Bible

Matthew

Chapter 1

@s@( YESUS NENA ATOU) ¹"Yesus nena atou Daud kena seraine meke.Daud nena yei Abraham ²"Abraham nena yei isak isak nena yei Yakub Yakub nena yei Yehuda ³"Yehuda nena yei hesron Hesron nena yei Ram Matius 1:1-171"Yesus nena atou daud kena seraite meke.daud nena yei Abraham 2"Abraham nena yei isakisak nena yei yakub yakub nena yei yehuda3"yehuda nena yei perasperas nena yei Hezron⁴"Ram nena yei Abinadab.Abinadab nena yei Nahason.Nahason nena yei Salmon. ⁵"Salmon nena yei boas,Rahab kenare meke boas nena yei obed.Rut kenare meke obet nena yei isai ⁶"Isai nena yei daud Daud nena yei Salmon.nena uria⁷"Salmon nena yei RehbeamRehabeam nena yei abiaAbia nena yei Asa. ⁸"asa nena yei Yosafat Yosafat nena yei Yoram Yoram nena yei Uzia⁹Uzia nena yei Yotam Yotam nena yei AhasAhas nena yei Hiskia ¹⁰Hiskia nena yei ManasyeManasye nena yei AmonAmon nena yei Yosia ¹¹Yosia nena yei Yekhonya neka berabera ne serenyeBabel kena yeko mekopuku.¹²Babel kena yeko mekopuku. yekhnyo nana yei SealtielSealtiel nena yei zerubabel. ¹³Zerubabel nena yei AbihudAbihud nena yei ElyakimElyakim nena yei Azor. ¹⁴Azor nena yeı Zadok.Zadok nena yei Akhim.Akhim nenayei Eliud.¹⁵Eliud nena yei Eleazar.Elazar nena yei Matan.Matan nena Yei yakub. ¹⁶Yakub nena yei yusuf nena mire Maria Yesus Kristus sengko. ¹⁷Nepere Wado meye tenou waruna,mekabi Suna aperau.Abraham meke Daud kenapa mekena, mekabi suna aperauDaud kenare Babel pa mekena nepere Yesus Kristus Sengkai.Yesus Kristus Sengkai¹⁸Nesereya nena nenang Maria nai yusuf, neperna MariaWate dua kiyau Mendo wariyei nena yasepa duamerembuku/ sanumbuku. ¹⁹Nai yusuf nena yereu poite kiyou sate, nenang Maria kenaWate tiyoune ne dianerone atena seinipei,nena mendonemekeyonu yekaye baya Tamburu.²⁰Ne_mendote mekeyonu awa manteto kena akeyana yuyuburure ate mekensanuyonu, "yusuf Daud niyei We endikitena dekoikro penya Maria wei mire nena yasene tenounaMendo wariyei nena yekone meko puku. ²¹Maria neyei dote senauna nena Wadote tarunena YESUSWariyei, nenare da tetra tenou waruna nena pekotebaya simbini /supuku."²²Dayai tan sate Nabi-nabi yansine a yekote kerekai-mekai ²³Teprei nawa yase_bu poinya da yei dote sengke,nenaWadote tarenainya “IMANUEL":AWA MANTETRO ete Semate neme Tapekemmu²⁴yusuf yukuburure esua yemuku, Awa Mantetro kenaa keyan nete ate sanumbuku da wei mie. ²⁵Yusuf Maria_perna yukutena nebenya Tenoi pei,nepereMaria yei dote senouna nena_wadote tàrununaYESUS/WARYEI.

Chapter 2Mendona donamin omo Suremekai

¹Wariyei Betlehem yone sengkai Yudeya kani nesereyna andewapona Herodes, yarise te keke. Do naming omo suremekai Yerusalem pa mekai.²Atesitikay mekai da yari andewapona neprena nopene sengkai? Demeyate omosure tambikite mekate nte Kapernaunate. ³Yarise andewapona Herodes ate betoupuku wa nimangbiki Yerusalem nuru akekami.⁴Detrote meye koptiyoune nena ayekosema sute kiyanyote, tepiai seraite Yahudi seray. ⁵Nedamane seiyonu Betlehem youne Yudea kani ne nepere ayekote nabi-nabi seray noupa meraipiki. ⁶We Betlehem, Yahudi kani, we nekutereneway baye daseray tepiye wena nerore nederaite ini yemine Israel serayte tepene mene.⁷Nepere yari Herodes yekay-yekay. Da doneming te, atesiriyou ne, moyate nemeya kiapa mene. ⁸Nepere na kaye sanumpuku Betlehem pa ende na kaye damane fanende. Da ate poitere wurembindi da yei newai dua tondena, dete mete Saninbide denedow ne wayte, tengkapene.⁹Yarise kena ate betapikina kaye, otote kengkani kainetaiye ne meya omosure pere tambiki nete petumpuku ne do neway pere sengkai noune kekiyou. ¹⁰Meyatetambikina kaye, kena karite dereyani.¹¹Da donaming mepa uyupa kay doute kaitiyai ne do neway nenang mari, nawa kong, nepere apa merai piki nete oto butuye disiani. ¹²Yekote miwarore mami sanumpuku we wenekewana yarise Audewapona kewana eipei, wenipi sire wey seraypa ende.Mesir yopa kai¹³Nemena kaye da donaming dua kay, mang kena ayeko miwarore Yusup te mani sanumbuku. Esuwa yewunu, dayeinewai pere, nenang pere, Mesir pa baya dua ende nepene ekende mang kena yeko. Yarise Herodes yei droute baya titinate.¹⁴Yusup yukuburure yemuku da doneway pere daye beine Mesir pa duakai. ¹⁵Nepene kiyai yarise Herodes tetepuka mangkew yeko noupa asnane kanyamane Mesir re de wete sanuwe suka.Betlehem ne yei droute baya titiyai¹⁶Yari audewapona arombuku, dado naming dete pepai teke nena kena arenate deko, akurung te sanumpuku yei droute mai bisereina baya titiyai da yeko da naming dua arambiku.¹⁷Neperna kaye Nehemia kena ayeko noupa sawekai :¹⁸Don bu kurung kama, apa akeyai, kenate tukayaime kene nundraipiki, Rahel nei yei dimite dimiyou kenate tikayoune neiyei ambai dua arupuku.Mesir Pa Nekewa Kai¹⁹Yarise andewapona dua tetepuku mengkena yekote miwarore Yusup mani sanumbuku Mesir ne. ²⁰Esuwa yemunu , da doneway per nenang pere baya Israel kani pa ende, da do newai pere baya tewaipirina detro meye du soupuku. ²¹Yusup Esuawa yumuku da dowei nenang pere nekewa Israel kani nekewa dua ende.²²AKurung te beteyai. Arkilaus andewapara te dekani, Herodes niyei, nai endikiti dekiyou. ini warore mami sanumbuku wedi Galilea pa ende. ²³Nepa kanye kaye Nasaret yone kai kiyai da yeko kaye Asua yekopa merai piki nabi-nabi kena yekopa, Dayei Nasaret yei.

Chapter 3Yohanes butekelou muna

¹Ne dainya me wate kiyampuku Yohanes butekeleyoumu "baya pau kula-kula ne Yudea kena kelame ate saniyou me ;²"Peke mekatemate apakeloma baya baluma,awa kena saidia keleudia le na. Akulung nepe watoupa dewamu na. ³Tepeleitele nena mendo Waliyei dambele Yesaya neyeko dambele ate saniyoune: "a teetro kena akulung kalitesumu-kalite talu baya pau kula-kula nelone akailung walu.Semate kende nipite poiye mekomane kani bo kainijate kanite balumane nipite temeye mekomane Waliyei menenate, nipi yeli-yelite teta-teta te sipi ye mekomane.⁴Yohanes nena mayong unta kenale nena serou unta ele te wapa beyu puku, nena za anuyouna orlomai pele melena madu pele.⁵Netai ye tetero meye dewamainya Yerusalem yolena yo neman delati dewamainya, Yudea yolena yo pele da nou ne kainya tetero meyenamane Yordan pa bei tetonu. ⁶Nepelena kaye neo meyenamane nenai pekate ate mekai sewai tepeleitele Yohanis nete Yordan nalewaime butekeloumu.⁷Ne sonine ne doute teu Parisi tetero pele Saduki tetero pele mekai nete butekeloiminate, neye neyote aye sanumu, "Wai wepedaye wali yaselena yopedaye, sime wete sanumpuku dapa mekau, we wei wasematema keipeiye dewa mau balupuku ne peko dewa menemate? ⁸nepeleinya e mendote mane mekome ona peko ena wapa nate aloupuku ena peko meketemate ate masawane tepeleitele, ⁹nepeleinya e apeu-peu tena wapipeinya, nepeleinya wei kena yeume ate seinende; Abraham pene ayei awa!Nemenate dewete ate denam; Awa mangtetero Awa Abraham te saminu wena nu da olu tenainya mane! Kisiye kisikane temainya mane, neyaye mane kainya manemelenemene.¹⁰Meteka bula o yenso bulup dua mai sesuku ne o tapainya meyename nena yu poite na ambai, ne o baya desenai baya balumai sing yeupa tamunai. ¹¹De wete bune kelotempine wena pekote baya sikitepimate, ne metole muma nena mendo Waliyei nena wanekainya, Nepeleinye de nekewana ne yekotena nekoipei de meka bute baye sikite pine, ne wete butekelom ba beba mendo Waliyei pele sing pele nena wanekainya. ¹²Mekane dua deko tepuna za penampi. NE nepeleinya noute bayasikineme gandum te bebeipa kapilinaime lumbung, yeupa balunaitene; jerami kena tipa ne meyenane sing yeupa nai tanune ne sing bayana kepeipeinya sing "Yohanes Waliyei te butekeloumbuku¹³Waliyei Galileale Yordsn panamu Yohanis kewanate mu nete butekelonembinate. ¹⁴Nepelena kaye Yohanis nete titsupuku, nete dsnune; "depedaye weye dete butekeloitipime nate, we beyakewanate dekewa meke?" ¹⁵Nemana kaye Waliyei ate saweke, nete ate sanune; "Nenema sate ne yeko duwa kiyambina, nepeleina e Awa kena kenane keu namane e nete moupa mekapine." Yohanis ne ate saweke nete tawekene.¹⁶Nete bute duwa keloumbuku, Waliyei seraibeite buyeku esuwa ne sonin beine ma baya beseukeloke AWa kena mendo Waliyei awe keleu-keleu merpati apa yepusu meke nena tenai damba sakekone. ¹⁷Ne neyename bentekeite betai akulung Saidia Keleudia lena akulung te betai, dena yei yupu beina, nebesi ka tenate kenate ka."

Chapter 4Wapi-wapi di sero damba

¹ Mendo '' Waliyei, Yesus te sero damba dekongke.''wapi-wapi ye nate ke tika youne. ²Dai doa biserei-Deneng doa biserei.''Yesus sa anipei.³Wapi-wapi nekewa meke,Yesus te ''Ate saniyoune ne mena we.'' Awa Mang Waliyei kena yei. ''Orute ,Ate mekoi pime pena wate Oru nai pine.⁴Yesus nekewa ate mekou puku.semene merai pikina.da tetero yei, Yereute katena sa ''suwei bena keipei A walite semaine Awa Mang waliyeite.sani-sani sanmane.⁵ Nekewa ''wapi-wapi.dekongke''ye..derepakei, walibu ongke me damba tangbuku⁶Ate nekewa sani youne.nemena we Awa Mang Waliyei kena yei.''wei wate apa keneune,Ne yekote semone merai piki. Ne ye '' Ate mekombine, Ne na Akenyana tenouna ''wete meka damba donaiwe.''wena oto oruna masim bipei.⁷ Yesus. ate sani youne,we,Awa Mang tena apeu-apeu tena wapini peina.⁸Nekewa wapi-wapi denkoke,Sero yerapa dekonke,Nete ate sani youne.⁹Doutetei dikera,dakera Bisi-bisi merembuku- wapi-wapi.''yesusate sani youne, Tembuke, we.''dete oto butu dusut krone. Da krate wena damba sarte pine¹⁰Yesus. Ate mekoupuku baya ei pawipi.semone meraipikina we,yang Awa Mang waliyeite oto butu ye dusungkrone nate sani-sani sanune¹¹Wapi-wapi.nepere baya sua ke yesus te nepene tambuku..nena Ake yana mekai yesus te maing tawekekiyai.Yesus Galilea yopa kena.¹²Yesus.bengtekeite beteyou. Yohanis te,mekapa Awekai,Dekaine ke galilea yopa kai.¹³Nazaret yote dine tambuku yekai ye,''kapernaum ne kekiyou Zebulom pre naftali kena serai pre kakiyai.¹⁴Dipenekakiyai,Yesaya kena,Akurung yeko kia nai pine

¹⁶Serai bra-bra yang A'kepe-kepe ne kaina yo.Doutetenai kia dere,erembuku.Nate meka pare ye preumu.peko nena nerone keuna kiate tenaine¹⁷Nesereina Yesus.Ate sani youmu semate kende saidia,krudiarena,Akurung nepe watoupa mu.Yesus Nena Ototounate simiyou¹⁸Yesus, '' Otote kenkene wari you Danau Galilea pake.Douteti you. Do bisereitepe yoi.simon nena wado si '' petrus nekasi Andarias. Tangke kate oraina. tangkete kisikane mekeyoi, Ne dobi kaye kaperate werai dobi¹⁹Yesus ne dobite .sani yomu dewa muru ,Dete tawetere Ne preina we.teteroiyeite wena tangkeye perere.²⁰Yesus kena Aru nena kenane eu tou puku.Nena tangke nema apa ei keropiki.Nete eingta weke²¹Yesus Otote neme, dua wari you .Doutetiyou. do biserei Yakobus ''Zebedeus Ni yei pere.Yohanis nena Awa pere Tangkete baya siki yoi.Ne pere yesus netesimi you mu²²Ne.'' Dobi. naite neme eitambiki, I'' neme ei sesiki. nete,''eingta weke.Yesus ''Aa.''Walite Tete rote Kiri you mu.Tetero yeite poiye meke youmu.²³Yesus,'' Galilea yote yembi youne Teteroyei te. Ate walibu ongko mene A kiri youmu, Atesaniyoumu,Awa Mang waliyei kena wado ne. peko pre, kani-kani nena nerone keuna baya susung suku.²⁴Ne mena akurungte siria yone bete yai peto-peto kura-kura seiyani,Tetero yei sa meka mina mati-mati ayam meke yomina.Mendaina.meterna mane Yesus, Poi ye meke youmu.²⁵Ne mane sate, tetero derone-derone tembone-tembone,Nate tawekaine. Galilea yorna Dekapolis yorna,yerusalem,yorna,yudea yorna,yarden muse yene kaina meye mekai.

Chapter 5

¹Ne sereinya kiya wariyei ate sani youmu yorena oto te yopa kena serai musene kaina kwa ke.²nemena kone.kiya wariyei ate mekoupuku wekaye werauna semo kepeinya beipei neye.³Nemenate akurungte meraipiki moye moyena keipeinya beyasa awa mang wariyei dua mekoupukuna.⁴Neyo ate mekaipiki nemenakaye beyat Nate ate ken kene semote.⁵Kiya wariyei ate nena damba wena kenana seraite tukanu sate.⁶De wete ate sename simiye mirete baya sarembinena ne yekote narupuku nekewana.⁷Neman sate nena yauna nena damba ate mekaipiki nemena karo keuna dopre mire permeka atoi kroi peinya.⁸Tetero meye tenouna mendo mekonipei diaseyununa tetero bei bei ne arune.⁹Tetero yei keuna si mirete ourai si mire oripei nemane dua keuna karo tetero si yei te senai.¹⁰Ne sereina tetero yeite ate kami mekai ne mekate nena tenai damba kero neme damba.¹¹Nemansate kia wariyei ate mekopuku ne yeitena disanipeinya bei netena ayena sanipeinya de kewa mainya.¹²Nemena Kaye tetero si meke kia wariyeite ate mekoupuku beya mena yeko poi mena te mekote nepere.¹³Wariyei ate mekoupuku beyam na kone dete ate saniyete beyasa yei poi nepene keu nepreinya besikatere.¹⁴Ne tetero ate mekoupuku mena damba sei yone beamena akurung wariyei ate mekoupuku tetero.¹⁵ne yei sekero ate mekoupuku saniyoune meyenamane dua mekeyana bayasa ye neme keupukunate saniyete.¹⁶Kiya wariyei ate ne sekro yei te saniyoune wena yereu poite keuna dua eu nakaye wena mene sasyesi kainya naite mekoupune site tetrote wasumu soine kainya yote atoumu nepere wena.¹⁷Nemansate kiya wariyei ate mekoupuku ne yeitena disanipeinya bei netena ayena sanipeinya dekewa mainya da mena yei yang yosna wari nena mekone keuna Neman sate ne mekate ne damba tepi youmu nepere otote dua wariyai.¹⁸Wariyei nena yaunate ate saniyoumu wete ate sename kayate kainya tetero yosna wari pana sekari dopre wariyei nekewa nete saniyoune yeko kiane keuna nemena Kaye buru sreinya newai.¹⁹Nena yauna ne ate betai piki kena te tuka yani ate mekai piki nemena Kaye sinte poiye mekonembine kiya wariyei neyote tiyoumu ate mekoupuku de tetero yei katena nemena yeko seiyantena erikroipei mang kena yeko nate dua erikrone.²⁰Nemenakaye ate saweke ate mekoupuku wariyeite saniyoune deda mekatena dena naupa ate kate wena tena sah dine tampikite wete da mawe tawekte nemenakaye dekaye beyate doma.²¹Neman sate ate dreyou tetero tua ainyayo meto meto pa meto meto reanya.²² Nemenate da tetero yeite areyou sim dena wado sate nenei mte nenei do keka mire keka Awa nawa yeibra beimika dinetamipikina neyo ya besika neye orunainya karokeuna mekasu te ne beipa tawenai pine wande nena yereu di diane neme kenai mene.²³Mire mire mendobanya mire mire mendo nate saniyami dete beta danempinde dena ambai nena kiya base base dua kepinya mane.²⁴Tetero besika dekona tuan te ate sanune tuan de arombukane we tetero arma arma tuan wena taburan bariyena monone deyai ne wena sanute areyena dewei.²⁵Kiya wariyei ate saweke de wete ate sena mena sasyesi teneyou waru youna dua bete yau tetero peko newai wena wanerone tawekemkeu netena dotepei nete poi mekayau dete poi mekeyaute ne tetro poitena mekoipenya pa nai tetero poi nou poipa nai.²⁶Neyo ate jawabte mekaipiki Tuhan monone dewete munu tawepikiti bu iwipei tetro mane meke kina mane meke eyune teneye.²⁷"Netetero poitena mekoipenya pa nai tetro poi nou poipa nai.²⁸De barina tetro mane meka de tena itipei kine meka detena mayong itipei de sa mekeyoutena detena mekana beseitipei de kemba ereyeune teneyana detena dou tepei.²⁹Kiya wariyei ate aroupuku tetro si baipate de reyounu sumupuku mekai nete doite wasuyoume site ikinena meka subei site ikinena bisirei site ikinena besika.³⁰Tetro mekasubei ikinena kenente kendere yonu nena tereng dekona mekasu deko tetro bisirei ikinena kenente kendere yona bisirei deko tetro besika ikinena dedoke kanite en wembuku kani yeupa sesuku.³¹De munune mereyoutena we detena satena itipei de bu marina detena.³²Nemane sate de endikite dekoukroka ne doi dekaka kanite enwembuka kani yeupa sesuka besikana doi newa dou ate sanune we dua arombuke ne sanu de baripei nepere nenoune sanu neye yu wawenai.³³Nemane deraiti ne doi deye ateyamna tetro doi kenente deranina nedamba bungate sesune dena mekapa atotende. ³⁴Tetro meka kiripenya baya atonai a kepe kepe neropa barunai nepene doubute mekonai eti ketekurungte mekonai.³⁵Moyane we saye mekeyou de wetena doutepei euna de wetena dou tepei.³⁶De munumere youtena we dete sate ikete bu mari mere youtena dete bu te ikete de tetro barinya mane meka nou poite ikete.³⁷Moyane we saye mekeyou de wetena iwipei kiyana tetro mane meke de mayon tena iwipei.³⁸Ne ate saweke de wete ate senamena sasyesi meye teneyou waruyouna dua mekeyau tetro si wena.³⁹Tetro poi ate sawiyai Tuhan moyane de wete munune tawepikite bu ipei moyane barina tetro mane meke de wetena.⁴⁰Tetro meka kiripenya baya atonai a kepe kepe neropa barunai nepene doubute mekonai eti ketekurungte.⁴¹Nemena ate saniami semate kende moyate neya yeko mekone.⁴²Mire mire mendobanya mekai karite simiyai dete menipi baya timsime.⁴³"Ne we mendo banya tetero tetero pere wedou bisena beya saye nou terpana.⁴⁴A yeko betera damtenate ne ayeko nou terna ambai netenate a yeko pere meka burunasa sate ne damba.⁴⁵We tetero tetero dou bisena beyasa yeko ne nou terna tena meka buruna sa bei betera ye wena mekaburuna sate meka pare ye perentene.⁴⁶We peko damba wesing yeko sematena pere tetero pere wesing we tetero mendo banya nepere we nau nerone werau dari damne werau nepere tetero besika nekewa dewa birinsine wete tawe neme wena tena nepere nekewa birinsine wete wekewa taweneme menena ne tetero sing damba.⁴⁷We peko damba dou bisena tenai tenai we damane seiyanu wari bu ongko ne a yeko te keraupuku ne a yeko erikkroipei nepere ne a yeko noute terna.⁴⁸Nepere teterosi wari dia yeko te nate kerombiminatena ne mang wena yeko keunatena netena pere nena diana.

Chapter 6

¹Kiyone mekonende mekopenya weye mekonde wena poi a warite bekoune tetero nepere dou tenawena nepernaye we, ambai poi awa kena wari dia.²Nemate wena jununa sate perna nemane dmekaina weye nekewa ate seyunu tetoro aroipenya minye-minye kongko tire-tire, nete pote teteroye seinainate deye wete senamenai tepreinyate nepedaye.³Nemenate weye yununa sate aroypenya meka ayasu beyasate meka metere sure ikene, ⁴nemenate sate yununatena yebeteryunu Awa doutena yerena sate nekewa biriusi wena damba doi menena. Hal Berdoa⁵Netena weye mendote mekoninate, mepenya tetero siye mekainya mana ate mendota esune tepende wari mepe mere tire-tire nipi dere nepere wete doutenaminate; dena a, wete sename teprenya teret nepedaye neyeko nenandambe ne kena.⁶Nemenate mendote weye mekonenatena tupa dekopa meye numbrute noupa dunupune mendote eune mekone awa yenekena wete, awa dau tenewe yere poi wena damba menena.⁸Ne serei nya mai dowa mekabi oto su pere tenai te nepene kiyouna nemena Kaye.⁹Neperena Kaye dewa meke kena baya paune ate taru bute kerone me Awa mang ena pekote baye sikinimpine.¹⁰Da a yeko yeko semokepei yeupa duwa mereupuku da akurung waru karite sumu karite taru nipite poi ye meko mane mang dewa ne ne na.¹¹Neperena Kaye kanibo te kanite baru mane di sero te di mekote kani te baru mane ne te temete mekomane,nipi yeri yeri te sipi mekomane nipi bo-bote kanite barumane.¹²Neperena Kaye tetero tereng neyena mana dou te tema kena kena bise endo wariyei ena damba mene.¹³Nepereinya ne tetero tereng nekewa mekai nya te nete ate sanumu,wai wepedaye wena atou peda ye sime we te na ate saniyoume wei wate baya baurau puku ne pekoye menenate.¹⁴Wena ona poi-poite wei kenane tenai mendona mekonipeinya wete sena wena seyuna da oru tenainya mane nute mekoumpune e nekewana kena yenu mendotena mekonipeinya ate senawe.¹⁵Meteka bura dao meyenamane tepainya ne na yengso burupa duwa keraipiki neo nena na pekotena ne o baya nai desembine sing yeupa nai tanumbine.¹⁶"Tetero tereng neye ate siraimi nemena Kaye e beya te mekomapina ne serainya mai dowa mekabi oto su pere tenai te nepene kiyouna nemena Kaye ne dainya kiyou netaye kena akurung.¹⁷Ne ate sawekai simi nena wana Mayon biserei na nepe tena ambainya simi ne karotena.¹⁸Ate saweke sasiyei duwa seiyambiki na serei kopirmanbine.¹⁹Nepereinya nete ate siranai neme na e Kaye beya sate mekomaipi ate saweke ne te sanumu.²⁰Nemena Kaye tetero tereng te meyenamane nete bute kere youme wariyei nema ne derati bute kerombuku ne mendo mekounu netaiye Kaye beye tekau kerake.²¹Tetero tereng neye ate siraimi nemena Kaye e beya te meko mapina.²²"Nemena Kaye tetero tereng te meyena mane nete butekere you me wariyei nema ne derati bute kerombuku.²³Nepereinya wariyei ne kembarite mekone Nate nena mai dowa namimbei tetero ne saiyani.²⁴Tetero menene wariyei watone dua anambi ki ne tetero mire mire serai te tawe kani yopa kainya baiterene tepai ne nei dou ne metere da waro mekeyona dua tiani.²⁵Mire serai tuana neyau bei mekaina tawekani burete dou te tenya te kai wariyei ne na wa beama aisesu ku tetero besika ne na ne tetero poi nouruna ne a tekrokona da tetero a te sarupuku ne mang kena diate teu tetero menene wariyei watone dua arambi.²⁶Mire serai ne kewa dwa burasi mekau merai bu te kerena kerena oke poite merai murte oruka mekekay atona way wariyei te wapa konani.²⁷Neperena Kaye tetero tereng neyenamana doute tema kena bise endo wariye ena damba mene.²⁸Nepere we yeko mekeyauna pere sa diraipikina ose tunanembinde tetero nemane tetero poi wake we baya tewapuku ne nou temene betera damene²⁹We peko orumbinde wesing yeko sematena pere tetero pere we tetero kendo banya we kauna koruna pe bure mane baisu kreu kreu tamipiki ne baisu keuna³⁰Nete Nate we nemane we baisua tetero keuna bekouna tepeuna noruna nepere we eyusuna we pro pro tere mendo ambai tere.³¹Nete Nate doute tei de wena neropa sanumpuka kai mendona tetepere piambainya tetero pere nepere a yeko sematena tetero moserei nena nerore baya.³²De wete sena menape teperaitera meterua wane da serai nete tukanembinde.³³We tetero dou bisena bute anauna sa eyu sute baya sukumbunu nepere baisutua nemane baya sumbuku.³⁴Nepere de wete senawena da sereire we detena nekewa natena dou teipei nemenate we damane seyuna wari kembang wate perenen.

Chapter 7

Hal Menghakimi ¹Mekoi penya weye netenate, wetena siyena nemeipei, setena mekoipenya. ²nemenate nemeiye, wete nemane nemeinaiwa site tukai yena wetena nemane tukayawina.³Nemenate weye doute tiye dokeka kena pekote wei wana pekotena dou tepei nemeipei? ⁴Beya mane weye nete sanune dayei; nemenate deyei wena peko dounate baya sutepine wei wana douna kese nemenekai? ⁵wetetero pekoo baya tua wei pekote dounekainyate baya sipine wande doukiya ye teu, wande tetero sikanate doure baya supune.⁶Mekoipenya weya sa poite yukukenapa yumu perna mekoi penya weye yeko poite opote yumuperna,otoyenarnai birinai pine wete pekote mekonai pine."Mintalah,Carilah,dan Ketuklah⁷Aye saminine inewenat wena; ureme doute kurunte bapame menipi baya tuusina wetenate. ⁸Nemenate tetero aye beloumena duwa douna tetero waye ureuna dua tenuna tetero menipite bapuna baya duwa tunsina. ⁹Nemenate tetero pebeisika yeiye satenate sane newa orute yune? ¹⁰Bei warite yunu, katenate sanenewena?¹¹Nemane weye pekonu nemeumbuke sa poite yeite ateyeme nemena sate Awa Wari Diare poite nemena beite atoumuna nete ane naine mene.'' Hukum Yang Terutama ¹²Nemena wena kenane mekeyena tetero wenadamba mekonainya,nemena mekau sikena dam bamba neyeko duwa keropukuna yansina Semone duwa keraipikina A kurungperna tetero.''Jalan Menuju Kehidupan¹³''Eupana menipi sereinyare,menipi dere nou kurabeitenouna nipi peko tetero terengme nenipire werainya. ¹⁴Tepereiye kura banya menipi kekebetena nipi poi nepenekeu tetero sereibete tambiki,nemeiyambiki.''Peringatan Tentang Nabi-Nabi Palsu¹⁵''Semate kende nabi-nabi niskorena manya wekewa manya domba kena wa mane,tepereye nepedaye niskorna. ¹⁶Neneuna yure weye nemeinde tenenbinde tetero oraina anggur yu sa sye-sye bei ara yu sepo sye-sye nerona ? ¹⁷Tepereye ona tepeuna poi wewai nemane ono peko nena yu nemane peko deraite.¹⁸Ambai ono tepeuna poi nena yu poi wewai nemane ono peko nena yu.Na poite wawi penya. ¹⁹Nemane ono yu poitena wawi penya baya kinaitene aronai pine sing damba barunaitene. ²⁰Nemenate nena yure weya nete aronbinde.²¹Ambai tetero ate sumu dena wapa,'Tuhan,Tuhan,' eupa wari diapana,Surga,neye Awa kena yekote neye mekona waridiapana,Surga. ²²Nena tuputenate kaso pere tetero ate siminainya dena wapa,Tuhan,Tuhan,netenate de a duwasaniyame dena wadone,sekaite,sekiyame,nena wadone kembarite kasopere yekote mekeya nena wadone seiyane?' ²³Neya menana deye ate jia santeme wena damba ate; de wetena nemeipei aroipei Baya dena ware ende we meyena mane pekotemeke yauna.!'''Mendengar dan Melakukan²⁴Tetero bentekeite akurun deye seiyana kembarite mekonaina, ne tetero poi mieyete oro damba merepuku tepeu. ²⁵Nemena kaye biye apa saupuku bume yereu aru dere sekupuku ne miye apana biritepei tepereye oru damene tepena.²⁶Nemena tetero,bentekeite dena a seiyanate poiyena mekoipenya,mendo banya ambanya myete kisi damba mere puku. ²⁷Tikibai biye mereu bume dereyereu aru seku ne myete baya dingkeru puk sayesi kasopere peko oriyai.²⁸Nepere Yesus tuputena ate seyumbukuna kenate tetero kaso pere bentekeite beteyai yekote kuruyome. ²⁹Ne tetero yekote sanu muna ne tetero kuasa na ne ambai ahli-ahli taurat sena mina mane.

Chapter 8(Yesus tetro penyakit kustanate poi mekombuku)

¹Nepere Yesus meko damb're apa yerekai tetro terendo p're nete tawekaini mekai.²doute tai tetro penyakit kustana tetro nena bekounu ate mekenseyunu,tuan: weye seyu nunate wete poi mekote pine.³Yesus mekate nena wadamba mekoupuku,nete ate sanuyone da sonine weye poi oru pune.⁴Yesus nete ate sanuyone,duwa euna,tetro sitena atena sanimpenya,nepere wena wate imam kewa dou eu,yan sine musa nena ate saniyoumna mane yekote nemane mekonde.( Tetro pelayan perwira romawi poi orupuku)⁵Yesus kapernaum yopa mekai,perwira tetro nekewa meke.⁶ate meken sanione,tuan,ne tetro mendai duwa denapipiki abeine di tenou oto waripei.⁷Yesus nete ate sanune,de mekana nete poi mekotembinate meka.⁸Nepere perwira tetro ate saweke,tuan.deye katena yang mene kate nemena,dete abete sanutupune deye tena nete poi tenmekombine.⁹deye katena tetro sikena kirine kate,yuku serai katena.tetro besika sanumbuka duwa eu,tetro site em sanupunu dewa menai nepere dewa mekai da yekote mekombinde.¹⁰Yesus ne ate betou puku,ne tertere oru you ne tetro tereme mekauna ate sanumu,da yeko noruna de wete saniyamena da yeko eyei kenane yereu nerona mekoi pei.¹¹de wete senamena,tetro tereng si omore mekai,si wari mekai awa Abraham,Isak,Yakub wari diyane sate nebeinye aniyai.¹²ne yei b'ra di wari diane orunai a kepe-kepe neropa barunai,nepere dobute mekonai,eti kete kurungte meko nai.¹³Yesus ne perwira tetro ate sanu youme duwa eu wena percaya mekeyenna mane ne yekone mekombine,ne sonine ne tetro poi oru puku.(Petrus Nenamutu tetro tereng poi oru kai)¹⁴Nepere Yesus petrus nena mepa meke,doute meke teu,petrus nena mutu saye mekombuku.¹⁵Yesus nena mekate deko,ne nawa nena mekate wadamba mekopuku nepere ne esua yemuku,nete arikete sate soyoume Yesus nete aniyai.¹⁶ de neng pa meke,tetro tereng mekai,si aru peko-pekona,nepere Yesus a bu besika dombuku,ne tetro tereng mekanya poi oruyai.¹⁷ne deraiti nabi Yesaya kena semone kanya mane,ne tetro yei menena ena kani-kanite,ena pekote baya sumbine.( Yesus nena akeyana tetro)¹⁸Yesus doute teu tetro tereng nete rawekain mai ate sanumu ite baya teinde.¹⁹Nepere ahli taurat tetro meke ate meken sanune,Guru de wete taweteme,we monoupa euna dembere.²⁰Yesus nete ate sanune,rubah nena nou dua keu,merpati nena nou dua keu,nepere da tetro yei nena nou ambai.²¹Murid Yesus si ate mekou puku,Tuhan de wete mekawe sanawe dena awa tetepukunate kanipa te sensine nepere de dewa mete.²²Nederaiti Yesus nete damane sanune,dete taute,tetro si tetro sounate neye kanipa keronaine.( Yesus Nau orsote baya dusumbuku)²³Yesus ipa sakekone,nena derona nembere nai doute tai.²⁴Nau orso nau nerone dekome,Yesus yukute tenoupuku nete baya yengkerani.²⁵Tuhan, e peko neropa dua mekate,dete poi mekompinae.²⁶Nepere Yesus nena deronate ate sanumu,we beya endikite dekau,wena iman ambai? Yesus esuwa yemuku ne arute baya topuku,orsote baya dusumbuku.²⁷Ne sekero idamne kekanya herante mekekai ate seiyani da tetro beyamene tetro,aru nena abenye mekopuku,orso ambai dua orpuku.( Radars tetro bisirei aru pekote dekoi)²⁸Yesus danau sua mai akeko,daerah tetro gadara,bisirei sekanya tetro kuburan damb're dewami.nena aru arma dopere,tetro ne niperna waripei.²⁹ne dobi ate keterei,nepere ate seinine,we beyamena pote dapa mekau,we Allah niyei dapa mekena dete pekoye mekomu?³⁰Doute baya tai opo derona sate anai.³¹Ne dobi nena wana sekai Yesuste sanunu,date dapere baya sekumpunu di opo derona neropa sanumpune.³²Yesus ate dombuku,da pere baya ende opo kena waburupa ende,nepere opo derona nawekaikai merasi yepa,danaupa baya bariyai no eu sopuku.³³Tetro opo semate ki yanya nenei wate kotapa dua kai ate kura peto mekambiki opo kena yeko meko pukuna ate kain seiyani.³⁴doute tai kotana tetro meyemekai Yesus nembere ate mekaine sei yani nepere Yesuste tambikina kaya ate saniani dapere dasene baya dua ende.

Chapter 9( Yesus mendanya tetrote poi mekombuku)

¹ipa sekapiki Yesus bu nerote mai nenei kotapa mai akepo.²doute tai mendanya tetro,a benye tenounate nekewa dekani mu,nepere doute teu wena iman keu sate,Yesus da ate nete sanune wei kenate apa dusungknone wena pekotenepere,we poi orupunu.³nepere doute tai ahli taurat moserei nena kenane ate sei yani,da tetro Allahte a pekote sayunune.⁴Yesus nena kenate dua arom puku,nemena wena peko mendote kenane mekanu?⁵nepere mononu poi nepene keu,peko-peko nerorepoi orunai.esuwa yemunu otote waru.⁶meye dua arambuku dabumina Anak manusia kuasate deko tetro yeite poi mekoneme.Yesus mendanya tetro nete ate sanune,esua yemunu yuku arwate nebeipa durumbunu mepa dua eu.⁷ne poi orpuku mepa dua/ke.⁸tetro teren dopere neyekote tambiki,mendote mekeyani Allahte mendo karone saniyani Allah nena kuasa da tetro yei damba meke.tetrote poi mekeyomu.( Matius pajakte kopuryonu Yesus)⁹Yesus otote mai douteteu,Matius anekeu pajakte kopurunu Yesuste tawekene.¹⁰ Ne sereye Yesus ane meke keu sate a nai doute tai tetro pajak pere kopirainya tetro dewa mai,penyakit tetro nembere mai ane meka kai Yesus murid-murid sate anai.¹¹Nepere parisi tetro ne doute mekai tai,murid-muridte ate mekami senami,beamna pote,guru sate pajak tetro pere sate nebenye anai?''¹²Yesus ne ate betoupuku, nete ate sanumu,tetro poi da yekotena ne aroi pei.sanamuna tetro nekewa meke.¹³Dua eu, da yekote poi arombinde tetro site kenabisete deremane,de mekane tetro pekote poi neropa ta temme.( Puasa nena yeko beyamane keu)¹⁴Murid-murid Yohanis,Yesus kewa mekai nete ate mekam beteyani.beya menate farisi tetro puasate mekai,nepere murid-murid da yekotena mekoi pei?¹⁵Yesus ate neyote sanumu,nemena penganting-penganting do patya burete tukani,nepere penganting-penganting do nembere werai? nepere ya wayepa mene,penganting do nena nerore baya atononai nepere ne puasate mekonai.''¹⁶Tetro si mayon pote done mayon sumu dambal seinbini,ne tambalan mayon sumu baya wekembini nena peko deretere orung bine.¹⁷Tetro si anggur poite done,kantung sumupa danenbine ne kantung baya beseng kerone,nepere ne anggur apa dirimbini ne kantung baya besnapini.nepere sime nederaite anggur nemete kantung nemepa danenbine,kantung bibinamane poi neme kenemene.¹⁸Yesus ne yekote sanuyoume,doute tai Gereja semate keuna tetro meke nete otobutu mundusumbuku ate sanune dena yei mire dua tetepuku, nepere we dewamu,wena mekate nena wadamba mekopunu neye poi orumbini."¹⁹Nepere Yesus esuwa yemuku netettrote tawekenmu murid-murid nembere mai²⁰doute tai mire berang nena penyakit pendarahan mai 12 tahun metosuru Yesus kena jubate meka deko,²¹ne mire berang nenei wapa mendote mekeyonu,de juba tupute meka dotena de poi orutipini."²²Yesus metopa, bursuku ne mire berante ate sanune,wena kenate ane dusungkrone wena iman keu sate we poi orupunu.²³Yesus Gereja semate kauna tetro nena mepayeruku doute teu serulingte mepanya,nepere tetro tereng dopere yang bising.²⁴Ate sanumu duwa ende ne mire berang teteipipei yukute tenou tetro tereng dopere ne ate betapiki dete diwai.²⁵Ne tetro tereng nepene kianya baya diapa sekumpuku,Yesus mepa yeruku nena mekate deko neyei mire poiorupuku.²⁶Atei dekai petokura daerah sipa-sipa saniyami.(Yesus dou tepenya tetro bite poi mekompuku)²⁷Yesus nepere oto eu.dou tepenya tetro bisirei nete metosure tawekeinmi ate napekeimi.Dau niyei dete poi mekompime.²⁸ne ate betoupuku,ne dobikena mepa yeruku Yesus nete ate sanuwu,we percyaya mekornate de yekote mekotipini,ya Tuhan.²⁹Yesus ne dobi kena doute meka sumpuku,nete ate sanumu wei iman kenane keu sate."³⁰ne dobi kena dou duwa erepiki,Yesus nete ate sanuwu da yekote tetro sitena atena sanipenya."³¹ nepere nedobi poi orupiki.ne ate dekai petokuraye ate mekom-biki,Yesus kena wadote daerah sipa-sipa dekai saniyami.( Yesus abanya tetrote poi mekombuku)³²ne tetro bi duwa kei, doute tiyai tetro kasopere abanya tetro,aru peko-peko mekombuku Yesus kewa dekanimu.³³nedeiti aru pekote baya duwa sekumpuku ne abanya tetro poi orupuku,tetro teren dop`re herante mekeyai,nepere ate seiyani herante meke-yai ate seiyani,Israel kanina damena yeko dou tepei kate.³⁴farisi tetro ate seiyani,da mopena aru peko-peko deko aru pekote baya sekummu.(Yu kasopere kembari tetro serei bete)³⁵Yesus otote waru you kota-kotate,desa-desate yembuyone awarite sanu youme di sinagoge-sinagoge injil kerajaan sanuyoume tetro kena pekote tetro sanumunate poi mekeyome.³⁶Nepere Yesus doutetiyou tetro teren dopere nete kenabisete dereyoune,tetro si wakebai,si nena yereu nare-nare,nepere domba-dombapa aropuku tanpa gembala.³⁷Nederaiti murid-murid ate sanuyome,nepere yu kasopere wewai kembari tetro sereibete.³⁸Nemane deraiti awate ate sanende da panenan tetro neye keu nenare deraiti kembari tetro dewa mekombine menai.

Chapter 10YESUS MURID-MURIDTE UTUS MEKOUPUKU

¹"Yesus 12 muridte sumupuku mekai,ate sanuyoume nete wakete ate youme,tetro sanamunate poi mekomende,aru peko-pekote baya sekemende.penyakitnate poi orunai.²"Da wado-wado 12 rasul Yesus.besikana.Simon Petrus ,Andrias,Yakobus,zebedeus,niyei Yohanis³"Pilipus,Bartolomeus,Tomas,Matius,Yakobus,Alfeus,niyei Tadeus⁴"Simon zelot tetero,YudasIskariot Yesuste naite mekoupuku.⁵"Yesus 12 rasul utuste mekopuku nate ate sanuyoume di nipi nerone tetro sisi kanya neropana epeinya,nepere kota samaria neropana epeinya⁶"Weye endena domba-domba peko orainyate di israel kanine kai.⁷"Nepere weye endena ate mekombinde kerajaan surga nepe duwa noprupuku⁸"Tetro senate poi mekomende duwa sounate warite tamende penyakit kustanate,aru peko-pekonate baya sekemende.da yeko wete ateyamme,wete saniame dengan cuma-cuma.⁹"Emastena atoupei epenya, perak,tembaga neperna bang yekepa beyauna.¹⁰'' Tas nipiteuwarendena ,mayon po bisirei ,oto ere , kate,nepere tetro si sawarote.¹¹'' Ne kota ,desa sipa endenate sime wete atoneme nepene kende nepere Meles dewa mende. ¹²'' nepere nemepa eyupa endena ate poite mekombinde. ¹³''nemena tetro wete poi dua atonaime , ne poi nedamba mene.ne yeko poinya mekopenya , da yeko wei damba nekewa dewa mene¹⁴,, Sime nederaiti wetena atomipenya , wena atena betoi penya , we baya endenatena , oto temena basete ane bapibinde. ¹⁵,,De wete ate senamena nena yeko yansine sodom kanine gemora pere mekekona ne kotane mekopukuna mane .MURID NENA YEREU NERONE NETE NARUYOUMU¹⁶'' Dou tende de wete domba nerore peko neropa endenatena , nepere wena yereu warikena yereu, nepere awe merpati mane kende. ¹⁷'' Nederaiti, tetro si wete peko neropa wete bisi-bisi mekonaimi, wete sikena meka damba neper sanhedrin wete oye tutu nai nena sinagoge-sinagoge mekonami. ¹⁸'' Wete atonaime, tetro detre-detre neropa raja-raja neropa atonaime ende,De tansate.Dena a warite senamu nemena sate mekonaime.¹⁹"Tetro sikena damba atonaime ende ,we endikina dekokroi penya,neperna ne serenya wena a beamane sane mende. ²⁰''Newena ate sanemende,Awa Mang tetro kena ayo mire wete wakete imime,ne wakere we ate sanemende.²¹''Do keka-dokeka site naite mekonai nepere tetero orunai,awa yeite naite mekonai,yei nai-nenang,yei awa nawa kena a betoipei nepere nete baya tutunai sisi wete yembete kenai.de tansate.²²''Wete yembe orunaime dena wado tan sate,sime nederaite,de wadote semate kenena ne tetro poi damba mende. ²³''Wete bisi-bisi kota sine mekonaimena,kota sipa ende.De wete a norunate senamena nepere we yekotena noupa meko penya,De wete ate senamena kota-kota israel noupana mekoi penya ne tetro yei dewa mena yonsine.²⁴'' Murid nenei wapana detre tena yepoi penya nepere hamba nenei wapa deretena yepo penya. ²⁵'' Murid nepere guru mane , hamba nepere tuan mane , ne tetro nete simenainya nemena tuan beelzebul , ne peko keluarga nerone tukanainye.AWA MANG TETRO ENDIKI TE DEKOMA²⁶'' We endikitena deko kroipenya , tetrodes kena a mosrei seinnanya we netena aroi pei . ²⁷'' De wete senamena yansina a kepe-kepe nerone kiyate neprenya kiya nerone mekate kate , we ate bentekenya beteyau ne ate me koti damne seininde.²⁸'' Ne yotena endikitena dekoi kropenya , nepere waritupu pekotena mekoi penya . ²⁹'' Awe biserei naite meko naipine dera besika donai nepere ne awe bi serei apa kani damba yereu toupuku Awa Mang Tetro kenapana erikropei. ³⁰'' Nuwa tenainya meternamane duwa bembiki . ³¹'' Neperna endikitena dekokroipeinya we yereu poi te mekau amberawe pipit pa arai piki .YESUS NOUTERNA³²''Sime nederaiti dena wadote tetro sikena bekone sanemene . De nena wadote Awa Mang tetro kena diyane iten seinine . ³³'' Sime nederaiti Dena wadote a peu-peu orununate, De nena wadote Awa Mang tetro nena bekone itin seinine .YESUS NENA YEKO BEYAMAN KEU³⁴''Emendote meko mane , de metena da bumipa doipeimipei , De metena metekate dote mete. ³⁵'' De metena tetro te baya mete wasine do yei naikena nerore , mire yei nenang kena warore , niyei mire nenangmutu wa nerore . ³⁶'' Ne ekiri-yembe keluarga nerone neme kenemene.³⁷'' Sime nederaiti nai-nenangte kenabisete derenena nederaite dete kena bisete denene . Sime waritiki kene mene nena yereu dua narengkrone. ³⁸'' Sime nederaiti dena salib tena eritepenya detero tawitipenya de netena kenabisetena derenipei. ³⁹'' Sime nederaiti nena wanurute semate kenena , ne tetro nena wanuru duwa karumbine, sime newa wanuru duwa karum netetro de tante sate.AWA MANG TETRO POI⁴⁰'' Sime wete donewena , ne tetro dete dekote . Sime nederaiti deteko netena , ne tetro dena Awate kenate derenena Awa dete duniapa utuste mekopuku .⁴¹'' Sime nabi kena yekone donena , ne upah nabi sime tetro poite donena , ne tetro nena upah poi nena upah tetro poi.⁴²'' Sime wete bute iniwena , ne tetro nena yereu poi ne tetro murid kena wadone , ne yeko denorunate seitene mene ne tetro nena upah karipipei.

Chapter 11

¹Nepere Yesus uena oto touna sekero meka bite butu bipere nate ati ayekote saniumpuku kaye,nenepeu senote kiriyomu awarite neyo keua kota-kota pa saniyomu.( Yesus pere Yohanis bukroi koi pere)²Nepereina,nepere Yohanis ,boiyenu teneyou,Yohanis nenei oto tounate sekerote sanumpuku,³Yesuste ate siriyani,''wekaye neyei weye meke bei, yesite nekewa tena?''⁴Yesus ate saweke neyote saniyomu,''endenakaye Yohanis te eu sanende weye wei beutekei we batau wei doune tanu.⁵Dou bisenu detero doute tai,mendaina detero oto tewerai,sanamuna sisona poi ourai,bentekei betoipenya beutekei te betai,duwa souna dewa deiyai nepere kani-kani nerore kaina awarite betai.⁶Nepere,detero nare-nerete meka pareye pereyomu.''⁷Nemenakaye,neseray dua kai Yesus nekewa detere tereugte,Yohanis keua yekote saniyomu,''webeya yekote sena nerone tambuku? suru besika te aru ye mapi youni?⁸We kaye beyasate teni nate nekewa kan? detero mayong bu poina pediye andewa poka kena diane.⁹We beya te teni kewa kan? akeyana detero? teperei,deye wete sena menape,ne detero detere akeyana.¹⁰Nepere,ne detero semokepeipa weraipiki: 'doute tei! akeyana tuwa sanumpuka meke aleyei nipite kiyaye menunikate.¹¹De tepereina wete sename,wena nerore mire besika yeite seneone mene wena bekoune wene tepene neyei detere,Yohanes bu kroi-kroi nepere na kaye.aleyei neku, terenewai waridiane neyei detere nembere, ¹²Yohanis bu kroi-kroi kena sereinya nepere wari dia sangkei peraye,detero tereng sangken peraye miku kembari sedoperena te mekai.¹³Netenate,akeyana tereng pere ati ayeko sunapere ate kereyai neke Yohanes kena sereipa.¹⁴Nemena, te wedayeko te doute wate, Elia nekewa meueneite.¹⁵Siye ye beutekei perena nete betoude,nete poitere betoude!¹⁶Beyamane, nesereinya yeko mekounate? nesereinya yei drou mane dia nekaude werende, henei yauna pere,¹⁷Damane seiyani,'de wetena suling te da mepate,we buse koipei.de wariye te da dineate, we lu yekote keipei.'¹⁸Nemena Yohanes mekena sa amipei,bu anispei nedamane seiyani,'ne arupeko nena wayeupa.'¹⁹Nemena kaye,detero yei mekena sate aniyou bute aniyou, ale damene seiyani,'doute, te tetero besika sayukuna pere bu yukuna pere,nena seray dera kopri-kopri detero pekopere.'nenena tena,mendo eiyo nenei kembari.''( Mendo doipei deterore wa semate keuate)²⁰Nepere Yesus karore-karore wariyou Yesus nena kembari te mekeyou yekote mekeyou tetero neneipenya metopuna birisipeinya.²¹'' We peko damba ende,khorozim! peko domba ende,beisaida! nepere,nemena yeko-yeko wena ne ki yanei wenai Tirus ne mekeyouna pere Sodom na pere,da seray dwana birisipei mayong neko-neko te titaipai ki tipa te bepa sewaipiki.²²Netenate,de wete da yane senanena pe yekomekonena, Tirus pere Sodom pere mekeyouna nane nete tikande wedamba.²³Wekauna,Kapernaum,wena wado yaretere na nopana mane iwe? ambai, wepe wena wado yerene kani damba na mane, da yeko-yeko wena nerone mekone Sodom na wane,ne kota nenuken da sereipa meke.²⁴Netenate, de wete da yane senamena nete erimapikinapere, Sodom kauni mekeyouna mane wete tukanimpiki.''( Bu warika detero Yesus kena watoupa)²⁵Neyana Yesus ate sani yomu,''awa dewete ourawe awamang,manonapere dayodanuapere,teperei da yekote yene narumbuke detero yasebupoinapere mendo bupoina pere, da yekote yei drou kenapa kiriye me.²⁶Oh,Awa, nemenate wena bekoune.²⁷Yeko meterna mane dena damba duwa kerotupuke dei awa. nepere, deteroyei detena aroipei,de weibe Awa;detero wa awa tena aroipei wei yei yupubeinya ye nepere detero weye kena te kiyena beite saniyeme.²⁸Dewa mende meterna, mane bu marina osete tukanuna,de wete pena-penate tatempiki da ose ikamenape nepere aroude deka ose pedaye kena te mene,dekoi-dekoine wena waripiki,wena tong kenakarite.²⁹Ne ose nete ikame,nepere dete arotende kena temene-kontemene apadusung krone,nepere wena tong kena karite.³⁰Nepere,ne ose kiya terepena-penatere."

Chapter 12( Meka bi butu bipere)

¹Neyana,wariyei tuputena yau gandum mika dambere oto te kai nena oto touna sekero munute tukayani,gandum nate,aniyai.²Neperna, kaye perisi tetero dou ye tampiki,wariyei damane saniyani,''wariyei wena oto touna sekero besa kembari tuputena yane makai.''³Nepere, wariyei pasisi tetero te damane sani yomu,''wekaye Daud kena semo beipei nena oto touna mutute tukakani,⁴Beya mane Daud wari bu ongko napena te keangke,noru nape ne dena maungke yekote na pena we amipeinya nepere nembere kanya tetero pere,noruna iman serai tena?⁵Nemena,tena semo we bei pei mang kena yeko,tuputena ya,iman seray wari bu ongko tuputena ya tena meraipiki da yekote na narimbipei?⁶Nepere,de wate senameka pedaye de deretere wari bu ongko dapene da.⁷Nemena, kaye dayeko we duwa arambuku:'de wete sename pedaye kena bisete mangkena yekote',weda yekotena tetero tena o setena ini peinya.⁸Nemane,ne mang kena tuputena ya.''wariyei siri yomu simiye dembere.''( Wariyei tetero te tuputena yane mekombuku)⁹Nepena oto te kanya kaye,wariyei neserai kena Sinagoge pa.¹⁰doute, ti you tetero doyei besika nena me mekasu mendai.nemena kaye, nepena yo wariyei te sani yani damane sani yani,''nemena kaye tuputena yana tetero tena poi na mekombunu?'' wariyei te wapikani nisikoruadanate.¹¹Nemena,wariyei nete sani yomu,''simi ye wena nerone domba besika waru,ne domba merasipa kombopa erimimbina tuputena yane,ne kewewa ne domba tena dewa donene kia pa tanembini?¹²Detero yei kena yeko detere ne domba perena erikroipei! nepere kaye,teperei tetero poite tuputena yane.''¹³Neperna kaye,wariyei ne tetero sani yonu ,''meka te dewa iti.''de detero mekate nengsukn poite orupuku nenei meka poi kiyouna mane deyupuku.¹⁴Nepere,farisi tetero dua kai ate ai boupukuna kaye nete masiyani,beyanane nete nikorupa nate.( Wariyei,mang neite kurupukuna )¹⁵Nepere,wariyei,da yekote arongbuku,nepere baya ke tetero tereng nete tawekani kai poi mekeyomu,¹⁶Nete sani yomu nena yeko meke youna tena serai siaroipei.¹⁷ Da yeko mekanatena Nabi Yesaya nena semopa duwa mereupuku:¹⁸" Doute te,dayei dayei dei kurupuka,nete kenate kerombuka,nena damba dena tong kenate kerombuka.mang kena mendo wariyeite nena damba kerombuka,dayei tenate serai bera-bera site.¹⁹Ne a saripei,a ketereipei,tetero si nena atena mipi nerona betoipei.²⁰Suru baya disimbina tei keroipei,sunbu dua mareutena ke pei pei.²¹Nena wadone,serai-serai si nete tenai.''( Wariyei kena yekomeke youna mendowa wariyei mang kenare )²²Neperna kaye detero besika aru peko nena waburune,doubise pere amou mouna pere,wariyei kena watoupa. ate kani mekai nepere wariyei poiye mekompuku doubisena douti you amou mouna ate seyi younu.²³Detero tereng ki yanya tengkeng te, bapiai ate siriyai,''nemena dayei dand niyei?''²⁴Neperna kaye,farisi tetero betapikina damane seiyani,''da detero aru pekote-pekote baya sekumuka nemena Beelsebul,aru teaai ke wadone.''²⁵Wariyei daserai kena mendote duwa aroubuku damane saniyomu,''Kerajaan besika baya beseuai menai nenei wate nenei wate e kirete dereuani,nemena tepeipei.²⁶Nepere sekai-sekai tena bayana sekingbipei,baya besenai menai nekoi wate ekirete dereuani.beyamane, Kerajaan poi tepene?²⁷Nepere,de wariyei,aru peko pekote baya seketem piki nena Beelzebul,nemena tena si siniye wena yei nete baya sekenempini? nemena tena,nenei da seray nenei wate Hakim te mekonai²⁸Neperena tena,nemena mangnewa mendowariyei,wariyei aru pede-pekote baya sekeneme,mang kena Kerajaan wena damba duwa meke.²⁹Bei,beyamane tetero si wakena tetero kena mepa eyupune sasesite baya neoune ne detero pemipitena poina dimpei? nepere, tetero wena sate bisi neorune.³⁰Wariyei nete sani yomu simiye dembere ,dembere wariyei pere derane.nepere,simiye demberena kopirimbenya baya besai-menai.³¹Nemete,wariyei nete saniyomu wei de keometena tena akari dere yena tena wetena baya su kutenpina,nepere mendo wariyei akari te seiyena baya sikimpei.³²Netenate,simiye mendo wariyei akari sanenbina wetena baya sikimbipei,daserei re wepere bepa di wana.''( Ono tepeuna nena yure aro manbidi )³³"Nepere ne o poi,newenatena ne ouopeke.nena yu pekobei,netenate ne ono tepeuna nena yu re aromangbini .³⁴We,wari serainya keu nu,beyamane we seranya nu a bu poite seinde? newene wei me dekore, emburune seinnende.³⁵Detero poi nenei medekore kembari poite,tetero peko nenei medekore kembari pekote.³⁶Nepere,wariyei ete sanumuna a nare-nare te tete se yanina,neserai neyote sawekai tuputena yane.³⁷Netenate neasei yena,wetepoite seinani,wete nisikoruapa.( Farisi teterope mangkena yeko semate kanya seray pere yekote kiripinate )³⁸Nepernakaye,mangkena yeko semate kanya pere farisi tetero wariyeite saniyani,de wena yekote kurupunu nete dou temang biminate.³⁹Nemenate,wariyei neseray kena ate sakewe damane sani yomu,''we seray peko misikorua beya yekote. kiritipinate,nemena,da yekote kiritipini tenenbinde,nemena tena yekote Nabi Yunus.⁴⁰Nemena tena damane,Yunus ka dere kena yase yenu ya namingbei, deneng namingbei kani manue tenombini.⁴¹Niniwe tetero esune tepende wembere wembere da seray pere tuputena yane wete nederati o sete tukanembinde nepere ne kewa dewa birinsinde awarite Yunus. kena, yeko, mane betoude.⁴²Mire detere darisuna nekewa neyemine wembere-wembere da seray peretuputena yane erinai ne osete tukanembinde nemenate neye mane yo tupu mekongbukunapa Salomo. kena eiyomane nepere,tenani Salomo kena yekome dere tere neye da meka tepa.( Nisikorng te neyu ambai tere )⁴³'' Nepere nisikorua aru tetero yei kena wa yeru baya ke,aru kena oto tuna nou-nou bu banya noure note ini kewa ke,nepere ne nou doiteipei.⁴⁴Nemenakaye,aru damane sei yonu,'de nekewa dei wepate,de mopere baya mekea.'nepere,nepa euya keka,ne aru nenouna ne tetero ambai,baya dua mekombuku,poi dua mekapiki.⁴⁵Nemena kaye,ne aru nekewa kena kaye aru nisikorua, te nukea su sunabi oru kepawe tere te nena wayeune ne aru wa yeupa mekai nepene mekai kiyai,nemena kaye,tuputena ya newa we pekotere yeko manina terena mane nemena yeko a seray kena yekone mekone arewa dopre( Wariyei nena menerona tepereinya )⁴⁶Nepere wariyei tetero tereng pere ateseiyani,doute te,dena nawa pere dena dokeka pere bai sunu mekai tepai nekote urei wariyei pere ate seininate.''⁴⁷Tetero besika nete ate saniyonu nya,''doutei wena nawapere wena dokeka seraypere baisune ne tepai,yekote urei wenbere ate seindenate⁴⁸Nepere,wariyei atesaweke tetero neta atemuna wariyei ate munu sanumbuna tetero te,''simiye dena nawa nepere simiye wariyei kena do keka?⁴⁹Nepere wariyei mekate durapuku nena oto touna tepeyanya pa wariyei ate seiyonu,nemena,simiye dena awa kena yekot poi nekonena di wariaiane,ne dena weko dopere weku mire pere,nenei tenang pere wariyei nei wapana seiyonu.⁵⁰Netenate tetero siye dei Awa kena yeko wariara ne keuna te mekonainya ne dedei dokeka do,ne dedei mire keka nepere ne dei nawa.''

Chapter 13( Meka bite butu namin bei a,aroi-aroi mika yeko sutnate )

¹Ne yana tena,wariyei miere baya ke bu yene keki you.²Nepere, tetero tereng nena wayepa kopiri yonu.neperenakaye,wariyei i daman keki you,tetero tereng buyena tepeyai.³Nepere,ne a aroi-aroi te ate sani yomu,damane,''detero besika ke anu te asoina kwa ke,⁴nesonine onu te ke aseyou,morei onu nipiyepa yoyai,nepere awe mekai baya mai anupuku. ⁵Onu si oru damba yoyai,demate kampa yoyai,serai beite deiyai kani yeupa poinya eipei.⁶Nepere,sonin tetekoi ke,neonu sonin namune dua keraiyai nepere. yenso tetoipei,neonu dua keraipiki.⁷Onu sanera damba yoiyai nya,sanera dua beyaipiki.⁸Nepere,onu kani tere poipa yoiyai nya yute ari yai,ne yu doa meka subei,si doa namimbei,si dowa besik mekabi pere.⁹Simiye bentei prena,neye nerai betonai.''( Wariyei a aroi-aroi te kiriyomu )¹⁰Nepere,wariyei nenei oto touna mekai nete ate siriyani,''beyamenate weye neyote a aroi-aroine kiriyeme?''¹¹Wariyei ate saweke,''wepedaye ayeko dua arambuku wari diapana,da serai ne aroipei.¹²Nepere,ne yekoperena,neserai kasopere ora tumpini.nemenate,simiye ambai natena,simi yang nesapere duwa oto nani¹³Nemena sate,de neseraite a aroi-aroine sename dou tenai,douna tempipei,bentekeina betoipei,nepere aroipei.¹⁴Ne serai tena,ayeko Nabi Yesaya a duwa seyumbuku,bentekeine betenai,nete betonde,da yeko we aroipei.nepere,dounetende,doune teune,da yeko we aroipei.¹⁵Nepere wena kena dua sawete tampuku,bentekai duwa bepaiki betoipei,wena dou duwa bepaupiki.nepere nenei doutenai,bentekeine betonai,kenane seinani,nekewa dekewa dua burunaisimi.'poiye orunai.¹⁶Nepere,kena bisina doune tenu bentekei ne betou.¹⁷Dewete tepereinya senamena pe Nabi kasopere deterepoi kasopere da yekote dou tenaite weye da tamunate,douna teipei,bentekeine betounine we da betau na mane,nebetoipei.''( Ayeko teperei a aroi-aroi onu korona )¹⁸'' Neperenakaye,bentekei betonde ayeko tepereina onu karona.¹⁹Nepere detero awari betonai nete poina aroipei,nisikorua mene baya mene orune nena kena wari ambai. ne onu mipi yepa yoyainya.²⁰Nepere oru damba yoyainya,ne tetero bete yainya kena poipa kena karite dereyani,²¹Ne yensopoina tetoipei poi tepepei.nepere,ose akari-apeko awari, yeko ne apa biriatene.²²Onu sanera nerona tetero awari betonai,amise-nuseke apeu-peu nerone kasopere orunai awari poina betoipe yu ambai.²³Nepere,detero onu kani poipa yo yainya,newari te kena poipa oriyai.ne detero poitere nena yu doa meka sate ne damba damba,doa naminbei nepere daa besika meka bipere.''( A aroi-aroi sepo pekopere,Gandum pere )²⁴Wariyei a,aroi-aroi site neyote saniyomu-damane,waridia,'' keuna pe detero onupoite mika damba asoina mane.²⁵Nepere,tetero yukute duwa tenaipiki,nisikorua meke osinu te Gandum neropa nu soupukuna kaye,dua ke.²⁶Nepere ne onu de yainya kaye,osi-osi pere deiyai.²⁷Neme kaye,Hamba-Hamba mika perena yo mekai tua mai te saniyani,'awa,wekaye onu poibeite mika aseye? nepere,mopere osinu mekai?²⁸Neyote saniyomu,'detero peko nekote mekeyou.'nepere, nei Hamba-Hamba nete sani yani?'beyamane weye eu nebeipa enu kopurami?²⁹Nemena kaye,tuan neyote saniyomu,'ambai! nemenatena, weye nete nebeipa,kopindena tena osinute Gandum nutena dawipei.³⁰Nepene deire nebei tepenai yu yane wande dou tema de weteni kasuna yote ate. santeme,memetena,osinu nebeipa keroude saye,'' beinde singdamba barunde siugu dekenai nepere Gandum na te gudang pa.'''''( Wari di sawi namane ragi mane )³¹Nepere wariyei a aroi-aroi site nekewa saniyomu,waridia sani namane,''detero mika damba tekereuani.³²Ne oroungnu neka tere newai nepere denanya,ne detere orongnu sipere,nepere ono simane awe ye nia noka na te nepa nena misedamba.''³³Nemekaye wariyei ate saniyomu a aroi-arai simane,''waridia raginane,nawa done tipa buran kiani tepung mang ko naminbei metername birin bui ragi pere.³⁴Da yeko wariyei neyote tereng te saniyomu a aroi-aroi mane areyou.³⁵Nemena kaye,da yeko noupa orunaipini yeko Nabi, duwa keraipiki''de wena embute baya ereutetene da a aroi-aroi,de da ate santemne neyene keuna da douya te me ke konena.''( A aroi aroi sepo nisikorna )³⁶Nepere kaye,wariyei detero tereng te datampuku meyeupa nepere.kena oto touna nekewa mekai damane saiyani ,''da yekote date sanimpine a aroi-arai yeko asinika damena.³⁷Ne ate saweke,detere onu poite keronenena ne detero yei poi,³⁸Mika ne da yo dane.onu poine Kerajaan yei,osinu ne yei nisikorua yei,³⁹Nisikorua onu aseyouna ne nisikorua sua,nina ya pana yekote mekone,nete erinaina neto-neto pre yo.⁴⁰Beyanane,yeko nemanbei dayo asimane koprinani king damba,wenane tuputena yane.⁴¹Teteroyei nena akeyana neto-netoprena yo menai,neorute nebeipa menaine koprinbi nioru nisikorua nepere tetero nisinoruate meke yanya yopei nenei Kerajaan,⁴²Neyote nenei sing damba nenouna dimikurung eti temba keurung pre.⁴³Nepere,detero piam banya nena kiya soninkya name awa mangpre. nena waritiane, simiye beutei preng da ate foi betoude.''( Waridia keuna dramane )⁴⁴'' Waridia keuna de dramane da yo damene teuwu,tetero tanikena tederani,nekewa yepa sesiki tenou.nepere,kena karine,dua ke,meyena mane nena mena, sate naite mekopuku damikate derate keteupuku.⁴⁵Bukesika nekewa,wariatia keuna nai tetero nane da mutiara ureina mane.⁴⁶Da mutiara dekona te kenena kaye nedera detere.( Wari dia nena yeko kaye tangke kemepina mane. )⁴⁷'' Nemane ye,wari dia keuna yeko ka kena tangke te peto mekambiki,kabisi-bisi ne yepa tanekani.⁴⁸Nepere ka duwa kemenpuku,neseray kisikapa dari nepekai mekai kisidamba, daripa ikan ane mekei kiyai,nepere kate nebeipa kopri yani dari tangke pa ori yai,nemena kaye ka pekote baya baiyai.⁴⁹Nete nate,da yeko tuputena yani mekone.nete-netoperena yo kaye wasinai pekote baya barunai poite mekapa orunai,⁵⁰Nepere detero pekote singdamba barunai.nemane ne nouna nekaye nurunampiki eti temtete bapenai.⁵¹Da yeko we arambuku?''ne serai ate sawekai,''teperei.''⁵²Nemane,wriyei neyote saniyomu,nemenate,saniyanu.⁵³...⁵⁴Nepere ne nederaiti nenei kota nete sengkainya pa,ne semote Sinagoge kiriyomu Sinagoge ne yokena nepere neye tengkeng te mekeyai,''apa disaing kroke damane seiyani mo noure da tetero mendote deko da yeko-yekote meke mekon?⁵⁵Nemenate da yei nai o kembari suna? netenate nenei nenang Maria,nepere nenei dokeka seray Yakobus,Yusuf,Simonpere,Yudas?⁵⁶Nemena kaye nenei mirekeka ena nerone? monoure da tetero da yekote deko?''⁵⁷Nepere ne yo kena seraite netenate,nemenate kiya wariyei nete ate seniyomu,''Nabi tetero besika nekena de komipei,netena nei nonue nenei miene,''⁵⁸Nepere, ne neinoune yeko sisitena nepena mekoipei nepere nou terere neyo aroipei.

Chapter 14

¹Ne sereimya,Herodes tenai te ne wilayah me kiyou,me akurung te betoupuku wariyei kena wadote seiyani.²Neperenakaye,nenei oto-touma te ate somumu."nepene ye yohanes pembaptis,ne duwa sesikite ne nekewa dewa souna tetero nerore dewa yeyemuku nena kembari bisi-bisite eune meke mekou."( Yohanes pembaptis ambai orupuku)³Neperena kaye, herodes yohanes te mekaye awekai saye bei yai piki,dekaini tahanan pa aine tumte ke Herodias patya tenate,pelipus nembire,Herodes nemem.⁴Neperei nakaye yohanes nete damane samune,"nemena ambai ne a noruna bai de wetena dowipei Herodias."⁵Neperenakaye,Herodes nena kenana,"seyunu yohaneste,baya tombinenate ne endikite dekou tetero tereng nerone sate ne memdote kene mekoumu yohanes pedaye Nabi.⁶Dayana,Herodes nete sengkainya yapamu,nena yei mire nena bekoune busekou,Herodes kena kenate suwa-suwa burumu.⁷Nepereina ne ate saweke webwya satena kenate yei mire tikaiyene.⁸Netaiye,nenang nete aye samune-aye wapune,ne mire neye ate saweke."dekewa na yohanes pembaptis kena tenaite dewa donde mende da mampan dampa meseng singde."⁹Nepereinya,raya nena kenane nungderaipiki nemane keu wei kenane ate dua saweke da tetero-tetero sate nebeine aniyate,neye ate senaimpiki neyekote ikaite.¹⁰Ne ate sanumpukuna kaye yohanes kena tenaite penjara yemu baya nai ketembina te.¹¹Yohanes kena tenai donde engdena nampan damba esengsingde nemire kena meka inende nedone ne nenang kena meka inene.¹²Netaiye,nena oto-touma mekai Yohanes,nena wa beite maintekena baya main dekone kani pa duwa ai sesuku,neperenakaye ne dua kai wariyei kenapa ate aine kerombuku.( Roti mekasu bei ka biserei dowa mekasu serei tetero nena tereng.)¹³Netaiye wariyei ne akurung te betoupuku, nenei wa te metopa sukum suku ipa sakokone,tetere bainya noune ye kaye kekiyou,netaiye tetero ate betainya kaye,newande metore damun suku oto kenkani yore-yore wariyai.¹⁴Neperenakaye wariyei kiyapomu,ne doute teu tetero tereng derone damun suku mai,nya,ne nete temu kenabisete deremu,neperenakaye ne samomuna tetero te poiye meke you mu.¹⁵Ya nepe demempa eu,nena oto-otouna wariyei kena mekai nete ate mekai senani,"da nou adone kate ya nepe denempa eu,nete tetero tereng sanimpine yore-yore werari sate ourari mari neite anenai nyate.¹⁶Nemena kaye wariyei nete ate sanume,"nepedaye duwa na epeinya,we nete na sate atome ne nete anenai.¹⁷Neye nete ate senaine."e dapene katena ena mekane sa ambai,ena mekana sa pedaye roti mekasu ka biserei.¹⁸Nepereinya nete sanume."ne sate dewa dena watoupa atome."¹⁹Nepereinya,ne tetero tereng te ate sanumu we dewa me dasepodamene ane meke,ne wande roti mekasupere ka biserei mekapa atoupuku esune ketepeu ma pa doute teu awa mang te ate ke sanune,nepoi ate eu mekoupu ne wande roti te baya eu beseupuku nakaye nenei oto-otouma mekapa ate kome,nena oto-otouna tetero terengte wasya mi.²⁰Nemeyena mane sate anaipiki yasate meyenamene duwa mekai pi.neperenakaye,nemeyenamane roti baye pereyai nya popote nebeipa kopiryanina nena tereng dekainya.²¹Nepereinya,nemeyenamane sate anaipikina kaye na a aroi-aroi mane arai,doyei nena terang dowa mekasu serei,mire serai pere yei deroupere nena tereng bembipei( Wariyei oto te nau dambemu).²²Wariyei nenei oto-touna te aye susumu wera ipa esakopi we disuna suwa ende nemena te sanumpukukai ne tetero tereng te duwa sanumpuku .²³Neperena kaye,wariyei tetero te duwa sanumpuku kai ne wande oto ye kenkene serodampa meu nepene soyei mane ike kiyou ne mendo te kene mekou mu. netai ye aye baseke yereu denempa eu ne soyei mane nepene keu.²⁴Nepereina,i dari rena nepe baipa duwa meu nau orso bunapa-apa mekai sewai aru arma tere sepronu nau oro duwa-dewa kindiri.²⁵Dade nene sonin aperaupa yapa eu,wariyei nau dambere oto t kenkene mu nenei oto-touna oto-touna kewane²⁶Netaiye nene oto-touna dou te nau damba tai beya saye nau dambere dewa mu ,ne endikite dekaikroke,ate ketraipiki,wa neperenakaye ne aketerei-ketre,te ketrai ne endikite dekaikroke ²⁷Neman sate,wariyei seraibeite ate sawake nete nate ate sanumu."kenate wakete atanuru mendote mekanuru da deye mana we endikitena dekoi kroipeinya.²⁸Nepereinya, petrus nekewa ate mekoupuku,"nemena wariyei we dete santipime nau dambere weke wate."²⁹Wariyei ate,"mekoupuku."dewa mime!"neperena kaye petrus I yeru kiyapamu,mau damba yosuku oto te duwa waru wariyei kwa ke.³⁰Netaiye,ne aru te temu,ne endikite dekou netai ye ne apa motupuku,ne ate ketrepuku,"wariyei dete mekapa douitime.³¹Neperena kaye wariyei mekate nensuku Petrus kena mekate mekaye aweke,nete samumu."we mendo wakebai wepedaye pro-proye nene wariye?³²Ne meyenamane I yeu pa aisako puku,aru teme yerai orupuku.Neperenakaye,ne I dame ne mekai ³³kai oto butu disaykroke wariyei te ate senani,tepereithere,wepedaye awa mangwariyei nenei yei yarise yupubeinya( Wariyei sanamuna tetero-tetero te poiye mekompuku)³⁴Nau te serai piki,nekainya Genesaret kani pa ai akeko.³⁵Neperenakaye ne nouna tetero nete duwa rampiki,ne akurung te dekai yopa-yopa disengkami meu tetero sanamuna meyenamane dewa ate kaimi mai wariyei kena watoupa.³⁶Nenei kemate wariyei kena mekai kerani dekaye mekate wena mayong tupune meka te nepe ne sitipine,,tetero meyenamane mayong ne meke beite supuna we poi ye duwa orumbinde.

Chapter 15( Awai kena ayeko pere tetero yei kena pere)

¹Neperenakaye,Farisi tetero moserei ye tenai-tenai orudia na pere yerusalem yorena pere dewai mai wariyei te aye senani,²"Nemena kaye wena oto-touna mengbera kena aye ko te duwa nerani? nepereinya ne meka nekitena bayana sikipi peinya kaye ne roti te amai!"³Nemane sate,wariyei ate saweke nete ate sanumu," nemena we awa kena akurung tena ate deranu nangbera kena oru diya na ayeko tenate seiyanu?⁴Nemane sate, awa kena ayekote mukropuku," awa pere nawa poi ate merenu," netenate sime awa te pekoate sanunuma, nawate peko ate sanununa,we baye nai tombine?⁵ Nemenakaye,we beya ate seiyanu,tetero simbiyan ye awa te nawa te samuyomu,' nemena kaye nesa ikawina awa nang wariyei kena meka damba bei nai,"' ⁶Ne yei awa nawa tena poi ate na simipeinya ne yeipeko,neperena kaye awa nangwariyei kena aye yekote baye simapinate ayei yeko orudamenapa manseine.⁷We tetero peko ,noruna pedaye Yesaya ne yekote da seyunu.edamba sanumu:⁸Da kanina tetero date poi ate neraite nena emburure senaite,nena kena pedaye ambai baikra terene waru.⁹Ne,apeu-peute orainina nete oto butu disipiate ne te senante nete kiramte ne yeko-yeko da tetero nekatena."'¹⁰Nepereinya,wariyei karite sumu tetero tereng ate seiyante"bentekeite betoma mendote mekomane kenapa oruma!¹¹Da beya saye lamburu yeupa ke kenane kene bapunu,tetero te pekotena mekoipeinya, nena kenane orokeimane emburure baye mainya ne tetero te pekote mekaimina"¹²Neperena kaye,nena oto-touna mekai wariyei te ate silani," we aroumbuke Farisis tetero ne akurung te betaipiki ne pro-pro ye ai orupuku?"¹³Nemenate,wariyei ate saweke ne te ate sanumu,awa yowalisena Dia nena mekarena osoiteipeinya ne o na baye dese mai yenso-yenso pere baye biri mai.¹⁴Nemena sate,nepedaye dou kepe-kepe na tetero bibina nane emburu bopa nai yombine."¹⁵Petrus ne te aye sanune,"dete neyekote kiyapa sanimpine.¹⁶Wariyei ate sanumu,"we nemena pene mendo dopeinya.¹⁷Neperena kaye we mende bai sa syei ana tena emburu pa ouratena neperena kaye yasepa tinatena nekewa yasere baye ma barune jambam yeupa ma barume?¹⁸Nemena kaye, beya saye emburure nekembaru nena kenane, kena seyunu mendone kai werai tetero te pekote nekomami nate?¹⁹Ena kenane sa yemo mane muneke,meudo pekote,tetero te titina mendo werai,mire kaina mendo werai,mire pe yukute tenorena mendo kai werai,bisite derautena,ne yeko-yeko ete nemei wepai mina ete pekote senaimina,"²⁰Da yeko nare-nare mena tetero te pekote mekamte na,neperena kaye sate anemana meka sikipeinya ne meka poi tetero te poi ye mekai mina," ( Wariyei kanaan mire te poiye mekoumbuku)²¹Neperenakaye,wariyei dipere dewa mainya ne sikaingsiki Tirus yo pere Sidon yo pere nepakai.²²Ne doute tai,Kanaan mire ne sereire ne dewa mu ate mekoupuku," de te kenabisete derenime,Tuhan,Daud niyei! ne yei mire nena wapa aru peko sakeko ne wa pekotere te tikamu."²³Neperei nya,wariyei nemire tene atena mekoipipeinya netaiye nena oto-touna mekai nete aye seisani," baye sekamburu nemene beite aketerei-keterei beite netou sutu sumu²⁴Nemena kaye,wariyei ate saweke,nete ate sanune,"depedaye awa santupu domba-domba Israel duwa kaupaipiki na te ureka mu.²⁵Nepere nakaye,ne mire dewa meke nena bekoune oto butu te mudusukroke wariyei,te sanune,Tuhan we detena kenabise bai,Tuhan dete poi ye mekoitipine.²⁶Neman sate,wariyei ate saweke,nete ate sanune,"ne pekote mekeyena yei derou kena roti te neye yukukena emburupa baliyemena."²⁷Ne mire ate saweke, noru seiyene,Tuhan,yuku pedaye sa merereng tuam mai nena mejale apa yewanya te anai.²⁸Neperena kaye,wariyei nete aye sanune," wai,mire wena kenane dere tere seyunu nemane sate nenei mendone nenei kenane seyu,"ne soninderatina yei mire poi ye orupuku.( Wariyei tetero tereng te poi ye mekoumpuku)²⁹Wariyei nepere kai,neyere ketaikeroke kisi kapa kai damau Galilea pa kai,neperena kaye ne mekodam kai nepene ane ikai kiyai.³⁰Netaiye,tetero dero detere nete atiyamkroke, ne mekainya tetero mendanya,yaperana,doukepe-kepe na,abanya ye tetero tereng nerore sisiye nebure taupuku mekai, ne tetero-tetero wariyei kena oto toupa apa diyampiki nete poi ye mekompuku.³¹Neperena kaye tetero tereng mendopere titai doute tiyai abainya ate seiyani,mendanya at te werai,yapera napoiye ouraipiki,dou kepe-kepe na doute ai ereupuku,ne meyena mane Israel kena awa mang wariyei te poi ate melani.³²Neperena kaye wariyei nenei oto-touna karite sumu ate samumu,"de nete kenabisete derane,, da tetero embere dapene tikimane kiyatena ya naminbei kiya te na nepereinya zah ambai,de netena duwa na sanimpipei ne meyenamane mununa wa siye nipi nerone apa ne elimbine.³³Yau na dero na yei Yesus te ate senaini ate seiyaini mo noure mo pena munu sa bete roti e ye doma damena nou ne da tetero tereng dopre na munu sa te donai anenai.''³⁴Yei Yesus yau na dero na te ate sanumu,''yau na dero we na munu sa roti tereng moserei?'' yau na dero na ate seiyaini yei Yesus te ate seinaini.mekasu su na biserei wande ka pane mo serei bete.³⁵Yei Yesus ate sanumu tetero tereng dopre na ane da kani dambene kenai.³⁶Yei Yesus neye munu sa roti mekasu su na wau biserei wande ka pane bete te meka dambene tepu ate seiyunu nemane ate dua seiyumbuku,yei Yesus munu sa roti te baya keiyu moi moi ye wasu wande yau na dero na te meka pa atoumu nepere tetero tereng damba ataimi emburu pa dua anai yase dua suweipiki nou pa dua.³⁷Nemane ne seraibra bra meye na mane munu sa roti te e'mburu pa dua anai,ne yo seraibrabra munu sa roti po te beipa kopiraini ne na tereng wangkoi mekasu suna biserei pa bembiki.³⁸Ne yo seraibrabra munu sate dua ani yai tetero tereng siri aprau 4000 ribu nena tereng do seraibrabra wande mire yei tena a bembipei nena tereng.³⁹Nemane nepere tetero tereng dopre yei Yesus ate da sanumu wei nou pa dua da kai,yei Yesus i damba sakekone Magadan yo pa dua da kai yau na dero na pere nebeinie.

Chapter 16( Farisi tetero saduki tetero pere wari yei kena kenate mekai wepa nina)

¹Farisi tetero pere saduki tetero pere wariyei te mekani wepa nina,ne yekote kirinimpinate Yowari sena dia te tenambinate derani.²Neperena kaye, wariyei ate saweke,"ya nepe baskeyereu denemba eu,we beya ate seiyani,"da yana a kereutere ma nepe yan ke kai meu ma nimi-nimi orukai meu.³Da yakau betene,aru arma terete sepronu ma wande nimi-nimi. ourai a nepe yereu basupuku? we nepane eri ke loi pei ena mendo ambai ene douteipei ma tena yeko-yeko acher zaman pa mu.⁴Nepereinya da yei ma tena mendo peko pere mire mendo pere mekan tena be koupa na beya yekoye mekombine,neyeko besikana ne ena damba na imipipeinya,neyeko pedaye Nabi Yunus kenane duwa mekoupukuna,"neperena kaye nete dane tamupuku ne duwa ke.( Ragi farisi tetero pere,saduki tetero pere nete yeko te seiyani)⁵Nepere na kaye oto-touna,mekai danaute tewaikroke disuwa kai,ne kepa we ye roti te ouraipiki.⁶Nepereinya,wariyei nete ate sanumu,"doute tende semate warende da ragi Farisi tetera kena pere saduki tetero kena pere.⁷Nepereinya,ne wande ate sanumu neyeko nenei nerone ate seiyani," e roti tena atoipei mipei?⁸Nemanbei,wariyei duwa oroumbukuna neyeko tenate ate sanumu,"wei tetero mende bainya, beya tenate weye ate seiyane wei nerone keuna weye roti ambainya te mekau seiyanu?⁹Nemena kaye we mendo doipei,we mendo mekonipei roti meka su pe neye lima ribu tetero tereng neye anenainya wande ne saposi nena tereng keranjang mo serei kopiram buku?¹⁰Nemena, roti mekasu sunabi ne empat ribu tetero onenainya nena 2 a posi keranjang moserei kopiranbuku?¹¹Nebeya mane we mendo tena doipe de wetena atena sanipei ne yeko roti atena ambai? nepereinya,wasena te warena da ragi farisis tetero pere saduki tetero ke pere,"¹²Nepereinya, we mendo.tena poi na doipei ne atena saninpei wasema te warena da yeko euna ragi pana,neyekote kiramina ne tetero farisi pere saduki tetero pere.(Wariyei pedaye mesias)¹³Nepereinya wariyei Kaisarea pilipi,nenaklapa aiakeko, neye oto-touna ate sanume,"tetero kena emburure beta tena,simbiyan te tetero yei te seiyanu,"¹⁴Ne ate sawi yai,"tetero siseiyanina Yohanes pembaptis sineman derati seiyanina Elia,sinemanderati seiyanina Yermia,siseiyani Nabi,"Nepereinya,wariyei nete ate surumu,nemena de dameka tepe ¹⁵Nepereinya,wariyei nete ate surumu,,nemena de dameka tepe na simbiyan?"¹⁶Simon petrus ate saweke,"wepedaye Mesias,awa nenei yei yubenya!"¹⁷Wariyei nete ate sanumu,wete meka pare perenempine Simon Yunus niyei,depedaye dena wane aru pere wa sah pere neye wete ate sanumu,depedaya akurung awa kena di Yowari sena dia rena akurung te senane.¹⁸Neperenakaye,de wena wapane ate seiyane nete nate wena wado Petrus.nete nate da oru damene Gereja te meretepine miyenipi-miyenipi hades nepetena we ye noupa mekou pumu¹⁹De wete kunci Yowari sena dia kena wena mekapa oto-teme da yo damma we ye saye beimbindena Yowari sena dia rena nemane beinapine.dayo damna baya yerar nambine.²⁰Neperenakaye,wariyei mendote mekomu oto-tauna te ate sanumu,we tetero sinte-sinte sanipeina depedaye Mesias.( Wariyei nena tete yapana yekote kropuku)²¹Neyapa dewa mu,wariyei mekate kurupuku oto-touna te ate sanumu de Yerusalem yopa na te nena wate keneti kamu yeko tereng dopre yarise-yarise,imam imam tenai ahli-ahli taurat suruna ye,neperenakaye nete baya ai topuku yanamina ne dewa esua dewa yuyemuku.²²Neperenakaye,Petrus mekaye wariyei te dewa yepopuku nena yekesuna meke,nete tangkene,nete aye sanune,"Tuhan,awa beiye neyekote wena ware baya sisininsine! da yeko nekewana wena wapana mipei.²³Neperenakaye,wariyei metopa burusuku ate petrus te sanunu,"we dopere dena bere bayei! we masepene waliye! wepeneye oru sandungan dena wapana nemenakaye wena mendo besi kana ambai dipa dapa mekeyene neyeko-yeko awa kenarena,yeko-yeko sitetero yei kena kenarema."²⁴Nepereinya wariyei nenei oto-touna te ate sanumu,"nemena sime yang ke nane keu dete tawe nete,ne tetero ne ate sawene nenei wate nenei yereute,da osete erengtene dete tawenete.²⁵Nepereinya simei nenei wasematena kenate kenena nena wana aru duwa tetembina,neperena kaye sime nenawana aru duwa tetembine ne depatya tenate,ne tetero nenei pere nedona.²⁶Ne beya sate nate ne tetero besikaye de kani kura-kura te neye a nene tepe,ne tetero nena wari tupu ambai orumbine?²⁷Depedaye, tetero yei dama awa kena kemuliaan burune matena malaekat malaekat serai pere mate damena te mate tetero yei nena kenane poite mekeyai na nepete baya pere mapinati mate.²⁸De noruna ate wete da sename,tetero siye dapene esune datepai tete te mekoupukuna ne aru ipei nebu daite doute tende ne tetero yei awa kena Yowari sena dia re menena."

Chapter 17

¹Wariyei,''Musa Pere Wate Kiam mupuku.-1''ya makasu sunabei,wariyei yau nate simiyou.petrus ye,yakobus,yei.yohanis nena nekasi yakobus,ate komme.mekodamba ikai.nenei beite koi.²"wariyei,nenabene wate bisimane mekaupuku.nena warena soningna mane erembuku nena mayon kreu-kreu oraipi.³''neyo.doutiyai nena bekouna musa,pre elia,pre,ate wariyei pre sei yani.⁴"petrus,wariyeite ate sani youne,''Tuhan,weda poi tetera.dedambre dapene kate.weye seyununate,Depare Namimberi Meremapine.Si wetenate Si musa tena.si elia tena.⁵''petrus ate neme seyununane. ma'ye mekeneyote dua mempreumteke;neye doute tiyai.akurung tebeteyai nemaneburure wariyou,Da yeinewaite weye kenate tukanende, bente keite betonde,''⁶"nena oto tauna ne ate beteyai.Oto butu kani damba dusai kroke,endikite dekai kroke.⁷"wariyei dewa meke,neyote yekeryauyaumu,ate mekaupuku,''Esau yeminde,endikite dekoipenya,''⁸neyo dautetiyai.nepena tetero mena ambai neyatiayainya wariyei nebei tepe you.⁹''Meko dambere apa dewa yerekai,wariyei neyote ate sani youmu,Da,yekotena Atena seinipenya,kendemende,Ne,tetero yei','dua sauna nerore ine yemine,¹⁰"Nena oto tauna.ate saniyani,''nemena kaye.ayo serai,ate seiyani elia nekwa dewa mene?¹¹'Wariyei ate seweke,''elia kena karo nemane dua keuna.neye menena yekote naupa mekombine.¹²"nemane seiyanunate,de,'wete santeme elia dewane meke,we'kauna aroipenya manekau,wei mendona kembarite mekau.nemena karore sate teteroyei wena meka damene tukanene mene.-''¹³"Nena oto tauna mendote,meke yani,di a'seyununa,ete sanumuna yohanis kena wapanate di arou-¹⁴''Wariyei''nena''oto tauna pre,teteroteren neropa kai tetero simeke.wariyei kena bekouna oto buteye dusungkroke ate saniyone¹⁵"Wariyei,singko you si bu yeu pa yau.¹⁶"Ne' tetero seiyoune''wena ote tauna kewa dekang kana,neyopoina mekom bi pei''¹⁷''Wariyei ate sani youmu, weda youna, wena yereu tepreina aseinipei beimasiyami.De, wena nerone da.kaye? wekaye aroipei. Nemena neyeite dewa doneme. ¹⁸"Nema nesate Wariyei Aru peke-peka te ate mekau pukune' yei kena ware baya ke, Ne pere dado newai poiye orupuku.¹⁹" Nemena sate nena ototouna mekai Wariyei kena watoupa mekai. Nekewa dua kai nei beite kai kiyai ate dua dewa seiyani, Beya mena karore, E" di Aru peko-pekote na bayana sekimbipei?" ²⁰" Ne." damba ate sani youmu. Wena wana. Aru poi keipei." Nekewa ate saniyoumu, Da" a"senamena wena-wena. Aru poiye kenaina. Ate mekou pune di mekotepeuna," Di pere baya ne!' Nemena yeko enana keipei.²¹" Da mena karo keuna pedaye ,Mendo karonekema; puasa karopre, wande pekote baya tike mangsine.Wariyei Ate Saniyoumu Nene Tete Tenate.²²"Wariyei ," nene oto toenapre," Galilea yopa kopri yaune ne yote ate sani yomu tetero yeite. Niskorna meka damba sarnaipine, ²³" Neyo nete baya tonai pineya namina yane deyembine nemane beteyai nena oto touna kenate tikai yani.Pajak Derate Mekonainya Akurung Wariyou.²⁴"Neyo Kapernaum, yopa ai yakeko," Dera kopri-kopri koprianina yo mekai Petrus te ate saniyani," beyamane Guru kaye dadera kopirantena kaye mekoipei? ²⁵"Petrus ate saweke," Yo nemena kaye nemepane keye, Wariyei ate dua ne seiyoune," wena mendona beyamane, Simon?" mopena.Yarise-yarise dayo damne kainya nederate orai?"²⁶"Nemane sate Petrus ate saweko tetero sikenare," Wariyei nena damba ate mokou puku,"Nemena ne yei baya amempinda.²⁷"Da menatena kena peko-peko mekoi peinya, Dua ende kembate, musepe, eteinde ka memete ye pombin dena, nena embrute kuraye tepende," Nepena sengte donde teterote ato mende site dena karopa mekonde."

Chapter 18( Yosna warina sime derete keu )

¹Ne sereina,nena yauna mekai kia wariyeite ate saniyaine yosna warina simi ye deterte keu?²"Nekonate Wariyei, Yei nangkente, dewa sumung suku neyokena waneropa tambauku.³"Ate mekoupuku wete noruna ate da sename, we dekoi-dekoi te dekou nate, da yei kena wanane, warunate, yo warisnapa eu,⁴Simbi yang kenate apa dusunungkrone warene nate yosna wari warina,ne tetro yei yosna warina.nebei deterete ne kene⁵Sim yang da yeite kna tetere do ne nena nemena ne nei yei mane dena wadone seinenna,nemena ne dete nenei kenapa donete.''( Ate saniyami pekotena mekoi peinya )⁶'' Jetero,simiye da yei drou-drou nete kepani nate aye sanumuna, nemena tetero oru te nankoupa bonawi nau koti kene nawi.⁷''peko da yo damne dua mekai werai,''nemena yeko nemane dua keuna tetero nepekote deko mekena,nenei wane tuka nembine⁸''nemena meka,oto.yeko nare-nare mena,baya berou pune baya teupunewarite keuna mendote mekou nena yereute poite keu.⁹''Da dou nare-nare mane tauna,baya asu krone baya kenenu.wei yerete keuna dou osu bey teu.dou bibi mane teu do nawi sing damba kenenauoi¹⁰''semate keu weye seyunu di yei drou teh, mendo nare-nare mane mekone perna.de wete ate sename,nena derona yosna warine yembununa awa'mang tetro te nemena beite,yo wari snane oraine.¹¹''nemenate,''tetero yei mekouna,da yodamba menena dua kari yainate poiye menemtane.( Domba karupukuna ate aroupuku )¹²''beyamane tikayene? tetero besika,nena domba doa meka subei wariyai ne'karore besika dua karupuku,nemane sate ne tetero kaya kenate,tikayoune sate doa aprau mekabite mekasu,suna aprau,meko damne dinetapuku,nekaye nekewa burusuku besika karupukunate wureke,ke?¹³''Ne'tetero kena dua eunteke,ate mekoupuku,piambai beyamane karupuru bai ne mane sate,besikanate dekonne.doa aprau mekabi suna aprau meko damne tamupu kuna kewake ¹⁴''nemena ate awa mang.ate droupuku.da yei kese-kese werainate,mendo pekotena mekoi peina..''( Yekote nerai nate ate sani yami )¹⁵''beyamane,pekote mekoupukena,dua eu ne pekote ne tetero pere' wei beite engsei nere.dua betombinena,we nembere ne do keka kewa ere.-¹⁶''weye ate eungsanune,betoipipena,tetero besika bei besirei neyau bei ende embru-embru seinengde,nemane wangde tembuku,ne A'seiyanuna noru,-¹⁷''Ne a'seiyanuna ne betone nepre bayo sarembinena,ne ate wari bu ongko ne weraine yo kenapa,bei neyei baya sarembinena ne a'betoipeina.nemena tetero pene nau sisine kaina yomane dera kopri-kopri kopirnani-¹⁸''Da'asena mena,noru nate da seiyane, da yodamne beyuna mane,yosna wari nemane deraiti.¹⁹''Wete'ate senamme,beyamane tetero biserei,wena nerore dua ate sawenei, beyasa yang da yodamne,sei yantena,ne,yeko drati awa yosna wari keuna nemane drati mekou-²⁰''ne''akurung tenate semopa merekai,tetero,biserei bei namimbei kenai dena wadote seinainena,de ne nerone ka ka''( Perumpamaan tentang pengampunan )²¹''Nemena ate areko sate,petrus meke wariyeite ate saniyone''Tuhan,beyamane karone deye dokekasi pekote mekainati,nete poy ate seitene.?wande mekasu,suna bisirei..?²²''Wariyei ate mekaupuku,de watena nemena aseinipei,we benende mekasu sunabi-weye benendena mene doa namin meka biserei,meka sunabite benende.²³''nemenate sename,yosna wari keuna ate drou puku.adewafona,nenei kembari teterote beiyone.²⁴''Nepreinya nekowa teterote beiyone nena kase derai 10.000 talentate nekewa deko meke²⁵''Ne tetero kay wake bai,beyamane mekombine,ne mane sate netetero ate sanupuku.nena mire nena yei,nena mena sasiesi menyenamanne naite mekombine wande nena ose ambai orunaipine.²⁶''nemena kone nena kembari.tetero nete oto butu ye dusung kroke.ate saniyoune.menase keime ye,meyena mane poitere dua mekote pinena pneye.²⁷''Nemena sate nena andewafona kenabisete dere youna sate baya ambuku.nena osete baya deko..²⁸''nemane sate nena kembari tetero,basuwake,kembari tetero si pere ei teka nena kese bari youna,Doa mesubeina dinarte mekou pune,nekote ne tete rote meka aweke,ate sanione''dena,dera weya dekenate dewa yute.²⁹''Nemane sate ne kembari tetero,oto butu dusungkroke.ate mekoupuku merase keime meterna mane dua mekote pine..³⁰''Da tetero baya saru puku neteterote dekone teterote tiamina mepa dekongke,nepene tenone mene nena yeko naupa mekombine.³¹''Nena kembari tetero sidou tetiyaine nena kenane tikaiyani, meka, nena andowafona saniyaine yeko nare-nare mane mekau puku³²''Nemena sate andewafona,nena kembari teterote simi you ate saniyomu,'we nare-nare mena kembari tetero de mena yeko,nare-nare mena mekoupukena baya sute pine.³³''Wekaye wena kenane kenabisete dere yenena mane di yauna damba nemane dereune.nepere nebeiye tenou waruna damba,nemena beite kene mene.?³⁴''Nemane sate nena andewafona,arma-arma ori youne saniyoune, mekoipipeina,tetero peko kena meka damba donainya nemena sate.nipite ureyou.nena yekote noupa mekoupuku.³⁵''Awa mang tetro yosna warine keuna,ne doute,ne semate keu eye,kembari poiye mekomate,nepoi dokeka,kenane teprei nate sawene.?

Chapter 19( Yekote baya saripi nate semopa meraipiki )

¹Ne sereinya kiya wariyei ate saniyoumu de da Galilea yorena otote Yudea yopa kena serai Yordan musene kaina kwa ke.²''nepena tetero kasopre nete tawe kani wariyai nete poiye mekeyoumu.³''Farisi tentara mekai,Yesus te'mekaini wapiani,ne'te ate saniani''be yamena yekone,do yei,mirete baya serembi ne nate.?⁴''Nemane sate,''Yesus.ate mekoupuku.wekaye daserei werauna semobei pei manina yana'nei meka semote merembuku;do pre mire pre mekoupuku⁵''Nepre deyekote keroupuku,.''yei do'awa,nawa prena keipena.nenei mire pre kenei,besika orumbine.'?⁶"Ne'nekewana moye-moye nakeipei wa besika orumbine.nemane sate mang tetero semopa mereupukuna beyasa yang mang dua,beyupukuna,"da tetero yei bayana saripipena.''⁷Neyo.''Yesus,ate saniani,''ne menakaye.''Musa beyatnate ate sanupuku semote nena mire kewa dekai kai,ne karoye nena mirete.'baya dua sanembine?⁸''Yesus"neyote ate saniyoumu wena kena anema,Musa seyumbuku we'mirete baya sarupune. nemena yeko,yansina keipei.⁹"Nemane sate wete ate sename,simiye nena mirete baya sanumbuku na;beyamane pekote mekoupuku.wande we mire site doununa,neman derati ne;nemane dua narupukuna drati.¹⁰"Nena ototouna,ate seiyani,''da mena karotena.''do'pre,mire pre.meka atoi kroipena.¹¹"Yesus.ne yote ate saniyoumu,,da a'sena mena.tetero meyenamana doipena peneye"tetero bei-bei ye.ne yekote orai¹²"da'yodamne katena tetero yei.si mirete orai.si mirete oripei nemane derai te.si nemei werai.ne yeko nemane dua keuna karo-si yeite senai si yei senoipei.nenei wa semate waru.nenei yereu kenate dereunu mendote mekounu.ne,nei waritiki kene mene.''( Kia wariyei yei drou pre )¹³"Ne'sereina yei droute ate kaimimekai.wariyei mekate mena tenai damba tepeneme,mendote mekombine,nena,oto tauna kaye ne tetero te aye saniyami.¹⁴"Wariyei ate mekoupuku. beyatnate ne yei kese-kesete.'dekewa mainate nipite peramu.yosna dia keuna,tetero nena yereu yei drou kena-kena mane.¹⁵"Wariyei mekate nena tenai damba kerompuku ne"nepere dua ke.( Yereu poi kaye beyamane )¹⁶"Tete sroyei simeke wariyei te ate saniyounu.''yereu poi tena beya kembarite mekote?"¹⁷"Wariyei ne teterote ate mekoupuku,"beyatnate ne yekote dete sani yete.? ne pena besikatere noruna.wei yereu poitena mendote mekonuna. aye kote semate keu."¹⁸"Netetero wariyeite.ate siri youne,"beyamene yeko?"wariyei ate sanione.titi mekoipena nisikorna mekoipenya,bisi mekoipenya.tetero sikena dambana atena,senipeinya.¹⁹"Awa,newate dekoi-dekoite dekoi."wei wate kena bisete dereyena mane,tetero sitena nemane dreunu,"²⁰"Ne sekro yei.ate mekoupuku ne yeko de meyedua mekeyana;beyasa yang de mekoipei.?"²¹"Wariyei ate,"saniyoune,"wei yereu poitena kenate dreununa dua eu wena mena sasyesi naite eu mekone. site tetero kainate otoume.nepere wena yereu piambai yosna wari merenene,dewamu dete taute."²²"Da sekro yei ne ate betoupuku.nena kenare nena mendo.mekeyou nena;ne sasyesi kasoprena tetero.²³"Wariyei nena oto tounate ate saniyoumu"de noruna ate wete sename.sasyesi kasopre na tetero sekari dopre,yo snapanane.²⁴"Nekewa ate mekoupuku marisa detre jarumbru nangkeng bana eipei,ate arupuku sasyesi kase pena tetero yo wari sna pana sekari dopre.²⁵"Nena oto tauna nemena ate betai piki,kite tiniyai,ate mekaipiki,"nemena si yang nou poi pane.²⁶"Ne yote dou yeti youmu,wariyei ate mekoupuku.da tetero yei nemena yeko keipei.awa mang tetero kena yeko dua keuna,"²⁷"Nemena sate.petrus ate mekoupuku,doutete.dena sasyeisi dine tami pikite,wete damawete tawe kete,beya sate dete atoumu?"²⁸"Nemane sate wariyei ate mekoupuku noruna ate wete sename,dete tawe kaute werauna,beyamena yeko mekonena yei yupubeina,"nenei yekone nekene.wete ato neme nena yekone e'kende serai bra-brate israel tenou nate.kayete wasinde.²⁹"Ne mane sate tetero nenei mete,nenei dokekate-nenei mire kekate nenei awate, yei drou-droute.bei mikate dinetiyami'dena wado sate,sa bupoite ne damba- damba orunde.nepere wei yereu nemane beite kende mende.³⁰"Ne akurung sate ate arupuku.tua tuana meto-metopa.meto-meterna tua-tua mema."

Chapter 20

(A aroi-aroite aroupuku anggur mikana kembaripa) ¹"Nemete surga dia keuna mika perna yakau betenekena kaye kebarite anggur mikane mekonaite. ²Nebeine dua tiyeukroko kembari yebesikana oripiah besika sanumupuku neye anggur mikapananya.³"Nemenaye sonin damina nekewa kena doutena di esune nemeiyenai diane tepai. ⁴"Nemenakaye nete ate sanumu,we anggur mikapa ende beyasa noruna deye wete atotemena duakai.⁵Bu sipere sonin mekasu,suna besikapere,soin mekasu,suna apraupene neye nekawa euna nemena yeko deratite. ⁶Sonin meka bitebutu besikapana nekewa kena site eum te esune tepeu ate sanumu,beyate danoune kembari mekopei daya besika? ⁷Neye ate senani, detena kembaritena imipenya nepenaye mika perna ye nete sanumu,we auru,dena anggur mikane."⁸"Tikibai yayedenenpa duwa eu, mika perna tetero ate mandor samunu, karite simi kembari yeite joite atoimi nenei wakete teiyeite, nete atoumuna metore mekenare nemenena kaye tua mekenapane. ⁹"Nemena kaye nekembari sonin meka bite butu besikana mekainya moi-moi tetero oriyainya oripiah besika. ¹⁰"Nemekaye neye tua kembari te me terete mekeyaina mekai nena wa ne tukaiyaina kasopere orunainya moi-moi bebei sika oriyai.¹¹Nemenakaye oraipikina,ate amika perna teterote ate saniani. ¹²Neye seiyani,tetero-tetero mototere mekainya kembari sonin besika besika mekaipiki, weye nete mekeyeme dembere nemanebei,deye eratekete doinamu ya besika tepumpuku.'¹³Mika perna ye ate sauwupuku nete tetero besikaye nena neroredaye,de nena peko wete ambai,we demberna a nebeina seinbipei oripiah besika? ¹⁴wei menate doime dua eime,dena kenane tukanena tetero metoternate,nemane,wembere.¹⁵Nemena detena norunaten doti pipei kembari deua kenane seiyane dedei yokona? nemena wena dou seranya dena poite? ¹⁶Nemenate tuana meterna nai bekoune besikane naikene,besikana menai metorna mane menai kene,".( Yesus ate sanumu nekewa tete yekote seyunu)¹⁷Yesus yerusalem yopanate anyakaye,neye atekome waruna do mekabite butu bipere moiye werai,neye ate nena damba sanumu, ¹⁸"Doute e,neperenya Yerusalem panate mate tetero yeinewai nete sarenai pine imam-imam tenai,ahli-ahli taurat.neye,tete yokote keronai pine. ¹⁹Nemekaye neye serai-serai si-si kenapa sarenaipine,aye sanenai ne,oye penenai nepernakaye salib pa papenai pine,ya namine ne ye nekewa niyemine."( Ate nawaye zebedeus yei bitenate seyunu)²⁰Nedrate nawa da yeibi kena nai Zebedeus yei bipere mekai Yesus te poite mekaimbike sasite Yesus inemenate. ²¹Yesus nete sanumu,"bea mane wena kenane tukanu?" nawa ate saweke,a,te kenenu dena yeibi wena dekone kenei sibesika meka metresukene sibesika meka ayasunekene."²²Nemenekaye Yesus ate saweke,we neneipei,aroipei wena a seyanuna,nemena we da sa setena anusuna da cawan deye antesina? neye ate sawakai Yesus,ya,de dua ermatena," ²³Yesus ate nete sanune,we nemane anensindeye denarna cawan, netenate metere suna pere aya suna pere denana yoko kepei.netenate neye awa nenei yekone koroupuku." ²⁴Nemenakaye meka biserenya murid siye betaipikenakaye neye aye nenei youna dobiaye masiami.²⁵Teprei Yesus sunupuku neye mekai ate sanunu, we duatambuku detere-detere serai-serai site ate dedamba senaimi,tetero-tetero dre neye anyatena nenei yekore nedamba. ²⁶Noruna pedaye,ambainya wena nerone netenete sime kenane derete wene nerone seineinena,yaute beine. ²⁷Nemenate sime kenane tukanene besikanate wena nerone seinena nemena hamba mane, ²⁸Nemane tetero yeimane,dewa meke,nete di poimekeyonu nedraiti poitenate meyena mane kenare saweke kropuku tetero."( Biserei tetero dou kepe-kepe poiye oripiki)²⁹Nemane neye Yerikho yembikina kaye,atinankroko tetero kasopere tawekaniai. ³⁰Biserei tetero dou bepapikina ane nipi yenekei bentekei betoi Yesus di eu,ate simi,Tuhan,Daud niyei,kenabise detena dereyene!" ³¹Tetero kasopere aye nete senaimi yekaiye keru.nemane sate neye nekewa armaye simi ate seini,Tuhan Daud niyei kenabise detena dereyene!"³²Nemenakaye Yesus nonu te peu nete sumumu ate sanumu,beya mane wena kenane deye wenadamba mekotepine?" ³³Neye ate sanine,Tuhan,dena kenana dena doute tumupunate." ³⁴Yesus kena kenare kenabise ne damba,nena doute meka sunupuku nepernakaye tikibai neye doute kia tei neye nekewa bripiki Yesus tawekeni.

Chapter 21

( Yesus te aye merainetetero deretena mane) ¹Nepernakaye neye watoupa Yerusalem yopanate mai,Betfage yopa maiyeko,Zaitun mekone,Yesus sanumuku murid tetero biserei,' ²Ate nena damba sanumu,endenakaye yo dibenekeunane,weye tendenakaye keledai besika beiyapiki nate.keledai besikanapere neyaubei,sa beya pikinate baya imepindenakaye bina mane dekwa atomnede. ³Tetero a site wenadamba sanenaimina,weya nete sanemende Tuhan.sanumupuku,neye dewa taneme pine menanya."⁴Da yeko mekombine netenate beya ate Nabi seiyanina: ⁵Ate nena Putri sion,doutetei Raja dewanemu,wana kenate apa dusunkrone,keledai damba keu keledai sekro,yei keledai se.⁶Murid-murid kai kembari Yesus a sanumupukuna mane neye. ⁷Neye keledai atekame mekai yei keledai,nena mayoute keledai damba kerapiki/beapiki,Yesus ne damba buna damba yongkuku. ⁸Posimena tetero teremime mayouyte nipipa boyai siye o miset kepei-kepei pereyai nipepa apa boyai.⁹Tetero teremme nipine bekoune neye tawe kaimi,ate simiyai.hosana Daud neyei,wena damba poi mene,Tuhan.hosana nou yarerena. ¹⁰Nemena Yesus eupa Yerusalem pake,meyena manene,yona a kurumme seiyonu.neye seri yami sime meke? ¹¹Tetero tereme ate swapiki,neye Nabi Yesus Nazaret yorena Galilea."yorena."( Yesus bait Allah te baya sukuyonu)¹²Nemena,Yesus eupa Allah minyepa kena tetero sa naite mekeyai tiyainyate Allah kena meine,baya dingkeryou joite dua dewa wasiyanyat kepete kanya o dambere merpati awepere naite meraupuku. ¹³Neye ate nete sanumu,somo pa duwa meraipiki,doa menye,we mekaunakaye,manu mekombuku bisai nate meraupuku." ¹⁴Nepernakaye tetero dou kepe-kepe,tetero mendanya,nepa mekai Allah kena menyene, nepene neye poiye nete mekeyomu.¹⁵Nemane imam tenai,ahli-ahli taurat doute tiyai nena kembari mekeyouna,Yesus doute tijou yei mere derou ate meraine,Allah kena menyene,hosana Daud," niyei,neye ate dereyaine/kena senay. ¹⁶Nemenakaye Yesus te ate suraine,nemena we beutekei beteye,yei derou kena a simaina? nemena Yesus nena ate saupuku,tepereinye,we somo beipei da yei derou kena emburure,koute neme anainyare aye merenaine,wekaye nepete noupa mekopuku oriyene? ¹⁷Nemenakaye Yesus neme emteupuku baya ke Betania yone denenne nepene ke keu.( Yesus meke kurummu nena derete,imante)¹⁸Neperenya yakaune nekawa burusuku neyopa nenate neye munute ketukanu. ¹⁹Dou te teuna ara no nipiyene tepeuna.nepanate eu nenona yu wawipei kepeibeikai,neye ne ono damba ate seyunu,yu nekewana wawi penya.wena wa nemena beite ,tepeumeu neyabeine ne ara no duwa kerapuku²⁰Nemenakaye murid-murid doute tiyai neyekote,murid-murid mendote tukaiyai,ate siriyami,beamane are no duwa karapuk,ne ya beine?"²¹Nemenakaye Yesus nena ate saupuku,"tepereye dena a,wenadamba,nemena we poina imante,pero-perona oraipenya weye mekopenya kembari deye da ara ono damba kurupaka,nemena weye ate da mekopa dombuna,bunapa erentene naupa eriubine,'neyeko duwa mekombina.²²Nete nate sayei site-site weye seyunena,weye duwa douna."( Yahudi dede setetukaiyane Yesus kena kembarite)²³Yesus eupake Allah kena menyepake imam tenai dede Yahudi mekai nete senaine ne semote kurumuna,singkena wakere weye da kembarite mekeye? nemena siykenare wake deke?"²⁴Yesus ate saupuku nena damba,"deye wete a beisika.wena damba itemena we atena sawende dewete senama singkena wakere da kembarite meka.²⁵Moperna yekore Yohanes bute kereyomu? Sorga yorena bei da tetero yei kenarena ?" nemenakaye ate kaiseiyane,nenei nerobeine seiyane, ate seyani"eye seimana,Sorga yorena,neye ate seinena,nemena tena kenapana poina eripei Yohanes kena kembarite?'²⁶Nemane kenate eye ate sawena,da teteyei kenarna.e endikite tetero tereng tenounate,Yohanes Nabi."²⁷Nemena neye Yesus kenapa ate sewapiki,de aroipei Yesus ate seyunu ,nemena de wete keyana sanipei singkena wakere de kembarite meka.( A,Arey-aroyte tetero yei bipa aroupuku)²⁸" Nemenate beanane tukanu? tetero si nena yei do bisirei meke nakaye metenate sanunu, yei eime kembarite da yane anggur mikane.'²⁹Neye ate saweke,' yo awa,'nemenakaye eipei.³⁰Nemenate ayah nekewa ,binapa ke nemena ate kesanunu ate sarupuku,'kenare sete duwa euw.³¹Sime da yei bi awa kena ate tawekeni?" neye ate, "sawekai".metoreyei,Yesus nete ate sanumu,"tepereyei deye wete senamena pedaye,joipere orainyapere nipine werainya eupa Allah dia tuwa wenorenanya.³²Nemenate Yohanes meke we damba meke ewuna nipi poite wenetena nemeimbipei,nemenate joi orainya nipine warainya nemeyambiki,weye da yekote tenembinde kenate-kenate tukannende,nepernakaye weye nemeimbinde."( A,Aroi-araite mikapa araupuku anggur mikate joite mekonai nate)³³" Bentekeite betoude a aroi-aroi site,tetero sikena mika anggur mikate asopuk,ereye yembubuku kanite,noute wembuku anggur tenate,betarate merepuku nepere neye joite nemika anggur tetero mika suna moserei ne baya duake.³⁴Tikibai yu wanainya watoupa dewa mu neye erupuku hamba-hamba mika suna nena yute orunainate.³⁵ Mika semaperna yo pelayaute awekai meka ye peneyai site baya note tewaipike site oruye peneyai.³⁶Busite mika perna tetero hamba hamba site sanumupuku teremme sanumupuk.mete serebete ,nemena kembarite deratite mekeyai ne tetero kena damba.³⁷nemenakaye mika perna tetero niyei sanumbuku,' ne damba meke.'³⁸Mika semate kainya doute tiyai,yeiye mekena.nenei beite ate kai seiyaine ne kera perna tetero dewa mende nete baya tomapine kerate eye.'³⁹Nemenakaye neye ,neyeite awekai,jeipambike anggur mikare,baya tanai pinenate.⁴⁰Ansyur mika perna tetero meke,beya mane meke mekeyou nemika semapere kanya tetero?"⁴¹Neye ate nena damba seiyane,"neye tetero-tetero pekote tenai pekote menena,anggur mikate tetero sikena damba ineme,yu yane orunai nena damba keronaina."⁴²Yesus nete ate sanumu,"nemena we wari semo bepei oru kembari tetero baya seraipikena,ne oru benetenou da yeko Tuhan kena pai enadou?⁴³Nepenaye deye wete sename waridia yeko Allah,wenare dua donena,tetero nenayute poiye orainyapa.⁴⁴simi da oru damba erinimbina baya bete-bete nutunai pine;simi da oru titawembina peko orumbini."⁴⁵Imam-imam tenai Farisi teteroye beteyai,di,a aroi-aroi mendote duwa ai yepuku.Yesus di a seyuna nena dambanate .⁴⁶Nemena dipite neye dereyani Yesus te awinate,tetero tereng te endikite dekeyani,tetero tereng nemeyambiki nepadaye nabi.

Chapter 22( Ate aroupuku teterote sumupuk yaupanate)

¹Yesus ate nekewa ne damba a,arai-aroi,betonde²" Surga dia a ne aroupuku tetero dere metaute mekonya mane sate sou yei dote merete donenenate .³Neye kembari do sanumupuku tetero-tetero a duwa sanupuku na neye dewa menanyate .⁴Nemenate raya nekewa kembari dote site,tetero-tetero simo dua a tekamete,' tende de sa duwa kera pikite lembu-lembu do ternak-ternak yuna meyenamane dua perapikite ,meyena mane nepete mekapikite dewa da yauneropa mende.'⁵Nemenakaye neye baya seraipiki duwa kai,sibesika paupa duwa ke,si nenei kembaripake,⁶Siye andewa pona kena kembari tetero-tetero awakai pekote mekeyane,note titapiki.⁷Andewa pona ate dereyonu,teterote sanumupuku nete pekote mekeyami baya titiyai,nena yote sing taniai.⁸Nepernakaye neye ate nenei kembari,'metau yau nepete meka pikite tetero sumo simiyate ate deraine.⁹Nemenate ende nipi-nipi derene emesanbine tereme dewa menai tetero tereme weye tondena da yaupa menai.'¹⁰Kembari tetero kai nipine kopiriane meye mane tetero nembere toyainya pai peko.neyau meye kemepuku.¹¹Adewapona eupa meke temupuke nemekaina.nena doune tiyomuna mayan nare da yau erikroipei.¹²Neye ate nena damba sanumu,'dayei, beyamane we da eupa mekau mayon poite titipei da yaupa mekau? ne tetero a mekopipei.¹³Andewapona ate sanumu kembari tetero,'beimbinde mekate otote yepininbinde neye eupa akepe-kepepa baiterapa dipene dimite dimene eti ketete asini.'¹⁴Nemane, teremme duwa simineme serei erimbine."( Usaha pemimpin yahudi untuk menjebak Yesus)¹⁵Damena yokore tetero-tetero farisi kai yekote neye kereyai Yesus beinai pinate nena a,seyuna damte.¹⁶Neye nena ototou nate neye senamipiki Yesus, kewa kai neyaubei Herodian tetero pere kai.neye ate seiyani," Guru, deye arambikite weye poite kiriyemna nipi Allah kena bruna poikena.we endikitena dekopei,simi weye doute tepei nena wate.¹⁷Nemena tena,wena ate dete sanumupune .beyamane,noruna keu,joite kaisar pa mekome bei ambai?"¹⁸Yesus nemeyambuku nena pekote, nemeyumbuku," ate mekopuku beatenate dete wepaute hai munafik?¹⁹Dete kiritembinde ne joite."neye ne joite nete ikaini.²⁰Neye ate nena bamba sanumu,"semopere be pere singkena?"²¹Neye ate sawekai,"Kaisar."netenate,Yesus nena damba sanumu,"ne Kaisar kenapa mekondena nena ne nenei wadona joi.Allah kenapana nenei yekonate korende."²²Nemena ate betaipiki,neye kenane tukaiyane neme anitembuku duwa kai.( Saduki tetero derani Yesus beinai pinate)²³Neya deratine saduki tetero-tetero ate seiyani.jemipenya Yesus kewa mekai ate.senaine beyamane.²⁴Neye ate senaine,"Guru,Musa seiyonena tetero doye tetembinena yei banya,nekasi ambai orupukuna noupanate.²⁵Neperenya da mekasute suna bipre,dena nerone da kai besikana mere te dekone,duwa tetepuku yei ambai,merete dune tambuku,nekasi dekone.²⁶Nemane derati bina,namina,nemekena da mekasu suna birenapake.²⁷Nemena beite kene kaye ne mire duwa teteupuku.²⁸Neyani yeminatena,ne mire da do makasute suna biperna sime do nene? ne meyena mane ne merebeite dekainina."²⁹Nemete,Yesus ate saupuku buru suku ate nenadamba sanumu,"weye nou tepei,aroipe wari semone bei Allah kena yekone.³⁰Neya niyemina ne donipenya bei sipana epenya,nepe daye malaikat-malaikat mane sorga ne kenai.³¹Nemane,tetero-tetero tete nerore inai yemina we somo beipei,beya ate Allah we damba sanumu,³²' Depedaye Allah Abraham,Allah Ishak nepere Allah Yakub? ne Allah tete tetero ambai,nederati Allah tetero waripoi.³³Nemekaye tetero tereumebetai,neye kenate tukaine nena semo kurumuna damba.( A,Yeko monane poitere keu?)³⁴Tepereye farisi tetero beteyai Yesus,saduki teterote mekomupuku yekai oraipiki,neye neyaubei nebeipa.³⁵Neperna kaye besika nena nerona tetero taurat yekorena Yesus kena damba ate surunu Yesus te tukaminate,³⁶" Guru,beyamena yoko poiterekeu da taurat ewune keu?"³⁷Yesus ate nena damba sanumu,"we poitereye kenabisete Tuhan Allah kenatere keteukrone nepere wena wanurune nepere wena mendore.³⁸Da keuna akurung detere nepere bisikane keuna.³⁹Bina keuna damane we poitereye,' kenabisete meye teuna damba derenende wei wate dereyena mane.'⁴⁰Da yeko bi damne,meyena mane beyupuku taurat yekone Nabi kena somopa merepuku."⁴¹Farisi tetro nebepa koprikene,mang wariyei nete ate suru youme,⁴²'' Wena mendone mekanuna,mang wariyei sing kena yei?'' neyo ate sawekai Daud niyei.''⁴³Nemenatena,''mendo wariyei, sanumuna nete terenendena tuan.⁴⁴Mang kera wariyei ayekote keropuku,ne meka metersune ikikeu.⁴⁵Daud nete terenendenatena.tuan nenei yei.⁴⁶tetro si da yekotena a sawipei,ne yatena tetro si atena sawipei ne yekopa mene.

Chapter 23( Kiya wariyei yeko sematekanya pere farisi farisi tetro te aye masiyomu )

¹Nepere tetero tereng pere nenei oto tounate ate saniyomu damane,²'' Yekote semate kanya pere farisi-farisi tetero Musa kena noute titawaipiki.³Netenate nena ne, yekote tawe mende ne kembari te mekonde nena yekote tawemende ne kembari-kembari mekanyatena we tawimipeinya,nepere neye wete ne yekote kirami neyo wana kiripei.⁴Daseray nenei wapa ose-ose bei yai nepere wena yaro damba keray,netenate neyo seray ne yekotena mekana keingsipei.⁵Meterna mane kembari neyo seray meterna mane mekanya nena mendo mekanina tetero netena dou teipei.daseray nena mayong tikite titai piki sa peto terete dou kimi-kimitena te.⁶Da seray nena nou nekenena nou poitene yarene yau nerone bekou terene waribu ongkone mene,⁷Daseray donena nou poiterene naidiane done kene nete Rabite tarenani.⁸Nepere weye,netena Rabi tena dombi peinya wena Rabi, besika wena yauna mane ne dedei dokeka.⁹Netenate we dayeko tena tetero sitena dombipeinya awa dayo damna,nepere wei Awa besika tere ne waridiane keu.¹⁰Mekopipeinya nepere wetena tenai tena dombipeinya,nepere tetero besika tere tenaite,ne Mesias.¹¹Teterosi wena nerone deterete meneng seinina,ne nederaite kembari tetero mane.¹²Nepere teterosi nenei wate wapa mene ye dona ne nederaite aterpa mene nepere teterosi nenei wate apa disiningkrone natena ne nena nou yareterene.¹³We peko damba,yeko semate kauna pere farisi-farisi tetero pere,we sing we tetero-tetero mendo banya! netenate we nederaite waridia menipi-menipite tetero nerone nebeipa dinau netenate we weiwatena eyupana eipei we ote yaurangkroko si eyupana nipite deraine.¹⁴We peko damba,wesing yeko sematenapere farisi-farisi tetero pere,we mendobanya! nepere mire soina-soina kena miete tinau nepere tetero kena doute neramu dou kimi-kimi tetikitere mekau netenate we seray tepereitena we seray oseterete erengtende.¹⁵We peko damba,wesing yeko sematena pere farisi-farisi teteropere,wesing we tetero mendobanya! nepere we nau nerone werau dari damne werau,nepere tetero besika nekewa dewa birinsine wete tawe neme wena agama pana tena nepere ne kewa birinsine wete nekewa taweneme menena ne tetero sing damba,nekewa dabiserei peko damba nepere we ne manederaite.¹⁶We peko damba,dou bisena tenai-tenai,we damane seiyanu wari bu ongko ne a yekote keraupuku,'ne ayeko erikroipei nepere ne ayeko nouterna ambai,netenate ayeko wari buna tena da ayeko nebeipa dua draipiki.'¹⁷Ne we, mendo banya tetero-tetero pere we dou bisena! beya saye nou terpana,emas bey waribu ongko bey wari kembang ne emas?¹⁸Ayeko betera damtenate,ne ayeko nou terua ambai netenate a yeko pere meka burunasa sate ne damba,ne a yeko nebeipa deraipiki.¹⁹We tetero-tetero dou bisena! beyasa yeko ne nou terua tena,meka buruna sa bei betera ye wena mekaburuna sate meka pare ye perentene?²⁰Nepere teterosi, nebetera tena yekote krombinina damane sasyesi tenaipere.²¹Nepere teterosi,wari bu ongko tenapere nepenekanya tenapere.²²Nepere teterosi waridia yeko tenate kerombininatena,ne mang nena yeko keunatena natena pere,nena diana seray tena pere.²³We peko damba,wesing yeko sema tenapere farisi tetero-tetero,we mendobanya!nepere mekaburuna sa mang nenei yekotena meke selasih,adas manis, pere jiutan, weye derate mekau netenate mang kena a yeko weye kepawe ourau,netenate,nouteruatena pere kena bisete natena pere akoi-akoitena kena kenatererua site kembari te mekan site kepawena oripeina.²⁴We tenai-tenai kauna doubisena ste nete eirau mamaunya bu eyu ne anan,nepere unta eyumuna te nete tinan!²⁵We peko orumbindena,wesing yeko semate pere farisi tetero-tetero,we farisi tetero-tetero mendobanya! ananya pere kipiorotebaya sikan nepere eyusutena bisite deranuna pere sayukute deranu.²⁶We, farisi tetero dou bisena! bute ananua sa eyusute baya sukumbunu,nepere baisutua nemanebaya sumbuku .²⁷We peko orumbindena,wesing yeko sematena pere farisi-farisi tetero pere,we tetero-tetero mendobanya! we kauna noruna petamina,nepere eyusu keuna tetero kena wa misepere nekitere.²⁸Netenate we nemane,we bai suna tetero kena bekouna tepeuna noruna.nepere we eyusuna we pro-protere mendo ambaitere.²⁹We peko orumbindena,wesing yeko semate kauna pere farisi tetero-teteropere,we mendo ambaitere,nepere we Nabi-Nabi kena burete poi mekan nepere poitere mukan tetero-tetero poikenate,³⁰Damane seiyanu,'' de warite ne sereinya dedei sesewa,kasih yepe sereine kiyauna tena,nepere de wetena tawinipei nenero na da akeya-akena tetero te baya titiyai.³¹Netenate nepere nederaiti weye da ate seiyanuna wei wapanate seiyanuna,nepere we seray a akeya-a akeyana te titiyan.³²Netenate,do neki-nekite,tawekanu wei sesewa,kasi ye pe pere.³³We kauna,do neki-neki mane,wena otou wikren seray! we mopa narembinde ende ose weye eurentende sing nerone?³⁴Netenate,doutetei,de wena neropa Nabi-Nabite sanumpuka kai,mendona tetepere piambainya tetero pere nepere ayeko sematena tetero. moserei nena nerore baya titiyau,tetero site opa bapiyan,tetero site nepere wena dou kimi-kimi mepatiyamu site mekaye titian Kota sire-Kota sipa,³⁵Nepere we yeko mekeyauna pere sadiraipikina ose tunanembinde tetero poi Habel,nemane tetero poi,meke Zakharianai Berekhya,webaya tewapuku ne nou temene.betera damene.³⁶De wete sena menape, teperei tera meterna wane da seray nete tukanembinde.''( Yerusalem te aye mereyani )³⁷''Yerusalem,Yerusalem weye Nabi-Nabite baya titiye nepere oruye kiseriyeme tetero-tetero te sanumpuka wekena kanyate. da moserei moserei de kenate tukanu wena yei-yei mane,nepere weye ate dereyene.³⁸dou teime wena da miete tenambini tetero banya tena mane.³⁹Nepere, de wete senawena, da sereire we detena nekewa natena dou teipei,nemenate we damane seyunu,'warikembang nete perenen tene mene mang kena wadone.'''

Chapter 24( A wari yeko tupu tena mai yaru pamate Awa mang kera wariyei kena ongko me baye buru teke )

¹Neperena kaye kiya wariyei Awa mang nenei ongko mere kiyapa mu nekewa duwa eu netaiye oto-touna -oto-touna dewa mekai ate sanumu meka te nepa kuru di Awa mang kera wariyei nena ongko me ongko me tepai.²Nete ate sanumu,''we meyenemane doute? de wete ate sename damou na oru besikaye dou beilani sidambere sidamba ne meyename apa nai birimbine.''( Me mete tika yonuna sanamu )³Nedaine kiya wariyei Zaitun,sero damene ane iki kiyou,nena oto-touna-oto-touna mekai nembere a bete bete nete senaimi'' ne yeko te dete sanimpime,nemena ya yeko meko nena Awa mang dewa menena ya yeko dayo damene mekomena?''⁴Kiya wariyei nete ate sanumu,'' wasemate warende tetero wete pekote mekonaime⁵Nemane, keu tetero tereng menanya siye dena wadote wate saneneme dena wado Mesias,' ne tetero tereng te pekote mekonaime.⁶We bentekeite betonde pera kurung waruna a yeko-yeko pera pe mene na,e sema-sema warema ena kenare titein kerone e pero-pro orumana ne yeko manin nenei yapa muna.⁷Nemane, keu daserai neye ine yemina diserai pere dere naine me.⁸Nemane keu ne meyenamane nemena tena peko neperei na yeko mai yaru ne wasine.⁹Nedaipa, nenena ete di mekapa sar napine ete pekote mekonamina ete baye naititimbine aye yembe ekiri da kanine tenouna dena patya tenate,tetero tereng pro-pro ourai si duwa-dewa sirai.¹⁰Tetero tereng akan murtad ne tetero te sikena mekapa sariyami site ekiri yembe senaimi.¹¹Apeu-peu na Nabi kaso depre ne kiyapa nai nya tetero tereng pekote mekonamina.¹²Nemena kaye, tetero wakemena neme warene me tuputena yeko pa nena ne poi nerone ne kene.¹³Nemena kaye, tetero wake mena neme warene me tuputena yeko pa nena ne poi nerone ne kene.¹⁴Da asena kepei yosena waridia rena ne a kurung te donde da kani kura-kura te da omo meto-metetesane nembe di wai meto-meto senemende meyena mane da kani tengkoyu tengko yereuna betonai nepere nakaya nenei ya yeko keroupuku napa mekombine.( Sanamu derete re da Mesias-mesias apeu-peu serai )¹⁵We doute tende nou keipeinya tetero ye nou mero-mero ne sune tepeu asena,awari a yeko serai Daniel semote merai na serai mendote mekonende.¹⁶Nemena kaye Yudea tetero-tetero nenei wate bauraipiki serodamba ikai.¹⁷Tetero bisi mendo te mekeyen me damene keye we apa mu yosuna sasiyei te na da merena oripeinya.¹⁸Tetero mikane werainya we duwa euna we mayong ato pipeinya¹⁹Peko serei pa mate nawa-nawa we wate kiye yei kaye yasene dekene wariye ne daite duwa senounate.²⁰Mendote mekomane Awa mang te sanemane ne yate aye wate baru mapine duwa nawe mana si nepere apa erimbine da nin serei ya dere yatena.²¹Ne mena kaye nedaipa menena pekote mekonai mene dakanite mekeko nena dayapa munapere da yeko mekombina pa mu.²²Nemane keu nedanya ya poye mai sesuku,neperena kaye ne meyenamane yereu te kainya tetero ne si poina keipei.nemenakaye, ne tetero-tetero duwa eirapikina nedainya nena ya poye duwa keraipiki.²³Ne dainya, tetero we ate sanenem doute tei,'Mesias dapene di keu,'nemanbei Mesias dipene dikeu nepetena we nemeipei aroipei.²⁴Ne Mesias Mesias nou keipeinya pere Nabi Nabi nou keipeinya pere nedewa mainya nena yeko-yeko Nabi-Nabi nou keipeinya tetero-tetero pekote mekonanaime duwa eirapikina .²⁵Nemane keu,de wete duwa saniyame.²⁶Tetero wete ate sanenami,' doute te ne di baya pau nerone waru,'we nepana nepete doutetei,ne deko ne ke keu we nepetena tawipei.²⁷Nemane, keu eriye nena kiya te mekonembine da omo sure,kiya neme erembine di wai suwa,tenoneyerene nemane keu tetero yei da yodamba menena ne yeko damane yekombinina.²⁸Mopatya ne tetero wa oro,wamise tenainya awe nazar nepa kou prunu.''( Yeko te mai keroupuku tetero yei dewa menena te ara o pa ate mai aroupuku )²⁹'' Seraibeite pekote mekeyaimi neya na,sonin kiya ambai neko duwa orumpuku oko kiya ambai meya ye mare apa yewai ne yeko-yeko marena derete tupunu.³⁰Nebu daite beya yeko ye mekombine ne tetero yei na re menena da kanina tetero di yore-yore di kisire-kisire di tengkoyu-tengko yeruna doute tema ne tetero yei ma dambere menena.³¹Nepereina ate sanumu.wera kiyapa derona teng-teng perena dewa mainya toni kurung at mate waru ne nebeipa koupruku,tetero-tetero duwa eirapikina da yeko aperaubei wasupukuna di wai meto-meto te omo meto-mete te di daripa-betapa di ma tupupa da matupu sipa sawene.³²Semote dewa yepopi ne yeko ara ono neperena nena mise-mise kani-kani neperena sibarunai,we arambuku,ne doi tene na ya watoupa dewa mu.³³Nemanbei,meyena mane,araumbuku neya watoupa dewa mu,menipi numburu tone meke keu.³⁴De ate wete sename tepereitere da mainya,tetero sepei penya,ne yeko meye mekombine.³⁵Ma pere da yodambere metopa nai da akurung metopa na siking sipeinya.''( Ate sanuyoume wasemate warema )³⁶'' Nemane dayane ne sonin tetero besikana pere aroipei,neto-neto perena yosena wari dia na ambai,yei nemane ambai,Awa mang kera wariyei nebeiye.³⁷Nemane beyamane mai yeko Nuh,kena sereine mekoupukuna nemane sate ne yeko keropukuna tetero yei da yo damba menena.³⁸Nemane, ne beyamane tetero ne mai serei na bume mipeina sate anai,arikate anai do mire te ourai,mire ye dote ourai neperena Nuh ne wande bahtera yeupa duwa ke.³⁹Ne meyenamane aroipei beya yeko mekone,ne bume menena ne meye namene ambai nai orumbine; nemane keu ne yeko tetero yei da yo damba dewa menena.⁴⁰Nebu daite tetero biserei mika ne warenei; tetero besikaye duwa donai ninai sibeisika dane keu⁴¹Da mire biserei ne oru te birini,nete sibesikate duwa dekaine eu nemenakaye sibesikaye dane ani tambuku.⁴²Nemena sate ayei wasemate warema,nemane keu e aroipei nebudaite Awa mang kera wariyei menena⁴³Da a yeko te wera arombinde,me na tetero ne aroipei moya te moya te mene bei dene ne bisi tetero mane,we sema-sema warende,we ne tena bayana dinkeripeinya.⁴⁴Nemenate we,endena sema tekende sasiei derati te mekonde tetero yei dewa menena ya we aroipei.( A aroi-aroi kembari tetero kena temena pere kembari tetero kena peko kena armana )⁴⁵''Sime kembari tetero kena temena mendona tetero,ne tetero tetero sate ataim sate anaim sate anai ne tetero yei menena nena sonin we aroi peinya?⁴⁶Kenakari kembari tetero,kena temena ne sate nena tenayei ne tetero-tetero nena tenaiyei nete temu ne te ate sanumu,sate anai nenei tetero dewa mu.⁴⁷De wete aye sename teperei nemena tetero nete bunapa kensu nena semana neperenakaye ne tetero de ne dewa mu,sasyei nena meka damenekai⁴⁸Da nemane,keu kembari tetero peko serainya nena ate seyununa kenane kenena serai tetukanu,'⁴⁹Ne tetero dekewa na,mipei-mipei nete nekaye peneu kembari tetero kembari tetero,ne sate anai arikata anai bu kereu-kereu nebeine anai.⁵⁰Nepere kembari tetero nena yarise mene ne yana nederaite ne yeko te na teipei nepere ne serei di aroipeinya ne ne arongbine,⁵¹Nepere baya nene nangkou te baya mene ketembini,nepere netetanembina ne tetero-tetero nembere-nembere mendo banya tetero pere ne nouna tena nepene dimi kurung pere eti ketete asyaina pere.

