¹Chitabu cha lukolo ywa Yesu Kulisito mwana ywa Daudi mwana ywa Bulahimu. ²Bulahimu nandile tate ywa Isaka na Isaka tate ywa Yakobo na Yakobo tate ywa Yuda na mlukolo ywekwe. ³Yuda nandile tate ywa Pelesi na Sela kwa Tamali Pelesi tate ywa Hezeloni na Hezeloni tate ywa Lamu.⁴Lamu nandile tatae ywa Aminadabu tate ywa Nashoni na Nashoni tate ywa Salimoni. ⁵Salimoni nandile tate ywa Bowazi kwa Lahabu Bowazi tate ywa Obede kwa Lutu na Obedi tate ywa Yese. ⁶Yese nendile tate ywa seuta Daudi Daudi nendile tate ywa Selemani kwa mkaza Uliya.⁷Selemani nednile tate ywa Lebohoamu, Lebohoamu nandile tate ywa Abiya, Abiya tate ywa Asa. ⁸Asa nandile tate ywa Yehoshafati, Yehoshafati tate ywa Yohamu na Yohamu tete ywa Uzia.⁹Uziya nendile tete ywa Yosamu, Yosamu nendile tate ywa Ahazi, Ahazi nendile tate ywa Hezekiya. ¹⁰Hezekiya nendile tate ywa Manase, Manase nendile tete ywa Amoni Amoni nendile tete ywa Yosiya. ¹¹Yosiya nendile tate ywa Yekoniya na wakuluze mwaviya wakaguhigwa kwita Babeli.¹²Naho bada ya kuguhigwa kwita Babeli Yokaniya nendile tate ywa Shetieli, Shetieli nendile tete ywa Zalubabeli. ¹³Zelubabeli nendile tate ywa Abiyudi, Abiyudi nendile tate ywa Eliyakimu, Eliyakimu nendile tate ywa Azoli. ¹⁴Azoli nendile tate ywa Zadoki, Zadoki nendile tate ywa Akimu, na Akimu tate ywa Eliudi.¹⁵Eliudi nendile tate ywa Eliyeza, Elieza tate ywa Matani, Matani tate ywa Yakobo. ¹⁶Yakobo nendile tate ywa Yusufu, mgosiwe Maliyamu, uyo kwa yeye Yesu nakelekwa akwitangwa Kulisito. ¹⁷Vyeleko vyose kulawa Bulahimu kubula Daudi kubula kuguhigwa kwita Babeli vyeleko mlongo na mine na kulawa kuguhigwa kwita Babeli kubula Kuilisito vyeleko mlongo na mine.¹⁸Kwelekwa kwa Yesu Kulisito kwendile kwa namna ino nine Maliyamu nakaguhigwa ni Yusufu, mna kabula hawenati kubwilana niyo awonekana ananda kwa udahi wa Muye Ukukile. ¹⁹Mgosiwe Yusufu nandile mntu mwenye uwagilwa haungile kumjela soni mwa wantu. Nakaunga kuleka uchumba wakwe na yeye kwa chinyele.²⁰Umo nednile akafanyanya imbuli ino mndima ywa kwembingu ywa Zumbe nakamlaila mwe sozi akamgamba Yusufu mwana ywa Daudi usekogoha kumguha Maliyamu saviya mkaziwo, kwaviya inda ananyo ni kwa udahi wa Muye Ukukile. ²¹Nefungule mwana ywa chilume naho naumwitange zina dyakwe Yesu kwaviya nawakombole wantu wakwe na masa yawo.²²Yose yano yalaila kwa kuchintiza chiya chilongigwe ni Zumbe kwa sila ya waoni, agamba, ²³"Kaula chigoli naguhe nda na kweleka mwana ywa chilume na wamwitange zina dyakwe Imanueli mana yakwe, "Chohile hamwenga na suwe."²⁴Yusufu kasetuka kulawa mwe zintongo na kudamanya saviya mndima ywa kwembingu ywa Zumbe ivyo amgambile niyo amguha saviya mkaziwe. ²⁵Hata ivyo, hagonile naye kubula aho efungule mwana ywa chilume niyo amwitanga zina dyakwe Yesu.

¹Bada ya Ywsu kwelekwa mwe Betelehebu ya Uyahudi mwe zuwa dya seuta Helode wantu wasomile kulawa mashaliki ya hale nawabula Yelusalemu wakagamba ²Ekuhi ambaye elekwe seuta ywa Wayahudi? Chiiona ntondo yakwe mashaliki na suwe chiza kumvikila. ³Chipindi seuta Helode eze eve ayo niyo engila chinyulu naho Yelusalemu yose hamwenga naye.⁴Helode niyo awetanga wakulu wa walavyantambiko wose na wadolonyi wa wantu niyo auza Kulisito na elekwe kuhi ?" ⁵Niyo wamgambila mwa Beselehemu ya Wayahudi kwaviya ino niyo idolonywe ni muwoni. ⁶"Weye Betelehemu mwe isi ya Yuda siyo mdodo mgati mwe vilongozi wa Yuda kwaviya kulawa mwako neze chilongozi akunga kuwadima wantu wangu Izulaeli."⁷Ivyo Helode kawetanga wantu wamanyi kwa chinyele na kuwauza ni chipindi chani icho nendile iwonekana. ⁸Nakawasigila Betelehemu inyo wagamba "Hitani kwa wedi mkamlonde mwana elekwe. Aho namumuone niletelani sigilizi chani kugamba miye nami nidahe kwiza na kumvikila."⁹Bda ya kumwetegeleza seuta niyo wajendeleza ne intambo yawo nho ntondo idya nendile waiwona mashaliki naiwalongoila kubula aho ichimale mlanga mwe hantu mwana elekwe aho endile. ¹⁰Viya weze waiwone ntondo niyo welelwa kwa kwelelwa kukulu kujinka.¹¹Wengila mnyumba na kuwona umwana elekwe na Maliyamu mami yakwe wamfikila madi na kumvikila. Wafungula imifuko yawo na kumlaviza majeleko ya zahabu uvumba na manemane. ¹²Chohile nakawafunda mwe sozi wasekuya kwa Helode ivyo wahalawa kuya mwe isi yawo kwa sila ntuhu.¹³Bada ya kuhalawa mndima ywa kwembingu ywa Zumbe kamlaila Yusufu mwe sozi na kumgamba inuka umguhe umwana na mami yakwe naho mnyilikile Misili. Mwikle uko kubula aho naniwagambile kwaviya Helode amlonda umwana chani amkome. ¹⁴Ichilo icho Yusufu niyo enuka na kumguha umwana na mami yakwe na kunyilikila Misili. ¹⁵Nakekala uko kubula aho abanike Helode. Ino naichintiza chiya Zumbe endile alongile kujinkila waoni kulawa Misili simwitanga mwanangu¹⁶Niyo Helode eze abunkule kugamba kadantwa ni wantu wasomi nakehiwa vidala kasigila kukomwa kwa wana wose wa chigosi awo wendile Beselehemu na wose mwe hantu nawendile na mihilimo midi na wehasi hakwe kuligana na viya endile kaheza kuchintiza kabisa kulawa kwa wadya wantu wasomile.¹⁷Naho ichintizwe idya imbuli ilongigwe kwa mlomo wa muoni Yelemiya. ¹⁸Izwi divika Lma ndilo na malombolezo makulu Laheli akawaililla wanawe, naho kalemela kuhembelezwa kwaviya hawahali naho.¹⁹Helode eze abanike kaula ndima wa kwembingu ywa Zumbe b nakamlaila Yusufu mwe sozi uko Misili na kugamba, ²⁰Inuka umguhe umwana na mami yakwe mwite mwe isi ya Izulaeli kwaviya nendile akamlonda ujima wo mwana kabanika. ²¹Yusufu niyo achimala niyo amguha umwana hamwenga na mami yakwe niyo weza mwe isi ya Izulaeli²²Mna eze eve kugamba Alikelayo nendile akalongoza Yuda hantu ha tati yakwe Helode nakogoha kwita uko. Bada ya Chohile kumfunda mwe sozi niyo ahalawa kwita mkowa wa Galilaya. ²³Nakaita kwikala mwe mzi ukwitangwa Nazaleti dino nadichinta chiya nendile chiheza kulongwa kwa sila ya waoni kugamba netengwe Mnazaleti.

¹Mwa zuwa dya Yohana mtakubatiza nakeza akalonga mbuli zedi mwe nyika akalonga. ²Kweileni kwaviya useuta wa kwembingu wihaguhi." ³Kwaviya yuno nuyo alongigwe na muwoni Isaya kulonga "Izwi dya mntu akwitangwa kulawa kwenyika ikeni vyedi sila ya Zumbe yanyoloseni majinkilo yenyu."'⁴Haluse Yohana nakavala mazoya ya ngamiya na msipi wa mkota mwechigudi chakwe, nkande yakwe nayendile ni sije na uchi wa mbago. ⁵Niyo Yelusalemu Yuda yose na ntendele zose zizunguluke mto Yolodani niyo waita kwakwe. ⁶Nawendile wakawambula kubatizwa naye mwo mto Yolodani kuno wakeila masa yawo.⁷Mna eze awone walozize wa Mafalisayo na Masadukayo wakeza kwakwe kuwambula na kuwabatiza niyo awagambila, Nyuwe lweleko lwa nyoka yeye usungu ni yani awafundile kuzenega izinkuto zikwiza? ⁸Elekani matunda ya kunga kweila. ⁹Naho msekufanyanya na kulosana mgati mwenyu chani naye Bulahimu enga tate ywetu kwaivyo nawagambilani Chohile adaha kumwinuila Bulahimu wana naho kulawa mwa mayuwe yano.¹⁰Hoya imalanywa kale mwa maizi yo mti. Kwaivyo chila mti haukweleka matunda yedi wakantwa na kudulwa mo moto. ¹¹Nawabatizani kwa mazi kwachausa cha kweila mna akwiza badala yangu ni mkulu kujinka miye naho miye sikudaha hata kwinula vilatu vyakwe, uyo nawabatize kwa Muye Ukukile na kwa moto. ¹²Naho hetelo dyakwe di mo mkono wakwe kuhagila kabisa hantu hakwe na kuvika hamwenga ingano yakwe mwe digulu mna namyoke mbumba kwa moto ambawo haukudahika kukomwa.¹³Niyo Yesu eza kulawa Galilaya kubula mto Yolodani kubatizwa ni Yohana. ¹⁴Mna Yohana nakaunga kumchinda akagamba, miye naunga kubatizwa ni weye, weye weza kwangu? ¹⁵Yesu kamhitula amgamba Zumila itende vino haluse kwaviya nivyo ikuchunga kuichintiza uwagilwa wose niyo Yohana amzumila.¹⁶Bada yakutenda kabatizwa niyo Yesu afosa mwa mazi naho kaula niyo mbingu zagubuka kwakwe, na kauwona muyw wa Chohile ukasela kwa chilagiso cha kasuwamanga na kwikala mlanga mwakwe. ¹⁷Kaula izwi nadilawa kwembingu dikagamba Yuno nuyo mwanangu humunga nuyo huwagilwa naye.

¹Niyo Yesu alongozwa ni Muye kubula kwa dijangwa chani ajezwe ni mwavu. ²Aho afungile mazuwa milongo mine msi na chilo niyo apata sala. ³Mwavu niyo eza amgamba, hegu weye wi mwana Chohile yagambe amayuwe yano yatende mgate. ⁴Mna Yesu amhitula amgamba idolonywa kugamba mntu hatende mjima kwa mgate uwodu, mna kwa chila ulosi ukunga ulawe mo mlomo wa Chohile.⁵Akaheza mwavu niyo amwigala mwe ikaya ikukile niyo amwinka kulanga vidala mwe dizengo dye idivikilo. ⁶Niyo agamba hegu weye wi mwana ywa Chohile kwedule hasi kwaviya idolonywa kugamba nawgambe wandima wakwembingu weze wakudake naho nawekwinule mwe imikono yawo chani usekukowadika ichiga chako mwe yuwe.⁷Yesu agamba naho idolonywa usekumjeza Zumbe Chohile wako. ⁸Akaheza niyo amguha amwigala hantu halanga kwentambilanga niyo amlagisa useuta wose weisi na ukulu wakwe wose. ⁹niyo agamba nahwinke vintu vyose uneva unanifikila madi na kunivikila.¹⁰Akaheza Yesu amgamba, hita zako uhalawe hano mwavu mwa viya idolonywe yaungigwa kumvikila Chohile naho umsankanile yeye ichedu. ¹¹Niyo umwavu ahalawa, niyo akaula, wandima wa kwembingu weza kumsankanila.¹²Ivyo Yesu eze eve Yohana kagwilwa niyo ahalawa aita Galilaya. ¹³Kahalawa Nazaleti kakwikala Kapenumu imnkanda mwe bahali ya Galilaya mwe mihaka ya Zabuloni na Nafutali.¹⁴Ino ilaila chani kuchintiza chiya chilongigwe ni muoni Isaya. ¹⁵Mwe kaya ya Zabuloni na kaya ya Nafutali kwita kwe bahali mnkanda mwa Yolodani Galilaya nawa si ntuhu! ¹⁶Wantu wekale mwe chiza waona ulangazi mkulu na wadya nendile nawekekala mwa wabanike mlanga mwawo ulangazi nauwamulike.¹⁷Kukongela ichipindi icho, Yesu niyo akonga kulonga kweileni kwaviya useuta wa ko ulanga ubula.¹⁸Aho nendile akajenda mnkanda mwe ibahali ya Galilaya niyo awona walukolo waidi Simoni na aketangwa Petulo, na Anduleya mlukolo ywakwe wakatega nyavu mwe bahali kwaviya nandile walowa samaki. ¹⁹Yesu niyo awagamba Soni mnetegeleze naniwatende wakulowa wantu. ²⁰Aho waleka izinyavu zawo wamtongela.²¹Naho Yesu chipindi akajendeleza kulawa aho, niyo awona walukolo waidi watuhu Yakobo mwana ywa Zebedayo na Yohana kakiye, nandile wa mwe dihondo hamwenga na Zebedayo tati yawo wakasuma nyavu zawo niyo awetanga. ²²Niyo waleka mala iyo, idihondo na tati yawo nawo wamtongela.²³Yesu nakaita hajihi na Galilaya yose, akahinya mwe izinyumbz za mavikilo akalonga mbuli yedi ya useuta, akahonya chila unyonje mwa wantu. ²⁴Zimbuli zakwe zizagala mwe isi yose ya Siliya wantu niyo wawaleta kwakwe wadya wose nandile wakalumwa wakatenda na manyonje yesimile na kusulumila hata wata majini wata vifafa na waholomale, Yesu kawahonya. ²⁵Fyo kulu dya wantu kulawa Galilaya Dekapoli na Yelusalemu na Uyahudi na kulawa ntendele ntuhu yo mto Yolodani.

¹Yesu eze awone idibunga niyo ahalawa aita ko lugulu eze ekale hasi wanampina wakwe niyo wambasa. ²Niyo agubula umlomo wakwe akonga kuwahinya agamba, ³Nawajimbikwe wachiwa wa chimuye kwaviya useuta wa kwembingu ni wawo. ⁴Nawajimbikwe wata mbzai kwaviya nawahembelezwe.⁵Wajimbikwe wahoile kwaviya nawalisi isi. ⁶Wajimbikwe wata nchilu ya uwagila kwaviya naweguswe. ⁷Wajimbikwe wedi kwaviya awo nawapate wedi. ⁸Wajimbikwe wata myuye yedi ilenguke kwaviya nawamuwone Chohile.⁹Wajimbikwe wevanyi kwaviya awo nawetangwe wana wa Chohile. ¹⁰Wajimbikwe wadya wakusulumizwa kwachausa cha uwagila kwaviya useuta wa Chohile ni wawo.¹¹Mjimbikwe nyuwe wantu nawawhulute na kuwasulumiza hegu kulong mbuli zilozize zihiye kuhusu nyuwe za lulimi kwachausa changu. ¹²Mwelelwe na kubweda kwaviya ntunyo yenyu ni nkulu kulanga ko ulanga kwaviya vino nivyo wantu wawasulumize waoni na weyaho kabla ya nyuwe.¹³Nyuwe ni muyu we isi mna hegu munyu waza umwilw wakwe naitende zeze kudamanyika munyu vituhu naho? hata kujeza haikudahika kutenda ntana naho, kwachintu chituhu chochose naho imna wadula kuse na kujantwa ni viga ya wantu. ¹⁴Nyuwe ni ulangazi we isi mzi uzengigwe mlanga mo lugulu haukufisika.¹⁵Naho wantu hawawashize taa niyo waika hasi mwe ntangulu mna waika mwe chiya cha kwikiya taa nayo yawamulika wose we mwe nyumba. ¹⁶Leka ulangazi wenyu ulangaze mwa wantu kwaviya kugamba wawone izimbuli mkudamanya zedi 2wamtunye tatyenyu ekulanga.¹⁷Msekufanyanya siza kubalanga lagizo hegu waoni sizile kubalanga mna kutongeleza. ¹⁸Chindedi nawagambila kugamba, kubula ulanga ne isi zijinke hahana chintu chikunga chuswe mwe dilagizo kubula chila chintu chikunga chitende chichinta.¹⁹Ivyo yoyose akuvuna ntintiso dimwenga na dimgati mwe izo nakuwahinya watuhu kudamanya ivyo netangwe mdodo mo useuta wo ulanga, mna yoyose akuzitoza na kuzihinisha netangwe mkulu mo useuta wa mo ulanga. ²⁰Kwaviya nawagambila kuwagila kwenyu hakunajinkile kuwagila kwa wadolonyi na Mafalisayo kwa vyovyose hamwingile mo useuta wa mo ulanga.²¹Mwiva kugamba nailongwa kale kugamba usekukoma naho yoyose akukoma amwehatali ya kukantilwa. ²²Mna miye nawagambilani yoyose akumwihiwa mlukolo ywakwe natende emwehatali ya kukantilwa naho yoyose akumgamba mlukolo ywakwe kugamba weye ni mntu hukuwagila natende emwehatali ye chitala na yoyose akugamba weye wi mhezi natende emwehatali ya moto wa bome hedine uhelo.²³Ivyo uneva walavya jeleko dyako mwe inchanja yo kulaviza ntambiko, mna wakumbuka kugamba mlukolo anambuli yoyose ikumhusu. ²⁴Dyase idijeleko dyako mwe nchanja ye divikilo akaheza toza isila yako ukevane nkongo na mlukolo, akaheza wize ulavye idijeleko dyako²⁵Ivana na uyo akukulaha ukatenda hamwenga naye mwe isila mkaita kwe ichitala vituhu vyakwe akukulaha adaha kukwasa mwe imikomo yo mkanta, mkanta akwasa mwe imikono ya mnkondo nawe naudulwe kwe dijeleza. ²⁶Chindedi nawgambila haulekelwe kubula kuliha maliho ya kukumeleza ya matunda ukudaiwa.²⁷Mwiva kugamba igambigwa usekugonya. ²⁸Mna nawagambilani yoyose akumsinya mvyele niyo ammeila mate kamgonya kale uyo mo muye wakwe.²⁹Uneva ziso dyako dya kulume, dyakutenda ukowadike din'ole udidule hale na weye, kwaviya ni aheli chitago chimwenga mo umwili wako chibanike kuliko umwili wako wose udulwe mwe dibome hedine uhelo dyo umoto. ³⁰Naho hegu mkono wako wa kulume kwakuhosa kwekobadika kante akajika uudule hale na weye. Kwaviya ni aheli chitago chimwenga cho mwili wako chibanike kukaleka mwili wako wose kudula mwe bome hedine uhelo.³¹Ilongwa naho yoyose akumwasa mkaziwe amwinke mawandiko ya kumwasa. ³²Mna mie nawagambilani yoyose akumwasa mkaziwe mna siyo kwachausa cha chilanga amtenda kutenda mchilanga na yoyose akunga amsole badala ya kwinkigwa italaka adamanya ugonyi.³³Naho namwiva ilongwa mwa wadya wa kale msekwelisa vya lulimi mna mwigale ukwelisa kwenyu kwa Zumbe. ³⁴Mna nawagambilani msekwelisa hata hadodo hegu ko ulanga kwaviya naho ho wikalo wa Chohile. ³⁵Hegu kwe isi kwaviya ni hantu hkwikiya chiti chakwe cha kujatila nyayo zakwe hegu kwa Yelusalemu kwaviya ni mzi wa seuta mkulu.³⁶Naho usekwelisa ko mtwi wako, kwaviya hakukudaha kutenda luvili lwako lumwenga kutenda lung'ala hegu ni lutitu. ³⁷Mna ulosi wenyu utende niivyo, bule kwaviya yakujinka ayo yalawa kwayudya umwavu.³⁸Mwiva ilongwa kugamba ziso kwa ziso naho zino kwa zino. ³⁹Mna miye nawagambila msekuhigana na mwavu mna mntu akukuhuta mwe ifunda ya kulume mhitwile ituhu nayao.⁴⁰Naho yoyose akubesa kwita na weye kwe chitala niyo akuhoka inkazu yako, mwasize ni dikoti nadyo. ⁴¹Naho yoyose akukukinkisa kwita naye maili imwenga hita naye maili mbili. ⁴²Chila akukulombeza mwinke naho usekumkwepa yoyose akunga akukope.⁴³Mwiva ilongwa umunge ehaguhi hako naho umwihiwe mnkondo ywako. ⁴⁴Mna nawagambila waungeni wankondo wenyu, walombezezeni wakuwajela maya, ⁴⁵chani mtende wana wa tati yenyu ekulanga kwaviya nawalangaziza wehiye na wedi naho awaletela fula wavu na wedi.⁴⁶Uneva mwaunga wakuwaungani nyuwe, mwapata ntunyo yani? Kwani wakutoza maliho hawakutenda ivyo? ⁴⁷Naho mkawalamsa walukolo wenyu awodu mwapata mbwani kujinkila watuhu? Hegu we izisi hawakutenda ivyo ivyo? ⁴⁸Ivyo mwaungwa kutenda watogile, saviya Tati yenyu wa kwembingu ivyo atogile.

¹Usinyise kutenda mbuli za kuwagila kulongozi kwa wantu chani kwelagisa, ukaleka ivyo haupate ntunyo kulawa kwa tate e kulanga. ²Ivyo ukalavya usekugoneka na kwetunya mwenye saviya wasongaganyi ivyo wakudamanya mwa mavikilo yawo na umo mkwikala chani kugamba wantu wawatongole chindedi nawagambila wahokela kale ntunyo yawo.³Mna weye ukalavya mkono wako wa kumoso usekumanya chikudamanywa ni mkono wa kulume. ⁴Chani kugamba jeleko dyako dilavigwe chinyele naho tati yako akuwona ichinyele na akwinke intunyo yako.⁵Naho akulombeza usekumtenda saviya msongaganyi, kwaviya waunga kuchimala na kulombeza mwa mavikilo na mwe izikona za mwe ikaya chani kugamba wantu wawasinye, chindedi nawagambila wapata kale intunyo yawo. ⁶Mna weye ukalombeza ingila kwe chumba vugala ulwivi na ulombeze kwa iso wa mwe chinyele naho iso akuwona mwe chinyele naakwinke intunyo yako. ⁷Naho viya ukalombeza usekuwiya uwiya izimbuli hezine mana saviya wantu we isi ivyo wakudamanya, kwaviya wasongaganyi kugamba nawevigwe kwakulonga milosi ilozize.⁸Ivyo usekutenda saviya wowo kwaviya iso kamanya ivyo ukuknga kabla hunati kumlombeza. ⁹Ivyo basi lombezani vino, tati yetu wa koulanga ditunwe idizina dyako. ¹⁰Useuta wako wize ivyo ukunga vitendeke hano he isi enga uko ko ulanga.¹¹Uchinke dyelo umgate wetu wa chila zuwa. ¹²Chilekeile amasa yetu saviya suwe chikuwalekeila amsa wachibalange. ¹³Naho usekuchijela mwe majezo mna uchambule mwa yudya umwavu.¹⁴uneva nauwalekeile wantu masa yawo iso ekulanga naye nawalekeile. ¹⁵Mna uneva hamkuwalekeila amasa yawo hata tati yanyu hawalekeileni amasa yenyu.¹⁶Vikujinka vyose Vikajinka vyose ukatenda kufunga usekusinyala izisula saviya wasongaganyi ivyo wakudamanya, kwaiya wasinyala izisula chani wantu wawamanye wafunga chindedi nawagambilani wapata kale ntunyo yawo. ¹⁷Mna weye ukafunga kwekulugute mavuta umtwi wako na uhake uso wako. ¹⁸Ivyo haikulagisa mwa wantu kugamba wafunga mnadu naitende kwa tati yako wmechinyele na tati yako akuwona ichinyele na akwinke naho akutunye.¹⁹Usekweikiyampamba yako we mwenye hano he isi ikubanika sondo na nkanga vyabalanga nho wabavi wavuna na kubawa. ²⁰Badala yakwe kweikiyeni mpamba yenyu ko ulanga uko sondo hegu nkanga havikudaha kubalanga naho wabavi hawakudaha kuvuna hegu kubawa. ²¹Kwaviya mpamba yako hadya ili naho no umuye wako naho wili nawo.²²Ziso ni ta yo mwili ivyo uneva ziso dyako ni jima mwili wose naumemezwe ulangazi. ²³Mna uneva ziso dyako ni bovu mwili wako nautende na chiza ndundundu kwaivyo uneva ukulangaza kwako ni chiza chindedi ni chiza chikulu chiasi chani? ²⁴Hakuna hata yumwenga akudaha kusankanila mazumbe waidi kwaviya namwihiwe uyumwenga niyo amunga umtuhu hegu siyo ivyo nelavye ko yumwenga niyo ambela umtuhu hamkudaha kusankanila Chohile na ugoli.²⁵Ivyo nakugambila usekutenda na woga kuhusu ujima kugamba nanidyeni hegu naunyweni hegu kuhusu mwili wako nauvaleni ujima haukuzidi nkande na mwili haukuzidi suche? ²⁶kaula madege ya ko ulanga hayakuhanda naho hayakyvuna naho hayakukusanya na kwika kwe digulu mna tati yenyu ekulanga ayegusa ayo, hegu nyuwe hamwiwedi kujinka wadege?²⁷Naho ni yuhi mgati mwenyu kwa kusankana adaha kweongeza dhilaa imwenga mo ujima wo kwikala kwakwe? ²⁸Kwambwani mwatenda waoga kuhusu suche? Fanyanyani kuhusu maluwa ya kwe zinkonde ivyo yakukula hayakudamanya ndima naho hayakudaha kwevala. ²⁹Bado nawagambilani hata Sulemani mo ukuka wakwe wose havikigwe saviya idimwenga dyawo.³⁰Uneva Chohile ayavala mani mwe izinkonde nayo yekala zuwa dimwenga luvi yadulwa mo umoto vino ni kwa chiasi chani na awavike nyuwe mna utondowazi mdodo? ³¹Ivyo msekutenda na woga mkagamba vino nachidyeni hegu nachinyweni hegu nachivale suche zani?³²Kwaviya wantu we isi wazungula mbuli zino tatienyu wa ko ulanga kamanya kugamba mwaunga ayo. ³³Mna nkongo zungulani uzumbe wakwe, na kuwagila kwakwe naho yano yose namwinkeni. ³⁴Ivyo usekogoha kwachausa cha luvi kwaviya luvi nayesankanile yenye, chila zuwa dyatosha kutenda na mbuli zakwe yenye.

¹Usekukanta nawe unase kukantilwa. ²Ikanto idya ukukanta nawe naukantilwe na kwa chihimo ukuhimila weye nawe nicho nauhimilwe.³Naho kwabwani wasinya kabasi ke mwe diziso dya mlukolo ywako, mna hukusinya kabasi ke mwe diziso dyako? ⁴Wadaha zeze kulonga kwa mlukolo ywako, goja husize kabasi mwe idiziso dyako? Mna unambasi mndani mwe diziso dyako? ⁵Weye wimsongaganyi nkongo nalavya akabasi ke mwe diziso dyangu, naho ukunga udahe kuwona vyedi na kuona vyedi na kulavya akabasi ke mndani mwe diziso dya mlukolo ywako.⁶Msekwinka makuli vikukile, naho msekuzivuziza nguluwe vintu vya yombe kulu kulongozi kwawo. Unangalie nawavibalange na kuvijata kwa viga, naho nawakuhitukile weye na kukusawanisa ntili ntili.⁷Lombeza, nawe nawinkwe. Zungula weye nawe naupate. Toa hodi weye nawe nauvuguilwe. ⁸Kwayoyose akulombeza ahokela, naho yoyose akuzungula apata. Naho kwa mntu akutowa hodi naavuguilwe. ⁹Hegu kuna mntu mgati mwenyu ambaye uneva mwanawe amlombeza besu dya mgate namwinke yuwe? ¹⁰Hegu uneva amlomneza samaki yeye naye namwinke nyoka?¹¹Ivyo uneva nyuwe wabanasi mmanya kuwenka wana wenyu majeleko yedi hegu ni chiasi chani chikuzidi Tate ekulanga nawenke vintu vyedi wadya wakulombeza yeye? ¹²Kwe chausa icho ukonga utendelwe chintu chochose ni wantu watuhu weye nawe naikukinkise kutenda ivyo kwa wowo kwaviya idyo nillagizo dya waoni.¹³Ingilani kwakujinkila nchili finyu. Kwaviya nchili mpana na isila mpana ikulongoza ko ubanasi naho kuna wantu walozize wakwingila isila iyo. ¹⁴Ncili ni finyu, nchili finyu na sila shishili ikulongoza mo ujima mna ni wajeche wakudaha kuiona.¹⁵Kwenegeni na waoni wa udanti, wakwiza wavala mikota wa magoto, mna chindedi ni makuli ya kumbago. ¹⁶Namuwamanye mwe zimbuli zawo, hegu wantu wadaha kuvuna matunda mwe miwa, hegu tini mwe mbeyu ya mbaluti? ¹⁷Ivyo chila mti wedi weleka matunda yedi, mna mti wihiye weleka matunda yehiye.¹⁸Mti wedi haukudaha kweleka matunda yehiye, mti wihiye nawo haukudaha kweleka matunda yedi. ¹⁹Chila mti hawikeleka matunda yedi aukantwe niyo wadulwa mo umoto. ²⁰Ivyo basi nauwamanye kwa matunda yawo.²¹Siyo chila mntu akugamba Zumbe, Zumbe, nengile mo uzumbe wa ko ulanga mna ni yudya ichedu akutenda viya akunga Tate wa ko ulanga. ²²Wantu walozize nawanigambe zuwa idyoZumbe Zumbe, hachilavize uwoni kwa zina dyako, hachilavize majini kwa zina dya naho kwe dizina dyako chidamanya ntendwa zilozize nkulu? ²³Nivyo naniwagambile pwilili, siwabunkuleni nyuwe! Halaweni hangu, nyuwe mkudamanya wavu!²⁴Ivyo chila yumwenga akwiva yano hulonga na kuzumila nafanane na mntu mta umanyi azengile nyumba yakwe mlanga mo luwe. ²⁵Fula niyo yanya, mabwandasi niyo yamela luzimu niyo yeza niyo yatowa mwe nyumba iyo, mna haigwele hasi, kwaviya nendile izengwa mlanga mwe luwe.²⁶Mna chila mntu akwiva ulosi wangu naho asekuzumila, naliganywe na mntu mhezi azengile nyumba yakwe mlanga mo msanga. ²⁷Mfula niyo yeza matiniti niyo yamela, niyo luzimu weza na kuitowa inyumba iyo, niyo yagwa na kubanikisa.²⁸Niyo yabula chipindi icho, Yesu akomeleza kulonga izimbuli izo , fyo niyo dyehelwa na mahinyo yakwe. ²⁹Kwaviya nakahinya saviya mntu mta udahi siyo saviya wadolonyi wawo.

¹Chipindi Yesu eze asele kulawa ko lugulu bunga kulu nadimtongela. ²Kaula mntu mta matana keza niyo amfikila madi kulongozi kwakwe, agamba Zumbe uneva kwemalanya kale wadaha kutenda nilenguke. ³Yesu niyo anyolosa umkono wakwe amdonta, amgamba naunga ulenguke, aho aho niyo alenguka amatana yakwe.⁴Yesu amgamba usekulonga na mntu yoyose toza isila yako kwelagise mwenye mwa mlavyantambiko naho ulavye jeleko idyo alangise Musa . Kwachausa cha ukuzi wawo.⁵Umo Yesu eze abule Kapenaumu mkulu ywa wankondo niyo ambasa amuza, ⁶agamba, Zumbe mndima wangu, kagona kukaya kaholomala naho alumiswa. ⁷Yesu amgamba nanize nimhonye.⁸Mkulu ywa wankondo agamba, Zumbe miye sikuwagila hata wize wingile mndani mwe nyumba yangu longa ulosi du mndima ywangu ahone. ⁹Kwaviya miye nami ni mntu mta udahi naho ni wankondo we hasi hangu. Ninalonga kwa yuno, hita naho aita, naho kwa mtuhu soo naye eza, naho kwa mndima ywangu Damanya vino naye adamanya ivyo" ¹⁰Chipindi Yesu eze eve ivyo niyo ehelwa, awagamba wadya nandile wakamtongela Chindedi nawagambila sinati kuwona mntu mta utondowazi enga yuno mwe Izulaeli.¹¹Nawagambilani walozize naweze kulawa mashaliki na magalibi nawekale mwe imeza hamwenga na Ibulahimu, Isaka na Yakobo mo useuta wa ko ulanga. ¹²Mna wana wa useuta hawadulwe mwe chiza cha kuse, uko kuna kuguta na kusaga meno. ¹³Yesu amgamba mkulu hita enga ivyo uzumile navitende ivyo kwako. Mndima naye niyo ahonywa mwe ichipindi icho.¹⁴Chipindi Yesu eze abule kwe inyumba ya Petulo niyo amuwona mkwewe Petulo kagona ana homa. ¹⁵Yesu niyo amdonta umkono wakwe hooma yakwe niyo yamleka niyo enuka niyo akonga kuwasankanila.¹⁶Eze ibule chisingi wantu niyo wamletela Yesu walozize wata majini niyo awabalaza amajini wadya nawakalumwa wahona. ¹⁷Kwaviya yachinta yadya yalongagwa ni Isaya muoni yeye mwenye nakaguha manyonje yetu kenula mapungufu yetu.¹⁸Akaheza Yesu eze awone bunga dimzumbuluka, niyo alagisa kwita ntendele ntuhu mwe bahali ya Galilaya. ¹⁹Niyo mdolonyi eza kwakwe amgamba mhinyi nahutongele kokose na wite. ²⁰Yesu amgamba mauzi ya malundu madege ya ko ulanga yana msasa, mna mwana ywa Adamu hana hakugoneza umtwi wakwe."²¹Mwana mpina mtuhu amgamba, "Zumbe ndakunileka hamhambe tate." ²²Mna Yesu amgamba nitongela waleke wabanike wahambe wabanike wawo."²³Yesu eze engile mwe ingalawa, wanampina wakwe niyo wamtongela ko mtumbwi. ²⁴Kaula niyo kwenuka mawimbi makulu mlanga mwe bahali mtumbwi niyo wagubikwa ni mawimbi, mna Yesu nendile kagona. ²⁵Wanampina niyo weza kwakwe wamwinula wamgamba Zumbe chambule suwe, chonga chibanike!"²⁶Yesu awagamba, "kwambwani mogoha nyuwe utondowazi wenyu ni mdodo"? Niyo enuka niyo aikwahila impeho naho ibahali niyo yatongomala. ²⁷Wagosi niyo wehelwa wagamba yuno mntu e zeze kugamba hata nkung'unto na bahali vya mwiva yeye.?"²⁸Chipindi Yesu ezile ntendele intuhu ye isi ya Wagadala, wagosi waidiwata mpepo wadugana naye. Nandile wakalawa kwe zimbila nandile wakaleta vulugu vidala chiasi kugamba hakuna mtafi akudaha kugwila isila iyo. ²⁹Kaula, niyo waguta wagamba, "china chibwani cha kudamanya kwako, mwana ywa Chohile? Kwiza hano kuchisulumiza kabula ya chipindi chetu kubula?"³⁰Haluse fyo kulu dya nguluwe nadikadimwa, nandile siyo hale sana na aho wendile. ³¹Mpepo zajendeleza kufuzuma kwa Yesu zagamba, "Uneva nauchigambe chifose,chigale mwe idifyo dye izingulewe" ³²Yesu awagamba, "Hitani!" mpepo niyo zafosa niyo zaita zengila mwe zinguluwe. Naho wawona fyo dyose niyo dyafosa kulawa ko lugulu dyaseleza kwe ibahali dyose niyo dyafa mwa amazi.³³Wagosi nendile wakadima izinguluwe niyo wasumka eze waite kukaya niyo walonga mbuli zose, hasa chilaile kwa wadya wagosi nawana amajini. ³⁴Kaula kaya yose niyo yafosa yeza kudugana na Yesu. Eze wamuwone wamgamba ahalawe mwe isi yawo.

¹Yesu niyo engila mwe boti ajinka kubula mo mzi uwo nakekala. ²Niyo wamletela mntu aholomale kagonezwa mwe godolo eze awone uzumizi wawo, Yesu amgamba yudya aholomale, "Mwanangu utende na chinyemi, masa yako yalekelwa"³Kaula wahinyi awamwenga lagizo walonga wenye kwa mwenye, "Yuno mntu asimanga" ⁴Yesu niyo amanya izifanyanyi zawo niyo agamba, kwambwani mwafanyanyanwavu mwe myuye yenyu? ⁵Chihufu ni chihi ni kugamba, 'Masa yako yalekeilwa' Hegu kugamba chimala ujende'? ⁶Mna mmanye kugamba mwana ywa mntu anaudahi wa kweila masa, alonga ayo kwa yudya aholomale, chimala guha idigodolo dyako wite kukaya kwako.⁷Naho uyo mntu niyo achimala ahalawa aita kwe kaya yakwe. ⁸Bunga dya wantu dize diwone ayo, niyo wehelwa niyo wamtongela Chohile uyo awenkile udahi uwo awo awantu. ⁹Yesu naye nandile akajinka kulawa aho, niyo aona mntu etangwe zina dyakwe Matayo naye nakekala hantu ha kutoza maliho, Naye amgamba nitongela miye, niyo achimala amtongela.¹⁰Yesu naye eze ekale chani adye nkande kunyumba niyo weza watoza maliho walozize na wabanasi, niyo wadyanya hamwenga na Yesu na wanampina wakwe. ¹¹Naho Mafalisayo weze waone wawagamba wanampina wakwe kwambwani mhinyi wenyu adya nkande hamwenga na watoza maliho na wabanasi?¹²Yesu eze eve ayo naye agamba, wantu wajimbale hawkutasa mlaguzi. ¹³Vyaungwa mwite mkahinye imanan yakwe, Naunga wedi na siyo malavyo kwaviya nasiza siyo kwa wawagile, mna kwa wenye masa.¹⁴Naho wanampina wa Yohana niyo weza kwakwe wakagamba, kwambwani suwe na Mafalisayo chafunga mna wanampina wako hawakufunga? ¹⁵Yesu awagamba vino, wakusindikiza nyinka wadaha kutenda na mbazi chipindi wana naye umwali? mna mazuwa yeza aho umwali akeza kuhalawa naho nawafunile.¹⁶Haukna mntu akudaha kwika chilaka cha suche hya mwe suche ya kale, chilaka nachitatulwe kulawa mwe isuche isakale naho naijendeleze kutatuka¹⁷Hakuna wantu wakwika mpombe hya mwe chombo cha mpombe ya chikale uneva wantenda nkanda naitatuke mpombe naimlawe inkanda naibanike. chinyume chakwe yaikwa mpombe hya mwe nkanda haya naho vyose navitende vijima.¹⁸Chipindi Yesu akawagambila ayo, kaula mkulu ywa kaya niyo wza amfikila madi kulongozi kwakwe, naye amgamba, chigoli changu chibanika ivino haluse, so wike umkono wako mlanga mwakwe naye auyuke niyo achimala naho. ¹⁹Niyo Yesu achimala niyo amtongela na wanampina wakwe nawo.²⁰Kaula mvyele yumwenga nandile akalawa sakame kwa chipindi cha mihilimo mlongo umwenga na midi niyo eza hajihi na Yesu, niyo abenta mnkanda mwe isuche yakwe. ²¹Kwaviya nakagamba uneva ninabenta isuche yakwe miye nami nanihone. ²²Yesu niyo ahituka amsinya amgamba mndele keinke muye uzumizi wako ukutenda uhone. ichipindi icho mvyele niyo ahona.²³Yesu eze abule kwa mkulu we kaya, niyo awawona wakutowa gunda wantu walozize waguta,. ²⁴Nae awagamba halaweni hano kwaviya chigoli habanike mna kagona mna wowo niyo wamseka na kumbela.²⁵Wadya wantu weze walavye kuse niyo engila kwe chumba niyo amtoza mkono yudya chigoli niyo enuka. ²⁶Mbuli zino niyo zazagala mo mzi mjima²⁷Naho Yesu nandile akajinka kulawa hadya wagosi waidi matuntu niyo wamtongela. Wajenda wakagamba, chalombeza uchifile mbazi mwana ywa Daudi. ²⁸Chipindi Yesu eze abule kwe nyumba ya matuntu niyo wabula, Yesu awagamba, Mwazumila kugamba nadaha kutenda ayo? wamgamba heye Zumbe.²⁹Niyo yesu adonta ameso yawo agamba navitendeke ivyo kwenyu saivyo uzumizi wenyu wili. ³⁰Meso yawo niyo yagubuka niyo Yesu awahikiliza awagamba, msinyiseni mntu yoyose asekumanya imbuli ino. ³¹Mna wano awntu waidi niyo whalawa wakabwelekeza izimbuli izo mo mzi wose.³²Naho wadya awagosi waidi chipindi wakaita zawo, mntu yumwenga bubu emukwe ni majini niyo aletwa kwa Yesu. ³³Amajini eze yamlawe yudya mntu bubu niyo akonga kulonga bunga niyo dyehewa niyo wakonga kugamba Ino hainati ilaile mwe Izulaeli. ³⁴Mna Mafalisayo nandile wakagamba kwa mkulu wa majini abalaza majini.³⁵Yesu niyo aita mwe mizi na mwe vijiji naye niyo ajendeleza kuhinya mwe izinyumba zo kuvikla akalonga mbuli yedi ya useuta, na kuhonya manyonje ya chila aina na maine ya aina zose. ³⁶Eze awone bunga niyo adifila mbazi kwaviya wasulumila niyo wakata tama nawekale saviya ngoto hezina mdimi.³⁷Naye niyo awagamba wanampina wakwe ulozo uloza mna wadamanya ndima ni wajeche. ³⁸Ivyo basi, hampu lombezaniZumbe ywa ulozo chani kugamba asigile wandima mo ulozo wakwe.

¹Yesu kawetanga wanampina wakwe mlongo na waidi hamwenga nakuwenka udahi mwe mpepo wehiye, kuzikwahila, kuwagulusa na kuhonya aina zose za viluma na aina zose za manyonje.²Mazina ya wasigilwa mlongo na waidi, ni yano, dya nkongo Simoni uyo naketangwa Petulo, Aduleya mkuluwe Yakobo, mwana ywa Zebedayo, na Yohana mkuluwe. ³Filipo na Batilimayo, Tomaso na Matayo mguha maliho, Yakobo mwana Alifayo, na Tadeo,. ⁴Simoni mkananayo, na Yuda Isikaliyote ambaye kamhituka.⁵Wano milongo na waidi Yesu niyo awatuma niyo awagambila kugamba, msekwitw hwntu hadya wakwikala walungwana, naho msekwingila mwe mizi ya Wasamaliya. ⁶Badala yakwe mwite kwa ngoto zagile mwe nyumba ya Izulaeli. ⁷Naho mkaita longani kugamba, Useuta wa kulanga usogela.⁸Honyani wanyonje inuleni wabanike, kukizani wata matana, balazeni mpepo mhkela bule, lavyani bule. ⁹Msekuguha zahabu, alimasi hegu shaba mwe zipochi zenyu. ¹⁰Msekuguha mfuko mwe ntambo yenyu, hegu suche za akiba, vilatu hegu nkome kwaviya mdamanya ndima awagile nkande yakwe.¹¹mzi wowose hegu kaya, mkunga mwingile, londani uyo akuwagila mwikale aho kubula mkaunga mhalawe. ¹²Mkengila mwe nyumba lamsani, ¹³uneva inyumba iwagila wedi wenyu, isigale aho mna hegu inyumba haikuwagila wedi wenyu, ihalawe hamwenga na nyuwe.¹⁴Na kwa wadya hawewahokele nyuwe, na kudamanya mbuli zenyu chipindi mkahalawa mwe nyumba hegu mzi uwo, hangusani idivumbi ze izilwayo zenyu ahantu aho. ¹⁵Chindedi nawagambilani navitende vya kuchinta kujinka imizi ya Sodoma na Gomola zuwa dyo kukantilwa kjinka umzi uwo.¹⁶Kaulani nawatuma enga ngoto mgati mwe makuli ambayo kwaiyo tendani wamanyi enga nyoka na wahoile enga kaswa manga. ¹⁷Mkaulise, wantu nawawegalekwe vitala nawawatoeni kwezinyumbz za ntambiko. ¹⁸Naho namletwe kulongozi kwa wakulu na walongozi, kwachausa cha miye, hegu uchindedi kwawo na kwawalungwana.¹⁹Chipindi wakawalahani, msekutenda na nkama jisi yani hegu ni chihi cha kutamwila, kwaviya chintu cha kulonga namwinkigwe kwa chipindi icho. ²⁰Kwaviya siyo nyuwe mkunga mlongwe, mna Muye wa Tati yenyu naulonge mndani mwenyu.²¹Mlukolo namwinukile mlukolo wakwe kumkoma na ise kwa mwanawe, wana nawenuke kuhigana na waweleke na kuwahosa file. ²²Nyuwe namwihiwe ni chila mntu kwachausa cha zina dyangu mna yoyose akunga ajijimize kubula udumo, mntu uyo nambulwe. ²³Chipindi wakawasulumizani mo mzi mna gulukilani mzi ukutongela, kwachipindi nawagambileni hamtende mwita ko mizi yose ya Izulaeli kabula ya Mwana ywa Adamu henati kuya.²⁴Mwanampina siyo mkulu kujinka mhinyi wakwe hegu msentwa mwa Zumbe ywakwe. ²⁵Ichinta kwa wanmpina kugamba, atende saviya mhinyi wakwe, na mndima saviya Zumbe wa nuymba ya Belizebuli ni kwaciasi chani wawahuluta we nyumba yakwe.²⁶Ivyo msekuwogoha wowo, kwaviya hakuna mbuli ambayo haigubulwe na hakuna dyefisize ambadyo hadimanyikane. ²⁷Chiya huwagambilani, mwe chiza chilongeni kung'aile na chiya mkwiva kwa ulaini mwawagutila wenyu chilongeni mkatenda mwi mnyumba.²⁸Msekuwogoha wadya ambawo wakoma umwili, mna hawakudaha kukoma umuye, yudya ambaye adaha kubalanga mwili na muye na kwebome hedina uhelo. ²⁹Togola wasiku waidi hawakutagwa kwa senti ndodo? Hata ivyo hakuna akudaha kugwa hasi bila tati yenyu kumanya. ³⁰Mna hata idadi ye izifili zenyu ziwazwa. ³¹Msekutenda na nkama kwaviya mna somani kujinka kuliko kasuku walozize.³²Ivyo basi chila yumwenga akunga amzumile kulongozi kwa wantu, nami naho nanimzumile kulongozi kwa tati yangu ekulanga kwembingu. ³³Uyo akunga anilemele kulongozi kwa wantu miye naho nanimlemele kulongozi kwa Tati ywangu ekulanga kwembingu.³⁴Msekufanyanya kugamba, siza kuleta wedi mwe isi, sizile kuleta wedi mna lubamba. ³⁵Kwaviya nasiza kumwinka mntu atowane na tati yakwe, nawajendelese na mami yakwe mkwe wakwe. ³⁶Wankondo wa wantu nawatende wadya wa mwe nyumba yakwe.³⁷Yudya akumunga ise hegu nine kujinka miye uyo hakuniwagila, na yudya akumunga mbwanga hegu mndele kujinka miye uyo hakuniwagila. ³⁸Yudya ambaye henule umsalaba wakwe na kunitongela miye hakuniwagila. ³⁹Yudya akulonda wikazi nawaze mna yudya akunga awaze wikazi kwachausa changu miye naupate.⁴⁰

¹Niyo bada ya Yesu kubind kuwagambila wanapina wakwe mlongo na waidi kahalawa hadya kwita kuwahinya na kulonga mwe mizi yawo. ²Naho Yohana akatende emwedigeleza eze eve akatenda kulanga izintendwa za Kulisito katuma sigilizi kujinkila kwa wanapina wakwe, ³niyo wamuza weye ni yudya akwiza hegu kuna mtuhu chaungigwa chimgoje?⁴Yesu kawalandula ukolonga kwawo hitani kamgambile Yohana yadya mkuyawona na ydya mkwiva. ⁵Wantu hewekuwona waona waholomale wajenda watamatana wasuntwa wantu hewekwiva weva, naho wantu wabanike wauyuswa kupata ujima naho na wantu wakunga wagambila mbuli yedi. ⁶Naho ajimbikwe yudya hekuwona nkama mwangu.⁷Chipindi wantu wano weze wahalawe Yesu kakonga kulonga na bunga kumlanga Yohana, Ni mbwani mwita kuwona kwe dijangwa tete dikusingiswa ni mpeho? ⁸Mna bwani na mwita mwakuwona mntu avikile suche ntana?Chindedi wadya wakuvika suche ntana wekala mwe nyumba za Maseuta.⁹Mna namwita mwakuwona bwani? muoni? Ivyo nawagambila, kujinka muoni. ¹⁰Yano nayo adolonyezwe kaula namsigila mndima ywangu kulobgozi ko uso wako uyo namalanye sila yako kuolongozi kwako.¹¹Miye nawagambila chindedi mgati mwa welekwe ni wavyele hakuna nandile mkulu kujinka Yohana mwambula mna nandile mdodo mo ukulu wo kulanga ni mkulu kujika uyo. ¹²Kungongela amazuwa ya Yohana mwambizi kubula haluse ukulu wa kulanga una nguvu na wantu wenye nguvu wauguha kwa nguvu.¹³Kwaviya waoni na lagizo, nandile wana uwoni kubula kwa Yohana. ¹⁴Hegu mwemalanya kale kuzumila yano Eliya yudya akwiza. ¹⁵mwenye magutwi ya kwiva na eve.¹⁶Nichiliganye na mbwani cheleko chino?Ni mligano wa wana wakuseziga hantu ha gwilo, waakwikala na kwitangana, ¹⁷nakugamba, Nachiwatoila zomali mna hamvinile, chilomboleza naho hamwilile.¹⁸Kwa viya Yohana nakeza ukaleka kudya mgate hegu kunywa mpombe , niyo awagamba ana majini. ¹⁹Mwna ywa Adamu nakeza kudya na kunywa naho niyo wagamba Kaulani ni mntu mta kudya na kunywa, mbuya ywa watoza maliho na wata masa mna umanyi wawoneka kwa ntendwa zakwe.²⁰Yesu kakonga kuikwahila imizi ambamo umo izintendwa zakwe za maula zidamanyika, kwaviya nahewenati kweila. ²¹Nauluwone Kolazini, nauluwone Besaida! hegu ntendwa nkulu zadamanyike Tilo na Sidoni yadya yadamanyike hano nawendile weila kale kwa kuvala majuniya nakwekuluguta maivu. ²²Mna navitende ujijimizi kwa Tilo na Sidoni zuwa dyo kukantilwa kujinka kwako.²³Weyw Kepanaumu wamanya kugamba nawinulwe kubula ko ulanga? Bule nauselezwe kubula hasi kwe bome hedine uhelo. saviya kwa Sodoma hegu kudamanyike ntendwa nkulu, saviya yadamanyike kwako, nawiyaho kubula dyelo. ²⁴Ivyo nagamba kwako kugamba naitende lahisi kwa si ya Sodoma kuchimala zauwa dya kukantilwa kuleka weye.²⁵Mwe ichipindi icho Yesu nakalonga Nakutogola weye Tate, Zumbe ywa ko ulanga na we isi kwaviya nakuwafisa mbuli zino wata umanyi na fanyanyi, naho kuyagubula kwa hewena umanyi saviya wana wadodo. ²⁶Tate kwa viya nasikwelela mwa meso yako. ²⁷Yano yose yaikigwa kwangu kulawa kwa Tate hakuna amanyize ukaleka tate naho hahana ammanyize Tate ukaleka mwana na yoyose ambaye mwana ana nkwina kugubuila.²⁸Soni mwangu nyuwe wose mkusumbuka na kuzamilwa nia mizigo izamile miy nami nani wahemeze. ²⁹Kwejeleni nila yangu naho mhine kulaila kwangu, kwa viya miye ni mnyanyahala naho ahoile na muye naho nampate kuhema kwe muye yenyu. ³⁰Kwaviya kunga kangu ni kwedi naho mzigo wagu uhuha.

¹Chipindi icho Yesu kaita siku ya sabato kujinkila mwezinkonde wanampinawakwe nandile wanasala niyo wakonga kuvuna masuke na kuyadya. ²Mna mafalisayo weze waone ayo wamgamba Yesu kaula wanampina wako wabalanga lagizo wadamanya siku hayeluhusiwe siku ya sabato.³Mna Yesu niyo awagamba hamnati kusoma Daudi ayo atendile chipindi nendile anasala hamwenga na wantu nandile ananao? ⁴kama ivyo engile mndani mwedivikilo dya chohile niyo adya imikate ya usinyizo ambayo nandile siyo vyedi kwakwe kuidya nandile ananayo mna ni halali kwa walavya ntambiko.⁵bado hamsomile mwe lagiso kugamba mwe siku ya sabato walavya ntambiko mndani mwe idivikilo waibalanga sabato mna hawana hatiya. ⁶Mna nagamba kwenyu vino yudya mkulu kuliko vikilo ehano.⁷Hegu mwamanyize dino dya maisha mbwani naunga wedi na sio zahabu nandile hamuwahukumu hawena hatiya. ⁸Kwaviya mwana wa adamu nuyo zumbe wa sabato.⁹Niyo Yesu ahalawa hadya kaita mwe nyumba ndodo ya vikilo dyawo. ¹⁰Kaula nandile kuna mntu aholomale umkono mafalisayo wamuza Yesu wagamba je? ni vyedi kuhonya siku ya sabato? ili wadahe kumshitaki kwa kutenda vihiye.¹¹Yesu awagamba ni yani mgati mwenu ambaye uneva ana goto dimwenga na yuno goto kagwela mndani mwe bome siku ya sabato hamtoze na kumlavya kwa nguvu mndani mwedibome? ¹²Je? ni kihi chenye samani zaidi kwani si zaidi ya goto kwani ni halali kutenda yedi siku ya sabato.¹³Niyo Yesu amgamba yudya mntu chulusa umkono wako niyo auchulus wapata ujima enga udya umtuhu. ¹⁴Mna mafalisayo niyo wafosa kuse wapanga jinsi ya kumnyinginya waita kuse kupanga kihitu chakwe nandile wakalonda jinsi ya kumkoma.¹⁵Yesu eze awagunduwe idyo niyo ahalawa aho wantu wengi wamtongela na kuwahonya wose. ¹⁶Niyo awaagiza wanase kumtenda amanyike kwa watuhu. ¹⁷Kugamba kitimiye ikindedi nandile chilogwa ni muoni isaya akagamba.¹⁸Kaula mndima wangu nimsagule mmbuya wangu mna yuno luhenyo wangu lupendezwa nanike muye wangu mwakwe naho na alonge nkanto ya mataifa.¹⁹Hahangaike naho kulume kwangu kwa nguvu na mwayeyose kwiva sauti yakwe mwamatalamkilo. ²⁰Havune tete dikunulwe hakome utambi wowose ukulawa mosi mpaka aho akunga alete ukantilwa ikadaha. ²¹Na walungwana nawatende na ushujaa mwe dizina dyakwe.²²Mntu yumwenga hekuona naho analufumbila kimumu kalonga na kusinya. ²³Maduganno wose niyo wanyanyahala naho wagamba vyadahika mntu yuno kwamba ni mwana wa Daudi?²⁴Mna Yesu chipindi mafalisayo eze wevye mpituko ino wagamba yuno mntu hakulavya majini kwa nguvu zakwe mwenye isipokuwa kwa belizebuli mkulu wa mapepo. ²⁵Mna Yesu kamanya izifanyanyi zao naho awagamba kila ukulu wepangila wenye wabanika naho kila mzi au nyumba ikwepanga yenye haikuchimala.²⁶Uneva shetani na muse shetani egoma mwenye mo luhenyo wakwe mwenye . ²⁷Ni kwanamnani ukulu wakwe na uchimale? naho hegu nalavya mpepo kwa nguvu za belizebuli watongela wenyu wawalavya kwa sila yani? kwa ajili ya dino nawatende walamuzi wenyu.²⁸Naho hegu mpepo kwa nguvu za muye wa chohile basi ukulu wa chohile wizakwenyu. ²⁹Vino mntu adaha zeze kwingila mndani mwe nyumba mwenye nyumba niyo abawa bila kumtaliza mwenye nguvu kwanza? nivyo abawe mali yakwe kulawa mndani mwe nyumba. ³⁰Yoyose hena hamwenga na miye ekinyume changu naye hekukusanya hamwenga na miye uyo ni mtawanyi.³¹Kwaivyo nagamba kwenyu chila wihi ufyosi wantu nawalekeilwe mna ufyosi wa muye ukukile hawalekeilwe. ³²Yoyose akulonga chinyume na mwana ywa Adamu uyo halekeilwe mna yoyose akulonga chinyume na Muye Ukukile uyo halekeilwe, mwe isi ino naho udya ukwiza.³³Utende mti utendile mtana na tunda dyakwe hegu ubalangwe mti wa tunda dyakwe kwaviya mti umanyika kwa tunda dyakwe. ³⁴Nyuwe welekwa wa nyoka nyuwe ni wahi mwadaha kulonga mbuli ntana? kwaviya mwe milomo mwalawa mwe akiba ya eyumo mwe myuye. ³⁵Mntu ywedi mwe akiba yedi ya mo muye wakwe mwalawa yedi na mntu ehiye mwe akiba ya muye wakwe alavya chiya chihiye.³⁶Nawagambilani vino mwe dizuwa dya kukantilwa wantu nawalavye uwazwa wa chila ulosi hewina mana walongile. ³⁷Kwaviya kwa ulosi wako nauwazizwe uwagila, ulosi siyo mtana ulongile naukantilwe.³⁸Mna wantu wadolonyi na Mafalisayo wamhitula Yesu wamgamba mhinyi nachikaunga kuona chilagiso kulawa kwako. ³⁹Mna Yesu kawalandula na kugamba cheleko chihiye cha ubanasi chalonda chilagiso mna hakuna chilagiso chikungwa chilavigwe kwenyu ukaleka kutenda chiya chilagiso cha Yona muoni. ⁴⁰Saviya muoni Yona nandile mndani mwe samaki mkulu kwa mazuwa matatu msi na chilo ivyo nivyo mwana ywa Adamu akunga mndani mwe muye we isi kwa mazuwa matatu msi na chilo.⁴¹Wantu wa Ninawi wachimala kulongozi ko kukantilwa hamwenga na welekwa wa wantu wano nawakantilwe kwaviya nawaleka kwa ulosi wa Yona naho kaula mntu yumwenga b kuliko Yona ehano.⁴²Malikiya wa kusini nenuke mwe ukantilwa hamwenga na wantu wo welekwa uno kuchikantila keza kulawa uhelo we isi kwiza kwiva hekima ya Sulemani naho kaula mntu yumwenga mkulu kuliko Sulemani ehano.⁴³Mna mpeho nchafu akamlawa mntu ajinkila hantu hahena mazi alonda kuhumula mna hakuhaona. ⁴⁴Nivyo agamba nauya kwe nyumba yangu nilaile, akauya abwila i yumba ihagilwa naho yajika. ⁴⁵Nivyo aita kuwaguha watuhu myuye mfungate wehiye vitendese kujinka yeye weza kwikala wose hadya ne ihali yakwe ya uhelo yatenda iha kujinka ye nkongo, ivyo nivyo vikunga vitende mo lwelekwa luno lwihiye.⁴⁶Chipindi Yesu nandile akalonga bunga kaula mami yakwe na walukolo wakwe wachimala kuse walonda kusimwila naye ⁴⁷Mntu yumwenga amgambila kaula nyokwe na walukolo wako wachimala kuse walonda kusimwila na weye.⁴⁸Mna Yesu alandula kumgamba yudya amgambile mami yangu ni yuhi na walukolo wangu ni wakina yuhi. ⁴⁹Mna niyo achulusa umkono wakwe kwa wanampina wakwe na kugamba, kaula wano ni mami zangu na walukolo wangu. ⁵⁰Kwaviya yoyose akudamanya umbuya na tate ywangu ekudya kulanga mntu uyo nuyo mlukoloywangu lumbu dyangu naho mami yangu.

¹Mwezua idyo Yesu kamlawa mwenyumba kakwikala mnkanda mwe bahali. ²Isi inkulu ukusanyana na kumzunguluka kengila mndan mwe hondo niyo ekala mndan mwakwe isi yose yachimala mnkanda mwe bahali.³Niyo Yesu alonga mbuli zilozize kwa mligano agamba kaula mhandi kaita kwekuhanda. ⁴Chipindi akahanda baazi ya mbeyu zigwela mnkanda mwesila niyo wadege weza kuzidondola. ⁵Izimbeyu izintuhu zigwela mlanga mweluwe izo hazipatile ulongo mwinji mna niyo zahota mna kwaviya ulongo hauna utali. ⁶Mna zuwa ezedyake niyo zahya kwaviya hazina maizi niyo zanyala.⁷Mbeyu izintuhu zigwela mgati mwemiwa.Miti yemiwa niyo yatenda mitali niyo ifinyika. ⁸izimbeyu izimwenga zigwela mweulongo mtana na kweleka mbeyu ntuhu mala mia imwenga zaidi zimwenga milongo sita na izimwenga milongo mitatu. ⁹Mwenye magutwi na eve.¹⁰Wanampina naweze kumgambila Yesu kwamba na walonga na maduganyo kwa mfano? ¹¹Yesu awajibu awagamba mwinkigwa upendeleo wakumanya fiso za ukulu wa kulanga mna wowo hawanati kwinkwa . ¹²Mna yoyose ananacho kwakwe yeye na aongezwe zaidi naho napate faida nkulu mna henanacho hata kiya ananacho na hokwe .¹³Ivyo nalonga nao kwa mifano kwasababu ingawa wasinya wasekusinya ikindedi. Naho ingawa weva wasekwiva wala kumanya ¹⁴Uoni wa Isaya uchinta kwao udya ukugamba mkeva msekwiva mna kwa namna yoyose hamuelewi wakati mkasinya mna kwa namna yoyose idya msekumanya .¹⁵Na imihenyo ya wantu wano itenda chiza ni midala kwiva naho wagubika ameso yao ili wasekudaha kusinya kwa meso yawo au kwiva kwamagutwi yawo au kumanya kwa mihenyo yawo ivyo wanihitukile naho na siwahonya¹⁶Mna ameso yangu yajimbikwa kwaviya yawona na magutwi yenyu kwaviya yeva ¹⁷Kindedi nawagambila waoni wengi na wantu wenye chindedi nandile nawanankwina ya kuyawona mabuli yadya mkuyaona mna hawadahile kuyawona watamani kwiva mabuli yadya mkuyeva hawayevile.¹⁸Haluse tegelezani mfano wa mhandi ¹⁹Mna yoyose akwiva mbuli ya ukulu nahakumanya nivyo ehiye kwiza nakupakula chihezize kuhandwa mndani moluhenyo lwakwe ino ni mbeyu idya mnkanda mwe sila²⁰Yudyaahandigwe moluwe ni yudya akwiva mbuli na kuhokela halaka kwa kwelewa. ²¹Mna hana maizi mndani mwakwe mna avumiliya kwa chipindi chijihi mna nkunto na masulumizo yakalaila kwa sababu ya mbuli akobadika gafula.²²Ahandigwe hagati hemiti ye miwa yuno ni yudya akwiva mbuli na mna masumbuko ya ulimwingu na udantilizi wa chipato yafinyika idye imbuli inase kweleka matunda. ²³Ahandigwe mwe ulongo mtana yuno ni yudya akwiva imbuli na kumanya yuno ni yudya akweleka matunda na kwendelea kweleka dimwenga zaidi mala milongo kumi zintuhu milongo sita zintuhu milongo mitatu.²⁵²⁴Yesu kawenka mfano mtuhu agamba ukulu wa kulanga ufananishwa na mntu ahandile mbeyu zedi mwenkonde yakwe. Wakati wantu wakasinka mwihi wakwe keza kuhanda magugu mdya mwe ngano yakwe niyo ahalawa. ²⁶Baadaye ingano ihota na kukonga kweleka niyo magugu yalaila ivyo.²⁷Awandima wa mwenye nkonde weza kumgambila Zumbe huhandile mbeyu ntana mwenkonde yako? vitenda vihi mna magugu? ²⁸Awagamba mwihi mwihi kadamanya dino wandima wamgamba kwa iyo waunga chite chikayang'ole?²⁹Mwente nkonde awagamba bule wakati wo kuvuna haunati mnang'ola amagugu namng'ole hamwenga ne ngano. ³⁰Yalekeni yakule hamwenga mpaka umuda wo kuvuna nanilonge na wavuni kwanza ng'olani amagugu naho yatalizeni mabundu mabundu niyo mwayoka mna kusanyani izingano mwe digulu dyangu.³¹Niyo Yesu awalaviza mfano mtuhu agamba ukulu wa kulanga uligana na mbeyu haladali kwaiyo mntu kaiguha kakwihanda mwe nkonde yakwe. ³²Imbeyu ino kwa chindedi ni ndodo kuliko mbeyu ntuhu zose mna ikasitawi yatenda nkulu kuliko miti yose imwe busitani yatenda mti ukajika naho wadege wa kulanga weza kuzenga masasa mwa matambi yakwe.³³Niyo awagambila mfano mtuhu naho ukulu wa kulanga ni kama hamila idya iguhigwe ni mvyele na kuihanganya mwe vipimo vitatu vya unga mpaka vyumuke.³⁴Yano yose Yesu kayalonga mwe idibunga kwa mifano na hahena mifano halongile dyodyose kwawo. ³⁵Ino itenda kugamba chiya chihezize kulongwa kujingkila kwa muoni kidahe kuchinta hadya alongile nanigubule mnomo wangu kwa mfano nanilonge mbuli ziya zandile zifishwa tangu msingi wo ulimwingu.³⁶Niyo Yesu awasa idibunga niyo aita kunyumba wanampina wakwe wambasa niyo wagamba kitafasiliye umfano wa amagugu ya kwenkonde. ³⁷Yesu awajibu awagamba akuhanda mbeyu zedi ni mwana wa adamu. ³⁸Nkonde ni ulimwingu na mbeyu ntana wano ni wadya wana wa ukulu magugu ni wana wa yudya umwihi na umwihi azihandile ni shetani. ³⁹Na akuvuna ni mwisho wo ulimwigu na wakunga wavune ni wandima.⁴⁰Saviya magugu ya kukusanywa na kokwa moto ivyo nivyo vikunga vitende mwisho wo ulimwingu. ⁴¹Mwana wa Adamu na qatume wandima wakwe na kukusanya kulawa mwokulu wakwe mbuli zose zisababishe uhovyo na wana wakudamanya ubanasi. ⁴²Nawadulwe wose mwe tanuli dya moto umo namtende na ndilo na kugegeda meno. ⁴³Nivyo wantu wenye ukindedi nawang'ale enga zuwa mwo ukulu wa tati yao yudya mwenye magutwi naeve.⁴⁵⁴⁴Ukulu wa kulanga enga hazina ifisigwe kwenkonde mntu niyo aiona na kuifisa kwa kwelelwa kwake kaita kukataga vyose nendile navyo niyo agula nkonde. Naho ukulu wa kulanga enga mntu akudamanya biashala akulonda lulu yenye samani. ⁴⁶Mna eze aione idya yenya samani kaita kakutaga chila chintu nandile ananacho niyo aigula.⁴⁷Ukulu wa kulanga enga lwavu lwimndani mwe bahali naho lwakusanya viyumbe vya kila aina. ⁴⁸Eze umeme wadya walowa wakuvuta kuse niyo wekala hasi wakusanya vintu vyedi mndani mwe vyombommna hevina samaki wavidula hale.⁴⁹Navitende namna ino mwisho weduniya wandima na weze kuwasenta wantu wabanasi kulawa mwa wenye kindedi. ⁵⁰Nakuwadula mndani mwe ditanuli dya umoto uko na kutenda kuna kulalama na kugegeda meno.⁵¹Mmanya izimbuli zose zino wanampina wamjibu heiye. ⁵²Nivyo Yesu awagamba kila mdolonyi ambaye katenda mwanampina wa ukulu kafanana na mwenye nyumba akulavya mwe hazina yakwe vintu vihya na vya kale. ⁵³Niyo Yesu eze abindilizwe imifano yose iyo kahalawa mwer sehemu iyo.⁵⁴Niyo yesu kabula mwe mzi wakwe na akawahinya wantu mwe vikilo ulailo wakwe wehelwa na kugamba nikuhi mntu tuno kapata hekima ino na miujiza ino. ⁵⁵Mntu yuno siyo mwana wa selemala? maliyamu siyo mami yakwe? na walukolo wakwe siyo yakobo yusufu simoni na yuda? ⁵⁶Nawambuze chinanawo ahano hetu? basi mntu yuno kayapata kuhi yano yose?⁵⁷Kawehiza mna Yesu awagamba muoni hakuswesa kutenda na heshima isipokuwa kwawo na mwesi yawo. ⁵⁸Hadahile kudamanya mpituko nyingi kwa kwa viya hawatendile na imani naye.

