Bible

MATTHEW

Chapter 1

¹Иисус Христостослэн ,Давидлэн Пиезлэн,Авраамлэн Пиезлэн чыжы-выжыез.

²Авраамлэсь вордӥськиз Исаак,Исааклэсь вордӥськиз Иаков, Иаковлэсь вордӥськиз Иуда но солэн вынъёсыз.

³Иудалэсь вордӥськиз Фарес но Зара,кудызлэн анаез вал Фамарь, Фареслэсь вордӥськиз Есром, Есромлэсь вордӥськиз Арам.

⁴Арамлэсь вордӥськиз Аминадав,Аминадавлэсь вордӥськиз Наассон,Наасонлэсь вордӥськиз Салмон.

⁵Салмонлэсь вордӥськиз Вооз Раав анаез вал,Воозлэсь вордӥськиз Овид анаез Руфь вал,Овидлэсь Иессей вордӥськиз.

⁶Иесейлэсь Давид царь вордӥськиз,Давид царьлэсь Соломон вордӥськиз,анаез вал Уриялы валлё бызьылэм кышномурт.

⁷Соломонлэсь вордӥськиз Ровоам,Ровоамлэсь вордӥськиз Авия, Авиялэсь вордӥськиз Аса.

⁸Асалэсь вордӥськиз Иосафот, Иосафатлэсь вордӥськиз Иорам,Иорамлэсь вордӥськиз Озия.

⁹Озиялэсь вордӥськиз Иоафам,Иоафамлэсь вордӥськиз Ахаз,Ахазлэсь вордӥськиз Езекия.

¹⁰Езекиялэсь вордӥськиз Манассия,Манассиялэсь вордӥськиз Амон,Амонлэсь вордӥськиз Иосия.

¹¹Иосиялэсь вордӥськиз Иоаким,Вавилонэ кужмысь келян азьын Иоакимлэсь Иехония но солэн вынъёсыз вордӥськизы.

¹²Нош Вавилонэ кужмысь келям бере,Иехониялэсь вордӥськиз Салафииль,Салафиильлэсь вордӥськиз Зоровааель.

¹³Зоровавельлэсь вордӥськиз Авиуд,Авиудлэсь вордӥськиз Елиаким,Елиакимлэсь вордӥськиз Азор.

¹⁴Азорлэсь вордӥськиз Садок,Садоклэсь вордӥськиз Ахим,Ахимлэсь вордӥськиз Елуид.

¹⁵Елуидлэсь вордӥськиз Елеазар,Елеазарлэсь вордӥськиз Матфан,Матфанлэсь вордӥськиз Иаков.

¹⁶Иаковлэсь вордӥськиз Иосиф,Мариялэн кузпалыз, кудӥзлэсь вордӥськиз Иисус,кудзэ Христос шуо.

¹⁷Озьыэн,вань ӵыжы-выжыос Авраам дорысен Давид дорозь ваньмыз дас ньыль выжы, Давида дорысен но Вавилонэ кужмысь келятозь дас ньыль выжы,Вавилонэ кужмысь келян дырысен Христос дорозь но дас ньыль выжы.

¹⁸Иисус Христослэн вордӥськемез тазьы вал:Солэсь анайзэ,Марияез, Иосиф курам бере,соослэн ӵош улыны ӧдъямзылэсь азьло ик тодмо луэм,солэн пушказ Святой Духлэсь Нуны вань шуыса.

¹⁹Нош Иосиф,солэн кузпалыз,шонерлыко вал,сое шарае поттэмез ӧвӧл потэм но кышнозэ лушкем лэзьыны малпам.

²⁰Нош ку со озьы малпз Кузё Инмарлэн ангелэз со доры уйвӧтаз лыктӥз но вераз:"Давидлэн пиез,Иосиф! Эн кышка басьтыны Марияез,тынэсьтыд кышнодэ,малыке шуоно со пуӵкын Святой Духлэсь Нуны.

Chapter 2

¹Иудеяын царь Ирод царствовать карон дыръя,. куке Вифлеемын вордиськиз Иисус.Иерусалиме шунды жужан палась лыктизы мудрецъё но шуо:

²"Кытын вордскем Иудеялэн Царез?Малыке шуоно ми адзим Солэсь кизилизэ,но лыктимы Солы йыбырттыны".

³Сое кылыса Ирод царь кышкатскем,озьы ик соин чош Иерусалимысь калык но.

⁴Люкаса ваньзэ пепвосвященникъёсты но книжникъёсты юам" Кытын вордскыны кулэ Христос?".

⁵Соос Иродлы шуо:"Иудеяысь Вифлеемын,малыке шуоно пророклэн гожтэмез тазь:

⁶"Тон но,Иудея музъем вылысь Вифлеем ,номырӥн но пичигес ӧвӧл Иудейяысь мукет кивалтӥсьёслэсь,малыке шуоно тынад калыкед пӧлысь потоз Кивалтӥсь,Кудыз возьмалоз Мынысьтым калыкме-Израилез".

⁷Соку Ирод луӵкем ӧтӥз мудрецёсты,но кизили ӝуатскем дырез соослэсь тодэм-юам

⁸но соосты Вифлееме лэзьыса верам:"Мынэлэ,рос-просс тодэлэ Нуны сярысь,нош шедьтэмды берэ мыным ивортэ,мон но Солы йыбырттыны мыно".

⁹Мудрецъёс царьлэсь верамзэ кылзӥллям но кошкиллям.Кизили ,кудзэ соос адӟизы вал шунды ӝуӝан палан, азязы мынэм но, Нуны кытын вал ,со интые вуэм на дугдэм.

¹⁰Кизилиез адӟыса ,мудрецъёс туж зол шумпотӥллям,

¹¹корка пыриллям но,адӟиллям Нуныез Анаеныз Марияен,но уськытскыса Солы йыбырттӥллям,Солы дуно кузьымъёс кузьмаллям :зарни,ладан но смирна.

¹²Нош уйвӧтазы Ирод доры ӧвӧл нӥ берытсконно шуыса ивор бастӥллям но асьсэлэн шаеразы мукет сюрэс кузя кошкиллям.

¹³Куке соос кошкизы.Кузё Инмарлэн ангелэз лыктэм уйвӧтаз Иосиф доры но шуэм:"Султы,басьты Нуныдэ но Солэсь анайзэ но пегӟе Египетэ,мон тыныд вератозь отын ул,малыке шуоно Ирод утча Нуныез,Сое виён понна.

¹⁴Со уйин султӥз но,басьтӥз Нуныез но Солэсь анайзэ но кошкиз Египетэ.

¹⁵отын вал Ирод кулытозь,мед быдэсмоз пророк пыр Кузе Инмарлэн верамез,кудыз вера:"Египетысь Мон Аслэсьтым Пиме ӧтӥ".

¹⁶Ирод куке валаз мудрецъёс сое сереме уськытӥзы шуыса,туж зол вожэз потӥз но келяз вийылыны кык арескысен кутскыса солэсь покчиоссэ(арессэс тодӥз мудрецёслэсь юалляськемез бере) ваньзэ пиналъёсты Вифлеемысь но со котырысь ёросёсысь .

¹⁷Соку Иеремия пророк пыр Кузё Инмарлэн веранэз быдэсмиз:

¹⁸"Лек кесяськыса,вузыса бӧрдэм куара кылӥськиз Рамаысь.Рахиль бӧрдэ аслаз нылпиосыз сярысь но уг быгаты буйгатскыны,малыке шуоно соос ӧвӧл ини".

¹⁹Ирод кулэм бере Кузё Инмарлэн ангелэз лыктӥз Иосиф доры Египетын

²⁰но шуэ:"Султы,басьты Нылпиез но Солэсь анайзэ мын Израизь музъеме,малыке шуоно кулӥзы ни кинлэн виемез потэ вал Нылпиез".

²¹Со султӥз но,басьтӥз Нылпиез но Солэсь анайзэ но мынӥз Израиль музъём вылэ.

²²Куке Иосиф кылӥз Иудеяын Иродлэн пиез Архелей кузёяське шуыса,кышказ отчы мыныны.Уйвӧтаз ивор басьтыса мынӥз Галилея ёросэ

²³лыктӥз но Назарет каре интыяськиз,мед пророк пыр верам быдэсмоз,Сое шуозы Назаретянин.

Chapter 3

¹Со нуналъёсы лыктӥз Иоанн Креститель но ӧдъяз проповедовать карыны иудейской пустыняын,

²но шуэ:"Покаятся кариське,малыке шуоно матэктӥз инӥ Инмысь Царство".

³Со та,кудыз сярысь вераз пророк Исаия:"Пустыняысь кесяькыса верась куара:"Дасялэ сюрэс Кузё Инмарлы,шонер лэсьтэ Солы сюрэс".

⁴Иоанн дисез вал верблюд гонлэсь,кусказ кулэсь керттэм кускертон,нош сиёнэз вал бадӟымесь ӟёзыос но кыр мушъёслэн чечызы.

⁵Соку Иерусалимысь улӥсьёс но Иудеяысь но Иордан котырысь калык лыктылӥзы со доры

⁶Иоанн крестить карылӥз соосты Иордан шур вуын,но соос съӧлыкъёссэс усьтылӥзы.

⁷Иоанн куке адӟиз со доры лыкто тросс фарисейёс но садукейёс крестится кариськыны ,соослы соку шуиз:"Кый выжыос! Кин дышетӥз тӥледды пегӟыны вуоно вожпотонлэсь?

⁸Возьматэ оскымон покаяниедылы емыш

⁹но эн малпалэ вераны асьтэлы:"Авраам-милям атаймы",верасько мон тӥлэд Инмар та изъёслэсь но Авраамлы нылпиос кылдытыны быгатоз.

¹⁰Тӥр но писпуослэн выжыязыязы кылле ини.Котькуд писпуез кудыз уг сёты ёмыш ӵого но тылэ кушто.

¹¹Мон вуын крестить карисько тӥледды покаятся кариськыны,нош мон сьӧры Лыктӥсь мынэсьтым кужмогес.Мон Солэсь пыдкуксэ но ӝутыны но уг сылӥськы,Со крестить кароз тӥледды Святой Духен но тылын.

¹²Солэн лопатаез Солэн кияз,Со аслэсьтыз ю культо кутсанзэ сузялоз но люкалоз Аслэсьтыз чабейзэ кеносэ,нош курозэ сутоз кысылӥсьтэм тылын".

¹³Соку Иисус Галилеяысь лыктӥз Иордан шурэ Иоаннлэсь крестится кариськын .

¹⁴Иоанн нош дугдытӥз Сое но шуиз:"Мыным Тон бордысен крестится кариськыны кулэ,нош Тон мон доры лыктӥськод?".

¹⁵Нош Иисус шуиз солы пумитаз:"Лэзь озьы мед луоз али,малыке шуоно тазьы быдэстыны кулэ котькыӵе шонерлыкез".Соку Иоанн лэзиз Сое.

¹⁶Нош Иисус, крестится кариськем бераз соку ик вуысь потӥз но, тани ,Солы инбам усьтӥськиз но,Иоанн адӟиз Инмарлэсь Духсэ,Кудыз васькиз дыдык кадь но Со вылэ лэзиськиз.

¹⁷Соку инмысен верась куара кылӥськиз: "Та Мынам яратоно Пие,кудыз пуӵкын мынам воляе".

Chapter 4

¹Соку Иисус Духен ваемын вал пустыняе искусить карыны дьяволэн

²но,ньльдон нунал но ньльдон уй постится кариськем бераз,берпумаз кӧтыз сюмаз.

³Искусить карись Со доры лыктӥз но шуиз:"Тон Инмарлэн Пиез ке-вера та изъёслы но соос луозы нянь".

⁴Со шуиз пумитаз солы:"Гожтэмын:"Одӥг нянен гинэ уз улы адями,нош кодькуд кылын кудзэ вера Инмар".

⁵Собере басьтӥз Сое дьявол святой городэ,но пуктиз храмлэн липет дураз

⁶но вера Солы:"Тон Инмарлэн Пиез ке-куштӥськы улӥе,малыке шуоно гожтэмын:"Аслаз ангелъёсызлы сётоз заповедь Тон сярысь,но ки вылазы нуозы Тонэ но Тынад уз шуккиське пыдъёсыд из шоры".

⁷Иисус шуиз солы:"Озьы ик гожтэмын:"Искушать эн кар аслэсьтыд Кузё Инмардэ".

⁸Нош ик басьтӥз сое дьявол туж ӝужыт гурезь йылэ,но возьматӥз Солы дунне вылысь вань царствоосты но соослэсь данлыксэс

⁹но вераз Солы:"Ваньзэ тае сёто Тыныд,мыкырскыса йыбырттӥд ке мыным".

¹⁰Со бере Иисус вераз солы:'Кош Мон дорысь сатана,малыке шуоно гожтэмын:"Тынад Кузё Инмаредлы йыбыртты но Солы гинэ служить кар".

¹¹Собере кельтӥз Сое дьявол,но тӥни ангелъёс дораз лыктӥзы но служить каризы Солы.

¹²Иисус,кылӥз Иоанн арестовать каремын шуыса но кошкиз Галилеяе.

¹³Назаретэз кельтыса, Капернауме лыктӥз но отчы интыяськиз,кудыз море дурын,Завулонлэн но Неффалимлэн музъем вылаз,

¹⁴мед быдэсмоз шуыса Кузё Инмарлэн верамез пророк Исаия пыр,кудыз вера:

¹⁵"Завулонлэн но Неффалимлэн музъемъёссы,море дуре мынон сюрес вылын,Иордан сьӧрын языческой Галилея,

¹⁶калык, кудыз пуке вал пэймытын,адӟиз югыт тыл,кулон шаерлэн вужераз пукисьёслы но югыт пиштӥз".

¹⁷Со дырысен Иисус ӧдъяз проповедовать карыны но вераны кутскиз:"Покаятся кариськелэ,уго Инмысь Царство матэктӥз ини".

¹⁸Галилея море дуртӥ ортчыкуз,Со адӟиз морее сетьёс куштылӥсь кык вынъёсты,Пётр шуон Симонэз но солэсь вынзэ,Андреез, кудъёсыз чёрыгасьёс вал,

¹⁹но вераз соослы:"Мон сьӧры мынэлэ но ,Мон тӥледды адямиосты кутылӥсьёс лэсьто".

²⁰Соос соку ик,сетьёссэс кельтӥзы но,Со сьӧры мынӥзы.

²¹Отысен,азьлань мыныса,Со адӟиз кык вынъёсты,Иаков Зеведеевез но солэсь вынзэ Иоаннэз, Зеведей атаенызы кудъёсыз лодкаын кышъяло вал сетьёссэс,соосты Со сьӧраз ӧтиз.

²²Соос соку ик ,лодказэс но асьсэлэсь атайзэс кельтыса ,Со сьӧры мынӥзы.

²³Иисус быдэс Галилеятӥ ветлӥз,соосты синагогаосазы дышетыса ,Царстволэсь Евангелизэ проповедовать карыса но адямиослэсь котькыӵе висёнзэс но котькыӵе лябӟёнзэс бурмытыса.

²⁴Со сярысь ивор быдэс Сирие вӧлмиз.Со доры вайылӥзы ваньзэ висьыса улӥсьёсты ,трос пӧртэм висьӧнъёсын но припадокъёсын курадӟисьёсты,бесноватся кариськисьёсты,эпилепсикъёсты ,парализовать каремъёсты ,ваньзэсты Со бурмытылӥз.

²⁵Со сьӧры туж тросс калык мынӥз Галилеяысь но Дас городо шаерысь,Иерусалимысь,Иудеяысь но Иордан сьӧрысь.

Chapter 5

¹Трос калыкъсты адӟыса Иисус тубиз ӝужыт интые но пуксз, дышетскисьёсыз Со сьоры мынӥзы .

²Иисус ӧдъяз соосты дышетыны,но шуиз:

³Майбыресь начаръёс Инмар понна, Инмысь Царство соос понна.

⁴Майбыресь,кинъёс куректо но бӧрдо ,соосты Инмар буйгатоз.

⁵Майбыресь Инмарлы зӥбытъес , Инмар соосты пуктоз кузеен музъём вылэ.

⁶Майбыресь кинъслэн туж потэ Инмарлэсь куронзэ быдэстыны, Инмар соослэсь потэмзэс юзматоз.

⁷Майбыресь милостивойёс,соосты Инмар .помиловать кароз.

⁸Майбыресь чылкыт сюлэмъёс, Соос Инмарез адӟёзы.

⁹Майбыресь тупаса улон ваисьёс,соосты Инмар Аслаз нылпиосыз шуоз.

¹⁰Майбыресь,кинэ уллялозы Инмарлэсь шонерлыксэ быдэстӥсьёсты,соослэн луоз Инмысь Царство.

¹¹Майбырэсь,тӥ куке тӥледды тупыттэм ултӥялозы ,уллян калэ вуттозы но йыркурзэс лэзёзы Мон понна.

¹²Шумпотэ но шулдыръске , туж бадӟым кузьым Инмын вите тиледды; уго озьы улляльязы пророкъсты ,кудъёсыз вал тӥляд азьпапалады

¹³Тӥ-музъмысь дуно сылал. Сылал ыштӥз ке кузьтсэ кинлы со кулэ на , сое куштозы калыклэн пыд улаз.

¹⁴Тӥ дуннеез югыт карисьёс .Тӥ город кадь ,кудыз пуктэмын ӝужыт гурезь йылэ,кудзэ луоз шат ватыны?

¹⁵Нокин но югыт карон светильникез уг пытца йрын уллань берыктэм горшок улэ ,нош сое пукто сыӵе азе,кытысен со быдэс корка пуӵез югыт каре.

¹⁶Мед тӥляд югытты пиштоз калык азьын, тӥлесьтыд ӟеч ужъёстэс адӟыса,соос мед прославить карозы Инмысь Атайдэс.

¹⁷Эн малпаське, Мон лыктӥ Моисейлэсь Законзэ яке Пророкъёслэсь гожтэмзэс кулэтэм карыны.Мон лыктӥ соослэсь кулэлыксэс но пуштроссэс тужгес но зол возьматыны.

¹⁸Шонер верасько тӥлед: куке вань на инбам но музъем ,одиг пичи пусэз но, гожез но Законысь ыштэмын уз луы, Писание быдэсак исполнится кариськытчёзь

¹⁹Соин ик кин кулэтэм кароз одӥгзэ ,пичизэ ке но Заповедез ,озь ик мыдлань дышетоз мукетъёссэ,соосты Инмар Царствояз пичиесь шуыса лыдъялоз.Нош кинъёс Законэз быдэсъялозы но шонер дышетозы мукетъёссэ,соос быдӟымесь шуыса верамын луозы Инмысь Царствоын.

²⁰Шуисько Мон тӥлед : Инмысь Атайдылэсь куронзэ фарисейёслэсь но законэз утӥсьёслэсь ӟечгез ӧд ке быдэстэ,тӥ уд быгатэ пырыны Инмысь Царствое.

²¹Тӥ тодиськоды кызьы пересьёс дышетылӥзы: « Адямиез виыны уг яра,нош адямивиисез,судить кароно.»

²²Нош мон шуисько,кин йыркуръяське выныз вылэ,суд азьн кыл кутыны кулэ.Озьы ик кин ултӥялоз вынзэ,синедрион азьын.Озьы ик кин шуоз братсэ «капчи визь»-ӝуаны кулэ адлэн тылаз.

²³Нош жертвадэ Инмар доры вайыкуд ,тодад лыктӥз ке выныд марке но тон пумитэ урод малпа шуыса ,

²⁴кельты жертвадэ.Нырысь тупатскы выныныд,собере гинэ сёт жертвадэ Инмарлы

²⁵Ӝоггес тупатскы вожвылъяськисеныд кудыз сётыны быгатэ тонэ судэ.Тушмонэд судэ сётиз ке,судья тонэ янгыше уськытоз нош,стражник пытсалоз тюрмае.

²⁶Шонер верасько:ӧд ке сёты пунэм тырондэ быдэсак ,пытсэт улысь потэмед уз луы.

²⁷Тӥ кылылӥды,мар шуо пересьёс: «Азон-калгон сёлыке эн пыре!»

²⁸Нош мон шуисько тӥлед кин учкоз нылкышномурт шоры жуась потэмен, сюлэмаз лэзиз ини азон-калгон сёлык.

²⁹Бур синмыд пыртэ ке тонэ сьӧлыкэ,иӵкалты сое,но кушты.Тон понна ӟечгес луоз пал синмын улыны, кык синмын жуась гиенае шедьытчёзь.

³⁰Бур киыд тынад пыртэ ке сьӧлыке,ӵог сое но,кушты.Тыныд ӟечгес луоз одиг киын улыны ,кык киын ӝуась гиенае шедьытчёзь.

³¹Шуэмын: «Кинлэн люкиськемез потэ кышноеныз,сётыны кулэ кузпалызлы люкиськон сярысь гожтэт."

³²Нош Мон шуисько,кин люкиське кышноеныз,кудызлэн ӧвӧл азон-калгон сьӧлыкез,кузпалызлы азон-калгон сьӧлыке пырыны муг сётэ.Нош кин кузпалъяськоз люкиськем адямиен сыӵе ик сьолык лэсьтэ.

³³Мар шуылӥзы пересьёс: «Кылдэ сётӥд ке,быдэсты сое Инмар азьын»

³⁴Нош Мон шуисько юнме кылдэс эн сётэ : инбамен,малыке шуоно Инмарлэн пукон интыез со.

³⁵ Кыл эн сётэ музъемен ,малыке шуоно Инмарлэн пыдъёсыз отын.Иерусалимен кыл эн сётэ,малыке шуоно со быдӟым Царьлэн карез.

³⁶ Кыл эн сётэ музъемен ,малыке шуоно Инмарлэн пыдъёсыз отын.Иерусалимен кыл эн сётэ,малыке шуоно со быдзым Царьлэн карез.

³⁷Верамды потэ ке «бен»,вералэ «бен»,нош верамды потэ ке «ӧвӧл»,вералэ «ӧвӧл».Ваньмыз мукутыз-дьяволлэсь.

³⁸.Кылэмды вань, шуэмын: «Син понна син,пинь понна пинь.»

³⁹Нош Мон шуисько эн пумитъяське солы,кин тӥледды вӧсь каре.Нош чабизы ке бур палаз пельдорады ,пуктэ паллянзэ но.

⁴⁰Кинке медэ ке тӥлесьтыд дэрэмдэс капыртыны,эн пумитъяске, сётэ солы мукетсэ но диськуттэс.

⁴¹Озьы ик кин косоз тӥледды одиг иськем соин мыныны,мынэ соин кык.

⁴²Кинке тӥлесьтыд мардэске куре-ке сётэ.Пунэмен курисьлы но отказать эн каре.

⁴³Тӥ кылылӥды-ни: «Яраты дорысьтыды адямиез,нош тушмондэс адӟемпотостэм каре.»

⁴⁴Нош Мон шуисько : «Яратэ тушмонъёстэс,вӧсяське соос понна, кинъёс уллян калэ вутто тиледды,

⁴⁵соку тӥ быгатоды Инмысь Атайдылэн нылпиосыз луыны,малыке шуоно Со косэмья шунды пиштэ урод но ӟеч адямиос вылэ,куазез зорытэ шонер но шонертэм лэсьтӥсьес вылэ.

⁴⁶Яратӥськоды ке соосты,кинъёс тӥледды ярато,кыӵе дан тӥледлы сётозы? Выт бичасьёс но озьы ик шат уг лэсьто?

⁴⁷Нош тӥ эшъёсыныдыны гинэ ке ӟечбурьяськиськоды мар умойзэ кариськоды?Язычникъёс но шат озьы уг лэсьто?

⁴⁸Озьы бере,луэ совершенноесь,кыӵе совершенной тӥляд Инмысь Атайды

Chapter 6

¹Куке кулэяськисьёслы маеке ӟечсэ лэсьтӥськоды ке, юри эн лэсьтэлэ калык мед адӟёз шуыса.Соку дырья Инмысь Атайды дан уз сёты.

²Кулэяськисьёслы ӟеч уж лэсьтӥськоды ке,валлясянь данпоттыса эн ивортэ,кызьы лэсьто чеберъяськисьёс синагогаосын но ульчаосын, калык мед соосты ушъялоз шуыса.Верасько Мон тӥлед :соосты калык гинэ данъялоз.

³Нош тӥ куке юрттӥськоды кулэяськисьёслы,паллян киды но медаз тоды ,мар бурыз каре.

⁴малыке шуоно ӟечужъёстэс луӵкем тырше лэсьтыны.Инмысь Атайды соку,луӵкем лэсьтэмдэс адӟыса данъялоз тӥледды.

⁵Куке вӧсяськиськоды,эн возьматэ астэды ,кызьы чеберъяськисьёс вӧсяськемзэс возьмато синагогаосын но ульча вожвылъсын,калык мед адӟез шуыса.Шонер верасько тӥлед,соосты данъзы ини.

⁶Нош тӥ,куке вӧсяськиськоды, пырелэ астэлэн кыдёкысь комнатаяды но вӧсяське Инмысь Атайдылы, кудыз тӥленыд ӵош луоз.Инмар адӟёз лушкемдэс, но сётоз тӥлед бадӟым кузьым.

⁷Озьы ик куке вӧсяськиськоды,язычникъёс музэн тросс эн супыльтэ.Соос малпало ,тросгес кыл веразы ке ,ӝоггес Инмар кылоз шуыса.

⁸Соос кадь ик эн луэ,малыке шуоно тӥляд Атайды тодэ,мар тӥлед кулэ,Солэсь куремдылэсь вазьло ик.

⁹Нош тӥ вӧсяське озьы:" Инмысь Атаймы! Мед данъяськоз нимыд Тынад!

¹⁰Мед лыктоз Царствоед Тынад! Мед воляед исполнится кариськоз музъем вылын но,инмын кадь ик.

¹¹Сёт милемлы няньдэ котькуд нунал.

¹²Простить кар пунэмен тыронъёсмес,кызьы ми простить кариськомы соосты,кинъёслэн вань милем пунэмен тыронъёссы.

¹³Эн пырты милемды искушение, нош возьма милемды лукавыйлэсь. Малыке шуоно Тынад Царствоед но кужымед но данэд но пумтэм дауръёс ӵоже.

¹⁴Соин ик ,простить кариды ке соосты,кинъёс тӥ пумитэ сьӧлык лэсьтӥзы,соку Инмысь Атайды но простить кароз тӥледды.

¹⁵Нош простить ӧд ке каре соосты,кинъёс тӥ пумитэ лек уж лэсьтӥзы,соку Инмысь Атайды но простить уз кары тӥлесьтыд сёлыктэс.

¹⁶Нош куке постится кариськиськоды эн возьматэ астэды чеберъяськисьёс кадь,кудъёсыэ юри ымнырзэс ӝож лэсьто но туссэс угрум возьмато,мед калык адӟёз шуыса соослэсь постится кариськемзэс. Шонер верасько соосты калык сяна нокин но уз ни данъя.

¹⁷Нош тӥ куке пост возиськоды зыралэ йырдэс, но миське ымнырдэс ,

¹⁸малыке шуоно медаз адӟе калык тӥ пост возиськоды шуыса,нош Инмысь Атайды ,кудыз котькыӵе интыын ,луӵкемзэ адӟьыса награда тӥлед сётоз.

¹⁹Эн люкалэ узырлык музъем вылын,кытын сое кей коралоз но сыномоз но , лушкаськисьёс со улэ копалозы но талалозы но.

²⁰Нош люкалэ астэлы узырлык Инмын,кытын кей но уз кора, уз но сыномы ,лушкаськисьёс но со улэ уз копалэ, уз но талалэ.

²¹Соин ик кытын тӥляд узырлыкты ,отын ик тӥляд сюлэмды.

²²Син –мугорлэн югыт карисез,синъёсыд югытсэ ке учко,соку быдэс мугорыд тырмемын югытэн.

²³Нош синъёсты лекесь ке ,соку быдэс мугорды тырмемын пеймытэн.Соин ик, югыт, кудыз тон пуӵкын пеймыт ке,соку кыче кышкыт со пеймыт!

²⁴Нокин но уг быгаты ужаны кык кузёослы,малыке шуоно одӥгзэ со быгатоз яратыны нош мукетсэ уз быгаты,яке одӥгезлы луоз кылзискись ляльчи нош мукетызлы лук-лак ужась.Тӥ уд быгатэ луыны ляльчи Имарлы но узырлыклы но.

²⁵Верасько мон тӥлед : эн малпаське улонды сярысь-мае тӥлед сионо но юоно но,мугорды сярысь эн малпаське –кытысь дӥськут шедьтоно.Улонды бадӟымгес ӧвол шат сиен-юонлэсь,нош мугорды-дӥськутлэсь?

²⁶Учкелэ инмысь тылобурдоос шоры.Соос уг но кизе,уг но арало,уг но тырмыто кеносъёсэс,нош тӥляд Инмысь Атайды сюдэ соосты.Тӥ кулэгес ӧвол шат Солы?

²⁷Нош кин тӥ пӧлысь,трос кынарыз но ке солэн, быгатоз мугорзэ ӝужытгес карыны одиг гырпум кузя ке но.

²⁸Диськут сярысь марлы юнме малпаськиськоды?Учкелэ луд сяськаос шоры,кыӵе соос чебересь.Соос уг но ужало,уг но черсо.

²⁹Нош шуисько Мон тӥлед,быдӟым царь Соломон но ӧз дисяськылы сыӵе чебер,кыӵе соос,

³⁰нош луд турынкуарэз ,кудыз туннэ будэ,нош ӵуказе шуялоз но куштэмын луоз гуре,Инмар сыӵе чебер дӥся. Ичи осконды тӥляд,Инмысь Атайды ӟечгес диськут уз сёты шат тӥлед?

³¹Соин ик,эн но малпаське, эн но вералэ: «Мар милеем сионо но юоно но ?»

³²Малыке шуоно сое ваньзэ утчало язычникъёс.Нош тӥляд Инмысь Атайды тодэ - мар тӥлед кулэ шуыса!

³³Нырысь ик утчалэ Солэсь Царствозэ но Солэсь шонерлыксэ,,нош ваньзэ мар кулэ тилед ,сётоз Инмысь Атайды .

³⁴Соин ик эн малпаське ӵуказе нунал сярысь.Выль нунал ачиз малпаськоз аӵиз сярысь.Котькуд нуналлэн тырмыт аслаз малпаськонъёсыз.

Chapter 7

¹Эн судьялэ,тӥледыз но уз судьялэ.

²малыке шуоно кыӵе судэн судить кароды,сыӵе судэн тӥледды но судить карозы,кыӵе безьменэн тӥ мерталоды,сыӵе безьменэн тӥледды но мерталозы.

³Малы тон адӟиськод векчи улвайэз выныдлэсь синмысьтыз,нош аслэсьтыд с корез уд адӟиськы?

⁴Яке кызьы тон выныдлы шуиськод: «Вай мон синмысьтыд басьто векчи улваез»,нош аслад синмад кор.?

⁵Чеберъяськись,нырысь ик аслэсьтыд синдэс сюзя корлэсь,соку тынад синмыд ӟеч адзыны ӧдъялоз но тон быгатод выныдлы юрттыны синзэ сюзяны.

⁶Мар вань святой,эн куштэлэ пуны пыд улэ,эн куштэлэ парсь ныр улэ жемчугдэс.Парсьёс сое льёгалозы,нош пуныос берытскозы но тӥ вылэ алетскозы.

⁷Курэлэ но тӥлед сётозы;утчалэ,но шедьтоды.ӧсэ йыгаське,но тилед усьтозы.

⁸Кин куроз-солэн луоз;кин утча-шедьтоз;ӧс учкоз со азьын кин йыгаське.

⁹Кин сётоз аслаз нылпиезлы из,со куре ке нянь?

¹⁰Нош куре ке со чёрыг,атаез сётоз шат кензяли? Ноку но уз.

¹¹Тӥ лекомем адямиос ке но,сётискоды асьтэлэн нылпиостылы ӟеч кузьым.Нош кыӵе трос ӟеч кузьымъёс сётоз Инмысь Атайды ,Солэсь курисьёслэсь!

¹²Кыӵе потэ тӥленыд мед поступить карозы шуыса,озьы ик поступить каре мукет адямиосын.Со вань Моисейлэн Законэз но пророкъёслэн дышетэмзы.

¹³Пырэлэ сюлэг осэти ,кудыз усьтэ сюрэс улонэ,малыке шуоно паськытэсь ӧсйос но сюрэсъёс кудъёсыз нуо быронэ,туж трос калык отчы мыно.

¹⁴Нош секыт сюрэсъёс но сюлэгесь ӧсъёс,кудъёсыз нуо улонэ,-трос калык уг шэдьто соосты.

¹⁵Кышкалэ пӧялляськись пророкъёслэсь.Соос дорады лыкто ыж ку дисяса ,нош пуштроссы соослэн –лек киёнъёс.

¹⁶ Тӥ соосты тодмалоды,ужзылэн емышъёссыя,быӵкиськись кукакъёсысь уг бичало виноград,яке кыйбодыысь инжир.

¹⁷Ӟеч писту сётэ ӟеч) емыш,нош умойтэм писпу,умойтэм емыш.

¹⁸Уг буды ӟеч писпуын урод емыш ,урод писпуын уг буды ӟеч емыш.

¹⁹Котькуд писпуез кудыз уг сёты ӟеч емыш ,чого но кушто тылпуэ.

²⁰Соин ик емышъёссыя соосты тодмалоды.

²¹Ваньмыз кинъёс шуо Монэ «Господи,Господи!» уз пырэлэ Инмысь Царствое,нош пырозы соос кинъёс быдэсто волязэ Мынысьтым Инмысь Атаелэсь.

²²Тросэз шуозы Мыным соку : Господи,Господи!Тынад нимыныд ми пророчествовать каримы,Тынад нимыныд бесъёсты улляльям,Тынад нимыныд трос чудоос лэсьтылим,Тынад нимыд мед данъяськоз шуыса.

²³Соку Мон соослы шуо : «Мон тӥледды ноку но уг тодиськы вал.Кошке Мон дорысь ,законэз тӥясьёс!

²⁴Соин ик кин кылзэ Мынэсьтым кылъёсме,но озьы ик лэсьты,визьнодо адями кадь,кудыз корка пуктиз йыг-йыг излэсь лэсьтэм фундамент вылэ.

²⁵Лек куазь зор но,ву тудӟен но,лек сильтол но ӧз куашкатэ со коркаез,малыке шуоно со пуктэмын вал йыг-йыг излэсь лэсьтэм фундамент вылэ.

²⁶Нош кин кылӥз Мынысьтым верамме ,но соя уг лэсьты, малпаськыны быгатисьтэм адями кадь,кудыз корказэ пуктиз луо вылэ:

²⁷лек куазь зорлы но,вутудӟенлы но,сильтӧллы но уз быгаты со корка пумит луыны,со куаӵкаку ,туж зол чаш кылиськоз.

²⁸Куке Иисус веранзэ быдэстӥз,калык паймиз Солэн дышетэмезлэсь,

²⁹малыке шуоно Солэн дышетэмез законоучительёслэн но фарисейёслэн кадь ӧвӧл,нош кузё муртлэн кадь.

Chapter 8

¹Гурезьысь Иисуслэн васькемез берэ, Со сьӧры мынизы туж трос калык.

²Одиг адями проказа висонэн курадӟе вал.Со Иисус доры лыктыса йыбырттӥз но шуиз : «Господи Тынад монэ эмъямед потӥз ке мон соку ик висемысь дугдо».

³Иисус киыныз йотскиз проказаен висись борды но шуиз: «Эмъяме потэ!»Со куспын ик проказаэз бырӥз со адями вылысь.

⁴Иисус солы шуиз: «Нокинлы но эн вера та учыр сярысь.Одно ик возьматскы священниклы, нош собере вай кузьымдэ, кызьы гожтэмын Моисейлэн Законаз, малыке шуоно юнматыса возьматоно калыкъёслы , тон эмъяськид шуыса».

⁵Куке Иисус вуиз Капернауме, Со доры лыктӥз римской армиысь сю солдатъёслэн командирзы но Солэсь юрттэт курыса

⁶шуиз: «Господи,мынам ляльчие парализовать каремын,со туж восьлэсь курадзыса кылле мыннам коркам.

⁷Солы Иисус шуиз: «Мон лыкто дорад но эмъяло сое.»

⁸Сю солдатъёслэн командирзы вераз: «Господи,мон не достоин Тон мынам коркаям мед лыктод шуыса.Тон кылдэ гинэ вера, со куспын ик мынам ляльчие эмъяськоз.

⁹Мон тодӥсько сое, малыке шуоно мон ачим кылскисько верамзэ аслам командирелэсь, ачим но командовать карисько солдатъёсыным.Куке мон шуисько одигезлы: «Мын!»-со кошке,нош мукетызлы: «Лык дорам!»-со лыктэ, яке шуисько ляльчиелы : «Лэсьты сое!»-со лэсьтэ.

¹⁰Иисус куке кылӥз солэсь верамэ,Со паймиз но шуэ калыклы кудъёсыз дораз вал: «Мон ӧй на адӟылы нокинлэсь но Израельын таӵе бадӟым оскон.

¹¹Верасько Мон тӥлед трос калык лыктозы шунды жужан но шунды пуксён палась но Инмысь Царствоын Авраамен,Исаакен но Иаковен ӵош луозы.

¹²Нош кинлы сётэмын вал Инмысь Царствое пырыны, келямын луозы пумтэм йылтэм пеймыт азе,отын соос бӧрдозы но пиньзэс чикыр йыръёзы вӧсьлэсь чидатэк».

¹³Иисус шуиз сю солдатъёслэн командирзылы: «Мын гуртад! Мед луоз тынад оскемедъя!» Со куспын ик солэн ляльчиез эмъяськиз.

¹⁴Куке Иисус лыктиз Пётырлэн корказ но адӟиз, вармумиз бадӟым температураен валесын кылле шуыса.

¹⁵Иисус кутскиз солэн кияз но соку ик жарез синиз.Со султӥз валесысьтыз но Иисуслы прислуживать карыны кутскиз.

¹⁶Ӝыт вуэм бэрэ, Иисус доры ваизы трос бесноватся кариськись адямиосты но Со улляльяз соос пучкысь лек духъёсты Аслаз кылыныз,но эмъялляз ваньзэ висисьёсты,

¹⁷мед ваньмыз быдэсмоз Кузё Инмарлэн пророк Исаия пыртӥ верам кылыз, кудыз шуиз : « Со ас вылаз басьтӥз асьмэлэсь быгатонтэммес но висёнъёсмес Ас вылаз нуиз".

¹⁸Ас котырысьтыз Иисус адӟиз трос калык но дышетскисьёсызлы косӥз мукет пал ярдуре выжыны.

¹⁹Соку Со доры лыктиз одиг книжник но шуиз:"Дышэтись! Кытчы Тон мынод, Мон Тон сьоры".

²⁰Иисус вера солы:"Ӟичыослэн вань улонни гуоссы, инмысь тылобурдоослэн карьёссы, нош Адямилэн Пиезлы нокытчы йырзэ поныны".

²¹Мукетыз Солэн дышетскисез шуэ Солы:"Мынам атае кулэмын но лэзь монэ нырысь сое ватыны".

²²Нош Иисус шуиз солы:"Мед кулэмьёс ватозы асьсэлэсь кулэмъёссэс, нош тон лык Сьӧрам".

²³Куке Со пуксиз лодкае,Со сьӧры дышетскисьёыз но пуксизы.

²⁴Соку море вылын потӥз туж лек тӧл,но ӝужыт тулкымъёс лодка пуӵкы пырыны кутскизы, нош Со изе.

²⁵Соку Солэн дышетскисьёсыз Со дары лыктӥзы но сайкатӥзы но шуо:"Господи уть милемды! Ми быриськом ни".

²⁶Но соослы Со вера:"Малы тӥ сыӵе кышкасесь, осконды тӥляд ӧжыт?"Собере султӥз но косӥз тулкымлы но тӧллы но дугдыны, соку ик чюс луиз мореын.

²⁷Калыкъёс паймизы но шуо:"Кин Со сыӵе,кудызлэсь тӧл но море но кылзиське?".

²⁸Куке Со морелэн мукет пал ярдураз потӥз Гергесинской шаерэ,Сое пумитазы кык бесноватся кариськись адямиос,кудъёсыз шӧйгу пещэраысь потӥзы, туж зол лекомынэсь вал соос, соин ик нокин но ӧз дӥсьтылы ветлыны со сюрэс кузя,

²⁹Соос ӧдъязы кесяськыны:"Иисус, Инмарлэн Пиез, мар Тыныд кулэ милесьтым? Тон дырызлэсь вазь лыктид татчы милемды курадӟытыны".

³⁰Кыдёкын сисько вал уллёен тросс парсьёс.

³¹Бессъёс курыны ӧдъязы Солэсь:"Тон улляд ке милемды та адямиос пуӵкысь, соку пырты милемды парсь уллёэ".

³²Со шуиз соослы:"Мынэлэ".Соку соос потӥзы со адямиосысь но пыризы парсьёс пуӵкы.Соку быдэс парсь уллё тэкчиськиз ӝужыт яр дурысь морее но ваньмыз выйизы вуэ.

³³Парсь возьмасьёс нош пегзизы.Соос мынӥзы городэ но ваньзэ веразы, мар луиз парсьёсын но бесноватся кариськись адямиосын но.

³⁴Соку ваньмыз городын улисьёс потӥзы Иисуслэн пумитаз.Сое адӟыса, куризы Солэсь та интыысь мед кошкоз шуыса.

Chapter 9

¹Соку Со, лодкае пуксӥз но, морелэн мукет палаз потӥз но лыктӥз Аслаз городаз.

²Но тани, Со доры ваизы валесэныз парализовать карем адямиез. Соослэсь осконзэс адӟыса Иисус парализовать карем адямилы шуиз : "Султы,пие! Тонэ Простить карисько тынад сьӧлыкъёсыдлэс".

³Соку куд-ог книга гожъясьёс малпазы: "Со богохульствовать каре".

⁴Иисус нош тодыса соослэсь малпанъёссэс шуиз: "Малы тӥ сюлэмады урод сярысь малпаськиськоды".

⁵Мар капчигес вераны: "Простить каремын луозы тыныд сьӧлыкъёсыд" яке :"Султы но мын"?

⁶Нош тӥ мед тододы Адямилэн Пиезлэн вань властез музъем вылын прощать карыны сьӧлыкъёсты, - вера парал изовать каремлы, - султы, басьты валескотырдэ но мын аслад дорад".

⁷Соку со султӥз, басьтӥз валескотырзэ но дораз кошкиз.

⁸Нош калык сое адӟыса, паймиз но данъяз Инмарез, адямиослы сыӵе власть сётэм шуыса.

⁹Отысь кошкыкуз, Иисус адӟиз адямиез кудызлэн нимыз Матфей, кудыз пуке вал налог октонни дорын, но вераз солы: "Лык мон сьӧры" со султӥз но Иисус сьӧры мынӥз.

¹⁰Куке Иисус кылле вал гуртаз, Со доры лыктылӥзы тросс калык, кудъёсыз пӧлын вал налог октӥсьёс но сьӧлыкен улӥсьёс, соос пуксьылӥзы Иисусэн но дышетскисьёсыныз ӵош.

¹¹Сое адӟыса фарисейёс шуизы Солэн дышетскисьёсызлы: "Малы тӥляд Дышетӥсьты сие-юэ налог октӥсьёсын но сьӧлыкын улӥсьёсын?".

¹²Иисус сое кылыса шуиз: " Тазалыко адямилы шат кулэ эмъясь, нош висисьэзлы кулэ,

¹³мынэлэ, дышетскелэ, мар шуэмын "жертвоприношениез кулэ уг кариськы, нош милостез кулэ карисько". Мон ӧй лыктӥ ӧтьны шонерлыко улӥсьёсты, нош сьӧлык лэсьтӥсъёсты покаятся кариськыны ӧтьыны лыктӥ ".

¹⁴Соку Со доры лыктӥзы Иоаннлэн дышетскисьёсыз но юало: "Малы ми но фарисейёс трос постится кариськиськом, нош Тынад дышетскисьёсыд постится уг карисько?".

¹⁵Но Иисус соослы шуиз: "Сюан дыръя эмеспилэн эшъёсыз куректо шат, куке соос дорын эмеспи? Нош вуоз дыр, куке соос дорысь басьтозы эмеспиез, соку соос постится кариськыны ӧдъяллзы.

¹⁶Нокин но вуж дӥсь вылэ уг кышья кышьет выль басмалэсь, малыке шуоно выль вуремез ишкалскоз вужез бордысь, соку пасез эшшо но бадӟымгес луоз. .

¹⁷Озьы ик выль винаез вуж ку пуйыосы уг поно, ку пуйыос кеськозы, вина кичкоз, ку пуйыос уз ни яралэ. Нош выль винаез поно выль ку пуйые, соку вина но ку пуйы но быдэс кылёзы".

¹⁸Соослы Со тае вераку, Со доры матэ лыктӥз одӥг синагогаысь кивалтӥсь, но Иисуслы йыбырттыса вераз: "Мынам нылы кулэ ини, лыкты но пон кидэ Аслысьтыд со вылэ, соку нылы мынам улэп кылёз".

¹⁹Султыса, Иисус со сьӧры мынӥз, дышетскисьёсыныз ӵош,

²⁰Но тани, дас кык ар ӵоже вир кошконэн курадӟись кышномурт, бэрысеныз матэ лыктыса, Солэн дӥсезлэн сӧзы бордаз кутӥськиз,

²¹малыке шуоно со малпаз вал: "Солэн дӥсь бордаз кутски-ке со куспын ик - висемысь дугдо".

²²Иисус нош, берытскыса сое адӟиз но шуиз: "Нылы, сэзь кариськы! Тынад осконэд спасти кариз тонэ". Кышномуртлэн соку ик вирыз кошкемысь дугдӥз.

²³Куке Иисус лыктӥз начальниклэн корказ, адӟиз похоронной гуръёс шулан гумыен шуласьёсты но куалектэм адямиосты.

²⁴шуиз соослы : "Потэ татысь, ныл кулэмын ӧвол, со изе гинэ".Нош калык серекъяз гинэ Сое.

²⁵Куке калыкез уллязы, Иисус пырӥз но басьтӥз ныллэсь кизэ, соиз соку ик султӥз.

²⁶ Со сярысь ивор вӧлмиз быдэс со ёросэ..

²⁷Иисус отысь кошкыкуз, Со сьӧры улляськизы кык синтэмъёс кесяськыса: "Иисус, Давидлэн пие, жаля милемды!".

²⁸Куке Со пыриз корка, синтэмъёс дораз матэ лыктӥзы. Соослы Со вераз: "Оскиськоды-а, Мон быгато лэсьтыны, синъёсты мед адзёзы шуыса?". Соос шуизы Солы: "Бен, Господинмы!".

²⁹Иисус соку йотскылиз соослэн синъёссы борды но шуӥз: "Тиляд оскемдыя мед луоз тӥлед".

³⁰Соослэн синъёссы адӟыны ӧдъязы. Иисус, юн алыса шуиз соослы: "Учке, нокин но медаз тоды".

³¹Нош соос кошкизы но маӵкиз Иисус сярысь быдэс ёрослы.

³²Куке соос кошко вал, Иисус доры ваизы вераськыны быгатӥсьтэм, бесноватся кариськись адямиез.

³³Куке нечистый дух уллямын вал бесноватся кариськись адямиысь, немой соку ик вераськыны ӧдъяз.

³⁴Нош соку фарисейёс шуизы: " Со улля бесъёсты, бесъёслэн кузёзылэн властеныз".

³⁵Иисус ветлӥз гуртъёстӥ но городъёстӥ, дышетыса соосты синагогаосын, проповедовать карыса Царстволэсь Евангелиезэ, исцелять карыса калыклэсь вань висёнзэс но быгатымтэзэс..

³⁶Адӟыса тросс калыкъёсты, Солы жаль соос потӥзы, малыке шуоно соос катьтэммылэмын но пазьгиськемын вал, пудовозьмасьтэк ыжъёс музэн.

³⁷Соку Со вераз дышетскисьёсызлы: "Аран трос. нош арасьёс ӧжыт.

³⁸Соин ик вӧсяське аранлэн Кузёэзлы, мед келялоз арасьёссэ Аслаз араназ".

Chapter 10

¹ Иисус быръйиз дас кык дышетскись Аслыз, сётӥз соослы кужым лек пож духъёсты вормыны, соосты улляны но котькыӵе висёнлэсь, быгатонтэмъёслэсь каттяны

² Апостолъёслэн нимъёссы вал сыӵеесь: нырысетӥез Симон сое нималлязы Пётр, Андрей - солэн выныз, кык вынъёс Иаков но Иоанн Завдеевъёс.

³Филипп но Варфоломе, Фома но Матфей - налог люкась, Иаков, Алфейлэн пиез но Левий кудзэ нималлязы Фаддей.

⁴Симон Кананит но Иуда Искариот, кудыз вузаз Сое.

⁵ Та дас кык дышетскисьёссэ Иисус келяз но вераз: "Самаритянской каръёсы но мукет калыкъёслэн сюрэсъёстӥзы эн ветлэ,

⁶азьло ик мынэлэ бырыны кутскем Израильысь ыжъёс доры.

⁷Инмысь Царство туж матын нӥ шуыса вераса ветлэ.

⁸Висисьёсты катьтялэ, кулэмъёсты улэп каре, прокажённойёсты дунматэлэ, бесъёсты уллялэ. Дунтэк Мон тӥлед сётӥ, озьы - ик тӥ но дунтэк сётэлэ.

⁹Сьӧрады, кускерттонады номыре но эн басьтэ зарни но, азвесь но, ыргон но,

¹⁰сюрес вылэ пуйы но, воштӥськон дӥськут но, боды но эн басьтэ. Инмарлэсь ужзэ быдэстӥсь адями ноку но уз кулэяськы, кӧтыз но пыр тыр луоз.

¹¹Котькыӵе городэ но гуртэ пыриды-ке юалляське, кин сылымон отын, тодӥды ке отын улэ кошкытозяды.

¹²Корка пырыкуды, ӟечбуръяськыкуды вералэ: "Тупаса улон та коркалы".

¹³Корка улӥсьёс сылымонэсь ке, тӥляд тупаса улонды соослы кылёз, нош ӧвӧл ке, тӥ доры берытскоз.

¹⁴Нош тӥледды кинке дораз ӧз ке лэзьы, ӧз ке но кылзӥськы, соку кошкыкуды со коркась но городысь, куртке тузонзэ пыдкутысьтыды.

¹⁵Зэм Мон верасько : Судной нуналэ та городлы уродгес луоз, Содом но Гоморра городъёслэсь.

¹⁶Мон тӥледды келясько ыжъёсты киёнъёс полы кадь, кый кадь визьмо кариське, но дыдык кадь простоесь луэ.

¹⁷Сак луэ сыӵе калыклэсь, кудъёсыз тӥледды кутыса судилище нуозы, но жугозы синагогаын.

¹⁸Мынам нимы понна тӥледды нуозы кивалтӥсьёс но царьёс доры, мед тӥ вералоды шуыса соослы но язычникъёслы Мон сярысь.

¹⁹Соос кие сётыкузы, тӥ эн сюлмаське, мар тӥлед вераны соослы. Малыке шуоно тӥлед соку дыръя сётэмын луоз мар вераны,

²⁰Инмысь Атайдылэн Святой Духэз тӥ понна вералоз.

²¹Вын - вынзэ, атай - пизэ виыны сётоз. Нылпиос но анай-атайёссы вылэ пумит султозы но соосты виёзы.

²²Мынам нимы понна адӟемпотостэм карозы тӥледды вань калыкъёс. Нош кин пумозяз чидалоз утиськоз.

²³Куке уллялозы тӥледды одиг городысь, пегӟе мукетаз, Израельлэсь городъёссэ котыр ортчыса уд вуэ, кызьы Адями Пи лыктоз.

²⁴Дышетскись бадӟымгес ӧвӧл дышетӥсьезлэсь, нош ляльчи кузёэзлэсь.

²⁵Тырмыт дышетскисьлы, со мед луоз дышетӥсез кадь, ляльчи - кузёэз кадь, Корка кузёэз шуизы ке Веельзевул, коркан улӥсьёссэ но озьы уз шуэ шат?

²⁶Озьы бере, эн кышкалэ соослэсь, уго номыр но ӧвӧл мае ватыны луоз, мар шарае уз поты, лушкем маке - тодымтэ уз луы

²⁷Мае тӥледлы пеймытын верасько, югыт азьын вералэ. Нош мае пеляды шыпыртӥсько, проповедовать каре корка липетъёс вылын.

²⁸Эн кышкалэ соослэсь, кинъёс мугорэз виыны быгато, нош лулэз виыны уг быгато, нош туж зол кышкалэ солэсь кин лулэз но мугорэз но геенаын быдтыны быгатэ.

²⁹Кык пичи тылобурдоосты уг-а вузало одӥг ассариен? Одӥгез но уз усь музъем вылэ тӥляд Инмысь Атайдылэн воляезтэк.

³⁰Нош тӥляд йырсиосты йырады лыдъямын.

³¹Эн кышкалэ, тӥ ӟечгес трос пичи тылобурдоослэсь.

³²Озьы бере, котькудзэ, кин Монэ тодэмзэ возьматоз калык азьын, сое тодэмме Мон но верало Инмысь Атае азьын,

³³нош кин Монэ тодӥсьтэм кариськоз калык азьын, соку Мон солэсь Инмысь Атае азьын куштӥсько.

³⁴Эн малпалэ, Мон лыктӥ вайыны тупаса улон дуннее вылэ. Тупаса улон вайыны мон ӧй лыкты. нош ожмаськон пурт.

³⁵Уго Мон лыктӥ висъяны адямиез атаеныз, нылэз - анаеныз, кэнэз - картэзлэн анаеныз,

³⁶адямилэн тушмонъёсыз - солэн семья пушказ.

³⁷Кин яратэ атайзэ яке анайзэ Монэ сярысь троссгес, уг сылы Монэ. Кин яратэ пизэ яке нылзэ Монэ сярысь троссгес, уг сылы Монэ.

³⁸Кин уг басьты аслэсьтыз кироссэ но мынэ Мон сьӧры. со уг сылы Монэ.

³⁹Кин лулзэ аслэсьтыз утьыса улоз - ыштоз сое, нош кин Мон понна ыштоз лулзэ - утёз сое.

⁴⁰Кин дораз лэзёз тӥледды, Монэ дораз лэзёз, кин Монэ дораз лэзёз, дораз лэзёз - Монэ Келясез.

⁴¹Кин принять каре пророкез пророклэн нимыз понна, пророклэсь данъян кузьымзэ басьтоз,Кин принять каре проповедникез проповедниклэн нимыз понна. проповедниклэсь данъян кузьымзэ басьтоз.

⁴²Нош кин та покчиос пӧлысь одӥгзэ, дышетскисьлэн нимыз понна, одиг кружка гинэ кезьыт вуэн сектаз ке но, зэм но верасько тӥледлы, аслэсьтыз дуно кузьымзэ уз ышты.

Chapter 11

¹Куке Иисус дугдӥз дышетыны Аслэсьтыз дас кык дышетскисьёссэ. соку мынӥз отысь дышетыны но проповедовать карыны соослэн городъёсазы.

²Иоанн, тюрьмаын кылӥз Христослэн ужъёсыз сярысь но келяз аслэсьтыз кык дышетскисьёссэ

³вераны Солы: "Тон а Со, Кудыз кулэ лыктыны, яке милем витёно мукетсэ?".

⁴Иисус соослы вераз: "Мынэлэ, вералэ Иоанлы, мае кылӥськоды но адӟиськоды:

⁵синтэмъёс - адӟё, чутъёс - ветло. прокажённойёс - сюзясько, кылӥсьтэмъёс - кыло, кулэмъёс - сайкало, начаръёс - благовествовать каро.

⁶Шудо со адями кин Мон понна уз ӵемты.

⁷Куке соос мынӥзы, Иисус ӧдъз калыклы вераны Иоанн сярысь: "Мар учкыны ветлӥды тӥ пустыняе?Тросникез шат, кудзэ тӧл шона?

⁸Мае бен учкыны ветлӥды тӥ? Адямиез шат, кудыз небыт дӥсен дӥсяськемын? Небыт дӥсь нуллӥсьёс царьлэн дворецёсаз уло.

⁹Мае бен учкыны вэтлӥды тӥ? Пророкез - а? Озьы, верасько тӥлед, пророклэсь но бадӟымгес,

¹⁰малыке шуоно со - кудыз сярысь гожтэмын: "Тани, Мон келясько Аслэсьтым ангелме Тынад ымныр азяд, Кудыз дасялоз Тынэсьтыд сюрэстэ Тон азьын".

¹¹Шонер верасько тӥлед: " Кышномуртъёслэсь вордскем пӧлысь Крестить карись Иоанлэсь бадӟымгес ӧй на вал, нош Инмысь Царствоысь пичиез - солэсь бадӟымгес.

¹²Крестить карись Иоанн дырысен али дырозь Инмысь Царство кужымен басьтӥське, кужым поныса тыршисьёс сое басьто.

¹³малыке шуоно вань пророкъёс но закон Иоанн дырозь азьпалэз ивортӥзы.

¹⁴Принять каремды потэ ке, со вань Илия, кудыз лыктыны кулэ вал,

¹⁵Кинлэн кылыны пельыз вань, мед кылоз!

¹⁶Та поколениез кинэн ӵошатом? Со нылпиослы тупа, кудъёсыз ульчаын пуко но асьсэлэн эшъёссылы

¹⁷верало: " Ми тӥледлы шулан гумыен шудӥмы, нош тӥ ӧд эктэ, ми тӥледлы ӝож кырӟянъёс кырӟямы, нош тӥ ӧд бӧрдэ".

¹⁸Малыке шуоно Иоанн лыктӥз но уг но сиы уг но юы, но верало: " Со пуӵкын бэс".

¹⁹Лыктӥз адями Пи, сие но юэ, но верало : " Тани адями, кудыз яратэ сиыны но вина юыны, налог октӥсьёслэн но сьӧлыкен улӥсьёслэн эшсы". Визьмолуон солэн пиналъёсыныз шонерэ поттэмын" .

²⁰Соку Со ӧдъяз пыкылыны городъёсты, кудъёсаз тужгес но зол Солэн паймымон кужымез возьматэмын вал, малыке шуоно соос покаятся ӧз кариське шуыса.

²¹" Куректон тыныд, Хоразин! Куректон тыныд, Вифсадия! Малыкке шуоно Тираын но Сидонын паймымон кужым возьматэмын луысал ке, тӥ дорын кадь, соос кемалась покаятся кариськысалзы ни йыр вылазы пень пызьнаса но вылазы лазъяса чурыт дэралэсь вурэм дӥсь ,

²²верасько мон, тӥлед секытгес луоз, суд нуналэ, Тира но Сидон городъёслэсь.

²³Тон но Капернаум, инмозь ӝутскыса, адозь усёд, малыке шуоно Содомын паймымон кужым возьматэмын луысал ке , со ӧй бырысал.

²⁴Нош верасько, тӥлед суд нуналэ секытгес луоз, Содом городлэсь".

²⁵Соку Иисус вераз: "Данъясько Тонэ, Атай - музъемлэн но инлэн Кузёез, малыке шуоно Тон ватӥд визьмоослэсь но валасьёслэсь нош усьтӥд покчиослы.

²⁶Бен, атай! Сыӵе вал Тынад мылкыдыд.

²⁷Ваньмыз сётэмын Мыным Атаеным. Нокин но уг тоды Пизэ, Атаез сяна. Атайзэ но уг тоды нокин но, Пиез сяна.

²⁸Лыктэ Мон доры, ваньмыз секыт ужасьёс но секыт ныпъёт нуллӥсьёс, но Мон тӥледды буйгато.

²⁹Басьтэ Мынысьтым сиесме вылады но дышетск Мынысьтым, малыке шуоно Мынам сюлэмы зибыт но востэм,

³⁰малыке шуоно Мынам сиесэ - ӟеч, нош Мынам секыт ныпъетэ - капчи.

Chapter 12

¹Суббота нуналэ Иисус ортӵе вал кизем ю-бусыос дортӥ. Солэн дышетскисьёсызлэн туж зол котсы сюмам но соо шепъёсты иӵкыса сиыны ӧдъяллям.

²Фарисейёс, сое адӟыса, Солы пыкылыса шуизы: " Тынад дышетскисьёсыд лэсьто сыӵе ужъёс, кудзэ субботае лэсьтыны уг яра".

³Со шуиз соослы: " Тӥ ӧд шат лыдӟе, мар лэсьтӥз Давид но солэн эшъёсыз, куке котсы сюмаз?

⁴Со пыриз Инмарлэн корказ но сииз нянез, кудзэ сиыны уг яра вал солы но солэн эшъёсызлы но. Священникъёслы гинэ яра вал сиыны нянез.

⁵Яке ӧд лыдӟе Законэз, священникъёс Храмын субботае уг быдэсто "Субботаез", нош янгыш уг лэсьто?

⁶Нош верасько тӥлед, татын марке но бадӟымгес Храмлэсь.

⁷Тодысалды ке тӥ, мар со сыӵе: "Милостьтэс витиско, нош жертвоприношениедэс уг",, соку ӧй судьясалды янгыш лэсьтымтэосты.

⁸Адямилэн пиез луэ " Субботалэн" кузёэз.

⁹Отысь кошкыса, Со пырӥз синагогае.

¹⁰Но тӥни, отын куасьмем киын адями вал.Но Иисусэз янгыше уськытон понна, юазы Солэсь: "Яра-а каттяны субботае?".

¹¹Со шуиз соослы: "Тӥляд одиг гинэ ке ыжды но соиз но ке усиз гуэ, уд шат поттэ сое отысь субботае?

¹²Нош кӧнялы адями ӟечгес ыжлэсь! Соин ик ӟеч уж субботае лэсьтыны яра".

¹³Соку вераз со адямилы: "Вай кидэ".Со сётӥз кизэ но киыз тупатскиз, луиз мукетыз кадь.

¹⁴Нош фарисейёс, потыса, кенешешизы Со пумитэ - кызьы ке но Сое быдтыны. Нош Иисус сое тодыса отысь кошкиз.

¹⁵Со сьӧры мынизы тросс калык, Со каттяляз соосты ваньзэсты

¹⁶но ӧз лэзьы соосты Сое тодмо карыны,

¹⁷мед быдэсмоз шуыса верамез Кузё Инмарлэн Исаия пророк пыртӥ, кудыз вера:

¹⁸"Тани Егит Пие Мынам, Кудзэ Мон быръи. Яратоное Мынам, Кудыз кельше Мынам лулылы. Сёто духме Со вылэ, но Со ялоз калыклы судлэсь решениезэ.

¹⁹Уз вожвылъяськы. Уз кесяськы.Нокин но уз кылы Солэсь ульчаын куаразэ.

²⁰Чигем тростникез но уз тӥялты, гыбдась етӥнэз но уз кысы, судлэн шонерлыкез вормытозь,

²¹но Солэн нимызлы калыкъёс оскыса улозы".

²²Соку Со доры ваизы бесноватся кариськись адямиез, кудыз вал глухонемой. Иисус сое каттяз но глухонемойлэн пельыз но кылыны, синмыз но адӟыны ӧдъяз.

²³ Паймиз вань калык но вераз: "Та ӧвӧл-а - Христос, Давидлэн пиез? "

²⁴Фарисейёс нош сое кылыса, шуизы: "Со улля бесъёсты, Веельзевуллэн, бесъёслэн кузёзылэн кужымэныз гинэ".

²⁵Нош Иисус, тодыса соослэсь малпанъёссэс, шуиз соослы: "Котькыӵе царство кудыз куаӵкатэ ассэ, буш кылёз. Озьы ик котькыӵе город яке корка кудыз куӵкатэ ассэ, сылыны уз быгаты.

²⁶Нош сатана сатанаез улля ке, соку со ачиз ассэ куаӵкатэ. Кызьы нош солэн царствоез сылыны быгатоз?

²⁷Нош Мон Веельзевулэн кужыменыз ке уллясько бесъёсты, соку тӥляд пиосты кыӵе кужымен улляло? Соин соос тӥледлы судьяос луозы.

²⁸Нош Мон Инмарлэн Духеныз ке уллясько бесъёсты, соку тӥ доры Инмарлэн Царствоез вуиз.

²⁹Яке, кызьы кин ке пыроз кужмолэн улоннияз, но луӵкалоз солэсь корка-котырзэ, азьло кужмоез ӧз ке думылы? Нош думылэмез бере гинэ быгатоз луӵканы корка-котырзэ.

³⁰Монэным кин ӧвӧл, со Мон пумитэ. Кин Монэным уг люка, со пазяса быдтэ.

³¹Соин ик верасько тӥлед: "Котькыӵе сьӧлык но хула простить каремын луоз калыклы, нош хула Духлы простить каремын уз луы калыклы.

³²Кин Адямилэн Пиез вылэ кыл вералоз, солы простить каремын луоз, нош кин Святой Дух вылэ вералоз, солы таяз даурын но, вуноаз но простить каремын уз луы.

³³Яке лыдъяськоды писпуэз ӟечен, соку солэн емышъёсыз но ӟечесь. Яке лыдъяськоды писпуэз уродэн, соку солэн емышъёсыз но уродэсь. Малыке шуон котькыӵе писпуез емышезъя тодманы луэ.

³⁴Кенӟяли выжыос! Кызьы тӥ ӟечез вераны быгатӥськоды, куке тӥ лекесь? Уго маин тырмемын сюлэм, соин ик со вераське.

³⁵Ӟеч адями ӟеч шыкысысьтыз поттэ ӟечсэ, нош урод адями урод шикысысьтыз поттэ уродзэ.

³⁶Верасько Мон тӥлед котькуд юнме кыл понна, кудзэ вералозы калык, суд нуналэ кыл кутозы.

³⁷Малыке шуоно аслаз кылъёсызя адями шонерэ поттэмын яке судить каремын луоз".

³⁸Соку куд ог книжникъёс но фарисейёс шуизы: " Дышэтӥсь! Адӟеммы потэ вал Тынысьтыд знамениедэ".

³⁹Нош Со пумитазы вераз: " Урод но азэм поколениос утчаськоды знамение, знамение сётэмын уз луы тӥлед, Иона пророклэн знамениез сяна.

⁴⁰Уго, кызьы Иона вал кит пуӵкын куинь нунал но куинь уй, озьы ик Адямилэн Пиез но луоз музъемлэн сюлэмаз куинь нунал но куинь уй.

⁴¹Неневияын улэмъёс султозы та поколениелы пумит судын но соосты янгыше уськытозы, малыке шуоно соос покаятся кариськизы Ионалэн проповедезлэсь. Нош татын Кинке, Кин быдӟымгес Ионалэсь.

⁴²Лымшорысь нылкышно царь та поколениелы судын пумит султоз но янгыше уськытоз, малыке шуоно со лыктылӥз кыдёкысь шаерысь кылскыны Соломонлэсь вйзьмо верамзэ. Нош татын Кинке, Кин Соломонлэсь быдӟымгес.

⁴³Куке нечистой дух потэ адямиысь, со ветлэ вутэм интыостӥ, утчаса каньыл улон, но уг шедьты.

⁴⁴Соку вера: "Берто аслам коркам, кытысь мон потӥ". Лыктэ но адӟе, нокин но уг улы, отын ӵужемын но утялтэмын.

⁴⁵Соку мынэ но басьтэ сьӧраз сизьым мукет духъёсты, кудъёсыз солэсь но лекесь.Пыро но уло отын.

⁴⁶Ку нош Со калыклы вера вал, Солэн анаез но вынъёсыз Соин вераськемзы потэ вал нош соос коркалэн педпалаз сыло вал.

⁴⁷Соку кинке вераз Солы:"Тани, Тынад анаед но вынъёсыд сыло педлон, Тонэныд вераськыны потэмзы потыса".

⁴⁸Нош Со вераз пумитаз:"Кин Мынам анае? Но кинъёс Мынам вынъёсы?"

⁴⁹Ас киыныз Аслаз дышетскисьёсыз шоры возьматӥз но шуиз:"Тани Мынам анае но вынъёсы Мынам.

⁵⁰Малыке шуоно кин Мынам Инмысь Атаелэсь куронзэ быдэсялоз, со Мыным вын но сузэр но анай но".

Chapter 13

¹Со нуналэ Иисус коркасьтыз потӥз но, пуксиз море дуре.

²Лэкаськиз Со доры туж тросс калык, соин ик Со пуксиз лодкае, нош вань калык яр дурын сылыса кылиз.

³Но дышетӥз соосты тросс притчаос вераса:"Тани, потӥз кизись кизьыны.

⁴Со одӥгзэ кидыссэ кизиз сюрэс дуре, тылобурдоос лыктӥзы но кокчазы сое.

⁵Мукетсэ кизиз изо интые, кытын вал ӧжыт сюез, отын со ӝог потӥз, малыке шуоно музъёмез мур ой вал.

⁶Нош куке шунды ӝужаз - шуяз. Малыке шуоно выжыез ой вал но куасьмиз.

⁷Мукетсэ кизиз жаг турын пӧлы, жаг будӥз но ӵоксаз сое.

⁸Мукетсэ кизиз ӟеч музъеме со будӥз но сётӥз емыш. Одигез сю пол, мукетыз куатьтон, куинетӥез куамын пол.

⁹Кинлэн вань пельыз, мед кылоз!

¹⁰Дышетскисьёсыз Со доры лыктӥзы, но юазы:"Малы Тон притчаосын миленым вераськиськод".

¹¹Со шуиз соослы пумитазы:"Малыке шуоно тӥлед сётэмын тодыны Инмысь Царстволэсь лушкемлыксэ, нош соослы ӧвӧл.

¹²Соин ик кинлэн вань, солы сётэмын луоз на, нош кинлэн ӧвӧл солэсь ӧвӧлзэ но таласа басьтозы.

¹³ Соин ик верасько соослы притчаосын, малыке шуоно соос учко но уг адӟё, кылско но уг но кыло уг но валало.

¹⁴Исаия пророклэн соос сярысь верамез быдэсме, кудыз вера:" Пельыныды кылоды - но уд валалэ, синмыныды учкоды - но уд адӟе.

¹⁵Малыке шуоно чурытомемын сюлэмыз та калыклэн, пельынызы секытэн кыло, синзы но кынемын. Соин ик уз адӟе синмынызы, уз кылэ пельынызы, уз но валалэ сюлэменызы. Соин ик уз лыктэ Мон доры, соосты Мон мед каттяло шуыса.

¹⁶Шудоесь тӥ, малыке шуоно тӥляд синъёсты адӟе но пелъёсты кыло.

¹⁷Соин ик шонер верасько тӥлед, тросэзлэн пророкъёслэн но шонер лэсьтисьёсъёслэн адӟемзы потэ вал сое, мае тӥ адӟиськоды, нош соос ӧз адӟе, кылыны сое, мае тӥ кылиськоды, нош соос ӧз кылэ,

¹⁸Тӥ бен кылске кизись сярысь притчалэсь пуштроссэ.

¹⁹Котькудызлы, кин кылэ Царство сярысь веранэз но уг вала сое, лыктэ лукавый но луӵка киземзэ солэн сюлэмаз - тини мар сярысь вера сюрес дуре кизем,

²⁰Нош киземез изо интые, возьматэ сыӵе адямиез, кудыз кылэ верамез но шумпотыса ик басьтэ сое,

²¹нош выжы ӧз лэзьы верам кылэ, озьы ик малпанъёсыз но вошьяськисьэсь : куке вуо куректонъёс но ӧдъяло уллянъёс Инмарлэн кылыз понна, со ӵемтэ но усе.

²²Нош киземзэ жаг пӧлы, возьматэ со вылэ, кин кылӥз верамез нош та дуннелэн малпаськонъёсыз но пӧяськон узырлык ӵоксало Инмарлэсь кылзэ но солэн пайдаез уг луы.

²³Киземез ӟеч музъем вылэ, возьматэ сыӵе адямиез, кин кылэ верамез но вала сое, но сётэ емышсэ, кудыз сю пол, мукетыз куатьтон пол, мукетыз куамын пол.

²⁴Мукетсэ притча Со ӵектӥз соослы,вераса:"Инмысь Царство адями кадь, кудыз кизиз аслаз бусыяз ӟеч кидыс.

²⁵Куке калык изё вал лыктӥз тушмон но кизиз чабей пӧлы жаг турын кидыс но кошкиз.

²⁶Куке вожектӥз бусыез но адӟиськиз емышез, соку потӥз жаг турынэз но.

²⁷Лыктыса, ляльчиосыз корка кузёлэн шуизы :" Господин! Ӟеч кидыс тон ӧд-а кизьы бусыяд, нош кытысь татын жаг турын?"

²⁸Нош со шуиз соослы:"Адямилэн тушмонэз лэсьтӥз озьы". Ляльчиосыз шуизы солы:"Кулэ ке ми мыном но иӵком жаг турынэз?"

²⁹Нош со шуиз:"Кулэ ӧвӧл - жагзэ иӵкыкуды чабейзэ но соин ӵош медаз изъянтэ,

³⁰кельтэ будыны ӵошен сойзэ но тайзэ но аран дырозь.Но аран дырья мон верало арасьёслы:" Висъялэ нырысь жаг турынзэ, но кертылэ сое керттэтъёсы, бӧрысь тылын сутон понна, нош чабейзэ понэ мынам кеносъёсам.

³¹Со эшшо одиг притча ӵектэм на, вераса:" Инмысь Царство горчица кидыс кадь, кудзэ адями кутскиз но кизиз аслаз бусыяз,

³²кудыз, вань кидысъёслэсь пичи ке но, нош куке будэ, луэ бадӟымгес котькуд турын будосёслэсь но писпу кадь луэ, озьыен лобась тылобурдоос пуксё солэн вайёсыз вылэ но, куарёсыз улэ ватско".

³³Мукет притча вераз но Со соослы:" Инмысь Царство чырсатон шӧмлы тупа, кудзэ кышномурт басьтыса, ваньмыз чырсаса вуытчозь, куинь мертэт пызе понэм"

³⁴Ваньзэ тае Иисус вералляз калыклы притчаосын, притчаостэк соослы ӧз вералля,

³⁵мед быдэсмоз Кузё Инмарлэн пророк пыртӥ гожтэмез, кудыз вера:"Вероло притчаосын но возьмато, дунне кылдон дырысен ватэмзэ".

³⁶Соку Иисус калыксэ лэзиз но Ачиз корка пыриз. Солэс дышетскисьёсыз дораз лыктыса, юазы :" Валэкты милем бусыысь жаг турын сярысь притчадэ".

³⁷Со вераз соослы :" Ӟеч кидыс кизись - со Адямилэн Пиез.

³⁸Бусы - со дунне. Ӟеч кидыс - Царстволэн пиосыз, нош жаг турын - лукавыйлэн пиосыз.

³⁹Тушмон, кудыз кизиз соосты, - со дьявол. Аран дыр - дуннелэн бырон дырыз, арасьёс - ангелъёс.

⁴⁰Соин ик кызьы люкало жаг турынэз но тылын суто. озьы ик луоз дунне бырон дыръя.

⁴¹Адямилэн Пиез келялоз Аслысьтыз ангелъёссэ, соос Солэн Царствоысьтыз люкалоз ваньзэсты кинъс бичато мукетъёсэ сьӧлык лэсьтыны, но ваньзэсты, кинъёс законлы пумит султо,

⁴²но куштозы соосты ӝуась гурэ. Отын соос бӧрдозы но пиньзэс ваче пумит йыръёзы.

⁴³Соку шонер лэсьтӥсьёз пальпотозы, шунды кадь, соослэн Атайзылэн Царствояз. Кинлэн пельыз кылэ, мед кылскоз!.

⁴⁴Инмысь Царство узырлык кадь на, кудыз ватэмын вал бусыын. Кудзэ адями шедьтӥз но нокинлы но ӧз вера. Со шумпотэменыз, ваньзэ маиз солэн вал вузаз но басьтӥз со бусыез.

⁴⁵Озьы ик Инмысь Царство вузкарись кадь, кудыз утча дуно жемчужинаос,

⁴⁶кудыз шэдьтӥз одиг дуно жемчужина но вузаса, аслэсьтыз ваньзэ ваньбурзэ - басьтӥз сое.

⁴⁷Озьы ик Инмысь Царствоез ӵошатыны луэ сетен, кудыз салемын вал морее, но кудаз пыриз трос портэм чёрыг.

⁴⁸Куке сетьёс тырмизы чёрыгёсын сое кыскыса поттӥзы яр дурэ. Пуксизы но быръйизы : зечсэ чёрыгез понӥзы посудаосы, нош уродзэ палэнэгес куштизы.

⁴⁹Озьы ик луоз дуннелэн бырон дыръяз : потозы ангелъёс но висъялозы сьолыкын улисьёсты шонерлыко улисьёслэсь,

⁵⁰но куштозы соосты жуась гурэ: отын соос бӧрдозы но пиньзэс ваче пумит йыръёзы".

⁵¹Но юаз соослэсь Иисус:"Валады-а тӥ ваньзэ тае!" Соос веразы:"Бен Госполин!"

⁵²Со нош вераз соослы:"Соин ик котькуд книжник, кудыз валаз Инмысь Царствоез, со кузё кадь, кудыз поттылэ кэносысьтыз выльзэ но вужзэ но".

⁵³Иисус дугдӥз веранзэ та притчаосты но кошкиз отысь

⁵⁴но лыктиз Аслаз вордӥськем городаз. Отын Со соосты дышетӥз синагогаын, калык паймылиз но юалляз :" Кытысь Солэн сыӵе визьмыз но кужмыз?

⁵⁵Ӧвӧл - а Со плотниклэн пиез? Солэн анаезлэн нимыз Мария ӧвӧл - а? Иаков но Иосий, Симон но Иуда Солэн вынъёсыз ӧвӧл - а?

⁵⁶Солэн ваньмыз сузэръёсыз ми пӧлын ӧвӧл шат? Нош кытысь Солэн ваньмыз со?"

⁵⁷Чемтылӥзы Со сярысь. Иисус нош шуиз соослы:" Уг лу пророк без чести, аслоз будэм городаз на аслаз будэм корказ сяна".

⁵⁸Соослэн осконтэменызы сэрен, Со ӧз лэсьты отын тросс чудоос.

Chapter 14

¹Со дыре ньылетӥкузёяськись Ирод тодӥз Иисус сярысь ивор.

²Но шуиз аслаз ляльчиосызлы:" Со Крестить карись Иоанн, кудыз кулэмысь лулӟем, соин со лэсьтэ чудоос".

³Уго Ирод, Иоаннэз кутэм но керттылыса тюрмае пытсам Иродиана понна, Филипп вынызлэн кышноез понна,

⁴малыке шуоно Иоанн вералляз солы:" Уг яра тыныд соин ӵош кӧланы".

⁵Иоаннэз виемез потэ вал, но калыклэсь кышка вал, малыке шуоно сое лыдъяло вал пророк шуыса.

⁶Иродлэн вордӥськем нуналзэ пусъён дырья Иродианалэн нылыз эктӥз куноос азьын но кельшиз Иродлы.

⁷Соин ик со кылзэ сётӥз солы сётыны ваньзэ, мае уз куры.

⁸Нош со, анаезлэн дышетэмезъя, шуиз :"Вае мыным татчы тэркые поныса Крестить карись Иоаннлэсь йырзэ.

⁹Соку царь ӝожомиз, нош, кыл сётэмез понна но куноосыз понна, кудъёсыз пуко вал вӧзаз, косӥз вайыны солы куремзэ.

¹⁰Но келяз тюрьмае ӵогыны Иоаннлэсь йырзэ.

¹¹Иоаннлэсь йырзэ ваизы тэркыын но сётӥзы ныллы, нош со аслаз анаезлы нуиз.

¹²Нош солэн дышетскисьёсыз лыктыса басьтӥзы солэсь мугорзэ но ватӥзы. Собере мынӥзы но Иисуслы ивортӥзы.

¹³Иисус, сое кылыса, огняз кошкиз отысь лодкае пуксьыса пустыняе. Нош калык, сое кылыса, мынӥзы Со сьӧры городъёсысь пыдын.

¹⁴Иисус лодкаысь потӥз но адӟиз тросс калыкъёсты, Солы соос жаль потӥзы но висисьёсты катьялляз.

¹⁵Ӝыт вуэм берэ, Солэн дышетскисьёсыз Со доры матэ лыктӥзы но веразы:"Кыр инты татын, дыр но бер ини. Лэзь калыкез, мед соос ветлозы гуртъёсы но басьтозы асьсэлы сион".

¹⁶Нош Иисус шуиз соослы:" Нокытчы но ӧвӧл вэтлоно. Тӥ сётэ соослы сион".

¹⁷Нош соос Солы верало:" Мылям татын вить няньмы но кык чёрыгмы гинэ".

¹⁸Со шуиз:" Вае соосты Мыным татчы",

¹⁹Но Со косӥз калыклы пуксьны турын вылэ. Басьтӥз вить нянез но кык чёрыгез, учкиз инме но благославить кариз.Тӥялтӥз, сётӥз дышетскисьёсызлы,нош дышетскисьёсыз - калыклы.

²⁰Ваньмыз сиизы но кӧтсы тырӥз.Нош кылем юдэсъёсты люказы на дас кык тыр куды.

²¹Ваньмыз сиисез вал вить сюрс адями пала, нылкышноос но нылпиос сяна.

²²Иисус соку ик кужмысь косӥз дышетскисьёссэ пуксьны лодкае но Солэсь азьло мукут палаз выжыны, Со калыкез лэзьытозь.

²³Нош калыкез лэзем бераз, Со тубиз гурезе огняз вӧсяськыны но ӝытазе огняз отчы кыльиз.

²⁴Соос морелэн шораз вуэм бере, потӥз пумит пельтӥсь тӧл но тулкымъес лодкаез шуккылыны ӧдъяз.

²⁵Нош уйлэн ньылетӥ люкетаз Иисус соос доры мынӥз, ву вылтӥ вамышъяса.

²⁶Нош дышетсисьёсыз, адӟыса Солэсь ву вылтӥ вамышъямзэ куалектӥзы но шуизы:" Та - син азе адскон" Но кышкаменызы кесяськыны ӧдязы.

²⁷Иисус соку ик вераськыны кутскиз соосын но шуиз:"Садьяське! Мон со.Эн кышкалэ!"

²⁸Пётр пумитаз вераз:"Господин! Тон ке со, кос монэ ву вылтӥ Тон доры мыныны".

²⁹Со шуиз:"Мын" Лодкаысь потыса Пётр вамышъяса мынӥз ву вылтӥ Иисус доры.

³⁰Нош кужмо тӧлэз адӟыса, кышказ но выйыны кутскыса кеськиз:"Господин! Юртты мыным".

³¹Иисус соку ик кизэ мычыса, возиз сое но шуиз:"Ичи тынад осконэд! Малы тон усомнится кариськид?"

³²Куке соос пуксизы лодкае, тӧл чусомиз.

³³Соос, кинъёс вал лодкаын лыктӥзы, йыбырттӥзы Солы но шуизы:" Зэм ик Тон - Инмарлэн Пиез".

³⁴Соос мукет ярдуре выжыса, вуизы Геннисарет музъёме.

³⁵Со интыын улӥсьёс, Сое тодмаса, ыстэмъёсты келязы котырысь вань ёросъёсы но вайизы Со доры ваньзэ висисьёсты.

³⁶Но куризы Солэсь, Солэн дисьэзлэн сӧзы бордаз гинэ ке но кутскыны. Но катьяськылӥзы соос, кинъёс кутскылӥзы Солэн дӥсезлэн сӧзы бордаз.

Chapter 15

¹Соку лыктӥзы Иисус доры Иерусалимысь книжникъёс но фарисейёс но шуизы:

²"Тынад дышетскисьёсыд малы уг быдэсто пересьёслэсь преданиоссэс? Малыке шуоно соос кизэс миськытэк нянь сио".

³Со пумитазы вераз:"Малы тӥ уд быдэстӥське Инмарлэсь заповедьзэ, асьтэлэсь преданиостэс быдэстон понна?

⁴Инмар сётӥз заповедь:"гажаны атайдэ но анайдэ" но "кин урод кылын вералоз атайзэ но анайзэ - кулыны кулэ".

⁵Нош тӥ вераськоды :"Кин вералоз атаезлы яке анаезлы:"Мон уг быгатӥськы юрттыны тӥлед, малыке шуоно аслэсьтым улонме сёти Инмарлы",

⁶соку быгатоз гажатэк улыны аслэсьтыз атайзэ но анайзэ".Тӥ сыӵе амалъя кулэтэм кариды Инмарлэсь заповедьзэ, тӥлесьтыд преданиостэс быдэстон понна.

⁷Чеберъяськисьёс! Исаия пророк тӥ сярысь шонер вераз:

⁸"Та калык Мон доры матэктэ вераськеменыз гинэ, озьы ик кылыныз гинэ Монэ гажа, нош сюлэмзы соослэн кыдёкын Мон дорозь.

⁹Нош юнме гинэ соос Монэ гажало, дышетыса - адямиослэсь заповедьёссэс".

¹⁰Дораз калык ӧтьыса, шуиз соослы:"Кылске но валалэ!

¹¹Адямиез уг сапта, мар пырэ солэн ымаз, нош сапта со - мар потэ солэн ымысьтыз".

¹²Соку Солэн дышетскисьёсыз, Со доры лыктӥзы но шуизы:"Тодӥськод-а Тон, фарисейёс Тынысьтыд верамдэ кылыса, ӵемтӥзы?"

¹³Со нош пумитазы вераз:"Котькуд будос, кудзэ ӧз мертты Мынам Атае, иӵкалтэмын луоз выжыеныз.

¹⁴Кельтэ соосты. Соос - синтэмъёслэн синтэм валтисьёссы. Синтэм валтэ ке синтэмез - кыкназы ик гуэ усёзы".

¹⁵Пётр шуиз Солы:" Валэкты милем та притчаез".

¹⁶Иисус шуиз:"Оло тӥ али но ӧд на валалэ?

¹⁷Уд а валаське - ваньзэ, мае сие адями, кӧтаз шеде но потэ отысь?

¹⁸Нош марэ адями вера, потэ сюлэмысьтыз.Со ик сапта адямиез.

¹⁹Малыке шуоно сюлэмысь пото лек малпанъёс, виёнъёс, кузпалдэ пӧян, азон сӧлык, лушкаськон, пӧяса адӟемдэ веран, урод вераськон.

²⁰Со сапта адямиез, нош миськымтэ киын сиськон - уг сапта адямиез".

²¹Отысь потыса Иисус кошкиз Тира но Сидон музъемъёсы.

²²Но тини, кышномурт хананейка, потыса со интыысь, кеськыса вераз Солы:"Помилуй монэ, Господин, Давидлэн пиез, мынысьтым нылме бесъёс одолё, со туз зол курадӟе".

²³Нош Со солы пал кыл но ӧз вера. Солэн дышетскисьёсыз Со доры лыктӥзы но юазы:" Лэзь сое, малыке шуоно со кесяське милям бӧрсямы".

²⁴Нош Со пумитазы вераз:"Мон келямын спасать карыны бырыны кутскем Израельысь ыжъёсты гинэ".

²⁵Нош кышномут, йыбырттыса вераз Солы:"Господин! Юртты мыным".

²⁶Нош Со пумитаз вераз:"Ӟеч ӧвӧл нылпиослэсь басьтыны няньзэс но пуныослы куштыны".

²⁷Кышномурт шуиз:"Бен, Господин, пуныос но сио нянь пырыосты, кудъёсыз усьыло кузёослэн ӝок вылысьтызы".

²⁸Соку Иисус вераз солы:" Кышномурт! Осконэд тынад бадӟым. Мед луоз тыныд озьы, кызьы тыныд кулэ". Но нылыз со куспын ик катьяськиз.

²⁹Отысь кошкыса, Иисус лыктӥз Галилея морелэн ярдураз. Тубиз гурезе но отчы пуксиз.

³⁰Со доры лыктыны ӧдъязы тросс калык, сьӧразы вайыса чутъёсты, синтэмъёсты, вераськыны быгатӥсьтэмъёсты, калекаосты но трос мукет висисьёсты.Соосты понылӥзы Иисуслэн пыд азяз, но Со катьялляз соосты.

³¹Соин ик калык паймылӥз, адӟыса вераськыны быгатӥсьтэмъёслэсь вераськемзэс, калекаослэсь катьяськемзэс, чутъёслэсь ветлэмзэс, синтэмъёслэсь адӟемзэс но данъялляз Израельлэсь Инмарзэ.

³²Нош Иисус ӧтиз Аслэсьтыз дышетскисьёссэ но шуиз:"Мыным жаль пото калыкъёс, соос куинь нунал ини Мон дорын, соослэн сионзы ӧвӧл. Сютэм келяме уг поты соосты - сюрес вылын, медам лябоме шуыса.

³³Но шуо Солы дышетскисьёсыз:" Кытысь шедьтыны пустыняын сомында калыкез сюдымон нянь?

³⁴Иисус юа соослэсь:" Кӧня тӥляд няньды?" Соос веразы:" Сизьым няньмы но кӧняке чёрыгмы".

³⁵Соку Со кужмысь косӥз калыклы пуксьыны музъём вылэ.

³⁶Басьтыса сӥзьым нянь но чёрыг, тау кариз Инмарлы, тӥялтӥз но сётӥз дышетскисьёсызлы, дышетскисьёсыз - калыклы.

³⁷Сиизы ваньмыз но котсы тыриз.Люказы на кылемзэ сизьым тыр куды.

³⁸Сиисез вал нош ньыль сюрс адями, кышномуртъёсты но нылпиосты лыдъятэк.

³⁹Калыкез лэземез бэре, пуксиз лодкае но лыктиз Магдалы интые.

Chapter 16

¹Со доры лыктӥзы фарисейёс но садукейёс. Искушать карыса Солэсь куризы, мед возьматоз инмысь тодмет шуыса.

²Нош Со пумитазы вераз:"Ӝытазе тӥ вераськоды:"луоз шулдыр куазь, малыке шуоно инбам горд",

³но ӵукна:"Туннэ куазь жобалоз, малыке шуоно инбам нап горд".Чеберъяськисьёс! Тодманы инлэсь туссэ быгатӥськоды, нош дыръеслэсь тодметсэ уд быгатӥське?

⁴Тӥ лек но азэм поколение утчасаськоды тодмет, тӥлед тодмет сетэмын уз луы, пророк Иона пыртӥ сётэм тодмет сяна".Соосты кельтӥз но кошкиз Со отысь.

⁵Мукет палаз выжыкузы, дышетскисьёсыз вунэтӥллям нянь басьтыны сӧразы.

⁶Иисус вераз соослы:" Чаклаське но палэнске фарисейёслэн но садукейёслэн чырсатон шӧмзылэсь".

⁷Соос куспазы малпаськыса веразы:"Со асьмеос нянь ӧм басьтэ бӧрсямы шуэ дыр?"

⁸Иисус валаз сое но соослы шуиз:" Мар тӥ вераськиськоды куспады, ӧжыт осконды тӥляд, нянь ӧм басьтэ шуыса?

⁹Тӥ шат татчёз ӧд на валалэ но вунэтӥды нӥ шат вить няньёс сярысь, кудзэ сиизы вить сюрс адямиос но кӧня куды тӥ люкады на?

¹⁰Но сизьым няньёс сярысь но ньыль сюрс адямиос сярысь, но кӧня куды тӥ люкады?

¹¹Уд шат тӥ валаське Мынысьтым верамме Мон нянь сярысь ӧй вера:" Чаклалэ но палэнске фарисейёслэн но садукейёслэн чырсатон шӧмзылэсь"?"

¹²Соку соос валазы, Со вера шуыса чаклалэ но палэнске нянь чырсатонлэсь - ӧвӧл, нош фарисейёслэн но садукейёслэн дышетэмзылэмь.

¹³Филиплэн Кесария ёросаз вуэмзы бере Иисус юаз Аслэсьтыз дышетскисьёсызлэсь:" Кин шуыса Монэ лыдъяло калык - Адямилэсь Пизэ?".

¹⁴Соос шуизы: одӥгъёсыз - Крестить карись Иоанн, мукетъёсыз - Илия, нош кудъёсыз Иеремия яке пророкъёс пӧлысь одӥгез шуыса.

¹⁵Со вераз соослы:" Но тӥ кин шуыса Монэ лыдъяськоды?"

¹⁶Нош Симон Пётр шуиз:" Тон - Христос Улэп Инмарлэн Пиез!".

¹⁷Пумитаз Иисус вераз:" Шудо тон Симон, Ионалэн пиез, малыке шуоно мугор но вир ӧз усьтэ тыныд тае, нош Мынам Инмысь Атае.

¹⁸Мон верасько тыныд, тон - Пётр. Но та из вылын Мон пукто Аслэсьтым Церковьме, адлэн капкаез но уз ворме сое.

¹⁹Но сёто тыныд усьтон Инмысь Царствоысь.Мае тон керттылод музъем вылын, со ик кертэмын луоз инмын но, мае пертчылод музъем вылын, со ик пертчылэмын луоз инмын но".

²⁰Соку Иисус алӥз Аслэсьтыз дышетскисьёссэ, нокинлы но медаз вералэ со Христос шуыса.

²¹Со дырысен Иисус усьтыны ӧдяз дышетскисьёсызлы, Солы мыныны келэ луоз шуыса Иерусалиме. Отын Солы тросс курадӟёно луоз старейшинаослэсь, первосвященникъёслэсь но книжникъёслэсь. Но Сое виёзы. Но куинь нунал ортчыса Со кулэмысь улӟёз.

²²Палэнэ ӧтьыса Солы Пётр пумит вераны кутскиз:"Гажа Астэ, Господин! Медаз луы Тонэныд озь!".

²³Со берытскиз Пётр шоры но шуиз:"Кош мон дорысь Сатана! Тот ӵемтытӥськод Монэ, малыке шуоно уд малпаськиськы Инмарлэн сярысь, нош малпаськиськод адямиослэн сярысь".

²⁴Собере Иисуз вераз дышетскисьёсызлы:" Кинлэн Мон сьӧры мынэмез потэ куштӥськы аслысьтыд, басьты аслэсьтыд киростэ но лык Мон сьӧры.

²⁵Соин ик кинлэн утемез потэ лулзэ ыштоз сое, нош кин уз жаля лулзэ Мон понна, шедьтоз сое.

²⁶Мар пайдаез адямилы со басьтыны быгатоз ке быдэс дуннеез, нош аслаз лулызлы изъян кароз? Яке кыӵе дун тырон сётоз адями лулыз понна?

²⁷Малыке шуоно куке лыктоз Адямилэн Пиез Аслаз Атаезлэн данэныз но Аслаз ангелъёсыныз, соку котькудызлы сётэмын луоз солэн ужъёсызя.

²⁸Шонер верасько тӥлед, вань татын сылӥсьёс пӧлын куд огез, кудъёсыз уз кулэ, Адямилэн Пиезлэсь Аслаз Царствоаз ветлэмзэ адӟытэк".

Chapter 17

¹Куать нунал ортчем берэ, Иисус басьтӥз сьӧраз Пётырез, Иаковез но Иоаннез, вынзэ солэсь, но собере соос ӝужыт гурезе тубизы.

²Соос азьын Иисус воштӥськиз, Солэн тусбуйыз луиз шунды кадь, Солэн дӥсез луиз тӧдьы, югыт кадь.

³Но тани, доразы лыктӥзы Моисей но Илия, вераськыса Соин.

⁴Соку шуиз Пётр Иисуслы:" Господин! Милем татын луыны ӟеч. Тон шуид ке, лэсьтом татчы куинь шалаш: одӥгез - Тыныд, мукетыз - Моисейлы, куинетӥез - Илиялы.

⁵Куке Со вера вал, соосты югыт пилем шобыртӥз.Пилемысь кылӥськиз куара, кудыз вераз:"Яратоно Пие Со Мынам, Кудыз пуӵкын Мынам воляе, Сое кылзиське".

⁶Дышетскисьёсыз тае адӟыса, ымныр вылазы уськытскизы но туж кышказы.

⁷Нош Иисус, доразы матэ лыктӥз но бордазы йӧтӥськиз но шуиз:" Эн кышкалэ, султэлэ".

⁸Синъёссэс ӝутэмзы берэ, соос Иисусэз сяна нокинэ но ӧз адӟе.

⁹Гурезьысь васькыкузы, Иисус соослы нокинлы но ӧз лэзьы вераны соослэсь адӟемзэс - Адямилэн Пиез кулэмысь улӟыса султытозь.

¹⁰Солэн дышетсисьёсыз Солэсь юазы:"Книжникъёс шуо азьло Илия лыктыны кулэ ?"

¹¹Иисус шуиз соослы:"Зэм но Илия лыктыны кулэ азьпал но ваньзэ дасяны,

¹²нош верасько тӥлед, Илия лыктӥз нӥ шуыса, но ӧз тодэ сое, соин лэсьтӥзы, мар каремзы потэ. Озьы ик Адямилэн Пиезлы но соослэсь курадӟоно луоз".

¹³Соку дышетскисьёсыз валазы, Со Крестить карись Иоанн сярысь вера шуыса.

¹⁴Куке соос вуизы калык доры, лыктӥз Со доры адями но пыдес вылаз Со азе усьыса,

¹⁵шуиз:"Господин! Помиловать кар мынысьтым пиме.Со выль толызь потыку лунатить каре но туж зол курадӟе, малыке шуоно ӵем дыръя вуэ но тыл пуӵкы тэкча.

¹⁶Мон вайылӥ сое тынад дышетскисьёсыд доры но соос ӧз быгатэ катьяны сое".

¹⁷Иисус пумитаз шуиз:"Тӥ род, кудызлэн ӧвӧл осконэз но улӥськоды азон сьёлыкен! Кытчёз луо тӥленыд? Кытчёзь чидало тӥледды? Вае сое Мон доры".

¹⁸Иисус улляз демонэз, но потӥз со егит пиысь.Егит пи соку ик катьяськиз.

¹⁹Соку дышетскисьёсыз Иисус доры лыктӥзы но, куке Со вал огняз юазы:"Малы ми ӧм быгатэ улляны сое?"

²⁰Иисус пумитазы вераз:"Тӥляд осконды ӧжыт. Шонер верасько тӥлед, тӥляд осконды луиз ке горчица кидыс бытча но верады ке та гурезьлы:"Татысен отчы выж", со выжоз. Номыре но ӧвӧл мае тӥ уд быгатэ.

²¹Нош та духэз вӧсяськыса но постэн гинэ улляны луэ".

²²Куке соос вал чош Галилеяын, Иисус шуиз соослы:"Адямилэн Пиез предать каремын луоз калык кие,

²³Сое виёзы, но куинь нунал ортчем бере кулэмысь улӟоз". Соос нош туж зол ӝожомизы.

²⁴Куке соос лыктӥзы Копернауме, Пётр доры лыктӥзы дидрахма люкасьёс но юазы:"Уз-а сёты тиляд дышетӥсьты дидрахма?"

²⁵Пётр вераз:"Бен".Куке со пыриз корка, Иисус, асьпалтыса солэсь юаз:"Кызьы тон малпаськод, Симон, музъем вылысь царьёс кинлэсь люкало выт но налогъёс? Асьсэлэн нылпиоссыпэсь яке мурт калыклэсь?"

²⁶Пётр вераз Солы пумитаз:"Муртъёслэсь" Иисус шуиз солы:"Соин ик нылпиос свободноесь.

²⁷Соос асьме борды медам ӵемтэ шуыса, мын море дуре, кушты визнандэ. Кутэм чёрыгедлэсь усьты ымзэ, шедьтод отысь статир.Басьты сое но сёт Мон понна но ачид понна но".

Chapter 18

¹Со дыръя дышетскисьёсыз лыктӥзы Иисус доры но юазы:"Кин бадӟымгес Инмысь Царствоын?"

²Иисус, пичи нылпиез дораз ӧтиз но пуктӥз сое соослэн висказы

³но шуиз:"Шонер верасько тӥлед, ӧд ке воштӥське но ӧд ке луэ, нылпиос кадь, пырыны уд быгатэ Инмысь Царствое.

⁴Со, кин кылзиськиськоз та нылпи кадь, луоз тужгес но бадӟымез Инмысь Царствоын.

⁵Кин басьтоз одӥг таӵе нылпиез Мынам нимы понна, со Монэ басьтоз.

⁶Нош кин одӥгзэ Мыным оскись нылпиез бичатоз сьӧлык лэсьтыны, солы ӟечгес луысал, чыртыаз ошысалзы ке пызь изон кӧ но куштысалзы мур вуэ..

⁷Куректон дуннелы соблазнъёслэсь, соблазнъёс ортчыны кулэ, нош куректон со адямилы кин пыртӥ лыкто соблазнъёс.

⁸Тынад киыд яке пыдыд бичато ке тонэ, ӵог сое но кушты дорыстыд, ӟечгес луоз тыныд пырыны улонэ китэк яке пыдтэк, кык киын но кык пыдын дугдылытэк ӝуась тылэ куштэмын луэмлэсь.

⁹Но тынад синмыд бичатэ ке тонэ, иӵкалты сое но кушты дорысьтыд. Ӟечгес луоз тыныд пырыны улонэ одиг синмын, кык синмын ӝуась геенае куштэмын луэмлэсь.

¹⁰Учкелэ, кулэтэм эн каре одигзэ но та пичи нылпиосты. Верасько тӥлед, соослэн ангелъёссы инмын котьку адӟё тусбуйзэ Мынысьтым Инмысь Атаелэсь.

¹¹Уго Адямилэн Пиез лыктӥз утчаны но спасать карыны бырисьёсты.

¹²Кызьы тӥ малпаськоды, кинлэнке луысал ке сю ыжез, одигез йыромысал ке, со ой шат кельтысал укмыстон укмыссэ гурезе но ой шат утчасал йыромемзэ?

¹³Йромем ыжзэ шедьтыны быгатэм бераз, верасько тӥлед - шонер, со укмыстон укмыс ышымтэосыз сярысь, золгес шумпотоз одигзэ шедьтэмезлы.

¹⁴Озьы ик Инмысь Атайды но малпа, одӥгез но пичи нылпиос медаз быре шуыса.

¹⁵Нош лэсьтӥз ке сьолык тон пумитэ тынад выныд, мын но потты сое шарае солы гинэ. Кылскиз ке со тонэ, соку тон шедьтод аслэсьтыд вындэ.

¹⁶Нош ӧз ке кылскы, басьты бӧрсяд одиг яке кык адями, кык яке куинь адямиос азьын юнматэмын мед луоз солы верамды шуыса.

¹⁷Нош солэн ӧз ке поты соосты-но кылскемез, вера со сярысь церковын. Солэн кылскемез ӧз ке поты церковез но , соку со мед луоз тон понна язычник но налог октись кадь

¹⁸Шоне верасько тӥлед, мае тӥ керттылоды музъем вылын, со ик керттэмын луоз инмын но.Мае пертчёды музъем вылын, со пертчемын луоз инмын но.

¹⁹Озьы ик верасько тӥлед - кык адямиос маеке куризы ке музъем вылын, мае уз куре, сётэмын луоз Мынам Инмын улӥсь Атаелэсь.

²⁰Озьыен, кытын Мынам нимы понна люкаськозы кык яке куинь ӵошен, отын Мон луо соослэн шоразы.

²¹Соку Со доры лыктӥз Пётр но юаз:"Господин! Кӧня пол мон кулэ прощать карыны вынме, кудыз мон пумитэ сьӧлык уж лэсьтӥз?Сизьым пол ӧвӧл - а?"

²²Иисус вераз солы:"Уг вераськы тыныд сизьым пол, нош сизьымдонэз сизьмпол будэтыса.

²³Соин ик Инмысь Царство царь кадь, кудыз отчёт куриз аслаз ляльчиосызлэсь.

²⁴Одӥгезлэн, солы тыронэз вылэм дас сюрс талант, тырыны быгатӥсьтэм ляльчизэ соку Царь доры ваизы.

²⁵Нош солэн ӧй вал коньдонэз сётыны тыронзэ, соку царь косӥз вузаны солэсь кышнозэ но нылпиоссэ но ваньзэ ваньбурзэ маиз вал солэн, тыронзэ пытсан вылысь.

²⁶Соку со ляльчи усиз пыдес вылоз но иыбырттыса шуиз:"Государь! Чида на ӧжыт, соку мон ваньзэ тыро".

²⁷Царь жаляз ляльчизэ но лэзиз сое тыронзэ простить карыса.

²⁸Со ляльчи, потыса, мынӥз эшез доры, кудызлэн солы тыронэз вал сю динарий, кутыса сое со кекатыны кутскиз, вераса:"Сёт мыным ваньзэ, мае тырыны кулэ".

²⁹Соку солэн эшез солэн пыд азяз усьытскиз, сюлворыса куриз солэсь:"Чида на кӧняке, собере ваньзэ сёто".

³⁰Нош солэн кылскемез но ӧз поты эшсэ, пуктӥз сое со тюрмае пока тыронзэ уз тыры.

³¹Эшъёсыз солэн тазьы луэмез адӟизыса, туж зол ӝожомизы но ваньзэ веразы Царьлы.

³²Соку ӧтиз сое царь но вераз:"Урод раб! Тон мынысьтым сюлворыса курид но мон тынысьтыд тырондэ простить кари.

³³Кызьы мон тонэ жаляй, озьы ик тон но лэсьтыны кулэ ӧй шат вал?"

³⁴Йыркуръяськиз царь но сётиз сое курадӟытӥсьёслы, ваньзэ тыронзэ сётытчёзь.

³⁵Озьы ик Инмысь Атайды но лэсьтоз тӥленыд, ӧд ке сюлмысьтыды простить каре, асьтэлэс вындылэсь сьӧлык лэсьтэмзэ.

Chapter 19

¹Куке Иисус дугдӥз веранзэ та кылъёсты, соку потӥз Голилеяысь но лыктӥз Иудея кунэ, Иорданлэн со палаз.

²Со сьӧры тросс калык мынӥзы, Со соосты отын катьялляз.

³Со доры фарисейёс матэ лыктӥзы.Но Сое бичатыса вераллязы Солы:"Адямилы котькыӵе муген но яра-а аслаз кышноеныз люкиськыны?"

⁴Со пумитазы вераз:"Тӥ ӧд лыдӟе шат, нырысь ик Кылдытӥсь пиосмуртэз но кышномуртэз - кылдытӥз соосты?"

⁵Но шуиз:"Соин ик кельтоз адями атайзэ но анайзэ но аслаз кышноез борды лякиськоз но кыкысь луозы одӥг мугор,

⁶табере соос ӧвӧл ни кык нош одӥг мугор. Мае Инмар огазеяз, сое адями медаз люкы".

⁷Соос шуизы Солы:"Кызьы нош Моисей лэзиз: сётыны люкиськон сярысь гожтэт но люкиськыны кышноеныд?"

⁸Со вераз соослы:"Тӥляд сюлэмды чурыт луэмен, Моисей лэзиз люкиськыны тӥляд кышноосыныды, нош нырысь озьы ӧй вал.

⁹Нош Мон тӥлед верасько, кин люкиськоз аслаз кышноеныз ӧвӧл ке кузпалызлэн калгон сьӧлыкез но кышно басьтоз мукетсэ, со азон- калгон сьӧлык лэсьтэ.Но кин люкиськемзэ кышно басьтоз, азон-калгон сьӧлык лэсьтэ".

¹⁰Солэн дышетскисьёсыз Солы шуизы:"Озьы ке адями улыны кулэ аслаз кышноеныз, соку кышнояськытэк ӟечгес луоз".

¹¹Нош Со соослы вераз:"Та кылэз ваньмыз уг валало, нош соос гинэ, кинлы сётэмын.

¹²Уго нылкышноен улонэз кулэтэм карисьёс вань,кудъёсыз вордӥскизы сыӵе.Но вань нылкышноен улонэз кулэтэм карисьёс, кудъёссэ калык сыӵе лэсьтӥз.Озьы ик вань нылкышноен улонэз кулэтэм карисьёс, кудъёсыз асьсэос асьсэды озьы лэсьтӥзы Инмысь Царство понна. Кин быгатоз валаны тае, мед валалоз".

¹³Соку ваизы Со доры нылпиосты, мед Со соос вылэ кизэ поноз но вӧсяськоз шуыса. Дышетскисьёсыз нош ӧвӧл лэзиллям.

¹⁴Нош Иисус шуиз:"Лэзе нылпиосты но эн люкетэ соослы лыктыны Мон доры, малыке шуоно соослэн Инмысь Царствозы".

¹⁵Соос вылэ кизэ понылыса, кошкиз отысь.

¹⁶Одӥг адями Со доры лыктӥз но юаз:"Ӟечлыко Дышетӥсь! Мар мыным лэсьтыны ӟечсэ, пумтэм улонэз басьтон понна?".

¹⁷Со пумитаз вераз солы:"Малы тон монэ шуиськод "ӟечлыко"? Нокин но ӧвӧл ӟеч, Одӥго-Инмар сяна. Пумтэм улонэ пырэмед потэ ке, быдэсты заповедьёсты".

¹⁸Солы вера:"Кыӵеоссэ?" Иисус пумитаз вераз:"Эн виы.Эн лэсьты калгон сьӧлык. Эн луӵкаськы.Пӧяса адӟемдэ эн вера.

¹⁹Атайдэ но анайдэ гажа, Яраты тынысьтыд матысьтэ, ачид астэ кадь".

²⁰Егит пи вераз Солы:"Ваньзэ тае мон пинал дырысен ик быдэсъяй, мар уг тырмы на мыным?".

²¹Иисус шуиз солы:"Усто луэмед потэ ке, мын но вуза ваньзэ ваньбурдэ но сётъя кураськисьёслы. Соку тынад узырлыкед инмын луоз.Соберэ лыкты но Мон сьӧры мын".

²²Сое кылыса, Егит пи кошкиз йырзэ ошыса, малыке шуоно солэн вылэм туж бадӟым ваньбурэз

²³Нош Иисус аслаз дышетскисьёсызлы шуиз:"Шонер верасько тӥлед, секыт луоз узыр адямилы пырыны Инмарлэн Царствоаз".

²⁴Нош ик верасько тӥлед, верблюдлы вень пась пыртӥ потыны капчичес луоз, узыр муртлэсь, Инмарлэн Царствоаз пырыны быгатонэзлэсь ".

²⁵Сое кылыса, Солэн дышетскисьёсыз туж зол паймизы но шуизы:"Озьы бере, кин спастись кариськыны быгатоз?"

²⁶Нош Иисус шоразы учкыса шуиз:"Адямиослы та быгатонтэм, нош Инмар быгатэ ваньзэ".

²⁷Соку Пётр пумитаз шуиз:"Тани ми но ваньзэ кельтӥм но Тон сьӧры мынӥм. Мар бен луоз миленым".

²⁸Иисус пумитазы соослэн вераз:"Шонер верасько тӥлед, тӥ, Мон сьӧры мынэмъёс, вуоно улонын, куке Адямилэн Пиез Аслаз данлыкезлэн трон вылаз пуксёз, тӥ но пуксёды дас кук тронъёс вылэ Израельысь дас кык выжыосты судить карыны".

²⁹Котькудыз, кин Мон понна кельтоз корказэ, вынъёссэ но сузэръёссэ, атайзэ но анайзэ, кышнозэ но нылпиоссэ, музъемзэ но, сю поллы тросгес басьтоз но пумтэм улонэ пыроз.

³⁰Тросэз нырысетӥосыз пӧлысь луозы берпуметӥ, нош берпуметӥосыз - нырысетӥ.

Chapter 20

¹Инмысь Царствоез ӵошатыны луэ корка кузёен, кудыз вазь ӵукна потэм ужасьёсты медӟаны аслаз виноград садаз.

²Но, ог кыл шедьтыса ужасьёсыныз, нуналаз быдэн одӥг динарий уж дун тырон вылысь, аслаз виноградниказ соосты келяз.

³Куинь час котырын, эшшо юнмэ сылӥсь калыкез адӟем на,

⁴ но верам соослы :"Тӥ но мынэ виноград садам, кӧня кулэ луоз тырыны уждун, ваньзэ ик сёто".Соос мыныллям.

⁵Нош ик куать часэ но, укмыс часэ но калыкез утчаны поталлям.

⁶Бератаз, дас одӥг час котыр потыса, нош ик адӟем юнме сылӥсь калыкез, но юам соослэсь: "малы тӥ татын лумбыт юнме сылӥськоды ни?"

⁷7 "Милемды нокин ӧз ӧтьы"-вералям соос. "Озьыен тӥ но мынэ мынам виноград садам"-верам соослы

⁸Нош ӝытазе виноградниклэн кузёез верам ужен кивалтӥсезлы: "ӧть садын ужасьёсты но уждунзез сёт, азьло ик берло лыктэмъёсызлы, собере азьпалъёсызлы".

⁹Берло лыктэмъёсызлы одӥг динарий сётыллям.

¹⁰Соин ик азьло лыктэмъёсыз малпало вылэм тросгес басьтыны, нош соослы но озьы ик, одиг динарий сётыллям.

¹¹Уж дунзэс басьтыса, йрзы кур луэм корка кузёлы

¹²но шуо:"Та берпуметӥосыз одӥг час гинэ ужазы, нош ми быдэс нунал шунды синмын курадӟыса ужамы, нош тон милем одӥг кадь коньдон тырид".

¹³ Кузё верам одӥгезлы соос пӧлысь! "Эше мон тыныд шонертэм уг лэсьтӥськы, одиг динарийлы ӧм-а вераське тонэныд?

¹⁴ Басьты ужан дундэ, но мын! Нош мынам берло лыктэмъёсызлы но тыныд мында ик сетемэ потэ.

¹⁵ Яке мон уг быгатӥськы сётыны, кӧня сётеме потэ? Яке вожме- а усьиськод, мон ӟеч шуыса?"

¹⁶Озьыен берпуметӥосыз луозы азьпалан, нош азьпалъёсыз- берын. Туж тросс ӧтемъёсыз но ӧжыт быръёмёсыз.

¹⁷Иерусалиме мыныкуз Иисус дас кык дышетскисьёссэ нимазы палэнэ отьыса вераз:

¹⁸"Тани, ми тубиськом Иерусалиме, кытын Адями Пиез первосвященникъёс но книга гожъясьёс ки улэ сётозы но вийыны кенешозы.

¹⁹ Но сётозы Сое язычникъёслы ултӥяны, жугыны но крест борды корӵогаса, виёзы, преступникез кадь. Нош кунетӥ нуналаз улӟыса султоз.

²⁰Сое верам бере, Заведеев вынъёслэн анайзы Иисус доры лыктыса, пыд азьаз йыбырскиз, мае-ке Солэсь юаса.

²¹ Со юаз кышномурлэсь : "Маро тыныд кулэ?" Кышномурт шуиз : "Кылдэ сёт, царь луид ке, тани та кык пиосме пукты одӥгзэ бур палад, мукэтсэ паллян палад".

²²Нош Иисус вераз: " Уд тодӥськы мае курискоды. Быгатӥськоды а юыны чашаез, кудзэ Мон юо, яке крестится кариськыны крещениен, кудыныз Мон крестится карисько?" Соос шуизы Солы: "Быгатӥськом".

²³Шуиз соослы: "Бен, тӥ но юоды чашаме. Крещениен кудыныз Мон крестится карисько, креститса кариськоды. Нош кин пуксез бур палаз, яке паллян палаз Мон вӧзы, Мынысьтым зависить уг кар. Отчы пуксёз со, кинлы Мынам Атае дасяз.

²⁴ Тае кылыса, дасэз дышетскисьёслэн кык вынъёс вылэ йырзы кур луэм.

²⁵ Нош Иисус дораз отьыса верам соослы: "Тӥ тодӥськоды язычникъёслэн кивалтӥсьёссы ки улазы возьо калыкез, кун тыршисьёс ултӥяло огшоры калыкез.

²⁶Тӥляд нош медам озьы луы. Кинлэн потэ тӥ пӧлын луэмез бадӟым, мэд луоз тилед ляльчи.

²⁷Кинлэн нырысетӥ луэмез потэ, мед луоз ваньмызлы раб кадь.

²⁸ Малы ке шуоно Адями Пи ас вылаз калыкез ужатыны ӧз лыкты, Со Ачиз адямиослы ужан тырше, Лулзэ но сёте троссэ сьӧлыкъёслэсь мозмытыны".

²⁹Куке Иерихонысь соос пото вал, трос калык Со сьӧры мынэ вал.

³⁰Но тани, сюрес дурын кык синтэм адямиос пуко вал но кылыса, Иисус вӧзазы мынэ шуыса, кесьаськыны кутскизы: " Господин, Давидлэн Пиез, жаля милемды!"

³¹ Калык соосты чусетскыны косӥз, нош соос эшшо но кужмогес кесяськыны кутскизы: "Господин, Давидлэн пиез жаля милемды!"

³²Иисус дугдӥз но соосты дораз отьыса юаз: "Мынысьтым тӥлед мар кулэ?"

³³ Соос шуизы Иисуслы: "Господин! Усьты милесьтым синёсмес".

³⁴Иисус соосты туж жаляса, кутскылӥз соослэсь синъёсазы. Со дырысьен ик соослэн синёссы адӟыны кутскизы, но соос Иисус сьоры мынизы.

Chapter 21

¹ Иерусалимлы матэ вуыкузы, Вифагие лыктӥзы, кудӥз Елеон гурезь вылын.Отысьен Иисус кыксе дешетскисьсе келяз,

² шуыса соослы: "Асьпалады адӟиськись гуртэ мынэле, отысь думем мумы осёлэз, но вӧзаз егит осёлэз шедьтоды. Перче но вайелэ Мон доры.

³Нош вераз ке тӥлед кин ке но мар ке но, ,верале солы: "Таос кулэ Кузё-Инмарлы". Но со соку ик лезёз тӥледлы нуыны соосты".

⁴ Ваньмыз та луиз, мед быдэсмоз Кузё-Инмарлэн верамез, пророк пыртӥ кудыз шуиз:

⁵"Вералэ Сионысь ныллы: "Тани тыныд востэм Царед тон доры лыктэ, месс осёл вылэ но кыткетын ветлись осёллэн пиез вылэ пуксьыса".

⁶ Дышетскисьесыз лесьтӥзы, кызьы шуиз Иисус.

⁷Мумы осёлэз но егит осёлэз вайизы но, соос вылэ диськутсэс вализы но вылазы Иисус пуксиз.

⁸Трос калык сюрес вылаз дӥсьёссэз вальылӥзы, нош мукетъёсыз, писпу вайёсты вандылса, вӧлдылӥзы.

⁹ Калык, кудыз мынэ вал азьпалаз но Солэн вӧзаз но шумпотыса кеськылӥз: "Осанна Давидлэн Пиезлы! Кузе-Инмарлэн нимыз понна Лыктӥсьлы дан! Осанна вылӥын!"

¹⁰Иисус Иерусалиме пыреем бере быдэс город бугыръяськиз но юаллязы: "Кин Со"?

¹¹Калык шуиз: "Та Иисус, Галилеяысь Назарет городысь пророк".

¹²Иисус Храме пырыса улляз ваньзесты вузкарисьёсты но басьяскисьёсты. Кымалляз коньдон воштӥсьёслэсь ӝӧкъёссэс но дыдык вузасьёслэсь ӟусъёссэс.

¹³ Соослы шуиз: "Гожтэмын: "Мынам коркае, вӧсьяськон корка шуыса нимаськоз, нош тӥ сое талась-виылӥсьёслы кар лэсьтӥды".

¹⁴Храмын Со доры лыктӥзы синтэмъёс, чутъёс, соосты Со катьялляз.

¹⁵ Нош ку священнникъёс но книга гожъясьёс адӟизы кызьы Иисус лэсьтэ чудоос но кылӥзы нылпиослесь шумпотыса кесяськемзэс но верамзэс: "Давидлэн Пиезлы Осанна!", вожзы потэм.

¹⁶ "Кылӥськод а, мар соос верало" -юало священникъёс Иисуслэсь. "Кылысько! Тӥ ноку-но а мара ӧд лыдӟьылэ, кызьы гожтэмын: "нылпиослэсь но вож нуныослесь Тон ушян-данъян кылдытӥд Аслыд".

¹⁷ Та кылъёсын Со кельтӥз соосты, потӥз городысь но мынӥз Вифанияе, отын ик уйзэ орчытӥз.

¹⁸ Вазь ӵукна, городэ бертыкуз Иисуслэн сиськемез потӥз.

¹⁹Сюрес дурысь инжир писпуез адӟыса, дораз лыктӥз но куаръёссэ сяна, емышсэ адӟытэк, шуиз солы: " Та дырысьен уз ни луэ тынад емышъёсыд но ку но», со дырэ ик инжир писпу куасьмиз.

²⁰ Дышетскисьёсыз таӵе учырез адӟьыса паймизы: " Кызьы смоковница сыӵе ӝог кусьмиз?"

²¹ Иисус шуиз: «Зэм шуисько тӥледлы, осконды луиз ке, тӥ талесь но тросгес лесьтоды, мар лэсьтемын вал та инжирлы, гурезьлы но ке верады: ӝутскы но гылӟы морее, озьы ик луоз,

²² озьыен, мае куроды вӧсяськыкуды оскыса, луоз тӥледлы.

²³ Иисус лыктэм Храме, но калыкез дышетыны кутскем, со дырэ ик Со доры первосвященникъёс но старейшинаос лыктыса юаллям: "Кыче кужымын Тон тае лэсьтӥськод? Кин Тыныд таӵе кужым сётӥз?»

²⁴ Иисус вераз: " Мон но тӥлесьтыд юало.Та юанлы веран сётӥды ке, Мон но верало тӥледлы, кыӵе кужымын Мон тае лесьтӥсько.

²⁵Иоаннлэн крестиь каремез кытысь вал: " Инмысь яке адямиослэсь?" Соос кенешыса, тазьы малпазы: "Инмысь ке шуим, Со шуоз: "Нош малы ӧд оске солы?"

²⁶ верамы ке: "адямиослэсь-калыклэсь кышкаськом, уго Иоаннез пророкен лыдъяло".

²⁷Озьыен шуиллям Иисуслы: "Ум тодӥське". Соку дыръя: "Мон но уг вера, кыӵе кужымен тае карисько".

²⁸ "Нош мар тӥ малпаськоды таӵе учырлы: Одӥг муртлэн кык пиез вылэм. Одӥгез доры лыктэм но шуэм: "Пие, ветлы туннэ ужаны виноград садам".

²⁹Пиез верам: "Мылы уг пот" нош берло малпаськем но мынэм.

³⁰ Атаез мукетызлы но тазьы ик верам.Таиз нош шуэм: "Мынӥсько кузёе", но ӧвӧл мынэм.

³¹ "Кудыз кыкез пӧлысь атайзылесь куронзэ быдэстӥз?" "Нырысетӥез"-вераллям. "Шонер"-верам Иисус. "Тазьы тӥлед шуисько, налог октӥсьёс но калгись кышноос Инмар Царствое тӥляд азьады мыно!"

³² Малы ке шуоно Иоанн лыктӥз шонер сюрес возьматыны, нош тӥ ӧд оске солы. Налог октисьёс но калгысь кышноос оскиллямзы. Нош тӥ тае адӟыса но ӧд оске солы.

³³ Кылске на эшшо одӥг притча: "Вал одиг адями-корка кузё, со мерттэм виноград, котыртэм кенерен, виноград лёган инты лэсьтэм но башня пуктэм, собере сое виноградэн ужасьёсыз ки улэ сётыса ачиз кошкем.

³⁴ Ку нош вуэм виноград бичан дыр, со келям ляльчиоссэ виноград будетӥсьёс доры, басьтыны аслэсьтыз емышсэ.

³⁵ Виноград будетӥсьёс солэсь ляльчиоссэ кутыса, одӥгзэ жугыллям, мукетсэ вийылям, куиньметӥзэ изёсын лэзьяса вииллям.

³⁶ Соку со келям эшшо тросгес ляльчиоссэ, но соосты но озьы ик кариллям..

³⁷ Берпуметӥзэ, пизэ келям, ас понназ тазь малпаса: "Пиелесь возьдаськозы".

³⁸Виноград будетӥсьёс пизэ адӟыса малпаллям: "Та пиез солэн, кудизлы ваньмыз кылёз.Та пизэ вионо, соку асьмелы ваньмыз кылёз".

³⁹Но сое кутыса, поттиллямзы виноградникысь но вийыллям.

⁴⁰Та бере, ку лыктоз виноградниклен кузёез, мар со кароз виноград садаз ужасьёсыныз?

⁴¹"Та злодейёсты казнить кароз, нош виноградниксэ мукетъёсызлы сётоз, кудъёсыз сётылозы солы емышсэ дырыз- дыръя»-шуо солы.

⁴²Иисус соослы шуиз: " Писаниеысь ноку лыдӟемды ӧвӧл шат: "Из кудзэ, строительёс кулэтэм каризы, сэреглэн улаз валтӥсь фундамент луиз. Та Кузё Инмарлэсь, но та чюдо милям син азямы"?

⁴³Соин ик тӥледлы верасько: "Инмысь Царство басьтӥськоз тӥлесьтыд, но сётэмын луоз калыклы, кудыз сётэ солэсь емышсэ.

⁴⁴Кин та из вылэ усьёз-пазьгиськоз, нош кин вылэ со усёз, сое паньгатоз".

⁴⁵Солэсь верам притчаоссэ кылыса, первосвященникъёс но фарисейёс валазы, соос сярысь Со вера шуыса.

⁴⁶ Сое кутыны малпазы, но калыклэсь кышказы, уго Сое пророк шуыса малпало.

Chapter 22

¹Иисус, соослы притчаосын веранзэ азьланьтӥз но шуиз:

²"Инмысь Царство укша одӥг царьлы, кудыз лэсьтӥз сюан шулдыръяськон аслаз пиезлы

³но келяз аслэсьтыз ляльчиосмэ ӧтьыны куно сюан шулдыръяськоназ. Но соослэн лыктэмзы ӧз поты.

⁴Нош ик келяз мукет ляльчиоссэ, вераса:" Вералэ ӧтемъёслы, мон дасяй шуыса обед. Мынам куайытэм ошъёсы вандэмын ини- ваньмыз дась. Лыктэ сюан шулдыръяськонам".

⁵Нош ӧтемъёс, кулэ ӧз каре мыныны, кошкизы кин бусыяз, кин вуз карыны.

⁶Нош кылемез, царлэсь ляльчиоссэ кутылыса ултӥязы но виылизы.

⁷Сое кылыса, царь йыркуръяськиз но солдатъёссэ келяз но шуиз:" казнить каре, но городзэс сутэ".

⁸Соку шуиз аслаз ляльчиосызлы: " Сюан шулдыръяськон дась, нош ӧтемъёс дантемесь вылылъям.

⁹Озьыен мынэлэ сюресъёслэн вожвылъёсаз, кожонъёсаз но ӧте ваньзэсты, кинэ шедьтоды сюан шулдыръяськонам".

¹⁰Ляльчиозыз, потыса сюресъёс вылэ, ӧтизы ваньзэсты, кинэ шедьтӥзы, лекъёссэ но ӟечъёссэ. Сюан шулдыръяськон тырмиз куноосын.

¹¹Царь пыриз кунооссэ учкыны но адӟе, пӧлазы пуке сюанлы тупасьтэм дӥсен адями.

¹²Но юаз солэсь: " Эше! Кызьы тон татчы пырид, сюанлы тупасьтэм дӥсьен?" Со нош номыре но ӧз вера.,

¹³Соку царь шуиз ляльчиосызлы: "Кертылэ солэсь киоссэ но пыдъёссэ, кутыса салелэ сое ӧс сьӧры пеймыт интые. кытын луоз бӧрдон но пиньёсты ваче пумит йыръён";

¹⁴Трос ӧтемъёсыз но ӧжыт быръемъёсыз.

¹⁵ Соку фарисейёс кошкыса кенешизы, кызьы Сое кутыны кылъёсыз понна.

¹⁶Но келязы Со доры асьсэлэсь дышетскисьёссэ иродианъёсын, тазьы шуыны: "Дышетӥсь, ми тодӥськом Тон шонер вераськод, Инмарлэсь сюрессэ шедьтыны дышетӥськод, ӟечья-уродъя уд висъяськы, тус-буй шоры уд учкиськы.

¹⁷ Озьыен вера милемлы: "Кызьы Тон малпаськод? Луоз-а сётыны налог кесарьлы, яке уг яра?"

¹⁸Иисус соослэсь солань-таланьзэс адӟыса шуиз: «Ма эскериськоды-а Монэ чеберъяськисьёс?

¹⁹Возьматэ Мыным коньдондэс, кудиныз тыриськоды налог". Соос ваизы Солы динарий.

²⁰Иису шуиз соослы : "Кинлэн отын тус-буйыз но гожтӥськемез"?

²¹ Шуо Солы: "Кесарьлэн". Соку шуиз соослы: "Кесарьлэсь сётэ кесарьлы, нош Инмарлэсь Инмарлы".

²² Соос сое кылыса ёрмизы, но аналтыса Сое, кошкизы.

²³ Со нуналэ ик Со доры люкаськизы саддукейёс, кудъёсыз шуо, кулонысь улӟен овол. Тазьы юазы Солэсь:

²⁴ "Дышетӥсь! Моисей шуиз: " Кинке пиналъёсыз кыльытэк ачиз кулӥз ке, соку солэн выныз мед басьтоз солэсь кышнозэ, аслыз кышное, озьыен кельтоз кидыс аслаз вынызлы"

²⁵ Вал милям сизьым вынъёсмы; нырысетӥез кышнояськем бераз кулӥз, пинал ӧз кельты, озьыен кышнозэ кельтӥз аслаз вынызлы.

²⁶ Озьы ик кыкетӥез но, куиньэтӥез но, сизьыметӥозяз.

²⁷ Ваньзы бере кулӥз кышномурт но.

²⁸ Озьыен, кулонысь лулӟем бере, кудызлы луоз со кышно? Уго ваньмызлэн со вал".

²⁹Иисус соослы шуиз: "Йыромиськоды, Святой гожъямез но Инмарлэсь кынарзэ тодытэк,

³⁰Малыке шуоно, кулонысь улӟем бере уг но кышноясько, уг но бызё, но уло инбамын Инмарлэн ангелъёсыз музэн.

³¹Нош кулэмъёслэсь кулонысь улӟемзэс сярысь ӧд-а лыдӟе Инмарлэсь сётемзэ:

³²"Мон Инмарез Авраамлэн но Инмарез Исааклэн но Инмарез Иаковлэн?." Мон ӧвӧл кулэмъёслэн Инмарзы, нош Мон лулоослэн Инмарзы.

³³ Сое кылыса калык ёрмиз Солэн дышетэмезлы.

³⁴ Фарисейёс кылыса, кызьы Со саддукейёслэсь ымзэс пытсаз, ӵошен люкаськизы.

³⁵ Одӥгез соос пӧлысь, святой гожъямез тодӥсь, Сое эскерыса,юаз:

³⁶"Дышетӥсь! Кудӥз заповедь луэ тужггес но бадӟымез святой гожтоньын?"

³⁷Иисус шуиз солы: " Яраты Инмардэ аслэсьтыд вань сюлэменыд но вань лулыныд но вань визьмыныд но"

³⁸Тани со нырысетӥез тужгес но бадӟымез заповедь.

³⁹Кыктэтӥез нош со выллем: «Яраты матысь адямидэ, астэ ачид кадь ик»

⁴⁰ Тани та кык заповедьёс бордын интыяськемын быдэсак ик писание, но азьласянь пророкъёслэн ивортэмзы»

⁴¹Ку люкаськизы фарисейёс, Иисус юаз соослэсь:

⁴²"Кызьы тӥ малпаськоды Христос сярысь, кинлэн Со пиез?" Солы шуизы: "Давидлэн".

⁴³ Иисус нош шуиз: " Кызьы нош Давид Лул тодытэмъя, нима Сое Господь, куке вера:

⁴⁴"Шуиз Господь мынам Господелы: пуксьы мон вӧзы, бур палаз, ваньзэ тушмонъёстэ Тынысьтыд, поно Тынад пыд азяд"

⁴⁵Озьыен ку Давид нима Сое Господэн, кызьы Со луоз солы Пи?"

⁴⁶ Та кылъёсыз бере, нокин но ӧз нӥ тоды ма вераны Солы, со дырысен нокин но ӧз нӥ дӥсьты Солэсь юальяськыны.

Chapter 23

¹ Соку Иисус, ӧдъяз вераны калыкёслы но дышетскисьёсызлы.

²Но шуиз: «Моисейлэн пукон интыъяз пуксьемын книжникъёс но фарисейёс.

³3 Озьыен ваньзэ, мае соос быдэсъяны косозы, быдэсъялэ но лэсьтэ, нош соослэн ужъёссыя эн улэ, уго асьсэос верало, но уг лэсьто:

⁴ Кылдытъяло секытэсь, нуыны вормонтэмесь ужъёс, собере калыкъёслы нуыны косо, нош асьсэос чиниенызы но уг етскыло соосты быдэстон вылысь.

⁵Озьыен ужъёссэс лэсьто озьы, мед калык адӟоз шуыса.Паськытато асьсэлэсь филактериязэс но кузёмыто дӥсь сӧзыоссэс.

⁶ Озьы ик ярато асьпалаз пукыны шулдыръяськоньнын но синагогаосын.

⁷ Ӟечбуръяськыны калык люкаськоньнын, но мед нималозы соосты : «Дышетись! Дышетись!» шуыса.

⁸Нош тӥ эн лэзе, тӥледыз дышетӥсь мед шуозы шуыса, тӥляд одӥг Дышетисьты - Христос, нош ваньды тӥ вынъёс,

⁹ атаен но медаз нималэ нокинэ но музъем вылын, уго одӥг тӥляд Атайды, Кудыз инбамын.

¹⁰Валэктӥсь но эн нимаське, уго одӥг тӥляд Валэктисьты-Христос.

¹¹ Бадӟымез нош тӥ пӧлын, мед луоз тӥлед ляльчи,

¹² уго кин ассэ вылӥе ӝутэ, со ултӥямын луоз, нош кин ултӥя ассэ, со ӝутскоз.

¹³Куретскон тӥледлы, книжникъёс но фарисейёс, калык азьын чеберъяськисьёс, Инбамысь Царствоез адямиослэсь пытсаськоды, асьтэос но уд пырыське, нош кинлэн пыремез потэ - уд лэзьыське.

¹⁴ Куретскон тӥледлы, книжникъёс но фарисейёс, калык азьын чеберъяськисьёс. Пал кылем кышномуртъёсты объедать кариськоды, калык азьын чеберъяськыса кема вӧсьяськиськоды. Со понна тужгес но зол суд азьын кыл кутэмын луоды.

¹⁵ Куретскон тӥледлы книжникъёс, фарисейёс, калык азьын чеберъяськисьёс.Зарезез но музъемез но котыртӥськоды, одӥгзэ хоть адямиез асьтэ пала карон понна. Куке со тӥляд луэ ке, кариськоды сое кык полэслы уродгес асьтэлэсь, гиеналы ярано пилы гинэ.

¹⁶Куректон тӥледлы синтэмесь валтӥсьёс, тӥ нош шуиськоды: "кин ке кыл сётӥз ке храмен, номыре но уз луы, нош кин ке кыл сётоз храмлэн зарниеныз, янгышо луоз".

¹⁷ Визьтемесь но синтэмесь! Кудӥз бадӟымгес :зарни яке храм, кудыз чылкытатэ зарниез?

¹⁸Озьы ик : "кин ке кыл сётоз жертвенникен, номыре но уз луы, нош кин ке кыл сётоз жертваен, кудӥз жертвенник вылын, янгышо луоз".

¹⁹Визьтэмесь но синтэмесь! Кудӥз бадӟымгес жертва яке жертвенник, кудыз чылкытатэ жертваез?

²⁰Озьыен кыл сётись жертвенникен, кыл сётэ ваньмыз ма со вылын.

²¹Озьы ик кыл сётӥсь храмен, кыл сётэ, со пуӵкын Улысеныз но.

²² Озьы ик кыл сётись инбамен, кыл сётэ Инмар Кузёлэн тронэныз но, со вылын Пукысьеныз.

²³ Куректон тӥледлы, книжникъёс но фарисейёс, калык азьын чеберъяськисьёс.Сётыны вырыськоды дасэтӥ люкетсэ мятаысь, анисысь но тминысь, нош кулэзэ законысь кулэтэм кариськоды: судэз, милостез но осконез. Тӥни сое кулэ лэсьтыны дугдылытэк.

²⁴ Синтэмесь валтисьёс, чибиньёсты висъясьёс нош верблюдъёсты ньылӥсьёс!

²⁵ Куректон тӥледлы книжникъёс но фарисейёс, калык азьын чеберъяськисьёс, тусьтылэсь но кружкалэсь петпалзэ сюзьяськоды, нош пуш палыз тырмемын лушкаськонэн но шонер лэсьтонтэмен.

²⁶ Синтэм фарисей! Сюзья азьло пушпалзэ тусьтылэсь но кружкалэсь, петпалъёссы но соослэн мед чылкытэсь луозы шуыса

²⁷ Куректон тӥледлы, книжникъёс но фарисейёс, калык азьын чеберъяськисьёс, тупаськоды чебермам ватэм шайгуослы, кудъёсыз петласянь адско чебересь, нош пушказы тырмемын кулэмъёслэн лыосынызы но пӧртэмесь юрзымъёсын.

²⁸ Озьы ик тӥ но петласянь адскиськоды калыкъёслы шонерлыкоесь, нош пуштросты тырмемын калык азьын чеберъяськонэн но законез кулэтэм каронэн.

²⁹ Куректон тӥледлы книжникъёс но фарисейёс, калык азьын чеберъяськисьёс, пророкъёслы кулонни инты дасяськоды, но чебермаськоды шонер улисьёслэсь тодэ ваёнъёссэс.

³⁰ Собере шуиськоды: " ми ке улысалмы атайёсмы вакытэ, ӧй луысалмы соосын огкылысь, пророкъёслэсь виръёссэс кисьтонын".

³¹ Озьыен, тӥ асьтэос ачидэс сярысь ивортӥськоды, тӥ пророкъёсты вийлӥсьёслэн нылпиоссы шуыса.

³²Тӥ пересьёстылэсь сьӧлыкъёссэс азьланьтӥськоды.

³³Кыйёс, кый выжыос! Кызьы ти мозмоды гееналэсь?

³⁴Тӥни малы Мон келясько тӥ доры пророкъёсты, тодосчиосты но книжникъёсты. Нош тӥ куд огзэ вийоды, крестэ ошоды, куд огзэ синагогаосады жугоды, городысь городэ ульялоды.

³⁵Мед лыктозы тӥ вылэ, шонер улисьёслэн музъем вылэ ваньмыз кисьтэм дун вирзы, Авельлэн вирез дорысьен, Варахиянлэн шонер улысь Захарий пиезлэн вирез дорозь, кудзэ тӥ вииды храмен жертвенникен вискын.

³⁶Шонер верасько, ваньмыз со лыктоз та выжы вылэ.

³⁷ Иерусалим, Иерусалим, пророкъёсты вийылӥсь но изъёсын сальылӥсь тон доры келямъёсты! Кӧня пол Мынам люкаме потэ вал тынысьтыд нылпиостэ, кызьы тылобурдо люка пиоссэ бурд улаз, нош тӥляд мылды ӧз поты!

³⁸ Соин ик тӥляд коркады тӥледлы кельтэмын луоз тыртэм.

³⁹Шонер верасько тӥледлы: "уд ни адӟе Моне со дырозь, куке кеськыса уд вазьиське: "дано лу Кузё Инмарлэн нимыныз лыктись!"

Chapter 24

¹ Храмысь потыса, Иисус кошке ни вал.Но дораз дышетскисьёсыз лыктӥзы но храмлэсь юртъёссэ возьматъян ӧдьязы.

²Иисус соослы шуиз: "Адӟиськоды а ваньзэ тае? Зем но верасько тӥлед: Из вылын из но уз кыльы, ваньмыз куашкатэмын луоз".

³ Куке Со пуке вал Елеон гурезь вылын, Солэн дышетскисьёсыз дораз лыктыса, юазы: "Вера милемлы, ку со луоз? Кыӵе тодметъёс луозы Тынад лыктонэдлэн но даурлэн быронэзлэн?"

⁴ Иисус соослы шуиз: "Шӧдске, тӥледыз нокин но медам кыскы йыромонние",

⁵малыке шуоно тросэз лыктозы Мынам нимыным но шуозы: "мон Христос" но троссэ йыромытозы.

⁶Озьы ик ожмаськонъёс сярысь но ожмаськон иворъёс сярысь кылоды.Учкелэ, эн кышкалэ, малыке шуоно ваньмызлы талы луоно. Нош та ӧвӧл на пумыз.

⁷ Султозы ожмаськыны калыкъёс ог-огзы пумит, царство пумитэ царство. Луозы сютэм вакытъёс, трос интыосын луозы катьяны быгатонтэм висёнъёс, интыен-интыен музъем зурканъёс.

⁸Ваньмыз со - кышномуртлэн нылпи вайыны кутскон дырзызлэн вӧсез кадь.

⁹ Соку сётъялозы тӥледы курадӟытыны, вийылозы тӥледды.Тӥ луоды адӟон потостэмесь ваньмызлы калыкъёслы, Мынам нимы понна.

¹⁰ Соку тросэз ӵемтаськозы, огэз огзы вузалозы но адӟемпотостэм карозы.

¹¹ Потозы тросс пӧяса верась пророкъёс но троссэ йыромытозы.

¹² Законэз тӥяса улон уноямен, тросэзлэн яратонзы сӥялоз.

¹³Нош кин чидалоз пумозяз - утемын луоз.

¹⁴ Ивортэмын луоз Царстволэн Евангелиез быдэс дунне вылын, вань калыкъёслы тодытон понна, тини соку вуоз пумыз.

¹⁵Озьыен, куке адӟёды юрӟымез, кудыз бушомем святой интые пуктэмын луоз, кудыз сярысь вераз вал Даниил пророк, - лыдӟись мурт валалоз.

¹⁶ Соку Иудеяын улӥсьёс мед пегӟозы гурезьёсы.

¹⁷ Нош кин липет вылын ке, эн нӥ берытскы аслад коркад сое-тае басьтыны.

¹⁸ Нош кин бусыын - эн берытскы диськуттэ басьтыны.

¹⁹ Куретскон со нуналъёсы луоз кӧтазы пинал нуллӥсь но, нуны нонтӥсь кышномуртъёслы!

²⁰Вӧсьяськелэ, медаз луы шуыса пегзонды толалтэ яке субботае.

²¹Соку туж бадӟым луоз курэктон, кудиз ой вал на дунне кылдонысен, туннэ нуналозь, но уз но ни луы.

²² Озьыен, нуналъёс ке вачиомытэмын ой луысалзы, нокин ой быгатысал утӥськыны, но быръемъёсыз понна вачиомытэмын луозы нуналъёс.

²³ Соку кин ке вераз ке тӥледлы: "Тани татын Христос, яке тӥнӥ отын"- эн оске.

²⁴Потозы пӧяльяськись лжехристъёс, но пӧяльяськись лжепророкъёс, но возьматъялозы туж бадӟымесь тодметъёс но чудоос, йыромытон вылысь - быръемъёссэ но.

²⁵Тӥни, Мон тӥледлы азьланьзэ верай.

²⁶ Озьыен, шуизы ке тиледлы: "тини Со пустыняын" -эн потэ, "Тани Со ватсконни комнатаосын" - эн оске.

²⁷ Кызьы чилетскем шукке шунды жужанысен, но адӟыны луэ шунды пуксёнозь, озьы ик луоз лыктыкуз Адями Пилэн.

²⁸Кытын луоз шӧй, отчы люкаськозы кырныжъёс.

²⁹Шӧдытэк шорысь, курадӟоно нуналъё бере, шунды лябомоз, толызь но югытсэ уз ни сёты, кизилиос но усёзы инбамысь, инбам кужымъёс но зуркалозы.

³⁰Соку адӟиськоз Инбамын Адями Пилэн тодметез, но туж лек бӧрдозы ваньмыз музъем вылысь калык выжыос. Адӟозы Адями Пилэсь лыктэмзэ инбам пилемъёс вылын, туж зок бадӟым кужымен но данлыкен.

³¹ Но келялоз Аслэсьтыз Ангелъёссэ зол вузись гумыосын, но люкалоз быръемъёссэ Солэсь, музъемлэн ньыльнапал сэрегысьтыз, одӥг пал инбам пумысен, мукт инбам пумозь.

³² Инжирлэсь адӟем каре: куке солэн вайёсыз небӟытско но ӧдъяло куар лэзьыны, тодэлэ гужем матэктэ

³³Озьы ик, куке адӟоды ваньзэ сое, тодэ (со) матэктэ ни, но ӧс дорын ини.

³⁴ Зэм верасько тӥлэдлы: уз вуы бырыса со вакытэ адями выжы, кызьы ваньмыз луоз.

³⁵Инбам но музъем но бырозы, нош кылъёсы Мынам уз быре.

³⁶ Со нуналэз но часэз но нокин но уг тоды, Инмысь Ангелъёс но, одӥг Мынам Атае гинэ тодэ.

³⁷Кызьы вал Нойлэн нуналъёсыз вакытэ, озьы ик луоз Адями Пилэн лыктон дыраз но.

³⁸ Кызьы вал ву улэ выйыса бырон нунал азьпалан сиылӥзы, юылӥзы, кышнояськылизы но бызьылизы, со нуналозь ку Ной пыриз ковчеге,

³⁹ӧз но малпаськылэ, ву улэ выйон кутскытӵёзь но ваньмыз бырытӵёзь - озьы ик луоз Адями Пи лыктыку но.

⁴⁰ Соку луозы кык кузя бусыын.Одӥгез басьтӥськоз, нош мукетыз кельтэмын луоз.

⁴¹ Кык кузя вукоын изисьёс. Одӥгез басьтиськоз, нош мукетыз кыльтэмын луоз.

⁴² Озьыен чаз-чаз кариське, малыке шуоно уд тодӥське, кыӵе дырэ Господьды тиляд лыктоз.

⁴³ Нош тодады возелэ, куке коркалэн кузёез тодысалке, ку лыктоз лушкаськись, со дыре ой ызьысал, но карка улаз копаса лушкаськисьлы пырыны ой сётысал.