Chapter 25( Mire-mire mendonaMire miremendobanya )

¹'' Kiya wariyei ate aroupuku,Kerajaan Surga mire mekabi pelitate meka piki penganting do menenate.²Neperna mekasu mendo banya,mekasu mendona.³Mire-mire mendobanya pelitate atekaikai,minyak ambai.⁴Mire-mire, mendona pelitate atekaikai minyak e yupa dua denapiki.⁵Ne Mempelai werana mipei,mire-mire yukudou mereyami yukute dua aitnopuku.⁶Deneng nerosreipa meke tetro ate mekambiki,'mempelai dea mu nete domane!'⁷Ne mire-mire, ate betapiki esuwa ya yemuku nenei pelitate nopa-nopa mekeyai.⁸Mire-mire mendobanya,mire-mire mendonate saniyami dete minyak bete danem pinde dena pelita minyak ambai nena kiya base-base dua kepinya mane.'⁹Mire-mire mendona,mire-mire mendobanya sani yami minyak erikropei.noruna minyakpere naite mekanya kios ende,minyak nepene e donepinde.¹⁰Mire-mire mendobanya minyak kewa kai,mire-mire mendona nepenganting mekena dekani eyupa nembere-nembere perjamuan kawin, neropa dua kai nepere menipite dua aidunupuku.¹¹Mire-mire mendobanya mekai karite simiyai,'Tuan,tuan! dete menipibaya timsime.'¹²Ne Mempelai ate saweke de wetena aroipei.¹³Ne mena ate saniami,semate kende moyate neya yeko mekone.''( Perumpamaan tentang talenta )¹⁴''Kiya wariyei ate aroupuku Kerajaan Surga,tetro si baipate de reyounu Hamba-hamba sumupuku mekai nete doite wasu youme.¹⁵Site ikinena meka subei,site ikinena bisirei site ikinena besika tetro na mimbei nenei wake kena serei ateyoume ne baipa dua sakekone.¹⁶tetro meka subei ikinena,kenente kendereyonu nena tereng dekona mekasu deko.¹⁷Tetro bisirei ikinena,kenente kendere yona bisirei deko.¹⁸Tetro besika, ikinena dedoke kanite en wembuku kani yeupa sesuku.¹⁹Ne Tuan dewa mu yosuku tetro namimbenya nena doi wasumpukuna yu mosrepa oriyai.²⁰Tetro besikana mekasubei deko,'Tuan wena doi iketena mekasubei.deye kenente kandeyana mekasubei deka.²¹Ne Tuan nete ate sanune,'poite mekopuke da sa nankeng newaite mekopuke,sa deterete ite we,eyupa mu dena yekote noupa mekopunu.²²Tetri bisirenya meke nete ate sanune ,'Tuan, wena doi bisirei ikete de kenengte kan dereanena biserei deka.'²³Tuan nete ate sanune,'poite mekopuke,eyupa dewa mu da sa nangken poi dua noupa mekopuke sa detere itewena,tanggung jawab nemane mekopune.'²⁴tetro besika dekona,Tuante ate sanune Tuan de arombukana we tetro arma-arma,'Tuan, wena taburan bariyena monone deyai,ne wena sanute areyena dewei.²⁵Nemane sate de endikite dekoukroka,ne doi dekaka kanite enwembuka kani yeupa sesuka.besikana doi,Tuan newa dou.²⁶Ne Tuan ate sanune Hamba jahat dan malas!,'we dua arombuke ne sanu de baripei,nepere nenoune sanu neye yu wawenai.²⁷Nemane deraitie, ne doi deye ateyamna tetro doi kenente deranina nedamba bungate sesune dena mekapa atotende.²⁸Neperna ne doi baya atombinde tetro doi mekabina nete atonende.²⁹Tetro nyenyene, nenei yereu nerone atoname nena yu nemena beite wawenai,sim nederati mekatena kiripenya,ne yu ambai wena yereu nerone kuru nate tetro site nemena beite atome.³⁰Tetro meka kiripenya baya atonai a kepe-kepe neropa barunai nepene doubute mekonai eti ketekurungte mekonai.'''( Tuputena Yeko )³¹''Kiya wariyei menena Awa mang kerawariyei nena yeko dambre,kemuliaan neto-neto perna yo nembere-nembere menai,kiya wariyei kemuliaan dambere mene.³²Bangsa-bangsa nena bekoupa meneng kopringne nete baya, menewasine Gembala dombatena mane kambing nerore.³³Domba-domba meka meter sua kopri nene,kambing-kambingte aya sua koprinene.³⁴Raja atemekombine meka meter suna dewa mende Awa mang kera, wariyei wetenanou yansine dua mekombuku.³⁵De munumere youtena we dete sate ikete bu mari mereyoutena dete bute ikete de tetro barinya mane meka nou poite ikete.³⁶De kiyane meka dete mayonte ikete de sanamune teneya meka beseyete de kemba ereyeune teneya dou tiwaute.'³⁷Tetro poi ate sawiyai,'Tuhan, moyane de wete munune tawepikite bu ipei.³⁸Moyane barina tetro mane meke de wetena tumpangan iwipei,kiyana tetro mane meke de mayontena iwipei?³⁹Mo yane we saye mekeyou de wetena doutepei penjara eune de wetena dou tepei?'⁴⁰Ne Raja ate saweke,'de wete ate senamena sasyasi meye teneyou waruyouna dua mekeyau tetro si wena nerone peko newai keuna we netena doutepei.'⁴¹Ne Raja ate ayasuwa sanuyoume dena bekoune baya ende we tetro peko terkutuk di sindamba barunai ne sing denendai nemena beite deku iblis nembere-nembere neto-netoperna yo nembere.⁴²De munune mereyoutena,we detena satena itipei,de bu marina detena bu itipei.⁴³De barina tetro mane meka,de tena tumpangan itipei kine meka detena mayong itipei;de sa mekeyoutena detena mekana beseitipei;de kemba ereyeune teneyana detena dou tepei.'⁴⁴Neyo ate jawabte mekapiki,'Tuhan, monone de wete munutawepikiti bu iwipei tetro asing mane meke,kina mane meke,penjara eyune teneye de wetena dou tepei?'⁴⁵Kiya wariyei, ate saweke de wete ate sena mena sasyesi teneyou waru youna dua bete yau,tetro pekonewai wena wanerone tawekemkeu netena dotepei,nete poi mekeyau dete poi mekeyaute.⁴⁶Ne tetro poitena mekoi penya di neraka pa nai,tetro poi nou poipa nai.''

Chapter 26( Ate boyow Yesus te tonai pena te )

¹Teterote saniyomena ate tupute mekou nena kaye buru suku murid-muridte meke sanume,²'' We aram buku,ya bisirei paskahte nag, neyana tetero yeite salebpa bapenai pina.''³Nemekaye,imam tenai,yarise-yarise kera-kerarena nebeipa nebeipa teteyou imandere, kena diapa,nena wado Kayafas.⁴Ate boyo,apeu-peu karore Yesuste awenainete baya tonai pind te seiyani.⁵Nemena kaye,'' nenei meka seiyani paskah yana mekoi pi peina nemenate tetero teren atena sei nipei.''( Yesus te mire si besika wate siyoune )⁶Neperna kaye wariyei,Betani yopa ke Simon kusta kena mene kiyou,⁷Da mire kaye mekena,nena mekana,minyak guci pualam botol nangken newai deko mekena,perlo doprena.nena dera bunane tainya.wariyeite,nena tenai damba diri youne ne soning kaya wariyei sate ani youne.⁸Nena yauna nema tiyanina ate seiyani,kena seraite dere yani,ate mekai piki,"beyatnate di sa nare-narete tau?⁹Dimena mekerai,naite mekainya,dera buna terene,mekainya ne mena sa tetero wake bainyate,ata mina."¹⁰Wariyei,nemane nemei yomu sate,neyote ate mekou puku,sime saniyoumu ne mirete,nema mekanu.nekaye mendo poite dekona mekou.¹¹Wena nerona tetero kasopre wake bainya nekai depe daye.wena nerona nemena beite da wara.¹²Da mire ne mekerai,nena wapa diri younuna nekaro yekote mane kenai bekoupa ne na tete karo tenate.¹³Deye wena dambana ate sename momena noune akurungte dekai da yo dambane,seinaine mene beyasa yang da mir meke youna te mendote yeponai ate seinainye mene."( Yudas warete boyou wariyeite awenainyate)¹⁴Nemena kaye nena oto touna wariyaina karore sibesika nena wado Yudas Iskariot,nena yauna nerore baya ke,andewapo-serai kewa ke,¹⁵Ate sani youmu,"wena mekare,beyate itinde de ne tetero yeite wena meka damba sarte pine?" neman sate,neyo yekote ai keropuku dera doa biserei meka bi pere ikaini.¹⁶Ne man sate,nedo nipite wure you wariyeite tetero peko kena meka damba saripinate.( Wariyei nena oto touna pre sate aniyai).¹⁷Metena ya pena ragi baina,nena oto touna mekai wariyei,"ate saniyaini noute sanimpime sasyesite noupa-noupa a mekotere,paskah sate anemanate?"¹⁸Wariyei ate saweke,''di yopa engde,tetero sibei keunate,ate sanen nende,dena Guru seyununa," ya watoupa dewa munate.seyununa wena mene nena oto touna pre paskah yaute mekoma.'''¹⁹Ne mangsate nena oto tounava wariyei sanumpukuna, mane kembari nemane kai mekeyai.²⁰Damane kainya kaye.denemba dua mu.wariyei nena oto touna pre sate dua anai.²¹sate anainya nerone.ne ate mekoupuku.wete noruna ate senamne,we da kauna nerore tetro sibeisika,dete ekriye taute."²²Nena oto touna ne ate betai kena nundraimi mendote mekaini moiye-moiye ate seiyaini."wariyei, deye bei simbi yang?"²³Ne ate mekou puku,"ne tetero nena mekape re dena meka pere ne yau bei boiteu yeupa ne yau bei tepa pinena,ne tetero dete niskona damba sanembinena.²⁴Semone merai pikina mane ne tetro yei. dua dine nemena tetro kaye nena yereu kaye beyamane kene ne tetro yeite mendo nare-nare mane mekou nuna nemena beya kewa,da yo damba sengkai.²⁵Nemansate Yudas,wariyeite naite mekoupukuna,ate saweke deye mekoupuka bei?"wariyei ate mekoupuku,"wei meka ate ne saweke."( Nenei wapana ate aroupuku)²⁶Nemansate neyo sate aniyai,wariyei penate doko.atuate ate sani youne da pena,nitana mane wena meka damba ata temme nepere ate mekoupuku meka orungde da dena wa orung,"²⁷Nemane sate ,nekewa anggur te deko mangte ate sani youme,ne yote ate mekoupuku,"we da meyena mane,da bute anende.²⁸Da dena wa sa ayekote kerapuku,da teteroi tenounate,nena pekote baya sumbinate.²⁹Wete ate sename,de da anggur ani sipei,neme kete anggur bu awa kena Kerajaan ne,ne yau bei beye-beye mema birine³⁰Ne ayekote sani youmu,dimi semo siti dimiyai nepere Zaitun mekopakai.( Petrus,wariyeite apeu-peute orukroke)³¹Neman sate wariyei,nena oto tou nate sani youmu,"we da kauna meyena mane kenaye nindrinampine de sate.yani sine semo kepeipa meraipiki ya besika,ne tetro yei tonaipine,nena marisa derona tenouna,kra-kra dingkernenne.³²Beyamna ya mekonena,de dua souna nerore ite yemine tua Galilea pa dua di te.³³Petrus ate sani youmu.nemane dua keuna we meyena mane,kenaye nindirampiki,de,besika kena yena,nindiri tipipei³⁴Wariyei ate mekoupuku,"de wete noruna ate da sena beyamna ta donenmene,awe ye deneng sieine,a mekoi peinane,we dete apeu-peu da nambimbei orutkrone."³⁵Neman sate Petrus ate mekoupuku,"be yamna-be yamna yeko mekonena de wembre ne yau bei titinaipine de wetena apeu-peutena wapipei nena oto touna meyena mane,ne abeite ai mekopuku.³⁶Nemekaye Yesus oto touna pere nou sipo ayakeko nenou nena wado Getsemani nepenakaye Yesus oto touna te ate sanume,''ane dapene meke,be dinoupa te doate temekone,''³⁷Neye, atekome kaina Petrus pere Zebedeus kena yei bi pere, nemenakaye kenate tukane kaye nena wa nemei yenderoune.³⁸Nepena kaye, ate nete sanume,''dena kena pimi kena doperete tukane dua teteipina mane tukane.danoune kende semate dembere da kema.''³⁹Neperena kaye, ne bebetepa kena kaye,apa mereupuku ate awate sanune dedei,'' awa, damena kaye, da cawan dena warena bayana. sepeingbine da karotena dena mendone meka menatena mana mekoipei,meterna mane wena mendona mane noupa mekoupunu.''⁴⁰Nemena kaye, nekewa burusuku oto touna kewa meke.doute, meketiyoume neyo meyena mane yukute dua tenaipiki nemasate Petrus,'' te ate sanune wekaye soning besika terena we dembrena sematena keipeina?⁴¹Semate kende mendote mekonende ne merenate we da kani-kani neropana yoipipei tong pei dua tawinena derenu wa orung kari-kani oru.''⁴²Nekewa da bitena burusuku ate nekewa ke sanune,seyunena mane, ''Awa da, cawan kaye dena wadamerena bayana sepeingbine, mena tena deye dua ante sine wena yeko mekeyena mane.⁴³Nekewa, burusuku meke date meke teume neyo meye yukute dua tenaipiki yuku dou dua mereyame sate.⁴⁴Nepene, emu tapuku nekewa burusuku, ate nekewa da namunate ke sanune tua sani younena mane derati .⁴⁵Neperenakaye nekewa burusuku muna kaye ototounate ate meke sanume,''yukute tenaure note yaure.doute te, teteroi ditetero peka kena mekapa di sarenai pine.⁴⁶Esua yayemuru,dewa maru otote ma.dembere, sarenete pina tetero watoupa dewa damu.''( Wariyeite mekapa Aweka )⁴⁷Wariyei nena oto tounate,maning atetitawi youmu,nete awenaina,ate sani youmu.Netaiye Yudas nena watoupa dewa meke neye ne mekena karorena,tetero dero de tere mekai.yarise-yarise.serai bra-bra metekaye wungye ate kai mekai⁴⁸Nepeinya de nena watoupa date,yekote da tekirimbina Yudas ate mekoupuku,simi yang de sen-sen." yepitimbina ne tetero nene mekaye awengde."⁴⁹Yudas,seraibeite wariyei kena watoupa ke ate mekoupuku yarise poi!" ne perkaye Yudas Yesuste sen-sen ke yeti younu.⁵⁰Nemane sate warirei ate saniyounu."dekado,wena mendone mekayenna,inekoi pine."ne ate wariyei duwa sanune tiki bai ne yo wariyeite meka duwa awekai.⁵¹Ne mansate,nena oto touna yarise do Petrus metekate yepoupuku,ondewafona derete,bengtekeite baya keteupuku.⁵²Wariyei, nete ate sani youne metekate bapapa eri simi meteka kenen te dere nenna ne meteka birinsine,ne naiwapa nekewa mene⁵³Wena mendo mekanuna ,de wakebaibe,dena awa kena dia na neserei di tenou.ate mekotepina,meka bi butu bi perna deronai menai?⁵⁴A semene, dua meraipiki ne yeko nemane duwa keuna ?⁵⁵Wariyei nete ate ate saniyoumu,"wekaye dekewa mekauna,meteka-meteka pre ung-ung bre atekau mekauna we,dete ne ineiyaupuku,serainya tetero,de yakau weye teterote mang kena miene atene senamena beyam nate meka yena awitipei.⁵⁶Da yeko, nemane duwa keuna Nabi-nabi kena semo ne meraipiki ne mangsate,"nena oto touna nepere nenoute dane ani tembuku kra-kra dingkeriyounu.( Wariyeite Yahudi kena yarise-yarise nete awenainate)⁵⁷Ne serai wariyei awekai.andewafona Kayafas kena dia pa dekanikai,a yekote seiyainina tetero nena bekoupa tambiki⁵⁸ne mane sate .Petrus,metore tawekemke bai betena dane tiyoumu wari yeite ande watona kena dia pakai.ne mansate Petrus eyupa kena sema pre tepainya yo pre ne yau bei kale kiyai doute tiyou yeko beyamane meko nai.⁵⁹Nepereinya,tenai-tenai yarise-yarise ate sei yani a nemei-nemei arainya tetero apeu-apeute orunaine supaya wariyeite tonai pinate.⁶⁰Nemane seiyani tapi,nena wana ne yeko tanipei.neperna, kaye do biserei nepa mekei,⁶¹Ate mekoipiki.''da tetero neye seiyounu,'waribu ongkote baya dinkerbine ya namimbei nekewa dua merembine.'''⁶²Ne mansate,andewa fona detere e suwa yemuku,''wariyeite ate saniyoune,wena mendona a ambai? da tetero kena a seiyanina ,''wena wapa nate da arai?''⁶³Ne man seiyani tapi wariyei,yekaiye tepeu .ne kewa andewafona yarise wariyeite,''ate saniyoune de wete aroupukana.'awa mang tetero,warite keuna yekone ate seiyane,'we dete ate sanim pime,ne menakaye we mesias awa mang tetero nenai yei?⁶⁴Wariyei neyote te ate mekoupuku,''wei meka dua ne dewan buku ne mane sate seiyaunu sate .ate santeme ,da sereine doute tende ye yupubeinya ,meka meter sune kene nena detere dewa mene serore aru seki pinamane se pro nene,''⁶⁵ne mane sate,andewafona detere nenei mayongte boya weku puku ate mekoupuku,''ne ete a nare-nare mane sanumu! we dua beteyau doute.⁶⁶Wenane beyamane tikanu?''Yahudi serai ate sawekai,'' baya dua toma pind,''⁶⁷Ne konate nete ekiye bepateiyani,nete mekaye peneyai si tepeyainya oye-oruye kiseri yaine .⁶⁸Ne yo ate,'' mekaipiki bete a yekote dete sanimi sime wete meka penewu?''( Petrus wariyei te aroi pei nyate sei yonu)⁶⁹Nemena akurung wari you sate,'Petrus meke ne duane meke kiyou nate mire nepene werai simeke nete ate sani youne,'weda wariyei pere Galilea tetero?⁷⁰Petrus nena, bekoune apeu-peute wapi you ne damane seiyounu,de aroi peinya peneye,''we beya ate seiyanu,''⁷¹Ne mansate Petrus menipi toupana dua eu,kaye mire si nekewa ne tenuna kaye ate tetero nepene kainyate sanumu.''da tetero wariyei pere yaute Nasaret.''yone wariyainya tetero.⁷²Nemane, saniyani sate Petrus ate mekou puku de aroi,'' pei da apeu-peu bu bina.''⁷³Ne mansate tetero kase pre tepe yainya,nena watou pa kai Petrus.te ate mekaipiki,wena wa wana a sei yanuna,beta tena kiya tere beta te.⁷⁴Ne mane sani yani sate,Petrus yekote mekou puku,''ne tetero de aroi pe ne ate dombuku,''bentekeite bete you awe ate mekeyai.⁷⁵Petrus kena mendone kai wariyai,wari yei kena sani you tena ,''aweye a mekoi peinya ne we dete apeu-peu bu naminbei oru kroke,''ne mansate Petrus di yapa di mi inereipei apa derekengke.

Chapter 27( Yesus pilatus kena bekopa dekankai)

¹Neprenya,imam imam tenai tetro dede yayapere a yekote mekani seiyani Yesus te one bapenai pini.²Nete meka awekai sa beyapiki,Pilatus kena bekoupa dekanikai.( Yudas nenei wate pekote mekopuku)³Yudas bentekeite beteyou imam-imam tenai tetro dede nete osete ikani,Yudas nepere patya bure deko doi 30 keping perak imam-imam tenai tetro dede ne joi baya dua atekome,⁴Mendote," mekeyonu de peko dua mekopuka,tetro poite naite mekopuka."imam-imam tenai tetro," dede nete saiyani wei damene seinine!" ⁵Yudas ne, doute awa mang wariyei nena me eyupa baya atekome ne mepa dua ke.nenei, wate seroune enbuko.⁶Imam-imam tenai ne doite dekai ate seiyani,da doi dapena sesipenya."da doi tetro kena tenai mekapikitena."⁷Yekote, nebenye tiyeikroke da doi tukang periuk nena kenite da doi nete, mekomapine bare menanya tetrote da kanipa keronai.⁸Ne kani, nena wado 'akal-dama' daserepa neme tengko yereu.⁹Nederaiti Nabi Yeremia: "nena, a yekote keropuku 30 keping perak. Israel serai ne noute none semate kai.¹⁰Ne nou mang a yekote sanumpuku tukang periuk, nena kanite ne doite mekombinde."( Yesus dan Gubernur Pilatus)¹¹Neprenya, Yesus Pilatus kena bekoune iki tepeu,Pilatus nete ate surunu,"we yahudi kena Raja?" Yesus ate saweke, "ya, weye seiyenamane."¹²Imam-imam tenai andewapona,tetro dede nete ate surkanye nena emburuna a dombipei.¹³Nepere, Pilatus nete ate sanumu, "we beteye tetro tereng wena wapa seiyani?"¹⁴Nepere, Yesus Pilatus, kena bekona atena sawipei,Pilatus nete herante mekeyou,da yei dena ate suranena a mena dombipei.( Pilatus bete derembuku Yesuste baya tamburu)¹⁵Ya dere, yapa meke, Pilatus tetro kemba are yeune tenanyate, baya taneme nena kenane kanya.¹⁶Ne serenya tetro, bemane keuna kemba are yeuna tenanya, nena wado Barabas.¹⁷Ne tenate, tetro nebeipa koprikene,Pilatus nete ate surumu," sime wena mendone mekanu nete baya ta tembine, Barabas atau Yesus?"¹⁸Pilatus ne yeko duwa arombuku,yembe karone Yesuste opa bapenaipini.¹⁹Pilatus kursi a peretanya damne keu,nena mire nete ate sanune," da tetro tena kembari we mekopenya,da yei tan sate denena yukuburune ate mekai saniyaite."²⁰imam-imam tenai,tetro dede nena mendo mekanina tetro tenou waruna Barabas baya tambune Yesus one bapemapine.²¹Pilatus nete ate surumu tetro bisrei tepenya,"sinte wena kenane keu nete baya tatembine,tenou waryouna ate sawekai, "Barabas!" baya tambunu.²²Pilatus ate neyote sanumu,"nemenatena Yesus tena nena yeko beya mane mekekeu,tenou wariyouna ate sawekai "salibkan Dia!"²³Pilatus ate surumu beya mena pote,ne beya pekote mekopuku?" nepere ate, deretere keteryai, ''salibkan Dia!"²⁴Pilatus ne yekote nemane ti youne sate a poinya seinipei ne bute dukroke mekate tetro kena bekoune baya sukupuku ate sanuyoume da tetro mro-mro,"wei damene seinena!"²⁵Tetro taneyouna ate sawekai,"da tetro nena de damba yei damba neme tenone mene!"²⁶Pilatus Barabas baya tambuku nepere Yesuste, cambu peneyai Pilatus Yesuste tetro tereng dambu sarumpuku nete one bapenaipine.( Pilatus nena yuku Yesus amise-mise saniyani)²⁷Pilatus nena yuku serai yesus dekani wepre kanya naupa eyupa dekani kai,Pilatus yuku serai ate sanumpuku nete nebeipa yembinbinde.²⁸Nena wana mayonte baya kurambiki juba ungu titambiki.²⁹Tenaipa makota sye-syepna tu tambiki,meka meter suwa surute ikani,nepere nena bekoune seso tupuyome nete saniyani Yahudi serai nena Raja!"³⁰Nete eki bene toyani,suru dekai nena tenanye pengkai.³¹A mise-mise merekani Yesus, nena wana juba ungute apa kurambike nekewa nenei mayonte wapa tu tambiki nete dekani opa bapenaipini.( Yesus opa bepapiki)³²Yuku serai si dia suwa mekai doute tiyai,kirene tetro nena wado simon.nete mekani saniyani Yesus nena ote meka-meka dekoi ike.³³Yuku serai Golgota, mekopa dekani ikai ne meko nena wado bukit " bukit tengkorak",³⁴Yuku serai bu pekote ye wambiki Yesus ini nate ne ate dere youne.³⁵Yesus opa bepapiki yuku serai, mayonte baya wasiyai nepere undi teiyai.³⁶Yuku serai, ane kekai Yesus onone wawunate semate kiyai.³⁷Yesus nena tenai damba semo merapikina,Yesus nasared tetro yahudi kena detere " INILAH YESUS RAJA ORANG YAHUDI."³⁸Ne serenya tetro peko bisrei,si meter sune waweke si aya sune waweke.³⁹Tetro tereng dopre duwa-duwa warekai nete a mise-mise merekani seso-sesopere vawekame,⁴⁰Ate seyani," weye seiyene Gereja mete baya dingkrepunu na namimbei nete naupa merepune,nemena wei wate! onore apa we seine Allah, niyei!"⁴¹Imam-imam tenai,ahli ahli taurat tetro dede Yesuste a mise-mise saniyani,⁴²" We tetro site poi mekeyeme,betebei wena wate onore apa yere yousunu.ne nenei wapa seinuna Raja Israel, nepreinya onere apa yousunu de percaya mekomapini.⁴³Allah percaya mekeyou, Allah nete onore apa tanembine,Allah nena yekone mekombine,nenei ane sanuyoume 'de Allah."' niyei.⁴⁴Tetro peko bi sune-sune wawekenya Yesuste a mise-mise saniyoni.( Yesus te tete deko)⁴⁵Soning, meka sunabei neko orumpuku meke soning su suna aperau.⁴⁶Soning mekasu suna aperau Yesus ate napu you Eli,Eli,lama sabakhtani?"artinya,"Allah ku, Allah ku, we beya menate dete damane tetupuke?"⁴⁷Tetro, si nepene tepekanya seikaini di tetro Elia sumu."⁴⁸Tetro si senombuku ke bunga karang,edeko bune yombuku anggur asam, nenepre surupa nambiki emburupa ikani.⁴⁹Si tepekanya ate seiyani,"nete dou mantene Elia mene nete poi me nemekombine."⁵⁰Yesus a bubi, ate armatere keterepuku,nena meka otote apa eukropuku.⁵¹Tirai Bait Allah waro bisrei apa, darukroke bunare apa yereke nepere bumi nemei, tipekene oru baya darekai.⁵²Bure baya tukai tetro, yansine kanine tengkanya esuwa va yemuku.⁵³Yesus kena yeko mekopuku,tetro suci kani yeu tengkanya bure yeru esuwa ya yemuku,nena wate tetro tereng neropa kai nete douye tekame.⁵⁴Neprenya yuku serai nena tenai Yesuste, semate tepekanya aye tipikinena ne endikite dekaikroke ate sawiyai teprei da Allah!" niyei.⁵⁵Nepene tepekanya, nawa bra Yesus Galilea kanire tawekani mekai.⁵⁶Maria magdalena,Maria Yakobus nena mire,Yusufpere,Zebedeus nena yei bera mekai.( Yesus bure yeupa sesiki)⁵⁷Ya neko orpuku Arimatea tetro meke Yusuf, onone wawunate meken Pilatus meken sanuyone.⁵⁸Yusuf Pilatus kew ke Yesus onone wawute meken sanuyone,Pilatus ate mekopuku Yesus nena tubuh Yesus. kena mekapa sarbinde.⁵⁹Yusuf nete, onere apa dekone,mayong linen wapa beyumbuku.⁶⁰Nete dekone nena kani,mekoyene neprei wembukunapa Yesus nete nepa endunteke. Yusuf oru derete burungkroke numburupa tuteke.⁶¹Maria magdalena,Maria si pere bure toune semate kiyoi.( Yesus nena burete sema kiai)⁶²Ya dere, yapa meke Imam-imam tenai farisi tetro nebeipa kopuruyonu.⁶³Ate kansei yani,"Tuan, de mendote mekantena ne warite kiyouna nena a damane seiyone,ya namina de esua ite yemine.'⁶⁴Ate mekombinde, kuburan semate kende ya namimbei semate kende,murid-murid menai yekai menandone,ya namina duwa yemuku da apeu-peu tupu tena yeko peko orumbine."⁶⁵Pilatus neyote sanumu,''da wate sematena yo,end nebu rete sematere te poiye ekend.''⁶⁶Nemenakaye neyo kainya sema pere na yo nena wakene kai neyo ne burete ai titoupuku semate kiyai.

Chapter 28( Kiya wariyei esuwa yemuku na yeko)

¹Dayama,sabat tupute mekonambina,ya nepe meke buteru,neya ya besikana ne minggu beine,Maria magdalena ye Maria siye ne kainya bulete dou ye tembinate.²Netaiye,doute tai,yekoyemekou puku kani deretere tupu nu mang kena akeyana saidia kereudia re apa dayo damba mu yosuku,ne kenakaye orute suwa enu burunsuku nedampa yongkuku.³Nena be pedaye eriye atonina mane nena mayong ma keru-keru mane.⁴Nemenakaye nepa doute tai ne endikite dekai,semate kainya serai apa yewaipi duwa souna tetero mana.⁵Ne Malaikat dewanbikina ate ne mire-seraite sanumu,''endikitena dekoikroipeinya nepedaye de we tena duwa arompuka nepereinya we kiya wariyai te opa duwa bepapiki nate urende.⁶Ne dapena keipei nepereinya ne duwa yemuke nenei ayekote noupa mekoupuku.dewa me,doute te neye ane teneyouna nou.⁷Sera beite ende da a kurungte nena oto-touna oto-touna te akiyate emsanimpinde nepedaye duwa yuyemuku duwa souna tetero nerore,nepereinya doute tende ne tuwa Galilea pa nena.dipena,we nederati ne te douye tenenbinde.mendote mekomane,de wetena neate duwa sanumpuka.⁸Nemenakaye,neyo serai-serai bei bure te neme anintembuku nenei wah endiki-endiki pere nemane nena kena kari deretere semsuku,ne seraibeite newai ne a kiyate nena oto-touna oto-touna amisanumpuku.⁹Da,doute te,kiya wariyei neyo pere tekai ate mekoumpuku,"poi!"ne menakaye,neyo kiya wariyei kena watoupa mai,oto te mekaye tepai,nete kepani.¹⁰Nemenakaye,kiya wariyei neyo ate sanumu,"endikite dekoipeinya;ende da akurungte wekaberate,dokekaberate emsanemde e oto te ma neme Galilea yopa ma,nepena neyo nete douye tenembinde.( Bure semate kanya serai amangte mekaipiki neyeko apeu-peu)¹¹Nepereinya neyo nipi ai,semate kainya tetero mosrei ye nipite kai yo derepa ai akeko ne akurung te Imam-imam tenai kenapa a yekote meye namane nepa kani kerani.¹²Nemane, neyo meyenamane touna tenai-tenai nebeipa kopiranbiki.ate ai kepuku,neyo amang terengte semate kanya seraite nena mekapa ami iki.¹³Ne ate sanumu,''ate seine,da ya denempa duwa eu sonin eye yu kute tenomana bisi tetero dewa manya?¹⁴Da,nemena yeko te Gubernur betongbi nena,e meye namane ate masa wene e meyena mana endikite na dekoi kroi peinya."¹⁵Neman bei,neyo amangte ouraipiki neyo ne yeko te duwa kiriyamina yeko te mekai senaimi;ne akurung kura ye peto ye Yahudi tetero nerone mai te tengko meu daya pa mu.( Kiya wariyei kena ayeko poi)¹⁶Neperenakaye,nena oto-touna tereng mekabi,oto suna bei oto yekenkani Galilea pakai,ne neko damba kai kiya wariyei nenou te kurungpuku.¹⁷Nepereinya neyo nenei dou ye tambiki,neyo nete oto butuye disaipiki ne kepani,nemenakaye siye pro-pro ourai.¹⁸Netaiye,kiya wariyei dewa mu nete ate sanumu,"neyo kewana ate mekoupuku,"mendo wariyei meyenamane wete duwa ate kame,wari dia na pere da yodamena pre.¹⁹Nepereinya,we oto te ende nena oto-touna oto-touna da kani meyenamane,da kani tupure nemene di kani tupu pa besene ne,nete bute kero mende awa,kena wadone,yei kena wadone,mendo wariyei kena wadone.²⁰Neyo te kirimende meye namane kenate marenende de na ayeko we na dampa duwa atekame,we doute tende,de wembre,wembere warema mene neyeko damene tepemamene may te teno ne mene."

Mark

Chapter 1

(Yohanes Tet[e]ro Te Bute Kéréyoumu) ¹Da memetena A kurung Yesus Kristus (Sawa[l]riyéi) Allah (Mang Walliyéi) kena yei. ²Yesaya kena semokepeipe mereupuku Dotete tende! Dena akeyanate tua tatembini ne népitene mekone weye Nedamba mu. ³Baya panne tet[e]ro kena A kurung meke taru : 'TUHAN (Mang) kena nipite kiya mekonende. Dena nipite sipiye oronende.'"⁴Baya panne Yohanes tet[e]rote bute keroyomu nepere ate sanuyomu peko yekote baya téiyinde we peko mekaunate ate sawende. ⁵Meye Yudea yore, Yerusalem yore Yohanes kewa mekai, Neye bute Yordan musete klo yomu, Nenei teprenyate saweyai. ⁶Yohanesye unta mayongte tutupuku seroute beku puku. Nena sate angkena O[l]ronaipre taruwanbupre.⁷Yohanes ate sangkeme, "Deye tnada meka metor mena tet[e]ro barune mene kerone - oto erete baya keroupeinya de wake ambai ne yeko damna ambai. ⁸Deye wete bune damna, Neye menena wete Roh Kudusne kerone." (Yohanes Yesus (Sawa[l]riyéi) té Bute Klrombuku)⁹Neyana Yesus Nazaret yore, Galileya kna kani yeko, Yohanes nete Yordan nepe ne bute k[l]rombuku. ¹⁰Bu yeu[l]ru yeruku meke, Yesus (Sawa[l]riyéi) doute tekene sero daru keroke Roh (A[l]ru) awe yasomane Nena wadamba sakokené. ¹¹Surga diarena a meke, “We dedei Yéi piambanya Yéi Nedambana De kerate kana.” (Yesuste (Sawa[l]riyéi) Iblis (sekai) meke wapiyone)¹²Nepernakai, Roh (A[l]ru) Yesuste (Sawa[l]riyéi) dekone baya paupa dekanke. ¹³Neye baya paune ya doa bisiréi keiyo na kai, iblis (sekai) Nete meke wapi yone, Yesus serainya marisa nerone kiyou, Nepernakai Malaikat serai mekai dikambiki. (Yesus Wari a Kurungte Galilea kanine Sanumu you)¹⁴Yohanes tuh yenpa dua tianteke, Yesus (Sawa[l]riyéi) Galileya kanipa ke wari ate ke sangkem. ¹⁵Neye ate seyune, "A yekoprena ya nepete dewa no[p]ru puku, Allah (Mantet[e]ro) kna Dia wa toupa dwa muna. Pekote apa kerowa tepereinyate sawema a warite tawemane!". (Yesus (Sawa[l]riyéi) yaunate eriyou)¹⁶Nemenakai Yesus (Sawa[l]riyéi) Galileya buyere Otete kenkenemu Simonpre nekati, Andreaspre tembuku kraute bupa ke teyou nedobi ka keraute teyainya serai. ¹⁷Nepernakai Nedobite ate sanumu, "Dete tawetere tet[e]royei yaute kerauye orune. ¹⁸Simonpre Andreaspre ka keraute neme keropiri nepereinya Dete tawetere.¹⁹Nepereinya Ne baya terepa ke, Yakobuspre Yohanespre nekabi Zebedeus niyéibi Nete temu, yi damene keraute poi eruyoi. ²⁰Nepernakai, Yesus (Sawa[l]riyéi) nété sumumpuku awaté kembai tet[e]ropre yi damne nemekenai we dewa mere Dété meré tawétere. (Yesus Sawa[l]riyéi you miē eyune Kapernaum yone)²¹Nepernakai, Neye Sabat yane Kapernaumyopa mai akoke, Yesus (Sawa[l]riyéi) a yekote kiraminya Sinagoga ongkopa meke ate kuruyomu. ²²Neye ate betekai tere-tere orukai Nena a seyumuna aruwakena tet[e]ro seyunu namane, a yekopre kiraminya tet[e]roperena erikeropéi.²³Nedainya, Sinagoge ongko mie yeunu sekeroyeisi aru peko-peko mekombuku ate ketereke. Do besika alu pēko mkom buku Sinagoge eyu pa atenapu yau. ²⁴Waliyei de wete aloupuka Nazaret yore meke dete pe kotemkotu puna te mke de dua aloupuka Allah (Man Waliyei) nena yekole mekena. ²⁵Waliyei alu pekote da tet[e]ro knawale sanum buku yekai yekai bayakai. ²⁶Alu peko netet[e]ro kna wale baye nekonate netet[e]ro dua dewa wapuyuku wapuyonu baipanate aple keterepuku.²⁷Nepena tet[e]ro dua dowa ate seiyani datero kuasana tet[e]ro. ²⁸Waliyei nena yekote klupuku ne a kulun te enbulu enblule dekai seraibei Galilea yone sei yani.²⁹Nemane Yesus (Sawa[l]riyéi) nenei yauna p[l]re Sinagoge ongko eyure paya mekai Simonpre Andreaspre, nena nedobi kena me eyupa mekai, nepeine Yakobuspre Yohanespre. ³⁰Simon nena nena mutu antenouna saye meko nuna neyo ate Yesus (Sawa[l]riyéite) te snanbiki. ³¹Yesus (Sawa[l]riyéi) nekwa meke nena mekapa mekate awke ésua awkene. Nepe[l]re nemi[l]re sanamu[l]re poiye o[l]rupuku tet[e]ro mekainya te sa te mekouatoume.³²Sonin sro damba yeleu denenba dua eu Yesus (Sawa[l]riyéi) ke tet[e]ro saye mekamina tet[e]ro p[l]re, A[l]rupeko peko meka mina tet[e]ro pele nekewa ate kani mai. ³³Nepe[l]re neyona tet[e]ro mye menumb[l]rupa kop[l]ru youne. ³⁴Yesus (Sawa[l]riyéi) sanumu bisi-bisi mekayemina tet[e]ro meka mina a[l]rupekote sanu yumu we atena seini peina.³⁵Soning tetopeinane Neye esua yembuku baine kekiyo Yesus (Sawa[l]riyéi) te ate saniyune. ³⁶Simon nena delonap[l]re Yesus (Sawa[l]riyéi) te kai wuleyai. ³⁷Nena yauna kai Yesus (Sawa[l]riyéi) te tekaine, "Ne te saniani tet[e]ro mye wte ulei!"³⁸Yesus (Sawa[l]riyéi) sani yomu nepeleina kota-kota wayene tenainapa ma, De Asna Wali te nepene tem sanene. De ne mna yekote mekana. ³⁹Yesus Asna Walli te Galilea ne Sinagoge-sinagoge eyune Asna Walite. San kme maste baya tike kme.⁴⁰Ne pere, tet[e]ro besika sanamu detre ne tene you Yesus (Sawa[l]riyéi) kwameke. Oto butu dusum buku "ate saniyoun dete poi meko tu puna te meka". Ne pere poi dua o[l]rupuku. ⁴¹Kna bise te, Yesus (Sawa[l]riyéi) de[l]reyonu meka te nena wapa awekena kaye, netet[e]ropoi O[l]ru puku. ⁴²Ne pe[l]rena kaye ne tet[e]ro poi dua o[l]ru puku.⁴³Yesus (Sawa[l]riyéi) ne tet[e]ro te sanum buku dua eunatena mendo-mendo pe[l]re eu. ⁴⁴"Wete snawe, tet[e]ro sitena daye ko tena sanim peina wena be mane kaina tet[e]ro te kulum punu weye poi o[l]rupukena sate souna yangsina, Musa sanum pukuna mane eu mekone".⁴⁵Ne pe[l]re, netet[e]ro kena kaye ate dua saniyum na kiyay dua saniyumu neme na konate. Yesus (Sawa[l]riyéi) myopa panatena kialena epei diasune neme kiyou su[l]ru-su[l]ru na tet[e]ro Yesus (Sawa[l]riyéi) kwane nme Wariyéi.

Chapter 2( Tetero mendaiye denaipikina poi deyupuku )

¹Mo sereibei yate keupuku,Yesus mekewa Kapernaum yopa meke,ate pelangkreko dimene di keuw.²Tetero t engkomuna a bentekeite betoinyate mai numburu me ye tuteke nouw ambai,Yesus neyote asnate sanumu.³Di mendainya te teterote Yesus kewa dekanimai,tetero aperaubei nete engsiki dekaimai.⁴Mobtere Yesus kewa ma nouw tetero meye tiapiki nemena Yesus pere keuna sipiye,buna-na me yangte beipa atomapini naburute damendainyate ne-nei yuku aweta ne nepre,nedamne apa mekombikike.⁵Yesus diyo nena wake kilaipikinate temu,tetero mendainyate ate sanune,'' we de-dei yei wena peko nepete baye supuku ''.⁶Ahli taurat morsei ne nerone kiyainya nenei kenane seiyani:⁷'' Beyamenate di tetero di menate dombuku? Allahte molrununa apediye!da-tetero pekote baiye sipinatena ambay,Allah ne-nei?''⁸Yesus nena kenate duwa nemeyempuku.damane nete sanume,''beyamenate nemena mendote kenane mekaune?⁹Momenate mendainya te-terote imane,peko nepete baye supuku,bei beyamane', esua jemune,mekapa yuku awlat douw oto-te euw'?¹⁰Damenane weye nemeinimbinde dayo damena te-terote Yesus damane sanune¹¹Deye wete senawe: esua yemune,mekapa yuku awelate mekapa atoupune wei mepa duwa euw!¹²Mendainya te-tero esua yembuku ne-nei yuku awelate mekapa atoupuku baisuwa yosuku di te-tero kanya bekouwlmu,ne te-tero kainya taninakaye Allahte deate seinani,damane seyani,''di mena mekopukuna douwna tenipei kekatemu( Cukai pere kopurunena lewi wariyeite tawe kene )¹³Nemmenakaye wariyei nekewa buyena kisikapa meke,tetero kaso dopere nekewa mekai,wariyei neyote kurumu.¹⁴Nemenakaye wariyei oto te duwa euwnayei Lewiyei,Alfius, niyei cukai mmene kauwnate euwneteke ate netesaune dete taute Lewi yei yuyeimuku nete tauwkneke.¹⁵Nepre wariyei netetrokena mene sate animate,cukai pere kopiranina serayei pekote mekanya tetero yei wariyei nena yauwmaye sate nebeine anai,da tetero tereng nete dinambiki mekainya.¹⁶Nesereinya farisi seraina taurat pere nemeinya yoyo douw kiami,wariyei nena yauw nete damane senaimi,''beyamenate wariyei sate nebeine diyo pre anai?''¹⁷Wariyei nena ate betoumu,damane nete sanume''tetro poi beya tenate tabit keuwne,sena tetero tereyenate ne,de paitemekainya teterote simite menanya ambai,peko tetero kwanate meka.''( Puasa kena yeko )¹⁸Yohaniswai nena yauwna farisi serai pere damatna seraine puasa te kekai.tetero mekai wariyei te meka senani beyamenate Yohanis wai kena yauw nepre farisi serai pere puasa te dikaiye,wena yauwna keipei?''¹⁹Wariyei damanete sanumu,''moperna yekoye mire banya te mekainya do yauwna nerone tauwkemkeu yauwnaye puasa tenai kenen? banya te mekainya do nena nero ne neme tawe neme, kene na tena puasa tena keipei²⁰Nebudai menekiambini dayauw nerore di banya pre na dote duwa donani,nemena srene wande dayo puasatna kenai.²¹Mopena tetero yei mayong po ne me te mayong keka pa tikembuku.mayong keka bayena wekipipei,nepeda mayong neme baye mayong kekate wekenbine,baye weku pukuna de ye wekeke meu.²²Nema ne, derati simi nevereinya anggur te ere tangke kekapa danupuku baipana akoipei.nepe daye, anggur buru te tangke te de re ye mekonembine anggur pere tangke pere bi-bi namane baye ai te yu puku.nouruna pe da nepereinya anggur tangke nenepa denai piki.''( Tupu tena yane yauwna ye Gandum te da sekai mai )²³Neperna kaye,tupu te nayane,wariyei Gandum, mika damare dewamai,ne pere duwa anya kaye ne-na yauwna ye gandum te sekekai euw.²⁴Farisi tetero yei ne-te senai,''tiyeme, beya menate di-yo da tupu tena yane mekoi peinya sa kembari te mekai?''²⁵Damane wariyei neyote sanumu,''we bepipei Daud beya mena kembari te mekou puku,nepere Daud neye nete tawekani kanya yo pere sa amabai orumupuku munu ne kiyai?²⁶Baye mane ne-ye mang kena mie eyupa ari nesereinya Abiatar wai neyei Imam detere te, kekena sereine anipenya ouw kerai pikina te net eke angke-ne Imam serai, ne-nei te anainya-nete tawekani kainya te atoumu?''²⁷Ne-mena kaye, wariyei damane nete sanumu''tupupana ya mekena tetero we tena nepere tetero ye tupu tena y ate kendena ambai.²⁸Tetero yei ne-derati mang tupu tena ya damba keu,''

Chapter 3

(Sawariyei ya de yane Tet[e]ro poi ye mekou me) ¹Sawariyei yau mie pa meke, ne pene tet[e]ro besika meka suyaprana. ²Sawariyei dou taine nete ya de poiye mekonembine tre neyne pe[l]re nete winai ne.³Sawariyei yapra tet[e]ro te sanune, "Da nerone ésune tepéi." ⁴Sawariyéi ne te sa num me, "Da ya detrene poi te mekoma béi peko te mekoma?" Neyo yekai kai.⁵Sawariyei netedoutému kna armane. Ne na kna nund[l]raipiki ne yo srai nena kna arma sate. Sawariyei netet[e]ro yapra meka su mendai mane keu na te ate sanune wna meka te dwa nensi me. Netet[e]ro meka te nensuku nena meka poi ye drupuku. ⁶Ne mane sa te Farisi tet[e]ro p[l]re ate bopuku Sawariyei tenete awenai baya to nai pine. (Tet[e]ro teren dop[l]re Sawariyéite tawe kani mai).⁷Sawariyéi wa te baya ne néi oto touna p[l]re bu ne[l]ropa, nemnakaye tet[e]ro t[e]ren dop[l]re Galilea s[e]rai, ⁸Yerusalem s[e]rai, Idumea s[e]rai, Yordan bu tetounare, nemane d[l]raite Tirus s[e]rai p[l]re Sidon s[e]rai p[l]re ne mane d[l]raite tet[e]ro meye a yau te be tai Sawariyei kna kemba[l]ri poite mekou, Nekwanate dwa mai.⁹Nemane tet[e]ro t[e]ren dop[l]re sa te nate Sawariyei nenéi oto tounate ate sanume De tnai newai si te téiyi yonde nela sako te ne De tna wa sisi tna sisipéinya. ¹⁰Sawa[l]riyéi tet[e]rote poi ye mekoume. Tet[e]ro sana meye Nena watou pa dwa mai.¹¹Aru péko-péko Sawa[l]riyéite dou taine, Nete seso tupaine ate ketraipiki. "We ned[l]raite Awa Mantet[e]ro knayéi". ¹²Sawa[l]riyéi ate saru Nena wado tna séiyin nipéinya. (Sawa[l]riyéi Do Sek[l]ro Mekabi SunaBip[l]re)¹³Sawa[l]riyéi meko damba ke Nenéi s[e]rai te sanum me nena watoupa. ¹⁴Neye orupukuna tet[e]ro mekabi suna bip[l]re nemb[l]re nebéine Asnate séiyinaine. ¹⁵Asna wakene sekaite baya se knaiyme. ¹⁶Sawa[l]ryéi tet[e]ro mekabi sunabipe[l]re orupuku. Sawa[l]riyéi wado site Simon teta[l]runa Petrus.¹⁷Yakobus Zebedeus niyéi. Yohanes Yakobus nekasi da dobitenena wado. Sawar[l]iyéi wado site taruna Boanerges ayu mna Guruh kna yéi. ¹⁸Nedo Andreas, Filipus, Bartolomeus, Matius, Tomas, Yakobus Alfeus niyéi, Tadeus, Simon Zelot Tet[e]ro, dado Yudas Iskariot Sawa[l]riyéite peka damba nate. ¹⁹Dado Yudas Iskariot Sawa[l]riyéite peko damba nate dusupukuwaru. (Sawa[l]riyéi Kna Asna Wake Mantet[e]ro Kna T[e]re)²⁰Sawa[l]riyéi mie sipa meke. Hemane tet[e]ro meyena mane dwa koprune nebéipa tetou. Sawa[l]riyéi nena yauna p[l]rena ambre kna pna po tna anipéi. ²¹Nena mie kotinayo ate betai piki Sawa[l]riyéite dua doine einyata mekai Neyo ate snaime Nena mendo poi mna doipéi. ²²Mendo dop[l]réna s[e]rai Yerusalem yo[l]re ye ate snayime, "Dido Beelzebul kna aru awekene! Dido s[e]kai kna awakene s[e]kai kna tenaiyéi p[l]re s[e]kaite baya sékaiyme."²³Sawa[l]riyéi neyo te ta[l]ru Nenawa taupa mai a a[l]roi-a[l]roi mane ate a[l]rau, "Da s[e]kai di s[e]kai te beamnate baya seknenbine ? ²⁴Da Diap[l]re Andwaponap[l]re baya besna[i] nenéi wate béibéite tu t[e]nai. Ne Diap[l]re Andwaponap[l]re nemna tepéipéi. ²⁵Mie besika baya darnaipina nenéi wate dua dwa tu t[e]nai. Ne mie nekwana nouna nemna wake beamane tepene.²⁶Sekai e'sna yembuku nenéi wa béine dua dwa tutai tepai baya bété-bété bésai, Nedo nemna tepéi nena a waro awake nemna kéipéi. ²⁷Tetro si wakna tet[e]ro kna miepana éipéi saisyasi t[e]na o[l]ripéi. Netet[e]ro wakenate sa ye dua bekembine wande nena miene saisyasit[e]na orune."²⁸"De wete a no[l]runate sename tet[e]ro yéi kna néki péko-péko deye baya sute pine teméye kende, nemna a yekeyeke te neye séiyaine. ²⁹Simiye Ayomi[l]re kna Aru poite a yekeyekete séiyenena poi temé dambana éipei. péko ne[l]rone nena neki dop[l]réna nemna béitekene." ³⁰Mendo dop[l]rena s[e]rai Taurat béinya ate séiyaine, "Nedo aru pékopéko te deko." (Sawa[l]riyéi Kna mie Ne[l]ro[l]rena S[e]rai Nou[l]rena)³¹Sawa[l]riyéi Kna nawaye dokeka yéimé kemekai mie basune tepai. Neyo tet[e]ro site senambiki Nekwane dwa ta[l]renembine mene. ³²Tet[e]ro meye anekai Sawa[l]riyéite sewambiki nete ate senaine. Doute téi wna nawa p[l]re do keka yéi meke basune di tepai wete da wu[l]réi.³³Sawa[l]riyéi ate saweke, "Simidena Nawap[l]re do keka yéi mékep[l]re?" ³⁴Neyetet[e]ro n[l]ropa doute téupuku Neteyémbaimbiki ate sanum e, "Doute tende da dna Nawa p[l]re dokeka yéiméke da kai! ³⁵Simiye Mantet[e]ro kna A S[e]nayekote poiyemekonainyane Dena da keka p[l]re yéi méke p[l]re Deiy Nawa p[l]re."

Chapter 4

(ONA’T KANI DOMBA ASAINYA) ¹Tet[e]ro tereng meka, sawariyei kena wa yepa, kisi kena bu yena. Nekwanate, yesus wariyei i’pa sakekona bu’neropa dekani mmeke yeu i’dam ne meke keu, a’senate tet[e]ro tereng darine tepainya te a,te sanumu. ²Sa’wariyei ne tet[e]ro tereng’te a’te eke kiri yomi sa’wariyeinena a’yeko kiriyomuna, a,oroi-oroi manebei sani yomu ori’yomu.³Bentekei’te betonde. Tet[e]ro besika sanu’te kanipa asoinya, te ne tet[e]ro nena sanu a’syona,bei tekre youna. ⁴Metena sanu tekre youna, nine yepa tekre yanu. Awe mekainya ne oru’te baye dua anai piki. ⁵Bit’na sanu kani (oru kanipa), tekre youne ne kami keikapa asi you ne’ona dua dekai ikai ne sanu.⁶Doi namu arma;te mmeke ne oru dua ai kra’puku. ⁷Nena sanu asi youna sa’nero-neropa asi’you sa’sie-sie neropa asi ouna ne sanu, samero’e beikai ikai, dua ai kra’puku.⁸Onu’ona si yei kani terepa asi’oina. Dua dekai-ikai detre yoi depku nena, nu’pre-nu’pre yu’pre-yu’pre ne domba-domba mere eune. ⁹Tet[e]ro simi nedraiti bentekei perna, bentekeipa orune.¹⁰Yansina sa’wariyei nebei t, tet[e]ro si mekai nena oto touna pre sa’wariyei ate mekai senaine, a’oroi-oroi waro e meka senaine. ¹¹Awa mendro kena detre, sai ia kreu dia wena bentekeine wena wane, si’dambane, a’aroi-aroi damba merembuku. ¹²Dou de tenu ne aroipenya, bentekei pedi betoi nemepeinya. Nemane mang kna dia’ne eupana mepeinya dia’pdai.¹³Da a aroi-aroi seianena we aroipei, "Nemena dia aroi-aroi sitena beyamane arone bini? ¹⁴Sanu a’sena wari pa aroupuku. ¹⁵Asna nipi yena da bariyainya sanu, dua dekai ikai mase. Peko meke ne sanu te baye arupuku.¹⁶Oru kanipa aroupukuna a’sena , tete]ro kena kanipa yoi-yai kena kari. ¹⁷Ne oru yenso wake bai, tet[e]rosi aye sanenemi bei baye seknamina ne a’sena yeko si’pa, peko supa dua sarnai pini.¹⁸A’sena yeko si’te sammerasasie-sie nerone bariainya dua dekai-ikaibentekeipa dua beteyai. ¹⁹Tet[e]ro kena yereu neremena, ne warone a’sena wari te. Peko te mekonembini a’sena yubainya. ²⁰Da asena kani tere damba yenainya bentekeipa betende kena yeune, mekapa orudena nena poy. Nederati yepre yupre wauna mene, tiga puluh kali lipat, enam puluh kali lipat, seratus kali lipat."²¹Apa’nasesipenya singkiya tena betera dapa bunapasesiate tet[e]ro dou te. Tenai ne kiyane warnai. ²²Da a’kurung yepana pere bete kari pi penya, kiapa dua ki yananya. Da a’kurung a’kiya yepana bete narim bipeinya, miye ki yananya. ²³Simi bentekei’te betonena da wari’te knapa. Oru ne simi’ye bentekei perna, daasena wari’te bentekai’pa yepone!"²⁴Sa’wariyei da’a seyanena betonde mendote mekonde, wena mendo da nemei youna, ne’mendo wete. Nepene nemeinanya ne’mmendo meke yena de tere domba, ne domba. ²⁵Simiye wa yuperna nena wayu ne domba-domba warene simiye wa’yu, ambainya nena wayu ambai orumbiru bai donai."(A’ROI-AROI SOPERNA SANU (YOKARI) SESAWI)²⁶Mang kena dia sere dia, sawariyei nembibuna mika kembari te sanu te onute tekre yene mane. ²⁷Denente yuku te teneye dai’te dou’te tie, ne sanu kani burure opre dreune bunapa ne’suku bunapa nekeyu ne yeko beyamane keu tet[e]ro meye arui peinya yeko. ²⁸Kanire onu bunapa deinya metena kre’te nensi you bitna nena sembai’te, wande ona wate o’yu mane mreunu. ²⁹Nemena ya musu nemiyo nimine mene tet[e]ro muteka pere, done ne masu mise te bay prone, masu’te o’nate oru nainya. (A’ROI-AROI SESAWINA NU)³⁰Sa’wariyei damane te sani oru, "Awa man tet[e]ro kena dia tena byasa yeko ne mereman buni, aromau bini. ³¹Awa mang kena dia, sesewina pa oru puku sesewi nangkeng sa busu-busu tre meye dan ona dam. ³²Dayo dammena kene sa’nusa’na sanu dena mi kanire sopre den mu detre dene imi onu pre kanipa asatna aroi penya, ne yeko bya mane meko puku ona."³³Ne a aroi-aroi sa’wariyei ate a rou puku. Tet[e]ro te sani omni serai-seri ninu yeko’ne yekone bentekei te betonai. ³⁴Aroi-aroi ambainya yesus tet[e]ro si’ tena a’ tena sanipeinya nena oto touna drona’tna a’moi sanumuna moi seiyani asena yunena pre moiseyani.(SAWARIYEI NAU ORO’T MARUNTEKE)³⁵Ya besika weye sreipa sa’wariyei ninei ototouna’te ate sani yumi dua maru bu di suw mema. ³⁶Wariyei tet[e]ro nerore bay meke, tet[e]ro si nete bay dekani i’damba dekaine nembre-nemre i’sisi nembre-nembre mekai. ³⁷Ne’tae aru detere yerke, nau-nau pre orso-orso pre seyunu nena i’buye wande deko dua kmeke yu orsoko yereu.³⁸I’dambre bu danite awainya netei, aru detre sekupuku meke bu orso i’yeupa oru na sa wariyei i’yeuna metosune, yukuite tenou nena sekro kena dua wepan piki mekai net esue yekraini aye senani we detena kena bise dreni pei da bunau nerone peko oruma pini. ³⁹Sa’wariyei esuw yemuko aru ate sanumu apa marinteime apa tenombime ne sonim beine aru pre orso pre deko yerke teme oru puku.⁴⁰Nemane sate sawariyei sekro te aye sanumu byamena endiki’te dekau we de tena nemupei. ⁴¹I’damna tet[e]ro endikite dua dekai kroke, ate dua-dua serai da’tet[e]ro simbiang. Aru pre, orso pre nena ate betou puku!"

Chapter 5

(SAWARIYEI ARU PEKOTE GADARA TETERO KENARE BAYA TIKENSUKU) ¹Neyo bu disuwe mekai, gadara tet[e]ro nenayo yepa. ²Sawariyei idam bere apa yosuku, aru pekonatero, bure’dam-bure sawariyei kena watou’pa meke.³Netet[e]ro bure damene keuna. Tet[e]ro si nedotena wakebai yasena be’ ipi pei’nya. Netetero baya dusuna. ⁴Sebab, ia telah sering diikat dengan belenggu kaki dan rantai, tetapi ia memutuskan rantainya dan mematahkan belenggunya. Tidak ada seorang pun yang cukup kuat untuk menundukkannya.⁵Deneng dai ate bure damene napu, mmeke damene ninei wate aru bapunu kekoute mekou. ⁶Ne tetero sawariyei bari tembuku oto bei nawu sawariyei kena watoupa dusung kerko ate.⁷Ketereu awa mang tetero kena yei de wate senawe mang kena wadone datena peko dambana sari peinya. ⁸Sawariyei netet[e]rote ate samene, aru peko datet[e]ro kena ware bayei.⁹Sawariyei netet[e]rote ate surune, wena wado sing. Netet[e]ro ate saweke den wado legion detet[e]ro terema da’werade. ¹⁰Sawariyei te ate neme samune de da yorna bayana e’pe’i.¹¹Nerouna opo tereng dopre sate anai mmmeko yane werai. ¹²Aru peko-peko opo kena wa’brupa kai. ¹³Sawariyei upuku nemenate aru peko-peko op kena wa’burupa kai ne derona opo. Nena tereng siri biserei oto bei dua newai butou panate merasire bupe yewai bute anai.¹⁴Nemena kay’e opo sena perena tet[e]ro oto bei yopa dua newai. Ne yorena tet[e]ro dewa mainya kaye dou te nekai tai nemena tou mekou dua puku. ¹⁵Tet[e]ro dou te mekai tarya datet[e]ro kena wapa wado legion ane ke’u mayong te dua tut[u]puku poida oru puku yo tet[e]ro endikite dua dekai.¹⁶Da tet[e]ro tena ate mekaine seyaine tet[e]ro site ate, senamai karone aru pekona tet[e]ro peko opo derane pere. ¹⁷Nemane sate nate yona tet[e]ro sawayei te ate senaine neyane boya duane.¹⁸Sawariyei idamba dua sake kane, legion meke ate samuel, sawariyei te tawemema nebei newarenai. ¹⁹Sawariyei ate saru puku, ate nete sanune wei dokeka neropa yei meke neropa ate seyune. Mang tet[e]ro wete poi ye dua tau’puku peko nerore baya meke. ²⁰Netet[e]ro Dekapolis yona tet[e]rode ate sanumu Sawariyei dete poi da meko tu puku netet[e]ro mei’namane mendote kaine mekaine."²¹Ya besika sawariyei bapi ire bu’disunapa mekai. ²²Nepena awa besika yau mie nenawado yeirus neye dou teteu sawariyei te aye. ²³Saye mekombuku, wande sawariyei te ate sanunu dena yei mire saye mekoune ambai orupina. ²⁴Mane dewamu mekate mu sesunu neye wa’ poi nekene, wande sawariyei pere yairus nemane tereng pere tet[e]ro nebeine sawariyei te dua yembung biki.²⁵Da mire besika nena sarame mori-morite mekou mai mekabi sunabi. ²⁶Da nawa nena sanamu tet[e]rote poi ye meka mina nena sa’sye’si meyenaite meke you nenerotena nena sanamu ne domba-domba. ²⁷Bentekei te betou sawariyei mai neye tawekeme sawariyei kena mayong te mekapa aweke.²⁸Ne mire ate mekopuku nemenate daye da mekate sawariyei kena moyangpa deye wa poi te tengtikene. ²⁹Nesoning bane nena mori-mori poi ye ketempuku. Nenei wne ketikeuna wa poi te dua kentikeune wande poi dua eu orupuku.³⁰Sawariyei dua eng arombuku nenei wabeine ikeu da sena wa eurna poi baye dake. Sawariyei me barusuku nederona nerone nete samemu. Sibiyang dena mayong te apayepo puku. ³¹Wande sawariyei nena yauna nete ate senaite wedoutiyime tet[e]ro disua dasua weye arombuke simi wena mayong te apa yepo puku. ³²wande sewariyei mu burusuku dou teuda kembari simi mekopuku.³³Wande nenoute dua eung arombuku da kembari byamane da mire nonu wapa endikite wa neme’i tite yani neye meke da oto butu sewariyei kena bekoune kiapa meken seyune sawariyei te sanune. ³⁴Nederaite sawariyei ate da mire te sanune yei wei mie dekona poi wete da poi da mekou puku. Dua eu’da teme kena kaure nederai’te sanamu wa poi te eu tikanu.³⁵Nemenate sawariyei ate neme seyane, nena watoupa tet[e]ro moserei da tenaite yau miene kauna ate mei mekopuku, "Ne yei duua teteupuku. Byatnate weye betemuna tet[e]ro te nemane wepanu?"³⁶Neyena sawariyei neyo kenaatena nekewana beto pe’i neye yau miye tenaite sanunu byatnate dekeye, wei kenane dua nepake. ³⁷Wande sawariyei tet[e]ro sitena eupana donipei eupenya yakobus wande yohanes nekasi yakobus. ³⁸Neye, mekai me you me tenai kena mepamu akeko. Neye dou teteu akiri-kiri wande tet[e]ro dimite dimai si atenepai wande tepeunu.³⁹Neperna kaye sawariyei me yupaeu. Ney ye ate ne yo kena damba sanumu. Byatnate weye ate tepamu dimite dimau?neyei tetepi peinya penaye nemei yukute tenouna peneye. ⁴⁰Neyo sawariyei te de ye dambiki nemane sate. Neye neyote diyapa sanumpuku wande. Neye nai pere nenang pere me yei tet[e]ro nebeine, kainya wande eyupa ne dekopa mou yei neku tenruna nou.⁴¹Neperna baye neye dayei newai kena mekate eu deko ate meko puku (damane talitaku!demena mirenuwai, Deye seiyane wena domba euai yembime). ⁴²Yei mire me seraibe yeyembuku wande otote kewane nena mai mekebi suna bipere, wande nepene kanya tet[e]ro mendo ai besepuku. ⁴³Wande yesus sawariyei yei a arome beiduasanumuneyei nena dua nawa betai piki nemena noute tet[e]ro siye arone bine nete ate sanumu me yeite sate mendo anene.

Chapter 6

(WALRI YEI NE-NEI YOLRE TIKENG SIKI) ¹Walriyei ne-nei, yopa yauw yauw na plre, mekai. ²Sabat yan-ne Walri ongkon-ne ate sanu youw me Tetelro telreng, telre -telre olri yai. DI yeko moplre deko, di kemblri te mekouw? ³Nei! o kembalri kembari tetelro, Mariame niyei. di yako buskowei, yosewa, yudas sewai, simomai nena nekablra nemeng ena nelrone nemeng ena nelrone da keuw?" Baipa tikena sinde ne.⁴Walriyei sanumu ne-nei: "Nabi demb, ne-nei yona, dekoi-dekoi keipei. ⁵Walriyei ne-nei yone si-si tena mekoipei. ⁶Das te-telro kena-kenane tepereinya keipei! yo sips-sipa oto te- te at-te santemete.(Walriyei yauw mekai, yumupuku)⁷Walriyei yaunate taru puku mekai yumupuku bi-biye wakete atoteme alru peko-peko damba enda. ⁸Nena a iki nena, Da nipi te endena we sa syesi atoi pei eipeinya kate-te tupu, wena srouw eyuna penapo ambai tangke ambai derapo ambai. ⁹Oto elre te tu-tu punu mayaong biserai pana ti-ti peinya¹⁰Walriyei nete sanumu, monouna nepe yeruna, nepene keu, nepre baipana mu. ¹¹Ne nou wena a betoipei wetena kena keipeinya ne noupa oto basete te kreupune ne-nei wane ne-nei douw ne t naine.¹²Neyo ate senami, te-tetero kenane sewai teperei nemane ande ¹³neyo alru peko-peko te baye sekoni, sana te melrai bu kewarai poiye deiyai.(Herodes wai walri yei mekena a te vbetouw puku)¹⁴Andewa pona Herodes wai ate bet youw, walri yei kena wadote seiyu katu yune melrai ne meke, yeko si-si te neye meke mekouw. ¹⁵Te-tero seiyanina, "Nepeda Elia." Siya seiyanina, "Nabinelrone mekena te-tero."¹⁶Herodes waibetou puku ate seyune Deye tenai te keteu pukuna Yohanis te-te nerolre jemuku!" (BU TE KOUMENA YOHANIS WAY TE TEWAI PIKI) ¹⁷Herodes wai neye sanu mupuku. Herodes me tangne, yohanrs wai te awe kai tung eyupa tinteke Herodes me nekasi Pelipus wei nembire, Herodes wai neye do ne-nenate.¹⁸Yohanes wai mo serei bei, Herodes wai te sang kene meke, kei veinya yoke te mekeye! wekasi nembire te weye bei do nuna te dereyene. ¹⁹Ne tan ne Herodes mez kena serai te de re youw ne, yohanes wai te baye tapi nateki youw. ²⁰Herodes wai Yohanes wai te dekoi-dekoi te deke youw ne Yohanes wai te-tero poi, runa te-tero Herodes wai nete peye pere youw, ne Herodes wai Yohanes wai kena ate bentekei te bete youw, mendo pelre ti-ti yoi, Herodes wai Yohanes wai kena ate bete youw kenate nepa ku you.²¹Herodes wai ne-nei maiya noupa mekai piki, a rika te meke you Ne-ne yauw na, de-de te, kainya kainya te-tero te sumu youw, yarise - yarise Galileya yona te ta rupuku mekai. Yauw te kiyai. ²²Herodes wai ne-nei nena nero ne buse te meke kouw, Herodes wai, kena karite yauw napere derani. Andewapona ne milre beran te ate sanune, "We na kena ne beya sate kiya, nesa newa itewena."²³Herodes a yekote sesuku: "We beya sa kena te kiye, nesa sanutena newa, i tewena." ²⁴Ne mire brang ne-nei nawa te meke sanune, "Nawa! De beyasate san teme inai te? Nawa sanune, "Yohanes kena tenai te douw." ²⁵Da milre berang serai-serai neso-neso naweke meke, andewa ponate meke sanune, "Wela-wela bete, da soning ne dena mekapa Yohanes kenatenai te yute."²⁶Andewa pona kena te keuw, yeko deye sesuku da mire berang beyama ne bare ti ke teng sini. ²⁷Serainya te-tre te andewapona, ne te sanum buku Yohanes. kena tenaite dewa dou mu ²⁸Ne, te tro serainya tun eyupa ke Yohanes kena tenai-te baye eu keteupuku, baki damba sesuku dua dekoke milre berang kena meka pa mire berang ne-nei nawa kena mekapaiki ne. ²⁹Ne ate Yohanes kena yauw naye betai piki mekai, Yohanes kena wate mai deko kani pa. sesina te dekai kai.(WALRIYEI LIMA RIBU SEREI NYA TE- TERO TE SATE IKEME)³⁰Walri yei yaunate kopulung buku sanumu beya kembali te mekon beya ate sanemen de nouw bekau pa sikiman sini ne penote ma inei. ³¹Da te -tero tereng sa kewa dua dewa welrai nya. ³²Yesus Walriyei, yauw na pere baipa sikan siki, ire dekai nouw bekau pakai.³³Te-tero tereng neyo te douw duwa siki ta piki di rami siki dari nipi re kai yo site site sarekai euw tuwa ai akeko, walri yei yauw na pere metore ai akeko. ³⁴Yesus bu tou pake me kai ti keni te-tero tereng pa dou te-te puku kena ye nun drani teprei te-tero bainya masri sa mane mekai.neme kainya a yeko kaso pere neyo te sanu yomu.³⁵Ya nepe denem pana te, Ne-nei youw na, Nekewa mekai, "Ate senani da nouw beka! ya denempa eu. ³⁶Neyo te sanu mupune nopi ne kainya yopa-yopa nai numu sate nai tene."³⁷Nete sanu mu : "Mene yo te nasa weye ato mende!" youw na, walriyei te senani: Daarang doa bi naman ne pena pote oto ma pine di te-tero tereng a nenai? ³⁸Yauw na te walriyei sanuma: "pene po mo serai weye kerau puku? beke tauw puru ye?"³⁹Te-tero te reng tereng te walriyei sa numu: yauw nyei-nyei ne ne ane, sepo dane ne kend. ⁴⁰Ane gepo damene ne di kekai mekai na Te-tero seratu serai kiai si lima pulu gerei kiai. ⁴¹Walriyei meka subeinya pena, ka biserenya meka pa atouw puku teu pudouw twe buna pate teuw puku, ke baye meka beseu puku, fena baie meka beseu puku, ke baye meke beseu puku, you nakena meka pa a te kom me, te-tero te atami.⁴²Te-tero tereng yase naupa-naupa mekey. ⁴³Pena pere po kiyai nya te te-tero kopiri yani na tangke, meka bi oto su bi,kopi rang biki. ⁴⁴Do lima ribu serai ne sa te aru yai.(WALRIYEI BU DAMRE KENG KENE EU)⁴⁵Walriyei ate yauw na ikime ipa sakonde tuwa di suwa engd, betseida yopa end, Ne te-tero tereng te dua nai nya te sa numu. ⁴⁶Ne yauw nerore bekaupa sukung suku,meko dambake eyo mendo te ke meke youw. ⁴⁷Deneng,nero miri pai! bu n ero te meu walriyei daru ne,Nebei keu.⁴⁸Neyote temu a dere seku na buru ne den te meu walriyei ne yo kewana te bu damre keng kene mu ne te sarneme pinate eu. ⁴⁹Ne bu damere muna te tani, e yauw! poi urumapina piang? bu eyune tenai nya sa ping-ping muna! ti tei yai mi a te nepai. ⁵⁰Douw tani kenareti teiyami, walriyei ne yote sanumu: Nemei ye karu, Dedepedaye beya endiki te dekeuw!"⁵¹nemei ke keuw neyo tere-tere orai pro-pro manekai pena Roti yeko te mekouw. ⁵²Pena roti yeko te kurupuku, neyo neme impbi pei kena keipei. (WALRIYEI GENESARET YONE SA MEKE YAMINA NATE-TERO TE POI MEKEYOUW MU )⁵³Walriyei yauw na pere di suwa, Genesaret yopa nepene yei-yai. ⁵⁴Neyai damerna kiapa mai te-teroposi-posiwa dua dewa mai te-tero te okai walriyei te tua dua nemeiyam biki. ⁵⁵Neyona te-tero posiwa-posiwa dua dewa newai yero damene sane tenainya te-tero te okai walriyei kewa ate kami mai, sua,sua a kurung teyai walriyei meke.⁵⁶Momena nouw bete-bete yo sernya yo detere, nou betebete -bete wate kainya. walriyei nepa kena! sa mekai mina te-tero te nai mepa diami tenai, walriyei te ate simai : Date wimi peme, wena mayang bete mekai mena te-tero mekate mayong pa mu awe kena poi nepe euw orupuku.

Chapter 7

(Mang ( Allah ) Kena A Yeko Pre Tetero Yei Kena Yerew Yane-yane Mekate na) ¹Nemena kaye, Parisi serai pre mendona-dona tetero woinyate Yerusalem yore mekainya Yesus (Sawalriyei ) pre tonai kromate.²Ne dainya Yesus (Sawalriyei) kena deronate tekam mina sate meka nekine sate angkai, nen derati sikipeinya mekah. ³Farisi serai Yahudi serai nenei yeko yansina yotipa kasipa neme tenko muna, meka iri meka tokipana duna sikipeinya ne sah tenya anipeinya. ⁴Yahudi serai yau dere nerore menainyatena meke sikipeinya ne sah tenya anipeinya. Nenei yeko-yeko noune tepekai mu na, nepere baya sukunai nya sah cawan-cawan,kendi-kendi pre bejana-bejana tembaga.⁵Nemenakai Farisi serai pre mendona-mendona tetero pre Yesus ( Sawalriyei ) te a surani, "Beyamenapotenate wena derona wei a yeko sesewa kasi seikan mekainya watena ne yekotena waripei we da meka neki-neki pre sah te anau?"⁶Yesus (Sawalriyei ) ate sanumu, "Yesaya kena a yeko we dambana no ru ku ro puku weda pro-pro man da werau, semo kepeipa meraipiki na man : 'Da serai detena emburu damne kepate, nena keng netena bai terene keu. ⁷Ne detena norona katimpei, nena a sianina tetero yei kena mendona yekote seiyaine.'⁸Nepena ye Mang (Allah) kena yekote baya serai, tetero yei kena mendona yekote dekau tepau." ⁹Nemenakai Yesus (Sawalriyei) nete aye sanumu, "A peu-peu karone Mang (Allah) kena yekote baya semu wei niskorna yekote tepau. ¹⁰Musa a dua senuyumo, 'Awate-nawate endikite dekom mu', dan 'Siniwai-sanuwai awate-nawate a peko-peko sanumpung weytena bayanai tombini.'¹¹Sinewai wapentene awa-nawa kena dampah damena ate donembini, 'Beyamena sapoi bete te we denare dou,' ¹²naperna kai we netena wipipey, sasitena awadamba nawadamba mokoipeinya, ¹³nemena karore Mang (Allah ) kena Walri a kurungte timin tende yeko peko-peko yansine mekekau mekauna Mang (Allah ). Nemena kembari peko beite neme mekekau mau daya pa meke."¹⁴Yesus (Sawalriyei) teterote meye simumpuku mekai nete ate sanumu nete, "Meterna mane dete betotende, eyote nemei nindi. ¹⁵Bairna sa wa eyupa menena nepena peko ambai, teteroyei kena kenare bayanenasa nepene peko keu." ¹⁶"Simi bentekeiprena bentekei beite betone!"¹⁷Yesus (sawalriyei) teterote neme temupuku, ne me eyupa dua kei nena derona nete sirani ne a aroi-aroi beyamena ate ariye. ¹⁸Neye ate dua sanumu, "We mendo poinya mena doipei deramu? We aroipei bairnasa teteroyei kena waburupa menena peko nepena kepei? ¹⁹Nesa wa eyupa meke na sa kena pana eripeinyasa ne yasepa kena sa bumane bayama barine," (Nemena sa satena re Yesus (Sawalriyei) ate mekou puku sa menamane poi bei).²⁰Nemenakai neye at mekoupuku, "kena medekore baya munasa peko. ²¹tetero kena kenayeurung kiyapa mendo peko-peko menai, kame mendo, bisi mendo, teterotitinya mendo. ²²Mirete dote kaimepa we panminya, kena sue, yeko peko, a peu-peu, kena peko, yembe, a peko-peko, wa kari pro-pro. ²³Peko meterna mane teteroyei kena mie dekore mene, ne keuna nekimane keuna yeko. (Siro- Fenisia Mire Besikana Tepereinya)²⁴Yesus (Sawalriyei) ne noure yemuke Tirus yo pre Sidon yo pre nepa ke, neye miesi yeu pa ke, nena mendo mekoyon na tetero netena aroipeitay. ²⁵Yesus Sawalriyei) tena ate dua betekai, mire besika nenayei mine aru peko nena waburupe kiriki ne mire neme meke Yesus (Sawalriyei) nena oto toupa apa oto butu apa dusun kroke. ²⁶Ne mire Yunani mire, Siro-Fenisia yone sengkainya. Ne Yesus (Sawalriyei) sanun nena yei kena wana aru pekote baya tikenensini.²⁷Nemenakai, Yesus (Sawalriyei) ne minete ate sanune, "Tua yei deroute atamru yasete mekai piri nemenaikai yeko kopeinya" yeitena sate yuku kena emburupa baring yem. ²⁸Nemenakai, nemire ate saweke nakai Yesus (Sawalriyei) te ate sanun ne "Teperei, Allah (Mang). Nepernakai, da yei derou kena sah menen apa yewainyate anai,"²⁹Nemenakai, Yesus (Sawalriyei) ne mirete ate sanune," Nemena a seiyenate we dua waru, ne aru peko wena yei kena wau baya dua ke." ³⁰Namenakai, ne mire nenei mepa dua ke yeiteke ane tenoungte keten nu, ne aru peko nena warena bai dua ke. (Bentekei Dua Tiapikina Teterote Yesus Poi Mekombuku)³¹Nemenakai, Yesus (Sawalriyei) Tirus yore kenakai Sidon yopa meu akeko neper meke Galilea bupa meu akoke, Dekapolis kena kerapa meu akoke. ³²Nepere, Yesus (Sawalriyei) kewa bentekei dua tiaipiki atute kekena teterote, Yesus (Sawalriyei) kewa dekani mekai Yesuste (Sawalriyei) ate mekai senan ni da tetero kena damba wena mekate nenadamba mu tepun bunu.³³Nepere, Yesus (Sawalriyei) ne teterote tetero teren nerore nebete baya dekon neke, Yesus (Sawalriyei) nena meka waute ne tetero kena bentekei burupa mekate nensuku, wande ekite toupukes nakai, Yesus (Sawalriyei) netetero kena peute meka semberune. ³⁴Nepere, Yesus (Sawalriyei) seropa doute teu, ne arute timokopa yepou puku na kai ate mekou puku, "Efata!" nena yeko "Baya tunaipini". ³⁵Ne soning deratine netero kena bentekei baya aitupuku, nena peu ate poiduake seyonne.³⁶Nepere Yesus (Sawalriyei) neyole ate tumteke da kembari mekoupukanatena, teterositina sanimpeinya. Nepernakai nemena bete Yesus (Sawalriyei) nete aye tumu da atena seimpenye, neye ne ate dekai neme dua seikan eu. ³⁷Neye meternamane poi dua mekou puku. Neye tetere bentekeite beteyai, a tute kiyainya tetero ate seyani."

Chapter 8

(Empat Ribu Tetero Tereng Tujuh Sereinya Ou Te Anenainya) ¹Ne yapa-yapa mekenaa tna, tetro tereme mun koprum buku, mu nu sa mena doipei mipei, Yesus nenei oto tou na te dewa sumumu na kaye ate sanu me, ²"Dekaye ditetero terente tame deta taw kaite, ya me tenare daya namimpa mekate, munu samena ambai. ³De bya mane nete dua santeme pine nei miepa-miepa, mnune nai, da nipi tikite warnai mene nipi nelropa apa yonai neda mekai nya si nipi tikirna tetro ye mekai nya. ⁴Nemena kaye, nena drona ate mek piki, "Bea mane tetro besika nena munusa terem banyate tetro te reng nropa done mene anenai yasete mekonai pine?"⁵Yesus ate nete sulrumu."Wena oupobete mo selrei dekau meke?. Nete ate sawkai, oupobete," mekasu suna belpere". ⁶Nemena kaye, Yesus ate tetro telren nlropa mokopuku. Kani dm ene ane kende, Yesus oupo bete mekasu suna bi perna te makapa ateu puku, mang te poi ate sanune, oute mekanene tepu baya bete-bete nunu, nenei oto tou nate ate sunumu tetrote sate atome. Yesus kena oto touna oute ourainya kaye tetro telreng te atami.⁷Yesus nena oto touna kaa selrei nya dlrou selrei bete, sembayang te meka pikina kaye, tetero telren ne lropa wasika mieu. ⁸Netetro telreng kekainya. Sate angkai yaseto dua meka piki, Yesus nena oto touna te ate keng keme, sa pote ne beipa koprambiki, nena tereng wengkai tujuh selreina mane meye dua keme piki. ⁹Sate angkai nya tetro telreng empat ribu selrei, nemena kaye, Yesus ate sanume wande dua ende. ¹⁰Neme na kaye, Yesus dalma nuta panate ipa nenei drona pelre seka piki dua kai. (Yesus Te Senaine, Walridiana Alru Wakete Mekopi)¹¹Farisi selnai bopuku mekai Yesus te mekai sulrai ne, betebei bena tanda sorgate bete mekopi. ¹²Yesus alrute emburune erupa tikiy yepopuku. nenei ayo milre ne, ate dombuku, bea menate nepenei nya yei alru yekote ureu? De wete a neterete da san te me,alru yeko tna we nepnei nya selrai mau napana tna imipei." ¹³Nemena kaye, Yesus nete ne nou ne neme emu tepuku, ipa emu sakekome baya dua kai.(Farisi Serai Pere Herodes Kena A Pepeu)¹⁴Yesus mena oto touna oute kepaweye ourambiki. ou pobete i eunate beite dewa dekai. ¹⁵Yesus nenei oto tou na yo te ate tita wumu, "Sema bete-bete! Berhati-hatilah terhadap ragi orang-orang Farisi dan ragi Herodes.”¹⁶Farisi serai welranya a peu-peu do plrena yo ondowafi herodes nemane dnai te keu na tetro." ¹⁷Yesus neyokote dua ne meyupuku nenei oto touna te ate sanu mu, "Beamenate wei wapa ou bai nya ate seanu ? Damenatna we aroi pei, bei we ne meipei? Wena kena sue dua o raipiki?¹⁸We kaye dou bai, nepena ye a betoipei? we mendo yepoi pei. ¹⁹Nedai nya tna meka subei nya ou te meka da mene ateka tepka baya nitika tetero lima ribu serei kekai nya te wasikamte, nebeipa po te kopriam bukuna mo selrei?" Delrona dewam bikina, "Dua belas selrei".²⁰"Nemena kaye, tujuh serei nya ou nedai nya tetero empat ribu serei mekanya tetro ne oute ate kamte angkanya ne ou po neme tengkai nya moserei ?" Nena oto touna dewam bikina, "Tujuh serei". ²¹Yesus ate sangkeme, "Wekaye mendo doipei, alroipei?"(Yesus Betsaida ne Dou Pekona Tetrote Poye Mekombuku)²²Nemenakaye, Yesus nenei drona pelre Betsaida yopa mai akeko, kekai nya kaye, tetelro delrou meselrei bopoku, dou banya tetrote deka nina kaye Yesus kewa de kani mekai meka done nate. ²³Yesus mekaye ne tetrote de kone yo tu pu pa deko neke, nemena kaye, Yesus ekite netetro kena dou pa tupukuna kaye walri mekate nena damba tepu, Yesus nete surune, "We dou tena tie ?"²⁴Nemena kaye, netetro dou te bunapa teu na kaye ate seyune,"dey tetelro te da tama, o tepainya mane dua-dua welrai". ²⁵Nemena kaye, Yesus walri mekate ne tetro kena dou damba sesuku, netray ne tetro kena dou dua elrepuku baya dou kia telre. ²⁶Yesus nete sanune wei mie pana tna dua eu, "Yo nipilre na epei nya."(Yesus adalah Kristus)²⁷Nemena kaye, Yesus dua ke, nenei yau na pelre, yopa-yopa kaisarea Filipi Yopanate mai nipi nelrolre, Yesus ate sulrumu na kaye, ate sanumu ." Tetro seianina, da tetro piang simbiyang ?" ²⁸Delro na ate mekapiki, "Yohanes pembaptis, siye kekai nya seikani Elia, nekewa siye kekainya ye seikani : yansina nabi-nabi selrai warkai nya mena tetro".²⁹Nemena kaye Yesus ate sulrumu, "Wena bulruna bea mane De sing?" Petrus ate sau puku : Wepedayei Mesias !" ³⁰Yesus ate arema-rema sanume. Ney meke walru na tna ate sanu me, Deye meka na tna ate na sein penya.(Pemberitahuan Tentang Penderitaan Yesus)³¹Yesus ate kulru mu Nenei oto tounate ate sanume, De da mana tna, wape kambi bisi-bisi sane nai te, bisi-bisi meko nai te na, apeko poi sane nai te na ya yedeko yelreu Ondowafi. ondowafi serai ye touna yarise-yarise ye ate dua bou, dete do naite baya tonai tipine. Yanamina ne ite yemine. ³²Yesus damena ate kia ye dua seyumbuku, Petrus Yesus te meka ye baisua yepopuku na kaye ate sanune.³³Yesus dewa burusuku nenei oto touna te dou ye temuna kaye, Petrus te aye masune, “Pergilah dari-Ku, hai Iblis! Sebab, kamu tidak memikirkan perkara-perkara Allah, tetapi perkara-perkara manusia.” ³⁴Nemena kaye, Yesus tetero teren dopre kanya te nebeipa dewa sumu me, nenei oto touna nene pre sumu me, ate sanume, "simi ye dete kena terle keteng krone dete taw ne tena. wei kena mie dokolre poi tre ate sau, di osete eru tene Dete tau te.³⁵Nepena e neate da sename, simiye nei mie dokona alrute De tan te sawe nena, dua karun binena, nemane derai te, simiye Dena wado tan te ne ye ambai olrum binena Dena walri akrung tan te Walri wedamte. ³⁶Dayo damte tetro sineway kenate delre nena, wena tete ya menena tena, walri dukru pana we mei akoi pei. ³⁷"Wena walri yeko tena simiye ate sawene ?³⁸Simiye Dena wado tena seinipei paita bulrete tuka nena tetro tena, a kulrung sein penya, De nemane delraite, nena wado tena dom bipei. paita bulrete tika tene, nedaite mane dewa nate delre tene awa kena kafi bulrume nena dlrona pelre memana srei nya tena."

Chapter 9

(WARIYEI PERE MUSA PERE ELIA) ¹Nepreisya wariyei ate sanumu de mete senamena tetro mosrei dopne tapai/kai moyete Allah keno yekote mekombine. ²Ya meke sunabei wariyei do nomimbai srodamba ikai, Petrus Yakobus Yohanes. ³Walriyei wate bisi mikopuku, nena mayong kereu-kereu orupuku.⁴Sro damne kanya Elia pere Musa pere wariyei at senyanine. ⁵Petrus damane sanumu. Wariyei wetena pare siti mermopini Musa Elia pere siti mermapine. ⁶Do namimbei kiyanoi kaye endikite dekaikroke ne ma kreu-kreu nerore akurung meke.⁷Da yei mro-mro nena ate betonde, “Inilah Anak-Ku yang Terkasih. Dengarkanlah Dia!”. ⁸Nepre de Nomimbeikiamya, do bisirei duwa nari piki, wariyei nebei kiyoi.⁹Wariyei sero dombre apa yerkai, do nambeite ate sanu youme. ¹⁰Wapena wei done wei bentekenye nepete beteyou tetro sitena sanipenya.¹¹Do namimbei ate sanumu ne menote kene tetepukupre yemukuna pre. ¹²Elia yosine dewo meke nena yekote mekem senuomu? ¹³Wariyei ate sanuome Elia yansine dewa meke.(VAUNA TETRO KENA ARU PEKO BAYANA SEKIMBIPEI)¹⁴Nepreinya wariyei petrus yakobus,Yohanes dewa birai siki mekai dote tai youpre yekou smate kainya pre ate kai tutuyai. ¹⁵Doute tai wariyei te tambiki tertere oriyai warite dewa onindeko meke. ¹⁶Wariyei nete ate surumu, "Wenapene yeko semate kauna yopere beya ate tutau?"¹⁷Nepene tepainya kaye tetro si ate seyunu,wariyei dena yeudo dekaine mekana emburure masokete mekou ateno seinipei,nena elti dua masupuku. ¹⁸Yane -yane ne aru peko nena wapamu,nena wate kani damne tuteuyu.emburure ebute mekou Da ate yaunapa saniamme da aru peko ne bayana sekimbipei. ¹⁹Wariyei ate sanumu, "Nepreinya wena aru poi wenana kepei, Bu mosrei dembere werote bu mosrei wete ate sengkammu werne mendo dopei ? Ne niyeite dewa donde mende?"²⁰Aru peko wariyei tembuku, niyei ne apa erum buku ane burune waruyou emburure ebute mekeyou. wariyei ne ate sanumu dayei kena sanumu mosreipa meke. ²¹Nai wariyei ate sanunu, "Dayei kena sanamu sasyeine dewa lukakenmu. ²²Da aru peko bu mosrei nete sinolamba buyeupa nemena beite, wariyei wete meka sewawe,wena kenabise dete dukumpunu."²³Wariyei ate sanumu wena mendone mekeyauna nepete erukroke, neperna tetro si percayate mekonai. ²⁴Da yei poi urupuku neperna nai dobute mekeyou. ²⁵Tetro tereng doite mekaitai wariyei aru pekote baya dua sekumbuku."²⁶Neyei duwa tetepukumane te-tro ne ate seiyani, "Ne duwa tetepuku!" ²⁷Neprienya wariyei nena mepa mekate deko niyei poi erupuku esuwa yemuku.²⁸Nepreinya, Wariyei nena mepa yeruku, yauna ate dua-dua seiyani poi orupuku, "Ei damenaaru tena bayana sekingbipei?" ²⁹Wariyei yaunate ate sanumu, da yeko keuna mendo karone (berdoa). (WARIYEI NENA TETE YEKOTE SANUYOMU)³⁰Wariyei yauna pere Galilea dewa seraipiki mai, ate dereune da yekotetro teren ate betonai pine. ³¹Ne yauna pere ate sangkemmu, "Wariyei nena yekote tekenmu ne ate sanjumu ne tetro yaite awenai nete baya tonai pine yanamimbei nekewa dewa ini yemine." ³²Yauna da yekotena ne arombipei.³³Wariyei wariyei yaunapere otote kapernaum yopa mekai nepene mekakai. ³⁴Younate ate surumu yekai bei kai sime derete awa kena diane menekene. ³⁵Wariyei ane mekaikai, yanute ate mekem sanumu, "Sime tua mekena mendote mekonena ne tetro netopa mdenai metorna tetro tua bepa nai."³⁶Wariyei yei nangken dewa sumunsuku meke yauna nerone meketepeu, ³⁷"Wariyei yaunate ate sanumu, simevnena dayei kenamane ne tetro dete poi dekote neperna awa dete ate sanutupuku." (SIME WARIYEI NENA WADONE ARU PEKO BAYA SEKUMBUKU)³⁸Yohanes, Wariyei te ate sanunu, "A mise-mise awa diyei tatena dembere youtena." ³⁹. Ne tetro dete a mise-mise senamina, “Jangan menghalanginya karena tidak ada orang yang melakukan perbuatan ajaib dalam nama-Ku, dapat pada saat itu juga menghujat Aku.⁴⁰Sime enanerone warenena tetro ne ena tetro. ⁴¹Ne Neraka kite kaso perna nau sing nemenabeite dekuna." (PEKO TE MEKANYA YEKO)⁴²Sime nedarite da yei meka peko pekote mekonainna, ne tetro peko nau kotipa apa kenennai yerne. ⁴³Da meka pekote mekonena baya ketepunu, neperna meke bisireinerakapa eu, ⁴⁴oto pekote mekombinen, ne oto baya keteupunu neperna oto biserei di sing damba eu.⁴⁵Ne nou kite doperna, sing nemena beite dekuna nou, ⁴⁶dou pekote mekombinena, ne dou baya arung krone.⁴⁷Dou biserai neperna dou besika awa kena dukrupa eu, ⁴⁸Ne nou kite terondopere nou sing nemenabeite denen dai dekuna nou.⁴⁹Da tetro nau benpere sing pena nete tukan neme. ⁵⁰Nau bempa ate arou puku eyei wapa nendote meko mana, tetro sipere kena bisete duwa-duwa derenanne, yaute nebeipa beine."

Chapter 10

(Wasikeroke) ¹Dipernakaye wariyei Yudeyayore Yordang muse disuna yopa mekai tetero kasopere mekai nete dunambiki; mekainya menate dayei neye neyote kunumu. ²Tikibai farisi tetero mekai,wariyei nete wapi-wapimane mekai senani: nembero nembire pena baipana wasinei kerone?" ³Damane wariyei neyo tesanumu: Musawai kena yekone beyamane wete sanumupuku?" ⁴Da tetero nete senani:"Musawai sanumupuku napeda wasinei kerona nedamba semote meko nembine."⁵Nepere wariyei neyote damane sanumu: "ne wena kenane nemane keusate Nate Musawai dayeko te wetenate mereupuku ⁶Memeterete mang dayodamba dopere mirepere tamupuku,⁷Neperna Kaye do ne nei naipere nenang pere neme temupuku nembire perekei-kei, ⁸Nemenakai biserei kekeinya besika wate orupuku.nepere biserei keneinya ambai,besika keikekei. ⁹Nekeuna,mang besikate duwa mekombuku nasa,ate tetero yei beyamane nebaye wasima kerone."¹⁰Nepernakaye meneda nemekai kanyane.yaunaye wariyeite senani wapena beyamane neseiyene. ¹¹Wariyei damane neyote sanumu: "simi nembirete bayetanembine mire sitedonenena,nenayereu pekokaimate damiredeko nenadamba mekekomu. ¹²Nemane derati miresimi nemberote bayeta nengbine dosite nenedona dakaimapeko.¹³Teteroyei derou kese-kesete wariyei kewa,ate kaimikai nete meka parepereumu; neperna kaye nena yaunaye dateterote ayemasyami. ¹⁴Nemane wariyei temuneyote ayemasumu damane sanumu,''yei deroute temepinde dekewa dewamenai netewati titimindeperna diyeideroumane kenena tetroyenate mang nena seraipana meneakone.¹⁵Deye wete atesename napeda simi mang nenaseraipa dayeiderou kainyamane keipeinya,neeyupana neepei.'' ¹⁶Wariyei neyeiderote orumukereko poimekaparete neyeidambatepumu.( Sasyesi Dopre-doprena tetero mang kena serai neropana mei akoipei )¹⁷Daya wariyei neya oto tikite baipanate,teterosi ne kewanate nawekemeke otobutu wariyei nena bekoune mudusu kerekokeu damane sanunu:''tetero poi,beyatemekoute wande yereu tikitena kete mene?'' ¹⁸Wariyei sanune:''beyame nate dete tetero poite teriyete? epeda tetero pepoi ambai pepoipeda mang beiyekeu. ¹⁹We mang nena akurung kekaimanya duwa nemeyungbuke notena titipeinya,kaimeniskona mekoipeniya,bisitena derenipeinya nete ate sanunu baiye ewu wena tong ye nederaite nena dowu erewu puku.neye deraite wariyei pere nipi nerote nebeine mekai.²⁰Ya-yabetere wariyei neye nena yauna pere baiye,nena dowute tiya ara onopa wapene tiyainya duwa kerawu yang sopa.²¹Nemenakai Petrus mendote mekeyowu nemena nowu kyawuna,neye ate wariyeite saneyowu:dowute teyi.²²Wariyei nete atesanemu:mang beipa tepereinyate sawende.²³Wete ate saneteme tepereinyate simeye ate sawene dameko otote warene pere newu yewupa ne nena kena tena nindiri peinya,tepereinyate.²⁴Neme tena wote ate saneteme sa meterena mane nete sanumu dowu kepei kepei ne,tepereinyate sawenu ne nowuwetena kiyanai,nemenate ne yeko wote inainu.²⁵Nemenakai wariyei pere nena yaunaye wariyei mang kena ongkopa ewupake,nepene nete deraite sa naiye pere mekanya pere sate tanya pere kena mawu sunu.²⁶Nemane deraite netena temetena mekompeinya,Away mang yowari diyana wena pekotena baiye sukumpini.²⁷Nemenate wariyei pere nena yawuna pere akeko,Wariyei mang kena ongko numburune wareyowu,nekewa mekainya tenaiye,pere yarise yarise.²⁸Nete mekai senaine beyamena deterene weye ne yeko yekote mekeyene?nemane deraite simeye wote ne derete wote ateyowumu,nepenaye weye ne yeko-yekote mekeyene.²⁹Wariyei nete ate saneyowumu deye deraite wote siritime dena ate seitena nete sawende,nemenate wote ate sanetembine bemena derena deye yeko-yekote mekeyane.³⁰Nebeine ate nenei beite dwa dwa seyaine atedewambiki:nete ate imane:waridiyarena,neye ete saneme we mang ne na akurung kekaimanya duwa nemeyungbuke notena titipeinya kaimeniskona bisitena derenipeinya baiye ewu wena tong ye nederaite nena dowu erewupuku neye deraite wariyei pere nipi nerote nebeine mekai.³¹Nedaye wariyei pere nena yawuna waye penate watoeuna wariyei nena yawuna bi sanumu.³²Nete saneyowu bekounu kewana yopa ere neyana nepanate ewupanate kewu weye serabete terena sekero newai kerena tetero dopei waripei sesona sate baiye yerare pini nete dwa dore mere baiye ewu wena tong ye nederaite nena dowu wariyei pere nipi nerote nebeine mekai.³³Nemane deraite wote tetero sanayainya weye bya mnate nemane kembarite mekow ate sawere wariyei ne sane yowuna neye nekewa dwa ineme da noupa neye baiye mekai nete tenami Marisa sekkero nekai bekouna minimpinine bainya sunu nipi yene nete baiye tanembini.³⁴Tetero moserei deraite nepene kiyanya nete ate saneyaine wena mendone bya mane mekeyanu ne baiye tamburu neye ate sawekai mete nemane wariyei.³⁵Nete semote kurumu ate sanumu nemenate semopa meraipiki dena ongko pedaiye douwu kepei kepeite mekonde da serai bra bra tena.³⁶Wapa yapake wariyei pere nena yauna mekabi sunabi tambiki wariyei menunte tikeke.³⁷Neye baye terere tiyowu tepewunate kepei perewuna neye watowu pa meke dowute tiyowu ona sate wawenaiye.³⁸Nemetena wote ate saneteme sa meterena mane nete sanumu dowu kepei kepei ne tepereinyate sawenu ne nowu wotena kiyanai nemenate ne yeko wote inainu.³⁹Nebeine ate nenei beite dwa dwa seyaine atedewambiki nete ate imane waridiyarena neye ete saneme nemenate weye beyamenate netena tepereinyatena sawupei.⁴⁰Nepena nena oto touna do mekabi suna besika serei sate anainya neropa wate kiampuku a som dusumpuku sanummu kena arma arma te deranuna nepenaya.⁴¹Nepere nete ate sanumpuku nekaye neye yasena wari diapa.⁴²Nepere ate sanumu beya ten ate titeiyanseko wekaya wariyei tetera opa bapapiki dua yemuku netene youna nou nemei keuw nemenate dua ende neney yaunate ate sanempinde nembere yopama wariyei nembere naitone ney a seyonna mane.⁴³Nepere asena walri te dekai kerapa seropa senem mende nepere wariyei kembarite nenei yauna wakate inimme yekote tenani neme nete dukunumpini.⁴⁴wari seranyate meka orunai sonasate anenai pekona oripei sanamuna tetero kena we dampa mekate.⁴⁵Neyana wariyei dwa jemuka memeterete bekoupa tepepuku yansina nena ware oru pekote baye sekumbuku mekasu sema biserei.⁴⁶Nemenakai wariyeite mise mise mereyani wariyei kena wena mayong beru berute baya krengbiki nepemakai nenei mayong te titammbiki bayasuwa dekainieu osepa naibapimbinate.⁴⁷ Nemenakai nena tenaite seruye penkai eki toyaini nete kapini yani.⁴⁸Perayo wariyeite dekane andowafona kena diapa dekainikai a pere kainya miepa dekainikai nemenakai perayote meye.⁴⁹Nesoning pera tenai wariyei kena bekoune meke tepeu doute meke teu beyamane wariyei nena aru besikana baya sinimbini ne ate seyune teperei.⁵⁰Nemenakai tetero sibesika serabe mekenakai mekasemona okopeite yausuku surupa neumbuku wariyeite ikaina emburupa aniasinate nepere ate seiyaine nemenasa bete doute tema mene nete apa nenedone.⁵¹Nemenekai wariyei ate arema tere ketereupuku nepernakai nenei aru besikanate baya tuputenate ambuku.⁵²Nepena nederati mire moserei nete baire tain ne nena nenerona nenderati sekro nena.

Chapter 11

(YESUS WALRIYEI ANDEWAPONA YERUSALEM PA) ¹Neyane Yerusalem panate kai Betfage pere Betania Zaitun meka damne. ²Yesus Walriyei wauna kite sanumupu Enenakaye bekounekeuna yopa eyupa na weke keledai sekerote tande saye beyapiki tetero betepere nedampana sekonipenya Baya keledai nembiri domemere. ³Teterosiyewete ate sirinaiminya tena, 'Beyamenate nemane meka puku?', ate Benenebinde, "Mang Walriyei (Tuhan) tenate ne keledai seraibeiyedewa dore mere.'"⁴Nemenakaye ne otote kainya kaye keledai sekero pere aiteko sa mienipine beiyapiki baisune, baiye aninerambiki. ⁵Nepena te-tero moserei tepeyai ate siri yami, "We beya sate nate da keledaite baiya wumbuku?" ⁶Ne ate sawiyai Walriyei a sanumpuku na mane nena dampa samiyammi, ne tetero nete bayei walriyei nendamne tambiki.⁷Tetore tereng wena mayong keledai damba baiyei wariyei nedamne tambiki. ⁸Tetero tereng wena mayong te nipipa bayai tetero siye o misete mikare pereyaina. ⁹Tetero tereng bekousune werai nembere maiya ate tarekaimai; "Mankena wadone!" Mekaparete Nelja Mang Walriyei kenawadone meke. ¹⁰Mekaparete Daud kena serai damba ena mang mengkena wado detese ter!"¹¹Nepes nakaye walriye nekewa Yerusalem eyupa ke mengkena ongko mie poait Allah pa nemenakaye doute suwa-suwa utepuku, nenekewa Betania pa nenei oto tounapere mekeba sunabi weye deraiti duwa orukeye eu.(WALRIYEI ARE OTE MORUPUKU) ¹²Yase na kaye neda betaniate tambiki walriyei munu mereyonu.¹³Dou te tiyou are tembuku de nisi apasewapiki Nemeke nakoye ot doute tembinate saseismena onane teneng bini. Neoto upa ke sseisi mena dou teipei nenakepei beiye neserei kaye ara oseu ya Nemane sate walriyei ate ne o damba seyuyong nu. ¹⁴Damanesate, Wariyei ate seyuyonu "Nekewa tetero wena da onatena anipei nemenabeite." Nena yauna duwa betaipiki. (WARIYEI MANGKE ONGKO MIE PAKE)¹⁵Neperkaye derona yerusalem pa mekai, wariyei mengke ongka mie Deraperena beterate suwa buruyommu, kepepernasa ake merpati naite mekayaina, ¹⁶Nekewana tetero Mangke ongka mie yerena waripenya saseisi pre.¹⁷Nekewana walriyei kusuyommu ate sanumyonu, "Memenasemone meraipiki demas mie mendo te namie meye nate? Weye pekoserai mekau danoute peko serai mena naute mena mekambuku." ¹⁸Gunam imam pekola Ahli taurat betapiki nipite urei beya menakarore tonaipine,Ne endikite nena damba de kai ne tetero tereng nena akurung te beteyanya. ¹⁹Yaye neko orleyou walriyei nenei ototouna pre na yote tambiki.²⁰Yakena betene derona sepeiyapeki ne doute tiyai arao duwa yesno-yesno keraupuku. ²¹Petrus mendote munemekobuku ate Wariyei sanuna, "Rabi, Lihat!" Doute tepime ne ara o weye-weye murupuku kena duwa keraupuku!"²²Wariyei wete ate saweke, mang wariyei nena yekote kena eyune sesune. ²³De akurung norunate santempine, simye damekote ate sanenebine Bunapa in kensime nau eyupa, enuerumbune nena damba kirimbine.²⁴Nete nate, "Deye wete ate senanammeana dote pere teperainya, wenetena atuwa dou neyeko wena dambainaiwi. ²⁵Weye esunune mutepene mendote mune mekouna kenabise teweye saseisete sesunu tetero sitena, awa netenate awa wariydiana keuna wepeko-peko te baiye simbine. ²⁶Nemane weye sike pekote baipana saripeina, wena awa wariyei diana wena peko-peko te baiya simbine.²⁷Ya sinane neyo deraiti Yerusalem pa mekei. Ne soning walriyei otete wari ongko mie waruyou.gmam-gmam kapata Ahli Taurat tua Yahudi nekewamekai. ²⁸Neyo wete ate semiyane, "Boya wakena we dakembarite mekeye, seme sime senupuku sa lkembarite mekeye?"²⁹Walriyei nena damba ate sanumu De wetena akurung beisikatere itimme ate sawen denate, wande dewete yekotenate santempine, beye wakere da kembari tevmekeye. ³⁰Nemena Yohanes kena bute kereyomuna waridiarebei teteroyei kenare? "De ate itende!"³¹Neate anitu kambikina kaye seyani, "Eye seimane yoware senarna Neye te sane nema, nemenakaye we ate saqwipei? ³²Nenenakaye, we netena a sawipei nenadamba, teteroyei kena rena?" De serai endike kite tetero tereng te dekai ne meyenamane Yohani ne mang nena akena. ³³Nemane sate, ne Walriyei ate sawekai "De aroi pei teme."

Chapter 12

¹Yebete-yebete yarise yarise yaute kekai ate beko wariyei te bekana pin dekani kena pa dekanikai neye wariyei surun nu andowapona ne ate mekoupuku aweiteduane neye wariyeite senaine deye arowu peinya nemenakai wariyei netesanumu nemenatena deye wotena sanempeinya singkena deterene da yeko yekote mekane. ²Nemenakai teterosi nena wado pekote mekainya derone sipiri tetero titite tetainya tetero pre tene teneyainya. ³Nete tetero kenare sane mambine neye tetero kasopere endikite dekai.⁴Nepreina da Aloa da mikate naite mika sema prena yote kimme da aloa baya yosina kerapa dua ke. ⁵Aloa nena meme weraina yeite sanumbuke kembari yei kewake nena amangte orinate keyate mukaye awekai mekaye penaipiki baya sekambiki.⁶Nepreina yesite neke loa sanumbuku kena neneko draite mekaipiki. ⁷Nenema yeko draite mekai pikina nakaye da yeite baya tewai piki, 'Nemangsate nenei yeite.'⁸Sanumbuku kena dayo netena engdiki dekoi pei baya nekewa tewai baya tewi piki miki yeko nena meka damba donai nate dere yaine nepreina aloa ne ate betou puku kenare eknite dere yaine nepreina awa ne ate betou puku kenare ekrite dere youne kena smite dere yune kaye ⁹Da mikate tetero sineka meka damba ikem me weka yebetoi pei ( aroi pei) semona akurum damane merai piki. oru tukang baya tei yaina oru jeteroi kena ote te nare naime.¹⁰Da mangkena yeko nana dou damne. ¹¹Nenamendo meeyani nete awinate dereyaini tatapi Jesus nena kena du Arung puku sate?" ¹²Neyo neperna ne nauna kei pei Jesus te neme oing tembuku baya dua kai kera -kera sere you.(DERATE KAISAR KENA YEKOPA MEKOMA)¹³Da ayekote tepaina tetera farisi pere herodian guru. ¹⁴Tetero sikena mendona wena perna erikroi pei nete ate saini yainakausar kena yeko kaye nete manebei singkena mekoma? ¹⁵Da yeko kaye mekoma bei meko pei Yesus mena kena dua oreng buku nemenate sani yomu. Sengte dekai mekai.¹⁶Nena meka ikani wande ate sani yomu, "Da sengte pana singkena." Yekona, "Ne yo ate mekai piki kaisar ne mang sate Yesus ate mekou puku." ¹⁷Yesus ate saniyomu, "Yekou kaisar kena kaisar nenei, yeko Allah kena Allah nenei." Ne ate berai piki lieran meke yai nepena kei pei dua kali.(YESUSTE AWINA ATE BOYO)¹⁸Saduki tetero Yesus a peu-peu oriane (nete wapi yami tetere deyepu karote apeute orai kroke, ¹⁹"Guru, Musa de kewa akurungte meraupuku damane singmi yang nena dokeka ompai nena mirete danne tambu kena .²⁰Nena yei ambainya nena dokeka nemite dekona si donene wande nena mute kronai na mengdo meke yani. Nena dokeka yarise do mirete dekong ne ki yai na kaye nembro ambainya. nena dokeka nemite kronai mengdo meke yani. nena dokeka kiaina meka meka susunabi. ²¹Nena dokeka yarise do mirete dete dekongne kiyai nakaye nembro ambai orupuku ( dua teteu puku). ²²Nekasi mire nekawa neroda dekone mene kiyoi nemena yeko. ²³Nenamepa nekawa kurupu menerone neki yana yei mena senoi pei meyena mane dua soupuku da mire nemane ambai oru puku."²⁴Nemekaye dewa dua (dewa) dei na pi nakaye ne mire kaye singkena, singkena wadonekena? ²⁵Da mirekaye da neka bra pekone kiyona hemena yari sekena mekane nekene.²⁶Yesus ate sani yome( ate mekoupuku ) ne yeko noru seyau ne bei apeu peute oraunu. ²⁷Nemena semo kepeina awa kenaa kuasa nei bui daite inai yemine mire yeko kenai napre kei pei napre. (AKURUNG NURUNA YEKO)²⁸Neko yeko mekonena meyena mane surga yone neto - neto pre ma yo mane kenai. ²⁹Yesus ate sani yomu nema Musa semonna yekona samera - omera yekone. ³⁰Allah ate sani yomu. De pedaye Allah Abraham , Allah isak Allah yacub ³¹Ate sani yome nepeneye awa mang wailiyei. wepe daye mendo nare - nare.³²Da tetero kenane mengdo eiyo, bisi wasi - wasi Alhi Taurat dote tiyou Yesus. “Engkau benar, Guru. Engkau benar dengan mengatakan bahwa Ia itu satu, dan tidak ada yang lain selain Dia. ³³Neyoke ate sei yaninate ate nopa - nopa yeko mekou nate. nekawa Yesus sanune." ³⁴Yesus ate mekou puku, "Bengtekeite betohde Tuhan Allah." Keuna neki bai kesebainya tetero ne tenate dapene merai pikina kenabi sene yereune wane kuru neyeko poi a roma(YESUS A WARI TUPUPAMANATE SANGKEME)³⁵Nete saneyowu bekounu kewana yopa ere neyana nepanate ewupanate kewu weye serabete terena sekero newai netena tetero.³⁶Tetero kasopereye nena mayong te nipipa teyai sideraite imise mise nisite ne peto bareyaiye nena mikare oreyaina.³⁷Neye teterote sanemu satena atopenya mang kena ongkore baiye ende nete semote kurumu ate sanumu nemenate semopa meraipiki dena ongko pedaiye douwu.³⁸Wariyei nete ate sanemu mang beipa tepereinyate wete ate saneteme tepereinyate simeye ate sawena dameko otote warene pere nawu yeupa nena kena tena nindiri.³⁹Nemetena wote ate saneteme sa meterena mane nete sanumu dowu kepei kepei ne tepereinyate sawenu ne nowu.⁴⁰Neye wariyeite senaine deye arowu peinya nemenakai wariyei netesanumu nemenatena deye wotena sanempeinya singkena deterene da yeko yeko mekane.⁴¹Soning mekabi sunabipre mekopuku nenote neko orumpuku nemeke soning namimpake soning namimpake wariyei ate.⁴²Nemenakai a mise mise mereyani wariyei kena wena mayong beru berute baya krengbiki.⁴³Nepere nete ate sanumpuku nekaye neye yasena wari diapa Awa mang kena meka metere sunnu kekeu nepere asena walri te dekai kerapa seropa senem mende.⁴⁴Neperena Kaye neney wate bure dambere baruaipiki waiye nemei titei yami ter ter oriyai nemenate a mena mekopeinya endikite dekaikroke.

Chapter 13

(Wari Bu Ongko Baye Kiranaipine) ¹Yesus (Sawalriyei) bu ongkore baya meke, tetero besika nenei yaunate Yesus (Sawalriyei ) sangkeme "Guru, (Sawalriyei) da oru me piyambanya tepeu!" ²Yesus (Sawalriyei) sangkeme, "Wei dou da me piyambanya tepunate tanu? Da oru sidamba-damba sinawkai tepanya, apabirnaiyernai."(Memetena Pekote)³Yesus (Sawalriyei) Zaitun mekone bete walri bu ongko pa burusuku Petrus ye, Yakobus ye, Yohanes ye Andreas pre Yesus (Sawalriyei ) nebeite sengkaine ⁴"Dete ate sanimime modaite ne yeko kiyanai, nena yeko beyamane mekone, meyenamane tupute mekombine ?"⁵Yesus ( Sawalriyei )nete sangkeme, "Wa sema bete , tetero wete pekote, wete amoumou wapeneme. ⁶Tetero kasopere dena wadone menai ate seinaine, 'De Neyei.' Netetero, tetero terente amoumou wapenami.⁷Ne yane betonde pera akurung warene, pera menena, endikitena dekoipenya. Da yeko nepete mekonena. ⁸Serai-serai bebeite titinai, kani tipinene nou bete-betene, munu kiambine. Metena peko menena tupute mekonena.⁹Nemnatena eyei wasema bete. Netetero wete atonaime atekainya diyapa, wete meka titinai, Sinagoge-sinagoge ne, Sanhedrin kena bekoune tepende, andewapo-andewapo kena bene, De tante, nenei nerone seinanemenai. ¹⁰Da A Walri, memete seraipa-seraipa seinaine mene.¹¹Wete atonaime, sarenaime, endikitene dekoipenya, we ate seyunena , wei wake beinya ambai Ayomire kena wakene. ¹²Da tetero yei , nenei tetente tetenipipa sarenai awa yei kena domba, yei inai yemine awa, na wate titinai. ¹³We meyename yembe ekri bikinami. Dena wado tante sime nemna beite noune tepenena walri nena damne tenonemena."(Peko Nipi Poite Baye Dingkerembine)¹⁴"Date tente pekote tenu, ne tepeipeinya noune tepenena (semote beyena nepete arlombuke ). Yudea yone kainya tetero, mekopa nawende. ¹⁵Me yang damne keuna tetero apana mipeinya me eyupana epeinya, me eyurna satena olripeinya. ¹⁶Tetero mikane warenena, metopa birlsipenya mayong te mudoneperna.¹⁷Yei te yasene tepanya mirle pre yei te konte ataminya mirle peko neyane kiyanena. ¹⁸Allah (Mang waliyei) te ate sanemane ne yeko-yeko ning seuw na kiyaipeinya. ¹⁹Neyana peko dere tere menena, mem etena da kerla te mekekona, tekaypeinya yeko dagapa mekena ambai. ²⁰Allah (Mang waliyei) yate pone sensina, da tetero warlitena keipei, nemane keu, tetero duwa erlupukuna ne tante, yate pone sensina.²¹Tetero ye wete sanenewa, 'Doute tei Kristus dapene da keu!' atau, 'Bei ne dipene di keu!' Nena atena sawipenya. ²²Tetero peko-peko inaiyemina nena yeko-yekote mekonai, kenate yeponai, duwa erlupukuna teterote puku neropa atonaim. ²³Wa semate kende! Dena a nepete duwa sanumpuka.²⁴Nemnate neyapa menenatena, peko deretere te tukanendena, 'Soning kepe-kepe orlambine, oko kiya ambai. ²⁵Meya manolre apayonai, wake deretere ma dambre tipinene.'" (Tetero Yei Dewamenena) ²⁶"Nemenakaye, tetero doute tenai, tetero yei ma burure mene, nena wake dambre kiya dere damne. ²⁷Yesus ( Sawalriyei ) nenai malaikat-malaikat senampuku, duwa erupukuna tetero aru nipi aprawbeinya ye yo tupuna, ye matupuna te nebeipa koprinende.²⁸"Ara o pa aropuku : nena mise marnainya, nena kepei denainya, nepere nemeinde dinya watoupa dewa mena. ²⁹Nemena yeko kiyananyatena doute tende ne yeko menenatena aronembinde teprei ye watoupa dewama numbru toune meke tepeu.³⁰Dena a nou terenate wete da mekasename , da sirinu kerainu metopa duwa nai, ne yeko bekoune mene mekombine. ³¹Da ma pre, kani kela pre metopa nai. Dena A Walri nemna berte tenone mene." (Semate Kende) ³²"Neya tena tetero aroipei, malaikat-malaikat aroipei, Yesus (Walriyei) aroipei, awa bei nemeyumbuku.³³Semate kende! We aroipei ne modaite mene. ³⁴Da yeko bete tetero besika otote ke, mete tembuku nenei kembari teterote sanumpuku semate kinyate, numbru semana te sanumbuku semate kene.³⁵Nemenatena semate kende, we aroipei, modaite me pre na tetero dewamene, weyene mene denene romirine mene, awe dernainane mene. ³⁶Neye nemei tanembine menepeina, we yukute tenon deperna. ³⁷Dena wete senamena, teterote meyenamane sename : 'Semate Kende!'"

Chapter 14

(A TEKAI MENDO TEKELAI WALIYEI TE BAYETONA PINATE) ¹Daya yade leyapamu yabi bekoune keuma ayeko semate kanya. Imam - Imam tetero dele -dele nipite nlei waliyei te mekaye awe nainya nepelena kama nete baya tonapimate delaine apeu -peu kalo. ²Nepela nakaye damane, "Selyaani da yadele yapa muma a ekile - kilite tetero nelone delenai ne." (MELAIBU NARAWASTU WALIYEI TE MEKA PALE PELAINE TEKE)³Nepele nakaye waliyei bet yopakai Simon sikusta kena nie po kay. Nepene anekai - kai satenai netayai mile siye mu nena mekama ambou - pualam te dekou mu nema euna melaibu narawastu yela nena aman bumane sei yamimasa goci te baya nitai piki ne melaibu narawas tute ⁴Tetero kaye aloipe pro -pro mama kiyate sisiye duwa - dwa silaimme beya kwama te tukaunu melaibute namale ye taye. ⁵Ne melaibunaite mekomaipima mena amam dele dowa - dowa nami 300 mai emo kombundi." Nepelena raye mile sooi kewa dondeemde.⁶Waliyei ate sani yomme nemema sate wete nate pekotena mekoipeina wene lati kembali paite mekoyena dete - nate mekoupukuna. ⁷Ne tetero peko yane - yane mekoipiki peinya de wembele na nebeuya keipei. ⁸Nebeate mekoumbuku wende beya sate nekewa mekoumbuku dena wa melaibu kewaitipiki dema mendo mekane dama bule dambanate. ⁹De nepelaina wete meka semamme nou telema ate seimana wape kambi asenate donde di waipa omopa di dalipa betapa. da kami kula - kulate sanema mene da beya sate da mile mekoumbukuma nema wapama ayokete kloupukuna (YUDAS MENDO PEKOTE MEKONU)¹⁰Nemena kaye Judas Iskariot meka bi butu bi nekona yei teterodele - dele kwa kena raye ate samiyome waliyei te wena mekapa talenapine. ¹¹Neye ate betoi piki nena kena kali te delaini nepere makaye Yudas te amangte ai moko puku Yudas nipite uleu mete meka damba salembeina te. (PASKAH SATE ANEMA)¹²Da besi kama ya, ya delaya roti beragi neye damba yeite paskah Yesus ( waliyei) nenei oto touna ate sulumme we mopana kemate kau de dapama pasakah sate waliyei nete saniyome nakene yauna - yauna paskah mekai. ¹³Do biserei samumpuku me dobi nete kemsamimi we di kota ele tetero do neye kendi melaibumepa demaipikima sa dete te. ¹⁴Mopa eupa elemate miena tetro te ate samimbi le Guru ate mekoupukui momoune de paskah sate amema?'¹⁵Sasyeite merai perjamuante dipeme mekomai nyate. ¹⁶Nena yauna -yauna nekota pa nakeko dipema noute ai deko waliyei ate sani yummena, wande sasyeite Paskah te nai mekone.¹⁷Nemema raya ya nekomuw olumpuku Yesus delona pele mai akeko. ¹⁸Ne somine ane mekai kiaai sate anai, Yesus damane seyumu, "De noluna ate seyane wema nelomere sate demble nebei anate sete ekliye tau te tetero." ¹⁹Neye nena kemate pekote dua mekaipiki kena ne saniyomme ya besika dan besikana, "Nolu nate nemema dekaye?"²⁰Yesus nete aye dembele, "Weletena yei tetero roti te alikane yau suku dembele boutei yeupa elikete denaipiki. ²¹Nemenate da teteroyei dua te akulumte damane peko nepola teteroyei dameka ma senopei yei."(YESUS KENA WA OLRUNG PERE SA PERNA YEKOTE ALRO NENDE)²²Nepleima ne sate mekai amai Yesus Roti te merapa ataupuku memdote mekoubuku nete baye mekapa atomu nekewate seyunu, "Mekapadoiteda dena wa." ²³Nekewa cawan te meka deko memdote mekombuku makaye nema mekapa ayeko mekeibuyo ne Cawan kna bute embu lupa anasiki. ²⁴Yesus Waliyei nete aye sanume, "Da dena wasa ayekona sah tetero terengte nete dulupuka. ²⁵De wetena apoite seyane, wena anggur na nena bu de anisipei, da meneke anggur nemete awa kena di a ne anete sine."²⁶Neperenakaye disemo Rohani besikaye di maipiki nakaye, wande Bukit Zaitun pakai(YESUS WALIYEI NENA YAUNA DINE TAMBIKI) ²⁷Yesus Waliyei nete saniyoume, "We meye nama ne de te sanente tembine, neme nate semoke peipa duwa melai piki. 'Gembala de wete taneteme, domba -domba kera -kera selengklone.'²⁸Nenanekou de ye esuwa iti yemina de tua Galilea pa tena we metore ende." ²⁹Petrus nete sanunu, "Nenakeu ne meyenane we te danetanaide ambai de wete tawe tawena."³⁰Yesus waliyei aye sanumme de noluna ate wete senamme ne de ne na awe do bu biserei ate mekoupuku netede. ³¹Neman sate Petrus kena alema ate mekoupuku, "Nemamsa te de wemble nebeine ambai ulapima!" (Yesus Getsemani Paune)³²Nepelena atote memekai mou sipa ai akeko nemou nenawado Getsemani nepelana kaye amekai waliyei memdote mekoubuku. ³³Nena membawa serta Petrus, Yakobus dan Yohanes, netaiye endikimam mou dekoukloke. ³⁴Akulung mesanum, "Alu dimite duwa tetepina nemena sapene kete samete kete."³⁵Nemena sate kelamane kete bete keu ne oto butu dusu kloke, memdote mekounu ya metopa duwa ke. ³⁶Ne ate mekoupuku, "Abba, Bapak sasye meyena mane wei mekadamene Cawan te mekadoi dapele mui, nemema wemendote mekeyeu beya sate we kemane keu."³⁷Nemena kaye nekewa dewamu wema yauna yuku te tenay ne ate mekou puku Petrus, "Simon beya yukute tenaye? Tidak bisakah kamu berjaga-jaga selama satu jam? ³⁸E semete tepema doa te mekoma nete nate. e peko nelopa yomapine aluh kemate keu wa olung kani - kani olu." ³⁹Nemenate, Ne dua ke memdote ken mekomu wa poi ate kemseyumu neman bei.⁴⁰Nemame ne dewa meke nembele mai teko neyukute tenai nena sou seye dua olai piki ne aloipoi enete ate sa ne ma. ⁴¹Nemame kaye Yesus bumamima te meke nete meke saniyomme, "We meme yukute tenau dam note yate nepeye ya ambai ye olukume sou tete tetero yeite meka damba salema pimate, tetero peko kena meka damba salema pineta. ⁴²Dewa mime esua iyemime dua walema doutei dete salenete pina tetero watoupa nemu."(YESUS( WALIYEI) MEKA AWEKAI)⁴³Serabeite mana Yesus (Waliyei) ate neme seyummate Yudas ne nedelati nebeine yau nelane waliyaineya neyemeke neye tetero tereng nerone metekaye pentung ye tetero dele -dele yalise - yalise Yehudi tetero. ⁴⁴Neye mete kilibinima nepelena nesalenaipina, "Se nete senseng tenneyeitine, netetero nene meka awekai netena." ⁴⁵Sema dopelena te tepe yaina. Yudas way waliyei ke watopa me ate seyunu, "Rabi!" Nete senseng Yesus yetinu. ⁴⁶Nepelena Yesus meka ayai neman Nenei.⁴⁷Yau nelena kembali meteka te dau puku Iman dele kena bentekai te sute baye ketepuku. ⁴⁸Yesus nete ayesamumu, "We dapama metekaye pentungye dete awi tenate dete awi tenate de tetero peko de yane - yane. wema? ⁴⁹Nelone da wela. Bait Allah ate kilame we we detena awi tipei netenate semo kepeine melepeku sa noupa mekombina." ⁵⁰Meye na me me aimtembuku duwa ai talupuku.⁵¹Da sekolo yei Yesus tawekomuimayei kainlenan wate kain leman te tutupu. Ne senombukum mayon baye kulambu kiyane nau you, ⁵²Yesekelro sinewai Yesuste tawe kene mekanekaye nena walrena mayon tutupukuwa teka-teka eyuna ambai netaye nemayong apa kurambuku neyei sekelro dua senom buku. (Yesus Dihakimi Pemimpin Yahudi)⁵³Yesus te tetero dele kwa dekaine ke meye mamane Imam - Imam sela Imam - Imam tenai Ahli-ahli Tenai tetero - tetero meye dua kopulumbuku. ⁵⁴Petrus bali walu Yesus te tawekeme eu neme dekaine Imam - Imam delekema metoupa nepeme amekaye semate kaina tetero wake kai mekani.⁵⁵Imam dele - dele Mahkamah Agama noune ulei Yesus te. ⁵⁶Ate - ate ulei ne baye tomapinate nepete sasyei tena doiteipe meye mamane nemei wefate.⁵⁷Da tetero meye esune tepai akulum palsu Yesus semaine ne, ⁵⁸"De bente keite betate we seiyeme, 'Bait Allah tetero yei Mekaye me mekaibikina, wes yenena ya mingei, we nete meleupumu, nena aseyanina poina epei.'" ⁵⁹nena alei yanina sipa dapa seyamina emei wepai.⁶⁰Imam dele esuma tepeu ate seyunu, walriyei tulunnu yesus atena sawipei yesus yekaitepeu ne atena sawipei. ⁶¹Yesus ate silramnakaye nekaye a sawi pei nekewa bubinate silraine nou lre weda ayeko pere sei yanina tetro neye tepye" Awa mang nenei niyei?" ⁶²...⁶³Wariyei ate saweki wena a seyeina nemenate duwa douwuna tetero morona musatil tena mekopenya. ⁶⁴Nena mayong kreu kreu tere soning kakeumane dayo damena tetero dimena mayong tena. ⁶⁵Wariyei dombuku nemane elian neye tuwa menene datengkou yereuna neye teperenya teremene meko nane nemenate semone meraipikina teteroyaiya bemane nekene neye kasopere nederaite wate tukainene pere akaitate sinaine.⁶⁶Petrus wariyei te sanemu Rabi da noune mekate katena karite tikiyante perete naminsreye mere mapini.⁶⁷Wariyei deraiti tetero kasopere tiyoi mekai nete yembina nyate neye aru pekote a armaye saneyomu sanemu wekaye aru peko.⁶⁸Besate netenate inaini nena yereu karupuku panate simiye paica burete netenate pere dena a seyaina te tena diderona nerone akoi akoi ambanya pekonuye wariyei ne tetro.⁶⁹Nemenate wate ate saneteme metena duwa meke teteroyei yo deraite nete mekainiya nena kenana noute taunemempeinya semopa meraipikina mane netena.⁷⁰Neyana wariyei Galilea yone meternamane nete tawekani mekai nete meka poi meke yani dipena mire serai nebeine wariyei pre yopakai.⁷¹Nepere neyo duabirasi kanya kaiye yeisite ne kai kewa saniyomi neya drati tepereinya.⁷²Neperena kaye neney wate bure dambere baruaipiki waiye nemei titei yami ter ter oriyai nemenate a mena mekopeinya endikite dekaikroke moye da tenouna a ate da ikomeh ende Petrus neney.