¹Mwechipindi icho Helode nakeva mbuli kumlanga Yesu. ²Awagambila wandima wakwe yuno ni Yohana mwambula kenuka kulawa kwa wabanike ivyo udahi uno wimwakwe.³Kwaviya Helode nakamgwila Yohana kamtaliza nakumdula mwedigeleza kwachausa cha Helodiya mkaza filipo mkuluwe ⁴Kwa viya Yohana kamgamba siyo vyedi kumguha yudya kutenda mkaziwo. ⁵Helode nakaunga amkome mna kawogoha wantu kwaviya wamuona Yohana ni muoni.⁶Mna chipindi che dizuwa dyo kwelekwa Helode eze ibule mndele ywa Helodiya kavina mgati mwa wantu na kumbwedeza Helode. ⁷Mo kulandula dino kelisa kwa chiwapo kugamba namwinke chochose akunga alombeze.⁸Bada ya kulongwa ni nine kugamba ninka miye hano mwenkombe umtwi wa Yohana mwambula. ⁹Umkulu nandile ana masikitiko kwe dilaho dyo mndele wakwe mna kwa chausa che kiwapo chakwe kwaviya wose wendile hankanda hamwenga kalagisa kugamba yongigwa idamanyike¹⁰Niyo atuma Yohana aletwe kulawa mwedigeleza. ¹¹Chani akantwe umtwi wakwe niyo waletwa mwe siniya niyo enkigwa yudya mndele niyo akigala kwa mami yakwe. ¹²Niyo wanampina weza kuuguha udya umwili na kuuzika baada ya dino waita wakumgambila yesu¹³Niyo Yesu eze eve yano niyo etenga kulawa ahantu hadya kakwela mndani mwe dihondo kaita hantu inkigwe chipindi isi iyaho wezewamanye ukonendile wamtongela kwa viga kulawa komzi. ¹⁴Niyo Yesu eza kulongozi kwowo kaona isi nkulu kawaonela mbazi niyo awahonya manyonje yawo.¹⁵Jioni eze ibule wanampina weza kwakwe niyo wamgamba hano ni hantu ha jangwa na zuwa tayali dijinka na wa utawanyishe umdugano chani wite mwe kaya wakagule nkande kwa ajili yawo.¹⁶Mna Yesu awagamba hawana haja ya kwita kwawo wenkeni nyuwe nkande. ¹⁷Wamgamba hano china nayo migate mishano na samaki waidi du. ¹⁸Yesu awagamba ileteni kwangu.¹⁹Niyo adigambila idibunga dikale hasi ha mani kaiguha imikate imishano na wasamaki awaidi niyo asinya kulanga avijimbika na kuubesula umkate awenka wanampina wakwe wanampina wawenka idibunga. ²⁰Wadya wose niyo weguta niyo wadondola vipande vyose vye nkande na kumemeza ntangulu mlongo na midi. ²¹Wadya wakadiliwa wana chilume elufu shano ukaleka kuhesabu wavyele na wana.²²Niyo awagamba wanampina wengile mwe dihondo chipindi icho akawalaga idibunga waite kwawo. ²³Bada ya kuwalaga idibunga kwita kwawo kakwela kulaga ko lugulu kulombeza yemwenye ichedu dize dihunge neyuko ichedu. ²⁴Mnalo chipindi idihondo dimgati mwe bahali ikayubwaniswa na mawimbi kwa viya nkung'unto naitendesa.²⁵Chilo cha nkanana ya kane Yesu kawasogeila akajenda mlanga mwa mazi. ²⁶Mna wanampina wakwe weze wamwone akajenda mlanga mwe bahali waona woga ni wagamba ni shetani waguta mwe bahali kwa woga. ²⁷Yesu kawagambila lumwenga du kwengeni moyo ni miye msekogoha.²⁸Petulo amhitula na kugamba Zumbe ni hegu ni weye nigamba nize kwako mlanga mwa mazi. ²⁹Yesu amgamba soo niyo Petulo afosa mdani mwe dihondo niyo ajenda mlinga mwa mazi kwita kwa Yesu. ³⁰Mna petulo eze asinye amawimbikogoha niyo akonga kudidimila hasi ketanga kwa sauti na kugamba zumbe nihonya³¹Upesi yesu achulusa mkono wakwe kamwinula petulo na kumgamba weye mwenye una utondowazi mjeche kwambwani na unankama? ³²Niyo Yesu na petulo wengila mdya mwe dihondo idya inkung'unto niyo yaleka. ³³Wanampina mwe dihondo wamtunya Yesu na kugamba kindedi weye ni mwana wa chohile³⁴Naho weze wabinde kudeluka niyo wabula isi ya genezereti. ³⁵Na wantu wa hantu hadya weze wammanye Yesu niyo wasigila ulosi kila hantu hankanda na kuleta chila mnyonje. ³⁶wamunga wadahe kudokola idipindo dye nguwo yakwe na wengi wadokole wahonywa.

¹Niyo Mafalisayo wadolonyi weza kwa Yesu kulawa na kugamba, ²Kwabwani wanampina wako wayabalanga mahokelo ya wadalahala kwaviya hawakuhaka mazi chipindi cho kudya nkande ³Yesu awalandula awagamba nyuwe kwambwani mwabalanga lagizo dya Zumbe kwachausa cha mahokelo yenyu?⁴Kwaviya Chohile kagamba ktunye tatiyako na mami yako na kulonga akulonga vihiye kwa tati yako na mami yako chindedi nafe. ⁵Mna nyuwe mwagamba chila akuwagambila ambaye akupata kulawa kwa miye haluse ni ntunyo kulawa kwa Chohile. ⁶Mntu uyo hana haja ya kumtunya tate yakwe kwenamna ino mwipagula mbuli ya Chohile kwachausa cha mahokelo yenyu.⁷Nyuwe wafitini ni vyedi saviya Isaya ivyo aone mwe ivyo alongile.

¹Mafalisayo na Masadukayo wamwizila na kujeza Yesu awalagisa lagiso dikulawa ko ulanga . ²mna Yesu awahitula na kuwagambila kugamba, uneva ni chisingi mwalonga kugamba hali ya hewa ni ntana kwaviya ulanga wi nkundu.³Nomtondo mwalonga hali ya mpeho dyelo siyo yedi kwaviya ulanga winkundu na mawingu yagubika ulanga wose. Mmanya kutamba kuwona ko ulanga mna hamkudha kutamba lagiso dya chipindi. ⁴Cheleko cha wavu na cha kugonya chatimila mpituko mna hakuna lagiso dyodyose nachinkigwe ukaleka idya ya Yona. Ukajinka Yesu niyo awasa na kwita zakwe.⁵Wanampina weza ntendele ya kaidi mna nendile wajala kuguha migate. ⁶Yesu mo kuwagambila mwikale mkasinya mtende na magutwi na ugwadu wa Mafalisayo na Masadukayo. ⁷Wanampina wamuza awamwenga wawo na kulonga ni kwachausa chani hachiguhile migate. ⁸Yesu niyo abunkula idyo na wakalonga nyuwe wenye utondowazi mdodo kwambwani mfanyanya kulosana nyuwe kwa nuwe na kugamba kwachausa chani hamguhile imigate?⁹Togolani hamnati kubunkula hegu kukumbuka idya imigate mishano kwa wantu elufu shano na ntangulu nyingahi izo mchisanywe? ¹⁰Hegu migate mfungate kwa wantu ellufu nne, naho ni ntangulu nyingahi mguhile?¹¹Itazeze kutenda hta hambunkule ya kudamanya nandile sikulonga na nyuwe kuhusu migate ? kwedimeni na kwemalanya na ugwadu wa Mafalisayo na Masadukayo. ¹²Ukajika niyo wabunkula kugamba nandeile hakuwagambila mwe kwedima na migate igwaduke, mna kwedima na mahinyo ya Mafalisayo na Masadukayo.¹³Chipindi Yesu abwile hantu ha Kaisaliya na Filipi niyo awauza wanampina wakwe akalonga, Wantu walonga kugamba mwana ywa mntu ni yuhi? ¹⁴Walonga watuhu wagamba kugamba ni Yohana mta kubatiza, watuhu Eliya naho watuhu Yelemiya hegu yumwenga ywa waoni. ¹⁵Niyo awagambila nyuwe mwalonga miye ni yuhi? ¹⁶Walandula , Simoni Petulo, alonga weye ni Kulisito mwana ywa Chohile akwikala.¹⁷yesu amhitula na kumgambila kujimbikwa weye Simoni balyona kwaviya sakame na nyama havikugubwile dino mna tate ywangu ekale kwembingu. ¹⁸Namiye nami nakugambila kutenda weye ni Petulo na kulanga kwe diyumwe dino nanidizenge idivikilo dyangu. Nyivi za bome hedine uhelo hadiidahe.¹⁹Nahwinke weye funguwo za useuta wa kwembingu. Chohose nauchivugale hano he isi nachitende chivugalwa kwembingu, naho chochose nauchifungule hano he isi nachifungulwena kwembingu. ²⁰Akaheza Yesu niyo awagamba wanampina wakwe wasekumgambila mntu yoyose kugamba yeye nandile ni Kulisito.²¹Kukongela ichipindi icho Yesu nakakonga kuwagambila wanmpina wakwe vyamunga aite Yelusalemu, kusulumizwa kwa mbuli zilozize mwe mikono ya wadalahala na wakulu wa walavyantambiko na wadolonyi kukomwa na kuyuka zuwa dya katatu. ²²Akaheza Petulo niyo amguha Yesu hankanda na kumkwahila kwa kugamba, mbuli ino naitende hale na weye, Zumbe dino disekulaila kwako. ²³Mna Yesu niyo ahituka na kumgambila PetuloUya kunyuma kwangu mwavu! Weye ni wanichinda miye kwaviya humanyize mbuli za Chohile, mna mbuli za wantu.²⁴Akaheza Yesu awagambila wanampina wakwe hegu mntu yoyose akaunga kunitongela miye vyaungwa ekane mwenye auguhe umsalaba wakwe anitongele. ²⁵Kwaviya akunga kukombola ujima wakwe na waze na kwa yoyose akwaza ujima wakwe kwachausa cha miye na ukombole. ²⁶Togola ni chongezekelo chani akunga apate mntu akenkwa isi yose mna akaza ujima wakwe? Togola ni chintu chani akunga alavye mntu mwe kuhitwilana na ujima wakwe.²⁷Kwaviya mwana ywa mntu neze mwe ukuka wa Tati yakwe na wandima wakwe naye nawamlihe chila chintu kuligana na ntendwa zakwe. ²⁸Chendedi nawagambilani kuna wantu wasiku mwenyu mchimale hasi ambawo hawanati kuluma kubanika kubula aho wakunga wamuwone mwana ywa mntu akeza mo uesuta wakwe..

¹Mazuwa mtandatu badae Yesu niy kawaguha hamwenga naye Petulo na Yakobo na Yohana mlukolo ywakwe na kuwaguha kubula kulanga ko lugulu mtali wowo wenye ²Kahituila kulongozi kwawo uso wakwe ung'ala saviya zuwa ne izisuche nazionwa zina ng'ala saviya mwanga.³Sinya hadya wajinkile Musa na Eliya wakalonga naye. ⁴Petulo ahitula na kumgamba Yesu, Zumbe ni vyedi kwetu suwe kwikala hantu hano hegu ukaunga nanizenge hano wazumba watatu kamwenga kako na kamwenga kwachausa cha Musa na kamwenga kwachausa cha Eliya.⁵Cipindi akalonga nasinya ingu ding'aile diwagubika yuno ni mwanangu hungisa huwagilwa naye mwetegelezeni yeye. ⁶Wanampina weze weve ayo niyo wagwa chifudifudi naho wogoha vidala. ⁷Niyo Yesu eza na kuwadakula na kulonga inukani naho msekogoha. ⁸Nawo wenula izinyuso zawo kulanga mna hawamuone mntu mna Yesu ichedu.⁹Umo wakasela koluguluYesu niyo awasigila akalonga msekulavyo imbuli yo uwoni uno mwana ywa Adamu aho akunga auyuke kulawa kwa wabanike. ¹⁰Wanampina wakwe niyo wamuza wakalonga ni kwambwani wano wakuwasindika hambwe Eliya neze nkongo?¹¹Yesu awahitula na kugamba, Eliya neze chindedi naho navuze izimbuli zose. ¹²Mna nawagambilani nyuwe, Eliya kaheza kwiza mna hambunkule bada yakwe kawadamanyiza mbuli wakunga wowo. ¹³Ivyo wanampina wabunkula kutenda aklongela mbuli za Yohana mwambula.¹⁴Weze abule mwe bunga dya wantu mntu yumwenga niyo amwitila kufika madi kulongozi kwakwe na kumgambila. ¹⁵Zumbe mfile mbazi mwanangu kwaviya katenda na chifafa kusumbuka vidala kwaviya nkanana zilozize agwa mo moto hegu mwe mazi. ¹⁶Nasimleta kwa wanampina wako mna hawakudaha kumnyonya.¹⁷Yesu awahitula agamba, Nyuwe cheleko hechikuzumila naho chibanike namwikale hamwenga na miye kubula ini? Naniwajijimize nyuwe hata ini? Mlete hano hangu. ¹⁸Yesu niyo amkwahila naho jini niyo dyamfosa yudya mbwanga niyo kahonywa kukongela isaidya.¹⁹Akaheza wanampina wamwitila Yesu kwa chinyele na kumuza kwambwani hachikudaha kubalaza? ²⁰Yesu awagambila kwaviya utondowazi wenyu ni mdodo chindedi nawagambilani hegu na mtende na utondowazi hata chidogo saviya mpuluzi ya mbeyu ya haladali namdahe chochose cha kuhigana kwenyu. ²¹Mwiva ulosi wa msitali wa 21 mna mana ino ya kaidi haikudahikana kulawa mna kwa kulombeza na kufunga hayakuwona mwe nakala zedi za chikale.²²Chipindi wechei Galilaya Yesu awagambila wanampina wakwe Wana ywa Adamu najelwe mwe mikono ya wantu. ²³Nawakome mna zuwa dya katatu nauyuke wanampina wajela mbazi vidala.²⁴Nawo weze wabule Kepelanaumu, watu wa kuchisanya maliho ya nusu ya shekeli wamwitila Petulo nakugamba Togola mhinyi wenyu aliha maliho ya nusu shekeli? ²⁵Niyo agamba heye, mna Petulo eze engile mndani mwe nyumb Yesu niyo alonga na Petulo nkongo, na kugamba, Wafanyanya mbwani Simoni? kwa wadya wakuwalongoza kulawa kwa wajeni?²⁶26 Naho chipindi Petulo eze alonge kulawa kwa wajeniYesu niyo awagambila ivyo wakulongozwa wauzwa mo kuliha. ²⁷Mna ninase kuwatenda wakutoza maliho niyo wadamanya masa, hita kwe bahali dula indowana, niyo wguha idya isamaki ya nkongo. Bada ya kukufungula umlomo wako nobwile mudya shakeli imwenga. Iguhe na uwenke wakutoza maliho kwachausa changu na weye.

¹Chipindi icho icho wanampina weza kwa Yesu na kumgambila Ni yuhi ekale mkulu mo useuta wa kwembingu? ²Yesu niy amwitanga mwana mdodo amwika hagati gati hawe. ³na kulonga, chindedi nawagambilani hegu namkeila na kutenda wana wadodo hamdahe kwingila mo useuta wa Chohile.⁴Ivyo yoyose akweseleza saviya mwana mdodo mntu sa uyo ni mkulu mo useuta wa kwembingu. ⁵Naho yoyose akumhokela mwana mdodo kwazina dyangu anihokela miye. ⁶Mna yoyose akuhosa uymwenga hagati hawadodo wano wakunizumila naitende ni vyedi kwa mntu uyo yuwe kulu dykusagila nadifungwe mwe singo yakwe na kujelwa hatali mwe ibahali.⁷Nailuwone isi kwaviya chipindi cha kulumizwa kwaviya vyaungwa kwa chipindi icho kwiza, mna naluwone kwa mntu yudya chipindi icho nachize kwachausa chakwe! ⁸Hegu mkono wako hegu chiga chako chikakuhosa kwihiwa ukate hegu uudule hale na weye. Nivedi vitendese kwako weye kwingila mo ujima ukatenda huna mkono hegu chilema kukaleka kudulwa ko moto mazuwa yose ukatenda n miono yose hegu viga vyose.⁹Hegu ziso dyako dikudamanyiza yehiye ding'ole na udidule hale na weye ni vitana vitendese kwako weye wingile mo ujima na ziso dimwenga kuliko kudulwa mo moto wa mazuwa yose ukatenda na meso maidi.¹⁰Kaulani kugamba mnasekmbela yumwenga ywa wadodo wano kwaviya nawagambilani kugamba kwembingu wandima wake mazuwa yose waukaula uso wa Tate wa kwe mbingu ¹¹Sinyisa milosi ikuwonekana saviya ya msitali wa 11 kwaviya mwana ywa mntu nakeza kukombola chiya nendile chagile hayawoneke mwe kalatasi zedi za chikale.¹²Mwafanyanya mbwani? Uneva mntu ana magoto gana dimwenga na yumwenga ywawo kaga, Togola hawase tisini na chenda ko lugulu na kwita kumlonda yumwenga agile. ¹³Naho akaheza kumpata chindedi amwelela kujinka wadya tisini na chenda hewagile. ¹⁴Ivyo, ivyo hana mbwedo Tati yenyu ywa kwembingu kutenda yumwenga ywa wadodo wano kwaga.¹⁵Saviya mlukolo ywako akakubalanga hita ukamhaze ikasolo iyo iyaho, hagati hako na yeye akatenda echedu kwakwe, uneva anakwetegeleza nautende kuuvuza mlukolo ywako. ¹⁶Mna hegu hakukutegeleza mguhe mlukolo ywako yumwenga hegu waidi kongezekela hamwenga na weye kwaviya kwemilomo ya ukuzi wa waidi hegu watatu chila ulosi na udahe kukauliswa.¹⁷Naho hegu akabela kuwategeleza, digambile idivikilo imbuli iyo, uneva anabele ivyo ivyo kuditegeleza idivikilo ivyo natende mntu ywa si na mtoka maliho.¹⁸Chindedi nawaambileni chochose chiya mkunga mchivugaile mwe isi na kwembingu chivugalwa na chochose mkuvukala mwe isi na kwembingu chivugalwa. ¹⁹Naho nawagambilani kugamba hegu wantu waidi hagati hegu wakevana kulanga kwe mbuli yoyose mwe isi wakalombeza idyo tate ywangu ywa kwembingu nadidamanye. ²⁰Kwaviya waidi hegu watatu wakadugana hamwenga kwa zina dyangu miye niyaho hagati gati hawe.²¹Naho Petulo keza nakumgambila Yesu, Zumbe ni nkana nyingahi mlukolo ywangu akanibalanga miye nimlekeile? Hata nkanana mfungate? ²²Yesu awagambila sikukugamba nkanana mfungate, mna hata milongo mfungate nkanana mfungate.²³Kwaviya useuta wa kwembingu uligana na useuta wa hantu nendile akaunga aliganye uwaza kulawa kwa watumwa wakwe. ²⁴Eze akonge kuliganya uwazwa mtumwa yumwenga niyo kaletwa kwakwe ambaye nendile amdai talata elufu kumi. ²⁵Kwaviya hakuna sila ya kuliha Zumbe ywakwe niyo asigila atagwe mvyele ywakwe hamwenga na wanawe na chila chintu atendile anancho na maliho yatendeke.²⁶Ivyo mtumwa niyo kafika madi kulongozi kwakwe akalonga zumbe utende na ujijimizi hamwenga na miye naulihe chila chintu. ²⁷Ivyo zumbe ywa yudya mtumwa kwaviya na kasindikwa vidala ni mbazi niyo kamlekeila na kumlekeila ideni idyo.²⁸Mna mtumwa yudya niyo afosa na kupata yumwenga mgati ya watumwa weyewe, yudya nendile akadaiwa dinali imwenga mgati mwa watumwa weyewe, yudya nendile akamdai dinali miya, niyo amvuta niyo amjela limelo na kumgmbila niliha chiasi kukudai. ²⁹Mna yudya umtumwa mnyawe niyo kagwa na kumlombeza vidala akalonga utende na ujijmizi miye nahulihe³⁰Mna mtumwa yudya ywa nkongo nakalemela badala yakwe niyo aita na kumdula kwedijela kubula aho na mlihe chiya akumdai. ³¹Naho eze awone watumwa weyawe chiya chiwalaile niyo walumila vidala weza na kumgambila zumbe dyawo chiya chiwalaile.³²Ivyo yudya zumbe ywo mtumwa yudya amwitanga na kumgambila weye mtumwa mwavu nasikulekeila weye deni dyangu dyose kwaviya nakulombeza vidala. ³³Togola hamkungwa kutenda na mbazi kwa watumwa wenyu saviya miye viya hufile mbazi weye?³⁴Zumbe ywakwe niyo kehiwa na kumwinka kwa yudya wakusulumiza kubula aho nalihe chiyasi chose nakadaiwa. ³⁵Ivyo nivyo Tate ywenyu ywa kwembingu ahoakunga awadamanyize saviya chila yumwenga ywenyu hamlekeile mlukolo ywakwe kulawa mwe imyuye yenyu.

¹Nailaila chipindi Yesu eze abinde ulosi uwo. Ahalawa Galilaya niyo aita mo mhaka wa Yudeya kulongozi ko mto wa Yolodani. ²Bunga kulu dyamtongela niyo awahonya uko.³Mwafalisayo wamwizila wakamjeza, wakamgamba Togola ni vitana mwe mntu kumwasa mkaziwe mwe lema dyodyose? ⁴Yesu ahitula na kuwagamba Hamsomile kugamba uyo awaumbaga nkongo kawaumba mgosi na mvyele?⁵Naho niyo agamba, kwaviya ivyo mgosi namwase tati yakwe na mami yakwe na kulungana na mkaziwe naho awaidi nawtende mwili umwenga? ⁶Naho siyo waidi naho mna mwili umwenga nivyo chiya alunganye Chohile mntu yoyose asekuchipagula.⁷niyo awagamba haluse ni mbwani Musa kasigila kulavya mbaluwa ya talaka na kumwasa? ⁸Niyo awagamba mo udala wenyu we luhenyo Musa nakawasigilani kuwasa wavyele wenyu . Mna mwenkongo nendile siyo ivyo. ⁹Nawagambilani kugamba, yoyose namwase mkaziwe hegu siyo mwe mbuli ya ugonyi naho niyo asola mntuhu agonya naho mgosi naamsole mvyele asigwe ni mgonyi¹⁰Wanampina niyo wagambala,Yesu uneva nivyo vili mwa mgosi na mkaziwe siyo vyedi kusola . ¹¹Mna Yesu niyo awagamba siyo chila mntu adha kuhokela mahinyo yano mna ni kwe wadya du wazumilwe kuhokela. ¹²Kwaviya weyuko wagwele kulawa mwe zinda za wamami zawo naho iviya kuna wagwele wadamanywe ni wantu, naho kuna wagwele wetenda wenye wagwe kwaviya yo useuta wo ulanga ni wantu saviya wowo. Akudaha kuhokela mahinyo yano na hokele.¹³Niyo alwtelwa wamwenga wa wana wadodo chani awaikiye mikono mnanga mwawo na kulombeza mna wanampina wakwe wawakwahila. ¹⁴Mna Yesu agamba walekeni wana wadodo naho msekuwalemeza kwiza kwangu kwaviya useuta wo ulanga ni wantu saviya wo. ¹⁵Niyo awaikiya mikono yakwe mlanga mwawo naho niyo ahalawa hadya.¹⁶Kula mntu yumwenga eza kwa Yesu na kugamba Mhinyi ni chintu chani chitana hungigwa nidamanye chani nipate kutenda no ujima wa kale na kale. ¹⁷Yesu niyo agamba kwabwani wauza ni chintu chani chitana? kuna yumwenga du atendile mtana mna hegu ukaunga kutenda mjima utoze sigilizi za Chohile.¹⁸Yudya mntu niyo amuza Ni sigilizi zihi? Yesu niyo agamba usekukoma, usekugonya, usekubawa, usekuukula lulimi, ¹⁹weve teti yako na mami yako, naho uwaunge wambuyazo enga viya ukweunga mwenye.²⁰Mntu yudyaniyo agambila mbuli zose izo sizitoza havinati nitende mbwani? ²¹Yesu niyo amgambila uneva waunga kutenda atogile hita ukatage unanavyo naho uwenke wachiwa noutende na mpamba mo ulanga akajika wize unitongele. ²²Mna mbanga yudya eze eve viya Yesu amgambile, ahalawa kuno ajela mbazi kwaviya nendile ana ugoli ulozize.²³Yesu niyo awagambila wanampina wakwe chindedi nawagambilani ni vidala kwemntu mta ugoli kwingila mwe useuta wa Chohile. ²⁴Naho nawagambilani ni vihufu kwengamiya kujinka kwe tundu dya sindano ukaleka mntu mta ugoli kwingila mwe useuta wa Chohile.²⁵Wanampina weze weve ivyo wehelwa vidala na kugamba Naiyuhi elo basi akudaha kwambulwa? ²⁶Yesu niyo awsinya niyon awagamba mwe wantu idyo hadikudahika mna kwa Chohile yose yadahika. ²⁷Niyo Petulo amhitula na kumgambila, Kaula chileke vyose na kukutongela weye ni chintu chani nachipate?²⁸Yesu niyo awagambila chindedi uyo nanitongele miye mwe lweleko luhya umo mwana ywa Adamu aho nekale mwe ichiti cho useuta wakwe nyuwe naywi namwikale mlanga mwe viti mlongo na waidi vyo useuta vya makanto vya makabila mlongo na maidi ya Izulaeli.²⁹Chila yumwenga ywenyu asize inyumba mkuluwe na lumbudye tate, nine, wana, hegu nkonde mwe idizina dyangu nahokele nkanana mlongo naho nenkigwe ujima wa kale na kale. ³⁰Mna walozize watendile wa nkongo haluse nawatende wa udumo na wadya wazigile nawatende wa nkongo.

¹Kwaviya useuta wo kulanga wikala saviya nkonde. Enuke mtondo wa mavukuvuku chani kwika wandima mwenkonde yakwe ya mizabibu. ²Eze evane na wandima mazwela ya zuwa dimwenga awasigila kwita mwe nkonde yakwe ye mizabibu.³Nakaita naho eze yezeyabule masa matatu vino niyo awona wandima watuhu wakatenda wachimala hawana ndima mwe hantu he gwilo. ⁴Awagamba nyuwe nanywi hitani mwe nkonde ye mizabibu naho chochose chitendile chedi naniwenke ivyo waita kudamanya ndima.⁵Aita naho yezeyabule masa mtandatu niyo mwe sa chenda niyo adamanya ivyo ivyo. ⁶Nkanana ntuhu naho mwe sa mlongo na imwenga nakaita na kuwabwila wantu watuhu wachimala hawana ndima, niyo awagamba ni mbwani mchimala hano mmna ndima yoyose mwe dizuwa jima? ⁷Wagamba kwaviya hachina mntu yoyose achinkile ndima, awagamba nyuwe nanywi hitani mwe nkonde ye mizabibu.⁸Ichipindi cha chisingi chize chibule umwenye inkonde ye mizabibu nakamgambila mchimaila wakwe, wetange wandima chani uwalihe kukongela na waudumo kubula wa nkongo. ⁹Weze weve wadya wenkigwe ndima saa mlongo na imwenga wowo wahokela mazwela. ¹⁰Weze weve wandima wa nkogo nawafanyanya kuhokela vitendese. Mna wahokela nawo chila yumwenga zwela imwenga chila mntu .¹¹Weze wahokele maliho yawo wamng'ung'zikila mwenye inkonde. ¹²Wagamba wano wandima wa udumo wadamanya sa dimwenga du mo kudamanya indima mna kuwaliganyiza na suwe, suwe chinula mizigo mwe zuwa jima na kokwa na moto.¹³Mna mwenye inkonde awahitula na kuwagamba mwe yumwenga wawo mbuyangu sikutendele mbuli ihiye, vino hwivane na miye mwe dinali imwenga? ¹⁴Hokela chiya chili chiwagile kwako niyo wite zako, ni kwelelwa kwangu kuwenka wano wandima wenkigwe mo udumo vikuligana na weye.¹⁵Vino viha kwangu kudamanya chiya hunga mwe ugoli wangu? hegu meso yako ni finju kwaviya miye ni ywedi? ¹⁶Ivyo wa udumo natende ywa nkongo na wankongo ywa udumo.¹⁷Yesu eze atende kakwela kwita Yelusalemu nakawaguha wanampina wakwe mlongo na waidi hankanda na mwe sila awagamba, ¹⁸Kaulani chajendeleza Yelusalemu na mwana ywa Adamu najelwe mwe mikono ya wakulu wa walavyantambiko na wakudolonya nawamkantile kubanika. ¹⁹Naho nawamlavye mwe wantu wa si chani wambele kumtoa, kumsulumiza mna mwe mazuwa matatu nauyuke,²⁰Niyo mami yawo wana wa Zebedayo nakeza kwa Yesu na wavyele, nakafika madi kulongozi kwakwe na kumlombeza chintu kulawa kwakwe. ²¹Yesu niyo amgamba, wonga mbwani? amgamba ulonge kugamba wano wanangu waidi uwaleke yumwenga mkono wako wa kulume na uyumwenga mkono wako wa kumoso mwe useuta wako.²²Mna Yesu ahitula na kumgamba, humanyize chiya ukulombeza vino wadaha kunywela chikombe hukinywela? wamgamba chadaha. ²³Awagamba chikombe changu chindedi namkinywele mna kwikala umkono wangu wa kulume na umkono wangu wa kumoso siyo mbuli yangu kuwenka mna ni kwe wadya ambawo wajika kusagulwa ni tate ywangu. ²⁴Wanampina watuhu mlongo weze weve ivo, wehiwa vitendese na wadya walukolo waidi.²⁵Mna Yesu nakewetanga yeye mwenye na kuwagamba mmanya ya kugamba waseuta we isi wawatisa na wakulu wawo wadamanya udahi mlanga mwawo. ²⁶Mna isekutenda ivyo, kwenyu badala yakwe yoyose akunga kutenda mkulu mgati mwenyu vyonga atende mndima ywenyu. ²⁷Na akunga kutenda ywa nkongo mgati mwenyu vyonga atende mndima ywenyu. ²⁸Enga viya mwana ywa mntu hezile kusankanilwa, na kulavya ujima wakwe kutenda wambulwa mwa walozize.²⁹Ichipindi wakalwawa Yeliko bunga kulu dyambasa. ³⁰Niyo wawaona watuhu waidi wekala mnkanda mwe sila weze weve kugamba Yesu nendile akajinka waguta izwi na kugamba Zumbe mwana ywa Daudi uchifile mbazi. ³¹Mna bunga dyawakwahila na kuwagamba nyamalani mna ivyo wowo waguta izwi vitendese na kugamba Zumbe mwana ywa Daudi chifile mbazi.³²Niyo Yesu achimala na kuwetanga na kuwauza, mwaunga niwatendele mbwani? ³³Niyo wamgamba Zumbe meso yetu yagubulwe. ³⁴Niyo Yesu atenda kengilwa ni mbazi niyo awadonta ameso yawo aho aho wahokela udahi wa kusinya niyo wamtongela.

¹Yesu na wanampina wakwe niyo wabula haguhi na yelusalemu niyo waita wabula bethfage mwe lugulu mizeituni niyo Yesu awasigila wanampina waidi. ²Akawagamba hitani mwe chijiji chikutongela nacho nambwile hadya na mwana punda hamwenga naye wafunguleni naho muwalete kwangu. ³Uneva mntu yoyose anawagambilani chochose chikunga idyo mgambe zumbe awaunga no mntu uyo aho naye awalekeila mwize hamwenga nawo.⁴Mbuli Ino ilaila ni idya ilongigwe kujinkila wawoni vitende yachinde akawagambila. ⁵Wagambileni vigoli sayuni, kaula Zumbe ywako eza kwenyu mnyanyahala kakwela mpunda na mwana mpunda mgosi mwanampunda mteke.⁶Niyo wanampina wahalawa nakudamanya saviya Yesu viya asigile. ⁷Niyo waleta mpunda , nakwika suche zawo mlanga mwawo niyo Yesu ekala hadya. ⁸Walozize mwe bunga watandika suche zawo mwe sila naho watuhu wavuna matambi kulawa mwe miti na kuayatandaza mwe sila.⁹Bunga dyamlongoila Yesu na wadya wamtongele waguta izwi wakagamba jimbiko kwa mwana ywa Daudi naajimbikwe akwiza kwa zina dya Zumbe , jimbiko kulanga vitendese. ¹⁰Yesu eze abule Yelusalemu mzi mjima wehelwa na kugamba yuno ni yani? ¹¹Bunga dyahitula Yuno ni Yesu muoni kulawa Nazaleti ya Galilaya.¹²Niyo Yesu engila mwe nyumba ya Chohile niyo awabalaziza kuse wose nendile wakagula na kutaga mwe inyumba naho kahitula izimeza za wakuhituliza hela ne iviti vya wakutaga wasuwamanga. ¹³Awagamba idolonywa nyumba yangu naitangwe nyumba ya kulombeza mna nyuwe mwaitenda yakwefisiza wabavi. ¹⁴Niyo matuntu na waholomale wamwizila mwe inyumba naye niyo awahonya.¹⁵Mna mwe wakulu wa walavyantambiko na wakudolonya weze waone maula ayadamanye naho weze weve wana wakatula lwasu nyumba nkulu na kugamba jimbiko mwa wana wa Daudi watozwa ni maya. ¹⁶Niyo wamgamba kwaviya chiya chikulongwa ni wano wantu ? Yesu niyo awagamba heye mna hamnati kusoma kulawa mwe milomo ya wana na wana wateke wakonka mna ntogozi ichintile? ¹⁷Niyo Yesu awasa na kwita kuse mo mzi mwe Besaniya na kugona uko.¹⁸Nomtondo eze auye mo mzi nendile ana sala. ¹⁹Awona mti hanka nda nkanda mwe sila niyo aubasa mna hapatile chintu mnanga mwakwe mna ni mani kusekutenda na matunda mawkwo kale na kale naho aho niyo umti udya wanyulukila.²⁰Wanampina weze waone niyo wehelwa nakugamba itenda zeze mti kunyala aho lumwenga? ²¹Yesu ahitula nakuwagambila chindedi nawagambilani uneva mnatenda na utondowazi naho hamna woga hamdamanye chiya chikudamanyika mwe uwo umti du mna namuugamba nauwo ulugulu uguhiwe na kudulwa mwe bahali naidamanyike. ²²Chochose namlombeze mwe kulombeza kuno mkazumila namhokele.²³Yesu eze abule mwe nyumba nkulu, wakulu wawalavyantambiko na wadalahala wa wantu wamwizila umo nendile akahinya na kumuza ni kwa udahi wani wadamanya mbuli zino? Niani wakwinkile udahi uno? ²⁴Yesu ahitula na kugamba nami naho naniwauzeni swali dimwenga uneva mna nigambila miye ni viya naniwagambileni ni kwa udahi wani nadamanya mbuli zino.²⁵Ubatizo wa Yohana naulawa kuhi mo ulanga hegu mwe wantu? wakonga kulosana wowo wenye wakagamba chinagamba ulawa mo ulanga nachigambe nimbwani hamkuzumila? ²⁶Mna chinagamba naulawa mwe wantu chogoha bunga kwaviya wose wamuona Yohana saviya muoni. ²⁷Niyo wamhitula Yesu hachimanyize awagambila naho hata miye sikuwagambilani ni mwe udahi wani nadamanya vino.²⁸Mna mwafanyanya mbwani? Mntu mta wana waidi kaita mwe nyumwe na kumgamba mwanangu hita ukadamanye ndima mwe inkonde ye mizabibu. ²⁹Dyelo umwana ahitula nakugamba sanite mna nyumani ahitula fanyanyi zakwe niyo aita. ³⁰Na mntu yudya niyo aita mwe mwana wa kaidi na kumgamba chintu ichiya ichiya mwana yuno ahitula nakugamba nanite zumbe mna haitile.³¹Yuhi mwe wana waidi adamanye ungi wa tate yakwe? wagamba mwana ywa nkongo Yesu awagamba chindedi nawagambilani wachisanya kodi na wachilanga nawengile mwe useuta wa Chohile hamnati nyuwe kwingila. ³²Kwaviya Yohana nakeza kwenyu mwe isila inyoloke mna hamzumile chindedi wachisanya kodi na wavilanga wamzumila na nyuwe mwize muone idyo dikadamanyika hamdahile kwila chani chipindi mzumile.³³Tegelezani mliganyo mtuhu nendile na mntu, mntu mwenye hantu hakulu ha hasi, kahanda mizabibu niyo aika mnulu niyo adamanya chintu chakufumbwila divai azenga mnala wa wadimi na kudikodisha mwe wakulela zabibu niyo aita mwe isi ntuhu. ³⁴Chipindi cho uvuni we izizabibu chize chisogele, awasigila watuhu wa wandima mwa awalimi we mizabibu kuguha mizabibu yakwe.³⁵Mna awalimi we izizabibu niyo wawguha awalimi wakwe wamtowa yumwenga wamkoma mtuhu niyo wamtoa yumwenga na mayuwe. ³⁶Vituhu naho umwenye awasigila wandima watuhu walozize vidala na wadya we nkongo mna awalimi we mizabibu wawadamanyiza iviya. ³⁷Niyo aho Zumbe yudya amsigila kwawo mwanawe akagamba nawamtunye mwanangu.³⁸Mna awalimi we mizabibu weze wamuone mbwanga yudya niyo wagambilana yuno ni mlisi soni n chimkome naho chiguhe ulisi. ³⁹Ivyo niyo wamguha wamdula kuse mwe nkonde ye mizabibu na kumkoma.⁴⁰Haluse umwenye inkonde ye mizabibnu umo eze nawatende zeze walimi we mizabibu? ⁴¹Wamgamba nawabalange awo wantu wavu mwe isila ya maya yatendese naho akodishe inkonde ye mizabibu mwe walimi watuhu we mizabibu, wantu ambawo nawaluhe kwaviya mizabibu umo nazive.⁴²Yesu niyo awagamba hamsomile mwa mawandiko yuwe walemela wazesi ditenda yuwe kulu dya msingi, dino dilawa kwa Zumbe naho dyehela mwa meso yetu?⁴³Ivyo nawagambilani useuta wa Chohile nauguhigwe kulawa kwenyu na kwinkigwa si iwagile matunda yakwe. ⁴⁴Yoyose nagwe mnanga mwe diyuwe idyo navunwe vunwe, mna yoyose naagwelwe nadimtiginte.⁴⁵Wakulu wawalavyantambiko na Mafalisayo weze weve miligano yakwe niyo waona kugamba awalonga wowo. ⁴⁶Mna chila ywa nkongo kunyolosa mikono kulanga mwakwe nawogohe idibunga mwaviya wantu nawamsinya saviya muoni.

¹Yesu nakalonga nawo mwe mligano akagamba. ²Useuta wa mwembingu waliganizwa na seuta amalanye chinyemi cha nyinka ya mwanawe.. ³Kawasigila wandima wakwe wawahokele wendil wagoneke kwiza mwe chinyemi che nyinka mna hawabwile.⁴Seuta niyo awasigila naho wandima watuhu akagamba, wagambile wose wagonekwe kaulani simalanya nkande, ng'ombe na mbuzi na ndama zangu zinonile zichinjwa naho mbuli zose ziheza kale, soni mwe chinyemi che nyinka.⁵Mna wantu awo hawakaule kwa chindedi ugoneke wakwe wantu wasiku wauya mwe izikaya zawo na watuhu nawauya hantu hawo ze biashala. ⁶Watuhu wawenukila wandima wa Seuta na kujela soni na kuwakoma. ⁷Mna Seuta niyo ehiwa, niyo asigila wankondo wakwe niyo wawakoma wadya wakomi kubalanga imizi yawo kwa moto.⁸Niyo awagambila wandima wakwe nyinka iheza mna wagonekeni hawachintile. ⁹Ivyo hitani mwa mabwilano ye sila nkulu, wagonekeni wantu walozize ivyo vikudahika weze mwe chinyemi che nyinka. ¹⁰Wandima waita mwe sila nkulu na kuwahokela wantu wowose wawaonile wedi na wehiye, ivyo ulwazo we nyinka naumema wajeni.¹¹Mna Seuta eze engile kuwakaula wajeni niyo awona mntu yumwenga havaile suche ya njinka. ¹²Seuta niyo amuza mbuyangu kupata vivihi niyo wabula hano hanyumba hwine suche ya nyinka? Naho mntu uyo hahitule dyodyose.¹³Niyo Seuta awagambila wandima wakwe mfungeni mntu yuno mikono ne viga naho mduleni kuse mwe chiza, uko nuko nakutende na ndilo na kusila meno. ¹⁴Kwaviya wantu walozize wetangwa mna wasentigwe ni wajeche.¹⁵Niyo Mafalisayo niyo wahalawa kulanga vy kwingila Yesu mwe izimbuli zakwe mwenye. ¹⁶Naho niyo awasigila wanampina wakwe hamwenga na Mahelodiya, naho wamgambila Yesu mhinyi chamanya kugamba weye ni mntu wa chindedi na kugamba wahinya yadya ya Chohile mwe chindedi, hukutunya maoni ya mntu mtuhu naho hukulagisa kweungila mwe wantu. ¹⁷Ivyi chigambile wafanyanya mbwani? Vino ni vyedi chisigilizi kuliha kodi kwa Kaisali hegu bule?¹⁸Yesu nakamanya uzavu wawo na kugamba kwabwani mwanijeza nyuwe wasongaganyi? ¹⁹Nilagisani ihela mkujeseza kulihila kodi nivyo wamletela idinali.²⁰Yesu niyo awauza, isula ne idizina dino ni dya yuhi? ²¹Niyo wahitula, vya Kaisali, ivyo Yesu niyo awagambila, mwinkeni Kaisaali vintu viya ivyakwe na vya Chohile mwinkeni Chohile. ²²Weze weve ivyo niyo wehelwa, niyo wamleka na kwita zawo.²³Zuwa idyo wasiku wa Mafalisayo naweza kwa Yesu, wadya wakulonga kugamba hakuna uyuso wa wabanike, niyo wamuza. ²⁴Wakamgambila mhinyi Musa nakalonga uneva mntu kabanika bila kweleka mwana, mlukolo wakwe naampale uyo mvyele naampatile mwana kwachausa cha mlukolo ywakwe.²⁵Wendaga walukolo mfungate wankongo nakasola mna niyo abanika bila kweleka mwana, niyo amwasiza mvyele mlukolo ywakwe. ²⁶Niyo mlukolo ywakwe ywa kaidi niyo atenda ivyo, niyo yudya wa katatu itenda ivyo kubula yudya yudya ywa mfungate. ²⁷Bada ya kutenda ivyo, wose, yudya mvyele niyo abanika. ²⁸Haluse mo uyuso yudya mvyele natende mvyele ywa yuhi mwa walukolo awo mfungate? Kwaviya wose nawamsola.²⁹Mna Yesu kawhitula, na kuwagambila mwabalanga kwaviya hammanyize madolonyo, hegu udahi wa Chohile. ³⁰Kwaviya mo uyuso wantu hawakusolana hegu kusolwa, badala yakwe wantu nawatende saviya wandima wa kwembingu.³¹Mna kulanga uyuso wa wabanike, hamsunguze kusoma chiya ambacho Chohile nakachilonga kwenyu akagamba, ³²Miye ni Chohile ywa Bulahimu, Chohile ywa Isaka, chohile ywa Yakobo? Chohile suyo Chohile ywa wabanike mna ni Chohile ywa ujima. ³³Ivyo dugano dize dive dino diyehelwa na mahinyo yakwe.³⁴Mna Mafalisayo weze weve kugamba Yesu kawatenda wanyamale, Msadukayo nawechisanya wawo wenye kwa hamwenga. ³⁵Yumwenga ywawo akatenda mwana sigilizi kamuza maswali kwa kuljeza. ³⁶Mhinyi ni lagizo dihi kulu kujinka zose mwe sigilizi.³⁷Yesu niyo ahitula, vyaungwa umunge Zumbe ywako kwa moyo wako wose na muye wako wose, na kwaumanyi wako wose. ³⁸Dino nidyo lagizo idikulu na dya nkongo³⁹Na dyakaidi dyaligana na idyo, vyaungwa umunge mtuhu ywako saviya ukweunga weye mwenye. ⁴⁰Sigilizi zose za waoni zatozezana na sigilizi zino izimbili.⁴¹Aho Mafalisayo wachei wabwilane hamwenga na Yesu, niyo wamuza swali. ⁴²Niyo agamba, Togolani mwafanyanya mbwani mlanga mwa Kulisito? Yeye ni mwana ywa yuhi? Nawo wamhitula ni mwana ywa Daudi.⁴³Yesu niyo awahitula ni kwa namna yani Daudi mwa Muye amwitanga Zumbe akagamba, ⁴⁴Zumbe nakamgambila Zumbe ywangu, ikala mkono wangu wa kulume, kubula aho naniwatende wankondo wako waikwe hasi he viga vyako?⁴⁵Uneva Daudi amwitanga Kulisito, Zumbe ni kwa vihi natende mwana ywakwe? ⁴⁶Hahana adahile kumhitula mbuli naho hahana ajezize naho kumuza maswali yongezeke kulawa zuwa idyo na kujendeleza.

¹Nyumani nakalonga ne dibunga dya wantu na wanampina wakwe agamba, ²Wadolonya na Mafalisayo wekaila chiti cha Musa. ³Ivyo chochose wakuwagambila kudamanya , damanyani kuno mkawazuguza mna mnase kutimila ntendwa zawo kwaviya wawo walonga mbuli hewekuzidamanya.⁴Ni chidedi wawo wafunga mizigo izamile ambayo ni vidala kuinula akaheza welaka wantu mwamayega yawo, mna wowo wenye hawakusogeza hata kwa kadole kuwinula. ⁵Ntendwa zawo zo wazitenda chani wakaule ni wantu kwaviya wowo wapanula masanduku yawo na kongeza ukulu wa misilimbi ye izisuche zawo.⁶Wawo waungisa kwikala hantu ha chigoli mwe chinyemi na mwe viti vya kutunywa mndani mwe nyumba ye divikulo. ⁷Na kulamswa kwa kutunywa mwe digwilo na kwitangwa wahinyi wa wantu.⁸Mna nyuwe hamkungwa kwitangwa wahinyi kwaviya mnanaye mhinyi yumwenga na naho nyuwe wose ni walukolo. ⁹Msekumwitanga mntu yoyose hano he isi kutenda tate wenyu kwaviya mnanaye tate yumwenga du naye ekwembingu. ¹⁰Aho usekwiza kwitangwa wahinyi kwaviya mnanaye mhinyi yumwenga du kugamba Kulisito.¹¹Mna eli mkulu mgati mwenyu natende mndima ywenyu. ¹²Yoyose akwinula naaselezwe na yoyose akweseleza naenulwe.¹³Mna nauvimanye weye wadolonya na Mafalisayo wasongaganyi mwawavugaila wantu useuta wa kwembingu naho nyuwe hamkudaha kwingila hamkuwalekeila wakwingila kutenda ivyo. ¹⁴Kaulisa msitali 14 haukuwoneka mwe kalatasizedi za kale bazi za kalatasi zongezeka msitali una bada la msitali 12, msitali 14 namluwone wadolonya na Mafalisayo wasongaganyi kwaviya mwawamela wabanikilwe. ¹⁵Namvimanye wadolonya na Mafalisayo wasongaganyi mwajinka mwe bahali n kubula kumtenda mntu yumwenga azumile yadya ukuyahinya naho akatenda saviya nyuwe mwamtenda nkana mbili m2wana ywa kwedibome hedina uhelo saviya nyuwe wenye ivyo mwili.¹⁶Naho namvimanye Namluwone vilongozi hemkuwona nyuwe mkulonga yoyose akwelisa kwa nyumba nkulu ya Chohile siyo chintu mna kwelisa kwa zahabu ya nyumba nkulu ya Chohile kafungwa na cheliso chakwe. ¹⁷Nyuwe matuntu wahezi ni chihi chikulu kusinda chituhu zahabu hegu nyumba nkulu ya vikilo ivyo ikiye ukukile zahabu kwa Chohile.¹⁸Naho yoyose akwelisa kwa zahabu siyo chintu mna akwelisa kwa jeleko imlanga mwakwe kefenya kwa cheliso chakwe. ¹⁹Nyuwe wantu matuntu chihi ni chikulu kusinda chituhu sadaka hegu zahabu viya vyaika kukuka jeleko dikulavigwa kwa Chohile?²⁰Kwaviya yeye akwelisa kwa zahabu elisa kwa ivyo na kwa vintu vyose vimlanga mwakwe. ²¹Nauyo akwelisa kwa nyumba nkulu , elisa kwa idyo na kwa yeye akwikala mndani mwakwe. ²²Na yeye akwelisa kwembingu elisa kwa chiti cha kale cha Chohile na kwa uyo akwila mlanga mwakwe.²³Namluwone nyuwe wadolonya na Mafalisayo wasongaganyi, kwaviya mwaliha mlongo kwa bizali vitago na mchicha mna mwaleka mbuli izamile ya sigilizi na wedi , mbazi, na uzumizi, mna yano mwaungwa kutenda myadamanya naho siwo kuleka amatuhu bila kuyajesa. ²⁴Nyuwe vilongozi matuntu nyuwe ambawo mwafilihiza kadudu kadodo mna mwamela ngamiya.²⁵Namluwone wadolonyi na Mafalisayo, wasongaganyi, kwaviya mwelengusa kuse iviya mna mndani mmema uhoki na kwevutila. ²⁶Nyuwe Mafalisayo matuntu kwelenguseni nkongo mndani mwe viya na mndani mwe vihungu chani upande wa kuse nawo utende wedi.²⁷Namluwone Mafalisayo na wadolonyi, wasongaganyi kwaviya mligana na mbila zihakigwe chokaa ambazo kwa kweise zawonekana ni ntana mna kwa mndani zimema mavuha ya wabanike na chila chintu chizavu. ²⁸Seivyo nyuwe kweise mwasinyika wata wedi kulongozi kwa wantu mna mndani mmema usongsgsnyi ns mssa.²⁹Namluwone wadolonyi na Mafalisayo, wasongaganyo kwaviya mwazenga mbila ya waoni na kuika utanda mbila ya wata wedi. ³⁰Nyuwe mwagamba hegu chekalaga, mazuwa ya tate zetu hachendile chehanga hamwenga nawo kwitila sakame za waoni. ³¹Kwaviya mweukuila mwenye kugamba nyuwe ni wana wa wawo wawakomile waoni.³²Naho nyuwe makomeleza kumemeza hantu hakuwagila masa ya tati zenyu. ³³Nyuwe nyoka wana wa mazoka kwa sila yani namyenege nkanto ya bome hedine uhelo?³⁴Kwaviya kaula nawasigila kwenyu waoni, wantu wenye ntunyo na wadolonya, wamwenga namuwakome na kuwasulumiza naho watuhu namwahute mndani mwe nyumba ye divikilo dyenyu na kuwagulusa kulawa mzi umwenga kubula mzi mtuhu. ³⁵Malailo ni kugamba mlanga mwenyu namlaile sakame zose za wenye kuwagila zitilwe mwe isi kukongela sakame ya Habili mta kuwagila kubula sakame ya Zakaliya mwana ywa Balikiya yudya mumkomile mgati mwa hakukile ne ikilinge. ³⁶Chindedi nawagambilani ,buli zino zose nazipate cheleko chenyu.³⁷Yelusalemi, Yelusalemi weye ukuwakoma waoni na kuwahuta mayuwe wadya wambawo watumwa kwako! Ni nkanana nyingahi sunga mwechisanye wana wako hamwenga saviya nguku ikuchisanya wanawe kwakwe hasi ha mawawa yakwe mna hauvyungile. ³⁸Kaula nyumba yako naisigale uchiwa. ³⁹Nami nakugambila kukongela haluse na kujendeleza hamniwone kubula aho namulonge kajimbikwa yeye akwiza kwa zina dya Zumbe."'

¹Yesu nakafosa mwenyumba nkulu ya chohile nakwita zakwe wanampina wakwe nawambasa chani wamlagise mazengo yenyumba. ²Mna awahitule nakuwagamba vino hamkuona izimbuli zino zose? chindedi nawagambila hahana yuwe nedisigale mlanga mwetuhu ambadyo hadikandulwe.³Naho eze ekale mwe ulugulul lwe mizeituni wanampina wakwe wambasa kwa chinyele nakugamba chigambile mbuli zino nazilaile ini? chintu chani nachitende chilagiso choukwiza kwako no udumo we isi? ⁴Yesu ahitula nakugamba msinyise kugamba asekwiza mntu kuwadanta. ⁵Kwaviya walozize naweze mwe zina dyangu wagamba miye nuyo kulisito na wawadante walozize.⁶Namwive nkumbizi na mbuli ya nkumbizi mkaule mnasekutenda mkatiswa kwaviya mbuli zino lazima zilaile mna udya udumo nahaunati. ⁷Kwavia isi nainuke na isi ntuhu no useuta na useuta nakutende na gumbo singisiko dya hasi hantu na hantu. ⁸mna izimbuli zino zose ni nkongodu wa usungu wakwefungula.⁹Nivyo nawawalavye vya masulumizo na kuwakoma namwihiwe ne isi yose mwe via vye idizina dyangu. ¹⁰Nivyo walozize nawakobadike nawaihiane wenye kwa wenye. ¹¹Wawoni walozize walulimi nawalaile na kuwadanta walozize.¹²Kwaviya uwavu naujenyele ungi wa walozize nauhole. ¹³Mna yudya naujijimize hata udumo nambulwe. ¹⁴Ino imbuli yo useuta nailongwe mwe yose enga ukuzi mwe isi zose naho udya udumo naubule.¹⁵Mweivyo mnezakuona maihizo ya ubanasi ulongigwe ni muon danieli dichimala hantu hakukile akusoma na amanye ¹⁶Nivyo weyuko yuda wagulukile kolugulu. ¹⁷Na yudya eyuko kulanga mwe msomo wa nyumba asekudaha kusela hasi kuguha chintu chochose kulawa mdani mwakwe. ¹⁸Uyo eyuko kwenkonde asekuya kuguha suche yakwe.¹⁹Mna nkondo yao wanawana wadodo na wadya ambao wonkeza mwa mazuwa ayo. ²⁰Lombezani kugamba kuguluka kwenyu kusekutenda ichipindi cha mpeho naho zuwa dya sabato. ²¹Kwaviya nakutende na nkung'unto nkulu idya heinati kulaila kukongela ukumbwa kwe isi hata haluse na naho hailaile naho ²²Enga mazuwa ayo heyahungigwe nehehana endile agomboke mna mwe via wadya wasagulwe mazuwa ayo nayahunguzwe.²³Naho uneva mntu yoyose anawagambila kaula kulisito ehano au naho ekudya msekuzumila ulosi uo. ²⁴kwaviy amakulisito ya udanti na waoni waudanti na weze na kuwaonyesha mpituko nkulu zikwehela kwaviya vyo udanti hegu navikadahika hata na wasagulwe. ²⁵Kaulani silonga kuwagambilani heyanati kulaila.²⁶Kwaivyo uneva wana wagambilani kulisito ekwenyika msekwita uko kwenyika au kaulani emdani mwe nyumba msekuzumila ulosi uo. ²⁷Enga viya mbaula ikumulika kulaila mashaliki na kung'aza mpaka mangalibi nivy navitendeke kwiza kwe mwana wa adamu. ²⁸Hohose hana chibudu uko nuko wadege wakudugana²⁹Mna aho hanajinka ukukunta kukulu vya mazuwa yadya zuwa nadijelwe chiza mnenge haulavye ulangazi wakwe ntondo nazilagale kulawa kulanga naho nguvu youlanga nazisingisike.³⁰Nivyo mpituko ya mwana ywa adamu naionekane kulanga na amakabila yose ye izisi nawaile na wamuone mwana ywa adamu akeza mwe amaingu ya kulanga mwe nguvu na ukuka mkulu. ³¹na wasigile wandima wakwe kwa izwi kulu dya gunda nao nawawachisanye hamwenga wasagulwe wakwe kulawa ndendele nne zeisi kulawa udumo umwenga wo ulanga kwita mtuhu.³²Mhine somo kulawa mwe mti mtini ahodu tambi dikasuka na kulavya mani mmanya kugamba chipindi cha zuwa chihaguhi. ³³Ivyo naho mnezakuona mbuli zino zose mongigwa mmanye kugamba ehaguhi ne izinyivi.³⁴Chindedi nawagambila cheleko chino hachijinke mpaka mbuli zose zino nayatende yalaila. ³⁵Ulanga ne isi navijinke mna ulosi wangu haujinke mazuwa yose.³⁶Mna idizuwa idyo neisa hahana mntu amanyize na wazumbe wo ulanga hata mwana mna Tati yakwe ichedu.³⁷Enga viya mwa zuwa dya nuhu nivyo navitende kwaviya kwa mwana ywa adamu . ³⁸Kwaviya mwamazuwa ayo heinati vye igalika wantu nendile wakadya na kunywa wakasola na kusolwa mpaka idizuwa diya ambadyo nuhu engilaga mwe ngalawa. ³⁹Naho hawamanyize chintu chochose mpaka igalika izeize niyo yawaguha wose nivyo navitende kwiza kwa mwana ywa adamu.⁴²⁴⁰nivyo wantu waidi nawatende kwenkonde hamwernga na aguhigwe yumwenga aswa kunyuma. ⁴¹Wavyele waidi nawatende wabunda hamwenga yumwenga na aguhigwe na yumwenga aswa. kwaiyo tendani kwaviya hammanyize ni zuwa dihi ambadyo neze Zumbe ywenu.⁴³Mna mmanye kugamba uneva Zumbe umwenye inyumba amanyize ni sanyingahi ambayo mbavi neze naakacheleza naho asekulekela inyumba yakwe kubalangwa. ⁴⁴Ivyo naho mongigwa mwemalanye mwajike kwaviya mwana ywa adamu neze mwe saa hemwimanyize.⁴⁷⁴⁵Nivyo niyani atendile ywedi mndima mta fanyanyi chani Zumbe ywakwe kamwinka ulongozi mwe wadya we inyumba yakwe chani awenke nkande mwe chipindi chikufaha? ⁴⁶Ajimbikwe mndima uyo ambae Zumbe wakwe na ambwile akadamanya ivyo aho akwizila. Chindedi nawangambila kugamba Zumbe namwinke mlanga mwe chila chintu chili chakwe.⁴⁸Mna enga mndima mwavu anagomba mo muye wakwe Zumbe wangu ak ⁴⁹Naho akakonga kuwatowa wandima wakwe adya na kukolwa vikukola. ⁵⁰Zumbe wakwe uyo neze mwe zuwa ambadyo hedimanyike na mwesa ambayo haimanyike. ⁵¹Zumbe wakwe na amsenge vipande vidi na kumwinka mwe hantu hamwenga haligane na wasongaganyi ambako nakutende na ndilo na kusiginta meno

¹Nivyo uesuta wo ulanga nauliganishwe vigoli mlongo waguhile izita zawo na kuhalawa kwita kumhokela mgosi msola. ²Washano mgati mwawo nendile niwahezi na washano watuhu nendile ni wabala. ³Vigoli wahezi weze waguhe izita zawo hawaguhile mavuta yoyose. ⁴Mna vigoli wabala waguha viya vina mavuta hamwenga nezita zawo.⁵Haluse ichipindi umsola weze waone hakwiza wose watozwa nintongo niyo wagona. ⁶nivyo awo vigoli nawenuka wose na ukuziwasha izita zawo.⁷Ivyo awo vigoli niyo wenuka wose. ukuziwasha izita zawo. ⁸Wadya wahezi wawagambila wadya wabala mchinke hantu ha mavuta yenyu kwaviya izita zetu zafa. ⁹Mna wadya wabala wahitula na kuwagambila kwaviya hayakushitoha suwe na nyuwe . mnalo hitani mwe wakutaga mwegwile chiasi ya nyuwe wenye.¹⁰Ichipindi waita ko kugula msola abula, na wose wendile wafunganya nawaita naye mwe ngasu ye nyinka no lwivi niyo lwavugalwa. ¹¹Mwe ivyo wadya vigoli watuhu nawo weze wabule na kugamba, Zumbe, Zumbe chivugwile. ¹²Mna ahitula na kuwagamba chindedi miye siwamanyize. ¹³Mwe ivyo kaulani kwaviya hammanyize zuwa hegu diswa¹⁴Kwaviya ni saviya mntu ongile kutamba kwita si ntuhu, awetanga wandima wakwe na kuwenka ugoli wakwe. ¹⁵Yumwenga ywawo nakamwinka hela shano, mtuhu nakamwinka mbili, na yudya umtuhu amwinka hela imwenga chila yumwenga nakahokela chiasi vikuligana no udahi wakwe na yudya mtuhu nakatamba kwita zakwe. ¹⁶Aho yudya ahokela hela shano nakaita kuzidamanyiza mayombe, zajenyela hela ntuhu shano.¹⁷Iviya yudya ahokele hela mbili azidamanyiza ndima niyo apata ntuhu mbili. ¹⁸Mna umndima ahokele hela imwenga nakaita zakwe aisimbila bome mo msanga, niyo aifisa hela ya Zumbe ywakwe.¹⁹Niyo yeze yabule mazuwa yalozizeZumbe ywa wandima awo auya na kudamanya kuwaza nawo. ²⁰Yudya mndima ahokele hela shano nakeza nyo aleta hela ntuhu shano, niyo amgamba, Zumbe, nakunika hela shano kaula sipata zongezekele ntuhu shano. ²¹Zumbe ywakwe niyo amgamba, ni vyedi mndima mtana na ywedi mwe vintu vijeche, mahwinke msingi mlanga mwe vintu vilozize ingila mwe kwelelwa mwa Zumbe ywako.²²Mndima ahokele hela mbili nakeza na kugamba, zumbe nakuninka hela mbili kaula sipata zijenyela hela ntuhu mbili. ²³zumbe ywakwe nakamgamba ni vyedi mndima mtana na ywedi kutenda ywedi mwe vintu vijeche, nahwinke msingi mlanga mwe vintu vijenyele ingila mwe kwelelwa mwa zumbe ywako.²⁴Niyo eza mndima ahokele hela imwenga nakeza na kugamba zumbe simanya kugamba wenye wi mntu mta mpula walozola hantu hwihandile na kuchisanya hantu hwidamanye. ²⁵Miye nasogoha niyo naita zangu niyo naifisa ihela yako mo msanga kaula unanayo hano idya iyako.²⁶Mna zumbe ywakwe ahitula na kugamba, weye mndima wihiye naho wi mbwa nakumanya kugamba nalozola hantu sihandile nakusanya hantu ambaho simwaganide mbeyu. ²⁷Ivyo navyungwa kuwenka hela yangu wantu wakuliha liba ne ichipindi cho ukuya kwa miye hegu nihokele idya iyangu hamwenga na vijenyele.²⁸Ivyo mhokeni iyo ihela naho mwinkeni yudya mndima mta izihela mlongo. ²⁹Chila mntu ananacho najenyelezwe vitendese naho mwe kujenyeleswa vidala mna mwe yoyose hena chintu hata ananacho nahokwe. ³⁰Mduleni kuse kwechiza uyo mndima hekuwagila aho uko na ndilo na kusigita meno.³¹Ichipindi mwana ywa Adamu umo neze mwe ukuka wakwe na wandima wose hamwenga naye, naho nekale mlanga mwe ichiti chakwe cho ukuka. ³²Izisi zose nazidugane ho uso wakwe naye nawapange wantu saviya mdimi akupagula ngoto na mbuzi. ³³Naike ngoto umkona wakwe wa kulume mna mbuzi naazike umkon wa kumoso.³⁴Akajika mseuta awagambe wadya we umkon wakwe wa kulume soni mjimbikwe ni tate ywangu mguhe useuta udamanywe mo uukumbwa kwe isi. ³⁵Kwaviya nendile nina sala namninka nkande nednile ni mjeni mnihokela. ³⁶Nani mwazi, mnivika suche, nendile ni mnyonje na wiza kunilela nani mwe dijeleza namwiza kunikaula.³⁷Naho waonekane wedi nawamhitule na kugamba Zumbe ini chikuona ukatenda na sala niyo chakwinka nkande? hegu naho unanchilu na kukukwinka mazi? ³⁸Naho nini chikuwona ukatenda mjeni nyio chakuhokela? hegu naho ukatenda wimwazi niyo chakuvika suche? ³⁹Naho nini chikuwona ukatenda mnyonje hegu mwe chifungo niyo chakwizila? ⁴⁰Naho mseuta nawahitule na kuwagambila, chindedi nawagambila icho mdamanye hano kwa yumwanga ywa mlukolo ywangu mdodo, mnidamanyiza miye.⁴¹Naho nawagambe awo wo mkono wakwe wa kumoso halaweni hangu, mligitwe, hitani ko umoto wa kale na kale wigigwe kwa mwavu na wandima wakwe. ⁴²Kwaviya nendile nina sala mna hamninkile nkande nendile nina cnchilu mna hamninkile mazi. ⁴³Nendile ni mjeni mna hamnihokele hatenda mwazi mna hamninkile suche, umo nani mnyonje na mwe chifungo mna hamnileile.⁴⁴Ivyo wowo nawamhitule na kugamba Zumbe nini chikuwona ukatenda na sala hegu naho unanchilu hegu naho wimjeni hegu naho wimwazi hegu naho wimnyonje hegu naho mwechifungo niyo hachikusankanile? ⁴⁵Akajika nawahitule nakugamba, chindedi chiya hemdamanye mwe yumwe mwa wano wadodo hamnidamanyize miye. ⁴⁶Wano nawaite mwe masulumizo ya mazuwa yose mna awedi mwe ujima wa mazuwa yose.