⁴⁴Соин сэрен тӥ но луэ дасьесь, уго уд тодӥське кыӵе дырэ лыктоз Адямилэн Пиез.

⁴⁵Кин оскымон но визьмын лэсьтись раб, кудзэ кузёез солэн пуктӥз ужасьёсызлэсь вылие, соослы дырыз дырья сётыны сион-юон?

⁴⁶Шудо со раб, куке кузёез солэн бертыса, шедьтоз косэмезъя лэсьтӥсез!

⁴⁷ Земно шуисько тӥледлы, сое кузёез пуктоз кивалтыны быдэсак юрт-котыреныз.

⁴⁸Нош мукетыз ужась, йыркуро сямоез, шуоз аслаз сюлэмаз: "али уз на лыкты мынам кузёе"

⁴⁹ но ӧдьялоз жугыны аслэсьтыз эшъёссэ но мултэссэ вина юисьёсын чош сиёз но юоз,

⁵⁰лыктоз кузёез со раблэн со нуналэ, ку со уг витьы, но сыӵе дырэ ку со уг малпа,

⁵¹ кутыса сое сэрпалтоз калык азьын чеберъяськисьёсын одиг . Кытын луоз бӧрдон но пиньёсты ваче пумит йыръён

Chapter 25

¹Соку Инмысь Царство кельшоз дас нылъёслы, кудъёсыз лампазэс басьтыса потӥзы пумитаны эмеспизэс.

²Со нылъёс пӧлысь витез визьмоесь вал нош витез йырсазьтэмесь.

³Йырсазьтэмъёсыз аслэсьтыз басьтӥзы лампазэс нош азьланезлы запас вӧй ӧз басьтэ.

⁴Визьмоосыз лампаенызы ӵош басьтӥзы азьланьлы дасям запас вӧй.

⁵Нош эмеспи ӝегатскиз, нылъёс нырулӥзы но умме усизы.

⁶Уйшорэ черекскем куара кылӥськиз:" Тани эмеспи лыктэ, потэлэ сое пумитаны".

⁷Нылъёс ваньмыз султӥзы но тупатӥзы лампаоссэс.

⁸Йырсазьтэмъёсыз визьмоосызлэсь вӧйзэс куро, малыке шуоно лампазы кысыны кутскиз.

⁹Визьмоосыз шуизы: "Вӧй вузасьёс доры мынэ но басьтэ, милям асьмелэн вӧймы тырмыт уз луы".

¹⁰Куке мынӥзы нылъёс вӧй басьтыны, лыктӥз эмеспи. Дасьёсыз пыризы соин ӵош сюан юонэ но ӧсъёс пытсаськизы.

¹¹Кӧня ке улыса лыктӥзы мукетъёсыз нылъёс но йыгаськыны кутскизы "Кузёмы! Кузёмы! усьты милемлы".

¹²Со соослы шуиз: "Зэмзэ верасько тӥледлы, мон уг тодӥськы тӥледды"

¹³Соин ик, сак кариськыса, шӧдскыса ӟечкын улэ, малыке шуоно уд тодӥське нуналзэ но чассэ ку лыктоз Адямилэн Пиез.

¹⁴Со озьы ик кароз, кызьы адями мукет шаере кошкыкуз ӧтиз ужасьёссэ но вань юрт котырзэ аслэсьтыз кельтоз соослы.

¹⁵Со одӥгезлы сётэм вить талант, мукутызлы кык, куиньметӥезлы одӥг, ваньмызлы кужымзыя но соку ик кошкиз.

¹⁶Кудызлы сётӥз вить талант со мынӥз но уже кутӥз, эшшо вӧзаз витьлы талантсэ будэтӥз на.

¹⁷Озьы ик йыломытӥз кык талантлы кык талант басьтӥсь.

¹⁸Одӥг талант басьтӥсь мурт мынӥз но сое сюе согиз, ватыса кузёезлэсь азвесьсэ.

¹⁹Кема дыр ортчыса бертӥз кузёзы со ужасьёслэн но вераны косӥз вань лэсьтэм ужзэс.

²⁰Вить талат басьтӥсез лыктӥз но мукет вить талантсэ сётӥз но шуиз:"Кузёе! Тон мыным вить талант сётӥд, мон пайда поттӥ эшшо вить талант".

²¹Кузёез солы шуиз :" Умой, лякыт но оскымон ужасе. Тон оскымон вал ӧжытаз, сёто тыныд троссэ. Висья шумпотонме монэным ӵош".

²²Кык талант басьтӥсез но лыктӥз но шуиз :" Кузёе! Тон мыным сётӥд кык талант. Тани, мон пайда поттӥ на кык талант".

²³Кузёез солы шуиз :" Умой, лякыт но оскымон ужасе. Тон оскымон вал ӧжытаз, сёто тыныд троссэ. Висья шумпотонме монэным ӵош".

²⁴Лыктӥз кудыз басьтӥз одӥг талант но шуиз: "Кузёе мон тонэ тодӥсько вал урод адями шуыса, араськод кытчы уд кизиськы но октӥсько кытчы уд кисьтӥськы.

²⁵Кышкаменым тынысьтыд таланттэ сюе ватӥ "Ме тани тынад, тынысьтыдзэ сётӥсько".

²⁶Кузёез солы шуиз "Йыркуро но асьтэм ужась, тон тодӥд мынысьтым кыӵеме, арасько кытчы уг кизиськы октӥсько кытчы уг кисьты.

²⁷Соин ик тон мынысьтым азвесьме сётыны кулэ вал вузкарисьёслы, соку мон лыктыса басьтысал пайдаен.

²⁸Соин ик, басьтэ солэсь талантсэ но сётэ кинлэн дас талантэз вань.

²⁹Озьыен, котькыӵе ваньбуро муртлы сётиськоз но йылоз нош кинлэн ӧвӧл маиз вань соиз но басьтӥськоз.

³⁰Нош ярантэм рабез сэрпалтэ пеймыт интые, кытын луоз бӧрдон но ваче пумит пинь йыръён". Сое вераса, Иисус вазиськиз:"Кинлэн вань пельёсыз кылзыны, мед кылзоз".

³¹Куке лыктоз Адямилэн Пиез аслаз данэныз но Соин ӵош вань святой ангелъёс, соку пуксёз троназ Аслаз данлыкеныз.

³²Люкаськозы Со азьын вань дуннеын улӥсь калык : "Висъялоз одӥгзэ мукетызлэсь кызьы пудо возьмась висъя ыжёсты кечтакаослэсь.

³³Ыжъсты пуктоз аслаз бур палаз, нош кечтакаосты паллян палаз.

³⁴Соку царь шуоз солэн бур паласьёсызлы:"Лыктэлэ мынам Атаеным благославить каремъёс, басьтэлэ Царствоез тӥледлы со дасямын дунне кылдэм дырысен.

³⁵Малыке шуоно куке сиеме потэ вал - Мыным тӥ сётиды сион. Сюэ куасьмыку тӥ сектады Монэ. Калгыса ветлыкум тӥ лэзиды дорады монэ.

³⁶Голик вал - тӥ дисяды Монэ. Висисько вал - тӥ Мон доры лыктӥды. Тюрмаын вал - тӥ Мон доры ветлиды.

³⁷Соку кинъёс уло шонер Инмарен шуозы:"Кузё Инмармы ку ми адӟим Тонэ сютэм но сюдимы? Сюэд куасьмыку сектамы?

³⁸Ку адӟим ми Тонэ калгыса ветлэмдэ но дорамы лэзимы? Голик дыръяд дисямы?

³⁹Ку ми висьыкуд яке тюрьмаын дырьяд Тон доры ветлӥмы?

⁴⁰Нош Царь соослэн юанзылы шуиз:" Зэм верасько тӥледлы одӥгезлы мынам пичи вынылы тӥ лэсьтӥды бере, Мыным тӥ сое лэсьтӥды.

⁴¹Соку шуоз соосызлы но кудъёсыз паллян палаз:"Проклятойёс, кошкелэ Мон дорысь дугдылытэк жуась тылэ, кудыз кулдытэмын дьяволлы но солэн ангелъёсызлы.

⁴²Малыке шуоно Мынам сиеме потэ вал - но тӥ ӧд сюдэ Монэ. Сюэ куасьме вал - но тӥ ӧд сетэ юондэс.

⁴³Калгыса ветлӥсько вал - тӥ дорады ӧд лэзе Монэ. Голик вал - но ӧд дӥсялэ Монэ. Висьыкум но тюрмаын пукыкум - тӥ ӧд ветлэ Мон доры".

⁴⁴Соку соос юазы солэсь:"Кузёмы! Ку ми Тонэ адӟимы сютэм яке юэмед потыку, яке калгыкуд яке голик яке висьыса яке тюрмаын но ӧм юрттэ Тыныд?"

⁴⁵Таосыз мынозы пыраклы пумтэм курадзёнэ, нош шонер лэсьтсьёс- пыраклы мынозы быронтэм улонэ".

Chapter 26

¹Куке Иисус вань кылъёссэ вераса быдтӥз Аслаз дышетскисьёсызлы но шуиз:

²"Тӥ тодӥськоды-а кык нунал ортчыса куке луоз Пасха, соку Инмарлэн Адями Пиез сётэмын луоз кирос вылын кортчогаганы".

³Соку люкаськизы первосвященникъёс, книга гожъясьёс но калыклэн кивалтисьёсыз Каифа нимо первосвященниклэн азбараз.

⁴Отын вераськизы одӥг уж сярысь, кызьы Иисусэз пӧяса кутоно но виёно,

⁵нош вераськизы:" Праздник нуналэ гинэ ум лэсьтэ та ужез, калык медаз бугырскы шуыса".

⁶Куке Иисус вал Вифаниын, проказаен висись Симонлэн корказ,

⁷Со доры лыктӥз кышномурт алебастр посудаен, кудаз вал дуно мира вӧй но Иисуслэн йыр вылаз кисьтӥз.

⁸Тае адӟыса, дышетскисьёсыз йыркуръяськыса шуизы:" Малы юнме быдтыны мираез?

⁹Та дуно вӧез вузаны луысал дуно дунын но ёрмыса улӥсь начаръёслы сётыны".

¹⁰Нош Иисус тае валаса шуиз:"Малы тӥ кышномуртэз керпоттытӥськоды? Со Мон понна ӟеч уж лэсьтӥз,

¹¹малыке шуоно начаръёс котьку луозы тӥледын, нош Мон тӥледын пыр уг луы.

¹²Мынам мугор вылам та мироез кисьтыса, со дасяз Монэ ватыны.

¹³Зэм тӥледлы верасько:"Быдэс дунне вылын, кытын проповедовать каремын луоз то Евангелие, тодазы ваёзы та кышномуртэз но солэсь ужзэ.

¹⁴Соку дас кык пӧлысь одӥгез, Искариот Иуда нимоез первосвященникъёс доры кошкиз

¹⁵но юаз:"Мар тӥ сётоды мыным?Мон вузало Сое тӥледлы".Соос Иудалы ӵектӥзы куамын азвесь коньдон.

¹⁶Со дырысен Иуда утчаз кельшымон учыр Сое вузаны.

¹⁷Юмал нянь сионлэн нырысетӥ нуналаз Иисус доры дышетскисьёсыз лыктӥзы но юазы:"Кытын Тыныд "Пасха" дасяно?"

¹⁸Со шуиз:"Мынэлэ городэ сыӵе-сыӵе мурт доры но солы вералэ:"Дышетӥсь шуэ, Мынам дыры матын ни. Тон дорын Пасха ортчыто Аслам дышетскисьёсыным".

¹⁹Дышетскисьёсыз лэсьтӥзы кызьы косӥз Иисус, но дасязы "Пасха".

²⁰Куке ӝыт вуиз, Со пуксиз дас кык дышетскисьёсыныз ӵош.

²¹Но ку соос сисько вал шуиз:"Зэм верасько тӥледлы, тӥ пӧлысь одӥгез Монэ вузаса сётоз быдтыны.

²²Соослэн туж ӝож мылкыдзы луиз, но кутскизы Солэсь ваньзы юаны:"Мон ӧвӧл -а со, Господин?"

²³Нош Со пумитазы шуиз:"Монэным ӵош тусьтые кизэ лэзись, со Монэ вузаса сётоз.

²⁴Нош Адямилэн Пиез мынэ, кызьы гожтэмын Со сярысь.Нош курадзён со адямилы, кудыз вузалоз Адямилэсь Пизэ.Умойгес луысал со адямилы чик но ке ой вордӥськысал музъем вылэ".

²⁵Отын ик Сое вузась Иуда шуиз:"Мон ӧвӧл-а, Равви?" Иисус пумитаз вераз:"Тон верад".

²⁶Сиськон дыръязы, Иисус кияз нянь басьтӥз но благославить карыса, тӥяса сётчаз дышетскисьёсызлы но шуиз:"Басьтэ но сие - та вань Мынам мугоры".

²⁷Озьы ик чаша басьтӥз но тау карыса, сётӥз соослы но шуиз:"Ваньды юэ татысь,

²⁸малыке шуоно та - Мынам выль заветлэн вирыз, кудыз кисьтӥське трос адямиослэсь сьӧлыкъёссэс искупить карон понна.

²⁹Верасько тӥледлы:"Уг нӥ юы виноград емышлэсь лэсьтэм вина со дырозь - Мынам Атаелэн Царствоаз тӥленыд ӵош выль вина юытчёзь".

³⁰Но, псалом кырӟаса, мынӥзы Елеон гурезь вылэ.

³¹Соку Иисус вераз соослы:"Та уйин тӥ ваньды ӵемтоды но Монэ кельтоды, малыке шуоно гожтэмын:"Вормо пудо возьмасез - но пазьгиськозы ыжъёс".

³² Улӟыса султэме бере Мон витисько тӥледды Галилеяын".

³³Пётр вераз Солы:"Ваньмыз но ке Тынысьтыд куштӥськозы, мон ноку но уг куштӥськы".

³⁴Иисус шуиз солы:"Шонер верасько тыныд, та уйе атас чёръямлэсь азьло ик, тон куинь пол Мынысьтым куштӥськод".

³⁵Пётр вераз Солы:"Тонэныд ӵош мыным кулоно ке но луоз, уг кушты Тонэ" Ваньмыз дышетскисьёсыз но озьы ик шуылӥзы.

³⁶Собере соосын чош Иисус лыктӥз Гефсимания шуон интые но дышетскисьёсызлы шуиз:"Мон отчы мыно но вӧсясько, тӥ пукелэ татын".

³⁷Сьӧраз Пётырез но Заведейлэсь кык пиоссэ басьтӥз но мӧзмыны но курекъяськын ӧдъяз.

³⁸Соку Иисус соослы шуиз:"Мынам лулы кулоно кадь куректэ, татын Монэным ӵош сак кариськыса улэ".

³⁹Ожытак палэнскыса, ымныр вылаз усьытскиз но вӧсяськыны кутскиз:"Атае Мынам! Луэ ке, мед ортӵез Мон вӧзытӥ та чаша! Нош медаз лу Мынам потэмея нош мед луоз Тынад потэмедъя!".

⁴⁰Дышетскисьёсыз доры лыктӥз но соос ваньмыз изё. Собере Пётрлы вераз:"Тӥляд одӥг час ке но Монэным сак кариськыса, шӧдскыса улэмды ӧз луы шат?

⁴¹Сак кариське но вӧсяське, сьӧлтаськыса усено медаз луы шуыса.Тӥляд лулды сэзь нош мугорды ляб".

⁴²Нош ик кошкиз но вӧсяськыны ӧдъяз, вераса:"Атае Мынам! Мед кошкоз Мон вӧзытӥ та чаша, Мынам отысь юоно медаз луы шуыса, нош мед быдэсмоз Тынад воляед".

⁴³Берытскыкуз,нош ик шэдьтӥз соосты иземысь, малыке шуоно синъёссы соослэн секыномизы.

⁴⁴Но, соосты кельтыса, куиньметизэ кошкиз вӧсяськыны, сое ик вераса.

⁴⁵Соку лыктӥз Аслаз дышетскисьёсыз доры но шуиз:" Тӥ ялан изиськоды но шутэтскиськоды? Тани вуиз дыр, Адямилэн Пиез сётэмын луоз сьолык лэсьтисьёс киулэ

⁴⁶Султэлэ, мыноме! Тани, матэктэ ини Монэ вузась".

⁴⁷Куке Со вера на вал, Иуда, одигез дас кык дышетскисьёсыз пӧлысь вуиз трос калыкен, киосазы кинжолъёс но копьёос кутыса, соосты келязы первосвященникъёс на калык кивалтӥсьёс.

⁴⁸Иисусэз вузась мурт соослы тодмо пус сёто шуиз "Кин монэ чупалоз Со ик луоз, кутэлэ Сое".

⁴⁹Ӝогак лыктыса Иисус доры шуиз "Шумпот, Равви!" Но чупаз Сое.

⁵⁰Иисус нош солы шуиз "Эше, малы тон лыктӥд?"Соку дораз лыктӥзы но Иисусэз кутӥзы.

⁵¹Тани, одӥгез, кин вал Иисусэн поттӥз кинжалзэ но шоналскыса ӵогыса уськытӥз первосвященниклэн рабезлэсь пельзэ.

⁵²Соку Иисус солы шуиз "Пон интыяз кинжалдэ, малыке шуоно ваньмыз кин кинжал кутоз, кинжаллэсь ик бырозы.

⁵³Яке малпаськод, табере Мон Атаелэсь курыны уг быгатӥськы,Со мед келялоз шуыса даскык легионлэсь уногес ангелъёссэ?

⁵⁴Кызьы бен соку быдэсмозы Писаниеос, ваньмыз та ӧз ке луы?".

⁵⁵Нош калыклы Иисус шуиз :"Разбойник доры кадь, тӥ лыктӥды кинжалъёсын но копъёосын кутыны Монэ. Нуналлы быдэ Мон тӥледды пуки дышетыса храмын но тӥ ӧд кутэ Монэ".

⁵⁶Ввньмыз та луэ мед быдэсмоз пророкъёслэн гожъямёссы. Соку Сое кельтыса ваньмыз дышетскисьёсыз пегӟизы.

⁵⁷Нош Иисусэз басьтӥсьёс Сое нуизы Каифа первосвященник доры, отчы люкаськизы книжникъёс но калыкен кивалтӥсьёс.

⁵⁸Пётр кыдёке кыльыса соос бӧрсьы мынӥз первосвященниклэн азбарозяз, пумзэ адӟон понна пыриз пуӵказ но ӵош пуксиз отын ужасьёсын.

⁵⁹Первосвященникъёс, калыкен кивалтӥсьёс но быдэс синедрион утчало вал пӧяса ӧвӧлтэмзэ веранэз Иисус пумитэ, Сое виыны сётон понна,

⁶⁰но ӧз шедьтылэ.Пӧяса ӧвӧлтэмзэ верасьёс трос ке но вал, номыре но ӧз шедьтэ. Нош берат, лыктӥзы кык пӧяса ӧвӧлтэмзэ верасьёс

⁶¹но шуизы:"Со шуылиз:"Мон быгатисько кучкатыны Инмарлэсь храмзэ но куинь нунал куспын сое пуктыны".

⁶²Первосвященник султыса шуиз Солы:" Малы номыре но уд вераськы? Соос уго пумит верало Тон пумитэ!"

⁶³Иису вераськытэк улиз.Но первосвященник Солы шуиз:"Улэп Инмарен мон Тонэ сюлворыса курисько, вера милемлы Тон-а Христос Инмарлэн Пиез.

⁶⁴Иисус солы шуиз:"Тон шуид.Озьыен верало тилед - азьланяз ти адзёды Адямилэсь Пизэ кудыз кужымлэн (Инмарлэн) бур палаз пуке но пилемъёс вылын лыктэ.

⁶⁵Соку первосвященник вожзэ поттыса дысьсэ кесяз но шуиз:"Со Инмарез урод кылын вера! Малы асьмелы кулэ но свидетельёс? Табере ти асьтэос кылиды кызьы Со Инмарез урод кылын вера!

⁶⁶Кызьы ти малпаськиськоды? Соос шуизы:"Виыны кулэ".

⁶⁷Соку одигъёсыз Солэн ымныраз сялазы но пельдораз чабкылизы. Мукетъёсыз ымныроз мыжгаллязы

⁶⁸но вераллязы:"Христос, вера милем, кинТыныд шуккиз?"

⁶⁹Нош Пётр пуке вал азбарын. Но со доры лыктиз одигез ляльчи-кышномурт но шуиз:"Тон но вал Галлилеяысь Иисусэн".

⁷⁰Нош Пётр ваньмыз азьын шуиз:"Уг тодиськы, мар сярысь тон вераськод".

⁷¹Зозьы сьоры потыкуз, Сое адзиз на мукетыз ляльчи-кышномурт но ваньмызлы вераз:"Со но вал Назаретысь Иисусэн".

⁷²Нош ик со отречся кариськиз, кылзэ сётыса, уг тодиськы Сое шуыса.

⁷³Кыняке дыр ортчыса, нош ик Пётр доры лыктизы отысь калык но шуизы:"Тон зэм но одигез соос полысь, малыке шуоно тынад вераськемед соослэн кадь".

⁷⁴Но Пётрлы тодаз ваиз Иисуслэсь верамзэ:" Та уйе атас чёръямлэсь озьло ик, тон куинь пол Мынысьтым куштиськод". Пётр потиз но туж зол бордиз.

Chapter 27

¹Куке вуиз ӵукна, ваньмыз первосвященникъёс но калыклэн кивалтӥсьёсыз люкаськизы кенеше, Иисус пумысен, кызьы Сое сётоно виыны.

²Думылыса Сое нуизы но сётизы Понтий Пилат кивалтӥсьлы.

³Соку Иуда кудыз вузаз, адӟиз кызьы Иисус судэ сётэмын но валаз умойтэм уж лэсьтэмзэ берлань сётӥз куамын азвесь коньдонзэ первосвященникъёслы но калыкъёслэн кивалтӥсьёсызлы.

⁴Но шуиз:"Сьӧлыке мон пыри, янгыштэм вирез вузаса сётӥ. Нош соос солы шуизы, милемлы маке шат.Учкы ачид".

⁵Азвесь коньдонзэ зӥртӥз храме, со кошкиз но ошкиз.

⁶Первосвященникъёс, азвесь коньдонэз люкаса, шуизы:"Уг яра тае уже кутыны храмын, малыке шуоно вирлэн дуныз со".

⁷Кенешыса, соос со коньдонлы басьтӥзы горшок лэсьтӥсьлэсь бусызэ, калгыса ветлӥсьёсты кулэм беразы отчы ватыны.

⁸Соин ик со музъе та дырозь нимаське "вир бусы".

⁹Соку быдэсмиз верамез(Кузё Инмарлэн) Иеремия пророк пыртӥ, кудыз вера:"Но басьтӥзы куамын азвесь коньдон - Солэн дуныз, Кинэ дунъязы Израильлэн пиосыз, -

¹⁰но сётизы сое горшечниклэн бусыез понна, кызьы вераз мыным Кузё Инмар".

¹¹Нош Иисус сылӥз кивалтӥсь азьын, но соиз Солэсь юаз:"Тон Иудеялэн царьез?",

¹²Куке Сое первосвященникъёс но калыклэн кивалтӥсьёсыз янгыше уськытӥзы, Со номыре но пумит ӧз вазьыл.

¹³Соку Солы Пилат шуиз:" Уд шат кылиськы, кӧня калык верало Тон пумитэ?"

¹⁴Нош Со ӧз вазьыл солы пумит одӥгезлы но янгыше уськытэмезлы, соин ик кивалтӥсь туж зол паймиз.

¹⁵Пасха праздниклы кивалтӥсьлэн сямыз вылэм одӥгзэ адямиез тюрмаысь лэзьыны, кудзэ калык куроз.

¹⁶Со дырын тюрьмаын пытсамын вал одӥг разбойник, кудызлэн нимыз вал Варавва.

¹⁷Но ку соос люкаськизы, Пилат юаз соослэсь:"Кинэ мыным лэзёно, Варавваез яке Иисусэз, Кудзэ Христос шуо?"

¹⁸Со тодэ вал, Сое вожъяськеменызы кутыса сётӥзы шуыса.

¹⁹Со вискын, куке Пилат заседать каре вал судын, кышноез солэн келяз солы ивор:"Эн лэсьты номыре но уродзэ шонер улӥсьлы, малыке шуоно мон туннэ уйвӧтам трос курадӟи Со сэрен".

²⁰Нош первосвященникъёс но калыклэн кивалтӥсьёсыз валэктӥзы калыклы Варнавваез курыны нош Иисусэз - виыны.

²¹Соку кивалтӥсь юаз соослэсь:" Кинэ кык пӧлысь куроды, мон мед лэзё шуыса?" Соос шуизы:"Варнавваез".

²²Пилат шуиз соослы:"Мар мыным лэсьтоно Иисусэн, кудзэ верало Христос?" Ваньмыз кеськыса веразы:" Кортӵогамын мед луоз!"

²³Кивалтӥсь юаз:" Мар бен уродзэ Со лэсьтӥз?" Нош соос уката но золгес кеськыса веразы:"Кортӵогамын мед луоз!"

²⁴Пилат, адӟыса, номыре но уг юртты шуыса, нош бугыръяськон кужмоя, басьтӥз ву но миськиз кизэ вань калык азьын. Но шуиз:"Мынам ӧвӧл янгыше та шонер лэсьтӥсьлэн вирез понна. Учкелэ асьтэос".

²⁵Но соку вань калык вераз:"Солэн вирез ми вылын но милям пиналъёсмы вылын".

²⁶Соку Пилат лэзиз соослы Варавваез, нош Иисусэз, жугыса, кортӵоганы сётӥз.

²⁷Но кивалтӥсьлэн солдатъёсыз нуизы Иисусэз преторияе. Люкаса Со котыре быдэс полк.

²⁸Но Солэсь дӥсьсэ кыльыса, дӥсязы Со вылэ пеймыт горд басмалэсь вурэм царской дӥсь,

²⁹тёрнпулэсь бышкись вене ваезлэсь венок пунӥзы, бур кияз Солы сётӥзы боды.Солэн азьпалаз пыдесъяськыса Сое исамес карыса веразы:"Шумпот, Иудеялэн Царез!".

³⁰Солэн вылаз сялаллязы но киязы боды кутыса йыраз шуккылӥзы.

³¹Куке дугдӥзы серем каремысь, кылизы Со вылысь царской дӥсез но дӥсязы Аслэсьтыз дӥсьсэ но нуизы кортӵоганы.

³²Потыкузы соос пумитэ шедиз Киринеяысь Симон нимо пияш сое нуыны косӥзы Иисуслэсь кироссэ.

³³Голгофа шуон интые вуыса, мукет сямен та инты нимаське "кымыс инты",

³⁴соку солы сётӥзы юыны уксусэз желчен сураса. Со шӧмтӥз но ӧз ю.

³⁵Сое кортӵогаса, соос пус куяса Солэсь дӥськутсэ куспазы люкылӥзы,

³⁶но, пуксьыса, возьмазы Сое отын.

³⁷Нош Солэн йыр вылаз гожтэм ошизы, отын гоштэмын вал Солэн янгышез:"Та луэ Иисус, Иудеяысь Царь"

³⁸Соку Соин ӵош кирос вылын кортӵогамын вал кык разбойникъёс:одӥгез бур палаз, мукетыз паллян палаз Иисуслэн.

³⁹Дортӥз ортчисъёс йырзэс шонаса Солы урод кылъёс кеськыса вераллязы

⁴⁰но шуылӥзы:"Тон кудыз вералляд:"Куаӵкато храмез но куинь нуналскын пукто сое! Уть Астэ Ачид,Тон Инмар Пи ке васькы киросысь.

⁴¹Озьы ик первосвященникъёс, книжникъёсын но калык кивалтӥсьёсын но фарисейёсын сереместыса веразы:

⁴²"Мукетъёссэ спасать карылӥд, нош астэ ачид уд быгатӥськы спасти карыны. Со Израильлэн царез ке мед васькоз киросысь соку ми оском солы.

⁴³Со оске вал Инмарлы, мед табере Инмар мозмытоз Сое, Солы Со кельше ке. Угось со шуылӥз :"Монн - Инмарлэн пиез".

⁴⁴Озьы ик разбойникъёс но соин ӵош кортӵогамъёсыз, пыкылӥзы Сое.

⁴⁵Куатьысен укмыс часозь пеймыт вал быдэс музъем вылын.

⁴⁶Нош укмыс час котыр Иисус лек кеськиз:"Эли! Эли! Лама сабахтин?", яке со луэ:"Инмаре Мынам! Инмаре Мынам! Малы Тон Монэ кельтӥд?"

⁴⁷Куд огез, кин сылэ вал отын, кылыса тае шуизы:"Со ӧте Илияез".

⁴⁸Соку ик одӥгез соос пӧлысь бызьыса мынӥз, губка басьтыса, уксусын коттӥз но боды йылэ поныса, Солы юыны сётӥз.

⁴⁹Нош мукетъёсыз шуизы:"Витем но адӟём, лыктоз-а Илия мозмытыны сое"

⁵⁰Иисус нош ик кеськиз кужмо куараен но лулыз тотӥз.

⁵¹Но тани, храмын занавес кеськиз шорияк - вылӥысен улӥёзь. Музъем зурказ но изъёс пилиськылӥзы.

⁵²Шӧйгуос усьтӥськизы но тросэз кулэм святойёс улӟыса султӥзы.

⁵³Шӧйгуысь потыса Солэн кулэмысь улӟемез бере, пыризы святой городэ но тросэзлы возьматскизы.

⁵⁴Нош сотник но соин ӵош Иисусэз возьмась солдатъёс, музъем зуркамез адӟыса но ваньзэ луэмзэ, туж зол кышказы но шуизы:"Зэм Со Инмарлэн Пиез вылэм".

⁵⁵Отын озьы ик вал тросс кышномуртъёс соос палэнысен учкыса сылӥзы, кудъёсыз Иисус сьӧры лыктӥзы Галилеяысь, служить карыса Солы.

⁵⁶Соос пӧлын вал Мария Магдалина но Мария, Иаковлэн но Иосиялэн анайзы, но Зеведейлэн пиоссылэн анайзы.

⁵⁷Куке вуиз ӝыт, лыктӥз узыр адями Аримафеяысь кудызлэн нимыз вал Иосиф, кудыз озьы ик дышетскиз Иисус дорын.

⁵⁸Со лыктӥз Пилат доры но куриз Иисуслэсь шӧйзэ. Пилат лэзиз басьтыны.

⁵⁹Иосиф басьтӥз шӧйзэ но бинялтӥз вечи чылкыт етӥн дэрае

⁶⁰но понӥз аслаз выль шӧйгуаз, кудзэ со гурезе копаса лэсьтэм. Но бадӟым изэн пыкыса шӧйгулэсь ӧссэ, кошкиз.

⁶¹Нош Мария Магдолина но мукетыз Мария пуксизы шӧӥгу пумитэ.

⁶²Мукет нуналэ пятница бере люкаськизы первосвященникъёс но фарисейёс Пилат дорын

⁶³но шуизы:"Господин! Ми тодамы ваимы, со пӧялляськись куке вал на улэп вераз:"Куинь нунал ортчыса улӟыса султо".

⁶⁴Соин ик кос возьманы шӧйгуез куинь нунал вуытозь, малыке шуоно солэн дышетскисьёсыз уин лыктыса медам луӵкалэ сое но медам вералэ калыклы, со кулэмысь улӟиз шуыса. Соку берпуметӥез пӧян нырысетӥезлэсь уродгес луоз".

⁶⁵Пилат шуиз соослы:" Тӥляд вань возьмаськисьёсты. Мынэлэ но возьмалэ кызьы тодӥськоды".

⁶⁶Соос мынӥзы но шӧгу доры возьмаськисьёсты пуктӥзы но из борды печать понӥзы.

Chapter 28

¹Ортчиз суббота. Шунды ӝужаку арнялэн нырысетӥ нуналаз Мария Магдалина но мукетыз Мария лыктӥзы учкыны шӧйгуэз.

²Но тани, туж зол музъем зурказ, малыке шуоно ангел васькиз инмысь.Со лыктӥз но палдуртӥз изэз шӧйгулэн ӧсэз дорысь но пуксиз со вылэ.

³Нош тусыз Солэн вал чилектэм кадь, но дӥсез Солэн - тӧдьы лымы кадь.

⁴Солэсь кышкаса, возьмаськисьёс куалекъяны кутскизы но кулэм кадь луизы.

⁵Ангел нош, кышномуртъёслы вазиськыса вераз:"Эн кышкалэ, мон тодӥсько, тӥ утчаськоды кортӵогам - Иисусэз.

⁶Татын Со ӧвӧл - Со улӟыса султӥз, кызьы вераз вал. Лыктэлэ, учкелэ со интыез, кытын кылле вал Кузё,

⁷но мынэ ӝоггес, вералэ Солэн дышетскисьёсызлы, Со улӟыса кулэмысь султӥз но витёз тӥледды Галилеяын. Отын ик адӟёды Сое. Тани, мон верай тӥлед".

⁸Но, шӧйгуысь туж ӝог потыса, соос кышкаса но туж зол шум потыса бызьыса мынӥзы Солэн дышетскисьёсыз доры.

⁹Куке соос мыно вал вераны Солэн дышетскисьёсызлы, тани, Иисус пумитаз соосты но шуиз:"Шумпотэ!" Но соос матэ лыктыса Со доры, Солэн пыдъёсыз борды кутскизы но йыбырттӥзы Солы.

¹⁰Соку вераз соослы Иисус:"Эн кышкалэ. Мынэлэ но вералэ Мынам вынъёсылы, соос мед мынозы Галилеяе шуыса, отын соос адӟёзы Монэ".

¹¹Куке нош соос мыно вал, соку кӧняке шӧйгу возьмасьёс, городэ пырыса, веразы первосвященникъёслы ваньмыз сярысь, мар луиз.

¹²Но священникъёс кенешыса калыклэн кивалтӥсьёсынызы, сётӥзы возьмаськисьёслы тросс коньдон

¹³но шуизы:"Вералэ, солэн дышетскисьёсыз, тӥ уйин кӧлыкуды, лыктӥзы но луӵказы.

¹⁴Нош та ивор кивалтӥсь доры вуиз ке, ми сое оскытом но тӥледыз шуг секытъёслэсь мозмытом".

¹⁵Соос, коньдон басьтыса, лэсьтӥзы озьы, кызьы дышетэмын вал.Та сярысь вераськон вӧлмиз иудейёс пӧлын но вуиз та дырозь.

¹⁶Нош дас одиг дышетскисьёс мынӥзы Галилеяе, тубизы гурезе, кызьы соосты косӥз вал Иисус,

¹⁷Сое адӟыса, йыбырттӥзы Солы, нош куд огез ӧз оске.

¹⁸Но матэгес лыктыса, Иисус вераз соослы:" Инмын но музъем вылын но сётэмын Мыным котькыӵе кивалтон.

¹⁹Но озьыен, мынэлэ но дышетэлэ вань калыкъёсты, крестить карыса Атайлэн, Пилэн но Святой Духлэн нимыз понна,

²⁰дышетыса соосты быдэстыны ваньзэ, мае Мон косӥ тӥлед. Та бере, Мон тӥленыд луокотькуд нунал дунне бырытчёзь".

MARK

Chapter 1

¹Инмысь Атайлэн, Иисус Христослэн Евангелиезлэн кутсконэз.

²Кызьы гожтэмын пророкъёслэн: " Тани, Мон Аслэсьтым Кылчинме ( Ангелме( Тон азье лэзисько. Кудӥз (Тынд( азяд Тыныд сюрес дасьалоз ."

³Пустыняын вазьиськисьлэн куараеэ :"Дасьалэ сюрес Кузё Инмарлы .Солы шонер сюрес карелэ."

⁴Лыктӥз Иоанн . Пустыняын крестить карыса но сьӧлыкъёсты простить карон понна крестисься кариськонэз ивортыса.

⁵Со доры быдэс Иудеяысь но Иерусалимын улӥсьёс потӥзы , асьсэлэсь сьӧлыкёссэс усьтыса ваньзы Иордан шурын креститься кариськизы .

⁶Иоанн верблюд гонлэсь диськут нулдӥз , кускыз ку еэн думемын вал , сионэз солэн ӟоз но кыр мушлэн чечыез вал .

⁷Со тазьы вералляз:"Мон сьӧры лыктӥсь мынэсьтым Кужмогес , Солэсь пыдкутчанэзлэсь еззэ мыкыртскыса пертчыны но мон ярамон ӧвӧл .

⁸Мон тӥледыз вуын крестить карисько ,нош Со Святой Духен тӥледыз крестить кароз."

⁹Со нуналёсы озьы луиз , Галилей музъем вылысь, Назарет улон интыысь Иисус лыктиз .Отын, Иоанн пыр, Со но Иордан шурын крестисья кариськиз.

¹⁰Иисус вуысь потыку , Иоан адӟиз, кызьы инбам усьтӥськиз но Со вылэ дыдык выллем Дух васькиз.

¹¹Соку инбамысь куара кылиськиз:" Тон мынам яратоно Пие , Тон вылын мынам ӟеч эрике"

¹²Соку ик Дух Сое пустыняе нуиз .

¹³Ньыльдон нунал со пустыняын пӧйшуръёсын ӵош улӥз ,сатана Сое??? искушать?? кариз ;,Кылчинъёс(Ангелъёс ( Солы служить карыса улӥзы .

¹⁴ Иоаннэз пытсэт серы ворсам бере , Иисус, Галилея музъеме вуыса Инмар Царстволэсь Евангелиеныз тодытыса ветлӥз .

¹⁵Тазьы вералляз :"Дыр вуиз но,матэ луиз Инмысь Атаймылэн Царствоез . Куштӥське(покаятся кариськелэ( сьӧлыкёъстылэсь , оскелэ Евангелилы"

¹⁶Галилей зарезь дортӥ ортчыкуз Симонэз но солэсь вынзэ Андреез адӟиз. Соос кыкназы но чорыгасьёс вал,ӵапак соку сетьёссэс вуэ кушто вал .

¹⁷Иисус вазиськиз соослы :"Мынэлэ Мон сьӧры !Мон тӥледыз адями кутӥсь каро"

¹⁸Соку ик соос сетьёссэс куштӥзы но Со сьӧры кошкизы .

¹⁹Кӧня ке ортчыса , Со адӟиз Заведей пи Иаковез но солэсь вынзэ Иоанэз . Соос лодкаын сетьёссэс тупатъяло вал.

²⁰ Иисус соку ик соосты сьӧраз ӧтиз . Соос асьсэлэсь атайзэс Заведеез лодкае ужасьёсыныз кельтӥзы но Со сьӧры мынӥзы. .

²¹Вуизы Копернауме. Суббота(кӧс ( нунал вал . Синагогае пырыса Со отын дышетӥз.

²² Властез вань мурт кадь Со дышетӥз ,книжникёс кадь ӧз дышеты.Солэн дышетэмезлы ваньмыз паймизы.

²³ Соослэн синагогаязы бесноватый адями вал , со кесьяськыны кутскиз:

²⁴"Кельты Назорей Иисус ! Ми бордын тынад кыӵе ужед ? Тон милемыз быдтыны лыктӥд ! Тодисько тонэ , Тон Инмысь Атайлэн Святоез .

²⁵ Нош Иисус солы кесяськыны ӧз лэсьы. Шуиз :" Дугды , пот со пушкысь,"

²⁶Соку бес со адямиез куалекъятӥз , шуш куараен кеськиз но со пушкысь потӥз .

²⁷Соку выньмыз куалектӥзы: " Мар вал та " , шуыса паймизы , Ог-огзылэсь юаны кутскизы. Кыӵе , мар выль дышетон та шуыса вераськизы . Солэн бесъёсты но улляны кужмыз вань . Бесъёс солэсь кылзисько ?

²⁸Быдэс Галилея музъемын Со сярысь вераськон вӧлмиз .

²⁹Соку ик синагогаысь потыса Иаковен но Иоаннен ӵош , Симонлэн но Андрейлэн корказ лыктӥзы.

³⁰Симонлэн кышноезлэн анаез пӧськылен висе вал ,со кышномурт сярысь Солы веразы .

³¹Со дораз лыкӥз , сое китӥз ӝутӥз. Соку ик пӧськылез ортчиз ,соослы юрттӥськыны кутскиз (служить карыны кутскиз(

³²Ӝытазе , шунды пуксён вакытэ Со доры вань висьисьёсты но бесэн кутэм адямиосты (бесноватойёсты ( вайылӥзы,

³³Быдэс город ӧс дуре люкаськиз .

³⁴Трос адямиосты пӧртӧм висёнъсслэсь бурмытъяз ,пушкисьтызы бесъёсты улляз. Бесъёслы ӧз лэзьы вераны Со Христос шуыса тодэмзэс.

³⁵ Нош ӝукна , вазь султыса , Со кошкылӥз калыктэм интые . Отын Со вӧсьаськыса улӥз.

³⁶Симон но Соин ӵош ветлӥсьёс ,Иисус сьӧры мынӥзы

³⁷но,Сое шедьтыса шуизы " Ваньмыз Тонэ утчало"

³⁸Иисус соослы шуиз " Мыном матысь гуртъёсы но городъёсы . Отын но Мыным тодытыны кулэ(((( вераны кулэ (Инмысь Атаймылэсь кылзэ((((. Со понна ик Мон лыктӥ уго.

³⁹Иисус быдэс Галилея музъемын соослэн синагогаосазы (Инмар кылэз(ивортыса ветлӥз, бесъёсты но улляса поттаз.

⁴⁰ Иисус доры проказаен висьись мурт лыктӥз но пидесъяськыса ,сюлворыса Солэсь куриз: " Монэ чылкыт каремед потӥз ке , чылкытаты вал (чылкататэмед луоз ( ."

⁴¹Иисус жаляз сое , киыныз бордаз йӧттӥськыса шуиз " Потэ , чылкыта !"

⁴² Та кылъёс бере солэн гижлоосыз усьизы . Со чылкыт луиз ..

⁴³ Сое дорысьтыз келяса Со шоры чурыт учкыса шуиз:

⁴⁴ " Учкы , нокиньлы но номыр эн вера . Мыныса священиклы возьматӥськы . Мугорыд чылкыт луэм понна Моисейлэсь косэмзэ ну , священикъёсты тодытон понна.

⁴⁵ Нош бурмем мурт потӥз но ,соку ик вераны кутскиз , кузьы но мар соин луиз . Соин ик Иисус городэ шара пырыны ӧӟ ни быгаты . Город сьӧрын , кыр интыын улиз. Со доры пӧртэм интыосысь калык люкаськылӥз.

Chapter 2

¹ Кӧня ке нунал ортчыса, Иисус наш ик лыктӥз Копернауме, кылиськиз Со каркае пыриз шуысы.

² Соку ик трос калык люкаськиз, ӧс дорын но инты ӧй вал ни, Иисус отын дышетиз (кыл вераз)

³ Ныль кузя ӝутыса Со доры вайизы паралич шуккем муртэз.

⁴ Калык тросэн Иисус доры матэ кариськыны быгатытэк, вӧлдэтэз кесязы но, паралич шуккел адямиез, валесэныз ӵош вӧлдэт пась пыр Иисус азе васькытӥзы.

⁵ Иисус соослэсь оскелез эс адӟыса, паралич шуккем адямилы шуиз: «Пияш(Пие(, тынад селыкъёсыд простить корисько (куштисько)

⁶Татын пукизы куд ог книга тодисьёс но, сюмазы тазьы малпазы:

⁷Малы Со озьы Инмарез сантэм каре? Кин быгатэ сьӧлыкъёсыз простить (куштыны) карыны, одиг Инмар сяна?

⁸Ииисус соку ик Лул пушказ, сюлмазы мар малпамзес валаса, юаз: «Малы озьы малпаськоды сюлмады ?».

⁹Кызьы капчигес (каньылгес)? Шуыны: «Тынад сьӧлыкъёсыд простить каремын (куштэмын)»? яке: «Султы, ӝут валестэ но ветлы»?

¹⁰Нош тӥ мед тододы Адями Пилэн кужымез вань та музъемын сьӧлыкъёсты простить карыны (куштыны) шуыса, паралич шуккем муртлы вера:

¹¹Тыныд верасько: «Султы, валестэ басьты но дорад берт»

¹²Со соку ик султӥз но валессе басьтыса вань калык азьтӥ потӥз, ваньзы паймыса, но Инмарез данъяса шуизы: «Но ку но таӵэзэ ми ӧм на адӟе"

¹³Нош Иисус зарезь (бадьӟым ву) дуре потӥз, вань калык Со сьӧры мыниз, Иисус соосты дышетӥз.

¹⁴Ортчыса кошкыкуз Со одӟиз Алфей Левиез кудиз пуке выл выт вичаськон дорын, шуиз солы: «Мын Мон сьӧры». Со султӥз но Ииисус сьӧры мыниз.

¹⁵Иисус но солэн дышетскисьёсыз Левийлэн корказ интыяськыса сиизы-юизы. Трос вал селыко адямиос но выт бичасьёс (мытарёс) кудъёсыз ветлизы Со серы.

¹⁶Книга тодисьёс но фарисейёс Солэсь селыко адямиосын но выт бичасьёсын сием-юэмзэ адӟыса дышетскисёсызлэсь юазы: «Кызьы Со сие-юэ селыко адямиосын но выт бичасёсын (мытарёсын)»

¹⁷Тае кылыса Иисус соослы шуиз: «Висисьтэм муртъёслы эмъясь кулэ ӧвӧл, висьись муртлы кулэ .Мон ӧй лыкты шонерлыко улӥсь муртъёсты ӧтьыны, лыктӥ сьӧлыко адямиосты ӧтьыны .

¹⁸Фарисейес но Иоаннлэн дышетскисьёсыз поститьса кариськизы (визязы). Со доры лыктыса юало: «Малы Ианнлэн но фарисейёслэн дышетскисьёсыз постится карисько (визяло) нош Тынад дышетскисьёсыд поститься уг карисько (уг визяло)?»

¹⁹Нош Иисус соослы шуиз: «Сюанчиос быгатозы шат поститься кариськыны (визяны) эмести соосын ӵош дыръя? Уз быгатэ

²⁰Но вуозы сыӵе нуналъёс ,ку эмисти соос дорысь басьтӥськоз. Со нуналъёсы поститься кариськозы (визялозы)

²¹Нокин но вуж диськут борды выль басма (дэра) уг кышъя, выль кышъет кесёз уг вуж басмаез, соку пась солэсь но уродгэс луоз»

²²Нокин но выль винаез уг лэзьы вуж ку пуйыосы, лэзьиз ке выль вина кесёз выль ку пуйыэз, ку пуйы кесыськоз, вина но кисьтӥськоз. Выль винаез лэзёно выль ку пуйыосы.

²³Суббота ( кӧс нукалэ) Со потоно луиз кизем бусыос пыр, дышетскисьёсыз мынон куспазы ю шепъёсты ышкыны (чиганы) кутскизы.

²⁴Фарисейёс Солы шуизы: «Учку ай соос шоры, суббота нуналэ лэсьтыны ярамтэ ужъёс лэсьто»

²⁵Иисус соослы шуиз:" Ноку лыдӟемды ӧвӧл шат, мар кариз Давид, аслаз но соин ӵош ветлисьёсылэн (луисьёслэн) зол сиемзы потыку (кӧтсюмаку)

²⁶Кызьы Авиафар первосвященник дыръя, Инмар корка пырем но священникъёслы гинэ сиины ярано, Инмар азе ваем нянез сием, соин ӵош ветлисьёслы но сётэм?»

²⁷Иисус соослы шуиз: «Адями субботалы ӧвӧл, суббота адямилы;

²⁸Соин ик Адяме Пи Кузё субботалы но.

Chapter 3

¹Нош ик лыктӥз Иисус синагогае ,отын вал киыз куасьмем мурт.

². Суббота нуналэ сое уз бурмыты меда шуыса ,Иисусез янгыш карон вылысь , чакласа улӥзы

³Нош Иисус шуиз киыз куасьмем муртлы :»Султы шораз »

⁴Нош соослы шуиз :» Субботае (Кӧс нуналэ (мар лэсьтыны яра : умой уж а, я ке урод уж -а ?Лулэз утьыны я ке быдтыны а ?»Нош соос шып улӥзы .(ӧз вазьылэ(

⁵Сюлэмзы лек луэм пумысь куректыса ,вожез потыса шоразы учкиз но шуиз висись муртлы :»Кидэ шонерты .» Кизэ шонер карем бераз висись киыз еназ,мукет киыз кадь ик луиз.

⁶Фарисейес соку ик потӥзы но ,Иродлэн адямиосыныз валче ,Иисусез кызьы ке но быттон понна ,куспазы кенеш ортчытӥзы .

⁷Нош Иисус Аслаз дышетскисёсыныз ӵош зарезь доры )ву дуре ( море дуре( кошкиз.Со серы трос калык мынӥз. Соос Галилеяысь ,Иудеяысь ,

⁸Иерусалимысь,Идумеяысь но Иордан шур серысь вал.Тир но Сидон котырын улӥсьёс ,Иссуслэсь лэсьтэм ужъёсыз сярысь кылыса ,туж трос кузя Со доры лыктӥзы .

⁹Калык трос луэмен ,Сое медаз ӟоскатэ (ӝокатэ.ӝикатэ( шуыса ,дышетскисьёссэ лодка дасьан косиз.

¹⁰Уго троссэ Со йӧнатӥз (бурмытӥз(,соин ик азись яраосын висисьёс Со борды еттӥськон понна матаз лыктӥзы (бросались(

¹¹Сое адӟыса, бесъёс но уськытыськыса « Тон Инмар Пи» шуыса кесяськизы .

¹²Нош Иисус Соослы туж юн вераз,Сое тодмо медам каре шуыса.

¹³Со бере гурезь вылэ тубиз . Кинэ Ачиз мылкыд кариз ,соосты Ас сьӧраз ӧтиз. Соос мынӥзы Иисус доры .

¹⁴Соос пӧлысь дас кыксэ бырйиз ,Соин ӵош луон но (Инмар ( кылэз вӧлмытыса ветлон понна ,

¹⁵.Висисъёсты йӧнатыны но бесъёсты улляса поттыны кужымзы(властьсы( мед луоз шуыса .

¹⁶.Бырйиз Симонез , солы Пётр ним сётыса ,

¹⁷Заведейлэсь пизе Иаковез но солэсь вынзэ Иоаннэз, соослы Воанаргес ним сётӥз ,со «гудыри пиос » шуэм луэ.

¹⁸Андреез,Филиппез,Варфоломеез ,Матфеез,Фомаез, Алфейлэсь Иаков пизэ,Фаддеез ,Кананит Симонез

¹⁹но Искариот Иудаез,кудӥз Сое вузаса сётӥз (Кудӥз Сое предать кариз.(

²⁰Корка пыризы .Нош ик калык люкаськиз , соослы нянь сиины но маза ӧз луы ни.

²¹Матысь муртъёсыз, Со визьзэ ыштэм шуыса вераськемез кылыса, Сое нуыны лыктӥзы.

²²Нош Иерусалимысь лыктэм книга тодӥсьёс ( книжникъёс( вераллязы Солэн пушказ вельзевул пуке шуыса ,бесъёсты но Со улляса поттылэ пе бесъёслэн куӟёзылэн кужыменыз.

²³Соосты ӧтьыса ,притчаос пыр вераз соослы :»Кызьы сатана быгатоз сатанаез улляса поттыны ?

²⁴Эксейлэн (Царьлэн(кузёяськон интыез ас пушказ люкиськиз ке , сылэмез солэн уз луы ни .

²⁵Корка но люкиськиз ке ас пушказ ,сылэмез со коркалэн уз луы ни .»

²⁶Сатана но аслыз ачиз пумит ӝутскиз но люкиськиз ке ,уз луы ни солэн возиськемез ,солэн бырон дырыз вуиз.

²⁷Нокин но кужмо муртлэн корказ пырыса ,солэсь ваньбурзэ (арберизэ(лушканы уз быгаты , нырысь ӧз ке думылы кужмо муртэ ,со бере гинэ корка пушкисьтыз лушкаськыны быгатоз.

²⁸Зем ик тӥледлы верасько ;» Адями пиослы вань селыкёссы но урод верамъёссы ,кыӵе гине урод кылын ӧз вералэ ,простить каремын луозы .

²⁹Нош кин Святой Духез урод кылъёсын вераз ке ,солы ноку но простить каремын уз луы ни ,со пумтэм дауръёслы судэ сюроз. »

³⁰Тазьы шуиз Иисус ,Солэн пушказ бесъёс пуко шуыса верамисьтызы

³¹Анаез но солэн братъёсыз(агай-вынъёсыз ( лыктӥзы , корка пырытэк ,педлон (урамын(сылӥзы . Иисуссез доразы ӧтьыны лэзизы (ыстӥзы( .

³².Иисус котырын калык пуке вал .Солы веразы :» Тани тынад Анаед ,братъёсыд(агай-вынъёсыд ( но сузеръёсыд педлон(урамын ( сыло ,Тонэ юало .»

³³Иисус соослы шуиз :» Кин Мынам Анае но Мынам братъёсы(агай -вынъёсы( ?»

³⁴Котыраз пукись калык шоры учкыса ,шуиз :»Тани Мынам анае но,Мынам братъёсы.

³⁵ Кин Инмарлэсь эриксэ быдэсъя ,со луэ Мыным ,брат(агай-вын( но,сузер но ,анай но.»

Chapter 4

¹1 Нош зарезь/ ву

²Трос притчаос (мадёнчёс) пыр соосты дышетӥз .Дышетоназ тазьы вераз:

³"Кылзэлэ: Тани Кизись кизьыны потэм

⁴Кизьыкуз куд-огез сюрес дуре усем , Лобыса вуэм тылобурдоос соосты кокаса (кокчаса) быдтӥллям.

⁵Куд-огез усем ӧжыт музьемо изо интые, музъем (сюй) ӧжытэн ӝог удаса потэм (ӝужам)

⁶6 Нош выжызы ӧвӧлэн шунды ӝужам бере шуялям.

⁷Куд-огез усем жаг турын (бышкись будосъёс) пӧлы, ӝаг турын будыса кидысэз (тысез) ӝокатэм, соин ик со емыш но сётымтэ.

⁸8 Нош куд-огез ӟеч (умой) музъеме (сюе) усем, пушъем (удам), будэм но, кудиз куамын, кудиз куатьтон, кудиз сю емыш (сётэм) ваем.

⁹.9 Шуиз соослы: «Кинлэн кылыны пельыз вань, мед кылоз

¹⁰10 Огназы кылем беразы дышетскисьёсыз но кылем калык юаз притча (мадён) сярысь:

¹¹11 Шуиз соослы: «Тӥледлы тодыны сётэмын Инмар Царстволэсь (Эксейлыклэсь) ватэм пуштроссэ (ватӥськыса улись землыксэ) нош мукетёслы притчаос (мадёкъес) пыр гинэ

¹²????????????Озьыен соос синмызы учко но уг адӟё ,пельынызы кылзо но уг валало нош соос селыксэс кельтысалзы ке (покаятся кариськысалзы ке (Инмар азьын ,простить каремын луысалзы.??????????????

¹³13 Шуиз соослы: «Та притчаез (мадёнэз) уд валаське -а ? Кызьы нош (меда) валалоды вань притчаосты (мадёнъёсты)?

¹⁴Кизись Кыл кизе .

¹⁵15 Сюрес дуре усемез возьматэ сыӵе адямиез, кудиз кылэз кылзэ, нош соку ик Тушмон лыктэ но кылэз сюлмисьтыз лушка.

¹⁶16 Озьы ик изо музъеме (сюе) усем тысь возьматэ адямиез, кудӥз кылэз кылыса, шумпотыса сое сюлмаз басьтэ.

¹⁷Нош пушказы выжызы ӧвӧлэн соослэн мылкыдзы вошъяськись луэ , бӧрысь куректон дыръёс вуо ке, яке кыл понна улляны кутско ке, палэнско

¹⁸Жаг турын(бышкись будосъёс ( пушку киземез возьматэ кылэз кылӥсьёсты ,

¹⁹19 нош та дуннеын сюлмаськонъёс, байлыклы синмаськонъёс но мукет мылкыд каронъёс, сюлмазы пырыса кизем кылэз ӝокато, соин ик емыш но уг вайо (уг сёто)

²⁰Нош умой (ӟеч) (узыр) музъеме (сюе) усемез возьматэ сыӵе адямиосты, кудъёсыз кылэз кылзыса сюлмазы басьто , кудиз куамын полэс , кудӥз куатьтон полэс , кудиз сю полэс емыш вае».

²¹21 Шуиз соослы: «Сюсьтылэз малы ваё - тусьты (посуда) улэ, яке валес улэ пуктыны шат? Сюсьтыл пуктонэ пуктыны уг ваё-а?

²²Шарае потытэк номыр но уз кыльы, вань ватэг тодмо луытэк уз кыльы.

²³Кинлэн кылзыны пельыз вань кылзэлэ.

²⁴24 Шуиз соослы: «Чаклалэ мар кылзиськоды: кыӵе мертанэн мерталоды, сыӵе мертанэн тӥледыз но мерталозы кылзисьёсты , со вӧзы будэтэмын (ватсамын луоз( но луоз на .

²⁵25 Уго кинлэн вань, солы нош сётӥськоз, нош кинлэн ӧвӧл солэсь мариз вань соиз но басьтӥськоз.

²⁶26 Нош шуиз: «Инмар Царство (эксейлык) кельше солы ,кызьы адями музъеме тысь (кидыс) кизе :

²⁷Изе, уг тоды со кызьы тысь (кидыс) удаса потэ но будэ.

²⁸28 Уго музъем ачиз будэтэ: нырысь узьым ӝужаса потэ, будыса шепаське, нош собере тырмыт шэпо луэ.

²⁹29 Емыш вуэм бере ӝегатскытэк сюрло лезе, малыке шуоно аран дыр вуиз

³⁰ Нош шуиз: «Малы кельшытом Инмарлэсь Царствозэ (эксейлыксэ) Кыӵе притчаен (мадёнэн) возьматом сое?

³¹Со горчица тысь (кидыс) выллем, кудӥз кизьыку вань тысьлэсь (кидыслэсь) пичи луэ (векчи луэ)

³²Удаса потэм бераз будэ но, вань ю шепъёс пӧлысь ӝужтгэс луэ, бадӟым вайъёс лэзе, инмын лобась тылобурдоос но солэн вужераз ватӥськыны быгато."

³³Таӝе трос притчаосын (маденъёсын) дышетӥз соосты; кӧня кылзыны быгатӥзы.

³⁴Притчатэк (мадёнтэк) ӧз вера соослы, нош дышетскисьёсызлы берло (берысь) ваньзэ валэктӥз.

³⁵35 Со нуналаэн ӝыт палаз (ӝыт азяз) шуиз: «Мукет яр дуре потом (выжом)"

³⁶36 Соос калыкез лэзьыса, Иисусэз серазы басьтӥзы, малыке шуоно Со лодкаын вал. Соосын ӵош мукет лодкаос но вал.

³⁷37 Соку туж кужмо сильтӧл ӝутскиз , тулкымъёс лодка борды шуккылӥськизы , соин ик лодка вуэн тырмыны кутскиз .

³⁸38 Нош Иисус, йыр ул поныса , изе вал лодкалэн (пыжлэн) бер люкетаз . Сое сайкатыса шуо:" Дышетӥсь! Ми быриськом ни шуыса Тыныд нокыӵе но уг поты шат?»

³⁹39 Сайкаса (султыса( Со тӧлэз дугдыны косиз, зарезьлы (вулы) шуиз: «Шыпытскы, дугды!» Соку тӧласькемысь дугдиз но, маке кадь (туж) шыпыд кариськиз (луиз) (чалмыт луиз).

⁴⁰Шуиз соослы: «Малы тӥ сыӵе кышкасесь? Осконды ӧвӧл -а мар -а?(малы тӥляд осконды ӧвӧл?»(

⁴¹41 Дышетскисьёсыз туж зол (юн) кышкаса ог-огзылы веразы: «Кин Со сыӵе, тӧл но зарезь (ву) но Солэсь кылзисько?»

Chapter 5

¹Вуизы зарезьлэн мукет яр дураз, Гадарин шаере.

²Лодкаысьтыз потыса гине вуиз но Иисусез шайгу- пещераысь потэм, бесен кутэм адями(бесноватый ( пумитаз .

³Солэн улон интыез выл шайгу- пещераосын. . Нокин но быгатымтэ сое жильыен но думылыны.

⁴Малы ке шуоно, со трос пол думылэмын но, жильыямын но вылэм ини , жыльыосты чигтылэм,кандалаосты тӥям, нокин но быгатымтэ сое буйгатыны.

⁵Чик дугдылытэк , уй но, нунал но , гурьезьёсын но, шайгу пещераосын но кесяськыса ассэ изъёс борды йыгаса улӥз.

⁶Иисусэз кыдёкысен ик адзыса, бызьыса лыктӥз но Солы йыбырттыса ,

⁷бадӟым куараен черектӥськыса вераз: « Иисус , Вылӥсь Инмарлэн Пиез ,тынад мон бордын мар ужед? Инмарлэн нимыныз сюлворыса курисько Тонэ, эн курадӟыты монэ».

⁸Уго Иисус солы шуиз : « Бес,пот та адями пушкысь».

⁹Собере юаз та адямилэсь: «Кыьзы тынад нимыд?» Со шуиз : «Мынам нимы легион, малы ке шуоно, ми трос кузя».

¹⁰ Бесъёс Иисуслэсь туж куризы , та музъемысь соосты медам улля шуыса .

¹¹Отын, гурезь дорын бадӟым парь уллё возьмаське выл.

¹²Вань бесъёс Солэсь курыса шуизы: «Лэзь милемыз парьёс пушкы,соос пушкы пырон понна .»

¹³Иисус соку ик лэзиз соослы пырыны. Бесъёс потыса, парсьёс пушкы пыризы но, вань парсь уллё, меӵ ярдурысен зарезе(вуэ( тэтчиз , нош со уллёын кык сюрс пала парсьёс выл, ваньзы соос зарезе(вуэ( выизы.

¹⁴Парсь возьмасьёс соку ик бызьыса мынизы но, городын но гуртъёсын но та сярысь веразы. Отын улӥсьёс но мар луэмез учкыны потӥзы.

¹⁵ Иисусу доры лыктыса адӟо; бесен кутэм адями(бесноватый(, кудӥз пушкын улӥз легион, пуксьыса пуке, дисяськемын но ӟеч визьмо. Соос туж зол кышказы.

¹⁶Адӟись адямиос кызьы но мар луиз, ваньзэ веразы, бесен кутэм адями (бесноватый адями( сярысь но, парсьёс сярысь но.

¹⁷Соку адямиос Иисусез курыны кутскизы мед кошкоз соослэн музъемысьтызы шуыса.

¹⁸Иисус лодке пырем бере, азьвыл бесен кутэм адями( бесноватый адями( куриськиз Соин ӵош ветлыны.

¹⁹ Нош Иисус ӧз лэзьы солы, Со шуиз : « Гуртад берт, асладъёс доры но вера, мар кариз тонэн Кузё Инмар, кызьы Со тонэ жаляз (помиловать кариз(.».

²⁰Со мурт , Дас городэ мыныса , Иисуслэсь мар соин каремзэ тодытыса ветлӥз . Ваньмыз талы паймизы.

²¹ Ку ке Иисус мукет яр дуре лодкаен уяса потӥз , Со доры туж трос калык люкаськиз. Со вал зарезь дурын.

²²Тани соку синагогаысь кивалтӥсьёс пӧлысь одӥгез, Иаир нимо мурт , лыктӥз но Иисусез адӟыса Со азе пыдэс вылаз уськытскиз.

²³Сюлмысьтыз туж курыса Иисуслы вераз:" Нылы мынам кулоно кадь, лыкты, пон киостэ со вылэ, мед йӧналоз (бурмоз) вал но улэп мед кылёз вал."

²⁴Иисус мынӥз соин ӵош. Солы ӟоскыт карыса , трос калык соос сьӧры мынӥз .

²⁵Вир кошконэн дас кык ар ӵоже курадӟыса улӥсь одиг кышномурт ,

²⁶ кудӥз трос чидано луӥз пӧртэм эмъясьёслэсь, ваньзэ маиз вал солэн, ваньзе быдтӥз , но нокыӵе пайдаез (ӟечез) ӧз луы, эшшо но уродгес луиз,

²⁷Иисус сярысь кылыса , калыклэн бертӥз лыктыса, Иисуслэн дӥськутэз борды йӧттӥськиз .

²⁸Уго вералляз: « Солэн дӥськут бордаз гине йӧттӥськи ке но , йӧнало».

²⁹Соку ик вирыз виямысь дугдӥз но, мугорыз висёнэзлэсь йӧназ (бурмиз) шуыса шӧдӥз.

³⁰Со дыре ик Иисус , Ас пушказ шӧдыса , кужымез потӥз Со пушкысь шуыса, калык пӧлын вазиськыса юаз: «Кин Мынам дӥськутэ борды йӧттӥськиз?»

³¹Дышетскисьёсыз паймыса шуизы Солы: «Тон адӟиськод уг, калык тонэ?? ӝикатэ (ӝиктэ)?? , нош юаськод , кин Мон борды йӧттиськиз шуаса.»

³²Нош Со котыр учкиз , тае лэсьтэм кышномуртэз адӟон понна.

³³Кышномурт туж кышкаса но куалектыса, асэныз мар луэмез тодыса, Со доры лыктӥз, азяз пыдесъяськыса номыре ватытэк ваньзэ вераз.

³⁴ Нош Иисус солы шуиз : «Нылы , тынад осканэд тонэ утӥз: каньылэн берт но, та висёнэныд эн вись ини..

³⁵Со озьы вераку, лыктӥзы синагогаысь кивалтӥсьлэн ыстэм адямиосыз но веразы:» Тынад нылыд кулӥз ни, марлы шуг-секыт кариськад на Дышетӥсез.»

³⁶Нош Иисус та кылъёсты кылыса , соку ик вераз: «Эн кышка , оскы гине».

³⁷Пётрлы, Иаковлы, Иаковлэн вынзлы Иоаннлы сяна ,нокинлы но ӧз лэзьы сьӧраз мыныны .

³⁸Синагогалэн кивалтӥсьлэн дораз (гуртаз) вуиз но,куалектэм , викышъяса , куараен бӧрдӥсь адямиосты адӟиз .

³⁹Корка пыриз но шуз: «Малы сокем чигтӥськыса бӧрдӥськоды? Нылаш кулэмын ӧвӧл, изе гинэ.

⁴⁰Серем каризы Сое. Нош Со, ваньзэс поттӥз , сьӧраз ныллэсь атайзэ но анайзэ , Соин ӵош лыктэмъёсты басьтӥз но , нылашлэн кыллён интыяз пыриз .

⁴¹Китӥз кутыса шуиз солы: «Талифа – куми», кудӥз «нылаш тыныд верасько, султы»шуэм луэ.

⁴²Нылаш соку ик султӥз но ветлыны кутскиз, солы ог дас кык арес выл. Адӟисьёс туж зол паймизы.

⁴³ Иисус соослы юн вераз , та учыр сярысь нокин но медаз тоды шуыса. .Нылашлы сиён мед сётозы шуиз .

Chapter 6

¹Отысь потыса, Иисус лыктӥз Аслаз вордиськем музъемаз. Со сьӧры дышетскисьёсыз лыктизы

²Суббота нунал вуэм бере Со синагогаын дышетыны кутскиз; тросэз кылзӥськисьёс паймыса шуизы: «Кытысь та Солэн? Кытысь Солы сыӵе визь сётэмын, кызьы таӵе паймымон ужъёс Солэн киыныз лэсьтӥсько.

³Тирен ужась мурт ӧвӧл-а Со Мариялэн пиез, Иаковлэн, Иосиялэн, Иудалэн но Симонлэн братсы ? Татын асьме пӧлын ӧвӧл-а Солэн сузэръёсыз? Озьы Иисус пумысен ???сьӧлыказы???.

⁴Иисус соослы шуиз: « Пророк дантэм уг луы , аслаз вордиськем музъемаз сяна , ӵыжы – выжыосыз пӧлын , аслаз дораз сяна .

⁵Татын Иисус нокыӵе паймымон ужъёс лэсьтыны ӧз быгаты; кӧня ке висисьёс вылэ гинэ кизэ поныса йӧнатиз .

⁶Соослэн оскымтэзылы Иисус паймиз. Собере матысь гуртъёстӥ дышетыса ветлӥз.

⁷Дас кыксэс ик ӧтьыса, соосты кыкен –кыкен лэзьяз , но бесёсты улляны кужым сётӥз.

⁸Нош соослы сюрес вылэ потыкузы одӥг боды сяна , номыр басьтыны ӧз косы ; котомка (пуйы) но нянь но, кускерттоназы коньдон но .

⁹Косиз нулдыны огшоры пыдкутчан, кык пумо дӥськут но басьтыны ӧз кос .

¹⁰Шуиз соослы :" Кыӵе корка пыриды, отын ик та интыысь кошкытозяды улэ .

¹¹ Кин ке тӥледыз пырыны ӧз ке лэзьы , ӧз кылзы ке тӥледыз, соос дорысь потыкуды, янгышсэс шараян понна , пыдысьтыды тузонзэ курткыса кельтэ. Земзе верасько тӥледлы: суд нуналэ Садомлы но Гаморралы ,со городлы сярысь, капчигес луоз .

¹² Соос потӥзы но сьӧлыклэсь куштӥськон сярысь тодытыса ветлизы.

¹³ Трос бесъёсты улляса поттылӥзы , трос висисьёсты вӧйын зыраса йӧнатӥзы

¹⁴Ирод Эксей , Иисус сярысь кылыса ( Солэн нимыз тодмо вал ини ( шуиз : «Та Иоанн Креститель улӟыса султэм но, со пыр паймымон ужъёс лесьтӥсько «

¹⁵ Мукетъёсыз; Со Илия: шуизы. Нош кудӥз шуиз: « Со пророк, яке одӥгез соос пӧлысь .

¹⁶Нош Ирод тае кылыса шуиз:» Со Иоанн, кудӥзлэсь мон йырзэ ӵоги ; Со кулэмысь улӟем.»

¹⁷ Уго та Ирод, Иоаннэз пытсэт серы ворсаз , Филипп вынызлэн Иродиада нимо кышноез понна , малыке шуоно кышнояськиз соин.

¹⁸Иоанн вераз вал Иродлы: "Уг яра выныдлэсь кышнозэ басьтыны."

¹⁹Иродиадалэн солы вожез потыса , виемез ик потэ вал Иоаннэз, но ӧз быгаты.

²⁰ Ирод Иоаннлэсь кышкаса , троссэ лэсьтӥз солэсь кылзиськыса , шумпотыса кылзиськиз сое .Со тодэ вал уго, та пиосмурт сьӧлыктэм , святой (дун-чылкыт( шуыса, соин ик сое утьыны тыршиз .

²¹Тупамон нунал вуиз , ку Ирод вордӥськем нуналзэ пусьйыны шуыса, аслэсьтыз сиё-дано адямиосызлы, сюре солдатэн кивалтӥсьёслы но Галилеяысь старейшинаосызлы юон дыр лэсьтыз.

²²Иродиадалэн нылыз пыроса эктӥз но, Иродлы но, солэн вӧзаз пукисьёслы кельшиз. Нылашлы эксей шуиз:" Кур мынэсьтым мар мылкыд кариськод , сёто тыныд."

²³Кылзэ сётӥз солы:» Мар гинэ ӧд куры мынэсьтым, сёто, аслэсьтым ӝыны царствоме но».

²⁴Нылаш аслаз анайезлэсь потыса юаз:» Мар куроно?» Соиз шуиз: « Крестить карись Иоаннлэсь йырзэ.»

²⁵Соку ик со дыртыса эксей доры мынӥз но куриз : « Крестить карись Иоаннлэсь йырзэ тэркые поныса мед сётод шуыса (сётэмдэ ( мылкыд карисько «

²⁶ Эксэй кайгырыны кутскиз(куректонэ усиз(. Куноосыз азьын кыл сётэмез понна ,????????пумит луэмез ӧз поты ни .??????

²⁷Эксэй ,соку ик возьмась солдатсэ косиз Крестить карись Иоаннлэсь йырзэ вайыны.

²⁸ Со пытсэт серы пыриз но Иоанлэсь йырзэ ӵогыса, тэркыын ваиз , нылашлы сётиз, нош нылаш аслаз анаезлы сётӥз .

²⁹Крестить карись Иоаннлэн дышетскисьёсыз тае кылыса, солэсь мугорзэ басьтӥзы но, шайгуэ ватизы.

³⁰Апостолъёс Иисус доры люкаськыса , ваньзэ солы веразы, мар лэсьтэмзэс но малы дышетэмэс .

³¹ Иисус соослы шуиз:» Мынэ асьтэ понна калыктэм интые, ӧжытак ял каре. (шутэтске ( Уго лыктӥсьъёс, кошкисьёс трос луэмен, соослэн сиськыны но дырзы ӧй вал ни.

³²Лодкае пуксьыса асьсэ понна калыктэм интые кошкизы (мынӥзы(

³³Калык соослэсь кошкемзэс адӟиз . Тросэз та сярысь тодыса , вань городъёсысь пыдын бызьыса соослэсь азьлогес вуизы но Иисус котыре люкаськизы.

³⁴ Лодкаысь потэм бераз Иисус трос калыкез адӟиз, Солы соос туж жаль потӥзы, Соос, возьмаськисьтэк кылем ыжъес кадесь вал уго; Иисус соосты трос дышетыса улӥз.

³⁵ Трос дыр ортчем бере дышетскисьёсыз Солы шуизы:» Та кыр инты, нош дыр трос ини;

³⁶ Лэзь соосыз, матысь гуртъёсызсь асьсэлы нянь мед басьтозы , малыке шуоно соослэн номыр но сиёнзы ӧвӧл.

³⁷Иисус соослы шуиз: «Тӥ соослы сиён сётэ». Солы шуизы:» Милемлы кык сю динарий тыр нянь басьтыса соосты сюдоно шат ?»

³⁸Иисус юаз соослэсь:» Кӧня тӥляд няньды? Мыныса уське.» Тодэм беразы соос шуизы:» Вить няньмы но кык чорыгмы"

³⁹. Соку соосты ваньзэс люкен-люкен вож турын вылэ пуксьыны косиз

⁴⁰ Витьтон муртэн , сю муртэн радэн пуксизы .

⁴¹Со вить нянез но кык чорыгез басьтыса, инбаме учкыса благословить кариз но нянез тӥялтыса дышетскисьёсызлы сётъяз, люкаськем калыклы мед люкылозы шуыса. Кык чорыгез но ваньмызлы люкиз.

⁴²Ваньзы сиизы ,ваньзылэн кӧтсы тыриз;

⁴³ Нош нянь юдэсъёсты но чорыглэсь кылемъёссэ дас кык корзина тыр( куды тыр (бичазы

⁴⁴ Нош нянь сиисьёс ог вить сюрс пала пиосмуртъёс вал.

⁴⁵ Со бере, кужмысь косиз дышетскисьёссэ лодкае пуксьыса , мукет пала ,Вифсаида доры азьлогес выжыны. Ачиз калыкез лэзьытозяз кылиз .

⁴⁶Калыкез лэзьыса, гурезь вылэ вӧсяськыны мыниз.

⁴⁷ Ӝытазе лодка зарезь (бадӟым ву ( шорын вал ини, нош Со огназ музъем вылын.

⁴⁸Иисус соослэсь ву вылын шуг- секытэ шедемзэс адӟиз ,малыке шуоно соослы тӧл пумит вал .Нош уйлэн ньылетӥ люкетаз, ву вылтӥ вамышъяса дышетскисьёсыз доры матэ лыктӥз но вӧзтӥзы кошкыны турттэ вал .

⁴⁹ Солэсь зарезь (ву( вылтӥ вамышъяса лыктэмэ адӟизы но, малпазы та пӧртмаськись дыр шуыса, но черектӥськизы .

⁵⁰ Сое адӟыса ваньзы туж кышказы . Соку ик Иисус вераськыны кутскиз соосын. Шуиз :" Сезь кариське, та Мон. эн кышкалэ "

⁵¹ Соослэн лодкаязы пыриз ; тӧл чалмиз. Ас понназы соос туж паймизы.?????

⁵² Сюлэмъёссы из кадь чурыт луэмысь ,нянь люкылыку паймымон ужез адӟыса но ӧз валалэ уго .

⁵³Мукет пала потыса, Геннисарет музъеме вуизы но ярдуре дугдизы.

⁵⁴ Соос лодкаысь потэм бере , татын улӥсьёс соку ик Иисусез тодмазы .

⁵⁵ Та сярысь быдэс музьемзэс (ёроссэс( бызьыса ивортӥзы.Кытын вылэмзэ тодыса , висисьёсты валесъёс вылын вайылыны кутскизы.

⁵⁶ Кытчы гинэ Иисус ӧз ветлы, гуртъёстӥ -а, городъёстӥ-а, висисьёсты кыр интыосы понылӥзы . Куризы Солэсь диськутэзлэн дураз ке но йӧттӥськыны . Кудъёсыз йӧттӥськылӥз Со борды – йӧназы(бурмизы (.

Chapter 7

¹ Иисус доры люкаськизы Иерусалимысь лыктэм фарисейъёс но, куд ог книжникъёс ,

²солэсь куд-ог дышетскисьёсызлэсь кырсь ,мукет сямен вераса миськымтэ,киынызы нянь сиемзэс адӟизы но пыкылыны кутскизы.

³ Уго фарисейъёс но, вань иудейёс вашкала пересь муртъёслэсь сямьёссэс возиськоыса вал : уг сисько кизэс умой-умой миськытэк,

⁴вузаськонысь бертыса, мисьтыськытэк уг сисько вал . Вань туж тросэз, мар борды кутскиськыса уло, чаклало : миськемын-а тусьтыос , пуртыос , кружкаос , скамьяос.

⁵Собере фарисейъёс но книжникъёс юазы Иисуслэсь :" Малы тынад дышетскисёсыд уг быдэсто вашкала муртъёслэсь косэмзэс: нянез сиё кизэс миськытэк".

⁶Иисус шуиз соослы:" Умой пророчествовать кариз тӥ сярысь Исаия, адямиос азьын чеберъяськисьёс( лицемеръёс(,кызьы гожтэмын: "Та адямиослэн сюлэмзы кыдёкын сылэ Мон дорысь, кылынызы гинэ Монэ данъяло ,

⁷Огшоры Монэ данъяло, адями курон – косонъёслы дышетыса.

⁸Уго тӥ, Инмарлэсь курон-косонзэ кельтыса, адямиослэсь курон-косонзэ чакласькоды :тусьтыосты ,кружкаосты миськон но трос мукет со выллем ужъёсты лэсьтӥськоды»

⁹Шуиз соослы:" Умой-а со, асьтэлэсь сямъёстэс быдэсъян понна Инмарлэсь косонзэ кельтыны ?

¹⁰Моисей шуиз уг : "Туж дуно кар аслэсьтыд атайдэ но анайдэ ; нош кин лек кылын вераз атайзэ но анайзэ - кулыны сётэмын мед луоз .

¹¹Нош тӥ шуиськоды:« Кин атайезлы яке анайезлы шуиз ке : мае тон мынесьтым басьтӥд ,со корван (мукет сямен вераса "Инмарлы кузьым ".

¹² Озьы выраса тӥ атаезлы яке анаезлы номыр но ӧз ке но лэсьтэ яроз шуиськоды .

¹³Асьтэлэн тупатэм сямъёсыныды Инмар кылэз палэнтӥськоды ; трос та выллем мукет ужъёс лэсьтӥськоды"

¹⁴ Вань калыкез люкаса, вераз соослы:" Кылзэ Монэ но валалэ:

¹⁵ номыр но адями пушкы педлось пырыса кырсь уг кары сое , мар пушкысьтыз потэ - со адямиез сапта.

¹⁶ Кинлэн кылзыны пельыз вань , кылзы !"

¹⁷ Калыклэсь палэнскыса, корка пырем бераз , дышетскисьёсыз Солэсь притча сярысь юазы.

¹⁸Иисус соослы шуиз :" Тӥ но сыӵе ик валасьтэмесь-а ? Оло уд валаське «ад мар адями пушкы педлось пыре , сое саптаны уг быгаты» шуэмез?

¹⁹Малы-ке шуоно со сюлмаз уг пыры, кӧт пушказ пыре но отысь педло потэ ,озьы котькыӵе сиён чылкыта .( озьы котькыӵе сиён сузяське (

²⁰Собере шуиз : " Мар адями пушкысь потэ ,со сапта адямиез;

²¹?????????????????????малыке шуоно адямилэн сюлмысьтыз пото: лек малпанъёс, ??картсэ-кышнозэ кельтыса калтыртыса улон,???(азыса улон ( ӝуатскем кырсь мылкыдъёс , адями вион,

²²Лушкаськонъёс,??тырмостэм лулон?? йыркуръёськон, кескич,??кулэтэм юрӵам улон???,вожъяськись син , Инмарез сантэм карон, вылтӥяськонёс, визьтэмяськонъёс, -??????????????????????????????????????????????

²³ваньмыз та урод пушкысь потэ но , адямиез сапта.

²⁴Отысь потыса, вуизы Тир но Сидон палъёсы: корка пырыса, нокинэ тодытэмез уг поты вал , но ватӥськемез ӧз луы.

²⁵ Со сярысь кылыса одиг кышномурт лыктӥз .Солэн нылызлэн пушказ бес пуке вылэм , вуыса Иисус азе пидес вылаз уськитскиз ( пыд азяз пыдесъяськиз(

²⁶Нош со кышномурт язычница выл ,сирофиникияын вордиськем мурт . Со туж куриз Иисусэз -нылыз пушкысь бессэз улляса мед поттоз вал шуыса .

²⁷ Нош Иисус солы шуиз : "Нырысь нылпиос кӧтсес мед тырозы , умой уз луы нылпиослэсь няньзес басьтыса пуныослы куштыны.

²⁸ Со шуиз Иисуслы : "Озьы, Кузёе , но пуныос но ӝӧк улын нылпиослэсь нянь пыроссес сиё уг.

²⁹Иисус кышномуртлы шуиз : «Та кылыд понна, мын, бес потӥз нылыд пушкысь.»

³⁰Гуртаз бертыса, со адӟиз - нылыз валес вылын – бес потэм.

³¹Тир но Сидон палъёсысь потыса, Десятиградия пыр, Иисус нош мынӥз Галилей зарезь доры.

³² Со доры кылӥсьтэм , могаса вераськись адямиез ваизы , Иисусэз куризы со вылэ кизэ поныны.

³³ Иисус сое калыклэсь палэнэ нуиз но , чинизэ пель бордаз пониз , сялӟыса кыл бордаз йӧттӥськиз .

³⁴ Инбаме учкыса шокчиз но шуиз солы : " Еффара", со « усьтӥськы» шуэм луэ.

³⁵ Соку ик солэн пельыз усьтӥськиз, кылыз биняськемлэсь мӧзмытскиз, чылкыт вераськыны кутскиз

³⁶ Со нокинлы но вераны ӧз лэзьы , нош соос уката шараяса вӧлмытӥзы.

³⁷Туж паймыса веразы: ваньзэ умой лэсьтэ, - пельтэмъёс кылыны кутско , кылтэмъёс вераськыны кутско !

Chapter 8

¹ Со нуналъёсы туж трос калык люкаськиз, соослэн номыр но сионзы но ӧй вал. Иисус дышетскисьёссэ ӧтьыса шуиз:

²" Мыным та калык жаль потэ, кынь нунал ини соос Мон вӧзын , соослэн номыр сионзы ӧвӧл .

³Сюдытэк лэзи ке сюрес вылын лябӟозы, куд-огез кыдёкысь лэктэмын уго."

⁴ Дышетскисьесыз Солы шуизы: « Соосты сюдон понна та кыр интыысь кин со мында нянь басьтына быгатоз."

⁵ Иисус соослэсь юаз: «Кӧня тиляд няньды?» шуизы: «Сизьым"

⁶ Соку калыклы музъем вылэ интыяськыны косиз . Сизьым няньэз басьтыса тау карыса тӥялтиз. Калыклы мед люкылозы шуыса дышетскисьёсызлы сётӥз , соос калыклы люкилызы .

⁷ Вал соослэн кӧня ке чорыгзы но, благословить карыса Иссус косиз сое но люкылыны

⁸Кӧтсы тырымон сискемзы бере, кылем нянь юдэсъёсыз сизьым куды(корзина ( бичазы.

⁹ Сиськиьёс ньыль сюрс пала вал. Собере Иисус соосыз лэзиз.

¹⁰ Иисус дышетскисьёсыныз соку ик лодкае пуксьыса, Далмануф шаере вуиз

¹¹ Фарисейес потыса Соин керетыны кутскизы, визьзэ сынаса, инмысь тодмет куризы .

¹² Нош Иисус мур лулӟыса шуиз: "Та выжы малы тодмет куре? Зем ик тӥледлы верасько, та выжылы тодмет уз сётиськы."

¹³Соосыз кельтыса нош ик лодкае пуксиз но мукет яр дуре выжиз .

¹⁴ Нош дышетскисьёсыз нянь басьтыны вунэтӥллям , сӧразы лодкаын одӥг няньзы гигэ вал.

¹⁵Дышетскисьёсызлы валэктыса вераз: "Чаклаське фарисейёслэн но Иродлэн шӧмзылэсь."

¹⁶ Ас куспазы вераськыса шуизы:« Асьмелэн няньмы ӧвӧл шуэм та».

¹⁷ Мар малпамзэс валаса Иисус соослы шуиз: "Малы тӥ няньмы ӧвӧл шуиськоды? Али но уд валаське-на шат? Ялан сюлэмы измемын-на-а?

¹⁸Синьды вань ке но уд адӟиське-а? Пельды вань ке но уд-а кылиське? Тодады но уд ваиське ?

¹⁹ Куке Мон вить нянез люкылӥ вить сюрс муртлы, кӧня куды (корзина( бичады? Солы шуизы:" Дас кык."

²⁰Нош сизьымзэ ныль сюрс муртлы люкылыкум , кӧня куды нянь юдэсъес бичады? Шуизы: "Сизьым".

²¹Соку шуиз соослы: « Кызьы нош уд валаське на?»

²² Вуизы Вивсаидае . Со доры синьтэм муртэ вайизы но куризы со борды йӧттиськыны.

²³Иисус синтэм муртэ китӥз кутыса гурт серы поттӥз. Синмаз сялӟиз но вылаз кизэ поныса юаз:» Мар ке адӟиськад-а? «

²⁴Со учкыса шуиз:» Ветлись калыкез писпуосты кадь адӟисько.»

²⁵ Собере нош ик солэн син вылаз кизэ понӥз но учкыны косиӟ. Со адями йӧназ , ваньзэ чылкыт адӟыны кутскиз.

²⁶ Иисус сое дораз бертыны косиз ,тазьы вераса :"Гуртэ эн пыры, гуртын нокинлы но эн вера "

²⁷Собере Иисус дышетскисьёсыныз Филипп Кесариялэн гуртъёсаз мыниз. Сюрес вылысен дышетскисьёсызлэсь юаз:" Адямиос Монэ кин шуыса лыдъяло?"

²⁸Соос шуизы: «Крестить карись Иоанн шуо, нош мукетъёсыз-Илия шуо, нош кудъёсыз-пророкъёс пӧлысь одӥгез шуыса верало».

²⁹ Иисус соослы шуиз : «Нош тӥ Моне кин шуыса лыдъяськоды?»Петр Солы шуиз :» Тон Христос.»

³⁰Иисус нокинлы но вераны ӧз лэзьы Ачиз сярысь.

³¹ Нош кутскиз соосты дышетыны ,Адями Пилы трос курадӟёно луоз шуыса ,старейшинаосын ,первосвященикъёсын но книжникъёсын кулэтэм каремын(палэнтэмын( луоз шуыса ,виемын луоз но кунетӥ нуналэ улӟыса султоз шуыса.

³²Иисус тае пырак вераз.Соку Пётр Сое палэнэ ӧтьыса , Солы пумит кылъёс вераны кутскиз

³³Нош Иисус берытскиз но дышетскисьёсыз шоры учкиз ,Пётрез вераськемысь дугдытыса шуиз :»Кошкы мон дорысь, сатана , малыке шуоно тон уд малпаськы Инмарлы ярамон луон сярысь , тон малпаськод мар адямилы яра . »

³⁴.Дышетскисьёссэ но калыкез ӧтьыса шуиз соослы:» Кинлэн Мон серы мынэмэз потэ ,аслэсьтыд ачид куштӥськы,аслэсьтыд киростэ басьты но ,мон серы мын.

³⁵.Уго кинлэн лулзэ утемез потэ ,ыштоз сое ;нош кин аслэсьтыз лулзэ Мон понна но Евангелие понна ыштоз со лулзэ утёз .

³⁶ Быдэс дуннеез аслыз кариз ,нош лулызлы изъян лэсьтӥз ке ,адямилы мар пайдаез луоз.

³⁷.Лулзэ утён понна кӧня дун тыроз адями?

³⁸Та азэм(прелюбодейной( но сьӧлыко выжы пӧлын кин Мынэсьтым но Мынам кылъёсылэсь возьдаськоз ,солэсь Адями Пи но возьдаськоз ,Аслаз Атаезлэн данэныз святой Кылчинъёсыныз ( Ангелъёсыныз (валче лыктыкуз .»

Chapter 9

¹.Шуиз соослы :"Зем ик верасько тӥледлы :татын сылӥсьёс пӧлын вань сыӵе адямиос ,кудъёсыз кулонэз адӟытэк ,кужымен лыктӥсь Инмар Царствоез(Эксейлыкез( адӟозы"

² Куать нунал орчыса ,Иисус Пётрез ,Иаковез но Иоанез гинэ сьӧраз басьтыса ӝужыт гурезь йылэ тубиз , соос азьын воштӥськиз.

³ Солэн диськутэз чилляса пиштӥсь ,лымы кадь юг-юг тӧдьы луиз ,музъем вылӥсь одӥгез но басма тӧдьытӥсь таӵе тӧдьы карыны ӧз быгатысалыз.

⁴Соослы Илия но Моисей возьматӥськизы : Иисусен вераськыса улизы.

⁵Соку Пётр Иисуслы шуиз : « Дышетӥсь ! Туж умой милемлы татын ; ваелэ куинь куща ( шалаш (пуктом: одӥгзэ Тыныд ,одӥгзэ Моисейлы но одӥгзэ Илиялы.»

⁶Мар вераны тодытэк озьы шуиз ,малыке шуоно соос туж кышкамын вал.

⁷. Пилем вуыса соосты шобыртӥз ,пилем пушкысь кура кылӥськиз:»Та мынам яратоно Пие ,Солэсь кылзиське.»

⁸. Со куспын котыр учкыса , одӥг Иисусэз сяна нокинэ но ӧз адӟе .

⁹Гурезь йылысь васькыкузы, Адями Пи кулэмысь улӟыса султытозь ,та учыр сярысь Иисус нокинлы но вервны ӧз лэзьы

¹⁰. Нокинлы вератэк , куспазы ог-огзылэсь юазы: «Мар шуэм со : кулэмысь улӟыны?»

¹¹ Юазы Солэсь :»Кызьы нош книжникъёс шуо ,нарысь пе Илия лыктыны кулэ ?»

¹² Иисус соослы шуиз : « Шонер , нырысь ик Илия лыктыса ваньзэ дасьаны кулэ. Адями Пилы, кызьы гожтэмын Со сярысь ,кылдэмын трос курадӟёнэз но ултӥямез чиданы (адӟыны(.

¹³ Нош шуисько тӥледлы ,Илия но лыктӥз , кызьы гожтэмын со сярысь , мар каремзы потӥз ,озьы ик каризы соин .»

¹⁴ Дышетскисьёсыз доры лыктыса соос котырысь трос калыкез но соосын ченгешись книжникъёсыз адӟиз .

¹⁵ Соку ик ,Иисусез адӟыса ,вань калык туж паймиз но бызьыса мыныса Соин ӟечбуръяськиз.

¹⁶. Со книжникъёслэсь юаз : « Мар ласьань соосын ченгешиськоды?»

¹⁷. Клык пӧлысь одӥгез шуиз:» Дышетӥсь! Мон тон доры пиме ваи ,кудиз пушкын кылтэм бес путэ .

¹⁸ Кытын гине сое уг куты ,уськытэ музъем вылэ , пушкысьтыз шукы потэ ,пиньыныз гизьыртэ ,мугорыз пуме .Мон тынад дышетскисьёсыдлэсь кури вал ,сое улляса мед поттозы шуыса ,нош соос ӧз быгатэ .

¹⁹. Соослы вераса , Иисус шуиз : "Эй,шонерлыктэм выжы ! Кӧня Мон тӥ пӧлын уло – на ? Кӧня чиданы кулэ –на мон тӥледыз ? Вае сое Мон доры

²⁰Сое Иисус доры ваизы .. Бесен кутэм пияш Сое адӟыса гинэ вуэз но соку ик бес сое сезъяны кутскиз ,со музъем вылэ усьыса ,шукы поттыса погылляськыны кутскиз.

²¹Иисус юаз солэсь атаезлэсь :»Кемалась –а тазьы луиз соин «? Со шуиз : «Пичи дырысьеныз

²².Сое быдттон понна ,бес трос пол тыл пушкы но ,вуэ но сое куялляз;юрттыны быгатӥськод ке ,жаля но юртты вал милемлы.»

²³.Иисус солы шуиз :»Ӧжыт ке но быгатӥськод -а оскыны ?Оскись муртлы коть мар но луоно ".

²⁴ Со ку ик та пилэн атаез синкылиен бӧрдыса кеськиз : «Оскисько ,Кузё Инмаре ! Юртты , ӧжыт ке мынам осконэлы .»

²⁵ Калык люкаськемез адӟыса, Иисус косиз беслы ,тазьы шуыса: «Кылтэм но пельтэм бес! Мон тонэ косисько пот со пушкысь но берен со пушкы нокуно эн пыр .»

²⁶ Кеськыса(черектыса(но туж зол сое сэзъяса , бес пушкисьтыз потӥз,со пияш кулэм мурт кадь луиз,соин иктросэз «со кулиз ни »шуизы.

²⁷ Нош Иисус сое китӥз кутыса ӝутӥз ,со султӥз .

²⁸ Корка пырем беразы ,асьсэ понна кыльыкузы , Солэн дышетскисьёсыз юазы Иисуслэсь :" Малы ми сое улляса поттыны ӧм быгатэ "

²⁹Шуиз соослы:" Та выжыез вӧсяськыса но пост кутыса сяна ,номырин но поттыны уг луы "

³⁰Отысь потыса ,Галилея пыр ортчизы .Со Ассэ нокинлы но тодытэмез уг поты вал,

³¹малыке шуоно Аслэсьтыз дышетскисьёссэ дышетыса вераз :"Адями Пи калык кие сётэмын луоз ,Сое виозы но кулэм бераз кунетӥ нуналаз улӟыса султоз "

³² Соос та кылъёсыз ӧз валалэ ,нош юаны кышказы .

³³Копернауме вуиз . Корка пырем беразы юаз соослэсь :" Мар сярысь сюрес кузя мыныкуды вераськиды ?"

³⁴Соос шып улӥзы ,малыке шуоно сюрес вылын "кин бадӟымгес ?" шуыса вераськизы .

³⁵Иисус пуксиз но дышетскисьёссэ отьыса шуиз :" Кинлэн нырысетӥ луэмез потэ ке, ваньмыз пӧлысь берпуметӥ но ваньмызлы ляльчи мед луоз".

³⁶Соку, пичи пиналэз басьтыса сое шоразы султытӥз но, сое ӟыгыртыса, верз:

³⁷"Кин тачё пиналъёс пӧлысь одӥгзэ Мынам нимы понна басьтэ , со Монэ басьтэ; нош кин Монэ басьтэ со Монэ уг басьты , Монэ Лэзисез басьтэ .

³⁸Иоанн Солы шуиз :"Дышетӥсь! Ми адӟимы адямиез, кудӥз Тынад нимыныд бесъёсты улляса поттылэ, нош асьме сьӧры уг ветлы. Ми солы ӧм лэзе ,малыке шуоно со асьме сьӧры уг ветлы ."

³⁹Иисус шуиз:"Сое эн алэ; уго нокин но, Мынам нимыным паймымон уж( чудо (лэсьтӥсь, ӝоген Мон вылэ урод килъёс вераны уз(уг( быгаты,

⁴⁰малыке шуоно , кин тӥледлы пумит ӧвӧл, со тӥ палан.

⁴¹Нош кин Мынам нимы понна, тӥледыз одӥг чаша вуэн сектаз ке, тӥ Христослэн муртзз шуыса , зэм ик верасько тӥледлы, аслэсьтыз дан-кузьымзэ уз ышты.

⁴²Нош кин одӥгзэ пичиос пӧлысь ,Мыным оскисез, селыке пыртӥз ке, солэн чыртыяз вуко кӧ ошысалзы но сое зарезе куштысалзы ке, солы ӟечгес луысал.

⁴³Тонэ киыд селыке пыртэ ке, сое ӵогыса кушты:тыныд умойгес луоз китэк улонэ пырыны , кык киыныд гееннае, кысылӥсьтэм тыл пушкы пырытозь .

⁴⁴Кытын соослэн нумырзы но уг кулы, тыл но уг кысы.

⁴⁵ Тонэ пыдыд селыке пыртэ ке , сое ӵогыса кушты: тыныд умойгес луоз чут сямен улонэ пырыны , кык пыдыныд гееннае, кысылӥсьтэм тыл пушкы куштэмын луытозь,

⁴⁶кытын соослэн нумырзы но уг кулы, тыл но уг кысы.

⁴⁷ Тонэ симыд селыке пыртэ ке, сое ишкалты: тыныд одӥг синмын Инмар Царствое умойгес луоз ,кык синмын тылын ӝуась гееннае куштэмын луытозь,

⁴⁸кытын соослэн нумырзы но уг кулы, тыл но уг кысы.

⁴⁹Уго котькин тылын сылалтӥськоз, котькыӵе????? Инмарлы кузьым???? сылалэн сылалтӥськоз.

⁵⁰Сылал-ӟеч маке; нош сылаллэн кузьытэз ӧз ке луы, тӥ сое маин тупатоды? Асьтэ пушкады сылалды мед луоз, асьтэ куспады тупаса улон мед луоз".

Chapter 10

¹Отысь кошкыса, вуиз Иудея палась Иордан котыре.

²Фарисейёс лыктӥзы но,сое янгыше уськытон понна (визьзе сынаса); (чакласа – экскерыса) юазы :" Пиосмуртлы кышноеныз люкиськыны лэземы-а?"

³Со шуиз: "Мар косиз тӥледлы Моисей?"

⁴Соос шуизы:" Моисей лэзиз гожтыны люкиськон сярысь гожтэт но люкиськыны."

⁵Иисус соослы шуиз : "Тӥляд сюлэмды чурыт луэмысь со гожтӥз тӥледлы та курон – косонэз.

⁶ Нош дуннеез кылдытон кутсконысен , Инмар пиосмуртэз но кышномуртэз кылдытӥз.

⁷.Соин ик адями аслэсьтыз атайзэ , анайзэ кельтоз но

⁸кышноез борды лякиськоз, кыкназы одӥг мугор луозы.

⁹Озьыен, мае Инмар огазе кариз( огазеяз( сое адями медаз люкы.

¹⁰ Коркан дышетскисьёсыз нош ик юазы Солэсь та сярысь ик .

¹¹ Соослы Иисус шуиз:" Кин аслаз кышноеныз люкиськыса, мукетсэ кышно басьтэ ке , со та пыр калтыртыса улон (( азон – калгон (( сьӧлыке пыре.

¹²Кышноез аслаз картэзлэсь люкиськыса, мукетызлы бызе ке, со калтыртыса улон (( азон - калгон (( сьӧлыке пыре.

¹³Со доры нылпиосты вайылӥзы, Иисус соос борды мед йӧттиськоз вал шуыса; нош дышетскисьёсыз соослы пырыны ӧз лэзе .

¹⁴Тае адӟыса , Иисус???? вожзэ??? поттыса шуиз соослы:" Лэзе нылпиослы Мон доры лыктыны , эн люкетэ соослы, малыке шуоно таӵеослэн Инмар Царствозы .

¹⁵Зем ик верасько тӥледлы:" Кин нылпи сямен Инмыр Царствоез принять ӧз кары , со отчы уз пыры .

¹⁶Нылпиосыз ӟыгыртӥз но соос вылэ кизэ поныса ӟечлык сӥзиз.(благословить кариз ((Инмарӟечлык сӥзиз(

¹⁷ Сюрес вылэ потэм бераз, кин ке бызьыса лыктӥз но Со азе пыдэсьяськыса юаз :»?? Ӟечлыко?? Дышетысь! Мар мыным кароно, пумтэм улонэ пырон понна?»

¹⁸Иисус солы шуиз:" Малы тон Монэ?? ӟечлыко??? шуиськод? Нокин ??? ӟечлыко??? ӧвӧл , одӥг Инмар сяна.

¹⁹ Заповедьёсты (Курон – косонъёсты (тодиськод: азыса – калгыса (азыса калтыртыса ( эн ветлы ,эн виылы, эн лушкаськы;эн пӧяськы, ӧвӧлтэмзэ эн вера; ӝоже эн уськытъя; аслэсьтыд атайдэ но анайдэ гажа.

²⁰. Нош со вераз Иисуслы : "Дышетись! Ваньзэ тае мон пинал дырысеным быдэсъяй."

²¹Иисус, со шоры учкиз но яратӥз сое . Шуиз солы:" Одӥгез тыныд уг тырмы: мын, маид вань вуза , кураськисьёслы люкылы но ваньбуред инмын луоз .Соку лыкты , киростэ басьтыса, Мон сьӧры мын

²². Та кылэз кылыса солэн мылкыдыз лапказ , кайгырыса кошкиз , малыке шуоно солэн трос ваньбурез вал.

²³Иисус, котыр учкыса, Аслаз дышетскисьёсызлы вераз:» Кыӵе секыт узырзы вань муртъёслы Инмар Царствое пырыны !»

²⁴Дышетскисьёсыз Солэн та верам кылъёсызлэсь кышказы . Иисус нош ик шуиз соослы: «Нылпиосы! Кыӵе секыт Инмар Царствое пырыны ваньбурлы оскиськыса улӥсь муртъёслы.

²⁵Верблюдлы капчигес вень пась пыр потыны,узыр муртлы Инмар Царствое пырон сярысь."

²⁶Соос асьсэ куспазы паймыса тазьы вераськизы:» Киньлэн соку утӥськемез луоз?"

²⁷ Иисус соос шоры учкыса, вераз:»Адямиос сое уз быгатэ ,нош Инмар быгатоз ,малыке шуоно Инмар ваньзэ быгатэ .( Адямиослы со луонтэм, нош Инмарлы луоно ; уго Инмарлы ваньмыз луоно(

²⁸. Пётр кутскиз вераны Иисуслы :» Тани ми ваньзэ кельтыса Тон сьӧры мынимы.»

²⁹. Иисус шуиз:» Зэмзэ верасько тӥледлы: ӧвӧл нокин но , кинь Мон понна но Евангелие понна корказэ, яке агай – вынъёссэ, яке сузеръёссэ, яке атайзэ но анайзэ, яке кышнозэ, яке нылпиоссэ, яке музъемзэ кельтысал ,

³⁰ Но ӧй басьтысал али, та дыре, уллянъёс куспын, сю поллы тросгес коркаос, агай – ванъёс но, сузеръёс но, атайёс но, анайёс но, нылпиос но, музъемёс но, нош вуоно даурын - пумтэм улон.

³¹ Тросэз асьпалаз(азяз( мынӥсьёс пумаз кылёзы, нош пумаз мынӥсьёс азьпала потозы.»

³² Иерусалиме тубыкузы, сюрес вылын Иисус соослэн азьпалазы мыниз. Дышетскисьёсызлы туж шимес вал , Со сьӧры кышкаса мынӥзы . Дас кыксэс ик ӧтьыса, Со нош ик вераны кутскиз мар Соин луоз :

³³"Тани асьмеос Иерусалиме тубиськомы, Адями Пиез первосвященникъёс , книжникъёс кие сётозы но Сое вион понна судить карозы, Сое Инмарэз тодӥсьтэм муртъёс(язычникъёс( кие сётозы;

³⁴Ултӥялозы но жугозы Сое, Со вылэ сялалозы но виозы Сое .Нош куинетӥ нуналаз улӟыса султоз.

³⁵ Соку Иисус доры, Иаков но Иоанн ,Зеведейлэн пиосыз лыктыса шуизы: « Дышетӥсь! Милям потэ, Тон мед лэсьтод вал милемлы, мае куром."

³⁶Соослы Иисус шуиз: « Мар мылкыд кариськоды ,мар Мон лэсьтом тӥледлы ?»

³⁷Соос Иисуслы шуизы : «Сёт вал милемлы Тынад Данлыкад, огмылы Тынад бур палад пуксьыны, мукетмылы Тынад паллян палад пуксьыны .»

³⁸Иисус соослы шуиз:» Мар курэмдэс уд тодӥське; Мынэсьтым юоно чашаме юыны быгатоды-а ?Со крещениен ,кудӥныз Мон креститься кариськисько ,креститься кариськыны быгатоды-а ?

³⁹Соос шуиизы :» Быгатомы.» Иисус соослы шуиз: «Чашаез, кудзэ Мон юисько, юоды, крещениен кудӥныз Мон креститься кариськисько , тӥ но креститься кариськоды.

⁴⁰. Нош пуксьыны Мон вӧзы ,бур палам яке паллян палам – Мынам эреке ӧвӧл, но кинлы со дасямын

⁴¹Нош дасэз тае кылыса , Иаковен Иоаннлы йыркуръяськыны кутскизы .

⁴². Иисус, соосты ӧтьыса, вераз: «Калыклэн кузё шуыса лыдъяськисьёс соос вылын кузёясько, тӥ сое тодиськоды . Кивалтӥсьёс калыкез ки улазы возё.

⁴³. Нош тӥ куспын озьы медаз лу: кинлэн тӥ пӧлын ваньмызлэсь вылӥ (бадӟым( луэмез потэ , со тӥледлы ляльчи мед луоз.

⁴⁴ Нош кинлэн тӥ пӧлын нырысэтӥ луэмез потэ, ваньмызлы ляльчи мед луоз.

⁴⁵Уго Адями Пи ӧз лыкты Солы служить мед карозы( солы тыршыса мед ужалозы шуыса ( шуыса, Со Ачиз , служить карыны (тыршыса ужаны ( но Аслэсьтыз лулзэ сётыса , троссэ сьолыкъёслэсь мозмытыны лыктӥз .».

⁴⁶Иерихонэ лыктӥзы. Иисус Аслаз дышетскисьёсыныз но трос калыкен ӵош Иерихонысь потыкуз , сюрес дурын Тимейлэн Вартимей нимо сукыр пиез кураськыса пуке вал .

⁴⁷ Та Иисус Назорей шуыса кылӥз но со бадӟым куараен кесяськыны кутскиз: «Иисус, Давидлэн пиез! Жаля монэ.»

⁴⁸ Тросэз сое шып кариськыны косӥзы, нош со эшшо но золгэс кесяськыны кутскиз: «Давидлэн пиез! Жаля монэ.»

⁴⁹ Иисус дугдӥз но сое ӧтьыны косиз . Сукыр муртэ ӧтьыса шуизы:» Эн кышка , султы, тонэ ӧте(чортэ(.»

⁵⁰Со выл дӥсьсэ куштӥз , султӥз но лыктӥз Иисус доры.

⁵¹ Иисус юаз солэсь:« Мар тыныд мынэсьтым кулэ?» Сукыр мурт Солы шуиз: «Дышетӥсь! Мынам синмы мед адӟысал.»

⁵² Иисус солы шуиз: «Мын, тынад осконэд тонэ утӥз.» Со соку ик адӟыны кутскиз но Иисус сьӧры сюрес кузя кошкиз.

Chapter 11

¹. Иерусалим доры, Вифагия но Вифания доры, Елеон гурезь доры, вуэмзы бере ,Иисус кыксэ душетскисьёссэ ыстӥз ,

². соослы шуиз :«Мынэлэ гуртэ, кудӥз шонерак тӥляд азьпалады; отысь думем ишакпиез шедьтоды , кудӥз вылэ нокин но адями пӧлысь ӧз пуксьылы на; пертче но вае сое.

³. Кин ке юаз ке: «Мар тӥ кариськоды?» - со Кузё-Инмарлы кулэ шуэлэ ; Соку ик сое татчы лэзёз.»

⁴. Соос мыныса шедьтӥзы урамысь, ворота(капка( доры думем ишакпиез , пертчизы сое.

⁵. Отын сылӥсьёс пӧлысь куд-огез шуизы соослы: «Мар кариськоды? Малы пертчиськоды ишакпиез?»

⁶Дышетскисьёсыз веразы озьы , кызьы косӥз Иисус, собере соослы басьтыны лэзизы .

⁷ Ишакпиез Иисус доры ваизы но асьсэлэсь дӥськутъёссэс со вылэ понылӥзы. Иисус со вылэ пуксиз.

⁸. Тросэз сюрес вылэ асьсэлэсь дӥськутсэс вӧлдылӥзы , мукетъёсыз, писпу вайёсты вандылыса,сюрес вылэ вӧлдылӥзы.

⁹. Азьпалаз мынӥсьёс но, (соин ӵош ветлисьёс (сьӧраз мынӥсьёс но шумпотыса кесяськизы: «Осанна! Кузё-Инмарлэн нимыз понна Лыктӥсь дано мед луоз!

¹⁰. Кузё-Инмарлэн нимыз понна лыктӥсь Давид атаймылэн Царствоез дано мед луоз! Вылӥсь Осанна !»

¹¹ Иерусалиме вуыса, Иисус пыриз храме. Ваньзэ котыр учкиз. Дыр бер луэмен, дас кык дышетскисьёссэ басьтыса Вифание мынӥз .

¹²Мукет нуналаз, Вифанияысь потэм беразы , Иисуслэн сиемез потӥз.

¹³ Кыдёкысен смоквапуэз адӟыса, мынӥз, марзэ ке но уг шедьты меда шуыса .Матаз вуыса , куаръёссэ сяна номыр но ӧз шедьты , уго емыш бичан дыр ой вал на

¹⁴ Иисус шуиз солы: «Та нуналысен нокин ,вань даурёс ӵоже , емыштэ медаз сиы ни !» Тае Солэн дышетскисьёсыз но кылӥзы.

¹⁵ Иерусалиме вуиз но, храме пырыса Иисус улляз храмын вузкарисьёсты но басьяськисьёсты .Коньдон вошясьёслэсь ӝӧкъёссэс но , дыдык вузасьёслэсь скамъяоссэс кымаллез(сэрпалляз(.

¹⁶. Нокинлы но нокыӵе но арбери храм пыр поттыны ӧз лэзьы.

¹⁷ Вераз соослы: «Гожтэмын ӧвӧл-а «Мынам коркае вань калыкъёс понна вӧсяськон корка нимаськоз « шуыса. Нош тӥ сое йыруж лэсьтӥсьёслы люкаськон инты кариды.»

¹⁸Кылӥзы тае книжникъёс но первосвященникъёс но. Сое кызьы ке но виыны амал (муг( утчазы , кышкало вал Солэсь, малы ке шуоно вань калык пайме вал Солэн дышетэмезлы.

¹⁹Бер ӝытазе Со город серы потӥз .

²⁰. Ӵукна,???смоквапу??? вӧзтӥз ортчыкузы , адӟизы, смоквапу выжыозяз куасьмем

²¹. Петр тодаз вайыса шуиз Солы: «Равви! Учкы, смоквапу, кудзэ Тон каргад, куасьмем».

²²Иисус соослы шуиз:

²³"Инмарлы осконды мед луоз. Зэм ик верасько тӥледлы, кин вань сюлмыныз оскыса та гурезьлы" ӝутсы но зарезе уькытскы " шуиз ке ,солэн верам кылызъя луоз, - мар гинэ уз вера, быдэсмоз.

²⁴ Соин ик верасько тӥледлы: "Мар гинэ вӧсяськыса уд курелэ, оскелэ, басьтоды шуыса – сётӥськоз тӥледлы."

²⁵ Вӧсяськыса сылыкуды , Инмысь Атайды тӥлесьтыд сьӧлыкамдэс мед простить кароз шуыса куриськоды ке, нырысь асьтэос простиь карелэ, кинэ ке адӟемпотостэм кариськоды ке (кин ке сярысь урод малпаськоды ке)

²⁶ Простить ӧд ке каре , Инмысь Атайды но простить уз кары тӥлесьтыд сьӧлыкамдэс.

²⁷ Нош ик лыктӥзы Иерусалиме. Храмтӥ ветлыкуз, Иисус доры лыктӥзы первосвященникъёс, книжникъёс но старейшинаос.

²⁸. Шуизы Солы: «Кыӵе кужымен Тон тае лэсьтӥськод? Кин сётӥз Тыныд кужым тае лэсьтыны?»

²⁹. Иисус шуиз соослы:»Мон но юало тӥлесьтыд, вералэ Мыным, соку Мон но верало тӥледлы кыӵе кужымен Мон тае лэсьтӥсько.

³⁰Иоаннлэн крестить каронэз Инмысь вал-а яке адямиослэсь-а? Вералэ Мыным ?».

³¹. Ас куспазы вераськизы: «Шуим ке. «Инмысь», Со шуоз: «Малы тӥ солы ӧд оскелэ?»

³² Нош «адямиослэсь» шуыны ӧз дӥсьтэлэ – кышказы калыклэзь, уго ваньмыз малпало вал Иоанн зэм ик пророк вал шуыса.

³³. Иисуслы шуизы: «Ум тодӥське». Соку Иисус шуиз соослы: «Мон но уг вера тӥледлы, кыӵе кужымен ваньзэ тае лэсьтӥсько».

Chapter 12

¹Кутскиз соослы притчаос пыр вераны :» Одӥг адями мертэм виноград сад . Котыраз кенер кутэм , виноград сокез виятыны гу копам , башня пуктэм но , садэз виноград будэтӥсьёслы сётыса , кӧняке дырлы кошкем.

²Дырыз вуэм но виноградлэсь емышсэ басьтыны ляльчизэ виноград будэтӥсьёс доры ыстэм

³Нош соос ляльчез кутыса жугилям но номыр но сётытэк лэзилям

⁴Нош ик ыстэм мукет ляльчизэ соос доры ,таизлэсь изъёсын йырзэ пасятӥллям но ултӥяса лэзилям

⁵Нош ик мукетсэ ыстэм :тазэ но виилям .Троссэ я жугиллям ,я виилям.

⁶Одӥг гинэ яратоно пиез вал солэн ,бератаз ини сое виноград будэтӥсьёс доры ыстэм :»Мынам пиелэсь возьдаськозы «

⁷Виноград будэтӥсьёс ог-огзылы шуллям : «Та атай юртлы кузё кылись(наследник (.Ойдолэ ,мыныса сое виём , солы кылёно ваньбур асьмелы луоз. »

⁸Сое кутыса виилям но виноград сад серы куштӥллям

⁹Мар бен кароз виноград садлэн куӟёез? Лыктоз но виины сётоз виноград будэтӥсьёсыз , виноград садэз мукетъёслы сётоз.

¹⁰Священной Гожтэмысь лыдӟемды ӧвӧл шат :»Из ,кудзэ корка пуктӥсьёс кулэтэм карыса куштӥзы ,корка сереглы йыр луиз.

¹¹Та ,Куӟё –Инмарлэсь , та паймымон луэ асьмелэн син азямы.»

¹²Иисусез кутыны тыршизы но калыклэсь кышказы . Уго валазы, соос сярысь та притчаез вераз шуыса .Сое кельтыса палэнскизы .

¹³Кыл пыр Иисусез янгыше уськытон понна Со доры куд-ог фарисейёсты но Иродлэсь адямиоссэ ыстылизы.

¹⁴Соос лыктыса ,шуизы Иисуслы :»Дышетӥсь ми тодӥськом ,Тон ваньзэ шонер лэсьтӥськод ,уд турттӥськы ,кинлы ке гинэ ярамон луыны ,уд учкиськы нокыӵе но ымныр шоры , зэм Инмарлэн сюресезлы дышетӥськод .Яра –а кесярлы выт тырыны ,яке уг яра-а ? Тыроно милемлы ,яке ӧвӧл-а тыроно? »

¹⁵Нош Иисус,соослэсь кескич сямзэс тодыса шуиз :» Малы тӥ Мынэсьтым визьме сынаськоды( искушать кариськоды(?Ваелэ Мыным динарий коньдонэз, Мон сое учко . »

¹⁶Соос ваизы .Соку соослы шуиз :»Кинлэн та тусбуез но гожтэмез ? »Соос шуизы :»Кесарьлэн.»

¹⁷Иисус шуиз соослы :»Кесарьлэсь сётэлэ кесарьлы , Инмарлэсь- Инмарлы. »Паймизы Солы .

¹⁸Собере Иисус доры садукейёс лыктӥзы ,кудъёсыз улӟыса султон ӧвӧл шуо . Юазы Солэсь:

¹⁹»Дышетӥсь ! Моисей милемлы гожтэм:»Кинлэн ке братэз кулыса ,кышноезэ кельтӥз ке нылпи но ӧз ке кельты .Соку солэн братэз солэсь куспалзэ аслыз кышно мед кароз но ас братэзлэсь выжызэ мед азьпалтоз .

²⁰Сизьым братъёс ( агай-вынъёс(вал : нырысетӥез кышно басьтӥз но нылпи кельтытэк ,кулӥз .

²¹Кыкетӥез басьтӥз сое ,со но нылпи кельтытэк ,кулӥз ;озьы ик куинетӥез но.

²²Басьтылӥзы сое асьсэлы сизымназы ик ,нош нылпи ӧз кельтэ .Ваньзы бере кулӥз та кышномурт но.

²³Озьыен ,улӟыса султон нуналэ ,вань кулэмъёс улӟыса султӥзы ке ,кудзылы со кышно луоз .Сизьымназы но сое кышно каризы вал уго. »

²⁴Иисус шуиз соослы :»Тазьы –а тӥ сураськиськоды , мар Священной Гожтэмез но Инмар кужымез тодытэк ?

²⁵Улӟыса султӥзы ке ,уз но кышнояське, уз но бызе ини , инмысь Кылчинъёс Ангелъёс (кадь луозы.

²⁶Нош кулэмъёс улӟыса султозы шуыса ӧд лыдӟе шат Моисейлэн книгаисьтыз.Кызьы Инмар шуиз солы ӝуась куар дорысен :»Мон Авраамлэн Инмарез ,Исааклэн но Инмарез , Иаковлэн но Инмарез ?

²⁷Со кулэмъёслэн Инмарзы ӧвӧл ,Со улэпъёслэн Инмарзы. Озьыен тӥ туж зол янгышаськоды.»

²⁸Одӥг книжник соослэсь ченгешемзэс ( спорить каремзэс (кылыса но Иисуслэсь умой валэктэмзэ кылыса , дораз лыктӥз но Солэсь юаз : «Вань?????? курон-косонъёс?????? (заповедьёс( пӧлысь кудӥз нырысетӥез ?»

²⁹Ииисус шуиз солы : «Вань курон-косонъёс(заповедьёс ( пӧлысь нырысетӥез: «Кылзӥськы, Израиль! Асьмелэн Инмармы - одӥг Куӟё- Инмар.

³⁰Аслэсьтыд Куӟё - Инмардэ вань сюлмыныд, вань лулыныд но, вань визьмыныды но, вань кужмыныд яраты!». Тани, нырысетӥез курон-косон( заповедь (!

³¹Кыкетӥез но соиз кадь : « Астэ ачид кадь ,яраты матысь мурттэ ». Таослэсь бадӟым мукет курон-касон ӧвӧл».

³²Книжник Солы шуиз : «Умой, дышетӥсь ! Земэз Тон верад :одӥг гинэ Инмар вань,Со сяна мукетыз ӧвӧл .

³³ Сое вань сюлмын ,вань визьмын но вань лулын ,вань кужымен яратон , но матысьтэ астэ ачид кадь яратон - со ӝуатыса сётонлэсь но мукет жертвалэсь но бадӟым луэ .

³⁴Иисус солэсь визьмо вераськемзэ адӟыса ,шуиз солы :»Инмарлэн Инмын куӟёяськон интыезлэсь тон кыдёкын ӧвӧл ни . » Та бере Солэсь нокин но юалляськыны ӧз дисьты ни.

³⁵ Храмын дышетыкуз, Иисус шуиз:»Кызьы книжникёс шуо - Христос Давидлэн Пиез ?

³⁶Малыке шуоно Ачиз Давид??????? Дух Святой пыр (Святой Духен ( Святой Духен тыр луыса ( шуиз ???????:" Куӟё- Инмар шуиз мынам Куӟё –Инмарелы : Тынэсьтыд тушмонъёстэ Тынад пыд азяд понытозям ,Мынам бур палам пук."

³⁷Озьыен ,ачиз Давид Сое Куӟё-Инмар шуэ :кызьы соку Со солэн Пиез луоз ?» Трос муртъёс Сое шумпотыса кылзӥзы .

³⁸ Аслаз дышетоназ Со вераз :»Чаклаське книжникъёслзсь ,кудъёсыз ярато кузь дӥськутэн ветлыны но калык кенешын соосты ӟечкыламез яратӥсёсты ,

³⁹.синагогаосын азьпалан пукыны но сиён –юон дыръя нырысьетӥ интыосын кылльыны яратӥсьёсты .

⁴⁰Соос, карттэк кылем кышноослэсь юртсэс сиыса быдтӥсьёс ,возьматон понна кема вӧсяськисё, туж секыт курадӟёнлы сётэмын( судить каремын ( луозы .»

⁴¹Иисус пуксиз храмлэн ваньбур тырон сандыклэн пумитаз но учкыса улӥз ,кызьы отчы калык коньдон тыре .Тросез узыръёс трос тыризы.

⁴²Карттэк кылем, куанер кышно ,лыкӥз но кык лепта понӥз ,кудӥз одӥг кондрат луэ.

⁴³Дышетскисьёссэ матаз ӧтьыса ,Иисус соослы шуиз:»Зем ик верасько тӥледлы,храмлэн ваньбур сандыке тырисьёс пӧлысь, та карттэк кылем куанер кышно ваньмызлэсь трос понӥз .

⁴⁴Уго ваньмыз тыризы мултэс ваньысь ,нош со ,куанер ке но ,понӥз ваньзэ маиз вал, вань сиён –юонзэ . »

Chapter 13

¹Иисус храмысь потыкуз ,одизез дышетскисьез Солы шуиз : «Дышетӥсь ! Учкы кыӵе изъёс но кыӵе юртъёс ( коркаос( !»

²Иисус шуиз солы : «Адӟиськод –а та бадӟым юртъёсты .Та юртъёс куашкатэмын луозы ,из вылэ из но уз кыльы ни.»

³Иисус Елион гурезь вылын, храм вадьсын пукыкуз ,Пётр,Иаков но Андрей , огназы кыльыса юазы Солэсь:

⁴« Вера милемлы –ку со луоз , ваньмыз та луон азьын кыӵе тодмет луоз ? «

⁵Иисус тазьы вераны кутскиз :» Чакласькелэ ,нокин но визьдэс медам сура ,

⁶малыке шуоно тросез мынам нимыным лыктозы но ,»Та- Мон»шуыса троссе аспалазы берыктозы.

⁷Ожмаськон но ожмаськон сярысь иворъс кылӥды ке , эн кышкалэ: ваньмыз та луыны кулэ уго. Но та пумыз ӧвӧл на.

⁸Калык калык вылэ , одӥг царство мукет царство вылэ ӝутскоз.Интыен –интыен музъем зуркалоз ,сютэм арёъс ,????мар карыны паймыса улон??????(смятение( дыръёс луозы.Та висёнъёслэн кутсконэз .

⁹ Нош тӥ асьтэдыз чакласа улэ , Мон понна тӥледыз судэ сётозы ,синагогаын жугозы . Киватӥсьёс но эксейёс азе султытозы, соос азьын тодытыса ивортон понна

¹⁰Нош солэсь азьвыл вань калык пӧлын Евангелие вӧлмытэмын луоз

¹¹Тӥледыз кутыса нуыкузы , мар вералом шуыса азьло ик эн сюлмаське , эн малпаське ; мар сётэмын луоз со вакытэ сое ик вералэ ,малыке шуоно , тӥ сое уд вералэ ,Дух Святой сое вералоз.

¹²Брат - братсэ ,атаез- нылпизе виины сётозы . Нылпиос анай –атайзы вылэ ӝутскыса соосты виозы.

¹³ Мынам нимы понна ваньмыз тӥледыз адӟемпотостэм карозы ,нош пумозьяз чидам мурт -утиськоз .

¹⁴Даниил пророк пыр верам юрӟым буш кылёнэз адӟиды ке , кытын сылыны кулэ ӧвӧл ,-лыдӟись мед валалоз -соку Иудеяын луисьёс гурезъёсы мед пегӟёзы .

¹⁵Нош кин липет йылэ кылиз ,эн васькы ,эн пыра ни ас коркад отысь мар ке басьтыны шуыса ;

¹⁶Нош кин бусын ,аслэсьтыд диськуттэ басьтыны берен эн берытскы .

¹⁷Куректон-кайгу со нуналъёсы нуны вайоно но нуны нонтӥсь кышноослы !

¹⁸Вӧсяське, пегӟён нуналды толалтэ медам лу шуыса.

¹⁹Со нуналъёсы сыӵе курадӟён луоз,кыӵе ӧй вал на Инмарен дунне кылдытон дырысьен туннэ нуналозь , уз но луы ни.

²⁰Кузё Инмар ӧй ке вакчыятысал со нуналёсты ,нокыӵё адями ӧй утиськысал, но Аслыз быръем адямиосыз утён понна вакчиятиз со нуналъёсты.

²¹Соку кин ке шуиз ке :» Тани Татын Христос» яке « тини отын»-эн оскелэ.

²²Соку ӝутскозы асьсэзыс пророк шуисьёс ,ассе ачиз Христос шуисьёс ..Паймымон тодметъёс но паймымон ужъёс возьматозы,быръем калыклэсь ,луиз ке ,визьзэс суран понна.

²³Нош тӥ чакласькелэ . Тани Мон азьло ик ваньзэ верай тӥледлы.

²⁴Со куректон нуналёс бере, шунды пеймыталоз , толэзь но уз сётэ ини югытсэ ,

²⁵Кизилиос усьёзы инбамысь ,ин кужымёс но вырӟёзы .

²⁶Соку адӟёзы пилемъёс вылын туж бадӟым кужымен но данэн лыктӥсь Адями Пиез.

²⁷Соку Со Аслэсьтыз Кылчинъёссэ (Ангелъёссэ ( лэзёз но дуннелэн ныль палысьтыз ,музъем пумысь но ин пумысь но Аслэстыз быръем адямиоссэ люкалоз.

²⁸ Смоквапулэсь адӟем каре : вайёсыз небӟыса , куар поттыны кутско ке , гужем матын ни шуыса тодиськоды.

²⁹Озьы ик тӥ но та тодметёслэсь быдэсмемзэс адӟиды ке ,тодэлэ , матэ , ӧс выжые вуиз ини шуыса.

³⁰Зэм ик верасько тӥледлы :та выжы бырытозь ,ваньмыз та луоз.

³¹ Ин но музъем быроз ,нош Мынам Кылъёсы уз быре.

³²Нош со нунал яке со дыр сярысь , Атай сяна , нокин но уг тоды ,инмысь Кылчинъёc но Пи но.

³³Эскериськелэ ,сак улэлэ ,вӧсяськелэ, уго со вадеслэсь ку вуэмзэ уд тодиське.

³⁴Юртсэ лялчиослы кельтыса ,котькудизлы ас ужзэ сётыса ,капка возьмаслы сак луыны косыса ,сюрес вылэ потӥсь муртлы кельшелэ

³⁵Озьыен ,сак улэ ,малыке шуоно уд тодиське ,ку бертоз коркалэн куӟёез : ӝыт яке уин-а ,атасъёс чръяку яке ӵукна-а;

³⁶ Шӧдтэк шорысь бертыса ,тӥледыз изисен медаз шндьты .

³⁷Нош мае тӥледлы верасько .,верасько ваньмызлы : сак улэ.»

Chapter 14

¹Кык нунал ортчыса кулэ вал луыны Пасха (Бадӟымнунал( но юмал нянь сион праздник.Первосвященникъёс но книжникъёс утчазы Сое кескич амалэн кутыны но виины .

².Калык пушкын бугыряськон медаз кутскы шуыса та ужез праздник нуналэ ум лэсьтэ шуыса вераськизы

³Вифанияын,проказаен висись Симонлэн корказ сиськыса кылльыкуз,лыктӥз кышномурт ,алавастровый посудаын нардлэсь чылкыт но туж дуно миро вайыса . Посудаез пилиз но Иисуслэн йыр вылаз кисьтӥз.

⁴Куд-огез ас куспазы вожпотыса шуизы:»Малы озьы юнме мироез арам каронэз ?

⁵Луэ вал сое вузаны куинь сю динарийлэсь но дуногес но сётыны кураськыса улӥсь адямиослы "Озьы???????? ӟуризы кышномурт вылэ.?????

⁶Иисус шуиз :»Кельтэлэ сое ,малы сое кер поттӥськоды? Со Мыным умой уж лэсьтӥз.

⁷Уго кураськисьёс котьку но пӧлады вань ,котьку мылды потыку (мылкыдды луыку (быгатӥськоды соослы ӟеч карыны(юрттыны ( . Нош Мон тӥледын весь уг луы.»

⁸Со лэсьтӥз ,мар быгатӥз :Мынэсьтым Мугорме вӧйын зыраса ,ватыны дасьаз.

⁹. Зем ик тӥледлы верасько : быдэс дунне вылын ,кытын гинэ та Евангелие тодытэмын луиз ,сое буре вайыса ,солэн мар каремез сярысь котькытын но верамын луоз.»

¹⁰Иуда Искариот ,одӥгез дас кык пӧлысь ,мынӥз первосвященникъёс доры Иисусез соос кие предать карон понна .(соослы вузаса сётон понна(

¹¹Соос тае кылыса шумпотӥзы но кыл сётӥзы солы азвесь коньдон сётыны. Иуда тупась вакыт утчаны кутсеиз ,кызь ке Сое предать карон понна.

¹²Юмал нянь сиёнлэн нырысьетӥ нуналз Пасхалы (Бадӟым нуналлы)ыжпи вандон дыръя ,дышетскисьёсыз Солы шуизы : «Кытын Пасха ыжпиез сиемед потэ? Ми мыныса дасьалом.»

¹³Кыксэ дышетскисьёсыз пӧлысь ыстӥз , тазьы шуыса: «Мынэ городэ ,отын пумиськоз тӥледлы кувшинэн ву нуись адями .Со сьӧры мынэлэ

¹⁴но,со кытчы пыроз ,со коркалэн куӟёезлы вералэ :»Дышетӥсь юа:»Кытын ???комната??? ,кудаз Мон дышетскисьёсыным быгато сиины Пасха Ыжпиез ?»

¹⁵Со возьматоз тӥледлы коркалэсь вӧлдыса дасьам бадӟым палзэ ; отчы асьмелы дасьалэ «

¹⁶Дышетскисьёсыз мынӥзы но городэ вуыса ,шедьтӥзы кызьы шуиз соослы .Пасха сиёнэз дасьазы.

¹⁷Ӝыт вуэм бере , Со даскык дышетскисьёсыныз ӵош лыктӥз .

¹⁸Сиськыса кылльыкузы Иисус шуиз :»Зем ик тӥледлы верасько ,тӥ пӧлысь одигез ,Монэн ӵош сиськись, Монэ предать кароз(вузаса сётоз( .»

¹⁹Соос куректонэ усизы но огзы бӧрсьы огзы Солы вераны кутскизы :»Мон ӧвӧл –а?» мукетыз но :»Мон ӧвӧл-а?»

²⁰ Нош Иисус шуиз соослы :»Одӥгез дас кык пӧлысь , Монэн ӵош тусьтые веттылись.

²¹Адями Пи мынэ ке но, кызьы Со сярысь гожтэмын .Но со муртлы ,удӥз пыр Адями Пи предать кариське(вузаса сётӥське( , куректон луоз . Со адямилы умойгес луысал ӧз вордиськысалыз ке .»

²²Сиськыса кыллён дыръязы Иисус нянез басьтыса благословить карыиз .Тӥяса соослы сётӥз но шуиз:»Басьтэлэ ,сиелэ, та Мынам мугоры .»

²³Ӵаша кутӥз но тау карыса, сётӥз соослы.Отысь ваньзы юизы..

²⁴ Соослы шуиз:» Та Мынам тросез понна кисьтӥськись??? Выль Сӥӟён Виры???? .»

²⁵. Зэм ик верасько тӥледлы : « Виноград емышлэсь виназе Мон уг юы ни, Инмарлэн Царствояз выль вина юон дырозь . ».

²⁶Данъян кырӟан кырӟаса, Елион гурезь вылэ мынӥзы.

²⁷Иисус вераз соослы: «Ваньды та уе Монэ кельтоды, гожтэмын уго ???сӧсырто??? ыж возьмасез но ыжъёс пазьгиськозы .

²⁸Улӟыса султэм берам, Мон тӥледыз Галилеяын возьмало ».

²⁹Пётр Солы вераз: « Тонэ ваньзы кельтӥзы ке но ,мон уг кельты «

³⁰Иисус шуиз солы: «Зэм ик верасько тыныд: тон туннэ, та уе, атас кык пол чортытозь, куинь пол Мынэсьтым куштӥськод».

³¹Но со эшшо но юнгес вераз: «Тонэн ӵош кулон ке но луи, уг куштӥськы Тынэсьтыд.» Тазьы ик мукетъёсыз но веразы.

³²Лыктӥзы Гефстмания нимаськись интые. Иисус шуиз Аслаз дышетскисьёсызлы : « Мон вӧсяськытозь татын пукелэ .»

³³Петрез , Иаковез но Иоанэз сьӧраз басьтӥз но ; туж курадӟыны но курэктыны кутскиз.

³⁴ Шуиз соослы : «Мынам лулы кулымон куректэ. Татын луэлэ, сак улэ.»

³⁵Кӧня ке палэнскыса, мызъем вылэ уськытскиз . Луоно ке, Сое та час мед ортчысал шуыса вӧсяськиз

³⁶шуиз: «Авва Атае! Тон ваньзэ быгатыӥськод, та чашаез Мон вӧзтӥ ортчыты вал; но мынам мылкыд каремея ӧвӧл, Тынад мылкыд каремедъя мед луоз.»

³⁷.Берен вуыса адӟиз: ваньмыз уммэ усемын. Соку Со Петрлы шуиз: «Симон! Тон изиськод? Тон одӥг час но сак улыны ӧд быгаты-а ?

³⁸ Вӧсяське но сак улэ ,??? искушение?? медад сюре шуыса: лул сэзь, нош мугор кужымтэм.»

³⁹ Со кылэз ик вераса нош ик палэнскыса вӧсяськиз .

⁴⁰Берен лыктыса нош ик соосты изисен шедьтӥз : уго соослэн синъёссы секытомизы. Иисуслы мар вераны соос ӧз тодэ ни.

⁴¹.Кунетӥ ползэ лыктыса шуиз соослы : «Тӥ али но изиськоды-а , шутетскиськоды –а ? Тырмиз ,час вуиз .Тани Адями Пи сьӧлыко адямиос кие сётӥське .

⁴²Султэ,мыном.Тани Монэ предать карись мурт (вузась мурт( матам лыктӥз ини.»

⁴³Соку ик , вераськон куспазы ,одӥгез дас кык пӧлысь,Иуда ,лыктӥз .Соин ӵош ,первосвященникёсын ,книжникъёсын но старейшинаосын лэзем калык вуиз , мечъёс но йылсо бодыос кутыса .

⁴⁴Иисусез вузась таӝе тодмет сётӥз соослы :»Кинэ мон чупало ,Со ик вань Со.Кутэ Сое ,нуыкуды сак луэ .»

⁴⁵Соку ик Иисус доры лыктыса: «Равви!Равви!» шуиз но чупаз Сое.

⁴⁶.Соку ик Соос Иисусез кырмизы но арестовать каризы ( киулазы басьтӥзы( .

⁴⁷Одӥгез татын сылӥсьёс пӧлысь мечсэ поттӥз но первосвящениклэн лялчиезлэсь пельзэ ӵогиз .

⁴⁸.Соку Иисус шуиз соослы :»Йыруж лэсьтэм мурт доры кадь мечъёсын но йылсо бодыосын потӥды Монэ кутон понна .

⁴⁹Мон котькуд нунал тӥледын ӵош храмын вал ,дышетӥ ,нош тӥ Монэ ӧд кутэлэ.Оьыен ,мед быдэсмозы Священной Гожтэмъёсысь веранъёс.»

⁵⁰Соку Иисусез кельтыса ваньзы пегӟыса кошкизы

⁵¹Одӥг егит пи, гольык мугорзэ шобретэн биньялтыса ,мынӥз Иссус серы .Солдатьёс сое кутӥзы .

⁵²Нош со шобретсэ кельтыса ,гольык куенн пегӟиз соос дорысь .

⁵³Иисусез ваизы первосвященик доры .Со доры люкаськизы вань первосвященикёс ,старейшинаос но книжникъёс.

⁵⁴Пётр палэнтӥ Со сьӧры мынӥз , первосвящениклэн азбар пушкозяз ик . Ляльчиосын (служить карисьёсын( ӵош со тыл дорын шунтӥськыса пукиз.

⁵⁵.Первосвященикъёс но вань синедрионын(судын ( пукисьёс , Иисусез вион понна, Солэсь шекъёссэ утчазы ,но ӧз шедьтэ.

⁵⁶малыке шуоно тросес Со сярысь ӧвӧлтэмзэ веразы ,но со веранъёс тырмыт ӧй вал .

⁵⁷Куд-огез султыса , Солы пумит ӧвӧлтэмзэ вераса шуизы:»

⁵⁸ Ми кылӥмы кызьы Со шуиз :» Та киын лэсьтэм храмез Мон куашкато но , куинь нунал ортчыса ,мукетсэ , киын лэсьтымтэзэ пукто.»

⁵⁹Та верамзы но тырмыт ӧз луы .

⁶⁰Соку первосвященик шоразы султӥз но Иисуслэсь юаз :» Марлы Тон номыр но уд вераськы ? Маин соос тонэ янгыше уськыто ?»

⁶¹ Нош Иисус шып улӥз , номыр но ӧз вера . Нош ик первосвященик Иисуслэсь юаз :» Тон-а Христос ,?????????Данъянолэн ?????????? Пиез?»

⁶²Иисус шуиз : « Мон . Тӥ адӟоды ,Кужымлэн бур палаз пуксьыса , ин пилемъёс вылын лыктӥсь Адями Пиез.»

⁶³Соку первосвященик ,аслэсьтыз диськутсэ шорияк кесьыса,шуиз:»Марлы кулэ на асьмелы адӟисьёс-верасьёс ?

⁶⁴Тӥ кылӥды Инмарез сантэм каремез .Кызьы тӥ малпаськоды ? » Ваньзы соос янгыше уськытыса « вионо»шуса кенешизы .

⁶⁵Куд-огез Сое сяланы кутскизы ,ымнырзэ ворсаса тышкаса шуизы Солы :» ????Тодмаса вера???? »Ляльчиос но Солэн бамаз мыжгазы.

⁶⁶ Пётр азбарлэн улӥяз луыку , отчы лыктӥз первосвящениклэн ляльчи кышномуртъёсыз .

⁶⁷ Шунтӥськыса улӥсь Пётрез адӟиз но шораз умой –умой учкыса шуиз:» Тон но Назарин Иисусен вал.»

⁶⁸Нош со????? танаськыса ?????шуиз: « Уг тодиськы, уг валаськы ,мар тон вераськод.» Азбар азе потӥз, соку атас чортӥз.

⁶⁹Ляльчи кышномурт,сое нош ик адӟыса,татын сылӥсёслы вераны кутскиз :»Та соос пӧлысь "

⁷⁰Пётр нош ик??? Солэсь куштӥськем???.Ӧжыт улыса ,татын сылӥсь муртъёс нош ик Пётрлы верны кутскизы :»Зэм ик тон соос пӧлысь:тон Галилея мурт уго ,вераськемед но тынад соослэн кадь."

⁷¹Нош со кыл сётыны но соосты ????оскытыны ???кутскиз :»Та Адямиез ,Кудӥз сярысь вераськоды ,уг тодӥськы «

⁷²Соку ик атас кыкетӥ ползэ чортиз .Соку Пётр Иисуслэсь солы верам кылзэ тодаз ваиз :»Атас кык пол чортэмлэсь азьло ,Мынэсьтым куинь пол ???куштӥськод??? «.Со бӧрдыны кутскиз.

Chapter 15

¹Вазь ӵукна первосвященникъёс, книжникъёс (книга тодӥсьёс( но вань синедрион кенеш каризы. Соос Иисусэз думылыса Пилат кие сётӥзы .

²Пилат юаз Солэсь:" Тон Иудеялэн эксеез –а ?"Иисус шуиз солы:"Тон шуид".

³Первосвященникъёс Иисусэз тросс янгыш каризы .

⁴Соин ик Пилат нош ик юаз Солэсь:" Малы Тон номыр но уд вераськы? Адӟиськод- а, кыӵе трос Тыныд пумит виноват карыса верасьёс ?"

⁵Нош Иисус талы но номыр но ӧз вера, талы Пилат паймиз.

⁶Котькуд шулдыръяськон нуналэ Пилат ,калык куремъя ,одӥгзэ пыдсэт серын пукись муртэ лэзьылӥз .

⁷Та вакытэ пытсэт серын пуке вал, эшёсыныз ӵош, Варавва нимо мурт .Соос бугыръяськон дыръя адямисты виилям.

⁸Калык кесяськыса Пилатлэсь курыны кутскиз , сое , мае со котьку лэсьтэ вал соос понна.

⁹Пилат юаз соослэсь:"Кулэ -а, мон мозмыто тӥледлы Иудеялэсь Эксейзэ ?"

¹⁰ Пилат тодэ вал уго, первосвященникъёс Иисуслы вожъяськыса улӥзы , соин ик предать ?но ?каризы Сое .

¹¹Нош первосвященникъёс ӝутказы калыкез, Пилат мед мӧзмытоз Варнаваез шуыса курыны .

¹²Пилат юаз соослэсь:"Кызьы тӥледлы кулэ, мар мыным лэсьтоно, Соин, Кинэ тӥ шуиськоды Иудеялэн Эксеез?»

¹³Но соос кесяськыса шуизы :"Кортӵога Сое".

¹⁴Пилат юаз:"Мар уродзэ Со лэсьтӥз?" Нош соос эшшо но золгэс кесяськизы:"Кортӵога Сое!"

¹⁵Соку Пилат, калыкъя карыса ,мӧзмытӥз Варавваез , нош Иисусэз жугыса кортӵоганы сётӥз

¹⁶Солдатъёс Иисусез азбар пушуы пыртӥзы , притория шуон интые .Отчы быдэс полкэз люказы .

¹⁷Соос Иисус вылэ напгард шобрет дӥсязы но бышкиськись тёрнпулэсь венок(тёрнпулэсь йыркерттэт пуныса ( керттыса Солэн йыраз понӥлзы

¹⁸Сое ӟечбуран кутскизы:"Шум пот, Иудеялэн Эксеез!"

¹⁹ Соос Иисусэз йыраз бодыосын жугизы но сялазы Сое. Пыдесъяськыса Солы йыбырттӥзы.

²⁰ Ултӥямзы бере , кылизы Со вылысь напгорд шобретсэ . Аслэсьтыз дӥсьсэ дӥсязы но Сое кортӵоганы нуизы

²¹Бусыысь бертӥсь, Киринеысь кыӵеке Симонэз ,Александрлэсь но Руфлэсь атайзе , тати ортчись муртэ ,Солзсь кироссэ нуытӥзы .

²²Иисусэз ваизы Голгофа нимо интые, кудӥз "Кымыс инты " шуэм луэ .

²³Иисуслы смирнаен сурам вина юыны сётӥзы ,нош Со ӧз юы .

²⁴Иисусэз кортӵогась солдатъёс, жребий куштыса Солэсь дӥсьсэ люкылӥзы , кинлы мар сюроз.

²⁵Кунетӥ час вал ,Сое кортӵогазы.

²⁶Солэсь янгышсэ возьматӥсь гожтэт вал : "ИУДЕЯЛЭН ЭКСЕЕЗ".

²⁷ Иисусэн артэ(вӧзы( ,бур но паллян палаз кык йыруж лэсьтӥсъёсты (разбойникъёсты( кортӵогазы.

²⁸Быдэсмизы Священой Гожтэмысь кылъёс: " пыртэмын йыруж лэсьтӥсьёс (преступникъёс (пӧлы".

²⁹ Вӧзтӥз ортчисьёс йырзэсь сезьяса, Сое ултӥяса веразы:"Тон - храмез куашкато но куинь нунал куспын пукто шуись !

³⁰Асьтэ Ачид мӧзмыты но васькы киросысь".

³¹Иисусэз серекъяса первосвященикъёс но книжникъёс веразы ог огзылы:"Мукетъёссэ мӧзмытъяз , нош Асьсэ мӧзмытыны уг быгаты.

³² Израильлэн Эксеез - Христос, табере мед васькоз киросысь, ми мед адӟёмы но мед оскомы, шуыса"

³³Куатетӥ часын быдэс музъем вылын пеймыт луиз, пеймыт вал укмысэтӥ часозь.

³⁴Укмысэтӥ часын Иисус бадӟым куараен кеськиз:"Элои! Элои! Ламма савахани?" - кудӥз луэ:"Инмаре Мынам! Инмаре Мынам! Малы Тон Монэ кельтӥд"?

³⁵Куд огез татын сылӥсьёс пӧлысь тае кылыса шуизы :" Тани, Илияез ӧте".

³⁶ Одӥгез соос пӧлысь бызьыса мынӥз ,губкаез уксусен тырмытӥз но боды йылэ шедьытӥз . " Дугдэлэ ай ,учком , Илия Сое кирос вылӥсь бастыны лыктоз- а " шуыса ,Солы юыны сётӥз .

³⁷ Нош Иисус кужмо куараен кеськиз но, лулыз потӥз ..