Chapter 15

¹Yabete-betepere yarise-yarise mendona-mendona yaute kekai, ate beko Yesus te beyaipiki dekani Pilatus kena pa dekanikai. ²Pilatus neye Yesus sanuyumu, "We Yahudi andowa pone?" Ne ate mekou puku, "Aweiteduane dombuke." ³Nepernaikai yarise Imam-iman Yesus te a nepobei nete sirani.⁴Nemenaikai Pilatus nekewa sanuyumu, "Beya menate we a sawipei? Doute tei, wena danpana a kasopere mu." ⁵Nemena kai Yesus a sewepei neperna kai Pilatus tere-tere oru.(Yesus Barabas pre)⁶Paskah ya dere yana, Pilatus ya dere yane tuh yeu ne tenai nya teterote, nenei tetero masian nya kai baya tamu. ⁷Nemena kai, teterosi nena wado barabas pekote mekekainya derona sipiri, tetero titite tatainya tetero pre teneyai nya. ⁸Tetero kasope-kasope mekai pilatus mekai saniani, da tetero tena eyei mekatena mane. Nemane derati mekou punu.⁹Pilatus tetero teren kena ate saweke, ‘"We ate sawende, yaudi kena andowafonate wetenate baya tatem bime?" ¹⁰Dua ne meyumpuku andowafo-andowafo, medona-medona tetero kena seraite tukan nya karo ne nete seraipiki nemmena kai. ¹¹Yarise –yarise serai teterote a mou-mou ketanpiki Pilatus te ma sane ne barabas te baya tambini.¹²Nepernaikai, pilatus ate mekoupuku, "Nemena Yahudi kena andowafona kena dampa na beya te mekote pini?" ¹³Nemena kai meternaman ate ketere yai nete, "Salibpa bapin bin di!’’¹⁴Pilatus tetero teren neropa ate sanumu, "Beya ma nate? Beya mene pekote mekoupuku?" Nemena kai, tetero terendopre ate arema tere keteriai, "Salibpa bapim bin di!" ¹⁵Tetero teren kena kenate marintenya te Pilatus, Barabas te ne yote-nate baye tambuku, cambuk penai piki na kai, neye sarumpuku salib nate.(Yesus Ekiri Tai Yane Meka Peneyai)¹⁶Perayo Yesuste dekan ne andowafona kena diapa dekanikai, a pre kainya miepa dekanikai, nemena kai perayote meye simiyai nebeipa koproyo nu. ¹⁷Nepernaikai, mayon beru-berute titammbiki, nemena kai kumusiete erangbikinate. Yesus kena tenaipa titambiki. ¹⁸Nemenakai poi ate mekai merangni, "Poi Yahudi kena ondowafona!"¹⁹Nemenaikai, nena tenaite suruye penkai eki toyaini, nete kapini yani. ²⁰Nemenakai Yesuste a mise-mise mereyani, Yesus kena wena mayon beru-berute baya krengbiki, nepernakai nenei mayonte titambiki bayasuwa dekanieu salibpa naibapimbinate.(Yesuste Salibpa Bapenaipini) ²¹Nemenaki neper anya tetrote kori-kori yepami, Simon Kirene tetero, da yore muna, Alexander pre rupus nenei nai, salibte eriteinyate.²²Nepernakai Yesuste dekaini nenou nena wado Golgota, "Wado sikeunatena tetero tenai yewainya now." ²³Nemenakai neye anggurpre murpre birangbiki nete emburupa ikam ni, nemenakai neye baya sarumpuku. ²⁴Nepernakai, salibpa bepaimbiki wande nena mayonte baya neneite wasiyai, ate kindiri yane mayonte wasinai tetero moi-moi orinyate.²⁵Neyana soning naminapake nete salibpa bepapiki. ²⁶Nemenakai semote meraipiki Yesus nena domba peute orainkroke, "Da Yahudi tetero kena andowafona." ²⁷Nepernakai salibpa bisi tetero bi nembre-nembre bepaipiki, tetero si metere suna wawiyou si ayasune wawiyou. ²⁸Nepete Wari ayena yeko noupa mekonbini, "Nemenakai neyete tetero peko neropa nemeiyaipiki."²⁹Nepernakai, ne nipire dua-dewa werainya tetero a mise-misete mereyane sesote baya kreupunu ya namimbei nekena mereupunate, ³⁰wey wate tete damere poi mekombime salib nero apami yosime!"³¹Nemandrati tetero dere-dere mane kainya, neyaubei mendona-mendona tetero pre seiyauni, yesuste a mise-mise meraini site-site sanunne, "Neye tetero siti poi mekoyou neneiwatena poinya mekonipei! ³²Nemenase mesias we israe kena andowafona, neperainya salib nore dan temawe apa yosunu do tenawe de tepereinya sawena." Nembre salib nane wewainya Yesuste a mise-mise merangai. (Yesus Kena Teteya)³³Soning mekesu sunabey mekopuku akepe-kepe orupuku nemeke soning mekasuna suna apraupa. ³⁴Soning meka su suna apraupa Yesus ate orema sumu, asinatena, "Dedei Allah, Dedei Allah, Beyatenate dete dantetupeke?" (Yunani: Elloi, Elloi lama Sabakhtani). ³⁵Nemenakai bentekeite beteyai tetero moserei watoune tepainya, "Doutete! Eliate disumu."³⁶Nemenaikai, tetero sibesika seraibe mekenakai temangkupa anggur tinimite danupuku,surupa nembuku, Yesuste ekan ne emburuwa a nisinate nepei ate seiyani, "Nemenasah bete doute tema Elia mene nete apa menedone." ³⁷Nepernakai Yesus ate arema tere ketereupuku nepernakai nenei aru besikanate baya tuputenate ambuku. ³⁸Nedainya serou waribu ongkona baya bite darukroke, bunare darukroke neme apa dua meke.³⁹Nepernakai pera tenai Yesus kena bekoune meke tepeu, doute meke teu beyamane Yesus nena aru besikana baya sinimbina, ne ate seyune, ‘’Teperei da tetero Allah kena yei!" ⁴⁰Nepena nenderati mire moserei nete baire tain ne, nena nenerona nenderati Maria Magdalena pre Maria Yakobus sekro nena - nanan Yesus pre Salome pre. ⁴¹Neyana Yesus Galilea yone, metenamane nete tawekani mekai nete meka poi meke yani dipena mire serai nebeine Yesus pre Yerusalem yopakai. (Yesuste Bure Eyupa Donai Nanyate)⁴²Neyana neko dua orupuku, neya nenei sayesite dinanina ya, Sabat ya maninane. ⁴³Yusuf Arimatea tetero meke, ne tetero detere dekoi-dekoi dekannine tetero, ne tetero derati Allah dewamenena yekote tekemekena tetero, wate armambuku Pilatus kena Yesus kena wate doinyate. ⁴⁴Yesus dua teteupukuna ate Pilatus betoupuku nena kena teteyankroke. Ne pere, tenate tarumbuku ate suruna teperei Yesus dua teteupuku.⁴⁵Pilatus pera tenai kenare ate betoi pukunakai neye Yesus kena wate Yusuf kena mekapa ikini. ⁴⁶Yusuf mayon lenote dera pro puku nepenakai Yesus kena wate apa dekone, nepere leno mayon beyumbuku neneite wembukuna oruburupa eudunteke. Nepere oru site burun kroke bure numburute tuteke. ⁴⁷Maria Makdalena pre Maria yoses kena nenan pre Yesuste diantekena noute dou kai tiani.

Chapter 16

(Yesus (Sawalriyei) Dwa Yemukuna Akurun Waru) ¹Sabat yate kekay yereu, Maria Magdalena, Maria Yakobus nena rawa, Salome merai bute derah aitepu, walriyeite wapa sunani. ²Yakau betene ya, besikana yanne soning moning saununane bure dambanate dwa ai.³Ate seyani oru bure (numbru) menipite, "Dinapiking simi baiye brining krone?" ⁴Nemena, doute bunapa tai oru detere numbruna baiye dua buraing siky.⁵Nepere, bure aupa anya doute tai, do sekro mayon kreu-kreu, tutupuku metere sununekeu, nete ainteke teteyainseko. ⁶Nepere, ate sanumu, "Beya tena te titeiyanseko, wekaye walriyei Nasaret tetera, opa bepapiki, dw yemuku netene youna nou nemei keuw". ⁷Nemenate,dua ende neney yaunate ate sanempinde, Petrus nembere Galilea. Yopama Walriyei nembere naitone, ney a seyonna mane."⁸Neperena kaye, neney wate bure dambere baruaipiki waiye nemei titei yami ter-ter oriyai, nemenate a mena mekopei nya, endikite dekai kroke. [Meye da tenouna A ate da , ikomeh , ende nekaye Petrus neney yau-yauna pere ete pone mekonapine. Naperna kaye, walriyei neney mekaye, upuku omore waipa dena wa dote, a kurung piang banya te, pekona oripenya nemena beite tenonemene daserene.] (Walriyei Neneimeka Wate Kiyoyommu)⁹Neyana walriyei dwa jemukan memeterete, Maria Magdalena bekoupa tepepuku yansine nena ware oru - (kena) pekote baye sekumbuku mekasu sema biserey. ¹⁰Nepere, walriyei pere warkanya yeite ate hem sanumpuku, kena tetukani dimite dimai. ¹¹Nepere walriyei dwa yemukuna ate renare betapiki, neyo teperenya atena sawipei.¹²Nemena yeko kiapuku, walriyei wasiye nenei oto touwna doby yosiwanate mi wate kiamukupu. ¹³Nepere, neyo duabirasi kanya kaiye yeisite ne kai kewa saniyomi, neya drati tepereinya atena sawipei.(Walriyei Nei Yaunate Ate Sangkemane)¹⁴Nepere nena oto touna do mekabin suna besika serei, sate anainya neropa wate kiampuku, A som dusum puku sanummu kena arma-arma te deranuna nepenaye tepereinya tena sawipei. Ne, dwa yemmukunate nete tianmina tetero ate di seyani, we tepreinya tena sawi pey. ¹⁵Nepere, neye nete ate sanummu, "Otote ende dayo kura-kurapa, ende dei besemo-wasemote walri ate sanemende. ¹⁶Simmi tepereinyate sawenena bute kronambine poy damba mene. simi adete derenneno peko damba mena.¹⁷Tepereinya ate sawenanya tetero da yeko nembere-nembere warenai : Dena wadone aru peko-pekote bai sekenammi, peu sisite seinani. ¹⁸Wari seranyate meka orunai, sonasate anenai pekona oripei sanamuna tetero kena wadampah mekate tepnami ne tetero poi orunai."(Walriyei Yo Sena Diapa Yuna)¹⁹Nepere, nete ate sanumpuku nakaye, neye yasena wari diapa, awaman kena meka metere sunnu ke keu. ²⁰Nepere, asena walri te dekai kerapa-seropa sanem mende. Nepere, walriyei kembarite nenei yauna wakate inimme, yekote tenani meme nete dukunumpine.

Luke

Chapter 1( Lukas wai knarena wari aa )

¹Teofilus piyambainya yei tetro ena nerore tetro tereng dopre da akurung yekote meranainyate drane.²Da akurung neye ete saniyanina mana seimana memetena dayekote nenei douye tiani wari ate seinani mane(seiyani na mane).³Nepe,de ye da ayeko seiyanina mane deye poite nete,arya ne yeko mete mekeyouna tupuru de dei knare ciyeukeroko smopa mre tena nere poiye merete mine we nete aronde.⁴Nepre we ye ne ate aropunu da yeko de te kiriyamina aa nourena aa.(Yohanis bukroi-kroi dote sengkainya a kieiung meke)⁵Herodes kna sreine,Yudea kna andwapona,Awa man kna meine kembarite mekeyanya detno nena wado Zakaria abia kna yauna nembire Harunmai kna toruna mire nena wado Elisabet.⁶Ne mire do man kna bekouna kembari poite mike yoinya detro nena yerew kiyonya man kna aa yekote semate kiyou pekotena mkoipeinya.⁷Nepe, da mire do kiyonya yei ambai Elisabet yei banya mire dan mena may tiki kiyonya man.kena aa yekote semate kiyoinya dete de sreipa dwa meke.⁸Ne dete man kna mene kembaru pre mekainya yauna detro Zakaria wai te kirapiki man ate sanene nate.⁹Nepe na kaye kenei nerone mekai eriyai,nenei mekaina mane simite kirinaipini kembari te ne mekone neyei nete kirapiki deko mro mrone sinte nene entingne.¹⁰Ne danya detro trng basune kiyai man te ate saniyani ne somingna man kna yeko singte sime entuku.¹¹Nepe Zakaria way kna bekoune malaikat singbre ensuka na tipa yene msusunu mke tepeyou.¹²Zakaria way dou tembuku nuru ake kone nepe endikite dua mude nou knoko.¹³Neme nate, Malaikat nate ate sanumu,''Zakariaway we beya endikiti dekeye wena mendo meke yenena aa Awa man ate dua saweke wena mire, Elisabet, yei dote snone ne wei yei nena wado te tarumuna Yohanisyei.¹⁴Nepre we kna karite derenu nepre detro trngme kna karite derenami yeite sngkona ate sainani.¹⁵Ne daitena ne dere orumbini detro kena bekoune warene mamauna bu anggur amipei neye ware nena ayomire pre warnei nawa kna yasere dewa mine.¹⁶Neye warene kembarite mekone Israel detro trngme dwa birinaipini nenei man yekote tawenani.¹⁷Nepre ne ye man kna bekouna oto toune warene ayomire nete kriyonu Eliawai,' kna kembari yeko mekeyona nepe Awa bra yei bra kna mana bring binde detro mendo peko mekaninate tawepeinya detro yereu poite wrai nyate tawemende nepu man nenei yekote mekona man nenei detro mane warema.''¹⁸Nepre Zakariawai Malaikat,'' tepekenate sangkene de mopere arombuka?da yeko mekombina de kaye neprenya paitua dua oruka yereu nepre de na mire kaye knawa kna wanane dua orupuku.''¹⁹Malaikat ate seiyonu dena wado Gabriel, man kna mene kembarite mekane detro Awa. sanu tupuku meka wembre ate saiyane a poite we te saniwepine.²⁰tprey da yana we abainya detro mane keu!neme keuneme da yeko saniyawena kiyambini de da yeko seiyanena we teprenya a tena we sawipei.''²¹Di pini tetro teren Zakariate tani.ne tengkente srai,wapena Zakaria Bait suci mang kena ongko mene eyune tikitena.²²Neyane ne basua meke,ne atena bitemena donbipei tetro teren dampa .tetro tereu basune kanya dua nemeiyambiki,da wapene eyusunu sasite tembuku da mang kena ongko mie.ne mekate mekou,ne amumute teko.²³Nenei kembari serei ikanina ambai orupuku,ne wande nenei miepa duake.²⁴Ya maserei dua,nembira Elisabet wapre doke oko mekasu ne watena klipipei neye seyuyonu,²⁵''Da mang kena meka somo de dampa.nepreinya dena neki di tetro yeikena bene baya supuku.''(Yesus te senonainya ate saniyami)²⁶Oko mekasu suna besika,mang Malaikat Gabriel sanumbuke Galileapa, euw kota besika nena wade Nazaret.²⁷Nepena mire brang yuantpre banyante warina,ne dauweiku kena mierena. ne miere brang nena wado Maria.²⁸Ne yane Malaikat Maria nena nuepake,ne ate emakopuke,'' poi we dampa kenabise,mang wembre wembre dunumupuku.''²⁹Maria diteikroke ate betopuku,nenei kena seyunu.da poi a ukuna nena nipi wato karo beya mane keu.³⁰Malaikat nete ate sanune,'' Maria, endikitena dekoipeinya mang kena bene wete kena bisete dreune.³¹Tepreitere we yeite tepu yei dote senou,nena wado tarendena Yesus.³²Ne detere deimbinina tarnainina donambina mang nenei yei detere.we dunumpini mang detere nena dampa Daud, kena betrate mini da nenei mang.³³Ne ondoafite kena Yakob nena nu dampa nemena bei te tenone mene ne seray betepre ambai orupipei.''³⁴Maria nete ate Malaikat sanune,''da waro beya mane mekombini dena do kaye ambai?''³⁵Malaikat ate saweke nete sanune,''Aru wariyei we dampa da mene.mang detere kena detere wete dunumpini wembre-wembre,neyei senouna terenainya yei mro-mro mang kena yei.³⁶Tepreitere Elisabet wena mire keka,ne detene serei ne yei dote tepu,da oko mekasu suna besikapa muna.nete doiyanina kentong miere.³⁷Mang apeu-peutena ambai wapipei.''³⁸Maria dombuku,''de mang nenei mikana tetro nemberi tetro,''wena asei yenei mana depa dua klimbinina ne Malaikat nete neme tembuku,wande duake.(Mariapre Elisabetpre)³⁹Ya maserey dua,Maria otote dawekene,mekopa kengkene yu kota besika Yudea kanine.⁴⁰Ne noune Maria Zakaria nena miepake apoite Elisabete mekompuku.⁴¹Elisabet,Maria kena a poite dombuku betoupuku neyei yase eune bunapa senombuku Elisabete Aru wariyei nete saupuku.⁴²A betere taru.''kenabise we dampa di miere tenouna nerore,kenabise wena yase dampa⁴³Be kaye sinmeka ne draite mang nenei mire dwa meke? ate doute tenyate meke.⁴⁴Wena a poite dena bentekeipa meke,da yei yase eune buna senombuku kena kari kou drenu.⁴⁵Ne kena temena a warite saweke nepre mang kena ate nete dua sanembiki ne dua betoupuku ne nipi karo dua mekonaipini.''(Maria kena wari dimisemo)⁴⁶Maria ate dombuku,'' dena Aru mante piyambai senane.⁴⁷Dena mang wariyei depe kena karite drane mang nenei teme tetro sate,mang poi mekomu.⁴⁸(Poi natumu) poi ye natumu tepreina nepreina meterna nu tenou waruna,dete kena karimete sanaite.⁴⁹Mang detere piyambai de dampa kembari deterete kru(atute) barumu,nena wado mro-mro wado neki keipei).⁵⁰Nena kenabise,nete endikite dekainina tetro yei dampa nena ne beite atumu.⁵¹Nenei meka semona deterete kunu.nenei wapa neterete seyunena tetrote kera-kera wasu.⁵²Ne tetro dedete apa sanumu mai,anekainya tetrote bunapa tamu.⁵³Ne tetro munute tukainina dampa,poi kasopre atomu dra kasoprena tetro sanumbuyou meka bei baya eu.⁵⁴Ne kenabise mendote mekoune Israel, nenei kembari tetrote nebeine mekoi.⁵⁵Ana mang kena dampa ate sanumbuku,Abraham kena nu dampa nemanebei kenemene.''⁵⁶Oko namin serei snona Maria Elisabetpre kiyoi,nepre miepa dwa burusuku meke.(Yohanis bukroi-kroite sengkai)⁵⁷Elisabet neye yeite senonena oko noupa dua mekopuku wande yei dote sengko.⁵⁸Meyene kanya tetropre,nenei tetro-tetropre ate betapiki mang kenabisete Elisabet, kena dampa ikene mena kenabisete mane ne tetroyei kena karite draine.⁵⁹Ya mekasu suna namin ne tetro mekai,neyei kena wa etete keteipi.nyei kena wado Zakariate, tayenaine nenei nai kena wadopa.⁶⁰Netai nenei nenan atemekoupuku,''ambai neyei kena wado Yohaniste.''⁶¹Ne tetro ate ,''Elisabet senani ne wado wena touna kepei miena.''⁶²Ne tetro mekate mekai Zakariaste senani,beya wadote niyeite tarmani.⁶³Zakarias batu tulis tenate sanumupuku,nepa da ate merepuku nena:'' wada Yohanis.'' ne tetro tetro meyena mane nepena tengkente serai.⁶⁴Ne sonin draite nena emburu baya tusuku.nena peu baya yumbuku nepre ate seyunu mangte doye-doye orune.⁶⁵Nepena tetro endikite dekai kroko nemane mekopukuna sah tetro kena emburu-emburure Yudea mekone seiani.⁶⁶Tetro metere dua bete mendote mekeyani seiani,''damena da yei bea wamane orumbini?'' mang kena meka pana bwunu nembere nembere. (Zakaria kena wari dimi)⁶⁷Zakaria, ayomilena Aru wariyeite deko ne mang kena arune seyuna,⁶⁸''Mang deterete Israel kenate doye-doye orumane ne nenei serai kwa meke nebe baya atekome.⁶⁹Neye wari tenate te depupukuna atenate Daud, kena nu mang nenei kembari tetro,⁷⁰Nemane yansini mang kena akurung sarumpukuna mang kena yeko serai nena amburure saniami⁷¹Ate yembe tetro kena nerore baya atomi nepre yenate tetro kena mekare baya atomi.⁷²Nena mang kena kenabisete ana mang dampa mang kena piambainya seyumbukuna nete ye abinakante,⁷³Tepreinya ate neye sanumpuku,Awa mang neye ate atumu.⁷⁴Nemane aye yembe tetro kena mekare bayamaye mang beite kapmane,endikite dekoipei.⁷⁵Mro-mro beine tepreinya blune mang kena detoune,mai bla-bla nemane beite tendne mene.⁷⁶We dedei yei,we mang kena tetro detere wadote denawi,we bete waru,mang metou suru nena nipite dua baya mekonu.⁷⁷Ne serayte mendote krumu wari nipipa ne tetro yei kena peko-pekote baya sumu.⁷⁸Nena poi nena kenabise mang kenare dukunui nemane mang akwa meke soni yayapre bunare tetou tekembuku⁷⁹Nemane da tetro yei akepe-kepene kanya,da tete damene kanya,ana otote nipi temepa.''⁸⁰Da yei newai serabei dua detere oru,ne dampa Aru wariyei wakete atone ne aya damene. keuna nepre nenei wate Israel srai kenapa mene kelimbi.

Chapter 2(Mena Yesuste sengkai)

¹Neyana Kaisar agustus ate kengkene,sanumpuku tetro kena wadote da kani damne kainya smopa metere meleyai mekende.²Da wado smo,bu besika memete mekeyai nesereinya Kirenius deterete Siria kanine kiyou.³Tetro mena mane neney wadote meleinyate kay,nenei Kota(yopa-yopa)kay.⁴Neman draite Yusuf,Kota Nazaret Galilea kanpir Yudea, pake Daud nena wado Betlehem Yusuf nenei toupake.⁵Nepene Yusufpre Mariapre nena wadote smopa merenapini,Yusuf Mariapre banyangte wau yonya yeite dua tepu.⁶..⁷Yei dote sengko da yei yarise.mayon kanupin nete dulanbiki palugan eyupa danteke tenou nepena rumah penginapan(yukute tenoinya nou ambai.(Gembala gembala marisa semana,marisate netanya tetro)⁸Ne nouna marisa netanya tetro,nenei marisate denena-smate tipainya(kanya).⁹Watune Malaikat meke tepeu,mangkena kia ne dampa(erembuku) ne dekai kroko.¹⁰Malaikat ate sanumu,''endikitena dekoi kropena de tepreinya kena kari ate wete santeme di tetro tereng dampa betonai.¹¹Da yane wetena,mang wariyei Kristus Kota Daud nepene dua sengkai.¹²Da wetena kia weda tetro yeipre tonde: mayong lampin nete dukapiki palungan eyune tenou,''¹³Malaikatpre mangkena yuku drona Surgana,mangte doye-doye oraine seyani,¹⁴'' Mang piambai di buna terene kiyena,teme de kanidamne,tetro kena nerote nine mang nenei tetro simi (nedraite).''¹⁵Nepere Malaikat-Malaikat-Malaikat nete neme tamipiki ne Sorgapa dua kai,marisa semana tetro ate ne beine adiko seyani,''esua Betlehempa ma nepe ne beasa mekopuku da mang kena akurung beteyate mane sate mukombini.¹⁶Ne tetro-tetro serabei kai Mariapre Yusufpre atiko,da yei neway palungan eyune danteke tenou.¹⁷Nepene neye niyeite kai tekani neye ate sengkani dayei tena a dua da betapikite.¹⁸Tetro mena mane beteyani tengkengte sariyai,wapna da ate marisa semate kainya tetro saniyami.¹⁹Maria da ate nenei kenapa eluku,mendote mekonu.²⁰Marisaprena tetro nekewa dewa burasiki meka mangte dayo-dayo oraini piyambaite meram senani,da waro metere neye beteyai tiani mena mane noupa dua mekopuku nate saniani.²¹Ya mekasu suna mamin ne Yesus etet baya kete napini nena wadote tarnanina Yesus Maria yei tepi peinyate Malaikat dua sunumbuku,dayei nena wado tar nendena Yesus.(Bayi Yesus di bawa ke Bait Allah)²²Pentahiran ya ekete plonya ya wapena Hukum Taurat Musa nepe kanya mane,nainenan nete Yesus dekani Yerusalempa mang kena mekape tambika kwa kay,²³Hukum Tuhan mang kena yeko ne damene meraipiki,''metere yei yarise mang kena meka dampa tanembinde.²⁴Mang kena bukopa kroinya sa,mang nenei yeko kanya mane awe tekukur dopre mirepre bei awe merpati yei bisirei.''(Simeon dan Hana melihat Yesus)²⁵Yerusalem na tetro nena wado simeon.ne tetro poi noruna tetro,mang kena yeko tetro ne tetro teuna Israel kena karite kone,ayomire ne dampa kurune.²⁶Nekewa Rohkudus(ayomile) dua kumbuku ne dua tetepipei neme kene di mesiaste tenembini wande tetembini,ne mang kena mekapare burune.²⁷Ayomire dete dekone ongko myepa meke nai ne nuna Yesuste dekone ongko myepa eyupa kay,ayeko ne meraipikena karote mekoinyate.²⁸Simeon dayeite dekone,nena bekoune mangte dayo-dayo, orune damene seyune,²⁹''Mang,nepreina wena kembari tetro kena teme newate,da wena yeko keuna mane;³⁰Da dedei dou dua tembuka,wari nipi wena rena,³¹Weye deraitete dua sesuke mokopuke da tetro tereng dampa.³²Da kia tepreitere tetro sisikena tereng dampa,nemane Israel wena piambai ne dampa mene.''³³Nai nenang tena kena sari metere bea ate dayei neway dampa seyuyoni.³⁴Simeon nete mekapane tepumu,ate Maria niyei nenei nawate sanunu teprei,''dayei tetro terengte apa taneme neman derati tetro terengte Israel bunapa taneme,bei nou mane(tauda) da sangku-sangkute draine.³⁵Pedang/meteka mane yerena Aru te asoko,ne deraiti tetro tereng kena mendo kena kiapanai oruembini kyepa nai.''³⁶Nepene Hana ayeko mire,Fanuel nenende Asyer toruna.ne mire nena mai tikitene ne doye dokone kiyona mai nekasu sunabi,³⁷Nepreinya ne mire sonya nena mai doa aprau.aprau bei ne ongko mye pana bayana tembipei denen dai mangte kapunu,puana sa anipei mangte sanunu(berdoa).³⁸Nepene neye meke,mangte piambainya ate sanumu ne mire da yei(Yesus) kena wadote tetro tereng dampa sanumu tetro tereng tanya da Yerusalem bayanate.(Yusuf dan Maria pulang ke Nazaret)³⁹Metere ne yeko kembari dua mekani wande ne nekewa bulasi dewa kota neye kanya Nazaret Galilea kanipa mekai.⁴⁰Di yei moti-moti dua aru detere dua aru,nekewa wakete dua tepeu,mendo kasopre(hikmat) aru poi mang kena piambainya kenabise nena damne.(Yesus mai mekabi sunabi mang kena ongko mie eyune)⁴¹Mai-mai Yesus naipre nenanipre paskah(deyupukunaya) ya Yerusalempa wiai.⁴²Yesus nena mai mekabi sunabi,nai nenang nemberi Yerusalempa kai nenei maite-maite nemane weraina.⁴³Ne detere-detere ya dua mekapi,ne nekewa dewa bulasi mekai.Yesus nebeye dini Yerusalem ne diru kekena nai nenang aropei.⁴⁴Nai nenang kena mendo,Yesus da drona tetropre neyaubei a tote dwa wrai.ne oto mainya nipitiki ya besikapa duake nepere nai nenana nete urekai,di nenei tetro kena wanerone nate taweneme menai.⁴⁵Bete ureipi sate,nai nenang nekewa dwa Yerusalempa mekeinya kaye nete urekei.⁴⁶Ya namina serei urekai,wande nete ongko myene tekaine nepeda yeko tetro kanya wanoropa ongkuku keuye,wande bentekeite betou nepre ate sunumu.⁴⁷Tetro mena mane tenou waruna nena ate betanya tengkengte seray nena mendo kasopre tikina ate sawi sawi mekou.⁴⁸Nai nenang nete tembiki,tengkete sari nenang nete sanunu''yei,beya tenate da mane dete mekeyeme? wena Awapre dembere kena mate mate wete klansikete urete.''⁴⁹Yesus nete ate saweke,''we beyatena te dete wei? we kaye aropei,de da dedei Awa kena mye eyune daka?''⁵⁰Nai nenang aropei,ne beya ate nai nenangte sanumu.⁵¹Nepere neye nai nenang neyaubei Nazaretpa dua kai.ne nai nenang kena meka damene dane natina nena nawa da ate nenei kenapa dua desuku.⁵²Yesus detere dereipa dua eu/kewaru arupoi nena dampa ne detere.mang nete kenabisete derenu da tetro yei neman draite.

Chapter 3(Yohanis pembaptis)

¹Kaisar Tiberius kena Pemerintahan nero burune mai mekabi suna meka sua ne serei na Pontius Pilatus Yudea, kena wali Negerite kekei nepere Herodes ye andewapo na te Galilea; kani po ne keke,Filipus nenei nekasi andewapona iturea pre Trakhonitis;kani pone keke,nepere Lisanias andewapone ate Abilena kanipone keke,²Ne sereina Hanas pere Kayafas pre Imam detere te kekei na,mang kena a kurung Zakaria, ni yei Yohanis kewa padang gurun pa meke.³Nepere, Yohanis Yordan kanipo pa meke ate meke tariyou tepreinyate sawemdi wei waye mende kroteni nepere mang wena poko te baya sumbih,⁴Yesaya kena senona a yeko mereu pukuna mane:''Padang gurun ne kurung ye nene wareng,mang tena nipite mekonende,netena nipi sipi tere.⁵Bo mena nite kani yi bonende sorg te meko te temey e mekonde.⁶Nepere, tetero meye mang kena poi te tendi ne!'''⁷Tetero tereng ne kewa mekai na te bute keonina ate sanumu,''nena a wooi we wari do neki-neki kena nu since yo wete sanu yo wei wate kiri nonena re barum binde?⁸Note nate wena yu tikandena teprena yekona te mekonde,'Abraham ne ena Awa!' nemena mondeyena wena kena ne mekoni peina nete nate deye wete a te sename.da oru te mang ye Abraham kena yei mane duwa mekonempina.⁹Meteka buru o yen so toupa duwa seisiki mo a yu yutena poina mekoi peina baya kunai tene sing eupa kenenani.''¹⁰Tetero tereme nete ate surai ne nemena kaye deye besate mekoma?''¹¹Neye ate saweke,''tetero singme mayong po bisereina mayong bainya sitei nenei tetero sine sa prena,ne mani deraite mokombina.''¹²Dere kopri-kopri serai menai bute krominate,nepere ne serai nete ate suraini''Guru,nemenate na de beyana mekomu?¹³Neye ate saweke,''tereng koprin penya wetena yeko duwa krapikina serei ye.''¹⁴Nepere perayo serai nete a te suraini''nemena de boyamane me koma?''Yohanis neyo kena ate saweke: tetero kena tena ori peina nepere tetero kena satena titawipeina nepere wei derane yereute keu.''¹⁵Nepere tetero tereng nete tai wa oro oro yai ni meyena mane nei kena ne Yohanes, tena ate surai da tetero mesika senana.¹⁶Yohanes ate saweke,''tetero meyena damba ate sanumu de yo wete bune bute.kroteme,netena te neyo da menena nena kuasa dembre na eri kroipei.nena oto erena serai tena de yerarimbipeinya neye wete aru ne.sing ne kroneme.¹⁷Saseini erainya nena mekapa dua atoupuku kembari te mekainya baya kesonenete,nepere Gandum te bako yeupa kopri nena nena erete baya na kepeipipeinya sing yeu pa tanune.''¹⁸Yohanis a site titau yomu,wari ate tero teren damba sanenomu.¹⁹Herodes nekani na andewapona neye ayesanum nei nekasi nembire,nepere nene peko sisi meye mekeyaina tante.²⁰Ne andewapona temai ye pekote mekoupuku Yohanis te tu yeupa tun teke.( Yesus di baptis )²¹Ne daina nete tero tereng meye bu te duwa kromupuku,Wariyei derati bu te krombuke nerore neye sembahyang mekoi,seroye baya tusuku.²²Nepere mang aru awe pieu mane nena damba meke.nepere, sorore akurung meke waru we dobei yei waterena we dampana te deye kena ka.''( Silsilah Yesus )²³Nesereina Wariyei neye kembari te mete deko mekekona,nena mai doa mekabi nepere tetero kena mendo mekekauna ne pe da Yusuf niyei,Eli niyei.²⁴Matat niyei.Lewi niyei.Malkhi niyei.Yanai niyei.Yusuf niyei.²⁵Yusuf niyei.Matica niyei.Amos niyei.Nahum niyei.Hesli niyei.²⁶Nagai niyei.Maat niyei.Matica niyei.Simei niyei.Yosek niyei.²⁷Yohanan niyei.Resa niyei.Zerubabel niyei.Sealtiel niyei.²⁸Neri niyei.Malkhi niyei.Adi niyei.Kosam niyei.Elmadam niyei.²⁹Er niyei.Yesua niyei.Eliezer niyei.Yorim niyei.Matat niyei.³⁰Lewi niyei.Simeon Yehuda niyei.Yusuf niyei.Yonam niyei.³¹Elyakim niyei.Meleya niyei.Mina niyei.Matata niyei.Natan niyei.Daud niyei.³²Isai niyei.Obed niyei.Boas niyei.Salmon niyei.Nahason niyei.³³Aminadab niyei.Admin niyei.Arni niyei.Hesron niyei.Peres niyei.Yehuda niyei.³⁴Yakub niyei.Ishak niyei.Abraham niyei.Terah niyei.Nahor niyei.³⁵Serug niyei.Rehu niyei.Peleg niyei.Eber niyei.Salmon niyei.³⁶Kenan niyei.Arpakhsad niyei.Sem niyei.Nuh niyei.Lamekh niyei.³⁷Metusala niyei.Henok niyei.Yared niyei.Mahalaleel niyei.³⁸Enos niyei.Zet niyei.Adam niyei.mang kena niyei.

Chapter 4(Pencobaan di padang gurun)

¹Yesus, aru wariyei te deko Yordan. marewai nepre burusuku,aru wariyei dekona yepa danepa ke.²Nepene doa bisirei kiyou.mase(sekai) wapi-wapina meke wapi yone.³Mase meke nete sanuyone,'' we Awa mangkena yei,da orute sanune namane orumbini.''⁴Yesus ate saweke,'' semopa ne melapiki, tetro roti beina yereu nepena keipei.'''⁵Nepere Yesus te dekone nou yarepa key,nepene tikibai Yesus te mase da serai bera-bera da kani damena kulune.⁶Mase Yesus te sanune,''detere menamane nena kia,wena dampa oto tewe.da dedei kenare mana tetrote itene(seitine itine).⁷Nemane,we dete sesoye tuputupunu,da menmane wena bei(we wei bei).''⁸Yesus ate sanune,''semopa da melapiki we noure mang beite kapune,ne beite we ye kapunu.''⁹Nepere mase,Yesus te dekone Yerusalempa kei alete mang kena kote ongko mye damne tepei wade nete samune,''we mang kena yei,we wei wate dapene apa senombune,¹⁰Nedraite we te nate,smopa da melaipiki neye,nenei Malaikat(teinte prena seray)sane nempini wete semate tepenai.'¹¹Neye wete meka dampa donawi,nemane wem oto orune senune topunu.¹²Yena nete ate saweke da mane sarune,''asomo damene,we wei mang tena wapi nipeinya.'''¹³Mase tuputena wapu menate baya nute mbuku,metopa duake,ya poite teu.(Yesus Galileapa nekwa dwa biumsuku)¹⁴Aru wariyei kena wakere,Yesus bumsuku Galileap dwa mekenena wado beite peto kuraye saniyami(seiyani) ne kanine.¹⁵Nepene Yesus ongko meyene asenate ongko myene tetro mena mane nete dayo-dayo anayani.(Yesus te baya senambiki di Nazaretne)¹⁶Yesus Nazaretpa meke,nete netaipi kena nou.nenei mekouna mane,ya tupu teya ongko mye pake esune tepeu asena spoke peite bene nate.¹⁷Nete asena kepei Nabi Yesaya te ikane,ne semete burunsuku nepena nas akurung te kenena nepena meraipikina,¹⁸'' Mang kena Aru,denane keu nepere dete bunapa tatupuku(dekote) akurung piyambainyate tetro dampa santeme.¹⁹Ne dete sanutupuku di tetro baya tanami di tetro-tetro dou kepe-kepe nate baya oto nami di mang kena bise mai dwa watopa nopuku.²⁰Nepere neye smo kepeite mekeipa edunupuke,deko nekewa nenei tenaite enuyuku.ne burusuku apa yong keuku tetro mang kena myene kanya newa wap dou netikibei.²¹Nepene ne yeu muku ne tetro-tetro te krumu,''sanumu,bayan da akrung noupa mkopuku wewe bentekeine neprei dua da betau.''²²Tetro metere Yesus nena ate norunate sawekai ne tetro tere tere oriyai Yesus ikena piyambainya ate sanuyonu.da tetro-tetro damene seiyune,''Yusuf miyei sate?''²³Yesus nete ate sanumu,''noru,da a aroi aroi weye de te sanentede,' Tabib,we wei wate poi orupi poi mekombune!da noune mekou we nemekerne mu (wete sengkui wena me) Kapernaum, mekoyoune,metere keye dua beteya te.'''²⁴Nekewa nonumu,''de wete sename,noruna Nabitena nenei noune netena da koinipei.²⁵De wete ate senane,da a noruna, yansine Elia yone di yra ate kanine mire sonya-sonya kasopre ne saneina sro dua dumupu mai numin,oto meka subei nekani mena mane munute dopre tukakane.²⁶Elia mang me sanumbutu netro sitena ambai ne draite mire senya Sarfat, yo pake Sidon kanine.²⁷Yasine Nabi Elia nena sereine Israel nepena dema kuna tetro kasopre,dimena poiye na orupei ambai nepena tetro narunau bei poiye arupiaka.''²⁸Ongko mye na teti bintekeite betekainya apa neukroke.²⁹Ne esuwa yayemuku,Yesus te ne koti ne baya tikeu ki baya nete meko yayepa likin kai,nepene nete baya yeyere apa tekonai pere.³⁰Nemena kaye, Yesus nena ieron baya dua ke.(Yesus mang kena myene Kapernaum yone)³¹Nepere Yesus kapernaumpa, meke da kota besikana di Galilea,nepene sabat ya aneke klu yome.³²Yesus kena ate betekai ne tetro kekanya tere-tere orukai nena a seyununa waru wakene.³³Ongko mye eyune,tetro besika akeu peko-peko mekombuku(awekene) armabei ketereu.³⁴''We Yesus Nazaret tetro! we beya kai tenate dekewa meke? we dete peko mkomunate meke? de dua aloupuka,we kaye sin: mang kenare!'''³⁵Nemane Yesus aye tanekene,sanunu,'' yekai kei! ne tetro kena ware baya ei(snombi)!'' ta aru peko(sekai) ne tetrote,tetro nerone anesasupuku,ne tetro kena ware baya musnombuku,ne teto tena wa srai mekombipei.³⁶Tetro mena mane tere-tere orukai ate dua dwa neyani,da a karu-karu tere neni aru poine,''nenei detonene,ate kengkene wapene aru peko-peko(srainya nai) neye baya bariyai.''³⁷Yesus kena a kurung te dekai pekoye kuraye emburu emburuye mana mana noupa saniyau.(Yesus,Simon Petrus nena mutui te tetro sisite poiye mkoyoinu)³⁸Nepere,Yesus ongko mye te nene teme Simon kna myepa ke Simon. nena mutu wa nanue detere Yesus te nepere tetro senambi nete poiye mkombinate ke.³⁹Yesus nena wayenu ketepeu sananute baya sekumbuku,ne sanamu ne mire neme tenbetka nepere baya ke ne mire esua yemuku sate ke mekou.⁴⁰Sonin dua nusumbuku,netro tereng dopre nenei sanamuna tetrote Yesus kwa ate kainimu ne si sina sanamuna tetro Yesus.sanamuna tetro kenai tenai dampa mekate bebei tepumu neye poiye orai.⁴¹Tetro tereng poiye oruyainya damene sekai-sekai baya bariyai,''ate keteneyai!''we mang kena yei,(we mang nenei yei) Yesus ate nete dereyone ne tetro ate betepi seinipeinya,ne nemeiyambiki Yesus peda mariye.(Yesus kota nou sisini kuruyomu)⁴²Ya dua kyapuku,Yesus nepere baya ke nou adopake.nemane tetro tereng nete wei wande nete tekaine,nete nepene titawaipre,ne tetro yeitena inoina tambipei.⁴³Yesus nete ate sanumu,''de kota sisipa te,mang kena akurungte nepena santeme.ne tante nate dete da kani dumpa sinatupiki meke.''⁴⁴Yesus wariyei mang kena akurung te Yudea kena ongko myene sanuponu.

Chapter 5( Panggilan untuk menjadi penjala manusia )

¹Yabesika Yesus kisine tepeyou mau Genesaret,tetro kaso betepre nete di nambikine asnate betonainyate.²Ne doute tiyai ibisrei kisitupune,kaprate ureinya yo apa mai yosuku somate sikiyai.³Ne bunapa eupa iyeupa Simon, kna iyeupa sakone nete sani younu ite baya betpa sisin sinde kisitupure baibete pe sinsinde nemenakaye nepene, ankiyou tetro tereng tei dambre kuruyomu.⁴Nepene ate tupute mekombuku,ne ate Simon,'' te saniyonu baya sisin sinde koti betepa wande semate teyinde kate awende.''⁵Simon ate sawe ke, sandede neng tiki kembarite armatere e betepre awipei betepre we dete sani yamede nemandrati dedei somate teyitena.⁶Nepere nekembarite mekeyainya,nekate ariyainya tereng dopre nepere nena soma baya tiyai.⁷Ne meka, beine ei semo beite nenei yauna damne kanyate saniyami dwa maru meka meka dai bisrei pa da nate orumapine apa orlateinya mane.⁸Nepene Simon petrus nemane tembukunakaye ne Yesus kna bekoune apa dusungkroke ate seyunu maru denawayere baya dua euna,edadetro peko!''⁹Neye tetro tereng nebeine wariyainya nembere anyai kah tereng dopre awiyai.¹⁰Nemandro ti Yakobus pre Yohanis,Zebedeus kna yei,Simon kna yauna Yesus kna a Simonte saniyonu endikitna dekopeinya,''neprei dayane we tetro yeite awuna.''¹¹Nepere ite daripa yepaipiki,nena kembari mekeyai te netambki ne Yesus te ant awke.( Yesus menyembuhkan seorang yang sakit kusta )¹²Yasinakaye Yesus eune Kota siyeune kekiyou,nepna tetro si dema kekou tereng dopre.nepnakaye Yesus, te tiyouna,dusun kroke sanuna tetrode,''tetrode seyunate dete poi mekotupunu.''¹³Yesus mekate, ne tetro kena wapa tepupuku ate seyuyonu,''dembere,netenate wepoi oru paine-nesonin drati nena dema kekou poi dua orupuku.¹⁴Yesus ate dreyonu akiyana seinpenya,''newa ei wena wate Imam. knapa poi orupuke natnate sendou euw Musawai sanupuku namane sente emkurun punu.''¹⁵Yesus tna akeya bai terpa dua di seikai un nemekaye tetro tembong-tembone derone-derone ne kwapa mekai nena a seiyana te beto nainyate ne nadi sanamu wanediti kaiyain napoi orunai.¹⁶Nepere, ne meto sukun suku nouw yemena pa dikenakaye mendoteken mekoyonu.( Orang lumpuh di sembuhkan )¹⁷Yasinakaye Yesus kembari te kemkiri yomu,Farisi tetro mosrei mekai ayo srai ane mekai kiyai nena ate beteyai metere mekai yore-yore Galilea,Yudeaye,Yerusalem.man kna detere nete dukumpuku.seperna kaye sanamu na tetrote poi mekeyomu.¹⁸Nepere, mekainya tetro mosrei dekai mekainya mendainya tetrote yuku arwadamne, nete eupa donai nainyate Yesus kena pekou panate.¹⁹Nemena kaye, ne tetrotna euwpana donipei epei nepena tetro tereng dopre,ne yang dampa erkainikai nete apa tambiki ne tetrote nenei yuku arwa-arwapre yangte baya dinggeriyai nete apa yuku arwa-arwa yang burune apa tambiki tetro tereng neropa nou tere Yesus tepe younapa.²⁰Yesus netetiyomu,man ate seyuyonu ne denayauna,''peko mekeyauna baya dua sukumpuka.''²¹Ayo-ayo srai pre farisi mendo te mekeyai nenei mabeine,'' simi da tetro Awa mang te a pekote sani youne? simi dapekote baya sukumbine bete pre Awa mang nebei?''²²Nemenakaye Yesus nena mendote dua eunambuku,nete ate dua sanuyomu,''beyesa mendote wena kna netikaunu?²³byamane srabei,ate seinde peko baya dua sukumpuka,bei beyamane seitene? isua iyemi otete ei wari?²⁴Nepetenate, a yang we arombine da yo damne tetro yei nena detre pekote baya surubine ate mendainya tetrote saniyonu wete de santewe,''esua iyemime,ku arwate mekapa atopi wena mepa dua ei.'''²⁵nesonin dratine, dua iyemuku nekekainyane yemuku nenei yuku arwate oruyou nenei mepanate dua kepoi ate mangte saniyomu²⁶tetro metere nepene kiyainya dekeya mangte poi ate saniyani.ne endiki peko terete dekeyai,ate mekapiki nate,''dayana emetere mekantikantna tengkeng!''( Lewi pemungut cukai mengikuti Yesus )²⁷Neperna kaye,tiki bainyakaye Yesus diapake,neti youna odung kopri-kopri na tetrone na wado Lewi,nepene ane mene ondung kopri-kopri Yesus ate nete saniyonu,'' dete mitetawi.²⁸Lewi esuayuyemuku, nena sayesi ne me eukropuku nete eutawke.²⁹Lewi kembarite mekeyou sah detre tere netena nenei mene odung kopri-kopri tener dopre,tetro-tetro si nebeine sate aniyai nembere.³⁰Tetro farisi pre ayo-ayo srai adrote dere yani Yesus kna yaunate saniyami,beyamnate we sate aniyau butenebeine aniyau seng kopri-koprina tetro peko peko?''³¹Yesus ate saweke,''byemane tetro poi bei dokte sanunu,sanamuna tetro drati.³²de mekana kari tetro poi bei tna ambai,tetro peko drati nete nate neye poi drati.'' ( Orang farisi membandingkan murid Yohanes dan Yesus )³³Tetro-tetro farisi dipine seyi yani tna dnati Yesus,'' Yohanes nenei yauna yabei bei ne mei kekai mendo karo beite mekyani,nemandrati farisi. tetro nenei yauna,sate noune anai bute noune anai.''³⁴Yesus nena ate sawekei,''dekau yauna tere meke do-do ne saniyomu nemei kende,ne mekewembere metere?³⁵Nenei sonin menena,nemandrati menena ne done nenei warore,ne soninadrat nenemei kekai.''³⁶Ne seyuyona aroi-aroi mane meternate-betepre tetro si besika bete yawing onu waro bete ne marone mayong nemete ketepuku mayong sumu damba seying binina nemana nakai.nemete, yawi yonu sumu damba sensina nare-nare mane mayong titau youna neme tna nare-nare mane.³⁷Ne mandrati tetro si betepre anggur nemete tangke ere kekapa ne menadrati. ne anggur neme yawe nena ne tangke anggur apa dirine ne tangke bete-bete nitinai.³⁸Nete nate anggur neme poitre narembinde tangke ne mepadrati.³⁹Nenei kena anggur nemete tikanai,nepe ne ate seyine,'' anggur yang sinapoi.''

Chapter 6( Tuhan atas hari sabat )

¹Yesus nenei ototona(yau drona) sabat, yane gandum. mekane gandum nena yeana oruikai nekaye baya sukukai nete embrupa angku.²Parisi tetro maserai ate ukai senani we beasate dayaie mekau,''da sabat ya nesatena mekopenya?''³Yesus ate saweke we semo bipei,''Daud meko yone sa neye nete tawekai nena tetro munuke sopuke (munute tukambi).⁴Mangkena ongko inyepa eyupa ke,motite ke oruke embiupa angke,site nembre tawekai nena teti ote wasu yomt,emburupa anityai bapena roti izeten bauna tetro anipeinya ne tere Imam imam?''⁵Yesus wariyei nekewa ate sanumu,tetro yeipe da sabatkena mang.'' (Yesus menyembuhkan pada hari sabat)⁶Sabat ya,Yesus wariyei ongku myepa eyupake kurumu.nepena tetro meka atei esu dua tebebi(nake bai).⁷Ayo srai ahli taurat pie farisipre Yesus te diu taiu ne senana sabat ye tetro poiye sa inekone me,nemane Yesus te peko korota sarnapimi.⁸Yesus ne tetro-tetro kena mendo dua arumbuku nemane sate tetro meka dua tetepuku sanunu esua yemi,dapene neroe mitepei.''ne tetro esua yemuku meke nerone tepeu.⁹Yesus ne tetro-tetrote sanumu de wete ate sirame nemenakaye sabat yana nopa pote mekonu bei pekote mekoma,tetro kena wadute pekote mekona bei tetro kena warite poye Mekoma?''¹⁰Nepere Yesus niena mana nete temu,ate sana tetro sanu,mekate dua ite (nensi tepi) ne tetro nemane kupuku,''wande poiye orupuku.¹¹Netetro-tetro kena serai,ate nebeine seiyani Yesuste beya mane mekena mbini(Yesus rasul mekabi nunabi serei tarupuku mang kena tetro)¹²Neyaina Yesus mkodampa iki,inangte ate sani nate ke,denenen mangte ate sanunu.¹³Ya dua kyapuku,Yesus nenei oto touna (a yeko serai) te sumu nena watopa mai,nete ekupatau mekabi nuna bipre atoupuku da tetro Rasul mane warnainya:¹⁴Simon nena wado tarkenena ''Petrus'',Andarias neka Simon,Yakobus,Yohanis,Philipus,Bartolomeus,¹⁵Matius,Tomas,Yakobus, Alfeus kena yei,Simon selot tetro,¹⁶Yudas,nai Yakobus,Yudas Iskariot da Yesus pre naite mekopukuna(Yesus ate kuruyomu)¹⁷Yesus apa meke nenei tetropre,nou kewane ane none kai.nepene, tetro kasopre kopuku buku,you drona muridpre,tetro tereng mekai di Yudea klale,Yerusalem klale,Yudea klale,Tirus pre,Sidon pre.¹⁸Ne mekai,Yesus kena ate betonai.netetro-tetro kena sanomute poiye mekoneme.¹⁹Tetro nena mane wra-wra Yesus kena wapa mekate awenai da neware detere baya waru nepere tetro terengte poiye mekoyomu.²⁰Yesus nenei oto tona ayo serai te temu ate sanumu piyambai,''we sabainya tetro we nedraite mang kena diate dou.²¹Piambai nepreiye we munute tukanu nedraite we mumu akaipei piambai.nepreiye we dimite dimau wape kanibi weye despo klung warne.²²We piambai da tetro yeite,wete ekritawi,ne wete baya senowipiki,wete apeko peko senawi,wena wadote baya seraipiki da serainya wado.²³Kena karite neyane dereune,kariye senewe sini,wena nyare detere di wani aiane; neman draite nena kasi yepe nabi-nabite nemane mekeyani(a yeko serai).²⁴We peko orumbindi,sa terena tetro,ne sa teren tepeina norore we kena temete keu me.²⁵Peko orubindi neperei ye we sate anau bepana we munute aikanu we peko orumbindi,nepere dete dau,bepana we dobu tete mekonde²⁶We peko orumbindi tetro metene wete kapnawi ne nemandraite kasi yepe nabi-nabi a yeko serai te nemane mekeyami.''(Sangku yambe tetrote kenabisete)²⁷'' Weye kanu dete betotendena,deye seyanena sangku tetrote kenabisete dereune.yembe tetri te poiye mekomu.²⁸Kenabisete mangte sa nu,tetro wete pekote senawina dampa,mangte poi ate kroune tetro wete ekirita wena dampa.²⁹Simi wena pewai sute mekaye toupuku,nekewa pepai site yune tombini simi wena makote dekona.newatembune nekewa wena malo mayong done.³⁰Tetro bebei sa ate sanenawina we dua atomu,neke burusunu sanunu wete inaweurenai atenawi prena wena sapre ate kenena tetro ne sa kenena dewana dopeina.³¹..³²Nemena kaye wena kenabise tetrote ateyeme,ne tetro draite wete kenabisete deraite ne mena poi beasa? peko tetro-tetro nedraite tetro site kenabisete drane ne tetro nekewa draite kenabisete peko tetrote uami.³³Nenena we tetrote poiye mekeyeme ne tetro wete poiye mekawina,wena poi beasa? peko tetro nemandraite kenabisete kirai/drani³⁴Tetro site sate nemei ikene wena mende mekeyena ne tetro nete da site ipiwe,wena poi biasa? peko tetro-tetro natei nemei atanu peko tetro-tetro pa nemane peko tetro-tetro nekewa nete tereng atonami.³⁵We iembe, tetrote denabisete derenende ne dampa poite kirinde,da nemeiye atumu,wete neke wane ipeinya da nena poi kasopre keu.we mong detere nemei yeibla mang ne tetro-tetrote kenabisete drenu,ne tetro-tetro piambainya atena dombipei nepere da mainya tetropre.³⁶Awa mang kenabisete keu,we nemandraite kenabisete tepende.''(Pekote tanya)³⁷''We tetro tena pekote teipeinya.nemena wete na draite teipei tetrote detena nipeinya.neme ne wete setena iwipei temeye sanumu wete teme sanenawi.³⁸Atamu wete atonawi: ne noupana sa,sa detei tipinani we dampa apa dirini (akonai).tikai yena sa deke we nete tikai yene,ne sa wete nekewa donyai tukanawi.''³⁹Yesus nekewa a aroi-aroi site sanumu,'' dou kepe-kepena tetro dou kepe-kepe nate meka tupunmire do kone otote ei? ne tetro bena mane kani bopa yonei krone.⁴⁰Yau drona ne deteretera keipei tetro kiri-kirinaye deterete kene.⁴¹We wei dokeka nena kese dounate teyene,wena kese doune keuna dou tepei?⁴²Beya mane weye do keka(wekasi) sanunu dekado,'wena kese doune keunate deye baya dote',nemane wena ose dona dou tepei? ho tetro pro-pro wa prei-prei tetro wena ose dourate tena baya dou kenerua.nepere, doute akepu nu wande wekasi kena kase dounate baya dou.''(O nenei iupre)⁴³'' O poi nena yu nepena peko waipei,mane araiti o peko nepena iu poi waipei.⁴⁴Ore iute nemeyumbuku nemane draite.newausye norere bunure ana yute orupei,sasyei nenoi bunure anggar tena orupei.⁴⁵Tetro poi,ne poite baya kru(mekou) nenei mye dekone poite kru(mekou).serainya tetro nenei mye dekore pekote kru(mekou) emburure deyunu na ne kena dua tukanuna.''(Kani dampa waro biserei)⁴⁶'' We beya ate dekewa tariye,' mang,mang a pene tari ye ye de sanawena sa(kembari) we da mekopei?⁴⁷De kewa menena tetro,ne tetro dena ate beteyoi,nemane mekeyoi de wete keye sename ne tetro simbre ne manbei erikroko.⁴⁸Da tetro nemane draite,tetro myeke mekepukena,ne tetro kanite koitere wepuke.apa orute kroupu ne dampa myete mekepuku ne yana bi detere,bume detere mekena ne mye ya mipei briteipei,ne suwete arudampa. merapikina(orudamena tepeu)⁴⁹Ne draite sime dena ate betou,ne tetro tawipei mekopei,ne tetropeda myete kani dampa merepuku,orudampana ani bai.ne yana bi bume meke ne mye baya seraibei buruteka,ne mye metere baya dingkreu puku.''

Chapter 7(Yesus menyembuhkan seorang pelayan perwira)

¹Nemena kaye Yesus tupu tna ate seyiyunu tetro tereng nerone,eupa Kapernaum pake.²Nepena pra tenai nenei kembari tetro besika,nete sema terete kiyouna.nenei kembari tetro sanamu te armatere teteipina noprite.³Pratenai Yesus tna ate betopuku,ne tetro mosrei yarise-yarise Yahudi nekwapa mekai saniyemu nemena nenei kembari tetrote poi mekombine.''⁴me Yesus kwapa mekai mekani sani yani knabise,ate saniyani nearopeinya weknabisete.⁵Ne ene srai te knabisete derenuna ne ena ongkomete meratena posimena nemekou.''⁶Yesus nembre-nembre duakai tikibai krapa na epei tikibai.pra tenai kna mepa,dra tenai nena dronate nete ate saniyani,'' tetro de we bya knate tuka yene de betepre tembipei dopei tetrode dedei mepana ambai.⁷De drati dedei wane tikana demipei we kwapa.nete nate abeite sanimpime,nemena kaye dedei kembari tetro poi orumbine.⁸De debei aterna tetro,dena aneyena smana.deate tetro smana.''te san tenbine dua euw! ne duane,nekwa tetro si drati!', dewa mi. ne dwa mene',bei dedei kembari tetro dasatemi mekoi!', ne kembari te dua mekone.''⁹Yesus nena a seyiyainyate betoupuku,ne tengkeng beite baya sari you.bete sua tetereng neropa sarupuku nete tawkanina ne ate sani yomu,''kna biseda sreinya debetepre tembipeinya ya besikana Israel tetro kna nerore!''¹⁰Tetro sanumpuku nekewa mepa dwa mekai manintembuku kembari tetro poi dua orupuku.(Anak seorang janda di bangkitkan)¹¹Nepere Yesus kainya nenou nena wado nain neneyauna nembre-nembre duakai tetro teren tawkani tembong-tembongne.¹²Ne watoupa menipi dereneyone,tetro tetepukuna diapa dekai mekai yei do.yei besika terna miresoi kena yei,tetro tereng nenoune mire soi te tawkani.¹³Tikibai mang mire soipa tiyouna,kena tupunsuku kna bise,nepere nete ate saniyonu,''dimi tna dimipeinya!''¹⁴Ne beterayepa kena nene mei keyun suku.ne betrapre eraite kena nepene anitembuku.ne ate seyuyonu,teprei sekoyei,''de wete senawe,esuaiyemi!''¹⁵Netetro yuyemuku ane kiyou ate seyuyonu.Yesus nete nenan kwapa tambuku.¹⁶Tetro metere nepene kiyainya endikite dekeyai Awa mang te saniyani ate suyuyonu,''tetro ayeko serai detre mu kiapuku enanerore!''Awa mang nenei smabrune.''¹⁷Nepere akiate seyiyani Yesus tna ate Yudea meterene noune yembi yonu.(Yohanis pembaptis mengutus muridnya kepada Yesus)¹⁸Yohanis ake yate beteyoune nenei yauna kembarite mekeyai.¹⁹Nekari te tetro bisrei nena warore nete sanumpuku mante sirini,'' weyangmina te seyiyani beitetro si nekwate ma?²⁰Tetro biserei Yesus kwapa mekei,ne ate seyiyoni,''Yohanis bu te kre yomna dete saniyomu wete sirina,'' we ne meke bei tetro site nekwa te ma?'''²¹Ne sonina Yesus tetrote poi me kome pekote tikaiyanina,sanamuna,aru peko-peko na.knabisete tetro dou bisenate poi mekyomu. ²²Yesus nena ate saweke,'' newa ei Yohanis te ate ensanende beyesa wetiyanu na prebe teyauna: tetro dou bisena doute tiyai,mendainya oto te wariyai,kekona poi oriyai,bentekei tiapikina poi beteyai.²³Tetrote te poi ariyai tetro wakedanya a poi te saniyomu poitere tetro pete pre kenani driyai detena bayana saripei.''²⁴Yohanis sanumpukuna kainya,nepere Yesus Yohanis tna ate seyiyanu,''beyesa tnate mera bru pa kau? surute aru dua dwa mapununa en tendena?²⁵Bei beyesa tna te ende? tetro mayon tiki nate entende na? tetro mayong piyam banya,bei yereu poi tekanya noudi andwapo kena diane.²⁶Bet nate nepa ende? ayoko serai te dou entende? teprei we te mekam sename,teprei nepe bunane a yeko serai.²⁷Netena ane me raipiki, doute teu: 'de wete santempine tua di endena.de wete nipite wena bekoune.'²⁸De wete mekamsename, nena warore ne nete sengkona mire tetrosi detre tre Yohanis.netenate neku newai man kna dia detere nenarena.''²⁹Tetro tereng nena ate betai nepena drakopri-kopri,tepreinyaman kna newa tedekai kai bute dua keryomu Yohanis.³⁰Farisi tetro tetro ayo-ayo serai man kna yekote baya sariyai nenei watna te-Yohanis kena bukeryomu nate ate dereyani.³¹Yesus ate seyuyonu''beye sane aroi-aroite da tetro-tetro damatna beya sane ne nemanbei?³²Nete aroi-aroi yei-yei anedinai diane dikai ate dua-dua diseyani, de surume kawetna te da mepate we buse tna kopei,de dimi smo tete we dimi dimipei.'³³Yohanis bute keryomna meke,ne pena anipei anggur, bu anisipei we ate seyiyanu ne sekai baru kanina.³⁴Tikibai tetroyei meke,ne sate aniyou bute anu,we ate seyiyanu,' tanuru,nesa yase wakuna,bute anuna yautedera kopri-kopri tetro peko-peko!'³⁵Arupoi,nouternate tetrome seyanina nete dekanina.''(Seorang perempuan berdosa mengurapi Yesus)³⁶Farisi tetro Yesus te tariyou nena mene sate ei ani nate.Yesus farisi tetro kena me pa meke ane meke kiyou sate aniyou.³⁷Nenouna drati miresio esika nepene arambikina mire peko-peko,tikibai ne mire ate betoupuku.Yesus sate nepentarisi tetro kna mene,neme kena ne deko mekena amboi(bu wengkai) yeuna merai perlo dopre.³⁸Di meteneme di miyou nekena esune metosune Yesus, kena oto toune,otote dobudurunu kani-kani ouraipiki nua dekobaya supuku.deperna kaye otote senen buku kaye miny meraite deko diriyonu merai perlo dopre.³⁹Tikibai tetro farisi Yesus pretarumbukuna ne warote tiyonuna,ne ate kena beine dineseyunu,'' ne ayeko sraite tepuna,ne dua arombukunapda simbiyang da tetro bya mane damire dembre keitsukuna ne dua arombuku dapne nemire peko-peko.''⁴⁰Yesus ate nekwapa saniyomu,''Simon,wete ate sante wena,''Simon ate saweke,''santi pime sande.''⁴⁸Ne ate ne mirete saniyonu,''peko nepe dua sukupuke.''⁴⁹Nembre di anekiyainya sate aniyainya kena beine mendote mekyani dasi mikeu,nena peko pre baya sukupuku?⁵⁰Yesus nemirete ate saniyono,''wena kna bisete piyena dambre wetepoi mekoupuku,dua euw poi dua euw.''⁴⁴Ne buru suku ne mire kwapa,ne ate Simon weda mirete tiyene? de wena meyeupate,we dete butna itipeide otote sikitena,nedena otote dobu kanupuku nena nua sutupuku.⁴⁵Wedetena senenipei,wapne eupa mekana otote nou beine seneitu bayana tembipei.⁴⁶We dena tenai tna mray sawipei,nedena otote mray sawupuku mray perlo dopre.⁴⁷Nete nate wete sename, peko kasopre mekyouna baya dua sukupuku.ne kna bisete kasopre tepiyouna.''⁴⁸Ne ate ne mirete saniyonu,''peko nepe dua sukupuke.''⁴⁹Nembre di anekiyainya sate aniyainya kena beine mendote mekyani dasi mikeu,nena peko pre baya sukupuku?⁵⁰Yesus nemirete ate saniyono,''wena kna bisete piyena dambre wetepoi mekoupuku,dua euw poi dua euw.''

Chapter 8(Perempuan-perempuan yang menolong Yesus)

¹Tiki banya kaye ,Yesus otete wariyou yembi yonu noru-noru Yore-yore ate saniyomu a snate man kna dia.mekabi atosu Nabi yauna nembre-nembre,²Nedrati tetro mosrei mirene poi mekombuku aru srainya bei sanumu sisi .Maria anende wai nina Makdalena aru serainya mekasu sunabi nete baya tikensuku.³Yohana,khuza kna mire ,Herodes kna sensmana,Susana nepere tereng dopre mire sisi mire-mire si kaye kembarite dorong nenenei dra a.(Perumpamaan tentang seorang penabur)⁴Nemenakaye tetro tereng drone-drone mekai,nemena tetro-tetro yore-yore nebeipa koprumbuku nenei wate Yesus kwapa ne a aroi-aroi te areko:⁵''Tetrosi sanate ken tekre yomu.ne sonine tekre yomuna,sana mane erumbuku nipi yepa,tetro ototitawiyai,awebunane yepai aniyai ambai oriyai.⁶Posioyainya kani oruperna dampa,bari yai ne kwa dua aikrapuku nena kani buambai.⁷Posi drati yoyaina newause seposye baryainya nembre-nembre bariyai nebei patawiyai duwa hai krapuku.⁸Posi yoyainya kani poipa yoyai sobari yai yupre-yupre mekabi treng-treng sote-sote deryani,''nemnakaye ate seyuyonu Yesus seyunu,''simi bentenkei perna ate betone!''⁹Nena yauna nete ate siryami,bemna a aroi-aroite.¹⁰Ne ate mekopuku,''wetna arute ikawe arombuke yenedi man kna dia,nete nate tetro,'tetro si tna da a aroi-aroi mane nete nate ya besika tembunu,ne doutepeinya,bentekei di betai,nemendoye popeinya.'''(Penjelasan Yesus tentang perumpamaan benih)¹¹Da a aroi-aroi nena yeko:''sana tekre yena nepene asna.¹²Nipi yepa yowainya nepne tetro ate bete yainya.nemnakaye mase meke dua mu atopuku,asnate nena kna re,nemnakaye betepre tepereinya poi damba.¹³Posi wapene apa kani oru-oru ne tetro ne duanya betopukna asna,dekona karite dere yonu ne yengso tna tetopei,ne tepreinyate daite bete eu ne tikanena ate derene.¹⁴Apa eupa sa sye neropa nepene tetro ate beteyainya asna eune de youna nemenena nete nebeipa tawnai pine kena yasu-yasu dra kasopre yereuw poite tikanu,ne penaabete pre ayu mane yu suwe-suwe.¹⁵Kani poipa yoyainya ne tetro asnate beteyouna knapa poi eruku kiyapana dia yu teme poi.''(perlihatkan cahayamu)¹⁶''Tetro si sinte sakon nakaye ambou pereuw teke bei di yuku arwa brupa sesuku,nete sesukuna bunapa sing oto.nepnakaye meterna tetro eupa menerone di kanya kiyate tenani.¹⁷Betepre simena yepana sesipei betepre ruiyapana sesipei,betepre ambai tere yena a betepre aroipei ne ate ternai.¹⁸Nete nate tiyena wena wa beteye.nete nate simi kenena,nekwapana inina,simi nena ambai,neperna ne dua orune,neye neine tikanu na nenei beine.''(Keluarga Yesus yang sesungguhnya)¹⁹Nawa preneka bra-bra Yesus kwapa mekai,nene kwapana e pei tetro tereng dopre.²⁰Tetro nete sani yani,''wena nawapre weka bra-bra pre dia sune wete tenawi nate.''²¹Ne ate saweke,dena nawapre deka bra-bra ne asna te betai wane kirainya.''(Yesus menghentikan angin ribut)²²Ya besikana kaye Yesus iyeupa yeruku nembre-nembre nenei yaunapre ate seyiyanu dewame dopre si sman sini dise a pama muse di sua''nepere ite sisansiki.²³Neperna kaye ne nau nerote mekai Yesus yukute tenou tiki banyakaye aru neke sekupuku businiyou.bui yeupa durune peko nerone.²⁴Nenei yauna mekainya kaye nete yekransiki,ate saniyani,''Sande,sande,e peko nerone!''ne yemuku,aru pre bupre titiyoete sanumpuku an eke arupre bupreteme keikiyoi dukrute metere.²⁵Nete ate sani yomu wena tepreinya mopa krapuku nepere endikite dekeyaite,''nekengte mekeyai,ate seyiyani tetrosi site sanunu,''simi datetro abeite yeng nane aru pre bupre nena ate tawkani,''(Seorang Gerasa di bebaskan dari roh jahat)²⁶Daripa kainya Yesus nena yauna kani tetro Gerasa, nenouw di sune Galilea.²⁷Yesus bunapa dari dampa yeruku,nepa meke na tetro do yasirna nekwapa meke.ne tetro sekai dua baru kanina netiki tere mayong titipei meye una kepei nekeuna bu ra damne.²⁸Ne doute tiyou Yesus,ne ate napyau apa ne na betoupa erumbuku ate armatere napiyou,''byamna pot nate Awa mang nenei yei yupu beinya? dewete senawe,wedetena pekotena mekopeinya!''²⁹Ne ateneman seyu youna Yesus aru peko-pekote ne tetro kena warebaya tikensuku.ya bei-bei ne aru sasene aresisine nete sema te keinya,netesa bekapiki,netaye ne sate baya tiyepuku ne mase nete peryou nu tetro banya noupa dekonke.³⁰Yesus nete siriyonu,''wena wado simbiyang? ate saweke Legion''mase kasopre nena wapa siraw kani.³¹Mase nenei ate Yesuste sani yonu wede tena merasi pana santipeinya.³²di pna dimoko damne,nema se-mase Yesuste saniyani.ne imbine,ne euwpa opokene wabrupanai.³³Nepernakaye mase kiapa tentarniyai opo kena wabrupakai,opo tentani yai tuture apa yoyainau pa wakebai oriyai.³⁴Opo semate kiyainya tiya minakaye nemane mekopuku nenawiyai etekan seyiyani ne noune yore-yore nenouwne.³⁵Tetro-tetro mekainya kaye tiyamina beyesa mekopuku.ne Yesus kena wayepa mekai,ne tetrote tiyani masene na wabu rere baya duakai netetro Yesus kena oto-otouna kiyou,ne mayong tedua tutupuku mendo poi dua orupuku.nepere ne endikite dekayai.³⁶Tetro-tetro nenei doune tiyainya beyamane ne tetro mase siyaipikna poi dua arupuku.³⁷Nepene noune kanya tetro Gerasa dani yani Yesuste saniyani nete neme tanempine nepene kenai ne endiki peko tere.tetikayani,ne iyeupa sakkone nekwa duakai.³⁸Tetro masepre tiken sukuna daniyonu wesi yimbime dewambre-wembre.Yesus saniyonu we dua ei ate seyi mbime de wembre-wembre,Yesus saniyonu we dua ei ate seyoyonu,''³⁹''Wei mepa dua euw ate enseyunu Awaman nena yeko wena dampa mekyoi,''netetro kenakaye nenoute yembiyonu akiyate seyiyonu byesa Yesus meke youw nenei wapana.(Anak Yairus dibangkitkan dan seorang perempuan disembuhkan)⁴⁰Yesus nepere buru suku,tetro kasopre mekapa dekani ne metere ne tetiyai.⁴¹Nepere mekenate trosi besikana nena wado Yairus-ongko metenai, nekiyou apa dusung kroke bekoune Yesus, kna ototoune ate saniyoune Yesus wedena mepe mime.⁴²Dena yei mire bei-beinya nenai mai mekabi oto sunabi,dua tetenbi na noprite-nipi nerote manin wrai nepanate Yesus ne bene-bebeine sisi yai tetro tereng dopre.⁴³tetro mire besika nena bai mekabi oto sunabi ne mori-morite meke you tetrosi betepre poinya mekopei.⁴⁴Nebekou pa Yesus kwapa meto sure mayong tupu beite tepi youna tiki bai mori-mori dua entembuku.⁴⁵Netaye Yesus ate mekopuku,''simi dena wate simberu tupuku?'' si betepre asa wipei,Petrus,''tetrode tetro tereng wete di ni nau piki nebure wete!''⁴⁶Yesus atemekopuku,''tetrosi dete dasimberutpuku.di tikanena aru dena ware kiyapa da kena.''⁴⁷Tikibai nemire tiyonuna,nena kembari mekyouna dua arambiki.nemeke wanemei titeyai,apa dusun kroke nena bekoune neate tetro tereng nerone seyiyonu beyemna pot nate nena mayong pa demekate aweka tiki bai depai dua orupuka.⁴⁸Ne mirete ate saniyonu,''teprei dena yei,tepreinyate wei kenane saweke satnate wete poi mekopuku,poi duwa euw.''⁴⁹Yesus nepene ate neme seyunu,tetro si nenei tenai ongko merna ate mekopuku,''deyei dua tetepuku.betepre dete pekote-pekote mekeyemme sande.''⁵⁰Yesus betepuku Yairuste ate saniyonu,''endiki tna dekopeinya.tepreinyate sawu,nepre wena yei poi orunbina n,''⁵¹Yairus kenamepa kena,Yesus tetrosi pre betepre tetrosi tawitipeinya eupa dembre-dembre Petrus wai,Yohanis,Yakobus nai neyei nenan.⁵²Tetro meye dimite dimiyai,neyei tena.nemenakaye Yesus ate mekopuku,''dimitna dimipenya,nete teipei neyukute tenouw.⁵³Nedete diyai ne arambiki na neyei no dua.⁵⁴Nepene Yesus ne yei kna mekate tepi you ate saweke,ate seyiyunu,''teprei yeine wai esuaiyemime!''⁵⁵Netaye tiki bainya kaye aru nekwa tiki banya kaye esua yemuku esune iki tepeyou sate aniyou.⁵⁶Nepre akyai nenei awa,nawa,Yesus ate dereyonu dayo da mekopukana sisi tna saninipeinya.

Chapter 9(Yesus sani yommu mekabi oto sunabi)

¹Nepere, Yesus tarumpuku mekabi sunabi yaunaterene,nepere wakete yekote ikimme nepere neyeko dambere mase-mase dekonami peko-pekote poi mekoneme ne dambre mase-mase deko nami pekote poi mekoneme²Nete saniyommu ende enseyinde Awa knayo tetrote poi mekomuna.³Ne ate nete saniyommu,''sa sisitna oripenya nipi nerote warmana katetna dopeinya satna dopei pena pre ongdung,bei mayong po bisrei.⁴Nemenate wete ate kami nemeyeuwne kau kiyauw,nepene neme kende nepere otote dua endena.⁵Ne nouwna tetrosi wete a tompeinya,nenowre baya ende ai oto nekanyate apa tekrende nepere wande mendote mekonai.''⁶Ne otote duakanya kaye nenouwte yembiyani yore-yore wari ate sani yami sanamuna tetrote poi mekeyami di nouw sisire.(Andwa pona pre Yesus)⁷Andwapona nenouwte tepuna,betoupuku kembarite nena nouwne di mekeyai neme nakaye dekenate tikayonnu nepere tetrosi saniyani nepene Yohanis dua yemuku nekarore tetro souwna nerore,⁸Simekai seyiyaninya ne Elia nekwa dwa mekena,sidrati seiyainya nepene tetro serai dede yang sina nekwa ya yemuku.⁹Mopena andwaponate seyuyonu,''Yohanis baya dua propuka tenai terene-singte mekauw seyauwne,yauw waru da kembarite mekai-mekai?'' nete nate wake te teteite nembere beteta Yesus.(Makanan untuk lima ribu orang)¹⁰Nekwa dwa bira sikna kaye yauna mekai ate meka inseiyani nena kembari kai mekeyainya neperna kaye Yesus atkomna kaye nepere nouw sua kai nena wadote Betsaida nemena kaye nebeitere nepene Yesus.¹¹Nemna kaye, tetro teren ariyainya kaye.neperna, kaye nete dua tawkani ne atkomme(dwame) ate santeme we nime indna Awa knayo tetro te poi mikamina wenete nouwtre-nouwntre poi orupunu(deyupunu)¹²Ne sonin ya deko denan ba orku reuw mekainya mekabi oto sunabi nekwapa mekai ate seyiyani,sanimpime tetro tereng nepere baya ari,nemena kaye emana nouwre,nouwre-nouwre nepene mayore-yore dayene nouwte ure ma nepene makene makaye sateh,da nouwne da nouwna nouwa yekai kate.¹³Nemena kaye ate saniyommu,''wewera tere nete sate atomdene ate mekapiki de dapena detre ambai dapna pena mekasu preka deme biserei,nemena kaye dua ma nai sate ma orune depen mekai kainya tetro tereng dopre,''¹⁴Nemena dapene dani menyatna mekasu terem-terem tetro doye-doye nete natene ate yauna te saniyomu,''senampunu nouwne ane derone now ne ane kenai,doa bi tetro derone-derone.''¹⁵Yauna nete mekeyainya kaye sani yami da tetro tereng ane kende.¹⁶Nepere ne euwdo kena meka subei pre ka biserei,ne bunapa mapati youmu nenei yaunate sani yommu dape tetro teren.¹⁷Metere oriyai aniyai kemeyai nemena kaye nekwa kopriyani pena po-potena yainya nena tereng mekabi oto suna biwengkai.(Sau youw petrus)¹⁸Ya besika kiyainya Yesus kembarite kemekeko nebei tere,nena yauna mekainya kaye.nemna kaye nete sirkemme,''di tetro tereng siramina simi demeka kah?'' ate sawiyai,Elia sudrati mekan seiyani na,nepene tetro serai dede yangsina nekwa ya yemuku,''¹⁹Ate sawiyai,''Yohanis bute kreyomna,sidrati mekainseyani,Elia sidrati mekan seiyanina nepene tetro serai dede yang sina nekwa ya yemuku.''²⁰Yesus nete siriyommu,''wenane tikanuna simide meka tepana?'' Petrus ate saweke poi Awaknarna.''²¹Nemena kaye Yesus armatere dua titauwyommu ,nemna wetepre seyinpenya yeko sisitna sanimpenya.(Akurung metena setetikanena Yesus yekote nete tawman nena)²²Nemena kaye Yesus ate seyuyonu.''dayei tetro nemena sate dopre bisi-bisi wasi-wasi tikayonu nete baya sariyai yarise-yarise,Awa-awa mane kiyai,mendona-mendona yekote nete tewapiki ne esua yemina yamine.''²³Nena ah nete metere saniyommu,''wei beine tetro tawtendena dete,tawipenya wei dam beine.²⁴Nemena kaye simi ye poite wanuru te mekonena,neye karun bine kanuru.nemenate simiye karumbine wanuru de sat sate,neye poite mekotembine.²⁵Byemna potnate tetro bei done metere dayoda mena kaye ne pekote mekombine bei nenei watere?²⁶Nemena kaye simi yang paita burete tikanuna de sat sate nemena ah sei yanna dena,yei tetro drati paita bure nepena tetro sih nete nate ne nekwa dwa eupa nenei detrene Awa nenei tenten prena poi.²⁷De ate wete sename,nouwtre-nouwtrena da nerone tetro dapne mekau kauna si betepre teteipei maninne douwtepei Awakna nouw,''(Yesus bersama Musa dan Elia)²⁸Nime yauna kaye ya mekasu suna namin naya wande metere kuru yommu,wariyei atkomme Petrus,Yohanes,pre.²⁹Nepena kaye meko damba iki nekaye ne mendote ken mekyouw nena bebisi bete mane nena mayong kreuw-kreuw meya-meya mane.³⁰Nepena kaye nena bene tetro bi srei mekei tepei ate nembre seiyani.nemena Musapre Elia.³¹Ne bi mekeinya kaye wate mikiripiki euwne kireuw-kireuwpre ate mekein seiyoni ne otote dua nenatna ne kmenepina Yerusalemne.³²Merase Neme Petrus nenei yauna yukute nemeteneyai,tiki bai neye esuwa ya ye mukuna kaye douw tekan tiani Yesus nenei kireuw-kireupre meketepeuw tetro bisrei nena wayene.³³Nemena kaye tetro bisrei nete baya ambin nate Yesus,Petrus ate nekwapa ken kene,''tetrode teprei piyambaitre danouwne mekate metere mekat kate.teprei emetere merema nepereinamin mete besika wetna,besika Musa tna,si besika drati Elia tna nemena kaye Petrus dimeyipei beya sate seyununa.³⁴Merase manim ate damane mekainya mangko preuwtekenete,nemenakaye ne euwpa kainya kaye mangko yeuwpa endikite nedeke keyai.³⁵Nemena kaye bete yainya kaye akurung nemangko burure seyuyonu,'' da dedei yeite erupukana nete beton dena.''³⁶Nemenakaye kurungte beyatena kaye neperna tiante Yesus nebei tere kiyouw,neperna kaye nena yauna apa suram biki.nepernakaye nesi mena nesyeinya neseinpenya betepre sisi tna sani penya beye mane dipine di tianina.(Seorang anak laki-laki di bebaskan dari roh jahat)³⁷Wa peyate menainya metere apa meko dambre apa menaiyonsine mekai tetro tereng dopre derongne-derongne tiyane wariyai.³⁸Tetro si tetro tereng nerore ate mekopuku seyuyonu tetrode dedusu kroka seyana we suateuw dena yei,ne dena yei bei-beinya.³⁹Nekena mene kene mene aru nena brupa,neperna kaye ate ketertitipine nemena kaye embrure mangkeng kiyapa menai aru nouwne nete peko te nouwne tepene netela baya ambi peinya.⁴⁰Neme nate wete mekauw senawte,wena yauw nate sani yamme weda aru te baya tikemsuru netiken sipei.''⁴¹Nemena kaye ate Yesus,''mekopuku wemendo tepnainya mekoni penya tyai kroke serai tiki drati de wembre wena nerone kete merase tetem kete? dwa yeite donimi!''⁴²Nemenakaye yei newai wayepa meke Yesus sekai nete apa sasu puku kani dampa nakaye nete tipiyonu,nemenakaye Yesus sani yomu aru peko armatere poite mekombuku neyeite tamuku nai kwapa.(Yesus membicarakan kematiaNYA)⁴³Nepre dekyami tetro metere Awakna detere,nemenakaye nepene tepeyainya tre-tre oriyai,Yesus nenei yauwnate sani yommu,⁴⁴''Bentekeite betonde mendote poimekande dena da ah seyanena: tetro yeite tetro yei tena meka damba tanambine.''⁴⁵Ne mendo poinya mekonipei nena ah seyi yau nuna,nemna nena yeko yeterene narumbuku ne damte.nemenakaye nenimeipei aroipei,nemenakaye ne armapei,nete siri nai nena ah seyuyouwna beye mane nete saniyouwna beye mane nete sani youwmu.(Siapakah yang terutama?)⁴⁶Nemenakaye, bebeite titiyai nenei yauw nerone dere yani Yesus nepenakaye simi yang detre ena nerone.⁴⁷Nemenakaye sah yei Yesus duwa nimei yumpuku nena mendo,nemenakaye neye yei newaite deko menena wayepa tambuku.⁴⁸Nete sani yowmu simi dayei ne waite meka pa poi donena,''neye dete sanutupuku,nemenakaye nanken trenewai wena nerone metere,neyang detretere.(Pihak yang sama)⁴⁹Yohanis ate mekopuku,''tetrode detianena tetrosi wena wadone masetetiken suku nemenakaye denete ketambikite da tetro embrena wari penya''.⁵⁰Yesus ate nete saniyowmu,''wenetena ketembipenya,simi wembrena ah dreni penya ne wena sune waruna.''(Yesus ditolak di Samaria)⁵¹Nemenakaye sonin watouwpa nouw pirian muna Yesuste bunapa Sorga panate,nekenti youwna Yerusalem suapa ditiyouw.⁵²Ne sani yomu mosrei krumpuku tua dua kai nena nerore.ne duakainya kaye,nepere yosipakai Samaria tetro nemina tnate kembarite mekeyai.⁵³Nemenakaye tetro-tetro Samaria si nete ate dereyani,baya sariyai nenanipi neme Yerusalempa nate.⁵⁴Nemenakaye nenei yauna biserei nena wado Yakobuspre Yohanis,newaro kenapa, yonsine manore nete pekote mekonemena?''⁵⁵Neapa burusuku nete apreyomu.⁵⁶Yo sipa nekoa duakai.(Tantangan bagi pengikut Yesus)⁵⁷Nepernakaye Yesus nenei yaunate atkomme neme nipite nouw ne duakai,ah te tetrosi nipi nerone seyuyonu Yesus,''dewete tawtewe momna nouwpa euwna de wembre-wembre.''⁵⁸Yesus ate nete sani yomu,''serigala nenei buru perna.awe nenei nah perna,nemnakaye tetroyei nouw ambai nenei tenaite sensina.''⁵⁹Nemenakaye ne tetro site nekwa sani yomu,''dete tawutu ne tetro ate mekopuku.''santewpine detena tua di dedei Awate perteme.''⁶⁰Nete nate, Yesus nete ate saniyonu,''nepene tetro tete nepene pernaina tetro tete,nemna we dua euw,akiate enseyunu man kna dianoru non.''⁶¹Si tetro si drati ate seyi yani,''de wetetaw tewe,mande wete santewe.dena mena tetero te tua sanimpiriye,''⁶²Nete nate Yesus ate saniyonu,''simi yang kenare keteng krone da kembarite mekonena nemnate meto nekwa birinsina peko terete tikan nena awaman kna serai tna dopei.''

Chapter 10(Yesus mengutus tujuh puluh murid)

¹Nemna kaye man kurumpuku meka su suna bai tren-tren,yauna site saniyomu nete sanumpuku we bi-bi tua endena nouw moi-moi nene na nou.²Nena a etnate saniyommu.''tekram nena da tereng dopre,nena kembarite me koinya da serei bete.nemenate saninme depne man nenei tekreyomna,nemena neneite same nempine kembarite-kembarite mekainya tekre namina.''³'' Newa endena tepreinyate de wete santempine ende domba mane serigala nerone.⁴Betepre ondung tna atou pei epeinya,sapre oto ere,ne betepre imipeinya poi simi-simi nipi nerote da warma.⁵We euwpa mesipa endena,atna tua mekombinde poi man knate dame dapa kopa inime.'⁶Neme nate nepena tetro tenami ato mina pooi man kna poi,neme tna ambainya pooi wapne meko pukena wekwapa nekwa dwa birinsine.⁷Nouwne neme ne nouw ne keuw.sa pre bupre ato nawina tetro dua anu,we kembarite mekeyena tetro wetna sah dua ina wina.betepre mesisi pana epeinya.⁸Nepna drati we euwpa yo besikane atonamina,sah te anendena beate kronainya wekwapa.⁹Nepene poite mekonde tetro tetro sanamuna nepenekainya,nete nemde serai moina man kenare watouwpa dewa muna,ekwapa mun.'¹⁰Nepere, we eupupa euw terpa si besika nouw ne we nepena atompei nepene,dua ende nipi derene nouw ne nepene napende,¹¹'Nepene ai neyone nepene tikepuku wena otopa tikepuku.tekram tena nena bekounu,ne menate ni meyumpuke: serai man wande wa touwpa.'¹²Dewete santeme: neprei dayane so dom nepna-pna mane nena kembari di pna yo drati.''(Peringatan bagi yang menolak Yesus)¹³Peko orupunu we Khorazim! peko orupunu we Betsaida! nemnakaye Tiruspre Sidon, mekopuku yekote-yekote nemena kaye ne manne mekopuku e ena nerone tiki dopre nemnakaye poi oriyainya kaye yaute kiyai.¹⁴Nemena kaye, tupu tna soning yaute kapiki,sete kenkaini Tiruspre Sidon we bunapa pena-pena tre pna punu nemna tena wena dampa sete kenkani.¹⁵Nemna we kaper naum,beya mane wete bunapa kenawi? ambai,we atrepe me tere dayo dam tetro tete!¹⁶Simi wete beto nawina, simi yang wete baya sarnawina.ne baya sarene dete,ne drati simi,yang dete sare nena.simi baya sare nena man dete santupuku na dee.''(Setan setan tunduk terhadap pengikut Yesus)¹⁷Neme mena kaye mekasu sunabi tren-tren yauna birasiki kari-kari pre ate seyiyani,''detianna man neperna mase-mase drati deke yami eme tere nena wadotan satenate.''¹⁸Nemna kaye ate Yesus nete sani yommu,''de tianna mase emrumbuku meyare serorena mane.¹⁹Teprei tere de dua ikame kuasa wete ikamme,nepere tita wembine waripre wapedepa nepere kuasate ikeme nouwne wake peko.nemna drati simena wetena peko tna mekopenya.²⁰Nemna, drati betepre kna kari tna derinipenya neperna kaye aru-aru ne deko nai, wete dekonai nemena kaye karite derenu wena wadote meinai pine yowari snane.''(Yesus berdoa kepada Bapa)²¹Na sonina kaye drati karite dere yonu wariyei euwna ayo mirene drati ate seyuyanu,'depoi tawe te sename Awa, man sro pre dayo damna,nemkaye meyena mane(metere) weyepa narumbukewaru tetro piyambainya mendo na tetro.nemnakaye, wekiya seyiyena me tere tetro neku dro-drouw teprei Awa,nepet yang nimeyumpunu.²²Metere de nabeipa dua atkaite dedei Awa knare nepere te trosi pe be tepre arowpei simeye niye puku Awa.nepere simi yang Awa, te nimeyumbuku yei pre tetro nembrena yei akiate seyi yena.''²³Neperna, kaye buru suku Yesus nenei yaunate moi tere nepene ate seyiyonu,''piyambai tere douw tere tiye nena beasa weti ye nena,²⁴Nete nate dewete sename terena ayo ko srai ye ond wapona kenate tikayonu douwti yonu nemena ambai tere wetiyene,ne kna terere betone beye sane we betauw,nemena betepre bete yauw.''(Orang samaria yang berbelas kasih)²⁵Neya besikana kaye nepene tepe youwna tetrosi ayo nepene nete tikanina te Yesus,ate mekopuku,''tetrode,beasa tere demekote nete dote yereuw ne mena beite?''²⁶Ate saweke Yesus nekwapa,''beasate merepuku eune yeko sna? beya sate we bepuke dipine?''²⁷Ne tetro ate saweke,''kna bisete man,wei Awa wei kna terere,weipi doke,wei wake terere,wei kreuw do kore.kna bisete metere wei tetro tnate,nemena wei watna drati.''²⁸Ate Yesus nete saniyomu,''a nete saweke na nouw tere.kembari tena nemane mekow,nepena weyereuwte keuw.''²⁹Nete nate nenei wate noru nate dere yonu ne tetro ate seyiyonu Yesus,'' ne simi dedei tetro?''³⁰Ate saweke Yesus,''ne tetro si besika mu yosuku Yerusalemre Yerikho,ne apa erumbuku bisi tetro kena meka damba nepe beinya ambai bisi tetro ambai-ambai tere,nemena drati meka peneyainya drati wande ne dua kai nete neme tambikina no noprite.³¹Nebei tere nepena tetro besika tenai mena muyesuku nenipire mekena kaye.netiyonu tetro di,nemena kaye ne sarupuku nipi sure.³²Neperna drati detro besika Lewi, meke ne nouw pa meke,nepere ne tetro tetiyonu ne sarupuku nipi sua dratipa sarupuku.³³Neman drati mekena tetro sibesi Samaria nenipi nerote warke muna.nepanate muna,nepere ne tetro tetiyonuna,kenare tupung suku kna bisete dereyonu.³⁴Nena wayepa kena kaye danuyouw,kekoute danuyou.wande nakaye duru yommu minyakpre anggur,neperna kaye nebunapa tetro te ne bunapa keledai deko mekena damba tambuku dekonke di nouw tetro pre tam werainya nouw,nepene nete poi mekonai.³⁵Wape tna yana ne inimna bisrei dinar nepna nenouwna ate saniyomu,' poi nete mekonbunu wena teuwna dere mane teuwna demete nekwa itiwena,ne de nekwa dwa metena.'''³⁶Simi nekarore di tetro namin,nena mendona beyamane ene tetro bei dakate di wapena di tetro erumbukuna bisi tetro kna meka damba?''³⁷Ate saweke ne tetro,''tetro nenei poite kirine na kna bisete meke youwna.''ate Yesus saniyomu,'' ende,kembari ne mane e mekonde.''(Maria dan Marta)³⁸Nemna kaye Yesus nenei yauwna te nipi nerote waryai,ayeko neyo si pakai mire si besika nena wado Marta at komme nepakai.³⁹Mire nenei mire keka perna nena wado Maria Maria anekeuw watouwne man kna oto touwne nouwne betouwnu ate seyunu nate.⁴⁰Nemna Marta kembari doprete at yommu.ne watouwpa Yesus ate seyuyonu,'' man,wede tna kna derenipei,ane damire keka debeite tatupuku kembari te debei tre meka? sanimbime dembere meka-meka meko tere!''⁴¹Man ate saweke,'' Marta,Marta, nemena tna tiknipenya wei wate pekote mekeyene sayesi teren-teren.⁴²Sepere ne besika tere.Maria neine nimeyumbuku waro poite,ne waro si betepre douwpenya.''

Chapter 11(Ate sanemana yeko)

¹Ya besikana kaye,nouw besikane wariyei mendote ken mekoyonu berdoa neper nakai nemendote mekoyonate euw teteupuku,tetero besika nenei you nerorena ate sanune,''man dete mendo karote kirinipime Yohanes yaunate kirumuna mane.''²Wariyei ate saweke nete sanumu,''nepetenate mendo karote mekondena,atena damanda seinde Awa,wena wado beite ourawete wena sraite doumume.³Da yana sa betete nenei srei iniyumu,⁴Dena niskorna mehate nate kena bisete sesune,nemane de tetero kena peko mekainyate kena bisete dranete dete wepa mina neropa ataumu euperna.'''(Mintalah,carilah dan ketuklah)⁵Neperna kai neye nete aye sanumu,''tetero besika wena nerore denen serepa wewei dokeka kena miepane nepere nete ne saneme dayei oute namin sere nemei atotime,⁶Nepete tetero besika dedei dokeka nipi nerote muna dena miere mene neper deye netetena sa mena nederati inimpei.'⁷Nemena tena neyei mie eyune ne keuna ate seine,'we detena wapitepeinya mempi nepete dua dinapikiti deye yei durou pre yukute dua atenopikiti nekewa esuana yemipei doke katena sate na imimpei.'⁸Deye ate wete sename beya mane neye esuana yi yemipei sa tena netena ininpei nepene nenei dekado,nena wa warena paca bure banya pene,ne ini yemine beya satena seyannu na imim napene.⁹Nepetenate deye ate wete sename,ate sanunnu,wetena dua inimina wirendena we dewa tenendena bapun natna menipi ne kurabei wetena te tunai sini.¹⁰Nepetenate tetero bebei danenna.dua tetena nepere tetero simiye urenena,dua do nena nepene tetero simiye bapene na tena netena menipi bayatinai sini.¹¹Awa beyamane ena nerore yei newaiye wete kate wenare dane nena nete yununna warite ka mane orimbina kai nete yunune?¹²Bei neye awe donte dane newe nepernakai nete yununna papei depanate yununu?¹³Netenate we meye aremapre deran nuna arambuku pepoite wei yei kewa e atomde,beya mane derati Awa man yo wari sna keuna neye ayomire tanembine mene we senanuna mang kenare wete nate mene.''(Wariyei pre Beelzebul)¹⁴Ya besikaye wariyei tetero a banya kena ware masete baya sekumbuku.nepernakai mase baya ke a banya tetero a bete bete seyonnu nepena tetero terem tere tere oriyai.¹⁵Nemena kai nena nerore siye ate seyonu,''ne di masete baya sekumbukuna Beelzebul nena wakere,mase detere.''¹⁶Si nederati nete saniani yo wari senarena yekote kirimbinyate sani yani nete wapiayani.¹⁷Nemenakai wariyei nena mendote dua arambuku nete ate sanuyomu,''di yo sena dia bete bete poitere nutunaipini peko orunaipini,mie deko bebeinya nenderati bete bete poitere nutunaipini nepere apa oronai rene.¹⁸Nemenatena mase derati wasinaipini nenei wate wasi wasi titinai,beyamane di yosena dia neme kene?nepete nate we apere siyamuna deye da masete baya sekumbukana Beelzebul kena aru yekore.¹⁹Nemenatena wasete baya sekumbukana Beelzebul kena aru wakene,beya aru wakene wete tawekai werainya tikensiki?nemenatena neye menai ate tiyeinya tetero mane we dampa.²⁰Nepetenate deye masete seketembini tepereinya Awa mang kena aru wakene,nemenatena Awa mang kena yosena wari dia dua mene we dampa.²¹Nemena kai tetero besika wakena pe nate dinimbini nenei miete semate kene nemena nena sayeisi poi tere.²²Neper derati tetero si wake doperena embere erikeropeinya titining disinime nemena kai ne tetero ena prate baya orumbini.²³Simi ye demberena nembeinya ambainya ne dembere dera nena simiye nembeipa dembere,nepe neye moi moi.''(Aru peko nekewa dua minyate)²⁴''Nemena aru peko tetero yei kena ware baya ne ne warena yembine na nou nou aya damne ne tontene nepere ne doupeinya ne ate seyinne de nekewa dua te mie tembukanapa dite.'²⁵Nepere ne dewake ne miete eu tekenne mro mro dua kerambiki teme keraipiki.²⁶Nenoure neye diapake meka su suna biprena aru pekosi arema doprena orute nembere eri keropeinya nepere ne eyupa mekai yekai nepenne mai oraipiki nemenakai ne tetero kena wake kiyouna nare nare terete yansina mane.''(Simiye kena temena)²⁷Nepenne wariyei ate neme seyunu,tetero terem nerore mire besika nete sanunu,''piyambai tena temena nawa yeite dekona wete senkona wete konte atiyou.''²⁸Nepere neye ate seyunu,''ne piyambanya keuna tena neye Awa man kena a warite betonai nepere semate kenai.''(Yunus kena yeko)²⁹Nepere tetero teren nete dinambiki wariyei ate seyunu,''da yauna mauna serai doprena yauna;weye yekote tembinyate,wetena yekotena betepre imimpeinya sikeuna Nabi Yunus kena yekote.³⁰Nepre Yunus Niniwe teteropa mekoupukuna yeko waro nemane derati tetero yei yeko warote da yauna tena.³¹''Tuputena yana soninpa nena,warepo mire dari surure ini yemine da yaunapre nebenni neye pekote mekone nepetenate da warepo mire da yo damre tupure mene Salomo kena,aseyunate mene beto nena dapen ne da kanya Salomoprena bunan ne tene kanya.³²Sonin tuputena yapa mekona niniwe tetero-tetero ate sawenai dua burunai ate betonai Yunus ate seinani nepetenate dapene da kanya yumurprena bunan ne trene kanya.(Sin kiya da watena)³³''Tetero simi ye sinte sakokone erembuku mie kiri burupa sesuku kepa-kepa prembuku,nenei sin oto dampa di senensimi nepere tetero meyena mane eyupa manya kiyate tenani.³⁴Dou keuna sin kiya da watena,nepetenate dou poi tere da watena meye namane ne kiyane,nepere dou pekote teuna da wa a kepe-kepete nenai orimbini.³⁵Nepetenate tenunna kai kiya ne keuna neye a kepe-kepe orimbini prena.³⁶Nepere we wa meyena mane kiyane erembini a kepe-kepepo nenderati ambai meyena mane kiyane orimbini,wete sin kiya orembinya mane.''(Wariyei farisi teteropre ayo aseraipre a saniyomu masiyomue)³⁷Nepene wariyei kirimpukuna kai,Farisi tetero nete dekone nena mene sate amnyate,nepere ne mie eyupa ne dua ke,ane ke kiyou sate ke anuyou.³⁸Farisi tetero nemena yekote tiyonnu tere-tere oriyoi nepena wariyei sa anipeinya na mekatena sikipei.³⁹Nemenakai man nete ate sanumu,''we Farisi tetero-tetero,we mero merote cawan teu baisu pre yeke supre mekeyene,nena eyusu keuna kemepukuna pekopre napre bisinapre.⁴⁰We da mendo banya tetero pro-pro!nemena baisu pene neye mekombukuna neye nenderati eyu sutuna neye mekombuku?⁴¹Nemena tena,yute dua yumuna nyare mane kena mero-merore meyenamane sikinaipini mero mero tere wetena.⁴²Nemenakai we peko orimbidi we Farisi tetero-tetero ne we mekau mekoupukuna sepersepuluhan nepe selasih,inggu neper orong bisi-bisi nepete we man kena kena bise poi we neme tambuku.siti we dewa mekonde nepere sitina we mekopipei.⁴³We pekopa au,Farisi tetero-tetero we kenate ane kauna nou di bekoune dou kepei-kepei miene nepere wete dekoi-dekoiye sa nai noune.⁴⁴We pekopa au,nepete weye auna bure nou menapre ambainya,teteroye nipi bunare nainya manne betepre aroipeinya.''⁴⁵Ayo aserai kena nerore tetero besika ate saweke ate seyunu nete damane sanune,''mendote kiraminya tetero Guru nemena ate seyenna,dete pekote saniyemna derati.''⁴⁶Nemenakai neye ate mekoupuku,''we derati peko ye orimbindina we ayo aserai we sase-sehte betepre kensipeinya te teterote ate kamu,we kauna ye meka wau besikana mena di sase-setena eritepei.⁴⁷Pekoye orimbindi weye mekauna kembari ayeko serai nena bure noute mekau nepere wena kenewabra nete titiyainya.⁴⁸Neperena kai weye kenewabra mekeyainya peko-pekote notu nate sawe kau;we kenewabra nena peko mekeyainyate poite siyanu neye ayeko seraite baya titiyai weye nena bure kembarite mekau.⁴⁹Nemenate man kena mendo meke seyunu,'deye santimpina nanya ayeko seraipre apre senaminyapre nepere ayeko seraipre apre senaminyate ne serei derati baya etitimbindi nepere arema-arema orunde sasende,'⁵⁰Nemenatena ayo serai Nabi nena sah we da da yauna diraupukuna wembere da yodampa dina mekombuku nare,⁵¹Dinare Habel kena sahre meke Zakharia kena sahpa di titiyauna mezbah nerore nepere man kena mie nepetenate,deye wete ate sename,meyenamanne da yauna serai re dua orunne.⁵²Pekoye orimbindina!ayo apere senamuna seray,nepetenate we da mendo nipite dua da dekau we beti eyupana epei tetero eyupanate deran nyate weye beti nete nari-nari neramu.''⁵³Neperena kai wariyei ne nou ne ke tepeu dua nate ayo seray,apere seminyapre Farisi seraypre nemena beite yekerami nepere bumetena mane bisi-bisi sirami.⁵⁴Nepetena te neye mekai dereyanina nete mekai wapiyanni nemenakai neye awairina tena nena a seyunru nare.

Chapter 12(Kemunafikan pemimpin Yahudi)

¹Nemane keuw tren-tren tetro kasopre dinambiki,nepere ne nebure-bure Yesus nenei kembarite mekeyou,memetnate nenei yauna ate seyuyonu,smate kende bekouna apeu-peu ne apeu-peu tetro Farisi.²Betepre ambai sasi yene narupuku betepre bayana tisi penya betepre simena ambai sasi mena yene betepre simena arupei.³Nemenatna beasa weseindena akepe-kepene seindena dua betonanya kiyane,beasate yekai-yekai bentekei burune doko sune kia dua seina bunare meyang dambre.(Takut akan Allah)⁴De wete mekam sename dembre-debre weratena webetepre endikitna dekopeinya,neteteu wete tonaipine wena wa betepre mekopei beyasa-beyasa drati.⁵De wete kriteme.sinte dekonde endikite nete dekonde,endikitene te dekondena dua tewapiki nete puna yeko nete tieyinai tetro eupa peko neropa tepreinyate de ate mekan seiyane,endikite nete dekonu.⁶Nemnakaye awe pipit naite mekonainya dene mekasu birei sen? teprei nemanbei ambai deme si betepre kepa ona oripipei man.⁷Ne nua epure tenai dua benuna nemna tna endikitna dekoipenya wena sen bunaterene nemena drati tereng-tereng pipit awe.''(Peringatan bagi yang menyangkal Yesus)⁸''De wete mekam sename tetro simi dete aromupukuna,tetro yei drati nete nimeyimbine bekoune teng-teng perna man.⁹Simi yang detena araipenya tetro yei kena bekoune,dena ate apa pereuna tetro bekoune teng-teng perna man.¹⁰Simi tetro asit seyununa a dete yei tetro ne suetepu knabise,simi yang apeko-pekote arute sane nena ayomire ne betepre kena bisetna dopei.¹¹Wete tetro donawinai dedei sraipa bei ate seyainya tetropre warpo,we betepre dekopenya kena nundru naipine perna beyemane deye ate seitene dena wate diki-diki,¹²Ne dai tna ayomire aru wete krine newenap neye beya poitre dua seyuyuna.''(Perumpamaan tentang seorang kaya)¹³Tetrosi besika tetro tereng nerore ate Yesuste saniyone,tetrode ate dena waterna ne wasi neme derate dembere.''¹⁴Nete nate Yesus nete saniyounu weterna simi de bunapa ketusuku bei ukaute bei ware mane wetena?''¹⁵Ate nete nekwa saniyomu,sema-sema kende,eri-eri bena peko keuna nepena tetro derakasoperna,nena yereu nepana sawipei kepei.''¹⁶Nemenakaye ne ate seyiyonu da aroi-aroi ate seyiyonu,da tetro dena doprena kani ne damba-damba yodopre¹⁷Nei kena beinedin suruyou,beya sate de mekote de noubai,dipna de dote yepa yute dedei kanipa?'¹⁸Nepere ate seyuyonu,dapte yang de mekote,nemenatna da bekote baya dingerte nekewa merema pina dere terete mermapine,de yepa eupa kroma Gandumpre sayesi-sayesi.¹⁹Nepernakaye deye ate dena tonte santene,dena ton ona wana sayesi tereng dopre betra-betra maite-maite tiki dopre,note yei sate anu,bute anu karite derenu!'²⁰Man kna asna nete sanunu,hai we tetro propro dadenen drati wena tong wena ware dua donai,bea sate we sesuke sint ate sesuke?'²¹Nemenakaye mekopuku tetro derate tereng kopri youna nenei wapanate nedra Awa kna bekoupana ambai.''(Jangan khawatir)²²Yesus ate nenei yau nate saniyomu,nete nate wete mekam sename betepre mendotena nemna tna mekoi penya wei yereuw beya sate ani yena betepre da watna mendote mekonu perna,beya sate wapa tutupuke.²³Nepna yereuwte poitre-poitre beya mena satna,ena da watna poitre-poitre betepre mayong tna ambai.²⁴Doutedi awe Gagak,ne betepre satna asopei,satna oripei sapre kerainya me ambai man sate noune atomuna we kra terene buna terene awe ane.²⁵Simi wena karore mendo si simbine buna terpa nenei yere uw tedone iniperna?²⁶Wete mekam sename webe tepren nesa ne kunewaitna me kopei,beyemnate mendote sipa-sipa kerye?²⁷Doute di bunga bakung,ne brang tna mekopei,seipei,nemenate ate sename Salomo nenei keme doprete di meryonu betepre mayong poimena besika ne karore bunga ambai.²⁸Nete nate sepo mikandikainya,dayana dikai,wapeyatna orunai sing dampa di barunai,nemane man kemete meryonu,we bunane di kauna tetro teprei poi mena ambai!²⁹Ate nate sename sa te anau na,knate tukanu perna.³⁰Metere urei ondwapo-ondwapo na dayo damne mantna aro penya.Awa arambuku e nete nate kate.³¹Endikitna deko-deko penya yau nangken drouw dei Awa wete dia detrete ini wena.''(Kumpulkan harta di surga)³²''Yo snate urema,nemetere ena dampa drati metere kronena.³³Naite memekopunu wena sayesi nayarete imeme tangkete seyi pime betepre kekana ori penya,ya besike sayesite yosna betepre ambai oripenya,bisi tetro watoupana mipeinya kuku drati anipenya.³⁴Momna noune mena drate keropuke,nepena drati wena knate sesuke.''(Hamba yang setia melakukan tugasnya)³⁵Neme natna wena yeke noune bekupunu wena kia noune dekene.³⁶Nemena drati we metere nemena tetro-tetro sema-semate kiyai tetrode dwa minate neke nabei,nepene neme nena menipite mene bapene serabei menipite baya tinai sini netena.³⁷Piyambai kembari-kembari tetro nete tiyainya tetrode sema-sema tikibai nemeke dewete ate sename noutere-noutere sate yekepa bonene nete tanyai sate ane nai nemene nete kronena.³⁸byamenatna menena deneng neto mirine,bei dayane nete tiyomu neman bei kai kiyai kena karite!³⁹Nemenatna arombuke nemena tetro arombuku soni mosreine bsi tetro menena,nebetepre tembipei mete baya dinger nai.⁴⁰Nemnatna we sema-sema,tetro yei menena we betepre aroi peinya.''⁴¹Petrus ate mekopuku,man dete senana wene mane a aroi-aroi mane bei tetro meyena?''⁴²Man saweke,nete simi metna kembari noune merasene kou nete bunapa tetrode kensuku tenai mane bunapa metere kembari tetro mane sate inime soning sesuku nane inimena.⁴³Kna karite nenei kembari tetro neine tembukuna tetrode kembarite dua keyou tikibai tetrode dwa meke.⁴⁴De wete mekam sename teprei terena tetrode nete bunapa kensuku dekone sayesi semate keinya.⁴⁵Kembari tetro serainya ate nenei kna bene seyiyonu,tetro demipenya,mikane kembarite mekainya tetrote meka tutuyou dote,mirete tutuyou,sate aniyai,bute aniyai be mau-mau yebiyai,⁴⁶Tetrode nei mika kembaripre mekainya tetro mekena neyana ne aropei sibetepre nimeipei,nete duamu topuku,tetro site mekyouna mane neneman drati mekombuku.⁴⁷Mikane kembarite mekainya tetro siyang arambikina tetrode kna yeko.si kaye sema kepeinya,tetrode kna yeko tna sema kepeinya nepe drati meka tereng bete manen dua titina.⁴⁸Yekote aropei kiyouna,tetrode kna kembarite byasa noune menai titinai,ne noune ato neme noune serei bete titine.tetro bebei-bei detere ini mena,neprena drati kasopre sena wena,simi tepreinyate detre,neperna detetre sane wena.(Yesus membuat pemisahan)⁴⁹Demeka singte yepiteng bine dayo damba,nete nate dena atitawyana,singnepe dua deku!⁵⁰Detepreinyate dote bute kronai,dena kna seterete tikane,mani mane dakembari mekopenya ne.⁵¹Wena mendo mekanuna,dete mete dote mete dayo damba? ambai dena a wete saniyamna,poi ambai,sipre bebeite titinde!⁵²Nete nate da sreire noune bebeite titinde nenerore tetro mekasubei me besikane kanya namin beiye bisreipre titinai,bisrei naminpre titinai.⁵³Metere beibeite titinai,Awa bebeite yei dopre dreneni,yei dopre awapretitinei,nawa yei mire pre derneine yei mire bebeite nawaprederneni,nenamtu pre niyei mirepre,niyei mireprenenam.''(Menafsirkan Zaman)⁵⁴Yesus ate nekwa saniyomu tetro tereng,we doute mangko ike yepa serabei ate seyunu tikibai bidwa merena.ne dua mekombine.⁵⁵Nekwa doute tende aru wau mapunu,weate seyunu dayang doi arma tere inina.⁵⁶We tetro pro-pro dayo damnapre mane napre arombuke,nimeyiyene,nemena tna we betepre daya muna wenime yipei?''⁵⁷'' Nemena tna we bei tiyeikroime bya saye teprei?⁵⁸We wena yembe tetropre ere etepere ate seyanina tetro wete temete mekonainya nipi nerote neme endena,wete betepre yepopei epei unai,unaipine inawi kembaripreme kainya denawin eupa kna wina tinawtene.⁵⁹De wete mekam sename,we betepre kiapana mipei dipere,manin we ondung mekopeinya.''

Chapter 13(Pekopre tukanunapre)

¹Ne yane Yesus kwa tetrosi mekay a keyate dekaniki da Galilea tetro kanya nena sate marisa nena sapre Pilatus nebeipa blimbuyau mangte kapirunate.²Yesus ate saweke,we ne meiyanu,da Galilea tetro nena peko kasopre bei Galilea tetro si tenouwaru peko tukambiki?³Ambai de wete ate sename,we peko nerore dwa bisikipeina we metere namane ne peko damre ambai orumbinde.⁴Wena mendo mekanuna,tetro mekabi suna mekasu suna namin beteite oraipikina,ne menana Siloam buruteke nete titaupuku,nena neki kasopre?⁵Ambai wete ate sename we peka nerore dwana bilispeinya we menamane draite ambai orumbindi!''(Ara o yu ambai nepa ate arambiki)⁶Yesus da aroi-aroite nete sanumu tetro besika nena ara o anggur mikane tepeu.araprena tetro meke ara yute ureinyate nemane ara yu douteipei.⁷Ne tetro nenei anggur mika kembarina tenaite ate sanunu mai namin serey dua da ara toupa wariya nena yu dou tepei ba ara o te baya kitende beatenate dapene ne meiye tepeu?'⁸Ne tetro ate saweke,tuamai nemetanbipene da mai besika de kanite nepa baltune da kaniyute orute tou ye barute,⁹Nemane mabuka na mai yu te wawenai awapipeina nekewa bukana mai yute mene ambai baya kitena.''(Sabat yane sana tetro poi orupu)¹⁰Ya si Yesus ongko mye sini sabat ya kruyomu.¹¹Nepena mire besika may mekabi suna mekasu suna namin arupeko mekombuku? nepre sanamu te deko saye mekombuku nedraite inneko dua dusukroku sipi esuwana ambai mane.¹²Yesus neyana nemirete tenu,Yesus nemiret tarumbuku ate sanunu oi nawa wena sanambu ambai,we poiye dua orupuke.''¹³Yesus nemire kena wadampa mekate tepubuku ne sonin draite ne mire esuwa buna yembuku tepeu Awa mangte doye-doyeke orune.¹⁴Ongko myena tenai kena armate doker wapene Yesus sabat yane tetrote poiye mekombuku ne tetro ate detro denem dampa ate danumu ya nekasubei kembari ya sini mu meye poiye arupune sabat ya nipeina.''¹⁵Mang nete ate sanumu,oi waprei-preina tetro bei tetro bei-bei wena nerore lembute sate baya inimbini bei keledaite sabat yana oto mene butoupa nai?¹⁶Bei da mire 18 tahun may mekabi suna supre suna namin mase sekai bukupuku nete sekai kena mekare baya domane,nepa Abraham nena tourna tetro?''¹⁷Ne soni seray Yesus nemane sanumu nembere kingkraina tetro patabure meye tro wanu tetro kenakarite draine wapina piambaina kembarite mekopuku.(Sesawipre ragipre a aroite nemeyanbi)¹⁸Yesus seyuyone sanumu mang kena seray deraitena beya mane aromanbini beya sane a aroite nemeimanbini?¹⁹Ne sesawi napa ate araipiki,nete orai mikapa tekeraine mika dampa tekraine sesawi na dei omane orai Awe bunana nate nena misedampa merai.''²⁰Yesus nekewa sanumu,te baya sane mang kena serayte a aroite samteme?²¹Mang kena dia mang kena seray ragi mane ate araipiki.mire besika nete doke tepung meka da namin seray atupuku nebeipa burumbuku baya detre orupuku.''(Sinte waridiapa)²²Yesus otote kengkene kota sire,kota sipa yo sine yo sipa yembuyone wande ate kiriyom nepre nena otote kengkena Yerusalempa eu.²³Da tetro si Yesuste ate sanunu mang tetro serey bete wari yopasna mai,²⁴''Yesus ate saweke nepe tepainyate ne tetro-tetrote ate sanumu king kride,di numburu keke newayre eupana tena eu beye wete ate sname,tetro tereng eupane draine ne tetro eupana epei.²⁵Myen tuamai dua ini yemini menipite dua dininipi nipina,we basune tepende mekaye bapende ate sanumu seinine tuamai menipite baya ti sime,neye ate sawene de wetena aropei we maprena meke.'²⁶We ate dombune,de sate wena bekou dua da aniyate we dete dua da kliyeme,di nipinerone bei kota di nipi-nipine.'²⁷Neye wete ate sanewe,be wete aropei we mapna mekou,dena bere baya ende we meterena mane dena bekore baya ende we pekote mekouna tetro!'²⁸Dipini weye dimite di munde,eti kurung warne,nepene we Abraham,Ishak,Yakub metere ayokena serai Awa mang kna diapa we seray baya ende tikenamsi.²⁹Tetro ana yepa beta suru bani suru ne tetro mang kena diane yau sate anenai.³⁰Tetro metrona tua bepa nai,tuana tetro motopa nai.''(Yesus Yerusalemne tete done)³¹Ne yana Farisi tetro mekai Yesuste senani,bapere baya eu Herodes wete baya tone wepini.''³²Yesus ate saweke,bapre baya ende di sengalite sanenende,de sekaite baya sekame,tetrote poiye mekame dayapre wapeyapre kambiya tupute mekotembini.'³³Da va wapeya kambi ya,de nipite otote waritena noruna ambai,a yeko tetrote tonapi,nosi ambai nenei nou Yerusalem.³⁴Yerusalem,Yerusalem! yeko seray weye baya titiye wepa snampina tetro oruye pneye dena kena netikibei wena yeite nebeipa,nemane awe mire nenei yeite tetro burupa otupuyona mane ne weye ate serapuku.³⁵Neterna da mie adona mane nemetanambini tepene de wete sename,ne nekewana de tena dou tetipipei,nenei yane weye seininde,nete mekapare dampa mang kena wadore neye dayo dampa meke!'''

Chapter 14(Sabat yane tetro nekewa poiye meko yome)

¹Sabat ya sini Yesus meke farisi tenai kena miepa nepene sate aninya.tetro mena mane Yesus te dou tani.²Tikibai yase buyeuna tetro Yesus kena bukoine meke tepeu.³Yesus ate torat seraipre samu mu sabat ya,tetro tena poina mekomami bei ambai?''⁴Ne tetro mena mane a seimipei.Yesus sana tetro kena mekapa amrepee,ne tetro poiye aropuku,sanumpuku duake.⁵Nepere Yesus nete ate sanumu:''simi wena nerore,wena yei bei tembu di kani bupa sabat yana erumbukuna dwana?''⁶Ne tetro-tetro a kingkiri-kingkirite ambai ca bebeite ambai.(Nou buna terepre nou ana terepre)⁷Yesus dou temu,da tetro-tetro simi yamina bena nau kanyapa draine Yesus nepana aroi-aroite sanumu,⁸''Tetro si wete sumu dimirete dokewa tanya yau neropana,bena tena kepeinya,ne yaute mekouna sumunu tetro,tetro detere sate sanimimpini menena wekaye neku nuwai mereneway.⁹Yaute sumumu tetro mene,wembre nembre sane neme,wena nou da tetro de neye keken,weye metousuna noupa yong kanu.¹⁰Modaite wete simi nainya,we euna metou suwa yongkunu.nemane yauw tuamai mene wete sanei bena nou keunapa yongkunu.nemane miena tuamai mene wete sanenewe.¹¹Sime nenei wate detente yoponena seinena,ne metopa dwa meke,timi nenei wate apa dwa deinina,netetro bunapa bepa duake.''(Sinte simiai sumai siminai)¹²Yesus ate nete sumuna tetrote sanu''moyate weye yau sate dane bei denen ne mokouna,we wewei youna wewei wekabra,mewe watena,kei wewei meyena dra kasoprena tetro,ne wete nekewa siminai ne sa you neropa.¹³Neyate we yau sate mekouna,di dra banya tetrote sumu,tetro cacat peko,mendainya tetro dou bisena tetro.¹⁴Ne wena kena teme,ne tetro yei we bena nekewa na you sate simipei.''(Waprei-preina tetrote aroipa nemei yambiki)¹⁵Ne ate betapiki,yau nerore tetro besika Yesuste ate ukunu: tetro kena karite kone,ne tetro mang kena diapa dua dekani.''¹⁶Yesus nete ate sanumu.''tetro besika jausa de forete mekoyou ne tetrote si site dewa sanuyome mekay.¹⁷Yau sa anipeinya tupuno,ne tetro nenei kembari tetrote sanumbuku tetro simiyanya kewa ke danumu: dewa manu,mena nopa dua mekapikite.'¹⁸Ne menamane ate senaipiki.metena tetro nete sanune: de kanite doiye deka,de nepa dote tenyate,de epei.¹⁹Si damane sanune: de tembute mekasubei dopre mirepne tepuka,do dua besampikina.de nete teme wapene,de nepana epei.'²⁰Si draite seyunu: de mire neprei dekane nemansate de nepana epei.'²¹Da kembari tetro nekewa dwa burusu meke nenei tuamaite meke sanunu.myena tuamai kena deray,nenei kembari tetrote sanunu: we senabeite nipa-nipa eu,kota karo-karopa eu,mununa tetro miskinda ambainya terote dwa atunumu tetro wa peko cacat,tetro dou bepapikina,tetro mendainya metere dewa mende.'²²Kembari tetro ate kronu: tuamai,a satupukena dua mekopuka warupuka,nemane keuye,da nou si neme da kay.'²³Tuanmai nenei kembari tetrote sanumu: nipipa-nipipa waru.nipi kakeipa eu,nepena tetrote arma-arma arumu denea atumu eyupa menai,mye mene kemembini.²⁴De wete senawe, tetro-tetro simiatena sibeteprei dena you sa betei anipeinya.'''(Yesus tawenaina tetro,meterna peko baya teinde)²⁵Ya sine,tetro drone-drone Yesuste tawekani nipite wray.Yesus buru suku nete sanumu.²⁶Nemena kaye tetro si de kewa menene,ne tetro nencicite yembete kepeinya,nenang nembire,nena yeibra,nena nekabra,nena nemenbria,nenei wanuru,ne tetro dena ototonya ambai tere you drona.²⁷Sime draite nenei o sete eatepeinya detena tawitepeinya,ne tetero da yau drona ambai.²⁸Mamena tetro menara merupeinane dua drate krou beinya,erukroko,bei maning da kembarite mekonyate.²⁹ Nena yekodanu dua sesuku mekombuke ne kembari mukapei kenapina,tetro meye tenou nete a katiya-katiya sanenami.³⁰Nemane ate sanenaine,'di tetro dana dua mereyau,ne wake ambai nesate merepei.³¹Bei,mana ondewafone,pra da nupa ondewafona sipre dreinena,anekene tukanene,iomabu orang tetro tereng 10 ribu orang arukroko prate tetro nembene dreinena 10 ribu orang tetro 20?³²Ambainya,tetrote sanenempini.ne mamin dini wrainyane,da tetro euna ate temute mekoinya,ne beasa-beasa neinaiu.³³Tane mane draite wena karsre tetro bei-beiye nenei sa tereng tepuna baya tembipeinya ambipeinya,ne tetro dena yau neropana mipei.''(Garam yang tawar tidak ada gunanya)³⁴'' Nou beng,noupa,bupa barinantu buwamane,orumbine,beyamane tukewa nou beng mane orumbini?³⁵Da mika tena ya megei,nemandraite pupukte kepei yutena niteru baya barunai!''

Chapter 15(Aroi-aroi te dom duwa karu pukuna)

¹Dorona,dra kopri,prna tetero peko drati,Yesus kena watoupa m kai nete ate senyate,mekai.²Nemna,kaye adro-adro tetro,parisi preasrai nete sirai Yesus atkomke tetro-tetro pekopre saate neyau bei pre nesray anai.''³Nemna kaye Yesus,aroi-aroite ne sray,sanumu⁴We da kauna norone,simi 100 domba si duwa karim bina drona nrone 99 krong-krong damne du wane nete urene nraipiki,bebe yeni kewa buruma?⁵Simi nesate-duwa tembina Yesus mekapare-nena yarapa poi ne damba mene.⁶Duwa mne-mepana-kaye Yesus karite sumu nenei yaute ne beinya ate sanumu kna karite yau yaune dembridaa domba karupukuna te nekwa duwa buru suku.'⁷Wali yei ate sanumu da yan drati nye dye kna karite yoirari snane tetro besika peko pre mokyona dwa bru suku kasopre datu kang buke neprenya 99 tetero poi netena nipi ambai.(Aroi-aroite domba duwa karupuku)⁸Mire sikna dai-mkabi,dirham nenrone besika duwa karupuku.netenate kna nakia pre mena kse myena mane kosoma nete urei nekwa nemne.⁹Nekwa Yesus nye dou dwa tembina,Yesus mene yauna-yauna pre nebeinya,neye ate seinena kna karite koma yau-yau dembre dena dait karupukuna duwa dka.¹⁰Nete nate eda kena karite,koma,Awa mangkna,nota nota prena tetro neprenya,tetro peko nekwa.''(Aroi-aroi yesinwai duwa karupuku)¹¹Yesus nekwa sanumu tetero sikyona,nena yeibi sirei.¹²Motona,Awate,ate sanunu,Awa dete,wena dra/doi dete yuti neprenya,Awa,saisite,mkapa-mkapa wasumu.¹³Ya,mosreinya kaiy,yei motona wande sayesi,mterna,mane naite,mokopukuna,kaye.nou nipitiki pa duwa ke nemena kaye doi saisi naite bai mokopuku,mondo yereu wapi-wapi tetero mane¹⁴saisi metre ambai oraipiki wande mununte tetero kna canine mununte tukanu.¹⁵Nemna kaiye neye kembarite tetero sikena kanine mokyou ne tetero senambiki opo semate kenyate.¹⁶Nemna kaiye neye yasete preinyate sanuku peko,aruwa,opo kna sate anyou tetero si netna sa atopei.¹⁷Nemna kaye neye,mondate,mokonu da yereune knane ate sau dena Awa kna mena pdaye kembari tetero sa pdaye kaso-kaso pre dianai nepreinya deye dapne munum yukute tena.¹⁸Deye nekewa britte sini Awa-kwa duwate tepreinyate Awa kena bokoumi,ate sawete Awa pekote duwa moko puka yowarisna awa wna bkoune ate sawte.¹⁹De ne kwana wena yeitna senpenya dtena tetero pekote duwa mokopukana tetero wena bkoune ate da swa.'²⁰Nkewa yemuku neye Awa kwa buru suku.nemna kaiy neye nipi nerore awate duwatembuku neye kna nundrupuki Awa bru suku nete teu nete mkapa orunkroko kna bisete drenu.²¹Ne yei ate saweke,Awa tepreinya,'deye pekote duwa mokupuka yowarisna pre Awa kna bukounu tepreinya ate mka sewa.'²²Neprenya Awa nena Hamba-Hamba ate sanumu.ora serabei cnd mayong nemete nenawapana tutubingde nena mekapana wapana pre otopana.²³Neprenya,marisate pronde nete soma nete anma ekna karite koma,²⁴Yei dua.karupuku yereu nekwa duwa buru suku.nepreinya ekna karite koma.²⁵Nepreinya yei yarse mika noronewaru,nipi norone mepa nate duwa mu.ate butou dena Awa kna mena akurung bisi-bisi waru busyete kwai.²⁶Nemna kaye karite sumu,Hamba site ate sanumu di yoko bya mna.²⁷Hamba,ate saweke w kasi duwa buru suku.Awa nena kna karite arikate m kai.'²⁸Yarse kenate atopuku mepana epei nemnakaye Awa meke nete ate sanumu.²⁹Nemnakaye, Awate ate sanumu maitiki-tiki Awa wembre-wembre wena kembari nrone ona akurungtna de bai saripei neprenya Awa marisa simna,wena Hamba prena ambai kna karitna mokopei.³⁰Neprei wande Awa ona yeimke wena saisi tetero kna kanine.ambai oraipiki,neprei Awa nena kna karite Awa kna mene kurung waru.³¹Awa yei yarsete ate sanunu yarse we da Awa pre wembre-wembre Awa kna saisi posimena,we da tepiye.³²Neprenya kna karite,koma wekasi duwa kurupuku nkewa duwa burusuku.

Chapter 16(Dra tetro noruna ambai a aroite arambi)

¹Yesus nenei oto toanyate ate sanumu''dra kasoprena tetro besika,nena ambai se mane trotko draite besika.tetro mekai nete sate kiaine saniyani da ambai semane nena drate tetrote baya masyune.²Braprena tetro nenei ambai semana eyunun suku/tarumbupai mu nete sanunu,de wena ate da betoupuka? ne preina wena kembari mekutena kana kyeye sepumbunu,we nekewa ambai semate tepipeinya.'³Ambai semana nenei kena burune seyunu,nepreina dekaye beyasate mokote? dena tuamai de ambai semanate baya seknitipina dete mosi nete ambai,dete dane netena paita tune.⁴Deparum bukana beya sate mekote,neyana dete bayati kenisina,ma tetro sikana myena tekune.'⁵Ne tetro,tetro sisite seyumumu mai,ne tetro tetro manya nena tuamai kna na drate ariyana posi mokopei.tua mekera tetro ate sanunu bra ambou el mane.⁶Ne tetro ate saweke,ambai doa mekasu bei ne tetro te ate sanunu da wena dra mokopenya smo,anekeu nekewa dramo kepeina smo site nekwa mereu pune nena tren doa bi meka bi serey.'⁷Nepre,tetro bina te sanunu,wena dra motupeinya materey nemekay? ne tetro ate mekopuke,ganduiki doa mekasu bei nete sanunu,da dra mokopeinya smo nekewa dra mokopeinya smo nena tereu kene doa apruu bei.'⁸Da tuamai nenai ambu semanate,piyau bai ate sanunu we keu bari nopa dua mokope.bar karu bane yei nua una knabise mendote mekaine ba kye yei mekainya.⁹De wete ate sename manuou yau tetrote nebeipa bekene wetna pre taipena we waridiyana dua atona mina.¹⁰Simi nedraite seneina karo kembari noubeine tepene detre keano kembari noubeine tepene wabene nemandraite.sime nedraite sereinya karo noubeinya ambai,detere karo kembari dedraite ambai.¹¹Nemena kaye we mamon do sna sna noubeinya anubai,sime we teknouruna sane sane tepreinya saa,we dampa?¹²Nemenakaye draiti we tetro singkena sai nou beinya ambai,sime draite wena sate we ate nowe?¹³Kembari tetro beinya tuamai bi kena kembari ambai mekopei nemna tetro site ekri tanene,site knabise drenene bei site nou beine warne site taipipei dokoinipei we mangtena tawipei dokonipei kapinipei.nemandraite do sna snatena kapinipei.''(Peringatan untuk orang farisi)¹⁴Da a farisi tetro dua betapiki dra kembari tetro ne seray Yesuste a katiya-katiya saniyani.¹⁵Yesus buru suku nete sanumu,me seray werauna,tetro nerone we wey wapa teprenyate seyanu,Awa mang wena kena dua arumbuku.¹⁶Taurat yekopre,ayeko seray keno smopre neme tepeka meke dwa Yohanis kena sreipa mekene sureinya mang kna serayte akyate saniami tetro ne ate bete yani nenei wape-wape eyusuete anuyani.¹⁷Sropre kanipre senabei ambai orinai da yeko Taurat sibete bayana sipipei.(Tentang perceraian)¹⁸''Tetro siye nenei nembirete baya tarambini baya sekenembini,nena kaye mire site done nena ne tetro peko tetro kame tetro si draite keuna mine doye baya tembuke baya sekumbukuna,netetro draite peko tetro bei kame tetro.''(Bra kasoprena tetropre Lazarus dra ambainya tetropre)¹⁹Bra kasoprena tetro,dinendaya,weya yakau nena mayon mano sai,mayon sere-sere,yane-yane kena karite kou.²⁰Dani-danina tetro nena wado Lazarus nena wana siso kekou dena kekou neye dra tetro kena mye numburu yene tenou waru.²¹Nena munute tikaipeina,neye anuna sa neja damre apa yenau yate anu.²²Nepre Lazarus tetepukune,teute prena serai dekane atur aka kena oto daupa.²³Dra kasoprena tetro tetepukuna kanipa sesikini sona yone sete tukanu,nepre dote teu Lazarus nai Abraham kena kebonda mene keu.²⁴Bra tetro ate tanu Awa Abraham dete kena bisete dreni mei Lazarus sanumbunu dete bute inite nena meka wante bupa yaweni sini dupen dampa de sina mune tena.'²⁵Abraham sanunu ate donu bukei yei we maning warite kani dane kyena da poi-poi te anite,Lazarus wei metere ambai nenamana nepreina Lazarus wai kena karite kou we nemna beite pekote tukanu.²⁶Si neprena de katenapre weye kanauprena nero,tutu detere tetro dua dwana betepre waripeina.'²⁷Ne tetro ate mokopuku de wete senawe Awa nete sanumbunu dena awakena mepa myene.²⁸Dena saudara lima serey,de nete ate armabei tidanemeu,ne werainya dapana noupeko nipeinya.'²⁹Abraham sanunu,ne damene Musakena a pre ayeko semaykena apre,notuna nena ate seinyani betonyai warnai.'³⁰Ne tetro ate saweke,Hmbai,Awa Abraham,nena nerore dua sona tetro sere sumu nekewa menena,ne tetro tetro ate sawena dwa bukanu si.'³¹Abraham nete sanumu neseray Musapre ayekona tetro kenapre betoipenya ne seray nena kenapana asauipei nepre tetro dua sona nerore deinya.'''