¹Chipindi Yesu ezeabinde kulonga ulosi uwo awagambila wanampina wakwe. ²mmanya kugamba bada ya mazua maidi nakutende na sikunkulu ya pasaka, mwana ywa mntu na alavigwe chani asulumizwe.³Badaye wakulu wawalavya ntambiko na wadalahala wantu nawadugana hamwenga mwewikazi ya mlavya ntambiko mkulu nendile aketangwa kayafa. ⁴Kwahamwenga awo waganga njama ya kumgwila Yesu kwa fiso nakumkoma ⁵Kwaviya nawalonga isekutendeka chipindi cha sikunkulu ili isekulaila vulugu mwawamwenga awantu.⁶Chipindi Yesu nendile eyuko besaniya mwe nyumba ya simoni mkoma ⁷Eze elavize hemeza mvele yumwenga na keza kwakwe akatenda keleka kijaluba. ⁸Mna mwanampina ywakwe ezeaone imbuli ino niyo wehiwa nakulonga ,kwa chausa chani hasala ino ⁹Nivyedi nayadaha kutagwa kwa chiasi chikulu nakwinka wachiwa.¹⁰Mna Yesu akatenda kamanya dino nakawagambila, kwambwanib mwamshumbuwa mvyele yuno? kwaviya wadamanya chintu chedi kwangu ¹¹wachiwa mnanawo siku zose mna hamtende hamwenga na miye wikazi.¹²Kwaviya ezeajoloze amavuta yano kulalanga kwo mwili wangu nakudamanya ivyo kwaviya ya mazisi yangu. ¹³chindedi nawagambila hohose ulosi wedi uno ikunga ilongwe mwe isi yose ,chitendo adamanye yuno mvyele naho nakitende chikalonga kwaviya kumkumbuka.¹⁴Nivyo yumwenga ywa wadya mlongo na waidi akwitangwa Yuda isikali yose niyo kaita kwa wakulu wa walavya ntambiko. ¹⁵Nakulonga namnipatile mbwani ninamhituka wamhimila Yuda vihande milongo mitatu vya hela. ¹⁶Kukongela mhilimo uwo alonda nafasi ya kumhitukila.¹⁷Hata zuwa dya nkongo dya migate haijeligwe ugwadu wanampina wakwe wambasa Yesu nakulonga kuhi waunga chikakumalanyize udye nkande ya pasaka? ¹⁸Niwo awagambila hitani ko mzi kwa mntu msiku na mgambileni mhinyi alonga chipindi changu chibula nanichintize pasaka hamwenga na wanampina wangu mwe nyumba yako. ¹⁹wanampina wadamanya ege Yesu ivyo awasigile na waika nkande ya pasaka.²⁰Ize ibule jioni niyo kekala akadya nkande hamwenga na wadya wanampina mlongo na waidi. ²¹Umo wakadya inkande niyo kalonga, chindedi nawagambila kugamba yumwenga ywenyu nanihituke ²²Wengila npeho vidaha, na chila yumwenga kukonga kumuza togola chindedi suyo miye, zumbe?²³Akahituka, yudya akutweza mkono wakwe hamwenga na miye mwebakuli nuyo akunga anihituke. ²⁴Mwana ywa mntu atendelwe vyedi kwa mntu uyo hegu helekwe. ²⁵Yuda yudya amhituke nakalonga togola ni miye labi? Yesu amgambila,kulonga mbuli ino weye mwenye.²⁶Umo wakadya nkande Yesu kaguha mgate niyo aujimbika nakuubendula niyo awenka wanampina wakwe akalonga, guhani mdye uno numwili wangu²⁷Niyo aguha chikombe na kuchijimbika niyo awenka na kugamba nywani wose mwechino. ²⁸Kwaviya ino ni sakame ya lagano dyangu ikwitika kwa chausa cha walozize kwa kulekelwa masa. ²⁹Mna nawagambilani saninywe naho matunda ya mizabibu uno mpaka zuwa diya na mnywe kwa uhya hamwenga na nanyue mwo seuta wa tate ywangu.³⁰Weze watende wabinda kuchema wila wafosa kwita kwa kagulu ka mizaituni ³¹Akaheza Yesu niyo awagambila ichilo chino nyuwe nyose namwetowe kwachausa changu kwaviya idolonywa nanimtowe mdimi na magoto yedibunga nayapangane. ³²Mna bada ya kuyuka kwangu naniwalongoile kwita Galilaya.³³Mna Petulo awagambila hata hegu wose nawakulemele kwachausa cha mbuli zikunga zikupate miye sahulemele. ³⁴Yesu ahitula chindedi nakugambila ichilo chino nakubula zogolo hadinati kwila naunilemele nkanana ntantu. ³⁵Petulo amgamba hata hegu yanunga kubanika na weye sahulemele na wanampina watuhu wose wakalonga ivyo ivyo.³⁶Bada ya Yesu aita nawo hantu hakwitangwa Gesemane awagambila wanampina wakwe ikalani hano umo haita uko kulombeza. ³⁷Niyo amguha Petulo na wana waidi wa Zebedayo na kukonga chihovu na kusononeka. ³⁸Akaheza awagambila Muye wangu unachihovu chiyasi cha kubanika sigaleni hano naho mcheleze hamwenga na miye.³⁹Niyo aita kulongozi chodogo niyo kagwa chifudi fudi na kulombeza akalonga tete ywangu hegu vyadahika chikombe chino chinusike isekutenda saviya navyunga miye vitende ivyo ukunga weye. ⁴⁰Niyo awabasa wanampina wakwe kawabwila wagona ntongo na niyo amgamba Petulo kwambwani hamkudaha kucheleza na miye kwa sa dimwenga. ⁴¹Chelezani na kulombeza mnase kwingila mwe majezo Muye uheza mna umwili uholomala.⁴²Niyo aita zakwe nkanana ya kaidi na kulombeza akalonga tate ywangu hegu imbuli ino haikudaha kwenegeka naho yanunga ninywele chikombe chino ungi wako uchinte. ⁴³Niyo kauya naho nakuwabwila wagona ntongo kwaviya meso yawe nayatenda yazama. ⁴⁴Akaheza niyo awasa naho kaita zakwe, akalombeza nkanana yakatatu akalonga milosi idya idya.⁴⁵Badaye Yesu niyo awabasa wanampina wakwe na kuwagambila bado mgona na kwehemela? kaulani sa ibula na mwana ywa mntu akuhitukwa mwe mikono ya wata wavu. ⁴⁶Inukani chiteni kaulani yudya akunga anihituke kabula⁴⁷Chipindi nendile achei kulonga Yuda yumwenga ywa wadya mlongo na waidi niyo kabula Bunga kulu dize dibule hamwenga naye ilaila kwa wakulu wa walavyantambiko na wadalahala watatu niyo weza na mabamba na malungu. ⁴⁸Naho mntu akunga amhitukeYesu nendile kawenka ndege akalonga yudya hunga hambusu nuyo uyo mgwileni.⁴⁹Chipindi icho niyo eza kwa Yesu nakulonga salamu mhinyi niyo ambusu. ⁵⁰Yesu awagambila mbuyangu damanya diya amabdyo dikuleta nivyo eza na kumdoseza mikono Yesu na kumgwila.⁵¹Kaula mntu yumwenga nendile hamwenga na Yesu niyo kachumiza mkono wakwe niyo aguha isime yakwe na kumkanta mndima ywa walavyantambiko mkulu idigutwi dyakwe. ⁵²Niyo Yesu amgamba vuza isime yako hadya uilavize kwaviya wose wakujeseza sime nabalangwe kwa sime. ⁵³Mwafanyanya viya sikudaha kumwitanga tate ywangu naye niyo anitumila wankondo kujinka milongo na mbili ya wandima. ⁵⁴Mna bule jinsi yani mawandiko yongezwa kuchintizwa vino nivyo ikunga kulaila?⁵⁵Chipindi icho Yesu adigambila idibunga Togola mwiza na mabamba na malungu kunigwila saviya mpolaganyi chila zuwa sikala mwe divikilo kulu hawahinya hamnitozize. ⁵⁶Mna yose yano yadamanyika chani mawandiko ya waoni yachinte niyo wanampina wakwe wamwasa na kuguluka.⁵⁷Wadya wamgwilile Yesu wamwigala kwa Kayafa mlavyantambiko mkulu hantu ambaho wadolonyi na wadalahala nendile wadugana hamwenga. ⁵⁸Mna Petulo niyo amtongela kunyuma kwahale kubula mwe ukumbi wa mlavyantambiko mkulu niyo kengila mndani na kwikala hamwenga na wamizi aone chikunga chilaile.⁵⁹Ivyo wakulu wa walavyantambiko na balaza dyose nendile wakalonda ukuzi wa lulimi kujinka Yesu kwaviya wapate kum koma. ⁶⁰Hata hegu nawelaviza ukuzi ulozize mna hawapatile chausa chochose mna badaye waukuzi waidi welaviza kulongozi. ⁶¹Nakalonga mntu yuno nakalonga nadaha kudivuna vikilo dya Chohile na kudizenga kwa mazuwa matatu.⁶²Mlavyantambiko mkulu niyo kachimala na kumuza hikudaha kuhitula? Wano wakuukuila mbwani weye? ⁶³Mna Yesu nakanyamla, mlavyantambiko mkulu amgambila heguChohile ivyo akwikala na kulonga uchigambile hegu weye ni Kulisito mwana ywa Chohile. ⁶⁴Yesu niyo ahitula weye mwenye walonga imbuli ino mna nakugambila kulawa haluse na kujendeleza na umuone mwana ywa mntu kekala mkonowa kulume uta nguvu naho akeza mwa maingu ya kwembingu.⁶⁵Nivyo mlavyantambiko nakayavula amavazi yakwe na kulonga kakufulu Togolani mwaunga naho ukuzi wambwani ? Kaula mwiva kale akakufulu. ⁶⁶Togolani mwafanyanya mbwani? Niyo wahitula na kulonga uyo vyaungwa abanike.⁶⁷Akaheza niyo amtwela mate mouso na kumtowa ngumi na kumfyeka vibao kwa mikono yakwe. ⁶⁸na kulonga chitabiliye weye wi Kulisito ni yuhi akutoile?⁶⁹Chipindi icho Petulo nendile kekala kuse mwe ukumbi na mndima ywa chiche niyo amwitila na kulonga weye nawe nendile hamwenga na Yesu wa Galilaya. ⁷⁰Mna niyo kakana kulongozi kwa wose akalonga simanyize ichintu mkulonga.⁷¹Niyo eze aite kuse ko mlango mndima yumwenga ywa chiche nakamwona na kumgambila nendile weyaho hano, mntu yuno nendile ehamwenga na Yesu wa Nazaleti. ⁷²Niyo akana naho kwa kwelisa miye simmanyize umntu yuno.⁷³Chipindi chijihi badaye wadya nendile wachimala hajihi wamwitila na kulonga na Petulo kwachindedi weye nawe ni yumwenga wawe kwaviya hata idolonywa dyako dyalagisa. ⁷⁴Nivyo akonga kuligita na kwelisa miye simanyize umntu yuno na nkanana iyo ni ya kaidi zogolo niyo dyaila. ⁷⁵Petulo niyo

¹Chipindi cha nomtondo chize chibule wakulu wose wawalavyantambiko na wadalahala watatu wadya njama kumlanga Yesu wapate kumkoma. ²wamtaliza wamlongoza na kumbuza kwa liwali Pilato.³Akaheza chipindi yudya nendile kamhituka nakaona kugamba Yesu kasila kusulumizwa niyo eila na kuvuza vipate milongo mitatu vya hela kwa mkulu ywa walavyantambiko na wadalahala. ⁴nakulonga sidamanya wavu kwa kuhituka isakame heina lema mna niyo wahitula yachunga mbwani suwe? yasinyeni ayo nyuwe wenye. ⁵Akaheza niyo wavidula hasi mwe vikilo na kuhalawa zakwe na kwenyulika yeye mwenye.⁶Mkulu ywa walavyantambiko niyo aviguha viya ivipande vye ihela na kulonga sina halali ya kuika ihela ino mwe kijaluba kwaviya ni galama ya sakame. ⁷Nawakalosana kwa hamwenga ihela itumike kugwila nkonde ya chilongo kuhambila wajeni . ⁸Kwachausa chino inkonde iyo yetangwa nkonde ya sakame hata dyelo vino.⁹Akaheza udya ulosi nandile bulongwa ni muoni Yelemiya chani uchinte kulonga nawaguha vipande milongo mitatu vya hela galama ipangwe ni wantu wa Izulaeli kwachausa chakwe. ¹⁰na watumiya kwa nkonde ya chilongo saviya Zumbe anigambile.¹¹Haluse Yesu kachimala kulongozi kwa liwali na liwali amuza Togola weye ni seuta wa Wayahudi?Yesu amhitula weye walonga ivyo. ¹²Mna chipindi walongelezwe ni walavyantambiko na wadalahala hawahitule chochose. ¹³Akaheza Pilato awagambila hwivile ukulongelezwa kokose kukulanga weye. ¹⁴Mna hamhitule hata ulosi umwenga ivyo liwali niyo kamemwa ni kwehela.¹⁵Haluse mwe sikunkulu nendile kuna mazwela ya liwali kumfungwila mtalizwa yumwenga akusagulwa ni bunga. ¹⁶Chipindi icho nakuna mtalizwa sugu zina dyakwe Balaba.¹⁷Ivyo ichipindi nandile wadugana hamwenga Pilato niyo awauza ni yuhi mkunga chimfugwile kwachausa chenyu? Balaba hegu Yesu akwitangwa Kulisito? ¹⁸Kwaviya nakawamanya kugamba waheza kumgwila kwachausa cha maya. ¹⁹Chipindi nendile wekala mwe chiti chakwe che nkanto, mvyele ywakwe nakamtumila ulosi na kulonga, Usekutenda mbuli yoyose kwa mntu yuo hena lema kwaviya sisumbuliwa vidala hata dyelo mwe sozi kwachausa chakwe.²⁰Niyo wakulu wawalavyantambiko na wadalahala watigizwa mo mdugano wamlombeza Balaba na Yesu akomwe. ²¹Liwali awauza ni yuhi hagati ha waidi mkunga miye nimlekele kwenyu? niyo walonga Balaba. ²²Pilato niyo awagambila ni mtende mbwani Yesu akwitangwa Kulisito? Wose wakahitula msulumize.²³Naye niyo alonga kwani ni ubanasi wani atendile?Mna iyo wajendeleza kuguta kwa izwi kubula kulanga vitendese msulumize. ²⁴Ivyo chipindi Pilato eze awone hakudaha kudamanya dyodyose mna badala yakwe vulugu nendile zikonga niyo aguha mazi niyo ahaka imikono yakwe kulongozi kwe dibunga na kulonga, miye sina lema kulawa kwe sakame ya mntu yuno hena lema yasinyeni ayo nyuwe wenye.²⁵Wantu wose niyo walonga sakame yakwe naitende kulanga kwetu na wana wetu. ²⁶Akaheza niyo amfunguila Balaba kwawe mna niyo amtowa mijeledi Yesu na kumwinkiza kwawe kwita kumsulumiza.²⁷Akaheza wankondo wa liwali niyo wamguha Yesu kubula kwa Pilato na bunga kulu dya wankondo wose naho waduganyike. ²⁸Niyo wamvula izisuche zakwe na kumvala nkazu ya langi inkundu. ²⁹Akaheza wadamanya taji dya miwa na kumvika kulanga ko mtwi wakwe, nawamwikiya mti mo mkono wakwe wa kulume niyo wafika madi kulongozi kwakwe na kumbela wakalonga ndamsa seuta ywa Wayahudi?³⁰Naho wamtwela mate niyo waguha mti na kumtowa mo mtwi. ³¹Chipindi nandile wakambela nawamvula idya inkazu na kumvala izisuche zakwe na kumlongoza kwita kumsulumiza.³²Weze wafose kuse niyo wamuwona mntu kulawa Kilene zina dyakwe Simoni ambaye wamkunkusa kwita nawo chani apate kuwinula umsalaba wakwe. ³³Weze wabule hantu hakwitangwa Goligota mana yakwe gobela dya mtwi. ³⁴Wamwinka siki ihanganywe na nyongo anywe mna eze ailume kadunduga kuinywa.³⁵Chipindi weze watende wamsulumiza niyo wapangana izisuche zakwe kwa kutoa kula. ³⁶Nawekala na kumsinya. ³⁷Kulanga ko mtwi wakwe niyo waika malaho kumlanga yeye yakasomeka Yuno ni Yesu seuta ywa Wayahudi.³⁸Wakupolaganya waidi wasulumizwa hamwenga naye yumwenga ntendele ya kulume mntuhu ntendele ya kumoso. ³⁹Wadya nendile wakajinka nawabela wakasingisa singisa imitwi yawo. ⁴⁰Na kulonga weye nandile ukaunga kubalanga vikilo kulu na kudizenga kwa mazuwa matatu kwekombole weye wenye hegu wi mwana ywa Chphile sela hasi ufose mo msalaba.⁴¹Mwe hali idya idya wakulu wawalavyantambiko nendile wakamsimanga hamwenga na na watakudolonya na wadalahala na kulonga, ⁴²Nkakombola watuhu mna hakudaha kwekombola mwenye, yeye ni seuta ywa Wayahudi nasele hasi kulawa mo msalaba nivyo nachimzumile.⁴³Nakamwegamila Chohile leka Chohile amkombole haluse hegu aunga kwaviya nakalonga miye ni mwana ywa Chobile. ⁴⁴Nawadya watakupolanya nendile wasulumizwa hamwenga naye akaheza walonga milosi ya kubela.⁴⁵Haluse kulawa saa mtandatu nendile kuna chiza mwe isi yose kubula saa chwnda. ⁴⁶Ize ibule sasa chenda Yesu kaila kwa izwi kulu, eloi, eloi, lama sabakisani? Mana yakwe Chohile ywangu, Chohile ywangu kwambwani kunasa? ⁴⁷Chipindi ichi wasiku wakwe nendile wachimala ahadya wetegeleza walonga amwitanga Eliya.⁴⁸Nkana imwenga yumwanga ywawe niyo aguluka akuguha sifongo na kuimemeza chakunywa chisungu kaika kulanga ko mti kubula apate kunywa.. ⁴⁹Niyo wadya wasigale niyo walonga, mwaseni ichedu, chikaule hegu Eliya naeze kumkombola. ⁵⁰Akaheza Yesu aila naho kwa izwi kulu nakulavya umuye wakwe.⁵¹Kaula paziya dye ivikilo ditatuka hantu haidi kulawa kulanga kubula hasi na hasi hazingiza luwe utulika vihande. ⁵²Mbila zigubuka na mili ya wakukile ilozize nendile igona ntogo niyo wauyuswa. ⁵³Nakulawa kwe zimbila bada ya uyuso wakwe, niyo wengila mo mzi ung'azigwe na kuwonekana waloza.⁵⁴Bule yuda akida na wadya ambawo nendile wakamsinya Yesu niyo waona zingizo dya mbuli za kale zikulaila nawamemwa ni woga vidala na kulonga chindedi yuno nendile ni mwana ywa Chohile. ⁵⁵Wavyele walozize nendile wamtongela Yesu kulawa Galilaya chani kumsankanila nendile wehadya wakamsinya kulawa kwa hale. ⁵⁶Mgati mwawo nendile Maliyamu Magidalena, Maliyamu nine dya Yakobo na Yusufu na nine dya wana wa Zebedayo.⁵⁷Ize ibule diswele nakeza mntu mgoli kulawa Alimsaya akwitangwa Yusufu ambaye yuno nendile ni mwana mpina ywa Yesu. ⁵⁸Niyo kamwitila Pilato na kumlombeza umwili wa Yesu, akaheza Pilato niyo asigila apate kwinkwa.⁵⁹Yusufu niyo auguha umwili nakuuvunga suche ing'aile yedi. ⁶⁰Niyo augoneza mwe mbila pya yakwe nendile isongolwa mwe luwe, akaheza niyo afingilisa yuwe kulu niyo dyagubika mo mlango we mbila na kwita zakwe. ⁶¹Maliyamu Magidalena na Maliyamu mtuhu nendile wehadya wekala wakasinya kwe mbila.⁶²Zuwa ditongele ambadyo nendile ni zuwa dya mawandaliyo wakulu wa walavyantambiko na Mafalisayo wadugana hamwenga kwa Pilato. ⁶³Wamgambila zumbe chabunkula kugamba chipindi yudya umdanti endaga mjima nakalonga badala ya mazuwa matatu nauyuke naho. ⁶⁴Ivyo sigila kugamba mbila yamilwe vyedi kubula zuwa dya katatu. Vituhu wanampina wakwe wadaha kwiza kuubawa na kulonga kwa wantu kauyuka kulawa kwa wabanike na udanti wa udumo nautende wihisa kujinka udya wa nkongo.⁶⁵Pilato amagambila mlavyantambiko mwamizi hitani mkadamanye hali ya wedi ivyo mkudaha. ⁶⁶Ivyo niyo waita na kudamanya mbila kutenda vyedi yuwe digongigwe mhuli na kwika wamizi.

¹v 1 Umo ne chisingi zuwa dya sabato, zuwa dize ditende dyaswa kutongela zuwa dya nkongo dya juma, Maliyamu magidalena na yudya Maliyamu umtuhu naweza kuiona imbila. ²Kaula nandile kuna chisingisa chikulu kwaviya mndima ya Zumbe nakasela na kufingilisa diya idiyuwe niyo adikaila.³Uao wakwe wikala saviya umeme neizisuche zakwe nandile zing'ala chwee. ⁴Wadya wadimi wengilwa ni woga na kutenda saviya wabanka.⁵Yudya mndima awagambila wadya wavyele akagamba, Msekogoha kwaviya simanya kugamba mwamlonda Yesu asulumizwe. ⁶Hahali hano, mna kauyuka saviya viya awagambileni soni muone hantu nandile Zumbe nakagona. ⁷Hitani chinguvunguvu, mkawagambile wanampina wakwe kauyuka kualawa kwe wabanike kaula kawalongoila Galilaya uko nuko na mumone .⁸Kaula wavyele wahalawa hadya he mbila chinguvu nguvu wakatenda welelwa vidala, niyo waguluka kuwagambila wanampina wakwe. ⁹Kaula Yesu niyo adugana nawo nakuwgamba ahoni wadya wavyele naweza na kutoza iviga vyakwe, naho akajika wamvikila. ¹⁰Niyo Yesu awagambila msekogoha hitani mkawagambile walukolo wangu walongole Galilaya uko nawanione.¹¹Ichipindi icho wadya awavyele nendile wakaita kaula watuhu wa wamizi waita mo mzi na kuwagambila wakulu wa walavyantambiko mbuli zose endile yalaila. ¹²Niyo walavyantambiko weze wambwilane na wadalahale na kulafya mbuli iyo hamwenga nawo, nawalavya chima chikulu cha hela kwe wadya wamizi. ¹³N kuwagamba wagambileni watuhu kugamba wanampina wa Yesu naweza nechilo waubawa umwili wa Yesu umo suwe chitendile chigona.¹⁴Enga mbuli ino inabwila liwali suwe nahilosana na kuwausizani nyuwe nkama yose. ¹⁵Ivyo wankondo waziguha ziya izihela na kudamanya saviya awagambile nakuelekezwa, mbuli ino ijendeleza vidala mwe Wayahudi na itenda viyo kubula dyelo.¹⁶Mna wadya wasigilwa mlongo na imwenga nawaita Galilaya mwe udya umlima nendile kawagambila. ¹⁷Naho weze wamuwone wamvikla mna watuhu wawo waona nkama.¹⁸Yesu eza kwawo niyo awagambila akagamba sinkigwa udahi wose mwe isi na ulanga. ¹⁹Ivyo hitani mkawatende isi zose kutenda wana mpina muwabatize mwe zina dya tate na mwana na Muye Ukukile.²⁰Muwahinye kutoza mbuli zose niwalagizeni naho kaula miye ni yuko hamwenga na nyuwe mazuwa yose hata mo udumo we izisi.

¹Ino ni nkongelo ya mbuli yedi ya Yesu Kulisito mwana ywa Chohile. ²Saviya idolonywe ni muoni Isaya, kaula namsigila, msigilwa ywangu kulongozi kwako yumwenga akunga aimalanywe sila yangu. ³Izwi dya mntu akwila kwe mbingu ichintizeni isila ya Zumbe zinyoloseni sila zakwe.⁴Yohana nakeza na kubatiza kwenyika na kulonga mbuli za ubatizo wa kweila kwa kulenguswa masa. ⁵Isi yose ya Yudeye na wantu wose wa Yelusalemu nawaita kwakwe, nandile wakabatizwa naye mo mto Yolodani, wakeila masa yawo. ⁶Yohana nendile kavika suche za mazoya ya maguniya na misipi wa mkota mwe chigudi chakwe, nendile akadya sije na uchi wa kwenyika.⁷Nakalonga mbuli zedi na kugamba, eyaho yumwenga akwiza badala yangu mwenye udahi ulozize kujinka miye na sina udahi hata wa kufunama hasi na kufungula sigi ye vilatu vyakwe. ⁸Miye nasiwabatiza kwa mazi mna yeye nawabatize nyuwe kwa Muye Ukukile.⁹Nailaila mwwa mazuwa ayo kugamba, Yesu nakeza kulawa Nazaleti ya Galilaya naho nakabatiza ni Yohana mwe dikolongo dya mto Yolidani. ¹⁰Chipindi Yesu eze enuke kulawa kwa mazi nakawona mbingu zipangana mwazi na muye akasela hasi mmlanga mwakwe saviya kasuwa manga. ¹¹Naho izwi dilaila kwembingu dikagamba, weye ni Mwanangu hungisa naho huwagilwa naye.¹²Akaheza nkanana imwenga Muye kamkinkisa kwita kwe nyika. ¹³Nendile kwenyika mazuwa mlongo na mine akajezwa ni mwavu, nakatenda hamwenga na wanyama wa kumbago na wandima wa Chohile wamsankanila.¹⁴Halluse bada ya Yohana kugwilwa Yesu nakeza Galilaya akalonga mbuli ya Chohile. ¹⁵Akalonga chipindi chichinta na Useuta wa Chohile wihaguhi kweileni na kuizumila mbuli yedi ya Chohile.¹⁶Naho nawakajinka mnkand mwe bahali ya Galilaya, ivyo amuona Simoni na Anduleya mlukolo wakwe Simoni wakadula lavu mwe bahali kwaviya nendile ni walowa. ¹⁷Yesu niyo awagambila, soni mnitongele naniwatende walowa wantu. ¹⁸Nho nkanana imwenga niyo waleka nyavu niyo wamtongela.¹⁹Ivyo, Yesu eze ajende uhale chidogo kamuona Yakobo mwana ywa Zebedayo na Yohana mlukolo ywakwe nawendile mwe mtumbwi wakadamanya nyavu. ²⁰Nawo nakawetanga nawo wamwasa tati yawo Zebedayo mndani mo mtumbwi wazumizi aguligwe, niyo wamtimila.²¹Naho weze wabule Kapeleneumu zwa dya kuhumulaYesu niyo engila mwe nyumba ye divikilo na kuwahinya. ²²Wadyehelwa hinyo dyakwe, kwaviya nendile akawahinya saviya mntu ambaye ana udahi na siyo saviya wadolonyi.²⁶²³Mazuwa ayo, ayo nendile kuna mntu mwenyumba ye divikilo dyelo endile na muye mchafu, niyo atowa ulwasu. ²⁴Akagamba china chibwani cha kutenda na weye Yesu wa Nazaleti? Kwiza kuchikoma? Na kumanya wi yuhi. weye wi Mkuka ichedu ywa Chohile. ²⁵Yesu nakamkwahilampeop na kugamba, nyamala naho ufose mndani mwakwe! Naho muye mchafu niyo wamgwisa hasi niyo wafosa kwakwe kuno akaila kwa izwi dya kulanga.²⁷Naho wantu wose nawehelwa ivyo, niyo wauzana chila yumwenga ino nimbwani?Hinyo hya dyenye udahi? Hata dyawalonga mapepo machafu nyo yazumila. ²⁸Ne habali kumlanga yeye mwe zuwa dimwenga niyo zajendeleza chila hantu mndani mo mkowa owse wa Galilaya.²⁹Na zuwa dimwenga bada ya kufosa kweise kwe nyumba ye divikilo, wengila mwe nyumba ya Simoni na Anduleya wakatenda na Yakobo na Yohana. ³⁰Halue nine mkwewe Simoni nendile kagona ni mnyonje wa homa, na zuwa dimwenga wamgambila Yesu mbulin zakwe. ³¹Ivyo niyo eza niyo amtoza kwa mkono na kumwinula kulanga homa niyo yahalawa kwakwe, niyo akonga kuwambiza.³²Chisingi ivyo zuwa dizamile nawamletela kwawe wose wendile ni wanyonje hegu wamemigwe ni mpepo. ³³Mzi wose uchintana hamwenga, mo lwivi. ³⁴Kawa honya walozize wendile wanyonje na manyonje yesimane na kulavya mpepo kulonga kwaviya nawamanya.³⁵Nakenuka chilochilo chipindi hakunati kucha, nakahalawa na kwita hantu he falaga na kulombeza uko. ³⁶Simoni na wose nendile naye nawamzungula. ³⁷Nawampata na kumgambila chila yumwenga akuzungula.³⁸Nakawagambila chiteni hantu hatuhu kuse mwe mizi ikuchizunguluka chani nidahe kuilonga mbuli yedi uko nako. ³⁹Nakaita kujinkiila Galilaya yose akalonga mbuli yedi mwe izinyumba za mavikilo yawo nakukwahila mpepo.⁴⁰Mta matana yumwenga nakeza kwakwe nendile wakamgamba nakafika madi na kumgamba uneva waunga wadaha kunitenda nitende wedi. ⁴¹Akasukumwa ni mbaziYesu nakanyolosa umkono wakwe na kmdonta akamgamba, naunga utende wedi. ⁴²Mala imwenga matana yo yamfosa naho katendwa kutenda mjima.⁴³Yesu niyo amfundisa na kumgamba aite nkanana imwenga du, ⁴⁴Nakamgambila usinyise unasekulonga mbuli kwa yoyose mna hita welagise kwa mlavyantambiko na ulavye lavyo kwachausa cho ukuka ambawo Musa nakausigila saviya ukuzi kwawo.⁴⁵Mna nakaita na kukonga kuwagambila chila yumwenga na kulonga mbuli kujendeleza hata Yesu hadahile naho kwingila mo mzi kwa kulekeilwa, ivyo nakekala hantu wantu naweza kwakwe kulawa chila hantu.

¹Eze auye Kapelanaumu bada ya mazuwa majeche niyo yevika kugamba nendile we kukaya. ²Wantu walozize vidala nendile wadugana hadya naho hahatendile na nafasi naho, hata idya ya hadya ho luvi yesu nakalonga uosi wakwe.³Akaheza bazi ya wantu naweza kwakwe wamletela mtu nendile kaholomala, wantu wane nendile wamweleka. ⁴Chipindi wadunduga kumseleza kwaviya bunga dya wantu niyo wausa paa kulanga kwa hantu hadya nendile weli, niyo watenda waheza kubusa langa, niyo waseleza ulusazi ambawo umntu nendile aholomale nakatenda kagona.⁵Eze awone utondowazi wawe, Yesu niyo amgambila mntu aholomale, mwanangu wavu wako ulekelwa. ⁶Mna bazi ya wadolonyi wadya nendile wekala hadya wakeuza mwe myuye yawe. ⁷Adaha zee mntu yuno kulonga vino? abela ni yani akudaha kulekeila masa mafani Chohile yeye ichedu.⁸Chimpupa Yesu niyo kamaya mo muye wakwe icho nendile wakafanyanya wamwenga wawe, wenye, niyo awagamba, kwambwani mwafanyanya vino mwe imyuye yenyu? ⁹Ni dihi dihuhile kwenyu kulonga kwa mntu aholomale masa yako yalekeilwa hegu kulonga chimala, guha ulusazi lwako na ujende.¹⁰Mna chani wapate kumanya yakutendeka Mwana ywa mntu ana udahi wa kulekeila masa mwe isi, niyo awagamba yudya aholomale. ¹¹Nakumgamba weye inuka, guha mcheka wako wite kukaya kwako. ¹²Niyo achimala nkana imwenga aguha umcheka wakwe, niyo kaita kuse kwenyumba kulongozi kweinyumba ya chila mntu, ivyo wantu wose niyo wehelwa nakumwinka Chohile ntunyo, nakulonga hata hachiwahiye kusinya mbuli age zino.¹³Nakaita naho hankanda hediziwa ne dibunga dyose dya wantu wezile kwakwe na kuwahinya. ¹⁴Niyo nendile akajinka niyo kamuwona Lawi mwana ywa Alifayao kekala mwenye hantu hekuchisanya maliho na kumgamba nitongela nakachimala na kumbasa.¹⁵Naho chipindi Yesu nendile akapata cha kudya, mwe inyumba ya Lawi, wakukuchisanya maliho walozize na wantu wenye masa nendile wakadya na Yesu na wanampina wakwe kwaviya nawatenda waloza nawo wamtongela. ¹⁶Chipindi wadolonyi ambawo nendile ni ni Mfalisayo weze waone kugamba Yesu nendile akadya na wantu wenye masa na wakuchisanya maliho niyo awagambila wanampina wakwe kwambwani wadya na wakuchisanya maliho na wantu wata masa?¹⁷Chipindi Yesu eze eve ivyo, awagamba wantu wekale wanene mwe mili hawakunga mganga mna wantu wanyonje awodu nawo wakunga, sizile kuwetanga wamtu wata kuwagila mna wantu wata masa.¹⁸Wanmpina wa Yohana na Mafalisayo nendile wakafunga, na bazi ya wantu naweza kwakwe na kumgambila kwambwani wanampina wa Yohana na Mafalisayo wafunga, mna wanampina wako hawakufunga? ¹⁹Yesu niyo awagamba togolani nezile kwe inyinka wadaha kufunga chipindi zumbe we inyika bado akatenda hamwenga nawo? Kwaivyo vyose Zumbe we inyika akatenda hanti eyuko hamwenga na wowo hawakudaha kufunga.²⁰Mna mazuwa naye ze chipindi Zumbe we nyinka umo akauswa kawe, na mwa mazuwa ayo nawo nawafunge. ²¹Hakuna mntu akusuma chipande chihya cha suche mwe vazi kulu kulu vituhu naho chilaka chabanduka kulawa mwe iyo ihya, kubanduka kulawa mwe kulukulu naho hahatende hatatuka vihiye. ²²Hahana mntu akujela divai hya mwe chikombe sicho chedi bila ivyo yatula ivymbo naho vyose vidi idivai na ivyo navyage badala yakwe, ika divai pya mwe chikombe chihya.²³Mwe zuwa dya kuhumula Yesu nakajinka mwe bazi ya nkonde, na wanampina wakwe niyo wakonga kuguha bazi ya masuke ya ngano. ²⁴Nho Mafalisayo niyo wamgamba, kaula kwambwani wadamanya chintu ambacho ni chinyume cha sigilizi mwe zuwa dya kuhumula?²⁵Niyo awagambila hamkusoma chiya adamanya Daudi, chipindi ekale mwe kunga na sala yeye hamwenga na wantu nendile ehamwenga naye? ²⁶Saivyo ajendile mwe inyumba ya ya Chohile chipindi Abiasali atendile mlavyantambiko mkulu niyo kadya mgate wikigwe kulongozi ambawo nawikala chinyume cha sigilizi kwa mntu yoyose kudya lamda walavyantambiko naho nakawenka bazi ya wadya wendile naye?²⁷Yesu niyo alonga zuwa dya kuhumula niyo itendeka kwachausa cha Mwana mntu sivyo Mwana mntu kwa chausa cha zuwa dya kuhumula. ²⁸Ivyo Mwana ywa mntu ni Zumbe hate kwe zuwa dya kuhumula.

¹Naho niyo engila nyumba ya ntambi mudya namo namna mntu mnta mkono uholomale. ²Wantu wesimile nawambasa kwa hajihi, waone hegu namhonye zuwa dya kuhumula chani kugamba wamwigale kwechitala.³Yesu amgamba mntu mta mkono uholomale inuka uchimale mgati mwe dibunga dya wantu wano. ⁴Niyo awagamba wantu, vino ni vitana kudamanya mbuli yedi mwe zuwa dya kuhumula hegu kudamanya heyekuwagila kumbwila ujima hegu kuukoma? Mna niyo wanyamala.⁵Niyo wamsinya kwa maya, niyo anyanyahala kwa udala we muye yawe, niyo amgamba yudya mntu nyolosa umkono wako niyo anyolosa Yesu naye niyo amhonya umkono wakwe. ⁶Mafalisayo niyo wafosa kweise niyo wakutenda njama hamwenga na mahelode kumlanga yeye chani wamkome.⁷Niyo Yesu hamwenga na wanampina wakwe niyo waita kwe ibahali naho umati ulozize niyo wambasa ukalawa Galilaya na Uyahudi, ⁸nakulawa Yelusalemu na kulawa Idumaya na kulongozi kwa Yolodani na mozi wa Tilo na Sidoni umati mkulu eze wive chila chintu atendile niyo weza kwakwe.⁹Niyo awagamba wanampina wakwe waike vyedi ngalawa ndodo kwachausa chakwe, cha umati chani kugamba wanase kumvigaviga. ¹⁰Kwaviya nakahonya walozize, chani chila mntu mta masulumizo nendile akabesa ambwile amdonte.¹¹Hohose mpeho chafu wakamuwona, wagwa hasi kulongozi kwakwe na kuguta, wagamba weye wi Mawna ywa Chohile. ¹²Niyo azikwahila zisekutenda amanyike.¹³Niyo aita kulanga ko lugulu, niyo etangwa awo ungile niyo waita kwakwe. ¹⁴Niyo asagula mlongo na waidi awo etenge wasigilwa, chani kugamba watende hamwenga na yeye naho adehe kuwasigila kulonga mbuli yedi. ¹⁵Nakutenda na udahi wa kulavya mpepo. ¹⁶Niyo asagula mlongo na waidi, Simoni akwitagwa Petulo,¹⁷Yakobo mwana ywa Zebedayo, na Yohana mwelekwa ywa Yakobo, enkigwe zina dya Bonagesi, awo ni wana wa mvumilo, ¹⁸Anduleya, Filipo, Batolomayo, matayo, Tomaso, Yakobo, mwana ywa Alifayo, Tadayo, Simoni mkakanayo, ¹⁹na Yuda Isikaliyote, uyo amhituke,²⁰Niyo aita kukaya na umati wa wantu niyo weza hamwenga na yeye hata wasekudaha kudya mgate. ²¹Walukolo wakwe wweze weve ivyo, niyo waita wakumgwila kwaviya wagamba kapilika mnulu. ²²Wadolonyi eze weve kulawa Yelusalemu niyo wagamba kavalukwa ni Belizebuli, na kwamkulu ywa mpepo.²³Yesu niyo awetenga kwakwe niyo alonga nawo kwa miliganyo. ²⁴Hegu Useuta ukapangana wenye, Useuta uwo haukuchimala. ²⁵Hegu nyumba yepanga yenye, nyumba iyo haikudaha kuchimala.²⁶Hegu mwavu akenula chinyume chakwe mwenye na kupangana, hakudaha kuchimala, naho natende kabula uhelo wakwe. ²⁷Mna hakuna hata yumwenga akudaha kwingila mndani mwe nyumba ya mntu mta udahi niyo abawa vintu vyakwe bila kumtaliza mta udahi nkongo nivyo naole vimnyumba.²⁸Chindedi nawagambilani masa yoyose ya wana wa mntu, nayalekeilwe hamwenga na vihiye ivyo wakulonga. ²⁹Mna yoyose akunga amlonge vihiye Muye Akukile halekeilwe ng'o, mna ana masa ya kale na kale. ³⁰Yesu kalonga ivyo kwaviya wagamba nandile ana muye mchafu.³¹Niyo mami yakwe na walukolo wakwe niyo weza wachimala kuse, niyo wayuma mntu akamwitange. ³²naho bunga dya wantu nadikala hamwenga na yeye niyo wamgambila, mami yako na walukolo wako weheise naho wakulonda weye.³³Awahitula ni yuhi mnala na walukolo wangu. ³⁴Awasinya wadya wekalanye wamzunguluke niyo agamba, kaula wano nawo wamnala na walukolo wangu. ³⁵Yoyose akusankana na ivyo akunga Chohile, mntu uyo ni mlukolo ywangu na lumbu na mnala ywangu.

¹Naho nakakonga kuhinya mnkanda mnkanda we bahali, naho bunga kulu achintanye wakamzunguluka niyo engila mndani mwe ngalaw, na kwikala, bunga dyose nendile mnkanda mwe bahali molukwambiza. ²Niyo awahinya mbuli zilozize kwamiliganyo na kugamba mwawo mwe mahinyo yakwe .³Tegelezani mhandi nakaita kuhanda. ⁴Umo akahanda izimbeyu izimwenga zigwela mwe isila na wadege wweza na kuzidya. ⁵Izimbeyu izintuhu nazigwela mwe luwe, ambaho hahana ulongo ulozise niyo zanyala, kwaviya nendile hezimwe ulongo ukuwagila.⁶Mna zuwa dize dilawe niyo zanyuluka, kwaviya nandile hazina maizi niyo zanyala. ⁷Mbeyu izintuhu nazigwela mgati gati mwe miwa, miwa nendile ikazifinta niyo hazeleke tunda dyodyose.⁸Izimbeyu izintuhu nazigwela mwe ulongo mtana, nakwelaka matunda umo zikakula na kujenyela, izintuhu nazeleka nkanana milongo mitatu vitendese, izintuhu mlongo mtandatu naizintuhu magana. ⁹Niyo agamba yoyose mwenye magutwi ya kwiva neve.¹⁰Yesu eze atende echedu, wadya wendile wehaguhi naye na wadya mlongo na waidi nawamuza mwe miliganyo. ¹¹Niyo agamba mwawo, mwenyu mwinkigwa kubunkula mbuli zifisigwe zo Useuta wa Chohile, mna kwa wekuse chila chintu ni miliganyo. ¹²Chani wakasinya nivyo husinya, mna hawakuwona naho mwe ivyo weze weve nivyo weva, mna hawakumanya, hegu wamanyize nawamhitukila Chohile hegu hawalekeile masa.¹³Niyo alonga mwawo vino hamkumanya mliganyo uno? namdahe zeze kumanya miliganyo mituhu? ¹⁴Mhandi nakahand ulosi. ¹⁵Awatuhu ni wadya wagwele mnkanda mwe isila, hantu ulosi uhandigwe, naho weze weve, aho mwavu niyo eza auguha ulosi ambawo uhandwa mndani mwawo.¹⁶Na watuhu ni wadya wahandigwe mlanga mwe yluwe, ambawo weze weve ulosi aho wauhokela mwa kwelelwa. ¹⁷Naho hawana maizi yoyose mndani mwawo, mna wajijimiza mwe chipindi chiguhi, akajika nkunto na masulumizo vikeza mwe viya mwe ulosi aho wakobadika,¹⁸Na awatuhu ni wadya wahandigwe mwe miwa wawiva ulosi. ¹⁹Mna nkondo ye isi udanti wa ugoli na tama za mbuli ntuhu ziwengila na kufinta ulosi niyo yashindwa kweleka matunda. ²⁰Akajika kuna wadya wahandigwe mwe ulongo mtana, weva ulosi na kuuhokela na kweleka matunda, watuhu nkanana milongo mitatu na watuhu nkanana milongo mtandatu na wamwenga nkanana gana.²¹Yesu niyo awagambila vino, mwaletaga tata mndani mwe nyumba na kwika hasi mwe ntangulu hegu naho hasi ho lusazi? Waileta mndani na kuika mlanga mwe chiya. ²²Kwaviya hana chochose chefisize kugamba hachimanyike, naho hamna chikufiswa ambacho hachigubulwe hang'aile. ²³Akawenka wenye magutwi ya kutegeleza na ategeleze.²⁴Niyo awagamba ikalani na kusinyisa mwe chiya mkuchiva chihimo mkuhimila nicho namhimilwe naho naijenyezwe kwenyu. ²⁵Kwaviya yeye ananacho hahokele vijenyele na yudya henenecho kulawa kwakwe naviguhigwe na viya ananavyo.²⁶Niyo agamba Useuta wa Chohile uliganizwa na mntuahandile mbeyu mwe ulongo. ²⁷Eze agone nechilo na kwinuka mtondo na mbeyu zikatunga na kukula mna hamanyize ivyo vilaile. ²⁸Isi yalavya mbeyu yenye nkongo mani akajika haluwa akajika mbeyu zitogile. ²⁹Ne ichipindi mbeyu ikatenda iva aho hwigala nyengo kwaviya ulozo ubula.³⁰Niyo agamba chiuliganye Useuta wa Chohile na chintu chani hegu naho chijeseze mliganyo w2ani ukulongele? ³¹Ni saviya mbeyu ya haladali ambayo eze ihandwe ni ndodod vidala kujinka mbeyu zoase mwe isi. ³²Mnalo umo ikahandwa yatenda nkulu vitendese yatenda ziti kulu kujinka yose mwe busitani, naho yatenda na matambi makulu hata wadege wo ulanga wadaha kuzenga masasa yawo mwe mpeho yakwe.³³Mwe miliganyo ilozize nakahinya na kulonga ulosi wawo, mwe viya wadahile kubunkula. ³⁴Naho halongile nawo hajeile miliganyo mna ichipindi eze atende echedu mwenye niyo awagambila chila chintu wanampina wakwe.³⁵Mwe dizuwa idyo chipindi che chisingi chiae chibule niyo alonga mwawo chiteni ntendele ya kaidi. ³⁶Ivyo niyo waleka bunga, wamguha Yesu, ichipindi na emndani mwe ngalawa, ngalawa ntuhu nendile hamwenga naye. ³⁷Niyo ng'ung'unto nkali mawimbi ya mazi nendile yakengila mndani mwe ngalawa ne ingalawa nendile yajika kumemema.³⁸Mna Yesu mwenye nednile mweShetri kagona ntogo, niyo wamwinula, wakagamba, mhinyi vino hukuona suwe chafa? ³⁹Niyo enuka niyo aikwahila inkung'unto niyo aigamba, ibahali tondowalani dwi, inkung'unto yaleka, nendile kuna utondowazi mkulu.⁴⁰Niyo awagamba kwambwani mwogoha? Vino mchehamnati kuzumila? ⁴¹Niyo wamemwa ni woga mkulu mndani mwawo na kulosana wenye kwa wenye, yuno niyani naho, ni mbwani hata kung'unto ne ibahali vyamwiva?

¹Nadaha kubula ntendele tuhu ye bahali, mwe isi ya Wagelesi. ²Aho chipindi Yesu nendile akafosa kuse kwe ngalawa, mntu yumwenga wenye muye wihiye nakeza kwakwe kulawa kwe zimbila.³Mntu yuno nakekala mwe zimbila, hahana adahile kumchinda vitendese, hana hata minyolo. ⁴Nendile katalizwa nkana zilizize na mpungu na minyololo, mna kaidumula iminyolo ne zipingu zakwe nazivunwa, hahana hata yumwenga atendile na nguvu ya kumdaha.⁵Chilo na msi akatenda kwe zimbila na mwe magulu, nakaila na kwesenga yeye mwenye mwe mayuwe yasongoke. ⁶Eze amuwone Yesu kwa hale, niyo amgulukila kwakwe niyo amfikila madi kulongozi kwakwe.⁷Nakaila mwe izwi kulu, wonga hutendele mbwani? Nakulombeza Mwana Chohile ekulanga vidala? Nakulombeza mwana Chohile mwenye usekunisulumiza. ⁸Kwaviya nendile kamgambila mfose mntu yuno weye muye wihiye.⁹Naye nakamuza, zina dyako ni yani? Naye niyo ahitula, zina dyangu ni Legioni kwaviya chiloza. ¹⁰Nakamhembeleza naho na naho asekuwegala kuse ko mkowa.¹¹Haluse fyo kulu dya nguluwe nendile dikaliswa mlanga mwe lugulu. ¹²Nawo wamunga wakagamba, chisigile mwe zinguluwe chingile mndani mwawo. ¹³Ivyo niyo azumila muye mchafu niyo wamfosa na kwingila mndani mwe zinguluwe niyo zagulukila hasi mwe kagulu kuby=ula mwe bahali, naho haguhi he nguluwe milongo magana maidi zididimila mwe bahali.¹⁴Niyo wadya nendile wkalisa izinguluwe nawaguluka na klavya ulosi wa viya vilaile mo mzi na mwe isi nivyo wantu walozize nawafosa kwita kuona icho chilaile. ¹⁵Nivyo weza kwa Yesu naho nawamuona mntu nendile ana fyo dya myuye ihiye nendile ana fyo, kekala hasi kavikwa naho akatenda mwe fanyanyi zakwe, zichintile niyo nawo wogoha.¹⁶Wadya nendile waona chiya chilaile mwe mntu nendile mta muye wihiye awagambila viya vilaile mwakwe, naho ikulanga nguluwe. ¹⁷Niyo wakonga kumhembeleza mo mkowa wawo.¹⁸Naho eze atende akengila mndani mwe ingalawa mntu nendile kalalukwa na muye nakamhembeleza kugamba aite hamwenga naye. ¹⁹Mna hakumzumila, mna kamgambila, hita kukaya kwako na mwa wantu wako naho uwagambile akudamanyize Zumbe na wedi akwinkile. ²⁰Ivyo niyo aita na kukonga kulonga mbuli nkulu atendile Yesu kadamanya mwakwe na mwe Dekapoli na chila yumwenga nakehelwa.²¹Ichipindi Yesu eze adeluke kwa ntendele ntuhu mndani mwe ingalaw, bunga kulu dichintana na kumzunguluka, eze atende mnkanda mwe bahali. ²²Naho yumwenga ywa vilongozi we divikilo akwitangwa Yailo nakeza, naho eze amuwone nakagwa mwe iviga vyakwe. ²³Niyo mhembeleze vitendese akagamba chigoli wangu mdodo ehaguhi na kubanika, nakuhembeleza soo naho ujeleke imikono yako mlanga mwakwe chani kugamba adahe kupata ujima na kwikala. ²⁴Ivyo nakita hamwenga naye ne idibunga kulu dimtongele nawo nawamwazaganya mwazaganya haguhi wakamzunguluka.²⁵Nahendile na mvyele nendile akalawa sakame yakwe nendile naifosa kwa mihilimo milomgo na midi, ²⁶Nakasulimila vitendese hsi he waganga walozize naho nakajeseza chila chintu nendile anancho, mna ivyo havimwambize chochose, mna ukaleka kuzidi kutenda na hali ihiye. ²⁷Keva ulosi ukulanga Yesu ivyo nakeza mnyumba mwakwe chipindi nendile akajenda mndani dibunga naye niyo adota isuche yakwe.²⁸Kwaviya nakagamba, nina donta isuche yakwe du nanitende mjima. ²⁹Eze adonte kulawigwa ni sakame niyo kwaleka na kuwona mo mwili wakwe kugambaa nakahonywa kulawa mwe masulumizo yakwe.³⁰aho Yesu niyo abunkula mndani mo mwili wakwe mwenye kugama nguvu zakwe zimlawa, niyo ahituka kuno na kuno mwe idibunga dya wantu na kuza ni yuhi anidontile isuche yangu? ³¹Wanampina wakwe niyo wamgamba wawona bunga dino dikufintana wakakuzunguluka, nawe wagamba ni yani anidontile? ³²Mna Yesu naksinya kuno na kuno kusinya uyo nendile amdontile hegu adamanye ivyo.³³Mvyele nakamanya chilaile mwakwe nakogoha niyo azingiza na kugwa hasi kulongozi kwakwe na kumgambila ni chindedi chose. ³⁴Naaaakalonga kwakwe chigoli utondowazi wako kutenda utende mjima hita kwa utondowazi na uhonywe kulawa mo unyonje wako.³⁵Nendile akalonga watuhu wa wantu naweza kulewa mwe ulongozi wa nyumba ya vikilo, wakagamba, chigoli ywako kabanika, nimbwani wamtumbwadisa mhinyi?³⁶Mna Yesu eze eve icho wakulonga, nakamgambila chilongozi ywa nyumba ya vikilo, usekogoha, zumila du. ³⁷Hamlekeile yoyose kulongozana naye, mna Petulo, Yakobo na Yohana walukolo wakwe Yakobo. ³⁸Naweza kukaya kwa chilongozi ywa nyumba ya kuvikila naye nakawona ngavungavu, kwila vidala na kung'ung'uzika.³⁹Eze engile mnyumba nakawagamba, ni kwambwani mkunyanyanhala noho, kwambwani mwaila? mwana habanike mna kagona. ⁴⁰Nawamseka, mna yeye nakawausa wose kuse, nakamguha tate wo mwana na nine na wadya nawehamwenga naye, naho nakengila mndani endile uydya umwana.⁴¹Nakaguha umkono wa umwana niyo amgamba, Talisa koum, ni kugamba, chigoli, mdodo nakugamba inuka. ⁴²Chimpupa niyo umwana niyo enuka na kujenda kwaviya nendile ana lika dya mihilimo mlongo na midi, naho chimpupa watozwa ni lwehelo mkulu. ⁴³Kawagamba kwa nguvu kugamba hakuna yoyose akungwa kumanya kulanga dino naho kawagambila wamwinke yudya chigoli nkande.

¹Niyo ahalawa aho na kwita kwawe, na wanampina wakwe wakamtongela. ²Zuwa dya kuhumula dize dibule niyo akonga kuwahinya mwe nyumba ya vikilo, wantu walozize nawamwiva na kwehelwa wakalonga kapata kuhi mahinto yano? Ni ntunyo yani ino enkeigwe? Itenda zeze impituko ino kwa mikono yakwe. ³Togola yuno siyo yudya mtokusongola ywa Maliyamu na mlukolo ywawo wakina Yakobo, Yese, Yuda na Simoni? Togola dadize siwekala hano hamwenga na suwe? Naho hawamwelelwe Yesu.⁴Yesu akawagambila, waoni hamkuswesa ntunyo ikasigala mo mzi wakwe na mgati mwa walukolo na kwenyumba yakwe. ⁵Hakudaha kutenda mpituko aho, mna niyo awekiya mikono wanyonje wajeche na kuwahonya. ⁶Niyo kehelwa vidala kwaviya hekumzumila kwawe, akaheza niyo avzitalamkila izikaya zi hajihi akawahinya.⁷Niyo awetanga wadya wanampina mlongo na waidi niyo akonga kuwasigila waididi niyo kawenka udahi kulanga kwempepo zihiye. ⁸Nakuwagamba wasekuguha chochose wakaita ukaleka nkome iyodu, wasekuguha mgate hegu mkoba hegu mwe chibindu, ⁹Mna wavike vilatu na siyo nkazu mbili.¹⁰Nakawagambila, nyumba yoyose mkunga mwingile, ikalani aho kubula umo mkahalawa. ¹¹Na mzi wowose heukuwahokela hegu kuwetegeleza halaweni kwawe, kung'untani malumbi ye viga vyenyu, utende ukuzi kwawe.¹²Nawo niyo waita kugoneneka wantu kweila na kuleka wavu wawo. ¹³Niyo wawabalaza mpepo zilizize niyo wawahaka mavuta wanyonje na kuwahonya¹⁴Seuta Helode eze eve ayo, kwaviya zina dya Yesu nendile dimanyika vidala, wasiku niyo walonga Yohana mwambula kauyka, na kwachausa icho nguvu ya mpintuko yadamanya ndima mndani mwakwe. ¹⁵Kwachausa chawo walonga yuno ni Eliya, havinati watuhu niyo walonga, yuno ni muoni saviya yumwenga ywa wadya waoni wa kale.¹⁶Mna Helode eze eve yano niyo alonga Yohana nimkantile umtwi kauyuka. ¹⁷Mna Helode mwenye nakasigila Yohana akantwe na kumtaliza jela kwachausa cha Helodiya mvyele wakakantwe Filipo kwachausa yeye nendile kamsola.¹⁸Kwa mana Yohana niyo amgamba Helode, Siyo vitana kumsola mvyele ywa kakiyo. ¹⁹Mna Helodiya niyo akonga kwihiwa na nendile akaunga kumkoma mna hakudaha. ²⁰Mna Helode nakamogoha Yohana, nakamanya kugamba ni mwenye kuwagila mntu mkuka, niyo amwasa mpeho naye eze ajendeleze kumwetegeleza niyo kengila mpeho vidala, mna niyo kelelwa mumwetegeleza.²¹Naho weze wabule chipindi cha kwivana ikatenda ibula zuwa dya kwelekwa Helode niyo awamalanyiza maafisa wakwe ngasu hegu wankondo na vilingozi wa Galilaya. ²²Niyo chigoli wa Helodiya niyo kengila na kuvina kulongozi kwawe niyo ambwedeza Helode na wajeni wekale chipindi cha kudya cha chisingi niyo seuta amgambila, chigoli, nilombeza chochose icho ukunga miye nahwinke.²³Niyo elisa na kulonga, chochose ukunga unilombeze nakwinke, hata nusu yo useuta wangu. ²⁴Akafosa kuse akamuza mami yakwe, nilombeze mbwani? akalonga mtwi wa Yohana mwambula. ²⁵Naho nkanana imwenga nakengila kwa seuta na kukonga kulonga, naunga unipatile mndani mwe sahani umtwi wa Yohana mbwambula.²⁶Seuta niyo kanung'unika vidala mna kwa cheliso chakwe na kwachausa cha wajeni hakudaha kumlemeila lombezo dyakwe. ²⁷Niyo seuta atuma nkongo yumwenga mgati mwa wamuzi wakwe na kumsigila kwita kuleta umtwi wa Yohana, mwamizi niyo aita kumkanta umtwi akatenda kwe chifungo. ²⁸Niyo auleta umtwi wakwe mwe sahani na kumpatila chigoli naho chigoli kamwinka mami yakwe, ²⁹na wanampina wakwe eze weve ayo, niyo waita kuguha umwili wakwe niyo waita kuwika mwe mbila.³⁰Na wasigilwa niyo wadugna hamwenga kulongozi kwa Yesu wakamgambila yose ayo wadamabye na ayo wayahinyize. ³¹Naye awagambila soni wenye hantu he talanga chiheme kwa chipindi, wantu walozize nendile wakeza na kuhalawa, kubula hawapatile nafasi ya kudya. ³²Niyo wakwela mashuwa waita hantu he falaga ichedu chawo³³Mna niyo wawaona wakahalawa na walozize wawabunkula kwa hamwenga wakagulukila kwa viga kulawa imizi yose, nawo wabula kabula yawo. ³⁴Weze wabule mpwani, niyo aona fyo kulu nakuwafila mbazi, kwaviya nendile wekala saviya magoto heyena mdimi, niyo akonga kuwahinya mbuli zilozize.³⁵Chipindi akajendeleza vidala wanampina wambasa wakamgambila, hano ni hantu he falaga naho chipindi chajendeleza. ³⁶Dilage idifyo dite kwe mizi ya hajihi na kwezikaya chani wakegwile chakudya.³⁷Mna akawahitula alonga, wenkeni nyuwe cha kudya, niyo wamgamba chadaha kwita kwe kugula migate yenye samani ya dinali magana maidi na kuwenka wadye? ³⁸Akawagambila, mna migate mingahi? hitani mkakaule weze wapate niyo wamgambila migate mishano na samaki waidi.³⁹Niyo awagmba wantu wekale kwa mabunga kulanga kwe mani mabisi. ⁴⁰Wawagamba wekale kwa mabunga ya magana kwa molongo mishano. ⁴¹Akaheza kaguha migate mishano na samaki waidi na kusinya kulanga kwembingu niyo aijimbika akaheza awenka wanampina wakwe waike kulongozi kwe dibunga na akaheza niyo awapangila samaki waidi kwa wantu wose.⁴²Wadya wose kubula weguta. ⁴³Niyo wachisanya mabendu ye migate isigale wamemeza ntangulu mlongo na mbili na mabesu ya samaki. ⁴⁴Nawabula wagosi elufu shano wadile imigate.⁴⁵Nkanana awagambila wakwele kwe imashulwa kuntu kutuhu kubula besesaida chipindi yeye akawalonga wadugane. ⁴⁶weze watende waheza kuhalawa, kwe maili kulombeza. ⁴⁷kwize kutende dihunga neimashuwa yawo ichipindi ikatenda mgati mwe ibahali naye umo echedu chakwe si inyaile.⁴⁸Naye niyo awaona wakahangaika kutowa makasiya kwachausa cha mpeho naikawagoma weze wasogele mtondo kawabasa, akajenda kulanga kwa mazi nakaunga kuwajinkila. ⁴⁹Mna weze wamuwone akajenda kulanga kwa mazi wengila ni bumbuwazi wakatenda ni mzimu kubula watula ulasu. ⁵⁰Ivyo weze wamuone wamemwa ni nkama, nkanana alonga nawo awagambila mtende na ukankalu ni miye msekutenda na nkama.⁵¹Umo wengile kundani kwe imashuwa na mpeho ileka kuguta, nawo niyo wehelwa kabisa. ⁵²Niyo hawatendile wakolwa mana ya idya imigate mana umanyi wawo nendile una ukozi chidogo.⁵³Nawo weze wavike ntendele, wabula isi ya Genesaleti mashuwa ijela nanga. ⁵⁴Weze wafose kuse niyo mashuwwa nkanana wabunkula chila weze weve weve eza. ⁵⁵Niyo waguluka kugoneka niyo mkowa mjima na wakonga kuwegala wanyonje kwa machela chila weze weve eza.⁵⁶Hohose engile mwe kaya hegu mo mzi hegu mwe isi, niyo wawaika wanyonje hantu hegwilo, wakamlombeza awagambe wadonte idipindo dye idivazi dyakwe, naho wose wamdontile wahonywa.

¹Mafalisayo na bazi ya wadolonyi ambawo walaila Yelusalemu niyo wadugana kumzunguluka yeye.²Nawo wawona viya bazi ya wanampina wakwe wadya migate kwa mikono mizavu ambayo haisuntigwe. ³Kwa Mafalisayo na Wayahudi wose hawakudya kubula wasunta imikono yawe vyedi, watozesa imiko ya wadalahala, chipindi. ⁴Mafalisayo weze wauye kulawa hantu he gwilo, hawakudya kubula wahake nkongo, naho kuna sigilizi izimwenga ambazo wazitongela vidala, ikatenda ni hamwenga na kusunta vikombe, masufuliya, viya vya shsba na hata viti vikutumika chipindi cha nknde.⁵Mafalisayo na wadolinyi wamuza Yesu, kwambwani wanampina wako hawakwikala kuligana nae miko ya wadalahala, kwambwani wadya migate bila kusunta mikono?⁶Mna yeye niyo awagambila Isaya nakatabili vitana? Kulanga nyuwe wafisini niyo kadolonya wamntu wano wanitunya kwa milomo yawe mna iyuye yawe ihale na miye. ⁷Wadamanyiza miviko heine mana na kuwahinya sigilizi za wantu watuhu saviya mahokelo yawe.⁸Mwileka isigili ya Chohile na kutoza kwa upesi miko ya wantu. ⁹nakalonga kwawe, mwilemele isigilizi ya Chohile kwa uhufu chani kugamba mdime miko yenyu. ¹⁰Kwaviya Musa nakalonga mtunye tati yako na mami yako na yeye akulonga machafu kumlanga tati yako hegu kwa mami yako chindedi nabanike.¹¹Mna mwalonga hegu mntu akalonga kwa tati yakwe hegu nine wambizi wowose ambawo namhokela kulawa kwangu ni mpamba ya vikilo ivyo ni kulonga kugamba, ilavigwa kwa Chohile. ¹²Ivyo hamkumlekela kudamanya mbuli iyo yose kwachausa cha tate hegu mnala yakwe. ¹³Mwaitenda sigilizi ya Chohile kutenda ni bule kuleta miko yenyu, na mbuli zilozize saivyo mkudamanya.¹⁴Awetanga madugano naho nakuwagambila mnetegeleze miye nyuwe ntose naho mnive. ¹⁵Hakuna chochose kulawa kuse kwa wantu ambacho chadaha kumchafuwa mntu chikengila kwakwe mna ni chiya chikumfosa mntu nicho chikumchafuwa. ¹⁶Sinyisani msitale uno, hegu mntu yoyose ana magutwi ya kwiva naeve, haumuli mwe baluwa za kale.¹⁷Yesu eze awase madugano na kwingila kunyumba, wanampina wakwe wamuza kulanga umliganyo uno. ¹⁸Yesu kalonga na nyuwe hamnati kukombaganya? hamkuwona kugamba chochose chikumwingilamntu hachikudaha kumchafuwa. ¹⁹Kwaviya hachikudaha kwita ko muye wakwe, mna chengila mwe inda yakwe naho chikaheza chajinka kwita kwa choo. kwa ulosi uno Yesu kazitenda nkande zose kutenda zawagila.²⁰Niyo alonga na chiya ambacho chamfosa mntu nicho chikumchafuwa. ²¹Kwaviya chalawa mndani mwe mntu, kuse ko muye kwalawa fanyanyi za uzavu chilanga, ubavi, ukomi, ²²Uchilanga, tama zihiye, uchafu, kusonya, wivu, kubela, wefenyi, uhezi, ²³Machafu yano yose yalawa kundani, nayo ni yadya yakumchafuwa mntu.²⁴Niyo kenuka kulawa hadya, na kuhalawa kwita mo mkowa wa Tilo na Sidoni, niyo kengila kundani naho haungile mntu yoyose amanye kutenda nendile eyeho, mna haidahike mkufisa. ²⁵Mna kwituka mvyele ambaye mwanakwe mdodo nendile ana muye mzavu, nakeva mbuli zakwe niyo eza na kugwa mwe viga vyakwe. ²⁶Mvyele uyo nendile ni Muynani ywa kabila dya Kifoniki, nakamunga yeye abalaze mpepo kulawa kwa mwanawe.²⁷Yesu niyo amgamba yudya mvyele waleke wana wankizwe nkongo kwaviya haviligane kuguha mgate wa wana na kuwaduila makuli. ²⁸Mna mvyele niyo amhitula akagamba, nivyo Zumbe hata makuli hasi he meza ywdya amabaki ye nkande ya wana.²⁹Amgambila kwaviya kulonga vino, kulekeilwa kwita, mpepo imlawa kale mwanawo. ³⁰Mvyele niyo auya kukaya niyo ambwila mwanakwe kagona mo lusazi na mpepo nandile kamfosa.³¹Yesuniyo kafosa naho kuse ko mkowa wa Tilo na kujinkila Sidoni kujendelaza bahalia ya Galilaya kubula ntendele ya Dikapolisi. ³²Niyo wamletela mntu hekukwiva naho nendile hakkudaha kulonga vyedi, wamlombeza Yesu aike mikono kulanga kwakwe.³³Niyo kamlavya kuse ko mdugano kwa fiso, na kwika awadole wakwe mwa magutwi yakwe, na bada ya kutwa mate, niyo amdokola ululimi lwakwe. ³⁴Niyo asinya kulanga kwembingu na kuhema na kumgamba Efata ivyo niyo kugamba gubuka! ³⁵Ne ichipindi ichiya ichiya magutwi yavuguka, na chiya nednile chikachinda ululimi chibalangwa niyo adaha kulonga vyedi.³⁶Nakuwagambila wasekumgambila mntu yoyose mna kwaviya awagambile nivyo walongile izimbuli izo kwa ulozo. ³⁷Chindedi nawehelwa, nakulonga, kadamanya chila chintu, hata kawadamanya hewekwiva na hewekulonga walonga.

¹Umo idizuwa idyo nakutenda naho kuna fyo kulu hewena nkande Yesu niyo awetanga wanampina wakwe niyo awagamba, ²Nafila mbazi idifyo dino wajendeleza kutenda na miye kwa mazuwa matatu na hewena nkande. ³Uneva ninawalaga wauye kwezikaya zawo hewedile wadaha kufa mteho kwa sala na watuhu wawo walawa hale vidala. ⁴Wanampina wakwe niyo wamhitula nachipate kuhi mabofulo yakudaha kwiguta wantu wano mwe ntendele ino yasigwe?⁵Niyo awauza mnantili nyingahi za mabofulo? Niyo wagamba mfungate. ⁶Awagamba idifyo dikale hasi niyo aguha mabofulo mfungate niyo amjimbika Chohile na kwikanta niyo awenka wana mpina wakwe waike kulongozi kwe difyo.⁷Naho nawendile na samaki wadodod wajeche eze ajimbike awagamba wanampina wakwe wapangile vino navyo. ⁸Nivyo wadya na kwiguta niyo wavilogota hamwenga viya visigale ntangulu nkulu mfungate. ⁹wakonga wabule wantu elufu nne niyo awaleka waite. ¹⁰Aho niyo engila mwe mashuwa na wanampina wakwe nawo niyo waita ntendele za mnkanda mwe Dalimanuta.¹¹Nivyo Mafalisayo niyo walaile kutanga na kukonga kuhigana naye wakaunga awenke mpituko zikulawa kwembingu kwa kumjeza. ¹²Nivyo awazagula vitendese mo muye wakwe akagamba kwa mbwani icheleko chino chalonda mpituko na wagambila nyuwe chindedi hazihali mpituko neilaile mwe cheleko chino. ¹³Niyo awasa niyo engila kundani kwe mashuwa naho niyo ahalawa kuhitukila chintu chituhu.¹⁴Ichipindi icho wanampina nawajala kuguha mabofulo na hewana mabofulo kujinkila besu dimwenga dimwenga mashuwa. ¹⁵Nakawafunda kugamba mtende meso nadimwekujinkila udanti wa Mafalisayo wa Helode.¹⁶Wanampina niyo walonga wenye kwa wenye ni kwa viya hachina mabofulo? ¹⁷Yesu nakadimanya dino niyo aw2agambila kwa bwani mwalosana vikunga hatendile na mabofulo, hamnati kumanya naho? hamkumanya? Myuye yenyu itende hufu.¹⁸Kwaviya ameso hamkuwona ? na magutwi hamkwiva, hamkufanyanya? ¹⁹Nize nipange amabofulo amashano kwa wantu elufu shano mguha ntangulu nyingahi zimemile mabesu ya mabofulo wamhitula mlongo na mbili.²⁰Naumo nize nipange amabofulo mfungate kwa wantu elufu na nne mguha ntangulu nyingahi? ²¹Wagamba mfungate awagamba hamnati mmanye?²²Niyo weza Besisaida wantu awo wamwigala kwa Yesu mntu hekuwona niyo wamlonga Yesu amdonte. ²³Yesu niyo amtoza mkono yudta tuntu na kumlongoza kuse kwe chijiji eze atwe mate kulanga kwa meso yakwe na kuchulusa mikono yakwe kulawa kwakwe na kumuza wawona chochose?²⁴Nakasinya kulanga nakugamba, nasinya wantu wakuwoneka saviya miti ikujenda. ²⁵Niyo akunjula nahom imikono yakwe mlanga kwa meso yakwe mntu yudya kagubula meso yakwe aona naho niyo awona chila chintu chedi. ²⁶Yesu niyo amlekela aita kukaya niyo amgamba usekwingila mo mzi.²⁷Yesu niyo ahalawa na wanmpina wakwe kwita kwe zikaya za Kaiseliya uko Filipi, weze watende mwe sila niyo awauza wanampina wakwe wantu wagamba miye ni yuhi? ²⁸Niyo wamhitula wagamba Yohana mwambula, watuhu wagamba Eliya na watuhu yumwenga ywa waoni.²⁹Mna nyuwe mwagamba miye ni yuhi? Petulo kamgamba weye ni Kusito. ³⁰Yesu niyo awafunda wasekumgambila mntu yoyose kumlanga yeye.³¹Niyo akonga kuwahinya kugamba, mwana ywa mntu vyaungwa asulumile kwa mbuli zilozize naho nalemelwe na walongozi na walavyantambiko wakulu na wadolonya na wakukile naho vikalawa aho mwe zuwa dya katatu nauyuke. ³²Kayalonga yano pwilili niyo Petulo amguha hankanda niyo akonga kumkwahila.³³Mna Yesu ahitula na kuwasinya wanampina wakwe na kumkwahila Petulo na kumgamba jinka kunyuma kwangu mwavu hukusinya mbuli zaChohile ukaleka mbuli za wantu. ³⁴Niyo etanga bunga dya wanampina wakwe hamwenga na kuwagamba hegu kuna mntu onga kunitongela elemele mwenye aguhe umsalaba wakwe anitongele.³⁵Kwaviya yoyose akunga kuukombola ujima wakwe nawaze ujima wakwe kwachausa changu, kwachausa cha ulosi wedi aukombole. ³⁶Ne imfahe mbwani mntu kuguha isi yose niyo naho nakubanikla mo wikazi wakwe? ³⁷Mntu adaha kulavya mbwani kuleka wikazi wakwe?³⁸Yoyose akuionela soni milosi yangu mwe cheleko chino cha wachilanga we cheleko chawenye ubanasiMwana ywa Adamu namwonele soni umo akezamo Useuta wa Tati yakwe hamwenga na wandima wakwe wa kwembingu Wakukile.