³⁸Соку храмысь завеса , вылӥысен улӥозь шорияк кеськиз .

³⁹ Иисуслэн пумитаз сылӥсь сотник, Солэсь кызьы кулэмзэ адӟыса, шуиз :"Та Адями зэм ик Инмарлэн Пиез вал".

⁴⁰Татын кышномуртъёс но вал ,кудъёсыз кыдёкысен учкыса сылӥзы . Соос пӧлын вал Мария Магдалина, Мария, покчи Иаковлэн но Иосиялэн анайзы , но Саломия.

⁴¹Кудъёсыз , Иисус Галилеяын дыръя но Со серы ветлӥзы ,Солы ??служить?? каризы . Отын вал тросэз , кудъёсыз Иисусэн ӵош Иерусалиме лыктӥзы .

⁴² Ӝыт вуиз . Соку ??Пятница?? - Суббота азьын нунал вал .

⁴³ Кенешлэн сиё-дано муртэз , Аримафейысь Иосиф, кудӥз озьы ик вите вал Инмарлэсь Царствозэ, дӥсьтӥз Пилат доры пырыса Иисуслэсь мугорзэ курыны .

⁴⁴Пилат паймиз, Иисус кулэм ни шуыса, ӧтӥз сотникез но юаз: «Кемалась- а кулӥз ?»

⁴⁵Сотниклэсь тодыса , мугорзэ Иосифлы сётӥз.

⁴⁶Иосиф, ??? етӥн дэра басма?? дунен басьтӥз но Иисуслэсь мугорзэ киросысь басьтӥз . Басмаен бинялтӥз но шайгуэ пониз , кудӥз гурезь пушкы копаса лэсьтэмын вал .Шайгулэсь ӧссэ изэн ворсаз .

⁴⁷Мария Магдалина но Мария, Иосиялэн анаез, учкыса улӥзы кытчы Иисуслэсь мугорзэ понӥзы

Chapter 16

¹ 1 Суббота(кӧс нал( ортчем бере Мария Магдолина, Мария Иаковлева но Саломия ческыт зыно вӧй дунен басьтӥзы, Иисус Христослэсь мугорзэ мыныса зыран понна .

²Туж вазь ӵукна, арнялэн нырысетӥ нуналаз, шунды ӝужан вакытэ, лыктӥзы шайгу доры,

³куспазы вераськыса: «Кин асьмелы шайгу ӧс бордысь изез палэнтоз ?»

⁴Учкизы но адӟизы, из палэнтэмын; нош со из туж бадӟым выл.

⁵Шайгуэ пырыса адӟизы: бур палаз егит пи пуке быдэсак тӧдьы дӥськутэн дӥсяськемын , но туж зол кӧшкемазы .

⁶Егит пи шуиз соослы: « Эн кышкалэ . Назаретысь кортӵогам Иисусез утчаськоды . Со улӟыса султӥз , Со ӧвӧл татын. Тани со инты кытын Со понэмын вал.

⁷Мынэ, вералэ дышетскисьёсызлы но Пётрлы , со тӥледыз Галилеяын витьыса улэ шуыса, отын тӥ сое адӟёды, кызьы Со тӥледлы веразл вал».

⁸Шайгуысь потыса, бызьыса кошкизы , малыке шуоно туж юн кӧшкемазы , кышкаменызы нокинлы но номыр но ӧз вералэ

⁹Иисус, арнялэн нырысетӥ нуналаз улӟыса, нырысь ик возьматӥськиз Мария Магдалиналы, кудӥз пушкысь улляса поттӥз вал сизьым бесъёсты.

¹⁰Мария мынӥз но Соин ӵош ветлисьёслы , бӧрдыса но курекыса улисёслы вераз.

¹¹Нош соос, Мариялэн :"Со улэп но со Сое адӟиз" шуыса верамезлы ӧз оскелэ.

¹² Собере Иисус, кыкезлы дышетскисьёсызлы,сюрес вылтӥ , гуртэ мыныкузы , мукет тусын возьматскиз.

¹³Соос , берен берытскем беразы , мукетёсызлы веразы . Соослы но ӧз оскелэ.

¹⁴Бератаз,Иисус возьматӥськиз дас одӥгъёсызлы, ӝыт сиськыны интыяськем вакытазы . Оскымтэзы понна, чурыт сюлэмо луэмзы понна, Сое улэпен адӟем муртёслы оскымтэзы понна пыкылӥз соосты .

¹⁵Собере шуиз соослы: “ Мынэлэ быдэсас дунне вылэ но вань калыклы Евангелиез ивортэ.

¹⁶ Кин оскыса креститься кариськоз , мӧзмытэмын луоз, нош кин ӧз оскы - суд улэ сюремын луоз.(судэ сюремын луоз (

¹⁷Оскисьёслэн паймымон луонлыкъёссы луозы: Мынам нимыным бесъёты уллялозы, выль кылъёсыен вераськозы.

¹⁸ Кыйёсты киинызы кутозы, кыӵе ке кулымон маеке юизы ке но соослы изъян уз лу , киоссэс висисъёс вылэ понӥзы ке, висисъёс бурмозы."

¹⁹ Соосын вераськем бераз ,Кузё-Инмар(Иисус Христос инбаме ӝутӥськиз но Инмарлэн бур палаз пуксьиз.

²⁰????????20 Дышетскисьёсыз мынӥзы но пӧртэм интыостӥ Ӟеч иворез вӧлмытыса ветлизы . Кузё- Инмар соослы юрттӥз, верам кылзес пӧртэм луонлыкъёсын юнматъяз .Аминь.????????????????

LUKE

Chapter 1

¹ Ми куспын зэм луэм учыръёс сярысь тросэз вераны кутскизы ни бере,

² кудӥз сярысь кутсконысеныз ик Кылэз адӟемъёс но Сое быдэсъясьёс милемлы ивортӥзы,-

³ соку мон но малпай кутсконысеныз ик ваньзэ пыр-поч эскерыны но тыныд гожтыны, гажано Феофил,

⁴ тон но мед тодод со дышетонлэсь мурдалазэ, кудӥныз тон тодматскид ини.

⁵ Иудеяын, Ирод царь кивалтон нуналъёсы, Авиялэн выжыысьтыз Захария нимо священник вылэм, нош солэн кышноез Елисавета Аарон выжыысь.

⁶Инмар азьын кыкназы но соос шонер улӥсьёс вылӥллям, Кузё-Инмарлэсь курон-косонъёссэ туж ӟеч быдэсъяса улӥллям.

⁷ Соослэн нылпизы вылымтэ, Елисавета нылпи ваисьтэм вылэм уго. Кыкназы но соос бадӟым арлыдоесь вылӥллям ини.

⁸ Огпол, черодэз вуыса, Инмар азьын кулэ ужъёсты лэсьтыкуз,

⁹ пус чӧлтыса(кыскыса), кызьы каро вылэм священникъёс, солы Кузё-Инмарлэн храмаз ладанэн ӵындытыны пыроно луэм.

¹⁰ Храмлэсь пушсэ ӵындытон дыръя, люкаськемъёс азбараз (пэдпалаз) вӧсясько вылэм, -

¹¹ соку солы жертвенниклэн бур палаз сылыса, Кузё-Инмарлэн ангелэз возьматӥськем.

¹² Захария сое адӟыса кепырам, но кышкан сое шобыртэм.

¹³Ангел солы шуэм: эн кышка Захария, тынад вӧсяськемед кылэмын, Елисавета кышноед тыныд пи вайёз, солы Иоанн ним сётод.

¹⁴ Тыныд шумпотон но шулдыръяськон луоз. Солэн вордскемезлы тросэз шумпотозы.

¹⁵Кузё-Инмар азьын со бадӟым луоз, вина но лек кудӟытӥсь юон уз веръя, анаезлэн пушказ ик со Святой Духен тыр луоз.

¹⁶ Израильлэсь туж трос пиоссэ Кузё-Инмар доры ваёз.

¹⁷ Илиялэн кадь лулын но кужымен Инмысь Атайлэн Пиезлэн азьпалтӥз со мыноз, Солы калыкез дасян понна: атайёслэсь сюлэмъёссэз нылпиоссы пала берыктоз, кылзӥськисьтэмъёсты шонер улӥсьёслэн визьмо сюрес вылазы берыктоз.

¹⁸ Захария ангеллы верам: Кызьы мон сое тодом? Мон уго пересь ини, кышноелэн но аресыз бадӟым ини.

¹⁹Ангел солы тазьы верам: Мон Гавриил, Инмар азьын сылӥсь, тон доры ыстэмын ӟеч ивор тыныд вераны.

²⁰ Табере тон, верамме быдэсмытчёзь, кылтэм но вераськыны быгатӥсьтэм луод, верам кылъёсылы оскымтэед понна, кудъёсыз ас дыраз быдэсмозы.

²¹ Со дыре калык Захарияез витьыса улэм, храмын ӝегамезлы паймыса.

²² Со отысь потэм, нош номыр соослы вераны быгатымтэ, кипусъёсын гинэ валэктыны тыршем. Калык валатскем, со адӟон адӟем шуыса.

²³ Храмын служба ортчем бере, Захария дораз бертэм.

²⁴ Та нуналъёс бере, солэн кышноез Елисавета нылпи ваёно луэм, вить толэзь со лушкем, нокинлы но вератэк улэм. Елисавета шуэм:

²⁵ Калык пӧлын вераськонэз дугдытон понна, Кузё-Инмар мыным тазьы лэсьтӥз.

²⁶ Куатетӥ толэзез мыныку Инмар дорысь Гавриил нимо ангел Галилеяысь Назарет городэ лэземын вал,

²⁷Давид коркась Иосиф нимо пиосмуртлы курам ныл доры ыстэмын вал, со ныллэн нимыз Мария.

²⁸Ангел Со доры пырыса шуэм: «Шумпот, тон благословить каремын! Кузё-Инмар тонэныд; кышномуртъёс пӧлын тон ӟечлыкоез».

²⁹Ангелэз адӟыса, верам кылъёсызлэсь ныл кепырам, малы меда та таӵе ӟечкылан, шуыса малпам.

³⁰Ангел солы шуэм: «Эн кышка, Мария, тон Инмар азьын ӟечлыко луид,

³¹тани тон, секытэн луод, Пи ваёд но солы Иисус ним сётод.

³² Со луоз быдӟым но Вылысь Атайлэн Пиез шуыса нимаськоз, но Кузё-Инмар Солы царь Давид атаезлэсь престолзэ сётоз.

³³Пумтэм дауръёс ӵоже Иаковлэн коркаяз Со царь луыса пукоз. Солэн Царствоезлэн пумыз но уз луы.

³⁴ Мария ангеллэсь юам: Кызьы со луоз, мон пиосмуртэз уг ке тодӥськы?

³⁵Ангел Солы тазьы шуэм: Святой Дух тон вылэ васькоз, Вылысь Инмарлэн кужымез Тонэ шобыртоз. Соин ик Тынэсьтыд вордӥськем Дун-Сьӧлыктэм Вылысь Атайлэн Пиез шуыса нимаськоз.

³⁶ Тани тынад выжыысьтыд Елисавета но, нылпи ваисьтэм вал, пересь даураз нуны ваёно луиз, солэн куатетӥ толэзез ини.

³⁷Инмарлэн одӥг кылыз но быдэсмытэк уг кыльы.

³⁸ Соку Мария вераз: Мон Кузё-Инмарлэн ляльчиез, тынад верам кылыдъя мыным мед луоз. Ангел со дорысь кошкем.

³⁹ Со нуналъёсы Мария ӝогак дасяськем но гурезё шаере Иудалэн городаз мынэм.

⁴⁰Захариялэн коркаяз пырем но Елисаветаез ӟечкылам.

⁴¹ Елисавета Мариялэсь ӟечкыламзэ кылэм бере, солэн нуныез пушказ вырӟем: Елисавета Святой Духэн тыр луэм.

⁴² Бадӟым куараен вазиськем но шуэм: «Кышноос пӧлысь ваньмызлэсь золгес тон благословить каремын,тон пушкысь Нуны но ӟечлыко каремын!

⁴³Кытысь та мыным: Кузё-Инмарлэн анаез мон доры лыктӥз?

⁴⁴ Уго Тынад ӟечкылан куараед кылӥськыку, нуны шумпотыса пушкам вырӟиз.

⁴⁵?? Шудо оскем мурт, - Кузё-Инмарлэн Солы верамез быдэсмоз уго».

⁴⁶ Мария шуэм: «Мынам лулы Кузё-Инмарме данъя,

⁴⁷?? лулы Инмарелы, Утиселы шумпотэ,

⁴⁸уго адӟиз Со аслэсьтыз кылзӥськись ляльчизэ, та дырысен Монэ вань выжыос шудо мурт шуозы,

⁴⁹уго Кужмо мыным бадӟым уж лэсьтӥз, Солэн нимыз чылкыт,

⁵⁰ Солэсь кышкасьёслы Солэн гажанэз (милостез) выжыысь выжые.

⁵¹Со Аслэсьтыз кужымзэ возьматӥз, вылӥ мылкыдоослэсь малпанъёссэс пазьгиз,

⁵² кужмоосты пукон интыысьтызы уськытӥз, нош востэмъёсты ӝутӥз.

⁵³ Сютэм улӥсьёсты ӟечен тырмытӥз, узыръёсты номыртэк лэзиз,

⁵⁴?? жалясь мылкыдыныз Аслэсьтыз ляльчизэ, Израилез бордаз кариз,

⁵⁵ кызьы шуиз вал атайесмылы, Авраамлы но солэн выжыезлы.

⁵⁶ Мария соин ӵош куинь толэзь мында улэм но собере гуртаз бертэм.

⁵⁷ Елисаветалы нылпи воён дырыз вуэм, со пи нуны ваем.

⁵⁸ Бускельёсыз, ӵыжы – выжыосыз кылӥллям Кузё-Инмар сое юн гажамзэ – жалямзэ но соин валче шумпотӥллям.

⁵⁹ Тямысэтӥ нуналаз нунылы вандӥськон сямез ортчытыны лыктӥллям но атаезлэсь нимзэ солы сётыны малпаллям.

⁶⁰Талы солэн анаез шуэм: ӧвӧл, сое Иоанн шуыса нимано.

⁶¹ Нош солы шуиллям: «Тынад ӵыжы-выжыед пӧлын та нимез нуллӥсь нокин но ӧвӧл.

⁶² Атаезлэсь но пусъёс пыр юаллям, кыӵе ним со сётысал шуыса.

⁶³Со пул курем но гожтэм: Иоанн солэн нимыз. Ваньзы паймиллям.

⁶⁴ Соку ик солэн кылыз-ымыз усьтӥськем но Инмарез данъяса, со вераськыны кутскем.

⁶⁵ Со котырын улӥсьёс ваньзы кышканы кутскиллям: Иудеялэн быдэс гурезё шаераз ваньмыз та сярысь вераськиллям.

⁶⁶ Ваньмыз тае кылӥсьёс сюлмазы возиллям, малпаллям: «Кыӵе пинал та луоз?» Кузё- Инмарлэн уго киыз со вылын вал.

⁶⁷ Захария, пилэн атаез, Святой Духэн тыр луэм но азьпалзэ тодытыса(пророчествовать карыса) шуэм:

⁶⁸Ӟечлыко Израильлэн Кузё-Инмарез, Аслаз калыкез доры лыктӥз но солы утиськон ваиз.

⁶⁹ Со Давидлэн юртысьтыз покчи пиез пыр милемлы утиськон сюрзэ ӝутӥз.

⁷⁰ Аслаз святой пророкъёсыз пыр азьпалзэ вераз вал:

⁷¹ «Тушмонъёсмылэсь, синазькыль карисьёслэсь асьмеды утёз,

⁷² милям атайёсмылы гажан-жалянзэ возьматоз но Аслэсьтыз святой сӥзён – косонзэ тодаз ваёз,

⁷³ Авраамлы, асьмелэн атаймылы, верам (сётэм) кылзэ быдэстоз.

⁷⁴Ум кышкалэ, милемыз тушмонъёсмылэн ки улысьтызы мозмытыкуз,

⁷⁵улонмылэн вань нуналъёсаз Со азьын Солы святой улонэн но шонерлыкен тыршыны.

⁷⁶Но тон, нуны, Вылысь Атайлэн пророкез шуыса нимаськод, тон Утисьмылэн азьтӥз мынод, Солы сюрес дасялод

⁷⁷но Солэн калыкезлы валэктод, соос утемын луозы но сьӧлыкъёссы простить каремын луозы шуыса,

⁷⁸ асьмелэн Инмармылэн яратонэз туж бадӟым, ми вылэ Со дорысь шунды ӝужан васькиз,

⁷⁹пеймытын но кулонлэн вужераз пукисьёсты югдытыны, пыдъёсмес тупаса улонлэн сюрес вылаз поттыны.

⁸⁰Нуны будэм, лулыныз – сюлмыныз юнмам, Израиль калыклы возьматскон нуналыз вуытозь пустыняын улэм.

Chapter 2

¹Со нуналъёсы Август кивалтӥсьлэн быдэс дуннеысь калыкез гожъян сярысь косонэз потэм.

² Квинириялэн Сириен кивалтыса улкыкуз, та нырысетӥез калыкез гожъян вылэм.

³Ваньзы гожтӥськыны мынӥллям, котькудӥз аслаз городаз.

⁴Озьы ик Галилеяысь Назарет городысь Иосиф но Иудеяе, Давидлэн Вифлеем шуон городаз мынэм; Малы ке шуоно, со Давидлэн коркасьтыз но выжыысьтыз вылэм.

⁵ Со гожтӥськыны мынэм Марияен, солы курам нылмуртэн, кудӥз секытэн вылэм.

⁶ Соос отын луон дыръя, Солы нуны вайыны дыр вуэм.

⁷ Ваем нырысетӥ Пизэ, тэбетэ бинялтэм Сое но пудолы турын тыронэ понэм, малы ке шуоно, кунокоркаосын соослы инты сюрымтэ.

⁸ Со шаерын пудо возьмасьёс бусыын вылӥллям, асьсэлэсь уллёзэс возьмало вылэм.

⁹ Шӧдтэк шорысь соослы Кузё-Инмарлэн ангелэз возьматскем но Инмарлэн пиштӥсь данлыкез соосты мальдытэм (югдытэм). Соос вераны луонтэм кышкаллям.

¹⁰Ангел соослы шуэм: «Эн кышкалэ, мон тӥледлы быдӟым шумпотон ивортӥсько, кудӥз вань адямиос понна луоз.

¹¹ Тӥ понна туннэ Давидлэн городаз Утись вордӥськиз, Со – Христос!

¹²Тани тӥледлы тодмет: Пудолы турын тыронысь тэбетэн бинялтэм Нуныез тӥ шедьтоды.

¹³ Шуак ангелэн ӵош лыдъянтэм трос ин ожгарчиос адскиллям но Инмарез данъяса вазиллям:

¹⁴«Дан Вылысь Инмарлы, музъем вылын тупаса улон, но адямиослы каньыллык но яратон!»

¹⁵Ангелъёс соос дорысь инме кошкем бере, пудо возьмасьёс ог-огзылы шуиллям: «Мыноме Вифлееме но учкоме мар отын луиз, кудӥз сярысь асьмелы Кузё-Инмар ивортӥз».

¹⁶ Дыртыса мынӥллям но, соос Марияез, Иосифез но педоослы турын тыронын кыллись Нуныез шедьтӥллям.

¹⁷ Адӟем беразы вераллям, мар ивортэмын вал та Нуны сярысь.

¹⁸Кылэм муртъёс пудо возьмасьёслэн верамзылы паймиллям.

¹⁹ Нош Мария та кылъёсты ваньзэ аслаз сюлмаз поныса возем.

²⁰ Пудо возьмасьёс мае кылӥллям, мае адӟиллям, верам кылъёсты тодазы вайыса Инмарез данъяса но ушъяса доразы бертӥллям.

²¹ Тямыс нунал ортчем бере, Нунылы вылын вандӥськон сямез ортчытон дыр вуэм. Солы Иисус ним сётӥллям. Анай пушкын кылдэмлэсь азьвыл ик ангел та нимез вераз вал.

²² Чылкытатскон нуналъёс ортчем бере, Моисейлэн косонэзъя, Сое Иерусалиме Кузё-Инмар азе ваиллям.

²³Кызьы Кузё-Инмарлэн косоназ азьвыл ик гожтэмын: «Анай пушкысь нырысетӥ вордскем котькудӥз пи нуны Кузё-Инмарлы сӥземын мед луоз» шуыса.

²⁴ Кузё-Инмарлэн косоназ верамын на, жертва ваён понна ваёно кык дыдык, яке кык дыдыкпиосты.

²⁵ Соку Иерусалимын Симеон нимо адями улэм. Со шонер улӥсь, Инмарлы оскыса, Израильлэсь буйгатсконзэ витись мурт вылэм. Святой Дух со вылын вылэм.

²⁶ Солы Святой Духэн верамын вал Инмарлэсь Христоссэ адӟытэк, со кулонэз уз адӟы шуыса.

²⁷Святой Духэн тыр луыса, мылкыдыз ӝутскыса со храме лыктэм. Иисус Нуныез но анай-атаез Со вылын косонэз быдэстон понна татчы ваиллям.

²⁸28. Симеон Иисусэз кияз басьтэм, Вылысь Атаез данъям но верам:

²⁹«Аслад верам кылыдъя, Владыка, ляльчидэ каньыллыкен лэзиськод,

³⁰ Тынэсьтыд мазмытондэ мынам синъёсы адӟизы,

³¹Тон сое вань калыкъёслэн син азязы дасяд;

³²Югыт – мукет калыкъёслы югдытскон понна нодан – Тынад Израиль калыкедлы».

³³ Со сярысь верамлы Иосиф но Солэн анаез но паймиллям.

³⁴ Симеон соос понна вӧсяськем. Солэн анаезлы Мариялы, шуэм: «Та Нуны пыр Израильын тросэз погралоз, тросэз ӝутӥськоз, Со котырын трос керетонъёс но луозы.

³⁵ Тынад Аслад но сюлэм пыртӥд пурт потоз, трос сюлэмъёслэн малпанъёссы мед шонералозы шуыса».

³⁶ Татын вылэм на Анна пророк. Асир выжыысь Фануиллэн нылыз. Трос аресъем кышномурт, со сизьым ар гинэ пинал дыръяз кузпалэныз улэм.

³⁷ Ог тямыстон ньыль аресъем палкышно, храмысь кошкылытэк уй но нунал кӧс нунал возьыса но вӧсяськыса Инмар азьын тыршыса улэм.

³⁸ Соку со матэ лыктэм но Кузе – Инмарез данъяса, Иерусалимын мозмытсконэз возьмаса улӥсьёслы, ваньзылы Иисус сярысь вераса улэм.

³⁹Кузё-Инмарлэн косонъёсызъя мар кулэ вал лэсьтыны, ваньзэ лэсьтэм беразы, соос Галилеяысь Назарет городазы берытскизы.

⁴⁰Нуны будэм, лулыныз юнмам, визьмын тыр луэм; Инмарлэн ӟечлыкез (благлдатез) Со вылын улэм.

⁴¹ Арлы быдэ Солэн анай – атаез быдӟым нуналэ Иерусалиме ветлӥллям.

⁴² Солы дас кык арес тырмемез дыръя, кызьы ваньмыз каро вылэм, Арня нуналэ Иерусалиме лыктӥллям.

⁴³ Инмарлы сӥзем нуналъёс ортчем бере, бертыкузы пинал Пи Иисус Иерусалиме кылем, нош Иосиф но Солэн анаез шӧдӥллямтэ.

⁴⁴ Малпаллям, Со мукетъёсыныз бертэ шуыса. Одӥг нунал сюрессэс ортчем бере Сое ӵыжы – выжыоссы но тодмо адямиоссы пӧлысь утчаны кутскиллям.

⁴⁵ Но шедьтӥллямтэ, Сое утчаса выльысь Иерусалиме берытскиллям.

⁴⁶ Куинь нунал ортчыса, Сое храмысь дышетӥсьёс пӧлысь шедьтӥллям, соослэсь юалляськыса но кылзӥськыса Со пуке вылэм.

⁴⁷ Сое кылзӥсьёс ваньзы Солэн визьлыкезлы но валэктонъёсызлы паймиллям.

⁴⁸ Отысь Сое адӟыса паймиллям; Анаез шуэм: «Пие, мар милемын Тон лэсьтӥд? Тани Тынад атаед но мон но туж куректыса Тонэ утчамы.»

⁴⁹ Соослы Со шуэм: «Малы Монэ тӥледлы утчано вал? Тӥ ӧд тодэ шат? Мыным отын луоно, кытын Мынам Атаелэн юртэз?

⁵⁰ Нош соос Солэсь верам кыльёссэ валаллямтэ.

⁵¹ Собере Со ӵош Назаретэ бертэм анай – атаезлэсь кылзӥськыса улэм. Солэн анаез ваньзэ та кылъёсты сюлэмаз возем.

⁵² Нош Иисус Инмар азьын но адямиос азьын визьлыкен но, арлыдын но яратонэн но ортчыт азинлыко луэм.

Chapter 3

¹Тевирия кесарьлэн дас витетӥ арзэ кузёяськыкуз, Иудеяын Понтий Пилат кивалтыку, Галилеяын Ирод ньылетӥкивалтыку, солэн братэз Филипп Интурияын но Трахония шаерын ньылетӥкивалтыку, нош Авилинеяын Лисаний ньылетӥкивалтыку,

²Анна но Каиф нырысетӥсвященник вакыт, Захариялэн пиезлы Иоаннлы, пустыняын Инмарлэсь кыл вал.

³Со ветлэ вал Иордан шур котырысь вань шаеръёстӥ, вераса: калыкъёс сьӧлык лэсьтэмзы понна простить мед каремын луозы шуыса, покаяться кариськыса пе крестится кариськыны кулэ.

⁴Кызьы гожтэмын Исаия пророклэн книгаяз, кудӥз вера: " Пустыняын ӧтисьлэн куараез: Кузё-Инмарлы сюрэс дасялэ, шонер лэсьтэ Со понна ветлонниосты.

⁵Котькыӵе гоп мед тырмоз, котькыӵе гурезь но ӝужыт инты мед лапегомозы, кырыжъёс но куасалтэмъёс мед шонералозы, выро-гопо сюрэсъёс мед волялозы,

⁶но ваньмыз лулоос адӟёзы Инмарлэсь утиськонзэ".

⁷Иоанн доры крестится кариськыны лыктӥсьёслы со шуылӥз: " Змеялэсь потэмъёс! Кин валэктӥз тӥледды пегӟыны азьланяз вожпотонлэсь?

⁸Но возьматэ покаятся кариськемдылэсь ярамон емышсэ но эн но малпалэ вераны асьтэлы " Авраам милям атаймы". Уго верасько тӥледлы, та изъёслэсь Инмар аслыз кылдытыны быгатоз пиоссэ.

⁹Тани писпулэн выжыаз тӥр но кылле ини: котькыӵе писпуез, кудӥз емышсэ уг сёт, ӵого но тылэ кушто".

¹⁰Но калык солэсь юалляз: " Мар милемлы лэсьтоно?"

¹¹Со соослы вералляз: " Кинлэн кык дӥсез, сёт солы, кинлэн дӥсез ӧвӧл, озьы ик кинлэн сиён-юонэз вань озьы ик лэсьты".

¹²Выт бичасьёс но лыктӥзы крестится кариськыны но шуизы солы: " Дышетӥсь! Мар ми лэсьтыны кулэ?"

¹³Со вералляз соослы: " Эн курэ калыкъёслэсь сётыны кулэзылэсь тросгес".

¹⁴Ожгарчиос но солэсь юаллязы: " Нош милемлы мар лэсьтоно?" Но шуиз соослы: " Нокинэ но вӧсь эн каре, юнме янгыше эн уськытэ, но жалованиедылы шум потэ".

¹⁵Куке калык вите вал Христосэз, ваньмыз малпало вал, со Иоанн шуыса,

¹⁶Нош Иоанн ваньмызлы вералляз: " Мон тӥледды вуын крестить карисько, нош лыктэ Со, Кин кужмогес мынысьтым, Кудӥзлэсь пыдкукысьтыз езэ мон ярамон ӧвӧл пертчылыны. Со крестить кароз тӥледды Святой Духэн но тылын.

¹⁷Солэн лопатаез Солэн кияз, но Со сюзялоз Аслысьтыз ю-тысьсэ но чабейзэ люкалоз Аслаз кеносаз, нош курозэ но макнязэ сутоз кысонтэм тылын".

¹⁸Трос мукетъёссэ ӟеч ивор ивортылӥз со калыкъёслы, дышэтыса соосты.

¹⁹Нош ньылетӥкивалтӥсь Ирод, кудзэ Иоанн шарае поттылӥз аслаз братэзлэн Иродиана кышноез сэрен, но ваньзэ мар Ирод уродзэ лэсьтӥз,

²⁰аслаз урод ужъёсыз вылэ ватсаз на, Иоаннэз тюрьмае пытсаз.

²¹Нош ку вань калык крестится карӥськылӥз, Иисус но крестится кариськиз. Куке вӧсяське вал, инбам усьтӥськиз

²²но Святой Дух со вылэ васькиз мугор кариськыса, дыдык кадь, но инмысь куара ккылӥськиз: " Тон Мынам Яратоно Пие, Тон пушкын Мынам благоволение!"

²³Иисуслы, Аслысьтыз служениезэ кутскыку вал куамыно арес, но кызьы малпаллязы вал, Иосифлэн Пиез, Илиялэн,

²⁴Матфаталэн, Левийлэн, Мелхиялэн, Ианнлэн, Иосифлэн,

²⁵Маттафиялэн, Амослэн, Наумлэн, Еслимлэн, Наггейлэн,

²⁶ Маафлэн, Маттафиялэн, Семеилэн, Иосифлэн, Иудалэн,

²⁷ Иоаннанлэн, Рисайлэн, Зоровавельлэн, Салафиильлэн, Нирийлэн,

²⁸ Мелхийлэн, Аддийлэн, Косамлэн, Елмодамлэн, Ирлэн,

²⁹ Иосийлэн, Елиезерлэн, Иоримлэн, Матфатлэн, Левийлэн,

³⁰ Симеонлэн, Иудалэн, Иосифлэн, Ионанлэн, Елиакимлэн,

³¹ Мелеайлэн, Маинанлэн, Маттафайлэн, Нафанлэн, Давидлэн,

³² Иессейлэн, Овидлэн, Воозлэн, Салмонлэн, Наассонлэн,

³³ Аминадавлэн, Арамлэн, Есромлэн, Фареслэн, Иудалэн,

³⁴ Иаковлэн, Исааклэн, Авраамлэн, Фарралэн, Нахорлэн,

³⁵ Серухлэн, Рагавлэн, Фалеклэн, Еверлэн, Саллэн,

³⁶ Серухлэн, Рагавлэн, Фалеклэн, Еверлэн, Саллалэн,

³⁷ Мафусаллэн, Енохлэн, Иаредлэн, Малелеиллэн, Каинанлэн,

³⁸ Енослэн, Сифлэн, Адамлэн, Инмарлэн.

Chapter 4

¹Иисус тырмиз Святой Духэн но Иорданэ берытскиз, но Дух Сое пустыняе нуиз(ваиз).

²Отын Со ньыльдон нунал дьяволэн искушать каремын вал но номыр но ӧз сиылы та нуналъёсы, нош берпумаз кӧтыз сюманы кутскиз.

³Но шуиз Солы дьявол: " Тон Инмарлэн Пиез ке, вера та излы, мед нянь луоз".

⁴Иисус солы пумитаз шуиз: " Гожтэмын, одӥг нянен гинэ адями улэн уг луы, но котькыӵе Инмарлэн кылыныз".

⁵Но ӝутӥз Сое дьявол ӝужыт гурез вылэ, но возьматӥз Солы, пичи дыр куспын, музъем вылысь вань царствоосты ,

⁶но шуиз Солы дьявол: " Тыныд сёто кузёяськыны вань та царствоосын но соослэсь данзэс но сёто, уго соос мыным сётэмын, но мон, кинлы сётэме потэ, солы ик сётӥсько.

⁷Озьыен, Тон мыкырскид ке мон азьын, ваньмыз соос Тынад луозы".

⁸Иисус шуиз солы пумитаз: " Кош Мон дорысь, сатана. Уго гожтэмын: " Йыбыртты Кузё-Инмарлы, тынад Инмаредлы, но одӥг Солы гинэ служить кар" ".

⁹Но нуиз Сое Иерусалиме, но пуктӥз Сое храмлэн тужгес но вылӥ интыяз, но шуиз Солы: "Тон Инмарлэн Пиез ке, куштӥськы татысен улӥе,

¹⁰уго гожтэмын: " Аслам ангелъёсызлы косэ утьыны Тонэ,

¹¹соос ки вылазы нуозы Тонэ, но пыдыныд но уд ӵемты из борды" ".

¹²Иисус шуиз солэн пумитаз: " Верамын: " Тынысьтыд Инмардэ эскерыны уг яра" ".

¹³Но ку дьявол Сое искушать каремысь дугдӥз, соку кӧняке дырлы кошкиз Со дорысь.

¹⁴Но Иисус Духлэн кужыменыз тырмыса бертӥз Галилеяе, но вӧлмизы вераськонъёс Со сярысь вань ёросъёстӥ.

¹⁵Со калыкъёсты синагогаосын дышетылӥз, но ваньмыз Сое данъяллязы.

¹⁶Но лыктӥз Назаретэ, кытын Со будӥз, суббота нуналэ, кызьы Со азьло но лэсьтылэ вал, пырӥз синагогае, султӥз но лыдӟыны кутскиз.

¹⁷Солы пророк Исаиялэсь книгазэ сётӥзы, но Со книгазэ усьтыса, гожтэм инты шедьтӥз:

¹⁸" Кузё-Инмарлэн Духэз Мон вылын, уго Со зыраз Монэ начаръёслы ӟеч ивор ивортыны, но келяз Монэ пазьгиськем сюлэмъёсты катьяны, пытсэт улын улӥсьёслы мозмытон (свобода) сётыны, синтэмъёсты адӟись лэсьтыны, курадӟисьёслы курадӟемзылэсь мозмытыны,

¹⁹калыкъёслы вераны Инмарлэн ӟеч арезлэсь вуэмзэ".

²⁰Книгазэ пытсаса служительлы сётӥз но пуксиз. Синагогаын ваньмыз сак учкизы Со шоры.

²¹Со вераны кутскиз соослы: " Тӥленыд кылэм писание туннэ быдэсмиз".

²²Но ваньмыз Сое адӟизы, но паймылӥзы Солэн благотать сярысь верам кылъёсызлы, но вераллязы: " Иосифлэн Со пиез ӧвӧл-а?"

²³Со шуиз соослы: " Бен, тӥ шуоды Мыным: "Эмъясь! Эмъя Асьтэ Асчид. Лэсьты сое, мае ми кылылӥмы, мар лэсьтӥд Капернаумын, Аслад вордӥськем шаерад но" ".

²⁴Но шуиз: " Зэм ик верасько тӥлед: нокыӵе пророкез но пророкен уг лыдъяло аслаз шаераз.

²⁵Зэм ик верасько тӥледлы: трос пал кышноос вал Израильын Илия улыку, куке пытсамын вал ин куинь ар но куать толызь, озьы бадӟым сютэм улон вуиз быдэс музъем вылэ,

²⁶но одӥгез доры но Илия келямын ӧй вал, Сидон шаерысь Сарептае пал кышномур доры гинэ мынӥз.

²⁷Но озьы ик трос вал проказаен висисьёс но Израильын, нош одӥгез но, Сириысь Нееман сяна ӧз катьяське".

²⁸Тае верамзэ аылыса, ваньмыз синагогаын вожпотыны кутскизы

²⁹но, султӥзы но уллязы Сое городысь, но нуизы герезь йылэ, кудӥз вылын пуктэмын вал город, Сое куштыны отысен малпаса,

³⁰нош Со мозмытскиз соос пӧлысь но пегӟиз.

³¹Но Галилея шаерысь Капернаум городэ лыктӥз но субботаосы соосты дышетылӥз.

³²Но паймылӥзы Солэн дышетэмезлы, уго Солэн верамаз власть вал.

³³Синагогаын вал адями, кудӥзлэн демонлэн кырсь духэз вал, но со лек куараен кесяське вал:

³⁴" Э, Назарейысь Иисус, мар Тыныд кулэ милесьтым? Тон милемды быдтыны шат лыктӥд? Тодӥсько Тонэ! Тон Инмарен Келям Святой".

³⁵Иисус косыса вераз солы: " Чюс ул но со пушкысь". Но демон, кельтӥз сое синагогалэн шор вадесказ, но потӥз со пушкысь, чик но солы вӧсь карытэк.

³⁶На кышкан вуиз ваньмыз вылэ, но куспазы вераськылӥзы: " Мар со сыӵе, куке Со властен но кужымен косыса вера кырсь духъёслы, но соос кылзо?"

³⁷Но Со сярысь вераськонъёс вӧлмизы вань котыр ёросъёсын.

³⁸Синагогаысь потыса, Со Симонлэн корказ пыриз. Симонлэн вар мумизлэз бадӟым температураез вал, но куризы Солэсь юрттыны солы.

³⁹Висись доры матэ лыктӥз но, Со висёнэз дугдытӥз, но соиз кельтӥз кышномуртэз. Катьяськем мурт соку ик султӥз но соослы служить кариз.

⁴⁰Шунды пуксьыку ваньмыз, кинъёслэн вал пӧртэм висисьёссы, вайылӥзы соосты Со доры, но Со, кизэ поныса котькудӥз висись вылэ - катьялляз.

⁴¹Озьы ик тросэз пушкысь кесяськыса потылӥзы демонъёс но вераллязы: " Тон Христос, Инмарлэн Пиез". Нош Со ӧз лэзьылы вераны соослы, Со Иисус шуыса тодэмзэс.

⁴²Нош ку вуиз нуназе, Со, коркась потӥз но пустыняе мынӥз. Калык утчалляз Сое, Со доры лыктыса, возьыны тыршылӥзы Сое, дорысьтызы медам кошкы шуыса.

⁴³Нош Со вераз соослы: " Мон мукет городъёсын улӥсьёслы но кулэ Инмарлэн Царствоез сярысь ивортыны, уго со понна Мон келямын".

⁴⁴Но Галилеялэн синагогаосаз проповедовать карылӥз.

Chapter 5

¹Одӥг пол Геннисаретской озеро дурын сылыкуз, Иисус доры тросс калык люкаськем, Сое Инмарлэсь верам кылзэ кылзо вылэм,

²Со адӟиз ву дурысь кык лодкаосты но чёрыгасьёсты, кудъёсыз лодкаысь потыса сетьёссэс мисько вал.

³Одӥгаз лодкае Иисус пыриз но, куриз Симонэз, лодкалэсь кузёзэ, кӧнялыке уяса кошкыны яр дурысь. Куке лодкае пуксиз, дышетыны кутскиз калыкез.

⁴Куке дышэтэмысь дугдӥз, Симонлы шуиз: " Уяса мын мур азе, но кушты сетьёстэ чёрыг кутылыны".

⁵Симон Солы шуиз: " Дышетӥсь! Ми уйбыт тыршимы но одӥг чёрыг но ӧм кутэ, нош мон кушто сеть Тынад кылыдъя".

⁶Озьы лэсьтыса, соос туж трос чёрыг кутӥзы, сетьсы но ява кеськем.

⁷Но эшъёссылы, кудъёсыз мукет лодкаын вал, киынызы шонтыса юрттыны ӧтизы. Соос лыктӥзы, но тырмытӥзы кыксэ ик лодказэс, лодкаоссы трос чёрыг понэменызы выйыны кутскизы.

⁸Сое адӟыса, Симон Пётр пыдесъяськиз Иисуслэн пыд азяз но шуиз: " Пот мон дорысь, Кузё-Инмаре! Уго мон сьӧлыко адями".

⁹Уго со кутэм чёрыглэсь, кышканы кутскиз Пётр но ваньмыз, кин соин вал,

¹⁰озьы ик Иаков но Иоанн, Зеведейлэн пиосыз, кудъёсыз Пётрлэн эшъёсыз вал. Но вераз Иисус Симонлы: " Эн кышка, та дырысен калыкъёсты кутылыны кутскод".

¹¹Но, кыксэ ик лодказэс яр дурэ поттыса, ваньзэ кельтӥзы но Иисус сьӧры мынӥзы.

¹²Куке Иисус вал одӥг городын, лыктӥз Со доры проказаен висись адями но, Иисусэз адӟыса, Со азе ымнырыныз усиз, сюлворыса Сое но вераса: " Кузё-Инмаре! Тон быгатӥськод уг монэ катьяны, Тынад мыным юрттыны потэмед гинэ кулэ".

¹³Иисус киыныз кутскиз со борды но шуиз: " Катьяме потэ". Со куспын ик солэн проказаез бурмиз.

¹⁴Но Со нокинлы но ӧз лэзь вераны та учыр сярысь, нош косӥз священник доры возьматӥськыны мыныны но Моисейлэн косэмезъя, калыкъёс мед адӟёзы шуыса, катьяськемез понна жертва вайыны.

¹⁵Нош Со сярысь вераськонъёс тросгес вӧлмылӥзы, но трос калык лыктылӥз Со доры кылзыны но катьяськылӥзы Солэсь висёнъёссылэсь.

¹⁶Со кошкылӥз вӧсяськыны пустыняе.

¹⁷Одӥг пол, куке Со дышетэ вал, дораз фарисейёс но законэз дышетӥсьёс пуко вылэм, соос Галилея но Иудея шаеръёсысь но Иерусалимысь лыктӥллям. Но Иисус Кузё-Инмарлэн кужмыныз висисьёсты катьяллям,-

¹⁸тани, кинъёске парализовать карем адямиез валес вылын ваизы, но тыршо вал пыртыны сое корка но Иисус азе поныны.

¹⁹Нош трос калык вылэм отын но ӧсэтӥ висисез пыртыны ӧвӧл быгатӥллям, но корка липет вылэ тйбыса, отысен сое валесэныз лэзилям корка пушлэн шораз но Иисуслэн азяз пониллям.

²⁰Иисус, соослэсь осконзэс адӟыса, шуиз висись адямилы: " Тыныд тынад сьӧлыкъёсыд простить каремын".

²¹Книжникъёс но фарисейёс малпаськыны кутскизы но веразы: " Кин со адями, кудӥз богохульствовать каре? Кин быгатэ сьӧлыкъёсты простить карыны, одӥг Инмар сяна?"

²²Иисус, соослэсь малпанъёссэс тодыса, вераз соослы: " Малы тӥ озьы малпаськоды асьтэлэн сюлэмъёсады?

²³Мар капчигес вераны: " тыныд тынад сьӧлыкъёсыд простить каремын луозы" яке "султы но мын"?

²⁴Нош тӥ мед тододы, Адямилэн Пиезлэн вань шуыса музъем вылын властез простить карыны сьӧлыкъёсты, - Со шуиз парализовать карем адямилы, - верасько тыныд: султы, басьты аслысьтыд валестэ но берты дорад".

²⁵Но со со куспын ик султӥз Со азьын, басьтӥз мар вылын кылле вал, но Инмарез данъяса дораз бертӥз.

²⁶Но ваньзы кышкаса паймылӥзы, но данъяллязы Инмарез но, кепыр потыса, вераллязы: " Паймоно ужъёс ми адӟимы туннэ".

²⁷Со бере Иисус потӥз но Левий нимо налог бичасез адӟиз, кудӥз налог люкаса пуке вал, но шуиз срлы: " Лык мон сьӧры".

²⁸Но со ваньзэ кельтыса, султӥз но Иисус сьӧры мынӥз.

²⁹Но Со понна Левий аслаз корказ бадӟым юон-шулдыръяскон лэсьтӥз. Отын вал трос налог бичасьёс но мукетъёсыз но, кудъёсыз соин ӵош вал.

³⁰Нош книжникъёс но фарисейёс йыркурзэс вераллязы но вераллязы Солэн дышетскисьёсызлы: " Малы тӥ сииськоды но юиськоды налог бичасьёсын но сьӧлык лэсьтӥсьёсын?"

³¹Иисус нош соослэн пумитазы вераз: " Тазаосыз уг кулэясько эмъясен, нош висисьёс кулэясько.

³²Мон ӧй лыктӥ ӧтьыны покаятся кариськвны шонерлыко улӥсьёсты, нош лыктӥ ӧтьыны сьӧлык лэсьтӥсьёсты".

³³Нош соос шуизы Солы: " Малы Иоанлэн дышетскисьёсыз но озьы ик фарисейёс но, ӵем пост возё но трос вӧсясько, нош Тынад дышетскисьёсыд сиё но юо?"

³⁴Со шуизы соослы: " Луоз шат эмеспилэсь пиоссэ сюанын пост возьытыны, куке соосын эмеспи?

³⁵Но вуозы нуналъёс, ку басьтэмын луоз соослэсь эмеспти, но соку, со нуналъёсы, пост возёзы".

³⁶Соку вераз соослы притча: " Нокин но уг вур вуж дӥсь вылэ, выль дӥсез кесяса - кышъет, уго выльзэ но кесялоз, вужез борды но уз тупа выль кышъет.

³⁷Но нокин но уг пон выль винаез вуж ку пуйыосы, уго выль вина чырсакуз кесёз вуж ку пуйыосты, но ачиз но бызёз, ку пыйыос ярантэм луозы,

³⁸Нош выль винаез пононо выль ку пуйыосы, соку кылёзы соиз но таиз но.

³⁹Но нокин но юыса вуж винаез, уз юы выльзэ, уго вералоз: " вужез ӟечгес " "

Chapter 6

¹Одӥгпол, Пасхалэн кыктэтӥ нуналыз бере нырысетӥ субботае, Со дышетскисьёсыныз кизем ю-бусы пыртӥ мыно вал, но Солэн дышетскисьёсыз ю-шепъёсты ишкалтыса киазы жильдыса сиыны кутскизы.

²Фарисейёс пӧлысь кудогез шуизы солы: малы тӥ лэсьтӥськоды сыӵе ужъёсты, кудъёссэ субботае лэсьтыны уг яра?

³Иисус соослы пумитазы шуиз: тӥ ӧд шат лыдӟе, мар лэсьтӥ Давид но солэн калыкез, куке кӧтсы сюма вал?

⁴Кызьы со пыриз Инмарлэн корказ, басьтӥз нянь, кудзэ нокинлы но, священникъёслы сяна, сиыны уг яра вал, но сииз ачиз но соин лыктэм калыкъёсыз но?

⁵Но шуиз соослы: Адямилэн Пиез субботалэн но кузёез.

⁶Нош мукет субботае кылдӥз Солы пырыны синагогае но дышетыны. Отын вал адями, кудӥзлэн бур киыз куасьмемын вал.

⁷Нош фарисейёс но книжникъёс Со шоры лушкем учкылӥзы, уза меда катья Со висисез субботае, уго утчало вал Иисусэз янгыше уськытыны.

⁸Но Со, тодэ вал соослэсь малпанъёссэс, но шуиз адямилы, кудӥзлэн куасьмемын киыз: султы но пот синагогалэн шор вадесказ. Со султӥз но потӥз.

⁹Соку шуиз соослы Иисус: юало Мон тӥлесьтыд: мар лэсьтыны яра субботае? ӟеч уж яке урод уж? утыны лулэз, яке быдтыны? Соос чус улӥзы.

¹⁰Но ваньмыз шоры учкыса, вераз висись адямилы: ӝут кидэ. Со озьы ик лэсьтӥз; но солэн киыз катьяськиз, палляныз кадь ик луиз.

¹¹Нош соослэн туж вожзы потӥз но куспазы малпаны кутскизы: мар лэьтоно Иисусэн.

¹²Со нуналъёсы Со тубиз гурезё интые вӧсяськыны, но отын уйбыт Инмарлы вӧсяськиз.

¹³Нуназе вуэм бере ӧтиӟ дышетскисьёссэ но соос пӧлысь быръйз даскыксэ, кудъёссэ апостолъёсын нимаз:

¹⁴Симонэз, кудзэ Пётрен нимаз, но солэсь Андрей братсэ, Иаковез но Иоаннэз, Филиппез но Варфоломеез,

¹⁵Матфеез но Фомаез, Алфеейлэсь Иаковзэ но Симонэз, кудзэ Зилот шуыса нимало,

¹⁶Иаковлэсь Иудазэ но Искариотлэсь Иудазэ, кудӥз бӧрысь Сое вузаз.

¹⁷Но соосын ӵош васькиз но Со ӵошкын интые султӥз, отын Солэн дышетскисьёсыз но вань Иудеяысь но Иерусалимысь, море дурысь Тир но Сидон шаеръёсысь трос лыктэм калык вал,

¹⁸соос Сое кылзыны лыктӥзы на асьсэлэн висёнъёссылэсь катьяськыны. Кырсь духъёсын пачкатэмъёс но катьяськылӥзы.

¹⁹Но ваньмызлэн калыкъёслэн Со борды кутсемзы потэ вал, уго Со бордысь кужым шӧдӥське вал, кудӥзлэсь катьяськылӥзы

²⁰Иисус, дышетскисьёсыз шоры учкыса, вераз: " Майбыресь начаръёс! Уго Инмарлэн Царствоез вылӥынгес.

²¹Майбыресь али кӧтсы сюмаса улӥсьёс, уго кӧтсы тыроз. Майбыресь али бӧрдӥсьёс, уго серекъялозы.

²²Майбыресь тӥ, куке адӟемпотостэм каро тӥледды калыкъёс но улляло, куарето но Адямилэн Пиез понна ултӥяло.

²³Со нуналэ шум потэ, шумпотэменыды тэкчалэ! Инмын тӥледды вите быдӟым кузьым. Уго озьы лэсьтылӥзы пророкъёсын соослэн атайёссы.

²⁴Нош тӥледлы узыръёс - куректон! Уго тӥ тырмымон шулдыръяськиды ини.

²⁵Куректон тӥледлы, али кӧтты тыр улӥсьёс! Тӥ сютэм улоды. Куректон тӥледлы, кин али серекъя! Тӥ бӧрдоды но вузоды.

²⁶Куректо тӥлед, куке вань калык тӥ сярысь ӟеч вералозы! Уго озьы лэсьтылӥзы лжепророкъёсын соослэн атайёссы.

²⁷Нош тӥледлы, кин кылзэ монэ, верасько: яратэ асьтэлэсь тушмонъёстэс, ӟэч лэсьтэ тӥледды адӟемпотостэмъёсты,

²⁸тӥледды каргасьёсты благословить каре но тӥледды вӧсь карисьёс понна вӧсяське.

²⁹Кин шуккоз тонэ бамад, пукты шуккыны мукет палзэ но бамдэ, кин таланы тыршоз тынысьтыд вылӥ дӥсьтэ, эн люкет мед басьтоз дэремдэ но.

³⁰Котькудӥзлы, кин куроз тынысьтыд, сёт, но тынысьтыд басьтӥседлэсь берин эн ни кур.

³¹ Но кызьы малпаськоды тӥледын мед лэсьтозы шуыса мукет калыкъёс, тӥ но соосын озьы ик лэсьтэ.

³²Нош яратӥськоды ке тӥледды яратӥсьёсты, кыӵе тӥледлы кузьым? Уго сьӧлыкын улӥсьёс но ярато, соосты яратӥсьёсты.

³³Но тӥледлы ӟеч лэсьтӥсьёслы ке ӟеч лэсьтӥськоды, соку кыӵе тӥлед со понна кузьым? Уго сьӧлыкын улӥсьёс но озьы ик лэсьто.

³⁴Но пунэмен сётӥськоды ке, тодыса, тӥледлы пунэмен сётэмдэс берыктозы шуыса, соку кыӵе тӥлед со понна кузьым? Уго сьӧлыкын улӥсьёс но пунэмен сёто, но пунэмен сётэмзэс берин куро.

³⁵Нош тӥ яратэ асьтэлэсь тушмонъёстэс, ӟеч ужъёс лэсьтэ, пунэмен сётэ но берин сётэмзэ эн вите. Соку вите тӥледды быдӟым кузьым, но Вылӥысьлэн пиосыз луоды, уго Со ӟеч лэсьтэ урод адямиослы но таукарыны быгатӥсьтэмъёслы но.

³⁶Озьыен, гажась-жалясесь луэ, кыӵе тӥляд Атайды но гажась-жалясь.

³⁷Эн судьялэ, тӥледды но нокин но уз судья; нокинэ но янгыше эн уськытэ, тӥледды но нокин но янгыше уз уськытэ; простть каре, соку тӥледды но простить карозы;

³⁸сётэлэ, тӥледлы но сётэмын луоз: ӟеч мертэтэн(безьменэн), пачкатыса но йырвыло кисьтозы тӥляд сӧзыулады. Кыӵе мертэтэн(безьменэн) мертаськоды, сыӵеен ик тӥледлы но мертамын луоз.

³⁹Иисус вераз соослы таӵе притча: быготоз-а синтэм валтыны синтэмез? уз-а кыкназы ик усе гуэ?

⁴⁰Дышетскӥсь уг луы дышетӥсезлэсь вылӥынгес, нош дышетсконзэ быдтэм бераз дышетӥсез кадь ик луоз.

⁴¹Мар учкиськод шелепез шоры синмысьтыз тынад братэдлэсь, нош аслад синмысьтыд кордэ уд адӟиськы?

⁴²Кызьы быготӥсько вераны аслад братэдлы: " братэ! вай мон басьто тынысьтыд синмысьтыд шелепсэ", куке аслад синмысьтыд уд адӟиськы корзэ? Чеберъяськись! басьты нырысь аслад синмысьтыд корзэ, но соку адӟёд, кызьы басьтыны шелепсэ братэдлэсь синмысьтыд.

⁴³ Ӟеч писпу уг сёт урод емыш; но урод писпу уг сёт ӟеч емыш,

⁴⁴уго котькыӵе писпу тодмо луэ емышезъя, инжир емыш уг бичало люгы пӧлысь но терновникысь уг вандыло виноград гуры.

⁴⁵Ӟеч адями аслаз сюлэмызлэн ӟеч ваньбур возённиысьтыз поттэ ӟечсэ, нош урод адями аслаз сюлэмызлэн урод ваньбур возённиысьты поттэ уродзэ, уго адями вера сое маин тырмемын солэн сюлэмыз.

⁴⁶Малы тӥ Монэ шуиськоды: " Кузёе! Кузёе!"- нош уд лэсьтӥське сое, мар Мон тӥледлы верасько?

⁴⁷Котькудӥз кин лыктэ Мон доры но кылзэ Мынысьтым кылъёсме но быдэсъя соосты, верало тӥлед, кин кадь со.

⁴⁸Со корка пуктӥсь адями кадь, кудӥз мур копаз но инъет пуктӥз из вылэ. Вутудӟён дыръя, ву бызиз со корка улэ, но ӧз быгаты сое куашкатыны, уго корка из вылэ пуктэмын вал.

⁴⁹Нош со, кин кылзэ но уг быдэсъя верам кылэз, инъеттэк музъем вылэ корка пуктӥсь адями кадь, кудӥзлэн пуктэм коркаез ву бызьыны кутскыку ик куашкалоз, но со коркалэн куашканэз туж бадӟым луоз.

Chapter 7

¹ Соин ӵош луэмъёслы веран кылзэ Иисус быдтӥз но Капернауме кошкиз.

² Отын огезлэн сю солдатъёсын кивалтӥсьлэн ляльчиез кулоно кадь висьыны кутскиз, кудзэ со туж яратэ вал.

³ Иисус Христос сярысь со кылэм но Иудеяысь кузёоссэ (тӧрооссэ) вераны лэзем, Со татчы пе мед лыктоз вал солэсь ляльчизэ бурмытыны.

⁴ Иисус Христос доры соос вуизы но туж куризы, Со висисез мед бурмытоз вал шуыса. Веразы милям кузёмы пе туж умой адями,

⁵уго яратэ со калыкез, милемлы синагога но пуктӥз.

⁶Иисус соосын мынӥз. Сю солдатьёсын кивалтӥсьлэн коркаез матын вал ини. Сю солдатьёсын кивалтӥсь эшъёсэ азязы лэзиз вераны: Тон мынам коркаям мед пырод шуыса мон яромон адями но ӧвол.

⁷уго мон ачим асьме ярамонэн ӧй лыдъя вал тон доры мыныны. Кыл гинэ вера но ляльчие бурмоз.

⁸ Мон уго мурт киын ужась адями, но мон ки улэ сётэм солдатъёс мынэсьтым кылзисько: огезлы шуисько: «Мын», - со мынэ, мукетызлы: «Лыкты», -со лыктэ, «Лэсьты» - со лысьтэ.

⁹ Иисус солэн озьы верамезлы паймиз но соин ӵош мынӥсь калыклы вераз: Мон Израильысь но ӧй шедьты таӵе осконэз.

¹⁰ Иисусэз ӧтьыны ветлӥсьёс доразы вуизы но адӟизы висись ляльчиез бурмемен.

¹¹ Собере Иисус Наин городэ кошкиз; соин ӵош солэн дышетскисьёсыз но трос мукет адямиос но сьӧраз мынӥзы.

¹²Со городлэн ӟезьы дораз вуыку, ӵапак со ӟезыетӥ кулэм муртэ потто вал. Палкышно анайлэн одӥг гинэ пиез вылэм. Солэсь пизэ ватыны келяса трос калык мынэ вал.

¹³ Со кышномуртэз адӟыса, Иисус жаляз сое но шуиз: «Эн бӧрды».

¹⁴ Кулэм мурт доры лыктӥз, бордаз йӧтӥсьиз, сое нуисьёс дугдыӟы, соку Со шуиз: Пияш, тыныд верасько, султы!

¹⁵ Кулэм мурт йырзэ ӝутӥз, пукиз но вераськыны кутскиз; собере Иисус пизэ анаезлы сётӥз.

¹⁶ Отын луэмъёс ваньзы кышкаллям, Инмарез данъяны кутскиллям. Шуиллям: Асьме пӧлын быдӟым пророк ӝутскиз, Инмар Аслаз калыкез доры вуиз(лыктӥз).

¹⁷ Со сярысь сыӵе веран(малпан) вӧлмиз быдэс Иудеяын но, котыр ёросъёсын, но.

¹⁸Та сярысь дышетскисьёсыз ваньзэ Иоаннлы вераллям.

¹⁹ Иоанн киксэ дышетскисьёссэ ӧтиз но Иисус доры юаны ыстӥз: «Тон-а со Кудӥз лыктыны кулэ, яке милямлы мукетеэ-а витёно?»

²⁰ Иисус доры лыктыса шуизы: Иоанн Пылатӥсь милемыз тон доры юаны ыстӥз: «Тон-а со, Кудӥз Лыктыны кулэ, яке милямлы мукетсэ-а витёно?»

²¹ Нош со вакытэ Христос трос адямиосты висёнъёссылэсь, курадӟонъёссылэсь, бесъёслэсь мозмытӥз, трос синтэмъёслы адӟон сётӥз.

²² Лыктэмъёслы Со тазьы шуиз: «Иоаннлы вералэ мае тӥ кылӥды, адӟиды: синтэмъёс адӟыны кутско, ӵутӥсьёс ветлыны кутско, гижло черен (проказаен)висисьёс чылкытало, пельтэмъёс кыло, кулэмъёс улӟо, кураськисьёслы Ӟеч Ивор тодытӥське.

²³ Шудо со мурт, кинлэн Мыным оконэз уг быры!

²⁴ Ианнлэн ыстэмъёсыз кошкем бере, Иоанн сярысь Со вераны кутскиз: «Кыр дуннее(пустыняе) мае учкыны ветлӥды? Тӧл шорын веттаськись тросникез-а?

²⁵ Мае учкыны ветлӥды? Небыт дӥсен дӥсяськем адямиез-а? Дуно но кильтро дӥськут нуллӥсьёс узыр улӥсьёслэн коркаязы уло.

²⁶ Мае адӟыны ветлӥды? Пророкез-а? Шуисько тӥледлы: - Пророклэсь но бадӟымлэсьсэгес.

²⁷Со луэ, кудӥз сярысь гожтэмын: «Тани мон Тынад азадд Аслэсьтым ангелме лэзисько, кудӥз Тон азетӥ Тыныд сюрес дасялоз".

²⁸ Шуисько тӥледлы: дунне вылэ вордӥськемъёс пӧлысь Иоанн Пылатӥсьлэсь бадӟымез пророк ӧй вал на, нош Инмарлэн Царствоысьтыз покчиез солэсь бадӟымгес.

²⁹ Вань калык Сое кылзӥськыса улэм, налог люкасьёс но Инмарез данъязы но тау карыса Иоаннлэсь крестится кариськизы.

³⁰Нош фарисейёс но закон тодӥсьёс крестится ӧз кариське; соос Инмарлэсь волязэ палэнтӥзы.

³¹ Соку Иисус Христос шуиз: кинэн ӵошатом та выжыысь адямиосты? Кинлы соос укшало?

³² Соос укшало нылпиослы, кудъёсыз ульчаын пуко но ог-огзылы вазиськыса верало: ми тӥледлы чипчирганэн шудӥмы, нош тӥ ӧд эктэ, ми ӝож кырӟанъёс кырӟамы, нош тӥ ӧд бӧрдэ.

³³ Иоанн Пылатӥсь лыктӥз: нянь но уг сиы, вина но уг юы, Тӥ шуиськоды, «со пушкын бес».

³⁴ Адями Пи лыктӥз, сие но юэ но. Тӥ шуиськоды. Таиз Адями сиськыны, вина юыны яратэ, налог бичасьёслэн но сьӧлыкоослэн эшсы луэ».

³⁵Но визьнод шонерен лыдъямын Солэн вань нылпиосыныз.

³⁶ Фарисейёс пӧлысь огез, Сое дораз ӵош сиськыны ӧтиз; Со фарисейлэн коркаяз пыриз но шутэтскыны выдӥз.

³⁷ Та городысь ик одӥг сьӧлыко кышномурт Иисуслэсь фарисей дорын луэмзэ тодэм но чебер посудае ческыт зыно вӧй поныса ваем.

³⁸ Бертӥз, Солэн пыд дораз кариськем но бӧрдыса, Солэсь пыдъёссэ синкылиеныз гылтэм, ас йырсиеныз ӵушылэм. Солэсь пыдъёссэ чупам но ческыт зыно вӧйын зырам (мироен).

³⁹Тае адӟыса, фарисей, кудӥз дорын вал Иисус, аслыз ачиз шуиз: Со пророк ке луысал, тодысалыз, кин со борды йӧтӥськиз, уго со сьӧлыко кышномурт.

⁴⁰ Фарисейлэсь малпанзэ валаса, Иисус солы шуиз: Симон! Мынам тыныд мар ке но веранэ вань. Соиз шуиз: «Вера Дышетӥсь».

⁴¹Иисус шуиз: «Одӥг пунэм сеткасьлэн кык пунэм тыроно муртэз вылэм: огез вить сю динарий, нош мукетыз витьтон динарий сётыны кулэ вылэм,

⁴²тырыны номырзы но ӧвӧлысь со кыкназылэсь но тыронзэс куштэм. Вера мыным, соос пӧлысь кудзы сое золгес яратозы?

⁴³ Симон шуиз: Малпасько, соиз, кудӥзлэсь тросгес куштӥськиз.Иисус шуиз: Шонер тон малпаськод.

⁴⁴ Кышномурт пала берытскыса, Симонлы шуиз: адӟиськод-а тон та кышномуртэз? Мон тынад коркаяд лыктӥ но тон Мыным пыдам вудэ но ӧд сёты, нош со Мынэсьтым пыдъёсме синкылиосыныз миськиз, йырсиосыныз ӵушылӥз.

⁴⁵ Тон монэ ӧд чупа, но со Мынэсьтым пыдъёсме чупамысь ӧз дугдылы на.

⁴⁶ Тон мынэсьтым йырме вӧйын ӧд зыра, нош со ческыт зыно вӧйын пыдъёсме зыраз.

⁴⁷ Соин ик тыныд шуисько, тросгес яратэм понназ, трос сьӧлыкъёсыз куштӥсько. Кинлы ӧжыт куштӥське, со ӧжыт яратэ.

⁴⁸ Кышномуртлы шуиз: тынад сьӧлыкъёсыд куштӥсько(простить каремын).

⁴⁹Соин ӵош луэмъёс асьсэ понна вераськыны кутскизы: «Кин со сьӧлыкъёсты но куштэ(простиь каре)?»

⁵⁰ Нош со кышномуртлы шуиз: «осконэд тынад тонэ утиз. Каньылэн мын».

Chapter 8

¹Собере Со городъёстӥ но гуртъёстӥ проповедовать карыса но Инмарлэн Царствозэ ивортыса ветлӥз Аслаз дас кык дышетскисьёсыныз

²но куд-ог кышномуртъёс, кудъёссэ Со катьяз кырсь духъёслэсь но висёнъёслэсь: Мария, Магдолина шуон, кудӥз пушкысь сизьым бесъёс потӥзы,

³но Иоанна, Иродлэн корка кивалтӥсезлэн Хузалэн кышноез, но Сусанна, но трос мукетъёсыз, кинъёс Солы служить каризы асьсэлэн ваньбурынызы.

⁴Нош ку люкаськиз трос калык, на вань городъёсысь улӥсьёс Со доры люкаськизы, Со притча вераз:

⁵кизись потӥз кизьыны аслысьтыз кидыссэ, но ку со кизе вал, одӥгез кидысэз усиз сюрэс дуре но лёгамын вал, но ин тылобурдоос кокчазы сое;

⁶нош мукетӥз изъёс вылэ усиз но, ӝужаса куасьмиз, уго выжыез ву шэдьтыны ӧз быгаты;

⁷нош мукетыз жаг турынъёс пӧлы усиз, жаг турынъёс будӥзы но пачкатӥзы сое;

⁸нош мукетыз ӟеч музъем вылэ усьыса будӥз но, сю полэс трос емыш сётӥз. Тае вераса шум потыса вераз: кинлэн вань пельыз, кылыны, мед кылзоз!

⁹Солэн дышетскисьёсыз юазы Солэсь: мар сярысь та притча?

¹⁰Со шуиз: сётэмын тӥледлы тодон Инмарлэсь Царствоезлэсь лушкемзэ, нош мукетъёсызлы притчаосын, озьыен соос учко, но уг адӟё, кылзо, но уг валало.

¹¹Тани кыӵе валэктонэз та притчалэн: кидыс со Инмарлэн кылыз;

¹²сюрэс дурэ усемез со, соос, кин кылзэ, но кудъёсыз доры бӧрысь дьавол лыктэ но соослэн сюлэмысьтызы лушка верам кылэз, соос медам быгатэ шуыса оскыны но утиськыны;

¹³из вылэ усемез со, соос, кудъёсыз, куке кыло верамез, шум потыса сое басьто, нош выжызы ӧвӧлэн, кӧняке дыр гинэ оско, нош улоназы эскеронъёс ке вуо усё;

¹⁴нош жаг турын пӧлы усемъёс со, соос, кинъёс верам кылэз кылзо, но улон-вылон малпаськонъёсын пачкало, юзырлыкен но шулдыръяськонъёсын, но кошкыса, емыш уг ваё;

¹⁵нош ӟеч музъем вылэ усемъёс со, соос, кудъёсыз, кылэз кылыеса, возё сое ӟеч но чылкыт сюлэмын но чиданнэн емыш ваё. ( Тае вераса, шум потыса вераз: кинлэн вань пельыз, кылыны, мед кылзоз!)

¹⁶Нокин но, светильниксэ жуатыса, уг пытса сое посудаен, но койка улэ уг пукты, нош пуктэ подставка вылэ, пырисьёс мед адӟёзы шуыса югытсэ.

¹⁷Уго ӧвӧл номыр но лушкемез, мар шара луыны уг быгаты, ватэмез но номыр ӧвӧл, мар тодмо уз луы но мае адӟыны быгатыны уг луы.

¹⁸Озьыен, эскере, кызьы тӥ кылзӥськиськоды: уго, кинлэн вань, солы сётэмын луоз, нош кинлэн ӧвӧл, солэсь со но басьтэмын луоз, мариз вань шуыса малпа.

¹⁹Но лыктӥзы Со доры анаез но Солэн братъёсыз, но трос калык сэрен Со доры матэ лыктыны ӧз быгатэ.

²⁰Солы ивортӥзы: анаед но Тынад братъёсыд педлон сыло, Тонэ адӟемзы потэ.

²¹Со шуиз соослы пумитазы: Мынам анае но Мынам братъёсы соос, кин Инмарлэсь кылзэ кылске но быдэсъя сое.

²²Одӥг нуналэ: Со пыриз Аслаз дышетскисьёсыныз лодкае но шуиз соослы: озеролэн мукет палаз уяса потэ. Соос мынӥзы.

²³Соослэн уяса потыкузы Со ымме усиз. Озероын лек тӧл потӥз, соослэсь лодказэс шобыртоно кадь тулкымъёс ӝутскылӥзы, соос кышкытэ сюризы.

²⁴Но Иисус доры мынӥзы но сойкатӥзы но шуизы: Дышетӥсь! Дышетӥсь! быриськом ни. Со султӥз но ӧз лезь тӧласькыны но тулкымаськыны; но соос дугдӥзы, но чус луиз.

²⁵Соку Со шуиз соослы: кытын тӥляд осконды? Соос кышкаса но паймыса веральлязы ог огзылы: Кин бен Со, кудӥз тӧлэз но вуэз но косэ, но соос кылзӥсько Солэсь?

²⁶Но уяса лыктӥзы Гадарин шаере, кудӥз Галилея пумитын вал.

²⁷Когда Иисус вышел на берег, Ему повстречался человек из города, одержимый бесами. Он давно уже ходил без одежды, жил не в доме, а в могильных склепах.Куке Иисус васькиз яр дуре, Со пумитаськиз городысь адямиен, кудӥз пушкын кемалась бесъёс кузёясько вал. Со дӥсь ӧз ни дӥсялля, гуртын ӧз улылы, нош шайгу пещёраосын кӧлалляз.

²⁸Со, Иисусэз адӟыса, кесяськиз, усиз Со азьын но зол куараен вераз: Мар Тыныд, Иисус, Вылӥысь Инмарлэн Пиез кулэ мынысьтым? курисько Тонэ, эн курадӟыты монэ.

²⁹Со шуиз озьы, уго Иисус косӥз беслы потыны та адямиысь. Трос ар бес кузёяске ни вал соин, сое китӥз но пыдттӥз жыльыосын но ке керттылӥзы но возьмаллязы, со пазялляз жыльосты но пегӟылӥз, но бес улляляз сое пустыняе.

³⁰Иисус юаз солэсь: кызьы тынад нимыд? Со шуиз: "легион", уго со пушкысь трос бесъёс потӥзы.

³¹Но соос куризы Иисусэз, со медам келя соосты пыдэстэм интые.

³²Татын ик гурезё интыын сисько вал бадӟым уллё парсьёс; но бесъёс куризы Солэсь, мед лэзёз шуыса со парсьёсы соослы пырыны. Со лэзиз соослы.

³³Бесъёс, адямиосысь потыса, парсьёсы пыризы, но парсь уллё куштӥськиз ӝужыт яр дурысен озерое но выйиз.

³⁴Парсь возьмасьёс адӟыса мар луэмзэ, бызьыса кошкизы но адӟемзэс веразы городъёсын но гуртъёсын.

³⁵Но калыкъёс потӥзы учкыны мар луэмзэ; но, Иисус доры лыктыса, шедьтӥзы адямиез, кудӥз пушкысь бесъё потӥзы, кудӥз дисяськыса но сазь йырын пуке вал Иисуслэн пыд азяз; но кӧберазы.

³⁶Но адӟисьёс веразы соослы, кызьы катьяськиз бесъёсын пачкатэм адями.

³⁷Гадарин шаерысь вань калыкъёс куризы Иисуслэсь кошкыны соос дорысь, уго соос туж зол кышкамын вал. Со пыриз лодкае но берен уяса кошкиз.

³⁸Нош адями, кудӥз пушкысь бесъёс потӥзы, куре вал Сое, Соин ӧош луыны. Нош Иисус лэзиз сое, шуыса:

³⁹берты дорад но вера, мар лэмьтӥз тыныд Инмар. Со мынӥз но ивортӥз вань городлы, мар лэсьтӥз солы Иисус.

⁴⁰Нош ку Иисус бертӥз, Сое вите ни вал трос калык.

⁴¹отчы лыктӥз Иаир нимо адями, кудӥз синагогаын кивалтӥсь вал; но, усьытскыса Иисуслэн пыд азяз, куриз Сое пырыны солэн корказ,

⁴²уго солэн одӥг гинэ, дас кык аресъем, куллоние вуэм нылыз вылэм. Со мыныку, трос калы пачкато вал Сое.

⁴³Отын вылэм кышномур, кудӥз дас кык ар курадзе вал вир бызёнэн. Ваньзэ ваньбурзэ со быдтэм ини эмъясьёсы, нош нокин но солы юрттыны ӧвӧл быгатэм,

⁴⁴берласянь матэктыса, йӧтӥськиз Иисуслэн дӥсь сӧзыаз; со куспын ик солэн вир быземез дугдӥз.

⁴⁵Но шуиз Иисус: кин йӧтскиз мон борды? Куке ваньмыз отрицать каризы, Пётр шуиз: Дышетӥсь! калык котыртӥз Тонэ но пачкатэ, нош Тон шуисько: " кин кутӥськиз Мон борды?".

⁴⁶Нош Иисус шуиз: Мон борды кинке но йӧтӥськиз, уго Мон шӧдӥ, кызьы Мон пушкысь кужым потӥз.

⁴⁷Кышномур, адӟыса, со адӟытэк ӧз куль шуыа, куалекъяса лыктӥз но усьытскиз Со азьын, вань калык азьын Солы вераз, мар муген йӧтӥськиз Со борды но кызьы со куспын ик катьяськиз.

⁴⁸Со шуиз солы: Нылы, тонэ утиз тынад осконэн! Мын каньылэн.

⁴⁹Куке Иисус та сярысь вера на вал, синагогалэн кивалтӥсезлэн коркасьтыз одӥг адями лыктӥз но шуэ кузёезлы: тынад нылыд кулӥз, эн юнме Дышетӥсез сюлмаськыты.

⁵⁰Нош Иисус, верамез кылыса, шуиз солы: эн кышка, оскы гинэ, нылыд утемын луоз.

⁵¹Нош корказ лыктыса, нокинэ но пырыны отчы ӧз лэзь, Пётрез, Иоаннез, Иаковез но ныллэсь атайзэ но анайзэ сяна.

⁵²Вань калык бӧрдо вал ныл кулэм сэрен. Нош Иисус шуиз: эн бӧрдэ, со ӧвӧл кулэмын, изе гинэ.

⁵³Но серекъязы Сое, уго тодо вал со кулэмын шуыса.

⁵⁴Нош Со, ваньзэсты улляз но басьтӥз нылэз китӥз, зол вераз: нылы! султы.

⁵⁵Но лулъяськиз со но соку ик султӥз, но Со косӥз солы сиён сётыны.

⁵⁶Но паймизы анай-атаез. Нош со нокинлы но ӧз лэзь вераны мар луиз

Chapter 9

¹Даскыкъёсты ӧтьыса, сётӥз соослы кужым но власть вань демонъёс вылын но висьсьёсты катьяны,

²но келяз соосты ивортыны Инмарлэсь Царствозэ но катьяны висисьёсты.

³Но шуиз соослы: номыр но сюрэс вылэ эн басьтэ: боды но, пуйы но, нянь но, коньдон но, воштон дись но;

⁴но кыӵе корка пыроды, отчы кыле но отысь сюрес вылэ потэ.

⁵Нош тӥледды доразы ӧз ке лэзе, соку, потыса со городысь, куртке сюйзэ пыдысьтыды соослы пумит веран понна.

⁶Соос мынӥзы но ветлӥзы гуртъёстӥ, Ӟеч Ивор вераса но котькытын катьяса.

⁷Иисуслэн мар лэсьтэмез сярысь кылӥз ньылетӥкузёяськись Ирод но паймиз: уго одӥгъёсыз вераллязы, Иоанн пе кулэмысь улӟем;

⁸мукетъёсыз, Илия пе лыктэм, нош мукетъёсыз, узӟыса пе султэм одӥге вашкала пророк.

⁹Но шуиз Ирод: мон Иоаннлэсь чыртызэ вандӥ; нош кин Таиз, Кудӥз сярысь мон таӵезэ кылӥсько? Но Иисусэ адӟемез потыса улэ вал.

¹⁰Апостолъёс, бертыса, веразы Солы, мар соос лэсьтӥзы; но Со, басьтыса соосты Бӧрсяз, кошкиз пустыняе, Вивсаида город доры дыштскисьёсыныз гинэ ӵошен люкаськыса.

¹¹Нош калык, тодыса, Со сӧры мынӧзы; но Со, соосты дораз лэзьыса, вераськиз соосын Инмарлэн Царствоез сярысь но катьяны курисьёсты катьялляз.

¹²Нунал ӝытэ матэктыны кутскиз ини. Но даскыкъёс Со доры лыктыса, веразы Солы: лэзь калыкез, соос мед кошкозы матысь гуртъёсы изьыны но сиён басьтыны; уго асьмеос татын пустыняын.

¹³Но Со шуиз соослы: тӥ соосты сюдоды. Соос шуизы: милям ӧвӧл вить няньлэсь но кык чёрыглэсь сиёнмы: милемлы мыноно басьтыны сиён вань та калыкъёслы? уго соос вить сюрс пала вал.

¹⁴Со шуиз Аслаз дышетскисьёсызлы: пуктэ соосты быдэн дас вить ӵошен.

¹⁵Соос озьы ик лэсьтӥзы, ваньзэсты пуктылыса.

¹⁶Нош Со, басьтыса вить нянь но кык чёрыг но ӝутыса синъёссэ инме, соосты благословить карыса, тӥялтӥз но дышетскисьёсызлы сётӥз, соос калыкъёслы мед сётчалозы шуыса.

¹⁷Ваньмыз сиизы но ваньиызлэн кӧтсы тыриз; кылемез юдэсъёс дас кык куды лукаськиз на.

¹⁸Одӥгпол, Со огняз вӧсяськыку, дораз дышетскисьёсыз лыктӥзы но Со юаз соослэсь: Монэ кин шуыса калык вера?

¹⁹Соос пумитаз веразы: Иоанн Креститель шуо, нош мукетъёсыз Илия; мукетъёсыс нош шуо улӟыса пе султэм одӥгез вашкала пророк.

²⁰Со юаз соослэсь: нош тӥ Монэ кинэн лыдъяськоды? Пётр шуиз: Инмарлэн Христосэныз лыдъясько.

²¹Нош Со юнматыса ӧз лезь нокинлы но вераны со сярысь,

²²шуыса, Адямилэн Пиезлы пе трос курадӟёно луоз, но Сое палэнтозы старейшинаос, нырысетӥсвященникъёс но книжникъёс, но виемын луоз, но куинь нунал ортчыса улӟыса султоз.

²³Ваньмызлы нош шуиз: кинлэнке Мон сьӧры мынэмез потэ-ке, палэнты астэ ачид, басьты аслысьтыд киростэ, но лык Мон сьӧры.

²⁴Уго кинлэн утемез потэ аслысьтыз лулзэ, со сое ыштоз; нош кин ыштоз аслысьтыз лулзэ Мон понна, со утёз сое.

²⁵Уго кыӵе пайда адямилы, кукэ со быдэс дуннеен кузёяськоз, наш аслыз ачиз бырон яке изъян ваёзз?

²⁶Кин возьдаськоз Мынэсьтым но Мынам кылъёсылэсь, солэсь Адямилэн Пиез но возьдаськоз, Аслаз но Атаезлэн но святой ангелъёсызлэн данэныз лыктыкуз.

²⁷Зэм тӥледлы верасько: куд-огез татын сылӥсьёс, Инмарлэсь Царствозэ адӟытозь - уз кулэ.

²⁸Та кылъёсты верамез бере, тямысо нунол ортчем бере, сьӧраз басьтыса Пётрез, Иоаннэз но Иаковез, Со гурезе тубиз вӧсяськыны.

²⁹Но вӧсяськыкуз ымныр тусбуйыз воштӥськиз, дӥсез чилясь но тӧдьы луиз.

³⁰Тани, кык пиосмуртъёс верасько Соин, соос Моисей но Илия вылӥллям;

³¹данэн лыктыса, соос вераськизы Солэн пумыз сярысь, кудзэ Солы лэсьтоно луоз Иерусалимын.

³²Нош Пётр но соин лыктэмъёс нырулыса сыло; нош, сазьяськыса, адӟизы Солэсь данзэ но Соин валче кык пиосмуртъёсты.

³³Но ку соос кошкыны кутскизы Со дорысь, Пётр шуиз Иисуслы: Дышетӥсь! татын милемлы ӟеч; лэсьток куинь шалаш: одӥг Тыныд, одӥг Моисейлы, одӥг Илиялы, со ачиз но уг вала вал мар вера.

³⁴Куке со вера вал, пилем вуиз но вужэреныз соосты шобыртӥз. Пилем пушкы шедизы но кышказы.

³⁵Пилемысь куара кылӥськиз: Та Мынам Яратоно Пие, кылзэ Сое.

³⁶ Куара кылӥськем бере, Иисус огняз кылиз. Нош дышетскисьёсыз чус улӥзы, нокинлы но ӧз вералэ та нуналъёсы, мае адӟизы.

³⁷Мукет нуналэ, гурезьысь васькемзы бере, Сое трос калык пумитаз.

³⁸Но тани пиосмурт калык пӧлысь кеськыса вазьылӥз: Дышетӥсь! сюлворыса курисько Тонэ учкы мынам пие шоры, со мынам одӥг гинэ:

³⁹сое дух пачкатэ, со шӧдтэк шорысь кесяськыны кутске, но коска, ымысьтыз шукы потэ; сое курадӟытыса, мырдэм кельтэ сое.

⁴⁰Мон кури вал Тынысьтыд дышетӥсьёсыдлэсь улляны сое, нош соос ӧз быгатэ.

⁴¹Нош Иисус вераз: э, окисьтэм но азэм выжыос! Кӧня мон тӥледын луо но чидоло на?

⁴²Куке со пияш мынэ вал, бес сезьяз сое но коскатӥз; нош Иисус зӥбломытӥз кырсь духэз, катьяз пияшез, но атаезлы сётӥз.

⁴³Но ваньмыз паймылӥзы Инмарлэн быдӟымезлы. Куке ваньмыз паймылӥзы ваньмызлы, мар лэсьтэ Иисус, Со шуиз Аслаз дышетскисьёсызлы:

⁴⁴сак кылзэ та верамез: Адямиоэсь Пизэ калыклэн киаз сётозы.

⁴⁵Нош соос ӧз валалэ та верамез, но со ватэмын вал соослэсь, уго соос ӧз тырше валаны, нош юаны Солэсь верамез сярысь ӧз дӥсьтэ.

⁴⁶Соос пӧлын вожвылъяськонъёс кылдӥзы: кин пе бадӟымгес луиз соос пӧлын?

⁴⁷Нош Иисус адӟыса соослэн сюлэмысьтызы малпанъёссэ, азяз басьтӥз пиналэз

⁴⁸но шуиз соослы: кин принять кароз за пиналэз Мынам нимы понна, со Монэ принять кароз, со Монэ Келясез принять кароз; уго кин тӥ пӧлын ваньмызлэсь пичи, быдӟым луоз

⁴⁹Соку Иоанн шуиз: Дышетӥсь! ми адӟимы Тынад нимыныд бесъёсты уллясь адямиез, но ӧм лэзе солы, уго со уг ветлы асьменым.

⁵⁰Иисус шуиз: пумит эн луэ, уго кин тӥ пумит ӧвӧл, со тӥ понна.

⁵¹Куке матэктӥзы Солэн та дуннеысь кошыны вуэм нуналъёсыз, Солэн Иерусалиме мынэмез потӥз;

⁵²Са аслаз азьпалаз ыстӥз келямъёссэ; соос пыризы самаритянъёслэн гуртазы дасяны Солы ваньзэ кулэзэ;

⁵³но отын принять ӧз каре Сое, уго Со Иерусалиме мынӥсьлы тупа вал.

⁵⁴Тае адӥыса, Солэн дышетскисьёсыз, Иаков но Иоанн, шуизы: Кузё-Инмармы! кулэ-а, ми тылэз косом инмысь васькыны но быдтыны соосты, кызьы Илия лэсьтӥз?

⁵⁵Нощ Со, соос доры берытскыса, ӧз лезь соосты но шуиз: уд тодӥське, кыӵе духлэсь тӥ;

⁵⁶уго Адямилэн Пиез адямиосты быдтыны ӧз лыкты, нош утьыны лыктӥз. Но мукет гуртэ мынӥзы.

⁵⁷Одӥгпол, куке соос сюрэс вылын вал, одӥг мурт шуиз Солы: Кузё-Инмаре! кытчы Тон мынод, мон Сьӧрад мыно.

⁵⁸Иисус шуиз солы: ӟичыослэн ногуоссы вань, ин тылобурдоослэн но каръёссы вань; нош Адямилэн Пиезлы нокытчы йырзэ шутэтны поныны.

⁵⁹Нош мукетызлы шуиз: лык Мон сьӧры. Со шуиз: Кузё-Инмаре! лэзь монэ нырысь мыныны но ватыны мынысьтым кулэм атайме.

⁶⁰Нош Иисус шуиз солы: сёт кулэмъёслы ватыны кулэмъёссэс, нош тон мын, Инмарлэсь Царствозэ иворты.

⁶¹Мыкетын шуз: мон мыно Тон сьӧры Кузё-Инмаре! нош нырысь лэзь монэ попрощаться кариськыны ггуртоосыным.

⁶²Нош Иисус шуиз солы: нокин но геры сьӧры кутскыса, берлань учке ке, оскиськымон ӧвӧл Инмарлэн Царствоезлы.

Chapter 10

¹Со бере Кузё-Инмар быръйиз мукетъёссэ но сизьымдон дышетскисьёссэ, но Аслаз азьз келяз соосты быдэн кык ӵошен, котькыӵе городэ но интые, кытчы Аслаз мынэмез потэ,

²но шуиз соослы: аран трос, нош арасьёс ӧжыт; соин ик, куре аранлэсь Кузёзэ, мед келялоз ужасьёссэ Аслаз араназ.

³Мынэ! Мон келясько тӥледды, ыжпиосты киёнъё пӧлы кадь.

⁴Эн басьтэ кошелёк но, пуйы но, пыдкук но, но нокинэн но сюрес вылады эн ӟечбуръяське.

⁵Кыӵе корка пыроды, нырысь вералэ: " тупаса улон но каньыллык та коркалы";

⁶но отын тупаса улонлэн пиосыз ке луизы, соку соосын кылёз тӥляд тупаса улонды, нош ӧвӧл ке, соки тӥ доры берытскоз.

⁷Со корка кыле, сие но юэ, соослэн марзы вань, уго ужасьлы сётэмын луыны келэ ужъёсыз понна; коркась корка эн ветлэ.

⁸Кыӵе-ке городэ лыктӥды-ке но тӥледды проинять карозы, сие, мае тӥледлы сётозы,

⁹но катьялэ отысь висисьёсты, но вералэ соослы: "матэктӥз ни тӥ доры Инмарлэн Царствоез".

¹⁰Нош кыӵе-ке городэ лыктӥды-ке но тӥледды уз принять каре, соку ульчае потыса вералэ:

¹¹" сюез но, кудӥз лякиськиз ми борды тӥляд городады, тӥледлы курткиськом; нош тодэлэ, матэктӥз ни ты доры Инмарлэн Царствоез".

¹²Верасько тӥледлы, со город сярысь, со нуналэ Содомлы капчигес луоз.

¹³Куректон тыныд, Хоразин! куректон тыныд, Вифсаида! Уго Тирын но Сидонын возьматэмын ке луысал кужым, кудыз тӥ дорын возьматэмын вал, соку соос кемалась, пукыса чурыт дӥсен но пенен, покаятся кариськысалзы ини;

¹⁴тӥ сярысь, Тирлы но Сидонлы капчигес луоз судын.

¹⁵Тон но, инмозь ӝутӥськем Капернаум, адэ куштэмын луод.

¹⁶Тӥледды кылзӥськись Монэ кулзӥське, тӥледыз палэнэ карись Монэ палэнэ карэ; нош Монэ палэнэ карись Монэ Келясез палэнэ каре.

¹⁷Сизьымдон дышетскисьёс шум потыса бертылӥзы но аераллязы: Кузёмы! бесъёс но милесьты кылзӥсько Тынад нимыдлэсь.

¹⁸Нош Со шуиз соослы: Инмысь чилетскемез кадь, Мон адӟи Сатаналэсь усемзэ;

¹⁹тани, сётӥсько тӥледлы власть пыд улады лёганы змеяосты но скорпионъёсты но тушмонлэсь вань кужымъёссэ, но номыр но тӥледлы изъян уз лэсьты;

²⁰нош шум эн потэ, тӥлесьтыд духъёс кылзӥськемлэсь, нош шум потэ, тӥляд нимъёсты инмын гожтэмлэсь.

²¹Со дыре, Духэн шумпотыса, Иисус шуиз: данъясько Тонэ, Атае, инлэн но музъемлэн Кузё-Инмарез, Тон ватӥд визьнодоослэсь но малпаны быгатӥсьёслэсь но усьтӥд покчиослы. Бен, Атай! Уго сыӵе вал Тынад воляед.

²²Но, дышетскисьёсызлы вазиськыса, вераз: ваньмыз сётэмын Мыным Мынам Атаеным; но нокин но уг тод кин луэ Атай, нокин но уг тод, Пи сяна, но кинлы Пилэн усьтэмез потэ.

²³Но, дышетскисьёсызлы вазиськыса, вераз соослы огнязы: шудоесь синъёс, кудъёсыз адӟё сое, мае тӥ адӟиськоды!

²⁴Уго верасько тӥледлы, тросэз пророкъёслэн но царъёслэн адӟемзы потэ вал сое, мае тӥ адӥиськоды, нош ӧз адӟе, но кылэмзы потэ вал сое, мае, тӥ кылӥськоды, но ӧз кылэ.

²⁵Но тӥни, султӥз одӥгез законэз быдэсъясь но, Сое эскерыса, шуиз: Дышетӥсь! мар мыным лэсьтоно, пумтэм улон басьтон понна?

²⁶Со юаз солэсь: мар законын гожтэмын? кызьы лыдӟиськод?

²⁷Со пумитаз шуиз: " ярат аслысьтыд Кузё-Инмардэ вань сюлэмыныд, вань лулыныд, вань кужыменыд, вань визьмыныд, но аслысьтыд матысьтэ но, асьтэ ачид кадь".

²⁸Иисус шуиз солы: озьы лэсьтӥд-ке, улэп луод.

²⁹Нош со, ассэ ӟече поттыны малпаса, Иисуслэсь юаз: нош кин мынам матысе?

³⁰Солы Иисус шуиз: одӥг адями Иерусалимысь Иерехонэ мынэ вылэм но шырмачъёс улэ шедем, кудъёсыз сое кулонэ вуытозь жугиллям, дӥсьсэ талаллям но кошкиллям.

³¹Соку одӥг священник со сюрес кузя мынэ вылэм, сое адӟем но, палэнтӥ кошкем.

³²Озьы ик левит но со интыын вылэм, дораз лыктэм, учкем но палэнэтӥ кошкем.

³³Кыӵе-ке самарянин, оти ортче вылэм, шедьтэм сое но, адӟыса сое, жалям

³⁴но, дораз лыктыса, ранаоссэ вӧйын но винаен зыраса керттылэм; но аслаз осёлэз вылэ пуктэм, куноян корка ваем но соин ухаживать карем;

³⁵нош мукет нуналэ, кошкыны потыкуз, куно коркалэн кузёезлы кык динарий сётэм но шуэм: " чакласькы со сярысь; талэсь тросгес ке коньдон быдтӥд, соку мон, бэрен лыктыкум, сёто тыныд".

³⁶Кызьы тон малпаськод, кин куинь пӧлысь матысь луэ шырмачъёслы шедемлы?

³⁷Со шуиз: кин жаляз. Соку иисус шуиз: мын тон но озьы ик лэсьты.

³⁸Мынонзэ азьланьтыса, Со одӥг гуртэ вуиз; отын Марфа нимо кышномур дораз Сое ӧтиз;

³⁹солэн Мария нимо сестраез вал. Со пуксиз Иисуслэн пыд азяз но Солэсь верамзэ кылзӥськиз.

⁴⁰Нош Марфа малпаське вал ческыт пӧран сярысь но, матэ лыктыса, шуиз: Кузё-Инмаре! Тон уд шат адӟиськы, монэ сестрае пӧраны огням кельтӥз? вера солы, мед юрттоз мыным.

⁴¹Иисус солы пумитаз шуиз: Марфа! Марфа! тон чакласькиськод но выриськод тросэз сярысь,

⁴²нош одӥгзэ гинэ кулэ; Мария кулэзэ быръйиз, сое, мар солэсь басьтэмын уз луы.

Chapter 11

¹Одӥгпол, куе Со кыӵеке интыын быдэстӥз вӧсяськонзэ, одӥгез Солэн дышетскисез шуиз Солы: Кузё-Инмаре! дышет милемды вӧсяськыны, кызьы Иоанн но дышетӥз аслысьтыз дышетскисьёссэ.

²Со шуиз соослы: вӧсяськыкуды шуэ: " Асьмелэн Инмысь Атаймы! Мед святится кариськоз Тынад нимыд; мед лыктоз Тынад Царствоед; воляед Тынад мед луоз музъем вылын но инмын кадь ик;

³милемлы котькуд нунал сёт милесьтым ныньмес;

⁴сьӧлыкъёсмес но простить кар, уго ми но простить кариськомы котькудзэ милемды вӧсь карисьёсмес; но эскэронэ милемды эн пырты но лукавыез дорысьтымы палдурты".

⁵Но шуиз соослы: малпалом, кинке тӥ пӧлысь, эшез доры уй шоре лыктоз но шуоз солы: " эше! вай мыным пунэмен куинь няньдэ,

⁶уго мынам эше сюрэс вылысь пыриз мон доры, нош мынам номыри но ӧвӧл солы сётыны";

⁷нош со коркасеныз солы шуоз: " эн иса монэ, ӧсъёс пытсамын ини, мынам нылпиосы но монэным валесын; султэме уг луы сётыны тыныд".

⁸Верасько тӥлед, со ӧз ке султы но ӧз ке сёт солы эшезлы кадь, нош солэн ялан куремезлэсь, султоз но сётоз солы, кӧня куре.

⁹Мон но шуо тӥледлы: куре, но тӥледлы сётэмын луоз; утчалэ, но шедьтоды; ыйгаське, но усьтозы тӥледлы,

¹⁰уго котькыӵе курисьлы сёто, но утчась шедьтэ, но йыгаськисьлы усьтозы.

¹¹Кыӵе тӥ атай луоды, куке пиды нянь куроз, нош тӥ солы из сётоды? яке, чёрыг ке куриз, тӥ солы змея сётоды?

¹²Яке, курег пуз ке куриз, интыяз скорпион сётоды?

¹³Озьыен, куке тӥ уродэсь, быгатӥськоды ӟеч кузьым сётыны асьтэлэн нылпиостылы, соку уката но Инмысь Атайды Святой Духсэ сётоз Солэсь курисьлэсь.

¹⁴Одӥгпол Со демонэз улляз, кудӥз кылтэмлэн демонэз вал; куке демон потӥз, ымтэм вераськисьлуиз; но калык паймылӥз.

¹⁵Куд-огез нош шуылӥзы: Со демонъёсты улля Веельзевульлэн кужыменыз, кудӥз демонъёслэн князьзы.

¹⁶Нош мукетъёсыз, эскерыса, курылӥзы Солэсь инмысь пусъёс.

¹⁷Нош Со, тодыса соослэсь малпамзэс, шуиз соослы: котькыӵе царство, кудӥз ачиз пушказ люкиськоз, бушомоз, корка но, ачиз пушказ люкиськиз ке, куашкалоз;

¹⁸нош сатана но люкиськиз-ке ачиз ас пушказ, соку кызьы сылоз солэн царствоез? нош тӥ вераськоды, Мон Веельзевульлэн пе кужыменыз демонъёсты уллясько;

¹⁹но Мон Веельзевульлэн кужыменыз ке уллясько демонъёсты, нош тӥляд пиосты кинлэн кужыменыз соосты улляло? Соин ик соос тӥледлы судьяосын луозы.

²⁰Мон Инмарлэн чиньыеныз ке уллясько демонъёсты, соку, бен, тӥ доры вуиз Инмарлэн Царствоез.

²¹Куке ож тӥрлыкен кужмо адями возьма аслысьтыз корказэ, соку кышканэз ӧвӧл солэн ваньбурыз понна;

²²куке со вылэ урдӥськоз солэсь кужмоезгес, но вормоз, соку басьтоз солэсь вань ож тӥрлыксэ, кудӥз вылэ со оскиське вал, но люкоз солэсь таламзэ.

²³Кин Монэнным ӧвӧл, со Мон пумитэ; но кин Монэным уг люка, со тус-тас каре.

²⁴Куке кырсь дух адямиысь потэ, вутэм интыостӥ ветлэ, чус инты утчаса, но, уг шедьты но вера: " берто выльысь дорам, кытысь потӥ";

²⁵но, лыктыса, шедьтэ сое ӵужемен но калтэмен;

²⁶соку мынэ но басьтэ сьӧраз сизьым мукетъёссэ духъёсты, аслысьтыз лекъёссэ гес, но пырыса, уло отын,- на адямилы азьлоезлэсь уродгес луэ.

²⁷Куке Со вераське вал, одӥг кышномурт, калык пӧлысь кеськыса, шуиз Солы: шудо, Тонэ нуллӥсь кышномуртлэн пушкыз, Тонэ нонтӥсь гадьёсыз но, солэн шудо!

²⁸Нош Со шуиз: шудоесь Инмарлэсь кылзэ кылӥсьёс но сое быдэсъясьёс.

²⁹Куке люкаськизы котыраз трос калык, Со вераны кутскиз: та выжы лек, утча пусъёс, нош пусъёс солы сётэмын уз луэ, пророк Ионалэн пусъёсыз сяна;

³⁰уго кызьы Иона вал пусэн Ниневияын улӥсьёслы, озьы ик Адямилэн Пиез но луоз покаяться кариськыны.

³¹Лымшор шаерысь кышномур царь та выжыысь калыклы судын пумит луоз но судьялоз соосты, уго со лыктылӥз дунне пумысь кылзыны Соломонлэсь визьнодо вераськемзэ; но тани, татын Ионалэсь бадӟымгес.

³²Ниневитянъёс судын султозы та выжылы пумит но судьялозы сое, уго соос покаятся кариськозы Ионвлэн проповедезлэсь, но тани, татын Ионалэсь бадӟымгес.

³³Нокин но, светильникез улӟытыса, уг пукты сое лушкем интые, посуда улэ но уг, нош подставка вылэ, пырисьёс мед адӟезы уго.

³⁴Мугорлэн светильникез син; озьыен, тынад синмын дун ке, тынад вань мугорыд но югыт; нош синмыд лек ке, соку вань мугорыд пеймыт луоз.

³⁵Озьыен, учкы: югыт, кудӥз тон пушкын, пеймыт ӧвӧл-а?

³⁶Нош тынад вань мугорыд югыт ке но ӧвӧл солэн одӥг но пеймыт люкетэз, соку югыт луоз, светильник тонэ югдыттэм кадь.

³⁷Куке Со вера вал, одӥг фарисей ӧтиз Сое дораз нуназезэ сиыны. Со лыктӥз но ауксиз.

³⁸Нош фарисей паймиз, куке адӟиз Солэсь кизэ миськытэк сиськыны пуксемзэ.

³⁹Нош Кузё-Инмар шуиз солы: тӥ, фарисейёс, али сюзяськоды чашаосты но посудаосты петпалтӥз, нош пушты тӥляд тырмемын тырмостэмен но йыр курен.

⁴⁰Малпаськыны быгатӥсьтэмъёс! Со ик ӧз шат, Кин кылдытӥз петпалзэ, пушпалзэ но кылдытӥз?

⁴¹Ӟечгес луоз сётӥды-ке кураськисьёслы сое, марды вань, соку тӥляд ваньмыз дун луоз.

⁴²Курадӟён тӥледлы, фарисейёс, сетӥськоды ке дасэтӥ люкетсэ мятаысь, рутаысь но котькыӵе бакча сионысь, нош шонерлыкэз но Инмарез яратонэз вунэтӥды: тае лэсьтоно вал, но соейзэ но кельтоно ӧвӧл.

⁴³Курадӥён тӥледлы, фарисейёс, синагогаосын яратӥськоды пукыны нырысетӥ интыосын но яратӥськоды, куке тӥледды ӟечкылало кенешъёсын.

⁴⁴Курадӥён тӥледлы, книжникъёс но фарисейёс, чеберъяськисьёс, тӥ надгробной изтэк шайгуос кадесь, кудъёсыз вылтӥ ветло калык, тодытэк, отын кинке ватэмын шуыса.

⁴⁵Та верамезлы одӥгез законэз быдэсъясь пӧлысь шуиз Солы: Дышетӥсь! тае вераса, Тон милемды ултӥяськод.

⁴⁶Нош Со шуиз: тӥледлы но законэз быдэсъясьёслы, курадӟён, калыкъёсты пачкатӥськоды нуыны вормонтэм зӥбетэн, нош асьтэос пал чиньыеныды но уд кутскиське со борды.

⁴⁷Куректон тӥлед, гробницаос лэсьтӥськоды пророкъёслы, кудъёссэ виизы тӥляд атайёсты:

⁴⁸соин тӥ умоен лыдъяськоды атайёстылэсь ужъёссэс, кудъёсыз пророкъёсты виизы, нош тӥ соослы гробницаос пуктӥськоды.

⁴⁹Соин ик Инмарлэн визьнодэз но вераз: келяло соос доры пророкъёсты но апостолъёсты, но одӥгъёссэ соосты виёзы, нош мукетъёссэ уллялозы;

⁵⁰та выжыослэсь мон юало дуннеез кылдытэмысен пророкъёслэн кичкем вирзы понна,

⁵¹Авельлэн вирысеныз Захариялэн вирыз дорозь, кудӥз виемын вал жертвенникен храмен вискын. Бен, шуисько тӥледлы, юамын луо та выжыысь.

⁵²Курадӟён тӥледлы, законэз быдэсъясьёс, тӥ тодонлэсь усьтозэ басьтӥды: асьтэос но ӧд пыре, но пырисьёсты но уд лэзиське.

⁵³Куке Со тае соослы вералляз, книжникъёс но фарисейёс Со вылэ алетскизы, бичатыса Сое валэктыны трос юанъёсылы,

⁵⁴утчаса Со пумитэ но кутыны тыршыса кыӵе-ке верам кылаз, Сое юри янгыше уськытон вылысь.

Chapter 12

¹Сокуспын люкаськиз трос сюрсо пала калык, ог огзэс пачкатыны ик кутскиллям, Со нырысь вераны кутскиз аслаз дышетскисьёсызлы: кышкалэ фарисейёслэн шӧмзылэсь, кудӥз чеберъяськон луэ.

²Номыр но ватэмын ӧвӧл, мар уз учкы, лушкемез но, мое уз тодэ.

³Соин ик, мае тӥ пеймытын вералоды, югытын кылоды; но мае вералляды пеле корка пушкын, кылэмын луоз липет вылын.

⁴Верасько тӥледлы, Мынам ешъёсы: эн кышкалэ соослэсь, кин мугорэз вие но со бере номыр но лэсьтыны уг ни быгаты,

⁵нош верасько тӥледлы, кинлэсь кышкано: кышкалэ Солэсь, Кин кулэм бере куштыны быгатэ геенае: тани, верасько тӥлед, Солэсь кышкалэ.

⁶Вить пичи тылобурдоос уг шат вузасько кук ассарияен? Одӥгез но соос пӥлысь вунэтэмын ӧвӧл Инмарлэн.

⁷Нош тӥляд вань йырсиосты йырады лыдъямын. Озьыен, эн кышкалэ: тӥ дуногес трос пичи тылобурдоослэсь.

⁸Верасько тӥледлы: котькудзэ, кин шара лыдъя Монэ Инмарен калыкъёс азьын, но Адямилэсь Пизэ шара лыдъя Инмарлэн ангелъёсыз азьын;

⁹нош кин куштӥськоз Мынысьтым калыкъёс азьын, Мон солэсь куштӥсько Инмарлэн ангелъёсыз азьын.

¹⁰Но котькудӥзлы, кин вералоз Адямилэн Пиез пумитэ, простить каремын луоз; но кин урод кыл вералоз Святой Дух пумитэ, солы проститькаремын уз луы.

¹¹Ку тӥледды ваёзы синагогаос, кивалтӥсьёс но власьтёс доры, эн чаклаське, кызьы но мае вераны,

¹²уго соку Святой Дух дышетоз тӥледды, мае вераны кулэ.

¹³Одӥг мурт калыкъёс пӧлысь Солы шуиз: Дышетӥсь! Вера мынам братэлы, мед со монэным наследствозэ люкоз.

¹⁴Иисус шуиз со адямилы: кин Монэ пуктӥз судьяны яке висъяны тӥледды?

¹⁵Соберо Со ваньмызлы вазьылӥз: учкелэ, палэнске аслыд гинэ пайда поттонлэсь, уго адямилэн улонэз шудо уг лу солэн трос ваньбурэзлэсь.

¹⁶Но вераз соослы притча: одӥг узыр адямилэн бусыяз бадӟым ю-нянез далтэм;

¹⁷но со ачич ас понназ малпаськем: " мар мыным лэсьтоно? Будэтэм ю-няньме поныны интые ӧвӧл".

¹⁸Но шуиз: " тани мар лэсьто: куашкато кеносъёсме но бадӟымесьгес пукто, но отчы люкало ваньзэ няньме но ваньзэ ваньбурме,

¹⁹но шуо лулылы: лулу! трос тынад ваньбуред кылле трос аръёслы: шутэтскы, си, ю, шулдыръяськы".

²⁰Нош Инмар солы шуиз: " визьтэм! та уе тынысьтыд лулдэ басьтозы; кинлы бен кылёз нынад люкам ваньбуред?"

²¹Озьы луэ соосын, кин ас понназ, нош Инмар понна уг узырмы.

²²Но шуиз Аслаз дышетскисьёсызлы: соин ик верасько тӥледлы,- эн чаклаське асьтэлэн лулды понна, мар тӥледлы сиёно, мугорды понна но эн, мар дӥсяськоно:

²³лул бадӟымгес сиёнлэсь, но мугор - дӥсьлэсь.

²⁴Учке кырныжъёс шоры: соос уг но кизё, уг но арало; соослэн ӧвӧл возённизы но, кеносъёссы но, но Инмар соосты сюдэ; кӧнялы нош тӥ ӟечгес тылобурдоослэсь?

²⁵Бен кин тӥ пӧлысь, кужмысь тыршыса ке но, ватсалоз аслысьтыз ӝуждалазэ одӥг гырпумлы ке но?

²⁶Озьыен, пичизэ ке но уд быгатӥське лэсьтыны, малы малпаськиськоды мукетыз сярысь?

²⁷Учкелэ лилияос шоры, кызьы соос будо: соос уг но ужало, уг но черсо; нош верасько тӥледлы, Саламон но аслаз вань даназ озьы ӧз дӥсяськылы, кызьы котькудӥз соос пӧлысь.

²⁸Нош бусыысь турынэз ке, кудӥз туннэ вань нош ӵуказе, куштэмын луоз гурэ, Инмар сокем дӥся, нош тӥледды укато но, осконды ӧжытъёс.

²⁹Озьен, эн утчалэ, мар тӥледлы сионо, яке юоно, эн но чаклаське,

³⁰уго ваньзэ тае утчало та дуннеысь калыкъёс; тӥляд Атайды тодэ уго мар тӥледлы кулэ;

³¹нош утчалэ Инмарлэсь Царствозэ гинэ но ваньмыз та тӥледлы ватсаськоз.

³²Пичи ыж лукъёс, эн кышкалэ! уго тӥляд Атайды мылкыд кариз сётыны тӥледлы Царство.

³³Вузалэ асьтэлэсь ваньбурдэс но сётчалэ кулэяськисьёслы. Дасялэ асьтэлы ноку но вужмисьтэм ваньбур возённи, омыръяса но быронтэм инмын сокровище, кытчы лушкаськись матаз но ул лыкты но кей но кытын уг кора,

³⁴уго кытын сокровищеды, отын сюлэмды но луоз.

³⁵Тӥляд кусты керттэмын мед луоз, светильникъёсты улӟытэмы.

³⁶Но тӥ адямиос кадь луоды, кудъёсыз кузёзэс сюанысь витё, куке лыктоз но йыгаськоз, соку ик солы усьтыны.

³⁷Куке кузё гуртаз бертоз, рабъёссэ шетьтоз ке сазен, шудоесь сыӵе рабъёс; зэм ик тӥледлы верасько, со куссэ керттылоз но пуктоз соосты, но, матэктыса, соослы служить кароз.

³⁸Но лыктӥз ке кыкэтӥ возьмаськыку, куиньметӥ возьмаськыке ке лыктоз, ношедьтоз соосты озьы, соку шудоесь со рабъёс.

³⁹Тӥ тодӥськолы, корка кузё тодысал ке, ку лушкаськись лыктоз, ӧй изьысал но ӧй лэзьысал копаны аслаз корка улаз.

⁴⁰Тон но дась лу, уго уд тодӥськы, кыӵе дырын лыктоз Адямилэн Пиез.

⁴¹Соку шуиз Солы Пётр: Кузё-Инмаре! ми понна-а вераськод та притчаез, яке ваньмыз понна?

⁴²Кузё-Инмар нош шуиз: кин оскымон но ӟёч малпаськись кивалтӥсь, кудзэ корка кузё пуктӥз аслаз ляльчиосыз вылын сётчаны нянь нормаез дырыз дыръя?

⁴³Шудо со раб, кудзэ кузёез, лыктыса, шедьтоз озьы лэсьтыкуз.

⁴⁴Зэм ик тӥледлы верасько, сое пуктозы аслаз ваньбурызлы кивалтӥсен.

⁴⁵Нош со раб малпаз ке аслаз сюлмаз: " Ӝоген уз лыкты мынам кузёё", но жугоз ляльчиоссэ, сиёз но юоз но кудӟёз но,

⁴⁶со раблэн кузёез шӧдтэк шорысь лыктоз, сыӵе нуналэ, ку со уг витьы, сыӵе часэ, ку со уг малпа, но жугоз сое, сое вите осконотэмъёслэн кадь ик удыс.

⁴⁷Со раб, кудӥз тодэ кузёезлэсь волязэ, но дась ӧй вал, но ӧз лэсьты кызыьы со косӥз, трос жугемын луоз;

⁴⁸нош кудӥз уг тоды, но лэсьтоз сыӵе уж, мар понна наказать карыны кулэ, ичигес жугемын луоз. Но котькинлэсь кинлы трос сётэмын, трос куриськоз, но кинлы трос оскемын, солэсь тросгес юалозы.

⁴⁹Тыл Мон музъем вылэ вайыны лыктӥ, но со мед ӝуалоз ини шуисько!

⁵⁰Крещенниен Мон крестится кариськыны кулэ; но со быдэсмытӵёзь, кыӵе Мон курадӟисько!

⁵¹Малпаськоды Мон лыктӥ музъем вылэ вайыны тупаса улон? ӧвӧл, верасько тӥлед, нош люкон;

⁵²уго одӥг коркан вить муртъёс люкиськозы, куинез кыкез пумитэ, но кыкез куинез пумитэ:

⁵³атай пиез пумитэ луоз, но пиез атаез пумитэ; анаез нылыз пумитэ, нылыз анаез пумитэ; свекровьез кенэз пумит, кенэз свекровьез пумит.

⁵⁴Озьы ик трос калыкъёслы но шуиз: куке тӥ адӟиськоды шунды пуксён палась ӝутскись пилемез, соку ик вераськоды: " куазь зороз ",

⁵⁵но озьы луэ; но ку лым шорысь палась тӧл пельтэ, вераськоды: " пӧсь луоз ", но озьы ик луэ.

⁵⁶Чеберъяськисьёс! Ин шоры но музъем шоры учкыса куазез валаны быгатӥськоды, нош валаны, кыӵе али вуиз ини дыр уд валаське

⁵⁷Малы бен тӥ асьтэос валаны уд быгатӥське, мар тӥледлы кулэ?

⁵⁸ Но тыныд кылдӥз ке мыныны аслад вожвылъяськисеныд кивалтӥсь доры, тыршы солэсь мозмытскыны, уго со нуыны тонэ быгатэ судья доры, нош судья сётоз тонэ стражниклы, нош стражник пытсалоз тонэ тюрьмае.

⁵⁹Верасько тыныд: уд пот отысь, кӧня вань коньдондэ тырытчёзь.

Chapter 13

¹Соку лыктӥзы куд-огъёсыз но веразы Солы Галилияын улӥсьёс сярысь, кудъёсызлэсь вирзэс Пилат сурам пе соослэн жертваенызы

²Иисус пумитазы вераз: тӥ шат малпаськоды, Галилияын улӥсьёс ваньмызлэсь сьӧлыкогес вал, озьы курадӟёнэз адӟизы шуыса?

³Ӧвӧл шутэтсконо тӥледлы, нош покаяться ӧд ке кариське тӥ но озьы ик быроды

⁴Оло малпаськоды, со дас тямыс адямиос, кудъёсыз вылэ усиз Силоам башня но пачкатӥз соосты, сьӧлыко-гес вал, ваньмызлэсь Иерусалимысь улӥсьёслэсь?

⁵Ӧвӧл шутэтсконо тӥледлы нош покаяться ӧд ке кариське тӥ но озьы ик быроды.

⁶Но притча вераз: одӥг адямилэн виноград садаз вылэм мерттэм смоковница пуэз, одӥг-пол со лыктэм со пуысь емышсэ утчан, но ӧвӧл шедьтэм;

⁷но верам виноград будэтӥсьлы: " тани мон куинетӥ арзэ лыктӥсько ни утчаны емышсэ та смоковница пуысь но уг шедьтӥськы; ӵог сое: малы со токма инты возе?

⁸Но со шуиз солы пумитаз: " кузёе! кельты на сое тайзэ арез, мон сое копало но кыед улаз поно,-

⁹оло со сётоз емышсэ; нош ӧз ке сёт, соку ӵог сое сояз аре.

¹⁰Со одӥгаз синагогаын субботае дышетэ вал.

¹¹Отын вал кышномурт, кудӥзлэн дас тямыс ар вылэм висёнлэн духез: со коскамын вал но шонерскыны уг быгаты вал.

¹²Сое адӟыса Иисус, дораз ӧтиз но шуиз солы: кышномурт! тон висёнэдлэсь мозмытэмын.

¹³Со вылэ Иисус кизэ понэм бере, со соку ик шонерскиз но Инмарез данъяны кутскиз.

¹⁴Иисуслэсь субботае адямиез катьямзэ адӟыса синагогалэн кивалтӥсез йыркуръяськыса калыкъёслы шуиз: вань куать нунал, ку ужаны кулэ; со нуналэ ик лыктэ катьяськыны, нош субботае эн.

¹⁵Кузё-Инмар солы пумитаз шуиз: чеберъяськись! тӥ пӧлысь котькудды субботае уд шат пертчиське кормушка бордысь оштэс яке осёлдэс но ву юыны уд нуиське?

¹⁶Нош Авраамлэсь та нылзэ, кудзэ Сатана дас тямыс ар возе ни, уг луы шат мозмытыны та жыльослэсь суббота нуналэ?

¹⁷Но, ку тае Со вера вал, ваньмыз Солы пумит луисьёс возьдаськизы; но вань калык шум потылӥз Солэн дано ужъёсызлэсь.

¹⁸Иисус шуиз: марлы тупа Инмарлэн Царствоез но маин Мон сое ӵошато?

¹⁹Со горчицалэн кидысэзлы тупа, кудзэ адями мерттӥз аслаз садаз; со будӥз но бадӟым писпу бытча будӥз, но инмысь тылобурдоос ватскылӥзы солэн вайёсаз.

²⁰Эшшо шуиз: марлы тупа Инмарлэн Царствоез?

²¹Сое ӵошатыны луэ чырсэтэн, кудзэ кышномурт понӥз куинь мертэт пызе - но ваньмыз чырсаз.

²²Иисус городъёстӥ но гуртъёстӥ дышетыса ветлӥз. Иерусалиме Со мынэ вал.

²³Кин-ке шуиз Солы: Кузё-Инмаре! шат сокем ӧжыт утиськисьёс? Со пумитазы шуиз:

²⁴тырше пырыны сюлэг ӧсэтӥ, малыке шуоно верасько тӥледлы, тросэз утчалозы, кызьы пырыны, но уз быгатэ.

²⁵Куке коркалэн кузёез султоз но пытсалоз ӧсъёсты, соку тӥ, петпалаз сылыса, йыгаськоды ӧсэ но вералоды: " Кузё-Инмаре! Кузё-Инмаре! усьты милем"; Нош Со шуоз тӥледлы: " уг тодӥськы тӥледды, кытысь тӥ ".

²⁶Соку вераны кутскоды: " ми сиим-юим Тон азьын, милям ульчаосамы но Тон дышетӥд".

²⁷Нош Со шуоз: " верасько тӥледлы: уг тодӥськы тӥледды, кытысь тӥ; кошке Мон дорысь, ваньды шонертэм лэсьтӥсьёс".

²⁸Отын луоз бӧрдон но пинь чикыр йыръён, куке адӟёды Авраамез, Исаакез но Иаковез но вань пророкъёсты Инмарлэн Царствоаз, нош тӥ уллямын луоды.

²⁹Но лыктозы шунды пуксён но шунды ӝужан, уй пал но лым шор палась но пуксёзы Инмарлэн Царствоаз.

³⁰Но тани, соос, кинъёс берло, нырысетӥ луозы, но соос, кинъёс нырысь, берло луозы.

³¹Со нуналэ лыктӥзы куд-огез фарисейёс пӧлысь но шуизы Солы: пот но кошкы татысь, уго Ирод Тонэ виыны малпа.

³²Со пумитазы вераз: мынэ но вералэ со ӟичылы: тани, уллясько демонъёсты, катьясько туннэ но ӵуказе но усьсэ быдэсто;

³³нош, Мон ветлыны кулэ туннэ, ӵуказе но усьсэ но, пророк мед кулоз шуыса Иерусалимлэн сьӧрын, уг, уг луы озьы.

³⁴Иерусалим! Иерусалим! пророкъёсты ӝугись но тон доры келямъёсты изэн зӥръяса виись! кӧня пол Мон тырши люканы тынысьтыд нылпиостэ, кызьы тылобурдо люка бурд улаз пиоссэ, нош тӥляд люкаськемды ӧз пот!

³⁵Соин-ик тӥляд коркады тырттэм кыле. Куректон тӥледлы, тӥ уд адӟе Монэ, дыр вуытчёзь, ку шуоды: " Кузё-Инмарлэн нимыз понна Лыктӥсь ӟечлык!"

Chapter 14

¹Одӥг пол субботае Со лыктӥз одӥг фарисей кивалтӥсьслэн корказ нянь сиыны, соос Сое эскерыса учко вал.

²Но тани, Солэн азяз султӥз водянка висёнэн курадӟись адями.

³Со сэрен Иисус юаз законэз быдэсъясьёслэсь но фарисейёслэсь: яра-а субботае катьяны?

⁴Соос чус улӥзы. Но, висисьлэн бордаз йӧтскиз, катьяз но лэзиз.

⁵Соку шуиз соослы: тӥляд куддылэн ке осёлды яке ошты субботае колодчае ке усиз, усем бераз ик шат тӥ уд поттэ сое?

⁶Соос номыр но Иисуслэн пумитаз вераны ӧз тодэ.

⁷Иисус учкыса, кызьы ӧтемъяс нырысетӥ интыосты быръйизы, притча вераны кутскиз:

⁸куке тонэ сюанэ ӧтизы ке, эн пуксьы нырысетӥ интые, уго сюанэ лыктыны быгатоз тынысьтыд сиё-даногес ӧтем адями,

⁹нош тонэ но сое но ӧтись адями медам вера вал тыныд: " сёт солы интыдэ "; соку тон ултӥямын луод, но берпуметӥ интые пуксёд.

¹⁰Нош, ку ӧтемын луод но тон лыктод, пуксьы берпуметӥ интые, тонэ ӧтись мед шуоз тыныд: "эше! пуксьы вылӥегес"; соку тыныд дан луоз соослэсь, кин тонэныд артысь пуке,

¹¹уго котькудӥз, кин ассэ ачиз вылтӥя, ултӥямын луоз, нош кин ассэ ултӥя вылтӥяськоз.

¹²Сое ӧтись фарисей кивалтӥсьлы но шуиз: куке нуназе яке ӝыт сиськон лэсьтӥськод, эн ӧть аслысьтыд эшъёстэ, узыр бускельёстэ но, уго соос но собере тонэ пунэмен ӧтёзы.

¹³Нош, ческыт сиен дасяд ке(юон-шулдыръяськон), ӧть начаръёсты, инвалидъёсты, чутъёсты, синтэмъёсты,

¹⁴соку асьтэ шудо лыдъяны быгатод, уго соос тыныд пунэмен сётыны уз быгатэ, соин ик шонерлыкоос кулэмысь улӟыса султыкузы тыныд пунэмен берытскоз.

¹⁵Тае кылыса, кин-ке Соин ӵош пукись шуиз Солы: шудо со адями, кин нянь сиёз Инмарлэн Царствоаз!

¹⁶Нош Со солы шуиз: одӥг адями бадӟым ӝыт сиськон лэсьтӥз то трос калык ӧтем,

¹⁷но ку ӝыт сиёнлэн дырыз вуиз, рабзэ келяз ӧтемъёслы вераны: " лыктэ, уго ваньмыз дась".

¹⁸Нош ӧтемъёс извиняться кариськыны кутскизы. Нырысетӥез шуиз солы: " мон музъем басьтӥ, мыным сое учкыны вэтлоно; курисько тонэ, простить кар мон".

¹⁹Мукетыз шуиз: " мон вить пара ош басьтӥ но соосты эскерыны мынӥсько; курисько тонэ, простить кар мон".

²⁰Куинетӥез шуиз: " мон кышнояськи но соин ик лыктыны уг быгатӥськы".

²¹Но, бертыса, со раб кузёелы вераз ваньзэ. Соку йыркуръяськиз коркалэн кузёез но шуиз рабезлы: " мын ӝоггес ульчаосы но перекрёстокъёсы но вай татчы начаръёсты, инвалидъёсты, чутъёсты но синтэмъёсты".

²²Но шуиз раб: " кузёе! кызьы косӥд, быдэстэмын, но эшшо инты вань на".

²³Кузё шуиз рабезлы: " Мын сюресъёстӥ но кенеръёс кузя но ӧть калык, мед тырмоз мынам коркае.

²⁴Уго верасько тӥледлы, нокин но со ӧтемъёс пӧлысь уз си мынысьтым ӝыт сиёнме, уго трос ӧтемъёс, нош ӧжыт быръемъёс".

²⁵Соин мынӥз трос калык; но Со берытскыса, шуиз соослы:

²⁶нош кин-ке Мон доры лыктэ ке но аслысьтыз анай-атайзэ, кышнозэ но нылпиоссэ, братъёссэ но сестраоссэ, аслысьтыз улонзэ но адӟемпотостэм лыдъяны ке уз ӧдъя, Мынам дшетскисеным луыны уг быгаты;

²⁷но кин уг нуы аслысьтыз кироссэ но Мон сьӧры мынэ, Мынам дышетскисе луыны уг быгаты.

²⁸Уго кин тӥ пӧлысь, башня пуктыны малпаса, нырысь пуксьыса уз лыдъя шат коньдонзэ но стройматериалзэ но пуктыны кулэ инструментъёссэ.

²⁹Ӧз ке лудъяськы, таӵе учыр луыны быгатоз: пуктоз инъет(фундамент) но башня пуктонзэ быдэстыны уз быгаты. Но со шоры учкыса вань калык серекъялозы,

³⁰вераса: " та адями башня пуктыны кутскиз но быдэстыны ӧз быгаты?"

³¹Яке кыӵе царь, куке войнаен мыныны малпа мукет царь пумитэ, уз пуксы но уз кенешы генералъёсыныз, тырмоз а солэн кужмыз мыныны дас сюрс солдатъёсыныз со пумитэ кызь сюрс солдатъёс лыктозы ке?

³²Кужмыз уз ке тырмы, тушмонэз кыдёкын дыръя, со келялоз мукет царь доры посолъёссэ мир заключить карыны.

³³Озьы ик котькудӥз тӥ пӧлысь, кин ваньмызлэсь уз куштӥськы, маиз вань, уз быгаты луыны Мынам дышетскисеным.

³⁴Слал ӟеч маке; нош слал кужымзэ ке ыштӥз, маин сое тупатон?

³⁵Со соку номырлы но уг ни яра. Соин музъемез но удобрить уд кар. Сое куштон гинэ кыле на. Кинлэн вань пельыз мед кылоз!

Chapter 15

¹Со доры лыктылӥзы кылзыны Сое ваньмыз налог люкасьёс но сьӧлыкоос.

²Нош фарисейёс но книжникъёс йыркурзэс возьматылӥзы но вераллязы: Со сьӧлыкоосын ӵош пымиськылэ но сие-юэ но.

³Соку Иисус соослы притча вераз:

⁴тӥляд куддылэнке вань ке сю ыжды но одӥгзэ ыштӥды ке, уд шат кельтэ укмыстон укмыссэ пустыняе но уд мынэ утчаны ышезэ, но шедьтытэк уд бертэ?

⁵Но шедьтыса, шумпотыса сое басьтоды пельпум вылады

⁶но, дорады бертыса, эшъёстэс но бускельёстэс ӧтёды но шуоды соослы: " монэным ӵош шумпотэ: мон шедьтӥ аслысьтым ыштэм ыжме".

⁷Верасько тӥледлы, укмыстон укмыс шонерлыкоос сярысь, кудъёсызлы покаяться кариськыны кулэ ӧвӧл, инмын шумпотон бадӟымгес луоз, одӥг каятся кариськись сьӧлыко адями понна.

⁸Яке кыӵе кышномурт, кудӥзлэн вань дас драхмаез, ыштӥз ке одӥг драхмазэ, улӟытыса светильниксэ, ӵужыны уз кутскы комнатазэ но пыр-поч шедьтытчёзяз утчалоз,

⁹нош шедьтӥз ке, бечеоссэ но бускельёссэ ӧтёз но шуоз: " шум потэ монэным: мон шедьтӥ ыштэм драхмаме".

¹⁰Верасько тӥледлы, сыӵе ик шумпотонзы луэ Инмарлэн ангелъёсызлэн, куке одӥг сьӧлыко адями каяться кариське.

¹¹Эшшо шуиз: одӥг адямилэн кык пиез вал;

¹²но шуиз покчиез пиез атаезлы: " атай! вай мыным ваньбурэдлэсь люкетсэ, кудӥз мынам луэ". Соку атайзы люкиз пиосызлы ваньбурзэ.

¹³Куке ортчиз кӧняке нунал покчиез пиез, люкаса ваньзэ, кошкиз кыдёкысь шаере но отын калгыса улыса быдттӥз ваньбурзэ.

¹⁴Нош ку со быддӥз ваньзэ, со шаерын зол сютэм улон луиз, но со курадӟыны кутскиз;

¹⁵но мынӥз, но медъяськиз со шаерын одӥг мурт доры, но со аслаз бусыяз медъяськем муртсэ косӥз парсь возьманы;

¹⁶солэн сокем кӧтыз сюма вылэм, со дась вал сиыны пуртэсъёсты, кудъёссэ парсьёс сиылӥзы, нош солы нокин но сиыны соосты ӧвӧл лэзь.

¹⁷Нош ку со малпаськиз, шуиз: " мынам атаелэн кӧня медъяськемъёсыз тырмымон нянь сиё, нош мон сютэк кулӥсько:

¹⁸султо, мыно атае доры но шуо солы: атае! мон сьӧлык лэсьтӥ ин пумитэ но тон азьын

¹⁹но мон ярамон ӧвӧл ни лыдъяськын тынад пиеныд; басьты монэ тынад одӥгзэ медъяскемдэ кадь".

²⁰Султӥз но атаез доры мынӥз. Но ку со кыдёкын на вал, сое адӟиз атаез но жаляз; но пумитаз бызьыса мынӥз, ӟыгыртӥз пизэ но чупалляз сое.

²¹Нош пиез солы шуиз: " атай! мон сьӧлык лэсьтӥ ин пумитэ но тон азьын но ярамон ӧвӧл ни тынад пиеныд лыдъяськыны".

²²Нош атаез шуиз аслаз рабъёсызлы: " вае ӟечсэ гес дӥсь но дӥсялэ сое, но сётэ солэн кияз зындэс но пыдаз пыдкут кутчалэ;

²³но вае куйытэм кунян, но вандэ сое; сиём-юом но шулдыръяськом!

²⁴Уго мынам пие кулэмын вал но улӟиз, ышемын вал но шедӥз". Но шулдыръяськыны кутскизы.

²⁵Нош бадӟымез солэн бысыын вал; но, бертыкуз, гурт дораз матэктыку, кылӥз шумпотэм но кырӟам куара;

²⁶но, одӥгзэ ляльчизэ ӧтьыса, юаз: " мар отын сыӵе?"

²⁷Со солы шуиз: " тынад братэд бертӥз, но тынад атаед вандӥз куайытэм кунян, уго со улэп но висёнтэк лыктӥз".

²⁸Солэн йырыз кур луиз но пырэмез ӧз пот. Нош солэн атаез потӥз но ӧтиз сое.

²⁹Но со атаезлы шуиз: " тани, мон тон понна тыршисько сомында ар но одӥг пол но тынад косэмедлы пумит ӧй вал, аслам эшъёсыным шулдыръяськыны, нош тон нокуно мыным кеч но ӧд ванды;

³⁰нош ку таиз тынад пиед, кышноосын калгыса быдтӥз ваньбурзэ, лыктӥз, тон со понна вандӥд куайытэм куняндэ".

³¹Нош со солы шуиз:" пие мынам! тон котьку монэным, но ваньмыз иынам - тынад,

³²нош со понна кулэ шумпотыны но шулдыръяськыны тынад братэд кулэмын вал, но улӟиз, ышемын вал, но шедиз".

Chapter 16

¹Аслаз дышетскисьёсызлы но вераз: одӥг адями узыр вал но солэн корка кивалтӥсез вылэм, кудӥз вылэ чагиськиллямзы, со пе кузёезлэсь ваньбурэ тус-тас каре;

²но, ӧтьыса сое, шуэм солы: " мар мон тон сярысь кылӥсько? кыл кут тынад кивалтэмедлы, уго тон уд ни быгатӥськы кивалтыны".

³Соку шуэм аслыз ачиз корка кивалтӥсь: " мар мыным лэсьтыны кулэ? мынам кузёе корка кивалтонлэсь монэ палэнэ кароз; копаны уг быгатӥськы, курыны возьдаськисько;

⁴куке коркаен кивалтэмысь палэнтэмын луо, тодӥсько, мар лэсьтыны".

⁵Но, кузёезлэсь пунэмаськисьёссэ, котькудзэ огняз ӧтьыса, шуэм нырысетӥезлы: " кӧня тынад тыронэд мынам кузёелы?"

⁶Со шуэм: " сю мертэт вӧй ". Но шуэм солы: " басьты аслысьтыд распискадэ но ӝоггес пуксьы но гожты: витьтон".

⁷Собере мукетызлы шуэм: " нош тон кӧня кулэ?" Со шуэм: " сю мертэт чабей ". Но шуэм солы: " басьты распискадэ но гожты: тямыстон".

⁸Но ушъям кузё осконтэм гурт кивалтӥсьсэ, малпаськыса но визьмын лэсьтэмез понна, уго та дуннелэн пиосыз ог огенызы кусыпъёс кылдытыкузы валасесьгес, югынтлэн пиосыныз ӵошатыса.

⁹Мон но тӥледлы верасько: та дуннелэн шонертэм узырлыкеныз люкалэ асьтэослы эшъёс, уго ку тӥ начар кылёды, соос мед басьтозы тӥледды асьсэлэн пумтэм улонниосазы.

¹⁰Ӧжытын оскымон тросын но оскымон, ӧжытын осконтэм тросын но осконтэм.

¹¹Озьыен, тӥ осконтэм ке вал шонертэм узырлыкен, кин тӥледлы оскоз шонерзэ?

¹²Но тӥ ӧй ке вал муртлэнэныз оскымон, кин тӥледлы сётоз асьтэлэсь?

¹³Нокыӵе ляльчи но уг быгаты тыршыны кык кузёослы, уго одӥгзэ адӟем потостэм кароз, нош мукетсэ яратоз, яке огезлы луоз оскымон, нош мукетызлы осконтэм. Уд быгатӥське тыршыны Инмар понна но коньдон понна.

¹⁴Ваньзэ тае кылӥзы фарисейёс, кудъёсыз коньдон ярато вал, но соос серекъязы Сое.

¹⁵Но Со соослы шуиз: тӥ калыкъёс азьын асьтэосты шонерлыкоен возьматӥськоды, нош Инмар тодэ тӥлесьтыд сюлэмъёстэс, уго со, мар вылӥлыко лыдъяське калыкъёслэн, со юрӟым Инмар азьын.

¹⁶Закон но пророкъёс Иоанн дорозь; та дырысен Ӟеч Ивор ивортӥське Инмарлэн Царствоез, но котькудӥз отчы пырэ кужым поныса.

¹⁷Нош ӝог-гес ин но музъем быроз, одӥг коть гожез законысь бырытчёзь.

¹⁸Котькудӥз, кин люкиське аслаз кышноеныз но кышнояське мукетыныз, азон-калгон сьӧлык лэсьтэ, но котькудӥз, кышнояське-ке картэныз люкиськем кышномуртэн, азон-калгон лэсьтэ.

¹⁹Одӥг узыр адями вылэм, царьёс кадь дӥсяськылӥз, но улонэз солэн праздникын кадь ввлэм, уго котькыӵе нуналэ со юон-шулдыръяськон лэсьтылӥз.

²⁰Озьы ик Лазарь нимо начар адями вылэм, кудӥз узырлэн ӟезы азяз пуке но солэн мугорыз быдэсак яраосын шобыртэмын вылэм

²¹узыр муртлэн ӝӧк вылысьтыз усем пырыосты солэн туж сиемез потыса улэм, но пуныос, лыктыса, нюлылӥзы солэсь яраоссэ.

²²Кулэм начар но ангелъёс нуиллям сое инме, Авраам доры. Узыр мурт но кулэм, но ватӥллям сое.

²³Но адын курадӟыса, со ӝутэм аслысьтыз синъёссэ но кыдёкысь, инмысь адӟем Авраамез но Лазарез.

²⁴Узыр мурт кесяськыса верам: " Авраам атай! жоля монэ но келя Лазарез, со мед чиньызэ коттыса вуын но сайкытатоз мынысьтым кылме, уго мон курадӟисько та тылын".

²⁵Нош Авраам шуэм: " пие! тодад вай, уго тон басьтӥд ни ӟечсэ азьло улонад, нош Лазарь - уродзэ; табере со ӟечсэ адӟе татын, нош тон курадӟиськод;

²⁶но, уката но, тӥленыд но миленым вискын пыдэстэм кылдытэмын, озьыен, кинлэн татысь потэмез потоз тӥ доры уз быгатэ, озьы ик отысь но татчы потыны уз быгатэ".

²⁷Соку со шуэм: " курисько тонэ, атае, келя сое мынам атаелэн корказ,

²⁸уго мынам вить братъёсы вал; мед со соослы вералоз, соос медам лыктэ шуыса та курадӟён интые".

²⁹Авраам солы шуэм: " соослэн Моисейзы но пророкъёссы вань; мед соосты кылзӥськозы".

³⁰Со Авраамлы шуэм: " ӧвӧл, атае, нош кин-ке кулэмъёс пӧлысь лыктоз, соку покаяться кариськозы".

³¹Соку Авраам солы шуэм: " Моисеез но пророкъёсты ке уг кылзо, соку, кин-ке кулэмысь но ке улӟыса султӥз, уз оске".

Chapter 17

¹Иисус озьы ик дышетскисьёсызлы вераз: сьӧлыке ӧтись мугъёс котьку луозы, но куректон солы, кин пыртӥ калыкъёс сьӧлыке пырозы(сюрозы);

²солы, кин одӥгзэ та покчио пӧлысь сьӧлыке ӧте, ӟечгес луысал, солэн чыртыаз ошысалзы ке вуколэсь кӧзэ но морее куштысалзы.

³Эскере асьтэды. Тон пумитэ тынад братэд ке сьӧлык лэсьтэ, вера солы; покаяться кариськиз ке, простить кар (жаля)сое;

⁴нош сизьым пол ке сьӧлык лэсьтӥз тон пумитэ но сизьым пол тыныд вазьылоз, но шуоз: " жаля монэ ", - но простить кар.

⁵Но шуизы апостолӟёс Кузё-Инмарлы: ватса милемлы оскон.

⁶Кузё-Инмар шуиз: тӥляд луысал ке осконды горчица кидыс бытча но шуысалды ке та буртчин писпулы: " ишкалты астэ сюйысь но мертты астэ морее", соку со кылзӥськысал тӥледыз.

⁷Кинлэн-ке вань ке рабез, кудӥз гыре яке пудо возьма, кин тӥ пӧлысь солы вералоз бысыысь бертэмез бере: " пуксьы ӝог-гес ӝӧк сьӧры "?

⁸Нош тазьы уз шат шуы солы: " дася мыным ӝытсэ сиён, кустэ кертты но, ӝӧк сьӧры вай, мон сиё но юо, нош собере ачид си но ю "?

⁹Тау шуоз-а меда со рабезлы, солэсь косэмзэ быдэстэмез понна? Мон малпастко, уз.

¹⁰Озьы ик тӥ но, куке ваньзэ быдэсъяськоды, мар тӥледлы косэмын, вералэ: " ми номырлы но ярантэм рабъёс, уго лэсьтӥм сое, мар лэсьтыны кулэ вал ".

¹¹Куке Со Иерусалиме мынэ вал, ортчиз Самария но Галилея вискытӥ.

¹²Одӥг гуртэ пырыкуз, пумитазы Сое дас проказаен висись воргоронъёс, кудъёсыз палэнын сылӥзы

¹³но зол(бадӟым) куараен веразы: Иисус Дышетӥсь! жаля милемды.

¹⁴Соосты адӟыса, Со шуиз соослы: мынэ но возьматӥське священникъёслы. Но ку соос мыно вал, проказазылэсь сюзяськизы.

¹⁵Одӥгез соос пӧлысь, куке адӟиз катьяськемзэ, берытскиз, (бадӟым) зол куараен Инмарез Данъяса,

¹⁶но Солэн пыд азяз усьыса, Иисуслы тау кариз; со адями Самарянин вал.

¹⁷Соку Иисус шуиз: дасэз ӧз шат катьяське? кытын нош укмысэз?

¹⁸соос ӧвӧл берытскиллям Инмарэз данъяны, мукет выжыысь та воргорон сяна?

¹⁹Иисус шуиз солы: султы но мын; тынад осконэд утиз тонэ.

²⁰Куке фарисейёс юазы Иисусэз: ку лыктоз Инмарлэн Царствоез, Со соослы пумитазы вераз: Инмарлэн Царствоез адӟиськыса уз вуы,

²¹но уз вералэ: " тани, со татын ", яке: " тӥни, отын ". Уго Инмарлэн Царствоез асьмеослэн пушкамы улэ.

²²Озьы-ик дышетскисьёсызлы шуиз: вуоз дыр, куке адӟемды потоз Адямилэн Пиезлэсь одӥгзэ коть нуналзэ, но уд адӟе;

²³но шуозы тӥледлы: " тани, татын ", яке: " тани, отын ", - учкыны эн ветлэ,

²⁴уго, кызьы чилектэм югыттэ инэз ог паласен мукет палозяз, сыӵе ик луоз Адямилэн Пиезлэн бертон нуналаз.

²⁵Нош нырысь Со трос курадӟыны кулэ но та выжыен палэнэ каремын луоз.

²⁶Кызьы вал Нойлэн улон вакытаз, озьы ик луоз Адямилэн Пиезлэн вакытаз:

²⁷сиизы, юизы, куспалъяськылӥзы, Нойлэн ковчеге пырон нуналозяз, но выйиз музъем ву улэ но быриз ваньмыз.

²⁸Озьы ик, кызьы вал Лот улон вакыт: сиизы, юизы, вузаллязы, басьтылӥзы, мерттылӥзы, строить карылӥзы;

²⁹нош Содомысь Лот потон нуналэ, сералэсь ӝуась зор усиз инмысь но ваньзэсты быдтӥз;

³⁰озьы ик луоз со нуналэ но, ку лыктоз Адямилэн Пиез.

³¹Со нуналэ, кин луоз липет вылын, нош солэн ваньбурез коркан, медаз васькы соосты басьтыны; кин луоз бусыын, озьы ик эн берытскы берлань.

³²Лотлэсь кышнозэ тодады возе.

³³Кин-ке тыршиз-ке утьыны аслысьтыз лулзэ, быдтоз сое; нош кин сое быдтоз, соку со сое улӟытоз.

³⁴Верасько тӥледлы: со уе кык кузя одӥг валесын луозы: одӥгез басьтэмын луоз, нош мукетыз кылёз;

³⁵кык кузя изозы: одӥгез басьтэмын луоз, нош мукетыз кылёз.

³⁶кык кузя бусыын луозы: одӥгез басьтэмын л, нош мукетыз кылёз.

³⁷Та верамезлы юазы Солэсь: кытын со луоз, Кузё-Инмаре? Со шуиз соослы: кытын шӧй, отын ик стерьвятникъёс.

Chapter 18

¹Озьы ик соослы притча вераз, котьку вӧсяськоно но ноку нырдэ ӧвӧл ошоно шуыса,

²вераса: одӥг городын судья вылэм, кудӥз Инмарлэсь ӧвӧл кышкаллям но калыкъёслэсь ӧвӧл возьдаськылэм..

³Со городын ик вылэм одӥг палкышномурт, но со, со доры ветлыса, вераллям: " уть монэ монэ ултӥяселэсь ".

⁴Со судьялэн палкышномуртлы юрттэмез уг пот вылэм. Нош собере аслыз ачиз шуэм: " мон уг но ке кышкаськы Инмарлэсь но уг возьдаськиськы калыкъёслэсь,

⁵нош, та палкышномурт мыным пырыштонни уг сёт, утё сое, медам ни ветлы со мон бӧрсьы".

⁶Но шуиз Кузё-Инмар: кылӥськоды-а, мар лэсьтэ шонертэм судья?

⁷Инмар шат уз уть Аслысьтыз быръемъёссэ, уй но нунал Солы вӧсяськисьёсты но Солэсь курисьёсты, коть уг но ке дырты соосты утьыны(юрттыны)?

⁸Верасько тӥледлы, мон ӝоген соосты утё(юртто). Нош Адямилэн Пиез, лыктӥз ке, шедьтоз-а оскон музъем вылын?

⁹Кинъёс асьсэды шонерлыкоен лыдъяса ваньмыз шоры вылысен учко но ултӥяло мукетъёссэ, Иисус вераз на мукетсэ притча:

¹⁰кык адямиос храме пыриллям вӧсяськыны: одӥгез фарисей, нош мукетыз налог бичась.

¹¹Фарисей султэм но тазьы ас пушказ вӧсяськем: " Инмаре! Тонэ тау карисько, мон ӧвӧл шуыса сыӵе, кыӵе луо мукетъёсыз, лушкаськисьёс, куатаськисьёс, калгисьёс, яке та налог бичась кадь:

¹²арняяз кӧс нунал кык пол возисько, дасэтӥ люкетсэ сётӥсько вань доходъёсылэсь".

¹³Нош налог бичась сылэм кыдёкын, синзэ инме ӝутыны но ӧвӧл дӥсьтэм; нош, асьсэ гадяз йыгаса, вераллям: " Инмаре! жаля монэ, уго трос сьӧлыкъёсы!"

¹⁴Верасько тӥледлы, соиныз ӵошатыса, таиз шонерен лыдъямын: уго котькудӥз, асьсэ ачиз вылтӥясь, ултӥямын луоз, нош асьсэ ултӥясь вылтӥямын луоз.

¹⁵Иисус доры вайылӥзы покчи нылпиосты, Со мед соос борлы кутӥськылоз шуыса. Нош дышетскисьёс, тае адӟыса, соосты Дораз вайыны ӧвӧл лэзьылӥллям.

¹⁶Нош Иисус шӧдыса соослэсь озьы лэсьтэмзэс шуиз: лэзе нылпиосты Мон доры лыктыны но эн возе соосты, уго соос кадьёслэн луэ Инмарлэн Царствоез.

¹⁷Зэм ик верасько тӥледлы: кин нылпи кадь уз басьты Инмарлэсь Царствозэ, со отчы уз пыр.

¹⁸Солэсь юаз кин-ке кивалтӥсьёс пӧлысь: Ӟеч Дышетӥсь! Мар мыным лэсьтоно пумтэн улонэз улон понна?

¹⁹Иисус шуиз солы: малы тон Монэ ӟечен вераськод? Нокин но ӟеч ӧвӧл одӥг Инмар сяна;

²⁰тодӥськод заповедьёсты: " азон-калгон сьӧлыке эн пыр ", " эн ви ", " эн лушкаськы ", " аслысьтыд анай-атайдэ сылӥ кар ".

²¹Нош со шуиз: ваньзэ тае мон егит дырысеным быдэсъялляй.

²²Верамзэ кылыса, Иисус шуиз солы: одӥгез тынад уг тырмы на: ваньзэ, маид вань, вуза но сётча начаръёслы, соку луоз тынад сокровищеед инмын. Собере лык но Мон сьӧры мын.

²³Нош со, верамзэ кылыса, ӝожомиз, уго туж узыр вал.

²⁴Иисус солэсь ӝожомемзэ адӟыса, шуиз: кыӵе сьӧкыт узыр адямилы пырыны Инмарлэн Царствояз!

²⁵Капчигес верблюдлы вень пасетӥ потыны, узыр муртлы Инмарлэн Царствоаз пырытчёзь.