Chapter 17(Dosa dan pengampunan)

¹Mang tetro nenei oto tonate ate sanumu'tetrote neramina ambaitaiye nemna tetro peko orumbini.²Nopanas nemna tetro orute nangkoupa bonani noupa kenenaine,dapene tetro site narune³Wa smate keu! wena weke pekote mekoupukuna aye sanunu,nena kna dwa bilisinina,weye nete kna bisete drenu.⁴Ya besika wedampa peko mekasu sunabiserey mekopukuna,meka sunabiserey wepa dwa burusuku,we nete kna bisete drenu.''( Kuasa Iman)⁵Oto touna nete ukane,tete nekewa tepreinyate atoumu!''⁶Mang ate saweke,wena tepreina,sesawi naserei tepunu,weye da ara ote sanumbuke dapere baya daupune di noupa asutene ne wena ate dua tawekene.''(Tuamaipre kembari tetropre)⁷''Sime wena nerore,tetro beisika mikate mekoubei marisate natuna semate keuna. ne tetro mikarene burusuku miepanate muna dwa mi serabei sate miyani'?⁸Bei burusuku kembari tetrote ate sanunu,sate detnate mekoi wapa sroute beku sate krou de nete ante,netupure weye anu'?⁹Nemna,tuamai nekembari tetro piambaina ate sanumbuku,neye sanumbukuna kembarite mekeyou?¹⁰We nemane draite.wete ikamina kembari metere dua meke yau we ate dombunu de ambainya kembari tetro,deye mekate kembaripe da nenei da kembari traiti.'''(Tetro mekabi mkrai sanamane)¹¹Mang tetro Yerusalem pa anya,Samaria kaniyere Galilea kani yele twa kroke otote wanya.¹²Yosipa neyeke,nenouna tetro mekabina mkrai sunanu na tetreYesuspre maiteko ne tetro bai hetene tepai.¹³Ate trai,Yesus Guru dete kenabisete drenime!''¹⁴Neye nete temu sanumu,ende,wewei wate Imam-Imam kena watune emeklinde nipi nerote maning neme wrai,ne tetro-tetro poiye dua oraipiki.¹⁵Tetro besika.nena nerore nenei wate tembuku poiye dua orupuku,nekewa busuruku meke mang te piyambainya ate sanunu,¹⁶Ne tetro meke Yesus kna bekoune oto toune kenate apapreute.ne Samaria tetro.¹⁷Yesus ate dombuku,wapena tetro mekabiserey poioraipiki? mekasu suna aprau sereynya tetro mane?¹⁸poiye orai-pikina tetro dwana birisipei mang te apiambainya saninipei,da banya tetro bei meke?¹⁹Yesus ate ne tetrote sanunu esuwa yemi,wande dua ei,wena a sawekena wete poiye mokoupuku.''(Mang kena seray dwa menena)²⁰Farisi seray Yesuste ate simaine mayate mang kena seray dwa mene Yesus ate saweke sanuyomi,mang kena serai menena nena nou da tetro yei nemeipei,²¹Tetro betepre seinipeina,'dou te tendi ne da pene keu!' bei dipene keu mang kena seray peda wewey wanerone keu.''²²Mang tetro nenei oto tounate sanumu,dwa menena ya wewey dou tenen denate dranu ya besika tetro yei menena we dou tepei.²³Tetro wete sanenewe,'doute teine dipini keu bei da pene keu! nepana we taipeinya.''(Kedatangan Anak manusia)²⁴''Ne yatena eli atunena mane.srotupu sire sipana mane,tetro yei menena ya nemandraite.²⁵Da seray nete baya seraipiki,ne pekote neye tua tukanembini.²⁶Da yansine Nuh mokopukuna mane tetro yei menena yei nemandraite mokombini.²⁷Tetro sate,anenai mirete dokwa tanami neme mene Nuh bahtera eyupa,wande bu detere mke tetro mna mane ambai oraipiki.²⁸Da nemanedraite yansine knane moko pukuna mane,ne sate angkai,naite mekekai,sate asekay,myete mkay.²⁹Ne yana Lot Sodomre bayake,bisin srore apa-apa dua swapi ki ne tetro mena mane ne sin namune ambai oraipiki.³⁰Nemanedraite neyana mang tetro nenei wate danemne kyepa mne klimbine.³¹Sime neyana bunanamye damene kenena,nena sa mye eyuna kainya,bite pre mne orunuperena;nemandraite tetro mikane waruna,dwana mipeinya.³²Lot kna nembirepa mendote mokone!³³Sime nenei wate neterena,nena wanuru keipei.³⁴De wete sname,ne denene tetro bi serey yuku awera damene teno neinya tetro site dekani,tetro si neme tambiki.³⁵Mire bisrei,biring kembarite mokoinya,site dekani site nemetambiki.³⁶tetro bisrei mikadamene site dekani site nemetambiki.³⁷Ne tetro Yesuste ate ukani''mang,mapene?''nete sanumu,manune tetro tetepuku tenouna nenoune awe nasar mekai yeitani.''³⁷Ne tetro Yesuste ate ukani''mang,map ene?''nete sanumu,manune tetro tetepuku tenouna nenoune awe nasar mekai yeitani.''

Chapter 18(Ayoko tetro peko tetro,aro-aroipa nemei yambiki)

¹Yesus nete aroi-aroite arma sanuyume,ne tetro mangte noubeine ate kronani betepre bayana tembipeinya.²sanuyumu,''Kota sini ayeko tetro besika ne mang tena dokoipeinya,tetro sisitena endikitena dokopei.³Ne kotana mire sonya-sonya besika netikibei ayoko tetro kwa.waruyou,sanuyonu,depa kenate keu,da jembe tetropre seimane.'⁴Ya mansrei dua ayoko tetro ate baya salupuku.nepre nenei knane seyuyone,de mangtena endikitina dekopei,tetro tena nemandraite endikitina dekopei,⁵Da mire sonya dete wapla-pla mane mokote sate,noruna nete tepreinyate tartenen,ne nekewana dapana waripeinya dete netekibei surute duruteke waru.'''⁶Mang seyunu,''poi betonde,beya ate kena pekona tetro mekoyou.⁷Ambaisna mang nenei tetro tarupuku na dampa teprei nate ikime,ne denen day mangte ate klaine snani? bei yate tiki danune krou,tua netena imipei?⁸De wete ate sname,neye netrote serabei tepreinyate saweke mang tetro menena,dayo damna tetro ate sawekau?''(Farisi tetropre dra kopri-kopri tetropre aroi-aroipa nemeyumbuku)⁹Tetro maserey nenei wapa norunate seyani tetro site menamane ana dane kay Yesus da aroi-aroite sanumu.¹⁰Tetro biserei mang kna ongko myepa mangte ate sani nate key si Farisi tetro si dra kopri-kopri tetro.¹¹Farisi tetro esune tepeu,mangte nenei kena burune damane sanune de piambainya ate snawe,da tenou warunapre dembere nemanbeina ambai,de bisi tetro ambay,dra kopri-kopri tena ambay.¹²Minggu bisrey sesate kana,de sepersepuluh nenei atamena,dedei wakna sa orana.'¹³Dra kopri-koprina bani tepeu,nena be sropa na blisipei,nenei wate mekaye pneu seyunu,o mang,de peko tetro knabisete drenu.'¹⁴De wete sename,da tetro nenei myepa dua ke,mang da tetrote tepreinyate tarekene,tetro sitena ambay.sime nenei wapa deterete yeponena ne tetro apa dwamene sime nenei wate apa denisine warenena tetro ne tetro nena wado kunane.''(Yesus kena bisete yei dampa)¹⁵Tetro nenei yei droute Yesus kewa atekaime mekai ne yeite poiye mekoneme.nemane tamina Yesus nenei oto touna aye senami.¹⁶Yesus nenei oto tounate sumupuku mekai ate sanumu,niyeite baya atome dekwa mnai,nete neramupnena,nemna tetro Awa mang nenei seray.¹⁷De wete ate sename,sime dayei mane mang kena serai mekapa doipena,ne tetro eyupane epei.''(Dra kasoprena tetro waridiapana meipei epei)¹⁸Bete werainya tetro,Yesuste sanunu,'piambainya Guru,de beasate mekote waridiapana ite?''¹⁹Yesus ate saweke,beya ate dombuke de piambainya tetro? poi tetro mena ambay metere mang kena beine keu.²⁰We mang kena yeko menamane dua da aropuke:'kemetena mekopenya,bayam tikipenya bisi dreinipeinya,atena netem berarina seinipeinya,Awa nawate dekoimu.'''²¹Ne tetro ate mokopuku,ne yeko de merenewani dua akoi-akoite waria.''²²Ne ate betoupuku,Yesus nete sangkene asi besika nemeda keu,''weye mekouna wena sa sisikainya menamane naite mekou,site sa ambainya tetrote wasermu,nepre mang wete sane-sane wariyone atonewepre we dramu,dete mututawene.''²³Ne tetro da ate betoupuku,ne kenate akoko ne tetro dra kasoprena tetro.²⁴Yesus nete tenu sanunu,dra kasoprena tetra sedopre mang kena diapana!²⁵Yarum burupana unta eyupana dua ne.da dra kasoprena tetro se dopre mang kena diapana akari dopre.''(Yesuste tawenai nena dra)²⁶Ne tetro-tetro ate betainya dame senami,''nemanena sime nedraite warite done wariyopana ini?''²⁷Yesus dombuku,''da tetro ambai mekopei mang tena dua mekombini.''²⁸Petrus ate dombuke,de dedei karona kembari nemetambikite,mekate wete tawekate weate.''²⁹Yesus nete sanunu,de wete sename,mang kena seray sate tetro bebei nenei myete neme tembuku,nembire nenei weke nenei Awa nawa nenei yei,³⁰Da serai ne kasopre nekewa atombini,bena ya menena,ne wari yopa mene.''(Yesus danamintena peko tukanuna agate saniyome)³¹Yesus nenei oto touna mekabi sunabinate tarupuku mekai,sanumu,nepreina aye Yerusalempa nepama metere ayoko seray smo dua mereyai da tetro yei tena yeko nopa mokonapini.³²Ne serai bra-bra kena meka dampa sarnai pini,ne sray mang tena nemeipei orapei nete aneki neki saniyani,apeko-peko bariyani ekiye toyani.³³Nete peneyai,nete tewapiki.namina ya neye dua yemuku.''³⁴Nemane meka,ne waro ne nipite ne aroipei nemeipei.da yeko dini keu,ne oropeinya nipi.(Yesus dou bepapikina tetrote Yerikho watune poiye mekombuku)³⁵Yesus Yerikhopa watoupa euw,dou bebapikina tetro nipi yene keu a dani-danite dane³⁶Neyana ne tetro bentekeite betou.da tetro tereng nipire dua ai,ne ate sumu''di beasa.³⁷Tetro nete senami,Yesus Nazaret tetro di eu.''³⁸Neye ate taru,Yesus dau kena yei detna kenabise dete yene!''³⁹Tua anya tetro nete ayeskani,yekaikei nemantai,ne tetro nekwa armabei taru,''Yesus Daud kena yei detna kena bise dereyene!''⁴⁰Yesus nonu tepeu,tetro sanumu di tetrote dwa dena watupa donendemene tetrote ate sumunu,⁴¹''We beyasa kenate kiye,wena kenane dikaiyena sate mokotepine?''ne tetro ate saweke.''⁴²Yesus nete sanumu,''we doute erepi,wena asawekena wete poiye mokoupuku!''⁴³Ne sonindrati,ne tetro doute erepuku Yesuste tawekene,ne tetro mangte piambainya te sanunu,metenou waruna taninya mangte doyo-doyo oraini.

Chapter 19(Zakheus)

¹Yesus wariyei Yerikho yo pa eyupa ke.²Nepena tetro besika nena wado Zakheus dera orainya suna tenai,ne dera dopere tetro.³Ne Yesus wariyeite tenyate dedre yone,sus wariyei dou tepei,nemane nekaye wa pobe te nepena tetro kasopre.⁴Ne serabei naweke tua anya tetrote emusa rupu wande ara nopa enekeneke Yesuste tembinate da noru Yesus otote n.⁵Yesus wariyei ne noupa ke,ne bunapa doute teu,ate mekopuku,Zakeus seraibei apa miyosi,da ya de wena miene tenote tekene.''⁶Zakheus onore serabei apa muyosuke,Yesus wariyeite nambene miteko kna karite da dreyonu.⁷Tetro teren tenouna tiani ekiete draine sean Yesus wariyei nekei tetro peko kena miepa ke ace mikai piki.''⁸Zakheus esune yemuku,mang te ate saniyonu mang dena miena sa kanya,tetro sa kanya tetrnte wasiamena tetro sikina sate baya deye arma mane dereyna oriyana sa nekewa aprau bei serey dua ototene amata.''⁹Wariyei nete sanunu,daya ne wena mie deko pa aru poi meke,de tetro Abraham nenei yei.¹⁰Tetro yei mekena yreu yona tetro peko dua kaliainya nete poiye mekominate.''(Dera minapa ate aroyou)¹¹Ne noune tetro Yesus kena ate saniyunu Yesus nekewa ate deko nemane Yerusalem you watopa dua ai,meketai ne tetro kena mendo mekanina,man kena serai watopa dua mu.¹²Yesus ate dombuku,kani tetro besika,yosipa bai terene keuna yopa otote kekene eu,nepene nete ondo wapona sray terenaine wande nekewa dwa brinsini mene.¹³Yesus nenei kembari tetrote meka biserei sumupuke mekai dera mina mikabi nete wasi keme da drate atombini sanumu da sate yereute nedamne meko,de nekewa dwa mete.'¹⁴Nenei kamina tetro nete ekiri taine yembei yanteke,tetro site senambiki nena metosuru ke nepena tetrete ke sanumu da tetro de ate dranete,neye dena ondowapite kene keiyenya.'¹⁵Nemane dua mekapa,ne tetro dwa buru suku meke,ne ondo wapite dua terekaine ne tetro ondowapi sanumpuku nenei kembari tetrote denapere ate konena menai simine mi dera mina atapikina,naipra mekeyani dera dren maserei pake.¹⁶Tetro dua na meke ate seyunu,tuamai,tuamai kena dera mina besika ketene,nena nepre nenaya dera teren mekabi srey dwa orupuku.'¹⁷Ne tetro nete sanumu,piambai mekoupeke,dena kembari tetro,kembari sereinya,we akoi-akoite wariyei kota mekabi wey te keu depunau wena ayeko damne knay.'¹⁸Tetro binaye meke seyunu,tua tua kena mina iketena naite me keya,nena teren otoupukana dera mina mekasubei.'¹⁹Ne tetrote sanunu,we draite nemane kota mekasu bei atoupunu deterete nepene tepu.'²⁰Nenei namina kembari tetro mekena kaye seyunu,tuamai da wena mina de mayong bunapa arupuka sesuka.²¹De endikite tuamaite dekey awe,tuamai peda tetro arma-arma,tuamai daiyena nesa tuamai sesipenya sa tuamai oriyena sa tuamai asopeinya sa.'²²Ne tetrote sanuyonu,we tetro peko wena pekote doye tena ateseimane we wei seiyenamane.we dua arombuke de kaye tetro arma-arma,deye sesipeinya sa da dua te done asopeinya sa de dua teorunu?²³Nemena kaye,dena dena mina ikawena,tetro si dera prate werainya tetrote atounime ne ite mekonya tren mane orumbine?'²⁴Tetro tren esune nepune tepainya ne tetro sanumu,dera mina besikana nena mekare baya donde,di tetro mina mekabinate ininde.'²⁵Tetro tren ate ukai tuamai,de tetro dera meka biserei dua atoupuku deko.'²⁶Ate saweke,de wete senawe,tetro sime tepenena,ne damba nekewa atonani tetro siye tepipeinya nenare nekewa dewa donai nemane draite nena beya mana sa tepuna nekewa donde.²⁷Da yembe ekri seray depa kanya,ne seray ate draine de nena ondowapone te kepe ne tetro-tetro dewa atomene dena bekoune baya titim binde.'''(Yesus wariyei kev kena kari aye napiyaini)²⁸Ate metere dua sanumpuku Yesus wariyei tetro nerone tua otote Yerusalempa dua ai.²⁹Ne Betfagepere,Betaniapere nena watoupa dua ai neyo bi mko damne tenai ne meko wado Zaitun mko nepene Yesus nenei oto tounate do biserei sanumpuku.³⁰Yesus ate titaumu,bena yopa ere daite weye nepa eyupa erena,we tenerena Keledai skoro besika opa bekaine wawu ne Keledai damba tetro betepre sakonipei.sa bekainena te baya tenanembini wande dwa donene mere.³¹Tetro si we te ate mekombini beyate nate baya yenanembuku? ate damene sawere,manye seyunu,manye kena te keu.''³²Ne bi wande dua kei,wapena dua sanumpu knna kembarite key mekoi.³³Keledai sate baya yerarembiki,keledai prena tetro ate mekopi,beyatenate ne keledai te baya tambuku?''³⁴Ne do bi ate dombiki,man nepa kenate keu.''³⁵Ne keledaite Yesus nena watoupa dekoni key mayongte keledai nena wa dampa plante ke wande Yesus wariyeite dekani keledai nena wadampa tambiki.³⁶Yesus wariyei maning nepe nerote oto eu tetrote tetro wayongte nipipa kenai.³⁷Neyana Yerusalempa Yesus wariyei watopa dua eu,da nipi Zaitun mekore-apa apa ai Yesus wariyei denai ototouna mena mane kenakari semusuku Awa mante doye-doye oriani,man kena arupoi metere dua tiyaini.³⁸Ne tetro ate mekapi dwambiki man kena wadone,poi nena dampa mene,ne onde wapona,teme songa waridiyana mane,piambainya nou detere!''³⁹Farisi tetro si nebeine tetropre tepainya Yesus wariyei ate senani,Guru,wewei ototounate aye masimi.''⁴⁰Yesus wariyei ate saweke,de wete sename da tetro yekaiye kenani,da oru tenainya ate tarenai.''(Yesus menangisi Yerusalem)⁴¹Yesus ne kota pa watoupa dua eu tenu Yesus dimite dumu.⁴²Seyunu o poi bei dayane wearombunu,''bea taite wari-wari we damba! nepreinya ne waro wena bere dua karupuku.⁴³Neya menena,yembe serai ne pra-prare wete atenami,krone wete yeubinaimpini nipi nou keke dua orumbini.⁴⁴Ne yembe serai wete baya menaititine wena ne oru baya dinkere nai oru sisi damna tenoupei we neya aropei man mamena ya wekewa mene wete noute teinyate mene.''(Yesus wariyei man kena ongko miete baya keseyone sukuyone)⁴⁵Yesus wariyei man kena ongko miepa eyupa ke nepene nai tetro baya sekuyona.⁴⁶Ne tetrote sanuyomo,semopa dua merapiki dena mie peda mie Awa mante kapenaine we beite nai nete tai bei masa kenna mie!''⁴⁷Yane-yane Yesus wariyei ongko eyune tetro te kruyome.Imam-imam tenai Ahli-ahli taurat bete bete kanya Israel tetro bea karore nete baya tonapini.⁴⁸Ne tetro-tetro aropei,beya mane meko napini srinu krainu metere nenapa dua tikepiki metere nena ate betai.

Chapter 20(Yesus wariyei nena deterete ate)

¹Ya sine Yesus wariyei ongko miene tetro teren karikime imi tre sangkeme netai Imam-imam tenaipre anen dona-mendona tetro-tetro yarise-yarisepre napa anekai.²Ne tetro Yesus te senane de te sanumpunu mapena deterete deke da kembarite mekeye sime ne detere te wete ikiwe?''³Yesus ate saweke ne te sanumu,''nemanedraite wepa nimiteme.de kewa ate donembini,⁴Yohanes kena bu kroyomuna kaye sorga yore bei da tetro yei kena bu?''⁵Nenei beite kai tukani deyani,aye seimane Sorga warirerana neye saneneme,we kaye de tena a sawipei?'⁶Nemane draite aye domanbini tetro yei kenare,da tenouna ate oru tutenaime,ne kenane ate dua sawekai Yohanes pda tetro Nabi.''⁷Ne tetro ate sawekai,ne aropei da bukromuna maprena.⁸Nepere Yesus wariyei ne te sanumu,nemanena de wete santemena de maperna deterete deka ne kembarite mekaye.''(Anggur mikate mekainya tetro a aroi-aroipa arapiki)⁹Yesus wariyei da aroite tetro teren damba sanumu,tetro besika anggur mikate mekoupuku,ne mikate tro semapre kenainya tetrote nemeiye ikime,ne yosipa ne tiki mane ne warene.¹⁰Yu ya mekena,mikaprena tetro nenei miena kenbari tetrote sanumbuku euna kaye di mika semana tetrote sanumu dete anggur posite atonawi.ne ke somkeme,ne te mekaye peneyai sekambiki mekabei dewa meke.¹¹Mikaprena tetro nekewa kembari tetrote sanumbuku nepa ke,da mika semana nete meka peneyai pataburete mekeyani sekambiki meka bei dwa meke.¹²Tetro naminate nekewa draite sanumbuku da tetro meka penai kekoute anemeko,ere basua.¹³Da mikaprena tetro seyunu,de beasete mekote? de dei yei besikate santebini ne tetro-tetro kwane,nedraite ne te endikete dekonani.'¹⁴Mika semapre kainya da nikaprena miyei muna tani ne ate bou seyani,da nenei sa muru nete baya temapini,nemena kaye nene sa aye doma!'¹⁵Nemena kaye,nete ere basua yepaipiki nekewa dua baya aitopuku nepreinya mika tuamay beamane nete mekoneme?¹⁶Ne dwa mene wapena meka smanate baya mene tetune da mikate tetro site inime ne ate betekai da mana seyani,''betepre mekoupeinya!''¹⁷Yesus wariyei nete temu sanumu,nemena kaye da nas yeko beamane keu,mie te meraine tetro da oru baya kengkainya ori meke bete hisiki tepeu.'?¹⁸Sime da oru dana a erinimbina,nepeko orumbine nemandraite tetro si da oru titawibenina nete tetro beta-beta arumbini orunaipini!''¹⁹Ayo seraipre Imam-imam tenaipre neyana Yesus te awairitainya te derekaini ne dua arambiki,wapena aroi-aroi seyuyone ana wapanate seyuyone ne tetro terengte endikite dekeyai.(Drate Kaizar kena mekapa)²⁰Ayo seraipre Imam-imam tenaipe Yesus wariyeite dou danane tani,ne tetrote tetro si te senambiki wapute ke tetro poitai da tetro Yesus wariyei kewa ke ate umunu,wariyei beamane donembi wariyeite beknapini donani kanipre tepainya tetro detere kwa.²¹Ne tetro-tetro ate Yesus wariyeite simani,''Guru de arambikitena,a metere saniyeni tere kiriyemu ne noruna nepere betena urepei ne dnaite mang kena nipite noru kiriyemi.²²De kaye Kaizarten dratena mekoma bei mekopei?''²³Yesus wariyei ne tetro-tetro kena mendo peko dua arumbuku,wande ate uku,²⁴''Dera dinarte de te bei bete kiritupu sing kena be,nine nepa mereupuku?''ne tetro-tetro ate mekapi,''Kaizar nena be neye mereupuku.''²⁵Yesus wariyei ate nete sanumu,nemena tena Kaizar kena mekapane nenei sa poi tere dua ininde nemandraite mang detere tena nenei tena dua ininde.''²⁶Tetro tren kena bekouna wariyeitena donipei ne tetro-tetro tengkente seray wariyei kena a sa mekena.(Saduki tetro ate sumu dua souna dwa yemuyou)²⁷Saduki tetro maserei drou Yesus wariyei kwa mekai,dua souna tetro dwa yemu youna ate drainena,ne tetra Yesuste ate senani,²⁸''Guru Musa da yekote dekewa damane merepuku,tetro sime nedraite nenei dokeka tetepinena nembire warite neme keu nena yei ambai nenei dokeka ne mirete dua donena nema ne wande yeite senonei.²⁹Da neka bra-bra mekasu sunabi serey kay,do yarise mine dekone ne dua tetepuku,nena yei ambai.³⁰Ne mire mekasi sipa tambiki nemandraite dua tetepuku nena yei ambai.³¹Nekasi naminaye ne mirete nekewa dekone nemandraite yei ambai,do mekasu sunabi tupru-tupru nekone kuyona ne do keka dua dopuku yei mena metere ambai senopei.³²Metosuru ne mire dua tutepuku.³³Nepreina ne mire bea mane,sime ne tetro tetro kone kuyona do netere tupute ya bunapama? nemena kaye ne do meka su sunabi ne mire nekone bei kuyono?''³⁴Yesus wariyei ate saweke,da kani damena tetro do mire dua awa orai tami,³⁵Nemane,ne tetro-tetro noutere-noutere kani sipa nainya,dua souna suru esua bunapa nainya,mire do dua dwa orupei tambipei.³⁶Ne tetro nekewana tetepipei,ne tetro Malaikat mana ne tetro mang nenei yei.³⁷Dua souna tetro esua inaiyemini,Musa wai dua sanumpuku,da nas akurung sase nero mangte mang Abraham,mang Isak,mang Yakub.'³⁸Ne dua souna mang ambai nedraite wari mang nena bekouna tetro metere wari kenai.³⁹Ne ate betai ayo serai senani,Guru ne noturna ate saweke.''⁴⁰Ne tetro armambipei Yesus wariyeite ate nekewa.(Dena peda Yesus nenei sanipi bunipina)⁴¹Yesus wariyei nete sanumu,bea mane tetro ate donambini Mesias Daud kena yei?⁴²Daud nenei mekaye semo kepei Masmur dombuku,mang kena akurung dua tuamai kewa meke,dena meka metere sune mu yongkune,⁴³Wena yembe serai,wena otope burune.'''⁴⁴Daud netena nenei tuamai,beamane ne kaye nenei yei mane?''(Yesus wariyei ate titawumu asemo seraitena wasema te warende)⁴⁵Tetro metere tenouna betekai,Yesus wariyei nenei oto tounate ate sanum,⁴⁶''Ayo seraitena wasema sema wanende,ne serai mayong tikiplapiki otote kengkaine dua dwa nipi nerore ketaine,nai diapa wrai nete seso tupname,mang kena ongko miene bekoutene kay perjamuan tena ne beterena kay.⁴⁷Ne seray mire sonya-sonya kena miepa wrai tetrote apeu-apeu wepani,mang tena a tikitere kraine.ne seray o setere neye otonai.''

Chapter 21(Mire sonya kena kenabise)

¹Yesus wariyei bite bunapa deko,neye doute teu dera terena tetro nena derate peti eupa arai.²Yesus wariyei doute nekewa teu,mire sonya dera ambainya dera peser biserei dera peti eyupa eruku.³Yesus ate sanumu,de wete ate sename,da mire sonya dera ambainya mire,derake eyupa erukuna serei bete nepeda kasopre warena di deya kasopre.⁴Dera terena tetro kasopre ateyami,da mire sonya nena dera-dera sereibite ikimi,nemane nenei eyereu sa metere ateyome.''(Tanda-tanda akhir zaman)⁵Tetro siderou ongko mye ate seyani,nete tani nopanate seyani,ne mye oruye noupa dua tembiki,sa bisi-bisi noupa tembiki Yesus sanumu,⁶''Beasate weye nepene tanu,neye menena oru sisi nedamba nemba tenainya metere baya yona apa dinkerenainya.''⁷Oto touna Yesuste senami,Guru,mayane ne yeko mekombini? ne beyasa brimbinineya tena?''⁸Yesus ate saweke,wa sma-sma kende,wete betepre pekoye mekonaimi prena nedraite tetro teren menai dena wadote nenei wapa teinaine,teinene de nepedaye meka tepa,ya watoupa dua mu we netena tawi peinya.⁹We bentekeite betonde,mamna pra mene,sangkupra,we titeikropeina da metere tua dua mekombini.ne metere dua mekonaina,da tupute naya deraibeitena mipei.''¹⁰Yesus nete ate sanumu,serai bra-bra bebeite didinai,kani sipre-sipre bebeite derenaine kingkirenaine.¹¹Kani armabei tipinine,di nou sisine sisobu sanamu nepene,mumute kekanane ne noune sa sisi mekone dekokropeinya,bisi-bisi bunare mane mekonena.¹²Ne sa mekopeinyane mipeinyane,we atonaime meka titinai peko-peko mekonami,wete ongko mye eyupa atunam nai ere tumbusupa tanamu wete ondo wapo-ondo wapo kena kekoupa ende tetro detere-detere kena betoupa ende,da dena wado sate wete nemene mekonami.¹³Ne warore dena wadote peto kuraye sanemende.¹⁴Wewei kenate noubeine dusungkrone tepu,we betepre mekonipeinya ma tetro wena ate seimine.¹⁵Dedey mekaye aru poite wete iteme,nemenakaye we tetro sipre abei beite tuturena,we metopana ambai sikinsipei.¹⁶Wewei Awa nawa wete na kena keipei wewei weke nemanderaite,wewei myena tetro touna tetro,wewei yauna wena nerore tetro tibite baya titinaipine.¹⁷Tetro wete yembe ekri tanami,dena wado sate nemane mekonaimi.¹⁸Nemena tena we nuapiye besikana tena bitepre dawipipeina.¹⁹Nemenakaye we nou beine depa kende wari yereu weye dou.''(Yerusalem baya dingkerapini)²⁰''We doute tende,mamilaya Yerusalemte pra suruni mene atinene da dua nemeyambuku,neye apa dingkernai ya watopa dua nopuru.²¹Ne yana Yudeana,tetro mekopa nawenai,tetro kota ne kanya baya nou sipa nai,tetro paune werainya kota pana mipei.²²Peko we damba nekewa mene,da semopa meten dua merapiki.²³Mire-mire yeite tepainya,mire-mire yeite konte atamina peko nena damba neya menena kena pra-pra dopre metere da kani damba,da serai damba ate moru.²⁴Ne tetro serai ambai orunai,da metekaye baya pronai atonami serai sipa-sipa tanami,Yerusalemte serai sisi oto bapenani,ne serai man tena nimeipei,ne yeko ne seraipa nopa mekonapini.''(Tetro yei dewa menena ate aropuku)²⁵''noupre noupre sonin ne kenyai,okone kenyai,meyane kenyai kani damna seserai bra-bra endikite dekona pro-pro arunai nau kurung dusunai.²⁶Tetro endikite dekonai baya sone,da kena dua pnapiki dayo damba pekoye.netoupuku nemanderaite manena detere nemei diteiyini yendronene.²⁷Ne yane tetro yei menenate tenaine,dima burure mene nesri detere nenei piambai.²⁸Metere nenane dua mekon binina,esukemina bete bunapa we te peko norore baya tanempine watopa duanu.''²⁹Nemnakaye,Jesus wariyei da aroi-aroite nete sanumu,ara ote tenende bei osisi.³⁰Weye ne ote tene,ne siye dua baruai we dua arambuku,doiya watopa dua mu.³¹Nemanedraite weye tenende,nesa nemane dua mokonainya,tende man kena ya watopa dua mu.³²De wete sename,da serai ambai orupeinya,mipeinyane da sa dua mekubini.³³Mapre kanipre ambai arunai,da a betepre ambainya orupei.³⁴Wa semate wadu,kenate metere di buse kewanya pana kepeinya,mau-mau bute na aripeinya nepre temberari da kanidamne nepre man kena ya seraibetena mipei we damba mentombini sebagai jerat.³⁵Nedraite da kanite prenentene tetro yeipre.³⁶Noune semate kende Awa man te kapinende doye-doye orunende,nemane we wakte dou,nemane we peko dambana ambai metere da ya mekonena nemena kaye we esune nopa tepeu da tetro yei.''³⁷Danya daiserei Yesus wariyei ongko mye ne krumu,denen ne basuwa Zaitun mukopa eu.³⁸Yayapre tetro teren dopre Yesus wariyei kewa inai,ate betonai man kena enko myere.

Chapter 22(Yesus wariyei te baya tonapinina ate bou nipite mekai)

¹Ya detere roti tidak beragi paskah te dewani watopa dua mu.²Imam-imam tenaipre Ahli-ahli tauratpre nipite urei,beyamane Yesus wariyeite tenaipini ne tetro terente endikite dekai.(Yudas Yesuste peko)³Mase Yudas Iskariot kena burupa kiriki ne Yesus nenei oto touna mekabi sunabipre na.⁴Yudas Imam-imam tenai kewa ke,nepere Yudas tenai-tenai ongko myene semate kanyate neyambei ate seiyani beya mana Yesuste nena mekapa sarembini.⁵Ne tetro tenai-tenai kena karite draine kenate nebeite dekai derate nete atekani.⁶Ne ate esauweke neyana nepere nipite ereu Yesuste ne tetero kena meka damba tanempini da tetro tenouna betepre aropei.(Paskah sate aninate dingkaine)⁷Ya roti tidak beragi dua meke,tetro domba paskahte pronai.⁸Yesus wariyei Petruspre Yohanespre sanumu ernakaye Paskah sate noupa-noupa mekonde aye ne sate anema.''⁹Ne dobi Yesus wariyeite sanini,manoute we kena kiye,da sate dini mane?''¹⁰Yesus ate saweke,we kotapa eyupa erena we tetro sipre tonde,ne bute kendine dekou mu ne tawenere nena myepa eyupa ere,¹¹Myena tuamai te ate sanenembide umure,'Guru we ate sanuwe:na deko nemeiye keu de ye de dei oto touna Paskah sate nepena anema?'¹²Ne tetro wete bunana deko detere noupana nepene satena noupa-noupa mekonde.''¹³Ne dobi otote dua ei,Yesus wariyei a sanuyomu name ne karo metere noupa mekapi nemanekaye Paskahte ne tetro bi noupa dua aimekopuku.(Perjamuan kudus noupa aisesuku)¹⁴Ne ya dewa meke,Yesus nenei oto tounapre ne beine sate anai.¹⁵Yesus wariyei ate seyunu,''de kena karite drane da ose eriteipeinane,Paskah yau sa nebeine nena.¹⁶De wete sename,de ne sate na nekewana anipei ne draite ne yeko Awa man kena diane mekombini.''¹⁷Nepere Yesus wariyei bu klateu enean do ate mante krone sanunu Yesus wariyei ate dombuku da sate do wande tetro sisite ate nomende.¹⁸Da wete sename,neperei dapere anggur kena nekewane anisipei,neme kete Awa man kena dia mene yakone wande ante.''¹⁹Yesus wariyei,rotite deko,mante ate krone rotite bete-bete nutu ne te wasumu sanumu seyunu,da dena wa dua tambiki we tantenate we damane mekonde depamendote mekonende.''²⁰Neman draite,sa dua anapiki cawante deko, Yesus wariyei seyunu da cawan nepereinya yeko dena sa we damba da dilimbini.(Pemberitahuan tentang orang yang menyerahkan Yesus)²¹Kemane we dote tende,tetro kena meka dete tanetepini nebeine betera damne da kate.²²Tetro yei nedraite dua ne nenei yeko dua knapikina nipipa tetro dete tatupuku pekoy orumbini!''²³Nemane nenei beite apa mainaru sime nena norore da semo semote mekone.(Jadilah orang yang melayani)²⁴Yesus nena oto touna a bebeite titikai,sime nedraite detere nena nerone.²⁵Yesus wariyei nete ate sanumu,kani sisina Ondowapi-ondowapi nenei sirinu krainute tepami,tetro-tetro ne tepamina nete trami na semana-semana.'²⁶We serai nemenatena ambai,deterete wena nerona kenena ne tetro sekoromane,ne draite bete tepene tetro yeite poiye mekoneme.²⁷Sime deterete kenena ane da keu sate anu bei tetrote poye mekonu? bei ne tetro da keu sate da anu de nerone da ka tetrote poye mekame.²⁸We noune dembere kana,metere da wapi wapina wepamina nemane deye da tukane.²⁹Deye seiyane da serai te nouna wetena da keuna Awa de tena meko,³⁰Wembene dembere sate bute betra damne ne beine dena diane anema we bunane kende,mekabi sunabi Israel toute ate tende.''(Petrus Yesus wariyeite ate sanupuku)³¹''Simon,simon doute tei.masa wete gandum tena mane baya eru,³²Nemane keu,de wete dua mante saumbuka wena a sawekena simbinipre we,poitere dua sauna,wewei dokekate wakte atomu.''³³Petrus ate saweke,''man de eretumbunu pana de kenate kana dekokroipe neyau bei wembre ambai orakerone!''³⁴Yesus wariyei ate mekopuku,de we senawe,Petrus amberawe a mekoupipeinya ne we bu namin serei dete ate baya sarupunu,nepere we mande nemeyumbunu.''(Bersiap-siaplah menghadapi kesulitan)³⁵Yesus wariyei nete ate sanumu,''de wete kentemena pundi-punditena dopei epeina,sa mena sa dopei epeina,oto eretena nemandraite dopei epei nemenakaye we beya sa sa kasapiki.''³⁶Ne ate sawekai,metere ambai simena betepre sopipei Yesus nete sanumu,nepreinya,sime pundi-pundi dera tangke tepenena noune done warene nemandraite emburupan sa noune done warene sime tepipeinya,wera-wera juba mayong inbate naite mekombini nekewa meteka tikite done.³⁷De wete sename asnakepeine akurung detenate dua meraipiku ne sangku serai kena neropa nepa bea mena akurung de tena meraipiki nepereinya wande dua kyai.''³⁸Ne tetro ate dwambiki man,da meteka tiki biserei Yesus ate saweke,nete wande.''(Taman Getsemanine)³⁹Yesus wariyei kota basua ke,nenei waruna mane Zaitun mekopa ke.nena oto touna nete tawekane.⁴⁰Nena dua kai,Yesus wariyei ate nete sanumu mante kapininde,nemane we mase kena meka dambana ambai netopipei.''⁴¹Nemenakaye Yesus wariyei nenei wate nena nerore baya ke,nena noutiki da orute kenan tena mane ne seraine ne oto butu dusungkroko man te kapunu seyunu,⁴²''O be dei Awa we upunu da cawan da peko da o sete dena damre baya dou,nekaye seiyanu ne Awa wewei kena dua upuke.''⁴³Neto-netopre tetro bunare mare meke nete wakete mumuyuku.⁴⁴Yesus wariyei endiki karu-karu bai dopre tukanu nemane ne mante armabei kapunu nena doi baruyai wa samane kani damba apa akai.⁴⁵Sonin keyena arepipei,mang kena ongko mye neronamayon nerore baya arukroke.⁴⁶Yesus wariyei ate armabe taru o Awa dena wanuru wena mekadampane Yesus wariyei nena ate nemane enu dombuku wande nena aru besikana baya yosuku.''(Yesus wariyei meka awekai)⁴⁷Yesus wariyei ate nenei ototounapre mamai Yudas tawekeme bete bisiki ne Yesus wariyei nenei ototouna mekabi suna bina Yudas Yesus wariyei kena wayepa eu,Yesus wariyeite sensenke yetune.⁴⁸Yesus wariyei nete sanunu,o Yudas we tetro yeite tambune,damena sensente mekeye?''⁴⁹Yesus wariyei nenei ototounapre nebeina doute tai da yeko beya mane meke kuru,ototouna ate dwambiki,man di tetro mekainya te meteka dua proma?''⁵⁰Tetro besika ototouna,Imam detere nena kembari tetrote metekaye bentekei meteresunate baya ketepuku.⁵¹Yesus wariyei sanunu,nete wandenate''Yesus wariyei,ne bentekeite deko roupa poiye enutimbuku.⁵²Yesus wariyei,Imam-imam tenaite tenai-tenai oko myene semate kanyate,yarise-yarisete mekai Yesus wariyeite awinate mekai sanumu,wena mendo mekanuna de da skainya tetro bisi tetro nemena te meyepra arapere dunambuku dete awinate mekau?⁵³Ya ya de wena nerone di ongko myene da wra we detena da awipei da wewei ya da skay detere keunya.''(Petrus Yesus wariyeite ate sarupuku)⁵⁴Yesus wariyeite awekai nenoru dekane dua ai nete dekani Imam detere kena myepa Petrus baret metosaru tawekeme.⁵⁵Mye bekoune,nerone nou betene tetro sinte krumbiki ne sintoune atinangkroko kai Petrus neman draite nena nenou tawe keme keu.⁵⁶Kembari mire besika Petruste tembuku sintone keu,ne mire nete tenu,seyune da tetro nembere wariyainya.''⁵⁷Nemane Petrus ate sarupuku,seyunu ambai netena aropei.''⁵⁸Tiki bete banyane tetro si ne tekene,ate mekoupuku,we draite nembere tetro.Petrus ate mekopuku,ambai,de ambai tere!''⁵⁹Sonin besika serei dua ke,tetro si besika ate arma dua dombuku,noruna tewai da tetro nembere neyau bei wariyainya ne draite Galilea tetro.''⁶⁰Ne draite Petrus ate mekopuku,ambai de aropei we beya ate seiyene,ne sonin ne ambrawa ate kokote mekopuku .⁶¹Man burusuku Petruste tenu.Petrus mendoye manya mekone,man detena dua sanutupu,daya ne ambrawa a mekopeinya we dete bu namin,''⁶²Petrus basua ke dimite ke dumu.(Yesus wariyei Mahkama agama nena bene tepeu)⁶³Yesus wariyeite awekainya tetro nete peko-peko senani meka penai.⁶⁴Yesus wariyei nena bete pranteke ate senani ate bete dombi,sime wete toupuku?''⁶⁵A pian-pian katiya Yesus te senani.(Yesus di hadapan Pontius pilatus)⁶⁶Ya kopuku tetro yarise-yarise Yahudi serai Imam-imam tenai a yeko serai nebeipa kompurumbuku,Yesus te dekaina Mahkama agamapa kai.⁶⁷Mahkama agama Yesus wariyeite ate ukanu sanunu dete sanumupunu,we kaye Mesias? Yesus ate saweke de wete kya santemena,we atena sawipei.⁶⁸De wete surute mena we a sawipei.⁶⁹Neperei tepe depene tetro yei.mani kena meka metersune yongku keu detere.''⁷⁰Ne tetro-tetro ate senani,we kaye man kena yei Yesus ate saweke,we wei meka dua yo dwambuku de man nenei yei.''⁷¹Ne tetro-tetro ate dewambiki,bea tena te aye ate seinina tetro wete eyei bentekaine dua da betate wapene nenamburune dua da dombuku!''

Chapter 23(Yesus wariyei Pilatus kena beto tepeu)

¹Yau detere mena mane esua yeyemuku Yesus wariyei dekani Pilatus kena bekoupa.²Dipini wande da tetro yei wariyeite katete bewapiki senami,de dua ne meyambikite da tetro arn seraite yekotemuna Kaizar pana wariyei nepana dratena ate dreunena mekapeinya,nenei wapana seyununa,nepe da Kristus ondowapi detere.''³Pilatus Yesus wariyeite ate sumumu,we kaye Yahudi tetro kena ondowapi?''Yesus wariyei ate saweke,a weweite dua ne dombuke.''⁴Pilatus ate Imam-imam tenaite,tetro teren damba ate sanumu,de da tetro kena peko dou tepei,Pilatusye.''⁵Da tetro tenouna metere Pilatus aye dua susane damene senani,ne tetrote aye wapumu neye kurumuna sua-sua di Galileane metere metere dapa da meke!''(Yesus wariyei Herodes kena bekoune ke tepeu)⁶Pilatus ne ate betoupuku,neye ate sanumu nemena kaye di Galilea tetro?⁷Nepena Herodes arumbuku,Yesus wariyei Herodes nena suruna tetro neman sate sarenapuku Yesus wariyeite Herodes kwa dekani neyana Herodes Yerusalem⁸Neyana Herodes Yesus wariyeite tembuku,ne kena karite drenu Herodes nena kena Yesuste dua-dua kena sereine temburu tai Yesus wariyei kena wado da Herodes dua da betoyou.Herodes nenei kenane Yesus wariyei yeku site krupuruye neye temburu.⁹Herodes a kasopere Yesus wariyeite su muyonu Yesus betepere a sawipei.¹⁰Nebetena Imam-imam tenaipre ayo seraipere bete kai tepai a sate nedamba senane.¹¹Herodes nena yuku seraipre Yesus wariyeite wa sete mekaine,a neki-neki bariyani juba detere tutaimbiki wande dekani Pilatus kwakai.¹²Neya beine Herodespre,Pilatuspre nebeite kena youte dekoi tua-tuana yembete kiyou.(Yesus wariyei nekewa meke Pilatus kena bekoune tepeu)¹³Pilatus Imam-imam tenaipre,bete-bete werainya tetro,yo serai te nebeipa kopurumbuku,¹⁴Nete ate sanumu,''we da tetrote de kewa dekanu mekena,ne da tetrote wapunu.wewei deuye dua da tanu de nena peko dua urepuka tepuka nena peko mekoinate aye senannuna de ye tiayana nena peko ambai.¹⁵Herodes nemanedraite Yesus wariyei nena peko dou tepei,nemansate Herodes dekewa sanumpuku dekunu meke.tepreitere,ne meka sisite mekopei nete wande baya topi.¹⁶Nemane de nete sastepini,wande baya tatembini.''¹⁷Ya detere-detere tetrote besika-besika baya tamuna da sinin kraynu patate.¹⁸Nemane da tetro yei tenouna ate neyau bei raiketepuku''nete baya topi,Barnabas de tenate baya tambune!''¹⁹Barnabas eretumburupa tuan tekena,ne waro keuna,neye kote ne a sangkune tetrote tewapiki.²⁰Nekewa draite Pilatus a armabei sanumu,da Yesus wariyeite baya tanembine.²¹Tetro metenouna a te keterai senani onopa bapekinde! onopa bapebinde!''²²Da naminte nate Pilatus ne tetro yei damba ate mekoupuku,Yesus wariyei nena peko beasate mekoupuku? nena peko dena dou tenipei,nepere wande tenu-tenu done nemane de nete pentepeni wande baya tetembine.''²³Tetro ate nemane keterai Pilatuste armabei susani,Yesus wariyeite opa bapenaipine,nena ne a keteriana wande nopa dekai.²⁴Pilatus ate tiyeikroko,da tetro-tetro tenouna nenadrai nena sua ate esauke.²⁵Pilatus eretunbune tenou tetrote baya tanembini da a sangkute draine,tetrote tewapiki da nenei a draimane Yesus wariyei nena meka damba tamupuku nete baya mane mekonainya nenei damene keu.(Yesus wariyei dekani opa bapenaipini)²⁶Drona tenouna tetro tereng Yesuste dekane ai,nepi norone Simon kirene kota basuru munate senambiki o sete yaro damba eruteke,Yesuste tawekene.²⁷Tetro tereng nete tawekaine,ne karore mire senai dimite kengkaine dimai.²⁸Yesus wariyei metopa burusuku nete ate sanumu,Yerusalemna mire bran-bran wewei wapa dimite dimaru wewei yeiprepa.²⁹Bo tete,dewa mena ya tetro ate donambini mere kenton,yei snopei kong yeite atopeinya metere piamba.'³⁰Tetro srote-srote sanenami dete premime nemanderaite mko-mkote sanenaine dete premime!'³¹Tetro o nisite nemane mekani,bei o kra-krate ne beyamane mekonapini?''³²Nepena tetro biserei atekami,ne serainya tetro,su nemane dua tonapi,Yesus wariyeipre.³³Tetro-tetro ikai nena nou wado tengkorak nepena Yesus wariyeite opa bepapi,nenoune draite tetro biserei opa bepapi tetro site aya supa bepapiki,site metere sua bepapiki.³⁴Yesus wariyei ate dombuku,''o Awa da tetro yeite kena bisete derenu nena mekainya dampa.''ne tero-tetro,tukai-tukai te kengkbine wande mayonte wasiyai.³⁵Tetro tereng dopre nepe tepaina metere dou dua tani,bete-bete weraina serai a mise-mise wariyeite senaine,''tetro site poye mekoume nepreinya bei nenei wate poiye mekonembini nedraite Mesias puang neneite dekone!''³⁶Yuku suruna a mise-mise wariyei kena damba senani yuku sununa serai anggur petite wariyeite kiraine,³⁷Da mane senani,weye seiyene yandi kena ondowapona detere,bei wewei wate onone!''³⁸Nepene wariyei kena tenai dampa sumo damene meraipiki,da Yahudi kena ondowapona.''³⁹Tetro serainya bi wawina,siye wariyeite a peko-peko barunu,sanunu we kaye Kristus? we onore dembere-dembere poi orumapini!''⁴⁰Si wawuna nete siye askene,sanune we endiki dekoupei mang tena nemane draite dekoupei we nemane draite nembere osete ate kaime?⁴¹A kaye o sete noru ate kami,eyei meka ne pekote dua mekopikite,da tetro nenana peko ambai.''⁴²Ne tetro wariyeite sanunu,Yesus de tena mendo mekoune,mamena ya we ondowapona mane dewamu.''⁴³Yesus wariyei nete sanunu,de we te sena we da yane wembre dembere Firdaus.''(Yesus wariyei dua tetepuku)⁴⁴Neyana sonin mekabi suna bipa ne kera menemane nekoye dua orupuku neme ke sonin namipa.⁴⁵Sonin keyena erepipei mang kena ongko mye nerona mayon nerore baya arukroke.⁴⁶Yesus wariyei ate armabei tanu o Awa dena wanuru wena mekadampane,Yesus wariyei nena ate nemane enudambuku wande nena arubesikane baya yosuku.⁴⁷Pra tenai nenei dou tenu wapena da karo mekouna neye manate piambainya tetro!''⁴⁸Tetro meye mekainya nenei dou dua tiani wapena da waro mekeyoune otote dua werai nenei wate mekaye bapekai yeu. ⁴⁹Tetro metere Yesus wariyei te watone dua arambi ki,me tetro mire-mire serai Yesuste tawekani Galilea yopa kainya baiterene tepai nenei dou ne metere da waro mekeyouna dua tiani.(Yesus wariyei dua sesiki)⁵⁰Tetro besika nena wado Yusuf ne anggota majelis besan,ne tero poi noruna.⁵¹Ne atie krokona da tetro ate sarupuku da Majelis besar ne arimatea tetro,kota Yahudi neprena ne mang kena diate teu.⁵²Ne Pilatus kwa ke,Yesus wariyei nena kanitenate ke betoune.⁵³Yesus wariyei nena kanite apa deko,ne tetro Yesus wariyei nena kanite mayon tenan ptentuku dwupuku oru bure burupa eupa sesiki da bure di oru kena nepete wembiki da bure tetropre nepana bete sesipeinya.⁵⁴Neya kaye,sate dingkani tiki bai sabat ya watupa dua nopru.⁵⁵Mire serai tuana Yesuspre neyau bei Galilea yomekaina tawekami burete dou te tenya te kai,Yesus wariyei nena wa beama aisesuku.⁵⁶Mire seray nekewa dwa burasi mekay,merai bu te kerena otepeite merai murte oruka mekekay atona nay wariyeite wapa konani.

Chapter 24(Yesus esua yemuku)

¹Hari sabat ya ne mey kekai,da hukum tauratpa yeko dua mereupuku ya besikana ne minggu ne yaya betena mire seray mire-mire merai bute atapiki.²Neye kai tekai nena hambikina oru dua burunsuku.³Neye bure eyupakai,Yesus tena temipei.⁴Nepene tepai tere tere orai,netaiye tetro biserei nena wayene tepei,nena mayong titipikina sin mane atoune.⁵Ne endikite dekaikereko,bete apa-apa ne tetro bi ate seini sanumu we beyatena te wari tetrote urei,da dua souna tetro kena karonpa urei?⁶Ne dapena ambai,ne dua yemuku.mendo mekanu nena a sanuyomu ne ye maning di Galilea yone neme wariyou.⁷Tetro yei,tetro kena meka peko dampa sarnaipini nepre opa bapenaipini ya namina neye esuwa duayemuku.''⁸Ne ate betapiki,nepre arambiki wariyei Yesus a dua sanuyomu.⁹Ne mire-mire bure damre dwa burasi mekai a kiyate,Yesus nenei ototouna neimeke te sengkaime.¹⁰Ne mire-mire nena wado,Maria Magdalena,Yohana,Maria Yakobus nenane mire sisi neyau bei ate keye sengkame.¹¹Tetro sisi betetekai,seyikani da apeu-peu,ne tetro-tetro a sawipei.¹²Da teprei tere,Petrus yemuku seraibei bure dampa ke,neye wayong kapau beite tekene ne dua ke,nenei kenane tukau da karo beya mane(Yesus nenei wate koye krupuku Emaus nipine)¹³Neyane draiti Yesus nena ototouna do biserei emas yopa kei,nena tiki 7 mil Yerusalem ne Emauspa ¹⁴Ne tetro bi otote wari da ate seikeniei ne oto ei,da ate seikeniei.¹⁵Ne sonin ne ne dobi ate bebeite dua-dua seini,mendote kroi Yesus meke nena wayepa neyau bei dua otote ai.¹⁶Sasi ne dobi kena doute sunau ne dobi Yesus tena aropei nemeimbepei.¹⁷Yesus ate sanumu,we bea ate nipiroi teseiyikenemu? nonu kai tepai,nena be dimi kna mane.¹⁸Tetro si nena wado Kleopas,neye ate saweke we Yesus apem na tetro da wemindipene,da mena karo akurung warena we betopei?''¹⁹Wariyei sanumu,ne beya sa?'' ne tetro-tetro ate sawekai,Yesus Nazaret tetro da mekopuku ne Nabi tetro,ne nenei kembari deterete tepuna keuna awai kena bekouna a deterete sanumu.²⁰Nemane Imam tenai ye,ana bete-bete wenainya tetro,Yesuste seraipiki baye topinate di apa bepapiki.²¹Yansina de nete seikante,neye mene Israelte baya meneme atoneme.nemane draite ya namin serei dua ambai arupuku,da dua mekupu.²²Dena mire-mire dete titeiyamsoko ya bete kiyapeinane ne mire-mire bure toupa kai.²³Kai tekainya,bure eyuna wariyei tenopei neye ade dekaimu mekai sen ami wapene Malaikat-malaikat dete kiyamipiki de senami Yesus dua yemuku.²⁴Wena yauna mye da akeye noruna wapena mire seray dua saniyanu.''²⁵Wariyei nete ate sanumu,we tetro pro-pro wena Nabi-nabi dua da saniyami.²⁶Bei Mesias da osete metere tukanembini,wande kereu dinpa eyupane.''²⁷Yesus wariyei keiye sanumu,nena wado mena mane semo kepei deterepa mereyai,dare sumo keyei Musare Nabi.²⁸Ne neyopa watupa dua noprai,wariyei Yesus waputeka otote dua eneyamane.²⁹Ne wariyei Yesuste a seke tanya,dambere dapene tene ma,ya wande neko dua oru,sonin sero dampa dua terote.nemenakaye wariyei nembere nembere neyau bei ne yopa kai.³⁰Nepene wariyei sate ne you bei angkai.rotite deko ate man sanunu,wande baya beseu ne tetrote wasume.³¹Nepere da tetro-tetro nena dou baya ekepikei da tetro-tetro wande wariyeite arambiki nemeiyunambiki,nepere wariyei nene derore dua karupuku.³²Ne tetro-tetro dua dwa ate seiyani simai bei ana kena bunapa apa tikai yontena,wapena nipi nerone wariyei nebeine ate seikante meke?''³³Nepere yaiyemuku Yerusalempa mekai ne noune da belas murid wariyei nenei oto tona mekabi sunabipere maiteku nepene da ototouna nebeine kopurunibuku kai³⁴Ne ate dwambiki neperei mang dua yemuku nepere ka!''³⁵Nepene ne tetrobi ate kepa seyone,dinipi nerote mekainya a da beya mane wariyeite nemeiyambiki,rotate bete-bete wasumu(Yesus wariyei nene we te ototounate kiapa mukurupuku)³⁶Ototouna nemei da a bete bete seiyani Yesus wariyei nena neropa akokome,ate sanumu temeye we dampa.''³⁷Ne nurubarukame,nemane draite endikite dekoikroko neye sekaite tekaine.³⁸Nemane Yesus wariyei nete ate sanumu,we betenate endikite dekaukroko,beapotena te wewei kena burune mendo sisite mekanu?³⁹Dena meka otote tene,da de beiye neye mekatepa dena wapa mekate buwe doute te sekai wa orung wa mise ambai nepreina weye dete da taute.''⁴⁰Ne ate sanumu,Yesus wariyei meka otote kyeye kurumu.⁴¹Ototouna kena kari dua semusuku,tengkeng te seray,maning a sawipei waiyei sanumu,da pena e brupa anainya sakai?''⁴²Ototouna Yesuste ka goreng nate ikaine.⁴³Yesus mekapa doke,ototouna nena bekoune emburupa dua dekoanu.⁴⁴Yesus wariyei nena ototou nate senumu,da dena a da awete dua sariya me,tua na maning wembere wemberepere wariyate,da a metere noupa du mekonapi,semo taurat Musa semo Nabi-nabi semo Mazmurpa dua meraipiki.''⁴⁵Yesus wariyei,nenei ototouna nena mendote kyepa krumpuku nepere wande semokepei deterete arambiki.⁴⁶Yesus wariyei nete ate sanumu,semona damane merapiki,Mesias ose neye enentene dua souna suru ya besikana ne ye neine.⁴⁷Nekewa nena wadone peko norone Awa surna temeye nekite baya sukuru da ate da kane ate mene peko kuraye sanename betonai dapere Yerusalem donai.⁴⁸Weye da ate metere seyininde sanemende.⁴⁹De we dampa itime sa dena dua dua sanuyomu we da kota ne none kende wande we bunare wakete donde.''(Yesus wariyei bunapaike⁵⁰Yesus wariyei nete kotare baya atokomu Betania wayepakay.⁵¹Nepere Yesus wariyei meka buna tepeu nenei ototonate wakte otome nenoune Yesus wariyei baya moi-moiye wasiyai wande bunapa Sorgapa dua yu.⁵²Nenei ototouna Yesus wariyeite seso tupeine ,nepere kena kari semusuku dewa Yerusalempa mekai.⁵³Yesus wariyei nenei ototouna Bait Allah mang kena ongko myene nemanbei eyuna neyoubeikay,mante kepaine.

John

Chapter 1

A_I_U ASENA A_AWA _I YEI _U_ARU Yohanes way merepukuA Tetro kna wa eyu nue kiyou; A sena kurung Tetro yei wa te orupuku. ¹Mete na A sena Tetro knawae yunue kiyou; A sena nebei ne awa mang Tetro pere da kiyoi da A sena kurung nepe awa mang tetro nenei A Tetro kna wa ayunuda keu. ²A_I Nedo mete na Awa mang Tetro pere yei yarise pere. ³Metere sasyasi Dado A_I Nedo neye meke you na sa , nemane A_I Nedo ne ambainya pe sasyasi dopre da kainya metere na mane mekoi pipeinya teway ambai keipei.⁴A_I Nedo Nena wa buru ne da yereu te da Nena yereu kiya beiy da tetro yei kna wena keu. ⁵A_I Nedo Nena ne kiya erembuku akepekepe buru ne wanda a neko akepekepe A_I nembere na erikroipeinya tewai da tetro yei kna wa ayu ne kiya keu.⁶Awa Mang Tetro nedo Yohanes way te sanumbuku meke da yo damba tua dewa da meke. ⁷Nedo Yohanes way meke na pe akeya na, wa de akeyate kiya waro te nedo Yohanes way nena ware emburu ne a te seiyi nene wande da tetro yei meye na mane betonai. ⁸Nedo Yohanes way kna wa na ne kiya ambai, nederai nena emburu ne da kiya te ane da seiyi nene.⁹Kiya taprei nya da tetro yei te da erembuku ne kiya dayo damba dewa da meke A_I Nedo Nepe.¹⁰A_I Nedo Neye da yo dambene da kani ne da kiyou, da yo dambena nou kani yeko ti waro A_I Nedo Neye da meke you nemane deraiti kani yo nimi yo waku yo yepei yowari Dado A_I Nedo te na poi ye na arombipei meka poi ye na doni pei keipeiy. ¹¹A_I Nedo meke na pe nenei serai bra kwa da meke nederaiti Nedo A_I Nena serai brabra Nete na meka poi ye donipei.¹²Tetro meye nederaiti A_I Nedo te wa pa poi ye dekai nie namena Dado A_I Nedo Nena poi te wa siyoumu kiyate ate youmu Awa Mang Tetro kna yei bra mane yereu te da kenai nederaiti ne tetro yei seraibrabra A_I Nedo Nena wado te da sei yainie. ¹³Tetro seraibrabra sa waro wa orung waro na pe ambai nemane da tetro yei kna wa ma karo ne ambai do serai kna kena na keneng ambai, nederaiti Awa Mang Tetro nenei asena yoke bei ye Dado A_I Nedo Neye da Tetro yei wa te dua da orupuku.¹⁴Asena kurung da tetro yei wa te dua da orupuku embere nebeiy ne da kate, wande e tetro yei Dado Nena pepoi te e ye ne te dou tanete nemane deraiti ne pepoi A_I Nedo Nena dambere seiyunue Awa Mang Tetro nenei yei do yarise besikana Nena da kena bise waro pere kena na tepreinya waro pere. ¹⁵Nedo Yohanesway Zakariasway niyei neye meke na pe akeya na ate da seiyunue Dado A_I Nedo Neye da meke, de ye we te a te sename : De na meto sure na A_I Nedo Neye da meke, nemane Neye tua tere dewa da meke da yo dambere yansi ne kiyou awa pere yei pere A_I wande deye meto sure da meka.¹⁶A_I Nedo Nena dambere e tetro yei meye na mane da kena bise te yau kena kari te atoumu. ¹⁷Ayeko Taurat Musaway kna dambere ikime, nederaiti da kena bise karo pepoi teprainya Dado yei Yesus Kristus do Yarise kna pepoi dambere atoumu wasumue. ¹⁸Tetro yei e kate na Awa Mang Tetro te na dou teipei, nederaiti yei yarise besika na Awa Mang Tetro nenei yei, Awa Mang Tetro te na Dado A_I Nedo neye da a te seiyunu sanumu e tetro yei kna wa eyu ne keu. (Yohanesway Nenei Wa Pa A Te Seiyunu)¹⁹Nedo Yohanesway nenei wa te a te kiya sanumu Yahudi tetro seraibra Yerusalem yore imam mo serei wande Lewi kna seraibra pere nemane ne tetro seraibra mekai a te senamipiki da do Yohanesway te a te da serai nie. We kaye simbiyang? ²⁰Nedo Yohanesway a te kiya tere da sanumu, a peupeu tena wa pipei. Depe da Mesias bai ye. ²¹Nepere ne seraibra Yohanesway te a te surainie: Nemena we kaye simbiyang? Nedo Elia? Dado Yohanesway a te saweke: Ambai!" Nemena we Nabi sna na de seraibra kwa ne kwa dewa muna? Yohanesway a te saweke: Ambai!"²²Neyo seraibra Yohanesway te a te senamipikina tetro kwa dua ma da a te maneseiyine, we kaye wei wapa na a te na seiyunu.? ²³Nedo Yohanesway a te saweke; De pe da ye tetro a kurung te taru da yo nou da pau kani dambene: Mang Tetro kna nipi te sipi tere mekomam bine kene!" Nedo Nabi Yesaya seiyunu na mane."²⁴Ne tetro yei seraibrabra mekai nya pe ne yo Farisi tetro maserei tawe kaimie mekai a te betoi pina te mekai. ²⁵Ne tetro seraibra nedo Yohanesway te a te senainie; Nemena we kaye bea tena bu te tetro te kereyeme, Mesias we pe ambai, Elia we pe ambai, Nabi de tetro serai ne te ta te na pe ambai deraiti?²⁶Nedo Yohanesway neye tetro seraibra te a te sanumu a te seiyunu: De pe daye bu waro yeko beiy nie da tetro yei te bu te da kerame; nederaiti we tetro seraibra kna nero ne e sune te peu na Nedo A_I Ne te na we seraibra aroi pet werau. ²⁷A_I Nedo de na meto sure mene na Nedo Nena oto ere te na sa butung te na de Yohanesway yerarimbipeinya tewai." ²⁸Damena a waro Betania yo ne da yarden marway yene nedo Yohanesway bu te keroumu na nounu ne pe ne da.(Nedo Yohanesway Yesus Kna Wa Pa Meka Te Kuru)²⁹Wape ya te na dado Yohanesway dou te teu na kaye wamde dado Yesus ne kwa dewa da meke nedo Yohanesway a te dombuku: " Awa Mang Tetro kna yei yarise da besika na te dou dou tanuru; da yo kani dambena peko te baya sumbine. ³⁰Dado A_I Nedo ne te de ye a te we seraibra te a te saniyame: Nederaiti de na meto sure na tetro besika mene na Nedo A_I Neye yansine da yo kani dambene da neye tua tere dua da kiyou wande e tetro yei seraibrabra meto sure meka te. ³¹De Yohanesway meme te na Dado A_I Nedo te na aroipei, nemena po te de ye da meka na pe we tetro seraibrabra te bu te da keroteme, nemena karo ne Dado A_I Nedo nete Israel do mire aronembine."³²Nedo Yohanesway a keya na, ye a te da sanumu: dena dou ne dua da tane Awa Mang Tetro nenei Aru Roh sero dambere bu na re awe yako kreu me Merpati mane, pa meke na kaye Dado A_I Nedo nena wa dambe ne da keu. ³³De Yohanesway A_I Nedo te na de aroi pei, nederaiti dete Awa Mang Tetro neye sanutupuku meka bu waro ne bu te da keroteme, nemane da de te asena kurung te sanu te: Nederaiti we dou te teu na Awa Mang Tetro kna Aru Roh besika na apa yere ne Tetro yei besika Nena wa dambene kene na, ne pe A_I Nedo ne ne da tetro yei seraibrabra te Awa kna wa do ne yei kna wa do ne Aru kna wa do ne bu te da keroneme. ³⁴A_I Nedo nete dedei dou ye da ta ne nemane a te da seiyane. Dado A_I Nedo nepe Awa Mang Tetro nenei yei do yarise. (Yesus Nena Yau Na Dero Na Memetere Te Na)³⁵Wape ya te na nedo Yohanesway nena yau na do bi serei e su neda tepei, ³⁶Yohanesway dou te teu Yesus dewa da muna te dado Yohanesway a te seiyune: Awa Mang Tetro kna yei yarise te dou ye tanuru!"³⁷Yohanesway nena yau na do biserei nemena a te dua betoipiki ne pere Dado Yesus te tawe kaini dua nebeinie nembere. ³⁸Dado Yesus Nenei wate meto suwa da buru suku da do bi te dou temu a te sanumu: Bea sate weye wureu? Dado bi Nedo A_I Nete a te sanine: Rabi Guru, we kaye monou nu kiye?" ³⁹A_I Nedo da do bi te a te sanumu: dewa merena kaya wei dou ye tenembire. Nebeinie dewa mekai A_I Nedo Neye keu noute dou ye da taini wande A_I Nedo nembere nenou nukaiy weye sreipa soning aprau pa ke.⁴⁰Do besika Yohanesway kna a te dua be tou puku wande nepere Dado Yesus te na tawe keini nemane nena wa do pe da Andreasway, Simon mai Petrusway nekasi. ⁴¹Andreasway mete na Simon mai pere tekoi nenei nekasi te a te sanu ne : Nedo Mesias Kristus, Nete dou dua tambiki te. ⁴²Andreasway Simon mai te Yesus kna wa tou pa na te nebei nie eiy. Dado Yesus Simin mai kna wa pa dou te teu a te sanune: We Simon mai Yohanes niyei we na wado si Kefasway Petrusway.⁴³Wape ya te na Dado Yesus seiyunu na Galilea yo pa mana. Dado Yesus Filipusway pere tekoi a te sanune: Dete ta wutu!" ⁴⁴Nedo Filipusway Betsaida yore na, Andreasway ye Simonmai ne yo bei rena. ⁴⁵Dado Filipusway Natanaelway pere tekoi a te nete sanune. Depeda ye Yesus te dou ye dua tambiki te, Musaway kna Taurat semo ne kai nya wande Nabi seraibrabra pere nena wado Yesus, Yusuf niyei Nazaret yo rena.⁴⁶Natanaelway dado Filipusway te a te sanune: Nemana yeko simena Nazaret yore kiyambi ne? ⁴⁷Filipusway Natanaelway te sanune: dewa mime wei dou ye min tembime!" Dado Yesus dou te teu Natanaelway wa tou pa meke a te sanune: dou te tende dado Israel tetro nepe nena wa eyu na nari kripei!" ⁴⁸Natanaelway Yesus te a te sanune: Beama ne we Yesus de te aro tupuke? Yesus Natanaelway te a te sanune: Filipusway wete na maning a te na saniwipipeinya ne de wete dou dua tewupuka ara otou nu a nekiye.⁴⁹Natanaelway Yesus te a te sanune: Rabi, we Awa Mang Tetro kna yei yerise nepe. We Andewapona Israel domire seraibrabra. ⁵⁰Dado Yesus Natanaelway te a te sanune: Damena a te we te dua da senawe sate: De Yesus wete dou dua da tewupuka ara o tou ne ane kiye nemena kaye nepere we ye dete Yesus te arotupuke? we dou te teu na kaye da yeko detere meye da kiyambine. ⁵¹Dado Yesus Natanaelway te a te sanune: De Yesus wete a te senawe, tepreitere ye we dou te teu na da sero baya tunsi ne wande Awa Mang Tetro kna sero diare na seraibra Malaikat dero dero apa buna pa warenai Dado A_I Nedo Tetro yei te do tenai nie nena wa tou pa wa ye pa da warenai.

Chapter 2

(Kana Yo Ne Mire Maro Sa Do Mire Anggur Bu Te Anai) ¹Ya naming pa meke Kana yo ne Galilea ne mire maro sa kembari te mekai wande Dado Yesus ne na nawa ne pene di keu. ²Dado Yesus ne na yau na dero na pere nepa simapiki ne pene kaiy tetro seraibrabra nero ne kaiy.³Tetro meye dou te taiy, Anggur bu ambai dua da orupuku. Dado Yesus ne na nawa dou te teu a te ne na ni yei te sanune; Yesus, Anggur bu ambai dua da orupuku mane keu. ⁴Nemane Dado Yesus nenei nawa te a te sanune: Nawa we de te saniye te wande beasa te de na ware meko tepine? Detena ya maning dine neme di keu na. ⁵Nepere Dado Yesus ne na nawa ye do te mire te a te da sanumu: we seraibra te yei Yesus a te sanumu na mane nemane kembari te dua mekonde!⁶Nepe na bu ambou meka supere su na bei tepai Yahudi seraibra kna a yeko ne kenteu bi serei pa naming serei pa. ⁷Dado Yesus ne pene do mire te a te sanumu: Ne bu ambou pa bu da nende kemenai pine ." Ne yo seraibra bu te amboupa denai dua kemeipiki." ⁸Dado Yesus ne yo seraibra te a te sanumu: Neperainya bu kenteu ne bou teu ne da bu Anggur te dinde memete na dido yau kena kari pere na tenai tetro kwa donde ende i nende tua nedo ne ye a nen sine. Nemane Anggur bu te da ne yo seraibra dua dekai yeu tenai tetro kwa."⁹Yau kena kari tenai tetro da Anggur bu te dua anusuku, nemane ne do aroipeiy da Anggur bu mo pere kiyapuku. Ne pena do mire yau na ne bu pere mete daniyainya ne yo seraibra dua da arambiki wande tetro siderou da mire berang kna nembero te simansi ki meke a te da senainie: ¹⁰Tetro mane kiye na pe da Anggur bu pepoi te tua tere tetro te atamete anai, wande meto sure Anggur bu nare nare mena te a nai. Tetro pe da Anggur ba poi te tua a tamete anai: we kaye da Anggur bu poi te neme kropuke kiyai wande me to sure tetro te a te yeme ne te anai."¹¹Damena yeko te Dado Yesus Galilea yone me koupuku kiya tere dua kurupuku wande A_I Nedo nena yau na dero na nete pepoi arambiki dua da nemei yambiki. (Yesus Kapernaum Yo Ne Keu)¹²Nepere Dado Yesus Kapernaum yo pa kaiy, Nedo Yesus nenei nawa pere yei meke dokeka wande yau na derona pere, ya mo serei nepene neme kaiy. (Yesus Awa Mang Tetro Kna Yau Mie Te Ki Ya Kesounu)¹³Yahudi tetro seraibrabra nenei ya de tere Paska ya wa tou pa dua noupuru, Dado Yesus Yerusalem dia pa dua di yeu. ¹⁴Yau mie de tere eyu ne da nepene sasyasi te nai tetro seraibra Lembu te Kambing te Domba te awe yako te wande ondung waro na tetro seraibra te dou te mu ondung dera te wai syai nepe ne kai.¹⁵Dado Yesus sa buntung po tere mekombuku ne tetro seraibra te meye da yau mie de tere eyure ta nekeme nemusuku mie ba suwa ne yo seraibrabra nenei Lembu Kambing Domba pere: ondung dera sereinya te wa syainya nepere Dado Yesus apa teiyumu kani damba nemane sa syasi betera dambena apa da burumu dingkerumu. ¹⁶Awe ysko pere nai te mekainya serai sa nai te mekainya seraibra te Dado Yesus a te da sanumu: Da sasyasi te metere bai pa da orunde ende, we tetro seraibrabra bea te nate de na Awa Mang Tetro kna mie te wena sanai mie mane da mekambuku.¹⁷Nepere Nedo Yesus nenei yau na dero na wande mendo te pepoi tere mekainie, da yeko ne deraiti semo ne dua da meraipiki: Awa Mang Tetro we na mie kena te derane de te sing detere damba da kengkaiti. ¹⁸Yahudi tetro seraibrabra Dado Yesus te aye mai syainie nemane nenei ate di kaiy sei yaini: Bea sa yeko te we Yesus kurupunu de tetro seraibra dou ye te mambine, we kaye damane meke dereyene?" ¹⁹Dado Yesus a te sanumu; Awa Mang Tetro kna yau mie te a pa donde dingkerenaipine ne deraiti ya na ming serei deyo nou pa ne kwa dua meretepine."²⁰Yahudi tetro seraibrabra Dado Yesus te e te senainie: Mai tereng doa bi serei meka su pere wau su na bei pere da tetro yei da nie te da meraipiki Awa Mang Tetro kna yau mie detere wande we Yesus seiyi yene ya naming serei mie te mereunu te pene. ²¹Awa Mang Tetro kna yau mie te seiyuhu na nenei wa pa na te ate da sei yunu. ²²Nemane derai ti bepabepa na ya ne Nedo Yesus da kani mau te na te tetro yei dua da sou nate tete nerore ne kwa dewa yembuku meke, nepere nena yauna dero na pere da tetro seraibra aronambine wande damena ayeko Dado Yesus neye maning teteipipeinya ne mete a te dua da seiyumbuku, nemane ayeko karo ne Dado Yesus te poi tere nemeiyambiki.²³Nedo Yesus Yerusalem dia ne Paska ya de ne, tetro yei tetro yei seraibrabra kaso pere tereng do pre Yesus nena ayeko na kembari mekou na pa dou te da taiy. ²⁴Nemane Dado Yesus da tetro yei seraibrabra te na nenei wa te na kiya pa na doiypei a te na seiyinipei nemane Nedo Yesus dua da aroumbuku ne yo tetro seraibrabra meye na mane nenei wa te bai betere werai a te seiyainie , ²⁵Nepere da tetro yei si newai besika na Dado Yesus Nena wa tou pa na mipei a te na seiyinipei wande da tetro yeikna yereu, nemane Nedo Yesus nepe te dua da aroumbuku da tetro yei nena kena ayu ne pepoi pere pekopere.

Chapter 3

(Yesus Nikodemusway Pere A Te Seiyinie) ¹Nedo Nikodemusway Farisi tetro seraibra, Yahudi kna ayeko tenai tetro nepe. ²Dado Nikodemusway deneng ya serei ne A_I Nedo Yesus kwa yekai bete meke wande a te seiyune:" Rabi, de tetro seraibrabra we te dua da ara we piki te Guru: Awa Mang Tetro sanuwupuku da yo damba da meke nemane tetro sinewai we ye da meke ye na kembari yeko te na aroipei nemeiyipei wande Awa Mang Tetro da tetro yei te na ayeko sanimipei."³Dado Yesus a te saweke a te sanune: De ye wete te preinya a te da senawe, nemane da tetro yei nekwa na nawa kena yase eyure na senoipei mipeinya beamane Awa Mang Tetro kna dia te nenei dou tenembine." ⁴Dado Nikodemusway dado Yesus te a te sanune: Beamane da tetro de tere ne kwa nama kna yase eyu pa wa eyu re senone?⁵Dado Yesus a te saweke a te sanune: De Yesus we te a te senawe: Teprei tere da tetro yei ne kwa bu nero re bu waro ne Aru Roh dambere yei neku ne wai mane senowipei mipei nya ne tetro yei Awa Mang Tetro kna dia te na dou teiyoei wande eyu pana bete pere eiypei. ⁶Wa orung waro ne seno nevna ne tetro yei wama wa orung, wande Aru Roh kna waro ne seno nenane tetro yei aru Roh.⁷We ka ye tere tere mane ori ye, De Yesus we te da a te senawe: Nemane deraiti we ne kwa yei neku ne wai wa mane senonaiwie.' ⁸Aru mo nou sekene ne aru nipi we kurung beiy te da be te ye ne, nemane we aroiypei da aru mo noure meke wande mo nou pa dua da nena te. Nemane deraiti da tetro yei nyei nyei ne Aru Roh kna dambere seno nena.⁹Nikodemusway a te saweke: Bea mane nemena yeko be te kiyambine?" ¹⁰Dado Yesus a te saweke nedo Nikodemusway te a te sanune: we pe da Israel kna tenai tetro de tere Taurat semo kepeinya a yeko te kiri yeme ne te dua araiypiki nemane wande da ayeko tena we aroiypei. ¹¹De Yesus we te a te senawe, nemane deraiti te preitereye da tetro yei seraibrabra da ayeko te seiyane te na dedei dou ye da dua tanete na sa te a seiyane te, we kaye nemane da ayeko te na aroipei.¹²We tetro yei seraibrabra nemeiyipei, De Yesus da ayeko te da seiya ne wande da mena yeko be te da yo kani dambena, we tetro yei beamane nemeiyinembinde nemane deraiti De Yesus a te da seiyane we tetro yei seraibrabra sorga yo sena dia rena ayeko nepe te na aroiypei.? ¹³Tetro si sorga yo sena dia pa ha ipei Dado A_I Nedo neye sorga yo sane dia re apa da yo damba da meke, Mang Tetro yei A_I Nedo nepe nene.¹⁴Nemane deraiti Musaway ne ye wari mangwari yei te baye pau ne buna pa awe kene kensuku ya re da meke da yo dambada tetro yei seraibrabra kna damba, nemane deraiti mang tetro yei te na da tetro yei seraibrabra ne do ne te buna pa aye aye sawembinde; ¹⁵Nepere wande da tetro yei seraibrabra Dado Yesus ne te nemeiyinambine ne tetro yei ne na yereu nemena beiy te da kene mene.¹⁶Nemane Awa Mang Tetro kna a sena yeko kena bi se karo ne detere te nou sa te da yo damba da nenei yei yari sebesika nate tambuku meke nemane da tetro Yei Nedo Yesus nete nemeiyi nambine ne dereiti da wa ma peko ye na oripipei, ne pete yereu pepoi damba neme na beiy te kene mene. ¹⁷Awa Mang Tetro nenei yei te da da yo damba tambuku meke da tetro yei te peko damba na ambai ne deraiti Dado Yesus e tetro yei yereu pepoi damba mana te nedo neye e kwa dewa da meke. ¹⁸Simi ye Nedo Yesus te nemei yinembine, ne tetro yei tena peko damba na te na sari pipei; simi ye Nedo Yesus te aroipeinya ne tetro yei peko damba dua kainya, ne pe kaye da tetro yei Awa Mang Tetro kna yei yarise te na poi na nemei yimbipei.¹⁹Da yereu waro o sedopre da tenou e tetro yei peko damba meyenamane mana: Tetro yei kna kiya yereu pepoi da yo damba dewa meke, nemane deraiti da tetro yei aru peko a kepekepe buru na da werai,kiya yereu pepoi te a te derainei, nepere nemane ne na kembari yereu karo peko te da detere mekai. ²⁰Simi ye kembari peko te meko ne na, wande kiya waro te ekri yembe mane ne tetro yei da kiya pa na mipeiynya, damena karo keu na ne tetro yei ne na peko kembari mekou na kiya pa do ne mene pere na. ²¹Nemane simi ye da tetro yei wera te na da kiya de ku erembuku napa menepepoi te meko ne na, da asena waro ne nenei wa te kiya pa mene menena karone ne tetro yei nena kembari te mekou na Awa Mang Tetro neni a sena yeko dambe ne kiya dambene mekou na . ( Yohanesway Yes Yesus Kna Wa Pa Na Te A Te Seiyunu)²²Dado Yesus nenei yau na dero na pere Yudea kani pa dua di kaiy wande ne pene da tetro yei seraibrabra te bu te da keraimie Aru Roha waro ne. ²³Nemane de raiti nedo Yohanesway Ainon Salim yo ne nepena muse ne bu kaso pere apa da serainie tetro yei seraibrabra te bute nedo Yohanesway keroumu. ²⁴Nemane de raiti nedo Yohanesway tu e re buru ayu pa na maning eiypei nya sereinie.²⁵Mendo wande yasu yasu mane asiasi mane dado Yohanesway kna yau na derona pere Yahudi tetro besika damena ayeko karo wa mromro wa eyu wa basu poi teme beiy da kenai. ²⁶Ne yo tetro seraibrabra Yohanesway kwa da mekai a te senaiynie: Rabi, wembere da nebeiynie yarden muse marwainie weye nedo te a te saniye ne a te seiyiyene nedo neye nemane bu te da keroumu da tetro yei kaye Nedo A_I Ne kwa meyena mane da werai. "²⁷Yohanesway a te saweke: da tetro yei nenei wa pana sa syasi mete re na mane Surga yo sena dia re a yeko dambere da yo damba dewa da meke pepoi te mekou. ²⁸We tetro yei seraibrabra metere dua da arambuku nemei yambuku wande deye a te da seame; de pe Mesias bai ye ne deraiti de ye tua tere da yo damba dewa da meka wande nedo neye de na meto sure da meke.²⁹Da mire berang ayo mire Aru Roh besika na nepe dado yei dodo keka yari se nenei Aru Roh nederaiti da yei do keka yari se nenei wa tere na nemane deraiti ne ka do nembere na kaye nebeiy nie da te peinya nemane akurung te betouna kena kari ne dereu nu. Damena da kena kari piambainya nepe nemena kena karie dambameyetepumuna. ³⁰Dado A_I Nedo neye detere te da kene, wande de ye nena ye pa kete ate seyitene.³¹Simi ye sero dia re bu na re mene na neye detere te bu nane da kene; wande simi ye da yo dambere na nena ate seyununa da yo dambere na ate da seiyunu. Simi ye Surga sero diare mene na nekaye bu nare detere te keuna pepoi te keuna. ³²A_I Nedo neye seiyu nu na nenei dou ye nenei bentekei nie dua beteyou na a te seiyunu da tetro yei betoiypei aroiypei da werai damena ayeko waro te na. ³³Simi ye da ayeko waro te betonai Dado A_I Nedo nete Yesus te aro nembine ne tetro yei a te sawene Awa Mang Tetro te prainya te teprei tere na te da seiyainie.³⁴Simi ye Awa Mang Tetro kna dia re mene na, Nedo neye da a sena te Awa Mang Tetro kna a sena te da seiyunu, nemane Awa Mang Tetro nenei Aru Roh nemena beiy te a te seiyunu. ³⁵Awa ye da nenei yeite kena bise te dereu nu sasyasi metere yei kna damba ikine. ³⁶Simi ye Nedo Tetro yeite nemei yinembine ne tetro yei nena yereu nemena beiy te da kene mene, nemane, deraiti simiye yei kna a sena betoiypeinya ne tetro yei da yereu nipi te na dou teiypei nemane deraiti ne pere Awa Mang Tetro nena yereu pepoi kiya waro dou teiypei da yereu te nenei wa beiy ware nemene.

Chapter 4

(Yesus Samaria Mire Pere A Te Seiyinie) ¹Nemane Dado Yesus dua da arombuku, Farisi tetro seraibra a te da betaiy piki A_I Nedo tetro yeite kaso pere bu te da keroumu nenei yau na dero na pere wande nedo Yohanesway kna tereng serei bete tere. ²Dado Yesus dua da arombukuwande bu te na keromipei waru nemei keu nemane nena yau na derona ye da bu tena tetro yei te keraimie. ³Nedo Yesus Yudea kani te neme tembuku ne kwa Galilea yo pa meke.⁴A_I Nedo yau na dero na pere Samaria yo re menai wande Galilea yo pa dua da nainya te maiotote mai. ⁵A_I Nedo Neye yau na dero na pere Sikhar yo ne dia pa Samaria yo ne awa Yakubway yansine nena niyei YUsufway te sarupuku na kani po.⁶Nenou ne buyeda are baru nu awa Yakubway kna wa do nene nou te teraiynie. Dado Yesus bu mari ne wande ne mane wa piyang piyang mane, nemane sate A_I Nedo neye da bu tou nu a ne keu. Dai tere ne soning meka bi suna wau bi pere dai serei nie. ⁷Nepere nemane wande Samaria mire besika meke da bu te di ne na te da meke. Dado Yesus da mire te a te da sanune, " De te bu te itime ne te antesine. ⁸Nepere Nena yau na dero nena yopa dua kai munu sa roti naiy sa te doi ye naiy tene.⁹Nemena kaye da Samaria mire Dado Yesus te a te sanune. Bea mane we kaye Yahudi tetro de te bu te a te saniye te, de pe daye Samaria mire da yorena tetro? Ayeko nemane dua da keu na we Yahudi tetro pere de Samaria tetro pere na yau te na nebeiynya wari pei. ¹⁰Dado Yesus a te saweke a te da sanune: weye Awa Mang Tetro kna pepoi yereu karote arounu wande de ye wete neyeda a te da senawe: De te bu te itime anisiri nemena nou keu na we kaye Dado A_I Nedo nenabu kna te da kiye nemane deraiti A_I Nedo nena bu yereu pepoi tewe damba dua da ikiwe ne suwene.¹¹Da mire Dado A_I Nedo te a te da sanune: Mang Tetro Tuhan we kaye bu ongkoi mesa na ambai da bu kaye kani eyu nue a tere ne ding yeu na; we monou re da bu te dou nebu yereu pepoi? ¹²Nemena we ye sna na detere te kiye wande awa Yakubway wena ye pa sereinya te keu, de Samaria Tetro seraibra te da ikime ne te da ana te tetro pere yuku opo awe meyena mane.¹³Dado Yesus a te saweke a te sanune: simi ye da bu te anenaiynya, ne tetro yei nena bu mari nemena beiy te da tukai nai nye wande bu yereute da wurenai. ¹⁴Ne deraiti simi ye dena da buwaro pepoi yereu karo te ata menane tetro yei ne kwa na bu mari tikanipei ambai tere da nemena beiy te da kenai menai da yo dambe ne yereu te, Damena ayekore de yeda atamena buwaro da tetro kna wane bu tou mane da yenai sare nai nemena beiy te da sarenai menai da yereu te da nou ne kene mene da yo dambe ne da .¹⁵Da mire wande Dado Yesus te a te sanune: Tuhan Mang Tetro, wedete nebute itimeseko de nekwa na bu mari ambai nemane da bu tou pa na te nami pei da bu te na nekwa na dipei. ¹⁶Dado Yesus do mire te a te sanune: we dua euna kaye wena wembero te a te sanumbunue dewa da pamere."¹⁷Damire ate saweke: De pe da ye do baiy nya mire da wera dei beiyte. Dado Yesus da mire a te sanune: Wena a te nemane seiyi yene wedo baiy nya mire wariye. ¹⁸We na do meka suneiy wande neperei da keu na pe wena do bai bie. Damena ayeko karone wena a te na nou tere seiyiyene."¹⁹Da mire Dado Yesus te a te sanune: Tuhan Mang Tetro, kiya tere seiyoyene da yeko dena wa pada kurupuku, we pe da ye ne Nabi neyeda meke. ²⁰Dena Mang bra da meko dambe ne ka penainye, nemane weye da sei yau nu na Yerusalem dia ne da kapemane.²¹Dado Yesus da mire te a te sanune: De te Yesus te nemei yitipi me we mire berang, ya besi ka wande we seraibrabra ye awa da kapenende da meko dambena baiye nemane Yerusalem dia na pe ambai da. ²²We ye kapenaununa we aroipeinya sa te deraunu nemane de ye kapenante na dua da arambiki tena sa te a te da seiya nete, nemane nepere wande yereu pepoi waro Yahudi tetro seraibrabra kena re da dayo damba dewa mene.²³Nederaiti nemena ya kiyambine na, Awa Mang Tetra te kapanai niena tetro seraibrabra aru pepoi tepreinya dambere; nemane Awa Mang Tetro nenadou teu na pe da tetro yei pepoi waro re kapenemane. ²⁴Awa Mang Tetro Nenei Aru Roh beiye wande simi ye nete kapenemane na, aru wato ne pepoi tepreinya dambere.²⁵Da mire berang Dado Yesus te a te sanune: De dua da arombuka, Nedo Mesias dewa da menena, nemane nenawa do sibete Kristus; nederaiti neye dewa da menena, neye ayeko te kiya te de ye da ka te na damba done mene a te da saneneme. ²⁶Dado Yesus da mire te a te sanune: De A_I Nedo naye neperei wembere da a te seiyine te.²⁷Nepere nemane yau na dero na dewa mekai tere tere mane ourai wande Dado Yesus da mire sipere a yau yau te da seiyinie. Nemane sekro yau na dero na a te na seiyinipei: Mendo beiy da werai wande beasate weye Yesus nemire ne nare ine we na te? we nemena beamena a te da mire pere seiyiyou ne?"²⁸Nepere nemane da mire bu ongkoi te neme apa da sesuku wande a kiya kiya te keya te dua de ko yeu Samaria tetro seraibrabra yo ne kainya kwa na te da. ²⁹Meye na mane dewa mende, dou te taurue! Dinou ne tetro besika de te a te saniyou tu nemane Nedo Kristus senanameke?" ³⁰Samaria tetro seraibrabra dewa da mekai Dado Yesus te dou dou da mekai tainie.³¹Dado Yesus nena yau na dero na nemane Dado Yesus te a te senainie sa te ne te do ne anene na te , Rabi, we sate bete anime. ³²Nemane Dado Yesus yau na dero na te a te sanumu; De pe da ye we seraibra aroiyipeinya sa te da a nana waro mio tere keu na ye ne keu na yeko bete. ³³Nemane yau na dero na a te da sei yainie: Da mena tetro si sena na nete na sa te dekai mekai neye dua ani you.³⁴Dado Yesus yau na te neye a te sanumu: De na sate do te ante na ne yase munu sa Awa Mang Tetro nena asena yeko te da nou pa meko te pine nema ne da. ³⁵We ye da seiyaununa oko aprau serei wande nimi serei pa mene na ne te orunai? Nemane deraiti deye we seraibra te a te da sename: Dou te di sua da sua tende mike se da pau kani ne pete dua da yang kou nu nimi sereiy pa meke ne na yu te da orunai nya serei. ³⁶Nepereinya ne yo seraibra mika na nimi waro nenei dera te ondung te da orunaiynya wande ona pere na dopre kopiraini da yereu te da yo dambene nemekene menena nemane sanu te asainya pere ona yu te ourainya pere ne beiyne kena karite deraini.³⁷Nemane damena ayeko buru ne da a te da aroupuku: serai si kna tetro sa nu te a sonai wande tetro si ye nete onate yu te orunaiy. ³⁸De ye we tetro seraibra te ko purumbuka da ona nena yu te tiyende orunde; tetro si ye seraibrabra sanu te kani e yupa asainya pere wande we seraibra da kembari mekau na nena ona yu te nenei kembari mekainya nepere baya da ourau.³⁹Samaria tetro seraibrabra meyena mane tengko meke nebeiyne Dado Yesus te dou dou poi nemei yambiki ne mane damire wa pa na a kiya tere dua sanumupuku. A_I Nedo neye de te a te da sani you tu nemane deye dua da dedei wa ye meke ya na kembari te a te seiyiyou nu." ⁴⁰Samaria tetro seraibrabra Dado Yesus kna wa tou pa da mekai, Nedo Yesus te a te saniyai ni Samaria yone meme nembere kei nya te ; nemane Dado Yesus ne pene yo bisereikaipiki.⁴¹Nemane tetro kaso pere nemeiyambiki Dado Yesus kna a te saniyou mu ne te da bete yai. ⁴²Nepere da mire te a te senaini: nepereinya da yane wena a te seiyi yenena karo ne damane de tetro seraibrabra meye da meka te dedei dou ne dedei bente keinie Dado Yesus dou tanete Nena a te da betane te tepreinya ne ne.( Yesus Yau Na Dero Na Pere Galilea Yo Pa)⁴³Dado Yesus ya bi serei kaipiki na kaye nenei yau na dero na pere Galilea yo pa mai. ⁴⁴Dado Yesus a te sani you mu, Nabi besika nenei yo na tetro seraibrabra ne te na da tawinipei waripei. ⁴⁵Dado Yesus Galilea yo pa dewa meke, wande Galilea yo na tetro seraibrabra Dado Yesus ne na wa tou pa meye mekai, nemane nena kembari Yerusalam kani ne dia ne yo ne meke you yau ne ro ne da tetro yei seraibrabra dou dou da tiyaini. (Yesus Kembari Tetro Kna Yei Te Poi Mekoumbuku)⁴⁶Dado Yesus Kana yo pa Galilea pa meke, mete na bu te ne pe ne Anggur mane ourupuku Kapernaum yo na kembari tetro besika,nenei yei sanamu ne sane da tenou na te. ⁴⁷A te da betou puku Dado Yesus Yudea kanire Galilea yo da meke, da tetro Dado Yesus te tembuku wa tou pa meke a te sanune Dado Yesus nena yei te poi ye mekonembine kene.⁴⁸Dado Yesus da tetro te a te sanune: we tetro dou te taunua da kembari tetro te poi mekamena nemane ne pere wande de te Yesus te araupuku. ⁴⁹Kembari tetro Dado Yesus te a te sanune: TUhan Mang Tetro dewa seko mime de na yei te maning teteiyipi pei nya ne poi mekoumbunu. ⁵⁰Dado Yesus ne tetro te a te sanune: Dua eiyme wena yei poi dua orupuku! Da tetro dua da nemei yumbuku Dado Yesus kna a te da seiyunu na, nepere nemane da tetro dua da buru suku.⁵¹Maning da tetro nipi nero ne neme da waru wande nena oto tou na dewa da maiy a te senainie, we na yei poi dua orupuku. ⁵²Kembari tetro a te dua surumu soning mo serei nie dena yei poi dua orupuku. Ne yo seraibra oto tou na a te senainie: we ya ne soning besika dai sereinie poi dua da.⁵³Dado kembari tetro nenei mendo ne kaiy werai ne soning sereinie Dado Yesus de te a te da sani you tu. Wena yei poi dua da orupuku. Da kembari tetro nenei yei bra meye da Dado Yesus te poi nemeiyam biki. ⁵⁴Da yeko bi pa na te kembari te Dado Yesus mekoupuku Yudea yo kani re Galilea pa yo pa da meke.

Chapter 5

(Sabat Yane Betesda Bu tounu Sa Na Tetro Poi Ouraiy) ¹Nemane Dado Yesus Yerusalam dia pa dua ke, Yahudi tetro nenei Sabat ya detere ya na. ²Yerusalam dia ne Domba mau numburu ye ne bu ketembuku yeu, Ibrani peu na Betesda nena deko nou bete meka subeiy serei. ³Dou bise a tetro mendainya tetro, yapra tetro deko nyei nyei nie ane da tenaiy dou te taiy bu eyunu orso ka buso buso te orumbine wande ne bu eyu pa naiy nenei wa te pepoi orunaiyipinie. ⁴Nemane Tuhan nena Malaikat apa bu eyupa mendi bu orbo te meko naiynie tetro si newai sana bu eyu pa tua tere nena pepoi dua orumbine.⁵Nepene tetro sibesika sa ne tenou nena mai tereng doa beiy mekabi meka su suna naming. ⁶Dado Yesus dou te teu dua da oroumbuku ne yapra tetro a ne tenou Yesus a te sanunu: we kaye pepoi orupu na te kiye?"⁷Nedo sa na tetro a te saweke: Tuhan Mang Tetro, da pena tetro si newai de tena bu ayu pana doiytipei eiypei da bu ne or so orumbi de maning derane tetro si derou tua tere dua di bu eyupa wande pepoi ouraiy." ⁸Dado Yesus a te sanunu: Esau yambi, wena yuku arwa te me kapa doiyme esu oto te warime.⁹Nepere yapra tetro poi orupuku nenei yu ku arwa te me ka pa deko ote te dua ke waru. Nemane deraiti ne ya Sabat ya ne.¹⁰Yahudi tetro seraibra da do te a te senaiynie : Da ya Sabat ya detere we beatena te yuku arwa te meka ne deke wari ye baya apa sesunu. ¹¹Dado ne yo seraibra te a te sanumu: De te poi mekoutupu kuna tetro neye a te sanu tupuku: Wei yuku arwa te meka pa dou wande otote dua waru.¹²Neyo seraibra a te ne te senaiynie: Ne tetro simbiyang we te sanu wupuku: Wei yuku arwa temeka pa doiyme otete wari me? ¹³Nedo yapra tetro aroiyipei ne tetro simbiyang, nemane Dado Yesus tetro kaso pere na neropa dua karupuku.¹⁴Nepere Dado Yesus nedo yapra pere Awa Mang Tetro Ne na yau mie eyunu ne beiy tekoiy ate sanunu: we pepoi dua orupuke; peko te na mekoiyipeinya nemane we ne kwa peko orupunu. ¹⁵Nedo yapra tetro banyasua meke Yahudi tetro seraibra a te a te sanumu, Dado Yesus dete poi mekou tupuku.¹⁶Nepere Yahudi tetro seraibrabra Dado Yesus te peko sua sare naiyipinie damane da kembari yeko te Sabat yane mekou. ¹⁷Neye da yo seraibrabra te a te sanumu: De na Awa Kembari te nemeda mekou, nemane sate de kembari sa da meka. ¹⁸Yahudi tetro seraibrabra nipi te nou te wureiy nete no te tonaiyipina te derainie, damena Sabat ya beiytie na pe baiye, neye a te seiyunu Awa Mang Tetro nenei Awa nemane deraiti nenei wa te Awa Mang Tetro pere nemambeiy. (Yesus Nenei Wa Te A Te Seiyunu)¹⁹Dado Yesus a te ne seraibra te sanumu: De yewe te da sename; teprei tere yei nenei wa beiy kembari te na bra mekoi yi pei, nemane neye Awa dou teunu kembari te da mekou; Nederaiti Awa mekou na kembari te nemane yei ne kembari te da meka. ²⁰Awa yei te kena te dereu nu wande awa ye yei kna pa da kurupuku awa neye mekou na kembari te yei ne te da mekoi kembari kembari de tere tere, we seraibra tere tere ourau.²¹Awa ye tetro te esua aweneme yereu warenaiy, nemane deraiti yei nenei mendo ne mekounu simbiyang te yereu damba tanembinie kene. ²²Awa tetro si tena yeko tena seiysi pei, yei nena damba nemena yeko te da dewa sarupuku keu, ²³Nepere nemane tetro meye yei te seso tupaiy nie nemane deraiti ne seraibra Awa te sesoye da tupaiy nie. Simiye yei te seso tipinipei nya nemane awa te na seso tipini pei awa yei te da sanumbuku meke waru.²⁴De ye we seraibra te a te sename: Teprei tere ye simi ye De na a te da beto nona Nete Awa te nemei yinembinie De te da sanu tupuku meka wera, nenei yereu nemena beiytie kene mene peko damba na saripipei, nenei wa eyu na tete ambai wa eyu na yereu.²⁵De ye we te a te da sename: Teprei tereye nemena ya mene na tetro no souna tete nero re a te betonaiy Awa Mang tetro nena yei kna a kurung, ne seraibra yereu orunaiyipinie.²⁶Awa Nenei wa eyunu yereu nepe nemane yei nenei wa eyunu yereu deraiti keu. ²⁷Awa nene yei kna pa ayeko te da ikine kaye te wasine, Neye Tetro yei nene tere.²⁸Beamane we seraibrabrab tere tere mane ourau, nemena ya sereite menena, tetro meyebure dambere a te nena re da betonaiy. ²⁹Nemane ne seraibra poi te meke yainya baya kiya pa dewa menai esua inaiy yembine yereu te nemena beiytie kene, wande seraibra siye peko te meke yainya e suainaiy yembine peko te nenei wa ne da orunaiy peko damba.³⁰Deye dedei wa beiye kembari te na nekoiyipei, deye a te betana mane kembari te da meka, nemane dena kembari yeko nouru na, nemane dedi mendo beiy na mekoiyipei, nederait nenare seiyunu dete sanutupuku da meka. ³¹Deye dedei wa beiytie a te seiyitenena, Dena a te sei yane na nouruna tepreinya ambai. ³²Deye dua da aroumbuka si derou dete na a te seiyainie, nemane ayeko neye dena damba ikite.³³Damane we seraibra Yohanesway kwa kau neye a te seiyunu nou runa tepreinya waro te meke. ³⁴Nederaiti de tetro yei kna a te na wureiyipei, Deye damena a te seiyane na we seraibra pepoi damba ende. ³⁵Nedo Yohanesway sing serengka nena kiya da seraibeiytie ambai ne kwa orumbinie.³⁶Nemane de na ayeko akurung seiyane na Yohanesway kna akurung pere na bete erikroiyipei, ne deraiti Awa neye dena damba iki te na kembari, ne te deye dua da meka, Nemena kembari te deye neperei ne te da meka dena wa do ne seiyinainie nederaiti Awa neye de te da sanutupu meka. ³⁷Awa neye dete sanutupuku meka, Awa neye de te na a te seiyunu, we seraibra Awa kna a te na betoiyipei nemane deraiti Awa nena betena wa tena dou teiypei werau. ³⁸Awa Nena Asena we seraibra kna wa na keiypei, nemane we seraibra nete na nemeiyimbipei, Awa sanumbuku meke.³⁹We seraibra asena semo kepei te ne te araunu nemei yaunu, nepre we seraibra nena yereu poi tupu ne neme kende mende, nemane deraiti asena semokepei dete na a te da seiyunu, ⁴⁰Nemane we seraibra de kwa na mipeiy yereu pepoi te na doiypei keiypei.⁴¹Deye da tetro yei kna pepoi te na wurei yipei. ⁴²Nemane deraiti we seraibra kau nua deye dua da aroubuka, we na kena eyu na we seraibra Awa Mang Tetro te na kena bise ambai.⁴³Deye da meka na pe dedei Awa nena wa do ne wande we seraibra detena meka poi na doiyitipei; nemane tetro siye nenei wa do ne mene na, we seraibra ne te meka pa poi donende. ⁴⁴Beamane we seraibra nemeiyinembinde, Awa Mang Tetro nena pepoi pi ambainya te donde, we seraibra wureu na tetro si newai nena re poi teda tenende nate weye wureu.⁴⁵Nederaiti we seraibra seiyinende, nemane deye we seraibra te Awa kna bekou nu yeko peko damba a te seiyi te ne, nederaiti we seraibra te peko damba na a te seiyunu na nedo Musaway, nemane dado Musaway kna wa pa we seraibra kena te kerambuku kau kena te deraunu. ⁴⁶Nemane we seraibra da nedo Musaway te nemeiyambuku, nemane deraiti we seraibra de te da nemeiyitembinde,wande akurung semo kepei nedo Musaway neye de te na akurung te da mereyou semo ne kaiy. ⁴⁷Nemane deraiti we seraibra nemeiyimbipeinya a te semo kepei pa mereyou nedo Musaway nena wado ne, wande beamane we seraibra arombinde nemeiyi nembinde dena akurung te de ye a te da se name a te da seiyane.

Chapter 6

(Yesus Tetro Sini Mekasu Te Munu Sate Ikime) ¹Dado Yesus Galilea bu nau yepa Tiberias bu nau yepa dua da kaiy. ²Tetrokaso pere tereng dopre Nedo nate Tawe kaiynie mai, nena kembari yeko mekouna te dou dou taiynie tetro yei sanamu saye mekaiymina pepoi dua ouraiy. ³Dado Yesus Nenei yau na dero na pere meko dambakaiy nepe ne neyea ne kaiy.⁴Yahudi tetro kna Paskah ya detere watou pa dua noupuru. ⁵Damane Dado Yesus dou te dua dewa teu tetro kaso pere tereng dapre nena watou pa dewa mai Filipusway te neye a te sanunu: Monounu i ye munu sa roti te doi ye temapinie da tetro seraibra ne te anenai. ⁶Damena yeko neye dua da aroubuku ne te wa te tukaunu, nemena kembari yeko te mekombine.⁷Filipusway a te saweke: Roti munu sa doa mekabi doi tereng da seraibrabra pa na erikroiypei tetro nyei nie serei bete bete meka pa orunaiy. ⁸Nemane yau na dero na sibesika Andreasway Simon mai Petrusway nekasi a te sanumu. ⁹Dapene yei sinewai nena munu sa Roti meka su wande kapane bi serei; damena sa bete da tetro da serei tereme mekai kaiynya pa na ambai erikroiypei.¹⁰Dado Yesus a te sanumu: Tetro yei te a te sa nemenda a ne kenaiy. Nepena sepo sepo kaso pere Tetro seraibrabra anekaiy da serai ne na tereng siri mekasu. ¹¹Dado Yesus munu sa roti nete mendo kembari a te seiyunu ne yo seraibrabra te baya waiy syani nemane ka pane bisereinya nete baya ouraiy emburu pa dua anaiy. ¹²Nepere yase dua suwepi ki nedo neye yau na deri na te a te sanumu: Munu sa roti popo te nebeiy pa kopirenende kekari mekabi suna wau bi serei.¹³Ne seraibra munu sa roti po betebete ne beiy kopiraiynie meka su beiynya te wande, nena tereng kekari mekabi suna wau bi sereiy. ¹⁴Nepere tetro seraibrabra dou te taiy damena kembari yeko te dado dua da mekoupuku ne seraibra a te seiyainie: Dado neye tepreinya nouru na Nabi ne pe da yo damba dewa menena . ¹⁵Dado Yesus dua aroumbuku dayo seraibrabra mekaiynya nete bunapa kenaiyinsinie naye Andewa po na te da kene, nepere nedo meko siyepa ne damba dua da ke nenei beiy tie keu yekai bete keu.( Yesus Bu Dambere Waru)¹⁶Deneng dua opuku Dado Yesus nena yua na dero na i damba sekaiyipiki bunau dambe ne Kapernaum pa dua kaiy. ¹⁷Nepere ne ko dua orupuku Dado Yesus ne seraibra kwa na maningmipei. ¹⁸Nau or so kaso pere aru ye arma tere da seku.¹⁹Nemane ne seraibra dengte awaiy bai bete pa bi serei naming serei kera bete mane weraiy, ne seraibra dou te taiy Dado Yesus ye bu nau dambere i tou pa dewa meke. Nemane ne seraibra endiki te dekaiy. ²⁰Nepere neye ne seraibra te a te sanumu: Deye da meka, beatena endiki te dekau. ²¹Nemane ne seraibra nete i damba sakonaiyni na te neperei wande kisi bori pa dua da tikembuku dari pa mekai. (Tetro Tereng Dopre Yesus Te Wureiy)²²Wape ya tena tetro kaso pere nounu nepene kaiy dou te taiy i besika Dado Yesus sakonipeiy nenei yau na dero na beiy nei dambere apa mai yosuku. ²³Nepere wande i siderou Tiberias bu nau yere ne seraibra munu sa roti te Tuhan ikime ani yainya nou nu nepe ne.²⁴Nepere tetro kaso pere dou te taiy Dado Yesus nepe na ambai yau na derona ambai, ne seraibra i damba da sekainya kaye Kaprnaum yo pa Dado Yesus te naiy wurene. (Roti Munu Sa Yereu) ²⁵Nepere tetro kaso pere Dado Yesus te bu nau dasune dou tembiki a te ne seraibra nete senaiyni Rabi, we da nou pa dewe da meke?"²⁶Dado Yesus a te saweke ne seraibra te: Deye wete a te da sename teprei tere we seraibra de te wureu kembari meka na pa na ambai we seraibra wena dou te taunua roti munu sa te aniyau ya sete dua mekaupuku wa suweiypiki. ²⁷Kembari te da pei mekonde, munu sa ambai orunaiynya sa pe baiye nederai ti munu sa da yereu te neme kene mene, Tetro yei atou mu na munu sa; nemane ne te sarupuku Awa Mang Tetro nenei wadone."²⁸Nepere ne seraibra nete a te senaiynie: De seraibra beasate mekoma wande nemena kembari Awa Mang Tetro nenei ayeko kembari. ²⁹Dado Yesus a te seiyunu: Damena kembari te Awa Mang Tetro kena te keuna, we seraibra nederaiti dete da nemeiyitembinde Awa Mang Tetro sanutupuku meka wera."³⁰Nepere neyo seraibra a te seiyainie Nena wapa: Beamena yeko te kembari te mekoupunue de seraibra dou dou temambine wande we te de ye nemeiyi mawepinie? Beasa kembari te weye mekoupunue. ³¹De seraibra kna kasibra manna munu sa te kisi krongkrong dambene aniyai nemane semo ne meraiyipiki: Neyo seraibra te neyemunu sa Roti Surga yo sena dia reikime.³²Dado Yesus ne seraibra te sanumu: De ye we te a te sename; teprei tereye Musaway we seraibra te na roti munu sa Sorga yo sena dia re naimipei anipei, nederaiti Awa Mang Tetro ye Neye da ikime. ³³Nemane Awa Mang Tetro nena Roti munu sa Sorga yo sena diare a pa da meke yereu te da yo damba. ³⁴Neyo seraibra nete a te senaiynie: Tuhan Mang Tetro de seraibra te ne roti munu sa te imime.³⁵Dado Yesus ne seraibra te a te sanumu: De pe da roti yereu; simiye de kwa mene na munu te na tikainipei nemane simiye de te nemeiyini te pinie nena bu mari ti kainipei. ³⁶Nemane deraiti deye we seraibra a te sename: Teprei tere we seraibra dete dou ye da tau tu wande we seraibra nemeiyitipipei. ³⁷Metere na mane Awa Mang Tetro dena damba da ikite, wande simiye de kwa menena nete na de baiy pana keneiypei.³⁸Nemane de sorga yo senadia re apa meka na dedei mendona kembari mekoiyipei, nederaiti nena kembari te mekotena te da sanutupuku deyemeka. ³⁹Damane nena kembari dete sanutupuku meka, nederaiti neye metere na mane de na damba da ikite nemane sibesika na bayana karipipei, tupu te na yane deye esua awe teme yereute dua dewa warenai. ⁴⁰Damane Awa Mang Tetro nena kembari yeko, nedereaiti tetro besika yei te dou tenene yei kna wa pa dou te poi tene nete nemeiyi nembine nena yereu neme na beiytie kena mene, nepere deye ne te tupu te na yane esua da awetene esua yambine warene.⁴¹Nepere nemane Yahudi tetro seraibrabra a derong mane derai nie Nedo nena wapana te, nemane neye ate da seiyunu sanumu: De pe da roti munu sa Sorga yo sena diare a pa dewa da meka da yo damba. ⁴²Ne yo seraibra a te seiyainie: Nemane senana Dado Yesus, Yusuway niyei, Nena nawa awa e seraibra dua da arambiki te? Beamena a te neye seiyunu: Depeda Sorga yo sena diare a pa da yo damba dewa da meke?"⁴³Dado Yesus me seraibra te a te sanumu: We seraibrabra beatena te a derong te deraunu .? ⁴⁴Nemane tetro sibesika de kwa na mipei, nemane deraiti Awa Mang Tetro ne wa tou pa na yepeupipei de te sanutupuku da meka wera, nete na deye tupu te na ya ne esua awetene esua yembine dua yereu warene. ⁴⁵Nemane Nabi Nabi nena semo kepei ne meraiyipiki: Neyoseraibrabra meyenamane Awa Mang Tetro a te kurumu a te sanumu. Nemane tetro sibesika a te dua da beteyou na, Awa Mang tetro nena ayeko akurung te saniyou mu ne te dua oriyau wande de kwa da mende.⁴⁶Nemena ayeko dambere tetro sinewaiy Awa Mang Tetro nena re dewa da meke, neye Awa Mang Tetro te dou ye dua da tembuku. ⁴⁷De ye we te a te sename: Teprei tere ye simi ye nemeiyinembinie nena yereu pepoi nemena beiytie kene mene.⁴⁸Depeda ye roti munu sa yereu nepe. ⁴⁹We na kasibra manna munu sa te dua da anaiyipiki wande meye na mane dua da no ye soupuku nemena keiypei.⁵⁰Nete na te damena roti munu sa Surga yu senadiare a pa da yo damba dewa da meke: Simiye ne te anembine na, no yena teteiyipipei yereu te nounu da kene mene. ⁵¹Depe da roti munu sa yereu te da meka wera Surga yo sena diare a pa da yo damba meka. Nederaiti tetro besika da roti munu sate anembine nena yereu nemambeiy kene mene, nemane da roti munu sa de yeitene nepe da ye dena wa orung te deyeitene dayo dambena yereu te kenaiynya.⁵²Yahudi tetro seraibrbara nenei ne ro ne aye demupuku a beiybeiytie tutaiy wande a te seiyainie; Beamane nena wa orung te e seraibra te ineme nete doma emburu pa anema?" ⁵³Nemane Dado Yesus ne seraibra te a te sanumu: Deye we seraibra te a te da sename, teprei tereye nemane we seraibra tetro yei kna re nena wa orung anipipei, Nena wa sa anisipei, nederaiti we na wa eyu yereu ambai keiyipei.⁵⁴Nemane simiye dena wa orung te anembine wande dena wa sate anen sinie, ne na yereu nemena beiytie da kene mene wande deye tupu te na ya ne esua awetene esua yembine yereu orumbine. ⁵⁵Nederaiti dena wa orung munu sa nouruna tepreinya wande de na wa sa bu yereu nouru na bu tepreinya. ⁵⁶Simi ye dena wa orung te anembinie wande dena wa sate anensine, nenei wa te dena wa eyunu keu wande nemane ne na wa eyunu de ye daka.⁵⁷Nemane deraiti Awa Mang Tetro dete da sanutupuku meka wera dena yereu Awa Mang Tetro neye de te da sanutupuku meka wera dena yereu Awa Mang Tetro nena wa eyunu daka, netenate simiye dena wate anembinie na nena yereu dena wa eyunu da kene mene. ⁵⁸Damena roti munu sa Surga yo sena dia re apa dewa da meke, nederaiti we seraibra wena kasibra roti munu sa si te da aniyai neyo seraibra meye no ye dua da soupuku. Simi ye dena roti munu sa te a nembine na, nena yereu nemambeiy nou nu dua kenemene. ⁵⁹Dado Yesus a te meye seiyumbuku Kapernaum yo ne neye yau mie ne a te yeko te da kiri you mu sani you mu. (Yau Na Derona Galilea Ne Wa Te Meto Pa Sikansiki)⁶⁰Damena a te metere dua da betaiypiki Dado Yesus nena yau na dero na a te seiyainie: Damena akurung piyang arma tere da sanumu, simbiyang nounu kene da a te betone? ⁶¹Dado Yesus nenei kena ne nemeiyunue, nena yau na dero na a derong mane demena a te yeko te, wande ne seraibra te a te sanumu: Damena akurung we na kena te tupungbuku?⁶²Nederaiti we seraibra dou te tende Tetro yei buna pa dua nena neye yansine kiyou na noupa. ⁶³Aru Roh yereu te a toumu, wa orung pe ambainya tewai. Da mena akurung te a te seiyane de ya we te da sename Aru Roh nena waro yereu nepe ne da keu.⁶⁴Nemane we na ne rone ne si derou nemeiyimbipei. Nemane Dado Yesus dua da aroumbuku simi ye nete nemei yimbipei, wande simi ye nete sarenaiyipinie. ⁶⁵Neye a te seiyunu: Wete de ye a te da sanume: Tetro sibesika de na watou pana mipei, Awa Mang Tetro ne te na a te na sanimbipei.⁶⁶Ne ya sereinie yau na dero na wa te mero pa sikansiki nete na tawinipei waripei. ( Petrusway A Te Saweke) ⁶⁷Dado Yesus yau na derona meka bi sanuwau biserei nete a te sanumu: We seraibra dua na eiypei? ⁶⁸Simon mai Petrusway a te saweke: Tuhan Mang Tetro de seraibra simbiyang kwa ma? Nederaiti we na ne akurung yereu pepoi neme kenemene: ⁶⁹De seraibra dua nemei yambiki te wande arambiki te, ne deraiti we tetro mromro Awa mang Tetro nena re meke da yo damba.⁷⁰Dado Yesus a te saweke ne seraibra te sanumu: Damena deye we seraibra te nemane dua da orupuka mekabi suna wau biserei? Nete na te a te seiyane tetro sibesika we na nero ne sekai detere nena wa eyunu keu ne te da wa punupeko orumbine." ⁷¹Nemena a te neye seiyunu nedo Yudasway nena wa pa, Simon Iskariot nena niyei; Yau na derona Dado Yesus te nedo Yudasway ne ye da sarembi nie peko damba tete damba.

Chapter 7

(Yesus Yerusalem Dia Pa Ke Yei De Pondok Daun) ¹Dado Yesus Galilea ne dua warupuku, Neye Yudea na nemena keiypei, Yahudi tetro seraibrabra nete baya tonaitipi na te weraiy. ²Nemane Yahudi tetro nena ya detere Pondok Daun ne pe watou pa noupuru.³Dado Yesus nena yei meke do keka nete a te senaiynie: Yudea pa dua ma wande wena yau na dero na dou te naiy tene we ye kembari yeko te eu mekone. ⁴Nemane tetro besika kembari te nou ye bete ne mekone na, nete na meye na manemo re aro naiyimbinie. Nederaiti we ye nemena kembari yekote mekou na, wei wa te da yo damba kiya pa wa kiya waru."⁵Nemane nena yei meke do keka nete na nemeiyimbipei. ⁶Nemane Dado Yesus a te ne seraibra te sanumu: De te na ya maning, nederaiti we seraibra ya ne yane nounu neme werau. ⁷we seraibra tena da yo dambena yembe ambai, dete yembe te da weraiy, Deye nena kembari peko mekaiynya te meye kiya pa da seiyane.⁸We seraibra ne metauw pa dua ende. De ne nou pa na eiypei, nemane dete na ya maning neme keu. ⁹Damane ne ye a te ne seraibra te sanumu, nemei wa te Galilei yone dane keu.¹⁰Dado Yesus nenei yei meke do keka metauw dia pa dua kaiy, neye we mane ne nou pa ke wa kiya na waripei yekai ye mane waru. ¹¹Yahudi tetro seraibrabra nete wureiy a te seiyainie: Nedo mo pene ke keu?"¹²Tetro terengdopre a kesekese seiyainie nena wa pa na te. Siderou a te seiyainie: Di do tetro poi. Siderou a te da seiyainie: Ambai bie, Dido a wapiwapi e seraibrabra damba. ¹³Nemane tetro sibesika na akiya te na nena wa pa seiyinipei endiki te dekai Yahudi tetro seraibrabra te.(Yesus Nenei Wa Te A Te Seiyunu)¹⁴Ne dai me ta uw sa e mekai, Dado Yesus Awa Mang tetro kna mie eyuna ayeko te kurumu a te sanumu. ¹⁵Nepere Yahudi tetro seraibrabra tere tere mane ouraiy a te seiyainie: Beamane da tetro ne ye aroumbuku damena a te na netena kirini pei?" ¹⁶Dado Yesus ne seraibra te a te sanumu: Deye kira mena dedei wa beiy re na pe ambai, nederaiti neye dete sanutupu ke meka.¹⁷Simi ye nena kembari te meko nena, Deye da kiramena Awa Mang Tetro kna re na te aroumbuku nemane dedei wa beiy re a te na seiyinipei. ¹⁸Simiye nenei wa beiyre a te do ne seiyi nene, nenei wa do te wureu, nemane deraiti simiye nena wa do pei te wurene na tepreinya nou ru na ne pe.¹⁹Nemena kaye Musaway Taurat ayeko te we seraibra te ikime? Nemane we serai kna nero ne tetro besikas na Taurat a yeko te na wa ye na mekoiyipei da werau: Nemena bea mane te we seraibra dete totembinde na te warau?" ²⁰Tetro tereng dopre a te sawekai: We sekai dua barukaiywie; Simbiyang we te baya tonaiywipina te deraiynie?"²¹Dado Yesus ne seraibra te a te sanumu;Yeko kembari besika da mekoupuka we seraibra tere tere mane ourau. ²²Damane Musaway yeko te sesuku wande we seraibra sunat kembari te mekau, nouru na pe sunat kembari Musaway kna re na ambai, nederaiti eiyei mangbra kna re na wande we seraibra Sabat yane ne kembari te mekau.²³Nemane tetro besika Sunat kembari Sabat yane Musaway ayeko saripipei, bea te na te we seraibra dete a ye maiy yau wutu, damane de kaye Sabat ya ne tetro yei besika wa te meye poi ye da mekame sa ye na mekoiyipei. ²⁴Dou ye taunu na te yeko te dua dewa kerau, nemena yeko dua dewa na pepoi nouru mekonde. (Yesus Ne Na Tou Kene A Te Da Tutaiy Duwa Dewa)²⁵Yerusalem diane tetro siderou a te seiyainie: Damena Dado nete da seraibra baya tonaiyipinie? ²⁶We dou te tauru, Nedo a te diseiyunu metere na mane ne seraibra nena wa pa atena seiyinipei . Namena e na tenai tetro seraibra nouru dua arambiki, dido Kristus neye waru na? ²⁷Nederaiti da tetro e seraibra aroiyipei mane nena tou monouru, nemane Kristus mene na tetro sibesika nete na aroiyipei mo nou ru meke.²⁸Dado Yesus Awa Mang Tetro kna mie ne ayeko te kiri you mu, neye a te saweke sanumu: Nemane we seraibra de te dua da atautupuku de mo nouru mo pere meka; deye meka na dedei wa beiyre na baiye nemane neye de te da sanutupuku meka tepreinya nene we seraibra aroiyipei. ²⁹De nete dua da dedei wa ne da aroumbuka, de kaye nenare da meka wande neye dete sanutupuku da meka wera.³⁰Ne yo seraibra nete meka awenaiynya te, nemane tetro sibesika nena wa pa na awipei, nete na ya maning da muna. ³¹Nemane deraiti tetro kaso pere tereng dopre nete nemeiyambiki a te seiyainie: Nederaiti Kristus menena, yeko kembari site site kaso pere meko ne Dado da mekouna mane! ³²Farisi tetro seraibra a te betaiyipiki tetro tereme a kesekese seiyainie Dado nena wa pa, nepere Imam Imam tenai tetro pere Farisi tetro seraibra pere Awa Mang Tetro nena yau mie sema pere na seraibra te a te sanaiymie nete meka awenaiynya te .³³Dado Yesus a te sanumu: Neme kaiynya ya mo serei bete deye we seraibra pere nebeiyni da werate nepere nemane wande de neye keu na na nou pa dua te neye dete sanutuouku meka wera. ³⁴We seraibra de te da wurende, nemane de te na dou teiypei, wande deye te kena nou pa na we seraibra nepana mipeiy.³⁵Yahudi tetro seraibrabra sipa sipa a te sanaiymie: Mo nou pa neye nena te seiyunu, wande e seraibra nete da dou teiypei? Nena mendo ne weraiynya ya seraibra sikewa baiynie kaiynya pa, Yunani yo tetro pere kaiynya nepene Yunani tetro te ayeko te kirineme a te da saneneme na te. ³⁶Nena a te seiyunu na beamena waro te: we seraibra de te da wurende, nemane we seraibra de kwa na mipeiy deye da ketena nou?" (Bu Tou Yereu Nipi)³⁷Tupu tena ya ne metauw sa yau nero ne, Dado Yesus esune tepeu a te sanumu: Simiyu bu marine, de kwa mende bu te anende. ³⁸Simi ye dete nemei yini te pine, a yeko asena semo kepeiynie kaiy: Damena bu yereu nenei kena eyure baiy pa da baru nene sare nene."³⁹Nemena a te neye seiyumbuku ne pe da ye Aru Roh neyo seraibra neye orunaiyipi nie nete dua nemei yambiki; nemane Aru Roh maning mipeiy nemane Dado Yesus maning teme mro mro damba ne eiypei.⁴⁰Nepere tetro siderou a te betaiypiki nenei a te seiyainie; Dado nouru na tepreinya Nabi ne kwa dewa da mene na." ⁴¹Siderou a te seiyaibie: Dado Mesias, nemane siderou a te seiyainie: Ambai bie, Mesias Galilea yo re na pe mipeiy. ⁴²Nemane a sena semo kepei seiyunu na Mesias Daudway kna a tou dambere Betlehem yo re Daudway yansine kiyou na nou re?"⁴³Tetro kaso pere a beiy mane tutaiy Dado nena wa pa na te. ⁴⁴Nepere tetro siderou nete meka pa awenaiynya te, nemane tetro sibesika wa armaiyipipei nena wa yepa.(Yesus Te Nikodemusway A Te Seiyunu)⁴⁵Sema tetro seraibra Imam Imam tenai tetro kwa Farisi tetro seraibra kwa dua kaiy a te neyo seraibra te sanaimie;" Beamane we seraibra nete na donipei mipei?" ⁴⁶Sema pere na seraibra a te sawekai: Tetro yei besika neye seiyunu na a te na seiyini pei.⁴⁷Farisi tetro seraibra a te sawekai ne seraibra te a te senaimie : We seraibra nemane wena mendo te ye koutumu? ⁴⁸Tetro sinwai tenai tetro beiy Farisi tetro seraibra nedo nete nemeiyambiki? ⁴⁹Tetro kasopere Taurat yeko te na aroiyipei peko orunaiyipinie.⁵⁰Nikodemusway Dado Yesus kwa tua tere meke na ne seraibra te a te sanumu: ⁵¹Ena Taurat a yeko tetro site peko damba sare mapinie, nena a te na betoiyipei beamena kembari te neye meke you? ⁵²Ne seraibra a te sewekai: We nemane Galilea tetro? Asena semo kepei te poi arou wande aroumbunue Nabi Galilea yore na ambai mipei.⁵³Nepere neyo seraibra nenei mie pa moi moi dua kaiy dua sere kru ko.

Chapter 8

(Da Mire Kaiymie Na) ¹Dado Yesus wande Zaitun meko damba na te dua dieu. ²Nemane ya kau bete ne Dado Yesus Awa Mang Tetro kna yau mie ne di ke keu, tetro seraibrabra meyena mane metere dewa da mai dero dero Dado Yesus kna wa tou pa. Dado Yesus ane yongkuku keu tetro yei seraibrabra te ayeko te a sena te a te da sanumu. ³Nemane Taurat semo tetro seraibra Farisi seraibra pere Dado Yesus kwa mire sibesika da dekani mai nema ne da mire nenei maro te a pa da kirambuku wande do sipere kiyoi.⁴Tetro seraibrabra da mire te wa derona neropa tambiki keu wande Dado Yesus te a te da senaini: Rabi, da mire te deka nete meka te dua arambiki te nenei maro te apa da sesuku wande do sipere ane da teneyoi. ⁵Nedo Musaway kna ayeko Taurat semo ne de te sanumu na damene mire te na oru wa pa teiyima ne pene ma, Dado Yesus te a te da senaiyni nemane wena ne beamane keu da mena yeko kembari tena?" ⁶Da tetro yei seraibrabra neme na a te da seiyainie wande Dado Yesus nedo nete da wa te mendo te tukainie, nena yeko si bete nepere kiambine Dado Yesus te ne te winaiynie peko damba da sare naipi nate. Nemane Dado Yesus apa wa te merepuku wande meka wau kani damba semo te da mereu ne pe ne.⁷Da seraibrabra Dado Yesus te nemena beiy te a te da surainie a te senai, nemena kaye Dado Yesus esua yeembuku a te ne yo seraibrabra te sanumu: Simi ye we seraibrabra kna nero ne damena kembari peko yeko te na mekoipei werau, nemane sibete oru te done tua tere da mire te tombine. ⁸Nepere Dado Yesus ne kwa a pa wa te merepuku semo te kani damba mereu.⁹Nepere da tetro seraibrabra a te betaiypiki wande tetro beiy beiy da baya dua orunnue tetero de tere pere do sekro mire berang pere, Tupu tena Dado Yesus da mire berang pere nou ne neme da tepeiy. ¹⁰Dado Yesus esu ne tepeu wande da mire te a te sanune: Da meke we ye wei wa beiye tepe ye wande da tetro seraibrabra mane mane dua kaiy? Tetro yei sinewai we te wei peko damba na saripipei. ¹¹Da mire a te ssaweke: Tuhan Mang Tetro, da pe na Tetro si mena da ambai. Nepere Dado Yesus a te da mire te sanune: De Yesus we te na peko damba na saripipei. We wande dua euna mendo te poi mekou na we ne kwa na da mena peko yeko kembari tena ne kwa na we mekoiyipeinya. ( Yesus Da Yo Dambe Na Kiya Poi Nepe)¹²Dado Yesus tetro seraibrabra te aye sanumu a te seiyune: Depe da meka na da yo dambena kiya nepe da meka wera; nemane deraiti tetro simi ye De Yesus te tawenaitie na ne tetro yei a ne koye akepekepe na waripei nederaiti yereu kiya nerone ware ne mene. ¹³Farisi tetro seraibrabra Dado Yesus te a te senaiynie: We kaye wei wa pa na a te seiyiyene we ye kiya te deke meke wena ne; wande wena a kaye wei wa pa beiy a te seiyiyene nemena nou keiypei wei mendo beiy ne meke yene.¹⁴Dado Yesus a te saweke neyo seraibra te a te sanumu: Da mane dedei wa pa na a te da seiyane, da ayeko a sena yeko tepreinya de dua da aroumbuka De Yesus , mo nou re meka wande de menane ne nou pa da dua ne kwa te na. Nemane deraiti we serai aroiyipei de monou re meka wande de ne kwa ne nou pa dua da te na we tetro yei dou teiypei. ¹⁵We seraibra da tetro yei te yeko damba wei mendo ne serau, De Yesus nemena pe ambai, tetro si tena yeko peko damba na saripipei. ¹⁶Nemane deye tetro te yeko damba sare tena, De na ayeko nou re na tepreinya dedei beiy te na pe ambai, De ye Yesus Awa Mang Tetro pere ne beiy nie.¹⁷We serai kna Taurat semo kepei ne dua meraiypiki keu na nemane deraiti tetro biserei ne na ayeko seiyinei nie nou pa dua da sewenai nena nou pa dua sawene yu merenaipinie. ¹⁸De Yesus dedei wa pa na a te seiyane wande Awa Mang Tetro kna wa pa a te da seiya ne nemane deraiti Awa Mang Tetro sanutupuku meka wera nemane Awa Mang Tetro dete na a te neye seiyunue.¹⁹Da Tetro seraibrabra Dado Yesus te a te senainie: We na Awa mopene mo nou ne keu? Dado Yesus a te saweke a te saweke ate da sanumu: De Yesus da te pa na, Dei Awa Mang tetro nemane we tetro seraibrabra meyena mane te nou waru na aroiypei. Neperei we tetro yei seraibrabra de te da arotembinde wande Awa Mang Tetro tena nemane deraiti we tetro seraibrabra pepoi ye dua da aronembinde. ²⁰Da mena a bete Dado Yesus neye seiyunu Awa Mang Tetro kna yau mie ayu ne da ayeko semo pere ondung dera pere keraipiki tenainya ye betene paitiane.( Yesus Da Yo Dambe Na Ne Na Nou Keipei)²¹Dado Yesus tetro serai brabra te a te da sanumu: De dua da tena we serai brabra de te da wurende wande we tetro seraibrabra wei peko dambere dua da souna tete damba ende. De ye tena nou pa na we tetro yei seraibrabra mipeinya tewai. ²²Nepere Yahudi tetro seraibrabra nenei a te dikaiy seiyainie: Dido Yesus di mane a te seiyununa nenei wate baya dua tetembina te a te di seiyune. Dimena a te seiyune, De ye dua da tena nou pana we seraibra ne pa na beamane mende?"²³Dado Yesus ne yo seraibra te a te sanumu: We seraibrabra dayo dambere na, De ye sero dia re yo sena dia rena, we seraibrabra da yo dambene kau wande nemane de da yo dambe na nou ambai de keipei. ²⁴Nemena po te na te we tetro yei seraibra te de ye a te sani yame, nemane we seraibrabra wei peko dambere we dua da sou na pa tete damba ende; nemane we seraibra de te na nemeiyipei, De pe da nedo Yesus neye da meka wera, wande we tetro seraibrabra wei peko dambere tete damba ende.²⁵Nemane sate tetro seraibrabra Dado Yesus te aye senainie: Nemena we kaye simbiyang?" Dado Yesus ne yo seraibra a te saweke a te seiyunue: Beamena pote na te de ye wee seraibra pere nou nu ne kwa a te seiyi mane? ²⁶Akurung kaso pere tereng dopre de ye seiyitene wande we seraibrabra ayeko damba diwa dewa sarete: nemane Awa Mang Tetro de te da sanu tupuku meka wera, Awa Mang Tetro kna a te da betane tepreinya a te deye da yo damba nemane a te da dua sename we tetro seraibrabra ne a te da be tau. ²⁷Tetro seraibrabra damena a tena aroipei nemeiyipei mendo pa na poi ye na yepoipipei wande De Yesus Awa Mang Tetro te na te a te da seiyane.²⁸Dado Yesus a te seiyu ne a te sanumu: Nederaiti da mane we tetro yei seraibrabra Dado tetro yei te we seraibra a te bu na pa donde kenensinde, nemane nepere wande we tetro seraibrabra aronembinde, Dado Yesus Nedo neye da meke waru, nemane de kaye dedei mendo na kembari te yeko tena mekoipei, nederaiti de ye seiyane a te senamena asena yeko te de te nemane Awa Mang Tetro kuru te a te da sanute. ²⁹Nemane Awa Mang Tetro de te da sanutupuku da yo damba dewa da meka, dembere dei Awa Mang Tetro pere nebeiy ne da ware te wande Awa Mang Tetro de na wa eyu ne da keu. Awa Mang Tetro de beiy te na moi ye na teitipipei wari pei nemane deraiti de kaye dei kena re dua da wupuka da kembari te da meka na nepere Awa Mang Tetro kna wa dopoi te na te a te De Yesus tetro yei seraibrabra te da sename. ( Tepreinya Aye Pepoi Damba Da Atoneme Mema) ³⁰Dado Yesus demena a sena ayeko te seiyune sanumu da tetro yei seraibrabra kaso pere tereng do pre tereme Dado Yesus te poi dua nemei yambiki.³¹Nemane Dado Yesus Yahudi tetro seraibrabra te a te da sanumu nepere Dado Yesus te meye dua da nemei yambiki arambiki. Nemane deraiti we tetro seraibra dena asena yeko nou neme warende na we tetro seraibrabra dedei yau na dero na ne pe de wembere ne beiy ne da warema mene. ³²We tetro seraibrabra pepoi tepreinya te dua da aronembinde, da ayeko pepoi nepe tepreinya we tetro seraibrabra te nou teme damba moi tere bekainue e kende pepoi beiye da. ³³Neyo tetro seraibra a te sawekai: De tetro seraibrabra mang Abrahamway kna seraibra nemane deraiti de tetro seraibrabra wera tena tetro si kna buru na nembere nebeiynya keiy pei.Bea mena a te we Yesus seiyiyene: De tetro yei seraibrabra teme damba moi ye bekau ne ma kene?"³⁴Dado Yesus ne tetro seraibrabra te a te da sanumu: Teprei tere da tetro yei sibesika peko te mekembine na ne tetro peko burune neme da kene nemane deraiti tetro si kna buru ne kene. ³⁵Tetro yei de baiye serei bete newai oto tou na ne tetro yei mie na nemena keiypei nemane deraiti da mie na tetro yei nenei mie ne nou ne neme da kene. ³⁶Nete na te nemane wande Dado Yesus neye ne tetro yei te we seraibrabra kna nerone teme damba moi ye dua da kende ne pete de ye we tetro seraibrabra te pepoi tepreinya teme damba moi ye e kende.(Abrahamway Ne Na Nu Awa Mang Tetro Nenare Na Ambai)³⁷De Yesus dua da arombuka we tetro seraibrabra Abraham way nenei seraibra, nemane nepere we seraibrabra de te Yesus te baya da tetombinde na te da werau, nemane de na ayeko asena we tetro seraibra kna wa eyu na keiypei nou doiypei. ³⁸Ase na yeko Awa Mang Tetro kna a te De Yesus betane dou ye tane, wande ne a sena te yeko te ne te da seiyane a te da sename nemane we tetro seraibra kaye wei awa kna a te betau wande kembari te mekau.³⁹Neyo tetro seraibra Dado Yesus te a te senainie: De tetro yei seraibrabra dena awa nedo Abrahamway. Dado Yesus ne yo tetro seraibra te a te sanumu: we tetro seraibrabra awa Abrahamway kna yei mane da werau, nemane awa Abrahamway nena kembari te pepoi dua da mekonde mende. ⁴⁰We tetro seraibrabra mekau na kembari karo keu na De Yesus te baya da totembinde na te nipi karo te wureu; De tetro besika serei we tetro seraibrabra te a te da sename tepreitere na a te seiyane Awa Mang Tetro kna a te de betane; damena asena yeko kembari awa Abrahamway mekoi pipeinya tewai. ⁴¹We tetro seraibra mekau na kembari nemane wei awa bra kna re na. Neyo tetre seraibra a te sawekai a te seiyaini: De tetro yei serai brabra peko kaiymie nisko re na mekoi pei da yo damba na senoipei mipei. De tetro yei seraibrabra awa besika tere Awa Mang Tetro ne pe da keu.⁴²Dado Yesus ne yo tetro seraibra te a te sanumu: Awa Mang Tetro we seraibrabra we na awa, we nemane de te Yesus te kenabise te deraunuru, De Awa Mang Tetro kna wa tou re da da yo damba dewa da meka. Nemane dedei mendo beiy na mipei Awa Mang Tetro kna ayeko a sena yeko dambere meka. ⁴³Beamena te we tetro seraibrabra dena asena yeko seiyane na a te na we tetro seraibra pepoi mendo te na doiy pei? Nemane deraiti we tetro seraibrabra dena asena yeko tena pepoi na sawi pipei doiypei mendo pana oripipei keipei. ⁴⁴Tetro sekai we tetro yei kna wa buru ne wa ayu ne keu we na awa mane we tetro seraibrabra te da a te kome waru nena ayeko te kembari karo te we tetro seraibrabra ne pe te wena wa ne wa yeda mekau wande ne Awa te kape naunu nembere da werau.Ne awa tetro sekai do nari do tetro yei seraibrabra te baya tutu tete nero pa werai pepoi tepreinya ambai keiypei.⁴⁵De Yesus we tetro seraibrabra te asena yeko tepreinya te a te da sename, wande de tena nemeiyiti pipei. ⁴⁶Simi ye we tetro yei seraibrabra kna nero ne da ayeko te dou dou da taunu De Yesus peko te dua da meke ya wande da yo damba meka? Nemane de asena yeko tepreinya te seiyane na we tetro seraibrabra de Yesus te na nemeiyitipipei? ⁴⁷Simi ye Awa Mang Tetro kna tetro yei seraibra nemane Awa Mang Tetro kna asena yeko te na betonai wa te warenai pepoi keu. We tetro yei seraibrabra da asena yeko tena betoiypei baiynie warende na we tetro Yei seraibrabra Awa Mang Tetro kna yeibra mena ambai keiypei baiynie da werau. (A_I Nedo Yesus Da Yo Kani Dambene Kiyou Abrahamway Meto Re Meke)⁴⁸Yahudi tetro seraibrabra Dado Yesus te a te senainie: Tepreinya a te senana de ye tetro seraibrabra seiya ne te we Yesus Samaria tetro wande sekai dua da baru kaiwie?" ⁴⁹Dado Yesus a te saweke a te da sanumu: De Yesus sekainya tetro ambai sekainya mendo baritipei, De ne deraiti Awa Mang Tetro te sesoye tupa ne wande we tetro yei seraibrabra de tena sesoye na tipitipei werau.⁵⁰Nemane deraiti De Yesus Dei wa pa na pepoi te wure seso ye datipinaitie: Tetro yei besika serei nemena waro te wureu wande Awa Mang Tetro neye ayeko dambere da sare ne baya da wasi ne. ⁵¹De Yesus we tetro seraibra te da a te sename: Teprei tere simi ye de na da asena yeko te tawene te ware nena nederaiti ne tetro yei peko damba na eipeikeiypei.⁵²Yahudi tetro seraibra Dado Yesus te a te senainie: De seraibrabra nepereinya dua da arambiki te, nemane we Yesus sekai dua da baru kaiwi wari ye sekai mendo. Nederaiti Abrahamway dua da teteupuku nemane deraiti Nabi seraibrabra da meye dua da soupuku ambai keiypei: We Yesus we kaye tetro simbere we na detere yare ne mambeiy buna ne waru? Nemane beiyte we Yesus a te seiyiyene: Simiye dena asena yeko te poi tawe nene menena ne tetro yei peko damba na eiypei. ⁵³Nemena we Yesus detere yare buna ne kiye wande de tetro yei seraibrabra kna awa Abrahamway a ne a tere bete ne tetro serai newai merenewai waru! Nabi seraibrabra nemane dereiti meye dua da soupuku ambai keiypei: We Yesus we kaye tetro simbere we na detere yare nemambei?⁵⁴Dado Yesus sa te saweke a te sanumu: Nemane dedei wa pa pepoi te seiyitena na, ne pepoi serei bete tere na ambai yu mereiypei. Awa Mang Tetro neye De Yesus te pepoi te da seiyune, nemane deraiti we tetro seraibra sintena a te seiyau nu: Da Awa Mang Tetro e tetro seraibrabra kna Awa Mang Tetro." ⁵⁵Nederaiti we tetro seraibra Awa Mang Tetro te na aroiypei, De Yesus dua da aroumbuka. Nemane De Yesus a te seiya ne de ye Awa Mang Tetro te na aroiyipeinya de nemane we seraibra seiyaunu tetro apeu peu, we seraibrabra pere nemambeiy wera te; Nederaiti de kaye Awa Mang Tetro te dua da aroumbuka Awa Mang Tetro nena asena yekote da tawe kane wera. ⁵⁶Awa kaye Abrahamway kena karine dereunu De Yesus dewa mete na ya te dou tenene wande nenei nemane nemena yeko nenei dou dua da teu nu kena kari te da dereunu.⁵⁷Yahudi tetro seraibrabra Da do Yesus te a te senainie: We Yesus wena mai tereng doa bisereiy meka bipere wande naming serei pa na eiypei ane neme da wari ye wande ama Abrahamway te we ye dou dua tembuke?" ⁵⁸Da do Yesus neyo tetro seraibra te a te da sanumu: De Yesus we tetro seraibrate a te sename, teprei tere Abrahamway maning da yo damba mipei keiypei, De Yesus tua metere te dua da meka kiya da kani dambene wariya. ⁵⁹Nemane ne pere tetro yei seraibra oru tu meka damba ourai Dado Yesus te oru teiyinaini penenai: Nemane Dado Yesus nenei wa te baiypa sukun suku wande baya Awa Mang Tetro kna yau mie te neme da tembuku nou bekau pa dua ke ye pa karupuku.

