَدْ اليَهُودِيَةْ وْأُورْشَالِيمْ وْسَاحْلْ صُّورْ وْصَيْدَا، وْجَاوْ يْسْمْعُوْا وْيشْفُوا مْن مَرّْضْهُمْ. ¹⁸وْالمْتْعَذْبِينْ مْن رّْوَاحْ النَجِسَة كَانُوْا يْبْرًّاو. ¹⁹وْڤَاعْ النَاسْ بْغَاوْ يْتْلَمْسُوهْ عْلَى خَاطَرْ كَانَتْ تُخْرجْ مَنَهْ قُوَةْ تْشْفِيهُمْ ڤَاعْ.²⁰وَرْفَدْ عِينِيهْ وْشَافْ فِى التَلاَّمِيذْ وْڤَاْل: « سَعْدَاتْكُمْ المَسَاكِيْنْ، خَاطَرْ لِيْكُمْ مَلَكُوْتْ الله. ²¹سَعْدَاتْكُمْ يَالِّيْ رَّاكُمْ جِيْعَانِينْ، عْلَى خَاطَرْ غَادِي تْشَبْعُوْا، سَعْدَاتْكُمْ يَالِّيْ رَّاكُمْ تْبْكُوْا دُورّكْ، على خَاطَّرْ غَادِيْ تْفَرّْحُوْا.²²سَعْدَاتْكُمْ مْنْ لِّيْ يْكَرّْهُوكُمْ النَاسْ، وْيْفَرْزُوكُمْ وْيْعَايْرُوكُمْ، وْيرُّدُوْا إِسْمكُمْ عَارّْ وْشْبْهُوكُمْ بْالشرِّيْرْ عْلَى جَالْ إِبْنْ الإِنْسَانْ. ²³فْدَاكْ نْهَارّْ اِبْتَهْجُوْا وْطِّيْرُوْا بْالفَرّْحَةْ، عْلَى خَاطَرّْ يْكُونْ عنْدْكُمْ أَجْرّْ عْظِيْمْ فِى السْمَا، عْلَى خَاطَرّْ هَكَا كَانُوْا يْدِيْرُوْا الَّوْلِيْنْ فِى الأَنْبِيَاءْ.²⁴وَيَا وِيْلْكُمْ يَانْتُومَا لْمْتْرَفْهِينْ عْلَى خَاطَرْ تْعَزِيْتُوْا. ²⁵وِيْلْكُمْ لِّي تْشْبْعُوْا عْلَى خَاطَرْ غَادِيْ تْجُوْعُوْا، وْيَاوِيْلْكُمْ نْتُومَا لِّيْ تْضَحْكُوْا عْلَى خَاطَرّْ غَادِيْ تْحَزْنُوْا وْتْبْكُوْا.²⁶يَاوِيْلْكُمْ إِذَا شْكْرُّوكُمْ ڤَاعْ النَاسْ ،عْلَى خَاطَرّْ هَكَا دَارُّوْا مْعَ الأَنْبِيَاءْ الكَذَبَةْ.²⁷"صَحْ نْڤُولْكُمْ: حْبُّوْا عْدْيَانْكُمْ ،وْدِيْرُّوْا الخِيْرْ مْعَ لِّيْ يْكَرّْهُوكُمْ، ²⁸وْبَارْكُوْا لِّيْ يَلْعَنْكُمْ، وْدْعُوْا بْالخِيْرْ عْلَى لِّيْ يْتْمنَالْكُمْ الشَرّْ وْيْضَرّْبُوكُمْ.²⁹لِّيْ يْضَرّْبَكْ عْلَى خْدَكْ عْطِيْلَهْ خْدَكْ الزَاوْجْ ، تَانِيْ لِّيْ دَالْكْ كْسَوْتَكْ مَاتْمنَعْشْ عْلِيهْ كْسَوتْكْ. ³⁰وْلِّيْ طْلبْ مْنَكْ شِيْ حَاجَةْ عْطِيْهَا لَهْ ، وْلِّيْ دَّا مْنْ عْندَكْ حَاجَةْ ،مَاتْعَاوْدْشْ تْدِيْهَا مْنْ عَنْدَهْ.³¹كِيْمَا تْبْغُوْا يْدِيْرُّوْا مْعَاكُمْ النَاسْ دِيْرُو نْتُومَا تَانِيْ مْعَاهُمْ. ³²وِإذَا بْغِيْتُوْا غِيْرْ لِّيْ يْبْغُوكُمْ ، شَا هِيَ المْزِيَة لِّي عْندكُمْ ؟عْلَى خَاطَرّْ حْتَى الخُطَاةْ يْبْغُوْا لِّيْ يْبْغُوهُمْ، ³³وِيلاَّ دَرْتُوْ الخِّيْرْ غِيْرْ مْعَ لِّيْ يْدِيْرُوهْ لْكُمْ ، شَا هِيَ المْزِيَة لِّيْ عَنْدْكُمْ؟ ،عْلَى خَّاطَرْ حْتَى الخُطَاةْ يْدِيرُوْا هَكَا. ³⁴وِيلاَ سْلفْتُوْا غِيْر لِّيْ تْقَارْعُوْلْهُمْ بَاشْ اِيْردُوْلْكُمْ ، شَا هِيَ المْزِيَة لِّيْ عَنْدْكُمْ؟ خَاطَرْشْ حْتَى الخُطَاةْ تَانِيْ اسَلْفُوْا لْلْخُطَاةْ بَاشْ اِرَجْعُولْهُمْ هُمَا تَانَي.³⁵بْصَحْ حْبُّوْا عْدْيَانْكُمْ، وْدِيرُوْا الخِيْرْ وْسلفُوْا مْبْلَا مَاتْقَارْعُوْا بَاهْ اِرْدُوْلْكٌمْ، وْهَكَا يْكُونْ اَجْرْكُمْ كْبِيرْ وْغَادِي تْكُونُوْا وْلاَدْ الله العَالِيْ ، عْلَى خَاطَرْ يْنْعمْ عْلَى النْكَارِيْنْ الخِّيْرْ وَالمْذْنبِينْ. ³⁶وْتْكُوْنْ فِيكُمْ الرَحْمَةْ كِيمَا بُوكُم رَحِيمْ.³⁷"مَاتْحْكْمُوشْ عْلَى حْتَى وَاحدْ بَاشْ مَاتْتْحَكْمُوشْ نْتُومَا تَانِيْ . اغْفْرُوْا وْغَادِيْ يْتَغْفَرْلْكُمْ.³⁸مْدُوْا وْغَادِيْ يْتْمَدْ لْكُمْ، لْكِيْلْ لّْمْلِيْحْ وَفَايْضْ لِّيْ يْنحَطْ فِي حْجَرْكُمْ ،عْلَى خَاطَرْ بْالْكِيْلْ لِّيْ تْكِيْلُوْا بِيْه هَكَا يْتْكَالْ لْكُمْ".³⁹وْضْرْبْلْهُمْ مَثَلْ وْڤَالْهُمْ : "يْنْجْمْ عْمَّى يْڤَاوْدْ عْمَّى ؟ زَعْمَا مَاغَدِيْشْ يْطِيْحُوْا فِي حَفْرَةْ؟ ⁴⁰مَكَانْشْ تْلمِيْذْ خِيْرْ مَنْ مُعَلِمْ تَاعَهْ، بْصَحْ كُلْ تْلمِيْذْ وَاصْلْ غَادِيْ يْولِيْ كِيْمَا مْعْلمْ تَاعَهْ.⁴¹عْلاَشْ تْشُوفْ الخْشْبَة لِّيْ فْى عِيْنْ خُوْكْ ، وْمَاتْفْطْنْشْ لْلْعُودْ لِّيْ فِيْ عِينِيْكْ؟  ⁴² وْكِيْفَاشْ تْڤُولْ لْخُوكْ: يَاخُويَا ، خْلِيْنِيْ نْڤْلَعْ الخْشْبَةْ لِّيْ فِى عِيْنَكْ ، وْعِيْنَكْ نْتَا فِيْهَا عُودْ؟ مْشِيْ تْنحِيْ يَامُنَافِقْ العُوْدُ لِّيْ فِى عِينَكْ! وْفِى دِيْكْ السَاعَةْ تْشُوفْ مْلِيْحْ بَاهْ تْڤْلَعْ الخْشْبَةْ مْنْ عِيْنْ خُوْكْ.ْ⁴³"مَكَانْشْ شْجْرَةْ مْلِيْحَة لِّيْ تْمْد الغَلَةْ مَشِيْ مْلٍيْحَة، وْمَكَانْشْ شْجْرَةْ مَشِيْ مْلِيحَةْ لِّيْ تْمَدْ الغَلَةْ لْمْلِيْحَةْ. ⁴⁴كُلْ شَجْرَةْ تْنَعْرّْفْ مَنْ غْلْتهَا عْلَى خَاطَرْشْ نَاسْ مَاتْڤْلَعْشْ الحُرَّةْ مَنْ الشُوكْ وْالَعْنَبْ مَنْ السَدْرَةْ.⁴⁵لْبْنَادمْ لْمْلِيْحْ اِخَرْجْ لَحْوَايْجْ لْمْلاَّحْ مَنْ الكَنْزْ المْلِيْحْ لِّيْ فِيْ ڤَلْبهْ، وْالبْنَادمْ الشْرِيْرْ اخْرْجْ لَحْوَايْجْ لِمَشِيْ مْلاَّحْ مَنْ الكَنْزْ الشْرِيرْ لِّيْ فِي ڤْلْبَهْ عْلَى خَاطَرْ مَنْ مْن لِيْ يْتْعَمَرّ الڤْلْبْ يْتْكْلْمْ الّْلْسَانْ".⁴⁶" وَعْلاَشْ تْعيطُوْا لِّيَ يَارَّبِي يَارَّبِي وْنْتُومَا مَادِيْرُوشْ شَا نْڤُوِلْ؟ ⁴⁷كُلْ وَاحدْ يْجِيْ عْنْدِيْ وْيْسمَعْ كْلاَمِيْ وْيْدِيرْ بِيْهْ. ⁴⁸إِشْبَّهْ الوَاحْدْ الرَّاجْلْ يْبْنِيْ دَارّْ وْحْفَرْ وَعْمَقْ وْحَطْ لْسَاسْ عْلَى الصَخْرَة، كِيْ فَاضْ الوَادْ دِيْكْ الدَارّْ مَاتْزَعْزعَتْشْ ، عْلَى خَاطَرْ هَدِيْكْ الدَارّْ كَانَتْ مَبْنِيَةْ عْلَى الصَّحْ.⁴⁹وْبْصَّحْ لْيْسْمَعْ كْلَامِيْ وْمَا يْدِيْرْشْ بِيهْ ،إِشبَهْ لْرَاجْل بْنَى دَارَّهْ عْلَى تْرَابْ بْلاَمَا يْدِيْرْ لْسَاسْ ، كِيْ فَاضْ لْوَادْ طَاحتْ بْلْخَفْ ، وْكَانَتْ طِيْحْتَهْ قْوِيَة وْوَاعْرَةْ!".

¹و كِي كَمَّلْ هَدْرَتَّه و اسْمَعْ الْشَّعْبْ دْخَلْ لْكَفَرْنَحُومْ.²و كَانْ خَادَمْ قَائِدْ الْمِئَة ، مْرِيضْ وْ صَلْ الْمُوتْ ، وْ كَانْ عْزِيزْ عَنْدَه . ³و كِي سْمَعْ عْلَى يَسُوعْ ، رْسَلَّه شْيُوخْ الْيَهُودْ يْحَاوْلُوه بَاهْ يْجِي و يَشْفِي خَادَمْ نْتَاعَه . ⁴كِي جَاوْ لْعَنْدْ يَسُوعْ وْطَلْبُوا مَنَّه و لَحُّوا عْلِيهْ بَزَّافْ و قَالُولَه : " هُوَ يَسْتَاهَلْ بَاهْ تْعَاوْنَه ، ⁵عْلَى خَاطَرْ يَبْغِي أُمَّتْنَا ، و هُوَ لِي بْنَالْنَا الْمَجْمَعْ ".⁶و رَاحْ يَسُوعْ مْعَاهُم و هُوَ مَزَالَه بْعِيدْ عْلَى الْدَّار، ارْسَلَّه قَائِدْ الْمِئَة صْحَابَه و يْڤُولُوا لَه : " يَسِيدِي مَتْعَيِّيشْ رُوحَكْ . عْلَى خَاطَرْ مَنَسْتَاهَلْشْ بَاهْ تُدْخُلْ تَحْتْ سْقَفْ دَارِي . ⁷عْلَى خًَاطَرْ أَنَا مَنَسْتَهَلْشْ حَتَّى بَاهْ نْجِي لْعَنْدَكْ. بَصَّحْ ڤُولْ كَلِمَة و يَبْرَى الْخَادَمْ نْتَاعِي . ⁸عْلَى خَاطَرْ أَنَا تَانِي انْسَانْ عَنْدِي لِي مَنْ فُوڤِي عَنْدْكُمْ الْسُّلْطَة ، و عَنْدِي جْنُودْ تَحْت يَدِّي . وَنْڤُولْ لْهَذَا : رُوحْ ! و يْرُوحْ ، و لَاخُرْ: أَرْوَاحْ ! وَيْجِي ، و لْعَبْدِي : دِيرْ هَذَا! و يْدِيرْ".⁹كِي سْمَعْ يَسُوعْ هَذَا تْعَجَّبْ مَنَّه، و دَارْ لْجَمْعْ لِي تَبْعَه و ڤَالْهُمْ : "نْڤُولْكُم : مَلْڤِيتْشْ ولا إِسْرَائِيلْ إِيمَانْ قَدْ هَذَا !". ¹⁰وَلَّاوْ لِرْسَلْهُمْ لَدَّارْ، و لْقَاوْ لْخَادَمْ لِي كَانْ مْرِيضْ بْرَى .¹¹و فِي يُومْ وَحْدَاخُرْ رَاحْ لْوَحْد الْمْدِينَة سَمُّوهَا نَايِينْ ، و رَاحُوا مْعَاه بَزَّافْ مَنْ تَلَامِيذْ نْتَاوْعَه و نَاسْ بَزَّافْ . ¹²كِي ڤَرَّبْ لْبَابْ الْمْدِينَة، فَاتُوا وَحْدِينْ رَافْدِينْ مَيَّت، و كَانْ لَوْحِيدْ نْتَاعْ امَّه، و هِيَ هَجَّالَة و تَبْعُوهَا بَزَّافْ نَاسْ مَن لَمْدِينَة . ¹³و كِي شَفْهَا الْرَّبْ تْحَنَّنْ عْلِيهَا، و ڤَالْهَا: " مَتَبْكِيشْ". ¹⁴و ڤَرَّبْ عَنْدَه يَسُوعْ و تْلَمَّسْ الْنَّعْشْ، و وَڤْفُوا لِي كَانُوا رَافْدِينَه. و ڤَالَه: "يَا شَابْ، أَنَا نْڤُولَكْ: نُوضْ!". ¹⁵تَمْ تَمْ جَمَّعْ الْمَيَّتْ و بْدَا يَهْدَرْ، و مَدَّه لُمَّه .¹⁶و خَافُوا ، مَجْدُوا الْلَّه و ڤَالُوا :" بَانْ فِينَا نَبِيْ عَظِيمْ ، و اتْفَقَّدْ الْلَّه شَعْبَه ". ¹⁷و خْرَجْ هَاذْ لَخْبَرْ فِي ڤَاعْ الْيَاهُودِيَة و ڤَاعْ جْوَايَه لِي دَايْرِينْ بِهَا. يَسُوعْ و يُوحَنَّا الْغَطَّاسْ¹⁸و خَبَّرْ يُوحَنَّا تَلَامِيذْ تَاوْعَه بْهَادَا ڤَاعْ . ¹⁹عَيَّطْ يُوحَنَّا لْزُوجْ مَنْهُمْ ، و رْسَلْهُمْ لْعَنْدْ يَسُوعْ و ڤَالَه : " أَنْتَا هُوَ لِي غَادِي تْجِي وَلَّا نْقَارْعُوا وَحْدَاخُرْ؟". ²⁰و كِي جَاوْ عَنْدَه دُوكْ زُوجْ رْجَالْ ڤَالُولَه " يُوحَنَّا الْغَطَّاسْ رْسَلْنَا لْعَنْدَكْ و ڤَالْ أَنْتَ: هُوَ لِي غَادِي تْجِي وَلَّا نْقَارْعُوا وَحْدَاخُرْ؟".²¹و دِيكْ الْسَّاعَة بَرَّى بَزَّافْ نَاسْ مَنْ مَرْضْهُمْ و خَرَّجْ شَيَاطِينْ شَرِّيرَة ، و رَدْ الْعَمْيَانْ يْشُوفُوا . ²²و جَاوْبْهُمْ يَسُوعْ و ڤَالْهُمْ :" رُوحُوا خَبْرُوا يُوحَنَّا عْلَى لِي شَفْتُوه و سْمَعْتُوه : الْعُمْيَانْ اشُوفُوا ، و الْعُرْجْ يَتْمَشُّوا و الْبْرُّسْ يَتْنَقَّاوْ ، و الْطُّرْشِينْ يَسَّمْعُوا ، و الْمُوتَى يَحْيُوا و الْمْسَاكَنْ يَسَّمْعُوا لَخْبَرْ. ²³و سَعْدَاتْ لِي مَيْشَكْشْ فِيَا ".²⁴و كِي رَاحُوا تَلَامِيذْ يُوحَنَّا ، بْدَا يْخَبَّرْ فَالْنَّاسْ عْلَى يُوحَنَّا : "شَاخْرَجْتُوا اتْشُوفُوا فَالْخْلَا ؟ الْڤَصْبَة تْحَرَّكْهَا الْرِّيحْ ؟ ²⁵و لَّا شَخْرَجْتُوا اتْشُوفُوا ؟ بْنَادَمْ لَابَسْ قَشْ نْتَاعْ حْرِيرْ ؟ هَاوْ مُلَّاكْ لِلَابْسِينْ لْبَاسْ الْفَاخَرْ و الْحْرِيرْ هُمَا فِي قْصُور الْمْلُوكْ . ²⁶وَلَّا شَخْرَجْتُوا اتْشُوفُوا ؟ انْبِيْ؟ وَاه ، نْڤُولْكُمْ : و خِيرْ مَنْ انْبِيْ !²⁷هَذَا هُوَ لِي انْكْتَبْ عْلِيه : غَادِي نَرْسَلْ ڤُدَّامَكْ مَلَاكْ لِي يْوَجَّدْلَكْ الْطْرِيڤْ! ²⁸اعْلَى خَاطَرْ نْڤُولْكُمْ: مَنْ بِينْ الْمَوْلُودِينْ مَنْ الْنْسَى مَكَانْشْ الْنْبِي اعْظَمْ مَنْ يُوحَنَّا الْغَطَّاسْ، بَصَّحْ الْصْغِيرْ فِي مَلَكُوتْ الْلَّه هُوَ اعْظَمْ مَنَّه"²⁹و ڤَاعْ الْنَّاسْ و الْعَشَّارِينْ كِي سَمْعُوا قْتَانْعُوا بْصِدقْ الْلَّه و تْغَطْسُوا بْمَعْمُودِيَة يُوحَنَّا . ³⁰بَصَّحْ الْفَرِّسِيُّونْ و عُلَمَاءْ الْشَّرِيعَة رَفْضُوا شَرِيعَة الْلَّه مَنْ جِيهَة رْوَاحْهُمْ ، و مَتْغَطْسُوشْ .³¹مَنْبَعْدْ ڤَالْ الْرَّبْ:" بْمَنْ نْشَبَّه نَاسْ هَاذْ الْجِيلْ ؟ ³²و شَيْشَبْهُوا؟  يْشَبْهُوا وْلَادْ ڤَعْدِينْ فَالْصُّوق و يْعَيْطُوا لْبَعْضاهُمْ الْبَعْضْ و يْڤُولُوا : زَمَّرْنَالْكُمْ و مَرْڤَسْتُوشْ . نَوَّحْنَالْكُمْ مَبْكِيتُوشْ.³³عْلَى خَاطَرْشْ جَا يُوحَنَّا الْغَطَّاسْ مَايَكُلْشْ الْخُبْزْ و مَيُشْرُبْشْ الْشْرَابْ ، ڤَلْتُوا: عْلِيه فِيه شِيطَانْ . ³⁴جَا ابْنْ الْإِنْسَانْ يَاكُلْ و يُشْرُبْ تْڤُولُوا :عْلِيه هَذَا الْإِنْسَانْ يَاكُلْ و يُشْرُبْ ،و يْحَبْ الْعَشَّارِينْ و الْحُطَاة. ³⁵و الْحِكْمَة لَمْلِيحَة تْبَانْ فِي ڤَاع وْلَادْهَا".³⁶سَقْسَاه وَاحَدْ مَنْ الْفَرِّسِيِينْ بَاشْ يَاكُلْ مْعَاهْ، و دْخَلْ دَارْ الْفِرِّيسِي و تَكَّى.  ³⁷كَانَتْ وَحْدْ الْمْرَى خَاطْيَة فاَالْمْدِينَة ، و عَرْفَة بَلِّي يَسُوعْ مَتَكِّي فِي دَارْ الْفَرِّيسِي ، جَابَتْ قَرْعَ رِيحَة ، ³⁸و جَاتْ مَنْ مُورَاه و رَكْعَتْ لْعَنْدْ كَرْعِيهْ و هِيَ تَبْكِي ، و بْدَاتْ تْشَمَّخْ كَرْعِيه بَدْمُوعْ ، و كَانَتْ تَمْسَحْهُم بَشْعَرْ رَاسْهَا، و تْسَلَّمْ عْلَى كَرْعِيه و تَدْهَنْ فِيهُم بَالْرِّيحَة .³⁹و كِي شَافْ الْفَرِّسِي لِي عَرْضَه دَاكْ الْشِّي، هِدَرْ مْعَ رُوحَه وڤَالْ:"لُوكَانْ جَا هَذَا انْبِيْ هَاذْ الْمْرَى شَا هِيَ ! بَلِّي هِيَ خَاطْيَة ". ⁴⁰جَاوْبَه يَسُوعْ و ڤَالْ :" يَا سِمْعَانْ، عَنْدِي حَاجَة نْڤُولْهَالْكُم ". و ڤَالْ:" ڤُولْ ، يَا سِيدِي".⁴¹" كَانْ وَاحَدْ يْسَالْ لزُوجْ . لَوَّلْ يْسَالَه خَمْسْ مِئَة دِينَارْ و لَلُخُّورْ خَمْسُونْ . ⁴²و كِيمَا مَعَنْدْهُمْشْ بَاشْ يْرَدُّوا الْدِّينْ سْمَحَّلْهُم لَزُّوجْ . ڤُولْ : شْكُونْ يْوَلِّي يَبْغِيهْ بَزَّافْ ؟". ⁴³جَاوَبْ سِمْعَانْ و ڤَالْ : " نْضُنْ الْلِّي سَامْحَه فَالْدِّنْ لَكْبِيرْ". ڤَالَه " رَاكْ حْكَمْتْ بَالْصْوَابْ ".⁴⁴مَنْ بَعْدْ دَارْ لْعَنْدْ الْمْرَى و ڤَالْ لْسِمْعَانْ : << رَاكْ تْشُوفْ هَاذْ الْمِرَى ؟ دْخَلْتْ لْدَارَكْ ، و مَعْطِيتْنِيشْ حَتَّى نَغْسَلْ كَرْعِيَا . بَصَّحْ هِيَ غَسْلَتْ كَرْعِيَا بَدْمُوعْهَا و مَسْحَتْهُم بْشَعَرْهَا. ⁴⁵سْلَامْ مَسَلَّمْتْشْ، عْلِيَا بَصَّحْ هِيَ مَلِّي دَحْلَتْ مَحَبْسَتْشْ مَنْ سْلَامْ عْلَى كَرْعِيَا.⁴⁶مَدْهَنْتْشْ رَاسِي بَالْزِّيتْ، بَصَّح هِيَ دَهْنَتْ كَرْعِيَا بَالْرِّيحَة . ⁴⁷عْلَى هَدَاكْ الْشِّي نْڤُولَكْ :انْغَفْرَتْ لَهَا خَطَايَا بَزَّافْ ، علَى خَاطَر حَبَّت بَزَّافْ . و الِّي يَنْتَغْفَرْلَهْ قْلِيلْ يْحَبْ قْلِيلْ ".⁴⁹و مَنْ بَعْدْ ڤَالْهَا : " نْتَغَفْرَة لَكْ ذْنُوبَكْ ". ⁴⁸بْدَاو المَتَّكْيِينْ مْعَه يْڤُولُوا فِي نْفُوسْهُمْ " شْكُونْ هَذَا لِي يَغْفَرْ ذْنُوبْ تَانِي؟". ⁵⁰و ڤَالْ لَلْمْرَى : " إِيمَنَكْ سَلْكَكْ، رُوحِي بْسَلَامْ".

¹وْمْن بَعْدْ يَسُوعْ كَانْ يْرُوحْ مْنْ مْدِيْنَةْ لْمْدِيْنَةْ وْمَنْ دْوَارّْ لْدُوَارّْ، يْخْبَرْ وْيْبَشَرْ بْمَلَكُوتْ الله، وْمْعَاهْ تْلَامَذْ تَوعَه لْطْنَاشْ. ²وْشِيْ نْسَا كَانْ شْفَاهُمْ مْن الأَرْوَاحْ الشْرِيْرَة وْلْمَرْضْ: مَرْيَمْ لِيْ سْمُوهَا المَجْدَلِيَةْ لِيْ خَرْجُوْ مْنْهَا سَبْعَة شَيَاطِيْنْ ³وْيُونَا مَّرْةْ خُوزِيْ وْكِيْلْ هِيرُودُسْ وْسُوسْنَةْ، وْبْزَافْ وَاحْدَ أْخْرَاتْ كَانُوْ يْخدْمُو مْنْ دْرَاهْمْهُمْ.⁴وْكِيْ تْلَيْمُو عْلِيْهْ بْزَافْ نَاسْ لِيْ عْنْدَهْ مْنْ مْدِيْنَة هْدَرّ بْلْمْثلْ : ⁵"خْرْجْ الزَارْعْ بَاشْ يْزْرَعْ الزَرْعِيَةْ تَاعَهْ، وْكِيْ كَانْ يْزْرَعْ طَاحُوْا شِيْ حْبَاتْ عْلَى الطْرِيْڤ، اْتَعْفْسْ عْلِيْهُمْ وْكْلَاوْهُمْ زّْوَاوْشْ. ⁶وْطَاحُوا حْبَاتْ وَحْدْ خْرِيْنْ تَانِيْ عْلَى لَحْجَر، كِيْ نْبْتُوا يْبْسُوا عْلَى خَاطَرْ مَكَانْشْ الرُطُوبَة.⁷وْطَاحُوْا حْبَاتْ وْحْد خْرِيْنْ فِيْ وْسْطْ الشُوكْ نْبَتْ مْعَاهُمْ الشُوْكْ وْخْنڤهُمْ.  ⁸ طَاحُوْا حْبَاتْ وْحْدْ خْرِيْنْ فِيْ أَرْضْ مْلِيْحَةْ وْصَالْحَة، كِيْ نْبْتُو أَعْطَاوْ مْيَةْ ضِعْفْ". وْڤالْ يَسُوعْ بْصُوتْ عَالِيْ : "لِيْ عْنْدَهْ وْذْنِيْنْ بَاشْ يْسْمَعْ، غِيْرْ يْسْمَعْ!".⁹سْقْسَاوْهْ تْلَامَذْ تَاوْعَه:" شَا يَعْنِي هَاذْ الْمَثَلْ؟". ¹⁰ ڤالْهُمْ: "نْتُمَا مَعْطِيَاتْلْكُمْ بَاشْ تْعَرْفُوْا أَسْرَارْ مَلَكُوْتْ الله ، بْصَحْ لَّخْرِيْنْ نْهْدَرّْ مْعَاهُمْ بْلْمْثُولْ، حْتَى هُومَا يْشُوفُو مَا يْمِيْزُوشْ، وْسَامْعِيْنْ مَا يْسْمعُوشْ.¹¹وْهَذَا هُوَ مَعْنَى هَاذْ لْمْثلْ: الزْرْع هُوَ كْلَامْ الله، ¹²لِيْ طَاحْ عْلَى الطْرِيْڤ هُومَا لِيْ يْسْمعُوْا كْلَامْ الله، وْمْنْبَعْدْ يْجِيْ إِبْلِيْسْ يْڤلَعْ لْكْلَامْ مْنْ ڤلُوبْهُمْ بَاشْ مَايَأَمْنُوشْ بِيْهْ وْمَيْسْلكُوشْ . ¹³ وْلِيْ طَاحْ عْلَى لَحْجَرْ هُومَا لِيْسْمعُوا كْلَامْ الله وْيْقبْلُوهْ بْالفَرْحَةْ ، كِيْ مَا مَعْنْدْهُومْش جْذُورْ، يَامْنُوْ وْقْتْ قْلِيْلْ ، وْكِيْ يْتْجَرّْبُو يْبَعْدُوْا عْلَى الِإيْمَانْ.¹⁴وْلِيْ طَاحْ فِيْ وْسْطْ الشُوكْ ، هُمَا لِيْ سْمْعُوْا كْلَامْ الله، بْصَحْ يْدُوهَا غِيْرْ فِي هْمُومْ الدْنْيَا وْشَهْوَاتْهَا، يْتْخَنْڤوا وْغْلَتْهُمْ مَا تْثْمَرْشْ . ¹⁵وْلِيْ طَاحْ فْي لَّرْضْ الصَالْحَةْ وْلَمْلِيحَةْ، هُمَا لِيْ يْسْمعُوْا الكَلِمَةْ وْيَحَرْزُوهَا فِيْ ڤلْبْ صَالْحْ وْيْثمْرُو غِيْرْ بْالصَبْرّْ.¹⁶"مَا كَانْ حْتَى وَاحَدْ يْشْعْل المَصْبَاحْ وْيْغَطِيْهْ وْلَا يْحْطَهْ تَحْتْ السْرِيْرْ، بْصَحْ يْحْطَهْ فِيْ مُوضَعْ بَاشْ يْضَوِيْ كُلْ هَاذُوكْ الدَاخْلِيْنْ . ¹⁷عْلَىْ خَاطَرْشْ مَكَانْشْ لْلِي مْخبِيْ وْمَا يْبَانْشْ، وْڤاعْ لْلِيْ مَسْتُورْ غَادِيْ يْنْفْضَحْ وْيْتنكْشَفْ.  ¹⁸ رُدُّوْا بَالْكُمْ كِيْفَاشْ تْسْمْعُوْا عْلَى خَاطَرْ لْلِيْ عْنْدَهْ يْنْزَدْ لَهْ، وْلِيْ مَاعْنْدُوشْ يَحْسبْ رُوحَهْ عَنْدَه بْصَحْ غَادِيْ يْنْڤلَعْ لَهْ».¹⁹وْجَاتْ عْنْدَهْ أُمَه وْخَوْتَهْ ،مَاقْدْرُوشْ يْوصْلُوْا عَنْدَهْ مْنْ كْثْرَة النَاسْ.  ²⁰خَبْرُوهْ وْڤالُو لَهْ: "أُمَكْ وْخَاوْتَكْ وَاڤفِيْنِ بْرَّا، بَاغْيِيِنْ يْشُوفُوكْ ". ²¹جَاوْبْهٌمْ وْڤالَهُمْ: " أّْمَا وْخَاوْتِيْ هُمَا لِيْسْمْعُوْا كْلَامْ الله ويْدِيْرُوْا بِيه".²²فِيْ وَاحْدْ النْهَارْ دْخَلْ لْفْلُوكَة تَاعَهْ هٌوَ وْتْلَامْذْ نْتَاعَهْ وْقَالْ لْهُمْ:" نْڤطْعُوا لْلْجِهَةْ لُّخْرَةْ نْتَاعْ الْبُحَيْرَةْ" .ڤلْعُوْا. ²³كِيْ كَانُوْا غَادْيِينْ رْڤدْ يَسُوعْ. وْتْحْرْكَتْ رِيْحْ قْوِيَةْ فِيْ الْبُحَيْرَةْ، وْلْفْلُوكَةْ تْعْمْرَتْ بْالْمَا وْلاَوْ فِيْ خَطَرْ.²⁴ڤرْبُوا عَنْدَهْ وْنْوْضُوهْ وْقَالُو لَهْ: "يَاسِيْدِيْ ، يَاسِيْدِيْ رَانَا نْهْلْكُوْا!". نَاضْ يَسُوعْ وْهْدنْ لْمْوَاجْ، وتْهَدْنْتْ الْحَالَةْ . ²⁵وْمْبَعْدْ ڤالْهُمْ: " وِيْنْ رَاهْ إِيْمَانْكُمْ؟". خَافُوْا وْتْعْجْبُوا وْبْدَاوْ يْهْدْرُوْا بِيْنَاتْهُمْ " اْشْكُونْ هَذَا؟ يَامَرْ الرِيْحْ وْثَانِيْ الْمَا وْيْطِيعُوهْ!".²⁶وْآمْشَاوْا لْبْلَادْ الجْدْرِيْينْ لْلِيْ مْڤابْلَةْ الجَلِيْلْ. ²⁷وْكِيْ خْرجْ للبَرْ ڤابْلَهْ وَاحدْ الرَاجْلْ مْن لْمْدِينَةْ كَانْ سَاكْنِينَهْ شَيَاطِيْنْ مْنْ مُدَةْ طْوِيْلَةْ، وْكَانْ مَالَابْسْ وَالُو، كَانْ بْلَا دَارّْ، وْيْسكُنْ فِيْ لْمقَبْرَةْ.²⁸وْكِيْ شَافْ يَسُوعْ زْڤا بْصُوتْ عَالِيْ وْرْكَعْ لَهْ وْڤالْ بْصُوتْ عَظِيْمْ : " شَا بِيْنِيْ وْبِينَكْ يَايَسُوعْ إِبْنْ الله العَالِيْ؟ فِيْ وْجْهْ رْبِيْ مَاتْعْذْبْنِيْشْ!". ²⁹عْلَى خَاطَرْ أَمْرْ الْرُّوْحْ النَجِسْ بَاهْ يَخْرُجْ مْن الرَّاجْلْ. وْعْلَىْ خَاطَرْ مُدَةْ طْوِيْلَةْ كَانْ هَاذْ الْرُوحْ الْنَجِسْ إِسَيْطَرْ عْلِيْهْ، وْكَانْ مَرْبُوطْ وْمسْلسْل وْمَعْسُوسْ، وْكَانْ يْڤطَعْ الرْبَاطْ وْيقُودَهْ الشِيْطَانْ لْلَّخْلَّى.³⁰سَقْسَاهْ يَسُوعْ وْڤالَهْ: " كِيْ يْسْمُوكْ؟". ڤالْ:"لَاجِيْئُونْ". أَعْلَى خَاطَرْ بْزَافْ شَيَاطِيْنْ دَخْلَتْ فِيهْ. ³¹وْيْتْرجَاهْ بَاهْ مَا يْقِيْسَاهْشْ فِيْ الهَاوِيَةْ.³²وْكَانْ ڤطْعَةْ تَاعْ الْحْلَالِيْفْ تْسَرَحْ فِيْ الْجْبلْ، طْلْبُو مْنَهْ بَاشْ يْخلِيهُمْ إِدَخْلُوا فِي الحْلَالِيْفْ، وْخْلَاهُمْ إِدَاخْلُوْا. ³³وْخَرْجُو الجْنُونْ مَنْ الرَاجْلْ وْدَخْلُوْا فْالَحْلَالِيْفْ، وجْرَا الڤطِيعْ لْلْحَافَةْ نْتَاعْ الْجبَلْ وْطَاحَتْ لَحْلَالِيْفْ فِيْ البُحَيْرَةْ وْغَرْقَتْ.³⁴وْمْلِي شَافُوا السَرَاحَا شَا صْرَا هَرْبُوا وْبْدَاو يْبَرْحُوْا بْهَذَاكْ الشِيْ فِيْ الَمْدِينَة وْالدْوَاوِيْرْ، ³⁵وْخَرْجُوا النَاسْ بَاشْ يْشُوفُوا شَا صْرَاَ. وْجَاوْ عْنْدْ يَسُوعْ، وْلْڤاو الرَاجْلْ الْلِيْ خْرَجْ مْنَهْ الأَرْوَاحْ الشْرِيْرَةْ، مْجْمَعْ حْذَاَ رْجْلِيْه وْلَابْس حْوَايْجَهْ وْبْعَقْلَهْ وْهُمْ انْخَلْعُوْا.³⁶وْخَبْرُوهُمْ هَاذُوكْ الْلِيْ شَافُوهْ صْرَّا، كِيْفَاشْ بَرَّا الرَّاجْلْ المَسْكُونْ وْلِيْ فِيْهْ الجْنُونْ. ³⁷وْطْلْبُوا ڤاعْ النَاسْ لْمنْ جِهَة تَاعْ الجَدْريِيِنْ مْنْ يَسُوعْ بَاشْ إِبَعْدْ عْلِيْهُمْ، عْلَى خَاطَرْ كَانُو خَايْفِيْنْ بْزَافْ . وْرْكَبْ يَسُوعْ الفْلُوكَةْ وْرْجَعْ مْن تْمَة.³⁸"أَرْجَعْ لْدَارَكْ وْخْبَرْ ڤاعْ وَاشْ دَارْ رَّبِيْ فِيْكْ ". وْرَاحْ وْهُوَ يْبَرَحْ فِيْ ڤاعْ الْمْدِيْنَةْ شَا دَارْ بِيْهْ يَسُوعْ. ³⁹كِيْ وْلاَ يَسُوعْ رَحْبُوا بِيْه بْزَافْ النَاسْ خَاطَرْ كَانُوْا يْقَارْعُو لَهْ.⁴⁰كِيْ وْلاَ يَسُوعْ رَحْبُوا بِيْه بْزَافْ النَاسْ خَاطَرْ كَانُوْا يْقَارْعُو لَهْ.  ⁴¹ وْكَانْ رَاجْلْ سَمُوهْ يَايْرُسْ كَانْ رَئِيْسْ الْمَجْمَعْ، جَا عَنْدْ يَسُوعْ، وْطَاحْ عَنْدْ رْجْلِيْهْ وْحَلَهْ بَاشْ يْدْخُلْ لْدَارَهْ. ⁴²عْلَى خَاطَرْشْ كَانْ عْنْدَهْ غِيْرْ هَذِيْكْ البَنْتْ فِيْ عُمَرْهَا ثْنَاشْ سْنَة، وْكَانَتْ قْرِيْبْ تْمُوتْ، كِيْ جَا رَايَحْ غَبْنُوهْ النَاسْ.⁴³وْكَانَتْ وَاحْدْ لْمْرَّا ثْنَاشْ سْنَةْ وْهِيَ تْدْمِيْ، وْقَاسْتْ قَاعْ دْرَاهْمْهَا فِيْ الطْبَةْ،وْحْتَى وَاحْدْ مَا قْدَرْ إِيْدَاوِيْهَا، ⁴⁴جَاتْ مُوْرَاهْ وْلَمْسَتْ ثُوبَهْ . وْتَمْتْمْ حْبْسْ نْزِيْفْهَا.⁴⁵وْڤالْ يَسُوعْ :" شْكُونْ لْمَسْنِي ؟". وْكِيْ ڤاعْ نَكْرُوا ڤالْ بُطْرُسْ وْلِيْ كَانُوا مْعَاهْ: "يَاسِيْدِيْ ، بْزَافْ نَاسْ مْدَاوْرِينْ عْلِيْكْ وْيدَمْرُو فِيْكْ، وْنْتَا تْڤولْ: شْكُوْن تْلَمْسنِي؟". ⁴⁶وْڤالْ يَسُوعْ : "وْاحْد تْلْمسنِي ، عْلَى خَاطَرْ حسِيْت قَوَة خَرْجَتْ مْنِي".⁴⁷وْكِيْ شَافَتْ لْمْرَّا رُوْحْهَا نْكَشْفَتْ، جَاتْ تَرْجْفْ وْرَكْعَتْ عَنْدَهْ ، وْخْبْرَتَهْ ڤدَامْ قَاعْ الشَعْبْ عْلَاشْ تْلْمْسَاتَهْ، وْكِيْفَاشْ بْرَاتْ تَمْتْمْ. ⁴⁸وْڤالْ لْهَا :"ثِقِي يَابْنْتِي إِيْمَانَكْ بْرَاكْ، رُوْحِيْ بْسْلَامَةْ".⁴⁹وْكِي كَانْ هُوَ يَهْدَرْ، جَا وَاحْدْ مْن دَارّْ رَئِيْسْ المَجْمَعْ ڤالَهْ: " بْنْتَكْ مَاتَتْ. عْلَاهْ رَاكْ تْشقِي فْي المُعَلِمْ ". ⁵⁰وْسَمْعَه يَسُوعْ وْڤالْ لْيَايْرُسْ: "مَاتْخَافْشْ! غِيرْ أَمْنْ، وْبَنْتَكْ غَادِيْ تْبْرَّا".⁵¹وْمْلِي وْصَلْ لْلْدَارْ مَا خْلَا حْتَى وَاحْدْ يْدْخُلْ مِن غِيْر بُطْرُسْ وْيُوحَنَا وْيَعْقُوبْ، وْبُو البَنْتْ وُمْهَّا. ⁵²وْكَانُوا ڤاعْ النَاْسْ يْبكُوا وْيْنُوْحُوا عْلَى البَنْتْ. وْبْصَح يَسُوعْ ڤالْ لِيْهُمْ : " مَاتْبْكُوشْ عْلِيْهَا، عْلَى خَاطَرْ رَاهِيْ مَامَتَتْش وْبْصَحْ غِيْرْ رَّاڤدَةْ". ⁵³وْبْدَاوْ يْضَحْكُوا عْلِيْهْ ، خَاطَرْ كَانُوْا عَارْفِيْنْ بْلِيْ مَاتَتْ.⁵⁴وْبْصَحْ هُوَ شَدْ البَنْتْ مْن يْدهَا وْعِيَطْ عْلِيهَا وْڤالْ : "نُوضِيْ، يَابْنْتِيْ !". ⁵⁵وْفْدِيْكْ السَاعَةْ رْجْعَتْ فِيْهَا الرُوحْ. وْنَاضْتْ وْڤالْ لْهُمْ بَاشْ يْعْطُوهَا تَاكُلْ. ⁵⁶وَنْخَّلْعُوا وَالْدِيْهَا. وْوْصَاهُمْ بَاشْ مَا يْخَبْرُوا وَاحدْ بْدَاكْ شِيْ لِيْ صْرَّا.

¹مْ تَلَامِيذْ لَطْنَاشْ ، وَعْطَاهُمْ قُوَّة وْ سُلْطَانْ عْلَى ڤَاعْ الْشَيَاطِينْ وْ بَاشْ يْشَافِيوْ لْمَرْضَى تَانِي ، ²وْ رْسَلْهُمْ يْخَبْرُوا بْمَلَكُوتْ الله وْ يْشَافِيوْ لْمَرْضَى .³وْ ڤَالَلْهُمْ : " مَتَدُّوا وَالُوا مْعَاكُمْ فِي طْرِيڤْ : لَا ڤُفَة وَ لَا خُبْزْ وَ لَا فَضَّة ، وَ مَتَدُوشْ مْعَاكُمْ زُوجْ عْبَايَاتْ . ⁴وْ كُلْ دَارْ تَدَخْلُولْهَا بَاتُوا فِيهَا ، وْ مَنْ تْمَّ خَرْجُوا .⁵وْ ڤَاعْ لِّي مَقْبَلْكُمْشْ خَرْجُوا مَنْ هَادِيكْ لَمْدِينَة وَ نَفْضُوا الغُبْرَة مَنْ رَجْلِيكُمْ وْ هَادْ شِي يَشْهَدْ عْلِيكُمْ ". ⁶وْ كِي خَرْجُوا كَانُوا يْرُوحُوا لْكُلْ دَشْرَة يْخَبْرُوا وْ يَشْفُوا فِي كُلْ مَوْضَعْ .⁷سْمَعْ لْحَاكِمْ هِيرُودُسْ بْڤَاعْ دَاكْ شِي لِي كَانْ يْصْرَى وْ خَافْ ، لَخَاطَرْ جْمَاعَة كَانُوا يْڤُولُوا :" بَلِّي يُوحَنَا الْغَطَّاسْ قَامْ مَنْ الْمُوتْ ". ⁸وْ جْمَاعَة خْرَى :( بَلِّي إِيلِيَّا بَانْ ) وْ لُخْرِينْ :" بَلِّي نْبَي تَاعْ بَكْرِي قَامْ ". ⁹وْ ڤَالْ هِيرُودُسْ: " يُوحَنَّا لْغَطَّاسْ أَنَا لِّي ڤْطَعْتْلَهْ رَاسَهْ شْكُونْ هَدَا لِّي رَانِي نَسْمَعْ عْلِيهْ هَادْ شِي ؟" وْ كَانْ بَغِي يْشُوفَهْ .¹⁰وْ كِي رَجْعُوا الْرُسُلْ خَبْرُوهْ بْشِي لِّي دَارُوهْ وْ دَاهُمْ وْ رَاحْ وَحْدَهْ لْوَاحَدْ لْمَوْضَعْ خَاوِي يْتْسَمَى بَيْتَ صَيْدَا . ¹¹كِي سَمْعُوا بِيهْ هَادُوكْ الْنَّاسْ تَبْعُوهْ ، قْبَلْهُمْ وْ هْدَرَلْهُمْ عْلَى مَلَكُوتْ الله وْ لِّي كَانُوا مَرْضَى شْفَاهُمْ .¹²كِي قَرَبْ يَكْمَلْ الْنْهَارْ . جَاوْ عَنْدَهْ تْلَامَذْ لَطْنَاشْ وْ ڤَالُولَهْ : " سَرَحْ نَاسْ يْرُوحُوا لَدْشُرْ لِّي دَيْرِينْ بِيهُمْ بَاشْ يْبَاتُوا وْ يَلْقُوا شَا يَاكْلُوا ، عْلَى خَاطَرْ هْنَا رَانَا فِي مَوْضَعْ خَاوِي ". ¹³ڤَالَلْهُمْ :" أَعْطُوهُمْ نْتُومَا يَاكْلُوا ". رَدُّوا عْلِيهْ وْ ڤَالُوا :" مَعَنْدْنَاشْ كْتَرْ مَنْ خَمْسَ خُبْزْ وْ زُوجْ حُوتَاتْ ، غِيرْ إِذَا رُوحْنَا نَشْرُوا مَاكْلَة لْڤَاعْ هَادْ شَعْبْ ". ¹⁴عْلَى خَاطِرْ كَانُوا وَاحَدْ لْخَمْسَة رَاجَلْ . وْ ڤَالْ لْتْلَامَذْ تَاوْعَهْ :" لَمُوهُمْ خَمْسِينْ خَمْسِينْ ".¹⁵دَارُوا كِيمَا ڤَالَلْهُمْ وْ لَمُوا ڤَاعْ النَّاسْ . ¹⁶أَرْفَدْ لْخَمْسْ خُبْزَاتْ وْ زُوجْ حُوتَاتْ وْ رْفَدْ عَيْنِيهْ لَسْمَا وْ بَارْكْ ، وْ مَنْ بَعْدْ ڤَسَمْ وْ عْطَى لْتْلَامَذْ تَاوْعَهْ يَعْطُوا لْنَاسْ . ¹⁷كْلَاوْ وْ شَبْعُوا ڤَاعْ . وْ رَفْدُوا ڤَاعْ لِي بْقَالْهُمْ منْ الْخُبْزْ طْنَاعَشْ نْڤُفَّة .¹⁸وْ كِي كَانْ يْصَلِي وَحْدَهْ كَانُوا تْلَامَذْ مْدَاوْرِينْ بِيهْ سَقْسَاهُمْ وْ ڤَالَلْهُمْ :" شْكُونْ أَنَا عْلَى حْسَابْ هَدْرَة الْنَّاسْ ؟". ¹⁹جَاوْبُوهْ وْ ڤَلُوا :"يُوحَنَّا الْغَطَّاسْ . وْ لُخْرِينْ : إِيلِييَّا . وِ لُخْرِينْ : بَلِي نْبِي تَاعْ بَكْرِي قَامْ .²⁰ڤَالَلْهُمْ : "وْ نْتُومَا شَا تْڤُولُوا عْلِيَا ؟ " جَاوْبَهْ بُطْرُسْ وْ ڤَالْ :" مَسِيحُ الله ! ". ²¹حَدَرْهُمْ وْ وَصَاهُمْ بَاشْ مَا يْڤُولُو لْحَتَى وَاحَدْ ، ²²ڤَالْ :" يْلَاقْ عْلَى ابْنْ الْإِنْسَانْ يَنْدَرْ بْزَافْ وْ مَايضقَبْلُوهْشْ الْشُيُوخْ وْ لْحُكَّامْ وْ لْكَهَنَة وْ لْكَتَبَة ، وْ يَڤَتْلُوهْ و فِي نْهَارْ الْثَالَثْ يْقُومْ ".²³وْ ڤَالَلْهُمْ :" إِلَا بْغَا وَاحَدْ يْتَبَعْنِي ، يَنْكَرْ نَفْسَهْ وْ يَرْفَدْ صَلِيبْ تَاعَهْ كُلْ يُومْ وْ يْتَبَعْنِي . ²⁴وْ لِّي بْغَا يْسَلَكْ رُوحَهْ يْهْلَكْهَا ، وْ لِي يَهْلَكْ رُوحَهْ عْلَى جَالِي هَذَا يْسَلَكْ رُوحَهْ . ²⁵عْلَى خَاطَرْ شَا غَادِي يَرْبَحْ الْإِنْسَانْ لُكَانْ يَرْبَحْ ڤَاعْ لْعَالَمْ، وْيَهْلَكْ رُوحَهْ وْ يَخْسَرْهَا ؟²⁶عْلَى خَاطَرْ لِي يَحْشَمْ بِيَّا وْ بْكْلَامِي ، هَكَا يَحْشَمْ بِيهْ ابْنْ الْإِنْسَانْ كِي يْوَلِي بَلْمَجْدْ تَاعَهْ وْ مَجْدْ الْآبْ وْ لْمَلَايْكَة وْ لْقِدِّيسِينْ . ²⁷الْحَقْ نْڤُولَلْكُمْ : كَايَنْ نَاسْ بِينَاتْنَا مَايْدُوقُوشْ لْمُوتْ حْتَّى يْشُوفُوا مَلَكُوتْ الله ".²⁸وْبَعْدْ ثَمْنَيَامْ مَنْ هَادْ لْكْلَامْ ، أَدَّى بُطْرُسْ وْ يُوحَنَّا وْ يَعْقُوبْ وْ طْلَعْ لْجْبَلْ يْصَلِي . ²⁹وْ كِي كَانْ يْصَلِي تْبَلْ وَجْهَهْ وْ عْبَايْتَهْ وْلَاتْ بَيْضَة تَشْعَلْ .³⁰وْ كَانْ زُوجْ رْجَالْ يَهَدْرُو مْعَاهْ ، لِّي هُومَا مُوسَى وْ إِيلِيَّا ، ³¹وْ لِّي بَانُوا بَلْمَجْدْ نْتَاعْهُمْ ، وْ هَدْرُولَهْ عْلَى الْمَرْوَاحْ تَاعَهْ بَاشْ يْكَمْلَهْ فِي أُورْشَلِيمْ .³²بَصَحْ بُطْرُسْ وْ لِي كَانُوا مْعَاهْ نَعْسُوا وْ كِي نَاضُوا شَافُوا لْمَجْدْ نْتَاعَهْ وْ زُوجْ رْجَالْ وَاڤْفِينْ مْعَاهْ . ³³وْ كِي فَارْقُوهْ هَادُوكْ زُوجْ رْجَالْ ، ڤَالْ بُطْرُسْ لْيَسُوعْ " يَا سِيدِي ، مْلِيحْ كِي رَانَا هْنَا ، أَيَا نْوَڤْفُوا ثَلَاثْ خْيَامْ : وَحْدَة لِيكْ ، وْ وَحْدَة لْمُوسَى وْ وَحْدَة لْإِيلِيَّا". وْ هُوَ مَا كَانْشْ عْلَابَالَه شَا رَاهْ يْڤُولْ .³⁴وْ هُوَ مَازَالَهْ يَهْدَرْ جَاتْ سْحَابَة وْ غَطَاتْهُمْ . وْ كِي شَافْهُمْ دَخْلُوا فِي سْحَابَة خَافُوا . ³⁵وْ خْرَجْ صُوتْ مَنْ سْحَابَة وْ ڤَالْ :" هَادَا هُوَ إِبْنِي وْ حْبِيبِي . أَسَمْعُوا لَهْ ". ³⁶وْ كِي سَمْعُوا دَاكْ صُوتْ لْقَاوْ يَسُوعْ وَحْدَهْ بَصَحْ سَكْتُوا وْ مَا خَبْرُوا حْتَى وَاحَدْ بْشِي لِّي شَافُوهْ .³⁷وْ فِي لْيُومْ الْثَانِي هَوْدُوا مَنْ جْبَلْ ، رَحْبُوا بِيهْ بْزَافْ نَاسْ . ³⁸وَاحَدْ رَاجَلْ مَنْ هَادِيكْ جْمَاعَة زْڤَا وْ ڤَالْ : يَا سِيدِي نْطَلْبَكْ . شُوفْ لْوَلْدِي ، عَنْدِي غِيرْ هَدَا . ³⁹وْ رُوحْ الْنَجِسْ لِّي فِيهْ خْلَاهْ يْزَڤِي وْ صَرْعَهْ وْ خْلَاهْ يْتْخَبَطْ فِي لْمَرْضْ ، مَيْخَلِيهْشْ حْتَى يْجَرْحَهْ ڤَاعْ وْ يْعَدْبَهْ . ⁴⁰وْ طْلَبْ مَنْ تْلَامَذْ بَاشْ يْخَرْجُوا الْرُوحْ نَجِسْ وْ مَنَجْمُوشْ ".⁴¹جَاوَبْ يَسُوعْ وْ ڤَالْ :" يَا لْجِيلْ لِي مَيْأَمَنْشْ لْوِينْتَا غَادِي نْكُونْ مْعَاكُمْ وْ نَتْحَمَلْكُمْ ؟ جِيبْ وَلْدَكْ لَهْنَا !". ⁴²و كِي كَانْ جَايْ دَاكْ لْوَلْدْ صَرْعَهْ فِي لْأَرْضْ وْ عَدْبَهْ الْشِيطَانْ ، وْ خَرَجْ يَسُوعْ الْرُوحْ الْنَجِسْ مَنَهْ ، وْ شْفَى لْوَلْدْ وْ رْجَعْ لْبُوهْ .⁴³وْ ڤَاعْ نَاسْ نْخَلْعُوا مَنْ عَظَمَة الله . وْ كَانُوا الْنَاسْ مَتْعَجْبِينْ مَنْ لِّي دَارَهْ يَسُوعْ وْ ڤَالْ لْتْلَامَذْ : ⁴⁴"حَطُوا هَادْ لْكْلَامْ فِي وَدْنِيكُمْ بَلِي ابْنْ الْإِنْسَانْ غَادِي يْسَلْمُوهْ وْ يْطِيحْ فِي يْدِينْ نَاسْ ". ⁴⁵بَصَّحْ هُومَا مَفَهْمُوشْ هَادْ لْكْلَامْ ، وْ كَانْ مَدْسُوسْ عْلِيهُمْ بَاشْ مَيَفَهْمُوشْ ، وْ خَافُوا يْسَقْسُوهْ عْلَى هَادْ لْكْلَامْ .⁴⁶وْ دْخَلْهُمْ وَسْوَاسْ شْكُونْ يْكُونْ أَعْظَمْ بِينَاتْهُمْ ؟ ⁴⁷وْ عْرَفْ يَسُوعْ شَا كَانُوا يْخَمُوا ، وْ رْفَدْ وَاحَدْ لْوَلءدْ وْ حَطَهْ عَنْدَهْ ، ⁴⁸وْ ڤَالَلْهُمْ : " لِي يَقْبَلْ هَادْ لْوَلْدْ بِاسْمِي ييَقْبَلْنِي ، وْ لِي يَقْبَلْنِي يَقْبَلْ لِّي رْسَلْنِي ، عْلَى خَاطَرْ أَصْغِيرْ فِيكُمْ ڤَاعْ هُوَ لِّي يْكُونْ عَظِيمْ ".⁴⁹جَاوْبَهْ يُوحَنَّا وْ ڤَالْ :" يَا سِيدِي ، شَفْنَا وَاحَدْ يْخَرَجْ الأَرْوَاحْ الْنَجِسَة بِاسْمَكْ وْ مَاخَلِينَاهْشْ عْلَى خَاطَرْ مَا يْتَبْعَكْشْ ". ⁵⁰ڤَالَهْ يَسُوعْ :" مَا تَمَنْعُوهْشْ عْلَى خَاطَرْ لِي مَارَاهْشْ ضِدْنَا هُوْ مْعَانَا ".⁵¹كِي قَرَبْ الْوَقْتْ بَاشْ يْتَرْفَعْ قَرَرْ بَاشْ يْرُوحْ لْأُورْشَلِيمْ ، ⁵²وَ رْسَلْ ڤُدَامَهْ رُسُلْ وْ رَاحُوا دَخْلُوا لْدَشْرَة تَاعْ سَامِرِيِينْ بَاهْ يْوَجْدُولَهْ لَازَمْ . ⁵³وْ مَاقَبْلُوهْشْ عْلَى خَاطَرْ كَانْ غَادِي لْأُورْشَلِيمْ .⁵⁴وْ كِي شَافْ دَاكْ شِي يَعْقُوبْ وْ يُوحَنَّا ، ڤَالُو:" يَا رَبُّ، رَاكْ بَاغِي نْڤُولُو تْهَوَدْ نَارْ مَنْ الْسْمَاء وْ تَحْرَڤْهُمْ . كِيمَا دَارْ إِيلِيَّا تَانِي ؟". ⁵⁵وْ دَارْ عَنْدْهُمْ وَبَخْهُمْ وْ ڤَالْ مَارَكُمْشْ عَارْفِينْ شَاهُوَ الْرُوحْ لِّي رَاهْ فِيكُمْ ! ⁵⁶عْلَى خَاطَرْ ابْنْ الْإِنْسَانْ مَجَاشْ بَاشْ يَهْلَكْ الْنَاسْ ، بَصَحْ بَاشْ يْخَلَّصْهُمْ وْ رَاحُوا لْدَشْرَة وَاحْدُ خْرَى .⁵⁷وْ كِي كَانُوا يْتْمَشُوا فِي طْرِيڤْ ڤَالَهْ وَاحَدْ :" يَا سِيدِي ، نْتَبْعَكْ وِينْ تْرُوحْ ". ⁵⁸ڤَالَهْ يَسُوعْ : "لتْعَالَبْ أَوْجِرَة ، وْ زْوَاوَجْ عَنْدْهُمْ عْشَاشْ، بَصَحْ إِبْنْ الْإِنْسَانْ مَعَنْدَهْشْ وِينْ يْحُطْ رَاسَهْ ".⁵⁹وْ ڤَالْ لْوَاحَدْ آخُرْ : (تَبَعْنِي ). ڤَالَهْ :" يَا سِيدِي، خَلِينِي قْبَلْ نْرُوحْ نَدْفَنْ بُويَا ". ⁶⁰ڤَالَهْ يَسُوعْ : " خَلِي لْمُوتَى يَدَفْنُوا مُوتَاهُمْ ، بَصَحْ نْتَا رُوحْ وْ خَبّضر بِمَلَكُوتْ الله ".⁶¹وْ ڤَالْ وَاحُدْ آخُرْ تَانِي : " نْتَبْعَكْ يَا سِيدِي بَصَحْ خَلِينِي قْبَلْ نْوَدَّعْ دَارْنَا ". ⁶²ڤَالَهْ يَسُوعْ :" مَكَانْشْ وَاحَدْ يْحُطْ يَدِيهْ عْلَى الْمِحْرَاثْ وْ يْشُوفْ لَرُولْ يْصْلَحْ لْمَلَكُوتْ الله ".