²⁶ Тае кылэмъёс шуизы: кин бен быгатоз утиськыны?

²⁷Нош Иисус шуиз: калыкъёслы быгатонтэм Инмарлы быгатоно.

²⁸Пётр шуиз: тани, ми ваньзэ кельтӥмы но Тон сьӧры мынӥм.

²⁹Со шуиз соослы: зэм ик верасько тӥледлы: котькудӥз, кин кельтоз корказэ но кышнозэ, яке братъёссэ, яке анай-атайёссэ, яке нылпиоссэ Инмарлэн Царствоез понна,

³⁰басьтоз трос поллы тросгес таяз даурын, нош сояз даурын пумтэм улон.

³¹Дас кык дышетскисьёссэ ӧтьса, Иисус шуиз соослы: тани ми мынӥськом Иерусалиме, но отын ваньмыз быдэсмоз, мар гожтэмын пророкъёсын Адямилэн Пиез сярысь,

³²уго Сое язычникъёслэн ки улазы сётозы, но Сое мыскыл карозы, ултӥялозы, сялалозы,

³³ жугозы но виёзы: но куньметӥ наналэ улӟыса султоз.

³⁴Нош соос номыр но ӧз валалэ; та кылъёс соослэсь ватэмын вал, но соос Иисуслэсь верамзэ ӧз валалэ.

³⁵Иерихон доры Иисус вуыкуз, одӥг кураськись синтэм адями сюрэс дурын пуке вылэм,

³⁶но, кылэм, дортӥз калык кошко, юам: мар со сыӵе?

³⁷Солы шуиллям, Назаретысь Иисус пе мынэ.

³⁸Соку со кесьяськыны кутскиз: Иисус, Давидлэн Пиез! жаля монэ.

³⁹Азьпалаз мынӥсьёс сое чус улыны косӥллям; нош со эшшо но золгес кесяськем: Давидлэн Пиез! жаля монэ.

⁴⁰Иисус дугдэм но синтэмез Дораз вайыны косэм: но куке со лыктэм, юам солэсь:

⁴¹мар тыныд кулэ Мынысьтым? Со шуэм: Кузё-Инмаре! синмы мед адӟёз.

⁴²Иисус солы шуэм: адӟы! тынад осконэд утӥз тонэ.

⁴³Синтэм со куспын ик адӟыны кутскем но Инмарез данъяса, Иисус сьӧры мынэм. Тае адӟыса вань калык данъялляз Инмарез.

Chapter 19

¹Со бере Иисус лыктӥз Иерихонэ но со пыртӥ потӥз.

²Но тани, Закхей нимо узыр адями, налог бичасьёслэн кивалтӥсьсы,

³солэн Иисусэз туш адӟемез потэ вылэм, кыӵе пе Со, нош калык трос сэрен адӟыны уг быгаты вылэм, уго лапег мугоро вал,

⁴соку со азьлань бызьыса, буртчин пуе тубем, Иисусэз адӟемез потыса, уго Со отӥ ортчыны кулэ.

⁵Иисус, со интые вуиз но со шоры синъёссэ ӝутӥз но шуиз: Закхей! ӝоггес васькы, Мынам туннэ тон дорын луоно.

⁶Со ӝог гинэ васькиз но шум потыса Сое дораз пыртӥз.

⁷Ваньмыз, кинъёс адӟизы тае, вожпотэмзэс возьматылӥзы, но вераллязы, Со пе сьӧлыко адями доры пырем;

⁸Нош Закхей султӥз но Кузё-Инмарлы шуиз: Кузё-Инмаре! ӝынызэ ваньбурме начаръёслы сёто, но, кинэ ке вӧсь кари ке, ньыль полэс берыкто.

⁹Иисус шуиз солы: табере та коркалы но утиськон вуиз, кг со но Авраамлэн нылпиез,

¹⁰уго Адямилэн Пиез лыктӥз шедьтыны но утьыны бырисьёсты.

¹¹Сое кылзӥсьёслы одӥг притча вераз на: уго Со Иерусалим дорын вал, но соос малпало, ӝоген пе Инмарлэн Царствоез лыктыны кулэ.

¹²Иисус шуиз: одӥг тодмо улӥысь адями мынэм кыдёкысь шаере, аслыз царство басьтыны но выльысь бертыны.

¹³Со дораз ӧтем дассэ рабъёссэ, сётэм соослы дас мертэт азвесь но шуэм: " кутэ соосты уже, мон бертытчёзь ".

¹⁴Нош калыкъёс сое адӟемзы уг пот вылэм но келяльлям келямъёсты со сьӧры ик, вераны: " милем кулэ ӧвӧл, со мед миленым кивалтоз шуыса ".

¹⁵Куке со царство басьтэм, бертэм но косэм дораз ӧтьыны рабъёссэ, кудъёсызлы азвесь сётӥз, тодыны, кин кӧня ватсам шуыса.

¹⁶Лыктэм нырысетӥез но шуэм: " кузёе! тынад мертэт азвесед сётӥз дас мертэт азвесь".

¹⁷Шуэм солы: " туж умой, ӟеч рабе! тон оскымон вал бере ӧжытын, басьты кивалтыны дас город ".

¹⁸Лыктэм кыкетӥез но шуэм: " кузёе! тынад мертэт азвесед сётӥз вить мертэт азвесь ".

¹⁹Таизлы но шуэм: " тон но кивалты вить городъёсын ".

²⁰Лыктэм куиньметӥез но шуэм: " кузёе! тани тынад мертэт азвесед, кудзэ мон вози, кышетэ керттыса,

²¹уго мон кышкаса улӥ тынысьтыд, тодӥсько тон жалясьтэм адями: басьтӥськод отысь, кытчы уд понӥськы, но араськод сое, мае ӧд кизьы ".

²²Кузёез солы шуэм: " тынад кылъёсыныд судить каро тонэ, урод раб! тон тодӥськод вал, мон жалясьтэм адями, басьтӥськод отысь, кытчы уг понӥськы, но арасько сое, мае уг кизиськы;

²³малы бен тон ӧд сёт мынысьтым азвесьме ватсаськыны, мон бертэм берам мед басьто шуыса сое ватсаськыса?"

²⁴Но вераз со азьын сылӥсьёс азьын: " басьтэ солэсь мертэт азвесьсэ но сётэ солы, кинлэн вань дас мертэт азвесез ".

²⁵Ношуизы солы: " кузёмы! солэн вань ни дас мертэт азвесез ".

²⁶" Верасько тӥледлы, ваньмызлы кинлэн вань сётэмын луоз, нош кинлэн ӧвӧл басьтэмын луоз соиз но, маиз вань;

²⁷нош мынысьтым со тушмонъёсме, кудъёсызлэн уг пот вал, мон мед соосын кивалто шуыса, вае татчы но мынам азям вие "

²⁸Тае вераса, Со Иерусалиме тубыса, азьлань кошкем.

²⁹Куке матэктӥз Вифагия но Вифания улосэ, Елеонской нимаськись гурезь доры, лэзиз(келяз) кык аслэсьтыз дышетскисьёссэ,

³⁰вераса: мынэлэ вадьсысь гуртэ. Отчы пырыса шедьтоды думем ишак пиез, кудӥз вылэ адямиос пӧлысь нокин но, ноку но оӟ пуксьылы .Пертчыса сое вае.

³¹нош кин ке тӥлесьтыд юаз ке : Малы пертчиськоды?, вералэ солы: со кулэ Инмарлы.

³²Ыстэмъёсыз мынӥзы но, озьы ик ваньзэ шедьтӥзы, кызьы Со вераз.

³³Куке соос пертчылӥзы пинал ишакез, кузёосыз юазы: малы пертчиськоды ишак пиез?

³⁴Соос веразы: Со кулэ Инмарлы.

³⁵ Иисус доры ваизы но, асьсэлэсь дӥськутсэс ишак пи вылэ вӧлдыса(вальыса), пуктӥзы со вылэ Иисусэз .

³⁶Куке Со мынӥз ишак пи вылын, сюрес кузя дӥськутсэс вӧлдылӥзы.

³⁷Нош Елеон гурезьлэн васьконаз вуыкуз, трос дышетскисьёсыз ваньзы шумпотыса зол куараен кутскизы данъяны Инмарез, вань паймымон ужъёссэ адӟемзы понна,

³⁸тазьы вераса: дано Царь, кудӥз лыктэ Кузе Инмарлэн нимыз понна! Каньыллык Инмын, данлык вылӥиын!

³⁹ Калык пӧлысь, куд-ог фарисейёс, Иисуслы шуизы: Дышетӥсь! аслад дышетскисьёсыдлы алыса вера.

⁴⁰ Иисус соослы верам пумитазы: тӥледлы верасько, соос чалмытскизы ке, изъёс черекяны кутскозы.

⁴¹Нош Иерусалим город доры матэ вуэм бераз, со шоры учкыса, бӧрдыны кутскем со сярысь,

⁴²но шуэм: Эх, тодысалыд ке тон та нуналад ке но, мар тыныд (мир)сетэ! Нош со ватэмын али тынад синъёсыдлэсь,

⁴³ вуозы тон вылэ сыӵе нуналъёс, куке тынад тушмонъёсыд гуосын котыртозы тонэ, но котькуд ласянь зӥбозы,

⁴⁴куашкатозы тонэ, пушкад нылпиостэ виылозы, уз кельтэ из вылэ из но, тон доры Инмарлэсь лыктон дырзэ тодымтэед понна.

⁴⁵Собере, храме пырыса, кутскем улляны вузкарисьёсты но басяськисьёсты но,

⁴⁶вераса соослы: гожтэмын: Мынам коркае,- вӧсяськон корка, нош тӥ сое лушкаськисьёслэн люкаськон(шырмачьёслэн) ӥнтызылы пӧрмытӥды.

⁴⁷Иисус котькуд нунал храмын дышетылӥз. Нош первосвещенникъёс, книга тодӥсьёс но калык кузёос, Сое виыны утчаллям,

⁴⁸но ӧз шӧдьтылэ мар Соин карыны, малыке шуоно, вань калык дорысьтыз кошкылытэк кылзӥзы(кылзылӥз) Иисусэз.

Chapter 20

¹Одӥг нуналэ, куке Со храмын дышетэ вал но Ӟеч Ивор вера вал, дораз первосвященникъёс но книжникъёс но старейшинаос лыктӥзы,

²но шуизы Иисуслы: вера милем кыӵе властен Тон тае лэсьтӥськод, яке кин Тыныд сётэ со властез?

³Со шуиз соослы пумитазы: Мон тӥлесьтыд одӥгез сярысь юало, но вералэ Мыным:

⁴Иоаннлэн крещениез инмысь-а вал, яке калыкъёслэсьё?

⁵Соос ог огенызы вераськылӥзы: шуим ке: " инмысь ", соку шуоз: " малы тӥ ӧд оске солы?"

⁶Нош шуим ке: " калыкъёслэсь ", соку вань калык изен милемды зӥръялозы, уго оско, Иоанн пророк шуыса.

⁷Соку соос иисуслы шуизы: ум тодӥське кытысь.

⁸Иисус шуиз соослы: Мон но тӥледлы уг вера, кыӵе властен тае лэсьтӥсько.

⁹Но Со вераны кутскиз притча: одӥг адями виноград сад мерттэм но сётэм сое виноград будэтӥсьёслы, но кошкем кема дырлы.

¹⁰Дыр вуэм бере виноград будэтӥсьёсыз доры рабзэ келям, соос солы мед сётозы шуыса виноградникысьтыз емышсэ; нош виноград будэтӥсьёс, жугиллям рабзэ, но номыр сётытэк келяльлям.

¹¹Эшшо одӥг рабзэ келям на; нош соос тайзэ но, жугиллям, куаретӥллям но номыр сётытэк келяльлям.

¹²Эшшо куньметӥ рабзэ келям на; нош соос тайзэ но, ранить карытчёзь жугиллям, но ульляльлям.

¹³Соку шуэм виноградниклэн кузёез: " мар мыным лэсьтыны? Келяло аслысьтым яратоно пиме; оло, сое адӟыса, возьдаськозы ".

¹⁴Нош сое адӟыса, виноград будэтӥсьёс ог огенызы вераськылӥльлям: " та наследник; ойдо виём сое, соку солэн наследствоез асьмеослэн луоз ".

¹⁵Поттӥзы сое виноград садысь но виизы. Мар бен лэсьтоз соосын виноград садлэн кузёез?

¹⁶Лыктоз но виылоз со виноград будэтӥсьёсты, но сётоз виноград садэз мукетъёсызлы. Кылзӥськисьёс шуизы: ноку но озьы уз луы!

¹⁷Нош Иисус, соос шоры учкыса, шуиз: мар луэ та гожтэм: " из, кудзэ строительёс кулэтэм каризы, инъетлэн сэрегезлэн валтӥсь изэз луоз "?

¹⁸Котькудӥз, кин усёз со из вылэ, пальккиськоз, но кин вылэ со усёз, сое нелькоз(пачкатоз).

¹⁹Та дыре первосвященникъёс но книжникъёс муг утчазы, кутыны Сое, нош калыклэсь кышказы, уго валазы, та притчаез Со соос сярысь вераз шуыса.

²⁰Но, Соэ эскерыса, келязы урод адямиосты, кудъёсыз асьсэды ӟечлыкоен лыдъяны тыршыса, малпазы кутыны Сое кыӵе-ке кылын но собере сётыны кивалтӥсьёслы нош соос Римлэн пуктэм кивалтӥсезлы судить карыны.

²¹Соос юазы Иисуслэсь: Дышетӥсь! ми тодӥськом, Тон вераськод но дышетӥськод шонер но Тон нокинлы но уд пыриськиськы, нош шонерак но валамон возьматӥськод Инмарлэсь сюрессэ;

²²кесарьлы налог сётыны кулэ, яке ӧвӧл?

²³Нош Со, соослэсь мискыльзэс валаса, шуиз: малы Тӥ монэ эскериськоды?

²⁴Возьматэ Мыным динарий: кинлэн со вылын тусбуйыз но гожтэмез? Соос шуизы: кесарьлэн.

²⁵Со шуиз соослы: озьыен, сётэ кесарьлы кесарьлэсьсэ, нош Инмарлы Инмарлэсьсэ.

²⁶Калык азьын соос ӧз быгатэ Сое кылын кутыны. Солэн верамызлы паймыса, соос чус улӥзы.

²⁷Иисус доры лыктӥзы саддукейёс ( соос кулэмысь улӟыса султэмез ӧвӧлэн лыдъяло вылэм ) но Солэсь юазы:

²⁸Дышетӥсь! Моисей гожтӥз милем, кинлэн-ке кулӥз ке кышнояськем братэз, но со кулоз пинал вайытэк, соку солэн братэз солэсь пал кылем куспалзэ кышно басьтыны кулэ но братэзлэсь выжызэ азьланьтыны кулэ.

²⁹Сизьым братъёс вылӥллям, нырысетӥез кышнояськыса, пинал вайытэк кулэм;

³⁰ пал кышномуртэн кыкэтӥез куспалъяськем, но соиз но пинал вайытэк кулэм;

³¹пал кышномуртэн куиньметӥез куспалъяськем, озьы сизьымез ик, кулӥллямзы, пинал кельтытэк;

³²бӧрысь кышномкрт но кулэм;

³³кудӥзлы соос пӧлысь кулэмысь улӟыса султон дыръя кышномур кышноен луоз, уго со сизьым муртлэн кышноез вал?

³⁴Иисус шуиз соослы пумитазы: та даурлэн нылпиосыз бызё но кышно вайё;

³⁵Нош соос, кинъёс лыдъямын луозы ярамонэсь быронтэм Даурын улонлы но кулэмысь улӟыса султонлы, уз но кышнояське, уз но бызе,

³⁶ уз но кулэ ни, уго соос ангелъёсын одӥг радын но улӟыса султонлэн пиоссы луыса, Инмарлэн нылпиосыныз луо.

³⁷Нош кулэмъёслэн улӟыса султэмзы сярысь вера ачиз Моисей ӝуась тёрновник сярысь веракуз, куке Кузё-Инмарез шуэ Авраамлэн, Исааклэн, Иаковлэн Инмареныз.

³⁸Инмар кулэмъёслэн Инмаренызы уг луы, нош улэпъёслэн Инмарзы луэ, уго Солэн ваньмыз улэпесь.

³⁹Та верамезлы куд-огез книжникъёс шуизы: Дышетӥсь! Тон ӟеч верад.

⁴⁰Соос ӧз ни дӥсьтэ Солэсь юалляськыны номыр сярысь но. Нош Со шуиз соослы:

⁴¹кызьы верало, Христос Давидлэн Пиез,

⁴²куке ачиз Давид псаломъёслэн книгаязы вера: " вераз Кузё-Инмар мынам Кузё-Инмарелы: пук Мон вӧзын бур палаз,

⁴³Тынэсьтыд тушмонъёстэ Тынад пыд азяд куштытозям "?

⁴⁴Озьыен, Давид Сое Кузё-Инмар шуэ; кызьы бен соку Со солы пи луэ?

⁴⁵Куке кылзэ вал вань калык, Со шуиз Аслаз дышетскисьёсызлы:

⁴⁶сак луэ книжникъёслэсь, кудъёсыз ярато ветлыны кузь дӥсьёсын но ярато ӟечбуръяськыны кенешъёсын, пукыны нырысетӥ интыосын синагогаосын но юон-шулдыръяськонъёсын,

⁴⁷кудъёсыз пал кышноослэн ваньбурзы вӧзын уло но чеберъяськыса кема вӧсясько; соосты бадӟым суд вите.

Chapter 21

¹Иисус учкыса адӟиз узыръёсты, кудъёсыз ваньбур возённие поно вал асьсэлэсь кузьымъёссэс;

²озьы-ик адӟиз начар палкышномуртэз, солэсь отчы кык лепта коньдон понэмзэ,

³но шуиз: зэм ик верасько тӥледлы, та начар палкышномурт сётӥз ваньмызлэсь тросгес;

⁴уго ваньмыз соосыз сётӥзы Инмарлы кузьым асьсэлэн ваньзылэсь, нош со аслэсьтыз ӧжытэзлэсь понӥз ваньзэ, маиз вал сиськыны.

⁵Ку куд-огъёсыз вераллязы храм сярысь, со пе чебермамын дуно изъёсын но сётэмъёсын, Со шуиз:

⁶вуозы нуналъёс, куке, мае тӥ адӟиськоды, уз кыль из вылын изэз но; ваньмыз та куашкатэмын луоз.

⁷Но юазы Солэсь: Дышетӥсь! ку со луоз? но кыӵе пус луоз, ку со быдэсмыны кулэ?

⁸Иисус шуиз: кышкалэ, тӥледыз медам пӧялэ, уго тросэз лыктозы Мынам нимы улын, вераса, Мон со; но со дыр матын ини: соос сьӧры эн мынэ.

⁹Куке кылоды ожъёс но бугыръяськонъёс сярысь, эн кышкалэ, уго та ваньмыз луыны кулэ азьло; нош пумыз соку ик уз ву.

¹⁰Соку шуиз соослы: ӝутскозы калыкъёс калыкъёс вылэ, но царствоос царствооос вылэ;

¹¹пӧртэм интыосын луозы бадӟым музъем зурканъёс, сьютэм улонъёс, висёнъёс вӧлмозы, кӧшкемыт учыръёс, но инмысь быдӟым пусъёс.

¹²Ваньмыз та азьын тӥледды кутылозы но уйылозы, сётчалозы синагогаосы но тюрьмаосы, но Мынам нимы понна царьёс но кивалтӥсьёс доры нуозы судъёсы;

¹³та тӥледлы Мон сярысь ивортыны муг сётоз.

¹⁴Озьыен, эн тырше сюлмады малпаськыны азьласянь, мар вераны,

¹⁵уго Мон сёто тӥледлы кыл но сыӵе визьнод, кудӥзлы уз быгатэ пумит луыны тӥляд пимитъяськисьёсты.

¹⁶Тӥлесьтыд куштӥськозы озьы-ик анай-атайёсты, братъёсты, ӵыжы-выжыоты, эшъёсты, но тӥ пӧлысь куд-огдэс виёзы;

¹⁷вань калыкен адӟемпотостэм луоды Мынам нимы понна,

¹⁸нош тӥляд йырвылысьтыды одӥг нюжа йырсиды но уз усь,-

¹⁹асьтэлэн чиданэныды утёды асьтэослэсь лулъёстэс.

²⁰Ку адӟёды ожгарчиосын котыртэм Иерусалимез, соку тодэ, матын ни солэн куашкан нуналэз:

²¹соку кин Иудеяын луоз мед пегӟёзы гурезьёсы; кин городын луоз, пот отысь; но кин петпалоз луоз, эн пыр отчы,

²²Уго вуизы пунэмзэ берыктонлэн нуналъёсыз, куке быдэсмоз ваньмыз, мае азьласянь гожтэмын Писаниеын.

²³Куректон кӧто кышномуртъёслы но нуны нонтӥсьёслы со нналъёсы; уго бадӟым курадӟён луоз музъем вылын но та калык вылэ вожпотон:

²⁴одӥгъёсыз виемын луозы лэчыт мечъёслэсь, мукетъёссэ пленэ нуозы пӧртэм шаеръёсы; Иерусалим язычникъёсын зӥбет улын луоз, язычникъёслэн дырзы бырытчёзь.

²⁵Тодметъёс луозы шундыын но толызьын но кизилиос вылын, нош музъем вылын вань калык куалекъялоз но уз тод мар карыны; мореос вылын луозы бугыръяськонъёс но тулкымъёс ӝужыт ӝутӥськылозы;

²⁶Калыкъёс возьмаса, мар вите дуннеез, йырсазьзэс ыштозы но шокатэк усьылозы, уго ин кужымъёс зуркалозы,

²⁷соку адӟёзы быдӟым кужымен но данэн пилемъёс вылын лыктӥсь Адямилэсь Пизэ.

²⁸Куке ваньмыз та ӧдъялоз быдэсмыны, соку шонерске но ӝутэ йыръёстэс, уго матэктӥз ини тиляд мозмонды.

²⁹Иисус вераз соослы таӵе притча: учке смоковница пу шоры но вань писпуос шоры:

³⁰куке соослэн пучыоссы бычырало, соку, адӟиськоды, асьтэос тодӥськоды, гужем матын ини.

³¹Озьы ик тӥ, куке адӟёды верамлэсь быдэсмемзэ, тодэ, Инмарлэн Царствоез матын ини.

³²Зэм ик верасько тӥледлы: ваньмыз бысэсмытчёзь, та выжы уз кошкы;

³³ин но музъем бырозы, нош Мынам кылъёсы уз быре.

³⁴Учкелэ, эн пачкатэ асьтэосты трос сиськонэн, курытсэ юонэн но улон-вылон малпанъёсын, со нунал дорады медам вуы шӧдтэк шорысь шуыса,

³⁵уго со, сете шедем кадь луоз музъем вылын улӥсь вань калыкъёслы;

³⁶озьыен, сак луэ котькыӵе дырын но вӧсяське, тӥ мед быгатоды кошкыны та лыктӥсь кышкытлыкъёслэсь но Адямилэн Пиез доры лыктыны.

³⁷Нуназе Со храмын дышетӥз, нош ӝытазе Елеон гурезе кошкылӥз но уйин отын улылӥз.

³⁸Нош ӵукна вань калык лыктылӥз Со доры храме Сое кылзыны.

Chapter 22

¹Матэктэ ини вал юмал няньлэн праздникез, кудӥз нимаське Пасха,

²нош первосвященникъёс но книжникъёс утчаллязы муг, виыны Сое, уго калыклэсь кышкало вал.

³Но тани, одӥгез даскык пӧлысь Искариот нимаськись Иуда пушкы сатана пыриз,

⁴со мынӥз но вераськиз первосвященникъёсын но кивалтӥсьёсын, кызьы Сое вузаны.

⁵Соос шум потӥзы но солы коньдон сётыны соглаш луизы;

⁶со соослы кыл сётӥз но калыкъёслэсь лушкем, Сое вузаны, ӟеч учыр утчаны кутскиз.

⁷Юмал нянлэн нуналыз вуиз, со нуналэ пасхалы сӥзем ыжпи вандыны кулэ вал,

⁸Иисус келяз Пётрез но Иоаннэз, вераса: мынэ, дасялэ милемлы пасха, ми мед сиыны быгатом.

⁹Соос юазы Солэсь: кытын косод милемлы дасяны?

¹⁰Со шуиз соослы: городэ пыремды бере, пумитады кувшинэн ву нуись адями шедёз; мынэ со бӧрсьы со корка дорозь, кудаз со пыроз

¹¹но вералэ корка кузёлы: " Дышетӥсь юа тынысьтыд: кытын комната, кудаз Мон дышетскисьёсыным Пасха сиё?"

¹²Но со возьматоз вылӥысь бадӟым комната, кудӥ висъямын, отын дасялэ.

¹³Соос мынӥзы, шедьтӥзы, кызьы соослы верамын вал, но пасха дасязы.

¹⁴Ку дыр вуиз, Со дас кык апостолъёсын ӵош ӝӧк сьӧры пуксиз,

¹⁵но шуиз соослы: Мынам туж потэ вал пасха сиыны тӥледын Мынам курадӟемелэсь азьлогес,

¹⁶верасько тӥледлы, уг ни сиы сое, со Инмарлэн Царствояз бысэсмытчёзь.

¹⁷Чаша басьтыса но таукарыса Со вӧсяськиз но шуиз: " Басьтэ тае но люкылэ ог огды куспын,

¹⁸верасько тӥледлы, виноград емышлэсь Мыным юыны уз ни кылды, Инмарлэн Царствоез лыктытчёзь.

¹⁹Собере, басьтӥз нянь но Инмаплы тау карыса, тӥялтӥз но сётӥз соослы вераса: та Мынам Мугоры, кудӥз тӥ понна сётӥське. Лэсьтэ тазьы Монэ тодады вайыку.

²⁰И точно так же после ужина дал им чашу со словами: «Эта чаша – Новый Договор, скрепленный Моей кровью, которая за вас проливается.Озьы ик ӝытсэ сием бере сётӥз соослы чаша вераса: та чаша - Выль Сӥзён, юнматэмын Мынам Вирыным, кудӥз тӥ понна кисьтӥське.

²¹Но тани, киыз солэн, кин Монэ вуза, Монэным одӥг ӝӧк вылын;

²²Адямилэн Пиеныз ваньмыз луоз озьы, кызьы луыны кулэ, но курадӟён со адямилы, кудыз Сое вуза.

²³Соос ог огзылэсь юаны кутскизы, ки пе соос пӧлысь озьы лэсьтоз.

²⁴Собере соос вожвылъяськыны кутскизы, кинэ пе соос пӧлысь бадӟымен лыдъяны кулэ.

²⁵Нош Иисус шуиз соослы: царьёс кузёясько калыкъёс вылын, кивалтӥсьёс асьсэды ӟеч лэсьтӥсьёсын лыдъяло,

²⁶тӥ пӧлын озьы медам луы: кин тӥ пӧлын бадӟым, мед луоз пичи, нош кивалтӥсь, ляльчи кадь.

²⁷Уго кин бадӟымгес: ӝӧк сьӧрын пукись, яке со, кин солы прислуживать каре? ӝӧк сьӧрын пукись шат ӧвӧл бадӟымгес? Нош Мон тӥ пӧлын, ляльчи кадь!

²⁸Тӥ вал Монэным Мынам курадӟёнъёсам

²⁹но Мон тӥледлы завещать карисько Царство, кызьы Мыным Мынам Атае завещать кариз.

³⁰Тӥ сиёды-юоды Мынам ӝӧке сьӧрын Мынам Царствоам, но престолъёс вылэ пуксьыса судить кароды Израильлэсь дас кык выжыоссэ.

³¹Но шуиз Кузё-Инмар: Симон! Симон! тани, сатана куриз сӥсъяны тӥледды чабеез кадь,

³²нош Мон вӧсяськи тон понна, тынад осконэд медам лябомы шуыса; но тон, Мон доры лыктӥд ке, юнматы аслэсьтыд братъёстэ.

³³Пётр шуиз Солы: Кузё-Инмаре! Мон Тонэныд дась мыныны пытсэт улэ но кулонэ но.

³⁴Нош Иисус шуиз: верасько тыныд, Пётр, атас чёръятчёзь тон куинь пол Мынэсьтым куштӥськод, шуод: уг тодӥськы Монэ.

³⁵Юаз соослэсь: куке Мон тӥледды келяльяй коньдонтэк, пуйытэк но пыдкуктэк, тӥ коть маинке кулэяськиды-а? Соос веразы: номырин но ӧм.

³⁶Соку Со шуиз соослы: нош али, кинлэн вань коньдонэз, басьтэ сое, пуйыдэс но басьтэ; нош кинлэн ӧвӧл, мед вузалоз вылӥ дӥсьсэ но меч басьтоз.

³⁷Верасько тӥледлы, со, мар гожтэмын Мон сярысь: " урод адямиос радэ пыртэмын ", быдэсмыны кулэ. Уго ваньмыз, мар Мон сярысь верамын, али быдэсмоз.

³⁸Соос шуизы: Кузё-Инмармы! тани, татын кык меч. Со шуиз соослы: тырмоз.

³⁹Коркась потыса, мынӥз, кызьы азьло лэсьтылэ вал, Елеон гурезь вылэ, дышетскисьёсыз но сьӧраз мынӥзы.

⁴⁰Вуэм беразы, соослы шуиз: вӧсяське, искушение шедёно медам луы шуыса.

⁴¹Нош Ачиз из зӥртымон кемозь дорысьтызы кошкыса, но, пыдесъяськыса, вӧсяськиз,

⁴²вераса: Атай! Курисько Тонэ, та чашалэсь Монэ мозмыты! Нош Мынам воляе медам нош Тынад воляед мед быдэсмоз!

⁴³Со доры инмысь ангел лыктӥз но юнматӥз Сое.

⁴⁴Иисус курадӟыса золгес вӧсяськыны кутскиз, но пӧсям вуез Солэн вир шапыкъёс кадьесь луизы но музэ усьылӥзы.

⁴⁵Вӧсяськемысь султыса, Со дышетскисьёсыз доры лыктӥз но адӟиз, соос ӝожоменэзы изё,

⁴⁶Иисус юаз соослэсь: малы тӥ изиськоды? султэ но вӧсяське, искушение шедёно медам луы шуыса.

⁴⁷Со вера на вал, трос калык доразы лыктӥз, азьпалозы лыктэ Иуда нимо одӥгез дас кык пӧлысь. Со Иисус доры матэ лыктӥз, чупаны Сое. Уго со озьы соослы пус сётӥз: Кинэ мон чупало, Со ик Иисус.

⁴⁸Иисус шуиз солы: Иуда! Чупаменыд-а вузаськод Адямилэсь Пизэ?

⁴⁹Соку Солэн дышетскисьёсыз, валаса, мар луоз, юазы Солэсь: Кузё-Инмармы! Милемлы меч шат кутоно?

⁵⁰Одӥгез соос пӧлысь мечен шуккиз первосвященниклэсь рабзэ, но бур пельзэ солэсь ӵогиз.

⁵¹Соку Иисус шуиз: тырмоз, дугдэ. Но пеляз кутскыса, рабез катьяз.

⁵²Нош первосвященникъёслы но храмысь кивалтӥсьёслы но старейшинаослы, кудъёсыз Со пумитэ люкаськизы, Иисус шуиз: Мон разбойник шат? Тӥ монэ кутон понна, лыктӥды мечъёсын но шибодыосын(копъёосын).

⁵³Котькыӵе нуналэ Мон тӥледын храмын вал но тӥ кидэс Мон вылэ ӧд ӝутэ, нош али тӥляд дырды вуиз, пеймытлэн властьёсызлэн дырзы вуиз.(нош али тӥляд но пеймыт властьёслэн дырзы вуиз)

⁵⁴Соос кутӥзы Сое но нуизы. Ваизы первосвященниклэн корказ. Пётр, кӧнялыке кыльыса, сьӧразы лыктӥз.

⁵⁵Азбар шоры тылскизы, но калыкъёс артысь пуксьылӥзы со котыре. Соосын ӵош Пётр но пуксиз.

⁵⁶Одӥг ляльчи, адӟиз сое тыл дурын шунытскемзэ но сак шораз учкыса, шуиз: со но вал Соин.

⁵⁷Нош Пётр куштӥськиз Иисуслэсь но шуиз: мон уг тодӥськы Со Адямиез.

⁵⁸Кӧня ке дыр ортчыса мукетыз ляльчи шуиз: тон но соос пӧлысь. Нош Пётр шуиз со адямилы: ӧвӧл!

⁵⁹Ортчиз на одӥг час пала, эшшо кин ке мыр-мыр вераны тыршиз: зэм-ик та адями но Соин ӵошен вал, уго со Галилеяысь.

⁶⁰Нош Пётр шуиз со адямилы: уг тодӥськы мар тон вераськод. Куке Пётр вераське на вал, атас чортӥз.

⁶¹Соку Кузё-Инмар берытскиз но Пётр шоры учкиз, Пётр тодаз вайиз Кузё-Инмарлэсь верамзэ: " атас чёръятчёзь тон куинь пол Мынэсьтым куштӥськод, шуод: уг тодӥськы Монэ ".

⁶²Пётр потӥз но бадӟым куараен бӧрдыны кутскиз.

⁶³Иисусэз возьмась адямиос ултӥяллязы Сое но жугылӥзы Сое.

⁶⁴ Солэсь синъёссэ шобыртыса, ымныраз жугиз но юаллязы: пророк, вера, кин шуккиз Тонэ?

⁶⁵Но пӧртэм кылъёсын ултӥяллязы Сое.

⁶⁶Выль нунал кутскем бере люкаськизы старейшинаослэн кенешсы, первосвященникъёс но книжникъёс, но пыртӥзы Сое асьсэлэн синедрионазы,

⁶⁷но шуизы: Тона Христос? вера милем. Со шуиз соослы: верай-ке тӥледлы уд оске;

⁶⁸нош юай-ке тӥлесьтыд, уд вералэ Мыным но уд лэзе Монэ;

⁶⁹Туннэ нуналысен Адямилэн Пиез Инмарлэн кужымезлэн бур палаз пуксёз.

⁷⁰Ваньмыз шуизы: озьыен, Тон Инмарлэн Пиез? Со шуиз соослы: тӥ вераськоды, Мон шуыса.

⁷¹Нош соос шуизы: кыӵе доказательство асьмелы кулэ-на? Уго ми асьмеос кылӥмы Солэн верамысьтыз.

Chapter 23

¹Ваньмыз султӥзы но нуизы Сое Пилат доры.

²Отыт Сое соос янгыше уськытыны кутскизы, вераса: ми тодӥськом, Та адями бугыръяськонэ нуэ милестым калыкъёсмес но уг лэзьы кесарьлы налог тырыны, Асьсэ Христос Царь шуыса лыдъя.

³Пилат юаз Солэсь: Тон Иудалэн Царез? Со шуиз солэн пумитаз: тон вераськод.

⁴Пилат шуиз первосвященникъёслы но калыклы: мон уг шедьтӥськы янгышсэ та адямилэсь.

⁵Нош соос пыр-поч вераны тыршыса веразы: Со калыкез бугыръя, двшетыса вань Иудеяын, Галилеяысен кутскыса та интыозь.

⁶Пилат, Галилея сярысь кылыса, юаз: шат Со Галилеяысь?

⁷Но, тодыса, Со Иродлэн шаерысьтыз шуыса, келяз Сое Ирод доры, кудӥз озьы ик та нуналъёсы Иерусалимын вал.

⁸Ирод, Иисусэз адӟыса, туж шум потӥз, уго туж кемалсь Сое адӟемез потыса улӥз, но, трос Со сярысь кылыса, малпаз адӟыны кыӵе-ке но паймымон ужъёсты.

⁹Ирод трос юалляськиз Солэсь, нош Со солы номыр но ӧз вера.

¹⁰Нош первосвященникъёс но книжникъёс сылӥзы но кужмысь Сое янгыше уськытыны тыршизы.

¹¹Нош Ирод но солэн солдатъёсыз, Сое ултӥяса но мыскыль карыса, дӥсязы Иисус вылэ чебер мантия но берен Пилат доры келязы.

¹²Та нуналысен Пилат но Ирод эшласькизы, коть азьло уг тупало вал.

¹³Пилат, первосвященникъёсты. кивалтӥсьёсты но калыкез,

¹⁴шуиз соослы: тӥ ваиды мон доры та адямиез, калыкез бугыръяськонэ нуисез кадь; но тани, мон тӥ азьын сэртӥ-пертчи, но та адямилэсь нокыӵе но йыруж лэсьтэмзэ ӧй шедьты, кудаз тӥ Сое янгыше уськытӥськоды;

¹⁵Ирод но озьы ик, уго со берен Сое мон доры келяз. Озьыен, Та адями номыр но ӧз лэсьты, мар понна Сое виыны кулэ.

¹⁶Соин ик, жугыса Сое лэзьо.

¹⁷Со праздник понна одӥг адямиез пытсэт улысь лэзьылэ вал.

¹⁸Нош калык кесяськыса вераз: виёно Сое! Лэзь милемлы Варнавваез.

¹⁹Варнавва пытсэт улын пуке вал городын калыкез бугыръяськытэмез но адями виемез понна.

²⁰Нош ик Пилат, Иисусэз лэземез потыса, куаразэ бадӟым карыса вазьылӥз соослы.

²¹Нош соос кесяськизы: кортӵога, кортӵога Сое!

²²Со куиньметӥзэ шуиз соослы: мар бен уродзэ Со лэсьтӥз? Мон номыр но ма понна Сое виыны келэ, Солэсь ӧй шудьты. Озьыен, Сое жугыса, лэзё.

²³Нош соос кужмысь кесяськыса куризы, Со кортӵогамын пе мед луоз. Но соос кесяськеменызы асьсэлэсь добиться кариськизы.

²⁴Соку Пилат соослэсь куронзэс быдэстӥз,

²⁵но соослэн куремзыя, калыкез бугыръяськытэмез но адями виемез понна пытсэт улын пукись Варнавваез лэзиз. Нош Иисусэз сётӥз соослэн ки улазы.

²⁶Куке Сое кортӵоганы нуизы, Иисус интые кироссэ нуыны косӥзы Симон Каринеянинэз, кудӥз бусыысь бертэ вал.

²⁷Иисус сьӧры трос калык мынӥз, соос пӧлын кышномуртъёс но вал, кудъёсыз зар бӧрдылӥзы Со понна.

²⁸Нош Иисус, соос пала берытскыса, шуиз: Иерусалимлэн нылъёсыз! Мон понна эн бӧрдэ, астэ понна но нылпиосты понна бӧрдэ,

²⁹уго вуо нуналъёс, ку вералозы: " шудоесь пинал вайыны быгатӥсьтэмъёс но пинал ваисьтэмъёс но гадьынызы нуны сюдӥсьтэмъёс!".

³⁰Соку гурезьёслы вераны кутскозы: " усе ми вылэ!", выръйылъёслы но: " шобыртэ милемды!".

³¹Уго вож будӥсь писпен озьы лэсьто ке, мар луоз кӧс куасьмеменыз?

³²Соин ӵош кык йырвандӥсьёсты(злодейёсты) но виыны нуизы.

³³Ку вуизы Лобной шуоно интые, отын кортӵогазы Сое но йырвандӥсьёсты, одӥгзэ бур, нош мукетсэ паллян палаз.

³⁴Иисус шуиз: Атай! простить кар соосты, уго соос уг тодо, мар лэсьто. Пус куштылыса, люкылӥзы Солэсь дӥсьёссэ.

³⁵Калык сылӥз но учкыса улӥз. Соосын валче кивалтӥсьёс но серекъязы но вераллязы: мукетъёссэ утьылӥз. Мед асьсэ ачиз утёз, Со Христос ке, Инмарлэн быръемез.

³⁶Солдатъёс но ултӥяллязы Сое, дораз лыктыса ӵектылӥзы Солы уксус

³⁷но вераллязы: Тон Иудейёслэн Царьзы ке, уть Астэ Ачид.

³⁸Со вылын грек, рим но еврей кылъёсын гожтэмын вал: " Та Иудейёслэн Царьзы ".

³⁹Одӥгез кортӵогам йырвандӥсь куаретӥз Сое но вералляз: Тон Христос ке, уть Астэ но милемды.

⁴⁰Нош мукетыз, пыкылӥз юлтошсэ но вералляз: тон уд шат кышкаськы Инмарлэсь, куке ачид но тон кортӵогамын?

⁴¹Уго асьмеос шонер кортӵогамын, уго асьмелы ужъёсмыя сётэмын, нош Со номыр но уродзэ ӧз лэсьты.

⁴²Но шуиз Иисуслы: Кузё-Инмаре, тодад вай монэ, ку бертод Аслад Царствоад!

⁴³Соку солы Иисус шуиз: зэм ик верасько тыныд, туннэ ик Монэным райын луод.

⁴⁴Куать час котыр дыр вал, ку укмыс часозь быдэс дунне вылын тём пеймыт вал:

⁴⁵шунды но кысӥз, храмысь завеса шор вадескытӥз кеськиз.

⁴⁶Иисус, бадӟым куараен кеськиз но шуиз: Атай! Тынад кияд сётӥсько Мынэсьтым духме. Но тае вераса, лулыз потӥз.

⁴⁷Сотник, мар луэмез адӟыса, данъяз Инмарез но шуиз: зэм ик та адями шонерлыко вал.

⁴⁸Но вань калык, тае учкыны люкаськемъёс, адӟыса мар луэмзэ, гадязы асьсэлы йыгаса, бертылӥзы.

⁴⁹Ваньмыз мукетъёсыз, Сое тодӥсьёс, но Галилеяысь Со сьӧры лыктэм кышномуртъёс, кыдёкын сылыса учкизы та шоры.

⁵⁰Соку Иосиф нимо, кенеше быръем, ӟеч но шонерлыко адями.

⁵¹Кенешын кивалтӥсьёсын со соглаш ӧй вал но соослэн ужъёсазы ӧз пыриськы. Иосиф Иудеяысь Аримафей городысь вал, озьы ик Инмарлэсь Царствозэ витьыса улӥз.

⁵²Со лыктӥз Пилат доры но Иисуслэсь мугорзэ куриз.

⁵³Кирос вылысь мугорзэ басьтӥз, ватон ӵушконэн бинялтӥз но гурэзе копам выль шайгуэ понӥз.

⁵⁴Пятница нуналлэн пумыз но субботалэн кутсконние вал.

⁵⁵Кышномуртъёс, кудъёсыз Иисусэн Галилеяысь лыктӥзы, озьы ик адӟизы Иисуслэсь мугорзэ шайгуэ понэмез.

⁵⁶Гуртазы бертыса, соос дасязы ческыт зын вӧйёс но сиръёс. Субботае, кызьы законын гожтэмын, соос шутэтскизы.

Chapter 24

¹Арнялэн нырысетӥ нуналаз, вазь ӵукна, соос басьтӥзы дасям ческыт зыно вӧй но сир но шайгу доры вамыштӥзы.

²Лыктӥзы но адӟизы: шайгуэз пытсам из урдэс палдуртэмын.

³Пушказ пырыса Иисус Кузё-Инмарлэсь мугорзэ ӧз шедьтэ.

⁴Кышномуртъёс паймыса сылыкузы, шӧдтэк шорысь соос азе потӥзы чилясь дӥсьёсын кык воргоронъёс.

⁵Но ку соос кышкаменызы ымныръёссэс мыкыртӥзы, воргоронъёс шуизы соослы: малы тӥ улэпсэ кулэмъёс пӧлысь утчаськоды?

⁶Татын Со ӧвӧл: Со улӟыса кулэмысь султӥз. Тодады вае, мар Со тӥледлы вераз, куке Галилеяын вал.

⁷Со вераз тӥледлы: " Адямилэн Пиез сьӧлыкоослэн еиязы сётэмын луоз, но соос Сое кортӵогалозы, но куиньметӥ нуналэ кулэмысь улӟыса султоз.

⁸Соку соос Солэсь верам кылъёссэ тодазы вайизы.

⁹Шайгу дорысь бертыса, ваньзэ веразы дас одӥгъёслы но ваньмызлы мукетъёсызлы.

¹⁰Со кышномуртъёслэн нимъёссы: Мария Магдолина, Иоанна, Мария, Иаковлэн анаез; озьы ик соосын мукетъёсыз но вал, кудъёсыз со сярысь Апостолъёслы веразы.

¹¹Нош Апостолъёс соослэн иворзылы ӧз оске, верамзы пе соослэн малпамын.

¹²Озьы ке но Пётр султӥз но бызьыса шайгу доры мынӥз. Пушкысьтыз учкиз но ватон ӵушконъёсты гинэ адӟыса, паймыса дораз бертӥз.

¹³Иерусалимысь дас куать стадия кемысь Эммаус гуртэ, со нуналэ ик, кыкез дышетскисьёс мынӥзы,

¹⁴ог огенызы та учыръёс сярысь соос верасько вал,

¹⁵но доразы Ачиз Иисус матэктӥз но соосын артэ(ӵош) мынӥз.

¹⁶Нош синъёссы соослэн пытсамын кадь, соос Сое ӧз но тодмалэ.

¹⁷Иисус соосын вераськыны кутскиз: мар сярысь тӥ сюрес вылын ог огеныды вераськиськоды, но малы тӥ ӝожесь?

¹⁸Соос пӧлысь одӥгез, Клеопа нимоез, Солы пумитаз шуиз: Тон Иерусалиме лыктэмъёс пӧлысь огняд гинэ дыр уд тодӥськы, мар вал та нуналъёсы?

¹⁹Иисус юаз: мар сярысь? Соос Солы веразы: мар луиз Назаретысь Иисусэн, Кудӥз пророк вал, кужмо ужъёсын но кылын но Инмар азьын но вань калык азьын,

²⁰кызьы Сое милям первосвященникъёсмы но кивалтӥсьёс сётӥзы Сое кулонэ но кортӵогазы.

²¹Нош ми оскиськом вал, Со Со ик вань, Кин мозмытоз Израилез. Но тани, туннэ куиньетӥ нуналыз ини, кызьы ваньмыз луиз.

²²Нош куд огез милям кышномуртъёсмы паймытӥзы милемды: соос вазь ӵукна шайгу доры ветлӥзы

²³но Солэсь мугорзэ ӧз шедьтэ, но бертыса, веразы, ангелъёслэсь лыктылэмъёссэс пе адӟимы, кудъёсыз вераллям: Со улэп.

²⁴Куд огез милямъёс мынӥзы шайгу доры но адӟизы сое ик, мар кышномуртъёс веразы, нош Сое ӧз адӟе.

²⁵Соку Со шуиз соослы: э, кыӵеесь бен тӥ визьтэмесь, кыӵе сьӧкытэн тӥ оскиськоды, солы, мае пророкъёс вераллязы!

²⁶Шат озьы кулэ ӧй вал курадӟыны Христослы но пырыны Аслаз даназ?

²⁷Но, Моисейысен кутскыса, вань пророкъёсысь Со валэктӥз соослы Со сярысь гожтэмъёссэ вань Писаниеысь.

²⁸Соос вуизы со гуртэ, кытчы мыно вал. Иисус возьматӥз соослы, Солы пе азьлань мыноно.

²⁹Нош соос сюлворыса куризы Сое, вераса: кыль миленым, уго ӝыт вуиз ини. Со корка пыриз но соосын кылиз.

³⁰Куке Иисус соосын ӵош ӝӧк сьӧры пуксиз, басьтӥз нянь, Инмарлы тау шуыса вӧсяськиз, тӥялтӥз но люкылыса соослы сётӥз.

³¹Соку соослэн синъёссы усьтӥськизы, но соос Сое тодмазы. Нош Со соослы адӟёнтэм луиз.

³²Соос ог огзылы веразы: шат асьмелэн сюлэмъёсмы ӧз ӝуалэ, куке Со вераськиз миленым мыныкумы но Писаниез валэктылӥз?

³³Соос соку ик султӥзы но Иерусалиме бертӥзы но отысь шедьтӥзы дас одӥг Апостолъёсты но соосын ӵош луисьёсты,

³⁴кудъёсыз вераллязы, Кузё-Инмар пе зэм ик кулэмысь улӟыса султӥз но Симон доры лыктӥз.

³⁵Соос но веразы мыныкузы мар луэмез, но кызьы Сое тодмазы нянь тӥялтыкуз.

³⁶Соос верасько на вал, куке Иисус Ачиз султӥз соос пӧлы но шуиз: - Мир тӥледлы!

³⁷Соос куалектӥзы но кышказы, малпаса, духэз адӟё шуыса.

³⁸Нош Со шуиз соослы: малы тӥ сокем куалектӥды, малы сыӵе малпанъёс сюлмады пыре?

³⁹Учке Мынам киосы но Мынам пыдъёсы шоры - Мон Со. Кутскылэ Мон борды но адӟёды, уго духлэн мугорыз но лыосыз но ӧвӧл, нош Мынам вань.

⁴⁰Тае вераса, возьматӥз соослы киоссэ но пыдъёссэ.

⁴¹Соос шум потэменызы нокызьы но уг быгато вал оскыны но паймылӥзы. Соку Со юаз соослэсь: вань-а соослэн кыӵеке коть сиёнзы?

⁴²Соос сётӥзы Солы пыжем чёрыглэсь люкетсэ но сюсь чечы.

⁴³Но, басьтыса, соос азьын сииз.

⁴⁴Собере Иисус шуиз соослы: Тани, мар сярысь Мон вералляй тӥлед, куке тӥледын вал на, ваньмыз, Мон сярысь Моисейлэн законаз но пророкъёсын но псаломъёсын гожтэмъёс, быдэсмыны кулэ.

⁴⁵Соку Иисус усьтӥз соослэсь валанзэс Писаниез тодонын.

⁴⁶Шуиз соослы: озьы гожтэмын, озьы курадӟыны кулэ Христослы, но куиньметӥ нуналэ кулэмысь улӟыса султыны,

⁴⁷Солэн нимыныз ӧтемын луыны кулэ вань калыкъёс, Иерусалимысен кутскыса, покаятся кариськонэ, сьӧлыкъёслэсь жалян басьтон понна.

⁴⁸Тӥ - тае адӟисьёс.

⁴⁹Мон келяло тӥледлы Мынам Атаелэсь кылсётэмзэ. Нош тӥ Иерусалим городын кыле, вылӥысь кужымен юнматӥськытчёзяды.

⁵⁰Иисус вывел их из города и дошел с ними до самой Вифании. Подняв руки, Он благословил их.Иисус поттӥз соосты городысь но соосын Вифание лыктӥз. Но киоссэ ӝутыса, ӟечкылаз соосты.

⁵¹Куке ӟечкылаз соосты, палдурскыны кутскиз но инме жутӥськыны.

⁵²Соос йыбырттӥзы Солы но бадӟым шумпотонэн Иерусалиме бертӥзы.

⁵³Данъяса но ӟечкыласа Инмарез котьку храмын луылӥзы. Амин

JOHN

Chapter 1

¹Нырысь ик вал Кыл, но Кылыз вал Инмарлэн, но Кыл вал Инмар.

²Со вал нырысь ик Инмарлэн.

³Ваньмыз Со пыртӥ ӧдъяз луыны, но Сотэк номыре но ӧй вал, мар ӧдъяз луыны.

⁴Со пуӵкын вал улон, но улон вал югдыт калыкёслы.

⁵ Югыт югдытэ пеймытын, но пеймыт ӧз басьты сое.

⁶Инмарлэсь келямын вал адями, кудызлэн нимыз Иоанн.

⁷ Со лыктӥз ивортыны, ивортон понна Югыт сярысь, ваньмыз мед оскозы шуыса со пыртӥ.

⁸Со ӧй вал югыт, но келямын вал, вераны Югыт сярысь.

⁹Вал землыко Югыт, Кудыз котькудзэ дышетэ, кин лыктэ дунне вылэ.

¹⁰Со вал дунне вылын, дунне кылдӥз Со пыртӥ, нош дунне ӧз тодма Сое.

¹¹Со лыктӥз аслазъёсыз доры, но аслазъёсыз Сое доразы оз лэзе.

¹²Нош соослы, кин лэзиз Сое дораз, оскисьёслы Солэн нимызлы, сётӥз власть луыны Инмарлэн нылпиез шуыса,

¹³кудъёсыз ӧз вордӥське вирлэсь но мугорлэн мылпотэмезлэсь но пиосмуртлэн мылпотэмезлэсь но, нош вордӥськизы Инмарлэсь.

¹⁴Кыл луиз мугор но асьменым ӵош вал, тырмыса благодатен но шонерлыкен. Ми адӟимы Солэсь данлыксэ, Атайлэсь Одиг гинэ вордискем Пиезлэсь данзэ кадь.

¹⁵Иоанн вералляз Со сярысь но шуылӥз: «Та Со, Кудыз сярысь мон верай, мон сьӧры Мынӥсез мынам азьпалам луиз, малыке шуоно со вал мынам азьпалам.

¹⁶Солэн тырмеменыз ми ваньмы басьтӥмы благодать вылэ благодать,

¹⁷малыке шуоно Моисей пыртӥ сётэмын закон, нош благодать но шонерлык лыктӥзы Иисус Христос пыртӥ.

¹⁸Инмарез нокин но ноку но ӧвӧл адӟем – Сое возьматӥз Одиг гинэ вордскем Пиез, кудыз улэ Атаезлэн пуӵказ».

¹⁹Тӥни сыӵе вал веранэз Иоаннлэн, куке иудейёс келязы вал Иерусалимысь священникъёсты но левитъёсты юаны сое: «Кин тон?»

²⁰Со ялӥз, но ӧз но куштӥськы, но валэктыса вераз :"мон Христос ӧвӧл"

²¹Солэсь юазы: «Кин бен тон? Илия?» Со шуиз: «Ӧвӧл». «Пророк?» Со шуиз: «Ӧвӧл»

²²Соку соос шуизы: «Кин бен тон? Мар милеем верано, милемды келясьёслы : мар тон вералод ачид сярысь?»

²³Со шуиз : «Мон пустыняысь кесяськыса верась куара: «Лэсьтэ шонер сюрес Кузё Инмарлы» - кызьы шуиз пророк Исаия».

²⁴Келямёс вал фарисейёс пӧлысь.

²⁵Соос юазы солэсь: «Тон ӧвӧл ке Христос но Илия но пророк но ке ӧвӧл, малы соку крестить кариськод?»

²⁶Иоанн шуиз соослы: «Мон вуын крестить карисько, но тӥ пӧлын вань Кинке, Кудзэ тӥ уд тодӥське.

²⁷Со, мон бӧрсьы Лыктӥсь, мынам азьпалам луиз. Мон Солэсь пыдкутчетэзлэсь езэ но пертчыны ярано ӧвӧл»

²⁸Та вал Вифаниын, Иордан шур дурын, кытын крестить каре вал Иоанн.

²⁹Мукет нуналаз Иоанн адӟиз со доры лыктӥсь Иисусэз но шуиз: «Тани Инмарлэн Ыжпиез, Кудыз басьтэ Вылаз дуннелэсь сьӧлыксэ.

³⁰Со сярысь мон верай вал: «Мон сьӧры лыктэ Соиз, Кудыз султӥз мынам азьпалам, малыке шуоно Со вал нӥ мынам азьпалам»

³¹Мон уг тодӥськы вал Сое, нош мон лыктӥ крестить карыны Сое вуын со понна, Со Израильлы мед тодмо луоз шуыса».

³²Иоанн юнматыса вераз: «Мон адӟи Духез, кудыз ваське вал инмысь, дыдык музэн, но кылӥз Со вылын.

³³Мон уг тодӥськы вал Сое, нош монэ Келясь, крестить карыны вуын, вераз мыным:" Куке адӟёд Духез, Кудыз Кинке вылэ ваське но Со вылын луэ, Со вань Святой Духен крестить карись"

³⁴Но мон адӟи но ивортӥ, Со Инмарлэн Пиез шуыса".

³⁵Мукет нуналэ нош ик Иоанн аслаз кык дышетскисьёсыз сылэ вал.

³⁶Но, адӟиз Иисуслэсь лыктэмзэ но шуиз :"Тӥни Инмарлэн Ыжпиез"

³⁷Солэсь верамзэ кылыса, кыкез ик дышетскисьёсыз Иисус сӧры мынӥзы.

³⁸Нош Иисус, берытскыса адӟиз соос сӧраз мыно шуыса, но юаз соослэсь:"Мар тӥлед кулэ?" Соос шуизы Солы:"Равви (дышетӥсь), кытын улӥськод?"

³⁹"Лыктэ но адӟёды", - вераз соослы. Соос мынӥзы но адӟизы, кытын Со улэ, но улӥзы Со дорын со нуналзэ. Дыр вал дас час котыр.

⁴⁰Одӥгез кык пӧлысь, Иоаннлэсь Иисус сярысь кылылэмез, но Иисус сьӧры кошкисез, вал Андрей, Симон Пётрлэн выныз.

⁴¹Со нырысь ик шедьтэ аслэсьтыз вынзэ Симонэз но вера солы :"Ми шедьтӥмы Мессияез (Христосэз)"

⁴²Но ваиз сое Иисус доры. Иисус учкиз со шоры но шуиз:"Тон - Симон, Ионналэн пиез, тонэ нималозы Кифа, кудыз "из" ( Пётр ) луэ.

⁴³Мукет нуналэ Иисуслэн мынэмез потӥз Галилеяе. Но шедьтэ Филиппез но вера солы:"Лык Мон сьӧры"

⁴⁴Филипп нош вал Вифсаидысь, одӥг городысь Андреен но Пётырен.

⁴⁵Филип шедьтэ Нафанаилэз но вера солы:"Ми шедьтӥм Сое, Кин сярысь гожъяз Моисей но пророкъёс, Иисусэз, Иосифлэсь пизэ, кудыз Назаретысь".

⁴⁶Нош Нафанаил шуиз солы:"Марке ӟечез луыны быгатоз - а Назаретысь меда?"

⁴⁷Иисус, адӟиз Со доры лыктӥсь Нафанаилэз но вера со сярысь:"Тани зэмос Израильын улӥсь мурт, кудызлэн ӧвӧл кескич малпанэз".

⁴⁸ Нафанаил юа Солэсь:"Кытысь Тон монэ тодӥськод?" Иисус вераз солы:"Филипп тонэ ӧтемлэсь азьло ик, Мон тонэ адӟи смоковница улысь".

⁴⁹Нафанаил Солы пумитаз вазиз:"Равви! Тон - Инмарлэн Пиез, Тон - Израильлэн Царез".

⁵⁰Иисус солы вазиз:"Тон оскиськод, малыке шуоно Мон тыныд верай:"Мон адӟи тонэ смоковница улысь",- талэсь но бадымзэгес адӟёд!"

⁵¹Но вера солы:"Зэм ик, зэм ик верасько тӥлед: табере тӥ адӟёды усьтӥськем инэз но Инмарлэсь ангелъёссэ, кдъёсыз тубо но васько Адямилэн Пиез доры".

Chapter 2

¹Куиньметӥ нуналаз Галилеяысь Кан городын сюан вал, Иисуслэн анаез но отын вылэм.

²Озьы ик сюанэ ӧтизы Иисусэз но Солесь дышетскисьёссэ.

³Но куке быриз виназы, Иисуслэн анаез вера Солы:"Милям винамы быриз".

⁴Иисус вера солы:"Мар Мыным но тыныд но, кышномурт? Мынам дыры ӧз на вуы",

⁵Солэн анаез шуыз ляльчиослы:"Мар Со тӥлед вералоз, сое ик лэсьтэ",

⁶Сыло вал отын куать излэсь лэсьтэм кувшинъёс, кудъёсыныз иудейёс чылкытатон сямзэс лэсьтыло вал. Котькудызлэн быдӟалаез вал сю литр пала.

⁷Иисус шуэ соослы:"Тырмытэ кувшинъёсты вуэн". Но тырмытӥзы соосты йылозяз.

⁸Но вераса соослы:"Табере омырты но шулдыръяськонлэн тӧроезлы нуэ". Но нуизы.

⁹Куке тӧро шӧмтӥз вуэз, кудыз вина пӧрмиз,- нош со уг тоды вал, кытысь со вина, ляльчиос гинэ тодо вал, кудъёсыз ву омыртӥзы, - соку тӧро эмеспиез ӧте

¹⁰но вера солы:"Котькуд адями нырысь ик ӟечсэ виназэ секта, нош шӧмаськемзы бере уродзэгес, нош тон ӟеч винадэ та дырозь возем".

¹¹Тазьы Галилеяысь Кан городын Иисус чудооссэ лэсьтыны ӧдъяз но Аслэсьтыз данзэ возьматӥз.Но Солэн дышетскисьёсыз оскизы Солы.

¹²Со бере Со, Солэн анаез, вынъёсыз но дышетскисьёсыз лыктӥзы Капернауме, кытын улӥзы кӧняке нунал.

¹³Матэктэ нӥ вал иудейёслэн Пасхазы. Иисус лыктӥз Иерусалиме

¹⁴но адӟиз, храмын вузало ошъёсты, ыжъёсты но дыдыкъёсты, но пуко коньдон вошъясьёс.

¹⁵Но, лэсьтыса гозыослэсь сюло, улляз храмысь ваньзэсты, озьы ик ыжъёсты но ошъёсты. Но пазяз коньдонзэс коньдон воштӥсьёслэсь, нош ӝӧкъёссэс бэрыкъяз.

¹⁶Но шуиз дыдык вузасьёслы:"Тае татысь басьтэ но Мынам Атаелэсь корказэ эн лэсьтэ вузкарон инты".

¹⁷Соку дышетскисьёсыз тодазы ваизы, гожтэмын шуыса:"Тынад коркоед сярысь сюлмаськон йыръе Монэ".

¹⁸Солы пумит иудуйёс юазы:"Кыӵе тодметэн возьматод Тон милем, властьед вань шуыса тазьы лэсьтыны?"

¹⁹Иисус вераз соослы пумитазы:"Куӵкатэ та храмез, но Мон сое куинь нуналскын пукто".

²⁰Талы пумит иудейёс веразы:"Та храм пуктэмын вал ньыльдон куть ар, нош Тон куинь нуналскын выльысь пуктод сое?"

²¹Нош Со вера вал Аслаз мугорызлэн храмез сярысь.

²²Куке Со улӟыса кулэмысь султӥз, соку дышетскисьёсыз тодазы ваизы Сое, Со вераз вал тае шуыса, но оскизы Писаниелы но Иисуслэн верам кылызлы.

²³Но куке Со вал Иерусалимын Пасхаез праздновать карыку, Солэсь чудоос лэсьтэмзэ адӟыса, тросэз оскизы Солэн нимызлы.

²⁴Нош Ачиз Иисус ӧз оскыты Ассэ соослы, малыке шуоно тодэ вал ваньзэсты

²⁵но кулэ ӧй вал Солы, кинке мед вералоз шуыса адями сярысь, малыке шуоно со Ачиз тодэ вал, мар адями пуӵкын.

Chapter 3

¹Фарисейёс пӧлын вал Никодим нимо адями - одӥгез иудейёс пӧлысь кивалтӥсь.

²Со лыктӥз Иисус доры уйин но юаз Солэсь:"Равви! Ми тодӥськом Тон дышетӥсь шуыса, кудыз Инмар дорысь лыктэмын, малыке шуоно, сыӵе чудоосты, кудъёссэ Тон лэсьтӥськод, нокин но уз быгаты лэсьтыны, соин ӧз ке луы Инмар".

³Иисус шуиз солы:"Зэм ик, зэм ик верасько тыныд:кин ке ӧз ке вордӥськы вылӥысен, уз адӟы Инмарлэсь Царствозэ".

⁴Никодим вера Солы:"Кызьы пересь адями быгатоз вордӥськыны? Кызьы, бен, со кыкэтӥзэ пырыны быгатоз анаезлэн пушказ но выльысь вордӥськыны?"

⁵Иисус пумитаз вера:"Зэм ик, зэм ик верасько тыныд: кинке ӧз ке вордӥськы вулэсь но Духлэсь, уз быгаты пырыны Инмарлэн Царствоаз.

⁶Кин вордӥське мугорлэсь - со мугор, нош кин вордӥськоз Духлэсь - со дух.

⁷Эн паймелэ солы, мар Мон тӥлед верай:"Тӥ вордӥськыны кулэ вылӥысен".

⁸Дух шока, кытын мылыз потэ, куаразэ но солэсь кылӥськод, нош уд тодӥськы, кытысь лыктэ но кытчы кошке. Озьы луэ котькудыныз, кин вордӥськемын Духлэсь".

⁹Никодим юаз Солэсь:"Кызьы со озьы луыны быгатэ?"

¹⁰Иисус шуиз солы:"Тон - Израильысь дышетӥсь но сое но уд тодӥськы?

¹¹Зэм ик, зэм ик верасько тыныд: ми вераськом со сярысь, мае тодӥськом, ивортӥськом сое мае адӟиськом, нош тӥ кулэ уд кариське милесьтым ивортэммес.

¹²Мон верасько ке тӥлед музъемлэнэз сярысь, но тӥ уд оскиське, нош кызьы оскоды, верай ке тӥлед инмысезлэн сярысь?

¹³Нокин но ӧз на туба инме, инмысь васькись Адямилэн Пиез сяна, кудыз инмын улэ.

¹⁴Кызьы Моисей ӝутӥз кыйез пустыняын, озьы ик жутӥськыны куэ Адямилэн Пиез

¹⁵котькудыз Солы оскись медаз быр, нош мед луоз солэн ноку но быронтэм улонэз.

¹⁶Уго Инмар яратӥз дуннеез, но сётӥз аслэсьтыз Одӥг вордӥськем Пизэ, котькудыз Солы оскись медаз быр, нош мед луоз солэн ноку но быронтэм улонэз шуыса.

¹⁷Малыке шуоно Инмар ӧз келя пизэ быдтыны дуннез, нош лыктӥз, Со пыртӥ дунне утемын мед луоз шуыса.

¹⁸Солы оскись судэ сётэмын уз луы, нош кин Солы уг оскы, судить каремын ини, малыке шуоно ӧз оскы Одӥг гинэ Вордӥськем Инмарлэн пиезлы.

¹⁹Судлэн пуштросэз тазьы, югыт лыктӥз дуннее, нош калык тужгес яратӥзы пеймытэз югытлэсь золгес, малыке шуоно ужъёссы соослэн лекесь.

²⁰Уго котькудыз, кин лэсьтэ лек уж, адӟемпотостэм каре югытэз но уг лыкты югыт доры, медаз шараяське шуыса солэн лек ужъёсыз.

²¹Нош шонер лэсьтӥсь югыт доры мынэ, мед адӟиськоз шуыса солэн ужъёсыз, малыке шуоно соос лэсьтэмын Инмар пуӵкын".

²²Со бере Иисус лыктӥз Аслаз дышетскисьёсыз иудейской музъем вылэ, отын улӥз соосын но крестить карылӥз.

²³Озьы ик Иоанн крестить кариз Салим вӧзысь Енонын, малыке шуон отын тросс вуэз вал. Отчы лыктылӥзы но крестится кариськылӥзы,

²⁴соку Иоанн пытсамтэ но вал на тюрьмае.

²⁵Соку Иоаннлэн дышетскисьёсызлэн иудейёсын кылзы ӧз тупа чылкытатон сярысь.

²⁶Лыктӥзы Иоанн доры но юазы:"Равви! Со, Кин вал тонэныд Иордан дорын но Кудыз сярысь тон верад вал, тӥни, Со крестить кароз, но ваньмыз мыно Со доры".

²⁷Иоанн вераз:"Номыре но уз быгаты басьтыны адями вылаз, солы сетэмын ӧз ке луы инмысен.

²⁸Тӥ асьтэос отын вал, мар мон верай:"Мон ӧвӧл Христос, нош мон келямын Солэн азьпалаз"

²⁹Эмеспи со, кинлэн вань кенэз, эмеспилэн эшез сылэ но сак кылзӥське эмеспилэсь куаразэ но тырме шумпотонэн. Тани мынам шумпотонэ быдэсмиз.

³⁰Солы кулэ будыны нош мыным пичигес луыны.

³¹Вылӥысь лыктӥсь ваньмызлэсь бадӟымгес, нош музъелэнэз музъемлэн ик кылёз, вераське но музъемлэн кадь.Инмысь лыктӥсь ваньмызлэсь бадӟымгес,

³²но мае Со адӟиз но кылӥз, со сярысь ик вера, но нокин но уг басьты Солэсь верамзэ.

³³Кин басьтоз Солэсь верамзэ со юнматыса возьматэ Инмарлэзь зэмлыксэ

³⁴малыке шуоно Кинэ келяз Инмар, Со вера Инмарлэсь Кылъёссэ, малыке шуоно мертаса уг сёты Инмар Духсэ.

³⁵Атай яратэ Пизэ но ваньзэ сётӥз Солэн кияз.

³⁶Кин оске Пӥлы, солэн вань ноку но быронтэм улонэз , нош кин уг оскы Пилы, уз адӟы улонэз, нош Инмарлэн йыркурез кылёз со вылын".

Chapter 4

¹Куке Иисус тодӥз фарисейёс доры вуиз ни шуыса вераськонъёс, Иисус пе дышетскисьёсэ люка но Со Иоаннлэсь троссгес крестить каре,-

²хотя Иисус ачиз крестить ӧз карылы, нош Солэн дышетскисьёсыз гинэ,-

³соку, Иудеяез кельтӥз но выльысь мынӥз Галилеяе.

⁴Нош Солы Самария пырти ортчёно вал.

⁵Соку лыктэ Со Самариысь Сихарь городэ, кудыз кыдёкын ой вал, Иаковлен аслаз пиезлы Иосифлы сётэм музъем удыслэсь.

⁶Отын вал Иаковлэ колодчаез. Иисус жадем сюрэс вылын но колодча вӧзы пуксем. Куать час котыр дыр вал.

⁷Самариысь кышномурт лыктэ ву понна. Иисус солы вера:"Вай Мыным юыны",-

⁸малыке шуоно Солэн дышетскисьёсыз кошкизы городэ сиён басьтыны.

⁹Самарянка шуиз солы:"Кызьы Тон иудей куриськод юыны самарянкалэсь? Уго иудейёс самарянъёсын уг верасько".

¹⁰Иисус шуиз солы пумитаз:"Тон тодысал ке Инмарлэсь кузьымзэ но Кин вера тыныд:"Вай Мыным юыны", соку тон ачид курысал Солэсь, но Со сётысал тыныд улэп ву".

¹¹Кышномурт шуэ Солы:"Господин! Тынад омыртонэд но ӧвӧл, нош колодча мур, кытысь бен Тынад улэп ву?

¹²Тон, бадӟымгес шат, милям атаймылэсь Иаковлэсь, кудыз сётиз милем та колодчаез но ачиз но, солэн нылпиосыз но, пудоез но отысь ик юылӥз?"

¹³Иисус вераз солы пумитаз:"Котькуд адямилэн, кин юоз та вуэз, выльысь сюэз куасьмоз,

¹⁴нош кин юоз вуэз кудзэ Мон сёто, солэн ноку но юэмез уз нӥ поты, нош ву кудзэ Мон сёто солы, пӧрмоз со пушкын ошмес, кудызлэн вуэз пумтэм- быронтэм улонэ бызе".

¹⁵Кышномурт шуэ Солы:"Господин! Вай мыным со вуэз, мынам сюэ но медаз нӥ куасьмы но татчы ву доры ветлонэз но медаз нӥ луы".

¹⁶Иисус вера солы:"Мын, ӧть карттэ но лыкты татчы".

¹⁷Кышномурт пумитаз вераз:"Мынам ӧвӧл картэ". Иисус солы шуэ:"Туж умой, тон верад, картэд ӧвӧл шуыса,

¹⁸уго тынад вал вить картъёсыд, но соиз,кудыныз тон улӥськод, тыныд карт ӧвӧл. Созэ тон шонер верад".

¹⁹Кышномурт шуэ Солы:"Господин! Адӟисько, тон пророк шуыса.

²⁰Милям атайёсмы йыбыртъяллязы та гурезьын, нош тӥ вераськоды, йыбыртъяны яра Иерусалимын гинэ.

²¹Иисус вера солы:"Оскы Мыным, вуоз сыӵе дыр, куке та гурезьын но Иерусалимын но уз нӥ йыбыртъялэ Атайлы.

²²Тӥ уд тодӥське, марлы йыбыртъяськоды, нош ми тодӥськом, марлы йыбыртъяськомы, спасение иудейёслэсь уго.

²³Нош вуоз дыр, но вуиз ини, куке зэмос йыбыртъяськисьёс Атайлы йыбыртъяськозы духын но зэмлыкен, малыке шуоно сыӵе йыбыртъяськисъёсты Атай утча Аслыз.

²⁴Инмар - со дух, но йыбыртъяськись Солы йыбыртъяськыны кулэ духын но зэмлыкен".

²⁵Кышномурт шуэ Солы:"Тодӥсько, лыктоз Мессия, кудзэ шуо Христос.Куке Со лыктоз, соку усьтоз милем ваньзэ".

²⁶Иисус вера солы:"Мон Со, Кудыз вераське тонэныд".

²⁷Со куспын лыктӥзы Солэн дышетскисьёсыз но паймизы, Со вераське шуыса кышномуртэн, озьы ке но, одӥгез но соос пӧлысь ӧз вералэ:"Мар Тыныд кулэ?" яке:"Мар сярысь вераськид соин?"

²⁸Соку кышномурт кельтӥз аслэсьтыз кувшинзэ но мынӥз городэ, но вераз калыклы:

²⁹"Мынэлэ, учкелэ Адямиез, Кудыз мыным вераз ваньзэ, мар мон лэсьтӥ: Со Христос ӧвӧл меда?"

³⁰Соос потӥзы городысь но Со доры мынӥзы.

³¹Сое дышетскисьёсыз куризы:"Равви! Сиськы".

³²Но Со сослы шуиз:" Мынам вань сионэ, кудыз сярысь тӥ уд тодӥське".

³³Соин ик дышетскисьёсыз куспазы верасько вал:" Кинке шат Солы ваиз сион?"

³⁴Иисус вера соослы:"Мынам сионэ луэ, Монэ Келясьлэсь куронзэ быдэстон но Солэсь ужзэ лэсьтон.

³⁵Тӥ уд шат вераське, ньыль толэзь ортчем бере вуоз аран дыр? Нош Мон верасько тӥлед: ӝутэ синъёстэс но учке ю бусыос шоры, соос тӧдьыектӥзы ини, дасесь нӥ араны.

³⁶Арась басьтэ кузьым но люка емыш ноку быронтэм улонэ, озьыен кизись но арась но ӵошен шум потозы,

³⁷соку дыръя шонер верам:"одӥгез кизе нош мукетыз ара".

³⁸Мон келясько тӥледды араны, мае тӥ ӧд лэсьтэ:мукетъёсыз лэсьтӥзы, нош тӥ люкаськоды емышсэ соослэсь ужамзылэсь".

³⁹Со городысь тросэз самаръянёс оскизы Солы кышномуртлэн кылъёсызлэсь, кудыз ивортӥз, Со пе ваньзэ шонер вераз солэсь ужъёссэ.

⁴⁰Соин ик, куке Со доры лыктӥзы самарянъёс, куризы Сое доразы улыны, но отын Со вал кык нунал.

⁴¹Но эшшо но тросс калык оскизы на Солэн кылыныз..

⁴²Нош со кышномуртлы шуылӥзы:"Тынад кылыныд гинэ ум нӥ оскиське, малыке шуоно асьмеос кылӥм но тодӥм, Со- Христос дуннелэн зэмос утисез".

⁴³Кык нунал ортчем бере, Со потӥз отысь но мынӥз Галилеяе,

⁴⁴малыке шуоно Иисус Ачиз вераз, пророкез уг дунъяло шуыса аслаз вордӥськем палъёсаз.

⁴⁵Куке Со лыктӥз Галилеяе, отын улӥсьёс Сое принять каризы, малыке шуоно соос вал Иерусалимын проздник дыръя но ваньзэ адӟизы мар Со лэсьтӥз.

⁴⁶Иисус нош ик лыктӥз Галилеяеысь Кан городэ, кытын вуэз вина лэсьтӥз вал. Капернаумын вал царьлэн визь-кенеш сётӥсез, кудызлэн висе вал пиез.

⁴⁷Со кылэм Иисус лыктэм шуыса Иудеяысь Галилеяе, лыктӥз Со доры но куриз Сое мед катьялоз шуыса солэсь пизэ, кудыз кулон калын кылле.

⁴⁸Иисус шуиз солы:"Тӥ уд оскэ, ӧд ке адӟе тодмет но чудо".

⁴⁹Царьлэн визь-кенеш сётӥсез вера Солы:"Господин! Лыкты вал, мынам пиелэсь кулэмезлэсь азьло".

⁵⁰Иисус вера солы:"Мын, тынад пиед катьяськиз".Со оскиз Иисуслэн верамезлы но кошкиз.

⁵¹Сюрэс вылысен солэн ляльчиосыз сое пумитазы но веразы:"Тынад пие катьяськиз".

⁵²Со юаз соослэсь:"Кыӵе дырын солы йӧн луиз?" Солы шуизы:"Толон сизьыметӥ часын горячка кельтӥз сое".

⁵³Со бордысен атаез тодӥз, та со дыр вал шуыса,Куке Иисус солы вераз:"Тынад пиед катьяськиз".Соку оскиз ачиз но ваньмыз солэн коркасьтыз.

⁵⁴Иисуслэн Иудеяысь Галилеяе бертэмез бэре та кыкетӥез чудо вал, кудзэ Со лэсьтӥз.

Chapter 5

¹Та бере вал иудейёслэн праздниксы, но лыктӥз Иисус Иерусалиме.

²Нош Иерусалимын, Ыж капка дорын, пыласькон инты вань, кудзэ еврейёс Вифезда шуо, кудызлэн вить липем пыронниез вал.

³Отын кыллё вал тросс висись, синтэм, чут, лябомем калык, кудъёсыз витё вал вулэсь бугыръяськемзэ,

⁴малыке шуоно ангел куд дыръя васькальляз пыласькон интые, но бугыръяськытылӥз вуэз, но кин нырысь ик отчы пырылӥз ву бугыръяськыны кутскем берэ , котькуд висёнъёслэсь катьяськылӥз.

⁵Вал отын одӥг адями, кудыз висе вал куамын тямыс ар.

⁶Иисус, адӟиз солэсь кыллемзэ но тодӥз со татын кемалась кылле ни шуыса, вера солы:"Катьяськемед потэ-а?"

⁷Висись вера солы:"Бен Господин, нош ӧвӧл адями, кудыз монэ лэзьысал пыласьконние, ву бугыръяськыны ӧдъяку. Нош куке мон лыктӥсько, мукетыз васькемын ини мынысьтым вазьгес"

⁸Иисус шуиз солы:"Басьты валескотырдэ но мын".

⁹Но со сокуспын ик катьяськиз, басьтӥз валескотырзэ но мынӥз. Ваньмыз та вал субботае,

¹⁰соин ик иудейёс катьяськемлы веразы:"Туннэ суббота. Уг яра валескотырдэ нуыны".

¹¹Со пумитазы вераз:"Кин монэ катьяз, Со шуиз мыным:"басьты валескотырдэ но мын"

¹²Солэсь юало:"Кин Со адями, кудыз шуиз тыныд:"басьты валескотырдэ но мын?"

¹³Катьяськем адями уг тоды вал, кин Со, нош Иисус ватскиз калык пӧлы, кудыз вал со интыын.

¹⁴Со бере Иисус пумитаз сое храмын но шуиз:"Тон катьяськид, отӥяз эн нӥ лэсьты сьӧлык, медаз луы уродгес вазьлоезлэсь".

¹⁵Со адями мынӥз но вераз иудейёслы, сое катьясь - Иисус

¹⁶Но ӧдъязы иудейёс улляны но преследовать карыны Иисусэз субботае лэсьтэ шуыса сыӵе ужъёс.

¹⁷Иисус нош соолы вераз:"Мынам Атае озьы лэсьтэ, мон но лэсьтӥсько"

¹⁸Иудейёслэн тужгес но виемзы потӥз Иисусэз, субботаез кулэтэм каремезлэсь гинэ ӧвол, но Инмарез Аслаз Атаез шуэмезлэсь, Асьсэ Инмарен одигкадь лэсьтэмез понна.

¹⁹Та пумысен Иисус шуиз:"Зэм ик, зэм ик верасько тӥлед, Пи номыре но уз быгаты лэсьтыны Аслэсьтыз Ачиз, ӧз ке адӟы Атаезлэсь лэсьтэмзэ: мае Со лэсьтэ, Пиез но сое ик лэсьтэ.

²⁰Уго Атаез яратэ Пизэ но возьматэ Солы ваньзэ. мае Ачиз лэсьтэ, но возьматоз Солы талэсь бадӟымгес ужъёс, ти паймоды аль.

²¹Уго кызь Атай кулэмъёсты улӟытъя но сётэ улон, озьы ик Пи сётэ улон, кинлы сётэмез потэ.

²²Уго Атай нокинэ но уг судья, нош вань судэз Пиезлы сётӥз,

²³ваньмыз мед лыдъяськозы шуыса Пиеныз, кызьы лыдъясько Атаеныз. Кин уг лыдъяськы Пиен, со уг лыдъяськы Атаен, кудыз келяз Сое.

²⁴Зэм ик, зэм ик верасько тӥлед:" кин кылӟиське Мынысьтым кылъёсме но оске Монэ Келясьлы, солэн пумтэм-быронтэм улонэз вань, судэ но со уг лыкты, нош вамыштӥз кулонысь улонэ.

²⁵Зэм ик, зэм ик верасько тӥлед:"матэктэ ини дыр, вуиз но ни, куке кулэмъёс кылозы Инмарлэн Пиезлэсь куаразэ но,кылыса, улӟыса султозы.

²⁶Кызьы Атайлэн вань улонэз Аслыз Ачиз, озьы ик Пиезлы но сётӥз улон Аслыз Ачиз.

²⁷Но сётӥз Солы власть судить карыны, малыке шуоно Со - Адямилэн Пиез.

²⁸Эн паймелэ солы, малыке шуоно вуэ дыр, куке ваньмыз, кин вань шӧйгуосын, кылозы куаразэ Инмарлэн Пиезлэсь,

²⁹но потозы ӟеч лэсьтӥсьёс, улон улӟёнэ, нош лек лэсьтӥсьёс - судлэн улӟёназ.

³⁰Мон номыре но уг быгатӥськы лэсьтыны Ачим Аслэсьтым. Кызьы кылӥсько, озьы ик судить карисько, но Мынам судэ шонер, уго Аслысьтым воляме уг утчаськы, нош Монэ келясь Атаелэсь волязэ.

³¹Мон верасько ке Асьме Ачим сярысь, соку Мынам вераме шонер ӧвӧл

³²Вань мукетыз Мон сярысь верась, но Мон тодӥсько, зэм шуыса со верам, кудыныз Со Мон сярысь вера.

³³Тӥ келяльяды Иоанн доры, но со валэктыса вераз зэмлык сярысь

³⁴Озьы ке но, Мон адямилэсь верамзэ уг басьтӥськы, нош верасько тае, тӥ мед мозмоды шуыса.

³⁵Со вал югыт карись, кудыз ӝуаз но югыт кариз, нош тӥляд ичи дыр куспын шулдыръяськемды потӥз солэн югытэзлы,

³⁶Нош Мынам тросгес веранэ Иоаннлэсь, уго ужъёс, кудзэ Атае сётӥз Мыным быдэстыны, та ужъёс, кудзэ Мон лэсьтӥсько, Мон сярысь верало, Атае Монэ келяз шуыса.

³⁷Но Монэ келясь Атае Ачиз вераз Мон сярысь.Нош тӥ Солэсь куаразэ но ноку но ӧд адӟылэ, тусбуйзэ но ӧд адӟылэ,

³⁸но ӧвӧл тӥляд Солэн кылыз, кудыз тӥ пучкын луыны кулэ, малыке шуоно тӥ уд оскиське Солы, Кинэ Со келяз.

³⁹Сэрттэ-пертче Писаниеосты, малыке шуоно тӥ малпаськоды соос пыртӥ басьтыны пумтэм-быронтэм улон, нош соос верало Мон сярысь

⁴⁰Нош тӥляд лыктэмды уг пон Мон доры, вечной улонлы

⁴¹Калыклэсь данзэс уг басьтӥськы,

⁴²нош тодӥсько тӥледлы:тӥ пушкын ӧвӧл Инмарез яратон.

⁴³Мон лыктӥ Мынам Атаелэн нимыз понна, но кулэ уд кариське Монэ, нош кинке лыктоз ке аслаз нимыз понна, соку сое кулэ кароды.

⁴⁴Кызьы тӥ быгатӥськоды оскыны, куке одӥг огдылэсь кулэ кариськоды данзэ, нош Одӥго Инмарлэсь данзэ, уд утчаське?

⁴⁵Эн малпалэ, Мон лыктӥ шуыса янгыше уськытыны тӥледлы Атае азьын: вань тӥляд янгыше уськытӥсьты, Моисей.

⁴⁶Тӥ оскысалды ке Моисейлы, соку оскысалды Мыным, малыке шуоно со гожтӥз Мон сярысь.

⁴⁷Солэн гожтэмъёсызлы ке уд оскиське, кызьы оскоды Мынам кылъёсылы?"

Chapter 6

¹Со бере Иисус мынӥз Галилейской морелэн муке палаз Тивериада ёросэ.

²Со сьӧры тросс калык мынэм, малыке шуоно адӟиллям чудоос, кудъёссэ Со лэсьтылӥз висисьёс вылын.

³Иисус тубем гурезе но отчы пуксем Аслаз дышетскисьёсыныз.

⁴Матэктэ нӥ вал Пасха - иудейёслэн праздниксы.

⁵Иисус, синъёссэ ӝутыса, адӟиз трос калык лыктэ Со доры, но вера Филипплы:"Кытысь асьмеос басьтом нянь, вань калыкез сюдон понна?"

⁶Нош вераз озь, эскерон вылысь сое, малыке шуоно Солэн вал малпанэз кызьы лэсьтыны.

⁷Филипп вераз Солы:"Котькудызлы ӧжыт ке но нянь сётоно ке, кык сю динарий коньдон но уз тырмы нянь басьтыны".

⁸Одӥгез Солэн дышетскисез, Андрей, Симон Пётрлэн выныз, шуэ Солы:

⁹"Татын вань одӥг пияшлэн вить йыды нянез но кык чёрыгез, мар со тамында калыклы?"

¹⁰Иисус шуиз:"Косэлэ соосты пуксьыны". Со интыын вал тросс турын. Вить сюрс пала адямиос пуксизы турын вылэ.

¹¹Иисус, басьтыса нянь тау кариз Инмарлы, сётӥз дышетскисьёсызлы, дышетскисьёсыз - пукисьёслы, озьы ик чёрыгъёсты сётчаз соослы, кинлэн кӧня мылыз потӥз.

¹²Куке ваньмызлэн кӧтсы тыриз, шуиз Аслаз дышетскисьёсызлы:"Люкалэ кылемзэ нянь юдэсъёсты, номыре но медаз быры шуыса".

¹³Но люказы, но тырмытӥзы дас кык куды юдэсъёсын вить йыды няньлэсь, сиисьёслэсь кылемзэ.

¹⁴Соку калыкъёс, адӟизы Иисуслэсь лэсьтэм чудозэ но шуизы:"Та адями, зэм ик но пророк, кудыз лыктыны кулэ вал дунне вылэ".

¹⁵Нош Иисус, тодӥз дораз лыктыны медо но пуктыны малпало Сое Царен шуыса, выльысь кошкиз гурезе.

¹⁶Куке вуиз жыт, Солэн дышетскисьёсыз васькизы море дуре

¹⁷но пуксьыса лодкае, потӥзы морелэн мукет палаз, Капернауме. Пеймыт кариськиз, нош Иисус уг лыкты соос доры.

¹⁸Пельтӥз тӧл, но мореын ӝутскизы тулкымъёс.

¹⁹Уяса вить - куать иськем, соос адӟизы Иисусэз, кудыз матэктэ нӥ вал лодка доры море вылтӥ вамышъяса, но кышказы.

²⁰Нош Со шуиз соослы:"Мон Со. Эн кышкалэ".

²¹Соос малпало вал Сое лодкае пуктыны - но со куспын ик лодка яр доры вуиз, кудыз доры уяло вал.

²²Ӵуказеяз, мукет палаз морелэн сылӥсьёс, адӟизы, отын одӥг гинэ лодка сяна ӧй вал шуыса, но отчы пыризы Солэн дышетскисьёсыз гинэ огнязы, но уяса потӥзы соос Иисустэк.

²³Со куспын лыктӥзы Тивериадаысь мукет лодкаос матэ со интые, кытын соос сиизы нянь, кудзэ Кузё Инмар благославить кариз.

²⁴Куке калык адӟиз, татын ӧвӧл шуыса Иисус но Солэн дышетскисьёсыз но, пыризы лодкаосы но уяса потӥзы Капернауме, Иисусэз утчаны.

²⁵Но, шедьтыса Сое мукет палаз морелэн, шуизы Солы:"Равви! Ку Тон татчы лыктӥд?"

²⁶Иисус вераз соослы пумитазы:"Зэм ик, зэм ик верасько тӥлед: тӥ уд утчаське Монэ, чудосты адӟиды шуыса, нош утчаськоды нянь сииды но кӧтты тыриз шуыса.

²⁷Эн ужалэ сисьмыса бырись сиён понна, нош ужалэ сиён понна, кудыз кылёз пумтэм-быронтэм улонын, кудзэ сётоз тӥлед Адямилэн Пиез, Со вылэ уго пуктӥз Аслэсьтыз печатьсэ Атай Инмар",

²⁸Соку Солэсь юазы:"Мар милем лэсьтоно, быдэстыны понна Инмарлэсь ужъёссэ?"

²⁹Иисус вераз соослы пумитазы:"Тани Инмарлэн ужез: тӥ мед оскоды Солы, Кинэ Со келяз".

³⁰Солы шуизы:"Кыӵе Тон тодмет лэсьтод: мед ми оскомы шуыса Солы, Кинэ Со келяз".

³¹Атайёсмы сиылӥзы манна пустыняын, кызьы гожтэмын "нянь инмысь сётӥз соослы сиыны".

³²Иисус нош вераз соослы:"Зэм ик, зэм ик верасько тӥлед:Моисей ӧз сёты нянь инмысь, нош Мынам Атае сётэ тӥлед зэмос нянь инмысь.

³³Уго Инмарлэн Нянез вань Со, Кудыз ваське инмысь но сётэ дуннелы улон".

³⁴Талы шуизы Солы:"Господин! Сётч милем котьку сыӵе нянь".

³⁵Иисус нош шуиз соослы:"Мон - улонлэн нянез, Мон доры лыктӥсьлэн кӧтыз уз сюма, но Мыным оскисьлэн сюэз ноку но уз куасьмы.

³⁶Нош Мон шуи тӥлед, тӥ адӟылӥды Монэ, но уд оскиське.

³⁷Ваньзэ, мае сётэ Мыным Атае, Мон доры лыктоз, но Мон доры лыктӥсьсэ уг улля,

³⁸малыке шуоно Мон ӧй васькы инмысь, Аслэсьтым воляме быдэстыны, нош васьки, Монэ келясь Атаелэсь волязэ быдэстыны.

³⁹Монэ келясь Атаелэн воляез сыӵе, мае Со Мыным сётӥз, номыре но медам быры, нош ваньзэ сое улӟытыны берпуметӥ нуналэ.

⁴⁰Монэ келясь Атаелэн воляез сыӵе, котькудыз кин адӟе Пиез но оске Солы, басьтэ пумтэм-быронтэм улон но Мон улӟыто сое берпуметӥ нуналэ.

⁴¹Солэн верамысьтыз:"Мон - инмысь васькем нянь", иудейёс ӧдъязы роптать карыны Со вылэ.

⁴²Но вераллязы:"Ӧвӧл-а со Иисус, Иосифлэн пиез, атайзэ но анайзэ но кудызлэсь ми тодӥськом? Кызьы бен Со вера:"Мон васьки инмысь?"

⁴³Иисус шуиз соослы пумитазы:"Одӥг огеныды роптать эн каре.

⁴⁴Нокин но уз быгаты лыктыны Мон доры, ӧз ке сое ӧтьы Атай, кудыз келяз Монэ, но Мон улӟыто сое берпуметӥ нуналэ.

⁴⁵Пророкъёслэн гожтэмын"ваньмыз дышетэмын луозы Инмарен".Котькудыз кин кылӥз но дышетскоз Атайлэсь, лыктоз Мон доры.

⁴⁶Со ӧвӧл озьы, кинке адӟиз нӥ шуыса Атаез, Кин Инмарлэсь - Со гинэ адӟылӥз Атаез.

⁴⁷Зэм ик, зэм ик верасько тӥлед: кин оскоз мыным, солэн луоз пумтэм-быронтэм улонэз.

⁴⁸Мон-улонлэн нянез.

⁴⁹Атайёсты сиизы манна пустыняын но кулӥзы.

⁵⁰Нош нянь, инмысь васькемез, сыӵе: кин сое сиёз уз кулы.

⁵¹Мон инмысь васькем луло нянь.Кин сие со нянез, улоз пумтэм-быронтэм улонын.Нош нянь кудзэ Мон сёто Мынам мугоры, кудзэ Мон сёто дуннелэн улонэз понна".

⁵²Соку иудейёс ӧдъязы вожвы лъяськыны куспазы, вераса:"Кызьы Со сётыны быгатоз милем сиыны Аслысьтыз Мугорзэ?"

⁵³Иисус нош вераз соослы:"Зэм ик, зэм ик верасько тӥлед: ӧд ке сие Адямилэн Пиезлэсь Мугорзэ но ӧд ке юэ Солэсь Вирзэ, соку уз луы тӥляд пушкады улонды.

⁵⁴Со, кин сие Мынысьтым Мугорме, но кин юэ Мынысьтым Вирме, солэн вань пумтэм-быронтэм улонэз, но Мон сое берпуметӥ нуналэ кулэмысь улыто.

⁵⁵малыке шуоно Мынам мугоры - зэмлык сиён, но Мынам Виры - зэмлык юон.

⁵⁶Со, кин сие Мынысьтым Мугорме но юэ Мынысьтым Вирме, Мон пушкын улэ, но Мон со пушкын.

⁵⁷Кызьы келяз Монэ улэп Атай, но Мон Атаеным улӥсько, озьы ик со, кин сие Монэ, улоз Монэным.

⁵⁸Со ик вань нянь, кудыз васькиз инмысь.Со ӧвӧл манна кадь, кудзэ сиизы тӥляд атайёсты но кулӥзы: кин сиёз та нянез, улоз пумтэм - быронтэм улонын".

⁵⁹Сое вераз Со синагогаын, дышетыса Капернаумын.

⁶⁰Тросэз Солэн дышетскисьёсыз, кылӟыса тае шуылӥзы:"Кыӵе визьтэмесь кылъёс! Кинлэн кылскемез потэ тае?"

⁶¹Нош Иисус, пушказ тодыса, Солэн дышетскисьёсыз роптать каро шуыса, шуиз соослы:" Тӥледыз та ӵемтаськытэ?

⁶²Нош мар луоз, куке тӥ адӟёды Адямилэсь Пизэ, куке Со тубоз отчы, кытын вал азьло?

⁶³Дух сётэ улон, нош мугор пайда уг сёты. Кылъёсты, кудъёссэ Мон верасько тӥлед, - дух но улон.

⁶⁴Нош вань тӥ пӧлын куд огез оскисьтэмъёсыз" Уго Иисус ӧдъяназ ик тодэ вал, кин уг оскы но кин вузалоз Сое.

⁶⁵Но шуиз:"Соин ик вералляй Мон тӥлед, нокин но уг быгаты лыктыны Мон доры, со сётэмын ӧз ке луы солы Мынам Атаелэсь".

⁶⁶Со дырысен тросэз Солэн дышетскисьёсыз кошкизы Со дорысь но ӧз ни ветлэ Соин.

⁶⁷Соку Иисус шуиз Даскыкъёслы:"Тӥляд но кошкемды уг а поты?"

⁶⁸Симон Пётр вераз Солы:"Господи!Кин доры ми мыныны кулэ? Тынад вань пумтэм-быронтэм улонлэн кылъёсыз",

⁶⁹но ми оскимы но тодӥмы, Тон Христос - улэп Инмарлэн Пиез".

⁷⁰Иисус шуиз соослы:"Дас кык ӧй а быръйы Мон тӥледыз?Нош одӥгез тӥ пӧлысь-дьявал"

⁷¹Сое вераз Со Симонлэн пиезлэн Иуда Искариот сярысь, кудыз вал Дас кыкъёс пӧлысь но солэн Сое вузамез потэ вал.

Chapter 7

¹Со бере Иисус ветлӥз Галилеятӥ, малыке шуон Иудеятӥ ветлэмез ӧз поты, иудейёслэн Сое виемзы потэм муген.

²Матэктэ ни вал иудейёслэн Суккот праздниксы.

³Соку Солэн вынъёсыз шуизы Солы:"Кош татысь но мын Иудеяе,Тынад дышетскисьёсыд но мед адӟёзы Тынысьтыд ужъёстэ.

⁴Малыке шуоно, кинлэнке тодмо луэмез потэ ке, уг лэсьты лушкем.Тон лэсьтӥськод ке сыӵе ужъёсты, возьмат Астэ дуннелы".

⁵Малыке шуоно Солэн вынъёсыз но уг оско вал Солы.

⁶Та верамзылы Иисус шуиз:"Мынам дыры ӧз на ву, нош тӥ понна котьку вань.

⁷Тӥледды дунне адӟемпотостэм карыны уг быгат, нош Монэ адӟемез уг пот, малыке шуоно Мон верасько со сярысь, солэн ужъёсыз лекесь шуыса.

⁸Тӥ мынэ празднике, нош Мон уг-на мын, малыке шуоно Мынам дыры ӧз-на вуы".

⁹Сое вераса соослы, кылиз Галилеяе.

¹⁰Нош, ку Солэн вынъёсыз лыктӥзы, Соку Со но лыктӥз празднике лушкем.

¹¹Иудейёс утчазы Сое праздникын но юаллязы:"Кытын Со?".

¹²Но вал трос вожвылъяськонъёс калыкын Со сярысь: одӥгъёсыз вераллязы Со ӟеч шуыса, мукетъёсыз вераллязы:"ӧвӧл, Со калыкез пӧяськоние вуттэ".

¹³Озьы ке но, нокин но Со сярысь шара ӧз вералля иудейёслэсь кышкаменызы.

¹⁴Нош праздниклэн шор вадесказ Иисус пыриз храме но дышетӥз.

¹⁵Но паймылӥзы иудейёс но шуылӥзы:"Кызьы Со сыӵе ӟеч тодэ Писаниез, дышетскытэк?"

¹⁶Солы пумитазы Иисус шуиз:"Мынам дышетэме - Мынам ӧвӧл, нош Монэ Келясьлэн,

¹⁷кинлэн быдэстэмез потэ Солэсь волязэ, со валалоз: та дышетон Инмарлэсь яке Мон Ачим верасько Аслысьтым.

¹⁸Кин вера аслысьтыз ачиз утча аслыз дан, нош Кин утча дан Сое Келясьлы, Со зэмлыко, Со пушкын шонертэмез ӧвӧл.

¹⁹Моисей ӧз-шат сёты тӥледлы закон? Нош нокин но тӥ пӧлысь законъя уг улы. Ма понна виемды потэ Монэ?"

²⁰Калык пумитаз вераз:"Тон пушкын демон ӧвӧл-а? Кинлэн виемез потэ Тонэ?"

²¹Соослы пумитазы Иисус шуиз:"Мон одӥг уж лэсьтӥ, но тӥ ваньды паймиськоды.

²²Моисей сётӥз тӥледлы обрезание(со Моисейлэсь ӧй вал ке но, нош атайёслэсь), но субботае тӥ обрезание лэсьтӥськоды адямиослы.

²³Субботае адями лэсьтэ ке обрезание, Моисейлэсь законзэ тӥяно медаз лу шуыса,- нош малы Мон вылэ ӧйркуръяськиськоды, Мон адямиез быдэсак катьяй шуыса субботае?

²⁴Эн судить каре тусызъя, нош шонерлыко судэн судить каре".

²⁵Со дыре куд огез Иерусалимысь улӥсьёс вераллязы:" Ӧвӧл-а бен Та Адями, Кудзэ виыны утчало?

²⁶Со шара вераське, но номыр но уг верало Солы: оло кивалтӥсьёс зэм ик но валазы, Со Христос шуыса?

²⁷Ми тодӥськом Сое, кытысь Со; Христос нош ку лыктоз, нокин но уз тоды, кытысь Со".

²⁸Соку Иисус, храмын дышетыкуз, кеськыса вераз:"Тодӥськоды Монэ но тодӥськоды кытысь Мон.Мон ӧй лыкты Аслысьтым Ачим, нош вань Монэ Зэмос-Келясь, кудзэ тӥ уд тодӥське.

²⁹Мон тодӥсько Сое, малыке шуоно Мон Солэсь, но Со келяз Монэ".

³⁰Но кутэмзы потэ вал Сое, нош нокин ӧз куты Сое, малыке шуоно Солэн дырыз ӧз на вуы.

³¹Калык пӧлысь нош тросэз оскизы Солы но вераллязы:"Куке лыктоз Христос, лэсьтоз шат тросгез тодметъёс, Та Адямилэн лэсьтэмезлэсь?"

³²Фарисейёс кылӥзы сыӵе вераськонъёсты Со сярысь, но соку фарисейёс но первосвященникъёс келязы ляльчиоссэс кутыны Сое.

³³Иисус нош шуиз соослы:"Трос ӧз нӥ кыльы Мыным тӥленыд луыны, но мон мыно Монэ Келясь доры.

³⁴Утчалоды Монэ, но уд шедьтэ,

³⁵Сое кылыса, иудейёс вераллязы одӥг огзылы:"Кытчы Со малпа мыныны, кытысь ми Сое ум шэдьтэ? Уг-а меда Со малпа мыныны грек городъёсы, кытын уло асьмелэн калыкмы но дышетыны грекъёсты?

³⁶Мар сярясь со кылъёс, кудъёссэ Со вераз:"утчалоды Монэ, но уд шэдьтэ, кытын Мон луо, отчы тӥ уд быгатэ лыктыны?"

³⁷Быдӟым праздниклэн берпуметӥ нуналаз Иисус кеськыса вераз:"Кинлэн сюэз куасьме, лыкты Мон доры но ю.

³⁸Кин оске Мыным, кызьы верамын Писаниын, солэн пушкысьтыз бызёзы луло вуэн шуръёс"

³⁹Тае Со вераз Дух сярысь, кудзэ басьтозы Солы оскисьёс: уго соос вылын ӧй вал но Святой Дух, малыке шуоно Иисус данъямтэ но вал.

⁴⁰Тросэз калык кылыса та кылъёсты шуылӥзы:"Зэм но Со пророк".

⁴¹Мукетъёсыз вераллязы:"Со - Христос". Нош муктъёсыз вераллязы:"Христос лыктоз шат Галилеяысь?

⁴²Ӧвӧл шат верамын Писаниын, Христос луоз шуыса Давидлэн выжыысьтыз Вифлеем городысь?"

⁴³Озьы калыкъёс люкиськиз Со сярысь пӧртэм малпанъёсын.

⁴⁴Куд огез соос пӧлысь тышо вал Сое кутыны, нош нокин но Сое ӧз иса.

⁴⁵Соин ик ляльчиос бэртӥзы фарисейёс но первосвященникъёс доры но соослэсь юазы:"Малы тӥ ӧд вае Сое?"

⁴⁶Ляльчиос шуизы:"Ноку но адями ӧз на вераськы, кызьы Со вераське".

⁴⁷Фарисейёс шуизы соослы:" Тӥледыз но шат пӧязы?

⁴⁸Кинъёс - ке кивалтӥсьёс яке фарисейёс пӧлысь оскизы шат Солы?

⁴⁹Та калык уг тоды законэз соин ик со проклять каремы".

⁵⁰Одӥгез соос пӧлысь, Никодим, уйин Иисус доры лыктылись, вера соослы:

⁵¹" Асьмелэн Законмы адямиез янгыше уськытэ-а, адямиез кылзиськытчёзь но тодытозь мар лэсьтэмзэ?"

⁵²Солы веразы:"Галилеяысь ӧвӧл-а тон? Сэртты-пертчы но тод, Галилеяысь пророк уг лыкты шуыса".

⁵³Но ваньмыз кошкизы гуртъёсазы.

Chapter 8

¹Иисус Елеон гурезе мынӥз.

²Нош ӵукна выльысь лыктӥз храме, но вань калык лыктӥз Мо доры. Со пуксиз но ӧдъяз дышетыны.

³Татын фарисейёс но книжникъёс ваизы калгись кузпалъяськем кышномуртэз, кудыз кутэмын вал сьӧлык лэсьтыкуз, но, пуктыса сое шор вадескы,

⁴шуиз Солы:"Дышетӥсь! Та кузпалъяськем кышномурт кутэмын вал калгон сьӧлык лэсьтыкуз.

⁵Моисей законын косӥз асьмеды сыӵеосты, изэн зиръяса виыны, нош Тон ма вералод?

⁶Вераллязы озьы, эскерыса Сое, мед луоз шуыса муг янгыше уськытыны. Нош Иисус, улие мыкырскыса, чиньыеныз гожъяз музъем вылэ, кылэм-адӟеи но соосты карытэк.

⁷Куке азьланьтӥзы юалляськын Сое, Со, йырзэ жутыса, шуиз соослы:"Кудызлэн тӥ пӧлысь ӧвӧл сьӧлыкез, нырысь ик зӥрты солы изэн".

⁸Но нош ик, улӥе мыкырскыса, гожъяз музъем вылэ.

⁹Соос нош, тае кылыса но возьытсы соосты янгыше уськытыса, бадӟымысен ӧдъяса, оген оген кошкылӥзы,

¹⁰Нош Иисус, йырзэ ӝутӥз но, нокин но ӧвӧл, кышномурт сяна, но шуиз солы:"Кышномурт! Кытын тынад янгыше уськытӥсьёсыд? Нокин но тонэ судить оз кары-а?"

¹¹Со вераз:"Нокин но, Господи". Иисус шуиз солы:"Мон но тонэ судить уг кариськы. Мын но отӥяз сьӧлык зн лэсьты ни".

¹²Нош ик Иисус вералляз калыклы но шуиз соослы:"Мон - дуннелы югдытӥсь. Кин мыноз Мон сьӧры, со уз ветлы пеймытын, нош солэн луоз улонлэн югытэз".

¹³Соку фарисейёс шуизы Солы:"Тон вераськод Ачид Ачид сярысь, соин ик Тынад верамед шонер ӧвӧл".

¹⁴Иисус пумитазы вераз:"Мон верасько ке Ачим Ачим сярысь, мынам вераме шонер, малыке шуоно Мон тодӥсько, кытысь лыктӥ но кытчы мынӥсько, нош тӥ уд тодӥське, кытысь Мон но кытчы мынӥсько

¹⁵Тӥ судить кариськоды мугоръя, нош Мон нокинэ но судить уг кариськы.

¹⁶Мон судить карисько ке но, Мынам судэ шонер, малыке шуоно Мон ӧвӧл огням, нош Мон но Атае, кудыз келяз Монэ".

¹⁷Тӥляд законады но гожтэмын уг, кык муртлэн шара верамез шонер шуыса.

¹⁸Мон ачим верасько Ачим сярысь, но вера Мон сярысь Атае, кудыз келяз Монэ".

¹⁹Солы пумитаз веразы:"Кытын Тыад Атаед?" Иисус вера:"Тӥ уд тодӥське Монэ но Мынысьтым Атайме но. Тӥ тодысалды ке Монэ, соку тодысалды Мынысьтым Атайме но".

²⁰Та кылъёсты Иисус храмын дышетыкуз вераз ваньбур возённи дорын, но нокин но ӧз куты Сое, малыке шуоно ӧз на ву Солэн дырыз.

²¹Нош ик Иисус шуиз соослы:"Мон кошкисько, но утчалоды Монэ, но кулоды асьтэлэн сьолыкъёсады. Кытчы Мон мынӥсько, отчы тӥ уд быгатӥське лыктыны".

²²Отын иудейёс шуизы:"Оло Со Асьсэ Ачиз виыны чакла, куке вера"кытчы Мон мынӥсько, тӥ уд быгатӥське лыктыны?"

²³Со вераз соослы:"Тӥ улӥослэн, Мон вылӥослэн. Тӥ та дуннелэн, Мон ӧвӧл та дуннелэн.

²⁴Соин ик Мон верай соослы, тӥ кулоды шуыса сьолыкъёсады. Бен уд ке оске, Мон со шуыса, соку кулоды асьтэлэн сьолыкъёсады".

²⁵Соку шуизы Солы:"Кин бен Тон? Иисус шуиз соослы:"Со кин, кутсконысен ик вералляз Асьсэ.

²⁶Тросс вань, мар вераны но судьяны тӥ сярысь, нош Монэ Келясь зэмлыко, но мар Мон кылӥ Солэсь, сое ик верасько дуннелы".

²⁷Ӧз валалэ, Со вера шуыса Атаез сярысь.

²⁸Озьыен, Иисус шуиз соослы:"Куке ӝутоды Адямилэсь Пизэ, соку тододы, Мон со шуыса но номыре но уг лэсьтӥськы шуыса Аслэсьтым, нош кызьы дышетӥз Монэ Мынам Атае, озьы ик верасько.

²⁹Монэ келясь Монэным, Атае ӧз кельты Монэ огняме, малыке шуон Мон котьку лэсьтӥсько сое, мар Солы кельше".

³⁰Куке Со вералляз тае, тросэз оскизы Солы.

³¹Соку Иисус шуиз иудейёслы, кудъёсыз Солы оскизы:"Мынам кылам улоды ке, соку тӥ зэмос Мынам дышетскисьёсы,

³²но тододы зэмлыкез, но зэмлык лэсьтоз тӥледды эрико".

³³Солы пумитаз веразы:"Ми Авраамлэн выжыысьтыз, ноку но нокинлы но ми раб луыса ӧм улэ, кызьы Тон вераськод "луоды эрико?"

³⁴Иисус шуиз соослы:"Зэм ик, зэм ик, верасько тӥлед:котькудыз, кин лэсьтэ сьӧлык, со сьӧлыклэн рабез.

³⁵Раб уг кыльы коркан пыраклы. Нош Пи пыраклы кыле.

³⁶Соин ик, Пи мозмытӥз ке тӥледды, зэм ик эрико луоды.

³⁷Тодӥсько тӥ Авраамлэн выжыез шуыса, озьы ке но утчаськоды Монэ виыны, малыке шуоно Мынам кылы пырыны уг быгаты тӥ пушкы.

³⁸Мон верасько сое, мае адӟи Асмлам Атаелэсь, нош тӥ вераськоды, мае адӟиды астэлэн атайдылэсь.

³⁹Солэн пумитаз веразы:"Милям атаймы - Авраам". Иисус шуиз соослы:" Тӥ луысалды ке Авраамлэн нылпиосыз, соку лэсьтысалды Авраамлэсь ужъёссэ.

⁴⁰Та бере виемды потэ Монэ. Адямиез, кудыз вераз тӥледлы зэмлыкез, кудзэ кылӥз Инмарлэсь: Авраам озьы ӧз лэсьтылы.

⁴¹Тӥ лэсьтӥськоды ужъёссэ асьтэлэсь атайдылэсь". Та пумысен Солы веразы:"Ми калгон сьӧлыклэсь вордскем нылпиос ӧвӧл. Одӥг милям Атаймы, Инмар".

⁴²Иисус шуиз соослы:"Тӥляд Атайды луысал ке Инмар, соку тӥ яратысалды Монэ, малыке шуоно Мон Инмарлэсь потӥ но лыктӥ, Мон ӧй лыкты Ачим Аслысьтым, нош Со келяз Монэ.

⁴³Малы тӥ уд валасьее Мынысьтым верм кылме? Малыке шуоно уд быгатӥське кылыны Мынысьтым веранме.

⁴⁴Тӥляд атайды дьявол, но тӥляд лэсьтэмды потэ мылкыд потэмзэ асьтэлэсь атайдылэсь. Со кутсконысен ик адями виись вал, зэмлыкын сылыны ӧз быгаты, малыке шуоно со пушкын зэмлык ӧвӧл. Пӧяса веракуз, со вера аслэсьтыз, малыке шуоно со пӧялляськись но пӧялляськонлэн атаез.

⁴⁵Нош ку Мон верасько тӥлед шонерзэ, уд оскиське Мыным.

⁴⁶Кин тӥ пӧлысь вералоз он пӧялляськисько шуыса? Мон верасько ке шонер, малы тӥ уд оскиське Мыным?

⁴⁷Кин Инмарлэсь, со кылзӥське Инмарлэсь кылъёссэ. Тӥ Инмарлэн ӧвӧл, соин ик уд кылскиське".

⁴⁸Иудейёс та пумысен веразы Солы:"Ми шонер вераллям, Тон - самарянин но Тон пушкын демон?"

⁴⁹Иисус верам:"Мон пушкын ӧвӧл демон, но Мон гажасько Мынысьтым Атайме, нош тӥ урод кариськоды Монэ.

⁵⁰Озьы ке но, Мон уг утчаськы Аслысьтым данме: вань Утчась но Судить карись.

⁵¹Зэм ик, зэм ик верасько тӥлед: кин Мынысьтым кылме быдэсъялоз, со ноку но кулонэз уз адӟы".

⁵²Иудейёс шуизы Солы:"Табере ми тодӥмы, Тон пушкын демон, Авраам но пророкъёс кулӥзы, нош Тон вераськод" кин быдэстоз Мынысьтым верамме, ноку но кулонэз уз адӟы шуыса".

⁵³Тон бадӟымгес шат, Авраамлэсь - милям атаймылэсь, кудыз кулӥз? Пророкъёслэсь но кулӥзы: кинэн лыдъяськод Тон Астэ?"

⁵⁴Иисус вералляз:" Мон Асме Ачим ке данъясько, соку данэ Мынам - номырлы уг яра. Монэ данъялоз Мынам Атае, Кудыз сярысь тӥ вераськоды, Со тӥляд Инмарды шуыса.

⁵⁵Тӥ ӧд тодэ Сое нош Мон тодӥсько Сое, верай ке уг тодӥськы шуыса, соку луо пӧялляськись, тӥ кадь ик.Нош Мон тодӥсько Сое, но быдэстӥсько Солэсь куронзэ.

⁵⁶Авраам - тӥляд Атайды, шум потыса ик адӟемез потэ вал Мынысьтым нуналме, но адӟиз, но шум потӥз".

⁵⁷Иудейёс шуизы:"Тыныд ӧвӧл на витьтон арес но,- но Тон адӟиз ни Авраамез"

⁵⁸Иисус шуиз соослы:"Зэм ик, зэм ик верасько тӥлед :Авраамлэсь азьло Мон вал ини".

⁵⁹Соку басьтӥзы изъёс, Со вылэ зӥртынон вылысь, нош Иисус вадскиз но потӥз храмысь, соос пыртӥ но кошкиз мукет интые.

Chapter 9

¹Но мыныкуз, адӟиз адямиез, кудызлэн синмыз уг адӟы вал вордӥськем дырысеныз.

²Солэн дышетскисьёсыз юазы Солэсь:"Равви! Аслаз-а, солэн анай-атайёсызлэн-а, сьӧлык лэсьтэменызы, со синтэм вордӥськиз?"

³Иисус вераз:"Со но, солен анай-атайёсыз но, сьӧлык ӧз лэсьтэ. Нош ваньмыз озьы луиз, Инмарлэн ужъёсыз мед быдэсмозы шуыса со вылын.

⁴Нуназе бырытозь, Мон ужъёссэ лэсьто Монэ Келясьлэсь. Уй вуэм бере нокин-но уг нӥ ужа.

⁵ Дуннеын улытозям, Мон дуннелы югыт карись".

⁶Тае вераса, сялӟиз музъем вылэ, лэсьтӥз дэри сялысьтыз но зыраз синъёссэ синтэмлэсь,

⁷но шуиз солы:"Мын пыласькы Силоам пыласьконниын, кудызэ "келямын" шуыны луэ. Со мынӥз но пыласькиз, но лыктӥз адӟись луыса.

⁸Соку бускельёсыз но кин тодэ со синтэм вал шуыса вераллязы:"Ӧвӧл-а со синтэм, кудыз кураське вал?"

⁹Одигъёсыз шуылӥзы:"Со", нош мукетъёсыз:"Солэн тусыз вань". Нош со шуылиз:"Мон со".

¹⁰Соку юаллязы солэсь:"Кызьы учкизы тынад синъёсыд?"

¹¹Соослы со озьы шуиз:"Иисус нимо адями лэсьтӥз дэри, но зыраса мынысьтым синъёсме шуиз "Силоам пыласьконние мын но пыласькы". Мон мынӥ, пыласьки но синмы адӟыны кутскиз".

¹²Соку юазы солэсь:"Кытын Со?" Со соослы:"Уг тодӥськы".

¹³Нуизы азьло синтэм адямиез фарисейес доры.

¹⁴Вал суббота, Иисус куке лэсьтӥз дэри но усьтӥз солэсь синъёссэ.

¹⁵Озьы ик фарисейёс но юазы солэсь кызьы со адӟыны кутскиз. Со шуиз соослы:"Со понӥз дэри мынам синъёсы вылэ, мон пыласьки но адӟыны кутски".

¹⁶Соку куд-ог фарисейёс шуизы:"Инмарлэсь ӧвӧл та адями, малыке шуоно субботаез уг утьы". Мукетъёсыз шуылӥзы:"Кызьы сьӧлыко адями быгатоз лэсьтыны сыӵе чудоос?" Но соос куспын вожвылъяськонъёс кылдӥзы.

¹⁷Нош ик юало азьло синтэмлэсь:"Со усьтӥз тынэсьтыд синъёстэ: мар тон вералод Со сярысь?" Со шуиз:"Со пророк".

¹⁸Соку иудейёс ӧз оске солэн синъёсыз уг адзё вал но адӟыны кутскизы шуыса, азьло синтэмлэсь анай-атайессэ отьытчёзь

¹⁹но юазы соослэсь:"Со-а тӥляд нылпиды, кудыз сярысь тӥ вералляды со синтэм вордӥськиз шуыса? Кызьы нош али со адӟе?"

²⁰Солэн анай-атаёсыз веразы соослы:"Ми тодӥськомы со милям нылпимы но вордӥськиз синтэм шуыса,

²¹нош кызьы со адӟыны кутскиз, ум тодӥське, яке кин солэсь синъёссэ усьтӥз, ми ум тодӥське. Со ачиз бадӟым ини, юалэ солэсь, мед ачиз ачиз сярысь вералоз".

²²Иудейёслэсь кышкаменызы, озьы веразы солэн анай-атайёсыз, иудейёс уго кенешизы ини синагогалэсь палэнэ карыны ваньзэсты, кин лыдъялоз Иисусэз Христос шуыса.

²³Соин ик солэн анай-атайёсыз шуизы:"Со бадӟым ни, аслысьтыз юалэ",

²⁴Кыкэтӥзэ ӧтизы со адямиез, кудызлэн синмыз уг адӟы вал, но шуизы солы:"Инмарез данъя. Ми тодӥськом, Со адями сьӧлыко шуыса".

²⁵Со вераз соослы:"Сьӧлыко-а Со, мон уг тодӥськы, одӥгзэ тодӥсько:мынам синмы уг адӟы вал нош али адӟе ни"

²⁶Нош ик юазы солэсь:"Мар тонэныд Со лэсьтӥз? Кызьы синъёстэ усьтӥз?'

²⁷Со шуиз солы:"Мон тӥледлы верай ни, нош тӥ ӧд кылзӥське, мае кылэмды потэ на? Яке тӥляд но-а луэмды потэ Солэн дышетскисьёсыз?"

²⁸Соос сое куаретыса веразы:" тон Солэн дышетскисез, нош ми Моисейлэн дышетскисьёсыз!

²⁹Ми тодӥськом, Моисеен Инмар вал, нош Тайзэ ум тодӥське, кытысь Со.

³⁰Синмыз учкем адями шуиз:"Со ик паймымон, тӥ уд тодӥське Со кытысь, нош Со усьтӥз мынысьтым синъёсме.

³¹Нош ми тодӥськом Инмар уг кылзӥськы сьӧлык лэсьтӥсьёсты, нош кин Инмарез гажа но быдэстэ Солэсь волязэ - сое кылзэ.

³²Даурлэн кутсконысеныз нокин но ӧз кылылы на, кинке мед усьтоз синъёссэ синтэм вордӥськемлэсь шуыса.

³³Со ӧй ке луысал Инмарлэсь, соку номыр но лэсьтыны ӧй быгатысал".

³⁴Соос солэн пумитаз веразы:"Сьӧлыкъёсын тон вордӥськид, тынад-а милемыз дышетоно?" Но уллязы сое педло.

³⁵Иисус, кылыса, сое педло уллямзэс, шедьтӥз сое но шуиз:"Оскиськод - а тон Инмарлэн Пиезлы?"

³⁶Со юаз:"Господин, нош кин Со, мон мед оско шуыса Солы?"

³⁷Иисус шуиз солы:"Тон адӟылӥд Сое, но Со вераськиз тонэныд".

³⁸Нош со вераз:"Оскисько, Господи!" Но йыбырттӥз Солы.

³⁹Но шуиз Иисус :"Суд лэсьтыны Мон лыктӥ та дуннее, кин уг адӟы вал - мед адӟёз, нош кин адӟе вал - медаз адӟы".

⁴⁰Тае кылыса, куд огез фарисейёс, кудъёсыз Соин вал, юазы солэсь:"Ми но шат синтэмесь?"

⁴¹Иисус шуиз соослы:"Тӥ луысалды ке синтэмесь, соку ой луысал тӥляд сьолыкъёсты, нош тӥ шуиськоды, "адӟиськом", соку сьӧлык кыле тӥ вылэ".

Chapter 10

¹"Зэм ик, зэм ик верасько тӥлед:кин уг пыры ыж азбаре ӧсэтӥ, нош кенер вамен тэкчыса пыре, со лушкаськись но разбойник,

²нош ӧсэтӥ пырись - ыж возьмась.

³Солы ӧс дорын сылӥсь усья, но ыжъёс кылзо солэсь куаразэ, со ӧте ыжъёссэ нимзыя но нуллэ соосты.

⁴Но куке нуллэ аслэсьтыз ыжъёссэ, мынэ соослэн асьпалазы, нош ыжъёсыз со сьӧры, малыке шуоно соос тодмало солэсь куаразэ.

⁵Мурт сьӧры уг мыно, пегӟё, малыке шуоно уг тодмало мукет куараез".

⁶Та притчаез вераз Иисус соослы, нош соос ӧз валалэ, мае Солэн верамез потэ вал.

⁷Нош ик Иисус вераз соослы:"Зэм ик, зэм ик верасько тӥлед, Мон - ыжъёслы ӧс шуыса.

⁸Ваньмыз кинъёс лыктылӥзы Мынам азьпалам лушкаськисьёс но разбойникъёс, но ыжъёс ӧз кылзӥське соослэсь.

⁹Мон - ӧс: кин пыроз Мон пыртӥ со спастись кариськоз, пыроз но потоз но ыж сион инты но шэдьтоз.

¹⁰Вор лыктэ лушкан, виён но быдтон вылысь. Мон лыктӥ, мед луоз шуыса улон но пачыл улон.

¹¹Мон - ӟеч ыж возьмась: ӟеч ыж возьмась улонзэ сётэ аслаз ыжъёсыз понна.

¹²Нош медъяськыса ужась, ыж возьмась ӧвӧл, ыжъёсыз солэн аслаз ӧвӧл, кион лыктэ ке, кельтэ ыжъёсты но пегӟе, соку кион лушка но пазя ыжъёсты.

¹³Медъяськыса ужась пегӟе, малыке шуоно со медъяськемын, но ыжъёс понна уг чакласькы.

¹⁴Мон - ӟеч ыжвозьмась, Мон тодмасько аслэсьтымъёссэ, асламъёсыз но Монэ тодмало.

¹⁵Кызьы Атае тодэ Монэ, озьы ик Мон тодӥсько Атайме но улонме сётӥсько Аслам ыжъёсы понна.

¹⁶Вань Мынам мукетъёсыз но ыжъёсы, кудъёсыз та азбарысь ӧвӧл, соосты Мон вайыны кулэ: соос но кылозы Мынысьтым куараме, но луоз одӥг уллё но одӥг Ыжвозьмась.

¹⁷Соин ик яратэ Монэ Атае, Мон сётӥсько шуыса улонме, выльысь басьтон вылысь.

¹⁸Нокин но уг тала сое Мынысьтым, нош Мон ачим сётӥсько сое но власте вань выльысь басьтыны сое. Та заповедез Мон басьтӥ Аслам Атаелэсь.

¹⁹Та кылъёслэсь нош ик иудейёс пӧлын кылдӥзы вожвылъяськонъёс.

²⁰Тросэз соос пӧлысь вераллязы:" Сое демон вормемын но Со визьтэмъяське, мазэ кылзӥськоды Сое?"

²¹Мукетъёсыз вераллязы:"Та верам кылъёс ӧвӧл демонэн вормем муртлэсь. Быгатоз шат демон синтэмъёсты адӟись карыны.

²²Вуиз Иерусалимын выльдӥськон праздник, соку вал тол.

²³ Но ветлэ вал Иисус храметӥ, Соломонлэн притвортӥз.

²⁴Отын иудейёс котыртӥзы Сое но веразы Солы:"Кема-а Тон милемды возёд на тодытэк? Христос ке Тон вера милем меӵак".

²⁵Иисус соослы вераз:"Мон верай тӥлед нош тӥ ӧд оске.Ужъёс, кудъёссэ Мон лэсьтӥсько Мынам Атаелэн нимыз понна - соос Мынам свидетельствоосы.

²⁶Нош тӥ уд оскиське, малы ке шуоно тӥ ӧвӧл Мынам ыжъёсы пӧлысь, кызьы Мон верай тӥледлы.

²⁷Мынам ыжъёсы кылзӥсько Мынам куараелэсь, Мон тодӥсько соосты, но соос мыно Мон сьӧры.

²⁸Но Мон сётӥсько соослы пумтэм-быронтэм улон, ноку но уз кулэ, но нокин но уз лушка соосты Мынам Атаелэн киысьтыз.

²⁹Атае Мынам, Кудыз сетӥз Соосты Мыным, ваньмызлэсь бадӟым, но нокин но уз быгаты лушканы соосты Мынам Атаелэсь киысьтыз.

³⁰Мон но Атае одӥг".

³¹Иудейёс нош ик кутӥзы изъёс, Со вылэ зӥрян вылысь.

³²Иисус соослы вераз:"Трос ӟеч ужъёс возьматӥ Мон тӥлед Мынам Атаелесь, кудыз уже понна Монэ зӥръямды потэ изъёсын?"

³³Иудейёс шуизы Солы:"Ӟеч ужъёсыд понна зиръяммы изъёсын уг поты, нош богохульничать каремедлы, но Тон адями ке но, возьматӥськод Астэ, Инмар шуыса".

³⁴Иисус соослы вераз:"Ӧвӧл-а гожтэмын тӥляд законады:"Мон верай - тӥ инмаръёс"?

³⁵Со нимаз ке инмарен соосты, кинъёслы вал Инмарлэн кылыз, но воштэмын уг луы Писаниез,-

³⁶Солы-а, Кудзэ Атай освятить карӥз но келяз дуннее вылэ, тӥ вераськоды "богохульник", Мон верай шуыса:"Мон Инмарлэн Пиез"?

³⁷Мон уг ке лэсьтӥськы Ужъёссэ Атаелэсь, эн оскелэ Мыным,

³⁸нош лэсьтӥсько ке, куке уд ке оскиське Мыным, оске Мынам ужъёсылы, тодон но оскон вылысь, Атае Мон пушкын но Мон Атае пушкын шуыса".

³⁹Соку нош ик кутэмзы потэ вал Сое, нош Со утӥськыны быгатӥз соослэсь,

⁴⁰ но нош ик выжиз Иордан сьӧры, со интые, кытын азьло Иоанн крестить кариз, но отчы ик кылиз.

⁴¹Тросэз лыктӥзы Со доры но вераллязы, Иоанн пе ӧз лэсьты нокыӵе но чудо, нош ваньмыз, мае вераз Иоанн Со сярысь, вал шонер.

⁴²Но тросэз отын оскизы Солы.

Chapter 11

¹Вифания гуртын, кытын уло вылэм Мария но солэн сузэрез Марфа, вал Лазарь нимо висись адями.

²Висись Лазарь вал выныз Мариялэн, кудыз зыраз Кузё Инмарез мираен но ӵушылӥз Солэсь пыдъёссэ аслаз йырсиосыныз.

³Сузэръёсыз келязы Солы вераны:"Кузё Инмар! Тани, Тон кинэ яратӥськод висе".

⁴Иисус, кылыса сое, шуиз:"Та висён кулонлы ӧвӧл, нош Инмарлэн данэз понна, со пыртӥ мед данъяськоз шуыса Инмарлэн Пиез".

⁵Иисус яратылӥз Марфаез, солэсь сузэрзэ но Лазарез.

⁶Куке нош кылӥз, со висе шуыса, соку со интыын, кытын вал, кык нунал улӥз.

⁷Со бере дышетскисъёсызлы шуиз:"Ойдолэ бертом Иудеяе".

⁸Дышетскисьёсыз шуизы Солы:"Равви! Кемалась-а иудейёс Тонэ зӥръян медо вал изъёсын, нош Тон выльысь отчы мынӥськод?"

⁹Иисус пумитазы верам:"Дас кык час ӧвӧл-а нуналын? Кин ветлэ нуназе, со уг ӵемты, малыке шуоно, адӟе югытсэ та дуннелэсь,

¹⁰нош кин ветлэ уйин, ӵемтаське, малыке шуоно, соин ӧвӧл югыт".

¹¹Тае вераса, бӧрысьгес ватсаз:"Асьмелэн эшмы Лазарь умме усиз, нош Мон мынӥсько сое сайкатыны".

¹²Дышетскисьёсыз шуизы Солы:"Кузё Инмар! Умме усиз ке, катьяськоз".

¹³Иисус вера вал солэн кулэмез сярысь, нош соос малпало вал, Со вера шуыса огшоры изён сярысь.

¹⁴Соку Иисус вераз соослы меӵак:"Лазарь кулӥз.

¹⁵Мон шум потӥсько тӥ понна. Мон ӧй вал отын, тӥ мед оскоды шуыса, нош та бере мыноме со доры".

¹⁶Соку Фома, кудзэ верало вал Кыкто, шуиз дышетскисьёслы:"Мыноме но асьмеос но соин ӵош кулом".

¹⁷Куке Иисус Лыктӥз но тодӥз, со ньыль нунал шӧйгуын ни шуыса.

¹⁸Вифания вал куинь иськемын гинэ Иерусалим дорысен,

¹⁹но тросэз иудейёс вынзы понна куректӥсь Марфа но Марияез буйгатыны лыктэмын вал.

²⁰Марфа, Иисуслэсь лыктэмзэ кылыса, Солэн пумитаз мынӥз, нош Мария коркан кылиз.

²¹Соку Марфа шуиз Иисуслы:"Тон луысал ке татын, ӧй кулысал мынам выны.

²²Но али но тодӥсько, Тон Инмарлэсь мае курод, Со сётоз Тыныд".

²³Иисус вера солы:"Выныд тынад улӟыса султоз"

²⁴Марфа шуиз Солы:"Тодӥсько, улӟыса султоз улӟыса султон, берпум нуналэ".

²⁵Иисус шуиз солы:"Мон - улӟыса султон но улон. Кин оске Мыным, кулӥз но ке - улӟёз.

²⁶Но кутькудыз, улӥсез но оскисез Мыным, ноку но уз кул. Оскиськод а талы?"

²⁷Со вераз Иисуслы:"Бэн Кузё Инмаре! Мон оскисько, Тон Христос, Инмарлэн Пиез, Кудыз лыктыны кулэ дуннее".

²⁸Тае вераса лушкем мынӥз но ӧтиз Мария сузэрзэ:"Дышетӥсь татын,. Со ӧте тонэ".

²⁹Со кылӥз но со куспын ик султӥз но Со доры мынӥз.

³⁰Иисуз ӧз на пыр вал гуртэ, нош вал со интыын, кытын Сое пумитаз Марфа.

³¹Иудейёс, кудъёсыз вал соин коркан но буйгато вал сое, адӟизы Мариялэсь ӝог султэмзэ но потэмзэ, но бӧрсяз мынӥзы, малпаса, со мынэ шуыса бӧрдыны шӧйгу доры.

³²Мария нош, Иисус доры лыктӥз но Сое адӟыса усиз Солэн пыдазяз но шуиз:"Кузё Инмаре! Тон луысал ке татын, мынам выны ӧй кулысал".

³³Иисус, куке адӟиз солэсь но иудейёслэсь бӧрдэмзэс, Ачиз духеныз ӝожомиз но бугырскиз,

³⁴но шуиз:"Кытчы тӥ сое понӥды? Солы верало:"Кузё Инмар! Мын но учкы".

³⁵Иисус бӧрдӥз.

³⁶Соку иудейёс вераллязы:"Учкы, кыӵе Со сое яратэ".

³⁷Нош куд-огез соос пӧлысь вераллязы:"Ӧз-а быгаты Со, Кин усьтӥз синтэмлэсь синъёссэ, лэсьтыны, Лазарь медаз кул шуыса?"

³⁸Нош Иисус, куректыса Ачиз Аслыз, лыктэ шӧйгу доры, кудыз вал пещёраын, но со борды пыкемын вал из.

³⁹Иисус шуиз:"Утялтэ изэз". Кулэмлэн сузэрез Марфа, шуэ Солы:"Кузё Инмар! Со ньыль нунал шӧйгуын кылле но зын потэ ини".

⁴⁰Иисус солы пумитаз вераз:"Ӧй-а вера Мон тыныд, оскид ке, адӟёд Инмарлэсь данзэ шуыса?"

⁴¹Соку палэнтӥзы изэз пещёра дорысь, кытын кылле вал кулэм адями. Иисус ӝутӥз синъёссэ инме но шуиз:"Атай! Тау тыныд, Тынад Монэ кылэмед понна.

⁴²Мон тодӥсько, Тон котьку кылӥськод Монэ, нош верай калык понна, кудъёсыз татын сыло, соос мед оскозы, Тон келяд шуыса Монэ".

⁴³Тае вераса,Со зол кеськиз:"Лазарь! Пот!"

⁴⁴ Кулэм мурт, кудызлэн киосыз но пыдъёсыз но кулон басмаен, ымнырыз но кышетэн бинемын вал, пещёраысь потӥз. Иисус вера соослы:"Пертчылэ сое, мед со мыноз".

⁴⁵Соку тросэз иудейёс, кудъёсыз вал Мария дорын адӟизы, мае лэсьтӥз Иисус, но оскизы Солы.

⁴⁶Куд огез соос пӧлысь мынӥзы фарисейёс доры но веразы соослы, мае Иисус лэсьтӥз.

⁴⁷Соку фарисейёс но первосвященникъёс люказы синедрион но вераськылӥзы:"Мар милем лэсьтоно? Та адями лэсьтэ тросс чудоос.

⁴⁸Кельтӥмы-ке Сое озьы ик, соку ваньмыз оскозы Солы, но лыктозы римлянъёс но басьтозы асьмелэсь интымес но асьмелэсь калыкмес но".

⁴⁹Одӥгез соос пӧлысь, Каифа, кудыз со арын первосвященник вал, шуиз соослы:"Тӥ номырэ но уд тодӥське

⁵⁰ уд но валаське, мар асьмелы ӟеч-гес, одӥг адями мед кулоз вань калык понна, ваньмыз калыкъёс бырытчёзь".

⁵¹Тае со аслысьтыз ӧз вера, нош вал со арын со первосвященник, соин ик пророчествовать кариз, Иисус кулоз шуыса калык понна,

⁵²но калык понна гинэ ӧвӧл, нош со понна но, пазяськем Инмарлэсь нылпиоссэ люкан вылысь одӥг интые.

⁵³Но та нуналысен кенешизы Сое виыны.

⁵⁴Соин ик Иисус ӧз нӥ ветлы шара иудейёс пӧлтӥ, нош кошкиз отысь пустынялы матысь Ефраим городэ, но улӥз отын дышетскисьёсыныз.

⁵⁵Матэктэ ни вал иудейёслэн Пасхазы, но тросэз, кунлэн котькуд интыысьтыз, Пасха азьын лыктӥзы Иерусалиме чылкытаськыны.

⁵⁶Соос утчаллязы Иисусэз но, храмын сылыкузы, ог огзылы вераллязы:"Кызьы тӥ малпаськоды, уз-а меда Со лыкты празднике?"

⁵⁷Первасвященникъёс но фарисейёс косӥзы, кин-ке пе тодӥз ке, кытын Со, мед чагиськоз, Сое кутон вылысь.

Chapter 12

¹Пасхалэсь куать нуналы азьло Иисус лыктӥз Вифание, кытысь вал кулэм Лазарь, кудзэ Со кулэмысь улӟытӥз.

²Отын дасязы Солы ӝыт сион но Марфа служить кариз, нош Лазарь Соин ӵош пукиз.

³Нош Мария, басьтӥз фунт дуно чылкыт нордовой мира, но зыраз Иисуслэсь пыдъёссэ но ӵушылӥз соосты аслаз йырсиосыныз, корка тырмиз миралэн ческыт зыныныз.

⁴Соку одӥгез Солэн дышетскисез, Иуда Искариот, Симонлэн пиез, кудызлэн вузамез потэ вал Сое, шуиз:

⁵"Уг-а луы вал та мироез вузаны куинь сю динарийлы но сетчаны начаръёслы?"

⁶Нош со озьы начаръёс сярысь сюлмаськеменыз ӧз шуы, нош соин, малыке шуоно со вал вор. Солэн бордаз вал коньдонэн куды, но со лушкем басьтылӥз отысь, мае отчы понылӥзы.

⁷Иисус шуиз:"Кельты сое. Монэ ватон нуналлы тае со возиз.

⁸Уго начаръёс котьку луозы тӥледын, нош Мон котьку уг луы".

⁹Тросэз иудейёс тодӥзы, Солэсь отынзэ, но Иисус доры гинэ ӧз лыктэ, нош лыктӥзы адӟыны Лазарез но, кудзэ Со кулэмысь улӟытӥз.

¹⁰Нош первосвященникъёс чаклазы виыны Лазарез но,

¹¹со пыртӥ тросэз иудейс лыктылӥзы но оскылӥзы Иисуслы шуыса.

¹²Мукет нуналэ, празднике лыктэм трос калык, кылӥзы Иисуслэсь Ирусалиме лыктэмзэ,

¹³басьтӥзы финиковой пальмаослэсь вайёссэ, потӥзы Солэн пумитаз но шумпотыса вераллязы:"Осанна! Данъяськы Кузё Инмарлэн нимыз понна лыктӥсь, Израильлэн Царез!"

¹⁴Нош Иисус, шедьтыса егит оселэз, пуксӥз со вылэ, кызьы гожтэмын

¹⁵"Сионлэн нылыз, эн кышка! Тынад царед со бертэ, егит осёл вылын пукыса".

¹⁶Солэн дышетскисьёсыз нырысь ӧз валалэ тае, нош, куке данъяськиз Иисус, соку тодазы вайизы, озьы Со сярысь гожтэмын, но гожтэмья ик лэсьтӥзы Солы.

¹⁷Калык, кудыз Соин вал азьло, вералляз, Со пе поттӥз Лазарез шӧйгуысь но кулэмысь улӟытӥз.

¹⁸Соин ик пумитаз Сое калык, чудо лэсьтэмзэ кылыса.

¹⁹Фарисейёс куспазы шуылӥзы:"Адӟиськоды-а, тӥляд номыре но уг пӧрмы? Вань дунне Со сьӧры мынэ".

²⁰Куд огез праздник дырья йыбырттыны лыктэмъёс пӧлын грекъёс вал.

²¹Соос Филипп доры лыктӥзы, кудыз вал Галилейской Вифсаидаысь, но куризы солэсь, вераса:"Господин! милям Иисусэз адӟеммы потэ".

²²Филипп мынэ но вера со сярысь Андрейлы, но бӧрысь Андрей но Филипп верало со сярысь Иисуслы.

²³Иисус соослы пумитазы вераз:"Вуиз дыр данъяськыны Адямилэн Пиезлы.

²⁴Зэм ик зэм ик верасько тӥлед:"чабей тысь, музъеме шедьыса, ӧз ке кул, одӥг кылез, нош кулӥз ке, сётоз тросс емыш.

²⁵Кин яратэ аслысьтыз лулзэ быттоз сое, кин адӟемпотостэм каре аслысьтыз лулзэ таяз дуннеын, утёз сое пумтэм-быронтэм улонлы.

²⁶Кин Мыным служить каре, мед Мон сьӧры лыктоз, кытын Мон, отын ик луоз Мынам ляльчие но. Но кин служить каре Мыным, сое гажалоз Мынам Атае.

²⁷Лулы Мынам табере ӝожомиз. Мар Мыным лэсьтыны?Атай! Монэ та часлэсь мозмыты! Нош Мон та час понна ик лыктӥ.

²⁸Атай! Данъя Аслысьтыд нимдэ".Соку кылӥськиз инмысь куара:"Данъяй но эшшо но данъяло".

²⁹Калык, кудыз сылэ вал но кылӥз тае, вералляз:"Гудыри со", нош мукетъёсыз вераллязы:"Ангел вералляз Солы".

³⁰Иисус талы шуиз:"Мон понна ӧй вал та куара, нош калык понна.

³¹Табере та дунне осудить каремын.Табере та дуннелэн кивалтӥсез уллямын луоз.

³²Но, ку Мон музъем бордысь ӝутэмын луо, ваньзэсты Ас бордам кыско".

³³Тае Со вераз, мед валалозы, кыӵе быронэн Со кулоз.

³⁴Калык вералляз Солы:"Ми кылылим законысь, Христос улэ шуыса пумтэм-быронтэм дауръёс.Кызьы нош Тон вераськод, Адямилэн Пиез ӝутӥськыны кулэ? Кин Со Адямилэн Пиез?"

³⁵Соку Иисус соослы шуиз:"Кема на тӥленыд югыт. Ветлэ, югыт вань на дыръя, тӥледыз медаз басьты пеймыт. Нош пеймытын ветлӥсь уг тоды, кытчы мынэ.

³⁶Югыт тӥленыд на дыръя, оске югытлы, но югытлэн нылпиосыз луоды".Тае вераса, Иисус палдурскиз но ватскиз соослэсь.

³⁷Кӧня чудоос лэсьтӥз Со соос азьын, но соос ӧз оске Солы.

³⁸Озьы быдэсмиз Исаия пророклэн верамез:"Кузё Инмар! Кин оскиз асьмелэсь кылэмзэ? Но кинлы учкиз Кузё Инмарлэн киыз?"

³⁹Соос соин ӧз быгатэ оскыны, кызьы эшшо вераз вал Исаия,

⁴⁰"та калык синтэм луиз но измиз сюлэмыныз, но уг адзё синъёсынызы, но уз валалэ сюлэмынызы, но уз берытске, Мон мед катьяло шуыса соосты".

⁴¹Тае Исаия шуиз, куке адӟиз Солэсь данзэ но вералляз Со сярысь.

⁴²Кивалтисьёс пӧлысь но тросэз оскизы Солы, нош фарисейёс сэрен ӧз усьтӥськылэ, синагогалэсь палэнэ медаз каремын луэ шуыса,

⁴³малыке шуоно яратӥзы тросгес адямилэсь данзэ, Инмарлэсь данзэ сярысь.

⁴⁴Иисус нош шумпотыса вераз:"Кин Мыным оске Мыным уг оскы, нош Монэ Келясьлы оске.

⁴⁵Но Монэ адӟись, адӟе Монэ Келясез.

⁴⁶Мон-югыт-лыктӥ дуннее, котькудыз Мыным оскись медаз кыль шуыса пеймытын.

⁴⁷Но, кин кылоз Мынысьтым кылъёсме но уз оскы, Мон судить уг кариськы сое, малыке шуоно Мон судить карыны ой лыкты, нош спасать карыны дуннеез.

⁴⁸Монэ палэнэ карисьлы но Мынысьтым кылъёсме кулэтэм карисьлы вань судья - кыл, кудзэ Мон вералляй, со сое судить карос берпуметӥ нуналэ.

⁴⁹Уго, Мон ӧй вералля аслысьтым, нош Монэ келясь Атай, Со сётӥз Мыным заповедь, мар вераны но мар ивортыны но.

⁵⁰Но Мон тодӥсько, Солэн заповедез - пумтэм-быронтэм улон.Озьен, мае Мон верасько, верасько, кызьы Мыным вераз Мынам Атае"

Chapter 13

¹Пасха праздник азьын Иисус, тодыса, вуиз ни шуыса Солэн дырыз кошкыны таяз дуннеысь Атаез доры. Яратыса Аслысьтыз дуннеын улӥсьёссэ, возьматӥз пумозяз соосты яратэмзэ.

²Но ӝыт сиськон дыръя, куке дьявол понӥз ни сюлэмаз Симонлэн пиезлы Иуда Искариотлы вузаны Сое,

³Иисус, тодыса, Атаез сётӥз ваньзэ Солэн кияз но Со Инмар дорысь лыктӥз но Инмар доры кошке шуыса,

⁴султӥз ӝӧк сьӧрысь но кылиз вылӥ дӥсьсэ, басьтӥз ӵушкон но кусказ керттӥз

⁵Со бере ву люказ пыд миськон посудае но кутскиз дышетскисьёсызлэсь пыдъёссэс миськыны но ӵушылыны ӵушконэн, кыдыз кусказ керттэмын вал.

⁶Симон Пётр доры лыктэ, но соиз вера Солы:"Кузё Инмаре! Тон-а миськыны кулэ мынысьтым пыдъёсме?"

⁷Иисус пумитаз солы шуизы:"Мар Мон лэсьтӥсько али тон уд вала, нош берло валалод".

⁸Пётр солы вера:"Ноку но уд миськы мынысьтым пыдъёсме!". Иисус пумитаз вераз:"Ӧй-ке миськы тонэ, уд луы Мынам одӥгез пӧлысь."