Chapter 9

(Dou Bise Na Tetro Sasyainie Mere Newai Nie) ¹Dado Yesus oto te dewa mekai, Nedo dou teu nu tetro besika dou bise na yansi nenekune sasyainni sengkai mere ne wai ne. ²Dado Yesus nena yau na dero na a te Dado Yesus te senainie a te suraini: Rabi, simbiyang peko te mekoupuku, da tetro nenei waye beiy nena awa nawa, wande nemena nou kiyou yei te dou bise ne sengkai da yo damba?³Dado Yesus a te saweke a te sanumu: Datetro nenei wa re na ambai nemane awa nawa ambai, nederaiti Awa Mang Tetro kna kembari nena wa buru ne wa ayu ne meko nena te da. ⁴E tetro yei seraibrabra Awa Mang Tetro kna kembari te da meko ma nemane De teda sanu tupuku meka wera a te we seraibra te da sename: daiy serei te neme da kate; wande deneng orumbine na e tetro yei kembari te na mekoi pei. ⁵De Yesus da yo dambene neme da wera de dayo dambena kiyo nepe da wera.⁶Dado Yesus da ayeko da seiyumbuku wande nedo nena e ki te kani damba tou puku, nepere kani ne burum buku wande dou bise na tetro kna dou pa sawumbuku. ⁷Da tetro dou bise na te a te da sanune: We Siloam bu eyu ne wei wa te dou te baya sukumbune. Siloam wa do si ayeko " dewa da tambuku sanumbuku meke".Nepere nemane dou bise do bu eyu pa ke nenei wa te baya sukunu wande ne kwa dewa meke dou poi dua ereiypiki poi ye teu.⁸Nemane tetro seraibra nenei wa tou na ne do te arambiki na sa adani dani sa temeka damba a tani a te da seiyanie nemane ne yo seraibra nenei yau ne a te da seiyainie:Nemane sena na dado sa adani dani nene sena waru?" ⁹Tetro siderou seiyainie: Tepreinya te seiyainie, ne do dou bise do nene da waru. Tetro si deraou seiyainie ambai bie, ne do dou bise do nena wa mena tetro poi ye da orupuku waru: Nepere dou bise do nenei aye sanumu; tepreitere de dou bise neye da wera neperei dou pepoi orupuku baya ereiypiki dai te ta.¹⁰Neyo tetro seraibra dado te a te senainie: Beamane we na dou poi ye orupuku, wande neperei we dua tiye?" ¹¹Nedo a te saweke a te sanumu: Nedo nena wa do Yesus nenei e ki te kani ne da burumbuku wande dena wa pa dou pa sawumbuku, a te sanutupuku Siloam bu eyu ne wei wa te dou te baya sukumbu ne. Nepere dena dou poi baya dua da eyeiypiki wande dou da ta pepoi dua orupuka wera. ¹²Tetro seraibrabra ne do te a te senaini: Nemena Nedo Yesus mo pe ne keu? Dou bisi do a te seiyune: De aroiyipei mo nou ne keu na tetro.¹³Nepere tetro seraibrabra da do dou bise do te Farisi tetro seraibra kwa dekaini yeu. ¹⁴Nemane ne Sabat ya ne Dado Yesus e ki te kani ne burumbukuwande dou bise na tetro nena dou pa sawumbuku dou te dua ereupuku dou pepoi tere teu. ¹⁵Nemane sa te Farisi tetro seraibra da do te a te senainie: Beamane we na dou pepoi dua tiye? Dado a te saweke sanumu; Nedo Yesus kani te burumbuku dena dou pa sawumbuku, wande dedei wa te Siloam bu eyune baya sukumbuka nepere de dou te dua da pepoi tere kiya tane dou pepoi.¹⁶Nepere nemane Farisi tetro seraibra si derou a te seiyainie: Da tetro yei pe da Awa Mang Tetro kna wa tou re na mipei. Sabat ya de ya te na endiki mena dekoipei. Neyo tetro seraibra si derou nenei a te seiyainie: Beamane tetro yei peko dambere mene dimena yeko kembari te neye mekone dou dou ye temane? Neyo tetro seraibra nenei a te beiybeiy te dua dewa kindirainie. ¹⁷Nemane nepere wande ne yo seraibrabra da dou bise do te a te senainie: Wena a te beamane seiyiyene wande Nedo Yesus we na dou te pepoi dua mekombuku poi ye mekouwupuku dou te poi dua tiye? Dado dou bise do a te saweke a te seiyunue. A_I Nedo Nabi ne pe da meke waru.'' ¹⁸Nepere Yahudi tetro seraibrabra dou bise do tewa nemeiyimbipei, nemane mete na dou bise ne wari you, neperei dou te dua da teu nena naiy menang te semaipiki.¹⁹Nena awa nawa te a te senaimie: Da we na yei, Sasyeine dou bise ne sengkau? Damena beamane da yei dou te dua teu? ²⁰Nai nenang a te sawekai a te seiyainie; De arambiki te dena yei dou bise ne da sengkate. ²¹Neperei ne ye dou te dua teu na de areiyipei. Tetro simbiyang pepoi mekoumbuku dou te dua te teu. Demane neperei neye dou te dua da teuna de awa nawa aroiyipei. Ne te a te sananuru neye tetro de tere dua orupuku waru nenei a te moi ye seiyi nene wande we tetro seraibrabra a te ne te betonde."²²Dobi sedo nenei nai nenang damena a te seiyainie ediki mane dekai Yahudi tetro seraibrabra kna wa tou nu, wande Yahudi tetro seraibrabra a te dua bou nebeiynie yau ne werainya. Nemane mo tetro yei a te sawe nai Dado Yesus Mesias neye da meke waru nemena tetro yei yau detere norore baya bai terepa sekenaimpine moi ye tanaimpine warenai. ²³Nemena potena te nai nenang a te senaimie: Tetero detere dua orupuku waru a te senau nuru a te seiyumuru.²⁴Nemane sa te do bise dote ne kwa dewa simansiki ne yo tetro seraibra a te senainie: We dou bise ne yan si ne wari ye, tepreinya a te Awa Mang Tetro kna bekounu sawu a te ate da seiyunu: De tetro seraibrabra dua da arambiki te di tetro yei peko dambere meke tetro si te poi ye mekoumuna. ²⁵Dou bise do a te saweke a te sanumu: Nemane senana tetro peko sena sena, de aroiyipei wande yeko besika serei de aroumbuka dena dou bise dou kepekepe neperei dou te dua da ta dou dua ereiypiki dou teda ta.²⁶Neyo seraibrabra dou bise do te a te senainie. Beasate wena wa pa mekoupuku? We na dou te beamena poi ye mekoumbuku? ²⁷Dou bise do a te seiyunu sanumu: Wa pe ne dua da sani yame, wande we tetro seraibrabra de na a te na betoi pei, nemane beamena a te de te surau te a te ne kwa seiyite ne betombinde? Nemena we tetro yei seraibrabra Nedo nena yau na dero na mane orumbinde ne beiy nie nembere warende.²⁸Neyo tetro seraibrabra te a yeke yeke te a prau prau te a te sanumu seiyunu. Neyo tetro seraibrabra dou bise do te senainie. We ditetro yei nena yau na dero na, de tetro seraibrabra nedo Musaway kna yau na dero na da wera te nebeiynie yau ne. ²⁹De tetro seraibrabra dua da arambiki te, Awa Mang Tetro nedo Musaway te da A sena yeko te sanumbuku da deko meke, nemane wande Dado Yesus te na de tetro yei seraibrabra aroiyipei mo nou re Nedo A_I Neye meke da yo damba.³⁰Dou bise do ye ne yo tetro seraibrabra te a te da sanumu; Propro mane neme ourau we tetro seraibrabra ne te na aroiyipei werau, mo noure neye meke wande nedo neye dena dou te pepoi tere dua d da mekoutupuku. ³¹De tetro yei seraibrabra arambiki te na Awa Mang Tetro damena tetro yei peko dambere mene na ne te na a te na a te na betoiypei, Nemane deraiti pepoi te mekone na ne tetro yei meka poi ye do ne ne wande neye Awa Mang Tetro nenei kembari te yeko te mekone.³²Yansi ne tengkomu neperei da sereiypa a te betatena da tetro sibesika ye nemane tetro si kna dou te poi ye mekoumbuku dou bi se te baya deko wande dou te poi ye ereupuku kiya tere. ³³Awa Mang Tetro nena wa tourue mipei nya tetro yei kembari te na mekoiyipei. ³⁴Neyo tetro seraibrabra a te sawekai a te seiyainie: We kaye peko dambere da sengkai wie wande we de seraibrabra nipi pepoi dambana te a te sani ye me? Nayo tetro seraibrabra da do dou bise do dou bise do te baya tikensiki yau mie ayu re da basuwa dewa meke.³⁵Dado Yesus a te be toupuku dado dou bise do te da mie basuwa dua tikensi meke wande Dado Yesus pere tokriko ne te a te sanumu: Dado tetro yei Yesus te we ye dou bise do tetro nemei yumbu ne. ³⁶Nedo dou bise do a te saweke a te seiyune: Ne tetro yei simbiyang Tuhan Mang Tetro de ye ne te da nemeiyitiembine. ³⁷Dado Yesus dou bise do te a te sanu ne: We dou bise do Nedo Yesus kna wa te dou tiye ne nemane Nedo Yesus wembere a te da seiyune: Nedo Yesus nene da wera!." ³⁸Dou bise te saweke; Tuhan Mang Tetro de dua da nemei yumbuka. Nepere dou bise do Dado Yesus te seso ye tupu ne apa oto butu dusungkruko keu.³⁹Dado Yesus a te seiyunu: De Yesus da yo kani damba meka ayeko te a sari sari da tetro yei te diwa dewa sarete wasi te, simi ye dou teiypei nya ne ye dou te tenai, simi ye dou te poi ye tenainya ne tetro yei nena dou bise yemekoinaimie. ⁴⁰Nedo Yesus da a te seiyununa ne yo Farisi tetro seraibra dua da betaiypiki wande Dado Yesus te a te senainie: Nemena a te seiyiyene na de tetro seraibrabra nemane dou bise ne werate?" ⁴¹Dado Yesus ne yo tetro seraibrabra te a te saweke a te sanumu: We tetro seraibrabra wena dou bise we peko mekoiyipei, wande nemane we seraibra a te da seiyaunu; de tetro seraibra dou te tate, nemane sate wena ne peko nou neme da kenamene.

Chapter 10

(Tenai Tetro Pepoi) ¹De Yesus we tetro seraibrabra te a te da sename: Tepreitere simi ye Domba seraibra da mie numburu re na mipeinya wande nemane mari bururu yekenumburu eyu pa da barunai, neyo seraibra bisi yo nemane dado ye toitieiy seraibra nena tenai tetro. ²Nemane simi ye mie numburu re eyu pa menena, nedo tenai tetro pepoi sema te waru Domba te dou ye teumu.³Nedo tenai tetro pepoi sema te waru mie numburu te baya tunsine wande Domba seraibrabra ne na a te betonaiyimbine nemane nedo Domba seraibra te wa done nyeinyei ne tare ne a te da simi ne wande a te nemedia pa mie basuwa oto te kenenai nienai. ⁴Nemane deraiti Domba seraibrabra metere na mane baya dua a toneme nena, wande tetro do bekounu warene Domba seraibrabra meto re tawenaiynie, ne yo seraibra nedo nena akurung a te da dua arambiki ne te da betaiynie.⁵Nemane deraiti tenai tetro site na neyo seraibrabra tawinipei waripei, nepere nemena ne yo seraibra nedo nena waye ye wa tou rue baya da baru nai moi ye serengkrone, nemane tenai tetro si kna a te na neyo seraibra aroiyipei. ⁶Da mena ayeko te na Dado Yesus neye a te da ne yo tetro yei seraibrabra te sanumu, nemane a aroi aroi mane arou, wande ne yo tetro seraibra poi ye na aroiyipei beamena a te Dado Yesus neye ne yo tetro seraibrabra te a te sanumu.⁷Dado Yesus ne kwa a te da sanumu: De Yesus we tetro seraibra te a te sename; teprei tere De Yesus mie numburu ne pe da yo dambene seraibrabra te na te meka wera de na wa pa dou te tou. ⁸De Yesus mipeinya ne mipeinya tupune, tetro si tua tere dewa da mekai wari yai, nemane neyo tetro seriabra bisi tetro ye toiytiei, da dambe na tetro seraibra ne yo tetro seraibra kna a te na betoiypeinya.⁹De Yesus numburu mau detere ; simi ye de ye tepa na re mie eyu pa menena, ne tetro yei pepoi damba eyu pa baiy pa nemane deraiti nenei ya se munu sa te Domba seraibra mane sepo sepo te anenai derona nerone ware ne sa te ne te emburu pada anene kene. ¹⁰Bisi tetro mene na bisi meka te meko ne da tetro yei te tanenemebaya no te da titi ne nena nipi peko sua da sare ne peko ye meko neme; De Yesus meka na peda ne tetro yei seraibrabra te ye reu poi damba nemane nepere wande sasyasi dopre na nero na da yereu da kenai.¹¹De Yesus tenai tetro poi tero. Tenai tetro pepoi da tetro yei Domba seraibrabra mane. De na wa te aru te wa nuru te dedei Domba seraibrabra kna damba. ¹²Nemane deraiti tenai tetro si pe da dera ondung pera te weraiynya tenai tetro, da do Domba kna tenai tetro da ambai manina mipeiy nemane da Domba seraibra nembere nebeiyina waripei, wande nepere yuku Serigala nerarena yuku detere mene na, nepere nederaiti Domba seraibra te neme dane da tenempinie nenei wa te baya nawene wande da yuku Serigala Domba seraibra te si te dua awe ne pere nemane wande Domba seraibra moi moi ye dua dewa wasinai baya barunai. ¹³Damena tenai tetro dera pera te ondung te wureu nenei wa te baya nawene da Domba seraibrabra te na dou teiypei.¹⁴De Yesus, Domba tenai tetro pepoi tere wande dedei Domba seraibra te aromupuka nemane dena Domba seraibra de tena dua da araiytipiki. ¹⁵Nemane deraiti Awa Mang Tetro dete aroutupuku na mane de Yesus Awa Mang Tetro te aroumbuka wande de kaye dedei wa te wanuru te Domba seraibrabra kna damba pepoi te da ikame. ¹⁶Nemane Domba seraibrabra si kaye e na da mie eyu ru na pe ambai: ne Domba seraibrabra si nemane deraiti deye ato teme nebeiy nei Dena a te betonai ne tetro yei seraibrabra nemane deraiti Domba seraibrabra mane ne beiynie yau ne dero ne besika wa te da orumbine tenai tetro besika a toneme warenai da nipi nero te menai.¹⁷Awa Mang Tetro dete Yesus te da kna te da kna te da keu, nemane Dedei wa nuru te wa te daikame nemane nepere neyo tetro seraibra te ne kwa dewa da a te kame nebeiy pa besika te da oruouku. ¹⁸Tetro sibesika tenai tetro si ye da De Yesus kna rena a toiymipei baya na te na eiypei nederaiti de ye wasi teme dena mendo ne werainya mane, De ye tepame wasyame wande deye nekwa dedei wa pa da dewa oura kopirane . Damena kembari karo Awa Mang Tetro nena re da De na damba da ikite ne te kembari te meka.¹⁹Nemane nepere Yahudi tetro seraibrabra nenei wa pa a beiy beiy te dua dewa titai tepai aprapra mane da derainie nemane damena ayeko karo ne nipi te wureiy. Neyo seraibra nenei yau na yau nero ne tetro meye a te seiyainie. ²⁰Dado Yesus sekai dua da baru kaiy nie: Dado Yesus mendo mane dua da neraiyipiki. We tetro seraibrabra beate na te Nedo Yesus kna a te betaunu?" ²¹Tetro siderou a te dua seiyainie: Dimena a te seiyunu na sekainya tetro nederaiti ambai bie, nemane sekainya tetro beate na te dou bise na tetro te poi mekoumbuku wande nemane tetro yei seraibrabra te si derou te poi ye mekoumu dou te poi taiy kiya tere? (Yahudi Seraibra Yesus Te Baya Seraipiki)²²Ya tiki baiye Awa Mang Tetro kna yau mie te sa kemei mane Yerusalem dia ne kenai; damena ning ya ne yaru ya sereinie. ²³Dado Yesus Awa Mang Tetro kna yau mie ne dua dewa oto te waru nedo Salomo ne na deko nero bete ne. ²⁴Yahudi tetro seraibrabra Dado Yesus te dunambiki nete a te senainie: Mo serai pa mema we beamena te de tetro seraibra te neme temu punu peko dambere peko orumapine? Nederaiti we Mesias Awa Mang Tetro nena yei do yari se. Wena a te na kiya beiy seiyinime de tetro seraibra poi ye betapi tere.²⁵Dado Yesus ne yo tetro seraibra te a te da sanumu: De na a yeko asena te we temo seraibrabra te dua da sename; nemane we tetro seraibrabra de te na nemeiyiti pipei: Da kembari deye da meka na pe da Awa Mang Tetro nena wa done, nemane nepere de na wa do te da a te seiyinende. ²⁶Nemane we tetro seraibrabra aroiypei nemeiyipei wande we tetro serabrabra De na Domba seraibrabra pa na bembipei.²⁷Dena Domba seraibrabra dedei a te da betaiy nemane deraiti de ye ne yo seraibabra te aroumupuka wande nemane ne yo seraibrabra de te da tawekai tie mai nebeiynie da wera te. ²⁸Nemane deraiti yereu neme kene mene na ne yo tetro seraibrabra kna damba setesine wade nepere ne yo tetro seraibrabra peko damba na peko ye na oriyipipei nemane tetro si ye ne yo tetro seraibrabra te na de na meka dambe re na baya na te na meka dambe re na baya na te na atoumipei eiypei nou nu dembere da warema mene.²⁹De Dei Awa Mang Tetro de na damba da ne yo tetro seraibrabra mete re detere tere nemane deraiti tetro yei si besika ne yo tetro seraibrabra te na Awa Mang Tetro nena meka dambere na baya na te na atoumipei eiypei. ³⁰De Yesus Awa Man Tetro pere na besika teda kete. ³¹Nemae nepere Yahudi tetro seraibrabra oru te meka damba ouraiy Dado Yesus te oru teiyi nainie na te derainie.³²Dado Yesus ne yo tetro seraibrabra te a te sanumu: Metere kembari pepoi Awa Mang Tetro kna dambere de ye we tetro seraibrabra te poi kirame a te sename; momena kembari karo ne we te buku mue we tetro seraibrabra te ate wa pumue wande De te Yesus te oruteiyi tende na te?" ³³Yahudi tetro seraibrabra a te samekai a te seiyanie: Damena kembari pepoi waro ne de tetro seraibrabra we Yesus te oru teiya we te, nemena pe ambai nou keipei nederaiti we Yesus Awa Mang Tetro kna wa do te a te mori ye, nepere nemane we Yesus ye da tetro yei wa ye da wari ye da yo dambene wande beate na te wei wa do te Awa Mang Tetro pere detere yare nemambeiy keu pepoi dambene.³⁴Dado Yesus ne yotetro seraibrabra te a te sanumu: Nemena we tetro seraibrabra kna Taurat semo na a te na mereiyipipei: De Yesus dena asena kurung nemane dua da seiyunu: We tetro seraibra mang bra werau? ³⁵Nemena ne yo tetro seraibrabra simbiyang kwa da asena kurung te seiyunu, mang te da teraiyini wande nemane da asena semo kepei baya na saripipei. ³⁶We tetro seraibra a te neme dena damba seiyaunu nederaiti Awa Mang Tetro neye nemeiyu tupuku pepoi mromro dambere da yo damba dewa da meka: We ye Awa Mang Tetro kna wa do te da a te moriye! De ye a te da sename Awa Mang Tetro nenei yei.³⁷Nederaiti de ye Awa Mang Tetro kna kembari te na mekoi peinya we tetro seraibra de te na nemeiyitipipei. ³⁸Nemane deraiti de ye kembari te dua meko tena we tetro seraibra de te na nemeiyitipipei, nemane damena kembari karo ne we tetro yei seraibra nemeiyitembinde ne pere pepoi aronembnde, Awa Mang Tetro de Yesus kna wa eyu nu keu nemane de Yesus Awa Mang Tetro kna wa eyu nu da ka. ³⁹Ne kwa Yahudi tetro seraibrabra Dado Yesus te meka damba awenaiynya te, nepere Dado Yesus baiypa dua ke ye pa. (Yesus Yarden Marwai Bu Disu Ne)⁴⁰Nepere nemane Dado Yesus yarden bu disua Yohahesway me tere te bu te kereyou mu na nou ne Dado Yesus nepene keu. ⁴¹Nemane tetro seraibrabra kaso pere tereng dopre Dado Yesus kwa dewa mekai a te senaiynie: Dado Yohanisway ⁴²Tetro seraibrabra ne nou ne Dado Yesus te da pepoi dua nemei yambiki.

Chapter 11

(Lazarusway Tete Nerore Yembuku) ¹Tetro yei besika sane dua tenou saye mekounu, wa do Lazarusway, Nedo Lazarusway Betania yo ne keu nemane nena nemeng Maria me pere Martaha me pere nebeiynie kaiy. ²Maria me metena ya Dado Tuhan Mang Tetro kna oto te mur merai bu sawumbuku wande nenei nua tiki ye baya mro mro sukunu.³Nenung Lazarusway saye mekounu. Mire bikari te tari a keya Dado Yesus kna: Tuhan Mang Tetro wembere kna ki yena do saye dua mekounu. ⁴Dado Yesus a te be tou puku a te seiyunu; nemena anamu ne do Lazarusway teteipipei nederaiti, Awa Mang Tetro nena yeko pepoi damba nemena sa nemu Awa Mang Tetro kna yei Yesus te pepoi damba.⁵Dado Yesus kena te dereunu Martame ne kasi Mariame nena nenung Lazarusway. ⁶Dado Yesus a te dua betoupuku Lazarusway saye mekounu. Nemane Dado Yesus ya biserei ne nou neme kiyou maning eiypei. ⁷Nemane nepere da Dado Yesus nena yau na dero na te a te sanumu: E dua di mana kaye Yudea yo pa kani pa.⁸Neyo yau na dero na Dado Yesus te a te senainie: Rabi, nepereiy tere Yahudi tetro seraibra we te oru ye kiserawipiki we neme na kwa Yudea kani pa yo pa?" ⁹Dado Yesus a te saweke a te sanumu: Nemane deraiti ya besika na soning tereng meka bi wausuna bi pere. Simi ye dai te ware ne na oto narinsinoipei dayo dambena kiyate douye dua teunu.¹⁰Nederaiti tetro sibesika deneng ya ne ware nena oto te dua nerenseno ne nena wa eyu na kiya ambai keiypei. ¹¹Nemena a te Dado Yesus sanumu ne yo seraibra te sanumu. Nedo Lazarusway eiyei do keka, yuku te dua tenoupuku, Nederaiti deye nenou pa dua te yuku te tenou na te esua ye kretensine.¹²Nemane yau na dero na Dado Yesus te a te senainie: Tuhan Mang Tetro do keka Lazarusway yuku te tenombinena nekwa esua yembine dua dewa warene. ¹³Dado Yesus seiyununa yuku te tenouna, nedo Lazarusway dua teteupuku, neyo seraibra nena mendo mekainie Lazarusway nemeinya yuku te tenou. ¹⁴Nemane sate Dado Yesus a kiya tere sanumu: Lazarusway dua teteupuku:¹⁵Nedereiti plambai te de nepanaeiypei nemena yeko ne we seraibra dete pepoi ye nemeiyitembinde. De wa mauruenenneperei da damane nedo Lazarusway kwa dua ma Betania yo pa wa rema. ¹⁶Wande Tomasway wa do si Didimusway, yau na dero na te sanumu: Derona yau na siderou; dewa maurue e tetro seraibra nemane deraiti dua mana kaye nebeiynie nembere tete damba mana a te seiyunu.¹⁷Nemane Dado Yesus aroumbuku ne do Lazarusway ya aprau serei bure eyunu dua tenou. ¹⁸Betania yo wa tounu Yerusalem ye ne keu ne pana siri bisereiy nena kra bete ne pa. ¹⁹Yahudi tetro seraibrabra kaso pere tereng dopre da mekau Martame Mariame kwa nenung Lazarusway te teupuku na te mekai. ²⁰Martame a te betoupuku Dado Yesus dewa meke, Martame Dado Yesus kna watou pa ke. Mariame mie eyu ne neme nou nu keu.²¹Martame Dado Yesus te a te sanune: Tuhan Mang Tetro we da pene neme keiymena dena weke teteiyipipei. ²²Nemane deraiti de neperei aroumbuka na Awa Mang Tetro we na dambaikiwe a yeko te kembari te nena re we ye sanumbunue. ²³Dado Yesus Martame te a te sanune: Wenung Lazarusway esua dewa yembine na te dou tembunue.²⁴Martame Dado Yesus te a te sanune: De aroumbuka Lazarusway tupu te na ya ne tetro seraibrabra pere ne beiynie ne kwa i nai yembine." ²⁵Dado Yesus a te da saweke a te seiyunue: De A_I Nedo nepe yereu dwa ne kwa yembuku meke, simi ye de te nemeiyini teoine ne tetro yereu ne kwa orumbine nemei ye te teupukua ne tenou. ²⁶Nederaiti nemane yereu neme waru na tetro yei dete Yesus te nemeiyini tepine neme tete nero na te noiypei. Damena ayeko te na we nemei yumbuke?"²⁷Martame a te saweke: Ya, Tuhan Mang Tetro we te de ye nemei yuwupuka, we Mesias Awa Mang Tetro kna yei do yarise da yo kani damba dwa meke. ²⁸Nepere nemane a te seiyumbuku wande Martame Mariame te tarumbuku a te yekai bete sanune: Guru A_I Nedo Yesus dwa da meke we te taru ne pa ma. ²⁹Mariame esua yembuku A_I Nedo Yesus kwa dua da ke.³⁰Nemane Dado Yesus yo pa na maning eiypei. Dado Yesus Martame pere tekoinya nou nu neme di ne keu. ³¹Nepere nemane Yahudi tetro seraibrabra Mariame te tawekaiyni mai nebeiyni dwa ne yo seraibra ne na mendo mekaini na Mariame buru ayu ne oru ye ne dimite ne dimi ne. ³²Nemane Mariame Dado Yesus kwa dua da ke oto butu a pa du sungkruko a te seiyunu: Tuhan Mang Tetro we da nou nu neme keiy me na dena weke teteiyipipei yereu te nounu keuru.³³Nemane Dado Yesus dou te teu Mariame dimite dumu, wande Yahudi tetro seraibrabra nebeiyni nepe ne tepai, nepere Dado Yesus nena kna nundurai yipiki. Dado Yesus a te da sanumu mendo eiyo ne kaiy werai. ³⁴Mo nou pa ne do Lazarusway te a pa diyanteke tenou neyo seraibra a te sawekai: Tuhan Mang Tetro dewa mime wei dou tembimeda nou ne da . ³⁵Nemane Dado Yesus dimi te dumu.³⁶Yahudi seraibrabra nenei a te dikaiy seiyainie: Dou te tauru Nado Yesus kena bi se te dereunu. ³⁷Nemane tetro si derou a te seiyainie: Dido A_I Nedo dou bise do te pepoi mekoumbuku, neperei dado te a te seiyine ne teteiyipipei.³⁸Dado Yesus nena kena ne nundu raiyipiki wande bure damba dua di eu. Nemane bure oru buru oru si numburu te tiatieke bainya sure. ³⁹Dado Yesus a te doumbuku. Ne oru te baya donde. Martame Dado Yesus te a te sanune: Tuhan Mang Tetro o busuperlo, ya aprau serei pa dua da te teuwupuku. ⁴⁰Dado Yesus a te saweke a te seiyunue: De kaye we te na a te dua saniyame: Nederaiti we dete nemeiyutupune we Awa Mang Tetro kna pepoi te dou tembunue,⁴¹Nepere ne yo seraibra oru bure te baya dekai tiyisiki. Dado Yesus bete bunapa deko a te doumbuku: Awa Mang Tetro de we te a te senawe, Awa Mang Tetro we ye dena akurung te da beteye. ⁴²De dua arombuka Awa Mang Tetro, We dena a te da beteye, nederaiti da tetro seraibrabra kaso pere tereng dopre da nou nu tepai deye a te da seiyane, nepere da tetro seraibrabra nemeiyinaitipine Awa Mang Tetro we ye dete sanutupuke dayo damba da meka.⁴³Nemena a te seiyumbuku wande a te arma tere doumbuku: Lazarusway kiya pa baiysua dewa mime! ⁴⁴Nedo Lazarusway ya aprau serei dua teteupuku na kiya pa dewa da meke, nena oto meka mayong ye paimyimbiki nena tenai mayong beiyambiki beteda perambiki. Dado Yesus ne yo seraibra te a te sanumu; Mayong wa na te baya donde keronembinde wande nenei wa beiye dua warene.(Ate Dua Da Bou Yesus Te Baya Tonaipina Te)⁴⁵Yahudi tetro seraibrabra kaso pere tereng dopre tereme mekai Mariame kwa mekai Yahudi tetro nenei dou ye dua tambiki Dado Yesus te nemeiyambiki. ⁴⁶Tetro si derou da Farisi tetro seraibra kwa dua kaiy a te seiyainie: Dado Yesus damena kembari te mekoupuku.⁴⁷Nepere imamimam tenai tetro neyo Farisi tetro seraibra pere Mahkamah Agama te da simaiypiki a te seiyai nie: Beamena kembari te eye mekomapine? Di tetro nena kembari te mekou. ⁴⁸E ye tetro seraibrabra si tetro yeite a mambine tetro seraibrabra nete tawe naiynie warenai wande Roma tetro seraibraba dwa menai e na kani te neye donai ne penekenai.⁴⁹Tetro besika nedo Kayafasway Imam detere neyo tetro seraibrabra a te sanumu: We tetro seraibrabra aroiyipei mendo yepoipipei. ⁵⁰We tetro seraibrabra damba tetro yei besika da te tembine e na kani te na te wande beatena te meye peko damba mana te.⁵¹Nemena a te seiyumbuku nenei mendo re na pe ambai, nederaiti Imam detere mane da kiyou a yeko te seiyunu Dado Yesus dua tetembine nenei tetro seraibrabra te na te meke. ⁵²Nemane nenei seraibra beiy tena ambai, nederai ti da tetro seraibraba te ne beiypa kopiri nembine Awa Mang Tetro nenei yei bra mane yau bai moi moi wasiyou werai. ⁵³Nemane ne ya ne yeko te keraipiki Dado Yesus te baya tonaiypina te seiyainie.⁵⁴Nemane sate Dado Yesus Yahudi tetro seraibrabra kna nero na waripei. Dado Yesus baya pau damba ne pere Efraim yo pa yau na dero na pere nenounu kaiy ne pene kai. ⁵⁵Nemane deraiti Paskah ya detere Yahudi tetro seraibrabra nenei ya wa tou pa muna tetro yei kaso pere Yerusalem dia pa ourunu nenei wa te mro mro damba na kembari te.⁵⁶Neyo seraibra Dado Yesus te wureiy Awa Mang Tetro kna yau mie eyu ne esune tepai wande a te tetro si si seiyainie: Bea mane we seraibra wena wendo ne mekau nu? Nedo A_I Yesus ya detere ya pana te na dewa mene?" ⁵⁷Nepere nederaiti Imam Imam tenai tetro Farisi tetro seraibra pere a te dua da senaimipiki werai we tetro si newai arounembine Dado Yesus mo nou nu kene na a te kiya seiyi nende, de tetro seraibra nete Nedo Yesus te meka pa Awema.

Chapter 12

(Yesus Betania Yo Ne Merai Oto Te Suainie) ¹Nemane ya meka su suna beiy Paskah ya maning Dado Yesus Betania yo pa meke, nedo Lazarusway te Yesus bure dambere tete nero re esua awe kene yereu orupuku. ²Nepene nete na yau sa te da a nai wande Martame sate wasumu Yesus Lazarusway sate da anai. ³Nepere Mariame wande Narwastu merai bu te Yesus nena oto pa da sawunu Mariame nenei nua tiki ye baya sukunu mromro, nena merai perlo mie ayu te meye deko waru.⁴Nedo Yudasway Iskariet, Yesus nena yau na derona sibesika nedo nete peka damba sarembine na , a te seiyunu,; ⁵Nemena narwastu merai pe da ye naiy mane mekoiypi doi tereng Dinar doi naming serei pa tetro soiy te baya wa simie mekapa orunai. ⁶Damena yekote seiyunu na neye tetro soiy te na dou teiypei, doi bisite dereunu ye kai baya ouru doi dareng se mate na neye keu.⁷Dado Yesus a te seiyunu: Nepene mekouru nenei mendo na kembari te mekou na mendo werai dete na ya bure damba dua te. ⁸Nederaiti tetro soiy we seraibra pere kau, Deye we seraibra pere na nou nu nemena keiypei. (Ate Dua Bou Lazarusway Te Baya Tonaipinie)⁹Yahudi tetro kaso pere a te betaiypiki Dado Yesus nepe ne da keu, ne yo seraibra mekai nedo Lazarusway te dou tenambinie nemane tete nerore dua ne kwa yembuku yereu orupuku. ¹⁰Nepere Imam Imam tenai tetro a te bou Lazarusway te baya no te tonai yipina te weraiy. ¹¹Lazarusway nena wa re yereu orupuku waru, Yahudi kaso pere nenei seraibra te neme da tamipiki werau Dado Yesus te nemei yambiki peiye arambiki. (Yesus Te Yerusalem Dia Ne A Ye Merainie)¹²Nemane wa pe ya te na tetro kaso pere tereng dopre da mekai metauw yau sa nero na a te betai, Dado Yesus maning nipi nero te waru Yerusalem dia pa na te, ¹³Neyo seraibrabra o kepei Palem kepei te ouraiy nipi tupu ne Nedo Nete tawekaiynie mai akurung ye waru. Hosana! Piambai te! Andewapo na Israel do mire, Tuhan Mang Tetro nenei wado ne da meke waru.¹⁴Dado Yesus Keledai berang sekro damba wa damba da sasekone, nemane semo ne meraiyipiki. ¹⁵Sion mire bra, endiki te na dekoiypeinya, dou te tende, we na Andewa pona dewa da meke, Keledai sinewai dambe ne a ne da keu.¹⁶Nemane yau na dero na Dado Yesus te na maning aroiyi pei damena yeko te na, nepere Yesus nete pepoi piambai tie, wande ne seraibra mendo weraiy ne akurung nete na, nayo seraibra nete na kembari te da mekai.¹⁷Nemane tetro kaso pere nebeiynie Nembere wande neye Lazarusway te bure eyuru asua awekene tete ne rore yereu orupuku waru, nemane deraiti Yesus ne te a ye meraiynie. ¹⁸Nepere tetro kaso pere nete da tawekaiynie mai a te betaiy neye Mujizat yeko te mekou. ¹⁹Nepere Farisi tetro seraibra si ye site senaimie: We seraibra dou te taru we seraibra weka doiypei werau wande da yo dambena yo nedo nete meterena mane meyena mane meyena mane tawekaiynie mai. (Yesus Nenei Tete A Te Sanumu)²⁰Nepene nemane Yunani tetro si derou bete neyo seraibra te tawe kaiymie mekai ya detere ya ne mendo kembari kwa mekai. ²¹Nemane ne seraibra Filipusway kwa kaiy, Betesda Galilea yo rena, a te nete senaiynie: Tuan tetro,de seraibra mekate na Yesus pere to mana te mekate. ²²Filipusway Andreasway te sanumbuku wande ne dobi Dado Yesus te a te sanine.²³Nemane Dado Yesus a te saweke a te sanumu: Damena ya serei pa dua meke Tetro yei pepoi piambai teme damba. ²⁴De ye we te a te sename: Teprei tere ye Gandum sa nangkeng kani eyu pa na erimbipei teteiyipipei, ne nangkeng besika tere keu, ne ye dua tetembine na nepere nemane nenayu kaso pere wawenai.²⁵Simiye nenei wa nuru te kena te kene na, nena wanuru dua karumbine, simiye da yo dambene nenei wa nuru te na kena dereiyinipei, ne ye nenei yereu pepoi damba neme na beiytie da kenemene. ²⁶Simi ye dete tawenete warene, nebeiynie dembere wera deye ke tena nounu neye kene. Simi ye dete tawene te ne beiy nie werana, Awa ne te poi te seiyunu.²⁷Neperei dena wa nuru dedei wa beiynie da tukane bea mena a te deye seiyitene? Awa, dete pepoi damba taitipime da ya sereiynie? Ambainya te wai, deye dayo damba meka na ne pe te na te meka. ²⁸Awa, wena wa do te pepoi te piambai seiyane te. Akurung Sorga yo sena diare weru betaiynie. De ye nemane nena wa do te pepoi piambai seiyane, deye nete pepoi piambai seiyane. ²⁹Tetro kaso pere nepene tepainya nemena akurung te betaiynie, a te seiyainie warpa kurung nemane siderou a te seiyainie. Nepere siderou a te seiyaini: Malaekat sebesika a te nembera da seiyinie.³⁰Dado Yesus a te saweke: Damena akurung te betaunu detena pe baiye, nede raiti we seraibra te nate. ³¹Neperei a te da yo dambene di wa dewa da tikaiynainie: Wande nepereiy da yo dambena detere seraibra nete baiypa baisua teiyinaipinie warenai.³²Dete dayo dambene buna pa donaitie kehaitisinie, deye tetro te meye yepo te de kwa da menaiy. ³³Neye damena a te seiyunu nenei tete warote kiyapa a te da sanumu.³⁴Nepere tetro meye a te sawekai a te seiyainie: De seraibra Taurat ayeko semo ne betapikite, Mesias Yereu te neme kene mene nounu kene; beamena a te weye seiyi yene tetro yei te bunapa yare kemansinie? Ne tetro yei simbiyang? " ³⁵Dado Yesus neyo seraibra te a te sanumu: Nemane ya po tere bete meke keu kiya wena nerone keu. Nemane ne kiya neme keu nane nete poi nemei yi tembinde wande akepe kepe we tena pereiypipei keiypei, simiye akepe kepe ware ne na nemane aroiyipei mo nou pa eu. ³⁶Nemena kiya te da nemeiyi nembinde, wande we serabra kiya tetro yei neye da werau. Nemena ate dua seiyumbuku, Dado Yesus ne seraibra kna nerone yepa dua karupuku. (Yahudi Tetro Maning Nemei Yimbipei)³⁷Dado Yesus nena yeko kembari Mujizat kaso pere mekou ne tena maning nemei yimbipei. ³⁸Nemane Nabi Yesaya neye asena mereupuku na nou pa dua da mekou puku: Tuhan, simbiyang nemei yambiki dena da akurung sei ya nete napa wande simbiyang kwa Tuhan wena mekate kurupunu.³⁹Ne seraibra nemei yimbipei, nemane Yesaya dua da seyumbuku. ⁴⁰Nemane ne yo seraibra nena dou te pereumupuku nena kena te sue tumu suku nemane dou teiypei wande kena na tikaiy nipei dewa da biri nai sinie deye ne te poi mekoteme.⁴¹Nemena yeko Yesaya seiyumbuku nenei dou tiyounu Awa nena pepei piambainya yei kna dambene a te seiyikene muna. ⁴²Tenai tetro seraibra nete nemei yambiki, nederaiti Farisi tetro siraibra akiya te na seiyinipei endiki mane weraiy yau nerone baya na te na tikeiymipei saripipei. ⁴³Tetro yei kna pepei te wureiy wande Awa Mang tetro kna pepoi wureiypei doiypei. (Yesus Nena Asena Yeko Diwa Dewa Da Wasinie)⁴⁴Nederaiti Dado Yesus a te sanumu: Simi ye dete nemeiyini tepine, neye dete nemane nemeiyutupuku, ne pe da ye Awa Mang Tetro nena re nete da sanutupuku meka wera. ⁴⁵Simi ye dete dou teutupuku, neye ne te dou tembuku dete da sanutupuku meka wera.⁴⁶De da yo dambena kiya neye dewa da meka, nemane tetro sinewai dete nemeiyini te pi me akepe kepe na waripei. ⁴⁷Nemane tetro sinewai dena a te betoupuku ne kembari mekoiyipei, De ne te na aroiyipei, deye meka na da yo damba peko te na ambai, nederaiti poi pepoi deka meka.⁴⁸Simi ye dete sisi ne tesine de na a te na doi pei, Asena deye seiyumbuka tupu tena yane ne te baya serembine. ⁴⁹Nemane dena a te seiyane dedei mendo ne we ye na ambai, nederaiti Awa Mang Tetro wupuku deye meka Awa Mang Tetro ne ye sanutupuku ayeko te Asena te deye da sename seiyane. ⁵⁰De Yesus dua da aroumbuka, nemane ne ayeko Awa Mang Tetro nena yereu nemena beiyti da kene mene. Nemane deraiti De Yesus seiyane, da ayeko te De ye a te sename Awa Mang Tetro dete da sanutupuku na mane da seiyane.

Chapter 13

(Yesus Yau Na Dero Na Te Oto Te Sukumu) ¹Ya detere Paskah ya watoupa nou puru Dado Yesus dua da aroumbuku, da yo dambere dua ne Awa Mang Tetro kna dia pa. Dado Yesus neye yau na dero na te dereu nu nemane neperei kena te dereu nemena beiytie neme tupu te na yapa tupu te meko nembine dou dou tenaini. ²Neyo tetro seraibra sate nebeiy ni anai, Simonmai niyei Yudasway Iskariot, tetro sekai nena kena pa mendo pa dua ke Dado Yesus te peko damba tete nero pa.³Dado Yesus dou da aroumbuku, Awa Mang Tetro sasyasi metere na mane nena damba wande neye Awa Mang Tetro kna re da meke yo sena diare ne kwa Awa Mang Tetro nena dia pa dua ne na. ⁴Dado Yesus esua yembuku Jubah mayong te a pa ware kirambuku. Dado Yesus mayong serau te kipi damba da beiyu puku. ⁵Bu te danu puku serai ambou eyu pa, yau na dero na nena oto te bu ye baya sukumu wande mayong serau baya sumue.⁶Nepere Dado Yesus Simonmai Petrusway kna pa meke. Petrusway Dado Yesus a te sanune: Tuhan Mang Tetro we dena oto te sukutupunu. ⁷Dado Yesus ye a te sanune: Deye da meka na kembari; neperei we aroiyipei nederaiti meto sure na aroumbune. ⁸Petrusway Dado Yesus te a te sanune: we dena oto te sukunu na neme na beiy ti mekou nounu. Dado Yesus a te sanune: de we te bu oto te sikiwipipeinya, we dena pepoi dou pei tenipei. ⁹Simonmai Petrusway Dado Yesus te sanune: Tuhan Mang Tetro dena oto beiy tena ambai, meka pere tenai pere nemane deraiti!¹⁰Dado Yesus a te sanune: Simi ye bute dua kombine ne kwa na bu wa te na sikipei, nederaiti oto beiy te da sikine, nenei wa mro mro dua da waru. ¹¹Dado Yesus dua aroumbuku, simi ye nete sarembire tetro kna meka damba. Nemena a te neye da sanumu: we seraibra meye na mromro ambai."¹²Dado Yesus ne yo serai bra kna oto te dua sukumupuku wande nenei mayong te deko wa pa tutupuku nou nu da aneke keu. Dado Yesus ne yo seraibra te a te sanumu: Araubuku we seraibra te deye da kembari te meka na? ¹³We seraibra de te terau tu Guru wande Tuhan Mang Tetro, nouru na simau, De Yesus Guru Tuhan Mang Tetro. ¹⁴Nete na te deye we seraibra te sukame, de pe da Tuhan Mang Tetro nemane Guru, ne deraiti we seraibra si te oto te suku mende. ¹⁵Deue we seraibra te mendo te kirame, nemane we seraibra beiy beiy te mekonde, De Yesus we seraibra te yeko te mendo te dua da kira mena.¹⁶De Yesus we seraibra a te ate sename: Tepreitereye yaro tetro yei nena kembari mendo yare bunare detere ambail, wero tetro kna re be tone nederaiti yarise Anddwapona kna yeko te sirinu damba yo dun dung yo sepo damba. ¹⁷Damena yeko te tetro seraibrabra meye arombinde we pepoi damba ende wande damena kembari te we ye wa ye dua mekonde poi we damba. ¹⁸De Yesus we seraibrabra te meye a te na seiyinipei: De aroumbuka, simbi yang te de ye siyeupuka. Nederaiti da ayeko nou pa dua derenaipinie: Tetro dena roti te anembine, oto toki oto teme bu na pa deko de te na te.¹⁹De ye we tetro seraibra te a te sename damena yeko bekounu kiambine we ye nemeiyi nembinde, De A_I Nedo neye da meka. ²⁰De Yesus we seraibra te a te sename: Tepreitere simi ye deye sanumbuka na tetro te done ne, neye de te dua deko te, simi ye de te dua done te na neye Awa Mang Tetro te dua deko ne, neye dete sanutupuku wupuku da yo damba da meka.(Yesus Yudasway te a te kiya sanune)²¹Nemane Dado Yesus damena a te dua seiyumbuku wande nenei kena ne ai bese puku, a te dua seiyunu: Deye we seraibra te a te sename; teprreitere tere tetro besika we seraibra kna nerone dete dua da sare ne tepi ne tetro si kna meka damba. ²²Yau na dero na dou te dua dewa taiy sipa sipa, pro mane ourai simbiyang kna wa pa na te.²³Dado Yesus nenei yau na derona sibesika kena te dereunu na do, Dado Yesus nena pa saweke nena metere suwa. ²⁴Simonmai Petrusway Yohanesway meka te kurunu wande a te sanune: A te sanimbi me simbiyang kna wa pa na a te neye seiyunu. ²⁵Yohanesway Dado Yesus te a te sanune: Tuhan Mang Tetro, ne do simbiyang?"²⁶Dado Yesus a te saweke: Nedo nene, roti dua yawusuka na te meka damba itene.Dado Yesus a te dua seiyumbuku wande roti deke yawusuku Yudasway Simon Iskariot ni yei te meka pa iki ne. ²⁷Nepere Yudasway roti te meka pa deko, sekai nena wa eyu pa dua da ke, wande Dado Yesus a te sanune: Bea mena nou te mekou na, nemane dua eu meko ne.²⁸Nemane deraiti tetro sibesika yau na derona nerore ne seraibra aroipei deraini, beamena a te Dado Yesus Yudasway kna wa pa seiyunu. ²⁹Nemane Yudasway dera sema te keu na mendo weraiy Dado Yesus Yudasway te a te sanune sasyasi te tenaipinie damena ya detere ya ne tetro soiy te wasinaimie. ³⁰Yudasway roti meka pa deko wade dua di yeu. Deneng serei pa na te a ye deko neko dua orupuku. ( Akurung Nepereinya)³¹Nepere nemane Yudasway dua eu, Dado Yesus a te seiyunu: Neperei tetro yei teme mro mro damba wande Awa Mang Tetro teme mro mro dambene dena damba ne. ³²Nederaiti Awa Mang Tetro De Yesus kna ne teme mromro. Wande Awa Mang Tetro yei Yesus te nenei wa eyu ne teme mromro, Dado Yesus te teme mro mro damba. ³³Dedei yei mane werau, ya pa tere bete da. De wembere we seraibra pere werate. We seraibra de te wuarende, nemane Yahudi tetro seraibrabra te dua a te saniyame: Deye tena nou, we nenou pa namipeiy, nemane deraiti deye nepereiy we seraibra te a te sename.³⁴De yewe seraibra te akurung nepereinya te iteme nepere nemane we seraibra site sito kena bise te kende; De Yesus we seraibra te kena bise te nemane we seraibra beibei te kena bise te derenende. ³⁵Nemane wande tetro maye aro nambine we seraibra dedei yau na dero na damane site site kena bise te dere nende. (Yesus Petrusway Te A Te Kiya Sanunu)³⁶Simonmai Petrusway Dado Yesus te a te sanune: Tuhan Mang Tetro, we mo nou pa eu na te? Dada Yesus A te sanune: Deye tena nou we ne pa na tawitipei eipei, nemane meto re wande weye arombunu dete tawu tu. ³⁷Petrusway a te seiyuhu: Tuhan Mang Tetro, beamena te de nepereinya eiypei? De Yesus we seraibra te dedei wa te wa nuru te ikame. ³⁸Dado Yesus a te seweke a te seiyunu: Petrusway wena wa te wa nuru te de te yute? Tepreitere deye we te a te senawe: Awe atena mekoipeinya ne, we Simon Petrus de Yesus te bu naming da naming serai peu te oriyene a peu peu.

Chapter 14

(Awa Kna Mie) ¹Beatena kena te tikaunu, Awa Mang Tetro te nemeiyinembinde wande nemane De Yesus te nemeiyitembinde. ²Awa Mang Tetro kna miena nou kaso pere tereng dopre kai. Nemane sate de ye wete a te sename: De Yesus ne nou pa dua te we te na nou te deraiti te. ³De ne nou pa dua te we te na nou te deraiti te meko tembine, de ne kwa dewa biri te sine we kwa mete wande a to teme de na nou kana pa dua da mana, de ye te kna nou ne da we seraibra nepene e kende.⁴De monou pa tena we seraibra ne nipi te na dua aroumbinde. ⁵Nedo Tomasway a te suru Dado Yesus te a te sanune: Tuhan Mang Tetro, de seraibra kaye aroiyipei we monou pa eu na te; de seraibra beamane aromambine nipi ne nou pa na?" ⁶Dado Yesus a te sanune: De Yesus nipi tepreinya yereu pepoi ne pe. Tetro sibesika Awa Mang Tetro kwa na mipei, nemane deraiti ne tetro dena re na mipei. ⁷Nederaiti we seraibra dete nemei yi tembinde na we seraibra Awa Mang Tetro te dua da nemeiyambuku. Nepereinya we seraibra nete nemeiyambuku nemane nedo nete dou da meyena mane taunu."⁸Nedo Filipusway Dado Yesus te a te sanune: Tuhan Mang Tetro, we na Awa te de seraibra te kirimipime, de seraibra ne te aroumambi na ne te wande. ⁹Dado Yesus a te sanune: De ye tiki do pre we seraibra pere nebeiy ni, we Filipusway, nemane we dete na poi na aroiyipei? Simi ye de te dua teutupuku, ne ye Awa Mang Tetro te dua, tembuku; bea mena a te we ye siriye a te seiyiyene: Awa Mang Tetro te de seraibra te kirimipime.¹⁰We kaye nemeiyimbipei, de ye Awa Mang Tetro kna wa e yunu k wande nemane Awa Mang Tetro de Yesus kna wa eyunu da keu? Deye we seraibra te ate sename, dedei wa beiynya a te na seiyinipei, Awa Mang Tetro ye dena wa eyunu da keu wande Awa Mang Tetro ye nenei kembari te mekou. ¹¹De te Yesus te nemeiyi tembinde, De Awa Mang Tetro kna wa eyunu da ka wande Awa Mang Tetro De Yesus kna wa eyunu da keu; Nepere nemane nemeiyi nende wande nemena kembari yeko detere.¹²De Yesus we seraibra te a te sename: Tepreitere ye Simi ye de te nemeiyini tepi ne, neye kembari deye meka na te dua meko ne na, nemane damena kembari detere te mekone. De Yesus Awa Mang Tetro kwa ne kwa dua da tena. ¹³Beasate de na wa do ne seiyinende de ye dua meko tepi ne, nemane wande Awa Mang Tetro teme mromro De Yesus yei kna ne da. ¹⁴Beamena sate we seraibra de na wa do ne seiyinende na de ye ne te dua mekotepinie. (Yesus Ayo Mire Te Seiyunu)¹⁵Nederaiti we seraibra de te na kena dere nende, we seraibra de na kembari te mekonde. ¹⁶De Yesus Awa Mang Tetrote sane tembine, Neye de te ayo mire te de na damba ini te, nemane Ayo mire we seraibra pere nou nu nemena beiyti wembere da warende mande na. ¹⁷Aru Roh tepreinya ne pe. Da yo dambe na yo seraibra ne te na aroiyipei donipei, nemane da yo dambena ne tena dou teiypei nemane deraiti aroiyipei aru mire Aru Roh.Nederaiti we seraibra ne te dua da arambuku nemane we seraibra kna wa eyunu keu wembere nebeiyni werau.¹⁸De Yesus we seraibra beiyti na temipipei wari pei soi yei mane warau. De ne kwa we seraibra kwa dewa da mete. ¹⁹Ya po tere bete meke keu da yo dambena seraibrabra de te na ne kwa na dou teiyipei, nederaiti we seraibra de te dou ye da te tende, nemane De Yesus yereu ne pe wera we seraibra nemane yereu nepe werau. ²⁰Nemena serei te mene na we seraibra wande oronembinde, nederaiti De Yesus da Awa Mang Tetro kna wa eyunu ka wande we seraibra De Yesus kna wa eyunu nemane wande De Yesus we seraibra kna wa eyunu da ka.²¹Simi ye de na akurung te pepoi ye tepene ne te wa ye tepene ne te wa ye mekone na , ne tetro yei de te na kena te dereunu nenei kena bise. Simi ye dete na kena te kene na, ne tetro yei Awa Mang Tetro ne te kena te dereu nu, nemane De Yesus ne te kena te derane dedei wa te ne tetro yei te dua kiya tembi nie. ²²Yudasway, Iskariot tou re na baiye, Dado Yesus te a te sanune: Tuhan Mang Tetro, beatena te we na wa te de seraibra te kiyamupunu, da yo dambena seraibrabra kaye?²³Dado Yesus a te saweke a te seiyunu: Nederaiti tetro sibesika detena kena te kene na, ne tetro yei dena a sena yeko te tawe nene mene nemane Awa Mang Tetro ne te na kena te keu nemane deraiti de seraibra nedo kwa dewa mema nembere nebeiynie mema kene. ²⁴Simi ye de te na kena keiypeinya ne tetro yei de na asena yeko te na tawini pei mipei; De na Asena pe baiye, nederaiti Awa Mang Tetro nenei asena yeko te de te sanutupuku meka.²⁵Metere na mane deye we seraibra te dua da saniyame. De ye we seraibra pere neme da wera te. ²⁶Nemane ayo mire, nederaiti Aru Roh Kudus mromro teme Awa Mang Tetro ye De Yesus kna wa do ne, Neye da we seraibra te sasyasi metere kirine me wande mendo te eiyo te meko nende nemane De Yesus a te dua saniyame na mane da aronende kende. ²⁷Teme piambaitie De Yesus we seraibra kna damba semusuka.Teme piambaitie we seraibra kna damba semusuka, nederaiti deye a tamena pepoi karo da yo dambena we seraibra te na a tomipei aripei. Beatena kena te tikaunu kena te deraunu.²⁸We seraibra a te betau, De ye we seraibra te a te dua da saniyame: De dua te nemane deraiti dire ne kwa dewa da mete we seraibra kwa. Nederraiti we seraibra de te na kena te dere nende na, we seraibra kena kari kou karine nemane De Yesus Awa Mang Tetro kwa dua da te na; nederaiti Awa Mang Tetro ne ye detere De Yesus kna reda. ²⁹De Yesus nepereinya we seraibra te a te sename a te dua sani yame nemena nemena yeko bete mene kiyambine.³⁰Netena te nepereinya de atena tereme na kaso pere na seiyinipei, nederaiti da yo dambena tetro yare detere tepainya dewa menai wande neyoseraibra dena wa damba na nena detere yare tepainya erikraiypeinya tewai. ³¹Nederaiti nepere dayo dambena seraibra poi ye aronambine, nemane De Yesus Awa Mang Tetro ta kena te da derane wande deye mekana kembari Awa Mang Tetro neye dete sanutupuku na mane nemane meka, esua yembinde, e seraibra dapere da nou re baya dua ware ma.

Chapter 15

(Anggur Ne Na No Nouru Na) ¹De Yesus Anggur nena no nouru na ne pe Awa Mang Tetro nenei mika kembari nene tenou. ²Nena mise de na mekena yu mane na mane ambainya baya da peronai, wande yu ye naye wewaiynya mise ne te kiya pa ke sonaimi, mise re nena yute na te kaso pere tereng dopre.³We seraibra kiya ne dua da werau nederaiti dena asena yeko te sename we seraibra damba. ⁴De na wa eyunu kende wande de we seraibra kna wa eyunu kete. Nemane deraiti mise no tou pa ne tetombipei keiypei, ne kaye Anggur yu te na wawipei, nemane deraiti we seraibra de na wa eyuna keiypei baini da werau.⁵De Yesus Anggur o nena no mane tepa we seraibra nena mise mane. Simi ye de na wa eyunu kene na nemane de nena wa eyunu ketena nena yute kaso pere mekone, nemane de na basu ne waruna we seraibra yu tena mekoipei wawi pei. ⁶Simi ye dena wa eyuna nou na keipeinya ne tetro yei banya sua kene naiyni mise krakra mane, tetro nebeiy pa kopiri naini sing damba deteiyinai baya dekenai. ⁷Nederaiti we seraibra pena we seraibra kna mendo ne werainya mane, nepere nemane we seraibra ne te orunde.⁸Damena yeko ne Awa Mang Tetro teme mrormro pepoi, nepere we seraibra yute na kaso pere nemane wande we seraibra dedei o to tou na yau na derona. (Akurung Kena Bise Site Site) ⁹Nederaiti Awa Mang Tetro neye de te kena te dereu nu, nemane deye we seraibra te kena te derane; De na kena bise burune warende.¹⁰Nederaiti we seraibra dena akurung te nou nu De Yesus Awa Mang Tetro kna a te beta nena wande nena kene bise burune da yereu te kate. ¹¹Metere na mane de ye we seraibra te a te sename, dena kena kari we seraibra kna wa eyunu wande nepere we seraibra kna kena kari meye dua done kene wei wa eyunu te kene.¹²De na akurung senamena, we seraibra site kena te derende, nemane de ye we seraibra te kena te dera nena mane. ¹³Kena bise detere si mena ambainya tewai damena kena bise tetro yei sibesika nena re nenei seraibra te wa te wa nuru te ikime¹⁴We seraibra dedei wa tou nu dena a te sename kembari te nemane dua wa yemekau. ¹⁵De neperei we seraibra te meto tetro te na seiyinipei, nederaiti meto tetro ne aroiyi pei nena tenai tetro mekou na kembari, de ye we seraibra te dedei tetro te seiyai ne, nemane deye we seraibra te a te Awa Mang Tetro kna a te da de ye beta ne.¹⁶We seraibra de te na siyepipei, nederaiti deye we seraibra te da siyepuka orupuka. Deye we seraibra te da susupuka, we seraibra dua dewa warende yu te kaso pere orunde nemena beiyti nou nu neme, nepere we seraibra Awa Mang Tetro kna pa De Yesus kna wa do ne sanetende na, nemane deraiti we seraibra kna damba orunde keronde kaso pere tereme. ¹⁷De na akurung we seraibra te da sename: Kena bise te tetro sibesika site site kena te kende.(Yesus Nena Yau Na Dero Na Pere Da Yo Dambena Yembe Damba)¹⁸Nederaiti da yo dambe na yo nena yembe we seraibra kna pa mene, mendo eiyo warenai nederaiti de te tua tere yembe te wariyai we seraibra wande meto sure tikanande. ¹⁹Nemane deraiti we seraibra da yo dambere na seraibrabra we te na kena te derenaiyni we seraibra nenei wa tere na neye da werai. Nederaiti we seraibra dayo dambere ambai, nederaiti dedei te dua siyeupuka orupuka we seraibra te da yo dambere dedei wa yepa da mekau, nepere da yo dambena seraibra wete da we seraibra kna damba yembe ekri dopre.²⁰Mendo eiyo warenai de ye we seraibra te a te sani yame. Tetro sibesika meto tetro nena detere yare tenai tetro kna re na ambai tere. Dete neyo tetro seraibrabra peko ye mekonaiti, ne yo seraibrabra we seraibra te nemane deraiti peko ye meko naiymi, nemane ne yo seraibrabra de na asena te tawenaiyni na, nemane we seraibra kna a te na dua betonaipini. ²¹Nederaiti metere na mane ne yo seraibrabra nena kembari we seraibra kna damba nemane de na wa do sa te, nederaiti ne yo seraibrabra aroiyipei da Awa Mang Tetro De Yesus te sanutupuku dayo damba meka kembari te da meka. ²²Nereraiti De Yesus mipei neyo seraibrabra te na a te na seiyinipei, neyo seraibrabra nenei peko ambai mekoi pei. Nederaiti nepereinya neyo seraibrabra nenei peko tena beamane baya sunaipinie sikinaipinie.²³Semi ye dete yembe te kene na, ne tetro yei Awa Mang Tetro te yambe te keu. ²⁴Nederaiti deye ne yo seraibrabra kna nero ne kembari te na mekoipei, tetro si mekoipeinya kembari karo, ne yo seraibrabra nenei peko ambai. Nederaiti nepereinya neyo serabrabra dou ye dua taiyni metere na mane, nemane neyo seraibrabra De Yesus te yembe te kaiy nemane deraiti Awa Mang Tetro te na yembe te kaiy. ²⁵Nemane deraiti asena kurung nena Taurat semo kepeinie meraiypiki na nemena yeko nou pa dua derenaipinie neyo seraibrabra De Yesus kna damba yembe nou keiypeinya te derainie.²⁶Nederaiti ayo mire te Awa Mang Tetro kna re tatembine mene na. Aru roh tepreinya Awa Mang Tetro kna re tatembi ne mene na, Aru Roh tepreinya Awa Mang Tetro kna re baya dewa mene na, neye da dete na a te meye seiyinene. ²⁷Nemane deraiti we seraibra a te da donde seiyinende, nemane we seraibra meme te na De Yesus pere nebeiy nie dua da waria te.

Chapter 16

¹(Nou Nu Kende) Metere na mane deye we seraibra te a e sename, we seraibra kena ne peronde dete baya sisi tende. ²We seraibra te moi ye teiyinampine, nemena ya serei te tetro yei sisi we seraibra te baya titi nai nena merido ne mekonaini Awa Mang Tetro te poite senaini.³Neyo seraibrabra nemena kembari te mekai, Awa Mang Tetro te na aroiypei De Yesus te na nemane deraiti aroiypei. ⁴a. Nederaiti metere na mane de ye we serabra ta a te da sename, nemena ya menena we seraibra dua arombinde De Yesus we te dua saniyame.(Ayo Mire Nena Kembari)b. Damena yeko te na dewe seraibra te na a te na sanimipei dina tupu re, nemane de da serei te na seraibra pere ne beiyni neme da wera te.⁵Nederaiti nepereinya De Awa Mang Tetro kwa dua da te, neye de te sanutupuku meka, wande tetro si newai we seraibra kna nero ne de te a te siri e te: We Yesus mo nou pa dua eu na te dere yene? ⁶Nemane deraiti de ye damena yeko te we seraibra te sename, nepere wee seraibra kena te deraunu kena nunduraiy. ⁷Nouru na a te de ye we seraibra te dua saniyame: Nederaititi we seraibra pepoi tupu mene, De Yesus damane dua da te na te de ye dua da te na, De Yesus ayo mire te santembine we seraibra kwa mene we na wa eyunu kene.⁸Ayo mire neye dewa mene na, Ayo mire neye da yo dambena peko te seiyinene kiri neme, tepreinya pere da poi peko te wasine na pere; ⁹Peko te mekai, nemane ne yo seraibrabra De Yesus te na nemeiyitipipei; ¹⁰Tepreinya nouru na, nemane De Awa Mang Tetro kwa dua da te wande we seraibra de te na dou teiypei kende; ¹¹Pepoi peko te da wasine, nemane da yo dambena detere yare buna ne tepaiynya te dua da tiampiki te.¹²Neme kaiynya yeko kaso pere ne te de ye a te seiyitene we seraibra betonde, nemane we seraibra maning o se mena tikani pei. ¹³Nederaiti ayo mire mene na, Aru Roh tepreinya nouru na, Neye we seraibra te a toneme kirineme pepoi tepreinya nouru na damba; Neye nenei wa beiy a te na seiyinipei, nederati neye betounu Awa Mang Tetro kna re akurung waru ne a te ayo mire we seraibra te da sanumu ne tu pu te nemena yeko bekounu da meko ne na. ¹⁴Ayo mire De Yesus te pepoi teme mromro damba, nemane ayo mire we seraibra te akurung te saneneme ne a yeko detere neye De Yesus kna re deko.¹⁵Sasyasi Awa Mang Tetro nena, nemane deraiti ne De Yesus kna; De Yesus we seraibra te a te sename, ayo mire we seraibra te a te da saneneme nemena akurung De Yesus kna re ouru na te we a te sanumu betau.(Kena Ne Nunduraiyipiki Wande Kena Kari Ne) ¹⁶Nemena ya po tere bete keu we seraibra De Yesus te na dou teiypei kende, nemane deraiti ya po tere bete keu we seraibra De Yesus te dou da tetembinde wembere da.¹⁷Yau na dero na nemena a te da betaiypiki si derou a te dua dewa sirai: Beamena a te e seraibra te a te sanumu: Nemena ya po tere bete keu we seraibra De Yesus te na dou teiypei kende, nemane deraiti ya po tere bete keu we seraibra De Yesus te dou tetembinde wembere nebeiyni da. De Yesus Awa Mang Tetro kwa dua da te na te wera. ¹⁸Yau na dero na seraibra nenei a te seiyaini: Beamena a te Dado Yesus sanumu: Ya po tere bete keu? E seraibra aroiypei beamena a te Nedo Yesus neye seiyunu.¹⁹Dado Yesus dua da aroumbuku: Nete nenei yau na derona seraibra a te sirinaini, nemane sate Dado Yesus ne seraibra te a te da sanumu: We seraibra wapene a te seiyiyaunu tetro yei sisi de ye a te wa penedua da seiyumbuka, neme kaiynya ya mo serei tere we seraibra De Yesus te na dou teiypei kende wande nemane deraiti ya po tere bete meke keu we seraibra De Yesus te dou ye ne kwa da tetembinde wembere. ²⁰De Yesus we seraibra te a te sename: Tepreitereye we seraibra dimi te diminde dou bu te da mekonde, nederaiti da yo dambena seraibrabra nenei kena kari ne; we seraibra kenane nunduru naipinie, nepere kena nunduraipiki na ne kwa kena ne kou kari kena kari ne. ²¹Mire besika nenei kena ne wa ne wa ne wa ne nunduraiyipiki neye yei senone na te dereu nu, nederaiti neye yeite dua da senone na, nena wa serai napi you na mendo ne kwa na tena mekonipei, nederaiti nenei kena kari ne nemane tetro yei newai saisyei da yo damba dewa da sengko meke keu.²²Nemane deraiti we seraibra wei kena ye nunduraipiki, nederaiti De Yesus we seraibra te ne kwa dou ye tetempinie wande we seraibra kena kari ne nepere nemane we seraibra kna kena kari tetro sibesika baya na doiypei eiypei. ²³Nemena ya mene na we seraibra De Yesus te na a te na a te na siritipei kende mende. De Yesus we seraibra te a te da sename: Teprei tere ye we seraibra sasyaisi te na meye Awa Mang Tetro te sanenende, De Yesus kna wado ne we seraibra te a toneme nete orunde. ²⁴Nepereinya we seraibra dena wado ne sasyai si te na a te na seiyinipei da sanitipei warau. A te sane tende we seraibra ne te ourunde, kena kari ne ne damba damba.²⁵Meyena mane de ye we seraibra te sename a aroi mane da seiya ne sename. Nemena ya mene na de ne kwa na a aroi aroi te na ambai seiyinipei, nederaiti a te na kiya tere dua seiyitene Awa Mang Tetro te da we seraibra te a te da saneteme nemane.²⁶Nemena ya sereinie we seraibra dena wado ne a te mendo te kembari karo te mekonde. De we seraibra te na a te na sanipei, De Awa Mang Tetro a te saniyane we seraibra te na te. ²⁷Nemane Awa Mang Tetro we seraibra te kena te dereunu, damane we seraibra de te na kena te deraunu sate pepoi tere nemei yau tupuku, nederaiti De Yesus Awa Mang Tetro kna re meka. ²⁸De Yesus Awa Mang Tetro kna re da meka da yo damba da meka; da yo dambe te neme da tetembine kenai Awa Mang Tetro kwa dua da te.²⁹Yau na dero na a te Dado Yesus te a te senainie. Nepereinya wena a te kiya tere dua da seiyiyene a aroi aroi ambai. ³⁰Neperei de seraibra dua da arambiki te, we dua da aroupu ke sasyasi metere na mane wande ne kwa na tetro we te na a te na siriwipipei nemei neme kenai. Nemane nepere de seraibra we te da pepoi nemeiya we pikite we Yesus Awa Mang Tetro kna re da meke. ³¹Dado Yesus ye ne seraibra te sanumu: Nemei yau tupuku we seraibra neperei da ya ne?³²Ne daitiemene na dou tenende, dewa da meke keu,we seraibra moi moi ye wasine wei nou pa dua ende de beiyti neme da tetembinde kete, nemane Awa Mang Tetro nembere dembere. ³³Metere de ye we seraibra te a te sename we seraibra De Yesus kna wa eyunu pepoi pi ambai. Da yo dambene we seraibra peko te tikanende, nemane wei kena te wa kete kende De Yesus da meka tepa dayo damba meka pepoi te peko te baya dua da dingkerupuka poi beiye tenou waru.

Chapter 17

(Yesus Nenei Mendo Ne Yau Na Te Ne Beiy Nie) ¹Nepere nemane Dado Yesus a te seiyunu: Dado Yesus be te buna pa kensuku sero pa tepu Awa Mang Tetro te a te da, sanune; nemena ya dewa meke keu; Awa wena yeite pepoi teme mromro damba wande yei Awa te pepoi teme mromro o damba. ²Nederaiti Awa weye yei kna pa yeko deterete ike ne nemane deraiti metere yereu tenou waru, nemane deraiti yei Yesus nena yereu te meye na damba Awa Mang Tetro weye yei. kna damba da ikene.³Da yereu nemena beiyti da kene, da seraibra Awa wete aronai wipinie we Awa Mang Tetro tepreinya nouru na nepe, wande yei Yesus Kristus te Awa weye da yo damba da sanumbuke. ⁴De Yesus wete Awa Mang Tetro te teme pepoi mromro damba da yo dambere da kani ne nemane Awa wena kembari de yei kna damba ike te nete dua da mekoupuka poi te meke ya. ⁵Nemane sate Awa yei kna damba wena pepoi teme mromro nemane deraiti nemane pepoi teme mromro dedei wane keu na Awa Mang Tetro De yei Yesus pere ne beiyni kiyo te da yo dambe maning mekombipei keiypeinya sereinie.⁶De Yesus Awa Mang Tetro we na wa do te da tetro yei meyenamane dua da ate saniyame nederaiti Awa weye dena damba ike te da yo dambere na serai. Awa we na seraibrabra dena damba seraibrabra te ikete nemane Awa wena asena te da neye tawekainimai. ⁷Neperei da seraibra arambiki, Awa weye dena damba ikete metere Awa wena dambere. ⁸Nemane deraiti Awa wena asena dena damba da nepe te sesuke a te seiyumbuke deye wande da seraibra te a te sename saniyame nete dua da beteyai. Da seraibra nou ru nate arambiki, de yei Awa we na re da meka wera wande da seraibra pepoi dua nemeiyaitipiki, nederaiti Awa Mang Tetro we ye dete Yei Yesus te sanutupuke meka dayo damba.⁹De Yesus da seraibra te mendo kembari ne da meko tepinie. Dayo dambena seraibrabra te na mendo kembari ambai, nederaiti eiyei seraibra Awa we ye de yei kna damba ikete, nemane da seraibra Awa Mang Tetro wena seraibra. ¹⁰Sasyasi de te na Awa wena re wande metere Awa we te na nemane deraiti de yei denare, nepere de te pepoi teme mromro damba da seraibra a te da seiyinainie. ¹¹De Yesus dayo dambena waripei, nederaiti da seraibra dayo dambene neme da warenai, De Yesus Awa Mang Tetro we kwa da mete. Awa Mang Tetro da seraibra te wena wado ne wei wa eyunu a toumu waru, nemane we na wa do te da De na damba dua ikete nepere da seraibra eye katena mane besika te ourumbine.¹²De ye da seraibra pere nemekna da werate, De Yesus da seraibra te sema te wera na Awa Mang Tetro wena wa do ne, nemane wa do Awa wei wado te de teike te; De Yesus da seraibra te sema te da ka nederaiti tetro sibesknaika da seraibra kna nerore peko damba ne damena yeko te dua sesuku neye peko orumbine, wande asena semo kepeinya yeko akurang noupa dua derenaipini. ¹³Nederaiti nepereinya, De yei Awa we kwa da meka De ye a te metere na mane seiyane de maning neme da yo dambene da wera, nederaiti da kena kari kou kari ne damba damba da seraibra kna wa eyunu meko ne warenai. ¹⁴De yei Awa wena asena te da seraibra te wande da yo dambena seraibrabra dena da seraibra te yembe te werai, nemane deraiti da seraibra da yo dambere na ambai, nemane deraiti De Yesus da yo dambere na ambai.¹⁵Dei wa we tena a sanipei, Awa weye da te dayo dambere baya na atoumipei eiypei, nederaiti Awa Mang Tetro weye da seraibra te semate tepeu damena niskona peko nero re. ¹⁶Da seraibra dayo damber na ambai, nemane deraiti De Yesus dayo dambere na ambai. ¹⁷Da seraibra te mromro damba tepreinya nou ru na damba: Awa wena asena nouru na tepreinya.¹⁸Nemane deraiti Awa weye dete sanutupuke dayo damba da meka, nederaiti deye da seraibra te dua da sanumupuka da yo damba dua da warenai. ¹⁹Dedei wete mromro damba da seraibra kna damba, nepere da seraibra mromro damba tepreinya nouru na nepe.²⁰Deye mendo kembari da seraibra beiyti na pe ambai, nemane deraiti tetro seraibrabra, De Yesus te pepoi nemeiyaitipiki nenei aye seiyai nina mane; ²¹Nepere nemane da seraibrabra besika te orumbine kenai,nemane Awa Mang Tetro weye De yei Yesus kna wa eyunu wande de yei Awa kna wa eyunu da ka nemane da seraibrabra ena wa burunue kenai, nepere da yo damba na seraibra nemei yinambinie, Awa weye de yei Yesus te sanutupuke dayo damba da meka.²²Deye da seraibra te teme mromro te ikame, Awa weye dena damba ikete, nepere da seraibra besika te orumbine, orumbine, nederaiti e seraibra ke tena mane besika te kenai. ²³De Yesus da seraibra kna wa burubue ka wande Awa Mang Tetro weye De Yesus kna wa eyunu kiye nemane wande da seraibra yau pepoi teme besika serei da orumbine kene, da yo dambena seraibrabra arounambinie, Awa weye dete yei te sanutupuke meka wera wande Awa weye da seraibra te kena dereyene, nemane Awa weye dete kena te dereyene na mane nebeiy ni werate.²⁴Awa Mang Tetro, De yei Yesus derane nape deye ketena nou nu da seraibra dembere nebeiyni, da seraibra te Awa weye dena damba ikete, nemane de na kiya warote dou tenaini ne kiya pepoi Awa weye de te da ikete, nederaiti Awa weye dete kena te dereyene nemane da yo kani dambe mekombipeinyane.²⁵Awa Mang Tetro da yo dambena seraibrabra Awa we te na aroiyipei nemeiyipei wande nederaiti deye yei Yesus Awa we te dua da arouwupuka, da seraibra dua da arambiki, Awa Mang Tetro weye dete sanutupuke meka dayo dambene da wera. ²⁶De Yesus Awa Mang Tetro wena wa do te a te dua da sanumupuka da seraibra te da deye a te nekwa dua da sanumupuka, Awa wena kena bise dena damba ikete na nemena beiyti kene mene da seraibra kna dambene wande De Yesus da seraibra kna wa burunue wa eyunu nou nu da kete.

Chapter 18

(Yesus Te Meka Awekai) ¹Damane Dado Yesus a te metere dua da seiyumbuku nepere ne nouru yau na dero na pere da seraibra kidron bu muse di sua. Nepene Dia bete Dado Yesus nenei yau na dero na pere ne nou nu ane da kaiy. ²Yudasway Dado Yesus te peko damba serembine nemane nenou neye dua da arombuku nepene Dado Yesus yau na dero na pere nebeiyni kaiy nya nou. ³Nemane Yudasway ne nou pa mekai pera yo seraibra dero besika wande yau mie sema tetro seraibra Awa Mang Tetro kna yau mie. Damena a te Imam Imam tenai tetro pere Farisi tetro seraibra senamipiki sing serengka kiya ne mekai pera yemo ung yemo.⁴Nemane Dado Yesus dua da aroumbuku nena wa pada yeko kirimbine, nepere bekou pa dewa da meke wande a te dua sanumu ne seraibra te: We seraibra simbiyang te we ye wureu?" ⁵Nepere da seraibra a te sawekai: Nedo Yesus Nazaret yo re na yei. Dado Yesus a te sanumu ne seraibra te: De Yesus nedo neye da tepa. Yudasway nepene nebeiyni ne seraibra pere esu ne tepai Dado Yesus te peko damba dua da sarupuku.⁶Nepere Dado Yesus a te dombuku de neye da tepa: De Yesus da tepa, ne yo seraibrabra meto pa orlumbuku kani damba a pa yewa piki ane tenaiy. ⁷Dado Yesus a te ne yo seraibra te surumu: Simbiyang te we seraibra wureu? neyo seraibra a te sawekai: Nedo Yesus Nazaret yo re na."⁸Dado Yesus a te saweke: De a te we te sename na pe, De Yesus neye te pa. Damane De te we seraibra wureu, dena seraibra te baya amepinde dua naiy. ⁹Nepere nemane nederaiti asena kurung a yeko nou pa dua dere naipinie. Awa weye da seraibra te dena damba sarupuke, tetro sibesika de tembipei peko ye na oripipei.¹⁰Nepere Simonmai Petrusway meteka yemo te deko tepu Imam detere nena oto tou na akeyana te bentekei metere sute baya keteupuku. Nedo a keyana wa do Malkhusway. ¹¹Dado Yesus Petrusway te a te sanune: Meteka te nenei dareng eyu pa nou pa dua sisinsi nou nu ne kene: De damena bu peti te antesine nederaiti Awa yeda dena damba dua sarupuku. (Yesus Hanas Kna Bekounu Petrusway peu te Aru Nu)¹²Nepere pera yo seraibra pere yau mie sema seraibra ne te Yahudi seraibrabra a te senamipiki Dado Yesus te wikaiynie dewa dekani mai. ¹³Meteretena Hanas nena be kou nu, nemane Hanas Kayafas nena nen sang ne mai sereinie Imam de tere te kiyuo. ¹⁴Kayafas Yadudi tetro seraibrabra te a te da sanumu: Neperei tetro besika tere dua da tetembinie eiyei kani tena te tetro meye na damba.¹⁵Simonmai Petrusway nede Yohanesway pere meto surue Dado Yesus te tawe keinie dewa da nebeiyni mai. Dado Yohanesway Iman detere te dua aroumbuku wande nebeiynie Dado Yesus pere Imam deta nena dia pa. ¹⁶Dado Petrusway mie numburu ne basune tepeu, Yohanesway Imam detere te dua aroumbuku nebeiynie mei eyure ne kwa banya sua dewa meke, a bete bete te da mie numburu semate tepeu na mire pere seiyinie wande petrusway te mie eyu pa dua dekone ue nebeiynie eiy.¹⁷Nemane mie numburu sema pere na mire dado Petrusway te a te da sanune: We nemane deraiti Yesus nena yau na derona? Petrusway a te saweke" De ambai bie!" ¹⁸Nemane deraiti Awa Mang Tetro kna yau mie sema pere na seraibra sing te keraiyimbiki ne ya serei deneng ning dopre ne yo seraibra sing namu tou nu esu ne tepai. Nedo Petrusway nepe ne nebeiynie sing namu tounu tepai.¹⁹Nemane Imam detere Dado Yesus te a te surunu nena yau na dero na wande beamena yekote a te kurumu sanumu. ²⁰Dado Yesus a te saweke a te sanunu: De Yesus a te kiya tere dua saniyame da yo dambe na yo De Yesus a te saniyame yeko te kiri yame yau mie ne wande Awa Mang Tetro nena yau mie detere ne, Yahudi tetro seraibrabra nero ne ; Nemane De Yesus ye betena a te na seiyinipei. ²¹Beatena te we Imam detere De Yesus te a te siriye te? Ne yo seraibra te a te surumu, dena ate sani yame dua beteyai; teprei, neyo seraibra dua arambiki nemane deye a te dua seiyiya ne ne te beteyai.²²Nepere Dado Yesus nemena a te seiyunu, sema pere na tetro sibesika Dado Yesus nena bete katu te mekaye toupuku nenei a te ke seiyunu: Nemane we Yesus Iman detere te a te saniyene. ²³Dado Yesus a te sanune: Damane dena a te nemei ye wa pete ne mo mena a te deye nemeiye wa pu teka, nederaiti dena a te nou tere seiyitene na, beamena te dete meka ye toutupuke?" ²⁴Nepere nemane Hanas Dado Yesus te ne kwa Kayafas kna pa Imam detere deraiti keu na.²⁵Simonmai Petrusway esune nepe ne neme tepeu. Ne nou nu tetro esune tepainya a te senainie we nemane deraiti Dado Yesus nena yauna dero na? ²⁶Nedo peu te orukruko nemei wapumuteke" De ambai bie" Imam detere nenei oto tou na a keya na a te da Simonmai Petrusway te sanunu, nemane de na tetro sibesika dekado weye Petrusway bentekei te meteka baya keteupuke. Deye wete dou teu wupuka Dado Yesus pere nebeiyni nenou nu dia bete ne?" ²⁷Petrusway peu te da orukruko ne ambainya a te da seiyunu wande awe a te mekai awe ye deraiynie.(Yesus Pilatus Nena Bekounu)²⁸Dado Yesus te Kayafas nena re a yeko pere di wa dewa tikaiynya mie eyu pa. Ya kau bete maning neme keu na. Neyo seraibra mie eyu pa na maning eiypei, nenei wa te ne kite na te endiki mane dekaiy, nemane neyo seraibra Paskah ya ne sa te a ne naiynya te da weraiy. ²⁹Nemane sate nedo Pilatus dia kapa dewa meke neyo seraibra te a te sanumu: Beamena te we seraibra da tetro te wukau nu damane?" ³⁰Neyo seraibra a te sawekai seiyainie: Dado Yesus kembari peko tena mekoiyipeinya we kwa na wena wa tou pa na mipei.³¹Nepere Pilatus neyoseraibra te a te sanumu: Dua do nende ende we na Taurat semo ne ayeko kaiynya mane diwa dewa nete tukande. Yahudi tetro seraibrabra a te seiyainie. De seraibra nemena yeko tena mekoiyipeinya wande tetro seraibrabra te baya note tomapinie." ³²Nederaiti nename asena ayeko noupa dua da meko naiyipinie Dado Yesus te na te da, Nedo nenei a ye dua da seiyiyounu ayeko teida kereyou neye dua da tetembina nipi nepe.³³Nedo Pilatus nenei mei eyu pa dua eu, Dado Yesus te tarumbuku meke a te sanunu: We Yahudi tetro nena Andewa pona neye wariye? ³⁴Dado Yesus a te saweke a te sanunu: weye nemena a te seiyiyene na wei mendo beiyni wei kena ne tikaiyene, beiy tetro si senana we te a te sendiyi wipiki de te na te?" ³⁵Nedo Pilatus a te seiyunu: Nemena De Pilatus Yahudi tetro? wei kani na tetro ye wande Imam Imam tenai tetro We Yesus te dekewa dekaiytie mekai; We Yesus beamena yeko te weye dua mekoupuke?³⁶Dado Yesus a te saweke a te sanunu: Dena oru dia kate dayo dambere na ambainya teway ; Nemane deraiti dena oru dia kate da yo dambere na pe, dena seraibra beiybeiy tei tuta tere, nepere dete na Yahudi tetro seraibrabra kna meka damba na seritipipei, nederaiti dena orudia kate da yo dambere na da nou dapere na ambai nou menakeiypei. ³⁷Dado Pilatus Dado Yesus te a te sanunu; Nemena we andewa pona? Dado Yesus a te da saweke a te sanunu: We ye Pilatus seiyiyene De Yesus Andewapona. Nete na te da dete De Yesus te da yo damba da meka nawa kna ya sere da sengkaitie nederaiti nemane nepe te na te De ye Yesus da yo kani damba da meka, damane de ye a te seiytene wande nou ru na tepreinya; tetro yei nou ru na tepreinya De Yesus dena a te betonai kenai.³⁸a, Nedo Pilatus Dado Yesus te a te sanunu: Beamane nouru na tepreinya te? (Yesus Tete Yeko Damba) b, Nemena a te dua seiyumbuku dado Pilatus dia kapa ne kwa meke Yahudi tetro seraibrabra a te meke sanunumu: De Pilatus Dado Yesus nena peko aroiyipei nemeiyipei. ³⁹Nederaiti we seraibra nou mena yeko mena dua keu na, Paskah ya ne tetro site baya baiy pa da ta tembinie. We seraibra kena ne kau na,Yahudi tetro nena da Andewa pona te yei Yesus te tatembinie baya a tembinie we seraibra kna dambe te?" ⁴⁰Neyo seraibrabra a te arma beiye keteraiyipiki: Nedo Yesus te na ambipei, Barabasway te baya tambunu ambunu!" Barabasway tetro sibesika peko te mekeyou.

Chapter 19

¹Nedo Pilatus Dado Yesus te tetro seraibrabra kna meka damba wande a te sanumu Dado Yesus te sere sere nenaiyinie peko tupu te mekonaiyinie. ²Pera yo seraibra sa syesye yemo wenta te mekaiynie Dado Yesus nena tenai damba pere naiyin tene. Neyo seraibra mayong neko base te Dado Yesus nena wa pa titambiki yepambiki. ³Bekou pa dua di aiy ne yo seraibra a te dewambiki: poi pepoi beiy, Andewapo na Yahudi tetro!" Nemane Dado Yesus nena bete ka tu te meka ye penaiy.⁴Nedo Pilatus dia kapa dewa meke neyo seraibrabra te a te sanumu: Dou te taurue dou taunuru deye Dado Yesus te banya sua dia kapa dewa da deka ne ma we seraibrabra kna nero pa, nepe te we ye arounembinde, de pe da Dado Yesus nena peko te na dou teiypei aroiyipeinya tewai. ⁵Dado Yesus wande diakapa mie banya sua dewa meke, tenai wenta syesye yemo perena nemane deraiti mayong neko base titambiki yepambiki. Dado Pilatus ne yo seraibrabra te a te sanumu: Dou te taurue dou dou taunuru damena tetero yei, piambainya!" ⁶Nemane nepere imam imam tenai tetro pere sema pere tepainya seraibra Dado Yesus te da dou ye taiynie a te keterai: Dado Yesus o pa bapemapinie, Dado Yesus o pabapemapinie. Dado Pilatus a te sanumu ne yo seraibra kna damba: Yesus te newa dewa nuru Yesus nete da o pabapembinde; de nemane Dado Yesus nena peko bete aroiyipei nemeiyipei.⁷Yahudi tetro seraibrabra dado Pilatus te a te senaiynie: De seraibra dedei yeko ne dua da keu na Dado Yesus no dua te tembini, nemane nenei wa te Awa Mang Tetro nena yei mane da meke seiyunu. ⁸Nepere dado Pilatus nemena a te dua betoupuku wande endiki te dekokruko. ⁹Pilatus wande mie eyu pa dua di eu Dado Yesus te a te sanunu: we kaye mo nou ru na mo pere na? Nemane Dado Yesus a saripei a seiyinipei.¹⁰Pilatus a te Dado Yesus te sanunu: We Yesus de Pilatus pere na a te na seiyinipei? We Yesus we kaye we na mendo ambai detena aroiyipei, deye we te baya tatewepini nemane deraiti deye wate a te seiyitimbine o pa da bape naiy we pinie. ¹¹Dado Yesus a te saweke a te sanunu: We Pilatus dena damba na wena detere yare bunare ambai nya te wai, nemane deraiti ne detere yare bunare na wena damba na ambai, nete nate: Nedo neye dete wena damba saru tupuku susu tusuku nemane nenei peko detere dua da meke keu.¹²Nemane Dado Yesus te nedo Pilatus baya tambi na te nipi te karo te wereu, nemane deraiti Yahudi tetro seraibrabra a te keterai: Dapere damane we Pilatus Ye Dado Yesus te baya da tembunue, we Pilatus nederati Kaisar kna tetro ambai nya tewai. Nemane tetro sibesika nenei wa te andewa po na te a te seiyinene na, ne tetro yei Kaisar kna tetro te na ambai. ¹³Nepere nemane nemena a te dado Pilatus betoupuku, a te sanumu Dado Yesus te banya sua mie eyure baiypa, wande Pilatus ane yongkuku keu ne nou wado Litostrotos, nemane Ibrani peu na Gabata.¹⁴Nederaiti neya Paskah te meko naiynya te soning meka bi suna wau biserei pa. Dado Pilatus Yahudi tetro seraibrabra te a te sanumu: Da pe da ye wei andewa po na!" ¹⁵Ne yo seraibra te keteraiyipiki: Yesus baya tomapinie! Yesus baya tomapinie! Yesus o pa bapema pinie!" Dado Pilatus ne yo seraibra te a te sanumu: Damena de Pilatus wena nero re wei Andewa po na te o pa bapetepipie? Imam Imam tenai tetro a te sawekai: De seraibrabra dena andewa po na ambai nederaiti Kaisar te dou tane te!" ¹⁶a, Nepere nemane Pilatus wande Dado Yesus te dua serupuku neyo seraibrabra kna meka damba ne te o pa bape naiyipi na te. (Yesus Te O Pa Bepaiyipiki) b, Neyo seraibra Dado Yesus te meka damba dewa dekaiynie.¹⁷Dado Yesus o se te yaro ne deko dia pa baiy sua ne nou wa do tenai oro, Ibrani peu na : Golgota". ¹⁸Dado Yesus nembere da ne beiyni tetro biserei o no ne buna ne wewaiy, Dado Yesus nerone ne do bi metere su aya su ne.¹⁹Nedo Pilatus a te sanumupuku semo te meraiyipiki nena akurung: " Yesus Nazaret tetero, Andewa po na Yahudi tetro." ²⁰Yahudi tetro kaso pere tere me nemena semo te beiypiki, nemane ne nou wa tou nu Yerusalem dia ne akurung Ibrani peu, Latin peu, Yunani peu.²¹Nemane imam imam tenai tetro pere Yahudi tetro pere dado Pilatus te a te senaiynie: " We semo te na damena mereiyipeinya: Andewa po na Yahudi tetro." We semo te na damena mereiyipipeinya: Andewa pa na Yahudi tetro, nederaiti Nedo neye da a te seiyumbuku: De pe da ye Andewa po na Yahudi tetro." ²²Nedo Pilatus a te saweke a te da seiyunu: Dua merapiki te na semo, nemane nene te dua merapikite."²³Dado Yesus te o pa dua bepaiyipiki, peru yo seraibra Dado Yesus nena mayong te waro aprau serei deraiti piki tetro aprau serei orunai wande Jubah mayong nemane deraiti baya dua da dekaiy. Jubah mayong nena Benang sa ambainya, bunare a pa na nemane ne tiki beiye yereke. ²⁴Nemane sa tana te ne yo seraibra a te kaiy seiyainie tetro yei si pa sipa simi do ne: Jubah mayong te na baya na wekipei dari pei, e tetro mo serei Undi kembari te da meko ma pinie wande tetro yei sibesika neye da Jubah mayong te do ne. Damane nederaiti Asena Semo kepeinya akurung nou pa dua da meko naiyipinie." Neyo seraibra dena mayong te baya da wasiyai wande dena Jubah mayong te Undi kembari te da mekaipiki." Damena yeko kembari pera yo seraibra dua da meke yai nemane neye dua da mekaipiki.²⁵Nederaiti Salib otou nu Dado Yesus nenei nawa wande nawa metona, Mariame, Klopas mena nemnire pere Mariame Magdalena name pere ne pene esu ne tepai nebeiyni douteda taiy. ²⁶Nepere Dado Yesus nenei nawa te dou ye teunu wande neye kena te keu na do Yohanesway ne beiyni da esu ne tepai, Dado Yesus nenei te a te sanunu: Nawa, De wena yei!" ²⁷Nepere nemane Dado Yesus nedo Yohanesway te sanunu: Da wei nawa wena nawa pe da! " Nemane ne ya serei nie nedo Yohanesway nawa nawa bra te a te kome nenei mie pa dua kaiy. (Yesus Teteu Puku)²⁸Nemane dua da Dado Yesus Aroumbuku, sasyasi ne pe te nou pa dua da mekaipiki Dado Yesus a te dombuku a te seiyunu semo kepeinya akurung nou pa meko naiyipinie derenaiyi pinie: De Yesus kena ne tuka nu!" ²⁹Da nou nu Anggur bu peti na te denaiyipiki yeu. Ne yo seraibra suru te dekai tupu te ua keme mane mekambiki wande Anggur bu pe ti ne dua yewasiki Dado Yesus nene emburu pa tepai ne te dua perusuku. ³⁰Dado Yesus ne Anggur bu peti na te perusuku wande a te mekoupuku: Serei piyang, nou pa dua da mekoupuku. Nepere nemane Dado Yesus nenei seso tenai te a pa yaru teke nenei wa te wa nuru te aru te Awa Mang Tetro nena meka damba sarupuku.(Yesus Nena Yeke Te Ung Asekai)³¹Nemane ne ya Sabat ya tetro dua sou na tete nero ne o no na wawipeinya, Yahudi tetro seraibrabra nedo Pilatus kwa mekai a te senainie da tetro yei te o ta te baya burunai mie disinai mie wande o nore a pa dewa oru naipinie. ³²Nepere pera yo seraibra mekai tetro yei nena o to te baya mekai disaiy dado bi serei Dado Yesus pere o no ne wewai. ³³Dado Yesus kwa mekai dou te taiye Dado Yesus dua da teteupuku, nemane sate nena oto tena disipei baya na disipipei nemei name poi beiye keu.³⁴Nepere pero yo tetro sibesika ung yemo te Dado Yesus nena yeke eyu pa da aseko nepere nemane mori-mori sa pere bu pere Dado Yesus nena wa eyure kiya pa baya dewe da mekei. ³⁵Tetro yei nemena yeko te dou tembuku nenei aye seiyunu nederaiti tepreiye, nedo dua aroumbuku tepreinya nouru na ate da seiyunu, nepere nemane we ne seraibra aronembinde.³⁶Nemena nemane yeko mekombine, nepere asena semo kepei meraiyipikina nou pa dere naiyipinie: Dado Yesus nena o ro baya na disipipei tenoipei. ³⁷Nemane akurung sibete keuna: Neyo seraibra Dado Yesus te dou ye tenaiy nie nete ung yemo dua da asekai. (Yesus Bure Eyunu Te Nou)³⁸Dado Yusuf Arimatea tetro Dado Yesus nena yau na, yekai yekai nemane endiki te dekau Yahudi tetro seraibrabra dou te taiy nepere Pilatus kwa meke a te sanunu Dado Yesus nena wa te o no re a pa dewa donai yni. Nemane nedo Pilatus a te dua sawe ke dua da wupuku. Nepere nemane Yususway meke Dado Yesus te o no re a pa dekaiyni. ³⁹Nedo Nikodemusway nemane derati ne pa meke. Dado Nikodemusway memetere te Dado Yesus kwa deneng ya ne meke. Nemane Mur meraiy pere Gaharu meraiy pere Nikodemusway ye a te ko meke, nena sebete doa meka su beiy.⁴⁰Neyo seraibra Dado Yesus nena wa te mayong Linen dua yepambiki wande okepei o ere saunggari ye mesou perlo ka sirau pe perlo wa pa da suambiki Yahudi tetro nenei kembari semo semo mekaiynya mane mekambiki tenou. ⁴¹Dado Yesus o no ne wawiyai ne nounu wa tounu bure oru buru nepereiy maning me kambi neme tetro no seiy sipei sibesika na ambai nenei nemeda keu na. ⁴²Nederaiti Yahudi tetro nenei ya detere kemete dua meraiynie, nemane bure kaye wa tou nu dua keu Dado Yesus te nepa dua da dekanikaiy oruburu pa seiyisiki.

Chapter 20

(Yesus Esua Dua Yembuku) ¹Nepere nemane yau kau bete ne Mariame Magdalename bure tou pa dua da ke dou te teu puku oru baya dua dekai baiy pa seisiki te nou. ²Mariame Magdalename oto beiy tie dua newu Siminmai Petrusway pere Yohanesway pere Dado Yesus kemate keu na do ne te da ne do bite a te sanumu ena Tuhan Mang Tetro te tetro si ye baya dua dekaiyni nou siwa seiysiki e aroiyipei mo nou pa seiysiki te nou.³Nepere nemane Petrusway pere Yohanesway pere bure oru buru pa ne beiyni keiy. ⁴Nedo bi oto beiy tie nebeiynie nawi, nemane nedo Yohanesway tua tere Petrusway te meto pa sarupuku bure tou dua ke oru buru pake. ⁵Yohanesway dou te oru buru pa teu mayong kapan kani dambene ane tenaiynya; nederaiti eyu pa na maning eiypei baiy bete re dou te teu.⁶Simonmai Petrusway meke bure ayu pa oru buru pa ke. Nedo dou te teu mayong kapan kani dambene ane da tenaiy. ⁷Mayong pelu Dado Yesus nena tenai ne kiyou na mayong kapan yena tenoiypei, baiy bete ne moi tenou wande nebeiypa dua diraiypiki seisiki tenou.⁸Nedo Yohanesway bure oru buru pa eu dou te teu wande nemei yumbuku. ⁹Nederaiti ne yo seraibra nenei mendo eiyo maning pepoi na aroiyipei asena samo kepei ne seiyunu na, Dado Yesus ye tetro dua souna tete nero re nekwa dewa esua yembinie. ¹⁰Nepere ne do Petrusway pere Yohanesway pere mie pa dua keiy.( Yesus Mariame Magdalename Te Wa Te Kiyambuku)¹¹Mariame bure yene esu ne tepeu dimite dumu. Bure eyu pa dou te teu dimi te da dumu. ¹²Nepere tetro biserei mayong kreukreu Malaekat- Malaekat si besika tenai po ne keu wande sibesika oto po ne keu Dado Yesus ne ye a ne tene you na nou nu. ¹³Malaekat biserei Marime te de na Tuhan Mang Tetro te da tetro si baya dua dekani mo nou pa seiysiki tenou de aroipei.¹⁴Nemena a te seiyumbuku neye dou te teu meto surue Dado Yesus esu ne da meke tepeu Mariame aroiyipei ne tetro yei Dado Yesus neye da tepeu. ¹⁵Dado Yesus Mariame te a te sanunu: Nawa beamena te we dimi te dimi ye? We simbiyang te weye wure ye? Mariame mendo te mekounu nou sema pere na tetro ye waru nete a te dua sanunu: " Tuan mai , nederaiti weye Dado Yesus te dou nu nou sibete pa sesunue nepe te dete a te kiya sanutupu nue Nedo nete Yesus te dewa do tene dewa do mane dedei nou pa.¹⁶Dado Yesus a te do mbuku wado ne :" Mariame! " Mariame dou te teu puku Dado Yesus te Ibrani peu neu a te dombuku:" Rabuni", Artinya Guru nemane deraiti Guru te seiyaini. ¹⁷Dado Yesus a te Mariame te sanunu: we dena wa pa na meka te na awipei tepi peiy, De neperei Awa kwa na eiypei, nete nate we dua eu eiyei seraibra kwa a te sanumu De nepeei dei Awa kwa wei Awa kwa, Dei Awa Mang Tetro wei Awa Mang Tetro kwa te. ¹⁸Mariame Magdalename dua ke yau na dero na nero pa a te sanumu: De Tuhan Mang Tetro te dua da dou ye tembuka wande Nedo Yesus neye yeko bete betete seiyumbuku. (Yesus Yau Na Dero Na Te Wa Te Kiyamupuku)¹⁹Nepere nemane deneng serei pa dua meke yau na dero na nebeiyni kopurumbuku kaiy, Dado Yesus nena serai endiki te dekaiy mie mau mie numburu dua dinaiypiki yekaibete mie eyunu da kaiy Yahudi tetro te dekaiymikriko nenei wa te ye ne da kaiy werai. Dado Yesus ne soning serei dewa meke ne seraibra kna nero ne esu ne tepeu a te dombuku: Teme piambai tie we seraibra kna damba." ²⁰Dado Yesus a te dombuku wande nenei meka te yeke te ne seraibra te kurumu dou taiynie. Nepere wande yau na dero na nenei kena karine Dado Tuhan Mang Tetro te dou nekwa tainie.²¹Dado Yesus a te dombuku: Teme piambai te we seraibra kna damba. Nemane Awa de te sanutupuku meka, nemane deraiti deye we seraibra te neperei santemepinie. ²²Nemena a te dua seiyumbuku, wande Dado Yesus aru eupou te mapunsuku ne seraibra te a te sanumu: Aru Roh Kudus mromro te wei wa eyu pa ourumbinde. ²³We seraibra tetro si kna peko te baya sunde na, ne peko baya sunaiyipinie, nemane ne tetro kna peko te we seraibra nounu kene na te seiyi nendena, ne peko nounu neme da kene mene." (Yesus Tomas Te Wa Te Kiyambuku)²⁴Dado Tomasway yau na dero na si neway meka bi suna wau biserei pere, nena wa dosi Didimusway ne seraibra pere na ne beiy na keiypei Dado Yesus meke na ya ne ne nou nue. ²⁵Yau na dero na si derou dado Tomasway te a te senaiy ni: De seraibra Nedo Tuhan Mang Tetro te dua da dou ye tembikite. Dado Tomasway ne seraibra te a te sanumu: Dena meka te nena meka pa wande nemane nena yeke nou te dena meka sesipei meka semberimbipeinya de nete na aroiyipei nemeiyipei.²⁶Ya meka su beiy su na naming nemane yau na dero na nebeiynie mie eyunu kaiy dado Tomasway nembere kaiy. Nemane mie numburu dua dinaiypiki Dado Yesus ne seraibra kna nero ne da meke te peu a te dombuku: Teme piambai tie we seraibra kna damba. ²⁷Dado Yesus ye Tomasway a te sanunu: Wena meka wau te dena meka damba wande dou tembunue, wena meke wau te dena yeke buru keu na pa sesunue wande nepere ne kwa a te na we siripei nemeiyitipipei nederaiti weiy dou ye pepoi tembunue wande nemeiyutupunue.²⁸Nepere Tomasway Dado Yesus te a te saweke: Dedei Tuhan Mang Tetro dedi Awa Mang Tetro. ²⁹Dado Yesus Tomasway te ate sanunu: Damane wande we dete dou te tupuke, nepere we dete nemei yutupuke. Piambai tere ne seraibra dou teiypei nenei wa beiyni da mendo beiynie nemeiyaitipiki.(Asena Karo Te Meraiyipiki)³⁰Nemane deraiti nou bete yeko bete kaso pere tereng dopre Dado Yesus neye nenei yau na dero na nero ne meko nena, da semo kepei pa na mereiyipipei. ³¹Nederaiti dua da kaiynya akurung nepete dua da meraiyipiki, we seraibra nemeiyinem binde, Dado Yesus Mesias Nepe, Awa Mang Tetro nenei yei yarise, nederaiti we seraibra kna wa nuru aru yereu pepoi A_I Nedo Yesus nena wado eyunu kende mande.

Chapter 21

(Yesus Yau Na Dero Na Te Wa Te Kiyamupuku Tiberis Bu Nau Ye Ne) ¹Nepere nemane Dado Yesus yau na dero na te Tiberias bu nau yene wa te kiyamupuku ne nou nu. ²Nepene kisi bori ne yaweraiu na dero na kopurumbuku nedo Simonmai Petrusway, Tomasway Didimusway, Natanaelway Kana Galilea yo re na, Zebedeusway ni yei wande yau na do biserei Dado Yesus nenei seraibra. ³Dado Simonmai Petrusway ne seraibra te a te sanumu: De ka pera te warete. Nemane neyo seraibra a te seiyainie: De seraibra nemane wembere kapera kwa mana. Neyo seraibra i damba sekaipiki ne deneng ka doiypei nemei nemeda weraiypiki.⁴Nepere nemane ya dua da kiya kemeu, Dado Yesus kisine bori ne tepeu; yau na dero na aroiyipei Nedo Yesus neye tepeu. ⁵Dado Yesus ne seraibra te a te sanumu: Yei sekro sekro we seraibra ka pane mena bete dua dekau? Ne seraibra a te sawekai: Ambai tere nemei neme da." ⁶Dado Yesus ne seraibra te a te sanumu: wena ka krau te metere sua kenenende wande we seraibra ka pa ne te ourumbinde, Nemane ne seraibra wande ka krau te metere suai yeuna sua kengkaiyni nepere ka kau setere sedopre yepoipipei ka pane kaso pere tereng dopre.⁷Nepere Yohanesway Dado Yesus kena te keu na do neye Petrusway te a te sanunu: Dido ena Tuhan Mang Tetro. Nemane Petrusway a tebetoupuku Tuhan Mang Tetro, nenei mayong te wapa tutupuku ba nau eyu pa da tunu te ke esu ne k tepeu. ⁸Yau na dero na siderou i te deng awekai mekai ne seraibra wa tou nu dari yene nemane ka krau te dari pa dari damba ka pane te keraiy. ⁹Ne seraibra dari pa mekai dou te taiy sing kung dambere ka pere roti pere.¹⁰Dado Yesus a te sanumu: Ka pa ne te si derou te dewa a tonde mande wa pene neperei dekau na. ¹¹Simonmai Petrusway i damba sasekone ka krau te dari pa yepai, ka detere kaso pere: Do a meka su beiy doa biserei wande mekabi suna wau naming pere, nema ka pena kaso pere ka krau dingke ri pei wekipei poi beiy keu.¹²Dado Yesus ne seraibra te a te sanumu: We dewa mau rue sa te anema. Nemane yau na dero na atena siripei we simbiyang: we kaye simbiyang? Nemane dua arambiki ne seraibra nenei Tuhan Mang Tetro Nedo Yesus nepe. ¹³Dado Yesus bekou pa ke roti pereka pane pere ne seraibra te meka damba a tou mu ne te anai. ¹⁴Dado Yesus bu naming serei pa na te nenei wa te yau na dero na te kiya mupuku ne kaye esua dua yembuku tetro yei dua sou na nerore tete nerore dewa ne kwa yembuku yereu mekewaru.(Dena Yau Na Dero Na Te Atoumu Waru Pepoi Mande)¹⁵Sate dua anaipiki Dado Yesus Simonmai Petrusway te a te sanumu: Simonmai , Yohanesway niyei, da seraibra kna nero re we de te na kena dere yene? Petrusway Dado Yesus te a te sanunu: Teprei Tuhan Mang Tetro, we dua da aroumbuke, de we te kena te da derane. Dado Yesus a te sanunu: Dena yau na dero na te pepoi atoumu waru. ¹⁶Dado Yesus ne kwa bu bipana te a te sanunu: Simonmai, Yohanesway niyei we detena kena dereyene? Petrusway Dado Yesus te a te sanunu: Teprei Tuhan Mang Tetro we dua da aroumbuke, de we te kena te da derane. Dado Yesus Petrusway te a te sanunu: Dena yau na derona te pepoi a toumu dua warende mende.¹⁷Dado Yesus bu naming pa na te a te ne kwa da Petrusway te sanunu: Simonmai, Yohanesway niyei we dete ne kena dereyene? Petrusway nenei kenaneke tukanu Dado Yesus bu naming serei pa na a te sanunu sate: We de tena kena dere yene? Petrusway Dado Yesus te a te sanunu: Tuhan Mang Tetro we dua da aroumbuke sasyasi metere na mane, we ye dua da aroumbuke, deweteda kena te derane. Dado Yesus Petrusway te a te sanunu: Yauna dero na te pepoi tere ye atou mu waru nipi nero te mende. ¹⁸De Yesus we te a te senawe: Teperei tere ye weye sekro sereinie wei moyang seroute kipi dambene wei meka ye beyupunue mo mena nou pana wei kena ne kaiynya mane dua waru, nemane deraiti we yede sereipa merko ye yaru nai we wake ambai wena meka te nen sunue tetro siye beiyinaiwipinie di naiwi weye a te dere yene na nou pa di donaiwinai.¹⁹Damena a te Dado Yesus seiyumbuku Petrusway kna damba na te nemane neye dua tetembine Awa Mang Tetro te pepoi mromro a te da seiyinene. Nemane a te seiyumbuku Dado Yesus nemane a te Petrusway te sanunu: De Yesus te weye tawutue nebeiyni da wera. (Yau Na Dero Na Yesus Kena Te Keu Na)²⁰Nepere Petrusway dou te teu puku Yohanesway Dado Yesus kena te keu na do ne yo seraibra te tawekeme nebeiynie sate anoyai Dado Yesus nena wa ye ne wa tou nu a te da seiyunu: Tuhan Mang Tetro, simbiyang we te peko damba sare ne wepinie?" ²¹Nepere Petrusway dado Yohanesway te dou teunu Dado Yesus te a te sanunu: Tuhan Mang Tetro beamane dado Yohanesway kna wane mekombine na yeko?"²²Dado Yesus a te saweke a te seiyunu: Nemane ne te na te De Yesus dena kenane da tukane, nemena yereu te ne ye neme da kene De Yesus ne kwa me tena nepe te na we Simonway Petrusway wena kembari yeko ambai ne pane kepei.Nederaiti we Petrusway De Yesus te da tawu tu nebeiyni wera. ²³Nepere nemane akurung peto kura orupuku seraibrabra nero ne nedo Yohanesway teteiyipipei yereu te neme da kene mene. Dado Yesus a te Petrusway te na sanimbipei, nedo Yohanesway dua na teteiyipipei, nedararaiti nepere nemane De Yesus kna ne da tuka ne neye neme da kene na Yereu te kene De Yesus ne kwa dewa mete na nemena nemena kembari yeko wena ware mena ambai.(Akurung Tupu Tena A Te Dun Te Pinie)²⁴Nedo yau na dero na sibesika, a yeko asena te metere dua seiyumbuku nemane neye semane dua da mereu puku e seraibra dua arambiki te, nederaiti nedo nena a te seiyiyoununa nouru na tepreinya nepe nene. ²⁵Neme da kaso pere tereng dopre a ye ko bete bate sineme da kaiy Dado Yesus neye ne te mekouru na te da mane seiyane tere, nemane deraiti meye namane nete semo kepeipa meratere na kaye wande besika a ye bene tere moi moi ye da yo dambe na seraibrabra nou erikroiypei doiypei keiypeinya tewai.

Acts

Chapter 1

(Yesus Serodia Pa Bunapa Ke Yeko Te Sesuku Aru Ayo Mire Mene) ¹Da semo kepei eyune semo te mere yana, Teofilus, sasyasi metere Yesus mee you wande kiriyau me, ²Nepere make wade Yesus neye buna pa dua ke, nemane Yesus neye ayeko te ikime, Aru ayo mire kna dambere, yau na dero na nero pa Yesus neye orupuku. ³Ne seraibra wa pa , Yesus neye nenei wa te kurumupuku Yesus neye peko nero re meke, nemena ayeko waro ne, nenei wa te na seraibra te kiayou me ya doa biserei a te wande sani youme Awa Mang Tetro kna dia.⁴Ne seraibra pere nebei ne, Yesus neye akurung te ne seraibra sanume Yerusalam tena nemena tembipei keipeinya, nederaiti nou ne kende Awa Kna a yeko, neye a te seine ne, we serai denare a te betonde, ⁵Yohaneswai kaye bu waro beitie bu te kro mu, nederaiti we seraibra aru ayo mire me ne bu te na kro mende, tiki bai da serei nie dua mekonde.(Yesus Sero Dia Pa Bunapa Dua Ke)⁶Nete nate ne seraibra meye koprumbuku nebei ne, ne seraibra nena wa pa a te suraini, Mang Tetro Tuhan, neperei da serei ne weye Israel kna Andwapona te keu?" ⁷Yesus neye a te ne seraibra te sanumue, Nemena waro te na we seraibra ya te na aroipei nemeipei Awa Mang Tetro kna damene metere. ⁸Netenate, wa seraibra Aru Ayo Mire we kwa mene na te orumbinde wande we seraibra dena ayeko te donde Yerusalem ne, Yudea metere donde warende Samaria pere, nepere neme donde kani tupu mekombuku na pa."⁹Wande, Yesus neye a bete bete te da seyune, nepere ne seraibra dou taini, Yesus neye buna pa wande meye dekone yeu ne seraibra kna dou dambere dua karupuku. ¹⁰Nemane, ne seraibra doute seropa neme taini, Yesus neye dua eu, doute tai, tetro biserei dobi moyang kereu kereu ne e sune tepei ne sereibra kna wayene tepei, ¹¹Wande a te seiyine, we Galilea tetero, we seraibra dou te esune te pau sero pa tau? Yesus pe daye, bu na pa dua ke we seraibra kna nerore sero diapa dua ke ne kewa dewa menena we seraibra dou da tanune mane neye nekewa sero dia re mene." (Yauna Derona Tetero Sibesika Te)¹²Nepere na kaye, ne Yerusalem pa dewa nekewa mekai ne meko wado pe Zaitun, Yerusalem waene keu na, baibete ne nipi nero te na Sabat yau ne, ¹³Nepere kaye ne serairba Yerusalem pa e yupa mekai, ne seraibra buna pa deko site dekai, ne serai nena nou kiyainya. Peteruswai, wande Yohaneswai, wande Yakobuswai, wande Andreaswai, wande Filipuswai, wande Tomaswai, wande Bartolomeuswai, wande Matiuswai, wande Yakobuswa. Alfeus niyei, wande Simonmai, Zelot tetero, mande Yudaswai Yakobuswai ni yei. ¹⁴Ne seraibra meyena mane nekena beite dekai medo te nebei ne mekani mire moserei wande Maria, Yesus nena nawa, wande nenei yei mekedo keka.¹⁵Yane-Yane, Petruswai e sune tepeu yei meke do keka nero ne nemendo beinya ( tetero tereng doa meko su wande suna beipere), wande a te seiyune, ¹⁶Dokeka yei meke, Asena semo kepei noupa dua dere naipi nie, Aru ayo mire mani na ne Daudwai kna emburure sani youme Yudasswai kna wapa, tenai mane tetero seraibra bra te a te kuome me koume mekau Yesus te awekai meka damba dekaini peko suwa seraipiki.¹⁷Nemane nete bembiki te e seraibra kna nero ne wande da kembari waro ne e yune warene. ¹⁸Neperinya, tetero kani te doi taiye nenei poi tupute ne kembari peko ne mekou, nepere na kaye nena terai tua erumbu a pa ke wa nero bese kruko baya daru kruko, yase e yu na sasyasi Kiyapa baya mekai. ¹⁹Wande, a waro sibete Yerusalem ne kainya tetro meyena mane arambiki ne kani waro ne seraibra kna peu na seiyaini Hakal-Dama, Artinya Sa ye tetembukuna kani.²⁰Ne kaye, Mazmur semo kepei ne dua meraipiki: Damena nou te na nemei neme temambine kene tetero sibete ne ye kiyou na nou na keipei, wande nemena te siderou nena yaro damete kenai.²¹Netenate tetero sinewai da seraibra pere ne beinie embere wariate Mang Tetro Tuhan Yesus e yupa meke wande ba su wa ena wa nerore, ²²Yohaneswai nena Baptisan nepere neme meke Yesus neye e serai kna nerore buna pa dua da ke, sibesika da seraibra kna nerore a yeko seyine ne neye esuwa dua yembuku e seraibra pere nebeinie. ²³Wande, ne seraibra tetero biserei bepasisa piki, Yisufwai Barsabarwai terani, nemane Yustuswai te terani, wande Matiaswai pere.²⁴Nepere na kaye ne seraibra mendo karore a te senainie, weye, Mang Tetero Tuhan tetero kna kena te meye nemeiyi ye. Kurumupu ne weye simbiyang kna wa pa da tetero biserei weye siyeupu ne, ²⁵Damena kembari waro te done wande yauna derona nero ne warene, Yudaswai kna ware narupuku nenei nou pa bai ya dua kena. ²⁶Nepere nemane yauna dero ne tepo te dua dewe te yainie da seraibra nerone tepo erumbuku Matiaswai kna wa pa neke nete da bengbiki nebeine yauna derona meka bi suna wau beisika.

Chapter 2

¹(Aru Ayo Mire Dewa Meke) Pantekosta yapa da meke, ne seraibra meye na mane ne beine ne nou beinie. ²Wande bentekei te betai sero dambere, aru kurung arma tere seku, ne kurung mie e yute meye deko waru ne seraibra ane kainya nou ne. ³Wande dou te taiye ne seraibra kna damba sing peu peu mane sakoi sakoi mekai ne seraibra kna damba moi moi ye. ⁴Ne te seraibra meye Aru Ayo Mire te ouraipiki a te peu site site seiyinai ne, Aru Ayo Mire atou muna mane nepe te ne seraibra a te no nebete mana.⁵Ne ya serei pa meke, Yahudi tetero seraibrabra Yerusalem ne kiyainya, tetero seraibra pepoi te kainya nou moi moi ye ne seraibra da sero ne a ne kainya. ⁶wande, nepere nemena kurung te betainie, tetero meye na mane mekai pero pero mane ourai tetero nyeinyei ne a te betaiy ne seraibra yau na derona a te seiyainie neyo seraibra nenei peu ne a te betai. ⁷Ne yo seraibra tere tere mane ourai, nenei a te seiyainie, nemena kaye ne seraibra yauna dero na meye namane a te da seiyaine na Galilea re na tetero?⁸Wande, beamane mekoupuku e seraibra nyei nyei nie teta mete a te yauna dero na e iyei peu ne e te seneyainya nou ne. ⁹Partia tetero seraibra, wande Media, wande Elam, wande Mesopotami yore, wande Yudea, wande Kapadokia, wande Pontus, wande Asia, ¹⁰Frigia, wande Pamfilia, wande Mesir, wande nou nou sibete Libia kirene ye ne keu na wande Roma seraibrabra, Yahudi tetero seraibrabra nemane Proselit seraibra, ¹¹Wande Kreta tetero seraibrabra wande Arab seraibra. Eye betamete na ne seraibra a te e na peu ne da seiyainie Mang Tetero kna kembari kembari detere."¹²Wande neyo seraibra tere tere mane pero pero mane nenei a te dua dewa seiyainie, Beasa meko puku damane? ¹³Nepere na kaye, tetero sideroudete dai wande a te seiyainie, yauna derona Anggur bu ne derainie." (Peteruswai A Te Seiyunue Tetero Tereng Damba)¹⁴Nemane Peterusway nebeinie esune yauna derona meka bi su na besika, a te bu na pa sewa piki wande a te ne yo seraibra kna pa," We Yahudi tetero seraibrabra meyena mane Yerusalem ne kau na, weye ne te aronende dena a seiya ne na pa mendo te ye ponde. ¹⁵Nemane, da tetero seraibra mameuna yembipei, we seraibra nemei yaumu da ya si soning naming na,¹⁶Nete nate da mena a te Nabi Yoel neye seiyumbuku. ¹⁷Wande, tupu tena ya te na nou si kiyambinie, Mang Tetero Asena yeko te: Deye nederaitie Aro Ayo Mire wasi teme oruteme tetero yei meye na damba. Nemane, yei do seraibra pere yei mire seraibra pere ayeko te seiyyinainie, nemane yei newai sereinya sereinya nenei dou ye tenainie, wande tetero detere seraibra ne karone yeko te mi te tenonai.¹⁸Nepere na kaye, do seraibra kna damba wande mire seraibra kna damba neya sereipa na, De ye Ayu Ayo Mire te wasi teme oruteme, wande nepere neye ayeko te seiyinainie. ¹⁹Wande, Deye yeko bete bete te kiriteme sero dambe ne, buna ne, wande nou yeko bete bete dayo dambene, a ne kainya, sa ye, wande sing, wande timwau yupu arune.²⁰Soning te mekombine a kepe kepe wande oko mekombine sa wate orumbinie, maning Tuhan Mang Tetro kna ya detere mro mro mipei nya ne. ²¹Wande ne mena kembari te meko ne na, tetero yei Tuhan Mang Tetero te kari te simi nai nya nete pepoi a toneme."²²We Israel tetero, da a te betombinde. Yesus Nazaret tetero, tetero besika we seraibra kna nerone Allah Mang Tetero nena yeko bete bete, kembari bete bete, wande nou bete bete, Allah Mang Tetero wena nero ne kurumue nedo A_I nena dambere, nemane we seraibra dua arambuku. ²³Yesus nete, sarupuku Allah Mang Tetero nenei a yeko dambere da meke, we seraibra nete ono pa bepapuku tetero seraibrabra si kna meka dambere. ²⁴Nederaitie, Allah Mang Tetero nete e sua awe kene, wande nete baya ambuku peko nerore tete dambere.²⁵Nemane, Daudwai Yesus nena a waro te seiyiyounie, Deye dou ye tane Tuhan Mang Tetero dena bekou ne waru, nemane Nedo A_I dena metere sune de tena a pa na kenetipei. ²⁶Nemane deraitie, dena kena kari dera nena, wande peu ne a semo dimi semo ne. Dena wa pepoi buru ne suwe kene,²⁷Nemane We A_I dena wanu ru te na tetero dua no dua sou no nou pa na te na ei pei, bei wa te neme da tembune A_I Wena Tetero pepoi peko nero pa dou te tenai. ²⁸We A_I a te dua sanutupuke dena damba yereu nipi te. We A_I dete kena karite yute We A_I wena wa kiyapa mene.²⁹Do keka yei meke, deye wete a te sename teprei ena awa, Daudwai, ne ye teteupuku bure pa seisiki, nena bure embere nebei nie neme kate daya sereipa meke. ³⁰Netenate, neye Nabi mane wari you na kaye aroumbu Allah Mang Tetero yeko te dua kropuku nena damene tenone mene nekwa ne nou pa site donai nie Daudwai kna seraibra betra damba dia te kene mene. ³¹Nemena te, Daudwai mani na tupu ne yeko bete dou ye tiyou ne, neye a te seiyiyou ne Kristus e sua dua yembuku nemane A_I nedo tetero dua souna nerona a na tenou pei, wande A_I nedo wa peko te na tenipei.'³²Yesus nepe Allah Mang Tetero e sua deko ne wande e meye na mane ne yeko damba ne nou te seiyi mane. ³³Nemane sate na te,bunapa yare meka metere sune Allah Mang Tetero tambuku wande a yeko te Awa kna re Aru Ayo mire te deko, A_I neye dua wasumue, beasate dou ye weye tanu bea sate wei bengtekeinie betau.³⁴Nepena ye, Daudway sero dia pa na ei pei, nederaiti neye a te dua seiyiyou ne, Tuhan Mang Tetero a te da dena damba seiyiyou ne, Ane yong kune dena metere sune keu. ³⁵Dena yambe tetero te meko teme dena oto tou ne ane kenai." ³⁶Netenate, mie meye Israel na arounai pinie nepe te Allah Mang Tetero Nedo A_I te Tuhan Mang Tetero wande Kristus, Dado Yesus te we seraibra opabepau puku.³⁷Nemena kaye ne seraibra ne a kurung te betaipiki, ne seraibra nena kena ne sye mane, nepenaye a te Peteruswai senainie wande yauna dero na sikna damba. Do keka yeimeke, beasa te eye meko ma pinie?" ³⁸Nemane, Petruswai a te ne seraibra kwa sanumue. Wa te dusungkro ne sukumbune wande bu te we na wapa kro nai pinie nyei nyei ne Kristus Yesus kna wado ne, We na pekote baya sumbine, wande we Aru Ayo Mire te orumbinde. ³⁹Nepetena, a yeko wena damba meke, wande yei bra, wande tetero sisi meyenamane bai kerane neme kainya, kasopere Awa Mang Tetero Tuhan Allah e seraibra te kari te tare ne."⁴⁰Wande a tereng dopre, Petruswai seiyune teprei tere na te a te seiyane we seraibra kna damba, sename, wei wa te pepoi orupune tenou waruna nerore yeri yeri mane nena sipi na ambai. ⁴¹Tetero seraibrabra Petruswai kna a te betaipiki bu te kereyai mie wande ne ya pa meke na ne seraibra ne kwa apnaipiki tereng siri naming sereipa bengbiki. (Tetero Yei Yau Nero Pa Mendo Ye Werai) ⁴²Ne seraibra mendo te keraipiki yau na dero na kna a sani yaimena wande mendo werai yau nerone, munu sa roti te keiyai, wande mendo te mekainie.⁴³Wande, endiki medo werai tetero nuru bei bei, yeko sibete kaso pere yau na derona nena wane dua meke yai. ⁴⁴Dua arambikina meye ko purumbuku ne bei nie sasyasi bete meyena pa bengbiki ne beinie. ⁴⁵Nepere ne seraibra sasyai site nai mane mekai, tetero nemei kainyapa waisiami, nyei nyei ne orunai.⁴⁶Yane yane, ne seraibra ne kena beitie dekai ko purumbuku ne beinie Allah Mang Tetero kna mie ne wande munu sa bete roti te bete bete kei yai mie si knare mie si pa. Ne seraibra munu sa bete te ourai ne seraibra kena kari ne wande kena pepoi tere, ⁴⁷Allah Mang Tetero te a semo dimi semo ne, ne seraibra tetero meye kena te kainya. Wande, yane yane, Tuhan Mang Tetero ne damba damba apeneu ne seraibra nena tereng, tetero yei pepoi damba dua nai.