¹وْمْبَعدْ هَذَاكْ الشِيْ خَيَر الْرَّبْ سْبعِينْ وَاحْد خْرِينْ وَرْسلهُمْ زُوجْ زُوجْ لْكُلْ مْدِينَةْ وْمُوضَعْ وِينْ كَانْ هُوَ مْعول بَاشْ إِيْرُوحْ. ²ڤَالْهُمْ : " الغْلَةْ بْزَافْ بْصَح الخْدَامَة قْلاَلْ، طْلْبُوْا مْنْ رَّبْ الغْلَة بَاشْ يْرسْل خْدَامَةْ لْلْغَلَةْ تَاعَهْ.³رُوْحُوا أَنَا نَرْسلْكُمْ كِيمَا لَّغْنَمْ بِينْ الدْيُوبَا. ⁴مَا تْدُوا مْعَكُمْ ڤُفَةْ وْلاَ نْعَايْل وْمَاتْسلُمُوا عْلَى حْتَى وَاحدْ فْي الطَرِيڤْ.⁵وْكِيْ تْدْخلْ لْكَاشْ دَارّْ سْلْمٌو عْلٍيهُمْ فْي لّْوُلْ. ⁶إِذَا كَانْ فِيهَا تْمَا إِبْنْ السَلاَمْ غَادِيْ يْردْ عْلِيكُمْ سَلَامْ، إِذَا مَكَنْشْ يْرجَعْ لِيْكُمْ سْلَامْكُمْ. ⁷وْبَاتُو فِيْ هَاذِيْكْ الدَّارّْ كُلُو وْشَرّْبُو مْن لِيْ يَعْطَلْكُمْ ، خَاطَرْ الخْدَامْ يْسْحَقْ أَجْرْ تَاعَهْ وْمَا تْرُوحُوشْ لْدَارّ لْدَارّْ.⁸كُلْ مْدِينَة دْخْلْتُوهَا وْقْبلُوكُمْ فِيهَا، كُلُوْا مْنْ شِيْ لِتْمْدْ لْكُمْ، ⁹اشْفُوْا لْمَرّْضَى لِيْ فِيهَا وْ ڤُولُو لِيهُمْ رَاهْ ڤْرَبْ مْنْكُمْ مَلَكُوتْ الله.¹⁰وْكُلْ مْدِينَة دْخلْتُوهَا مَقْبلُوكُومْشْ خَرْجُو لْزنقهَا وْڤُولُو : ¹¹حْتَى ْالغْبَارّْ لِيْ لْصَق فِينَا مْنْ مْدِينَتكُمْ نْنْفضُوهْ، بْصَحْ عَرْفُوا هَذاَ : رَاهْ ڤرْبْ مَنكُمْ مَلَكُوتْ اللَه . ¹²أْنْڤُولْكُم: غَادِيْ تْصْرّا لْهَذِي لْمْدِينَة كْثَرْ مْلِي صْرَا لْسُدُومْ.¹³يَاوِيْلَكْ يَاكُورَزِينْ! يَاوِيلَكْ يَابِيتْ صَيْدَا ! عْلَى خَاطَرْ لُوكَانْ أْصْرَاتْ المُعْجٍزاَتْ لِيْ صْرَاتْ فِيْ صُورْ وصَيدَا ، لُوكَانْ رَاهُمْ تَابُوْا مْنْ بْكرِيْ وْرَجعُوا لْلرَّبْ . ¹⁴بْصَّحْ صُورّْ وْصِيدَا غَادِي يْكُونْ لِيهُمْ حْسَابْ قْلْ مْنْكُمْ. ¹⁵وْنْتِيْ يَاكَفَرْنَاحُوْمْ لِي رَاكِيْ تْرفْدِيْ رُوحَكْ لْسْمَا، غَادِيْ أَتْهَوْدِي لْلجَحِيمْ.¹⁶أْلِيْ يَسْمَعْ مْنْ عَنْدْكُمْ كْلِيْ يْسْمَعْ مْنِي، وْلِي مَا قْبْلْكُومْشْ مَاقْبْلْنِيشْ ، وْلِي مَايْقبْلْنِيشْ مَايْقْبْلْشْ أْلِيْ يَرْسْلْنٍيْ".¹⁷كِيْ وْلاَوْ هَذُوكْ السْبْعِينْ لِيْ رْسْلهُمْ فَرْحَنِينْ، ڤَالُوْ لَهْ:" يَارَّبْ حْتَى الأَرْوَاحْ النَجِسَة تْخْضَعْ لِينَا بْإِسْمَكْ!". ¹⁸ڤَالْهُمْ : "شْفْت الشِيْطَانْ طَايْحْ كِيْ البَرّْقْ مْن السْمَا. ¹⁹غَادِيْ نَعْطِيكُمْ السُلْطَانْ بَاشْ تْعفْسُو عْلَىْ لَحْنُوشَى وْلَعْقَاربْ وْڤَاعْ قُوَة لَعْدُو وْمَا يْضركُمْ حْتَى شِيْ. ²⁰بْصَحْ مَا تَفَرحُوشْ بْهَذَا: بلِيْ الأَرْوَاحْ رَاهِي تَخْضَعْ لِيكُمْ ، بْصَحْ فَرّْحُوا بْلِي سْمَاوَاتكُمْ رَاهِي مَكْتُوبَة فْي السْمَا".²¹وْفِي دِيْكْ السَاعَةْ سّْبَحْ يَسُوعْ بْالرُوحْ وْڤَالْ :" نْحَمْدَكْ يَابُويَا، رَّبْ السْمَا والأَرْضْ ،خَاطَرْ دْسِيْتْ هَذَا الشِيْ عْلَى الحُكَمَاءْ وْالعُلَمَاءْ ، وْبيْنتهَا لْصْغَارْ. وَاهْ يَابُويَا، عْلَى خَاطَرْ هَذِيْ هِيَ مَشِيئَة نْتَعكْ لْمْلِيحَةْ".²²وْدَارّْ عْنْد التَلاَمِيذْ نْتَاعَه وْڤَالْهُمْ: " كُلْ شِي تَعْطَا لِيْ مْنْ بُوْيَا وْمَكَانْ حْتَى وَاحْد يَعْرفْ الإِبْنْ مْن غِيْرْ الأَبْ، وْلاَ شْكُونْ هُوَ الأَبْ منْ غِيْرْ الإِبْنْ".²³وْداَرّْ عْندْ التَلاَمِيْذْ نْتَاعَهْ وْڤَالْهمُ: "يَاسَعْدَاتْ العْينَينْ الَلْي تْشُوْفْ الِلْي رَاكُمْ تْشُوفُوُهْ ! ²⁴عْلَى خَاطَرْ رَانِيْ نْڤُولْكُمْ كَاينْ أَنْبِيَاءْ وْمُلُوكْ بْزَافْ أْبْغَاوْ إِشُوفُوا آْشِيْ لِيْ رَاكُمْ تْشُوفُوهْ وْمَاشَفُوهْشْ ، آْشِي لِيْ رَاكُمْ تْسْمْعُوُهْ وْمَا سْمعُوهْشْ".²⁵وَاحَدْ مْنْ مُعَلِمِيْ الشَرِيعَةْ نَاضْ وْبْغَى يْجَرّْبَه وْڤالَهْ: " يَاسِيْدِي وَاشْ نْدِيرْ بَاشْ نْورَثْ الحَيَاة الأَبَدٍيَة؟". ²⁶جَاوْبَه يَسُوعْ وْڤالَه: " شَا رَاهْ مَكْتُوبْ في الشَرِيعَة؟ كِيفَاشْ تْفَهمَهْ؟". ²⁷جَاوْبَهْ وْڤالَ:" تْحْبْ الرَّبْ إِلَاهَكْ مِنْ كُلْ قَلْبَكْ، وْمِنْ كُلْ نَفْسَكْ وْكُلْ قُوْتَكْ وْمْن كُلْ فِكْرَكْ، وْتْحبْ غِيْرَكْ كِمَا نْفسَكْ". ²⁸وْڤالَهْ يَسُوعْ " جَاوُبْتْ بْالصْوَابْ ، دِيْر كِمَا هَاكْ وْغَادِيْ تْحيَا لِلأَبْدْ ".²⁹بْصَحْ هُوَ بْغَا يْمدْ الحَق لْرُوحَهْ وْڤالْ لْيَسُوعْ: " شْكُونْ هُوَ غِيْري؟ ".  ³⁰ جَاوْبَهْ يَسُوعْ وْڤَالْ:" كَايْنْ وَاحَدْ رَاجْلْ مْهودْ مْن أُوْرْشَالِيمْ لأَرِيْحَا، طَاحْ بِيْنْ يْدِينْ الْخْيَانْ ، عْرَاوْهْ وْضَرْبُوهْ وْرَاحُوْا وْخْلَاوْهْ بِيْنْ الْحْيَا وْالمُوتْ.³¹تْمْ تْمْ فَاتْ وَاحدْ رَاجْلْ دِيْنْ مِنْ دِيْك ْالطْرِيْڤْ شَافْهْ، وْ مْمْبَعْدْ كْمْل طْرِيْڤَهْ. ³²وْفَاتْ تَانِيْ وَاحْد مْن لاَوِيْينْ مْنْ دِيْكْ الطْرِيڤْ، ڤَرْبْ عْنْدَهْ وْشَافْ فِيْهْ، رَاحْ وْخْلاَهَ.³³وْبْصَحْ وَاحْد بْرَانِيْ مْنْ بْلاَدْ السَامِرَةْ مْسَافْر جَا لْعَنْدَهْ، كِيْ شَافَهْ تْحْنَنَ عْلِيْهْ، ³⁴ڤْدْمْ عَنْدَهْ دَاواَ جُرْحَهْ بْالزِيْتْ وْالخَمْرَة، رْكْبَهْ عْلَى الدَابَة تَاعَهْ وْدَاهْ لْوَاحْدْ الفُنْدُقْ وْتْهّْلَّىْ فِيْهْ . ³⁵دِيْكْ الغْدْوَا كِيْ بْغَا إِرُوْحْ، خْرْجْ دْرَاهمْ وْعَطَاهُمْ لْمُولْ الفُنْدُقْ وْڤَالَهْ تْهلَّى فِيهْ، وْڤْدْ مَا صْرفْتْ عْلِيْهْ كِيْ نْولِيْ نْردْهُمْلَكْ.³⁶شْكُونْ مْنْ هَادْ الثْلاَثَةْ ڤِرِيْبْ مْنْ هَادْ الإِنْسَانْ الِلِيْ طاَحْ بِيْنْ يْدِيْنْ الخْيَانْ؟". ³⁷ڤَالْ:" الِلِي دَارْ مْعَاهْ الخِيْرْ". ڤَالَهْ يَسُوعْ :"رُوحْ أْنْتَ تَانِيْ وْدِيرْ كِيْمَا هَاكْ".³⁸مْلِيْ كَانُو غَادْيِيِنْ دَخْلُوْا لْوَاحْدْ الدْ شْرَةْ، رَاحْبَتْ بِيْهْ وَاحْد لْمْرَّا كِيْسْمُوْهَا مَرْثَا فِيْ دَارّْهَا. ³⁹وْكَانْ عْندْهَا خْتْهَا إِسْمُوهَا مَرْيَمْ، اللِي جْمْعَتْ عْنْد رْجْلِيْن يَسُوعْ تَسْمَعْ كْلاَمَهْ.⁴⁰وْبْصَحْ مَرْثَا كَانْتْ لاَهْيَةْ فْشْغلْ نْتَاعْ الدَارّْ ، وْڤْفتْ وْڤَالتْ:" يَارّْبِ مَايْهمكشْ بْلِي خْتِيْ خْلَتْنِي نْخدْم وَحْدِيْ، ڤُوْلْهَا تْعَاوُنِيْ!". ⁴¹وْجَاوُبْهَا يَسُوعْ وْڤَالْهَا:" مَارْثَا، مَاْرْثَا رَاكِيْ مْقلْقَةْ وْتحْمقِيْ عْلَى بْزَافْ صْوَالَحْ، ⁴²بْصَحْ الإِحْتِيَاجْ لْوَاحْدْ بَرّْكْ. وْمَريمْ خْيرَتْ النَصِيْبْ الصَالِحْ لِمَيْتنْڤْلَعْلْهَاشْ".

¹وْكِكَانْ إِصَلِي فِي وَاحَدْ المَوْضَعْ وْ مَلِي كَمَّلْ ڤالَهْ وَاحَدْ مَنْ تْلاَمْذَه : "يَارَبْ عَلَمْنَا كِيفَاشْ نْصْلُوا كِمَا عَلَمْ يُوحَنَا الغَطَاسْ تْلاَمْذَهْ".²ڤلْهُمْ :"وَقْتْمَا صَلِيتُوقُولُو: أَبَانَا لِفَسْمَا يتْقَدَسْ إِسْمَكْ ، إِجِي مَلَكُوتَكْ ، تكُونْ مَشِيئْتَكْ كِمَا فِي السْمَا تَانِي عْلَى الرْضْ .³الخُبْزْ أَلِي يَكْفِينَا اليُومْ أَعْطِينَا . ⁴وأَغْفَرْ لنَا ذْنُوبْنَا كِمَا نَغْفَر لَنَاسْ ألِي يَضَلْمُونَا ، ومَدَخْلْنَاشْ فالتَجْرُبَة بَصَحْ سَلَكْنَا مَنْ الشَرِيرْ."⁵ومْبَعْدْ ڤَاللهُمْ :" شكُونْ فِيكُمْ لِيْكُونْ عَنْدَه صَاحْبَه ، وإرُوحْلَه فِي نَصْ اللِيلْ ، ويڤُولَه يَاصَاحْبِي سَلَفْلِي ثْلاَثَ خُبْزَاتْ. ⁶لخَطَرْ جَانِي صَاحْبِي مَلْبْعِيدْ ومَعَنْدِي حَتَى حَاجَة نْحَطْهَا لِيه . ⁷جَاوبَهْ صَاحْبَه مَدَارْ وڤَالَه : مَا تْصَدَعْنِيشْ! البَابْ مْبَلَعْ دَرْوَكْ ووْلاَدِي رَاڤْدِينْ . مَنَقْدَرْشْ أَنُودْ و نَعْطِيكْ . ⁸نْڤُولكُومْ : إِذَا كَانْ مَايْنُودْشْ يَعْطِيه لخَطَرْ صَاحْبَه ، إِيْنُودْ ويَعْطِيه لخَطَرْ سَمَطْ عْلِيهْ .⁹وانَا نڤُولْكُمْ سَقْسُوا يَنَعطَلْكُمْ ، أطَلْبُوا تَلْقُوا ، ¹⁰طَبطبُوا يَنحَللْكُم البَابْ . عْلاخَطَرْش لي يْسَقْسِي يْنَعْطَالَهْ، ولِي يَطْلَبْ يَلْقَى ، ولِي يْطَبْطَبْ يَنْفْتَحْلهْ .¹¹شْكُونْ فِيكُمْ ،لِي أبْ ، يَطْلَبْ مَنّهْ وَلْدَهْ خُبْزْ، وْيَعْطِهْ حْجَرْ؟! ولاَ يَطْلَبْ منّهْ حُوتْ يَعْطِهْ حْنَشْ. ¹²ولِيَطْلَبْ منّهْ بَيْضَة، يَعْطِيهْ عڤْرَبْ ؟ ¹³وْ يْلاَكُنْتُوا شَرَانِيِينْ تَعْرَفْوا تْمَدْوا لوْلَادْكُمْ صْوَالَحْ مْلَاحْ، كِيفَاشْ بُوكُمْ لِفسْمَا ، مَيَعْطِشْ الرُوحْ القُدُسْ للِيَطَلْبُوهْ ".¹⁴وكَانْ يَسُوعْ يَخْرَجْ لَرْوَاحْ الشَرِيرَة، و كَانْ هَذَاكْ بكُّوشْ. وْ كِخْرَجْ الرُوحْ الشرِيرْ هْدَرْ هَدَاكْ لْبَكُوشْ، و النّاسْ تْعَجْبُوا. ¹⁵وْ شِيوَحْدِنْ مَنْهُمْ ڤالُوا:"رَاهْ يْخَرّجْ الاَرْوَاحْ الشَرِيرَة بْقُوَة بِلَعْزَبُولْ رَئِيسْ الشَيَاطِينْ"¹⁶وْوَحْدُخْرِينْ بْغَاوْ يْجَرْبُوهْ وطَلْبُوا مَنّهْ مُعْجِزَة مِنْ السْمَا. ¹⁷وعْرَفْ نَيَتْهُمْ. وڤالْهُمْ:"كُلْ مَمْلَكَة مَقْسُومَة عْلَى رُوحْهَا تْتّخْرَبْ وْدَارْ مَقْسُومْ عْلَى دَارْ يْطِيحْ.¹⁸وْ ْيلَا كَانْ الشِيطَانْ هُوَ تَانِي ولَّى ضَدْ رُوحَهْ ، كِيفَاهْ تْدُومْ مَمْلَكَتُهْ ؟ عْلَاخَطَرْشْ رَاكُمْ تْڤُولُوا : رَانِي نَخَرّجْ الارْوَاحْ الشَرِيرَة بِبَعْلَزبُولْ . ¹⁹وْ يْلَا كُنْتْ انَا نَخَرّجْ الاَرْوَاحْ الشَرِيرَة بِبَعْلَزَبُولْ بَصّحْ وْلَادْكُمْ بَشْكُونْ يْخَرْجُوهُمْ ؟ عْلَى هَادْ الشِي هُمَا يْحَكْمُوا عْلِيكُمْ . ²⁰و يْلَا كُنْتْ بَصْبَعْ اللّهْ نْخَرّجْ الاَرْوَاحْ الشِرِيرَة، امَالَا عَنْدْكُمْ مَلَكُوتْ اللّهْ .²¹وْ كِي الرّاجَلْ صْحِيحْ مَتْسَلّحْ يْعَسْ دَارَهْ ، يْوَلِي رَزْقَهْ فِي اَمَانْ .  ²² وْ كِي يْجِيهْ لِي صْحِيحْ عْلِيهْ يَغَلْبَهْ ، وْ يَڤْلَعْلَهْ ڤاعْ السْلَاحْ لِي كَانْ يَتْكَلْ عْلِيهْ يََدّي رَزْقَهْ وْ يَڤَسْمَهْ . ²³لِي مَاشِي مْعَايَا هُوَ ضَدّي ، وْ لِي مَيْلَمْشُ مْعَايَا رَاهْ يْفَرّقْ .²⁴مَلِي يُخْرَجْ الرّوحْ الشَرِيرْ ماَلْبْنَادَمْ ،يْفُوتْ مَالْمْضَارَبْ لِي مَافِيهَاشْ الْمَا ، يَطْلُبْ رَاحَة وْلَا مَلْقَاشْ يْقُولْ : نْوَلِي لْدَارِي لِخْرَجْتْ مَنْهَا .  ²⁵ كِي يَوْصَلْ يَلْقَاهَا مْقِيَّة وْ مْزَوْقَة . ²⁶وْ مْبَعْدَ يْرُوحْ وَيْجِيبْ مْعَاهْ سَبْعَة رْوَاحْ وَحْدُخْرِينْ اَشْرَارْ عْلِيهْ ، يَدَّخْلُوا وْ يَسَّكْنُوا تَمَّ . وْ تْوَلِّي لْعَاقِبَة تَاعْ دَاكْ لَبْنَادَمْ صْعِبَة عْلَى لِي كَانَتْ !".²⁷وْ تَمْ تَمْ كِي كَانْ يَهْدَرْ ، زَڤّاتْ وَاحَدْ لَمْرَا مَنْ هَادُوكْ النَّاسْ وْ ڤَالَتْ : "سَعْدَاتْ لَمْرَا لِي رَفْدَاتَكْ فِي كَرْشْهَا وْ لِرَضْعَاتَكْ " . ²⁸سَعْدَاتْ لِي يَسَمْعُوا كْلَامْ اللَّهْ وْ يْطَبْقُوهْ ".²⁹وْ كِي كَانُوا النَّاسْ يَدّامْروُا ، بْدَا يْڤُولْ :" هَادْ لْجِيلْ شِرِّيرْ ، يَطْلَبْ مُعْجِزَة وْ مَتَنْعْطَالَهْشْ غِيرْ مُعْجِزَة يُونَانْ النَبِي . ³⁰عْلَاخَطَرْشْ كَانْ يُنَانْ النَبِي مُعْجِزَة لِشَعْبْ نِينيوى ، هَاكَأ غَادِي يْكُونْ تَانِي اِبْنْ لْاِنْسَانْ مُعْجِزَة لْهَادْ لْجِيلْ .³¹فْيُومْ لْحِسَابْ ، مَلِكَة بْلَادْ لْجَنُوبْ تْقُومْ وْ تْحَاسَبْ رْجَالْ هَادْ لْجِيلْ ، عْلَاخَطَرْشْ جَاتْ مْبْلَادْ بْعِيدَة بَاشْ تَسْمَعْ حِكْمَة سُلَيْمَانْ ، وْ رَاهْ هْنَا لِهُوَ اَعْظَمْ مِنْ سُلَيْمَانْ !³²رْجَالْ نِينْوَى يْقُومُوا فِي يُومْ لْحِسَابْ مْعَ هَادْ لْجِيلْ وْ يْحَاسْبُوهْ ، عْلَاخَطَرْ تَابُوا مَلِّي دْعَاهُمْ يُونَانْ لَتُّوبَة ، وْ رَاهْ هْنَا لِي هُوَ اَعْظَمْ مَنْ يُونَانْ !³³حَتَى وَاحَدْ مَا يَشْعَلْ قَنْدِيلْ و يْحَطَهْ فِي مَضْرَبْ مَدْسُوسْ ،ولَا يْغَطِيهْ بالْكَفَة ،بَصَحْ يَنْحَطْ فِي مَوْضِعْ بَاشْ لِي دَاخْلِينْ يْشُوفُوا النُورْ . ³⁴سِرَاجْ الجَسَدْ هُوَ العِينْ ، يْلَا كَانَتْ لْعيِنْ صْحِيحَة الجَسَدْ تَاعَكْ يْكُونْ ڤاعْ مْنَوَّرْ ، ³⁵ويْلَا كَانَتْ عِينَكْ شرِيرَة جَسَدَكْ يْكُونْ مْظَلَّمْ . ³⁶رَدْ بَالَكْ يْلَا كَانْ النُّورْ لِي فِيكْ ظْلَامْ . و يْلَا كَانْ لْجَسَدْ تَاعَكْ ڤَاعْ مَافِيهْشْ حَتَى شْوِيَا ظَلْمَة ، يْكُونْ ڤَاعْ مْنُوَرْكِيمَا يْضَوِيلَكْ لْمَصْبَاحْ .³⁷توبيخ الفرسيين والكتبة كِكَانْ هُوَ يَهْدَرْ عَرْضَهْ الفَرَيسِي يَتْعَشَى عَنْدَهْ ، دْخَلْ و تَكَا ، ³⁸بَصّحْ الفرَيسِي كِشَافْ هَادْ الشِي تْعَجَّبْ عْلَاخَطَرْ مَا غْسَلْشْ يَدِّيهْ قْبَلْ مَا يَاكُلْ .³⁹ڤَالْهُمْ الرَّبْ :"نْتُمَا يَارْجَالْ الدِينْ تْذُوقُوا لْكَاسْ و لْڤصْعَة مَنْ بَرَا بَصَّحْ مْدَاخَلْ مْعَمْرِينْ خِيَانَة وْ خُبْثْ . ⁴⁰يا جهال ، مَاشِي لِصْنَعْ لْبَرَا صْنَعْ لدَاخَلْ تَانِي ؟ ⁴¹مَدُّوا مَلِي عَنْدْكُمْ صَدَقَة ، بَاشْ كُلْشِي يْوَلِي لْكُمْ نْقَى .⁴²بَصَّحْ يَاوِيلْكُمْ يَا رْجَالْ الدِّينْ تَعَشْرُوا مَنْ النَعْنَاعْ الحَرْمَلْ وْ ڤَاعْ انْوَاعْ الاَعْشَابْ وَالبُقُولْ ، وْخَلِيتُوا لْحَقْ وْ مَحَبَة اللَّهْ . كَانْ يْلِيقْ دِيرُوا هَادِي وْ مَا تْخَلِيوْشْ لُخْرَى .⁴³يَاوِيلْكُمْ يَارْجَالْ الدِينْ اللّيِ تَبْغُوا تْجَمْعُوا في الصْفُوفْ اللْوَالَى فِي المَجَامِعْ ، وْ حَيُوكُمْ فِي الاسْوَاقْ . ⁴⁴يَا وِيلْكُمْ يَالْكَتَبَة وَ الفَرَنْسِيينْ المُنَافِقِيين ، رَاكُمْ تْشَبْهُوا للَقْبُورْ لْمَدْسُوسَة ، لِي يَمْشِيوْ عْلِيهَا النَّاسْ شوْ مَايَعَرْفُوشْ !".⁴⁵جَاوْبَهْ وَاحَدْ مَن مْعَلْمِي الشَرِيعَة وْ ڤَالَهْ : "يَا سِيدِي مِينْ رَاكْ تْڤُولْ في هَادْ لْهَدْرَة رَاكْ تْعَايَرْ فِينَا حْنَا تَانِي ؟!". ⁴⁶ڤَالْ :" يَا وِيلْكُمْ نْتُومَا يَا مْعَلْمِي الشَرِيعَة عْلَى خَاطَرْشْ تَحَمْلُوا النَاسْ فُوڤ طَاقَتْكُمْ وَنْتُومَا مَاتْحَرْكُوشْ يَديكُمْ حَتَا صْبَاحْ بَاشْ تْعَاوْنُوهُمْ .⁴⁷يَاوِيلْكُمْ عْلَاخَطَرْ رَاكُمْ تَبْنُوا قْبُورْ الاَنْبِيَاءْ وْ جْدُودْكُمْ هُمَا لِكَتْلُوهُمْ . ⁴⁸هَكْدَا تَقَبْلُوا وْتَشَهْدُوا لِدَارُوهْ جْدُودْكُمْ ،عْلَى خَاطَرْ هُمَا قَتْلُوهُمْ وْ نْتُومَا تَبْنُوا قْبُورْهُمْ .⁴⁹عْلَى هَادْ الشِي حِكْمَةْ اللَّهْ ڤَالَتْ : غَادِي نَرْسَلْهُمْ اَنْبِيَاءْ وْ رُسُلْ وْ غَادِي يَكَتْلُوا بَعْضْ مَنْهُمْ وْ يْطَرْدُوهُمْ . ⁵⁰بَاشْ يَتْحَاسَبْ هَادْ الجِيلْ عْلَى دَمْ ڤَاعْ الاَنْبِيَاءْ لِي سَالْ مَلِّي تْخَلْقَتْ دَّنْيَا . ⁵¹مَن دَمْ هَابِيلْ حَتَى لْدَمْ زَكَرِيَا لِتَقْتَلْ بِين المَذْبَحْ وْ الهَيْكَلْ ، وَاهْ نْقُلْكُمْ غَادِي يَتْحَاسَبْ هَادْ الجِيلْ عْلَى دَمْهُمْ .⁵²يَاوِيلْكُمْ مْعَلْمِي الشَرِيعَة عْلَى خَاطَرْ دِيتُوا مَفْتَاحْ المَعْرِفَة ، مَادْخَلْتُوا نْتومَا مَاخَلِيتُوا لِي بْغَا يَدْخَلْ ".⁵³كِيكَانْ يَهْدَرلْهُمْ بْهَادْ الشِي بْدَاوْ الكَتَبَة وْ الفَرَسِيينْ يَعَصْرُوا وْ يْسَقْسُوا عْلَى بزَافْ أُمُور ، ⁵⁴وْهُمَا يْعَسُولَهْ كْلَامَهْ وْ يْحَوْسُوا يْشَدُوا عْليهْ هَدْرَة

¹و فِي ذَاكْ الْوَقْتْ، اْتْلَامُوا أَلَافْ الْنَّاسْ ، حَتَّى وَلَّاوْ يَعَّفْسُوا عْلَى بَعْضِيَاتْهُمْ ، وْبْدَا يْڤُولْ لَلْتَلَامِذْ اَتَّعَهْ : " رَدُّوا مَنْ خْمِيرَة الْفَرِّسِيِينْ لِهِيَا الالْنِّفَاقْ ،²ڤَاعْ الْمَسْتُورْ يَنْفْدَحْ ، و ڤَاعْ الْمَدْسُو ايبَانْ . ³عْلَى دَاكْ الْشِّي لڤَلْتُوه فْالْظَّلْمَة يَنْسْمَعْ فَالْنُّورْ ، و ڤَاعْ لِهْدَرْتُوا فِيه فَالْسَّرْ فَالْدْيَارْ اتْبَرَّحْ بِيهْ فُوڤْ الْسْطُوحَ.⁴و بَصَّحْ أَنَا نْڤُولْكُمْ يَا حْبَابِي : مَتْخَافُوشْ مَنْ لِيَكُّتْلُوا الْجسَدْ ، و مَنْ بَعْدْ مَيَقَّدْرُوشْ يْدِيرُوا اكْثَرْ مَنْ دَاكْ الْشِّي. ⁵بَصَّحْ نْوَرِّيلْكُمْ مَنْشْكُونْ لِي يْلِيقْ تْخَافُوا مَنَّه : خَافُوا مَنْ هَدَاكْ الْلّي مَنْ بَعْدْ يُكْتُلْ ، عَنْدَه سُلْطَانْ بَاشْ يْقِيسْ فِي جَهَنَّمْ . وَاهْ، اَنْڤُولْكُمْ : مَنْ هَذَا خَافُوا!.⁶مَشِّي خَمْسَة تَاعْ زْوَاوَشْ يَنْتْبَاعُو بْزُوجْ دُورُوا ،و حَتَّى وَاحَدْ مَنْهُمْ مَنْسِيْ أَمَامْ الْلَّهْ ؟ ⁷حَتَّى الْشْعَرْ رَسْكُمْ رَاهْ مَحْسُوبْ . مَاتْخَافُوشْ ! نْتُومَا خِيرْ مَنْ بَزَّافْ انْتَعْ زْوَاوَشْ!⁸رَانِي نْڤُولْكُمْ : لِي سْتَعْرَفْ بِيَا ڤُدَّامْ الْنَّاسْ ، غَادِي يَسْتَعْرَفْ بِيه ابْنْ الْانْسَانْ ڤُدَّامْ الْمَلَائِكَة تَاعْ الْلَّه. ⁹وْ لِّي يُنْكُرْنِي ڤُدَّامْ الْنَّاسْ ، يُنُّكْرَه ابْنْ الْانْسَانْ ڤُدَّامْ مَاَلئِكَة الْلَّه. ¹⁰و ڤَاعْ لِي يْقولُوا كَلِمَة ضِدْ ابْنْ الْانْسَانْ غَادِي يَنْتَغْفَرْلَه، و بَصَّحْ لِي يْڤُولْ كْلَامْ الْكُفْرْ عْلَى رُوحْ الْقُدُسْ مَيَنْتَغْفَرْلَهْشْ .¹¹كِي يَدُّوكُمْ لَلْمَجَامِعْ ڤُدَّامْ الْرُّؤَسَاءْ و صْحَابْ الْسُّلْطَة و مَتْخَمُّوشْ شَاتْڤُولُوا و بْشَا دَّافْعُوا ، ¹²اعْلَى خَاطَرْ الْرُّوحْ الْقُدُسْ يْعَلَّمْكُمْ فْدِيكْ الْسَّاعَة شَاخَصْكُمْ تْڤُولُوا".¹³و ڤُلْ وَاحَدْ مَنْ جْمَاعَة لْيَسُوعْ : " يَا يَسِدِي، ڤُولْ لْخُويَا أڤْسَمْ مْعَايَا الْوَرْثْ ". ¹⁴و ڤَالَهْ : " يَا بْنَادَمْ شْكُونْ دَارْنِي قَاضِي عْلِيكُمْ لِيْڤَسَّمْ عْلِيكُم الْوَرْثْ؟". ¹⁵و ڤَالْهُم : " رَدُّوا بَالْكُمْ و احَّرْزُوا ارْوَاحْكُمْ مَنْ الْطْمَعْ ، عْلَى خَاطَرْ كَثْرَة الْدْرَاهَمْ مَشّي هِيَ لْطُولْ لَعْمَرْ".¹⁶أضْرَبَّلْهُمْ مْثَلْ و ڤَالْ : « وَاحَدْ الْرَّاجَلْ مْرَفَّه الْلَّرْضْ الْتَّاعَه ، ¹⁷خَمَّمْ مْعَ رُوحَه و ڤَالْ : شَاغَدِي نْدِيرْ ، مَعَنْدِيشْ مَوْضَعْ بَاشْ نْلَمْ فِيه الْغَلَّة انْتَاعِي ؟ ¹⁸و ڤَالْ : غَادِي نْدِيرْ هَادْ الْشِّي : غَادي نْهَدَّمْ الْمْخَازَنْ تَاعِي و نَبْنِي لَكْبِيرَة عْلِيهَا و نْلَمْ فِيهُمْ ڤَاعْ الْخِيرْ و الْغَلَّة نْتَاعِي. ¹⁹وانْڤُولْ الْنَّفْسِي : يَانَفْسِي عَنْدَكْ الْخِيرْ بَزَّافْ ، مَدْسُوسَة و تَكْفِيكْ شْحَالْ مَنْ عَامْ . و دْرُوكْ أَتْهَنِّي كُولِي و الْشُّرْبِي و فَرْحِي !²⁰و ڤَالَه الْلَّه : يَاغَبِيْ ! فَهَادْ الْلِّيلَة رُوحَكْ تَطْلَعْ ، و مَنْ ڤَاعْ لِوَجَّتَه و خْزَنْتَه لِي مَنْ غَادِي يْوَلِّي ؟ ²¹هَكَّا غَادِي يَصْرَى أَلِّي يَغْنِي رُوحَه و مَيكَّانْشْ غَانِي لَلَّه ".²²و ڤَالَه لْتَلَامِيذه :" علَى هَاذْ الْشِّي نْڤُولْكُمْ : مَتَتْقَلْقُوشْ و مَتَتْخَمُّوشْ فِي حْيَاتْكُمْ شَا تَاكْلُو،ا ولَّا شَا تَشَّرْبُوا . ²³الْحَيَاةْ مَشِّي غِيرْ مَاكْلَة، و الْجَسَدْ مَشِّي غِير الْبَاسْ .²⁴شُوفُوا الْغُرْبَانْ : مَاتَزْرَعْ مَا تَحْصَدْ ، و مَعَنْدْهَا عُشْ و مَعَنْدْهَا مَخْزَنْ ، بَصَّحْ رَبِّي يْقَوَّتْهَا . قِيمَتْكُمْ تَسْوَى كْثَرْ مَنْ قِيمَة الْطُّيُورْ ! ²⁵شْكُونْ فِيكُمْ لِي مَهْمُومْ و مْقَلَّقْ يَقْدَرْ يْزِيدْ سَاعَة وَحْدَة مَنْ عُمْرَه ؟ ²⁶إِذَا كُنْتُوا مَشِّي قَادِّينْ علَى صْوَالَح صْغَارْ ، عْلَاه تَتْقَلْقُوا عْلَى الْبَاقِي ؟²⁷شُوفُوا الْنْوَاشْ كِيفَاشْ تَكْبَرْ: مَايَعْيَا مَا تَنْسْجَشْ بَصَّحْ، نْڤُولْكُم : حَتَّى سُلَيْمَانْ فِي ڤَاعْ عَزَّه مَكَانْشْ يَلْبَسْ وحْدَة فِيهُمْ . ²⁸إِذَا كَانَ لَحْشِيشْ لَخْضَرْ لِي رَاه نَابَتْ فَالْحَقْلْ الْيُومْ و غَدْوَى يَتْقَاسْ فَالْنَّارْ و الْلَّه يَلَّبْسَه كِمَا هَاكْ ، كِيفَاشْ مَيَلْمَسْكُمْشْ نْتُومَا يَاقَلِيلَ الْإِيمَانْ ؟²⁹مَاتَطَّلْبُوشْ شَا تَاكْلُوا و شَاتَشَّرْبُوا و مَتَتْقَلْقُوشْ ، هَذَا قاعْ الْشِّي يُطُّلْبَه نَاسْ الْدَّنْيَا . ³⁰و بَصَّحْ نْتُومَا بُوكُمْ الِّي فَالْسْمَا يَعْرَفْ بَلِّي تَسْحَقُّوا هَاذْ الْشِّي .³¹بَصَّحْ اطَّلْبُوا مَلْكُوت الْلَّه ، و هَاذْ الْشِّي يَنْزَادْ لْكُم . ³²"مَاتْخَافْشْ ، يَا الْقْطِيعْ الْصْغِيرْ ، عْلَى خَاطَرْ بُوكُمْ الْلِّي فَالْسْمَا فْرَح بَاشْ يَعْطِيكُمْ الْمَلَكُوتْ .³³بِيعُوا شَعَنْدْكُمْ و صَدْقُوه . دِيرُوا لْكُمْ شْكَايَرْ مَيَتَرْشُوشْ و كَنْز فَالْسْمَا مَا يَفْنَاشْ ، و بَاشْ مَيَقْدَرْشْ يَتَّسْرَقْ وْلَا يَتْصَدَّى، ³⁴عْلَى خَاطَرْ وِينْ مَا يْكُونْ كَنْزَكْ تَمَّاكْ يْكُونْ قَلْبَكْ تَانِي .³⁵"كُونُوا مَتْحَزْمِينْ و وَاجْدِينْ و مْصَابِحُكُمْ شَاعْلِينْ ، ³⁶و نْتُمَا كِيمَا لْعَابِيدْ يْقَارْعُوا سِيدْهُم وِينْتَا يْوَلِّي مَنْ الْعَرْسْ، حَتَّى إذَا طَبْطَبْ احَلُّولَه بْخُوفْ.³⁷يَاسَعْدَاتْ هَادُوكْ الْعَبِيدْ الِّي إِذَا جَا سِيدْهُمْ يَلْقَاهُمْ سَاهْرِينْ . الْحَقْ أَنَا نْڤُولْكُمْ : بَلِّي غَادِي يَتْحَزَّمْ و يَجْمَعْهُمْ حْدَاهْ و يْقُومْ بِيهُمْ . ³⁸و إِذَا جَا فَالْلِّيلْ و لَّا نُصْ الْلِّيلْ و لْقَاهُمْ هَاكَا ، عْلَى هَذِي الْحَالَة يَاسَعْدَاتْ لْهَادُوكْ الْعَبِيدْ .³⁹بَصَّحْ عَرْفُوا هَاذْ الْشِّي : لُوكَانْ يَعْرَفْ صَاحَبْ الْدَّار الْسَّاعَة لِي يْجِي فِيهَا الْخَايَنْ يَسَّهْرُوا و مَيْخَلِّيهْشْ دَارَه تَتَّخْوَنْ . ⁴⁰كُونُوا نْتُومَا تَانِي وَاجْدِينْ ، مَرَكُمْشْ عَارْفِينْ الْسَّاعَة الْلِّي يْوَلِّي فِيهَا إِبْنْ الْإِنْسَانْ".⁴¹ڤَالَه بُطْرُسْ : " يَارَبُّ، لِينَا تْڤُولْ هَذَا الْمْثَلْ و ڤَاعْ الْنَّاسْ ؟". ⁴²و ڤَالْ الْرَّبْ : " شْكُونْ هَذَا الْوَكِيلْ الْأَمِينْ الْعَاقَلْ الْلِّي يْوَكْلَه سِيدَه بَاشْ يَعْطِي الْمَاكْلَة لْخَدَّامَة فِي وَقْتْهَا ؟ ⁴³يَسَعْدَاتْ هَذَاكْ الْعَبْدْ جَا سِيدَه يَيَلْقَاه يْدِيرْ كِي مَا هَكْ! ⁴⁴الْحَقْ نْڤُولْكُمْ :غَادِي يْوَكْلَه عْلَى ڤَاعْ رَزْقَه .⁴⁵و بَصَّحْ إِذَا ڤَالْ هَذَاكْ الْعَبْدْ فِي ڤَلْبَه : غَادِي يَبْطَى سِيدِي بَاه يْوَلِّي يَبْدَا يَضْرُبْ فَالْعَبِيدْ و الْخَدَّامَة، و يَاكُلْ و يُشْرُبْ و يَسْكَرْ . ⁴⁶و مَنْ بَعْدْ يْجِي سِيدْ هَذَاكْ الْعَبْدْ فَالْنْهَارْ و الْسَّاعَة لِي مَيَعْرَفْهَاشْ، غَادِي يْعَاقْبَه بَزَّافْ و يْقِيسَه مْعَ الْنَّاسْ الْلِّي خَانُوا الْأَمَانَة .⁴⁷بَصَّحْ هَذَاكْ الْعَبْدْ الّي يَعْرَفْ شَابْغَى سِيدَه و مَوَجَّدْشْ رُوحَه و مَيْدِيرْشْ كِيمَا بْغَى سِيدَه يَنْضْرَبْ بَزَّافْ . ⁴⁸بَصَّحْ الِّي مَيَعْرَفْشْ و يْدِيرْ حَاجَة الِّي تَستْحَق الْضَّرْبْ، يَنْظْرَبْ قْلِيلْ. و الِّي يَنْتْمَدْلَه بَزَّافْ يَنْطْلَبْ مَنَّه بَزَّافْ، و يَنْحَطْ عَنْدَه أَمَانَة كْبِيرَة و يَطَّلْبُوه بَزَّافْ.⁴⁹"جِيتْ بَاشْ نْقِيسْ نَارْ عْلَى الْلَّرْضْ ، مَدَبِيَا لُوكَانْ تَشْعَلْ دَرْوَكْ ؟ ⁵⁰خَاصْنِي أَنْفُوتْ فِي الْمَعْمُودِيَة و شْحَالْ ڤلْبِي مْزَيَّرْ حَتَّى يَنْكْمَلْ ؟⁵¹احْسَبْتُوا جِيتْ بَاشْ تْكُونْ لَهْنَا فَالْأَرْضْ ؟ لَا ، نْڤُولْكُم : جِيتْ انْفَرَّق . ⁵²أَعْلَى خَاطَرْ غَادِي يْكُونْ خَمْسَة فَالْدَّار مْڤَسْمِين : ثْلَاثَة عْلَى زُوجْ ، و زُوجْ عْلَى ثْلَاثَة . ⁵³يْدُور بُوه عْلَى وَلْدَه ، و الْوَلْدْ عْلَى بُوه ، و الأُمْ عْلَى بَنْتْهَا، و الْبَنْتْ عْلَى امْهَا، و الْعْجُوزَة عْلَى كَنَّتْهَا ، و الْكَنَّة عْلَى عْجُوزَتْهَا".⁵⁴و مَنْ بَعْد ڤَالْ لَنَّاسْ: " إِذَا شَفْتُوا الْسْحَابَة جَايَة مَنْ الْغَرْبْ تَمْتَمْ تْڤُولُوا : غَدِي تْصُبْ الْنُّوا، و يْكُونْ هَذَا. ⁵⁵و إِلَا شَفْتُوا الْرِّيحْ جَايَة مَنْ الْجَنُوبْ تْڤُولُوا: غَادِي يْكُونْ الْحُمَّانْ ، و يْكُونْ . ⁵⁶يَاالْمْنَافْقِينْ! تَعَّرْفُوا اتْمَيْزُوا حَالَة الْسْمَا ، و مَتَقَدْرُوشْ تْمَيْزُوا هَادْ الْزْمَانْ؟⁵⁷عْلَاشْ مَتَحَّكْمُوشْ بَالْرْوَاحْكُمْ شَاهُو الْحَقْ ؟ ⁵⁸مِينْ تْرُوحْ مْعَ خصِيمَكْ لَلْمَحَّكْمَة ، دِيرْ ڤاعْ الْلِّي عْلِيكْ بَاشْ تَتْصَالَحْ مْعَاهْ و لَّا تَسْلَكْ مَنَّه، بَاشْ مَيْجَرَّكْشْ لَلْقَاضِي، و الْقَاضِي إِمَدَّكْ لَلْحَاكِمْ بَاشْ يْدَخْلَكْ لَلْحَبْسْ . ⁵⁹أَنْڤولَكْ : مَتُخْرُجْشْ مَنْ تَمَّا حَتَّى تْخْلَّص الْدُّورُوا الْتَّالِي".

¹وْ كَانْ حَاضَرْ فِي هَدَاكْ الْوَقْتْ وَحَدْ الْقَوْمْ إِخَبْرُوهْ عْلَى الْجَلِيلِيِينْ الْلِّي كْتَلْهُمْ الْحَاكَمْ بِيلَاطُسْ وْ خَلَّطْ دَمْهُمْ بَالْدَّمْ الْذَّبَائِحْ . ²جَاوَبْهُمْ يَسُوعْ وْ ڤَالْهُمْ :" شَرَكُمْ حَاسْبِينْ هَادُوكْ الْجَلِيلِيِينْ كَانُوا مَذْنُوبِينْ كْثَرْ مَنْ ڤَاعْ الْجَلِيلِيِينْ لَخَطَرْ صْرَالْهُمْ ڤَاعْ هَادْ الْشِّي ؟ ³أَلْاَّ! أَنْڤَولْكُمْ : مَتَبْتُوشْ غَادِي ڤَاعْ تَهَّلْكُوا كِيمَنْ هَكَا.⁴وْهَادُوكْ الْثْمَنْتَاعَشْ لِطَاحْ عْلِيهُمْ الْبُرْجْ سِلْوَانْ وْكْتَلْتْهُمْ، رَكُمْ حَاسْبِينْ هَذُوكْ لِيكَانُوا مِذَنِبِينْ أَكْثَرْ مَنْ هَدُوكْ الْنَّاسْ اْلِّي فِي أُورُشَلِيمْ؟ ⁵أَلَّا! أَنْڤولْكُمْ : إِذَا مَتَبْتُوشْ غَادِي تَهَّلْكُوا ".⁶وْڤَالْ بْهَاذْ الْمْثَلْ : "كَانَتْ لْوَاحَدْ شَجْرَة الْحُرَّة مَغْرُوسَة فِي وْسَطْ دَالْيَة تَاعْ لَعْنَبْ، جَا يْحَوَّسْ فِيهَا عْلَى الْفَاكْيَة مَلْقَاشْ . ⁷وْ ڤَالْ لَلْخَدَّامْ : رَانِي فِي تَلْتْ سْنِينْ نْجِي نْحَوَّسْ عْلَى الْفَاكْيَة فِي هَادِي الْشَّجْرَة وْ مَلْكِيتْشْ . أَمَلَا أَڤْطَعْهَا! عْلَاشْ هَذِه الْأَرْضْ ضَايْعَة بْلَا فَايْدَة؟⁸جَاوْبَهْ وْ ڤَالَهْ :" يَاسِيدِي حَلِّيهَا ، خَلِّيهَا هَاذْ الْعَامْ ثَانِي حَتَّى نَحْرڤْهَا وَ نْدِيرْهَا الْزْبَلْ نْتَاعْ الْحَيَوَانْ . ⁹وَإِذَا جَابَتْ الْفَاكْيَة ، وْ إِلَا مَعْطَاتْشْ الْفَاكْيَة نَڤْطَعْهَا".¹⁰وْكَانْ يْعَلَّمْ فَالْمَجْمَعْ نْهَارْ الْسَّبْتْ، ¹¹وْ كَأَنَّهَا مَرْأَة فِيهَا رُوحْ شَرِّيرْ مَرَّضْهَا تْمَنْتَاعَشْ نْعَامْ ، وْ كَانَتْ مْحَدْبَه مَتَقْدَرْشْ تَرْفَدْ رُوحْهَا ڤَاعْ .¹²كِيشَافْهَا يَسُوعْ عَيَّطَلْهَا و ڤَالْهَا:" يَامْرَى ، بْرِيتِي مَنْ مَرْضَكْ! " . ¹³و حَطْ يَدِّيه ،عْلِيهَا فْدِيكْ الْسَّاعَة بْرَاتْ و وَڤْفَتْ وْ مَجْدَتْ الْلَّه . ¹⁴جَاوْبَه رَئِيسْ الْمَجْهَعْ و هُوَ زَعْفَانْ عْلَى خَاطَرْ يَسُوعْ بَرَّى هَدِيكْ الْمْرَى فَنْهَارْ الْسَّبْتْ ، و ڤَالْ لْهَدُوكْ الْنَّاسْ :" عَنْدْنَا سَتْ أَيَّامْ نْتَاعْ خَدْمَة ، و فِي هَدِيكْ لِيَامْ تْجُوا وَتْبَرُّوا الْنَّاسْ، و مْشِي بَسَّبْتْ !".¹⁵جَاوَبْهُم الْرَّبْ و ڤَالْ :" يَا مْنَافْقِينْ ! مَيْنَجَّمْشْ يْسَرَّحْ كُولْ وَاحَدْ مَنْكُمْ بَنْهَارْ الْسَّبْتْ الْبْڤَرْ وْلَّا حْمَارَهْ مَنْ الْكُورِي و يْشَرَّبْهُمْ ؟ ¹⁶و هَذِي، بَنْتْ بْرَاهِيمْ ، رْبَطْهَا الْشِّيطَانْ ثْمَنْتَاعَشْ نَسْنَى ، عْلَاشْ مَشِّي كَانْ يْلِيقْ يَتْسَرَّحْ مَنْ رَبْطْهَا نْهَارْ الْسَّبْتْ ؟".¹⁷و كِي ڤَالْ هَدْ الْشِّي حَشْمُوا ڤَاعْ الْلِّيكَانُوا يْنَاڤْرُوا فِيهْ و فَرْحُو ڤَاع لِيكَانُوا تَمَّاكْ بَالْشِّي الْعَظِيمْ لِكَانْ يْدِيرْ فِيهَا. مَثَلْ حَبَّة الْخَرْدَلْ و مثَلْ الْخَمِيرَة¹⁸و ڤَالْ :" شَايْشَبَّهْ مَلَكُوتْ الْلَّه ؟ و شَانْشَبْهَه ؟ ¹⁹يْشَبَّهْ حَبَّة خَرْدَلْ ادَّاهَا وَحْدْ الْإِنْسَانْ و غْرَسْهَا فِي جْنِينْتَه ، نَبْتَتْ وْوَلَّاتْ شَجْرَة كْبِيرَة ، و عَشَّتْ الْزْوَاوَجْ نْتَاعْ اسْمَا فِي غْصَانْهَا".²⁰و ڤَالْ تَانِي : " بَاشْ نْشَبَّهْ مَلَكُوتْ الْلَّه ؟ ²¹اتْشَبَّه الْخْمِيرَه أَدَّاتْهَا امْرَى و دَسَّتْهَا فْتَلْتْ كِيلَاةْ دْڤِيڤْ حَتَّى خَمْرَتْ ".²²و فَاتْ فِي لَمْدُنْ وَ دْشُرْ يْعَلَّمْ و يْرُوحْ لَطْرِيقْ أُورُوشَالِيمْ ، ²³وڤَالَه وَاحَدْ :" يَاسِيدِي ، أَقْلِيلْ هُمَا لِي يَسَّلْكُوا ؟". ²⁴و ڤَالْهُمْ : اجْتَاهْدُوا بَاشْ تَدَّخْلُوا مَنْ الْبَابْ الْضَّيَّقْ،و أَنَا نْڤُولْكُمْ : غَادِي بَزَّافْ يَطَّلْبُوا بَاشْ يَدَّخْلُوا و مَيْقَدُّوشْ²⁵وْكِي جَا مُولْ الْدَّارْ و بَلَّعْ الْبَابْ ، و بْدِيتُوا تُوَّڤْفُوا بَرَّى وْ طَّطْبُوا فَالْبَابْ و تْڤُولُوا: يَارَبْ ، يَارَبْ ! حَلْ عْلِينَا . يْجَاوَبْ ، وَيْڤُولْكُمْ: مَنَعْرَفْكُمْشْ مْنِينْ جِيتُوا نْتُومَا !  ²⁶ تَمْتَمْ تَبْدُوا تْڤُولُوا : اكْلِينَا وَ شْرُبْنَا ڤُدَّامَكْ ، و عَلَّمْتْ فِي جْوَايَهْنَا ! ²⁷وَ يْڤُولْ : نْڤُولْكُمْ: مَنَعْرَفْكُمْشْ مْنِينْ جِيتُوا ، نْتُومَا بَعْدُوا عْلِيَا يَا ضَالْمِينْ!²⁸تَمَّا يْكُونْ لَبْكَى و الْنْوَاحْ ، كِي شَفْتُوا ابْرَاهِيمْ و اسْحَاقْ وْ يَعْقُوبْ و ڤاعْ الْأَنْبِيَاءْ فِي مَلَكُوتْ الْلَّهْ ، وَ نْتُومَا مَقْيُوسِينْ بَرَّى . ²⁹وَيْجُوا مَنْ الْشَّرْقْ و الْغَرْبْ و مَنْ الْشَّمَالْ و الْجَنُوبْ ، و يَتَّكُوا فْمَلَكُوتْ الْلَّهْ . ³⁰وْهَادُوا لِيْكُونُوا لْوَالَا يْوَلُّوا تْوَالَا وَتْوَالَا لْوَالَا ".³¹فِي دَاكْ الْنْهَارْ تْڤدْمُوا عَنْدَه الْفَرِّسِيِّينْ و ڤالُولَه : " أُخْرُجْ وْ رُوحْ مَنَّا ، عْلَى خَاطَرْ هِيرُودُسْ بْغَا يُكُّتْلُكْ". ³²و ڤالْهُمْ : " رُوحُوا ڤولُوا لْهَاذْ الْتَّعْلَبْ : أَنَا رَانِى نْخَرَّجْ الْشْوَاطَنْ ، وْنَشْفِي لْيُومْ وْ غَدْوَا ، و فَالْيُومْ نْكَمَّلْ هَادْ الْشِّي . ³³بَصَّجْ يْلِيقْ نَمْشِي الْيُومْ و غَدْوَا وَ الْلِّي مُورَاهْ، مَكَانْشْ انْبِيْ يَهْلَكْ بَرَّى أُورُوشَالِيمْ!³⁴يَا أُورُشَالِيمْ ، يَا أُورُوشَالِيمْ ! يَا قَتَّالَتْ الْأَنْبِيَاءْ و الْلِّي رَجْمَتْ الْأَنْبِيَاءْ الْمُرْسَلِينْ لِيهَا، شْحَالْ مَنْ مَرَّة بْغِيتِي تْلَمِّي وْلَادَكْ كِيمَا تْلَمْ الْدْجَاجَة الْفْلَالِيسْ تَوَعْهَا تَحْتْ جْنَاحْهَا، و مَبْغَوْشْ! ³⁵ و تَخْلَا دَارْكُمْ و الْحَقْ أَنْڤُولْكُمْ : مَاتْشُوفُونِيشْ حَتَّى يْجِي الْوَقْتْ تْڤُولُوا فِيه : مُبَارَكٌ الْآتِي بِاسْمِ الْرَّبْ!".

¹ونْهَارْ الْسَّبْتْ كِي جَا لْوَحْدْ الْدَّارْ تَعْ الْفِرِّيسِي بَاشْ يَفَّطْرُوا عَنْدَه ، كَانُوا يْعَسُّوهْ . ²و كَانْ وَاحَدْ الْإِنْسَانْ مْرِيضْ ڤُدَّامَه. ³جَاوَبْهُمْ يَسُوعْ وْ هَدَرْ لْمْعَلْمِينْ الْشَّرِيعَة و الْفَرِّسِيِينْ و يْڤُولْ:" بَصَّحْ حْلَالْ عْلِينا نْبَرُّوا نْهَارْ الْسَّبْتْ؟"⁴سَكْتُوا. شَدَّه وْ بَرَّاه وْ طَلْڤَهْ مَنْ مَرْضَهْ. ⁵مَنْبَعْد جَاوَبْهُمْ وْ ڤَالْ: " شْكُونْ فِيكُمْ يْطَيَّحْ حْمَارَهْ و الْبَقْرِي نْتَاعَهْ فِي بِيرْ وْ مَيَرْفَدْهُمْشْ تَمْتَمْ نْهَارْ الْسَّبْتْ؟". ⁶وْ مَقَدْرُوشْ يْجَاوْبُوهْ عْلَى هَدَاكْ الْشِّي .⁷وْ ڤَالْ لَلْمَعْرُوضِينْ وَاحَدْ لَمْثَلْ ، و هُوَ كَانْ يْمَيَّزْ كِيفَاشْ كَانُوا يْخَيْرُوا صْفُوفْ الْوَالَا ڤَالْهُمْ : ⁸" وِينْتَا مَعَرْضُوكُمْ لَلْعَرْسْ مَتُڤُعْدُوشْ فَالْصْفُوفَ الْوَالَا، بَالَاكْ كَايَنْ نَاسْ اعْزَازْ عْلَى مُولْ الْعَرْسْ كْثَرْ مَنَّكْ. ⁹وَيْجِي لْعَنْدَكْ مُولْ الْعَرْسْ وَ يْڤُولَّكْ: نُوضْ مْنِينْ رَاكْ مْجَمَّعْ وْ مَدَّهْ لْهَذَا الْضِّيفْ. وْ تَمْتَمْ تَبْدَا تَحْشَمْ وْ تْجَمَّعْ مَنْ الْتَّالِي.¹⁰وِينْتَ مَغَرْضُوكْ رُوحْ وْ جَمَّعْ مْعَ الْتَّالِي ، حَتَّى وْ إِذَا جَا عَنْدَكْ لِعَرْضَكْ وَ يْڤُولَكْ: يَاصَاحْبِي، تْڤَدَّم الْڤُدَّامْ. تَمْتَمْ يْكُونْ لِيكْ قِيمَة ڤُدَّامْ لِي مْجَمْعِينْ حْدَاكْ . ¹¹لَخَطَرْ ڤَاعْ الْلِّي يَتْكَبَّرْ يْطِيحْ وْلِي يَتْوَاضَعْ يَتَّرْفَعْ".¹²وْڤَالْ تَانِي أَلِّي عَرْضُوهْ :" وْإِلَا دَرْتْ وْلِيمَة مَتَعْرَضْشْ غِيرْ صْحَابَكْ وْ غِيرْ خُوتَكْ وَلَّا غِيرْ الْأَصْدِقَاءْ الْتَّاعَكْ وْلَغِيرْ الجِيرَانَ الْمَتْرَفْهِينْ ، بَاشْ هُمَا مَيَعَّرْضُوكْشْ هُمَا ثَانِي ، هْنَا دِّيتْ الْلآجَرْ نْتَاعَكْ.¹³بَصَّحْ إِذَا عْرَضْتْ: عْرَضْ الْمْسَاكَنْ ، الْمْعَوْقِينْ ، وَالْعُمْيِينْ ، ¹⁴يْكُونْ لِيكْ أَجْرْ كْبِيرْ عْلَى خَاطَرْ مَعَنْدْهُمْشْ بَاشْ يْحَلْصُوكْ ، وَيْكَافْأَكْ رَبِّي فِي يْوْمْ الْقِيَامَة".¹⁵وْ كِي سْمَعْ دَاكْ الْشِّي وَاحَدْ مَنْ هَادُوكْ لِيكَانُوا مْجَمْعِينْ تَمَّاكْ ڤَالَهْ :" يَاسَعْدَاتْ لِيَاكُلْ خُبْزْ فِي مَلَكُوتْ الْلَّه". ¹⁶وْ ڤَالَهْ: " وَاحَدْ الْإِنْسَانْ دَارْ وْلِيمَة كْبِيرَة وَاعْرَضْ بَزَّافْ نَاسْ ، ¹⁷وَارْسَلْ عَبْدَه فِي وَقْتْ لَعْشَا بَاشْ يْڤُولْ لَلْمَعْرُوضِينْ: أَرْوَاحُوا كُلْشِي رَاهْ وَاجَدْ.¹⁸أَبْدَاوْ ڤَاعْ بْرَايْ وَاحَدْ إِهَرْبُوا. ڤَالَهْ الْلَّوَلْ : رَانِي أَشِرِيتْ أَرْضْ، وْ لَازَمْ نْرُوحْ أَنْشُوفْهَا. رَانِي نُطْلُبْ مَنَّكْ بَاشْ تَسْمَحْلِي . ¹⁹وْ ڤَالَه وَحْدَاخُرْ : أَنِّي شْرِيتْ خَمْسَة بْڤَرْ، وْ رَانِي رَايَحْ نْشُوفْهُمْ. رَانِي طَلْبَكْ بَاشْ تَسْمَحْلِي . ²⁰وْ ڤَالْ وَحْدَاخُرْ : رَانِي عَادْ كِي تْزَوَّجْتْ بَامْرَى ، مَنَجَّمْشْ أَنْجِي .²¹وْجَا هَدَاكْ الْعَبْدْ أُخَبَّرْ سِيدَه بْهَذَاكْ الْشِّي . أُتَمَّاكْ زْعَفْ مُولْ لَوْلِيمَة ، وْ ڤَالْ لْعَبْدَهْ : أُخْرُجْ بُلْخُفْ الْوَسْطْ الْمْدِينا وَ زْنَاقِيهَا ، وْ جِيبْ لَهْنَايَا الْمْسَاكَنْ و الْعُرْجْ و الْعُمْيِينْ . ²²ڤَالَه الْعَبْدْ : رَاهِ صْرَا كِيمَا آمَرْتْ ، وْ مَزَالْ كَايَنْ لَمْكَانْ.²³ڤَالْ الْسَيَّدْ لَلْعَبْدْ : أُخْرُجْ لَطُّرْڤَانْ وْ جْوَايَهْ لَمْزَرْبَة وْ جِيبْهُمْ يَدُّخْلُوا حَتَّى تَتْعَمَّر الْدَّارْ، ²⁴عْلَى خَاطَرْشْ نْڤُولْكُمْ: مَكَانْ حَتَّى وَاحَدْ مَنْ هَدُوكْ الْرْجَالْ الْمَعْرُوضِينْ يْذُوقُوا عْشَايَا".²⁵وْ كَانُوا بَزَّافْ نَاسْ يَتْمَشُّوا مْعَاهْ ، دَارْ وْ ڤَالْهُمْ : ²⁶" إِلَا كَانْ وَاحَدْ يْجِي لْعَنْدِي يَبْغِي بُوهْ وَامَّه ، وْ مَرْتَهْ وَوْلَادَهْ وْ خُتَهْ وَخْوَتَتَه ، وْ حَتَّى نَفْسَهْ تَانِي ، مَيَقْدَرْشْ إِكُونْلِي تلْمِيذْ لِي. ²⁷مَيَرْفَدْشْ صَلِيبْ نْتَاعَهْ وَيْجِي مُورَايَا وْ يَتْبَعْنِي مَايَقْدَرْشْ إِيكُونْ تِلْمِيذِي.²⁸وَشْكُونْ الْلِّي فِيكُمْ يَبْغِي يَبْنِي بُرْجْ وْ مَيْدِيرْشْ حِسَابَهْ. شْحَالْ عَنْدَهْ بَاشْ يْكَمْلَهْ ؟ ²⁹بَاشْ مَيْحَطْشْ الْسَاسْ وْ مَيَقْدَرْشْ يْكَمَّلْ ، وَالْلِّي يْفُوتْ مَنْ تَمَّاكْ اشُوفُوهْ وَيْزَعْقُوا عْلِيهْ ، ³⁰وَيْڤُولُوا: هَاذْ الْبْنَادَمْ بدَا الْبَنْيَانْ وَ مَقْدَرْشْ يْكَمْلَهْ.³¹شْكُونْ هَاذْ الْمَلِكْ أَلِّي يْرُوحْ يْحَارَبْ مَلِكْ وَحْدَاحُرْ، مَايْجَمَّعْشْ وْ يَتْشَاوَرْ: إِذَا يَقْدَرْ يْحَارَبْ بْعَشْرِ آلَافْ مُقَابِلْ عَشْرِينْ أَلْفْ ؟ ³²و إِذَا مَيَقْدَرْشْ ، يَرْسَلْ وَاحَدْ يُطْلُبْ شُرُوطْ الْصُّلْحْ. ³³و تَانِي كُولْ وَاحَدْ مَنْكُمْ مَيْخَلِّيشْ ڤَاعْ رَزْقَهْ، مَيَقْدَرْشْ يْوَلِّي تِلْمِيذِي.³⁴"الْمَلْحْ حَاجَة مْلِيحَة . بَصَّحْ إِذَا الْمَلْحْ فْسَدْ ، بَاشْ يَتْسَقَمْ؟ ³⁵مَيَصْلَحْ لَا لَلْأَرْضْ وَلَا سْمِيڤْ نْتَاعْ تْرَابْ، يَنْتْقَاسْ بَرَّا. وْلِي عَنْدَهْ وَدْنِينْ بَاهْ يَسْمَعْ ، غِيرْ يَسْمَعْ".