¹Niyo walonga kwakwe chindedi na longo kwenyu wajeche wenyu mna wantu wachimale hano file na umo waone uzumbe wa Chohile akeza kwa nguvu. ²Naumo mwe dizuwa dya mtandatu Yesu niyo awaguha Petulo na Yakobo na Yohana hamwenga na uyo ko lugulu wowo wenye niyo alonga kuhitukila kulonga kwawo. ³Sche zakwe niyo zakonga kung'alisa kijinka kung'ala kokose kwe isi.⁴Niyo Eliya hamwenga na Musa walaila kulongola kwakwe niyo watenda wakalonga na Yesu. ⁵Petulo kamhitula akamgamba Yesu mhinyi ni vyedi suwe kutenda hano nachizenge viyulu vitatu chimwenga ni chaweye, chimwenga cha Musa na chimwenga cha Eliya. ⁶Kwaviya hammanyize ni chihi cha kuloha nawakogoha vidala.⁷Ingu dilaila na kuwagubika niyo izwi kulawa mwa maingu dyagamba, yuno ni Mwanagu hungisa mwetegelezeni uyo. ⁸Chimpumpa umo nawakasinya hawamuwone yoyose hamwenga na wowo eyaho Yesu uyodu.⁹Umo nawakaseleza kulawa ko lugulu niyo awagamba wasekumgambila mntu yoyose yadya yose wayawone na umo na Mwana ywa mntu umo nauyuswe kulawa mo kuyuka. ¹⁰Niyo wayajika ayo wowo wenye mna wayawazagula wenye kwa wenye ni mbwani ulugano luno kuyuswa kulawa mo kuyuswa.¹¹Niyo wamuza Yesu, kwambwani wakudolonya wagamba naitende Eliya nande kwiza. ¹²Niyo awagamba, ni chindedi Eliya neeze kwambula vintu vyose kwambwani idolonywa Mwana ywa mntu ongigwa asulumizwe kwa yatendese na wamwihiwe? ¹³Mna alonga na nyuwe Eliya nakeza kale naho nawamtenda ivyo wakunga saviya mawandiko yakulonga. vikumlanga yeye.¹⁴Umo eze auye kwa wanampina niyo awona fyo ditendese diwazunguluka Masadukayo walahana nawo. ¹⁵Niyo aho weze wamuone fyo dyose dyehelwa na kunyulukila na kumlamsa. ¹⁶Niyo awauza wanampina wakwe mwalahana nawo vikulanga mbwani?¹⁷Yumwenga ywawo umo mwe difyo niyo ahitula, mhinyi nasimleta mwanangu kwako ana muye mchafu, uwo wamtenda asekudaha kulonga, ¹⁸nayo yamlekeza kuzingiza na kugwisa hasi na kulawa mafulo komlomo na kusaga ameno na kutoga nasiwalombeza wanmpina wako kwiilavya impepo mna hawadahile. ¹⁹Niyo ahitula cheleko hachina chindedi nani kale na nyuwe kwa mazuwa mengahi? Naniguhilane na nyuwe kubula ini? Mleteni kwangu²⁰Niyo wamwinka mwanwe mpeho ihiye ize imsinye Yesu chimpumpa imjela mwe kuzingiza mbwanga niyo agwa hasi na kulawa fulo ko mlomo. ²¹Yesu niyo amuza ise katenda ne hali ino kwamazuwa mengahi? Ise niyo agamba, na umo emwana . ²²Ahamwenga yamgwisa mo moto hegu mwa mazi na kujeza kumbalanga, hegu wadaha kudamanya chochose chifile mbazi uchambize.²³Yesu niyo amgamba, wonga chila chintu chadahika kwa yoyose akunga, chindedi. ²⁴Chimpupa ise dyo mwana niyo aila na kugamba, nimchindedi nambiza siine chindedi kwa miye. ²⁵Umo Yesu eze adisinye dyagulukila kwawo niyo akwahila impepo idya inchafu kugamba weye muye chimumu na chiziwi nakugamba, mlawe usekwingila kwakwe naho.²⁶Niyo aila kwa nguvu kumsumbuwa mwana ne mpepo imlawa mwana niyo atenda saviya kabanika niyo fyo dyose dyakamba kabanika, ²⁷mna Yesu niyo amguha mo mkono na kumwinula no umwana niyo achimala.²⁸Umo Yesu eze engile kunyumba wanampina wakwe niyo wamuza chinyele kwambwani hachidahile kumlavya? ²⁹Niyo awagamba vino, ino haikulawa na umo mkalombeza kwa Chohile.³⁰Niyo wafosa hadya nakujinkila Galilaya haungile mntu yoyose amanye uko weli. ³¹Kwaviya nakawahinya wanampina wakwe niyo awagamba Mwana ywa mntu nabuzwe mwe mikono ya wantu naho nawamkome aumo anatenda kabanika dikabula zuwa dya katatu nauyuke naho. ³²Mna hawamwivile ukulonga kuno naho niyo wogoha kumuza.³³Niyo abula Kepelenaumu umo eze atende emndani mwe nyumba niyo awauza namkawazagula mbwani mwe sila? ³⁴Mna wanyamala dwi, kwaviya nawakakanana mwe sila kugamba, ni yuhi mkulu vitendese. ³⁵Nakekala hasi akawetanga, mlongo na waidi hamwenga, niyo alonga nawo, hegu kuna uyo akunga kutenda ywa nkongo uyo nazigile, naho natende mndima wa weyawe.³⁶Niyo aguha mwana mdodo nakumwika hagati gati hawo, niyo amguha mwe mikono yakwe akagamba, ³⁷Uyo namhokele mwana oge yuno kwe dizina dyangu uyo anihokela miye, naho uneva mntu kamhokela kanihokela miye, du mna naho na uyo anitumile.³⁸Yohana niyo amgamba mhinyi, nachimuona mntu alavya mpepo kwa zina dyako niyo chamlemeza kwaviya hakuchitongela. ³⁹Mna Yesu amgamba usekulemeza kwaviya hamna nadamanye ndima nkulu kwa zina dyangu naho umo alongile mbuli iyo yoyose kulanga kwangu.⁴⁰Yoyose hekusowana na suwe ni nyetu. ⁴¹Yoyose nakwinke champa cha mazi na kunywa, kwaviya una Kulisito chindedi nakugambila hawaze maliho yako.⁴²Yoyose nawazaganye wano wadodo wachindedi wa miye, navikatenda vyedi kwakwe atalizwe yuwe dya kusagila mwe singo na kudulwa mwe bahali. ⁴³Mna umkono wako ukakuhosa ukante, ni vyedi kwingila mo ujima hwina mkono na umo wingile mo ukantilwa ukatenda ne mikono yose mo moto haukufa. ⁴⁴Kambatiza umsitali uno hantu henye mahinyo heyekubanika na moto haukufa havimuli vyongezezo vya mazuwa yajinkile.⁴⁵Uneva ichiga chako chakwaza chikante ni vitana kwa weye kwingila mo ujima wi chilema kuliko kudulwa mwe kukantilwa na viga vidi. ⁴⁶Kambantiza umsitali uno hantu aho mahinyo hayakubanika na moto houkudaha kufa hamna umo mo kongezezwa vya mazuwa yajinkile.⁴⁷Hegu ziso dyako dyasinya vihiye ding'ole ni vitana kwa weye kwingila mo useuta wa Chohile una ziso dimwenga, usembese kutenda na meso maidi na kudulwa kwedisungusungu. ⁴⁸Hantu hana mahinyo heyekuwagila mo umoto ukwaka ulo na ulo kwa chiya yumwenga nawashwe ni moto.⁴⁹Kwaviya chila nyuwenga nakigwe ni moto. ⁵⁰Munyu ni wedi mna muyu unaza ukwelo wakwe na utende zeze udahe kukwela naho? Mtende na munyu wamwenga wenyu wenye nawatende na utondowazi kwa chila yumwanga.

¹Yesu niyo ahalawa aho niyo aita ntendele za Uyahudi na ntendelee za kulongozi ko mto Yolidani mafyo wambasa naho, niyo awahinya naho saviya ivyo akudamanya. ²Mafalisayo niyo weza kumjeza wamgamba, ni vyedi kwa mgosi kulekana na mkaziwe? ³Yesu awahitula, Musa kamgambilani mbwani? ⁴Wagamba Musa kachinka luhusa kudolonya ugonde wa kwasana na kumbalaza mvyele.⁵Nikwachausa cha myuye yenyu itoga, nivyo vikuleka kawadolonyeza lagizo idyo, Yesu kawagambila. ⁶Mna kukongela nkongo wo kumba, Chohile nakawaumba mgosi na mvyele.⁷Kwachausa chino mwana chilume na mwase ise na nine nalungane na mkaziwe. ⁸Awo waidi nawatende mwili umwenga, kwaviya siyo waidi naho mna ni mwili umwenga. ⁹Ivyo ikulunganywe ni Chohile, mntu asekuchisenta.¹⁰weze watende we kunymba, wanampina wakwe wamuza naho dikulanga idi. ¹¹Niyo awagamba, yoyose akumwasa mkaziwe niyo aguha mvyele mtuhu agonya vikumlanga yeye mwenye. ¹²Mvyele naye anamwasa mgosiwe niyo aguhigwa ni mgosi mtuhu agonya.¹³Niyo wamletela wana wawe wadodo chani awadonte, mna wanampina niyo wawakwahila. ¹⁴Mna Yesu eze amanye ivyo, helelwe kabisa awagamba, walekeni wana wadodo weze kwangu kwaviya Useuta wa kwembingu ni wawe.¹⁵Ichindedi nawagambila yoyose hekuhokela useuta wa Chohile saviya mwana mdodo chindedi hakudaha kwingila mo Useuta wa Chohile. ¹⁶Niyo awaguha awana mwe mikono yake niyo awajimbika akaika mikono yakwe mlanga mwawo.¹⁷Eze akonge intamba yakwe mntu yumwenga niyo amgulukila niyo afika madi kulongozi kwakwe niyo amuza mhinyi ywedi nitende zeze chani nidahe kulisi ujima wa ulo naulo. ¹⁸Yesu naye agamba, kwambwani wanitanga ywedi? hakuna ywedi mafani Chohile uyodu. ¹⁹Kuimanya imiko, usekukoma, usekugonya, usekubawa, use kukwila udanti, usekudanta, watunye iso na nyokwe.²⁰Mntu yudya amgamba, mhinyi, yano yose siyatoza kukongela ni mbwanga. ²¹Yesu niyo amsinya niyo amunga, amgamba, kuhungukilwa ni chintu chimmwenga waungigwa ukatage vintu vyako vyose unanavyo uwenke wachiwa, nautende na mpamba ko ulanga naho wize unitongele. ²²Mna niyo akanta dama mwe viya alongile kahalawa akatenda na chinyulu kwaviya nandile ni mgoli vidala.²³Yesu niyo asinya kono na kuno niyo awagambila wanampina wakwe vyenga mbani udala kwa mgoli kwingila mo useuta wa Chohile. ²⁴Wanampina wakwe niyo wehelwa mo ulosi uwo, mna Yesu awagambila naho, vyenga mbwani udalakwingila mo useuta wa Chohile. ²⁵Ni vihufu ngamiya kujinka mwe langa dya sindano kuliko mgoli kwingila mo useuta wa Chohile.²⁶Wehelwa vidala niyo alonga wenye kwa wenye ivi ni yani akunga ambulwe. ²⁷Yesu niyo awasigila agamba, kwa wantu havikudahika mna siyo kwa Chohile kwaviya hevikudahika kwa wantu kwa Chohile vyadahika. ²⁸Petulo nio akonga kulonga naye kaula chileka vyose chikutongela weye.²⁹Yesu awagambila chindedi nawagambilani nyuwe, hakuna asize nyumba yakwe hegu mkuluwe hegu lumbuye, hegu ise, hegu wana, hegu chochose kwachausa cha miye na kwachausa cha mbuli yedi. ³⁰Ambaye hahokele nkananagana, vikujinka haluse hano he isi, nyumba mkulwe , lumbudyakwe mamiyakwe, wanawe, na vintu vituhu kwa masulumizo na ulangazi ukwiza ujima wa ulo na ulo. ³¹Mna walozize wankonga watende wa uhelo na wauhelo nawatende wankongo.³²Umo we mwe sila kwita Yelusalemu, Yesu nakawalongowila kulongozi, wanampina wehelwa wadya nawo nawakatongela kunyuma niyo wogoha, niyo Yesu awausa awegala hankanda naho, wadya mlongo umwe na waidi niyo wakonga kuawgambila chikunga chilaile hajihi. ³³Kaula! Chaita kubula Yelusalemu, naho Mwana ywa Adamu, naegalwe kwa wakulu wa walavyantambiko na wadolonyi, nawamkantile file naho nawamlavye mwe izisi. ³⁴Nawambele na kumtwela mate nawamhute nkome niyo wamkoma mna mazuwa matatu yakutimila nauyuke.³⁵Yakobo na Yohana wana wa Zebedayo niyo weza kwakwe wamgamba, mhinyi chakunga uchidamanyize chochose chikulombeza. ³⁶Agamba monga niwatendele mbwani? ³⁷Wamgamba chizumile chikale naweye mo ukuka wako yumwenga mkono wako wa kulume, na mtuhu mkono wako wa kumosa.³⁸Mna yesu awahitula, awagamba, hammanyize icho mkulombeza mwadaha kuchinywela chikombe icho hunga ninywele hegu kudaha wambulwa hunga nambulwe? ³⁹Wamgamba chadaha, Yesu awagamba chikombe icho hunywela namchinywele, wambulwa uwo kwawo sambulwa namuudahe. ⁴⁰Mna akunga ekale mkono wangu wa kulume hegu wa kumosao siyo miye akulavya mna ni kwa wadya wadolonyezwe.⁴¹Wadya wanampina awatuhu mlobgo eze weve ivyo, niyo wakonga kuwehiwa Yakobo na Yohana. ⁴²Yesu niyo awetanga kwakwe, awagamba, mwamanya kugamba wadya wakufanyanywa kutenda wakulu wa wantu wa izisi wawalongoza na wantu wawo wamanyike, wawakundagiza wowo.⁴³Mna havikuwagila mwa nyuwe, yoyose akunga kutenda mkulu wenyu aungwa awasankanile. ⁴⁴Naho yoyose akunga kutenda ywa nkongo mwa nyuwe vyaungwa atende mndima ywa wose. ⁴⁵Kwaviya mwana ywa Adamu hezile kusankanilwa, mna kusankana na kulavya ujima wakwe kwa walozize.⁴⁶Niyo weza Yeliko, akahalawa Yeliko na wanampina wakwe na fyo dya wantu, mwana ywa Timayo Batimayo, tuntu, mlombezi kekala hankanda he sila. ⁴⁷Eze eve kugamba Yesu Mnazaleti, akonga kutula ulwasu, agamba, Yesu Mwana ywa Daudi nifila mbazi. ⁴⁸Walozize niyo wamkwahila yudya tuntu wamgamba nyamala mna niyo aguta, Mwana ywa Daudi nifila mbazi.⁴⁹Yesu niyo achimala agamba, etangwe, niyo amwitanga yudya tuntu wamgamba tenda mkankalu Yesu akwitanga. ⁵⁰Niyo adula kunkanda idikoti dyakwe niyo aguluka vikujinka kwita kwa Yesu.⁵¹Yesu ahitula agamba, waunga hutendele mbwani? yudya mgosi tuntu ahitula mhinyi nonga kusinya. ⁵²Yesu amgamba, hita utondowazi wako ukuhonya, aho meso yake niyo yakonga kuwona niyo amtogola Yesu mwe isila.

¹Chipindi wakaita Yelusalemu wakatenda wehajihi na Besisafage na Besaniya, mo lugulu lwa mizeituni Yesu niyo awasigila waidi mwa wanmpina wakwe. ²Niyo awagamba hitani mwe ikaya ihajihi na suwe, mala mkengila mo mzi uwo, nambwile mwana mpunda henati kupandwa bado mfunguleni mniletele. ³Hegu yoyose akuwauzani akawagamba kwambwani mwatenda ivyo? Mongigwa mumgambe Zumbe amunga mna namvuze ivino haluse.⁴Niyo waita wambwila mwana mpunda kafungwa kuse mwe inchili mwe ikaya imwazi niyo amfungula. ⁵Wantu awamwenga niyo wachimala hadya wawgamba, mwatenda mbwani kufungula mwana mpunda uyo? ⁶Wawagambila ivyo Yesu awagambile, wantu awo niyo wawaleka waite.⁷Wanmpina waidi niyo wamlete mwana mpunda kwa Yesuniyo watandika suche zawo mlanga mwakwe chani Yesu adahe kukwela. ⁸Wantu walozize niyo watandika suche zawo mwe isila watuhu watandika matambi wayakantila mwe izinkonde. ⁹Wadya walongole na wadya wakutongela watula ulwasu Hosana kajimbikwa akwiza kwa zina dya Zumbe. ¹⁰Ujimbikwe auaseuta ukwiza wa teti yetu Daudi atogolwe uyo ekulanga.¹¹Naho Yesu engila Yelusalemu, niyo aita kwe nyumbe ye divikilo niyo asinya chila chintu haluse chipindi chize chisogele niyo aita Besaniya hamwenga na wadya mlongo umwenga na waidi. ¹²Msi utongele umo nendile akauya kulawa Besaniya nendile ana sala.¹³Niyo aona mti wa mtini una mani kwa hale, niyo aita kuukaula hegu adaha kupata chochose mlanga mwakwe, chipindi akaita mwe idyo mna hapatile chochose ni mani ayodu kwaviya nendile siyo chipindi cha tini. ¹⁴Niyo augamba hakuna yoyose akunga adye tunda kulawa kwako naho, wanampina wakwe niyo weva.¹⁵Naweza Yelusalemu niyo wengila mnyumba mwe divikilo na kukonga kulavya kuse wakutaga, wakugula mndanim mwe nyumba ye divikilo kazibidula izinchnja za wakubadili matundu na mafumbi ya wadya wakutaga awasuwa manga. ¹⁶Hawamwinkile luhenyo wowose kwinula, kwinula chochose mwe inyumba ye divikilo chikudaha kutagwa.¹⁷Niyo awahinya kugamba, kwani haidolonywe kugamba nyumba yangu naitende nyumba ya kulombezeza mwe izisi zose? Mna mwitenda lundu dya wabavi. ¹⁸Walavyantambiko wakulu na wadolonyi weva ivyo nakalonga, nawo niyo walonda sila ya kumkoma hata ivyo niyo wamogoha kwaviya fyo dyehelwa na amahinyo yakwe. ¹⁹Naho chila chipindi chisingi , wakulawa kwe ikaya.²⁰Chipindi wakajenda no mtondo waona mti wa mtini unyala kubukla kwa maizi yakwe. ²¹Petulo niyo akumbuka kugamba, mhinyi kaula umti wo mtini udya uligite ufa.²²Yesu amhitula mtende na utondowazi mwa Chohile. ²³Chipindi namgambilan chila akugamba lugulu luno halawe ukedule mwenye mwe ibahali naho hegu hana nkama moumuye wakwe ana utondowazi kugamba icho nalonge nachilaile, ivyo, nivyo Chohile akunga atende.²⁴Ivyo nawagambilani chila chintu mkulombeza na kuza kwedizina dyakwe, zumilani kugamba mhokela ivyo navitende vyenyu. ²⁵Chipindi mkachimala na kulombeza mwaungwa mlekeile chochose mnanacho mwa yoyose, chani kugamba tati yenyu ekulanga awalekeile nyuwe nanywi amasa yenyu, ²⁶sinyisa msitali uno mna uneva hamlekeile tati yenyu naye wa ko ulanga hawalekeile amasa yenyu, havimuli mwa wandiko ya kale.²⁷Wezaga Yelusalemu naho Yesu naye akajenda kwita mwe nyumba ye divikilo, walavyantambiko wakulu, wadolonyi na wadalahala niyo weza kwakwe. ²⁸Niyo awagamba kwaudahi wa yuhi wadamanya mbuli zino? naho ni kwa udahi wani watenda vino?²⁹Yesu awagamba nanimuzeni swali dimwenga, nigambilani miye miye nami naniwagambileni kwa udahi wa yuhi natenda vino. ³⁰Vino wambulwa wa Yohana ulawa ko ulangazi hegu ulawa mwe wantu nihitulani.³¹wauzana wenye kwa wenye wakahigana wagamba uneva chinagamba, ulawa ko ulanga nagambe kwambwani elo hamkuzumila? ³²Mna china gamba ulawa kwa wantu, nawawogoha wantu kwaviya wose nawang'ang'anila kugamba Yohana nandile ni muoni. ³³Naho wamhitula Yesu, hachimanyize, Nho Yesu awagambila miye nami saniwagambileni ni kwa udahi wani nadamanya mbuli zino.

¹Yesu niyo akonga kuwahinya kwa miliganyo, mntu nakahanda nkonde ya mizabibu, niyo aika mnulu niyo aika bome dya kufumbuila zabibu, niyo azenga mnala niyo ahagila inkonde ye mizabibu kwa walimi we mizabibu, niyo atamba ntambo yakwe. ²Chipindi chize chibule niyo amtuma msigilwa wa walimi we mizabibu kuhokela kulawa kwawo zabibu chidogo mwe nkonde. ³Mna niyo wamgwila wamhuta niyo wambalaza bila chochose.⁴Niyo atuma kwawo msigilwa mtuhu, niyo wamlumiza mo mtwi na kumtendele mbuli za soni. ⁵Bado niyo atuma mtuhu, yuno yumwenga niyo wamkoma, wamtenda ivyo watuhu walozize mbuli saiziya, wakawahuta wamwenga na kuwakoma.⁶Nandile bado mntu yumwenga zaidi wakumtuma, mwanawe akumungisa, naye nandile nuyo wa udumo, atumigwe kwawo, agamba, nawamtunye mwangau. ⁷Mna wahakilwa niyo walonga wenye kwa wenye, yuno nuyo mmisili soni hebu nachimkome, uno ulisi nautende wetu.⁸Niyo wamgwila wamkoma, niyo wamdula kunkanda kwe inkonde ye mizabibu. ⁹Ivyo natende zeze umwenye inkonde ye imizabibu? naeze niyo awakoma awalimi we mizabibu niyo enka watuhu inkonde ye mizabibu.¹⁰Hamsomile amawandiko yano? Yuwe wadilemele wazesi ditenda yuwe dya kwe mpembe. ¹¹Dino nadilawa kwa Zumbe naho ni chilozo mwa meso yetu. ¹²Nawakalonda kumgwila Yesu mna niyo wogoha bunga kulu dya wantu, kwaviya nawamanya kugamba nakalonga umliganyouwo kuwalanga wowo, niyo wamleka waita nzawo.¹³Akaheza niyo wawatumaMafalisayo wamwenga na Mahelodiya wakwe kumtegela kwa milosi. ¹⁴Eze wabule wamga,mba, mhinyi chimanya kugamba hukusinya mbulin za yoyose naho hukulagisa kusenta wantu, wahinya mbuli ya Chohile kwa chindedi, vino ni vyedi kuliha kodi kwa J=Kaisali hegu bule? Chadaha kuliha hegu chisekuliha. ¹⁵Mna Yesu nakamanya usembeleganyi wawo, kugamba, mbona mwanijeza? Ninkani amatund niyakaule.¹⁶Niyo waleta imwenga kwa Yesu, awagamba, isula ino na madolonyo yehano ni ya yuhi? Wagamba ni ya Kaisali. ¹⁷Ywsu awagamba mwinkeni Kaisali vintu vya Kaisali na vya Chohile mwinkeni Chohile niyo wehelwa.¹⁸Akaheza Masadukayo wakugamba hakunakuyswa, wambasa wamgamba, ¹⁹mhinyi Musa kachidolonyeza kugamba, uneva mlukolo kabanika, niyo asa mvyele kunyuma kwakwe, naye hasize mwana, mntu namgue mvyele ywa mlukolo epatile mwana kwachausa cha mlukolo wakwe.²⁰Nakuna walukolo mfungate ywa bosi niyo amguha uvyele niyo abanika asize mwana, ²¹niyo akaida amguha naye niyo abanika hasize mwana, wakatatu naye ivyo,. ²²Ywa mfungate naye kabanika bila kwasa mwana, uhelo umvyele naye niyo abanika. ²³Mo kuyuswa, wakeza kuyuswa naho, natende ni ywa yuhi? Kwaviya wadya walukolo wose mfungate nendile ni wagosi zakwe.²⁴Yesu awagamba vino kwaviya mwazigwa, kwaviya hammanyize mawandiko hegu udahi wa Chohile. ²⁵Chipindi cha kuyuswa kulawa kwe file hawasole hegu kwingila mwe nyinka mna nawekale saviya wandima wa kwembingu.²⁶Mna vikulanga wabanike hewekuyuswa, vino hamsomile vikulawa mwe chitabu cha Musa, mwe imbuli ya kasaka ivyo Chohile halongile akagamba Musa miye ni Chohile ywa Ibulahimu na Chohile ywa Isaka na Chohile ywa Yakobo. ²⁷Yeye siyo Chohile ywa wabanike mna wemeso ni pwilili ung'azi²⁸Yumwenga ywa wadolonyi niyo eva wakalonga, niyo aona kugamba, Yesu awahitula vyedi amuza vinp lagizo dihi ni kulu kijnka yose? ²⁹Yesu amhitula amgamba, kulu ni dino tegelaza, Izulaeli, Zu,mbe Chohile ywetu, ni Zumbe yumwenga. ³⁰Kbula umunge Zumbe Chohile ywako kwa moyo wako wose kwa muye wako wose, kwaumanyi kwako wose na kwa udahi wako wose. ³¹Miko wakaidi ni uno vyaungwa umunge mlukolo ywako saviya ukweunga mwenye, hakuna mwiko mkulu kujinka ino.³²Mdolonyi niyo agamba, ni vyedi mhinyi. kulonga chindedi kugamba Chohile ni yumwenga na kugamba, hakuna mtuhu kujinka yeye. ³³Kumunga yeye kwa moyo wako wose na kwa umanyi wako wose, na kwa udahi wose, na kumunga mlukolo saviya weye mwenye, ni vyedi vikujinka malavyo na ntambiko za kutokoka. ³⁴Chipndi Yesu eze awone kugamba kalvya jibu dyedi, weye hwihale na Useuta wa Chohile, kujinka ayo hakuna hata yumwenga ajezize kumuza Yesu maswali yoyose.³⁵Niyo Yesu ahitula chipindi nendile akahinya mwe inyumba nkulu ye divikilo, agamba, vino wadolonyi walonga zeze kugamba Kulisito ni Mwana ywa Daudi? ³⁶Daudi mwenye mo Muye Ukukile nakagamba, Zumbe, agamba, Zumbe ywangu, ikala mo mkono wangu wa kulume, kubula niwatende wankondo wako kutenda hasi mwe viga vyako. ³⁷Daudi mwenye amwitanga Kulisito, Zumbe, vino ni Mwana ywa Daudi vivihi? Bunga dya wantu nawakamtongela kwa chinyemi.³⁸Mwa mahinyo ya Yesu agamba, mwesimane na wadolonyi wabesa kujenda na nkazu ntali, na kulamswa mwa magwilo. ³⁹Na kwikala mwe viti vya wakulu, mwe nyumba za vikilo na mwe zuwa kulu mwe ulosi wa wakulu. ⁴⁰Naho wadya mwe nyumba za wavyele wafilwe, naho walombeza sala ntali chani wantu waone, wano wantu nawahokele nkanto nkulu.⁴¹Akaheza Yesu niyo ekala hasi hajihi ne dishanduku dya majeleko mndani mwe nyumba yo kuvikila nendile akasinya wantu nendile wakajela majeleko yawo mndani mwe shanduku, wantu walozize wagoli waika majeleko yalozize ya matundu. ⁴²Niyo mvyele afile ni mgosiwe naye ni mchiwa , niyo eza kujela vipande vidi vya matundu.⁴³Niyo awetanga wanampina wakwe awagamba, chindedi nawagambila mvyele yuno abanikilwe ni mgosiwe kajela vilozize kujinka wose walavize kale mwe dishanduku dya majeleko. ⁴⁴Kwaviya wose walavya kuligana na ulozize we zihela zawo, mna mvyele yuno hene mgosi kalawa mo uchiwa wakwe, kajela matundu yose nandile akaunga atumiye mo ujima wakwe.

¹Yesu nednile akajenda kulawa mwe divikilo, yumwenga ywa wanampina wakwe nakamuza mhinyi kaula amayuwe yano yakwehela na mazengo. ²Agamba wayawona amazengo yano makulu, hamna hata yuwe dimwenga dikunga dino nadisigale mlanga mwe tuhu ambadyo hadigwiswe hasi.³Naye nednile kekala mlange mwe lugulu lwa mizeituni mnyuma mwe divikilo, Petulo, Yakobo, Yohana na Anduleya wamuza kwa chinyele, ⁴chigambile izimbuli zino nazitende ini ni mbwani ichilagiso chakwe izimbuli zino kulaila.⁵Yesu kakonga kuwagambilani ikalani vyedi kugamba mntu yoyose asekufanyanya. ⁶Walozize naweze kwa zina dyetu wakalonga miye nuyo nawo naweze walozize.⁷Mkeva nkondo na kupelemba kwa nkondo, msekogoha izimbuli izo vyaungwa zilaile mna uleho haunati. ⁸Si nainuke chinyume na si ntuhu, na Useuta chinyume na Useuta, nahatende na masingisiko ntendele zesimile, na sala, ino ni nkongelo yo usungu.⁹Tendani meso nawawegale mwe vitala naho namtoigwe mwa mavikilo namchimaliswe kulongozi kwa Mazumbe na Maumbe kwachausa cha miye saviya uchindedi kwawo. ¹⁰Mna ulosi waungwa nkongo ulongwe kwe izisi zose.¹¹Wakaunga wawagwile na kuwenka, msekogoha kwachiya mkungwa mlongwe chipindi kwa chipindi uwo na mwinkwe ni mbwani cha kulonga hamtende ni nyuwe mkunga mlonge mna ni Muye Ukukile. ¹²Mlukolo namlahe mlukolo kumkoma, tate na mwanawe, wana nawahigane na tati zawo na kuwahosa kubanika. ¹³Namwihiweni chila mntu kwachausa cha zina dyangu, mna akunga ajijimize kubula udumo mntun uyo nambulwe.¹⁴Mna wona wihi wa ubanasi uchimala hadya hehekungigwa kuchimala, akusoma na manye, naho weyuko mndani mwa Yuda wagulukile ko lugulu, ¹⁵naye ekulanga mwe nyumba asekusela hasi henyumba hegu kuguha chochose kweise. ¹⁶Naye eyuko kwenkonde asekuya kuguha nguwo yakwe.¹⁷Mna nawaluwone wavyele wenye nda na wakonkeza mwe mazuwa ayo, ¹⁸walombeze kugamba ise kulaila chipindi cha mpeho. ¹⁹Kaviya nakutende kuna masulumizo makulu ambayo hayawahile kulaila kukongela Chohile kumba isi kubula haluse hakuna naho havilaile naho. ²⁰Kubula Zumbe nahituze zuwa hakuna mwili ukunga wambulwe mna kwachausa cha wasigilwa akunga awasagule napunguze namba za zuwa.²¹Mwa uwo uneva kuna mntu yoyose nawagambile kaula Kulisito ehano hegu kaula ehadya msekuzumila. ²²Mna Wakulisito wa lulimi na waoni wa lulimi nawalaile nawalavye maula na mpintuko chani kugamba wawadante mwa hata wasigilwa. ²³Mtende meso siheza kuwagambila yano yose kabula ye chipindi.²⁴Mna bada ya masulumizo ye dizuwa idyo, zuwa nadijelwa chiza mwezi haulavye lumuli lwakwe. ²⁵Ntondo nazigwe kulawa kulanga nezi kwembingu naisingisike. ²⁶Nivyo nawamuwone Mwana ywa Adamu akeza mwa maingu kwanguvu nkulu na Ukuka. ²⁷Nivyo natume wandima wa kwembingu wakwe na kuwachisnya hamwenga wasagulwa wakwe kulawa ntendele nkulu ze isi kulawa ko udumo we isi kubula udumo we zimbingu.²⁸Kwa mtini kwehinyeni saviya tawi dikudaha kulavya na kwika upesi mani yakwe nivyo nammanye kugamba eyuko hajihi mo lwivi. ²⁹Nivyo vili mkawona mbuli zino zikalaila mmanye kugamba ni hajihi na ho lwivi.³⁰Chindedi nawagambila chino icheleko hachijinke hale kubula imbuli ino hainati kulaila. ³¹Izimbingu ne isi nazijinke mna imbuli ya miye haijinke hata. ³²Mna kulanga idizuwa idyo, hegu isa iyo hakuna amanyize hata wandima wekulanga hegu wana mna Zumbe.³³Mtende meso kaulani naho lombezani kwaviya hammanyize ni chipindi chani nayalaile. ³⁴Ni saviya mntu akwita ntambo ayasa inyumba yakwe na kumwinka mtalizwa ywakwe atende Zumbe ywe nyumba chila yumwenga na ndima yakwe na kumwika mwamizi ekale meso.³⁵Ivyo ikalani meso kwaviya hammanyize Zumbe we nyumba nauye mwe nyumba vyadahika ni chisingi nechilo chikulu umo zogolo dikaila hegu nomtondo. ³⁶Uneva keza ntuntila asekubwila kugona. ³⁷Chiya huchilonga kwako nachilonga kwa chila mntu chelezani

¹Nandile zuwa dya kaidi du bada ya siku nkulu ya Pasaka na ya migate heigwaduke, walavyantambiko wakulu awadolonyi nendile wakalonda ubala wa kumgwila Yesu kwa maya chani wamkome. ²Kwaviya wagamba siyo chipindi chino cha zikunkulu wantu wanase wakadamanya nkumbizi.³Mna Yesu nendile Ebesaniya mwe nyumba ya Simoni Mkoma nendile akasogela mwe meza mvyele yumwenga keza kwakwe ana supa ya mavuta yedi matana yenye yombe kulu mno, kaitila supa na kwitila mlanga mo mtwi wakwe. ⁴Mna nakuna bazi yawo wehiwe wagamba, wenye kwa wenye, wagamba, ni kwambwani ubanasi uno? ⁵Mavuta yano yadaha kutagwa kujinka milongo mitatu na kuwenka wachiwa niyo wamkwahila.⁶Mna Yesu agamba mlekeni mwenye ichedu, kwambwani mwamtumbwadisa kadamanya mbuli ntana kwa miye. ⁷Zuwa dyose wachiwa namnanawo na chipindi chose aho mkunga mwadaha kudamanya matana kwa miye, mna hamtende na miye chipindi chose. ⁸Kadamanya chiya akudaha, kavika umwili wakwe mavuta kwa chausa cha kuhamba. ⁹Chindedi nawagambilani chila hantu ulosi ukulongwa mo ulangazi wose chiya adamanye umvyele yuno nachilongwe kwa ukumbuso wakwe.¹⁰Niyo yudya Isikaliyote uyumwenga ywa wadya mlongo umwenga na waidi kaita kwa wakulu wa walavyantambiko chani kugamba apate kumwinkiza kwawo. ¹¹Mna wakulu wa ntambiko weze weve ivyo welelwa niyo walagana kumwinka hela kakonga kulonda luhenyo wa kumwinkiza kwawo.¹²Mna mwe dizuwa dya nkongo dya migate heigwaduke chipindi walavize Mwana ngoto wa Pasaka wanampina wakwe wamgamba waunga chite kuhi chikadye chani apate kudya mdyo wa Pasaka. ¹³Kawtuma wanampina wakwe waidi iyo awagamba, hitani ko mzi namdugane na mgosi enule biga, nawaoneni nyuwe, mtimileni. ¹⁴Nyumba akunga engile, mtimileni naho mumgambile mwenye inyumba iyo mhinyi agamba, chikuhi ichumba cha wajeni ahantu hunga nidye Ipasaka na wanampina wangu?¹⁵Nawalagise chumba cha kulanga chikulu chenye samani ambayo chimalanywa, damanyeni vyedi kwachausa che hadya. ¹⁶Wanampina wahalawa waita ko mzi wambwila chila chintu anga ivyo awagambile niyo wamalanya mdyo wa Psaka.¹⁷Mna eze ibule chisingi kwza na mlongo umwenga na waidi. ¹⁸Mna wakatenda wehajihi ne imeza yo kudila, Yesu niyo agamba, chindedi nawagambila yumwenga mgati mwenyu akudya hamwenga na miye nanihituke. ¹⁹Wose wasikitika na yumwenga badala ya mntuhu wa gamba mna siyo miye?²⁰Yesu niyo ahitula na kuwagamba, ni yumwenga wa mlongo umwenga na waidi mgati mwenyu yumwenga ambaye haluse atweza tonge mwe bakuli hamwenga na miye. ²¹Kwaviya Mwana ywa Adamu aita saviya vidolonywe yakugamba mlanga mwakwe, mna naluwone mntu yudya ambaye kujinkila miye Mwana ywa Adamu nahitukwe ni vitana mno kwakwe ko mntu yudya helekagwa.²²Naho chipindi wakadya Yesu kaguha mgate, niyo aujimbika niyo aumega awenka awagamba, guhani uno nuwo umwili wa miye. ²³Aguha chikombe niyo atogola niyo awenka niyo wose wachinywela. ²⁴Awagamba ino ni sakame yangu ya lagano, sakame ikwitika kwachausa cha walozize. ²⁵Chindedi nawagambila, saninywe naho mo uweleko uno wa mzabibu kubula idizuwa diya hungwa ninywe mpya mo Useuta wa Chohile²⁶Eze waheze kuchema uwila wita kuse ko lugulu lwe mizeituni. ²⁷Yesu awagamba nyuwe nyose namwesente kwachausa cha miye kwaviya vidolonywe nanimtowe mdimi ne zingoto nazimwaguke.²⁸Mna baada ya kinulwa kwa miye nanilongole kulongozi kwenyu Galilaya. ²⁹Petulo amgamba, bule hegu wose nawakwase mna miye sahwase.³⁰Yesu amgamba chindedi nakugambila ichilo ichino kabula zongolo hadinati kwila nkanana mbili nautende kunilemela nkanana ntatu, ³¹mna Petulo agamba bule vyanunga nibanike hamwenga na weye sawase wose walavya idiya idiya.³²Weza mwe hantu hetangwe Gesemane niyo Yesu awagamba wanampina wakwe ikalani hano chipindi halombeza. ³³Kawaguha Petulo, Yakobo na Yohana hamwenga nayeye niyo akonga chihovu na kuhangaika vidala. ³⁴Awagamba umuye wangu una chihovu mno wenga kubanika, mtende ahano naho mcheleze.³⁵Yesu kaita halokongozi hadodo niyo agwa hasi alombeza hegu vikadahika kugamba, isa ino yahalaile. ³⁶Kagamba Aba Tate mbuli zose kwako zadahikana nusiza ichikombe chino mna siyo mo kunga kwangu miye mna ukunga kwako.³⁷Auya na kuwabwila wagona amgamba Petulo, Simoni Togolani mgona hamdahile hata kucheleza hata saa dimwenga? ³⁸Chelezani naho mlombeze kugamba msekwingila mwe majezo, chindedi muye wajika mna umwili usokela. ³⁹Kaita naho kulombeza kajeseza imilosi idya idya.⁴⁰Keza naho kawambwila wagona kwa viya ameso yawo nendile yazama naho hawamanyize ni chihi chakumgambila. ⁴¹Keza nkanana ya katatu niyo awagmba bado mgona na kuhema vyajika saa ibula kaula Mwana ywa Adamu na asulumizwe mwe mikono ya wata masa. ⁴²Inukani chiteni kaula yudya akunga anihituke ehajihi.⁴³Chipindi umo nendile bado akalonga Yuda yuwenga wa wadya mlongo umwenga na waidi kabula, na mbunga kulu kulawa kwa wakulu wawalavyantambiko na wadolonyi na wadalahala wenye mabamba na malungu. ⁴⁴Chipindi umo akumhituka ywakwe nendile kawenka nkonyezo agamba yudya hunga ni mbusu nuyo mgwileni naho mwigale hasi mwe udimi. ⁴⁵Mna Yuda eze abule, kanyoloka kwa Yesu niyo amgamba mhinyi niyo ambusu. ⁴⁶Niyo wamwika hasi ho udimi na kumgwila.⁴⁷Mna yumwenga mgati mwawo kachimala hajihi naye, kasomola lubamba lwakwe kamtowa mndima ywa mlavyantambiko mkulu na kumsenga idigutwi. ⁴⁸Yesu awagamba mwiza kunigwila kwa mabamba na malungu saviya mnyang'anyi. ⁴⁹Chipindi chila zuwa nendile na nyuwe hawahinya mwedivikilo hamnigwilile mna dino didamanyika chani madolonyi yachinte. ⁵⁰Naho wadya wose wandile na Yesu wamwasa na kuguluka.⁵¹Mbwanga yumwenga kamtongela nandile kavala shuka du, nendile kegubika kumzunguluka wamgwilamna, ⁵²niyo wamsumka kayasa ishuka ahadya kaguluka lusi.⁵³Wamlongoza Yesu kwa mlavyantambiko mkulu hadya wadugana hamwenga naye walavyantambiko wakulu wose wadalahale na wadolinyi. ⁵⁴Petulo naye kamtongela Yesu kwa hale akajendeleza kwe uwa wa mlavyantambiko mkulu kekala hamwenga na wadimi wehajihi na moto wotela chani kupata moto.⁵⁵Chipindi awo walavyantambiko wakulu wose ne ichitala chose nandile wakalonda ukuzi mwa Yesu chani wadahe kumkoma mna hawapatile. ⁵⁶Ivyo wantu walozize waleta ukuzi wa lulimi mwakwe, mna hata ukuzi wawo haufanane.⁵⁷Awamenga wachimala na kuleta ukuzi wa lulimi mwakwe wagamba, ⁵⁸chimwiva akagamba, nanidibalange idikilo dino naho nanididamanye kwa mkono naho mndani mwe mazuwa matatu nadizenge tuhu hedikudamanywa kwa mikono. ⁵⁹Mna hata ukuzi wawo haufanane.⁶⁰Mlavyantambiko mkulu kachimala mgati mwawo niyo amuza Yesu, togola hukulandula? Wantu wano waukula mbwani mwa weye. ⁶¹Mna kekala kanyamala halandule, chochose niyo mlavyantambiko mkulu amuza naho togola weye ni Kulisito Mwana ywa mjimbikwa. ⁶²Yesu amgamba miye nuyo, naho namuone Mwana ywa Adamu kekala umkono wa kulume wenye izinguvu akeza na maingu ya kwembingu.⁶³Mlavyantambiko mkulu nakavula izisuche zakwe na kumgamba togola? Bado chaunga ukuzi. ⁶⁴Mwiva ukubelwa, mwaunga mbwani? Naho wose niyo wamkantila saviya yumwenga akuwagila file. ⁶⁵Awamwenga wakonga kumtwela mate na kumgubika ameso na kumhuluta na kugamba longa maofisa wamguha na kumtowa.⁶⁶Mna Petulo nendile eyuko hasi ko uwa, mndima yumwenga ywa chindele wa mlavyantambiko mkulu keza kwakwe. ⁶⁷Eze amuone Petulo nandile kachimala otela moto niyo amsinya kwa kumng'oila meso mna niyo agamba, weye nawe nandile una Mnazaleti Yesu. ⁶⁸Mna kalemela agamba, simanyize naho sikubunkula kuhusu chiya ukulonga niyo afosa aita kuse ko uwa. sinyisa msitali uno, naho zogolo nio dyaila haumuli mwe izibaluwa za kale.⁶⁹Mna mndima ywa chivyele ahadya kamuwona niyo akonga kuwagambila wadya ambawo nandile wachimala hadya mntu yuno ni yumwenga ywawo. ⁷⁰Mna kakana naho kwa kweliso badaye chidogo wadya nandile wachimale hadya nandile wamgamba Petulo chindedi weye wiyumwenga yawo kwa viya naho wi Mgalilaya.⁷¹Mna kakonga kweika mwenye hasi he ligito na kwelisa kwa cheliso simmanyize mntu yuno mkulonga. ⁷²Niyo zogolo dyaila nkanana ya kaidi nivyo Petulo akumbuka mbuli idya Yesu amgambile, kabula zogolo hadinati kwila nkanana ya kaidi nonilemele nkanana ntatu niyo agwa hasi na kwila.

¹Mtondo wedi wakulu wa ntambiko wadugana hamwenga na wadolonyi ne dibalaza jima dya wadalahala niyo wamtaliza Yesu amwigala kwa Pilato, Pilato niyo awauza wi Zumbe dya Wayahudi? ²Kamhitula, weye walonga ivyo. ³Wakulu wa ntambiko wamgambila malaho yalozize mwa Yesu.⁴Pilato amuza naho, hukuhitula chochose hukuwona ivyo wakukulaha kwa mbuli zilozize. ⁵Mna Yesu hamhitule Pilato imwe hela.⁶Mwe mazwela chipindi cha siku nkulu afungwilwa mtalizwa yumwenga , mtalizwa wamungile. ⁷Nandile kuna wabanasi mwe dijeleza wakomile, mgati mwa waasiye wakutmikya ubansi wawo, na eyumo mntu yumwenga akwitangwa Balaba. ⁸Bunga diza kwa Pilato kumunga adamanye enga ivyo atendile uko kunyuma.⁹Pilato awahitula na kuwagamba, mwaunga niwafunguileni Zumbe wa Wayahudi? ¹⁰Kwaviya kamanya ni kwachausa cha chinyulu cha wakulu wantambiko wamgwila Yesu niyo wamleta kwakwe. ¹¹Mna wakulu wantambiko wachongeza idibunga kutula ulwasu kwa kuguta kugamba, afungulwe Balaba badala yakwe.¹²Pilato ahitula naho nakuwagamba, nimtende mbwani naho Zumbe dya Wayahudi? ¹³Watula ulwasu naho msulumize.¹⁴Pilato awagamba kadamanya mbuli yani ihiye mna wahikiliza kutowa ulwasu mno na mno msulumize. ¹⁵Pilato aunga alizishe idibunga kamfugwila Balaba, kamtowa Yesu nkome niyo amlavya chani asulumize.¹⁶Wankondo niyo wamlongoza kubula mo uwa udya wi mndani mwe nkambi naho wachisanyane hamwenga chikosi cha wankondo. ¹⁷Wamvika Yesu nkazu ya langi ya zambalau niyo waluka chilemba cha miwa niyo wamvika. ¹⁸Wakonga kumbela na kumgamba ndamsa Zumbe ywa Wayahudi.¹⁹Wamtowa mo mtwi kwa wazi na kumtwela mate wamfikila madi kulondozi kwekwe kwa kumtunya. ²⁰Niyo wakaheza kumbela wa vula idya inkazu ye langi ya zambalau na kumvika izisuche zakwe niyo wamlavya kuse kwita kumsulumiza. ²¹Wamchichisa mjinka sila amwambize nendile akwingila mo mzi kulawa kwe nkonde akwitangwa Simoni Mkilene tati yakwe dya Isikanda na Lufo wamchichisa kwinula umsalaba wa Yesu.²²Wankondo wamwigala Yesu hantu hakwitangwa Goligota, imana yakwe hantu he gobela dya mtwi. ²³Wamwinka mpombe ihanganywe hamwenga na mane mane mna hainywele. ²⁴Wamsulumiza na kusangilana izisuche zakwe wazitoila kula kunga chipande akunga apate chila mnkondo.²⁵Yapata saa ntatu mtondo aho wamsulumize. ²⁶Waika mlanga mwakwe lubawo ludolonywe laho, Zumbe ywa Wayahudi. ²⁷Wamsulumiza hamwenga na wankondo waidi uyu mwenga tendele yake ya kulume na umtuhu ntendele yakwe ya kumoso. ²⁸Na madolonyo yachinta yalongigwe.²⁹Wadya nandile wakajinka wamhuluta wasingisa imitwi yawo, wakagamba, ni weye ukunga uvune idivikilo na kudizenga kwa mazuwa matatu. ³⁰Kwe ambule weye mwenye naho usele hasi kulawa mo msalaba.³¹Kwa iviya, iviya wakulu wa ntambiko wambela wakalosana hamwenga na wadolonyi na kugamba, kambula watuhu mna hakudaha kwe ambula mwenye. ³²Kulisito Zumbe ywa Izulaeli sela hasi haluse kulawa mo msalaba chani chidahe kukuwona chikuzumile na wadya wasulumizwe hamwenga naye nawo wambela.³³Eze ibule saa chenda chiza niyo cheza mlanga mwe isi yose kubula saa chenda. ³⁴Mwe zhipindi cha saa chenda Yesu katula ulwasu kwa nguto nklulu Eloi, Eloi lamasabakasani ikatenda vino Chohile wamiye Chohile ywa miye kwambwani kunasa? ³⁵Mna mwa awo wendile wachimale eze weve wagamba, kaula, amwitanga Eliya.³⁶Mntu yumwenga kaguluka kamemeza siki mwe siponji na kuika mlanga mwe mti, na mwazi niyo amwinka chani anywe mntu yumwenga agamba, goja chiwone hegu Eliya eza kumseleza hasi. ³⁷Niyo Yesu aila kwa ngunto nkulu niyo abanika. ³⁸Paziya dye ndivikilo niyo dyapangana vihande vidi kulawa kulanga kubula hasi.³⁹Mkulu yumwenga nednile kachimala kumsinya Yesu eze awone kabanika kwe inamna idya agamba chindedi yuno mntu nendile ni Wana ywa Chohile. ⁴⁰Nahana wavyele nandile wakasinyiza kwa hale umo mwawo na eyeho Maliyamu magidalena, Maliyamu nine dya Yakobo mvunawe dya Yose na Salome. ⁴¹Mwe chipindi wandile Galilaya wamtongela na kumsankanila na wavyele watuhu walozize nawo watongelana naye kubula Yelusalemu.⁴²Eze chibule chisingi kwaviya ni mawandaliyo ya zuwa kubula zuwa, dya kuhmula. ⁴³Yusufu wa Alimasaya keza ahadya nandile ni Zumbe wa balaza akutunywa mntu akusinyisa uzumbe wa Chohile kwa ukankalu kaita kwa Pilato na kumlombeza umwili wa Yesu. ⁴⁴Pilato niyo kehelwa kugamba, Yesu kabanika kale amwitanga yudya mlulu amuza hegu Yesu kabanika.⁴⁵Eze awone ni chindedi kwa mkulu kugamba, kabanika, kamlekeila Yusufu kuguha umwili. ⁴⁶Yusufy nendile kagula sanda, kamseleza kulawa mo msalaba, kamtaliza kwa sanda niyo niyo amwika mndani mwe mbila isimbigwe mwe luwe, niyo atongolosa yuwe mo mlango we mbila. ⁴⁷Maliyamu Madidalena na Maliyamu nine dya yose waona ahantu azikigwe Yesu.

¹Mna chipindi cha zuwa dya kuhumula dize disile Mliyamu Magidalena na nine dya Yakobo na Salome waguha mavuta matana chani wadahe kwiza kuhaka mavuta umwili wa Yesu kwachausa cha mazishi. ²Mtondo wedi suwadya nkongo dya juma waita kwembila mwe dizuwa ditontomoke.³Wadolonya wenye kwa wenye n yani nachitongele zeze idiyuwe kwachausa suwe chani chingile mwe mbila ? ⁴Mna eze wasinye wamuwona mntu kaheza kuditongolosa idiyuwe ambadyo nandile ni kulu mno.⁵Wengile mwe mbila wamuwona mbwanga kavala guwo zing'aile kekala ntendele ya kulume niyo wehewa. ⁶Awagamba msekogoha mwamlonda Yesu wa Nazaleti asulumizwe kauyuka hahali hano kayla ahantu hadya nandile wamwikiye. ⁷Hitani mkawagambile wanampina wakwe na Petulo kugamba, alongola kwita Galilaya uko namumwone saviya awagambile.⁸Wahalawa na kuguluka kulawa he mbila wasela naho wehelwa hawalongile dyodyose kwa mntu yoyose kwaviya wogoha vidala.⁹mwe dizuwa dya nkongo dya juma eze auyuke kamlaila nkongo Maliyamu Magidalena ambaye kulawa kwakwe kamlavya majini mfungate. ¹⁰Kahalawa na kuwagamba wadya ambawo nendile wehamwenga naye chipindi nandile wanachihovu na kulawa mesozi. ¹¹Weva kugamba ni mjima naho kawonekana naye mna hawamzumile.¹²Bada ya ivyo kelaviza kwa namna ntuhu kwa wantu watuhu waidi umom nandile wakatalamka kulawa mwe isi. ¹³Waita wakuwagambila wanampina watuhu wasigale mna hawamzumile.¹⁴Yesu badaye niyo elavyanya kwadya mlongo umwenga na yumwenga nandile wegamila mwe meza awakwahila kwa kutokuzumila kwakwo na udala we myuye yawo. ¹⁵Awagamba hitani mo ulangazi wose naho mlonge ulosi kwe vumbe vyose. ¹⁶Yoyose akunga wazumile na kuwambula na ambulwe na yudya hekunga kuwazumila nakantilwe.¹⁷Sinyiisa baluwa za kale hazina Marko 16 ; 9 - 20 mpintuko zino nazitimilane na wose wakuzumila , kwazina dyangu nawalavye majini nawalonge kwa luga mpya. ¹⁸Nawatoze nyoka kwa mikono yawo hata wanabywa chintu chochose chihiye hachiwalumize nawaike mikono kwa wanyonje nawo nawapate ujima.¹⁹Niyo Zumbe Yesu eze alonge nawo niyo enulwa kulanga kwembingu niyo ekala mkono wa kulume wa Chohile. ²⁰Wanampina wahalawa na kulonga chila hantu umo Zumbe akadamanya ndima nawo na kulavyanya msuhi kwa mpintuko na chilagiso chikutimilana nawo.

¹Walozize wakazana kwika vyedi, ntamulizi kulanga mbuli zatendekaga mndani mwetu. ²Saviya wachinkile suwe, kambawo kukongela nkongo ni waukuzi wa meso na wandima wa mbuli. ³Ivyo miye nami nize nisinyise, nkongelo ye izimbuli zino zose, kukongela aho nkongo siwona ni vyedi mwangu miye, kuwadolonyeza mwe untanda wakwe mtunywa vilozize Teofile. ⁴Chani udahe kumanya ichindedi che izimbuli uhinyigwe.⁵Mwe dizuwa dya Helode endaga seuta ywa Yudeya, endaga kuna mlavyantambiko yumwenga akwitangwaZakaliya, mo lukolo lwa Abiya, mkaziwe alawaga mo lukolo lwa Haluni, zina dyakwe naketangwa Elizabeti. ⁶Wose wendile wata wedi kulongozi kwa Chohile, nawajenda bila mbuli zihiye mwe lagizo dya Zumbe. ⁷Mna nandile hawana mwana kwaviya Elizabeti endaga hana cheleko, na kwe chipindi icho, wendaga wadalahala vidala.⁸Haluse niyo yalaila kugamba, Zakaliya nandile emwe kumsankanila Chohile akajendeleza na vikutasa mlavyantambiko mwe mazwele ye izamu yakwe. ⁹Kuligana na mazwelwa yo kusagula ni yani mlavyantambiko akunga asankane, nendile kasagulwa kwa kula, kwingila mwe inyumba nkulu yo kuvikila ya Zumbe chani akavunkize ubani. ¹⁰Bunga dyose nendile dikuse dikalombeza chipindi cho kuvunkiza ubani.¹¹Haluse mndima ywa kwembingu ywa Zumbe, niyo amlaila, achimala ntendele ya kulume ye inchanja yo kuvukiziza ubani. ¹²Zakaliya niyo ehelwa, eze awone, woga niyo wamwizila. ¹³Mna ndima ywa kwembingu amgamba, usekogoha Zakaliya, kwaviya kulombeza kwako kwivigwa, mkaziwo Elizabeti nakupatile mwana zina dyakwe netangwe Yohana.¹⁴Nautende na chinyemi nosangale, na walozize nawakusangaile kwelekwa kwakwe. ¹⁵Kwaviya nautende mkulu kulongoile amweso ya Zumbe, hanywe divai, hegu mpombe, naho amemezwa Muye Ukukile, kukongela mwe inda ya nine.¹⁶Naho wantu walozize wa Izulaeli nawavuzwe mwa Zumbe Chohile ywawo, ¹⁷naite kulongozi kwa Zumbe mwe muye na udahi wa Eliya, natende ivi chani kuvuza myuye ya watate kuwavuza kwa wana, chani kugamba hewekwiva nawajende mwe umanyi wa wata kuwagila, natende vino chani wemalanye kwa Zumbe ywetu, awo waikigwe kale kujinkila yeye.¹⁸Zakaliya amgamba, mndima ywa kwembingu nanidahe kumanya zeze dino? kwaviya miye sidalahala mkazangu naye mihilimo yakwe ilozesa. ¹⁹Mndima ywa kwembingu amhitula, amgamba, miye ni Gabulueli miye huchimala kulongozi kwa Chohile, situmwa hugambile, huletele imbuli ino yedi. ²⁰Naho kaula haulonge, nonyamale, haudahe kulonga, kubula idizuwa diya izimbuli zino zikunga zilaile, vino ni kwaviya kudunduga kuzumila ulosi wangu ambawo naulaile mwe ichipindi ichenye.²¹Haluse wantu nandile wakamgoja Zakaliya, nawehelwa kugamba, nakekalisa kwe nyumba yo kuvikila. ²²Mna eze alawe kuse, hakudaha kulonga nawo, niyo wamanya kugamba, nandile kapata kulonga na Chohile, chipindi ekwenyumba nkulu yo kuvikila, kajendeleza kulagisa naho hakulonga. ²³Niyo yalaila kugamba, amazuwa yo kumsankanila kwakwe yeze yaheze, niyo auya kwe kaya yakwe.²⁴Zakaliya eze auye kukaya, kulawa ko kumsankanila, kwe nuymba inkulu yo kuvikila, mkaziwe niyo atenda ana nda, naye halaile mwe nyumba yakwe, ²⁵Dino nidyo Zumbe atendile kwa miye, eze anisinye kwa kunungila, chani kunusiza soni zangu mwa wantu.²⁶Haluse mo mwezi wa mtandatu we inda ya Elizabeti Chohile amgamba mndima ywa kwembingu, Gabulueli aite mo mzi wa Galilaya ukwitangwa Nazaleti. ²⁷Kwa mali nandile kalombwa, ni mgosi akwitangwa Yusufu, yeye nandile ni mlikolo ywa Daudi, idizina dyakwe umwali uyo na ketangwa Maliyamu. ²⁸Niyo eza kwakwe niyo amlamsa , amgamba, weye uhokele utondowazi mkulu, Zumbe kakwelelwa. ²⁹Mna ulosi wa mndima ywa kwembingu naumchanganya naho hamanyize kwambwani mndima ywa kwembingu amlamse, indamsa iyo ikwehela.³⁰Mndima wa kwembingu amgamba, usekogoha Maliyamu kwaviya kupata kufilwa mbazi kulawa kwa Chohile. ³¹Naho kaula nawinule nda, mwe inda yako kaula, naweleke mwana, nawe naumwitwnge zina dyakwe Yesu. ³²Natende mkulu naho netengwe mwana ywa e kulnga vidala,Zumbe Chohile namwinke chiti cha ukulu cha Daudi Tati yakwe.

¹Haluse mwa amazuwa ayo , niyo kwalaila lagizo dikulawa kwa kaisali Augosito kugamba, iguhigwe idadi ya wantu wose wakwikala mwe isi. ²Iyo nandile ni nkanana ya nkongo wantu kuwazwa, idamanyika chipindi Kleniyo akatenda mulu ywa Siliya. ³Ivyo, chila yumwenga aita kwe ikaya alaile akawazwe.⁴Yusufu naye niyo ahalawa mo mzi wa Nazaleti, uko Galilaya niyo aita Yudeya, mo mzi wa Bselehemu, kukumanyika saviya mzi wa Daudi, kwaviya kalawa mo mzi wa Daudi. ⁵Nakaitwa uko akawandikwe hamwenga na Maliyamu endile kalomba naye, andile mwe kweloleza.⁶Niyo yalaila kugamba, iviya wekudya chipindi chakwe cha kwefungula mwana niyo chabula. ⁷Niyo efungula mwana ywa Chilume, mwekekwa ywakwe ywakwe ywa nkongo, niyo amgubika suche mo mwili kumchingila impeho umwana, naho akamwinka mwekahondo, kamwinkiza nkande wanyama, kwaviya nahendile hantu mwe inyumba ya wajeni.⁸Mwa hantu aho, nahana wadimi nawakekala kwezinkonde, wakamila mafyo ya ngoto zawo nechilo. ⁹Hampu, mndima ywa Zumbe niyo awalaila ukuka wa Zumbe niyo wawalaila, kuwazunguluka niyo wogoha vidala.¹⁰Niyomndima ywa kwembingu awagamba, msekogola kwaviya nawaletela mbuli yedi, ikunga ilete chinyemi mwa wantu wose. ¹¹Dyelo mwambizi kelekwa kwachausa cha nyuwe, mo mzi wa Daudi, uyo nuyo Kulisito Zumbe. ¹²Chino nicho chilagiso mkungwa winkwe, namumbwile umwana, kavikwa suche kagona mwe hondo dya kudila wanyama¹³Chipumpa, niyo kwatenda na wankondo wa kwembingu, niyo walungana na mndima uyo, niyo wamtogola Chohile, wakagamba, ¹⁴Ukuka una Chohile ekulanga vidala, na utondowazi utende mwe isi, kwa wose awo wakuwelelwa.¹⁵Niyo vyatenda wandima wa kwembingu, eze wahalawe kuhigana ko ulanga, wadya awandima wagamba, chiteni haluse Beselehemu, chikawone chino ichintu icho chilaile icho Zumbe achigambile. ¹⁶Niyo watenda halaka kuya, niyo wambwila Maliyamu na Yusufu wamuwona umwana kagona mwedihondo dya wanyama.¹⁷Eze wawone viya niyo wawagambila chiya chilongigwe kumlanga umwana. ¹⁸Wose wevile imbuli ino wehelwa ni chiya chilongigwe na wadimi. ¹⁹Mna Mliyamu nendile achekufanyanya kulanga yose ahezize kwiva, niyo ayaika mo muye wakwe. ²⁰Wadimi niyo wauya wakamtunya na kumjimbika Chohile, kwachausa cha chila chintu wevile kale kuwona, saviya ilongigwe kwawo.²¹Eze dibule zuwa dya mnane, nendile ni zuwa dya kumtina umwana, niyo wamwitanga zina Yesu, zina ahezize kwinkwa ni yudya mndima ywa kwembingu kabula inda hainati kwingila mwe inda.²²misi yawo yungigwe yo ukuka eze ijinke, kuligana na lagizo dya Musa, Yusufu na Maliyamu niyo wamwigala Yelusalemu kweinyumba inkulu ya vikilo kumwika kwa Zumbe. ²³Saviya idolonywe mwe inkanto ya Zumbe, chila mwana ywa chilume akufungula nda, naetangwe alavigwe kwa Zumbe. ²⁴Wowo nawo iviya weza kulavya jeleko, kuligana na chiya chilongigwe mwe lagizo dya Zumbe, wasuwa manga waidi hegu machinda maidi ya wasuwa manga.²⁵Kaula nendile kuna mntu mwe Yelusalemu uyo zina dyakwe nendile aketangwa Simoni mntu uyo nani mntu mta kuwagila, naho nakamogoha Chohile, uyo nandile akagoja kwachausa cha mta kuhembeleza, Izulaeli mna Muye Ukukile nandile ananaye. ²⁶Andile iheza kugubulwa kwakwe, kujinikla muye ukukile kugamba, yeye habanike kubula aho akunga amuwone Kulisito ywa Zumbe.²⁷Zuwa dimwenga keza mndani mwe inyumba, ye divikilo, akalongozwa ni Muye Ukukile, aho ise na nine wamletile umwana, Yesu, kumdamanyiza yadya nayakaungwa mwe kola dya lagizo. ²⁸Naho Simoni niyo amhokela mwe mikono yakwe, niyo amtogola Chohile akagamba, ²⁹haluse, mlekeile mndima ywako aite kwa utondowazi Zumbe, kuligana na ulosi wako³⁰Kwaviya ameso yangu yawona wambulwa wako, ³¹uwo uwoneke mwa meso ya wantu. ³²Yeye ni lumuli kwachausa cha ugubulo we isi yose na Ukuka wa wantu Izulaeli³³Ise na mami yakwe umwana wehelwa mwe izimbuli izo zilongigwe zikumlanga yeye. ³⁴Niyo Simoni amjimbika alonga kwa Maliyamu, tegeleza vyedi, umwana yuno natende chausa cha kwaga, na kwambulwa kwa wantu walozize naho natende chilagiso chikunga chilemelwe ni wantu walozize. ³⁵Naho ni bamba, dikunga dikutunge mo muye wako mwenye, chani kugamba fanyanyi za wantu walozize zimanyike.³⁶Muoni ywa chiche etengwa Ana naye naeyaho, mwe nyumba nkulu yo kuvikila, yeye nendile ni chigoli Fanueli kulwa mwe dikabila dya Asheli. , nendile ana mihilimo ilozize vidala, naye kekala na mgosiwe kwa mihilimo mfungate kukongela weze waguhane. ³⁷Naho hatendile hana mgosi kwa mihilimo milongo mnane na mine hawahiye kuhalawa mwe nyumba nkulu ya vikilo naho nandile akajendeleza kumvikila Chohile hamwenga na kufunga, na kulombeza chilo na msi. ³⁸Naho ichipindi icho niyo eza hadya weli niyo akonga kumtunya Chohile, na kulonga vikulanga umwana, kwa chila mntu nandile akagoja wambulwa wa Yelusalemu.³⁹Weze wabindi chila chintu waungigwe kudamanya kuligana nalagizo dya Zumbe, niyo wauya kweikaya yawo Galilaya uko Nazaleti. ⁴⁰Mwana niyo akula, niyo atenda na udahi, niyo ajenyela umanyi, na wedi wa Chohile wendaga mwakwe.⁴¹Tati yakwe na mami yakwe, chila mhilimo nawakahinga Yelusalemu, kwachausa cha zuwa kulu dya pasaka. ⁴²Eze atende na lika dya mihilimo mlongo umwenga na midi, nawaita naho mwe chipindi chichintile ivyo vili kwachausa cha zuwa kulu. ⁴³Eze asigale mazuwa yose, kwachausa cha zuwa kulu, niyo wakonga kuya kaya, mna mbwanga Yesu kasigala kunyuma kudya Yelusalemu welesi wakwe hawamanyize dino. ⁴⁴Nawakafanyanya nendile emwedibunga idyo nendile wakajesanya, ivyo niyo wajenda lujendo lwa msi mjima, naho wakongile kumlonda mwa walukolo, na mwawambuya zawo.⁴⁵Weze wamswese niyo wauya Yelusalemu niyo wakonga kumlonda umo. ⁴⁶Niyo yalaila kugamba, yeze yabule mazuwa matatu, niyo wampata kwe nyumba nkulu ya kuvikila akatenda emgati mwa wahinyi, akawategeleza na kuwauza maswali. ⁴⁷Wose wamwivile wehelwa mo umanyi wakwe, na ivyo akuhitula.⁴⁸Eze wamuone wehelwa, mami yakwe amgamba, mwanangu kwambani kuchitenda vino? Tegeleza tati yako na miye, nachikakulonda kwa nkama nkulu. ⁴⁹Awagamba, kwambwani nandile mkanilonda? hammanyize kugamba vyaungwa nitende mwe nuymba ya Tate? ⁵⁰Mna nandile hawamanyize ana mana yani mo ulosi uwo.⁵¹Niyo aita hamwenga nawo kubula kukaya Nazaleti naho nandile akawevisa, mami yakwe niyo aika mo muye izimbuli izo. ⁵²Mna Yesu niyo ajendeleza kukula, umanyi na chimo, niyo ajendeleza kungwa ni Chohile na wantu.