Chapter 3

(Petrusway Yapra Tetero Te Pepoi Mekombuku) ¹Ya besika serei, Petruswai pere Yohaneswai pere Bait Allah Mang Tetero kna miepa mendo kerainya soning, nemane soning meka su suna aprau. ²Nepere, do sibesika yapra te nena nenang kna yasere sengko meke saisyei ne. Yane yane ne yo seraibra Bait Allah Mang Tetero kna yau mie numburu detere pa tanaim, bine ne numburu wado numburu detere pepoi nepe ne keu dera te aye da danumue tetero eyupa baipa Bait Allah Mang Tetero kna yau mie. ³Nemane neye dou temu Peteruswai pere Yohaneswai pere eyupa Bait Allah Mang Tetero kna yau mie, neye dera te aye danumue.⁴Nepere, Petruswai, nebei nie Yohaneswai pere, nena wa pa dou te tei a te dombiki, de te dou temi. ⁵Yapra tetero ye dou te teu Petruswai wa pa Yohaneswai wa pa, nena mendo ne werainya sasyasite da dobi inei mie. ⁶Nederaitie, Petruswai a te dasanune, de na re na sabu pepoi mena ambai, nederaitie de ye tepana te we te itewe wena damba. Kristus Yesus Nazaret tetero nena wa done, e suwa yembune wande oto te waru!"⁷Nemena kaye, Petruswai meka metere sute tepu ne wande esuwa yembuku. Neserei pa meke, oto pere nena oto toki pere wa kete dua deko. ⁸E suwa senombuku, neye esune tepeu wande dua dewa waru. Nepere, neye eyupa Bait Allah Mang Tetro kna yau mie nebeinie Petruswai pere Yohaneswai pere, ote te dua werai, neye bunapa a pa snoi snoi mekou Allah Mang Tetero pepoi a te seiyune.⁹Tetero meye na mane dou te tai nena wa pa nebei nie dua oto te werai pepoi a te Allah Mang Tetero te senainyie, ¹⁰Neyo seraibra ne te dua arambiki di tetero yapra mane ane ki you numburu detere pimbai Bait Allah Mang Tetero kna yau mie ne dera a te daniyoumie, neyo seraibra nena wa ne tukainya piambai te damane yeko pepoi mena nepe kiapuku ena damba da meke. (Petruswai A Te Sanumue Tetero Tereng Damba)¹¹Nepere nemane ne tetero te Peteruswai pere Yohaneswai pere meka te pine, tetero meyenamane oto bei newai nena wa toupa deko nero Salomo kna wa do, piambaitie. ¹²Peteruswai dou te teu, neye da tetero kaso pere a te sanumue, we Israel tetero, we seraibra tere tere mane ourau bea mena dou te dena wa pa tamu dena ne pepoi waro kiyou da tetero ye oto te dua waru?¹³Allah Mang Tetero Abraham kna pa, Ishak kna pa, Yakub kna pa , Allah Mang Tetero kna re yo ti kasi damba semusuku nenei yei yarise, Yesus, we seraibra dua seraupuku wande Pilatus kna bekou ne a te dua tiyeu kruko nete A_I nedo Yesus te baya tanembine yereu te warene. ¹⁴Nederaitie, we seraibrabra pepoi te noru na te baya seraupuku, wande we seraibra tetero te site toupuku na tetero peko te baya tambuku.¹⁵Wande wena yereu te poi deko semate tepeu na te baya note tewapuku, Allah Mang Tetero e suwa nekwa dewa dekone tetero no souna nerore nemena a waro, de seraibra ne a te seiyane te. ¹⁶Nemena mendo eiyo ne A_I nena wa do ne, Yesus wa do ne, do besika we seraibra dou tanu nena damba wake te ikine. Ne, mendo eiyo Dado A_I nena dambere dado kna damba wa pepoi te tukaunu bekou ne we seraibra meye na mane.¹⁷Nepereinya do keka yei meke, deye arombuka we seraibra aroipeinya deranu nemane wena tenai tetero bete werainya aroipeinya. ¹⁸Nederaitie, Allah Mang Tetero a te sanumue Nabi meye na damba nemane Kristus peko nerore, nedo A_i neye nepe te nou pa mekoupuku.¹⁹Nemane sate na te, mro mro dambere meto pa dewa birinde nepere wena peko te baya sumbine, ²⁰Tuhan Mang Tetero pepoi te dewa done mene, nepere Allah Awa Mang Tetero Kristus te sarembine e na damba mene, Yesus nepe,²¹Soredia na yo nepe yo nepe te donde pepoi serei pa mene sasyasi metere Allah Mang Tetero a te seiyune nena Nabi seraibra kna dambare yansine a dua seiyumbuku. ²²Musaway a te seiyune, Tuhan Allah Awa Mang Tetero we seraibra kna damba Nabi site kenensi ne deye wariyana mane wena nerone do keka yei meke. We seraibra te ne na a seiyine nena te betonde a te wete sane neme. ²³Nemane mekombine, tetero sibesika, Nabi kna a te na betoipeinya yau nero baya sare naipi nie.²⁴Nabi meyenamane a te dua seiyiyai nena, Samuelway kna dambere wande ne seraibra ne a deraiti e te seiyiyaine ne ya serei ne. ²⁵We seraibra kau na Nabi nena nu nemane Allah Mang Tetro a yeko te dua sesuku kasi yepe kna dambere, Abrahammai kna damba a te sanumbuku, wena nu dambere, tou tou meyenamane da kani dambene pepoi nerone warenai mene. ²⁶Allah Awa Mang Tetero, A_I nedo nete bunapa dekone, A_I nete sanumbuku we seraibra kwa tua mene pepoi te done mene tetero nenei peko nerore ne kwa dewa birinaisi ne.

Chapter 4

(Yauna Derona Pere Mahkamah Yahudi Kna Agama Tenai Bra) ¹Nemane Petruswai pere Yohaneswai pere tetero kaso pere nerone a te sanimie, ne dobi kwa Imam seraibra mekai, tenai Bait Allah Mang Tetero kna yau mie te keuna, Saduki tetero seraibrbra, ²A te mekai derainie dado bi tetero te meyenamane a te kiri mie wande Yesus nena ne yereu ne tetero no nekwa dewa esua i ne yembine. ³Ne yo seraibra Petruswai pere Yohaneswai meka damba a te kaimie wande tu ere eyu pa tuamipiki deneng dua orupuku neme kiyou wape ya pa yau kau pa. ⁴Nemane, tetero tereng dopre a te dua beteyai yau na derona te pepoi tere aramipiki, wande do nena tereng ne seraibra nero ne bembiki tetero tereng siri meka su bei serei.⁵Wape ya te na, tenai tenai, yarise yarise, wande Taurat mendo pere na seraibra nebenie Yerusalem, ⁶Kopurumbuku nebeinie Imam Detere Hanas pere, Kayafas pere, Yohaneswai, Aleksanderwai, wande metere Imam detere kna seraibra pere. ⁷Nepene ne yo seraibra Petrusway pere Yohaneswai pere nena nero pa tamipiki, ne ye a te suraimie. Beasa wake ne singkena wado ne weye damena kembari te mekau?⁸Wande, Peteruswai, Aru Ayo Mire Roh Kudus, nena wa pa meke neyo seraibra te a te sanumue, tenai tenai yo tenai pere yarise yarise pere, ⁹Nemane dete sanetende kembari pepoi te deye dua mekapi kite, tetero wake bainya te nete beamane waro re pepoi orupuku? ¹⁰Nemane pote nate weye nederaitie we seraibra arombinde wande metere Israel tetero damba Kristus Yesus kna wado ne, Nazaret Tetero, we seraibra o pa bepa puku, Allah Mang Tetero e sua ne kwa awekene tetero no dua souna nerore, da tetero e sune tepeu wena nero ne poi beiy¹¹Yesus meke na pe: Dru pepoi te weye baya seraupuku, mie sepere tepanya, Bete na oru nepe meke. ¹²Wande pepoi waro tetero sikna na keipei nederaitie wado sida sero kani dambena ambai keipei da tetero yeite pepoi meko neme poi dambanai."¹³Nepere ne seraibra daute tiyai Petruswai pere Yohaneswai tetero ne te nemei yaimie da do bi nena mendo po tere bete, neyo seraibra teretere mane ourai wande dua arambiki da do bi metena Yesus pere nebeinie wariyai. ¹⁴Wande, nemane dou tetiyai yapra do pepoi orupuku e sune tepai nebeinie Petruswai pere Yohaneswai pere, ne yo seraibra a ne kwa na seiyinipei.¹⁵Nemane deraitie, nepere ne yo seraibra Peteruswai pere Yohaneswai pere senamipiki Sanhedrin eyure baipa mekei, ne seraibra a te bouw, ¹⁶A te seiyainie, Beasate e seraibra mekomapinie da do bi kna damba? Nemane, yeko detere te neye dua da mekoi piki tetero Yerusalem ne kainya meyenamane dou dou ye dua tiyai nie a te na seiyinipei. ¹⁷Nemane deraitie, damena yeko peto kura na te na tetero nero na seiyinipei, we dewa mende nete arm arma oru mame ne kwa na tetero sitena ne wado sanimipei seiyinipeinya. ¹⁸Nepere ne seraibra Petruswai pere Yohaneswai pere teraimipiki, a te ne do bi te senaimie ne kwa na a te seiyinende tetero te a te kiri mende Yesus nena wa do seiyinipeinya.¹⁹Nemane deraitie, Petruswai pere Yohaneswai pere a te sawipiki a te ne seraibra te sanimei, Tiyemakrone, mo pe te nou pa na te seiyimane Allah Mang Tetero kna dou damene, we seraibra te betomame wande Allah Mang Tetero neye keuna mane e kende? ²⁰Nekaye, deye nemena te na ambai de pe daye dou ye dua ye dua tane te wande bentekeinie betane te na yekote nete seiyanete."²¹Nepenaye, damane ne seraibra Petruswai pere Yohaneswai arma arma ouraimie, Yau na dero na te baya serai mipiki dua kaiy, nepere karo sibete te nemei yambiki da do bi te tu e re eyupa nemane tetero kasopere tereng dopre Allah Awa Mang Tetero kna pa pepoi a te merainie yeko bete bete dua da mekou na pa dou tetai. ²²Nepere, tetero si kna pa yeko bete meke pepoi dua orumbinie, nena mai kaso pa meke mai doa biseiy. (Petruswai pere Yohaneswai Yei Meke Do Keka Nero Pa Ne Mendo Beinie)²³Tu ere eyure baya tamipiki, Petruswai pere Yohaneswai pere yauna dere na nero pa dua kei wande a te seiyinie neme na a betebete te imam tenai tetero pere yarise yarise ne te nedo bi te sani yaimie. ²⁴Wande, yauna dero na ne a te bete yai, ne seraibra a te bune pa dekai Allah Mang Tetero kna damba ne kena beitie dekai a te seiyainie," We Tuhan Mang Tetero, we ye da sero, kani, nau, wande sasyasi merembuke, ²⁵a te seiyiyene Aru Ayo Mire Roh Kudus dambere, Daudwai kna emburu ne seiyiyounie, ena kasi ye pe ' Beamena te yo si serai si derainie, ne tetero seraibra dou te ne pa tainyanou yu ambai?²⁶Andewapo Andewapo da yo dambena sema te kainya, wande detere serai ko purumbuku ne beinie, Tuhan Mang Tetero pere deremane wande A_I nedo nembere deremane.'²⁷Nemane, da yo nero ne meye kopurumbuku Yesus pere derenainie, A_I nedo nepe, Awa Mang Tetero weye sarupuke, Herodes pere Pontius Pilatus pere, ne beinie yo si serai si, wande Israel tetero do mire meye, ²⁸Kembari te mekonaipinie Awa Mang Tetero wena meka poi wande wena a yeko kropukena ne nou pa dua mekoupuku.²⁹Nepereinya, Tuhan Mang Tetero, dou te teu nena arma te derainie wande we na yauna dero na te wake te atou mu wena a sena te ate sanenai mie endiki dekoipei, ³⁰Wena meka te nensune sana tetero poi ye dua aro nai wande yeko betebete wena wado ne, We Yesus. ³¹Wande, medo kembari te mekai, ne seraibra kopurumbuku kainya nou aye tupun suku ne seraibra meye Aru Ayo Mire Roh Kudus te ouraipiki, nemane Allah Mang Tetero kna asena te dekai wa suwe ne ate senaimie.(Tetero Yereu Te Nemei Yumbuku)³²Wande, ne seraibra kopurumbuku ne beinie kena yau wa nuru besika serei. Tetero sibeisika nenei wa pana sasyasi tena yepoipei, nemane sasyasi metere ne seraibra nebeinie. ³³Nepere, yau na dero na ne na wa ke tupu a yeko te seiyainie Tuhan Yesus dua yembuku pepoi piambainya te e seraibra kna detere meyenate.³⁴Tetero sibesika nena wa re na nari kroi pei ne mane neyo seraibra nena mika kani pere mie nou, nai mane meko nai pinie wande dera mena waro te, ³⁵yauna derona kna oto tou pa a pa kero naipinie wande tetero site wasinai mie nyeinyei nie oru nai.³⁶Nemane deraitie Yusufwai, Lewi tetero, Siprus tou, nemane yau na dera na simaipiki, Barnabaswai, yei kari te dereunu, ³⁷nenei mika kani te nai mane mekopuku wande dera te, yauna derona kna oto tou pa a pa sesuku.

Chapter 5

(Ananiaswai Pere Safirame Aru Ayo Mire Te Roh Tuhan Te Wapinteke.) ¹Nemane deraitie, do wado Ananiaswai pere, nena mire Safirame nebeinie, nenei sasyasi te naite mekoipiki. ²Wande nembire kna wane a te orunsuko, Ananiaswai dera posibete nenei wa pa na te, wande posi bete beitie oripiki yauna dero na kna oto tou pa.³Nemane , Petruswai a te seiyune, Ananiaswai, sekai bea sate nate we na kena pa meke weye Ayu Ayo Mire Roh Kudus te wa pun te ke wande dera site neme kero puke? ⁴Nenderai te ne kani wena wa do na keipei? Beasate nate we da mena mendo te kenane meke yene? Da tetero yei kna wa pa na a peu peu arinipei, nederaitie Allah Mang Tetero kna wapa. ⁵Nepere damena a te betoipiki, Ananiaswai apa yereutoupuku aru baipa dua ke. Nepere endiki te tetero meye dekai kriko nemena ate betaipiki. ⁶Tetero sekero da mekai mayong te tutambiki, wande bainya suwa bure eyupa.⁷Nepere nemane, soning naming serei nembire Ananiaswai kna mire, nederaitie ne aroi pei. ⁸Wande , Petruswai a te sanune a te seiyine, we kani te nai te mekoupuku dera tereng daserei? wande, Safirame a te seiyune. Dera tereng ne serei.⁹Nepere nemane Petruswai a te seiyune we kaye membero pere ne a beitie a peupeu mane Aru Ayo Mire Roh Tuhan kna damba? Dou te teipi, oto nou di kai tetero wena wemnero te dekai nek kai wete nemane diapa donaiwinai. ¹⁰Nepere Safirame, Petruswai kna oto toupa erumbuku tupu tena aru baipa dua ke. Tetero sekro serai eyupa mekai, Safirame te dua tai nie no dua teteupuku, bure damba dekaini yeu nembero kna wayepa. ¹¹Nepere endiki te dekai kriko tetero meyenamane yau detere nero ne nemena a te betaipiki.(Allah Mang Tetero kna A Yeko Dambere)¹²Kaso pere yeko nou nue kiyanai tetero tereng nero ne yauna dero na nena meka dambere ne seraibra ne kena beitie besika dekai deko nero Salomo kna wado. ¹³Betepere armaipipei da seraibra kna pama ta wiwipei, dereraitie ne tetero seraibra yauna derone te piambainya te sei yainie.¹⁴Wande, tetero kaso pere terang do pre nemei yambiki Tuhan Mang Tetero kna burune, tereng dopre, do seraibra pere mire seraibra pere. ¹⁵Netenate, da seraibra sana tetero te nipi kapa wande apa dinaimie yuku are wa damba nepere Petruswai menena, Siderou bete te nepere mo serei mane. ¹⁶Tetero koso pere tereng dopre yore yore Yerusalem ye ne kainya meye dewa mekai, sana te tetero pere aru peko peko mekai mina tetero, Ne seraibra meyena mare pepoi ourai.(Yauna Derona Te Meka Pa Ourai)¹⁷Nemane, Imam detere yembuku, nena oto touna pere, Saduki tetero seraibra, neyo kna kena serai kena arma. ¹⁸Neseraibra yauna derona te meka pa ourai wande tu ere eyupa detere pa tiamipikieyune.¹⁹Nepere na kaye, deneng yane, tetero sibesika Malaikat Tuhan Mang Tetero nena re serodiare meke mie mau te baya tu puku tu ere eyu re, ne seraibra te bai pa a te kome mekai, wande a te sanumue, ²⁰Baipa ende esu tepende, wande a te seiyinende Bait Allah Tetero kna yau mie na tetero kna pa asena te yereu waro te. ²¹Wande neyo seraibra betonai yapa yapa ne seraibra Bait Allah Mang Tetero kna yau mie eyupa menai wande semo te a te sane naimie. Nemane nepere Imam Detere tetero seraibrabra nebei nie menai, ne serai Sanhedrin te kopiri nainie Majelis meyena mane yarise yarise Israel, wande sanenaimpine tetero tu ere eyupa nai yau na derona te kiyapa ato naimie menai nena bekoune.²²Nepere tetero te aye senamipiki ere tu eyupa dou te tai, neyo dou tei, neyo dou tei pei do biserei tu ere eyuna keipei, Nepere nemane, ne seraibra biraisiki wande a kurung te dekai yeu, ²³nemane a te seiyainie, De serai tu ere eyupa kate dua dinaipiki sema pere na seraibra esune numburu ne tepai, nemane deye maute tiasiki te, deye dou te tapiki te tetero si mena ere tu eyu na ambai.²⁴Wande, nepere Bait Allah Mang Tetero kna yau mie tenai pere imam tenai nemena a te betaipiki, ne seraibra pro pro mane ourai a te sirai yauna derona do biserei beamane nemena yeko te mekoupuku. ²⁵Nepere nemane, tetero sibesika meke a te ne yo te sanumue, Dou te taru! Di tetero weye tu ere e yupa tiamupuku ne ye esune tepai Bait Allah Mang Tetero kna yau mie ne wande tetero kaso pere tereng dopre a te kiraimie a te senaimie."²⁶Nepere Bait Allah Mang Tetero kna yau mie na tenai pere sema pere sema pere na seraibra nepere yauna derona te meka damba a te kaimie, nederaitie a arma na sanimipei nemane neye endiki te dekai tetero tereng nerone oru nete teiyinaimie nena wa pa. ²⁷Nepere ne seraibra Petrusway te dua dekai nie Yohanesway pere, do biserei Sanhedrin nena bekounue tepei. Nemane, Imam detere a te ne do biserei kna pa senaimie. ²⁸Deye a te deranete dua dinapiki te we ne kwa na ne wa done, tetero seraibrabra te Yerusalem ne a te sane mene a te kiri mandewande wena mendo na nou da tetero kna sa durupuku Nedo A_I nete de seraibra kna damba kinderimbinde dewa sarembinde.²⁹Nemane, Petruswai pere yauna derona siderou a te sawekai, deye Awa Mang Tetero te kna a te betoma da tetero yei kna a te na betoipeinya. ³⁰Awa Mang Tetero ena kasi yepe kna dambere ne kwa Yesus te bunapa dekone, wande we seraibrabra A_I nete opa bepaupuku no te tewapuku ono ne teteupuku. ³¹Awa Mang Tetero A_I bunapa meka metere sune neye keu tenai tetero mane A_I nedo neye mipi pepoi dambere neye yereu pepoi te Israel kna damba nemane peko te baya sumbine. ³²Wande deye ne a te ne te seiyanete meterena mane, wande nemane deraitie Aru Ayo Mire Roh Kudus, Awa Mang Tetero neye a toume tetero seraibrabra kna damba nete Aru Ayo Mire Roh Kudus te tawe nainie warenai yau ne ware nai.³³Nemena a te neyo betaipiki, nena kena ne sasye yemo mane wande yauna dero na te baya tutunai pinie. ³⁴Netenate, Farisi tetero sibesika wado Gamalielwai, Taurat kna semo te kirai mina nete poi a te senainie tetero meye, neye esune tepeu Sanhedrin kna bekoune wande a te sanumupuku youna dero na te baioa dia suwa nai.³⁵Nepere, neye a te neyo seraibra te sanumue, we Israel tetero seraibrabra, pepoi tere aronnende a te seiyi nende we seraibra wena kembari te da tetero kna damba mekombinde. ³⁶Nemane ya mo serei, Teudaswai neye yembuku, ate saweke tetero de mane neye meke nete tawekainie mekainya tetero doa bite nebeipa tewaipiki mekai. Nemane deraitie, nete baya tewaipiki nena seraibrabra baya sereukruko, tetero nemena besikana keipei. ³⁷Teudaswai kna re, Yudaswai Galilea yore yembuku, yane tetero kaso pere yepou nete tawe nainie, Nete baya no te tewaipiki wande tetero nete tewekai nie mekainya baya sere you.³⁸Netenate, damena a karo ne, deye a te wete sename: Da tetero biserei kna wa tou re baya ende wanda yauna dero na te nete baya amepinde. Neemane damena yeko bete wande da kembari te da tetero yei kna dambere meko nainya tu dou teipei. ³⁹Nemane, damena yeko te Awa Mang Tetero kna re menena, we seraibra ne kwa na ate na dereinipei. Nemena we seraibra Awa Mang Tetero te na a te deraunue wei detere te yepau.⁴⁰Ne seraibra Sanhedrin a te Gamalielwai kna re poi betai piki. Nepere nemane, do biserei simaipiki, ne seraibra da do bite meka tutaipiki wande a te derainie a ye senaimie yauna derona a te Yesus kna wa do te na a te na seiyinipeinya, nepere baya tamipika dua kei. ⁴¹Nemena po te, yauna derona Sandedrin kna bekounue kena kari ne nemane ne seraibra yauna dero na peko pepoi te tuka nai nie A_I Nedo nena wado satenate. ⁴²Wande yane yane Bait Allah Mang Tetero kna yau mie pa wa te warai wande mie sire mie si pa, ne seraibra po ye na tembipei a te kiraimie wande asena Injil date senaimie Nedo Yesus Nepe Kristus.

Chapter 6

(Tetero Meka Su Suna Bi Eiriaipiki Kembari Te Mekonai) ¹Nemane yane yane, yauna dero na tereme dua orune ne damba damba, a te Helenis tetero seraibra kiyapiki Ibrani tetero seraibra damba seiyai nie nena mire sio nie werainya tereng dopre nemei neme tenaimpinie sate na pepoi na wasimipei yane yane nemambei.²Nemena kaye, yau na derona meka bisereinya yauna derona si meye werainya te simai piki wande a te senaimie, " Nou rena ambai tere de seraibra kna dambere a sena Tuhan Mang Tetero kna poi neme temambinie sa waro munu sa kembari te mekoina. ³Nemena pote, do keka yei meke, tetero te meka su suna bi erimbinde we seraibra kna nerore pepoi mena beitie, Aru ayo mire Roh Kudus wande mendo eiyo pepoi tere, weye orumbinde damena kembari te neye mekonai. ⁴Nepena ye, de seraibra yauna derona mendo kembari eyune warema wande asena te seiyimane a te sanemame.⁵Nemena nou te nemei yapikite tetero meyenamane kena ne poi tere te tukainie. Wande ne seraibra Stefanuswai dekainie, tetero nena wa ne mendo ne Aru Ayo Mire Roh Kudus keu na, nepere Filipuswai, Prokoruswai, Nikanorwai, Timonmai, Permenaswai, wande Nikolauswai, Proselit tetero Antiokhia kani rena. ⁶Ne seraibra te yauna dero na kna bekou nue wande mendo kembari te mekaipiki, yauna derona meka te tenai damba tepaimie tetero meka su suna bi kna damba⁷Awa Mang Tetero kna asena peto kura sei yainie yauna derona ne damba damba nou nue yepou Yerusalem diapa. Nemane Imam seraibra kaso pere nemeiyambiki nemena akurung nena kena ne buru ne. (Stefanuswai Te Meka Awekai)⁸Wande Stefanuswai, kna wa ne mendo karo weke tupu, tetero kaso perena nero ne yeko te si bete te mekoupuku. ⁹Nepere tetero mo serei bete Sinagoge re Libertini tetero te seiyainie, nemane Kirene tetero, nemane Aleksandria tetero, wande kilikia tetero pere Asia tetero pere, e sua yai yembuku Stefanuswai pere aprate tutai.¹⁰Nemena kaye ne yo seraibra wa armapipei Stefanuswai a te seiyunue Aru Ayo Mire Roh Nemebere nebeinie. ¹¹Nepere, neyo seraibra yekai yekai bete tetero aye susaimie, a te seiyinainie. Deye da tetero kna a te betanetena Musawai kna wapa peko te seiyunue wande Allah Mang Tetero kna pa seiyunue,¹²Wande, neyo seraibra tetero kaso pere tereng dopre susaimie bekoupa, yarise yarise pere Taurat te kiraimina seraibra, neye Stefanuswai mekai meka a pa awekai, Sanhedrin kna bekoupa dewa, dekainie mekai. ¹³Neyo seraibra nena a mendo na tetero nou keipeinya te ouraipiki a te seiyainie. Da tetero nena a bete seiyunue na a pekote seiyunue nou pepoi te baya dingkeru Taurat yeko te dingkeru. ¹⁴Nemane, deye nete beta nete nena a te seiyunue Yesus Nazaret yore na da nou te dingkerene bisi te wa te orumbinie wena yeko tetero yei kna re Musawai sesuku tengko mu ena damba. ¹⁵Wande, nemane Stefanuswai kna bepa dou te tai, tetero meyenamane a ne kai Sanhendrin eyu ne dou te tai Stefanuswai kna be Malaekat mane.

Chapter 7

(Stefabuswai Te Baya Anambine) ¹Nemane nepere Imam detere a te seiyunu, nemena noure nemane? ²Wande, Stepanuswai a te seiyunu, Do keka pere Awa awa, dena a te betombinde, Awa Mang Tetro Neye mro mro e na mang kna damba ne do Abraham, Mesopotamia yone neme kiyou, Haran yo pa na maning eipei, ³Wande da a te da nena damba sanune, wei kani re baya eu dokeka yeimeke nerore, dewa mu deye kiri tewe pina kani ne eu kene.⁴Nemane nepere Abraham Kasdim tetero kna kani te neme tembuku wande Haran pa meke. Wande ne nou re nena nai dua te teupuku, Mang Tetero sanumbuku da kanipa meke nenou neperei weye nepe ne kau. ⁵Nemane Mang Tetero nena dambana yeko sitena seisipei, kani pobete mena ambai, nederaitie a yeko dambere nena dambai nene Abrahammai ne yeko dambene kene nenanu seraibra, nemane Abrahammai yei maning ambai senoipei ne bei ye.⁶Nemane deraitie, Mang Tetero damena a te seiyunu, nena nu seraibra bari na tetero mane kani sine menai kene reyo seraibra si kna buru ne kenai warenai peko terete mekonaimi mai butu aprau sereipa. ⁷Nemane, Deye neyo seraibra meka poi ye a toteme mema, wande serai site peko damba sare teme kenai, Mang Tetero seiyunu, wande ne seraibra baya menai detena mendo te mekonainie da nou ikamena ne kenai. ⁸Nepere Mang Tetero Abrahammai kna pa Sunat yeko te ikine, Abrahammai nedo Ishakwai nena awa wande Sunat yeko te ya mekasu wau suna naming Ishakwai nedo Yakubwai nena awa wande Yakubwai yei mekabi oto wau biserei.⁹Yusufwai yembe ekri nerone, awa e na meka dambere nete Mesir pa nai te meka pikite. Nemane Mang Tetero neye Yusufwai te semate tepeu, ¹⁰Poi mekombuku peko nerore, pepoi damba tembuku nedo Firaun kna bekounu pepoi te mekou Mesir kna Andwapona, nedo Yusufwai pepoi damba tembuku tenai tetero si mane Mesir kna damba nena diane.¹¹Yaru yamka mai sine munu dopre na mesir kani pere Kanaan kani pere mekoupuku munu pekotere detere dua na, ena mang sa tena doipei anipei munu sa ambai orupuku. ¹²Nemane deraitie Yakub betoupuku munu sa Gandum Mesir yo ne dopre, neye ena mang bra te sanumupuku ne pabu besika na te mekai. ¹³Nekewa bu bipa na te mekai, Yusufwai wa te kiya pa meke nena do keka po arambiki, Yusufwai ne kabra te Firaun dua aromupuku Yusufwai neka bra Sikhem ne Kanaan kani ne nepere kainya.¹⁴Nepere Yusufwai a te nekabra te sanumupuku nai Yakubwai wande nena dokeka yei meke metere tereng doa maning meka subei. ¹⁵Nemane Yakubwai Mesir kani ne teteupuku neye niyei bra pere ne ena mangbra. ¹⁶Nepere ne seraibra Sikhem yo pa dewa keraipiki bure oru eyunu keraipiki Mang Abrahammai derate teyupuku Hemor yei bra knare Sikhem yo ne.¹⁷Nemane deraitie yeko watoupa mene, Mang Tetero Abrahammai kna pa sanumbuku, nena seraibra kasopere tereng dua orune ne damba damba Mesir kanine. ¹⁸Nepere Andwapona siye Mesir kani ne ine yembine dado Yusufwai te na aroipei. ¹⁹Ne Andwapona ena seraibra te peko te meke yaumu ena mangbra nena yei seneyai saisei nie baya tei yiyai note titiyai.²⁰Nemane ne sereinya Musawai te sengkai Mang Tetero nena dou dambena piambai tie. Wande Musawai mie eyu beinie nati yai oko niming sereipa. ²¹Wande baya bu pa musepa tembiki Firaun nende bra meka pa de kai nie nete nati yai nenei mane wariyou.²²Nemane Musaway Mesir tetero nerone wari you nena a te bete you a pere kembari pere. ²³Nepere Musawai detere orupuku waru nena mai doa bi serei, mendo wa pa mekai nenei kenane seiyunu nenei do keka yei meka kwa Israel seraibra te dou te teinya te meke. ²⁴Wande doute teu tetero site Mesir na tetero peko mane mekounu, Musawai meke Israel tetero te baipa sarupuku Mesir tetero te baya toupuku note dua. ²⁵Musawai mendo te mekounu nena seraibra Israel wande mendo te na doupei Mang Tetero nena pepoi damba Musawai kna dambere, nederaitie ne seraibra mendo mekonipei.²⁶Nemane ya si Musawai Israel tetero kwa meke sangkute do biserei dereinie nete neyeteme te mekou a te sanumu, we Israel tetero bi beatena sangkute dereunu. ²⁷Nepere tetero si Musawai te baya sarupuku a te dombuku we kaye simi ye sanuwupuku dete meka ye teriyeme baya sani ye me? ²⁸We dete baya tou tupunu, Mesir tetero te wene notel toupuke na mane?²⁹Nemane netetero kna a te betoupuku, Musaway nenei wate sanombuku Midian kani ne tetero kero si re na tetero mane, Ne nou nu awa mane keu yei do biserei. ³⁰Nepene nena mai doa bi serei, Malaikat Musawai te kiyambuku Sinai meko o si dambere sing peu peu sepo sye sye nerore.³¹Musawai dou te teu, tere tere mane oru, sing sekainya pa. Wande nepere watoupa meke dou te teu akurung waru Tuhan Mang Tetero, kna akurung, ³²Depera Awa Mang Tetero weng mang Abrahammai kna Mang Tetero Ishakwai kna Mang Tetero, Yakubwai kna Mang Tetero. Musawai endikite deko wa yenderai nie dou teipei wa titei yainie.³³Nemane wande Tuhan Mang Tetero ne te a te sanune, wena oto na ere tutpuke nate baya apa keroupunu da nou we te peye na nau kani mro mro. ³⁴Teprei tere ye deye dou dua tame dena seraibra peko tere te Mesir kna nerene tukainie, nena dimi dimainya te tame. De neperei apa meka ne te poi ato teme na te pepoi damba. Neperei dewa mu wete deye witipinie Mesir kani pa yeu.³⁵Musaway te ne seraibra baya seraipiki a te mekaipiki, simiye seyumbuku we de seraibra kna nero ne detere mane keu a te dete sanumu? Nedo nete Mang Tetero wupuku tenai tetero mane pepoi damba mema Malaikat kna meka dambere samera sye sye nerore wate kiyambuku. ³⁶Dado ne seraibra te baipa dua ato neme mema Mesir kani ne yeko si site mekone, nau nimi nerore mema, wande nou krong krong dambere mai doa biserei. ³⁷Musaway neye a te Israel kna damba saneneme, Mang Tetero Nabi tetero site kenensini deye wera na mane we seraibra kna nerore.³⁸Dado peda tetero wena nerone Malaikat pere sinai meko dambene a te seyimbiki, wande ena mang bra pere, neye a sena dua deko yereu warote te na te ena damba dewa ikimie. ³⁹Nemane ena mangbra baya seraipiki Musawai tena tawi nipei, baya sere ukruko ne kwa Mesir pa na kna te derainie. ⁴⁰Harunmai te senainie do sna sna kembari temekomapinie nete susupunu bekou nu bene warenai, nemane Musaway kaye e te Mesir kanire baya a te kome meke wande neperei monou pa dua ke.'⁴¹Neperena kaye ne seraibra do sna sna te dua mekambiki Lembu yei mane dedo sna sna te keme te seini wande sepote wukai ni aye aye meraini nena meka smo sa. ⁴²Nederaiti Awa Mang Tetero baya meto teyumpuku ne seraibra kna re, ne seraibra sero dambene kainya sate yemo te seso tupaimie, Nabi seraibra kna semone meraipiki we seraibra de kwa domba perau puku wande oto butu apa du saupuku seso te tupau mendo werai mai doa bi serei nou krong krong dambere Israel seraibra?⁴³We seraibra Molokh kna pare do sna sna nena meya, Refan, do sna sna we seraibra mekambuku nete kapenaunu, wande deye we seraibra te Babal yepa tei yitempinie.⁴⁴Nemane ena mangbra pare d seiyi seiyi a sani sani nou krong krong dambene, Mang Tetero Musaway kna damba a te saniyounu nepere Musaway a te seiyiyounu, pare semote mekoipina nemena yekote semone dou ye nedo Musaway dua teupuku. ⁴⁵Nemane nepere Kemah pare te dou tembuku, ena mang neye nebeinie yo suawai pere mangbra te eyupa ne kani pa a tekaimie mekai wande seraibra si pere dua dewa kani te yepe yai, Mang Tetero ena mangbra kna nerore bekoure baipa sisi yaume, Daudway kiyou na mai serei pa. ⁴⁶Daudway Mang Tetero bekounu kna kena bise tepreinya te deko kiyou wande dere younu nou te doinya te Yakubwai kna Mang Tetero nenei nou mane kene mene.⁴⁷Nemane deraitie Salomo mie detere yau mie Mang Tetero kna. ⁴⁸Nemane Mang Tetero neye da tetero meka ye merainya me eyu na keipei, neyeko Nabi kna abete nemane seiyaini. ⁴⁹Sero dambene dena dia wande kani dambene de na oto te, na yongkuka. Beamena miete we tetero yei dete na te meraupuku. Awa Mang Tetero Asena yeko te seiyune nemena deye nepene wa note ite na nou te weye mekonembinde tepe ne? ⁵⁰Dena meka re meke yana saisyasi deye Mang Tetero meke ya.⁵¹We tetera seraibrabra wena tenai arma tere, wena kena pere bente kei pere Sunat waro mekoipei, we serai Roh Kudus te Ayo mire te baya susaune, wei mangbra kna wane mekainya. ⁵²Nabi Nabi te wena mangbra peko te mekoyaimi dereyainie? wande nemane ne seraibra tetero yei te no te titi yainya kaye ne maning na tupu ne akurung dua wariyou Nedo A_I Neye mene na, wande neperei wei, waye mekaupuku wei wane deterete akau pere keka pere serainya do tetero baya tutau no ye tenainya. ⁵³We seraibra Hukum Taurat kna A yeko te dua dekau nemane Malaikat seraibra seiyaini na mane, nederaitie we seraibra ne a semate na keipei!" (Stefanuswai Te Note Tewaipiki)⁵⁴Nepere ne seraibra ne mena betetebetaipiki, ne seraibra ke na ne sai sye yemo mane eti te kerewambiki Stefanuswai kna watou pa mekai. ⁵⁵Nemane deraitie Stefanuswai Aru Roh Kudus Ayo Mire nena wa eyupa meke wande dou te bunapa sero pa teu Awa Mang Tetero nena kiyate teunu, Wande Yesus Mang Tetero nena meka metere sune esune tepeu. ⁵⁶Stefanuswai a te seiyunu, a te betonde: deye dou tane sore dia tusuku numburun Dado Yesus Tetero yei esune tepeu Mang Tetero nena meka metere sune tepeu.⁵⁷Nemane ne seraibra a te teterai a arma tere bentekei te mekaye tiyapiki wande Stefanuswai te meye na mane dunambiki waye pamai. ⁵⁸Neyo seraibra mete baya seraipiki basuwa yo nerore baipa dua kai wande oru nena wapa tei yaini, Nemane dua yeko pere dou tainya seraibra nenei mayong Jubah te baya keraipiki oto tou pa sekro yei si wado Sauluswai.⁵⁹Wande ne seraibra Stefanuswai te oru wapa tei yaini a te neme seiyunu Tuhan Yesus, dena aru te wei meka pa poi dou nue. ⁶⁰Nemena kaye oto butu dusukruko, neye a arma tere seiyune, Tuhan Mang Tetero da mena peko da seraibra kna dambana imipei! Ne a te seiyunu wande neye dua teteu puku

Chapter 8

(Sauluswai Yerusalem Diane Jemaat Peko Mekoumu) ¹a. Nedo Sauluswai tiyekruko Stefanuswai te no te tewaipiki. b. Ne ya na, peko de tere Jemaat seraibra kna pa Yerusalem dia ne, wande ne serai meye baya sere kruko nou siwa-siwa Yudea pa wande sama ria pa, Rasul dero na nou ne neme. ²Tetero mo serei bete dado Stefanuswai kani pa seisiki wande dimi kurung de tere tere da ne damba na te. ³Nemane deraitie, Sauluswai nou te wureu mie pa mie pa eyupa baipa waru tetero yei Jemaat seraibra te peko mekoumu. Nedo Sauluswai do te mire te baiya te tou, ne seraibra te tu ere eyu pa tinampini.(Filipuswai Asena Te Injil Te Samaria Yo Pa)⁴Nepere ne seraibra dua dewa wasi you Injil te dekai sani yaimie. ⁵Filipuswai Samaria yo pa meke Kristus kna wado te a te seiyiyounu.⁶Wande tetero tereng dopre kena besika Filipuswai kna wa pa dou te tai a te sei yunu ne te be tai ne seraibra dou tai nedo yeko te waye kuru. ⁷Nemane aru peko peko tetero kna wa eyure baipa mekai, keterai a arma bai, wande tetero yaprana mendainya pepoi dua ourai. ⁸Netenate da kena kari de tere ne yone.⁹Nemane tetero si wado Simonmai nedo bero doprena Samaria yone wa do te doiyaini tetero detere. ¹⁰Tetero meye tetero ne ku newai tetero detere a te seiyainie, da tetero Mang Tetero ne te seiyainie detere. ¹¹Nemane seraibra nena wa pa dou te tai ne do nena bero tepu na pa aye merainie.¹²Nepere nemane, tetero seraibrabra dado Filipuswai kna wa pa tai asena te Injil waro te a te seiyunu Awa Mang Tetero kna dia te wande Yesus Kristus nena wa do te mire te bu te keroumu. ¹³Nepere da do Simonmai nemeiyumbuku wande bu te kerambiki, nedo Filipuswai kna wa tou nue dou te teu yeko site site teumu, nedo mendo te mekounue.¹⁴Nemena sereipa meke yauna dero na Yerusalem diane a te betaipiki tetero seraibrabra Samaria yone Mang Tetero kna asena meka pa dua dekai, ne seraibra nedo Petruswai pere Yohaneswai a te senamipiki tetero seraibrabra nero pa, ¹⁵Mekai wande mendo karo te ne seraibra Aru Roh Kudus te poi ye do nainie wapa mene. ¹⁶Nemane, Aru Roh Kudus maning apa na tetero si newai kna wa pa na mipei, ne seraibra Yesus Mang Tetero kna wado ne bute dua da kere yaimie. ¹⁷Nepere Petruswai pere Yohaneswai pere meka te tenai damba ne seraibra wande Aru Roh Kudus te wa pa dua ouraipiki nenei wa buru pa eyupa.¹⁸Nepere nemane nedo Simonmai dou te teu Aru Roh Kudus you na derona kna meka tepai mena dambere wa ayupa werai dado Simonmai nena dera te yau na dero na te ato neme. ¹⁹A te saneneme, nedo nena wapa damena pepoi waro te done kene wande tetero si newai kna wapa deye meka te tepetembine wande Aru Roh Kudus tetero kna wa eyu pa mene.²⁰Nemane kaye dado Petruswai nedo Simonmai te a te sanune wena ne derape neye wembere peko oru pire wena mendo meke yene Mang Tetero kna akurung asena wena dera ne orupune. ²¹Wena yereu da karo na bete keipei damena nou te na we na kena Mang Tetero kna bekoune si pi tere na ambai. ²²Netenate wai wate kena te apa dusungkro ne wei peko nerore wande Mang Tetero te a te sanune wena kera te baiya sukunembine. ²³Nemane deye wete dou tawe wena kena ne bise peti dopre peko nerone wari ye.²⁴Nemane Simonmai a te sawupuku a te saweke, med karo te Mang Tetero te a te sanune dena wapa nate nemane peko de kwa na mipei.²⁵Nepere dua da Peteruswai pere Yohaneswai pere yeko karo te dua tei yipi wande teprei tere na a te Mang Tetero kna akurung nedobi nekwa biri siki Yerusalem diapa wande nemane Injil Asena te Samaria pa yo bete bete pa meye na mane sani yaimie.(Filipuswai Etiopia Tetero Te Bu Te Kerombuku)²⁶Nemena kaye, Mang Tetero nenei Malaikat Tuhan a te Filipuswai te sanune e suwa yembime dari suwe, nipi Yerusalem diare apa Gazapa. Ne nipi yekai mane keu.'' ²⁷Filipuswai e suwa yembuku dua di yeu. Wande Etiopis tetero sinewai kiyambuku sida nena wado ne tetro ayeko kirine Sri Kandake, Andewapo na Etiopia dia re na tetero ne koneko nedo a te sawene nena yaro ne akiri ne Adewapona kna dera te tepu na. Yerusalem dia pa dewa da meke mendo kembari te mekoinyate meke, ²⁸Wande dua na te waru, keretai dambene ane keu Nabi Yesaya kna semona akurung te beu.²⁹Nepene, Aru Roh Filipuswai te a te sanune, we eimie dikeretai i tou pa waye pa eimie. ³⁰Nemena kaye, Filipuswai Keretai tou pa wande e te betou ne tetero Nabi Yesaya kna semo na akurung te beu. Filipuswai da do te a te sanune.Tuanmai we arombuke ne semo na a kurung beiye na? ³¹Wande, ne tetro a te saweke a te seiyunue de kaye beamane arotembine damane tetero si mene dembere da semona a te da seiyane. Nepere, nedo a te sanune Filipuswai Keretai damba sa konene ane nebainie kenei.³²Neya na, asena nedo neye bekena akurung pe damane, Nedo A_I nete dekainie mekai Domba mane nete baya ketenaipine, Domba nena yei mane wa piye te baya peronaimbinie yekai bete a te na mekoipipei Nedo A_I nena emburu na a seyinipei. ³³Nemena peko te ne na damba da yau yereu pepoi warote nene wa re baya dekai. Simiye nena tou te ayeko te seiyi nene, nena yereu tupu dayo dambre baya dua da dekainie.³⁴Nemena kaye, nedo sida sida Filipuswai te a te sanune deye wete senawe, sing kna wa pana te Nabi da semo te mereupuku, nenei wa pa na bei tetero si kna wa pa na te semote mereupuku. ³⁵Wande, Filipuswai nena emburu ne a te seiyunue, asena semo kepei ne neye a te sei yunue Yesus kna wa do te.³⁶Wande, nipi nero te dua di kei bu ye pa, sida sida a te dombuku, we dou te tepi bu da yeu. Beamane de te seko bute krotioi me?" ³⁷Wande Filipuswai a te dombuku tuanmai we nemei yumbu ke ke na re dua keu nene te a te dua seweke wande nedo a te dombuku, Yesus Kristus te nemei yumbuka Awa Mang Tetero nenei yei." ³⁸Nepere na kaye sida sida a te dombuku Kereta i te nou ne tetou puku keu wande nedobi serei bu pa apa kei, Filipuswai pere sida pere wande Filipuswai sida sida te bute kero mbuku³⁹Nepere nemane bu eyu re da dobi, ne do Filipuswai te Aru Roh Tuhan baya dua deko ne yeu nedo sida sida dou teipei keupuku, wande ne nipi nero te dua waru kena kari ne. ⁴⁰Nemane Filipuswai ne nei wa te dou teunu asdod yo ne keu nenipi re neye asena te Injil te nepena yo te sanumue kaisarea yo pa dewa meke.

Chapter 9

(Sauluswai Nemane Yesus Te Tawe Kene) ¹Nemane Sauluswai neye sere sere mekou mue Tuhan kna yau na dero na te baya titina te, Imam detere kna wa toupa, ²Wande semote nenare done, Sinagoge-Sinagoge Damsyik yo ne tepainya nepere nedo neye doute te ne simi ye nipi poi te nemeinaimbinie, do serai te mire serai te, neye meka damba orune tu eyupa tunaimie Yerusalem diane.³Nedo nipite dua waru, Damsyik yo pa watou pa dua meke, sero dambre na kiya ne na wapa ereumbuku. ⁴Wande, nedo kani damba apa erumbuku akurung te betou nena wado te, Sauluswai, Sauluswai, bea mane te dete weye peko ye mekeye te?⁵Sauluswai a te dua surunu Tuanmai, we kaye simbiyang? wande , wande A_i Nedo neye a te saweke, De Yesus, we dete peko ye meke yete. ⁶Nemane deraitie, nedo e suwa yembuku wande Damsyik yo pa, wande a te sanenai wipinie beasate weye ne te mekou. ⁷Tetero seraibrabra nedo Saulusway pere nebei nie esune tepai a te na seiyini pei ne akurung te be tainie nemane tetero te na dou teipei.⁸Sauluswai kani dambere e suwa yembuku, nemane dou te ereupuku nepere dou teipei dereu bue na. Tetero meka dambere tepainie dewa dekanimai Damsyik yo pa mai. ⁹Wande, ya naming serei da, Sauluswai dou teipei sa ani pei bu anipei keu.¹⁰Ne ya serei, Damsyik yone tetero sinewai Damsyik yo ne, nena wa do Ananiaswai. Tuhan nedo kna wa pa a te sanune yeko te dou ye teunue, Ananiaswai! Nemane Ananiaswai a te saweke, Tuhan, deda bea sa,. ¹¹Wande Tuhan nedo te a te sanune, e suwa yembune nipi sipi tere, nedo Yudaswai kna mie ne, Tarsus tetero te wureu nena wado Sauluswai menda karo te mekou nue , ¹²Yeko te dou teunue nedo Ananiasway ne kwa muna meka te tenai damba tepenembinie dado Sauluswai dou te pepoi tere te ne.¹³Nemena kaye, Ananiaswai a te saweke, Tuhan a te deye dua da betou puka tetero meye a te seiyainie, nena peko dopre mekou Yerusalem diane tetero poi waro te mekainya, ¹⁴Neye Imam Imam kna akirine waru, tetero seraibra Tuhan wena wa do te seiyainie nete peko mekoumu tu eyupa." ¹⁵Nemane deraitie, Tuhan a te ne te sanunue, wera dua eime da tetero nete deye dua siyeupuka dena wa do te do ne warene seraibrabra si kainya pa, wande andewapo-andewapo, nemane Israel seraibra pere. ¹⁶Nemane, Deye nena damba kiri tembinie pepoi peko tukanembinie dena wa do te sate.¹⁷Nepere Ananiaswai ne mie eyupa dua ke, wande mekate tenai dambere tepunue Sauluswai kna wa pa, a te seiyunue, do keka Saulus, Tuhan Yesus Mang Tetero neye wa te da wa te kiapuku nipi nerote meke, wete wupuku dou te ne kwa teu wande Aru Roh Kudus we na wa eyune kene. ¹⁸Nepere, nederaitie ka ne mane dou re apa yewai nedo Sauluswai dou te dua ke teu. Nepere esuwa yembukuwande bu te kerambiki. (Sauluswai Neye Yesus Te Na A Te Seiyunue) ¹⁹Wande, Sabete te deko anupuku, Sauluswai wa ke dua deko. Nedo yauna dero na pere Damsik yo ne yo mo serei nepene kai.²⁰Wande, nedo Sauluswai Yesus te na a te sanumue Sinagoge-Sinagoge eyunue seiyunue, Yesus Nedo Awa Mang Tetero kna yei. ²¹Tetero meye nena a te betainie wande nenei a ne seiyainie, dado Yerusalem diane tetero seraibrabra te baya titi na te Yesus kna Wado te meke seiyunue ne kwa tetero site orumbinie saye beiyine imam imam tenai tetero kna watoupa. ²²Nemena kaye, Sauluswai wakete deko Yahudi seraibrabra te mendo te yekotummue Damsyik yo ne kainya te a te sipi tere da sanumue Nedo Yesus nepe daye Kristus. (Sauluswai Yahudi Tetero kna Wa Nerore Bayake)²³Ya moserei dewa mekai, Yahudi tetero seraibrabra bou nedo Sauluswai te no te tonai pinate. ²⁴Nederaitie Yahudi serai a te bou na dado Sauluswai dua aroumupuku. Ne seraibra numburu te semate tepai dai deneng Sauluswai te no te tonai pinie. ²⁵Nemane nederaitie , yauna dero na Sauluswai kna oto tou na ne te dekainie deneng ya ne mie erte nore wangkoi eyure bunare a pa sa dambere te pekai nie mekai apa da yousuku. (Sauluswai Yerusalem Diane)²⁶Sauluswai Yerusalem dia pa meke, yauna dero na pere nebei besikate tawipimate, neyo meye endiki mane nedokna wa pa dou te tai maning aroiyipei ena yauna dero na si newai dewa meke. ²⁷Nepere, Barnabaswai Sauluswai te meka tupure dewa dekone meke yauna derona neropa mekei, wande ne seraibra pere a te mekai sei yainie nedo Sauluswai Tuhan te dou tembuku nipi nero te wari you, wande Tuhan nete a te saniyaunue, nena wa te armapuku ate seiyunue Yesus kna wa do ne Damsyik yone.²⁸Wande, Sauluswai ne beinie ne yo seraibra pere Yerusalem dia ne eyupa basuwa wa dua armapiki a te seiyainie Tuhan Mang Tetero kna wa done. ²⁹Nedo Sauluswai a te seiyunue bei bei tie tutai Helenis tetero pere, nemane ne seraibra ne te no te tonaipina te werai. ³⁰Nepere na kaye do keka serai ne mendo beinya nemena waro te arambiki neyo Saulusway te Kaisarea yopa dekainikai wande nete seraipiki Tarsus yo pa.³¹Nemane sate, Jemaat seraibra Yudea yore, wande Galilea yore, wande Samaria yore na kena teme ye metere na mane. Wande yau yereu Tuhan te dekoi dekoi wande Aru Roh Kudus kna pepoi piyambai tie, ne seraibra ne damba damba tereng dopre orunue. (Petruswai Lida Yo Ne Wande Yope Waru) ³²Ya si pa meke, Petruswai oto te ne nounue waru, tetero seraibrabra dou ye temu pepoi mro mro dambene Lida yo ne kai.³³Nepene, nedo Petruswai tetero sinewai, tie tembuku nena wado Eneaswai, a ne yuku arwa damena tenou mai mekasu suna naming yapra mane keu. ³⁴Wande, Petruswai nena wapa a te dombuku, Eneaswai, Kristus Yesus wete pepoi mekouwupuku.Esua yembime, yuku arwa te poiye sesime. Wande, nepere na kaye, Eseasway esua dua da yembuku. ³⁵Nepere, tetero meye Lida yona pere Saron yona pere nedo te Eneasway te dou ye teinie wande dewa biraisiki Tuhan Mang Tetero kwa.³⁶Ya siye, Yope yone, mire si newai beisika nena wa do Tabitame, wado sibete Dorkasme. Ne meke Dorkasme kembari poi te mekou wande dera waro te mekouna. ³⁷Nemane, ya mo serei, nemeke Dorkasme saye mekounue wande dua teteupuku. Nemane, tetero seraibrabra mekai ne te bute kwambiki, neyo nete ane diantie ke tenou.³⁸Nemane Lida yore Yope yopa na watou, yauna derona, a te dua betai Peteruswai nepe ne keu, wande dobi serei senamipiki Peteruswai kwa mekei nete a te sanine, deye katena nou pa dewa mime!" ³⁹Nepere, Peteruswai esua yembuku nebei nie dua werai. Wande, nedo nepe dewa meke, ne serai Petruswai te dekainie mie buna damba ai. Mire seraibra meye na mane Peteruswai kna wa yene tepai nepene dimi te dimai, nena meka smo na sasyaisi wande mayong bete bete meye Dorkasme neye meke you na mayong te wane da titai.⁴⁰Nemane, Petruswai neyo seraibra te meterena mane dia pa ba suwa sanumupuku, wande oto butu dusukruko mendo kembari te mekou. Nepere na kaye, nedo Petruswai Tabitame kna wa pa dou te teu wande a te seiyunue, Tabitame kna wado te dombuku, esua yembime! Wande ne meke Tabitame dou te dua ereupuku, wande Petruswai te dou teunu, ne meke Tabita ane keu. ⁴¹Nepere, Petruswai meka tupure dekone esua awekene esunue tepeu. Nepere kaye, tetero seraibrabra mro mro dambere wande miresoiy mekai, nedo Petruswai meka te kuru Tabitame yereu dua orupuku. ⁴²Yope yo te nemena akurung peto kura, tetero meye Tuhan te arambiki. ⁴³Petruswai Yope yone nedo Simonmai pere kei nedo oto pana ere te mekouna do.

Chapter 10

(Petruswai Pere Korneliuswai Pere) ¹Ya si ye, Kaisarea yone, tetero besika nena wa do Korneliuswai, nedo pera yaro na Italia serai, ²Tetero pepoi Mang Tetero te endiki te dekou, nemane nena mie na tetero meye, dera te sasyasi te tetero site ataimie wande Mang Tetero te a te sanai nie.³We ye serei pa, soning mekasu suna aprau, nedo yeko te dou ye teunu kiya tere, Mang Tetero kna Malaikat besika meke a te nedo te sanunu, Korneliuswai! ⁴Wande nedo Malaikat kna wapa dou te teu endiki mendo werai a te dombuku, damena beamane, Tuanmai? Wande, Malaikat nedo te a te sanune, wena mendo kembari a ne seiyaunue wande dera bete bete weye krau na buna pa Mang Tetero kna wa tou pa kiya nero pa. ⁵Nepereinya, tetero moserei weye a te sanumu punue Yope yopa nai tetero besika nedo nena wado Simonmai, Petruswai, ⁶Nedo nebei nie Simonmai pere kei, oto na ere te pepoi mekou na do nena mie nau ye ne tepeu na.⁷Malakat a te sanumbuku baya dua ke, wande Korneliuswai do biserei wande pere yaro na tetero besika pepoi tere te sumun suku meke, ⁸A te sanumue wanda nedo seiyunena nepereinya we serai Yope yopa endena.⁹Wape yate na, ne seraibra nipi nero te warai, watou pa dewa mai, Petruswai mie erte nopa yeruku soning meka su sunabei, nedo mendo kembari te a te seiyunu. ¹⁰Wande ne do munu te ti kaunu sa te a nene na te, nemane tetero seraibra sa bete te dua karaipiki kai, Petruswai yeko sibete te dou ye teu nu, ¹¹Sero numburu baya tasukusasi bete mayong mane peto ye apa dewa bentong mane waro aprau serei apa kani damba meke. ¹²Mayong eyuna seka aprau na sa, seka banya sa mro mro tere kani dambene werainya sa, wande awe serai dero ne buna ne yeipainya.¹³Nepere nemane, akurung meke a te nedo te sanune, esuwa yembune, we Peteruswai, ne sa bete te baya perou emburu pa dua anu. ¹⁴Nepere nederaitie Petruswai a te sarupuku, ambai, Mang Tetero Tuhan, nemane de kaye da mena sa anipeinya te way dua burumbuku peko tere bei. ¹⁵Wande akurung te a te betou nue nedo te sanune bu bi pa na te seiyunu Beamena sa bete Mang Tetero dua sukumbukana sa bete weye Petruswai sa peko te na seiyini peinya. ¹⁶Nemena waro bu naming serei mekou puku, nekwa sero pa dua kensuku.¹⁷Ne ya na, Petruswai mendo te mekounu da yeko beamena te daye dou tembuka, nemane Korneliuswai sanumu puku na tetero nedo Simonmai kna mie te wurekai mai, mie numburu ne tepai, ¹⁸Kari te terai, a te serai Simonmai Petrusway, nedo dapene keu.¹⁹Nemane Petruswai yeko dou tembuku na te mendo werai, Aru Roh ne te sanune, dou te tepi me, ne tetero naming serei do serai we te wurei. ²⁰Esua yembime wande apa yo sune, nebeinie ne serai pere ende nemane Deye A_I nete sanumupuka mekai. ²¹Wande, Petruswai apa yosuku ne saraibra te a te sanumue, dou tatu, de ne tetero nene weye wureu. Beamane te we ye da pa mekau?²²Ne serai a te sawekai, Korneliuswai pera yarona, tetero poi, Mang Tetero te endiki te dekounue, Yahudi seraibra kna yau nero ne bekou nue waru, nete Malaikat Kudus a te sanumbuku weye nena mie pa mu wande wenare a te betombinie. ²³Peteruswai ne serai te a te sanumue mie eyu pa dewa mende. Wape ya te na, ne do yembuku wande ne serai pere nebeinie oto te dua werai, wande tetero siderou yope yore na tawekaimie nebeinie.²⁴Ya si pa na, ne serai Yopa yore mekai. Korneliuswai ne serai te neme tau wande dokeka yei meke nenei seraibra meye ne bei pa kopurunue.²⁵Nemena kaye Petruswai mie eyupa meke, Korneliuswai pere tekoi, oto butu dusung kruko nepere Petrusway te sesoye tupu nue. ²⁶Nemane deraitie, Petruswai meka tupure esua ne kwa awe kene a te sanune, esu ne tepeime! De pe da ye da tetero yei we kwa da meka.²⁷Petruswai a te Korneliuswai pere seiyinie, dado Petruswai mie eyu pa eu tetero kaso pere ne bei pa kopurumbuku mie eyu nue kai. ²⁸Wande, Peteruswai a te seiyunue ne seraibra kna wa pa na te, we serai dua arambuku, Yahudi tetero we seraibra pere na ware ambai wete na dou teipei a te derai nie, ne deraitie Mang Tetero de na wa pa de te kuru te na we seraibra te na peko te na seiyini peinya, poi bei. ²⁹Nemane sate nate, de a te na dereinipei we serai de te simiyau da pa meka. Nemena te deye we te a te sena we beamena te we ye de te tari ye?"³⁰Wande Korneliuswai a te seiyunue, ya aprau serei soning meka su suna aprau, dedei mie ne mendo kembari te mekeya, dou tiya ne, tetero besika e su ne dena wa tourue tepeyou mayong kreu-kreu. ³¹Wande, a te de te sani youteu, Korneliuswai, wena a mendo na kembari wande wena dera bete Mang Tetero kna bekounue mendo ne dua werai pepoi tere. ³²Nemane sate na te, Yope yopa ende wande Simonmai Petruswai dewa mene da pa mene. Da do Petruswai nedo Simonmai neye oto pa na rere te mekou na do ne na mie nau ye ne tepeu. ³³Nemane sate, deye tetero te sanumupuka we kwa ne kai, wande wei kena ne poi kiyou dewa da meke. Neperei, e serai meye da pe ne kate Mang Tetero kna bekounue, a te betoma we na damba Tuhan Mang Tetero metere yeko te sesuku a te da seiyunue.(Petruswai Injil Asena Te Korneliuswai Kna Mie Ne Seiyunue)³⁴Wande Petruswai a te sanumue a te seiyunue, Neperei de yene pete nemei yumbuka Mang Tetero e te na bei te na ambai. ³⁵Nemane seraibra si si te na, tetero yei Mang Tetero te endiki te dekonende nou re na kembari te mekonde, Mang Tetero kna ne kainya kembari mekonde.³⁶Asena Firman Mang Tetero neye Israel seraibra te sanumue akurung poi teme waro piyambai Kristus Yesus kna dambere A_I Nedo Tuhan Mang Tetero e tetero seraibra te na te meke. ³⁷Weye arambuku na Yudea kani ne yeko te kiri you, Galilea yo ne, Yohaneswai bu te kereyou mue, ³⁸We ye Yesus arambuku, Nazaret tetero, Awa Mang Tetero A_I Nedo ne te Aru Roh Kudus wakene pe te ikine. A_I Nedo oto te wari you tetero te pepoi meke you mue sa namu te baiya da sisi you mue tetero yei te Aru Roh peko dambere pepoi mekeyou mue Awa Mang Tetero A_I Nedo Nembere.³⁹De serei wari te yeko metere Yesus neye dua mekeyou, Yahudi seraibra kna nero ne Yerusalem yo ne. Ne yo seraibra Yesus te baya no te tewaipiki o no pa bepaipiki sa yemo meka te oto te A_I Nedo ono ne wawi you. ⁴⁰Nepere Awa Mang Tetero esua awekene A_I Nedo ya nami na yereu ne kwa arupuku A_I Nedo wa te kia you mue, ⁴¹Tetero meye na pe ambai, deye da seraibra Awa Mang Tetero neye dua erupuku waria te sa te bu te nebeinie ne te aniate A_I Nedo nembere nebeinie nemane tetero dua sou na nerore A_I Nedo yembuku yereu orupuku.⁴²Wande A_I Nedo nena a kiri ne de seraibra a kiya te tetero yauna nero pa wande a te tepreinya te senamete A_I Nedo nete Awa Mang Tetero siyepuku upuku tetero yereu te no te kaye te wasi ne nenei noupa nou pa. ⁴³Netena te A_I Nedo nena waro re, Nabi meye a yeko te meye seiyiyainie tetero si newai nena wa do ne A_I Nedo nena pepoi te orunai peko te baya sumbinie teme damba poi damene warenai.(Awa Mang Tetero Kurumu Na Tetero Meye Nena Watou Pa Mema)⁴⁴Nepere nemane Petruswai a te neme seiyunue, Aru Roh Kudus apa meke tetero meye na kna wa pa meye na mane asena Firman te ne pe ne be tai. ⁴⁵Wande, tetero seraibra nemei yambiki ere dua perainya, Petruswai pere nebeinie mekainya, nenei wa beinie tukai Aru Roh Kudus meye na damba tetero serai sisi kna damba.⁴⁶Nemane, ne seraibra a te betai tetero a te peu sine sine seiyainie Mang Tetero te pepoi te a te seiyainie. Wande Petruswai a te sanumue, ⁴⁷Nemane tetero si newai a derenipei bu te wa pa kronai mie ne tetero Aru Roh Kudus te dua araipiki nenei wane de seraibra werate na mane. ⁴⁸Nepere nemane, tetero seraibrabra dado Petruswai te ne te senainie yo mo serei nembere ne pene kenai pinie.

Chapter 11

(Petruswai Yerusalem Yo Pa Dewa Meke) ¹Nemena kaye, yau na dero na pere yei do keka yei meke ne mendo beinya Yudea yo ne kainya a te betai tetero seraibrabra Yahudi te na bai ye tetero bari na mekai Asena Mang Tetero kna a te betai. ²Nemane sate, Petruswai ye Yerusalem pa meke, tetero seraibra ere dua perainya nedo pere na mendo yasu-yasu mane, ³A te seiyai nie, we ye dua ke tetero seraibrabra ere Sunat peroipenya seraibra kwa ne serai pere sa te aniyau.⁴Nepere nemane, Petruswai a te pepoi tere sanumue ne seraibra betai, ⁵De ye mendo kembari te Yope yo ne meke ya, ne nero ne de ye dou tiya ne yeko si bete, mayong serau peto mane buna re a pa meke, waro aprau serei sero dia re a pa meke de na wa tou pa. ⁶Nemane ne te dou ye tembuka, seka aprau na sa kani dambene werainya, seka ambainya sa ne mro mro bei werainya, a we seraibra buna ne yeipainya.⁷De ye a te beta ne de na wa pa seiyunue, Petruswai esua yembime baya peroi me wande emburu pa dua ani me! ⁸Nemane, de ye a te dombuku, ambainya tewai, Tuhan Mang Tetero. Nemane, sereu te kana sa de na emburu pa na doipei ani pei. ⁹Nederaitie, ne akurung bu bi pa na te seiyunue sero dia re sanutue, nemena sa Mang Tetero dua sukumbuka na sa, we ye sereu te na seiyinipeinya! ¹⁰Damena yeko bu naming serei pa mekoupuku, ne pere yepou puku ne kwa sero dia pa.¹¹Dou te tiya, tetero naming serei de kwa mekai, ne tetero kaisarea yo re na. ¹²Nepere nemane, Aru Roh Kudus de te sanutue ne tetero naming pere oto te dua mana te ne kwa na sisipei. Do keka meka su su na bei ne mendo beinya nemane wari ya te ne tetero kna mie pa meka te. ¹³Wande ne do a te sanumue nemane ne do dou te teu Malaikat besika tepeu a te sanune, tetero te sanumupune Yope yopa nai Simonmai Petruswai dewa da pa mene. ¹⁴Wande nedo ne ye a te seiyunue wena damba we seraibra pepoi damba tetero mie eyu na metere.¹⁵Nepere nemena a te seiyi yane, Aru Roh Kudus a pa buna re meke ne seraibra kwa meke, meme tere e damba meke na mane. ¹⁶Nemane de ye mendo yepou puka Tuhan Mang Tetero kna a seyumbuku na, A_I nedo neye a te Yohaneswai kna wa pa arou, bu te kroneme bu eyu pa a pa nai, nederaitie we serai Aru Roh Kudus kna wa do ne bu te kro mende.¹⁷Nemane Awa Mang Tetero a yeko poi te meye na damba wa sumue e seraibra te atoumue na mane Yesus Kristus Tuhan Mang Tetero kna wa do ne A_I Nedo nepe, nemena de kaye simbiyang Mang Tetero te Kepawe ourane dei mendo bei. ¹⁸Ne seraibra nemane a te beteyai, ne ye mendo pepoi ye teme ye Mang Tetero te poi a te seiyainie, nemane deraitie, Awa Mang Tetero e damba poi te seiyunue pepoi damba Yahudi serai bei tie na ambai e te meye na mane.(A Sena Injil Antiokhia Pa Meke)¹⁹Nepere nemane, tetero seraibrabra baya wa siyou sangku kake peko damba Stefanusway susansiki no te tewaipiki, da a kurung Fenisia yopa, Siprus yopa, Antiokhia yopa Tuhan Mang Tetero kna Asena te na serai sisi te na sanimipei Yahudi seraibra kena wapa seyunue. ²⁰Nemane, tetero siderou, Siprus yo re, wande kirene yo re Antiokhia yopa mekai wande a te seiyainie Helenis seraibra, a te seiyainie Tuhan Yesus Mang Tetero. ²¹Tuhan Kna meka e serai kna damba, tetero kaso pere Tuhan Mang Tetero kwa dewa biraisiki mekai.²²Ne seraibra kna a kurung Yerusalem yo pa yauna dero na nero pa, Barnabasway te Antiokhia ya pa senambiki meke. ²³Nepere Barnabasway wande dou teu Allah Mang Tetero kna kena bise pepoi, nedo kou kari ne a te titawumue ne seraibra Tuhan Mang Tetero te kena tere ketenaikrone ne mena beitie a te sanenainie. ²⁴Barnabasway tetero poi, Aru Roh Kudus wande mendo waro, tetero kaso pere Tuhan Mang Tetero kwa warenai a te sane nainie.²⁵Nepere nemane, Barnabasway Tarsus yo pa meke Saulusway te wureu. ²⁶Wande, ne ye ne do te dua tekene, ne ye ne do te dewa dekone meke Antiokhia yopa mekei. Mai besika serei, ne ye yauna dero na seraibra te a yereu te sani yai mie nipi pepoi damba. Wande, Antiokhia na, yau na derona seraibra memete na tetero Kristen.²⁷Nemena Serei ne, Nabi mo serei Yerusalem dia re Antiokhia pa mekai. ²⁸Tetero si ne na wa do Agabusway, wande a te seiyunue Aru Roh kna dambere munu waro da kani damba metere done mene. Wande, ne mena munu waro Klaudiusway kna a kiri ne tepe neme.²⁹Nemane yauna dero na tiyeikriko sa nyare bete bete te wasinaimie nenei wake serei pa yei meke do keka ne mendo beitie mekainie Yudea yo ne kainya. ³⁰Wande, ne seraibra ne ye wa ye mekainya, sa nyare bete bete te Penatua seraibra kwa ataimie ne do Barnabasway pere Saulusway pere nene meka dambere ourai.

Chapter 12

(Yakobuswai Te No Te Tewaipiki Wande Petruswai Te Herodeswai Meka Pa A Wekai Tu Ere Eyu Pa.) ¹Nemena serei pa meke, Andewapona Herodeswai ne na meka te buna pa kensuku tetero mo serei yau na dero na te peko te mekonaimie. ²Ne ye Yakobuswai te no tetewaipiki, Yohaneswai nekasi, meteka yemo ne.³Nemane Herodeswai dou te teu ne na kepawe tenai arma Yahudi tetero seraibrabra ne na kena ne kainya, ne dokna kepawe dambere nemane Petruswai te ne kwa awekei. Ya de tere Roti musu sa Ragi ambainya. ⁴Herodeswai ne ye Petruswai te awekai, tu ere eyu pa ne te na sema tetero pera yaro na do aprau serei, Paskah ya baya yinambinie nedo te Petruswai te tetero kaso pere na nero pa donaiyin nai.⁵Nemane, Petruswai tu ere eyu nue ti yantieke tenou, nemena te yau na dero na mendo na kembari te Mang Tetero te a te senaiynie Petruswai te na te mendo te kerai.(Tuhan Mang Tetero Kna Malaikat Petruswai te Ere Eyu Baya Tambuku) ⁶Deneng si ne, nederaiti tie Herodeswai nemane Petrusway te baipa donene, nedo Petruswai yuku te tenou pera yaro na do biserei ne na wa nero ne tenou, Rantai sa arma meka pa oto pa beiyaipiki, wande sema tetero numburu tu pu ne sema te tepai.⁷Tuhan Mang Tetero kna Malaikat meke tepeu Petruswai kna wa tounue kiya erembuku tu ere eyu paitia ne,wande Malaikat ne ye Petruswai te meka yekere esua yengkerensuku, nepere a te sanunue, seraibei tie esua yembi! wande, Rantai sa arma ne na meka dambere a pa yewai piki baya kuraipiki. ⁸Wande, Malaikat nedo Petruswai te a te sanune, serou te wa pa baiyipi oto pa na ere te titipi. Wande, ne do Petruswai ne kembari te seraibeitei mekou na. Nepere nemane, ne ye a te nedo Petruswai te sanune, wena mayong te wapa tutupunue, wande de te tawutu dia pa dua a.⁹Wande Petruswai dia pa Malaikat nembere dewa nebeinie mekei. Petruswai ne aroipei beamane mekoupuka Malaikat ne na ware dambere kiya tere, nemane de na mendo mekeya ne yeko site deye dou ye tane. ¹⁰Nemane ne ye dewa sepeiyipiki sema tetero da beisika na da bi na, ne ye numburu de tere baisuna pa dewa mekei. Numburu mau de tere nenei beitie baya tusuku, wande ne ye baya mekei bainya sua Malaikat ne ye nipi nero ne dado Petruswai te neme tambuku nenei beitie mie pa meke.¹¹Nepere Petruswai mendo te yepou puku ne na wa ne kurupuku, ne ye a te seiyunue, Neperei, deye nou rue arombuka Tuhan Mang Tetero nena Malaikat te si beisika te sanumbuku meke wande de te poi dekote nedo Herodeswai kna meka dambere wande mendo peko Yahudi seraibra kna dambene tengkomu na. ¹²Nemane Petruswai mendo wa pa mekai, nedo ne ye Mariame kna miepa eu, Yohaneswai nena nawa nena wado si Markuswai, dape na tetero kaso pere kopurumbuku nebeinie mendo a kembari te nebeinie mekanie.¹³Nepere Petruswai mie numburu ne meka kurung te bapu, mire besika nena wado Rodeme neye meke mie mau te tunsi ne. ¹⁴Nemane Petruswai kna akurung te betoumbuku, ne na kena kari kou kari mie mau maning tisipei, ne kwa mie eyu pa dua eu a te sanumue Petruswai basu ne numburu ne tepeu. ¹⁵Ne seraibra Rodeme te a ye senainie, we na mendo nare-nare mane mekeye ne! Nemane deraitie, Rodeme a te nounue neme sanumue nemambei, ne seraibra nmena beitie aye perainie, ne pe da ye nena Malaikat.¹⁶Nemane deraitie, Petruswai nounue neme meka kurung te bapu, wande ne seraibra mie mau te taisiki, wande Petruswai te dou tambiki, tere-tere mane ourai wa erikrooinya mane. ¹⁷Nepere, Petruswai ne ye meka baitie mekou ne seraibra a ne yekai kenai, ne ye a te serayunue ne seraibra te sanumue Tuhan Mang Tetero neye dete tu ere eyu re baya kiya pa dekote meke. Wande, nedo ne ye seiyunue, Yakobuswai te wande do keka yei meke meye ne mendo beinya te da a te sane mendo. Wande, nedo Petruswai ne pere nou sibete pa dua ke.¹⁸Ya ye dua kiya puku, ne pere pera yaro na serai a te beibei tetutei dua dewa oru lainie nemane Petrusway ne pe dua nerupuku ye pa baya dua ke. (Herodeswai Dua Teteupuku) ¹⁹Nemane Herodeswai nedo Petruswai te wureu, ne te na dou teipei, neye sema tetero te dou meke danu wande a te kengkeme nepere neperei ne seraibra te baya no te tutu naipinie. Wande, Herodeswai yousuku a pa meke Yudea yo re Kaisarea yo pa nemane nepe keu.²⁰Ne ya na, Herodeswai kena serai tere tetero seraibrabra neyo Tirus yo pere Sidon yo pere, wande a te uapiki, ne seraibra Herodewai kwa mekai, wande Blastuswai te a ye wepainteke, ne do Andewapona kna mie eyu te waruna, ne seraibra senambiki teme te mekonai nemane ne kani waro munu sa te na dado Herodesway ne ye te pumue ne na akiri ne. ²¹Ya te dua ne seraibra sesiki, Herodeswai Andewapona kna mayongte wa pa tutupuku, dia ne betra dambene, wande a te seiyunue seraibrabra a te betai.²²Siri nu kerai nu yodundung yo sepo a te ke terai a ye mrainie, Da Mang kna akurung, tetero yei kna ambai!" ²³Nepere nemane, Tuhan Mang Tetero kna Malaikat besika meke meka ye pepainie sasupuku toupuku Awa Mang Tetero te na pepoi te na seiyinipei wande ne do kite damena nena wa te tedamba.²⁴Nemane deraitie, Tuhan Mang Tetero kna Asena ne damba-damba tawene a kaso pere tereng dopre. ²⁵Wande, Bernabaswai pere Sauluswai pere Yerusalem diapa mekei a yeko asena te seraibra nero ne a te sani yaimie ne do bi pere Yohaneswai Markuswai terainie wa do biserei nembere naming serei dewa mekai.

Chapter 13

(Barnabaswai Pere Sauluswai Pere Ne Wa Kembari Moi Tere Mekoi) ¹Ya si ye, yau na derona Antiokhia yo ne, Nabi Nabi pere guru guru pere, ne do Barnabaswai, Simonmai wa do si Nigerwai, Likiuswai Kirene serai, Menahem nedo Herodeswai pere nebeinie dei yaipiki, Andewapona kani waro seraibrabra, wande nedo Sauluswai. ²Nepere nemane, tetero seraibrabra mendo kembari te Tuhan Mang Tetero te a te senainie wande munu suwe ne, Aru Roh Kudus a te seiyunue, De Na dambere Barnabaswai pere Sauluswai pere De ye ne do bi te dua moi ye sanumupuka. ³Nemane nepere, ne seraibra munu suwe ne wande mendo kembari te makai, meka te buna re tenai dambere tepai Barnabaswai pere Sauluswai pere, uapiki oto te baya nei dua warenei.(Barnabaswai Pere Sauluswai Pere Siprus Kepou Nue)⁴Nemane, uapiki ne pere Aru Roh Kudus, Barnabaswai pere Sauluswai pere ne beinie apa seleukia pa, wande ne pere nau nero re kai Siprus yo pa. ⁵Nepere ne serai Salamis yo pa mekai, Mang Tetero kna a senate Yahudi tetero nena yau mie Sinagoge Sinagoge, wande ne serai Yohaneswai tawekeme ne beini.⁶Nemane ne seraibra kepou te meye wariyai Pafos pa mekai, ne serai tetero site tambiki nedo Yahudi tetero bero te mekou na Nabi Palsu ne na wa do Baryesus. ⁷Ne do nebeinie Prokonsul Sergius Paulus mendo dopre na tetero, wande Barnabaswai pere Sauluswai pere a te sanumupuku mekei Mang Tetero kna Asena te seyineinie ne te betone. ⁸Nemane kaye, Elimaswai bero te mekou na wa do site dewambiki, Barnabaswai pere Sauluswai pere ser ser mane nemu wande nedo Prokonsulway te mendo te suwa sarembinie.⁹Nemane Sauluswai, Pauluswai te seiyainie, Aru Roh Kudus ne na wa buru ne keu, Elimaswai te dou tiki teunu, ¹⁰Wande a te seiyunue, wena a peu peu mendo peko we sekai kna yei, we pe daye peko serai da pepoi waro nemeiyimbipei, Tuhan Mang Tetero kna nipi te sipi tere weye peko suwa yembi yene.¹¹Neperei, dou te tepunue, Tuhan Mang Tetero meka te we damba te pu wena dou ye bapenaipinie dou teipei ya mo serei soning te na dou teipei. Nepere nemane, nena dou pa wau mane kepe kepe mane ne do dua dewa tetero te wureu meka tupu re tepenainie. ¹²Wande Prokonsulwai nemeiyumbuku dou tembuku Tuhan Mang Tetero kna kembari pepoi waro damane. (Pauluswai Pere Barnabaswai Pere Antiokhia Yo Pa Pisidia Kani Pa)¹³Ya si ye Pauluswai pere tetero tereng dopre nebeinie nau nero te werai Pafos kepou re Perga, Pamfilia yopa, nemane Yohaneswai ne kwa dewa burusuku Yerusalem yopa dewa meke. ¹⁴Sauluswai pere Barnabaswai pere Perga re Antiokhia yopa Pisidia pa mekei. Wande Sabat ya ne ne do bi Sinagoge pa eyupa mekei a ne nepe nekei. ¹⁵Taurat Ayeko te bepiki wande Nabi seraibra kna semo kepei bepiki, Sinagoge tenai bra a te tetero te senamipiki Rasul do bi te a te senaimi, dai yei bra wena mendo ne aye ke nainya, nete a te seiyinere a pepoi te titawemere mendo ne yepo nai pepoi waro ne.¹⁶Nemane, Paulusway esuwa yembuku meka ne nekou ane seiyunue. We Israel seraibrabra Mang Tetero te endiki te dekau, a te betonde! ¹⁷Mang Tetero Israel seraibra te ena mang bra te ena seraibra te Mesir kani re baipa a te kome mekai nenei meka dambere. ¹⁸Mai doa bi serei, Neye merase bete nou krongkrong baye pau dambere wariyai.¹⁹Wande, Neye meke su su nabi Kanaan seraibra te bai pa sariyou neye Israel seraibra te ne kani te iki me nepene. ²⁰Damena yeko nou meke you na mai butu aprau nena tereng po pere, (450 Tahun). Nepere na kaye, Mang Tetero ayeko tetero seraibra te Nabi Samuel kna serei nie sumupuku kiyai.²¹Nemena kaye, ne seraibra dere yainie Andewapona te , wande Mang Tetero ne yo serai te Saulwai te sarupuku, Kishwai kna yei do, Benyaminwai nena serai, neye tepi youmu akiri ne mai doa bi serei. ²²Nemane Mang Tetero nedo Saulwai te baipa sarupuku, Mang Tetero Neye Daudwai te kensuku Andewapona te kene, Mang Tetero dua nemeiyumbuku a te sanumue,Deye dua dou tembuka Daudwai yei do Isaiyei kna yei dena kna ne dua keuna dena kembari te meko ne.²³Awa Mang Tetero ayeko te sesuku, nedo Daudwai kna dambere, wande Israel te a toneme mene tetero yei besika serei nipi pepoi damba, Nedo A_I Yesus Kristus. ²⁴A_I Nedo Yesus maning mipei, tua tere Yohaneswai akurung te seiyiyounue Israel tetero te bu te kereyou mue. ²⁵Wande, Yohaneswai nena kembari te mekeyou a te sanumue, weye seiyau nue de kaye simbiyang? Depe daye Nedo A_I ambai bie! We ye dou te tende, tetero besika serei mene na dena tupure Nedo A_I nena oto ere tena de bai pa na doi peinya tewai.²⁶Do keka yei meke, Abrahammai kna seraibra wena nero ne tetero seraibrabra Mang Tetero te endiki dekainie, wande ena damba na akurung pepoi yereu poi damba mana te. ²⁷Nemane, seraibrabra Yerusalem diane yone kainya tenai tenai bra Nedo A_I te na aroipei Nabi kna a te na aroipei Sabat ya ne betainya a te mendo pa ourai wande Dado Yesus te o sete inainie peko suwa sarenaipinie dua da nena.²⁸Wande, ne yo seraibrabra nipi te wurei, Pilatuswai te a te senainie Dado Yesus te tete damba no te tonaipinie. ²⁹Wande, ne seraibrabra nete na ayeko te nou pa dua da mekaipiki wande ono re a pa dekainie oru bure eyu pa apa seisiki.³⁰Nederaiti, Awa Mang Tetero nete tetero dua sou na nerore nekewa esua awekena yereu orupuku. ³¹Dado Yesus esua dua da yembuku tetero te wate kiyamue yauna dero na te kiyamue nembere nebeinie wariyainya do mire te Galilea kisine nemane Yerusalem diane, a te dekai senami Israel seraibra te.³²De serai wena damba Asena kurung pepoi te Mang Tetero kna ayeko te seiyane te ena Mang bra kna dambere, ³³Mang Tetero ayeko te ena damba seuku Nedo Yesus te tete nerore esua da awekene yereu orupuku, Mazmur semo kepeinie Pasal bi nena kainya. We nederaitie dedei yei. Da Ya na De Wena Awa nepe. ³⁴Awa Mang Tetero Dado Yesus te tetero dua sou na nerore esua awekene, nekwa tete dambana eipei, Mang Tetero a te seiyunue, Deye pepoi mro mro waro te nemeiyumbuka ikawe, Daudwai teikane na mane da.³⁵Nepena ye damena, neye Mazmur semo kepei nie damane mereupuku, weye wei tetero mro mro te tembu ne da peko te dou tenembinie. ³⁶Nemane Daudwai seraibra te akirine tepiyoume Mang Tetero kna ayeko te kiri you nue, wande teteupuku, bure damba seisiki nenei mang bra kna nero ne, peko te peko te dou ye tembuku. ³⁷Nederaitie Yesus te Awa Mang Tetero tete dambere tetero dua sou na nerore esua awekene, nemena peko te na dou teipei.³⁸Nemane sate na te, do keka yei meke we ye aro nembinde, A_I Nedo Neye nena dambere e tetero yei kna peko mekate na kiya pa metere kiyanai dou tema. ³⁹A_I Nedo Nena dambere , tetero yei nemeiyinambinie Hukum Taurat Musawai kna ayeko tetero te na nipi pepoi damba na atoumipei eipei.⁴⁰Nemane, mendo mendo pere warende da mena ayeko waro Nabi seraibra kna semo ne kainya we serai kna damba na mipei a tena seiyinipei. ⁴¹Dou te taru, we seraibra ekri mena a te seiyaunue! Peko damba ende nuru barunaimie, Deye damena kembari wena sereinie da mekana, damena kembari we serai nemeiyimbipei, tetero sibesika we te da a te kirineme.⁴²Nepere Pauluswai pere Barnabaswai pere diapa baya kei, tetero seraibrabra nedo bite a te senaimie da A sena te Sabat ya sine nekewa sanenaimie. ⁴³Sinagoge na yau dua dinaipiki, Yahudi tetero kaso pere wande proselit seraibra tere tere mane ourai.⁴⁴Sabat ya sipa na , ne yo na tetero meyena mane nebei pa koupurunue asena yeko te betonainya te Tuhan Mang Tetero kna asena. ⁴⁵Nemane deraitie, Yahudi tetero seraibra ne yau pa dou te tai, kena re ekri mane a te baipa senaimie nedo Pauluswai te a kaitei kaitei mane senainie.⁴⁶Nepere, Pauluswai pere Barnabaswai pere a te arma tere seiyine Awa Mang Tetero kna asena we Yahudi tetero seraibra te tua tere sanemame. Damane we seraibra baipa sisaumue wai wane yereu pepoi dambana eipei, dou te tende, de tetero si kna damba seraibra site asena te sanemame. ⁴⁷Tuhan Mang Tetero a te seiyunue de te sanumue deye wete kiya pa da tawupuka da seraibrabra si kna damba damane dapere we seraibra da A sena kurung te kani tupu mekoumbuku da yo damene keu na pa ende.⁴⁸Yahudi tetero seraibrabra nemena a te betaipiki, neyo kena kari ne Tuhan Mang Tetero kna Asena te poi a te merainie. Wande, tetero yei metere kaso pere yereu pepoi damba na nemane nipi pepoi te dua da nemei yembiki. ⁴⁹Nemane, Tuhan Mang Tetero kna asena kura peto dekai werai a te senaimie yopa yopa mete re na mane.⁵⁰Nemane deraitie, Yahudi tetero seraibrabra mire seraibrabra mendo pepoi nya te aye wepai mie wande tetero mendo pepoi te mekainya te ne yo re nerore, pauluswai pere Barnabaswai pere baipa susaimie peko damba dua nie nepe na keipei baya sekaimie dua nie. ⁵¹Nepere, oto base te are sikei ei Yahudi tetero kna wa nero re baipa ei dado Pauluswai pere Barnbaswai pere Ikonium yopa dua da nei nyate. ⁵²Wande, nemane yauna dero na seraibra kenakari piyambai Aru Roh Kudus Nemebere nebeinie werai wa buru nue pepoi tere tikainie.

Chapter 14

(Pauluswai Pere Barnabaswai Pere Ikonium Yo Ne) ¹Nemane, Ikonium yo ne mekopuku, Pauluswai pere Barnabaswai pere nebeinie Yahudi tetero kna Sinagoge ne wande, asena te seiyinie tetero metere kaso pere, Yahudi tetero pere Yunani tetero pere a te poinemei yembiki. ²Nepena, Yahudi tetero si derou a te poi na nemeiyimbi pei tetero site seraibrabra site aye wepaimie mendo te yekoitiamie asena te na a pepoiyina aroipei nemeipei.³Nemane, neyo serai nepe ne neme kai a te seiyainie Tuhan Mang Tetero kna Asena te senaimie, nena a kurung piyambainya, yeko site kirai nena meka dambere mekai. ⁴Nemane deraitie, tetero seraibrabra neyo re Nabi te waisyapiki werai, serai si Yahudi tetero kna pa werai, serai si yauna dero na Rasul serai kna pa werai.⁵Nepere mendo karo site meke yai, tetero seraibra si pere Yahudi tetero pere wande tenai tenai seraibra pere a te seiyainie yauna dero nate Rasul te baipa nenaimisinie oru teiyinaimie nate. ⁶Pauluswai pere Barnabaswai pere dua da aroimbiki nenei wa te baipa kei Listra yopa Derbe yopa Likaonia yopa wande nou sipa nepene. ⁷Wande, ne nou nue ne yo serai neme na beitie Injil Asena seiyainie. (Pauluswai Listra Yo Ne Derbe Yo Ne)⁸Listra yo ne, tetero si newai oto mandai mane, yapra mane nawa kna yasere sengko meke nemane oto tena waripei. ⁹Ne tetero newai Pauluswai kna a te betou a te seiyunue, Pauluswai nedo te dou ye teu nu Yapra tetero nena aru poi meke pepoi damba. ¹⁰Pauluswai a te seiyunu a arma bei seiyunue, esua wei oto dambene tepeu. Nepere ne tetero esua senombuku wande oto te dua da waru.¹¹Nepere nemane tetero kaso pere Pauluswai nemena yeko te mekoupuku dou ye da tambiki, ne yo serai a te seiyainie nenei Likaonia peune a te terai ena Dewa dewa apa yewaisiko ena nero ne tetero yei wa ye werai! ¹²Barnabaswai te Zeuz te seiyainie wande Pauluswai te Hermes te seiyainie nemane Pauluswai neye a te deko seiyunue. ¹³Iman dewa Zeuz, nena kuil yo ye ne bai ne, Lembu do serai te wande keme Bunga te mau numburu yo ne keu na pa. Ne ye wande tetero tereng dopre Pauluswai pere Barnabaswai pere nyare mane a tanaimi.¹⁴Nepere nederaitie, Barnabaswai pere Pauluswai ne a te betoipiki, nenei wana mayong te baya wekiyoi wande tetero tereng nero pa dua kei, a te seiyinie, ¹⁵Dokeka yei meke, Nemena kembari we seraibra mekoi peinya? E tetero yei de wembere nemambei wande asena kurung poi te we seraibra kna damba nepere dewa birinsinde a wapi waro betoi peinya Awa Mang Tetero kna wa do te beitie seiyinende, sero te kani te nau te mekoupuku sasyaisi metere ne eyunue kainya. ¹⁶Metena tetero seraibra, neye dou ye tiyou mue seraibrabra nenei mendo ne nipi karo moi moi ye wariyai.¹⁷Nemane, neye nenei wa te tetero yei kna wa neropa na te dewa da deko meke. Nemane, neye pepoi te na waro te mekou bi bu sero re mereu wande ona bisi bisiwena kna te ye pou sa munu sa waro kena kari ne. ¹⁸Nemane deraitie, nemena a te meye seiyainie, ne seraibra da tetero kaso pere tereng dopre na nena mendo na nyare waro te dado bi kna wa pa atonai mie.¹⁹Nepere na kaye, Yahudi tetero seraibrabra Antiokhia yo Ikonium yo, wande tetero tereng dopre kena te dua biraimisiki yepaipiki, nepere Pauluswai te oru te teiyai ne yo re baipa dua nena. ²⁰Nepere, yauna derona Pauluswai kna wa tou pa mekai, nedo esua yembuku ne kwa yo pa dua ke. Ya si nedo Pauluswai pere Barnabaswai pere Derbe yo pa kei.(Ne Kwa Antiokhia Yo Pa Siria Pa)²¹Nepere nemane Injil Asena te saniyaimie ne yo nero ne yauna dero na Listra yopa Ikonium yopa wande Antokhia, ²²Yauna dero na te wake te wake tupu te, ne seraibra te nena damba mendo pepoi te yeponai a te seiyinainye Awa Mang Tetero kna di apa mana peko dambere sepei mapinie.²³Pauluswai pere Barnabaswai pere penatu penatue seraibra te oripiki Jemaat nero ne, mendo kembari wande puasa waro pere penatu seraibra te Tuhan Mang Tetero kna wado pepoi tere nemei yambiki. ²⁴Nepere nemane, Pisi dia yore Pamfilia yopa. ²⁵Nemane Pergayopa Asena te saniyai mie wande Atalia yo pa mekai. ²⁶Nepere ne yo serai Antiokhia pa mekai, Awa Mang Tetero kna kembari neyo serai dua da nete dua nou pa mekaipiki.²⁷Neyo seraibra nemane nebeipa tetou Jemaat kna nerone, kembari mekainya a te meye seiyainie Mang Tetero nena nero ne kurumue neye numburu te tusuku mendo waro te seraibrabra si damba. ²⁸Wande, neyo seraibra nepe ne yauna dero na pere ne nou nue tiki dopre neme kai.

Chapter 15

(Yau Te Yerusalem Dia Ne Kai) ¹Nepere nemane, tetero mo serei Yudea yore mekai do keka yei meke ne mendo beinya a te senaimi, we seraibra Sunat mekoipeinya Musawai kna yeko yeko te baya sarembinde na we seraibra nipi pepoi dambana eipei. ²Nepere Nemane yasu yasu mane a pra pra mana a bei bei te tutai nepe ne Pauluswai pere Barnabaswai pere wande tetero nepe ne kainya, a te dua tiyekriko Pauluswai pere Barnabaswai pere tetero mo serei bete Yerusalem dia pa nai yauna derona pere Penatua serai pere da a te poi ye seiyinambinie.³Nemane, Jemaat seraibra kna yau nero ne, ne seraibra Fenesia pere Samaria pere seraipiki a bete te pepoi mane seiyikainie eu tetero seraibrabra yo si kna damba nemena a waro kenakari detere teredo keka ne mendo besika warenai nebeinie. ⁴Nepere Yerusalem dia pa, ne seraibra te Jemaat seraibra pere, Rasul seraibra pere, wande Penatua seraibra pere, meye na mane a te seiyainie Awa Mang Tetero kna kembari neyo seraibra kna nero ne mekou na.⁵Nemane, tetero mo serei bete Farisi kna yau nero ne dua nemei yembiki a te seiyainie, di yo seraibra te Sunat kembari te mekonai a kirine da kenai Musawai kna yeko te tawe naimie warenai. ⁶Rasul seraibra pere Penatua seraibra pere nebeinie yau te kai damena yekote seiyinainie.⁷Nemena a te di wa dewa seiyainie, Petruswai esna yembuku a te neyo seraibra te sanumue, do keka yei meke, we seraibra dua arambuku yansi ne Mang Tetero a you wena nero ne dena emburu ne a te seiyitene, seraibra yo si kani si rena asena te Injil te betonai nemane nemeiyinaimbinie. ⁸Wande, Awa Mang Tetero, da tetero yei kna kena te nemeiyu, Aru Roh Kudus tetero si kna damba na te nemane e damba a tou muna mane. ⁹Nemane Naye situ na wasi pei embere nembere nembere, Neye ena kena te sukumu puku eyei mendo dambere.¹⁰Neperei beatena tewe seraibra Awa Mang Tetero kna dambere yauna dero na te seso re yepau mue, dena mang bra pere de seraibra pere, nemena o setena doipeinya te wai? ¹¹Nemane, de nemeiyambiki te, de nipi pepoi damba Tuhan Mang Tetero yei Yesus kna poi dambere, ne yo seraibra nemane deraitie pepoi damba nai.¹²Nepere nemane, tetero meye kopurumbuku yekai nemei kai ne seraibra Barnabaswai pere pauluswai pere ne do bi kna a te betaimie, nemane nepere Rasul do bi serei a te poi tere seiyinie yeko pepoi Mang Tetero nena re yauna dero na kena waro re serai si kna damba kani sirena seraibra damba.¹³Nepere nemena a te poye ketaipiki, Yakobuswai a te saweke, a te seiyunue, do keka yei meke dena a te betonde. ¹⁴Simonmai a te seiyunue Mang Tetero dina tupu re seraibrabra kani si re nate, nebei pa orumbinie Nenei seraibra mane kenai Mang Tetero nenei wado te na a te seiyinainie pepoi damba.¹⁵Nabi seraibra kna a meraipiki semo ne kainya, nebe te mane meraipiki. ¹⁶Damane de ne kwa Daudwai kna Kemah betra dingkeraipiki na te poi ye mekomambinie. Deye nekwa noupa mekomambinie yansina mane nounue. ¹⁷Tetero yei seraibrabra Tuhan Mang Tetero te wure nai, seraibrabra meterena mane dedi wado ne dewa sima, metere na mane meke yau Awa Mang Tetero kna Asena nemena yeko te metere meke you. ¹⁸Nemane Mang Tetero dua da aroumbuku nemeiyumbuku maning di na tupure meke.¹⁹Nepenaye, deye mendo te yepeya e seraibra nipi tena tipei yaripei tetero seraibrabra yo si re na seraibra Awa Mang Tetero kwa dewa ne kwa biri naisinie. ²⁰Nepete nate, eye semo te merema nete benai nenei wate baipa menai oruna a na kepenainie na do sna sna, wande bisinie kaimie ne peko mekainya, nema ne peko sa warore wa burune patenai. ²¹Nemane, mete dina tupu re Musawai neye wasi you yopa yopa tetero akurung te saniyaimie Sinagoge Sinagoge ne Sabat ya ne beiyai.(Da Semo Tetero Dua Nemei Yambiki Na Kwa Yahudi Te Na Ambai)²²Nemane, Rasul seraibra pere Penatua seraibra wande jemaat seraibra meye tetero te eiraipiki Antiokhia yopa nebenie Pauluswai pere Barnabaswai pere ne pa nainya. Yudaswai, Barsabaswai, Silaswai neye tenai tetero mane do keka yei meke nero ne mendo besika te dua dekai. ²³Ne yo seraibra semo te meka ye meraipiki, damane: De Rasul Rasul seraibra pere Penatua Penatua seraibra pere wande do keka yei meke ne mendo besika, nemane do keka ne mendo beinya Yahudi tetero Antiokhia, Siria, Kilikia nepene kainya te na pe ambai, piyambai tie.²⁴Deye dua betapiki te tetero mo serei dena nero ne, ne seraibra te na de a te na imipei, ne yo wete te nemei wepaimie ne ye a te seiyainie we seraibra kna wa te wa nurute nete tukaimie. ²⁵Nemena waro pepoi te tikante, nepete tiyekrekote tetero moserei eiraipiki we seraibra kwa nebeinie do keka yei meke kwa nedo bi nebeinie Barnabaswai pere Pauluswai pere yau nero pa ende. ²⁶Nenei yereu te Mang Tetero Tuhan Yesus Kristus kna yereu damba.²⁷Nemane sate nate, de seraibra uapiki te Yudaswai pere Silaswai pere nenei meka nenei mendo ne nemena a te dua sanenei mie. ²⁸Nemane pepoi deraitie Aru Roh Kudus de seraibra kna damba o sete we seraibra kna dambere se pna pna bete mane. ²⁹Weye wei wate baipa do sna sna te na kapenenipei sa waro, beasa note nangkou sesore yepai, wande nemane bisi kaimie warore. We ye wei wa te semate kende, wande temberari waripei, we serai kembari poi te mekau. Ne kwa nebeinie toma.³⁰Nepere dua kai ne seraibra dua Antiokhia yopa, wande jemaat seraibra te kopirambiki, nemane neyo kena kari ne semo te dekai. ³¹Tetero seraibrabra nemei yambiki semo ne bei, neyo kena kari kou kari piyambetebai. ³²Yudaswai pere Silaswai pere, ne do bi Nabi, Wande wa ke po te neyo seraibra te do keka yei meka ne mendo besika wate suwe te pende warende.³³Nepene ya mo serei dua kaipiki, tetero seraibrabra dua nemeiyambiki nete dewa tamipiki poi mekei yauna dero na nero pa dewa mekai. ³⁴Nemane nepene Silaswai pepoi te tikaunu ne nou nue neme keinyate. ³⁵Nemane Pauluswai pere Barnabaswai pere Antiokhia yo ne, a te dekoi Seiyinie Firman Tuhan Mang Tetero kna Asena te tetero meye kaso pere na nero ne seiyinie.(Pauluswai Pere Barnabaswai Pere Wasikriko Moi Moi Ye)³⁶Nepere ya moserei Pauluswai pere Barnabaswai pere, a te seiyinie e ne kwa do keka yei meke neropa ne mendo beinya da yone yone kainya eye Tuhan Mang Tetero kena Firman Asena te sena mete neyo nena yereu te dou ye te mame. ³⁷Barnabaswai neye Yohaneswai te Markuswai te tarumbuku. ³⁸Nemane deratie, Pauluswai neye mendo ne yepoupuku damena kembari tena tetero Pamfilia yore nembere damena kembari te na ambai.³⁹Nemane, yasu yasu waisyaipiki moi moi ye dua. Barnabaswai neye Markuswai pere Siprus yopa dua kei. ⁴⁰Pauluswai neye Silaswai pere kei, do keka yei meka ne mendo beinya Tuhan Mang Tuhan kna pepoi teme dambere. ⁴¹Wande ne dobi Siria yo pere Kilikia pere nepe ne tetero yei te jemaat ne wake pote wa nuru tu ne suwe ne.

Chapter 16

(Timotiuswai Neye Pauluswai Pere Silaswai Pere Nete Tawekeme) ¹Pauluswai Derbe pere Listra yo pere neye ne pa meke. Dou te tende tetero yei besika mena wa do Timotiuswai, nana nawa Yahudi mire nena awa Yunani tetero nedo dua nemei yumbuku. ²Nedo dua arambiki dokeka yei meke ne mendo beinya Listra yo ne IKnium yo ne kainya. ³Pauluswai nena kna na nedo Timotius wai pere nebeinie ware nei nete sanunue sunat wa beini mekombinie Yahudi tetero seraibra nepe neyo ne kainya. Nemane, neyo seraibra arambiki nena nai Yunani tetero.⁴Nepere neye oto te dua ware nei ne yo te yo te sarenei, a kiya te sani mie karo karo bete tetero seraibra tetero dua nemeiyambiki pepoi te mekonai, Rasul serai pere penarua serai pere ne beinie tiyekriko Yerusalem dia ne. ⁵Wande Jemaat seraibra te meka tenai dambere tepai mie tetero ne mendo beinya tereng ne damba damba yane yane. (Mang Tetero Neye Pauluswai Te Taru Makedonia Pa)⁶Wande ne yo seraibra Frigia pere Galatia pere seraipiki Aru Roh Kudus nete meke sanumu Firman Asena te Asia ne a te sanenai mie nate. ⁷Nepere nemane neyo serai Misia pa wande Bitinia pa na te derainie, Aru Roh Yesus kna neyo seraibra tena baipa sarumupuku mipei. ⁸Nemane neyo Misia re mekai, Troas pa mekai.⁹Pauluswai yeko site deneng sereinie douye tembuku. Makedonia tetero besika e su ne tepeu a te seiyunue. Makedonia pa dewa mime dete dou ye temipime. ¹⁰Pauluswai ne yeko tembuku, eye dere mane Makedonia pa mana kaye Awa Mang Tetero e te taru Injil te Asena te nepene sanemame.(Lidiame Nenei Wa Bei A Te Saweke)¹¹Nemena kaye, Troas yore de serai Samotrake yore wande ya sina mekate Neapolis yopa. ¹²Wande nemane Filipi yopa neyo Makedonia nepene Roma seraibra nena a kini ne kainya. E neyo ne makene yamo serei nepene. ¹³Wande Sabat ya emie numburu pa yo nero pa werainya musu yene, nou sibete eye nepene mendo kembari te meko ma. Nemane, e seraibra ane makene a te mire seraibra pere nebeinie manseiyinie nepene.¹⁴Nemane mire besika wa do Lidiame Tiatira yore na, ne meke mayong Ungu te nai mane mekou na wande Mang Tetero te seso tupune kapeneunue, Tuhan Mang Tetero nena kena te baya tupuku Pauluswai kna a te seiyunu na pa betounue. ¹⁵Wande Lidiame kena te apa dusunggruko nemane ne mie na tetero meye bute kereyaimie, neye de te a te sanumu wei wane deye nemeiyimbipei Tuhan Mang Tetero kna pa na, wei wa ye dena mie pa dawa mu dambere dape ne nebei nie. Wande neye de te sanumu.(Pauluswai pere Silaswai Pere Tu Ere Eyune)¹⁶Nemane nepere, de seraibra mendo kembari noupa, mire besika aru te deko nipi karo te waru na de seraibra te tekeme. Ne mire nemane nenei tetero de te nipi karo pepoi te kurumue. ¹⁷Ne mire Pauluswai te tawekene nebeinie de seraibra pere wande neye a te ketereu. Da tetero seraibra Awa Mang Tetero kna Ne Yare Dopre na, we seraibra te nipi pepoi damba a te senaimie!" ¹⁸Ne mire yamo serei ne kembari te mekou na. Pauluswai a te dua dereunue, burusuku wande ne mire kna aru te a te sanunue, deye wete senawe Kristus Yesus nena wado ne ne mire kna ware baipa e u!" Nepere ne aru ne mire kna wa re baipa dua ke.¹⁹Nemane deraitie, de de seraibra dou te tai nena waro sasyaisi te na doipei nipi dua naru puku, ne seraibra Pauluswai pere Silaswai pere meka damba atekaimie dia nero pa de de mane kainya bekou pa wa tou pa. ²⁰Pauluswai pere Silaswai pere hakim-hakim tenai tetero kna bekou pa, neyo seraibra a te seiyainie, da tetero Yahudi tetero ena yote nou te peko te mekainya. ²¹Ne serai nena adat yeko e na Roma kna yeko pa nebei pa na dereikroipei.²²Tetero meye na mane ne beipa mekai Pauluswai pere Silaswai pere meka damba a tekaimie wande hakim seraibra neyo nero ne Pauluswai pere Silaswai pere nena mayong te baya wekai a te seiyainie ne dobi te kate suwe na we ne titinai . ²³Pauluswai pere Silaswai pere peko te mekaimie meka dopre wane titaimie, nepere tu ere eyu pa Pauluswai pere Silaswai pere eyu pa tiampiki tenoi wande tu ere tenai tetero sema te Pauluswai Silaswai kna damba sema pepoi tere bete. ²⁴Nemena a te betoupuku, tu ere eyu tenai tetero Pauluswai pere Selaswai pere tu ere eyu deko dabi pana ne oto te meka te rantai sa suwe na pere tu waro waro eyupa.²⁵Neneng nero miri ne, Pauluswai pere Silaswai pere mendo kembari karo te mekoi asemo Allah Mang Tetero kna damba, tetero seraibra si tu ere eyu ne kainya bentekei te betai. ²⁶Nepere, a tipi tipi tubumue de tere mane kani tupunu tu ere eyu mie nemei yenderounue. Wande mie numburu baipa tiyapiki tetero nepere nyeinie nyeinie sa rantai suwe na baipa tiyei.²⁷Tenai tetero tu ere eyu numburu baipa tikai meu ne nei wa te mateka kemau a sonena te, mendo werai tetero tu ere eyu na meye na mane baipa dua kai. ²⁸Nemane, Pauluswai a te arma tere dua ketereu, wei wa te peko te mekoupunue de seraibra meye neme da ne kate!²⁹Nepere nemane tenai tetero tu ere eyu na sing sereng ka kiya ne eyu pa meke, wa titeiyainie oto butu apa dusung kruko Pauluswai pere Silaswai pere seso ye tupumu bekounue tepeu. ³⁰Nemena kaye, ne do bi te baipa a te kome meke a te sanumue, tua mai, bea sa te deye meko te pepoi damba dua te?" ³¹Wande ne do bi a te saninie, Tuhan Yesus kna wado te nemeiyumbune arombune wande we nipi poi damba eu, wembere wena mie na tetero kainya metere na mane.³²Nepere Pauluswai pere Silaswai pere Tuhan Mang Tetero kna Firman Asena te tenai tetero tu ere eyu te keu na nemane nena mie na tetero metere na mane. ³³Nemane nepere, Pauluswai pere Silaswai pere ne deneng da do bi te kekou te baya sukumue, ne ye nena mie na tetero metere na mane bu te keraimipiki. ³⁴Nepere tenai tetero tu ere eyu te tepu na Pauluswai pere Silaswai pere nenei mie pa dua kai sate nebeinie anai. Nena kena kari kou kari, nedo nebeinie nena mie na tetero metere na mane Awa Mang Tetero te nemei yambiki arambiki.³⁵Nemane kaye ya kiyapuku hakim seraibra ne yo na polisi seraibra te sanaimipiki tu ere ayu na tetero te meye na mane baipa tumensinde nenei nou pa dua nai. ³⁶Tenai tetero tu ere eyu na pauluswai te a te sununue, hakim yona seraibra weteseiyainie baipa dua ende. Nete nate serai baipa dua ende teme nero pa!"³⁷Pauluswai ne seraibra te a te sunumue, dayo na tetero seraibra e te meka ye titiyaimie tetero meye na nero ne, nou ru na aroipei neyo Roma tetero seraibra, e seraibra te tu ere eyu pa tiyaimipiki. Nepereinya e seraibra te ye kai bete baipa tamipiki? ³⁸Polisi seraibra nemena a yeko te senaimie hakim seraibra ne yo nerone. Ne yo meye endiki te dekai Pauluswai pere Silaswai pere Roma tetero seraibra nena nero ne. ³⁹Nemane sate neyo seraibra meye mekai Pauluswai pere Silaswai pere a te titawaimie deye dua nerangbiki te. Pauluswai pere Silaswai pere baipa tamipiki ne yo seraibra da do bi te a te senaimi ne yo te neme tenembinie baipa dua nei.⁴⁰Tu ere eyu re baipa mekei Lidiame nena mei pa kei dou tetei do keka yei meke ne mendo besika nebei nie Pauluswai pere Silaswai pere ne seraibra te wake pote nena kena suwe ye nou nue kenai, nepere ne do bi dua kei.

Chapter 17

¹Ya si ye Pauluswai pere Silaswai pere Amfipolis pere Apolonia nepere dua kei Tesalonika yo pa mekei, nepe ne Yahudi tetero kna Sinagoge mie. ²Pauluswai neye waru na, seraibrabra nena wa nero wa nero ne, ya naming serei Sabat a te ne seraibra pere seiyainie Asena yeko semo kepeinya,³Kiya a te seiyunue Kristus peko nero pa meke teteupuku tetero dua sou na nero re yereu orupuku ne kwa esua yembuku Nedo Yesus deye da a te we seraibra te senamena pe nedo Kristus nene. ⁴Nemane ne seraibra po si arambiki dewa nebei pa Pauluswai pere Silaswai pere wande Yunani tetero meye detere dewa baruteke ne seraibra Awa Mang Tetero te endiki te dekai nemane mire seraibrabra piyambainya.⁵Namane Yahudi tetero seraibra kena na ekri mane wande tetero peko mo serei a ye mekai wepaimie dia nero ne, ne seraibra tetero te kaso pere kopirainie neyo nerone apa orunembine, Yason mai kna mie pa nai Pauluswai pere Silaswai pere Wurenai atonaimie tetero kaso pere na nero pa . ⁶Pauluswai pere Silaswai pere ne seraibra dou teipei kapiki, ne seraibra Yasonmai te awekai do keka mo serei ne mendo beinya te yo nero na tenai tetero mane ne seraibra kainya pa a te senaimi, da tetero da nou te peko te mekainie yau te dingkerai ena nou pa da yopa mekai. ⁷Yasonmai ne seraibra te mie pa a te kome mekai, ne seraibra a te seiyainie Kaisar kna yeko te a te derainie wande a te seiyainie Andewapo na si nena wado Yesus.⁸Tetero meyena mane ne yo na seraibra dede mane kainya tere tere mane ourai mendo dua susai nemena a te betaipiki. ⁹Nemane Yasonmai kna a te dua mendo pa dekai, ne tetero seraibrabra te baya amipiki dua kai. (Pauluswai Pere Silaswai Pere Berea Yo Pa Kei)¹⁰Dokeka yei meke ne mendo besika Pauluswai Pere ne deneng ya Berea yo pa mekei ne do bi Sinagoge pa kei Yahudi tetero mena yau mie. ¹¹Yahudi tetero nepe ne kainya kena pepoi wande tetero seraibrabra Tesalonika ne kainya mendo nare nare mane.Nemane ne seraibra Firman Asena te pepoi tere semo kepei mro mro te ne te benai nepere aranambine akurung poi piyambainya. ¹²Nemane satenate, ne seraibra kaso pere tereng dopre nemei yambikine pe te arambiki, Yunani mire serai do serai ne damba damba kaso pere pereunue.¹³Nemane deraitie, Yahudi tetero seraibra Tesalonika yone kainya dua arambiki Firman Asena Awa Mang Tetero kna a te Pauluswai pere Silaswai pere Berea yo ne seiyinie, neyo seraibra Berea yopa dewa mekai tetero te mendo te yekotinaimie wande kena yasu yasu warenai tetero si te na aroipei kenai. ¹⁴Do keka yei meke ne mendo besika na Pauluswai te senambiki kisi nero pa ke nemane Silaswai pere Timotius pere nou nu nepe ne. ¹⁵Tetero seraibrabra Pauluswai pere nebeinie ne te dekainie a tena yopa, Pauluswai ne ye ate da sanumupuku a keya te Silaswai pere Timotiuswai Pere seraibei menei dua mana te.(Pauluswai Atena Yo Ne Keu)¹⁶Nemane nepene Pauluswai Atena yo ne keu ne seraibra te nepene teu, nena aru wa buru na peko mane tikaunue ne yo pa dou te teu do sna sna tereng dopre. ¹⁷Nemane sate nate mendo te sua sarupuku, sinagoge ne Yahudi tetero seraibrabra pere tetero seraibra kani si rena Awa Mang Tetero te endiki te dekainie, nou dia kena ya ne ya ne tetero seraibrabra pere ne nounue.¹⁸Mendo kaso pana Epikuros pere Stoa seraibra a bete bete dado Pauluswai nembere seiyainie. Siderou a te seiyainie, dado apeu peu nedo bea mena a te seiyunue? Siderau seiyainie, dado dewa dewa seraibra si kna a te da seiyunue, nedo seiyunue Yesus ne kwa dua yembuku tete nero re yereu meke.¹⁹Nedo Pauluswai te sanambiki Areo pagus kwa dekani kai a te senainie, de seraibra aro mambine a keya neperei kiyapuku na te weye nete da seiyiyene? ²⁰We ye akurung pepoi te de na bentekei ne beta te na poi tere.De seraibra ne a te betoma nena a yeko karo si site. ²¹Ne serei te na a tena yo na tetero meye wande tetero seraibra kani sirena ne pene kainya dua teiyaipiki yane yane kembari te mekai mendo kembari karo te mekai a te be tai neperei kiya dewa muna waro nepa nate.²²Nemane Pauluswai esunue te peu Areopagus nero ne wande a te seiyunue. We Atena tetero seraibrabra, deye wete nemei yame dou tame yansi na akepe kepe na yeko pa werau. ²³Nemane deye dou te dena deye tame sasyasi sna sna we serai kapnaunue, deye dou tane nou kura diakane semo te meraipei nemeipei, Mang Tetero E seraibra Nepe Te na Aroipei, nemane sate we seraibra aroipei nemeipei, ne pe te de wete da a te sename.²⁴Awa Mang Tetero kani sero te mekoupuku wande sasyasi meterena mane mekoupuku eyunue kainya, Nedo A_I nepe da Tuhan Mang Tetero kani pere sero pere wande kuil kuil ongko ne eyunue kainya da tetero yei kna meka semo na sa. ²⁵A_I Nedo ne te na da tetero yei kna meka semo na sa ambai, nemane deraitie A_I nedo ne ye tetero yei kna meka dambere nemane A_I nedo da yereu te atou mue, wande eupou te mapumue wande sasyasi metere na mane.²⁶A_I Nedo neye mekoupuku, tetero besika nepere seraibrabra da tetero yei metere da kani dambene kainya yambeka yaru doi bi nou bete bete nena yereu te ware nai. ²⁷Nemane nepere Awa Mang Tetero te wure nai nena wa yepa wande nete nemei yinambinie nemane A_I Nedo bainya kepei ena nero ne.²⁸Nemane Nedo A_I nena burune e na da yereu nepe ne kate. Nemane deraitie, e na yarise yarise a te dua seiyainie, e tetero yei Nedo A_I nena seraibrabra.' ²⁹E tetero seraibrabra Awa Mang Tetero Nena meka smo nena nubei. E tetero mendo te mekanete Mang Tetero ne Ilahi Emas mare, Perak mane, Oru mane da tetero yei kna mendo ne meka semo ne.³⁰Nemana sate na te da tetero yei kna mendo pro pro, neperei Awa Mang Tetero akurung te tetero yei kna damba momna nounue da yereu te kiya nero pa menai. ³¹Nedo A_I neye ya dua kropuku A_I Nedo neye kaye te wasine da yo dambe ne tetero besika Nedo A_I neye nemane Mang Tetero neye tetero meye na damba da yeko akurung te seiyunue tetero dua sou na nero re A_I Nedo neye esua dua ne kwa yembuku yereu orupuku.³²Nemane ne seraibra a te betai ne tetero yei dua esua yembuku yereu orupuku waru tetero souna nero re, tetero mo serei ekri mane kembeng mane da a yeke yeke te seiyai nie. Nederaitie si derou a te seiyainie de seraibra nou nue damena a te pepoi beto mapine mendone kenai. ³³Nepere Pauluswai tetero nero re baipa dua ke. ³⁴Nepere nemane, tetero mo serei ne beipa kopurunue nebei Pauluswai pere nemei yambiki dua arambiki ne do Dionisius Areopagus serai wande mire besika pere.

Chapter 18

(Pauluswai Korintus Yone Keu) ¹Nepere Pauluswai Atena yore Korintus yopa ke. ²Pauluswai Yahudi tetero tekene wado Akwila, Pontus nepe re na Syodo, nena mire pere Italia yore mekei wado Priskila, nemane Klaudius a te sanumue Yahudi tetero meye na mane Roma yote neme tenambinie. Pauluswai ne seraibra kwa meke. ³Ne seraibra ne kembari beitie mekai Pauluswai ne pene ne seraibra pere tenda kembari te mekai.⁴Pauluswai nena mendo ne werai sinagoge ne sabat yane Yahudi tetero pere Yunani tetero pere a te pepoi tere aronayimbinie. ⁵Nemane Silaswai pere Timotiuswai pere Makedonia yere mekei, Pauluswai kembari te metere mekou da Asena Firman te teprei tere na te seiyunue Yahudi tetero seraibra kna wa pa Nedo Yesus nepe Kristus. ⁶Nederaitie ne seraibra Pauluswai te aye senai nie masyani, nenei mayong te baipa deko dua dewa yepu ne seraibra te a te sanumue, wena sa waro wei tenai dambene durunaipinie! De pe da ye mro mro tere. Neperei ne me dua mana, deye dua te seraibrabra kani sire na yopa te.⁷Nemane nepere, nedo Pauluswai dado Titius Yustus nena mie pa ke ne tetero Yahudi bai ye nemane Awa Mang Tetero te Kapeneunue, nena mie sinagoge yene tepeu. ⁸Krispus sinagoge tenai, Tuhan Mang Tetero te pepoi tere nemei yumbuku wande nena mie na tetero meye na mane, wande Korintus yona tetero Pauluswai kna a te beteyai pepoi tere nemei yambiki nemane bu te kereyaimie.⁹Tuhan Mang Tetero deneng ya ne Pauluswai yeko te dou tenu a te sanune, endiki tena dekoipeinya a te nou nue neme seiyunue yekai na keipeinya. ¹⁰De A_I Nedo Nepe wembere nebeinie da wera, tetero sinewai we tena peko te na ambai nemane dena tetero tereng dopre da yone werai. ¹¹Pauluswai ne nou nue mai besika oko meka su wau suna bei, nepene Awa Mang Tetero nena Asena Firman te seiyunue.(Pauluswai te Galio Nena Bekou Pa Dekani Kai)¹²Nemane Galio nepene Prokonsul Akhaya, Yuhudi tetero seraibra kena besika dekai yei yembuku Pauluswai te dekanie yau nero pa oru dia pa. ¹³A te seiyainie da tetero ena mendo te yekoutumue tetero meye na mane Awa Mang Tetero te da kapenemane ena yeko Hukum Taurat na nemena a te na mereipipei semo na ambai.¹⁴Nemane deraitie, Pauluswai a te donembinie na ambai, Galio a te seiyunue Yahudi tetero seraibra te sanumue, damena a waro yeko te naru ne peko damba we Yahudi tetero, deye da a waro te a te da sawete pepoi seiyitene. ¹⁵Nemane da a waro da wado wado wei yeko hukum keu na mane, weye wei te seiyinende. De nepe te na hakim mena keipei.¹⁶Nepere Galio ne seraibra oru diare baipa nemusuku. ¹⁷Ne seraibra meye na mana Sostenesway te meka pa awekai, Sinagoge tenai tetero wande bekounue oru dia ne meka ye peneyai. Nederaitie nemane Galio ne waro te na aroipei kiyou. (Pauluswai Nekewa Antiokhia Yo Pa Meke)¹⁸Nepere Pauluswai ya mo serei kiyou, wande do keka yei meke neme kende deye Siria yopa nebeinie Priskila pere Akwila pere. Kengkrea nepe ne dado Pauluswai nua te baya mekambiki nemane Nazar te dua da sesuku tenou. ¹⁹Nepere ne ye Efesus pa mekai wande Pauluswai neye Priskila pere Akwila pere ne nou nue tamupuku, Pauluswai neye sinagoge pa ke Yahudi tetero seraibra pere a bete bete te dua dewa seiyainie.²⁰Nepere nemane Pauluswai te a te senainie ne nou ne tiki neme kene na te, Pauluswai a te baipa sarupuku ambainya tewai. ²¹Deye we seraibra kwa ne kwa mete na pe Awa Mang Tetero neye umbine. Nepere Pauluswai Efesus yo pa.²²Pauluswai Kaisarea yore poi a te nena Jemaat seraibra te, wande Antiokhia yopa. ²³Nepere ya mo serei bete wande ne nou te neme da tembuku oto te dua dewa yembune nou sire sire ne nou Galatia yo pere Frigia yo pere yau na dero na te wake po te atoumue.(Apoloswai Efesus Pere Korintus Pere Ne Yo Ne Nepene)²⁴Ya si ye Yahudi tetero wado Apoloswai, Aleksandria yo re na syodo neye Efesus yopa meke. Nedo Apoloswai Asena semo kepei te ne te aroupuku mendo pa dua orupuku kai. ²⁵Dado Tuhan Mang Tetero nena nipi karo te pepoi nemei yumbuku aru waro ne. neye a te seiyunue Yesus te na a te sanumue, nemane dado Yohaneswai kna bu waro kro muna beitie arombuku. ²⁶Nedo a te seiyunue sinagoge eyu nue endiki te na dekoipei, nemane Priskila pere Akwila pere a te betoipiki wa pa dewa tarimbiki a te pepoi tere sanimbiki Awa Mang tetero nena nipi poi damba.²⁷Nepere Apoloswai neye Ahkaya yopa do keka yei meke ne mendo besika na ne do te wake pote semo te mere nai yau na dero na nero ne nete meka poi donainie. Neye meke ne seraibra te a te sanumue tepreinya nou te pepoi ye nemeiyi nambinie. ²⁸Neye a te arma tere sanumue Yahudi tetero seraibrabra yau detere nero ne, nemane Asena semo kepei te bepa da kurumue Nedo Yesus ne pe Kristus Nene.

Chapter 19

(Pauluswai Efesus Yo Ne Keu) ¹Nemane sate na te, Apoloswai ne ye Korintus yone keu, Pauluswai dari damba ne pene Efesus yone. Nepene yau na dero na mo serei bete kaiwerai. ²Pauluswai ne seraibra te a te sanumue, we damane Aru Roh Kudus dua dekau ne pete nemei yambuku? Ne seraibra a te sewaipiki, ambai tere, de dapene kate Aru Roh Kudus a te na betoipei.³Nepere Pauluswai a te sanumue Beamena waro ne we seraibra bu te na kere yaimie? Ne seraibra a te sewaipiki, nedo Yohaneswai kna a waro ne bute na kereyuomu. ⁴Pauluswai sanumue, Yohaneswai bute kromuna waro bu te koma e na wa te teme ye a pa dusmangkrone, nedo tetero seraibrabra te a te sanumue A_I Nedo nete nemeiyimambinie nederaitie meto sure dewa da mene na Nedo Yesus."⁵Nemena a te dua betaipiki ne seraibra Tuhan Yesus Mang Tetero kna wa do ne bute kromu. ⁶Nepere Pauluswai meka te tenai damba tepumue Aru Roh Kudus ne seraibra kna damba wa pa nemane ne seraibra a tu peu site site seiyainie wande yeko te kirai. ⁷Ne seraibra nena tereng meka bi suna wau biserei do bei ye.⁸Pauluswai sinagoge eyupa ke a te sanumue wa arma ye oko naming serei pa, a te dua dewa seiyainie ne seraibra pere Awa Mang Tetero nena dia te seiyainie. ⁹Nemane deraitie, tetero mo serei bete kena arma te ataipiki nemeiyimbipeinya te a te baipa serai, nepere a peko te seiyainie tetero kaso pere na nero ne, Pauluswai ne seraibra temupuku yau na dero na te baya atekome mekai nenei a bete bete te ya ne ya ne semo te kepang te tepainya nou Tiranus nepe ne. ¹⁰Da a waro nemena beitie mai bi serei nepere tetero meyenamane Asia nepe ne kainya Asena Firman Tuhan Mang Tetero nena akurung te betai Yahudi tetero seraibrabra pere Yunani tetero seraibrabra pere.¹¹Awa Mang Tetero nena yeko pepoi te mekou Pauluswai kna meka dambere. ¹²Nemane ne mayong serau waro ne Pauluswai nena wa ere dambere tepembinie wande sa na tetero kna wa damba, aru peko peko baipa dua nai ne seraibra nenei wa pepoi tere dua orunaipinie.¹³Nemane tetero mo serei yahudi tetero sekai te baipa sekaimina nepe ne dua dewa werai Tuhan Yesus Mang Tetero nena wa do ne tetero kna wa ne aru peko peko te a te seiyainie. De ye we te tame Yesus kna wa do ne nedo Pauluswai seiyunue na mane! ¹⁴Yei meka susu na wau biserei do yei skewa, yei si newai imam detere Yahudi nena yei, nemena kembari te mekai.¹⁵Nemane aru peko a te saweke a te seiyunue ne serai kna damba, De pe da ye Nedo Yesus te dua aroumbuka wande Pauluswai te aroumbuka, nemane we kaye simbiyang? ¹⁶Nepere tetero aru peko na ne seraibra kna wa nero pa senombuku, ne seraibra te wapumue wande apa baya dusumupuku nepere ne seraibra baipa baruaipiki ne mie eyu re wa kiyane kekou mane. ¹⁷Efesus tetero nemena a waro te arambiki, wande Yahudi tetero seraibra pere Yunani tetero seraibra pere meyena mane dua arambiki. Ne serai meyena mane endiki te dua dekai wande Tuhan Yesus Mang Tetero poi a te seiyainie.¹⁸Ne seraibra kaso pere na nero ne dua nemei yambiki meye mekai, nenei wa ne dua kainya nou te a te mekai seiyainie. ¹⁹Ne seraibra sihir kembari te mekeyai, semo kepei te nebeipa kopirainie tetero meye na nero ne sing damba baya taunaiy. Ne seraibra semo kepei te aye bembiki nena ondung tereng siri meka su bei pa saweke(50.000 keping perak). ²⁰Nepere Tuhan Mang Tetero nena Firman wake dopre neme na beitie tepeu.(Pauluswai Nena Nipi Te Oto Te Nena)²¹Nemena a waro nou pa dua mekou puku, Aru Roh Nena burune, dado Pauluswai Yerusalem yopa dua nena te nepere Makedonia yore wande Akhaya yopa, neye a te seiyunue, nemane deye nep ne kiya waria de nederaitie Roma yo te dou ye tetembinie. ²²Nedo Timotiuswai pere Erastuswai pere ne dobi serei dua nei Makedonia yopa nei, nedo Pauluswai neye ya mo serei Asia ne neme keu. (Demetrius Neye Efesus Yo Ne Dua Narumkruko)²³Ne ya na nepe ne ekri yembe orupuku nemane nipi te. ²⁴Nedo Demetrius perak kembari te mekou na, nena kuil kuil perak Dewi Artemis, nena tetero kembari te mekainya. ²⁵Nena kembari tetero kopurumbuku nebeinie a te sanumue, do keka yei meke we ye dua arambuku e na dera munu sa waro da kembari de tere nepe ne sawaka te kate.²⁶Weye dou te tau a te betau, da Efesus yo na beitie na ambai me tere Asia, Pauluswai a te sanumue tetero dua arambiki meye na mane meto pa biraisiki ena Allah do sna sna tetero yei kna mendo nena meka smo Awa Mang Tetero nemena ambai. ²⁷Damena peko tere e na kembari waro apa semasinie baya temambinie, nemane kuil dewi Artemis piyambainya Asia ne dayo dambe metere ne te na kapneinipei ena pepoi waro dua karumbinie.²⁸Nemena a te dua da betaipiki, ne seraibra a te derainie a te keterai, Artemis detere, dewi Efesus tetero nena!" ²⁹Ne yo ne apa orumbuku ne seraibra nebeinie mekai ongko detere ne Gayus pere Aristarkhus pere Makedonia tetero nedo Pauluswai nena yau na.³⁰Pauluswai nemane tetero kaso pere na nero pa, yau na dero na nete na ambipei. ³¹Tetero Asia ne tenai mane kainya nembere werainya nete a te senainie we di ongko detere pa na epeinya. ³²Dero mo serei a te meye keterai wande dero si aye demupuku derainie, nemane dero si derou aroipei beamena pote da nou pa kopurune.³³Tetero kaso pere Aleksander nena wa pa dou te tai nemane Yahudi tetero ne te bekou pa sisainie, wande Aleksander meka te mekou nenei wate tetero nero ne baipa dua ne. ³⁴Nemane nedo Aleksander te arambiki Yahudi tetero, soning biserei, ne seraibra a te meye keteraipiki a besika serei, Artemis detere, dewi Efesus tetero kna!³⁵Nemane panitera seraibra neyo nero na tetero kaso pere yekai kenai, neye a te seiyunue, we Efesus tetero seraibrabra, simi ye aroipei keu dapene Efesus yo na kuil dewi Artemis pi yambainya sero dambere apa meke? ³⁶Netenate a te na derenipei, we seraibra yekai nemei kende a te na nemena kete raipeinya. ³⁷Nemane we seraibra da tetero te dapa ate kau mu mekai wena kuil te na sasyasi oripei we na dewi tena a derenipeinya tewai.³⁸Netenate Demetrius nena kembari tetero pere nebeinie a te tukanai nie da tetero si besika pa a te tunaisine wande prokosul nepene a te seyinai nie. ³⁹Nemane we seraibra apa orunembinie, ne a waro yau nero ne seiyi mane. ⁴⁰Nemane e seraibra peko nero ne uamipiki da a ye demupuku da yana nou karo mena aroipei bea mena a te eye seiyimane. ⁴¹Netenate neye a te seiyunue damena a waro neme temambine tetero baya moi moi serene.

Chapter 20

(Pauluswai Makedonia Kani Pa Wande Yunani Kani Pa) ¹Nepere kena yasu yasu ambai orupuku, Pauluswai yau na dero na te sumupuku,ne seraibra te wa po te ikimie, neye a te sanumue de Makedonia pa dua te. ²Nepere ne ya dua ke ne nore nore a te sanumue a te titawumue wande ne ye Yunani kanipa meke. ³Pauluswai oko naming serei nepene keu. Nemane Yahudi tetero seraibra a te tukainie nedo te sekenaimbinie nepere Siria yo pa na mipei, neye nekwa Makedonia pa dua nena te dereunue.⁴Pauluswai nembere Sopater Berea yore na, Pirus niyei, Aristarkhus pere Sakundus pere Tesalonika nepere wande Gayus Derbe nepere wande Timotiuswai, Tikhikus wande Trofimus Asia nepere na ⁵Ne seraibra dua kai ete neme da tai Troas nepene ne nou nue. ⁶Nederaitie eye Filipi nepere ya detere Hari Raya Roti Tidak Beragi, ambai dua orupuku wande ne seraibra kwa Troas pa mekai nepene ya mekasu suna wau biserei.(Pauluswai Neye Troas Yo Ne Tupu Tena Oto Te Waru)⁷Ne yana me te na yau ne de seraibra nebeinie kopurumbuku roti munu sa te wasima, Pauluswai a te sanumue ya si dua ware ne na te, a te sanumupuku deneng Sreinie tiki dopre kate. ⁸Nemane sing kiya dopre de serai nebei pa kopurumbuku.⁹Sekro yei si newai wa do Eutikhus mari dambene keu yuku te dua tena upuku. Nepere nemane Pauluswai a te neme seiyunue tiki tere, ne yei yuku te armapuku tenou nenei wa te apa erumbuku mie wansyang naming sereinya re wande no te dewa dekainie. ¹⁰Nemane Pauluswai apa duteke nete meka orungkruko ate sanumue, yekaikende nema waru ru aru wa buru ne neme keu.¹¹Pauluswai ne kwa roti munu sate wasyai wande ne te anai, a te neme na beitie seiyunue ya pa po ye dua keu. Nepere nemane nedo dua ke. ¹²Ne seraibra ne sekro yei te dua dekainie yeu yereu dua orupuku wande pepoi damba dua kai.(Troas Yore Nipi Te Ware Te Miletus Yopa)¹³Nemane nau na derangke, nepere Asos yopa mekate Pauluswai nepene keu darire nenei oto ye warene na te. ¹⁴Nepere nemane neye Asos yone da dembere teka tena kaye, de seraibra nembere Metilene yopa kate .¹⁵Nepere meka te wape yatene Khios pa mekai. Ya sipa na mekate Samos yo nepere ya si pana wape ya te na Miletus pa mekate. ¹⁶Nepene Pauluswai seiyunue Efesus pa nepere ya mo serei Asia nepene wera bete dua di ne Yerusalem yopa dua ne Pentakosta ya detere.(Pauluswai Penatua Efesus Kna Wapa Ate Seiyunue)¹⁷Miletus nepere Pauluswai tetero site Efesus yopa sanumupuku mekai penatua jemaat seraibra te a te sanenaiyimpinie ne do kwa Pauluswai kwa menai. ¹⁸Nepere nemane ne seraibra Pauluswai mekai, ne te a te sanumue, weye dua araunue, deye wena nero ne wera mete dena oto Asia pa nekane memeterete. ¹⁹Tuhan Mang Tetero te dei kena ne dusungkruka apa kembari dou bu nero ne wande nou peko peko dambere Yahudi tetero seraibra kna a peu peu dambare. ²⁰De beamane wete a te santeme de dei burune neme kainya a te sename yau nero ne we seraibra te sename mie re mie re wera. ²¹Tepreitere na te a te da seiyane, Yahudi tetero kna wapa nemane Yunani tetero kna wa pa nate nenei wate apa dusnainkro ne Awa Mang Tetero nena damba wande Tuhan Yesus Kristus ei yei Mang Tetero.²²Neperei dou te tende,Aru Roh yepoutupuku, deye nipi nero ne Yerusalem yopa, aroipei beasa dena wa pa da kirimbine. ²³Nemane wande Aru Roh Kudus Teprei tere yore yore dena wa pa tu ere eyu numburu peko poi de te teu. ²⁴Nemane deye dedei wa te yereu te pepoi te na seiyinipei nepere deye kembari te dua da meka Tuhan Yesus Mang Tetero nena nipi ne wera, teperei tere na te Injil Tuhan Mang Tetero Allah Awa Mang Tetero Nena Anugerah.²⁵Neperei dou te tende, de wena nero na wari pei oru dia a te na seiyinipei dena bete wate na dou teipei kende. ²⁶Nemane sate deye wete daya ne sename de wena sa waro pana peko te na seiyinipei. ²⁷De a te na titawipipei Awa Mang Tetero nena ayeko dena damba sanutue.²⁸Wei wate sema te keu wande seraibra metere, Aru Roh Kudus wete be mane oto tou na te atoumu waru Awa Mang Tetero nena Jemaat seraibra A_I Nedo Sa durupuku na dambere. ²⁹De ye arombuka oto te dua tena yuku Serigala srainya we seraibra kna neropa menai. ³⁰We seraibra kna nero ne tetero si derou a te seiyinainie we te wapenaime nena yau na dero na mane.³¹Nemane sate wa semate kende, deneng dai mendo te meko nende mai naming serei deye wete a te saniyame dou bu dopre meke yau nemane. ³²Nepereinya deye we seraibra te Tuhan Mang Tetero nena Firman Anugerah nipi pepoi damba tetero meyena mane mro mro damba dua nai.³³De Perak kena keipei, Emas kena keipei, mayong pepoi kena keipei. ³⁴We seraibra arambuku dena da meka wete a tekome waru wande we seraibra dembere nebeinie. ³⁵Damena karone, deye we seraibra te kirame kembari te arma mekonde, eye wake banya tetero te ato mame Tuhan Yesus Mang Tetero Nena a te mendo te mekomane A_I Nedo neye sanumue, piyambaitie baya ataumu nemane deraitie dewa na kwa na oripei.³⁶Pauluswai nemena a te seiyumbuku, oto butu dusu kruko mendo kembari te mekou nebeinie ne seraibra pere meye na mane. ³⁷Nemane dimi kurung waru seraibra meye na mane Pauluswai nena seso te ouraigkriko nete seng seng yeitainie dou bu kewainie. ³⁸Ne seraibra kena nundurai, Pauluswai nena a seiyumbuku na pa mendo werai, we seraibra dete na dou teipei dena bete na tenipei kende. Nepere ne seraibra ne do Pauluswai te nebeinie tawekainie nau na o derangke damba.