¹وْ كَانُوا ڤَاعْ الْعَشَارِينْ وْ لْخَاطيِينْ يْڤَدْمُوا لْعَنْدَهْ بَاشْ يَسَمْعُوهْ .  ² زَعْفُوا الفَرِيسيِينْ وْ مُعَلِمِينْ الشَرِيعَة : " هَذَا يْرَحَبْ بِالْخَاطْيِينْ وْ يَاكُلْ مْعَاهُمْ !".³وْ كَلَمْهُمْ بْهَذَا لْمْثَلْ وْ ڤَالْ: ⁴شْكُونْ فِيكُمْ عَنْدَهْ مْيَاتْ خْرُوفْ، وْ ظَاعْلَهْ وَاحَدْ ،مَيْخَلِيشْ تْسْعَ وْ تَسْعِينْ فْلَخْلَا ، وْ يْرُوحْ يْحَوَسْ عْلَى لْخْرُوفْ الضَايَعْ حْتَى يَلْقَاهْ ؟ ⁵و كِي يَلْقَاهْ يَفْرَحْ ،⁶وْ يْجِي لْدَارَهْ وْ يَعْرَضْ صْحَابَهْ وْ جِيرَانَهْ وْ يْڤُولَلْهُمْ : اَفَرْحُوا مْعَايَا ، لَخَاطَرْ لْقِيتْ لْخْرُوفْ لَي ضَاعْلِي ! ⁷نْڤُولَلْكُمْ : هَكَا يْكُونْ فَرْحْ فِي الْسْمَا بْخَاطِي وَاحَدْ يْتُوبْ أَكْثَرْ مَنْ تَسْعَة وْ تَسْعِينْ صَالَحْ مَيَسْحَقُوشْ الْتُوبَة .⁸شْكُونْ هَادْ لْمْرَة لَي عَنْدْهَا عَشْرة دُورُو، وْ إِدَا تْوَدَرَلْهَا دُورُو وَاحَدْ ، مَتْنُوضْشْ تَشْعَلْ الْمَصْبَاحْ وْ تَصْلَحْ ڤَاعْ الْدَارْ وْ تْفَتَشْ ڤَاعْ جْوَايَهْ حْتَى تَلْقَاهْ ؟  ⁹وْ كِي تَلْقَاهْ تَعْرَضْ صْحَبَاتْهَا و جَارَاتْهَا و ْ تْڤُولضلْهُمْ افَرْحُوا مْعَايَا لَخَاطَرْ لْقِيتْ الدُورُو لِي ضَيَعْتَهْ . ¹⁰كِيمَا هَاكْ ،نْڤُولَلْكُمْ : يْكُونْ فَرْحْ كْبِيرْ ڤُدَامْ الْمَلَايْكَة بْخَاطِي وَاحَدْ يْتُوبْ .¹¹وْ ڤَالْ : " وَاحَدْ لْبْنَادَمْ كَانْ عَنْدَهْ زُوجْ وْلَادْ . ¹²وْ ڤَالْ صْغِيرْ لْبُوهْ : يَا بَويَا أَعْطِينِي حَقِي مضنْ الْوَرْثْ وْ ڤْسَمَلْهُمْ رَزْقَهْ .¹³وْ بَعْدْ شِي يَمَاتْ لَمْ لْوَلْدْ الْصْغِيرْ كُلْ شِي وْ سَافَرْ لْبْلَادْ بْعِيدَة ، وْ تْمَ ضَيَعْ ڤَاعْ رَزْقَهْ . ¹⁴وْ كِي ضَيَعْ ڤَاعْ دْرَاهْمَهْ ، صْرَى جُوعْ كْبِيرْ فِي دِيكْ لْبْلَادْ بْدَا يَسْحَقْ دْرَاهْمَهْ .¹⁵رَاحْ وْ تْلَاقَا بْوَاحَدْ مَنْ هَادِيكْ لْبْلَادْ ، وْ رَسْلَهْ بَاشْ يَرْعَى لْحْلَالِيفْ . ¹⁶وْ كَانْ يْشْتْهَى بَاشْ يءعَمَرْ كَرْشَهْ مَنْ لْخَرُوبْ لِي كَانَتْ تَاكْلَهْ لْحْلَالِيفْ وْ مَا عْطَاهْ حْتَى وَاحَدْ .¹⁷رْجَعْ لْعَقْلَهْ وْ ڤَالْ : شْحَالْ مَنْ خْدَّامْ عَنْدْ بُويَا يَاكُلْ الْخُبْزْ بْلَا شَحَة وْ أَنَا هْنَا رَانِي ضَايَعْ بَلْجُوعْ! . ¹⁸نُوضْ وْ نْوَلِي عَنْدْ بُويَا وْ نْڤُولَهْ : يَا بُويَا ، غْلَطْتْ ڤُدَّامْ رَبِي مْعَاكْ ، ¹⁹وْ مَانَسْتَاهَلْشْ بَاشْ نْتْسَمَى وَلْدَكْ وْ حْسَبْنِي كِيمَا وَاحَدْ مَنْ خْدَامْ تَاوْعَكْ .²⁰نَاضْ وْ جَا عَنْدْ بُوهْ. وْ شَافَهْ بُوهْ مَنْ بْعِيدْ ، تْحَنَنْ عْلِيهْ وْ جْرَى عَنْدَهْ وْ عَنْڤَهْ وْ سَلَمْ عْلِيهْ .  ²¹ وْ ڤَالَهْ وَلْدَهْ : يَا بُويَا ، غْلَطْتْ ڤُدَامْ رَبِي وْ ڤُدَّامَكْ، وْ مَا نَسْتَاهَلْشْ بَاشْ نْتْسَمَى وَلْدَكْ .²²وْ ڤَالْ بُوهْ لَلْخُدَامْ : جِيبُوا لْبْسَة لْمْخَيْرَة وْ لَبْسُوهْلَهْ ، وْ دِيرُولَهْ خَاتَمْ فِي يَدَهْ ، وْ صْبَاطْ فِي كَرْعِيهْ ، ²³وْ جِيبُوا فَرْدْ مْلِيحْ وْ ذَبْحُوهْ نَاكْلُوا وْ نَفَرْحُوا، ²⁴لَخَاطَرْ وَلْدِي كَانْ مَيَتْ وْ عَاشْ وْ كَانْ ضَايَعْ وْ رْجَعْ وْ بْدَاوْ يَفَرْحُوا .²⁵وْ كَانْ وَلْدَهْ لَكْبِيرْ فِي لْفِيرْمَا .وْ كِي رْجَعْ وْ ڤَرَبْ لْدَارْ ، سْمَعْ لْغْنَى وْ رْڤِيصْ . ²⁶وْ عَيَطْ لْوَاحَدْ لْخَدَامْ و سَقْسَاهْ : شَا رَاهْ صَارِي هْنَا ؟ ²⁷ڤَالَهْ : خُوكْ صْغِيرْ رْجَعْ وْ بُوكْ دْبَحْلَهْ الْفَرْدْ لَمْلِيحْ ، لَخَاطَرْ رْجَعْ بْخِيرْ وْ عْلَى خِيرْ.²⁸زْعَفْ خُوهْ وْ مَبْغَاشْ يضدْخُلْ لْدَّارْ . وْ خْرَجْ عَنْدَهْ بُوهْ بَاشْ يْحَاوْلَهْ .  ²⁹جَاوَبْ وْ ڤَالْ لْبُوهْ : رَانِي نَخَدْمَكْ شْحَالْ مَنْ عَامْ ، وْ عُمْرِي مَا عْصِيتَكْ ، وْ عَنْزِي صْغِيرْ مَا عْطِيتْنِيشْ بَاشْ نَفْرَحْ بِيهْ مْعَ صْحَابِي . ³⁰وْ بَصَحْ كِيجَا وَلْدَكْ الْصْغِيرْ لِي كْلَا رَزْقَكْ فَلَحْرَامْ ، ذْبَحْتْلَهْ الْفَرْدْ لَمْلِيحْ !³¹ڤَالَهْ : يَا وَلْدِي أَنْتَ مْعَايَا كُلْ يُومْ، وْ ڤَاعْ لِي عَنْدِي هُوَ تَاعَكْ . ³²وْ بَصَحْ كَانْ يْلِيقْ نَفَرْحُوا ، لَخَاطَرْ خُوكْ كضانْ مَيَتْ وْ عَاشْ، وْ كَانْ ضَايَعْ وْ تَلْقَا ".

¹وْ ڤَالْ تَانِي لْتْلَامَذْ تَاوْعَهْ : "كَانْ وَاحَدْ الْرَاجَلْ مْرَفَهْ وْ عَنْدَهْ وْكِيلْ ، جَابُولَهْ خْبَرْ بَلِي رَاهْ يْضَيَعْلَهْ فِي دْرَاهْمَهْ . ²عَيَطْلَهْ وْ ڤَالَهْ : شَا رَانِي نَسْمَعْ عْلِيكْ ؟ عْطِينِي ڤَاعْ لْحْسَابْ مَنْ نْهَارْ لِي وَكَلْتَكْ عْلَى خَاطَرْ مَنْ دُوكْ مَاغَدِيشْ تْكُونْ وْكِيلْ .³وْ ڤَالْ لْوْكِيلْ فِي ڤَلْبَهْ : شَا نْدَيرْ ؟ عْلَى خَاطَرْ سِيدِي غَادِي يَڤْلَعْلِي لْوَكَالَة . وْ مَنْقَدْشْ نَخْدَمْ ، وْ نَحْشَمْ نَطْلُبْ. ⁴رَانِي عْرَفْتْ شَا غَادِي نْدِيرْ ، وْ حَتَى اذَا حَاوْزُونِي يَقَبءلُونِي شِي نَاسْ فِي دْيَارْهُمْ .⁵وْ جَابْ ڤَاعْ نَاسْ لِكَانْ يْسَالَلْهُمْ سَيدَهْ ، وْ ڤَالْ لَلَوَلْ : شْحَالْ يْسَالَكْ سِيدِي ؟  ⁶ جَاوْبَهْ وَ ڤَالَهْ : مِيَة بِيدُو زِيتْ . ڤَالَهْ : أَدِّي ضْمَانْتَكْ وْ خُفْ جَمَعْ وْ اكْتُبْ خَمْسِينْ . ⁷وْ ڤَالْ لْوَاحَدْ آخُرْ . وْ نْتَ شْحَالْ يْسَالَكْ ؟ جَاوْبَهْ : مِيَة كِيلْ ڤَمْحْ وْ َالَه أَدِّي ضْمَانْتَكْ وَ كْتَبْ ثْمَانِينْ .⁸شْكَرْ الْسِّيدْ هَدَاكْ لَوْكِيلْ الِظَالَمْ عْلَى الْحِكْمَة تَاعَهْ ، عْلَى خَاطَرْ وْلَادْ هَادْ لْجِيلْ عَنْدْهُمْ حِكْمَة كْتَرْ مَنْ وْلَادْ الْنُّورْ فِي جِيلْهُمْ . ⁹وْ أنَا نْڤُولَلْكُمْ : دِيرُوا صْحَابْ بَدْرَاهَمْ لَحْرَامْ ، بَاشْ اذَا كَمْلُولْكُمْ دْرَاهَمْ يْفِيدُوكُمْ فِي دْيَارْ لَبْدَة¹⁰لِي يْتْأَمَنْ عْلَى لَقْلِيلْ يَقْدَرْ يْتْأَمَنْ عْلَى بْزَافْ حْوَايَجْ وْ لِي ظَالَمْ فِي لَقْلِيلْ يَقْدَرْ يَظْلَمْ فِي بْزَافْ حْوَايَجْ . ¹¹وْ إِذَا مَتْأَمَنْتُوشْ فِي دْرَاهَمْ لَحْرَامْ ، شْكُونْ غَادِي يْأَمَنْكُمْ عْلَى لْحَقْ ؟ ¹²وْ اذَا مَكُنْتُوشْ مْأَمْنِينْ عْلَى صْوَالَحْ لْغِيرْ ، شْكُونْ غَادِي يْمَدَلْكُمْ شِي لِي هُوَ لِيكُمْ¹³مَايَقْدَرْشْ لْخَادَمْ يَخْدَمْ زُوجْ سْيَادْ ، إَما يْزَعَفْ لْوَلْ وْ يَرْضِي لَاخُرْ ، وْلَا يْكُونْ مْعَ وَاحَدْ وْ يَحْڤَرْ لَاخُرْ. وْ مَنَقَدْرُوشْ نَعَبْدُو رَبِي وَ دْرَاهَمْ ".¹⁴وْ تَانِي كَانُوا الْفِرِّيسِيِّونْ يَسَمْعُوا وْ هُومَا يَبْغُوا دْرَاهَمْ ، مَنْبَعْدْ تْمَسَخْرُوا بِيهْ . ¹⁵وْ ڤَالَلْهُمْ : ". نْتُومَا لِي تْصَفُوا رْوَاحْكُمْ ڤُدَّامْ الْنَّاسْ بَصَحْ رَبِي يَعْرَفْ ڤْلُوبْكُمْ . وْ لِي يْتْكَبَّرْ حْدَا الْنَّاسْ هُوَ مضكْرُوهْ عَنْدْ الله .¹⁶" وْ بْقَاتْ الْشَّرِيعَة وَ الْأَنْبِيَاءْ حْتَى جَاءَ يُوحَنَّا . وْ مَنْ دَاكْ الْوَقْتْ بْدَا يْبَشَرْ بْلْمَلَكُوتْ تَاعْ الله ، وْ كُلْ وَاحَدْ كَانْ يَضْرَبْ بَاشْ يَوْصَلْ لَعَنْدَهْ . ¹⁷سَاهَلْ بَاشْ تَفْنَى الْسْمَا وْ الْأَرْضْ بَصَحْ حْتَى حَرْفْ وَاحَدْ مَنْ الْشَرِيعَة مَايْتَمْحَاشْ .¹⁸ڤَاعْ لِي طَلَڤْ مَرْتَهْ وْ يَتْزَوَجْ بْوَاحْدُخْرَى هُوَ يَزْنِي ، وْ ڤَاعْ لِّي يَتْزَوَجْ مَنْ مْطَلْڤَة هُوَ رَاجَلْ زَانِي .¹⁹كَانْ وَاحَدْ لَبْنَادَمْ مْرَفَهْ يَلْبَسْ غِيرْ لَبْسَة الْغَالْيَة الْمَخْدُومَة بَلْأُرْجُوَانْ وْ هُوَ دَايْمََا يْتْنَعَّمْ بَالْرَزْقْ تَاعَهْ . ²⁰وْ كَانْ وَاحَدْ لْمَسْكِينْ سْمُوهْ لَعَازَرْ ، لِّي كَانْ طَايَحْ ڤُدَامْ دَارَهْ مَضْرُوبْ وْ مَجْرُوحْ ، ²¹وْ هُوَ مَشْتَاڤْ يَاكُلْ حْتَى لَفْتَاتْ لِي طَايَحْ مَنْ طَابْلَة تَاعْ لْمْرَفَهْ ، وْ كَانَتْ لضكْلَابْ تْجِي وْ تَلْحَسْ جْرُوحَهْ .²²وْ مَاتْ هَدَاكْ لْمَسْكِينْ وْ رَفْدُوهْ لْمَلَايْكَة لْعَنْدْ إِبْرَاهِيمْ وْ مَاتْ لْمْرَفَهْ تَانِي وْ دَفْنُوهْ ، وْ لْقَى رُوحَهْ فِي لْجَحِيمْ يْتْعَذَّبْ ، ²³وْ شَافْ إِبْرَاهِيمْ مَنْ بْعِيدْ وْ لِعَازَرْ مْعَاهْ فِي حَجْرَهْ²⁴عَيَطْ وْ ڤَالْ يَا بُويَا إِبْرَاهِيمْ أَرْحَمْنِي، وَ رْسَلْ لِعَازَرْ بَاشْ يْشَمَخْ طَرْفْ صْبَاعَهْ بَلْمَاء وْ يْبَرَدْلِي لْسَانِي، عْلَى خَاطَرْ رَانِي مْعَذَّبْ فِي هَادْ نَّارْ .²⁵ڤَالَهْ إِبْرَاهِيمْ يَا وَلْدِي ، تْفَكَّرْ بَلِي تْمَتَّعْتْ فِي لْحْيَاة تَاعَكْ وْ أَلِيعَزَرْ كَانْ مَغْبُونْ . وَ لْيُومْ هُوَ يْتْعَزَّى وْ نْتَ تَتْعَذَّبْ . ²⁶وْ فُوڤْ هَاذْ شِي ڤَاعْ ، بِينَّا وْ بِينْكُمْ حُفْرَة عَامْقَة ، مَا يَقْدَرْ حْتَى وَاحَدْ يَڤْطَعْهَا لَا مَنْ هْنَا لْعَنْدْكُمْ لَا مَنْ عَنْدْكُمْ لَعَنْدْنَا .²⁷ڤَالْ : يَا بُويَا إِبْرَاهِيمْ ، أَنَا نْطُلْبَكْ بَاشْ تَرْسَلْ لْدَارْ بُويَا ، ²⁸لَخَطَرْ عَنْدِي خَمْسَ خُوتْ، بَاشْ يْخَبَرْهُمْ بْلِّي صْرَا بَاشْ هُومَا تَانِي مَيْجُوشْ يَتْعَذْبُوا فِي هَذا المَوْضِعْ .²⁹ڤَالَهْ إِبْرَاهِيمْ : عَنْدْهُمْ مُوسَى وْ الْأَنْبِيَاءْ ، بَاشْ يَسَمْعُوا مَنْهُمْ . ³⁰وْ ڤَالْ لَا يَا بُويَا إِبْرَاهِيمْ ، بَصَحْ إِذَا رَاحْ وَاحَدْ مَنْ الْمُوتَى يْتُوبُو . ³¹ڤَالَه : إِذَا كَانُوا مَيَسَمْعُوشْ مَنْ مُوسَى وَ الْأَنْبِيَاءْ ، وْ حَتَى إِذَا رَاحْ وَاحَدْ مَنْ المُوتَى مَيْأَمْنُوشْ ".

¹لْعَثْرَة وَ الْمَغْفِرَة وْ ڤَالْ لَتْلَامْذَهْ:" مَلْمُحَالْ مَيْكُونُوشْ الْسْبَايَبْ بَاشْ الْطِّيحْ، بَصَّحْ يَا وِيلَهْ لِيْكُونْ الْسَبَّا! ²خِيرْلَهْ لُكَانْ يْعَلَّڤْ الْرَحَّايَة وَيْقِيسْ رُوحَهْ فَالْبْحَرْ، خِيرْ مَيْكُونْ سَبَّا بَاشْ يْضِيعْ وَاحَدْ مَنْ هَادُوكْ الْصْغَارْ.³حَرْزُوا رْوَاحْكُمْ. إِذَا غْلَطْ عَنْدَكْ خُوكْ أَنَّصْحَهْ، وْإِذَا تَابْ غْفَرْلَهْ. ⁴وْ إِذَا غْلَطْ مْعَاكْ سَبْعْ خَطْرَاتْ فَالْيُومْ، وَ يْڤُولَكْ أَنَا تُبْتْ أَغْفَرْلَهْ وَرْجَعْ لْعَنْدَهْ سَبْعَ خطْرَاتْ وَ يْڤُولَّكْ: أَنَا تُبْتْ، أَغْفَرْلِي ".⁵وْڤَالُولَهْ الْرُّسُلْ لَرَّبْ: "زِدَلْنَا فِي إِيمَانْنَا!". ⁶ڤَالْهُمْ الْرَّبْ :" لُوكَانْ عَنْدْكُمْ إِيمَانْ كِيمَا حَبَّةْ الْخَرْدَلْ ، تْڤُولُوا شَجْرَة الْتُّوتْ : أَنْڤَلْعِي وَ انْغَرْسِي فَالْبْحَرْ أَطِّيعْكُمْ .⁷"وَشْكُونْ فِيكُمْ عَنْدَهْ عَبْدْ يَحْرَتْ وَلَا يَسْرَحْ ،وَ يْڤُولَهْ إِذَا دْخَلْ مَنْ لَخْلَى : أَمْشِي وَ اَتَّكَى . ⁸بَصَّحْ مَيْڤُولَهْشْ: رُوحْ بَدَّلْ قَشَّكْ وْ وَجَّدْلِي لَعْشَى، بَاشْ نَاكُلْ وْ نُشْرُبْ، مَنْ بَعْدَ تَاكُلْ وْ تُشْرُبْ نْتَايَا مَنْ بَعْدْ؟⁹زَعْمَا غَادِي يَنْشْكَرْ هَدَاكْ الْعَبْدْ عْلَى هَدَاكْ الْشِّي لِدَارَهْ؟ مَشَكِّيتْشْ.  ¹⁰ نْتُومَا تَانِي ، مَنْ كُولْ مَادِّيرُوا لِيَامْرُوكُمْ بِيهْ ڤُولُوا: حْنَا غْيرْ خَدَّامَا، وَنْدِيرُوا غِيرْ الْشِّي لِيَامْرُنَا بِيهْ".¹¹وْكِي رَاحْ لْأُرُوشَالِيمْ فَاتْ فِي وَسْطْ الْسَّامِرَة وَ الْجَلِيلْ. ¹²وْكِي كَانْ دَاخَلْ لْهَادِكْ الْدَّشْرَة تْلَقَاوْ بِيه عَشْرَا أَرْجَالْ فِيهُمْ الْبُرْصْ ، ¹³وَڤْفُوا بْعِيدْ   وْ زَڤُّوا وْ ڤَالُو:ا " يَاسِيدِي أَرْحَمْنَا!".¹⁴شَافْ فِيهُمْ وْ قَالْهُمْ : " رُوحُوا وْ وَرُّوا أَرْوَاحْكُمْ لَلْكَهَنَة ". وْ كِي كَانُوا رَيْحِينْ بْرَاوْ . وَاحَدْ مَنْهُمْ كِي شَافْ بَلِّي بْرَاوْ ، ¹⁵وَلَّاوْ يْمَجْدُوا الْلَّهْ بْصُوتْ عَالِي . ¹⁶وَرْكَعْ عَنْدْ رَجْلِيهْ وْ شَكْرَهْ وْ هُوَ مَنْ الْسَّامِرَة.¹⁷جَاوْبَهْ يَسُوعْ وْ ڤَالْ : " مَاشِي ڤَاعْ هَدُوكْ الْعَشْرَة بْرَاوْ ؟ وِينْهُمْ الْتَّسْعَة مَنْهُمْ؟ ¹⁸مَكَانْشْ فِيهُمْ لِيْوَلِّي وَ يْمَجَّدْ الْلَّه مَنْ غِيرْ هَادْ لَغْرِيبْ ؟". ¹⁹وْ مَنْ بَعْدْ ڤَالَه: " نُوضْ وَمْشِي ، إِيمَانَكْ خَلْصَّكْ>>. وِينْتَا يْجِي مَلْكُوتْ الْلَّه؟²⁰وْكِي سَقْسَاهْ الْفَرِّسِيُّونْ : " وِينْتَا يْجِي مَلْكُوتْ الْلَّه؟". جَاوَبْهُمْ وْ ڤَالْ: " مَيْجِيشْ مَلْكُوتْ الْلَّهْ كِي تَبْدَاوْ تْعَسُّوا فِيهْ، ²¹مَيْڤُولُوشْ: هَذَا هْنَا ، وَلَّا: لْهِيهْ! خَاطَرْ مَلْكُوتْ الْلَّهْ فِي دَاخَلْكُمْ ".²²وْ ڤَالْ لَلْتَّلَامِيذْ :" يْجِي يَمَاتْ تَشْتْهُوا بَاشْ تْشُوفُوا نْهَارْ وَاحَدْ مَنْ يَمَاتْ ابْنْ الْإِنْسَانْ . ²³وَ يْڤُولُوكُمْ: هَوَلَا هْنَا !وَلَّا: لْهِيهْ! مَتْرُوحُوشْ وْ مَتَّبْعُوشْ، ²⁴عْلَى خَاطَرْ الْبَرْقْ تَحْتْ الْسْمَا وَ يْبَانْ الْجِيهَا وَحْدُحْرَا تَحْتْ الْسْمَا تَانِي يْكُونْ ابْنْ الْإِنْسَانْ فِي يُومَه.²⁵بَصَّحْ يْلِيقْ يَنْظَّرْ بَزَّافْ وْ يَرَّفْضَهْ هَذَا الْجِيلْ. ²⁶كِيمَا كَانْ فِي زْمَانْ نُوحْ هَاكَ يْكُونْ تَانِي فِي زْمَانْ إِبْنْ الْإِنْسَانْ: ²⁷كَانُوا يَاكْلُوا وْ يَشَّرْبُوا، وَ يْزَوْجُوا وْ يَتْزَوْجُوا، مَنْ الْيُومْ الْلِّي دْخَلْ فِيه نُوحْ لْسَفِينَة، وْ جَا طُوفَانْ هَلْكُوا ڤاعْ.²⁸كِيمَا كَانُوا فِي زْمَانْ لُوطْ : كَانُوا يَشَّرْبُوا وَ يْبِيعُوا، و يَغَّرْسُوا وْ يَبْنُوا. ²⁹بَصَّحْ الْيُومْ الْلِّي خْرَجْ فِيهْ لُوطْ مَنْ سَدُومْ ، صَبَّتْ مَنْ الْسْمَا نَارْ وْ كَبْرِيتْ وْ هَلْكَتْهُمْ ڤَاعْ.³⁰هَكَا إِكُونْ فِي نْهَارْ لِيْوَلِّي فِيه ابْنْ الْإِنْسَانْ. ³¹فْهَدَاكْ الْنْهَارْ ڤَاعْ الْلِّي يْكُونُوا فَالْسْطَحْ وَ صْوَالْحَهْ فَالْدَّارْ مَيْهَوَّدْشْ يَدِّيهُمْ ، وْ الِّيْكُونْ فَالْخْلَا هَيَرْجَعْشْ لَرَّوْلْ.³²تْفَكْرُوا مَرْتْ لُوطْ! ³³وْ الِّي أَطْلَبْ بَاشْ يْسَلَّكْ نَفْسَه يَهْلَكْهَا، وَ الِّي هْلَكْهَا يَحْيِيهَا.³⁴نْڤُولْكُمْ: غَادِي يْكُونْ دِيكْ الْلِّيلَة زُوجْ رَاڤْدِينْ عْلَى الْفْرَاشْ يَنْتَرْفَدْ الْوَاحَدْ وْ يُڤْعُدْ الْزَّاوَجْ . ³⁵يْكُونُوا زُوجْ يَطَّحْنُوا مْعَ بَعْضْ تَنَرْفَدْ الْوَحْدَا تُڤْعُدْ الْزَّاوْجَة. ³⁶يْكُونُوا زُوجْ فَالْخْلَا، يَنَّرْفَدْ الْلَّوَلْ وْيُڤْعُدْ الْزَّاوَجْ". ³⁷جَاوْبُوهْ وْ ڤَالُولَه: " وِينْ يَا رَبْ؟". ڤَالْهُمْ: " وِينْ تْكُونْ الْجَنَّة تَمَّاكْ يَتْلَامُّوا الْنْسُورَ".

¹وعَظْهُم ثَانِي مَثَل بَلِي يْلِيقْ يْصَلُو كُلْ وَقْتْ و ما يْمَلُوشْ، ²ڤَالْ :"كَانْ فِي وَاحَدْ لَمْدِينَة قَضِ مَيْخَافْشْ رَبِي و مَيْهَمَهْشِ فِي بْنَادَمْ.³وْكَانَتْ فْهَدِيكْ لَمْدِينَة هَجَالَة .وْكَانَتْ تْجِي عَنْدَهْ وْتْڤُولَهْ جِبْلِي حَقِي . ⁴وْمَكَاشْ يَسْمَعْ لْهَا بَصَحْ ڤَالْ مْعَ رُوحَهْ:وْحَتَى ويْلَا مَكُنْتْشْ نْخَافْ رَبِي وْ نْخَافْ مَنْ شِي بْنَادَمْ . ⁵عْلَى خَاطَرْشْ هَادْ الهَجَالَة سَامْطَة عْلِيَا نْمَدَلْهَا حَقْهَا بَاشْ مَاتْجِيشْ دَايْمَا تْصَدَعْنِي .⁶وْڤَالْ الرَبْ:"سَمْعُوا شَارَاهْ يْقُولْ قَاضِي الظُلْمْ . ⁷الَلهْ مَيْرَدْشْ الحَقْ لْمُخْتَارِينْ لِيَطَلْبُوهْ لِيلْ وْنْهَارْ وْهُوَ زَعْمَا يَبْطَا عْلِيهُمْ ؟ ⁸نْڤُولْكُمْ مَدَلْهُمْ حَقْهُمْ بَصَّحْ وِينْتَا مَا رْجَعْ اِبْنْ الاِنْسَانْ عَادِي زَعْمَا يَلْقَى الاِيمَانْ في الاَرْضْ ؟⁹وْڤَالْ لْوَحْدْ لْقَوْمْ عَنْدْهُمْ ثِقَة في رْوَاحْهُمْ بلِي هُمَا صَالْحِينْ وْيَحَڤْرُوا لُخْرِينْ هَدَا هُوَ لْمْتَلْ : ¹⁰"كَانُوا زُوجْ بْنْيَادَمْ طَلْعُوا لَلْهَيْكَلْ بَاشْ يْصَلُوا وَاحَدْ مَنْهُمْ فَارسِي وْلَاخُرْ عَشَارْ .¹¹بَصَحْ الفَارسِي وْڤَفْ وْيْصَلِي وْيْقُولْ مْعَ رُوحَهْ : الَّلهُمَّ نَشَكْرَكْ عْلَى خَاطَرْ مَنِيشْ كِيمَا النَّاسْ الطَّمَاعِينْ وْ الظَالْمِينْ وْ الزُنَاتْ ، وْلَا كِيمَا هَادْ العَشَارْ . ¹²نْصُومْ يُومِينْ في السْمَانَة وْنَعْشَرْ منْعَنْدِي .¹³بَصَحْ هَادَاكْ العَشَارْ وْڤَفْ مَبْعِيدْ مَنَجَمْشْ حَتَى يَرْفَدْ عِينِيهْ لْسْمَا ، بَصَحْ ضْرَبْ عْلَى صَدْرَهْ وْڤَالْ : الَّلهُمَ ارْحَمْنِي انَا المَدْنُوبْ . ¹⁴نْڤُولْكُمْ هَدَا هوَّدْ لْدَارَهْ صَافِي منْ دْنُوبْ عْلَى خَاطَرْ ڤَاعْ لِيَتْكَبَرْ يْطِيحْ وْڤَاعْ لِيَتْوَاضَعْ يتَعْلَى شَانَهْ .¹⁵جَابُولَهْ وْلَادْ صْغَارْ بَاشْ يْبَارَكْهُمْ ، وْ كِيشَافْهُمْ التَلَامِيذْ حَاوْزُوهُمْ . ¹⁶بَصَحْ يَسُوعْ عَيَطَلْهُمْ وْڤَالْهُمْ :"خَلُوا لَوْلَادْ يْجُوا عَنْدِي مَتَمَنْعُوهُمْشْ عْلَاخَطَرْ مَلَكُوتْ الَّلهْ مَخْدُومَة لْكِيمَا هَادُو . ¹⁷الحَقْ نْڤُولْكُمْ :"لِمَيَقْبَلْشْ مَلَكُوتْ الَّلهْ كِيمَا هَادْ الوَلْدْ مَيَدْخُلْشْ" .¹⁸وْسَقْسَاهْ وَاحَدْ مَتْرَفَهْ وْ قَالْ : "يَا مُعَلِمْ الصَالِحْ شَانْدِيرْ بَاشْ نَوْرَثْ مَلَكُوتْ السَمَوَاتْ ؟" ¹⁹وْڤَالَهْ يَسُوعْ عْلَاهْ سَمِيتْنِي صَالِحًا مَاكَانْ حَتَى وَاحَدْ صَالِحْ مَنْ غِيرْ وَاحَدْ هُوَ الَّلهْ . ²⁰رَاكْ تَعْرَفْ الوَصَايَا :مَتزْنِيشْ . مَتسْرَقْشْ . مَتَقْتَلْشْ . مَتَشْهَدْشْ بْزُورْ . وْكْرَمْ بُوكْ ومُكْ." ²¹وْڤَالَهْ :"هَادُوا ڤَاعْ حْفَظْتْهُمْ مَلِي كُنْتْ صْغِيرْ ."²²كِي سْمَعْ لَهْ يَسُوعْ ڤَالَهْ: بَاقِيلَكْ حَاجَة وَحْدَة تْدِيرْهَا : "بِيعْ ڤَاعْ شَاعَنْدَكْ وْڤَسْمَهْ عْلَى ڤْلَالِيلْ وْيْكُونْ لَكْ كَنْزْ فْسْمَا وْمْبَعْدْ تَبَّعْنِي." ²³وْكِي سْمَعْ دَاكْ الشِي حْزَنْ عْلَى خَاطَرْ كَانْ مْرَفَّهْ بَزَافْ .²⁴كِشَافَهْ يَسُعْ حْزِينْ ڤَالْ: شْحَالْ وَاعَرْ بَاشْ يَدْخَلْ المْرَفَهْ لْمَلَكُوتْ الَّلهْ!  ²⁵ عْلَى خَاطَرْ سَاهَلْ يَدْخُلْ لْجْمَلْ في ثُقْبْ تَاعْ لَبْرَا وْوَاعَرْ بَاشْ يَدْخُلْ المْرَفَهْ لْمَلَكُوتْ الَّلَهْ ."²⁶ڤَالُولَهْ لِسَمْعُوا :"شْكُونْ لِيَقْدَرْ يَدْخُلْ لْمَلَكُوتْ الَّلهْ؟ " ²⁷ڤَالْ :"لِمَيْقْدَرْشْ عْلِيهْ النَّاسْ يَقْدَرْ عْلِيهْ رَبِي".²⁸ڤَالْ بُطْرُسْ :"رَانَا خَلِينَا كُلْشِي وْتَبَعْنَاكْ" ²⁹ڤَلهُمْ :"الحَقْ نْقُولْكُمْ : مَكَاشْ حَتَى وَاحَدْ خَلَّى دَارَهْ وَلَا وَالْدِيهْ وَلَا خَاوْتَهْ ولَا مَرْتَهْ وَلَا وْلَادَهْ عْلَى جَالْ مَلَكُوتْ الَّلهْ . ³⁰رَاهْ غَادِي يَتْرَدْلَهْ كُلْشِي لِسْمَحْ فِيهْ الزْمَانْ فَلَخْرَا يَتْرَدْلَهْ الحَيَاةْ الاَبَدِيَة .³¹وْدَا التَلَامِيذْ الاثْنَا عَشَرْ طَلْعُوا لْاُورْشَالِيمْ وْغَادِي يَصْرَا الشِي لْمَكْتُوبْ بلْاَنْبِيَاءْ عْلَى اِبْنْ الاِنْسَانْ . ³²عْلَى خَاطَرْ يْمَدُوهْ لَلْمَسْؤُولِينْ ، يْزَعْقُوا عْلِيهْ ، يْعَايْرُوهْ وْيَشَتْمُوهْ وْ يَدَفْفْلُوا عْلِيهْ . ³³وْيَجَلْدُوهْ وْيَقَتْلُوهْ في النْهَارْ الثَالَثْ يَحْيَا .³⁴بَصَّحْ مَفَهْمُوا حَتَى حَاجَة وْكَانْ هَادْ الشِي مَخْفِي عْلِيهُمْ وْمَفَهْمُوشْ لِي ڤَالَهْ .³⁵وْكِي ڤَرْبُوا مَنْ اَرِيحَا كَانْ وَاحْدْ لَعْمَى مْجَمَعْ فْطْرِيقْ يَطْلَبْ . ³⁶كِي سْمَعْ بَلِي جْمَاعَة فَايْتَة مَنْ تَمَا سَقْسى وْڤَالْ :"شَاكَاينْ هْنَا ؟" ³⁷خَبْرُوهْ بَلِي يَسُوعْ النَّاصِرِي فَايَتْ مَنْ تَمَا .³⁸زَڤَا وْڤَالْ :"يَايَسُوعْ اِبْنْ دَاوَدْ اِرْحَمْنِي !"  ³⁹ بْدَاوْ يْسَكْتُوا فِيهْ وْهُوَ يْزَڤِي وْيْقُولْ :"يَايَسُوعْ اِبْنْ دَاوَدْ اِرْحَمْنِي !"⁴⁰وْڤَفْ يَاسُوعْ وْقَالْهُمْ جِيبُوهْ لَهْنَا وْ كِي ڤَرَبْ لْعَنْدَهْ سَقْسَاهْ ⁴¹وْڤَالَهْ:" شَارَاكْ بَاغِي نْدِيرْلَكْ ؟ " ڤَالْ :"يَاسِيدِي نِ بَاغِي نْشُوفْ "⁴²ڤَالَهْ يَسُوعْ :"شُوفْ. اِيمَانَكْ هُوَ لِبَرَّاكْ"  ⁴³ تَمْتَمْ وَلَّا يْشُوفْ وْتَبْعَهْ وْيْمَجَّدْ الَّلهْ وْڤَاعْ لِي شَافُوا هَادْ الشِي حَمْدُوا رَبِّي .

¹دْخَلْ يَسُوعْ لْأرِيحَا . وْ بْدَا يْتْمَشَى فِيهَا ، ²وَاحَدْ الْرَاجَلْ سَمُوهْ زَكَّا ، مَتْرَفَهْ هُوَ مَنْ الْمَسْؤُولِينْ لْكْبَارْ تَاعْ الْضَرِيبَةَ ،³بْغَا بَاهْ يْشُوفْ شْكُونْ هُوَ يَسُوعْ ، بَصَحْ مَاقْدَرْشْ يْشُوفَهْ عْلَى خَاطَرْ كَانُوا مْدَاوْرِينْ بِيهْ بْزَافْ نَاسْ ، و تَانِي زَكَّا كَانْ كْصِيرْ .  ⁴ وَاشْ دَارْ رَاحْ يَجْرِي وْ طْلَعْ لْوَاحَدْ الْشَجْرَة بَاشْ يْشُوفَهْ ، عْلَى خَاطَرْ كَانْ غَادِي يِفُوتْ يَسُوعْ مَنْ تْمَّ .⁵كِي جَا يَسُوعْ لْدِيكْ لْبْلَاصَة ، طَلَّعْ عَيْنِيهْ لْفُوڤْ وْ شَافَهْ ، وْ ڤَالَهْ : "يَا زَكَّا ، خُفْ هَوَدْ ، الْيُومْ غَادِي نَقْعَدْ فِي دَارَكْ ". ⁶هَوَّدْ زَكَّا بْلْخُفْ وْ رَحَبْ بْيَسُوعْ وْ هُوَ فَرْحَانْ . ⁷وْ كِي شَافُوا الْنَاسْ هَدَاكْ الْشِيء اللِّي صْرَا بْدَاوْ ڤَاعْ يْشْتْكُوا وْ يْڤُولُوا :" دْخَلْ لْدَارْ رَاجُلْ خَاطِي ".⁸وْڤَفْ زَكَّا وْ ڤَلْ للرَبّْ يَسُوعْ :" يَا سِيدِي غَادِي نَعْطِي نُصْ لِي عَنْدِي لْزَوَالِيَة ، وْ اذَا دِّيتْ لْشِي وَاحَدْ حَاجَة غَادِي نْرُدْلَهْ رَبْعَ مَرَاتْ هَدَاكْ شِي لِي دِّيتَهْ ". ⁹ڤَالَهْ يَسُوعْ :" الْيُومْ دْخُلْ الخَلَاصْ لْهَادْ الْدَارْ، وْهَادْ الْرَاجَلْ هُوَ تَانِي ابْنْ إِبْرَاهِيمْ ، ¹⁰عْلَى خَاطَرْ ابْنْ الإِنْسَانْ جَاء بَاشْ يْحَوَسْ عْلَى الْمْوَدْرِينْ وْ يْسَلَكْهُمْ ".¹¹وْ كِي كَانُوا يْسَمْعُوا هَادْ الْشِي عَاوَدَلْهُمْ وَاحَدْ الْمْثَلْ ، عْلَى خَاطَرْ كَانْ ڤْرِيبْ لُْأورْشَلِيمْ ، وْكَانُوا يَحَسْبُوا بَلّي مَمْلَكَة الله غَادِي تْبَانْ فِي دِيكْ السَّاعَة . ¹²وْ ڤَالْ : " وَاحَدْ الإِنْسَانْ مْسَڤَمْ سَافَرْ لْبْلَادْ بْعِيدَة بَاشْ يْوَلِي مَلِكْ عْلِيهَا وْ يْوَلِي .¹³عَيَطْ عْلَى عَشْرَة تَاعْ لَعْبِيدْ تَاوْعَهْ وْ عْطَى لْكُلْ وَاحَدْ مَنْهُمْ مْيَة دِينَارْ ، وْ ڤالَلْهُمْ :تَاجْرُوا بِيهُمْ حْتَي نَرْجَعْ . ¹⁴وْكَانْ الْشَعْبْ تَاعَهْ يَكَرْهُوهْ وْ رَسْلُوا مُورَاهْ مَرْسُولِينْ بَاشْ يْڤُلُوا : مَابْغِينَاشْ هَادْ الرَّاجَلْ يَحْكَمْ عْلِينَا . ¹⁵وْ كِي رْجَعْ هَادَاكْ المَلِكْ ، أْمَرْ بَاشْ يْجِيبُولَهْ هَادُوكْ لَعْبِيدْ لِّي عْطَاهُمْ الفَضَة دْرَاهَمْ ، بَاشْ يَعْرَفْ شْحَالْ يَرْبَحْ كُلْ وَاحَدْ فِيهُمْ فِي تِيجَارَتْهُمْ .¹⁶جَوَبْ لْوَلْ وْ ڤَالْ : يَا سِيدِي مْيَةْ دِينَارْ تَاعَكْ جَابَتْ أَلْفْ دِينَارْ . ¹⁷وْ ڤَالَهْ : مَا عَنْدِي مَانْسَالَكْ أنْتَ عَبْدْ ضَالِحْ ! عْلَى خَاطَرْ كُنْتْ أَمِينْ فِي لَقْلِيلْ غَادِي نَعْطِيكْ الْسُلْطَة عْلَى عَشْرَة مُدُنْ .¹⁸وْ دْخَلْ الْزَّاوَجْ وْ ڤَالْ : يَاسِيدِي ، مِيَةْ دِينَارْ تَاعَكْ جَابَتْ خَمْسَمِيَة دِينَارْ . ¹⁹وْ ڤَالْ لْهَدَا تَانِي : غَادِي تْوَلِي حَاكَمْ عْلَى خَمْسَة مُدُنْ .²⁰مَنْبَعْدْ جَا وَاحَدْ آخُرْ وْ ڤَالْ : يَا سِيدِي ، هَاهِيَ مِيَةْ دَينَارْ لِي عْطِيتْنِي دَسِيتْهَا فْوَاحَدْ لْمَنْدِيلْ ، كُنْتْ خَايَفْ مَنَكْ ، ²¹لَخَاطَرْ أَنْتَ رَاجَلْ وَاعَرْ ، تَدِي دَاكْ الْشِي لِي مَخْزَنْتْشْ ، وْ تَحْصَدْ لِي مَازْرَعْتَهْشْ .²²ڤَالَهْ الْمَلِكْ : مَنْ فُمَكْ غَادِي نَحْكُمْ عْلِيكْ يَا لْعَبْدْ الْشَرِيرْ . كَانْ عْلَابَالَكْ بَلِي أَنَا رَاجَلْ وَاعَرْ ، نَدِي لِي مَاخْزَنْتْشْ ، وْ نَحْصَدْ لِي مَزْرَعْتْشْ ، ²³عْلَاهْ مَحَطِيتْشْ دْرَاهْمِي عْلَى طَابْلَة تَاعْ لي يْبَدْلُوا الْدْرَاهَمْ ، وْ كِي نْوَلِي نْرَدْهُمْ مْعَ الْرَبْحْ تَاعْهُمْ ؟²⁴وْ مَنْبَعْدْ ڤَالْ لءنَاسْ لْحَاضْرِينْ : أَدُوا مَنْ عَنْدَهْ هَادِيكْ لْمِيَة وَ عْطُواهَا لْمُولْ أَلْفْ دِينَارْ . ²⁵وْ ڤَالُولَهْ : يَا سِيدِي ، رَاهْ عَنْدَهْ أَلْفْ دِينَارْ !²⁶عْلَى خَاطَرْ نْڤُولَلْكُمْ : لِّي عَنْدَهْ يْتَزَادْلَهْ ، وْ لِي مَاعَنْدَهْشْ حْتَى لِّي عَنْدَهْ يَتَڤْلَعْ مَنَهْ .  ²⁷ وْعَدْيَانِي ، هَادُوكْ لِي مَابْغَاوْنِيشْ نَحْكَمْ عْلِيهِمْ ، جِيبِوهِمْ لْهْنَا وِ دَبْحُوهُمْ ڤُدَّامِي".²⁸ڤَالْ يَسُوعْ هَادْ لَكْلَامْ وْ كَمَلْ طْرِيڤَهْ لُْأورْشَلِيمْ .²⁹وْ كِي ڤَرَبْ مَنْ دَارْ فَاجِي وْ دَارْ عَنْيَا ، عَنْدْ الْجْبَلْ لِّي يْسَمُوهْ جْبَلْ الْزَّيْتُونْ ، رْسَلْ زُوجْ مَنْ تَلَامِيذْ تَاوْعَهْ ³⁰وْ ڤَالَلْهُمْ: " رُوحُوا لْدَاكْ دُوَّارْ لِّي ڤُدَامْكُمْ ، وْ كِي تَدَخْلُوا غَادِي تَلْقُوا جَحْشْ مَرْبُوطْ مَا رْكَبْ عْلِيهْ حْتَّى وَاحَدْ . حَلُوهْ وْ جِيبُوهْ . ³¹وْ اذَا سَقْسَاكُمْ كَاشْ وَاحَدْ : عْلَاهْ رَاكُمْ تْحَلُو فِيهْ ؟ ڤُولُولَهْ : لخَاطَرْ الْرَبْ مَسْحَقَهْ ".³²ورَاحُو ولْڤاو كِمَا ڤَالْ لْهُم. ³³فِي الْوَقْتْ لِّي كَانُوا يْحَلُوا الِّربَاطْ ڤَالُوا مَالِيهْ "عْلَاشْ رَاكُمْ تْحَلِوا فِي الْرِبَاطْ تَاعْ لْجَحْشْ ؟ ". ³⁴جَاوْبُوهُمْ : " الرَبْ رَاهْ مَسْحَقَهْ. ³⁵وْجَابُو التْلَامَذْ الجَحْشْ عَنْدْ لْيَسُوعْ , وْحَطُّوا فُوقَهْ حْوَايَجْهُمْ وْرْكَبْ يَسُوعْ , ³⁶فِى الْوَقْتْ الِلِى كَانْ غَادِى فِيهْ أَبْدَوْ الَنَّاسْ إِفَرْشُولَهْ حْوَايْجْهُمْ فَى الَطْرِيقْ.³⁷وْكِڤَرَبْ عَنَدْ الْهَضْبَة نْتَاعْ جْبَلْ الَزَيْتُونْ , بْدَاتْ الْجَمَاعَة الَتَّلاَمِيذْ يْهَلْلُوا , يَفَرْحُوا وْيْسَجْدُوا الله بْصَوْتْ عَظِيمْ بَسْبَابْ ڤَاعْ الْمُعْجِزَاتْ لِشَافُوهُمْ , ³⁸ڤَالُوا :" متبَارَكْ الْمَلِكْ الَلِى جَايْ بَإِسْمْ الَرَّبْ . لَهْنَا فَى الَسْمَا وْ الْمَجْدْ فَى الَسْمَا الْعَالْيَة !".³⁹وْبَعْضْ الْفَرِّسِيِنْ ڤَالُولَهْ الَلِى كَانُوفَى الْجْمَاعَة نْتَاعْ الَنَّاسْ : " يَاسِيدِي سَكَتْ الَتَّلاَمِيذْ نْتَاوْعَكْ ". ⁴⁰وْجَاوَبْهُمْ يَسُوعْ وْڤَالْهُمْ :<< نْقُولْكُمْ إِلاَ سَكْتُوا هَادُوا , الْحَجْرَة هِيَ الِلِى غَادِى تْزَڤِ !".⁴¹وْكِڤَرَبْ مَا الْمَدِينَة شَافْهَا وَبْكَى عْلِيهَا ⁴²وْهُوَ يْڤُولْ :" تْمَنِيتْ لُكَانْ عْرَفْتِ الْيُومْ طْرِيقْ الَهْنَا ! بَصَّحْ دُورْكْ رَاهْ مَدْسُوسْ عْلَى عَيْنِيكْ .⁴³عْلَى خَاطَرْ غَادِى إِيجُو يَامَاتْ وْيْدُورْ عْلِيكْ عَدْيَانْكْ يْحَاصْرُوكْ وْيْحَبْسُوكْ , وْيَتْجَمْعُوا عْلِيكْ مَنْ كُلْ جِهَة ، ⁴⁴وْغَادِ يْسَحْقُوكْ أَنْتِ وَوْلاَدَكْ الَلِى سَاكْنِينْ فِيكْ وْمَايْخَلِيوْ فِيكْ حَتَّى حَجْرَة وَاقْفَة عْلَى خَاطَرْ مَاعْرَفْتِيشْ الْوَقَتْ الَلِى جَافِيهْ الله بَاشْيْسَلْكَكْ ".⁴⁵وْكِدْخَلْ الْهَيْكَلْ , بْدَا يْخَرَجْ لِكَانُويْبِيعُوا وْيَشْرُوا فِيهْ ⁴⁶ڤَالْهُمْ :" مَكْتُوبْ : بَيْتِى بِيتْ صْلاَة ، وَأَنْتُمَا رَدِّيتُوهْ غَارْ الْخِيَانْ !".⁴⁷وْكَانْ يْعَلَمْ كُلْ يُومْ فَى الْهَيْكَلْ , وْكَانْ رُؤَسَاءْ رِجَالْ الَدِينْ وْعُلَمَاءْ الَشَّرْعْ وْزُعَمَاءْ الَشَعْبْ . بَاغْيِينْ يَكَتْلُوهْ ، ⁴⁸مَالْقَاوْ مَايْدِيرُوا عْلَى خَاطَرْ الَشَعْبْ ڤَاعْ مَتْعَلَقْ بِهْ يَسَمْعُولَهْ .

¹الُسُؤَالْ عَنْ سُلْطَانْ يَسُوعْ كَانَ يُعَلِمُ اَلْشَعْبَ فِي اَلْهَيْكَلِ وَيُبَشِرَ ,وَڤْفُوا رُؤَسَاءَ رِجَالَ اَلْدِّينَ وَاَلْكَتَبَة مَعَ اَلشُيُوخَ ²كَلَمُوهُ وْڤَالُولَهْ :" ڤُلْ لَنَا بِأَيِّ سُلْطَانْ رَاكْ دِّيرْ هَذَا ؟وْلاَ شْكُونْ عْطَاكْ هَادْ الَسُلْطَانْ ؟".³جَاوَبْ وْڤَالْهُمْ :" أَنَا تَانِى نْسَقْسِيكُمْ كَلِمَة وَاحْدَ ,وْڤَولُولِى : ⁴مَعْمُودِيَة يُوحَنَّا :كَانَتْ مَا الَسْمَا وَلاَ مَا الَنَّاسْ؟".⁵تْآمْرُوا مَابِينَاتْهُمْ وْڤَالُوا :<< إِذَا ڤُلْنَا مَا الَسْمَا يْڤُولْ :عْلاَهْ مَاَمَنْتُشْ بِهْ , ⁶إِذَا ڤُلْنَا مَا النَّاسْ ,ڤَاعْ الَشَعَبْ غَادِى يْرَجْمُونَا عْلاَ خَاطَرْ كَانُوا ڤاعْ وَاثْقِينْ بَلِى يُوحَنَّأ نَبِيْ".⁷جَاوْبُوا بَلِّى مَايَعَرْفُوشْ مَنْ وِينْ . ⁸ڤَالْهُمْ يَسُوعْ :" حَتَّى أَنَا مَانْڤُولَكُم بِأَيِ سُلْطَانْ أَنَا نْدِيرْ هَادْ الَشِي".⁹مَثَلُ الَكَرَامِينَ وَبْدَا يَسُوعْ يَحْكِى لِشَعبْ هَادْ لَمْثَلْ :" إِنْسَانُ غَرَسَ جْنَانْ تَاعْ لَعْنَبْ وْخَلاَهْ لْوَاحْدِينْ جْنَايْنِيَة وْسَافَرْ لْمُدَة طَوِيلَة ¹⁰وْفِي الَوَقْتْ نْتَاعْ الْحْصَادْ ,رْسَلْ لَجْنَيْنِي وَاحَدْ الْعَبْدْ بَاشْ يَعْطُوهْ حَقَّهْ مَالعَنِيبْ ,ضَرَبُوهُ وَجَلَدُوهُ الْجْنَايْنِيَة وْ رَجْعُوهْ خَاوِي.¹¹عَاوَدْ وَأَرْسَلْلْهُمْ عَبْدْ وَحْدَا خَرْ وْحَتَّى هُوَ ضَرْبُوهْ وِعَايْرُوهْ وْرَجْعُوهْ يَدِيهْ خَاوْيِينْ . ¹²وْزَادْ رْسَلْ الَثَالَثْ وْ حَتَّى هُوَ ضَرْبُوهْ وْخَرْجُوهْ وْقَاسُوه بَرَا¹³وْڤَالْ مُولْ الْجْنَانْ :وَاشْ نْدِيرْ دُرُوكْ؟غَادِي نَرْسَلْ إؤبْنِى الْحَبِيبِبْ بَلاَكْ يْخَافُوهْ وَيْهَابُوهْ! ¹⁴كِشَافُوهْ ,ڤَالُو بِينَاتْهُمْ هَذَا هُوَ لِغَادِي يَوْرَثْ !أَيَا نَقَتْلُوهْ وْنَدُو الْوَرْثْ !¹⁵خَرْجُوهْ بَرَا الْجْنَانْ وْكَتْلُوهْ .أَيَا شَاغَدِي يْدِيرْ مْعَهُمْ صَاحِبْ الْجْنَانْ ؟  ¹⁶ إِيجِي وْيَقْتَلْ هَادُوكْ الْجْنَايْنيَة وْيَعْطِى الْجْنَانْ لْوَحَدْخْرِينْ ". وْمَلِي سَمْعُوا الَنَّاسْ هَادْالْكْلاَمْ ڤَالُوا : "حَاشَا".¹⁷شَافْ فِيهُمْ وْڤَالْ " وَاشْ مَعْنَى هَادْ الْكْلاَمْ ؟: الْحَجْرَة الْلِى مَا بْغَاوْهَاشْ الْبَنَّايَا هِيَ اللِّوَلاَتْ حَجْرَة الْسَاسْ ؟ ¹⁸وْاللِّطَاحْ عْلَى هَادْ الْحَجْرَة غَادِي يَتْهَرَسْ وْ اللِّطَاحَتْ عْلِيهْ غَادِي يَتْسَحَقْ !".¹⁹وْفِي دِيكْ الْسَاعَة بْدَاوْ عُلَمَاءْ الشَرْعْ وَالْرُؤَسَاءْ نْتَاعْ رِجَالْ الدِينْ إِيحَوْسُوا بَاشْ إِشَدُوهْ عْلَى خَاطَرْ عَرْفُوا بَلِى رَاهْ إِمَعْنِى عْلِيهُمْ بْهَادْ لَمْثَلْ بَصَّحْ خَافُوا مَنْ النَّاسْ.دَفْعْ الْجِزْيَة لِقَيْصَرْ  ²⁰ بْدَاوْ إِعَسُوا يَسُوعْ وْيَرَسْلُوا جْمَاعَة كَانَتْ تْبَانْ تَبَّعْ طْرِيقْ الله ,بَاشْ يْشَّدُوا عْلِيه شِي كَلْمَة يْڤُولْهَا وْيْسَلْمُوهْ للَسُلُطَاتْ تَاعْ الْحَاكَمْ.²¹وْسَقْسَاوَهْ :" يَاسِدِي حْنَا عَارْفِينْ بَلِّى نْتَ صَادَقْ فِي كْلاَمَكْ وْتَعْلِيمَكْ وْمَادِيرْشْ بَصَّحْ تْعَلَمْ طَرِيقْ الله بَالْحَقْ ²²وَاشْ حْلاَلْ لِينَا نْخَلْصُوا الْضْرِبَة لِقَيْصَرْ وْلاَلاَ؟ ".²³وْعْرَفْ يَسُوعْ الْحِيلَة نْتَاعْهُمْ وْڤَالْهُمْ :" عْلاَهْ تْجَرْبُوا فِيَا ²⁴وْرُولِى دِينَارْ ,نْتَاعْ شْكُونْ هَادْ الْتَّصْوِيرَة وْهَادْ الْكَتْبَة ؟". وْجَاوْبُوهْ " نْتَاعْ قَيْصَرْ ".²⁵وْهُوَ يْڤُولْهُمْ :" عْطِيوْ لِقَيْصَرْ مَاهُوَ لِقَيْصَرْ وْعْطِيوْ لله مَاهُوَ لله ". ²⁶وْمَاقَدُوشْ إِشَدُّو عْلِيهْ حَتَّى كَلْمَة مَنْ الْكَلاَمْ لِكَانْ يَهْدَرْ بِيهْ قُدَامْ الْنَّاسْ وْتْعَجْبُوا مَنْ جْوَابَهْ وْسَكْتُوا .²⁷وْجَاوْ عَنْدْ يَسُوعْ شِي وَحْدِينْ مِنْ الْصَّدُوقْيِنْ لِيَنَكْرُوا أَمَرْ الْقِيَامَة  ²⁸ وْسَقْسَاوَهْ :" يَا سِيدِي وْصَّانَا مُوسَي ,إِلاَ كَانْ رَاجَلْ مَتْرَوَجْ وْمَاتْ وْمَاخَلاَشْ وْلاَدْ ,إِلِيقْ خُوهْ يَتْزَوَجْ بْمَرْتَهْ بَاشْ يْدِيرْ نَسَلْ لْخُوهْ.²⁹وْإِذَا كَانُوا عَنَدْنَا سَبَعَة نْتَاعْ الْخُوتْ ,وْتْزَوَجْ اللَّوَلْ بْوَاحَدْ لَمْرَوْمَاتْ بْلَمَا تَوْلَدْ  ³⁰ ,وْالَزَاوْجْ تْزَّوجْ بِهَا حَتَّى هُوَ , ³¹وْالَثَالَثْ حَتَّى هُوَكِيفْ كِيفْ حَتَّى تْزَّوْجُوبِهَا ڤَاعْ الَسَّبْعَ الْخُوتْ وْمَاتُوا بْلاَمَا يْخَلُوا وْلاَدْ, ³²وْفَالَخَرْ مَاتَتْ الْمْرَا , أَيْوَا لِمَنْ تْكُونْ هَذِى الْمْرَا فِى ³³يَوْمْ الْقِيَامَة ؟عْلَى خَاطَرْ تْزَوْجُوا بِهَا الَسَبْعَة!".³⁴جَاوَبْهُمْ يَسُوعْ :" الَنَّاسْ نْتَاعْ هَادْ الَدَنْيَا يَتْزَوجُوا وَيْزَوْجُوا, ³⁵وْبَصَّحْ هَادُو لِيَسْتَاهْلُوا الْحَيَاة الَدَّايْمَة وْالْقِيَامَة مِنْ بِينْ الْمُوتَى مَا مَيَتْزَوْجُوشْ وْمَايْزَوْجُوُشْ ³⁶,عْلَى خَاطَرْهُمَا كِيمَا الْمَلاَيْكَة ,وْهُمَا أَبْنَاءْ الله وْأَبْنَاءْ الْقِيَامَة.³⁷الْقِيَامَة مِنْ الأَمْوَاتْ بَيَنَهُ مُوسَى بِنَفْسِهِ فِى قِصَة الْعُلَيْقَة كِڤَالْ بَلِى الَرَّبْ هُوَ إِلاَهْ إِبْرَاهِيمْ وْإِلاَهْ إِسْحَاقْ وْإِلاَهْ يَعْقُوبْ . ³⁸هُوَمَشِ إِلاَهْ نْتَاعْ الْمَيْتِينْ بَصَّحْ إِلاَهْ الْحَيِّينْ,عَلَى خَاطَرْ ڤَاعْ حَيِّينْ عَنْدَهْ ".³⁹جَاوْبُوهْ قَوْمْ مالْكَتَبَة وْڤَالُولَهْ :" يَامُعَلِمْ تْكَلَمَتْ مْلِيحْ!". ⁴⁰وْمَمْبَعْدْ حَتَّى وَاحَدْ مَاتْجَرَاْ إِسَقْسِيهْ حَتَّى حَاجَة.⁴¹الْمَسِيحْ وَدَاوْودْ وْڤَالْهُمْ :" كِيفَاشْ إِيڤُولُوا الَنَّاسْ بَلِى الْمَسِيحْ هُوَوَلَدْ دَاوُدْ؟ ⁴²وْدَاوْدْ بِنَفْسِهِ إِيڤُولْ فِى كِتَابْ الَزَّابُورْ ڤَالْ الَرَّبْ لِرَبِى : أَجْلَسْ عْلَى الَيَمِينْ ⁴³نْتَاعِى حَتَّى نْدِيرْ عدْيَانْكْ تَحْتْ رَجْلِيكْ. ⁴⁴فَإِذَا دَاودْ إِعْطِلَهْ ,لِلْمسِيحْ رَبِى أَيْوَا كِيفَاشْ إِيكُونْ المَسِيحْ وَلَدَهْ؟".⁴⁵وْكِكَانُوا الَنَّاسْ يَسْمْعُوهْ ’ڤَالْ لْتَلاَمِيذْ  ⁴⁶ :"أَحَرْزُوا رْوَاحْكُمْ مَن الْعُلَمَاءْ الَشَرْعْ اللِّى يَبْغُوا يَمْشُوا بَالْعَبَايَاتْ الَطَو,يلَة , وْيَسْلَمُوا عْليهُمْ فِى الْبْلاَيْصْ العَامَة وْاللَسْوَاقْ ,وْيَكُونُوا فِي الْبَلاَيْصْ اللَوَلِينْ فَدْيُورْ الَصَلاَةْ وْيَڤَعْدُوا فِى الَبْلاَيْصْ الْخَيْرِينْ فَالْوْلاَيَمْ , ⁴⁷وْيَاكْلُوا رَزْقْ الْهَجَلاَتْ وْ يْطَوْلُوا الَصَلاَة نْتَاعْهُمْ بَاشْ إِيْبَانُوا قُدَامْ الَنَّاسْ , هَادْ الَنَّاسْ غَادِى يَدِوا دَيْنُونَة عَظِيمَة !".