¹Haluse mo mhilimo mlonga na umwenga, na shano wa Useuta wa Kaisali Tibeliya chipindi Pontio Pilato endaga mkulu ywe isi ya Uyahudi, Helode nendile ni mkulu ywa kaya ya Galilaya na Filipi mlukolo ywakwe na mkulu ywa Ituleya na Tlokoniti na Lusiya nani mkulu ywa mkowa wa Abilene. ²Chipindi cha ulavyantambiko mkulu, wa Anasi na Kyafa, mbuli ya Chohile yamwizila Yohana mwana ywa Zakaliya kwedijagwa.³Kajenda mo mkowa wose, kuzunguluka mto Yolidani, akalonga wambulwa wa kusunguza kwachausa cha kweila masa.⁴Saviya idolonywe, mwe chitabu che milosi ya Isaya muoni, izwi dya mntu akwila kwe nyika, idamanyeni iheze isila ya Zumbe, damanyeni mo kujinkila kwakwe mchume.⁵Chila kolongo nadigubikwe, chila gulu na kagulu navisalahazwe, sila zigojize zichumizwe, sila zina majenje zidamanywe vydi. ⁶Wantu wose nawaone wambulwa wa Chohile.⁷Ivyo nYohana adigambila idinubga dya wantu wamwizile, wakauya wapate wambulwa kwa yeye, nyuwe welekwa wa nyoka zina sumu, ni yuhi awawileni mwiisuke nkanto ikwiza?⁸Mweleke matunda yakuligana na kweila masa yenyu, msekukonga kugamba, chinanae Ibulahimu uyo tati yetu, kwaviya nawagambila, Chohile adaha kumwinula Ibulahimu wana hata kulawa mwamayuwe yano.⁹Hoya ikwa kale mwa maizi ye miti, ivyo chila mti haukweleka matunda yedi, wakantwa niyo wadulwa mo moto.¹⁰Niyo wantu mwe isi wamuza wagamba, haluse chongigwa chtende zeze? ¹¹Ahitula awagamba, hegu mntu ana nkazu mbili, aungwa alavye nkazu imwenga kwa mtuhu hena vilozize, na mta nkande atende ivyo.¹²Akaheza wakuchisanya kodi, weza nawo wambwila nawo wamgamba, mhinyi chaungwa chitende zeze? ¹³Awagamba, usekuchisanya matundu vikujinka ivyo mkungwa kuchisanya. ¹⁴Wankondo awamwenga nawo wauza, suwe nswi chaungigwa chitende vivihi? Awagamba, msekuguha matundu kwa udahi naho msekumlongeleza mntu kwa udanti, naho mzumile maliho mkwikwa.¹⁵Haluse kwaviya mntu nandile aunga kumgoja Kulisito akunga eze, chila yumwenga na akafanyanya mo myuye wakwe kumlanga Yohana saviya yeye nuyo Kulisito. ¹⁶Yohana ahitula awgamba, wose, miye nawabatiza nyuwe kwa mzai , mna kuna yumwenga akwiza uyo anaudahi kujinka miye naho sikuwagila hata kufungula isigi ye vilatu vyakwe, nawabatizeni nyuwe kwa Muye Ukukile na kwa moto.¹⁷Lungo lwakwe lwi mo mkono wakwe chani kuheta vyedi hantu hakwe hakuhetela ngano niyo achisanya ngano yakwe kwedigulu dyakwe, mna nayoke amakanka mo moto hewikufa.¹⁸Kwa mafundo yalozize naho akalonga mbuli yedi kwa wantu. ¹⁹Yohana kamkwahila naho Helode mkulu wa mkowa kwaviya amsoile Helodiya mkaza nduguye naho kwa ubanasi ulozize matuhu ayo Helode nakayadamanya. ²⁰Mna badaye Helode, niyo atenda mwavu ulozize mtuhu wihiye, kamtaliza Yohana kwedijeleza.²¹Niyo yalaila kugamba, chipindi wantu wose wakambulwa ni Yohana Yseu naye niyo abatizwa, ichipindi akalombeza ulanga niyo wagubuka, ²²Muye Ukukile niyo wasela mlanga mwakwe kwa chilagiso cha chimwimmwili cha kasuwa manga, ichipindi icho izwi niyo dyeza, kulawa kulanga kwembingu dyagamba, weye ni mwangu hungisa, nawagilwa vidala ni weye.²³Haluse Yesu mwenye eze akonge kuhinya nandile ana kamo dya mihilimo milongo mitatu nandile ni mwana enga ivyo, ikufanyanywa mwa Yusufu mwana ywa Eli. ²⁴Mwana ywa Matasiya, mwana ywa Lawi, mwana ywa Milika, mwana ywa Yona, mwana ywa Yusufu. ²⁵Mwana ywa Mtasiya, mwana ywa Amosi, mwana ywa Nahumu, mwana ywa Esli, mwana ywa Nagai, ²⁶mwana ywa Maati, mwana ywa Matasiya, mwanya ywa Semeini, mwana ywa Yusufu, mwana ywa Yuda,²⁷Mwana ywa Yoanani, mwana ywa Resa, mwana ywa Zelubabeli, mwana ywa Shealitieli, mwana ywa Neli, ²⁸mwana ywa Meliki, mwana ywa Adi, mwana ywa Kosamu mwana ywa Elimadamu, mwana ywa Eli, ²⁹mwana ywa Yoshuwa, mwana ywa Eliezeli, mwana ywa Yolimu, mwana ywa Matasi, mwana ywa Lawi,³⁰mwana ywa Simeoni, mwna ywa Yuda, mwana ywa Yusufu,mwana ywa Eliyakimu, ³¹mwana ywa Melea, mwana ywa Mena, mwana ywa Matasa, mwana ywa Nasani mwana ywa Daudi, ³²mwana ywa Yese, mwana ywa Obedi mwana ywa Boazi, mwana ywa Salimoni, mwana ywa Nashoni,³³mwana ywa Abinadamu, mwana ywa Alamu, mwana ywa Hesiloni, mwanaywa Pelesi , mwana ywa Yuda, ³⁴mwana ywa Yakobo, mwana ywa Isaka, mwana ywa Ibulahimu, mwana ywa Tela, mwana ywa Naholi, ³⁵mwana ywa Selugi, mwana ywa Lgau, mwana ywa Pelegi, mwana ywa Ebeli, mwana ya Sala,³⁶mwana ywa Kenani, mwana ywa Alifakisadi, mwana ywa Shemu, mwana ywa Nuhu, mwana ywa Lameki, ³⁷mwana ywa Mesusela, mwan ywa Henoko, mwana ywa Yaledi, mwana ywa Mahalalei, mwana ywa Kenani, ³⁸mwana ywa Enoshi, mwana ywa Sesi, mwana ywa Adamu, mwana ywa Chohile.

¹Akaheza Yesu nendile kamemwa Muye Ukukile, Niyo auya kulawa ko mto Yolodani, akalongozwa ni muye kwe dijangwa. ²Kwamazuwa milongo mfungate, uko niyo ajezwa ni mwavu, chipindi icho hadile chochose, udumo we chipindi icho niyo awona sala.³Umwavu niyo amgamba, hegu weye wi mwana ywa Chohile, dilonge dino idiyuwe ditende bofulo. ⁴Yesu ahitula, idolonywa, mntu hekale kwa bofulo idyodu.⁵Akaheza umwavu niyo amlongoza kulanga ko lugulu, kolunenegwa, niyo amlagisa seuta zose za ulangazi, kwachipindi chijhi. ⁶Umwavu amgamba, nahwinke udahi we iziseuta zose zino hamwenga na ugoli wose, nadaha kutenda ivyo kwaviya vyose, vikwa kwangu nivilongoze, naho nadaha kumwinka yoyose hunga nimwinke. ⁷Ivyo, uneva nonifikile madi na kunivikila vintu vino vyose3 nsvitende vyako.⁸Mna Yesu amhitula amgamba, idolonywa, vyaungwa umvikle Zumbe Chohile ywako, naho vyaungwa umsankanile yeye ichedu.⁹Akaheza umwavu nyio amlongoa kubula Yelusalemu, niyo amwika kulanga vitendese kwe dizengo dyo kuvikila, Niyo amgamba, hegu weye ni mwana ywa Chohile, kwedule hasi kulawa hano. ¹⁰Kwaviya idolonywa, nawalagise wandima wa kwembingu wakwamile na kukudima, ¹¹naho nawakwinule kulanga mwe mikono yawo, chani kugamba, usekulumila iviga vyako mlanga mwe diyuwe.¹²Yesu ahitula amgamba, idolonywa usekumjeza Zumbe Chohile ywako. ¹³Umwavu eze abinde kumjeza Yesu, niyo aita zakwe, amleka kwa chipindi chituhu.¹⁴Akaheza Yesu niyo auya Galilaya, kwa udahi wa muye, na mbuli zikumlanga yeye niyo zazagala, mwe izisi zose zi mjihi zose. ¹⁵Niyo ahinya mwe izinyumba za kuvikila, chila yumwenga amtogola.¹⁶Zuwa dimwenga aitaga Nazaleti, mzi aleligwe, saviya akutendaga, engila mwe nyumba ya kuvikila, zuwa dya kuhumula, niyo achimala kusoma mawandiko. ¹⁷Niyo enkwa gombo dya muoni Isaya, ivyo niyo agubula idigombo, niyo agubula hantu hadolonywe,¹⁸Muye wa Zumbe wi mlanga mwangu, kwaviya kanihaka mavuta, kulonga mbuli yedi mwa wachiwa, kanituma kulonga kulekeilwa kwa watalizwe, na kuwatenda matuntu wawone naho, kuwalekeila wadya watalizwe. ¹⁹Kulonga mhilimo ambawo Zumbe, nalagise wedi wakwe.²⁰Niyo agubika idigombo, niyo amvuziza mkulu we nyumba ye divikilo, niyo ekela hasi, meso ya wantu wose nandile yamweinyumba ye divikilo yamsinya yeye. ²¹Niyo akonga kulonga na wowo kugamba, dyelo wandiko dino dichintizwa mwa magutwi yenyu. ²²Chila yumwenga hadya niyo aukwila chiya alongile Yesu, walozize mgati mwawo, wehelwa ne izimbuli zedi zendile zikalawa mo mlomo wakwe. nandile wakagamba, yuno ni mbwanga du wa Yusufu siyo ivyo?²³Yesu awagambila, nichindedi namgambe vino kwa miye, mganga, kwehonye mwenye, chochose chivile nakakidamanya Kapelanaumu chitende hano hegu naho. ²⁴Naho awagamba, chindedi, nawagambilani nuywe, hakuna muoni akuwagila mwe isi yakwe.²⁵Mna nawagambila chindedi kugamba, nakuna wavyele na wagosi, walozize chipindi cha Eliya. Chipindi ulanga ufungigwe fula isekunya kwa mihilimo mitatu na nusu, chipindi nendile kuna sala nkulu mwe isi. ²⁶Mna Elia hatumwigwe mwa yoyose, yumwenga ywawo, mna mwe mjane yumwenga uyodu nakekla Selepta hajihi no mzi wa Sidoni. ²⁷Naho nakuna wata matana walozize, mwe Izulaeli, mwe chipindi cha Elisha muoni, mna hakuna hata yumwenga, mna Naamani mntu ywa Silia.²⁸Wantu wose mndani mwe nyumba yo kuvikla, niyo wehelwa, weze weve izimbuli izo zoseni. ²⁹Niyo wachimala wamsukumila kuse kwe ikaya, niyo wamlongoza kubula mnkanda mo lugulu wo mzi uwo, ulugulu wawo, uzengigwe mlanga mwakwe chani wadahe kumdula hasi. ³⁰mna niyo ajinka mjima mgati mwawo niyo aita zakwe.³¹Akaheza niyo aseleza Kapanaumu, mwe ikaya ya Galilaya, zuwa dimwenga dya kuhumula nendile dikahinya wantu mndani mwe inyumba ye divikilo. ³²wehelwa na mahinyo yakwe, kwaviya nakahinya kwa udahi.³³Haluse mwe idizuwa idyo mndani mwe inyumba, yedivikilo nandile kuna mntu endile na majini yehiye, niyo aguta, ³⁴China mbwani na weye Yesu wa Nazaleti? kwiza kuchikoma? Sikumanya weye wi yuhi, weye wi mkuka ywa Chohile.³⁵Yesu niyo aikwahila impepo, nyamala dwi umlawe umntu yuno, mpepo uydya eze amdule umntu yudya hasi mgati mwawo, niyo amlawa mntu yudya bila kumsulumiza hohose. ³⁶Wantu wose wehelwa, niyo wajendeleza kusimwila imbuli iyo, chila mntu na mnyawe, wagamba, ni ulosi wi zeze uno?Alonga muye ihiye kwakuwantintisa na udahi naho wasumka. ³⁷Ivyo mbuli kumlanga Yesu, niyo zazagala chila hantu mwe viwasa vikuzunguluka izikaya.³⁸Niyo Yesu ahalawa mo mzi niyo engila mwe nyumba ya Simonio haluse mkwewe Simoni nandile akalumwa homa nkali nawakamtagusa kwachausa chakwe. ³⁹Yesu niyo amsogeila niyo aikwahila idya ihoma niyo yamleka, ahadya, niyo akonga kuwasankanila.⁴⁰Zuwa dikaswa, wantu niyo wamletela Yesu chila yumwenga nandile akalumwa ni manyonje yesimane niyo aika imikono yakwe, mlanga mwa chila mnyonje, niyo awahonya wose. ⁴¹Mpepo nazo ziwalawa walozize wakaguta vilozize wagamba, weye wi mwana ywa Chohile, Yesu niyo azikwahila izipepo zawo, hawenkile luhenyo lwa kulonga, kwaviya nawamanya kugamba, yeye nendile ni Kulisito.⁴²Eze kuse niyo aita kuntu hekwine wantu, bunga dya wantu nandile wakamlonda, niyo weza aho endile, niyo wajeza kumchinda asekwita hale na wowo. ⁴³Mna awagamba, vyaunga nilonge mbuli yedi ya Useuta wa Chohile mwe mizi mituhu ilozize kwviya kwaviya vino nivyo vikuleka situmwa hano. ⁴⁴Akaheza niyo ajendeleza kulonga mndani mwe izinyumba zo kuvikila mo Uyahudi mwoase.

¹Ivyo ilaila chipindi wantu wakussnyikila na kumzunguluka Yesu, na kutegeleza mbuli ya Chohile, chipindi akatenda kachimala, mnkanda mwe diziwa Genesaleti. ²Kona mashuwa mbili zijela nanga, kumpezo kwe diziwa, wakalowa, nendile wafosa naho nawendile wakaunta izilwavu zawo. z ³Yesu kengile mwe imwenga ye ziya izimashuwa, ambayo nandile ni Simoni na kumubga amwigale mwe mazi, hale hadodo ne isi inyaile niyo ekala na kuwahinya kulawa mwe mashuwa.⁴Akasimwila, amgamba Simoni, igale imashuwa yako kubula kutali kwa mazi, niyo useleze izinyavu zako chani ulowe samaki. ⁵Simoni amhitula, na kumgamba, Zumbe chidamanya ndima chilo na msi, mna hachigwile chochose, mna kwa ulosi wako naniseleze izinyavu. ⁶Eze wadamanye ivyo wakusanya chiasi chikulu, cha samaki, ne izi nyavu zawo zikonga kukantika,. ⁷Niyo wapungiya weyawe, nawo kwe mashuwa ntuhu, chani weze kuwambiza, weza na kuzimemeza izi mashuwa zose chiyasi kugamba, zikonga kudidimila.⁸Mna Simoni Petulo eze asinye, ivyo niyo agwela mwa mavindi ya Yesu, nakumgamba, halawe kwangu kwaviya miye ni mta masa Zumbe. ⁹Kwaviya nakeheleswa ni wose nandile hamwenga naye, kwa kulowa samaki nandile waudamanya. ¹⁰Dino diwahanganya Yakobo na Yohanamwana ywa Zebedayo ambawo nandile ni wamwe na Simoni niyo Yesu amgamba, Simoni usekogoha, kwaviya kukongela haluse na kujendelaza naulowe wantu. ¹¹Eze waheze kuleta izinyavu zawo mwe isi inyaile, waleka chila chintu na kumtongela yeye.¹²Ilaila kugamba, nandile emo mzi umwenga, mntu nandile kamema matana nandile eyuko mna eze amuone Yesu kagwa niyo afunama, na kumunga akagamba, Zumbe uneva ukaunga wadaha kunisunta . ¹³Niyo Yesu achulusa umkono wakwe, na kumdonta agamba, naunga usuntike ne isa idya idya matana yamlekeila.¹⁴Kamsigila asekumgambila mntu yoyose, mna kamgamba hita zako kelavize kwa walavyantambiko naho ulavye lavyo dya kusuntwa kwako, sschiligane na chiya Musa alongile, kwa ukuzi wako. ¹⁵Mna mbuli zino kumlanga yeye zizagala hale mno, na bunga kulu dya wantu diza hamwenga kumtegeleza mahinyo na kuhonya manyonje yawo. ¹⁶Mna nkanana kwa nkana nakesenta ichedu na kulombeza.¹⁷Dilaila zuwa dimwenga mwe idyo nandile nakahinya nandile weyaho Mafalisayo na wahinyi wa lagizo wekala aho, ambawo weza wakalawa kaya zilozize zesimile.Mwe mizi ya Galilaya na Yudeya naho kulawa mwe mizi ya Yelusalemu, nguvu ya Zumbe nayendile naye akahonya.¹⁸Wantu watuhu weza wamwinula mwe machela mntu aholomale, niyo walonda sila ya kumwingiza mndani chani wamgoneze hasi kulongozi kwa Yesu. ¹⁹Hawapatile sila ya kumwingiza mndani kwachausa che dibunga, niyo wakwela kulanga kwedigulu dye nyumba na kumseleza yudya umntu hasi kujinkila mwevigawe kulanga ho mcheka wakwe wihagati mwa wantu Kulongozi kabisa kwa Yesu.²⁰Akakaula utondowazi wako, Yesu niyo agamba, Mbuyangu, masa yako yalekeilwa . ²¹Wadolonyi na Mafalisayo, wakonga kweuza idyo, wagamba, yuno ni ani akulonga uhovyo?Ni ani akudaha kulekeila masa ni Chohile uyodu?²²Mna Yesu kamanya icho wakufanyanya, awahitula na kuwagamba, kwambwani mwauzana dino mwe myuye yenyu? ²³Chihi ni chihufu kugamba masa yako yalekeilwa hegu kugamba, chimala jenda? ²⁴Mna mmanye kugamba, Mwana ywa Adamu ana udahi mwe isi ino ywa kulekeila masa na kugamba, weye inuka guha umcheka wako naho wite kukaya kwako.²⁵Chipindi icho icho kenuka kulongozi kwawo, niyo aguha ucheka wakwe nandile kagolnela niyo auya kukaya kwakwe akamtunya Chohile. ²⁶Chila yumwenga kehelwa wamtunya Chohile wengilwa ni woga, wagamba, chiwona mbuli siyo ya kubela dyelo.²⁷Bda ye zimbuli zino kulaila Yesu kafosa uko niyo amuona mtoza maliho akwitangwa Lawi kekala hantu hakukusanyiza maliho amgamba, nitongela. ²⁸Niyo Lawi enuka kaleka chila chintu kunyuma.²⁹Niyo Lawi amalanya nkande kunyumba kwakwe kwachausa cha Yesu naweyaho watoza maliho walozize wekala mwe meza akadya hamwenga nawo. ³⁰Mna Mafalisayo na wadolonyi wowo nandile wakawafuzumila wanampina wakwe wakagamba, kwambwani mwadya na kunywa na watoza maliho hamwenga na wantu watuhu wenye masa. ³¹Yesu awahitula wantu we mwe ujima wedi hawakunga ndaguzi ni wadya du wakulumwa nawo wakunga kwambizwa yumwe. ³²Sizile kuwetanga wantu wata chindedi, wadahe kuleka mna siwetanga wenye masa wadahe kweila.³³Wamgamba, wanampina wa Yohana chipindi chikulu wafunga na kulombeza na wanampina wa Mafalisayo nawo wadamanya ivyo ivyo, mna wanampina wako wadya na kunywa. ³⁴Yesu awagamba, vyadahika mntu yoyose akawatenda wezile mwe ngasu ya Zumbe, we ngasu wakasinywa kawo nivyo mwe dizuwa idyo nawafunge. ³⁵Mna zuwa dyeza umo Zumbe ywe ngasu aho nausigwe kwawo, numo mwa mazuwa ayo nawafunge.³⁶Niyo Yesu aho alonga kwa mligano hakuna akutatula chipande cha suche, kulawa mwe suche pya na kuchijeseza kuliganya suche ya kale, uneva anadamanya ivyo, natatule isuche impya na chipande cha suche kulawa kwa suche impya hachawagile kujeseza na suche ya kale.³⁷Naho hakuna mntu akwika mpombe pya mwe makopo yasakale, uneva anatenda ivyo, impombe impya naitule viya ivyombo niyo impombe yetika na makopo nayabanika. ³⁸Mna mpombe pya yongigwa ikigwe mwe makop mahya. ³⁹Naho hakuna mntu badala ya kunywa mpombe ya kale aunga pya kwaviya agamba, ya kale ni yedi.

¹Haluse ilaila mwe zuwa dya kuhumula kugamba, Yesu nandile akajinka mwe nkonde ya ulozo wanampina wakwe nendile wakadya matunda waya hata hata mwe mikono yawo wadya amatunda. ²Mna mwa Mfalisayo wagamba, kwwambwani mnatenda chintu ananacho si chedi chilangizo kuchidamanya zuwa dya kuhumula?³Yesu awahitula awagamba, kusoma chiya Daudi atendile nandile anasala yeye na wagosi nendile we hamwenga naye? ⁴Kaita mwe nyumba ya Chohile kuguha migate ikukile na kuidya na kulavya mituhu kwa wantu nandile ananawo niyo waidya, hata hegu nendile vyaungwa walavyantambiko kuidya. ⁵Niyo awagamba, mwana ywa Adamu ni Zumbe ywa kuhumula [sabato].⁶Vilaila mwe zuwa tuhu dya kuhumula kugamba, kaita mndani mwe divikilo na kuwahinya wantu uko. naho nahana mntu uyo umkono wakwe wa kulume nandile uholomala. ⁷Wadolonyi na Mafalisayo, nendile wakasinya vyedi hegu namhonye mntu zuwa dya kuhumula chani wadahe kupata chintu cha kumlaha kwa kudamanya ubanasi. ⁸Mna kamanya ni chihi nandile wakafanyanya niyo agamba, ko mntu aholomale umkono inuka chimala, hano, hagati ha chila yumwenga niyo uyo mntu niyo enuka na kuchimala ahadya.⁹Yesu niyo agamba kwawoo, nawauza nyuwe ni vyedi zuwa dya kuhumula kudamanya yedi hegu kudamanya yehiye, kwambula wikazi hegu kuubalanga? Niyo awasinya wose na kumgamba yudya mntu. ¹⁰Chulusa umkono wako niyo atenda ivyo, mkono wakwe utenda uhona. ¹¹Mna wamema maya niyo walongana wenye kwa wenye kugamba ni chihi chadaha chidamanye kwa Yesu.¹²Ilaila idizuwa idyo kugamba, kaita ko lugulu kulombeza kajendeleza chilo chijima akamlombeza Chohile. ¹³Eze ibule nomtondo kawetanga wanampina wakwe kwakwe niyo awwsagula mlongo na waidi mgati mwawo naho wetengwa wasigilwa.¹⁴Mazina ya wadya wasigila nandile, Simoni uyo amwitange Petulo na Anduleye mlukolo ywakwe, Yakobo, Yohana, Filipo, Batolomayo. ¹⁵Matayo, Tomaso, na Yakobo mwana ywa Alifayo, Simoni etengwe Zelote, ¹⁶Yuda mwana ywa Yakobo, na Yuda Isikaliote, uye eli mchihitu hitu.¹⁷Niyo Yesu asela hamwenga nawo kulawa kolugulu niyo achimala hantu haligane idadi nkulu niyo ya wanampina wakwe nendile uko hamwenga na idadi nkulu ya wantu kulawa uyahudi na Yelusalemu mpwani ya Tilo na Sidoni. ¹⁸Weza kutegeleza na kuhonywa manyonje, yawo wantu wendile wakasulumizwa ni majini machafu wahonywa nawo. ¹⁹Chila yumwenga mwe uwo umdugano kajeza kumdokola kwaviya, nguvu za uhonyi nandile zilaila mndani mwakwe na kuwahonya wose.²⁰Niyo awakaula wanampina wakwe nakugamba, mjimbikwe nyuwe wachiwa kwaviya Uzumbe wa Chohile ni wenyu. ²¹Mjimbikwe nyuwe wenye sala haluse kwaviya namwiguswe, mjimbikwe nyuwe mkwila haluse kwaviya namseke.²²Mjimbikwe nyuwe ambawo wantu nawamwihiweni na kuwasenta na kuwakunta nyuwe kugmba, ni wehiye kwachausa cha mwana ywa Adamu. ²³Elelwani mwe dizuwa idyo na kupilikapilika, kwa kwelelwa kwaviya chindedi namtende na hazina nkulu kwembingu kwaviya tati zawo wawadamanyiza ivyo ivyo waoni.²⁴Mna namluone nyuwe wagoli kwaviya mheza kwikwa falaja yenyu. ²⁵Mna namluwone nyuwe mwigute haluse kwaviya namuone sala badaye, namluwone nyuwe mkuseka haluse kwaviya namlomboleze na kwila badaye.²⁶Namluwone nyuwe mkatogolwa ni wantu wose kwaviya tati zawo wawadamanyiza waoni wa lulimi ivyo, ivyo.²⁷Mna nagamba, kwenyu nyuwe mkunitegeleza waungeni waihi wenyu na kudamanya matana kwa wadya wakumwihiwani. ²⁸Wajimbikeni wadya wakuwaligitani nyuwe naho walombezezeni wadya wakuwaoneya.²⁹Kwa yudya akukutowa ifunda imwenga, mhituhile na ya kaidi hegu mntu akuhonka suche yako usekumlemeza mwinke ne nkazu. ³⁰Mwinke chila akukulombeza, hegu mntu akakuhoka chintu ambacho ni maliho yako usekumlombeza achivuze.³¹Seivyo mkunga wantu wawatendeleni nyuwe, watendeleni ivyo, ivyo, ³²Hegu mkaunga wantu wakuwaunga nyuwe du, iyo ni sawabu yanikwenyu? Kwaviya hata wenye masa wawaunga wadya wakuwang. ³³Hegu mkawatendele yedi wadya wakuwatendela nyuwe yedi, ivyo ni swabu yani kwenyu kwaviya hata wenye masa wadamanya. ³⁴Mna mkakopesha vintu kwa wantu ambawo wasinya kuvuzizwa iyo ni sawabu yani kwenyu hata wenye masa wawakopesha wenye masa, na kusinya kuhokela chiasi icho icho naho.³⁵Mna waungeni wehi wenyu naho watendeleni yedi, wakopesheni naho msekutenda na nkama kuhusu kuvuzizwa na sawabu yenyu naitende nkulu namtende wana wa ekulanga kwaviya yeye mwenye ni ywedi kwa wantu hwena kutunya na wehiye. ³⁶Mtend na mbzi saviya Zumbe, dyenyu ivyo eli na mbazi.³⁷Msekukantila nyuwe nanywi hamkantilwe, msekufuzuma nanywi hamfuzumilwe lekelani watuhu nanywi mlekeilwe.³⁸Wenkeni watuhu, nanywi namwikwe chiasi cha ukalimu chimemezwe, vidala na kwitika nachitike mwa mavinndi yenyu. Kwaviya chihimo chochose mkujeseza kuhima chihimo icho nicho nachijeseze kuhimilwa nyuwe.³⁹Niyo awagambila mliganyo naho Togola mntu hekuwona adaha kumlongoza mntu mtuhu hekuwona uneva anatenda ivyo basi wose wengila mwe dibome. ⁴⁰Mwanampina hakutenda mkulu enga mhinyi wakwe, mna chila mntu, akaheza kuhinywa kwa uchindedi atenda saviya mhinyi wakwe.⁴¹Ni kwambwani bsi wasinya kaziti ke mndani mwe diziso dya mlukolo ywako? Na kaziti ke mndani mwe diziso dyako hukukawona. ⁴²Naudahe zeze kumgamba, mlukolo ywako, mlukolo, nakulombeza nilavya akaziti mndani mwe diziso dyangu mna hukusinya akaziti kemwediziso dyako mwenye, mfitini weye, nkongo lavya akaziti mwe diziso dyako mwenye nivyo nauwone vyedi kulavya akaziti mwediziso dya umlukolo ywako.⁴³Kwaviya hauhali mti wedi ukweleka matunda yehiye naho hauhali mti wihiye ukweleka matunda yedi. ⁴⁴Kwaviya chila mti wamanyika mwa matunda yakwe kwaviya wantu hawakwaha tini kulawa mwe miwa naho hawakwaha zabibu kulawa mwe mishongoma.⁴⁵Mntu ywedi mwe hazina yedi yo muye wakwe alavya yadya ayedi na mntu ehiye mwe hazina yakwe yo muye wakwe alavya yadya yehiye kwaviya umnomo wakwe walonga yadya yakumemeza umuye wakwe.⁴⁶Kwambwani mwanitanga Zumbe, Zumbe, mna hamkutenda yadya hulonga. ⁴⁷Chila mntu akwiza kwangu na kwiva imbuli yangu nakutendela ndima naniwalagiose ivyo eli. ⁴⁸Na afanane na mntu azengile nyumba yakwe ambaye asimbile hasi mna nakazenga msingi wa nyumba mlanga mwe luwe utogile msayo eze yeze mahozomoko ya mazi yaitowa inyumba ,na haidahile kusingisika kwaviya nandile izengwa vitana.⁴⁹Mna yoyose akwiva imbuli yangu na hakuitoza mligano wakwe ni mntu azenguile nyumba mlanga mo msanga heine msingi idikolongo eze disele kwa nguvu inyumba idya ipatwa ni kubalangwa kukulu

¹Niyo Yesu eze abinde chila chintu nanacho agamba, mwe wantu wamvikile Kapelanauma.²Mndima yuwenga wa akida nendile aungigwe vitendese mwakwe nendile ni mnyonje vidala haguhi na kubanika. ³Mna akatenda eva zikumlanga Yesu, yudya akida nakamsigila mlongozi wa Chiyahudi kumlombeza eze kumgombela mndima ywakwe chani asekubanika. ⁴Weze wabule haguhi na Yesu, wamhembeleza kwa vitendese kugamba, vyaungwa kugamba, ongwa kudamanya vino kwachausa chakwe. ⁵Kwaviya nakaunga isi yetu, naho nuyo azengile inyumba yo kuvikila kwachausa chetu.⁶Yesu ajendeleza no utafi wakwe hamwenga nawo, mna henati kwita hale ne nyumba, mkulu yumwenga awasigila wambuyaze kulonga naye, Zumbe, usekwesokeza weye mwenye kwa viya miye sikuwagilwa weye wingile mwe nyumba yangu. ⁷Kwaviya vino sifanyanye hata nami mwenye kugamba, nawagila kwiza mwako, mna longa ulosi du, na mndima ywangu nahone. ⁸Kwaviya miye nami ni mntu nikigwe mwe udahi naho ninawankondo hasi hangu, ninamgamba yuno hita naite, namwe mtuhu, soo naye neze, na mwe mndima ywangu damanya chino naye adamanya.⁹Yesu eze eve ivyo nakehelwa, niyo ahitula, idibunga nendile dikamtongela na kugamba, nawagambilani, hata mwe Izulaeli sinati kuwona mntu mta utondowazi mkulu sa yuno. ¹⁰Niyo wadya nendile wasigilwa, wauya kukaya na kumbwila mndima ni mjima.¹¹Ngachani bada ya vino, nailaila kugambaw, Yesu nendile akatamba, kwita mzi witangwe Naini, wanampina wakwe niyo waita hamwenga naye wakagambilana ne dibunga dya wantu. ¹²Eze wabule haguhi no lwivi lo mzi kaula, mntun abanike nendile kenulwa nani mwana ywa ichedu mwa mami yakwe, nendile hena mgosi bunga dimwenga dimtongela kulawa mo mzi nendile wehamwenga naye. ¹³Eze amuone Zumbe, niyo amsogeila na kumfila mbazi nkulu vitendese, mnanga mwakwe na kumgamba, usekwila. ¹⁴Niyo asogela kulongozi niyo adonta idijeneza ambadyo dinula ichimba na wadya wenule wachimala agamba, mbwanga nakugamba inuka. ¹⁵Abanike niyo enuka na kwikala hasi na kukonga kulonga niyo Yesu, wamwinkiza mwa mami yakwe.¹⁶Niyo woga wawmema wose wajendeleza kumtunya Chohile wakagamba, muoni mkulu kachimaliswa mgati mwetu na Chohile kawakaula wantu wakwe. ¹⁷Zino mbuli zedui za Yesu, zisambala Yudeya yose na mwe izisi zose zihaguhi.¹⁸Wnampina Yohana wawgambila, mbuli zino zose. ¹⁹Nivyo Yohana awetanga waidi wa wanampina wakwe, na kuwasigila kwa Zumbe, kugamba, weyeyni weye ukwiza, hegu kuna mntu mtuhu chimsinye? ²⁰Weze wabule hajihi na Yesu wano wakalonga Yohana mta kubatiza kachisigila kwako kugamba, weye ni yudya akwiza hegu kuna mtuhu chimsinye?²¹Mwe ichipindi icho nakawahonya wantu walozize mwe manyonje na masulumizo, kulawa mwe muye wihiye, na kwe wantu wana utuntu kawenka kusinya. ²²Yesu ahitula na kuwagamba mwawo, eze mtende mwita uko mlaile mkamgambile Yohana icho muwone na kwiva, wenye utuntu wahokela kusinya vilema wajenda wanamatana walenguswa, hewekwiva weva, wabanike wauyuswa, na kutenda wjima naho, wachiwa wagambilwa mbuli yedi. ²³Naho mntu ambaye haleke kunizumila miyo mwe yoyose aa wadamanya ntendwa zangu kajimbikwa.²⁴Niyo wadya wasigilwe ni Yohana kuya uko walaile, Yesu akonga kugamba, mwe chitala vikumlanga Yohana namwita kuse, kusinya mbwani nyasi zikutenda zasingiswa ni mpeho? ²⁵Mna namwita kuse kusinya mbwani, mntu avikile vitana?kaula wantu wadya wakuvala suche za chiseuta na kwikala wikazi wa mbwedo wako mwe hantu ha chiseuta. ²⁶Mna mwita kuse kusinya mbwani muoni? Nivyo nagamba, mwenyu, navitendese vidala ukaleka muoni.²⁷Yuno nuyo awandikilwe kaula namsigila, msigila ywangu kulongozi kwa meso yenyu, naadamanye isila ikulanga miye. ²⁸Nalonga mwenyu, mgati mwe wadya welekwe ni mvyele, hahana mkulu enga Yohona mna mntu hena utunywi vidala naekale na Chohile hantu eli yeye naatende mkulu kujinka Yohana.²⁹Naho wantu wose weze weve vino hamwenga na wachisanya kodi, nawalonga kugamba, Chohile ni mwenye utana na weyaho mgati mwawo wadya wabatizwe mo ubatizo wa Yohana. ³⁰Mna Mfalisayo na wahinyi sigilizi za Chiyahudi ambawo hawabatizwe ni yeye nawalemela umanyi wa Chohile kwaviya kwawo wenye.³¹Naho nadaha kualiganisa na mbwani wantu wacheleko chino?Wezeze hasa. ³²Waligana na wana wakuseziga mwe hantu ha gwilo, wakwikala na kwitangana yumwenga bada ya yumwenga, wakagamba, chivila gunda, dikulanga nyuwe, naho hamwivile chachemaga wila wa ndilo mna hamwivile.³³Yohana mto kubatiza nakeza hadile bofulo naho, hanyele divai namkagamba, ana muye wihiye. ³⁴Mwana ywa mntu keza kudya naho kanywa, niyo mwagamba, kaula ongisa kudya na wakozi, wambuya wachisanya kodi na wata masa. ³⁵Mna umanyi ubunkuka kugamba, vina utana mwe wana wakwe wose.³⁶Yumwenga ywa Mafalisayo nakamlombeza Yesu aite kudya hamwenga naye, eze Yesu engila inyumba ya Falisayo nakegamiza mwe meza chani adye. ³⁷Kaula nendile hana mvyele yumwenga mo mzi uwo, nendile ana masa, abunkula kugamba, nendile mwe Falisayo, akuleta supa ya manukato. ³⁸Nakachimala kunyuma kwakwe, haguhi ne viga vyakwe kuno akaila naho naho akonga kuchabaza iviga na mesozi na kuhangusa ne izifili zo mtwi wakwe. akabusu iviga vyakwe nakuihaka manukato.³⁹Niyo yudya Flisayo nandile amhokele Yesu eze awone ivyo, afanyanya mwenye akagamba, hegu yunomntu endile ni muoni nakabunkula yuno niani naho naho ni wavivihi ywa mvyele akumdonta ywa kugamba ni mwenye masa. ⁴⁰Yesu ahitula na kugamba, Simoni ninachintu cha kukukgambila agamba, chilonge du mhinyi.⁴¹Kwendaga na watigizwa waidi mwe mkopeshaji yumwenga, yumwenga nendile akadaiwa hela magana mashano na wakaidi adaiwa hela hamsini. ⁴²Naho weze watende hawana hela yokuliha kawafila mbazi wose, haluse ni yani naunge vitendese? ⁴³Simoni ahitula na kumgamba, nafanyanya afilwe mbazi mta zilozize, Yesu agamba, kulamula mwe chindedi.⁴⁴Yesu amhitula mvyele na kumgamba, kwa Simoni wamuona yuno mvyele, singila mwe nyumba yako huninkile mazi ya kunawa mwe viga vyngu, mna yuno kwa mesozi yakwe, kachabaza iviga vyangu na kuvihangusa ne izifili zakwe. ⁴⁵Hunibusize mna yeye eze engile mno halekile kunibusu iviga vyangu.⁴⁶Hunihakile iviga vyangu kwa mavuta, mna kanihaka iviga vyangu kwa manukato. ⁴⁷Kwe imbuli ino nakugambila kugamba, nendile anamasa yalozize mna kafilwa mbazi vitendese, naho nakaunga vitendese, mna afilwa mbazi chidogo, naunge chidogo du.⁴⁸Akajika amgamba mvyele amasa yako yalekeilwa. ⁴⁹Wadya wekale mwe imeza hamwenga naye wakonga kulosana wowo kwa wowo, yuno niani kubula kulekeilwa masa? ⁵⁰Niyo Yesu amgamba mvyele, utondowazi wako ukwambula, hita kwa utondowazi.

¹Nailaila chipindi chiguhi badae kugamba Yesu nakakonga kutamba mwe mizi ilozize, kulonga mbuli zedi zo Useuta wa Chohile na wadya mlongo na waidi nawaita hamwenga naye. ²Iviya iviya mkaza ngachani nendile kahonywa kulawa mwe muye wihiye na manyonje matuhu tubhu nendile ni Maliamu akwitangwa Mgidalena yeye nendile kalavigwa imyuye mfungate. ³Yoana mkaza wa kuza na mkulu ywa Helode Suzana na wavyele wayuhu walozize nawalavya ugoli wawo mwa viya wowo wenye.⁴Niyo idibunga dya wantu niyo wachintana hamwenga wakatenda na wantu wezile mwakwe kulawa mizi mituhu mituhu, akalonga nawo mwe miliganyo. ⁵Mhandi nakaita kuhanda mbeyu, izimbeyu izintuhu nazigwela mnkanda mwe sila niyo zajantwa hasi ne viga, na wadege wa kulanga wazidya. ⁶Mbeyu ntuhu zigwela mlanga mwe ulongo wa yuwe niyo eze zihote na kukonga kulawa ziola kwaviya hahatendile na umazi umazi.⁷Mbeyu izintuhu zigwela mwe miti ya miwa ne iyo imiti ye miwa niyo yakula hamwenga na ziya izimbeyu niyo zafintwa. ⁸Mna mbeyu ntuhu nazigwela mwe ulongo wedi niyo zeleka matunda nkanana gana vitendese niyo Yesu kulonga mbuli zino atula izwi yoyose ana magutwi ya kwiva eve.⁹Naho wanampina wakwe wauza imana yo mliganyo uwo. ¹⁰Yesu niyo awagambila mwinkigwa ungi wa kumanya chinyele cho Useuta wa Chohile, mna wantu watuhu nawahinywe du mwe miliganyo chani kugamba wakasinya, wasekusinya na wakeva wasekumanya.¹¹Naho ino niyo imana yo mliganyo uno, mbeyu ni ulose wa Chohile. ¹²Mbeyu ziya zigwele mnkandankanda mwe sila nawo wadya wantu wakwivya ulosi niyo akajika mwavu shetani auguha hale kulawa muye, chani kugamba, wasekuzumila na kukombolwa. ¹³Niyo ziya zigwele mo luwe ni wantu wadya wakwiva ulosi na kuuhokela kwa kwelelaw mna hawana maizi yoyose, wazumila du kwa chipindi chiguhi naho mwe ichipindi cho kujezwa wagwa.¹⁴Na mbeyu ziya zigwele mwe imiwa ni wantu wakwiva ulosi mna wakajendeleza kukula wafintwa ni nkuto za ugoli na ubwedo wa kwikal kuno naho hawakweleka matunda. ¹⁵Mna ziya izimbeyu zigwele mo ulongo umtana ni wadya wantu ambawo ni wanyanyahala ne imyuye yawo ni mitana, niyo bada yakwiva ulosi wautoza naho wekala vyedi na kweleka matunda ya kujijmiza.¹⁶Haluse hahana hata yumwenga akuwasha ta na kuigubika na bakuli hegu naho kuika hasi hedi vungu dyo lusazi, Mna naike mwe chiya xha kwikiya ta chani kugamba, chila yumwenga akwingila atende awona. ¹⁷Kwaviya hahana nachefise kugamba, hachimanyike chikatenda mwe ulangazi. ¹⁸Elo, msinyise mkatenda mwetegeleza, kwaviya ananacho najenyezezwe vitendese, mna hena nacho hata chiya ichidodo ananacho nachiguhigwe.¹⁹Niyo mami yakwe Yesu na walukolo wakwe niyo weza mwakwe hawaogele kwaviya idibunga kwa wantu. ²⁰Niyo agambila mama yako na walukolo wako, we hadya heise wonga wakuwone weye. ²¹Mna Yesu ahitula, mnala ywangu na walukolo wangu ni wadya wakwetegeleza ulosi wa Chohile na kuuzumila.²²Nailaila zuwa dimwenga mwa amazuwa yadya Yesu na wanampina wakwe, nawakakwel mwe galawa, na kuwagambila, chiteni ntendele ya kaidi ye diziwa niyo wafunganya ingalawa yawo. ²³Mna weze wakonge kuhalawa Yesu niyo agona ntongo aho nkung'unto nkulu yavumila, ne ingalawa yawo yakonga kumema mazi naho nendile we mwe nkulu vidala.²⁴Akajika wanampina wakwe weza mwakwe kumwinula, wakagamba, Zumbe mkulu, Zumbe mkulu, chihaguhi kubanika niyo enuka na kuikwahila inkung'unto na mayumbi ya mazi vyatondowala niyo kwatenda na kunyamala. ²⁵Naho awagamba, utondowazi wenyu wi kuhi? niyo wogoha wehelwa, walosana chila yumwenga na mnyawe, yuno ni yaani uneva kugamba alonga niyo nkung'unto na na mazi niyo vyamzumila?²⁶Niyo wabula mwe mzi wa Gelasini intendele imnyuma mwa Galilaya. ²⁷Yesu asela na kujata hasi, mntu n ngachani kulawa mo mzi abwilana naye na uyo mntu nendile adaudahi wa chisai mwe chipindi chitali nendile hakuvala suche, naho nendile akekala mwe nyumba mna ekala mwe mbila.²⁸Eze awone Yesu niyo aila kwa izwi na kugwa hasi kulongozi kwakwe, kwa izwi kulu akagamba, sidamanya mbwani mwako, Yesu mwana ywa Chohile eli kulanga? nakulombeza usekunisulumiza miye. ²⁹Yesu alonga muye wihiye umlawa umntu yudya kwaviya nkankana zilozize atenda mchilalu, hata hegu katalizwa minyololo na kunyinywa na kwikwa hasi na wankondo, nakavuna ivifungo nakujendezwa ni muye mchafu kubula mwe inyika.³⁰Yesu amuza zina dyako ni yani? ahitula agamba, Legioni kwaviya muyye ilozize imwingila mwakwe. ³¹yajendeleza kulombeza usekuchigala chite kwe dibome.³²Fyo dya nguluwe nendile dikadimwa mlanga mo lugulu, yalombeza ikagamba chilonge chikengile mwa awo nguluwe na kuwalonga kudamanya ivyo. ³³Ivyo idya imyuye ihiye yamlawa, umntu yudya na kwingila mwe zinguluwe na diya idifyo niyo dyagulukaa mwe winuko wo lugulu na kubula mwe diziwa na kudidimila umo.³⁴Wdya wantu nendile wakadima wadya weze waone chilaile niyo waguluka na kulavya mbuli hadya ho mzi wa kuse mwe imizi ihagati. ³⁵Wantu weze weve ivyo nio waita kusinya chiya chilaile, niyo weza kwa Yesu na kumuona, mntu endile ana myuye ihiye imlawa, nendile kavikwa vyedi naho mwenye fanyanyi zichintile, kekala mwe iviga vya Yesu naho wogoha.³⁶Niyo yumwenga ywawo awone icho chilaile akonga kuwagambika watuhu ivyo uyo umntu nendile akalongozwa ni myuye ihiye ivyo ahonyigwe. ³⁷Wantu wose we isi ya Wagelasi na hantu he haguhi nawamlombeza Yesu ahalawe mawo kwaviya nendile wana woga mkulu, niyo engila mwe ngalawa chani auye.³⁸Mntu yudya alawigwe ni myuye ihiye amlombeza Yesu kwita naye, mna Yesu amgamba aite na kulonga. ³⁹Uya mwe inyumba yako naho uwaze yadya yose andile Chohile kakudamanyiza, yuno mntu nakhalawa kwaviya vikulanga yeye.⁴⁰Niyo Yesu auya, chitala niyo chamhokele, kwaviya wose nandile wakamgoja. ⁴¹Kaula niyo eza mntu yumwnga akwitangwa Yailo ni yumwnga mwa walongozi mwe inyumba ya mavikilo, Yailo niyo agwa mwe viga vya Yesu na kumlombeza aita mwe nyumba ywakwe. ⁴²Kwaviya nendile ana m2wana chigoli yumwenga du, mwenye lika mlongo na midi naho nandile imwenamna ya kubanika, naho eze atende aita, bunga nendile dikafintana vikumlanga yeye.⁴³Mvyele mwenye kulawigwa ni sakame kwa mihilimo mlongo na midi nendile ehaya nakajeseza hela zose mwe wagangana, mna hahana amhonyize hata yumwenga. ⁴⁴Nakeza mnyuma mwa Yesu na kudonta idilepe dye isuche aho kufosa isakame kwaleka.⁴⁵Yesu niyo agamba, ni yani uyo anidontile? Weze wlwmele wose Petulo niyo amgamba Zumbe mkulu, bunga dya wantu wakusindikana na kufintana. ⁴⁶Mna Yesu niyo amgamba, mntu yumwenga kanidonta kwaviya simanya nguvu zinilawa mwangu.⁴⁷Mvyele eze awone kugamba hakudaha kwefisa mwe icho adamanye, akonga kuzingiza, niyo agwa hasi kulongozi kwa Yesu alonga kulongozi kwa wantu wose, kwaviya mwe ivyo adamanye kumdonta na ivyo ahonyigwe aho. ⁴⁸Niyo agamba, mwakwe chigoli utondowazi wako ukutenda utende mjima, hita kwa kutondowala.⁴⁹Chipindi achei kujendeleza kulonga, mntu yumwenga niyo eza kulawa mwe nyumba ya mlongozi ywa nuymba za mavikilo akagamba, chigoili ywako habanike usekumsunkanya mhinyi. ⁵⁰Mna Yesu eze eve ivyo, ahitula, usekogoha, zumila du, naho nambulwe.⁵¹Niyo eze engile mwe iyo inyumba, haungile mntu yoyose kwingila hamwenga naye, Mna Petulo, Yohana na Yakobo, tati yakwe chigoli na mami yakwe. ⁵²Haluse wantu wose nendile wakahongeza na kulavya izwi vikumlanga yeye, mna niyo awagamba, msekutula ulwasu, habanik, mna kagona du. ⁵³Mna niyo wamseka mwe kumbela, wakamanya kugamba, kabanika.⁵⁴Mna yeyey akamtoza chigoli mkono amwitanga kwa izzwi akagamba, mwana inuka. ⁵⁵Muye wakwe wamuiya niyo enuka aho, aho, niyo asigila kugamba, enkigwe chintu chochose chani adye. ⁵⁶Welese wakwe niyo wehelwa, mna awasigila wasekumgambila mntu icho chitendekeb chilaile.

¹Niyo awetanga wadya mlongo na waidi hamwenga, awenka udahi na nguvu mlanga mwa myuye yose na kuhonya wanyonje. ²Niyo awasigila waite wakalonge Useuta wa Chohile na kuhonya wanyonje.³Niyo awagamba msekuguha chochose, chikulanga intambo yenyu, hegu nkome, hegu mkwiji, hegu nkande, hegu hela, hegu nkazu mbili. ⁴Nyumba yoyose namwingile ikalani umo, na umo mkahalawa ahantu aho.⁵Naho kwe wadya hewekuwahokeleni, mkahalawa umzi uwo, kung'untani tifili mwe viga vyenyu, vitende ukuzi mlanga mwawo. ⁶Niyo wahalawa na kwita kujinkila mwe vijiji, wakalonga mbuli yedi na kuhonya wantu chila hantu.⁷Haluse Helode chilongozi, nakeva ayo yose endile yakulaila, kazaganywa vidala, kwaviya ilongeka na watuhu kugamba, Yohana mta kubatiza, kauyuka kulawa kwa wabanike. ⁸watuhu wagamba, Elia kajika kulaila, na watuhu wagamba,yumwenga ywa waoni wa chikale kauyuka naho. ⁹Helode nakagamba, Simkanta Yohana, mna yuno niani hwiva izimbuli zakwe? Naho Helode nakalonda sila ya kumuona Yesu.¹⁰Chipindi weze wauye wadya wasigilwe, niyo wamgabila, chila chintu wadamanye, niyo awaguha hamwenga naye, niyo aita ichedu mo mzi ukwitangwa Besisadiya. ¹¹Mna bunga weva vikulanga dino niyo wamtongela, niyo awahokela, niyo alonga nawo vikulanga Useuta wa Chohile, naho nakawahonya wadya waungile kuhonywa.¹²Zuwa dikukonga kuswa, aho wadya mlongo na waidi niyo waita kwakwe na kugamba, longani ne dibunga kugamba waite mwe ivijiji vihaguhi o mzi wakelondele hakuhumula, na kupata nkande, kwaviya chihantu he nyika. ¹³Mna niyo awagamba, nyuwe wenkeni chintu cha kudya wagamba, hachina vitendese hana ntili shano za migate na samaki waidi, mna chaiteile na kugula nkande vikulanga vya umdugano uno wa wantu. ¹⁴Nednile nakuna wagosi wakubula magana mlongo na mishano hadya, niyo awagamba, wanampina wakwe, wekazeni hasi mwe bunga ga dya wantu wakubula milongo mishano mwa mwa chila bunga.¹⁵Ivyo niyo wadamanya ivyo naho wantu niyo wekala hasi. ¹⁶Niyo aguha imigate mishano, na wasamaki waidi niyo asinga kulanga, ajimbika, na kuvibesula mwe vipande niyo awenka wanmpina wakwe chani wavike kulongozi kwe dibunga. ¹⁷Wose niyo wadya niyo weguta ne ivipande vye nkande visikale vilogotwa na kumema ntangulu mlongo na vidi.¹⁸Niyo vyatenda kugamba, umo akalombeza echedu, wanampina wakwe nendile ehamwenga naye, naho niyo auza akagamba, wantu wagamba miye ni yuhi? ¹⁹Watuhu wagamba, Yohana mta kubatiza, mna awatuhu wagamba, Elia, na watuhu wagamba, yumwenga ywa waoni wa mazuwa ya kale kauyuka naho.²⁰Na nyuwe mwanigamba, miye ni yuhi? ahitula, Petulo agamba, Kulisito kulawa kwa Chohile. ²¹Mna mo kuwafunda, Yesu awalagisa wasekugambila yoyose kulanga dino. ²²Awagamba, kugamba Mwana ywa Adamu, aungwa asulumizwe mwe mbuli zilozize, na kulemelwa ni wadlahala na walavyantambiko wakulu na wakudolonya, naho nakome, na zuwa dya katatu nauyuke.²³Niyo awagamba wose, uneva mntu yoyose akaunga kunitongela, vyaungwa elemele mwenye, aguhe umsalaba wakwe chila zuwa, naho anitongele. ²⁴Yoyose akwbalanga, kugombela wikazi wakwe, kwa chongezeko changu naukombole. ²⁵Vino nachimfahe mbwani mwana ywa mntu, uneva unapata isi yose, mna niyo aza hegu naho apata hasala ya ujima wakwe?²⁶Yoyose akunga anionele soni miye no ulosi wangu, kwa mwana ywa Adamu namuonele soni aho, na atende mwe Ukuka wakwe, no Ukuka wa tate na wamndima wakwembingu wakuka. ²⁷Mna nawagambileni chindedi, kuna wamwenga wenyu wkuchimala hano, hawalume file kubula wauone Useuta wa Chohile²⁸Ilaila yabula mazuwa mnane bada ya Yesu kugamba, milosi ino kugamba, naguhe hamwenga naye Petulo, Yohana, Yakobo, niyo wakwela ko lugulu kulombeeza. ²⁹Naumo wakalombeza, ukusinyika mo uso wakwe uhitukila, ne izisuche zakwe zatenda zing'ala na kung'alisa.³⁰Naho kaula naweyaho, wagosi widi wakalosana naye nendile Musa na Elia. ³¹Nawaonekana mwe Ukuka, walosana vikulanga kuhalawa kwakwe, mbuli ambayo ne ihaguhi kuchintizwaYelusalemu.³²Haluse Petulo nawadya nendile hamwenga naye, wendile mwe ntongo zitendese, mna weze wenuke, nawauona Ukuka wakwe na wagosi waidi wendile wachimala hamwenga naye. ³³Niyo yalaila umo nendile wakahalawa mwa Yesu, Petulo amgamba, Zumbe ni vyedi mwetu kwikala hano, naho yachunga chizenge wikazi wa wantu watatu, chizenge umwenga ukulanga weye, umwenga ukulanga Musa, na umtuhu ukulanga Elia hamanyize icho nakalongela.³⁴Umo nakalonga ayo, niyo dyeza ingu niyo dyawagubika, naho nawogoha weze waone wazungulukwa ni ingu. ³⁵Izwi dyalawa mwe dingu dikagamba, yuno ni Mwanangu asagulwe, mwetegelezeni yeye. ³⁶Izwi dize dinyamale, Yesu nendile echedu, nawekala dwi, na mwa mauwa ayo, hamgambile yoyose dyodyose mgati mwa yadya waone.³⁷Zuwa ditongele, eze alawe mo lugulu, mdugano mkulu wa wantu naudugana naye, ³⁸Kaula, mgosi kulawa mo mdugano nakaila kwa izwi, akagamba, mhinyi nakulombeza, umsinye mwanangu kwaviya ni mwanangu ywa ichedu. ³⁹Waona muye mchafu umtoza, naho atula ulwasu, naho vyamtenda mchilalu naho kulawigwa ni povu mo mlomo, naho yamlawa kwa nkunto umwigaila usungu utendese. ⁴⁰Nasiwaunga wanmpina wako waukwahile ufose mna havidahike.⁴¹Yesu ahitula awagamba, nyuwe cheleko hechikuzumila nanikale na nyuwe kubula ini? Nakuguhilana na nyuwe? Mlete mwanawo hano. ⁴²Mbwanga nendile akeza, muye niyo umgwisa hasi, na kumsingisa kwanguvunguvu, mna Yesu niyo aukwahila uyda umuye wihiye, nakumhonya mbwanga naho niyo amwinkiza kwa tati yakwe.⁴³Wose nawehelwa no ukulu wa Chohile, mna wakatenda wehelwa wose mwe mbuli zose zidamanyike, awagamba, wanampina wakwe. ⁴⁴Ulosi uwekale mwa magutwi yenyu, kwaviya Mwana ywa Adamu nalavigwe mwe mikono ya wantu. ⁴⁵Mna hawabunkule imana yo ulosi uwo, ufisigwe mwa meso yawo, chani wanase kumanya, nawaogoha kumuza vikulanga ulosi uwo.⁴⁶Niyo ngavungavu nazikonga kuaila mgati mwawo imlanga mwa yuhi atendile mkulu. ⁴⁷Mna Yesu eze abunkule nawakaalosan, myuye yawo nakamguha mwana mteke nakumwika ntendele yakwe. ⁴⁸Nakumgamba, uneva mntu yoyose, anamhokela mwana mteke saviya yuno kwazina dyangu, anihokela miye, naho na yoyose akunihokela miye, amhokela na anisigile, kwaviya atendile mteke mgati mwenyu wose nuyo atendile mkulu. ⁴⁹Yohana ahitula amgamba, Zumbe chimuona mntu aku⁵⁰ Mna Yesu niyo amgamba, msekumchinda, kwaviya hekuhigana na nyuwe ni mnyenyu. ⁵¹Niyo yalaila kugamba, kuligana na zuwa ivyo na dili kukutenda zuwa dyakwe, dyo kwita mo ulanga, chindwdi nakahitukila uso wakwe Yelusalemu. ⁵²Asigila wanampina kulongozi kwakwe niyo waita na kwingila mwe chijiji cha wasamaliya chani wamfunganyize hantu. ⁵³Mna wantu uko hawamhokele kwaviya nendile kauelekeza uso wakwe Yelusalemu.⁵⁴Wanampina wakwe Yakobo na Yohana weze wadiwone dino, niyo wamgamba, Zumbe waunga chilonge moto usele hasi kulawa mo ulanga uwabalange? ⁵⁵Mna awahitula awakwahila. ⁵⁶Niyo waita chijiji chituhu.⁵⁷Weze watende waita mwe isila yawo, mntunyumwenga niyo awagamba, Nahutongele kokose nowite. ⁵⁸Yesu niyo awagamba, mauzi yana mabome, wadege wa kulanga wana masas, mna mwana ywa Adamu hana hekugoneza umtwi wakwe.⁵⁹Ivyo awagambila, mntu mtuhu, nitongela mna yeye niyo agamba, Zumbe ndakunilekela haluse nite hamhambe tate ywangu. ⁶⁰Mna yeye niyo amgambila waleke wabanike wawahambe wabanike wawo, mna weye hita ukalonge Useta wa Chohile chila hantu.⁶¹AkJIK mntu mtuhu niyo amgamba, nahutongele Zumbe, mna ndkunileka haluse hawalage wemweinyumba yangu. ⁶²Mna Yesu, niyo amgamba, hahana mntu, akujela umkono wakwe kulima na kusinya kunyuma na awagilwe mo Useuta wa Chohile.

¹Akajika ye izimbuli izoZumbe niyo asagula milongo mfungate na watuhu, na kuwasigila waidi waidi wamlongoile mwe chila mzi na hantu aungile kwita. ²Niyo awagambila, ulozo uloza mna wandima ni wajeche ivyo elo mlombezeni Zumbe wa ulozo chani kugamba asigile haluse wandima wo ulozo wakwe.³Hitani mwe mizi kaulani, nasiwasigila saviya ngoto mgati mwe mauzi. ⁴Msekwinula mkwiji wa hela, hegu mfuko wa ntambo hegu vilatu, naho msekumlasa yoyose mwe sila .⁵Mwe nuymba yoyose na namwingile nkongo gambani utondowazi utende mwe nyumba ino. ⁶Uneva mntu ywa utondowazi eyumo aho utondowazi nausigale mlanga mwakwe mna hegu siyo ivyo wauya kwenyu. ⁷Sigalani mwe nyumba iyo dyani na kunywa icho nawalavye kwaviya mndima vyaunga maliho yakwe msekusama kulawa nyumba ino kwita ntuhu.⁸Mzi wowose mkwingila niyo wawhokelani dyani chochose nachikwe kulongozi kwenyu. ⁹Naho honyani wanyonje weyumo umo longani kwawo useuta wa Chohile wiza haguhi henyu.¹⁰Mna mwe mzi wowose namuwingile uneva hawawahokeleni hitani kuse mwe sila naho gambani, ¹¹hata tifili mo mzi wenyu dimamatile mwe viga vyetu chadipumuntila mwenyu vikulanga nyuwe mna kumbukani dino, useuta wa Chohile wihajihi. ¹²Nawagambilani kugamba mazuwa ya kukantilwa nayatende na wafile mbazi kujinka mwa Sodoma kujinka umzi uwo.¹³Noluone wyw Kolozani naluone weye Bethesaida! saviya ndima nkulu zidamanyike mndani mwako hegu yakudamanyika Tilo na Sidoni naweila masa yawo chikale vitendese wakekala mndani ya suche za maguniya na maivu. ¹⁴Mna nautende kufilwa mbazi vitendese zuwa dya kukantilwa mwe Tilo na Sidoni vitendese mwenyu. ¹⁵Weye Kapelanaumu wafanyanya nawinulwe kubula mo ulangazi? Bule nouselezwe hasi kubula bome hedine uhelo.¹⁶Akunga aweve nyuwe anitegeleze miye, na yoyose akuwalemela anilemela miye, na yoyose akunilemela miye, amlemela anisigile.¹⁷Wadya mlongo na mfungate nawauya na kwelelwa wakagamba, Zumbe, mna hata muye ihiye ichiva mwe zina dyako. ¹⁸Yesu awagambila nasimuona mwavu akagwa kulawa ko ulanga saviya mbaula. ¹⁹Kaulani siwenkani udahi wa kujata nyoka na visuse na nguvu zose za mwihi naho hahana chochose mwe sila yoyose chikunga chiwalumize. ²⁰Mna ivyo mwelelwe du mwe dino, myuye iwevani mna mwelelwe vitendese kugamba, mazina yenyu yadolonywa kwembingu.²¹Mwe chipindi ichiya iichiya nakelelwa vidala mwe Muye Ukukile na kugamba, nahutogole weye Tate , Zumbe ywa ulanga ne isi mwaviya kuwafisa mbuli zino kulawa mwe wenye ubala na umanyi, na kuyagubula mwe hewehinyigwe saviya wana wateke niyo tate kwaviya imwelelwa mwa meso yako.²²Chila chintu chikizwa mwanga naho hahana amanyize mwana ni ani mna tate naho hahana amanyize Tate mna mwana na yoyose ambaye mwana aunga kwegubulwa mwakwe.²³Niyo awahitula wanampina akagamba, umo wo wenye wajimbikwe wakuyaona yano ambayo nuywe mwayaona. ²⁴Nawagambilani nyuwe kugamba waoni walozize na waseuta nawaungisa waone izimbuli mkuziona mna hawazione na kwiva zino mkwiva mna hawazivile.²⁵Kaula mhinyi ngachani wa sigilizi ya chuyahudi nakachimala na kumjeza akagamba, mhinyi nitende zeze niupate ujima wa kale na kale? ²⁶Yesu amgambila, idolonywa mbwani mwe sigilizi? Kuisoma zeze? ²⁷Ahitula agamba Umunge Zumbe Chohile ywako mo moyo wose na mo muye wako wose na mwe nguvu zako zose, na mwe fanyanyi zako zose na ehaguhi hko saviya weye mwenye viya ukweunga. ²⁸Yesu niyo agamba kuhitula vitana damanya ivyo nawikale.²⁹Mna mhinyi nakaunga awazize utana yeye mwenye niyo agamba Ysesu na ehaguhi hangu ni ani? ³⁰Yesu ahitula akagamba, Mntu ngachani endile akasela kulawa Yelusalemu kwita Yeliko niyo agwela mgati mwe wapolaganyi wamhokile ugoli wakwe, na kumtowa na kumwasa ehaguhi na kubanika.³¹Mwe bahati mlavyantambiko ngachani nendile akasel mwe isila iyo eze amuone niyo ajinkila ntendele ntuhu. ³²Ivyoivyo mlawi naye eze abule ahantu hadya eze amuone ajinkila ntendele ntuhu.³³Mna Msamaliya yumwe umo akatamba nakajinkila ahadya endile umntu uyo eze amuone kasindikwa ni mbazi. ³⁴Nakumsogeila na kumzingiliza chitambala mwe zikwenje zakwe amwitila mavuta na divai mnanga mwakwe, naho kamkweza kulanga mwe mpunda yakwe na kumwigala mwe nyumba ya wajeni na kumlela. ³⁵Zuwa dikutongela nakaguha matundu maidi na kumwinka umwenye inyumba ya wajeni nakumgamba mlele, nachochose na chongezekele mo kumlela chidamanyike nahulihe umo hauya.³⁶Ni yuhi mgati mwe wano watatu wafanyanya nendile ni ehaguhi hakwe yeye agwele mgati mwe wapolaganyi. ³⁷Mhinyi nagamba, ni yudya alagise mbazi kwakwe, Yseu niyo amgambila hita naho ukadamanye ivyo.³⁸Haluse umo wakatamba nawengile mwe chijiji fulani na mvyele yumwe zina dyakwe Martha nakamhokela mwe nyumba yakwe. ³⁹Nendile ana dadiye etengwa Maliamu endile ekela mwe iviga vya Zumbe, na kumwetegeleza ulosi wakwe.⁴⁰Mna Matha endaga na ndima zilozize na kwambika nkande nakaita kwa Yseu na kumgamba, Zumbe hukusinya kugamba, dadiyangu kanasa ichedu nidamanye ndima ichedu? Ivyo elo mgambile anambize. ⁴¹Mna Zumbe ahitula na kumgambila Matha, Matha, wahangaika mlanga mwe mbuli zilozize. ⁴²Mna ni chintu chimwenga du chikungwa Maliamu kasagula chintu chedi kugamba hachiusigwe kulawa mwakwe.