⁹Симон Пётр вера Солы:"Кузё Инмаре! Мынысьтым пыдъёсме гинэ ӧвӧл киосме но йырме номиськы".

¹⁰Иисус вера солы:"Миськем муртлы пыдъёссэ гинэ миськыны кулэ, малыке шуоно быдэсак дун. Тӥ но дунэсь, нош ваньды ӧвӧл".

¹¹Со тодэ вал Аслысьтыз вузасьсэ, соин ик шуиз:"Ваньды дунэсь ӧвӧл".

¹²Куке миськиз соослэсь пыдъёссэс но дисяз аслысьтыз дисьсэ, нош ик, пуксиз ӝок сьоры но шуиз:"Тӥ валаськоды-а, мар Мон лэсьтӥ тӥ понна?

¹³Тӥ нимаськоды Монэ Дышетӥсен но Кузёен, но вераськоды шонер, Мон - Со ик вань.

¹⁴Озьыен, Мон ке,- Кузё но Дышетӥсь, миськи тӥлесьтыд пыдъёстэс, соку тӥ но ог-огдылэсь пыдъёстэс миськыны кулэ.

¹⁵Уго Мон тӥледлы адӟытӥ, тӥ но мед лэсьтоды шуыса озьы ик, мае Мон тӥлед лэсьтӥ.

¹⁶Зэм ик, зэм ик верасько тӥлед: раб бадӟымгес ӧвӧл аслысьтыз кузёезлэсь, но келям мурт бадӟымгес ӧвӧл келясьлэсь.

¹⁷Тодӥськоды ке тае но быдэстӥськоды ке, тӥ соку шудоесь.

¹⁸Ваньмыз сярысь Мон уг вераськы. Мон тодӥсько, кинэ быръи. Нош, Писаниеын мар гожтэмын, быдэсмыны кулэ:"со, кин сие Монэным нянь, ӝутӥз Мон вылэ пыдтышсэ".

¹⁹Али верасько тӥлед азьласянь, куке та луоз, тӥ мед оскоды, Мон со шуыса.

²⁰Зэм ик,зэм ик верасько тӥлед: кин лэзёз дораз, кинэ Мон келяй - Монэ лэзёз дораз, нош кин Монэ дораз лэзёз - дораз лэзёз Монэ Келясез".

²¹Иисус тае вераса духеныз бугырскиз но валэктыса вераз:"Зэм ик, зэм ик верасько тӥледлы, одӥгез тӥ пӧлысь вузалоз Монэ".

²²Соку дышетскисьёзыз ог огзы шоры паймыса учкизы но малпазы:" кин сярысь Со вера".

²³Нош одӥгез Иисуслэн дышетскисез, кудзэ Со яратэ вал, кылле вал Солен гадь вылаз.

²⁴Симон Пётр солы пус возьматӥз, мед юалоз, кин сярысь Со вера шуыса.

²⁵Со мыкырскиз Иисуслэн гадь бордаз но юаз Солэсь:"Кузёе! Кин со?"

²⁶Иисус вераз:"Солы, кинлы Мон сёто коттыса, нянь юдэс". Но коттыса нянь юдэсэз, сётӥз Симонлэн пиезы Иуда Искариотлы,

²⁷Та нянь юдэсэз кутэмез бере пыриз со пушкы сатана, Иисус соку шуиз солы:" Мар лэсьтӥськод, лэсьты ӝоггес".

²⁸Но нокин но Соин пукисьёс ӧз валалэ, марлы Со озьы вераз солы.

²⁹Иудалэн вал бере коньдонэн кудыез, соин ик куд-огез малпазы, Иисус солы шуэ пе:"Басьты, ма кулэ асьмелы праздниклы" яке мар-ке мед сётоз начаръёслы.

³⁰Со, басьтӥз нянь юдэсэз но соку ик потӥз. Вал уй.

³¹Куке со потӥз, Иисус шуиз:"Али данъяськиз Адямилэн Пиез но Инмар данъяськиз Со пушкын.

³²Инмар данъяськиз ке Со пушкын, соку Инмар данъялоз Сое Аслаз пушказ, но ӝоген данъялоз Сое.

³³Пиналъёсы! Трос ӧз ни кыльы Мыным тӥленыд луыны. Утчалоды Монэ, но, кызьы Мон верай иудейёслы, али тӥлед но озьы ик верасько:" кытчы Мон мынӥсько, тӥ уд быгатэ лыктыны".

³⁴Сётӥсько тӥлед выль заповедь, тӥ мед ог-огдэс яратоды шуыса. Кызьы Мон яратӥ тӥледыз, озьы ик яратэ ог-огдэс.

³⁵Кусыпады луиз ке яратон, со-я ваньмыз валалозы, тӥ Мынам дышетскисьёсы шуыса".

³⁶Симон Пётр шуиз солы:"Кузёе! Кытчы Тон мынӥськод?" Иисус пумитаз вераз:"Кытчы Мон мынӥсько,тон Монэным али мыныны уд быгатӥськы, нош бӧрысь Мон сӧры мынод".

³⁷Пётр шуиз солы:"Кузёе! Малы мон уг быгатӥськы мыныны Тон сьӧры али? Мон улонме сёто Тон понна".

³⁸Иисус пумитаз вераз:"Улондэ Мон понна сётод?Зм ик, зэм ик верасько тыныд атас ӵёръяса уз ву, тон куинь пол куштӥськод Мынысьтым".

Chapter 14

¹"Тӥляд сюлэмды медаз шугъяськы. Оске Инмарлы но Мыным но оскелэ.

²Мынам Атаелэн корказ тросс комнатаосыз. Нош озьы ӧй ке луысал, Мон соку верасал Тӥлед:"Мон мынӥсько дасяны инты тӥлед.

³Но куке мыно но дасяло тӥлед инты, нош ик лыкто но басьто тӥледды Дорам, тӥ но мед луоды отын - кытын Мон".

⁴Кытчы Мон мынӥсько, тӥ тодӥськоды, сюрес но отчы тодӥськоды".

⁵Фома шуиз Солы:"Кузёмы! Ум тодӥське, кытчы мынӥськод, но кызьы тодыны быгатомы сюрес?"

⁶Иисус шуиз солы:"Мон - сюрес но, зэмлык но, улон но. Нокин но уг быгаты лыкты Атай доры, Мон пыртӥ сяна.

⁷Тӥ тодысалды ке Монэ, соку Мынысьтым Атайме но тодысалды. Табере тодӥськоды Сое но, адӟиды но Сое".

⁸Филипп шуиз Солы:"Кузёмы! Возьматы милем Атайдэ но милемлы тырмоз".

⁹Иисус шуиз солы:"Кӧня дыр Мон тӥленыд, но тон уд тодӥськы Монэ, Филипп? Монэ адӟись Атайме но адӟиз, малы бен соку вераськод:"возьмат милем Атайдэ"?

¹⁰Тон уд оскиськы шат, Мон Атае пушкын но Атае Мон пушкын? Кылъёсты, кудъёссэ Мон тӥлед верасько, Аслысьтым уг вераськы. Атае, Мон пушкын улӥсез, - Со лэсьтэ ужъёсты.

¹¹Оске Мыным, Мон Атае пушкын но Атае Мон пушкын шуыса, но ӧвӧл ке, соку Оске Мыным Мынам ужъёсыя.

¹²Зэм ик, зэм ик верасько тӥлед:" Мыным оскись, ужъёсты кудъёссэ Мон лэсьтӥсько, со но лэсьтоз, но тросгес лэсьтоз, малыке шуоно Мон мынӥсько Мынам Атае доры.

¹³Мае уд куре Атаелэсь Мынам нимы понна, сое лэсьто, мед данъяськоз шуыса Атай Пи пушкын.

¹⁴Мае куроды Мынам нимы понна, Мон лэсьто сое.

¹⁵Монэ яратӥськоды ке, быдэстэ Мынысьтым заповедьёсме.

¹⁶Но Мон Атаелэсь куро, но сётоз тӥлед мукетсэ Буйгатӥсез, Кудыз пыраклы кылёз тӥленыд.

¹⁷Зэмлыклэсь Духсэ, Кудзэ дунне уг быгаты басьтыны, малыке шуоно уг адӟы Сое но уг тоды Сое. Нош тӥ тодӥськоды Сое, малыке шуоно Со тӥленыд улэ но тӥ пушкын луоз.

¹⁸Уг кельты тӥледды сирота. Лыкто тӥ доры.

¹⁹Тросс ӧз ни кыльы, дунне Монэ уз ни адӟы, нош тӥ адӟёды Монэ, уго Мон улӥсько, тӥ но улоды.

²⁰Со нуналэ тӥ тододы, Мон Мынам Атае пушкын, но тӥ Мон пушкын, но Мон тӥ пушкын шуыса.

²¹Кин тодэ Мынысьтым заповедьёсме но быдэстэ соосты, со яратэ Монэ, нош кин яратэ Монэ, сое яратэмын луоз Мынам Атаеным, Мон но ярато сое но усьтӥсько солы Ачим".

²²Иуда - кудыз ӧвӧл Искариот - вера Солы:"Кузёмы! Мар луиз,Тынад возьматэмед потэ Астэ милем, нош дуннелы уг пот?"

²³Иисус шуиз солы пумитаз:"Кин Монэ яратэ, со быдэстоз Мынысьтым кылме, соку Мынам Атае яратоз сое, но Ми лыктом но улом со дорын.

²⁴Со, кин Монэ уг яраты, уг быдэсты Мынысьтым верамме, Нош кыл, кудзэ тӥ кылӥськоды, Мынам ӧвӧл, нош Монэ келясь Атаелэн.

²⁵Тае верай Мон тӥлед, тӥледын ӵош дыръям.

²⁶Нош Буйгатӥсь - Святой Дух, Кудзэ келялоз Атае Мынам нимы понна, дышетоз тӥледды ваньмызлы но тодады вайытоз тӥледлы ваньзэ, мае Мон тӥлед вералляй.

²⁷Зибыт улон кельтӥсько тӥледлы, Аслысьтым зибыт улонме сётӥсько тӥледлы, сыӵе со ӧвӧл, кыӵезэ дунне сётэ. Тӥляд сюлэмды медаз но сюлмаськы, медаз но кӧшкема.

²⁸Тӥ кылӥды, мар Мон верай тӥлед:"Кошкисько тӥ дорысь но лыкто тӥ доры". Тӥ Монэ яратысалды ке, соку тырмысалды шумпотонэн, Мон шуи "мынӥсько Атае доры", малыке шуоно Атае Мынысьтым бадӟымгес.

²⁹Быдэсмемезлэсь вазьгес Мон верай тӥлед со сярысь, быдэсмемез бере тӥ мед оскоды шуыса.

³⁰Мыным тӥленын вераськыны кема ӧз ни кыльы, малыке шуоно лыктэ та дуннелэн кивалтӥсез но солэн Мон вылэ нокыӵе но властез ӧвӧл.

³¹Но дунне мед тодоз, Мон Атайме яратӥсько но кызьы заповедовать кариз Мыным Атае, озьы ик лэсьтӥсько:султэ, кошкоме татысь.

Chapter 15

¹"Мон - зэмос виноградлэн лозаез, нош Мынам Атае - виноград будэтӥсь.

²Кокькудзэ Мынысьтым вайме, кудыз уг сёт емыш, Со ӵоге, нош котькудзэ, кудыз сётэ емыш, сюзя, тросгес емышсэ мед сётоз на шуыса.

³Тӥ чылкыт каремын ни кыл пыртӥ, кудзэ Мон тӥлед вералляй.

⁴Улэ Мон пушкын, Мон уло тӥ пушкын. Кызьы вай уг быгаты сётыны емышсэ аслыз ачиз, ӧз ке луы лоза вылын, озьы ик тӥ, но ӧд ке улэ Мон пушкын, уд сётэ емыш.

⁵Мон - Лоза, нош тӥ вайёс. Кин улэ Мон пушкын, но Мон со пушкын, со сётэз трос емыш, нош Монтэк тӥ номыр но лэсьтыны уд быгатӥське.

⁶Кин уз луы Мон пушкын, вай кадь ӵогемын луоз но куасьмоз, сыӵе вайёсты люкало но тылэ кушто, но соос ӝуало.

⁷Мон пушкын луиды-ке но Мынам кылъёсы тӥ пушкын луизы ке, соку мае гинэ мылкыд уд каре, курэлэ, но луоз тӥледлы.

⁸Тӥ ваиды ке трос емыш но луиды ке Мынам дышетскисьёы, соку данъяськоз Мынам Атае.

⁹Кызьы Атае яратӥз Монэ, озьы ик Мон яратӥ тӥледыз. Мынам яратонам луэлэ.

¹⁰Быдэсъяды ке Мынысьтым заповедьёсме, улоды Мынам яратонам, кызьы Мон быдэсъясько Мынам Атаелэсь заповедьёссэ но улӥсько Солэн яратоназ.

¹¹Сое Мон верай тӥлед, Мынам шумпотонэ мед улоз тӥ пушкын но тӥляд шумпотонды тырмыт мед луоз.

¹²Тани Мынам заповеде: яратэ ог огдэс, кызьы Мон яратӥ тӥледыз.

¹³ Кинке улонзэ сётӥз ке аслад эшъёсыз понна, со яратонлэсь, ӧвӧл бадӟымгес яратон.

¹⁴Тӥ - Мынам эшъёсы, быдэстӥды ке заповедьёсты, кудзэ Мон тӥлед сёти.

¹⁵Мон уг нӥ вераськы тӥледыз тӥ рабъёс шуыса, уго раб уг тоды, мар лэсьтэ солэн кузёез. Мон верай тӥледлы ваньзэ, мае кылӥ Мынам Атаелэсь, соин ик нимай тӥледыз эшъёсы шуыса.

¹⁶Тӥ Монэ ӧд быръё, нош Мон тӥледыз быръйи но пуктӥ тиледыз, тӥ мед мыноды но емыш ваёды но тӥляд емышты бырисьтэм мед луоз, но мае уд куре Атаелэсь Мынам нимы понна, Со мед сётоз тӥледлы шуыса.

¹⁷Заповедоведь сётӥсько тӥледлы: яратэлэ ог огдэс.

¹⁸Дунне адӟемпотостэм ке каре тӥледыз, тодэ, Монэ адӥемпотостэм кариз тӥлесьтыд азьлогес.

¹⁹Тӥ луысалды ке та дуннелэсь, соку дунне яратысал аслысьтыз. Нош тӥ дуннелэн ӧвӧл, малыке шуоно Мон быръйи тӥледыз дуннеысь, соку дунне адӟемпотостэм кариз тӥледыз.

²⁰Тодады возе кылме, кудзэ Мон верай тӥледлы:"раб бадӟымгес ӧвӧл аслаз кузёезлэсь. Монэ уллязы бере, тӥледыз но уллялозы. Мынысьтым верамме быдэстӥзы ке, соку быдэстозы тӥлесьтыд но верамдэс.

²¹Нош ваньзэ сое лэсьтозы тӥледлы Мынам нимы понна, малыке шуоно уг тодо Монэ Келясез.

²²Мон ой ке лыктысал но ӧй ке верасал соослы, соку ӧй луысал сьӧлыксы, нош табере уг быгато асьсэлэсь сьӧлыкъёссылэсь шонере потыны.

²³Кин Монэ адӟемезпотостэм каре, адӟемпотонтэм каре Мынысьтым Атайме но.

²⁴Мон ой ке лэсьтысал соос пӧлын ужъёс, кудъёссэ нокин но мукетыз ӧз лэсьтыл, соку соослэн ӧй луысал сьӧлыксы, но табере адӟылӥзы нош озьы ке но адӟемпотостэм каризы Монэ но Мынысьтым атайме но.

²⁵Мед быдэсмоз соослэн законазы гожтэмын кыл:"адӟем потостэм каризы Монэ юнме шорысь."

²⁶Куке нош лыктоз Буйгатӥсь, кудзэ Мон келяло Атаелэсь,- зэмлыклен духез, Кудыз Атае дорысь лыктэ, Со вералоз Мон сярысь.

²⁷Озьы ик тӥ но Мон сярысь вералоды, малыке шуоно тӥ Монэным кутсконысеныз ик".

Chapter 16

¹"Тае Мон верай тӥлед, тӥ медаз сюлэмшугъяське шуыса.

²Уллялозы тӥледыз синагогагаосысь, Сыӵе дыр но вуоз, куке котькудыз кин виылоз тӥледыз, малпалоз со ӧзьы Инмарлэсь ужзэ лэсьтэ шуыса.

³Озьы соос лэсьтозы, мылыке шуоно, ӧз тодэ Атайме но Монэ но.

⁴Нош Мон тае тӥледлы верай, куке вуоз та дыр, тӥ мед тодады вайӧды, мар Мон вералляй со сярысь. Азьласянь ӧй вера тӥледлы, малыке шуоно тӥледын ӵош вал.

⁵Нош табере мынӥсько Монэ Келясь доры, но нокин но тӥ пӧлысь уг юа Монэ:"Кытчы мынӥськод?"

⁶Нош Мон тӥледлы тае верамысь, тӥляд сюлэмды куректонэн тырмӥз.

⁷Нош Мон тӥледлы зэмлык верасько: тӥледлы ӟечгес луоз, Мон мынӥ ке, нош Мон ӧй ке мын, Буйгатӥсь уз лыкты тӥ доры, нош мынӥ ке, соку кэляло Сое тӥ доры,

⁸но Со, лыктыса, дуннеез шарае поттоз сьӧлык, шонерлык но суд но сярысь:

⁹сьӧлык сярысь, Мыным уг оско шуыса;

¹⁰шонерлык сярысь, Мон мынӥсько Мынам Атае доры, но уд ни адӟе Монэ;

¹¹суд сярысь, та дуннелэн кивалтӥсез судить каремын ини.

¹²Вань на трос мае вераны луоз тӥлед, нош тӥ уд на быгатӥське валаны.

¹³Куке нош лыктоз Со, зэмлыклэн Духез, соку дышетоз тӥледыз котькыӵе зэмлыклы, малыке шуоно Аслысьтыз Со уз вера, нош вералоз, мае кылоз, но азьланьзэ тӥледлы ивортоз.

¹⁴Со данъялоз Монэ, малыке шуоно Мынысьтым басьтоз но ваньмызлы вералоз.

¹⁵Ваньмыз маиз вань Атаелэн, Мынам но вань, соин ик Мон верай, Мынысьтым басьтоз но тӥледлы вералоз.

¹⁶Ӝоген уд ни Монэ адӟеле но ӝоген выльысь адзёды Монэ уго Мон Атае доры мынӥсько"

¹⁷Татын куд огез дышетскисьёсыз шуизы ог огзылы:"Мар Со вера милемлы "Ӝоген уд ни Монэ адӟелэ но ӝоген выльысь адзёды Монэ" но " Мон Атае доры мынӥсько"?"

¹⁸Озьыен, соос вераллязы:"Мар сярысь Со вера "Ӝоген?" Ум тодӥське, мар вера".

¹⁹Иисус, валаса, Солэн юамзы потэ шуыса, вераз соослы:"Тӥ ог огдылэсь юаськоды, Мынам вераме мар сярысь:"Ӝоген уд нӥ адӟелэ Монэ но ӝоген нош ик адзёды Монэ"?

²⁰Зэм ик зэм ик верасько тӥледлы:" тӥ бӧрдоды но викышъялоды, нош дунне шумпотоз; тӥ ӝожэсь луоды, нош ӝожды тӥляд пӧрмоз шумпотонэ.

²¹Кышномурт курадӟыса пиннал вае, нош ку нуныез вордӥське, шумпотэменыз уг нӥ тоды курадӟемзэ, малыке шуоно дуннее адями вордӥське.

²²Озьы ик тӥ но али ӝожомемын, нош Мон выльысь адзё тӥледыз, но шумпотоз тӥляд сюлэмды, тӥлесьтыд шумпотэмдэс нокин но уз ни тала.

²³Со нуналэ тӥ уд юалэ Монэ номыре но сярысь. Зэм ик, зэм ик верасько тӥледлы:" мае уд курэ Атаелэсь Мынам нимы понна, сётоз тӥледлы.

²⁴Та дырозь тӥ номыр но ӧд курылэ Мынам нимы понна.Курелэ но сётозы, тӥляд шумпотонды мед быдэсмоз шуыса

²⁵Та дырозь Мон вералляй тӥледлы притчаосын, но вуэ ни дыр куке уг нӥ вераськы притчаосын, но меӵак верало тӥледлы Атае сярысь.

²⁶Со нуналэ куроды Мынам нимы понна, но уг вераськы тӥледлы, мон куро шуыса Атайме тӥ сярысь:

²⁷уго Ачиз Атае яратэ тӥледыз, малыке шуоно тӥ яратӥды Монэ но оскиды, Мон лыктӥ шуыса Инмар дорысь.

²⁸Мон потӥ Атаелэсь но лыктӥ дуннее, нош ик кельто дуннеез но мынӥсько Атае доры.

²⁹Солэн дышетскисьёсыз шуизы Солы:" Тани, табере Тон шонер вераськод но нокыӵе но притчаосын уд вераськиськы.

³⁰Та бере адӟиськом, Тон тодӥськод шуыса ваньзэ, кулэ ӧвӧл ни Тынысьтыд юаны. Соин ик оскиськом, Тон Инмарлэсь лыктӥд шуыса.

³¹Иисус пумитазы вералляз:"Табере оскиськоды?"

³²Тани, вуе ни дыр, вуиз но ни, куке тӥ кошкоды котькудды ас палады но кельтоды Монэ огням. Нош Мон огням ӧвӧл, малыке шуоно Атае Монэным.

³³Тае Мон верай тӥледлы, тӥляд мед луоз Мон пушкын канньллыкты шуыса. Дуннеын куректонъёс адзёды, но юнматске:"Мон ворми дуннеез".

Chapter 17

¹Та кылъёссэ верамез бере Иисус ӝутӥз синъёссэ инме но вераз:"Атае вуиз дыр, данъя Аслысьтыд Пидэ, Тынад Пиед но мед данъялоз тонэ шуыса,

²Тон Солы сётӥд бере власть котькуд адями вылын, Со мед сётоз шуыса пумтэм-быронтэм улон ваньмызлы, кинэ Тон сётӥд Солы.

³Пумтэм-быронтэм улон луэ, Тонэ, - Одӥг Зэмос Инмарез но Тонэныд Келям Иисус Христосэз мед тодозы шуыса.

⁴Мон данъяй Тонэ музъем вылын, лэсьтӥ уж кудзэ Тон Мыным сётӥд быдэстыны.

⁵Но Тон, Атае, табере данъя Монэ Аслад дорад данэн, кудыз вал Мынам Тон дорын дуннелэн кылдэмезлэсь азьло.

⁶Мон усьтӥ Тынысьтыд нимдэ калыклы, кудъёссэ Тон сётӥд Мыным дуннысь. Соос Тынад вал, Тон сётӥд Мыным соосты, но соос утизы Тынысьтыд кылдэ.

⁷Табере соос тодӥзы, мае Тон сётӥд Мыным, - Тынысьтыд,

⁸малыке шуоно кылъёс, кудъёссэ Тон сётӥд Мыным, Мон соослы сётӥ, соос сое басьтӥзы но валазы зэмосэз, Мынысьтым Тон дорысь лыктэммэ, но оскизы, Тод келяд шуыса Монэ.

⁹Мон соос понна вӧсяськисько:вань дунне понна уг вӧсяськиськы, нош соос понна, кудъёссэ сётӥд Тон Мыным, малыке шуоно соос Тынад.

¹⁰Но ваньмыз Мынамез -Тынад, но Тынадэз - Мынам, но Мон данъяськи соос пушкын.

¹¹Мон ӧвӧл ни дуннеын, нош соос дуннеын на, нош Мон мынӥсько Тон доры, Данлыко Атае! Уть соосты Тынад нимыд понна, соосэ, кудъёссэ Тон сётӥд Мыным, соос мед луозы одӥго, Ми кадь ик.

¹²Куке мон соосын вал дуннеын, Мон утьылӥ соосты Тынад нимыд понна. Соосэ, кудъёссэ Тон сётӥд мыным, Мон утӥ, но нокудзы но соос пӧлысь ӧз быре, быронлэн пиез сяна, мед быдэсмоз шуыса Писание.

¹³Нош табере Мон Тон доры мынӥсько но верасько со сярысь дуннеын, Мынам шумпотонэ соос пушкын тырмыт мед луоз шуыса.

¹⁴Мон сётӥ соослы Тынысьтыд кылдэ, но дунне соосты адӟемпоностэм кариз, малыке шуоно соос дуннелэн ӧвӧл, кызь Мон но дуннелэн ӧвӧл.

¹⁵Уг куриськы, Тон мед басьтод соосты дуннеысь шуыса, но курисько,Тон мед утёд шуыса уродлэсь.

¹⁶Соос ӧвӧл дуннелэн, кызьы Мон но ӧвӧл дуннелэн.

¹⁷Освятить кар соосты Тынад зэмлыкеныд: тынад кылыд со змлык.

¹⁸Кызьы Тон келяд Монэ дуннее, озьы ик Мон келясько соосты дуннее.

¹⁹Но соос понна Мон Асме сӥзисько, соос но мед освятить каремын луозы шуыса зэмлыкен.

²⁰Соос понна гинэ уг вӧсяськиськы, нош соослэн верам кылзыя Мыным оскисьёс понна но,

²¹ваньмыз мед луозы одӥг, кызьы Тон, Атай ,Мон пушкын но Мон Тон пушкын, соос но мед луозы Ми пушкын одӥг, мед оскоз дунне, Тон келяд шуыса Монэ.

²²Дан, кудзэ Тон сётӥд Мыным, Мон сётӥ соослы:"мед луозы одӥго, кызьы Ми одӥго.

²³Мон соос пушкын, Тон но Мон пушкын. Мед луоз соослэн огазёяськонзы быдэсмемын, дунне мед адӟёз, Тон келяд шуыса Монэ но яратӥд соосты, кызьы Монэ яратӥд.

²⁴Атае! Отын, кытын Мон, мед луысалзы Монэным соосыз но кудъёссэ Тон Мыным сётӥд, мед адӟысалзы Мынысьтым данме, кудзэ Тон Мыным кузьмад, яратыса Монэ дунне кылдэмлэсь азьло ик.

²⁵Шонерлыко Атае! Дунне Тонэ ӧз но ке тоды, Мон Тодӥ Тонэ, кинэ Тон келяд, соос но тодӥзы Тонэ.

²⁶Но Мон усьтӥ соослы Тынысьтыд нимдэ но эшшо но усьто, яратонэд, кудыныз Тон яратӥд Монэ, соос пушкын мед луоз, Мон но соос пушкын".

Chapter 18

¹Сое вераса, Иисус потӥз Аслаз дышетскисьёсыныз Кедрон ӧр сьӧры, кытын вал сад, кудаз Со пыриз Аслаз дышетскисьёсыныз.

²Тодэ вал со интыез Иуда но, Сое вузась, малыке шуоно Иисус ӵем люкаськылӥз отын Аслаз дышетскисьёсыныз.

³Озьыен, Иуда, басьтыса первосвященникъёслэсь но фарисейёслэсь солдатъёсын отрядзэс но ляльчиоссэс, лыктэ отчы факелъёсын, светильникъёсын но ожмаськон тӥрлыкен.

⁴Нош Иисус, ваньзэ тодыса, мар Соин луоз, потӥз но шуиз соослы:"Кинэ утчаськоды?"

⁵Солы вераллязы:"Нозорей Иисусэз". Иисус вера соослы:"Мон Со". Соин ӵош сылэ вал Сое вузазь Иуда но.

⁶Но ку шуиз соослы:"Мон Со",- соос берлань чигназы но музъем вылэ усьылӥзы.

⁷Нош ик юаз соослэсь:" Кинэ утчаськоды?" Соос шуизы:"Нозорей Иисусэз".

⁸Иисус вераз:"Мон верай тӥледлы, Мон Со шуыса. Озьыен, утчаськоды ке Монэ, кельтэ соосты, мед мынозы",-

⁹озьы быдэсмиз Солэн верам кылыз "Мон нокинэ но ӧй ышты соос пӧлысь, кудъёссэ Тон Мыным сётӥд".

¹⁰Нош Симон Пётр, кудызлэн вал мечез, басьтӥз сое но шуккиз первосвященниклэсь рабзэ, но ӵогиз солэсь бурзэ пельзэ, раблэн нимыз вал Малх.

¹¹Иисус шуиз Пётрлы:" Пон мечтэ интыяз. Ӧвӧл шат Мынам юоно чашаез, кудзэ сётӥз Мыным Атае?"

¹²Соку солдатъёс, сюрсъёсынкивалтӥсьёс но иудейёслэ храмысьтызы служительёс кутыса Иисусэз керттылӥзы,

¹³но нуизы нырысь Сое Анна доры, малыке шуоно со вал Каифа первосвященниклэн вармаез.

¹⁴Та со Каифа вылэм, кудыз валэктыса иудуйёслы вераз:"ӟечгес луоз одӥг муртлы вань калык понна кулына ".

¹⁵Симон Пётр но мукетыз дышетскисьез мынӥзы вал Иисус сьӧры; со дышетскись нош вал тодмо первосвященникен но пыриз Иисусэн ӵош первосвященниклэн азбараз,

¹⁶нош Пётр сылӥз петпалаз ӧс сьӧрын. Со бере мукетыз дышетскись, кудыз вал тодмо первосвященниклы, потӥз, вераз ӧс дорын возьмаськись ляльчи кышномуртлы но пыртӥз Пётырез.

¹⁷Со ӧс дорын возьмаськись ляльчи Пётрлы вера:" Тон ӧвӧл-а солэн дышетскисез?" Со шуиз:" Ӧвӧл".

¹⁸Вылэм кезьыт но храмын служить карисьёс, тылскиллям но шунытскыса сыло вылэм. Озьы ик соосын ӵош Пётр но шунытскыса сылэ вылэм.

¹⁹Нош первасвященник юам Исуслэсь Солэн дышетскисьёсыз но дышетэмез сярысь.

²⁰Иисус вераз солы:"Мон шара вералляй дуннелы. Мон котьку дышетылӥ синагогаын но храмын, кытын люкаськылӥзы ваньмыз иудейёс, но лушкем номырэ но ӧй вералля.

²¹Малы юаськод Монэ? Юа кылылэм муртъёслэсь, мар Мон вералляй соослы, соос тодо, мае Мон вералляй"

²²Куке Со вераз тае, одӥгез храмын служить карись, кудыз матын сылэ вал, Иисуслэн пэльдораз шуккиз но шуиз:" Кызьы Тон вераськиськод первосвященникен?"

²³Иисус вераз Солы:" Мон верай ке урод, вера, урод шуыса. Нош ӟеч ке малы Монэ жугиськод?"

²⁴Керттылэм Иисусэз, Анна келяз Каифа первасвященник доры.

²⁵Симон Пётр шунытскыса сылэ вал, но солы шуизы:" Тон ӧвӧл-а Солэн дышетскисёсыз пӧлысь?" Со куштӥськыса шуиз:" Ӧвӧл".

²⁶Одӥгез первосвященниклэн рабез, Пётр пельзэ ӵогем муртлэн чыжы-выжыез, вера:"Тонэ мон Соин ӵош садысен ӧй адӟыл - а?"

²⁷Пётр нош ик куштӥськиз, но со дыръя атас ӵёръяз.

²⁸Каифа дорысь Иисусэз приторияе нуизы. Вал ӵукна, но соос ӧз пыре приторияе, саптаськоно медам луы, но пасха сиёнэз сиыны мед луоз шуыса.

²⁹Пилат потӥз соос доры но шуиз:" Та адямиез маин тӥ янгыш кариськоды?"

³⁰Соос солы пумитаз шуизы:" Со злодей ӧй ке луысал, ми Сое тыныд ӧй сётысалмы".

³¹Пилат шуиз соослы:" Тӥ басьтэлэ Сое но судить каре асьтэлэн закондыя". Иудейёс шуизы солы:" Милем уг яра нокинэ но виыны", -

³²озьы быдэсмиз Иисуслэн кылыз, кудзэ Со валэктыса вералляз, кыӵе кулонэн Со кулоз.

³³Соку пилат нош ик пыриз приторияе, ӧтиз Иисусэз но шуиз Солы:" Тон Иудеялэн Царез?"

³⁴Иисус вераз солы:" Аслысьтыд-а тон вераськод тае, яке Мон сярысь тыныд мукетъёсыз-а веразы?"

³⁵Пилат вераз:" Мон иудей шат? Тынад калыкед но первосвященникъёс сётӥзы Тонэ, мар Тон лэсьтӥд?"

³⁶Иисус вераз:" Мынам Царствое та дуннеысь ӧвӧл. Мынам Царствое луысал ке та дуннеысь, соку Мынам служить карисьёсы ожмаськысалзы Мон понна, Мон иудейёслы медам сётэмын луы шуыса, нош али Мынам Царствое татысь ӧвӧл"

³⁷Пилат шуиз солы:" Озьыен Тон царь? Иисус верам пумитаз:" Тон вераськод Мон царь шуыса. Мон вордӥськи но лыктӥ но дуннее, свидетельствовать карон понна зэмлык сярысь. Котькудыз, кин зэмлыклэсь, кылске Мынысьтым куараме".

³⁸Пилат шуиз солы:" Мар вань зэмлык?" Но, тае вераса, нош ик потӥз иудейёс доры но шуиз соослы:" Нокыӵе но янгышсэ мон уг адӟиськы Та адямилэсь.

³⁹Тӥляд вань сямды, мон тӥледлы Пасха праздниклы одӥг муртэз мед мозмыто шуыса. Кулэ-ке, мозмыто тӥледлы Иудеялэсь Царзэ?"

⁴⁰Соку нош ик ваньмыз кесяськыны ӧдъязы:" Сое кулэ ӧвӧл, лэзь Варавваез". Нош Варавва вал разбойник.

Chapter 19

¹Соку Пилат кутӥз Иисусэз но косӥз Сое сюлоен жугыны.

²Солдатъёс пунӥзы бышкиськись терновниклэсь венец, но дӥсязы Солы йыраз, но дӥсязы со вылэ горд басмалэсь мантия,

³но вераллязы:" Шум пот, Иудеялэн Царьез!" Но жугылӥзы Сое ымныраз.

⁴Пилат нош ик потӥз но шуиз соослы:" Тани, мон поттӥсько Сое тӥ доры, тӥ мед тододы, мон уг шэдьтӥськы шуыса Солэсь нокыӵе но янгышсэ".

⁵Соку Иисус потӥз терновой венецен но горд мантияен. Но шуиз Пилат соослы:" Тани Со адями!"

⁶Нош куке Сое адӟизы первосвященникъёс но служить карисьёс, кесяськыса веразы:" Кортӵога! кортӵога Сое". Пилат вера соослы:" Тӥ басьтэ но кортӵогалэ Сое, мон уго, уг шэдьтӥськы Солэсь янгышсэ".

⁷Иудейёс вераллязы солы:" Милям вань законмы, но милям законмыя Со кулыны кулэ, малыке шуоно Со Асьсэ Инмарлен Пиез шуыса вера".

⁸Пилат, та кылъёсты кылэм бераз, тужгес но зол кышказ на.

⁹Нош ик пыриз приторияе но Иисуслэсь юаз:" Кытысь Тон?" Нош Иисус солы номыр-но ӧз вера.

¹⁰Пилат вера Солы:" Мыным-а уд вераськы? Уд шат тодӥськы, мынам вань шуыса власте кортӵоганы Тонэ но вань власте лэзьыны но Тонэ?"

¹¹Иисус вералляз:" Тынад ӧй луысал нокыӵе но властед Мон вылын, сётэмын ӧй ке луысал тыныд вылӥысен, соин ик бадӟымгес сьолык со вылын, кин сётӥз Монэ тыныд".

¹²Со сэрен Пилат утчаз муг лэзьыны Сое. Нош иудейёс кесяськыса вераллязы:" Лэзьид ке Сое, тон кесарьлэн эшез ӧвӧл. Котькудыз кин асьсэ царь каре, - пумит лэсьтэ кесарьлы".

¹³Пилат кылӥз тае верамзэс, поттӥз Иисусэз отысь но пуксиз судьялэн интыяз, кудыз нимаське вал Лифостротон ( еврей кылын Гаввафа).

¹⁴Соку Пасха азьын пятница вал, куатетӥ час. Но вераз Пилат иудейёслы:" Тани тӥляд Царьды!"

¹⁵Нош соос кесяськыса веразы:" Басьты, басьты, кортӵога Сое!" Пилат вера соослы:" Царьдэс тӥлесьтыд кортӵогано?" Первосвященникъёс вераллязы:" Ӧвӧл милям царьмы, цезарь сяна".

¹⁶Соку сётӥз со Иисусэз соослы кортӵоганы. Басьтӥзы Сое но нуизы.

¹⁷Но, нуиз Со кироссэ со интые, кудыз нимаське вал Лобной ( еврей кылын Голгофа).

¹⁸Отын Сое кортӵогазы, Соин ӵош эшшо кык мукетъёссэ одӥгзэ огпалаз нош мукетсэ мукет палаз, нош шоразы - Иисусэз.

¹⁹Пилат лэсьтӥз гожтэт но шуккиз кирос вылэ. Гожтэмын вал:" Нозорей Иисус, Иудея Царь".

²⁰Та гожтэмез лыдзӥзы тросэз иудейёс, малыке шуон инты, кытын кортӵогамын вал Иисус, кыдёкын ой вал город дорысь, но гожтэмын вал еврей, грек но рим кылъёсын.

²¹Иудаысь первосвященникъёс Пилатлы шуизы:" Эн гожты "Иудея Царь", нош гошты,:" Со вералляз: Мон - Иудея Царь" шуыса".

²²Пилат шуэм:" Мар мон гожтӥ, сое гожтӥ".

²³Солдатъёс Иисусэз кортӵогам бере, басьтӥзы Солэсь дӥсьёссэ но люкизы ньыль шори, котькуд солдатлы одӥг люкет но хитон. Хитон вурэмын ой вал, но быдэсак куэмын вал.

²⁴Соос шуизы ог огзылы:" Ум кесялэ сое, нош пус куштом, кинлы сюроз", - мед быдэсмоз шуыса Писаниын верам:" люкизы Мынысьтым дисьёсме ог огенызы но Мынам шобретэлы куштӥзы пус". Озьы лэсьтӥзы солдатъёс.

²⁵Иисуслэн киросэз дорын сылӥзы Солэн анаез но сузэрез Солэн анаезлэн, Мария, Клеолалэн кышноез но Мария Магдалина.

²⁶Иисус, адӟыса анайзэ но дышетскисьсэ, артысь сылӥсьсэ, кудзэ яратэ вал, вераз аслаз анаезлы:" Кышномурт! Тани тынад пиед",

²⁷Со бере вера дышетскисезлы:" Тани тынад анаед!" Со дырысен со дышетскись басьтӥз сое дораз.

²⁸Со бере Иисус, тодыса, ваньмыз луиз ни шуыса, Писание быдэсмон понна вера:"Сюэ куастме!"

²⁹Отын сылэ вал чырс винаен тырмытэм посуда. Солдатъёс, коттыса чырс винаен губкаез, боды йылэ бышкалтыса, сётӥзы Солэн ымдураз.

³⁰Куке Иисус шӧмьяз чырс винаез, шуиз:" Быдэсмиз!" Но, йырзэ мыкыртыса, духез потӥз.

³¹Нош вал бере пятница, иудейёс медаз кыль шуыса мугорыз кирос вылын субботалы,- уго таиз суббота вал быдӟым праздник,- куризы Пилатлэсь, пильылыны соослэсь пыдъюмылъёссэс но басьтыны кирос бордысь.

³²Озьыен, лыктӥзы солдатъёс но нырысетӥеслэсь пильылӥзы пыдъюмылъёссэ, но мукетызлэсь но Соин ӵош кортӵогамлэсь.

³³Нош, Иисус доры лыктӥзы но адӟизы, Со кулэмен ни, соин ик ӧз ни пильылэ Солэсь пыдъюмылъёссэ,

³⁴нош одӥгез солдатъёс пӧлысь бышкалтӥз Солэн кӧтурдэсаз копъёен но соку ик бызьиз вир но ву.

³⁵Но адӟись вераз, но солэн верамез зэм. Со тодэ, зэм вера шуыса, тӥ мед оскоды шуыса.

³⁶Озьы луиз, мед быдэсмоз шуыса Писание:" Лыэз но Солэн уз куашка".

³⁷Озьы ик Писание мукет интыын но вера:" Учкозы Со шоры, Кудзэ бышкалтӥзы",

³⁸Со бере Аримафеяысь Иисус -иудуйёслэсь кышкаменыз Иисуслэн лушкем дышетскисез, - куриз Пилатлэсь, басьтыны Иисуслэсь мугорзэ кирос вылысь, но Пилат лэзиз. Со мынӥз но Иисуслэсь Мугорзэ киросысь басьтӥз.

³⁹Озьы ик лыктӥз Никодим но - кудыз лыктылӥз Иисус доры уйин - но ваиз ог сю литр пала смирналэсь но алойлэсь сурет ваиз.

⁴⁰Соос басьтӥзы Иисуслэсь мугорзэ но биняллязы кулон басмаен ческыт зын вӧйёсын зыраса, кызьы ватыло иудейёс.

⁴¹Кытын Сое кортӵогазы вал сад, но садын выль шӧйгу, кудаз нокин но понэмын ӧй на вал.

⁴²Отчы понӥзы Иисусэз иудейёслэн пятницазы сэрен, малыке шуоно, шӧйгу матын вылэм

Chapter 20

¹Суббота бере мукет нуналаз Мария Магдолина лыктэ вазь ӵукна, куке пеймыт на вал, шӧйгу доры, но адӟе шӧйгу бордысь из палэнэ каремын.

²Со бызьыса лыктэ Симон Пётр но мукетыз дышетскись доры, кудзэ Иисус яратэ вал, но вера соослы:"Нуиллям Кузёмес шӧйгуысь, но ум тодӥське, кытчы Сое понӥзы".

³Пётр но мукетыз дышетскись соку ик потӥзы, но мынӥзы шӧйгу доры.

⁴Соос бызьыса ӵош мыно вал, нош мукетыз дышетскись бызе вал ӝоггез Пётрлэсь но шӧйгу доры вазьгес вуиз.

⁵Но, мыкырскыса, адӟиз басма кылле, нош шӧйгуэ ӧз пыры.

⁶Со сьӧры лыктэ Пётр,но пыре шӧйгуэ, но адӟе кыллись ватон басмаосты

⁷но кышетэз, кудыз вал Солэн йыр вылаз, басмаосын ӵош кышет ӧй вал, нош нимаз керттэмын вал мукет интыын.

⁸Соку пыриз мукетыз но дышетскись, вазьгес вуисез шӧйгу доры, адӟиз, но оскиз.

⁹Уго соос уг на тодо вал Писаниысь, Со кулэмысь улӟыса султыны кулэ шуыса.

¹⁰Но бертӥзы дышетскисьёс доразы.

¹¹Нош Мария шӧйгу дорын бӧрдыса сылэм. Но бӧрдыкез шӧйгуэ учкем,

¹²но адӟе кык ангелъёсты, кудъёсыз пуко вылэм тӧдьы дисьёсын:одӥгез йыр дораз, нош мукетыз кытын кылле вал Иисуслэн мугорыз.

¹³Но соос верало солы:"Кышномурт! Малы тон бӧрдӥськод?" Вера соослы:"Кузёме мынысьтым нуизы, но уг тодӥськы, кытчы Сое понӥзы".

¹⁴Сое вераса, берлань бэрытскиз но адӟиз пукись Иисусэз, но ӧз тодма, со Иисус шуыса.

¹⁵Иисус вера солы:" Кышномурт! Малы тон бӧрдӥськод? Кинэ утчаськод?" Мария малпам Со садовник шуыса, но вера Солы:" Кузёе! Тон ке нуид Сое, вера мыным, кытчы понӥд Сое, но мон басьто Сое".

¹⁶Иисус вера солы:"Мария!" Со,берытскиз но вераз:"Раввуни!" - " Учитель".

¹⁷Иисус вера солы:" Эн кутскылы Мон борды, уго Мон Атае доры ой на туба. Мын Мынам вынъёсы доры но вера соослы:" Тубисько Мынам Атае доры, тӥляд но Атайды доры, Мынам Инмаре доры, тӥляд но Инмарды доры".

¹⁸Мария Магдолина мынэ но ивортэ дышетскисьёслы, адӟылӥ шуыса Кузё Инмарез но Со пе вераз тае солы.

¹⁹Со нуналэ ик суббота бере, ӝытазе, куке корка ӧсъёс, кытын вал дышетскисьёс, ворсамын вал иудейёслэсь кышкаса, лыктӥз Иисус но султӥз соослэн шоразы, но шуиз соослы:"Мир тӥледлы!"

²⁰Вераса тае, Со возьматӥз соослы Аслысьтыз киоссэ но кӧтурдэссэ. Дышетскисьёсыз шум потӥзы, адӟыса Кузёзэс.

²¹Иисус нош ик соослы шуиз:"Мир тӥледлы! Кызьы келяз Монэ Атай, озьы ик Мон но келясько тӥледыз".

²²Тае вераса, шокчиз, но вера соослы:" Басьтэлэ Святой Духез.

²³Кинлы сӧлыкёссэ простить кароды, соизлы простится кариськоз, кин вылэ кельтоды, со вылын кылёз",

²⁴Нош Фома, одӥгез Даскыкъёс пӧлысь, кудзэ вераллязы Кыкто, соосын ой вал Иисус лыктыку.

²⁵Мукетъёсыз дышетскисьёс шуизы солы:"Ми Кузёмес адӟылӥм". Нош со шуэм соосды:"Ӧй ке адӟы кортчог бере ранаоссэ Солэн киысьтыз но ӧй ке пон чиньыме Солэн ранаяз, но киме ӧй ке пон Солэн кӧтурдэсаз, уг оскы".

²⁶Тямыс нунал ортчем бере Солэн дышетскисьёсыз нош ик вал коркан, Фома но соосын. Иисус лыктӥз, куке ӧсъёс ворсамын вал, султӥз соослэн шоразы но шуиз :" Мир тӥледлы"

²⁷Со бере Фомалы вера:" Вай татчы аслысьтыд чиньыдэ но учкы Мынам киосы шоры. Вай кидэ но пон Мынам кӧтурдэскам, но эн лу оскисьтэм, нош лу оскись".

²⁸Фома пумитаз вера Солы:" Кузёе мынам но Инмаре Мынам!"

²⁹Иисус вера солы:" Тон оскид, Монэ адӟид но. Шудоесь Монэ адӟытэк оскисьёс.

³⁰Трос мукетъёссэ но чудоос Иисус лэсьтылӥз аслаз дышетскисьёсыз азьын, кудъёсыз сярысь гожтэмын та книгаын.

³¹Та ик гоштэмын, тӥ мед оскоды шуыса, Иисус - со Христос, Инмарлэн Пиез, но, оскыса, Солэн нимыз понна улон мед басьтоды шуыса.

Chapter 21

¹Со бере нош ик лыктэм Иисус Аслаз дышетскисьёсыз доры Тивириада море дурын. Лыктэм нош тазьы:

²ӵош вал Симон Пётр, но Фома, Кыкто шуон, но Нафанаил Галилейской Канаысь, но Заведейлэн пиосыз, но кык мукетъёсыз Солэн дышетскисьёсыз.

³Симон Пётр шуэ соослы:"Мыно чёрыг кутылыны". Солы шуо:"Ми но тонэныд мыном". Мынӥзы но со куспын ик пуксизы лодкае. Со уйэ чёрыг ӧз кутэ.

⁴ Иисус, ӵукна ик сылэ вылэм яр дурын, нош дышетсисьёсыз Сое ӧвӧл тодмаллям.

⁵Иисус шуиз соослы:" Пиналъёсы! вань-а тӥляд кыӵе ке сиёнды?" Соос веразы:"Ӧвӧл".

⁶Нош Со шуиз соослы:"Куштэлэ сетьтэс лодкалэн бур палаз но кутоды". Соос куштӥзы но ӧз ни ворме кыскыны сетьсэс, уго сокем трос чёрыг пырем.

⁷Соку дышетскись, кудзэ яратэ вал Иисус, шуэ Пётрлы:" Кузёмы Со!", Симон Пётр кылэм бераз Со Иисус шуыса, дӥсяськиз, малыке шуоно голик вал, но морее тэкчиз.

⁸Нош мукетъёсыз ученикъёс лодкаен уяса лыктӥзы:"

⁹Куке потӥзы яр дуре, адӟизы - тылскемын, но эгыр вылын пыже чёрыг но нянь.

¹⁰Иисус шуэ соослы:"Вае чёрыгдэс, кудзэ тӥ али гинэ кутӥды".

¹¹Симон Пётр мынӥз но поттӥз яр дуре сетьсэс, кудыз тырмемын вал сю витьтон куинь бадӟым чёрыгёсын, сокем тросс чёрыгез но ке вал сетьсы ӧвӧл кеськем.

¹²Иисус шуэ соослы:" Лыктэ но сиське". Дышетсисьёс пӧлысь нокин но ӧз дӥсьты юаны Солэсь:"Кин Тон?", тодыса, Со Кузёзы шуыса.

¹³Иисус басьтэ нянь но сётэ соослы, озьы ик чёрыг но.

¹⁴Кулэмысь улӟыса султэмез бере та вал куинетӥез Иисуслэн лыктэмез Аслаз дышетскисьёсыз доры.

¹⁵Куке соос обедало вал, Иисус вера Симон Пётрлы:" Симон, Иоаннлэн пиез! Яратӥськод-а Монэ соослэсь золгес? Пётр вера Солы:" Бен, Кузёе! Тон тодӥськод, мон Тонэ яратӥсько шуыса". Иисус вера солы:" Возьма Мынысьтым ыжпиосме".

¹⁶Но вера солы кыктэтӥзэ:" Симон, Иоаннлэн пиез! Яратӥськод-а Монэ?" Пётр вера Солы:" Бен, Кузёе! Тон тодӥськод, мон Тонэ яратӥсько шуыса". Иисус вера солы:" Возьма Мынысьтым ыжъёсме".

¹⁷Вера солы куинетӥзэ:"Симон, Иоаннлэн пиез! Яратӥськод-а Монэ?" Пётр ӝожомиз куиньметӥзэ юамезлэсь "яратӥськод-а Монэ", но вера Солы:" Кузёе! Тон ваньзэ тодӥськод. Тон тодӥськод, мон Тонэ яратӥсько шуыса". Иисус вера солы:" Возьма Мынысьтым ыжъёсме.

¹⁸Зэм ик, зэм ик верасько тыныд:" куке тон вал егит, ачид дисяськылӥд но кытчы мынэмед потӥз отчы ик вэтлылӥд, нош куке мӧйымид ке, киостэ ӝутод но муке мурт дӥсялоз тонэ но нуоз, кытчы мынэмед уг поты",

¹⁹ Тае, вераз возьматыны, кыӵе кулонэн Пётр данъялоз Инмарез. Тае вераса, шуиз солы:" Лык Мон сьӧры".

²⁰Пётр берытскиз но адӟиз со сьӧры лыктэ дышетскись, кудзэ Иисус яратэ вал но кудыз ӝыт сиськыку, мыкырскыса Солэн гадь вылаз, шуиз:"Кузёе! Кин вузалоз тонэ?"

²¹Пётр адӟыса сое Иисуслы вера:"Кузёе! Нош со мар?"

²²Иисус вера солы:" Мынам мылы потӥз ке, со, лыктытчёзям мед улоз шуыса, мар тыныд? Тон лык Мон сьоры".

²³Но вӧлмиз та верам вынъёс куспын, со дышетскись уз пе кул. Нош Иисус ӧз вера солы, уз кулы шуыса. Со вераз гинэ:" Мынам мылы потӥз ке, со, лыктытчёзям мед улоз шуыса, мар тыныд?

²⁴Та дышетскись ивортэ но гожтэм та учыръёс сярысь, но ми тодӥськом, солэн ивортэмез шонер шуыса.

²⁵Но трос мукетъёссэ лэсьтӥз Иисус, ваньмыз сярысь тупен тупен гожтоно луысал ке, малпасько, быдэс дуннее но ой тэрысал гожтэм книгаос. Аминь.

ACTS

Chapter 1

¹1.Нырысетӥ книгаям мон гожтӥ тыныд Феофил,ваньмыз сярысь мар лэсьтылӥз но малы дышетылӥз Иисус нырысь кутсконысеныз ик.

²2.Солэн ӝутскон нуналэз дорозь,апостолъёсты кудзэ Со быръем Кылды Син пыр косонъёс сётэм.

³3.Кудъёсызлы ик,Аслаз курадӟемез бере,оскымонэсь трос юнматонъёс пыр Ассэ улэпен возьматылӥз,ньыльдон нунал ӵоже соослы возьматъяськылӥз но Инмар Эксэйлык сярысь вераса улӥз.

⁴4.Люкаськыса соосын,Иисус соослы косон сётӥз:"Иерусалимысь эн кошке ,Атайлэсь кыл сётыса верамзэ быдэсмемзэ возьмалэ,кудӥз сярысь тӥ Мынэсьтым кылӥды.

⁵5.Иоан вуын пылатылӥз,нош тӥ кӧня ке нунал ортчыса,Кылды Синэн пылатэмын луоды.

⁶6.Соин ик соос огазе люкаськыса Солэсь юаллям:"Кузё-Инмармы оло та вакытэ Тон Израиль эксэйлыкез ӝутӥськод?"

⁷7.Нош Со соослы вераз:"Тӥляд ужды ӧвӧл дырзэ но сроксэ тодыны,кудъёссэ Атае Аслаз киулаз кутыса возе.

⁸8.Тӥ вылэ Квлды Син васькем бере ,тӥ кужым басьтоды Иерусалимын но,быдэс Иудеяын но,Самарияын но,быдэс музэемлэн пумысеныз пумозяз ик Мынам адӟисьёсы-ивртӥсьёсы луоды.

⁹9.Тае верам бераз,Со соослэн син азязы ик ӝутскем,соослэн син азьысьтызы Сое пилем ватэм.

¹⁰Куке соос инме учкыса сылыку,Солэн ӝутскон дыръяз витьымтэ шорысь соос азе тӧдьы дӥськутэн кык воргоронъёс султӥзы.

¹¹11.Но вераллям:"Галилеяысь воргоронъёс!Мар тӥ сылӥськоды но инме учкиськоды?Тӥ дорысь инме ӝутскем Та Иисус озьы ик лыктоз,кызьы тӥ Сое инме ӝутскисен адӟиды."

¹²12.Соку Соос Елеон шуон гурезьысь Иерусалиме берытскизы,со гурезь Иерусалимлы матын,суббота нуналэ ортчыны лэзьем сюрес.

¹³13.Берытскем беразы вылӥысь комнатае тубиллям,отчы ик кылизы Пётр,Иаков,Иоанн но Андрей, Филипп но Фома,Варфоломей но Матфей,Иаков Алфеев но Симон Зилот,Иуда выныз Иаковлэн.

¹⁴14.Ваньзы ӵош огазьын вӧсяськыса улӥзы,соос пӧлын кышномуртъёс но Иисуслэн анаеныз Марияен,Солэн вынъёсыныз.

¹⁵15.Со нуналъёсы Пётр апостолъёс шоры султыса,кудъёсыз ог сю кызь адями вылэм ,верам:

¹⁶16."Агай-вынъёс!Быдэсмиз гожтэмысь веран,кадзэ Кылды Син Давид пыр ивортӥз Иисусэз кутыса басьтэмъёслэн кивалтӥсьсы,Иуда пумысен со быдэсмыны кулэ вал.

¹⁷17.Со асьме пӧлы пыртэмын вал,та ужез нуыны со люкет басьтӥз.

¹⁸18.Урод лэсьтэм ужъёс дунын со музъем басьтӥз,усем бераз ,солэн пушкыз кеськиз но вань кӧтпушъёсыз кисьтӥськизы.

¹⁹19.Иерусалимын вань улӥсьёслы та тодмо луиз,соин ик со музъем соослэн вордсем кылазы верамын "Акелдама"мукет сямын"Вир музъем."

²⁰20.Псалом книгаын тазьы гожтэмын:"Солэн улон интыез тыртэм мед кылёз,отын улӥсез но медаз луы,солэсь улон-тыршон интызэ мукет мурт мед басьтоз."

²¹21.Озьыен Кузё-Инмар Иисус асьме пӧлын улон дырысен,асьмемын ӵош ветлӥсь воргоронъёс пӧлысь али асьмеос одӥгзэ бырйыны кулэ.

²²22.Кудӥз Иоан вуын пылатон дырысен кутскыса,Солэн асьме дорысь ӝутскон нуналэз дорозь,асьмеосын ӵош Солэсь улӟысь султэмъзэ адӟись-ивортӥсь луиз.

²³23.Бырйизы кык муртэз:Иосифез шуон Варсаваез,кудӥз Иуст шуыса нимамын вылэм,Матфиез.

²⁴24.Вӧсяськиллям но вераллям:"Тон Кузё-Инмармы ваньмылэсь сюлэмзэс тодӥсь,та кык мурт пӧлысь возьматы кудзэ Тон бырйиськод."

²⁵25.Та ужез азьланьтыны но апостол луон басьтыны,кудӥз бордысь усиз Иуда,ас интыяз мынон понна.

²⁶26.Соос пумысен жребий куштӥллям,жребий Матфийлы усем,со дас одӥг апостолъёс пӧлы пыртэмын.

Chapter 2

¹1 Витьтонэтӥ нунал вуэм бере. Апостолъёс ӵош огазьын огкылысь карыськыса улӥзы.

²2 Шӧдтэк шорысь инмысь ӵашетэм кылӥськиз, зол силтӧл кадь, со быдэс коркаез тырмытӥз.

³3 Соос вылэ соку тыллы выллем люкылӥськись кылъёс лыктӥзы но ваньзы вылэ одӥген-одӥген пуксьылӥзы.

⁴4 Ваньзы Кылды-Синэн тырмизы но пӧртэм кылъёсын вераськыны кутскизы кызьы соослы Дух сётӥз вераны.

⁵5 Соку Иерусалиме пӧртэм калыкъёс пӧлын улӥсь иудейёс люкаськемын вылэм. Соос ваньзы Инмарлы оскисьёс вал.

⁶6 Инмысь куара васькем бере, калык паймиз, малы ке шуоно, котькудӥз аслэсьтыз вордскем кылзэ кылӥз.

⁷7 Ваньзы паймиллям,куспазы вераськыса: «таос ваньзы Галилеяысь ӧвӧл-а?»

⁸8 Кызьы бен ваньмы таослэсь асьмелэн вераськон кылынымы вераськемзэс кылӥськомы?

⁹9 Парфянысь но Мидянысь но Еламитысь калык, Месопотамияысь, Иудеяысь но Кападокияысь, Понтысь но Асияысь,

¹⁰10 Фригияысь но Памфилияысь, Египетысь но куд-ог Ливия музьемысь Киринеяысь, но Римысь лыктэм калык, иудейёс но прозелитъёс,

¹¹11 Критысь но Аравияысь, кылӥськом соосты вордскем кылынымы Инмысь Атайлэн бадӟым ужъёсыз сярысь.

¹²12 Ваньзы паймыса ог-огзылэсь юаллям; "мар со сыӵе?"

¹³13 Нош кудъёсыз серекъяса вераллям: "соос, пе, ческыт вина юиллям."

¹⁴14 Петр султӥз но соин ӵош дас одӥг апостолъёс султӥзы, соку бадӟым куараен вераны кутскиз: "Иудеяын улӥсь воргоронъёс но Иерусалимысь вань калык, сак кылзэлэ мынэсьтым кылъёсме,та тӥледлы тодно мед луоз:

¹⁵15 Соос кудӟемын ӧвӧл, кызьы тӥ малпаськоды, али нуналлэн куинетӥ часэз гинэ.

¹⁶16 Та сярысь Иоиль пророк пыр верамын вал:

¹⁷17 Луоз со берпуметӥ нуналъёсы, вера Инмар, кисьто Аслэсьтым Духме Кылдысинэз котькин вылэ. Соку Инмар кылэз вералозы тӥляд нылъёсты но пиосты, пересьёсты уйвӧт пыр валэктэмын луозы, егитъёслы адӟонъёс возьмато.

¹⁸18 Раб пиослы но нылёслы вылэ со нуналъёсы Аслэсьтым Духме кисьто,Инмарлэсь кылзэ соос ивортылозы.

¹⁹19 Возьмато паймымон ужъёс,вылӥын,инмын,улӥын,музъем вылын:вир,тыл,бугырскем ӵын.

²⁰20 Инмарлэн бадӟым кужмын лыктон азяз шунды пеймытомоз, толэзь вир кадь луоз.

²¹21 Ваньмыз, кин Инмарлэсь нимызлы вазьиськоз, утиськоз.

²²22 Израильысь воргоронъёс! Кылзӥське мынэсьтым верамме: Иисус Назореез , кудзе Инмар тӥледлы возьматӥз, кужымзе но паймымон ужъёссэ, Инмар возьматӥз Со пыр ,кудъёссэ ти тодӥськоды.

²³23 Инмысь Атайлэн эрикезъя Иисус Христос сётэмын вал законэз тодӥсьтемъёс кие. Тӥ кенешиса соослэн киинызы Сое корӵогады но вииды.

²⁴24 Нош Инмар улӟытӥз Сое, кулонлэсь жильызэ тӥяз. Кулон ӧз быгаты Сое возьыны.

²⁵25 Давид но Со сярысь вера: Адӟисько мон Инмарез ялан азьпалам,Со котьку но мынам бурпалам, мон медам усьы шуыса.

²⁶26 Соин ик шумпотӥз мынам сюлмы, мынам кылы но шулдырмиз, мугоры но осконэз шедьтӥз.

²⁷27 Тон мынэсьтым лулме адэ уд кельты, Тынад святоедлы но сисьмонэз уд адӟыты.

²⁸28 Тон сётӥд мыным улонлэсь сюрессэ тодыны, Тон тырмытӥд монэ шумпотонэныд Тынад син азяд.

²⁹29 Агай-Вынъёс! Кышкатэк мон верасько пересь Давид атаймы сярысь. Со кулӥз но ватэмын, коросэз но солэн ми пӧлын туннэ нуналоз

³⁰30 Пророк луыса, Давид тодэ вал, Инмар уз вунэты аслэсьтыз верамзе: солэн ӵыжы-выжыысьтыз Христос кивалтыны пуксёз шуыса,

³¹31 Азьвыл ик со вераз Христослэн улӟонэз сярысь: уз кельты лулзэ адэ, мугорыз Солэн уз адӟы сисьмонэз.

³²32 Та Иисусэз Инмар улӟытӥз, мае ми ваньмы адӟимы.

³³33 Инмар Атайлэн киыныз Иисус Христос ӝутэмын вал но Солэн верамезъя Кылды-Син ми вылэ васькиз. Со кисьтӥз Аслэсьтыз Духсэ, мае али адӟиськомы но кылӥськомы.

³⁴34 Давид пророк ӧз пыры Инбаме но со ачиз вераз: "Инмар мынам Инмарелы шуиз: "Пуксьы Мон вӧзы бурпалам,"

³⁵35 Тынэсьтыд тушмонъёстэ Тынад пыд азяд понытозь".

³⁶36 Озьыен, юн тод Израильысь вань калык! Инмар Иисус Христосэз Кузё карыса пуктӥз, кудзэ тӥ кортӵогады».

³⁷37 Сое кылыса сюлэмъёссы небӟизы, Пётрлы но апостолъёслы вазиськизы: "Агайёс, мар милемлы кароно?"

³⁸38 Петр соослы шуэм: куштӥське сьӧлыкъёстылэсь но сюлэмъёсады ӧтелэ Иисус Христосэз, пылатӥстке Солэн нимыныз, соку Кылды-Синлэсь кузьымзэ басьтоды.

³⁹39 Озьы тӥляд нылпиостылы но ӵыжы-выжыостылы, ваньмызлы кинэ ӧтёз Кузё Инмармы".

⁴⁰40 Трос мукет кылъёсын Пётр валэктӥз но дышетӥз на вераса: утиське сьӧлык пӧлын улӥсь калыклэсь.

⁴¹41 Шумпотыса оскизы соос, Иисус Христослэн нимыныз пылатӥськизы. Сыӵеос ог куинь сюрс пала луизы.

⁴²42 Соос улӥзы Апостолъёслэн верамзыя, ялан вӧсяськыса, куспазы тупаса но нянь тӥяса сиылӥзы.

⁴³43 Тросэз адямиос кышкаса улӥзы. Малы ке шуоно, трос паймымон ужъёс лэсьтӥсько вал Апостолъёс пыр Иерусалимын.

⁴⁴44 Оскисьёс ӵош улӥзы но ваньмыз соослэн огъя вал.

⁴⁵45 Коркаоссэс но ваньбурзэс вузаса сётылӥзы кинлы мар кулэ вал.

⁴⁶46 Котькуд нуналэ черкын ӵош луылӥзы. Коркаосазы нянь тӥяллязы, ӵош сиськылӥзы, шумпотыса огкылысь улӥзы.

⁴⁷47 Вань калык азьын Инмарез данъяса но ог-огзэс яратыса улӥзы. Нуналлы быдэ Кузё-Инмар черке вань адямиосты ватсалляз.

Chapter 3

¹1. Пётр Иоаннэн ӵош укмысэтӥ часлэн вӧсяськоназ храме мынӥзы.

²2) Храме пырон капка вӧзын чут вордӥськем адями пуке вылэм. Сое отчы нуналлы быдэ вайылӥзы аслыз кӧттырон курыны.

³3) Храме пырон азьын,Пётрез Иоанэз адӟыса,соослэсь кӧттыр куриз.

⁴4) Пётрен Иоанн сое адӟыса шуизы: «Учкы ми шоры».

⁵5) Со малпам вылэм, мар ке но сётозы шуыса.

⁶6) Нош Пётр Солы шуэм: «Мынам азвесе но зарние но ӧвӧл, нош маи вань, сое сётӥсько. Иисус Христослэн нимыныз косӥсько тонэ, султы но ветлы».

⁷7) Пётр сое бур китӥз кутэм но султытэм. Соку ик солэн пыдъёсыз но пыдесъёсыз но юнмаллям.

⁸8) Тэтчыса султэм но храм пушкын Иисус Христосэз данъяса ветлыны кутскем,

⁹9) Храмын ваньмыз адӟиллям солэсь озьы ветлэмзэ но Инмысь Атаез ушъямзэ.

¹⁰10) Тодмаллям сое, храм азьын кураськыса пукисез. Ӧлексы пилэн ветлыны кутскемезлы туж паймиллям.

¹¹11) Со дырысен та пияш Петр но Иоанн дорысь ӧз кошкылы ни. Ваньмыз талы но паймиллям,

¹²12) Пётр верам калыклы: «Малы тӥ паймиськоды? Малы тӥ учкиськоды ми шоры? Ми сое ветлӥсь карим кожаськоды-а?»

¹³13) Авраамлэн, Исааклэн, Иаковлэн Инмарзы, асьме атайёсмылэн Инмарзы, Со-Милям Вылысь Атаймы аслэсьтыз Пизэ, Иисус Христосэз данлыко кариз, кудӥзлэсь тӥ Пилат азьын куштӥськиды. Пилат малпаз вал Сое мозмытыны.

¹⁴14) Чик сьӧлыктэм, чылкыт, шонер улӥсьлэсь тӥ куштӥськиды. Варраваез, адями виылӥсез, косӥды мозмытыны,

¹⁵15) Тӥ улон сётӥсез – кулонлэсь мозмытӥсез вииды. Инмысь Атаймы Сое кулэмысь улӟытӥз. Ми Сое ваньмы адӟимы.

¹⁶16) Вылысь Инмарлы оскыса та адями юнмаз, Иисус Христос пыр висись мурт тӥляд син азяды бурмиз.

¹⁷17) Агай – вынъёс, мон тодӥсько , тӥляд кузёосты но, тӥ но валатэк озьы лэсьтӥды шуыса.

¹⁸18) Инмар вераз вал пророкъёсыз (азьпалзэ адӟисьёсыз) пыр; Иисус Христос курадӟоз шуыса. Озьы ик луиз.

¹⁹19) Озьыен, вазиське Кузё Инмарлы, сьӧлыкъёстылэсь куштӥське!

²⁰20) Азьвыл верамын вал: Вуозы сыӵе дыръёс, Инмысь Атай келялоз Аслэсьтыз Пизэ Иисус Христосэз, дорады.

²¹21) Озьы ик, пророкъёс пыр верамын на вал Со выльысь инбаме ӝутӥськоз, шуыса.

²²22) Моисей пыр но верамын вал: Кузё Инмар келялоз пророкез тӥ пӧлысь ик. Мар Со тӥледлы вералоз, кылзӥське Солэсь.

²³23) Кин ӧз кылзӥськы Солэсь верамзэ, со калык пӧлысь быдтэмын луоз.

²⁴24) Самуил дорысен кутскыса, вань пророкъёс та нуналъёс сярысь ивортылӥзы.

²⁵25) Тӥ пророкъёслэн пиоссы,сӥзён-косонлэн люкет басьтӥсьёсыз луиськоды.Сое тӥляд атайёстылы Инмар сётыны сӥзиз. Авраамлы со шуиз: Тон пыр вань калыкъёс благословить каремын луозы.

²⁶26)Инмысь Атай Аслэсьтыз Пизэ Иисусэз кулэмысь улӟытыса, нырысь ик тӥ доры келяз, тӥледыз благословить карыны, котькуддэс урод ужъёстылэсь куштӥськыны косыса.

Chapter 4

¹1)Апостолъёс калыкы вераку. Отчы священникъёс, саддукейёс, храмын возьмаськыса улӥсьёс вуизы.

²2)Таосыз туж зол йыркуръяськыса сылӥзы, Иисус Христос кулэмысь улӟиз шуыса, дышетэмзылы.

³3)Соосты кырмыса ӵукнаозь возьмаськись ки улэ сётӥллям, ӝыт вал ини.

⁴4)Кылзӥсьёс пӧлысь тросэз оскизы. Сыӵеос ог вить сюрс мында вылэм.

⁵5)Мукет нуналаз Иерусалиме карлэн кивалтӥсьёссы, тӧроос,книга тодӥсьёс люкаськизы:

⁶6)Анна первосвященник, Каиафа, Иоанн но Александр, мукетъёсыз но первосвященникъёс.

⁷7)Апостолъёсты шоразы султытыса юаллям: кычё кужымен, яке кинлэн нимыныз та ужез тӥ лэсьтӥды?

⁸8)Пётр Кылдысинэн тыр луэм бераз, соослы вераз: Израильын улӥсь калыкен кивалтӥсьёс но тӧроос!

⁹9)Туннэ милесьтым юало ке; кызьы та ӟеч, паймымон уж лэсьтэмын, кызьы висись адями бурмиз?

¹⁰10) Тӥледлы тодмо мед луоз шуыса, ваньдылы но вань Израиль калыклы верасько: Назаретысь Иисус Христослэн нимыныз, кинэ тӥ кортӵогады, Кудзэ Инмар Атаймы улӟытӥз, тӥ азьын вордскем дырысеныз ветлыны быгатӥсьтэм адями пыд вылаз пуктэмын.

¹¹11) Со луэ из. Кудзэ тӥ кулэтэм кариды. Со луэ инъет. Со пыр гинэ утиськон сётӥське.

¹²12.Инбам улын адямиослы сётэмын ӧвӧл мукет ним,кудӥз пыр асьмеос мед быгатысалмы утиськыны..

¹³13)Петрлэсь но Иоаннлэсь кышкасьтэм луэмзэс адӟыса, соослэсь дышетскымтэ луэмзэс валаса, огшоры гинэ адямиос луо шуыса, паймылӥзы; собере тодӥзы, соос Иисусэн огазьын ветло вал шуыса.

¹⁴14) Адӟизы, висись адями бурмиз шуыса, соку пумит номыр но верамзы ӧз луыни.

¹⁵15) Апостолъёсыз синедрионысь потыны косӥллям, асьсэос куспазы кенешиллям.

¹⁶16)Веразы: мар каром та адямиосын? Соосын лэсьтэм паймымон уж Иерусалимын вань адямиослы тодмо луиз, Асьмелэн нокызьы но уг луы палэнтэммы сое.

¹⁷17)Кенешизы калык пӧлын со ним эшшо но медаз вӧлмы шуыса, соосты кышкатыны.

¹⁸18)Соосыз ӧтизы но Иисус Христос сярысь ноку но нокинлы но вераны ӧз лэзе ни.

¹⁹19)Петр но Иоанн соослы пумит вераллям: асьтэос малпалэ – ай, Инмар азьын шонер-а луоз Инмысь Атаез сярысь тӥледыз золгес кылзыны?

²⁰20)Ми ум быгатӥське адӟеммес но, кылэммес но вератэк улыны.

²¹21)Калык тросэн, вӧсь карыны муг шедьтытэк, соосыз кышкатыса лэзизы. Со учыр бере вань калык Инмарез данъяса улэм.

²²22)Ньыльдон ареслэсь бадӟымгес вылэм со адямилы, кудӥз пыд вылаз ветлыны кутскиз.

²³23)Лэзем беразы, Петр но Иоанн асьсэлэнъёс доры вуизы. Соос веразы, кызьы первосвященникъёс но тӧроос шуизы.

²⁴24)Кылзӥськем беразы, оскисьёс огкылысь кариськыса вазиськизы: Кузё Атаймы! Тон кылдытӥд инбамез но, музъемез но, бадӟым шуръёсыз но, ваньзэ отысь, маиз соос пушкын вань!

²⁵25)Кылдысинэн тырмем Давид вераз вал: куаш потто язычникъёс, урод уж лэсьтыны ӧдъяло.

²⁶26)Музъем вылысь кузёос но тӧроос Инбамысь Кузё Иисус Христос вылэ ӝутскизы.

²⁷27)Святой Пиед Иисус Христос вылэ кизэс ӝутыны та городын люкаськиллям: Со – Ирод но Понтий Пилат, язычникъёс но Израиль калык.

²⁸28)Лэсьтыны сое мае Тынад киыд,азьвыл ик лэсьтыны малпамын вал.

²⁹29)Кузё Инмармы, учкы урод малпам ужзы шоры но сёт милемлы кужым Тынэсьтыд кылъёстэ кышкатэк вераны.

³⁰30)Святой Пиедлэн Иисус Христослэн нимыныз лэсьты паймымон ужъёстэ.

³¹31)Вӧсяськем беразы, люкаськем интызы зуркам. Ваньзы Кылдысинэн тырмыса Инмар кылэз кышкатэк вераны кутскиллям.

³²Нош оскисьёслэн ваньзылэн одӥг сюлэм но одӥг лул луэм;нокин но ас ваньбурез пӧлысь номырзэ но аслаз шуыса нимамтэ,соослэн ваньмыз но огъя вылэм.

³³Кузё-Инмарлэн Иисус Христослэн улӟыса султэмез сярысь апостолъёс вань кужымзэс сётыса иворттылӥзы,соослэн ваньзылэн вылазы Инмарлэн быдӟым благодатез вылэм.

³⁴Соос пӧлын нокин но ёрмыса улӥсь вылымтэ;уго ваньзы музъемзэс но коркаоссэс вузаса,вузам дунзэс вайылӥллям.

³⁵Апостолъёслэн пыд выжыязы тырылӥзы,нош соос ёрмыса улӥсьёслы сое люкылӥзы.

³⁶Озьы апостолъёслэн Варнава шуыса нимам Иосия кудӥз "буйгатон пи "шуэм луэ,Кипрын вордскем мурт.

³⁷Кудӥзлэн аслаз музъемез вылэм,сое вузаса,коньдонзэ ваем но апостолъёслэн пыд выжыязы понэм.

Chapter 5

¹1)Анания нимо пиосмурт Сапфира кышноеныз музъемзэс вузазы.

²2.Кышноеныз вераськыса дунызлэсь одӥг люкетсэ ватӥз,нош кыкетӥ люкетсэ ваиз апостолъёслэн пыд азяз.

³3)Пётр шуиз: Анания! Малы сюлмад лэзид сотоналы пӧяны Кылдысинэз, малы музъемедлэсь дунзэ ватӥд?

⁴4)Мае вузад, со тынад ӧй вал шат? Вузаса басьтэм коньдонэд тынад ӧй вал-а? Малы тон тае сюлмад понӥд? Тон адямиосты ӧд пӧя,Инмарез тон пӧяд.

⁵5)Сое кылыса, Анания кулыса усиз, Кинъёс сое кылӥзы, ваньзы туж кышказы.

⁶6)Воргоронъёс султыса сое ватыны дасяллям но поттыса ватӥллям.

⁷7)Куинь час пала ортчыса вуиз кышноез, кудӥз уг тоды на вал мар луэмез,

⁸8)Петр солэсь юаз: вера, сомындаен-а вузады музъемдэс? Со шуиз: бен, сомындаен.

⁹9)Петр шуиз: Малы тӥ огкылысь луиды Кылдысинэз пӧяны? Тани пыро ини карттэ ватӥсьёс, тонэ но поттозы.

¹⁰10)Шуак со усиз, солэн пыд азяз и кулӥз. Воргоронъёс пырыса шедьтӥзы сое кулэмын,поттыса, картэз вӧзы ватӥзы.

¹¹11)Быдэс черк,ваньмыз адӟем калык туж зол кышкатскиллям.

¹²12)Калык пӧлын Апостолъёслэн киосынызы паймымон ужъёс лэсьтӥсько,ваньзы Люкаськылӥзы Соломонлэн юртъераз.

¹³13)Палэнысь адямиос уг дӥсьто вал соос борды кариськыны. Отысь калык соосты данъяса улӥз.

¹⁴14)Инмарлы оскисьёс тросгес луиллям ини; кышномуртъёс но, пиосмуртъёс но.

¹⁵15)Трос висисьёсты ульчае поттыло вал, ортчись Петрлэн вужерез ке но мед вылазы усёз вал шуыса.

¹⁶16)Иерусалиме мукет городъёсысь но лыкто вал, вайыло висисьёсты, периен шуккемъёсты. Соос бурмылӥзы.

¹⁷17)Первосвященникъёс но саддукейёс вожпотыса улӥзы.

¹⁸18)Апостолъёс вылэ соос кизэс ӝутӥзы, пытсэтэ пытсазы.

¹⁹19)Уин Инмарлэн Кылчинэз пытсэтэз усьтӥз.

²⁰20)Со шуиз; Мынэлэ храме но калыклы утиськон сярысь. Кыл вералэ.

²¹21)Ӵукна храм пушкы пырыса соос дышетӥзы. Со куспын первосвященник кивалтӥсьёсты люкам, пытсэтысь апостолъёсты дораз вайыны косэм.

²²22)Соос отчы лыктыса апостолъёсты шедьтӥллямтэ.

²³23)Берытскыса шуиллям: нокин ӧвӧл отын, нош стража интыяз, темница ӵогамын.

²⁴24)Сое кылыса первосвященник но мукетъёсыз паймиллям: мар со сыӵе шуыса.

²⁵25)Одӥг адями лыктэм но шуэм: воргоронъёс, кудъёссэ пытсады вал, соос храмын калыкез дышето.

²⁶26)Возьмаськисьёслэн кузёзы храме мыныса, апостолъёсты кужмысь карытэк соосты ваем,малы ке шуоно,калыклэсь кышкаллям,соосты изъёсын лэзьяса медаз виелэ шуыса.

²⁷27)Вайыса соосыз пуктӥзы синедрионэ.Первосвященник апостолъёслэсь юаз:

²⁸28)Ӧм алэ-а ми тӥледыз со Адями сярысь дышетыны? Тӥ асьтэлэн дышетонэныды тырмытӥды быдэс Иерусалимез . Со Адямилэн вирыныз милемыз янгыше уськытыны выриськоды.

²⁹29)Петр но апостолъёс веразы: адямиослы сярысь, Инмарлы золгес кылзӥськыны кулэ.

³⁰30)Инмысь Атаймы улӟытӥз Иисусэз, кудзэ тӥ пу кирос вылэ кортӵогады вал.

³¹31)Инмысь Атаймы аслаз кужмыныз Сое Кузёйыр но Утись кариз, Израиль калык сьӧлыкъёсызлэсь мед куштӥськоз но утиськон мед шедьтоз шуыса.

³²32) Ми адӟисьёс луиськомы , Кылдысин но, мае сётиз Со кылзӥськись калыкезлы.

³³33)Тае кылыса первосвященникъёс но тӧроос туж йыркуръяськыны кутскизы, малпазы соосты виыны.

³⁴34)Люкаськемъёс пӧлын Гамалиил нимо фарисей вал, калыкын гажано адями, законлы дышетӥсь. Со султэм но апостолъёсты кӧня ке дырлы отысь поттыны косэм.

³⁵35)Со шуиз: Израильысь воргоронъёс! Асьтэос малпаське, мар со адямисын карыно.

³⁶36)Кемалась ик ӧвӧл, соос азьын Февда нимо адями потӥз. Со ассэ кычё ке но бадӟым адями кадь возиз. Со сьӧры ог ньыль сю мурт мынӥз. Но сое виизы, соку ваньмыз, кинъёс со сьӧры ветлӥзы, пазьгиськизы, ышизы.

³⁷37)Калыкез гожъян вакытэ, Галилеяысь Иуда туж трос адямиез сьӧраз нуиз вал. Со но бырыны шедиз. Соку но вань калык, кин сое кылзэ вал, пазьгиськиз.

³⁸38)Али мон тӥледлы верасько; та адямиосыз кельтэлэ но лэзьелэ ,уго та ужпум адямиос бордысен потэмын ке,соку со куашкалоз.

³⁹39)Инмарлэсь ке та уж: тӥ уд быгатэ куашкатыны. Кышкалэ Инмарлэсь, Солы пумит мынӥсьёс медам луэ!

⁴⁰40)Соос кылзӥськизы солэсь но,апостолъёсты ӧтьыса,соосты жугиллям но,соос Иисуслэсь нимыз сярысь медаз ни дышетэ шуыса,соосты алыса лэзиллям.

⁴¹41)Синедрионысь апостолъёс шумпотыса кошкизы, Иисуслэн нимыз понна сантэманэз чидазы шуыса.

⁴²42)Нуналлы быдэ храмын но коркась корка ветлыса Иисус Христос сярысь дугдылытэк калыкез дышетӥзы.

Chapter 6

¹1)Дышетскисьёс трос луизы. Со нуналъёсы Еллинистъёс еврейёс вылэ вожзэс потт кутскизы: соослэн палкышнооссы нуналлы быдэ кулэяськисьёслы сётъянлэсь палэнтэмын шуыса.

²2)Соку дас кык апостолъёс дышетскисьёссэс ӧтизы но веразы: Умой ӧвӧл Инмысь Атаймылэсь верам кылзэ вунэтыса, тросгес ӝӧк вылысь сиён-юон сярысь сюлмаськыны.

³3)Озьыен ик,агай-вынъёс,асьтэ пӧлысь сизьымзэ юн оскисьёссэ,Кылдысинэн но визьмын тыр луэмъёсты быръе,та ужез соослы сётомы.

⁴4)Нош ми котьку вӧсяськыса улыны но ӟеч Иворез вӧлмытыны тыршомы.

⁵5)Та ӵёктон люкаськем калыклы кельшиз. Со ужез быдэсъяны Стефанэз бырйзы; юн осконэн Кылды Синэн тыр луэм пиосмуртэз, озьы ик Филиппез, Парменэз, Никанорез, Тимонэз но язычникъёс пӧлысь Антиохиысь Николаез, со Иисус Христослэн дышетонэзлы оскиз.

⁶6)Соосты апостолъёс азе султытӥзы но собере киоссэс вылазы поныса вӧсяськизы.

⁷7)Инмысь Атаймылэн кылыз вӧлме. Иерусалимын дышетскисьёс тросгес луизы. Тросэз священникъёс но Иисус Христослы оскыны кутскизы.

⁸8)Стефан юн осконэн но благодать сётэм кужмыныз тыр луыса, калык пӧлын паймымон ужъёс лэсьтылӥз.

⁹9)Либертиысь, Киринеяысь, Александрияысь, Киликияысь, Асиысь асьсэлэн вӧсяськон коркаязы ветлӥсьёс Стефанэн керетыны кутскизы.

¹⁰10)Стефанлэн узыр визьмо верам кылъёсызлы пумит номыр но вераны ӧз быгатэ ни.

¹¹11)Куд-огез солы пумитъяськисьёс дышетӥзы тазьы вераны. Ми, пе, кылӥмы, кызьы со урод кымъёс Моисей вылэ но Инмысь Атай вылэ вераз.

¹²12)Соос калыкез, кузёйыръёсты, книга тодӥсьёсты Стефан вылэ бугыртӥзы. Соку сое кырмизы но синедрионэ нуизы.

¹³13)Ӧрекчи адӟисьёсты вуттӥзы, кудъёсыз веразы: со пе, ӧз на дугдылы урод кылъёс верамысь та Святой Интылы но закон вылэ но.

¹⁴14)Ми асьмеос кылӥмы, кызьы со вераз вал: Назаретысь Иисус та интыез куашкатоз. Моисей пыр милемли сетэм сямъёсты но воштоз.

¹⁵15)Собере синедрионын пукисьёс Стефан шоры учкыса адӟизы: солэн ымнырыз Кылчинлэн кадь луиз шуыса.

Chapter 7

¹1.Соку первосвященник верам:"Зэм-а со?"

²2.Стефан верам:агай-вынъёс но атйёс! Кылзэлэ.Пиштӥсь данлыклэн Инмарез асьмелэн Авраам атаймылы Харранэ улыны мынэмезлэсь азьвыл Месопотамиысен возьматскем.

³3.Солы шуэм:пот аслад музъемысьтыд,ӵыжы-выжыосыд пӧлысь,аслад атаедлэн коркаысьтыд но мын со музъеме,кудзэ мон тыныд возьмато.

⁴4.Соку со Халдей музъемысь потэм но Харранэ улыны интыяськем;нош отысен солэн атаез кулэм бере,Инмысь Атай ваем сое та музъеме кудаз тӥ али улӥськоды.

⁵5.Татын пытьы быдӟа но музъем люкет солы сётымтэ.Но Инмысь Атай Авраамлы кыл сётэм:аслыз Авраамлы но,солэн нылпиезлэн нылпиосызлы но та музъемез солы сётыны.Авраамлэн соку нылпиосыз вылымтэ на

⁶6.Инмысь Атай солы шуэм:Тынад нылпиедлэн нылпиосыз мурт музъемын улыны выжытэмын луозы ;ог ньыль сю ар ӵоже соосты ултӥяса возёзы.

⁷7.Нош Мон,-шуэм Инмар- со калыкез кудӥз дорын курадӟыса улӥзы со калык вылын суд лэсьто,со бере соос потозы но Мыным та интыын служить карозы.

⁸8.Соку Инмар Авраамлы вандӥськон сӥзьён-косон сётэм.Собере Авраамлэн Исаак пиез вордӥськем.Тямысэтӥ нуналаз Авраам солы вандӥськон сямез ортчытэм:Исааклэсь вордскем Иаков,нош Иаковлэсь дас кык патриархъёс вордскиллям.

⁹9.Вожъяськеменызы бадӟым агайёсыз Иосиф вынзэс Египэтэ вузаллям.Нош Инмар соин вылэм.

¹⁰10.Котькыӵе куректон-кайгуосызлэсь сое мозмытэм,Египетлэн эксэез Иосифлы Со дэлет но визьлык сётэм.Фараон быдэс Египетлы,аслаз вань юртъерезлы кузё йыр карыса пуктэм.

¹¹11.Собере Египет но,Ханаан музъем вылэ сютэм улон но бадӟым куректон вуэм.Милям атайёсмы кӧттыр шедьтӥллямтэ сион.

¹²12.Иаков Египэтын нянь вань шуыса кылэм но атайёсмес нырысь отчы ыстэм.

¹³13.Куке соос кыкетӥяз мынӥллям,Иосиф агайёсызлы усьтӥськем.Иосифлэн выжыез фараонлы но тодмо улэм.

¹⁴14.Иосиф аслэсьтыз атайзэ Иаковез,вань ӵыжы-выжыоссэ ӧтьыны лэзем соос сизьымдон вить адями вылэм.

¹⁵15.Иаков Египетэ улыны лыктэм.Со но,агайёсмы но отын кулӥллям.

¹⁶16.Соослэсь мугорзэс Сихеме ваиллям но шайгуэ понӥллям,кудзэ Авраам Сихемысь Емморлэн пиосызлэсь азвесь сётыса басьтэм.

¹⁷17.Инмар Авраамлы азьпалзэ верам кылэз быдесмыны кутскем.Египетэ лыктэм калык лыдын трос луэм.

¹⁸18.Пуксиз мукетыз эксэй,кудӥз Иосифез ӧз тодылы.

¹⁹19.Таиз эксей асьме выжылы пумит вылэм,атайёсмес зӥбыса-ултӥяса возем.Нылпиосты куяны косэм,улэпесь медаз кыле шуыса.

²⁰20.Со вакытэ Моисей вордӥськем,Инмар азьын туж мусо вылэм.Куинь толэзь будэм аслаз корказ.

²¹21.Куке сое куштыса кельтӥллям,фараонлэн нылыз сое дораз басьтэм,аслэсьтыз нылпизэ кадь будэтэм.

²²22.Египетысь визьлыклы Моисей дышетэмын .Кылын но ужын со кужмо луэм.

²³23.Ньыльдон арес тырмем бераз,солэн сюлэмаз мылкыд кылдэм адскыны Израиль калыкен,аслаз агай-вынъёсыныз.

²⁴24.Адӟем одӥг пияшез ултӥямзэс,солы со дурбасьтэм.Египет пиез вием.

²⁵25.Со малпаз валалозы агайёсыз,ачиз Инмар солэн киыныз юрттӥз,шуыса.Нош сое валаллямтэ.

²⁶26.Ӵуказеяз адӟем мукетъёсызлэсь жугиськемзэс,доразы лыктыса тупатскыны курем.Верам:тӥ агай-вынъёс ук,малы ог-огдэс вӧсь кариськоды?

²⁷27.Соку,кудӥз жуге вал эшсэ,Моисеез донгыса лэзем но шуэм:кин тонэ милемлы кузёе пуктӥз.

²⁸28.Монэ но виемед потэ-а,кызьы толон Египет пиез виид?-шуэм.

²⁹29.Со кылъёс бере Моисей пегӟем,Мадиам музъемын улэм.Отын солэн кык пиосыз вордскиллям.

³⁰30.Ньыльдон ар ортчыса ,Синай гурезь вӧзысь кыр музъемын,ӝуась бышкысь будос пушкысь Моисейлы Инмысь Атайлэн Кылчинэз возьматскем.

³¹31.Моисей та адӟонлы паймем,матаз учкыны мынэм,Соку солы Инмысь Атайлэн куараез кылӥськем:

³²32.Мон тынад атайёсыдлэн Атайзы,Авраамлэн Атаез,Исааклэн Атаез,Иаковлэн Атаез.Куалектэменыз Моисей синзэ ӝутыны но дӥсьтымтэ.

³³33.Кузё-Инмар солы шуэм:кушты пыдкутчандэ,уго тон сылӥськод Святой музъем вылын.

³⁴34.Мон адӟисько Мынэсьтым калыкме зӥбыса-ултӥяса воземзэс,солэсь ӝужтэмзе но кылӥсько,лыктӥ соосты мозмытыны;озьыен мын ,Мон тонэ Египетэ лэзё.

³⁵35. Самой та Моисеез, кудзэ Израиль пиос палэнтӥллям, шуиллям: "Кин тонэ кузёйыр, судья карыса пуктӥз?" Инмысь Атай Аслаз Кылчинэз пыр, кудӥз бышкысь будос пушкысен соин вераськем но кузёйыр но утись карыса ыстэм.

³⁶36. Моисей соосты Египетысь поттэм. Египет музъемын но, Чермной мореын но, кыр дуннеын но ньыльдон ар ӵоже паймымон ужъёс, паймымон тодметъёс лэсьтылэм.

³⁷37. Та самой со Моисей, кудӥз Израиль пиослы вераз вал: "Инмысь Атай тӥледлы Пророкез поттоз тӥ пӧлысь ик, сое кылзӥськелэ."

³⁸38. Со, Моисей, кудӥз атайёсынымы огазьын кыр интыын кенешонын вал. Соку Синай гурезьын Кылчинэн вераськиз, улэп улон Кылъёсты сюлмаз пыртӥз, Сое калыклы вераны вылысь.

³⁹39. Кудӥзлэсь атайёсмылэн кылзӥськемзы потымтэ, палэнскиллям солэсь, сюлэмъёсынызы Египет пала берытскиллям.

⁴⁰40. Ааронлы шуиллям: "Милемлы инмаръёс лэсьты, кудъёсьез азьпаламы мед мынысалзы. Ум тодӥське мар луиз Моисеен, кудӥз милемыз Египетысь поттиз."

⁴¹41. Со нуналъёсы соос ошпи лэсьтӥллям. но та идоллы курбан ваилям,, со лэсьтэм азьын шулдыръяськиллям,

⁴²42. Инмысь Атай соослэсь палэнскем, но соосты инмысь кизилиослы йыбыртъяны кельтэм, кызьы гожтэмын пророкъёслэн книгаязы: "Израиль калык! Ньыльдон ар ӵоже кыр дуннеетӥ ветлыкуды тӥ Мыным виро, йыр-пыд сётылӥды-а?

⁴³43. Тӥ Молохлы куала лэсьтӥды, отчы пыртӥды Ремфан инмардылэсь кизилизэ, асьтэ киыныды лэсьтэм суредъёстэс; соослы йыбыртъяны вылысь. Соин ик Мон тӥледыз Вавилонлэн сьӧраз улыны келяло."

⁴⁴44. Асьмелен атайёсмылэн кыр дуннеын улыкузы, сӥзён-косон вал.Моисей сое Инмарлэн косэмъезя Инмысь адӟем скиниялы укшатыса лэсьтэм.

⁴⁵45.Асьме атайёсмы Иисус Навинэн.со скинияез басьтыса,асьме атайёсмылэсь Инмарен уллям калыкъёслэн музъемазы пыртӥллям, озьы вал Давидлэн улон дорозяз,

⁴⁶46. Инмысь Атай азьын Давид дэлет шедьтэм, со курем Иаковлэн Атаезлы улон инты мед шедьтоз вал шуыса,

⁴⁷47. Нош корка Солы Соломон пуктэм.

⁴⁸48. Но Вылысь Атай адями киын лэсьтэм вӧсяськон коркан уг улы. Уго пророк пыр шуэмын:

⁴⁹49. "Ин-мынам эксэй пуконэ,музъем-мынам пыд лёгонэ; Мыным кыӵе корка пуктоды?"-шуэ Инмар."Яке, кытын луыны быгатоз Мынам шутэтскон интые?

⁵⁰50. Ваньмыз таос мынам киыным кылдытэмын ӧвӧл шат?"

⁵¹51. Ваменэсъёс! Сюлмынызы,пельынызы вандӥськымтэ адямиос! Кызьы ке тӥляд атайёсты,озьы ик тӥ но ялан Кылдысинлы пумитъяськиськоды.

⁵²52. Вал-а одӥг ке но пророк кудзэ тӥляд атайёсты ӧз уллялэ? Шонер Улӥсьлэсь лыктонзэ азьвыл ивортӥсьёсты соос виизы. Нош Сое вузасьёс, Сое виисьёс табере тӥ луиды.

⁵³53. Тӥ, кинъёс Кылчинъёс пыр шедьтӥды быронтэм улон, но Солы ӧд тэрытске.

⁵⁴54. Тае кылзыса, йырзы курен урмиллям, пиньёссэс йырйиллям.

⁵⁵55. Нош Стефан, Кылдысинэн тыр луыса инме учкем но Вылысь Атайлэсь данлыксэ, Вылысь Атайлэн бур палаз сылӥсь Иисусэз адӟем,

⁵⁶56. соку со шуэм: "Тани, мон усьтӥськем инмез, Инмысь Атайлэн бур палаз сылӥсь Адями Пиез адӟисько."

⁵⁷57. Нош соос, шуш куараен кесяськиллям пельёссэс ӵоксаллям. Собере ваньзы ӵош со вылэ урдскиллям.

⁵⁸58. Город сьӧры поттӥллям но со вылэ изъёс зӥръяны кутскиллям. Адӟисьёс дӥськутсэс Савл нимо егит пилэн пыд выжыяз понӥллям.

⁵⁹59. Стефанэз изъёсын жугиллям, нош со вӧсяськыса шуэм: " Кузёе, Иисус Христос! Лулме ас кияд басьты."

⁶⁰60. Собере пыдес вылаз султэм но бадӟым куараен кесиськыса верам:"Кузёе! Иисус Христос! Соослы тае сьӧлыклы эн гожты." Тае верам но лулыз потэм.

Chapter 8

¹1.Нош Стефанэз виемзэс Савл умоен лыдъям. Иерусалимысь черкез зол улляны кутскизы. Вӧсяськись калык пазьгиськиз. ..Ваньмыз Иудея но Самария пала кошкизы,апостолъёс сяна.

²2.Кылемъёсыз вӧсяськисьёс Стефанлэсь мугорзэ ватӥзы, трос бӧрдӥзы.

³3.Нош Савл асьсэ коркаосысьтызы гыж кыскаса пиосмуртъёсты но кышномуртъёсты но пытсэтэ сётылэм.

⁴4.Соку пегӟем муртёс кышкатэк Инмар кылэз вераса ветлӥзы.

⁵5.Озьы Филипп но Христос сярысь Самария городын валэктыса улӥз.

⁶6.Филиплэсь адӟымтэ ужъёс лэсьтэмзэ кылыса калык солэсь верамзэ огкылысь туж сак кылзэм.

⁷7.Нечистой духъёс кесяськыса адямиос пушкысь потазы, висисьёс бурмылӥзы, чутӥсьес ветлыны кутскылӥзы.

⁸8.Та городын бадӟым шумпотон вал.

⁹9.Отын ик Симон нимо туно – пелё улэ вал Самарияын со аслаз ужъёсыныз калыкез паймытъяз,ассэ кыӵе ке но бадӟым адямиен возьматыны тырше.

¹⁰10.Солы оскылӥзы бадӟымез но пичиез.Малпало вал со бадӟым Инмарлэн кужымез

¹¹11.Кема дыр ӵоже со соосты тунаськонъёсын паймытылэм,соин ик сое кылзыса луӥзы.

¹²12.Нош куке Филипп Инмар Эксэйлык но Иисус Христослэн нимыз сярысь вералляз,оскем беразы, соку пиосмуртъёс но, кышномуртъёс но пылатӥськиллям.

¹³13.Соку ачиз Симон но оскиз, вуын пылатӥськиз, Филип дорысь кошкылытэк но туж бадӟымесь ужъёс но тодметъёс лэсьтӥськемез адӟыса, паймиз.

¹⁴14.Иерусалиме кылем апостолъёс тодӥзы Самария городын калык Инмарлы оскиз шуыса, отчы Петрез но Иоаннэз лэзизы.

¹⁵15.Соос лыктыса вӧсяськизы оскисьёс понна, соослы Кылды Син мед сётӥськоз шуыса.

¹⁶16.Малы ке шуоно, соос вылэ Кылды Син ӧз на васькы вал, соос Кузё – Инмарлэн Иисуслэн нимыз понна гинэ пылатэмын вал-ай.

¹⁷17.Соку апостолъёс киоссэс вылазы поныка куризы но Кылды Синэз соос басьтӥзы.

¹⁸18.Симон адӟиз, кызьы кизэс вылазы поныса апостолъёс пыр Кылды Син сётӥське шуыса, соослы коньдон ваем.

¹⁹19.Со куриз, мыным но сётэ сычё кужым, мон но киме поныса кури ке, мед сётӥськоз Кылды Син.

²⁰20.Пётр солы шуиз: Тынад коньдонэд асэныд ӵош быроно луоз, тон коньдонэн Инмарлэсь кужымзэ басьтыны малпад.

²¹21.Тынад сюлмыд кырсь, Инмарлэн шонерлыкез тон бордын ӧвӧл.

²²22.Озьыен, вӧсяськы та селыкед понна Инмарлы,оло сюлмыдлэсь та урод малпандэ Со уз кушты-а.

²³23.Адӟисько, сэпед пӧсьтымон луэмын ни урод ужъёсыд пушкын.

²⁴24.Симон шуэм, вӧсяське мон понна тӥ Инмарлы, мыным талэсь урод медаз луы шуыса.

²⁵25.Апостолъёс Самариысь мукет гуртъёсын но Кузё Инмарлэсь кылзэ тодытыса, Святой Евангелиез валэктыса, адӟемзэс вераса берен Иерусалиме кошкизы.

²⁶26.Кузё Инмарлэн кылчинэз Филипп доры лыктӥз но шуиз: нуназе шорын пот но мын Иерусалимысь Газае мынӥсь сюрес вылэ, со кыр (калыктэм) инты.

²⁷27.Со султэм но мынэм.Тани Ефиопиысь евнух .кышномурт эксэйлэн Кандакиялэн юртысьтыз кузёйырез,солэсь ваньбуръёссэ утьыса улӥсь пиосмурт, ветлэм Иерусалиме Инмарлы йыбырттыны.

²⁸28.Отысь бертыкуз уробояз пукыса Исаия пророклэсь гожтэмзэ шара лыдӟыса улэм,

²⁹29.Дух Филипплы верам, мын со валэн уробо доры

³⁰30.Филипп матэ лыктэм, соиз Исаия пророклэсь гожъямзэ лыдӟе шуыса кылэм но юам. Мар лыдӟиськод, валаськод-а?

³¹31.Со мурт шуэм: Кызьы валалом? Мынам валэктӥсе ӧвӧл бере? Соку со куриз Филиппез вӧзаз пуксьыны.

³²32.Пиосмурт Священной Гожтэмысь таӵе гожтэмзэ лыдӟе вылэм: «Ыжез кадь вандыны Со нуэмын вал. Кызьы ыжпи но солэн ӵышкисез азьын куаразэ ӧз поттылы, озьы ик Со но Аслэсьтыз ымзэ ӧз усьты.

³³33.Сое ултӥязы, шонер суд ӧз лэсьтэлэ нош Солэсь выжызэ кин вераны быгатоз? Уго Солэн улонэз музъем вылысь басьтӥське ни».

³⁴34.Евнух Филипплэсь юаз: вера мыным кин сярысь пророк озьы шуиз? Ачиз сярысь-а? яке мукетыз сярысь-а?

³⁵ 35.Филип вераны та гожтэт бордысен кутскыса Иисус Христос сярысь пыр-поч валэктӥз.

³⁶36.Вераськыса мынонъязы, Филипп но евнух ву дуре вуизы: соку евнух шуиз: тани ву, мар мыным люкетэ али пылатӥськыны?

³⁷37.Филипп солы шуиз: Вань сюлмысьтыд оскиськод ке, соку луоно. Соиз вераз: «Оскисько, Иисус Христос – Инмар пи луэ» шуыса.

³⁸38.Валзэ дугдытыны косэм. Филипп но евнух вуэ пыриллям. Филипп сое пылатэм.

³⁹39.Вуысь потэм беразы, евнух вылэ Кылды Син васькем. Нош Филиппез Инмарлэн кылчинэз нуэм, евнух сое адӟымтэ ини, со туж шумпотыса азьлань кошкем.

⁴⁰40.Нош Филипп Азотэ вуттэмын вылэм, Кесарие вуиз. Вань городъёстӥ ветлыкуз Ӟеч Иворен тодытъяз.

Chapter 9

¹1.Савл Кузё-Инмарлэсь дышетскисьёссэ весь кышкатыны,виылыны выриз.Первосвященник доры со мынӥз.

²2.Дамаскысь синагогаосы солэсь гожтэтъёс куриз,-Иисуслэн дышетэм сюрестӥз мынӥсьёсты шедьтӥз ке пиосмуртъёсты но кышномуртъёсты но думылыса Иерусалиме вайыны мед быгатоз шуыса.

³3.Савл Дамаске матэ вуыкуз,шӧдтэк шорысь югак луиз со азьын.

⁴4.Со музъем вылэ усем бераз верась куара кылэм:"Савл,савл!Малы тон Монэ улляськод?

⁵5.Со шуӥз:Кузё,кин Тон?:Нош Кузё-Инмар шуӥз:Мон,Иисус Христос кудзэ тон улляськод:секыт луоз тыныд пумит мыныны Мыным.

⁶6.Со куалекъяса но кышкаса шуӥз:Кузё!Мар карыны Тон монэ косод?Кузё-Инмар солы шуӥз:Султы но городэ мын,отын тыныд верамын луоз,мар лэсьтыны кулэ.

⁷7.Савлэн ӵош мынӥсь адямиос паймыса сылӥзы,верам куара кыло но,нокинэ но уг адӟо.

⁸8.Савл музъем вылысь султэм бераз усьтэм синъёсын нокинэ но ӧз адӟы;сое киитӥз кутыса Дамаске нуизы.

⁹9.Куинь нунал со ноиыр но ӧз адӟы ,ӧз но сиськы,ӧз но юы.

¹⁰10.Дамаскын вылэм Анания нимо дышетскись;адӟон пыр Инмар солы верам:"Анания!Со шуэм:Тани мон Тон азьын Инмаре."

¹¹11.Нош Кузё-Иисус Христос солы вераз:Султы но"Шонер шуыса нимаськись ураме мын,юа Иудалэсь коркасьтыз Тарс городысь Савл нимо адямиез;со али вӧсяське.

¹²12.Солы возьматэмын вал,кызьы Анания Савл доры лыктыса,со вылэ кизэ поныса вӧсяськем бераз,со адӟыны быгатоз.

¹³13.Анания верам солы:Кузё-Инмаре мон трос адямиослэсь кылӥ ини кӧня урод ужъёс лэсьтӥз та адями Тыныд вӧсяськись калыкедлы Иерусалимын.

¹⁴14.Татчы но ваньзэс Тыныд оскисьёсты думылыны лыктэмын,первосвященикъёслэсь басьтэм косонэн.

¹⁵15.Ккзё- Инмар вераз солы:"Мын,со-Мынэсьтым нимме язычникъёслы,эксэйёслы,Израиль калыклы тодытыны Мынам быръем сосудэ."

¹⁶16.Мон солы возьмато;кӧня курадӟыны со кулэ Мынам нимы понна.

¹⁷17.Анания мынӥз.Корка пырем бераз Савл вылэ кизэ поныса вераз:Савл,агай!Кузё-Инмар Иисус Христос сюрес вылысен возьматскиз тыныд,монэ ыстӥз,тынад синъёсыд мед усьтӥськозы но Святой Духен тыр мед луод.

¹⁸18.Со куспын ик син бордысьтыз чорыг сьӧм кадь маке усиз но со адӟыны кутскиз.Соку ик со пылатӥськиз.

¹⁹19.Сиськем бераз кужым пыриз.Кӧня ке нунал Савл Иисуслэн дышетскисьёсыныз огазьын вал Дамаскын.

²⁰20.Соку ик синагогаосын ивортыны кутскем Иисус сярысь Со Инмар Пи луэ шуыса.

²¹21.Ваньмыз кылзӥськисьёс паймыса веразы:Та самой со ӧвӧл-а?Кудӥз Иерусалимын та Нимлы вазьиськисьёсты быдтыны тыршэ.Татчы но со понна ик лыктӥз,Соосты думылыса первосвященник доры нуон понна.

²²22.Савллэн осконэз юнгес но юнгес луӥз.Дамаскын улӥсь иудейёслы шуге леке вуттӥз,Иисус-Христос луэ шуыса.

²³23.Трос нуналъёс ортчем бере Иудейёс сое виыны вераськизы.

²⁴24.Но Савл соослэсь та малпанзэс тодэм,Нош иудейёс вион понна уй но ,нунал но капка дорын возьмаськыса улӥллям.

²⁵25.Нош дышетскисьёс уйин сое корзинае пуктыса борддор кузя васькытӥзы.

²⁶26.Савл Иерусалиме вуэм но дышетскисьёс борды кариськыны тыршем;ваньзы солэсь кышкаллям,ӧвӧл оскиллям со дышетскись шуыса

²⁷27.Нош Варнава,сое басьтыса,апостолъёс доры лыктэм но соослы верам,кызьы со сюрес вылысен Инмарез адӟем но мар верам солы Кузё-Инмар,кызьы со Дамаскын Иисуслэн нимыз понна кышкатэк ивортылэм.

²⁸28.Со соосын ӵош вылэм,пыраса-потыса быдэс Иерусалимын ветлэм,Кузё-Иисуслэн нимыз понна Ӟеч иворез кышкатытэк ивортылэм.

²⁹29.Озьы ик Еллинистъёсын вераськылэм но споръяськылэм;нош соос сое виыны малпаллям.

³⁰30.Та сярысь тодыса агай-вынъёс сое Кесарие келяллям но отысен Тарсэ келяса лэзиллям.

³¹31.Но быдэс Иудеяысь,Галилеяысь,но Самарияысь черкъёслы каньыл улон дыр вуиз.Соос юнматскизы,Инмар азьын кышкаса ветлӥзы.Святой Дух буйгатэмен оскисьёс тросгес но тросгес луизы.

³²32.Тазьы луэм,Пётр ваньзэсты ортчыса адӟиськыны пыриз Лиддаысь вӧсяськисьёс доры.

³³33.Отысен со Еней нимо адямиез шедьтӥз,кудӥз тямыс ар ӵоже ини паралич шуккыса валесын кылле вылэм.

³⁴34.Пётр солы вераз:Еней!Тонэ Иисус Христос бурмытэ,султы валес вылысьтыд.Еней соку ик султӥз.

³⁵35.Лиддаын но Саронаын улӥсьёс тае адӟыса Инмарлы оскыны кутскизы.

³⁶36.Иоппияын Тавифа нимо дышетскись вылэм,солэсь нимзэ"кыр-кеӵ"шуыны луэ.Со трос ӟеч ужъёс лэсьтыса улӥз,ёрмыса улӥсьёслы трос юрттӥз.

³⁷37.Со нуналъёсы озьы луиз;Тавифа висьыны усиз но кулӥз.Сое миськизы но вылӥ комнатае понӥзы.

³⁸Лидда Иоппия город матын сылэ бере,дышетскисьёс кылыса Пётр Иоппиын шуыса ,со доры ыстӥзы кык адямиез,ӝегатскытэк со татчы мед лыктоз вал шуыса.

³⁹39.Пётр султӥз но соос сӧры мынӥз,вуэм бераз сое бадӟым комнатае пыртӥзы,отын вань палкышноос бӧрдыса сое котыртӥзы,возьматӥзы Серналэсь лэсьтэм дэремъёссе но диськутъёссе.

⁴⁰40.Пётр ваньзэс педпала потыны косэм ,пыдэсъяськыса вӧсяськем но кулэм мугорлы вазиськыса верам :"Тавифа!Султы."Со синъёсэ усьтэм но Пётрез адӟыса пуксем.

⁴¹41.Пётр солы кизэ сётыса,сое ӝутэм но ,святойёсты но палкышноосты ӧтьыса ,сое соос азьын улэпен султытэм.

⁴²42.Быдэс Иоппияе та ивор вӧлмиз,со бере тросэз Инмарлы оскыны кутскизы.

⁴³43.Пётр трос нунал ӵоже Иоппияын ку посӥсь Симон дорын улӥз.

Chapter 10

¹1.Кесариын вылэм Корнилий Италийской шуон полкысь,сю войнэн кивалтӥсь.

²2.Инмарез туж дано карись,калыклы трос ӟечсэ лэсьтӥсь,аслаз семяеныз Инмарлэсь кышкась,котьку вӧсяськыса улӥсь пиосмут.

³3.Со адӟиськон пыр нуназе укмыс час котырын умой адӟиз Инмарлэсь Кылсинзэ,кудӥз со доры пыриз но вераз:"Корнилий!"

⁴4.Нош со шоры учкыса но кышкаса вераз:"Мар-о Кузё Инмаре?"Кылчин солы верам:"Вӧсяськемед но ӟеч ужъёсыд тынад Инмар азьын тодэ ваемын.

⁵5.Озьыен,Иоппие адямиостэ лэзь но Пётр шуон Симонэз ӧтьы.

⁶6.Со куноын ку посӥсь Симон дорын,кудӥзлэн коркаез море вӧзын;со вералоз тыныд кылъёс,кудъёсыз пыр тон но быдэс коркаед тынад утиськоды.

⁷7.Корнилиен вераськем кылчин кошкем бере,Ӧтиз кыксэ слугаоссэ Инмарез туж дано карись но Инмарлэсь кышкась воинзэ,кудъёсыз со вӧзын вал.

⁸8.Ваньзэ соослы вераса,ыстӥз Иоппие.

⁹9.Мукет нуналаз,куке соос вуо ини вал город доры,Пётр куать часъёс котырын тубиз вӧсяськыны корка йылэ.

¹⁰10.Сием потэмзэ шӧдыса,сиськыны малпам.Сион дасян вискын со адӟе адӟиськон.

¹¹11.Усьтӥськем инмез адӟе,Со доры,музъем вылэ ньыл пал сэрегтӥз думем бадӟым ӝӧккышет кадь,кыӵе ке но сосудлэсь лэзьиськемзэ со адӟиз.

¹²12.Отын вылӥллям музъем вылысь ньыльпыдо пӧртэм животнойёс,пӧйшуръёс,музъем вылтӥ нюж ветлӥсьёс но ин тылобурдоос.

¹³13.Вал куара солы:"Пётр султы,ванды но си."

¹⁴14.Пётр нош шуэ:"Уг,Инмаре,мон ноку но ӧй сиы номыр но юрӟымзэ но чылкыттэмзэ.

¹⁵15.Соку со кыкетӥъяз куара кылэм:"Мае Инмар чылкытатӥз сое тон эн лыдъя юрӟымен."

¹⁶16.Озьы вал куинь пол,собере со выльысь инме ӝутӥськиз.

¹⁷17.Куке Пётр,ас понназ Абдраса улыку,мар адӟиськон вал со шуыса,капка азе Симонлэсь корказэ юаса вуиллям Корнилиен келям пиосмуртъёс.

¹⁸18.Но кеськыса юаллям:"Татын-а Симон,мукет сямен Пётр?"

¹⁹Со вискын Пётр адӟиськон сярысь малпаськыку,Дух вераз солы:"Тани куинь адямиос утчало тонэ.

²⁰20.Султы,васькы но мын соосын нокӧня но солань-талань малпаськытэк,Мон ыстӥ соосты."

²¹21.Пётр васькем Корнилиен келям адямиос доры но верам:Мон со,кудзэ тӥ утчаськоды,кыӵе ужпумъя лыктӥды тӥ?

²²22.Нош соос вераллям:"Сю войнэн кивалтӥсь Корнилий,ӟечлык карись но Инмарлэсь кышкаса улӥсь,быдэс иудей калыкен яратэм-гажам пиосмурт,святой кылчинлэсь косон басьтэм тонэ ас корказ ӧтьыны но тынэсьтыд верамъёстэ кылзӥськыны."

²³23.Соку Пётр соосты ӧтьыса куно карем.Нош мукет нуналаз султыса мынӥз соосын;со сьӧры Иоппиысь куд-ог агай-вынъёс мынӥзы.

²⁴24.Мукет нуналаз вуизы соос Кесарие,Корнилий нош возьмаз соосты дораз ӧтьыса ӵыжы-выжыоссэ но матысь эшъёссэ.

²⁵25.Пётр пырыку,Корнилий пумитаз сое,но солэн пыд азяз йыбырттӥз.

²⁶26.Пётр нош ӝутӥз сое вераса:"Султы,мон но адями уг."

²⁷27.Собере кенешыса соин пыре корказ,но адӟе трос люкаськем калыкез.

²⁸28.Но верам соослы:Тӥ тодиськоды,иудейлы мукет выжыысь калыкен кусып возьыны яке соос доры ветлыны лэзьемын ӧвӧл;нош мыным Инмар усьтӥз,мон одӥг адямиез но юрӟымен яке чылкыттэмен медам лыдъя шуыса.

²⁹29.Соин ик,ӧтемдылы пумитъяськытэк лыктӥ.Озьыен юасько:"Кыӵе муген тӥ монэ ӧтиды?"

³⁰30.Корнилий шуэ:Ньыль нунал мон кӧс ути туннэ та часозь,но укмыс час котырын коркаям вӧсяськыкум,султӥз мон азе пиосмурт югыт дӥськутэн.

³¹31.Но вера:Корнилий! кылэмын тынад вӧсяськемед но тынад ӟеч ужъёсыд,Инмар азьын тодэ ваемын.

³²32.Озьыен келя Иоппие адямиостэ но ӧтьыны кос Симонэз,мукет сямен Пётрез,со али куноын море дурын улӥсь ку посӥсь Симон дорын,со лыктоз но вералоз тыныд.

³³33.Мон соку ик тон доры лэзьи,лыктыса тон умой лэсьтӥд.Табере асьмеос ваньмы Инмар азьын сылӥськомы,тыныд Инмарлэсь мар косэмын,ваньзэ кылзӥськон понна.

³⁴Пётр усьтӥз ымзэ но шуиз:валасько Инмар нокинлэн тусбуяз учкыса уг лэсьты шуыса.

³⁵35.Котькыӵе калык пӧлын Солэсь кышкаса но шонер лэсьтыса улӥсь Солы кельше.

³⁶36.Со келяз Израиль пиослы кыл,валэктыса тупаса улон Иисус Христос пыр,Со вань Кузё Инмар ваньмызлы.

³⁷37.Иоаннлэн ивортэм вуын пылатонэз каронэз бере Галилеяысен кутскыса быдэс Иудеяын мар луэмез тӥ тодӥськоды.

³⁸38.Кызьы Инмар Назаретысь Иисусэз Кылды Синэн но кужымен вӧяз,Со ветлӥз ӟеч ужъёс лэсьтылыса но диаволлэн киулаз сюремъёсты ваньзэс бурмытылыса ветлӥз.

³⁹39.Ми адӟисьёс ваньзэ сое,мар лэсьтӥз Со Иудейёс палан но Иерусалимын,но кызьы Сое берло виизы,ошыса кирос вылэ.

⁴⁰40.Сое Инмар улӟытӥз куинетӥ нуналаз,но Солы возьматскыны лэзьиз.

⁴¹41.Вань калыклы возьматскыны ӧз сёты,нош милемлы,адӟеммес ивортӥсьёслы,Инмарен азьвыл ик быръем адямиослы,кулэмысь улӟыса султэм бераз Соин ӵош сиыса,юыса улэм калыклы возьматскылыны сётэм.

⁴²42.Со милемлы косӥз адямиослы ивортыны но адӟеммес вераны,Со вань Инмарлэн пуктэмезъя Судья улэпъёслэн но кулэмъёслэн.

⁴³43.Со сярысь вань пророкъёс но азьло веразы-котькыӵе Солы оскись сьӧлыклэсь куштӥськон басьтоз Солэн нимыныз.

⁴⁴44.Куке Пётр веранзэ азьланьтӥз,Кылды Син васькиз ваньмыз кылэз кылзисьёс вылэ.

⁴⁵45.Нош Пётрен лыктэм оскисьёс,вандӥськемъёс пӧлысь,паймиллям,Кылды Син васькиз язычникъёс вылэ но шуыса.

⁴⁶46.Уго соос кылӥлям соослэсь мукет кылъёсын вераськемзэс но Инмарез данъямзэс.Соку Пётр вкраз:

⁴⁷47.Кин быгатоз пумит луыны соослы вуын пылатыны,сыӵеосызлы ,кудъёсыз вылэ васькиз Кулды Син асьме вылэ кадь ик.

⁴⁸48.Иисус Христослэн нимыз понна соосты пылатӥськыны косӥз.Собере соос Пётрез доразы кӧня ке нунал мед улоз на шуыса куризы.

Chapter 11

¹1 Апостолъёс но Иудеяын улӥсь агай-вынъёс тодӥллям,мукет калыкъёс но Ииссус Христослэн дышетонэзлы оскиллям шуыса.

²2 Пётр Иерусалиме вуэм бере,вандӥськон сямез быдэсъясьёс,сое пыкылыны кутскиллям,

³3 Тон,пе,со вандӥськымтэос доры ветлӥд,соосын ӵош сиськид

⁴4 Соку Пётр соослы радызъя ваньзэ вераны кутскиз,

⁵5 Иоппия городын вӧсяськыкум,мыным паймымон адӟон вал,инбамысь мон азе,ньыль серего басма выллем бадӟым кыӵе ке но сосуд васькиз.

⁶6 Отӵы мон сак учки но адӟи музъем вылысь ньыль пыдо пӧйшуръёсты,нюж ветлӥсьёсты но ин тылобурдоосты.

⁷7 Соку таӵе куара кылӥ,Пётр,султы,ванды но си.

⁸8 Мон Солы шуи,Инмаре,уг сиы.Ноку но номыре но чылкыттэмзэ ӧй сиылы.

⁹9 Инмысь куара мыным эшшо вераз на,мае Инмысь Атай чылкыт кариз,сое чылкыттэм эн лыдъя.

¹⁰10 Озьы куинь пол вал,собере ваньмыз инбаме ӝутскиз.

¹¹11 Ӵапак со часэ Кесариысь лэзем куинь адямиос корка азе дугдӥзы,кудаз мон соку улӥсько вал.

¹²12 Соку Дух мыным вераз,нокыӵе но кариськытэк мон соос сьӧры мед мыно шуыса. Мон сьӧры куать агай-вынъёс мынӥзы на. Ми вуимы со адямилэн корка дораз.

¹³ 13 Со милемлы вераз,кызьы со аслаз корказ Кылчинэз адӟиз,кудӥз султэм но шуэм, Та адямиосты Иоппие ысты но Пётр шуон Симонэз ӧть,

¹⁴14 Со вералоз тыныд кылъёс, кудӥныз тон но,тынад семяед но утиськоды,

¹⁵15 Куке мон вераны кутски, соос вылэ Кылдысин васькиз,озьы ик, кызьы ми вылэ но Со васькиз вал.

¹⁶16Соку мон тодам ваи Иисус Христослэсь верам кылзэ,Иоанн тӥледыз вуэн пылатӥз,нош тӥ Кылдысинэн пылатэмын луоды.

¹⁷17 Озьыен, Инмысь Атай соослы но, милемлы кадь ик,- Иисус Христослы оскисьёслы, кузьым сётӥз бере,кин мон сыӵе,Инмарлы мед люкетыны быгато.

¹⁸18 Тае кылэм бере,ваньзы буйгатскизы,Вылысь Атаез данъязы,Шуизы:озьыен Инмарр язычникъеслы но сьӧлыкъёссылэсь куштӥськон но быронтэм улон сётэ.

¹⁹19 Стефанез вием бере,оскись калыкез улляны кутскизы. Соос вуизы Финикияозь,Кипрозь но Антиохияозь.Ӟеч кылэз вераллязы Иудей калыклы гинэ.

²⁰20Соос пӧлын вылэм Кипрысь но Киринеяысь оскисьёс но,кудъёесыз вераллязы мукет калыкъёслы но Иисус Христос сярысь.

²¹21 Иисус Христослэн киыз соос вылын вылэм. Туж трос адямиос оскыны кутскиллям.

²²22 Та ивор сярысь Иерусалимысь черке но вуэм.Соку Варнаваез Антиохияе ыстӥллям.

²³23 Со отчы вуэм но Инмысь Атайлэсь ӟечлыксэ адӟыса,шумпотэм,ваньзэс чылкыт сюлэмен Иисус Христос бордын возиськыны косэм.

²⁴24 Со лякыт сямо, Кылды-Синэн но осконэн тыр луэм пиосмурт вал. Трос калык Иисус Христос пала кариськем.

²⁵25 Собере Варнава Савлэз утчаса,вуэм Тарс городэ,отысь сое шедьтыса,Антиохияе ваем.

²⁶26 Быдэс ар черкын люкаськыса, трос калыкез дышетӥллям. Антиохияысь дышетскисьёсты нырысьсэ христианъёс шуыса,ниманы кутскиллям.

²⁷27 Со нуналъёсы Иерусалимысь Антиохияе пророкъёс вуӥзы.

²⁸28 Соос пӧлысь Агаф нимоез Святой Духен тырмыса,султэм но верам:быдэс дунне вылын туж секыт сютэм ар луоз,кыӵе вал Клавдий эксей дыръя.

²⁹29 Соку дышетскисьёс кенешизы,котькудӥз, маин быгатэ, юрттыны Иудеяысь калыкъёслы.

³⁰30 Озьы ик каризы. Варнава но Савл сьӧры дышетӥсьёссылы юрттэт лэзизы.

Chapter 12

¹1 Со вакытэ эксей Ирод кизэ ӝутӥз,церковын луэмъёс пӧлысь куд-огъёсыз вылэ,соослы уродэз лэсьтон понна..

²2 Иоанлэсь вынзэ Иаковез мечен вииз.

³3 Та уж Иудейёслы кельшиз шуыса,адӟиз но со бере кутытӥз Петрез-соку вал Юмал нянь сиён праздник.

⁴4Сое кырмыса пытсазы,пытсэтэ,но косӥз дас куать воинъёслы возьманы сое,Бадӟым нунал бӧрсьы сое калык азе Ирод поттыны малпа вал.

⁵5 Озьы Петрез пытсэтын возьмаса улӥзы,Соку черк Петр понна Инмысь Атайлы сюлмысьтыз вӧсяськиз.

⁶6 Куке Ирод поттыны малпа вал сое, со уе Петр изе вал кык воинъёс вискын, кык жильыен думылыса,ӧс дорын но улӥзы пытсэтэз возьмасьёс.

⁷7 Но тани,Иисус Христослэн Кылчинэз султӥз:туж зол югдытӥз пытсэтэз,Кылчин донгиз Петрлы кӧтурдэсаз,сайкатӥз сое но шуиз:султы ӝоггес. Петрлэн киосысьтыз жильыосыз соку ик усизы.

⁸8 Собере Кылчин солы шуиз:кустэ кертты но кутча пыддэ. Озьы ик со лэсьтӥз. Собере шуиз солы:дӥсяськы но мын мон сьӧры.

⁹9Петр потӥз но мынӥз со сьӧры,тодытэк,Кылчинлэсь лэсьтэмзэ зэм уж шуыса ӧз малпа,адӟон адӟисько шуыса малпаз.

¹⁰10Нырысетӥзэ но, кыкетӥзэ но возьмаськисьёс дортӥ потӥзы,соос вуизы корт капка доры,кудӥз нуэ городэ,кудъёсыз асьсэ понна усьтӥськизы соослы,соос потӥзы,но ортчизы одӥгзэ ульчаез,шӧдьтэк шорысь Кылчин со азьысь ышиз.

¹¹11 Соку Петр,мар луэмез валаса,шуиз:табере мон адӟисько зэм ик но,Иисус Христос лэзем Кылчинзэ Аслэсьтыз монэ мозмытыны,Иродлэсь киулысьтыз, Иудейысь улӥсь калыкъёс мае возьмало вал.

¹²12Котыр учкыса,вуиз Мариялэн корка дораз анаезлэн Иоанлэн Марк шуон, кытын трос кузя люкаськыса,вӧсяськыса уло вал.

¹³13Куке Петр капка борды йыгаськиз, потӥз кылзӥськыны Рода нимо служанка;

¹⁴14Петрлэсь куаразэ тодмаса,шумпотэменыз ӧз усьты капказэ,но бызьыса пыриз но, вераз, Петр сылэ капка дорын шуыса.

¹⁵15Соосыз шуизы солы,визьдэ ӧд-а ышты.Нош Рода зэм со шуэм,аслэсьтыз вераса.Соос шуизы:солэн со Кылсинэз.

¹⁶16Петр ялан йыгаськыса сылӥз:куке устӥзы капказэс,сое адӟыса туж паймизы.

¹⁷17Со киыныз возьматӥз,чус мед луозы шуыса,вераз соослы,кызьы Инмар поттӥз сое пытсэтысь,но шуиз:Иаковлы но мукет агай-вынъёслы тодытытэ. Потыса Петр кошкиз мукет интые.

¹⁸18Нунал кутскем бере, воинъёс куспын бадӟым малпаськонъёс кылдӥзы,мар меда луиз Петырен;

¹⁹19Но Ирод сое утчаса ӧз шедьты,возьмаськисьёсты юн тышкаськиз но косӥз соосты виылыны;собере со Иудеяысь кошкыса,Кесарияе вуыса,отчы ик кылиз.

²⁰20Иродлэн йырыз кур вал Тирянын но Сидонянын улӥсьёслы,но соос одӥг кылысь кариськыса, асьсэ пала каризы Властэз, кудӥз эксейлэн управляющиез вал,куризы тупаса улыны,малы ке шуоно соос кӧтсэс тырыса улӥзы,эксейлэн ёросысьтыз.

²¹21Тупатэм нуналэ Ирод дӥсяз эксей дӥськутсэ,пуксиз вылӥлыко интые но вераз соослы,

²²22Но калыкъёс сое ушъяса веразы:та куара Инмарлэн,адямилэн ӧвӧл.

²³23Шӧдьтэк шорысь,Инмысь Атайлэн Кылчинэз со Инмарез данъямтэез понна,сое шӧдтэк шорысь погыртэм,но нумыръёсын сиемын луыса кулэм.

²⁴24Инмарлэн кылыз кужмо будӥз но паськыт котькытын вӧлмиз.

²⁵25Варнава но Савл сётэм ужзэс быдэстыса,берытскизы Иерусалимысь Антиохияе ёросэ асьссэ сьӧры Иоаннэз,Марк шуонэз басьтӥзы.

Chapter 13

¹1 Антиохияысь черкын вылӥллям куд-ог пророкъёс но дышетӥсьёс:Варнава но Семеон, сое Нигер шуо на вал.Отын ик вал Киринеяысь Луций но Манаил, Иродэн ӵош дышетскем но будэм мурт,но Савл.

²2Отын соос Инмысь Атай азьын кӧс утьыса но вӧсяськыса уло вылэм,Кылдысин шуэм:"Лэзе мон доры Варнаваез но Савлэз,мынэсьтым сётэм ужме быдэстыны.

³3Соку соос,кӧс утьыса но вӧсяськыса улэм беразы,киоссэс соос вылэ поныса вӧсяськиллям но лэзиллям.

⁴4Кылдысинэн ыстэмъёс вуизы Селевкияе,отысен ву кузя Кипре.

⁵5Саламие вуыса,Иудейёслэн вӧсяськон коркаосазы Инмар кылэз тодытӥзы,соослы Иоанн но юртӥськыса улэм на.

⁶6Быдэс шормуӵэз ортчыса,Пафе вуиллям.Отысен соос пумиськиллям иудейёс пӧлысь Вариисус нимо туно-пелёен,ӧрекчи пророкен.

⁷7Со Сергий Павел проконсуллэн,визьмо адямилэн,корказ вылэм. Варнаваез но Савлэз дораз ӧтьыны ыстэм,Вылысь Инмарлэсь Кылзэ кылэмез потэм.

⁸8Нош Вариисус туно-пелё пумитъяськыса улэм,проконсулэз осконлэсь палэнтыны тыршем.

⁹9Соку Савл,со ик Павел,Кылдысинэн тыр луыса,Вариисус шоры синмаз ик учкем но

¹⁰10шуэм:Тон,кескич,урод ужен пачылмем,дьяволлэн пиез,шонерлыко улонлэн тушмонэз! Дугдод-а тон Инмарлэсь шонер сюресъёссэ кырыж карылэмысь?

¹¹11Нош али,Кузё Инмарлэн киыз тон вылын:тон синтэм луод,дыр вуытозь,шундыез уд адӟы ни.Соку шуак со вылэ пеймыт лыктэм,адӟемысь дугдэм,ассэ келясь утчаны кутскем.

¹²12Соку проконсул мар луэмез адӟыса,Инмарлы дышетсконэзлы паймыса,оскыны кутскем.

¹³13Пафысь ву вылтӥ кошкыса,Павел но соин ӵош луэмъёс Памфилиысь Пергие вуиллям.Нош Иоанн соослэсь люкиськыса,Иерусалиме берытскем.

¹⁴14Соос Пергияысь кошкыса,Писидиысь Антиохияе вуиллям.Суббота нуналэ вӧсяськон коркае пырыса пукиллям.

¹⁵15Вылӥ законэз но пророкъёслэсь гожтэмзэс лыдӟем бере вӧсяськисьёслэн кузёоссы вераны косиллям:Агай-вынъёс!Калыклы верано,кылды вань ке,вералэ!

¹⁶16Павел султэм но киыныз калык шоры возьматыса шуэм:Израильысь воргоронъёс,Инмарлэсь кышкаса улӥсьёс!Кылзиськелэ:

¹⁷17Вылысь Атай асьмелэсь атайёсмес бырйиз.Египет музъемын улыкузы,вылэ ӝутӥз но кужмо киыныз отысь поттӥз.

¹⁸18Ог ньыльдон ар кыр дуннеын соосты сюдӥз.

¹⁹19Ханаан музъемысь сизьым калыкъёсты быдтӥз,соослэсь музъемзэс быръем калыкезлы кузьмаз.

²⁰20 Ог ньыльсю витьтон ар ӵоже Самуил пророк потытозь,соослы судьяос сётылӥз.

²¹21Собере соос асьсэлы эксей куризы,Инмар соослы Веньямин выжыысь Кислэсь пизэ Саулэз сётиз.Озьы ортчиз ньыльдон ар.

²²22.Сое палэнтыса,соослы эксэе пуктӥз Давидэз,кудӥз сярысь вераз,тодматыса;"шедьтӥ Мон воргоронэз Аслам сюлмыя,Давидэз,Иесейлэсь пизэ,кудӥз быдэстоз Мынэсьтым вань курон-косонъёсме."

²³23.Солэн выжыысьтыз Инмар Израильлы ӝутӥз Утись Иисусэз.

²⁴24.Со лыктон азьын,Иоанн вераз вуын пылатон но сьӧлык куштон сярысь вань Израиль калыклы.

²⁵25.Нош аслэсьтыз сётэм ужзэ быдэстэм бере,Иоан юаз:"кин шуыса тӥ монэ лыдъяськоды мон Со ӧвӧл,тани мон сьӧры лыктэ,Кудӥзлэсь мон пыдӥсьтыз пыдкутсанзэ пертчылыны уг сылӥськы."

²⁶26..Агай-вынъёс,Авраам выжыысь калык,но Инмарлэсь кышкаса улӥсьёс! тӥледлы келямын кыл мӧзмытон сярысь.

²⁷27.Иерусалимын улӥсьёс но кузёос,Сое тодматэк судить каризы,пророкъёслэн верамзы быдэсмизы,кудъёссэ котькуд суботае лыдӟо.

²⁸28.Солэсь виыны сылымон сьӧлыксэ шедьтытэк,Пилатэз Сое виыны куризы.

²⁹29.Со сярысь вань гожтэмез быдэсмем бераз,кирос бордысь басьтыса шай гуэ понӥзы.

³⁰30.Нош Инмар кулэмысь Сое улӟытӥз

³¹31.Трос нунал ӵоже Со возьматскылӥз соослы,кудъёсыз потӥзы Соин Галилеяысь Иерусалиме но кудъёсыз али тодмато Сое калыклы.

³²32.Ми вераськом тӥледлы,атайёслы верам кылъёсты;Инмар быдэстӥз асьмелы,соослэн пиналъёсызлы,Иисусэз улӟытыса.

³³33.Кызьы гожтэмын кыкеты псаломын;"Тон Мынам Пие,Мон Тонэ вордскытӥ.

³⁴34Нош Сое кулэмысь улӟытэмысь пумысен,Со сисьмонэз но уз ни адӟы,Со сярысь тазьы верам:Мон тӥледлы Давидлы сётэм кыл,вошъяськисьтэм ӟечлыкъёсме сёто.

³⁵35.Озьыен мукет азьын но вера:"Уд сёты Тынад Дун Сьӧлыктэмедлы адӟыны сисьмонэз."

³⁶36.Давид Инмарлэсь эриксэ быдэстыса кулӥз но ас атайёсыз борды ватӥзы,со адӟиз сисьмонэз.

³⁷37.Соиз,кудзэ Инмар улӟытӥз сисьмонэз ӧз адӟы.

³⁸38.Озьыен тодмо мед луоз тӥледлы агай-вынъёс,со понна верамын,Со пыр куштӥськыны сьӧлыкъёслэсь.

³⁹39.Моисейлэсь законэз пыр тӥляд шонере потэмды ӧз луы,нош таиныз коткудь оскись мурт шонере потоз.

⁴⁰40.Чакласькелэ,тӥ вылэ медаз ву пророкъёслэн верамзы.

⁴¹41.Учкелэ,ултӥясьёс,паймелэ но бырэлэ;Мон лэсьтӥсько уж тӥляд нуналъёсады ужез кудӥзлы ӧй оскысалды,кин ке тӥледлы верасал ке но.

⁴²42.Иерусалим черкысь потыкузы язычникъёс куризы вераны соосты вуоно суботае но.

⁴³43.Люкаськем калыкез лэзем бере,трос Иудейёс но Инмарез утчасьёс берытскемын вал язычникъёс пӧлысь,кудъёсыз мынӥзы Павел но Варнава сьӧры,Апостолъёс соосын вераськизы,соосты Инмар вылэ оскыса улыны косӥзы.

⁴⁴44.Вуоно суботае тросэз городын улӥсь калык люкаськизы кылзыны Инмарлэсь кылзэ.

⁴⁵45.Нош Иудейёс калыкез адӟыса,тырмизы вожъяськонэн,пумит вераса но урод кылъёсын тышкаськыса,Павеллэн верамезлы пумитъяськизы.

⁴⁶46.Соку Павел но Варнава кышкатэк соослы веразы,"Инмар кылэз нырысь ик ми тӥледлы тодытыны кулэ вал,нош тӥ сое палэнтӥськоды.Асьтэдыз асьтэос быронтэм улонлы ярантэм кариськоды бере,табере ми язычникъёслы вазиськомы.

⁴⁷44.Кузё-Инмар милемлы тазьы косӥз:Мон тонэ вань калыкъёс понна югытлык карисько.Тон пыр музъемлэн пумозяз ик утиськон мед лыктоз.

⁴⁸48.Язычникъёс сое кылыса шумпотӥзы,Но Инмарлэсь кылзэ данъяса улӥзы,кудъёсыз быръемын вал быронтэм улонэ пырыны,верам кылэз сюлмазы пыртӥллям.

⁴⁹49.Инмарлэн кылыз вӧлдыськиз быдэс шаеразы.

⁵⁰50.Соку иудейёс вӧсяськись сиё-дано кышномуртъёссэс,городысь кузёйыръёссэз Павелл но Варнава вылэ узатӥллям собере асьсэ музъем вылысьтызы улляллям.

⁵¹51.Нош апостолъёс пыдысьтызы сюйзэс курткыса Иконияе кошкиллям.

⁵²52.Дышетскисьёс шумпотӥллям Кылдысинэн тыр луыллям.

Chapter 14

¹1.Икониын соос пыризы иудейёслэн вӧсяськон корказы,соос верам бере оскизы тросэз Иудейёс но Еллинъёс.

²2.Оскисьтэм иудейёс агай-вынъёс пумит язычникъёслэн сюлэмъёссэс вожомытӥзы.

³3.Озьы ке но соос кема ӵоже татын кышкатэк Инмар сярысь вераса улӥллям,соос пыр паймымон но ӟеч ужъёс лэсьтылэм.

⁴4.Со куспын городысь калык люкиськиз,одӥгъёсыз иудейёс палан,мукетъёсыз апостолъёс палан.

⁵5.Язычникъёс иудейёс кивалтӥсьёсынызы пумит султӥзы ултӥяны но изъёсын жугыны.

⁶6.Соос та сярысь тодыса кошкизы ликаон городъёс котыре Листрае но Дервие.

⁷7.Отын Инмарлэсь кылзэ вераса луӥзы.

⁸8.Листраын воргорон вылэм кудӥз вордскем дырысеныз пыд вылаз ӧз султылы,ноку но ӧз ветлылы.

⁹9.Со кылзӥз Павеллэсь верамзэ,Павел адӟиз солэсь осконзэ бурмон понна.

¹⁰10.Солы бадӟым куараен вераз:тыныд верасько Иисус Христослэн нимыныз султы пыдъёсыд вылэ.Соку ик тэтчыса султӥз но ветлыны кутскиз.

¹¹11.Калык адӟиз ,мар лэсьтӥз Павел,соку бадӟым куараен ликаон кылын кесяськыны кутскизы:инмаръёс адями карыськыса асьме доры васькиллям.

¹²12.Нимазы Варнаваез Зевс,нош Павелэз Ермия,малы ке шуоно со кивалтэ вал кылын.

¹³13.Зевс идоллэн вӧсяськисез кудӥз улэ городлэн азяз,капка дораз ваизы ошъёсты но пунэм сяськаосты,калыкен ӵош курбан (жертва) сётыны малпаса.

¹⁴14.Апостолъёс Варнава но Павел со сярысь кылыса,дӥсьсэз кесязы,калык пӧлы пырыса веразы:

¹⁵15.Калыкъёс! Мар кариськоды?Ми но тӥ кадесь адямиос,вераськом тӥледлы та ӧвӧлтэмъёс бордӥсь мед куштӥськоды но улэп Инмар пала мед берытскоды,кудӥз кылдытӥз инэз но,музъемез но,зарезез (море) но ваньзэ маиз вань отын.

¹⁶16.Кудӥз вань выжыослы лэзиз ветлыны аслаз сюресъёстӥзы.

¹⁷17.Дугдылытэк тодытъяз Ачиз сярысь ӟеч ужъёсыз ,сётъяса зор но емышо вакытъёсты,сиёнэн но шумпотонэн сюлэммес тыр карыса.

¹⁸18.Тазьы вераса,соос мырдэм дугдытӥллям калыкез курбан сётонлэсь,соосты гуртазы бертыны косӥллям.Отчы кылемъёссэ дышетыса улӥллям на.

¹⁹19.Антиохиысь но Иконияысь лыктӥзы куд-ог иудейёс,куке апостолъёс кылэз кышкатэк верало вал,калыкез оскытӥллям соос бордысь палэнскыны,тазьы вераса:Соос номыр но зэмзэ уг верало,пӧясько гинэ.Соку калыкез пумит ӝутыса,Павелэз изъёсын лэзьяса жугиллям ,город сьӧры поттыса куштӥзы ,малпаса со кулэмын шуыса.

²⁰20.Куке дышетсисьёсыз со доры люкаськизы,со султыса городэ мынӥз,нош мукет нуналаз кошкиз Варнаваен Дервие.

²¹21.Выль иворез та городын вераса,шедьтӥзы трос дышетскисьёсты,собере соос берен берытскизы Листрае,Иконияе но Антиохияе.

²²22.Юнматыса лулзэс дышетскисьёслэсь,оскыса улонын но дышетыса,трос курадӟонъёсын милемлы пыроно луоз Инмар Эксэйлыке.

²³23.Пресвитеръёсты быръыса котькуд черклы,кизэс поныса но кӧс возьыса соос понна вӧсяськиллям,соосты Кузё-Инмарлэн киулаз сётӥзы,кудӥзлы соос оскиллям.

²⁴24..Писидия пыр ортчыса,лыктӥзы памфилие.

²⁵25.Пергиын Инмарлэсь кылзэ вераса,мынӥзы Атталие.

²⁶26.Отысен ву вылтӥ Антиохияе вуиллям.Татысен соос Инмарлэн благодатьеныз лэзьемын вал Солэсь ужзэ быдэстыны.

²⁷27.Отчы вуыса черкез люказы но ваньзэ веразы мар лэсьтӥз Инмар соосын но кызьы Со усьтӥз ӧсъёсты язычникъёслы осконзылы понна.

²⁸28.Кема улӥзы соос отын дышетскисьёсын.

Chapter 15

¹1 Иудеяысь лыктэм куд-ог адямиос, дышетӥллям агай-вынъёсты:"Моиссейлэн йылолэзъя (сямъя (обрядэзъя) ӧд ке вандӥське ,уд быгатэ утиськыны."

² Павел но Варнав соосын соглаш ӧз луэ . Одӥг кылэ вуытэк Павэлз , Варнаваез но соос пӧлысь куд -огзэ та уж ласьань Иерусалиме Апостолъёсын но присвитэръёсын (вӧсяськисьъёслэн кивалтӥсьёсынызы( кенешыны мыныны косизы .

³Озьы,черкен келямзы бере,соос ортчизы Финикия но Самария пыр , язычникъёслэн Инмар пала бэрыктэмзы сярысь вераса .Та ивор агай-_вынъёслы туж бадӟым шумпотон ваиз.

⁴Иерусалиие вуэм беразы соосты быдэс черк, апостолъёс но татысь присвитэръёс(вӧсяськисьёслэн кивалтисьёссы( умой (ӟеч( пумитазы . Павел но Варнава ивортӥзы Инмарлэсь соосын мар каремзэ но кызьы Инмар язычникъёслы осконлэсь ӧссэ усьтӥз.

⁵Соку оскыны кутсэм фарисейёс пӧлысь куд-огез пумит ӝутскыса шуизы:» Оскыны кутскем азычникъёс вандӥськон сямез быдэстыны кулэ. Моисейлэсь законзэ чакласа быдэсъяса улыны косоно ."

⁶Апостолъёс но присвитэръёс ( вӧсяськисьёслэн кивалтӥсьёссы (люкаськизы та ужэз эскерыны .(та уж ласьань кенешыны .(

⁷Туж кема вераськем, кенешем беразы ,Петр султыса шуиз соослы :» Агай-вынъёс ! Тӥ тодӥськоды Инмар кутсконысеныз ик асьме пӧлысь бырйиз монэ . Мынам ымысьтым язычникъёс Евангелилэсь кылзэ( Зеч Иворэз( мед кылозы но мед оскозы шуыса.

⁸Сюлэмэз Тодӥсь Инмар возьматӥз язычникъёсты но ас дораз басьтӥз шуыса ,соослы но асьмелы кедь ик Святой Духсэ сётыса ( кузьмаса(.

⁹??? Оскон пыр соослэсь сюлэмзэс чылкыт карыса возьматӥз ,асьмемын соос куспын нокыӵе пӧртэмез ӧвӧл шуыса ????

¹⁰Малы бен али тӥ Инмарэз эскериськоды , дышетскисьёслэн чыртыязы зӥбет поныны мылкыд карыса ,кудзэ ӝутыса нуыны ӧз быгатэ асьмэлэн атайёсмы но, асьмеос но?