¹فَلْسَا الاَرْمَلَة وْشَافْ يَسُوعْ هَدُوكْ الْمَتْرَفهِينْ يْحَطُوا شْوَيَمَنْ دْرَاهَهْمْ فَالْهَيْكَلْ ,  ² وْشَافْ ثانِى وَاحَدْ لَمْرَا هَجَالَة حَطَتْ زُوجْ دُورُ, ³وْڤَالْ :" الْحَقْ نْڤُولْكُمْ هَذِهِ الْهَجَالَة الْڤَلِيلَة حَطَتْ أَكْثَرْ مَنْهُمْ ڤَاعْ , ⁴لَخَطَرْ هَدُوكْ ڤَاعْ حَطُوا شْوِيَ مَنْ دْرَاهَمْهُمْ , وْهَدْ الْهَجَالَة مَدَتْ ڤَاعْ لِعَنْدْهَا".⁵خَرَابْ الْهَيْكَلْ وَعَلاَمَتْ نِهَايَة الأزْمِنَة وْإِذَا كَانْ قَوْمْ يْڤُولْ عْلَى الْهَيْكَلْ رَاهْ مْزَيَنْ بْحْجَرْ شْبَابْ ڤَالْ  ⁶ : " هَدِ لِرَاكُمْ تْشُوفُوهَا تْجِى يَامَاتْ مَيَبْاقَاشْ فِيهَا حَتَّى حَجْرَة عْلَى حَجْرَة ".⁷وْسَقْسَاوَهْ وْڤَالُولَهْ : " يَامُعَلِمْ وِينْتَ يَصْرَا ڤَاعْ هَدْا؟ وْشَاهِيَ الْعَلاَمَة كَيْصِرْ ڤَاعْ هَدْالَشِي ؟" . ⁸وْڤَالْ:" شُوفُوا !مَاتْظَلْلُوشْ , كَايَنْ بَزَافْ يْجُوا يَهَدْرُوا بْالأَسْمِ تَاعِ يْڤُولُ أَنَا هُوَ !وْالَزْمَانْ قَرَبْ مَاتْرُحُوشْ مُرَاهُمْ، ⁹وْإِذَا سَمْعُوا بَالْڤِرَاتْ وْمَتَنْخَلْعُوشْ لَخَطَرْ إِلاَقْ يَصْرَا ڤَاعْ هَدْ الَشِي فَالأَوَلْ ,وْبَصَّحْ مَشِي هَذهِ الَنِّهَايَة لَخَطَرْ مَيْكُنْشْ بَلْحَقْ ".¹⁰وْمَبَعْدْ ڤَالَلْهُمْ :" تْنُودْ أُمَة عْلَى أُمَة وْمَمْلَكَة عْلَى مَمْلَكَة   ¹¹,وْغَادِى يَضْرَبْ الَزْلاَزْلْ كْبِيرَة فِى مْكَانْ , وْمَاجَاعَتْ وْأَوْبِئَة وْيْكُونْ خُوفْ كْبِيرْ وْعَلاَمَاتْ كْبِيرَة مَنْ الَسْمَا .¹²وْقْبَلْ هَدَا ڤَاعْ يَضَرْبُكُمْ وْيْطَرْدُكُمْ , وْيْسَلْمُكُمْ بَاشْ تَتْحَاسْبُوا وْيْدَخْلُكُمْ لَلْحَبْسْ ,وْيَدُوكُمْ وْيْحَطُوكُمْ قُدَامْ الْحَاكْمْ بَاشْ يْحَاسْبُكُمْ عْلَى جَالْ إِسْمِى ,  ¹³ وِهَدْ ڤَاعْ بَاشْ تَشَهْدُوا عْلِيَا.¹⁴وْمَتْحَوْسُوشْ كِيفَاهْ دَافْعُوا عْلَى رْوَاحْكُمْ  ¹⁵ ,لَخَطَرْ أَنَا نَعْطِيكُمْ كْلاَمْ وْحِكْمَة مَيْقَدْرُوشْ ڤَاعْ يْقَاوْمُوهَا وْيْنَقْضُهَا .¹⁶وْغَادِ يْسَلْمُوكُمْ الْوَالْدِينْ تَاعْكُمْ وْخُوتْكُمْ وْصْحَابْكُمْ وْفَمِيلَتْكُمْ وْيْقَتْلُكُمْ , ¹⁷وْتْكُونُوا مَكْرُوهِينْ مَنِ ڤَاعْ الَنَّاسْ عْلَى جَالْ أَسْمِى ¹⁸وْبَصَّحْ حَتَّى شَعْرَة مَنْ رَاسْكُمْ مَتَهْلَكشْ ¹⁹,وْكِتَصَبْرُوا تْرَبْحُوا رْوَاحْكُمْ.²⁰وِينْتَ شَفْتُوا أُرُوشَلِيمْ مَدَاوْرَا بَالْجْيُوشْ ,تَمَ تَعَرْفُوا بَلِ قَرَبْ الْوَقْتْ ,  ²¹ وْتَمَ يَهَرْبُوا الِلى فَى الْيَهُودِيَة لَجْبَالْ وْيْرُوحُوا لِى فَالْمْدِينَة وْمَيَدَخْلُوشْ لِى رَاهُمْ فَالَدُوَارْ ²²,لَخَطَرْ هَدْ لِيَامْ تَاعْ الإِنْتِقَامْ , بَاشْ يَصْرَا لِهُوَمَكْتُوبْ .²³وْيَوِيلْكُمْ يَالِبَلْكَرْشْ وْلِيْرَضْعُوا فِى دُوكْ لِيَامْ لَخَطَرْ يَصْرَا ضِيقْ كْبِيرْ عْلَى الأَرْضْ وِزْعَافْ كْبِيرْ يْطِيحْ عْلَى الَشَعْبْ ²⁴,وْيْكْتْلُوهُمْ بَالَسِيفْ وْيْدُوهُمْ مْسَبِينْ لْڤَاعْ الَشُعُوبْ وْتَبْقَى أُورُشَلِيمْ يَعَفْسُوا عْلِيهَا ڤَاعْ الأُمَمِيِنْ حَتَّى يْكَمَلْ الَزْمَانْ تَاعْ الأمَمْ .²⁵وْتْبَانْ عَلاَمَاتْ فَالسْمَا لَقْمَرْ وَالَنْجُومْ وْعْلَى الأَرْضْ وْيَصْرَا ضِيقْ كْبِيرْ فَالاَرْضْ عَلَى الَنَاسْ لْمَتْحَيْرِينْ كِيمَا البْحْرْ وْ لَمْوَاجْ كِتْهَاجْ ,  ²⁶ وْالَنَّأسْ ڤَاعْ يَتْغَاشَوْ مَلْخُوفْ وَيْقَارْعُوا شَاغَادِى يَصْرَا لِيَسَكْنُ تَمْ , لَخَطَرْ قْوَاتْ فَالسْمَا تْتْزَعْزَعْ .²⁷هَادَكْ الْوَقْتْ يْشُوفْ إِبْنْ الإِنْسَانْ جَايْ فِى سْحَابَة بْقَوَة وْمَجْدْ كْبِيرْ ,  ²⁸ وْكِيَبْدَا ڤَاعْ هَدْ الشِي يَصْرَا , وُڤْفُ وْرَفْدُوا رِسَنْكُمْ عْلَى خَاطَرْ لَسْلاَكْ رَاهْ ڤَرَبْ ".²⁹وْڤَالْلَلْهُمْ مْثَلْ :" شُفُوا شَجْرَة الْحُرَة وْڤَاعْ شْجُرْ ³⁰وِنْتَ شَفْتُوا شَجْرَة تْخَرَجْ فِى وْرَاقْهَا عَرْفُوا بَلِى قَرَبْ الَصِيفْ ³¹,هَكَا نْتُمَا تَانِى وِنْتَ مَاشَفْتُوا ڤَاعْ هَادْ صْوَالَحْ أَعَرْفُوا بَلِى مَلَكُوتْ الله ڤَرَبْ .³²الْحَقْ نْڤُولْ لْكُمْ : مَاغَدِيشْ يَفْنَى هَدْ الْجِيلْ حَتَى يْصِيرْ ڤَاعْ هَدَا , ³³الَسْمَا وْ لَأَرْضْ يَفْنَاوْ بَصَحْ كْلاَمِى مَيَفْنَاشْ³⁴"حَزْرُوا رْوَاحْكُمْ وْقْلُوبْكُمْ مَنْ شَهْوَاتْ تَاعْ الَدَّنْيَا كَشْرَابْ وَسَكْرَانْ وْهْمُومْ الَدَّنْيَا , وْيْجِي هَذَاكْ الْيُومْ لِيَرْجَعْ الْمَسِيحْ فِى غَفْلَة . ³⁵وْيْجِى كَالْبَرْقْ عْلَى ڤَاعْ الَنَاسْ لِكَيْنِينْ فْهَادِكْ الأَرْضْ .³⁶اسَهْرُوا وْتَضْرْعُوا فْكُلْ الْوَقْتْ بَاشْ يْكُونُوا مْنَاسْ الَّسَالْكِينْ مَنْ ڤَاعْ هَذَاكْ الَشِي لِيَصْرَا وْتَوَڤْفُوا ڤْدَامْ إِبْنْ الإِنْسَانْ ".³⁷وْفَالنْهَارْ كَانْ يْعَلَمْ فَالْهَيْكَلْ , وْفَالِيلْ يَخْرَجْ وْيْبَاتْ فَالْجْبَلْ لِيَنْسَمَى جْبَلْ الزَيْتُونْ  ³⁸ .وْكَانْ ڤَاعْ الَشَّعْبْ يْبَكْرُوا لْعَنْدَاهْ فِي الْهَيْكَلْ بَاشْ يَسَمْعُولَهْ.

¹وْڤرْبْ عِيْدْ الفَطِيْرْ، الْلِيْ يْتْسمَى الفِصْحْ. ²وْكَانُوْا رُؤَسَاءْ رِجَالْ الدِيْنْ وْعُلَمَاءْ الشَرْعْ يْحوْسُوْا كِيْفاَشْ يْقْتلُوْا يَسُوعْ، عْلَى خَاطَرْ كَانُوْا خَايْفِيْنْ مْالشَعْبْ.³وْدْخلْ الشِيْطَانْ فْيَهُوذَا الِلي يْسْمُوْهْ، الإِسْخَرْيُوطِيْ وْهُوَ مِنْ التْلاَمْذْ الثْنَاشْ نْتَاعْ يَسُوعْ. ⁴وْرَاحْ وْتَافَقْ مْعَ رُؤَسَاءْ وْرِجَالْ الدِيْنْ وْالقِيَادَةْ نْتَاعْ الحَرَسْ نْتَاعْ الهَيْكَلْ كِيفَاشْ إِسْلمَهْ لِيْهُمْ.⁵وْفَرْحُوْا وْتَفْقُوْا مْعَاهْ بَاهْ يَعْطُوهْ دْرَّاهْمْ . ⁶وْوَافْقْ عْلَى هَاذْ الشِيْ. وْبْدَا يْحَوسْ عْلَىْ عَفْسَةْ بَاشْ يْسْلْمَهْ لِيْهُمْ بْلَمَا يْشُوفُوهْ النَاسْ.⁷وْجَا عِيْد الفَطِيْرْ الْلِيْ فِيْهْ خَاصْ يْندْبَحْ الكْبشْ لْلْعْشَا نْتَاعْ الفِصْحْ . ⁸وْصِيْفْط يَسُوعْ، بُطْرُّسْ وْيُوحَنَا وْڤالْهٌمْ : " رُوحُوْا وْوجْدُولْنَا لَعْشَا نْتَاعْ الفِصْحْ بَاشْ نَاكْلُوْا". ⁹وْڤالُوْ لَهْ: "وِيْنْ بْغِيْتنَا نْوُجْدُوهْ؟".¹⁰وْهُوَ جَاوْبْهُمْ وْقَالْ: "كِيْ تْدَخْلُوْا لْمدِينَة غَادِيْ تْلقَاوْ وَاحَدْ الرَّجْلْ رَافْدْ قُلَةْ نْتَاعْ المَاء. تَبْعُوهْ حْتَى الدَارّْ الِلِيْ يْدْخُلْهَا، ¹¹وْقُولُو لْمُولْ الدَارّْ : رَاهْ يْقُولَكْ سِيْدِي وِيْنْ هُوْ دَارّْ الضْيَافْ الْلِي ْغَادِي نَاكُلْ .فِيْهْ لَعْشَا نْتَاعْ الفِصْحْ مْعَ التْلَامَذْ نْتَاوْعِيْ؟¹²وْغَادِيْ يْوَرِيْلكُمْ الدَارّْ لْفُوڤ كْبِيْرَةْ وْمْفَرشَةْ. وْمْمْبَعْد وْجْدُوهْ". ¹³رَاحُوْا وْلْڤاوْ دِاكْ الشِيْ كِيْمَا ڤالْهُمْ يَسُوْعْ، وْوجْدُوا لَعْشَا نْتَعْ الْفِصْحْ.¹⁴وْكِيْ وْصْلْ الْوَقْتْ، ڤعَدْ يَسُوعْ مْعَ الرُّسُلْ بَاش يَاكْلُوْا، ¹⁵وْڤالْهُمْ : " شْحَالْ تْشْهِيْتْ نَاكُلْ هَادْ لَعْشَا نْتَاعْ الفِصْحْ قْبْل مَا نْتْعَذْبْ، ¹⁶غَادِيْ نْڤولْكُمْ: مْن الْيُومْ عُمْرِيْ مَا غَادِيْ نَاكُلْ مْنَهْ حْتَى يْبَانْ الْمَعْنَى نْتَاعَهْ فْمَمْلَكَةْ الله".¹⁷وْمبَعدْ دَا الكَاسْ وْشَكَرْ الله وْڤالْ : " أْدُوْ هَاذْ الكَاسْ وْشَربُوهْ بِيْنَاتْكُمْ . ¹⁸عْلَى خَاطَرْ نْڤولْكُمْ: مْن اليُومْ مَاغَادِيْشْ نْعَاودْ نْشْرُبْ مْن عَصِيْرْ الْعِنَبْ حْتَى تْجِيْ مَمْلَكَة الله".¹⁹وْخْذَا الخُبْزْ وْشكَرْ الله وْ قَطْعَهْ وْعْطَاهُمْ وْقَالْهُمْ: "هَذَا هُوَ الجَسَدْ نْتَاعِيْ تَعْطَي عْلَىْ جَالْكُمْ . دِيْرُوا هَاذْ الشِيْ بَاشْ تَتْفَكْرُونِيْ". ²⁰وْدَا الكَأسْ حْتَى هُوَ مْمْبَعْدْ لَعْشَا وْقَالْهُمْ: " هَاذْ الكَأسْ هُوَ العَهْد لْجْدِيْد بْالدَمْ نْتَاعِي الِلي غَادِي يْسِيْلْ عْلَىْ جَالْكُمْ.²¹وْبْصَحْ هَاذَاكْ الْلِي غَادِيْ يْسلْمنِيْ رَاهْ مْعَايَا عْلَى المَايْدَةْ. ²²عْلَى خَاطَرْ إِبْنْ الإِنْسَانْ غَادِيْ يْمُوتْ كِيْمَا هِيَ الخُطةْ نْتَاع الله، وْبْصَحْ يَاوِيْلْ هَادَاكْ الْلِي غَادِيْ يْسَلْمَهْ!". ²³وْبدَاوْ التْلَامْذْ يْڤولُوا لْبَعضْهُمْ لْبَعْضْ:" شْكُونْ لِيْ غَادِيْ يْدِيْرْ هَادْ الخْدمَةْ؟".²⁴وْتْنَافْسُو بِيْنَاتْهُمْ عْلَى شْكُونْ هُوَ لَمْخَيَرْ فِيْهُمْ، ²⁵وْيڤولْهُمْ يَسُوعْ : "لْمُلُوكْ نْتَاعْ الشُعُوبْ يْحْكْمُوا عْلَى الشُعُوبْ، وْالْلِي عَنْدهُمْ السُلْطَةْ يَبْغُوا بَاشْ النَاسْ يْسمُوهُمْ مُحْسِنِيْينْ.²⁶بْصَحْ نْتُمَا مَاخْصْكُمْشْ تْكُونُوا كِيفْهُمْ، بْصَحْ الّْمْخِيَرْ فِيْكُمْ خَاصَهْ يْكُونْ كِيمَا الصْغِيرْ، وْالرَّايسْ كِمَا الخْدَامْ.  ²⁷بْصَحْ شْكُونْ هُوَ الَمخِيَرْ؟ الْلِي يْڤعَدْ وْيَاكُلْ؟ وْلَا لِّيْ يْڤعَدْ وْيخْدمْ.²⁸تُمْ صْبَرّْتُو مْعَايَا فْي الْمِحْنَة نْتَاعِيْ، ²⁹أْنَا غَادِيْ نَعْطِيْكُمْ مَمْلَكَة كِيْمَا عْطَانِيْ بُويَ مَمْلَكَةْ، ³⁰بَاشْ تَاكْلُو وْتْشَرّْبُوا عْلَى لْمَايْدَةْ نْتَاعِيْ فِيْ مَمْلكْتِي، وْتجمعُوْا عْلَىْ الْكْرَاسِيْ نْتَاعْ العَرْشْ بَاشْ تْحكْمُوْا عْلَى الأسباط الثناش نتاع بني إسرائيل".³¹وْڤالْ الرَّبْ: "سْمعَانْ ،سَمْعَانْ هَا هُوَ الشيِطْانَ بْغَا يْغَرّْبْلْكُمْ كِيْمَا يْغَرّْبْل الڤمْحْ! ³²بْصَحْ أَنَا دْعِيْتْ عْلِيكْ بَاشْ مِايْفْنَاشْ إِيْمَانَكْ. وْأْنْتَ كِيْ تَرْجَعْ شْجَعْ خَوْتَكْ".³³وْڤالَهْ: "يَارّْبِيْ أَنَا وَاجْدْ بَاشْ نْمشِيْ مْعَاكْ حْتَى لْلْحبْسْ وْلْلمُوتْ!". ³⁴وْڤالْ: " نْڤولْكْ يَابُطْرُسْ: مَايْصِيحْشْ الدِيْكْ اليُوْم قْبلْ مَاتْنكَرّْنِي ثْلاثْ خْطْرَاتْ بْلِيْ تَعْرفْنِيْ ".³⁵وَمْبَعْدْ ڤالْهُمْ: " كِيْ رْسلْتكُمْ بْلَا ڤفَة وْبْلَا دْرَاهْم وْلاَنْعَايْلْ، سَحْقِيتُوا شِيْ حَاجَةْ؟" وْڤالُو لَهْ «لاَ». ³⁶وْڤالُهُمْ : "بْصَحْ ذُورْكْ شْكُونْ لِعْندَهْ ڤفَةْ يْدِيْهَا، وْلِعْنَدَه رُزْمَةْ دْرَّاهْم تَانِي يْدِيْهَا، وْلِمَعنْدَهْشْ يْبِيْعْ كَسَوْتَهْ وْيشْرِيْ سِيْفْ.³⁷عْلَى خَاطَرْ نْڤولْكُمْ: رَاهْ إِلاَقْ يْصْرَّا فِيْهَا هَذَاكْ الشِيْ لِيْ مَكْتُوبْ فِيْ كْتَابْ الله: وْيْتَنحْسَبْ مْعَ الخَاطِيْيْن. وْڤاعْ الشِيْ للِيْ تْڤالْ عْلَيَ خَاصَهْ يْتحْقَقَ ". ³⁸وْڤالُوْا: " يَارّْبْ، هَاهُمْ عْنْدنَا زُوجْ سْيُوفَا ". وْڤاللهُمْ: "بَرْكَا!".³⁹وْخْرجْ وْمْشَى كِيْعَادْتَهْ لْجْبَل ْالزِيْتُونْ ، وْتْلَامْذَهْ تْبْعُوهْ. ⁴⁰وْكِيْ وْصْلْ لْهَذَاكْ المُوضَعْ ڤالْ لْهُمْ:"صْلُوْا بَاشْ مَاتْدَخْلُوشْ فِيْ التَجْرِبَةْ".⁴¹وْبَعَدْ عْلِيْهُمْ شْوِيَةْ وْرْكَعْ وْصْلَى  ⁴² وڤالْ: "يَا أَبَتَاهْ، بْعَدْ عْلِيَا هَاذِيْ الْمَحْنَةْ إِلاَ بْغِيْتْ. وبْصَحْ يْصَرَّا لِيْ بْغِتْ أْنْتَا وْمْش كِمَا بْغِتْ أَنَا".⁴³وْبَانْ لَهْ مَلاَكْ مَنْ السْمَا بَاهْ يْشْجعَهْ . ⁴⁴وْمَنْ كَثرَةْ لِيْ كَانْ مْصَارَعْ مْعَ رُوْحَهْ ، تْضَايقْ وْكثَرْ فْي الصْلَاةْ وْوَلَى لَعْرّْقْ تَاعَهْ يْقطَرّ كِالدَمْ وْيْطِيْحْ فْي لْلَرْضْ.⁴⁵مْبَعْدْ نَاضْ مْن الصْلَاةْ وْرْجَعْ لْعَنْد تْلَامْذَهْ ، وْلْقَاهُمْ رَاڤدِينْ مْن كْثْرَة الغْمْ. ⁴⁶وْڤالْ لْهُمْ: " مَالْكُمْ رَاڤدِينْ؟ نُوضُوا وْصْلُوا بَاشْ مَا تْدَخْلُوشْ فْي التَجْرِبَةْ".⁴⁷فْلْوَقْتْ لِيْ كَانْ يَهْدَرْ بَانَتْ جْمَاعَة تَاعْ النَاسْ، جَايْبْهُمْ يَهُودَا، إْلِيْ هُوَ وَاحْد مْن تْلَامْذْ الطْنَاشْ وْڤرَبْ عَنْدْ يَسُوعْ بَاشْ يْسْلمْ عْلِيْهْ. ⁴⁸وْڤالَهْ يَسُوعْ: " يَايَهُودَا، بْتَسْلًام تْبِيعْ إِبْنْ الإِنْسَانْ؟".⁴⁹وْكِيْ شَافْ هَاذُوكْ لِكَانُوا مْدَاورِيْنْ بِيْهْ شَا رَاهْ صَّايَرّْ، ڤالُوْا: " يَارَّبْ ، نْضَرْبُوا بْالسِيْفْ؟". ⁵⁰وْضْرَبْ وَاحْد مْنهُمْ عَبْد رَئِيْسْ رْجَالْ الدِيْن وْڤطَعْ لَهْ وْذْنَهْ اليُمْنَى . ⁵¹جَاوْبَهْ يَسُوعْ وْڤالَهْ: « حَبْسُو، خْلُوهْ!». وْتْلَمْسْ وَذْنَهْ وْبْرَاهَا.⁵²وْمْبَعْدْ ڤالْ يَسُوعْ لْرُّؤسَاءْ رْجَالْ الدِيْنْ وْمَسْؤُولِيْ حُرَاسْ الهَيْكَلْ وْالشْيُوخْ اللِيَ كَانُوْ ضْدَهْ: « كْلِيْ رَاكُمْ زَّادْمِينْ عْلَى خَاينْ بْسيُوفْ وْمْطَارڤ! ⁵³وْأَنَا كُنْتْ مْعَاكُمْ كُلْ يُومْ فْي الْهَيْكَلْ . عُمَرْكُمْ مَاخْرَبْتُوا فِيَاَ وْبْصَحْ هَذِيْ هِيَ سَاعْتْكُمْ، وْهَذِيْ هِيَ السُلْطَةْ تَعْ الظْلْمَةْ".⁵⁴شَدُوهْ وْدَاوْه وْدَخْلُوهْ لْدَارّ رَئِيسْ رْجَالْ الدِيْن . وْكَانْ بُطْرُسْ يْتبَعْ فِيْه مَنْ بْعِيدْ. ⁵⁵ كِيْ شَعْلُوا نَارّْ فِيْ وَسْط الدَارّ، جْمْعُوا مْعَ بَعْضْ، وْجمَعْ بُطْرُسْ بِينَاتْهُمْ.⁵⁶شَافْتَه وَاحْدْ الخْدَامَة مْجْمَعْ حْذَا النَارّْ، وْشَافْتْ فِيْه غَايَة وْڤالَتْ :" هَذَا الرَّاجْل كَانْ تَانِيْ مْعَاهْ!". ⁵⁷نْكرَهْ وْقَالْ:" مَانْعَرّْفَهْشْ يَامْرَّا!" . ⁵⁸مْمبَعْدْ شْوِيَةْ، شَافَهْ وَاحْدْ أَخُرّْ وْڤالْ:" نْتَا تَانِيْ مْنهُمْ!". جَاوْبَه بُطْرُسْ: "يَابْنَادَمْ ، مَاشِي أَنَا!".⁵⁹مْمْبَعْد سَاعَة وْهُوَ يْتمْشَا أَكدْ لَهْ وَاحدْ آَخُرّْ وْڤالْ: "بْصَحْ هَذَا تَانِي كَانْ مْعَاهْ، خَاطَرْ هُوَ تَانِي مْن الجَلِيْل!". ⁶⁰وْڤالْ بُطْرُسْ: " يَابْنَادَمْ، شَا رَاكْ تْڤٌولْ، مَانْعَرْفَهْشْ!" وْتَمْتَمْ وْهُوَ يَهْدَرّ صَاحْ الدِيْكْ.⁶¹دَارّْ الرَّبْ وْشَافْ فِيْ بُطْرُسْ، وْتفْكَرْ دَاكْ الشِيْ لِيْ ڤالَهْ الرَّبْ: "قْبَلْ مَا يْصِيْحْ الدِيْكْ تْنْكَرْنِيْ ثْلْث خْطْرَاتْ" . ⁶²وْخْرجْ بُطْرُسْ لْبَرَّا وْبْكَى بْحَرْقَةْ.⁶³وْرْجَالْ لِكَانٌو حَاكْمِينْ يَسُوعْ وْيْسْتَهْزَاوْ بِيْه وْيْجْلدُوهْ ⁶⁴وْغْطَوْلَهْ وْجْهَه وْيْضَرْبُوهْ، وْيْسقسُوهْ وْيڤولُو لَهْ: " تْنبَأْ! شْكُونْ لِيْرَاهْ يْضَرْبْك؟". ⁶⁵وْكَانُوا يْزِيدُوا يْعَيْرُوا فِيْه بْزَافْ.⁶⁶مِيْنْ طْلَعْ النْهَارْ، تْلَايْمُو شْيُوخْ الشَعْبْ: وْرُؤَسَاءْ رِجَالْ الدِيْنْ وْعُلَمَاءْ الشَرِيْعَة، جَابُو يَسُوعْ لْلمَجْلِسْ نْتَاعْهُمْ ⁶⁷ڤالُو لَهْ: " إِذَا كُنْتْ هُوَ المَسِيْح!". وْجَاوْبْهُمْ وْڤالْ: "حْتَى وِإِذَا ڤولْتْلكُمْ مَاغَادِيْشْ تْأَمْنُونِيْ، ⁶⁸وْيْلَا سَقْسِيْتكُمْ مَاغَادِيْشْ تْجَاوْبُونِي، وْمَاغَادِيْشْ تْطْلْڤونِيْ.⁶⁹وْمَنْ ذُورْكْ غَادِيْ يْقعَد إِبْن الإِنْسَانْ عْلَى يَمِيْنْ الله لِيْ قَادَرْ عْلَى كُلْ شِيْ". ⁷⁰وْقَالُو لَهْ هَاذُوْكْ النَاسْ: "أْنْتَ هُوَ إِبْن الله؟". جَاوْبْهُمْ: "نْتُومَا تْقٌولُوا أَنَا هُوَ". ⁷¹وْقَالُوا: "مَازَالْ مْسْحَقِيْنْ لْشِيْ شْهَادَةْ؟، رَانَا سْمَعْنَا كُلْ شِيْ مَنْ فَمَهْ".

¹وْ نَاضُوا ڤَاعْ جْمَاعَتْهُمْ وْ دَاوْ يَسُوعْ لْبِيلَاطُسْ ، ²وْ بْدَاوْ يْحَصْلُوا فِيهْ وْ يْڤُولُوا :" لْقِينَا هَادْ الْرَاجَلْ يْحَرَشْ فِي الْشَعْبْ ، بَاشْ مَيْخَلْصُوشْ الْجِزْيَة تَاعْ قَيْصَرْ وْ يْڤُولْ : بَلِي الْمَسِيحْ هُوَ الْمَلِكْ ".³وْ سَقْسَاهْ بِيلَاطُسْ : " نْتَ هُوْ مَلِكْ الْيَهُودْ ؟". وْ رَدْ عْلِيهْ وْ ڤَالَهْ :" نْتَ ڤُلْتْ ". ⁴وْ ڤَالْ بِيلَاطُسْ لْرُؤَسَاءْ رْجَالْ الْدِّينْ وْ ڤَاعْ الْنَّاسْ :" مَالْقِيتْشْ حْتَى دَنْبْ فِي هَادْ الْإِنْسَانْ ". ⁵كَانُوا شَادِّينْ فِي هَدْرَتْهُمْ وْ يْڤُولُوا :" هُوَ رَاهْ يْهَيَجْ فَشَعْبْ وْ يْعَلَّمْ فِي ڤَاعْ لْيَهُودِيَة بْدَا مَنْ لْجَلِيلْ حْتَى لَهْنَا ".⁶وْ كِي سْمَعْ بِيهَادْ لْهَدَرَة لِي كَانَتْ دَايْرَة فِي لْجَلِيلْ ، سَقْسَا : " هَادْ الْرَاجَلْ مَنْ الْجَلِيلْ ؟ " ⁷وْ كِي عْرَفْ بَلِي هُوَ مَنْ لَبْلَادْ لِي يَحْكَمْ فِيهَا هِيرُودُسْ ، رَسْلَهْ لْعَنْدْ هِيرُودُسْ ، لِيكَانْ هُوَ تَانِي فِي أُورْشَلِيمْ .⁸وْ كِي شَافْ هِيرُودُسْ يَسُوعْ فَرْحَانْ بْزَافْ ، عْلَى خَاطَرْ كَانْ بَاغِي يْشُوفَهْ مَنْ زْمَانْ مَنْ كَثْرَة لِي سْمَعْ عْلِيهْ ، وْ بْغَا يْشُوفْ مَنَهْ مُعْجِزَة .  ⁹ وْ سَقْسَاهْ بْزَافْ بَصَحْ مَاجَاوْبَهْشْ عْلَى حْتَى حَاجَة ¹⁰.مَنْ بَعْدْ وْڤَفْ رُؤَسَاءْ رْجَالْ الدِّينْ وْ لْكَتَبَة يْحَصْلُوا فِيهْ بَالْعُنْفْ .¹¹وْ حَڤْرَهْ هِيرُودُسْ مْعَ لْعَسْكَرْ تَاعَهْ وْ ضَحْكُوا عْلِيهْ وْ لَبْسُوهْ عْبَايَة مْنَوْرَة ، وْ رَدَّهْ لْعَنْدْ بِيلَاطُسْ . ¹²وْ مَنْ بَعْدْ وْلَّى هِيرُودُسْ وْ بِيلَاطُسْ صْحَابْ مَنْ دَاكْ الْنْهَارْ ، عْلَى حخَاطَرْ كَانُوا مَنْ قْبَلْ عَدْيَانْ .¹³لَمْ بِيلَاطُسْ رُؤَسَاءْ رْجَالْ الْدِّينْ وْ الْزُعَمَاء وْ الْشَّعْبْ ، ¹⁴وْ ڤَالَلْهُمْ : " جَبْتُولِي هَذَا الْإِنْسَانْ وْ ڤَلْتُولِي هُوَ لِي كَانْ يْضَلَلْ فِي الْشَعْبْ وْ هَا رَانِي سَقْسِيتَهْ ڤُدَامْكُمْ وْ مَالْقِيتْ فِيهْ حْتَى ذَنْبْ مَلِحَصَلْتْ فِيهْ .¹⁵وْ حَتَى هِيرُودُسْ مَالْقَا فِيهْ حْتَى ذَنْبْ وْ رَدَّهْ لِينَا وْ مَادَارْ وَالُوا بَاشْ يْسْحَقْ لْمُوتْ . ¹⁶غَادِي نْجَلْدَهْ وْ نَطَلْڤَهْ يْرُوحْ ". ¹⁷وْ كَانْ عْلِيهْ بَاشْ يَطْلَڤْ مَحَابْسِي وَاحَدْ كُلْ عِيدْ .¹⁸وْ كَانُوا يْزَڤُوا بْصُوتْ وَاحَدْ وْ يْڤُولُوا : " أدُوا هَدَا وْ طَلْڤُوا لِينَا بَارَابَاسْ!". ¹⁹وْ بَارَابَاسْ كَانْ فِي لْحَبْسْ عْلَى خَاطَرْ كَانْ يْدِيرْ فِتْنَة فْلَمْدِينَة وْ يَڤْتُلْ .²⁰وْ عَاوُدْ هْدَرْ مْعَاهُمْ بِيلَاطُسْ عْلَى خَاطَرْ كَانْ بَاغِي يَطْلَڤْ يَسُوعْ ،  ²¹وْ كَانُو يْزَڤُوا وْ يْڤُولُوا : <<صَلْبُوهْ !صَلْبُوهْ ! >>. ²²وْ سَقْسَاهُمْ لَلْمَرَة الْثَالْثَة : " شَاهُوَ الذَنْبْ لِي دَارَهْ هَادْ الْرَاجَلْ؟ مَ لْقِيتْ فِيهْ حْتَى ذَنْبْ يَسْتَاهَلْ عْلِيهْ لْمُوتْ ، غَادِي نَجَلْدَهْ وْ نَطَلْڤَهْ ".²³وْكَانُوا يْزَڤُوابْجَهْدْهُمْ وْ يَطَلْبُوا مَنَهْ بَاشْ يْصَلْبَهْ . وْ صُوتْهُمْ كَانْ غَالَبْ . ²⁴وْ قَرَرْ بِيلَاطُسْ بَاشْ يْدِيرْ الْشِي لِي بْغَاوَهْ . ²⁵مَنْ بَعْدْ طْلَڤَلْهُمْ لِّي كَانْ فِي لْحَبْسْ بْسَبَتْ الْفِتْنَة وْ قَتْلَهْ ، لِّي طَلْبُوهْ ، وْ سَلَّمْ يَسُوعْ بَاشْ يْدِيرُوا فِيهْ شَا بْغَاوْ .²⁶فَلْوَقْتْ لِّي كَانُوا غَادْيِينْ بِيهْ شَدُّوا وَاحَدْ الْرَاجَلْ مَنْ قَيْرَوَانْ سَمُوهْ سِمْعَانْ ، كَانْ مْوَلِي مَنْ لَخْلَى ، وْ حَطُوا عْلَى ظَهْرَهْ الخَشْبَة تَاعْ صَلِيبْ .²⁷وْ تَبْعُوهْ بْزَافْ نَاسْ مَنْ الْشَعْبْ ، وْ نْسَا لِي كَانُوا يْنَدْبُوا عْلِيهْ . ²⁸وْ وْ دَارْ عَنْدْهُمْ يَسُوعْ وْ ڤَالْ : "يَا بْنَاتْ أُورْشَلِيمْ ، مَا تَبْكُوشْ عْلِيَّ بَصَحْ بْكُوا عْلَى رْوَاحْكُمْ وْ عْلَى وْلَادْكُمْ ،²⁹لَخَاطَرْ غَادِي يْجُوا يَمَاتْ يْڤُولُوا فِيهَا : سَعْدَاتْ نْسَا لِي مَيَوَلْدُوشْ وْ مَيْرَضْعُوشْ ! ³⁰فِي دَاكْ لْوَقْتْ يْبْدَاوْ يْڤُولُوا لَلْجْبَالْ : طِيحُوا عْلِينَا ! وْ وْ تِلَالْ غَطِينَا ! ³¹عْلَى خَاطَرْ اذَا دَرُوا هَدَا بَالءغُصْنْ لَخْضَرْ ، شَا غَدِي يْصْرَا بْالْيَابَسْ ؟".³²وْ جَابُوا تَانِي زُوجْ خِيَانْ وَحْدُخْرِينْ بَاشْ يَڤَتْلُوهُمْ .³³وْ كِي وَصْلُوا لَلْجُمْجُمَة صَلْبُوهْ تْمَّ مَعَ هَادُوكْ لْخِيَانْ ، وَاحَدْ عْلَى لْيْمِينْ وْ لَاخُرْ عْلَى لِيسَرْ . ³⁴وْ ڤَالْ يَسُوعْ : " يَا أَبَتَاهْ ، غْفَرَلْهُمْ ، لَخَاطَرْ مَعْلَابَالْهُمْشْ شَا رَاهُمْ يْدِيرُوا ". تْڤَاسْمُوا كَسَوْتَهْ وْ دَارُوا قُرْعَة عْلِيهَا .³⁵وْ كَانُوا نَاسْ وَاڤْفِينْ وْ يْشُوفُوا ، وْ الْرُؤَسَاءْ تَانِي مْعَاهُمْ يْزَعْقُوا بِيهْ وْ يْڤُولُوا :" اذَا كَانْ لْمَسِيحْ مُخْتَارْ الله ، كِيمَا سَلَكْ لُخْرِينْ يْسَلَكْ رُوحَهْ! ".³⁶وْ ضَحْكُوا عْلِيهْ لْعَسْكَرْ حْتَى هُومَا ڤَدْمُوا عَنْدَهْ وْ عْطَاوَهْ لْخَلْ ،   وْ ڤَالُوا لِيهْ : ³⁷" اذَا كُنْتْ نْتَ مَلِكْ لْيَهُودْ سَلَكْ رُوحَكْ !". ³⁸وْ كَانْ فُوڤْ رَاسَهْ لُوحَة مَكْتُوبْ عْلِيهَا بْلْيُونَانِيَة وْ رُومَانِية وْ لْعِبْرِيَة : " هَدَا هُوَ مَلِكْ الْيَهُودْ ".³⁹وْ كَانْ وَاحَدْ مَنْ الْخِيَانْ لَمَصْلُوبِينْ مْعَاهْ يْڤُولْ : " اذَا كُنْتْ أَنْتْ هُوَ الْمَسِيحْ ، سَلَكْ رُوحَكْ وْ سَلَكْنَا !". ⁴⁰بَصَحْ لَاخُرْ زَڤَى وْ ڤَالْ : مَتْخَافْشْ رَبِّي وْ نْتَا رَاكْ غَادِي تَتْعَدَبْ كِيفَهْ ؟ ⁴¹حْنَا نْسْتَاهْلُوا هَادْ لْعُقُوبَة ، عْلَى جَالْ لِّي دَرْنَاهْ، بَصَحْ هُوَ مَا دَارْ وَالُو ".⁴²وْ ڤَالْ لْيَسُوعْ : " تْفَكَرْنِي كِي تْجِي فِي لْمَلَكُوتْ تَاعَكْ ". ⁴³جَاوْبَهْ يَسُوعْ وْ ڤَالَهْ : " الْحَقْ نْڤُولَكْ : غَادِي تْكُونْ مْعَايَا فِي الْجَنَّة ".⁴⁴جْوَايَهْ طْنَاشْ تَاعْ نْهَارْ ظَلْمَتْ الْأَرْضْ حْتَى ثْلَاثَة تَاعْ لَعْشِيَة . ⁴⁵وْدَرْڤَتْ الْشَمْسْ وْ تَڤْطَعْ لْحْجَابْ تَاعْ لْهَيْكَلْ مَنْ لْوَسْطْ .⁴⁶وْ زَڤَا يَسُوعْ مَنْ كُلْ جَهْدَهْ وْ ڤَالْ بِينْ يَدِيكْ نْسَلَمْ رُوحِي وْ كِي ڤَالْ هَادْ لْهَدْرَة سَلَمْ رُوحَهْ . ⁴⁷وْ كِي شَافْ مَسْؤُولْ تَاعْ لْعَسْكَرْ لِي صْرَا مَجَدْ الله وْ َڤَالْ : " بَلْحَقْ كَانْ هَدَا إِنْسَانْ مَا عْلِيهْ حْتَى ذَنْبْ !".⁴⁸وْ ڤَاعْ نَاسْ لِّي حَضْرُوا وْ شَافُوا لِي صْرَا ، وْلَاوْ يْخَبْطُوا فِي صْدُورْهُمْ ،  ⁴⁹ وْ كَانُوا ڤَاعْ لِّي يْعَرْفُوهْ وْ نْسَا لِّي تَبْعُوهْ مَنْ الْجَلِيلْ وَاڤْفِينْ مَنْ بْعِيدْ يْشُوفُوا شَا رَاهْ صَارِي .⁵⁰وْ كَانْ وَاحَدْ الْرَاجَلْ سَمُوهْ يُوسَفْ ، وْ كَانْ رَاجَلْ مْسَڤَمْ . ⁵¹هَذَا مَا كَانشْ مْوَافَقْهُمْ فِي وَاشْ كَانُوا يْدِيرُوا . وْ هُوَ كَانْ مَنْ مْدِينَة جَايَة فِي لْيَهُودْ سَمُوهَا الرَّامَة وْ هُوَ تَانِي كَانْ يْقَارَعْ فِي ملَكُوتْ الله .⁵²رَاحْ يُوسَفْ عَنْدْ بِيلَاطُسْ وْ طْلَبْ مَنَهْ الْجَسَدْ تَاعْ يَسُوعْ ، ⁵³نَزْلَهْ مَنْ الْخَشْبَة ، وْ لَفَّهْ بْلْكَتَّانْ ، وْ دَارَهْ فِي الْقْبَرْ جْدِيدْ مَا كَانْ فِيهْ حْتَى وَاحَدْ .⁵⁴وْ كَانْ نْهَارْ تَوْجَادْ وْ نَهَارْ الْسَبْتْ جَايْ . ⁵⁵وْ تَبْعَهْ نْسَا جَاوْ مَنْ الْجَلِيلْ ، وْ شَافُوا الْقْبَرْ وْ كِيفَاشْ كَانْ مَحْطُوطْ لْدَاخَلْ . ⁵⁶وْلَاوْ وْ وَجْدُوا رْوَايَحْ وْ أَطْيَابْ . وْ نْهَارْ الْسَبْتْ رَيْحُوا عْلَى حْسَابْ الْوْصِيَة .

¹وفى لْفْجَر نْتَاع نْهَار الْحَدْ جَاوْ للْقبَر جَايْبِيْن مْعَاهُم لَحْنُوط لِي وجْدُه. ²ولْڤَاوْ الْحجْرَة موَخرَة عْلَى لَقْبَرّْ. ³وكِي دَخْلُوا مَالْڤَاوش لْجُثَة تَاعْ الْرَّب يَسٌوع.⁴وهُمَا مْتْحيرَاتْ وڤف لْهُم زُوجْ رْجَالْ لاَبْسِيْن بْيضْ. ⁵خَافُو وْحطُو وْجُهْهُم فْلَرْض، وڤالُو لْهُم هَذُوكْ الرْجَالْ: "عْلاَش رَاكُو تْحَوسُو علَى الحَيْ بِينْ الْمُوتَا؟⁶مَارَاهْشْ هْنَا،بصَّحْ قَامْ من الْمُوتَا! تْفكْرُوا الهْدرَّة لِيْ ڤالْهَا لْكُم فْى الجَلِيلْ  ⁷ كِي ڤال: إِبنْ الإِنْسَان يلِيقْ يتسلَمْ فيْ يدِيْن الْخَاطْيِين ويتْصلَب، وفِي نْهَار الثالْث يقُوم مْن لْمُوت".⁸وتْفَكَرُوا هْدَرْتَه، ⁹ولاَّو من الَقِبَرّ، وخَبْرُوا الْتْلاَمذ حْدَاشْ وڤعْ لَخْرِيْن بْشِي لِيْ صْرا. ولِيْ خَبْرُوا الرُسُل همَا. ¹⁰مَريَم المَجْدَلِيَة، يُوَنَّا ومَريَم يْمَاتْ يَعقُوب، ونْسَا لَخْرِين لِيْ رَاحُوا مْعَاهُمْ.¹¹مَا أمْنُوهُومْش الرُّسُل عْلَى خَاطَر حَسْبُوهُم رَاهُم يتخَيْلُوا. ¹²نَاضْ بُطرُس وْجرَّا للقْبَرّ، وكِي طَاطَا شَاف كَفَن مَلْفُوفْ وَحدَه، ومْبَعد رَاح مَخْلُوعْ مَنْ وَاشْ صْرَا.¹³و فِيْ دَاك النْهَار كَانُو زُوجْ مَنْهُم رَاحُو لْوَاحْد الدْوَار بْعِيْد عْلى أُورْشَلِيم بْسبعَة كِيْلُومِتر، يسمُوه «عَمْوَاسْ». ¹⁴ويهدْرُوا بِينَاتْهُم عْلَى ڤاعْ وَاشْ صْرا.¹⁵كِيْ كَانُوا يْتحَاوْرُّوا، يَسُوع بْرُحَه ڤربْ لهُم وتْمشَى مْعَاهُم. ¹⁶بْصَحْ حَجَة مَا خلاَتْش عَينِيهُم تْعَرْفَه.¹⁷وسْقسَاهُم: "شَا رَاكُم تْهدْروا بِيْنَاتْكُم ونْتُومَا مَاشيين مكتَائبِيْن ؟". ¹⁸وجَاوْبَه واحَد، يسْمُوهْ كَلْيُوبَاص وڤالَه: "نْتَا وَاحْدَك البَرَانِيْ لِي سَاكنْ فِي أُورشَلِيْم ومَا رَاكْش عَارف وَاشْ صْرا فِي هَذي لْيَامَات؟".¹⁹ڤال لْهُم: "شَا صْرا؟". جَاوبُوه: "لِي صْرَا لْيَسُوعِ النَاصِرِيْ، لِيْ كَانْ نْبِيْ قَوِي فِيْ كْلاَمَهِ وْفْعَايْلَهْ ڤدَامْ الله وْڤاعْ الشَعْبْ. ²⁰وْكِيفَاهِ سَلْمُوهْ لْرُؤَسَاءْ رِجَالْ الدِيْنْ وْالحُكَامْ نْتَاوعْنَا بَاهْ يْحكمُوْ عْلِيْه بْلْمُوتْ وْيْصَلْبُوهْ.²¹وَحْنَا كُنَا نْترجَاو بلِيْ هُوَ لِيْ غَادِيْ يسْلَك إسْرَائِيل. بصَحْ، مْعَ هَاذ شِيْ ڤاع،هَاوْلاَ اليُومْ الثَالَث مَلِيْ صْرا هَاذْ الشِي.²²بصَاحْ شِيْ نْسَا مْنْ عنْدنَا حَيْرُونَا عْلَى خَاطَرْ عَلَى رَاحُو لَقْبَرصْبَاحْ بكرِيْ، ²³كِي مَا لْڤاوش الْجُثَة تَاع يَسُوع، جَاوْ وْڤالُوا: شَافُو المَلاَيْكَة ڤالوا لهُمْ يَسُوع حَيْ. ²⁴ورَاحُوا جْمَاعة لِي كَانُوا مْعَانَا للقَبَرْ، ولْڤاوهْ كِيْمَا ڤالُوا النْسَا بْصَحْ هُمَ مَاشَافُوهْش".²⁵وْڤالْ لهُم يسوع: "يَالِي ماتْفَاهْمُوش وإيمَانْكُم قْلِيل فِي الإيمَانْ لِي هَدْرُوه الأَنْبِيَاء! ²⁶مَاشِيْ كَانْ يْلِيقْ الْمَسِيح يتألْم ويدخُل لِمَجدَ نْتَاعَه؟". ²⁷وْبْدَا المَسْيح يفسَرْ لهُم ڤاع الكُتُب وبْدَا منْ مُوسى وڤاعْ الأَنْبِيَاءْ.²⁸مْبَعْد ڤرْبُوا لَدوَار لِيْ كَانُوا رَايِحِينْ لَه، وْبَانْ لْهُم يَسُوع كَلِي رَايَح لْمُوضَع بْعِيد. ²⁹وْحَاوْلُوهْ وْڤالُو لَه: "ڤعَد مْعَانا، عْلَى خَاطَر نْهَارْ رَاح وْاللِيل ڤربْ». ودخل بَاشْ يْبَاتْ مْعَاهُم.³⁰كِي تْكَا مْعَاهُم رفَد الْخُبْز ْوبَارْكْ وْڤطَعْ وْمدْلهُمْ، ³¹وتْحلُو عَينِهُم وعَرْفُوه مْبَعد ما بَانش لهُم، ³²وْبْدَاو يْهدْرُوا مَا بِيْنَاتهُمْ وْيڤولُوْا: "مَاشِيْ كَانْ فِيْ قَلْبنَا لَحْرَارَة كِيْ كَانْ يَهْدَرْ لْنَا فِيْ الطرِيْڤ وْيفسَرْ لنَا الشَرِيعَةْ؟".³³وْنَاضُوا فِيْ دِيْكْ السَاعَةْ وْرجْعُوا لأُورْشَلِيْمْ، وْلڤاوْ حْدَاشْ التْلَامْذْ مَتْلَايْمِينْ هُمْ وْلِيِ مْعَاهُمْ ³⁴وْهُمَا يْڤولُو : "الرَّبْ بْالحَقِيقَةْ قَامْ مْنْ المَوتْ وْبَانْ لْسَمْعَانْ!". ³⁵بْصَحْ هُمَا كَانُو يْعَاوْدُو الصْرَا فْي الطْرِيْڤ وْكِيْفَاهْ عَرْفُوهْ كِيْ ڤطَعْ الخُبْزْ.³⁶وْكِيْ كَانُوا يْهَدْرُوْا بْهَاذْ الشِيْ وْڤفْ يَسُوعْ فِيْ وَسْطْهُمْ، وْڤالْ لْهُمْ : "سَلَامْ لِيْكُمْ!". ³⁷خَافُوا وْانْخَلعُوْا، وحْسْبُوا يَلِيْ شَافُو رُوحْ.³⁸ڤالْ لْهُمْ يَسُوعْ: " عْلاَشْ رَاكُمْ مَخْلُوعِيْنْ، وَعْلَاشْ دْخَلْ الشَكْ فِي ڤلُوْبْكُمْ؟ ³⁹شُوفُو يْدِيَا وْشُوفُو رْجْلِيَا: رَانِيْ أَنَا هُوَ! تْلْمسُونِيْ تْشُوفُوْا، خَاطَرْشْ الرُّوْحْ مَاعْندهَاشْ لْحَمْ وْلَعْظَمْ كِيْمَا رَاكُمْ تْشُوفُو فِيَا". ⁴⁰كِيْ ڤالْ لْهُمْ هَكَا وَرَالْهُمْ يْدِيْه وْرَجْلِيْه.⁴¹وْكِيْمَا هُمَا مَاشِيْ مْأَمْنِينْ مَلفَرْحَة ْوْ الخَلْعَة ڤالْهُمْ: "عَنْدْكُمْ هْنَا مَكْلَة". ⁴²"عْطَاوْهْ حُوتْ مَشْوِيْ وْشْوِيَا عْسَلْ. ⁴³دَاهْ وْكَلاَهْ قُدَامْهُمْ.⁴⁴وْڤالْ لْهُمْ: "هَذَا هُوَ لْكْلَامْ لِيْ كْلَمْتْ لْكُمْ بِهْ وْأَنَا مَازَالْ مْعَاكُمْ: بْلِيْ يْلِيْقْ يْتحْقَقْ ڤاعْ لِيْ مَكْتُوبْ فِيْ شَرْعْ تَاعْ مُوسَى وكتُبْ الأَنْبِيَاء ".⁴⁵تَمْتَمْ نَوَرْ لْهُم عْقَولْهُمْ بَاشْ يْفَهْمُوا كْتَابْ الله . ⁴⁶وْڤالْ لْهُمْ: "هَكَا مَكْتُوبْ، كَانْ يلِيقْ عْلَى المَسِيْح بَاشْ يْتْألَمْ وْ يْقُومْ مْن المُوتْ فِيْ اليَومْ الثَالْثْ، ⁴⁷بَاشْ يْبَشَرْ بْإِسْمَه بْالتَوبَة وْغُفْرَانْ الذْنُوبْ لْڤاعْ الشْعُوبْ، وْالبَدْيَةْ مَنْ أُوْرْشَلِيْمْ.⁴⁸وْنْتُومَا شْهُودْ عْلَى هَاذْ الشِيْ. ⁴⁹وَأَنَا غَادِيْ نَرْسْل لْكُمْ لِي وْعَدْ بِه بُويَا. ڤعْدُو غِيْرْ فِيْ أُوْرشَلِيْم حْتَى تَنْزلْ عْلِيْكُمْ قُوَة مَنْ السّْمَا" .⁵⁰خَرَجْهُمْ وْدَاهُمْ لْبِيْتْ عَنْيَا ، وْطَلَعْ يَدِيْه وْبَارْكهُمْ. ⁵¹وْالوَقْتْ لِلْي كَانْ يْبَارْكْهُمْ ، فَارْقْهُمْ وْطْلَعْ لْسّْمَا.⁵²سَجْدُو لَهْ وْولاَوْ لأُورْشَلِيْمْ وْهُمَا فَرْحَانِيْن، ⁵³وْكَانُوْا فِيْ كُلْ الوَقْتْ فْي الهَيْكَلْ يْسَبْحُوا ويْعَبْدُوا الله. أَمِيْنْ.