¹Nailaila chipindi Yesu nadile akaolmbeza hantu hasiku, yumwenga ywa wanampina wakwe, amgamba, Zumbe, chihinye na suwe kulombeza saviya Yohana ivyo, awahinyize wanampina wakwe.²Yesu awagamba, mkalombeza gambani vino, Tate zina dyako ditunywe, Useuta wako wize.³Uchinke bofulo dyetu dya chila zuwa. ⁴Uchilekeile amasa yetu, saviya suwe chikuwalekeila wose wachikoile msa, usekuchijela mwe majezo.⁵Yesu awagamba, niani kwenyu mta mbuya akudaha kumbasa nechilo, akamgamba, mbuyangu nipangila migate mitatu. ⁶Kwaviya mbuyangu kanizila ivino haluse, alawa ntambo miye nami sina cha kumwinka. ⁷Yudya ekunyumba amhitula, usekunitumbwadisa, lwivi luvi luvugala kale miye na wanangu chigona kale, mo lusazi, sikudaha kwinuka kukwinka weye migate. ⁸Nawagambila, hata hegu henuke niyo akwinka, imigate kwaviya kumbasa na kumgongela bila soni, naenuke niyo akwinka mabesu yalozize ya migate saivyo ukunga weye mwenye.⁹Miye nami nawagambila, lombezani, nanywi namwinkwe, zungulani nanywi nampate, towani hodi nanywi namvuguilwe. ¹⁰Kwaviya chila akulombeza naho chila mntu akuzungula napate, naho chila mntu akutowa hodi lwivi naluvugulwe kwachausa chakwe.¹¹Ni tatiamntu yuhi mwanyuwe, mwanawe akalombeza samaki namwinke nyoka chinyume chakwe? ¹²Hegu akalombeza tagi naminke chisuse chinyume chakwe? ¹³Ivyo, uneva nyuwe wabanasi mdaha kuwenka wana wenyu majeleko yedi, vino siyo vilozize vidala, Tati yenyu wa kwembingu kugamba nawenke Muye Ukukile awo wakubalanga?¹⁴Nandile Yesu akakwahila mpepo, uyo mntu nandile hakuda kulonga, eze pepo amlawe uyo mntu, niyo adaha kulonga, idibunga dyehelwa vidala. ¹⁵Mna wantu watuhu wagamba, yuno alavya mpepo kwa Belizebuli mkulu ywa mpepo.¹⁶Walozize niyo wamjeza wakamunga alagise mpintuko ikulawa kulanga kwembingu. ¹⁷Mna Yesu niyo amanya fanyanyi zawe, awagamba, chila useuta ukupangana nautende uchiwa, nyumba nayo ipangane naigwe.¹⁸Uneva mwavu natende kapangana, useuta wakwe nauchimale zeze? Kwaviya mwagamba nalavya mpepo kwa Belizebuli. ¹⁹Hegu miye nalavya mpepo kwa Belizebuli mkulu ywa mpepo kwa sila yani? kwachausa chino, awo nawawkantileni. ²⁰Mna uneva nalavya mpepo kwa kadole ka Chohile, ivyo Useuta wa Chohile umbwilani.²¹Mntu mta udahi naho ana viha akamila inyumba yakwe, vintu vyakwe navikale mpeho. ²²Mna niyo akumpukila ni mntu mta udahi ulozize kumjinka yeye, yudya mntu mta udahi namhoke iviha vyakwe na kuguha ugoli wose. ²³Uyo hehemwenga na miye, aligana na miye, uyo naye hekuchisanya na miye amwaganisa.²⁴Mpeop nchafu akamlawa mntu, aita kulonda hantu hehena mazi andekukweta, anaswesa agamba, nanuye kudya nilaile. ²⁵Akauya niyo awona nyumba, ihagilwa naho ikala vyedi. ²⁶Nivyo aita kulonda mpepo mfungate weihise kujinka yeye mwenye, niyo awaleta weze wekale aho ahantu, naho ihali yo mntu uyo naitende iha kujinka nkongo.²⁷Vilaila kugamba, chipindi akalonga izimbuli izo, mvyele fulani niyo aguta kujinka wose mwe dibunga, agamba, ijimbikwa inda ikweleke na matombo wonkile. ²⁸Mna yeye agamba, wajimbikwa wadya wakwetegeleza mbuli ya Chohile na kuika.²⁹Chipindi bunga dya wantu wakachisanyika, wakongezeka, Yesu niyo akonga kugamba, cheleko chino ni cheleko cha ubanasi, chazungula mpintuko mna hakuna mpintuko nawenkwe ikujinka idya ya Yona. ³⁰Mna saviya Yona nandile lagiso kwa wantu wa Ninawi, nivyo na mwana ywa Adamu akunga atende mwe cheleko chino.³¹Mlikiya wa kusini nachimale zuwa dya nkanto na wantu wa cheleko chino, na kuwakantila, wowo kwaviya yeye kalawa udumo we isi chani eze etegeleze umanyi wa Solomoni, nahano eyaho eli mkuluy kujinka Solomoni.³²Wantu wa Ninawi nawchimale mwe inkanto hamwenga na wantu we cheleko chino, mwedizuwa dye nkanto, nawachikantile kwaviya wowo weila amasa yawo kwa kulonga mbuli yedi kwa Yona kaula hano hahana mkulu kujinka Yona.³³Hakuna mntu yoyose akuwasha taa hantu he hasi hana chiza, heikuwoneka, hegu hasi mwe ntangulu, mna wawsha na kuika kulanga mwe chintu chani chila mntu akwingila adahe kuwona ulangazi. ³⁴Ziso dyako ni ta yo mwili, ziso dyako uneva ni dyedi, hata umwili wako wose nautende na ulangazi, mna ziso dyako dinatenda ni bovu ivyo, umwili wako wose nautende na chiza. ³⁵Ivyo, mkaulise chani ulangazi wi mndani mwenyu unase kujelwa chiza. ³⁶Ivyo uneva, umwili wako wose wi mwe ulangazi naho hakuna mntu hemwechiza, ivyo, umwili wako nautende saviya taa ikwaka na kulavya ulangai mwenyu.³⁷Eze abinde kulonga, Falisayo niyo amgoneka akadye nkande kwe nyumba yakwe, Yesu naye niyo engila mwe inyumba niyo watenda we hamwenga naye. ³⁸Niyo Mafalisayo niyo wehelwa kwaviya hehekile imikono henati kudya nkande ya chisingi.³⁹Mna Zumbe, awagamba, nyuwe Mafalisayo mwasunta ivikombe kuse, ne izibakuli, mna mndani mwenyu mmema ubesa vihiye na ubanasi, ⁴⁰Nyuwe wantu hemkumanya, vino uyo aumbile kuse haumbile na kundani nako? ⁴¹Wenkeni wachiwa vikundani naho mbuli zose nazitende ntana kwa nyuwe.⁴²Mna namluone Mafalisayo, kwaviya mwalavya zaka ya mnaa na mchicha na chila mboga yesimile, mna mleka mbuzi ikuwagila, na kumunga Chohile, ni vyedi vitendese, kutenda vya kuwagila, na kumunga Chohile bila kuleka kusankana na ayo amatuhu nayo.⁴³Namluwone Mafalisayo, kwaviya monga kwikala viti vya kulongozi mwe izinyumba zo kuvikila na kulamswa kwa ntunyo mwamagwilo. ⁴⁴Namluwone kwaviya mwenga mbila, hezina vilagiso ambazo wamtu wajenda mlanga mwakwe bila kumanya.⁴⁵Mhinyi yumwenga ywa lagizo dya Chiyahudi ahitula, agamba, mhinyi icho ukulonga wachuzi hata suwe. ⁴⁶Yesu awagamba, namluwone wahinyi wa nkanto, kwaviya mwawenka wantu mizigo mikulu hewekuidaha kwinula, mna nyuwe wenye, hamkudonta imizigo iyo, hata kwa kadole kenyu kamwenga.⁴⁷Namluwone kwviya, mwazenga, mwaika vikumbusa, mwe izimbila za waoni, mna wakomagwa ni wababa zenyu. ⁴⁸Ivyo, nyuwe mwi waukuzi mwe kugamba, mweva ne izindima wadamanye wababa zenyu, kwaviya chindedi nawawakoma waoni awo mkuzengela na kwwika vikumbusa mwe izimbila zawo.⁴⁹Kweichausa icho naho, umanyi wa Chohile wagama, nanisigile kwenyu waoni na wasigilwa, nawo nawawasulumize, na kuwakoma mwesimile. ⁵⁰Cheleko chino nachikantilwe, kweisakame ya waoni wakomigwe kukongela nkongo mo ufi we isi. ⁵¹Kukongela sakame ya Abeli, kubula sakame ya Zakaliya, akomigwe mgati mwe izinchanja yo kulaviza ntambiko, na hakukile, nivyo namgambilani cheleko chino nachikantilwe.⁵²Namluwone wahinyi wa lagio dya Chiyahudi, kwaviya mguha funguwo za umanyi, nyuwe wenye hamkwingila, wadya nawo wakunga wengile mwawachinda.⁵³Yesu eze ahalawe hadya, wadolonyi na Mafalisayo, niyo wamlemela niyo wahigana naye vikulanga mbuli zilozize. ⁵⁴Wakajeza kumziga kwe milosi yakwe.

¹Kwechipindi icho wantu walozize we chindedi, nawadugana hamwenga, vikutenda wajatane, niyo wakonga kulonga na wanampina wakwe, kweamileni na ugwadu wa Mafalisayo ni wasongaganyi.²Naho hakutende na chinyele chefisize hechinagubulwe, hegu mbuli ifisigwe mna haimanyike. ³Naho dyodyose mkunga mlonge mwe chiza, nadivike mo ulangazi, naho dyodyose mkunga mlonge mwe gutwi, mndani mwe nyumba yenyu vya kundani vivugulwe, nayalongwe kulanga kwezinyumba,⁴Namgambilani wambuya zangu, msekuwogoha wadya wakukoma umwili, wakaheza hawana chintu chituhu cha kudamanya. ⁵Mna nawafundani uyo mkunga mumogehe, mwogoheni yudya akutenda anakoma, ana udahi wa kudula kwe bome hedina uhelo, nivyo nawagambilani nuwe mwogoheni uyo.⁶Vino wadege washano hawakutagwa, hawakutagwa, kwa senti mbili, mna taha ivyo hata yumwenga akunga ajalwe mwe ulongozi wa Chohile. ⁷Mna mmanye kugamba, fili zi mwe imitwi yenyu, ziwazwa, msekongoha nyuwe mna yombe kulu kujinka wadege walozize.⁸Nawagambilani yoyose akunga anizumile kulongozi kwa wantu, mwana ywa Adamu namzumile kulongozi kwa wandima wa kwembingu wa Chohile. ⁹Mna yoyose akunga anilemele mwa wantu naye nalemelwe kulongozi kwa wandima wa kwembingu wa Chohile. ¹⁰Yoyose akunga alonge dihiye, dikumlanga mwana ywa Adamu, nalekeilwe mna yoyose akunga aubele Muye Ukukile halekeilwe.¹¹Wakamwigalani kulongozi kwa wakulu wa nuymba za mavikilo, nawawdye na wata udahi, msekogoha kugamba, namgambe mbwani, mwe kwegombela hegu mbwani namlonge. ¹²Kwaviya Muye Ukukile nauwahinyeni ivyo mkunga mlonge mwe ichipindi icho.¹³Mntu yumwenga mwe dibunga niyo amgamba, mhinyi mgambile mlukolo ywangu, anipangile hantu ha ulisi wangu. ¹⁴Yesu agamba, ni yuhi anikiye kutenda mlamuzi na mwivanyi wenyu? ¹⁵Naho awagambila kwedimeni na chila chesimile vya tama, kwaviya ujima wa mntu haumuli mwe vintu vilozize ananvyo.¹⁶Yesu awagambila mliganyo, agamba, nkonde ya mntu yumwenga mgoli nayeleka vidala, ¹⁷niyo euza mo muye wakwe akagamba, nanitende zeze, kwaviya sina hantu ha kwikiya mpamba? ¹⁸Niyo agamba, nanidamanye vino, nanivune amagulu yangu yose madodo, niyo nazenga magulu makulu, niyo naika ipamba yangu na vintu vyangu vituhu. ¹⁹Nanegambe miye mwenye kweikiya mpamba ya vintu vilozize vya mihilimo ilozize, humula, unywe, na kudya na kubweda.²⁰Mna Chohile amgamba, weye mntu wihezi, ichilo cha dyelo waungwa umuye wako, ivintu vyose wikiye navitende vya yuhi? ²¹Nivyo navitene kwa chila mntu akweikiya ugoli mna siyo kwa kutenda mgoli kwa Zumbe.²²Yesu niyo awagamba, wanampina wakwe, ivyo, msekutenda na woga kulavya ujima wenyu kugamba, namdyeni hegu kulanga mili yenyu kugamba, namvale mbwani. ²³Kwaviya ujima ni kujinka nkande na mwili ni kujinka suche.²⁴Kauleni madege ya kulanga, hayakulima naho hayakuvuna, mna tati yenyu ayenka cha kudya, nyuwe hamkuwangila kujinka madege? ²⁵Ni yuhi mgati mwenyu uyo akudaha kusawanisa naho akudaha kweongezeza ujima wakwe? ²⁶Uneva kumbe hamkudaha kutenda chintu icho chidodo naho ni chihufu kwambwani mkusankanila ayo amatuhu?²⁷Kaulani maluwa yakuneneha, hayakusankanila ndima, naho hayakuluka mna namgambilani, hata Sulemani mo ukuka wakwe wose havikigwe enga idimwenga dya aya. ²⁸Uneva Chohile avika ivi mani ya kwenkonde naho yehano dyelo mna luvi yadulwa ko moto vino havikujinka na awavikeni nyuwe? Wa utondowazi mjejeche?²⁹Msekusankanila kugamba namdyeni hegu na mnyweni naho msekutenda na woga. ³⁰Kwaviya izisi zose mwe isi, zasankanila izimbuli izo, Tati yenyu naye kamanya kugamba, mwaunga ivyo,³¹Mna ndani kulonga Useuta wakwe, ayo amatuhu namongezezwe, ³²msekogoha nuywe bunga dodo, kwaviya tati yenyu elelwa kumwinkani uesuta.³³Tagani ugoli wenyu mkawenke wachiwa, mwedamanyize mifuko heikuhungukilwa mpamba ya ko ulanga heikusila, hantu aho wabavi hawasogele, hegu matele hayadahe kubalanga. ³⁴Kwviya hadya ili impamba yako, naho umuye wako ukunga wikale.³⁵Suche zenyu ntali zitende zifungwa, na mkaza, taa zenyu zitende zaka, ³⁶mtende saviya wantu weli wakumgoja Zumbe, kulawa kwa chinyemi cha nyinka, chani kugamba, akeza akatuwa hodi nawadahe kumvuguila upesi.³⁷Wajimbikwe wadya wandima, wadya Zumbe akeza nawabwile wemeso, chindedi nafunge isuche yakwe ntali na mkaza, niyo awaika hasi kwachausa cha nkande, niyo awasankanila. ³⁸Uneva Zumbe niyo eza chilo chikulu cha wamizi wa nechilo, hegu hata nkanana ya katatu yo uwamizi, niyo awabwila wemeso navitende vyedi kwawo awandima.³⁹Vikujinka ivyo, mmanye vino, hegu Zumbe, mwenye inyumba amanyize chipindi akwizila mbavi nandile halekele inyumba yakwe ivunwe. ⁴⁰Mwikale mwemalanye, kwaviya hammanyize ni chipindi chani mwana ywa Adamu nezile.⁴¹Petulo amgamba, wachigambila suwe wenye, vilagiso ivyo, hegu wamgambila chila mntu. ⁴²Zumbe awagamba, ni yuhi mndima mchindedi hegu mta umanyi, uyo Zumbe ywakwe namwinke mwa wandima watuhu chani awenke nkande mwe chipindi chakwe? ⁴³Kjimbikwa yudya mndima, yudya Zumbe ywakwe akeza nambwile akatenda yadya asigilwe. ⁴⁴Chindedi nawagambilani nyuwe, namwikwe mo ugoli wakwe wose.⁴⁵Mna mndima yudya anagamba, mo umuye wakwe, Zumbe ywangu azigila kuya, niyo akunga kuwatowa wandima, wachilume na wachiche, akaheza akonga kudya, kunywa , kukolwa. ⁴⁶Zumbe ywakwe yudya mndima, neze zuwa hegonele naho ne chipindi hechimanyize, niyo amkanta matili , niyo amwinka hantu hamwenga na wantu hewene chindedi.⁴⁷Mndima amanyize viya akunga Zumbe ywakwe naye hemanyize, naho hatendile ivyo akunga natoigwe nkome zilozize. ⁴⁸Mna mndima hemanyize viya akunga Zumbe ywakwe, mna atenda yakumwagila kutoigwa, natoigwe nkme njeche, kwaviya yudya enkigwe vilozize vyaugigwa kulawa kwakwe, yudya enkigwe kwakwe navyungwe vilozize kujinkiliza.⁴⁹Siza kuchulika moto mwe isi, naho nabesa kutenda ukonga kwaka. ⁵⁰Mna nina wambulwa hunga, nambulwe, mna nina chihovu kubula ukeza kuchinta.⁵¹Vino mwafanyanya siza kuleta utondowai mwe isi? Bule namgambilani bada yakwe sileta kwesimana. ⁵²Kukongela vino haluse nakutende na wantu washano mwe nyumba imwenga, wesimane, watatu nawo na waidi nawesimane, waidi nawo nawesimane na watatu.

¹Mwe ichipindi icho kuna wesimile wamgambile kulanga awo Wagalilaya Pilalo nakawakoma na kuhanganya sakame yawo na malavyo yawo. ²Yesu noyo awahitula awagamba vino, mwafanyanya kugamba awo nendile wana masa kujinka Wagalilaya watuhu wose wapatwa ni yehiye ayo? ³Bule nawagambilani uneva hamweile nanywi nambalangwe ivyo⁴Hegu wadya wantu mlongo umwe na wane kudya Siloamu wadya wagwelwe ni mnala niyo wawakoma mwafanyanya wowo wana masa kujinka watuhu mwe Yeslusalemu? ⁵Bule miye nagamba uneva hamneile nyuwe naywi vyose na mbalangwe.⁶Yesu awagambila mligano uno, mntu yumwenga nakatenda na mtini uhandwa mwe nkonde yakwe niyo aita kulonda matunda kulanga ko mtini mna hapatile. ⁷Niyo amgamba akusinya inkonde kaula kwa mihilimo mitatu neza kujeza kulonda matunda mo mtini uno mna sikupata, ukante kwambwani ubalange isanga?⁸Akusinya umgunda amhitula amgamba, uleke umhilimo uno chani niuhailile na kuwikiya mbolea mlanga mwakwe . ⁹Uneva uneleka matunda mhilimo ukwiza nivyedi mna uneva hauneleke ukante.¹⁰Haluse Yesu akahinya mwe zinyumba za kuvikila zuwa dya kuhumula. ¹¹Kaula na hana mvyele yumwenga uyo, kwa mihilimo mlongo umwenga na mnanenandile ana mpeho nchafu uyo naye nakafunama hakudaha kuchuluka na kuchimala.¹²Yesu eze amuone niyo amwitanga amgamba, mnala kulekeilwa kulawa unyonje wako. ¹³Niyo aika imikono mlanga mwakwe ahadya mwili wakwe niyo wachuma niyo amtunya Chohile. ¹⁴Mna mkulu ywa nyumba ya vikilo niyo ehiwa kwaviya Yesu nakamhonya zuwa dya kuhumul. Ivyo akulongoza ahitula awagamba, kuna mazuwa mtandatu ya kudamanyiza ndima basi so mhonywe siyo mwe zuwa dya kuhumula.¹⁵Zumbe ahitula amgamba, wasongaganyi nyuwe hkuna chila yumwenga ywenyu hekufungula mpunda zakwe hegu ng'ombe zakwe kulawa mwe didewa na kuzilongoza na kuzigala kunywa mazi zuwa dya kuhumula. ¹⁶Ivyo naye chigoli ywa Abulahamu uyo atalizwe na mwavu kwa mihilimo mlongo umwe na mnane vino havikungwa kulekeilwa mwe zuwa dya kuhumula?¹⁷Ivyo akalonga mbuli iyo wadya wose nawakamhiga niyo waona soni mna madugano wose na watuhu welelwa kwaviya atendile izimpituko izo.¹⁸Yesu agamba Useuta wa Chohile waligana na mbwani naho wadaha kutenda na chilagiso chani? ¹⁹Yenga mbeyu ya haladali aguhile mntu yumwenga niyo aihanda mo mgunda wakwe, niyo yakula niyo yatenda mti mkulu, madege ya kulanga niyo yazenga masasa yawo mwa matambi yakwe.²⁰Naho agamba, niliganye na mbwani Useuta wa Chohile? ²¹Enga ugwadu mvyele aguhile niyo achanganya vihimo vitatu vya unga niyo vyaumuka.²²Yesu niyo atalamkila chila kaya na mizi mwe sila akahinga Yelusalemu kuno awahinya. ²³Mntu yumwenga niyo auza Zumbe ni wantu wajeche wakunga wambulwe? Ivyo awagamba, ²⁴kazana wingile kujinkila nchili finyu kwaviya walozize nawajeze naho hawadahe kwingila.²⁵Hampu mwenye inyumba niyo achimala niyo avugala b ivyo namchimale kuse mkatowa hodi mo lwivi mkagamba Zumbe, Zumbe, chivugwile yeye ahitula akawagamba siwamanyizeni hata uko mkulawa. ²⁶Naho mkunga mgambe, chidyanya na kunywa hamwenga na weye nawe kuhinya umo chikwikala. ²⁷Mna yeye ahitula namgambani simmanyizeni uko mkulawa halaweni hano hangu nyuwe wabanasi.²⁸Nakutende na ndilo na kusaga mweno chipindi mkawaona Ibulahimu, Isaka, na Yakobo na waoni wose mo Useuta wa Chohile mna nyuwe wenye mdulwa kuse. ²⁹Nawabule kulaila mashaliki, magalibi, kasikazini na kusini na kuhumula mwe imeza ya nkande ya chisingi mo Useuta wa Chohile. ³⁰Ubunkule vino wa udumo ni wa nkongo na wankongo ni wa udumo.³¹Chipindi chijihi badae Mafalisayo wesimile niyo weza wamgamba, hita uhalawe hano kwaviya Helode onga akukome. ³²Yesu awagamba, hitani mkamgambile yudya Uzi, kaula nabalazampeho na kuhonya manyonje dyelo na luvi na zuwa dikutongela dyakatatu nakomeleza ayo nungile. ³³Mwe hali yoyose vyanunga kwa vyovyose kwachausa changu kujendeleza dyelo na luvi na zuwa dikutongela kwaviya haikuzumilwa kumkoma muoni hale na Yelusalemu.³⁴Yelusalemu, Yelusalemu, ni yuhi akukoma waoni na kuwatowa mayuwe wadya watumigwe kwenyu? Nkanana nyingahi sunga kuwachisanya wana wenyu saviya nguku viya ikuchisanya wanawe mwamawawa yakwe, mna hamungile ivyo. ³⁵Kaula inyumba yako nailekwe, miye nami namgambilani hanione kubula aho mkunga mgambile kajimbikwa yuno kwazina dya Zumbe.

¹Niyo dyalaila zuwa dya kuhumula aho nendile akaita mwe nyumba imwenga ya vilongozi wa Mfalisayo, kudya mgate nawo, nawakamsinya kwa hajihi. ²Kaula hadya halongozi hakwe na hana mntu nakasulumizwa uvifi. ³Yesu awauza wamanyize lagizo dya Wayahudi na Mafalisayo vino ni vyedi kumhonya zuwa dya kuhumula?⁴Wowo niyo wanyamala Yesu niyo amtoza naho niyo amhonya na kumgamba aite zakwe. ⁵Ni yuhi kwenyu mta wana hegu ng'ombe engile mwe sima zuwa dya kuhumula naye hamvute kubula kuse hampu? ⁶Wowo hawatendile na udahi wa kumhitula izimbuli izo.⁷Chipindi eze abunkule viya wadya wakusononeka kwa kugamba wasagula viti vya ntunyo niyo awagambila mligano akawagambila, ⁸chipindi ukagonekwa kwe nyinka usekwikala mwe viti vya ntunyo, kwaviya vyadaha kutenda kagonekwa mntu atunyigwe kujinka weye. ⁹Chipindi mntu awagonekeni nyuwe waidi niyo abula, nakugambe, weye mpishe yuno aho wikale akaheza kwa soni wakonga kuguha hantu hanyuma.¹⁰Mna weye ukagonekwa hita ukekele udumo, chani chipindi yudya akugoneke akeza adaha kukugamba weye mbuyangu hita kudya kulongozi vitendese naho nautende na ntunyo kulongozi kwa wose wekale hamwenga na weye hemeza. ¹¹Kwaviya chila akwedufya nabelwe, naho yudya akwebela natunywe.¹²Yesu naho amgambila yudya amgoneke ukenkiza nkande ya nomsi hegu chisingi, usekugoneka wambuyazo hegu naho walukolowako, hegu naho wadya wihajihi nawo, wagoli chani kugamba wanasekukugoneka weye niyo wapata maliho.¹³Mna weye ukatenda na ngasu wagoneke wachiwa, waholomale, vilema na matuntu. ¹⁴Nawe naujimbikwe kwaviya hawakudaha kukuliha kwaviya naulihwe mo uyuso wa wata kuwagila.¹⁵Chipindi yumwenga mwa wadya wekale he meza hamwenga na Yesu eze eve ivyo naye awagamba, kajimbikwa yudya akunga adye mgate mo Useuta wa Chohile. ¹⁶Mna Yesu amgamba mntu yumwenga na ana ngasu nkulu niyo agoneka wantu walozize. ¹⁷Chipindi ingasu ize ichinte niyo amtuma mndima ywakwe akawagambile wadya wagonekwe soni kwa viya vintu vyose viheza kwikwa kale.¹⁸Wose niyo wakonga kulombeza lazi, ywa bosi amgamba mndima sigula mgunda vyaunga hauwone nalombeza unilekeile. ¹⁹Mtuhu amgamba, sigula jozi shano za ng'ombe miye nami naita nakuzijeza nalombeza unilekeile. ²⁰Mtuhu naye agamba, hisola mvyele kwaivyo sikudaha kwiza.²¹Mndima niyo auya kumgambila zumbe ywakwe izimbuli izo yudya mta inyumba idya niyo ehiwa amgamba mndima ywakwe, guluka mwe zikaya na mwe zisila zo mzi ukawalete hano wachiwa, waholomale, na matuntu. ²²Mndima amgamba, zumbe ayo yose unisigile yadamanyika kale mna hata vino haluse bado hana mwekwikala.²³Zumbe amgamba mndima hita mwe zibalabala na mwamavumu uwalagise wantu wengile chani nyumba yangu imeme. ²⁴Kwaviya namgambilani mwa wadya wagonekwe wa nkongo hahali akunga alume ingasu yangu.²⁵Haluse fyo kulu nendile wakaitanya niyo awahitukila awagamba, ²⁶hegu mntu akeza kwangu nae hakumwihiwa tati yakwe, mami yakwe, mkaziwe, wanawe, walukolo wakwe wagosi kwa wavyele heye naho hata ujima wakwe hakudaha kutenda wanampina ywangu. ²⁷Mntu hekuguha msalaba wakwe na kunitongela hanyuma hangu hakudaha kutenda wanampina yangu.²⁸Kawviya ni yuhi mgati mwenyu akubesa kuzenga mnala handekwikala na kukaula kugamba iyo ihela ya kuzengela hegu ananayo ikudaha kudumiza idyo. ²⁹Vituhu bada ya kwika umsingi niyo wadunduga kukomeleza niyo wose waona wakonga kumbela. ³⁰Wakagamba mntu yuno kakonga kuzenga niyo atenda hakudaha kukomeleza.³¹Hegu ni mseuta yuhi akunga aite akahutane na mseuta mtuhu mwe nkondo hekudaha kwikala hasi niyo andakufanyanya hegu yeye adaha hamwenga na wantu wakwe, mlongo magana na kutowana na mseuta mtuhu akwiza na kulanga yeye na wantu mlongo midi magana mlongo. ³²Hegu siyo ivyo chipindi wankondo awatuhu hawanati wachehale watuma yumwenga kunga utondowazi. ³³Mwaviya basi, yoyose mgati mwenyu hekuleka vyose ananavyo hakudaha kutenda mwanampina ywangu.³⁴Munyu ni wedi mna uneva munyu waza umunyu wakwe, kwa sila yani wadaha kutenda munyu vituhu? ³⁵Hautumike kwa ulongo hata kwa mbolea wadulwa hale, mta magutwi yakwiva naeve.

¹Ivyo waguha maliho wose na watuhu wata masa weza kwa Yesu na kumtegeleza. ²mafalisayo wose na wadolonyi wamfuzumila wakagamba, mntu yuno awahokela wata masa naho adya nawo.³Yesu kalonga mligano uno kwawo akagamba, ⁴Ni yuhi kwenyu hegu ana ngoto gana dimwenga anagilwa ni imwenga yawo awaleka wadya milongo chenda mwenyika naho aita akailonde idya yagile kubula aiwone? ⁵Naye akaheza kuiyona aika mwa mayega yakwe na kwelelwa⁶Akabula mwe nyumba awetanga wambuyaze wehajihi hakwe awagamba elelwani hamwenga na miye kwaviya sipata ingoto yangu yagile. ⁷Nawagambilani ivyo ivyo, nakutende na kwelelwa b kulanga kwachausa cha yumwenga mta masa yumwenga akuleka kujinka weye chindedi milongo chenda ambawo hawana haja ya kuleka.⁸Hegu kuna mvyele wani mwenye matundu mlongo ya hela anagilwa ni tundu dimwenga awasha lumuli niyo ahagila inyumba na kulonda kwa niya kubula aho akunga aipatile. ⁹Akaheza kiyona awetanga wambuya zakwe na wehajihi hakwe awagamba elelwani hamwenga na miye kwaviya sipata naho iditundu dyangu nandile nazize. ¹⁰Hata ivyo nawagambila kunakwelelwa kulongozi kwa wandima wa Chohile kwachausa cha mta masa yumwenga kuleka masa.¹¹Niyo Yesu awagamba mntu yumwenga nandile anawana waidi, ¹²yudya umdodo amgamba ise tate ninka upande we mali ikunilanga ulisi niyo apanga izimali zakwe mgati mwawo.¹³Mazuwa siyo mengi yudya umdodo kakusanya vyose akuwagila niyo aita si ya hale na uko niyo atumiya hela zakwe mwe kugula vintu hevyungile na kujeseza hela zakwe kwa wikazi wihiye ¹⁴Naye eze aheze kutumiya vyose sala nkulu ingila mwe isi idya naye niyo atenda kakonga kutenda emo kunga .¹⁵Kita kudamanya ndima mwa yumwenga mlungwana we isi idya niyo amwigala kwe nkonde yakwe. ¹⁶Niyo atenda abesa kwegusa mwa maganda nandile izinguluwe kwaviya hakuna mntu yoyose amwinkile chintu chochose cha kudya.¹⁷Mna yudya mwana umdodo mo muye wakwe agamba ni wandima wengahi kwa tate ywangu wana nkande zilozize ya kuchinta miye ni hano nafa na sala. ¹⁸Nani halawe nanite kwa tate ywangu na kumgamba tate sibalanga mwe izimbingu na kulongozi kwa meso yako. ¹⁹Sikwagila kwitangwa mwanawo naho nitenda saviya yumwenga wa wandima wako.²⁰Niyo ahalawa aita kwa tati yakwe chipindi nendile ehale tati yakwe kamuona niyo amuonela mbazi kaguluka na kumkumbatila na kumbusu. ²¹Yudya umwana amgamba ise sibalanga mwe izimbingu na kulongozi kwa meso yako sikuwagila kwitangwa mwana wako.²²Yudya ise awagamba wandima wakwe niletelani upesi suche ntana zitogile mkamvale mjeleni pete mwe didole na vilantu mwe viga. ²³Niyo leteni ndama idya inenehe muichinje chidye na kwelelwa. ²⁴Kwaviya mwanangu nandile kabanika mna emeso nandile kaga mna kawonekana niyo wakonga kwelelwa.²⁵Mna yudya mwanawe umkulu nandile ekwenkonde chipindi akeza akatenda ehajihi na hanyumba eva ngunto za wachemi na misezigo. ²⁶ketanga mndima yumwenga amuza izimbuli zino mana yakwe ni mbawni? ²⁷Mndima awagamba mvunawo keza na tati yako kamchinjiza ndama anonile kwa viya kauya mjima.²⁸Mwana umkulu kehiwa niyo alemela kwingila kundani kwa tate yakwe kalwa kuse kumhembeleza. ²⁹N iyo amlandula tati yakwe amgamba kaula miye sikusankanila mihilimo ilozize naho sibalange lagizo dyako mna huninkile mwana mbuzi chani nidahe kudamanya ngasu na wambuya wangu. ³⁰Mna eze eze yuno mwana ywako atumiye imali yako yose hamwenga na wachilanga kumchinjiza ndama anonile.³¹Ise amgamba mwanangu weye wihamwenga na miye mazuwa yose na vyose ninanavyo ni vyako. ³²Mna itenda vyedi kwetu kudamanya ngasu na kubweda , yuno mlukolo ywako nandile kabanika , mna haluse ni mjima, nandile kaga naye kawoneka.

¹Yesu awagambila naho wanampina wakwe nahandile na yumwenga mgoli nandile na meneja nakagambilwa kugamba meneja yuno ugoli wa mali zakwe. ²Niyo mgoli amwitanga amgamba ni chihi chino hwiva chikukulanga weye? Lavya uwazwa wo umeneja wako kwaviya hukudaha kutenda meneja naho.³Yudya meneja agamba mo muye wakwe nitende zeze kwaviya zumbe dyangu anusiza indima yangu yo umeneja ?Sina nguvu za kulimila naho kulombeza nawona soni. ⁴Namanya ivyo hunga nitende nnalavigwa mwe ndima yangu yo kulongela wantu wanihokele mwe zinyumba zawo.⁵Ivyo kulongela awetanga wandima wa zumbe dyakwe chila yumwenga amgamba, ywa nkongo watigizwa chiasi chani ni zumbe dyako? ⁶vihimo gana dimwenga vya mavuta amgamba guha icheti chako ikala upesi dolonya milongo mishano. ⁷Niyo amgamba mtuhu na weye watigizwa chiasi chani?Agamba vihimo gana dimwenga vya unga wa ngano niyo amgamba, guha cheti chako dolonya milongo mnane.⁸Yudya zumbe kamtogola meneja mbunyanyi kwaviya adamanye kwa umanyi kwaviya wana wa ulangazi uno ni wamanyi naho wadamanya kwa ubala na wantu wa ntendele zawo kuliko ivyo weli wana wa ulangazi. ⁹Miye nawagambilani tendani umbuya mwe mali ya kubunyanya chani aho ukuswesekana wawahokele mo wikazi wa kale na kale.¹⁰Endile mchindedi mwe didodo mno naatende mchindedi mwe kulu naho na endile mmolanyi mwe dodo natende mmolanyi mwe kulu naho. ¹¹Uneva nyuwe hamtendile wachindedi mwe mali ya ummolanyi ni yani akunga awazumile mwe mali ya chindedi. ¹²Naho hegu hamtendile wachindedi mwe kujeseza mali ya mntu mtuhu ni yani akunga awenke ikunga yenyu wenye?¹³Hahali mndima akudaha kusankanila mazumbe waidi kwaviya namwihiwe uyumwenga na kumunga umtuhu. hegu natozane na yuno na kumbela yuno hamkudaha kumsankanila Chohile na mali.¹⁴Mna mafalisayo wendile na waunga hela wayeva yano yose niyo wambela. ¹⁵Niyo awagamba nyuwe nawo umkutenda mnachindedi kulongozi kwa wantu mna Chohile amanya imyuye yenyu kwaviya dikukile kwa wantu dyatenda wihi kulongozi kwa Chohile.¹⁶Lagizo na waoni naviyaho kubula Yohana eze eze. Kukongela chipindi icho mbuli yedi ya Useuta wa Chohile naikalongwa na chila mntu ajeza kwengiza kwa nguvu. ¹⁷Mna ni vihufu mwe zimbingu ne isi vihalawe kuliko mwe namba imwenga ya lagizo iswesekane.¹⁸Chila akumleka mkaziwe na kusola mvyele mtuhu agonya naye naye akumsola yudya asigwe ni mgosiwe agonya.¹⁹Nhandile na mntu yumwenga mgoli kavala suche za langi ya zambalau na chitani chedi nandile akelelwa chila zuwa ugoli wakwe mkulu. ²⁰Na mchiwa yumwenga zina dyakwe ni Lazalo nakekigwa mwe nchili yakwe naho ana kwenje. ²¹Naye nandile akaunga kwiguswa kwa masigalo yagwele mwe meza ya yudya mgoli hata makuli yeza yakamlambita mwe zikwenje zakwe.²²Niyo yudya mchiwa abanika niyo aguhigwa ni wandima mwe chifuwa cha Ibulahimu yudya mgoli niyo abanika niyo ahambwa. ²³Mna kudya kwe dibome hedina uhelo nendile emwa masulumizo kayenula ameso yakwe amwona Ibulahimu kwa hale na Lzalo mwe chifuwa chakwe.²⁴Nakaila akagamba, tate Ibulahimu nifila mbazi umgambe Lazalo adonte udumo wa kadole kakwe mwa mazi alegeze ululimi lwangu kwaviya nasulumizwa mwe moto uno.²⁵Mna Ibulahimu amgamba mwanangu ukumbuke kugamba mo wikazi wako kuhokela mbuli zako zedi mna Lazalo naye kapata yehiye mna haluse ehano apata falaja mna weye wasulumizwa. ²⁶Mna hata ivyo kwikigwa bome kulu naho ni tali mgati mwetu chani wadya wakunga kulawa kuno kwiza kwenyu wasekudaha naho wantu wa kwenyu waekujinka kwiza kwa suwe.²⁷Yudya mgoli agamba nkulombeza tate Ibulahimu kugamba umsigile kukaya kwa tate miye. ²⁸Kw2aviya ninanawo walukolo washano chani awafunde kwa woga kugamba wowo nawo naweza hantu hamasulumizo.²⁹Mna Ibulahimu agamba wananawo Musa na waoni waleke wawategeleze wawo. ³⁰Yudya mgoli agamba bule tate Ibulahimu uneva anawaitila mntu akulawa kwa wabanike nawaleke. ³¹Mna Ibulahimu amgamba hawanawevile Musa na waoni hawahitukile hata mntu akenuka mwa wabanike.

¹Yesu niyo awagamba wanampina wakwe mbuli zikuleka wantu wadamanya wavu hazikuleka kulaila mna navimanye uyo mntu na leke vikalaila. ²Navitende vyedi hegu mntu uyo afungilwe yuwe dizamile disagilwe mwe singo na kudulwa mwe bahali hevikunga kutenda yumwenga wa wano wadodo wadamanye ubanasi.³Kwedime hegu mlukolo ywako anakuchokoza mfunde umo analekeila mlekeile. ⁴Hegu anakuchokoza nkanana mfungate kwa zuwa dimwenga akeza kwako akagamba neila mlekeile.⁵Wasigilwa wakwe niyo wamgambila Zumbe chongezeze ukanuni kwetu. ⁶Zumbe niyo agamba, hegu mwendile mkanizumila mpuluzi ya haladali namkadaha kugamba umti uno wo mkuyu ng'oka ukahote kwe bahali nawo naukaweva.⁷Mna ni yuhi mgati mwenyu uyo mndima akulima nkonde hegu akudima ngoto namgambe akuya kwe nkonde so nguvu wikale he nkande? ⁸Hegu hamgambe nikiya inkande idye neifunge umkanda unisankanile na umo heza kubinda ukudya no kunywa na umo noudye na kunywa.⁹mtogole umndima uyo kwaviya kachintiza yadya yalongigwe. ¹⁰Ivyo ivyo nyuwe mnaheza ukudamanya yadya mtumigwe kwambwani suwe chi wandima hechikuwagila chidamanya yadya du yakuchunga kudamanya.¹¹Ilaila kugamba umo na katamba kwita Yelusalemu kujinkila mo mhaka wa Samaliya na Galilaya. ¹²Umo nakengila mwe kaya imwenga uko kabwilana na wantu mlongo wata matana wachimala hale. ¹³Waguta kwa izwi wakagamba Yesu Zumbe chionele mbazi.¹⁴Eze awone awagamba hitani mkelagise kwa walavyantambiko na umo wakaita niyo wakuka. ¹⁵Yumwenga ywawo eze awone kugamba kahona niyo auya kwa izwi ditendese kumtogola Chohile. ¹⁶Niyo afika madi mwe viga vya Yesu na kumtogola uyo nani Msamaliya.¹⁷Yesu niyo amhitula amgamba, Togola hawasuntilwe wose mlongo wekuhi wadya awatuhu chenda? ¹⁸Hahana hata yumwenga alavyanye kuya chani kumtogola Chohile ukaleka yuno umjeni? ¹⁹Amgamba chimala wite zako utondowazi wako ukuhonya.²⁰Eze auzwe Umfalisayo useuta wa Chohile weza ini Yesu awahitula akagamba, uzumbe wa Chohile sicho chintu icho chikudaha kuwonwa. ²¹Naho wantu hawalonge kaula hano hegu kaula kudya kwaviya uzumbe wa Chohile wi mndani mwenyu.²²Yesu awagamba, wanampina wakwe zuwa nadibule ambadyo nambese kuwona imwenga ya zuwa dya mwana ywa mntu mna hamdiwone. ²³Nawagambe kaula kudya kaula hano mna msekwita kukaula naho kuwatongela tongela. ²⁴Saviya lumuli lwa lubaula ulangaze me imbingu kukongela ntendele imwe kwita ntuhu naho na uyo mwana ywa mntu naekale saivyo mwe zuwa dyakwe.²⁵Mna nkongo namtende kusulumila mwe mbuli zilozize na kulemelwa mwe cheleko chino. ²⁶Saivyo vyendile mwe dizuwa dya Nuhu nivyo navikale mwe zuwa dya mwana ywa mntu. ²⁷Nawakadya nawakanywa wakasola na kusolwa, naaho idizuwa diya ambadyo Nuhu kengila umo mwe safina na ukubalangwa kukeza kwawabalanga wose.²⁸Nivyo itendile mwe dizuwa dya Lutu nawakadya na kunywa wakagula na kutaga kulima na kuzenga. ²⁹Mna idizuwa diya Lutu eze ahalawe Sodoma inya fula moto na chibiliti kulawa kwembingu niyo yawabalanga wose.³⁰Ivyo ivyo nivyo vitendile idizuwa dya mwana ywa mntu aho nagubwilwe. ³¹Idizuwa idyo kuse kumlekeila yudya ekwedigulu dye inyumba asele kuguha vintu vyakwe kunyumba naho usekumlekeila ekwenkonde kuya kukaya.³²Mfanyanye mkaza Lutu . ³³Yoyose najeze kulamuila ujima wakwe nawaze mna yoyose nawaze ujima wakwe no umbwile.³⁴Nkugambila ichilo icho nakutende na wantu waidi mo lusazi lumwenga yumwenga naguhigwe mtuhu nasigwe. ³⁵Nakutende na wavyele waidi wabunda nkande yumwenga aguhigwa na mtuhu asigwa.³⁷Niyo wamuza nikuhi Chohile? Niyo awagambila , hadya willi mzoga , naho wadege waduganilana kwa hamwenga.

¹Naho niyo awagambila lugano kwa ivyo wakungwa kulombeza ulo na ulo naho wasekufa chevu. ²Niyo awagamba na kuna mlamuzi mwe mzi umwenga uyo nehekumogoha Chohile naho na hekuwatunya wantu.³Nakuna mvyele abanikilwe ni mkaziwe mo mzi uwo yuo niyo ambasa nkanana zilozize amgamba nambiza ninkwe kuwagila kujinka akuhigana na miye. ⁴Kwa mazuwa yalozize nahekunga kunambiza mna niyo dyachinta zuwa agamba, mo muye wakwe hoho miye simogohe simogohe Chohile na kumtunya mntu. ⁵Mna kwaviya yuno afilwe ni mgosiwe ajela chivuwanya nanimwambize kuguha uwagila wakwe awase kwa meso keza kwa kinizila ulo naulo.⁶Niyo Zumbe agamba, kwetegeleze ivyo ulongile uyo mnamuzi mbunyanyi? ⁷Hegu Chohile naye hachigale kuwagila kwa wasagulwa wakwe wadya wakumwila msi na chilo? Hegu uyo hatende b mjijimizi kwawo? ⁸Nawagamba kugamba, nenkize kuwagila kwa wowo chinguvunguvu mna umo Mwana ywa mntu umo akeza henabwile utondowazi mwe isi?⁹Niyo awagambila mligano uno kwa wantu wasiku wawo nawekesinya wowo wenye kugamba, wowo wagilwa na kuwabela wantu watuhu. ¹⁰Wantu waidi nawakwela kwita kwe divikilo kumlombeza Chohile, yumwenga Mfalisayo na umtuhu mchisanya kodi.¹¹Falisayo niyo achimala kulombeza mbuli zino kulanga kwakwe mwenyeChohile nakutunya kwaviya miye sikale enga wantu watuhu wadya wakumolanya wantu hewena chindedi wachilanga hegu yuno akutoza ikodi. ¹²Nafunga nkana mbili kwa mauwa mfungate nalavya zaka kwa chila chintu akuninka Chohile.¹³Mna yudya mguha kodi niyo achimala hale hadahile hata kwinula meso yakwe kwembingu na kwetowa mwe chifua chakwe akagmba, Chohile nonela mbazi miye umasa. ¹⁴Nawagambilani mtu yuno kauya kukaya akatenda kawazizwa kuwagila kujinkila yudya umtuhu kwaviya chila mntu akweseleza nenulwe.¹⁵Wantu wamletela wana wawo wateke chani adahe kuwadonta mna wanampina wakwe weze waone ayo wawalemeza. ¹⁶Mna Yesu niyo awetanga kwakwe akagamba, walekeni wana wadodo weze kwangu naho msekuwalemeza kwaviya Useuta wa Chohile na wantu sa awo. ¹⁷Hokelani nawagambila mntu yoyose hanauhokele Useuta wa Chohile saviya mwana chindedi hauwingile.¹⁸Chilongozi yumwenga niyo amuza akagamba, mhinyi ywedi nidamanye dihi chani nikawikale ujima wa ulo naulo? ¹⁹Yesu amgamba, kwambwani wanitanga ywedi? hahali mntu atendile ywedi mna Chohile ichedu. ²⁰Kuzumanya izisigilizi usekutenda na chilanga, usekubawa, usekulonga lulimi mtunye iso na nyokwe. ²¹Yudya chilongozi niyo agamba, mbuli zino zose sizitoza na umo nandile ni mbwanga.²²Yesu eze ayeve ayo niyo amgamba, kuwesa mbuli imwenga wongigwa utage vyose unanavyo uwapangile wachiwa nivyo notende na chakwika kwembingu akajika so unitongele. ²³Mna wenye ugoli eze eve ayo, kengila chinyulu chitendese kwaviya na ni mwenye ugoli utendese.²⁴Ukajika Yesu niyo amuwona ivyo engile chihovu chitendese amgamba, ni vihi navitendeke vidala kwa wenye ugoli Kwingila mo Useuta wa Chohile. ²⁵Mna ni vihufu vitendese kwa ngamiya kujinka mwe langa dya sindano. kuliko mgoli kwingila mwe Useuta wa Chohile.²⁶Wdya wevile ayo wagamba, ni yuhi hegu nadahe kwambulwa? ²⁷Yesu niyo ahitula mbuli hezikudahika kwa wantu kwa Chohile zadahika.²⁸Petulo niyo amgamba, heye suwe chileka chila chintu niyo chakutongela weye. ²⁹Niyo Yesu awagamba, mkubali nawagambilani kugamba, hahali mntu alekile nyumba hegu mvyele hegu mlukolo hegu wadya wamweleke hegu wanawe kwachausa cha Useuta wa Chohile, ³⁰uyo hahokele viya vitendese mwe isi ino naho mwe isi ikwiza, ujima wa kale na kale.³¹Na umo awaduganye wadya mlongo na waidi niyo awagamba, sinyani chakwela kwita Yelusalemu na mbuli zose zidolonywe ni waoni zikulanga Mwanya ywa mnyu zachintizwa. ³²Kwaviya najelwe mwe mikono ya wamtu hewemmanyize na kudamanyizwa utilizi navihiye na kutwelwa mate. ³³Naumo eze atoigwe viboko nawamkome zuwa dya katatu nauyuke.³⁴Hawakombaganye izimbuli zino na ulosi uno navitendwa vifiswa mwawo, hawazikombaganye izimbuli zilongigwe.³⁵Vize vitende Yesu akonga kubula Yeliko mntu yumwenga hekuwona nendile kahumula hankanda he sila, akalombeza ambizwe. ³⁶Eze eve bunga dya wantu dikujinka niyo auza nichihi chilaile. ³⁷Wamgamba, kugamba, Yesu wa Nazaleti ajinka.³⁸Niyo yudya hekuwona niyo aila kwa kuguta akagamba, Yesu Mwana ywa Daudi uninke wedi. ³⁹Wadya wendile nawakajenda niyo wamkwahila yudya hekuwona, wamgamba, anyamale mna uyo niyo angeza kwila na kuguta Mwana ywa Daudi uninke wedi.⁴⁰Yesu niyo achimala akaunga mntu yudya egalwe kwakwe niyo yudya hekuwona eze amsogeile Yesu amuza , ⁴¹wonga hudamanyize mbwani? Agamba Zumbe nonga niwone.⁴²Yesu amgamba, uhokele kuwona utondowazi wako ukuhonya. ⁴³Aho niyo ahokela kusinya niyo amtongela Yesu na kumtogola Chohile weze wadiwone dino wantu wose niyo wamtongela Chohile.

¹Yesu niyo engila na kujinka mgatigati mwa Yeliko. ²Aho hendile na mntu yumwenga akwitangwa Zakayo, ambaye nendile mkulu ywa watoza maliho naho mntu mgoli.³Nendile akajeza kumuona Yesu ni mntu ywa namnani mna hadahile kwaviya nakuna bunga dya wantu kwaviya nendile ni mjihi ywa chimo. ⁴Ivyo niyo kalongo mbiyo, kulongozi kwa wantu akakwele kulanga ko mkuyu chani adahe kumuona, kwaviya Yesu nakasogela kujinkila isila iyo.⁵Chipindi Yesu eze abule ahantu hadya, niyo asinya kulanga akamgamba, Zakayo, sela upesi kwaviya dyelo vyaungwa nisinde mwe nyumba yako. ⁶Niyo atenda halaka kusela na kumhokela kwa kwelala. ⁷Wantu wose weze waone ayo, wakafuzuma wakalonga kwita kumtalamkila mntu mwenye masa⁸Zakayo niyo achimala akamgambila, Zumbe, kaula Zumbe, nusu yo ugoli wangu nawenka wachiwa na naho hegu simhoka mntu yoyose chintu nanimvuzize nkanana nne. ⁹Yesu awagambila, dyeloukuka ubula mwe nyumba ino, kwaviya yeye naye ni mwana ywa Bulahimu. ¹⁰Kwaviya mwana ywa mntu keza kulonda na kwambula wantu wagile.¹¹Weze weve ayo niyo wajendeleza kulonga na kulavya mligano kwaviya nendile wehajihi na Yelusalemu, naho wowo nawakamanya kugamba, kutenda Useuta wa Chohile nendile wi hajihi kuwoneka nkanana imwenga. ¹²Ivyo, akawagambila, mkulu yumwenga kaita si ya hale chani akahokele useuta na akaheza auye.¹³Niyo awetanga wandima wakwe mlongo, nakawenka mafungu mlongo, akawagambila, damanyani biashala kubula aho naniuye. ¹⁴Mna wanasi wakwe niyo wamwihiwa naivyo watuma wajumbe waite kumbas na kumlonga, hachikunga mntu yuno achilongoze. ¹⁵Itenda niyo auya kukaya bada ya kutendwa mseuta akawalonga wadya awandima nendile wasizwe hela wetangwe kwakwe apate kumanya vyongezeka mbwani wapatile mo kudamanya ibiashala.¹⁶Wankongo keza akalonga, Zumbe, fungu dyako didamanya mafungu mlongo kuzidi. ¹⁷Uyo mkulu amgamba, ni vyedi mndima ywedi kwaviya nendile wi mchindedi mbuli ndodo nautende na ulongozi kulanga kwe mizi mlongo.¹⁸Wakaidi keza amgamba, Zumbe, fungu dyako didamanya mafungu mashano. ¹⁹Uyo mkulu amgamba, guha ulongozi kulanga kwe mizi mishano.²⁰Na mtuhu keza amgamba, Zumbe, ino ihano ihela yako ambayo nasiifisa vitana mwe chitambala. ²¹Kwaviya nasogoha kwaviya weye ni mntu unampula, wausa chiya hwikiye na kuvuna huchihandile.²²Uyo mkulu amgamba, kwa milosi yako mwenye, nanikantile weye mndima mchafu na kumanya kugamba, miye ni mntu mta mpula naguha chiya sikiye na kuvuna ambacho sichihandile. ²³Ivyo mbona hwikiye ihela yangu mwe benki chani hauya niguhe hamwenga ne chongezekelo?²⁴Mkulu niyo aw2agambila wantu nandile wachimala aho, mhokekeni idyo idifungu na kumwinka yudya umwenye mafungu mlongo. ²⁵Niyo amgamba, Zumbe, uyo anamafungu mlongo.²⁶Nawagambilani chila mntu ambaye ananacho, nenkwe kujinka, mna ambaye hana hata chiya ananacho nachiguhigwe. ²⁷Mna wano wankondo wangu ambawo hawakunga nitende Seuta ywawe, waleteni hano na kuwakoma kulongozi kwangu.²⁸Bada ya kulonga ayo, niyo ajendeleza akakwela kwita Yelusalemu.²⁹Ikatenda aho waisogeile Besafage na Besaniya, hajihi no lugulu ywa mizeituni niyo awatuma wanampina wakwe waidi. ³⁰Akalonga hitani mwe vijij vya hajihi, mkengila, nambwile mwana ywa punda hakweligwe bado mfunguleni mumlete kwangu. ³¹Uneva mntu akawauza mbona mwamfungula, gambani Zumbe amunga.³²Wadya awandima niyo waita, kumuwona mwana ywa punda saviya Yesu ivyo nendile awagambile. ³³Aho nendile wakamfungula, mwana ywa punda, wadya wakumdima awagambila, kwambwani mwamfungula mwana punda uyo? ³⁴Wagamba, Zumbe amunga. ³⁵Ivyo, niyo wamwigaila Yesu niyo watandika izisuche zawo kulanga kwa mwana punda na kumkweza Yesu kulanga kwakwe. ³⁶Niyo umo akaita wantu wasambaza izisuche zawo mwe sila.³⁷Niyo umo akasela ko lugulu lwa mizaituni, bunga dyose dya wanampina wakonga kwelelwa na kumtogola Chohile, kwa izwi kulu, kwe izimbuli nkulu izo wawone. ³⁸Wakagamba, nuyo mjimbikwa Mseuta akwiza, kwazina dya Zumbe utondowazi kwembingu na ntunyo kulanga.³⁹Wamwenga wa Mafalisayo mo mdugano niyo wamgambila, mhinyi wanyamaze wanampina wako. ⁴⁰Yesu ahitula, akagamba, nawagambilani hegu wano wakanyamala mayuwe nayakweze izwi.⁴¹Yesu eze ausogeile umzi niyo awilila, ⁴²Akagamba, hegu wamanyize hata wehiye mwe dizuwa dino mbuli ambazo zaleta utondowazi mna haluse yafiswa mwa meso yako.⁴³Kwaviya zuwa dyeza ambadyo wankondo wako nawezenge mzi hajihi na weye na kukuzunguluka na kukugandamiza kulawa chila ntendele. ⁴⁴Nawakugwise hasi weye na wanako, hawakulekeile yuwe dimwenga kulanga kwe tuhu kwaviya hubunkule.⁴⁵Yesu niyo engila mwe divikilo, kulu akakonga kuwabalaza wadya nendile wakataga. ⁴⁶Akawagambila, idolonywa kugamba, inyumba yangu naitende ni nyumba ya kuvikila mna nyuwe mwaitenda pango dya wapolaganyi.⁴⁷Kwaviya Yesu nendile akawahinya, chila zuwa mwe divikilo kulu, walavyantambiko wakulu na wahinyi wa lagizo na vilongozi wa wantu nawakaunga kumkoma. ⁴⁸Mna hawadahile kupata sila ya kudamanya ivyo, kwaviya wantu wose nendile wakamwetegeleza kwa magutwi.

¹Nendile zuwa dimwenga niyo Yesu nendile kekala, akawahinya wantu mwe divikilo na kulonga mbuli yedi, walavyantambiko wakulu na wahinyi wa lagizo wamwitila hamwenga na wadalhala. ²Niy walonga wakamgambila chigambile ni kwa udahi wani wadamanya mbuli zino? Hegu ni yuhi uyo ambaye akwinka udahi uno?³Naye awahitula awagamba, nami naho naniwauze swali, niwagambileni. ⁴Uwambulwa wa Yohana Togola ulawa kwembingu hegu kwa wantu?⁵Mna walosana wenye kwa wenye, chilonge ulawa kwe mbingu nachuze bule, mbona hamkumzumila? ⁶Naho chinalonga na ulawa kwa mwana mntu, wantu wose hano nawachitowe mayuwe, mana wose nawamzumila kugamba Yohana nendile ni muoni⁷Ivyo wamhitula kugamba hachimanyize uko ulaile. ⁸Yesu kawagambila, hata miye sikuwagambila nyuwe ni kwa udahi wani nadamanya mbuli zino.⁹Niyo awagambila wantu mligano uno, mntu yumwenga nakahanda nkonde ya mizabibu niyo aikodisha kwa walimi wa mizabibu, niyo kaita si ntuhu kwa chipindi chitali. ¹⁰Kwa chipindi chipangigwe, nakamtuma mndima kwa walimi we mizabibu niyo wamtowa na kumtendela vihiye, na kumvuza mikono haina chintu.¹¹Akaheza niyo amtuma naho mndima mtuhu naye niwo wamtowa na kumtendela vihiye na kumvuza mikono heine chintu. ¹²Niyo atuma naho wantu watatu nawo niyo wawajeluhi na kuwadula kuse.¹³Ivyo Zumbe we inkonde akalonga, nidamanye mbwani? Nanimtume mwanangu hungisa mafani nawamtunye. ¹⁴Mna awalimi we mizabibu weze wamuone, walosana wenye kwa wenye wakalonga, yuno nuyo umlisi, chimkome chani ulisi wakwe utende wetu.¹⁵Niyo wamlavya kuse kwe nkonde ye mizabibu na kumkoma, Togola Zumbe ywe inkonde nawadamanye mbwani? ¹⁶Neze kuwabalanga awalimi we mizabibu na awenke inkonde iyo watuhu nawo weze weve ayo, wakalonga Chohile kalemela¹⁷Mna Yesu akawasinya, akalonga, Togola andiko dino dina mana yani?Yuwe wadilemele wazesi ditenda yuwe dya mwentuzi? ¹⁸Chila mntu agwele kulanga kwe diyuwe dino, nakantike ntilintili, mna yudya ambaye nadimgwele nahondwe.¹⁹Ivyo wadolonyi na wakulu wa walavyantambiko nawalonda sila ya kumgwila chipindi icho, icho, wamanya kugamba nuyo nendile kalonga mligano uwo kujinka wowo, mna niyo kawogoha wantu. ²⁰Niyo wamsinya vitendese, niyo wasigila wapelembo, wakudaha kutenda ni wantu wa kuwagila, chani wapate kumjela makosa ko ulosi wakwe chani kumwigala kwa vilongozi na wata udahi.²¹Niyo wamuza, wakalonga, mhinyi chimanya kugamba, walonga na kuhinya mbuli za chindedi nasi nachihinizwe ni mntu yoyose, mna weye wahinya ichindedi kuhusu isila ya Chohile. ²²Togola ni chindedi kwetu kuliha kodi kwa Kaisali hegu siyo?²³Mna Yesu niyo kabunkula imitego yawe niyo awagamba, ²⁴Nilagisani idinali, isula ne ichapa ni yayuhi iyuko kulanga kwakwe? Niyo walonga ni ya Kaisali.²⁵Naye awagambila, bule mwinkeni Kaisali yekale yakwe Kaisali na Chohile yekale yakwe Chohile. ²⁶Wadolonyi na wakulu wa walavyantambiko hawatendile na udahi wa kuliganya chiya alongile kulongozi kwa wantu, niyo wehelwa amahitulo yawe na hawalongile chochose.²⁷Wasiku wa Msadukayo, wamwitila, wadya ambawo walonga kugamba, hakuna uyuso. ²⁸Wamuza wakalonga, Mhinyi Musa nakachidolonyeza hegu mntu akafilwa ni mlukolo, weye mvyeleuyo hana mwana bule yamunga kumguha mvyele ywa mlukolo ywakwe, na kweleka naye kwachausa cha mkuluwe.²⁹Nendile kuna walukolo mfungate ya nkongo nakasola, kabanika bila kwasa mwana, ³⁰na wakaidi naye, ³¹na wakatatu niyo amguha ivyo, ivyo ywa mfungate hamwasize mwana naye kabanika. ³²Mbeleni yudya mvyele naye kabanika. ³³Mo uyuso natende mvyele ywa yuhi? kwaviya wose mfungate nendile wamsola.³⁴Yesu awagambila, wana we isi ino wasola na kusolwa. ³⁵Mna wadya wakungwa kuhokela uyuso wa wabanike na kwingila ujima wa kale na kale hawakusola hehu kusolwa. ³⁶Naho hamkudaha kubanika vituhu kwaviya watenda kuligana na wandima nani wana wa Chohile, wana wa uyuso.³⁷Mna ivyo wabanike nawauyuswa hata Musa nakalagisa hantu mwe mbuli za kasaka hadya kamwitangeZumbe, saviya Chohile ywa Ibulahimu na Chohile ywa Isaka, na Chohile ywa Yakobo. ³⁸Haluse yeye syuo wa Chohile ywa wabanike, mna ya wekale meso, kwaviya wose wekala kwakwe.³⁹Wasiku wa wahinyi wakulu wakamhituka , mhinyi kuhitula vyedi. ⁴⁰Hawajezize kumuza maswali matuhu kujinka.⁴¹Yesu awagambila chizeze wantu walonga kugamba Kulisito ni mwana ywa Daudi? ⁴²Kwaviya Daudi mwenye elonga mwe izabuli, Zumbe niyo wamgambila, Zumbe ywngu, ikala mo mkono wa kulume. ⁴³Kubula niwaike wankondo wako hasi he viga vyako. ⁴⁴Daudi akwitanga Kulisito Zumbe, bule yatende zeze ni mwana ywa Daudi?⁴⁵Wantu wose nendile wakamwetegeleza akawagambila wanampina wakwe. ⁴⁶Kwepaguleni na wadolonyi, wakubweda kujenda wakavala suche ntali naho wabweda, kulamswa lamswa, mwedigwilo na mafumbi ya ntunyo mwa mavikilo, nahantu ha tunyo mwe ngasu. ⁴⁷Wowo nawo wadya mwe nyumba za wafilwe ni wagosi na kwetenda waswali sala ntali. wano hawahokele nkannto kulu kujinka.

¹Yesu niyon asinya niyo aona wagosi wagoili, nendile wakaika majeleko yawo mwe hazina . ²Niyo amuona mvyele yumwenga mchiwa akaika watundu wake waidi. ³Niyo alonga chindedi nawagambilani yuno mvyele mchiwa kaika zilozize kujinka watuhu wose. ⁴Wano wose walavya yano amajeleko, kulawa mwe vilozize wananavyo mna uyo mvyele mo umchiwa wakwe kalavya hela zose nendile ananazo kwachausa cho ujima wakwe.⁵Chipindi wantu wendile wakalonga, kulanga kwe divikilo mwe ivyo dihambigwe na mayuwe matana na malavyo niyo walonga, ⁶kwa mbuli ya mbuli, yano mkuyaona mazuwa ambayo hakuna dimwenga ambadyo nadilekwe kulanga kwe yuwe ambadyo hadibomolwe.⁷Niyo wamuza wakalonga mhinyi yano na yalaile ini? Naho ni mbwani naitende ndege kugamba, mbuli zino zihajihi kulaila? ⁸Yesu ahitula mtende na kusinyisa kugamba, msekudantwa kwaviya walozize naweze kwa zina dyangu wakalonga miye ni miy, ne chipindi chikabula, msekuwatongela. ⁹Mkeva nkondo na ngavu ngavu msekogoha, kwaviya zino izimbuli zaungwa zilaile nkongo mna udumo haulaile hampu.¹⁰Akaheza awagambila si nainuke kutowana na si ntuhu na Useuta kulanga kwa Useuta mtuhu. ¹¹Nakutende na mazingizo makulu, na sala na unyonje mwe ntendele tuhu nakutende na vilagiso vikutisa na maula yakutisa kulawa kwembingu.¹²Mna kubula izimbuli zino zose naike imikono yakwe kulanga kwenyu na kuwatubwanisa na kuwegala, kwe mavikilo kwa majeleza, kuwegala kulongozi kwa Seuta, na wata udahi kwachausa cha zina dyangu. ¹³Ino naiwavuguileni luhenyo wo ukuzi wenyu.¹⁴Ivyo beseni mwe myuye yenyu mkaleka kumalanya ugombezi wenyu kung'aile. ¹⁵Kaviya nasiwenka milosi na ntunyo ambayo waankondo wenyu wose hawadahe kuilemela hegu kuihituka.¹⁶Mna namlemelwe naho ni welesi wenyu, walukolo wenyu, wantu wenyu, na wambuya zenyu, nawawakome bazi yenyu, ¹⁷namwihiwe na chila yumwenga kwachausa cha zina dyangu. ¹⁸Mna hakuna hata fili imwenga ye mitwi yenyu, ikunga yage. ¹⁹Mwe kujijimiza namhonye izinausi zenyu.²⁰Aho namuwone Yelusalemu izungulukwa ni wankondo, bule maanyani kugamba, ubanasi wakwe ubula. ²¹Aho wadya weyuko Yudeya wagulukile kwa magulu na wadya weyuko mgati mo mzi wahalawe naho msekuwasa weyuko kwe vijiji kwingila. ²²Kwaviya yano ni mazuwa ya kulihiza, chani kugamba, mbuli zose zidolonywe, zipate kuchinta.²³Hata ni kwadya wakale na usoka naho kwa wadya wakonkeza, mazuwa ayo, kwaviya nakutende na masulumizo makulu, kulanga kwe isi na maya kwa wantu wano. ²⁴Nawagwe kwa mbulo ya sime nawaguhigwe mateka kwe zisi zose kubula chipindi cha wantu we izisi aho chikunga chichinte.²⁵Nakutende na ndege mwe dizuwa na mo mwezi ne zintondo, na mwe zisi nakutende ne ziki ye zisi mwe kukanta tama, kulawana na mwilo mwe bahali na mayumbi. ²⁶Nakutenda na wantu wakufa chififi mbazi kwa chihovu na mwe kugoja mbuli zikunga zilaile kulanga kwe isi, kwaviya nguvu za kwembingu nazisingisike.²⁷Akaheza wamuona Mwana ywa mntu akeza, mwa maingu kwa nguvu na Ukuka mkulu. ²⁸Mna mbili zino zikonga zikonge, kulaila, chimalani inulani imitwi yenyu, kwaviya wambulwa wenyu usogela hajihi.²⁹Yesu awagambila, kwa mligano usinyeni mtini na miti yose. ³⁰Ikasuka, mweonela wenye na kumanya kugamba, chiyangazi chi hajihi. ³¹Ivyo, ivyo, mkawona mbuli zino, zalaila nyuwe bunkulani kugamba, Useuta wa Chohile usogela.³²Chipindi nawagambilani lweleko luno, halukijinka kubunkula izimbuli nzino zose zitendeke zilaila. ³³Mbingu ne isi nazijinke, mna milosi yangu, haikujinka hata chidogo.³⁴Mna kwesinyeni wenye, chani kugamba, imyuye yenyu, inase kuzamilwa ni kupolaganya, ukozi, na matumbwaziko ya ujima uno, kwaviya idizuwa nadiwezile chipumpa. ³⁵Saviya mtego ,kwaviya naitende, kulanga nkwa chila yumwenga, akwila mo uso we isi njima.³⁶Mna mwemalanye chipindi chose, mlombeze kugamba, namtende mtogile vya kuchinta, kuyenega yano yose, yakunga yalaile, na kuchimala kulongozi kwa Mwana ywa Adamu.³⁷Ivyo chipindi cha no msi nendile akahinya mwe divikilo, na nechilo niyo alawa kuse, na kwita kucheleza ko lugulu, ukwitangwa wa Mizeituni. ³⁸Wantu wose niyo wamwizila, no mtondo, kuchele, kmwetegeleza kundani kwe divikilo.