¹¹Нош ми оскиськомы,соос кадь ик асьмеос но Кузё Инмар Иисус Христослэн ӟечлык сётонэныз мӧзмытэмын луомы (утиськомы шуыса (.

¹² Соку вань люкаськемъёс чалмытскизы но Варнаваен Павелэз кылзӥськизы .Соос веразы кыӵе тодметъёс но паймымон ужъёс Инмар лэсьтӥз соос пыр язычникъёс пӧлын (дорын(.

¹³Соос чалмытскем бере ,Иаков вераны кутскиз :»Агай- вынъёс! Кылзӥськелэ монэ ."

¹⁴Симон валэкӥтз, кызьы Инмар нырысь ик язычникъёс шоры ӟечен учкиз ,соослэсь Ас нимыз понна кылык кылдытон понна .

¹⁵Пророкъёслэн но верам кылъёссы таин тупало ,кызьы гожтэмын :

¹⁶«Со бере берытско но Давидлэсь куашкам скиниязэ (вӧсяськон интызэ) выльысь кылдыто , маиз со пушкын куашкатэмын сое но выльдо , тупато .

¹⁷Мукет адямиос но,вань калыкъёс но,кудъёсыз пӧлын Мынам нимы тодытэмын луоз , -шуэ ваньзэ тае кылдытись Кузё -Инмар .

¹⁸Дауръёслэн кутсконысеныз ик Инмарлы тодмо Солэн ужъёсыз .

¹⁹Соин ик малпасько, шуг- секыт карыны кулэ ӧвӧл Инмар пала бэрытскись язычникъёслы .

²⁰ Гожтоно соослы , мед утиськозы идолъёслы сиё – дано карыса сётэм сиёнлэсь , калгыса саптаськыса улонлэсь , кекаса кулэм пудо сӥлез но вирез сиемысь мед возиськозы . Мукетъёслы медаз лэсьтэ сое, мае асьсэлы лэсьтымтэзы уг поты .

²¹Малыке шуоно вашкала дырысен Моиссей законэз валэктӥсьёс котькуд городын вань . Котькуд суббота нуналэ синагогаын сое лыдӟё .(вӧсяськон коркаосын лыдӟиське .(

²²Соку Апостолъёс но присвитэръёс (вӧсяськисьёслэн кивалтисьёссы (быдэс черкен чош малпаськизы но ,асьсэ пӧлысь пиосмуртъёсты(агай-вынъёсты ( бырйыса Павелэн Варнава сьӧры Антиохие ыстӥзы. Агай- вынъёс куспысь кивалтисьёсты- Варсава шуон Иудаез но Силаез бырйизы ,

²³Соослы таӵе гожтэт гожтыса киязы сетӥзы :» Апостолъёс но вӧсяськисьёслэн кивалтӥсьёссы ,Антиохиын , Сириын но Киликиын улӥсь язычникъёс пӧлысь Инмар пала берытскем агай- вынъёслы : шумпотэлэ .

²⁴Кызьы ми кылӥмы , ми пӧлысь потэм куд-ог адямиос асьсэлэн вераськонъёсынызы тӥледыз шугекъяськонэ вуттӥзы шуыса .Вандӥськон косонэз быдэстыны но законъя улыны(законэз утьыны ( кулэ шуыса вераменызы тӥлесьтыд сюлэмдэс шуг каризы , нош ми соослы сыӵе косонъёс ӧм ик сётылэ .

²⁵Соку ми люкаськыса огкылысь кенешимы ,яратоно Варнава но Павелэн ӵош кӧня ке муртэ бырйыса , тӥ доры лэзьыны ,

²⁶сыӵе адямиосын , кудъёсыз лулзэс сетӥзы Кузё- Инмар Иисус Христосмылэн нимыз понна .

²⁷Озьы ми лэзимы Иудаез но Силаез ,кудъёсыз та сярысь кылын но вераса валэктозы .

²⁸Малыке шуоно Святой Духлы но милемлы но кулэ ӧвӧл тӥ вылэ зӥбыт поныны ( бадӟымесь секытлыкъёс тырыны(, тазэ ,туж кулэ луисьсэ сяна :

²⁹" Утиськыны идолъёслы сиё – дано карыса сётэм сиёнлэсь но калгыса саптаськыса улонлэсь , кекаса кулэм пудо сӥлез но вирэз сиемысь возиськыны . Мукетъёслы уг яра лэсьтэ сое, мае асьстэлы лэсьтытэмды уг поты ".Тае быдэсъяса улӥды ке ,умой луоз. Ӟеч луэ!"

³⁰ Озьен ,лэзем адямиос Антиохие вуыса ,Инмарлы оскись адямиосты люкаса , соослы гожтэт сётӥзы .

³¹Соос гожтэтэз лыдӟизы но та валэктэмлы ( та визь нод сетэм иворлы( туж шумпотӥзы .

³²Иуда но Сила , пророкъёс луыса, агай- вынъёслы трос кылъёс вераса -валэктыса осконзэс юнматӥзы.

³³Кӧня ке дыр ӵоже отын улэм беразы агай- вынъёс?????? капчи сюлэмэн (мылкыдын (?каньыллык сӥзьыса (???? келязы соосыз апостолъёс доры .

³⁴ Сила отчы ик кыльыны малпаз .(нош Иуда Иерусалиме берытскиз )

³⁵Нош Павел но Варнава, трос мукет агай- вынъёсын ӵош Кузё Инмарлэсь кылзэ дышэтыса но Ӟеч Ивор тодытыса Антиохиын улӥзы .

³⁶ Кӧня ке дыр ортчыса Павел Варнавалы шуиз: « Нош ик адӟиськыны вэтлом со городъёсы ,кудаз асьмэос Инмар кылэз вӧлмытвса ветлӥм вал , учкомы кызьы агай-вынъёсмы уло .

³⁷Варнавалэн сьӧраз Марк шуон Иоаннэз басьтэмез потэ вал ..

³⁸?????????????????????????????? Соос бордысь Памфилиысен кылем но ужаны лэзем ужэ соосын мынымтэ муртэ ,Павел сераз басьтоно ӧз кары ??????????????????????

³⁹Татысен соос куспын ӝожтиськон кылдӥз но ог-огенызы люкиськизы. Варнава Маркез басьтыса ву вылтӥ Кипре кошкиз .

⁴⁰Нош Павел аслыз Силаез бырйыса, Инмарлэн ӟечлыкезлы (благодатезлы( сётэмын луыса кошкиз .

⁴¹Со Сирия но Киликия пыр ортчыса черкъёсты юнматыса вэтлӥз. .

Chapter 16

¹Павел Дервияе но Листрае вуиз. Отын Иисуслэн дышетскисез Тимофей улэ вал, солэн анаез иудейес пӧлысь, со но Инмарлы оскиз, нош атаез Еллин вал.

²Листраын но Иконияын улӥсь агай-вынъёс Тимофей сярысь ӟечен гинэ вераллязы.

³Павел сое сьӧраз басьтыны мылкыд кариз. Солэн атаез Еллин вал бере, Иудейёслэн сямзыя со вылын вандӥськон сямез ортчытӥз.

⁴Соос городысь городэ ветлӥзы . Иерусалимысь апостолъёсын но присвитеръёсын(вӧсяськисьёслэн кивалтӥсьёсынызы ( пуктэм курон -косонэз ??Инмарлы оскисьёс ?? чакласа -эскерыса мед улозы шуыса валэктӥзы .

⁵ Нош вань черкъёс оскон пыр юнмаса нуналлы быдэ тросгес но тросгес луизы .

⁶Фригия но Галатия интыосты ортчыкузы , Святой Дух соослы Асиын ????Инмар ???кылэз вӧлмытыны ӧз лэзьы .

⁷Мисия доры вуыса, малпазы вал Вифинияе мыныны, но Дух отчы но мыныны ӧз лэзьы.

⁸Мисия вӧзтӥ ортчыса Троадае васькизы.

⁹Павел уин таӵе видение адӟиз : Македонияысь кыӵе ке но пиосмурт лыктыса куриз: «Македонияе лыкты , милемлы юртты ».

¹⁰Со видение бере, ми валамы Кузё Инмар милемыз Аслэсьтыз Ӟеч иворзэ вӧлмытыны , Македонияе мыныны косэ шуыса .

¹¹Собере Троадаысь кошкыса ми шонерак Самофракие пыримы, мукет нуналаз Неаполе вуимы.

¹²Отысен Филиппы городэ вуимы, со Македониялэн нырысетӥез колонияез луэ . Та городын ми кӧня ке но нунал улӥмы.

¹³Нош суббота нуналэ, ми город сьӧры шур дуре потӥмы ,отын котьку сямен вӧсьяськон инты луэ вал . Отчы люкаськем нылкышноосын вераськыса улӥмы .

¹⁴Отын Фиатир городысь лыктэм Лидия нимо кышномурт вал. Дуно ӵыж -горд басмаен вузаськись, Инмарэз гажаса улӥсь кышномурт ??милемыз ??? кылзиз .Кузё Инмар солэсь сюлэмзэ усьтӥз Павеллэсь верамзэ сак кылзыны .

¹⁵Со но, солэн семьяез креститься кариськемез бере ,туж куриз: "Монэ Инмарлы ярамон лыдъяськоды ке, лыктэ мынам коркаям но улэ, шуыса."Ми соглаш кариським (луим)

¹⁶Огпол, вӧсяськон корка мыныкумы асьпалзэ тодытыса верась ,урод духен кутэм ляльчи кышномуртэн пумиським .Со азьланьзэ адӟыны быгатэменыз ( Со тунаса-пелляса веранэн( аслаз кузёосызлы бадӟым узырлык вае вылэм .

¹⁷ Со кышномут Павел сьӧры но ми сьӧры ветлӥз , тазьы кесяськыса : "Та адямиос Вылысь Инмарлэн ляльчиосыз луо . Соос асьмелы мӧзмытон сюрес сярысь ( утиськон сярысь( верало "

¹⁸Трос нуналъёс ӵоже со озьы кариз . Павел талэсь акыльтыса( вожез потыса((Павеллэн чиданэз бырыса ( со духлы шуиз : "Иисус Христослэн нимыныз тыныд косисько , пот со пушкысь". Урод дух соку ик потӥз .

¹⁹Солэн кузёосыз валатскизы, капчиен коньдон бичанзы быриз шуыса. Соку Павелэз но Силаез кутӥзы но калык люкаськон интые кивалтӥсьёс доры ваизы.

²⁰ Соосты кивалтӥсьёс азе вайыса шуизы : " Та адямиос , Иудейёс луыса , асьмелэсь городмэс бугыръяло.

²¹Милемыз, рим калыкэз , асьсэлэн сямъёссылы дышето. Кулэ ӧвӧл асьмелы кылзӥськыны но быдэсъяны но соослэсь верамзэс.

²² Озьы ик калык но Павел но Сила пумит ӝутӥськиз. Кивалтӥсьёс соослэсь дӥськутсэс кесяса соосыз бодыосын жугыны косӥзы.

²³ Трос жугем беразы соосты пытсэт серы ( тюрьмае (сэрпалтӥзы, пытсэт возьмасез юн возьманы косӥзы.

²⁴Та косонэз кылзыса, Павелэз но Силаез со пыдлогес донгиз, пыдъёссэс колодае пыртӥз.

²⁵Уйшор котырын Павел но Сила вӧсяськыса,Инмарез данъяса кырӟаса улӥзы, нош мукетъёсыз пытсэт серын пукисьёс соосты кылзӥзы.

²⁶Шӧдтэн шорысь музъем зурказ, пытсэтлэн интыез ик вырӟиз, ӧсъёс усьтӥськизы, пытсэт серын пукисьёслэн( жыльыоссы (думетъёссы( лябӟизы.

²⁷ Пытсэт возьмась (тюрьмаын ужась( мурт сайкаса адӟиз , ӧсъёс усьтӥськемын шуыса. Пытсэт серын пукисьёс пегӟизы ни дыр шуыса ,мечсэ поттыса ассе быдтыны турттэ вал .

²⁸ Нош Павел бадӟым куараен кеськиз:"Асэныд номыр уродзэ эн лэсьты, ми ваньмы татын".

²⁹Возьмась тыл курыса , тюрмае пыриз, куалекъяса Павел но Сила азе пыдесъяськиз.

³⁰Отысь соосты поттыса, юаз:"Кузёосы! мар мыным кароно утиськон понна."

³¹Солы шуизы:" Инмармылы Иисус Христослы оскы, соку ачид но коркд улӥсьёсыд но утиськон шедьтозы."

³²Соку пытсэт возьмасез ( тюрмаын ужасез ( но солэн карказ улӥсьёсты Кузё Инмар кылын тодматӥз.

³³Со уйэ Павелэз но Силаез басьтӥз но вӧсь луэм мугорзэс миськыса ӵушылӥз .Соку ик ,чик жегатскытэк, ачиз но солэн быдэс семьяез креститься кариськиз .

³⁴Собере Павелэз но Силаез ас корказ вайыса куно кариз.Быдэс коркаеныз (дореныз( шумпотӥз Инмарлы оскыны кутскиз шуыса .

³⁵Ӵукна вуэм бере городысь кивалтӥсьёс ужасьёссэс ( лялчиоссэс( лэзизы(ыстӥзы ( вераны: " Лэзе со адямиосыз."

³⁶Пытсэт возьмась (тюрмаын ужась ( со сярысь Павелэз ивортӥз ::"Кивалтӥсьёс тӥледыз поттыны лэзизы . Табере капчи мылкыдэн кошкелэ .(каньыллыкен кошкелэ (

³⁷Нош Павел соослы шуиз :" Милемыз Римын улӥсь адямиосыз суд лэсьтытэк вань калык азьын жугиды нош та бере лушкемен потто-а ? Ӧвӧл ,мед лыктозы но асьсэос мед лэзёзы ."

³⁸ Ужасьёс ,Павеллэсь кылъёссэ ,асьсэлэн кузёосылы веразы .Соос кышказы ,со адямиос Римын улӥсьёс вылэм шуыса .

³⁹Собере кивалтӥсьёс лыктӥзы но вожзэс медаз поттэ вал шуыса куризы ,нош пытсэт серысь потэм беразы городысь мед кошкызы шуыса куризы .

⁴⁰Павел но Сила пытсэт серысь потыса Лидия доры мынӥзы . Отын агай -вынъёсын пумиськыса соослэсь мылкыдзэс жутӥзы но кошкизы .

Chapter 17

¹Амфиполь но Аполлония пыр ортчыса соос Фессалоникае вуизы.Отын Иудейёслэн синагогазы вал .

²Павел ог- дышем сяменыз соос доры пырыса куинь суббота ( кӧс нуналэ ( Священной Гожтэмъёсъя соосын вераськиз .

³ "Христослы курадӟыны но кулэмысь улӟыса султыны кулэ вал, та Иисус Кудзэ мон тӥледлы ивортӥсько , Со Христос ик луэ " шуыса соосты тодытыса валэктӥз .

⁴ Соку куд-огез оскыны кутскизы ,Павел но Сила пала кариськизы.Соос пӧлын туж трос вал Инмарэз Данъясь елиннъёс .Озьы ик дано- нимо кышномуртъёс пӧлысь тросез .

⁵Нош оскисьтэм Иудейёс вожъяськемынызы ,калык люкаськон интыосысь куд- ог умойтэм адямиосты кутӥзы . Трос кузя люкаськыса городэз огыр- бугыр каризы . Иасонлэн корка дораз лыктӥзы но ,Павелэз но Силаез калык азе потыны косӥзы ( поттыны тыршизы(

⁶Нош соосты отысь шӧдьтытэк ,Иасонэз но куд-ог агай- вынъёсты городысь кивалтӥсьёс доры кужмысь валтыса нуизы. Кэсяськыса :"Таос, быдэс дуннеез бугыртӥсьёс ,татчы но вуиллям ини.

⁷ Нош Иасон соосты дораз пыртӥз. Ваньзы соос , кесарлэн(эксейлэн ( косэмэзлы пумит карисько , Иисусэз эксэен лыдъяса .

⁸Тае кылыса,калык но,городлэн кивалтӥсьёсыз куалектӥзы . (Тае кылзӥсь калыкез но гордлэсь кивалтӥсьёссэ огыр- бугыр каризы (

⁹Нош таос,Иасонлэсь но мукетъёслэсь юалляськыса тодэм беразы ,соосты лэзизы.

¹⁰Агай-вынъёс ӝегатскытэк (туж чаляк( ӝытаз ик Павелэз но Силаез Верияе келязы.Отчы вуэм беразы Иудейёслэн синагогаязы (вӧсяськон коркаязы)мынӥзы .

¹¹Татысь Иудейёс Фессалоникаысь сярысь шонергэс малпасесь вылӥллям ( зеч мылкыдоесьгес вылиллям( :зэм ик- меда со озьы шуыса,соос Священной Гожтэмъёсы нуналлы быдэ эскерыса , Инмар кылэз сюлмазы басьтӥзы .

¹²Еллинъёс пӧлысь но сиё-дано кышномуртъёс но трос пиосмуртъёс но оскыны кутскизы.

¹³Нош Фессалоникаысь иудейъёс Павел Вериын но Инмар кылэз ивортэ шуыса тодӥзы. Татчы но калыкэз пумит ӝутыса но бугыртыса лыктӥзы .

¹⁴Соку агай- вынъёс ӝегатскытэк Павелэз келялзы ,зарэзь пала мынӥсь муртэ сямен( кадь(.Нош Сила но Тимофей отчы ик кылизы .

¹⁵ Павэлэн ӵош мынӥсьёс сое Афинозь келязы . Силаен Тимофейлы ӝоггес со доры мед лыктозы шуыса косон басьтӥзы но кошкизы .

¹⁶Соосты Афиныын возьмакуз , идолъёсын (пачылмем) тырмем городэз адӟыса ,Павеллэн лулыз-сюлмыз куректыны кутскиз (бугырскиз)

¹⁷Озьыен со иудейёсын но, Инмарез данъясьёсын вераськиз . Калык люкаськон интыосын но нуналлы быдэ адямиосын пумиськыса вераськиз .

¹⁸Эпикурей но стоик философъёс пӧлысь куд-огъёсыз соин ченгэшыны кутскизы (споръяськыны кутскизы ( .Одигъёсыз веразы:»Мар вераны турттэ та ог-шоры вераськись адями( супыльтӥсь(?», нош мукетыз:»Со мукет инмаръёс сярысь ивортэ,лэся». Малыке шуоно Павел соослы Иисус сярысь но улӟыса султон сярысь Ӟеч иворен тодытыса улӥз.

¹⁹ Со бере Павелэз ареопаг шуон интые ваизы но шуизы :»Ми быгатӥськом -а тодыны,кыӵе мар выль дышетон со ,кудзэ тон вӧлмытӥськод ?

²⁰Уго тон милям пельёсамы мар ке но валантэмзэ вераськод; соин ик тодэммы потэ ,мар со сыӵэ?

²¹Нош Афиныын улӥсьёс но соос доры мукет шаерысь лыктэмъёс котьмарлэсь зол яратӥзы ,выль ивор вераса яке мар ке но выль иворъёс кылзӥськыса дырзэс ортчытыны.

²²Павел ареопаг шоры султыса шуиз: "Афиныын улисьёс ! Ваньмыз пыр мон адӟисько , тӥ тужгес но инмарлы оскисесь шуыса .

²³Малыкэ шуоно тӥляд вӧсяськон интыостэс (святой интыостэс ( учкылыса кошкыкум мон шэдьтӥ инмарлы кузьым сётон интыдэс , кудаз гожтэмын :» тодмотэм Инмарлы «. Самой Со Инмарэз , кудзэ тӥ тодытэк но данъяськоды , мон тӥледлы тодытӥсько (ивортисько) .

²⁴Инмар, кудӥз кылдытӥз быдэс дуннеез но ваньзэ мариз отын вань , инлэн но музьемлэн Кузё Инмарэз луэ . Со киын лэсьтэм вӧсяськон коркаосын уг улы .

²⁵Маин ке ёрмыса-кулэяськыса улӥсь кадь, адями киосын ужамез -тыршемез кулэ уг кары . Улон но ,шокан но- ваньзэ ,мар кулэ Со Ачиз ваньмызлы сётэ

²⁶ Одӥг вирысь (адямиысь) Со вань адями выжыосты кылдытӥз , быдэс музъем бам вылын мед улозы шуыса . Соослы мертам улон дыр (вакыт) сетӥз, улон интылы музъем висъяз ,

²⁷ Соос Инмарез мед утчалозы ,уз шӧдэ-а Сое но уз шедьтэ-а шуыса ,уго Со асьмелэсь котькудмылэсь кыдёкын ӧвӧл .(Со ваньмызлы матын луэ (

²⁸Асьмеос Соин улӥськом ,азьлань мынӥськом ,улӥськом-вылӥськом. Кызьы ке тӥляд кылбурчиосты пӧлысь но куд-огъёсыз веразы:»Ми но Солэн выжыез ».

²⁹Озьыен асьмеос,Инмарлэн выжыез луыса ,малпаны кулэ ӧвӧл Инмар адямилэн устолыкезъя но малпаса лэсьтэмезъя тусбуй сетэм зарнилы, яке азвесьлы ,яке излы кельше шуыса .

³⁰Озьыен ,азьвыл тодытэк улон вакытэз кельтыса ,Инмар али котькытын улӥсь вань адямиосыз сьӧлыкаса улонзэс кельтыны косэ .

³¹ Уго Со тупатэм -пуктэм нуналаз быдэс дуннеез Аслаз азьвыл быръем Пиосмуртэз пыр шонер судить кароз .Аслэсьтыз быръемзэ Инмар ваньмызлы возьматӥз , Сое кулэмысь улӟытон пыр " .

³²Кулэмысь улӟыса султон сярысь кылыса одигъёсыз серекъязы ,нош мукеъёсыз шуизы :»Та сярысь мукет дыръя тонэ кылзом «

³³ Собере Павел соос пӧлысь потӥз .

³⁴Куд-ог пиосмуртъёс Павел пала кариськыса оскыны кутскизы .Соос полын вал Дионисий Ареопагит ,Дамарь нимо кышномурт но куд-ог мукеъёсыз.

Chapter 18

¹Собере Афинэз (Афин нимо городэз (кельтыса ,Павел вуиз Коринфе (Коринф городэ(.

²Понтысь Акила нимо Иудеез но солэсь Прискила нимо кышнозэ шедьтӥз но соос доры лыктӥз . .Соос кемалась ик ӧвӧл Италиись вуизы ,малыке шуоно Клавдий вань Иудейёсты Римысь кошкыны косиз .

³Соослэн ужзы одӥг кадь луэмэн соос дорын улӥз но ужаз .Ужзы вал палатка лэсьтон .

⁴Нош котькуд субботае синагогаын кыл вералляз но Иудеёсты но Елинъёсты оскыны тыршытӥз

⁵Нош Македонияысь Сила но Тимофей лыктэм бере, Павеллэн вань лылысьтыз –сюлмысьтыз Иудейёслы «Иисус Со Христос «шуыса верамез потӥз

⁶ Нош соос пумит кариськыса , урод кылъёс веразы .Соку Павел дӥськутсэ курткыса (сэзяса ( шуиз :»Тӥляд вирды асьтэлэн йыр вылады ,мон чылкыт (янгыш ӧвӧл(,та дырысен мынӥсько язычникъёс доры .»

⁷Отӥсь кошкыса Инмарез дано карись Иуст доры лыктӥз .Солэн коркаез синагога вӧзын вал .

⁸Синагогалэн кивалтӥсез Крис вань семьяеныз Кузё Инмарлы оскыны кутскиз .Тросез Коринфын улӥсьёс ,кылдӥськыса оскизы (оскыны кутскизы)но креститься кариськизы .

⁹Нош Кузё Инмар уин видение пыр шуиз Павеллы :» Эн кышка,дугдылытэк вера .

¹⁰ Мон тонэн ,соин ик тыныд нокин но уродзэ уз лэсьты,малыке шуоно та городын Мынам адямиосы трос .»

¹¹Отын Павел улӥз ар но куать толэзь ,соосты Инмар кыллы дышетыса .

¹²Нош Галлион Аханын проконсул луон вакытэ , Иудейёс ваньзы ӵош кариськыса Павел вылэ ӝутскизы но суд лэсьтон интые кутыса нуизы .

¹³13.»Та адями Инмарез асьме законъя данъяны уг дышеты « шуыса веразы .

¹⁴Нош ку Павел мар ке веран турттэ(ӧдъя( вал , Галлион Иудейёслы шуиз :»Иудейёс ! Кыӵе ке ӝоштӥськон яке урод лэсьтыны малпан луысал ке ,соку тӥледыз кылзиськыны мынам муге луысал (мон тӥледыз кылзысал

¹⁵Нош ку ке ченгешон (керетон( потэмын дышетонды , нимъёс но законды сярысь ,эскере асьтэс .Та ласьань мынам судья луэме уг поты .

¹⁶Суд лэсьтон интыысь соосты улляз .

¹⁷Соку вань Елинъёс , синагогалэсь кивалтӥсьсэ Сосфенэз ,суд лэсьтон азьын жугизы .Нош Галлион со сярысь нокӧня но ӧз сюлмаськы .(чик ӧз сюлмаськы(

¹⁸Трос нунал улэм бераз ,Павел агай –вынъёссын люкиськыса ву вылтӥ Сирие кошкиз .Соин ӵош Акила но Прискила ,Кенхерын?? Обетъя?? (кыл сётэмэзья (ӵышкиськыса ,мынӥзы .

¹⁹Ефесозь вуыса ,соосты отчы кельиӥз ,нош ачиз синагогае пыриз но Иудеёсын вераськиз .(верыськыса пукиз(

²⁰ Павелэз соос дорын кемагес мед улоз вал шуыса куризы , нош со соглаш ӧз луы .

²¹Соосын люкиськыса шуиз :» Мыным одно ик та шулдыръяськон нуналэз ( праздникэз( Иерусалимын ортчытоно ,нош тӥ доры нош ик вуо,Инмар сётӥз ке . »Ефесысь кошкиз (нош Акила но Прискила Ефесэ кылизы (

²²Кесарие ветлэм бераз , со Иерусалиме лыктӥз,отысь черклы(церковлы ( ӟеч мылкыдзэ верам бераз(ӟеч мылкыд сизьыса ( (ӟечбуряськем бераз ( Антиохие кошкиз.

²³Отын кӧня ке дыр улыса потӥз но вань дышетскисьёслэсь осконзэс ( Христослэн дышетонэз пала берытскемъёслэсь осконзэс юнматыса ( юнматыса Галилея,Фригия шаеръёсты радысь ортчиз

²⁴ Александрияын вордӥськем , Апаллос нимо одӥг Иудей ,чебер вераськись(усто вераськись ( ,Священной Гожтэмъёсты валась адями ,Ефесэ лыктӥз .

²⁵Со Кузё Инмарлэн нырысь сюресэзлы дышетэмын вал ,лулыныз-сюлмыныз ӝуаса ,Кузё Инмар сярысь шонер вераса дышетӥз . Иоанлэсь крестить каронзэ гинэ ке но тодэ вал.

²⁶Со кышкатэк синагогаын вераны кутскиз .Сое кылыса, Акила но Прискила ,сое асьсэ доры басьтӥз. Солы умойгэс Кузё Инмар сюресэз валэктӥзы .

²⁷.Нош Апалос Ахаияе мыныны малпам баре ,агай –вынъёс ( братъёс (отысь дышетскисьёслы гожтэт устӥзы , мылкыд мед карозы сое ас доразы басьтыны шуыса (сое ас доразы мед басьты вал шуыса( .Отчы вуыса, Инмарлэн???? благодатез??? пыр , со трос юрттӥз оскыны кутскем муртъёслы

²⁸?????.Малыке шуоно Апалос вань калык азьын Иисус Со Христос луэ шуыса валэктӥз . Священной гожтэмъёс пыр валэктыса, Иудейёслэсь верам кылзэс куашкатъяз.???????

Chapter 19

¹Апалос Коринфын улон дыръяз ,Павел гурезё шаеръёстӥ ортчыса Ефесэ лыктӥз .Отысь кӧня ке дышетскисьёсты шедьтыса ,

²шуиз соослы :»Оскыны кутскем берады Святой Духез тӥ ?????басьтӥды –а???????»Нош соос Павеллы шуизы :»Милям кылэммы но ӧвӧл, вань-а Святой Дух . »

³.Со юаз соослэсь :» Кыӵе крещениен соку тӥ креститься кариськиды ?»

⁴Павел шуиз:» Иоанн крестить кариз ??? селыкез кельтоно шуыса????.Калыклы вераз со сьӧры Лыктӥсьлы , Иисус Христослы ,мед оскозы шуыса . »

⁵Тае кылэм беразы соос Кузё Инмарлэн нимыз понна креститься кариськизы

⁶Нош Павел соос вылэ киоссэ понэм бере ,соос вылэ Святой Дух васькиз но соос мукет кылъёсын вераськыны но Инмар кылэз ивортыны кутскизы (пророчествовать карын кутскизы (.

⁷Ваньзы соос дас кык пала адями вылиллям .

⁸Павел синагогае лыктыса кышкатэк Инмар Царство сярысь вераськыса но Инмар кылэз валэктыса кунь толэзь ӵоже улӥз .

⁹Нош куд-огезлэн сюлэмзы чурыт луэмен , оскымтэысьтызы ,калык азьын Кузё Инмарлэсь сюрессэ верамисьтызы , Павел соосты кельтӥз но дышетскисьёсты сьӧраз басьтыса кошкиз . Тиранн нимо муртлэн училищеяз нуналлы быдэ дышетыса –тодытыса улӥз .( Инмар кылэз ивортыса улӥз (

¹⁰Тазьы кык ар ӵоже кыстӥськиз .Асиин вань улӥсьёс Иудейёс но Елинъёс но Кузё Инмар Иисус сярысь Ӟеч Иворз кылизы.

¹¹Павел пыр(Павеллэн киосыз пыр( Инмар трос паймымон ужъёс лэсьтӥз .

¹².Висисьёс вылэ Павеллэсь нулдон диськутсэ понылӥзы но соослэн висёнъёссы йӧназы (бурмизы (,бесъёс но соос пушкысь потылӥзы .

¹³Иудеяысь , интыысь-интые вэтлӥсь туно –пеллёос но бесэн кутэм муртъёс вылын Кузё Инмарлэсь Иисуслэсь нимзэ поттылыны кутскизы .Тазьы вераса :» Иисуслэн нимыныз ,кудӥз сярысь Павел ивортэ ,тӥледыз потыны косиськом.»

¹⁴Тазьы лэсьтӥллям Скева нимо первосвященниклэн сизьым пиосыз .

¹⁵Нош бес пумитазы вераз:» Иисусез тодӥсько ,Павел но мыным тодмо ,нош тӥ кинъёс ?»

¹⁶Со адями ,кудӥз пушкын бес вал , соосты вормыса туж бадӟым кужымен жугиз.Соос гольыкесь но яраесь луыса со коркась бызьыса кошконо луизы .

¹⁷ Ефесын улӥсь вань Иудейёслы но Елинъёслы но та тодмо луиз ,соос кышканы кутскизы . Нош Кузё Инмар Иисуслэн нимыз данъямын луиз .

¹⁸Оскыны кутскемъёс пӧлысь тросез асьселэсь сьӧлыко ужъёссэс усьтыса - вераса лыктӥзы.

¹⁹Тунаськонэн –пелляськонэн вырисьёс пӧлысь но туж тросез ,асьсэлэсь книгаоссэс люкаса ,вань калык азьын ӝуатӥзы .Книгаослэсь дунзэс лыдъязы но витьтон сюрс драхма дорозь луиз .

²⁰Кузё Инмарлэн кылыз таӵе кужымен будӥз но кужмояз .

²¹Та учыр бере ,Павел мылкыд кариз Македония но Ахаия пыр ортчыса ,Иерусалиме мыныны .Со шуиз: «Отчы ветлэм берам ,мынам Римез но адӟыны кулэ .»

²².Солы служить какисьёс пӧлысь кыксз ,Тимофеез но Ерастэз ,Македоние лэзиз .Нош ачиз кӧня ке дырлы Асие кылиз .

²³Со вакытэ Кузё Инмарлэн сюресезлы пумит бадӟым бугыръяськон куткиз (ӝутскиз (

²⁴ Кыӵе ке Димитрий , Артнмидалы сӥзем вӧсь коркалы азвесь тӥрлык лэсьтӥсь , сульдэрзэ лэсьтӥсь кибашлыослы бадӟым пайда (барыш(вайись мурт

²⁵ачиз выллем тӥрлык лэсьтӥсьёсты огазе люкаса шуиз:» Эшъёс !Тӥ тодӥськоды , та уж бордысь асьмелэн тыр улонмы(ӟеч улонмы ( луэ шуыса .

²⁶Нош тӥ адӟиськоды но кылӥськоды та Павел, Ефесын гинэ ӧвӧл ,быдэс Асия шаерын ,ас палаз трос калыкез берыктӥз ини « адями киин лэсьтэм арбериос инмаръёс ӧвӧл» шуыса вераса.

²⁷. Нош та кышкыт луэ соин ,та пыр асьмелэн ужмы гинэ ӧвӧл ,Артемидалы сизем вӧсь коркалэн но дано кароно (сӥлы кароно ( бадӟымлыкез куштэмын луоз( куашкатэмын луоз (.»

²⁸Тае кылэм беразы соос вожпотонэн тырмыса кесяськыны кутскизы :» Бадӟым (Дано ( Ефесысь Артэмида. »

²⁹ Быдэс городын огыр-бугыр луиз .Павеллэсь ӵош ветлон эшъёссэ ,мекедонысь Гаиез но Аристархез кутыса калык люкаськон интые нуизы .

³⁰Павел калык пӧлы потын малпаз вал ,нош дышетскисьёс сое ӧз лэзе .

³¹Озьы ик Асиись кивалтӥсьёс пӧлысь куд-огез ,Павеллэн эшъёсыз луыса ,со доры адямиосты лэзиз .»Калык люкаськон интые медаз возьматӥськы « шуыса куризы .

³²Со куспын одӥгъёсыз кесяськизы одӥг сямен ,мукетъёсыз мукет сямен ,озьы кенешсы радъямын ӧй вал бере,люкаськем калык пӧлысь троез ӧз но тодэ ,малы татчы люкаськизы .

³³.Иудейёс калык пушкись Александэз потыны куризы .Кииныз возьматыса ,Александр калыклы вераны кутскиз вал .(турттэ вал (

³⁴Нош со Иудей шуыса тодэмзы бере ,вань калык огкылӥсь кесяськыны (черекъяны ( кутскиз но кык час пала кесяськизы (черекъязы (« Бадӟым (Дано ( Ефесысь Артемида !

³⁵.???Калыкез буйгатӥсь мурт шуиз соослы??? :»Ефес пиосмуртъёс !Кыӵе адями уг тоды ,Ефес город бадӟым (дано ( Артемида инмарез но Диопетрез дано карыса улэ шуыса .(йыбыррыса улэ шуыса (

³⁶Нош та пумысен ченгешон ӧвӧл ке ,соку буйгатскыны кулэ ,малпаськытэк ,дырттыса номыр но лэсьтоно ӧвӧл.

³⁷Нош тӥ та пиосмуртъёсты ваиллямды ,кудъёсыз Артемидалы сӥзем вӧсь коркась но номарзэ ӧз лушкалэ ,тӥлесьтыд инмардэс но урод кылын ӧз вералэ (ӧз курлалэ (

³⁸ Нош Димитрий но соин ӵош мукет кибашлыослэн пумит веранзы кин ке вылэ вань ке (ӝоштӥсько ке (,вань со понна суд лэсьтон интыос , вань проконсулъёс но .Огзэс огзы судэ мед сётозы .

³⁹ Нош тӥ марке мукетсэ ке утчаськоды ,соку со эскеремын луоз законъя пуктэм кенешын.

⁴⁰.Малыке шуоно(уго( асьмеос кышкытэ сюремын :та бугыръяськон понна янгышэ медаз уськытэ вал.Та бугыръяськон кутскем понна асьмемыз нокин но шонер уз кар . »Тае вераса люкаськем калыкез доразы бертыны косиз(лэзиз(.

⁴¹????

Chapter 20

¹Бугыръяськон дугдэм бере Павел дышетскисьёссэ дораз ӧтиз но , валэктон сётӥз .Соосын люкиськыса Македоние кошкиз .

²Пӧртэм улон интыостӥ ортчыса оскись муртъёслы трос валэктон сётъяз.Собере Еладае лыктӥз

³Отын Павел куинь толэзь улӥз . Нош Иудейёс Павелы пумит бугыръяськон ӝутэмысь,со Сирие мыныны турттэ вал, соку со Македония пыр берытскыны малпаз .

⁴Сое Асияозь келяса мынӥзы Верияысь Пиртлэн пиез Сосипатр ,Фессолоникаысь Аристарх но Секунд ,Дервиясь Гаий но Тимофей ,Асииысь Тихих но Трофим .

⁵Соос азьлогес потыса ,милемыз Троадаын возьмазы .

⁶Нош ми ,юмал нянь сиёнлы сизем шулдыряськон нунал бере ,Филиппысь ву вылтӥ кошкимы . Вить нунал ортчыса Троадае вуимы , отын сизьым нунал улӥмы .

⁷ Арнялэн нырысетӥ нуналаз дышетскисьёс Нянь тӥялтонэ люкаськизы . Мукет нуналаз кошкыны малпаса ,Павел соосын вераськиз –дышетӥз но уйшорозь кыл вераз

⁸Коркалэн бадӟым палаз ,кытчы ми интӥяським трос югдытӥсь лампаос (лампадаос(ӝуазы .

⁹Павел кема вераськиз улӥз .Укно янак вылын пукись Ефтик нимо егит пи умме усиз . Изён куспаз сезъяськыса кунетӥ этажысь музъём вылэ усиз.Ӝутыкузы со кулэмын вал ини

¹⁰.Павел васькыса со азе пыдэс вылаз лэськиз но сое ӟыгыртыса шуиз :» Эн сюлмаське ,солэн лулыз бордаз »

¹¹Вылись тубыса нянь тиялтыса но сиыса ,югыт луытозь ик кема вераськиз . Собере потӥз .

¹²Со дыре пияшез улэпен ваизы ,ваньзы шумпотӥзы .

¹³ Павелэз Ас городысь басьтон понна , ми корабле пуксьыса азьлогес отчы мынӥм . Малыке шуоно Павел милемыз озьы косиз нош ачиз пыдын мынын малпаз.

¹⁴ Ми Асс городын пумиським но Павелэз басьтыса Митилинае вуимы .

¹⁵Отысен ву вылтӥ кошкыса ,мукет нуналаз Хиослэн пумитаз дугдӥмы .Мукет нуналаз Самос вӧзы дугдӥмы но,Трогиллиын луэммы бере, ӵукаезеяз Милитэ вуимы.

¹⁶Павел Асиын ӝегатсконтэм понна, Ефесэ дугдылытэк кошкыны малпаз ,кылдэм ке Витьтонэтӥ нуналэз ,Иерусалимын пумитан понна.

¹⁷Милитысь Ефесэ со ыстӥз черкъёслэсь пресвитеръёссэ ӧтьыны .

¹⁸ Соос татчы вуэм бере,Павел вераны кутскиз :»Тӥ тодиськоды ,кызьы мон Асие вуэм дырысен та нуналозь ялан тӥледын огазьын вал,

¹⁹Кузё Инмар азьын зӥбыт мылкыдын ,трос синкыли кисьтыса ужаны тырши , иудейёслэн урод ужъёссы пыр визь-сынанъёс пӧлын (искушениос пӧлын ( улӥ.

²⁰ Вань калык азьын но,коркась корка пырыса но тӥледыз дышетӥ . Мар пайда вае ,сое тӥледлы валэктытэк ӧй кельты .

²¹Иудейёслы но, Еллинъёслы но Инмар азьын сьӧлыкёсыз куштон но Кузё Инмар Иисус Христослы оскон сярысь верай .

²²Нош тани али, Дух косэмъя ( валтэмья(, Иерусалиме мынӥсько. Уг тодӥськы ,мар отын монэ возьма .

²³Святой Дух гинэ вань городъёсын ивортэ , монэ жильыос но куректонъёс возьмало шуыса.

²⁴Нош мон , номыр шоры уг учкиськы , аслэсьтым улонме но уг жаляськы .Аслэсьтым улон сюресме но Кузё Инмарлэсь Иисуслэсь мыным сётэм ужзэ шумпотыса ортчыны мед быгатысал . Инмарлэн ӟечлыкеныз, сётэм Евангелиез Ивортыны мед вуысал на .(быгатысал (

²⁵ Мон тодӥсько, ваньды тӥ , киньёс куспын мон Инмар Царствоез ивортыса ветлӥ, мынэсьтым ымнырме уд ни адӟе .

²⁶Соин ик туннэ нуналын тӥледлы ивортӥсько, мон чылкыт ,тӥляд вирды мон вылын ӧвӧл .

²⁷Малыке шуоно Инмарлэсь эриксэ мон тӥледлы валэктытэк ӧй кельты .

²⁸Сои ник , асьтэдыз но быдэс уллёез сак кариськыса возьмалэ,кудаз тӥледыз Дух Святой возьмаськись карыса пуктӥз .Кузё Инмарлэсь но Инмар Атайлэсь Черксэ утелэ , кудзэ Со Аслыз басьтӥз Аслаз Вирыныз дун тырыса .

²⁹ Тодӥсько уго , мон кошкем бере, тӥ пӧлы сьӧсь кионъёс пырозы,кудъёсыз уллёез уз жалялэ .

³⁰ Асьтэос пӧлысь но адямиос потозы, кудъёсыз, асьсэ сьӧры дышетскисьёсты нуон понна, зэмлыкез мыдланьтыса вералозы.

³¹Сои ник сак улэ, тодады возе, кызьы мон куинь ар ӵоже уй но нунал дугдылытэк синкылиосын тӥледыз дышэтӥ.

³²Тани али ,агай-вынъёсы, тӥледыз Инмар кие но Солэн?? ӟечлык?? кылызлы сётӥсько.Кудӥз тӥледыз умойгэс быгатоз валэктыны но чылкыт адямиосын( святойёсын( ӵош(валче( утиськон но сётыны быгатоз.

³³Азвесь но, зарни но, дӥськут но мон огдылэсь но ӧй куры .

³⁴ Асьтэос тодӥськоды, монэн ӵош ветлӥсьёслы но мыным но маке кулэ ке вал , мынам та киосы со понна ужазы но тыршизы .

³⁵ Мон тӥледлы котьку возьматыны тырши кызьы ужаса кулэ лябъёслы юртты. Кузё Инмарлэсь Иисуслэсь кылъёссэ тодады мед вайоды шуыса валэктӥ , уго Со Ачиз шуиз :»Басьтон сярысь, сётон шудогес».

³⁶Тае верам бераз, Павел пыдесъяськиз но ваньмыныз ӵош вӧсяськиз.

³⁷Соку Сое чупаса ,ӟыгыръяса ваньзы туж зол бӧрдыны кутскизы .

³⁸ Тужгес но куректыса," мынэсьтым ымнырме уд ни адӟе" шуыса кылэм беразы . Собере Павелэз корабль дорозь келязы.

Chapter 21

¹1.Эшъёсынымы люкиськем бере,ву вылтӥ кошкимы но шонерак вуимы Косэ,мукетаз нуналэ-Родосэ,нош отысен-Патарае;

²2.Финикае мынӥсь кораблез шедьтыса,отчы пуксьыса ву вылтӥ кошкимы.

³3.Кипр вӧзтӥ уяса но сое паллян пала кельтыса,ми ву вылтӥ кошкимы Сирие ,отысен вуимы Тире,татын кулэ вал ӝоктыны грузэз.

⁴4.Татын дышетскисьёсты шедьтыса,отын сизьым нунал улӥмы.Дух соослы усьтэм Павел Иерусалиме медаз ветлы вал шуыса.

⁵5.Та нуналъёс ортчем бере ми кошкимы,нош соос милемыз ваньзы кышноосынызы,нылпиосынызы город сьӧрозь ик келязы,нош ярдурын пыдесъяськыса вӧсяськимы.

⁶6.Собере ог-огенымы люкыськыса,ми корабле пуксимы,нош соос дораз бертӥзы.

⁷7.Ву вылтӥ ми уянмес йылпумъяса Тирысен Птолемандае вуимы,отын агай-вынъёсты ӟечбураса соос дорын одӥг нунал улӥмы.

⁸8.Мукет нуналаз Павел но ми вуимы Кесарие Ӟеч Ивор тодытӥсь Филиплэн сизьым диаконъёс пӧлысь ,одӥгезлэн корказ пырыса со доры кылимы.

⁹9.Солэн ньыль бызьымтэ нылъёсыз вылэм-Инмар кылэз ивортӥсьёс.

¹⁰10.Соос дорын кӧня ке нунал улэммы бере.Иудеяысь Агав нимо пророк вуиз.

¹¹11.Ми доры пырыса Павеллэсь кускерттонзэ басьтӥз но аслэсьтыз киоссэ но пыдъёссэ думылыса вераз:"Святой Дух тазьы вера кинлэн та кускерттонэз сое иудейёс Иерусалимын тазьы думылозы но язычникъёс кие сётозы.

¹²12.Сое кылыса ми но,отысь агай-вынъёс но шуимы вал медаз ветлы Иерусалиме шуыса.

¹³13.Но Павел шуиз:"Мар кариськоды тӥ?Мар бӧрдӥськоды,мынэсьтым сюлэмме вӧсь кариськоды?Пытсэтын пукыны гинэ ӧвӧл,но Кузьё Иисуслэн нимыз понна мон дась Иерусалимын кулыны но."

¹⁴14.Ми сое ӧм быгатэ бере оскытыны,соку буйгатскимы:"Кузьё Инмарлэн эрикез мед луоз !"Шуимы.

¹⁵15.Та нуналъёс бере ми дасяськыса Иерусалиме мынӥмы.

¹⁶16.Милемын ӵош мынӥзы Кесариысь куд-ог дышетскисьёс но,милемыз келяса мынӥзы кемалась дышетскись Кесариысь Мнасон Кипрянин доры, кудӥз дорын улыны быгатысалмы.

¹⁷17.Иерусалиме вуыса агай-вынъёс милемыз шумпотыса пумитазы.

¹⁸18.Мукет нуналаз милемын ӵош Павел лыктӥз Иаков доры,вань пресвитеръёс но лыктӥзы.

¹⁹19.Соосын ӟечбуряськемез бере,ваньзэ пыр-поч вераз мар лэсьтӥз Инмар язычникъёс азьын.

²⁰20.Соос кылзӥзы но Инмарез данъязы, но солы веразы:Адӟиськод-а агай кӧня сюрс Инмарлы оскись иудейёс нош соос ваньзы законэз быдэсъясьёс.

²¹21.Соос тон сярысь трос кылӥллям ини,тон язычникёс пӧлын улӥсь иудейёсты Моисей законлэсь куштӥськыны дышетӥськод шуыса,но вандӥськонэз медаз быдэсъялэ но обычайёсты медаз уте шуыса.

²²22.Озьыен люкаськоз калык,тодыса тон лыктӥд шуыса.

²³23.Лэсьты тон кызьы вералом тыныд,ми дорын вань кыл сӥзем ньыль адямиос.

²⁴24.Соосты басьты но,соосын ӵош чылкытатӥськон сямез ортчыты.Жертва сётэм понна ачид дунзэ тыр,асьсэос мед ӵышкозы йырзэс,соку ваньзы тодозы,соослэн кылэмзы зэм ӧвӧл,но тон ачид но законэз быдэсъяса улӥськод на шуыса.

²⁵25.Нош оскыны кутскем язычникъёслы ми гожтэт ыстӥмы:оломае но утьыны медаз выре, мед ассес утёзы идоложертвеннойлэсь,вирлэсь,кулэм пудо сӥлез медаз сие,азыса улонлэсь мед палэнскозы.

²⁶26.Соку Павел,со пиосмуртъёсты басьтыса соосын ӵош чылкытатскон сямез быдэстыса,мукет нуналаз храме пырем но чылкытатскон нуналъёслэсь йылпумъяськемзэ ивортэм,соку ваньзы понна приношение вайыны кулэ вал.

²⁷27Сизьым нунал ортчем бере,Асиысь иудейёс Павелэз храмысь адӟыса,быдэс калыкез пумит ӝутӥллям,но сое кутыса басьтӥллям.

²⁸28.Черекъяса:"Израиль пиосмуртъёс,юртэлэ!Та адями калыклы пумит,Моисей законлы но та интылы пумит дышетэ,со вылэ ик,Еллинъёсты но храме пыртӥз та святой интыез саптаз.

²⁹29.Малыке шуоно Трофим Ефесянинэн соосты ӵош адӟиллям но малпаллям Павел сое храме пыртэм шуыса.

³⁰30.Быдэс город огыр бугыр луэм но,калык огазе люкаськем;Павелэз кутыса храмысь кыскыса поттӥллям,соку ик вань ӧсъёсты пытсаллям.

³¹ 31.Нош соос сое виыны турттыку,сюрс воинэн кивалтӥсь доры ивор вуэм,быдэс Иерусалим бугырскиз шуыса.

³²32.Со соку ик басьтыса воинъёсты но сю воинэн кивалтӥсьёсты соослэн пумитазы дыртыса мынэм:нош соос сюрс воинэн кивалтӥсез но воинъёсты адӟыса,Павелэз жугемысь дугдӥллям.

³³33.Соку сюрс воинэн кивалтӥсь,матэ лыктыса,сое басьтэм,кык жильыосын жильыяны косэм но юалляськем:"Кин со,мар лэсьтӥз."

³⁴34.Калык полын одӥгъёсыз одӥг сямен черекъяло,мукетъёсыз-мукет сямен.Нош со,калык бугыръяськон сэрен шонерзэ тодыны быгатытэк,сое крепостье нуыны косэм.

³⁵35.Куке вал со тубат вылын,трос калык сэрен войнъёслы сое ки йылазы ӝутыса нуоно луэм.

³⁶36.Нош соос сьӧры туж трос калык мынэм но черекъяллям:"Виёно сое."

³⁷37.Крепосте пырон азьын Павел сюрс воинэн кивалтӥсьлы верам:"Мыным мар ке но вераны луоз-а тыныд?"Нош соиз верам:"Тон грек кылэз тодӥськод-а?

³⁸38.Тон Египтянин ӧвӧл-а,кудӥз та нуналъёсы бугыръяськон ӝутӥз но ньыль сюрс разбойникъёсты поттӥз пустыняе?

³⁹39.Павел шуиз:мон иудей Киликиялэн тодмо Тарс городаз улӥсь мурт.Тонэ курисько:"лэзь монэ калыклы вазиськыны."

⁴⁰40.Нош со лэзьем бере,Павел тубат вылын сылыку киыныз шонтӥз калыклы;туж чалмыт луэм бере,еврей кылын тазьы вераны кутскем:

Chapter 22

¹1."Агай-вынъёс но атайёс! Ачим сярысь шонерзэ мон тӥледлы верало."

²2.Павел еврей кылын вераськыны кутскиз,но адямиос чус кариськизы.Со вераз:

³3.Мон иудей,Киликиаысь Тарс городын вордскем мурт.Татын Гамалиил дорын дышетскемын,асьме атайёсмылэн улон сямъёссылы дышетэмын.Сыӵе ик,кыӵеесь тӥ али,мон но Инмар понна юн сылӥсь.

⁴4.Иисус Христослэсь дышетонзэ вӧлмытӥсьёсты виытозь ик жугылӥ;пиосмуртъёсты но,кышномуртъёсты керттылыса пытсэтэ сётъялляй.

⁵5.Мон сярысь архиерей но тодэ,тӧроос но вералозы Соослэсь гожтэт но басьтӥ агайёс доры Дамаске мыныны,отысь Иисус Христослы оскисьёсты жильыаса курадӟытон понна Иерусалиме вайыны.

⁶6.Сюрес вылысен Дамасе матэ вуыкум,нуназе шорын шӧдтэк шорысь мон адӟи инбамысь пиштӥсь тылэз,со шунды пиштэмлэсь но юн яркыт вал,кудӥз монэ мальдытӥз.

⁷7.Мон музъем вылэ уси,соку куара кылӥ:Савл,савл!Малы монэ тон улляськод?

⁸8.Мон шуи:Кузё! Кин Тон?со мыным шуиз:"Мон Назаретысь Иисус.Кудзэ тон улляськрд."

⁹9.Монэн ӵош мынӥсьёс югытэз адӟизы но куалектӥзы,нош мыным верасьлэсь куаразэ соос ӧз кылэ.

¹⁰10.Соку мон шуи:Кузё! Мар мыным кароно?Иисус Христос мыным шуиз:"Султы но мын Дамаске.Отын тыныд верамын луоз,ваньмыз,мае тыныд быдэстоно луоз."

¹¹11.Со яркыт тыллэсь мон адӟисьтэм луи.Монэн ӵош мынӥсьёс киитӥм кутыса монэ Дамаске нуизы.

¹²12.Дамаскысь иудейёслэн законзыя но Инмар азьын шонер улӥсь,Анания нимо воргорон.

¹³13Дорам лыктӥз,матэ кариськиз но мыным шуиз:"Савл адӟись лу!"Мон соку ик адӟи.

¹⁴14.Со мыным шуиз:Асьмелэн атайёсмылэн Инмар Атаймы тонэ азьло ик бырйиз,тон Солэсь эриксэ мед тодод,шонер улӥсь адямиез мед адӟод но солэсь верам кылзэ мед кылод шуыса.

¹⁵15.Уго мае тон адӟид но кылӥд Иисус Христослэн ужъёсыз сярысь сое тон вань калыкъёслы ивортӥсь луод.

¹⁶16.Эн ӝегатскы!Султы,Иисус Христослэсь нимзэ ӧтьыса вӧсяськы,сьӧлыкъёсыдлэсь куштӥськы но мын.

¹⁷17.Иерусалме бертэм бере,храмын вӧсяськыкум туж паймымон алӟон мыным вал..

¹⁸18.Иисус Христосэз адӟи! со мыным шуӥз:Ӝоггес пот татысь.Иерусалимын Мон сярысь ивортэмдэ тынэсьтыд уз кылзӥське.

¹⁹19.Мон шуи:Иисус!Соос тодо:Тыныд оскисьёсты мон пытсэтэ ворсаляй,вӧсьяськон коркаосазы пырыса жугылӥ соосыз.

²⁰20.Стефанлэн,тынад ужаседлэн,вирыз кисьтӥськыку мон отын вал,сое виемзэс шонер лыдъяй,но сое изэн лэзьяса виисьёслэсь дӥсьсэс возьмаса сылӥ.

²¹21.Со шуиз мыным:мын ,Мон тонэ кыдёке язычникъёс доры лэзьё.

²²22.Та кылъёсты вератозяз Павелэз кылзӥськизы;нош собере бадӟым куараен кесяськыны кутскизы:быдтоно сое музъем вылысь !Сыӵе адямилы улыны кулэ ӧвӧл!

²³23.Соос кесяськыса,дӥськутсэс зӥртылыса,омыре тузон пазяса улыкузы.

²⁴24.Сюрс войнэн кивалтӥсь,Павеллы пумит мар муген кесяськемзэс тодон вылысь крепосте пыртыса сюлоен жугыны косиз.

²⁵25.Нош куке сое еэн думылӥзы,сю войнэн кивалтӥсьлы Павел шуиз:"Тӥледлы лэзьемын шат Рим кунысь адямиез жугыны,эшшо ик ужзэ эскерытэк?

²⁶26.Сю войнэн кивалтӥсь со кылъёсты кылӥз но мынӥз сюрс войнэн кивалтӥсь доры вераны:"Адӟы,мар тон ӧдъяськод соин карыны?Со-Рим кунлэн адямиез."

²⁷27.Собере сюрс войнэн кивалтӥсь лыктӥз Павел доры но юаз:"Вера ,тон Рим кунысь адями-а?Со шуиз:"Озьы."

²⁸28.Сюрс войнэн кивалтӥсь вераз:"Мон Римын улон понна трос коньдон тыри."Павел солы шуиз:"Нош мон отын вордскемын."

²⁹29.Соку сое жугыны лыктэмъёс чалак палэнскизы.Нош сюрс войнэн кивалтӥсь тодэм бераз ,со Рим кунысь адями шуыса,кышказ сое думылэмез понна.

³⁰30.Мукетаз нуналэ,иудейёслэсь малы сое янгыше уськытэмзэс пыр поч тодон понна,думетъёссэ со вылысь октӥз,архиерейёслы но тӧроослы люкаськыны косӥз,Павелэз поттыса,соос азе султытӥз.

Chapter 23

¹1. Иерусалимысь еврейёслэн вылӥ судзы азын Павел мур малпаськыса но меӵак шоразы учкыса сылӥз,собере вераз:Агай вынъёс! Мон туннэ нуналозь Инмысь Атай азьын чылкыт сюлэмын улӥсько:

²2.Первосвященник Анания вӧзаз сылӥсь адямиослы Павелэз ымныраз жугыны косӥз.

³3.Соку Павел шуиз:"Ачиз Инмысь Атаймы тонэ жугоз:Тон пуктэмын законъя ужаны,нош ачид законэз сӧрыса монэ жугыны косӥськод.

⁴ 4.Отын сылӥсьёс пӧлысь кин ке но кеськиз:Вылӥсь Атаймылэсь первосвященикез вылэ тышкаськиськод?

⁵5Павел вераз:Агайёс,мон ӧй тоды со Вылысь Атаймылэн первосвященикез шуыса,гожтэмын уго:Калыклэсь кузёоссэ урод кылын эн вера.

⁶6.Павел валаз,люкаськемъёс пӧлын садукейёс но фарисьейёс вань шуыса.Со кеськиз"Эшъёс мон фарисей ! Кулэм бере улӟон вань шуэмысьтым монэ судить кариськоды.

⁷7.Павел озьы верам бере лыктэмъёс калык люкиськизы.

⁸8.Садукейёс верало,кулэм бере улӟон ӧвӧл,ӧвӧл кылчинъёс,ӧвӧл периос.Фарисейёс таиз но соиз но вань шуо.

⁹9.Кутскизы ваче керетыны.Соку фарисейёс пӧлысь книга тодӥсьёс шуизы:"Номыр уродзэ ми со адямилэсь ум адчиське,нош со пыр Кылчин ке вера?Ум пумитъяське вылӥысь Атаймылы.

¹⁰10.Керетонзы кужмоямен серен,соку сюрс воин кивалтӥсь,Павелез кесяса куштэмзылэсь азьло,воинъёслы косӥз сое крепосте нуыны.

¹¹11.Мукетаз уе Павел доры Иисус Христос лыктӥз но вераз"Юнматскы Павел ;кызьы тон Мон сярысь Иерусалимын верад,озьы ик Римын верано луод".

¹²12.Куд-ог иудейёс ӵукна ик кенешизы,ог-огзы азьын кыл сётӥзы;Павелэз виытозязы,сиытэк но юытэк улыны кыл сётӥллям.

¹³13.Ньыльдонлэсь трос адямиос сыӵе ужез лэсьтыны огазеяськизы.

¹⁴14.Кузёоссы доры лыктыса со малпанзы сярысь ивортӥзы.

¹⁵15.Соос куризы сюрс воинэн кивалтӥсьлы вераны;со пе ,мед поттоз Павелэз ми азье,солэсь ужзэ мургес эскерон понна,Нош асьсэос малпазы Павел матэ вуиз ке,ми сое виыны дась шуыса.

¹⁶16.Озьы вераськемзэс Павеллэн сузэрезлэн пиез кылӥз.Соку ик со мынӥз крепосте,отын ваньзэ кылэмзэ Павеллы вераз.

¹⁷17.Павел вазьиськиз одӥгез воинлы,куриз пияшез кивалтӥсь доры нуыны;солэн мар ке веранэз вань шуыса.

¹⁸18.Со сое басьтыса,сюрс воинэн кивалтӥсь доры ваем но верам"Пытсэтын пукись Павел,монэ ӧтьыса,та егит пиез,кудӥзлэн мар ке но веранэз вань,тон доры нуыны куриз."

¹⁹19.Сюрс воинэн кивалтӥсь сое китӥз кутэм но сое палэнэ нуыса юам:"Мар сыӵе веранэд вань тынад мыным?"

²⁰20.Со верам солы:Иудейёс Павеллэсь ужзэ мургес эскерон понна ,тон ӵуказе сое синедрион азе мед потод шуыса.

²¹21.Но тон соосты эн кылзы;соос пӧлысь ньыльдонлэсь трос адямиос сое лушкемен возьмало,кудъёсыз кыл сётӥзы сое виытозязы сиытэк но юытэк улыны;соос али ик дасесь ини,тынэсьтыд косон сётэмдэ гинэ возьмаса уло.

²²22.Сюрс воинэн кивалтӥсь пияшез кылзӥз но шуиз:"Мыным тае верад шуыса нокинлы но эн куареты."

²³23.Со кивалтӥсь ӝоген косӥз дасяны кыксю пыдын ветлӥсь воинёсты,сизьымдон воинёсты вал вылын, кыксю ыбылӥсьёсты.Куинь часын Кесарие мыныны вылысь.

²⁴24.Валёсыз дасялэ .Павелэз пуктыса Феликс кивалтӥсь доры келян понна

²⁵25.Гожтӥз таӵе гожтэт:

²⁶26Гажано Феликслы Клавдий Лисийлэсь ӟечкылан.

²⁷27Иудейёс Павелэз виыны шуыса кутӥллям вал,нош мон тодӥ со Рим кунълэн адямиез шуыса.Соин ик мон сое киысьтызы басьтӥ.

²⁸28.Тодыны тырши,мар пумысь сое янгыше уськытыны ӧдъяло.

²⁹29.Мон валай.соослэн законысьтызы споръяськон малпанъёс понна сое виноват каремзэс.Виён яке жильыетын возьён понна солэн нокыӵе но янгышез ӧвӧл.

³⁰30.Мон тон доры лэзьыны кариськи,солэсь ужзэ мед эскерод шуыса."Ӟеч лу"

³¹31.Клавдий Лисийлэн косэмезъя воинёс Павелэз крепостьысь басьтӥзы,уин сое Антипатридае нуизы.

³²32.Вал. вылын мынӥсь воинъёс сюрессэ азьланьтӥзы,сое Кесарие вуттӥзы.

³³33.Отысь тӧролы лэзьем гожтэтсэс сётӥзы.

³⁴34.Сое со лыдӟиз,Павел Киликиысь вылэм шуыса тодӥз.

³⁵35.Тӧро Павеллы шуэм:Тонэ кылзӥськомы,тынад янгыше уськытӥсьёсыд вуизы ке.Павелэз Иродлэн преторияз возьыны косӥз.

Chapter 24

¹1.Вить нунал ортчыса вуиз первосвященник Анания тӧроосын но Тертул дурбасьтӥсен,кудъёсыз урттылиськизы Павел вылэ.

²2.Сое ӧтем бере,Тертул кутскис сое янгышаны.

³3.Котьку но котькытын тау карыса вераськомы тыныд гажано Феликс ,тон пыр ми трос каньыллык басьтӥмы тынад сюлмаськеменыд та калык но шудбуро улэ шуыса.

⁴4.Нош тонэ трос жадьытонтэм понна, куриськом, тонэ вакчияк милемдыс кылзыны.

⁵5.Та адямиез калык пӧлын пӧськыез кадь шедьтыса,бугыръяськон ӝутӥсь иудейёс пӧлын,быдэс дунне вылын улӥсьёсын назорейёслэн дышетонзылэн сурась-пожась кивалтӥсез луэ.

⁶6.Кудӥз дӥсьтӥз саптаны черкез,ми сое кутыса малпаськом вал судитьтыны асьме законэн.

⁷7.Сюрс войнэн кивалтӥсь,Лисии лыктыса милям киулысьтымы басьтыса келяз тон доры.

⁸8.Милемлы но янгыше уськытӥсьёслы косиз мыныны тон доры.Тон ачид быгатод эскерыса ваньмыз сярысь аслэсьтыз,малы ми сое янгышаськом.

⁹9.Иудейёс но шуизы,зэм ик со озьы вал.

¹⁰10.Кивалтӥсь Павеллы вераны лэзьем бере,со тазьы шуиз:Ми тодӥськомы тон трос аръёс ӵоже умой судить кариськод калыкез,соин ик мон аслэсьтым ужме капчи мылкыдын утьыны тыршо.

¹¹11.Дас кык нунал талэзь азьло мон лыктӥ Иерусалиме йыбыртон понна.

¹²12.Черкын но,синагогаын но,город пушкын но,соос монэ ӧз адӟе кинэн ке чангешемме но калык пӧлын бугыръяськон ӝутэмме.

¹³13.Уг быгато юнматыны табере маин монэ янгыше уськыто.

¹⁴14.Пырак верасько тыныд та дышетонэз,кудзэ соос шуо суран-пожан дышетон,мон зэм но тыршисько атайёсмылэн Инмарзылы оскыса служить карисько,мар гожтэмын законын.

¹⁵15.Инмар вылэ оскытскыса кулэмысь улӟон луоз шуыса сьӧлыктэмъёслы но сьӧлыкоослы,асьсэос но сое возьмало.

¹⁶16.Соин ик мон но тыршисько котьку но чылкыт сюлмын улыны Инмар но калык азьын.

¹⁷17.Трос аръёс ортчыса,мынам калыкелы ӟечлык каронъёс но кузьымъёс вайыса лыктӥ мон.

¹⁸18.Озьыен шедьтӥзы монэ черкын чылкытаськыса калыктэк но ӵашетытэк.

¹⁹19.Со вал Ассиысь иудейёс кудъёсызлы султоно вал тон азьын но монэ янгыше уськытыны,мыным пумит мар ке верамзы вань ке.

²⁰20.Табере мед вералозы кыӵе янгышез шедьтӥзы мынэсьтым,куке мон сылӥ синедрионын.

²¹21.Одӥг кыл понна гинэ,кудзэ мон верай соос пӧлын сылыкум,кулэмысь улӟем сярысь дышетэмлы,монэ судить кариськоды.

²²22.Феликс кылзыса та ужез берлолы кельтыса,вераз:кылзо тӥлесьтыд уждэс,куке лыктӥз ке сюрс войнен кивалтӥсь Лисии,мон мургес тыршо тодыны та дышетон сярысь.

²³23.Нош Павелэз косӥз сю войнэн кивалтӥсьлы возьманы,сое ёртыса возьыны косымтэ,но матысьёсызлы дораз ветлыны но юрттыны лэзьем.

²⁴24Кӧня ке нунал ортчыса Феликс аслаз иудей кышноеныз,Друзиллаен лыктыса ӧтиз Павелэз но кылзӥз Иисус Христослы оскон сярысь.

²⁵25.Куке со вераз зэмлык сярысь Феликс кышкатскиз но шуиз,табере мын,куке шедьтӥ ке дыр тонэ кылзо.

²⁶26.Со малпаз вал Павел солы коньдон сётоз шуыса соин ик сое ӵем ӧтьылэм но соин вераськылэм..

²⁷27.Кык ар ортчыса Феликс интые пуксиз Порций Фест.Иудейёслы ӟеч карон понна Феликс Павелэз кельтӥз пытсэтын.

Chapter 25

¹1.Фест та ёросе вуэм,нош куинь нунал ортчыса Кесариысь Иерусалиме мынэм.

²2.Соку Иудеяысь архиерей но кузьёйыръёс лыктӥллям со доры но Павел вылэ чангыськыса луыллям

³3.Туж куриллям солэсь,Павелэз Иерусалиме мед лэзьёз шуыса,нош асьсэос малпаллям сюрес вылысен сое виыны.

⁴4.Фест верам:"Павел Кесарияын пытсэтын,со возьмаськисьёс ки улын,ӝоген мон ачим отчы мыно."

⁵5.Озьыен,-шуэм со,-кинъёс быгатозы монэн ӵош отчы мыныны,мед мынозы.Со адямилэн кыӵе ке урод ужез вань ке,сое янгышен мед лыдъялозы.

⁶6.Соос дорын тямыс-а,дас-а нунал улыса,Кесарие берытскем,мукет нуналаз судэн кивалтӥсьлэн интыяз пуксем но Павелэз вайыны косэм.

⁷7.Павелэз отчы вуттӥллям,Иерусалимысь иудейёс котырак кариськиллям но Павел вылэ трос секытэсь янгыше уськытонъёс вераны кутскиллям,кудъёссе соос номырин юнматыны быгатӥллямтэ.

⁸8.Павел ассэ утьыса шуэм:"Мон иудейёслы пумит но,черклы пумит но,кивалтӥсьёслы пумит но номыр уродзэ ӧй лэсьты."

⁹9.Фест иудейёслы ӟеч лэсьтон понна Павеллы шуэм:"Иерусалиме мынэмед потэ-а?Тынэсьтыд уждэ отын мед эскером шуыса?"

¹⁰10.Мон,-шуэм Павел,-эксэйлэн судаз сылӥсько,татын ик мынэсьтым ужме эскерыны кулэ.Иудейёслы мон номыр уродзэ ӧй лэсьты,тон ачид но умой тодӥськод.

¹¹11.Озьыен мон янгыш ке,мар ке виыны вылысь лэсьтӥськем ке,кулонлэсь уг палэнскиськы.Номыр но сыӵеез ӧвӧл ке,мар пумысь уськытыны тыршо,соку нокин но уз быгаты сётыны соос кие,Курисько эксэйлэсь судзэ.

¹²12.Соку Фест кенешен вераськем но ответ сётэм:Тон эксэйлэсь судзэ курид бере,эксэй доры ик мынод.

¹³13.Кӧня ке нунал ортчыса Кесарие Фестэз ӟечкыланы Агриппа эксэй но Вероника лыктӥллям.

¹⁴14.Соос отын трос нуналъёс улэм бере,Павеллэсь ужзэ Фест эксэйлы ӵектэм но шуэм: Татын вань Феликслэн жильыетэ кельтэм адямиез.

¹⁵15.Мон Иерусалиме вуылыкум ,Иудеяысь архиерейёс но тӧроос со вылэ йыркуръяськыны кутскизы,куризы сое судэ сётыны.

¹⁶16.Мон соослы шуи:"Римын улӥсьёслэн ӧвӧл сычё сямзы адямиез виыны сётыны солэсь ужзэ эскерытэк ,янгыше уськытӥсьёсыныз пумиськытэк но аслэсьтыз шонерлыксэ вератэк.

¹⁷17.Соос татчы вуэм бере,ӵуказеяз чик ӝегатскытэк,мон пукси судьялэн интыяз но со адямиез вайыны косӥ.

¹⁸18.Солэн янгыше уськытӥсьёсыз котыраз султӥзы,нош одӥг лексэ но ӧз вералэ,кудъёсыз сярысь мон малпасько вал.

¹⁹19.Соослэн кӧня ке ченгешонъёссы вал Вылысь Атайлы оскон пумысь но кыӵе ке Иисус нимо пиосмурт сырысь,кудӥз кулӥз.Нош Павел вераз,со улэп шуыса.

²⁰20.Та ужпумез сэрттыны-пертчины шугъяськыса,мон Павеллы шуи:"Потэ-а тынад Иерусалиме мынэмед но та пумысен отын суд азе султэмед?"

²¹ 21.Павел аслэсьтыз ужзэ Август эксэй азьын эскерыны куриз,соин ик эксэй доры ыстытозь,сое пытсэтын возьыны косӥ.

²²22.Соку Агриппа Фестлы шуэм:"Мон ачим но та адямиез кылзысал.-Ӵуказе ик сое кылод- ,со озьы шуэм."

²³23.Мукетаз нуналэ Агриппаен Вереника туж шоголь дӥсяськыса лыктӥллям но сюрс войнэн кивалтӥсьёсын но,городысь нимо-дано адямиосын ӵош суд ортчытон интые пыриллям. Фестлэн косэмезъя Павелэз ваиллям.

²⁴24.Фест шуэм:"Агриппа эксэй но татчы люкаськем воргоронъёс! Тӥ адӟиськоды та адямиез,кудӥныз сэрен Иерусалимын но татын улӥсь трос иудейёс но кесяськизы,солы улыны уг яра ни,шуыса.

²⁵25.Сое виён понна мон номыр уродзэ солэсь уг адӟыськы.Со ачиз куриз эксэй дорын судзэ ортчытыны,соин ик Август эксэй доры ыстоно кариськи.

²⁶26.Со сярысь вылӥ эксэйлы мар гожтыны уг тодӥськы,соин ик сое мон тӥ азе ваи, уката ик тон азе,Агриппа эксэй.Эскерем- чаклам бере мон мар ке но гожтыны мед быгатысал,шуыса.

²⁷27.Уго пытсэтын пукисез,янгышъёссэ солы ивортытэк келяны визьмо ик уз луы кадь потэ мыным.

Chapter 26

¹1. Агриппа Павеллы шуэм: "Ачид сярысь вераны тыныд кыл сётӥське." Соку Павел киыныз шоналтэм но утиськон понна вераны кутскем:

²2. "Агриппа эксэй ! асме шудоен лыдъясько"иудейёслэн монэ янгыше уськытонъёссылы пумит, мон туннэ тон азьын асме утьыса вераны быгатӥсько.

³3 Курисько тонэ,сак монэ кылзыськы.Малыке шуоно,тон умой тодӥськод иудейёслэсь сямъёссэс но пӧртэм мылкыдъёссэс.

⁴4.Аслэсьтым улонме мон пинал дырысен аслам калыке пӧлын Иерусалимын ортчытӥ.Со сярысь иудейёс тодо.

⁵5.Мон сярысь соос кемалась тодо.Верамзы потӥз ке вералозы : Мон фарисей вал,асьме осконэз туж юн чаклась - утись мурт.

⁶6.Али суд азьын сылӥсько,ВылысьИнмар милям атайёсмылы верам кылызлы оскисько.

⁷7.Со утиськонэз басьтыны луонлыклы оскыса,милям калыкмылэн дас кык выжыосыз уй но нунал Инмысь Атайлы сюлмысь тыршыса уло.Таӵе оскиськонлы монэ иудейёс янгыше уськыто.

⁸8.Малы бен Инмысь Атайлэн кулэмъёсты улӟытэмез тӥледлы осконтэм потэ?

⁹9.Шонерзэ верано ке,мон но малпай вал Назаретысь Иисуслэн нимызлы мыным пумит мыноно.

¹⁰10.Иерусалимын улыкум мон озьы ик карылӥ.Архиерейлэсь косон басьтыса троссэ вӧсяськисьёсты пытсэтэ ворсалляй,соосты мед виылозы шуыса куараме поттылӥ.

¹¹11.Восьяськон коркаосазы пырыса соосты курадӟытылӥ,лек мылкыдэн Иисуслэсь нимзэ сантэманы косылӥ,йыры курэн мукет городъёсын но озьы ик лэсьтылӥ.

¹²12.Первосвященникъёслэсь власть но косон басьтыса,Дамаске мынӥсько вал.

¹³13Нуназе шорын,сюрес вылысен мон адӟи инбамысь юн яркыт югытэз,со шунды пиштэмлэсь но яркытгес вал,кудӥз мальдытӥз монэ но,монэн ӵош мынӥсьёсты но.

¹⁴14.Ми ваньмы музъем вылэ усимы,соку мон куара кылӥ,кудӥз мыным еврей кылын вераз :"Савл!Савл!Малы тон Монэ улляськод? Секыт тыныд йылсо бодылы пумит мыныны"

¹⁵15.Мон шуи: "Кузё,кин Тон?"Со шуиз: Иисус,кудзэ тон улляськод.

¹⁶16.Со шуиз:Ӝутӥськы,пыд вылад султы,мон со понна тыныд усьтыськи тон адӟемзэ ивортӥсь мед луод .Мае Мон тыныд эшшо усьто на, сое но вералод.

¹⁷17.Тонэ иудейёслэсь,мукет калыкёслэсь но утё,табере тонэ соос пӧлы ыстӥсько.

¹⁸18.Соослэсь синъёсэс усьтыны тонэ ыстӥсько:пеймытысь югыт пала,шайтанлэн ки улысьтыз Инмысь Атай пала мед берытскозы.Мыным оскон пыр сьӧлыкъёссылэсь куштӥськыны но чылкытатскемъёсын ӵош утиськон басьтыны мед быгатозы шуыса.

¹⁹19.Соин ик,Агриппа эксэй,Инмысь адӟонлы мон ӧй пумитъяськы.

²⁰20.Нырысь ик Дамаскын но Иерусалимын улӥсьёслы,собере быдес Иудей музъем вылын улӥсьёслы,оскисьтэм калыклы но вералляй;котькудӥз но сьӧлыкаса улонлэсь палэнскыса,Инмысь Атай азьын ӟеч ужъёс лэсьтыса мед улоз шуыса.

²¹21.Со понна вӧсяськон коркан кырмизы но монэ виыны малпазы.

²²22.Инмысь Атайлэсь утиськон басьтыса али мон татын тон азьын сылӥсько.Пичиослы но бадӟымъёслы ивортӥсько сое гинэ мар веразы пророкъёс но Моисей!

²³23Вералляй сое;кызьы Христос курадӟоно луиз,кулэмъёс пӧлысь нырысетӥез улӟиз,иудейёслы но мукет калыкъёслы,но югыт сярысь тодытӥз.

²⁴24.Озьы,ассэ утён понна веракуз;Фест бадӟым куараен шуэм: "Висьтэмъяськиськод тон Павел!Трос дышетскемед тонэ визьтэм луон калэ вуттэ.

²⁵25.Гажано Фест,-Павел вераны кутскэм,-мон уг визьтэмъяськиськы,ваньмыз со визьмын но шонер верамын,

²⁶26.Эксэй та сярысь тодэ,кудӥз азьын мон кышкатэк верасько.Мон уг оскиськы маке солэсь ватыськыса кылэмын шуыса:ваньмыз солэн син азяз ортчиз уго.

²⁷27.Агриппа эксэй,пророкъёслы оскиськод-а?Тодӥсько,оскиськрд шуыса,

²⁸28.Павеллы Агрипа шуэм:Укыр вакчи дыр ӵоже тон монэ Христослы оскись карыны ӧдъяськод.

²⁹29.Павел шуэм:трос-а,ӧжыт-а дыр ӵоже,тон гинэ ӧвӧл,ваньмыз кылзӥсьёс туннэ луысалзы ке мон кадь, та жыльыостэк;шумпотыса тау карысал Инмысь Атайлы оскизы шуыса,

³⁰30.Павел тае верам бераз,эксэй кивалтӥсь,Вероника но соосын ӵош пукисьёс султӥллям,

³¹31.Палэнэ кариськыллям,ваче вераськиллям:Та адями номыр но виымонзэ яке жильыетын пуконзэ уг лэсьты;шуиллям.

³²32.Агриппа Фестлы шуэм:"Сое лэзёно вал но со ачиз куриз кесарь дорын ужзэ эскерыны."

Chapter 27

¹1.Куке кенешемын вал милемыз Италие ву вылтӥ нуыны,Павелэз но кӧня ке мукет пытсэтын пукисььёсты сётӥзы Юлий нимо Август полклэн сю войнэн кивалтӥсь кие.

²2.Ми Адрамитской корабле тубимы но Асиялэн ярдуръёсыз вӧзтӥ уяса ортчыны малпамен ву вылтӥ кошкимы.Милемын ӵош вал Аристарх Фессалоникаысь македон мурт.

³3.Мукет нуналаз дугдӥм Сидонэ.Юлий Павеллы адямиез яратон мылкыд карыса,эшъёсыз доры ветлыны лэзиз,соос мед юрттӥськысалзы солэн кыӵе ке кулэяськонъёсыз вань ке.

⁴4.Отысь кошкыса,пумит пельтӥсь тӧлъёсын сэрен,ми ву вылтӥ Кипре вуимы.

⁵5.Киликияен но Памфилия азьысь ву вылтӥ мыныса Ликияысь Миры городэ вуимы.

⁶6.Отысь сю воинэн кивалтӥсь Италие мынӥсь Александриысь кораблез шедьтӥз но милемыз отчы пуктӥз.

⁷7.Трос нуналъёс ӵоже каллен уяса но Книд доры мырдэм вуыса,милемлы пумит пельтӥсь тӧлэн сэрен,ми Салмон дорысь Крит доры уяса вуимы.

⁸8.Мырдэм со дортӥ ортчыса ,Хорошие Пристани нимо интые вуим,кудӥзлы матын Лисия нимо город вал.

⁹9.Тырмыт дыр ортчиз ни бере,кӧс утён но быремын ни вал соин ик уянмы но кышкыт ни вал,Павел соослы вераз.

¹⁰10.Воргоронъёс!Мон адӟисько:асьмелэн уянмы грузлы но корабльлы гинэ ӧвӧл но улонмылы но бадӟым шугсекытъёсын луоз шуыса.

¹¹11.Но сю воинэн кивалтӥсь,Павеллэн кылъёсызлы сярысь,тужгес оскем кораблез валтӥсьлы но корабльлэн кузёезлы.

¹²12.Нош таиз пристань толйыны умойтэм вылэм,соин ик трос муртъёс отысь кошконо шуыса веразы,луоно ке,лымшорен шунды пуксён но уйпалэн шунды пуксён тӧлъёслы ваче -пумит интыяськем Критысь Финик шуон пристане вуыны но отын толйыны.

¹³13Лымшор тӧл пельтӥз но соос мылкыдзыя луиз малпаса вырӟизы но уяса кошкизы Крист дортӥ.

¹⁴14.Но ӝоген солы пумит"эвроклидон"шуон сильтӧл ӝутскиз.

¹⁵15.Корабльлэн тӧллы пумит номыр но каремез ӧз лу ни соин ик тулкымъёслы сётыськыса ветлӥм.

¹⁶16.Клавда нимо островок доры вуыса мырдэм возьыны быгатӥм пыжмес.

¹⁷17.Сое ӝутыса кораблез керттылыны кутскизы,нош лазьег интые пуксемлэсь кышкаса лэзьизы пичи парусэз но озьы ву вылтӥ ветлӥм.

¹⁸18.Мукет нуналэ зол сильтӧл бугыръяськон сэрен грузэз куяны кутским.

¹⁹19.Нош куинетӥ нуналаз ми асьме киосынымы корабльысь арбериосты куямы.

²⁰20.Трос нуналъёс ӵоже шунды но кизилиос адӟиськымтэен но зол сильтӧл дугдымтэен милям осконмы улэп кылём шуыса бырыны кутскиз.

²¹21.Кема сиськемын ӧй вал ни бере,Павел соос доры султыса вераз:Воргоронъёс!Крит дорысь кошконо ӧвӧл шуыса мынэсьтым кылзӥськыны кулэ вал,озьы лэсьтыса таӵе шугсекытъёсты ӧй адӟысалмы.

²²22.Али нош курисько тӥледыз юнматскыны,малыке шуоно одӥгды но уд быре,корабль гинэ.

²³23.Нош Инмар кылчин кудӥзлы мон луисько но служить карисько.та уе мынам азям султӥз.

²⁴24.Но вераз:Эн кышка Павел!Тыныд кесарь азе султоно луоз, но тани Инмар тонэн ӵош уясьёсты тыныд кузьма.

²⁵25.Соин ик воргоронъёс сэзьёмытскелэ,мон Инмарлы оскисько,мыным кызьы верамын озьы ик луоз.

²⁶26.Асьмеос кыӵе ке но острове куштэмын луыны кулэ.

²⁷27.Дас ньылетӥ уе Адриматической мореети ветлонъямы уйшор котыре кыӵе ке но музъем доры вуиськом ни шуыса шӧдӥськизы.

²⁸28.Соос мурдалазэ кызь сажень мертазы,собере ӧжыт ортчыса дас вить сажень мертазы.

²⁹29.Изо интые сюремзылэсь кышкаса корма вылысь куштӥзы ньыль якорь но нунал вуэмез возьманы кутскизы.

³⁰30.Нош корабльез валтӥсьёсмы корабльысь пегӟыны малпам бере.корабльлэн нырысьтыз якоръёсты куштэм амал кариськыса море вылэ пыжез лэзьыкузы.

³¹31.Павел сю войнэн кивалтӥсьлы но воинъёслы вераз:Соос корабле ӧз кыле ке тӥляд улэп кылемды уз луы.

³²32.Соку воинъёс пыжлэсь гозыоссэ ӵогылӥзы но со усиз.

³³33.Нунал кутскон азьын Павел сиськыны косыса вераз:Туннэ дасньылетӥ нунал кызьы тӥ сиськытэк возьмаса улӥськоды.

³⁴34.Соин ик курисько тӥледыз сиськыны,со тӥлесьтыд улондэс утьыны юрттоз;нош тӥ пӧлысь нокуддылэн но йырысьтыз йырсиез но уз ышы.

³⁵35.Озьы вераз но нянь кутӥз,Инмарлы тау карыса тӥялтӥз но ваньмыз азьын сиыны кутскиз.

³⁶36.Соку ваньзы юнматскизы но озьы ик сиськыны кутскизы.

³⁷37.Ваньмы ми корабльын вал кык сю сизьымдон куать адями.

³⁸38.Кӧтсы тырем бере,кораблез капчиятыны кутскимы,чабеез морее куяса.

³⁹39.Нунал кутскем бере музъемез ӧз тодмалэ,кыӵе ке но заливез гинэ адӟизы,кудӥзлэн нялмыт ярдурез,луоз ке со доры малпазы кораблен дугдыны.

⁴⁰40.Якоръёсты ӝутыса море вылтӥ вырӟим но рульёсты пертчылыса но пичи парусэз тӧл сьӧры ӝутыса яр дур пала мынӥм.

⁴¹41.Луоё лазег интые сюрим но,корабльмы сюй вылэ пуксиз.Нырыз выйиз но вырӟылыны ӧз быгаты ни нош корабльлэсь сьӧр люкетсэ тулкымъёс ас кужмынызы тӥяллязы.

⁴²42.Воинъёс,нокин но уяса медаз пегӟы шуыса,вераськизы вал пытсэтын пукисьёсты виыны.

⁴³43.Нош сю войнэн кивалтӥсь,Павелэз улэп кельтон понна со малпанлэсь соосты дугдытӥз но уяны быгатӥсьёслы нырысь ик вуэ тэтчыны но музъем вылэ потыны косӥз.

⁴⁴44.Нош кылемъёсызлы кинлы пулъёс вылын ,кинлы корабльлэн мукет арбериосыз вылын музъем вылэ потыны косӥз.Озьы ваньзы улэп кылизы.

Chapter 28

¹1.Павелэн ӵош луэмъёс утиськизы,та шормуӵ Мелит нимаське шуыса тодӥзы.

²2.Отын улӥсьёс милемыз ӟеч пумитазы.Куазь зоро но кезьыт вал бере милемлы тылскизы,доразы ӧтизы.

³3.Павел трос сильё пу бичаса ваиз но тыл вылэ куяны кутскиз.Отысь пӧсьлэсь кышкаса лек кый потыса солэн суй бордаз ошиськиз.

⁴4.Соку адямиос солэн суй бордаз ошиськыса улӥсь кыез адӟизы но ог-огзылы шуизы:"Та адями адями-виылӥсь дыр.Мореысь со утиськиз,нош Инмысь Атайлэн судэз улэп кельтэмез уг поты.

⁵5.Со кизэ сэзъялтӥз,кый тыл вылэ усиз,нош солы номыр урод ӧз луы.

⁶6.Адӟисьёс малпазы:киыз пыктоз,яке кулыса усёз шуыса.Кема возьмамзы бере номыр но солы уг луы шуыса адӟизы,соку малпанъёссы воштӥськизы;со-инмар шуыса вераны кутскизы.

⁷7.Публий нимо воргорон,та шор-муӵлэн кузёез.Солэн музъемъёсыз,улон интыез матын вал.Со милемыз куное ӧтиз,куинь нунал ӵоже мылысь-кыдысь утялтӥз.

⁸8.Публийлэн атаез пӧськылен но кӧтпушкыз висьыса курадӟе вылэм ,Павел со доры пырем,кизэ вылаз поныса вӧсяськем но соиз бурмем.

⁹9.Солэсь бурмемзэ тодыса,мукет висисьёс но Павел доры лыктылӥллям,собере бурмыса кошкылӥллям.

¹⁰10.Милемыз соос туж сиё-дано каризы но кошкыкумы мар кулэ сётыса лэзизы.

¹¹11.Та шормуӵын Александрияысь"Диоскуры"нимо корабль толъем.Куинь толэзь уллэмы бере,ми со корабле пуксьыса отысь кошкимы.

¹²12.Сиракузы городэ вуимы,отын куинь нунал улӥмы.

¹³13.Отысь кошкыса Ригия городэ вуимы.Нунал ортчыса лымшор палась тӧл пельтӥз.Кыкетӥ нуналаз Путеолэ вуимы.

¹⁴14.Отысь агай-вынъёсмес шедьтӥмы,соос куризы доразы сизьым нунал улыны.Отын улэммы бере ву вылтӥ Рим кунэ кошкимы.

¹⁵15.Ярдурлы матын сылӥсь пичи городъёсысь агай-вынъёс кылӥллям ми сярысь но пумитамы лыктӥзы.Соосты адӟыса Павел Инмысь Атайлы тау кариз,мылкыдыз ӝутскиз.

¹⁶16.Рим городэ вуэммы бере сю солдатэн кивалтӥсь милемыз ожен кивалтӥсь ки улэ сётӥз,нош Павеллы нимаз возьмась солдатэн улыны косэмын вал.

¹⁷17.Куинь нунал ортчыса иудейёс пӧлысь туж тодмо адямиосыз Павел дораз ӧтиз.Соос люкаськем бере со шуиз:"Агай-вынъёс!Калыкелы но атайёсмылэн сямъёссылы но пумит мон номыр но ӧй лэсьты,озьы ке но,монэ Иерусалимысен жильыетын возизы но Римын улӥсьёс кие сётӥзы.

¹⁸18.Ваньзэ юалляськем-эскерем беразы,соос монэ мозмытыны малпало вал,уго виён понна мынам нокыӵе но янгыше ӧвӧл.

¹⁹19.Нош иудейёс пумитъяськизы,соин ик мон кесарьлэсь судзэ куроно кариськи:"Тодэлэ,та ужрад ас калыкме янгыше уськытон понна ӧвӧл.

²⁰20.Та пумысен мон тӥледыз ӧти,тӥледын адӟиськыны но кенешыны вылысь.Израильлэн оскиськонэз понна та жильыосын мон думылэмын уго."

²¹21.Ӧтемъёс Павеллы шуизы:Иудеяысь тон сярысь нокыӵе гожтэт но ӧм басьялэ.Татчы агай-вынъёс вуылӥзы,тон сярысь номыр но ӧз поттылэ,номыр уродзэ ӧз вералэ.

²²22.Тынэсьтыд милям тодэммы потэ вал,тон кызьы малпаськод со дышетон сярысь.Уго со пумысь котькытын ченгешон мынэ.

²³23.Солы нунал висъязы,калык со доры гостиницае лыктӥзы.Ӵукнаысен ӝытозь Павел соослы Инмысь Эксэйлык сярысь вераса улӥз,Моисей законысь но пророкъёслэсь Иисус сярысь ивортэмзэс валэктыны тыршиз.

²⁴24.Одӥгъёсыз солэн кылъёсызлы оскизы нош мукетъёсыз ӧз оске.

²⁵25.Павеллэсь верамзэ кылэмзы потымтэос кошкылӥзы,соку со вераз:Исайя пророк пыр Кылдысин асьмелэн атайёсмылы умой вераз:

²⁶26."Мын со калык доры но вера:пельыныды кылоды но,уд валалэ,синмыныды учкоды но,уд адӟе.

²⁷27.Уго та калыклэн сюлмыз чурытомиз,пельынызы мырдэм кыло,синъёссэс но кыниллям;синъёсынызы уз адӟе,пельынызы уз кылэ,сюлмынызы уз валалэ.Мон соосты мед бурмытом шуыса,мыным уз вазиське.

²⁸28.Озьыен тӥледлы тодмо мед луоз Инмысь Атаймылэн утиськонэз мукет калыкъёслы ыстэмын;соос ик кылозы.

²⁹29.Со тае верам бере,иудейёс куспазы юн ченгешыса кошкиллям.

³⁰30.Кык ар ӵоже Павел одӥг коркан улӥз,со ачиз коньдон тыриз.Со доры лыктӥсьёсты ӟеч мылкыдын пумиталляз.

³¹31.Инмысь Эксэйлык сярысь тодытылӥз,Утисьмы Иисус Христос сярысь мылысь-кыдысь дугдылытэк ваньзэсты дышетылӥз.

ROMANS

Chapter 1

¹Павел, Иисус Христослэн рабез, ӧтем апостол, Инмарлэсь кылзэ калыклы ивортыны быръемез,

²кудзэ Инмар азьло ик Аслаз пророкъёсыз пыртӥ святой гожтэмъёсаз сӥзиз

³Аслаз Пиез сярысь, Кудыз вордӥськиз Давидлэн выжыысьтыз мугоръя

⁴но усьтӥськиз Инмарлэн Пиеныз кужымен, Святой Духен - асьмелэн Кузёмылэн Иисус Христослэн кулэмысь улӟыса ӝутсемез пыртӥ

⁵Кудыз пыртӥ ми басьтимы благодать но апостольство, Солэн нимыз пыртӥ вайыны вань калыкъёсты осконлы кылзӥськыны,

⁶тӥ но соос пӧлын, кин быръемын вал Иисус Христосэн,-

⁷ваньмызлы, кинъёс уло Римын, Инмарен яратоноосызлы, святой луыны ӧтемъёслы: благодать тӥледлы но тупаса улон асьмелэн Атай Инмармылэсь но Кузёмылэсь Иисус Христослэсь.

⁸Нырысь ик тау карисько мынам Инмарелы ваньды понна Иисус Христос пыртӥ, быдэс дуннеын верасько шуыса тӥляд осконды сярысь.

⁹Инмар мыным свидетель, Кудызлы сюлмысьтым тыршисько ваньмызлы благовествовать карыны Солэн Пиез сярысь, котьку тӥ понна вӧсяськисько,

¹⁰котьку курисько вӧсяськыкум, Инмарлэн воляез мед луысал мыным тӥ доры лыктыны,

¹¹угось мынам туж адӟеме потэ тӥледыз но сётыны тӥледлы духовной даръёс тӥледыз утвердить карон понна,

¹² мукет сямен вераса буйгатскыны тӥледын ӵошен осконэн, тӥледлэнэныз но мынаменыз.

¹³Вынъёсы, кельтэме уг поты тӥледыз тодытэк, мынам тросс пол лыктэме потэ вал дорады ( нош азьпалам шуг-секытъёс кылдылӥзы, кудъёсыз али но вань), мынам адӟеме потэ вал тыршемелэсь кыӵе-ке но емышсэ тӥ дорысь, кудъёссэ адӟылӥ муке калыкъёс дорын.

¹⁴Мон служить карыны кулэ грекъёслы но, варваръёслы но визьнодчиослы но тодӥсьтэм - валасьтэмъёслы.

¹⁵Озьыен, мон дась благовествовать карыны тӥледлы, Римын улӥсьёслы.

¹⁶Мон уг возьдаськиськы благовествовать карыны Христос сярысь, уго благовествовать карон Инмарлэн кужымез спасти карон понна котькуд оскись адямиез, нырысь иу иудейёсты, нош собере грекъёсты но.

¹⁷Со пушкын усьтӥське шонерлыкез Инмарлэн осконысь осконэ, кызьы гожтэмын:" Шонер лэсьтӥсь осконэн улоз",

¹⁸малыке шуоно улӟе Инмарлэн вожпотонэз инмысен калыклэн котькыӵе урод но пӧяса лэсьтэм ужъёсызлы,

¹⁹Уго ваньмыз мар тодыны луоз Инмар сярысь, соос понна усьтэмын, уго Инмар усьтӥз соослы.

²⁰Уго Солэн адӟиськымтэез, бырисьтэм кужымез Солэн но Инмар луонэз, дунне кылдытэм дырысен ик адӟиське Солэн кылдытэмъёсыз шоры учкыса, соин ик соос ответ сётытэк уз кыле.

²¹Малыке шуоно соос тодыса Инмарез, прославить ӧз каре Сое Инмарез кадь, тау но ӧз карелэ, но осуетится кариськизы асьсэлэн визьмояськоннязы, но пеймытомиз соослэн валасьтэм сюлэмзы.

²²Асьсэдыз визьнодоесь шуыса, визьтэммизы,

²³но котьку улэп Инмарлэсь данзэ воштӥзы, сисьмыса бырись адямилы но тылобурдоослы но ньыльпыдоослы но нюжтиськыса ветлӥсьёслы пусэн.

²⁴соин ик мылпотӥсь сюлэмъёсын соосты Инмар сётӥз кырсь ужъёслы, озьыен соо асьсэос саптазы асьсэлэсь мугоръёссэс

²⁵Соос воштӥзы Инмарлэсь зэмлыксэ пӧялляськонэн - Кылдытӥсь интые йыбыртъязы но служить каризы кылдытэмлы.Кылдытӥсьлы дан пумтэм - быронтэм дауръёс ӵоже, аминь.

²⁶Соин ик Инмар сётӥз соосты возьыт мылпотэмъёслы: кышномуртъёс кышномуртъёсын ик азон - калгон солыкен улыны кутскизы;

²⁷озьы ик пиосмуртъёс но, кышномуртэн улонэз кельтыса, ог-огзы вылэ жуась мылкыдын улӟизы, пиосмуртъёс пиосмуртъёсын возьыт юрӟым азон - калгон сьӧлыке пыризы но асьсэлэн йромем ужъёссы понна шонер наказание басьтӥзы.

²⁸Но соос ӧз сюлмаське Инмарез йырвизязы возьыны бере, Инмар соослы мыддоринь берыктэм визь сётӥз - азон-калгон ужъёсты лэсьтыны,

²⁹малыке шуоно соос тырмемын котькыӵе шонертэм ужъёсын, азон - калгон улонэн, кескич но кӧттыростэм но йыркуро сямъёсын, сюлэмзы тырмемын вожъяськонэн но адями виины малпанъёсын но керетонъёсын но пӧялляськонэн но лекъяськонъёсын,

³⁰кыл нуллӥсьёс, шонертэм верасьёс, Инмарез адӟемпотӥсьтэмъёс, куатаськисьёс, ушъяськисьёс, бадӟымъяськисьёс, лек ужъёсты быръйыны тыршисьёс, анай-атайзылэсь кылскисьтэмъёс,

³¹малпаськыны быгатӥсьтэмесь, оскисьтэмесь, эшъяськон но ог кыл но шедьтыны быгатӥсьтэмесь, ӟеч ужъёс лэсьтыны мылпотӥсьтэмесь.

³²Соос тодо Инмардэсь шонер судзэ, кудызъя сыӵе ужъёсты лэсьтӥсьёс виемын луыны кулэ. Нош соку асьсэос но уг дугдо урод ужъёс лэсьтэмысь, вылаз ик умоен лыдъяло мукетъёссэ но урод уж лэсьтӥсьёсты.

Chapter 2

¹Озьыен, тон простить каремын уд луы, куке тот судить кариськод мукетсэ, уго кыӵе судэн тон судить кариськод мукетсэ, сыӵе судэн ик асьтэ но осудить кариськод, малыке шуоно мукетсэ осудить карыкуд, лэсьтӥськод сое ик.

²Нош ми тодӥськомы, вань шуыса Инмарлэн судэз сыӵе ужёсты лэсьтӥсьёсын.

³Адями, тон оло малпаськод, Инмарлэн судэзлэсь ватскыны быгатод шуыса, куке осуждать кариськод мукетъёссэ, нош ачид лэсьтӥськод сыӵе ик янгыш ужъёс?

⁴Яке кулэтэм кариськод Инмарлэсь ӟеч ужъёссэ, востэмлыксэ, но Солэсь кема чиданзэ, валаны быгатытэк: Инмарлэн ӟечлыкез тонэ покаяние нуэ шуыса?

⁵Нош тынад ваменскеменыд но асьтэ янгыш лыдъянтэеныд, тон аслыд ачид люкаськод Инмарлэсь вожпотонзэ но Инмарлэсь шонер судзэ усьтӥськод,

⁶Кудыз котькудызлы сётоз солэн лэсьтэм ужъёсызъя:

⁷соосызлы, кудъёсыз ялан ӟеч ужын утчало данлык, сиё-дан но кулонтэм улон - пумтэм - быронтэм дауръёс ӵоже улон сётоз,

⁸нош кинъёс ваменско но зэмлыклы покориться уг карисько, нош шонертэм сьӧры мыно, соослы - вожпотон но вожомон.

⁹ Котькуд адямилэн лулызлы, кудыз лэсьтэ урод ужъёс, куректон - кайгу но зӥбет, нырысь ик, иудейлы, со бере греклы но!

¹⁰Нош дан, гажан но тупаса улон котькудызлы, кин ӟеч ужъёсты лэсьтэ, нырысь ик, иудейлы, со бере греклы но!

¹¹Уго Инмар тонъя - монъя адямиосты уг висъя.

¹²Соос, кинъёс, законэз тодытэк, сьӧлык лэсьтӥзы, законтэк ик бырозы, нош кинъёс законэз тодыса выльысь сьӧлык лэсьтӥзы, законъя судить каремын луозы,

¹³(малыке шуоно законэз кылзӥсьёс шонерэ уг пото Инмар азьын, нош законэз быдэсъясьёс оправдать каремын луозы.

¹⁴Уго куке язычникъёс, законэз тодытэк, законлы пумит уг лэсьто, соку, соослэн законзы ӧвӧл-ке но, соос асьсэлы асьсэос закон:

¹⁵соос возьмато, законлэн ужез соослэн сюлэмазы гожтэмын шуыса, соослэн совестьсы но соослэн малпанъёссы, яке янгыше уськыто, яке шонере потто ог-огзэс)

¹⁶со нуналэ, куке, кызьы мон ивортӥ тӥледлы благовествовать карыкум, Инмар судить кароз калыкъёслэсь лушкем ужъёссэс Иисус Христос пыртӥ.

¹⁷Тани, тон асьтэ иудей лыдъяськод, но буйгатскиськод законэн, но ушъяськиськод Инмарен,

¹⁸но тодӥськод Солэсь волязэ, но законэз дышетыса валаськод ӟечсэ,

¹⁹но оскиськод аслыд, тон синтэмъёслы валтӥсь, югыт пеймытын улӥсьёслы,

²⁰валасьтэмъёслы валэктӥсь, покчиослы дышетӥсь, законынысь тодон - валанэз но шонерлыкэз но тодӥськод:

²¹кызьы бен тон, дышетыса мукетсэ, уд дышетӥськы асьтэ ачид?

²²Калыклы вераськод лушкаськыны уг яра, нош ачид лушкаськиськод? Вераськод "калгыны кулэ ӧвӧл", ачид куспалыдлы изменять кариськод? Идолъёслэсь юрдӥсько шуиськод, нош язычникъёслэсь храмъёссэс лушкаськод?

²³Ушъяськиськод законэз тодэменыд, нош ачид тӥяськод законэз но сантэмаськод Инмарез?

²⁴Уго тӥ сэрен, кызьы гожтэмын, Инмарлэсь нимзэ сантэмало язычникъёс.

²⁵Обрезаниелэн пайдаез вань, законлэсь куронъёссэ ке исполнять кариськод, нош тон законэз тӥясь ке, соку тынад обрезаниед обрезание уз луы.

²⁶Озьыен, необрезанный быдэстэ-ке законлэсь куронъёссэ, соку солэн обрезаться кариськымтэез уз шат лыдъяськы обрезаться кариськемен?

²⁷Адями, кудыз обрезаться кариськымтэ, нош законлэсь куронъёссэ быдэстэ, уз шат судья тонэ, куке тон обрезаться но ке кариськемын, писаниез но ке тодӥськод, нош ачид законлэсь куронъёссэ тӥяськод?

²⁸Уго зэмос Иудей ӧвӧл со, кинлэн Иудейлэн тусбуйыз, зэмос обрезание но со ӧвӧл, мугорез гинэ обрезать карон,

²⁹нош соиз зэмос иудей, кудызлэн пуштросэз иудей луэ, зэмос обрезать каремез но соиз луоз, кудызлэн сюлэмыз букваен обрезать каремын ӧвӧл, нош духен - солы ушъян но адямиослэсь уз луы, нош Инмарлэсь.

Chapter 3

¹Озьыен, иудей луыны кыӵе преимуществоез, яке мар пайдаез обрезаниелэсь?

²Котькуд ласянь преимуществоез вань, тужгес но - соослы Инмар аслысьтыз кылзэ оскыса сётӥз.

³Мар бен? Куд - огъёсыз оскиськымонэсь ке но ӧй вал, соослэн оскиськымонтэзы палэнэ кароз шат Инмарлэсь оскиськымон луэмзэ?

⁴Уз. Инмар, оскиськымон, нош котькуд адями пӧялляськись, кызьы гожтэмын: "Тон шонерлыко Аслад кылад но вормод Аслад судад".

⁵Асьмелэн шонертэммы усьтэ - ке Инмарлэсь шонерлыксэ, соку мар вераломы? Оло нош Инмар шонер уг лэсьты, куке вожпотонзэ лэзе? (верасько адямилэн визьмыныз).

⁶Ӧвӧл озьы. Кызьы соку Инмар дуннеез судить карысал?

⁷Инмарлэн оскиськымонэз будэ-ке, мынам шонертэм лэсьтэм ужъёсы пыртӥ, Солэн данэз дорозь, соку малы монэ судить карыны кулэ на сьӧлык лэсьтӥсез кадь?

⁸Оло милем урод уж лэсьтоно, мед ӟеч пӧрмоз шуыса, кызьы куд огез пыкыло милемыз но верало, ми пе озьы дышетӥськомы? Приговор сыӵеослы тодмо ини.

⁹Бен мар? Вань а милям преимуществомы? Нокӧня но. Уго ми доказать каримы ини, иудейёс но грекъёс но - ваньмыз сьӧлык лэсьто,

¹⁰кызьы гожтэмын:"Одӥг адями но ӧвӧл шонер лэсьтӥсез,

¹¹ валасез но ӧвӧл, нокин но уг утча Инмарез,

¹²ваньмыз кожизы сюрес вылысь, одӥгтэм ваньмыз укылтэмесь, нокин но ӧвӧл ӟеч лесьтӥсез".

¹³"Соослэн ньылонзы - усьтэм шайгу, аслаз кылынызы пӧяллясько, соослэн ымдуразы змейинной яд".

¹⁴"Соослэн ымъёссы тырмемын куаретонэн но лекъяськонэн".

¹⁵"Соослэн пыдъёссы котьку дась вир кисьтыны,

¹⁶куашкан но бырон соослэн сюрес вылазы,

¹⁷соос уг тодо тупаса улонлэсь сюресъёссэ".

¹⁸"Ӧвӧл соослэн син азязы Инмарлэсь кышканзы".

¹⁹Нош ми тодӥськом, закон мае ке вера ке, закон улын улӥсьёслы вера, озьы ваньмыз ымъёс пытсасько, но вань дунне янгыш луэ Инмар азьын,

²⁰уго нокин но законлэн куронъёсызъя лэсьтэм ужъёсыныз шонере потыны уз быгаты Со азьын, малыке шуоно закон пыр сьӧлык шарае потэ.

²¹Нош али, законлэсь зависеть кариськытэк, усьтӥськиз Инмарлэн шонерлыкез, кудыз сярысь верало закон но пророкъёс, -

²²Инмарлэн шонерлыкез Иисус Христослы оскон пыр ваньмызлы оскисьёслы сётӥське, уго нокин но висъямын ӧвӧл,

²³малыке шуоно ваньмыз сьӧлык лэсьтӥзы но Инмарлэн данэзлэсь кельтэмын,

²⁴ шонере потыса дун басьтытэк, Инмарлэн благодатеныз, Иисус Христослэн искупить каремез пытӥ,

²⁵Кудзэ Инмар сётӥз жертвае, примириться кариськыны оскисьёсты Иисус Христослэн вирэз пыртӥ, возьматӥз шонерлыксэ, азьвыл лэсьтэм сьӧлыкъёсты простить карыса,

²⁶Инмарлэн кема чидан дыръяз, возьматӥз Аслысьтыз шонерлыксэ али дырын. Со ачиз шонерлыко но шонере поттэ Иисус Христослы оскисьёсты.

²⁷Кытын со, маин ушъяськыны быгатӥськомы? Со ӧвӧл. Кыӵе законэн?Законлэн ужъёсыныз а? Ӧвӧл, нош осконлэн законэныз.

²⁸Ми лыдъяськом, законлэн ужъёсызтэк но адями оправдаться кариськыны быгатэ осконэн шуыса.

²⁹Оло Инмар иудейёслэн гинэ Инмарзы, нош мукет калыкъёслэн ӧвӧл? Бен , мукет калыкъёслы но Со Инмар луэ,

³⁰уго одӥг Инмар, Кудыз оправдать каре обрезать каремъёсты осконзыя но обрезатькарымтэосты осконзы пыртӥ.

³¹Озьыен, ми законэз кулэтэм кариськом осконэн шат? Ум, нош ми законэз юнматиськомы.

Chapter 4

¹Мар бен вералом? Асьмелэн атаймы Авраам, мар шедьтӥз мугорыз пыртӥ?

²Авраам ужъёсыныз ке оправдаться кариськиз, соку со ушъськыны быгатэ, нош Инмар азьын уг быгаты.

³Уго мар шуэ Писание? " Оскиз Авраам Инмарлы, но со солы шонерлыкен лыдъяськиз".

⁴Тыршисьлы кузьым гажаса уг сётӥськы, нош ужамезлы уждун сётӥське.

⁵Нош тыршисьтэмлы, но оскисьлы Солы, Кин сьӧлыке усем адямиез шонере поттэ, солэн осконэз шонерлыкен лыдъямын луоз.

⁶Озьы ик Давид но шудоен нима адямиез, кудзэ Инмар, ужъёсыз шоры учкытэк, шонерлыкоен лыдъя:

⁷"Шудоесь, кинъёслэн беззакониезы простить каремын, но кинъёслэн сьӧлыкъёссы вунэтэмен.

⁸Шудо со адями,, кинлэсь сьӧлыксэ Инмар лыдэ уз басьты".

⁹Та благословение лыдъяське обрезатся кариськемъёслы яке обрезаться кариськымтэослы? Ми вераськом, Авраамлы солэн осконэз шонерлыкен лыдъяськиз шуыса.

¹⁰Ку лыдъяськиз : обрезаться кариськем бераз яке обрезаться кариськемезлэсь азьло? Обрезаться кариськемезлэсь бере ӧвӧл, нош обрезаться кариськемезлэсь азьло.

¹¹Но обрезаниелэсь пуссэ со басьтӥз шонерлыклэсь печатьсэ кадь, кудыз вал солэн обрезаться кариськемезлэсь азьло, озьы со луиз ваньмызлэн оскисьёслэн атайзы обрезаться кариськытэк, соослы но шонерлыкен мед лыдъяськоз шуыса,

¹²обрезаннойёслэн но атайзы луиз, обрезание гинэ лэсьтӥсьёслы ӧвӧл, нош асьмелэн Авраам атаймылэн обрезаться кариськемезлэсь азьло ик оскон сюрес легем кузяз ветлӥсьёслы.

¹³Уго, закон пыртӥ ӧз сёты Инмар Авраамлы но солэн выжыезлы кылзэ луыны дуннелы наследник, нош осконлэн шонерлыкез пыртӥ.

¹⁴Закон пыртӥ луысалзы ке наследникъёс, соку оскон пайдатэм, Инмарлэн кыл сётэмез но номыре уг сёт,

¹⁵уго законлэсь потэ вожпотон, нош кытын закон ӧвӧл, отын ӧвӧл йыружъёс но.

¹⁶Озьыен, закон пыртӥ гинэ ӧвӧл, нош осконэн, Инмар Аслаз благодатеныз сётэ кыл кутэмзэ ваньмызлы Авраамлэн выжыосызлы, нош Авраам луэ вань калыклы атаен,

¹⁷кызьы гожтэмын: " Мон пуктӥ тонэ Атай луыны тросс калыкъёслы" Инмар азьын, Кудызлы со оскиз, кулэмъёсты улэп лэсьтӥсь, ӧвӧлэз вань шуыса нимась.

¹⁸Со оскиськонлэсь тросгес оскиз оскиськыса, луыны понна тросс калыкъёслы атаен, кызьы гожтэмын:" Тынад выжыед сокем тросс луоз".

¹⁹Осконэныз лябӟытэк, со ӧз но малпалля, солы сю арес матектӥз но солэн мугорыз куасьмемын ини шуыса, Сарралэн но пушкыз куасьмемын,

²⁰одӥг но ӧз куалекты оскыса Инмарлэн кыл кутэмезлы, Инмарез данъяса юн кылиз осконэн

²¹сомневаться кариськытэк Авраам оске вал Инмар кутэм кылзэ быдэстоз шуыса.

²²Соин ик сое Инмар шонерлыко шуыса лыдъяз.

²³Нош со сярысь гинэ гожтэмын ӧвӧл Писаниын, сое Инмар шонерлыко лыдъяз шуыса,

²⁴нош ми сярысь но гожтэмын : шонерлыко лыдъялоз сое, кин оскоз Инмарлы, Кудыз асьмелэсь Кузёмес Иисус Христосэз улӟытыса кулэмысь ӝутӥз,

²⁵Кудыз предать каремын вал асьмелэн сьӧлыкъёсмы понна, но кулэмысь улӟыса султӥз асьмеды шонерлыке поттыны.

Chapter 5

¹Озьыен, осконэн оправдаться кариськыса, ми тупаса улӥськом Инмарен асьмелэн Кузёмы Иисус Христос пыртӥ,

²Кудыз пыртӥ осконэн милемлы сётэмын благодать, кудыз котьку миленым но кудызлы ми шум потӥськом оскиськыса Инмарен данэзлы.

³Озьы ик шум потӥськом курадзёнъеслы но, тодыса курадзёнъёс чиданы дышето шуыса,

⁴чиданлэсь тодон - быгатон, тодон - быгатонлэсь оскиськон,

⁵нош оскиськон уг возьдаськыты, уго Инмарлэн яратонэз тырмытӥз асьмеослэсь сюлэмъёсмес асьмелы сётэм Святой Духен.

⁶Уго Христос азьласянь тодмо дырын, куке асьмеос лябесь вал на, кулӥз сьӧлыкен улӥсьёс понна.

⁷Кин ке улонзэ сётоз шат шонерлыко адями понна? Коть ӟеч адями понна кин ке улонзэ сётыны мылкыд кароз ик дыр.

⁸Нош Инмар асьмелы Аслысьтыз яратонзэ возьматыса, сётиз Христосэз кортчоганы ми понна, куке ми сьӧлык лэсьтыса улӥськомы на вал.

⁹Уката но али, Солэн вирыныз шонере потыса, утиськомы Соин вожпотонлэсь.

¹⁰Уго куке ми, тушмонъёс вал, тупатскимы Инмарен Солэн Пиезлэн кулонэз пыр, соку уката но, кусыпъёсмы тупам бере, Солэн улонэныз.

¹¹Туж гес но, ушъяськиськом Инмарен асьмелэн Кузёмы Иисус Христос пыртӥ, Кудыз пыртӥ милям кусыпъёсмы тупатскизы Инмарен.

¹²Соин ик, кызьы одӥг адями пыртӥ сьӧлык пырӥз дуннее, но сьолыкен - кулон, озьы ик кулон лыктӥз вань калык доры, малыке шуоно вань калыкъёс сьӧлык лэсьтӥзы.

¹³Уго закон сётэмлэзь азьло ик сьӧлык вал ни дуннеын, нош сьӧлык уг лыдъяськы сьӧлыкен закон ӧвӧл дыръя.

¹⁴Адам дырысен Моисей дырозь кулон кузёяське вал, кин ӧз лэсьты Адамлэн сьӧлыкезлы тупась ужъёсты соос вылын но. Адам луэ азьпалан улонлэн тусбуез.

¹⁵Нош Инмарлэн благодатезлэн кузьымез сьӧлык лэсьтэмлы уг укша. Уго, одӥг адямилэн сьӧлык лэсьтэмез сэрен тросс адямиос кулӥзы бере, соку уката но Инмарлэн благодатез но благодатезъя кузьымез одӥг Адямилэн, Иисус Христослэн, пачылмыса сётэмын троссэзлы.

¹⁶Инмарлэн кузьымез одӥг адямилэн сьӧлык лэсьтэменыз ӵошатыны уг луы, уго одӥг йыруж понна - приговор, нош благодатьлэн кузьымез - тросс сьӧлыкъёслэсь мозмытыса шонере поттон.

¹⁷Уго одӥг адямилэн сьӧлыкез понна но со одӥг адями пыртӥ кулон кузёяськыса улӥз, соку уката но уно благодатез но шонерлыко кузьымез басьтӥсьёс кузёяськозы улонын одӥг Иисус Христос пыртӥ.

¹⁸Соин ик кызьы одӥг муртлэн йыруж лэсьтэменыз - вань калыкъёс осудить каремын, озьы ик одӥг муртлэн шонерлыкез пыртӥ тросэз шонерлыкоесь луозы.

¹⁹Уго кызьы одӥг муртлэн кылзӥськымтэеныз тросэз сьӧлыке усизы, озьы ик одӥг муртлэн кылзӥськеменыз тросэз шонерлыкоесь луозы.

²⁰Закон нош сётэмын вал берло, соин сэрен уноязы йыружъёс. Нош ку унояз сьӧлык, Инмарлэн благодатезь но унояз,

²¹уго, кызьы сьӧлык кузёаськыса нуэ вал кулонэ, озьы ик благодать кузё луиз асьмелэн Иисус Христос Кузёмылэн шонерлыкез пыртӥ, кудыз нуэ пумтэм - быронтэм улонэ.

Chapter 6

¹Озьыен, мар вералом? Сьӧлыкын улыса а асьмелы кылёно, благодать уноян понна? Озьы луы кулэ ӧвӧл!

²Ми кулӥмы сьӧлыклы: кызьы ми уломы на соин?

³Уд шат тодӥське, ми ваньмы, Иисус Христос пушкы крестится кариським, Солэн кулоназ креститься кариськимы?

⁴Озьыен, ми, креститься кариськыса, ватӥмы асьмедыз Христосэн ӵош кулонэ, кызьы Христос, Атаезлэн данэныз кулэмысь улӟыса султӥз, озьы ик ми но ветломы выльдэм улонын.

⁵Ми Соин герӟамын ке Солэн кулонэныз, соку герӟамын луыны кулэ улӟыса султэменыз но,

⁶тодыса, асьмелэн вашкала адямимы Иисусэн ӵошен кортӵогамын шуыса, сьӧлыко мугормы медаз ни кузёяськы миленым но ми медаз ни луэ сьолыклы рабен,

⁷малыке шуоно кулэмез мозмытскоз сьӧлыклэсь.

⁸Нош ми оскиськомы ке Христосэн ӵош кулэммылы, соку оскиськомы Соин ӵош уломы шуыса,

⁹тодыса, Христослэсь кулэмысь улӟыса султэмезлэсь, но тодыса, Со уз ни кулы шуыса: кулон уз нӥ быгаты кузёяськы Соин.

¹⁰Уго, Со кулӥз ке, кулӥз одӥг пол сьӧлык сэрен, нош улэ ке, улэ Инмар понна

¹¹Озьы тӥ но лыдъялэ асьтэосты кулэмен сьӧлык понна, нош улэпен Инмар понна асьмелэн Кузёмы Иисус Христос пушкын.

¹²Сьӧлык медаз кузёяськы тӥляд кулоно мугорады, солэсь мылпотонъёссэ быдэсъяса,

¹³но эн сётэ мугордылэсь люкетъёссэ сьӧлык лэсьтыны, медам соос луэ шонертэмлэн тӥрлыкез, нош кулонлэсь мозмытскыса сётэ асьтэды Инмарлы, нош мугор люкетъёстэс шонерлыклы тӥрлык карыса сётэ.

¹⁴Сьӧлык кузёяськыны кулэ ӧвӧл тӥледын, уго тӥ закон улын ӧвӧл нош благодать улын.

¹⁵Мар бен? Сьӧлык лэсьтомы шат асьмеос закон улын ӧвӧл, нош благодать улын шуыса? Ноку но уз луы озьы!

¹⁶Тӥ уд тодӥське шат кин улэ ти сётиськоды асьтэды рабез кадь, солы ик тӥ рабъёс: яке сьӧлыклэн рабъёсыз мынӥськоды кулонэ, яке кылзиськиськоды Инмарлэсь, кудыз шонерлыко улонэ нуоз?

¹⁷Тау Инмарлы, куке но тӥ вал сьӧлыклэн рабъёсыз, нош али вань сюлэмыныды кылзӥськоды Христослэсь дышетонзэ, кудызлы асьтэды сӥзиды.

¹⁸Но али, мозмытскыса сьӧлыклэсь, тӥ шонерлыклэн рабъёсыз луиды.

¹⁹Верало валан кылъёсын: кызьы ти сётчалляды мугордылэсь люкетъёссэ законлы ярантэм кырсь ужъёслы рабствое, нош али сётэлэ мугордылэсь люкетъёссэ святой ужъёслы шонерлыклэн рабъёсыз луон понна.

²⁰Уго, куке тӥ вал сьӧлыклэн рабъёсыз, шонер улонлэсь палэнын вал.

²¹Кыӵе емышты тӥляд соку? Сыӵе ужъёслэсь тӥледлы али возьыт, уго соослэн пумзы - кулон.

²²Нош али, куке тӥ мозмытскимы сьӧлыклэсь но Инмарлы рабъёс луиды, тӥляд емышты луиз святость, нош пумыз - пумтэм дауръёс ӵоже улон.

²³Уго сьӧлык понна расплата - кулон, нош Инмарлэн кузьымез - асьмелэн Кузёенымы Иисус Христосэн пумтэм дауръёс ӵоже улон.

Chapter 7

¹Вынъёсы,тӥ уд шат тодӥське, - тае законэз тодӥсьёслы верасько - закон кузёяське адямиен, куке со улэп?

²Бызем кышномурт герӟямын законэн улэп кузпалыныз, но ку картэз кулоз, соку кышномурт герӟямын ӧвӧл ини соин законэн.

³Соин ик, картэз улэп дыръяз бызиз ке мукет пиосмуртлы, калгись кышномуртэн нимамын луоз, нош картэз кулӥз ке, со куспалъяськон законлэсь мозмемын, но мукет пиосмуртлы бызиз ке, калгись кышномуртэн уз лыдъяськы.

⁴Озьы ик тӥ но, вынъёсы, законлы кулӥды Христослэн мугорыз пыртӥ, нош али тӥ, Инмарлы емыш ваён понна, кулэмысь улӟыса султэм Иисус Христослэн луиськоды.

⁵Куке ми мугорлэн куронэзя улӥмы, соку сьӧлыко мылпотэмъёс, кудъёссэ закон адӟытылӥз, кузёяськылӥзы асьмелэн мугормылэн люкетъёсыныз, кулонлэсь емышсэ вайён вылысь,

⁶нош табере, кулыса закон понна, кудыныз асьмеос керттылэмын вал, мозмытскимы солэсь, но али, букваен ӧвӧл, нош выльдӥськем духен Инмарлы служить кариськомы.

⁷Мар вераны? Шат сьӧлык закон бордысь потэмын? Ӧвӧл. Нош сьӧлыкез мон тодӥ закон пыр гинэ. Мон ӧй но тодысал муртлэсь мылкыд каронъёсты, закон ке ӧй верасал:" Муртлэсь мылкыд эн кары".

⁸Нош сьӧлык, заповедьысь адӟем карыса, мон пушкун кылдытӥз котькыӵе мылпотэмъёс, малыке шуоно сьӧлык законтэк улэп ӧвӧл.

⁹Куке-но мон законтэк улӥ, нош ку вуиз заповедь, сьӧлык улӟиз,

¹⁰нош мон кулӥ, озьыен заповедь, кудыз сьётэмын вал мыным улыны, монэ кулонэ вуттӥз

¹¹уго сьӧлык, адӟем карыса заповедьысь, пӧяз монэ но со пыртӥ вииз.

¹²Соин ик закон святой, заповедь но святой, шонерлыко но ӟеч.

¹³Озьыен, шат ӟечез мон понна кулон вайись луиз? Ӧвӧл, нош сьӧлык, аслысьстыз пуштроссэ ӟечез пыртӥ возьматыса. монэ кулонэ вуттэ. Озьы бере,заповедь пыртӥ усьтӥське сьӧлыклэн кышкыт пуштросэз

¹⁴Уго асьмеос тодӥськомы, Инмарлэн законэз духовной шуыса, нош мон мугоро, сьӧлыклы вузамын.

¹⁵Мон уг валаськы, мар лэсьтӥсько, уго уг лэсьтӥськы сое, мае лэсьтэме потэ, нош лэсьтӥсько сое, мае адӟемпотӥсьтэм карисько.

¹⁶Нош лэсьтӥсько ке сое, мае лэсьтэме уг поты, соку законэн соглаш луисько, со ӟеч шуыса,

¹⁷соин ик мон уг ни лэсьтӥськы, нош мон пушкын улӥсь сьӧлык лэсьтэ.

¹⁸Тодӥсько уго, мынам мугоры пушкын ӟечез уг улы, малыке шуоно мынам вань мылкыды лэсьтыны ӟечсэ, нош уг быгатӥськы лэсьтыны сое.

¹⁹Ӟечсэ, кудзэ мылкыд карисько, уг лэсьтӥськы, нош уродзэ, кудзэ лэсьтэме уг поты, лэсьтӥсько.

²⁰Мае лэсьтэме уг поты сое ке лэсьтӥсько, сое мон ачим уг ни лэсьтӥськы. нош лэсьтэ мон пушкын улӥсь сьӧлык.

²¹Озьыен, мон валай законэз: куке лэсьтэме потэ ӟечсэ, монэ кыске лек ужзлы

²²Уго мон аслам пушкысь адямиеным Инмарлэсь законысьтыз шумпотон басьтӥсько,

²³нош мугорылэн люкетъёсаз мукет законэз адӟисько, кудыз пумит султэ мынам йырвизелэн законэзлы но мынам мугор люкетъёсам кузёяськыса, монэ сьӧлыко законлэн пленаз возе.

²⁴Шудтэм мон адями! Кин мозмытоз монэ та кулоно мугорылэсь?

²⁵Тау карисько асьмелэ Инмармес асьмелэн Кузёмы Иисус Христос пыртӥ.

²⁶Озьы бере, мон аслам йырвизьмыным Инмарлэн законэзлы тыршисько, нош мугорыным - сьӧлыклэн законэзлы.

Chapter 8

¹Озьыен, туннэ уг яра судить карыны соосты, кинъёс Иисус Христос пушкын уг уло мугорын, нош духен уло,

²уго Иисус Христослэн духезлэн улон понна законэз мозмытӥз монэ сьӧлыклэн но кулонлэн законэзлэсь.

³Малыке шуоно законэз, кудзэ лябомытӥз мугорлэн сьӧлык лэсьтэмез, быдэстыны уг луы вал, соин ик Инмар келяз Аслысьтыз Пизэ сьӧлыко мугорлы тупась мугорын жертвае сьӧлык понна но судить кариз мугорысь сьӧлыкез,

⁴законлэн шонере потонэз мед быдэсмоз шуыса асьмеос пушкын, куке асьмеос могоръя ум нӥ улӥське нош духъя,

⁵малыке шуоно мугоръя улӥсьёс малпасько могорлэнэз сярысь, нош духъя улӥсьёс - духовной сярысь

⁶Мугорлэн малпаськонъёсыз - со кулон, нош духлэн малпаськонъёс - улон но тупаса улон.

⁷Мугорлэн малпаськонъёсыз - Инмарлы пумит тушмонъясько, малыке шуоно Инмарлэн законэзлэсь уг но кылзӥсько, уг но быгато кылзӥськыны.

⁸Соин ик кин мугоръя улэ, со уг быгаты кельшыны Инмарлы.

⁹Нош тӥ уд улӥське мугоръя, нош духъя, Инмарлэн Духез зэм ик тӥ пушкын улэ ке. Нош кинлэн ке ӧвӧл ке Христослэн Духез, со Солэн но ӧвӧл.

¹⁰Нош Христос тӥ пушкын ке, соку мугор сьӧлык понна кулэмын, нош дух улэп шонерлыко улон понна.

¹¹Солэн Духез, Кин кулэмысь улӟытыса ӝутӥз Иисусэз, улэ тӥ пушкын, соку Христосэз кулэмысь улӟытыса Ӝутӥсь, тӥлесьтыд но мугордэс кулэмысь ӝутоз Святой Духен, кудыз тӥ пушкын улэ.

¹²Озьыен, вынъёс, асьмеослы кулэ ӧвӧл мугормылэсь кылзӥськыны, мугоръя улон понна

¹³улӥськоды ке мугорэн - кулоды, нош кулытӥськоды ке мугорлэсь ужъёссэ духен - улоды.

¹⁴Уго ваньмыз, Инмарлэн Духеныз валтэмъёс, Инмарлэн пиосыз луо.

¹⁵Уго тӥ, выльысь кышкаса улоно медам луы шуыса ӧд басьтэ рабстволэсь духсэ, нош басьтӥды Духез, Кудыз асьмедыз лыдъяз Аслаз нылпиосыныз. Но со Духен черетскыса вазиськиськом:"Авва, Атай!" шуыса.

¹⁶Ачиз ик та Дух ивортэ асьмелэн духмылы, ми пе - Инмарлэн нылпиосыз.

¹⁷Нош нылпиос ке, соку наследникъёс но, Инмарлэн наследникъёсыз, Христослэн сонаследникъёсыз, Соин ӵошен курадӟиськомы ке, Соин ӵошен данъяськиськомы но.

¹⁸Малпасько, али огдырлы курадӟёнъёс номыр но уг сыло ӵошатыса данъяськонэн, кудыз усьтӥськоз ми пушкын.

¹⁹Уго кылдытэм осконлыкен вите, Инмарлэн нылпиосызлэсь усьтӥськонзэс,

²⁰малыке шуоно кылдытэм кулэтэм выронъёс ки улэ ӧз сётӥськы ас мылкыдыныз, нош сое ки улаз Басьтӥсьлэн воляезъя, оскиськыса,

²¹ачиз кылдытэм Инмарлэн нылпиосызлэн данлыко свободаязы мозмытэмын луоз сисьмонлэн рабствоысьтыз шуыса.

²²Уго тодӥськом, кызьы вань кылдытэм ӝуштэ но курадӟе али но,

²³кулдытэм гинэ ӧвӧл, нош ми асьмеос но, ????

²⁴Уго ми спастись кариськемын оскиськонэн. Оскиськон нош, куке адӟе, оскиськон ӧвӧл ини, уго кин ке адӟе ке, соку малы солы оскиськыны кулэ на?

²⁵Нош куке оскиськиськом солы, мае ум адӟиське, соку чидаса витиськом.

²⁶Озьы ик Дух юрттэ асьмелы асьмеослэн лябъёсамы, уго ми ум тодӥське, мар сярысь но кызьы вӧсяськыны, нош Ачиз Дух куре асьмеос понна ӝуштыса, кудзэ вераны уг луы кылын.

²⁷Сюлэмзэ эскерись тодэ, мар малпа Дух, уго Со Инмарлы оскисьёс понна дур басьтэ Инмарлэн воляезъя.

²⁸Нош тодӥськомы, Инмарез яратӥсьёслы, кудъёсыз ӧтемын Солен воляезъя, ваньмыз ӟечен берытске.

²⁹Уго кинэ Со азьласянь тодӥз, соосты ик Со азьласянь быръйз луыны Солэн Пиезлы тупасес, Со мед луоз шуыса Нырысетӥез тросс вынъёс куспын.

³⁰Нош кинэ Со азьласянь быръйиз, соосты ик ӧтиз, нош кинэ ӧтиз, соосты ик оправдать кариз, нош кинэ оправдать кариз, соосты ик данъяз.

³¹Мар вераны талы? Инмар ке ми понна, кин асьмелы пумит?

³²Со Кин ӧз жаля Аслысьтыз Пизэ, но сётӥз Сое асьмеос понна, соку уз шат сёты Пиеныз ӵошен ваньзэ?

³³Кин Инмарлэсь быръемъёссэ янгыше уськытоз? Инмар соосты оправдать кароз.

³⁴Кин быгатэ Инмарлэсь быръемъёссэ судить карыны? Иисус Христос кулӥз но, - улӟыса султӥз но : Со Инмарлэн бур палаз, Со ик ми понна дур басьтоз.

³⁵Кин висъялоз асьмеосты Инмарлэсь яратонэзлэсь: куректон-а, яке пачкатыса возён, яке улляса возён, яке сютэм улон, яке куанере кылён, яке кышкытлык, яке ожтрлык? Кызьы гожтэмын:

³⁶"Тон понна вийыло асьмедыз котькуд нунал, милемыз чошато вандыны дасям ыжъёсын".

³⁷Нош ваньзэ тае вормисько асьмеды Яратӥсьлэн кужыменыз.

³⁸Малыке шуоно мон оскисько, кулон но, улон но, ангелъёс но, кутсконъёс но, кужымъёс но, алиез но, вуоноез но,

³⁹ӝужыт но, мур но, нокыӵе но мукет кылдытэм асьмелэсь Кузёмы Иисус Христосмы пушкын Инмарлэн яратонэзлэсь люкыны уг быгато.

Chapter 9

¹Мае верасько со зэм, уг пӧяськы, уго мон Христослэн адямиез, Святой Духен улӥсь лулы но мыным сое ик вера,

²мон понна туж бадӟым куректон но котьку кӧтжож мынам сюлэмам:

³мугоръя выжыысьтым вынъёсы понна мон ачим Христослэсь монэ палэнэ каронлы дась,

⁴мон верасько израельтянъёс сярысь, кудъёссэ Инмар Аслаз нылпиосыныз лыдъяз, соослы сётиз дан, заветъёс, закон, богослужение но сӥземъёс,

⁵соос мугоръя чыжы - выжызы Христослэн, Кудыз пумтэм данъямон, Со Инмар луэ вань калыкъёслы, аминь.

⁶Мон уг вераськы Инмарлэн кылыз ӧз быдэсмы шуыса, уго ваньмыз ӧвӧл израельтянинъёс, кинъёс Израильлэсь потэмын вал,

⁷озьы ик Авраамлэн но ваньмыз ӧвӧл нылпиосыз, кудъёсыз солэсь, уго гожтэмын:" Исааклэн гинэ выжыез лыдъямын луоз тынад выжыеныд".

⁸Мукет сямен вераса, мугоръя нылпиос уг лыдъясько Инмарлэн нылпиосыныз, нош сӥземъя нылпиос гинэ лыдъясько Инмарлэн шуыса.

⁹Нош сӥзем кыл таӵе:"Та дыре ик лыкто, но Сарралэн пиез луоз".

¹⁰Одӥг та гинэ ӧвӧл, озьы вал Ревеккаен но, куке со секытэн кыктоен луиз асьмелэн Исаак атаймылэсь.

¹¹Уго, куке соос ӧз но вордӥське на вал но ӧз лэсьтэ ӟечсэ но уродзэ но, Инмарлэн воляез мед быдэсмоз шуыса быръём ласянь -

¹²ужъёслэсь ӧвӧл, нош Ӧтисьлэсь - солы верамын вал:" Бадӟымез раб луоз покчиезлы",

¹³кызьы гожтэмын:"Мон яратӥ Иаковез, нош Исавез адӟемпотостэм кари".

¹⁴Мар бен вераны? Оло Инмар шонер уг лэсьты? Ӧвӧл озьы.

¹⁵Соин ик Со вера Моисейлы:" Кинэ помиловать кароно, помиловать каро, кинэ жаляно, жаляло".

¹⁶Озьыен, помилование уг луы мылкыд карисьлэсь но тыршисьлэсь но, нош милость сётӥсь Инмарлэсь.

¹⁷Озьы Писание фараонлы вера:" Тон вылын возьматыны Аслысьтым кужымме но Мынам нимы мед верамын луоз шуыса быдэс дунне вылын, тӥни ма понна Мон пуктӥ тонэ".

¹⁸Озьыен, кинэ миловать каремез потэ - миловать каре, нош кинэ лекомытэмез потэ - лекомытэ.

¹⁹Оло тон юалод мынысьтым:" Ма понна сое янгыше уськыто? Кин пумит луоз Солэн воляезлы?"

²⁰Нош кин тон, адями, Инмарен споръяськыны дӥсьтӥськод? Вералоз шат горшок сое лэсьтӥсьлы:" Малы тон монэ сыӵе лэсьтӥд?"

²¹Горшок лэсьтӥсь дасям гордсюйезлэсьз уг быгаты шат лэстыны одӥгзэ посудазэ сиё - дано макеосты возён понна, нош мукетсэ - ог шоры яке пож макеосты возьыны?

²²Инмар, мылкыд карыса возьматыны Аслысьтыз вожпотонзэ но кужымзэ, кема чидаса возиз быттыны дасям вожпотон сосудъёсты,

²³возьматон вылысь Аслысьтыз данэзлэсь быдӟымлыксэ милосердиелэн сосудъёсыз вылын, кудъёсыз азьвыл ик дасямын вал Соин данлы,

²⁴асьмеос вылын, кудъёссэ Со иудейёс пӧлысь гинэ ӧз ӧтьы, нош мукет калыкъёс пӧлысь но?

²⁵Кызьы Со Осия пыр вера:" Калыкез, кудыз Мынам ӧвӧл - Мынам шуыса нимало, яратонтэмзэ - яратоноен".

²⁶" Но со интыын, кытын верамын соослы:" Тӥ - Мынам калыке ӧвӧл", отын нимамын луозы улэп Инмарлэн нылпиосыныз".

²⁷Нош Исаия Израиль сярысь ивортэ:" Израильлэн нылпиосыз море луо мында ке луысалзы, утиськозы кылемез гинэ,

²⁸уго Кузё- Инмар ужзэ йылпумъя ини но ӝоген ӝегатскытэк шонерлыкен быдэстоз ужзэ музъем вылын".

²⁹Но кызьы азьвыл ик вераз вал Исаия:" Кузё - Инмар Саваоф ӧй ке кельтысал асьмелы выжыос, соку ми Содом но Гоморралэсь улонзэ улысалмы".

³⁰Мар бен вераны? Мукет калыкъёслы, кудъёсыз шонерлыкез ӧз утчалэ, сётэмын вал шонерлык - шонерлык оскон пыртӥ,

³¹нош Израиль утчаса шонерлыкез закон пыртӥ, озьы ик ӧз шедьты сое.

³²Малы бен? Малыке шуоно оскон пыртӥ ӧз утчалэ, нош законлэн ужъёсаз. Соин ик ӵемтӥзы ӵемтон из борды,

³³кызьы гожтэмын:" Тани, Сионэ ӵемтон но сьӧлтаськон из понӥсько, но котькудыз Солы оскись мурт возьытэ уз кыльы".

Chapter 10

¹Вынъёсы! Сюлмысьтым мылкыд карисько но Инмарлы вӧсяськисько Израиль сярысь - солэн утиськонэз понна.

²Мон ачим адӟисько, соос сюлмысьтызы Инмар понн тыршо, нош валатэк.

³Уго, валатэк Инмарлэсь шонерлыксэ но возьматыны тыршыса асьсэлэсь шонерлыксэс, соос ӧз быгатэ Инмарлэн шонерлыкезлэсь кылзиськыны,

⁴малыке шуоно законлэн пумыз - Христос, кудыз котькуд оскись муртэз шонере поттоз.

⁵Моисей шонерлык сярысь гожтэ закон пыртӥ :" Адями, кудыз сое быдэстоз улоз соин".

⁶Нош оскон пыр шонерлык вера тазьы:"Аслад сюлэмад эн вера : кин инме тубоз?", Христосэз васькытыны.

⁷Яке:" кин васькоз пыдэстэм интые?", Христосэз кулэмысь ӝутон понна.

⁸Нош мар вера Писание? " Матын тыныд Инмарлэн Кылыз, со тынад кыл йылад но тынад сюлэмад", осконлэн кылыз, кудзэ проповедовать кариськом.

⁹Уго ачид ке исповедовать карид Иисус Христосэз Кузёен но оскид аслад сюлэмыныд, Инмар Христосэз улӟытыса ӝутӥз кулэмысь шуыса, соку мозмод,

¹⁰уго сюлэмын оско шонерлыке, кылын исповедовать каро мозмонлы.

¹¹Писание вера уго:"Котькудыз, Солы оскись мурт, возьытэ уз усьы".

¹²Татын ӧвӧл нокыӵе но пӧртэмлык иудей но грек куспын, малыке шуоно одӥг Кузё - Инмар ваньмызлы, узыр ваньмыз понна кин Сое ӧтёз.

¹³Уго "котькудыз, кин ӧтёз Инмарлэсь нимзэ, утиськоз".

¹⁴Нош кызьы вӧсяськыны Солы, Кинлы ӧм оске? Кызьы оскыны Солы, Кин сярысь ӧм кылылэ? Кызьы кылыны проповедник ке ӧвӧл?

¹⁵Но кызьы проповедовать карыны, келямын ке ӧз луэ? Гожтэмын:" Макем чебересь пыдъёссы тупаса улонэз но Ӟеч Иворез ивортӥсьёслэн!"

¹⁶Нош ваньмыз ӧз кылзӥське Ӟеч Иворез. Исаия вера:" Кузё - Инмар! Кин оскиз милям дышетэммылы?"

¹⁷Озьыен, оскон - кылэмлэсь, нош кылэм - Инмарлэн кылызлэсь.

¹⁸Нош юасько : соос ӧз шат кылылэ? Кылытэк ӧз улэ, уго гожтэмын:" Соослэн куаразы чузъяськиз быдэс музъем вылын но соослэн кылзы вӧлмиз дуннелэн пумозяз".

¹⁹Нош ик юасько :" Израиль уг тоды шат вал? Моисей нырысь ик вераз вал:" Мон сайкатыто тӥлесьтыт вожан сямдэс, соосын, кинъёсты калыкен уг лыдъяло, тодыны валасьтэм калыкен, вождэс потто".

²⁰Исайя кышкатэк вера:" Монэ шедьтӥзы кинъёс ӧз утчаллялэ Монэ. Мон Мыным вазиськытэмъёслы усьтӥськи".

²¹Нош Израиль вера:" Мон быдэс нунал ӵоже киосме мычыса вози ваменэс но кылзиськисьтэм калыклы".

Chapter 11

¹Озьыен, юасько: шат Инмар Аслысьтыз калыксэ палэнэ кариз? Нокызьы но ӧз. Уго мон ачим но - Израельтянин, Авраамлэн кидысэзлэсь, Вениаминлэн выжыысьтыз.

²Инмар палэнэ ӧз кары аслысьтыз калыксэ, кудзэ Со тодэ вал азьласянь. Яке уд тодӥське, мар гожтэмын Писаниын Илия сярысь? Кызьы со ӝоштӥськылӥз Инмар

³"Кузё-Инмаре! Тынысьтыд пророкъёстэ виылӥзы, Тынысьтыд жертвенникъёстэ куашкатӥзы, огням мон кыли, монэ но утчало виемзы потэмен".

⁴Солы Инмар кызьы вераз? "Мон кельтӥ Аслым сюрс адями, кудъёсыз ӧз пыдесъяське Ваалл азьын".

⁵Озьы ик али но благодатья быръемъёс кылизы на.

⁶Нош Инмар быръйиз ке благодатья, соку ужъёсъя ӧвӧл, уго благодать соку ӧй ни луысал благодать. Нош ужъёсъя ке, со ӧвӧл ини со благодать - мукет сямен ке, уж ӧвӧл ни уж.

⁷Мар бен? Израиль ӧз шедьты мае утчаз, шедьтӥзы быръемёсыз гинэ, нош мукетъёсыз лекомизы.

⁸Кызьы гожтэмын:"Инмар соослы сётӥз изёно дух, сиёнъёс кудъёсынызы адӟыны уг луы, пельёс, кудъёсынызы али но кылыны уг луы".

⁹Давид вера:"Соослэн шулдыръяськон - юонзы мед луоз соослы наказание: сьӧлтэт, вы но кыӵес,

¹⁰соослэн синъёссы мед пытсаськозы ноку но адӟёно луонтэм, шутэтсконэз но медаз тодэ соос".

¹¹Озьыен юасько: соос шат ӵемтӥзы, ноку но султыны быгатонтэм? Озьы ӧвӧл. Но соослэн усемзы - мукет калыклы мозмытскон, соослэсь вожанзэс сайкатыны.

¹²Иудейёслэн усёнзы ваиз ке благославение дуннелы, но соослэн усемзы - благославение язычникъёслы, соку соослэн тыр луонзы ваёз на бадӟымгес но благославение.

¹³Тӥледлы верасько, язычникъёс, язычникъёслэн апостолзы кадь, мон данъяло аслысьтым тыршемме.

¹⁴Вожанзэс уг а меда сайкаты аслысьтым калыкелэсь но уг а меда мозмыты куд огзэ соос пӧлысь?

¹⁵Соин ик соосты палэнтэм - дуннелы Инмарен кусып возён, соку Иудейёсты Инмарлэн бордаз басьтэмез, кулэмысь улӟыса султэм кадь ӧвӧл - а?

¹⁶Нырысетӥез емыш ке святой, соку мукетъёсыз но емышъёс святоесь, озьы ик выжыез святой ке, соку вайёсыз но святоесь.

¹⁷Нош кудогез вайёсыз чигиськозы ке, нош тон, кыр маслинапу, бурмытэиын вал соослэн интыязы но огъя луид выжыеныз но сокеныз маслинапулэн,

¹⁸соку эн вылтӥясь вайёс азьын. Нош вылтӥяськиськод ке, тодад вай, тон вылын выжы уг буды, нош тон выжы вылын.

¹⁹Верад ке :" Вайёс чигизы, монэ бурмытон понна".

²⁰Туж умой. Соос осконзы ӧвӧлен чигиськизы, нош тон осконэныд возиськиськод, эн вылтӥяськы, нош кышкаса ул.

²¹Уго Инмар ӧз ке жаля маслинапулэсь вайёссэ, сак лу, жалялоз а Со тонэ.

²²Озьыен, адӟиськод Инмарлэсь ӟечлыксэ но юнзэ: юнэз усемъёслы, нош тыныд ӟечсэ, Инмарлэн ӟечлыказ ке кылид, нош ӧд ке ӵогемын луод.