¹فَى الْبَدْيَة كَانْ الْكَلْمَة، وَالْكَلْمَة كَانْ عَنْدَ اللهّْ، وَالْكَلِمَة كَانْ اّْلله. ²هَدَا كَانْ فَى الْبَدْيَة عَنْدَ اّْلله. ³بِيهْ كُلْ شِي كَانْ، وْ بْلاَبِيهْ مَاكَانْ حَتَّى حَاجَة مَنْ دَاكْ الَشِي لِكَانْ.⁴فِيهْ كَانَتْ الْحَيَاةْ، وْ الْحَيَاةْ كَانَتْ نُورْ لَلْنَّاسْ. ⁵وَالنُورْ إِيضَوِّي فَالضَلْمَة، وْ الَضَلْمَةَ مَاقَبْلَتْهَشْ.⁶كَانْ وَاحْدْ الرَاجْلْ مَرْسُولْ مَنْ عَنْدْ اّْلله إِسَمُوهْ يُوحَنَا. ⁷جَا يَشْهَدْ لَنُورْ، بَاهْ ڤَاعْ إِآَمْنُوا عْلَى يَدَّهْ . ⁸مَاكَانْشْ هَادْ الرَّاجَلْ هُوَالنُّورْ، بَصَّحْ كَانْ يَشْهَدْ للَنُّورْ.⁹كَانْ النُّورْ الْحَقِيقِي اللٍِّي جَايْ للَدَّنْيَا، بَاشْ يْضَوِّي كُلْ بْنَادْمْ.¹⁰الْكَلْمَة كَانْ فَي الَدَّنْيَا، وْ الذَّنْيَا بِيهْ تْخَلْقَتْ، وَبَصَّحْ الدَّنْيَا مَاعَرْفَاتَهْشْ. ¹¹جَا لْعَنْدْ شَعْبَهْ، وْ شَعْبَهْ مَاقْبْلُوهْشْ.¹²بَصَّحْ هَادُوكْ ڤَاعْ لِقْبْلُوهْ، وْ آمْنُوا بِيهْ، عْطَاهُمْ الَسُلْطَة بَشْ إِيَولُّوا وْلاَدْ اللهَّْ. ¹³وْهُمَا لِمَاتْوَلْدُوشْ مَنْ دَمْ، وْلاَمَنْ مَشِيئَة جَسَدْ، وْلاَمَنْ مَشِيئَة رَاجَلْ، بَصَّحْ مَنْ اللهَّْ.¹⁴وَالْكَلِمَة وَلَّى بْنَادَمْ، وْ سْكَنْ بِينَاتْنَا، وَشَفْنَا الْعَزْتَاعَهْ، الْوَلْدْ الْوَحِيدْ تَاعْ الأَبْ، مْعَمَّرْ نِعْمَةْ وْحَقْ . ¹⁵يُوحَنَّا شْهَدْ لَهْ، وْبَرَّحْ وْ ڤَالْ : «هَادْ ا هُوَ اللِّي ڤُلْتْ عْلِيهْ : هَادَاكْ اللِّغَادِي يْجِي مَنْ بَعْدْ مَنِّي، رَاهْ مُهِّمْ كْثَرْمَنِّي، عْلَى خَاطَرْ كَانْ قْبَلْ مَنِّي».¹⁶وَمَنْ عَنْدَهْ هُوَ دِّينَا حْنَا ڤَاعْ، نِعْمَة فُوقْ نِعْمَة . ¹⁷عْلَى خَاطَرْ الَشَرْعْ تَعْطَى بْمُوسَى، وْبَصَّحْ النِعْمَة وْالْحَقْ جَاوْ بْيَسُوعْ الْمَسِيحْ . ¹⁸حَتَّى وَاحَدْ مَا شَافْ اللهَّْ، بَصَّحْ الْإِبْنْ الْوَحِيدْ اللِّي ڤْريبْ مَالَْأبْ، هُوَ اللِّي خَبَّرْ بِيهْ.¹⁹وْهَادِي هِيَ شْهَادَةْ يُوحَنَّا، كِرْسْلُولَهْ لِيهُودْ مَنْ اُورُشَلِيمْ رْجَالْ الدِّينْ وْلاَوِيِينْ، بَاشْ إسَقْسَوهْ : « شْكُونْ نْتَ؟» ²⁰وْهُوَ يَعْتَرْفْ، وْمَانْكَرْشْ ,عْتَرَفْ وْڤَالْ : « أَنَا مَاشِي الْمَسِيحْ» . ²¹وْسَقْسَاوَهْ : « شْكُونْ نْتَ؟ نْتَ إِلِيَّا ؟» وْهُوَ يْڤُولْهُمْ: « لاَ، أَنَا مَاشِي هُوَ». وْ يْڤُولُولَهْ ثَانِي : « أَنْتَ نْبِي ؟». وْ جَاوَبْهُمْ وْڤَالْ: « لاَ».²²وْهُمَ يْڤُولُولَهِ : « أَيَّ شْكُونْ أَنْتَ؟ بَاشْ نْمَدُّوا الْجَوَابْ لِهَادُوكْ لِرْسْلُونَا ، وَاشْ تْڤُولْ عْلَى رُوحَكْ ؟ ». ²³وْڤَالْ : « أَنَا صُوتْ لى ابَرَّح فَالَصْحْرَاء، وْ يْڤُولْ: « صَڤْدُوا طْرِيڤْ الَرَّبْ، كِمَا ڤَالْ الَنْبِي أَشْعَيَاءْ».²⁴وْمَنْ بِينْ هَادْ الْمَرْسُولِينْ كَانُوا شِي وَحْدِينْ مَالْفَرِّيسَيِّينْ . ²⁵وْسَقْسَاوَ يُوحَنَّا وْ ڤَالُوا : « عْلاَشْ رَاكْ تْعَمَّدْ النَّاسْ، إِلَى مَاكُنْتْشْ نْتَ هُوَّ الْمَسٍيحْ، وْلاَإِلِيَّا، وْلاَ النْبِيَّ؟»²⁶جَاوَبْهُمْ يُوحَنَّا وْڤَالْ : « أَنَا نْعَمَّدْ بَالْمَا، بَصَّحْ بِينَاتْكُمْ وَاڤفْ وَاحَدْ مَا تَعَرْفُوهْشْ . ²⁷هُوَّ لِغَادِي يْجِي مَنْ بَعْدْ مَنِّي، وْمَانْسْتَاهَلْشْ نْحَلْ خْيُوطْ صَبَّاطَهْ ». ²⁸وْ صْرَا ڤَاعْ هَادْ الَشِي فَبِيتْ عَنْيَا، مَنْ وْرَا وَادْ الأُرْدُنْ، وِينْ كَانْ يُوحَنَّا يْعَمَّدْ النَّاسْ.²⁹وْلْغَدْوَ كِينَا شَافْ يُوحَنَّا يَسُوعْ جَايْ لْعَنْدَهْ ، وْ هُوَّ يْڤُولْ : « هَاهُوَ خْرُوفْ اللهَّْ، اللِّي غَادِي يَرْفَدْ الدْنُوبْ تَاعْ ڤَاعْ العَالَمْ . ³⁰هَادَا هُوَ لُِلْتْ عْلِيهْ، غَادِي يْجِي مَنْبَعْدْ مَنِّي رَاجْلْ مُهِّمْ كْتَرْ مَنِّي، عْلَى خَاطَرْ كَانْ قْبَلْ مَنِّي . ³¹وْ أَنَا مَا كُنْتْشْ نَعَرْفَهْ، بَصَّحْ جِيتْ نْعَمَّدْ بَالْمَا، بَاشْ إِيوَلِّي مَعْرُوفْ عَنْدْ إِسْرَائِيل».³²شْهَدْ يُوحَنَّا لْيَسُوعْ، وْ ڤَالْ : « رَانِي شَفْتْ رُوحْ اللهَّْ نَازَلْ مَاالسْمَا، كِمَا الحْمَامَة، وْبْقَى عْلِيهْ . ³³أَنَا مَاكُنْتْشْ نَعَرْفَهْ، بَصَّحْ هُوَّ لِرْسَلْنِي بَاشْ نْعَمَّدْ بَالْمَا ، هُوَّرَاهْ ڤَالْ لِيَّ : غَادِي نْشُوفْ رُوحْ اللهَّْ نْزَلْ بْقَى عْلِيهْ، رَاهْ هَادَاكْ هُوَّ اللِّي غَادِي يْعَمَّدْ بَالرُوحْ الْقُدُسْ . ³⁴وْ أَنَا رَانِي شْفْتْ هَادْ الشِي، وْ شَهَدْتْ بَلِّي هَادَا هُوَّ إِبْنْ الله ».³⁵وْ لْغَدْوَكِينَا يُوحَنَّا عَاوَدْ تَانِي وَاڤَفْ تَمَّ، هُوَّ وْ زُوجْ مَنْ تْلاَمْذَهْ . ³⁶وْ غِيرْ شَافْ يَسُوعْ يَتْمَشَّي وْڤَالْ : « هَاذَا هُوَّ خْرُوفْ اللهَّْ».³⁷وْسَمْعُوا زوج تَلاَمِيذْ يُوحَنَّا هَادْ الَكْلاَمْ، وْتَبْعُوا يَسُوعْ . ³⁸وْتْلَفَتْ يَسُوعْ وْشَافْهُمْ تَابْعِينَهْ وْيْسَقْسِيهُمْ : « عْلَى وَاشْ رَاكُمْ تْحَوْسُوا ؟» وْجَاوْبُوهْ :«رَّابِّي » لِمَعْنَاهْ يَامْعَلِمْ، وِينْ تَسْكُنْ ؟ . ³⁹وْهُوَّ يْڤُولْهُمْ :« أَرْوَحُوا وْ غَادِي تْشُوفُوا» وِرَاحُوا مْعَاهْ، وْشَافُوا وِينْ يَسْكَنْ، وْ فَوَّتْ مْعَاهْ دَاكْ النْهَارْ، وْكَانْ هَادْ الشِي فِي جْوَايَهْ الرَبْعَة تَاعْ الَعْشِيَة.⁴⁰كَانْ أَنْدَرَاوْسْ خُو سَمْعَانْ بُطْرُسْ وَاحَدْ مَنْ هَادُوكْ الزُوجْ اللِّي سَمْعُواكْلاَمْ يُوحَنَّا وْتَبْعُوا يَسُوعْ . ⁴¹وْلْقَا أَنْدْرَاوْسْ فَااللَّوَلْ خُوهْ سَمْعَانْ وْ ڤَالَهْ: « رَاهْ لْقِينَا المَسِيَّا» اللِّي المَعْنَى نْتَاعَهْ : الْمَسِيحْ . ⁴²وْجَاوْبَهْ يَسُوعْ وْشَافْ فِيهْ وْڤَالْ : « نْتَ سَمْعَانْ وَلْدْ يُونَّا نْتَ غَادِي تْوَلِّي صَفَا » اللِّي مَعْنَاهْ : بُطْرُسْ.⁴³وْلْغَدْوَا كِينَا بْغَى يَسُوعْ إِرُوحْ لَلْجْلِيلْ وْيَلْقَى تَمَّ فِيلِيبُسْ وْ ڤَالَهْ: « تَبَعْنِي !» . ⁴⁴وْ كَانْ فِيلِيبُسْ مَنْ بِيتْ صَيْدَا، اللِّي هِيَّ مَدِينَة أَندَرَاوْسْ وْ بُطْرُسْ . ⁴⁵وْلْقَا فِيلِبْيُوسْ نَتَانَائِيلْ وْ ڤَالَهْ: « رَاهْ لْڤِينَا هَادَاكْ اللِّي كُتَبْ عْلِيهْ مُوسَى فِكْتَابْ الشَرْعْ، وْ كَتْبُوا عْلِيهْ الأَنْبِيَاء، اللِّي هُوَّ يَسُوعْ وَلْدْ يُوسَفْ اللِّي مَاالنَاصِرَةِ».⁴⁶ڤَالَهْ نَتَانَائِيلْ: « زَعْمَ يْطِيڤْ يَخْرَجْ مَا النَاصِرَة حَاجَة مْلِيحَة ؟ وْ رَدْ عْلِيهْ فِيلِيبُسْ: « أَرْوَاحْ وْ شُوفْ !» . ⁴⁷وْشَافْ يَسُوعْ نَتَانَائِيلْ جَايْ لْعَنْدَهْ وْڤَالَهْ : « هَاهُوَ وَاحَدْ إِسْرَائِيلِي حَقِيقِي مَافِيهْشْ غُشْ ! » . ⁴⁸وْيْسَقْسِهْ نَتَانَائِيلْ : « كِيفَاشْ عْرَفْتْنِي؟»، وْجَاوْبَهْ يَسُوعْ وْڤَالَهْ: « قْبَلْ مَاعَيَّطْلَكْ فِيلِيبُسْ، وْ أَنْتَ تَحْتْ شَجْرَة الكَرْمُوسْ، أَنَا شَفْتَكْ» .⁴⁹جَاوْبَهْ نَتَانَائِيلْ: « يَامُعَلِمْ، أَنْتَ إِبْنْ اللهَّْ؟ أَنْتَ مَلِكْ إِسْرَائِيلْ؟ ». ⁵⁰جَاوَبْو يَسُوعْ وْڤَالْ : « وَاشْ آمَنْتْ غِيرْ مِينْ قُتْلَكْ رَانِي شَفْتَكْ تَحْتْ شَجْرَة الْكَرْمُوسْ ؟ غَادِي تْشُوفْ كْتَرْ مَنْ هَادْ الشِي ! ». ⁵¹وْ ڤَالَهْ : « الْحَقْ الْحَقْ نْڤُولْكُمْ : مَنْ الْيُومْ تْشُوفُوا السْمَا مَحْلولَة، وْالْمَلاَيْكَة اللهَّْ، يَطَلْعُوا وْ يْهَوْدُوا عْلَى إِبْنْ الإِنْسَانْ».

¹وْ فِي النْهَارْ الثَالَثْ، كَانْ كَايَنْ عرْسْ فْقَانَا الْجَلِيلْ، وْ كَانَتْ اُمْ يَسُوعْ تَمَّ . ²وْعَرْضُوا تَانِي يَسُوعْ وْ تْلاَمْدَه.³وْ كِكَمَلْ الشْرَابْ، ڤَالَتْ أُمْ يَسُوعْ لْيَسُوعْ: « مَاعَنْدْهُمْشْ الشْرَابْ ». ⁴ڤَالْهَا يَسُوعْ: « وَاشْ بَيْنِي وْ بِينِيكْ يَامْرَا؟ مَازَالْ مَاجَاتْشْ سَاعْتِي ». ⁵وْ ڤَالَتْ أَمَّهْ لَلْخَدَامَة: « ڤَاعْ لِڤُولَهُلْكُمْ دِيرُوهْ» .⁶وْكَانْ كَايَنْ تَمَّ سَتَّة ڤَرْبَاتْ مَخْدُومِينْ بَالَحْجَرْ يَسْتَخَدْمُوهُمْ لِهُودْ بَاشْ يَتْنَقَاوْ، وْ كَانَتْ كُلْ جَرَة، تَرْفَدْ مَابِينْ تْمَانِينْ حَتَّى لَمْيَة وْ عَشْرِينْ يُوتْرُوا. ⁷وْڤَالْهُمْ يَسُوعْ: « عَمْرُوا الْجَرَّاتْ بَالْمَا » ، وْ هُمْ عَمْرُوهُمْ حضتَّى لَلْفَمْ. ⁸وْ مَنْبَعْدْ ڤَالْهُمْ :« دَرْوَكْ سَرْبِيوْ وأَعْطِيوْ لِمْكَلَفْ بَلْعَرْسْوْ» عْطَاوَهْ .⁹وْمَلِّي دَاقْ الْمَا لِوَلَى شْرَابْ، مَا عْرَفْشْ مْنِينْ جَا، وْبَصَّحْ الْخَدَّامَا لِقَسْمُوا كَانُوا عَارْفِينْ، وْعَيَّطْ لِمْكَلَّفْ بَالْعَرْسْ لَلْعْرِيسْ. ¹⁰وْ ڤَالَهْ : « ڤَاعْ النَّاسْ يَعْطِيوْ الشْرَابْ الَمْخَيَّرْ فِي اللَّوَّلْ، وْ كِيَسَكْرُوا الضْيَافْ يَعْطِيوْهُمْ الشْرَابْ الرْخِيصْ، بَصَّحْ نْتَ رَاكْ خَلِّيتْ الشْرَابْ الَمْلِيحْ حَتَّى لْدَرْوَكْ ».¹¹هَادِي هِيَ الْمُعْجِزَة اللَّوْلَى اللِّي دَارْهَا يَسُوعْ فْقَانَا اللِّي فَلْجَلِيلْ، وْ بَيَّنْ الْعَزْ تَاعَهْ وْ آمْنُوا، بيهْ التْلاَمَدْ.¹²وْ مَنْبَعْدْ هَادْ الشِي هُوَّدْ لْكَفَرْنَاحُومْ، هُوَّ وْ مَّهْ وْ خُوتَهْ وْ تْلاَمْدَهْ، وَڤَعْدُوا تَمَّ شِي يَامَاتْ قْلاَلْ .¹³وْكَانْ عِيدْ الْفَصْحْ تَاعْ اليَهُودْ ڤَريبْ، وْ طْلَعْ يَسُوعْ لُْأرُوشَلِيمْ . ¹⁴وْ لْقَا فْبِيتْ الله الْبَيَّاعَا تَاعْ البْقَرْ، وْ الغْنَمْ، وْ الْحَمَامْ، وْ اللِّي يْبَدْلُوا الدْرَاهَمْ ڤَاعْدِينْ.¹⁵وْ صْنَعْ مَسْوَطْ مَنْ الحْبَالْ، وْ طرَّدْ ڤَاعْ لِكَانُوا فِي بِيتْ الله، الغْنَمْ البْقَرْ وْكَبْ ڤَاعْ دْرَاهَمْ البَيَّاعَا وْ ڤَلَبْ مْوَايَدْهُمْ . ¹⁶وْ ڤَالْ لَلْبَيَّاعَا تَاعْ الْحَمَامْ :« خَرْجُوا هَادْ الشِي مَنْ هْنَا، مَا تْرُودُّشْ دَارْ بُويَ دَارْ لَلْبِيعْ وَ الشْرَا!» .¹⁷وْ تْفَكْرُوا التْلاَمَدْ بَلِّي مَكْتُوبْ فَكْتَابْ الله: « الْغِيرَة عْلَى دَارَكْ غَادِي تَاكُلْنِي ». ¹⁸جَاوْبُوا لِهُودْ وْ ڤَالُوا :« وَاشْ مَنْ أَيَة غَادِي تْدِيرْ، بَاشْ تْوَّرِينَا بَلِّي عَنْدَكْ الْحَقْ، تْدِيرَهَادْ الشِي ؟ ». ¹⁹جَاوَبْهُمْ يَسُوعْ وْ ڤَالْ :« هَدْمُوا بِيتْ الله، وْ فَتَلْتْ يَّامْ أَنَا غَادِي نَبْنِيهْ».²⁰وْ ڤَالُوا لِهُودِ : « هَادْ بِيتْ الله تَبَنِي فِي سَتَة وْ رَبْعِينْ عَامْ، وْ نْتَ فِي تَلْتْ يَّامْ غَادِي تْعَاوَدْ تَبْنِيهْ ؟». ²¹وْ بَصَّحْ يَسُوعْ يَقْصَدْ بْبِيتْ الله هُوَّ الدَّاتْ تَاعَهْ . ²²وْ كِقَامْ مَالْمُوتْ تْفَكْرُوا تْلاَمْدَهْ بَلِّي ڤَالْ، هَادْ الشِي وْ آمْنُوا بَكْتَابْ وْ لَكْلاَمْ اللِّي ڤَالَهْ يَسُوعْ.²³وْ كِكَانْ يَسُوعْ فْأُرُوشَلِيمْ فْعِيدْ الْفَصْحْ، آمْنُوا بَزَافْ النَّاسْ بَلإإِسْمْ تَاعَهْ، عْلَى خَاطَرْ شَافُوا الْمُعْجِزَاتْ لِدَارْهَا . ²⁵وْ بَصَّحْ يَسُوعْ مَاكَانْشْ إِيتِيقْ فِيهُمْ، عْلَى خَاطَرْ كَانْ يَعَرْفْهُمْ ڤَاعْ . ²⁴وْ مَاكَانْشْ مَسْتْحَقْ لْشِي وَاحَدْ يَشْهَدْلَهْعْلَى بْنَادَمْ، عْلَى خَاطَرْ كَانْ يَعْرَفْ وَاشْ كَايَنْ فِڤَلَبْ البْنَادَمْ.

¹كَانْ وَاحَدْ الرَّاجْلْ مَاالْفَرِّيسَيِّينْ إِسَمُوهْ نِيقُوديمُوسْ، رَيَسْ اليَهُودْ . ²جَا لْعَنْدْ يَسُوعْ فَاللِيلْ وْڤَالَهْ : « يَامْعَلَمْ ، نَعَرْفُوا بَلِّي جِيتْ مَنْ عَنْدْ الله مُعَلِّمْ، عْلَى خَاطَرْ مَا يْنَجَّمْ حَتَّى وَاحَدْ يْدِيرْ هَادْ الْمُعْجِزَاتْ اللِّي رَاكْ دِّيرْ فِيهُمْ إِلَى مَاكَانْشْ الله مْعَاهْ ».³جَاوَبْ يَسُوعْ وْ ڤَالْ : « الْحَقْ ، الْحَقْ نْڤُولْكُمْ : إِذَا مَتَوْلَدْشْ وَاحَدْ مَنْ فُوڤْ، مَا يْنَجَمْشْ إِيشُوفْ مَلَكُوتْ الله » . ⁴ڤَالَهْ : «كِيفَاشْ يَقْدَرْ بْنَادَمْ يَتَوْلَدْ وْ هُوَ شِيبَانِي ؟ وَاشْ يَدْخَلْ لْكَرْشْ مَّهْ مَرَّة وَاحْدْ خْرَي وْيَتَوْلَدْ ؟».⁵وْ جَاوْبَهْ يَسُوعْ : « نْڤُولْكُمْ الْحَقْ، لِمَتَوْلَدْشْ مَالْمَا وْ الرُوحْ، مَايَقْدَرْشْ يَدْخُلْ لْمَمْلَكَةْ الله. ⁶رَاه لِتْوْلَدْ مَاالجْسَدْ هُوَّ جْسَدْ وْ لِتَولَدْ مَاالرُوحِ هُوَّ رُوحْ.⁷مَاتَنَخْلَعْشْ إِذَا ڤُتْلْكْ: خَاصْكُمْ تَتْولْدُوا منْ فُوڤْ . ⁸الرِّيحْ يْهَبْ وِينْ مَابْغَى وَيَتَسْمَعْ صُوتَهْ ، بَصَّحْ مَا تَعْرَفْشْ مِينْ إِيجِي، وْ لاَ وْ ينْ إِيرُوحْ، هَكَّا كُلْ وَاحَدْ تَوْلَدْ مَاالرُوحْ ».⁹وْ عَاوَدْ سَقْسَاهْ نِيقُودِيمُوسْ : « كِيفَاشْ يَقْدَرْ يَصْرَاهَادْ الشِي ؟» . ¹⁰وْ جَاوْبَهْ يَسُوعْ وْ ڤَالْ لَهْ : « أَنْتَ مُعَلِّمْ إِسْرَائِيلْ وْ مَا تَعْرَفْشْ هَادْ الشِي ». ¹¹نْڤُولَكْ الْحَقْ : « رَاهْ حْنَا نَتْكَلْمُوا بْدَاكْشِ اللِّي نَعَرْفُوهْ، وْ نَشَهْدُوا بْدَاكْشِي لِشَفْنَاهْ بَصَّحْ . ؟ مَقْبْلْتُوشْ الشَهَادَة نْتَاعْنَا.¹²إِذَا قُلْتْكُمْ الأُمُورْ تَاعْ الأَرْضْ وْ مَا آمْنُوشْ، كِيفَاشْ غَادِي تْآمْنُوا بَالأُمُورْ تَاعْ السْمَا. ¹³حَتَّى وَاحَدْ مَا طْلَعْ لَلْسْمَا غِيرْ هَادَاكْ لِنْزَلْ مَنْهَا، اللِّي هُوَّ إِبْنْ الأِنْسَانْ اللِّي هُوَّ فَالسْمَا.¹⁴وْكِمَا رْفَعْ مُوسَى اللَّفْعَة فَالصَّحْرَا، هَكَّا خَاصْ وَلْدْ الأِنْسَانْ يَتْرَفَعْ . ¹⁵بَاشْ ڤاعْ لأَمَنْ بِيهْ تْكُونْ عَنْدَهْ الحَيَاةْ الدَايْمَة.¹⁶عْلَى خَاطَرْ هَكَّا بْغَا الله نَاسْ الدَنْيَا حَتَّى عْطَى بْنَهْ الْوَحِيد، بَاشْ مَا يَتَهْلَكْشْ ڤَاعْ لِيُؤْمْنْ بِيهْ ، بَصَّحْ تْكُونْ عَنْدَهْ لَحْيَاةْ الدَّايْمَة . ¹⁷الله مَرْسَلْشْ بْنَهْ لْهَادء الدَنْيا بَاشْ يَحْكَمْ عْلَى نَاسْهَا، وَلَكِنْ بَاشْ يَسَلْكُوا بِيهْ . ¹⁸اللِّي آمَنْ بِإبْنْ الله مَايَتَحْكَمْشْ عْلِيهْ، وْ اللِّي مَا يْآمَنْشْ رَاهْ تَحْكَمْ عْلِيهْ ، عْلَى خَاطَرْ مَاآمَنْشْ بأسْمْ ابن الله الْوَحِيدْ.¹⁹وْهَادِي هِيَّ الدَّيْنُونَة، النُورْ جَا لَدَّنْيَا، وْ بَصَّحْ النَّاسْ بْغَاوْ الضَّلْمَة كْتَرْ مَاالنُورْ. ²⁰عْلَى خَاطَرْ فْعَايَلْهُمْ مَاشِي مْلاَحْ، ڤَاعْ لِيْدِيرْ الشَرْ يَكْرَهْ النُورْ، وْ مَايْجِيشْ لَلنُّورْ بَاشْ مَايَتْوَبَخْشْ عْلَى جَالْ فْعَايْلَهْ ²¹.بَصَّحْ لِيَمْشِي فِي طْرِيڤْ الْحَقْ، إِيجِي لْنُّورْ بَاشْ إِبَانْ بْفْعَايْلَهْ إِطِيعْ الله » .²²وْمَنْبَعْدْ هَادْ الشِي، جَا يَسُوعْ وْ تْلاَمْدَهْ لَبْلاَدْ الْيَهُودِيَة، وْڤْعَدْ مْعَاهُمْ تَمَّ شِي يَامَاتْ وْ كَانْ يْعَمَّدْ . ²³وْ كَانْ يُوحَنَّا إِعَمَّدْ النَّاسْ هُوَّ تَانِي فْعِينْ نُونْ، حْدَا مدِينَةْ سَالِيمْ عْلَى خَاطَرْ كَانْ كَايَنْ تَمَّبَزَّافْ الْمَا ، وْ النَّاسْ كَانُوا يْجُو وَيَتْعَمْدُوا . ²⁴وْ يُوحَنَّا كَانْ مَازَالْ مَتْشَدْشْ فَالْحَبْسْ.²⁵وْصْرَا وَاحَدْ النِقَاشْ بِينْ تْلاَمَدْ يُوحَنَّا وْ وَاحَدْ لِيهُودِي عْلَى كِيفَاشْ إِكُونْ التَطْهِيرْ . ²⁶جَاوْ عَنْدْ يُوحَنَّا وْ ڤَالُولَهْ : « يَامْعَلِمْ ، هَادَاكْ اللِّي كَانْ مْعَاكْ فَالْجِهَة لُخْرَى تَاعْ وَادْ الأُرْدُنْ، اللِّي شْهَدْتْ لَهْ هَاهُوًّ يْعَمَدْ وْ ڤَاعْ النَّاسْ إِيجُوا لَعَنْدَهْ ».²⁷وْجَاوَبْهُمْ يُوحَنَّا وْ ڤَالْهُمْ : « مَايَقْدَرْشْ بْنَادَمْ يَاخُذْ شِي حاجَة إِلأَّ ما أَعْطَاهَالَهْ الله منعنده . ²⁸نْتُمَ بْرُوحْكُمْ تَشَهُدُوا، بَلِّي ڤُلْتْ: أَنَا مَاشِي هُوَّ الْمَسِيحْ، وْبَصَّحْ الله رْسَلْنِي قْبَلْ مَنَهْ بَتشْ نْوَجَدْ الطْرِيڤْ.²⁹اللِّي عَنْدَهْ العْرُوسَة هُوَّ الَعْرِيسْ، وْ بَصَّحْ صَاحَبْ العْرِيسْ اللِّي وَاڤَفْ وْ يَسْمَعْ لَهْ ، يَفْرَحْ بَزَّافْ كِيَسْمَعْ صُوتْ العْرِيسْ، وْ هَكَّا حَتَّي أَنَا الْفَرْحَة تَاعِي تَكْمَلْتْ . ³⁰لاَبُدَّ يْزِيدْ هُوَّ وْ أَنَا نَنْقَصْ.³¹هَادَاكْ اللِّي يْجِي مَاالفُوڤْ هُوَّ فُوڤْ كُلْ شِي، وْ هَادَاكْ اللِّي مَا لَرْضْ، هُوَّ مَنْ سُكَّانْ لَرْضْ، وْ بْهَدْرَة سُكَانْهَا يَهْدَرْ. ³²وْيَشْهَدْ بْدَاكْ لِشَافْ وْ سْمَعْ، وْ بَصَّحْ حَتَّي حَدْ مَايَقْبَلْ الشْهَادَة تَاعَهْ . ³³وْ اللِّي قْبَلْ الشْهَادَة تَاعَهْ يَشْهَدْ بَلِّؤ الله صَادَقْ.³⁴عْلَى خَاطَرْ اللِّي رْْسْلَهْ الله يَتْكَلَمْ بْكْلاَمْ الله، عْلَى خَاطَرْ الله يَعْطِي الرُوحْ تَاعَهْ بْلاَ حْسَابْ . ³⁵رَاهْ الأَبْ يَبْغِي إِبْنَهْ وْدَارْ كُلْ شِي فْيَّدَهْ، اللِّي يْآمَنْ بْأَبْنَهْ عَنْدَهْ الحَيَاةْ الدَايْمَة. وْ ³⁶اللِّي مَا يَؤْمَنْشْ بْإِبْنَهْ مَايْشُوفْشْ الحَيَاةْ، بَصَّحْ يَبْقَي عْلِيهْ غَضَبْ الله ».

¹وْ كِي عْرَفْ الرَّبْ يَسوُعْ بَلِّي الفَرِسِيِينْ سَمْعُوا بَلِّي التْلَامَذْ جَاو عَنْدَهْ وْ يْغَطَّسْهُمْ كْتَرْ مَنْ يُوحَنَا. ²أُو مَاشِّي يسُوعْ اللِّي كَانْ يْغَطَّسْ، بَصَّحْ التْلَامَذْ تَاعَهْ. ³خَلَّا بْلَادْ اليَهُودِيَّه وْ وَلّى تَانِي للْجَلِيلْ.⁴وْ كَانْ خَاصَّهْ إِيْفُوتْ مَالسَّامِرَة. ⁵هوْ يَوْصَلْ لْوَاحَدْ المْدِينَه فَالسَّامِرَه لِيْسَمُّوهَا سُوخَارْ، ڤْرِيبَه لَلَّرْضْ لِكَانْ عْطَاهَا يَعْقُوبْ لْوَلْدَهْ يُوسَفْ.⁶وْ كَانْ تَمْ الْبِيرْ تَاعْ يَعْقُوبْ، وْ كِي كَانْ يَسوُعْ عِيَّانْ مَاالسْفَرْ جَمَّعْ عَنَدْ وَاحَدْ البِيرْ، وْ كَانَتْ السَّاعَه جْوَايَه الطْنَاعَشْ. ⁷وْ جَاتْ وَحَدْ لَمْرَا مَاالسَّامِرَه بَاشْ تَسْڤيِ الْمَا، ڤَالْهَا يَسُوعْ "عْطِينِي نَشْرُبْ " . ⁸وْ كَانُو تْلَامْذَه رَاحُوا للْمْدِينَه بَاشْ يَشْرُوا الْمَاكْلَه.⁹ڤَالَتْلَهْ لَمْرَا السَّامِرِيَه : « كِيفَاشْ تَطْلُبْ مَنِّي نَعْطِيكْ تَشْرُبْ وْ أنْتَ يْهُودِي وْ أَنَا مْرَا سَامِرِيَه؟ عْلَى خَاطَرْ اليَهُودْ مَا يَتْعَامْلُوشْ مْعَ السَّامِرِيِينْ » . ¹⁰جَاوَبْهَا يَسوُعْ وْ ڤَالْهَا : « لُوكَانْ كُنْتِي تَعَّرْفِي عَطِّيَةْ اللهَّ، وْ شْكُونْ هُوَ اللِّي رَاهْ يْڤُولَّكْ أَعْطِينِي نَشْرُبْ، كُونْ رَاكِي نْتِي اللِّي طْلَبْتِي مَنَّهْ وْ عْطَاكْ الْمَا تَاعْ الْحَيَاةْ ».¹¹وْ ڤَالَتْلَهْ الَمْرَا: « يَا سِيدِي أَنْتَ مَا عَنْدَكْ حَتَى بِيدُوا وْ البِيرْ غَامَقْ، مِينْ جَاكْ الْمَا تَاعْ الحَيَاةْ؟ . ¹²وَاشْ نْتَ خِيرْ مَنْ جَدْناَ يَعْقُوبْ، اللِّي عْطَانَا الْبِيرْ، وْ هُوَ بْرُوحَهْ شْرُبْ مَنَّهْ، وْ شَرْبُوا مَنَّهْ وْلَادَهْ، وْ البْهَايَمْ تَاعَهْ؟ ».¹³وْ جَاوَبْهَا يَسُوعْ وْ ڤَالْهَا: « ڤَاعْ اللِّي غَادِي يَشْرَبْ مَنْ هَادْ الْمَا، غَادِي يْعَاوَدْ يَعْطَشْ. ¹⁴وْ بَصَّحْ لِغَادِي يَشْرُبْ مَالْمَا، اللِّي غَادِي نَعْطِيهْ أَنَا، رَاهْ عُمْرَهْ مَا غَادِي يَعْطَشْ، وْ الْمَا لِّي غَادِي نَعْطِيهْلَهْ، غَادِي يْوَلِي فِيهْ عِينْ تْفِيضْ بَالْمَا تَاعْ الْحَيَاةْ الدَايْمَه ».¹⁵وْ ڤَالَتْلَهْ الَمْرَا : «يَاسِّيدِي عْطِينِي هَادْ الْمَا، بَاشْ مَانْعَاوَدَشْ نَعْطَشْ، وَ لاَ نْجِي لَهْنَا بَاشْ نَسْڤِي». ¹⁶ڤَالْهَا يَسُوعْ : « رُوحِي وْ عَيْطِي لْرَاجْلَكْ وْ وَلِّي لَهْنَا ».¹⁷وْ جَاوْبَاتَهْ لَمْرَا : « وْ مَاعَنْدِيشْ رَاجَلْ»، وْ رَدْ عْلِيهَا يَسُوعْ: «عَنْدَكْ الْحَقْ كِڤُولْتِي مَاعَنْدِيشْ رَاجَلْ. ¹⁸عْلَى خَاطَرْ كَانُوا عَنْدَكْ خَمْسَه تَاع الرْجَالْ وْ الرَاجَلْ اللِّي يْعِيشْ مْعَاكْ دَرْوَكْ مَاشِي رَاجْلَكْ هَادْ الشِّي لِڤُلْتِيهْ رَاهْ صْحِيحْ ».¹⁹وْ تْڤُولَهْ الَمْرَا : «يَا سِيد ِرَانِي نْشُوفْ بَلِّي نْتَ نْبِي . ²⁰جْدُودْنَا عَبْدُوا اَّْلله فْهَادْ الْجْبَلْ، وْ نْتُمَا تْڤُولُوا بَلِّي أُرْشَلِيمْ هُوَ الْمَوْضَعْ اللِّي خَاصْ يَتَّعْبَدْ فِيهْ ».²¹وْ ڤَالْهَا يَسُوعْ : « تِيْقِينِي يَا الْمْرَا رَاهْ غَادِي يْجِي وَاحَدْ الوَقَتْ ، اللِّي فِيهْ مَاغَادِيشْ تَعَّبْدُوا لَْأبْ اَ فْهَادْ الجْبَلْ وْ لَا فْأُرْشَلِيمْ . ²²نْتُمَا تَعَّبْدُوا اللِّي مَاتَعَرْفُوهْشْ، بَصَّحْ حْنَا، نَعَّبْدُوا اللِّي نَعَّرْفُوهْ، عْلَى خَاطَرْ السْلَاكْ إِيْجِي مَالْيَهُودْ.²³وْ غَادِي يْجِي وَاحَدْ الْوَقَتْ ، وْ رَاهْ جَا دَرْوَكْ، وِينْ لِيَعَبْدُوا الأب عْلَى حَق،ْ يَعَّبْدُوه بَالرُّوحْ وَ الحَقْ، عْلَى خَاطَرْ الأَبْ يْحَوَس عْلَى هَادُوا اللِّي َيعَبْدُوهْ هو . ²⁴الله رُوحْ وْ اللِّي يَعَبْدُوهْ خَاصْهُمْ يَعَبْدُوهْ بَالرُوحْ و الحق ».²⁵وْ ڤَاَلَتْلَهْ الَمْرَا : «أَنَا نَعْرَفْ بَلِّي الْمَسِياَ اللِّي هُوَ الْمَسِيحْ غَادِي يْجِي، وْ كِي غَادِي يْجِي، غَادِي يَشْرَحَّلْناَ كُلْشِي ». ²⁶وْ ڤَالْهَا يَسُوعْ : « رَاهْ أَنَا هُوَ اللِّي نَهْدَرْ مْعَاكْ ».²⁷وْ دِيكْ السَّاعَه وْلاَوْ التْلَامَذْ وْ نْخَلْعُوا كِلْقَاوَهْ يَهْدَر مْعَ مرا بَصَّحْ حَتَّى وَاحَدْ مَاسَقْسَاهْ: «عْلَاشْ رَاكْ تَهْدَرْ مْعَاهَا »وْلَّا « وَاشْ بْغِيتْ ».²⁸خَلَّتْ الَمْرَا القُلَّة تَاعْهَا، وْ رَاحَتْ للْمَدِينَه وْ خَبْرَتْ ڤَاعْ النَّاسْ . ²⁹رْوَاحُوا تْشُوفُوا وَاحَدْ الرَّاجْلْ، ڤَالِّي ڤَاعْ اللِّي دَرْتَهْ، يْقَدْ إِيكُونْ هُوَ المَسِيح؟ . ³⁰وْ خَرْجُوا النَّاسْ مَالْمَدِينَه، وْ جَاوْ لَعَنْدْ.³¹و فنَفَسْ الْوَقَتْ كَانُوا التْلَامَذْ يَطَّلْبُوا يَسُوعْ وْ يْڤُولُولَهْ : « المْعَلَمْ كُولْ ». ³²وْ بَصَّحْ هُوَ رَد عْلِيهُمْ : « أَنَا عَنْدِي مَاكْلَه نَاكُلْهَا نْتُمَا مَاتَعَّرْفُوهَاشْ ». ³³ڤَالُوا التْلَامَذْ لْبَعَضْهُمْ بَعَضْ : « بَالَاكْ شِي وَاحَدْ جَابْلَهْ يَاكُلْ ؟ »³⁴وْ ڤَالَلْهُمْ يَسُوعْ : « مَاكَّلْتِي هِيَ نْدِيرْ مَشيِئَةْ الله اللِّي رْسَلْنِي، وْ نَكَمَّلْ الْخَدْمَه تَاعَهْ . ³⁵ياَكْ رَاكُمْ تْڤُولُوا مَنْ دَرْوَكْ رَبْعَ شْهُورْ غَادِي يْجِي لَحْصَادْ، أَيْ رَانِي نْڤُولْكُمْ : طَلْعُوا عَيْنِيكُمْ وْ شُوفُوا الزّْرَعْ فَلَّرْضْ كِيفَاشْ وَلَّى وَاَجَدْ لَلَحْصَادْ . ³⁶وْ الَحْصَادْ يَدّي لُْأجْرَه، وْ يَجْمَعْ الْغَّلَه لَلْحْيَاةْ الدَّايْمَه، بَاشْ يَفْرَحْ هَادَاكْ اللِّي يَزْرَعْ، وْ هَادَاكْ اللِّي حْصَدْ .³⁷وْ مَاكْدَبَشْ هَادَاكْ اللِّي ڤَالْ : وَاحَدْ يَزْرَعْ وْ لَاخُرْ يَحْصَدْ . ³⁸رَانِي رْسَلْتَكُمْ بَاشْ تَحَّصْدُوا مِنَ دَاكْ الشِّي لِمَا عْيِتُوشْ فِيهْ. وَاحَدُخْرِينْ عْيَاوْ وْ نْتُمَا دْخَلْتُوا عْلَى عْيَاهُمْ ».³⁹وْ آَمْنُوا بْيَسُوعْ فِي هَدِيكْ الَمْدِينَه بَزَّافْ مَنْ السَّامِرِييِنْ، بَسْبَابْ كْلَامْ هَادِيكْ الَمْرَا اللِّي كَانَتْ تَشْهَدْ "بَلِّي ڤَالْهَا ڤَاعْ وَاشْ دَارَتْ . ⁴⁰كِجَاوْ عَنْدَهْ السَّامِرِيُونْ طَلْبُوا مَنَّهْ بَاهْ يَبْقَى عَنْدَهُمْ وْ ڤْعَدْ تَمْ يُومِينْ .⁴¹وْ آَمَنُوا بِيهْ بَزَّافْ النَّاسْ بَسْبَابْ كْلَامَهْ . ⁴²وْ ڤَالُوا لَلْمَرَا : « رَاهْ مَاشِي غِيرْ بَسْبَابْ هَدَّرْتَكْ غَادِي نآمَنُوا، بَصَّحْ دَرْوَكْ سْمَعْنَا، وْ عْرَفْنَا بَلِّي بَصَّحْ هَذَا هُوَ الِّي يْنَجِّي ڤَاعْ الدَّنْيَا ».⁴³وْ مِينْ فَاتُوا يُومِينْ، خْرَجْ مَنْ تَمْ وْ رَاحْ لَلْجَلِيلْ . ⁴⁴عْلَى خَاطَرْ يَسُوعْ بْرُوحَهْ شْهَدْ بَلِّي : « مَاكَانَشْ نْبِي عَنْدَهْ كَرَامَه فِي بْلَادَهْ» . ⁴⁵وْ كِوْصَلْ لَلْجَلِيلْ رَحْبُوا بِيهْ الْجَلِيلِيِينْ عَلَى خَاطَرْ شَافُوا ڤَاعْ لّيِ دَارَهْ فِي أُرْشَلِيمْ فَالْعِيدْ.وْ جَاوْ هُمَا ثَاِنى لَلْعِيدْ .⁴⁶وْ مَنْبَعْدْ وَلَّى يَسُوعْ لْقَانَا اللِّي فِي الْجَلِيلْ، وِينْ رَدْ الْمَا الَشْرَابْ، وْ كَانْ فِي كَفَرْنَاحُومْ خَادَمْ الْمَلِكْ عَنْدَهْ وَلْدَهْ مَرِيضْ . ⁴⁷وْ كِسْمَعْ هَادْ الرَّاجَلْ بَلِّي يَسُوعْ جَا مَبْلَادْ اليَهُودِيَه لَلْجَلِيلْ، رَاحْ و سَاْلَهْ بَاهْ اِهَوَدْ يَشْفِي وَلْدَهْ لِكَانْ قْرِيبْ اِمُوتْ .⁴⁸وْ ڤَالَّهْ يَسُوع : « ماْتآْمُنُوشْ غِيرْ إِلَا شَفْتُوا اْلُمُعْجِزَاتْ » . ⁴⁹وْ ڤَالَهْ الْخَدَّامْ تَاعْ الْمَلِكْ : « يَا سِّيدِي أَرْوَاحْ مْعَايَا قْبَلْ مَا يْمُوتْ وَلْدِي ». ⁵⁰وْ رَدْ عَلِيهْ يَسُوعْ وْ ڤَالْ : « رُوحْ رَاهْ وَلْدَكْ حَيْ» وْ آَمَنْ الرَّاجَلْ بْالَكْلَامْ لِڤَالَهْ يَسُوعْ وْ رَاحْ.⁵¹وْ كِرَاحْ لرَّاجَلْ فِي طْرِيڤَهْ لَدَّارْ تْلَاقَا بْالَعَبِيدْ تَاعَهْ وْ ڤَالُولَهْ بَلِّي وَلْدَهْ حَيّْ . ⁵²وْ سَقْسَاهُم عْلَى السَّاعَه لِّي بْدَا يْرِيَّحْ فِيهَا وْ ڤَالُولَه: « الْبَارَحْ مْعَ الْوَحْدَه تَاعْ النْهَارْ رَاحَتْلَهْ الْحُمَى ».⁵³وْ فْهَمْ الأَبْ أَنوُ بَلِّي فْدِيكْ الَسَّاعَه اللِّي ڤَالْ فِيهَا يَسُوعْ : « وَلْدَكْ رَاهْ حِيّْ ، َآمَن بْهَادْ الشِّي لِصْرَا ْ هُوَ وْ ڤَاعْ عِيلْتَهْ ». ⁵⁴وْ كَانَتْ هَذِي هِيَ الْمُعْجِزَه الزَاوْجَه اللِّي دَارْهَا يَسُوعْ وَلَّى مَبْلَادْ اليَهُودِيَّة لَلْجَلِيلْ .

¹وْ مَنْ بَعَدْ ڤَاعْ هَادْ الشِّي، فَالْوَقَتْ لِكَانْ وَاحَدْ الْعِيدْ تَاعْ الْيَهُودْ، طْلَعْ يَسُوعْ لُْأرْشَلِيمْ . ²وْ فَأُرْشَلِيمْ عَنَدْ بَابْ الَغْنَمْ، وَاحَدْ" بَرْكَه" تَاعْ الْمَا إِسَمُوهَا « بِيتْ حَسْدَا »، لِعَنْدَهَا خَمْسَه تَاع لَْأرْوِقَه . ³وْ فِيهَا كَانُوا مْكَسْلِينْ بَزَّافْ مَرْضَى فيِهُمْ الْعُمْيِينْ، وْ اْلقُجْعِينْ، وْ لِيْزَّحْفُوا، وْ يْقَارْعُوا الْمَا تَاعْ الْبَرْكَه يَتْحَرَّكْ . ⁴عْلَى خَاطَرْ كَانْ خَطْرَاتْ وَاحَدْ الَمْلَاكْ يْهَوَّدْ لَلْبَرْكَه، وْ يْحَرَّكْ الْمَا، وْ الَمْرِيضْ اللَّوَلْ لِيْهَوَّدْ مُورْ تَحْرَاكْ الْمَا كَانْ يَبْرَا، مَنْ ڤاعْ مَرْضْ كِيفْ مَا كَانْ لْمَرَضْ .⁵وْ كَانْ تَمْ وَاحَدْ الرَّاجَلْ تْمَنْيَة وْ تْلَاتِينْ سْنَة وْ هُوَ مْرِيضْ . ⁶وْ شَافَهْ يَسُوعْ مَتَّكِي، وَ عْرَفْ بَلِّي هَادَا وَقَتْ طْوِيلْ وْ هُوَ مْرِيضْ، وْ ڤَالَّهْ : «بْغِيتْ تَبْرَا؟ ».⁷وْ جَاوْبَهْ الَمْرِيضْ : « يَا سِّيدِي، مَا عَنْدِيشْ حَتَى وَاحَدْ يْهَوَّدْنِي لَلْبَرْكَه فَلْوَقَتْ لِيَتْحَرَّكْ فِيهْ الْمَا، وْ كِنَبْغِي نْرُوحْ أَنَا، يَنْزَلْ وَاحَدْ ڤُدَّامِي ». ⁸وْ يْڤُولَهْ يَسُوعْ : « نُوضْ رْفَدْ فْرَاشَكْ وَ تْمَشَّى ».⁹تَمْ تَمْ بَرَا الرَاجَلْ وْ رْفَدْ فْرَاشَهْ ، وْ ڤَاعْ هَادَا صْرَا فِي نْهَارْ السَبَتْ .¹⁰وْ ڤَالُوا لِيهُودْ لْهَادَاكْ لِبَرَا: « الْيُومْ السَبَتْ، أَحْرَامْ تَرْفَدْ فْرَاشَكْ ». ¹¹وْ رَدْ عْلِيهُمْ وْ ڤَالْ: « هَادَاكْ لِبْرَانِي، هُوَ لِڤَالِي رْفَدْ فْرَاشَكْ وْ تْمَشَّى ».¹²سَقْسَاوَهْ : «وْ شْكُونْ هَدَا لِڤَالَكْ رْفَدْ فْرَاشَكْ وْ تْمَشَّى؟ ». ¹³وْ بَصَّحْ الرَّاجَلْ اللِّي بْرَا مَاكَانَشْ عَارَفْ شْكُونْ هُوَ، عْلَى خَاطَرْ يَسُوعْ بَعَّدْ عْلَى الْمُوضَعْ لِكَانْ فِيهْ النَّاسْ .¹⁴وْ مَنْبَعَدْ لْڤَاهْ يَسُوعْ فِي بِيتْ الله، وْ ڤَالَّهْ : « أَيَ دُرْوَكْ رَاكْ بْرِيتْ مَاتْزِيدْشْ تَذْنَبْ خِيرْ مَاغَادِي يَصْرَالَكْ شَّرْ كْثَرْ مَا الْلَّوَلْ ». ¹⁵وْ مَنْبَعَدْ رَاحْ الرَّاجَلْ وْ خَبَّرْ لِهُودْ بَلِّي يَسُوعْ هُوَ اللِّي بَرَّاهْ.¹⁶وْ عْلَى هَادْ الشِّي، كَانُوا لِهُودْ اِحَوْزُو يَسُوعْ، و إِحَوْسُوا كِفَاشْ يَكُّتْلُوه، عْلَى خَاطَرْ كَانْ إِيْدِيرْهَادَاكْ الشِّي فِي نْهَارْ السَبَتْ . ¹⁷وْ رَدْ عْلِيهُمْ يَسُوعْ وْ ڤَالْ : « بُويَا رَاهْ يَخْدَمْ حَتَى الْيُومْ، وْ حَتَى أَنَا نَخْدَمْ" ». ¹⁸بَسْبَابْ هَادْ الشِّي، بْدَاوْ لِهُودْ إِحَوْسُوا كِيفَاشْ يَكَّتْلُوا يَسُوعْ، مَاشِي عْلَى خَاطَرْ مَادَارَشْ بَالْقَانُونْ تَاعْ السَبَتْ، بَصَّحْ تَانِي ڤَالْ بَلِّي الله بُوهْ، وْ هَكَا حْسَبْ رُوحَهْ كِمَا رَّبِي.¹⁹جَاوَبْ يَسُوعْ لِهُودْ وْ ڤَالْهُمْ : « نْڤُولْكُمْ الْحَقْ، مَايَقْدَرَشْ لْإبْنْ يْدِيرْ شِي حَاجَه مَنْ عَنْدَهْ، بَصَّحْ إِدِيرْ غِيرْ الَحْوَايَجْ اللِّي يْشُوفْ لأَبْ إِدِيرْهُمْ، عْلَى خَاطَرْ كُلْ حَاجَه إِدِيرْهَا لَْأبْ إِدِيرْهَا بْنَهْ حَتَّى هُوَ . ²⁰عْلَى خَاطَرْ لَْأبْ يَبْغِي بْنَهْ، وْ يْوَرِّيهْ ڤَاعْ لِيْدِيرَهْ، وْ غَادِي يْوَرِيهْ خَدْمَه كْبِيرَه عْلَى هَادِي، وْ هَكَّا غَادِي تَتْعَجْبُوا.²¹كِمَا لَْأبْ إِنَوَّضْ الْمُوتَا وْ يَحْيِّيهُمْ، هَكَا لْإِبَنْ حَتَّى هُوَ غَادِي يَحْيِّى لِبْغَى . ²²لَْأبْ مَايْدِينْ، وْ مَايَحْكُمْ عْلَى حَتَى حَدْ، بَصَّحْ عْطَى ڤَاعْ الْحُكْمْ وْ الدَيْنُونَهْ لْلِإبْنْ. ²³بَاشْ ڤَاعْ النَّاسْ يَعَطِيوْ الْعَزْ لْلِإبْن، كِمَا يَعْطِيوْ الْعَزْ لَلَْأبْ، و لِمَا يَعْطِيشْ الْعَزْ لَلْإِبْنْ رَاهْ مَا يْعَطِيشْ العَزْ لَلَْأبْ الِّي رْسَلْهْ .²⁴الْحَقْ الْحَقْ نْڤُولَلْكُمْ : لِيَسْمَعْ كْلاَمِي، وْ يَامَنْ بَاالِّي رْسَلْنِي، رَاهْ عَنْدَهْ الَحْيَاةْ الدَّايْمَه، وْ مَاغَادِيشْ يَتَّحْكَمْ عْلِيهْ فْيُومْ الدِّينْ، عْلَى خَاطَرْ إِكُونْ فَاتْ مَالْمُوتْ للْحِيَاةْ.²⁵الْحَقْ الْحَقْ نْڤُولَلْكُمْ : غَادِي تْجِي سَاعَهْ، وْ رَاهَا جَاتْ دَرْوَكْ، وينْ غَاِدي يسَّمْعُوا الْمُوتَى صُوتْ وَلْدْ اَّْلله، وْ ڤَاعْ الِّي غَادِي يَسَّمْعُوه غَادِي يَحْيَا.²⁶وْ كِمَا لَْأبْ فِيهْ الَحْيَاةْ فِي ذَاتَهْ ،عْطَى لَبْنَهْ بَاشْ تْكُونْ لَهْ حْيَاةْ فِي ذَاتَهْ. ²⁷وَ عْطَاهْ السُّلْطَه بَاشْ يَحْكُمْ، عْلَى خَاطَرْهُوَ إِبَن الإِنْسَانْ.²⁸وْ مَاتَتْعَجْبُوشْ مَنْ هَادْ الشِّي، رَاهْ غَادِي يْجِي وَاحَدْ الْوَقَتْ، اللِّي فِيهْ ڤَاعْ الْمُوتَى اللِّي فَالَقْبُورْ يَسَّمْعُواالصُوت تَاعَهْ. ²⁹و غَادِي يَخُرْجُوا مَالَقْبُورْ هَادُوكْ لِدَارُوا الْحَسَنَاتْ وْ غَادِيَ يْقُومُوا لَلْحْيَاةْ، وْ هَادُوكْ اللِّي دَارُوا السَّيِئَاتْ غَادِي يْقُومُوا لَلْحُكَمْ وْ الدَيْنُونَة.³⁰أَنَا مَانَقْدَرْشْ نْدِيرْ حَتَى حَاجَه مَنْ عَنَدْ رُوحِي، كِمَا نَسْمَعْ نَحْكُمْ، وْ الْحْكُمْ تَاعِي عَادَلْ، عْلَى خَاطَرْ مَانْحَوَّسْشْ مَشِيئْتِي بَصَّحْ مَشِيئَةْ لأَبْ لِرْسَّلْنِي. ³¹وْ إِلَا كُنْتْ نَشْهَدْ لْنَفْسِي، رَاهَا شْهَادْتِي مَاشِّي صْحِيحَه. ³²وْ بَصَّحْ كَايَنْ وَاحْدَ آخُرْ يَشْهَدْ لِي وْ نَعْرَفْ بَلِّي شْهَادْتَهْ صْحِيحَة.³³رَاكُمْ رْسَلْتُوا الْمَرْسُولِينْ تَاعْكُمْ لْيُوحَنَا، وْهُوَ شْهَدْلِي بَالْحَقْ. ³⁴أَنَا مَا نَقْبَلْشْ شْهَادَهْ مَنْ إِنْسَانْ، وْ بَصَّحْ رَانِي نَهْدَرْ هَاكَا بَاشْ نْتُمَا تْسَّلْكُوا . ³⁵وْ كَانْ هُوَ السِّرَاجْ الشَّاعَلْ وْ الَمْضَوِّي، وْ نْتُمَا قْبَلْتُوا تْفَرْحُوا بَالنُّورْ تَاعَهْ لْوَقَتْ قْلِيلْ.³⁶وْ بَصَّحْ عَنْدِي شْهَادَه كْبَرْ مَنْ هَادْ الشْهَادَه تَاعْ يُوحَنَا، عْلَى خَاطَرْ الْخَدْمَهلِعْطَاهَالِي لْآبْ وْ خَاصْنِي نْكَمَّلْهَا، هِيَ بْرُوحْهَا تَشْهَدْ بَلِّي لَْآبْ لِرْسَلْنِي. ³⁸وْ هُوَ بْرُوحَهْ لِرْسَلْنِي يَشْهَدْ لِي، وْ نْتُمْ عُمُّرْكُمْ مَا سْمَعْتُوا صُوتَهْ وِلَا شَفْتُوا وَجْهَهْ . ³⁷وْ كْلَامَهْ مَاشِي تَابَتْ فِيكُمْ، عْلَى خَاطَرْ مَا تَامْنُوشْ بْهَادَاكْ اللِّي رَسْلَهْ.³⁹نْتُمَا تَقَّلْبْوا فِي كْتُبْ الله عْلَى خَاطَرْ تَحَسْبُوا عَنْدَكُمْ فِيهَا الْحْيَاةْ الدَّايْمَه، وْ رَاهْ هَادُوا الكْتُوبَ هُمَا لِيَشَّهْدُوا لِي . ⁴⁰مَابْغِيتُوشْ جِيوْ عَنْدِي بَاشْ تْكُونْ عَنْدْكُمْ الَحْيَاةْ الدَّايْمَه.⁴¹أَنَا مَا نَقْبَلْشْ الْعَزْ وْ الْمَجْدْ مَاالنَّاسْ . ⁴²وْ بَصَّحْ نَعْرَفْكُمْ وْ نَعْرَفْ بَلِّي مَافيِكُمْشْ مْحَبَّةْ الله .⁴³أَنَا جِيتْ بِاسَمْ بُويَا وْ نْتُومَا مَارَحَّبْتُوشْ بِيَّ، وْ إِلَا جَا وَاحْدَ اخُرْ مَرَّاسَهْ هَادَاكْ غَادِي تْرَحْبُوا بِيهْ . ⁴⁴كِيفَاهْ غَادِي تَقَدْرُوا تْآَمْنُوا وْ نْتُمَا تْقَارْعُوا الْمَّجْدْ وَ الْعَّزْ مَنْ بَعْضِيَاتْكُمْ، وَ الْمَّجَدْ اللِّي هُوَ غِيرْ مَاالله وَحْدَهْ مَارَاكُمْشْ تَطَّلْبُوهْ؟.⁴⁵مَاتْحَسْبُوشْ بَلِّي رَانِي نَشْكِي بِيكُمْ لْبُويَا، لِغَادِي يَشْكِي بِيكُمْ هُوَ مُوسَى، اللِّي دَايْرِينْ فِيهْ رَجَائْكُمْ . ⁴⁶عْلَى خَاطَرْ كُنْتُوا تِّيْقُوا فِي مُوسَى، رَاكُمْ تَقْتُوا بِيَّ عْلَى خَاطَرْهُوَ كْتَبْ عْلِيَّ . ⁴⁷وْ إِلاَ كُنْتُوا مَا تِيقُوشْ الَكْتُبْ تَاعْ مُوسَى كِيفَاشْ تِيْقُوا كْلَامِي؟ ».