¹Elo zuwa kulu dya mabofulo hayejeligwe ugwadu nendile dihaguhi idyo dikwitangwa Pasaka. ²Walavyantambiko wakulu na wakudolonya wakalosana vikudahika vya kumkoma Yesu mwaivyo wawogohe wantu.³Mwavu niyo engila mndani mwa Yuda Isikaliyote uymwenga mwe wadya wanampina mlongo na waidi. ⁴Yuda niyo aita kulosana na wakulu wa walavyantambiko na wakulu wa watuhu ambawo nawenkigwe Yesu mwawo.⁵Nawelelwa, na kwivana kumwinka hela. ⁶Yeye mwenye nakazumila naho nakalonda luhenyo lwa kumwinkiza Yesu mwawo hale ne dibunga dya wantu.⁷Zuwa dya amabofulo hayejeligwe ugwadu niyo yabula, aho ngoto ya Pasaka vyaungwa ilavigwe. ⁸Yesu awasigila Petulo na Yohana na kuwagamba, hitani mkachimalanyize nkande ya Pasaka chani chize chidye. ⁹Niyo wamuza, nikuhi wonga chikadamanye ivyo ukwika nkande?¹⁰Awahitula tegelezani, umo mnatenda mwingila mo mzi mgosi uyo ketwika biga dya mazi nambwilane nanywi mtongeleni mwe nyumba iyo nengile. ¹¹Ivyo mgambileni Zumbe we nyumba mhinyi akugambila chikuhi ichumba cha wajen hantu ambaho nanidye Pasaka na wanampina wangu?¹²Naho nawalagise chumba chi kulanga icho chiyaho chajike damanyani ukufunganya umo. ¹³Ivyo niyo waita niyo wabwila chila chintu saviya wagambilwe niyo wamalanya nkande ya Pasaka.¹⁴Chipindi chize chibule nakekala na wadya wasigilwa. ¹⁵Niyo awagambila siungisa vikulu vya kudya zuwa kulu dino dye Pasaka na nyuwe umosinati kusulumizwa miye. ¹⁶Ivyo nawagambilani sanidye naho kubula umo dikadamanywa mwe Useuta wa Chohile.¹⁷Niyo Yesu aguha ichikombe naho eze aguhe atogola agamba, guhani chino na mpangane nyuwe kwa nyuwe. ¹⁸Kwaviya nawagambilani, saninywe naho amatunda yo mzabibu kubula Useuta wa Chohile umo na wize.¹⁹Akajika niyo aguha boffulo naaho eze atogole niyo aubesula na kuwenka akagamba, uno ni mwili wangu ulavigwe kwachausa cha nyuwe, damanyani vino mwe kunikumbuka miye. ²⁰Niyo aguha chikombe ivyo ivyo eze adye nechilo akagamba, chikombe chino ni laganohya mwe isakame yangu iyo itike kwachausa chenyu.²¹Mna kaulani yudya akunga anihituke ehamwenga na miye he chihungu. ²²Kwaviya mwana ywa Adamu mwa chindedi aita zakwe enga ivyo vyajike kulongwa, mna hangi mwenye mntu yudya akunga amjinkile uyo mwana ywa Adamu akunga amhituke. ²³Ahadya wakonga kuzana wowo wenye kwa wenye mgati mwawo uyo nadamanye imbuli iyo.²⁴Niyo yalaila mahigano mgati mwawo kugamba, ni ani akufanyanywa kutenda mkuu kujinka wose. ²⁵Niyo awagmba, Maseuta wa wantu we izisi wana Uzumbe mlanga mwawo wetangwa watunywa wakulongoza.²⁶Mna haikungigwa vitendese kutenda vino mwenyu nyuwe, mna leka yudya akugamba, ni mkulu mgati mwenyu atende saviya mdodo na yudya natende aungwa vitendese natende saviya mndima. ²⁷Kwaviya ni yuhi mkulu yudya akwikala mwe meza hegu yudya akudamanya ndima? Vino suyo yudya ekale mwe imeza?Naho miye sinati ni mgati mwenyu saviya akusankana.²⁸Mna nyuwe ni wadya mkujendeleza kutenda na miye mwe majezo yangu. ²⁹Nawenka nyuwe Useuta, saviya tate ivyo aninkile miye Useuta. ³⁰Kugamba, mdahe kudya na kunywa mwe meza yangu mo Useuta wangu, naho namwikale mwe viti vye ienzi mkakantila makabila mlongo na maidi ya Izulaeli.³¹Simoni, Simoni, umanye kugamba mwavu kalombeza awaguhe chani awaheteni saviya ngano. ³²Mna sikulomezeza kugamba utondowazi wako usekudunduga wize utende kuya naho watogeze walukolo wako.³³Petulo niyo amgamba, Zumbe, niyaho najike kwita na weye mwe digeleza naho hata mwe bunga. ³⁴Yesu ahitula nakumgambila Petulo zogolo hadile dyelo hwinati kunilemela nkanana ntatu kugamba hunimanyize. ³⁵Niyo Yes awagamba, nize niwegale nyuwe hamna mfuko, ntangulu ya nkande, hata vilatu vino namhungukilwe ni chintu? Wahitula bule. ³⁶Niyo awagambila, mna haluse chila mta mfuko nauguhe hamwenga na ntangulu ya nkande , yudya hena bamba vyamunga atage nkazu yakwe agule dimwenga.³⁷Kwaviya nawagambila yose ayo yadolonywe mwe vikulanga miye, vyaungwa yachinte, naho nakaguhigwa saviya mntu yudya akuvuna tolati kwaviya chiya wawo niwaone mwe viya vikulanga miye chachinta. ³⁸Niyo wagamba, Zumbe kaula yano yehano mabamba maidi naho niyo awagambila vichinta.³⁹Akajika henkande nechilo Yesu nakahalawa saviya ivyo akutenda akadamanya nkanana na nkanana akaita mo lugulu lwe mizeituni na wanampina niyo wamtongela. ⁴⁰Weze wabule awagambila, Lombezani kugamba msekwingila mwe majezo.⁴¹Niyo aita hale na wowo saviya udulo wa yuwe niyo afika madi akalombeza, ⁴²niyo agamba, Tate uneva ukaunga nusiza ichikombe chino, mna siyo enga viya hunga miye mna ungi wako udamanyike.⁴³Akajika mndima kulawa mo ulanga niyo amlaila niyo amjela nguvu. ⁴⁴Akatenda mwe masulumizo, akalombeza mwamalombezo makulu na chikuluke chakwe chikala enga matwentwe makulu ya sakame yakalagala hasi.⁴⁵Umo eze enuke kulawa mo kulombeza kwakwe, nakeza kwa wanampina wakwe na kuwambwila wagona kwachausa che mbazi zawo., ⁴⁶nakuwauza ni mbwani mgona? Inukani mlombeze kugamba msekwingila mwe majezo.⁴⁷Chipindi endile henati akalonga, kaula, bunga kulu dya wantu dyalaila na Yuda yumwenga ywa wasigilwa mlongo na waidi akawalongoza niyo eza haguhi na Yesu chani ambusu. ⁴⁸Mna Yesu amgambila Yuda, vino wamhituka Mwana ywa Adamu kwa kumbusu?⁴⁹Ichipindi wadya wendile haguhi na Yesu weze waone ivyo yakulaila wagamba, Zumbe vino chiwatowe kwa mabamba? ⁵⁰Akajika yumwenga ywawo niyo amtowa mndima ywa wmlavyantambiko mkulu niyo amsenga idigutwi dyakwe dya kulume. ⁵¹Yesu niyo agamba, ino ichinta na kudonta idigutwi dyakwe niyo amhonya.⁵²Yesu agamba mwe mlavyantambiko mkulu ywa nyumba nkulu ya Chohile, na mwa wadalahala wezile kumgwila vino mweza enga kugamba, mweza kuhigana na mpolaganyi na malungu na mabamba? ⁵³Ume nandile hamwenga na nyuwe mazuwa yose mwe nyumba nkulu ya kuvikila hamwikiye imikono yenyu mlanga mwangu mna ino ni sa yako na udahi wa chiza.⁵⁴Niyo wamgwila wamlongoza wamleta mwa mlavyantambiko mkulu mna Petulo niyo ambasa kwa hale. ⁵⁵Eze watende wajimba moto mwe udya ulwazo lwimndani naho weze wekale hasi hamwenga, Petulo niyo ekala hagati gati hao.⁵⁶Mndima yumwenga wa chiche amuona Petulo umo ekale mwe ulangazi ukulawa mo umoto, niyo amsinya amgamba, yuno mntu naye endile hamwenga naye. ⁵⁷Mna Petulo alemela amgamba, mvyele miye simmanyize. ⁵⁸chize chijinke chipindi chidodo, mntu mtuhu amuwona amgamba, weye nawe wi yumwenga ywawo, mna Petulo ahitula mgosi miye suyo uyo.⁵⁹Chize chibule chipindi cha sa dimwenga vino, mgosi mtuhu yumwenga akavilikiza amgamba, chindedi vitendese yuno mntu naye nendile hamwenga naye yeye naye ni Mgalilaya. ⁶⁰Mna Petulo niyo amgamba, mgosi simanyize idyo ukulonga na nkanana umo akalonga zogolo niyo dyaila.⁶¹Niyo ahituka Zumbe niyo amsinya Petulo, na Petulo abunkula ulosi wa Zumbe hadya amgambile hedinati kwila zogolo dyelo na unilemele miye nkanana ntatu. ⁶²Niyo aita kuse , Petulo aila kwa usungu utendese.⁶³Niyo wadya wagosi wendile wakamdima Yesu wambela na kumtowa. ⁶⁴Weze wamgubike ameso wamuza wakagamba, bunkula ni yani akutoile. ⁶⁵Niyo walonga mbuli zilozize zikumlanga kumhituka Yesu na kumhuluta yeye.⁶⁶Ize ibule nomtondo wadalahala na wantu wachintana hamwenga, wakulu wa walavyantambiko na wakudolonya wamwigala mwe chitala. ⁶⁷Wamgamba, hegu weye wi Kulisito chigambile mna yeye awagambila hegu ninawagambilani hamnizumile. ⁶⁸Naho hegu ninawauzani hamnihitule.⁶⁹Mna kukongela haluse na kujendeleza Mwana ywa Adamu natende kekala mo mkono wa kulume wa nguvu wa Chohile. ⁷⁰Wose niyo wagamba, mweivyo wi Mwana wa Chohile?Yesu niyo awagamba, nyuwe mlonga miye nuyo. ⁷¹niyo wagamba, kwambwani hunati chaunga naho ukuzi? Kwaviya suwe wenye chiva kulawa mo mlomo wakwe mwenye.

¹Chitala chose niyo chachimala, chamwigala Yesu kulongozi kwa Pilato. ²Wakonga kumlonga vihiye wakagamba chimbwila mntu yuno akaidanta isi yetu mwa kuwalemeza wazekulavya kodi kwa Kaisali naho akagamba yeye mwenye nuyo Kulisito, Mseuta.³Pilato niyo amuza akagamba vino weye ni Mseuta wa Wayahudi?Nho Yesu ahitula akagamba weye walonga ivyo. ⁴Pilato niyo amgamba mlavyantambiko mkulu ne chitala Sikuwona wavu wo mntu yuno. ⁵Mna wowo walahiliza wakagamba katenda akawasongaganya wantu akahinya mwe uyahudi wose kukongela Galilaya na haluse ehano.⁶Pilato eze eve vino niyo auza saviya mntu uyo ni wa Galilaya? ⁷Eze abunkule kugamba nendile ehasi he udahi wa Helode niyo wamwigala Yesu kwa Helode endile naye Yelusalemu mwa mazuwa ayo.⁸Helode eze amuwone Yesu nakelelwa vitendese mwe viya nakaunga kumuona mwe mazuwa yalozize nakeva izimbuli zakwe na kunga kumwona imwenga ya mpituko ikadamanywa ni yeye. ⁹Helode kamuza Yesu mwe ulosi ulozize mna Yesu hamhitule chochose. ¹⁰Walavyantambiko wakulu hamwenga na wakudolonya nawachimala kwa mpula wakamlaha.¹¹Helode hamwenga na wankondo wakwe wamhuluta na kumbela na kumvala suche ntana akajika amvuza Yesu mwa Pilato. ¹²Helode na Pilato watenda wambuya zuwa idyo ukaleka aho nawendile wankondo.¹³Pilato niyo awetanga hamwenga walavyantambiko wakulu na wakulu na bunga dya wantu. ¹⁴Niyo awagambila mniletela mntu yuno saviya mntu akulongoza wantu wadamanya yehiye na kaula eza kuzwa simlaha kulongozi kwenyu sione wihi mo mntu yuno ikulanga mbuli yoyose ambayo nyuwe mwamlaha yeye.¹⁵Bule hegu Helode kwaviya kamvuza mwetu naho kaula hahna chochose adamanye chikunga nkanto ya file. ¹⁶Mwe ivyo elo nanimkantile na kumlekeila. ¹⁷Haluse Pilato ongigwa amlekele mfungwa yumwanga wa chiyahudi mwe zuwa kulu.¹⁸Mna wose niyo watula ulwasu hamwenga wakagamba, mlavye uyo naho chifunguile Balaba. ¹⁹Balaba nendile ni mntu uyo aikigwe mwe digeleza kwaviya na ni mbanasi fulani mo mzi na kwakukoma.²⁰Pilato niyo agamba, naho akaunga kumlekeila Yesu . ²¹Mna wowo watula ulwasu msulumize , msulumize . ²²Niyo awauza mwe nkanana ya katatu nimbwani yuno mntu kadamanya wavu wani? Sipatile masa yakunga nkato ya file mwakwe mwe ivyo aho nanibinde kumkantila nanimlekeile.²³Mna wavilikiza kwa izwi dya kulanga wakaunga asulumizwe na maizwi yawo niyo yamhembeleza Pilato. ²⁴Ivyo Pilato kamkantila na kuwenka ivyo wakunga. ²⁵Niyo amlekeila yudya wamungile uyo akantilwa mwe digeleza mwe kuhosa usongaganyi ngavu ngavu na kukoma, mna niyo amlavya Yseu mwe viya wakunga wowo.²⁶Umo wakamwigala nawambwila mntu yumwenga akwitangwa simoni Ukilene akalaila mwe isi niyo wamtwisa umsalaba chani awinule akamtongela Yesu.²⁷Bunga kulu dya wantu na wavyele awo nawafambazi na kulombeza mwe vikulanga weye nendile wakamtongela. ²⁸Mna niyo awhitula Yesu niyo awgambila vigoli wa Yelusalemu msekunilila miye mna mwe ilile nyuwe na vikulanga wana wenyu.²⁹Kaula mazuwa yeza ayo nawalonge wajimbikwe hewekweleka na nda hezikwelekwa na matombo ayo heyekonkeza. ³⁰Naho nawakonge kugambila lugulu chigweleni na vigulu mchigubike. ³¹Kwaviya saviya wakudamanya mbuli zino uneva mti mbisi naitende zeze unatenda unyala?³²Wagosi watuhu wavu waidi nawegalwa hamwenga naye chani wakomwe.³³Weze wabule hantu hakwitangwa Gobela dya mtwi nivyo wamsulumiza hamwenga na wadya awavu yumwenga ntendele ya kulume no mtuhu ntendele ya kumoso. ³⁴Yesu nakagamba tate uwalekeile kwaviya hawamanyize icho wakudamanya niyo watowa usagulo kusangilana izisuche zakwe.³⁵Wantu nendile wachimala wakasinya kuno vilongozi wakambela wakagamba kawambula watuhu eambule mwenye hegu yeye ni Kulisito ywa Chohile msagulwa.³⁶Wankondo nawo nawambela wamsogeila yeye na kumwinka divai igwaduke. ³⁷Wakagamba, Hegu weye wi Mseuta ywa Chiyahudi kweambule mwenye. ³⁸Nendile naho na ulahi mlanga mwakwe udolonywe, YUNO NUYO MSEUTA YWA CHIYAHUDI.³⁹Yumwenga ywa wabanasi asulumizwe nakamhozola akagamba, Weye si weye Kulisito?Kweambule mwenye na suwe. ⁴⁰Mna yudya umtuhu ahitula akamkwahila na kugamba vino weye hukumogola Chohile weye umwe makanto ayo ayo? ⁴¹Suwe chihano mwe kuwagila kwaviya suwe chohokela chiya chikuwagila mwe madamanyo yetu mna mntu yuno hadamanye chochose chihiye.⁴²Niyo ajendeleza Yesu unikumbuke umo ukengila mo Useuta wako. ⁴³Yesu amgambila Taile nakugambila dyelo dino nautende hamwenga na miye hahoile.⁴⁴Aho nandile haguhi na sa mtandatu chiza nachimlanga mwe isi yose kubula sa chenda . ⁴⁵Ulangazi we dizuwa na ugubika niyo idipaziya dya nyumba nkulu dya Chohile niyo dyapangana hagati gati kukongela kulanga.⁴⁶Akaila mwe izwi kulu Yesu nakalonga Tate mwe mikono yako naika umuye wangu niyo eze alonge yano abanika. ⁴⁷Aho akuda eze awone yadamanyike nakamtunya Chohile akagamba, chindedi yuno nendile mntu awagile.⁴⁸Ichipindi bunga dya wantu wezile hamwenga ukuukula weze waone mbuli zidamanyike nawauya kuno wakatowa ivifuwa vyawo. ⁴⁹Mna wambuya zakwe, na wavyele wamtongele kulawa Galilaya nawachimala kwa hale wakasinya izo izimbuli.⁵⁰Kaula na hana mntu akwitangwa Yusufu nendile ni yumwenga wa chitala mntu mtana na mwenye kuwagila. ⁵¹Nendile hawagilwe na makanto hegu madamanyo yawo kaula Alimasaya umzi wa Chiyahudi awo nendile ukagoja Useuta wa Chohile.⁵²Mntu yuno nakamsogila Pilato akalombeza enkigwe umwili wa Yesu. ⁵³Nakamseleza niyo auzingiliza sanga na kumwika mwe mbila nendile isongolwe mwe yuwe ambadyo hahana awahiye kuhambwa.⁵⁴Nendile ni zuwa dya kufunganya na kuhumula dihaguhi. ⁵⁵Wavyele ezile nawo kulawa Galilaya nawamtongela niyo waona na ivyo umwili wakwe ivyo ugonezwe. ⁵⁶Nawauya na kukonga kufanyanya manukato na malashi akajika zuwa dya kuhumula na wahumula kwaviya vikulanga sigilizi.

¹Mvuku vuku vidala zuwa dya nkongo dya juma naweza mwe mbila nawaleta manukato ayo wendile wayafunganya. ²Niyo wabwila yuwe difingiliswa hale ne mbila. ³Niyo wengila mndani mna hawaumbwile umwili wa Zumbe Yesu.⁴Nailaila kugamba ichipindi wehelwa vikulanga dino aho wantu waidi nawachimala mgati mwawo wavaile suche zing'aile. ⁵Wavyele wakatenda wamemwa ni woga naho wakafunama nyuso zawo hasi wawagamba wavyele ni mbwani mwamlonda emjima mgati mwa wabanike?⁶Hahali hano mna kauyuka, kumbukani ivyo alongile na nyuwe umo nendile neyuko uko Galilaya. ⁷Kagamba kugamba Mwana ywa Adamu aungigwa alavywe mwe mikono ya wantu wenye masa, naho nasulumizwe na zuwa dya katatu nauyuke naho.⁸Wadya wavyele niyo wakumbuka ulosi wakwe, ⁹niyo wauya kulawa mwe mbila na kuwagambila mbuli izo zose wadya mlongo na yumwenga na watuhu wose. ¹⁰Niyo Maliamu Magidalena, Joana, Maliya nine dya Yakobo na wavyele watuhu hamwenga nawo walavya imbuli ino mwa wasigilwa.¹¹Mna ulosi uno uwonekana saviya utani du mwa wasigilwa naho hawawazumile wadya wavyele. ¹²Mna Petulo niyo enuka niyo aguluka kubula kwembila niyo asungila na kusinya mndani awona sanda ichedu, Petulo akajika ahalawa kwita kukaya kwakwe, akehelwa ni chintu chani chilaile.¹³Naho kaula waidi mgati mwawo nendile wakaita zuwa idyo idyo mwe chijiji chimwenga chikwitangwa Emau, icho nendile maili milongo mtandatu kulawa Yelusalemu. ¹⁴Niyo walafya wowow kwa wowo vikulanga mbuli zose zilaile.¹⁵Niyo yalaila kugamba, ichipindi nendile wakalafya na kuzana Yesu niyo asogela haguhi alongozana nawo. ¹⁶Mna meso yawo naya chindwa mwe kumbunkula yeye.¹⁷Yesu niyo awagambila, ni mbwani yuwe waidi mwachisimwila kuno mwajenda? Niyo wachimala ahdya wakawonekana wajela mbazi. ¹⁸Yumwenga ywawo zina dyakwe Cleopa niyo ahitula vino weye wi mntu ichedu hano Yelusalemu uyo hamanyize mbuli zilaile uko mazuwa yano?¹⁹Yesu niy awagambila mbuli zani? Wamhitula mbuli zikulanga Yesu Mnazaleti yuo nendile muoni mdahi mwe ntendwa, na ulosi kulongozi kwa Chohile na wantu wose. ²⁰Naho mwe ivyo wakulu wa walavyantambiko na vilongozi wetu ivyo wamlavize kukantilwa file na kusulumizwa.²¹Mna nachina msuhi kugamba, yeye nuyo nawaike hempeho Izulaeli naho hale na yano yose, haluse ni zuwa dya katatu umo mbuli zino zilaile.²²Mna naho watuhu wa wavyele kulawa mwe bunga dyetu nawachehela eze waite uko kwembila chilo chilo na mavukuvuku. ²³Weze wauwese umwili wakwe niyo weza wakagamba kugamba nawaona naho mpituko ya mndima ywa kwembingu walongile kugamba ni mjima. ²⁴Awatuhu wa wagosi awo nendile hamwenga na suwe na waita kwembila na kubwila ni saviya wavyele walongile mna hawamuone yeye.²⁵Yesu niyo awagamba, nyuwe wantu wahezi naho wenye myuye izamile ya kuzumila yose endile waoni walonga. ²⁶Vino hayungigwe Yesu kusulumizwa mwe mbuli zino na kwingila mo Ukuka wakwe? ²⁷Akajika kuongela mwa Musa na waoni wose Yesu kuwagambila mbuli zikumlanga yeye mwa amadolonyo yose.²⁸Weze watende haguhi ne chiya ichijiji uko nendile wakaita Yesu niyo adamanya saviya kugamba, ajendeleza kulongozi. ²⁹Mna wamkinkisa wakagamba, Ikala hamwenga na suwe kwaviya yajendeleza nechisingi na zuwa diswa ivyo Yesu niyo engila kwwitwkwikala nawo.³⁰Nailaila kugamba, ichipindi kekela nawo na kudya nakaguha bofulo ajimbika na kubesula niyo awenka. ³¹Niyo ameso yawo yagubulwa wammanya niyo ahalawa aho mwa meso yawo. ³²Niyo walosana wowo kwa wowo vino ni myuye yetu hsisangale mndani mwetu ichipindi eze alonge naswi mweisila ichipindi achigubwile mawandiko?³³Niyo wenuka isa iyoyiyo nakuya Yelusalemu niyo wawabwila wadya mlongo na umwe wachintana hamwenga na wadya wendile hawenanawo. ³⁴Niyo wagamba, Zumbe kauyuka chindedi chindedi na kamlaila Simoni. ³⁵Ivyo niyo wawgambila, mbuli zilaile mwe sila na ivyo Yesu awabunkuile wawo mwe kuubesula idibofulo.³⁶Ichipindi wakalonga izimbuli izoYesu mwenya kachimala mgati mwawo na kuwagambila utondowazi utende mwenyu. ³⁷Mna nawogoh na kumemwa ni woga, nawakafanyanya kugamba, nawaona muye.³⁸Yesu niyo awagambila ni mbwani mnankama? nimbwani monga muze yakwinukila mwe myuye yenyu? ³⁹Kaulani imikono yangu ne iviga vyangu kugamba ni miye mwenye nidontani na muone mwe viya muye hauna nyama na vuha enga ivyo mkuniona miye, kutenda navyo. ⁴⁰Eze alonge vino niyo awalagisa imikono yakwe ne viga vyakwe.⁴¹Weze watende wachei kwelelwa, kuhanganyike na kutokuzumila na kwelelwa, Yesu niyo awagamba vino mna chintu chochose cha kudya? ⁴²Niyo wamwinka chihande cha samaki yokigwe. ⁴³Yesu niyo achiguha na kuchidya kulongozi kwawo.⁴⁴Niyo awagamba umo nendile nanywi nasiwagambila kugamba yose yadolonywe mwe sigilizi ya Musa na waoni na zabuli vyaungwa yachinte.⁴⁵Niyo agubula umanyi wawo kugamba wadahe kumanya amadolonyo. ⁴⁶Niyo awagambila kugam,ba, idolonywa Kulisito Yaungwa asulumizwe, na kuuyuka naho kulawa kwa wabanike zuwa dya katatu. ⁴⁷Naho weile na kulekeilwa wavu yaungwa ilongwe mwe zina dyakwe mwe izisi zose kukongela kulaila Yelusalemu.⁴⁸Nyuwe wi waukuzi mwe mbuli zino. ⁴⁹Kaula nawegaila sigilizi ya Tate ywangu, ekulanga kwenyu mna gojani hano he chijiji kubula namvikwe nguvu kulawa kulanga.⁵⁰Niyo nYesu awalongoza kuse, kubula weze watende haguhi Besaniya niyo enula imikono kulanga niyo awajimbika. ⁵¹Niyo yalaila kugamba, ichipindi akatenda awajimbika nakawasa niyo enulwa kulanga kujendeleza ko ulanga.⁵²Elo wamvikila na kuya Yelusalemu na kwelelwa kukulu. ⁵³Wajendeleza kwikala mwe nyumba nkulu ya kuvikila wakamjimbika Chohile.

¹Aho nkongo nandile kuna ulosi na ulosi nanihamwenga na Chohile na ulosi nendile ni Chohile. ²Uyo ulosi nkongo nendile ehamwenga na Chohile. ³Vintu vyose vidamanyika kijnkila yeye naho hegu siyo yeye hahana hata chintu chimwenga chitendile chidamanyike. ⁴Mndani mwakwe nendile mna ujima, na uwo ujima nendile ulangazi wa wantu wose. ⁵Ulangazi walangaz mwe chiza mna ichiza chadunduga.⁶Nendile hana mntu asigilwe, kulawa kwa Chohile, uyo zina dyakwe nendile ni Yohana. ⁷Nakeza saviya mukuzi, kukula vikulanga udya ulangazi, chani kugamba wose wadahe kuzumila kujinkila yeye. ⁸Yohana nendile suyo uyo ulangazi mna nakeza chani aukule vikula udya ualangazi.⁹Ivyo nendile ulangazi wa chindedi uwo nendile wiza mwe isi nayo yamjela ulangazi chila yumwenga.¹⁰Nendile mwe isi neisi nayumbwa kujinkila yeye naho isi haimmanyize. ¹¹Nakeza mwe vintu vyakwe na wantu wakwe hawamhokele.¹²Mna mwe wadya walozize wamhokela awo wamzumile idizina dyakwe mwa awo nakawenka udahi wa kutenda Mwana ywa Chohile. ¹³awo welekwa, siyo mwe sakame, hegu mwe ungi wa mwili hegu mwe ungi wa mntu mna mwa Chohile mwenye.¹⁴Naye ulosi wadamanyika mwili na kwikala mgati mwetu, chiwona Ukuka wakwe, Ukuka saviya mwawantu echedu wa ichedu nakeza kulawa kwa Tate, kamema mbazi na chindedi. ¹⁵Yohana aukula vikulanga miye na kuguta izwi akagamba, yuno nuyo nendile silonga mbuli zakwe hamgamba, yudya bada ya miye ni mkulu kujinka miye kwaviya neyuko sina miye.¹⁶Mweviya ukalila mwe uchintile wakwe, suwe chose chihokela bule chipawa kubla chipawa. ¹⁷Mwviya sigilizi ailetwa kujinkila Musa, mbazi na chindedi naviza kujinkila Yesu Kulisito. ¹⁸Hahana mntu amuwone Chohile, chipindi chochose, mntu eichedu uyo ni Cohile, emwe chifuwa cha Tate kamtenda yeye amanyike.¹⁹Naho uno nuwo ukuzi wa Yohana ichipindi walavyantambiko na Walawi wasigilwa mwakwe na Wayahudi wamuza weye wi Myahudi? ²⁰Mna halemele naho hakanile mna ahitula miye suyo Kulisito. ²¹Ivyo wamuza mwe ivyo weye wi yuhi halues? weye wi Eliya? Miye suyo uyo, walonga wimuoni? ahitula bule.²²Akajika awagambila weye wi yuhi, chani kugamba chiwenke uhitulo wachisigile? Weukula zeze weye? ²³Agamba miye ni izwi daykwe ekenyika chumizani sila ya Zu,be saviya muoni Isaya ivyo alongile.²⁴Elo nendile wantu wasgilwa hadya kulawa mwa Mfalisayo kumuza na kugamba, ²⁵nimbwani wabatiza elo uneva weye suyo Kulisito hegu Eliya hegu muoni?²⁶Yohana awahitula awagamba nabatiza kwa mazi mna ivyo mgati mwenyu achimala mntu hemkumbunkula. ²⁷Uyo nuyo akwiza hajika miye niye sikuwagila kufungula luzigi lwe ivilatu vyakwe. ²⁸MBuli zino zidzmznyika uko Besaniya, ntendele ya Yolidani, hantu ambaho Yohana nandile akabatiza.²⁹Zuwa diyongele Yohana nakamuona Yesu akeza kwakwe akagamba kaula Mwana ngoto ywa Chohile akuguha masa ye isi. ³⁰Yuno nuyo nilongile mbuli zakwe hagamba, yeye akwiza kunyuma kwangu ni mkulu kujinka miye, mwaviya nendile umo sinati miye. ³¹Simbunkule uyo, mna idaanyika ivyo chani kugamba, agubulwe we Izulaeli, kugamba, nasibatiza kwa mazi.³²Yohana nakaukula nasiwona Muye ukasela kulawa mo ulanga mliganyo wa suwa manga naisigala mlanga mwakwe. ³³Miye sibunkule mna uyo anisigile chani nibatize kwa mazi, nakanigambila yudya ambaye nouwone Muye ukasela na kwikala mlanga mwakwe, uyo nuyo nabatize kwa Muye Ukukile. ³⁴Siona naho siukula kugamba, yuno ni Mwana ywa Chohile.³⁵Naho zuwa ditongele Yohana nendile kachimala hamwenga na wanampina wakwe waidi. ³⁶Namuona Yesu akajenda na Yohana akagamba, kaula Mwana ngoto ywa Chohile.³⁷Wanampina waidi nawamwiva Yohana akagamba, haya niyo wamtongela Yesu. ³⁸Naho Yesu niyo akahituka na kuwaona wanampina wadya wamtongele, niyo awagamba, monga mbwani? Wahitula Rabbi nuko kugamba, mhinyi wekala kuhi? ³⁹Niyo awagambila, soni namuone, niyo waita nakuwona hantu nendile akekala, nawekala hamwenga naye zuwa idyo, kwaviya nendile yabula masaa mlongo.⁴⁰Yumwenga wa wadya waidi wamwivile Yohana akalonga niyo akajika amtongela Yesu nendile ni Anduleya, mlukolo ywa Simoni Petulo. ⁴¹Niyo waona mlukolo ywake siona na kugamba chimuwona Mesiya uyo nivyo kugamba Kulisito ⁴²Niyo wamleta mwa Yesu niyo amsinya na kugamba, weye Simoni mwana ywa Yohana nowitangwe Kefa nivyo kugamba Petulo.⁴³Zuwa ditongele ichipindi Yesu eze aunge kuhalawa kwita Glilaya nakampata Filipo no kumgambila nitongele miye. ⁴⁴Filipo nendile ni mkaya wa Besisaida, mnzi wa Anduleya na Petulo. ⁴⁵Filipo nakampata Nasanieli na kumgamba, chimpata yudya endile Musa adolonye mbuli zakwe mwe sigilizi na waoni, Yesu mwana ywa Yusufu kulawa Nazaleti.⁴⁶Vino chintu chedi chadaha kulaila Nazaeliti? Filipo amgamba soo nauwone. ⁴⁷Yesu niyo amuwona Nasanieli akeza mwakwe nakugamba, Kaula mwe Izulaeli chindedi chindedi hena udanti mndani mwakwe. ⁴⁸Nasanieli niyo amgamba, kunimanya zeze miye? Yesu ahitula na kugamba, henati Filipo kukwitanga umo endile hasi ho umti nasi kuwona.⁴⁹Nasanieli ahitulaRabbi weye wi mwana ywa Chohile weye wi Mseuta ywa Izulaeli. ⁵⁰Yesu ahitula amgamba, kwaviya sikugambila sikuwona hasi ho mti vino wazumila? Nauwone ntendwa nkulu kujinka zino. ⁵¹Yesu niyo amgamba acahendedi, chindedi nawagambilani namuone ulanga ukagubuka na kuwawona awandima wa kwembingu wakakwela na kusela mnanga mwe wana ywa mntu.

¹Dize dibule zuwa dya katatu, nendile kuna nyinka uko kana ya Galilaya na mami yakwe Yesu naeyuko. ²Yesu na wanampina wakwe nendile wagona mwe nyinka.³Chipindi weze wabinde idivai mami yakwe Yesu amgamba hawana divai. ⁴Yesu ahitula mvyele iyo yanilanga mbwani miye? Chipindi changu miye hachinati kubula. ⁵Mami yakwe awagambila wandima, chochose nawagambilani damanyeni.⁶Elo nendile hana mabiga mtandatu ya mayuwe hadya yaikigwe kwaviya kwelendusa mwe zuwa kulu dya Wayahudi chila yumwenga nendile na umemezo wa madebe maidi, matatu. ⁷Yesu niyo awagambila memezani mazi mabiga ya mayuwe wamemeza mnanga. ⁸Niyo awagamba wadya wandima guhani chidogo haluse mwigaile mwe mndima ywe imeza inkulu, niyo wadamanya saviya wasigilwe.⁹Mndima mkulu ayaluma yadya amazi endile yahitukila na kutenda divai, mna hamanyize uko yalaile, mna wandima wayatekile amazi nawamanya uko yalaile, niyo amwitanga umwali na ¹⁰kumgambila chila yumwenga akonga kuwenka awantu divai ihiye mna weye kuninka divai yedi kubula haluse.¹¹Chilagiso chino cha kana ya Galilaya nandile nivyo bosi mwe chilagiso adamanye Yesu akagubula ukuka wakwe, ivyo wanampina wakwe niyo wamzumila.¹²Vize vyajike, Yesu mami yakwe, walukolo wakwe na wanampina wakwe nawaita mwe mzi wa Kapelanaumu niyo wekala uko mwe mazuwa majeche.¹³Elo Pasaka ya Wayahudi nendile ihaguhi, ivyo Yesu niyo aita Yelusalemu. ¹⁴Niyo awambwila wataga ng'ombe, ngoto, na wasuwa manga mndani mwe nyumba nkulu ya kuvikila, akajika na wakahitula hela nendile wekala mndani mwe nyumba nkulu ya kuvikila.¹⁵Yesu niyo adamanya luzigi lwenye mafundo, niyo awalavya wose nendile weyumo mwe nyumba nkulu ya kuvikila, hamwenga na ng'ombe na ngoto, nakwitila hela za wakuhitula hela nakuzibidula izimeza zawo. ¹⁶Mwe wataga wasuwa manga awagamba lavyani ivintu vyose vino hale na ahantu hano, lekani kuitenda nyumba ya tate ywangu kutenda hantu ha gwilo.¹⁷Wanampina wakwe niyo wabunkula kugamba, nendile idolonywa, chinyulu che nyumba yako naunidye. ¹⁸Wakulu wa Chiyahudi wahitula, wakagamba, ni vilagiso vihi nauvilagise mwe viya wadamanya mbuli zino? ¹⁹Yesu awahitula bomolani inyumba nkulu ya Chohileino miye naniizenge yakajika mazuwa matatu.²⁰Niyo wakulu wa Wayahudi niyo wagamba, iguha mihilimo milongo mine na mtandatu kuizenga inyumba nkulu yo kuvikilaino, weye wegamba nauizenge mwe mazuwa matatu? ²¹Mna hegu yeye nakalonga nyumba nkulu ya kuvikila na akalonga umwili wakwe. ²²Ivyo umo eze auyuke mwakwe kulawa kwa wabanike, wanampina wakwe niyo wakumbuka kugamba nakalongaivyo, Niyo wazumila madolonyo alongaga dino ambadyo Yesu nendile kalonga kale.²³Elo umo nendile Yelusalemu ichipindi che Ipasaka, chipindi cha zuwa kulu, wantu walozize nawazumila idizina dyakwe weze waone vilagiso na mpintuko adamanye. ²⁴Mna Yesu nahena na uzumizi nawo mwaviya nakawamanya wantu wose. ²⁵Haungile mntu yoyose kumgambila kulanga ivyo weli wantu kwaviya awamanyize chimndani mwawo.

¹Elo kwendaga na Falisayo endile zina dyakwe Nikodemu, yumwenga ywa wazumile wa chitala cha Wayahudi. ²Mntu yuno nakambasa Yesu nechilo na kumgambila Rabi, chimanya ya kugamba wimhinyi kulawa kwa Chohile kwaviy hahana mntu akudaha kudamanya mpituko zino zose za Cohile niviya ehamwenga na naye.³Yesu ahitula chindedi, chindedi, mntu hakudaha kwingila mo Useuta wa Chohile hanelekwe nkanana ya kaidi. ⁴Nikodemu amgamba, mntu adaha zeze kwelekwa akatenda kadalahala? Hakudaha kwingila mweinda yanine yakwe nkanana ya kaidi na kwelekwa , vino adaha?⁵Yesu ahitula chindedi, chindedi mntu henelekwe kwa mazi na kwa Muye, hakudaha kwingila mo Useuta wa Chohile. ⁶Chelekwe ni mwili ni mwili na chelekwe kwa Muye ni Muye.⁷Usekwehelwa kwaviya sikugambila vyaungwa kwelekwa nkanana ya kaidi. ⁸Mpeho yavumila hohose ikunga na izwi dyakwe mwadiva, mna hammanyize uko ikulawa naho uko ikwita, nivyo ili namna ya chila elekwe na Muye.⁹Nikodemu ahitula, na kugamba, mbuli zino zadahika zeze? ¹⁰Yesu amhitula weye, weye umhinyi wa Izulaeli, vino huzimanyize mbuli zino? ¹¹Chindedi, chindedi nakugambila, chila chimanyize chakivikila mwe chiya chikiwone, mna hamkuhokela ukuzi wetu.¹²Hegu siwagambila mbuli zihano heisi naho hamzumile, namdahe vivihi hegu hawagambilani mbuli za ulang? ¹³Kwaviya hahana akweila kulanga kulawa mo ulanga mna yeye aseile Mwana ywaMntu.¹⁴Hegu viya Musa ivyo amwinule nyoka kweddijangwa nivyo Mwana ywa Mntu enulwe. ¹⁵Chani kugamba wose nawamzumile, watende wajima wa kale na kale.¹⁶Kwaviya mbuli ino Chohile nakaunga isi, kugamba niyo amlavya Mwanawe wa ichedu chani kugamba, mntu yoyose amzumile asekusulumizwa mna atende na ujima wa kale na kale. ¹⁷Kwaviya Chohile hamsigile Mwanawe mwe isi chani akantile isi, mna kugamba isi yambulwe mwa yeye. ¹⁸Naho amzumile yeye hakantilwe, yeye hekumzumila kajika kukantilwa kale, ivyo hezumile zina dya Mwana echedu ya Chohile.¹⁹Vino ni kwaviya kukantilwa kugamba, ulangazi wiza mwe isi mna wantu niyo waunga chiza vitendese vya ulangazi kwaviya ntendwa zawo nendile ziha. ²⁰Chila mntu akudamanya yehiye ehiwa ulangazi naho hakwiza mo ulangazi chani ntendwa zakwe zinasekugubulwa. ²¹Mna yeye akudamanya chindedi eza mo ulangazi chani ntendwa zakweziwoneke kugamba zadamanywa mwe uzumizi wa Chohile.²²Yakajika yano Yesu hamwenga na wanampina wakwe, nawaita mwe isi ya Yudeye, uko wajeseza chipindi hamwenga nawo naho nendile akabatiza. ²³Haluse Yohana naye nendile akabatiza uko Aineya haguhi na Salim kwaviya nendile mazi yalozize hadya, wantu wendile wakeza kwakwe na kubatizwa. ²⁴Ivyo Yohana nendile haduligwe mwe dijeleza.²⁵Niyo nahalaila mahigano mgati mwa wanampina wa Yohana na Wayahudi ikulanga zuwa kulu dya ukuka. ²⁶Niyo waita kwa Yohana niyo wamgambila, Rabi weye nednile umanyize ntendele yo mto yolodani, uwo ukukile izimbuli zakwe, kaula abatiza wose waita wamtimila.²⁷TYohana niyo ahitula mntu hakudaha kuhokela chintu chochose mna hegu kwinkigwa kulawa mo ulangazi. ²⁸Nyuwe wenye mwaukula kugamba, nasilonga kugamba, miye suyo Kulisito, mna yakugamba, sisigilwa kulongoila.²⁹Mta mwali wa chiche na mwali wa chilume haluse mbuyangu wa mwali wachigosi akuchimala na kwetegeleza eleleswa kwaviya izwi dya mwali wa chigosi vino haluse ni kwelelwa kwangu kuchintile. ³⁰Aungwa atendese na miye na miye naungwa kuhunguka.³¹Uyo alaile kulanga, ekulanga kwa yose, uyo emweisi alawa mwe isi naho alonga mbuli za mweisi, uyo alaile mo ulanga eyuko mlanga mwa yose. ³²Uyo aukula ukuzi wakwe yudya ayawone nakwiva mna hahana akuhokela ukuzi wakwe. ³³Uyo ahokele ukuzi wakwe katogola kugamba Chohile ni chindedi.³⁴Ivyo uyo asigilwe ni Chohile alonga ulosi wa Chohile kwaviya hakumwinka muye mwe chihimo. ³⁵Tate amunga Mwana naho kamwinka vintu vyose mwe imikono yakwe. ³⁶Uyo namzumile Mwana ananwao ujima wa kale na kale, mna mwe uyo hekuzumila mwana hauone ujima, mna maya ya Chohile mnanga mwakwe.

¹Mna Yesu eze amanye kugamba Mafalisayo weva kugamba Yesu nandile anawanampina na kuwabatiza kujinka Yohana. ²Mna Yesu mwenye nendile hakubatiza mna wanampina wakwe, ³kalawa Yudeya niyo aita Galilaya⁴Ivyo nandile ni vyedi kujinkila Samaliya. ⁵Niyo abula mo mzi wa Samaliya ukwitangwa Sikali hajihi na inkonde ya Yakobo amwitanga mwanawe Yusufu.⁶Naho idisima dya Yakobo nendile diyaho, Yesu nandile kasokezwa ni ntambo niyo ekala hajihi ne idisima nandile ni saa za nomsi. ⁷Mvyele mfambazi keza kuteka mazi niyo Yesu amgamba, ninka mazi ninywe. ⁸Kwaviya wanampina wakwe nandile waita komzi kwe kugula nkande.⁹Yudya mvyele amgamba, navitende vivihi weye Myahudi kunilombeza miye mvyele mfambazi mazi ya kunywa? Kwaviya Wayahudi hawakudaha kuhanganyana na wafambazi. ¹⁰Yesu ahitula hegu wamanyize ntunyo ya Chohile na yudya akukugamba ninka mazi nakumlombeza nakakwinka mazi ya ujima.¹¹Uyo mvyele ahitula Zumbe huna ndowo ya kutekela na idisima ni tali nauyapate kuhi mazi ya ujima. ¹²Kwani weye wi mkulu kujinka tati yetu Yakobo yeye achinkile idisima dino yeye mwenye na wanawe wose hamwenga na wanyama wakwe wanywe mazi ya idisima dino?¹³Yesu amhitula yoyose akunywa amazi yano hawone nchilu naho. ¹⁴Mna yudya akunga kunywa mazi hunga nimwinke haone nchilu naho, mna amazi hunga nimwinke nayatende na mfajo ukulawa kale na kale.¹⁵yudya mvyele amgamba, Zumbe nayalombeza amazi ayo nisekupata nchilu nisekusumbuwa kwiza hano kuteka mazi. ¹⁶Yesu amgamba hita kamwitange mgosiwo akaheza wize.¹⁷Mvyele amgamba sina mgosi, Yesu amhitula, kulonga vyedi huna mgosi. ¹⁸Kwaviya kutenda na wagosi washano na uyumwenga unanaye siyo mgosiwo mwedino kulonga chindedi.¹⁹Yudya mvyele amgamba, Zumbe nawona kugamba weye wi muoni. ²⁰Tati zetu nawakavikila mo lugulu luno, mna yuwe mwagamba kugamba ni Yelusalemu naho ahantu ambaho wantu waungigwa kuvikila.²¹Yesu niyo ahitula, weye mvyele nizumila, chipindi cheza aho hamumnivikile Tate mo lugulu luno Yelusalemu. ²²Nyuwe wantu wavikila ciya hemchimanyize mna suwe chivikila chimanyize kwaviya wambulwa walawa kwa Wayahudi.²³Mna hano hakwiza na haluse wiyaho hano umo walavyantambiko chindedi nawamvikile Tate mwe muye na chindedi kwaviya tate awalonda wantu sawo kwa wantu wakwe wakumvikila. ²⁴Chohile ni Muye wa wayda wakumvikila waungigwa wamvikile kwa Muye wa chindedi.²⁵Yuyda mvyele niyo amgamba sivimanya kugamba, Masiya eza akwitangwa Kulisito uyo aneza nachimgambile yose. ²⁶Yesu ahitula miye hulonga na weye nuyo.²⁷Chipindi icho icho wanampina wakwe wauya wehelwa kwambwani nandile akalonga na mvyele mna hahana ajezize kumuza waunga mbwani hegu kwambwani walonga naye?²⁸Yudya mvyele kadyasa idibiga dyakwe niyo aita ko mzi niyo awagambila wantu. ²⁹Soni mkaule mntu anigambile mbuli zangu zose nidamanye, vyadahika akatenda nuyo Kulisito. ³⁰Walaw ko mzi weza kwakwe.³¹Ichipindi cha nomsi wanampina wakwe nawamhembeleza wamgamba mhinyi udye nkande. ³²Mna yeye awahitula miye nina nkande hemwiimanyize nyuwe. ³³Wanampina wagamba hahana amletele chintu kudya, togola nawaleta?³⁴Yesu awagamba nkande ya miye ni kudamanya ungi wakwe wa yuo anisigile nakuchintiza indima yakwe. ³⁵Kwani hakulonga isigala miezi mishano uvuni watenda uheza? Nawagambilani kaulani izinkonde zihezize kwa kuvunwa. ³⁶Yudya akuvuna ahokele maliho na kuchisanya nkande kwachausa cha ujima wa mazuwa yose chanimmwa yadya akuhandam naye avune welelwe hamwenga.³⁷Kwaviya ulusimo luno ni lwa chindedi yumwenga ahanda na mtuhu avuna. ³⁸Siwasigila kuvuna chiya hamchihandile, watuhu wadamanya ndima na nyuwe mwengila chinyemi mo mbwedo we ndima yawo.³⁹Wasamaliya walozize mo mzi udya wamzumila kwaviya, mwe mbuli ya yudya mvyele nandile akamukuila amgambile izimbuli zose nidamanye. ⁴⁰Ivyo Samaliya weze weve wamlombeza wekale hamwenga naye niyo ekela nawo kwa mazuwa maidi⁴¹Naho walozize mno wamzumila kwa ulosi wakwe. ⁴²Wagamba yudya mvyele chazumila siyo du kwa mbuli yako mna suwe wenye chimwiva naho haluse chimanya kugamba, chindedi yeye ni mwambula we isi.⁴³Kujinkila amzuwa ayo maidi kahalawa na kwita Galilaya. ⁴⁴Kwaviya yeye mwenye nandile aukulanga kugamba muoni hakutunywa mwe isi yakwe mwenye. ⁴⁵Eze eze kulawa Galilaya Wagalilaya wamhokela nadile wamuonaga izimbuli zose adamanye Yelusalemu mwe idizuwa kulu dya Pasaka⁴⁶Eze eze naho kana ya Galilaya uko ahitulaga amazi yakatenda mpombe nandile hana mkulu yumwenga mwanawe nendile ni mnyonje uko Kapelanaumu. ⁴⁷Eze eve kugamba Yesu alawa Yudeya naho aita Galilaya kaita kwa Yesu na kumhembeleza asele amhonye mwanawe yuo nendile ehejihi na kubanika.⁴⁸Niyo Yesu amgamba nyuwe haamonile mpituko na vilagiso hamkudaha kuzumila. ⁴⁹Mkulu uyo ahitula, Zumbe sela hasi ivino mwanangu hanati kubanika. ⁵⁰Yesu amgamba hita mwanawo ni mjima yudya niyo azumila ulosi alongile Yesu niyo aita zakwe.⁵¹Umo akasela wandima wakwe, wamhokela na kumgambila mwanawe katenda mjima. ⁵²Niyo awauza ni chipindi chani kawona vyedi wamhitula gulo nomsi saa mfungate homa imlekeila.⁵³Ivyo tatei yakwe abunkula kugamba, chipindi chiya ichiya ichiya Yesu alongile mwanawo ni mjima. ⁵⁴Dino nandile ni chilagiso cha kaidi adamanye Yesu eze alawe Yudeya kwita Galilaya.

¹Akaheza ayo nendile kuna ngasu Wayahudi Yesu kakwela kwita Yelusalemu. ²Mna kudya Yelusalemu nendile nendile kuna ndiwa ya mazi homlango we zingoto zandile diketangwa kwa chiebulaniya Betishaza nadyo dina balaza shano. ³Wanyonje walozize nendile weyumo hawekuona, vilema, hewekujenda, waholomale nendile wagona he balaza iyo, mna ichipindi chimwenga mndima asela mndani mwe ndiwa niyo atibula amazi. ⁴Yudya atendile ywa nkongo kwingila mndani mwa mazi yatibulwe katendwa na kulawana na chochose chimtozize. kwa chipindi icho.⁵Mntu yumwenga nendile akaluma mihilimo mlongo mitatu na mnane nandile eyaho mwe balaza. ⁶Yesu eze amuone kagona mwe balaza na kuvumbula kugmba kagona hadya kwa chipindi chitali, Yesu amgamba, Togola waunga utende mjima?⁷Yudya mnyonje ahitula, Zumbe sina mntu wa kuningiza mwa mazi uyo akutibula chila hagamba, nijeze kwingila mntu mtuhu anilongoila. ⁸Yesu amgamba, inuka na uguhe idigodolo dyako na wite.⁹Niyo uydya mntu ahonywa kaguha ulusazi lwakwe niyo aita na idizuwa dyo kuhumula nidyo.¹⁰Ivyo Wayahudi wamgamba, yudya mntu ahonyigwe dyelo dyelo ni zuwa dya kuhumula havikungigwa uketwika godolo dyako. ¹¹Amhitula yudya anihonyize, yudya anihonyize nuyo anigambile kuga godolo dyako na wite.¹²Ni yuhi akugambile guha idigodolo dyako wite? ¹³Mna yudya ahonyigwe hammanyize kwaviya Yesu nandile kahalawa kwa kwefisa kwaviya nendile na wantu walozize ahantu aho.¹⁴Akaheza aho Yesu kambwila yudya mntu mwe vikilo, niyo amgamba, kaula kuhona usekudamanya masa naho unasekupatwa ni mbuli nkulu mno. ¹⁵Yudya mntu kaita kuwagambila Wayahudi kugamba Yesu nuyo amhonyize.¹⁶Ivyo mwe izimbuli izo Wayahudi wamsumka sumka Yesu kwaviya kadamanya mbuli ino mwe zuwa dya kuhumula. ¹⁷Yesu awagamba Tate yangu adamanya ndima vino haluse miye nami nadamanya ndima. ¹⁸Mwe ivyo Wayahudi wakazana kumlonda chani wamkome siyo kwaviya kabalanga umhumulo mna kwakumwitanga Chohile Tate yakwe, etenda kaligana na Chohile.¹⁹Yesu wawahitula, zumilani, zumilani, mwana hakudaha kudamanya chintu chochose ise akudamanya nicho no mwanga akunga adamanye. ²⁰Kwaviya Ttae amunga umwana amlagisa chila chintu akudamanya naho namlagise mbuli nkulu kujinka zino kugamba, nyuwe mwehelwa.²¹Mna saviya Tate akuyusa wabanike kuwenka ujima ivyo mwana naye amwinka yoyose akumunga. ²²Kawviya Tate hakukantila yoyose mna kamwinka ukanta wose. ²³Mna kugamba wose wakumwiva mwana saviya mwana akumwiva ise, yudya hekumwiva mwana hamwivile yudya anisigile.²⁴Zumilani, zumilani yudya akwiva ulosi wangu na kuuzumila wa yudya anisigile natende na ujima wa kale na kale hankantilwe mna yeye kajimbikwa kulawa mwe file kwingila ujima.²⁵Zumilani nawagambileni ichindedi cheza aho haluse chiuyaho wose wabanike naweve nguto ya Mwana Chohile na wose wakunga weve nawatende wajima.²⁶Mna enga viya Tate eli na ujima mndani mwakwe mwenye. ²⁷Niyo amwinka umwana atende mjima, mndani mwakwe na ise kamwinka umwana udahi wakuga,ba, akante kwaviya kwaviya ni Mwana ywa Adamu.²⁸Msekwehezwa ni dino, kwaviya chipindi cheza kwa wabanike wose weyumo mwe zimbila nawaive izwi dyakwe. ²⁹Nawo nawafose kuse, kwa wadamanye yedi kwa uyuso wa ujima na wadamanye yehiye kwa uyuso wa ukantilwa.³⁰Sikudaha kudamanya chintu chochose kulawa kwa miye mwenye enga ivyo hwena, ivyo hukanta na ukanti wangu ni wa chindedi kwaviya sikulonga umbuya wangu mna umbuya wakwe anisigile. ³¹Uneva ninaeukuila mwenye, ukuzi wangu hautendile wa chindedi. ³²Kuna mtuhu akwinukila akunilanga miye mna simanya chindedi ukuzi akunukuila ni wachindedi.³³Imsigila kwa Yohana naye kaniukuila chindedi. ³⁴Mna ukuzi huhokela haukulawa kwa wantu, naye nalonga yano kugamba mdahe kwambulwa. ³⁵Yohana nandile ni ta nandile ikaka kupulika naho namheza kuibweda kwahadodo ulangazi wakwe.³⁶Ukuzi ninanawo ni mkulu kujinka wa Yohana kwezindima Tate aninkile kuzibilindiliza izo izindima huzidamanya zaukula kugamba Tate kanisigila. ³⁷Tate anisigile yeye mwenye amukula miye hamnati kwiva izwi dyangu naho ivyo eli hantu hohose. ³⁸Hahana mbuli yakwe ikwikala mndani mwenyu kwaviya hamnizumile miye nisigilwe.³⁹Wayakaula madolonyo mkafanyanya mndani mwakwe mna ujima wa kale na kale na ayo madolonyo yaukulaa mbuli za miye. ⁴⁰Hamkunga kwiza kwa miye, chani mhokele ujima wa kale na kale.⁴¹Sikuhokela ntunyo kulawa kwa mntu. ⁴²Mna simanya kugamba umbuya wa Chohile mndani mwenyu nyuwe wenye.⁴³Siza kwa zina dya Tate ywangu hamdahile kunihokela mna mtuhu akeza kwa zina dyakwe namumhokele. ⁴⁴Mwadaha zeze kuzumilana nyuwe wenye ambawo mwahokela ntunyo kulawa kwa cjila yumwenga wenyu, mna hamkudaha ntunyo kulawa kwa Chohile weichedu?⁴⁵Msekugamba miye naniwalaheni kulongozi kwa Tate akunga awalaheni ni Musa mwa nyuwe mwikigwa mwe msuhi kwakwe. ⁴⁶Hegu mwandile mwamzumila Musa namnizumile miye kwaviya kadolonya kulanga mbuli za miye. ⁴⁷Hegu hamkuzumila madolonyo yakwe na mdahe zeze kuzumila izimbuli za miye.?

¹Eze yaheze yano, Yesu kaita ntendele za bahali ya Galilaya naho yetangwa bahali ya Tibeliya. ²Fyo kulu nendile wakambasa kwaviya waona vilagiso nakadamanya kwawendile wanyonje. ³Yesu kakwela kulanga mo lugulu niyo ekala uko nawanampina wakwe.⁴Naho Pasaka, ye ngasu ya Wayahudi nendile ihaguhi. ⁵Yesu eze enule ameso yakwe kulanga kawona fyo kulu dyeza kwakwe amgamba Filipo kwa kumjeza nachite kuhi chikagule nkande ya wantu wadye. ⁶Mna Yesu kalonga ayo kwa Filipo kwaviya amjeza yeye mwenye kamanya akunga adamanye.⁷Filipo ahitula, hata nkande ikubula magana maidi haichinte kwa chila yumwenga apate chihande chidodo. ⁸Anduleya yumwenga ywa wanampina wa kwe mlukolo wakwe Simoni Petulo amgamba, ⁹Yesu kuna mbuyangu hano, anamigate mishano na samaki waidi, mna vino navichinte mbwani kwa wantu wlozize savino.¹⁰Yesu amgamba wekazeni wantu hasi nendile hana mani yalozize ahantu aho, ivyo wagosi wakubula magana milongo mishano niyo wekala hasi. ¹¹Niyo Yesu aguha idya imigaate imishano amtogola Chohile kawapangila wadya nendile wekale, niyo naho awapangila samaki kwa chila viya aungile. ¹²Wantu eze wegute awagamba, wanampina wakwe dondolani ivibesu vye migate ivyo visigale kugamba chinase kwaga chochose.¹³Niyo wadondola nakumemeza ntangulu mlongo umwenga na mbili vibendu vya migate mishano ya shaili vibendu visigszwe ni wadya wadile. ¹⁴Niyo wantu weze waone ichilagiso chino adamanye wagamba, chindedi yuno nuyo yudya umuoni akwiza mwe isi. ¹⁵Yesu ezeamanye kugamba nandile wakaunga kumgwila chani wamtende seuta ywawo niyo atendegela naho niyo aita ko lugulu yeye mwenye ichedu.¹⁶Eze chibule chisingi wanampina wakwe wasela kwita kwediziwa. ¹⁷Wakwela mwe hondo nandile wakadeluka kwita Kapelanaumu, chiza nandile chingila, Yesu nandile hanati kwiiza kwawo. ¹⁸Mna luzimu lukali nandile ukavumila niyo ibahali nandile ikajendelaza kubanika.¹⁹Niyo wanampina wakwe watowa chilometa milongo midi naa shano, niyo milongo mitatu wamuona Yesu ajenda mlanga mwe bahali kubwila idihondo niyo wogoha. ²⁰Yesu awagamba ni miye msekogoha. ²¹Naho nawemalanya kale kumwinula mwe dihondo nivyo idihondo dibula mwe isi hantu nandile wakaita.²²Zuwa ditongele fyo dya nandile wachimale kumpezo kwe bahali wasinya kugamba hakuna hondo tuhu mna diya ambadyo Yesu na wanampina wakwe nendile hawenati ukwela mna wanampina wakwe nendile waita wowo wenye. ²³Mna nandile kuna yamwenga ya mahondo yalaile Tibeliya, hajihi na hantu wadile imigate mwa Zumbe kulavya ntogozi²⁴Awo wantu weze wamanye kugamba siyo Yesu hegu wanampina wakwe wandile kudya wow wenye wakwela mndani mwe mahondo waita Kapelanaumu wakumlonda Yesu. ²⁵Eze wamuone hantu hatuhu mwe diziwa wamuza, Mhinyi kwiza ini kuno?²⁶Yesu awahitula awagamba, zumilani, zumilani mwanilonda miye siyo kwaviya muona vilagiso ni kwaviya mdya migate niyo mweguta. ²⁷Lekani kuidamanyiza ndima nkande yenye kubanika, mna mkaidamanyiza ndima nkande ikwikala mazuwa yose chiya ambacho Mwana ywa mntu nawenkeni kwaviya Chohile Tate kaika hula ulwivi wakwe.²⁸Niyo awagamba nimbwani chaungigwa kudamanya chani kuzidamnya ndima za Cohile? ²⁹Yesu awahitula ino niyo indima ya Chohle kugamba mumzumile yeye amsigile³⁰Niyo wamgamba ni vilagiso vyani ukunga udamanye kugamba, chadaha kuzisinya na kuzizumila no tende mbwani? ³¹Tati zetu wadyaga mana mwe dijangwa saviya vidolonywe kawenka migate kulawa kwembingu chani wadye.³²Niyo Yesu awahitula, zumilani, zumilani siyo Musa awenkileni migate kulawa kwembingu mna ni Tate miye nuyo akuwenkani migate ya chindedi kulawa kwembingu. ³³Kwaviya migate ya Chohile ni idya ikusela kulawa kwembingu na kuinka ujima isi. ³⁴Niyo wamgamba Zumbe chinke uwo umgate mazuwa yose.³⁵Yesu awagamba, miye nuyo mgate wa ujima yudya akwiza kwa miye halumwe ni sala na yudya akunizumila haone nchilu naho. ³⁶Uneva siwagambilani kugamba, mniwona bado hamkuzumila. ³⁷Wose wadya Tate akuninka naweze kwa miye na yoyose akwiza kwa miye sanimdule kweise chindedi.³⁸Kwaviya sisela kulwa kwembingu siyo kwawadamanya umbuya na miye chani umbuya wakwe anisigile. ³⁹Uno nuyo umbuya wakwe kugamba nisekmwaza hata yumwennga wa wadya aninkile mna niwauyuse zuwa dya udumo. ⁴⁰Kwaviya uno nuwo umbuya wa Tate miye kugamba yoyose akumsinya mwana na kumzumila enkigwe ujima wa kale na kale nami naimuyuse zuwa dya udumo.⁴¹Niyo Wayahudi wamng'ung'uzikila kwaviya yeye agambile miye ni mgate useile kulawa kwembingu. ⁴²Wagamba yuno suyo Yesu Mwana ywa Yusufu tati yakwe na mami yakwe chiwamanya, vitenda zeze haluse agamba sisela kulawa kwe mbingu?⁴³Yesu awahitula awagmba, msekung'ung'uzika mgati mwenyu wenye. ⁴⁴Hehena mntu akwiza kwa miye hanakwezigwe ni Tate miye anisigile miye nanimuyuse zuwa dya udumo. ⁴⁵Kwaviya idolonywa mwa waoni nawahinywe ni Chohile chila evile kehinya kulawa kwa Tate kiza kwa miye⁴⁶Siyo kugamba, kuna mntu amuwonile Tate, mna yudya akulawa kwa Chohile kamuwona Tate. ⁴⁷Zumilani, zumilaa, yudya akunizumila ananawo ujima wa kale na kale.⁴⁸Miye ni mgate wa ujima. ⁴⁹Wakale wetu nawadya mana mwedijangwa niyo wabanika. ⁵⁰Uno nuwo mgate kusela kulawa kwembingu kugamba mntu adye ichedu mwenye asekunanika. ⁵¹Miye ni mgate useile kulawa kwembingu uneva mntu yoyose anadya chipande cha mgate uwo nekale kale na kale, mgate hunga nilavye ni mwili wa miye kwachausa cha ujima we isi.⁵²Wayahudi wehiwa mwenye kwa wenye niyo wakonga kuhigaana waagamba mntu yuno adaha zeze kuchinka umwili wakwe chiudye? ⁵³Niyo Yesu awagamba, zumilan, zumilani hamnadile umwili wa Mwana ywa Adamu na kuinywa isakame yakwe hamtende na ujima mndani mwenyu⁵⁴Yoyose naudye umwili wa miye na kuinywa isakame ya miye, natende na ujima wa kale nakale miye nami naimuyuse zuwa dya udumo. ⁵⁵Kwaviya umwili wa miye ni nkande ya chindedi na sakame ya miye ni chikunywegwa cha chindedi. ⁵⁶Yudya akudya umwili wa miye, na kuinywa isakame ya miye ekala mndani mwa miye na miye mndani mwakwe.⁵⁷Seivy Tate ana ujima uyo anisigile, ivyo hwikala kwachausa Tate yeye naye ekala kwachausa cha miye. ⁵⁸Uno nuwo mgate ukusela kulawa kwembingu siyo enga viya tate wadile niyo wabanika, yudya akudya umgate uno nekale kale na kale. ⁵⁹Yesu kayalonga yano mndani mwe divikilo nandile akahinya aho Kapelanaumu.⁶⁰Niyo walozize wa wanampina wakwe eze weve yano wagamba dino ni hinyo dala ni yani akudaha kudihokela? ⁶¹Yesu kwaviya kamanya kugamba wanampina wakwe wakading'ung'uzikila diya awagamba, dino ni dala?⁶²Mna navitende nammuone Mwana ywa Adamu akasela kulawa aho nendaga. ⁶³Ni Muye nuyo akulavya ujima mo mwili haukubweda chintu chochose.⁶⁴Mna kuna wantu mgati mwenyu hawekuzumila kwaviya Yesu kamanya kukongela nkongo yudya yeye hekudaha kuzumila na yufya akunga amhituke. ⁶⁵Awagamba ni kwaviya dino nasiwagambila kugamba hahali mntu akudaha kwiza kwa miye mna kenkwa ni Tate.⁶⁶Akaheza yano wanampina wakwe walozize wauya kunyuma naho hawatendile hamwenga na yeye naho. ⁶⁷Yesu awagamba wadya mlongo umwenga na waidi togolani naywi mwaunga kuhalawa?. ⁶⁸Simoni Petulo amhitula chite kwa yuhi kwani weye una ulos wa ujima wa kale nakale, ⁶⁹naho chizumila na kumanya kugamba weye wi Mkuka wa Chohile.⁷⁰Yesu awagamba mna miye siwasaguleni, nyuwe na nyuwenga ywenyu ni mwavu? ⁷¹Haluse nakalonga mwa Yuda umwana ywa Simoni Isiliyote kwaviya nandile akatenda yumwenga mwa wadya mlongo na waidi yeye nuyo akuga amhituke Yesu.

¹Eze aheze yano, Yesu atamba aita Galilaya kwaviya haungile kwita Uyahudi kwaviya Wayahudi nandile wakaika njama za kumkoma. ²Haluse ngasu ya Wayahudi, ngasu ya makumbi nandile ihajihi.³Niyo walukolo wakwe wamgambila halawe ahantu hano wite Uyahudi chani kugamba wanampina wake iviya iviya wayasinya yano ukudamanya. ⁴Hekuna akudamanya dyodyosekwa chinyele uneva yudya mwenye amunga kumanyika kwaviya wadamanya mbuli zino kwelavize mwenye mwe isi.⁵Hata walukolo wakwe nawo hawakumzumila. ⁶Niyo awagambila nchintizo ya miye hainati kubula bado mna nchintizo yenyu iheza iligana. ⁷Isi haikudaha kuwehiwa nyuwe mna unanihiwa miye kwaviya naukula kugamba izimbuli zakwe ziha.⁸Kwelani mwite kwe ngasu miye sikwita kwengasu ino kwaviya chintizo dyangu hadinati kuchinta. ⁹Eze aheze kulonga ayo, kwawo niyo asigala Galilaya.¹⁰Walukolo wakwe nandile kwita kwengasu niyo naye aita siyo ko molumpe kwa chinyele. ¹¹Wayahudi nandile wakamlonda mwe ngasu niyo wagamba ekuhi?¹²Nandile kuna ntamulizi zilozize mgati mwe dibunga zikumlanga yey wamwenga wagamba, ni mtu ywedi, watuhu walonga awaza awantu mwedibunga. ¹³Mna hahana alongile mo lumpe mwa yeye kwa kuwogoha Wayahudi.¹⁴Mwe ingasu eze ibule mgati mgati Yesu kakwela kwita mwe vikilo na kukonga kuhinya. ¹⁵Wayahudi nandile wehelwa na kugamba, ni kwavivihi mntu yuno kamanya mbuli zilozize naye hasomile kabisa ¹⁶Yesu awahitula na kuwagamba, mahinyo ya miye siyo ya miye mna ni yakwe yudya anisigile.¹⁷Uneva ni yoyose yudya aunga kudamanya umbuya wakwe , yudya namanye mahinyo yano yakulawa kwa Chohile hegu nalonga kulawa kwa miye mwenye. ¹⁸Chila akusinwila yakulwawa kwakwe mwenye alonda ntunyo yakwe yudya anisigile mntu uyo ni wachindedi na mndani mwakwe hamna wihi wowse.¹⁹Musa hawenkile nyuwe mbuli mna hahana hata yumwenga mgati mwenyu akudamanya mbuli kwa mbwani mwaunga kunikoma. ²⁰Idibunga dyahitula una mpepo ni yani akunga akukoma?²¹Yesu awahitula na kuwagamba sidamanya ndima hamwenga na nyuwe nyose mwehezwa kwakwe. ²²Musa kawenkani jelwa ngasu siyo kugamba, vilawa kwa Musa mna idya ilawa kwa Tate na mwe zuwa dya kuhumula mwa mvikila mntu.²³Uneva mntu hahokele ngasu mwe zuwa dya kuhumula chani kugamba imbuli ya Musa isekuvunwa kwambwani mwanihewa miye kwaviya simtenda mntu atende mjima naho mwe zuwa dya kuhumula? ²⁴Msekukanta kuligana na viya ukuwona mna kantani kwa chindedi.²⁵Mgati mwawo kulawa Yelusalemu wagamba, siyo yudya wakumlonda wamkome. ²⁶Kaula alonga mo lumpe nawo hawakulonga dyodyose mwakwe. ²⁷Chimanya yudya mntu alawa kuhi Kulisito aho nezile mna hahana akunga amanye uko akulawa.²⁸Yesu nandeile kaguta mwe divikilo akahinya na kugamba, nyuwe nyose mnimanya miye naho mmanya uko nilaile, sizile kwa udahi wangu mna yudya anisigile ni wachindedi naho hammanyize yeye. ²⁹Simmanya yeye kwaviya silawa kwakwe naye kanisigila.³⁰Nandile wakajeza kungwila mna hahana hata yumwenga enule mkono wakwe kwakwe kwaviya isa yakwe nendile hainati kubula. ³¹Niyo awalozize mwe dibunga niyo wamzumila wagamba Kulisito aho nezile nadamanye vilagiso vitendese kujinka adamanye mntu yuno. ³²Mafalisayo waweva idibunga wakatakalisana mbuli zikumlanga Yesu, niyo walavyantambiko na Mafalisayo wasigila wankondo wawagwile.³³Niyo Yesu awagamba nina chipindi chidodo ni hamwenga na nyuwe akaheza naita kwakwe yudya anisigile. ³⁴Namnimlonde naho hamniwone kudya hwita hamdahe kwiza.³⁵Niyo Wayahudi walonga wowo mntu yuno naite kuhi kugamba chisekumuona? Naite kwa wadya wazagale mwa Wayunani na wakuhinya Wayunani. ³⁶Ni ulosi wani uno alongile namnilonde naho hamniwone kudya hwita hamdahe kwiza.³⁷Haluse zuwa dya uhelo, zuwa kulu dya ngasu Yesu kachimala kaguta agamba, uneva yoyose ana nchilu neze kwa miye anywe. ³⁸Yudya akunizumila miye saviya madolonyo ivyo yalongile kulawa mndani mwakwe nayajuluzike makolongo ya mazi ya ujima.³⁹Mna kayalonga yano kwa Muye Ukukile yudya ambaye namzumile nawamhokele Muye Akukile nandile hanati kulavigwa kwaviya Yesu nandile hanati kutunywa.⁴⁰Mgati mwe dibunga weze weve izimbuli izo wagamba chindedi yuno ni muoni. ⁴¹Watuhu wagamba yuno ni Kulisito, mna watuhu wagamba mbwani Kulisito adaha kulawa Galilaya. ⁴²Madolonyo hayalongile kugamba Kulisito nalaile mwe lukolo lwa Daudi na kulawa Beselehemu mzi ambawo Daudi nandile?⁴³Niyo ahadya henuka mpangano mgati mwe dibunga kwachausa chakwe. ⁴⁴Watuhu mgati mwamwo waunga wamgwile mna hahana asuluse mkono wakwe mwakwe.⁴⁵Niyo wadya wankondo wauya kwa wakulu wa walavyantambiko na Mafalisayo niyo wamgamba kwa mbwani hamumletile? ⁴⁶Wankondo wahitula, hahana mntu ajezaga kulonga saviya yuno.⁴⁷Mafalisayo wawauza nyuwe nanywi mzaganywa? ⁴⁸Kuna yoyose mgati mwe vilongozi wamzumile hegu yoyose mwa Mafalisayo? ⁴⁹aMna wa mwedibunga hawamanyize mbuli waligitwa.⁵⁰Nikodemu awagamba, yudya amwitilaga ye aho kale akatenda yumwenga wa Mafalisayo. ⁵¹Togolani mbuli yetu inamkantila mntu henati kutegelezwa na kumanya chiya akudamanya?