²³Но соосыз но, оскытэк ке ӧз улэ, бурмытэмын луозы, уго Имарлэн вань властез бурмытыны соосты выльысь.

²⁴Малыке шуоно тон ӵогемын ке вал кыр маслинапу бордысь, но бурмытэмын вал ӟеч маслинапу борды, соку уката но ӟеч маслинапу бордысь азьло ӵогем вайёс бурмытэмын луозы асьсэлэн маслинапу бордазы.

²⁵Соин ик, вынъёсы, тодытэк кельтэме уг поты та лушкем возем зэмлык сярысь - асьтэос сярысь вылтӥяськыса медаз малпалэ шуыса - лекомон Израиле вуиз оглюкетэз доры, со дырозь - язычникъёслэн тырмыт лыдзы пырытчёзь

²⁶Озьы утиськоз быдэс Израиль, кызьы гожтэмын:" Сионысен лыктоз Мозмытӥз, но палэнтоз Иаковез уродлэсь.

²⁷Но та сӥзён Мынысьтым, куке соос вылысь сьӧлыкъёссэс палэнэ каро".

²⁸ Ӟеч Иворез палэнэ каремзы понна соос тушмонъёс Инмарлы - нош тӥледлы солэсь пайда, озьы ке но, кызьы сӥземын вал атайёссылы, иудейёс, кылизы Солэн быръёмёсыз но яратоноосыз,

²⁹Уго Инмарлэн малпамез кинлы кузьым сётыны но кинэ быръйыны уг воштӥськы.

³⁰Кызьы тӥ но азьло Инмарлэсь уд кылзӥськиське вал, нош али помиловать каремын

³¹иудейёслэн кылзиськымтэзы сэрен. Нош соос али но уг кылзӥсько тӥледыз помиловать карон понна, соос асьсэос но куке помиловать каремын мед луозы шуыса.

³²Соин ик Инмар ваньзэсты пытсаз кылзиськонтэмлы, ваньзэсты помиловать карон понна.

³³Э, кыӵе Инмарлэн пыдэстэм узыр визьлыкез но тодонлыкез! Кыӵе валаны быгатонтэм Солэн судъёсыз но эскерыны луонтэм солэн сюресъёсыз,

³⁴но кин тодӥз Инмарлэсь йырвизьзэ? Яке кин вал Солэн визь -кенеш сётӥсез ?

³⁵Яке кин азло пунэмен сётӥз Солы, Солы берыктоно мед луоз шуыса?

³⁶Уго ваньмыз Со бордысь, Со пыртӥ но Со понна. Солы дан пумтэм дауръёс, аминь.

Chapter 12

¹Озьыен, вынъёсы, сюлворыса тӥледыз курисько возе асьтэлэсь мугордэс святостьын, Инмарлы кельшись улонын, но сётэ улондэс Инмарлэн милосердиезъя Солэн служениезлы

²но та дуннелы адӟем эн каре, воштӥське выльдыса асьтэлэсь йырвизьдэс, валаны быгатэ Инмарлэсь ӟеч, ярамон, совершенной волязэ.

³Мыным Инмарен сётэм благодатья, тӥ пӧлысь котькуддылы верасько: асьтэ сярысь вылтӥяськыса эн малпаське, нош малпаське востэмлыкен, Инмарлэн сётэм осконэзъя.

⁴Уго, одӥг мугорлэн тросс люкетъёсыз, но котькуд люкетлэн аслаз кулэлыкез,

⁵озьы ик асьмеос но, трос ӵошен, Христос пушкын одӥг мугор луиськомы, нош котькудмы нимаз ог - огмылы луиськомы люкетъёс.

⁶Милемлы сётэм благодатья, асьмеослэн вань пӧртэмесь кузьымъёсмы : вань ке пророчествовать карыны кузьымед - осконэдъя пророчествовать кар,

⁷вань ке мукетъёсызлы юрттыны служениед - юрттыса ул, мукетъёссэ дышетыны ке вань - дышеты,

⁸буйгатыны ке быгатӥськод - буйгаты, люкыса сётыны ке быгатӥськод - аслыд пайда поттытэк люкылыса сётча, кивалтӥськод ке - кивалты мылысь - кыдысь, ӟеч ужъёс ке лэсьтӥськод - шум потыса лэсьты.

⁹Тӥляд яратонды мед луоз сюлмысьтыды. Палэнске лек ужъёслэсь, ӟечез борды лякиське,

¹⁰ог - огдэс ӟыгыръяса - чюпаса яратэ асьтэлэсь вынъёстэс кадь, дыртэлэ ог - огдэс гажаны,

¹¹мылысь - кыдысь Инмарлы тыршонады эн лябоме, духеныды ӝуаса улэ,

¹²буйгатске оскиськонэн, куректонын чидасесь луэлэ, дугдылытэк вӧсяське,

¹³Инмарлы оскисьёслэн кулэяськоназы юрттэлэ, куно ӧтьыны котьку дась луэлэ.

¹⁴Тӥледыз уллясьёсты проклинать эн каре нош благословить каре.

¹⁵Шумпотӥсьёсын шумпотэ но бӧрдӥсьёсын бӧрдэ.

¹⁶Куспады одӥг кылысь луэ, вылтӥяськыса эн нош возтэмлыкен рассуждать каре, эн лыдъялэ асьтэос асьтэды визьнодоесь шуыса.

¹⁷Нокинлы но уродлы пумит уродэн эн берыктэлэ, нош сьюлмаське лэсьтыны ӟечсэ калыклы.

¹⁸Тӥ ласянь лэсьтыны быгатоно ке, вань калыкен тупаса улэлэ.

¹⁹Яратоноосы, тӥледыз вӧсь лэсьтӥсьёслы пунэмен эн берыктэлэ, Инмарлэн вожпотонэзлы инты сётэ. Уго гожтэмын:"Пунэмез берыктон Мынам уже, Мон пунэмзэ берыкто, шуэ Кузё - Инмар".

²⁰Озьыен, тынад тушмонэдлэн кӧтыз ке сюма, сюд сое, сюэз ке куасьме, секта сое: уго тазьы лэсьтыса, тон солэн йыр вылаз ӝуась эгыръёс люкаськод.

²¹Уродэн вормемын эн луы, вормы ӟечен уродзэ.

Chapter 13

¹Котькуд адями кылзӥськы вылӥ кивалтӥсьёслэсь, уго ӧвӧл Инмарлэсь сяна власть, котькудыз власть Инмарен пуктэмын.

²Соин ик властьлы пумитъяськись Инмарлэн пуктэмезлы пумитъяське. Нош пумитъяськисьёс, асьсэос асьсэ вылэ суд вайёзы.

³Уго кивалтӥсьёс кышкытэсь ӧвӧл ӟеч уж лэсьтӥсьёслы, нош кышкытэсь урод уж лэсьтӥсьёслы. Кышкамед уг поты - а властьёслэсь? Лэсьты ӟеч уж но ушъямын луод,

⁴уго кивалтӥсь - Инмарлэн ляльчиез, тыныд ӟечлы. Лэсьтӥськод ке урод уж, кышкаса ул, уго со токма уг нуллы меч: со Инмарлэн ляльчиез, наказать карись урод лэсьтӥсез.

⁵Соин ик наказать каремлэсь кышкаса гигэ ӧвӧл кылзӥськоно, нош совестья но.

⁶Соин ик тӥ выт тыриськоды, уго соос Инмарлэн ляльчиосыз, кивалтон ужен яласоос тыршо.

⁷Озьыен, котькудызлы сётэ мар сётоно: кинлы выт - выт, кинлы тыриськон - тыриськон, кинлы кышкан - кышкан, кинлы сӥё - дан - сӥё - дан.

⁸Нокинлы но номыр но пунэмен сётонды медаз кыльы, ог - огдэз ваче яратон сяна, малыке шуоно матысьсэ яратӥсь законэз быдэстӥз.

⁹Уго заповедъёс:" азон - калгон сьӧлыке эн пыр", "эн ви", "эн лушка", "пӧяса адӟемдэ эн вера", "муртлэсьсэ мылкыд эн кар" но ваньмыз мукетъёсыз та кылын :" яраты матысьтэ, асьтэ ачид кадь".

¹⁰Яратон уг лэсьты матыседлы урод, озьыен, яратон - законэз быдэстон.

¹¹Озьы лэсьтэлэ, тодыса дырез, асьмелы иземысь сайканы час вуиз ини шуыса. Уго асьмеос оскыны кутскем дырысэн ӵошатыса али мозмонмы матынгес луиз.

¹²Уй ортчиз, нунал матэктӥз ини: озьыен, палэнэ каромы пеймытлэсь ужъёссэ но югытлэсь ожмаськон тӥрлыксэ дӥсялом.

¹³Нуназе кадь, Инмарлы ярамон улонэн уломы, кудӟытонзэ юон - шулдыръяськонъслы, азон - калгонлы, керетонъёслы но вожвылъяськыса улонлы сётӥськытэк,

¹⁴нош лякиське асьмелэн Иисус Христос Кузёмы борды, но сюлмаськондэс мугорды сярысь эн пӧрмытэ юрӟым мылкыд каронлы.

Chapter 14

¹Осконэн ляб адямиосты бордады басьтэ, соосын споръяськытэк малпанъёссы сярысь.

²Одӥгез оске, котьма сиыны яра шуыса, нош лябез бакча сиён гинэ сие.

³Кин ваньзэ сие, эн ултӥя созэ, кин уг сиы, кин уг сиы, эн судья созэ, кин сие, уго Инмар сое бордаз басьтӥз.

⁴Кин тон, муртлэсь рабзэ судъясь? Аслаз Кузёез азьын со сылэ яке усемын. Но ӝутэмын луоз, уго Инмар кужмо ӝутыны сое.

⁵Одӥгез пӧртэм шуэ котькуд нунал, нош мукетыз шуэ котькуд нунал одӥг кадь. Котькудыз мед лэсьтоз аслаз убеждениосызъя.

⁶Кин висъя нуналъёсты - Кузё - Инмар понна висъя, но кин уг висъя нуналъёсты - Инмар понна уг висъя. Кин сие - Кузё-Инмар понна сие, но таукаре Инмарез, но кин уг сиы - Кузё-Инмар понна уг сиы но таукаре Инмарез.

⁷Уго асьмеос пӧлысь нокин но уг улы ачиз понна, нокин но уг кулы ачиз понна,

⁸нош улӥськомы ке - Кузё-Инмар понна улӥськом, нош кулӥськомы ке - Кузё-Инмар понна кулӥськомы: соин ик, улӥськомы-а, кулӥськомы-а - котьку Кузё-Инмарлэн.

⁹Соин ик Христос кулӥз но, кулэмысь но султӥз, улӟиз но, кулэмъёс но улэпъёс вылын кузёяськон понна.

¹⁰Нош тон малы судьяськод аслысьтыд вындэ? Яке тон, малы ултӥяськод аслысьтыд вындэ? Асьмеос ваньмы султомы Инмарлэн судэз азьын.

¹¹Уго гожтэмын:" Мон улӥсько, шуэ Кузё-Инмар, Мон азьын пыдесъяськоз котькыӵе выжы, котькыӵе калыкъёс Инмарез исповедовать карозы".

¹²Озьыен, котькудыз асьмеос пӧлысь ачиз понна Инмар азьын отчёт сётоз.

¹³Ойдолэ ум ни судить карелэ ог огмес, нош ӟечгес луоз, асьмеос малпаськимы ке, вынмы медаз канжаськы шуыса асьмеос шоры учкыса.

¹⁴Мон тодӥсько но оскисько Кузёмы Иисус пушкын, ӧвӧл шуыса нокыӵе но чылкыттэм сиён, солы гинэ ӧвӧл чылкыт, кин ке лыдъя ке маеке чылкыттэм шуыса.

¹⁵Тынад выныд сиён понна ӝоже усе ке, тон соку яратыса уд ни лэсьтӥськы. Эн быдты аслад сиёнэныд сое, кин понна Христос кулӥз.

¹⁶Медаз луы курламын со, мар тӥ понна ӟеч.

¹⁷Уго Инмарлэн Царствоез - сиён но юон ӧвӧл, нош шонерлык, тупаса улон но шумпотон Святой Дух пушкын.

¹⁸Христослы кин тазьы служить каре, со Инмарлы кельше но сое умоен калыкъёс лыдъяло.

¹⁹Озьыен, тыршомы тупаса улонлы но ог огмылы юрттомы кылдыны.

²⁰Эн куашкаты Инмарлэсь ужзэ сиён понна. Сиен чылкыт ке но, куректон со адямилы, кудызлэн сиёнэз нуэ мукетъёссэ канжаськонние.

²¹Ӟеч гес луоз сӥль но сиытэк, вина но юытэк, номыр но сыӵезэ лэсьтытэк, марлэсь выныд канжаськоз, ӵемтаське яке лябоме.

²²Тынад вань- а осконэд? Возь сое аслад сюлэмад, Инмар азьын. Шудо со адями, кин осуждать уг кары асьсэ, мае быръе.

²³Нош сомневаться кариськись, сие ке но, судить каремын луоз, малыке шуоно уг оскы. Нош ваньмыз, мар осконтэк - сьӧлык.

Chapter 15

¹Асьмеос, кужмоесь ке, нуллыны кулэ лябъёслэсь лябъёссэс но асьмелы асьмеос гинэ ярамон луыны кулэ ӧвӧл.

²Котькудмы асьмеос пӧлысь матысьмылы яраны кулэ, ӟечлы, юнматонлы.

³Уго Христос но Аслыз яраны ӧз тыршы, нош, кызьы гожтэмын:" Тонэ ултӥяса куаретонъёс усизы Мон вылэ".

⁴Нош ваньмыз, мар гожтэмын вал асьмелы азьло, гожтэмын асьмедыз дышетыны, чиданлыкен но Писаниеысь кылъёсын буйгатскон пыр оскиськыса мед уломы шуыса.

⁵Чиданлэн но буйганлэн Инмарез мед сётоз тӥледлы ог огеныды луыны одӥг малпанъёсын, кызьы дышетэ Иисус Христос,

⁶тӥ одӥг кылысь мед данъялоды шуыса Инмарзэ но Атайзэ асьмелэн Иисус Христос Кузёмылэсь.

⁷Соин ик ог огдэс принять каре, озьы ик, кызьы Христос тӥледыз принять кариз Инмарлэн данэз понна.

⁸Верасько, Иисус Христос обрезаннойёслы служить карись луиз шуыса, Инмарлэн зэмлыкез понна, быдэстыны атайёслы сӥземзэ.

⁹Нош язычникъёслы - милостья, мед данъялозы шуыса Инмарез, кызьы гожтэмын:"Со понна данъяло Тонэ язычникъёс пӧлын данъяло но кырӟяло Тынад нимыдлы".

¹⁰Эшшо но верамын:" Язычникъёс, Солэн калыкеныз ӵош шум потэ".

¹¹Эшшо но:"Ушялэ Кузё - Инмарез, ваньмыз язычникъёс, но данъялэ Сое, вань калыкъёс".

¹²Озьы ик Исаия вера:"Иессейлэн выжыысьтыз потоз но калыкъёсын кивалтыны ӝутскоз; Солы язычникъёс оскиськыса улозы".

¹³Оскиськонлэн Инмарез мед тырмытоз тӥлесьтыд оскондэс катькыӵе шумпотонэн но тупаса улонэн, тӥ Святой Духлэн кужыменыз оскиськонэн мед узырмоды шуыса.

¹⁴Мынам вынъёсы, мон оскисько тӥледлы, тӥ тырмемын шуыса ӟечен но котькыӵе тодонэн, соин ик быгатӥськоды ог огдылы визьнод сётыны.

¹⁵Вынъёсы, мон тӥледлы кышкатэк гожтылӥ вал, тӥледлы тодады вайытыса кадь, Инмарлэн сётэм благодатезъя

¹⁶язычникъёс дорын луыны Иисус Христослэн служителез но Инмарлэсь благовествовать карон святой ужзэ ужаны, Святой Духен освятить карем, Инмарлы ярамон кузьым вайыны язычникъёслы.

¹⁷Озьыен, мон быгатӥсько ушъяськыны Иисус Христос пушкын, Со Инмар шуыса,

¹⁸мон уг дӥсьтӥськы вераны маеке, мае Христос мон пыртӥ ӧз лэсьты, вайыны осконлы язычникъёсты верам кыл пыртӥ но уж вылын,

¹⁹паймымон тодметъёслэн но чудоослэн кужыменызы, Инмарлэн Духезлэн кужыменыз, озьы Христослэн благовествованиез монэным вӧлмытэмын Иерусалимысен Иллирик ёросъёс дорозь.

²⁰Мон ӧй тыршы благовествовать карыны отын, кытын тодо ни вал Христослэсь нимзэ, муртлэн интыяськем вылаз пуктыны медаз кутскы шуыса,

²¹но кызьы гожтэмын:" Кинъёс Со сярысь ивортэмын ӧй вал, соос адӟёзы, кинъёс ӧз кылэ, соос тодозы"

²²Та трос пол люкетӥз мыным лыктыны тӥ доры.

²³Нош та бере, та шаеръёсын сыӵеесь интыос ӧвӧл ни бере, нош вонь бере мылкыды кемалась дорады лыктыгы,

²⁴Испание мыныкум тӥ доры лыкто. Уго оскисько, ортчыса кошкыкум тӥледын адӟисько но тӥ монэ отчы келялоды шуыса, шумпотыса вераськыса ӧжыт ке но дыр куспын.

²⁵Нош али мон Иерусалиме мынӥсько, святойёслы служить карыны,

²⁶уго Македонияысь но Ахаияысь вынъёс маин но соин юрттыны тыршо Иерусалимысь начар святойёслы.

²⁷Тыршо, вылаз ик соос азьын пунэмен тыронзы вань. Уго язычникъёс соослэн духовной узырлыказы пыриськизы бере, соку язычникъёс юрттыны кулэ соослы кулэяськонъёсазы.

²⁸Та ужез быдэстыса но но люкам кузьымез соослы сётыса, мон мыно тӥляд шаер пыртӥды Испание,

²⁹но оскисько, тӥ доры лыктэме берам, ваё тырмыт благословение Христослэн Ӟеч Иворезлэсь.

³⁰Сюлворыса курисько тӥледыз, вынъёсы, асьмелэн Иисус Христос Кузёенымы но Духлэн яратонэныз, ожмаське монэным ӵош мон понна Инмарлы вӧсяськыса,

³¹мон мед мозмытэмын луо шуыса оскисьтэмъёслэсь Иудеяын но мынам Иерусалим понна тыршеме мед яралоз святойёслы шуыса,

³²Инмарлы ярамон луиз ке, мон мед быгато шумпотыса дорады лыктыны но тӥледын ӵош шутэтскыны.

³³Тупаса улонлэн Инмарез тӥледын ваньмыныз мед луоз, аминь.

Chapter 16

¹Тодматӥсько тӥледды Фиваен, асьмелэн сузэренымы, Кенхрейской черкысь диакониссаен.

²Принять каре сое Кузё - Инмарен, кызьы Инмарлы оскисьёсылы лэсьтыны кулэ, но юрттэ солы ваньмыныз, маин со кулэяське, уго со тросэзлы юрттылӥз, мыным но.

³Ӟечкыласа пумиталэ Прискиллаез но Акилаез, кудъёсыз мынам юрттӥсьёсы Иисус Христослэн ужаз,

⁴- кудъёсыз лулзэс но ӧз жалялэ мынысьтым улонме утён понна, кудъёсызлы мон гинэ тау уг кариськы, нош ваньмыз черкъёс язычникъёс пӧлысь но асьсэлэн дорысьтызы черксы но .

⁵Ӟечкыласа пумиталэ яратономе мынысьтым Еленетэз, кудыз Ахаиясь нырысь ик Христос доры лыктӥз.

⁶Ӟечкыласа пумиталэ Мариамез, кудыз тросс тыршиз ми понна.

⁷Ӟечкыласа пумиталэ Андроникаез но Юнияез, мынысьтым чыжы-выжыосме, кудъёсыз вал пытсэт улын монэным, апостолъёс куспын сӥё-дано луэмъёс но Христослы оскизы мынысьтым азьлогес.

⁸Ӟечкыласа пумиталэ Амплияез, мынысьтым Кузё-Инмар пыр яратономе.

⁹Ӟечкыласа пумиталэ Урбанэз, асьмелэсь Христослэн ужаз юрттӥсьмес, Стахияез но мынысьтым яратономе.

¹⁰Ӟечкыласа пумиталэ Апеллесэз, кудыз эскеремын Христосэн. Ӟечкыласа пумиталэ осконоосты Аристовуллэсь дорысьтыз.

¹¹Ӟечкыласа пумиталэ Иродионаез, мынысьтым ӵыжы выжыме. Ӟечкыласа пумиталэ соосты, кинъёс Наркиссэн, кудъёсыз Инмарен.

¹²Ӟечкыласа пумиталэ Трифенэз но Трифосэз, Кузё-Инмарлы тыршисьёсты. Ӟечкыласа пумиталэ яратоно Персидаез, кудыз тросс тыршиз Кузё-Инмарлы.

¹³Ӟечкыласа пумиталэ Руфез, Кузё-Инмарлэсь быръемзэ, солэсь но мынысьтым анайме.

¹⁴Ӟечкыласа пумиталэ Асинкритэз, Флегентэз, Ермаез, Патровез, Ермияез но мукетъёссэ вынъёсты.

¹⁵Ӟечкыласа пумиталэ Филологаез но Юлияез, Ниреяез но солэсь сузэрзэ, Олимпез но ваньзэ Инмарлы оскисьёсты, кудъёсыз соин.

¹⁶Ӟечкыласа пумиталэ ог огдэс святой чупаськонэн. Ӟечкылало тӥледды ваньмыз Христослэн черкъёсыз.

¹⁷Сюлворыса курисько, вынъёсы, чакласькыса палэнске соослэсь, кинъёс люкиськонъёс но керетонъёс ваё, соослэн вожтэмзы потэ со дышетонэз, кудызлы тӥ дышетэмын

¹⁸уго сыӵе адямиос Иисус Христослы асьмелэн Кузё-Инмармылы уг ужало, нош асьсэлэн кӧтсылы. Красноречиен но ушъяськонэн пӧяло огшоры адямиослэсь сюлэмъёссэс.

¹⁹Тӥляд осконлы кылзӥськемды ваньмызлы тодмо луэ, соин ик мон шум потӥсько тӥ понна, но мылкыд карисько, тӥ мед луоды шуыса ӟечлы визьнодоесь, уродлы быгатӥсьтэмесь.

²⁰Тупаса улонлэн Инмарез ӝоген сатанаез пыд улады вормыса кушто. Асьмелэн Кузё-Инмармылэн Иисус Христослэн благодатез мед луоз асьменым ваньмынымы! Аминь.

²¹Салам келя тӥледлы Тимофей, мынам юрттӥсе, Луций, Иасон но Сосипарт - мынам ӵыжы-выжыосы.

²²Ӟечкыласько тӥледыз Кузё-Инмар пыртӥ мон но, Тертий, та гожтэтэз гожтӥсь.

²³Ӟечкыла тӥледыз Гаий, кудыз монэ но быдэс черкез куноатӥз. Ӟечкыла тӥледыз Ераст, городлэн кивалтӥсез, но Кварт вын.

²⁴Асьмелэн Кузё-Инмармылэн Иисус Христослэн благодатез, асьменым ваньмынымы. Аминь.

1 CORINTHIANS

Chapter 1

¹Павлел, Инмарлэн валяезъя ӧтем, Иисус Христослэн Апостолэз, но Сосфен вынмы-

²Инмарлэн Коринфысь черкезлы, Иисус Христос пыр освятить каремъёслы, святой луыны ӧтемъёслы, но ваньмызлы, кин вазьылэ асьмелэн Кузёмылы Иисус Христослы нимызъя котькыӵе интыын:

³благодать тӥледлы но мир асьмелэн Инмар Атаймылэсь но Кузёмылэсь Иисус Христослэсь.

⁴Уг дугдылӥськы тау каремысь мынысьтым Инмарме тӥ сярысь со понна, вань шуыса тӥляд Инмарлэн благодатез, кудзэ кузьмамын тӥледлы Иисус Христос пушкын,

⁵Со пушкын уго тӥ узыр луиды котькыӵе кылын но котькыӵе валанэн,-

⁶уго Христослэн иворез тӥ пушкы юнматскиз отчёзь,

⁷тӥляд ӧвӧл тырмымтэды нокыӵе дарлы но, витьыса лыктэмзэ асьмелэн Кузёмылэсь Иисус Христослэсь.

⁸Кудыз юнматоз тӥледыз пумозяз, тӥ медаз луэ шуыса янгышесь Иисус Христос Кузёмылэн лыктон нуналаз.

⁹Инмар оскымон, Кудыз тӥдедыз ӧтиз кусып возьыны Солэн Пиеныз, Иисус Христосэн, асьмелэн Кузёенымы.

¹⁰Вынъёсы сюлворыса курисько, асьмелэн Иисус Христос Кузёмылэн нимыныз, тӥ ваньды мед огкылысь луоды но медаз луэ тӥ пӧлын люкиськонъёс, тӥ одӥг духен но одӥг малпанъёсын герӟамын мед луоды.

¹¹Хлояын улӥсьёслэсь мыным тодмо луиз тӥ сярысь, вынъёсы мынам, тӥ куспады керетӥськоды шуыса.

¹²Мон тодӥсько, тӥляд шуо пе:"мон Павеллэн", "мон Аполлослэн"," мон Кифлэн", "мон Христослэн".

¹³Люкиськиз шат Христос? Павел шат кортӵогаз ассэ тӥ понна? Яке Павеллэн нимыз понна тӥ крестится кариськиды?

¹⁴Тау карисько Инмарлы,тӥ пӧлысь нокинэ но, Криспез но Гаиез сяна, крестить ой кар шуыса,

¹⁵нокин медаз вера, мон пе крестить кари аслам нимы понна.

¹⁶Озьы ик мон крестить кари Стефанлэсь ӵыжы-выжызэ, нош кинэке крестить кари-а на меда, уг тодӥськы.

¹⁷Малыке шуоно Христос монэ ӧз келя крестить карыны, нош благовествовать карыны келяз, визьлыкез уже кутытэк, Христослэн киросэзлэзь кужымзэ кулэтэм кароно медаз луы шуыса.

¹⁸Малыке шуоно кирос сярысь вераськонъёс быронэ мынӥсьёслы визьтэмъяськонъёс луоу, нош ми понна, спасатся кариськисьёслы, Инмарлэн кужымез луэ.

¹⁹гожтэмын уго:" Визьнодоослэсь визьлыксэс быдто, тодонзэс тодосчиослэсь палэнто".

²⁰Кытын визьнодо? Кытын книга гожъясь? Кытын ваньзэ тодӥсь та дуннеысь? Ӧз-а берыкты Инмар та дуннелэсь визьлыксэ визьтэмъяськонлы?

²¹Инмарлэн визьлыкез пушкын дунне аслаз визьлыкеныз ӧз тоды Инмарез, соку Инмарлэн спасать каремез потӥз "визьтэм" проповедьёсын Солы оскисьёсты.

²²Малыке шуоно иудейёс но куро чудоос, грекъёс но утчало визьлык;

²³нош ми проповедовать кариськом кортчогам Христосэз, иудейёс понна - чемтон, грекъёс понна - визьтэммон,

²⁴нош ӧтем иудейёс но грекъёс понна - Христосэз, Инмарлэсь кужымзэ но Инмарлэсь визьлыксэ,

²⁵малыке шуоно Инмарлэн "визьтэмез" визьлыкогес калыкъёслэсь но Инмарлэн "лябез" кужмогес калыклэсь.

²⁶Учкелэ, вынъёс, кинъёс тӥ, ӧтемъёс: трос ӧвӧл тӥ пӧлын визьлыкоос, трос ӧвӧл кужмоос, трос ӧвӧл йӧноос,

²⁷нош Инмар ӧз быръйы визьлыкоосты та дуннеысь, возьытэ уськытон вылысь визьлыкоез, но лябъёсты та дунеысь быръйиз Инмар, золъёсты возьытэ уськытон вылысь,

²⁸йоноосты ӧз быръйы та дуннеысь, ултӥямзэ, номырлы ярантэмзэ быръйиз Инмар, ултӥян вылысь сиё-данооссэ,

²⁹нокыче но адями медаз ушъяськы шуыса Инмар азьын.

³⁰Солэсь тӥ но Иисус Христос пушкын, кудыз луиз ми понна визьлыко Инмарлэсь, шонерлык, святой улон но искупить карем,

³¹гожтэмын мед луоз:"Ушъяськись, ушъяськы Инмарен".

Chapter 2

¹Вынъёсы, мон ӧй лыктылы тӥ доры Инмарлэсь иворзэ вераса, кылэз яке визьлыкез кулэгес карыны,

²уго мон кулэ кари тӥ дорын улыны номыр но тодӥсьтэм, Иисус Хрисьосэз сяна, кудыз вылаз ик кортӵогамын вал.

³но мон тӥ дорын висисьыса, кышкаса но куалекъяса улӥ.

⁴ Мынам вераме но, мынам проповеде но ӧй вал верамын оскытӥсь адямилэн визьлыкеныз, нош Духлэн но кужымлэн адӟыны быгатоно уженыз,

⁵тӥляд осконды медаз юнматэмын луы адямилэн визьлыкеныз, нош Инмарлэн кужыменыз шуыса.

⁶Визьлыкез нош ми проповедовать кариськом быдэ вуэмъёс пӧлын, кудыз уг луы дуннелэн но вошъяськись кивалтӥсьёслэн визьлыкез,

⁷но проповедовать кариськом Инмарлэсь визьлыксэ, кудыз лушкем но ватэмын, кудзэ Инмар дасяз дауръёслэсь азьло ик милям данмы понна,

⁸кудзэ нокин но та дуннеысь кивалтӥсьёс ӧз валалэ, малыке шуоно, валасалзы ке, ӧй кортӵогасалзы данлэсь Кузёзэ.

⁹Нош кызьы гожтэмын:"Синъёс ӧз адӟелэ сое, пелъёс ӧз кылэлэ сое но уг быгаты адямилэн сюлэмез малпаны, мае дасяз Инмар Сое яратӥсьёслы".

¹⁰Нош милем Инмар усьтӥз сое Святой Духен, малыке шуоно дух котькытчы пырыны быгатэ, Инмарлэн мур пуштросаз ик.

¹¹Ки калык пӧлысь тодэ, мар адямилэн пушказ, адямилэн духез сяна, кудыз улэ со пушкын? Озьы ик Инмарлэсь но нокин уг тоды, Инмарлэн Духез сяна.

¹²Нош ми ӧм басьтэ та дуннелэсь духсэ, нош Инмарлэсь Духсэ басьтӥмы, тодон вылысь Инмарлэсь сётэм кузьымзэ,

¹³ дышетэм кылъёсын адямилэн визьлыкеныз ум ивортӥське, нош Святой Духлэн дышетэм кылъёсыныз, ӵошатыса духовноез духовнойлэсь.

¹⁴Душевной адями уг быгаты басьтыны Инмарлэн Духезлэсь, малыке шуоно со лыдъя сое визьтэмъяськонэн, но уг быгаты басьтыны, уго со сярысь рассуждать карон духовно.

¹⁵ Духовной ваньмыз сярысь рассуждать каре, нош со сярысь рассуждать карыны нокин но уг быгаты.

¹⁶Кин тодӥз Кузёмылэсь визь-нодзэ, Со сярысь рассуждать карон понна? Нош милям вань Христослэн визь-нодэз.

Chapter 3

¹Вынъсы, мон тӥленыд уг быгатӥськы вераськыны, духовнойёсын кадь, нош вераськоно луисько мугорлэнъёсын, Христос пушкын нуныосын кадь.

²Мон ӧй сюдылы тӥледыз чурыт сионэн, нош сюдылӥ йӧлын, малыке шуоно тӥ уд на быгатӥське вал переработать карыны чурыт сиёнэз, но али но уд быгатӥське на,

³малыке шуоно тӥ мугорлэсь на. Тӥ пӧлын вань бере калыклэн сямъёсыз: вожъяськон, керетон но вожвылъяськон, тӥ мугорлэсь уд луиське шат

⁴Куке одӥгез шуэ "мон Павеллэн", нош мукетыз шуэ "мон Аполлослэн", соку мугорлэсь тӥ овол-а?

⁵Кин со Павел? Кин со Аполлос? Соос служителъёс гинэ, кудъёсыз пыртӥ тӥ Инмарлы оскиды, притом сомында, кӧня котькуддылы сётӥз Кузёмы.

⁶Мон мерттӥ, Аполлос ву киськаз, нош будэтӥз Инмар,

⁷соин ик мерттӥсь но ву киськась ничто, нош будэтӥсь Инмар ваньмызлэсь бадӟым,

⁸Мерттӥсь но ву киськась но одӥг ужез лэсьто, нош котькудызлэн ужез дунъямын луоз,

⁹малыке шуоно ми Инмарлэн ужасьёсыз, тӥ - Инмарлэн бусыез но Инмарлэн юртэз.

¹⁰Мон, Инмарлэн сётэм благодатез вылын, визьлыко архитектор кадь, фундамент пуктӥ, нош мукетыз борддор жутэ со вылэ. Нош котькудыз учкыны кулэ, кызьы строить каре,

¹¹малыке шуоно нокин но мукет фундамент поныны кулэ ӧвӧл, поныны яранозэ сяна, кудыз луэ Иисус Христос.

¹²Пуктэ ке кинке со фундамент вылэ зарнилэсь, азвесьлэсь, дуно изъёслэсь, пулэсь, турынлэсь, куролэсь,-

¹³котькудызлэн ужъёсыз тодмо луозы но нунал возьматоз, малыке шуоно тылын учкозы, но тыл эскероз котькудызлэсь ужзэ, кыӵе соослэн пуштроссы.

¹⁴Кинлэн ужез, кудзэ со пуктӥз, сылоз, солы награда сётозы.

¹⁵Нош кинлэн ужез ӝуалоз, со ыштонъёс чидоно луоз. Озьы ке но, ачиз спастись кариськоз, тылысь сэрегпум кадь гинэ.

¹⁶ Уд тодӥське шат, тӥ - Инмарлэн храмез шуыса, но Инмарлэн Духез улэ тӥ пушкын?

¹⁷Кинке куашкатӥз ке Инмарлэсь храмзэ, сое куашкатоз Инмар, малыке шуоно Инмарлэн храмез святой, но со храм - тӥ.

¹⁸Нокин но эн пӧя астэ ачид. Кинлэнке луэмез потэ ке тӥ пӧлысь визьлыко таяз даурын, мед луоз визьтэм,

¹⁹малыке шуоно та дуннелэн визьлыкез луэ визьтэмъяськон Инмар азьын, кызьы гожтэмын:" Кутылэ визьлыкоосты соослэн чеберъяськоназы".

²⁰эшшо:"Кузё тодэ малпанъёссэс визьнодчиослэсь, соос емыш сётыны быгатӥсьтэмесь шуыса".

²¹Озьыен, нокин но медаз ушъяськы калыкен, малыке шуоно ваньмыз тӥляд:

²²Павел, Аполлос, Кифа, дунне, улон, кулон, туннэ нунал но азьланез,- ваньмыз тӥляд,

²³нош тӥ - Христослэн, нош Христос - Инмарлэн.

Chapter 4

¹Озьыен, котькудыз валаны кулэ милемды, Христослэсь служителъёссэ но Инмарлэсь лушкем тодӥсьяськисьёссэ кадь.

²Тодӥсьяскисьёслэсь кулэ, котькудыз мед кылёз шуыса оскымон.

³Мон уг кышкаськы, мар тӥ малпаськоды мон сярысь, яке мар малпало мукет адямиос. Мон ачим но уг малпаськиськы ачим сярысь.

⁴Мон ӧй но ке лэсьтылы урод ужъёс, озьы ке но соин асме шонере поттыны уг выриськы; Кузё Инмар мыным судья.

⁵Соин ик дырызлэсь вазь нокызьы но судить эн каре, Кузё Инмар лыктытчёзь, Кудыз пеймытысь ватэмзэ югдытоз, но сюлэмлэсь малпанъёссэ шарае поттоз, нош соку котькудызэ ушъялоз Инмар.

⁶Вынъёсы, тае мон уже кутӥ аслым но Аполлослы тӥ понна, тӥ мед дышоды шуыса гожтэмлэсь мултэссэ ватсатэк, но ог-огды азьын вылӥе астэсты пуктытэк.

⁷Кин тонэ вылие пуктӥз? Маид тынад вань, кудзэ тыныд ӧз сётэ? Нош сётэмын ке тыныд, малы вераськод, сётымтэ кадь на?

⁸Тӥляд кӧтты тыр ини, тӥ узырмиды ни, тӥ митэк царьёс луиды ни. Э, тӥ зэмзэ но царствовать карсалды ке, милем но тӥленыд царствовать карон вылысь!

⁹Кызьы мон малпасько, милемлы, берпуметӥ Апостолъёслы, виыны приговорить карем адямиос кадь луыны косӥз Инмар, малыке шуоно, быдэс дуннелы но ангелъёслы но калыкъёслы но ми луим серемес.

¹⁰Ми визьтэмесь Христос понна, нош тӥ визьнодоесь Христос пушкын; ми лябесь, нош тӥ золэсь; тӥ данын, нош ми возьытэ уськытэмын.

¹¹Али но сиеммы но юэммы потыса улӥськом, дӥськутлы кулэяськиськом, жугоннъёс чиданы луиськом, улонни инты утчаса ветлӥськом,

¹²асьмелэн киосынымы ужаськом. Ми сярысь урод кылъёс верало - ми соосты благославить кариськом, улляло милемды - ми чидаськом,

¹³милемыз ултӥяло - ми вӧсяськиськом. Ми дуннелы жаг кадь, дэри кадь, кудзэ али но ваньмыз лёгало.

¹⁴Тӥледыз возьытэ вуттон понна уг гожтӥськы, нош дышетыса верасько, мынам яратоно нылпиосылы кадь.

¹⁵Тӥляд сюрсэн Христос пушкын дышетӥсьёсты ке но, нош тросс ӧвӧл атайёсты. Мон вордскытӥ тӥледыз Иисус Христос пушкын благовествовать карыкум.

¹⁶Соин ик сюлварыса курисько: адӟем каре мынысьтым, кызьы мон Христослэсь.

¹⁷Соин ик мон келяй тӥ доры Тимофеез, мынысьтым яратоно но оскымон Кузё Инмар пушкысь пиме, кудыз тодады вайытоз мынам Инмар пушкысь сюресъёсме, кызьы мон дышетӥсько котькуд черкъёсын.

¹⁸Куд огез вылтӥяськыны кутскизы, мон дорады ветлымтэ муген.

¹⁹Инмар мылкыд кариз ке мон ӝоген лыкто дорады, но вылтӥяськисьёслэсь кылзэс уг эскеры, нош кужымзэс эскеро,

²⁰малыке шуоно Инмарлэн Царствоез кылын ӧвӧл нош кужымын.

²¹Тӥледлы ӟечгес луоз, тӥ доры сюлоен лыктыны яке яратонэн но зибыт духен?

Chapter 5

¹Килӥськиз, оскымон адямиослэсь.Тӥ пӧлын вань шуыса азыса калгисьёс, сыӵезэ уд адӟы язычникъёс пӧлын но. Кинке пе аслыз кышно карыса улэ атаезлэн кузпалзэ.

²Нош тӥ бӧрдон интые астэды вылӥе пуктӥды. Сыӵе уж лэсьтӥсьез улляны кулэ пӧлысьтыды.

³Мынам мугоры ӧвӧл ке но дорады, нош духе тӥледын. Тӥ пӧлын улӥсь мурт кадь мон малпай: сыӵе уж лэсьтӥсез,

⁴асьмелэн Кузё Инмармылэн Иисус Христослэн нимыз понна тӥляд кенешады, мынам духеным ӵошен, асьмелэн Кузё Инмармылэн Иисух Христослэн кужыменыз

⁵сётыны сое Сатаналы мугорзэ катьтэммытон понна, духез мед утӥськыны быгатоз шуыса асьмелэн Кузё Инмармылэн Иисус Христослэн нуналаз.

⁶Тӥляд ӧвӧл номырды но маин быгатысалды ушъяськыны. Уд шат тодӥське ӧжытак гинэ шӧм быдэс ыльнянез чырсатэ шуыса?

⁷Озьыен, сюзялэ вуж шӧмдэс, мед луоды шуыса тӥ выль ыльнянь, малыке шуоно тӥ юмал нянь луиськоды. Малыке шуоно асьмелэн Пасхамы, Христос, кудыз ми понна ыжпи интые сётэмын.

⁸Соин ик вуж шӧмын, изъянлэн но кескичъяськонлэн шӧмыныз праздновать ум карэлэ, нош чылкытлыклэн но зэмлыклэн юмал няненыз.

⁹Мон гожтӥ тӥледлы гожтэтам кусып эн возе шуыса азэм-калгись муртъёсын,

¹⁰озьы ке но, мон уг косӥськы копак кусып возьытэк азыса-калгыса улӥсьёсын яке асьсэлы гинэ табыш поттӥсьёсын, яке лушкаськисьёсын, яке идолослужительёсын, мукет сямен тӥледлы потоно луысал та дуннеысь.

¹¹Нош мон гожтӥ вал тӥледлы кусып ӧвӧл возёно, кин, вын лыдъя асьсэ, но азыса-калгыса улэ, яке аслыз гинэ табыш поттэ, яке идолъёслы йыбыртъя, яке урод кылъёсын вераське, яке мултэссэ вина юэ, яке лушкаське, сыӵе адямиосын сиськыны но ӵош эн пуксе.

¹²Уго малы мон судить каро педпаласьсэ? Пушпалъёссэ тӥледлы судить кароно ӧвӧл-а?

¹³Нош педпаласьёссэ Инмар судить кароз. Озьы бере, палэнтэлэ асьтэ пӧлысь азон-калгон сьӧлык лэсьтӥсьсэ.

Chapter 6

¹Кызьы тӥ дӥсьтӥськоды, ог огеныды одӥг кыл ке уд быгатӥське шедьтыны, судится кариськыны шонерлыкъя улӥсьтэм адямиос дорын, нош святойёс дорын уд быгатӥське?

²Тӥ уд тодӥське шат, святойёс дуннеез судить карозы шуыса? Нош тӥ кулэ берес дуннеез судить карыны, тӥ уд быгатиське шат сэрттыны-пертчыны чыры-пыры ужъёсты?

³Тӥ уд тодиське шат, асьмеос судить каромы шуыса ангелъёсты, нош улон пушкысь чыры-пыры ужъёсты сэрттыны-пертчыны ум быгатэ шат?

⁴Нош тӥляд куке луо улон-вылонады споръяськонъёсты, мыниськоды дуннеысь судьяос доры, кудъёсыз Церкен кусып уг возё.

⁵Тӥ мед возьдаськоды шуыса верасько: тӥ пӧлын ӧвӧл шат визьнодо адями, кудыз быгатысал судить карыны Инмарлы оскисьёс куспын вожвылъяськонъёсты?

⁶Нош тӥ сётӥськоды судэ ог огдэс, но тӥледыз судить каро Инмарлы оскисьтэм адямиос.

⁷Тӥлед возьыт луыны кулэ со, тӥ ог огеныды судится кариськиськоды ни шуыса. Тилед ӟечгес ой-а луысал кыльыны ултӥямен но ыштонъёс чиданы?

⁸Нош тӥ асьтэос ултӥяськоды но таласькоды асьтэлэн вынъёстылэсь.

⁹Тӥ уд тодӥське шат землыкез кин уг лэсьты, соос Инмарлэсь Царствозэ наследовать карыны уг быгато? Эн йыромелэ: аземъёс но, идолъёслы йыбырттӥсьёс но, калгисьёс но, пиосмуртъёсын кышноен кадь улӥсьёс но,

¹⁰лушкаськисъёс но, асьсэлы гинэ пайда поттӥсьёс но, мултэссэ вина юисьёс но, урод кылъёсын вераськисьёс но, муртлэсь таласа басьтӥсьёс но - Инмарлэсь Царствозэ унаследовать уз каре.

¹¹Нош куд огез тӥ пӧлысь сыӵеесь ик вал, нош тӥ миськемын, освятить но оправдать каремын вал асьмелэн Инмармылэн Духеныз Кузё Инмармылэн Иисус Христослэн нимыз понна.

¹²Мыным котьма лэсьтыны лэземын, нош ваньмыз ик мыным пайда уг сёты, мыным котьма лэсьтыны лэземын, нош номыр но монэным кивалтыны кулэ ӧвӧл.

¹³Сиён кӧтпуш понна, но кӧтпуш - сиён понна, нош Инмар сойзэ но тайзэ но быдтоз. Мугор кылдытэмын ӧвӧл азыса-калгыса улон понна, нош Кузё Инмар понна, нош Кузё Инмар мугор понна.

¹⁴ Инмар Аслаз кужыменыз кулэмысь улӟытыса ӝутӥз асьмелэсь Кузё Инмармес Иисус Христосэз, озьы ик асьмедыз но кулэмысь улӟытыса ӝуто

¹⁵Тӥ уд тодӥське шат, тӥляд мугоръёсты Иисус Христослэн мугорызлэн лукетъёсыз луо шуыса? Соку кызьы мон быгато басьтыны Иисус Христослэсьсэ, но сётыны - калгись кышномуртлы?

¹⁶Яке уд тодӥське тӥ, калгись кышномуртэн кӧлась мурт, соин одӥг мугор луэ шуыса? Шуэмын уго:" Кыкез одӥг мугор луозы",

¹⁷нош со, кин герӟяське Кузё Инмарлэн, луэ Соин одӥг дух.

¹⁸Пегӟелэ азон- калгон сьӧлыклэсь, котькыӵе сьӧлыкъёсты адями лэсьтэ-ке, соос уг луо солэн мугорызлы пумит, нош азэ-калге ке, со сьӧлык лэсьтэ аслаз мугорызлы пумит.

¹⁹Тӥ уд тодӥське шат тӥляд мугорды Святой Духлэн храмез луэ шуыса, Кудыз улэ тӥ пушкын но Кудзэ тӥ басьтӥды Инмарлэсь? Та бере тӥ уд ни луиське кузё асьтэлы.

²⁰Тӥ дуно дун тырыса басьтэмын.Соин ик данъялэ Инмарэз асьтэлэн мугорады но духады, кудъёсыз Инмарлэн луо.

Chapter 7

¹Со пумысен, мае тӥ гожтӥды вал мыным, пиосмуртлы ӟечгес луысал йӧтскылытэк кышномурт борды.

²Нош, азон-калгон сьӧлыке усёно медаз луы шуыса, пиосмуртлэн луыны кулэ аслаз кышноез, но котькуд кышномуртлэн аслаз картэз.

³Пиосмурт, кышноезлы кулэ ӟеч кусыпъёс кылдытыны; озьы ик кышноез - картэзлы.

⁴Кышномурт аслаз мугорызлы кузё ӧвӧл, нош картэз. Озьы ик картэз но аслаз мугорызлы кузё ӧвӧл, нош кышноез.

⁵Ог-огдылэсь эн палэнске, огкылысь луыса гинэ, пост возьыкуды но вӧсяськыкуды, собере нош ик ӵош кариське, тӥляд чидамтэеныды сэрен сатана медаз бичиаты шуыса.

⁶ Мон тае косыса уг вераськы, нош лэземын озьы улыны шуисько.

⁷Нош мон мылкыд карисько, ваньмыз калык мон кадь мед луысалзы шуыса; нош котькудызлы адямилы Инмар нимысьтыз кузьым сётэ, одӥгезлы - таӵе, мукетызлы - мукет.

⁸Нош куспалъяськымтэослы но пал кылем кышномуртъёслы верасько: ӟеч луысал соослы кыльыны мон кадь ик.

⁹Нош возиськыса улыны уг ке быгато, соку мед кузпалъяськозы, малыке шуоно ӟечгес луоз куспалъяськыны, ӝуась мылкыдын улэмлэсь.

¹⁰Нош куспалъяськемъёслы мон уг вераськы, нош Кузё Инмар уг лэзьы люкиськыны картэныды.

¹¹Нош люкиськиз ке, кыльыны кулэ пал, яке картэныз тупатскыны, озьы ик пиосмурт но люкиськыны кулэ ӧвӧл кышноеныз.

¹²Мукетъёсызлы мон вераськы, нош Кузё Инмар уг вера: кыӵе-ке вынлэн кышноез Инмарлы уг ке оскы, но со мылкыд каре улыны картэныз, пиосмур люкиськыны кулэ ӧвӧл кышноеныз;

¹³ кышномуртлэн но картэз Инмарлы уг ке оскы, со но мылкыд каре ке улыны кышноеныз, люкиськыны кулэ ӧвӧл соин.

¹⁴Малыке шуоно Инмарлы оскисьтэм пиосмурт освящаться кариське оскись кышноеныз, озьы ик оскисьтэм кышномурт освящаться кариське Инмарлы оскись картэзлэсь. Озьы ке ӧй луысал, тӥляд нылпиосты чылкытэсь ӧй луысалзы, нош озьы бере соос - святоесь.

¹⁵Инмарлы оскисьтэм пиосмуртлэн яке кышномуртлэн люкиськемзы потэ ке, мед люкиськозы; вын яке сузэр сыӵе дыръя герӟамын ӧвӧл; тупаса улонлы ӧте асьмедыз Инмар.

¹⁶Кышномурт, кытысь тон тодӥськод, карттэ спасти уд кары шуыса? Яке, тон, пиосмурт, кытысь тодӥськод, уд спасти кары шуыса кышнодэ?

¹⁷Котькудыз озьы лэсьты, кызьы Инмар малпаз, но кызьы Кузё Инмар ӧтӥз. озьы ик мон косон сётӥсько вань черкъёслы.

¹⁸ Обрезать каремез ӧтемын ке кинке, эн ваты сое; обрезать карымтэеез ӧтемын ке кинке, эн лэсьты аслыд обрезание.

¹⁹Обрезание но обрезать карымтэ номыр но ӧвӧл, нош ваньмызлэсь кулэлэгес Инмарлэсь заповедьёссэ быдэстон.

²⁰Котькудыз кыль сыӵе быдӟымлыкен, кыӵееныз ӧтемын.

²¹Тон ӧтемын ке раб луыса, эн возьдаськы; нош мозмытскыны быгатӥськод ке, соку лэсьты сое, мар ӟечгес.

²²Малыке шуоно раб, Кузё Инмар пушкын ӧтемез, Инмар понна свободный луэ; озьы ик свободнойёс пӧлысь ӧтемез Христослэн рабез луэ.

²³Тӥ басьтэмын дуно дунын; эн луэлэ адямиослы рабъёс.

²⁴Вынъёс, кин тӥ пӧлысь кыӵе быдӟымлыкен ӧтемын, сыӵе ик кыле Инмар азьын.

²⁵Мугорез исамтэ кельтон сярысь мынам ӧвӧл Кузё Инмарлэн косэмез, нош сётӥсько визькенеш Инмарлэсь милостьсэ басьтэм мурт кадь кыльыны шонерлыко Солы:

²⁶ӟечгес луоз адямилы кузпалтэк кыльыны.

²⁷Кузпалъяськемын ке тон - эн утча люкиськон. Кылид ке кышнотэк - эн утча кышно.

²⁸Нош кузпалъяськид ке но сьӧлык уд лэсьты, нылмурт бызьиз ке но сьӧлык уз лэсьты. Нош сыӵеослэн мугорзы курадӟённъёс адӟёно луозы, мыным тӥ жаль потӥськоды.

²⁹Мон верасько тӥлед вынъёс: дыр ичи кылиз ини, соин ик куспалъяськемъёс луыны кулэ куспалъяськымтэ кадесь,

³⁰бӧрдӥсьёс - бӧрдӥсьтэмъёс кадь, шумпотӥсьёс - шумпотӥсьтэмъёс кадь, басьяськисьёс - басьяськистэмъёс кадь;

³¹та дуннеелэсь пайда басьтӥсьёс - пайдабасьтӥсьтэмъёс кадь, малыке шуоно та дуннелэн дырыз быре ини.

³²Нош мон мылкыд карисько, тӥ медаз секыт ныпыямын луэ шуыса сюлмаськонъёсын. Куспалъяськымтэ мурт малпаське Кузё Инмарлэнэз сярысь, кызьы кельшыны Солы;

³³нош куспалъяськемез дуннелэнэз сярысь малпаське, кызьы кышноезлы кельшыны. Вань пӧртэмлыкез быземез но бызьымтэез кышномуртлэн:

³⁴бызьымтэез малпаське Кузё Инмарлэнэз сярысь, кызьы кельшыны Солы, мугорыныз но духеныз но святой кыльыны; нош быземез малпаське дуннелэнэз сярысь, кызьы картэзлы кельшыны.

³⁵Тӥледлы пайда мед луоз шуыса верасько, тӥ вылэ секыт ныпыет ныпыян понна уг вераськы, тӥ умой но ялан палэнэ учкылытэк Кузё Инмарлы служить мед кароды шуыса.

³⁶Нош кин ке умойтэмен лыдъя ке нылмуртлы быдэ вуэмез бере, озьы ик кыльыны, кызьы лэсьтэмез потэ, озьы ик мед лэсьтоз: сьӧлык уз луы; сыӵеос мед бызёзы.

³⁷Нош кин юн сылэ но ӧвӧл солэн сыӵе куронъёсыз, но ворме аслысьтыз мылпотэмъёссэ, малпаськиз-ке аслысьтыз мугорзэ исамтэ кельтыны, ӟеч лэсьтоз.

³⁸Соин ик аслысьтыз нылзэ бызьыны сётӥсь мур ӟеч лэсьтэ, нош кудыз уг сёты солэсь но ӟечгес лэсьтэ.

³⁹Кышномурт законэн герӟямын куспалыныз, нош картэз кулӥз ке, со бызьыны быгатэ котькудызлы Инмарлы оскись муртлы, кинлы мылыз потоз.

⁴⁰Но со луысал шудогес, кыльысал ке пал, кызьы мон визькенеш сётӥсько; нош малпасько, мон пушкын но вань шуыса Инмарлэн Духез.

Chapter 8

¹Ми тодӥськом идоложертвенной сиён сярысь

²Кин малпа, маеке тодэ шуыса, со номыре но уг на тоды, кызьы со тодыны кулэ.

³Нош Инмарез яратӥсь адямилы, сётэмын Солэсь тодон-валан.

⁴Идоложертвенной сиёнэз сиён сярысь ми тодӥськом, дуннеын идол номыр но ӧвӧл шуыса, но ӧвӧл мукетыз Инмар, Одӥго Инмар сяна.

⁵Коть вань инмар шуоноос инмын яке музъем валын, малыке шуоно трос инмаръёс но кузёоос,

⁶нош милям одӥг Атай Инмармы, Кудызлэсь ваньмыз, но ми Со понна, но одӥг Кузё Иисус Христос, Кудыныз ваньмыз лэсьтэмын, ми но лэсьтэмын Соин.

⁷Нош ваньмызлэн ӧвӧл сыӵе тодонез: куд огез курдаса, идолъёсын лыдъяськыса, идоложертвонноез сие но соку соослэн йырвизьзы вера соослы, со сиён чылкыт ӧвӧл шуыса.

⁸Сиён уг матэ кар асьмедыз Инмар доры: малыке шуоно куке ми сиськиськомы, ми номыре но ум басьтӥське, куке ум но сиськиське, номыр но ум ыштӥське.

⁹Сак луэ, тӥляд свободады медаз луы лябъёслы ӵемтаськон,

¹⁰кин ке адӟиз ке, тон, тодыса, пукиськод ӝӧк сьӧрын идолопоклонникъёслэн храмазы шуыса, соку лябъёслэн йырвизьзы уз-а косы соосты сиыны идолъёслэсь жертвазэс?

¹¹Тынад тодон-валанэд сэрен быре ляб выныд, кудыз понна курадӟиз Христос.

¹²Озьы сьӧлык лэсьтыса вынъстылы пумит но вӧсь карыса соослэсь ваньзэ валаны быгатонтэм сюлэмзэс, тӥ сьӧлык лэсьтӥськоды Христос пумитэ.

¹³Соин ик, сиен ӵемтаськытэ ке мынысьтым вынме, уг сиы силь нокуно, со медаз ӵемтаськы шуыса.

Chapter 9

¹Шат мон ӧвӧл Апостол? Шат мон свободной ӧвӧл? Шат мон ӧй адӟылы Асьмелэсь Кузёмес Иисус Христосэз? Шат тӥ ӧвӧл мынам уже Инмар пушкын?

²Мукетъёсызлы мон ӧвӧл ке Апостол , нош тӥ понна Апостол, малыке шуоно мынам Апостол луэмелэн печатез - тӥ Кузё Инмар пушкын.

³Отын мынам утӥськонэ соос пумитэ, кин монэ судить каре.

⁴Ӧвӧл шат асьмелэн луонлыкмы сиыны но юыны но?

⁵Яке ӧвӧл асьмелэн луонлыкмы Инмарлы оскись кышномуртэн кузпалъяськыны, кызьы мукетъёсыз но Апостолъёс, но Кузё Инмар пушкын вынъёс, но Кифа?

⁶Яке мон но Варнава гинэ ум быгатӥське ужатэк улыны?

⁷Кыӵе солдат служть кароз аслаз коньдонэныз? Кинке виноград мерттэ ке, уг шат сиы солэсь емышсэ? Кинке пудо возьма ке, уг юы шат йолзэ со пудоосызлэсь?

⁸Адямиослэн адӟемзлы ласянь шат малпасько но верасько со сярысь? Шат со сярысь ик закон но уг дышеты?

⁹Уго Моисейлэн законаз гожтэмын: "Эн пытса ымзэ йыръиськись ошлэсь" Ошъёс сярысь Инмар чаклаське?

¹⁰Яке, бен, та верамын ми понна? Яке, та гожтэмын ми понна, малыке шуоно гырись мурт гырыны кулэ оскыса, кутсась кутсаны кулэ оскыса басьтоз шуыса витемзэ.

¹¹Ми кизимы ке тӥ пушкы духовнойзэ, быдӟым луоз-а, арамы ке тӥ дорын сисьмисьсэ?

¹²Тӥ дорын мукетъёсызыз кузёясько ке, ми бадӟымесьгес ӧвӧл-а? Нош ми ӧм кузёяське, нош ваньзэ чидаськом, медаз луэ шуыса нокыӵе но шуг-секытъёс Христосэз благовествовать каронын.

¹³Шат уд тодӥське священникъёс сисько шуыса храме ваемезлэсь? Кин служить каре жертвенник дорын, басьтэ люкетсэ жертвенникысь?

¹⁴Озьы ик Кузё Инмар Евангелиеез проповедовать карисьёслы косӥз улыны благовествовать каремзылэсь.

¹⁵Нош мон ой басьты номырэз но тае. Нош мае-ке басьтон вылысь ӧй гожты тае, малыке шуоно мыным ӟечгес луоз кулыны, кинлыке луонлык сётытчёзь мынысьтым басьтыны вылтӥяськыны быгатонлыкме.

¹⁶Уго мон уг ушъяськиськы, нош благовествовать карисько, мынам со объязанносте, куректон мыным, мон ой ке благовествовать кары!

¹⁷Мон аслам потэмелэсь тае лэсьтысал ке, соку сётысалзы мыным дан- кузьым, нош лэсьтӥсько-ке косэмлэзь, соку быдэстӥсько мыным сётэм служениез гинэ.

¹⁸Ма понна мыным дан-кузьым? Со понна, Евангелиеез проповедовать но Христос сярысь благовествовать карисько аслым пайда поттытэк, но благовествовать каремелэсь сётэм властеныз дасяз уг улӥськы.

¹⁹Мон ваньмызлэсь свободной ке но, мон ваньмызлы раб луи, аслым карон вылысь кызьы-ке но тросгес:

²⁰Иудейёс понна мон Иудей кадь вал, Иудейёсты аслым карон вылысь; законъя улӥсьёс понна вал законъя улӥсь кадь, законъя улӥсьёсты аслым карон понна;

²¹закон понна свободнойёслы - законлэсь свободной кадь, мон ӧй но ке вал свободной законлэсь Инмар азьын, нош Христослы закон улын, закон понна свободнойёсты аслым карон понна;

²²лябъёс понна лябъёс кадь вал, лябъёсты аслым карон понна. Ваньмызлы мон луи ваньмыз, спасти карон понна конязэ-ке но.

²³Ваньзэ тае лэсьтӥсько Евангелие понна, солы пыриськись луон вылысь.

²⁴Тӥ уд тодӥське шат, ӵошатсконъёсын бызё ваньмыз, нош дан-кузьым одӥгезлы гинэ сёто? Озьы бере бызе, дан-кузьым басьтон понна.

²⁵Ваньмыз соос асьсэды ваньмызтэк кельто, сисьмоно венец понна, нош ми сисьмонтэм венец понна.

²⁶Соин ик мон бызисько-ке, бызьысько пумозяз но мыжыкме уг сэзьяськы омырез сэзьян понна.

²⁷Нош ас ки улам возисько но зибломытсько мугорме, мукетъёсызлы проповедовать карыкум, аслым медаз кылено луы шуыса ярантэм.

Chapter 10

¹Вынъёсы, тодытэк кельтэме уг поты тӥледыз, асьмелэн атайёсмы ваньмыз вал шуыса пилем улын, но ваньмыз ортчизы море пыртӥ;

²но ваньмыз крестится кариськизы Моисейлы пилемын но мореын;

³но ваньмыз сиизы одӥг кадь духовной сиён;

⁴но ваньмыз юизы одӥг кадь духовной юон, малыке шуоно юизы духовной изысь, кудыз бӧрсязы мынӥз, но со из вал Христос.

⁵Нош Инмарлы соос ваньмыз ӧз кельше, соин ик соос быдтэмын вал пустыняын.

⁶Нош со вал милем возьматонъёс, ми медаз йыркуръяське шуыса, кызьы соос йыркуръяськылӥзы.

⁷Но эн йыбырттэ идолъёслы, кызьы куд огез соос пӧлысь, кудъёсыз сярысь гожтэмын: "Калык пуксиз сиыны но юыны, но султӥз шудыны".

⁸Ум улэ азон-калгон улонэн, кызьы куд огез улӥзы, со понна соос быризы одӥг нуналэ кызь куинь сюрс.

⁹Ум эскере Христосэз, кызьы куд огез эскеризы но быризы змеяослэсь.

¹⁰Роптать эн карелэ, кызьы куд огез соос пӧлысь роптать каризы но быризы быдтӥсьлэсь.

¹¹Ваньмыз со луиз соосын милем возьматонъёс понна но гожтэмын асьмедыз, берпуметӥ дауръёсын улӥсьёслы валэктыны.

¹²Соин ик, кин малпа, сылэ шуыса, усемезлэсь мед утиськоз.

¹³Тӥ доры искушение мукетыз ӧз лыкты, адямилэнэз сяна; нош Инмар оскымон, Кудыз уз сёты искусить карыны чидандылэсь бадӟымгес, нош искушение дыръя капчиомон но сётоз, тӥ мед быгатоды шуыса чиданы.

¹⁴Соин ик, мынам яратоноосы, палэнскэ идолъёслы служить каремлэсь.

¹⁵Мон тӥледлы валасьёслы кадь верасько; асьтэос тодыны-валаны тыршелэ, мае мон верасько.

¹⁶Винаен чаша, кудыз понна Инмарлы тау кариськоды, асьмедыз Христослэн Виреныз огазе уг кары шат? Нянь, кудзэ тӥялляськомы, асьмедыз Христослэн Мугорыныз огазе уг кары шат?

¹⁷Нянь одӥг, асьмеос трос кузя ке но, луиськомы одӥг мугор, малыке шуоно причастится кариськом одӥг няньлэсь.

¹⁸Израиль калык шоры учкелэ: кудъёсыз сиё жертваосты, ӧвӧл шат жертвенникын пыриськисьёс?

¹⁹Мар бен верасько мон? Верасько-а, идол яке идоложертвоной мар-ке но луо шуыса?

²⁰Ӧвӧл, нош язычникъёс, жертва сётыкузы, сёто демонъёслы, нош Инмарлы уг сёто. Нош мон мылкыд уг кариськы, тӥ мед демонъёсын кусып возёды шуыса.

²¹Уд быгатӥське юыны Кузё Инмарлэсь чашаысьтызы но демонъёслэн чашаысьтызы; уд быгатӥське пыриськыны Кузё Инмарлэн трапезаяз но демонъёслэн трапезаязы.

²²Кузё Инмарлэсь вожзэ поттыны дӥсьтомы шат? Асьмеос Солэсь кужмоесьгес шат?

²³Мыным котьмар карыны лэземын, нош ваньмыз ик пайда уг сёты; мыным котьмар карыны лэземын, нош ваньмыз ик монэ уг дышеты.

²⁴Нокин но аслыз пайда медаз утча, нош мукетызлы пайда мед утчалоз.

²⁵Ваньмыз мар вузаське, сиелэ эскерытэк, кышкатэк совестьтылэсь,

²⁶малыке шуоно Кузё Инмарлэн музъем но ваньмыз мар вань отын.

²⁷Инмарлы оскисьтэм адями ӧтиз ке тӥледыз, но тӥляд мынэмды потоз, соку ваньзэ, мае ӝӧк вылэ пуктоз эскерытэк сиелэ, совестьтылэсь кышкатэк.

²⁸Нош кинке вераз ке, та жертва идолы шуыса, соку, со понна, кин вераз тӥледлы но совестьты понна эн сиелэ.Малыке шуоно Кузё Инмарлэн музъем но ваньмыз мар вань отын.

²⁹Мон уг вераськы аслам совесте сярысь, нош мукетъёсызлэн, кинъёс лыдъяло сьӧлыкен сиыны та сиёнэз: ма понна мынам свободае судить каремын луыны кулэ муртлэн совестеныз?

³⁰Мон Инмарлы тау карыса сиисько ке, ма понна пыкылыны кулэ монэ? Мон тау каремысь, шат?

³¹Озьы бере, сииськоды-ке, юиськоды-ке яке мае-ке мукетсэ лэсьтӥськоды-ке, ваньзэ лэсьт Инмарлэн данэз понна.

³²Уд луэлэ ӵемтон Иудейёслы но, Елинъёслы но, Инмарлэн черкезлы но,

³³кызьы мон яраны тыршисько ваньмызлы котьма ласянь аслым пайда утчатэк, нош тросэзлы пайда мед луоз шуыса, соослэн спасениезы понна.

Chapter 11

¹Мынысьтым адӟем каре, кызьы мон Христрслы.

²Ушъясько тӥледыз, вынъёсы, тӥ тодӥськоды шуыса мынысьтым дышетэмме но возьиськиськоды со борды.

³Озьы ик мылкыд карисько, тӥ мед тододы шуыса, кодькуд пиосмуртлы кузё - Христос, кышномуртлы кузё - картэз, нош Христослы кузё - Инмар.

⁴Котькыӵе пиосмурт, йырзэ шобыртыса вӧсяське яке пророчествовать каре-ке, аслысьтыз йырзэ позорить каре.

⁵Но котькыӵе кышномурт, йырзэ шобыртытэк вӧсяське яке пророчествовать каре-ке, аслысьтыз йырзэ позорить каре, озьы кадь ик со, солэн йырыз брить каремын ке луысал.

⁶Мукет сямен кышномурлэн уг ке поты йырзэ шобыртыны, соку мед ӵышкиськоз; кышномуртлы возьыт ке ӵышкиськыса яке бриться кариськыса улыны, соку мед йырзэ шобыртоз.

⁷Пиосмуртлы кулэ ӧвӧл йырзэ шобыртыны, малыке шуоно со - тусыз но данэз Инмарлэн, нош кышномурт - картэзлэн данэз.

⁸Уго кышномуртлэсь пиосмурт ӧвӧл, нош пиосмуртлэсь кышномурт;

⁹пиосмурт ӧвӧл лэсьтэмын кышномурт понна, нош кышномурт лэсьтэмын пиосмурт понна.

¹⁰Соин ик кышномуртлэн йыр вылаз луыны кулэ пусэз, кудызъя ангелъёс адӟёзы кышномуртлы картэз кузё луэ шуыса.

¹¹Озьы ке но, Инмар азьын, кышномурт пиосмурт понна, пиосмурт кышномурт понна.

¹²Уго кызьы кышномур пиосмуртлэсь, озьы ик пиосмурт кышномуртлэсь вордӥськемын; нош ваньмыз - Инмарлэсь.

¹³Малпалэ асьтэос, яра-а кышномуртлы вӧсяськыны Инмарлы йырзэ шобыртытэк?

¹⁴Ачиз инкуазь уг дышеты шат тӥледыз, пиосмур будэтӥз ке кузь йырси, соку со возьдаськон со понна,

¹⁵нош кышномурт кузь будэтӥз ке йырсизэ, со понна со сиё-дан, малыке шуоно солы йырси сётэмын шобырет интые?

¹⁶Кинлэнке вожвылъяськемез потӥз ке, соку милям но, Инмарлэн черкъёсызлэн но сыӵе сямъёсыз ӧвӧл.

¹⁷Тӥледыз дышетыса, уг ушъяськы,тӥ ӟечез понна уд люкаськиське шуыса, нош уродэз понна.

¹⁸Нырысь ик, кылӥсько, куке тӥ люкаськиськоды черкын, тӥ пӧлын люкиськонъёс луо, кудызлы кӧняке оскисько.

¹⁹Малпаськонъёс пӧлын люкиськонъёс но кулэ луо, мед усьтӥськозы шуыса яраноосыз тӥ пӧлысь.

²⁰Кыктэтӥез, тӥ люкаськиськоды-ке, Кузё Инмарлэн вечерияз кадь уд люкаськиське,

²¹уго котькудыз дыртэ мукетъёсызлэсь азьлогес сиыны аслысьтыз сиёнзэ, одӥгез сютэм кыле, нош мукетыз кудӟе.

²²Тӥляд ӧвӧл шат коркаосты, кытын быгатӥськоды сиыны но юыны но? Яке Инмарлэсь черксэ кулэтэм кариськоды но ултӥяськоды начаръёсты? Мар веран тӥледлы? Ушъяно тӥледыз со понна? Уг ушъя.

²³Мон Аслысьтыз Кузё Инмарлэсь басьтӥ сое, мае тӥлед но сётӥ, Иисус Кузёмы со уйе, куке вузамын вал, басьтӥз нянь

²⁴но, тау карыса, тӥялтӥз но шуиз:" Басьтэ, сие, та Мынам Мугоры, тӥ понна курадӟемын. тазьы лэсьтэ Монэ тодады вайыкуды".

²⁵Озьы ик басьтӥз чашаез но вечерия бере, и шуиз:" Та чаша вань выль завет Мынам Вирам; тае лэсьтэ соку гинэ куке тодады вайёды Монэ,

²⁶соин ик котьку, ку тӥ сииськоды та нянез но юиськоды та чашаез, Кузё Инмарлэсь кулэмзэ ивортӥськоды дыр вуытчёзь, Со лыктытчёзь.

²⁷Соин ик, кин сиёз та нянез яке юоз Кузё Инмарлэсь чашазэ недостойно, янгыш луоз Кузё Инмарлэн Мугорыз но Вирыз пумитэ.

²⁸Мед эскероз асьсэ адями, но соку та няньлэсь мед сиёз но мед юоз та чашаысь.

²⁹Нош кин сие но юэ ке недостойно, со сие но юэ асьсэ янгыше уськытыны, малпаськытэк Кузё Инмарлэн Мугорыз сярысь.

³⁰Со сэрэн тӥ пӧлын тросэз лябез но висисез, но тросэз кулыло.

³¹Тӥ асьтэды асьтэос судить карысалды ке, судить каремын ой луысалды.

³²Кузё Инмар милемыз судить каре, ми медаз судить каремын ни луэ шуыса дуннеен ӵош.

³³Озьыен, мынам вынъёсы, вечерияе люкаськыкуды, ог огдэс вителэ.

³⁴Нош кинлэн котыз сюма, мед дораз сиськоз, Инмар медаз судить кар шуыса тӥляд люкаськемды понна. Мукетъёссэ мон верало тӥледлы, лыктэм берам.

Chapter 12

¹Вынъёсы, кельтэме уг поты тӥледыз, тодытэк духлэн даръёсыз сярысь.

²Тодӥськоды, куке тӥ язычникъёс вал, ветлылӥды вераськыны быгатӥсьтэм идолъёс доры озьы, тӥледыз кинке нуэ кадь вал.

³Соин ик валэктӥсько тӥледлы, нокин но, Инмарлэн Духеныз вераськись, уг вера проклятие Иисус вылэ, но нокин но уг быгаты вераны Иисусэз Кузёен, куе солэн ӧвӧл Святой Духез.

⁴Даръёс пӧртэмесь, нош Дух одӥг кадь котьку;

⁵служениос но пӧртэмесь, нош Кузё Инмар одӥг котьку;

⁶ужъёс но пӧртэмесь, нош Инмар одӥг котьку, ваньзэ лэсьтэ ваньмызлы.

⁷Нош котькудызлы сётэ Духлэсь возьматӥськемзэ пайдалы.

⁸Одӥгезлы Духен сётӥське визьлыко кыл, мукетызлы тодон кыл, со Духен ик;

⁹мукетызлы оскон, сыӵе ик Духен; мукетызлы катьяны быгатон даръёс, сыӵе ик Духен;

¹⁰мукетызлы кужым чудоос лэсьтыны, мукетызлы пророчествовать карыны, мукетызлы духъёсты тодманы быгатон, мукетызлы пӧртэм кылъёс, мукетызлы кылъёсты валэктон.

¹¹Ваньзэ тае лэсьтэ одӥг кадь Дух, висъяса котькудызлы нимысьтыз, кызьы Со кулэ каре.

¹²Уго, кызьы мугор одӥг, но трос люкетъёслэсь луэ, но ваньмыз соос одӥг мугорлэн люкетъёсыз, соос трос ке но, одӥг мугор луо,- озьы ик Христос но.

¹³Озьы ик ми но одӥг Духен крестится кариськимы одӥг мугор пушкын, Иудейёс но Еллинъёс, рабъёс но свободнойёс, но ваньмыз одӥг Духен сектамын.

¹⁴Уго мугор уг луы одӥг люкетысь, нош трос люкетъёсысь.

¹⁵Пыд шуиз ке:" Мон мугорлэн ӧвӧл, ки мон ӧвӧл шуыса", соин сэрен со мугорлэн ӧвӧл шат?

¹⁶Но пель шуиз ке:" Мон мугорлэн ӧвӧл, мон син ӧвӧл шуыса", соин сэрен со мугорлэн ӧвӧл шат?

¹⁷Быдэс мугор син ке, соку маин кылзыны? Быдэсэз пель ке, соку маин адӟыны?

¹⁸Нош Инмар котькуд люкетсэ мугорлэсь пуктӥз озьы, кызьы Со малпаз.

¹⁹Нош ваньмыз луысалзы ке мугорлэн одӥг люкетэз, соку кытын мугор?

²⁰Нош табере мугорын трос пӧртэм люкетъёсыз, нош мугор одӥг.

²¹Син уг быгаты вераны килы:" Тон мыны кулэ ӧвӧл шуыса"; озьы ик йыр но пыдъёслы:"Тӥ мыным кулэ ӧвӧл".

²²Мугорлэн люкетъёсыз, кудъёссэ малпаськом лябесь шуыса, тужгес но кулэесьгес,

²³но кудъёсэ ми малпаськом мугорын йоно ӧвӧл шуыса, соос сярысь чакласькиськом тросгес;

²⁴чебер адскисьтэм мугорлэсь люкетъёссэ тужгес но дано дӥсясько, нош синмаськымоноосыз кулэ ӧвӧл дӥсяны. Нош Инмар кылдытӥз мугор, дантэм адскись люкетызлы бадӟымгес сюлмаськон,

²⁵медаз луы шуыса мугорын висъяськонъёс, ваньмыз люкетъёс ог-огзы сярысь огкадь мед сюлмаськозы шуыса.

²⁶Соин ик, курадӟе ке мугорлэн одӥгез люкетыз - соин ӵош курадӟё ваньмыз люкетъёсыз; одӥге данъяське ке - соин ӵош шум пото ваньмыз мугорлэн люкетъёсыз.

²⁷Тӥ но - Христослэн мугорыз, нош нимаз - мугорлэн люкетъёсыз.

²⁸Инмар пуктӥз черкын, нырысь ик, апостолъёсты, кыкетӥзэ, пророкъёсты, куиньметӥзэ, дышетӥсьёсты; со бере мукетъёсызлы сётӥз кужым чудоос лэсьтыны, озьы ик мукет даръёс: катьян, юрттон, кивалтон, пӧртэм кылъёс.

²⁹Ваньмыз-а Апостолъёс? Ваньмыз-а пророкъёс? Ваньмыз-а дышетӥсьёс? Ваньмызлэн-а вань кужымзы чудоос лэсьтыны?

³⁰Ваньмызлэн-а вань катьяны быгатон дарзы? Ваньмыз-а верасько кылъёсын? Ваньмыз-а кылъёсты валэкто?

³¹Вожъяське бадӟым даръёс понна, но мон возьмато тӥледлы усто сюрес.

Chapter 13

¹Мон вераськисько ке адямиослэн но ангелъёслэн кылынызы, нош яратонэ ӧвӧл мынам, соку мон - жингыртӥсь ыргон яке жингыр вазись кимвал гинэ.

²Вань ке мынам пророчествовать карон даре но тодӥсько ваньзэ лушкемзэ, котьмае но тодонэ вань но котькыӵе осконэ, гурезьёсты но интыысьтызы вожтыны быгатӥсько, нош ӧвӧл яратонэ - соку мон ӧвӧлтэм.

³Но сётчай но ке ваньзэ ваньбурме но сутыны сёти ке мугорме, нош яратонэ ӧвӧл, соку ӧвӧл мыным солэсь пайдаез.

⁴Яратон кема чида, милосердие проявлять каре, яратон уг вожъяськы, яратон асьсэ вылӥе уг пукты, уг вылтӥяськы,

⁵бардак уг лэсьты, аслысьтыз пайда уг утча, уг лекъяськы, уродзэ уг малпа,

⁶шум уг поты шонертэмезлы, нош зэмлыклы шумпотэ;

⁷ваньзэ шобыртэ, ваньмызлы оске, ваньмызлы надеятся кариське, ваньзэ чида.

⁸Яратон ноку но уз дугды, пророчествоос но ке дугдозы, кылъёс но ке чусомозы, тодонъёс но ке кулэтэм луозы,

⁹малыке шуоно ми кӧня-ке тодӥськом но кӧня-ке пророчествовать кариськом.

¹⁰Куке вуоз совершенноез, соку ваньмыз, огласянэз гинэ, дугдоз.

¹¹Куке мон вал пинал, соку мон вераськылӥ пинал кадь, малпаськылӥ пинал кадь, куке луи пиосмурт, кельтӥ пинал амалъёсме.

¹²Али ми адӟиськомы пеймыт стекло пыртӥ кадь, уйвотамы кадь, соку нош адӟёмы синмысь синме; али мон троссэ уг тодӥськы, нош соку тодо, кызьы монэ Инмар тодэ.

¹³Табере та куиньёс уло: оскон, оскиськон, яратон; нош яратон ваньмызлэсь бадӟымгес.

Chapter 14

¹Яратон доры вуыны тыршелэ; духовной даръёс понна вожалэ, уката но пророчествовать карыны,

²уго кин тодмотэм кылын вераське, со Инмарлы вера, нош калыклы уг, уго сое нокин но уг вала, со лушкемзэ вера духэн;

³нош кин пророчествовать каре, со калыкъёслы визьнода, валэктон но буйгатон понна вера.

⁴Кин вераське тодмотэм кылын, со асьсэ ачиз визьнода; нош кин пророчествовать каре, со черклы визьнод сётэ.

⁵Мылкыд карисько, ваньды кылъёсын мед вераськоды шуыса; но ӟечгес луоз тӥ пророчествовать кариды-ке; уго пророчествовать карись мурт вылӥынгес кылъёсын вераськисьлэсь, со сяна, куке со, черк мед валалоз шуыса, ачиз ик валэктэ ке.

⁶Табере, мон лыктӥ ке тӥ доры вынъёсы, но ӧдъяло-ке вераськыны тодмотэм кылъёсын, соку кыӵе пайда ваё мон тӥледлы, куке тӥледлы валэктыса уг ке вера яке усьтӥськонэз, яке мур тодонэз, яке пророчествоез, яке дышетонэз?

⁷Но лултэм куара поттӥсесь арбериос, чипчирган яке крезь, висъяськись куараос уг ке потто, кызьы валалод мар шудэ - чипчирган яке крезь?

⁸Гумы валантэм куара поттӥз-ке, кин дасяськоз ожмаськыны?

⁹Озьы ик тӥ но тодмотэм кылъёс вераськоды-ке, сокы кызьы валаны, мае тӥ вераськоды? Тӥ тӧллы вералоды.

¹⁰Коня дуннеын кылъёс, кудъёсыз маеке но веразо.

¹¹Мон уг ке валаськы кыллэсь пуштроссэ, соку мон верасьлы иностранец, но верась мон понна иностранец,

¹²Озьы ик тӥ но кулэяське духовной даръёс понна, тыршелэ басьтыны соосты черкез наставить карон понна.

¹³Но тодмотэм кылын вераськись, вӧсяськы кылъёсты валэктыны быгатон даръёс понна,

¹⁴кеке мон вӧсяськисько тодмотэм кылын, мынам духе вӧсяське ке но, нош мынам йырвизьмы кыле емыштэк.

¹⁵Мар лэсьтоно? Вӧсясько духэн, вӧсясько визьмын но; кырӟяло духен, кырӟяло йырвизьмын но,

¹⁶малыке шуоно тон тау карид-ке духэн, огшоры кылзиськись кызьы шуоз "аминь" тынад тау каремедлы, уго со уг вала мае тон вераськод.

¹⁷Тон ӟеч тау кариськод, нош мукетыз визьнод уг басьты.

¹⁸Тау шуисько мынам Инмарелы: мон ваньдылэсь тросгез вераськисько кылъёсын,

¹⁹нош черкын вераме потэ вить кыл визьмыным, мукетъёссэ но дышетон понна, тросс тодонтэм кылын вераськемлэсь.

²⁰Вынъёсы эн луэ йырвизьмыныды пиналэсь: лек ужъёслы луэ пиналэсь, йырвизьмыныды луэ арлыдоесь.

²¹Законын гожтэмын:" Пӧртэм кылъёсын но сьӧрлось лыктэмъёс пыртӥ верало мон та калыклы, нош соку-но уз кылзӥське Монэ",-вера Кузё-Инмар".

²²Озьыен пӧртэм кылъёсын вераськон дар - со Инмарлы оскисьёслы пус ӧвӧл, нош Инмарлы оскисьтэмъёслы; пророчество Инмарлы оскисьтэмъёслы ӧвӧл, нош Инмарлы оскисьёслы.

²³Быдэс черк ӵош луон дыръяз, вераськиз ке тодмотэм кылын, соку, отчы пыризы-ке огшоры, яке оскисьтэм адямиос, уз-а вералэ, тӥ бесноваться кариськиськоды шуыса?

²⁴Ну куке ваньмыз пророчествовать карыку, пыроз оскисьтэм яке тодӥсьтэм адями, соку со ваньмыныз шараяськоз но ваньмыныз судить каремын луоз.

²⁵Озьы, солэн сюлэм пушкысьтыз ватэмез шараяськоз, со усёз но йыбырттоз Инмарлы но шуоз:"Зэм -ик тӥленыд Инмар".

²⁶Мар бен вынъёсы? Куке тӥ люкаськиськоды, котькуддылэн вань псаломез, вань дышетонэз, вань портэм кылыз, вань усьтӥськонэз, валэктыны быгатонэз вань,- таос ваньмыз визнод сётон понна мед луозы.

²⁷Кин-ке вераське-ке тодмотэм кылъёсын, вераське кык яке куинь ӵошен, но соку нимаз, бӧрсьысь вераське, нош одӥгез валэктыны кулэ.

²⁸Ӧвӧл ке валэктыны быгатӥсь мурт пӧлады, соку чус ул черкын, нош вера аслыд но Инмарлы.

²⁹Пророкъёс но мед вераськозы кык яке кинь кузя, нош мукетъёсыз мед верам кылэз чаклалолызы.

³⁰Одӥгезлы пукисьёс пӧлысь луиз-ке усьтӥськон, соку нырысетиез пророк чусомыны кулэ.

³¹Малыке шуоно бӧрсьысь бӧрсьы пророчествовать карыны быгатӥськоды, ваньмызлы дышетскыны но буйгатскон басьтыны.

³²Пророк духъёс но кылзисько пророкъёслэсь,

³³малыке шуоно Инмар ӧвӧл кызьы-ке укыл улонлэн Инмарез, нош тупаса улонлэн. Озьы луэ котькуд черкын святойёслэн.

³⁴Кышномуртъёс тӥляд кенешъёсады чус мед пукозы, лэземын ӧвӧл соослы вераськыны, но луыны кулэ кылзӥськись, кызьы закон косэ.

³⁵Соослэн потэ-ке марлыке дышетскемзы, мед юалозы со сярысь гуртъёсазы картъёссылэсь, чебер уг адӟиськы кышномуртлы вераськыны кенешын.

³⁶Тӥ дорысь шат потӥз Инмарлэн кылыз? Яке тӥледлы гинэ сётэмын вал Со?

³⁷Кин-ке лыдъя-ке асьсэ пророк яке духовной шуыса, валаны кулэ, мае мон гожтӥсько тӥледлы,- Кузё Инмарлэн заповедьёсыз шуыса.

³⁸Кин-ке уг ке вала, соку медаз вала.

³⁹Озьыен, вынъёсы, пророчествовать карыны тыршелэ, но эн люкетэ вераськыны пӧртэм кылъёсын.

⁴⁰Нош ваньмыз луыны кулэ шонер но дырыз-дыръя.

Chapter 15

¹Тодады вайытӥсько, вынъёсы, Ӟеч Иворэз, кудзэ мон тӥледлы вайи, кудзэ тӥ басьтӥды, кудаз тӥ юн золомиды,

²кудыныз спасаться кариськиськоды, сётэмез бордын возиськиськоды-ке озьы, кызьы мон благовествовать кари вал тӥледлы, пайдатэк гинэ ӧд-ке оскелэ,

³малыке шуоно мон нырысь-ик сётӥ сое тӥледлы, мае ачим принять кари, Христос кулӥз шуыса асьмелэн сьӧлыкъёсмы понна, Писание гожтэмъя,

⁴но Со ватэмын вал, но улӟыса кулэмысь султӥз куинетӥ нуналаз, кызьы Писаниын гожтэмын вал,

⁵но Кифа доры возьматскиз, собере Даскыкъёслы,

⁶собере одӥг дыре адӟиськиз вынъёслы, кудъёсыз витьсюлэсь тросс вал, кудъёсыз пӧлысь тросэз улэпесь на, нош куд огез кулӥзы ни;

⁷собере адӟиськиз Иаковлы, озьы-ик ваньмызлы Апостолъёслы;

⁸нош ваньмыз бере возьматскиз мыным но, дырызлэсь вазь вардскем нунылы кадь.

⁹малыке шуоно мон самой покчиез апостолъёс пӧлысь, Апостол лыдъяськыны но уг сылӥськы, уго мон Инмарлэсь Черксэ улляса ветлӥ.

¹⁰Нош Инмарлэн благодатезъя мон вань, кыӵе вань; но мон пушкын Солэн благодатез юнме ӧвӧл, мон тырши ваньмызлэсь тросгес, мон ӧй тыршы, нош Инмарлэн благодатез, кудыз монэным.

¹¹Мон яке соос - ми озьы проповедовать кариськомы, но тӥ озьы оскиды.

¹²Верамын ке, Христос кулэмысь улӟыса султӥз шуыса, соку малы куд огез тӥ пӧлысь верало, кулэмъёс пе улӟыса уг султо?

¹³Кулэмъёс ке улӟыса уг султо, соку Христос но ӧз шат улӟыса султы?

¹⁴Христос ке улӟыса ӧз султы, соку милям вераммы но юнме, юнме асьмелэн осконмы но.

¹⁵Соку дыръя ми луысалмы на Инмар сярысь пӧяса верасьёс, уго ми вераллясалмы Инмар сярысь, Со улӟытыса ӝутӥз Христосэз шуыса, Кудзэ улӟытыса ӧз ӝуты, кулэмъёс улӟыса уг-ке султо.

¹⁶Уго кулэмъёсты улӟытыса уг-ке луы ӝутыны, соку Христос но кулэмысь улӟыса султэмын ӧй вал.

¹⁷Христос кулэмысь улӟытыса ӝутэмын ӧвӧл-ке, соку тӥляд оскемды юнме, озьыен тӥляд сьӧлыкъёсты но тӥ пушкы кылемын.

¹⁸Озьы бере, Христослы оскыса кулэмъёс но бырӥзы.

¹⁹Христослы оскиськыса таяз дуннеын гинэ ке ми улӥськомы, соку ми вань калыкъёслэсь шудтэмесь.

²⁰Нош Христос зэм-ик кулэмысь улӟыса султӥз, нырысетӥез кулэмъёс пӧлысь.

²¹Кызьы дуннее кулон вуиз одӥг адями пыртӥ, озьы-ик кулэмысь улӟыса султон но вуиз одӥг Адями пыртӥ.

²²Кызьы Адам пыртӥ ваньмыз куло, озьы-ик Христос пыртӥ ваньмыз улон доры берытскозы,

²³котькудыз аслаз радызъя: нырысь ик Христос, собере, куке Со лыктоз выльысь, ваньмыз, кинъёс Солэн луо,

²⁴нош собере пумыз вуоз, куке Со быдтоз котькыӵе кивалтӥсьёсты, котькыӵе власьтез но кужымез, сётоз Царствоез Инмарлы но Атайлы.

²⁵Уго Христослы царствовать карыны сётэмын отчёзь, пока вань тушмонъёсты Аслаз пыд азяз уз мыкырты.

²⁶Нош берпуметӥез тушмон - кулон - быдтэмын луоз,

²⁷малыке шуоно Инмар ваньзэ вормыса нюртӥз Солэн пыд азяз. Куке верамын "ваньмыз вормемын шуыса", соку валамон, Инмарэз гинэ ӧвӧл шуыса, Кудыз вормыса сётӥз Христослы ваньзэ.

²⁸Нош куке ваньмыз Солэн ки улаз сётэмын луоз, соку Ачиз Пи покориться кариськоз Инмарлы, Кудыз ваньзэ сётоз кивалтыны Солы, Инмар мед луоз шуыса ваньмыз ваньмаз.

²⁹Мар соку лэсьто соос, кинъёс креститься карисько кулэмъёс понна? Кулэмъёс улӟыса уг ке султо, соку малы крестится карисько соос понна?

³⁰Малы асьмеос но котькуд дыре кышкытлыкъёсты чидаськомы?

³¹Нуналлы быдэ кулонэ нуись кышкытлык мон сьӧры уиське: данъяськисько тӥленыд, вынъёсы, асьмелэн Иисус Христос, Куземы пушкын. ?????

³²Мон адямиослэн малпамъёссыя гинэ-ке нюръяськи кыр пӧйшуръёсын Ефесын, кыӵе мыным пайда, кулэмъёс улӟыса-ке уг султо? Соку ойдолэ сиом но юом, уго ӵуказе куломы!

³³Эн пӧяське: урод огазеяськонъёс ӟеч сямъёсты саптало.

³⁴Чёс-чёс садьяське но сьӧлык эн лэсьтэ, малыке шуоно, тӥлед возьыт луыны кулэ, тӥ пӧлысь куд огез Инмарез уг тодо.

³⁵Нош шуоз кин-ке: Кызьы кулэмъёс улӟёзы? Но кыӵе соослэн мугорзы луоз?"

³⁶Визьтэм! Мае тон кизиськод, уз уда, ӧз ке кулы.

³⁷Но куке тон кизиськод - тон уд кизиськы вуоно мугор, нош голик тысь, кыӵе пӧрмоз, чабей яке кыӵе-ке мукет.

³⁸Нош Инмар сётэ солы мугор кызьы мылыз потэ - котькыӵе кидыслы аслыз мугор.

³⁹Ваньмыз мугоръёсс одӥг кадесь ӧвӧл, адямиослэн асьсэлэн мугоръёссы, пудоживотъёслэн мукет мугоръёссы, ӵёрыгёслэн мукет, тылобурдоослэн мукетэсь.

⁴⁰Вань ин мугоръёс но вань музъём мугоръёс, нош инмысезлэн данэз мукет, музъёмысезлэн - мукет.

⁴¹Шундылэн данэз одӥг, Толызьлэн мукет, кизилиослэн мукет, кизили кизилилэсь но данзы пӧртэм луэ.

⁴²Озьы ик луоз, куке кулэмъёс улӟыса султозы: сисьмон понна кизиське, нош сисьмисьтэм улӟыса султэ;

⁴³дантэк кизиське, улӟе данэн; кизиське кынартэк, кужымен улӟе;

⁴⁴кизиське лул мугор, султэ духовной мугор. Вань лул мугор, духовной но вань мугор.

⁴⁵Озьы ик гожтэмын:" нырысетӥез адями Адам луло лул луиз", нош берпуметӥез Адам луиз улон сётӥсь Дух.

⁴⁶Нырысь ик духовноез ӧвӧл, нош душевноез, нош собере гинэ - духовноез.

⁴⁷Нырысетӥ адями лэсьтэмын вал сюйлэсь, музъемлэн; кыктэтӥ адями - Кузё-Инмар инмысь.

⁴⁸Музъемлэсь адямиос нырысетӥ музъемлэсь кадь, нош инлэнъёсыз луозы сыӵеесь ик, кыӵе инмысь лыктэмез.

⁴⁹Кызьы асьмеос нуллӥськомы тусбуйзэ музъемлэсьсэ, озьы ик асьмеос нулломы тусбуйзэ инлэсьсэ.

⁵⁰Верало тӥледлы, вынъёсы, мугор но вир Инмарлэн Царстваяз пырыны уг быгато, сисьмоноез но сисьмонтэмаз пырыны уг быгато.

⁵¹Али мон верасько лушкемзэ: асьмеос ваньмы ум кулэ, нош ваньмы воштӥськомы,

⁵²син кынён куспын, куке берпуметӥ гумы куара кылӥськоз, кулэмъёс улӟыса султозы сисьмонтэмесь, нош асьмеос воштӥськом.

⁵³Уго та сисьмоноезлы пӧрмыны кулэ сисьмисьтэм, но кулоноезлы пӧрмыны кулэ бырисьтэм.

⁵⁴Куке та сисьмисез пӧрмоз сисьмисьтэм, но кулӥсез пӧрмоз бырисьтэм, соку быдэсмоз гожтэм кыл:" кулон ньылэмын вормонэн".

⁵⁵"Кулон, кытын тынад шиед? Ад, кытын тынад вормонэд?"

⁵⁶Кулонлэн шиез - сьӧлык, нош грехлэн кужымез - закон.

⁵⁷Тау Инмарлы, Кузё - Инмармы Иисус Христос пыртӥ милемлы вормон сётэмез понна.

⁵⁸Соин ик, яратоно вынъёсы, луэлэ юнэсь но шонаськисьтэмесь, сюлмысь тыршэлэ Кузё-Инмар понна, но тодэ, тӥляд тыршемды юнме уз луы Кузё-Инмар азьын.

Chapter 16

¹Святойёс понна коньдон люкакуды, лэсьтэ озьы, кызьы мон косӥ вал Галатия черкъёслы.

²Арнялэн нырысетӥ нуналаз котькудыз тӥ пӧлысь мед висъялоз но люкалоз со мында, кӧня быгатэ, мон лыктэм бере коньдон люкано медаз луы-ни шуыса.

³Нош ку мон лыкто, соосты, кинэ тӥ быръёды, мон келяло гожтэтэн но тӥляд люкаменыды Иерусалиме.

⁴Но мыным но ке мыноно луоз, соку мон но мыно соосын ӵош.

⁵Мон лыкто дорады, Македонияез ортчеме бере.

⁶Мон дорады уло дыр но поди толзэ но толъйыны кылдоз дорады, тӥ мед быгатоды шуыса монэ азьлань келяны.

⁷Малыке шуоно кошкон нялтас гинэ мынам тӥледын адӟиськеме уг поты, но мон малпасько, Инмар сётиз-ке, дорады улыны кӧня-ке на.

⁸Ефесын мон кылё Пятидесятницаозь,

⁹малыке шуоно мыным усьтэмын паськытэсь луонлыкъёс, кудъёсыз пыртӥ быгатӥсько тыршыны, коть трос ке но пумитъяськисьёсыз.

¹⁰Тӥ доры лыктӥз-ке Тимофей, пумиталэ сое но сётэ солы кышкатэк улон, малыке шуоно со, мон кад ик, Инмарлы тырше.

¹¹Соин ик сое нокин но медаз ултӥя, умоен келялэ сое мон доры, малыке шуоно мон но вынъёсмы витиськом сое.

¹²Табере Апполос сярысь. Мон туж кури вал сое, со мед мыноз шуса тӥ доры вынъёсынымы, нош солэн али лыктэмез ӧз пот, нош ку солы умой гес луоз.

¹³Сэзь кариське! Осконады юн возиське. Батырлыко но зол луэлэ.

¹⁴Мед ваньмыз тӥляд лэсьтӥськоз яратонэн.

¹⁵Вынъёсы, ваньды тӥ тодӥськоды Стефанлэсь семьязэ но тодӥськоды, соос вал шуыса нырысетӥосыз Инмарлы оскисьёс Ахаияын, но соос асьсэсты сӥзизы служить карыны Инмарлэн калыкезлы.

¹⁶Курисько тӥледыз гажалэ сыӵе калыкъёсты но ваньзэсты, кинъёс служить каро но тыршо.

¹⁷Шумпотэлэ, лыктӥз шуыса Стефан, Фортунат но Ахаик: соос мыным сётӥзы сое, мар мыным уг тырмы вал тӥтэк.

¹⁸Соин соос буйгатӥзы монэ но тӥледыз но.Гажалэ сыӵеосты.

¹⁹Ӟечкылало тӥледыз Асияысь черкъёс; тӥледыз ӟечкылало Кузё-Инмарен Акилла но Прискилла но соослэн гуртысьтызы черксы.

²⁰Ӟечкылало тӥледыз ваньмыз вынъёс. Ӟечкылалэ ог огдэс святой чупаськонэн.

²¹Мынам, Павеллэн, ӟечкыломе гожтэмын аслам киыным.

²²Кин-ке уг ке яраты Кузёмес Иисус Христосэз - анафема, маран-афа.

²³Асьмелэн Кузёмылэн Иисус Христослэн благодатез ваньмыныз тӥледын,

²⁴но мынам яратонэ тӥледын ваньмыныз Иисус Христос пушкын. Аминь.

2 CORINTHIANS

Chapter 1

¹Павел, Инмарлэн воляезъя Иисус Христослэн Апостолэз, Тимофей выннынымы - Коринфысь Инмарлэн черкезлы, но быдэс Ахаияысь ваньмызлы святойёслы:

²благодать тӥледлы но асьмелэн Инмар Атаймылэсь но Иисус Христос Кузёмылэсь тупаса улон.

³Дан Инмарлы но асьмелэн Кузёмылэн Иисус Христослэн Атаезлы, милосердилэн Атаезлы но котькыӵе буйгатонлэн Инмарезлы.

⁴Со милемды буйгатэ, котькыӵе но милям куректонамы, ми но мед быгатомы шуыса буйгатыны куректӥсь муртъёсты, сыӵе буйгатонэн, кудыныз Инмар буйгатэ милемыз!

⁵Христослэн ми пушкын курадӟемезлэн уноямезъя, уноялоз Христослэн милемыз буйгатонэз.

⁶Куректӥськом ке ми - куректӥськом тӥледыз буйгатон но спасти карон понна, кудъёсыз луо, сыӵе ик куректонъёсты ортчыса, кудъёссэ ми но чидаськом.

⁷Веранэз но ӧвӧл ми оскиськом тӥледлы. Буйгаськом ке, буйгаськом тӥледыз буйгатыны но спасти карыны, тодыса, тӥ люкиськоды миленым курадӟёнмес, озьы ик буйганмес но.

⁸Кельтэммы уг пот тӥледыз, вынъёс тодытэк милесьтым курадӟеммес, кудыз луиз миленым Асияын. куродӟытэмын ми вал чиданы быгатонтэм, ум ни малпаське вал улэп кыльыны,

⁹ми малпаськом ни вал милемыз виыны сетэмын шуыса, нош ваньмыз озьы миленым луиз со понна, ми медаз оске шуыса асьмеос асьмелы, нош Инмарлы, кудыз кулэмысь улӟиз,

¹⁰Кудыз мозмытӥз милемыз матысь кулонлэсь, Со али но мозмытэ, Кудыз вылэ надеятся кариськиськом отӥяз но мозмытоз

¹¹тӥляд но вӧсяськеменыды ми понна, милемыз благославить каремлы, уноезлэн куремзыя, тросэз тау карозы ми понна.

¹²Уго милям ушъяськеммы - милям сюлмысьтымы веран, ми огшоры гинэ но Инмарлы ярась сюлэмусьтэм, адямилэн визьлыкэныз ӧвӧл, нош Инмарлэн благодатезъя тупаса улӥм, уката но тӥ дорын.

¹³Но ми гожтӥськом тӥледлы сое, мае тӥ быгатӥськоды лыдӟыны но валаны, но оскисько, тӥ валалоды шуыса милемыз пумозяз,

¹⁴малыке шуоно кӧняке тодӥды ни, быгатӥськоды шуыса ушъяськыны миленым, озьы ик кызьы ми быгатомы ушъяськыны тӥленыд Иисус Христос Кузёмылэн лыктон нуналаз.

¹⁵Та осконэн мон лыктыны малпасько вал азьло ик тӥ доры, тӥ мед басьтоды шуыса кык полэс благодать,

¹⁶тӥ пыртӥ мыныны Македонияе, Македониысь выльысь лыктыны тӥ доры, нош тӥ кэлясалды монэ Иудеяе.

¹⁷Таӵе малпанъёсын улыса, малпаськытэк шат мон лэсьтӥ?Яке, мар мон лэсьтӥсько, мугоръя-а лэсьтӥсько, озьыен мынам "бен" но "ӧвӧл" одӥг дыре?

¹⁸Инмар оскымон, милям верам кылмы тӥлед медаз луы куке "бен", нош куке "ӧвӧл",

¹⁹малыке шуоно Инмарлэн Пиез, Иисус Христос, кудзэ мон, Силуан но Тимофей проповедовать каримымы тӥ дорын, ӧй вал "бен" но "ӧвӧл", нош Со пушкын вал "бен",

²⁰малыке шуоно ваньмыз Инмарлэн сизёнъёсыз Со пушкын "бен" но Со пушкын "аминь" - Инмарлэн данэз понна - ми пыртӥ.

²¹Нош Христос пушкы асьмедыз юнматӥсь но асьмедыз зырась - Инмар,

²²Кудыз пусъиз асьмедыз печатен но сётӥз асьмелэн сюлэмъёсамы Духез залоге.

²³Инмар мыным адӟись, тиледыз жаляменым, мон та дырозь ой лыкты Коринфе,

²⁴малыке шуоно ми ум тыршиське кивалтыны тӥляд осконэныды, нош ми юрттӥськом тӥляд шумпотонады, малыке шуоно тӥляд юн осконды.

Chapter 2

¹Озьыен мон малпай, мукет дыръя тӥ доры ӝожомыса уг ни лыкты,

²мон тӥледыз ӝожомытӥсько ке, соку кин монэ шумпотытоз, тӥ ке уд, кинэ мон ӝожомытӥ?

³Мон гожтылӥ со сярысь, куке лыкто, монэ медаз ӝожомытэ соос, кынъёс монэ шумпотытыны кулэ, малыке шуоно мон оскисько мынам шумпотонэ - ваньдылы тӥледлы шумпотон.

⁴Туж бадӟым куректонэн но ӝожомем сюлэмын но курыт синкыли кисьтыса, тиледыз ӝожомытон понна мон ой гожты, нош тӥ мед тододы шуыса, кыӵе зол яратӥсько мон тӥледыз.

⁵Кинке ӝожомытӥз но ке кинэ-ке, нош монэ ӧз ӝожомыты, ӝожомытӥз но ке ваньдэсты тӥледыз, огласянь но коняке гинэ.

⁶Со адямилы тырмыт ни вӧсез тросэзлэсь тӥлестыд,

⁷тӥледлы ӟечгес луоз сое ӝоггес жаляны но буйгатыны, медаз куректонэ пыр шуыса.

⁸Но соин ик сюлворыса курисько тӥледыз возьматэ солы асьтэлэсь яратондэс,

⁹соин ик мон со понна ик гожтӥ, тодыны, улонын ваньмаз-а тӥ кылзиськисьесь.

¹⁰Нош кинэ тӥ простить кариськоды, сое мон но простить карисько, уго сое, кудзэ мон простить кари, простить кари ти понна, Христослэн нимыз понна.

¹¹сатана медаз лэсьты шуыса асьмелы изъян, малыке шуоно асьмелы тодмо солэн малпанъёсыз.

¹²Троадае Христос сярысь благовествовать карыны лыктыса, коть мыным усьтэмын но ке вал Кузёе-Инмарен ӧсъёс,

¹³мынам сюлмы бугырскиз, вынме Титэз отысь шэдьтымтэен, нош, собере, соосын люкиськыса, мон Македонияе кошки.

¹⁴Но дан Инмарлы, Кудыз котьку сётэ милем вормонъёс Христос пыртӥ но ми пыртӥ лосъя тодонлык Ачиз сярысь котькыӵе интыын.

¹⁵Малыке шуоно ми - Инмарлы Христослэн ароматэз спасатся кариськисьёс но бырисьёс пушкын:

¹⁶одигъёсызлы кулон ваись кулонэ зын, нош мукетъёсызлы улон ваись улон понна зын. Тае лэсьтыны кинлэн быгатонлыкез вань?

¹⁷Ми уго ум пӧртэмтӥськэ Инмарлэсь кылзэ, кызьы тросэз лэсьто, нош сюлмысьтымы, Инмарлэсь кадь, Инмар азьын, Христос пушкын проповедовать кариськом.

Chapter 3

¹Оло асьмелы выльысь тодматсконо тӥленыд? Оло кулэ милемлы, кызьы куд огезлы, дэмлан гожтэтъёс тӥледлы но тӥлесьтыд?

²Тӥ - милям гожтэтмы, кудыз гожтэмын асьмелэн сюлэмъёсамы, кудзэ вань адямиос тодмало но лыдӟё.

³Тӥ возьматӥськоды ачиныды, тӥ Христослэн гожтэтэз шуыса, асьмелэн служениемы пыртӥ, кудыз чернилоен гожтэмын ӧвӧл, нош луло Инмарлэн Духеныз, из скрижалиос вылын ӧвӧл, но сюлэмлэн мугоро скрежалиосыз вылын.

⁴Таӵе оскиськонмы милям вань Инмар азьын Христос пыртӥ,

⁵асьмелэ ӧвӧл со быгатонлыкмы, но быгатонлыкмы асьмелэн Инмарлэсь.

⁶Со сётӥз асьмелы быгатонлык служительёс луыны выль сӥзёнлы, буквалы ӧвӧл, нош духлы, малыке шуон буква вие, нош дух луло каре.

⁷Изъёс вылэ гожтэм кулон вайись букваосын служение, вал ке сыӵе данлыко, Израельлэн нылпиосыз уг ке быгато вал учкыны Моисейлэн ымныраз солэн ӧжыт дырлы гинэ ымнырызлэн данэзлэсь,

⁸соку духлэн служениез трослы тросгес луыны кулэ ӧвӧл-а?

⁹Но судить карись служение данлыко ке, соку шонере поттӥсь служение данолэсь но дано луэ.

¹⁰Соку азьло данъямез уг луы даногес вылезлэсь данъямлэсь.

¹¹Озьыен, огдырлыез-ке дано, соку пумтэм быронтэмез данолэсь но дано.

¹²Таӵе оскиськонмы вань бере, ми тыршиськом бадӟым дӥсьтонлыкен,

¹³озьы ӧвӧл, кызьы Моисей ымныр вылаз шобрет понылӥз, Израельлэн нылпиосыз медаз адӟе шуыса пумзэ огдырлысезлэсь.

¹⁴Нош соослэн йырвизьёссы валаны быгатӥсьтэм луэмын, уго со шобретен, кудзэ ӝутыны луэ Христос пыртӥ гинэ, али но шобыртско Вуж Сӥзёнэз лыдӟён дыръя.

¹⁵Али но, куке соос лыдӟё Моисеез, соослэн сюлэм вылазы кылле шобырет,

¹⁶нош ку вазисько Кузё-Инмарлы, соку та шобырет басьтэмын луэ.

¹⁷Кузё-Инмар - со Дух, кытын Кузё - Инмарлэн Духез, отын свобода.

¹⁸Нош ми ваньмы усьтэм ымнырын, синучконын кадь, учкыса Кузё-Инмарлэн данэз шоры, выльдӥськиськом сыӵе ик тусбуйлы данысь данэ Кузё-Инмарлэн Духез пыртӥ.

Chapter 4

¹Соин ик, Инмарлэн милостезъя сётэм служенимы вань шуыса, ми ум куректиське,

²палэнэ карыса лушкем но возьыт ужъёсты, кескич сямъёсты уже кутытэк но Инмарлэсь кылъёссэ мыдлань карытэк, нош зэмлыкез усьтыса, ми возьматӥськом калыклы, кыӵеесь ми Инмар азьын.

³Пытсамын но ке асьмелэн благовествованимы, пытсамын бырисьёслы гинэ,

⁴оскисьтэмъёслы, кудъёсызлэсь та даурлэн инмарез ыйрвизьзэс сураз, соослы медаз ӝужа шуыса благовествованилэн Христослэн данэз сярысь югытэз, Кудыз луэ тусыз адӟыны быгатонтэм Инмарлэн.

⁵Малыке шуоно ми асьмедыз проповедовать ум кариське, нош Иисус Христосэз, Кузё-Инмарез, нош ми - Иисус понна тӥляд рабъёсты,

⁶малыке шуоно Инмар, кудыз косӥз пеймытысь пиштыны югытлы, югыттӥз асьмелэсь сюлэмъёсмес, дышетыны милемыз Инмарлэсь данзэ тодонын, кудыз пиштэ Иисус Христос ымнырысьтыз.

⁷Нош та сокровищеез ми нуллиськом гордсюйлэсь сосудъёсын, тросгес луоно кужым медаз луы шуыса асьмелэн, нош Инмарлэн мед луоз.

⁸Милемды котькытысен пачкатыны тыршо, но пачкатэмын ӧвӧл; ми кышкыт югдуръсын, нош ум кышкаське;

⁹милемыз улляло, нош ми кельтэмын ӧвӧл; милемыз погыртыны тыршо, нош ми ум кулӥське.

¹⁰Котьку нуллиськомы мугорамы Кузё-Инмармылэсь Иисуслэсь кулонзэ, Иисуслэн улонэз мед усьтӥськоз шуыса асьмелэн мугорамы,

¹¹озьыен ми, луло муртъёс, Иисус понна ялан кулонэз адӟиськом, Иисуслэн улонэз но мед усьтӥськоз шуыса асьмелэн кулоно мугорамы,

¹²озьыен кулон ужа ми пушкын, нош улон - тӥ пушкын.

¹³сыӵе ик осконлэн духсэ асьмелэн вань бере, кызьы гожтэмын:"мон оскисько вал но соин ик верасько вал", ми но оскиськомы, соин ик вераськомы,

¹⁴тодыса, Улӟытӥсь, Кузё Иисусэз, улӟытоз Иисус пырт милемыз но тӥледын ӵош но пуктоз Аслаз азяз,

¹⁵уго ваньмыз та тӥ понна, Инмарлэн благодатез мед лэсьтоз шуыса бадӟымгес, Инмарлэсь данзэ тау карон, тросс калыкъёслы.

¹⁶Соин ик ми нырмес ум ошиське; физеологически асьмелэн мугормы куашка ке но, нош пуштросэз котькуд нуналэ выльдӥське,

¹⁷вакчияк дырлы сётэм капчияк гинэ асьмелэн курадӟеммы, кылдытэ лыдъяны быгатонтэм быдӟым пумтэм-быронтэм дан,

¹⁸куке ми учкиськом - ум учкиське адӟёноез шоры, нош учкиськом адӟёнтэмез шоры: малыке шуоно адӟёноез - огвакытлы гинэ, нош адӟёнтэмез - пумтэм быронтэм.

Chapter 5

¹Тодӥськом, куке мызъем вылысь улоннӥмы, та хижинамы, куашкалоз, милям вань Инмарлэсь сётэм улон интымы, киын лэсьтэм корка со ӧвӧл, нош ноку быронтэм.

²Соин ик ми ӝуштӥськом, дисяськеммы потыса асьмелэн инмысь улон интыенымы,

³нош асьмелы дӥсяськыса но кылёно ӧй вал голик.

⁴Но ми, со хижинаын улыса, ӝуштӥськом зибет улын, нош голик кылеммы уг поты, но дӥсяськиськом, кулоноез мед улон ньылоз шуыса.

⁵Со понна ик кылдытӥз асьмедыз Инмар но сётӥз милемлы залог Духез.

⁶Соин ик, ми котьку сэзьэсь, ми тодӥськомы, мугорын улыса, ми палэнын Кузё-Инмарлэсь шуыса,-

⁷уго ми ум ветлӥське адӟёнэн, нош осконэн ветлӥськом,-

⁸малыке шуоно ми кышкатэк мылкыд кариськом потыны мугорысь но интыяськыны Кузё-Инмар дорын.

⁹Соин ик сюлмысьтымы тыршиськомы, улыкумы но, мугор пушкысь кошкыкумы но, Солы кельшыны,

¹⁰малыке шуоно асьмелы ваньмылы лыктоно луоз Христослэн судаз, басьтон понна котькудызлы сое, мар со лэсьтӥз, мугорын улыкуз,- ӟечсэ яке лексэ.

¹¹Озьыен, тодыса Кузё-Инмарлэсь кышкытсэ, ми калыклы валэктӥськом, нош Инмарлы асьмеос усьтэмынэсь. Малпасько, тӥляд возьдаськонды но усьтэмын шуыса.

¹²Ми ум ушъяськиське тӥ азьын, нош тӥляд вань мугды ушъяськыны миленым, тӥ мед тододы мар вераны шуыса соослы, кинъёс сюлэмынызы уг ушъясько, нош ымнырынызы ушъясько.

¹³Ми визьмес ыштӥськом ке, соку Инмар понна; нош сазь йырын ке, соку тӥ понна.

¹⁴Уго Христослэн яратонэз косэ асьмедыз, малпаськыны озь: одӥгез кулӥз ке ваньмыз понна, соку ваньмыз кулӥзы.

¹⁵Нош Христос кулӥз ваньмыз понна, улӥсьёсыз медаз ни улэ шуыса асьсэ понна, нош соос понна Кулэмез но Улӟемез понна.

¹⁶Соин ик та дырысен ми ум учкиське нокин шоры но адями сямен, азьло учкиськом ке вал Христос шоры адями сямен, наш табере ум ни учкиське.

¹⁷Озьыен, кин Христос пушкын, со выль творение. Вужез ортчиз, табере ваньмыз выль.

¹⁸Нош ваньмыз та Инмар бордысен, Кудыз тупатскытӥз асьмедыз Ачиныз Иисус Христос пыртӥ но Кудыз сётӥз асьмелы тупатскытон служение,

¹⁹малыке шуоно Инмар Христос пушкын тупатскытӥз дуннеез Ачиныз, лыдъятэк калыкъёслэсь сьӧлыкъёссэс сьӧлыкен, но сётӥз милемлы тупатскон кыл.

²⁰Озьыен, ми - Христослэн нимызлэсь келямъёс, ми пыртӥ Ачиз Инмар вера кадь, Христослэн нимызлэсь куриськом: Инмарен тупатскелэ.

²¹Уго сьӧлыктэмзэ Со лэсьтӥз асьмелэн сьӧлыкмылы жертваен, ми Со пушкын мед луомы шуыса шонерлыкоесь Инмар азьын.

Chapter 6

¹Нош ми, юрттӥсьёс кадь, сюлворыса куриськом тӥледыз, Инмарлэн благодатез юнме басьтэмын медаз луы тӥледын шуыса.

²Гожтэмын уго:" ӟеч вакытэ Мон кылӥ тонэ но утиськон нуналэ юрттӥ тыныд". Али ӟеч вакыт, али утиськонлэн нуналыз.

³Ми нокинлы но номырин но ум пуктиське шуг-секытъёс, служени медаз луы шуыса осудить каремын.

⁴Котькытын тӥ возьматэ асьтэды, Инмарлэн служителъёсыз кадь, бадӟым чиданын, шуг-секытъёсын, ёрмонъёсын, секыт югдуръёсын,

⁵жугонъёсын, пытсэн улын, уллянъёсын, ужъёсын, изьыны быгатонтэм уйёсын, постъёсын,

⁶чылкытын, ӟеч малпаськонын, лякыт но ӟеч сюлэмын, Святой Духын, чеберъяськытэк яратонын,

⁷зэмлыклэн кылаз, Инмарлэн кужымаз, шонерлэн ожмаськон тӥрлыкеныз бур но паллян киын,

⁸данын но возьдаськонын, куаректыку но ушъяке: асьмедыз лыдъяло пӧялляськисьёсын, нош ми шонересь.

⁹Ми тодмотэмесь, но милемыз тодмало; милемды кулэмен лыдъяло, но тани, ми улэпесь; милемды вӧсь каро, нош ми ум кулӥське;

¹⁰милемыз куректыто, нош ми котьку шум потӥськом; ми начаресь, нош троссэ узырмытӥськом; милям номырмы но ӧвол, нош милям ваньмыз вань.

¹¹Ми кышкатэк тӥледлы вераськом, коринфянъёс, милям сюлэммы паськыт усьтэмын шуыса.

¹²Тиледлы ми пушкын вӧл-вӧл, нош милям сюлэмамы лач-лач.

¹³Верасько тӥледлы, нылпиослы кадь, ми кадь ик : усьтэлэ тӥ но асьтэлэсь сюлэмъёстэс.

¹⁴Эн кыткиське муртлэн сиесаз оскисьтэмъёсын ӵош, кыӵе луыны быгатозы кусыпъёс шонерлыклэн но законэз кулэтэм каронлэн? Мар вань огкадез югытлэн пеймытэн?

¹⁵Кыӵе тупанзы Христосэн Велиаромен? Яке маиз огъя Инмарлы оскисьлэн но оскисьтэмлэн?

¹⁶Кыӵе одӥг кадез Инмарлэн храмезлэн идолъёсын? Уго тӥ - луло Инмарлэн храмез, кызьы вераз Инмар: "Пыро ссолэн пушказы но ветло соосын, но луо соослэн Инмарзы, но соос луозы Мынам калыке".

¹⁷"Соин ик потэ соослэн пӧлысьтызы но палэнске, - вера Кузё-Инмар, - но эн кутскылэ кырсез борды, но Мон басьто тӥледыз".

¹⁸"Мон луо тӥледлы Атай, но тӥ луоды Мынам нылпиосы,- вера Кузё-Инмар Ваньзэвозись".

Chapter 7

¹Озьыен, яратоноос, таӵе сӥзёнъёс асьмелы сётэмын бере, сюзялом асьмедыз мугорлэн но духлэн котькыӵе кырсь ужъёсызлэсь, Инмарлэн кышкытэныз освятится кариськыса.

²Сётэ инты асьтэлэн сюлэмъёсады. Ми нокинэ но ӧм ултӥялэ, нокинлы но вӧсь ӧм каре, нокинлэсь но ӧм утчалэ асьмелы пайда поттон.

³Пыкылон понна уг вераськы, уго мон азьло верай, тӥ милям сюлэмамы, ӵошен кулыны но улыны но мед кылдоз шуыса.

⁴Мон туж оскисько тӥ вылэ, трос ушъяськисько тӥледын; мон тырмыт буйгатэмын, асьмелэн куректонмы вань ке но, шумпотонэн пачыл тырмемын.

⁵Но ку ми лыктимы Македонияе, асьмелэн мугормылэн ӥй вал шутэтсконэз тодонэз, ми пачкатэмын вал котькуд ласянь: педпаласен - куаретонъёсъсын, пушласянь - кышкытъёсын.

⁶Нош Инмар, зибытъёссэ буйгатӥсь, буйгатӥз милемды но Тит лыктэм бере,

⁷солэн лыктэменыз гинэ ӧвӧл, нош буйгатонэн, кудыныз со буйгалляз тӥ сярысь, вераса милем тӥляд мылысь-кыдысь тыршемды сярысь, тӥляд бӧрдэмды сярысь, тӥляд мон понна сюлмаськемды сярысь, озьыен мон тужгес но зол шумпоти.

⁸Соин ик, мон ӝожомытӥ ке тӥледыз гожтэменым, уг жаляськы, коть жаляй ке но вал, малыке шуоно гожтэт келям тӥледыз кемалы ӧз ӝожомыты.

⁹Табере мон уг шумпотиськы тӥ ӝожомиды шуыса, нош шумпотӥсько кӧтты куректыса покаятся кариськемдылэс, но кӧтты куректӥз бере Инмар понна, соку милесьтым ӧз луы тӥледлы изъян.

¹⁰Веранэз но ӧвӧл, Инмар понна ӝожомон лэсьтэ спасти кариськонлы покаяние, нош дуннелэн ӝожомонэз кулонэ вуттэ.

¹¹Учкелэ, тиляд Инмар понна сюлмаськемды, кыӵе лэсьтӥз сюлмысь тыршон, кӧня шонерэ потон, кыӵе вожпотон янгыше усемез вылэ, кыӵе кышкан, кыӵе мылкыд карон, кыӵе улӟён, кыӵе пунэмзэ берыктон! Та ужын тӥ асьтэды возьматӥды ваньмыз ласянь чылкытэн.

¹²Озьыен, мон ӧй гожтылы тӥледлы ултӥясез яке ултӥямез понна, нош тӥ мед тододы шуыса милям сюлмаськеммес тӥ сярысь Инмар азьын.

¹³Соин ик ми буйгатскимы тӥляд буйгатскемдылэсь; ми эшшо но тужгес но шум потӥмы Титлэн шумпотонэзлы, тӥ ваньды буйгатиды солэсь духсэ шуыса.

¹⁴Озьыен, мон ой кыльы возьытэ, ти сярысь мае ке ушъяськи ке со азьын, кызьы тӥледлы ми ваньмы вераллямы зэмлыкез, озьы ик Тит азьы но милям ушъянмы зэм луиз.

¹⁵ Тодаз вайыкуз тӥляд кылзиськыса улэмды сярысь но кызьы тӥ сое дорады лэзиды кышкаса но куалектыса, солэн сюлэмыз уката но тӥ доры берытске.

¹⁶Соин ик шумпотисько, ваньмыз ласяньбыгатисько ти вылэ оскиськыны шуыса.

Chapter 8

¹Вераськом тӥледлы, вынъёс, Македонияысь черкъёслы сётэм Инмарлэн благодатез сярысь,

²уго соос куректонъёс адӟё ке но, сюлэмъёссы тырмемын шумпотонэн, но соос асьсэлэсь начарзэс шӧдылытэк, узыресь асьсэлэн шырытэнызы.

³Малыке шуоно ас мылкыдынызы соос сётъяллязы дунтэк быгатэмзыя но быгатэмзылэсь но уногес - мо ачим адӟи:

⁴соос сюлмысьтызы курылӥзы милемды басьтыны сётэмзэс, но соин Инмарлэн калыкезлы тыршыны.

⁵Но сётылӥзы соос сое мае ми ум но малпаське вал, но соос сётӥзы асьсэсты асьсэос, нырысь ик Кузё-Инмарлы, нош собере милемлы но Инмарлэн воляезъя,

⁶соин ик ми куримы Титэз, кызьы со кутскиз озьы ик мед быдэстоз тӥ дорын та ӟеч ужез шуыса.

⁷Нош тӥ ваньмыныз пачылаз тыр улӥськоды бере: осконэн но кылын, мур тодонэн но, котькыӵе сюлмысь тыршонэн но, тӥляд милемыз яратонэныды но,- озьы ик будэлэ та благотворительной ужъёсады.

⁸Косыса тае уг вераськы, нош тӥлестыд сюлмаськемдэс ӵошатыны мукет калыкъёслэн сюлмаськононэзы но эскерыны тӥлесьтыд яратондэс но зэмос луэмдэс.

⁹Тӥ уго тодӥськоды асьмелэс Кузёмылэсь Иисус Христослэсь благодатьсэ, Со узыр вал но начар кариськиз ми понна, ми мед узырмомы шуыса Солэн начареныз.

¹⁰Мон визь-кенеш тӥледлы сётисько, уго со тӥледлы пайда вайёз, кылем арысен ик тӥ мылкыд гинэ ӧд карелэ сётчаны, но мылысь-кыдысь тае лэсьтыны кутскиды.

¹¹Нош табере та ужез лэсьтэлэ, уго сюлмысьтыды тыршыны потэм уж мед быдэстэмын луоз пумозяз.

¹²Уго сюлмысьтыды сётӥськоды ке, соку со басьтэмын луоз, басьтӥськоз - кинлэн вань, нош кинлэн ӧвӧл - уз басьтӥськы.

¹³Кулэ ӧвӧл, тӥ мед курадӟёды шуыса, куке мукетъёсыз капчин уло, нош мед улуозы ваньмыз но огкадь.

¹⁴Али тӥляд пачыл ваньлыкты соослэсь кулэяськемзэс тыр кариз; нош бӧрысь соослэн пачыл ваньлыксы тӥлесьтыд кулэяськемдэс тыр кароз, ваньмызлы но огкадь улыны кулэ,

¹⁵кызьы гожтэмын:" тросс люкасьлэн, ой вал мултэсэз; ӧжыт люкасьлэн, ӧй вал ёрмонэз".

¹⁶Тау карисько Инмарлы, Титлы сюлэмаз тӥ сярысь сюлмаськон понемез понна,

¹⁷мон кури но ке Титез, нош со ачиз мылкыд карыса, тӥ доры мынӥз нокин косытэк.

¹⁸Соин келямы озьы ик вынмес, кудзэ вань черкъёсын ушъяло благавествованиез понна,

¹⁹черкъёс быръйизы сое милям сьӧрамы юрттыса ветлыны та юрттэт бичан ужын, кудыныз ми тыршиськом тӥляд сюлмаськеменыды но Кузё-Инмарлэн данэз понна,

²⁰чакласькыса, милемлы нокин но медаз быгаты пыкылыны, тросс люкам коньдон милем оскемын шуыса,

²¹малыке шуоно ми Кузё-Инмар азьын гинэ ум кышкаське ыштыны асьмелэсь ӟеч данмес, нош калык азьын но.

²²Соосын ми келямы асьмелэсь вынмес, мылысь-кыдысь тыршемзэ кудызлэсь трос пол уж вылын адӟимы но кудыз табере эшшо но мылысь-кыдысь тыршоз на, уго эшшо но юн оскиське тӥледлы

²³Тит сярысь ке верано со мынам юлтоше но тӥленыд ӵош тыршись. Нош милям вынъёсы сярысь ке верано - соос черкъёслэм лэзем адямиосыз, Христослэн данэз.

²⁴Озьыен, черкъёс азьын ужын возьматэлэ соослы тӥлесьтыд яратондэс, но возьматэ ми тӥледыз шонер ушъяськом шуыса.

Chapter 9

¹Мыным кулэез ӧвӧл гожтыны тӥледлы Инмарлэн калыкезлы юрттон сярысь,

²малыке шуоно мон тодӥсько тӥлесьтыд тыршемдэс но ушъяськисько тӥледын Македонияысь оскисьёс азьын, Ахиаысь улисьёс кылем аре ик люказы ни коньдон шуыса, тӥляд сюлмысь тыршемды мылкыд сётӥз шикыт луыны троссэзлы.

³Нош вынъёсты мон келяй со понна, мынам тӥледыз ушъяме медаз луы шуыса кулэтэм, нош тӥ мед луоды дасесь, кызьы мон вералляй вал,

⁴но куке монэным ӵош лыктозы Македонияысь улӥсьёс но малпамтэ шорысь тӥ дась уд луэлэ, соку ми возьытэ усём, нош тӥ милестым но троссгес, уго милям сыӵе юн оскиськонмы вал тӥ вылэ.

⁵Соин ик малпай курыны вынъёсты, соос азьласянь мед мынозы но юрттозы тӥледлы ӵектэм сётонъёстэс сэлмысьтыды сётэмзэ кадь дасяны, медаз сьӧрласянь адӟиськы вымогательство кадь.

⁶Тодады возелэ, кин ӧжыт висъя кизьыку, со ӧжыт басьтоз араку; нош кин тросс висъя кизьыку, солы трос сётӥськоз араку.

⁷Котькудыз сётэлэ сюлмысьтыды, косытэк но ӝожомытэк, уго шумпотыса сётӥсез Инмар яратэ.

⁸Нош Инмар быгатэ тӥледыз узырмытыны котькыче благодатен, котьку но котьмаин тыр луыса, тӥ котькыӵе ӟеч ужлы узыресь мед луоды,

⁹кызьы гожтэмын:" сётчаса быдтӥз начаръёслы, солэн шонерлыкез пумтэм-быронтэм дауръёс ӵоже луоз".

¹⁰Инмар, кудыз сётэ кидыс кизисьлы но нянь сиыны калыкъёслы, тӥляд киземдэс удалтытоз но ватсалоз емышсэ шонер лэсьтэм уждылэсь

¹¹ тӥ мед луоды шуыса ваньмыныз узыр котькыӵе шикыт ужъёслы, кудыз ми пыртӥ Инмарлы тау карон кылдытэ.

¹²Соин ик та служениелэн ужез Инмарлэсь калыкъёссызлэсь гинэ уг тырмыты кулэяськонзэс, но тросэзлэсь буйгатэ сэлэмъёссэс Инмарлы тау карыны,

¹³соин ик, адӟыса пайдазэ та служениелэсь, соос данъяло Инмарез

¹⁴вӧсяськыса тӥ понна, сюлэмынызы тӥ борды кыстӥськыса, тӥ пушкын тупыттэм Инмарлэн благодатез шуыса.

¹⁵Тау Инмарлы Солэн кылын вераны быгатонтэм дарезлы!

Chapter 10

¹Мон, Павел, куке тӥ пӧлын луисько, востэм, нош палэнын дыръям - юн сямо тӥ понна, оскытӥсько тӥледыз Христослэн зибытэныз но лякытэныз.

²Курисько тӥледыз, мон лыктэм берам медаз луы вал мыным возьматыны тӥледлы юн сяммэ, кудзэ возьматыны малпасько мон куд-ог адямиос пумит, кудъёсыз ми сярысь малпало, ми мугоръя пе улӥськомы.

³Уго ми, мугор пушкын вэтлӥськом ке но, нош мугоръя ум ожмаськиське.

⁴Ожмаськон тӥрлыкмы асьмелэн мугорлэн ӧвӧл, нош кужмоятэмын Кузё - Инмарэн куашкатыны юнматсконъёсты: соин куашкатӥськом кескич малпанъёсты

⁵но котькыӵе вылтӥяськонэз, кудыз ӝутӥське Инмарез мур тодон пумитэ, но пленэ басьтиськомы котькыӵе малпанъёсты Христослэсь кылзиськон понна,

⁶но дасесь наказать карыны котькыӵе кылзиськымтэез, куке тӥляд кылзӥськонды быдэсмоз.

⁷Адями шоры-а учкиськоды? Кин оске-ке аслыз ачиз, со Христослэн шуыса, асьтэ ачид малпа но вала, ми но Христослэн, тӥ кадь ик.

⁸Мон троссгес ушъяськыны кутски ке асьмелэн властенымы, кудзэ Кузё-Инмар милемлы сётӥз, тӥледлы нокыӵе но изъян луытэк, тӥледыз юнматон понна, соку мон возьытэ усё.

⁹Медаз адзиськы, мон гожтэтъёсын гинэ кышкытӥсько тӥледыз шуыса,

¹⁰малыке шуоно кин-ке вера:"Гожтэтъёсын со юн но кужмо, нош ку со асьменым ӵош ляб, вераськемез но солэн огшоры гинэ",-

¹¹сыӵе адями мед тодоз, кыӵеесь ми гожтэм кылъёсамы тӥледын ӵош луымтэ дыръя, сыӵеесь ик ми уж вылын но тӥ дорын дыръямы.

¹²Уго ми ум дӥсьтӥське ӵошатыны яке артэ пуктыны асьсэды вылӥе пуктӥсь адямиосын: соос мертало асьсэды ачинызы, соос визьтэм лэсьто, ӵошатыса асьсэды ачинэнызы.

¹³Нош ми мултэссэ ум ушъяськиське, но кӧня милем лэзиз Инмар, тӥ доры но вуон понна.

¹⁴Ми ум сюлмаськиське, тӥ доры лыктыны ӧм на быгатэ кадь шуыса, малыке шуоно тӥ доры вуимы ини Христослэн благовествовониеныз.

¹⁵Ми мултэссэ ум ушъяськиське муртъёслэн ужъёсынызы, нош оскиськомы тӥляд осконды будэмъя, тӥляд служенияды ватсаны милестым тыршеммес,

¹⁶тӥлесьтыд но кыдёке гес ивортыны евангелиеез, нош ушъяськоно медаз луы муртлэн лэсьтэм ужъёсын.

¹⁷Ушъяськись Кузё-Инмарен ушъяськы,

¹⁸уго ярамон уг луы асьсэ ачиз ушъясь, нош соиз, кинэ ушъя Кузё-Инмар.

Chapter 11

¹Э,тӥ чидасалды ке на вал мынысьтым нодтэм луэмме! Но чидалэ на монэ.

²Уго мон вожасько тӥ пумысен Инмарлэн вожанэныз, малыке шуоно мон тӥледыз одӥг пиосмуртлы курай, сётыны тӥледыз Христослы пиосмуртэт кӧламтэ нылын.

³Нош кышкасько, кызьы змея аслаз кескиченыз Еваез пӧяз, озьы ик тӥляд но йырвизьёсты медаз сураське вал, палэнскыса чылкыт но шонер Христос пушкын улонлэсь.

⁴Малыке шуоно кин-ке лыктыса, проповедовать карыны кутскиз ке мукет Христосэз, кудзэ ми проповедовать ӧм карелэ, яке тӥ басьтысалды ке мукет Духез, кудзэ милесьтым ӧд басьялэ, яке мукет ӟеч иворэз, кудзэ ӧд басьялэ, - соку тӥ чидасесь луысалды талы.

⁵Нош мон малпасько, мон номырин но уг кылиськы "вылӥ апостолъёс" шуонъёслэсь,

⁶коть мынам вольыт кылы ӧвӧл но ке, нош тодон валанэ вань. Веранэз но ӧвӧл, ми ваньмыныз возьматӥмы ини тае тӥледлы.

⁷Сьӧлык лэсьтӥ а мон, ултӥяса асьме ачим, тӥледыз ӝутон понна, Инмарлэсь евангелиезэ дунтэк проповедовать карыкум?

⁸Мукет черкъёслэсь мон уждун басьялляй тӥледлы служить карон понна, но тӥ дорын улыкум, ёрмылӥ но ке, нокин вӧзын ӧй улы,

⁹мынысьтым кулэяськонме тырылӥзы Македонияысь лыктэм вынъёс, котьмаин но мон тырши но тыршо тӥледлы шуг-секытъёс кылдытылытэк.

¹⁰Христослэн зэмлыкез мон пушкын улэмезъя верало, мон уг дугды ушъяськыны таин Ахаияын.

¹¹Малы бен мон озьы лэсьтӥсько? Мон уг шат яратӥськы тӥледыз? Инмарлы гинэ тодмо! Но кызьы лэсьтӥсько, озьы ик лэсьто,

¹²асьсэлы муг утчасьёслы муг сётонтэм понна, соос маин ушъясько, сыӵеесь ик мед луозы, кыӵеесь ми.

¹³Уго таӵеесь лжеапостолъёс, кескич служительёс, Христослэн апостолъёсыз кадь асьсэды возьматыны тыршо.

¹⁴Паймонэз но ӧвӧл: уго ачиз сатана, туссэ возьматыны тырше югытлэн ангелэз кадь,

¹⁵соин ик марзэ паймод, солэн служительёсыз но асьсэды возьмато ке шонерлыко служительёс кадь, но соослэн ужъёссыя пумыз вуоз соослы.

¹⁶Эшшо верало на: эн лыдъялэ монэ нодтэмен, нош озьы ӧвӧл ке, принять карелэ монэ нодтэм адямиез кадь, мыным но кызьы-ке но ушъяськыны.

¹⁷Мар верало, Кузё-Инмар пушкын уг вера, нош визьтэм кадь, ушъяськыны дисьтэм мурт кадь.

¹⁸Уго тросэз мугорзылэсь ушъясько, соку мон но ушъясько.

¹⁹Малыке шуоно тӥ, визьмо адямиос, шумпотыса чидалэ нодтэмъёссэ:

²⁰тӥ чидаськоды, куке тӥледыз кин ке пыд улаз зибе, кин-ке объедать каре, кин-ке мардэске таласа басьтэ, куке кин-ке ассэ тӥлесьтыд вылӥе пуктэ, кин-ке ымнырады мыжга.

²¹Возьдаськыса верасько, мынам озьы лэсьтыны кужыме ӧз тырмы. Нош кин-ке дӥсьтэ-ке ушъяськыны маин-ке, соку верало визьтэммыса мон но дӥсьтӥсько шуыса.

²²Соос Еврейёс? Мон но. Израельтянъёс? Мон но. Авраамлэн выжыосыз? Мон но.

²³Христослэн служителъёсыз? Визьтэммыса верасько: мон бадӟымгес. Мон ваньмызлэсь троссгес тырши, лыдъянтэм ранаосы, троспол пытсэт улын пуки но троспол кулон калэ вуылӥ.

²⁴Иудейёс вить пол монэ жугизы, одӥг пол жугемаз куамын укмыс пол сэлоен шуккылӥзы,

²⁵куинь пол монэ бодыен тыризы, одӥг пол изёсын зиръязы, куинь пол мон кораблекрушениын вал, одӥг уй но нунал вал море пыдэскын,

²⁶трос пол путешествовать карылӥ, шуръёс вылын кышкытэ сюрылӥ, кышкаса улыны кылдылӥз разбойникъёслэсь но асьме калыкъёслэсь но язычникъёслэсь но городъёсын но пустыняосын но мореын но лжебратъёс вискын но,

²⁷катьтэммытчёзь ужын но, ӵем дыръя изьытэк, сютэм но юэм потыса, ӵем дыръя постын, кезьыт азьын но дӥськуттэк.

²⁸Ваньмыз та сяна, мон дорын котькуд нуналэ лукасько кенеше калыкъёс, черкъёс сярысь мыным сюлмаськоно луэ.

²⁹Кин-ке ляб-ке, мон но соин уг лябомиськы шат? Кин-ке сьӧлыке-ке усе-ке, мон со понна уг курадӟиськы шат?

³⁰Мон ушъяськыны-ке кулэ, соку ушъясько аслам лябеным.

³¹Инмар но Атаез асьмелэн Иисус Христос Кузёмылэн, данлыко пумтэм-быронтэм дауръёс ӵоже, тодэ мон уг пӧяськы шуыса.

³² Арета царьлэн Дамаскысь кивалтӥсез монэ кутон понна, возьма вал Дамаскез,

³³но монэ кудыын лэзизы укноетӥ стена кузя но мон озьы солэсьутиськыны быгатӥ.

Chapter 12

¹Мыным ушъяськыны пайдаез ӧвӧл, уго мынам Кузё - Инмарлэсь адӟытэмъёссэ но усьтэмъёссэ вераме потэ.

²Тодӥсько Христос пушкысь адямиез, кудыз дас ньыль ар талэсь азьло, мугор пушкын яке мугор пушкын ӧвӧл, мон уг тодӥськы - Инмар гинэ тодэ, ӝутэмын вал куньметӥ инмозь.

³Но тодӥсько со адями сярысь, уг гинэ тодӥськы, мугор пушкын яке ӧвӧл - Инмар тодэ,

⁴со пе ӝутэмын вал райе но кылылӥз вераны быгатонтэм кылъёс, кудъёссэ адями вераны уз быгат.

⁵Сыӵе адямиен быгатӥсько ушъяськыны, ачиным нош уг, аслам лябъёсыным гинэ шат ушъясько.

⁶Впрочем, ушъяськеме потӥз-ке, нодтэм уг луы, уго зэмэз верало, нош мон вазиськисько, кин-ке медаз малпа мон сярысь мултэссэ, мон сярысь тодэмезлэсь но адӟемездэсь но.

⁷Мыным Инмарен сётэм уно откровениосын, мон медаз вылтӥяськы шуыса, сётэмын мынам мугорам си - сатаналэн ангелэз - курадӟытэ монэ, мон медаз вылтӥяськы шуыса.

⁸Куинь пол мон вӧсяськи Кузё-Инмарлы, сое мед дорысьтым палэнтоз шуыса,

⁹нош Кузё - Инмар шуиз мыным:"Тырмыт нӥ Мынам благодате тыныд, уго Мынам кужыме кужмоя тон лябомем дыръя". Мон пушкын мед улоз шуыса Христослэн кужымез, мон туж-гес но ушъясько аслам лябомемъёсыным.

¹⁰Соин ик мон шум потӥсько куке лябомисько, куке ёрмисько, куке монэ ултӥяло но улляло но пачкато Христос понна, уго куке мон ляб, соку мон кужмо.

¹¹Ушъяьконням, мон визьтэм кадь луи - тӥ монэ отчёз вуттӥды. Тӥляд монэ ушъяно вал, уго мынам ӧвӧл нокыӵе но тырмымтэе "сверхапостолъёсын" ӵошатыса, коть мон номыре но уг сылӥськы.

¹²Апостоллэн тодметъёсыз тӥ азьын адӟиськизы котькыӵе чиданэн, знамениосын, чудоосын но кужымъёсын.

¹³Марды бен тӥляд уг тырмы мукет черкъёсын ӵошатыса, шат со гинэ, мон тӥлесьтыд номырдэс но ӧй курылы ачим понна? Сыӵе янгыш лэсьтэме понна вождэс эн вае.

¹⁴Танӥ, мон дась тӥ доры лыктыны куиньметӥзэ, мыным тӥлесьтыд номыр но кулэ ӧвӧл, малыке шуоно мон уг утчаськы тӥлесьтыдзэ, нош тӥледыз утчасько. Нылпиос ваньбур люканы кулэ ӧвӧл анай атайёссылы, нош анай атайёс люканы кулэ нылпиоссы понна.

¹⁵Мон шумпотыса аслысьтымзэ быдто но сёто асме тӥляд лулды понна, тодыса, тӥляд монэ яратонды, мынам тӥледыз яратонэ сярысь тросс поллы ӧжытгес ке но.

¹⁶Малпаломы озь, мон ачим ӧй басьтылы тӥлесьтыд, нош вал кескич но пӧяса тӥлесьтыд басьтылӥ.

¹⁷Нош басьтылӥ-а мон тӥлесьтыд аслым, мон дорысь келямъёс пыртӥ?

¹⁸Мон уго Титэз кури но келяй соин одӥгзэ вынме. Мардэс - ке Тит басьтӥз шат аслыз? Одӥг духен ми ӧм тырше шат? Но одӥг сюрэс кузя ми ӧм ветлэ шат?

¹⁹Тӥ пырысь пырак малпаськоды ми оправдываться гинэ кариськиськом шуыса тӥ азьын? Нош ми ваньзэ тае вераськомы Инмар азьын, Христос пушкын яратоноосы, тӥледыз дышетыны понна.

²⁰Малыке шуоно мон кышкасько, куке мон лыкто, куд огез тӥ пӧлысь медаз луэ сыӵеесь, кыӵе мынам тӥледыз адӟеме уг поты, озьы ик тӥ но медаз адӟе монэ сыӵеен, кыӵе адӟемды уг поты, адӟёно медаз луы вал тӥлесьтыд керетонъёстэс, вожъяськонъёстэс, лекъяськонъёстэс, вожвылъяськонъёстэс, клеветать каремдэс, кыл куара нуллонъёстэс, вылтияськонъёстэс, шонертэм улэмдэс,

²¹куке мон лыкто, нош ик медаз ултӥя монэ тӥ дорын мынам Инмаре но медаз мыным бӧрдоно луы вал тросэз понна, кудъёсыз азьло сьӧлык лэсьтӥзы но покаятся ӧз кариське кырсь ужъёссылэсь но азон-калгон сьолыкъёссылэсь.

Chapter 13

¹Куиньметӥзэ мынӥсько ни тӥ доры. Кык яке куинь адӟисьёс азьын шонер луоз котькыӵе верам кыл.

²Мон вералляй но верасько, кызьы кыктэтӥзэ тӥ дорын дыръям кадь ик, но али но, тӥ дорын луонтэм дыръям, гожтӥсько азьло сьӧлык лэсьтэмъёслы но мукетъёсызлы но, куке выльысь лыкто, уг жаля.

³Тӥ утчаськоды даказательство Христос мон пыртӥ вераське шуыса: Солэн кужымез ӧвӧл тӥ понна, нош кужмо тӥ пушкын.

⁴Уго Со кортӵогамын ке но вал кужымез ӧвӧлтэм дыръяз, донош улэп Инмарлэн кужыменыз. Ми лябесь-ке но Со пушкын, нош улэп луомы Соин тӥ пушкын Инмарлэн кужыменыз.

⁵Эскере асьтэсты асьтэос, осконды вань-а тӥляд шуыса. Сэрттэ-пертче асьтэсты асьтэос. Иисус Христос тӥ пушкын шуыса, уд шат тодӥське асьтэды асьтэос? Кин тӥ луыны кулэ, тӥ ӧвӧл ке сыӵеесь, соку гинэ шат.

⁶Ми сярысь нош, оскисько, тододы, ми сыӵеесь шуыса, кыӵе луыны кулэ.

⁷Ми куриськом Инмарлэсь, милемлы возьматон вылысь гинэ тӥ медаз лэсьтэ шуыса нокыӵе но урод уж, нош ӟеч ужъёс мед лэсьтоды шуыса, коть ми луимы-ке но сыӵеесь, кыӵе луыны кулэ ӧвӧл.