¹وْمَمْبَعْدْهَادْ الَشِىى ڤْطَعْ يَسُوعْ لَلْجِهَة لَخْرَى تَاعْ بْحَرْ الْجَلِيلْ , لِهُوَ بْحَرْ طَبَرِيَة. ²وْتَبْعُوهْ جْمَايَعْ تَاعْ النَّاسْ، عْلَى خَاطَرْ شَافُوا الْمُعْجِزَاتْ لِدَارْهَا مْعَ الْمَرْضَى ³.طْلَعْ يَسُوعْ لْوَاحَدْ جْبَلْ وْجَمَّعْ مْعَ تْلاَمْدَهْ.⁴وْڤَرَّبْ عِيدْ الْفَصْحْ، لِهُوَ عِيدْ الْيَهُودْ . ⁵وْطَلَعْ يَسُوعْ عَيْنِيهْ وْشَافْ جْمَايَعْتَاعْ النَّاسْ جَايِينْ عَنْدَهْ، وْڤَالْ: « لْفِلِيبُسْ مِنْ نَقَدْرُو نَشْرُوا الْخُبْزْ بَاشْ يَاكْلُوهَادْ النَّاسْ ؟» . ⁶وْڤَالْ يَسُوعْ هَادْ الْهَدْرَة لْفِيلِبُسْ بَاشْ يَمْتَحْنَهْ، عْلَى خَاطَرْ يَسُوعْ كَانْ عَارَفْ شْتَبَاغِي يْدِيرْ .⁷جَاوْبَهْ فِيلِبُسْ : « رَاهْ مَيْقَدْهُمْشْ خُبْزْ بْمِتِينْ دِينَارْ بَاشْ يَاكُلْ كُلْ وَاحَدْ مَنْهُمْ شْوَيَة ». ⁸ڤَالَهْ وَاحْدْ مَنْ تْلاَمْدَهْ، لِهُوَأَنْدَرَاوُسْ خُو سِمْعَانْ بُطْرُسْ ⁹: «رَاهْ كَايْنْ هْنَا وَاحَدْ لْوَلْدْ عَنْدَهْ خَمْسْ خُبْزَاتْ تَاعْ شْعِيرْ وْ زُوجْ حُتَاتْ، بَصَّحْ كِيفَاشْ غَادِي يَقْدَرْ يْكَفِي ڤَاعْ هَادْ النَّاسْ ؟».¹⁰وْڤَالْ يَسُوعْ : « ڤُولُوا لَنَّاسْ تَڤْعَدْ » وْكَانْ هَادَكْ الْمَوْضَعْ مْعَمَرْ بْلَحْشِيشْ، وْكَانُوا تَمَّ شِي خَمْسَلاَفْ رَجَلْ . ¹¹رْفَدْ يَسُوعْ الْخُبْزَاتْ وْشْكَرْالله، وْ وَزَعْ عْلَى تْلاَمَدْ ، وْهُمَا عْطَاوْ لَنَّاسْ لِڤَاعْدِينْ، وْعَاوَدْ دَاكْ الَشِىى مْعَ الْحُوتَاتْ . ¹²وْ كِشَبْعُوا ڤَالْ لَتْلاَمْدَهْ : « لَمُّوا الْكَسْرَة لِبْقَاتْ بَاشْ مَايْضِيعْ وَالُوا».¹³لَمُّوا وْ عَمْرُوا طْنَاعْشْ ڤُفَة مَنْ طْرُوفَة الْكَسْرَة، مَنْ خَمْسَة خُبْزَاتْ تَاعْ الَشْعِيرْ، لِبْقَاتْ مَنْ مَكْلَتْهُمْ . ¹⁴كِشَافُوا النَّأسْ هَادْ الْمُعْجِزَة لِدَرْهَ يَسُوعْ ڤَالُوا: « فَيٍ لْحَقِيقَة هَادَ هُوَ الَنْبِي لِغَادِي يْجِي لَدَنْيَا !». ¹⁵بَصَّحْ يَسُوعْ كِعْرَفْ بَلِي بْغَاوْ يَخَطْفُوهْ بَاشْ يْرَدُوهْ مَلَكْ عْلِيهُمْ، طْلَعْ مَرَّة وَاحَدْ خْرَى لَجْبَلْ بُحْدَهْ .¹⁶وْكِجَاتْ لَعْشِيَة، هَوْدُوا التْلاَمَدْ لَبْحَرْ. ¹⁷رَكْبُوا فْلَفْلُكَة بَاشْ يْڤَطْعُوا لَبْحَرْ وْيْرُوحُوا لْكَفَرْنَاحُومْ، وْطَاحَتْ الظَلْمَة وْ يَسُوعْ مَازَالْ مَجَاشْ عَنْدْهُمْ . ¹⁸وْهَاجْ لَبْحَرْ بَسْبَابْ الَرِّيحْ لَقْوِيَة.¹⁹وْكِڤَدْمُوا التْلاَمَدْ وَاحَدْ لْخَمْسْ وَلاَسَتْ كِلُمِتْرَاتْ شَافُوا يَسُوعْ يَتْمَشَى فُڤْ الْمَا، وْيْڤَرَّبْ لَلْفْلُكَة وْ هُمَا خَافُوا. ²⁰وْ ڤَالْهُمْ يَسُوعْ: « أَنَا هُوَ مَتْخَافُوشْ !». ²¹وْمَاجَاوْ إِڤُولُولَهْ يَدْخُلْ عَنْدْهُمْ لَلْفْلُوكَة حَتَّى وَصْلُوا لَلْمَوْضَعْ لِكَانُوا رَايْحينْ لَهْ.²²وَلْغَدْوَ كِينَا جْمَاعَة تَاعْ النَّاسْ لِكَانُوا وَاڤْفِينْ عْلَى الْجِهَة لَخْرى تَاعْ لَبْحَرْ، شَافُوا مَكَانْتْشْ كَايْنَ غِيرْ فْلُوكَة وَاحْدْ خْرَى، غِيرْ هَادِكْ لَفْلُوكَة لِرَكُبُوا تْلاَمَدْ يَسُوعْ، وْ يَسُوعْ مَكَانْشْ رَاكَبْ مْعَهُمْ كَانُوا غِيرْ تْلاَمَدْ وَحَدْهُمْ . ²³وْ جَاوْ وَاحْدْ لَفْلاَيْكْ مَنْ طَبَرِيَة، مَنْ وَاحَدْ المَوْضَعْ قْرِبْ مَنْ مْكَانْ لِكْلاَوْ فِيهْ الْخُبْزْ، بَعْدْ مَشْكَرْالَرَبْ يَسُوعْ.²⁴كِشَافُوا ڤَاعْ النَّاسْ بَلِّي مَكَانْشْ لَا الرَّبْ يَسُوعْ وْ لاَ التْلاَمَدْ، رَكْبُوا فْهَدُوكْ لَفْلاَيَكْ وْجَاوْ لْكَفَرْنَاحُومْ بَاشْ يْحَوْسُو عْلَى يَسُوعْ. ²⁵كِلْقَاوَهْ فَالْجِهَة لَخْرَى تَاعْ لَبْحَرْ ڤَالُوا لَهْ : « يَامْعَلَمْ وِينْتَ وْصَلْتْ لَّهْنَا؟».²⁶جَاوَبْهُمْ يَسُوعْ وْ ڤَالْ : « نْتُومَا تْحَوْسُوا عْلِيَا مَاشْى عْلَى خَاطَرْ شَفْتُوا الْمُعْجِزَاتْ، بَصَّحْ عْلَى خَاطَرْ كْلِتُوا الْخُبْزْ وْ شْبَعْتُوا . ²⁷مَتْخَدْمُوشْ لَلْمَاكْلَة الْفَانِيَة، بَصَّحْ خَدْمُوا لَلْمَاكْلَة لِدُومْ لَلَحْيَاةْ الَدَايْمَة، وْهِيَ الْمَاكْلَة لِيَعْطِيكُمْ إِبْنْ الإِنْسَانْ، عْلَى خَاطَرْ الله الآبْ هُوَ لِخَتْمَهْ ».²⁸وڤَالُوا لَهْ : « وَاشْ خَصْنَّا نْدِيرُوا بَاشْ نْدِيرُوا أَعْمَالْ الله؟ ». ²⁹وْ جَاوَبْهُمْ يَسُوعْ : « الْخَدْمَة لِبْغَاكُمْ الله تْدِيرُوهَا هِيَ تْآمْنُوا بْهَادَاكْ لِرَسِْلَهْ ».³⁰ڤَالُوا لَهْ : « وَاشْ مَنْ مُعْجِزَة تَقْدَرْ دِرْ ڤُدَّامْنَا نْشُوفُهَا وْ نْآمْنُوا بْكْ ؟ وَاشْ غَادِي تْدِيرْ ؟ ³¹جْدُدْنَا كْلاَوْ الْمَنْ فَالصَحْرَا كِيمَا هُوَ مَكْتُوبْ : عْطَاهُمْ خُبْزْ مَاسْمَا بَاشْ يَكْلُوا».³²وْ رَّدْ عْلِهُمْ يَسُوعْ : « نْڤُولْكُمْ الْحَقْ مَاشِي مُوسَى لِعْطَاكُمْ الْخُبْزْ مَاسْمَا بَصَّحْ بُويَا هُوَ لِعْطَاكُمْ الْخُبْزْ الْحَقِيقِى مَاسْمَا . ³³عْلَى خَاطَرْ خُبْزْ الله هُوَ لِنَزَلْ مَاسْمَا وْ هُوَ لِيَعْطِي الْحْيَاة الدَايْمَة ». ³⁴ڤَالُوا لَهْ : « عْطِينَا هَادْ الْخُبْزْ يَاسِيدِي فْكُلْة وَقْتْ».³⁵ڤَالْهُمْ يَسُوعْ : « أَنَا هُوَ خُبْزْ لَحْيَاة، لِيْجِى عَنْدِي عُمْرَهْ مَايْجُوعْ، وْ لِآمَنْ بِيَ عُمْرَهْ مَيَعْطَشْ . ³⁶بَصَّحْ كُنْتْ ڤُلْتْ لْكُمْ رَاكُمْ شَفْتُونِي بَصَّحْ مَآمَنْتُشْ . ³⁷كُلْ وَاحَدْ عْطَاهْ لِى الأَبْ غَادِي يْجِي لْعَنْدِي، وَلْغَادِي يْجِي لْعَنْدِي مَنْخَرْجَهْشْ بَرَّا.³⁸عْلَى خَاطَرْ أَنَا نْزَلْتْ مَاسْمَا مَاشْى بَاشْ نْدِيرْ مَشِيئْتِين، بَصَّحْ بَاشْ نْدِيرْ مَشِيئَتْة لِرْسَلْنِي . ³⁹وْهَادِ هِيَ مَشِيئَة لِرْسَلْنِى: لِهِيَ مَنْضَيَعْ حَتَّى وَاحَدْ مَنْ هَادُوكْ لِعْطَانِي، بَصَّحْ فْيُومْ لَحْسَابْ نْقِيمْهُمْ مَالْمُوتْ . ⁴⁰عْلَى خَاطَرْ هَادْ هِيَ مَشْئَة لِرْسَلْنِي : عْلَى خَاطَرْ ڤَاعْ لِيْشُوفْ الإبْنْ وْ آمَنْ بِيهْ تْكُونْ لَهْ لْحَيَاةْ الَدَايْمَة، وْ غَادِي نْقَوْمَهْ فَالْيُومْ لَخَرْ ».⁴¹وْبْدَاوْ لِهُودْ يَدَمْرُوا عْلِيهْ عْلَى خَاطَرْ ڤَالْ : « أَنَا هُوَ الْخُبْزْ لِنْزَلْ مَاسْمَا ». ⁴²وْڤَالُوا :« مَاشِي هَادَ هُوَ يَسُوعْ وَلْدْ يُوسَفْ، لِنَعَرْفُوا بُوهْ وَمَهّْ؟ أَيَّ كِيفَاهْ رَاهْ إِيڤُولْ دَرْوَكْ نْزَلْ مَاسْمَا ؟ ».⁴⁴جَاوَبْهُمْ يَسُوعْ وْ ڤَالْ لْهُمْ : « بْلَمَا تَهَدْرُوا بِينَاتْكُمْ . ⁴⁵رَاهْ حَتَّى وَاحَدْ مَيَقْدَرْ يْجِي لْعَنْدِي حَتَّى يْجِيبَهْ الأَبْ لِرْسَلْنِي، وَأَنَا نْقَوْمَهْ فْيُومْ لَحْسَابْ . ⁴³خَاطَرْ مَكْتُوبْ فَكْتُوبْ الأَنْبِيَاء : ڤَاعْ النّاسْ غَادِي يَتْعَلْمُوا مَنْ الله، وَلِيَتْصَنَتْ لَلَْابْ وْ يَتْعَلَمْ مَنَهْ يْجِي لْعَنْدِي.⁴⁶وَأَنَا مَرَانِيشْ نْڤُولْ بَلِّي شْى وَاحَدْ شَافْ الأَبْ عْلَى خَاطَرْ غِيرْ هَادَاكْ لِمَنْ الله هُوَ وَحْدَهْ شَافْ الأَبْ. ⁴⁷نْڤُولْكُمْ الْحَقْ ڤَاعْ لِآَمَنْ بِيَ عَنْدَهْ لَحْيَاةْ الَدَايْمَة .⁴⁸أَنَا هُوَ خُبْزْ لَحْيَاةْ . ⁴⁹يَاخْ جْدُودْكُمْ كْلَاوْ الْمَنْ فَالصَحْرَا وْ مَاتُوا.⁵⁰هَادَ هُوَ الْخُبْزْ لِنَزَالْ مَاسْمَا لِياكُلْ مَنَهْ مَيْمُوتْشْ . ⁵¹أَنَا هُوَ الْخُبْزْ الْحَيْ لِنْزَلْ مَاسْمَا، إِلَى كْلَا وَاحَدْ مَنْ هَادْ الْخُبْزْ يَحْيَى لَبْدَا، وْلْخُبْزْ أَلِى أَنَا نَعْطِيهْ هُوَ ذَاتِي لِنَعْطِيهْ بَاشْ يَحْيَاوْ نَاسْ الْعَالَمْ ».⁵²وَبْدَاوْ لِهُودْ يَدَبْزُوا مْعَ بَعْضِيَاتْهُمْ وْيْڤُولُوا : « كْيفَاهْ يَقْدَرْ هَادْ الرَّاجَلْ يَعْطِينَا ذَاتَهْ نَاكْلُوهَا ؟» . ⁵³ڤَالْهُمْ يَسُوعْ: « الْحَقْ الْحَقْ نْڤُولْكُمْ إِلاَ مَكْلِيتُوشْ ذَاتْ إِبْنْ الإنْسَانْ مَشْرَبْتُوشْ مَنْ دَّمَهْ مَاغَادِيشْ تْكُونْ فِيكُمْ الْحْيَاةْ.⁵⁴لِيَاكُلْ مَنْ ذَاتِي وْيَشْرَبْ مَنْ دَمِي عَنْدَهْ لَحْيَاةْ الَدَايْمَة، وَأَنَا غَادِي نْقَوْمَهْ فْيُومْلَحْسَابْ . ⁵⁵عْلَى خَاطَرْ ذَاتِي هِيَ الْمَاكْلَة الْحَقِيقِيَة وْ دَمِى هُوَ الْمَشْرُوبْ الْحَقِيقِي. ⁵⁶لِيَاكٌلْ ذَاتِى وْيَشْرَبْ دَمِى يَثْبَتْ فِيَ وَأَنَا فِيهْ.⁵⁷كِيمَا رْسَلْنِي الأَبْ الْحَيْ، أَنَا حَيْ بَالَْأبْ لِيَكُلْنِي غَادِي يَحْيَا بِيَ . ⁵⁸هَادَ هُوَ الْخُبْزْ لٍنْزَلْ مَاسْمَا، مَاشِى كِيمَا كْلَاوْ جْدُودْكُمْ الْمَنْ فَالصَحْرَا وْ مَاتُوا، لِيَاكُلْ هَادْ الْخُبْزْ غَادِي يَحْيَا لَلْبْدَا ». ⁵⁹ڤَالْ يَسُوعْ هَادْ لَكْلاَمْ وْهُوَ يْعَلَمْ فَالْهَيْكَلْ فِي كَفَرْنَاحُومْ.⁶⁰وْڤَالُوا بَزَافْ مَنْ تْلاَمْدَهْ كِسَمْعُوا هَدْرَتَهْ : « هَادْ لَكْلاَمْ صْعِيبْ شْكُونْ يَقْدَرْ يَسَمْعَهْ ؟ » . ⁶¹وْ عْرَفْ يَسُوعْ فِي نَفْسَهْ بَلٍّي تْلاَمْدَهْ كَانُوا يَدَمْرُوا عْلَى هَادْ لَكْلاَمْ وْ جَاوَبْهُمْ : « وَاشْ هَادَ غَادِي يْزَعْزَعْ إيمَانْكُمْ ؟.⁶²وْإلاَشَفْتُوا وَاشْ غَادِي يَصْرَا لْإِبْنْ الإنْسَانْ مِنْ غَادِي يَطْلَعْ وِينْ كَانْ فَاللَوَلْ! ⁶³الرُوحْ هُوَ لِيَحْيِ، بَصَّحْ الذَاتْ مَايْفِيدْ بْوَالُوا، لَكْلاَمْ لِرَانِي نْكَلَمْكُمْ بِيهْ هُوَ رُوحْ وْحْيَاةْ.⁶⁴بَصَّحْ رَاهْ بِينَاتْكُمْ قَومْ مَيْآمْنُوشْ، عْلَى خَاطَرْ يَسُوعْ مَلْبَدْيَة كَانْ عَرَفْ شْكُونْ هُمَا لِمَايْآمْنُوشْ بِيهْ، وَشْكُونْ هُوَ لِغَادِي يْسَلْمَهْ ». ⁶⁵وْ ڤَالْ : « عْلَى خَاطَرْ هَادْ الَشِي ڤُلْتْلْكُمْ : حَتَّى وَاحَدْ مَايَقْدَرْ إيجِي عَنْدِي غِيرْ إِيلاَ أَعْطَاهْ لِى الأَبْ ».⁶⁶وْ فْدَاكْ الْوَقْتْ سَمْحُوا فْيهْ بَزَافْ تْلاَمَدْ وْ مَاوَلَوْشْ يَتْمَشُوا مْعَاهْ . ⁶⁷وْ ڤَالْ يَسُوعْ لَتْلاَمَدْ طْنَاعْشْ : « بَلاَكْ نْتُومَا تَانِى بْغِيتُوا تْرُوحُوا؟ ». ⁶⁸جَاوْبَهْ سَمْعَانْ بُطْرُسْ : « لِمَنْ نْرُوحُوا يَارَبْ وْكْلاَمْ لَحْيَاةْ الَدَايْمَة . ⁶⁹وَحْنَا آمَنَا وَعْرَفْنَا بَلِّي نْتَ هُوَ الْمَسِيحْ إِبْ الله الْحَيْ ».⁷⁰جَاوَبْهُمْ يَسُوعْ : « مَاشِي أَنَا خَيَرْتْكُمْ لَطْنَاعْشْ ؟ وَاحَدْ مَنْكُمْ شِيطَانْ! ». ⁷¹ڤَالْ هَادْ الشِي عْلَى يَهُوذَا سَمْعَانْ الإِسْخَرْيُوطِي، عْلَى خَاطَرْ هَادَ كَانْ بَاغِي يْسَلْمَهْ وْ هُوَ .كَانْ وَاحَدْ مَنْ تْلاَمَدْ طْنَاعْشْ.

¹وْ مْبَعْدْ هَادْ الَشِي، كَانْ يَسُوعْ يَمْشِي مَنْ مَوْضَعْ لَلْمَوْضَعْ فَالْجَلِيلْ، عْلَى خَاطَرْ مَبْغَاشْ يْرُوحْ لَبْلاَدْ الْيَهُودِيَة، وِينْ كَانُوا الْيَهُودْ يْحَوْ سُوا عْلِيه بَاهْ يَكُتْلُوهْ. ²وْكَانْ عِيدْ الْيَهُودْ لِسَمٌوهْ عِيدْ الْمَظَالْ ڤَرَبْ.³وْڤَالُولَهْ خُوتَهْ : « رُوحْ مَنْ هْنَا لَبْلاَدْ الْيَهُودِيَة، بَاشْ حَتَّى تْلاَمَدْ تَوْعَهْيْشُوفُوا الْمُعْجِزَاتْ لِرَاكْ دِيرْهَا. ⁴رَاهْ حَتَّى وَاحَدْ مَايْدَّسْ دَاكْ الَشِي لِيْدِيرْ غِيرْ إِلَ بْغَا يْوَلِي مَعْرُوفْ عَنْدَ النَّاسْ إِلاَ كُونْتْ دْيرْ هَادْ الْمُعْجِزَلتْ بَيَنْ نَفْسَكْ لَلْعَالَمْ ».⁵عْلَى خَاطَرْ حَتَّى خُوتَهْ مَكَانُوشْ يْآمْنُوا بِيهْ . ⁶ڤَالْهُمْ يَسُوعْ : « وَقْتِ مَزَالْ مَجَاشْ بَصَّحْ وَقْتْكُمْ نْتُومَا دِيمَا كَايَنْ. ⁷النَّاسْ تَاعْ الَدَنْيَا مَيَقَدْرُوشْ يَكَرْهُكُمْ، بَصَّحْ يَكَرْهُونِي أَنَا، عْلَى خَاطَرْ أَنَا نَشْهَدْ عْلِيهُمُ بَلِّي أَعْمَالْهُمْ شَرِيرَة.⁸رُوحُوا نْتُمَا عَيْدُوا وْأَنا مَغَدِيشْ نْعَيَدْ، عْلَى خَاطَرْ وَقْتِ مَازَالْ مَا جَاشْ ». ⁹ڤَالْهُمْ هَادْ الْهَدْرَة وْ بْقَى فَالْجَلِيلْ .¹⁰وْكِي رَاحُوا خُوتَهْ لَلْعِيدْ، رَاحْ هُوَ فَالسَرْ بْلاَمَا يْشُوفَهْ شِي وَاحَدْ . ¹¹وْ كَانُوا لِهُودْ يْحَوْسُوا عْلِيهْ نهَارْ الْعِيدْ وْ يْسَقْسُوا : « وِرَاهْ هَادَاكْ الَّرَّجَلْ؟».¹²وْكَانُوا بَزَافْ النَّاسْ يَهَدْرُوا عْلِيهْ، وْ كَانُوا بَزَافْ بِينَاتْهُمْ وَاحْدِينْ يْڤُولُوا: « رَاهْ هُوَ رَاجَلْ مْلِيحْ »، وْ نَاسْ وَاحَدْ خْرِينْ يْڤُولُوا : « لاَّ رَاهْ يْخَرَّجْ النَّاسْ عْلَى الطْرِيڤْ». ¹³بَصَّحْ مَكَانْ حَتَّى وَاحَدْ يَهْدَرْ عْلِيهْ ڤُدَامْ كُولْشِى، عْلَى خَاطَرْ كَانُوا خَايْفِينْ مَنْ الْيَهُودْ.¹⁴وْ كِنَصَّفْ الْعِيدْ طْلَعْ يَسُوعْ لْبِيتْ الله بْدَا يْعَلَمْ . ¹⁵وْ تْعَجْبُوا لِيهُودْ وْ ڤَالُوا: « كِيفَاشْ هَادْ الرَّاجَلْ يَعْرَفْ كْتُبْ الأَنْبِيَاء وْ هُوَ عُمْرَهْ مَاقْرَا ؟». ¹⁶وْ جَاوَبْهُمْ يَسُوعْ وْ ڤَالْ : « دَاكْ الشِي لِتْعَلَمْتَهْ مَاشِي تَاعِي بَصَّحْ تَاعْ هَادَاكْ لِرْسَلْنِي .¹⁷إِلاَبْغَا وَاحَدْ يْدِيرْ مَشْئَة الله، غَادِي يَعْرَفْ لِرَانِى نْعَلَمْ فِيهْ هُوَ مَنْ عَنْدْ الله، وْلاَ غِيرْ مَنْ عَنْدِى . ¹⁸لِيَهْدَرْ مَنْ عَنْدْهْ رَاهْ يَعْطِي الْمَجْدْ لْنَفْسَهْ، بَصَّحْ لِيَعْطِي الْمَجْدْ لِرَسْلَهْ، رَاهْ هُوَ صَادَقْ وْمَافِيهْشْ غُشْ.¹⁹مَاشِي مُوسَى عْطَاكُمْ الَشَرِيعَة؟ بَصَّحْ حَتَّى وَاحَدْ مَيْدِيرْ بْيهَا ! عْلَاشْ رَاكُمْ تْحَوْسُوا تَكَتْلُونِي ؟ ». ²⁰وْ جَاوْبَتَهْ جْمَاعَة تَاعْ النَّاسْ وْ ڤَالُوا: « رَاهْ فِيكْ شِيطَانْ، شْكُونْ بْغَا يَكُتْلَكْ؟ ».²¹جَاوَبْ يَسُوعْ وْڤَالْهُمْ: « دَرْتْ مُعْجِزَة وَاحْدَة وْنْخَلَعْتُوا. ²²عْلَى هَادْ الشِي مُوسَى اْمَرْكُمْ بْلَخْتَانَة، هِيَ مَاشِى مَنْ عَنْدْ مُوسَى، وْبَصَّحْ مَنْ عَنْدْ جْدُودْكُمْ، وْهَاكَ تَخَتْنُوا وْلَادْكُمْ حَتَّى فِى نْهَارْ السَّبْتْ.²³وْإِلَى كَانُوا النَّاسْ يَخَتْنُوا وْلَدْهُمْ فَى نْهَارْ السَّبْتْ بَاشْ مَيَخَرْجُوشْ عْلَى شَرِيعَة مُوسَى، مَلْكُمْ زْعَفْتُوا عْلِيَ عْلَى خَاطَرْ شْفِيتْ إِنْسَانْ فَى نْهَارْ السَّبْتْ ؟. ²⁴مَتَبْدُوشْ تَحَكْمُوا غِيرْ مَنْ بَرَّا، بَصَّحْ حَكْمُوا بَالْحَقْ ».²⁵وْيْڤُولُوا وَاحْدِينْ مَنْ سُكَانْ أُرُوشَلِيمْ: « مَاشِي هَادَا لِرَاهُمْ يْحَوْسُوا عْلِيهْ بَاشْ يَكَتْلُوهْ ؟. ²⁶هَاهُوَ يَهْدَرْ ڤُدَامْ النَّاسْ وْمَيْڤُولُولَهْ وَلُوا! بَلاَكْ رُؤَسَاءْ الْيَهُودْ تَيْقُوا بَلِّي هَادَاكْ الرَّاجَلْ بَصَّحْ هُوَ الْمَسِيحْ ؟ وْ بَصَّحْ هَدَا رَانَا نْعَرْفُوهْ مْنِينْ هُوَ. ²⁷الْمَسِيحْ كِيغَادِي يْجِي مَيَعْرَفْ حَتَّى وَاحَدْ مْنِينْ هُوَ ».²⁸وْڤَالْ يَسُوعْ، بْصُوتْ عَالِي وْ هُوَ يْعَلَمْ فْى بِيتْ الله: « وَاشْ نْتُمَا بَصَحْتَعَرْفُونِي ؟ وْتَعَرْفُوا أَنَيَا مْنِينْ؟ رَانِي مَجِيتْشْ مَنْ نَفْسِي، هَادَاكْ لِرْسَلْنِي هُوَ حَقْ، وْنْتُمَا مَتَعَرْفُوهْشْ. ²⁹بَصَّحْ أَنَا نَعَرْفَهْ، عْلَى خَاطَرْ جِيتْ مَنْ عَنْدَهْ وْ هُوَ لِرْسَلْنِي ».³⁰وْحَوْسُوا لِيهُودْ كِيفَاشْ يْشَدُوهْ وْ حَتَّى وَاحَدْ مَحَطْ يَدَهْ عْلِيهْ، عْلَى خَاطَرْ سَاعْتَهْ مَزَالْ مَجَاتْشْ. ³¹وْآمْنُوا بَزَافْ النَّاسْ وْ ڤَالُوا : « غَادِي يْجِي الْمَسِيحْ وْ يْدِيرْ مُعْجِزَاتْ كْتَرْ مَلِي دَارْ هَادْ الرَّجَلْ؟ ». ³²وْ سَمْعُوا الْفَرِيسَيِينْ النَّاسْ يَهَدْرُوا مْعَ بَعْضِيَاتْهُمْ عْلَى الْمَسِيحْ، وْ رَسْلُوهُمْ رُؤَسَاءْ رْجَالْ الدِينْ عَسْكَرْ بَاشْ يَڤَظْبُوهْ.³³ڤَالْهُمْ يَسُوعْ: « أَنَا غَادِي نَبْقَى مْعَاكُمْ غِيرْ وَقْتْ قْلِيلْ، وْ مْبَعْدْ غَادِينْرُوحْ عَنْدْ هَادَاكْ لٍرْسَلْنِي . ³⁴فْدِيكْ السَاعَة غَادِي تْحَوْسُوا عْلِيَ وْمَغَادْيشْ تَلْقَاوْنِي، وْمَاتَقَدْرُوشْ حَتَّى تْجُوا وِينْ غَادِي نْكُونْ ».³⁵وْڤَالُوا لِهُودْ بِينَاتْهُمْ : « وِينْ غَادِي يْرُوحْ هَادَ بَاشْ مَانَلْقَاوَهْشْ؟ بَلاَكْ يْرُوحْ لْمْدُنْ الْيُونَانَيِينْ. ³⁶وْيْعَلَمْ نَاسْهَا، وَاشْ رَاهْ يَقْصَدْ بْهَادْ الشِى لْرَاهْ يْڤُولْ : غَادِي تْحَوْسُوا عْلِيَ وْمَاتَلْقَاوْنِيشْ، وْمَاتَقَدْرُوشْ حَتَّى تْجُوا وِينْ غَادِي نْكُونْ؟ ».³⁷فَانْهَارْ التَالِي، لِهُوَ نْهَارْ لَكْبِيرْ فَالْعِيدْ، وْڤَفْ يَسُوعْ وْڤَالْ بْصُوتْ عَالِي: « إلَى عْطَشْ وَاَحَدْ يْجِي عَنْدِي وْ يَشْرَبْ. ³⁸وْكِيمَا ڤَالْ كْتَابْ الله: لِآمَنْ بِيَ غَادِي تَجْرِي مَنْ كَرْشَهْ وِيدَانْ تَاعْ الْمَا الْحَيْ ».³⁹ڤَالْ يَسُوعْ هَادْ الَشِي، عْلَى الرُوحْ لِغَادِي يَخْذُوهْ هَادُوكْ لآمْنُوا بِهْ، عْلَى خَاطَرْ فْدَاكْ الْوَقْتْ كَانْ الرُوحْ الْقُدُسْ مَازَلْ مَتَعْطَاشْ، عْلَى خَاطَرْ يَسُوعْ مَازَالْ مَخْدَاشْ الْمَجْدْ.⁴⁰وَاحَدْ خْرِينْ مَنْ النَّاسْ سَمْعُوا هَادْ الْهَدْرَة وْڤَالُوا: « هَادَ بَالْحَقْ نْبِي ». ⁴¹وْڤَالُوا وَحَدْ خْرِينْ: « رَاهْ هَادَ هُوَ الْمَسِيحْ !» وْ لَخْرِينْ ڤَالُوا: « وَاشْ مَنْ الْمَسِيحْ لِغَادِي يْجِي مَنْ بْلاَدْ الْجَلِيلْ ؟. ⁴²مَاشِي كْتَابْ الله ڤَالْ بَلِّي الْمَسِيحْ غَادِي يْجِي مَنْ نَسْلْ دَاوَدْ، وْ مَنْ بِيتْ لَحْمْ، دَوَارْ لِكَانْ فِيهْ دَاوَدْ ؟ ».⁴³وْتْقَسْمُوا النَّاسْ فِي رَايْهُمْ بَسْبَابْ يَسُوعْ . ⁴⁴وْ كَانُوا وَاحْدِينْ مَنْهُمْ بَاغْيِينْ يَڤَبْضُوهْ، وْ بَصَّحْ حَتَّى وَاحَدْ فِيهُمْ مَحَطْ عْلِيهْ يَدَهْ.⁴⁵وْكِوَلَوْ لْعَسْكَرْ عَنْدْ رُؤَسَاءْ رْجَالْ الِدينْ وَ الْفَرِّسَيِينْ سَقْسَاوْهُمْ : «عْلاَشْ مَجَبْتُوهْشْ ؟ ». ⁴⁶وْ يْجَاوْبُهْ الْعَسْكَرْ: « عُمَّرْ وَاحَدْ مَاهْدَرْ كِيمَا هْدَرْ هَادَاكْ الرَّاجَلْ ».⁴⁷وْرَدُّو عْلِيهُمْ الْفَرِيسَيِينْ وْڤَالُوا: « بَالاَكْ نْتُومَا تَانِي خرَجْتُوا عْلَى الطْرِيڤَ؟. ⁴⁸بَلاَكْ كَايَنْ شِي وَاحَدْ مَالَرؤَسَاء وَلاَ مَنْ الْفَرِّسَيِينْ لِآمَنْ بِيهْ ؟. ⁴⁹بَصَّحْ هَادْ الَشَعْبْ لِمَيَفْهَمْشْ الشَرِيعَة رَاهْ مَلْعُونْ ».⁵⁰وْيْڤُولْهُمْ نِيقُودِيمُوسْ، لِكَانْ جَا عَنْدْ يَسُوعْ فْلِيلْ لِهُوَ وَاحَدْ مَنْهُمْ. ⁵¹« مَاشِي شَرٍيعَة تَاعْنَا مَا تَحْكَمْشْ عْلَى وَاحَدْ قْبَلْ مَتَسْمَعْ مَنَهْ مَالَوَالِ وْتَعْرَفْ قْبَلْ وَاشْ دَارْ ؟» . ⁵²وْ هُمَا يْجَاوْبُهْ :« بَلاَكْ نْتَ تَانِي مَالْجَلِيلْ؟ حَوَسْ وْشُوفْ إِذَا كَانْ شِى نْبِي جَا مَالْجَلِيلْ؟».⁵³وْمَمْبَعْدْ رَاحْ كُلْ وَاحَدْ لْدَارَهْ.

¹رَاحْ يَسُوعْ لَجْبَلْ الزَيْتُونْ. ²وْلْغَدْوَة فَالصْبَحْ بَكْرِي وَلَى لْبِيتْ الله، وْجَاوْ عَنْدَهْ ڤَاعْ النّاسْ، وْ ڤْعَدْ يْعَلَمْهُمْ . ³وْجَابُوا لَهْ عُلَمَاءْ الشَرِيعَة وَ الْفَرِّيسَيِّينْ، وَاحَدْ لَمْرَا شَدُوهَا وْهِيَ تَزْنِي، كِوَڤْفُوهَا ڤُدَامْ الْحَاضْرِينْ.⁴ڤَالُوا لَهْ : « يَامْعَلَمْ هَادْ لَمْرَا تْڤَبْضَتْ وْ هِيَ تَزْنِي . ⁵وْ مُوسَى وَصَانَةفَالَشَرِيعَة نَرْجْمُوا كِيمَا هَادْ لَمْرَ،ا وْنْتَيَ وَاشْ تْڤُولْ » . ⁶ڤَالُوا هَادْ لَكْلاَمْ بَاشْ يْحَصْلُوا يَسُوعْ وْيَتَهْمُوهْ، وْ بَصَّحْ هُوَ طَاطَى وْ بْدا يَكْتَبْ فَالاَرْضْ بْصَبْعَهْ.⁷كِِبْدَاوْ يْزِيدُوا يْسَقْسُوا فِيهْ ڤَالْهُمْ : « لِمَدَارْ فِيكُمْ حَتَّى دَنْبْ يْقِسْ عْلِيهَا الْحَجْرَة هُوَ لَوْلْ !» ⁸. وْ يْزِيدْ يْطَاطِي مَرَّة وَاحَدْ خْرَى وْيَكْتَبْ فَالاَرْضْ.⁹وْكِسَمْعُوا هَادْ لْهَدْرَة خَرْجُوا ڤَاعْ وَاحَدْ مُورْ وَاحَدْ وْ شْيُوخْ هُمَا لْوَالَى، وْڤْعَدْ يَسُوعْ بْوَحْدَهْ وْ لَمْرَا، وَڤْفَ فَالْوَسطْ . ¹⁰كِوْڤَفْ يَسُوعْ ڤَالْهَا: « وِينْ رَاهُمْ ؟ حَتَّى وَاحَدْ فِيهُمْ مَحْكَمْ عْلِيكْ ؟» وْتْڤُولَهْ: « حَتَّى وَاحَدْ يَاسِيدِي!» ¹¹ڤَالْهَا يَسُوعْ: « حَتَّى أَنَا مَنَحْكَمْشْ عْلِيكْ رُوحِي وْ مَتْعَاوْدِيشْ تَدَنْبِي !».¹²عَاوَدْ هْدَرْ مْعَاهُمْ يَسُوعْ وْڤَالْ : « أَنَا هُوَ نُورْ هَادْ الَدَّنْيَا لِيْتَبَعْنِي عُمْرَهْ مَيَمْشِي فَالضَلْمَة، بَصَّحْ غَادِي يْكُونْ عَنْدَهْ نُورْ الْحَيَاةْ » . ¹³وْ يْڤُولُوا لَهْ الْفَرِّيسَيِّينْ : « أَنْتَ دَرْوَكْ رَاكْ تَشْهَدْ لْرُوحَكْ وْشْهَادَة تَاعَكْ مَاشِي صْحِيحَة».¹⁴وْ جَاوَبْهُمْ يَسُوعْ وْ ڤَالْهُمْ : « إِلاَ كُنْتْ نَشْهَدْ لْنَفْسِي شْهَادْتِي رَاهِي صْحِيحَة، عْلَى خَاطَرْ أَنا نَعْرَفْ مْنِينْ جِيتْ وْ وِينْ غَادِي، بَصَّحْ نْتُمَا مَتَعَرْفُوشْ مْنِينْ جِيتُو وَلاَ وِينْ غَادْيِينْ . ¹⁵نْتُمَا تَحَكْمُوا كِيمَا يَحْكَمْ لَبْنَدَمْ بَصَّحْ أَنَا مَنَحْكَمْ عْلَى حَتَّى وَاحَدْ. ¹⁶وْ إِلاَ كُنْتْ نَحْكَمْ حُكْمِي حَقْ عْلَى خَاطَرْ اَنَا مَاشِي بْوَحْدِي مْعَايَا الأَبْ لِرْسَلْنِي.¹⁷مَكْتُبْ فَالشَرِيعَة نْتَاعْكُمْ شْهَادَة تَاعْ زُوجْ هِيَ الصْحِيحَة . ¹⁸أَنَا نَشْهَدْ لْرُوحِي وْ يَشْهَدْ لِيَا الآبْ لِرْسَلْنِي ».¹⁹وْيْسَقْسُوهْ : « وِينْ رَاهْ بُوكْ ؟» جَاوَبْهُمْ يَسُوعْ : « مَتَعَرْفُونِيشْ لََأناوَلاَ بُويَا، وْلُكَانْ عْرَفْتُونِي رَاكُمْ عْرَفْتُوا بُويَا حَتَّى هُوَ ». ²⁰هَادْ لْهَدْرَة ڤَالْهَ يَسُوعْ كِكَانْ حْدَا الَصَنْدُوقْ لِكَانُوا يْحَطُوا فِيهْ التَقْدِيمَاتْ، وْ هُوَ فِي بِيتْ الله، وْ مَڤَبْضَهْ حَتَّى وَاحَدْ عْلَى خَاطَرْ سَاعْتَهْ مَازَالْ مَجَاتْشْ.²¹ڤَالْهُمْ يَسُوعْ : « غَادِي نْرُوحْ فٍى طْرِيڤِى وَنْتُومَا غَادِي تْحَوْسُواعْلِيَ بَصَّحْ نْتُومَا غَادِي تْمُوتُوا فَالدْنُوبْكُمْ وْمَتَقَدْرُوشْ تْرُوحُوا وِينْ غَادِي نْرُوحْ ». ²²وْڤَالُوا لِهُودْ : « بَلاَكْ رَاهْ بَاغِي يَكْتَلْ رُوحَهْ عْلَى هَادْ الشِي رَاهْ يْڤُولْ مَتَقَدْرُوشْ تْرُوحُوا وِينْ رَانِي رَايَحْ ».²³وْڤَالْهُمْ يَسُوعْ: « نْتُومَا مَالْتَحْتْ بَصَّحْ أَنَا مَالْفُوڤْ، نْتُومَا مَنْ هَادْ الدَنْيَا. ²⁴بَصَّحْ أَنَا مَاشِي مَنْهَا، عْلَى هَادْ الشِي ڤُولْتْلْكُمْ : غَادِي تْمُوتُوا فِي دْنُوبْكُمْ عْلَى خَاطَرْ لِمَآمَنْوشْ بَلِّي أَنَا هُوَ، غَادِي تْمُوتُوا فِي دْنُوبْكُمْ ».²⁵وْهُمَا يْسَقْسُوهْ : « شْكُونْ نْتَ؟» وْ رَدْ عْلِيهُمْ يَسُوعْ وْ ڤَالْ : « خَبَرْتْكُمْ مَالاَوَلْ . ²⁶عَنْدِي بَزَافْ أُمُورْ نْڤُولْهَا وْنَحْكُمْ بِيهَا عْلِيكُمْ، بَصَّحْ هَادَكْ لِرْسَلْنِي صَادَقْ، وْلِسْمَعْتَهْ مَنَهْ رَانِي نْڤُولَهْ لْكُمْ فْهَادْ الدَنْيَا ». ²⁷بَصَّحْ مَفَهْمُشْ بَلٍّي يَسُوعْ يَهْدَرْ لْهُمْ عْلَى الأَبْ.²⁸وْڤَالْهُمْ يَسُوعْ : « كِغَادِي تْعَلْڤُوا إِبْنْ الإنْسَانْ عْلَى الصَلِيبْ، دِيكْ السَاعَة غَادِي تَعَرْفُوا بَلِّي أَنَا هُوَ، وْ مَكُنْتْشْ نْدِيرْ شِي حَاجَة مَنْ عَنْدِي، مَكُنْتْشْ نْڤُولْ غِيرْ لِعَلَمْنِي الأَبْ . ²⁹وْ هَادَاكْ لِرْسَلْنِي هُوَ مْعَايَا، وْ مَخَلاَنِيشْ بْوَحْدِي، عْلَى خَاطَرْ نْدِيرْ دَايْمَنْ وَاشْ يْفَرْحَهْ » . ³⁰كِكَانْ يَسُوعْ يَتْكَلَمْ هَادْ لَكْلاَمْ آمْنُوا بِيهْ بَزَافْ النَّاسْ.³¹وْڤَالْ يَسُوعْ لَلْيَهُودْ لِآمْنُوا بِيهْ : « إِلاَڤْعَدْتُوا ثَبْتِينْ فِي كْلاَمِي غَادِي تْوَالُوا تْلاَمْدِ بَصَحْ . ³²وْهَاكَ غَادِي تَعَرْفُوا الْحَقْ وْ الْحَقْ يْحَرَرْكُمْ ». ³³وْ جَاوْبُوهْ : « حْنَيَا وْلاَدْ إِبْرَاهِيمْ وْعَمَرْنَا مَكُونَا عْبِيدْ، لْحَتَّى وَاحَدْ كْفَاشْ نْتَ تْڤُولَنَا غَادِي نَتْحَرُوا ؟ ».³⁴جَاوَبْهُمْ يَسُوعْ وْڤَالْ : « نْڤُولْكُمْ الْحَقْ لِدَارْ الدَنْبْ يْكُونْ عَبْدْ لَدَنْبْ. ³⁵وَالْعَبْدْ مَيَسْكُنْشْ فِي دَارْ سِيدَهْ بَصَّحْ لْوَلْدْ هُوَ لِيَسْكُنْ فِيهَا دِيمَا . ³⁶وِلاَ حَرَرْكُمْ الإبْنْ غَادِي بَصَّحْ تَتْحَرُوا.³⁷أَنَا نَعْرَفْ بَلِّى نْتُومَا وْلاَدْ إِبْرَاهِيمْ وْتْحَوْسُوا بَاشْ تَكَتْلُونِي، عْلَى خَاطَرْ كْلاَمِي مَدْخَلْشْ لَڤْلُوبْكُمْ . ³⁸أَنَا رَانِى نْكَلَمْكُمْ عْلَى الشِي لِشَفْتَهْ عَنْدْ بُويَا، وْنْتُومَا رَاكُمْ دِيرُوا بْدَاكْ الشِي لِسْمَعْتُوا مَنْ بُوكُمْ ».³⁹وْرَدُوا عْلِيهْ وْڤَالُوا : « بُونَا هُوَ إِبْرَاهِيمْ » . وْڤَالْهُمْ يَسُوعْ : « لُكَانْ كُنْتٌمْ وْلاَدْ إِبْرَاهِيمْ لُكَانْ رَاكُمْ دِيرُوا أَعْمَالْ إِبْرَاهِيمْ. ⁴⁰بَصَّحْ دَرْوَكْ تْحَوْسُوا تَكَتْلُونِي يَاكْ ڤُولْتْلْكُمْ الْحَقْ لِسْمَعْتَهْ مَنْ الله وْ إِبْرَاهِيمْ مَادَرْشْ هَادْ الشِى . ⁴¹نْتُومَا دِيرُوا بْاَعْمَالْ بُوكُمْ ». هُمَ يْڤُولُولَهْ : «حْنَا مَاشِي وْلاَدْ الزْنَى عَنْدْنَا بُونَا وَاحَدْ وْ هُوَ الله ».⁴²ڤَالْهُمْ يَسُوعْ : « لُكَانْ كَانْ الله هُوَ بُوكُمْ غَادِي تَبْعُونِي، عْلَى خَاطَرْ أَنَا خْرَجتْ مَنْ عَنْدْ الله وْجِييتْ، وَ الْمَجْيَة نْتَاعِي مَكَانَتْشْ مَنْ عَنْدِي بَصَّحْ هُوَ لِرْسَلْنِي . ⁴³عْلاَهْ مَتَفَهْمُوشْ هَدْرَتِي؟ عْلَى خَاطَرْ مَتَقَدْرُوشْ تَسَمْعُوا كْلاَمِي . ⁴⁴نْتُومَا رَاكُمْ وْلاَدْ بُوكُمْ إِبْلِيسْ، وْ تَبْغُوا دِيرُوا دَاكْ الشِي لِيَبْغِي بُوكٌمْ ، هَادَاكْ كًانْ قَتَالْ مَالَوَالْ وْ عَمْرَهْ مَتْبَتْ فَالْحَقْ، عْلَى خَاطَرْ مَافِيهْشْ الْحَقْ، وْ كِيَكْدَبْ يَهْدَرْ غِيرْ لِفِي ڤَلْبَهْ عْلَلى خَاطَرْ هُوَ كَدَابْ وْ بُو الْكَدَابِينْ.⁴⁵بَصَّحْ أَنَا جِيتْ نْڤْولْكُمْ الْحَقْ وْنْتُمَا مَتَيَقْتُونِيشْ . ⁴⁶شْكُونْ فِيكُمْ لِيَقْدَرْ يَثْبَتْ عْلِيَ دَنْبْ ؟ وْإِلاَ كُنْتْ نْڤُولْ الْحَقْ عْلَلاهْ مَتَيَقْتُونِيشْ ؟ ⁴⁷لِمْنْ الله يَسْمَعْ كْلاَمْ الله بَصَّحْ نْتُمَا مَتَسَمْعُوشْ كْلاَمْ الله عْلَى خَاطَرْ مَارَاكُمْشْ مَنْ الله ».⁴⁸ڤَالُولَهْ لِهُودْ: « وَاشْ كْلاَمْنَا مَاشِي صْحِيحْ كِڤُولْنَا لَكْ أَنْتَ سَامٍرِي وْفِيكْ شِيطَانْ ؟». ⁴⁹وْ جَاوَبْهُمْ يَسُوعْ وْڤَالْ: « أَنَا مَافِيَ حَتَّى شِيطَانْ بَصَّحْ نَعْطِي الْمَجْدْ لْبُويَا وَنْتُومَا تَحَڤْرُونِي .⁵⁰أَنَا مَنَطْلَبْشْ الْمَجْدْ لْرُوحِي، بَصَّحْ كَايَنْ لِيَطْلْبَهْ لِيَ وْهُوَ لِيَحْكَمْ . ⁵¹نْڤُولْكُمْ الْحَقْ : لِيْدِيرْ بَكْلاَمِي عُمْرَهْ مَا غَادِي يْشُوفْ الْمُوتْ ».⁵²وْڤَالُولَهْ لِهُودْ : « دَرْوَكْ تْاَكَدْنَا بَلِّي بَصَّحْ فِيكْ شِيطَانْ. عْلَى خَاطَرْ إٍبْرَاهِيمْ مَاتْ وْ الاَنْبِيَا مَاتُوا، وْ نْتَ رَاكْ تْڤُولْ لِيْدِيرْ بَكْلاَمَكْ عُمْرَهْ مَيْدُوقْ الْمُوتْ. ⁵³يَادْرَا نْتَ خِيرْ مَنْ بُونَا لِمَتْ ؟ الأَنْبِيَا بْرُوحْهُمْ مَاتُوا، وَاشْ رَاكْ حَاسَبْ رُوحَكْ؟ ».⁵⁴وْرَدْ عْلِيهُمْ يَسُوعْ وْڤَالْ: « إٍلاَ كُنْتْ نَعْطِي الْمَجْدْ لْرُوحِي هَدْ الْمَجْدْ مَعَنْدَهْ حَتَّى قِيمَة، بَصَّحْ بُويَا هُوَ لِيَعْطِينَا المَجْدْ وْ هُوَ لِتْڤُولُوا عْلِيهْ إلاَهْنَا. ⁵⁵وْ نْتُومَا مَتَعَرْفُوهْشْ، بَصَّحْ أَنَا نَعَرْفَهْ، وْحَتَّى إِلاَ ڤُولْتْ مَنَعَرْفَهْشْ غَادِي نْكُونْ كَدَابْ كِيفْكُمْ، وْ بَصَّحْ أَنا نَعَرْفَهْ وْ نْدِيرْ بَكْلاَمَهْ. ⁵⁶بُوكُمْ إِبْرَاهِيمْ كَانْ يَتْمَنَى بَالْفَرْحَة يْشُوفْ نْهَالرْ تَاعْ الْمَجْيَ نْتَاعِي وْكَانْ فَرْحَانْ ».⁵⁷وْڤَالُولَهْ لِهُودْ : « مَعَنْدَكْشْ حَتَّى خَمْسِينْ عَامْ فْالَعْمَرْ وَ عْقَلْتْ عْلَى إِبْرَاهِيمْ ؟». ⁵⁸وْ جَاوَبْهُمْ يَسُوعْ وْڤَالْ: « نْڤُولْكُمْ الْحَقْ قْبَلْ مَيكُونْ إِبْرَاهِيمْ أَنَا كُنْتْ » ⁵⁹وْ بْدَاوْ يَرَفْدُوا فَالَحْجَرْ بَصَّحْ يَسُوعْ دَسْ رُوحَهْ وْ خْرَجْ مَنْ بِيتْ الله.

¹وْكِيكَانْ يَسُوعْ رَايَحْ شَافْ وَاحَدْ الرَّاجْلْ مَوْلُودْ عْمَى. ²سَقْسَاوَهْ تْلاَمَدْ وْڤَالُولَهْ: « يَاسِيدِي شْكُونْ لِدْنَبْ، هَادْ الرَّاجْلْ وْلاَّ وَالْدِيهْ حَتَّى نْزَادْ عْمَى؟ ».³جَوَابْهُمْ يَسُوعْ : « رَاهْ مَدْنَبْ لاَهُوَ لَوَلْدِيهْ، بَصَّحْ صْرَالَهْ هَاكَّا غِيرْ بَاهْ يْبَانُوا فِيهْ أَعْمَالْ الله. ⁴خَصْنَا نْدِيرُوا أَعْمَالْ تَاعْ هَادَكْ لِرْسَلْنِي مَدَامْ مَازَالْ النْهَارْ، عْلَى خَاطَرْ كِيْجِي اللِّيلْ حَتَّى وَاحَدْ مَيَقْدَرْ يَخْدَمْ. ⁵مَادَامْ رَانِي فِى هَادْ الدَنْيَا أَنَ هُوَ نُورْ الدَنْيَا ».⁶وكِڤَالْ يَسُوعْ هَادْ الْهَدْرَة، دْفَلْ فَاتْرَابْ وْدَارْ مَنَهْ شْوَيَة تَاعْ لَغْرِيسْ وْ حَطَهْ عْلَى عَيْنِينْ الرَّاجَلْ. ⁷وْڤَالْ لَهْ: « رُوحْ وْغْسَلْ فِى بِرْكَةْ سِلْوَامَ»، وْ لْمَعْنَى تَاعْ سِلْوَامْ هِي الْمَرْسُولْ، وْ رَاحْ وَغْسَلْ، وْوَلَى وْهُوَ يْشُوفْ.⁸وْ لْجِيرَانْ وْ النَّاسْ لِكَانُوا يْشُوفُهْ أَعْمَى، بْدَاوْ يْسَقْسُوا فِى رْوَاحْهُمْ وْ يْڤُولُوا: « مَاشِي هَادْ الرَّاجَلْ كَانْ يَڤْعَدْ وْ يَطْلَبْ ؟» ⁹وْڤَالُوا وَاحْدِينْ: « وَاهْ هُوَ !»، وْ وَاحْدْ خْرِينْ ڤَالُوا: « غِيرْ يْشَبَهْ لَهْ !» . بَصَّحْ هُوَ ڤَالْ : «أَنَاهُوَ ».¹⁰وْهُمَا سَقْسَاوَهْ: « كِيفَاشْ تْحَلُوا عَيْنِيكْ ؟». ¹¹وْ جَاوَبْهُمْ: « وَاحَدْ الرَّاجَلْ يْسَمُوهْ يَسُوعْ، دَارْ شْوَيَة غَرْسْ وْ دَارَهْ عْلَى عَيْنِيَ وْ ڤَالِ رُوحْ لْبِرْكَةْ سِلْوَامْ وْ غْسَلْ، وْ أَنَا رُوحْتْ وَغْسَلْتْ وْلِتْ نْشُوفْ ». ¹²وْ سَقْسَاوَهْ: « وِينْ رَاهْ هَادْ الرَّاجَلْ ؟»، ڤَالْهُمْ: « مَاعْلَابَالِيشْ !».¹³وْدَّاوَهْ عَنْدْ الْفَرِّيسَيِينْ. ¹⁴وْ كَانْ هَادَاكْ نْهَارْ لِحَلْ فِيهْ يَسُوعْ عَيْنِينْ لَعْمَى كَانْ نْهَارْ السَبْتْ. ¹⁵سَقْسُوهْ الْفَرِّيسَيِيينْ هُمَا تَانِي كِفَاشْ وْلَى يْشُوفْ، وْ ڤَالْهُمْ: «هَادَاكْ لَعْمَى حَطْ شْوِيَة تَاعْ لْغَرْسْ عْلَى عَيْنِيَ وْغْسَلْتْ وَلِتْ نْشُوفْ».¹⁶وْڤَالُوا وَاحَدْ لَخْرِيينْ مَنْ الْفَرِّيسَيِيينْ: «هَادْ الرَّاجَلْ مَاشِي مَنْ الله، عْلَلى خَاطَرْ مَادَارْشْ بْالَوْصَيَة تَاعْ السَبْتْ»، وْڤَالُوا وَحَدْ خْرِينْ: «كِفَاشْ يَقْدَرْ وَاحَدْ مَدْنَبْ يْدِيرْ هَادْ الْمُعْجِزَاتْ »، وْ مَكَانُشْ مَتَفْقِينْ فِى هَدْرَتْهُمْ . ¹⁷وْ عَاوْدُوا سَقْسَاوْ الرَّاجَلْ لِكَانْ عْمَى: «وْ أَنْتَ وَاشْ تْڤُولْ عْلِيهْ عْلَى خَاطَرْ حَلَكْ عَيْنِيكْ ؟»، وْ جَاوَبْهُمْ : «هُوَ نْبى!». ¹⁸مَآمْنُوشْ لِيهُودْ بَلِّى هُوَ كَانْ عْمَى وْ لَى يْشُوفْ، بَعْثُو لْوَاْلِديهْ .¹⁹وْ سَقْسَاوَهْ وْڤَالُوا: « إِلَا هَادَا وْ لِيدْكُمْ لِرَاكُمْ تْڤُولُوا تَوْلَدْ عْمَى، أَيَ كِفَاشْ يْشُوفْ دَرْوَكْ ؟». ²⁰وجَاوْبُهُمْ وَالْدِيهْ: « حْنَا نَعَرْفُةا بَلِّي هَادَ وَلَدْنَا وْ تَوْلَدْ عْمَى. ²¹بَصَّحْ مَنَعَرْفُوشْ كِيفَاشْ دَرْوَكْ وَلَى يْشُوفْ، وْ مَنَعَرْفُوشْ شْكُونْ حَلَهْ عَيْنِيهْ، هُوَ كْبِيرْ فْالَعْمَرْ سَقْسُوهْ، وْ هُوَ يْجَاوَبْكُمْ عْلَى رُوحَهْ ».²²ڤالُوا وَالْدِينْ الرَّاجَلْ هَادْ الْهَدْرَة عْلَى خَاطَرْ كَانُوا خَيْفِينْ مَنْ الِيهُودْ، عْلَى خَاطَرْ كَانُوا مَتَفْقِينْ بْينَاتْهُمْ لِيَعْتَرَفْ بَالْمَسِيحْ يْطَرْدُوهْ مَنْ بْيتْ الْصْلاَةْ. ²³عْلَى هَادْ الشِي ڤَالُوا وَالْدِيهْ: « هُوَ كْبِيرْ فَالَعْمَرْ سَقْسُوهْ».²⁴وْعَيْطُوا مَرَّة وَاحَدْ خْرَى لَرَّاجَلْ لِكَانْ عْمَى ڤَالُوا لَهْ: « أَعْطِي الْمَجْدْ لَ الله، حْنَا نَعَرْفُوا هَادْ الرَّاجَلْ مَدْنَبْ ». ²⁵وْ جَاوَبْهُمْ : «أَنا مَنَعْرَفْشْ هَادْ الرَّاجَلْ مَدْنَبْ، حَاجَة وَاحْدَ لِنَعْرَفْهَا كُنْتْ عْمَى وْ دَرْوَكْ وَلِيتْ نْشُوفْ».²⁶وْ يْڤُولُولَهْ: « وَاشْ دَرْلَكْ كِفَاشْ حَلْ لَكْ عَيْنِيكْ ؟ ». ²⁷رَدْ عْلِيهُمْ وْ ڤَالْ: « رَانِي ڤُولْتْلْكُمْ وْ مَاسْمَعْتُونِيشْ، عْلَى بْغِيتُوا تَسَمْعُوا الْهَدْرَة مَرَّة وَاحْدْ خْرَى؟ بَلاَكْ نْتُومَا تَانِي بْغِيتُوا تْوَلُوا تْلاَمْدَهْ ؟». ²⁸وْ سَبُوهْ وْ ڤَالُوا: « أَنْتَ هُوَ تَلْمِيدْ تَاعًَهْ. ²⁹حْنَايَا تْلاَمَدْ مُوسَى، وْ نَعَرْفُوا بَلِّى مُوسَى تْكَلَمْ مْعَاهْ الله، بَصَّحْ هَادْ الرَّاجَلْ مَنَعْرْفُوشْ مْنِينْ هُوَ ».³⁰جَاوَبْ الرَّاجَلْ وْڤَالْهُمْ: « هَادْ الرَّاجَلْ عْجَبْ ! مَنَعَرْفَهْشْ مْنِينْ هُوَ، بَصَّحْ حَلْ لِيَ عَيْنِيَّ . ³¹وْ حْنَا نَعَرْفُوا بَلِّى رَبِي مَيَسْعْشْ لَلْمَدَنْبِينْ، وْ يَسْمَعْ غِيرْ لَمُتَقِيهْ وْ لِيْدِيرُوا مَشِيئْتَهْ.³²وْ مَنْ بَكْرِي عُمَرْنَا مَسْعْنَا شِي وَاحَدْ حَلْ عَيْنِينْ وَاحَدْ تَوْلَدْ عْمَى . ³³لُكَانْ هَادْ الرَّاجَلْ مَاشِي مَنْ عَنْدْ الله لُكَانْ مَقْدَرْ يْدِيرْ وَالُوا ». ³⁴وْ جَاوْبُوهْ وْڤَالُوا :«أَنْتَ بْرُوحَكْ ڤَاعْ فَالدْنُوبْ وْ دَرْوَكْ جِيتْ تْعَلَمْنَا!». وْخَرْجُوهْ بَرَا.³⁵وْكِسْمَعْ يَسُوعْ بَلِّي الْفَرِّيسِيِيينْ خَرْجُو بَرَا كِلْڤَاهْ يَسُوعْ ڤَالَهْ: « وَاشْ تْآمَنْ بْإِبْنْ الله». ³⁶جَاوْبَهْ دَاكْ الرَّاجَلْ وْڤَالْ: « شْكُونْ هُوَ أَسِيدِي بَاشْ نْآمَنْ بِيهْ ؟». ³⁷وْڤَالَهْ يَسُوعْ: « لِيرَاكْ تْشُوفْ فِيهْ وْ لِرَاهْ يَهْدَرْ مْعَكْ دَرْوَكْ هُوَ هَادَاكْ !». ³⁸وْ ڤَالْ الرَّاجَلْ: « نْآمَنْ يَا سِيدِي!» وْ سْجَدْ لَهْ.³⁹ڤَالْ يَسُوعْ : «جِيتْ لَنَّاسْ تَاعْ هَادْ الدَنْيَل بَاشْ نْبَيَنْ دْنُوبْهُمْ، الْعُمْيِينْ يْوَلُوا يْشُوفُوا وْلِيْشُوفُوا يْوَلُوا عَمْيِينْ » . ⁴⁰وْ سَمْعُوا وَاحَدْ الْفَرِّيسَّيِيينْ لِكَانُوا مْعَهْ هَادْ الْهَدْرَة وْ ڤَالُوا لَهْ: «بْلاَكْ حْتَّى حْنَا عَمْيِينْ ؟». ⁴¹وْ ڤَالْهُمْ يسُوعْ : « لُكَانْ كُنْتُ عَمْيِينْ مَيْكُونْشْ فِيكُمْ دْنُوبْ و بَصَّحْ كِرَكُمْ تْڤُولُوا بَلِّى رَاكُمْ . تْشُوفُوا دْنُوبْكُمْ مَازَالَتْ فِيكُمْ ».