Chapter 21

¹Nepere de seraibra nemane ne seraibra dane teamepiki te kiyai, de seraibra nau nero te dua kate kos pa, yasi Rodos pa, nepere wande pa tara pa. ²Wande nemane de seraibra Fenesia pa na o derangke damba sekapiti te nau nero te kate.³Nepere de seraibra Siprus kepou te dou tane te, de seraibra neme dua da ka te Siria pa, nepere Tirus pa tikembuku o derangke dambe na sasyasi te apa orunai keronai. ⁴Nepene yau na dero na pere tewa kreko te deseraibra ne pene ya meka su suna wau biserei. wande Aru Roh nedo Pauluswai te ne seraibra a te nou nue neme senainie Yerusalem yopa na tena eipei.⁵De seraibra kna ya ambai dua orukai yeu, de seraibra dua mana te oto te dua warema nipi te ma.Ne seraibra meye nena mire yei nemane nepere de seraibra pere nebeinie a tekaimie kai yo baisuwa kate. Nepene oto butu du sangkreko te kisi tune mendo kembari te mekanete. ⁶De seraibra ne seraibra pere dua dewa tupu te na a te sename mete mekate tepa te. Nepere de seraibra o derangke damba dua sekate wande ne seraibra mie pa dewa da mekai.⁷Nepere de seraibra Tirus nepene mekate Ptolemais nepene, do keka yei meke ne mendo besika, nepene ne seraibra pere kate ya besika. ⁸Ya si pa na de seraibra pa kate nepene Filipuswai nena mie eyu pa kate, nepene nedo nembere nebeinie kate. ⁹Ne do Filipuswai nena yei aprau serei yeko ate seiyainie na.¹⁰Nemane nembere de seraibra ya mo serei kate, Nabi besika wa do Agubus neye Yudea yore meke. ¹¹De seraibra kwa meke, neye Pauluswai kna mayong serou kipi te beiyuna te baipa deko nenei oto pa meka pa beiyupuku, a te seiyunue. Aru Roh Kudus seiyunue, da mane da meko nai Yahudi seraibrabra Yerusalem yo ne da mayong serou pere na tetero te beiyinaipinie serai si si kna meka damba da sarenaipi nie dua da ne.¹²De seraibra nemena a te betapikite, de seraibra pere tetero si derou nepene nedo Pauluswai te a te sena nete Yerusalem pa na eipeinya. ¹³Nemane nepere Pauluswai a te sawupuku seiyunue, beamena mendo te weye mekaunue dimi te dimau dena kena te baya nutau? Nepete deye dua a te saweka, sa beitena beiyitipipei nederaitie Yerusalem yone dete no te da tonaitipine Tuhan Yesus Mang Tetero nena wa do te seiyaine sate. ¹⁴Pauluswai tena nemena a te senambiki, ne seraibraa yekai nenei a te seiyainie, nemane Tuhan Mang Tetero nenei a yeko beinie keu.¹⁵Nemena yo sereinie de seraibra Yerusalem yo pa dua kate. ¹⁶Yau na dero na Kaisarea yore na dewa mekai nebeinie de seraibra pere kate manason nena mie pa kate Siprus tetero yau na dero na yansi ne nena mie ne nembere dua kiyate.(Pauluswai Neye Yakobuswai Kwa Meke)¹⁷Nepere de seraibra Yerusalem yopa kate, do keka yei meke kena kari ne de seraibra te poi atekaimie. ¹⁸Ya si pa na Pauluswai de seraibra pere nebeinie kate Yakobuswai kwa, wande penatua meye dewa mekai. ¹⁹Nemane ne seraibra te poi a te mekapikite, Pauluswai ate seiyunue dana tupure dina tupu pa seiyunue Awa Mang Tetero nena kembari yeko seria si si kna damba pauluswai nena oto waru na.²⁰Nemane ne seraibra nemena a te betai, ne seraibra poi a te Awa Mang Tetero kna damba seiyainie. Ne seraibra a te nedo Pauluswai te senainie, dou te pimr daiyei, tetero siri mo serei Yahudi tetero seraibrabra a kna nero ne nemane dua da nepe te nemeiyambiki arambiki ne seraibra Hukum Taurat yeko te poi tere mekai. ²¹Nemane ne seraibra wete na a te da seiyainie we Yahudi tetero te meye a yeko te kiri yeme seraibra si si kna nero ne nedo Musawai kna Hukum a yeko te neme da tenambinie, ne seraibra te sani yeme nena yei bra te na sunat kembari te na mekoipei wande ena ayeko adat waro te na tawipei.²²Nemena beasate eye mekoma? Ne seraibra ate betonaipinie we dewa da meke. ²³Nemane satenate, de seraibra senawete na kembari te mekoupune. Tetero aprau ena nero ne Nazar burune ane kainya. ²⁴Ne te sanumue wei wa te nembere nebei nie mro mro damba ende. Nemane nena dera waro te mekombinde nepere nena nua te baya mekonaipine. Nemena deraitie, tetero meye aronaiyimbinie nou keipeinya a te ne te senai mi weye meke yena waro te, nemane we kaye yereu te na Hukum Taurat a yeko dambe ne wari ye.²⁵Nemane seraibra si si nepe te nemei yambiki, e seraibra semo te merema a te tiyemakrone ne seraibra nenei wa te baipa sa na sa na wa orung sa waro do sna sna Berhala kna pa dua ataimi, sa nimi dambere, dua mekaipiki na sasyasi, wande peko pepoi bisi kaimie te mekai. (Pauluswai Te Meka Pa Awekai) ²⁶Nepere Pauluswai da tetero da tetero te atekome dua kai, ya si pa na nenei wa te da mro mro damba da tetero nebeinie, neye Bait Allah Mang Tetero Nena mie yau mie eyu pa ke wande a te sanumue mro mro nepe te sawekai dera waro te imame tetero nyei nyei ni.²⁷Nemane ya mekasu suna biserei, Yahudi tetero Asia re mekai, Pauluswai te dou dua tambiki Bait Allah Awa Mang Tetero nena mie eyu ne keu, nepere tetero meye mekai nedo Pauluswai te meka pa awekai. ²⁸Nemane a te keterai, we Israel seraibrabra, meye dewa mende! Da tetero neye a te sanumue ate seiyunue tetero mo mena nou rue na tetero ena seraibra te baipa sekenaimie, wande e na Hukum Taurat a yeko da nou nue keu na te baya kirau ne te dingkeru. Namane deraitie, neye da Yunani tetero te Bait Allah Awa Mang Tetero Nena mie pa dewa a te kome werai e na nou mro mro te neki te mekai nie werai! ²⁹Trofimus Efesus tetero te ne yo Yahudi seraibra dou dua tambiki ne yo ne nebeinie wari wande ne seraibra seiyainie nembere ne beinie eyu pa Bait Allah Awa Tetero nena mie pa kei.³⁰Nemane ne yo nero ne dua titeyainsiko wande tetero meye mekai dua da atinaiying kriko sua sua. Nepere Pauluswai te meka pa awekai baipa dekanikai Awa Mang Tetero nena mie Bait Allah banya suwa nemane mie numburu eyu pa werainya nepe te dua dinaipiki. ³¹Ne do te ne seraibra baya tenaipina te derainie, akurung Roma kna pera sena tenai tetero kwa meke pe Yerusalem yone a sangku sangku dua yembuku.³²Ne ya na pera yo seraibra nena pera tenai tetero Yerusalem pa mekai ne seraibra kwa mekai. Nemane ne seraibra dou te tai pera tenai tetero nena dero na pera yo pere dewa mekai, ne seraibra Pauluswai te na meka peneipei baya ambiki. ³³Nemane pera tenai tetero wa tou pa meke, Pauluswai te meka tupure deko ne a te sanumue Pauluswai te sa suwe, na rantai biserei meka pa beiyinaipi nie. Ne do a te surumu sanumue dado Pauluswai simbiyana wande nena kembari beasa te mekou.³⁴Tetero kaso pere a te keterai nemei pei aroipei. Nedo pera tenai tetero aroipei nemane sate dado Pauluswai te pera yo nena ongko pa markas pa dua donaine nai. ³⁵Nepere opi damba mekai Pauluswai te meka dambere tetero kaso pere na nerore pera yo seraibra eyu pa dua dekaniyeu. ³⁶Nemane tetero tereng dopre pera yo seraibra te tawekaimie mai a te keterai, baya no te to mapine!³⁷Nepere Pauluswai te ongko pa markas pa dekaniyeu, Pauluswai pera tenai tetero te a te sanune, dete we te abete te santewepine? Pera tenai a te saweke a te sanune, We Yunani peu arombuke? ³⁸Nemena we Mesir tetero ya mo serei dina tupure a sangku sangku mane deranu wande tetero siri aprau serei tetero titi nou krong krong damba?³⁹Nemane Pauluswai a te seiyunue, de pe da ye Yahudi tetero Tersus yo rena Kilikia yorena tetero. De ye wete senawe senawe, de sanutupune da tetero seraibra te a te santeme. ⁴⁰Nepere pena tenai dado Pauluswai te ne kwa a te nena damba ikine, Pauluswai opi dambene esu ne tepeu meka beitie mekou da tetero tereng kna damba. Nepere ne seraibra yekai dua a ambai ouraipiki nemei dua werai, ne do Pauluswai Ibrani peu ne nemane tetero seraibrabra te a te sanumue.

Chapter 22

¹Do keka yei meke wande awa awa a te betonde dena a sawekana te da be tombinde. ²Nemane ne seraibrabra nemena a te betai Pauluswai ne seraibra te Ibrani peu nue a te seiyunue ne seraibra yekai tere dua kai Pauluswai a te sanumue.³De pe da Yahudi tetero, Tarsus yone sengkai tie, Kilikia ne detere da to nero ne deupuka, Gamaliel de te a te kiriyou te e na a yeko dambere Mang Tetero Nena ayeko we seraibra meyenamane dua da arambuku. ⁴De ye tetero te peko meke yame tete damba, do te mire te meka te saye beiyiya tu ere eyu pa nete tiyame. ⁵Imam detere wande majelis penatua seriabrabra dena damba na a te sei yainie. Ne seraibra kna meka dambere de semo te oriya damsyik yo na dokeka yeimeke nena mekate sa ye beketeme Yerusalem yopa tu ere pa tumampinie eyu ne tenonai.⁶Dua da mekou puku, deye Damsik yo pa na te nepere nipi nero te wera, dai serei nie kiya sero dambere erembuku dena wa pa. ⁷De kani damba apa yongkuka a te beta akurung dena bentekei pa waru. Sauluswai, Sauluswai we beamena te dete peko meke yete? ⁸De a te dombuka, Tuhan Mang Tetero, We kaye simbiyang? Nepere dete a te sanu te, De NeDo A-I Yesus Ne pe Nasaret yo re na, we ye neperei De te peko dua mekeye te.⁹Tetero seraibra dembere nebeinie nemena kiya erembuku dou tambiki, dena wapa akurung te seiyunue ne seraibra aroipei betoipei. ¹⁰De ye a te saweka, beasa te Tuhan Mang Tetero deye ne te mekotepinie. Tuhan Mang Tetero de te a te sanu te, esuwa yembime Damsyik yo pa eu ne pe ne a te betou pu ne we ye ne te mekouna sa. ¹¹Dena dou dua tiyapiki dou teipei kiya sero dambere de kwa meke, nemane dete tetero si meka dambere Damsyik yo pa.¹²Nepere tetero si wado Ananiaswai, tetero pepoi Hukum Taurat a yeko te poi tepuna Yahudi tetero meyena mane ne te dua arambiki. ¹³Nedo Anasiaswai kwa eu, nena wa tou nue esune tepeu neye a te donembine, Sauluswai we dou te teime.¹⁴Neye a te da sanute, Awa Mang Tetero e na mang bra ayeko te kra piki Mang Tetero nena kembari te pepoi te teprei nya te nena a te betoune nena emburu a te da seiyine ne. ¹⁵We ye da nena kembari yeko te tetero meyena damba a te da sanumue dou ye tiye ne a te bete yene. ¹⁶Nemane neperei weye dewa da esua yembune bu te kronaiwipinie, Wei wa na peko te baya teyu A-I NeDo Nena wado te seiyune.¹⁷De ne kwa Yerusalem yo pa dewa meka mendokembari te Awa Mang Tetero Nena mie Bait Allah ne pe ne, Aru Roh dena wa eyu pa meke. ¹⁸De nepere A-I NeDo Nete tembuka dete a te sanute, wera bete Yerusalem yore baipa dua eu, ne seraibra de tena a te seiyunena ne seraibra meye na mane wena a te na betoipei.¹⁹Nemane deye a te seiyane, Tuhan Mang Tetero, di seraibra dua da arambiki deye ne te sa beiyiya tu ere eyu pa tiyame wete nemeiyawipiki Sinagoge si pa. ²⁰Nepere nemane sa waro wena Stefanuswai nena sa durupuku, de nepe ne esu ne tepeya, a te da saweka wupuka, tetero kna mayong sema te te peya ne do te no tetewaipiki. ²¹Nepene Dado Yesus dete a te sanu te, dua ei me! Nemane De wete santewepine serai si kna kani pa yo pa eu.²²Tetero kaso pere Pauluswai kna te betainie tupu pa dua seiyumbuku. Nepere ne seraibra meye a te kensiki a te seiyainie, no te tomapine nemena tetero yereu keipeinya tewai. ²³Ne seraibra a te da keterai, nena mayong jubah te baipa teiyai wande di te buna pa mekani. ²⁴Pera tenai a te sanumue Pauluswai te ongko pa markas pa dekani yeu, sa suwe na sa Pauluswai kna wa te penenaipinei nepere aronaiyimbinie beamena te da seraibra a te damane keterai.²⁵Nemane ne seraibra sa ere suwe na te a tekai mekai, Pauluswai pera yo tetero te a te sanune, we kaye beamane tetero si te sa suwe na wate penende ne tetero Roma yo rena nena peko te na wureipei. ²⁶Nepere pera yo tetero nenei pera tenai tetero kwa dua ke a te ke sanune, nemena beamane mekomapine? Damena tetero e na seraibra Roma yore na.²⁷Pera tenai dewa meke Pauluswai te a te sanune, a te bete seiyine de betotepine, we kaye Roma yore na tetero? Pauluswai a te seiyunue, de Roma tetero. ²⁸Pera tenai a te saweke, dera dopre na dambere seraibrabra dena buru ne kai. Pauluswai a te seiyunue, de nemane da seraibra pere ne ya sebai senoupuku. ²⁹Nepere tetero si derou Pauluswai te a te tenaipinie ta ye nenei wa te baipa dua kai wande pera tenai tetero endiki te dekou, nemane da do Pauluswai te poi ye arombuku Roma tetero seraibra te sa ye beiyaipiki.(Pauluswai Pere Yahudi Tenai Tetero Pere A Te Seiyine)³⁰Nemane ya si pa na, pera tenai tetero a te wureu beamena te Pauluswai te Yahudi tetero seraibrabra ne te wukai nie, Pauluswai te baya ambuku wande Imam Imam tenai tetero Sanhedrin seraibra te a te sanumue nebei kopri nembinie, wande Pauluswai te dewa do nene mene yau neropa ne seraibra kanya nero pa.

Chapter 23

¹Pauluswai ne ye Sanhedrin te dou temu a te sanumue do keka yei meke, deda nipi te yereu te kenare ketekruka Awa Mang Tetero Nena bekounue nemena beitie wera da ya pa meke. ²Imam De tere Ananiaswai tetero te a te sanumue Pauluswai te meka emburu ne tonaipinie. ³Nepere Pauluswai a te nena damba sanumue, Mang Tetero we te meka tonewa pine, we seraibra ondong oru kreu kreu mane tepeye! we seraibra dena damba Hukum Taurat a te seiyaunue, nemane deraitie ne a yeko ne we tetero te saniyeme de te meka ye tonaitipine.⁴Tetero esune wa tounue tepainya a te de wambiki, we kaye Imam Detere Mang Tetero kna tetero te peko mena a te saniyene. ⁵Nepere Pauluswai ate da sanumue, de kaye aroipei, dokeka yei meke dado Imam Detere. Semo ne kainya we a peko te na ena tenai tetero kna damba na seiyinipeinya.⁶Nepere nemane Pauluswai nete aroumupuku tetero siderou Saduki wande tetero siderou Farisi, Pauluswai Sanhedrin nerone a te sanumue, dokeka yei meke de pe daye Farisi tetero kna yei. De te na a te seiyaunue nemane tepreinya waro tetero ne kwa esuwa tete dambere yembine. ⁷Nemane Pauluswai nemena a te seiyune Farisi tetero seraibra pere Saduki tetero seraibra pere a yasu yasu a krikri te tewaini nena yau tetero te baya waisyai. ⁸Nemane Saduki tetero a te seiyainie tetero no esuwa na yembipei, wande Malaikat ambai, wande aru roh ambai, nemane Farisi tetero seraibra pe nemena a waro te na meye namane a te dua sawenai nene pe neye.⁹Nepere a ye demupuku ahli Taurah mo serei Farisi kna dero esu ne tepai a te derainie a te baya serai, de seraibra da tetero yei kna peko poi tena dou tembipei ambai. Beamane aru Roh wande Malaikat a te nembere seiyiyou ne. ¹⁰Nemane a yasu yasu neme da seiyainie, pera tenai endiki mane dekou dado Pauluswai te mayong te baya we kenai da teterokaso tenou, pera yo dero na te a te sanumue Pauluswai te seraibrabra kna nero re dewa dekainie ongko pa markas pa.¹¹Deneng si pa na Tuhan Mang Tetero Neye Pauluswai kna wa tou nue e sune tepeu a te sanune, wena kena te suwe tepeu nemane we tepreinya a te de te na te Yerusalem yo ne seiyiyene, nemane deraitie we de tena a te wa do te Roma yo ne seiyiyene.(Pauluswai Te No Te Tonaipinate)¹²Dai sereinie Yahudi tetero seraibrabra nenei a te bouw wande nenei wa te a te tiyenaikro ne sate na anipei neme da kenai wande ne yo Pauluswai te no te tonaipi ne. ¹³Tetero tereng do a biserei a te bouw puku.¹⁴Ne seraibra mekai imam imam tenai tetero wande yarise yarise kwa mekai nena a te seiyainie, de seraibra dedei wa te tiyekrekote meka sate beiyapiki te sate na anipeinya nemei neme warma de serai dado Pauluswai te no te tomapine. ¹⁵Neperenya weye Sanhedrin pere nebeinie pera tenai tetero te sanumbuke wete apa dekowe meke damena a te weye ti yeukrone de seraibra sema te tepa te neye wa tou pa mene dapene no te tomapine.¹⁶Nemane yei do si newai Pauluswai nena Nemeng kna yei ne a te dua betoupuku, nepere markas pera ongko pa eyu pa ke Pauluswai te a te dua sanumbuku. ¹⁷Pauluswai neye pera yo na site te tarumbuku meke a te sanune, dera syodo te pera tenai tetero kwa donu eu nemane da yei sekro a te da deko muna pera tenai kwa.¹⁸Pera yo na dado te dekone pera tenai tetero kwa kei wande a te sanune Pauluswai de te a te sanutupuku da sekro yei te wena bekoupa dekane meka nemane ne ye a te seiyinembine weye betoupunue. ¹⁹Pera tenai tetero da do sekro yei te nenei pa dewa meka yepou puku a te surunue yekai bete seiyine.²⁰Yahudi tetero seraibrabra dua uapiki we te sanenaiwipinie Pauluswai te wape ya te Sanhedrin pa dewa mene ne seraibra a te surunaine nena a waro mena te seiyinene. ²¹Ne seraibra tena nena a tena betomipei wande tetero tereng doa biserei nedo Pauluswai te sema te werai dou taini ne seraibra a te dua tiyekriko sate na anipei bu anipei nemei neme warema Pauluswai te no te tomapinie. Nepereinya ne seraibra semate dua kai we pera tenai a te wupunue.²²Nepere pera tenai tetero da sekro yei te dua sanumbuku dua yeu. A te sanumbuku tetero sikna pa na da a te na seiyinipeinya, de beitie nene te sanutupuke. (Pauluswai Te Kaisarea Yopa Dua Dekaniyeu) ²³Nemane pera tenai tetero nena pera yo na te do biserei sumupuku mekei a te sanumu, pera yo na dero na te doa meka biserei orumbinde, Kuda dambere na tetero tereng doa naming meka bi pere wande pera yo na dero na doa meka biserei perai meka dambene, Kaisarea yo pa deneng soning naming serei pa mene. ²⁴Pauluswai te na Kuda sinewai ne damba sako nene poi donende ende teme ye Gubernur ne kwa ende ne do Feliks.²⁵Neye semo te mereupuku nena a kurung bete. ²⁶Klaudius Lisias. Gubernur Feliks piyambai tie. ²⁷Poi, da tetero ne te Yahudi tetero seraibrabra mekapa awekai baya no te toipi na te, nepere deye dedei o to tou na tetero seraibra pera yo dero na mekate ne do te meka poi ye dekanete nemane ne te arambikite tetero si bai nederaitie Roma yore na seraibra.²⁸Deye ne te arombina te beamena a waro re ne seraibra ne te wikainie, nenei Sanhedrin kwa deye nepa dekane meka. ²⁹Deye dua arombuka ne te wikainie na nenei a waro Hukum Taurat a yeko ne keu na, nemane nou keipeinya a te seiyainie nedo Pauluswai tu ere eyupa no te baya tonaipinie. ³⁰Nepere nemane a te dekai dena damba tetero a te dua bouwpuku ne te meka pa awenai, nemane deye dedei pera yo dero na te a te sanumupuka ne te wukani na seraibra nena a yeko te seiyinai ne dado Pauluswai nena wapa wena bekounue.³¹31 Nemane pera yo dero dena a sanumpuka na mane nedo Pauluswai te dekani dereng yane mekai Atipatris pa dewa da mekai. ³²Ya si pa na ne seraibra Kuda dambere na seraibra te amipiki nebeinie dua kai nekwa ongko pa markas pa dewa mekai. ³³Nepere ne seraibra Kaisarea yo pa kai wande ne semo te Gubernur kwa, nemane Pauluswai te ne seraibra Gubernur nena bekoupa wa tou pa.³⁴Gubernur ne semote bepuku, Pauluswai te a te surunue we mo nou rua na. Nemane dua arombuku Pauluswai Kilikia yore na. ³⁵Neye a te Seiyunue, deye we na re a te beto tepinie, nemane we te wikaiwina seraibra da pa da menai. Nepere nedo Gubernur a te sanumue Pauluswai te nedo Herodeswai nena ongko ne eyu ne.

Chapter 24

(Yahudi Tetero Ne Ye Pauluswai Te Wikainie) ¹Ya meka su pa meke, Imam Detere Ananiaswai nebeinie yarise yarise pere wande tetero si besika a seyi tetero nena wado Tertulus. Ne seraibra a te dape ne dua ouranyinsiko Pauluswai nena wa pa na te Gubernur nena bekounu tutai. ²Pauluswai te terambiki, nedo Tertulus Pauluswai kna wapa a te seiyunue, tuanmai. Wena dambere de seraibra teme ye kate wande pepoi waro da seraibra damba tuanmai wena kembari pepoi. ³De seraibra poi dekawete mo mena nou metere poi a te da meranete piyambai, Feliks wena watou nue.⁴Nemane deraitie soning teina teiyipei deye wena kena ne sesuke tenou na a te seiyumbune de serai ne te betoma pinie. ⁵De seraibra arambiki te da tetero a te dua dewa yekou tu Yahudi tetero kna yau nero ne da yo dambene metere. Nedo Pauluswai Nasrani nena sekte tenai nepe da. ⁶Nedo Pauluswai de reunue Awa Mang Tetero Nena mie te Bait Allah te yeko peko suwa saru na, ne te meka pa awema. De seraibra dedei yeko ne nera kembari mekou na te nipi karo te wurema.⁷Nemane Lisias pera tenai tetero meke, de seraibra kna meka dambere arma tere baipa Pauluswai te deko ne. ⁸Pera tenai a teikime seraibrabra nedo Pauluswai te wukaini na dewa meye menai wena watou pa pera tenai we ye damena a waro te pepoi teu wande weye ne do Pauluswai nena kembari meke you na re arombunue beamena a te de seraibra nena damba wikanete. ⁹Yahudi tetero seraibrabra nemena a deraitie te da seiyainie, damena a karo ne da wu kante na metere kiya pa da seiyimane a pepoi tere yero nembine nouru na nepe. (Pauluswai Neye Feliks Kna Bekounue A Te Sawupuku)¹⁰Gubernur mekate Pauluswai kna wa pa kuru a te seiyine ne. Pauluswai a te saweke de mai brabra arombuka we nederaitie we nederaitie Hakim mare da seraibra te, de dedei wate pepoi te seiyane. ¹¹We dua da arombuke ya mekabi suna wau biserei deye meka Yerusalem yopa mendo kembari kwa. ¹²Da seraibra dou teipei de a sangku sangku te na derenipei tetero te na nemisipei waripei nemane tetero tena aye na wapimipei, Awa Mang Tetero Nena mie ne Bait Allah nepe ne, Sinagoge nemane da yo nero ne. ¹³Da seraibra wena damba beamena a te neye seiyinainie weye betoupunue, da seraibra neperei dena damba a te wikaitie.¹⁴Nemane deye a te dua sewa wena bekounue da nipi poi nene, da seraibra a te dewambiki sekte, de na mendo kembari Awa Mang Tetero Allah eyei mang bra, Nete nemeiyambiki arambiki nebi seraibra semo ne da meraipiki a yeko detere. ¹⁵Awa Mang Tetero Nena dambena tepreinya piyambainya nete temane e seraibra dua da sou na ne kwa esuwa inai yembinie peko metere. ¹⁶Damena a karo ne deye wure na dedei kena ne poi mro mro kene Awa Mang Tetero Nena bekounue da tetero yei nena bekounue.¹⁷Neperei mai serei deye dewa mete dera waro te dedei seraibra kna damba dena meka buru na sate wasiteme. ¹⁸De ye damena kembari te meka, ne seraibra dete taiti deye Awa Mang Tetero Nena mie ne Bait Allah ne nekwa na tetero dua dewa na derenipei kopirinipei dero ne. Nemane tetero si derou Yahudi seraibra asi nepere na. ¹⁹Ne seraibra neye da wena bekounue wande dete wukaiti, ne seraibra nena wa ne da yeko si betedena damba a te betari date baipa si saitere nena kanire baipa.²⁰Ne seraibra nenei wa beinie a te seiyinainie beamena kembari te deye dua narupuka mekeya ne seraibra a te winai de Sanhedrin nena bekounue esu ne tepa. ²¹De Esune tepeya ne seraibra nena nero ne yeko si besika te deye a te tera nemane, tete dambere tetero esuwa inai yembine, dete da ya ne wena bekounue a te surautie a te sawete.²²Nemane Feliks yeko te dua arombuku demena a waro nepene neme da kenai nemane a te seiyane, nepere Lesias pera tenai tetero mene wena a waro te a te tiyengkro ne. ²³Nepere Feliks ne ye pera yo na te a te sanune Pauluswai nou nue neme kene, a pena pena orupuku nena yau na dero na dewa da menai nembere nebeinie.(Pauluswai A Te Seiyunue Nena Mendo Kristus Kna Damba)²⁴Ya mo serei Feliks meke nena nembire pere wado, Drusila, Yahudi meke wande Pauluswai te tarumbuku meke a te betone Pauluswai a te seiyine ne nena mendo Yesus Kristus Nena burune waru. ²⁵Pauluswai a te nembere seiyinie ne meke Drusila a waro tepreinya nipi poi ei yei wa te yereu te ne damba mana, wande tupu tena ya kaye te wasi ne, nepere Feliks endiki te dekou a te sanume, neperei we dua eu. Nemane deye wete tare tewepina serei pa mene na we dewa muna.²⁶Nemane nepere Feliks neye Pauluswai te teu dera te meka damba inene. Nemane sate nate Feliks neye Pauluswai te sanune nembere a te seyineinie. ²⁷Nemane deraitie mai biserei pa dewa meke, Perkius Festus neye Feliks nena nou pa ne kwa yongkuku nepene keu. Nemane Yahudi tetero nena kena te pepoi mane mekonemepinie nepere Feliks neye dado Pauluswai te tunteke tu ere eyu ne neme da tenou.

Chapter 25

(Pauluswai Neye Seiyunue Kaisar Nena Bekounue) ¹Ya naming serei Festus neye propinsi dia pa meke, nemane neye Kaisarea yore meke Yerusalem yopa meke. ²Imam imam tenai tetero pere Yahudi kna tenai tetero seraibra a te wukai Pauluswai kna damba tepo te kengkani, ne seraibra wande Festus te oto nekaini a te susainie. ³Festus te a ye senainie wena kena te apa di singkroime de seraibra kna damba, nemane tetero te sunumpune Pauluswai te dua donainie nai Yerusalem yopa, nepere nipi nero ne nedo Pauluswai te baya no te tonaipinie.⁴Festus a te saweke sanumue nedo Pauluswai neme dapene kene Kaisarea yo ne wande nenei beinie keu dapa seraibeiti ne kwa dewa mene. ⁵Festus a te seiyubue, nemane ne tenai tetero seraibra dembere nebeinie mana, wande nou bete peko mane da tetero kena wane da kene na, ne seraibra a te wunai tepo te nenei wa damba yepo naipinie.⁶Festus neye ne seraibra nena nero ne keu ya meka bi serei wande neye Kaisarea ne kwa dewa meke. Wa pe ya te na nedo Festus a te tainya dia ne apa yong kuku a ne keu a te sanumue dado Pauluswai te nena bekou pa dewa donaine mene. ⁷Pauluswai dewa meke, Yahudi tetero serabra Yerusalem yore mekai wa tou nue dua tepai a te seiyainie tepo te dado Pauluswai nena wa damba nemane ne seraibra a yu tena doipei. ⁸Nepere Pauluswai nenei wa te a te baipasaru, damena kembari peko de mekoipei a derenipei baya na saripei yeko Hukum Taurat Yahudi, Awa Mang Tetero Nena mie Bait Allah, nemane Kaisar nena a.⁹Nemane deraitie Yahudi tetero seraibra nena mendo te a te marinteinyate, dado Festus neye Pauluswai te a te sanune. We kaye Yerusalem yopa na dua eu dena bekounue deye wena a te wurete, damane a te wena damba da seiyainie. ¹⁰Pauluswai a te sanumue, de Kaisar nena bekounue tepa, dape ne de te a te wurende dou te tende. De kembai peko te na mekoipei Yahudi tetero seraibra kna damba nemane we seraibra dua arambuku.¹¹Deye kembari peko te dua meko te pinie de beitie do naitie tete yeko damba de nepere nu baipa na senombipei eipei. Nemane ne seraibra nena te po te de damba na nou kepei nourue na ambai tetero si newai wa pentene dete ne seraibra kna damba sarenetepi nie. Nemane deye Kaisar kna pa a te kerotembine ne ye a te seiyinene. ¹²Nepere Festus Sanhedrin pere a te dua dewa tukaipiki, ne ye a te saweke we seraibra Kaisar kwa mende a te dua dewa tukande Kaisar pere nebei nie. (Festus A Te Suru Andwapona Agripa Nena Damba Pauluswai Te Na Te)¹³Ya moserei dua wande kai, Andwapona Agripa wande Bernike pere Kaisarea yopa mekei Festus te nete poi a te mekombina kwa mekei. ¹⁴Nemane nepene ya mo serei dua kai, Festus neye Pauluswai nena a waro te Agripa te a te sanune. Feliks neye tetero sinewai te tu ere eyupa tambuku tenou. ¹⁵Nemane deye Yerusalem yo ne kiya, imam imam tenai tetero pere yarise yarise pere Yahudi tetero seraibra dena watounue a te kerambiki dereyainie Pauluswai nena wapa nete peko damba damba saripi na te. ¹⁶Deye a te saweka, Roma Tetero dena kani ne me ka tena kembari damane ne tetero wuka nuna nembere dewa mende we seraibra nemane nete wikanu nebeinie a te wurende a te orunde.¹⁷Nemane ne seraibra da pa kopiri nembinie, de ne kwa na meto pana danipei wape ya te na, de a te tanya dia ne a te santempine nedo Pauluswai te dena bekou pa donainie mene. ¹⁸Nepere ne te a te wikani na seraibra esunue menai tepe ne, nena a peko poi kere yainya deye nemeiyane ambai. ¹⁹Nederaitie ne seraibra a bete nenei serei nie ne do Pauluswai nena damba ne a waro nenei agama Yahudi pere tetero si besika nena wa do Nedo A-I Yesus, dua teteupuku, Pauluswai a te sanumue a te seiyunue Yesus Yereu dua orupuku esuwa yembuku. ²⁰De Kaye nemane propro mane tere tere mane damena a waro te na beamane seiyimane, deye nete Pauluswai te a te surane we Yerusalem yopa dua eu nepene damena a te na ne pe ne seiyimane.²¹Nemane Pauluswai neye Kaisar nena a te tiyengkrone damane a te dua dewa tukai, deye seiyane nedo Pauluswai neme titawemapinie tu ere eyu ne teno ne Kasar nena bekou pa domanema. ²²Nepere Agripa neye Festus te a te sanune, de nemane ne do Pauluswai nena a te seiyine ne deye beto te pine. Wa pe yate, Festus neye Agripa te a te sanune. Weye a te nena re betoupune.²³Nepere yasi pana Agripa pere Bernike pere mekei mayong noupa dua sawekai wande a te tainya dia pa nebei ne pera yo seraibrabra wande tenai tetero dia pa yo pa mekai. Nepere nemane Festus nena akirine, dado Pauluswai dewa dekani mai dia pa. ²⁴Festus a te seiyu ne, Andwapona Agripa nemane seraibra metere na mane dembere dapene da nou nue kate. Dou te tende da tetero si ne wai, dena damba da Yahudi tetero seriabra a te kuapiki seiyainie, Yerusalem yo ne kainya wande da pene da noune kainya, a te keterai da tetero yei yereu tiki yena keipei.²⁵Nederaitie nemane deye nemeiyumbuka nedo Pauluswai neye kembari peko te na mekoipei nena o se tete damba dua nena. Nemane nena a te dua dewa tukanai pine pepoi tere de ye a te tiyetekro ne nete donai ne Kaisar nena bekou pa. ²⁶Nemane deye a bete ambai tere nyeinipi na nemeiyimbipei tuanmai we kwa semo te merete pine. Nemane sate deye da tetero te wena bekou pa wande tetero meye, nepere Andwapona Agripa we na bekou pa. Damane mekate a te wurema pine dou temapine, neperewande a yu te doma temane, deye nepete semo pa merete pine. ²⁷Nemane nou keipeinya a te tikanete dena wane tukane, tetero si newai te tu ere eyu ne timantene kene a te baire baire aroma seiyimane nou mena keipeinya tewai.

Chapter 26

(Pauluswai Neye Andwapona Agripa Nena Bekounue) ¹Agripa a te Pauluswai te sanune, we senawe a te seyu ne wei wa te baipa na te. Nepere Pauluswai meka te tiki mekoupuku nenei wa te bai pa tu ere eyu re baipa. ²Damena a te dena damba kuwapiki seiyainie Yahudi tetero seraibra, deye dedei wa te baipa sepeyupuka, Andwapona Agripa nena bekounue deye a te da sawe te. ³Nemane weye pepoi tere dua arombuke Yahudi tetero nena nero ne nena a te beteye me da mena a yeko tena. Nemane sate deye wete senawe dena a re da weye betou punue.⁴Yahudi tetero meye na mane dena yereu sekro sereinie dua da arambiki, ne seraibra nena ne ro ne Yerusalem yone. ⁵De te na ne seraibra yensi ne aratipiki, ne seraibra a te seiyinainie dena yereu ar ma tere wera da seraibra e na agama pa yau na dero na pa de Farisi tetero mane.⁶Nepereinya de esune dapene tepa dena a te da wurenai dou tenaipinie nemane Awa Mang Tetero Nena a yeko ena mang bra kna damba. ⁷Damena a yeko te ena seraibra tou tou mekabi suna wau biserei ne yekote ne nou te noupa da mekonaipine. Awa Mang Tetero Nena damba ne seraibra seso tipinainie tepreinya a te seiyinainie dai te deneng te. Damena a yeko karo ne Yahudi tetero seraibra dete wikaite Andwapona wena bekounue. ⁸We seraibra tere tere mane ourau nemane Awa Mang Tetero tetero no te ne kwa e suwa aweneme yereu warenai?⁹Nete na te deye kembari te kaso pere meka Yesus nena wa do te na seiyinipei kete Nazaret yore na. ¹⁰Nemane sate ne kembari yekote de ye Yerusalem yo ne nepete meka. Deye tetero pepoi beitie na tu ere eyu pa na timipei, imam imam tenai tetero nena re a te oura, nemane ne te no te na a te dua da seiyinainie, deye seso te tipite pine. ¹¹De nemane re seraibra te da nena sinagoge sinagoge nete a te ar ma sename a ye tentaname peko tere. Nemane a dopre masyame ne serai nena damba, deye ne seraibra te peko te mekame a ye kurung waru yo sipa sipa serai sipa kani sipa. (Pauluswai A Te Sanumue A_I Nedo Yesus Nembere Tekoi)¹²Nemena a waro te deye Damsyik yopa nipi nero te wera imam imam tenai tetero nena nena a kirine dete susaitesiki ne nou pa ne pa da ka. ¹³Dai serei ne Andwapona weye beteye, de nipi nero ne dou te ta kiya sero dambere, nena kiya dopre soning kiya pere na eri kroipei te wai. Kiya detere erembuku de seraibra ka tena pa nemane dena wa pa na te. ¹⁴De seraibra meye kani damba apa dua piki te, deye a te beta na pe da dena wa pa Ibrani peu ne sanute, Sauluswai we beamane dete peko meke ye te? We aroipei damena kembari te oto tetou kruke meke ye.¹⁵De ye a te dua sirane, We kaye simbiyang, Tuhan Mang Tetero, Tuhan Mang Tetero a te sanute, Nedo A_I Yesus, weye dete peko da meke ye te. ¹⁶Nemane nepere wei oto dewa Yembune e su tepeu. Nemane deye wena damba a te senawe dete dua aroutupuke damena yeko te dewa do te a te sunumue dou dua tiyenena waro bei te na pe baiye, neme kainya waro te deye wena damba da kiri tewe pepoi arombunue. ¹⁷Deye nemane wate pepoi do tewe nipi poi damba wei seraibra kna nero ne wanda di seraibra kani si re na seraibra, ne pa ne yo pa weye eu. ¹⁸Ne seraibra nena dou te ereumupune a kepe nero re dewa baya birinai sine kiya pepoi damba wande sekai tetero sekai kna dambere Awa Mang Tetero nena kiya damba menai. Nemane nepere nena peko mekainya te baya teiyinai pepoi dambene kenai tetero seraibrabra nero re teme tere sikinampine ne mendo besika dena burune. (Pauluswai A Kiya Tere Sanumue Nena Kembari Mekounate)¹⁹Nemane Andwapona Agripa, deye aroipei wari ya Surga yo sena dia re na kiya dena wa pa erembuku dou dua bepaipiki. ²⁰Metere tena deye Damsyik yona seraibra te a te sani yame wande Yerusalem yo na seraibra te wande Yudea nepe na seraibra te nemane seraibra sisi kna damba nemane nenei wa te apa dusunaying kro ne wande Awa Mang Tetero kwa birinaisine dewa menai, kembari pepoi te meko nai. ²¹Netenate Yahudi tetero seraibra dete mekapa awekaitie Awa Mang Tetero Nena mie Bait Allah mie ne wande dete no te totipina te dere yaine.²²Da yapa meke deye Awa Mang Tetero Nena pepoi dena damba ikite nemane deye esune da nou nue tepa damena a betete seiyi tembine, tetero sereinya nemane tetero detere. Nemane de a si te na seiyinipei, Nabi seraibra dua da seiyiyai ne wande Musawai sani youmue yeko kembari nemane mekonai. ²³Kristus nemane ena peko te neye done e te pepoi damba tanempi ne, Ne ye ne kwa tetero dua da sou na nero ne tete nero re e suwa yembuku ne kwa yereu orupuku. A_I Nedo Neye kiya waro te a te seiyine ne Yahudi tetero seraibrabra kna damba wande seraibra sisi kna damba kani sire na seraibra. (Pauluswai Dereunu Da Yeko Te Agripa Pepoi Aronembinie)²⁴Nepere nemane Pauluswai a te neme sanumue nenei wa te baya bisi ne na te dereunue, Festus a te sanune a kiya da senawe, Pauluswai wena mendo dua neraipiki! Wena mendo na a bete metere we te mekouwupuku mendo nare nare mane. ²⁵Nepere Pauluswai a te saweke, Festus te sanune, de na mendo nari pei, deye a pepoi tere te kiya waro te seiyane. ²⁶Andwapona da a waro te aronembinie de nena damba wa arma piki a te seiyane. Nemane deye arombuka damena awaro nena mendo pana mipeinya damena nou bekau tere ne a te na seiyane.²⁷Andwapona Agripa weye Nabi seraibra tena nemei yumupuke? De arombuka weye dua da nemei yembuke. ²⁸Andwapona Agripa neye Pauluswai te a te sanune, ya bete po tere da nemane we ye dena damba a te ike te de Kristen tetero wate orupuka. ²⁹Nepere Pauluswai a te sawukupu, deye Awa Mang Tetero Nena damba a te senane seraibeitie bei merase bete, we bei ye na pe baiye, da tetero meye na mane da yane a te betainya dete dewa tawenaitie, nemane de damena sa suwe na rantai rantai pere da meka.³⁰Nepere Andwapona e suwa yembuku. Nemane Gubernur, Bernike, wande tetero meye nemane a ne nebeinie kainya. ³¹Nepere ne seraibra a te wurei a te tainya dia te neme tambiki ne seraibra nenei a te da seiyainie. Da tetero yei nena kembari te na peko mekoupei, nete tu ere eyupa tete ye kote nena damba seisiki. ³²Nepere Agripa neye Festus a te sanune, da tetero yei baipa tu ere eyu re baya tanembinde, neye dua dewa na a te ti kanai wande Kaisar nena bekou pana eipei.

Chapter 27

(Pauluswai Neye Roma Yo Pa Ke) ¹Nepere nemane tiyekriko ne seraibra Italia kani pa nai,neserai bra Pauluswai te wende tetero mo sere'itu e're 'yu nue tenainya pere pera yo na Agustan nera wa do Yulius wai. ²De serai bra o derangke naurue warainya nepere sekapiki te Adramitium yo re dua di kate nou bete bete Asia kisi ye'ne tenaiya.De serai bra ne be'inie Aristarkhus,Makedonia tetero Tesalonka teneinya.³Ya si pa na de seraibra Sidon yo pa makate.Yulius wai neye Pauluswai meka pepoi ye mekou nue nemane ate sanumupuku Pauluswai nena yau na dero na te dou ye teneme wande Pauluswai nena sasyasi te orunai. ⁴Nepere dewa makate de seraibra Siprus yo pa aru detere bekou re da se'ku. ⁵Nepere de seraibra kisi ye're kate Kilikia yo pa wande Pamfilia yore de seraibra Mira yo pa Likia yo nepa kate. ⁶Nepene pere yo na tetero o derangke te te'mbuku Aperleksandria yo re Italia kani pa na te du nena,ne do pera yona de seraibra merase bete kate ya moserai wande,kridus yo pa kate.⁷De seraibra merase bete kate ya moserai wande kridus yo pa kate.Nemane aru de'tere neme se'kude seraibra kisi ye betere Kreta nepere Salmone yemo ye're kate. ⁸De seraibra ne yemo ye're makate dukru nena wado pepoi tere,watouneo lesea yo ne.⁹Nemane de seraibra nepe te tukambikite ya ambai dua ourai, nepereinya naure na nipi pe'kotere keu na nemane Yahudi tetero nena puasa serei dua serapikite,Pauluswai ate ne seraibra te sanamue. ¹⁰We seraubra dokeka yei meke ena da oto matena nipi nerone e peko ye orumapine,o derangke nena wake neserei wanda e seraibra tetero mo serei. ¹¹Nemane perayo n tetero nemeiyumbuku da do nakhoda i duru tetero wande o derangke tetero nepere pera yona ne do Pauluswai nena a seiyunena tena perayona baipa saru.¹²Tetero meye a te seinyambiki nipi te dua warema feniks pa dukru teme Kretea yo ne keuna ne nounue nepene. (Aru Detere Arma Seku Pauluswai Neye Kainya O Derangke te susu ne) ¹³Nepereiaru merase bete seku dari wau nemae ne seraibra mendote mekani e na mendo na nou npea dua da mekate. Nemako sate na te ne seraibra oru te jangkar te buna pa dewa yepaipiki wande kreta yore kisi yere dewa mekai.¹⁴14 Nepere na kaye tiki bai,aru detere seku Euroklidon te seiyanie neye seku. ¹⁵Nemane de seraibra kna o derangke nau orso te bunapa apa sawu nau orso dembere da. ¹⁶Nepere kauda kepou yere o derangke te merase bete dewa sarekate mate.¹⁷O derangke dambena tetero i sereinya sekoci te o derangke damba yepaipiki, saye beiyapiki suwe nounue kenai. O derangke dambe na seraibra endiki te dekai sirtis kepou krengka damba senemesine. Ne seraibra o derangke dambe na sasyasi te apa kerai baya teiyai. ¹⁸Ya sipa na de seraibra nau nerone dua dewa tupumue aru orso detere,tetero seraibra o derangke dambena sasyasi tebaya a pa da teiyai.¹⁹Nemane ya naming pa na,ne seraibra nenei meka dambere sasyasi te baya teiyai. ²⁰Nepere nemane soningpere meya pere nekwa na kiya pa na tekambipei ya mo serei nou orso aru dambere deseraibra kna mendo dua neraipiki deranete e serai bra wande poi ye oru ma pinie²¹Nemane tetero kasopere nipi nerome sa ambai,Pauluswai nena nerone a te sanumue,dokeka yeimeke we seraibra dena ate betombinde dapere kreta yo re na e,seraibra eipei damena peko bete e tikanipei warema. ²²Nemane nepereiya de wete sename suwe nou nue tepende nemane wena nerone tetero si newai naripipei poibei o derangke te na doipeinya tewai.²³Nemane wapena deneng Malaikat mangtetero nena neya dete poi dekote dena bene bekounue esunue tepeyou. ²⁴A te dombuku we endiki te na dekoipei Pauluswai. we nemane Kaisar nena bekounue esune tepeu. Dou te teu,Awamang tetero nena kena temeya we damba wande tetero meyenamane nebeinie wembare kauna. ²⁵Nemenate da do keka yei meka wena kena te suwe tepende nemane deye nemeiyumbuka AwamangTetero Nena burune damena nou mekombine nepete dete dua kuru te puku. ²⁶Nemane e seraibra kepou sidamba danemansine.²⁷Nederaitie deneng mekabi meka suna aprau,o derangke dari ye'pa dewa mate. ²⁸Ne seraibra aru te apa ambiki depa doa besika.Bekou betepa ne kwa kengkainie depa nena tereng mekabi suna meka su. ²⁹De seraibra nemane wande e'ndiki mendo werai kepao krengka damba seneme sine.Neserai bra oru jangkar te aprau se'rei mori tupure epe teiyaipiki mendo kembar te mekai ya ye serai beitei kiyambine.³⁰Nemane nepere o derangke dambe na sadrou nene'i wa te dari pa barunaipinie wande sekoci bapite naodamba tambiki nepere sori tu na jangkar orute apanate, ³¹Pauluswai ate sanuwe pera yona tetero seraibra dotetende da tetero o derangke e'yuna ke'ipe'inya,nederaitie we serai bra pe'ko dua daw orumbinde." ³²Nepere nakaye pera yona seraibra bapi sekoci te baya sate ketaipiki sisyansiki dua ye'ke eu naunero ne ye'u.³³Ya dua buteru Pauluswai ne seraibra sanumue e'mbru oana sate orunde nemane ate seiyune,da ya mekabi sunawau aprau we seraibra mendo mendo pere titau munu te wa ye e'iyau sabete doipei. ³⁴Nemane sate de ye wateda saname,weye sabete te orunde anende.Nemane tetero sinewai nena nua besika afana erimbipei nya tewai." ³⁵Damena dua se'iyumbuku,Pauluswai roti manu sate deko mangtetero te ate sanune nena bekounue da tetero neye namane betai nemane roti munu sate bete bete ke'iyai wasyai nete embru pa anai.³⁶Nepere ne seraibra wa kete dekai kena pepoi wande nemane sate dua anai. ³⁷Ne o derangke e'yuna tetero tereng doa meka bi per doa naming pere meka bipere sunameka su suna wau besika. ³⁸Sate dua anaipiki yase suwepiki,ne serai o derangke te pena pena mekaini nemane gandum te nau'eyu pa baruai.(O Derangke Baya Nu Taipiki Tetero Meye Poi Mekai)³⁹Nepere ya dua kiya keme'u ne seraibra araipei dari mopenekeu,dukru pa dou te tai kisi damba dou te base base mane tai. ⁴⁰Oru jangkar o derang ke dambena te nau pa baya te'yaipiki wande o derangke bekounue piya te banupa uan siki aruye nepa auraipiki se'ku dari yepa dewa da sarekemu ne seraibra dari dewa menai. ⁴¹Nemane o derangke aka kepou kerangka damba danunsuku dua sensuku.O derangke sori tupu nou tetoupuku tepe'u wande mori tupu nau dere'syesyesi a tounue baya dua darekai me'u baya nutaiy.⁴²Pera yo na seraibra mendo tedusai mendo te kerai dapene tu e're e'nu ya seraibra te no te baya titimapinie tetero sibesika na siki siki tena naudambere na yere'ipei bainapa senombipei. ⁴³Nemane pero yo na tenai mane waru na,a te se'iyunue Pauluswai poi do nene pera yona seraibra nena mendo te tinemsinie kenai.Nedopera yona ate senumue tetero siki siki te wareinya nau pa barunai daripa dua yerenai. ⁴⁴Siderou bete o serau papa dambere dari pa yerenai,nemane nepere tetero meye na mane poi be'i ye daripa dua yerekai.

Chapter 28

(Pauluswai Neye Malta Kepuonue) ¹De seraibra pepei dewa mekate,de seraibra ne kepou te arambikite Malta kepou. ²Ne kepauna tetero nena kena pepoi tere kanya. Ne kepou na yo tetero sing te kerambiki dete meye senamipiki sing tou pa meka te biye mereu na.³Pauluswai neye o mise krang te oru sing damba kerou,wari si newai kiya pa meke sing namu dado Pauluswai kna mekapa yepombuku beyumbuku. ⁴Nepe na tetero ne yo na dou te tai wari serainya Pauluswai nena meka dambene wawu,nenei ate dua dewa seiyainie,da tetero pe da ye tetero titi titi. Nau dambere pepoi dewa meke nemane tapreinya waro ne do yerau te na keipeinya.⁵Nepere Pauluswai wari te meka dombere sing domba sarupuku. nena meka kekou ambai. ⁶Nepe na tetero seiyainie Pauluswai apa da erinembine no dua tetembine. Nemane nepe ne tere tainie Pauluswai nemei waru,ne seraibra mendo te mekainie Pauluswai pe da ye dewa mane keu.⁷Ya si ye ne nounue nepe ne kani waro bete tenai tetero ne kepou na nena wa do pulalius,de seraibra te a te kaimie sa bete te ikaimie nepe ne ya naming serei. ⁸Awa publius a ne tenou yuku arwa dambene sa namu ne tenou. Pauluswaimeke mendo karo kembari te mekou meka te wa damba tepune wande pepoi dua orupuku. ⁹Nepere neme na nou te da mekoupuku tetero si ne kepou re na saye mekaimena ne do Pauluswai kwa mekai wande nenei wa te poi ourai. ¹⁰Ne kepou na seraibra de seraibrate pepoi da atekaimie. Nepere de seraibra dua da mana te derante, ne kepou na seraibra neye sasyasi te pepoi mekai de seraibra neye sasyasi te pepoi mekai de seraibra kna damba.Pauluswai Neye Roma Yo Pa Nenate ¹¹Nepere oko naming serei de seraibra o derangke e yu kue kate nau nero te Aleksandria nepere nekepou ne dukru ne ning sereipa meke Dioskuri tewapa titapiki te. ¹²Nepere mekate sirakusa pe ne pe ne kate ya naming serei.¹³Nepere dewa mekate kisi yere Regium pa meka te. wa pe ya te na aru dari sure seku,ya si pa mekena de seraibra putioli pa mekate. ¹⁴Nepena dokeka yeimeke ne mendo beinya de te de seraibra putioli pa meka te. ¹⁵Nemane do keka yei meke ne mendo beinya ne pene kainya ate betai nemane dewa mekai forum Apius pa wande tres tarbene pade seraibra kwa mekai. Pauluswai ne seraibra te doutemu AwamangTetera Nena domba ate sanune nei kena te suwe ye.(Pauluswai Neye Roma Yone) ¹⁶Roma yo pa dewa meka te, Pauluswai nenei beitie bekaunue keu pero yo na tetero si newai nena wayene nembere. ¹⁷Ya naming serei pa meke Pauluswai neye da Yahudi tenai bra te kopurumbuku ne nou nue ate sanumue do keka yei meke,de kaye kembati peko bete mena mekoipei e na seraibra kna damba eiyei mang bra nena ayeko damba,nemane dete serai tipiki tu ere eyu na tetero mane meka Yerusalem yore Roma tetero nena meka domba meka. ¹⁸Nemane ne seraibra dena a te dua dewa wureipiki,ne seraibra de te baipa tanaitipinie de te na no te na totipipei.¹⁹Nederaitie Yahudi tetero seraibra ate sebete mane tikainie,dua dewa Kaisar nena pa meka nemena te deya eyei seraibra tena a derenipei. ²⁰Nepenaye deye ate da sename we seraibra pere dou te tema ate seiyimane de te damane sa suwe na rantai nepe ouraitipiki Israel nena tepreinya yeko dambere.²¹Ne seraibra ate seiyainie Pauluswai kna wa pa. De seraibra semo doipei Yudea kani re na do keka yei meka si newai da pa na mipei nena re a te betoma pinie peko poi we ye mekeye nate betoma. ²²Nemane deye wenare betomapinie sekte a waro,de seraibra aromambine nemane nou sire tetero meye ate derainie.²³Ne seraibra ya besika dua seisiki neye Pauluswai kwa menai tetero kaso pere menai. Yakau tupu re deneng pa meke ne do Pauluswai ne seraibrate ate sanumue AwamangTetero nena andewapo oru Dia (Kerajaan Allah) neseraibra ate poi ye nemeiyinambine aronambin e Yesus Nena wado te,yeko Hukum Taurat Musawai kna re wande somo kepei nabi seraibra kena. ²⁴Tetero mo serei Pauluswai nena ate tawekainie,nepere si derou ate seraipiki nemeiyimbipei.²⁵Nemane ne seraibra si si te na aroipei,ne seraibra Pauluswai kwa kai a te sanumue seiyunue nou tere tepreinya a te Aru Roh Kudus seiyune ena mangbra kna damba nabi Yesaya nena semone mereupuku. ²⁶Da seraibra kwa ende a te sanemende,we ate betonde we aroipei,we dou temende nemane we a te na sanimipei.²⁷Nemane da serai bra nena kena duada bepoiraipiki nena bentekei dua da tiyaipiki. ne seraibra dou bepaipiki dou kepaipiki. nemane ne seraibra dou te na teipei kenai,bentekei betoipei kenai,nenei kena ne aronambine dewa birinaisinie. Nepere A_I NeDo Neye ne seraibra te poiye mekotempine.²⁸Nemane sate da a yeko te na we seraibra aronembinde nipi pepoi damba ende na nepe AwamangTetero Nena dambere tetero seraibra si kna damba a te neye betonai. ²⁹Pauluswai nemena ate dua da seyumbuku Yahudi tetero seraibra dua kai a tereng dopre dua dewa a yasu yasu tiyakriko moi ye seiyikaniyeu.³⁰Pauluswai ne ye ne pene mai biserei pa keu,mie si te dua dera nai mie te deko keu wande tetero meye na ne do Paulus wai kwa ne pa mie pa werai. ³¹Nemane neye ate sanumue Awa mang Tetero Nena Andewapo Oru Dia ( Kerajaan Allah) wande a te kurumue A_I Ne Do Tuhan MangTetero Yesus Kristus nena Injil A sena te sanumue endiki ambaiwa dua da armaipiki wande nipi karo kura bei keu sipi tere dua mana te mate.

Romans

Chapter 1

¹De Paulus Yei Yesus Kristus Nenei oto touna,rasul mane de wera yau na derona nero ne wande Awamangtetero Ne Na Injil A Sena Yeko teda sanemane. ²Nemane da Injil Awamangtetero Nena A Sena Yeko dina tupu re Nenei nabi seraibra kna dambere Semo kepei Mro Mro eiyu ne. ³Awamang Tetero Nenei Yei Yarise Beisika nada wama mane tetero yei waye Ne do Daud wai nena a tou dambere da senone.⁴Awamang Tetero Ne Nei Yei Yarise Nena wake de tere Aru Roh mro mro tere dombere A-I Nedo Nena Yereu tete dambere tetero yei no sou na nero rene kwa esua da yembuku,Ne Do Yei Yesus Kristus eiyei Tuhan mangTetero. ⁵A-I Nedo Nena dambene e seraibra mendo eiyo anugerah nepe te damane oura te rasul mane da tetero yei seraibrabra te kiya pada atomane mema A-I Nedo Ne Na wado. ⁶Nemane we seraibra teda taru Yei Yesus Kristus Ne Nei Yauna dero na nero pa nebei pa.⁷Meye na mane Roma yo ne da kau na AwamangTetero Ne Ye kena te keu na,nepe te da taru kiya nero pa tetero yei mro mro damba ende.Damena mendo eiyo we na damba anugerah da mene pepoi teme waro AwaMangTetero Ne Na dambere daeiyei Awa,wande Tuhan MangTetero Yei Yesus Kristus NeNa dambere !Paulus wai Ne do Oto Te Dua Ne Roma Yo Pa Na Te ⁸Memeter tena deye pepoi a te da merane dei AwaMangTetero Ne Na damba Yei Yesus Kristus Ne Na dambere we seraibra te a te da seiyane we na mendo eiyo da yo dambene kura peto a te da dekai werai. ⁹AwaMangTetero Ne Na wa do te deye da deka wera dedei ariru roh sanute NeNei Yei Nena Injil A Sena Yeko dambere dena mendo ne eiyo ne we seraibra kna damba mendo te da mekane. ¹⁰De Ye mendo kembari te da meka a te seiyane AwaMangTetera Ne Na re de te da sisinetesine wena nero pa da mete.¹¹Deye wembere be te birima wena damba mendo karo da a waro karunia rohani wete wake po teda iteme nate da meka. ¹²Nepere e seraibra nebeinie nounue tepema mendo eiyo moi moi ye warenai wake te kenai wena mendo ne eiyo ne de na mendo ne eiyo ne.¹³Dokeka yei meke deye we kwa da meka damane nipi kiya mena teinipei da wera,nemane de ye ne na kiya yu te na wena nero na dou teipei tetero yei seraibrabra si dambare na aroipei da. ¹⁴De na wa buru na kare mane da sepuka wera,Yunani tetero ne nane keu wande tetero seraibra si kna neda kai,tetero yei mendo nou pa dua sawekai nemane tetero yei mendo noupa na sawipeinya pere. ¹⁵Nemane sa te de ye da A sena Yeko Injil te ateda sename we seraibra Roma yo ne da kau na pa meka.Injil A Seno Yeko AwaMangTetero Nena Wake De Tere ¹⁶Dapene de ye mendo te sesuka wake dopre Injil A Sena Yeko dambene da suwe tepema,Injil A sena Yeko AwaMangTetero Nena wake de tere da tetero yei te poi teme damba nenei mendo eiyo dambere Yahudi tetero Yunani tetero. ¹⁷Injil A Sena Yeko eiyu ne AwaMangTetero Ne Na tepereinya nouru na kiya de tere damena mendo eiyo a waro ne,semo kapeinie meraipiki kai: Tetero yei nou rue na nena Yereu nenei mendo eiyo nete poi donene.AwaMangTetero Ne Na Pe ko Tupu Tetero Yei Nena Peko Damba.¹⁸AwaMangtetero NeNa peko tupu Dia re da tetero yei kna peko damba nemane da tetero yei pepoi tupu waro te bai pa da seraipiki wande peko tupu waro te nounue da tepai. ¹⁹AwaMangTetero NeNa Poi tupu e meye na mane dua da arambiki te nemane ne yo seraibra ne na damba AwaMangTetero NeNa pio tupu dua da dou ye metere taini.²⁰AwaMangTetero NeYe kani sero bu nau meko oru metere dua da mekoupuku ye su ne keuna nou pa na dewa da susu diwa di susu nemambei kene mene MangDetero-MangDe tere-Mangtetero yei nemane nepere neyo seraibrabra a te na seiyinipei yekai bete nemei da werai. ²¹AwaMangTetero Te Na ne yo seraibra dua da arambiki nemeiyambiki,ne yo seraibra nemane AwaMangtetero Te Na pepoi a te ne mereinipei saninipei nena mendo ne eiyo ne ne pepoi te na aroipei da werai nena kena a kepe kepe nou aroipei werai.²²Ne yo seraibra ne nei wa pa mendo dopre na tetero te seiyaini nemane nou karo si bete nederaitie ne na mendo eiyo ambai tere nemei wepai. ²³AwaMangTetero Ne Na keme te merembuku na te da tetero yei keme ne awe semo,seka aprau na sa semo,kani dambere are mromro tere werainya sa.²⁴AwaMangTetero Ne Ye neyo seraibra te nenei kena mendo eiyo peko kembari mekainya te wane mekonai nenei wa ye derenainie. ²⁵Nemane ne yo ne nei waye AwaMangTetero Ne Na pepoi tepereinya te bai pa da sisaine baya da serai wande meka semo na sasyai te da kapenainie nemane kepawe tere da ouraipiki A-I-U Ne Na damba na pepoi awaro seiyinipei Ne Do Tuhan MangTetero nounue nemambei da kene mene,teperei Amin!²⁶AwaMangTetero Ne Ye da ne yo seraibra te baya sariyou nenei kaimie peko nero pa,damane ne na nembire bra mire bra do si pere yau te da werai a dereinipei do si pere mire si pere. ²⁷Nemane do seraibranenei mire te bai pa da amipiki werai,ne na bisi kaimie peko mendo na kembari te paitiabure mane da mekai do pere do pere nenei wane waburune peko te ourunai peko tere damba.²⁸AwaMangTetero Te Na ne yo seraibra aroipei nemeipei nemane nepere AwaMangTetero Ne Ye ne yo seraibra te baipada sariyou nena menda peko dambere da kembari peko te da mekonai.²⁹Damane ne yo seraibra nena mendo pepoi ambai,peko mendo a peu peu, a yembe ekri,kena bise ambai,kena serai kena arma,tetero te titai song bero, a pra pra,sasyaisi te titawai,mendo nare nare mane. ³⁰Damane ne yo seraibra AwaMangTetero Te Na yembe te da werai, a keroi keroi wa teda yekoitiai,be arma tere, wado te na yare dekoipei werai. ³¹Damane ne na nou te na aroipei nemeipei,kenare na keteikeroipei,nena wa eyuna pepoi waro ambai tikainipei, a yemo a ekri a yambe.³²Nemane ne yo seraibra dua da arambiki nemeiyambiki AwaMangTetero Ne Na yeko waro peko tere te da tetero yei kna damba anembine mene na,tetero nemena kembari te da mekonainya no dua da sone tete damba da nainya,ne yo seraibra damane nemena kembari te da mekai,nemane deraitie tetero yei si te aye da wepaimie nemene kembari te nou nue neme da wa ne mekonai.

Chapter 2

Awa Mang Tetero Ne Ye Tetero Yei Te Kaye Te Wasi Ne ¹Namane we seraibra wena kepawe tetero si te na wimpipeinya we nemane peko nero ne da werau. Tetero yei si te kaye te kaye te diwa dewa wasinde na we nemane deraitie wei wa te kaye te da wasi ye damane tetero si te saniyene ne te wumbuke we nemane da nemena kembari daraitie te da mekeye wari ye tetero dou da tawi. ²E ye dua da arambiki te Awa Mang Tetero Ne Na peko tupu tetero yei meye na damba nemane ne nei wa ne mekai yereu werainya mane da afoumue nepe te da tikainie.³We tetero yei we ye tetero si te peko tere te seiyiyene saniyene we ye tetero si te kaye te da wasiye peko dambe da sari ye wena mendo mekeyene we na kembari peko mekoipei nederaitie we ye Ama MAng Tetero Ne Na peko tupu we na damba na mipei ta ye seiyiyene? ⁴We na mendo nare nare we ye seiyaunue Ne Na poi tupu kaso pere Ne Na poi tupu maru tere sesuku tenou,Ne Na kena bise de tere ne kura bei da, Ne Na wane da temeyumbuku keu, e tetero yei aroipei Awa Mang Tetero Ne Na pepoi waro e seraibra te poi teme damba da atoneme mema nou pepoi pa.⁵Damane e tetero yei ne na kepawe kena te apa na disingkeroipei sa te,eiyei wa damba peko tupu te da yepa te dimane tupu te na yane a yeko Awa Mang Tetero Ne Na peko tupu mene na tetero yei damba ne te da tikamane. ⁶Awa Mang Tetero Ne Ye e tetero yei damba poi tupu te da ineme eiyei kembari pepoi dambere. ⁷Awa Mang Tetero Ne Na yereu tupu nounue da kene mene we na damba kembari pepoi te da mekeyau asemo ne kemete da we ye mereyaunue,wa ye seso ye da tipi yaunue,wanda nemambei kene mene.⁸Nemane ne yo seraibra ne nei wa mendo beitie mekani,awaro pepoi te na tawinipei sasyaisi peko sua tawekaimie werai damane ne nei peko tupu te donai orunaipine. ⁹Nemane peko tere te tikainainie nou mena keipei dou tenipei damane da tetero yei kembari peko mekai Yahudi tetero tetero wande Yunani tetero.¹⁰Damane da keme nepe da merembuku,wa ye seso ye tipainie,wande poi teme awaro piyambainya tetero yei meye na damba ne nei kembari pepoi te da mekeyai wande memete na Yahudi tetero pere Yunani tetero pere. ¹¹Awa Mang Tetero Ne Na dou te teu na da tetero yei pepoi waro te da mekonai mendo poi tere te. ¹²Da tetero yei meye na mane ne nei peko te mekainya Taurat A Yeko aroipei ne nei wa ne ne na yereu pwko tere da orunaipinie Taurat A Yeko ambai. Tetero yei meye na mane Taurat A Yeko buru ne peko te da mekainya damane da Taurat A Yeko ne ye da kaye te da wasi ne.¹³Damane da Taurat A Yeko te betainya tetero yei te Awa Mang Tetero Ne Ye bai pada saru wande da Taurat A Yeko te wa ye mekai nenei wa ne da kembari pepoi te da mekainya tetero yei te poi teme mro mro damba dua da nai. ¹⁴Nemane seraibrabra sisi nenei wa ne nena yereu Taurat A Yeko waro na keipeinya nenei wa bei ye Taurat A Taurat Yeko kembari te da mekonainya ne na wa ne yereu pepoi te dua da mekai da Taurat A Yeko ne na dambene da kenai.¹⁵Damane ne yo seraibra nenei wa ne da kembari te mekai ne na kena pa semo te na mane da meraipiki da kai nepe te da nenei wa ye ne na yereu te da tikanai Taurat A Yeko nemene a waro te aye aye da seiyinainie ne te peko sua sare ne poi sua sare ne. ¹⁶Awa Mang Tetero Ne Ye arombuku nemeiyumbuku damane Injil A sena te de ye Pauluswai a te da sename nemane sasyaisi metere yere kainya sa tetero yei ne na kena eiyu ne kainya sa kaye te da wasi ne diwa dewa taneme sisi ne nepe te Yei Yesus Kristus Nena dambene.Yahudi Tetero Ne No Taurat A Yeko Pepoi Waro Doupei¹⁷Damane we ye wei wa te Yahudi tetero te seiyune Taurat A Yeko waro te nou nue waye nepete da mekou wanda AwaMangTetero Ne Na bekou ne poi a te da seiyune ne te da betonai. ¹⁸Awa Mang Teteno Ne Na poi tupu te da arambuku ne pe teda tawe kanumau wete da Taurat A Yeko waro ne te da kiri yaimie. ¹⁹We Yeda arambuku bene da warendae ne yo seroibra dou tenipeinya te kiya nero pa dua enda we ye be mane warende. ²⁰Tetero seraibrabra te da a waro te da kirimende,guru mane yei bra ne na bekou ne tepende damane da Tautat A Yeko waro te metere noupadua da araipuku da werau.²¹We Ye tetero yei site da awaro teda kiriyene nemane wei wa te na kirinipei saninipei wari ye.We Ye da a waro te da kiriyene,sasyaisi bisi te na dereinipeinya,nederaitie we ye a te da seiyiyene saniyeme wei wane sasyaisi bisi te neme da dereyene beamane baya da bisi te tembune. ²²We Ye a te da saniyeme seiyene tetero yei kaimie keneng te na nemena dereinipeinya,nederaitie we ye da a waro te da saniyeme we na wa ne da kaimie keneng te neme da dereyene wari ye.We ye meke semo na sa te bai pa da sisiye nederaitie we ye wei wane sasyaisi te yekai bisi meka do sna sna ongko mie eiyu re da oriye kereye.²³We ye akau te sisaunue Taurat A Yeko waro buru ne da tepau,nemane deraitie Awa Mang Tetero Te Na aroipei nemeipei da werau nepere we ye Taurat A Yeko te baya da dingkerau noupana mekoipei. ²⁴Damena a waro te da semo kepeinie da meraipiki,Awa Mang Tetero Ne Na wado te a pepoi peko seiyinainie sanenaime tetero yei seraibrabra sisi yau dero na nerone merenainie damena yereu tupu a waro wenare da nepe te betaipiki dekai werai.²⁵Damane sunat yeko waro pepoi tupu te na te da mekai,weye weye Taurat A Yeko waro tawinipeinya mekoipenya wena sunat yeko waro nou pana we mekoipipei ambai tereda. ²⁶Tetero yei sunat yeko waro te na mekoipei werai nemane Taurat A Yeko waro te tawekainie werai ne te ne nei wa ye da mekai damane sunat yeko waro te tetero yei nepe te duada mekainya pere na nebei pa na tawipipei moi moi neme da warenai. ²⁷Tetero yei suna yeko yeko waro mekoipeinya nemane Taurat A Yeko waro te nenei wa ye da mekai damane we te sisinaimie diwa dewa da derenende da semo ne meraipiki sunat yeko waro ne Taurat A Yeko te baipa baya da dingkerau.²⁸Yahudi tetero te da seiyainie mayong buru ne na wa basu na te dou ye da tainie,nemane sunat yeko warone ne na wa kiya pa da meke sunat yeko waro Yahudi tetero ne ne tere tupu dua da awungbuku mro mro tere da keu. ²⁹Yahudi tetero yei ne na kenamie deko Yahudi tetero yei nepe ne ne da waru,ne na sunat yeko waro ne nei kena deko ne da Aru Roh kembari teda mekoi na,semo na a yeko meraipiki na nepe ambai.Nemane deraitie ne do ne na wa do te pepoi te da seiyinaini na da tetero yei kna waro re na ambai nedaraitie AwaMangTetero Ne Na re da a teda seiyinainie sanenaime kura kura peto peto donai warenai.

Chapter 3

¹Yahudi tetero ne na wa ne beamena pepoi keu? Sunat yeko waro yu mereipei? ²Nou karo tereng dopre da kainye,memete na A Sena firman AwaMangTetero Ne No A Yeko Yahudi tetero na na wapa wapa yereu pa da sesuku tenou.³Beamane damane Yahudi tetero si derou bei da werai si bai pa da sereukruko werai,ne yo ne na da pepoi tupu AwaMangTetero Ne na pepoi tupu te bai pada sarembine? ⁴Bete pere ambai tere mekoi pipeinya te wai.AwaMangTetero Ne Na pepoi tepereinya tere nemane da tetero yei a peu peu dopre,semo kepeinie da meraipiki; Weye da tepereinya tere nouru na nemane We Na a te da seiyiyene A Sena firman wande We Na peko tupu te da ambune mene da tetero yei damba da tepene.⁵Damane e seraibra kna peko tupu te da wa ye kirate wande AwaMangTetero Ne Na pepoi tupu tepereinya dewa da mene na,e ye beamena a te ne kwa seiyimane Nemane AwaMangTetero Ne Ye e seraibra te na pepoi damba na atomipei eipei? De ye da a te da sename da tetero yei mane da wera te. ⁶Nemane ambai tere da! Damena nou dua da kene na,beamane AwaMangTetero Ne Ye da yo dambe te da kaye te diwa dewa da wasi ne na.⁷Nederaitie damane AwaMangtetero Ne Na pepoi tupu tepereinya dena da a peu peu karo nemena warone AwaMangTetero Ne Na kiya keme merembuku,beate na te de te bai pada sisau te peko tetero yei mane da wera. ⁸Tetero yei si derou a yemo arma tere e seraibra damba da senaimie seiyainie. Dewe mende e seraibra kembari peko tupu te da mekoma nemane nepere wande pepoi tupu e na damba da mene.Damena tetero ne na damba na peko tere tupu seraibeitie dewa da mene na!Da Tetero Yei Metere Peko Te Da Meka Ta⁹Damena beamane mekoma? E seraibra wera tena pepoi te meka meka te wa ne kira te? Ambainya te wai! Damane e ye dina tupu re damene a te da dua saniyame te, Yahudi tetero seraibrabra wande Yunani tetero seraibrabra. ¹⁰Semo kepeinie da meraipiki,tetero yei pepoi te na mekoipei, ne na wa na pepoi ambai metere na mane kembari peko tere buru ne da wera te.¹¹Tetero yei si ne wai ne na mendo kembari pepoi te na mekoipei.Tetero ei sinewai AwaMangTetero Te Na wureipei. ¹²Tetero yei meye namane basu ne bainie da werai metere na mane nemei wepaiteke da werai tetero yei si ne wai ne na kembari pepoi te na mekoipei.¹³Nangkou beso nena bure numburu baya buteraipiki kura tere,ne na peu dambena a peupeu dopre Wari Mangwari nena sa peko bu peko ne na emburu auwa tupu ne da keu. ¹⁴Nena emburu a kari dopre wande a peko peko peti peti mane mekai.¹⁵Ne na oto te werainya sa te apa dirainya. ¹⁶Nena nipi nero be baya birainya pere baya nitainya pere neme damane da tenai. ¹⁷Ne na yereu teme dambere na waripei aroipei. ¹⁸AwaMangTetero Te Na endiki dekoipei ne na dou dambene mendo te mekainie.¹⁹E ye dua da arambiki te Taurat A Yeko waro ne yo seraibra kna damba ikaimie damane Taurat A Yeko waro te ne nei wa ne da mekai emburu nebei pa tewaipiki werai,yo sero metere na mane AwaMangTetero Ne Na peko tupu teda donai kenai. ²⁰Nemane da tetero yei AwaMangtTetero Ne Na bekou na eiyei wa pa na pepoi te na seiyinipei Taurat A Yeko waro te wane dua da meka te wera te da Taurat A Yeko waro peko nipi te arambiki te nemeiyambiki te nemane da.Da Tetero Yei Pepoi Teme Damba Ne Nei Mendo Eiyo²¹Neperei AwaMangTetero Ne Na pepoi tepereinya nou ru na kiya pa dua da kiyapuku Taurat A Yeko waro dambere na ambai mekoipipei nemane da Taurat A Yeko waro da semo kepeinya wande nabi seraibra ne na semo kepeinya a kurung. ²²Damena pepoi tepereinya AwaMangTetero Ne Na dambere mendo ne eiyo ne Yei Yesus Kristus dambere e tetero yei nepe te arambiki te nemeiyambiki te nemane da tika te diwa dewa na wureipei.²³Da tetero yei meye na mane peko teda dua da mekeya te wande AwaMangTetero Ne Na kiya keme merembuku na e na wero na keipei. ²⁴A-I Ne do Ne Ye poi tepereinya damberevkena bise Ne Na karunia buru ne Yei Yesus Kristus Ne Na dambene warema.²⁵AwaMangTetero Ne Na o ware nepe da sesuku pepoi teme waro A-I Ne Do Ne Na sa durupuku na dambere e na mendo eiyo dambere da nounue da suwe tepema. ²⁶AwaMangTetero Ne Na pepoi tupu tepereinya neperei da serei pa da meke A-I Ne Do Ne Ye teperei tere tetero yei te mendo te eiyo te da atoumue Yei Yesus Ne Na damba mendo te eiyo te da mekonainie.²⁷Damane dua da kekaiyeu na bea dambere e ye oto dare te ne dambene tetomane eiyei wa pa de tere te yepoma tepema?Ambainya te wai! Beamena a waro yeko dambere? E na kembari mekate na dambere yeko nepere kiyambine? Nemene ambainya te wai nederaitie mendo eiyo dambere. ²⁸Damane sate na te e da tetero yei eiyei mendo eiyo dambere e ye pepoi tepereinya damba,Taurat A yeko waro kembari mekate na nepere na ambai nou mena keipei.²⁹Nemene AwaMangTetero Ne Ye keu na AwaMangTetero Yahudi tetero bei te na te da keu? Nemena ambai da AwaMangTetero Ne Ye nemane deraitie AwaMangtetero Ne Ne nebeisike tere seraibrabra si te da meye na damba da keu na.Teperei tere da AwaMangTetero Nene seraibrabra si si kna damba meye na te da keu. ³⁰Nederaitie AwaMangTetero beisika tere da keu tetero yei seraibrabra te tepereinya AwaMangTetero beisika tere da keu tetero yei seraibrabra te tepereinya dambere ne nei sunat yeko waro ne na mendo eiyo dambere,wande tetero yei sunat yeko waro mekoipeinya te kopurune nebei pa nenei mendo eiyo dambere.³¹Damena nou karo keu na e seraibra Taurat A Yeko waro te bai pa da saremapine eiyei mendo eiyo bei te da tawemane warema. Nemena pe ambai ! Nederaitie e seraibra Taurat A Yeko waro te meka pepoi tere doma tepema mene.

Chapter 4

Abraham Tepereinya Dambene Ne nei Mendo Eiyo ¹Abrahamai eiyei awa da yo dambe na da wa orung waro ne beu te nate e ye da a te ne kwa seiyimane? ²Abrahamai tepereinya nou ru na kembari te da mekeyou,ne na wa do de tere bunane wariyou nederaitie AwaMangTetero nena bekou na ambai nemena nou keipei. ³A sena semo kepeinie da senaimie Abrahamai ne ye da AwaMangTetero Ne Ne tere te da arombuku nemeiyumbuku,nemena a waro nena damba tepereinya tere te da keu na.⁴Damane kembari na tetero yei ne na wa pa meka damba na nenei po te na ambai nederaitie ne nei wake tupu nepe ne da keu na. ⁵Tetero yei kembari mekoipeinya,nemane AwaMangTetero Te aronembine nemeinembine Ne Na pepoi tetero si kna damba, ne tetero ne nei mendo eiyo teopereinya nouru na dambe ne da keu.⁶Nemane Daudwai a te da seiyune piyambai tere da tetero yei te damane AwaMangTetero Ne Ye pepoi tepereinya a te seiyune nena poi te mekou na dambere na ambai. ⁷Piyambai tere tetero yei ne na peko ye ne keu na te ne te baya da simbine. ⁸Piyambai tere da tetero yei ne na peko tupu TuhanMang Tetero Ne Pe te ne bembipeinya te wai!⁹Nemane damane da pepoi tupu mene na tetero yei sunat yeko waro dua mekainya damba? Bei tetero yei sunat yeko waro mekoipeinya nemane deraitie damane pepoi damba? E ye a te da seiyane te,damena da mendo ne eiyo ne Abrahamai nena damba pepoi tupu poi tepereinya te da sesuku. ¹⁰Beamena yeko waro ne nemane nou karo te bembuku? Di na tupu ne kiyau? Bei sunat yeko waro mekoipipeinya nepe te bembuku?¹¹Abrahamai da sunat yeko waro nepe te da deko damena tepereinya karo ne na damba da ne nei mendo ne eiyo ne,nemane sunat yeko waro mekoipeinya ne da wariyou. Nemane nepere ne do Abrahamai ne ye awa mane kiyou da tetero yei meye namane ne te arambiki nemeiyambiki sunat yeko waro mekoipeinya seraibra kna damba damena pepoi tupu tepereinya te da benembine yau nero pa eiyu pa dewa da menai. ¹²Damena sunat yeko a waro ne nedo Abrahamai ena awa mane nemane tetero sunat yeko waro dua mekeyainya beite bai ye nederaitie Abrahamai ne na mendo eiyo dambere eiyei awa nene maning dina tupu re sunat yeko waro mekoipeinya ne kiyou.Abrahamai AwaMangTetero Ne Na A Yeko Te Da Deko NeNei Mendo Eiyo¹³Abrahamai nena dambe ne da a yeko yoti pa kasi pa Taurat A Yeko dambere na pe ambai ne na mendo eiyo tepereinya dambere da yo sero te da kani dambena te metere na mane dua dadeko. ¹⁴Taurat A Yeko waro ne da seraibra da yo dambe ne da kenai AwaMangTetero pere da ne bei nie nemane nepere damena mendo mendo eiyo a waro noupana mekoipipeinya tewai. ¹⁵Taurat A Yeko waro ne na peko tere ena damba nemane Taurat A Yeko waro ambainya peko tere ambai da mekoipei.¹⁶Nemane tepereinya mendo eiyo dambere kena bise karunia tetero yei meyena damba Abrahamai ne nei yoti kasi nemane deraitie ne yo seraibra ne na mendo eiyo dambere ne na yereu te da kenai. Nemane Abrahamai e ye meye na awa te da seiyainie. ¹⁷Semo kepeinie da meraipiki.De Ye we te da mekoupuka awa mane da seraibrabra damete.AwaMangTetero Te Abrahamai arombuku nemeimbuku AwaMangTetero Ne Ye tetero no te yereu damba A Sena firman dambere sasyaisi te da dewa susu kiya pada menainya.¹⁸Abrahamai ne na mendo eiyo A Sena A Yeko te arombuku nemeimbuku awa mane meye na damba A Sena Yeko ne seraibrabra damba. Nemane kaso pere tereng dopre we na yoti kasi. ¹⁹Nena wa ne mendo eiyo kanikani mena ambai ne na mai doa meka su wande nena mire nembire sarame yei senoipei yei nipi dua da dunupuku.²⁰AwaMangTetero Ne Na a yeko te na Abrahamai a te na saripipei ne na mendo ne eiyo ne AwaMangTetero Ne Na damba poi a te da mereunu. ²¹Abrahamai ne na mendo ne eiyo ne da dusupuku keu AwaMangTetero Ne Na wake de tere nemena nou te da kembari te da mekombinie AwaMangTetero NeNei A Yeko dambere nepe te da temane. ²²Abrahamai ne na mendo eiyo AwaMangTetero Ne Ye bembuku tepereinya tereda keu na.²³Damena a bete bete da a waro Abrahamai beite ne na wa pa na bembipei mipei mereipipei keipei. ²⁴Nemane deraitie a seraibra kna damba,AwaMangTetero Ne Ye e seraibra kna damba nepe te da bembuku nemane e seraibra nepe te da arambiki te nemeiyambiki te AwaMangTetero Ne Na dambe ne Yei Yesus eiyei Tuhan MangTetero te sedua awekene tetero no sou na tete nero re. ²⁵Damane Yei Yesus Ne Te wikainie dua da seraipiki e na peko tere mekate na dambere nemane ne kwa esua yembuku yereu da orupuku waru e seraibra kna pepoi tepereinya dambere da ne kwa bu bina te da dewa mene.

Chapter 5

Da Tetero Yei Teperei Tere AwaMangTetero Ne Na Poi Yei Yesus Kristus Ne Na Poi ¹Eiyei tepereinya mendo eiyo dambere eiyei AwaMangTetero Ne Na yereu pepoi teme dambe ne eiyei Tuhan MangTetero Yei Yesus Kristus Ne Na dambere. ²A-I Ne Do Ne Ye meke e na nipi poi teme mendo eiyo dambe ne da anugerah dambere e ye suwe tere da tepema,e na kou kari nou ne deremane wande AwaMangTetero Ne Na kiya keme merembuku na damba.³Aye peko dambere e na kou kari te da derane te e ye da arambiki te damena peko tere nena nou keu na e seraibra suwe tere tepema. ⁴Eiyei wa ye deremane eye suwe tere da tepema nepere e na wa suwe ne eiyei mendo eiyo nepe te nounu da kenai. ⁵E na mendo eiyo meto pa na sikinsipei AwaMangTetero Ne Na kena bise e na damba kena mie deko pa Aru Roh Kudus A Yo mire dambere Ne Na karunia e damba.⁶E na wa kanikani mane Yei Yesus Kristus dua da teteupuku e tetero yei kna peko dambere AwaMangTetero Ne Ye a yeko dua keroupuku. ⁷Tetero si ye dua da tetembine tetero yei tepereinya sitenate,nemane tetero pepoi satena te tetero yei si te na te dua da tetembine.⁸Nemane AwaMangTetero Ne Na kena bise e na damba damane e ye peko nero ne wera da te Ne Do Yei Yesus Kristus dua da teteupuku e te na te. ⁹A-I NeDo Ne Na wa sa durupuku na dambere Ne Na tepereinya dambere e seraibra pepoi damba AwaMangTetero Ne Na peko tupu dambere.¹⁰Ena peko a yembe ekri dambere AwaMangTetero Ne Ye pepoi tere teme te e na damba Ne Nei Yei kna tete dambere,ete pepoi teme damba A-I Ne DO Ne Na yereu poi dambere. ¹¹Ena kena kari koukari AwaMangTetero Ne Na A Yeko dambere eiyei TuhanMangTetero Yei Yesus Kristus NeNa pepoi teme dambe ne.Tete Adam Ne Na Re Yereu Kristus Na Na Re¹²Damane peko da yo damba da dewa da meke tetero yei beisika kna re da meke tete waro peko tere da tetero yei meye na damba peko pepoi te dua da mekeyai. ¹³Damane pepoi peko da yo damba dewa da meke Taurat A Yeko imipeinya ne peko meke.Damena peko bembipei da Taurat A Yeko nemane imipeikeipei.¹⁴Damena tete waro nena wake ne do Adam ai nena re da meke dado Musawai nena pa da meke,da tetero yei seraibrabra da peko te mekainya Adamai ne na peko pere na erikeroipei wa areng mane da mene kene ne dambere Yei Yesus Kristus ne kwa dewa da mene na te da. ¹⁵Awamangtetero NeNa A Yeko karunia Adamai nena peko tupu nepe te na erikeroipei.Tetero yei beisika tere damena peko da mekopuku datetero yei mete re na mane tete peko tere damba. Nemane de tere tere tetero yei beisika da peko te damane narupuku da tetero yei metere peko nero pa yewaipiki.AwaMangtetero NeNa kena bise karunia de tere tere tetero yei beisika kna dambere da Ne Do Yei Yesus Kristus Ne Na dambere da tetero yei meye na damba yau te beiyine.¹⁶Nemane da kena bise karunia tetero yei beisika kna peko tena dereikeroipei.Damane kaye te da diwa dewa wasi ne nemane wa ye dua da nerapiki te peko tupu e na damba nepere anugerah karunia nemane peko mekate na dambere pepoi tepereinya te da done mene. ¹⁷Tetero beisika da narupuku da tete nipi da tetero beisika kna damba nemane tepereinya ne yo seraibra ne na dambe ne da anugerah karunia tepereinya wake de tere yereu pepoi tetero yei beisika Yei Yesus Kristus NeNa yereu dambere.¹⁸Nepere nemane tetero yei beisika dua da narupuku peko tere damba da tetero yei meye namane peko damba dua da kai.Damane kembari pepoi tetero beisika nenare tepereinya dambere tetero yei metere na mane yereu pepoi tepereinya dambe ne da kenai warenai. ¹⁹Tetero yei beisika da peko te da narupuku tetero yei tereng dopre ne peko tere damba dua da yewaipiki. Nemane deraitie beisika nena yereu pepoi dambere da tetero yei metere na mane tepereinya pepoi dambe ne da kenai warenai.²⁰Nemane neperei Taurat A Yeko dewa da meke e na damba nepere peko kaso pere dopre dopre wa ye da meka te wande nepe ne AwaMangTetero Ne Na anugerah karunia damane dopre dopre da ne damba damba da menai warene pepoi tupu ne ne. ²¹Damane peko tupu wake de tere tete nero ne, nemane yereu poi anugerah ne na wake de tere tere tepereinya dambere da yereu te neme da kene mene Yei Yesus Kristus eiyei TuhanMangTetero NeNa yereu poi dambe ne da kenai.

Chapter 6

E Na Tete Dambere Wande Kristus Yesus Ne Na Yereu Poi Damba Da Ma ¹Nemena nou dua da kene na e ye bea te nate da ate seiyimane? E ye damane da peko buru ne da warema wande da kena bise anugerah ne damba damba da atoneme da yereu te warema. ²Nemane pe ambai ! Beamane e ye tete peko dambe ne da yereu te nemena buru ne da warema? ³We ye arambuku e seraibra bu te da kereyaimie Ne Do Yei Yesus Kristus Ne Na wa do ne nemane Ne Na tete dambere bute da kereyaimie.⁴Eye bure eiyu ne A-I Ne Do nemebere ne beinie bu te da kereyaimie damena tete nero ne da. Nemane nepere NeDo Kristus yereu da orupuku esua ne kwa da yembuku tete dambere AwaMangTetero NeNa Yereu keme merembuku na pada mema e na yereu neme pepoi damba. ⁵A-I NeDo Ne Na tete waro e dame te beisika serei da kene na e nemane beisika serei A-I NeDo Ne Na yereu ne da warema.⁶E ye arambiki te e na yansina da yereu bai pa dua da kengkante e na wa na peko tupu baya da karunai teme da orunaipine. ⁷Tetero yei dua da no ye tetembine na ne na peko tupu te baya dua da ambuku.⁸Neperei e ye Ne Do Kristus pere tete nero ne, nemane e ye nemei yambiki te ena yereu nebei ne Ne Do Kristus nembere warema. ⁹E ye dua da arambiki te Ne Do Kristus NeYe tete dambere yereu orupuku ne kwa esua da yembuku tetero no dua souna nero re ne kwa na teteipipei kani mau emburu pa na eipei.¹⁰A-i Ne Do Ne Na tete da beisika tere da peko te da baya supuku damane Yei Yesus Kristus Ne Na yereu neme da kene mene AwaMangTetero NeNa dambe ne. ¹¹Nemane demaitie we ye dou te da tau wei wa pa damane tete nero ne da werau peko dambe ne. Nederaitie we na yereu AwaMAngTetero Ne Na dambe ne wande Yei Yesus Kristus NeNa dambe ne.¹²We na wa na peko waro nemena tembipei keipei damane we te da mekouwe ne na wambo te da durunsuke tawekene wari ye. ¹³We Ye damane wei wa te peko nero pa da sarupune pera pera nainyang peko te da atoupune waru. Nederaitie wei wa te damane da sarupune AwaMangTetero Ne Na dambe ne da waru nemane tetero seraibrabra yansine no ye dua da ane teneyai,nederaitie nepereinya ne kwa yereu dua da ouraipiki da werai. ¹⁴Nemane damena peko tupu we na damba na ne kwa na mipei wena wa na Taurat A Yeko waro mekoipei da werau,nederaitie kena bise anugerah karunia dambere da.A Yeko Waro Bi Serei Ne Te Da Tikamane¹⁵Nemena beamane? E ye da peko te neme damane mekoma e ye da Taurat A Yeko buru na waripei, nederaitie kena bise anugerah karunia dambere da wera te. Nemena pe ambai ! ¹⁶We aroipei wei wa te da seraupuku tetero si ne wai kna damba we ye ne tetero te ne te a te da betaunue damane da peko nero re we te da atekome dewa da mau tete damba,nemane deraitie we te da atekome dewa da mekau damane pepoi tepereinya dambe ne kende.¹⁷Damane poi ate da doma meremane AwaMangTetero Ne Na damba ! Yansi ne wena wa na peko tere da kiyou Nepereinya we na kena ne da a yeko waro te da neme seiyinende warende da nipi te da mende. ¹⁸We te baya da peko tupu re amupuku pepoi tepereinya dambe ne da kau yereu pepoi tere.¹⁹De ye da tetero yei waro we te da a te da sename wena damba da seiyane we na wa armapipei kani kani mane da werau. We na wa te peko pepoi damba metere damane da dekau werau. Nederaitie we na wa te da nepereinya yereu pepoi tepereinya dambe ne wei wa te da mro mro damba ende. ²⁰Damena peko te wei wa ye mekeyau,we na wa na pepoi tepereinya ambai. ²¹Nemane ne na ne nou yu te na wawipei dou na teinipei damane neperei we te da mekoumue paitiabure mane da werau? Damane ne na ne nou keu na tupu te na tete nipi waro pa da keu na.²²Damane nepereinya we te da baya da amupuka ne pepoi bei te de werau dimena peko pepoi nero re da we ye neperei nemane AwaMangTetero Ne Na oto tou ne nederaitie we yu te wa ye mekou ne na pepoi we te da donewe mene mro mro dambere wande tupu tere te na we na da yereu neme na bei te nemambei kene mene da yo dambe ne wande nemane sero de dia ne. ²³Damena pepoi peko tupu tete nepe ne da keuna sa te da seiyainie. Nederaitie AwaMangTetero Ne Na karunia yereu pepoi tupu nou nue da kene mene nemambei Yei Yesus Ne Na dambe ne eiyei Tuhan MangTetero Ne Ne.

Chapter 7

Kristus Ne Na Dambe Ne Taurat A Yeko Dua Da Karupuku ¹Do keka yei meke we aroipei werau de ye a te da sename a te seiyane ne yo seraibra Taurat A Yeko teda arambiki. Nemane Taurat A Yeko nema wake de tere tetero si kna damba ne tetero yereu te neme kene.²Nemane mire sine nei do pere meka te da nebeine atokiriko da a yeko dambe ne ne mire ne na do yereu te neme kene na. Nepere nemane ne na do dua tetembine ne mire ne nei wa te a yeko dambere nemei ne warene. ³Nemane deraitie da do neme yereu te kene na ne na nembire da mire bisi kaimie te da mekou do si pere wareneinya.Nemane da mire do si pere bisi kaimie te da mekonei nepe na a keipei ne a yeko te nou pa mekoneipine.⁴Dedei do keka yei meke we nemane Taurat A Yeko waro ne da noane dua teneyau nemane nepere NeDo Kristus NeNa wate yereu te da donde kende wena yereu te A-I NeDo NeNa dambe ne da tete nero re esua ne kwa da yembuku eiyei wane yu te wawema AwaMangTetero NeNa dambe ne. ⁵Damane eiyei yereu da wa orung buru ne da wera te ena peko mendo wambo mane da Taurat A Yeko dambere ena wana yu peko dopre wawenai e tete damba mana.⁶Nederaitie neperei e ye Taurat A Yeko tena tawinipei e ne dambere tete damba ete da dunumpuku wariya te.Neperei eye kembari te da mekoma Aru Roh A Yo Mire nembere.Yansi na Taurat A Yeko dambare na ambai.⁷Beamena a te ne kwa seiyimane?Taurat A Yeko waro peko te mekonde? Ambainya tewai! Da Taurat A Yeko ne dambere de ye kembari peko te da arombuka.Deye nemane aroipei damena wambo ye da buru ne da Taurat A Yeko na seiyimbipei,sasyaisi kena dereinipeinya. ⁸Nedereitie ne a yeko ne peko ne na kembari te da e na wa buru ne wa eiyu ne da mekou.Taurat A Yeko keipeinya peko kembari no ye da tetembine.⁹Yansi ne dena yereu Taurat A Yeko dambe na keipei.Taurat A Yeko dewa da meke da peko yereu orupuku ne tupu re dewa da meke nepere de ye no dua da tete upuka neyena. ¹⁰Taurat A Yeko de na yereu te na pepoi damba na doitipei eipei nepere nemane de na yereu te tete damba sarutupuku.¹¹Taurat A Yeko buru ne peko ne na nou te nepe ne da deko keu de te wapu te da Taurat A Yeko dambere dete no te da tonetepine. ¹²Nemane da Taurat A Yeko mromro.A Yeko nepereinya nemane deraitie mromro tere tepereinya ne ne da.¹³Nemena te da pepoi tupu de na damba da tete te donemene de ne ye ne nero ne nemana ambai! Kiya tere da kai ne waro peko tere da pepoi waro te da titawembinie done kene dena damba tete nipi waro dewa da mene ne pe ne damena a yeko waro peko tere keuna ne nei wa bei ya kiya pa dewa da mene. ¹⁴Eye dua da arambiki te Taurat A Yeko waro aru wa nuru waro da nepe ne keu na.Nemane de ye wa orung karo ne da wera damena peko damba da seraitipiki wera.¹⁵Deye meka na kembari damane de nepe te na aroipei.Ne na kembari meka na de na mendo na kembari te na ambai mekoipei,nederaitie de ye ekri yembe te kana kembari te da ne te meka. ¹⁶Deye ate derane na kembari te dua da mekote na,poi a bei te ka seiyane da Taurat A Yeko waro pepoi a bei te da seiyane a te sename.¹⁷Nemane dua da nai kene de nemene kembari te na ne kwa na mekoipei nederaitie peko pepoi dena wa eiyu ne wa buru ne. ¹⁸De ye arombuka de na buru ne da tetero yei mane da wera sasyaisi pepoi bete mena ambai.De na mendo ne da yepoupuka nederaitie ne kembari te mekoma na pepoi waro te na mekoipei.¹⁹Kembari pepoi de na mendo ne da werainya te ne te eiyei wa da mekoma.Da kembari peko de na mendo na keipeinya kembari te da ne te de dei wa ne da meka. ²⁰De na mendo na keipeinya kemabari te mekote na,nederaiti ne kembari te na de mekoi pipei nemane de na wa eiyu ne keu na peko ne ye da mekou. ²¹Nemane damena a yeko waro ne da de ye kembari pepoi te da meka kembari peko nembere de na wa eiyu ne da keu.²²De ye kena te derane AwaMangTetero NeNa A Yeko dedei kena deko ne kou deko ne. ²³Nemane deraitie de na wa buru ne wa eiyune a yeko waro sibete de na mendo te eiyo te da dingkeru baipa baya da susu te de na wa te peko waro damba done te.²⁴De pe da ye da tetero yei da wera! Simi ye de te damane da de na wa te pepoi da done te damena tete dambere yereu pepoi damba done te ne poi tupu ne kete. ²⁵AwaMangTetero NeNa damba pepoi a te da merane! NeDo Yei Yesus Kristus NeNa dambe ne eiyei Tuhan MangTetero NeNa pepoi dambere. ²⁶Nemane de ye dedei mendo ne eiyo ne dena mendo kembari ne AwaMangTetero Kno damba pepoi a te da senane.Nemane deraitie da wa ma ne dedei wa ye da kembari te da pepoi tere da mekote damena a yeko waro peko pepoi tupu pa ne nero te de dei waye da kirite.

Chapter 8

Da Yereu Aru Roh A Yo Mire AwaMangTetero NeNa ¹Neperei Yei Yesus Kristus NeNa buru ne da wera te peko waro tupu tetero yei damba na mipei ambai. ²Nemane Aru Roh A Yo Mire yereu pepoi Yei Yesus Kristus NeNa dambere we te baipa baya amupuku peko yeko waro tete maut nero re dewa da mekau.³Damane da Taurat A Yeko waro dawa orung karo na kembari wake ambai mekoipipei.Nederaitie AwaMangTetero Ne Ye nepe te nou pa dua da mekoupuku.Nemane da Ne Nei Yei Yesus Kristus NeNa dambere wa ma wa orung waro ne peko tere te ne nero ne Ne Ye baya dingkerupuku. ⁴Nederaitie Taurat A Yekore te na wa ne nou pa da mekoupuku da yereu wa orung ne na waro na pe ambai nemane Aru Roh A Yo Mire NeNa dambere. ⁵Nemane da ne yo ne ye wa ma wa orung waro waro ne da yereu te da werai ne na mendo eiyo wa orung karo na.Nemane deraitie da neyo ne na yereu Aru Roh A Yo Mire Dambere nena mendo eiyo yereu werainya Aru Roh A YO Mire NeNa dambe ne.⁶Wa orung waro na yereu da tetero yei ne na mendo eiyo tete damba.Nemane deraitie tetero yei nena mendo eiyo Aru Roh A Yo Mire Dambere nena yereu teme piyamabai tere. ⁷Da wama wa orung waro na yereu AwaMangTetero Ne Ye baipa baya saru na.Nemane nemena yereu te na AwaMangTetero Nena A Yeko waro na keipei da. ⁸Tetero yei ne na yereu da wa orung waro na kemabri AwaMangTetero Ne Ye a te da dereu nue.⁹Da wa orung waro na yereu te na we tetero yei waripei.Nederaitie Aru Roh a Yo A Yo Mire NeNa dambe ne.Nemane AwaMangTetero NeNei Aru Roh A Yo Mire we na wa eiyu ne da kene.Da tetero yei nena wa buru ne Aru Roh A Yo Mire NeDo Kristus Ne Na re na keipeinya ne tetero yei NeDo Kristus NeNa tetero ambai tetero si moi waru waru na. ¹⁰Nemane NeDo Kristus we na wa eiyu ne da kene na da wa ma dua da tetembine peko dambere.Nemane deraitie aru roh yeru pepoi tepereinya dambere.¹¹Damane da Aru Roh A Yo Mire AwaMangTetero Kna Ne Ye Ne Do Yei Yesus TeDa esua awekene yereu orupuku wei wa eiyu ne da kene na nemane deraitie ne Aru Roh A Yo Mire AwaMangTetero Kna Ne Ye we na da wa ma te esua aweneme wei yereu pepoi dambe ne NeDo Yei Yarise Yesus Kristus Nembere da kende.¹²Damane do keka yei meke e da tetero yei da pepoi te na eiyei wa ye na mekoi pipei.Nemane da wa orung te na tawinipei waripei eiyei yereu pepoi nepe na keipei. ¹³We na yereu da wa orung waro ne kende na tete damba dua da ende nemane da.Nemane da Aru Roh A Yo Mire Ne Na dambere da we na kembari peko wei wa eiyu ne mekau na te da no te baya titne we na wa buru na keipei we ye yereu pepoi dambe ne da kende.¹⁴Tetero yei meye na mane Aru Roh a Yo Mire AwaMangTetero Kna Ne Ye da atoneme da yereu ta warenai ne AwaMangTetero NeNei yei bra. ¹⁵We ye ne kna na aru bina aruna doipei tawinipei wari pei endiki te na dekoipei.Nederaitie we ye donde na Aru Roh A Yoh A Yo Mire Ne Na dambe ne we ye AwaMangTetero NeNei yei mane kende.Da Aru Roh A Yo Mire Ne Na dambere e ye da a te domambine,"we Abba we Awa NeNe!"¹⁶Da Aru Roh A Yo Mire Ne Ye a te da seiyi ne e na aru roh pere beisika nebeinie e pe da ye AwaMangTetero NeNei yei bra. ¹⁷NeNei yei bra e nemane metere AwaMangTetero NeNa seraibrabra a yeko bete bete dambe ne nemane NeDo Kristus NeNa dambe ne e seraibrabra tenou waru na metere dua da tikaiyane te nebeinie A-I NeDo Nembere.Nemane deraitie e ye pepoi dambe ne A-I NeDo Nembere da.Awa Mang Tetero Ne Na Yei Bra Poi Damba¹⁸Damane de ye tikane e na peko pepoi neperei da tikane te na nemane erikroipei yereu pepoi tupu e na damba dewa mene na. ¹⁹Nemane da sasyasi metere dua da mekoupuku na neye da derainie mo dai mo ya te AwaMangTetero Ne Na yei bra wa te da kiya pa da menai.²⁰Damane da sasyaisi metere teme orunai bite ba te orunai ne nei a yeko waro na pe bai ye,nederaitie AwaMAngTetero NeNa A Yeko dambere da mekombine damane da kenai menai. ²¹Nemane da sasyaisi seraibrabra nenei peko tere dambere baya anempine teme damba dewa da menai AwaMangTetero NeNei yei bra nena pepoi dambe ne nebeinie da kenai. ²²Nemane da sasyaisi metere nebeinie wa serai te da tikainie da serei pa da meke ne te da yei saisyei mane senonai.²³Nemane ne yo bei te na pe ambai.E ye nemane deraitie eiyei karunia mire yarise mire ne na Aru Roh A Yo Mire Ne Na dambere eiyei eiyei kena buru ne nemane da tikane te dou te da ta te e na wa te buna pa da atoneme teme dambere dua da ima yei bra mane dua ma. ²⁴Damane e pepoi dambe e na kena teme dambere da meka te.Nemane ne kena teme pe ambai tere na kena teme.Beamena te damane da tetero yei da dou ye tani na nou pa neme da kena te da derainie. ²⁵Damane e na kena ne dou na teinipeinya sa te nepe te da nounue merase bete da tema damane nou da tema.²⁶Nemane Aru Roh Yo Mire Ne Na wake te e na damba damane e aroipei beamane a yeko waro mendo eiyo kembari te mekoma.Nederaitie Aru Roh A Yo Mire Ne Ye da mendo eiyo kembari te da mekou AwaMangTetero NeNa damba e na a bete bete te. ²⁷AwaMangTetero Ne Ye e na kena te da nemeiyu Aru Roh A Yo Mire NeNa dambere da Nepere nemane Aru Roh A Yo Mire mendo eiyo dambere AwaMangTetero NeNa damba ne da a te da sanune mendo eiyo kembari ne da tetero yei mromro kna damba da a te da seiyune.²⁸Eye arambikite AwaMangTetero NeNa pepoi tupu kembari te nebeinie mekonai ne pepoi tupu ne yo seraibra kna damba da mene Ne Te kena te da derainie,ne yo ne te da taru AwaMangTetero Nenei A Yeko dambere. ²⁹Tetero meye na mane Ne Ye dua da eurupuku kai yansine ne yo seraibra ne te da ne bei pa ourupuku NeNei Yei Yarise kna wa te donai nebeinie da yereu te warenai.Nemane nepere A-I NeDo Ne Ye AwaMAngTetero NeNa Yei Yarise Do Yarise NeNe dokeka yei meke dero na nero ne. ³⁰Nemane yansine Nenei dua da ourupuku ne yo seraibra te.Ne Ye da taru ne yo seraibra te.Ne Ye ne yo seraibra te da taru Nenei pepoi tepereinya dambere ne dambe ne ye wa te yereu te da warenai.Ne Na pepoi tepereinya dambe ne da ne yo seraibra warenai Nenei siri nu kerai nu keme merembuku na damba.Mendo Eiyo Awa Kna Re Yei Kna Pa Da Meke³¹E ye beamena a te seiyimane metere na mane? Damane AwaMAngTetero e na nero ne da kene.Simi ye e seraibra te baipa baya sisineme? ³²Ne Nei Yei Yarise Te Na kena dereinipei e tetero yei meye na damba nepe nepe te da sarupuku.Nemane Ne Ye e na damba sasyaisi metere da karunia A-I NeDo NeNa dambere e ye nebei pa da ma.³³Simi ye AwaMangTetero NeNei tetero seraibrabra te baipa baya tikeneme?AwaMangTetero NeYe ne yo seraibra te da te da tepereinya te seiyinene meka poi atoneme.Simi ye ne yo seraibra te peka tupu damba sanenaimie tikenaimie warenai? ³⁴Ne doYei Yarise Yesus Kristus NeYe da teteupuku tete nero re yereu ne kwa da orupuku waru.Ne Ye da AwaMangTetero Ne Na meka metere su ne da keu e tetero yei damba na poi tupu te pepoi tere da keu.³⁵Simi ye wapentene e seraibra te da damane NeDo Kristus NeNa kena bise dambere e te baipa baya sanenemepinie warema.Apa da titawaimie ane da wera te noukiki keke buru ne da wera te sresre mane da mekaimie munu ne da wera te wa kiya ne ne da wera te peko tere nero ne meteka yemou dambere wera te. ³⁶Semo kepeinie da meraipiki!Damena nou te da mekou na We tante sa te na te de ye damane maut ne na peko waro tete nipi ne da wera te domba yei bra mane bai pa baya da titinai peronai.³⁷Nemane metere na mane nepere e seraibra mende bete da deka te damane da tetero brabra bekou nue da tepainya dambere A-I NeDo NeNe nembere e na damba kena te da dereunue. ³⁸Damane de dei wa ne da tikane tete nipi maut ne poi bei da yereu ne poi bei,malaikat brabra ne poi bei a kiri na serai brabra ne poi bei neperei da dua da mekai kainya dou tamete na nemane ne kwa da menainya sa dou na teipei da. ³⁹Damane nou wake dere dere sero dambe ne kainya wande kani ne ane ne dambe ne da kainya,nemane sasyaisi si bete meka smo na sa nenei wake ne e seraibra te AwaMAngTetero NeNa kena bise dambare baipa baya na sekimipipei tikeimipipeinya te wai.Damane e ye metere na mane NeDo Yei Yesus Kristus NeNa wa buru ne da ka te eiyei Tuhan MangTetero.

Chapter 9

Israel Ne Ye AwaMangTetero Ne Na Umat ¹De ye tepereinya a te da sename NeDo Kristus NeNa dambe ne.De nemeinya wapipei de dei kena ne ate da seiyane Aru Roh Kudus A Yo Mire dambere. ²Nemane de dei kena ne peko bete mane da tikane.³Damane dedei wa te bainie da moi warete NeDo Kristus NeNa do keka yeimeke nero na de ne kwa na waripei ne kani beinya yo pere wa ma karo ne da yereu nero ne. ⁴Nemane ne yo Israel tetero ne te da AwaMangTetero NeNei yeite namane meka pepoi wande keme mromro dambere A sena firman wande Taurat A Yeko wande Mendo Kembari Ibadah dambere. ⁵Nemane ne yo awabrabra bu nipi sa nipi ne na dambere NeDo Mesiaswai A-I Nedo NeNa buru ne da tetero yei wa te da nepe ourupuku da sasyaisi metere tenou na damete.Nemane A-I NeDo NeYe AwaMangTetero NeNe nena damba pepoi a te da sanemane memena bei te teperei. Amin!⁶AwaMangTetero Ne Na a kurung ambainya oripipei.Tetero yei meye werainya Israel tetero wa mena waripei. ⁷Nemane meye da bembiki Abrahamai ne nei yoti kasi yepe mena ambai waripei.Ne do Ishakwai ne na re benainie we na yoti kasi.⁸AwaMangTetero Ne Na yei bra te seiyimane na da wa ma karo na yei bra pe ambai! Nederaitie yei bra a yeko dambere na tepereinya. ⁹A Sena A Yeko De Ye ne kwa dewa da mete na wande Sarame ne ye da yei do te da senone.¹⁰Nemane Ribkame yei do kaikeinya te da senoukruko Ishakwai do ne da eiyei mang bu nipi sa nipi nene. ¹¹Nemane ne yeibra maning senoipei ne na kembari pepoi peko mekoipei damane da kembari nepe AwaMangTetero NeNei A Yeko te da sesuku. ¹²Ribkame te da sanumbuku yei yarise ne ye yei meto na nena buru ne da kene. ¹³Deye Yakub te kena te da ka Esau te na a te da derane.¹⁴Nemena beamena a te e ye seiyimane? AwaMangTetero Ne Nei A Yeko kembari te da mekou na. ¹⁵AwaMangTetero Ne Na A Sena firman ne do Musawai ne na damba a te da sanune;De na kena bise te da kira nemane De na ke na mori mori te da kira tetero yei si kna damba. ¹⁶Da tetero yei ne na wa re na wake mendo eiyo kembari ambai nederaitie AwaMangTetero NeNei kena morimori.¹⁷Damane A Sena semo kepei ne da da ne do Firaun te da ate sanune.De ye damane we da keuwusuka nemane De Na wake de tere te wei wa buru ne dou ye tenu nepere De Dei wa do te da yo kani dambe ne nepe te da da seiyinaine. ¹⁸Nemane Ne Ye kena bise te dereunus tetero yei si damba da.Damane NeNa kena ne suwe bere arma tere da tetero yei si kna damba.¹⁹Neperei we ye de te da ate da sanetende,beamena nou karo te da Ne Ye damane da dereunus.Nemena simi ye Ne Na kembari yeko a waro te na mekoipei. ²⁰We simi wari ye;tetero,AwaMangTetero Te Da ate nemane saniyene? Ne Ye we te da mekou wupuku! Beamena te We Ye de te damane da mekoutupuke? ²¹Damena da kani smo si te d a kembari neki betemena dambere.²²AwaMangTetero NeNa mendo te wawunsuku keu wake de tere dambere NeNei peko tupu te da mekombine Ne Na sasyaisi metere kainya ne dambere. ²³Nemane deraitie NeNei keme merembuku na sasyaisi metere NeNei kena morimori ne ne dua da dunumbuku Ne Na keme te da merenembine yereu pepoi damba. ²⁴Damane e seraibra te Ne Ye da taru nemane Yahudi tetero beitie na pe ambai da tetero yei seraibrabra si kna damba.²⁵Hosea ne na semo kepeinie da mereupuku damane Ne Na A Sena firman,umat si DeDei umat wande De Ye kena te kana De Ye kena te derane. ²⁶Nemane nou si ne ne yo te damena a te da sanenaimie,AwaMangTetero NeNei yei bra we na yereu pepoi te werau teme dambere werau.²⁷Ne do Yesaya Israel te a te seiyune kisi nau ye ne tenoinya mane,nemane serei bete da pepoi teme damba dua nai. ²⁸Nemane Ne Na A Sena firman Tuhan MangTetero NeYe da yo dambe ne da nou pa mekombine. ²⁹Ne do Yesaya a te seiyune,Tuhan MangTetero da yo damba na tetero yei tamipipeinya pe Sodom wate Gomora wa te da ouratere.³⁰Beamena a te e ye seiyimane damane serai brabra sisi pepoi tepereinya te da diransiki werai nemena pepoi waro te tepereinya te ne dambe ne dua da kai nenei mendo eiyo dambere. ³¹Nemane Israel Taurat A Yeko waro te da diransiki mai nenei pepoi tepereinya damba,nemane ne yeko a waro te na na Taurat A Yeko waro te na nou pa na mekoipipei.³²Beamena te noupa na mekoipipei? Damane Israel serai bra ne na mendo eiyo karo nemena a waro na mendo kembari pepoi te na mekoipei ne nei wa ma karo ne wa te da werai da yo dambe na pepoi waro beitie da tewekainie werai.Nepere ne yo opa orupa na mane nenei wa te da damane tiyaimieteke da tu ere buru ne da warenai. ³³Semo te da damane da meraipiki.Piyambai tere ye De Ye AwaMangTetero DeDei Sion kani ne da apa da sesuka tenou oru da tetero yei oto dare te ne dambene tetainya pere wande oru da tetero yei apa da yewai sekai mekaimie na pere da keroupuka biserei da tenoi.Simi ye nepe te aronembine nemeinembininie ne nei yereu pepoi dambe ne AwaMangTetero Nembere poi teme damene ne tetero yei paitiyabure tikanipei.

Chapter 10

Nipi Pepoi Yei Yesus Kristus Ne Na Dambe Ne Da ¹Do keka yei meke de dei kena ne derane de na mendo kembari te da mekote AwaMangTetero NeNa damba neyo seraibra te pepoi teme damba ato neme. ²De ye a te da seiyane sename ne yo seraibra kna damba nemane ne yo ne na mendo te da dekai tepereinya dambe ne AwaMangTetero Ne Na dambere da nemane deraitie ne na mendo poi ambai. ³Nemane ne yo aroipei pepoi tupu tepereinya AwaMangTetero Ne Na dambe ne wande ne yo ne nei mendo beinie nouru na te tarekaine ne yo AwaMangTetero Ne Na oto tou pa na mipei da awaro tepereinyo nemeiyembipei.⁴Ne Do Kristus Ne Ye Taurat A Yeko Ne Ne da meke,tepereinya nou ru na e tetero yei ne te da aromambine. ⁵Nemane Musawai semo kepei pa mereupuku tepereinya Taurat A Yeko dambe ne da keu na.Tetero yei ne nei wa ye da mekone da yereu te ne dambe ne da kene.⁶Nederaitie tepereinya eiyei mendo eiya nouruna nene da keu.Damane wei kena ne a te da seiyunue,simi ye sero dia pa surga pa bunapaine.Nemane nepere Yei Yesus Te Da apa da yo dambe da donene mene. ⁷Damane simi ye apa da yonsine kani mau emburu pa.Ne Do Kristus Te Da bunapa da donene mene tetero no dua sou na nero re do.⁸Nemane deraitie a te da seiyune a teda sanumue.Da A Sena firman de dei wa ne da keu deno emburu ne a kurung da waru de ye kena te da derane.Nemene A Sena firman te e ye a te da sename te seiyane te. ⁹We ye wena emburu ne a te da sawende yei Yesus Kristus Tuhan MangTetero NeNe we ye arombuke nemeiyumbuke wei kena ne AwaMangTetero Ne Ye A-I Ne Do Ne Te esua da awekene yereu da orupuku waru we serai bra yereu pepoi teme dambe ne kende. ¹⁰Nemane kena ne da tetero ne te da aronembine pepoi tepereinya dambe ne.Nemane deraitie emburu ne da tetero yei a te da sawema wande pepoi teme dambe ne da yereu te warema.¹¹Nemane A Sena semo kepei seiyunue.Nederaitie simi ye A-I Ne Do Ne Te nemeinembine aronembine ne na paitiabure ambai tikainipei. ¹²Yahudi tetero pere Yunani tetero pere ne tetero yei bei wera te.E na AwaMangTetero beisika tere nene Tuhan MangTetero Ne Ye tetero meye na damba sema te da keu.AwamMangTetero Ne Na dambere da tetero yei te meye metere sasyaisi te da atoumue. ¹³Damane tetero yei Tuhan MangTetero Ne Na wa do te da seiyinainie nene poi damba dua da nai ne na yereu pepoi tere da kenai.¹⁴Beamane neyo ne ye AwaMangTetero Te Da seiyinaine ne yo AwaMangTetero Te Na aroipei? Beamane ne yo AwaMangTetero Te Da aronaiyimbine nemane AwaMangTetero Ne Na wa do te na betoipipei a tena sanimipei.Beamane ne yo AwaMangTetero Ne Na A Sena firman te damena a te da betonai nemane da tetero yei ne ye AwaMangTetero Ne Ye keu na nou a te ne sanimipei. ¹⁵Beamane ne yo ne ye AwaMangTetero Ne Na A Sena te donai otote da warenai ne yo ne te na wipipei eipei.Semo kepeinie da meraipiki! Damena nou pa ne yo akurung poi te da dekai mekai!¹⁶Nemane tetero yei metere da akurung pepoi te na poi na aroipei betoipei.Ne do Yesaya a teda seiyunue.TuhanMangTetero,simi ye de na a seiyanete na te pepoi tere da nemeiyambiki arambiki. ¹⁷Damena mendo eiyo waru na tetero a te da seiyaine bentekei te da beta te Ne Do Kristus Ne Na A Sena firman.¹⁸De ye a te da sirame! ne yo ne na bentekei dua tiyapiki.Nemane ne yo bentekei te da betai damena a te dua da betaipiki.Ne yo ne na akurung da yo damba metere dua dadeko waru.Ne yo ne na a senaimina yo tupu pa kani tu pu sero tupu.¹⁹De ye a te da siname! Israel do mire a mane arambiki? Metere te na ne do Musawai a te sanumue.De Ye we te da mekoteme kena arma te da derenende ne yo kna damba umat seraibra si te na ambai,we te damane mekoteme kena serai tere tikanende seraibra si aroipeinya nero ne da warende.²⁰Ne do Yesay a te da bekou ne seiyune! De Te neyo seraibra ne ye dua da tekai te araitipiki nemane ne ye De Te na wareipei da kiyai.De Ye de dei wa te da ne yo seraibra ne na nero pa da meka nemane de te na a te na seiyinipei a siripei da werai. ²¹Nederaitie Israel do mire Ne Do Yesus Ne Ye a te da seiyuna sanumue.DA ya tiki tiki De Ye meka te dua da sesuka tepa da seraibrabra damba nemena beitie damane da tepa nemane tawitipei wande a emburu arma tere da derainie tepainie a yekoti dopre da maisyaimie.

Chapter 11

AwaMangTetero NeNei Umat Israel Si Derou ¹De ye a te da sirame ! AwaMangTetero NeNei umat Israel te bai pa baya sarupuku.Nemena ambai ! De Israel tetero Abrahamai nena nu yoti kasi yepe Benyamin ne nei seraibra. ²AwaMangTetero NeNei serai umat dua siyepuku na te bai pa na baya na saripipei.A Sena semo kepei we te da sanumue Elia ne ye Israel te ate sayune AmaMangTetero kna damba. ³AwaMangTetero Tuhan,ne yo We Na nabi seraibra te baya tituyai,ne yo We Na nou mezbah mezbah te baya dingkeriyai,de dei wa bei yereu te neme da wera nemane de te no te da tonaitepinie.⁴AwaMangTetero NeYe Elia te sanumbuku.De Na tetero yei siri mekasu su na wau biserei neme ye ne kainya Baal kna damba na seso tipinipei. ⁵Da serei pa da meke tetero yei po si bete neme da kainya kena bise karunia anugerah dambe ne.⁶Damena kena bise karunia ne ye nemane mekombine na eiyei wa ye na mekoipipei,ne kena bise karunia nena wake de tere. ⁷Damena beamane? Israel seraibra A Yeko te da wurei dou teipei doipei.Nederaitie tetero yei ne na yereu pepoi dambere nepe te dua da dekai dou ye da tainie.Tetero si derou ne na kena suwe tere arma tere. ⁸AwaMaangTetero NeYe da mekou puku ne yo ne na aru roh nemane yuku dou yuku te na mane dua da tenaipiki,dou te na teipei,bentekei betoipei,damane da serei pa dewa da meka te.⁹Daudwai a te da seiyumbuku;Damane ne na dia munu sa te da anainya sa buntung mane orunengkerone da wawene ne yo ne na damba. ¹⁰Ne yo nena dou a kepekepe mane dou pepoi na teipei,ne na mereko apa nepe sisinaikerone warenai.¹¹De ye a te da da sirame! Ne yo oto ye wewamipiki apa da wa te yewaipiki?Nemena ambai! Ne yo ne na peko tupu te waye dua da nerambiki meke.Nepere da yereu pepoi teme seraibrabra si kna damba nemane Israel te mekoneme ekri mane. ¹²Nemane ne yo ne nei peko tupu dambere da yo damba pepoi tupu metere da kene Nemane ne yo ne ye neme da kai ne ye oripeinya sasyaisi te da seraibra bra si kna damba atonamie ne te da ourunai.¹³De ye a te da sename seraibrabra si we na damba Yahudi pe ambai.Damane de ye de dei wa te rasul mane da wera seraibrabra si kna damete de ye wariya nemena a yeko waro de tere da keu na keme ye da merembuku. ¹⁴De ye ne kani beinya do keka te ekri mane da mekoteme nenei kena ne da tikanai.Damane da wa ye wa orung waro ne tetero yei si derou te yereu pepoi teme dambare da nai.¹⁵Nemane da a yeko waro ne ne yo ne te bai pa baya da seraipiki na nepere da teme te da yo damba da done mene na te.Nemane ne yo ne te ne kwa dewa da atoneme menai yeko waro si bete keu na neyo ne te yereu pepoi dambere atoneme bei tete dambere atoneme tetero yei dua da no sou na nero re metere da ourumbine yau yereu pepoi dambe ne da kenai. ¹⁶Da roti munu sa mro mro ne na adonan nemane mro mro tere.Nemane da o yenso mro mro keu na ne na o mise bete bete mromro.¹⁷Neamne da o kise te site baya da disinaipine wande we ye si mane ne dambere da ne kwa sisinde barunde da zaitun o no yendo nena o ki bu bu tetainya wake te we damba da atoneme. ¹⁸We ye susure te da tetonde ne o mise da o no yendo te esua buna pa da awekene tepeu.Nederaitie da zaitun o no yenso ye we o mise te bunapa da awekeme esu ne da tepau.¹⁹We na a te damane da seiyinende da o mise baya da disaipiki.De ye ne kwa da Zaitun o no yensore si ye sisi mane baruma tepema dero dero. ²⁰Ne poi bei ! Ne yo ne te baya disiyai omise mane moimoi ne na wa te na aroipei nemeipei da.Damane we ye wei mendo eiyo dambere wa suwe nou nou nue da tepau.Akau te na sisinipei tekanipei,endiki te da dekonde. ²¹AwaMangTetero NeYe kena derenipei da o mise bari atekai mekai da zaitun o no yenso pa da ne kwa da tetamipiki nebeinie da baruai tauwupuku tepai.²²Nemane sa te na te AwaMangTetero NeNei kena morimori pere NeNa kena arma tupu keu na ne kena arma arma dambere NeNei seraibra te baipa baya nemusuku.Nederaitie AwaMangTetero NeNa kena morimori we na damba wei dambe ne da nou nue kenai.Nemane nemena yereu pepoi ambainya we te baipa baya da peronai we bari na seraibra nemei da tikeupuku kau na.²³Nemane ne yo ne bei pa ne kwa da nou pa dua tetonene ne na mendo eiyo damena a yeko waro te na aroipei nemeipei.Nemane AwaMangTetero NeNa wake de tere ne yo seraibra te da ne bei pa da kopirinene. ²⁴Damane we te baipa baya pereyai zaitun o no mise mane kerapa baya da sereukruko wariyau.Neperei we te ne bei pa ne kwa da kopirinene dewa da mende da zaitun o mise mane ne bei pa da tetonene zaitun o no yenso pa menai.²⁵Damane do keka yei meke,de ye da derane we ye da a yeko waro te da aronembinde wei buru ne da kenai.Nemane Israel seraibra nenei tenai arma te da mekaipiki nemane nepere nemena karo ne da seraibrabra yo si si re na eiyu pa tengko meke da yau nero pa kaso pere tereng dopre damane da ne bei ne.²⁶Damena yeko waro ne Israel seraibra ne na yereu pepoi teme dambe ne da warenai.Semo kepeinie a te da meraipiki! Da nou nue da Sion Kani ne NeDo Penebus WeYe dewa da mene Yakubwai ne na nu bra tengkoyu tengkoreu na te da ne nei yereu peko pepoi wa ye mekainya dambere bai pa baya da sisineme sinie bai pa serengkrone. ²⁷De na a yeko te da sesuka ne yo seraibra nembere,damane ne na peko tupu waro te bai pa baya da si tepine.²⁸Damena A Sena Injil A Yeko dambere na ne yo seraibra ne na yereu werainya AwaMangTetero Nembere na NeYe yembe te keu na.Nederaitie ne yo seraibra nenei a tou dambere na ne na mang bra pere na nemane AwaMangTetero TeDa kena te kainya. ²⁹AwaMangTetero Ne Ye nemane damena kena bise karunia pepoi teme NeNei kari taruna pa na nepe te da tikaunue damane diwa dewa na sisipei.³⁰Nemane we seraibra yansi ne damane AwaMangTetero Te Na wureipei da kiyau nepei da weye NeNa kena morimori dambere wei wa te poi dambe mekau wande ne yo seraibra nenei wa te bai pa baya kra kra da sereyou. ³¹Nemane ne yo seraibra neperei baya da sereukruko.Nederaitie we na yereu dambere kena bise karunia we na damba da mene wande nepere da yo seraibra nemane kena bise karunia te da orunai nenei yereu te da kenai. ³²Damane AwaMangTetero Ne Ye ne yo seraibra te meye kra pa kra pa datumuteke damena yereu te da werai.Nemane nepere NeYe kena morimori dambere tetero yei meye na mane yereu poi dambe ne.AwaMangTetero Te Da Poi A Te Sanemane³³AwaMangTetero NeNei mendo eiyo dambe ne da keu dua da bouteke ne pe te da Piyambai tere aroipeinya nou bete NeNa yeko te kerou na piyambai te Ne Na nipi pepoi dambe ne da warema. ³⁴Simi ye AwaMangTetero Ne Na mendo eiyo te da arombuku nemeiyumbuku.Simi ye AwaMangTetero TeDa ne ye damane ne na mendo eiyo te da kirinene ne ye AwaMangTetero Te ayeda sanene ne.³⁵Simi ye AwaMangTetero Te ne na sasyaisi te da atekone meka pa da oriyou.Nemane deraitie nepere AwaMangTetero Ne Ye nepe te damane nou pa da perembine bo si mena buru si mena keipei teme dua da ouraipiki. ³⁶Da sasyaisi metere AwaMangTetero Ne Na dambe ne AwaMangTetero Ne Ye da atoumue wande AwaMangTetero Ne Na dambe.AwaMangTetero NeNei dambe ne damena siri keme kerai keme nepe te da merembuku nemambei da kene mene! Teperei Amin.

Chapter 12

E Na Da Yereu AwaMaTetero Ne Na Dambe Ne ¹Do keka yei meke e na da yereu AwaMangTetero Ne Na pepoi dambe ne da wera te.Deye we te damena a te da sename,we ye wei wa te yereu pepoi dambe ne mro mro tere da AwaManTetero Ne Na dambe ne nemane we na mendo eiyo pepoi. ²We ye damane da yo dambe na tetero mane we na yereu te da werau nemane.Nederaitie nipi poi te da tewenende wena wa te pepoi da warende AwaMangTetero Ne Na A Yeko te da nemeiyinende pepoi tupu AwaMangTetero Ne Nei dambe ne dine keu na.³Damena kena bise anugerah karunia de na damba nemena ate de ye da sename tetero si derou we na nero ne.We na mendo ne da werai sasyaisi metere keipeinya sa pa mendo te da we ye mekaunu? We ye mendo te da mekonendo wei wa ne wake suwe tere da tepende we na mendo ne eiyo ne AwaMangTetero Ne Na karunia a waro we na damba nyeinie nyeinie.⁴Nemane eiyei wa beisika serei da ne na wa ware mane mise tereng dopre.Nederaitie wa mise nyeinie nyeinie ne na kembari te na moi ye moi ye da mekai. ⁵E tetero yei nemane deraitie tereng dopre da wera te eiyei wa beisika tere da Ne Do Kristus Ne Na dambe ne da wera te da nipi nero ne.Nemane deraitie eiyei wa nyeinie nyeinie mise mane ware mane tetero yei sipere sipere.⁶Damane e na karunia a waro si te si te da oura te damena kena bise karunia anugerah e na damba da atoumue.Da karunia a yeko waro te da seiyimane sanemame.Nepe te da mekoma eiyei mendo eiyo sereinie a te da sanemame. ⁷Da karunia mendo kembari te mekoma na,pepoi tere e na wa ne mendo kemabri te da mekoma nemane da keu.Da karunia a waro te aroma ne ate da kirimame,e ye a te pepoi tere da kirimame. ⁸Da karunia a waro te da tepende na we ye pepoi tere da a waro tepende seiyinende simi ye sasyaisi te wasinainya ne tetero yei ne na kembari ne nei kena re da ketembine wasine simi ye tenai tetero mane da ware ne na kembari te na akoi akoi be ne da ware ne simi ye ne nei wa te apa disinengkerone ware ne ne na kembari te na kena kari kou kari.E Na Yereu Kena Bise Te Da Daremane⁹Kena bise te metere da eiyei wa ye da kirima ! Peko te da bai pa baya teiyinde wande pepoi te wei wa ne da mekonde. ¹⁰We na kena bise te dokeka yei meke nero ne wande meme te na poi a te da donembinde we na wa ye se so ye da apa tipinde.¹¹Damane wei wa ne akoi akoi be ne da waru,we na aru roh sing yo ying mane da ourunaipine mendo kembari te Tuhan MangTetero Ne Na dambe ne da mekounue. ¹²We na kou kari wei kenane suwe tere tepeu merase bete kano ye wa busubusu nero ne wande we na mendo kembari buru ne. ¹³Tetero mro mro seraibrabra ne na wa ne sasyaisi ambainya te meka damba atomende ate da sanemende nou te da atomende wembere we na nero ne da kenai.¹⁴Meka pare da peremende simi ye we te bai pa baya tikeneme nemane ne te meka pare peremende a peko te na seiyinipei. ¹⁵Nemane kou kari te da derenende kou kari na tetero pere wande dou bute da mekonde dirinende tetero doubu te na mekainya pere. ¹⁶Ne kena ne mendo beisika te da donde warende we na da yereu nero ne kende ne bei ne warende.We na mendo te bunapa yare tere na mekonipeinya.Nederaitie we na wane wei mendo ne da kenai damena kembari bete ne ne te da.We ye seiyunue we na mendo dopre na tetero wari ye.¹⁷Peko damba na peko mekoipipeinya ! Kemabari pepoi te da tetero yei meye na da tepende mekonde. ¹⁸We ye oriye dou da ye tiyene we na damba da seraipiki wena wa ne wei yereu te nemane teme ye da waru tetero meye na damba da.¹⁹Do keka yei meke de ye kena te kana,we ye da wei wane da bei bei te da derenende.Nederaitie AwaMangTetero Ne Na damba da sisinende we na nemena yeko waro te na.Semo kepeine da mereipiki ! De Dei kembari nepe te bai pa sisiteme noupa da mekote.De AwaMangTetero De Na kembari bai pa da sis te wande nou pa ne kwa da mekote.De AwaMangTetero De Na A Sena firman we seraibrabra te da a te da sename seiyane. ²⁰Nemane we na yembe tetero neye monu ne kene na ne te sa bete te da yune meka pa da done emburu ne da anensine.Nemena kembari te we ye ne te da mekoupuna,ne tetero nenei tenai damba sing nenseng te da dua baruteke nenei wa ne da kenai. ²¹Da peko ye we te apa da dinewetene we ye ane da armapune tenou.Nederaitie da peko te weye apa da sarupune teme tere da ourunaipine wande we ye yereu pepoi teme damba dua da ende ne dambe ne kende mende.