⁸Малыке шуоно милям ӧвӧл кужыммы зэмлыклы пумит, нош кужмоесь зэмлык понна.

⁹Ми шум потӥськомы, куке ми лябесь, нош тӥ кужмоесь, со понна ик вӧсяськиськом, тӥляд ӟечлыкты мед будоз шуыса.

¹⁰Соин ик мон дорады луымтэ дыръя гожтӥсько, лыктэм берам медаз кутоно луы шуыса, мыным Кузё - Инмарен сётэм юн властьме. Со властез мыным Кузё - Инмар куашкатон понна ӧз, нош кылдытон понна сётӥз.

¹¹Озьыен, вынъёсы, шум потэ, умоятӥське, буйгатске, ог огеныды ог кылысь луэ но тупаса улэлэ - соку яратонлэн но тупаса улонлэн Инмарез тӥледын ӵош луоз.

¹²Ӟечбуръяське ог огеныды святой чупаськонэн. Ваньмыз Инмарен быръемъёс тӥледлы салам келяло.

¹³Асьмелэн Кузёмылэн Иисус Христослэн благодатез, Инмар Атайлэн яратонэз, но Святой Духлэн асьменым вачевераськемез мед луоз ваньмыныз тиледын. Аминь.

HEBREWS

Chapter 1

¹Вашкала дырысен Инмар, тросс пол но тросс пӧртэм амалъёсын пророкъёс пыртӥ вералляз асьмелэн песьатайёсмылы. ²Нош та берпуметӥ нуналъёсы Инмар вералляз асьмеослы Аслаз Пиез пыртӥ. Кудӥзлы Со сётӥз ваньмыз вылын луыны Кузёен но Кудӥз пыртӥ Со кылдытӥз дуннеез.

³Пи - Атаезлэн данэзлэн пиштэмез но Инмарлэн пуштросызлэн вылтусыз, Со ваньзэ возе Аслаз кылызлэн кужыменыз. Калыкъёсты сюзяса соослэн сьӧлыкъёссылэсь, Со инмысь данлэн престолэз борды, бур палаз пуксиз.

⁴Со тупыттэм ӟечгес ангелъёслэсь, Солэн унаследовать карем нимыз унолы быдӟымгэс соослэн нимзылэсь. ⁵Уго кудӥзлы ангелъёслы Инмар шуиз:"Тон Мынам Пие, туннэ Тон Мынам вордӥськид", но эшшо:" Мон луо Солы Атаен, но Со луоз Мыным Пиен"? ⁶Озьы ик, куке Инмар Нырысетӥзэ Пизэ пыртӥз дуннее, Со шуиз:"Инмарлэн ваньмыз ангелъёсыз мед йыбырттозы Солы". ⁷Ангелъёс сярысь Инмар вера:"Тон Аслысьтыд ангелъёстэ лэсьтӥськод духъёсын, нош Аслысьтыд служительёстэ - ӝуась тылэн". ⁸Пиез сярысь нош верамын:" Инмаре, престолэд тынад пумтэм дауръёслы.Тон шонерлыклэн жезлэныз кивалтӥськод Аслад царствояд.

⁹Тон яратӥськод шонерлыкез, нош законлы пумит улонэз адӟемпотостэм карид, со понна Инмар - Тынад Инмаред зыраз тонэ шумпотонлэн елееныз унолы троссгес, Тонэныд валче тыршисьёсыдлэсь".

¹⁰Тани эшшо:" Нырысь Тон, Кузё-Инмаре, кылдытӥд музъемез, ин - Тынад киедлэн ужез

¹¹Соос бырозы, нош Тон пыраклы кылёд. Соос вужмозы нуллэм дӥсь кадь. ¹²Дӥсьёсты кадь Тон соосты бинялтод, но соос воштӥськозы. Нош Тон сыӵе ик, Тынад аръёсыдлэн пумыз ӧвӧл".

¹³Кудӥзлы ангеллы Инмар шуиз:" Тынысьтыд тушмонъёстэ Тынад пыд азяд куштытчёзям, Мынам бур палам пук"? ¹⁴Ангелъёс ӧвӧл шат ыстон косон духъёс, кудъёссэ келяло тыршыны соослы, кинъёс спасение басьтыны кулэ?

Chapter 2

¹Соин ик асьмеос тужгес но сак луыны кулэ кылэммылы, уго усёнэ медам шедёно вал.

²Уго кыл, кудӥз ивортэмын вал ангелъёс пыртӥ, кужмо, но котькыӵе урод ужъёслы но кылзӥськымтэослы сётэмын вал пунэмен берыктон, ³нош кызьы асьмеос мозмыны быгатомы, таӵе бадӟым утӥськонэз кулэтэм карыса, кудӥз нырысь ивортэмын вал Кузё-Инмарен но асьмеос пушкын юнматэмын вал Солэсь кылэмъёсын. ⁴Но Ачиз Инмарлэн юнматэменыз тодметъёсын но паймымон ужъёсын, но пӧртэм кужымъёсын но Солэн воляезъя сётэм Святой Духлэн даръёсыныз?

⁵Уго ангелъёслы ӧз сёты Инмар дуннеез, кудӥз сярысь асьмеос вераськом, ⁶нош кин-ке кытын-ке вераз:" Кин со сыӵе адями, кудзэ Тон тодад ваиськод? Яке кин со сыӵе адямилэн пиез, кудӥз доры Тон ветлӥськод?

⁷Тон ӧжытлы гинэ улӥегес пуктӥд сое ангелъёс азьын, Тон сое данлыкен но сиё-данэн венчать карид, но пуктӥд сое кузёен Тынад киосыныд лэсьтэм ужъёсыд вылэ, ⁸но ваньзэ солэн пыд улаз нюртӥд". Нош Тон ваньзэ солы подчинить карид ке, соку ӧд кельты номыр но солы подчинить карымтэзэ. Нош ми али ум на адӟиське, ваньмыз солы подчинятся кариське шуыса, ⁹нош адӟиськомы Иисусэз, Кудӥз кӧняке улӥегес пуктэмын ангелъёс азьын, Кудӥз кулонэз адӟиз но со понна Солы сётэмын вал данлэн но сиё-данлэн венецез. Инмарлэн благодатезъя Солы кулон чидано луиз вань калыкъёс понна.

¹⁰Инмар, Кудӥз луэ ваньзэ кылдытӥсь но Кудӥзлэн ваньмыз, Кудӥзлэн троссэ пиоссэ ваемез потэ Аслаз даназ, соин ик Со, Иисусэз кураӟёнъёс пыртӥ поттыса, лэсьтӥз Сое калыкъёсты утиськонэ валтӥсен.

¹¹Уго Со но, Кин освящать каре, но соос но, кинэ освящать каро, ваньмыз одӥг Атайлэсь, соин ик Солы соосты вынъёс шуыны возьыт ӧвӧл, тазьы вера: ¹²"Тынысьтыд нимдэ Мынам вынъёсылы иворто, черкын Тонэ данъяса кырӟало".

¹³Эшшо но:"Мон Со вылэ оскиськыса уло". Эшшо но:"Тани Мон, но Монэным пиналъёсы, кудъёссэ сётӥз Мыным Инмар".

¹⁴Нош пиналъёс вирен но мугорен герӟяськемын бере, соку Со но луиз сыӵе ик, кыӵе та калык, Аслаз кулэменыз быдтон понна кужымзэ солэсь, кин кузёяське кулон-быронэн, кудӥз дьявол, ¹⁵но мозмытыны соосты, кинъёс кулонлэсь кышкаса улоназылэн пумозяз рабъёс вал.

¹⁶Уго Со ӧз лыкты ангеллэн мугораз, нош лыктӥз Авраамлэн выжыезлэн мугораз. ¹⁷Малыке шуоно Со луыны кулэ вал ваньмаз вынъёс кадь ик, милосердной луон понна но осконо первосвященник луыны Инмарлэн ужаз но помиловать карыны калыкъёсслэсь сьӧлыкъёссэс.

¹⁸18 Уго, кызьы Со Ачиз, искусить каремын вал, соку Со но быгатоз юрттыны соослы, кинъёс искушениеын.

Chapter 3

¹Озьыен, святой вынъёс, инэн ӧтемъёс, учкелэ Иисус Христос шоры, кудӥз Келямын Первосвященникен асьмелэсь сьӧлыкъёсмес усьтыны Со азьын. ²Кудӥз оскымон Солы, Кин келяз Сое, кызьы Моисей, оскымон вал Солэн корказ. ³Нош Солэн, Моисеен ӵошатоно ке бадӟымгес данэз, озьы ик корка пуктӥсьлэн сӥ-данэз бадӟымгес, коркалэсь.

⁴Котькыӵе корка пуктэмын кинэн ке, нош Инмар - ваньзэ Пуктӥсь.

⁵Моисей но ляльчи кадь оскымон улӥз ваньмаз Солэн корказ, ивортон понна, мар азьланяз верамын луоз, ⁶нош Христос - Солэн корказ Солэн Пиез кадь. Нош Солэн коркаез - асьмеос, пумозяз йыг йыг утимы ке дӥсьтонлыкмес но оскиськонмес, кудъёсыныз ушъяськиськом.

⁷Соин ик, кызьы вера Святой Дух: "Туннэ, куке кылоды Солэсь кылзэ, ⁸сюлэмъёстэс эн лекомытэ, вождэс поттон дыръя кадь, пустыняын искушать карон нуналэ, ⁹кытын искушать каризы Монэ тӥляд атайъёсты, эскерылӥзы Монэ но адӟылӥзы Мынысьтым ужъёсме ньыльдон ар.

¹⁰Соин ик Мынам воже потӥз со выжы вылэ но шуи:"Соос котьку сюлэмазы йыромо но уг тодо Мынысьтым сюресъёсме, ¹¹соин ик Мон Аслам вожпотонам кыл сётӥ, соос уз пыре шуыса Мынам каньыллыкам".

¹²Чаклалэ, вынъёсы, тӥ пӧлысь нокинлэн но медам луы лек но оскисьтэм сюлэмыз, тӥледлы улэп Инмарлэсь палэнэ медам кожоно шуыса.

¹³Нош нуналлы быдэ ог огдэс лӧпкытэ, "туннэ" вераны луэ на бере, тӥ пӧлысь нокин но медам лекомы, сьӧлыкен пӧяськонэн.

¹⁴Уго асьмеос луимы Христосэн ӵошен тыршисьёс, кутскем улонмес гинэ пумозяз йыг йыг возимы ке,

¹⁵уго верамын: "Туннэ, ку кылоды Солэсь куаразэ, вождэс поттон дыръя кадь, сюлэмъёстэс эн лекомытэ", ¹⁶уго куд огез кылэмъёс вожзэс поттӥзы Моисеен Египетысь потэмъёс, озьы ке но ваньмыз ӧз.

¹⁷Кин вылэ бен Со вожзэ поттӥз ньыльдон ар? Соос вылэ ӧз шат, кинъёс сьӧлык лэсьтӥзы но кудъёсызлэн лыоссы пустыняын кылизы? ¹⁸Кинъёслы пумит бен Со кыл сётӥз, соос уз пыре шуыса Солэн каньыллыказ, кылскисьтэмъёслы пумит ӧз шат? ¹⁹Озьыен, ми адӟиськомы, соос оскымтэзы понна пырыны ӧз быгатэ шуыса.

Chapter 4

¹Соин ик, куке вань на луонлык пырыны Солэн шутэтсконаз Солэн сётэм кылыз пыртӥ, кышкаса улом, тӥ пӧлысь нокин но медам беромы шуыса, ²уго соослы но озьы ик, асьмелы кадь ик Ӟеч Ивор верамын. Нош кылэм ивор соослы пайда ӧз сёты, малыке шуоно кылзӥськисьёс ӧз кизертэ сое осконазы.

³Нош ми, оскимы но Солэн шутэтсконаз пыримы. Кызьы шуиз Инмар: "Мон Аслам вожпотонам кыл сётӥ, соос уз пыре шуыса Мынам шутэтсконам", коть Солэн ужъёсыз быдэстэмын ке но вал музъем кылдытэм дырысен.

⁴Уго сизьыметӥ нунал сярысь кытын ке гожтэмын тазьы:" Инмар Аслаз ужъёсызлэсь сизьыметӥ нуналаз шутэтскиз".

⁵Тани татын но: "Уз пыре Мынам каньыллыкам".

⁶Озьыен, куд огезлы кылдоз бере пырыны Солэн каньыллыказ, нош соослы, кудъёсызлы азьло Ӟеч Ивор верамын вал, ӧз пыре отчы кылзӥськымтэзы понна, ⁷соку Со нош ик нимысьтыз нунал тупатӥз, "туннэ", но тросс дыр ортчем бере, вера Давид пыртӥ, кызьы вылӥын верамын:"Туннэ, куке кылоды Солэсь кылзэ, сюлэмъёстэс эн лекомытэ".

⁸Иисус Навин пыртысал ке соосты каньыллыке, собере верамын ӧй луысал мукетыз нунал сярысь.

⁹Соин ик Инмарлэн калыкезлы субботаез утён кыле на.

¹⁰Соин ик кин пыриз Солэн каньыллыказ, со шутэтске аслаз ужъёсызлэсь, кызьы Инмар шутэтске Аслаз ужъёсызлэсь.

¹¹Озьыен, тыршомы пырыны Солэн шутэтсконаз, кылзӥськымтэос шоры учкыса нокин но медам кылзӥськисьтэм луы шуыса.

¹²Уго Инмарлэн кылыз улэп но тыршись, со лэчытгес котькыӵе кык ласянь ик шэрем мечлесь, со пыре адямиос пушкы люкытозяз лулэз духлэсь, суставъёсты вимъёслэсь, мылпотэмъёсты но сюлэмысь потэм малпанъёсты судить каре.

¹³Нокыӵе но кылдытэм уз быгаты ватскыны Солэсь, ваньмыз голик но усьтэмын Солэн син азяз - Со азьын кыл кутоно луоз.

¹⁴Озьыен, асьмеослэн вань бере быдӟым Первосвященникмы, Кудӥз тубиз инлэсь вылӥегес, Иисус, Инмарлэн Пиез, юн возиськом асьмелэн осконмылы, кудзэ исповедовать кариськом. ¹⁵Малыке шуоно асьмелэн Первосвященникмы быгатоз валаны милесьтым лябъёсмес, Кудӥз, асьмеос кадь ик испытать каремын вал, нош сьӧлыкъёстэк.

¹⁶Соин ик сэзь лыктомы благодатьлэн престол азяз, Инмар мед милемлы сётоз шуыса милость но Солэсь басьтыны благодать дырыз дыръя юрттонлы.

Chapter 5

¹Котькыӵе первосвященникэз, калыкъёс пӧлысь быръё но пукто Инмарлы служить карыны, калыкъёс понна вайыны даръёс но жертваос соослэн сьӧлыкъёссэс искупить карон понна. ²Котькыӵе первосвященник жаляны быгатыны кулэ валасьтэмъёсты но йыромисьёсты, уго со ачиз лябӟыны быгатэ, ³сон ик со жертва вайыны кулэ калыкъёслэн но, аслаз но сьӧлыкъёсыз понна.

⁴Таӵе сиё-данэз нокин но уг басьты ачиз ас вылаз, Инмарен ӧтем адями сяна, Аарон кадь

⁵Озьы ик Христос но Ачиз Аслыз ӧз басьты дан луыны Первосвященникен, нош Со, Кин шуиз Солы:" Тон Мынам Пие, Мон туннэ Тынад Атаед луи", ⁶кызьы мукет интыын но вера:"Тон священник пыраклы луид Мелхиседеклэн чинэзъя".

⁷Со, музъем вылын улыкуз, зар бӧрдыса но синвуосын вӧсяськиз но куронъёссэ сётӥз Солы, Кин быгатэ вал Сое кулэмлэсь утьыны, но кылэмын вал Аслаз гажамез понна, ⁸коть Со Пи ке но, но курадӟёнъёс пыртӥ кылзӥськыны дышиз, но, ⁹совершенной луэмез бере, Со луиз, Сое кылзӥськисьёслы, пумтэм дауръёс ӵоже мозмонлэн ошмесэныз, ¹⁰но Инмар нимаз Сое Первосвященникен Мелхосидекез кадь.

¹¹Ми та сярысь троссгес вераны кулэ, нош тӥледлы секыт валэктыны, уго тӥ валаны быгатӥсьтэмесь луиды.

¹²Дыр шоры учкыса, тӥ луыны кулэ ини дышетӥсьёсын, нош тӥледды нош ик Инмарлэн Кылызлэсь нырысетӥ кутсконзэ дышетоно луэ, тӥледлы йӧл юоно на, чурыт сиён сиыны уг яра. ¹³Котькудӥз, кин йӧл юэ, уг тоды шонерлыклэсь кылзэ, уго со пичи пинал на, ¹⁴нош чурыт сиён - быдэ вуэмъёслы, кудъёсыз дышемын ини люкыны ӟечсэ уродлэсь.

Chapter 6

¹Соин ик, кельтомы Христослэн дышетонэзлэсь нырысетӥ люкетъёссэ но тыршомы быдэ вуонлы. Ойдолэ ум ни берытске отчы, кытысен кутскимы быронэ нуись ужъёслэсь куштӥськыса Инмарлы оскыны, ²крещенние сярысь но, киосты поныса вӧсяськонлы дышетонэ, кулэмъёслэн улӟыса султэмзы сярысь но пумтэм дауръёс ӵоже но суд сярысь дышетонэ.

³Но Инмар ке сётӥз, тае но лэсьтомы.

⁴Уг луы уго - одӥг пол, синъёссы учкыса, валатскемъёсты, кудъёсыз инмысь сётэм кузьымез шӧмтӥзы, Святой Духен кусып возьыны кутскемъёсты, ⁵Инмарлэсь ӟеч кылзэ но вуоно дуннелэсь кужымзэ шӧмтӥсьёсты ⁶но выльысь усьыса - выльдыны покаянизэс, куке соос нош ик кортӵогало Инмарлэсь Пизэ но калык азьын возьытэ Сое потто.

⁷Музъем, тросс пол пыӵатэ со вылэ зор-кот усемез но будос будэтэ, пайда сётэ соослы, кин понна гыриське-кизиське, соку сое Инмар благословить каре.

⁸Нош соиз музъем, кудӥз будэтэ бышкиськись турын но йӧны,- пайда уг сёты но карганы дась, но пумыз солэн - тылын ӝуан.

⁹Озьы ке но, коть ми тӥ сярысь озьы вераськомы ке но, яратоноос, ми нош оскиськомы, тӥляд луонлыкты ӟеч но утӥськон борды кырмиськыса возькиськоды. ¹⁰Уго Инмар шонерлыко, Со уз вунэты тӥлесьтыд ужъёстэс но яратонэн тыршемдэс, Солэн нимыз понна, азьло но али но святойъёслы юрттыса.

¹¹Ми мылкыд кариськом, тӥ пӧлысь котькудды, озьы ик пумозяз кужмысь тыршелэ, оскиськонды мед быдэсмоз шуыса. ¹²Мылкыд кариськом эн асьтэмске, нош адӟем каре соослы, кинъёс осконэн но кема чиданэн кыл сётэмез наследовать каро.

¹³Инмар, Авраамлы кыл сётыкуз, кыл сётӥз Ачиз Асыныз, уго ӧвӧл нокин но Солэсь быдӟымгес, ¹⁴вераса:" Зэм благословить карыса, благословить карисько тонэ но тынысьтыд выжыдэ, уноятыса уноято". ¹⁵Озьы Авраам кема чидаз но кыл сётэмез басьтӥз.

¹⁶Калыкъёс кыл сёто солэн нимыныз, кин соослэсь вылӥын, но кыл сётэмзы юнматэ верам кылзэс но соослэсь котькыӵе вожвылъяськонзэс дугдытэ. ¹⁷Соин ик Инмар, кыл сётэмезлэсь наследникъёсызлы Аслаз воляезлэн воштӥськытэмзэ возьматэмез потыса, соин ик юнматӥз тае кыл сётыса,

¹⁸кык воштӥськыны луонтэм зэмлыкъёсын, кудъёсаз Инмар пӧялляськыны уг быгат, милям юн буйгатсконмы мед луоз шуыса, асьмелэн азьпаламы кыллись оскиськон борды кырмиськыса возиськонлы. ¹⁹Та оскиськон лул понна - якорь, оскиськымон но юн, но кудӥз завеса сьӧры святилищее пыре, ²⁰кытчы асьмелэн азьпаламы пыриз Иисус. Со Первосвященник луиз пумтэм дауръёс, Мелхиседек кадь.

Chapter 7

¹Уго Мелхиседек, Салимлэн Царез, Вылӥысь Инмарлэн священникез, со, кин Авраамез пумитаз, царьёсты ожын вормыса бертыкуз, но благословить кариз сое, ²кудӥзлы Авраам сётӥз ваньмызлэсь дасетӥ люкетсэ, кудӥзлэсь нимзэ валаны луэ, нырысь ик, шонерлыклэн царез, нош собере Салималэн царез - тупаса улонлэн царез шуыны луоз, ³анай-атайзэ но ӵыжы-выжыоссэ но нокин но уг тоды, нокин но уг тоды, ку со вордӥськиз но ку кулӥз, со Инмарлэн Пиез кадь но пумтэм даурёс ӵоже священникен кыле.

⁴Учкелэ, макем быдӟым со, кинлы патриарх Авраам сётӥз дасетӥ люкетсэ ожын киултэм ӟечезлэсь ваньбурез пӧлысь. ⁵Левийлэн пиосыз, кудъёсыз священникъёс, законъя басьтыны быгато дасэтӥ люкетсэ калыкъёслэсь, асьсэлэсь вынъёссылэсь, коть соос но ке Авраамлэн выжыосыз луо.

⁶Нош Мелхиседек, Левийлэн выжыысьтыз но ке ӧвӧл, Авраамлэсь сётэм дасэтӥ люкетсэ басьтӥз но благословить кариз Инмарлэсь кыл сётэм адямизэ. ⁷Нокыӵе но пумит кыл вератэк, покчиез благословение басьтэ бадӟымезлэсь.

⁸Татын дасэтӥ люкетсэ люкало кулоно адямиос, нош отын - Со, Кудӥз сярысь верамын, Со улэп шуыса.

⁹Вераны луоз ачиз Левий но, кудӥз дасэтӥ люкетсэ басьтэ, Авраам пыртӥ дасэтӥ люкетсэ сётӥз: ¹⁰уго Левий вордӥськымтэ на вал, но Авраам атаезлэн пушказ вал, ку сое пумитаз Мелхиседек.

¹¹Соин ик, совершенство быдэстэмын ке луысал левитъёслэн священствозы пыртӥ, - уго закон сётэмын вал калыклы соослэн священник луэмзылэн инъетэз вылын, - соку малы кулэ на вал, мед луоз шуыса мукетыз Мелхиседек чинэн священник, нош Ааронлэн чинэзъя ӧвӧл?

¹²Уго куке воштӥське священство, соку закон но воштӥськыны кулэ.

¹³Уго Со, Кин сярысь ми али вераськомы, мукет выжыысь, кудӥзлы нокин но служить ӧз кары жертвенник дорын.

¹⁴Уго тодмо, асьмелэн Кузё-Инмармы Иудалэн выжыысьтыз потэмын, кудӥзлэн выжыысьтыз священникъёс сярысь Моисей номыр но ӧз вера.

¹⁵Эшшо но валамон, потӥз мукетыз Священник, Кудӥз, Мелхиседеклы тупа. ¹⁶Со мугорлэн законъя священник ӧз луы, нош бырисьтэм улонлэн кужыменыз. ¹⁷Уго ивортэмын:"Мелхиседек чинэн Тон священник луод пумтэм дауръёс ӵоже"

¹⁸Азьло заповедез кулэтэм карэмын, солэн ляб но пайдатэм луэменыз, ¹⁹уго закон номырез но ӧз вутты совершенной луонниозь, нош ӟечгес оскиськон сётӥське, кудӥныз асьмеос Инмарлы матэ лыктӥськомы.

²⁰Но та кыл сётэмын вал бере, ²¹уго соос кыл сётонтэк священникъёс луизы, нош Таиз кыл сётэмен, уго Со сярысь верамын:"Кузё-Инмар кыл сётӥз, но кыл сётэмезлэсь ӧз куштӥськы: Тон пумтэм дауръёсы Мелхиседек чинэн Священник луод",- ²²озьыен ӟечгес заветлэн юнматӥсез Иисус луиз.

²³Со священникъёс тросс вал, уго кулон уг сёты вал огнязы кыльыны, ²⁴нош Таиз, пумтэм дауръёслы кыле, но Солэн священствоез но пумтэм дауръёс ӵоже, ²⁵соин ик Со быгатэ утьыны соосты, кинъёс Со пыртӥ Инмар доры лыкто, малыке шуоно Со котьку улэп но котьку дур басьтэ соослы.

²⁶Соин ик таӵе ик асьмелэн Первосвященникмы: святой, лякыт, изъянтэк, сьӧлык лэсьтӥсьёслэсь висъямын но инлэсь вылые ӝутэмын, ²⁷Кудӥзлы, кызьы лэсьто мукетъёсыз первосвященникъёс, котькуд нунал ӝертва сётыны кулэ ӧвӧл, нырысь асьсэлэн сьӧлыксы понна, собере калыкъёслэн сьӧлыкъёссы понна, уго Со лэсьтӥз таэ одӥг пол, Асьсэ Ачиз жертвае вайыса. ²⁸Уго закон пуктэ первосвященникен адямиосты асьсэлэн лябъёсынызы, но кыл сётэм, закон бере, пуктӥз Пизэ, Кудӥз пумтэм дауръёс ӵоже совершенной.

Chapter 8

¹Верамлэн пуштросэз тани: асьмелэн вань сыӵе Первосвященникмы, Кудӥз Быдӟымлыклэн престолэзлэн бур палаз пуксиз, ²- святойлэсь но святой интыын, зэмос скинияын Со Служитель луэ, кудзэ адями ӧз пукты, нош Кузё-Инмар.

³Котькыӵе первосвященник жертваосты но кузьымъёсты вайыны кулэ, соин ик Таизлэн но Первосвященниклэн луыны кулэ мае сётыны.

⁴Со музъем вылэ ик кыльысал ке, соку ӧй луысал первосвященникен, уго вань сыӵе священникъёс, законъя кузьымъёс ваисьёс, ⁵кудъёсыз служить каро скинияын, кудӥз луэ вужерез но тупа инмысь скиниялы, кызьы Моисеез косэмын вал скиния пуктыны кутскыкуз:"Учкы, лэсьты ваньзэ озьы,тыныд гурезьын возьматемезлы тупась,".

⁶Нош табере Иисуслы сётэмын уката но вылӥлыко служение, Со луиз Выль Заветлэн Инмарен но калыкъёс вискын Посредникеныз, трослы вылӥын вужезлэсь сӥзёнлэсь.

⁷Уго нырысетӥ закон ярамон ке луысал, соку кулэ ӧвӧл мукетыз.

⁸Нош пророк, соосты пыкылыса, вера:"Тани, вуо нуналъёс,- вера Кузё-Инмар,- куке Мон Израильлэн но Иудалэн выжыеныз юнмато выль кыл сётон, ⁹сыӵе кылсётон со уз луы, кудзэ Мон соослэн атайъёсынызы юнматӥ, куке соосты китӥзы кутӥ, поттыны соосты египет музъем вылысь, уго соос ӧз быдэстэ сойзэ Мынысьтым кыл сётэмме, но Мон берытски соос дорысь,- вера Кузё-Инмар". ¹⁰"Тани кыл сётэм, кудзэ Мон юнмато Израильлэн выжыеныз со нуналъёс бере,- вера Кузё-Инмар,- Мон поно Мынысьтым законъёсме соослэн малпанъёсазы но гожто соослэн сюлэм вылазы, но луо соослэн Инмаренызы, нош соос луозы Мынам калыке.

¹¹Но уз ни дышеты нокин но аслысьтыз матысьсэ но вынзэ но, вераса:"Тод Кузё-Инмарез",- уго ваньмыз, покчиысен кутскыса бадӟымозь, тодозы Монэ, ¹²уго Мон простить каро соослэсь урод ужъёссэс но тодам уг ни вай соослэсь сьӧлыкъёссэс". ¹³Вераса "выль", Со шуз нырысетӥзэ вуж, нош вужмисез но мӧйымысез быроннилы матын.

Chapter 9

¹Нырысетӥ заветын валэктэмын вал Инмарлы служить карон сярысь но музъем вылын пуктэм святилище сярысь, ²уго нырысетӥ скиния лэсьтэмын вал тазьы: отын вал святильник но ӵектэм няньёсын ӝӧк, кудӥз нимаське вал "святой" инты.

³Кыкэтӥ завеса сьӧрын вал "Святойлэсь но святой" нимаськись скиния, ⁴кудаз вал: зарни кадильница, но заветлэн ковчегез, кудӥз котькуд ласянь зарниен шобыртэмын, но со пушкын маннаен зарни сосуд, но Ааронлэн сяськаяськем бодыез, но заветлэн скрижалиосыз, ⁵Ковчег вылын - данлэн херувимъёсыз, соос бурдъёсынызы шобыртылӥзы заветлэн ковчегезлэсь пытсэтсэ, нош али та сярысь пыр-поч вераны кулэ ӧвӧл.

⁶Тазьы лэсьтэм бере, нырысетӥ скинияе котькыӵе нуналэ, Инмарлы служить карыны, пырылӥзы священникъёс,

⁷нош кыктэтӥяз - одӥг пол араз, первосвященник гинэ, но котьку вирен, кудзэ со вайылӥз ачиз понна но калыклэн тодытэк лэсьтэм сьӧлыкъёсыз понна.

⁸Таин Святой Дух возьматэ, усьтымтэ на шуыса святилищее сюрес, куке вань на нырысетӥ скиния.

⁹Та - туала дырлэн образэз, кудаз кузьымъёс но жертва вайёнъёс, уг быгато соосты ваисьёслэсь совестьсэс совершённой лэсьтыны. ¹⁰Та, сиён - юон но пӧртэм пыласьконъёс сярысь мугорлэн быдэсъянъёсыз юнматэмын вал тупатон дыр вуытчёзь.

¹¹Нош Христос, азьланяз луоно ӟечлыкъёслэн Первосвященникез, лыктӥз скинияен, кудӥз бадӟымгес но совершённойгес, но киын ӧвӧл лэсьтэмын, озьыен та дуннелэн со уг луы. ¹²Со святилищее ошпиослэн но куакечъёслэн виренызы ӧз пыры, нош Аслаз Вирыныз одӥг пол пырӥз, но пумтэм дауръёслы ваиз мозмытон.

¹³Нош ошпиослэн но куакечъёслэн вирзы но ветыллэн сутэм пенез мугор вылэ пазьгыса саптаськемъёсты святой каре ке, но сётэ ке соослы чылкыт мугор, ¹⁴соку Христослэн Вирыз, Кудӥз Вечной Духен ваиз Асьсэ Инмарлы, изъянтэм жертваез кадь, сюзялоз асьмелэсь совестьмес быронэ нуись ужъёслэсь, улэп Инмарлы служить карон понна!

¹⁵Соин ик Со - выль заветлэн Посредникез, Аслаз кулонэныз, нырысетӥ заветын лэсьтэм йыружъёсты искупить кариз, пумтэм дауръёс ӵоже наследник луыны отемъёс мед басьтозы шуыса кыл сётэмез.

¹⁶Уго кинлы гожтэмын завещание, завещать карем солэн луэ соку гинэ, ку кулэ завещание гожтӥсь, ¹⁷соин ик завещание гожтӥсь кулымтэ на ке, завещаниелэн нокыӵе но кужымез ӧвӧл.

¹⁸Тӥни малы нырысетӥ завет виртэк юнматэмын ӧй вал,

¹⁹уго Моисей, калык азьын законлэсь вань заповедьёссэ вераса, басьтӥз ошпиослэсь но куакечъёслэсь вирзэс но вуэн сураса, льӧль-горд ыжгонэн но иссоп будосэ веттылыса пазьгиз книгаез но вань калыкез, ²⁰вераса:"Тани заветлэн вирыз, кудӥз сярысь тӥледлы Инмар заповедь сётӥз вал".

²¹Со озьы ик вирен пазяз скинияез но Инмарлы служить карон ваньзэ посудаосты.

²²Законъя ваньмыз ик вирэн чылкытаське но вир кисьтытэк уг луы прощение.

²³Озьыен, инмысь кадь лэсьтэмъёс, чылкытамын луыны кулэ та жертваосын, нош ачиз инмысез - соослэсь ӟечгес.

²⁴Соин ик Христос ӧз пыры киын лэсьтэм святилищее, кудӥз тупа зэмосэзлы, нош инэ пыриз, али ик Инмарлэн ымныр азяз султыны асьмеос понна. ²⁵Со инэ ӧз пыры, тросс пол вайыны Ассэ жертвае, кызьы первосвященникъёс муртлэн вирыныз котькуд аре пыро святилищее, ²⁶озьы луысал ке, Солы дунне кылдон дырысен тросс пол курадӟёно луысал, нош Со одӥг пол, вакытъёслэн пумаз, лыктӥз Аслаз жертваеныз быдтыны сьӧлыкез.

²⁷Кызьы адями одӥг пол кулыны кулэ но со бере суд азьн султыны,

²⁸озьы ик Христос но, басьтӥз тросэзлэсь сӧлыкъёссэс, одӥг пол вайыса Ассэ жертвае, но Со уз лыкты ни кыктэтӥзэ сьӧлыкъёсты вылаз басьтыны, нош мозмытыны лыктоз Сое витӥсьёсты.

Chapter 10

¹Вуоно закон ӟечлыкъёслэн вужерзы гинэ луэ, нош ачиз быдэсак зэмлык уг луы. Ноку но уг быгаты лэсьтыны совершённой соосты, кинъёс арысь аре ваё одӥг кадь жертваос. ²Озьы ке ӧй луысал, соку жертва ваемысь дугдысалзы, уго жертва ваисьёс, одӥг пол чылкытатӥськем беразы, сьӧлыкъёссы сярысь ӧй ни сюлмаськысалзы.

³Нош жертва котькуд аре тодаз вайытэ сьӧлык лэсьтэм сярысь, ⁴малыке шуоно ошпиослэн но куакечъёслэн вирзы нокызьы но сьӧлыкъёсты быдтыны уг быгаты.

⁵Соин ик дуннее пырыкуз Христос вера:" Жертваез но кузьым сётонэз Тон кулэ ӧд кар, нош мугор дасяд Мыным. ⁶Тылын сутон жертваос но, сьӧлык лэсьтэм понна жертваос Тыныд ярантэмесь.

⁷Соку Мон шуи: Тани, Мон лыктӥсько, кызьы гожтэмын книгаын Мон сярысь - быдэстыны Тынэсьтыд волядэ, Инмаре". ⁸Нырысь Со вера:" жертваосты но, кузьымъёсты но, жертвасутонъёсты но, сьӧлык лэсьтэм понна но жертваосты, кудъёсыз законъя ваемын, Тон кулэ ӧд кары, но соос Тонэ шум уг потто". ⁹Собере Со вера: "Тани, Мон мынӥсько быдэстыны Тынэсьтыд волядэ Инмаре". Со воштэ нырысетӥзэ, кыктэтӥзэ юнматон понна.

¹⁰Инмарлэсь волязэ быдэстэменыз, ми освятится кариськимы Иисус Христослэсь мугорзэ одӥг пол жертвае ваемен.

¹¹Котькудӥз священник нуналлы быдэ служение лэсьтэ но тросс пол вае одӥг кадь жертваосты, кудъёсыз ноку но уг быгато быдтыны сьӧлыкъёсты.

¹²Нош Со одӥг жертва ваиз сьӧлык понна но пыраклы пуксиз Инмарлэн бур палаз, ¹³со дырысен Со возьма, ку Солэсь тушмонъёссэ понозы Солэн пыд азяз.

¹⁴Уго Со одӥг пол жертва ваеменыз пыраклы лэсьтӥз освятить каремъёсты совершённоесь.

¹⁵Та сярысь асьмелы ивортэ Святой Дух но, вераса: ¹⁶"Тани завет, кудзэ юнмато соосын со нуналъёс бере, вера Кузё-Инмар: Мон поно Аслэсьтым законъёсме соослэн сюлэмазы но соослэн малпанъёсазы гожто ¹⁷но соослэсь сьӧлыкъёссэс но йыружъёссэс тодам уг ни вай".

¹⁸Нош кытын сьӧлыкъёс простить каремын, отын кулэ ӧвӧл соос понна жертва ваёнъёс.

¹⁹Озьыен, вынъёс, асьмеослэн вань бере дӥсьтонмы пырыны святилищее Иисус Христослэн Вирыз пыртӥ, выль но улэп сюресэтӥ, ²⁰кудзэ Со выльысь усьтӥз асьмелы завеса пыртӥ - Аслаз мугорыз пыртӥ. ²¹Асьмелэн вань быдӟым Священникмы Инмарлэн коркаез вылын,

²²соку ойдолэ лыктылом чылкыт сюлэмын, тырмыт осконэн, вир пазяса сюзяломы сюлэмъёсмес, ваньмызлэсь уродэзлэсь мар вал сюлэм пушкамы но, миськыса мугормес дун вуэн, ²³палэнэ кожылытэк, тыршом возиськыны оскиськыса улон борды,уго Кыл Сётӥсь оскымон.

²⁴Ойдолэ ог огмылы сак кариськыса улом, мылкыдмес ӝутыса яратонлы но ӟеч ужъёслы, ²⁵ум кельтэ асьмелэсь собранниосмес, кызьы дышизы куд огез, нош тужгес тыршомы мылкыдмес ог огмылэсь ӝутыны, адӟыса, Инмарлэн нуналызлэсь матэктэмзэ.

²⁶Уго ми, басьтыса шонерлыклэсь валанзэ, сьӧлык лэсьтӥськомы ке асьмелэн мылпотэмъя, соку со сьӧлыкъёсты жертва уз ни искупить кар. ²⁷Соку асьмелы кыле на возьманы гинэ кышкыт судэз но тыллэсь вожпотонзэ, кудӥз дась ньылыны Инмарлы пумитъяськисьёсты.

²⁸Моисейлэсь законзэ палэнтӥсез, кык яке куинь свидетельёс азьын, жалятэк виё ке вал, ²⁹кызьы тӥ малпаськоды, макем секыт вӧсь карон вите сое, кин ӵыжа Инмарлэсь Пизэ но уг лыдъя Заветлэсь освятить карем Вирзэ святыняен, но благодатьлэсь Духсэ ултӥя?

³⁰Ми тодӥськом Сое, Кин шуиз: "Пунэмзэ берыктон, Мон киын, Мон пунэмзэ берыкто, шуэ Кузё-Инмар". Эшшо но:"Кузё-Инмар судить кароз Аслэсьтыз калыксэ".

³¹Кышкыт улэп Инмарлэн ки улаз шэдьыны!

³²Тодады вае нырысетӥ нуналъёстэс, куке тӥ дышетон басьтыса, курадӟёнъёсты адӟыса сылыны быгатӥды быдӟым нюръяськонын, ³³асьтэос ултӥянъёс но пачкатонъёс пӧлын, мукетъёсызлы серемес луыса, юрттылӥды соослы, кинъёс адӟё сыӵе ик курадӟёнъёс.

³⁴Уго тӥ висъялляды мынэсьтым курадӟёнме мон пытсэт улын пукыкум, нош тӥлесьтыд ваньбурдэс лушкакузы но тӥ шумпотонэн пумитады, тодыса, тӥляд вань шуыса инмын ӟечгес но бырисьтэм ваньбурды.

³⁵Озьыен, эн кельтэ асьтэлэсь сэзь луондэс, кудзэ вите быдӟым кузьым.

³⁶Тӥледлы кулэ чидан, Инмарлэсь волязэ быдэстыса, басьтыны кыл сётэмез, ³⁷уго эшшо ӧжыт гинэ, туж ӧжыт гинэ, но Лыктӥсь лыктоз, уз мога.

³⁸Шонерлыко адями осконэн улэп луоз, нош кин шонскоз, со Мынам лулылы ярантэм луоз. ³⁹Нош ми ӧвӧл соос пӧлысь, кин шонаське но кулонние мынэ, нош ми лулмы мозмон понна осконын сылӥськомы.

Chapter 11

¹Оскон - кыл сётэмез витён но адӟыны быгатонтэмлы юн оскиськон.

²Вашкалаос осконзы пыр басьтӥзы благословение.

³Осконэн тодӥськом, дунне кылдытэмын Инмарлэн кылыныз шуыса, озьыен адӟыны быгатоно кылдӥз адӟыны быгатонтэмлэсь.

⁴Осконэн Авель Инмарлы жертва вайиз, Каинлэсь ӟечгес,- осконэз пыртӥ солы верамын, со шонерлыко шуыса, малыке шуоно Инмар ӟечкыласа басьтӥз солэсь кузьымъёссэ. Осконэн со кулэм бераз но уг дугды верамысь.

⁵Осконэн Енох ӝутэмын вал, кулонэз адӟытэк, со музъем вылын ӧй ни вал, уго Инмар басьтӥз сое, малыке шуоно со инме ӝутскемезлэсь азьло ик ивор басьтӥз, Инмарлы ярамон луиз шуыса.

⁶Нош осконтэк Инмарлы яраны уг луы, уго Инмар доры лыктӥсь оскыны кулэ, Со вань шуыса но Сое утчасьёслы дано кузьымъёс сётоз.

⁷Осконэн Нойлы азьласянь верамын вал со сярысь, мар уг на адӟиськы, но верамлы оскемезъя, аслысьтыз семьязэ утён понна лэсьтӥз ковчег. Соин со дуннеез осудить кариз, но оскон пыртӥ шонерлыклэн наследникез луиз.

⁸Осконэн Авраам кылзӥськиз ӧтемлэсь, но мынӥз тодмотэм шаере, кудзэ солы басьтоно вал наследстволы. ⁹Осконэн со интыяськиз мурт музъем вылэ, кудзэ Инмар солы кыл сётӥз, но улӥз шатёръёсын Исаакен но Иаковен, кудъёсыз кылсётэмлэн сонаследникъёсыз луо, ¹⁰уго со вите вал город, кудӥзлэн архитекторез но строителез луоз Ачиз Инмар.

¹¹Осконэн Сарралы но, коть со пиналвайыны быгатӥсьтэм но мӧйы ке но вал, Инмар сётӥз кужым Авраамлэсь кидыссэ басьтыны но дырыз вуыса солэн пиналыз вордӥськиз, уго тодэ вал Кылсётӥсь оскымон шуыса. ¹²Соин ик одӥгезлэсь, вылаз ик кулыны вуэм пересьлэсь, вордӥськиз тупыттэм тросс, инмын кизилиос мында, но морелэн ярдураз лыдъяны быгатонтэм луо мында калык.

¹³Ваньмыз соос кулӥзы осконэн но ӧз басьтэ кылсётэмзэ, нош кыдёкысен гинэ адӟизы, шумпотыса асьсэлы асьсэос вераллязы, соос чужестранецъёс но куноос гинэ музъем вылын, ¹⁴уго соос, кинъёс озьы верало, возьмато, соос утчало шуыса вордскем интызэс.

¹⁵Соос малпаськысалзы ке со шаер сярысь, кытысь кошкизы, соку соос быгатысалзы выльысь отчы берытскыны. ¹⁶Нош соос ӟечез, инмысь шаер сярысь малпаськыса улӥзы, соин ик Инмар возьдаськытэк нималляз Ассэ соослэн Инмаренызы, уго Со соослы дасяз выль город.

¹⁷Осконэн Авраам, куке сое Инмар эскере вал, ваиз Исаакез жертвае, кудӥз вал солэн одӥг гинэ но кудӥз сярысь солы Инмар кыл сётӥз, ¹⁸но кудӥз сярысь верамын вал: "Тынад выжыед Исаакын нимаськоз". ¹⁹Со оске вал, Инмар кужмо кулэмысь улӟытыны шуыса сое, соин ик пизэ берен улэпэн басьтӥз.

²⁰Вуоноезлы осконэн Исаак Иаковез но Исавез благословить кариз.

²¹Оскыса Иаков, кулыкуз, Иосифлэсь кыксэ ик пизэ благословить кариз но боды бордаз пыкиськыса Инмарлы йыбырттӥз.

²²Осконэн Иосиф, кулыкуз, тодаз ваиз Израиль пиослэсь Египетысь потэмзэс но завещание лэсьтӥз аслаз лыосыз сярысь.

²³осконэн Моисейлэн анай-атайёсыз ватыса возизы сое куинь толэзь вордскемез бере, соос адӟизы уго, пиналзы мусо шуыса, но ӧз кышкалэ царьлэн косэмезлэсь.

²⁴Осконэн Моисей, быдэ вуэмез бере, фараонлэн нылызлэн пиеныз нимаськемлэсь куштӥськиз, ²⁵нош ортчись сьӧлыко шулдыръяськон ужъёсты палэнэ карыса, быръйиз Инмарлэн калыкеныз курадӟёнэз, ²⁶но ултӥянэз, Христос музэн, лыдъяз бадӟым узырлыкен, Египетлэн узырлыкезлэсь, малыке шуоно со кыл сётэм кузьым сярысь малпаса улӥз.

²⁷Осконэн со Египетэз кельтӥз, царьлэн вожпотонэзлэсь кышкатэк, уго, Адӟёнтэмез адӟыса кадь, юн вал. ²⁸Осконэн со Пасха но вир пазян лэсьтӥз, бытдӥсь медам йӧтскылы шуыса соослэн нырысь вордскемъёссэс. ²⁹Осконэн соос кӧс сюй вылтӥ кадь потӥзы Горд мореез, - египтянъёс но соослэсь адӟем карыса, выжыны ӧдъязы но ваньмыз выйылӥзы.

³⁰Осконэн усӥзы Иерихонлэн стенаосыз, соос котыртӥ сизьым нунал котыръяськем бере. ³¹Осконэн калгись кышномурт Раав юрттӥз разведчикъёслы но быттэмын ӧй вал кылзӥськисьтэм калыкъёсын ӵош.

³²Эшшо мар верано на? Мынам дыры уз тырмы, вераны Гедеон, Варак, Самсон но Иеффай, Давид, Самуил но мукет пророкъёс сярысь, ³³кудъёсыз осконэн вормылӥзы царствоосты, шонерлык лэсьтылӥзы, Инмарлэсь кылсётэмзэ басьтылӥзы, левъёслэсь ымъёссэс пытсаллязы, ³⁴тыллэсь кужымзэ буйгатылӥзы, палэнскыны быгатылӥзы лэчыт мечлэсь, ляблэсь юнмаллязы, батыръяськыса ожмаськылӥзы, тушмонъёслэсь полкъёссэс пегӟённие вуттылӥзы, ³⁵кышномуртъёслэн ӵыжы выжыоссы улӟыса султылӥзы, нош мукетъёссэ курадӟытылӥзы но мозмон ӧз басьтэлэ, ӟечсэ гес улӟыса султонэз басьтон понна.

³⁶Мукетъёсыз ортчизы ултӥянэз но ӝугонэз но, озьы ик жыльыен думыса пытсэн улэ куштонэз но. ³⁷Соосты изъёсын зӥръяса виылӥзы, мугорзэс пилаен шори вандылӥзы, пытать карылӥзы, мечен виылӥзы. Соос дӥсясяллязы ыжъёлэсь но кечъёслэсь кузэс, начар улонэз, пачкатонэз, курадӟытонэз чидаса улӥзы

³⁸Соос, кинъёслы быдэс дунне сылымон ӧй вал, ватскыса ветлӥзы гурезьёстӥ но пустыняостӥ, пещораостӥ но нюк-гопъёстӥ. ³⁹Но ваньмыз таос, тодмо вал вань калыклы асьсэлэн осконэнызы, но соос ӧз басьтэ сое, мар соослы Инмар кыл сётӥз вал, ⁴⁰уго Инмар чаклаз соослы марке но ӟечсэ гес, асьменым ӵош гинэ соос совершённоесь мед луозы шуыса.

Chapter 12

¹Соин ик ми но, сокем тросс адӟисьёсын котыртэмъёсс, зӥртомы вылысьтымы котькыӵе зибетъёсты но милемды ӵемтаськытӥсь сьӧлыкез, но чиданэн бызьыса ортчёмы асьмелы сётэм нюръяськонэз, ²учкыса, осконэз Ӧдъясьезлы но Быдэсъясьезлы, Иисус Христос шоры, Кудӥз, шумпотон интые, кортӵогамын вал, ултӥям шоры учкытэк, пуксиз Инмарлэн престолэзлэн бур палаз.

³Малпалэ Со сярысь, Кин чидаз ултӥянъёс сьӧлык лэсьтӥсьёслэсь, тӥ медам катьтэмме, но медам лябомы тӥляд лулды шуыса.

⁴Тӥ вир потытчёз ӧд на ожмаське сьӧлыкен нюръяськонын ⁵но вунэтӥды буйгатонэз, кудӥз тӥледлы ӵектэмын, пиослы кадь:"Пие мынам! Эн кулэтэм кар Кузё-Инмарлэсь наказаниоссэ, йырдэ улэ эн лэзь, куке Со шараялоз тонэ, ⁶уго кинэ Кузё-Инмар яратэ, сое ик наказать каре, жуге котькудзэ, кинэ пиеныз лыдъя".

⁷Тӥледды наказать каро ке, соку Инмар тӥледды пиоссэ кадь жуге. Вань шат пиос, кудъёссэ атайзы наказать уг кар?

⁸Нош тӥледды наказать ӧз ке карылэ, кызьы вань пиосты наказать каро, соку тӥ - пиос ӧвӧл, нош октосъёс.

⁹Ми кышкаськомы ке музъем вылысь атайъёсмылэсь, наказать карэмзылэсь, соку уката но кулэ ӧвӧл шат кылзӥськыны духъёслэн Атайзылэсь, улон понна?

¹⁰Мугоръя атайъёсмы асьмеды ас тодэмзыя вакчи дырлы гинэ наказать карылӥзы, нош Со - асьмелы пайда вайён понна, Солэн святой улоназ асьмеос но мед пыриськыны быгатомы шуыса.

¹¹Ми ум яратӥське, куке асьмеосты наказать каро, милэмлы со куректон сётэ, нош бӧрысь наказаниосын дышетскемъёслы вае шонерлыклэсь каньыл емышсэ.

¹²Озьыен, юнматэ лябӟем киостэс но жадем пыдесъёстэс ¹³ветлон сюресъёстэс шонертэ, чутӥсь медам палэнэ вамышты, нош эшшо но ӟечгес - мед катьяськоз.

¹⁴Тырше ваньмыныз тупаса, сьӧлык лэсьтытэк но святой улонэн улыны, уго озьы лэсьтытэк нокин но уз адӟы Кузё - Инмарез.

¹⁵Учкелэ, кинке тӥ пӧлысь медам ышты Инмарлэсь благодатьсэ, кыӵеке кылдэм курыт выжы, медам изъян лэсьты, но тросэз медам соин саптаське.

¹⁶Тӥ пӧлын медам лу нокыӵе но азись - калгись яке чылкыттэм мурт, Исав кадь, кудӥз одӥг сиён понна гинэ куштӥськиз аслаз нырысь вордскемезлэсь.

¹⁷Тӥ тодӥськоды уго, кызьы со собере атаезлэсь вите вал благословить каремзэ, нош палэнтэмын вал, уго атаез ӧз ни сёты солы благословение, коть бӧрдыса ке но куриз.

¹⁸Тӥ гурезь доры ӧд матэктэ, кудӥз борды йӧтскыны луэ, но кудӥз тылын ӝуа, пеймыт доры но, тём пеймыт доры но, сильтӧл доры но, ¹⁹гумы куара доры но ивортӥсь куара доры но, кудзэ кылзӥськисьёс курылӥзы, медам ни ивортэмын луы шуыса одӥг кыл но, ²⁰малыке шуоно соос чиданы ӧз быгатэ сое, мае соослы косэмын вал лэсьтыны:" Пӧйшур но йӧтскылӥз ке гурезь борды, йзъёсын зиръямын луоз".

²¹Та адӟён сокем кышкыт вал, соин ик Моисей но шуиз:"Мон кышкасько но куалекъясько".

²²Нош тӥ матэктӥды Синай гурезь доры, улэп Инмарлэн городэз доры, инмысь Иерусалим доры, трослэсь но тросс ангелъёс доры, ²³черклэн нырысетӥосыз борды, кудъёсыз инмын гожтэмын, шулдыръяськонлэн кенешаз, Инмар доры, кудӥз ваньмызлэн судьяез, шонерлыклэн духъёсыз доры, кудъёсыз совершенноесь,

²⁴выль заветлэн Посредникез - Иисус доры но пазян Вир доры, кудӥз вера, ӟечгес шуыса Авельлэн вирызлэсь.

²⁵Учкелэ нош, эн пытсалэ пельдэс, куке Верась вера. Нош соос, кылзӥськымтэзы понна музъем вылын верасьлэсь, наказаниелэсь палдурскыны ӧз быгатэ, соку асьмеос уката но ум быгатэ пегӟыны, палэнским ке инмын Верасьлэсь, ²⁶Кинлэн куараез азьло зуркатӥз музъемез, но Кудӥз али сыӵе кыл сётӥз: "Эшшо одӥг пол музъемез гинэ уг зуркаты, нош инэз но зуркатоз".

²⁷"Эшшо одӥг пол" шуэм кылъёс возьмато, ваньмыз кылдытэмъёс, быдтэмын луозы, уго соосты зуркатыны луэ, зуркатыны быгатымтэос гинэ мед кылёзы шуыса.

²⁸Озьыен, асьмеос, зуркатыны быгатонтэм царствоез басьтыса, благодатез возёмы, кудӥныз Инмарлы ярамон луыса гажаса но кышкаса тыршомы, ²⁹уго асьмелэн Инмармы - ваньзэ ньылӥсь тыл.

Chapter 13

¹Ог огдэсты, вынъёс музэн, яратыса улэ.

²Куноостэс ӟеч пумиталэ, уго куд огез, озьы лэсьтыса, асьсэос но сое валатэк, ангелъёсты куноятӥзы.

³Тодады возе пытсэт улын пукисьёс сярысь, тӥ но соосын ӵош пукиськоды кадь малпаса, курадӟисьёс сярысь но, уго тӥ асьтэос но мугорын улӥськоды.

⁴Куспалъёсыныды улонды но чылкыт мед луоз, кусыпъёстэс но саптатэк возе, нош азыса - калгыса ветлӥсьёсты Инмар судить кароз.

⁵Коньдонэз яратӥсь сямды медам лу, марды вань, соин улыны тырше. Уго Со Ачиз вераз: "Уг но кельты тонэ уг но кушты", ⁶озьы бере ми кышкатэк вераськом: "Кузё-Инмар мынам юрттӥсе, мон номырлэсь но уг кышка. Мар мыным адями лэсьтоз?"

⁷Дышетӥсьёстэс тодады возе, кудъёсыз тӥледлы вераллязы Инмарлэсь кылзэ, учке соослэсь улэмзэс но кулэмзэс но, адӟем каре соослэсь осконзэс.

⁸Иисус Христос ӧз воштӥськы, толон но туннэ но котьку Со сыӵе ик.

⁹пӧртэм мурт дышетонъёсын эн тунсыкъяське. Ӟеч луоз, асьтэлэсь сюлэмъёстэс юнматӥды ке благодатен, сион-юонъёсын ӧвӧл, уго нокыӵе но пайдазэ ӧз басьтэ сиён-юон сярысь чакласа улисьёс.

¹⁰Милям вань жертвенникмы, кудӥзлэсь уг быгато скиниялэн служить карисьёсыз сиыны.

¹¹Пудоослэсь вирзэс сьӧлыкез чылкытатон понна первосвященник пыртэ святилищее, нош пудоослэсь мугорзэс суто улон интылэн палэназ, ¹²озьы ик Иисус но, Аслаз Вирыныз калыкъёсты освятить карон понна, курадӟёнэз чидано луиз городлэн ӟезьы сьӧраз.

¹³Озьыен, потом Со доры город сьӧры, но Сое ултӥямез выламы басьтом, ¹⁴малыке шуоно татын асьмелэн ӧвӧл пырак ӵоже улон интымы, нош асьмеос вуоно улонни утчаськом.

¹⁵Озьыен, Иисус пыртӥ дугдылытэк ушъян-данъян жертва Инмарлы сётом, Солэсь нимзэ данъяса, ымысьтымы потӥсь емыш ваём.

¹⁶Озьы ик эн вунэтэ ӟеч ужъёс лэсьтыны но матысьёстылы асьтэлэсь ваньбурдэс висъяса сётыны, уго таӵе жертваос Инмарлы ярало.

¹⁷Кылзӥське черкысь кивалтӥсьёстылэсь но быдэсъялэ соослэсь куронъёссэс, уго соос синзэс кыньылытэк тыршо тӥляд духовной улонды понна, уго тӥляд утиськемды понна кыл кутоно луоз шуыса. Соин ик эн ӝожомытэ соосты, соос мед тӥ понна шумпотыса тыршозы, уго соослэн тыршемзы тӥлед благословение сётэ.

¹⁸Вӧсяське ми понна, уго ми оскиськом, милям совестьмы чылкыт шуыса, уго ваньмаз тыршиськом шонер лэсьтыны.

¹⁹Тужгес но курисько мон понна вӧсяськыны, мон мед быгато шуыса ӝоггес дарады бертыны.

²⁰Тупаса улонлэн но каньылыклэн Инмарез, асьмелэсь Иисус Кузёмес быдӟым Ыжвоӟьмасез кулэмысь улӟытыса ӝутӥсь, пумтэм заветлэн Вирыныз, ²¹мед дасялоз тӥледды котькыӵе ӟеч ужъёслы, Солэсь волязэ тӥ мед быдэстоды шуыса. Но Со мед лэсьтоз тӥ пушкын Иисус Христос пыртӥ сое, мар Солы ярамон луэ. Дан Солы пумтэм дауръёс ӵоже! Аминь.

²²Курисько тӥледды, вынъёс, мылкыддэс ӝутон понна гожтӥсько тӥлед, тае чиданлыкен лыдӟе. Мон тӥледлы тросс ӧй гожты уг.

²³Тодэлэ, асьмелэн Тимофей вынмы мозмытэмын, но со ӝоген лыктоз ке, соку мон адӟё тӥледды соин ӵошен.

²⁴Ӟечкылалэ ваньзэ тӥлесьтыд кивалтӥсьёстэс но вань святойъёсты. Тӥледды ӟечкылало Италияысь оскисьёс .

²⁵Благодать тӥленыд ваньмыныз. Аминь.

REVELATION

Chapter 1

¹Иисус Христослэн усьтӥськонэз, кудзэ Солы Инмар сётӥз, мар луоз шуыса ӝоген. Аслаз Ангелэз пыртӥ, Аслаз рабезлы Иоаннлы возьматӥз, ²кудӥз гожтӥз Инмарлэсь верамзэ но Иисус Христослэсь ивортэмзэ но ваньзэ мае адӟемзэ ³Майбыр, кин лыдӟе но кылзэ но быдэсъя та гожтэмез, уго матын ини дыр ⁴Асиысь сизьым черкъёслы Иоанн гожтэ. благодать тӥледлы но Инмарлэсь тупаса улон, Кудӥз вал, вань но лыктэ, но сизьым духъёслэсь, кудъёсыз Инмарлэн престол азяз, ⁵но Иисус Христослэсь, Кудӥз оскыськымон адӟись, нырысетӥез кулэмысь улӟемез но музъем вылысь царьёслэн кивалтӥсьсы. Солы, асьмедыз яратӥсьлы но вирыныз асьмедыз миськисьлы асьмелэн сьӧлыкъёсмес ⁶Кудӥз асьмеды лэсьтӥз царен но священникен аслаз Атаезлы но Инмарлы, дан но кужым пумтэм дауръёс ӵоже, аминь. ⁷Тодэ, Со пилемъёс вылын выльысь лыктэ но адӟёзы Иисусэз ваньмыз, Сое бышкалтэмъёс но адӟёзы. Но вань музъем вылысь выжыос Со азьын викышъса бӧрдозы. Зэм ик, озьы луоз. Аминь. ⁸Мон Альфа но Омега, кутсконэз но пумыз, шуэ Кузё-Инмар, Кудӥз вань, вал но лыктэ, Ваньзэ Кутыса Возись. ⁹Мон, Иоанн тӥляд вынды но тӥленыд ӵош куректонын но царствовать каронын но Иисус Христослэн чиданоз но, Инмарлэсь кылзэ ивортэм понна Патмос шуоно острове келямын вал. ¹⁰Мон воскресение нуналэ духен тырмемын вал, берласянь кылӥ, гумыысь черетскем кадь, кужмо куара, кудӥз вераз:" Мон Альфа но Омега, Нырысетӥез но Берпуметӥез ¹¹мае адӟиськод, гожты книгае но келя черкъёсы, кудъёсыз Асияын: Ефесе, Смирнае, Пергаме, Фиатире, Сардисе, Филадельфияе, Лаодикеяе" ¹²Мон берытски куара пала, тодыны кин монэным вераське шуыса но адӟи сизьым зарни светильникъёсты но сизьым светильникъёслэн шоразы ¹³мон адӟи Кинэ ке, Кудӥз кузь дӥськутэн шобырскемын но кускыз зарни кускерттонэн керттэмын, Со Адямилэн Пиезлы укша вал: ¹⁴йырыз но йырсиез Солэн чип тӧдьы, тӧдьы ыжгон но лымы кадь; синнъёсыз Солэн югыт ӝуась тыл кадь; ¹⁵но пыдъёсыз Солэн гурын ӟырдатэм ыргонлы укшасесь, Солэн куараез вылӥысь вулэн усемез кадь. ¹⁶бур кияз Солэн сизьым кизилиос, Солэн ымаз кык палаз ик лэчыт шерем меч вал, Солэн тусбуйыз яркыт шунды кадь пиштэ. ¹⁷Мон Сое адӟеме бере, Солэн пыд азяз кулэм мурт кадь уси. Соку Со мон вылэ бур кизэ понӥз но шуиз:" Эн кышка, Мон Нырысетӥез но Берпуметӥез, улэпез но, кулэмез ¹⁸но али пумтэм дауръёс ӵоже улэп, аминь; но вань Мынам усьтонэ адлэсь но кулонлэн. ¹⁹Озьы бере, мае тон адӟид, мар вань, отӥяз мар луоз, ваньзэ гожты. ²⁰Тани сизьым кизилиослэн, кудъёссэ тон адӟиськод Мынам бур киям но сизьым зарни светильникъёслэн валэктонзы таӵе: сизьым кизилиос - сизьым черкъёслэн ангелъёссы, сизьым светильникъёс - сизьым черкъёс"

Chapter 2

¹Со, Кин бур кияз возе сизьым кизили, но ветлэ зарнилэсь лэсьтэм сизьым светильникъёс вискытӥ вера: Ефес городысь черклэн Ангелэзлы гожты:" ²тодӥсько тынысьтыд ужъёстэ, тыршемдэ но, чидандэ но, тон уд чидаськы шуыса азыса - калгыса ветлӥсьёсты. Тодӥсько, тон шарае поттӥд шуыса пӧялляськисьёсты, кудъёсыз асьсэды апостол нимазы, нош ӧвӧл сыӵеесь; ³тон тросс чидалляд но чиданы быгатӥськод, Мынам нимы понна но тросс тыршид но ӧд лябомы.

⁴Нош тодӥсько тынысьтыд янгыштэ - тон аслысьтыд нырысетӥ яратондэ кельтӥд. ⁵Озьы бере, тодад вай, кытысь тон усид но покаяться кариськы, но лэсьты аслысьтыд азьвыл лэсьтылэм ӟеч ужёстэ; покаятся ке ӧд кариськы, ӝоген тон доры лыкто но палэнто тынысьтыд светильниктэ интыысьтыз.

⁶Но тынад соиз умой: тон Николаитъёсты адӟемпотостэм кариськод, кудъёссэ Мон но адӟемпотостэм карисько. ⁷Кинлэн пельыз вань, мед кылоз, мар вера Дух черкъёслы: вормисьлы улон писпуысь емышсэ сиыны сёто, кудыз Инмарлэн райезлэн шораз.

⁸Смирна городысь черклэн ангелэзлы но гожты тазьы: вера Нырысетӥез но Берпуметӥез, Кудыз кулэмын вал но али улэп, ⁹тодӥсько тынысьтыд ужъёстэ, куректондэ но начардэ но - коть тон узыр ке но, тодӥсько, тонэ урод кылъёсын верало соос, кинъёс асьсэды иудей шуыса лыдъяло, нош соос сыӵеесь ӧвӧл, соос сатаналэн ужасьёсыз.

¹⁰Тыныд тросс чидано луоз, нош тон эн кышка. Дьявол тӥледыз испытать кароз но пеймыт пытсэт улэ пытсаллялоз, но дасо нунал тӥледлы курадӟёно луоз. Кулытӵёзяд оскымон луид ке тонэ вите улонлэн венецез. ¹¹Кинлэн вань пельыз мед кылоз, мар Дух вера черкъёслы:" Вормись муртлы кулон изъян уз ни лэсьты".

¹²Пергам городысь черклэн ангелэзлы гожты:" Озьы вера Со, Кинлэн вань кык ласянь ик лэчыт мечез:" ¹³Тодӥсько тынысьтыд ужъёстэ, тон улӥськод шуыса отын, кытын сатаналэн карез, но утиськод Мынысьтым Нимме но Мыным осконэдлы ӧз люкетэ сыӵе ужъёс но куке сатана тужгес но лек султӥз тӥ пумитэ, куке виемын вал Мынам оскымон Антипа Ӟеч Ивор ивортӥсе.

¹⁴Нош вань тынад сыӵеос, кинъёс Валаамлэн дышетэмезъя уло, кудӥзъя Валаак дышетэмын вал, кызьы мыдлане вуттыны Израильлэсь нылпиоссэ: сиыны идоложертвенной сиёнэс но азон - калгон улонэн улыны. ¹⁵Озьы ик тынад но вань сыӵеос, кинъёс николаитъёслэн дышетэмзыя уло , сыӵеосты Мон адӟемпотостэм карисько.

¹⁶Соин ик, покаяться кариськы. Нош ӧд ке, Мон ӝоген лыкто тон доры но ожмасько со мечен, кудӥз Мынам ымам.

¹⁷Кинлэн вань пельыз, мед кылоз, мар Дух вера черкъёслы:" Вормисьлы сёто сиыны тужгес но утьыса возиськись маннаез но сёто солы тӧдьы из, кудӥз вылэ гожтэмын выль ним, кудзэ нокин но уг тоды, со сяна, кинлы сётэмын".

¹⁸Фиатира городысь черклэн ангелэзлы гожты:" Озьы вера Инмарлэн Пиез, кудӥзлэн ӝуась тылъёс кадь синъёсыз, но пыдъёсыз ыргон кадесь: ¹⁹"Тодӥсько тынысьтыд ужъёстэ но яратондэ но тыршемдэ но оскондэ но тынысьтыд чидандэ но, сойзэ но тынад берпуметӥ ужъёсыд бадӟымесьгес нырысетӥосызлэсь шуыса.

²⁰Нош вань мынам тон пумитэ со: тон дорын вань Иезавель нимо кышномурт, кудӥз ассэ лыдъя пророчица шуыса, тон солы лэзиськод дышетыны но пыртыны пӧяськонэ Мынысьтым рабъёсме: улыны азон - калгон улонэн но сиыны идоложертвенной сиён. ²¹Мон сётӥ солы время покаяться кариськыны азон - калгон сьӧлыклэсь, нош со покаяться ӧз кариськы.

²²Тани Мон кушто валес вылэ сое но соосты но кинэн со калгиз быдӟым куректон дыръя, ӧз ке покаяться кариськы аслаз ужъёсаз, ²³солэсь нылпиосс но кулыто. Соку вань черкъёс тодозы, Мон Испытать карись сюлэмъёсты но пуштроссъёсты шуыса. Но котькуддылы тӥ пӧлысь сётэмын луоз тӥляд ужъёстыя.

²⁴Тӥледлы но мукетъёсызлы но Фиатира городысь улӥсьёслы, кинъёс палэнско та дышетэмлэсь но кудъёсыз ӧз пыриське сатаналэн ужъёсаз, верасько, номырин но мукетыныз уг пачкаты тӥледыз. ²⁵Нош туж кужмо возькы со борды, маид вань, витьыса Мынысьтым лыктэмме.

²⁶Кин вормоз но быдэстоз Мынысьтым ужъёсме пумозяз, солы сёто власть калыкъё вылын, ²⁷но со возьмалоз соосты кортлэсь бодыен. Но соосты пазьгоз гордсюйлэсь посудаосты кадь, кызьы Мыным но сётэмын вал власть Мынам Атаелэсь. ²⁸Но сёто солы ӵукна улӟем кизили.

²⁹Солэн, кинлэн вань пельыз, мед кылоз, мар Дух вера черкъёслы".

Chapter 3

¹Сардис городысь ангеллы гожты тазьы: Кинлэн вань Инмарлэн сизьым духез но сизьым кизилиез вера:" тодӥсько тынысьтыд ужъёстэ; тон лыдъяськод астэ луло, нош тон кулэмын. ²Сак лу но юнматы сое, мар кулонние вуэмын; малыке шуоно Мон уг шедьтӥськы тынысьтыд ужъёстэ быдэстэмен Мынам Инмаре азьын.

³Тодад вай, мае тон тодӥськод ни вал но мае кылӥд, утьы сое но покаяться кариськы. Озьыен, сак кариськы, мон лыкто шӧдытэк шорысь, лушкаськись музэн, но тон уд тоды кыӵе дырын Мон лыкто дорад. ⁴Озьы ке но, тынад Сардисын вань кӧняке адямиосыд, кудъёсыз ӧз нашталэ асьсэлэсь дӥсьёссэс но соосс ветлозы Монэным тӧдьы дӥсен, уго соос Мыным ярамонэсь.

⁵Вормисьсэ Мон дӥсяло тӧдьы дӥсен. Мон уг ӵушылы солэсь нимзэ улон книгаысь но верало сое Мынам Атаелы но Солэн ангелъёсыз азьын. ⁶Кинлэн вань пельыз, мед кылоз, мар Дух вера черкъёслы».

⁷Филадельфия городысь черклэн ангелэзлы гожты: «Озьы вера Святой но Зэмлыко, Кудӥзлэн вань Давидлэн усьтонэз, Кудӥз усьтӥз ке – нокин но уз ни пытса, пытсаз ке – нокин но уз ни усьты. ⁸«Тодӥсько тынысьтыд ужъёстэ. Мон усьтӥ тыныд ӧс, но нокин но уз быгаты пытсаны сое. Тон ӧвӧл кужмо, нош тон Мынысьтым кылме ӧд вунэты но ӧд палдурскы Мынам нимылэсь.

⁹Тани мар Мон лэсьто сатаналэн уллёеныз, кудъёсыз асьсэдыз иудейёс шуыса лыдъяло, нош соос иудейёс ӧвӧл, соос пӧяллясько. Мон лэсьто озьы, соос мед лыктозы дорады но усёзы тӥляд пыд азяды, но валалозы, Мон тонэ яратӥ шуыса. ¹⁰Ӝоген быдэс дуннее вылэ вуозы шуг–секытъёс, кудаз эскеремын луозы музъем вылысь вань калыкъёс нош тон быдэстӥд бере Мынысьтым верам кылме, Мон тонэ утё со шуг-секытъёс вакытэ. Ӝоген лыкто. ¹¹Возь сое, маид вань, тынысьтыд венецтэ нокин но медаз лушка.

¹²Вормисьсэ пукто шор юбоен Мынам Атаелэн храмаз, но со отын луоз котьку. Но гожто со шор юбо вылэ Мынам Инмарелэсь нимзэ но Мынам Инмарелэсь городэзлэсь нимзэ, выль Иерусалимлэсь, кудӥз ваське инмысь Мынам Атае дорысь, но гожто Аслысьтым выль нимме. ¹³Со, кинлэн вань пельыз, мед кылоз, мае Дух вера черкъёслы».

¹⁴Лаодикия городысь черклэн ангелэзлы гожты: «Тазьы вера Аминь, Инмарлэн кылдытэм кутсконзэ Адӟись, кудӥз оскымон но зэмлыко: ¹⁵“Тодӥсько тынысьтыд ужъёстэ. Тон кезьыт но пӧсь но ӧвӧл! Э, тон луысал ке кезьыт яке пӧсь! ¹⁶Нош тон шуныт гинэ бере, сялӟё тонэ Мынам ымысьтым.

¹⁷Уго тон вераськод: «Мон узыр, мон узырми но номырин но уг кулэяськиськы». Нош уд тодӥськы, тон шудтэм, мискинь, начар, синтэм но голик шуыса. ¹⁸Мон тыныд совет сётӥсько: мед узырмод шуыса, басьты Мынысьтым зарниме, кудӥз тылын дунматэмын, но басьты тӧдьы дӥсь, дӥсяськы, медаз адӟиськы тынад голикедлэн возьытэз, но синъёсыд мед адӟёзы шуыса зыра соосты мазен.

¹⁹Ваньзэсты, кинэ яратӥсько, Мон шараясько но йӧттӥсько. Озьыен, сюлмаськы Мон сярысь но покаяться кариськы. ²⁰Тани, сылӥсько ӧс дорын но йыгаськисько: кинке кылӥз ке кураме но усьтӥз ке ӧссэ, соку мон пыро со доры но ӝытсэ сиё соин, со но Монэным.

²¹Вормисез пукто Монэным ӵош Мынам трон вылам, кызьы Мон но ворми но пукси ӵош Мынам Атаеным Солэн трон вылаз. ²²Солэн, кинлэн вань пельыз, мед кылоз, мае Дух вера черкъёслы».

Chapter 4

¹Cо бере мон учки инме но адӟи усьтэм ӧсэз. Но кылӥ куара, кудзэ азьло кылылӥ ни вал, со куара гумыысь кеськем кадь вераз: " Лык татчы, Мон возьмато тыныд, мар луыны кулэ отӥяз". Мон со куспын ик Духен луи; ²но тӥни, инмысь адӟи трон, нош трон вылын - Пукись. ³Но Со Пукисьлэн тусбуез укша вал яшмалы но сердоликлы но трон котырын вуюись вал изумруд кадь.

⁴Трон котырын вал кызь ньыль тронъёс, кудъёсаз пуко вал кызь ньыль песьатайёс, кудъёсыз дӥсяськемын вал тӧдьы дӥсен но йыръёсазы соослэн вал зарни венецъёс.

⁵Трон дорысь чилекъям адӟиськылӥзы, гудыръяськем вӧлмылӥз но куараос кылӥськылӥзы. Трон азьын ӝуало вал сизьым светильникъёс - со Инмарлэн сизьым духъёсыз.

⁶Престол азьын вал стеклолэсь море - кристалл кадь. Шораз, трон котырын, ньыль пудоживотъёс вал, кудъёсызлэн азьпалазы но берпалазы тросс синъёссы вал.

⁷Нырысетӥез пудоживот левлы укша вал, кыктэтӥез пудоживот укша вал ошлы, куиньметӥ пудоживотлэн ымнырыз адямилэн кадь вал, ньылетӥез укша вал лобась кучыранлы.

⁸Котькудӥзлэн ньыль пудоживотлэн вал быдэн куать бурдъёсыз, но соос улын тросс синъёс вал. Уй но нунал соос шутэтсконэз тодытэк верало:" Свят, свят, свят Кузё-Инмар Ваньзэбыгатӥсь, Кудӥз вал, вань но лыктоз".

⁹Но куке пудоживотъёс данъяло, сылӥ каро но ӟечкылало трон вылын Пукисез, Кудӥз улӥз, улэ но улоз,

¹⁰соку кызь ньыль песьатайёс усьытско трон сьӧрын Пукись азьын, йыбыртто котькыӵе вакытэ Улӥсьлы но асьсэлэсь венецёссэс йырысьтызы басьтыса поно трон азе вераса :

¹¹" Кузё-Инмар, Тон ваньзэ кылдытӥд, но тынад воляедъя ваньмыз лэсьтэмын но улэ но, Тон сӥо-дано но кужмо но ".

Chapter 5

¹Бур киысьтыз трон вылын Пукисьлэсь мон адӟи книга, кудӥз кык ласянь ик гожъямын но сизьым печатен юнматэмын вал. ²Но мон адӟи кужмо ангелэз, кудӥз зол куараен вераз: «Кин ярамон усьтыны та книгаез но басьтыны отысь печатьёсты?»

³Нош нокинъёс но инмын но музъем вылын но музъем улын но уг быгато усьтыны но учкыны та книгаез. ⁴Мон тросс бӧрдӥ, малыке шуоно нокин но ярамонэз ӧз шедьы усьтыны но лыдӟыны та книгаез

⁵Соку песьатайёс пӧлысь одӥгез мыным шуиз:" Эн бӧрды, тани лев Иудалэн выжыысьтыз Давидлэн потомокез вормиз но быгатӥз сизьым печатез басьтыны но книгаез усьтыны". ⁶Мон учки но адӟи престоллэн шорысьтыз ньыль пудоосты но песьатайъёсты, соос пӧлын сылэ вал Ыжпи,- Со вандэм ыжпилы тупа вал. Сизьым сюрыз но сизьым синъёсыз, Со Инмарлэн сизьым духъёсыз, кудъёсыз быдэс дунне вылэ келямын.

⁷Со лыктӥз но престол сьӧрын Пукисьлэсь бур киысьтыз книгазэ басьтӥз. ⁸Со книгаез басьтэм бере, ньыль пудоос но кызь ньыль песьатайёс Ыжпилэн азяз усьытскизы. Ваньмызлэн киязы крезь вал но фимиамен тырмытэм зарни чаша, со луэ святойёслэн вӧсяськемзы.

⁹Выль кырӟан кырӟало вераса:" Тон ярамон книгаез кутыны но басьтыны отысь печатьсэ, Тон вандэмын вал уго, но Инмарлы Аслад Вирыныд милеместы сьӧлыклэсь мозмытыӥд, котькыӵе выжыосысь но кылын вераськисъёс пӧлысь но, калык пӧлысь но нациосысь ¹⁰но милемыз царъёсын но священникъёсын карид Инмарлы, Но музъем вылын но царствовать каромы".

¹¹Адӟи мон но кылӥ престол котырысь тросс ангелъёслэслэсь, пудоослэсь, песьатайёслэсь куаразэс, но соослэн лыдзы вал сю вылэ миллион но сюрс вылэ сюрс. ¹²Соос зол куараен вераллязы:" ярамон вандэм Ыжпилы басьтыны кужым но узырлык, бадӟым визьлык но юнлык, сӥе - данлык но ӟечкылан.

¹³Собере мон кылӥ, вань кылдытэм макеосты, кудъёсыз Инмын но музъем вылын, музъем улын но море вылын но, ваньмыз, мар соос пушкын вань, ваньзы шуылӥзы:" трон вылын Пукисьлы но Ыжпилы - ӟечкылан но сиё- дан но власть пумтэм дауръёс ӵоже" ¹⁴Но ньыль пудоос вераллязы: аминь. Но кызь ньыль песятайёс усьытскизы но йыбырттӥзы котькыӵе вакытэ Улӥсьлы.

Chapter 6

¹Мон адӟи, кызьы Ыжпи басьтӥз сизьым пӧлысь нырысетӥ печатез, но кылӥ кызьы ньыль пудоос пӧлысь одӥгез вераз гудыри кадь куараен : «Лык но учкы». ²Мон учки но адӟи тӧдьы вал вылын пукисез, кудызлэн пукыӵез вал. Солэ йыраз сётэмын вал венец, со вормись музэн потӥз, вормон понна.

³Ку Ыжпи басьтӥз кыкетӥ печатез, мон кылӥ кыкетӥ пудолэсь куаразэ, кудӥз шуиз: «Лык но учкы». ⁴ Но потӥз мукетыз тыл кадь горд вал, вылаз пукисен, кудӥзлы лэземын вал музъем вылысь тупаса улонэз быдтыны, мед виылозы шуыса калыкъёс ог огзэс. Солы сётэмын вал бадӟым меч.

⁵Ку Ыжпи басьтӥз куиньметӥ печатез, мон кылӥ куиньметӥ пудолэсь верамзэ: «Лык но учкы». Мон учки но адӟи сьӧд вал вылын пукисез, кудызлэн кияз вал безьмен. ⁶Ньыль пудоос пӧлысь мон кылӥ кура, кудӥз вера: «Одӥг мера чабейлы одӥг динарий но куинь мера йыдылы одӥг динарий, нош эн изъянты вӧйез но винаез но».

⁷Ку Ыжпи басьтӥз ньылетӥ печатез, мон кылӥ ньылетӥ пудолэсь куаразэ: «Лык но учкы». ⁸Мон учки но адӟи ӟарыт-вож валэз но со вылын пукисез, кудӥзлэн нимыз «кулон», но ад со сьӧры лыктэ. Солы сётэмын вал власть музъемлэн ньылетӥ люкетысьтыз калыкъёсты виылыны: мечен, сютэм, эпидемияосын но кыр пӧйшуръёсын.

⁹Ку Ыжпи басьтӥз витетӥ печатез, мон адӟи жертвенник улысь вийылэм лулъёсты Инмарлэн кылыз понна но сое тодэмзы понна. ¹⁰Соос бадӟым куараен кеськыса веразы: « Зэмлыко но Святой Кузё-Инмар, малы Тон татчёзь судить уд кариськы но пунэмзэ уд берыктӥськы милям вирмы понна, соослы музъем вылын?»

¹¹Ваньмызлы соослы сётэмын вал тӧдьы дӥсьёс, но верамын вал, мед буйгалозы на ӧжыт дырлы, соослэсь лыдзэс тырмытытчёзь ӵош тыршись вынъёсынызы, кудъёсыз озьы ик виылэмынэсь луозы. ¹²Ку Ыжпи басьтӥз куатетӥ печатез, мон адӟи, зол музъем зурканэз. Шунды пеймытомиз, сӧд ыжгонлэсь дӥсь кадь, но толэзь вир кадь гордэктӥз.

¹³Кизилиос инмысь усьылӥзы музъем вылэ, инжирпуысь кызьы усьыло сильтӧл дыръя вуымтэ емышъёсыз музъем вылэ. ¹⁴Инбам ватскиз, кызьпу туй кадь позырскыса. Вань гурезьёс но островъёс вырӟизы ас интыысьтызы.

¹⁵Музъем вылысь царъёс, кузёйыръёс, узыръёс, ожгарчиослэн кивалтӥсьёсыз, кужмоос, котькыӵе раб но котькыӵе свободнойёс ватскизы пещёраосы но гурезь висъёсы ¹⁶но верало соос гурезьёслы но изъёслы: « Куашкалэ ми вылэ но ватэ милемыз трон вылын Пукисьлэн син азьысьтыз но Ыжпилэн вожпотэмезлэсь»,

¹⁷уго вуиз Солэн вожпотонэзлэн быдӟым нуналэз, но кин быгатоз возиськыны?

Chapter 7

¹Со бере мон адӟи ньыль ангелъёсты, кудъёсыз сыло вал музъемлэн ньыльна палаз но возё вал музъемлэсь ньыль тӧлъёссэ, медаз пельтэ шуыса музъем но море но нокыӵе писпу вылэ но.

²Но мон адӟи мукетсэ ангелэз, кудӥз ӝутске вал шунды ӝужан паласен но солэн вал улэп Инмарлэн печатез. Со зол куараен черетскиз ньыль ангелъёслы, кудъёсызлы лэземын вал изъян лэсьтыны музъемлы но морелы, вераса: " ³Эн лэсьтэ изъян музъемлы но морелы но писпуослы но, милям Инмармылэн рабъёсызлы кымысазы ми печать пуктытчёзь".

⁴Соку мон кылӥ пусъемёслэсь лыдзэс: пусъемъёс вал сю ньыльдон ньыль сюрс вань выжыосысь Израильлэн пиосыз.

⁵Дас кык сюрс пусъемын вал Иудалэн выжыысьтыз, дас кык сюрс пусъемын вал Гадалэн выжыысьтыз,

⁶дас кык сюрс пусъемын вал Асиралэн выжыысьтыз, дас кык сюрс пусъемын вал Неффалимлэн выжыысьтыз, дас кык сюрс пусъемын вал Манассииялэн выжыысьтыз,

⁷дас кык сюрс пусъемын вал Симеонлэн выжыысьтыз, дас кык сюрс пусъемын вал Левийлэн выжыысьтыз, дас кык сюрс пусъемын вал Иссахарлэн выжыысьтыз,8 ⁸дас кык сюрс пусъемын вал Завулонлэн выжыысьтыз, дас кык сюрс пусъемын вал Иосифлэн выжыысьтыз, дас кык сюрс пусъемын вал Вениаминлэн выжыысьтыз.

⁹Собере мон адӟи нокинлы но лыдъяны быгатонтэм туж трос калыкъёсты, вань выжыос, калыкъёс, пӧртэм кылын вераськисъёс пӧлысь вал ваньмыз сылӥзы трон азьын но Ыжпи азьын тӧдьы дӥсьёсын но киосазы пальмалэн вайёсыныз сыло вал.

¹⁰1 Соос зол куараен черетскыса вераллязы: "Утиськон, престол вылын пукись милям Инмармылы но Ыжпилы!"

¹¹Вань ангелъёс сыло вал трон но песьатайёс но ньыль пудоос котырын, соку соос усьытскизы трон азе ымныр вылазы, но йыбырттӥзы Инмарлы,

¹²вераса:" Аминь! Ӟечкылан но дан, вылӥ визьлык, сиё-дан, кужым, юнлык милям Инмармылы пумтэм дауръёсы! Аминь".

¹³Песятайёс пӧлысь одӥгез монэ юаз: " Кинъёс таос тӧдьы дӥсен дӥсяськемъёс но кытысь-о лыктэмын?"

¹⁴Мон верай солы: " Тон тодӥськод, кузёе". Но со шуиз мыным: " Таос лыктэмын быдӟым куректонэз ортчемъёс. Соос миськизы асьсэлэсь дӥсьёссэс но гужатыса тӧдьектытӥзы Ыжпилэн Вирыныз.

¹⁵Соин ик соос Инмарлэн тронэзлэн азяз но служить каро Солы уй но нунал Солэн храмаз, но трон вылын Пукись соосын улоз.

¹⁶Соослэн ноку но сиемзы но юэмзы уз поты ни. Шунды но пӧсь уз ни ӵушка соосты,

¹⁷уго, тронлэн шорысьтыз Ыжпи, Кудӥз вазьмалоз но нуллоз соосты улэп вулэн ошмесъёсыз доры. Но Инмар ӵушылоз синмысьтызы вань синвузэс".

Chapter 8

¹Куке Ыжпи басьтӥз сизьыметӥ печатез, инмын вал чус ӝыны час пала.

²Мон адӟи Инмар азьын сылӥсь сизьым ангелъёсты. Соослэн вал сизьым гумыоссы.

³Собере лыктӥз мукетыз ангел, кияз возьыса зарнилэсь кадильница но со султӥз жертвенниклэн азе. Солы сётэмын вал тросс фимиам, мед поноз шуыса сое святойёслэн вӧсяськеменызы ӵош зарни жертвенник вылэ, кудӥз трон азьын.

⁴- Но святойёслэн вӧсяськеменызы ӵош ӝутӥськиз фемиамлэн ӵыныз ангелъёслэн киысьтызы Инмар азе.

⁵Собере ангел басьтӥз кадильницаез, тырмытӥз сое жертвенникысь тылэн но куштӥз музъем вылэ - соку музъем вылын ӵош луиз, гудыръяськиз, чилекъяськиз но музъем зурказ.

⁶но сизьым ангелъёс сизьым гумыосын пелляны дасьяськизы.

⁷Нырысетӥ ангел пельтӥз гумыаз - вирен но тылэн суро йӧзор куштӥз. Ваньмыз таос усӥзы музъем вылэ но соку куиньметӥ люкетэз писпуос но ваньмыз вож турынкуаръё сутсизы.

⁸Гумыаз пельтӥз кыкетӥ ангел - но марке но бадӟым излы тупась, тылын ӝуаса усиз морее но морелэн куиньметӥ люкетэз вир луиз.

⁹Соку куиньметӥ люкетэз мореын улӥсь лулоос кулӥзы, озьы ик куиньметӥ люкетэз кораблъёс быдтэмын вал.

¹⁰Гумыаз пельтӥз куиньметӥ ангел - но инмысь усиз бадӟым кизили, ӝуаса факел кадь. Со усиз шуръёслэн но ошмесъёслэн куиньметӥ люкетаз.

¹¹Та кизилилэн нимыз " курыт пот ". Вуослэн куиньметӥ люкетъёсыз курыт луизы,та ву сэрэн, тросс калык кулылӥз.

¹²Гумыаз пельтӥз ньылетӥ ангел - шундылэн, толэзьлэн, кизилиослэн куиньметӥ люкетъёссы пеймыт луизы. Но куиньметӥ люкетэз нуназелэн но уйлэн югыттэк кылизы.

¹³Мон адӟи но кылӥ инбам шортӥ лобись одӥг ангелэз, со бадӟым куараен вераз: " Куректон, куректон, куректон музъем вылын улӥсьёслы мукет куинь ангелъёслэн гумы куараоссылэсь, кудъёсыз гумызэс пельтыны кутскозы!"

Chapter 9

¹Гумыаз пельтӥз витетӥ ангел - мон адӟи инмысь музъем вылэ усем кизилиез, солы пыдэстэме пырон колодчалэн усьтонэз сётэмын вал.

²Со усьтӥз пыдэстэмлэсь гузэ но отысь потӥз бадӟым гурысь кадь ӵын. Со ӵынэн шунды но омыр но пеймытомизы.

³Ӵынысь музъем вылэ потӥз бадӟым ӟёзы. Музъем вылысь скорпионъёслы кадь солы сётэмын вал кужым.

⁴Солы лэзьымтэ вал изъян лэсьтыны вож турын куарлы но писпулы но, нош лэземын вал изъян лэсьтыны калыкъёслы, кудъёсызлэн ӧвӧл Инмарлэн печатез асьсэлэн кымысазы.

⁵Солы лэзьымтэ вал виылыны соосты, нош курадӟытыны лэземын вить толызь гинэ. Бадӟым ӟёзылэсь курадӟён тупа вал скорпионлэн лекамезлэн вӧсезлы.

⁶Со нуналъёсы калыкъёс утчалозы кулон, нош уз шедьтэ. Соослэн кулэмзы потоз, нош кулон пегӟёс соос дорысь.

⁷Бадӟым ӟёзы тупа вал ожмаськыны дасям валъёслы, йыразы зарни венецъёслы тупась макеос, ымнырзы адямиослэн кадь, ⁸йырсиез кышномуртъёслэн кадь, нош пиньёсыз левлэн кадь.

⁹Солэн броняез кортлэсь кадь, нош бурдъёсызлэн ӵашетэмез - колесницаослэн дымбыртэмзылы тупа, куке тросс валъёс ворттыса мыно ожмоськыны. ¹⁰Бадӟым ӟёзыослэн скорпионъёслэн кадесь быжъёсазы ши. Соослэн властьсы вань изъян лэсьтыны калыкъёслы вить толызь.

¹¹Бадӟым ӟёзыослэн царьзы вал пыдэстэмлэн ангелэз. Солэн нимыз еврей кылын Аввадан, нош грек кылын Аполлон.

¹²Одӥгез куректон ортчиз но со сьӧры лыкто на кык куректонъёс.

¹³Гумыаз пельтӥз куатетӥ ангел, но мон кылӥ зарни жертвенникысь, кудӥз Инмарлэн азяз, ньыль пӧлысь одӥгысьтыз сюрысь куара

¹⁴кудӥз вераз куатетӥ ангеллы:" Быдӟым Евфрат шур дурын керттылэмын ньыль ангелъёс, мозмыты соосты".

¹⁵Но со ньыль ангелъёс мозмытэмын вал. Соос дасямын вал та дырлы но нуналлы, толызьлы но арлы виылыны куиньметӥ люкетсэ калыкъёсты.

¹⁶Мон кылӥ, вал вылын ожмаськисьёслэсь лыдзэс - кык сю миллион.

¹⁷Тазьы мон адӟи адӟёнам валъёсты но соос вылын пукисьёсты, кудъёсыз вылын вал ӵыж горд, пеймыт лыз но ӵуж, сера кадь, броня. Валъёслэн йыръёссы - левъёслэн йыръёссы кадь, ымысьтызы тыл, ӵын, сера потылӥз,

¹⁸соослэн ымысьтызы потӥсь тыллэсь, ӵынлэсь но сералэсь, адямиос пӧлысь куинетӥ люкетэз быремын вал.

¹⁹Уго валъёслэн кужымзы вал соослэн ымъёсазы но быжъёсазы, нош быжъёссы тупало вал змеяослы, кудъёсызлэн вал йыръёссы, но со йыръёсынызы соос, изъян лэсьтылӥзы.

²⁰Мукетъёсыз калыкъёс, кудъёсыз ӧз кулэ та курадӟыку, озьы ик каяться ӧз кариське йыбырттэмзылэсь демонъёслы но зарнилэсь, азвесьлэсь, ыргонлэсь, излэсь, пулэсь лэсьтэм идолъёслы, кудъёсыз уг быгато адӟыны но, кылыны но, ветлыны но.

²¹Адями виемъёссы понна, пелляськыса, азыса-калгыса, лушкаськыса улэмзы понна соос покаяться ӧз кариське.

Chapter 10

¹Со бере мон адӟи инмысь васькемзэ мукетызлэсь ангеллэсь, кудӥз кужмо но пилемен котыртэмын. Солэн йыр вылаз вуюись вал, ымнырыз шунды кадь, нош пыдъёсыз ӝуась юбоослы тупало. ²Солэн кияз книга усьтэмын вал. Со аслэсьтыз бур пыдзэ пуктӥз море вылэ, нош паллянзэ музъем вылэ,

³но кеськиз, левлэн бурсэмез кадь. Солэн кеськемез бере вераськыны кутскизы сизьым гудыриос асьсэлэн куараосынызы.

⁴Сизьым гудыриослэн асьсэлэн кылынызы вераськыны кутскемзы бере, мон дасяськи вал гожтыны, нош инмысь куара кылӥ, кудӥз мыным вераз: «Мае веразы сизьым гудыриос ват, эн гожты».

⁵адӟи Мон, море но музъем вылын сылӥсь ангеллэсь инме бур кизэ ӝутэмзэ

⁶но кыл сётӥз котькыӵе вакытъёсын Улӥсен, Кудӥз кылдытӥз инэз но ваньзэ, мар со вылын, музъемез но ваньзэ мар со вылын, мореэз, но ваньзэ, мар со пушкын, дыр уз ни луы шуыса.

⁷Куке дыр вуоз кеськыны но трубае пельтыны сизьыметӥ ангеллы, быдэсмоз Инмарлэн ватэмез, кызьы Со вералляз Аслаз раб пророкъёсызлы.

⁸Куара, кудзэ мон кылылӥ инмысь, нош мыным вазьылӥз но шуиз: « Мын басьты усьтэм книгаез, море вылын но музъем вылын сылӥсь ангеллэн киысьтыз.

⁹Мон ангеллэн дораз мынӥ но шуи солы: « Вай мыным книга». Со шуиз мыным: « Басьты но си сое. Со курыт луоз тынад кӧтад, нош ымад коньыт луоз, чечы кадь».

¹⁰Мон басьтӥ книгаез ангеллэн киысытыз но сии сое. Мынам ымам со вал коньыт, чечы кадь, нош, куке мон сии сое, мынам кӧт пушкам курыт луиз.

¹¹Соку мыным со вераз: «Тон нош ик пророчествовать карыны кулэ тросс калыкъёс, выжыос, котькыӵе кылын вераськисьёс но царьёс сярысь».

Chapter 11

¹Со бере мыным сётэмын корт, бодылы тупась трость, но верамын вал: "Султы но мерта Инмарлэсь храмзэ, жертвенниксэ но отысь йбырттисьёссэ.

²Но храмлэсь педлось азбарзэ лэдэ эн но эн мерта, уго со сётэмын язычникъёслы: соос ньыльдон кык толызь лёгалозы святой городэз.

³Мон власть сёто Мынам кык свидетельёсылы, чурыт дэраен дисяськемъёсызлы, пророчествовать карыны сюрс кык сю куатьтон нунал.

⁴Соос - кык маслинапуос но кык светильникъёс, кудъёсыз сыло музъемлэн Инмарез азьын.

⁵Кин ке соослы изъян лэсьтыны малпаз ке, соку ик соослэн ымысьтызы тыл потоз но ньылоз соослэсь тушмонъёссэс. Соин ик кинлэн ке соослы изъян лэсьтэмез потӥз ке, виемын луоз.

⁶Соослэн вань кужымезы инбамез пытсаны, медам зор шуыса, со нуналъёсы, ку соос пророчествовать каро. Озьы ик соослэн вань кужымзы вуосты вир лэсьтыны, но келяны музъем вылэ котькыӵе курадӟёнъёс, куке соослэн мылзы потоз.

⁷Куке соос дугдозы свидетельствовать каремысь, пыдэстэмысь потӥсь зверь, ожмаськоз соосын, вормоз соосты но виёз.

⁸Быдӟым городлэн ульчаяз со кельтоз соослэсь шӧйъёссэс, кудзэ духъя Содом но Египет шуо, кытын асьмелэн Кузё-Инмармы кортӵогамын вал.

⁹Тросэз калыкъёс, выжыос, улӥос, пӧртэм кылъёсын вераськисьёс пӧлысь адӟёзы соослэсь шӧйъёссэс куинь но ӝыны нунал но уз лэзе шӧйёссэс ватыны шайгуосы.

¹⁰Музъем вылын улӥсьёс та понна шум потозы но шулдыръяськозы. Соос ог огзылы кузьымъёс кузьмалозы, уго та кык пророкъёс музъем вылын улӥсьёсты курадӟытылӥзы.

¹¹Нош куинь но ӝыны нунал ортчем бере пыриз пророкъёс пушкы Инмарлэн улон сётон духэз, соку соос султӥзы пыд вылазы. Ваньзэ тае адӟисьёс туж зол кышказы.

¹²Соос инмысь кылӥзы бадӟым куара: « Тубе татчы», но тубизы пилем вылын инме, нош тушмонъёссы учкыса кылизы.

¹³Со дыр куспын ик туж зол музъем зурказ, но дасэтӥ люкетэз городлэн куашказ. Музъем зуркан дыръя кулӥзы сизьым сюрс адями, нош мукетъёсыз кышкатскизы но данъяллязы инмысь Инмарез.

¹⁴Кыктэтӥез курадӟён кошкиз, нош ӝог гинэ лыктэ куиньметӥез.

¹⁵Сизьыметӥ ангел гумыаз пельтӥз, но инмын кылӥськизы бадӟым куараос: «Та дуннелэн царствоез луиз асьмелэн Иисус Христос Кузёмылэн Царствоез, но Со царствовать кароз котькуд дыръёсы».

¹⁶Инмарлэн тронэзлэн азяз пукись дас ньыль песятайъёс, усьытскизы ымныр вылазы но йыбырттӥзы Инмарлы,

¹⁷вераса: «Ӟечкыласьком Тонэ, Кузё-Инмар Ваньзэбыгатӥсь, Кудӥз вал но вань, ӟечкыласьком, Тон басьтӥд Тынэсьтыд быдӟым кужымдэ но царь луид.

¹⁸Лекомизы калыкъёс. Но вуиз Тынад вожпотонэд но дыр судӥть карыны кулэмъёсты но дано кузьым сётыны Тынад рабъёсыдлы, пророкъёслы, святойёслы но Тынад нимыдлэсь кышкасьёслы, пичиослы но бадӟымъёслы, но быдтыны соосты, кин быдтэ музъемез».

¹⁹Инмын учкиз Инмарлэн храмез, но Солэн храмаз адӟиськыны ӧдъяз Солэн заветэзлэн ковчегез. Со дыр вал чилекъяськемъёс, гудыръяськемъёс, музъемзурканъёс но ыльыс йӧ куштэм.

Chapter 12

¹Инмын быдӟым тодмет адӟиськиз: кышномурт шундыен дӥсяськемын. Солэн пыд улаз толэзь, йыраз дас кык кизилиослэсь венец понэмын.

²Со секытэн вал но нылпи вайёнэн курадӟыса, вӧсезлы чидатэк, кесяськиз.

³Со бере инмын адӟиськиз мукет тодмет: бадӟым горд дракон, кудӥзлэн сизьым йырыз но дас сюрыз но йыръёсыз вылын сизьым диадем вал.

⁴Солэн быжыз кыскиз куиньметӥ люкетсэ инмысь кизилиосты но куштӥз музъем вылэ. Та дракон султӥз секытэн кышномурт азе, пинал вордскем бере, солэсь нылпизэ сиён вылысь.

⁵Солэн пи вордӥськиз, кудӥз вань калыкъёсты кортлэсь жезлэн возьманы кулэ. Солэсь пизэ нуэмын вал Инмарлы но Солэн тронэз доры.

⁶Нош кышномурт пегӟиз пустыняе Инмарен солы дасям интые, сое отын мед сюдозы шуыса сюрс кыксю куатьтон нунал.

⁷Соку инмын ожмаськон кутскиз. Михаил но солэн ангелъёсыз ожмаськизы дракон пумитэ, дракон но солэн ангелъёсыз ожмаськизы соос пумитэ,

⁸нош кужымзы ӧз тырмы, но соослы инмын инты ӧз ни шедьы.

⁹Быдӟым дракон куштэмын вал - вашкала змея, кудзэ нимало дьявол но сатана, быдэс дуннеез пӧяськонэ-йыромонние пыртӥсь, куштэмын музъем вылэ ангелъёсыныз ӵошен.

¹⁰Соку мон кылӥ Инмысь бадӟым кураен верамез: “ Табере вуиз утиськон, кужым но асьмелэн Инмармылэн царствоез, но Солэн Христосэзлэн кивалтэмез, уго куштэмын вынъёсмес янгыше уськытӥсь, кудӥз уй но нунал тыршылӥз янгыше уськытыны соосты асьмелэн Инмармы азьын.

¹¹Соос вормизы сое Ыжпи вирен но асьсэлен ивортэм кылынызы, но кулытӵёзь лулзэс ӧз яратэ.

¹²Соин ик, шулдыръяське, инъёс но отын улӥсьёс! Куректон музъем вылын но море вылын улӥсьёслы! Уго тӥ доры туж бадӟым йыркурен дьявол васькиз, тодыса солы ӧжыт дыр кылиз ни шуыса.

¹³Куке дракон адӟиз, музъем вылэ куштэмын шуыса, соку ӧдъяз уйылыны кышномуртэз, кудӥз пи пина вайиз.

¹⁴Нош кышномуртлы сётэмын вал бадӟым оръёллэсь кык бурдъёссэ, со мед лобалоз шуыса пустыняе, змеялэн син азьысьтыз, аслаз интыяз, но отын дыр, дыръёс но ӝыны дыр ӵоже кӧтсэ мед тыроз шуыса.

¹⁵Змея ымысьтыз шур кадь ву лэзиз, кышномуртлэн бӧрсяз, шур сое мед нуоз шуыса.

¹⁶Но музъем кышномуртлы юрттӥз: музъем усьтӥз ымзэ но драконлэсь ымысьтыз лэзем шурез ньылӥз.

¹⁷Соку драконлэн кышномуртлы туж зол вожез потӥз но мынӥз ожмаськыны солэн кылем нылпиосыныз, кудъёсыз Инмарлэсь куронзэ быдэсъяло но Иисус Христослэсь верамзэ возё.

Chapter 13

¹Мон адӟи мореысь потӥсь зверез, кудӥзлэн сизьым йыръёсыз но дас сюръёсыз: солэн сюръёсаз дас диадемаос, йыръёсаз - Инмарез ултӥясь нимъёс.

²Зверь, кудзэ мон адӟи, барслы тупа, пыдъёсыз гондырлэн кадь, ымыз левлэн кадь. Дракон сётӥз солы аслэсьтыз кужымзэ но тронзэ, но туж бадӟым властьсэ.

³Мон адӟи, солэн одӥгез йырыз кулонние вуытозь ранить каремын, нош со ранаез бурмиз. Зверь шоры учкыса вань музъем паймылӥз, но йыбырттӥзы драконлы, малыке шуоно со сётӥз зверьлы власть.

⁴Но йыбырттӥзы зверьлы, вераса: “Кин ӵошатскыны быгатоз та зверен? Но кин быгатоз ожмаськыны соин?”

⁵Солы сётэмын вал ым, вылтӥяськыса но ултӥян кылъёс вераны Инмарлы пумит но власть сётэмын вал ньыльдон кык толэзь.

⁶Но со усьтӥз аслысьтыз ымзэ, ултӥяны Инмарез но Солэсь нимзэ, Солэсь улоннизэ но инмын улӥсьёсты.

⁷Солы лэземын вал ожмаськыны Инмарлы оскисьёсын но вормыны соосты. Но власть сётэмын вал солы котькуд выжыос но калыкъёс, котькыӵе кылъёсын вераськисьёс но улӥсьёс вылын.

⁸Солы йыбыртозы музъем вылысь вань калыкъёс, кудъёсызлэн нимъёссы гожтымтэ вал, Ыжпилэн улон книгаяз, кудиз жертвалы чакламын вал дуннелэн кылдытэм тырысеныз.

⁹Кинлэн вань пельёсыз мед кылоз.

¹⁰Кин пленэ келя, со ачиз пленэ басьтэмын луоз. Кин мечен вийылэ, сое ассэ мечен виозы. Татын чиданзы но осконзы Инмарлы оскисьёслэн.

¹¹Собере адӟи музъемысь потӥсь мукетсэ зверез. Солэн вал ыжпилэн кадь кык сюрыз, но вераськылӥз, дракон кадь.

¹²Со тырше нырысетӥ зверь азьын но солэн сётэм властеныз но кужмысь косэ вань музъемез но отын улӥсьёсты йыбырттыны нырысетӥ зверьлы, кудӥзлэн кулоно ранаез бурмиз.

¹³Со лэсьтэ быдӟым тодметъёс, калык азьын тыл инмысь васькытэ.

¹⁴Паймымон ужъёсыныз, кудъёссэ солы лэземын лэсьтыны зверь азьын, со пӧя музъем вылын улӥсьёсты, мед лэсьтозы шуыса зверьлэсь суредзэ, кудӥзлэн мечлэсь ранаез вал но бурмиз.

¹⁵Солы леземын вал лул сётыны зверьлэн суредэзлы, вераськыны мед быгатоз шуыса но мед лэсьтоз озьы – котькуд адями виемын мед луоз, кин уз йыбыртты зверьлэн сурэдезлы.

¹⁶Со лэсьтӥз, ваньмызлы: покчиослы но бадӟымъёслы, узыръёслы но начаръёслы, свободнойёслы но рабъёслы бур киязы яке кымысазы пуктэмын луоз клеймо.

¹⁷Нокин но медам быгаты шуыса басьтыны яке вузаны, ӧвӧл ке солэн клеймоез, яке зверьлэн нимыз, яке солэн числоез.

¹⁸Татын кулэ визьлык. Кинлэн вань визьмыз, мед лыдъялоз зверьлэс числозэ, уго со число адямилэн. Солэн числоез куатьсю куатьтон куать.

Chapter 14

¹Со бере мон учки но адӟи: Сион гурезь вылын сылэ Ыжпи, но Соин сю ньыльдон ньыль сюрс, кудъёсызлэн кымысазы гожтэмын Солэн нимыз но Солэн Атаезлэн нимыз.

²Но инмысь мон кылӥ куара, трос вуослэн ӵаш каремзылы но гудырилэн дымбыртэмезлы тупась. Куара, кудзэ мон кылӥ, тупа крезен шудемлы.

³Соос кырӟяло выль кырӟян трон азьын, ньыль пудоос но песятайъёс азьын. Нокин но ӧз быгаты дышетыны та кырӟянэз, сю ньыльдон ньыль сюрсъёс сяна, музъем вылысь дунын басьтэмъёсыз сяна.

⁴Соос, кин ӧз саптаськы кышномуртъёсын, соос пилыксэс ӧз ыштэ. Соос, кинъёс мыно Ыжпи сьӧры, кытчы Со мынэ. Соос басьтэмын калыкъёс пӧлысь, нырысетӥосыз Инмарлы но Ыжпилы.

⁵Соослэн кылазы шонертэмез ӧвӧл. Соос дунэсь Инмарлэн престол азяз.

⁶Собере мон адӟи ин шортӥ лобись мукетсэ ангелэз. Солэн вал Шумпотон-Ӟеч Иворэз, кудӥз пумтэм дауръёс ӵоже луэ, кудзэ со ивортоз музъем вылысь котькыӵе калыкъёслы, выжыослы, кылын вераськисьёслы но рассаослы.

⁷Со вераз бадӟым куараен:" Кышкалэ Инмарлэсь! Данъялэ Сое, уго вуиз Солэн судэзлэн дырыз. Йыбырттэ инэз, музъемез, мореез но ошмесъёсты Лэсьтӥсьлы".

⁸Со сьӧры лыктэ кыкэтӥ ангел, вераса: "Куашказ, куашказ быдӟым Вавилон шор кар. Со, кудӥз азон-калгонлэн лек винаеныз сектаз вань калыкъёсты".

⁹Со сьӧры лыктэ куиньметӥ ангел, бадӟым куараен вераса: " Кин йыбырттэ зверьлы но солэн изображениезлы но пуктыны лэзе клеймо аслаз кымысаз но ки вылаз,

¹⁰со юоз Инмарлэн вожпотонэзлэн чашаысьтыз Солэсь лек но кизертымтэ виназэ. Но курадӟытэмын луоз тылын но сераын святой ангелъёс но Ыжпи азьын.

¹¹Соослэн курадӟемзылэсь ӵын ӝутскоз пумтэм дауръёс ӵоже. Соос, кинъёс йыбырттозы зверьлы но солэн изображениезлы, но соос кинъёс басьтозы солэн нимызлэсь клеймозэ, шутэтсконэз уз адӟе уй но нунал но.

¹²Татын Инмарлы оскисьёслэн чиданлыксы, быдэсъясьёслы Инмарлэсь заповедьёссэ но Иисуслы осконзэс утисьёслы.

¹³Собере мон кылӥ инмысь верам куара: "Гожты: " Та дырысен майбыресь ваньмыз, кин кулоз Кузё-Инмар пушкын"."Бен! - вера Дух. - Соос шутэтскозы асьсэлэн ужъёссылэсь, уго соослэн ужъёссы мыно сьӧразы".

¹⁴Мон учки но адӟи югыт пилем, Пилем вылын пуке Адямилэн Пиезлы тупась Кинке. Солэн йыр вылаз зарни венец, нош Солэн киях лэчыт сюрло.

¹⁵Со бере потӥз мукетыз ангел но кеськиз бадӟым куараен пилем вылын пукисьлы: "Келя сюрлодэ но ара, уго аранлэн дырыз музъем вылын вуиз ини.

¹⁶Пилем вылын Пукись куштӥз аслысьтыз сюрлозэ музъем вылэ, но музъем вылын аран быдэсмиз.

¹⁷Со бере инлэн храмысьтыз потӥз мукетыз ангел, солэн но лэчыт сюрлоез вал.

¹⁸Но мукетыз ангел, кудӥзлэн тыл вылын кузёяськыны властез вань, палэнскиз жертвенник дорысь но бадӟым куараен кеськиз солы, кинлэн вал лэчыт сюрлоез: " Келя лэчыт сюрлодэ но ванды виноград гурыосты музъем вылысь виноградникысь, уго солэн емышез вуиз ини".

¹⁹Ангел куштӥз аслысьтыз сюрлозэ музъем вылэ, вандӥз музъем вылысь виноградэз но куштӥз сое Инмарлэн вожпотонэзлэн нельконаз.

²⁰Собере виноград лёгамын вал город сьӧрысь нельконниын, но нельконниысь вир бызиз валлэн кортнэтэз ӝужда, сюрс куатьсю стадиозь вӧлмиз.

Chapter 15

¹Собере инмысь мон адӟи мукетсэ быдӟым но паймымон тодмет: сизьым ангелъёсты, кудъёсызлэн сизьым берпуметӥ наказаниоссы вал, кудъёсыныз Инмарлэн вожпотонэз быдэсме.

²Мон адӟи, стеклолы тупась мореез, кудӥз тылын сурамын вал. Стеклолэсь море вылын сыло зверез но солэсь образзэ вормисьёс, солэсь пуссэ но солэн нимызлэсь лыдзэ вормисьёс, киязы возё вал Инмарлэсь крезьёссэ.

³Соос кырӟазы Инмарлэн ляльчиезлэсь Моисейлэсь но Ыжпилэсь кырӟанъёссэ, вераса: "Туж быдӟымесь но паймымонэсь Тынад ужъёсыд, Ваньзэбыгатӥсь Кузё - Инмар! Шонерлыкоесь но зэмлыкоесь Тынад сюресъёсыд, вань святойёслэн Царьзы!

⁴Кин уз кышка Тынысьтыд, Кузё - Инмар! Кин уз даннъя Тынысьтыд нимдэ? Уго Тон огняд Святой! Ваньмыз калыкъёс йыбырттозы Тыныд, уго усьтӥськизы Тынад шонерлыкед Тынад ужъёсад.

⁵Собере мон адӟи: инмысь ивортон храмлэн скинияез усьтӥськемын.

⁶Храмысь потӥзы сизьым ангелъёс, кудъёсызлэн сизьым курадӟёнъёссы. Соос чылкыт, югыт етӥн дӥсен дӥсяськемын, гадь вылазы зарни кускерттон кэрттылэмын.

⁷Ньыль пудоос пӧлысь одӥгез сётӥз та сизьым ангелъёслы сизьым зарни чашаос, кудъёсыз тырмытэмын, Пырулӥсь Инмарлэн вожпотонэныз.

⁸Но храм тырмиз ӵынэн Инмарлэн данэзлэсь но Солэн кужымезлэсь. Нокин но ӧз быгаты пырыны храме, сизьым ангелъёслэн, сизьым наказаниоссы бырытӵёзь.

Chapter 16

¹Собере мон кылӥ храм пушкысь сизым ангелъёслы верась бадӟым куара: " Мынэ но музъем вылэ кисьтэлэ сизьым чаша Инмарлэсь вожпотонзэ ".

²Нырысетӥ ангел мынӥз но кисьтӥз аслэсьтыз чашазэ музъем вылэ. Кинлэн вал зверьлэн пусэз но йыбырттылӥз солэн суредезлы, соослэн мугоразы туж зол висись но юрӟымесь урӟектэм яраос кылдӥзы,

³Со бере кыкэтӥ ангел кисьтӥз чашазэ морее. Кулэм муртлэн вирызлы тупась, вир кылдӥз, но мореын ваньмыз лулоез кулӥз.

⁴Собере куиньметӥ ангел кисьтӥз аслысьтыз чашазэ шуръёсы но ошмесъёсы - но вир кылдӥз.

⁵Мон кылӥ вуослэн ангелэзлэсь верамзэ: "Шонерлыко Тон, Кузё-Инмар, Кудӥз вал, вань но святой! Уго Тон шонер судить кариськод.

⁶Инмарлы оскисьёслэсь но пророкъёслэсь вирзэс кисьтэмзы понна, Тон сётӥд соослэн ужъёссыя соослы вир юыны.

⁷Собере мон кылӥ мукетсэ, жертвенник дорысь верасьсэ: "Бен! Ваньзэ Быгатись Кузё-Инмар! Зэмлыкоесь но шонерлыкоесь Тынад судъёсыд!"

⁸Собере ньылетӥ ангел кисьтӥз аслысьтыз чашазэ шунды вылэ, но шундылы лэземын вал калыкъёсты тылын сутыны.

⁹Адямиосты ӟырдыт пӧсьлэсь ӵушкаськылӥзы но ултӥяллязы Инмарлэсь нимзэ, Кудӥзлэн властез вань та курадӟытонъёс вылын, нош соос покаяться но ӧз кариське ӧз но данъялэ Сое.

¹⁰Собере витетӥ ангел кисьтӥз аслаз чашаысьтыз зверьлэн трон вылаз - солэн царствояз ӝомыт луиз. Соос куртчылӥзы асьсэлэсь кылъёссэс курадӟёнлы чидатэк

¹¹но урод кылын вераллязы инмысь Инмарез асьсэлэн курадӟемзы но яраоссы сэрен. Озьы ке но соос сьӧлыкъёссылэсь ӧз куштӥське.

¹²Собере куатетӥ ангел кисьтӥз аслаз чашаысьтыз Ефрат быдӟым шурэ - но отысь ву куасьмиз, шунды ӝужанысен мед луоз шуыса царъёслы сюрес .

¹³Соку мон адӟи, кызьы драконлэн но зверьлэн но лжепророклэн ымысьтыз потӥзы, бакаослы тупасесь куинь нечистой духъёс.

¹⁴Соос вал тодметъёс лэсьтӥсь демонъёслэн духъёссы. Соос мынӥзы быдэс дуннеысь ваньмыз царъёс доры, Ваньзэбыгатӥсь Инмарлэн быдӟым нуналаз соосты люканы ожмаськонэ.

¹⁵" Лыкто лушкаськись кадь, соин ик шудо со, кин сэзь улэ но дӥськутсэ дась возе, медам ветлоно луы шуыса голик, но нокин но медам адӟы солэсь возьытсэ".

¹⁶Со люказ царъёсты, еврей кылын, Армагедон нимаськись интые.

¹⁷Собере сизьыметӥ ангел кисьтӥз аслысьтыз чашазэ омыре - но инмысь храмлэн тронэз дорысь кылӥськиз бадӟым куара: " Быдэсмиз!"

¹⁸Соку чилекъяськиз, гудыръяськиз, ӵаш вал, туж кужмо музъем зурказ. Сокем кужмо музъем зуркан ӧй вал адямиос музъем вылын кылдон дырысен.

¹⁹Быдӟым шор кар Вавилон пазьгиськиз куинь полэс но вань калыкъёслэн городъёссы куашказы. Инмар тодаз ваиз со сярысь но сётӥз солы Аслаз вожпотонэзлэн лек винаен чашазэ.

²⁰Ваньмыз островъёс ышизы но гурезьёс быризы.

²¹Талант бытчаесь йӧ куштӥз калыкъёс вылэ. Калыкъёс урод кылын ултӥяллязы Инмарез наказаниез понна, уго йӧ куштон бадӟым изъян кылдытӥз.

Chapter 17

¹Собере лыктӥз одӥгез сизьым пӧлысь ангел, солэн кияз вал сизьым чашаез но со шуиз мыным:" Лык дорам, мон возьмато тыныд кыӵе приговор вите трос вуос вылын пукись азыса - калгыса улӥсь кышномуртэз.

²Соин калгылӥзы музъем вылысь царьёс, но солэн азон - калгон винаеныз кудӟылӥзы музъем вылын улӥсьёс".

³Ангел духен монэ пустыняе нуиз. Отын мон адӟи льӧль зверь вылын пукись кышномуртэз, со зверьлэн сизьым йырыз но дас сюръёсыз но мугораз тросс ултӥян кылъёс гожъямын.

⁴Кышномурт дӥсяськемын порфир но ӵыж горд дӥсен но зарниен, дуно изъёсын но жемчуген чебермамын вал. Солэн кияз зарнилэсь чаша тырмытэмын юрӟымъёсын но азыса-калгыса улонэзлэн кырсьёсыныз.

⁵Солэн кымысаз гожтэмын ватӥськем ним: "Вавилон - быдӟым шор кар, азыса - калгыса улӥсьёслэн, музъем вылысь юрӟымъёслэн анайзы".

⁶Мон адӟи со кышномурт вӧсяськисьёслэн вирынызы но Иисус сярысь ивортӥсьёслэн вирынызы кудӟемын вал. Но, сое адӟыса, мон туж пайми.

⁷Ангел юаз мынысьтым:" Малы тон паймиськод? Мон верало тыныд лушкемзэ та кышномурт сярысь, сое нуллӥсь сизьым йыро но дас сюро зверь сярысь:

⁸" Зверь, кудзэ тон адӟид, вал нош табере ӧвӧл. Нош со дасяське потыны пыдэстэмысь но мыныны аслаз быроннияз. Соку музъем вылын, кинъёслэн нимъёссы гожтымтэ дунне кылдон дырысен улон книгае, паймозы, куке адӟёзы - зверь вал но ӧвӧл, озьы ке но со вань".

⁹Тае валаны визьлык кулэ. Сизьым йыръёс - сизьым гурезьёс, кудъёсыз вылын пуке кышномурт,

¹⁰но сизьым царьёс, кудъёсыз пӧлысь витез кулэмын ни, одӥгез вань на, нош мукетыз ӧз на лыкты, куке лыктоз, кемалы уз улы.

¹¹Зверь, кудӥз вал но кудӥз ӧвӧл, - тямысэтӥез сизьым пӧлысь, кудӥз быронние мынэ.

¹²Дас сюръёс, кудъёссэ тон адӟид, - дас царьёс, кудъёсызлэн царствозы ӧвӧл на, нош зверен ӵошен соослэн властьсы луоз, царъёслэн кадь, одӥг часлы.

¹³Соослэн одӥг кадь малпанъёссы, но соос сётозы зверьлы асьсэлэсь властьсэс но кужымзэс.

¹⁴Соос ожмаськозы Ыжпиен, но Ыжпи вормоз соосты. Уго Со - кузёоослэн Кузёзы но царьёслэн Царьзы. Но соос, кин Соин, - ӧтемъёс, быръемъёс но осконоос".

¹⁵Но вера мыным:" Вуос, кудъёссэ тон адӟид но кудъёсыз вылын пуке азӥсь - калгись кышномурт, - адямиос, калыкъёс, выжыос но котькыӵе кылъёсын вераськисьёс.

¹⁶Дас сюръёс, кудъёссэ тон адӟид зверь вылын, калгись кышномуртэз адӟемпотостэм карозы, разорить карозы но голик кылёзы, сиёзы солэсь мугорызлэсь люкетъёссэ но сутозы сое тылын.

¹⁷Уго Инмар понӥз соослэн сюлэмъёсазы быдэстыны Аслысьтыз волязэ, быдэстыны одӥгзэ волязэ но сётыны соослэсь царствозэс зверьлы, со дырозь ку Инмарлэн верам кылъёсыз быдэсмозы.

¹⁸Кышномурт, кудзэ тон адӟид, - быдӟым шор кар, кудӥз кивалтэ музъем вылысь царьёсын".

Chapter 18

¹Собере мон адӟи инмысь васькемзэ мукетызлэсь ангеллэсь. Солэн вал быдӟым властез. Музъем югыттэмын вал солэн данэныз.

²Со кеськиз кужмо куараен: " Куашказ, куашказ быдӟым азыса-калгыса улӥсь - Вавилон! Со луиз демонъёслэн улон интызы, котькыӵе нечистой(кырсь) духъёслэн люкаськон интызы, карзы котькыӵе юрӟым но урод тылобурдоослы. Уго азон-калгонлэн лек винаеныз со кудӟытӥз вань калыкъёсты.

³Музъем вылысь царъёс калгизы соин, но музъем вылысь вузкарисьёс узырмизы солэн бадӟым узырлыкеныз.

⁴Собере мон кылӥ инмысь мукет куара, кудӥз вера: "Мынам калыке, палэнскы со дорысь, солэн сьӧлыко ужъёсаз эн пырӥськы, солэсь курадӟёнзэ медам адӟёно луы шуыса.

⁵Уго солэн сьӧлыкъёсыз инмозь вуизы, но Инмар тодаз вайиз солэсь преступлениоссэ.

⁶Пунэмен солы тыре соин ик, кызьы со тӥледлы тыриз, но кык полэс тыре солы солэн ужъёсызъя. Чашаын, кудаз со дасялляз тӥледлы вина, дасялэ солы кык полэс.

⁷Кӧня солэн вал данэз но узырлыкез, сомында сётэ солы курадӟён но куректон. Уго со аслаз сюлэмаз вералляз:" Царь кадь пукисько, мон палкышно ӧвӧл, ноку уг адӟы куректонэз!"

⁸Соин ик вуоз нунал, куке вуозы со доры шуг секытъёс но кулон, бӧрдон но сютэм улон. Со сутэмын луоз тылын, уго сое судить карись Кузё – Инмар кужмо.

⁹Куке солэн городэз ӝуалоз, адӟёзы ӵынзэ но со сярысь зар бӧрдозы музъем вылысь царъёс, кудъёсыз соин калгылӥзы но узырлыкеныз улӥзы.

¹⁰Соос солэсь курадӟемзэ адӟыса кышкаменызы палэнын сылозы но вералозы солы: " Куректон, куректон тыныд, быдӟым шор кар Вавилон! Кумо шор кар! Уго одӥг час куспын тон вылэ вуиз наказание".

¹¹Музъем вылысь вузкарисьёс зар бӧрдозы со сярысь, уго соослэсь вузъёссэс нокин но уз ни басьты:

¹²зарнилэсь но азвесьлэсь но вузъёссэс, дуно изъёссэс но жемчугзэс, виссонзэс но порфиразэс, буртчинзэс но нап-горд дуно басмаоссэс, ческыт зыно пуоссэс, слон лылэсь но дуно писпуослэсь пӧртэм арбериоссэс но ыргонзэс но кортсэс но мраморзэс,

¹³корицазэс но фимиамзэс, мирразэс но ладанзэс, виназэс но елейзэс, пызьзэс но чабейзэс, бадӟым сюро пудозэс но ыжъёссэс, валъёссэс но уробооссэс, адями мугоръёсты но лулъёсты.

¹⁴Ӧз ни луэ тынад емышъёсыд, кудъёссэ лулыд кулэ карылӥз. Ваньмыз тынад чеберлыкед но узырлыкед тонэ кельтӥзы, но тон уд ни шедьты соосты".

¹⁵Ваньмыныз таин вузкарисьёс но солэсь узырмемъёс султозы палэнэ кышкаменызы адӟыса солэсь курадӟемзэ. Бӧрдыса но куректыса,

¹⁶соос вералозы:" Куректон, куректон тыныд, быдӟым шор кар, виссонэн, порфирен но пурпурен дӥсямын, чебермамын зарниен, дуно изъёсын но жемчуген,

¹⁷уго одӥг час куспын узырлыкед быриз!" Но ваньмыз, кин руль сьӧрын сылэ, но ваньмыз, кин корабыльёсын уя, ваньмыз морякъёс но морской вузкарисьёс палэнэ султӥзы.

¹⁸Солэсь ӝуамезлэсь ӵынзэ адӟыса кесяськизы: " Кыӵе городэз ӵошатыны луоз та быдӟым шор карен?!"

¹⁹Соос пызьналлязы пенен асьсэлэсь йыръёссэс но кесяськыса зар бӧрдылӥзы:" Куректон, куректон тыныд, быдӟым шор кар, кудӥзлэн узырлыкеныз узырмизы ваньмыз мореетӥ уясь корабыльёслэн кузёоссы. Нош одӥг час куспын тон тыртэмид!

²⁰Шум пот со сярысь ин, святой апостоллъёс но пророкъёс. Уго Инмар быдэстӥз тӥлестыд суддэс со вылын".

²¹Собере одӥгез кужмо ангел басьтӥз бадӟым кӧльы, излы тупась, но куштӥз сое морее, вераса:" Озьы ик кужмо салемын луоз быдӟым шор кар Вавилон, но со уз ни луы отӥяз".

²²22 Крезен шудӥсьёслэн, кырӟасьёслэн, чипчирганэн шудӥсьёслэн, гумы пеллясьёслэн тон дарын куараоссы уз ни чузъяське. Тон дорын уз ни луэ нокыӵе ужбыгатӥсьёс но нокыче киужъёс но. Вуко кӧльылэн но ужамез уз нӥ кылӥськы.

²³Светильникъёс уз ни пиштэ тон дорын. Но уз ни кылӥське тон дорын эмеспилэн но кенлэн куараоссы. Уго тынад вузкарисьёсыд тодмо адямиос вал музъем вылын. Вань калыкъёс пыртэмын вал йыромонние тынад пелляськеменыд.

²⁴Та шор карын шедьтэмын пророкъёслэн но Инмарлы оскисьёслэн но ваньзылэн музъем вылын виылэмъёслэн вирзы".

Chapter 19

¹Собере мон инмысь кылӥ бадӟым куара, трос калыкъёслэн вераськемзы кадь, кудӥз вераз: «Аллилуя! Мозмытскон но дан, сиё-дан но кужым асьмелэн Кузё-Инмармылы!

²Солэн судъёсыз зэмлыкоесь но шонересь. Уго Со та быдӟым калгись кышномуртэз судить кариз, кудӥз азытӥз музъемез аслаз калгеменыз, но пунэмен берыктӥз солы Аслаз рабъёсызлэсь вирзэс кисьтем понна».

³Собере кыктэтӥзэ соос веразы: «Аллилуйя! Солэн ӵыныз ӝутиське котькуд дыръёсы»,

⁴Соку кызь ньыль песятайёс но ньыль пудоос усьытскизы но йыбырттӥзы трон вылын пукись Инмарлы, вераса: «Аминь! Аллилуйя!»

⁵Но трон дорысь куара кылӥськиз: «Ушъялэ асьмелэсь Инмармес, ваньмыз Солэн рабъёсыз но Солэсь кышкасьёсыз, покчиос но быдӟымъёс».

⁶Собере мон, трос вуослэн ӵашетэмзылы, зол гудыръяськемлэн дымбыртэмезлы тупась, тросс калыкъёслэсь куараоссэс кылӥ, кудъёсыз вераллязы: «Аллилуйя! Уго асьмелэн Ваньзэбыгатӥсь Кузё – Инмармы царь луиз.

⁷Ойдолэ шумпотом но шулдыръяськом но сётом Солы дан, уго вуиз Ыжпилэн сюан шулдыръяськонэз, но Солэн кышноез дась ини.

⁸Солы сётӥзы дӥсяны дун но пиштӥсь виссон. Виссон со – святойёслэн шонерлыко ужъёссы».

⁹Ангел шуиз мыным: «Гожты: «Шудоесь соос, кинъёс ӧтемын Ыжпилэн ӝыт сюан шулдыръяськоназ». Собере со шуиз на мыным: «Та Инмарлэн кылъёсыз зэмлыкесь ».

¹⁰Мон усьытски солэн пыд азяз, солы йыбырттыны, нош со шуиз мыным: «Эн лэсьты озьы.Уго мон тонэныд но тынад вынъёсыныд ӵош ужась, кудъёсыз Иисус сярысь иворто. Инмарлы йыбыртты! Уго Иисусэз ивортон – пророчестволэн духез луэ».

¹¹Но мон адӟи усьтӥськем инэз. Отысь - тӧдьы валэз. Со вылын Пукисьсэ нимало Оскымон но Зэмлык, Кудӥз шонер судить каре но ожмаське.

¹²Солэн синъёсыз, ӝуась тыл кадь, Солэн йыр вылаз трос диадемаос. Солэн вал гожтэмын нимыз, кудзэ нокин но уг тоды, Ачиз сяна.

¹³Со вылын вал вирен пыӵам дӥсь. Солэн нимыз – «Инмарлэн Кылыз»,

¹⁴Со сьӧры мыно инмысь ожмаськисьёс, дӥсьсы соослэн тӧдьы но пиштӥсь виссон.

¹⁵Солэн ымысьтыз потэ лэчыт меч, соин со калыкъёсты быттоз. Со возьма соосты кортлэсь жезылэн, но лёга виноград нельконниын Ваньзэбыгатӥсь Инмарлэсь вожпотонэзлэсь но лекезлэсь виназэ.

¹⁶Солэн дӥсь вылаз но макесаз гожтэмын ним: «Царьёслэн Царьзы но кузёослэн Кузёзы».

¹⁷Собере мон адӟи шунды вылын сылӥсь одӥг ангелэз. Со кесяськиз бадӟым куараен, ин шортӥ лобась вань тылобурдоослы: «Лыктэ татчы! Люкаське Инмарлэн быдӟым юон шулдыръяськоназ,

¹⁸сиыны царъёслэсь шӧйёссэс, кужмоослэсь шӧйёссэс, ожгарчиосын кивалтӥсьёслэсь шӧйёссэс, валъёслэсь но соос вылын пукисьёслэс шӧйёссэс, свободнойёслэсь но рабъёслэсь шӧйёссэс, покчиослэсь но быдӟымъёслэсь шӧйёссэс».

¹⁹Собере мон адӟи зверез, но музъем вылысь царьёсты но соослэсь армизэс. Соос люкаськизы ожмаськыны вал вылын Пукисен но солэн армиеныз.

²⁰Зверь кутэмын вал, но соин ӵош, со азьын паймымон ужъёс лэсьтӥсь лжепророк, кудъёсыныз со йыромытӥз соосты, кинъёс зверьлэсь клеймозэ басьтӥзы но йыбырттӥзы солэн суредэзлы. Соос кыкназы куштэмын вал улэпскын сераен ӝуась тылын озерое.

²¹Мукетъёсыз виылэмын вал вал вылын Пукисьлэн меченыз, кудӥз ымысьтыз потэ. Но вань тылобурдоослэн кӧтсы шӧйъёсын тыриз.

Chapter 20

¹Собере мон адӟи инмысь васькись ангелэз. Кудӥзлэн вань пыдэстэмлэн усьтонэз но кияз возе бадӟым жыльы.

²Со вашкала змеяез – драконэз керттылӥз, кудыз дьявол но сатана, но жыльен думылӥз сюрс арлы.

³Со куштӥз сое пыдэстэме, пытсаз но вылласянь печать пуктӥз, медам ни пӧя шуыса калыкъёсты, сюрс ар ортчытчёзь. Собере со мозмытэмын луоз вакчи дырлы.

⁴Собере мон адӟи тронъёсты но отын пукисьёсты, кудъёсызлы лэземын вал судить карыны. Озьы ик мон адӟи Иисусэз ивортэмзы понна но Инмарлэн кылыз понна йыръёссэс вандылэм лулъёсты, кудъёсыз ӧз йыбырттэ зверьлы но солэн суредэзлы но ӧз басьтэ клеймо кымысазы но киязы но. Соос кулэмысь улӟыса султӥзы но царствовать каризы Христосэн сюрс ар.

⁵Та нырысетӥез кулэмысь улӟыса султон. Мукетъёсыз, кин кулэмын вал, ӧз на лулъяське сюрс ар бырытчёзь.

⁶Шудо но святой, кин лулъяськиз нырысетӥ кулэмысь улӟыса султонниын, - соос вылын кыкетӥез кулон уз ни луы. Соос луозы Инмарлэн но Христослэн священникъёссы но Соин царствовать карозы сюрс ар.

⁷Нош куке ортчёз сюрс ар, сатана пертчылэмын луоз аслаз пытсэт улысьтыз. Со потоз пӧяны калыкъёсты музъемлэн котькуд палысьтыз, Гога но Магога, но люканы соосты ожмаськыны. Соослэн лыдзы, мореын луо мында.

⁸Соос потӥзы паськыт интые но котыртӥзы Инмарлы оскисьёслэсь люкаськоннизэс но Инмарлэсь яратоно городэз.

⁹Нош инмысь Инмарлэсь тыл усиз но ньылӥз соосты.

¹⁰Нош соосты пӧясь дьявол куштэмын ӝуась но сералэсь озерое, кытын зверь но лжепророк. Отын соосты курадӟытозы уй но нунал пумтэм быронтэм дауръёс ӵоже.

¹¹Собере мон адӟи бадӟым тӧдьы трон но со вылын Пукисез, Со дорысь бызьыса пегӟизы ин но музъем, нош инты ӧз шедьы соослы.

¹²Мон адӟи кулэмъёсты, Инмарлэн трон азяз сылӥсьёссэ, покчиоссэ но бадӟымъёссэ. Мон адӟи усьтэмын шуыса книгаос. Но усьтэмын вал мукетыз книга – улонлэн книгаез. Кулэмъёс судить каремын вал соослэн ужъёссыя, книгаын гожтэмъя.

¹³Соку море сётӥз кулэмъёсты, кудъёсыз вал отын, кулон но ад но сётӥзы кулэмъёсты, кудъёсыз вал соосын. Но котькудӥз судить каремын вал аслаз ужъёсызъя.

¹⁴Кулон но ад но куштэмын вал жуась озерое. Та кыктэтӥез кулон.

¹⁵Но кин ӧй вал гожтэмын улонлэн книгаяз, со куштэмын вал ӝуась озерое.

Chapter 21

¹Собере мон адӟи выль ин но выль музъем, уго азьлоез ин но азьлоез музъем но море но ӧвӧл ни.

²Мон, Иоанн, адӟи выль святой Иерусалим городэз. Со ваське инмысь Инмар дорысь, дасямын, кызьы кенэз чебер дисяло эмеспилы, сюан азьын.

³Мон кылӥ бадӟым куара инмысь, кудӥз вераз: « Та Инмарлэн скинияез, калыкъёсын ӵошен улонни интыез, но Со улоз соосын татын. Соос луозы Солэн калыкез. Инмар ачиз луоз соосын но луоз соослэн Инмарзы.

⁴Инмар ӵушылоз соослэсь синмысьтызы котькуд синвузэс, но кулон уз ни луы. Уз ни луы куректон но бӧрдон но висён но, уго азьлоез ортчиз ини".

⁵Престол вылын пукись шуиз: «Табере лэсьтӥсько ваньзэ выльзэ». Но вера мыным: «Гожты, уго та кылъёс зэм но шонер».

⁶Со шуиз мыным: «Быдэсмиз! Мон Альфа но Омега, Кутсконэз но Пумыз. Сюэз куасьмись муртлы дунтэк сёто улэп вулэн ошмесысьтыз.

⁷Вормисьлы сётэмын луоз ваньзэ тае. Мон луо солы Инмарен, но со луоз Мыным пие.

⁸Кышкасьёслэн но оскисьтэмъёслэн, адӟемпотонтэмъёслэн но адями виисьёслэн, азыса-калгыса улӥсьёслэн но туно-пелёослэн, идолъёслы йыбырттӥсьёслэн но вань пӧялляськисьёслэн адӟёнзы – тылын но сераен ӝуась озеро. Та кыкэтӥ кулон».

⁹Но лыктӥз мон доры одӥгез сизьым пӧлысь ангел, кудӥзлэн берло наказаниосын тырмытэмын сизьым чашаез. Со шуиз мыным: «Лык, мон тыныд возьмато кышномуртэз, Ыжпилэсь кэнзэ».

¹⁰Со монэ духен нуиз бадӟым но ӝужыт гурезь вылэ но возьматӥз быдӟым, святой Иерусалим городэз, кудӥз инмысь Инмар дорысь ваське.

¹¹Солы сётэмын Инмарлэсь данзэ. Солэн светильникез тупа дунолэсь но дуно излы, кристалловидной яшмалы.

¹²Солэн вал бадӟым но ӝужыт стенаез, дас кык ӟеӟьыез но соос вылын дас кык ангелъёс. Ӟеӟьыос вылын гожтэмын дас кык выжыосысьтыз Израильлэн пиосызлэн нимъёссы.

¹³Шунды ӝужанниысен куинь ӟезьы, уй паласен куинь ӟезьы, лым шор паласен куинь ӟезьы но шунды пуксённиясен куинь ӟезьы.

¹⁴Городлэн стенаезлэн вал дас кык инъетъёс вылын, но соос вылын Ыжпилэн дас кык апостоллъёсызлэн нимъёссы гожтэмын.

¹⁵Монэным вераськисьлэн вал зарни бодыез, соин со мерталляз городэз, солэсь ӟеӟыоссэ но стенаоссэ.

¹⁶Город ньыльсэрего, солэн кузьдалаез но пасьталаез одӥг кадь. Со мертаз городэз бодыен: кузьдалаез, пасьталаез но ӝуждалаез даскык сюрс стадия луэ.

¹⁷Солэсь стеназэ но мертаз: адямилэн мертэтэзъя сю ньыльдон ньыль гырпум , ангеллэн мертэтэз кадь ик.

¹⁸Солэн стенаез яшмалэсь пуктэмын, нош город – пыртӥз адӟиськись стекло кадь, чылкыт зарнилэсь лэсьтэмын.

¹⁹Городлэн стенаезлэн инъетъёсыз котькыӵе дуно изъёсын чебермамын: нырысетӥез инъет - яшмаен, кыкетӥез - сапфирен, куиньметӥез - халцедонэн, ньылетӥез - изумрудэн,

²⁰витетӥез - оникс, куатетӥез - карнеол, сизьыметӥез - хризолитэн, тямысэтӥез - бериллен, укмысэтӥез - топазэн, дасэтӥез - хризопрасэн, дас одӥгетӥез - гиацинтэн, дас кыкетӥез - аметистэн.

²¹Дас кык ӟезьыос – дас кык жемчужинаос: котькуд ӟезьы вал одӥг жемчужиналэсь. Городлэн ульчаосыз - чылкыт, пыртӥз адӟиськись стекло кадь зарнилэсь.

²²Город пушкысь мон храмез ӧй адӟы, уго солэн храмез - Ваньзэбыгатӥсь Кузё-Инмар но Ыжпи.

²³Та городлы кулэ ӧвӧл шунды но толызь но, уго сое югыттэ Инмарлэн данэз, но Ыжпи - солэн светильникез.

²⁴Калыкъёс ветлозы солэн югытаз, музъем вылысь царьёс но отчы асьсэлэсь данзэс но сӥ-данзэс ваёзы.

²⁵Солэн ӟезьыосыз уз пытсаське нуназе, нош уй отын уз луы.

²⁶Солы ваёзы данзэс но сӥ-данзэс калыкъёслэсь.

²⁷Со пушкы номыр но кырсьсе, нокин но, юрӟым но шонертэм лэсьтӥсез, уз пырэлэ, нош соос гинэ пырозы, кинъёс гожтэмын Ыжпилэн улон книгаяз.

Chapter 22

¹Собере ангел возьматӥз мыным улонлэсь шурзэ, кристалл кадь югыт, кудӥз бызе Инмарлэн но Ыжпилэн трон дорысьтыз.

²Солэн ульча шораз, шурлэн со палаз но та палаз но улонлэн писпуэз будэ. Со дас кык пол емышсэ вае, толызьлы быдэ сётэ аслысьтыз емышсэ. Нош куаръёсыз со писпулэн калыкъёсты катьяны.

³Номыр каргамез уз ни луы, нош со пушкын луоз Инмарлэн но Ыжпилэн тронэз, но Солэн рабъёсыз Солы служить карозы.

⁴Соос адӟёзы Солэсь ымнырзэ, но Солэн нимыз луоз соослэн кымысъёсазы.

⁵Отын уз ни луы уй, соослы кулэ уз ни луы светильниклэсь но шундылэсь но югытсэ, уго соосты югыттоз Ачиз Кузё-Инмар. Соос царствовать карозы пумтэм-быронтэм дауръёс.

⁶Ангел шуиз мыным:"Та кылъёс зэм но шонер. Святой пророкъёслэн Кузё-Инмарзы келяз Аслысьтыз ангелзэ возьматыны Аслаз рабъёсызлы, ӝоген луонозэ.

⁷Тани, ӝоген лыкто, но шудо со адями, кин быдэсъя та книгаысь азьласянь верам кылъёсты".

⁸Мон, Иоанн, адӟи но кылӥ тае. Куке кылӥ но адӟи, соку, мыным тае возьматӥсь ангеллэн пыд азяз усьытски, йыбырттыны солы.

⁹Нош со шуиз мыным:" Уть, озьы эн лэсьты! Уго мон, ӵош ужась луисько, тыныд но тынад пророк вынъёсыдлы но та книгаысь кылъёсты быдэсъясьёслы но. Инмарлы Йыбыртты".

¹⁰Со шуиз мыным:" Печать эн пукты та книгалэн азьласянь верам кылъёсыз вылэ.

¹¹Уго дыр матын ини. Шонертэм лэсьтӥсь мед азьланьтоз шонертэм лэсьтонзэ, чылкыттэм мед саптаськоз на. Шонеолыко адями мед азьланьтоз шонер ужъёссэ, святой адями эшшо но освятится мед кариськоз.

¹²Ӝоген лыкто, Мынам дун тыронэ Монэным, котькудӥзлы сёто солэн ужъёсызъя.

¹³Мон Альфа но Омега, Кутсконэз но Пумыз, Нырысетӥез но Берпуметӥез.

¹⁴Шудоесь соос, улон писпулэсь емышсэ сиыны но городэ ӟезыетӥ пырон понна, мисько асьсэлэсь дӥсьёссэс.

¹⁵Нош городлэн педпалаз - пуныос но туно-пеллёос, азыса-калгыса улӥсьёс но адями виисьёс, идолъёслы йыбырттӥсьёс, но ваньмыз кинъёс ярато но лэсьто шонертэм ужъёсты.

¹⁶Мон, Иисус, келяй Мынысьтым ангелме ивортыны тӥледлы черкъёсын. Мон - Давидлэн выжыез но улӥез, югыт ӵукна кизили".

¹⁷Дух но кен шуо:"Лык!" Кылӥсь мурт но мед шуоз:"Лык!" Сюэз куасьмись мед лыктоз, мылкыд карись мед басьтоз улонлэсь вузэ дунтэк.

¹⁸Мон но котькудӥзлы ивортӥсько, кин кылэ та книгалэсь азьласянь верам кылъёссэ:"Кин ке ватсаз ке отчы мае ке, солы Инмар ватсалоз курадӟёнъёс, кудъёсыз сярысь гожтэмын та книгаын.

¹⁹Но кин ке куштӥз ке мае ке та книгалэн азьласянь верам кылъёсысьтыз, солэсь Инмар кулэстоз святой городын будӥсь улонлэн писпуысьтыз люкетсэ".

²⁰Та сярысь ивортӥсь вера:"Бен! Ӝоген лыкто!" Аминь! Лыкты, Кузё-Иисус!

²¹Асьмелэн Иисус Христос Кузёмылэн благодатез асьмеосын ваньмыныз. Аминь

Formatted for Translators

MATTHEW

MARK

LUKE

JOHN

ACTS

ROMANS

1 CORINTHIANS

2 CORINTHIANS

GALATIANS

EPHESIANS

PHILIPPIANS

COLOSSIANS

1 THESSALONIANS

2 THESSALONIANS

1 TIMOTHY

2 TIMOTHY

TITUS

PHILEMON

HEBREWS

JAMES

1 PETER

2 PETER

1 JOHN

2 JOHN

3 JOHN

JUDE

REVELATION