¹«نْڤُولْكُمْ الْحَقْ: لِمَيَدْخُلْشْ مَنْ الْبَابْ لَزْرِيبَة تَاعْ الْخُرْفَانْ، وْ يَطْلَعْ لْهَا مَنْ مَوْضَعْ وَاحْدْ خَرْ هَادَاكْ خَايْنْ. ²وْلْيَدْخُلْ مَالْبَابْ رَاهْ هُوَ الَسَرَاحْ تَاعْ الْخَرْفَانْ.³وْ كِيَدْخُلْ يْحَلْ عْلِيهْ الْعَسَاسْ، وْ لْخَرْفَانْ تسْمَعْ صُوتَهْ، وْ يْعَيَطْ عْلَى الْخَرْفَانْ تَوْعَهْ بَسْمَيَتْهُمْ وْ يْخَرَجْهُمْ . ⁴وْكِيْخَرَجْ الْخَرْفَانْ تَوْعَهْ، يَمْشِى ڤُدَامْهُمْ وْ هُمَ يْتَبْعُهْ عْلَى خَاطَرْ يَعَرْفُ صُوتَهْ.⁵عَمَرْهُمْ مَيْتَبْعُوا الْبَرَانِي، بَصَّحْ يَهَرْبُوا مَنَهْ عْلَى خَاطَرْ مَيَعَرْفُشْ صُوتْ الْبَرَانَيِينْ» . ⁶ڤَالْهُمْ يَسُوعْ، هَادْ لَمْثَالْ بَصَّحْ هُمَا مَفَهْمُوشْ قَصْدَهْ.⁷وْڤَالْهُمْ يَسُوعْ تَانِي: « نْڤُولْكُمْ الْحَقْ : أَنَا هُوَ بَابْ الْخِرْفَانْ . ⁸ڤَاعْ هَادُوكْ لِجَاوْ قْبَلْ مَنِي هُمَا خَيَانْ بَصَّحْ الْخِرْفَانْ مَسَمْعُلْهُمْشْ.⁹أَنَا هُوَ الْبَابْ، إِلَا دْخَلْ مَنِّي شِوَاحَدْ غَادِي يَسْلَكْ، وْ غَادِي يَدْخَلْ وْ يَخْرَجْ وْ يَلْقَى وِينْ يَسْرَحْ . ¹⁰الْخَايَنْ يْجِي غِيرْ بَاشْ يَخْوَنْ، وْيَقْتَلْ، وْيْخَرَبْ، بَصَّحْ أَنَا جِيتْ بَاشْ تْكُونْ عَنْدْهُمْ حْيَاةْ فَايْضَة بَالْخِيرْ.¹¹أَنَا هُوَ الَرَاعِي الَصَالَحْ، وْ الرَاعِي الصَالَحْ يْمَدْ حْيَاتَهْ عْلَى قْبَلْ الْخِرْفَانْ . ¹²بَصَّح الْخَدَامْ لِمَكْرِي مَاشِى هُوَ الرَاعِي، وْ الِخَرْفَان مَاشِي تَوْعَهْ، غِيرْ يْشُوفْ الدِيبْ جَايْ يَسْمَحْ فَالْخَرْفَانْ وْيَهْرَبْ، وْ هَاكَ يَخْطَفْ الدِيبْ الْخٍرْفَانْ وْيْشَتَتْهُمْ، الْخَدَامْ الْمَكْرِي يَهْرَبْ. ¹³عْلَى خَاطَرْ هُوَ غِيرْ مَكْرِي، وْ مَيَطْهَلَاشْ فَالْخَرْفَانْ.¹⁴أنَا هُوَ الرَاعِي الصَالَحْ وْنَعْرَفْ خَرْفَانِ وْخَرْفَانِ تَعْرَفْنِى. ¹⁵كِيمَا الأَبْ يَعْرَفْنِي وْ أَنَا نَوْهَبْ حْيَاتِي عْلَى خَاطَرْ خَرْفَانِ . ¹⁶وْعَنْدِي خَرْفَانْ وَاحَدْ خْرِينْ مَاشِي مَنْ هَادْ الزْرِيبَة خَاصِنِي نْجِيبْهُمْ وْ غَادِي يَسَمْعُوا صُوتِ وْ يْوَلُوا ڤْطِيعْ وَاحَدْ عَنْدَهْ رَاعِي وَاَحَدْ.¹⁷عْلَى هَادْ الشِي يَبْغِينِي الأَبْ، عْلَى خَاطَرْ نَوْهَبْ حْيَلتِي بَاشْ تَانِي نْرَجَعْهَا. ¹⁸حَتَّى وَاحَدْ مَيَدِيهَا مَنِي، بَصَّحْ نَوْهَبْهَ حْيَاتِي، عْلَى خَاطَرْ عَنْدِي السُلَطَة بَاشْ نَوْهَبْهَ وْ عَنْدِ السُلْطَة بَاشْ نْرَجَعْها، وْ الأَبْ هُوَ لِعْطَانِي هَادْ الوْصَيَة».¹⁹وْ مَتَافْقُوشْ لْيهُودْ تَانِ فِي هَدْرَتْهُمْ . ²⁰وْ بَزَافْ مَنْهُمْ ڤَالُ: « رَاهْ سَكْنَهْ جَنْ، وْ رَاهْ غِيرْ يْخَرَفْ، عْلاَشْ رَاكُمْ تَسَمْعُوا لَهْ ». ²¹وْڤَالُو وَاحَدْ خْرِينْ: «هَادَ مَاشِي كْلاَمْ تَاعْ وَاحَحْ سَاكْنَاهْ جَنْ، وْ مَاشِي لِسَكْنَهْ جَنْ لِيْحَلْ عَيْنِينْ الْعُمْيِينْ؟» .²²فَالْوَقْتْ تَاعْ الشْتَا كَانْ فْأُرْشَلِيمْ عِيدْ تَاعْ التَجْدِيدْ. ²³وْ كَانْ يَسُوعْ يَتْمَشَى فِي بْيتْ الله فَالطْرِيڤِ تَاعْ سُلَيْمَانْ . ²⁴وْ دَاوْرُوا بِيهْ لِيهُودْ وْڤَالُوا لَهْ:« لْوِينْتَا غَادِي تْخَلِينَا هَاكَ حَيْرِينْ إِلاَكُنْتْ هُوَ الْمَسِيحْ ڤُولْهَا لْنَا بِكُلْ صَرَاحَةْ».²⁵وْ جَاوَبْهُمْ يَسُوعْ وْڤَالْ: « رَانِي ڤُولْتْهَا لْكُمْ وْ مَتَيَقْتُوشْ الأَعْمَالْ لِأَنَا نْدِيرْهَا بْأَسْمْ بُويَا هِيَ لِتَشْهَدْ لِي . ²⁶بَصَّحْ نْتُومَا مَتْآمْنُوشْ عْلَى خَاطَرْ مَرَكُومْشْ مَالْخَرْفَانْ تَوْعِي كِيمَا ڤُولْتْلْكُمْ²⁷خِيرْفَانِ يَسَمْعُوا صُوتْ تَاعِي وْ أَنَا نَعْرَفْهُمْ وْ هُمَا يْتَبْعُونِي . ²⁸وْ نَعْطِيهُمْ لَحْيَاةْ الدَايْمَة، وْ عَمَرْهُمْ م مَاغَادِي يْمُوتُوا، وْ مَا غَادِي يَخْطَفْهُمْ حَتَّى وَاحَدْ مَنْ يَدِي.²⁹بُويَا هُوَ لِعْطَهُمْ لِي، وْ هُوَ قْوِيْ مَنْ كُلْ شِي، وْ حَتَّى وَاحَدْ مَيَقْدَرْ يَخْطَفْهُمْمَنْ يَدْ بُويَا. ³⁰رَاهْ أَناَ وْ هُوَ وَاحَدْ ». ³¹وْرَفْدُوا لِيهُودْ مَرَة وَاحَدْ خْرَي لَحْجَرْ بَاشْ يْرَجْمُوُهْ.³²وْڤَالْهُمْ يَسُوعْ : « وَرِيتْكُمْ بَزَافْ تَاعْ الأَعْمَالْ الَصَالْحَة لِعْطَهَا لِي بُويَا، عْلَى وَاشْ مَنْ عَمَلْ مَنْ هَادُوكْ بْغِيتُوا تَرَجْمُونِي ». ³³وْ جَاوْبُهْ لِيهُودْ: « مَبْغِينَاشْ نَرَجْمُوكْ عْلَى جَالْ الأَعْمَالْ الصَالْحَة، بَصَّحْ عْلَى جَالْ لَكْفَرْ دْيَالَكْ أَنْتَ جِيتْ غِيرْ بْنَادَمْ وْ رَدِيتْ رُوحَكْ إِلاَهْ ».³⁴وْجَاوَبْهُمْ يَسُوعْ وْڤَالْ: « مَاشِي مَكْتُوبْ فَالَشَرِيعَة تَاعْكُمْ : أَنَا ڤُولْتْ نْتُومَا آلِهَ؟. ³⁵إِلَا هَادُكْ لِجَاهُمْ كْلاَمَهْ آلِهَ وْ كْلاَمْ الله عُمْرَهْ مَيْطِيحْ كِيفَاشْ نْتُومَا تْڤُولُوا. ³⁶لِهَادَاكْ لِقَدْسَهْ الأَبْ وْ رَسْلَهْ لَدَنْيَا رَاكْ ڤُولْتْ كْلاَمْ الْكُفْرْ، عْلَى خَاطَرْ ڤُولْتْ أَنَا إِبْنْ الله ؟.³⁷إلاَ مَكُنْتْشْ نْدِيرْ أَعْمَالْ تَاعْ بُويَا، مَتْآمْنُوشْ بِيا . ³⁸وْبَصَّحْ إِلاَ كُنْت نْدِيرْهَا، إِلاَ مَآمَنْتُوشْ بْيَا، آمْنُوا بَالَْأعْمَالْ، بَاشْ تْآمْنُوا وْ تَعَرْفُوا وْ تَفَهْمُوا بَلِّي الأَبْ فِيَ وْ أَنَا فَالَْابْ». ³⁹وْ بْدَوْ يْحَوْسُوا بَاشْ يْشَدُهْ بَصَّحْ هْرَبْ مَنْ يَدِيهُمْ.⁴⁰وْوَلَى يَسُوعْ لَلْجِيهَة لَخْرَي تَاعْ وَادْ الأُرْدُنْ، وِينْ كَانْ يُوحَنا يْغَطَسْ مَقْبَلْ، وْڤْعَدْ تَمَة. ⁴¹وْ جَاوْ عَنْدَهْ بَزَافْ النَّاسْ يْڤُولُوا: « يُوحَنَا مَدَارْ حَتَّى مُعْجِزَة، بصَّحْ ڤَاعْ لِڤَالَهْ عْلَى هَادْ الرَّاجَلْ كَانْ صْحِيحْ ». ⁴²وْ آمْنُوبِيهْ تَمَة بَزَافْ النَّاسْ .

¹وْ كَانْ الرَّاجْلْ مْرِيضْ يْسَمُوهْ لَعَازَرْ، مَنْ بِيتْ عَانْيَا دَوَرْ وِينْ سَاكْنَة مَرْيَمْ وْ خَتْهَا مَرْثَا. ²وْمَرْيَمْ هَادِ هِيَ لِدَهْنَتْ الرَبْ يَسُوعْ بَرِيحَة وَمَسْحَتْ رَجْلِيهْ بْشَعْرْهَا.³وْرَسْلُوا لَخْوَتَاتْ فِي زُوجْ لْيَسُوعْ وْ ڤَالُولَهْ: «يَاسِيدِي هَادَاكْ لِعْزِيزْ عْلِيكْ رَاهْ مْرِيضْ ». ⁴كِسْمَعْ يَسُوعْ هَادْ لَكْلاَمْ ڤَالْ: «هَادْ لْمَرْضْ مَيَدِيشْ لَلْمُوتْ، بَصَّحْ غَادِي يْبَانْ لْمَجْدْ تَاعْ الله وْ بِيهْ غَادِي يَطَعْطَا الْمَجْدْ لْإِبْنْ الله».⁵كَانْ يَسُوعْ يَبْغِي مَرْثَا وْ خَتْهَا وْ لِعَازَرْ. ⁶كِسْمَعْ لِعَازَرْ مْرِيضْ فَوَتْ غِيرْ يُومِينْ فَالْمَوْضَعْ لِكَانْ فِيهْ بَعْدْ دَاكْ الشِي. ⁷ڤَالْ لَتْلاَمْدَهْ: « يَالَهْ نْوَلُوا لَبْلاَدْ الْيَهُودِيَة ».⁸وْڤلَهْ تْلاَمْدَهْ: « يَا مْعَلَمْ غِيرْ دَرْوَاكْ لِهُودْ كَانُوا بَغْيِينْ يْرَجْمُوكْ وْ دَرْوَاكْ بَاغِي تْوَالِي عَنْدْهُمْ ». ⁹وْ يْجَاوَبْهُمْ يَسُوعْ: « يَاكْ نْهَارْ فِيهْ طْنَاعْشْ نْسَاعَة ؟ إِلاَ كَانْ شِي وَاحَدْ يَمْشِي فَالنْهَارْ مَيَعْتْرشْ، عْلَى خَاطَرْ يْشُوفْ الضُّو تَاعْ هَادْ الَدَنْيَا.¹⁰إِلاَ وَاَحَدْ يَمْشِي فَاللَيلْ غَادِي يَعْثَرْ، عْلَى خَاطَرْ مَفِيهْشْ الضُّو» ، ڤَالْ يَسُوعْ هَادْ الْهَدْرَة وْ زَادْ مَنْبَعْدْ. ¹¹ڤَالْهُمْ : « لِعَازَلرْ صَحَبْنَا رَاهْ رَڤَدْ، بَصَّحْ غَادِي نْرُوحْ وْنْفَيْقَهْ».¹²ڤَالُولَهْ تْلاَمْدَهْ : «إِلاَ كَانْ يَاسِيدِي رَاهْ رَاڤَدْ غَادِي يَبْرَا ». ¹³بَصَّحْ يَسُوعْ كَانْ يَهْدَرْ لْهُمْ عْلَلا الْمُوتْ تَاعْ لِعَازَرْ، وْهُمَا كَانُوا يَحَسْبُوا رَاهْ يَهْدَرْ لْهُمْ عْلَى النْعَاسْ . ¹⁴وْ فْدِيكْ السَاعْة ڤَالْهُمْ بْكُلْ صَرَاحَةْ: « لِعَازَرْ مَاتْ ».¹⁵اَنَا فرْحَانْ عْلَى جَالْكُمْ، عْلَى خَاطَرْ مَكُنْتُوشْ تَامَة بَاشْ تَقَدْرُوا تْآمْنُوا، اَيَاوْ دَرْوَكْ نْرُحُوا لْعَنْدَهْ!» وْ تُومَا لِكَانُو يْعَيْطُو لَهْ تْوَامْ. ¹⁶ڤَالْ لَتْلاَمَدْ صْحَابَهْ: « أَيَ حَتَّى حْنَا نْرُوحُوا مْعَا يَسُوعْ بَاشْ نْمُوتُوا مْعَاهْ !».¹⁷كِوْصَلْ يَسُوعْ، لْقَى بَلِّي لِعَازَرْ فَوتْ رَبْع يَّامْ. ¹⁸وْكَانَتْ بِيتْ عَانْيَا بْشِي تْلَثَا كِيلُمِتْرْ. ¹⁹وْ جَاوْ بَزَافْ لِهُودْ عَنْدْ مَرْثَا وْ مَرْيَمْ بَاشْ يْعَزِيهُمْ فِي خُوهُمْ. ²⁰كِسَمْعَتْ مَرْثَا بَلِّي يَسُوعْ جَايْ لَقَاتْ لَهْ، بَصَّحْ مَرْيَمْ بْقَاتْ ڤَاعْدَة فَالدَّارْ.²¹وْڤَالَتْ مَرْثَا لْيَسُوعْ : «يَاسِيدِي لُكَانْ كُنْتْ هْنَا لُكَانْ ڤَاعْ مَمَتْشْ خُويَا ! ²²بَصَّحْ حَتَّى لْدَرْوَكْ أَنَا نَعْرَفْ بَلِّي الْحَاجَة لِتَطْلَبْهَا مَنْ عَنْدْ الله يَعْطِيهَا لَكْ». ²³وْ يْڤُولْهَا يَسُوعْ : « خُوكْ غَادِي يْقُومْ ».²⁴ڤَالَتْ لَهْ مَرْثَا: «رَانِي عَارْفَة غَادِي يْقُومْ مَالْمُوتْ يُومْ الْقِيَامَة ». ²⁵وْ جَاوَبْهَا يَسُوعْ : «أَنَا هُوَ الْقِيَامَة وْ لَحْيَاة لِآمَنْ بِيَا مَيْمُوتْشْ بَصَّحْ يَحْيَا!. ²⁶وْ كُلْ وَاحَدْ حَيْ يْآمَنْ بِيَا عُمْرَاهْ مَا غَادِي يْمُوتْ، وَاشْ نْتِ تْآمِنِي بْهَادْ لَكْلاَمْ ؟».²⁷وْهِيَ تْڤُولَهْ : «وَاهْ يَاسِيدِي أَنَا آمَنْتْ بَلِّي نْتَ هُوَ الْمَسِيحْ إِبْنْ الله لِجَايْ لَدَنْيَا». ²⁸كِڤَالَتْ مَرْثَا هَادْ الشِى رَاحَتْ وْعَيْطَتْ لْمَرْيَمْ خُوتْهَا فَالسَرْ، وْ ڤَالتْ : «رَاهْ لَمْعَلَمْ جَا وْرَاهْ يْعَيَطْ لَكْ ». ²⁹كِسَمْعَتْ مَرْيَمْ بَالْمَجْيَ تَاعْ يَسُوعْ نَاضَتْ بَالْخُوفْ وْ رَاحَتْ عَنْدَهْ.³⁰كَانْ يَسُوعْ مَزَالْ مَوْصَلْ لَدَوَرْ، بَصَّحْ كَانْ بَاقِي فَالْمَوضَعْ لِتْلَقَاةْ بِيهْ مَرْثَا . ³¹وْكِشَافُوهَا لِهُودْ لِكَانُوا يْعَزُوهَا نَايْضَة بَلْخُوفْ تَبْعُوهَا: «عْلَى خَاطَرْ حَسْبُوهَا رَايْحَة لَلَفْبَرْ تَبْكِي تَمَة ». ³²وْ غِيرْ وَصْلَتْ مَرْيَمْ لِكَانْ فِيهْ يَسُوعْ، وْشَافْتَهْ سَجْدَتْ عَندْ رَجْلِيهْ وْڤَالَتْ لَهْ: « يَاسِيدِي لُكَانْ كُنْتْ هْنَا لُكَانْ ڤَاعْ مَامَتْشْ خُويَا ».³³وْ كِيشَافْهَا يَسُوعْ تَبْكِي، هِيَ وْ لِهُودْ لِجَاوْ مْعَاهَا، تْأَلَمْ وْ تْأَثَرْ. ³⁴وْ سَقْسَاوْهُمْ: «وِينْ دْفَنْتُوهْ ؟» وْ ڤَالُولَهْ: «أَرْوَاحْ أَسِيدِي تْشُوفْ !». ³⁵وْ بْكَى يَسُوعْ.³⁶وْڤَالُو لِهُودْ لْبَعْضِيَاتْهُمْ : « شُوفُوا شْحَالْ كَانْ يَبْغِيهْ ». ³⁷بَصَّحْ وَحْدِينْ مَنْهُمْ ڤَالُوا: «هَادْ الرَّاجَلْ لِحَلْ لَعْنِينْ تَاعْ لَعْمَى، مَاَكَنْشْ يَقْدَرْ يْبَعَدْ لْمُوتْ عْلَى لِعَازَرْ؟».³⁸وْ تْأَثَرْ يَسُوعْ بَزَاَفْ وْ ڤَرَبْ مَالَقْبَرْ، وْ كَانْ هَادْ لَقْبَرْ غَارْ الْبَابْ نْتَاعَهْ مَسْدُودْ بْحَجْرَة . ³⁹وْ ڤالْ يَسُوعْ: «ڤَالْعُوا الْحَجْرَة!» وْ ڤَالَتْ لَهْ مَرْثَا خُوتْ لْمَيِتْ : «يَا سِيدِي رَاهْ غَادِي يْكُونْ خْنَازْ، عْلَى خَاطَرْ دْفَنَهْ هَادِي رَبْعَ يَّامْ !» ⁴⁰وْڤَالْهَا يَسُوعْ: «مَاشِي ڤُولَتْ لَكْ : إِلاَ آمَنْتِ غَادِي تْشُوفِي الْمَجْدْ تَاعْ الله؟».⁴¹وْڤَالْعُوا الْحَجْرَة وْ رْفَدْ يَسُوعْ عَيْنِيهْ لَلْفُوڤْ وْ ڤَالْ: « يَابُويَا نَشَكْرَكْ عْلَ خَاطَرْ سْمَعْتْ لٍي وْ دِيمَا تَسْمَعْنِي. ⁴²وْ ڤُولْتْ هَادْ لَكْلاَمْ عْلَى جْمَاعَة تَاعْ النَّاسْ لِمْدَوْرِينْ بِيَا بَاشْ يْآمْنُو بَلِّى نْتَ رْسَلْتْنِي».⁴³كِڤَالْ هَادْ لَكْلاَمْ زَڤَا بْصُوتْ قْوِيْ وْ ڤَالْ: «أَلِعَازَرْ أُخْرَجْ !». ⁴⁴وْ خْرَجْ الْمَيِتْ بْيَدِيهْ وْ رَجْلِيهْ مَرْبُوطِينْ بْالَكْفَنْ، وْ وَجْهَهْ مْلَوِي عْلِيهْ وَاحَدْ الْمَنْدِييلْ، وْ ڤَالْهُمْ يَسُوعْ: « حَالُوهْ وْ خَالُوهْ يْرُوحْ».⁴⁵بَزَافْ تَاعْ لِهُودْ لِجَاوْ عَنْدْ مَرْيَمْ لْدَارْهَا , وْ شَافُوا الْمُعْجِزة لِدَارْهَا يَسُوعْ وْ آمْنُوا بْيهْ. ⁴⁶بَصَّحْ شِي وَحْدِينْ مَنْهُمْ رَاحُوا عَنْدْ الْفَرِّيسَيِيينْ وْ عَاوْدُوا لْهُمْ وَاشْ دَارْ يَسُوعْ.⁴⁷وْ تْجَمْعُ رُؤَسَاءْ رْجَالْ الدِينْ بِينَتْهُمْ وْ ڤَالُ: «وَاشْ نْدِيرُوا ؟ هَادْ الرَّجَلْ رَاهْ يْدِيرْ بَزَافْ مُعْجِزَاتْ. ⁴⁸وْ إِلَا خَلِينَاهْ هَاكَ غَادِي يْآمْنُوا بْيهْ ڤَاعْ النَّاسْ، وْ غَادْي يْجِ الرُومَانْيِينْ وْ يَدُوا الْمَوْضَعْ الْمُقَدَسْ تَاعْنَا وْ الشَعْبْ تَاعْنَا».⁴⁹وْڤَالْهُمْ وَاحَدْ مَنْهُمْ يْسَمُوهْ قَيَافَا وْ كَانْ رَيَسْ لَرْجَالْ الدِينِ: « نْتُومَا مَتَعَرْفُوا وَالُوا. ⁵⁰مَتْفَهْمُوشْ رَاهْ خِيِرْلْكُمْ يْمُوتْ إِنْسَانْ وَاحَدْ فِي مْكَانْ الشَعبْ وْ مَيْمُوتْشْ ڤَاعْ الشَعْبْ».⁵¹وْ مَڤَالْشْ هَادْ الْهَدْرَة غِيرْ مَنْ عَنْدَهْ، بَصَّحْ عْلَى خَاطَرْ كَانْ هُوَ رَئِسْ رْجَالْ الدِينْ فِي دَاكْ الْعَامْ، تْنَبَأْ بَلِّى يَسُوعْ غَادِي يْمُوتْ عْلَى قْبَلْ الشَعبْ . ⁵²وْ مَاشْى عْلَى جَالْ الشَعْبْ وَحْدْهْ، بَصَّحْ بَاشْ يَجْمَعْ وْلََادْ الله لَمْتَشَتْتِينْ، وْ يْوَلُوا وَاحَدْ. ⁵³وْ مَنْ دَاكْ النْهَارْ لِهُودْ يْحَوْسُوا بَاهْ يَكَتْلُوا يَسُوعْ.⁵⁴وْ عْلَى هَادْ الشِي مَوَلَشْ يَسُوعْ يَمْشِي بِينْ لِهُودْ رَاحْ مَنْ تَمَة لْوَاحَدْ الْمَوضَعْ ڤْرِيبْ لَصَحْرَا، مْدِينَة صْغِيرَة يْسَمُوهَا أَفْرَايِمْ، وْڤْعَدْ تَمَة مْعَ تْلاَمْدَهْ . ⁵⁵وْكَانْ عِيدْ الْفَصْحْ تَاعْ لِهُودْ ڤْرِيبْ، وْ طَلْعُوا بَزَافْ النَّاسْ مَادَوَرْ لُْأرْشَلِيمْ قْبَلْ عِيدْ الْفَصْحْ بَاشْ يَتْنَقَوْ.⁵⁶وْ كَانُوا يْحَوْسُوا عْلَى يَسُوعْ، وْ يْسَقْسُوا بَعْضِيَاتْهُمْ، وْ هُمَا مَجْمُوعِينْ فِي بْيتْ الله: «وَاشْ تْفَكْرُوا مَغَدِيشْ يْجِي لَلْعِيدْ ؟ ». ⁵⁷وْ أَمْرُوا رُؤَسَاءْ رْجَالْ الدِينْ وْ الْفَرِّيسَيينْ وْ ڤَالُولْهُمْ: «لِيَعْرَفْ وِينْ رَاهْ يَسُوعْ خَاصَهْ، يَعْلَمْنَا بَاشْ يْشَدُوهْ».

¹وْ قْبَلْ عِيدْ الْفَصْحْ بْسَتَ يَّامْ، جَا يَسُوعْ لْبِيتْ عَنْيَا، وِينْ كَانْ لِعَازَرْ لِأَقَامَهُ يَسُوعْ مَاالْمُوتْ . ²وْ وَجَدْو لَهُ النَّاسَ الْعَشَا، وَ كَانَتْ مَارْثَا تَخْدِيمُهُمْ وْ لِعَازَرْ كَانَ وَاحِدْ مَ النَّاسْ اللِّي كَانُوا ڤَاعْدِينْ يَاكْلُوا مْعَ يَسُوعْ . ³وْجَبْدَتْ مَرْيَمْ قَرْعَة فِيهَا الرِّيحَة تَاعْ النَّارْدِينْ الْحُرْ لِّي سُومْتَهْ غَالْيَة بَزَّافْ، وْ دَهْنَتْ رَجْلِينْ يَسُوعْ، وَمَمْبَعْدْ مَا مَسْحَتْهُمْ بْشَعْرْهَا وْلَّتْ الدَّارْ مَعَّمْرَة بَالرِيحَة تَاعْ النَّارْدِينْ.⁴وْڤَالْ وَاحَدْ مَنْ تْلاَمْدْ يَسُوعْ اللِّي هُوَّ يَهُودَا الإِسْخَرْيُوطِي، اللِّى غَادِي يْخُونَهْ: ⁵«عْلاَشْ مَا تَتْبَاعْشْ هَادْ الرِّيحَة بِثَلْتْمِيَة دِينَارْ يَنَعْطَاوْ دْرَاهَمْهَا لَلْفُقَرَاءْ ؟». ⁶ڤَالْ هَادْ الشِي مَاشِي عْلَى خَاطَرْ يْخَمَمْ عْلَي الْفُقَراَءْ، بَصَّحْ عْلَى خَاطَرْ كَانْ خَايَنْ، و هُوَّ مَسْؤُولْ عْلَى صُنْدُوقْ تَاعْ الدْرَاهَمْ وْ كَانْ يَخْوَنْ دَاكْ الشِي اللِّي يَنْحَطْ فِيهْ.⁷ڤَالْ يَسُوعْ: « خَلُّوهَا !رَاهَا دَّسَتْ دَاكْشِي لَلْنْهَارْ، اللِّى غَادِي تَتْكَفَنْ فِيهْ. ⁸عْلَى خَاطَرْ الْفُقَرَاءْ كَايْنِينْ مْعَاكُمْ فْكُلْ وَقْتْ، بَصَّحْ أَنَا مَا نْكُونْشْ مْعَاكُمْ دِيمَا».⁹وْعَرْفُوا لِهُودْ بَلِّي يَسُوعْ رَاهْ تَمَّ، و جَاوْمَاشِي عْلَى خَاطَرْ يَسُوعْ بَرْكْ، عْلَى جَالْ ثَانِي بَاشْ يْشُوفُوا حَتَّى لِعَازَرْ اللِّي أَقَامَهُ يَسُوعْ مَاالْمُوتْ. ¹⁰وْ تَافْقُوا رُؤَسَاءْ رْجَالْ الدِينْ بَاشْ يُكَتْلُوهْ لَعَازَرْ حَتَّى هُوَّعْلَى خَاطَرْ جَالْ لَعَازَرْ. ¹¹بَزَّافْ النَّاسْ كَانُوا يَسَمْعُوا فْرُؤَسَاءْ رْجَالْ الدِّينْ وْ يْآمْنُوا بْيَسُوعْ .¹²وْ لْغَدْوَاكينَا سَمْعَتْ جْمَاعَة تَاعْ النَّاسْ اللِّي بَلِّي جَاوْ يْفَوَّتُ عِيدْ الْفَصْحْ، وْ يَسُوعْ جَايْ لُْأرُوشَلِيمْ. ¹³وْ دَّوْال، النْخَلْ وْ خَرْجَوْ بَاشْ يَتْلَقَوَهْ، وْكَانُوا يْعَيْطُوا: « أُصَنَّا! مُبَارَكْ لِجَايْ بْاَسْمْ الرَّبْ !مَلِكْ إِسْرَئِيلْ ».¹⁴وْ لْڤَا يَسُوعْ وَاحْدْ الْجَحْشْ، رْكَبْ عْلِيهْ، كِيمَا هُوَّ مَكْتُوبْ فِي كْتَابْ الله ¹⁵لِيْڤُولْ : «مَتْخَفِيشْ يَابَنْتْ صَهْيُونْ، هَاهُوَ الْمَلِكْ تَاعَكْ جَايْ رَاكَبْ عْلَى جَحْشْ».¹⁶فَاللَّوَلْ مَفَهْمُوشْ التْلاَمَدْ هَادْ الأُمُورْ، بَصَّحْ كِتَعْطَى الْمَجْدْ لْيَسُوعْ، عَاوْدُواتْفَكْرُوا بَلِّي هَادْ الشِي تْڤَالْ عْلَى فَاالكْتَابْ الله، وْ دَّرُوا هَادْ الشِي عْلَى جَالَهْ.¹⁷وْ كِيْ حَيَّاهْ مَالْمُوتْ، كَانُوا تَمَاكْ جْمَاعَةَ تَاعْ النَّاسْ وْ شَهْدُوا عْلِيهْ . ¹⁸عْلَى هَادْ لبشِي خَرْجُوا نَاسْ بَزَافْ يَتْلاًَقَاوَهْ، عْلَى خَاطَرْ سَمْعُوا عْلَى الْمُعْجِزَاتْ اللِّي دَارْهَا . ¹⁹ڤَالُ الْفَرِّيِسَييِنْ بْينَتْهُمْ : «شُوفُوا رَاكُمْ مَتَنَفْعُوا فَحَتَّى حَاجَة، هَاوَلاَ ڤَاعْ النَّاسْ تَبْعُوهْ !».²⁰وْ كَانُو وَاحْدْ الْيُونَانَيِّينْ بْينْ النَّاسْ لِطَلْعُوا لُْأرُوشَلِيمْ لِيَعَبْدُو الله . ²¹رَحُوا عَنْدْ فِيلٍبُسْ لِمَنْ بَيْتْ صَيْدَا فَاللْجَلِيلْ ، وْطَلْبُو مَنَهْ وْ ڤَالُوا لَهْ: « يَاسِيدِي بْغِينَا نْشُوفُوا يَسُوع ». ²²وْ جَا فِيلبُسْ وْ ڤَالْ لَْأنْدْرَاوْسْ ، وْ مَمْبَعْدْ رَحُوا فِي زُوجْ وْڤَالُو لْيَسُوعْ.²³بَصَّحْ يَسُوعْ جَاوَبْهُمْ وْ ڤَالْ : «جَاتْ السَاعَة لْيَتْمَجَدْ فِيهَا إِبْنْ الإِنْسَانْ . ²⁴الْحَقْ الْحَقْ نْڤُولْكُمْ إِلاَ طَاحَتْ حَبَة قَمْحْ فَاالأَرْضْ وْ مَامَتَتْشْ تَبْقَى وَاحَدْهَا بَصَّحْ إِلاَ مَاتَتْ تَعْطِي غَلََّة كْبِيرة.²⁵لِيَبْغِي حْيَاتَهْ رَاهْ يْضَيَعْهَا، وْ لاَ يَنْكُرْ فَهَادْ الدََّنْيا غَادِي يَحْفَضْهَا لَلْحْيَاةْ الدََّايْمَة . ²⁶لِبْغَا يْكُونْ خَادَمْ لِيَا، خَاصَهْ يْتَبَعْنِي، وِينْ مَانْكُونْ أَنَا غَادِي يْكُونْ خَادَمْ تَاعِي، وْ إِلاَ كَانْ خَدَامْ تَاعِي غَادِي يْجَازِيهْ بُيَ.²⁷وْ دَرْوَكْ نَفْسِي مَتْأَثْرَة، وَاشْ غَادِي نْڤُولْ يَابُويَ: نَجِنِي مَنْ هَادْ السَاعَة ؟بَصَّحْ عْلَى هَادْ الشِي جِيتْ عْلَى هَادْ السَاعَة. ²⁸يَا بُويَ ، مَجَدْ إِسْمَكْ!» جَا صُوتْ مَاالسْمَا: « تْمَجَّدْتْ ، وْ غَادِي نَتْمَجَّدْ تَانِي !». ²⁹وْ لَجْمَاعَة لِكَانَتْ تَمَّة سَمْعُوا دَاكْ الشِي وْ ڤَالُ: «هَادَ رَاهْ غِيرْ رَعْدْ !» وَاحْدْ خْرِينْ ڤَالُ : «هَادَ مَلاَكْ هْدَرْ مْعَاهْ».³⁰وْجَاوَبْ يَسُوعْ وْ ڤَالْ: « مَشِي عْلَى جَلِ جَ هَادْ الصُوتْ ، بَصَّحْ عْلَى جَالْكُمْ . ³¹دَرْوَكْ وَقْتْ الْحُكْمْ عْلَى الدَّنْيَا، وْدَرْوَكْ غَادِي يَنْقَاسْ رَئِسْ تَاعْ هَادْ الْعَالَمْ بَرَا.³²وْكِي غَادِي نَتَرْفَعْ مَنْ اللَرْضْ، غَادِي نْجِيبْ عَنْدِي». ³³ڤَالْ هَادْ الشِي بَاشْ يْبَيَنْ لَنَّاسْ كِيفَاشْ غَادِي يْمُوتْ.³⁴ڤَالْتْ لَهْ جْمَاعَةَ تَاعْ النَّاسْ : «حْنَّا سْمَعْنَا مَالشَرِيعَة بَلِّي الْمَسِيحْ غَادِي يَبْقَى دِيمَا، كِيفَاشْ نْتَيَا تْڤُولَنَا: إِبْنْ الأِنْسَانْ خَاصَهْ يَتَرْفَعْ؟ شْكُونْ هَادَ إِبْنْ الأِنْسَانْ». ³⁵وْيْڤُولْهُمْ يَسُوعْ : «النُّورْ غَادِي يَبْقَى مْعَاكُمْ غِيرْ وَقْتْ قَلِيلْ، أَيَ رُوحُوا فِى طْرِيڤِكُمْ مَادَامْ عَنْدْكُمْ النُّورْ، بَاشْ مَطِيحْشْ عْلِيكُمْ الظَلْمَة، عْلَى خَاطَرْ لِيَمْشِي فِي الظَلْمَة مَيَعْرَفْشْ وِينْ رَاهْ رَايَحْ . ³⁶مَادَامْ عَنْدْكُمْ النُّورْ، آمْنُوا بَالنُّورْ بَاشْ تْوَلُوا وْلاَدْ النُّورْ »، وْ مَمْبَعْدْ مَاڤَالْهُمْ يَسُوعْ هَادْ الشِي رَاحْ وْبَبَانْلْهُمْشْ .³⁷وْڤَاعْ دُوكْ الْمُعْجِزَاتْ لِدَرْهُمْ ڤَاعْ هَاكَ وْ مَاآمْنُوشْ بِهْ. ³⁸بَاشْ يَتْحَقَقْ دَاكْ الشِي لِتَوْحَى بِهْ الْنْبِي أَشْعِيَاْ : « يَارَبِي شْكُونْ لِآمَنْ بَكْلاَمْنَ ؟ وْلَمَنْ بَانَتْ قُوَةْ الرَّبْ؟».³⁹مَقَدْرُوشْ يْآمْنُوا، عْلَى خَاطَرْ أَشْعِيَاءْ عَاوَدْ ڤَالْ: ⁴⁰«نَعْمَاوْ عَيْنِيهُمْ وْ تْقَسُحٌوا قْلُوبْهُمْ، بَاشْ مَايْشُوفُوشْ بْعَيْنِيهُمْ وْ مَيْحَسُوشْ بْقَلْبْهُمْ، وْ يَرْجْعُوا عَنْدِي وْ أَنَا نَشْفِيهُمْ ».⁴¹ڤَالْ أَشْعِيَاءْ هَادْ لَكْلاَمْ كِشَافْ الْمَجْدْ تَاعْ الرَّبْ يَسُوعْ وْ تْكَلَمْ عْلِيهْ. ⁴²هَاكَ بَزَافْ الرُؤَسَاءْ تَاعْ لِهُودْ، حَتَّى هُمَا آمْنُوا بْيَسُوعْ، وْ بَسْبَابْ الْفَرِّيسَيِّينْ مَعْتَارْفُوشْ بهْ، ڤُدَامْ النَّاسْ، بَاشْ مَيْخَرْجُوهُمْشْ مَالْهَيْكَلْ . ⁴³عْلَى خَاطَرْ بْغَاوْ الْمَجْدْ لِيْجِي مَنْ عَنْدْ النَّاسْ كْتَرْ مَالِي يْجِي مَنْ عَنْ الله.⁴⁴ڤَالْ يَسُوعْ بْصُوتْ عَالِي: « لِآمَنْ بِيَا مَيْآمَنْشْ غِيرْبِيَا أَنَيَا، بَصَّحْ يْآمَنْ بْهَادَاكْ لِرْسَلْنِي. ⁴⁵وْلِشَافْنِي شَافْ هَادَاكْ لِرْسَلْنِي.⁴⁶أَنَا جِيتْ نُورْ لْهَادْ الدَّنْيَا، بَاشْ ڤَاعْ لِآمَنْ بِيَا مَيَبْقَاشْ فَالظَلْمَة. ⁴⁷إِلاَ وَاحْدْ سْمَعْ كْلاَمِى وْ مَدَارْشْ بِيهْ، مَاغَادِشْ نَحْكَمْ عْلِيهْ، عْلَى خَاطَرْ مَاجِيتْشْ بَاشْ نَحْكَمْ عْلَى النَّاسْ الدَّنْيَا، بَصَّحْ جِيتْ بَاشْ نْسَلَكْهُمْ.⁴⁸لِمَقْبَلْنِيشْ وْ مَقْبَلْشْ كْلاَمِي رَاهْ كَايَنْ لِغَادِي يَحْكَمْ عْلِيهْ، عْلَى خَاطَرْ لَكْلاَمْ لِڤُولْتَهْ لِيهْ، هُوَاللِّي غَادِي يَحْكَمْ عْلِيهْ يُومْ لَحْسَابْ. ⁴⁹عْلَى خَاطَرْ مَهْدَرْتْشْ مَنْ عَنْدِي، بَصَّحْ الآبْ لِرْسَلْنِي، هُوَ لِوْصَانِي وَاشْ خَاصْنِي نْڤُولْ، و بَاشْ غَادِي نَهْدَرْ . ⁵⁰وْأَنَا نَعْرَفْ بَلِّى لَوْصِيَة تَاعَهْ، هِيَ لَحْيَاةْ الدَايْمَة، وْ هَادْ لَكْلاَمْ لِرَانِي نْڤُولَهْ كِيمَا وَصَانِي الآبْ نَهَدْرهْ».

¹قْبَلْ عِيدْ الْفصْحْ، كَانْ يَسُوعْ عَارَفْ بَلِّي سَاعْتَهْ جَاتْ بَاهْ يْرُوحْ مَنْ هَادْ الدَّنْيَا عَنْدْ الآَبْ، وْ كَانْ يَبْغِي هَادُوكْ لِتَبْعُوهْ فَالدَّنْيَا وْ بْغَاهُمْ لَلَبْدَا . ²كِكَانُوا يَتْعَشَاوْ، وَسْوَسْ الشِيطَانْ مَاقْبَلْ قَلْبْ فِي قَلْبْ يَهُدَا وَلْدْ سَمْعَانْ الإسْخَرْيُوطِي بَاهْ ِاِسَلْمَهْ.³وْكَانْ يَسُوعْ عَارَفْ بَلٍّي الأَبْ عْطَاهْ كُولْشِي فِي يَدَهْ، وْ بَلِّي هُوَ جَا مَنْ عَنْدْ الله، وْعَنْدْ الله غَادِي يَرْجَعْ . ⁴وْيْنُوظْ مَالَعْشَا وْيَڤْلَعْ اللْبَاسْ الْفُوقَانِي وْ جْبَدْ فُوطَة وْ تْحَزَمْ بِيهَا. ⁵مَمْبَعْدْ كُبْ الْمَا فِي بَسِينَة وْ بْدَا يَغْسَلْ رَجْلِينْ التْلاَمَدْ وْ يَمَسَحْهُمْ بَالْفُوطَة لِكَانْ مْحَزَمْ بِهَا.⁶وْ كِوْصَلْ عَنْدْ سَمْعَانْ بُطْرُسْ، ڤَالَهْ سَمْعَانْ: « يَاسِيدِي أَنْتَ غَادِي تَغْسَلِ رَجْلَيَ؟». ⁷وْجَاوْبَهْ يَسُوعْ وْڤَالَهْ: «نْتَ دَرْوَكْ مَتَعْرَفْشْ شَارَانِي نْدِيرْ بَصَّحْ غَادِي تَفْهَمْ مَمْبَعْدْ ». ⁸ڤَالَهْ بُطْرُسْ: « عُمْرَكْ مَاغَادِي تَغْسَلٍ رَجْلِيَ!>> وْ جَاوْبَهْ يَسُوعْ : « إِلاَ مَغْسَلْتْلَكْشْ رَجْلِيكْ مَاغَدِيشْ إِكُونْ عَنْدَكْ حَقْ مْعَايَا». ⁹وْيْڤُولَهْ سَمْعَانْ بُطْرُسْ: « مَتَغْسَلِشْ غِيرْ رَجْلِيَ بَصَّحْ حَتَّى يَدِيَا وْ رَاسِى».¹⁰ڤَالَهْ يَسُوعْ : «وْ لِغْسَلْ رَاهْ ڤَاعْ نْقِيْ يْسْحَقْشْ غِيرْ يَغْسَلْ رَجْلِيهْ وْ نْتُومَا رَاكُمْ نْقَيِنْ، بَصَّحْ مَاشِي ڤَاعْ » . ¹¹عْلَى خَاطَرْ كَانْ عَارْفْ شْكُونْ غَادِي يْسَلْمَهْ عْلِيهَا ڤَالْ: «مَاشِي ڤَاعْ نْقَيِنْ ».¹²كِغْسَلْ لْهُمْ رَجْلِيهُمْ، لْبَسْ لْبَاسَهْ الْفُڤَانِي وْوَلَى لَلْمَوْضَغْ تَاعَهْ، وْ ڤَالْهُمْ : « فْهَمْتُوا وَاشْ دَرْتْ لْكُمْ ؟. ¹³نْتُومَا تْعَيْطُولِي مْعَلَمْ وْ سَيِّدْ، عَنْدْكُمْ الْحَقْ تْڤُولُوا عْلِيَا هَادْ الشِي، عْلَى خَاطَرْ أَنَا هَاكَ . ¹⁴إِلاَ كُنْتْ أَنَا سَيِّدْ مْعَلَمْ وْ غْسلْتْ لِيكُمْ رَجْلِيكُمْ، رَاكُمْ حَتَّى نْتومَا خَاصْكُمْ تَغَسْلُ رَجْلِينْ بَعْضِيَاتْكُمْ. ¹⁵وْ رَانِي عْطِيتْكُمْ هَادْ لَمْثَلْ بَاشْ حَتَّى نْتُومَا دِيرُوا كِيفِي.¹⁶نْڤُولْكُمْ الْحَقْ مَكَانْشْ عَبْدْ خِيرْ مَنْ سِيدَهْ، وْ مَكَانْشْ رَسُولْ خِيرْ مَالِي رَسْلَهْ . ¹⁷وْ دَرْوَكْ كِعْرَفْتُوا هَادْ الشِي سعْدَاتْكُمْ إلَدَرْتُهْ . ¹⁸مَانِيشْ نْڤُولْ هَادْ الشِي عْلِيكُمْ ڤَاعْ عْلَى خَاطَرْ نَعْرَفْ هَادُكْ لِخَيَرْتْهُمْ، بَصَّحْ إِلِيقْ يَتْحَقَقْ لَكْلاَمْ لِفَاكْلاَمْ الله : لِڤُولْ هَادَكْ لِكْلاَ مْعَايَا خُبْزِي مْعَايَا وْلاَ ضَدِي.¹⁹وَأَنَا نْڤُولْكُمْ دَرْوَكْ هَادْ الشِي قْبَلْ مَايَصْرَا بَاهْ كِتْشُوفُوهْ صْرَا تْآمْنُوا بَلِّي أَنَا. ²⁰وْ نْڤُولْكُمْ الْحَقْ : لِقْبَلْ وَاحَدْ أَنَيَا رْسَلْتَهْ، رَاهْ قْبَلْنِي، وْ لِقْبَلْنِي رَاهْ قْبَلْ لِرْسَلْنِي ».²¹كِڤَالْ يَسُوعْ هَادْ الشِي تْبَدَلْ خَاطْرَهْ وْبْدَا يَهْدَرْ ڤُدَامْ التْلاَمَدْ : «الْحَقْ نْڤُولْكُمْ : رَاهْ وَاحْدْ مَنْكُمْ غَادِي يْسَلَمْنِي!». ²²وْ بْدَوْ يَتْخَازْرُو فِي بَعْضِيَاتْهُمْ وْ كَانُوا حَايْرِينْ عْلَى خَاطْرْ مَكَانُوشْ عَرْفِينْ عْلَى مَنْ يَهْدَرْ فِيهُمْ .²³كَانْ وَاحَدْ مَالتْلاَمَدْ لِكَانْ يَسُوعْ يَبْغِيهْ. ²⁴كَانْ ڤْرِيبْ مَنَهْ وْشَوَرْ لَهْ سَمْعَانْ بُطْرُسْ بَشْ إِسَقْسِي يَسُوعْ شْكُونْ هَوَ لْيْقَصْدَهْ بَكْلاَمَهْ. ²⁵وْ تَكَا هَادْ التَّلْمِيدْ عْلَى صْدَرْ يَسُوعْ: « وْ سَقسَاهْ شْكُكُونْ هُوَ أَسِيدِي ؟».²⁶وْجَاوْبَهْ يَسُوعْ : « رَاهْ هُوَ لِغَادِي نْغَمَسْ اللَقْمَّة وْ نَعْطِيهَا لَهْ !». وْهُو يْغَمَسْ اللَّقْمَة وَ عْطَاهَا لْيَهُودَا الإِسْخَرْيُوطِي . ²⁷وْغِيرْ كْلَ اللُّقْمَة دْخَلْ فِيهْ الشِيطَانْ وْ ڤَالَهْ يَسُوعْ : «دَاكْ الشِي لِغَادِي دِيرَهْ ، غَادِي دِيرَهْ بَلْخُوفْ ».²⁸حَتَّى وَاحْدْ مَنْ هَادُكْ لِكَانُوا ڤَاعْدِينْ مْعَاهُمْ مَفْهَمْ عْلَهْ ڤَالْ هَادْ الْهَدْرَة. ²⁹بَصَّحْ شِي وَاحْدِينْ، مَنْهُمْ حَسْبُوا بَلِّي يَسُوعْ ڤَالَهْ إِيرُوحْ يَشْرِي لَحْوَايَجْ لِكَانُوا خَاصِنْهُمْ لَلْعِيدْ، وْلاَيَعْطِي دْرَاهَمْ لَلْفُقَرَاءْ، عْلَى خَاطَرْ يَهُوذَا كَانْ هُوَ الْمَسْؤُولْ تَاعْ الدْرَاهَمْ. ³⁰وْ غِيرْ كْلَ يَهُوذَا خْرَجْ وْ جَا اللِيلْ.³¹كِخْرَجْ يَهُوذَا ڤَالْ يَسُوعْ: « دَرْوَكْ بَانْ الْمَجْدْ تَاعْ إِبْنْ الأِنْسَانْ، و بَانْ الْمَجْدْ تَاعْ الله فِي إِبْنْ الأِنْسَانْ . ³²إِذَا بَانْ مَجْدْ تَاعْ الله فِي إِبْنْ الأِنْسَانْ الله غَادِي يْبَيَنْ الْمَجْدْ تَاعْ لإِبْنْ الأِنْسَانْ فِي الذَاتْ تَاعَهْ، وْغَادِي يْبَانْ الْمَجْدْ نْتَاعَهْ بَلْخُفْ . ³³يَاوْلاَدِي غَادِي نَبْقَى مْعَاكُمْ غِيرْ وَقْتْ قْلْيلْ وْ غَادِي تْحَوْسُوا عْلْيَ كِيمَا ڤُولْتْ لِهُودْ غَادِي نْڤُولْكُمْ دَرْوَكْ نْتُومَا تَانِي: مَتَقَدْرُشْ نْتُومَا تْجُوا وِينْ غَادِي نْرُوحْ.³⁴رَانِي نْوَصِيكُمْ وْصِيَة جْدِيدَة: بْغُوا بَعْضِيَاتْكُمْ، كِيمَا بْغِيتْكُمْ أَنَا بْغُوا حَتَّى نْتُومَا بَعْضِيَاتْكُمْ. ³⁵بْهَادْ الشِي يَعَرْفُوا ڤَاعْ النَّاسْ نْتُومَا تْلاَمْدِي : إِلاَ كُنْتُ تَبْغُوا بَعْضِيَاتْكُمْ».³⁶ڤَالَهْ سَمْعَانْ بُطْرُسْ: « يَاسِيدِي وِينْ غَادِي تْرُوحْ؟» وْجَاوِبَهْ يَسُوعْ: « الْمَوْضَعْ لِغَادِي نْرُوحْ لَهْ دَرْوَكْ مَغَادِيشْ تَقْدَرْ تَبَعْنِي، بَصَّحْ مَمْبَعْ غَادِي تَبَعْنِي». ³⁷وْيْڤُولَهْ بُطْرُسْ: « عْلاَشْ أَسِيدِي مَنَقْدَرْشْ نْتَبْعَكْ دَرْوَكْ؟ نَعْطِي حْيَاتِي عْلَى جَالَكْ!». ³⁸جَاوْبَهْ يَسُوعْ: «بَصَّحْ نْتَ مَوْجُودْ بَاشْ تْمُوتْ عْلَى جَالِي نْڤُولَكْ الْحَقْ : مَاغَادِي يْصِيحْ، الدِيكْ حَتَّى نَنْكَرْنِي ثَلْتْ مَرَاتْ».

¹«بْلَمَا يَتْشَوَشْ قَلْبْكُمْ نْتُومَا بَ الله آمْنُوا بْيَا حَتَّى أَنَيَا. ²فِي دَارْ بُويَا كَايْنْ بَزَافْ بْيُوتْ، وْ لُكَانْ مَاكَانُوشْ وَاشْ كُنْتْ غَادِي نْڤُولْكُمْ، غَادِي نْرُوحْ نْوَجَدْ لْكُمْ مْكَانْ. ³وْكِي غَادِي نْرُوحْ، وْ نْوَجَدْ لِكُمْ مْكَانْ، غَادِي نْوَلِي وْ نَدِكُمْ مْعَايَا، وِينْ مَاكُنْتْ غَادِي نْكُونُ مْعَايَا تَمَّ.⁴رَاكُمْ تَعَرْفُوا وِينْ غَادِي نْرُوحْ وْ تَعَرْفُوا الْطْرِيڤْ». ⁵وْڤَالَهْ تُومَا: «يَاسِيدِي حْنَا مَنَعَرْفُوشْ وِينْ رَاكْ غَادِي تْرُوحْ، أَيَ كِيفَاشْ غَادِي نَعَرْفُوا الطْرِيڤ ». ⁶وْجَاوْبَهْ يَسُوعْ : «أَنا هُوَ الطْرِيڤْ وَ الْحَقْ وَالَحْيَاةْ، حَتَّى وَاحَدْ مَيَقْدَرْ يْجِي لْعَنْدْ الآبْ بْلََا بِيَّ. ⁷وْ لُكَانْ عْرَفْتُونِي رَاكُمْ عْرَفْتُهوا حَتَّى بُويَا، وْ مَنْ دَرْوَكْ رَاكُمْ تَعَرْفُوهْ وْرَاكُمْ شَفْتُوهْ».⁸وْ يْڤُولَهْ فِيلِبُسْ: « يَاسِيدِي، وَرِينَا الأَبْ وْ بَرْكَانَا !». ⁹وْڤَالَهْ يَسُوعْ: «وَاشْ أَنَا مْعَكُمْ ڤاَعْ هَادْ الْمُدَة وْ مَعْرَفْتُونِيشْ! اللِّي شَفْنِي شَافْ الأبْ كِيفَاشْ. تْڤُولِي وَرِينَا الأَبْ؟.¹⁰وَاشْ مَتْآمَنْشْ بَلِّي أَنَا فَالأَبْ وَ الأَبْ فِيَا؟ لَكْلاَمْ لِرَانِي نْڤولَهْ مَرَانِيشْ نْقُولَهْ مَنْ عَنْدِي، بَصَّحْ الأَبْ لِفِيَا هُوَ لِيْدِيرْ الأَعْمَالْ. ¹¹تِيقُوا فِيَا كِنْڤولْ بَلِّي أَنَا فَالأَبْ وَ الأَبْ فِيَّ، وْ لاَ تَيْقُونِي نْتُومَا غِيرْ عْلَى جَالْ الأَعْمَالْ لِنْدِيرْهَا.¹²الْحَقْ نْڤُولْكُمْ : لِيْآمَنْ بِيَ الأَعْمَالْ لِنْدِيرْهَا يْدِيرْهَا حَتَّى هُوَ، وْ يْدِيرْ كْتَرْ مَنْهَا، عْلَى خَاطَرْ أَنَا غَادِي نَمْشِي عَنْدْ الأَبْ. ¹³وْ ڤاَعْ دَاكْ الشٍي لِتَطَلْبُوهْ بَاسْمِي غَادِي نْدٍيرَهْ بَاشْ يَتَعْطَى الْمَجْدْ لَلَْأبْ بَالأِبْنْ . ¹⁴إِلاَ طْلَبْتُو شِي حَاجَة بَسْمِي غَادِي نْدِيرْهَا.¹⁵وْلاَ كُنْتُ تَبْغُونِي دِيرُو بْالَوْصِيَاتْ تَاعِي . ¹⁶وْأَنَا غَادِي نَطْلَبْ مَالأَبْ يَعْطِيكُمْ مُعِينْ وَاحْدْ آخَرْ بَاشْ يَبْقَى مْعَاكُمْ دِيمَا. ¹⁷هُوَ رُوحْ الْحَقْ لِمَقَدْرُؤشْ نَاسْ تَاعْ الدَّنْيَا يَقَبْلُوهْ، عْلَى خَاطَرْ مَيَفَهْمُوشْ وْ مَيَعَرْفُوشْ، بَصَّحْ نْتُومَا غَادِي تَعَرْفُوهْ عْلَى خَاطَرْ سَاكَنْ فِيكُمْ، وْغَادِي يْكُونْ فِيكُمْ.¹⁸وْمَاغَادِشْ يْخَلِيكُمْشْ يْتَامَى رَانِي غَادِي نْوَلِي لْعَنْدْكُمْ . ¹⁹دَرْوَكْ شْوِيَة تَاعْ النَّاسْ مَغَادِشْ يْوَلُوا يْشُوفُونِي، بَصَّحْ نْتُومَا غَادِي تْشُوفُونِي، وْعَلَى خَاطَرْ أَنَا حَيْ نْتُومَا تَانِي غَادِي تَحْيَاوْ . ²⁰فْدَاكْ النْهَارْ غَادِي تَعَرْفُوا أَنَل فَلأَبْ وْ نْتُوُمَا فِيَا وْ أَنَافِيكُمْ.²¹وْ لِعَنْدَهْ لَوْصِيَاتْ تَاعِي وْ يْدِيرْ بِيهَا هُوَ لِيَبْغِينِي، وْ لِيَبْغِينِي يَبْغِيهْ بُويَا و أَنَا نَبْغِيهْ وْ نْبَيَنْ لَهْ دَاتِي». ²²وْيْسَقْسِيهْ يَهُودَا مَاشِي يَهُودَا الأِسْخَرْيُوطِي :«يَا سِيدِي، وَاشْ صْرَا حَتَّى بْغِيتْ تْبَيَنْ لِينَا ذَاتَكْ وْ مَتْبَينَهْشْ لْنَّاسْ لَدَّنْيَا؟».²³جَاوْبَهْ يَسُوعْ وْ ڤَالْ لَهْ: «إِلاَ بْغَانِي شِي وَاحَدْ يْدِيرْ بَكْلاَمِي بُويَا غَادِي يَبْغِيهْ، وْ نْجُو لْعَنْدَهْ وْ نَبْنُوا سَكْنَا تَاعْنَا وْ نْسَكْنُوا مْعَاهْ. ²⁴وْ لِمَيَبْغِينِيشْ مَيْدِيرْشْ بَكْلاَمِي، وْ هَادْ لَكْلاَمْ لِتْسَمْعُوهْ رَاهْ مَاشِي تَاعِي بَصَّحْ هُوَ كْلاَمْ الأَبْ لِرْسَلْنِي.²⁵ڤَاعْ هَادْ الشِي ڤُولْتَهْ لْكُمْ وْ أَنَا مْعَكُمْ. ²⁶بَصَّحْ الْمُعِينْ لِهُوَ الرُوحْ الْقُدُسْ لِغَادِي يْرَسْلَهْ الأَبْ بَاسْمِي، هُوَ لِغَادِي يْعَلَمْكُمْ كُولْشِي، وْ يْفَكَرْكُمْ ڤَاعْ دَاكْ الشِي لْڤُولْتَهْ لْكُمْ . ²⁷نْخَلِيلْكُمْ لَهْنَا تَاعِي نَعْطِيكُمْ مَاشِي كِيمَا تَعْطِيكُمْ الدَّنْيَا نَعْطِيكُمْ أَنَيَا، مَيَتْشَوَشْ قَلْبْكُمْ وْ مَتَنْخَلْعُوشْ .²⁸رَاكُمْ سْمَعْتُوا بَلِّي ڤُولْتْ لْكُمْ أَنَا غَادِي نْرُوحْ، وْغَادِي نْعَاوَدْ نْوَلِي لْكُمْ لُكَانْ كُنْتُ تَبْعُونِي لُكَانْ رَاكُمْ فْرَحْتُو، أَنَا غَادِي نْرُوحْ عَنْدْ الأَبْ، عْلَى خَاطَرْ الأَبْ حْسَنْ مَنِّي. ²⁹هَارَانِي عْلَمْتْكُمْ بْهَادْ الشِي دَرْوَكْ قْبَلْ مَايَصْرَا بَاشْ كِيَصْرَا تْآمْنُوا. ³⁰وْمَغَدِيشْ نْعَاوَدْ نَهْدَرْ مْعَاكٌمْ بَزَافْ، عْلَى خَاطَرْ الرَايَسْ تَاعْ هَادْ الدَّنْيَا جَايْ، وْ مَيَقْدَرْشْ يَحْكَمْ فِيَّ، بَصَّحْ هَادْ الشِي غَادِي يَصْرَا. ³¹بَاهْ يَعَرْفُوا نَاسْ الدَّنْيَا بَلِي رَانِي نَبْغِي الأَبْ، وْ نْدِيرْ دَاكْ الشِي لِوْصَانِي بْهْ أَيَ نُوضُوا وْ رُوحُوا مَنَّا »..