¹Yesu kaita ko lugulu we mizeituni. ²Kuchele na mtondo keza naho mwe divikilo niyo awantu wose wambasa niyo ekala na kuwahinya. ³Wadolinyi na Mafalisayo niyo wamleta mvyele agwiligwe mwe mbuli ya ugonyi wa mwinka hagati.⁴Niyo wamgamba, Yesu, mhinyi mvyele yuno kagwilwa mwe ugonyi mwe mbuli za chindedi. ⁵Haluse mwe mbuli ya Musa kachisigala kugamba kuwahuta mayuwe wantu sa wano wagaze mwako. ⁶Walongaa yano chani wamwetegeleze chani wadahe kumlongeleza mna Yesum kafunama hasi adolonya mo msanga kwa kadole kakwe.⁷Eze wahikilize kumuza niyo achimala niyo awagamba yudya hena masa mgati mwenyu atende wa nkongo kuhuta mayuwe. ⁸Niyo afunama naho hasi adolonya mo msanga na akadole kwakwe.⁹Eze weve ayo wahalawa yumwenga na mtuhu kukongela emdalahala abinda Yesu kasigwa ichedu mwenye hamwenga na yudya mvyele nandile emgati mwawo. ¹⁰Yesu kachimala na kugamba, yudya mvyele wakulongeleze weye wekuhi? hahana hata yumwenga akukantile. ¹¹Agamba hahana hata yumwenga Zumbe, Yesu amgamba hata miye sikukukantila hita mwenye sila yako mna kukongela haluse na kujendeleza usekudamanya masa naho.¹²Naho Yesu kasimwila na wantu akagamba, miye nuyo ulangazi we isi yudya akunitogola hajende mwe chiza mna natende mlangazi wa ujima. ¹³Mafalisayo wamgamba weukuila mwenye ukuzi wako siyo wa chindedi. ¹⁴Yesu awahitula awagamba, mna hegu neukuila mwenye ukuzi wa miye ni chindedi namanya hantu nilaile na kudya hwita, mna nyuwe hammanyize, aho hulawa hegu kudya hwita. ¹⁵Nyuwe mwakanta chimwili miye sikukantila yoyose. ¹⁶Miye hata ninakanta, ukanti wa miye ni wachindedi kwaviya si chedu mna nihamwenga na Tate anisigile.¹⁷U=Ivyo ni mwe sigilizi yenyu vidolonywa kugamba, ukuzi wa wantu waidi ni wachindedi. ¹⁸Miye nuyo hweukuila na Tate anisigile aniukuila.¹⁹Wamgamba Tati yako ekuhi, Yesu awahitula miye hamnimanyize hata Tatiyangu hamummanyize, mwammanyize, namnimanya miye, na Tate wantu naye. ²⁰Kalonga ulosi uno akatenda hajihi na hazina nandile akahinya mwe divikilo niyo hahana hata yumwenga amgwile kwaviya isaa yakwe nahainati kubula.²¹niyo awagamba, naho naita na nyuwe namnilonde naho nambanike mwe masa yenyu kudya hwita hamkudaha kwiza. ²²Wayahudi wamgamba, nekome mwenye yuno akugamba kudya hwita hamkudaha kwiza?²³Yesu awagamba mwalawa hasi miye nalawa kulanga nyuwe ni weisi ino, mna miye siyo we isi ino. ²⁴Mna nawagambilani kugamba, mnatende mwe masa yenyu vituhu, nizumilani kugamba MIYE NUYO nambanike mwe masa yenyu.²⁵Niyo wamgamba weye ni yuhi? Yesu awagamba yudya niwagambileni kukongela nkongo. ²⁶Nina mbuli zilozize za kusimwila na kukanta mwenyu, mwa yeye uyo anisigile ni wachindedi mbuli nivile kulawa kwakwe yano nayalonga mwe isi. ²⁷Hawamanyaga kugamba nandile akalonga nawo ya Tati yakwe.²⁸Yesu agamba aho mkunga mmwinuile kulanga Mwana ywa mntu naho nammanye kugamba miye nuyo, na kugamba sikudamanya dyodyose kwa ungi wa miye enga Tate ivyo anihinyize nalonga mbuli zino. ²⁹Yudya anisigile ehamwenga na miye naho hanilekile ichedu miye kwaviya mazuwa yano nadamanya ydya yakumwelela. ³⁰Umo Yesu akalonga izmbuli zino walozize wamzumila.³¹Yesu alonga na wadya wWayahudi wamzumile uneva mnekala mwe ulosi wa miye nivyo nautende wanampina wa miye chindedi. ³²Nyuwe nammanya ichindedi na ichindedi hachimwikeni mo ulekeilwa. ³³Wamhitula suwe chi lweleko lwa Ibulahimu naho hachinati kutenda watalizwa mwa yoyose, wagaze nachi mo ulekeilwa?³⁴Yesu awahitula,zumilani, zumilani, nawagambila chila akudamanya masa ni mtalizwa ywa masa. ³⁵Mtalizwa hakwikala kukaya mazuwa yose mwana ekala mazuwa yose. ³⁶Mna kwaviya Mwana awaika mwe ulekeilwa na mtende mlekelwa chindedi mno.³⁷Nsamanya kugamba nyuwe ni welekwa wa Ibulahimu mwalonda kunikoma kwaviya ulosi wa miye hamuuzumile mndani mwenyu. ³⁸Nalonga mbuli ambazo siziwona hamwenga na Tate miye na nyuwe iviya, iviya, mwadamanya mbuli ambazo mziva kulawakwa tati yenyu.³⁹Wamhitula na kumgamba, tati yetu ni Ibulahimu, Yesu awagamba, mwandile ni wana wa Ibulahimu namdamanye ndima za Ibulahimu. ⁴⁰Mna haluse mwaunga mnikome mntu awagmbile ichindedi kugamba siva kulawa kwa Chohile Ibulahimu hadamanye vino. ⁴¹Mwadamanya ndima za tati yenyu wamgamba hachelekwe kwa ugonyi china tati yetu yumwenga Chohile.⁴²Yesu awagamba, uneva Chohile ni Tati yenyu na mununga miye kwaviya silawa kwa Chohile naho sizile kwa udahi wa miye kwa yudya anisigile. ⁴³Kwambwani hamkumanya ulosi wa miye? Kwaviya hamkudaha kujijimiza kwiva ulosi wa miye. ⁴⁴Nyuwe ni watati yenyu mwavu naho mwunga kudamanya zihiye za tati yenyu nandile ni mkomi kukongela nkongo naho hakudaha kuchimala mwe chindedi kwaviya chindedi hachimuli mndani mwakwe.⁴⁵Mna haluse kwaviya nalonga idya ye chindedi hamkunizumila. ⁴⁶Ni yuhi mgati mwenyu akuniukuila kugamba ni mmasa? Uneva nalonga ye chindedi kwambwani hamkunizumila. ⁴⁷Yudya ywa Chohile eva mbuli ya Chohile, nyuwe hamkwiva kwaviya nyuwe siyo wa Chohile.⁴⁸Wayahudi wamhitula, na kumgamba, hachilongile chindedi kugamba weye wi Msamaliya naho una mwavu. ⁴⁹Yesu amhitula sina mpepo mna namtunya Tate wa miye nyuwe hamkunitunya.

¹Chipindi Yesu akajinka niyo amuwona mntu tuntu kukongela kwelekwa. ²Wanampina wakwe niyo wamgamba mhinyi ni yuhi adamanye masa, mntu yuno hegu welesi wakwe hata elekwe ntutu?³Yesu amhitula, siyo yuno mntu hegu welesi wakwe wadaanye masa, mna ndima za Chohile zipate kugubulwa kujinka yeye. ⁴Cahaungugwa kusankanila ndima zakwe yeye anisigile chipindi bado ni msi, chilo cheza chipindi icho hakuna nadahe kudamanya ndima. ⁵Chipindi nihano mo ulangazi miye ni mng'azi wa ulangazi.⁶Yesu eze atamwile ivyo niyo atwa mo msanga mate, niyo amhaka yudya mntu mwa meso idya intope. ⁷Amgamba hita ukahake mwedisima dya Siloamu yani kwa asuntigwe uyo mntu niyo aita akauya aona.⁸Wakwikala hajihi na yudya mntu na wadya wamuone nkongo saviya mlombezi wagamba, vino uyno mntu siyo yudya andile akekala akalombeza? awamwe wagamba ni yeye. ⁹Awamwenga wagamba nuyo, mna awamwenga wagamba suyo uyo mna wafanana naye.¹⁰Wagamba haluse ameso yako yagubulwa zeze? ¹¹Mntu akwitangwa Yesu kadamanya tope niyo anihaka mwa meso yangu anigamba, hita Siloamu ukanawe niyo naita nakunawa niyo napata kuona vituhu. ¹²Wagamba ekuhi? Awahitula simanyize.¹³Niyo wamwigala yudya mntu andaga tuntu kwa Mafalisayo. ¹⁴Naho dyendaga zuwa dya kuhumula chipindi Yesu akadamanya intope akayagubula ameso yakwe. ¹⁵Niyo naho Mafalisayo wamuza kupata zeze kuwona, awagamba kaika tope mwa meso yangu, niyo nahaka, haluse nadaha kuwona.¹⁶Mafalisayo wesimile wagamba, mntu yuno halaile kwa Chohile, kwaviya hakutoza zuwa dya kuhumula wamwenga wagamba vyadahika vivihi vino? ivyo niyo kwatenda na mhigano mgati mwawo. ¹⁷Naho wamuzize vituhu yudya tuntu wagaze kulanga yeye mwenye kwaviya kugubulwa ameso yako, tuntu agamba ni muoni. ¹⁸Hata chipindi chino Wayahudi hawakumzumila kugamba endaga tuntu naye kapata kuwona kubula eze wawetange awelesi wakwe uyo apatile kuwona.¹⁹Wawauza awelesi vino vino yuno ni mwana ywenyu mkagamba kelekwa tuntu? Vitenda zeze haluse awona? ²⁰Nivyo welesi wakwe wahitula chimanya kugamba, yuno ni mwenetu na kugamba kelekwa tuntu. ²¹Vivihi vino haluse awona hachimanyize uyo naye amgubule ameso yakwe, hachimmanyize muzeni mwenye, yeye ni mntu mjima adaha kwelongela mwenye.²²Welesi wakwe nawalonga ivyo kwaviya wawogoha Wayahudi, kwaviya Wayahudi nawagamba vino, uneva yoyose nazumile kugamba Yesu ni Kulisito nasentwe mwe inyumba ye divikilo. ²³Kwachausa icho, welesi wakwe niyo walonga kugamba, uyo ni mntu mjima muzeni yeye.²⁴Ivyo nkana ya kaidi wamwitanga yudya mntu endaga tuntu wamgamba, mtunye Chohile, chimanya kugamba mntu yuno ni mta masa. ²⁵Niyo yudya mntu ahitula atende ni mkola masa miye simanyize, chintu chimwenga nimanye nendaga tuntu haluse nawona.²⁶Niyo wamgamba, kautendela mbwani? ugubulwe ameso yako? ²⁷Ahitula siheza kuwagambilani kale, nanywi hamkwiva, kwambani monga kwiva naho? nanywi hamkunga kutenda wanampina wakwe nanywi siyo ivyo. ²⁸Niyo wamhuluta wagamba, weye wi mwanampina wakwe, mna sauwe chi wanampina wa Musa. ²⁹Chimanya kugamba, Chphile kalonga na Musa mna uyo mntu hachikumanya uko alaile.³⁰Yudya mntu awahitula awagamba, kwambwani mwehelwa? Kugamba hammanyize uko akulawa naye bado kagubula ameso ayangu. ³¹Chimanya kugamba Chohile hakuweva wata masa, mna uneva mntu yoyose akumvikila Chohile, na kudamanya ivyo akunga Chohile amwiva.³²Kongla kumbwa kwe isi henati kulaila hata kwiva kugamba, yoyose kafumbulwa meso ya mntu elekwe tuntu. ³³Uneva yuno mntu halaile kwa Chohile, nandile hakudaha kudamanya chochose. ³⁴Wahitula wamgamba, na kwelekwa kwa amasa vitendese, weye nawe wachihinya suwe? Naho wambaleze kulawa mwe nyumba ye divikilo.³⁵Yesu eva kugamba wamusa mwe inyumba ye divikilo niyo ampata niyo amgamba, wamzumila mwana ywa mntu? ³⁶Ahitula agamba ni yuhi Zumbe chani miye nami nipate kumzumila? ³⁷Yesu amgamba, kumona kale, uyo uyo ukulonga naye ni yeye. ³⁸Yudya mntu agamba, Zumbe nazumila niyo amvikila Yesu.³⁹Yesu amgamba kwakukanta miye siza mo ulangazi uno chani kugamba wadya amatuntu wadahe kuwona wadya nawo wakuwona watende matuntu. ⁴⁰Mafalisiyo wesimile ne wehamwenga naye niyo weva izimbuli izo, wamuza, suwe naswi chima tuntu? ⁴¹Uneva mwendaga matuntu, hawatendile na masa, hata vino haluse mwagamba, chawona masa yenyu yekala.

¹Chindedi ndedi nawagambilani yudya hekwingila akajinkila kalwivi mwe mwedivikilo dye zingoto mna apalagata agwila kutuhu mntu uyo ni mbavi naho ni mpolaganyi. ²Mna mntu akkwingila ko lwivi ni mdimi ywa ngoto.³Kwa uyo umwamizi wo mlango amvugwila magoto yamanya izwi dyakwe, naho azitanga izingoto kwa mazina yawo niyo ayalavya kweise. ⁴Aho akazilavya kuse izi izakwe, azilongwela izingoto nazo zamtogela, kwaviya wamanya izwi dyakwe.⁵Hazikutongela mjeni, mna zamsindika, kwaviya hawammanyize izwi dya wajeni. ⁶Yesu alonga chilagiso chino mna nandile hawabunkule mbuli izo nakawalonga.⁷Yesu alonga naye vituhu, chindedi, chindedi namgambilani miye ni lwivi lwa magoto. ⁸Wose wanilongoile ni wabavi na wapolaganyi mna ngoto haziwevile⁹Miye ni lwivi, miye ni lwivi yoyose akujinkila nambulwe, nengile kunyumba na kufosa naye apate nkande. ¹⁰Mbavi hakwiza, mna abasa kubawa, kukoma na kubalanga, siza chani wapate ujima naho watende nawo umemile.¹¹Miye ni mdimi ywedi, mdimi ywedi enkiza ujima wakwe kwachausa cha magoto. ¹²Mdimi akutakulihwa, uyo siyo mdimi, uyo ngoto siyo zakwe, aona mauzi yeza azasa asumka izingoto akaheza azasa. ¹³Mauzi yeza yazigwila na kuzimwaganisa aguluka kwaviya ni mdimi ywa kutakulihwa, hakuyasinya amagoto.¹⁴Miye ni mdimi ywedi wangu siwamanya, wangu nawo wanimanya. ¹⁵Tate kanimanya miye nami simmanya Tate miye nami nalavya ujima wangu kwachausa cha magoto. ¹⁶Magoto matuhu mna siyo ye didewa dino, awonawo vyaunga ni walete, nawo naweve izwi dyangu chani kugamba, watende fyo dimwenga na mdimi yumwenga.¹⁷Vino nivyo vikulekaTate anunga niwenkize ujima wangu akaheza niuguhe naho. ¹⁸Hakuna akuguha kulawa kwangu mna naulavya miye mwenye, nina udahi wa kulavya na kuguha naho, sihokele lagizo dino kulawa kwa Chohile¹⁹Msigano niyo walaila vituhu mgati mwa Wayahudi kwaviya alongile. ²⁰Walozize mwa wowo wagamba, anampepo naho ni mchilalu kwambwani mwamwetegeleza? ²¹Awatuhu wagamba, ino siyo milosi ya mta mpepo, mpepo yadaha kufungula meso ya mntu?²²Niyo yeza ngasu ya kukumbukwa kusuntwa Yelusalemu. ²³Chendaga chipindi cha mpeho, Yesu naye endaga akajenda mwe nyumba nkulu ya Chohile mwe ibalaza ya Sulemani. ²⁴Niyo Wayahudi wamzunguluka wakagamba nochase na nkama kubula ini? Hegu weye wi Kulisito chigambile pwilili.²⁵Yesu ahitula simgambilani kale, mna hamzumile, ndima hudamanya kwa zina dya Tate nizo humukwila miye. ²⁶Hata ivyo hamkuzumila kwaviya hamwimagoto yangu.²⁷Ngoto zangu zeva izwi dyangu, siwamanya wowow nawo wanitongela miye. ²⁸Siwenka ujima wa kale na kale, hawabanike hata kujeza, naho hakuna hata yumwenga akunga awaguhe kulawamo mkono wangu.²⁹Tate aninkile awo ni mkulu kujinka watuhu wose , naho hakuna hata yumwenga, akudaha kuwaguha, kulawa mwe minkono ya Tate. ³⁰Miye na Tate chiyumwenga. ³¹Niyo wenula mayuwe chani wamhonde vituhu.³²Yesu ahitula siwalagisa ndima zilozize ntana zikulawa kwa Tate, ni ndima ihi mgati mwe izo monga mnihonde na mayuwe? ³³Wayahudi wahitula hachikukhonda mayuwe kwa ndima yoyose ntana, mna kwakusimanga, kwaviya weye wi mntu, wetenda wi Chohile.³⁴Yesu ahitula haidolonywe mweinkato yenyu nagambaga nyuwe mwi vyohile. ³⁵Yesu ahitula unevya kawetangani vyohile, kwa wadya wevile ulosi wa Chohile nawo wadolonye hayakudaha kuvunwa. ³⁶Mwalonga mwa yudya ambaye Tate amlavize niyo amlagiza isi waisimanga, kwaviya sigamba miye ni mwana ywa Chohile?³⁷Uneva sikudamanya ndima za Tati yangu msekunizumila. ³⁸Hata ivyo uneva nazidamanya, hate hegu hamkunizumila, zumilani izindima chani kugamba mdahe kumanya Tate emndani mwangu miye nami ni mndani mwa Tate. ³⁹Niyo wajeza naho kumgwila Yesu, mna niyo acholopoka mwe mikono yawo.⁴⁰Yesu niyo aita vituhu ntendele za kaidi zo mto Yolodani, hadya ahantu Yohana endaga akabatiza wantu niyo ekala uko. ⁴¹Wantu walozize niyo wambasa Yesu, wajendeleza kumgamba Yohana chindedi hadamanye vilagiso vyovyose, mna milosi yose alongile yakumlanga yuno ni ya chindedi. ⁴²Wantu walozize niyo wamzumila aho.

¹Ivyo mntu yumwenga zina dyakwe Lzalo, nakalumwa, kalwa Besaniya kaya ya Maliyamu na Matha. ²Endaga Maliyamu uydya amhakile Zumbe, niyo amhaka malihamu iyo avuta iviga vyakwe ne zifili zakwe, uyo nendile mlukolo ywakwe ni Laza;o na akalumwa.³Nao wadadize wano niyo watuma mntu kwa Yesu, wamgamba, Zumbe kaula yudya ukungisa alumwa. ⁴Yesu eze eve agamba, unyonje uwo siyo wakubanika mna chinyume chakwe ni wakumtunya Chohile chani kugamba mwana ywa Chohile apate kutunywa mo unyonje uwo.⁵Yesu nakamunga Matha dadiye dya Lazalo. ⁶Eze eve kugamba Lazalo alumwa, Yesu niyo ekala mazuwa maidi aho endaga. ⁷Nivyo badaye awagamba wanampina wakwe chiteni Uyahudi naho.⁸Wanampina wamgamba, Mhinyi Wayahudi nawakakulonda na mayuwe weye nawe wonga uye uko naho? ⁹Yesu awahitula, saa za nomsi si mlongo umwenga na mbili? mntu akajenda nomsi hakukowadika, kwaviya awona kwa ulangazi wa nomsi.¹⁰Hata ivyo uneva najenda nechilo nakowadike kwaviya ulangazi haumuli mndaani mwakwe. ¹¹Yesu eze alonge ivyo, niyo badaye awagamba mbuyetu Lazalo kagona mna naita hamwinule mwe zintongo zakwe.¹²Niyo wanampina wamgamba, Zumbe uneva kagona nenuke. ¹³Chipindi icho Yesu nakalonga ifile ya Lazalo, mna wowo nawakafanya alonga kagona ntongo. ¹⁴Naho Yesu halongile nawo pwilili, Lazalo kabanika.¹⁵Selelwa kwachausa cha nyuwe, kugamba nandile sikuli kudya, chani kugamba, mpate kuzumila, chiteni kwakwe. ¹⁶Niyo Tomaso akwitangwa pacha awagamba wanampina weyawe suwe nawi chiteni chikabanike hamwenga na Yesu.¹⁷Chipindi Yesu akaita kabwila Lzalo kamalavywa kale emwe mbila mazuwa mane. ¹⁸Nayo Besaniya ihajihi na Yelusalemu uhale, ukubula maili ntatu vino. ¹⁹Walozize mwa Wayahudi naweza kwa Matha, Maliyamu wawahongeze kwachausa cha mlukolo ywawo. ²⁰Niyo Matha eze eve Yesu eza, niyo aita kudugana naye, mna Maliyamu niyo ajendeleza kwikala kunyumba.²¹Niyo Mtha amgamba Yesu, Zumbe hegu na wihayo mkulu nandile habanike. ²²Hata vino haluse, simanya icho nomlombeze Chohile akwinka. ²³Yesu amgamba muluwo nauyke vituhu.²⁴Matha amgamba simanya kugamba nauyuke mo uyuso wa zuwa dya uhelo. ²⁵Yesu amgamba miye ni miye uyuso na ujima, yoyose akunizumila miye hata akabanika, ivyo natende emeso. ²⁶Naho yoyose akwikala mna anizumile miye habanike , wazumila ivyo?²⁷Agamba heye miye nazumila kugamba, weye wi Kulisito, Mwana ywa Chohile, uyo akwiza mwe isi. ²⁸Eze alonge ivyo, niyo akwimwitanga mkuluwe kwa chinyele, amgamba Mhinyi ehano akwitanga. ²⁹Maliyamu eze eve ivyo, niyo enuka chinguvunguvu aita kwa Yesu.³⁰Yesu naye nendile hanti kubula mwe ikaya, mna endaga bado eyaho adugane na Matha. ³¹Naho Wayahudi wendaga na Maliyamu mwe nyumba na wadya nandile wakamhongeza, eze wamuone akenuka chinguvunguvu afosa kuse niyo wamtongela nawakamanya aita kwe mbila akaile uko. ³²Naho Maliyamu eze abule hadya Yesu endaga niyo amuwona, niyo agwa mwe viga vyakwe niyo amgamba, Zumbe hegu nendile wihano mlukolo ywangu nendile habanike.³³Yesu eze amuone aila, Wayahudi nawo nawezanya nawo nawakaila, nendile akalombeza mndani mo Muye na kutumbwazika. ³⁴Niyo agamba mmwika kuhi? Wagamba Zumbe soo umuone. ³⁵Yesu niyo aila.³⁶Niyo Wayahudi wamgamba kaula ivyo nakamungisa Lazalo. ³⁷Mna awamwenga mgati mwawo wagamba, siyo yuno auyuse meso ya yudya endaga tuntu, kadunduga kutenda yano asekubanika?³⁸Niyo Yesu kuno akalombeza yeye mwenye niyo aita kwembila, haluse hendaga bome, nandile hana yuwe mwe nchili. ³⁹Yesu niyo awagamba usani idiyuwe, Matha lumbudye dya Lazalo yudya abanike, niyo amgamba Yesu, Zumbe vino haluse umwili nautende uola, kwaviya katenda chimba kwa mazuwa matatu. ⁴⁰Yesu amgamba miye sikugambila kugamba hegu unazumila nauwone ukulu wa Chohile?⁴¹Niyo wadyusa idiyuwe, Yesu niyo enula ameso yakwe kulanga, niyo agamba, Tate nakutogola kwaviya waniva. ⁴²Nasimanya kugamba waniva mazuwa yose mna ni kwachausa cha wantu wano wadugane hano kwakunizunguluka, kugamba silonga ivyo, chani kugamba wapate kuzumila kugamba weye kunituma.⁴³Eze alonge ivyo, niyo aguta Lazalo fosa kuse. kuzilitwa chitambala, Yesu awagamba mfunguleni aite. ⁴⁴Mtokubanika niyo afosa kuse kazingitwa na sanda za kuhambila, kuno ko uso wakwe⁴⁵Naho Wayahudi walozize wezile kwa Mliyamu eze waone, Yesu icho adamanye, wamzumila. ⁴⁶Mna wesimile niyo waita kwa Mafalisayo niyo wawagambila izimbuli adamanye Yesu.⁴⁷Naho wakulu wa walavyantambiko na Mafalisayo niyo wadugana hamwenga mwe chitala wagamba, chatenda zeze? Mntu yuno atenda vilagiso vilozize. ⁴⁸Chimlekeni vino echedu wose na wamzumila, Walumi naweze niyo waguha vyose hano hetu ne isi yetu.⁴⁹Hata ivyo, yumwenga mgati mwawo Kayafa endaga mlavyantambiko mkulu umhilimo uwo, awagambaga hammanyize chochose kabisa. ⁵⁰Hamkufanya kugamba, vyawagila mntu yumwenga abanike kwachausa cha wantu kuliko si yose kubanika.⁵¹Ivyo ahvilongile kwachausa chakwe mwenye, mna kwaviya endaga mlavyantambiko mkulu mo mhilimo uwo, nakabunkula kugamba, Yesu nabanike kwachausa che isi. ⁵²Nho siyo kwachausa che isi iyodu mna Yesu wapate kuwachisanya wana wa Chohile awo wazagale kuno na kuno. ⁵³Ivyo kukongela idizuwa idyo, na kujendeleza niyo wapanga ivyo wakunga wamkome Yesu.⁵⁴Yesu ajendeleza naho mo lumpe mgati mwa Wayahudi, mna niyo ahalawa aho niyo aita mwe isi ihajihi nedijangwa mwe mzi ukwitangwa Efulaimu aho nakekala na wanampina. ⁵⁵Ivyo Pasaka ya Wayahudi naihajihi, naho walozize nawakakwela kwita Yeluaslemu kuse mo mzi wakelenguse kwaviya Pasaka hainati kubula.⁵⁶Nandile wakamlonda Yesu, niyo wazunguluka zunguluka chila yumwenga chipindi wachimale mwe nyumba ya vikilo mwafanyanya mbwani? Kugamba haeze mwe ingasu? ⁵⁷Chipindi icho wakulu wawalvyantambiko na Mfalisayo nawalavya lagizo kugamba, uneva yumwenga anamanya Yseu uko eli, aungwa alonge chani wadahe kumgwila.

¹Mazuwa matatu umo Ipasaka hainati, Yesu aitaga Besaniya, aho endaga Lazalo yudya amuyusaga kulawa kwa wabanike. ²Umo nawamwikiya nkande ya chisingi, Matha endile akamsankanila chipindi icho Lazalo endaga hamwenga na wadya wekale henkande na Yesu. ³Niyo Maliyamu aguha nusu lita ya mavuta yadamanywe na vintu vya yombe kulu niyo amkuluguta Yesu mwe viga niyo amhangusa ne zifili zakwe, nyumba yose niyo yampwepweleka mhempe mtana.⁴Yuda Isikaliyote yumwenga ywa wanampina wakwe uyo akunga amhituke Yesu akagamba, ⁵kwambwani amavuta ayo ya yombe kulu yasekutagwa niyo wenkwa wachiwa amatundu ayo? ⁶Naye kalonga ivyo kwaviya siyo kwakuwafila mbazi mna kwachausa ni mbavi, yeye naye endaga akatoza umkwiji naye nakaguha vintu vimwenga andaga umo kwachausa cha yeye mwenye.⁷Yesu agamba, mleke aike kwachausa cha mazisi yangu. ⁸Wachiwa mnanawo mazuwa yose, mna hamtende na miye mazuwa yose Wayahudi.⁹Niyo fyo kulu dya Wayahudi niyo wamanya kugamba eyuko, nawo niyo weza siwo kwachausa cha kumuona Ysu mna wamuone Nazalo uyo Yesu amuyuse kulawa kwa wabanike. ¹⁰Wakulu wa walavyantambiko niyo watenda mizungu yakumkoma Nazalo naye. ¹¹Kwachausa cha yeye, walozize Wayahudi waita kumzumila Yesu.¹²Zuwa dya kaidi fyo kulu nadiza kwe zuwa kulu eze weve Yesu aita Yelusalemu. ¹³Niyo waguha mahuto ya mitende, niyo walawa kuse wamsingila kuno watula ulwasu wagamba, kajimbikwa uyo akwiza kwazina dya Zumbe yeye ni Mseuta ywa Izulaeli.¹⁴Yesu niyo apanda mwana mpunda niyo ampanda saviya idolonywe. ¹⁵Usekogoha chigoli Sayuni, kaula Mseuta ywako eza, kapanda mwana mpunda.¹⁶Wanampina wakwe hawabunkule imbuli iyo, aho nkongo, mna Yesu eze atunywe naho waku wakumbuke kugamba, mbuli ziya zidolonywezwa yeye na kugamba viya wamtendile. ¹⁷Niyo diya ifyo dya wantu endaga ananawo Yesu chipindi akamwitanga Lazalo kulaila kwembila niyo uukwila watuhu. ¹⁸Niyo vyatenda kwachausa icho fyo dya wantu niyo wakumsingila kwaviya weva kugamba, katenda ichilagiso icho, ¹⁹Mafalisayo niyo walonga wenye kwa wenye, kaula halusa hamkudaha kudamanya chochose kaula haluse isi yose iita kwakwe.²⁰Haluse Wayahudi awamwenga andaga wehamwenga na wadya nawakaita kuvika kwe ingasu. ²¹Wano niyo wambasa Filipo, uyo alaile Besisaida ya Galilaya, niyo wamlombeza wagamba Zumbe chaunga kumuona Yesu. ²²Filipo niyo aita akumgambila Anduleya, Anduleya na Filipo niyo waita wakumgambila Yesu.²³Yesu awahitula agamba, saa ibula kwachausa cha mwana ywa Adamu kutunywa. ²⁴Chindedi namgambileni, mbeyu ya ngano hainakwele mwe isi niyo yafa, yekala ivyo yeli yoyo yenye mna inafa, yeleka matunda yalozize.²⁵Yeye akunga ujima wakwe nawaze, na yeye akuwihiwa ujima wakwe mwe isi ino nauhonye kubula ujima wa kale na kale. ²⁶Mntu yoyose akunisankanila miye, nanitongele miye aho nili naho mndima ywangu akunga atende eyaho.²⁷Haluse umuye wangu watumbwazika miye nami nigambe mbwani? Tate unihonye mwe isa ino? mna kwachausa cino sibula mwe isi ino. ²⁸Tate aditunye izina dyako, niyo izwi dyeza dikalaila ko ulanga dyagamba, siditunya naho najendeleza kuditunya. ²⁹Niyo idibunga dichimale hajihi naye niyo dyeva dyagamba, kugamba, ni mlulumo wamwenga wakagmba ni mndima ywa keimbingu alonga naye.³⁰Ahitula agamba, izwi dino hadizile kwachausa cha miye mna kwachausa cha nyuwe. ³¹Haluse inkanto ye isi ino iyaho, haluse mlulu we isino nadulwe kuse.³²Miye nami naninulwe kulanga mwe isi naniwavute wose kwangu. ³³Kalonga ivyo akalagisa ni file yani akunga afe.³⁴Bunga dyahitula dyagamba, suwe chiva mwe nkato kugamba, Kulisito ekala kale na kale, weye walonga vivihi Mwana ywa Adamu naenulwe ko ulanga, yuno Mwana ywa mntu ni yuhi? ³⁵Yesu niyo awagamba ulangazi wihamwenga na nyuwe chipindi chijihi, hitani mchemnanawo ulangazi chani kugamba chiza chinase kuwadahani, uyo akujenda mwe chiza hakumanya uko akwita. ³⁶Mchemnanawo ulangazi, uzumileni uwo ulangazi chani mpate kutenda wana wa ulangazi, Yesu kalonga ivyo niyo aita zakwe akwefisa wasekumuona.³⁷Hta kugamba, Yesu katenda mpituko zilozize saivyo kilongozi kwawo, bado hawamzumile. ³⁸Chani uchinte ulosi wa waoni Isaya amgambile, Zumbe ni yani azumile mbuli zetu? naho mkono wa Zumbe ugubuilwa wahi?³⁹Nicho ichausa wowo hawazumile, kwaviya Isaya alongaga nawo. ⁴⁰Kawatenda matuntu, naho kaitenda ilonge imyuye yawe, wanase kuwaona kwa meso yawe niyo wamanya kwa muye yawe, niyo wambulwa niyo nawahonya.⁴¹Isaya nakalonga milosi ino kwaviya nakauwona ukulu wa Yesu niyo alonga izimbuli zakwe. ⁴²Mna hata wakulu walozize nawamzumila Yesu mna kwachausa cha Mafalisayo, hawakulonga wanase kusentwa mwe nyumba yo kuvikila. ⁴³Waunga tunyo za wantu kujinka ntunyo zikulawa kwa Chohile.⁴⁴Yesu niyo aguta agamba, uyo akunizumila miye, hakunizumila miye uyodu, mna na uyo anisigile miye, ⁴⁵uyo akuniwona miye amuwona uyo anitumile⁴⁶Miye siza saviya ung'azi we isi chani chila akunizumila miye asekwikala mwe chiza. ⁴⁷Uneva mntu yoyose akwiva izihulonga, mna asekuzitoza, miye sanimkantile, kwaviya sizile nikantila isi mna niyambule isi.⁴⁸Uyo akunilemela miye, na uyo hekuzumila ulosi wangu ananaye akumkantila, ulosi uwo nilongile nuwo ukunikantila zuwa dya udumo. ⁴⁹Kwaviya miye silonga kwa udahi wamiye mwenye mna Tate nuyo anisigile nilongembwani naho nilonge vivihi. ⁵⁰Miye nami simanya kugamba, sigilizi yakwe ni ya ujima wa ulo na ulo, ivyo ayo hulonga miye saviya Tate anigambile , ivyo hulonga kwa wowo.

¹Haluse zuwa kulu dya Pasaka hadinati, Kwaviya Yesu kamanya kugamba, saa yakwe ibula akunga ahalaile mwe isi ino, kwita kwe isi ya Tati yakwe akatenda awaunga wantu wakwe awo we mweisi nakawaungisa. ²Umwanawe nakaukwa kale mo umuye wa Yuda Isikaliyote, mwana ywa Simoni akumhituka Yesu.³Yesu akabunkula kugamba, ise kaika vintu vyose mwe mikono yakwe na kugamba kalawa kwa Chohile naho nendile wakaita uko vituhu. ⁴Nakenuka he nkande niyo atandika suche yakwe hasi, suche yekwe niyo enula taulo efunga yeye mwenye. ⁵Niyo ajela mazi mwe bakuli niyo akonga kuwasunta iviga wanmpina wakwe niyo awafuta ne ditaulo idyo efungile yeye mwenye.⁶Niyo eza kwa Simoni Petulo, Petulo amgamba, Zumbe wonga unisunte miye iviga vyangu? ⁷Yesu amhitula amgamba idyo hudamanya hukudimanya vino haluse, mna nodimanye misi ikwiza. ⁸Petulo amgamba honisunte iviga vyangung'o, Yesu amhitula uneva sinakusuntile iviga vyako, hautende na hantu hamwenga na miye. ⁹Simoni Petulo amgamba, umbe usekunisunta iviga vyangu ivyodu, mna ne mikono no mtwi wangu¹⁰Yesu amhitula amgamba yoyose ahakile kale hakutasa kuhakwa, mna iviga vyakwe, naho katenda kalenguka umwili wose nyuwe mtenda mlenguka mna siyo nyoseni. ¹¹Kwaviya Yesu kamanya akunga amhituke vino nivyo vilekile akagamba siyo nyoseni mlenguke.¹²Chipindi Yesu eze awahake iviga vyawo naho eze aguhe isuche yakwe niyo ekala naho, awagamba vino, mwamanya idyo niwadamanyizeni? ¹³Mwanitanga miye mhinyi, na Zumbe vino mwalonga chindedi, kwaviya nivyo nili. ¹⁴Uneva miye Zumbe na mhinyi, siwahakani iviga vyenyu, nuywe nanywi mwaungwa muwahake wenyu iviga. ¹⁵Kwaviya simwinkani chilagiso chani kugamba nuywe nanywi mtende enga ivyo niwatendeleni.¹⁶Chindedi, chindedi nawagabilani, msigilwa siyo mkulu kujinka Zumbe dyakwe, naho msigilwa siyo mkulu kujinka yudya asigilwe. ¹⁷Uneva kumanya imbuli iyo, kujimbikwa uneva watenda. ¹⁸Sikulonga kumanya vyoseni, kwaviya siwamanya wadya nisagule mna nalonga ayo chani kugamba, madolonyo yadahe kuchintizwa, yeye akudya mgate wangu kaninuila chisigino chakwe.¹⁹Nawagambilani dino haluse, hevinati kulaila chani kugamba, mdahe kuzumila kugamba miye Nuyo. ²⁰Chindedi, chindedi nawagambilani akunihokela miye amhokela uyo anisigile yudya naye akunihokela miye amhokela yudya anitumile miye.²¹Chipindi Yesu akalonga ayo niyo engila tumbwaziko mo muye, aukula kugamba, chindedi, chindedi uyumwenga wenyu nanihituke. ²²Wanampina wakwe niyo wasinyana, wehelwa ni kwachausa cha yuhi akulonga vino.²³Nandile nakuna yumwenga mwe meza, yumwenga mwa wanampina wakwe kegemela mwechifuwa cha Yesu yudya endaga Yesu nakamungisa. ²⁴Simoni Petulo amuza wanampina uyo, chigambile alonga yuhi? ²⁵Mwanampina yudya egemele mwe chifuwa cha Yesu niyo amgambila Zumbe ni yuhi?²⁶Yesu niyo amhitula ni yudya hunga nitwezeze chihande cha mgate na kumwinka., ivvyo eze atweze umgate niyo amwinka Yuda mwana ywa Simoni Isikaliyote. ²⁷Naho bado yo mgate mwavu niyo amwingila niyo Yesu amgamba, chiya ukunga utende chitende mahuya.²⁸Haluse hahendaga na mntu mwe meza amanyize ichausa cha Yesu kulonga mbuli ino kwa yeye. ²⁹Wesimile nawakagamba, nikwachausa cha Yuda nendile kaguha umkwiji we impamba, Yesu nakamgamba, gula vintu kwa chausa che idizuwa kulu, hegu naho kugamba gula vintu kwachausa che idizuwa kulu. ³⁰Yudya eze ahokele umgate, niyo afosa kuse chinguvunguvu naho na ninechilo.³¹Chipindi Yuda eze ahalawe Yesu agamba, haluse Mwana ywa Adamu katunywa, naho Chohile naye kamtunywa mwa yeye. ³²Chohile namtunywe mwa yeye mwenye, naho namtunye chinguvunguvu. ³³Mwana mdodo ni hamwenga na nyuwe chipindi chijihi namnilonde enga viya niwagambileWayahudi uko hwita nyuwe hamkudaha kwiza, haluse namgambilani nyuwe nanywi.³⁴Namwinkani lagizo hya, kugamba mungane, saviya huwaungani nyuwe, ivyo nuywe nanywi vyamungani mungane nyuwe kwa nyuwe. ³⁵Kwe ichausa icho wantu nawamanye kugamba, nyuwemwi wanampina wangu, uneva mna ungi nyuwenye kwa nyuwenye.³⁶Simoni Petulo amgamba, Zumbe waitahi? Yesu amhitula aho hwita vino haluse hukudaha kunitongela, mna nonitongele mazuwa yakwiza. ³⁷Petulo amgamba Zumbe, kwambwani nisekukutongela vino haluse? Miye nanilavye ujima wangu kwachausa chako. ³⁸Yesu ahitula weye naulavye ujima wako kwachausa cha miye? Chindedi nakugambila zogolo hadile hunati kunilemela nkanana ntatu.

¹Usekuwinka sila umuye wako kwikala na sungusungu wimchindedi ywa Chohile tenda uchindedi naho kwa muye. ²Muno mwe nuymba ya Tati yangu mna wikazi utendese kwikala hegu nendile sivyo ivyo nendile sikugambila kwaviya naita kukwikiya hantu kaulanga weye. ³Umo naita nakwikala hantu nanize naho kuwahokela kwangu chani hantu niyaho naho nyuwe nanywi naho namwili.⁴Mwimanya isila hantu hwita. ⁵Tomaso niyo amgambile Yesu, Zumbe hachiimanyize ahantu ukwita, togola chadaha zeze kwimanya isila? ⁶Yesu amgamba miye niyo isila ye chindedi, na ujima, hahali akudaha kwiza kwa Tate hehekutenda kujinkila kwangu. ⁷Hegu namnimanya miye namkatenda mummanya Tati yangu naho kukongela haluse mummanya naho mummona yeye.⁸Pilipo niyo amgamba Yesu, Zumbe chilagise tate naivyo naitende ichintiza. ⁹Yesu niyo amgamba sitendile hamwenga na nyuwe mazuwa yalozize nawe hunati kunimanya miye Pilipo? yoyose aniwone miye, kamwona Tate ni kwavihi walonga hugambile Tate?¹⁰Hamna muye ukugamba miye ni mndani mwa Tate na Tate emndani mwangu mbuli ino hukulonga kwenyu sikuyalonga vikunilanga miye naumo yadya Tate emndani mwangu akudamanya ndima yakwe uyo. ¹¹Umuye wangu ni kugamba ni yumo mndani mwa Tate ekala mndani mwangu umuye wangu kwaviya wimndani mwangu chindedi ndedi.¹²Chindedi chindedi nakugambila uyo mwenye umuye wangu mwe zindiam ziya huzidamanya nazidamanye zino, naho nadamanye na ziya ndima izinkulu kwaviya naita kwa Tate. ¹³Chochose namlombeze kwe dizina dyangu nanitende chani kugamba Tate adahe kutunywa mo mwana. ¹⁴Hegu nalombeza chintu chochose kwe dizina dyangu idyo nanididamanye.¹⁵Hegu mnanunga namtoze idilagizo dyangu. ¹⁶Naho nanimlombeze Tate uyo naye nawenke mwambizi mtuhu chani kugamba, adahe kwikala na nyuwe kale na kale. ¹⁷Muye wa chindedi ulangazi haukudaha kumhokela uyo kwaviya haumuwone hegu kummanya uyo naye ekala hamwenga na nyuwe naho natende mndani mwenyu.¹⁸Saniwaseni ichedu nanuye kwenyu. ¹⁹Kwa mazuwa wajeche ulangazi hauniwone naho mna nyuwe mwaniwona, kwaviya nekala na nyuwe, nuywe nanywi mwikala hano. ²⁰Umo mwe dizuwa idyo nammanye kugamba, miye ni mndani mwa Tate na kugamba, nuywe mwi mndani mwangu na kugamba miye ni mndani mwenyu.²¹Uyo naditoze lagizo dyangu na kudidamanya nuyo yumwenga, uyo anunga miye na uyo anunga miye na uyo akununga miye, naungwe ni Ttate ywangu nanimunge naho netangise miye mwenye kwakwe. ²²Yuda suyo Isikaliyote amgamba Yesu Zumbe heugu nimbwani chikulaila kugamba nawelagise we mwenye kwetu naho suko ko ulangazi.²³Yesu amhitula amgamba, hegu yoyose akununga nautoze ulosi wangu Tati yangu namunga naho nachize kwakwe nachitende hantu hetu hamwenga naye. ²⁴Yoyose yudya hekununga miye hakutoza mbuli zangu, ulosi uno mkwiva suwao wangu mna ni watate uyo anisigile.²⁵Nalonga mbuli zino kwenyu mwe dizuwa dino hwikala hamwenga na nyuwe. ²⁶Ivyo mjela nguvu, Muye Ukukile uyo Tate namwigale kwedizina dyangu kwaviya sihinya mbuli zose naho nawatende muwazagule yose yadya nilongile kwenyu. ²⁷Utondowazi nawenka utondowazi wangu nyuwe sikuwenka ino oge ulangazi ukulavya msekutenda na moyo kutenda na ntumbwaziko za wogohi.²⁸Namwiva viya nilongile naita zangu, nanuye kwenyu hegu namkanunga miye namdaha kwelelwa kwaviya naita kwa Tate ni mkanuni kujinka miye. ²⁹Haluse siheza kuwagammbila umo hevinati kulaila chani kugamba umo vikalaila mdahe kuzumila. ³⁰Sanilonge na nyuwe mbuli zilozize kwaviya mkulu wo ulangazi uno eza uyo hana udahi kulanga kwangu, ³¹mna chani kugamba ulangazi uhokele kumanya kugamba namunga Tate nadamanya chiya Tate anisigile miye oge viya aninkile lagizo inukani na chifose hantu hano.

¹Miye ni mzabibu wa chino ichindedi tati yangu ni mlimi wa zabibu. ²Chila tambi dimndani mwangu ambadyo hadikweleka tunda nasaswila chila ntambi ambadyo dyeleka tunda nadyusa chani kugamba didahe kweleka vikutendesa.³Nyuwe mheza kutenda wedi kwaviya wasigilwa wao siheza kuwagambila. ⁴Mwikale mndani mwangu na miye mndani mwenyu saviya tambi hedikudha kweleka uneva dichedu hedikale na mzabibu na nyuwe nanywi hamnekale mndani mwangu.⁵Miye ni mzabibu nyuwe mwi matambi akwikala mndani mwangu na miye mndani mwakwe mntu yuno eleka matunda yalozize kwaviya hena miye hakudaha kudamanya mbuli yoyose. ⁶Uneva mntu yoyose asigale mndani mwangu nadulwe saviya ntambi na kunyala, wantu wachisanya matambi nakuyadula mo moto na kuhya. ⁷Uneva namwikale mnda mwangu naige imbuli yangu ikale mndani mwenyu lombezani dyodyose mkunga nanywi naniwatendele.⁸Kwa dino tati yangu katunywa kugamba mweleke matunda yalozize na kugamba mwi wanampina wangu. ⁹Saviya Tati yangu anungile miye naho nawaunga nyuwe mwikale mo ungi wangu.¹⁰Hegu mnaditoza idilagizo dyangu, mnekala mo ungi wangu saviya nizitozize idilagano dya Tate yangu na kwikala mo ungi wakwe. ¹¹Silonga izimbuli zino kwenyu chani kugamba ukwelelwa kwangu kutende mndani mwangu chani ko kwelelwa kwenyu kutende kuchinta.¹²Dino nidyo idilagizo dyangu kugamba mungane nyuwe kwa nyuwe saviya huwaungani nyuwe. ¹³Hahali mntu atendile na kunga kulu kujinka uno kugamba alavye ujima wakwe kwachausa cha wambuyaze.¹⁴Nyuwe mwi wambuya zangu uneva namtende yadya niwatumile. ¹⁵Sikuwetanga wasigilwa kwaviya akusigilwa hakumanya diya akudamanya kwa Zumben ywakwe, siwetanga nyuwe wambuyangu kwaviya siwagambila mbuli zose ziya nivile kulawa kwa Tate.¹⁶Hamnisagule miye mna miye siwasagula nyuwe na kuwaika mwite mkeleke matunda na tunda dyenyu dihokele kwikala, dino dikulawa vino, chani kugamba chochose icho namlombeze kwa tate kwe dizina dyangu nawenkeni. ¹⁷Mbuli zino nawatuma kugamba mungane chila mntu na mnyawe.¹⁸Hegu ulangazi na uwahiwe mmanye kugamba mnihiwa miye umo hewinati kuwehiwa nyuwe. ¹⁹Hegu mwendile mo ulangazi nokawanga saviya wawo mna kwaviya sawo wo ulangazi wawehiwa.²⁰Wazagula ulosi uno niwagambile msigilwa suyo mkulu kujinka Zumbe ywakwe umo wanisulumize miye nawawasulumize nyuwe na nywi hegu namkatoza ulosi wangu nawaditoza idyenyu nyuwe. ²¹Nawadamanyizizeni izimbuli zino zose, kwachausa che dizuwa dyangu kwaviya hawamanyize yudya anisigile. ²²Hegu sizile na kuwagambila nahewekudamanya masa mna haluse hawanaeile amasa yawo.²³Akunihiwa miye amwihiwa Tate naye. ²⁴Uneva sidamanya ndima mgati mwawo ambawo hahana yumwenga kudamanya nawatenda hawana masa mna vino haluase, wadamanya yose maidi wasolana naho wanihiwa miye na Tati yangu. ²⁵Dino dyalaila chani kugamba ulosi uchinte udya udolonywe mwe dilagizo dyawo wanihiwa miye hehena mbuli.²⁶Umo akuhembeleza eze eze, uyo nanimsigile kwenyu kulawa kwa Tate uyo nuyo umuye wachindedi uyo akulawa kwa Tate naniukwile. ²⁷Nyuwe nanywi mwanukwila kwaviya mtenda hamwenga aho hakongile nkogo.

¹Sigambilwa mbuli zino chani kugamba mnasekudaha kupata maya. ²Nawalavyeni kuse mwe nyumbo ya kuvikila chindedi isa yeza yo chila nawakomeni nafanyanye kugamba, adamanya ndima ywedi mwe vikumlanga Chohile.³Nawadamanyizeni mbuli zino kwaviya hawamanyize tate naho hawanimanyize miye. ⁴Siwagambilani mbuli zino chani kugamba, umo zikabula mwe zino kulaila, mwadaha kuyakumbuka ivyo niwagambileni muwadahe wowo, siwagambila ikulanga mbuli zino kukongela nkongo kwaviya nedndile nihamwenga na nyuwe.⁵Mna haluse naita mwa yudya anisigile mna hahana mgati mwenyu akunuza naita kuhi? ⁶Ivyo silonga ulosi uno mwenyu chinyulu chimeme mwe imuyuye yenyu. ⁷Mna ivyo nawagambilani chindedi ni vitana mwenyu hahalawa, kwaviya sinahalaile mwambizi heze mwenyu, mna ninaita nanimsigile mwenyu.⁸Akeza uyo mwambizi nawalavyanyanyeze isi vikulanga masa kulana na kanto. ⁹Kulanga masa kwaviya hawanizumile miye. ¹⁰Kuligana no uwagila ivo naita mwa Tate naho hamniwone naho. ¹¹Naho kuligana na nkanto ivyo ikulise ino kakantila.¹²Ninayalozize yakuwagambilani, mna hamyamanyize haluse. ¹³Mna yeye Muye wa chindedi akeza nawalongozeni mwe ichindedi chose, kwaviya hamlonge ivyo ivyakwe mwenye mna yoyose nauyeve nalonge mbuli zino bila kuyalagisa mwenyu mbuli nazize. ¹⁴Yeye naniletele miye mwe viya akuhile mbuli azngu naho nazilonge mwenyu.¹⁵Vintu vyose ananvyo Tate ni vyangu, aho silonga kugamba, Muye nauguhe mbuli azngu na kuzilagisa mwenyu. ¹⁶Hachinati chipindi chiguhi, hamniwone naho, naho chikajika chipindi chiguhi namniwone.¹⁷Watuhu wa wanampina wakwe niyo wagambilana ni mbwani icho akuchigambila chipindi chihaguhi naho hamniwone na akajika chipindi chiguhi namniwone kwaviya nanite kwa Tate? ¹⁸Niyo awagamba, ni chintu chani akulonga hachinati chipindi chiguhi? Hachimanyize ivyo akulonga.¹⁹Yesu nakawona kugamba nawaunga wamuze, niyo awagambila mwauzana wenye kulanga dino nilongile hachinati chipindi chiguhi hamniwone naho na chikajinka chipindi chiguhi namniwone? ²⁰Chindedi chindedi nawagambilani, namwile na kulomboleza, mna isi nayelelwe, namtende na chinulu, mna chinyulu chenyu hachihituke chinyemi. ²¹Mvyele atenda na usungu wakwefungula kwaviya ichipindi cha kwefungula chibula, anefungula mwana hakukumbuka naho usungu kwaviya vye chinyemi chakwe kugamba mwana kelekwa mwe isi.²²Nyuwe nanywi mnachinyulu haluse mna nani waone naho hahana nadahe kuchusa ichinyemi chenyu. ²³Zuwa idyo hamuze mbuli chindedi chindedi nawagambila mkalombeza dyodyose mwa Tate nawenke mwe zina dyakwe. ²⁴Kubula haluse hamlombeze dyodyose mwe zina dyakwe, lombezani nanywi namhokele chani kugamba chinyemi chenyu chichinte.²⁵Silonga na nyuwe mwe miligano heikumanyika, mna isa yeza, iyo sanilonge kwa miligano heikumanyika mna badala yakwe, naniwagambileni, pwi pwi pwi kumlanga Tate.²⁶Zuwa idyo namlombeze mwe zina dyangu naho sikuwagambila kugamba mwa Tate mwenyu nanywe. ²⁷Kwaviya Tate mwenye aawaunga kwaviya mnanunga miye naho ivyo mnizumile kugamba silawa mwa Tate. ²⁸Nasilawa mwa Tate naho ziza mwe isi, naho nahalawa mwe isi naho naita mwa Tate.²⁹Wanampina wakwe wamgambila, waaona, haluse walonga pwi pwipwipwi naho hukulonga mwe miligano. ³⁰Haluse chimanya kugamba, kumanya mbuli zose naho haikunga mntu yoyose akuze mbuli, kwaviya vino chazumila kugamba, kulawa mwa Chohile? ³¹Yesu awahitula, haluse mwazumila?³²Kaula isa yeza niyo anho chindedi ibula, ambayo namwaganikane chila yumwenga na mnyawo namnase miye mwenye, mna si ichedu kwaviya Tate ehamwenga na miye. ³³Nawagambilani mbuli zino chani kugamba mndani mwangu mtende na utondowazi, mweisi mna nkanto, mna kwenkeni muye, sihuma isi.

¹Yesu nakalonga mbuli zino niyo enula meso yakwe akasinya ko ulanga na kugamba Tate isa ibula mtunye mwanawo chani na umwana naye akutunye weye. ²Enga viya umwinkile udahi mlanga mwe yose yenye mwili chani awenke ujima wa kale na kale wadya wose umwinkile.³Uno nuywo ujima wa kale na kale, kugamba wakumanye weye Chohile wa chindedi naho wa ichedu na uyo akusigile Yesu Kulisito. ⁴Nasikutunya hano heisi, na kuichintiza indima uninkile nidamanye. ⁵Haluse, Tate, unitunye miye hamwenga na weye mwenye mo Ukuka udya nendele ninanawo hamwenga na weye heinati isi ukumbwa.⁶Sidigubula zina dyako mwe wantu uninkile hano he isi nendile wantu wako mna nakuninka miye, nawo watoza ulosi wako. ⁷Haluse wamanya kugamba chila chintu uninkile miye chalawa mwako. ⁸Mwe ulosi uydya uninkile miye siwenka kale wowo ulosi uwo. wauhokela naho chindedi niyo wamanya kugamba miye silawa mwako, niyo awzumila kugamba weye ni weye unisigile.⁹Nawalombezeza wowo, sikulombezeza isi, mna wadya uninkile mwa kugamba wowo ni wako. ¹⁰Vintu vyose ambavyo ni vyangu ni vyako, na viya unanavyo weye ni vyangu, miye nami natunywa mwe ivyo. ¹¹Miye simuli naho mwe isi mna wowo weyumo mwe isi, miye nami haluse neza mwako, Tate Mkuka uwalele mwe zina dyako, chani wowonawo watende na umwenga , saviya miye na weye ivyo chili na umwenga.¹²Umo na ninanawo nasiwadima mwe zina uninkile, nasiwadima, naho hahana hata yumwenga ywawo agile mna mwa ywa mto kwaga, chani kugamba madolonyo yachinte. ¹³Haluse neza mwako mna nalonga yano isi chani kugamba chinyemi changu chichintizwe mndani mwawo wenye. ¹⁴Siwenka ulosi wako, isi naiwehiweni mwa viya wowo siyo we isi, enga viya miye sivili we isi.¹⁵Sikulombeza kugamba uwause mwe isi mna uwadime na yudya mwavu. ¹⁶Wowo siyo we isi, enga viya miye nili siyo we isi. ¹⁷uwalengese mwenye mwe chindedi ulosi wako nuwo chindedi.¹⁸Nakusigila mwe isi, miye nami nawasigila mwe isi. ¹⁹Kwachausa chawo miye mwenye nelavya mwako chani kugamba na wowo welavye mwako mwa chiya ichendedi.²⁰SIyo wano du hulombezeza mna na wadya nawazumile kujinkila ulosi wawo. ²¹Chani kugamba wowo nawo watende na umwenga, enga viya yeye Ttate wili mndani mwangu, nami mndani mwako, nawalombezeza chani kugamba wowonawo wadahe kutenda mndani mwetu chani isi idahe kuzumila kugamba weye ni weye unisigile.²²Ukuka udya uninkile miye siwenka wowo, chani kugamba wadahe kutenda na umwenga enga viya suwe chili na wamwenga. ²³Miye mndani mwawo, weye nawe mndani mwangu, chani wadahe kuchintizwa mwe wamwenga, chani si imanye kugamba chindedi weye ni weye unisigile na kuwaunga enga viya weye unungile miye.²⁴Tate chiya uninkile miye naunga kugamba wowonawo wadahe kutenda wamwenga na miye na miye hantu nili chani wadahe kuwona ukuka wangu, udya uninkile mwe viya weye nakununga miye heinati ukumbwa isi.²⁵Tate ywedi isi haikumanyize weye, mna miye sikumanya weye, naho wamanya kugamba, kunisigila. ²⁶Nasitenda zina dyako dimanyike mwawo naho naidamanye didamanyike chani kugamba udya ungi uwo kwawo nakununga miye udahe kutenda mndani mwawo na miye ni dahe kutenda mndani mwawo.

¹Niyo Pilato niyo amguha Yesu niyo amtuwa. ²Wadya wankondo niyo aguha miwa niyo wailuka niyo wadamanya chilemba niyo wamfunga mo mtwi wa Yesu niyo wamvika suche ya langi ya zambalau. ³Niyo wambasa wamgamba, weye Mseuta ywa Wayahudi niyo naho wamhuta mwe mikono yakwe.⁴Niyo Pilato afosa kuse, awagamba wantu kaulani namletelani yuno mntu kwenyu, chani mmanye kugamba, miye sibunkule kuwagila masa yoyose mndani mwakwe. ⁵Ivyo Yesu niyo alawa kuse, nandile kavala chilemba cha miwa na suche ya zambalau, niyo niyo Pilato awagamba, kaulani mntu yuno hano. ⁶Ivyo chipindi mlavyantambiko mkulu wa wakulu eze amuwone Yesu, niyo waguta msulumize, msulumize, Pilato awagamba, mguheni nyuwe wenye mkamsulumize kwaviya miye sikuwona kuwagila kusulumizwa.⁷Wayahudi wamhitula Pilato suwe china nkanto naho kwe inkanto iyo yamuwagila abanike kwaviya yeye ketenda kugamba, ni Mwana ywa Chohile. ⁸Pilato eze eve imilosi iyo niyo azidi kogoha. ⁹Niyo engila mwe inyumba yo kuvikila vituhu amgamba, Yesu weye walawa kuhi? Hata ivyo Yesu hamhitule.¹⁰Niyo Pilato amgamba weye hukulonga na miye? Hegu humanyize kugamba miye nina udahi wakukufungula hegu kukusulumiza. ¹¹Yesu ahitula hwadahile kutenda na udahi ukulanga miye hegu hwenkigwe kulawa kulanga, ivyo uyo mntu anilavize kwako ana masa makulu.¹²Kulawana na ivyo amhitule, Pilato nakaunga kumlekela mna Wayahudi watula ulwasu wagamba, uneva unamlekeila ivyo weye suyo mbuyetu wa Kaisali chila akwetenda mseuta alonga chihitu cha Kaisali. ¹³Pilato eze eve ulosi uwo niyo amleta Yesu kuse niyo ekala mwe chiti cha kukantila hadya ahantu hamanyike saviya sakafu, mna kwachiebulaniya, Gobatha. ¹⁴Zuwa dya kumalanya Pasaka eze dibule chikabula chipindi cha sa mtandatu, Pilato awagamba Wayahudi kaulani mesuta ywenyu yuno ehano. ¹⁵Niyo waguta muse, muse, muse msulumize Pilato awagamba vino nimsulumize Seuta ywenyu? Niyo wagamba, suwe hachina mseuta mafani Kaisali. ¹⁶Niyo nPilato amlavya Yesu kwawo chani asulumizwe¹⁷Niyo wamguha Yesu niyo afisa enula umsalaba wakwe mwenye kubula kwe chiwasa chikwintangwa Goligotha. ¹⁸Naho wamsulumize Yesu hamwenga na wagosi waidi yumwenga ntendele ino, mtuhu ntendele ino Yesu ehagati hawo.¹⁹Akaheza Pilato niyo aika chiwalo niyo aika kulanga mo msalaba hano idolonywa MNAZALETI MESUTA YWA WAYAHUDI. ²⁰Wayahudi walozize wasoma ichiwalo icho kwaviya hadya asulumizwe hendaga hajihi na kaya chiwalo icho chidolonywa kwa chiebulaniya kwa Chilumi na Chiyunani.²¹Niyo wakulu wa walavyantambiko wamgamba Pilato usekudolonya Mseuta wa Wayahudi mna yeye nuyo agambile miye ni Mseuta wa Wayahudi. ²²Naye Pilato niyo ahitula, nidolonye sidolonya.²³Wankondo eze wamsulumize Yesu niyo waguha suche zakwe niyo wazipangana mwe mafungu mane chila mnkondo fungu dimwenga niivyo mwe inkazu idya haisumigwe itoigwe bwasholo kulawa kulanga. ²⁴Niyo wagambana chisekuitatula mna chiigombela chani chione naitende ni yayuhi ino ilaile chani chidolonye chichintizwe chiya chikugamba wapangana izisuche zangu ne idivazi dyangu wadigombel.²⁵Wankondo watenda ivyo, nine dya Yesu , lumbudye dya nine, Maaliyamu mkaza Klopa na Maliyamu Magidalene wavyele wano nawachimala hajihi no msalaba wa Yesu. ²⁶Yesu eze awone nine hamwenga na yudya wanampina nakamungisisa wachimala hajihi niyo agamba, nine, mvyele muone mwanawo yuno hano. ²⁷Akaheza amgamba yudya wanampina kaula yuno hano mami yako kunkongela isa iyo yudya mwanampina niyo amguha niyo aita naye kukaya kwakwe.²⁸Eze dijinke idyo, kuno Yesu kaheza kumanya yose yaheza usankani kuchintiza amadolonyo agamba naona nchilu. ²⁹Chiya chandile chimema siki nachikwa handya, ivyo niyo waika divai igwaduke imemile siki mwe lukombosha lwa hisopo niyo wamjela mo mlomo wakwe. ³⁰Yesu zeze aonje niyo agamba, iheza, niyo afunama umtwi wakwe niyo ainkiza umuye wakwe.³¹Kwaviya yendaga ni chipindi cha kumalanya kwaviya mili haikungigwa kusigala mlanga mwe misalaba chipindi cha zuwa dya kuhumula kwaviya zuwa dya kuhumula dyendaga kusinyisa, Wayahudi wamlombeza Pilato kugamba viga vyawo wadya wasulumizwe ivunwe na mili yawo iselezwe. ³²Naho wankondo wezile niyo wavuna iviga vya mntu ywa nkongo na ywa kaidi nandile kasulumizwa hamwenga na Yesu. ³³Eze wambwile Yesu wambwila kabanka kale ivyo hawamvunile iviga vyakwe.³⁴Hata ivyo mnkondo yumwenga niyo amduga guha Yesu mo lubavu, niyo yalawa mazi na sakame. ³⁵Uyo awone dino kaukula kugamba ukuzi wakwe ni wachindedi chania hata nyuwe mzumile.³⁶Mbuli zino zilzila chani kgamba udya ulosi ulongigwe uchinte, hakuna hata wakwe umwenga ukunga uvunwe. ³⁷Vituhu dolonyo tuhu dyagamba nawamsinye uyo wamlungike.³⁸Eze vichinte ivyo, Yusufu wa Alimasaya kwaviya endaga mwanampina ywa Yesu mna kwa chinyele kwa kuwogoha Wayahudi niyo amlombeza Pilato kugamba auguhe umwili wa Yesu. ³⁹Nikodemu naye uyo ambasaga Yesu nechilo naye niyo eza yeye kaleta msanganya wa mane mane udi na uvumba ukuzama kwakwe vyabula chihimo cha latili gana dimwenga.⁴⁰Niyo waguha umwili wa Yesu niyo wauzingiliza mwe sanda ya chitani hamwenga na udya umhempe enga ivyo yendaga mazwela ya Wayahudi mo kuhamba. ⁴¹Antu aho Yesu asulumizwe hendaga na busitani, mndani mwakwe mwe ibusitani mna mbila mpya ambayo hakuna mntu awahiye kuhambwa umo. ⁴²Kwaviya yendaga zuwa dya mandaliyo kwa Wayahudi na kwaviya idya imbila niyo wamgomneza Yesu umo mndani.

¹Chilo chilo zuwa dya nkongo dya juma kuche mavuku vuku, Maliyamu Magidalene nakaita kwe mbila niyo awona idiyuwe dyuswa mwe imbila. ²Ivyo niyo aguluka aita kwa Simoni Petulo na kwayudya wanampina umtuhu akungigwa ni Yesu, Niyo agamba wamguha Zumbe mwe mbila, suwe nswi hachikumanya kudya wamgoneze.³Niyo Petulo na yudya wanampina umtuhu wafosa kwita kwe mbila. ⁴Wose niyo waguluka hamwenga , ydya mwanampina umtuhu niyo aguluka kumjinka Petulo niyo atenda ywa nkongo kubula kwe mbila. ⁵Niyo achimala niyo asinya kwe mbila niyo aona sanda yachitani igonezwa, mna hegile mndani.⁶Niyo Simoni Petulo niyo abula niyo engila kundani kwe mbila. ⁷Niidya leso yendile mo mtwi wakwe heigonile hamwenga na ziya izisanda zachitani mna naitandikwa hankanda hakwe.⁸Niyo yudya wanampina umtuhu, naye eze engile mndani mwe mbila niyo awona niyo azumila. ⁹Kwaviya kubula ichipindi icho andaga hawanati kumanya amadolonyo, kugamba naimunga Yesu auyuke mwawo wabanike. ¹⁰Akaheza wanampina wakwe niyo wauya naho kukaya kwawo.¹¹Hata ivyo Maliyamu nandile kachimala ukudya kwembila aila, viya akaila nakachimala kuno asinya kweimbila. ¹²Niyo awona wandima wa kwembingu waidi, wakukile wekala hamwenga, komtwi yumwenga kweviga hantu Yesu agonile. ¹³Niyo wamgamba, we mvyele, kwani wailani? Niyo awagmba wamguha Zumbe ywangu nami sikumanya uko wamwikiye.¹⁴Eze alonge ivyo, ahituka amwona Yesu akatenda kachimala, mna nandile hambunkule kugamba nandile ni Yesu. ¹⁵Yesu naye agamba, mnala kwambwani waila? wamlonda yuhi? Naye kuno akafanyanya nu mwamizi we ibusitani amgamba, zumbe hegu ni weye umguhile nigambila, uko umwikiye miye nami hamguhe.¹⁶Yesu amgamba, Maliyamu naye ahitukla mwenye niyo amlonga kwa kialamu Lobani yani kugamba mhinyi,. ¹⁷Yesu amgamba usekunidonta kwaviya sinati kupaa kwita kwa Tate, mna wite kwa walukolo wangu ukawagambile kugamba nanipae nite kwa Tate naho nuyo tati yenyu Chohile ywangu, naho ni Chohile ywenyu. ¹⁸Maliyamu Magidalene niyo eza kuwagambila wanampina, Simona, Zumbe, nakugamba kamgambile ivyo.¹⁹Eze ibule chisingi umsi uwo, zuwa dya nkongo dya juma, nyivi nazivugala, aho wanampia wendaga kwa kogoha Wayahudi, Yesu niyo eza niyo achimala mgati mwawo awgamba, utondowazi utende wi mwenyu. ²⁰Eze aheze kuloga ayo niyo awalagisa mikono yakwe na lubavulwakwe, wanampina nawo weze wamuwone Zumbe niyo welelwa.²¹Niyo Yesu awagamba naho, utondowazi mtende mnanawo saviya anisigile miye niivyo nami nawasigilani nyuwe. ²²Yesu eze alonge ivyo awavila awagamba hokelani Muye Ukukile. ²³Yoyose mkunga mlekeile masa, walekeilwa na wadya mkunga na muwavugaile, wavugailwa.²⁴Tomaso yumwenga mgati mwa wadya mlongo umwe na waidi etangwe Didimasi hendaga wanampina wa Yesu aho ezaga. ²⁵Akaheza wadya wanampina awatuhu wamgamba, chimuwona Zumbe, yeye awagamba, uneva sinawone nkovu ze mitunga mwe mikono yakwe na kujela umkono wangu mwa mabome mo lubavu lwakwe sanizumile ng'o²⁶Eze yachinte mazwa mane wanampina wendaga hamwenga vituhu, Tomaso naye hamwenga nawo, chipindi icho nyivi nazivugala yesu niyo achimala mgati mwawo niyo agamba, utondowazi mtende nyuwe. ²⁷Niyo agamba, Tomaso lete akadole kako naho usinye imikono yangu naho lete hano imikono wike mo lubavu lwangu, naho usekutenda hekuzumila mna utende akuzumila.²⁸Tomaso naye ahitula agamba Zumbe ywangu na Chohile ywangu. ²⁹Yesu amgamba kwaviya kuwona, wazumila, wajimbikwa wadya wakuzumila naw hawaone.³⁰Niyo Yesu adamanya mpituko zilozize mwa wanampina, mna hazidolonywe mwe chitabu chino. ³¹Mna zino zidolonywa chani mpate kuzumila kugamba Yesu ni Kulisito, Mwana ywa Chohile na kugamba mkazumila mtenda na ujima kujinka yeye.