¹«أَنَا هُوَ الدَالْيَا الْحَقِيقِيَة، وْ بُويَا هُوَ الَجْنَيْنِي . ²كُلْ غُصْنْ فِيَّ مَيَعْطِيشْ غَلَّو يَڤَطْعَهْ وْ كُلْ غُصْنْ فِيَّ يَعْطِي غَلَّة يْنَقِيهْ بَاهْ يَعْطِي غَلَّة كْتَرْ.³وْ نْتُومَا دَرْوَكْ رَاكُمْ نْقَيِينْ بَسْبَابْ لَكْلاَمْ لِتْكَلَمْتْ مْعَاكُمْ بِيهْ . ⁴ثْبَتُوا فِيَّ وْأَنَا فِيكُمْ رَاهْ كِيمَا الْغُصْنْ لِمَيَقْدَرْشْ يَعْطِي الْغَلَّة بْوَاحْدْهْ إِلاَ مَكَانْشْ ثَابَتْ فَالدَالْيَا، هَاكَا حَتَّى نْتُومَا مَتَقَدْرُوشْ تَعْطُوا الْغَلَّة إِلاَ مَثْبَتُوشْ فِيَّ.⁵اَنَا الَدَّالْيَا وْ نْتُومَا لَغْصَانْ، لِثْبَتْ فِيَّ وْ أَنَا فِيهْ، هُوَ لِغَادِي يَعْطِي غَلَّة كْبِيرة، عْلَى خَاطَرْ بْلاَ بِيَ مَتَقَدْرُو دِيرُوا حَتَّى حَاجَة . ⁶وْإِلاَ كَانْ شِي وَاحَدْ مَاشْي ثَابَتْ فِيَّ غَادِي يَنْقَاسْ بََرَا كِيمَا الْغُصْنْ وْغَادِي يَيْبَسْ وْ يْلَمُوهْ وْ يْقِيسُوهْ فَالنَّارْ وْ يَتَحْرَقْ. ⁷بَصَّحْ إِلاَ ثْبَتُوا فِيَّ، وْ ثْبَتْ كْلاَمِي، فِيكُمْ تَطَلْبُوا لِبْغِيتُوا غَادِي يْكُونْ لْكُمْ.⁸وْهَاكَ غَادِي يَتَعْطَي الْمَجْدْ : كِتَعْطُوا غَلَّة كْبِيرَة، وْ تْكُونُوا تْلاَمْدِي. ⁹كِيمَا بْغَانِي الأَبْ هَكَا حَتَّى أَنَا نَبْغِيكُمْ . ثَبْتُوا فِي مْحَبْتِي.¹⁰إِلاَ دَرْتُوا بْالَوْصَايَا تَاعِي، غَادِي تَثَبْتُوا فِي مْحَبْتِي كِيمَا دَرْتْ أَنَا بَوْصَايَا تَاعْ بُويَا وْ ثْبَتْ فِي مْحَبْتَهْ. ¹¹ڤُولْتْلْكُمْ هَادْ الشِي بَاشْ تثثْبَتْ الْفْرْحَة تَاعِي فِيكُمْ، وْ تَكْمَلْ الْفَرْحَة تَاعْكُمْ.¹²وْ هَادِ هِيَ وْصَيْتِي بْغِيوْ بَعْضِيَاتْكُمْ. ¹³رَاهْ مَكَانْشْ مْحَبَة كْبَرْ مَنْ هَادِ لَمْحَبَة لَكْبِيرَة : يَوْهَبْ حْيَاتَهْ عْلَى جَالْ لِيَبْغِيهُمْ.¹⁴نْتُومَا حْبَابِي إِلاَ دَرْتُو ا الشِي لِوَصِيتْكُمْ بِيهْ. ¹⁵مَنْ دَرْوَكْ مَنْعَاوَدْشْ نْسَمِيكُمْ عْبِيدْ، عْلَى خَاطَرْ الْعَبْدْ مَيَعْرَفْشْ وَاشْ يْدِيرْ سِيدَهْ، بَصَّحْ دَرْتْكُمْ حْبَابِي عْلَى خَاطَرْ خَبَرْتْكُمْ بْڤَاعْ لِسْمَعْتْ مَنْ عَنْدْ بْويَا.¹⁶مَاشِي نْتُومَا لِيخَيَرْتُونِي، بَصَّحْ أَنَا خَيَرْتْكُمْ وْ كَلَفْتْكُمْ بَاهْ تْرُوحُوا وْ تْجِيبُوا الْغَلَّة وْ غَلَّتْكُمْ دُومْ وْ الأَبْ غَادِي يَعْطِيلْكُمْ ڤَاعْ لِتَطَلْبُوهْ بَسْمِي . ¹⁷وْ لِي نْوَصِيكُمْ عْلِيهْ تَبْغِيوْا بَعْضِيَاتْكُمْ.¹⁸إِلاَ كَانُوا نَاسْ الدَنْيَا يْكَرْهُكُمْ، خَاصْكُمْ تَعَرْفُوا بَلِّي كَرْهُونِي قْبَلْ مَنْكُمْ. ¹⁹لُكَانْ كُنْتُ مَنْ هَادْ الدَّنْيَا يَبْغُوكُمْ نَاسْهَا، بَصَّحْ نْتُومَا مَاشِي مَالدَّنْيَا، وْأَنَا لِخَيَرْتْكُمْ مَنْ وَسْطْ النَّاسْ تَاعْهَا، عْلَى هَادْ الشِي نَاسْ الدَّنْيَا يَكَرْهُكُمْ.²⁰تْفَكْرُوا لَكْلاَمْ لِڤُولْتَهْ لْكُمْ: رَاهْ الْعَبْدْ مَاشِي خِيرْ مَنْ سِيدَهْ، إِذَا كَانُوا يَتْعَدَوْ عْلِيَا رَاهْ غَادِي يَتْعَدَوْ عْلِيكُمْ حَتَّى نْتُومَا، إِلاَ كَانُوا يْدِيرُوا بَكْلاَمِي غَادِي يْدِيرُوا بَكْلاَمْكُمْ حَتَّى نْتُومَا. ²¹بَصَّحْ غَادِي يْدِيرُلْكُمْ هَادْ الشِي عْلَى جَالْ سْمِي، عْلَى خَاطَرْ مَيَعَرْفُوشْ هَادَاكْ لِرْسَلْنِي . ²²لُكَانْ مَجِيتْشْ وْ مَهْدَرْتْشْ مْعَاهُمْ لُكَانْ مَبْقِي عْلِيهُمْ حَتَّى ذَنْبْ، بَصَّح دَرْوَكْ مَبْقَاتْشْ حَتَّى سَبَة عْلَى دْنُوبْهُمْ.²³لِيَكْرَهْنِي يَكَرْهَهْ بُويَا حَتَّى هُوَ . ²⁴لُكَانْ غِيرْ مَدَرْتْشْ بِينَاتْهُمْ مُعْجِزَاتْ لِمَدَرْهَا حَتَّى وَاحَدْ، مَاغَادِي يَبْقَى عْلِيهُمْ حَتَّى ذَنْبْ، بَصَّحْ دَرْوَكْ حَتَّى وْ شَافُوا هَادُوكْ الْمُعْجِزَاتْ كَرْهُونِي أَنَا وْ بُويَا. ²⁵بَصَّحْ هَادْ الشِي صْرَا بَاهْ يَتْحَقَقْ لَكْلاَمْ لِمَكْتُوبْ فَالشَريعَة تَاعْهُمْ رَاَهُمْ كَرْهُونِي بْلاَ سَبَة .²⁶وْ كِيْجِي الْمُعِينْ لِغَادِي نَرَسْلَهْ مَنْ عَنْدْ الأَبْ، رُّوحْ الْحَقْ لِيَخْرَجْ مَنْ عَنْ الأَبْ، غَادِي يَشْهَدْ لِي وْ غَادِي. ²⁷تَشَهْدُو لِي حَتَّى نْتُومَا عْلَى خَاطَرْ رَاكُمْ مْعَايَا مَاللَوَلْ.

¹«ڤُولْتْلْكُمْ هَادْ الشِي بَاشْ تَڤَعْدُوا ثَابْتِينْ فِي إِيمَنْكُمْ. ²غَادِي يْخَرْجُكُمْ مَالدْيُورْ الصْلاَة وْغَادِي يْجِي وَاحَدْ الْوَقْتْ لِيْظُنْ فِيهْ لِيَكْتَلْكمْ رَاهْ يْدِيرْ خَدْمَة لَ لله.³غَادِي يْدِيرُولْكُمْ هَادْ الشِي عْلَى خَاطَرْ مَعَرْفُوشْ الأَبْ، وْمَا عَرْفُونِيشْ. ⁴بَصَّحْ هْدَرْة مْعَاكُمْ بْهَادْ الْهَدْرَة، بَاشْ إِلاَ جَا هَادْ الْوَقْتْ وْ صْرَا وَاشْ رَانِي نْڤُولْ غَادِي تَتْفَكْرُوا بَلِّي ڤُولْتَهْ لْكُمْ، وْ مَڤُولْتَهْشْ لْكُمْ مَالأَوَلْ عْلَى خَاطَرْ كُنْتْ مْعَكُمْ.⁵بَصَّحْ دَرْوَكْ غَادِي نْوَلِي عَنْدْ هَادَاكْ لِرْسَلْنِي، وْ حَتَّى وَاحَدْ فِيكُمْ مَا غَادِي يْسَقْسِينِي وِ ينْ نْرُوحْ؟. ⁶بَصَّحْ قَلْبْكُمْ مْعَمَرْ بَالْحُزْنْ، عْلَى خَاطَرْ ڤُولْتْلْكُمْ الْحَقْ. ⁷بَصَّحْ نڤُولْكُمْ الْحَقْ خِيرْ لْكُمْ نْرُوحْ، عْلَى خَاطَرْ إِلاَ مَرُحْتْشْ مَاغَادِشْ يْجِيكُمْ الْمُعِينْ، بْصَّحْ إِلاَ رُوحْتْ غَادِي نْرْسَلَلُكُمْ.⁸وْكِغَادِي يْجِي غَادِي يْبَيَنْ لَنَّاسْ، بَلِّي كَانُوا غَالْطِينْ مَنْ جِهَةْ الدْنُوبْ، وْالتَقْوَي، وَ الْحُكْمْ تَاعْ الرَّبْ. ⁹مَنْ جِهَهْ الدْنُوبْ عْلَى خَاطَرْ مَآمْنُوشْ بِيَا. ¹⁰وَ مَنْ جِهَةْ التَقْوَي عْلَى خَاطَرْ غَادِي نْوَلِي عَنْدَ الأَبْ مَتْعَاوْدُشْ تْشُوفُونِي. ¹¹وْمَنْ جِهَةْ الْحُكْمْ، عْلَى خَاطَرْ رَئِسْ تَاعْ هَادْ الدَنْيَا لِهُوَ إِبْلِيسْ رَاهْ تَحْكَمْ عْلِيهْ.¹²رَاهْ بَاقِي لِي بَزَافْ الأُمُورْ مَنْڤُولْهُمْ لْكُمْشْ ، عْلَى خَاطَرْ، مَتَقَدْرُوشْ عْلِيهُمْ دَرْوَكْ . ¹³بَصَّحْ كِيْجِي رُوحْ الْحَقْ، هُوَ لِغَادِي يْوَرِلْكُمْ ڤَاعْ الْحَقْ، عْلَى خَاطَرْ مَغَادِيشْ يَهْدَرْ مَنْ عَنْدَهْ، بَصَّحْ يْڤُولْكُمْ ڤَاعْ لِيَسَمْعَهْ، وْ يْخَبَرْكُمْ بَالأُمُورْ الجَاية. ¹⁴هُوَ لِغَادِي يْبَيَنْ الْمَجْدْ نْتَاعِ ، عْلَى خَاطَرْ دَاكْشِي لْيْخَبَرْكُمْ بْيهْ هُوَ مَنْ عَنْدِي.¹⁵كُلْ حَاجَة عَنْدْ الأَبْ هِيَ تَاعِي، عْلِيهَا ڤُلْتْلْكُمْ : لِغَادِي يْخَبَرْكُمْ بِيهْ رُوحْ الْحَقْ هُوَ مَنْ عَنْدِي. ¹⁶وْ دَرْوَكْ شْوِيَة تَاعْ الْوَقْتْ مَتْزِيدُشْ تْشُوفُونِي، وْمَنْ بَعْدْ شْوِيَة غَادِي تْعَاوْدُو تْشُوفُونِي على خاطر رانى رايح للآب».¹⁷وَاحْدِينْ مَنْ التْلاَمَدْ تَاوْعَهْ بْدَاوْ يْسَقْسِوْ بَعْضِيَاتْهُمْ وَاشْ رَاهْ يَقْصَدْ بَكْلاَمَهْ لِينَا: «دَرْوَكْ مَاغَادِشْ تْشُوفُونِي وْمَمْبَعْدْ شْوِيَة تْعَاَوْدُو تْشُوفُونِي، عْلَى خَاطَرْ رَانِي مْوَالِي عَنْدْ الأَبْ؟». ¹⁸وْ ڤَالُوا: «وَاشْ يَقْصَدْ بْهَادْ الْهَدْرَة كڤَالْ دَرْوَكْ شْوِيَة ؟ مَافْهَمْنَاشْ وَاشْ بْغَا يْڤُولْ».¹⁹وْ عْرَفْ يَسُوعْ، بَلِّي بْغَاوْ يَسَقْسُوهْ وْ ڤَالْهُمْ: «شْتَرَاكُمْ تْسَقْسُوا فِي بَعْضِيَاتْكُمْ مِينِْ ڤُولْتْ!: دَرْوَكْ شْوِيَة مَغَادِشْ تْشُوفُونِي، وْ مَنْبَعْدْ شْوِيَة تْشُوفُونِي. ²⁰نْڤُولْكُمْ الْحَقْ غَادِي تَبْكُوا وْ تْنَوْحُوا، وْ نَاسْ الدَنْيَا غَادِي يَفَرْحٌوا، نْتُومَا تَحَزْنُوا، بَصَّحْ الْحُزْنْ تَاعْكُمْ يْوَلِي فَرْحْ. ²¹الْمَرَا كِيْقَرَبْ وَقْتْهَا بَاشْ تْزَيَدْ تْكُونْ مْقَلْقَةَ، عْلَى خَاطَرْ جَا وَقْتْهَا، بَصَّحْ كِتْزَيَدْ مَتْزِيدْشْ تْقَلَقْ مَالْفَرْحَة، عْلَى خَاطَرْ تْزَادْ بْنَادَمْ وَاحْدْخَرْ فَالدُنْيَا.²²وْ هَاكَ حَتَّى نْتُومَا دَرْوَكْ رَاكُمْ مْقَلْقِينْ بَزَافْ، بَصَّحْ كِنْعَاوَدْ نْشُوفْكُمْ، يَفْرَحْ قَلْبْكُمْ وْ حَتَّى وَاحَدْ مَيَقْدَرْ يَڤْلَعْ هَادْ الْفَرْحَ. ²³فْدَاكْ النْهَارْ مَا غَادِي تَطَلْبُوا مَنِي حَتَّى حَاجَة، وْ رَانِي نْڤُولْكُمْ الْحَقْ: ڤَاعْ لِغَادِي تَطَلْبُوهْ مَنْ الأَبْ بَسْمِي غَادِي يَعْطِيهْ لْكُمْ. ²⁴حَتَّى لْدَرْوَكْ مَاطْلَبْتُوا حَتَّى حَاجَة بَسْمِي، طَلْبُوا وْ غَادِي تَدُوا، بَاشْ تَكْمَلْ الْفَرْحَة تَاعْكٌمْ.²⁵ڤُولْتْلْكُمْ هَادْ الأُمُورْ بَاالأَمْثُولْ، بَصَّحْ غَادِي يْجِي وَقْتْ نْخَبَرْكُمْ بِهْ عْلَى الأَبْ بَكْلاَمْ بَايَنْ بْلاَ مْثُولْ.²⁶وْ فْدَاكْ النْهَارْغَادِي تَطَلْبُوا بَاسْمِي ، وْمَنْڤُولْكُمْشْ بَلِّي غَادِي نَطْلَبْ الأَبْ عْلَى جَالْكُمْ. ²⁷عْلَى خَاطَرْ الأَبْ بْرُوحَهْ يَبْغِيكُمْ، عْلَى خَاطَرْ بْغِيتُونِي وْآمَنُتُوا بَلِّي خْرَجْتْ مَنْ عَنْدْ الله. ²⁸خْرَجْتْ مَنْ عَنْدْ الأَبْ وْ جِيتْ لَدَنْيَا وْدَرْوَكْ غَادِ نْخَلِي الدَنْيَا وْ نْوَلِي عَنْدْ الأَبْ» .²⁹وْ يْڤُولُوله تْلاَمْدَهْ: «هَا دَرْوَكْ رَاكْ تَهْدَرْ بَكْلاَمْ بَايَنْ بْلاَمَا تْڤُولَنَا مْثَالْ وَاحَدْ. ³⁰دَرْوَكْ نَعَرْفُوا بَلِّي تَعْرَفْ كُلْشِي وْ مَتَسْحَقْشْ يْسَقْسِيكْ شِي وَاحَدْ، وْ عْلَى هَادْ الشِي نْآمْنُوا بَلِّي جِيتْ مَنْ عَنْدْ الله». ³¹وْ رَدْ عْلِيهُمْ يَسُوعْ: « أدَرْوَكْ عَادْغَادِي تْآمْنُوا؟.³²رَاهْ غَادِي يْجِي وَاحَدْ الْوَقْتْ وْ رَاهْ جَا دَرْوَكْ، وِينْ غَادِي تَاْفَرْقُوا كُلْ وَاحَدْ يْرُوحْ فِي طْرِيڤَهْ، وْ تْخَلُونِي وَحْدِي، بَصَّحْ أَنَا نْرُوحْ وَاحْدِي، عْلَى خَاطَرْ الأَبْ مْعَايَا. ³³ڤُولْتْلْكُمْ هَادْ الأُمُورْ بَاشْ يْكُونْ عَنْدْكُمْ لَهْنَا فِيَا، فْهَادْ الدَنْيَا غَادِي يْكُونْ عَنْدْكُمْ ضِيقْ، بَصَّحْ تْقَوَاوْ رَانِي غْلَبْتْ الدَنْيَاٍ».

¹وْمَمْبَعْدْ هْدَرْ مْعَاهُمْ بْهَادْ لَكْلاَمْ، وْ طَلَعْ عَيْنِيهْ لَسْمَاڤَالْ: « يَا الأَبْ، جَا الْوَقْتْ، يْبَانْ الْمَجْدْ تَاعْ وَلْدَكْ، بَاشْ حَتَّى وَلْدَكْ يْبَيْنْ الْمَجْدْ نْتَاعَكْ. ²عْلَى خَاطَرْ عْطِيتَهْ سُلْطَة عْلَى ڤَاعْ الْبَشَرْ، بَاشْ يَعْطِي الْحَيَاةْ الدَايْمَة لْڤَاعْ هَادُكْ لِعْطِيتْهُمْ لَهْ.³وْ هَادْ لَحْيَاةْ الدَايْمَة: هِيَ يَعَرْفُوا بَلِّي نْتَ وَاحْدَكْ الأِلَهْ الْحَقِيقِي وْ يَسُوعْ الْمَسِيحْ لِرْسَلْتَهْ. ⁴أَنَا بَيَنْتْ الْمَجْدْ نْتَاعَكْ فِي الأَرْضْ، وْ كَمَلْتْ الْخَدْمَة لِعْطِيتْنِي نْدِيرْهَا. ⁵وْ دَرْوَكْ يَالأَبْ بَيَنْ الْمَجْدْ نْتَاعِي عَنْدَكْ ، بَالْمَجْدْ لِكَانْ لِيَا عَنْدَكْ أَنَا مَاقْبَلْ مَتْكُونْ الدَنْيَا.⁶أَنَا بَيَنْتْ الأِسْمْ تَاعَكْ لَنَّاسْ لِعْطِيتْهُمْ لِي مَاالدَنْيَا، كَانُوا تَاعَكْ وعْطِيتْهُمْ لِي، وْ رَاهُمْ دَارُوا بَكْلاَمَكْ. ⁷وْ دَرْوَكْ عَرْفُوا بَلِّي ڤَاعْ لِعْطِيتْهْ لِي هُوَ مَنْ عَنْدَكْ. ⁸عْلَى خَاطَرْ لَكْلاَمْ لِڤُولْتَهْ لِي رَانِي وَصْلْتَهْ لْهُمْ، وْ قَبْلُوهْ وْ تْيَقْنُوا بَلِّي جِيتْ مَنْ عَنْدَكْ، وْآَمْنُوا بَلِّي نْتَ لِرْسَلْتْنِي.⁹وْ عْلَى جَالْهُمْ نْصَلِي، مَنْصَلِيشْ عْلَى جَالْ النَّاسْ تَاعْ الدَنْيَا بَصَّحْ نْصَلِي عْلَى جَالْ النَّاسْ لِعْطِيتْنِي، عْلَى خَاطَرْ هَمَا تَاعَكْ. ¹⁰وْڤَاعْ لِتَوْعِي رَاهُمْ تَاوْعَكْ، وْڤَاعْ لِتَوْعِكْ رَاهُمْ تَاَوْعَي، وْ الْمَجْدْ تَاعِي بَانْ فِيهُمْ. ¹¹أَنَا مَاغَادِيشْ نَبْقَي فْهَادْ الدَنْيَا، بَصَّحْ رَاهُمْ بَاقْيِينْ فِيهَا ، أَنَا رَانِي جَايْ عَنْدَكْ يَالأَبْ الْقَدُوسْ، تْهَلَي فِي هَادُكْ تَاعَكْ لِعْطِيتْنِي، وْ يْكُونُوا وَاحَدْ كِيمَا حْنَا وَاحَدْ.¹²كِيكُنْتْ مْعَاهُمْ فَاالدَنْيَا كُنْتْ نَتْهَلَي فِيهُمْ بِقُوَةْ الأِسْمْ تَاعَكْ لِعْطِيتْنِي، وْ رَانِي تْهَلِيتْ فِيهُمْ وْ مَاتَهْلَكْ مَنْهُمْ حَتَّى وَاحَدْ غِيرْ وَلْدْ لَهْلاَكْ، بَاشْ يَتْحَقَقْ لِمَكْتُوبْ فَالَكْتَابْ . ¹³بَصَّحْ دَرْوَكْ غَادِي نْوَلِي عَنْدَكْ، وْرَانِي نْڤُولْ هَادْ الشِي وْأَنَا مَازَالْنِي فْهَادْ الدَنْيَا، بَاشْ تْكُونْ الْفَرْحَة تَاعِي كَامْلَة فِيهُمْ. ¹⁴أَنَا وَصَلْتْ لْهُمْ كْلاَمَكْ، وْ دَنْيَا كَرْهَتْهُمْ عْلَى خَاطَرْ هُمَا مَاشْي مَاالدَنْيَا، كِيمَا أَنَا مَاشْي مَاالدَنْيَا.¹⁵مَنْصَلِيشْ بَاشْ تَدِيهُمْ مَنْ الدَنْيَا، بَصَّحْ بَاشْ تْسَلَكْهُمْ مَاالشْيطَانْ. ¹⁶هُمَا مَاشْي مَالدَنْيَا كْيمَا أَنَا مَاشِي مَالدَنْيَا. ¹⁷قَدَّسْهُمْ بَالْحَقْ تَاعَكْ عْلَى كْلاَمَكْ حَقْ.¹⁸كِيمَا أَنْتْ رْسَلْتْنِي لَدَنْيَا أَنَا تَانِي رْسَلْتْهُمْ لَدَنْيَا. ¹⁹وْعْلَى جَالْهُمْ نَوْهَبْ رُّوحِي حَتَّى هُمَا يْكٌونُوا مَقَدْسِينْ فَالْحَقْ تَاعَكْ.²⁰وْ مَانْصَلِيشْ غِيرْ عْلَى جَالْ هَادُوا وَاحَدْهُمْ، بَصَّحْ تَانِي عْلَى جَالْ هَادُوكْ لِغَادِي يْآمْنُوا بْسْبَابْ كْلاَمْ تَلاَمِدْ تَاوْعِي . ²¹بَاشْ يْكُونٌوا ڤَاعْ وَاحَدْ، كِيمَا نْتَ يَاالأَبْ فِيَا وْ أَنَا فِيكْ، بَاشْ يْكُونُوا حَتَّى هُمَا وَاحَدْ فِينَا، وْ يْآمْنُوا نَاسْ تَاعْ الدَنْيَا بَلِّي نْتَ رْسَلْتْنِي.²²وْأَنَا رَانِي عْطِيتْلهُمْ الْمَجْدْ لِعْطِيتْنِي، كْيمَا حْنَا وَاحَدْ. ²³أَنَا فْيهُمْ وْ نْتَ فِيَا بَاشْ يْكُونُوا كَامْلِينْ، وْ بَاشْ يْعَرْفُوا نَاسْ تَاعْ الدَنْيَا بَلِّي نْتَ رْسَلْتْنِي، وْ تَبْغِيهُهمْ كْيمَا نْتَ تَبْغِينِي.²⁴يَالأَبْ بْغِيتْ هَادُكْ لِعْطِيتْهُمْ لِي يْكُونُوا مْعَايَا وِينْ غَادِي نْكُونْ أَنَا، بَاشْ يْشُوفُوا الْمَجْدْ تَاعِي لِعْطِيتْنِي عْلَى خَاطَرْ نْتَ بْغِيتْنِي قْبَلْ مَاتَخْلَقْ الدَنْيَا.²⁵يَا الأَبْ الصَالَحْ، النَّاسْ تَعْ هَادْ الدَنْيَا مَيْعَرْفُوكْشْ، بَصَّحْ أَنَا نَعَرْفَكْ وْ هَادُوا عَرْفُوا بَلِّي نْتَ رْسَلْتْنِي. ²⁶وْ خَلِيتْهُمْ يَعَرْفُوا إِسْمَكْ، وْغَادِي نْخَلِيهُمْ يَعَرْفُوهْ تَانِي بَاشْ تْكُونْ فِيهُمْ الْمَحَبَة لِبْغِيتْنِي بِيهَا، وْ نْكُونْ أَنَا فِيهُمْ».

¹مَمْبَعْدْ مَا كَامَلْ يَسُوعْ هَادْ الصْلاَةْ، خْرَجْ مْعَا تْلاَمْدَهْ لَلْجِهَة لَخْرَي وَادْ قَدْرُونْ، وِينْ كَانْ وَاحَدْ لَجْنَانْ هُوَ وْ دْخَلَهْ تْلاَمْدَهْ. ²وْ كَانْ يَهُودَ لِغَادِي يْسَلْمَهْ يَعْرَفْ هَادْ الْمَوْضَعْ عْلَى خَاطَرْ يَسُوعْ كَانْ يَجْتَمَعْ فِيهْ مْعَ تْلاَمْدَهْ شْحَالْ مَنْ خَطْرَا. ³وْ يْجِي يَهُودَا لْتَمَّ وْ جَابْ مْعَاهْ لْعَسْكَرْ، وْ لْحَرَسْ لِرْسَلْهُمْ مْعَاهْ رُؤَسَاءْ رْجَالْ الدِينْ، وْ الْفَرِّيسَيِّينْ، وْ كَانُوا رَفْدِينْ مْعَهٌُمْ لَقْنَادَلْ وْ سْلاَحْ.⁴وْ خْرَجْ يَسُوعْ لْعَنْدْهُمْ وْ هُوَ عَارَفْ ڤَاعْ دَكْ الشِي لْغَادِي يَصْرَا لَهْ وْ ڤَالْ لْهُمْ: «عْلَى مَنْ رَاكُمْ تْحَوْسُوا ؟». ⁵وْ جَاوْبُهْ : «عْلَى يَسُوعْ النَاصٍيري»، وْ هُوَ يْڤُولْهُمْ : « أَنَا هُوَ»، وْ كَانْ يَهُودَا لِغَادِي يْسَلْمَهْ كَانْ وَاڤَفْ مْعَهُمْ».⁶كِجَاوَبْهُمْ يَسُوعْ وْ ڤَالْهُمْ : «أَنَا هُوَ»، وْ لُوا لَلْرُولْ وْ يْطِيحُوا فَاللَّرْضْ. ⁷وْ سَقْسَاهُمْ يَسُوعْ مَرَة وَاحْدْ خْرَيي: «عْلَى مَارَاكُمْ تْحَوْسُوا؟» وْ هُمَا يْجَوْبُهْ: «عْلَى يَسُوعْ النَّاصِري».⁸ڤَالْهُمْ يَسُوعْ: «رَانِي ڤُلْتْ لْكُمْ أَنَاهُوَ، وْ إِلاَ كُونْتُوا تْحَوْسُوا عْلِيَا أَنَا خَالُوا هَادُوا يْرُوحُوا فِي طْرِيڤُمْ». ⁹بَاشْ يَتْحَقَقْ لَكْلاَمْ لِڤَالْ يَسُوعْ: «هَادُوكْ لِعْطِيتْهُمْ لِيَا مَاخْسَرتْ مَنْهُمْ حَتَّى وَاحَدْ».¹⁰وْ كَانْ عَنْدْ سَمْعَانْ بُطْرُسْ وَاحَدْ السِيفْ، وْ جَبْدَهْ وْ ضْرَبْ بِيهْ الْعَبْدْ تَاعْ رْجَالْ الدِينْ، وْڤََطَعْ لِيهْ وَدْنِيهْ لَمْنَة، وْ كَانْ إِسْمْ هَادَكْ الْعَبْدْ مَلْخُسْ. ¹¹ڤَالْ يَسُوعْ لْبُطْرُسْ: «رُدْ سِيفَكْ لَدَاخَلْ وَاشْ مَاغَادِيشْ نَشْرَبْ هَادْ لْكَاسْ لِعْطَانِي الأَبْ ؟».¹²وْ مَمْبَعْدْ شَدُّوا لْعَسْكَرْ وْ لْڤََايَدْ وْ حَرَسْ تَاعْ لِهُودْ يَسُوعْ وْ كَتْفُوهْ. ¹³وْ دَوَاهْ فَاللَوَلْ عَنْدْ حَنَّانْ نْسِبْ قَيَافَا لِكَانْ هُوَ رَئِسْ تَاعْ رْجَالْ الدِينْ فْدَاكْ الْعَامْ . ¹⁴وْ قَيَافَا هُوَ لِڤََالْ لِهُودْ بَلِّي خَيَرْ يْمُوتْ رَجَلْ وَاَحْ فِي بْلاَصَةْ الشَعْبْ.¹⁵وْ تَبَعْ سَمْعَانْ بُطْرُسْ وَاحَدْ التَلْمِيدْ لَخَرْ تَاعْ يَسُوعْ، وْ كَانْ هَادْ التَلْمِيدْ مَعْرُوفْ عَنْدْ الرَئِسْ تَاعْ رْجَالْ الدِينْ، وْ دْخَلْ مْعَ يَسُوعْ لْدَارْ رْجَالْ الدِينْ. ¹⁶بَصَّحْ بُطْرُسْ بْقَا وَڤََفْ بَرَا حْدَا الْبَابْ، وْ يَخْرُجْ هَادَاكْ التَلْمِيدْ لَخَرْ لِكَانْ مَعْرُوفْ عَنْدْ رَئِسْ رْجَالْ الدِينْ وْ هْدَرْ مْعَ لْعَسَاسِينْ تَاعْ الْبَابْ وْ دْخَلْ بُطْرُسْ.¹⁷¹⁸وْ سَقْسَاتْ الْجَارْيَة لِتْعَسْ البَابْ بُطْرُسْ: «نْتَ مَاشِي مَاالتْلاَمَدْ تَاعْ هَادْ الرَجَلْ ؟» وْ هُوَ يْجَاوَبْهَا: «لاَّ أَنَا مَاشِي مَنْهُمْ ». وْ كَانُوا لَعْبِيدِ وْ لْعَسَاَسَة وَاڤَْفِينْ حْدَا النَّارْ لِشَعْلُوهَا عْلَى خَاطَرْ كَانْ الْبَرْدْ بَزَافْ وْ بْدَاوْ، يَدَفُوا بِيهَا، وْڤََفْ بُطْرُسْ يَدَفَ مْعَهُمْ.¹⁹سَقْسَا رَئسْ رْجَالْ الدِينْ يَسُوعْ عْلَى تْلاَمْدَهْ وْ عْلَى تَعْلِيمْ تَاعَهْ. ²⁰وْ جَاوْ بَهْ يَسُوعْ: «أَنَا هْدَرْتْ مْعَ نَاسْ تَاعْ الدَنْيَا عِينَانِي، وْ كُنْتْ نْعَلَمْ فِي كُلْ وَقْتْ فِي دْيُورْ صْلاَةْ وْ فْبِيتْ الله وِينْ كَانُوا يَجْتَمْعُوا ڤََاعْ لِهُودْ وْ عُمْرِي مَڤٌَلْتْ حَاجَة فَالسَرْ. ²¹عْلاَشْ رَاكُمْ تْسَثْسُونِي أَنا سَقْسُوا النَّاسْ لِسَمْعُوا لَكْلاَمْ تَاعِي، عْلَى خَاطَرْ هَادُوكْ يَعَرْفُوا وَاشْ ڤَُلْتْ».²²كِڤََالْ يَسُوعْ هَادْ الْهَدْرَة، صَرْفَهْ وَاحَدْ مَلْحَرَسْ كَانْ وَڤََفْ حْدَاهْ وْ ڤََالَهْ: «كِيفَاشْ تْجَاوَبْ رَئسْ رْجَالْ الدِينْ هَاكَ؟». ²³وْ جَاوْبَهْ يَسُوعْ: «إِلاَ كُنْتْ هْدَرْتْ بْهَدْرَة قْبِيحَة بَيَنْهَا لَنَّاسْ، وْ إِلاَ هْدَرْتْ هَدْرَة مْلِيحَة عْلاَشْ تَضْرَبْنِي ؟». ²⁴وْ مَمْبَعْدْ رْسَلْ حَنَّانْ يَسُوعْ وْهُوَ مْكَتَفْ عَنْدْ قَيَافَا رَئسْ رْجَالْ الدِينْ.²⁵كِكَانْ سَمْعَانْ بُطْرُسْ يَدَفَ، ڤَالُولَهْ وَاحْدِينْ: «مَاشِي حَتَّى نْتَ مَاالتْلاَمَدْ يَسُوعْ ؟ »، نْكَرْوَڤََالْ: «لاَّ ، أَنَا مَاشِي مَنْهُمْ !». ²⁶ڤََالْ وَاحَدْ مَاالْعَبِيدْ تَاعْ رَئسْ ؤْجَالْ الدِينْ، وْ هُوَ نْسِيبْ الرَجَلْ لِڤََطَعْ لَهْ وَدْنَهْ: «مَاشَفْتَكْشْ مْعَاهْ فَالجْنَانْ؟». ²⁷نْكَرْ بُطْرُسْ مَرَة خْرَي ، فْدِيكْ السَاعَة صَاحْ الدِيكْ.²⁸فَالصْبَاحْ بَكْري جَابُوا يَسُوعْ مَنْ دَارْ قَيَافَا لَقْصَرْ الْحَاكَمْ، وْ مَدَخْلُوشْ بَاشْ مَيَتْنَجْسُوشْ، وْ بَاشْ يَقَدْرُو يَطْلُوا خْرُوفْ عِيدْ الْفَصْحْ. ²⁹عْلَى دَاكْ الشِي خْرَجْ لْعَنْدْهُمْ بِيلاَطُسْ وْ سَقءَاهُمْ وْڤََالْ: «بَاشْ رَاكُمْ تَتَهْمُوا هَادْ الرَاجَلْ؟». ³⁰وْ جَاوْ بُوهْ وْڤََالُوا: « لُكَانْ مَدَارْ وَالُوا رَانَا ڤََاعْ مَنْجِيبُوشْ لَكْ».³¹و يڤََولْهُمْ بِيلاَطُسْ: «دُوهْ نْتُومَا وْ حَكْمُوا عْلِيهْ عْلَى حْسَابْ شَرْعْ تَاعْكُمْ». ڤََالُولَهْ لِهُودْ: «مَعَنْدْنَاشْ الْحَقْ نَكَتْلُوا شِي وَاحَدْ ». ³²صْرَا هَادْ الشِي بَاهْ يَتْحَقَقْ كْلاَمْ يَسُوعْ لِڤََالَهْ وْ بَيَنْ بِيهْ لَنَّاسْ كِيفَاشْ غَادِي يْمُوتْ.³³دْخَلْ بِيلاَطُسْ مَرَة خْرَا لَقْصَرْ تَاعَهْ وْ عَيَطْ لْيَسُوعْ وْ سَقْسَاهْ: «أَنْتَ هُوَ مَلِكْ لِهُودْ ؟». ³⁴وْ جَاوْبَهْ يَسُوعْ: «رَاكْ تْڤََُولْ هَادْ الشِي مَنْ عَنْدَكْ وْلاَ لَخْرِينْ هُمَا لِڤََالُولَهْ عْلِيَا ؟». ³⁵وْيْرُدْ عْلِيهْ بْلاَطُسْ: «عْلاَشْ أَنَا يَهُودِي؟ الشَعْبْ لِنْتَ مَنَهْ وْ رُؤَسَاءْ رْجَالْ الدِينْ هُمَا لِجَابُوكْ لِيَا، ڤََُولِي وَاشْ دَرْتْ؟».³⁶جَاوْبَهْ يَسُوعْ: «الْمَمْلَكَة تَاعِي مَاشِي مَنْ هَادْ الدَنْيَا، لُكَانْ كَانَتْ الْمَمْلَكَة تَاعِي مَنْ هَادْ الدَنْيَا، لُكَانْ هَادْ النَّاسْ لِمْعَايَا غَادِي يْدِيرُوا جَهْدْهُمْ بَاشْ مَيْخَلُونِيشْ نْطِيحْ فِي يَدْ لِهُودْ، بَصَّحْ الْمَمْلَكَة تَاعِي مَاشي مَنْ هْنَا». ³⁷يْڤََولَهْ بِيلاَطُسْ: «عْلَى حْسَابْ هَادْ الْهَدْرَة نْتَ مَالَكْ؟». جَاوْبَهْ يَسُوعْ: «نْتَ لِڤََولْتْ لِي بَلِّي أَنَا مَالَكْ عْلَى هَادْ الشِي تَوْلَدْتْ وْ عْلَى هَادْ الشْي جِيتْ لَدَنْيَا بَاشْ نَشْهَدْ لَلْحَقْ، وْڤََاعْ لِيَبْغِي الْحَقْ يَسْمَعْ صُوتِي».³⁸ڤََالَهْ بِيلاَطُسْ : «وَاشْ هُوَ هَادْ الْحَقْ ؟»، كِڤََالْ هَادْ الشِي، عَاوَدْ خْرَجْ عَنْدْ لِهُودْ وْڤََالْهُمْ : «أَنا رَانِي مَالْڤََِيتْ حَتَّى تُهْمَة عْلَى هَادْ الرَّجَلْ. ³⁹بَصَّحْ عْلَى حْسَابْ الْعَادَة تَاعْكُمْ نَطْلَڤََلْكُمْ فعِيدْ الْفِصْحْ وَاحَدْ مَالْمْحَبْسِيَة، شْكُونْ تَبْغُوا نْطَلَڤََ لْكُمْ مَلِكْ لِهُودْ ؟». ⁴⁰وْهُمَا ڤََاعْ يْزَڤََوا وْيْڤََولُولَهْ: «مَاشِي هَادَ، بَصَّحْ بَارَابَاسْ!». وْ كَانْ بَارَابَاسْ خَايَنْ .

¹وْ مَمْبَعْدْ دَّا بِيلاَطُسْ يَسُوعْ وْ ضَرْبَهْ. ²وْ ضَفْرُ الْعَسْكَرْ تَاجْ تَاعْ الشُوكْ وْ حَطُوهْ عْلَى رَاسَهْ، وْ لَبْسُوهْ لْبَاسْ أُرْجُوانِي. ³وْ بْدَوْ يْڤََرْبُوا عَنْدَهْ وْ يْڤََُولِولَهْ: «سْلاَمْ عْلِيكْ يَا مَلِكْ الْيَهُودْ!»، ويْصَفْعُوهْ.⁴وْ خْرَجْ بِيلاَطُسْ مَرَة وَاحَدْ خْرَ وْ ڤََالَهُمْ: «هَارَانِي غَادِي نْخَرْجَهْ لْكُمْ بَاشْ تَعَرْفُوا بَلِّي مَلْقِيتْ عْلِيهْ حَتَّى تُهْمَة ». ⁵خْرَجْ يَسُوعْ بَرَا وْ عْلَى رَاسَهْ تَاجْ تَاعْ الشُوكْ وْ لَبَسْ لْبَاسْ أَرْجُوانِي وْ ڤََالبْهُمْ بِيلاَطُسْ: «هَاهُوَ هَاَدْ الرَجَلْ ؟». ⁶كْيشَافُهْ رُؤَسَاءْ رْجَالْ الدِينْ زَڤََوا وْ ڤََالُوا: «صَلْبَهْ !صَلْبَهْ!»، رَدْ عْلِيهُمْ بِيلاَطُسْ: « دُوهْ نْتُومَا وْ صَلْبُهْ عْلَى خَاطَرْ أَنَيَا مَالْقِيتْ عْلِيهْ حَتّى تُهْمَة».⁷ووْجَاوْبُوه لِيهُودْ: «عَدْنَا الْشَّرِيعَة وَ عْلَى حْسَابْهَا خَصَّهْ يْمُوتْ، عْلَى خَاطَرْ رَدْ رُوحَهْ ابْنْ اَّْلله». ⁸وْ كِي سْمَعْ بِيلَاطُسْ هَادْ الْهَدْرَة، زَادْ خَافْ. ⁹وْ عَوَدْ دْخَلْ مَنْ قْصَرْ تَاعَهْ وْ سَقْسَى يَسُوعْ: «مْنِينْ أَنْتَ؟». بَصَّحْ يَسُوعْ مَاعْطَاهْ حَتَّى جْوَابْ.¹⁰وْ ڤَالَّهْ بِيلَاطُسْ: «وَاشْ مَغَادِيشْ تَهْدَرْ مْعَايَا؟ مَتَعْرَفْشْ بَلِّي عَنْدِي الْسُّلْطَة بَاشْ نَطَّلْڤَكْ وَ لَّا بَاشْ نَصَّلْبُكْ؟». ¹¹جَاوْبَهْ يَسُوعْ: «مَعَنْدَكْ حَتَّى سُلْطَة عْلِيَا مَنْ غِيرْ الِّي نَعْطَتْلَكْ مَنْ لْفُوڤ، عْلَى خَاطَرْ هَدَاكْ الِّي سَلَّمْنِي لِيكْ ذَنْبَهْ كْبِيرْ».¹²مَنْ هَدَاكْ الْوَقْ وْبِيلَأطُسْ بْغَ يَطْلَڤْ، يَسُوعْ بَصَّحْ لِيهُودْ كَانُوا يْزَڤُّوا وَ يْڤُولُوا: « إِلَا طْلَڤْتْ هَادْ الْرَّاجَلْ غَادِي نْكُونُوا ضَدْ قَيْصَرْ. عْلَى خَاطَرْ ڤَاعْ الِّي يْرُدْ رُحَهْ مَلِكْ رَاهْ ضِدْ قَيْصَرْ!». ¹³كِي سْمَعْ بِيلَاطُسْ هَادْ الْهَدْرَة أْمَرْ بَاشْ يْخَرْجُوا يَسُوعْ ، وْ جَمَّعْ عْلَى الْكُرْسِي تَاعْ الْحُكْمْ فْوَحْدْ الْمَوْضَعْ الِّي يْڤُولُولَهْ « الْبَلَاطُ» وْ بَالعِبْرِيَة الْجَبَاثَا.¹⁴دَاكْ الْنْهَارْ كَانُوا يْوَجْدُوا لْعِيدْ الْفِصْحْ، وْ كَانَتْ الْسَّاعَة ڤْرِيبَة الْطْنَاعَشْ، وْ ڤَالْ لْيَهُودَا: «هَاهُوَ الْمَلِكْ الْتَّاعْكُمْ!». ¹⁵وْ هُمَا يْزَڤُّوا: «أَدِّيهْ! أَدِّيهْ! أَصَّلْبَهْ!»، سَقْسَاهُمْ بِيلَاطُسْ: «غَادِي نَصْلُبْ الْمَلِكْ الْتَّاعْكُمْ؟"، وْ جَاوْبُوهْ رُؤَسَاءْ رْجَالْ الْدِّينْ: «مَعَدْنَا حَتَّى مَلِكْ مَنْ غِيرْ قَيْصَرْ!». ¹⁶وْ فْدِيكْ الْسَّاعَة عْطَاهَلْهُمْ بِيلَاطُسْ بَاشْ يَصَّلْبُوهْ وْشَدُّوه الْعَسْكَرْ وَ دَّاوَهْ.¹⁷وَ خْرَجْ وْ هُوَ رَافَدْ الْصَّلِيبْ الْتَّاعَهْ لَلْمَوْضَعْ الِّي يْسَمُّوهْ «الْجُمْجُمَة» وْيْسَمُّوهْ بَالْعِبْرِيَة «الْجُلْجُثَة». ¹⁸وْ تَمَّا صَلْبُوهْ، وْ صَلْبُوا مْعَاهْ زُوجْ وَحْدُخْرِينْ وَاحَدْ مَنْ الَّيْمِينْ وْ وَاحَدْ عْلَى لَيْسَارْ، وْ يَسُوعْ فَالْوَسْطْ.¹⁹وَ كْتَبْ بِيلَاطُسْ وَحَدْ الْلُّوحَة وَأْمَرْ بَاشْ تَتْعَلَّڤْ، وْ كَانْ مَكْتُوبْ فِيهَا: «يَسُوعْ الْنَّاصِيِري مَلِكْ لِيهُودْ». ²⁰وْ بَزَّافْ مَنْ الِّيهُودْ قْرَاوْ هَادْ الْلُّوحَة، عْلَلى خَاطَرْ الْمَوْضَعْ الِّي تَصْلَبْ فِيهَا يَسُوعْ كَانْ ڤْرِيبْ مَنْ الْمْدِينَة وْ كَانَتْ مَكْتُوبَة بْالْلُّغَة الْعِبْرِيَة وَ الْيُونِيَة وَ الْلَّاتِنِيَة.²¹و ڤَالُوا رُؤَسَاءْ رْجَالْ الْدِّينْ تَاعْ لِيهُودْ لْبِيلَاطُسْ: «مَتَكْتَبْشْ: مَلِكْ لِيهُودْ بَصَّحْ كْتَبْ: هَادْ الْرَّاجَلْ ڤَالْ: أَنَا مَلِكْ لِيهُودْ!». ²²وْ جَاوَبْهُمْ بِيلَاطُسْ: «الِّي كْتَبْتَهْ رَانِي كْتَبْتَهْ».²³وْ مَنْ بَعْدْ كِي صَلْبُوا الْعَسْكَرْ يَسُوعْ، شَدُّوا حْوَايْجَهْ وْ ڤَسْمُوهُمْ عْلَى رَبْعْ طْرَافْ مْكُلْ وَحَدْ الْدَّى طَرْفْ، وَدَّاوْ الْقَمِيصْ تَانِي مَشِّي مخَيَّطْ. ²⁴وَيْڤُولُوا لْبَعْدِيَاتْهُمْ: «مَتْڤَطْعُوهْشْ، بَصَّحْ نْدِيرُوا عْلِيهْ الْقُرْعَة لَمَّنْ يْكُونْ»، بَاشْ يَتْحَقَّقْ كْتَابْ اَّْلله الِّي ڤَالْ: «تْڤَاسْمُوا حْوَيْجِي مْعَ بَعْضِيَاتْهُمْ، وَ عْلَى لَبْسَتِّي دِيرُوا الْقُرْعَة»، وْهَدَا مَادَارَه الْعَسْكَرْ.²⁵وْالِّي كَانُوا وَاڤْفِينْ حْدَى صَلِيبْ يَسُوعْ هُمَا، أُمَّه، و خَالْتَهْ، وْ مَرْيَمْ مَرْتْ كِلُوبَا، وْ مَرْيَمْ الْمَجْدَلِيَة. ²⁶وْ كِي شَافْ يَسُوعْ أُمَّهْ، و الْتَّلْمِيدْ الِّي يَبْغِيهْ وَاڤَفْ، حْدَاهَا ڤَالْ لَمَّهْ: «يَامْرَى، هَاهُوَ وَلْدَكْ». ²⁷وْ مَنْ بَعْدَ ڤَالْ لَتَّلْمِيدْ تَاعَهْ : «هَاهِيَ مُّكْ». وْفْدِيكْ الْسَّاعَة الْدَّاهَا الْتَّلْمِيدْ مْعَاهْ لْدَارَهْ.²⁸وْ مَنْ بْعْدْ هَادْ الْشِّي شَافْ يَسُوعْ بَلِّي كُلْشِي كْمَلْ بَاشْ يَتْحَقَّقْ الِّي تْڤَالْ فِي كْتَابْ اَّْلله: «أَنَا عَطْشَانْ». ²⁹وْ كَانْ مَحْطُوطْ وَحْدْ الْغُرَّافْ مْعَمَّرْ بَالْخَلْ وْ هُمَا كَبُّوهْ فِي طَرْفْ كَتَّانْ وْ حَطُّوهْ عْلَى عَشْبَتْ الْزُّوفَةْ وْ ڤَرْبُوهْ الْفُمَّهْ. ³⁰وْكِي دَاقْ يَسُوعْ الْخَلْ وْ ڤَالْ: «كُلْشِي كْمَلْ»، حَطْ رَاسَهْ وْ مَاتْ.³¹و كَانْ هَدَاكْ هُوَ الْنْهَارْ الِّي كَنُوا يْوَجْدُوا فِيه لِيهُودْ لَسَبْت، عْلَى هَدَاكْ الْشِّي مْيْلِيقْشْ الْدَّاتْ الْتَّاعْهُمْ يَڤْعُدْ مْعَلَّڤْ عْلَى الْصَّلِيبْ عْلَى خَاطَرْ الْسَبْتْ هُوَ نْهَارْ كْبِيرْ عَنْدْهُمْ، طَلْبُوا مَنْ بِيلَاطُسْ بَاشْ يَڤْرَدَّلْهُمْ كَرْعِيهُمْ وَ يْهَوَّدْ دَاتْهُمْ. ³²وْ جَاوْ الْعَسْكَرْ وْ ڤَرْدُوا كْرْعِينْ الْلَّوَلْ مَنْ بْعَدْ الْزَّاوَجْ الِّي كَانُوا مَصْلُوبِينْ مْعَاه. ³³وْ بَصَّحْ يَسُوعْ كْي جَاوْ يَڤَّرْدُوا كَرْعِيهْ، لْقَاوَهْ مَاتْ.³⁴وْ وَاحَدْ مَنْ هَادُوكْ الْعَسْكَرْ تْقَبْ جَنْبْ يَسُوعْ بَالْحْرْبَة وْ فِدِيكْ الْسَّاعَة خْرَجْ مَنَّه دَمْ وَ الْمَا. ³⁵وْ هَادَاكْ الِّي شَافْ هَادْ الْشِّي شْهَدْ بِيهْ، وَ شْهَادْتَه صْحِيحَة، وْ هُوَ مَتْيَقَّنْ بَلِّي يْڤُولْ الْحَقْ، بَاشْ تْآمْنُوا حَتَّى نْتُومَا.³⁶صْرَا هَادْ الْشِّي بَاشْ يَتْحَقَّقْ لَكْلَامْ الِّي فؤي كْتَابْ اَّْلله الِّي يْڤُولْ: «حَتَّى عْظَمْ مَيَنْڤْرَدْ مَنَّه». ³⁷وْ آيَة وَحْدُخْرَى فِي كْلَامْ اَّْلله الِّي تْڤُولْ: «غَادِي يْشُوفُوا فِي هَدَاكْ الِّي تَقْبُولَهْ جَنْبَهْ».³⁸وْ مَنْ بَعْدْ هَادْ الْشِّي جَا يُوسَفْ الِّي مَنْ الْرَّامَة، الِّي كَانْ تَلْمِيدْ تَاعْ يَسُوعْ، مَشِّي مَعْرُوفْ عْلَى خَاطَرْ كَانْ يْخَافْ مَنْ لِيهُودْ، وَطْلَبْ مَنْ بِيلَاطُسْ بَاشْ يَدِّيالْدَّاتْ تَاعْ يَسُوعْ، قْبَلْ بِيلاَطُسْ، وْ جَا يُوسَفْ وَ دَّا الْجَسَدْ تَاعْ يَسُوعْ. ³⁹وْ جَا تَانِي نِيقُودِيمُوسُ، الِّي كَانْ جَا مَنْ قْبَلْ عَنْدَهْ يَسُوعْ فَلِّيلْ، وْجَابْ مْعَاهْ وَحْدْ تْلَاتِينْ كِيلُوا مَسْكْ حُرْ مْخَلَّطْ بَالْعُودْ.⁴⁰وَ دَّاوْ الْدَّاتْ تَاعْ يَسُوعْ وْدَارُوهْ فَالْكْفَنْ وْ حَنْطُوهْ كِيمَا كَانَتْ الْعَادَة عَنْدْ لِيهُودْ. ⁴¹وَ الْمَوْضَعْ الِّي تَصْلَبْ فِيهْ يَسُوعْ وَحْدْ الْجْنَانْ فيهْ قْبَرْ جِدِيدْ حَتَّى وَاحَدْ مَتَّدْفَنْ فِيه. ⁴²دَارُوا يَسُوعْ فِي هَادْ لَقْبَرْ عْلَى خَاطَرْ ڤْرِيبْ، وْتَانِي عْلَى خَاطَرْ فْدَاكْ الْنهَارْ لِيهُودْ كَانُوا يْوَجْدُوا لَسَبْت.

¹فَنْهَارْ الْحَدْ صْبَاحْ بَكْرِي جَاتْ مَرْيَمْ الْمَجْدَلِيَة لَلْقْبَرْ وْ كَانْ مَزَالْ الْظَّلْمَ وْشَافَتْ حَجْرَة مَڤْلُوعَة مَنْ بَابْ الْقْبَرْ. ²رَاحَتْ تَجْرِي عَنْدْ سَمْعَانْ بُطْرُسْ و الْتَّلْمِيدْ لَاخُرْ الِّي كَانْ يَبْغِيهْ يَسُوعْ، وْ ڤَاتَّلْهُمْ: « رَّاهْ دَّاوْ الْدَّاتْ تَاعْ الْرَّبْ يَسُوعْ مَنْ الْقْبَرْ وْ مَعْرَفْنَاشْ وِينْ دَارُوهْ!».³وَ خْرَجْ بُطْرُسْ وَ الْتَّلْمِيدْ لَاخُرْ وَرَاحُوا لَلْقْبَرْ. ⁴وْ كَانُوا فِي زُوجْ يَجْرُوا بَصَّحْ الْتَّلْمِيدْ لَاخُرْ سْبَڤْ لَلْقْبَرْ. ⁵وْ هَوَّدْ وْبَانْلَهْ لَكْفَنْ مَحْطُوطْ فَالْلَّرْضْ بَصَّحْ مَدْخَلْشْ.⁶وَلْحَڤْ عْلِيهْ سَمْعَانْ بُطْرُسْ، وَ دْخَلْ لَلْقْبَرْ وْ شَافْ لَكْفَنْ مَحْطُوطْ فَالَّرْضْ. ⁷وَ الْمَنْدِيلْ الِّي كَانْ عْلَى رَاسْ يَسُوعْ مَكَانْشْ مَحْطُوطْ مْعَ لَكْفَنْ، بَصَّحْ كَانْ مَتْلَمْ فِي بْلَاصَة وَحْدُخْرَى وَحْدَه.⁸فْدِيكْ الْسَّاعَة دْخَلْ لتَّلْمِيدْ لَاخُرْ الِّي وْصَلْ هُوَ الَّوَلْ لَلْقْبَرْ، شَافْ وْ آمَنْ. ⁹عْلَى خَاطَرْ مَكَانُوشْ فَاهْمِينْ الْكْلَامْ الِّي فِي كْتَابْ اَّْلله الِّي يْڤُولْ الْمَسِيحْ خَاصَّهْ يْقُومْ مَنْ الْمُوتْ. ¹⁰وْ رَاحُوا تْلَامَدْ فؤي زُوجْ فِي طْرِيڤْهُمْ.¹¹بَصَّحْ مَرْيَمْ الْمَجْدَلِيَةْ ڤَعْدَتْ وَاڤْفَ حْدَى لَقْبَرْ بَرَّا تَبْكِي وْ كؤي كَانَتْ تَبْكؤي طَلَّتْ عْلَى لَقْبَرْ. ¹²تْشُوفْ زُوجْ مَلَايْكَ لَابْسِينْ حْوَيَجْ بُيْدِينْ ڤَاعْدِينْ وِينْ كَانْ كَايَنْ الْدَّاتْ تَاعْ يَسوعْ مَحْطُوطْ، وَاحَدْ حْدَا الْرَّاسْ وْ لَاخُرْ حْدَى الْرَّجْلِينْ. ¹³وْ هُمَا يڤُولُولْهَا: «يَامْرَى ، عْلَاشْ رَكِي تَبْكِي؟». وْ ڤَاتَلْهُمْ: «رَهُمْ الْدَّاوْ سِيدِي، وْ مَعْلَبَالِيشْ وِينْ دَارُوهْ».¹⁴كِي ڤَاتَلْهُمْ هَادْ الْشِّي، دَارَتْ مُورَهَا وْ شَافَتْ يَسُوعْ وَاڤَفْ. وْ مَعَرْفَاتَهْشْ بَلِّي هُوَ. ¹⁵وْ سَقْسَاهَا: «عْلَاشْ رَاكؤي تَبْكِي؟ وْعْلَامَنْ رَاكؤي تْحَوْسِي؟»، حَسْبَاتَهْ الْجْنَايْنؤي وْ جَاوْبَتَهْ: «يَاسِيدِي، إِلَا كُنْتْ الْنْتَا الِّي رْفَدْتَاه غِيرْ ڤولِلي وؤينْ دَرْتَهْ، وْ أَنَا نَدِّيهْ».¹⁶وْڤَالْهَا يَسُوعْ: «يَامَرْيَمْ». وْ دَارَتْ وْ ڤَاتْلَهْ بَالْعرِبْرِيَة: «رَبُّونِي!» الِّي مَعْنَاهَا الْمْعَلَّمْ. ¹⁷وْڤَلْهَا يَسُوعْ: «مَتْمَسِّينِيشْ عْلَى خَاطَرْ مَزَالْ مَطْلَعْتْشْ عَنْدْ الْآبْ بَصَّحْ رُوحؤي عَنْدْ خُوتؤي رَانِي غَادؤي نَطْلَعْ عَنْدْ بُويَا وْ بُوكُمْ وْ إِلَاهِي وْ إِلَاهْكُمْ». ¹⁸وْ رَاحَتْ مَرْيَمْ لْمَجْدَلِيَة وْخَبْرَتْ الْتْلَامَدْ وْ ڤَاتَلْهُمْ: «رَانِي شَفْتَ الْرَّبْ»، وْعَاوْدَتَلْهُمْ ڤَاعْ دَاكْ الْشِّي الِّي ڤَالَهَلْهَا يَسُوعْ.¹⁹وْ فَالْعْشِيَةْ تَاعْ نْهَارْ الْحَدْ، الِّي هُوَ لَّوَلْ تَاعْ الْسِّيمَانَة كَانُوا الْتْلَامَدْ مَتْلَايْمِينْ فْوَحْدْ لَبْلاصَة وْ مْبَلْعِينْ الْبِيبَانْ عْلَى خَاطَرْ كَانُوا خَايْفِينْ مَنْ لؤيهُودْ، وَجَا يَسُوعْ وْڤَفْ فِي وَسْطْهُمْ وْ ڤَالْ: «سْلَامْ عْلِيكُمْ!». ²⁰كِي ڤَالْهُمْ هَادْالْشِّي وَرَّالْهُمْ يَدِّيهْ وْ جَنْبَهْ، وْ فَرْحُوا الْتْلَامَدْ كِي شَافُوا الْرَّبْ.²¹وَ يْڤُولْهُمْ تَانِي يَسُوعْ: «سْلَامْ عْلِيكُمْ! كِيمَا رْسَلْنؤي الْآبْ نَرْسَلْكُمْ حَتَّى أَنَا». ²²كِي ڤَالْ هَادْ الْشِّي نْفَخْ فِيهُمْ وْ ڤَالْهُمْ: «قَّبْلُوا الْرُوحْ الْقُدُسْ. ²³الِّي غْفَرْتُولَهْ دْنُوبَهْ غَادِي يَتَّغْفَرْلَهْ وَ الِّي مَغْفَرْتُولَهْشْ مَغَادِيشْ يَتَّغْفَرْلَهْ».²⁴بَصَّحْ تُومَا، وَاحَدْ مَنْ الْتْلَامَدْ الْطْنَاعَشْ، الِّي يْسَمُّوهْ الْتْوَامْ، مَكَانْشْ مْعَاهُمْ كي جَا يَسُوعْ. ²⁵وْڤَالُولَهْ الْتْلَامَدْ لُخْرِينْ: «رَاهْ شَفْنَا الْرَّبْ يَسُوعْ!» وْ جَاوَبْهُمْ: «إِلَا مَشَفْتْشْ فِي يَدِّيه الَْأثَرْ تَاعْ الْمْسَامَرْ، وْ حَطِّيتْ صُبْعِي فِيه وْ حَطِّيتْ يَدِّي فْجَنْبَهْ، مَغَادِيشْ نْآمَنْ».²⁶وْمَنْ بَعْدَ تَمْنِيَامْ كَانُوا تْلَامَدْ يَسُوعْ مَلْمُومِينْ مَرذَة وَحْدُخْرَا وْ كَانْ مْعَأهُمْ تُومَا وْ كَانُوا الْبِيبَانْ مْبَلْعِينْ وْ جَا يَسُوعْ وْڤَفْ فَالْوَسْطْ وْڤَالْهُمْ: «سْلَامْ عْلِيكُمْ!». ²⁷وْ مَنْ بَعْدْ ڤَالْ لْتُومَا: «جِيبْ صُبْعُكْ هْنَا وْ شُوفْ يَدِّي، وْ أَرَى يَدَّكْ وْ حَطْهَا عْلَى جْنْبِي وْ مَتْشُكْشْ وْ بَصَّحْ كُونْ مُومَنْ».²⁸وْجَاوبَهْ تُومَا وْ ڤَالَّهْ: «رَبِّي وْ إلَاهِي!». ²⁹وَ يْڤُولَّهْ يَسُوعْ: «عْلَى خَاطَرْ شَفْتْني آمَنْتَ! سَعْدَاتْ الِّي آمَنُوا بْلَى مَايْشُفُوا».³⁰وْدَارْ يَسُوعْ بَزَّافْ الْمُعْجِزَاتْ، وَحْدُخْرِينْ ڤُدَّامْ تْلَامْدَهْ مَتَكَّتْبُوشْ فْهَأدْ لَكْتَابْ. ³¹بَصَّحْ هَادْ لَكْلَامْ تَكْتَبْ بَاشْ تْآمْنُوا بَلِّي يَسُوعْ هُوَ الْمَسِيحْ ابْنْ اَّْلله، وْإِلَا آمَنْتُوا تْكُونْ عَنْدْكُمْ حْيَاة فَالْإِسْمْ الْتَّاعَه.