Chapter 13

A Kiri Ne Kate Suwe Na Dambere Arma Tere Da Tepai ¹Da tetero yei apa da disinai damena a kiri ne ne na a wake de tere AwaMangTetero Ne Na dambere nemane da AwaMangTetero Ne Ye A Yeko te da keroumbine. ²Nemane simi ye damena a kiiri na waripei a betoipeinya nemena tetero yei AwaMangTetero Ne Na A Yeko keroupuku na te bai pada sarupuku ne tetero ne nei wa pa o se te da yepou ne te da erentene.³Tetero yei pepoi karo te da mekone na endiki te na dekoipei damena a kiri ne da ware ne mene na,nemane kemabri kembari peko te na mekoipeinya.We na yereu kembari da a kiri ne da wariye we endiki te dekoipei? Kembari pepoi da mekoi we na wa do poi da seiyinainie. ⁴Damena a kiri ne AwaMangTetero Ne Nei oto tou nue we ye dawaru.We na kembari peko te mekoupuna endiki te da dekoune ne na damba a kiri ne sa yemu pera yemo da tepainya.AwaMangTetero Ne Na oto tou nue damena a kiri ne Ne Nei kembari te da mekou A Yeko dambere peko mekainya tetero kna damba o se da mene. ⁵Damane eiyei wa te apa disimangkerone warema AwaMangTetero Ne Na A Yeko kemabri bei te na ambai nederaitie eiyei kena re da ketengkerone da warema.⁶Nemena sa te we na dera te da keronde ne bei pa da orunai.Damena a waro te da senaimie na tetero AwaMangTetero Ne Nei kembari na yau na dero na ne ye da werai. ⁷We na dera te da meye atomende tetero meye na damba.Dera waro te da tetero nemena dera waro te da meka damba da orunainya Ne nei semo waro te da tetero ne nei meka damba da semo waro te orunaipine kenai.Endiki mendo mane tetero kna damba nemane da endiki te da dekonai kenai wande se so ye da tipimende ds tetero yei te seso ye da tipimende warende.Kena Bise Waro Metere Te Na A Yeko Ne Pe Da⁸Damane tetero si kna pa nou mane bo mekombune kene,nederaitie kena bise te derenende tetero yei si te si te ne na damba nepere Taurat A Yeko npo pa da mekou. ⁹Kaimie mekoipeinya,tetero tete damba orinipei eipei,sasyaisi bisi te na dereinipei,tetero ne nei sa kena dereinipeinya,nemane damena a kurung si bete we ye tetero si kna damba kena bise te da dereunue we ye wei wa te da kena te dereyene na mane. ¹⁰Kena bise tupu peko te na mekoipeinya tetero yei si kna damba na.Nemane kena bise waro keu na Taurat A Yeko te nou pa da mekombine.¹¹We ye dua da arambuku neperei da serei te da mate na we ye esua yembinde yuku te na tenoupei neperei pepoi tupu wa tou pa dewa da meke e ye ne te aromambine nemeiyimambine. ¹²Deneng dua di yeu dai kiya watou pa dewa da meke.Nemane sa te na te dewa da mema eiyei wa ne kembari a neko mane weainya bai pa da teiyima wande pera yemo kiya pa neme tere te orumapine ewa pa da titimapine warema.¹³Damane eiyei yereu tedekoi deoi nero ne dai kiya ne da warema,metauw sa dopre na mekoipeinya wande bu mau meu yembi yembi,kaimie keneng wambo te da orumende,damena aprapra buru ne kena ne damane a yembe ekri dambe ne. ¹⁴Nemane wei wa ne da nederaitie Tuhan MangTetero Yei Yesus Kristus Ne Te Da mayong kiya neme te na mane wei wa ne da tepenai pera yemo mane kenai.Wena wa te pepoi semo te keu we te wapenaiwe nisko na damba we na wa te da yeponaiwe peko tere da orupune waruna.

Chapter 14

Eiyei Do Keka YeiMeke Te Wa Pa Danema ¹Damane tetero yei ne na mendo eiyo wake bainya te wei wa pa da danende ne te da aye taremende we na wa tou pa dewa menai. ²Tetero beisika a te da saweke munu sa te nemei dua da anu.Nemene tetero yei wake bainya ne na mendo eiyo da munu sa bete orong mena bei te da anu.³Simi ye munu sa te da a ne ne na munu sa anipeinya tetero a ye na morinipei.Simi ye da munu sa te na anipeinya tetero si da munu sa te dua anupuku na damba na a te na seiyinipeinya nemane AwaMangTetero Ne Ye ne tetero mekapoi dua da nekone. ⁴We simi ye wari ye damane tetero yei si te bai pa baya da sisi ye me sari ye me wari ye? Ne nei wa te esu tepe ne ne nei wa te ane da kene,nenei tuanmai nembere da seiyineinie.Nederaitie esu ne nou nue da tepe ne Tuhan MangTetero Ne Na wake de tere tere sema te da tepe ne ne ye esu ne nou nue da tepe ne.⁵Tetero si beisika ya si te poi te da seiyune ya si te baipa da saru,nederaitie tetero si seiyainie ya meye na mane nemambei da kai.Tetero si beisika ne nei kena ne nouru na te da tiyengkerone. ⁶Simi ye ya pepoi te nou nue awene tepene ne na kembari mekou na Tuhan MangTetero Te Na te da mekou.Simi ye munu sa te da anene nemena ne kembari Tuhan MangTetero Te Na nemane wande ne ye AwaMangTetero kna damba pepoi ate da seiyunue.⁷Damane tetero si newai ne na yereu ne nei wa beitie na ambai,nemane tetero si newai ne na tete te done na ne nei wa beitie na ambai. ⁸Eiyei yereu Tuhan MangTetero Ne Na dambe ne.E na tete Tuhan MangTetero Ne Na dambe ne da. ⁹Nepe te da Kristus teteupuku wande ne kwa yereu da urupuku nepere A-I NeDo Ne Ye Tuhan MangTetero Ne Ne tetero yei no souna dambe te wande tetero yereu werainya dambe te da meye da keu.¹⁰Nemane weye wei do keka yei meke te baipa baya da sari ye me sisi ye me. e metere na mane AwaMangTetero Ne Na Dai Dia Dai Me Ta Kereu Me Ta ne a te da mema sawene. ¹¹Semo kepeinie da a te da meraipiki.De A-I De Na Yereu dambere Firman A Sena Tuhan MangTetero Kna dambe ne tetero yei meye na mane oto butu da disinai kerone De Na bekou ne da AwaMangTetero Ne Na dambe ne siri keme kerai keme merembuku na dia ne yereu ne nero ne.¹²Da tetero yei bei bei ye eiyei wa ye a te da mema sawene AwaMangTetero Ne Na bekou nue.Tetero Si Te Peko Damba Na Saripipei ¹³Eiyei wa bei beitie dekoi dekoi dambe ne nemena nero ne e na wa te yereu te da warema.Nemane weye nou mane waye tutene keu wei do kekate baipa baya da sisiyene sarupune.¹⁴De ye arombuka de dei kena re da kete kuruka Yei Yesus Tuhan MangTetero Ne Na buru ne dmane a yeko waro peko bete mena ne pe na keipei ne nei wane da tikanene. ¹⁵Damane we ye wei dokeka te kena te peko mane serai te mekombuna nepere nemane we na munu sa bete te da anu na,we na da yereu kena bise dambere na pe ambai.We ye wei do keka te da peko damba da sarupine we na damunu sa dambere NeDo Kristus da teteupuku ne te na te da ate da sanumue seiyune.¹⁶We na a yeko waro wei wane da kainya we ye ne me da tenembinde a peko te seiyinende. ¹⁷AwaMAngTetero Ne Na Dia Dai Dia Dai MeTa Kereu MeTa munu sa waro bumari waro ambai.Nederaitie tepereinya yerey pepoi teme piyambai tere wande kou kari eiyei kenane Aru Roh Kudus A Yo Mire Poi dambere.¹⁸Simi ye Ne Do Kristus Te dambe ne a yeko waro te da tawenene warene na AwaMangTetero Ne Na dambe ne nena yereu te da kene tetero si ye seso ye da tipinainie. ¹⁹Nemane dewa da mende e seraibra teme pepoi waro te da dirimansire warema mene ena yau te ne bei pa beimapine kene.²⁰Damane we ye a yeko waro AwaMangTetero Ne Na kembari te peko tere te da mekoupunue we na damena munu sa karo ne a wa te da ourumbine.Da sasyaisi meye na mane mro mro bei.Nederaitie tetero yei weye da munusa waro ne tetero yei site a peko ye da sanune bai pa baya da tikensune na nemena karo bete peko tere bene keuna. ²¹Nemena munu sa orung bete anggur bu bete we anipeinya wei do keka yei meke nero ne oru se mane wawu na se tere.²²Da a yeko waro te pepoi tere da tepu wei kenare da ketengkerone waru AwaMangTetero Ne Na pepoi teme dambe ne.Piyambai te ye ne ye ne nei wa te na peko pepoi damba na saripipei nemena kembari mekoipei da kiyou. ²³Nederaitie simi ye dua dewa tikane warene neye da munu sa te dua da ane ne ne ye da peko damba dua da ke damane ne kembari te mekeyou ne na mendo eiyo pepoi na doipei da wari you.Damena da sasyaisi metere eiyei mendo na eiyo na keipeinya sasyaisi ne pe da ye peko tupu ne dambe ne da keu na.

Chapter 15

¹Nederaite, e` wakte weratna di wake waripeinya tetero e` nena amte, nepere nena kenak poinya ambai. ²Menaya e` da matena kena nebiine kembai poi te mie dekona pu damba.³Nemane wari yei nenei watena poi tena ambai, nepene damane merai piki, "Neyo kena apeko seyayina, wete pekoteb se nawima, dena danba da." ⁴Nenderaite, yansine semopa merai pikina, mereai piki nete aroi nyate nepere ena konate ne kena karine diasena somo kepeine, ena kena miye` dekopa poi ye.⁵Nederaite Awa Mang, nehare kena teme pere kenakari wena dumba poi yerente nekena beite besika sipere-sipere sawari yei kenavburume. ⁶nepere we nebeiuevmendo besika ne besika ne meremanevAwa Mang tetero eyei, dokeka sawari yei. ⁷Netenate wapa sisik, nenan drei te sawari yei wete ate kome di Awa Mang nena detere damba.⁸De weteda sename nederaite sawari yei ne kembari tetero mane netetero tupudua peranya ne teprei Mang, nederaite wakete yeko nedanba ne kasi yefi kenare. ⁹Nenederaite serai br-bra di Yahudi kenapana ambai Mang te orunani nedamtena kena bise Ne, menaye darane merepaku, "Netenate, de wete da owawete di serai br-bra nebeine di nenei yauna pere!"¹⁰Nekewa samumu, "Kena karite deramuni Yahudi kenapana ambanya serai bra-bra, nebeinye di nenei yauna pere!" ¹¹Neman draite, "Mang te daranuru, we serai sisi Yahudi kenapa na ambainya serai."¹²Nepere, Yesaya ate seyum, "Isai kena sanipire menena nepere nena eyure, serai bra-bra Yahudi kenapana ambai netena kenate kei."¹³AwaMangTetero Ne Na dambe ne da pepoi wena mendo eiyo kena kari kou kari poi teme tere dambe ne we na yereu tupu Aru Roh Kudus A Yo Mire ne damba damba we na waku tupu te.¹⁴Yama de tepieinyate dedei mie dekode watenate, we nederaite foi nerone, mendo kare ne damba-damba, nederaite aye saniyeme tetero sisite.¹⁵Nederaite, de wa arema mane semote wekewa dua merepuka yeko moserei wete mendote nekewa nederaite di Mang kena poi dedantena, ¹⁶de nederaite sawariyei kena kembari tetero di serai sisite Yahudi leterotena kenapana ambai dena kembai iman mame Kiapa Aweri Kurung mMang, kenarna nepere di serai bra-bra di Yahudi kenapana ambainya serai nena mie dekone kembari pei Mang kerapa, di mromro dambne ayomine kenane.¹⁷Neperena kaye, samariyei kena burume deye wete banane dine kembari Mang kenai. ¹⁸Menaya, de afena nesereinya seimipe pei, nederaite Kristus kena kembari deua bunane da mekouna, nepene nekewa di seri bra-brate Yahudi tekro tena ambai nepene ne dekoi-dekoi a seyarina pere wane kira nya pere. ¹⁹Nekerone kembari bisi-bisi wane kirikena ane kei kenena, Awa Mang nenei ayomire kena burune neperena kaye di Yerusalem yore neme ke di Ilirikum de nete nonpa mekou puka kembari Injil Kristus²⁰Damena a te da de ye seiyane sa te de na damba pepoi a te da seiyaine nemane Ne Do Kristus Ne Na wa do te dua da arambiki na nou bei te ne pa na ambai waripei keipei.De ye oto dare te tetotene damena yau nero ne da a bruebrue te da saneteme tetero yei si dua mekainya kembari dambe ne. ²¹Damane ne yo da ate na betoipeinya tetero yei a-I Ne Do Ne Te dou ye da tenainie wande neye aronaimbine.Pauluswai Roma Kani Pa Da Yo Pa Meke²²De ye da meka we seraibra te dou ye tetempina te da meka. ²³De na kembari te na da nou na dape na mekoipei da mai branra we te dou tetempine nemene te da de ye meka.²⁴Ne ya de Spanyol pa ei nyate, de kenate ti kane nepa ei ti kembi wembe ei toi wande nepere weye dete done tende dipa mnyate, nepere besi kane mene keina kena kari te nebeine soning maserei. ²⁵Nemandraite, nepereinya de Yerusalem yopatenate sasyesi bete kopiram bikinate tetero poi tenat.²⁶Nederaite Meke donia pere Akhapa pere nenei kena keride nena sayesi kopiram bikina tetero sa banya tetero di Yerusalem yone kanpa panate. ²⁷Neyo kena karine da kembarite makdi nemandraite ne nenei ne kembari. Nepere di serai bra-bra Yahudi kenapana ambai tengkomeke mye dekona sabu poi te mekai derei, nena kembari da anatena tepapate Yahudi tetero tenate.²⁸Netenate, neyene deye da kembarite nou pa mekou puka nena yumeha nebeipa kopiran bikite wekewa newa, de spanjol yopa wete tua tem tempine waude. ²⁹De arombuka nederaite de wekewa kanane, de nekewa da mete samari yei kena poi burune.³⁰Nepereinya, deye wete betame, mekibi sekro ne e`yei Mang, samariyei ne aru kenane, ne yekote nebeine dembara eyo mendote Awa Mang kenapa de dm tenate. ³¹Nemandrute dete baya anati pine di ambaya di Yudea yone konya neman draite dena kembari poi Yerusalem yo tena tetero mendo poi te mekanina tetero tenate. ³²Nemau draite Mang kena yekone, de wekewa nekewa hete kena korine wembere nabaine.³³AwaMangTetero Ne Na pepoi teme teperei tere piyambai tere ena damba meye na mane nemambei da neme kene mene teperei. Amin.

Chapter 16

Pauluswai Poi A Te Da Sanumue ¹De yeda sarupuka eiyei yei meke Febe te dou tenende e na jemaat seraibra nero ne Kengkrea yo ne. ²We ye ne te meka pepoi donende Tuhan MangTetero Ne Na burune tetero yei mromro mane nena damba sasyasite da atonende dou tenende.Nemene ne ye sasyaisi te da atoumue tetero meye na damba nemane de na wa pa.³De na poi a te donde ende Priskilame pere Akwilame ne na damba dedei yau na dero na ne kemabri bei te Yei Yesus Kristus Ne Na buru ne. ⁴Ne ye nenei wa te wanuru tena bembipei de na yereu te na te.Ne na damba de bei na poi a te na seiyinipei nederaitie jemaat seraibra metere poi a beite seiyiyaine nemane ne yo Yahudi tetera pe ambai. ⁵De na poi a te jemaat yau nane nei mie ne kainya pa da sanemende.De na poi a te ne do Epenetuswai te sanenembinde ne ye yarise mane da wariyou Ne Do Kristus Ne Na dambe ne da Asia yo ne.⁶De na poi a te ne meke Mariame kna damba ne ye kembari te arma tere da mekeyou we damete. ⁷De na poi a te da ne do Andronikuswai pere Yuniaswai eiyei do keka ne kani bei nepere na tu ere eiyu ne tiyaimipiki teneya te dambere ne bei ne rasul dero na seraibrabra mete ne ye da kristen wa te da ouraipiki Ne Do Kristus Ne Na dambe ne de ambainya tupu ne da wariyai. ⁸De na poi a te Ampliatuswai te da sanenembinde,de ye kena te derane Tuhan MangTetero Ne Nei wa buru ne da wera te.⁹Dena poi a te Urbanuswai kna damba da nemane yau ne ne beinie da wariya te kembari te Ne Do Kristus Ne Na buru ne da mekeya te.Nemane deraitie Stakhiswai de ye kena te da derane. ¹⁰De na poi a te Apeleswai kna damba seiyane ne ye neme da suwe tere da tepeu Ne Do Kristus Ne Nei dambe ne.De na poi a te Aristobulus ne na mie nero pa sanenempinde. ¹¹De na poi a te da Herodion ne na damba de dei do keka ne kani beinya.De na poi a te Narkisus ne na mie nero ne kainya seraibra damba ne ye Tuhan MangTetero Ne Na buru ne wa te da werai.¹²De na poi a te da donde ende Trifena pere Trifosa ne na kembari kori tere da awekai tepai Tuhan MangTetero NeNe buru ne.De na poi a te Persis te da sanenembinde de ye kena te da derane Tuhan MangTetero Kna buru ne kembari te arma tere da mekou na. ¹³Dena poi a te Rupus kna damba seiyane Tuhan MangTetero Ne Nei tetero yei pepoi wande ne nawa nemane de dei nawa mane da de te pepoi da mekou te nemane. ¹⁴De na poi ate Asinkristus,Flegon,Hermes,Patrobas,Hermas wande do keka bra meye nembere ne bei ne wariyainya pere ne na damba pepoi tere te da seiyane.¹⁵De na poi a te Filologus pere Yulia,wande Nereus ne nei yei meke,Olimpas nembere,wande do keka yei meke meye mro mro dambe ne nebeinie da werai. ¹⁶Meka te ne bei ne da tepende mro mro dambere.Kristus NeNei jemaat seraibra wena damba poi a te da seiyaine.¹⁷De ye a te de sename do keka yei meke sema bete da warende ne na wa te dou ye temende nou kepeinya a te da sanenaimie yau te da baya dingkerenai we ye dua beteyau na a pepoi dambere.Ne na nero re bai pa mende. ¹⁸Nemena tetero Kristus Tuhan Yesus Ne Na wa do te na seiyinipei ambai atena sanimipei.Ne ye ne nei wa bei te yase tupu waro beitie da seiyainie.Tetero si te a te senaimie aye da wepaimie tetero pepoi nena neropa da tawenaimie.¹⁹Wena susure wei wa ne da tepeu na tetero meye dua da arambiki,ne pe te de ye kou kari ne we na damba derane.De ye wena mendo te na pepoi tere mekonende poi waro pere peko waro pere. ²⁰AwaMangTetero Ne Na pepoi teme tere dambere ne do Sekai Ibilisi te apa we na wa toupa oto tou pa da apa dinentene.Kena bise karunia Yei Yesus eiyei Tuhan MangTetero embere da warema.²¹Timoiuswai de na yau na poi a te we na damba wande Lukius,Yason,Sosipater do keka bra ne kani beinya. ²²De Tertius da semo te damane mereupuka.Tuhan MangTetero Ne Na wa do ne poi a te da sename.²³Gayus ne ye poi a te da seiyunue Tuhan kna dambere we na damba ne ye de te pepoi da deko te wande jemaat seraibra poi a te we na damba.Erastus dera semana we na damba poi a te da seiyune wande Kwartus ne na poi a te wena pa ne do eiyei dokeka. ²⁴Kena bise karunia anugerah Yei Yesus Kristus eiyei Tuhan MangTetero embere da warema ! Teperei Amin.²⁵A-I Ne Do Ne Na dambe ne wake detere we na dambe ne da A Sena Injil dambere de ye a te da seiyitene saneteme Yei Yesu Kristus Ne Na wa do te da seiyimane a buru ne ye ne da neme da tengkomu. ²⁶Nepereinya kiya pa dewa da meke AwuMangTetero Ne Nei A Yeko dambere nemene beitie nou da tenone mene nabi seraibra ne na semo kepeinie sa A Sena te donai warenai a te da sanenaimie seiyinainie seraibrabra damba ne ye mendo te eiyote da yeponai tepereinya dambere wa te yereu te da warenai mene.²⁷AwaMangTetero Ne Na Mendo Eiyo dambere Yei Yesus Kristus Ne Na Mendo Eiyo dambere e tetero yei yereu pepoi dambe ne warema.Keme De Tere Merembuku na dambe ne nemambei da kene mene A-I Ne Do Ne Na dambe ne da, Amin.

1 Corinthians

Chapter 1(Pauluswai poi a te seiyunue)

¹Pauluswai te taru yei Yesus Kristus nena Rasul yau na dero na mane Awa mang tetero ne na a yeko te wande sosteneswai eiyei dokeka.²Awa mang tetero ne na Jemaat yau na dero na sraibra Korintus yo ne kainya ne seraibra yei Yesus Kristus ne na wa done mro mro tere,tetero serai brabra te da simai teme mro mro dambene warenai nebeinie tetero meye na mane ne na nou moi moi ye yei Yesus Kristus ne na wa do te seiyinainie,ne nei nou nu wande eiyei nou nue.³Anugerah tepreinya piyambainya we na damba teme pepoi tere piyambainya Awa mang tetero ne na re na ei yei damba dewa mene wande yei Yesus Kristus ne na re da ena damba da mene.(Pauluswai pepoi a te seiyunue Awa mang tetero ne na damba)⁴De ye Pauluswai dei Awa mang tetero te poi a te senane we seraibra damete Awa mang tetero ne na anugerah pepoi piyambai yei Yesus Kristus ne na dambere we na damba da atoumue,⁵Nemane ne na sasyaisi we serai kna damba yei Yesus Kristus ne na wa do ne na meye na mane ane seiyimane wande mendo ne eiyo ne da warenai,⁶Nepere nemane Kristus ne na a kurung we na nero ne pepoi dua da tepau.⁷Nemane wande,we seraibra karunia pepoi we na nounue we na dambene nepere yei Yesus Kristus ei yei Tuhan mang tetero nena a yeko seiyumbuku na pa,⁸Nemane we seraibra suwe tere da tepende yei Yesus Kristus ne na ya dewa da mane na tupu te na ya pa.⁹Awa mang tetero ne na sema nou nue neme da we seraibra te da taru yau nero ne ne nei yei Yesus Kristus,ei yei Tuhan mang tetero ne ne.(Jemaat yau nero ne baya wasiyau)¹⁰Neperei,deye we te a te sename,yei meke dokeka ei yei Tuhan mang tetero yei Yesus Kristus ne na wa do ne we seraibra metere nemane a te seiyinende a beisika serei da baya na te na moi moi na we na nero na wasipei,we na nero ne nepe te mendo beisika tere wande a yeko beisika tere da kene.¹¹Nemane de te a te senaitipiki we na yereu waro de dei dokeka yei meke,kloe seraibra,we na nero ne a pra pra mane bei bei tie tutau.¹²Neperei we seraibra nyei nyei nie a te seiyinende,''de Pauluswai ne na,''de Apoloswai ne na,''de Kefaswai ne na,''de Kristus ne na.''¹³Nemena kaye Kristus te baya moi moi wasima?nemena Pauluswai te o pa bepaipiki we te na te?nemena Pauluswai ne na wa do ne wete bute kereyaimie?¹⁴De Pauluswai Awa mang tetero ne na damba poi a te senane de nemane tetero sibeisika we seraibra we na nero re deye bute kereyame,ne ambai;nepe da ye Krispuswai pere Gayuswai pere.¹⁵Nepe te we ye a te seiyinende we seraibra de na wa do ne bute kereyaimie.¹⁶De Pauluswai nemane Stefanuswai ne na mie eyu na tetero te da bu te kereyame,nepere nemane de aroipei tetero si te na bute na dua sna na kereyame.¹⁷Kristus de te na a seiyimbipei de ye bu te da kerotemena,de pe da ye injil te a sena te saneteme na,hikmat a mendo eiyo waro ne da,nepere nemane wande Kristus ne na salib te na a nemei na wapi teipei da.(Awa mang tetero ne na wake detere pere mendo eiyo karo pere)¹⁸Salib o se te a te seiyainie we seraibra te mendo te yekoitiamie peko damba ende,nemane nepere e seraibra pepoi damba dua da mana,ne a waro Awa mang tetero ne na wake detere tere keuna.¹⁹Akurung te semo ne meraipiki,deye tetero ne na mendo te eiyo te pro pro te meko tempinie de ye ne te baipa da sisitempinie.''Yesaya 29:14²⁰Tetero mendo pepoinya mopene kai?Ahli taurat mo nou nue kai?mende dua dewa a te kerai da serei te mate na ne mopene kai?Awa mang tetero ne ye da yo dambena mendo eiyo te baya saru na?²¹Awa mang tetero ne na mendo eiyo ne,da yo dambena seraibrabra ne na mendo ne eiyone Awa mang tetero te na aroipei da werai,wande Awa mang tetero ne ye injil a sena kurung te dekai werai tetero nepe te nemeiyinambinie aroiyinambinie pepoi damba menai poi kenai.²²Yahudi tetero seraibrabra yeko te site site wurei ne te dou ye da tenainie,Yunani tetero seraibrabra mendo te eiyo te wurei.²³Nepere nemane,e seraibra Kristus te na a te da senamete ne te da a pa bepaipiki,Yahudi tetero seraibrabra te na oru mane nou te da tuteke,tetero seraibrabra si kna dambana ne nou te na poi na nemeiyimbipei.²⁴Nemane deraitie seraibra bra te metere da taru Yahudi tetero serai brabra Yunani tetero seraibrabra,ne do Kristus ne pe Awa mang tetero ne nei wake detere Awa mang tetero ne nei mendo eiyo karo ne a waro ne e tetero yei kna damba da atoumue.²⁵Awa mang tetero ne na a te na aroipei tetero yei ne na mendo te na nou pa dua sawekainya te seiyainie,Awa mang tetero nena ate da betai wa te na maru bete werai,tetero yei nero na wake detere tere.²⁶Wei wa pa dou te da tende we te simai,do keka yei meke,wa ma karo na we aroipei we wake ambai,we na nero na dekoi dekai ambai,²⁷Awa mang tetero ne ye we te mendo bainya te orupuku da yo dambene werau wande mendo ne nou pa dua sawekainya te da yo dambena te paitiabure te mekombinde,wande Awa mang tetero ne ye orupuku we te wake bainya te da yo dambene warende wake na te paitiabure te mekonembinde da yo dambare baya dua di nai.²⁸Awa mang tetero we te orupuku da yo dambene dou neme taimina tetero kena te apa disaimi maru bete wa te werai ne na nero re sasyaisi pepoi tere mo serei pa na ne pe teme orunaipinie ambai dua da orunaipinie keipei,²⁹Nepere nemane tetero yei nekwa na nena mendo eiyo akau kake Awa mang tetero ne na bekou na ambai keipei³⁰Awa mang tetero ne na dambere,we seraibra yei Yesus Kristus ne na dambene,eiyei mendo eiyo,tepereinya,mro mro tere,Awa mang tetero ne nei wake detere e tetero yei te pepoi damba,³¹Nepene nemane semo pa meraipiki,tetero ne nei wa te wa do te bunapa a te seiyinene,Tuhan mang tetero ne na dambene da.''

Chapter 2(Awa mang tetero te nete aromambine)

¹De ye Pauluswai we seraibra kwa da meka,do keka yei meke,de ye de dei detere te ate seiyitene mendo eiyo karo te ye ne keu na a waro Awa mang tetero nena ate we te senteme.²De ye nepe te tiyekruka we seraibra kna yereu waro metere yei Yesus Kristus ne na damba A-I nedo nete opa da bepaipiki.³De Pauluswai wembere neme nebeinie wa kani kani nero ne,endiki nero ne wa nemei yenderaimie.⁴De na akurung de na a te seiyane de dei mendo ne eyo ne nemei ya ne,nemane Aru Roh nena kembari wake detere,⁵We na mendo ei yo da tetero yei kna mendo pa na ambai mekonipei,nederaitie wake detere nepe Awa mang tetero ne nare.(Awa mang tetero nena mendo eiyo Aru Roh nena dambere)⁶E seraibra a te seiyane te detere seraibra nero ne,a waro mendo eiyo nepereinya da serei te de de seraibra ne na rena nepe teme orunai keipei,⁷E ye a te seiyanete Awa mang tetero ne na mendo eiyo ne ye ne narumbuku keu na,Awa mang tetero ne nei a yeko dina tupu re sesuku meke e seraibra kna damba keme te merenembine warema.⁸Tetero de de da serei te matena aroipei nemeipei kenai ne yo seraibra dua aronambina,ne seraibra Tuhan mang tetero te na opa na bapipipei.⁹Nemane semo ne meraipiki,''dou na tembipei sasyaisi,bentekei betoipipei,kena pa na mipei,metere na mane Awa mang tetero nepe te dua da keroupuku kai ne seraibra kna damba.''Yesaya 64:4¹⁰Awa mang tetero ne na sasyaisi metere na mane e seraibra kna damba Aru Roh nena dambere meye Aru Roh nemeiyumue,wa eiyu pa Awa mang tetero ne na wa toupa mana.¹¹Nemane simiye da tetero yei nero ne tetero yei kna a waro te aroupuku nederaitie aru roh da tetero yei nena re na ne ye da aroupuku wa burune da kai.nemane da tetero yei aroipei ye ne keu na nou karo Awa mang tetero nena re na nederaitie Aru Roh Awa mang tetero kna ne na burune keu na.¹²Nepere e seraibra nepe te dua da deka te,aru roh da yo dambere na ambai,Awa mang tetero ne na Aru Roh e na damba dewa da meke nepere e seraibra aromambinie Awa mang tetero e na damba pepoi waro piyambainya te ena damba.¹³A waro e seraibra seiyanete,tetero yei ne na a waro na a te na seiyinipei,nederaitie Aru Roh ne ye kurumu na a te seiyane te diwa dewa tikama nemane ne rohani waro pere da rohani waro pere nemambei beisika serei da kene.¹⁴Nemane da tetero yei rohani te na doipei Aru Roh ne na re na sasyaisi te na oripei doipei keipei ne waro tetero yei aroipei tetero yei aroipei nemeipei nemena a waro keu na rohani waro nepe.¹⁵Tetero yei rohani waro ne sasyaisi te metere nemei yu arounue,nemane deraitie ne te na tetero sibeisika aroipei kenai.¹⁶Nemane simi ye Tuhan mang tetero ne na yereu mendo eiyo te arombuku a te Tuhan mang tetero nembere seiyineinie?''nepere nemane,e seraibra Kristus nena mendo te eiyo te da atoumue ne dambere da wa te wera te da nipi nero ne.

Chapter 3(Jemaat yau na dero Na detere wa te na oripipei)

¹Do keka yei meke,de ye we te a te da sename tetero yei rohani mane kene na ambai,nederaitie da yo dambena tetero yei mane kau yei derou serai brabra Kristus nena buru ne da kau.²De ye Pauluswai we te kong bu te atame ne te da anau,sa te na atoumipei,we seraibra wake ambai,neperei we seraibra we na wake ambai wa kani kani tere,³We seraibra da yo dambene kau,damena yembe ekri kena yasu yasu we na nero ne,nepe na ye we seraibra da yo dambena yereu te da neme da werau?⁴Tetero sinewai a te seiyunue,de Pauluswai kna sune wera te,nemane deraitie,de Apoloswai,''kna sune wera te,nepe te a te seiyainie we seraibra tetero yei?⁵Simbiyang Apoloswai?wande simbiyang Pauluswai?yau na dero na Tuhan mang tetero ne nei kembari tetero te we seraibra nemeiyamupuku Tuhan mang tetero ne na a te we na damba nyeinie nyeinie.⁶De Pauluswai o nu te kani pa da asa Apoloswai bu te nepa da duru ne,Awa mang tetero ye ne ye sema te da keu.⁷Nepere nemane onu kani pa asou,bu ye ne te onu te duru ne,nepe te Awa mang tetero ne ye sema te da keu buna pa detere dembine kene.⁸Tetero onu te sa nu te asou na pere bu te sa nu onu damba duru ne na nederaitie beisika serei kei,nyeinie nyeinie ne na dera ondung waro te meka damba orunei ne nei kembari pepoi dambere yereu te kene.⁹Nemane de wera te na Awa mang tetero nena kembari tetero wera te damane we seraibra werau na mika kani mane Awa mang tetero kna wa eyu ne kau na,Awa mang tetero ne nei keme merembuku na eyu nue da werau.¹⁰Awa mang tetero ne nei mendo ne eiyo ne da de na wa pa kuru te sanu te,da mie se te tepu na tetero mane de Pauluswai wera,de ye da mie orute apa sesuka tetero si si ne damba merenai nepere tetero si wa ne tikanai mendo te keronai beamane ne ye da mie te buna pa merene na yare detere orumbine esu tupene.¹¹Nemane tetero si newai beisika metere te na oru te na oru si te na nekwa na seisipei nepere da oru metena yei Yesus Kristus ne nei te dua da sesuku.¹²Tetero ne mie te merenai ne oru damba ne nei emas te,perakte,oru poi poi te,oye,sepo ye,jerami ye,metere,¹³Damena kembari te tetero mekonainya nemena ya ne kirimbinie sing sakombine,ne sing ne nei wa bei ye dekene mene ne kembari tetero te wa te tikaneme.¹⁴Damena kembari ne tetero ne te mereyai da mie suwetere neme tepene,ne na dera te ondung te meka pa orunai.¹⁵Tetero nena kembari mekeyou na sing baya dekembine,ne kwa na dou teipei,ne tetero pepoi neme warene,nederaitie sing nero re da meke.¹⁶We seraibra werai na Awa mang tetero ne nei bait Allah yau mie nepe Aru Roh Awa mang tetero ena wa eyu ne da keu na?¹⁷Tetero yei ne nei wa te Awa mang tetero ne na bait Allah yau mie te peko te mekonembine,Awa mang tetero ne ye ne tetero yei te peko te mekonembine,nederaitie yau mie bait Allah Awa mang tetero ne nei mie mro mro wa teme tere da we tetero yei ne ye da werau.¹⁸Tetero ne nei we te na a peu peu te na wapipei damane tetero ne nei wa beinie mendo eiyo noupa dua sawekainya neperei ne ye aroipei waru mendo te eiyo te pepoi tere done tepene.¹⁹Nemane da yo dambena mendo eiyo Awa mang tetero ne na bekou na baipa metere saruna,semo ne meraipiki,Tuhan mang tetero ne ye A-I nedo nepe tetero yei te meye na mane meye nebeipa kopurunue tetero yei nena mendo peko te baya teiyai pro pro werai,''²⁰Tuhan mang tetero ne ye dua da aroupuku da tetero ne na mendo na kembari nou keipei ambai tere da.''²¹Tetero sinewai ne nei wado te wurene.sasyasi metere we na ne kai,²²de ye Pauluswai,ne do Apoloswai wande Kefaswai da yo dambene werate,yereu nero ne nepere tete damba,sasyaisi nepereinya wande sasyaisi bekounue neme da kainya;metere na mane wena dambene kenai.²³We seraibra meye Kristus nena dambene,wande Kristus ne ye Awa mang tetero ne na dambene.

Chapter 4(Kristus ne na kembari nero ne a te da seiyinende)

¹Damane tetero de te yau na derona seraibra te nemeiyinampinie de pe da ye nedo Kristus nena oto tou na Awa mang tetero ne nei tetero te da nemeiyumpuku.²Nemane sa te nate,tetero te nemeiyumpuku ne na kembari karo ne sasyaisi pepoi da mekonai yeko poi te kirinai ne seraibra te aromampinie.³Nemane de nepe te na wureipei de te weye o se te itende da yo dambena a yeko da tetero yei ne na re ate wurende de de dei wa te na kaye te diwa dewa na wasipei.⁴De dei wa te na deye nepe te na aroipei.nemane wande de te poi te seiyinainie,nederaitie Tuhan mang tetero ne ye dete kaye te diwa dewa wasi ne dena kembari ne.⁵Nemane sa te na te,kaye te na wasi peinya nena ya maning dine keu na,Tuhan mang tetero nena ya tupu te na.A-I nedo ne ye ye ne neme da kainya sasyaisi nena a waro kiya orumbine eiyei mendo pa da menai.nepere tetero meye Awa mang tetero ne na akurung poi te da orunai.⁶Do keka yei meke,de ye damena kembari karo te de dei wane dua da mekeya,wande Apoloswai we tante sa te e na buru ne,weye ne nou te aronende semo ne dua meraipiki tetero sibeisika wena nero re da akau ne temberari ne nei wa pa nambo ne meka te da bapene .⁷Simi ye we te moi moi ye wasiyou?beamena sa bete we na re na,we nepe te na oripei?we ye nepe te meka pa dou na,beasate nate we ye akau te tekaiyene meka te nambo ne bapiye nemena sasyaisi te na we na meka damba na doipei?⁸Wei yase te noupa dua da mekoupuke we ye sa keme damba yeruke!de ambainya,we andewapona mane!deye wete pepoi tere buna pa da do mawe andewapona damba yeru ne de seraibra wembere nebeinie seraibrabra te akirine kate suwe na dambere.⁹Dena mendo na,Awa mang tetero ne ye de seraibra te da tarupuku,Rasul yau na dero na seraibra tupu tena nou ne,tetero yei o se te da doma tete damba dua da mana;da yo dambena tetero dou ye de te da tenaimie,Malaikat seraibra a pere tetero yei da yo dambena pere.¹⁰De seraibra aroipei Kristus tante,we nederaitie mendo eiyo Kristus ne na dambene,de wake ambai we wake dopre.we te seso da tipaimie de te dou bei ye taimie.¹¹Nepereinya,de munu ne bu mari ne,mayong sumu ne,meka titai,yereu nepe te dua dewa werate.¹²De ye peko poi te tikaiyante,de dei meka damene kembari te da mekeyate.dena damba a kari peko pepoi,de ye poi a te meka pare ne de te peko damba sariyai de ye nou nue tepeya te.¹³De te aye armatere moriyaimie de ye ate maru bete saniyante.nepereinya de ye da yo kani dambena kase mane werate,sa kere sasyaisi metere na mane.¹⁴De ye semopa da a waro te mera we te na paitiabure te na ambai,nederaitie we te a te sename de dei yei bra mane kena te da kana.¹⁵We ye nemane siri meka biserei sepuluhribu Guru Kristus nena burune,we na awa tereng dopre na ambai keipei.nederaitie yei Yesus Kristus nena dambere,de ye da we na awa mane wera Injil dambene.¹⁶Nepe na ye de ye we te bekou pa si same,de na wa wera na mane da!¹⁷Ne pe na ye,de ye we da sumupuka de na yei Timotiuswai de ye kena te kana Tuhan mang tetero ne na burune nou nue neme waru na nepe da meke ne ye we seraibra te a te saneneme de na oto wera na te Kristus ne na burune,de ye ate da kiriyame yo sire sire wariya jemaat seraibra yau na dero na nero ne.¹⁸We na nero ne akau ate temberari,de wena nero pa na ne kwa na mipei.¹⁹De we kwa dewa da mete na,Tuhan mang tetero ne ye wumbine,deye arotembine tetero yei nenei akau kake,nemane deraitie nena wake detere.²⁰Awa mang tetero nena dai dia dai mete kreu meta a bei te na seiyinipei,nederaitie wake detere eiyu ne da keu na nou.²¹We na beasa kena te deraunue?de ye we kwa dewa mete kate suwena dambere bei kena bise ne wande Aru Roh maru bete teme dambere mete?

Chapter 5(Jemaat yau na dero na bisi na kaimie na)

¹A te eyu pa dewa da senamipiki kaimie wara wena nero ne,bisi kaimie nemane serai sisi nena nerona,tetero si newai nenei Awa kna nawa te dua da dekone.²We seraibra wa temberari werau!we seraibra wena kena ne da tikaunue damena tetero da yau dero na dapena waripei baipa dua saremapinie?³Da wa ma karo na de bai tere ne wera,nemane aru roh waro na de debei nie wembere.deye nena damba o se te ikane tetero nemena kembari te mekoupuku,deye nembere nebeinie kete.⁴Yei Yesus Kristus ne nawa done,we seraibra nebei pa kopurumbuku de wembere nebeinie Aru Roh dambere eiyei Tuhan mang tetero yei Yesus nena wake detere,⁵Deye Pauluswai ate tiyekruka damena tetero te iblis nedo sekai kna damba nena wa orung peko orumbinie wande ne na aru roh pepoi damba Tuhan mang tetero nena ya tuputena.⁶Wena akay temberarina peko tere te mekau,we ye arambuku beamane ragi serei bete adonan meye bunapa dewa ine?⁷yansi na ragi teme dua arumbine nemane wande we ye nepereinya adonan mane kende,we na ragi ambainya nemane,Kristus,domba paskah e seraibra te nate da meke ung da asekai nena yeke burure sa nimi sa yereu sa yero bu yereu buyero da meke.⁸Nemane sate e seraibra Paskah ya te damba yei nena kembari poi e damba ragi yansina ambai,ragi peko nare nare mena ambai,nemane nederaitie roti munu sa ragi ambainya te mromro te nourue na nepe teperei tere na nepe.⁹Deye Pauluswai we kwa semote da mera:we nekwa na bisi kaimie na tetero seraibrabra pere na yau waripeinya.¹⁰Dena mendo ne nemena tetero seraibra da yo dambena bisi kaimie ne tetero peko poi nena wa eyu nue a peu peu nemane da yo dambene do sna sna te kapenainie.damena kembari,we seraibra da yo dambere baipa dua ende.¹¹De ye Pauluswai we kwa semo te da mera,damena tetero pere yau te na waripeinya,nemane wei dokeka ne na bisi kaimie,peko pepoi,do sna sna te kapenainie,yembe ekri,a yembi yembi bupeko,a peu peu kasopere na damena tetero pere na sa te na nebeina anipeinya.¹²Nemane beamena a yeko te de ye seiyitene damena tetero te diwa dewa kaye te wasi te bainya suna kenai warenai?damena we seraibra ne yo seraibrate diwa dewa wasinde da jemaat e na yau na dero na?¹³Nemena,Awa mang tetero ne ye neyo seraibrate kaya te da diwa dewa wasi ne jemaat yau na dero na basu ne werainya nemane sate nate,tetero peko poi te wena nero ne mekainya te baya sekemende baipa baitere pa dua di nai wena nero re.

Chapter 6(A yeko te neraipiki tetero yei nero ne nemeiyambiki)

¹We seraibra kena yasu yasu tetero si pere,ne ye wa arma dua dine pepoi karo te wurene tetero seraibrabra mendo nare nare mena pa wande tetero seraibrabra pepoi mro mro kwa na eipei?²We aroipei werau tetero pepoi mro mro da yo dambena kaye te da wasinai?damane da yo dambena we ye kaye te wasinde,we seraibra yeka bete mere newai sereinya we ye ne a te na seiyinipei?³We aroipei e ye da Malaikat seraibra te ne na damba a te diwa dewa da tikama ne?nemane deraitie a bete yane yane diwa dewa e ye seiya ne te na!⁴We seraibra ne a waro te seiyinende,we ye bea sate na te ne a te dekau ne yo seraibra kna damba da yau na dero na jemaat nero pa?⁵De ye Pauluswai da a te seiyane we ye paitiabure te tikanende.beamane we na nero na tetero si newai mendo eiyo ambai sa te,ne ye we na a nare nare mena bete te pepoi nou pa mekone do keka yei meke nero ne?⁶Do keka pere yei meke pere we na a te donde ende tetero da a nemeipeinya te wurende ne ye a te seiyinai ne!⁷Nouru na pe,we aroipei we seraibra a waro bete yeko re yeko re wena nero ne neme da kai beamena te we na damba peko a te na sanimipei seiyinipei?beamena te we ye deraunue pepoi tupu te baipa da seraipiki?⁸Ne kwa dewa da burusuku,wei wa ne peko bete mane da kai we te bai pa da seraipiki.we seraibra nemena kembari te da mekau wei do keka yei meke ne na bekounue.⁹We aroipei werau tetero pepoi waro te na mekoipeinya Awa mang tetero nena dia pa na te na dai dia dai meta kreu meta pa na eipei.pro pro mena waripeinya!tetero bisi kaimie,do sna sna te kapenainie na seraibra bra,do mire bisi kaimie na,yembe ekri,do wambo mire wambo yereu.¹⁰Sasyaisi bisi na,tetero mendo peko na,a yembi yembi smo,a pra pra,a peu peu,ne yo seraibra bra meye na mane bai tere pa dua da nai Awa mang tetero ne na dia pa na mipei dai dia dai meta kreu meta ne.¹¹Tetero si derou we na nero na nemane dua keu na.nemane we seraibra teme tere,mro mro dambene werau,nouru na tepereinya Tuhan mang tetero yei Yesus Kristus ne na wa do ne wande eiyei Awa awa mang tetero ne na Aru Roh dambere.(Bisi kaimie te baya sarende ne nei yeko re)¹²Sasyaisi meye na mane de ye dua mekote na,nederaitie metere pepoi bei tena ambai.nemane sasyaisi metere de ye dua mekote,nederaitie de ye a te deranena pe damena karo ne a te da seiyinainie.¹³Munu sa bete yase eiyu pa na,yase pa na munu sa bete nederaitie ne waro bisereinya mane Awa mang tetero ne ye baipa sarembine da wa ma bisi kaimie bei te na ambai,Tuhan mang tetero ne ye wa eiye na da keu,wande Tuhan mang tetero ne ye da tetero yei ne na wa eiyune.¹⁴Awa mang tetero ne ye Tuhan mang tetero te e sua awekene wande ne ye e seraibra te tetero yei te esua aweneme Awa mang tetero ne nei a.¹⁵We aroipei werau wena yereu da wa ma Kristus nena seraibrabra de ye Pauluswai ye Kristus nena seraibrabra te orutepine wande neyo seraibrabra bisi te kaimie te mekonai?nemena ambai tere nou keipei.¹⁶We aroipei werau tetero bisi te kaimie te mekone na yau te da mire nebei pa beiyinai warenai ne na wa beisika serei dua da orumbine kene?ne na a te da seiyinene bisereinya mane wa orung beisika serei dua orupuku.''¹⁷Nederaitie,tetero yei Tuhan mang tetero nembere yau te warenei ne na Aru Roh beisika serei.¹⁸Bisi kaimie te baya tembine!tetero si beisika nena peko pepoi mekou na wa ma bainya sune,nemane tetero bisi kaimie te mekou na,ne nei wa pa wa eiyu pa mekou.¹⁹We aroipei we na wa ma eiyu ne bait Aru Roh Kudus teme,mro mro we seraibra kna wa burune,we ye Awa mang tetero ne na re oriyau,nemane we na wa wei wa beitie na ambai?²⁰We seraibra metere yei Yesus Kristus ne na wa eiyu ne meye na mane teme ye da kende nepe na ye,we na wa eiyu ne Awa mang tetero te poi a te asemo dimi semone!

Chapter 7(Do mire meka te da ne bei atoneikrone)

¹Nepereinya damena karo te we ye de kwa da semo te merau:do serai bra mire te na wa tawinipei.²Damane bisi kaimie sate na te,do seraibra ne nei mire te moi si te donene wande mire seraibra ne nei do te moi ye si te donene.³Do seraibra ne nei mire te wapa poi ye da do nene kene nemane mire seraibra ne nei do te wa pa poi ye da donene kene.⁴Mire seraibra ne nei wa beitie na keipei,ne na do pere nebeini kenei yereu nero ne.do seraibra nemane deraitie ne nei wa beite na ambai ne na mire pere nebeinie da kenei.⁵We ye bai tere ne moi moi na keipei,a te nebeinie seiyinere we na mendo kembari nero ne a te da seiyinere nepere nemane nebeinie yereu beisika we na nero ne wande sekai iblis we te wapeneme we na wa ma te da tikaneme we ye apa da yokerore.⁶De ye damena a te da seiyane we te mendo atame aye na sisimipei.⁷De na mendo mekane na tetero meye na mane de ye wera na mane da nederaitie,tetero yei meye ne nei mendo eiyo Awa mang tetero ne na re tetero si newai da a waro ne,si newai di a waro ne.⁸Do mire meka te na atoikroipeinya do bainya mire,de ye a te sename de wera na mane warende.⁹Nederaitie,ne yo seraibra ne nei wa te na temberari warenai,nemena yeko keu na ne yo seraibra do mire meka te atonai ne bei bine bine wa te kenai yereu te warenai.pepoi tere do mire meka te atonai bekou pa dewa da menai siriwambo kerai wambo ne nei wa te da dekenai.¹⁰We do mire meka te atombinde nebeinie,de ye we te a te sename de dei a te na seiyinipei Tuhan mang tetero ne nei a te seiyane te mire ne nei do te na neme da tenembine,¹¹Mire nenei do te baipa da sarupuku,nebei na keipei,ne kwa ne nei do pere teme te mekonai do ne nei mire te na baipa na saripipei.¹²De ye a te da sename de Tuhan mang tetero nena wa menape ambai;we do we na mire nemeiyimbipei ne mire ne do pere nebeinie yereu te kenei ne do ne mire te na baipa na saripipeinya nou nue neme da kene na.¹³Nemane deraitie mire ne na do nemeiyimbipeinya,ne do ne mire pere yereu te nebeinie da kenei,ne do te na da mire baipa na saripipeinya.¹⁴Damane sa te na te do nemeiyimbipeinya mire ye ne do te mro mro damba tanembinie wande mire nemeiyimbipeinya da do da mire te mro mro damba tanembinie.nemane ambainya we na yei bra yereu pepoi peko da warenai,nepereinya we seraibra teme mro mro dambene.¹⁵Nemane nemeiyimbipeinya moi moi ye neme da kende nebeinya keipei,damane wande do keka yei meke beisika te na beiyipipei.nederaitie Awa mang tetero ne ye e seraibra te da taru da yereu te teme piyambai tere da warema.¹⁶We mire,we ye da arombuke wei do te da pepoi damba poi waro pa tambune kene?we do,we ye da arombuke wei mire te da pepoi damba poi waro pa tambune kene?(Awa mang tetero ne ye kari te tare ne we na wa te nou nue)¹⁷Tuhan mang tetero ne ye e tetero yei te tarupuku nebeinie da wera te nemane Awa mang tetero ne ye ne yo seraibra nyei nyeinie,yereu nero ne kende nemambei warende.nemane deraitie de na akirine jemaat yau na dero na meye na mane.¹⁸Nemena da tetero yei te simai ne te sunat waro mekambiki?nemena sunat waro tetero sinewai nepe te na ye pa na narimbipei damane tetero te da taru ne na sunat waro te na maning mekoipei nemena ne tetero yei sunat waro te na mekoipeinya.¹⁹Nemane,sunat dua mekonde wande sunat mekoipei,a te na seiyinipei nemane Awa mang tetero nena a kirine warema nebei te da meye tawemane warema.²⁰Tetero bei bei ye ne nei wa kainya mane da nepere kari te da sumu.²¹We tetero yei ane maru te ke kiye na te da kari te taru?we nepe te na a te na seiyinipeinya.we ye da tetero pepoi tere orupunue waru detere damba,nepe te poi tepu na.²²Nemane da tetero yei te taru peko pepoi nero re Tuhan mang tetero nena damba,ne tetero yei Tuhan mang tetero ne nei seraibra pepoi dambene kai nemane deraitie tetero yei te da taru pepoi teme damba,ne tetero yei ne ye Kristus ne na oto tou na.²³We seraibra te dua da orupuku da werau,we ne kwa na da tetero yei te na tawipei waripei.²⁴Do keka yei meke,we tetero yei nyei nyeinie nou nue neme da kende Awa mang tetero pere da nebeinie,kende,we te da tariyou wena nero re da.(Tetero te a te sanemame do mire meka te na maning atoipei)²⁵Nepereinya tetero yei meka te na atoipei do mire nemei ye werai,de ye ne a te na seiyinipei Tuhan mang tetero ne nei a kirine da keu na sa nederaitie,de ye mendo te keroupuka da tetero yei mane,Tuhan mang tetero ne na kena bise,nepe te da nemeiyambiki te.²⁶De ye damena a waro te pepoi te da seiyane da serei te damane da mate,ne poi bei tetero yei sibeisika nemane neme da kene warene.²⁷We kaye wei mire pere na mendo beisika te beiyupuku?baipa na te na baya na saripipeinya we kaye maning wei mire pere na mendo beisika te doipei?we ne kwa na mire te na wureipei.²⁸Nemane,we meka te dua da atokerore na,we na peko mena ambai.mire berang si newai do pere meka te atonei kerone,ne na peko bete ambai.nederaitie ne yo seraibra do mire meka te dua da ato nainya ne na yereu nero ne da yo dambene peko poi te tenainie na de ye we te derane nemena nero re bai pa dewa mende.²⁹Do keka yei meke,de na mendo ne werai nemena ya nepe po ye dua da perou.nepereinya,do sraibra ne na mire pere,yere te kenei ne do ne na mire ambainya mane da kene,³⁰Dimi te dimainya ne seraibra dimi te na dimipeinya mane,kena kari na seraibra nena kena kari ambainya mane da kenai,sa nai smo smo te mekainya seraibra ne sasyaisi te na oripei keipei keroipei,³¹Da yo dambe na a waro te tepainya seraibra,nepe te na nekwa na ne yo tepipei tenipei nemane da yo dambe na nou keu na ambai orumbine.³²De ye da derane we nemei da warende mendo si si ambai nemei kende tetero yei do mire meka te na atoikeroipeinya nena mendo mekani na Tuhan mang tetero ne na pa,beamane ne tetero yei Tuhan mang tetero ne na kena te yepou.³³Nederaitie,tetero yei do mire meka te dua da atainya ne na mendo da yo dambe na mendo te neme da mekai nie,beamane ne do ne nei mire te kena te da kene na,³⁴Nena mendo eiyo baya da wasimbinie.mire do pere na meka atoikeroipeinya wande mire berang seraibra ne na mendo ne eiyo ne da werai Tuhan mang tetero ne na damba nepere nemane ne ye mro mro warene,ne nei wa ma ne nei aru roh teme ye da kene.nemane mire do pere dua da meka te atonei kerone da yo dambe na yereu waro te tikanene,beamane ne ye ne nei do te kena da biri nene.³⁵De ye damena a te da seiyane wei pepoi te na te,we na dambana sa buntung mena ambai,we te poi ye da nipi nero ne we na kembari Tuhan mang tetero kna pa na narikroipei.³⁶Nemane da tetero yei ne ye seiyinene ne na wa kari nare nare mane mire berang kna damba ne na mai yasu bete bunane ne mire berang te da do wapune ne meke te wa te da tawe nene,nemane ne do ne na peko bete mena ambai;damena do mire meka da atoneikerone³⁷Nemane do mire ne nei kena ne dua da kei,a ye na sisimipei,ne nei wake ne dereyounue,nepe te ne nei kena ne da tiyeukruko da do da mire berang te na donipei meka te na atoikeroipei,ne na mendo ne pepoi te meke younue.³⁸Da do da mire meka te atoneikerona ne do ne na pepoi te mekeyou,damane da do da mire te na meka atoikeroipeinya,ne kembari poi te mekopuku.³⁹Da mire ne nei do pere da kiyoi yereu te kiyoi damane da mire ne na do tetembine na,da mire do sipere meka te ne kwa da atoneikerone ne ne mendo ne eiyo ne,Tuhan mang tetero ne na wa eiyu ne da ne tetero yei nembere.⁴⁰Nederaitie,de na mendo ne werai ne ye pepoi piyambaitie kenai nou nue neme da kenai mene,wande de na mendo ne eiyo ne da werai,de nemane Awa mang tetero ne na aru roh de dei wa ne keme te da merenembinie.

Chapter 8(Do sna sna kna damba sa kemei te munu sa te)

¹Neperei yeko si bete munu sa orung bete do sna sna kna bekoupa wa tou pa kerainie.Eye arambiki te e seraibra meye na mane dua da arambiki te.dua da arambiki te akau kake ena nero ne da keu na nederaitie kena bise yereu pepoi.²Tetero si ne ye seiyinene nepe te dua da aroupuku,ne ye aroipei da kiyou nemena waro te ne ye aronembinie.³Nemane tetero si beisika Awa mang tetero te kena te kena na,ne te da Awa mang tetero aronembine.⁴Nepe na ye,munu sa waro sa orung bete do sna sna kna bekou pa sa kemei mane kerainya,e ye arambiki te da yo dambena do sna sna ambai keipei,Awa mang tetero ne ye beisika tere da keu.⁵Nemane mang bra te seiyainie,sero dambene kainya da yo dambene da kainya,nemane mang bra tereng dopre wande tuhan bra tereng dopre,⁶Nederaitie e seraibra Awa mang tetero beisika tere da keu,ena Awa Awa mang tetero ne na re sasyaisi metere na mane wande eye da kate Awa mang tetero nembere kate.Tuhan mang tetero beisika tere,nedo yei Yesus Kristus ne nare sasyaisi metere na mane da,e seraibra A-I nedo ne na wa eiyu ne da kate.⁷Nemane deraitie tetero meye da werainya da a waro te na poi na aroipei.tetero mo serei bete da,do sna sna te kapenainie neperei da serei pa da mate,nemena munu sa bete anai sa kemei mane do sna sna nena bekou pa ne na wa toupa.nepe na ye,ne seraibra nena kena mie deko kani kani mane yereu pepoi aroipei da werai.⁸Munu sa waro e seraibra te Awa mang tetero ne na bekou pa na eipei wa toupa na eipei nemane da keu.eye nemane peko bete mane e ne munu sa bete anipei,nemane nederaitie nou keipeinya te sa te anate.⁹Damane we mendo te mekonende wena da wa werau na tetero wake bai werainya te damena nou pa da atomende ende.¹⁰Nemane nepere tetero we te dou te naimie,mendo te mekainie,munu sa te anai do sna sna kna mie eiyu ne,kena mie deko re na ambai,wa kani kani mane,nena wa suwe orumbinie sa orung bete bete sa kemei do sna sna te wepaimie ne na wa tou pa kerai?¹¹Nemane we na mendo ne werainya,tetero wake bainya,wena do keka na te na te da Kristus teteupuku,tete nero pa dua da ke.¹²Damane peko nero ne we na do keka yei meke mendo eiyo nemambei ne na kena te da kekou mane kani kani nero ne werai,nepere nemane we ye peko te mekeye Kristus nena bekou ne da.¹³Damane sate na te,da munu sa bete sa kemei waro eiyei seraibra te mekoneme ne mendo eiyo beisika na te nare neme,de ye ne munu sa te na anipei neme da kete mene damena karo ne de ye ne kwa na de dei do keka te na naring kroipei.

Chapter 9(Tetero yei si beisika Rasul yau na dero na ne ne)

¹De pe da ye tetero pepoi teme dambe na ambai?de ye yau na dero na Rasul mane wera?de ye yei Yesus te,Tuhan mang tetero te dou dua tembuka?we nemane de na kembari Tuhan mang tetero ne na burune?²Tetero si seiyaini de pe da ye Rasul yau na dero na te na waripei,ne mane da keu de pe da ye Rasul yau na dero ne we na yau nero ne.we seraibra de dei yau na dero na Rasul Tuhan mang tetero ne nei wa eiyune da kau.³Damane dape ne de ye da a te sawete ne seraibra de na a te da wurenainya.⁴Nemena e seraibra nou ambai sa te na bu te na anipei?⁵Nemane e seraibra mire si beisika te na donipei eipei tetero yei ne mendo eiyo bei na,Rasul rasul yau na dero na si werainya mane,do keka yei meke Tuhan mang tetero ne na,wande nemane Kefaswai?⁶Bei,nemane Barnabaswai wande de ye Pauluswai da kembari te na doipei mekoipei?⁷Simi ye tentara yuku seraibra mane sema te da tepai ne nei ondung dera wake ne moi moi ye?simi ye mika te sa nu te anggur te asou wande ne na sa yu te na anipei?bei,simi ye da ternak oto aprau na sa te sepo dambere werai wande ne na kong te na anipei?⁸De ye damena waro a te da seiyane da tetero yei kna waro ne?a yeko hukum taurat na nemane ne a waro te da sanumue?⁹Nemane,Musawai ne na,''a yeko hukum taurat na a dua da meraipiki keu.we seraibra lembu ne na emburu te na dinipipei gandum te da nunduru na!Awa mang tetero ne ye da lembu te na seiyinipei?¹⁰Awa mang tetero ne ye e seraibra kna damba damena a te da sanumue?e seraibra kna damba da a te da merapiki,gandum ne te kanipa asonainya mendo pepoi dambere wande gandum ne na yu te baya dawenai orunainya mendo pepoi dambere da ne na kembari te ne nei yereu poi damba.¹¹E seraibra rohani ne na waro te we seraibra nero ne,damena waro de ye wena re da sasyaisi te wena re oura te?¹²Tetero si ye we na re sasyaisi te orunai,de seraibra nemane nepe te na te da kate?nemane de seraibra nepe te na a te na seiyinipei.nederaitie,de ye sasyaisi te damane atamete de seraibra injil Kristus a sena tena baipa na saripipei.¹³Beamane te we ye aroipei ne yo seraibra kembari pepoi waro te da teme mro mro dambere,Awa mang tetero ne nei mie yau mie bait Allah nepe re na munu sa te ourai anai?nemane ne yo seraibra kembari te altar ne basu ne mekainya ne nei dera te ondung te nepere ataimie?¹⁴Tuhan mang tetero ne ye a te da sanumue injil akurung te dekai werainya nena yereu waro nemane injil dambere.¹⁵Nemane de ye nemena karo te na mekoipei.de ye semo pa na mereipei nemena karo bete de na damba atotende.damane,de ye tete nero pa dua da te nepere tetero yei sinewai de na pepoi te na baipa na doipei eipei.¹⁶De ye Pauluswai a sena te injil te da sename,de na detere te da yare tere bunane nemena a waro de dei damene da keu.de peko ye orutepinie,de ye da a sena injil te na sanimipei.¹⁷De ye a sena te injil te te sename de dei mendo ne eiyone,de ye pepoi te tane.damane de dei mendo eiyo re ambainya sa,damena kembari waro de na damba nepe te dua da nemei yaitipiki.¹⁸Damena,beasa ye de na damba mene?de na damba mene na sa de ye a sena te injil te da santeme,de ye nemane a sena te injil te seiyitene dera mena sa ambai wande a sena injil nena eiyu na a te na narimbipeinya tewai.¹⁹De ye bainie nemei da wera tetero meye na nero ne,de dei wa beinie a ne disitengkerone tetero meye na nero ne nepere nemane seraibra bra te meye orutepine.²⁰Yahudi tetero pere na de ye Yahudi tetero mane da wera nemane wande de ye yahudi tetero te meye wa pa dewa orutepine.tetero yei a yeko hukum taurat burune ane da kainya,de ye nemane deraitie dena wa te yereu te te da a yeko hukum taurat burune ane da wera,nemane wande de ye ne yo seraibrabra meye orutepi ne eiyu pa dewa da menai ne na a yeko hukum taurat nero re baya dewa da menai.²¹Damane ne seraibra a yeko hukum taurat ambainya,de ye a yeko hukum taurat mane da wera Awa mang tetero ne na hukum nemane da keu,nederaitie Kristus ne na hukum eiyu ne nepere de ye ne seraibra te orutepine eiyu pa da menai ne na a yeko hukum taurat ambai keipei.²²Tetero ne na wake ambainya de ye wake ambainya mane nemane wande de ye ne yo seraibra wake ambainya te orutepine dewa da menai.de ye dua da mekoupuka metere tetero meye na damba de na wa eiyu re tetero te mo serei bete pepoi damba atoteme mema.²³De ye damena kembari te meye mekeya a sena injil tante damane de dei po te ne eiyu ne do te na.²⁴We kaye aroipei ne yo seraibra meye oto bei newai,nederaitie tetero beisika tere da nepere ne ye sasyaisi te da meka pa done?nepe na ye da oto beitie da nawende we ye wei meka damba ne te da orunde!²⁵Tetero yei nyeinie nyeinie oto beitie da nawe nainya oto te wa te pepoi tere da tikanai.ne yo seraibra kembari te da mekeyai nena pepoi te oriyai wenta mahkota fana nare nare mena te oriyai nederaitie e seraibra oriya te na nou nue neme da kene mane na.²⁶Damane sa te na te de oto bei te na nawipei nou keipeinya te da de ye meka keneng te na dereinipei damane tetero yei meka keneng te aru seku na pere da dereneinie.²⁷Damane de dei wa te wa ma te da arma tere dua dewa da keneng te derane de dei wake ne da nemane de ye tetero yei si te a sena te injil te santeme,de te na bai pa na sisitipipei eipei.

Chapter 10(Israel ne na peko mekai nya re aromane)

¹De ye Pauluswai a te da derane we ne a waro te na aroipei werau,do keka yei meke,eiyei mang bra,meye na mane ma tepainya burune ane da kiyai wande meye na mane nau dambere wariyai.²Ne yo meye Musawai ne na wa do ne bu te da kereyaimie,ma burune wande nau eiyu ne.³Ne yo seraibra ne na munu sa rohani sa te da aniyai,⁴Meye na mane rohani bu te da aniyai.nemane,ne yo seraibra ne na bu te aniyainya rohani oru detere ne yo nembere.nebeinie wariyai,ne oru detere ne do Kristus nene.⁵Nemane deraitie,Awa mang tetero ne ye ne yo seraibra te na baya da sariyou damane sa te na te,ne yo seraibra nipi nero ne aya dambene dua soyou.⁶Nepereinya,damena a waro te eiyei wa pa dou da tema nepe re e ye mendo te yepoma tetero yei peko kembari te na mekoipeinya.⁷Do sna sna te na kapinipeinya ne yo seraibra werainya mane,semo pa meraipiki ne seraibra bra munu sa te da bu te da anai,wande keneng te da derainie.''⁸E seraibra nemena bisi kaimie te na mekoipeinya tetero si derou mekainya mane da nepere tetero siri doa beisika wau naming pere ya beisika dua da soupuku.⁹E seraibra Tuhan mang tetero te na wapinipeinya,nepere nemane ne yo wapiyainie wari serainya sa no te baya tutupuku.¹⁰We aderong te na dereinipeinya damane ne yo seraibra ne na aderong sa te na te Malaikat maut orupuku tete damba dua da kai.¹¹Damena kembari waro ne yo seraibra kna damba da meke wande e seraibra te da sanumue,nemena ya tupu te na ya dewa da mena na.¹²Damane sa te na te,tetero yei ne ye da seiyainie ne nei wa te suwe da tepenai apa na yopipei!¹³We te na da wepaimi na suwa na atoimipei eipei nederaitie tetero yei te nemei da wepaimie Awa mang tetero ne ye nou nue neme da keu,ne ye we te na temipipei keipei we te wepaimina suwa ende.nemane deraitie wepaimina sure,Awa mang tetero ne ye we te bai pa da atoneme mende nepe te da tikanende poi warende.¹⁴Damane sa te na te,dei do keka yei meke wei wate bai tere ne da warende do sna sna kna dambere.¹⁵A te de ye da sename tetero yei mendo na eiyo na ne na damba,pepoi tere da tikanende damena a waro te de ye da seiyane.¹⁶Damena cawan bu kenteu pepoi waro e ye poi a te da seiyimane e na yau nero ne Kristus ne na wa sa eiyu ne?e na munu sa roti te keiya te bete bete waisyate yau nero ne Kristus ne na wa eiyu ne?¹⁷Nederaitie roti munu sa beisika,e da tetero yei meye na mane wa beisika serei da kate;nemane e kaye meye na mane wa beisika serei da kate da roti munu sa beisika serei da.¹⁸Israel tetero yei ne na wa pa dou te da tende,ne yo seraibra wa ma karo ne sa kemei munu sa te altar mesbah pa kerainya te da meka pa ourai?¹⁹De na mendo na beamane?do sna sna kna watou pa kerainya munu sa ne sakemei?bei,do sna sna ne na munu sa ne sa kemei?²⁰Ambai tewai,de Pauluswai we te da a te sename nemena kembari waro serai si si ne nei te da mekainya sa,ne yo seraibra sasyaisi te roh roh aru peko ne na damba da ataimie,Awa mang tetero te na ambai.de ye a te da derane we seraibra roh roh aru peko nembere yau te warende.²¹We ye da cawan bu kenteu Tuhan mang tetero ne na re na anipeinya wande nemane cawan bu kenteu roh roh aru peko ne na re na anipeinya.damena we seraibra Tuhan mang tetero nembere na yau sa anipei wande nemane roh roh aru peko pere na yau sa te na anipei.²²Bei,damane seraibra e na wa ne da mekate Tuhan mang tetero te da yembe ekri te da mekane te?e kaye wake te wera te Tuhan mang tetero ne na re?(Da yereu Awa mang tetero te ne na damba poi te meremane)²³''Sasyaisi metere meye dua da mekonde,nemane meye na mane pepoi te na ambai tere da keu na.sasyaisi metere dua da mekonde,nederaitie meye na mane nou pa na mekoipipei da kene.²⁴Tetero si newai ne nei wa te te na pepoi te da wure ne,nederaitie nemane tetero si te na poi te na te.²⁵Munu sa te na temberari da anende da sa wa orung nai dia ne nai te mekainya sa dou te na nepa na teipei,wei kena ne dua da kainya.²⁶Damane da kani dambena sa sasyaisi metere na mane Tuhan mang tetero ne nei dambene.²⁷Tetero yei si newai maning nemeiyimbipeinya we te da tarenewepine wande we ye nembere ne na munu sa bete we ye dou ne te anu dou nepa na teipeinya,wei kena ne dua da keu na sa.²⁸Nemane tetero yei si newai we te a te sanenewe,damena sa munu sa kemei mane do sna sna ne na watou pa da kerainya sa te na we anipeinya,ne tetero yei we te da a te sanuwupuku we na kena ne da se te yepe ye na.²⁹De na mendo ne eiyo ne da werai,wei kena ne mendo ne we ye da tikaiyene,nederaitie nemena mendo tetero si ne na kena ne ti kaunue beamane de na te me waro te da wure wande tetero si ye ne na kena ne da nemena nou te da tiyengkerone?³⁰De ye de dei po te dote na nepe da pepoi a te da meretene,beamena te de te da a ye da sanenaitie peko bete mane da,nemane ne munu sa waro te na de ye pepoi a te dua da nepe te seiyumbuka?³¹We ye munu sa te da anau wande bu te da anau,beamena sasyaisi kembari te da mekonde,nemena kembari te mekonde na metere na mane Awa mang tetero ne na damba pepoi a te da meremane.³²Tetero yei te na yekoitinipei narinipei,tetero yei Yahudi seraibra,tetero Yunani seraibra,nemane yau na dero na jemaat seraibra Awa mang tetero ne na,³³Nemane de ye kembari burune sasyaisi metere tetero yei meye na damba pepoi te damane da de na wa ne da kira,de ye de dei wa beitie na pepoi te na wureipei,nederaitie damena pepoi waro tetero yei meye na damba nemane nepere ne yo seraibra nipi pepoi teme damba da.

Chapter 11

¹Tetero yei seraibra we na wa te de ye wera na mane,de ye nemane Kristus ne na wa tou nue wera na mane.(Wake detere te re we na nero ne)²De ye neperei we te da pepoi te da seiyane we ye de te na mendo te mekaunu damena a waro ne da werau de ye a te sename na mane.³Nemane de ye da derane we ye aronembinde do seraibra tenai te keu na Kristus,wande mire seraibra ne na tenai te kainya do seraibra,ne do Kristus nena tenai mane keu na Awa mang tetero.⁴Do seraibra mendo kembari te da mekai tenai pa mayong te da titai ne nei wa pa paitiabure mane mekai werai.⁵nemane mire seraibra mendo kembari te da me ai ne na tenai pa na da mayong titipeinya ne nei wane da be peko mane,ne na tenai nua ambai.⁶Nemane mire yei si newai ne na tenainya mayong ambainya ne ye ne nei nua te baya perombinie.damane paitiabure mane da mire yei si newai ne nei nua te po ye da perombinie bei ne nei tenai te baya nekumbuku,ne mane sa te na te neye mayong te tenai damba da pereupuku waru.⁷Do seraibra ne na tenai damba na mayong te na pereipeinya,nemane do pe da ye Awa mang tetero ne nei wa te keme te da merembuku.nemane mire seraibra do kna wa re da meke keme te da merembuku waru.⁸Do seraibra mire seraibra kna wa eiyu re na mipei,nederaitie mire seraibra do seraibra kna wa eiyu re meke.⁹Do seraibra te da mekoupuku mire seraibra kna wa mena te na ambai da,nederaitie mire seraibra te da mekoupuku do seraibra kna wa pa na te da.¹⁰Nemane ne pe na ye,mire seraibra nenei tenai dambe na wake detere tera da keu Malaikat seraibrabra mane warenai.¹¹Tuhan mang tetero ne na burune da keu na mire seraibra ne nei bei te na waripei do seraibra pere nebeinie,wa de do serai bra mire seraibra pere nebeinie.¹²Damane da mire seraibra do kna wa eiyu re da mekai wande nemane da seraibra mire seraibra ne na yase eiyu re wa eiyu re da kiya pa dewa seneyai.sasyaisi metere Awa mang tetero ne na re da.¹³Wei wa bei ne da tikanende,mire yei si newai mendo kembari te mekone Awa mang tetero ne na bekou nue ne na tenai mayong ambai titipei pereipipei keipei?¹⁴Da yo dambe ne we te da kiraimie do seraibra ne nei nua tiki tere da tepai,ne waro ne nei wa ne paitiabure mane?¹⁵Damane mire seraibra ne nei nua tiki tere da tepenainya,ne waro ne nei wa ne keme te da nepe te mereu nue.nemane ne na nua ne nei wa ne tenai dambe ne da kene mene.¹⁶Tetero yei si derou ne mena karo te a te derenainie na,e seraibra damena a waro te na seiyinipei nemane deraitie Tuhan mang tetero ne na jemaat yau na dero na nero ne da we ra te.(Munu sa mro mro ne a waro tena narimbipeinya)¹⁷De ye damena a te da sename,de ye we seraibra te na pepoi te na de seiyinipei damane we da nou pa mekau na poi te na mipei,nederaitie peko waro te na te da mekau.¹⁸We seraibra jemaat yau na dero na mane da nou pa da kopurumbuku,de ye a te da beteya we nero na baya wasiyau.de ye nemane nepe te da nemeiyumbuka.¹⁹we na nero ne baya da wasiyau wande ne yo seraibra we na nero ne nou nue wa suwe te tepenaipinie.²⁰We seraibra damena nou pa da ne kwa kopiri nembinde,neme na yeko Tuhan mang tetero ne na munu sa waro te na ambai.²¹Nemane da munu sa te anema,tetero yei ne nei munu sa te orunai anenai munu te tikanainie wande tenai yembi yembi mane.²²We seraibra mie ambai sa te bu te da anende?nemane we seraibra Awa mang tetero ne na jemaat yau na dero na te a peko bete mane wande ne yo seraibra te paitiabure te da mekamupuku ne na sasyaisi ambainya mane?de ye we te beamena a te da santeme?de ye we te pepoi te seiyitene na pe ambai?ambainya te wai!²³De ye Tuhan mang tetero ne na re oura na sa te da we seraibra kna damba da atame,nemane Tuhan mang tetero yei Yesus Kristus ne ye A-I nedo ne ye dereng ya ne yembe ekri ne ro ne roti munu sa te da wasiyou,²⁴Mendo eiyo kembari te mekoupuku,A-I nedo ne ye da roti munu sa te bete bete da wasu a te da seiyunue,de dei wa te da we na damba da atame,damena kembari te mekonde de te na mendo te da nou nue mekonende.²⁵We ye roti munu sa te da anau wande da bu kenteu cawan nepene anggur bu te da anau,we a te sanemende Tuhan mang tetero dwa mene.''²⁶We seraibra nemane da roti munu sa te da anau wande da cawan bu kenteu ne pe ne anggur bu te da anau,we ye a te da sanemende Tuhan mang tetero ne na tete a waro te seiyinende Tuhan mang tetero A-I nedo ne ye dewa da yo damba da mene.²⁷Nemane sa te na te simi ye da roti munu sa te da anenai wande cawan bu kenteu Tuhan mang tetero ne na sa nemane ne ye nare nare mane da kembari te mekombine na,ne ye peko bete mane mekopuku Tuhan mang tetero nena wa orung wa sa pa.²⁸E tetero eiyei wa te eiyei wa ne tikamapinie,ne ye da roti munu sa te da anenai wande da cawan bu kenteu anggur bu te da anenai.²⁹Tetero yei da roti munu sa te da anggur bute Tuhan mang tetero ne na wa pa na seiyinipeinya,ne ye ne nei wa pa peko tere mene na.³⁰Damane sa te na te,we na dero ne tereng dopre kaso tere pere wake ambai werai sa namu sa ye mekaimie,kaso pere dua da sou tete damba.³¹E seraibra eiyei wa te nou rue da nemeiyima,e seraibra te na peko damba na saripipei.³²Damane e te peko damba sarenaimie,e seraibra te Tuhan mang tetero ne na a te e damba sanumue nepere wande e te da yo dambe na seraibra pere na peko damba na te na eipei.³³De dei do keka yei meke,we ye kopurumbuku munu sa te anende na,si te si te da tende tetero yei mane da.³⁴Damane tetero yei yase munu te da tikanene,ne ye sa te da nenei mie ne tua tere du da anembine nemane we seraibra kopirinembinde kaye te na diwa dewa na we na nero na wasipei.wande kembari waro si bete de ye nou pa da mekotepine kenai de ye ne kwa dewa da mete.

Chapter 12(Aru Roh Kudus mro mro ne na pepoi)

¹Nepereinya rohani waro aru pepoi dambene,do keka yei meke,de na mendo ne werainya nepe te nemane deraitie aro nembinde kende.²We ye aronde we seraibra tetero yei mane orumbinde we maning Awa mang tetero te na aroipei damane we seraibra te do sna sna ne pa neme da wepaimie.³Nepena ye de ye we na damba da a te da sename tetero yei si beisika a te na seiyinipei Aru Roh Awa mang tetero ne na re da a te seiyinene,yei Yesus peko damba,tetero yei si beisika damena a te na seiyinipei yei Yesus Tuhan,'' mang tetero nepe Aru Roh Kudus mro mro ne na dambere.⁴Rohani waro karunia si te si te da ourai,nemane nena Aru Roh ne beisika tere da keu.⁵Yau na kembari karo kaso pere tereng dopre,nederaitie Tuhan mang tetero beisika serei.⁶Da sasyaisi kembari tereng dopre,nemane Awa mang tetero beisika tere keu ne na kembari te da tetero yei meye na damba da mekou.⁷Tetero yei te da nyeinie nyeinie Aru Roh te da atoumue ne nei pepoi te meye nebeinie kenai.⁸Tetero yei si te ne nei mendo ne Aru Roh ne na dambere da a te seiyinene,wande tetero yei si newai ne na mendo waro ne Aru Roh ne na dambere warene.⁹Tetero yei si te iman waro te da Aru Roh ne na dambere,tetero yei si te si te karunia aru ne nei wa ne da kenai tetero si te pepoi mekonaimie nena sa namu ne wa te pepoi tere orunai ne Aru Roh beisika tere keu.¹⁰Tetero yei si kna damba mukjizat kembari kembari te da mekonai,tetero yei si te nubuatan.a yeko te keronai tikanai.tetero yei si derou kna damba mendo karo te da atoumue da aru roh roh te ne te da seiyinainie warenai.¹¹Metere na mane ne kembari te mekou na Aru Roh beisika tere da keu nemambei neme da keu,tetero yei te da wasumue,Aru Roh ne nei dambene.(Tetero yei wera te na Kristus ne nei wa te da merembuku)¹²Tetero yei wa beisika serei,nederaitie wa ne kainya sa we eiyu ne kainya sa,meye wa ne metere da kai,tetero yei wa beisika tere keu,nemane deraitie ne do Kristus.¹³Nemane Aru Roh beisika tere e tetero yei meye na mane bu te da kereyaimie ne nei wa beisika,Yahudi tetero Yunani tetero,ane neme da kainya wande esu ne da werainya,e ye meye na mane Aru Roh beisika tere bu yereu te atoumue ne te da ana te.¹⁴Tetero yei wa ne na wa eiyu ne wa basu ne beisika tere na ambai,nederaiti tereng dopre.¹⁵Oto a te seiyinene,de pe meka waripei,de da wa eiyu na keipei bainie da wera.¹⁶Bentekei a te da seiyinene,de pe dou mena pe keipei,de da wa eiyu na keipei da wera nemena ambai.¹⁷Tetero yei wa meye dou mane kene na bentekei mo pane kene?¹⁸Damane neperei Awa mang tetero ne ye da tetero yei nena wa te da merembuku wa beisika serei Awa mang tetero ne nei kembari mekou.¹⁹Meye na mane nyeinie nyeinie warenai,nemena tetero yei wa mo pene kene?²⁰Tetero yei wa beisika tere da keu ne na wa ne kainya tereng dopre.²¹Damena dou a te na seiyinipei meka kna damba,de ye we te na aroipei nemane tenai ne ye oto te na aroipei,de ye we te na aroipei,da wera te!''²²Tetero yei wa nepere wa ke bai kani kani nepe te da wa ye ne na wake ne dambene da keu.²³Tetero yei wa eiyei wa ne nare nare mane tikane te na,nepe te da pepoi tere te seiyimane.tetero yei wa nena wa kari ambai nepe te eiyei wa ne da mekoma ne na wa kari te menai mekone diwa dewa,²⁴Nemane tetero yei wa ne na pepoi te keu na e ne kwa mekombipei.Awa mang tetero ne ye tetero yei wa te mekombuku pepoi damba wa bainya su te wa eiyu su te dua dewa nebeinie mendo te eiyo te da mekonainie,²⁵Damane wande eiyei wa eiyu ne baya na wasipei beseipei da tetero yei wa si te si te da dua dewa warema.²⁶Tetero yei wa si ye wa serai te tikanene na meye na mane nebeinie wa serai te tikainainie.tetero yei wa te si te pepoi te seiyinainie da wa meye na mane keu kari kena kari ne da warenai.²⁷Neperei we ye tetero yei wa Kristus ne nei wa we seraibrabra metere nyeinie nyeinie ne nei wa pa merembuku nemane da wera te.²⁸Awa mang tetero ne ye a yeko te jemaat yau na dero na nero ne da beisika na rasul seraibra yau na dero na,bi na nabi seraibra,naming na guru seraibra,nepere nemane mukjizat mukjizat waro te da,karunia tetero yei te wa te pepoi mekaimie na,tetero yei te pepoi mekonaimie tetero yei te pepoi dambere atonaimie warenai,peu si te si te da seiyinai.²⁹Damena beamane meye na mane rasul yau na dero na mane kende?damena beamane meye na mane nabi seraibra mane warende?damena beamane meye na mane guru seraibra mane warende?damena meye mukjizat karo te mekonde?³⁰We meye na mane da karunia te orunde tetero yei te pepoi wa te mekomende wa poi te da warenai kenai?damane we ye meye na mane a te da seiyaunue peu si te si te?nemane nepe te na a te na we metere na mane a te dua seiyinende?³¹Damane we tetero yei seraibrabra da karunia karunia detere te mete na te da wurende pepoi dambere da wei wa te poi warende.de ye we na damba ne nou te ne yeko te ne a te nemena nipi te pepoi da kiritemepine we ye nemane da yereu te da poi warende.

Chapter 13(Da kena bise)

¹De ye a te da seiyane da tetero yei ne na peu dambere nemane malaikat seraibra nena peu dambere,da kena bise waro ambainya,de pe da ye de na a te seiyane ne nemei waputeka seiyane a kurung bei ye waru.²Damane de ye da karunia te arombuka nemane da sasyaisi te meye dua aroupuka nepe te nemeiyumbuka dei mendo ne eiyo ne werai,de ye da meko si te si te na baya su wa na te na saripipei eipei,damane de dei wa na da kena bise ambai keipeinya,de beamane bea sa te mekotepine.³De ye sasyaisi te meye waisyame munu sa te tetero yei te da atame ne na damba,de dei wa te da iteme sing damba enaintinie dekene,damane da kena bise ambainya,de nemei da waputeka derane wera.⁴Da kena bise te na merase bete kena teme tere ye,da kena bise yembe ekri ambainya,wei wa ne detere yare te na ambai,akau kake ambainya,⁵Kembari peko nare nare mena te na mekoipeinya,wei wa bei te na nemane wereipeinya,a te arma tere na seiyinipei,tetero yei si kna peko te na seiyinipeinya,⁶Kou kari te na nou keipeinya te na we dereinipeinya,nederaitie kou kari nou ru na te da deremane.⁷Da kena bise ne ye sasyaisi te nou nue neme da tepene,sasyaisi te da nemeiyine,sasyaisi te dewa da oru ne kero ne,merase bete sasyaisi te meye wasi neme.⁸Da kena bise ambainya oripipei.nemane nubuat waro ambai dua da orumbine,aru roh dambere na peu nepe te po ye da tenaimbine wande mendo eiyo karo pepoi ne pe ye teme ye orunaipine.⁹Tetero yei ena mendo eiyo metere pepoi te na ambai,e na nubuat yeko waro nemane nou re na ambai.¹⁰Nou ru na dewa da mane na,nou keipeinya bai pa dua da ne na teme ye da orunaipine.¹¹De ye yei derou mane de na a te yei derou mane seiyane,de na mendo yei neku newai mane da mekane wera.nepereinya de ye tetero detere wa te da dua orupuka,yei derou mena te ne ne kwa na waripei.¹²Neperei damane e seraibra e na dou te da tate seroming pa da tete da dou base base mane eiyei wa pa tate,nederaitie e seraibra dou te da temapine eiyei be te wa te nekwa dewa da menai beye beye birima.nepereinya nepe te na e seraibra mendo te da mekomane,de ye nepe te nai pepoi tere na arombipei nemeiyimbipei,nederaitie de ye da ne kwa da arotembinie,nemane deraitie de te ne ye dua da araitipiki da wera.¹³Nepereinya a yeko waro naming serei nou ne da kenai warenai,iman waro mendo eiyo karo ne,arombuka nemeiyumbuka,wande da kena bise pere;nederaitie metere detere tere te na da kena bise neye da keu.

Chapter 14(Nubuat a waro pere peu dambe na a pere)

¹Da kena bise te da nou nue neme da dirinensinde ende tepereinya dambere karunia Aru Roh ne te da,metere te na we ye a te nubuat te seiyinende.²Nemane simi ye Aru Roh ne na a te seiyinene da tetero yei nena damba na ambai,nederaitie Awa mang tetero ne na damba na a te da seiyunue;tetero yei ne a te na aroipei,neye a te da sanumue ye ne di ne keu na a waro te Aru Roh ne na dambere da.³Damane tetero yei a te nubuat ne tetero yei si kna damba a te da saneneme kembari te mekonai dua dew da a te sanenaimie yau kena kari kou kari ne.⁴Tetero yei a te seiyainie aru roh kna dambere ne nei wa pa na te da seiyainie,nemane tetero yei a te da nubuat ne waro ne warenainya jemaat yau na dero na te da kopirainie.⁵De ye derane we seraibra meye aru roh dambere a te da seiyinende,nemane we ye a te nubuat ne da seiyinende.tetero yei a te nubuat ne seiyinene ne na detere kaso pere na damane tetero yei a te seiyinene aru roh ne na dambere neye a te kiya pa seiyinene jemaat yau na dero na seraibrabra meye na mane aronaimbinie.⁶Do keka yei meke,de ye we seraibra kwa mete a te da saneteme aru roh ne na dambere,ne na pepoi te na ambai,de ye a te seiyitene we na damba Awa mang tetero ne na a sena yeko mendo eiyo karo ne,nubuat a waro,bei a te kiriteme?⁷Sasyaisi metere aru wa nuru ambainya sa,suling tiyo tiyo kurung bei kecapi sa kengkang ne na kurung waru na bei te da betane te nemane ne na kurung a semo dimi semo te na dinipeinya,beamane tetero yei ne te aronaimbine?⁸Toni kurung da trompet ne na kurung nare nare mena simbiyang pera keme te merembine pera damba da mana?⁹Nemane we seraibra aru roh ne na dambere a te da seiyaunue ne a te na we aroipei nemeipei beamane tetero yei damane ne a te da ne ye aronaimbine?nederaitie we ye a te seiyaunue aru seku na pa.¹⁰Da yo kani dambe na peu na a tereng dopre peu si si nyeinie nyeinie da seiyainie.¹¹De ye ne a te na aroipei nemeipei,de ye nou si re na tetero mane ne na nero ne da wera a te da beta nemane da a te da sanumue na tetero nou si re na tetero mane ne na nero ne da wera a te da beta nemane da a te sanumue na tetero nou si re na tetero mane e seraibra kna nero ne waru aroipei a te da sanumue.¹²We seraibra nemane,we ye derau nue Aru Roh neye we na damba da mane,damane ne dambere warende jemaat yau na dero na te nebei pa da beiyinde.¹³Nemane sa te tetero yei a te seiyinene aru roh dambere nemena a waro te da a kiya tere da seiyinene saneneme.¹⁴De ye mendo kembari te da meka ne aru roh dambere,de dei aru roh mendo kembari te da mekou,de na mendo eiyo nemena kembari te na mekoipei.¹⁵Damena de ye beasa te mekote?de ye mendo kembari te aru roh dambere mekote nemane de ye mendo kembari te de dei mendo ne eiyo ne mekote.de ye dimi semo te da dima de na aru roh dambere wande deye dimi semo te dima da mendo eiyo ne da.¹⁶We seraibra wei aru roh dambere pepoi a te da meranu,beamane tetero yei aronembine damena a waro te da karunia doipei da waru,a te da mane da donembine teperei tere amin.damane ne ye aroipeinya a te da we ye aru roh dambere da seiyaunue?¹⁷We seraibra we na a te meranuna sepo a kurung da waru,nemane tetero yei si derou we na a te na aroipei nemeipei.¹⁸Awa mang tetero ne na damba de ye pepoi a te da merane nemane de ye aru roh ne na dambere a te da seiyane mende bete yare bete da we meye na nero ne.¹⁹Damane jemaat yau na dero na nero ne de ye a te da seiyitene a waro meka subei tere na a te da aronaimbine si kna damba da sanenaimie damane a waro siri si damba si damba akurung aru roh ne na dambere.²⁰Do keka yei meke we na mendo yei derou werainya mane da mekanue.damane yei saisyei mendo peko ne da werau,nederaitie we na mendo te na tetero detere mane mekonende!²¹Damane semo te da meraipiki a yeko hukum taurat nepe na kainya tetero ne nei peu si te seiyainima wande ne na emburu dambe ne,A-I nedo ne ye a te da saneteme da seraibrabra ne na damba,nederaitie ne yo seraibra A-I nedo ne na a te na betoipei,Firman Tuhan mang tetero.''Yesaya 28:11-12²²Nemane aru roh dambere na peu si si ne na nou yeko bete dua keu na tetero yei nemeiyimbipeinya te a te da kiraimie,tetero yei da a te dua da arambiki na te na ambai kirimipei,wande nubuat a waro tetero nemeiyimbipeinya te na ambai sanimipei,nederaitie tetero yei dua nemeiyambiki na pa da nai.²³Jemaat yau na dero na metere na mane kopirinembinde nou si beisika meye na mane aru roh dambere peu si te si te da seiyinende tetero ne a te da betonai ne nei a te na seiyinaine we na damba we seraibra mendo dua neraipiki?²⁴Damane nubuat a waro te sanemende wande tetero si derou nemeiyimbipeinya dewa da menai ne a waro te da betonai ne nei wa ne da tikanaipine.²⁵Nemane ne na kena ne da wimbine,apa oto butu ne nei wa te disinengkrone Awa mang tetero ne na damba pepoi a te da seiyinene,a te da sawene teprei tere na te seiyainie we na a te damane seiyaunu Awa mang tetero ne ye we na nero ne da keu.(Jemaat yau na dero na ne na yau nedo ne a karo bete bete)²⁶Do keka yei meke beamane mekoma?damena yau nero ne nyeinie nyeinie moi moi tetero si newai ne na mazmur,si newai a te kirineme,bei Awa mang tetero ne na a waro te seiyinene,bei karunia aru roh peu si te si te da seiyinaine nemane aru roh ne na a waro peu te da aronaimbine damane nederaitie metere na mane nebei ne kembari te yau ne da mekonai.²⁷Nemane aru roh ne na a waro te peu te seiyinaine tetero yei biserei pa naming serei pa na damane tetero bei bei ye a waro te a te seiyinaine wande tetero si ye ne a te kiya pa sanenaimie.²⁸Damena aru roh a waro te kiya pa na tetero metere na mane aroipeinya nemane ne nei wa burune a te seiyinene wande Awa mang tetero ne na damba a te da sanene ne.²⁹Nabi seraibra tetero biserei naming serei a te da seiyinaine wande si derou ne a te da tikainaine.³⁰Damane a yeko te da keronaipine tetero si newai apa ne nou pa dua ne na tetero mete a te seiyiyounu na yekai neme kene.³¹Nemane we meye da a te nubuat waro te seiyinende tetero bei bei a te seiyinaine nepe da aronde wake te da orunde.³²Nabi seraibra ne na aru roh nabi seraibra ne nei damba da.³³Nemane Awa mang tetero ne ye peko waro te na a seiyinipei nederaitie pepoi waro teme waro damba.³⁴Mire seraibra yau nero ne da jemaat yau na dero na nero ne a te na seiyinipei yekai neme kende,a yeko hukum taurat nepe ne semo kepei ne akurung kainya mane wei wa te da werau.³⁵Nemane damena a waro te mire ne nei mendo pa orunai pine kenainya,ne nei mie ne di ne do seraibra pere nemena a waro te da seiyinaine.³⁶Damane da a sena Firman Awa mang tetero ne na a yeko we seraibra kna re na?bei we kwa bei da a sena Firman dewa meke?³⁷Tetero si newai ne nei wa pa nabi te seiyinene bei rohani tetero karunia dambere waru na nemane ne ye aronembine damena a waro te de ye da semo kepei pa mereupuka we na damba na te Tuhan mang tetero ne na a kurung pepoi³⁸Tetero yei damena a waro te na aroipeinya ne te na nemane aroipei.³⁹Do deka yei meke de ye kena te kana,wei wa ne da derenende mende pepoi tere wa te warende damane nubuat a waro te seiyinende,wande tetero yei si te na a ye na masimipei a te na dereinipei kende a te da seiyinaine peu si te si te da aru roh ne na dambere da.⁴⁰Nemane meye na mane kembari metere mekonde na maru bete apa da disingkeronde we na wa te nemane da warende.

Chapter 15(Da injil yei Yesus Kristus te na a te sanumue)

¹Neperei do keka yei meke,de ye wete a te sename da injil ne na a yeko te we na damba da a te sename,we ye nepe te dua da dekau tepau ne dambere wei wa te suwe tere da tepende.²Damane ne injil we seraibra te pepoi damba,nemane we ye meka pepoi tere da ne te tepende da Firman a sena te we na damba da a te sename,damena a waro we seraibra nemeiyimbipeinya mane da werau.³De ye we te dua da saniyame,memetere te na da a sena te de ye da deka nedo Kristus teteupuku e seraibra kna peko te baya supuku a sena semo kepei kitab suci akurung kainya mane da,⁴A-I nedo ne te oru bu re eiyu pa da sei si ki,A-I nedo ne ye ya naming pa na yereu orupuku esua dua da yembuku a sena semo kepei kitab suci akurung kainya mane da.⁵A-I nedo ne ye ne nei wa te kefaswai te da wa te kiyambuku wande ne nei yau na dero na do sekro mekabi suna wau biserei.⁶Nemane nepere A-I nedo ne ye ne nei wa te tetero yei do keka yei meke lima ratus serei nemena ne yo seraibra tereng dopre yereu te neme da kai,mo serei bete ne ye dua da sou puku.⁷A-I nedo ne ye ne nei wa te Yakobuswai te da kiyambuku,wande rasul yau na dero na meye na mane da tiyainie.⁸Tupu te na de te da kiyatupuku ne na a yeko karo yei saisyei te da yase re maning se noipeinya mane da A-I nedo ne ye de te da nemane da kiyatupuku.⁹Damena de ye mere tere newai rasul seraibra yau na dero na nero ne wera dena wado ambai damane de ye yansi ne jemaat yau na dero na Awa mang tetero ne nei tetero yei seraibra te peko mekeyame.¹⁰Damane Awa mang tetero ne na anugerah dambere,de ye neperei de ye damane da wa te wera ne nei anugerah dambere meto pa na sikinsipei da damena de ye kembari te arma tere da mekote,de na wa do te na pe ambai,nederaitie Awa mang tetero ne nei anugerah dambere da wa te wera.¹¹Nemane sa te de ye wande ne yo seraibra nebeipa dewa da mema e seraibra kna dambere wande a te da kirimame we ye ne te da nemeiyinembinde.(E na yereu e na tete)¹²Damane Kristus ne na a te seiyainie yereu orupuku esua yembuku da tete dambere,beamane we ya a te seiyaunue e na yereu e na tete?¹³Nemane eiyei yereu pere eiyei tete pere ambainya pe da ye,Kristus nemane deraitie esua na yereu oripipei.¹⁴Kristus ne na yereu esua na yembipeinya,nemei peu te orumakerone e seraibra damena a te da sanemane wande we na iman mendo eiyo a waro te na nemeimbipei da kende.¹⁵Damena e seraibra nemei wepa tekete e na a te da seiyane te a peu peu mane da Awa mang tetero ne na wa damba e ye a te da sename te na Awa mang tetero ne ye ne do Kristus te esua awekene yereu ne kwa da orupuku waru damena a waro ne da karo te a te da seiyaine Kristus esua na yembipei.¹⁶Tetero yei no dua da souna esua na yembipeinya,nedo Kristus nemane esua na yembipei.¹⁷Damane nedo Kristus esua na yembipeinya,we na iman mendo eiyo a waro te na nemeimbipei we seraibra wei peko burune.¹⁸Nemane ne yo seraibra nedo Kristus ne na burune dua da sou you tete damba da kainya peko orunaipine.¹⁹Damane e seraibra e na mendo eiyo nedo Kristus ne na dambe ne damena da yereu beitie da yo dambe ne warema,e seraibra wera te na tetero yei nare nare mena te seiyaine da tetero meye na nero ne wera te.²⁰Nedo Kristus ne ye yereu orupuku esua dua da yembuku tetero dua sou na nero re yei yarise mane.²¹Nemane da tete waro tetero yei beisika ne na wa eiyu pa da meke,nemane deraitie tetero yei beisika kna wa eiyu re da yereu waro esua da i ne yembine yereu warene da tetero yei dua sou na nero re da.²²Nemane Adamai kna dambere da tetero yei meye dua da sone tete damba,nemane nedo Kristus ne na dambere da tetero yei meye na mane yereu da orunaipine esua da i nai yembine.²³Tetero yei nyeinie nyeinie bei bei ye da orunene;nedo Kristus ne ye yei yarise mane,nemane nepere nedo Kristus ne na burune dua da sou you tete damba kainya tetero yei nedo Kristus ne te da neme da tenai bu bi pa na te sero dia re da yo damba ne kwa dewa da mene na²⁴Damane da ne na tupu te na ya pa mene na,A-I nedo ne ye nemane dai dia dai meta kreu meta kerajaan Awa mang tetero ne na damba dua sarembine,wande A-I nedo ne ye da yo dambe na do sna sna te ne na a kirina te wake detere te teme tere da apa disinempine orlunempine.²⁵A-I nedo ne ye a kiri ne kate suwe ne da tepeneme Awa mang tetero ne ye da tetero yei yembe ekri seraibra te A-I nedo ne ye oto ye apa da nari ne.²⁶Damena yembe ekri waro song bero tetero yei te ete damba da serainya tupu tere te peko da orunaipine.²⁷Awa mang tetero ne ye da mekoupuku sasyaisi metere ne nei oto damba da.da sasyaisi metere ne ye apa da keroupuku ne a te da seiyaine,Awa mang tetero ne nei beitie ne nedo Kristus damba na apa na keroipipei.²⁸Nedo Kristus ne na oto damba sasyaisi te apa da keraipiki A-I nedo ne ye nemane yei yarise ne ye ne nei wa te apa dewa done mene Awa mang tetero ne na dambere nedo Kristus ne na oto damba apa da sensine nepere Awa mang tetero ne ye e tetero yei seraibrabra kna damba meye na te da keu.²⁹Damena ambainya ne yo seraibra bu te kereyaimie beamena kembari te da mekonai tetero no ye dua sou na damba na te da?nemane tetero yei no ye dua sou na yereu te esua na i yembipeinya,beasa te na te tetero no te bu te da kereyaumue?³⁰Damane e seraibra ei yei wa te da peko dambere da wera te?³¹do keka yei meke ya ne ya ne deye tete dambere da wera,de ye a te da sawupuka we seraibra kna damba na te da tepa,nedo yei Yesus Kristus ne na dambere da eiyei Tuhan mang tetero ne ne.³²Da tetero yei kna a waro mendo karo ne da tikamane bea sa te de ye da ne te meka pa dote pepoi mena sa bete damane serainya sa seko oto aprau na pere Efesus yo ne da derane te?tetero yei no dua sou na ne kwa na i yembipei,e seraibra dewa mende sa te bu te da anema damane wape ya te na e seraibra no ye dua da sone tete damba mana.''³³Nipi peko damba ende,yau nare nare mena we na pepoi tupu te peko damba.''³⁴mendo eiyo pepoi dambere ne kwa dewa da mende peko te na mekoipeinya we na nero ne tetero yei si derou Awa mang tetero te na aroipei.de ye damena a te da seiyane we seraibra wei paitia bure te da tikanende.(Wa te rohani waro ne esua da i nai yembine)³⁵Tetero yei a te da sirinai;beamane tetero yei esua i nai yembi ne?ne na wa beamane ne ye ne kwa dewa da menai?''³⁶We tetero yei aroipei!we ye asau na sa nangkeng yereu te ne kwa na da baripei,ne ye dua da ne kwa te tembine wande kani re da barunai.³⁷We ye asau na sa nangkeng ne na wa ma e re dambe ne na ambai,nederaitie nangkeng ne na e re ambainya gandum mane nangkeng kaso pere na.³⁸Awa mang tetero ne ye da wa te da atoumue ne nei mendo ne eiyo ne sa nangkeng moi moi ye ne nei wa eiyu re da dewa menai menai.³⁹Wa orung moi moi ye da kai,tetero yei wa orung,seka oto aprau na sa wa orung werai a we dero na wa orung werai,ka ne na wa orung dero ne da werai.⁴⁰Damane surga yo sena dia na wa pere da yo dambe na wa pere,nemane da surga yo sena dia na keme moi tere da keu na,da yo damba be na da keme pere na moi tere dane keu na.⁴¹Soning ne na keme moi ye,oko ne na keme moi ye meya seraibra ne na keme moi ye nemane meya si newai ne na keme moi moi ye si pere si pere.⁴²Nemane deraitie tetero yei no ye sou na ne kwa esua da i nai yembine.peko nero ne kani eiyupa dua kai,pepoi damba kani eiyu re dewa da mekai yereu te werai.⁴³Kani eiyu re peka nero re,yereu poi damba keme merembuku na pa da.kani eiyu re wake bai,yereu pepoi damba wei wake detere tere da.⁴⁴Kani eiyu pa da wa ma mane,yereu ne kwa da orupuku waru rohani wa.da wa ma pere aru roh rohani wa pere.⁴⁵Semo te meraipiki tetero yei mete na adam beisika na ne na wa nuru da yereu orupuku;Adam bi pa na tupu te na ne na aru roh da yereu te da ne ye atoumue.⁴⁶Damane da aru roh rohani waro metere te na mipei nepere nemane metere te na da wa ma ne ye tua tere da meke,wande wa nuru aru rohani wa ye meto sure da meke.⁴⁷Tetero yei mete na da yo dambere kani base kwang yi-yambei yi-dase yi Awa-nawa-yei da kani ne na wa do te da tarupuku.tetero yei bi pa na surga yo sena dia re na.⁴⁸Tetero yei kani base dambere na,ne na yereu nemane kani base dambere tetero yei surga sero dia re na,ne na yereu nemane surga sero dia re na.⁴⁹Nemane e seraibra da tetero yei wa te da mekoupuku kani base dambere nederaitie e seraibra nemane deraitie tetero yei wa nuru aru roh surga yo sena dia ne da.⁵⁰De ye wa te da a te sename,do keka yei meke,damane wa orung wa sa pere Awa mang tetero ne na dai dia dai meta kreu meta damba na eipei keipei.nemane deraitie peko orunaipina seraibra ne ye sero dia na nebei na keipei da.⁵¹De ye a te wena damba da sename,e seraibra meye na mane dua da so ne tete damba mane,e seraibra nederaitie kiya te da temane yereu damba,⁵²Nekurung bei eiyei dou dambe ne da mekombine tupu te na toni kurung da warene tetero yei no ye sou you tete damba dua kainya ne nei wa te esua da i nai yembine wande e seraibra metere yereu pepoi damba dua da mane.⁵³Tetero no peko dambere na ne nei wa te mayong pepoi te da titinaipine da yereu poi damba;nemane deraitie tete damba dua da sou na,ne nei wa te da mayong pepoi da titinaipine yerei poi da.⁵⁴Damane tetero peko no dua sou na tetero poi yereu ne na mayong te wa pa da dua da titinaipine,wande tete dambere ne nei wa te yereu damba,nemane da a yeko a sena Firman nou pa dua da meraipiki;tete waro te yereu waro ye dua da perembuku.''Yesaya25:8⁵⁵We tete we na yereu ambai?we kani mau wena peko nopene monounue keu?''Hosea 13:14⁵⁶Kani mau we na peko,wake detere peko dambere a yeko hukum taurat nepe.⁵⁷Nemane e seraibra Awa mang tetero ne na damba pepoi a te da meremane e seraibra damba yereu pepoi te da ikime yei Yesus Kristus ne na poi dambere eiyei Tuhan mang tetero.⁵⁸Nemena te da dei dokeka yei meke ne mendo eiyo beisika serei ka te na wei wa te suwe tere da tepende,bai pa na tipinsipei,Tuhan mang tetero ne na kembari te da pepoi tere da mekonde.damane we seraibra nepe te dua da arambuku we na wake baya teiyauna nemei apa na te na ambai erimbipei nemane nepere Tuhan mang tetero ne na damba.

Chapter 16(Ondung dera waro te yau na dero na te dia pa)

¹ondung dera waro te da kopirinainie tetero mro mro ne na damba,nemena kembari te da mekonde de ye da kiramena mane jemaat yau na dero na galatia ne kainya mane da.²Mete na ya ne minggu na,we nyeinie nyeinie we na dera te keronde tereng dopre nebei pa we ye dua ourau na mane da ne te nemeiyinde benende de ye dewa mete na ya na nebei pa da kopirinende.³De ye dewa mete na,de ye tetero te eritepine we na kena ne kainya mane da semo po te donai meka ne tepenai da ondung dera te Yerusalem dia pa.⁴Nemane nou keu na pe de ye tawe teme nebeinie dembere da warema.(Pauluswai ne na nipi te oto te dua ne na)⁵De ye we kwa dewa da ne kwa mete na damane makedonia yo nepere waretepine wande dewa da mete.⁶De ye Korintus yo ne we seraibra pere nepe ne ya mo serei warema pine de nepe ne kete damane ning serei pa dewa da meke we ye de te pepoi tere da dotende de na nipi te ne kwa dua warete na.⁷De ye nemane we te na dou teipei ne kwa serai beitie dua da te na peko bete mane da.de ye we seraibra pere ya mo serei dapene nebeinie nemane da Tuhan mang tetero ne ye wimbine.⁸De ye Efesus yo ne da kete neme pentakosta ya pa dewa mene,⁹Damena nou nue kete de na kembari te da mekote na pepoi waro te nemane tetero si kasopere a te baya serainya.¹⁰Neperei Timotiuswai ne ye dewa da mane na,ne ye endiki te na dekoi peinya we seraibra pere nebei nie Tuhan mang tetero ne na kembari te da ne ye mekone na pepoi mekone de ye meka na mane.¹¹Nemane tetero yei si ye ne te dou ye ke ye ke na teinipeinya.Timotiuswai ne te ne na nipi te pepoi tere da mekonembinde nemane wande ne kwa de kwa dewa da mene.de ye ne te da tate dewa mene do keka yei meke nero pa mane.¹²E na do keka ne do Apoloswai,de ye ne te da sima.we seraibra kwa dewa da mene do keka yei meke nero pa mene,nemane nipei dine keu.ne do Apoloswai dewa men na ya maning dine di neme keu na.(Poi a te tupu te na)¹³Sema te pepoi tere tepende!wei iman dambere suwe tere tepende we na wa te do seraibra mane da tepende wake te da kende.¹⁴We na da kembari te kena bise dambere da mekonde!¹⁵De ye we te da a te sename,do keka yei meke metere na mane.Stefanuswai ne na mie na yei mire meye memetere te akhaya ne pene,ne nei wa te tetero yei nero ne mro mro tere da wariyai,¹⁶Nemane we seraibra da tetero yei ne na wa nero ne da warende ne na kembari pepoi te mekainya dambere we na wa te da warende.¹⁷De ye kou kari ne da wera Stefanuswai we ye dewa meke,Fortunatuswai ne ye Akhaikuswai pere nemane sasyaisi te nou pa nau pa dua da mekoi piki we na nero ne.¹⁸Nemane ne ye da kiyoi dena aru roh te we na aru roh te pepoi waro pa da dekoi mekei.nemane sa te na te,da tetero yei te da pepoi tere da mekomende.¹⁹Jemaat seraibra yau na dero na we na damba poi a te senaimie,Akwilame pere Priskila me ne ye da poi a te da seiyine Tuhan mang tetero ne na wando ne wena damba,nebeinie jemaat yau na dero na ne nei mie nero ne.²⁰Do keka yei meke meye poi a te we te na te seiyainie poi a te da seiyinende tetero yei si pere si pere bete da birinde mro mro tere.²¹De Pauluswai da semo te de dei meka ne da mereupuka ne te damane da bende.²²Nemane tetero yei Tuhan mang tetero te na kena te na keipeinya,nepe da peko tere damba dua di ne na.Tuhan mang tetero we ye wera dewa mime!²³Anugerah Tuhan mang tetero yei Yesus ne na rena wembere da kende.²⁴De dei kena bise we seraibra te metere na mane kena te da derane yei Yesus Kristus ne na wa eiyu ne pepoi da kende.teperei Amin.

2 Corinthians

Chapter 1(Ne do Pauluswai poi a te sanumue)

¹De Pauluswai,rasul yau na dero na ne do Kristus Yesus ne na seraibra Awa mang tetero simi you wande Timotiuswai eiyei dokeka,jemaat yau na dero na Korintus yo ne kainya meye na mane tetero mro mro kudus metere Akhaya ne kainya.²Piyambai anugerah we na damba teme pepoi eiyei Awa mang tetero ne na re wande Tuhan mang tetero yei Yesus Kristus ne na re.(Pepoi waro Awa mang tetero ne na dambere)³Eiyei Awa mang tetero ne ye Tuhan mang tetero yei Yesus Kristus,Awa ne na kena bise wande Awa mang tetero ne na pepoi teme waro e na damba,⁴Damena pepoi teme waro e na damba waru peko nero re e nemane deraitie ne yo seraibra te peko nero ne pepoi teme waro e na re oura te Awa mang tetero ne na dambere da waru.⁵Eiyei yereu nero ne peko pepoi Kristus ne na o se e na wa nero ne,nemane deraitie pepoi teme waro Kristus ne na dambere e seraibra kna damba.⁶E seraibra peko pepoi te tikamane,nemena karo ne pepoi teme we na damba da mene.e seraibra te pepoi teme waro pa e na kembari te nou nue neme da tepa te damena peko pepoi nero re.⁷E seraibra kna mendo eiyo we seraibra kna damba suwe tere da tepa te nemane de ye arambiki te we seraibra de na peko pepoi te da tikanu,nemane deraitie we ye de na pepoi teme waro pa dewa da mekau.⁸Do keka yei meke de ye damane derane te we ye aronembinde da peko pepoi de ye Asia ne da tikane te.de seraibra o se dopre na te tikane te wake bai oura te yereu te neme kate.⁹De ye tete damba de na mendo ne eiyo ne de dei wa pa na mendo ambai,nederaitie Awa mang tetero ne ye tetero no te a te simine ne kwa e sua inai yembine.¹⁰A-I nedo ne ye de te tete dambere baya amupuku pepoi teme damba da ne na damba mendo werai A-I ne do ne ye e seraibra te pepoi teme damba.¹¹We ye de te meka poi atomende we na mendo kembari waro ne kaso pere poi a te merenaimie de seraibra kna wa do ne nemane kena bise waro ne e na damba nedo kembari te da tetero yei tereng dopre mekainie.(Pauluswai ne na oto waru na a waro)¹²E seraibra akau mane sisan te,e na a waro kena ne disa te e da yo dambene yereu te wera te,we seraibra kna damba teme mro mro Awa mang tetero ne na re da yo dambe na mendo eiyoi ambai,Awa mang tetero ne nei anugerah dambere.¹³de ye a waro si te na semo te na we kwa na mereipei damena a kurung we ye dua da araunu.de ye ara ne damena a waro we ye dua da araunu nemeiyaunue,¹⁴Nemane we ye araunu de kate na damba,de seraibra we na a kau te ne dambene sisaunue we seraibra nemane de na akau te da sisane te,we te pepoi damba tupu te na ya Tuhan mang tetero yei Yesus ne ye dewa mene.¹⁵Damena mendo ne eiyo ne,de ye we na nou pa tua tere da meka nemane we ye pepoi waro pa anugerah teme damba ende.¹⁶De ye derane we te da dou tetempine de na oto te neme dua da makedonia pa te na wande we kwa dewa da mete makedonia re wande we ye de te wake po te se sinde dena oto te na kwa Yudea pa te na.¹⁷Nemane sa te na te,de ye dua dewa tuka damena nipi te dua da te na? bei de ye da yo dambe na a waro ne a yeko ne dembere ne beinie tomakrone,''ne ne ambai?¹⁸Awa mang tetero ne ye da nou nue neme da keu,de ye we na damba a te sename ne ne wande ambai''.¹⁹Awa mang tetero ne na yei Yesus Kristus ne te we na nero ne de ye a te da sename te,de ye Pauluswai,Silaswai,Timotiuswai nemena a waro ne ne ambai,nederaitie ne ne A-I ne do ne na wa eiyu ne.²⁰Awa mang tetero ne na a sena yeko ne ne ne do Kristus ne na dambere.A-I ne do ne na dambere e seraibra a te da wika te seiyane te,teperei amin de Awa mang tetero ne na keme merembuku na damba.²¹Awa mang tetero ne ye da de te we te ne do yei Yesus Kristus ne na dambere ne bei pa meye na mane meka pare tepume,²²E na damba Aru Roh ayo mire te ikime e na kena ne sema te da tepeu na.²³De ye kari te sima Awa mang tetero ne na wa ye ne dei wa nuru we na wa nero ne wera de ne kwa na Korintus pa na mipei.²⁴De seraibra a kiri ne tepa te we na mendo eiyo damba,de na kembari wembere nebeinie kou kari kena kari nemane we seraibra kna mendo eiyo we seraibra e su ne suwe tepau.

Chapter 2

¹Nemane de ye dua da tikapuka de dei wa ne de ye we kwa na mipei da we na kena ne peko mane tikaiye ne.²De ye we te peko mane we na kena te saretepinie,simi ye de na wa te kena kari damba,nemane ne te de ye peko mane dua mekombuku?³De ye semo te mereupuka,de ye damane da mekoupuka,de ye ne kwa dewa mete na,de ye da ne yo seraibra kna mendo peko bete mena ambai damane kou kari kena kari ne.de na mendo ne eiyo ne werai we seraibra metere de na kou kari kena kari we na damba.⁴De ye da semo te we na damba mereya kena ne peko bete mane,dou bu nero ne we ye kena tikanende,we seraibra damane aronembinde da kena bise de na wa ne keu na nemane deraitie we te na te da.(Peko te mekainya te teme poi a te ne na damba)⁵Tetero yei si derou kena ne peko mane atonaipine,de na wa pa na te na ambai,nemane ne nei serei bete ne wande de ye ne kwa na kasopere na we damba na ambai.⁶Damena tetero yei te na,we seraibra kna nero re na a te sawembinde ne na damba seiyinende.⁷Nepe na ye we seraibra ne tetero yei te ne na kena te dewa da yeponde birimende damena kena te peko mane da mekonai.⁸De ye we te susame we na kena bise te ne na damba sesinde.⁹De ye nemena semo te da we kwa mereupuka,deye aro tembine damena a yeko waro we seraibra nepe te nou nue da tawekanu werau sasyaisi nero ne.¹⁰Tetero yei si newai te we seraibra ne te pepoi teme damba,de ye ne te pepoi teme damba nepe te seiyane.de ye pepoi teme te seiyane nemane de ye pepoi teme te seiyitene,de ye nemena kembari te da meka we na damba nedo Kristus ne na bekounue.¹¹Nederaitie,sekai Iblis ne na damba na kembari te na e seraibra mekoipei damane e na wa te na dua da arambikite.(Pauluswai ne na wa ne peko pepoi te tikaunue)¹²De ye Troas pa meka a sena Injil Kristus te a te sane teme na te wande numburu te tiyasiki de te na te Tuhan mang tetero ne na burune,¹³De na aru roh waro pepoi mena bete ambai nemane Tituswai te na dou teipei,de dei do keka.de ye a te da sename ne yo seraibra kna pa seiyane damane Makedonia pa dua da te.¹⁴Awa mang tetero ne na damba poi a te da merane e seraibra te bekou pa pepoi damba nedo nepe Kristus ne na dambe ne damena a waro te da kurumue A-I nedo ne na a yeko te e seraibra kna dambere nou sipa sipa da eiyei wa ye warema.¹⁵E seraibra nedo Kristus ne na wambo burumue Awa mang tetero ne na nero ne ne seraibra te pepoi teme damba damane ne seraibra si derou peko damba.¹⁶E seraibar tetero yei koso pere tete perlo arunue damane tete damba na te,si derou yereu perlo arunue yereu pepoi damba dua da nai.simi ye suwe neme tepe ne damena a waro te na?¹⁷E seraibra nemena pe ambai tetero yei kaso pere na nero ne si derou Awa mang tetero ne na a sena Firman te nai smo smo te da mekai nedo Kristus ne na buruna e seraibra da a te Awa mang tetero ne na bekoune kena ne mro mro tere seiyimane,nemane Awa mang tetero ne na a sena waro na seraibrabra pere nebeinie.

Chapter 3(Awa mang tetero ne nei a sena kembari tetero yei)

¹Da seraibra beamane de dei wa te pepoi te seiyimane? bei tetero si derou werainya mane,de seraibra semo te we te kirimame bei we na re de kwa?²We dena semo ne ye da werau,de na kena pa dua da meraipiki,nepe te dua da arambiki,tetero meye na mane nepe te da bei.³We seraibra nepe te da kiraumue we seraibra nedo Kristus ne nei semo te de ye a te da sename te,da semo tinta base na mereipipei,nederaiti Aru Roh Awa mang tetero ne na yereu dambere,oru damba na mereipei,nederaitie tetero yei ne na kena mie deko pa mereupuku.⁴Damena mendo ne eiyo ne de ye Awa mang tetero ne na damba nedo Kristus ne na re da.⁵Nemane de ye damane de dei wa bei ye na ambai tere,sasyaisi metere de ye derane te wake detere nepe Awa mang tetero ne na re da waru,⁶De seraibra te wake te atoumue a waro kembari nepereinya ne ne,semo kepeinya a waro ambai,nederaitie Aru Roh ayo mire.semo kepeinya a waro no dua tetembine,nemane Aru Roh a yo mire yereu te neme da kene.(Aru Roh a yo mire keme merembuku de tere)⁷Damena a waro kembari tete damba mana,nemane da semo te oru pa da meraipiki Awa mang tetero ne ye dewa da mene ne na keme te da merembuku,Israel seraibrabra ne do Musawai ne na be te wa te na dou teipei nemane keme burune da meke,⁸Aru Roh ayo mire ne na keme merembuku na de tere tere e na damba keu na?⁹Damena a waro kembari peko damba ne na keme te da merembuku,nemane a waro kembari nou ru na ne na keme de tere tere da merembuku keu na.¹⁰Teperei tere na te da seiyainie,yansi ne pepoi a te da seiyiyaine nepe da pepoi tere dua da orupuku keu.¹¹Damane base base tupu ne na keme merenembine mene kene,nemane deraitie nou nue neme se na te kene mene na ne na keme eiyu ne dua da merembuku keu.¹²Damena a waro te da kate de seraibra endiki te na dekoipei,¹³De seraibra ne do Musawai mena pe ambai,mayong be te wa te perembine nepere Israel yei bra dou na tenipei kiya waro erembuku na pa.¹⁴Damane ne na mendo pepoi mena doipei a sena yeko yansi na te da ne te benainya poi na aroipei da werai,nemena mayong pare be te da perenembine ne do Kristus ne na re da ne mayong pare te bai pa done.¹⁵Nemane nepere da ya pa da meke,ne do Musawai kna semo kepei te da benaipinie,ne mayong pare ne yo seraibra te ma neko a neko mane ne na kena te tinaipine.¹⁶Nemane tetero yei ne na kena te Tuhan mang tetero ne na damba ne mayong pare bai pa dua da kiranembine erinembine apa.¹⁷Tuhan mang tetero ne na burune Aru Roh ayo mire keu na nemane Aru Roh ayo mire Tuhan mang tetero ne ye Awa mang tetero ne ye keu na nou nue teme wara pepoi dambe ne da.¹⁸E seraibra metere na mane Tuhan mang tetero ne na keme te e na wa pa da merembuka e seraibra nemane mayong be pare te na titipei Tuhan mang tetero ne na keme merembuku na Aru Roh ayo mire ne na dambere e seraibrabra te meye na mane Awa mang tetero ne na wa te da merembuku nemane da wera te.

Chapter 4(Pauluswai ne na a kembari te deko tepu)

¹Nemane sa te na te,e seraibra Awa mang tetero ne na pepoi teme dambere damena kembari nero ne da wera te.e seraibra e na kena ne nou nue neme da wera te.²E seraibra ye ne kainya a waro paitiabure mane mekai ne nero na wa te na waripei,nemane Awa mang tetero ne na a sena Firman a peu peu te na wapipei,nederaitie nou rue tepereinya dambere,e seraibra eiyei wa te bekou pa da kira te tetero yei ne na kena ne mendo warenai Awa mang tetero ne na wa tou nue bekou ne.³Damane e na Injil a sena kiya te apa da peremambine kene,ne Injil a sena kiya ye ne neme kene ne yo seraibra peko tere orunaipine,⁴Nemane tetero yei seraibrabra maning nemei yimbipeinya aroipei werai,ne na mendo da yo dambena peko pepoi dua da tiyapiki,damane ne yo serai bra dou teipei da werai kiya de tere keme merembuku Injil kiya ne do Kristus ne na nemane Awa mang tetero ne na wa te da merembuku.⁵E seraibra nemane eiyei wa te na a te na seiyinipei,nederaitie yei Yesus Kristus Tuhan mang tetero wande nemane e seraibra ne do yei Yesus ne na a kembari te da meka te we seraibra kna damba da.⁶Awa mang tetero ne na a sena Firman te da a te seiyunue,kiya mene kene a kepe kepe a neko bai pa dua da ne na te kiya e seraibra kna kena ne da kene ne a te kiya detere keme merembuku.⁷Damena sasyaisi e seraibra kna wa burune kani eiyu ne da nemane wake detere Awa mang tetero ne na re da mene na,e seraibra kna re na ambai.⁸E seraibra te peko pepoi mekaimie,nemane meto pa na sikinsipei da wera te e seraibra mendo pro pro mane oura te nemane kena suwe tere da tepa te nou nue da.⁹E seraibra te peko pepoi mekaimie e bei na waripei.e seraibra te bai pa damane da susaimie nemane peko damba na eipei.¹⁰E seraibra ne do yei Yesus ne na a kurung tete waro te e na wa eiyune deka te wera te nepere nemane ne do yei Yesus ne na kiya yereu waro e na wa eiyu ne kiya tere da erenembine.¹¹E seraibra e na yereu wera te na te tete damba da susaimie ne do yei Yesus tan te nepere nemane yei Yesus ne na yereu kiya poi eiyei wa eiyu ne da erenembine.¹²Nemane tete waro de seraibra kna wa eiyu ne ne na kembari te da mekou,nemane deraiti yereu waro ne na kembari kiya tere da we seraibra kna nero ne.¹³E seraibra nemena mendo eiyo bei aru roh dambere,semo kepei ne da a waro te meraipiki,de ye nepe te da nemeiyumbuka arombuka ne a te da seiyane da sename,e seraibra nemane dua da nemeiyambiki te arambiki te nemane da ne a waro ne te da seiyane te da sename te.¹⁴E seraibra dua da arambiki te Awa mang tetero ne ye da yei Yesus ne te e sua awekene yereu ne kwa orupuku nemane e seraibra te e sua aweneme yereu te da warema ne bei ne ne do yei Yesus pere wande de seraibra we seraibra pere ne bei ne Awa mang tetero ne na bekou nue wa tou ne da warema.¹⁵Nemane damena a waro me ye da we seraibra tan te kou kari kena kari ne tetero yei meye na damba nepe te nemeiyimambine aronembine damane pepoi teme a te da merenainie Awa mang tetero ne na keme detere merembuku na damba.(Da yereu mendo eiyo dambere)¹⁶E seraibra kna kena te na tipinsipei damena a waro ne da.damane e serai bra kna wa ma peko pepoi nero ne,nemane deraitie e seraibra kna wa nuru te yane yane pepoi teme kiya damba.¹⁷Damane peko pepoi mere tere ne wai neperei e ye da tikante kiya e na wa eiyu ne kembari te da mekone ne na keme detere merembuku na damba nemambei kene mene e seraibrabra yereu teme tere poi damba.¹⁸Dou ye tamete na sasyaisi e seraibra ne pa na dou teipei,nederaitie ye ne keu na sasyaisi pa dou te da ne pa da derane te.nemane dou tamete na sasyaisi nemei da kenai ne kwa ambai dua da orunaipine,nederaitie dou teipeinya sasyaisi sena te nemambei nou nue neme da kenai mene.

Chapter 5

¹E seraibra arambiki te ena mayong pare da yo dambe na baya dingkerenaipine na e seraibra kna mie Awa mang tetero ne ye dua da mereupuku sero dia ne da tepeu na,da tetero yei kna meka smo mereipipei ambai.²E seraibra damena mayong pare burune kate,e na wa bei ye da derane te nemane e na nou pepoi sero dia ne da.³Nemane ne mayong pare te eiyei wa pa dua da titimapine e seraibra wa kiya na waripei.⁴E seraibra damane da mayong pare burune wera te,e na o se dopre wa ne da tikane te e ye derane te na wa kiya mayong neme ambai yansi na wa ne kwa yereu dua da orupuku da waru.⁵Nederaitie Awa mang tetero ne ye nemena kembari te da mekouna e seraibra kna damba Aru Roh ayo mire te dewa da tambuku meke e na yereu nero ne e seraibra pere ne beinie.⁶Nepe te e seraibra e na kena te nou nue da suwe tepema e na yereu da yo damena wa wera te na ne do Tuhan mang tetero te na aroipei bai tere ne moi da wera te.⁷E na yereu wera te na nepe te dua da nemeiyambiki te arambiki te nemane nemena yereu waro te na dou na tenipei da.⁸Nederaitie e na kena suwe tere da tepa te eiyei wa te da wa ma burune Tuhan mang tetero ne na wa eiyu pa e na wa te da semasine kene mene.⁹Damane e seraibra da derane te da yereu te da wa ma burune warema nemane da yereu te da wa ma te bai pa baya amambine kene na metere e seraibra Tuhan mang tetero ne nei wa eiyu ne.¹⁰Nemane e seraibra meye na mane ne do Kristus ne na bekou nue tetero yei meye ne nei wa ne kembari metere dua da mekeyainya te,a te da sawenai nepe nemane pepoi te bei peko te mekeyai.(Awa mang tetero ne nei a kembari na teme ye da mene)¹¹E ye arambiki te Tuhan mang tetero te da endiki te dekomane,damena a te da tetero yei si te da sename te Awa mang tetero ne na kena bise e seraibra kna dambe ne da keu nemane de ye da derane we seraibra we na kena eiyu na kiya waro ne da kene.¹²Damane e seraibra eiyei wa te akau te sisi mane we seraibra kna damba,nemane de seraibra we na damba da a waro te sisame te de na wa damba poi te seiyinende.nemane nepere we ye da a waro te aronembinde wande ne yo seraibra kna damba damane da yo dambe na a waro te buna pa da si sainie ne nei kena eiyuna ambai da a waro yereu tupu keipei.¹³Damane de dei wa te na suweipipei wera te na ne a kembari waro metere Awa mang tetero ne na ne di ne keu na.nemane de na wa te dua suwemapina ne a waro da kembari te we seraibra kna damba na te da.¹⁴Ne do Kristus ne na kena bise de seraibra kna wa eiyu ne da keu deye a te da seiyane te tetero yei beisika tere tetembine na nepe da tetero yei meye na te da wande nemane ne yo seraibrabra meye tete damba dua da nai.¹⁵Ne do Kristus ne ye teteupuku da tetero yei te meye na te da.nemane da tetero yei da yereu ne nei wa bei tena waripei,nederaitie ne do Kristus ne na dambe ne ne kwa e sua inai yembine.¹⁶Damane neperei e seraibra da tetero yei te dou da tane te da wa ma karo ne da,nederaitie nepereinya e seraibra ne do Kristus ne te da pepoi tere da aromambine nemeiyimambine.¹⁷Simi ye da do Kristus ne na wa eiyu ne kene na ne tetero yei pepoi tere neme mane dua da orupuku wa te da waru.yereu karo yansi na ambai dua orupuku,yereu karo neme nepereinya dewa da meke.¹⁸A yeko waro metere Awa mang tetero ne na re na,pepoi teme e tetero yei seraibrabra dame te Awa mang tetero ne nei wa ye poi waro te damane da mekoupuku ne do Kristus ne na dambere e tetero yei seraibrabra pepoi doma te teme dambere da yereu te warema.¹⁹Damane yei Yesus Kristus ne na dambere Awa mang tetero ne ye da yo damba pepoi teme te da deko meke Awa mang tetero ne nei wa eiyu ne da mekoupuku e na peko te na bembipei.Awa mang tetero ne ye e seraibrabra damba nepe te nemeiyumpuku aromupuku pepoi teme te da e seraibra kna damba.²⁰Nemane e seraibra wera te na ne do Kristus ne na a yaro seraibra.Awa mang tetero ne na kari te da sumu e seraibra damba damane de seraibra da a waro te da sename te we seraibra damba ne do Kristus ne na dambere,wei wa te da dewa atonde mende metere Awa mang tetero ne na bekounue pepoi teme ye da warema.²¹Da do Kristus A-I nedo ne ye e da tetero yei kna peko te na aroipei nemeipei nemane ne peko te dua da deko e na dambere nepere nemane e seraibrabra te pepoi teme dambere da yereu te Awa mang tetero ne na dambere da do Kristus A-I ne do ne na wa burune.

Chapter 6(Pauluswai a kembari nero ne da waru)

¹Nemena na te da a kembari do bra meye de ye we te a te da sename te damane we ye wapentende da a waro Awa mang tetero ne na kena bise karunia waro we ye dua da dekau tepau ne kwa bai pa baya da serau.²Damane Awa mang tetero ne na a sena Firman a kurung;nemane Awa mang tetero ne na kena ne da keu,Awa mang tetero ne ye e seraibra te e na damba a kurung pepoi te da betoma,nemane ne ya pa da mene na Awa mang tetero ne ye e seraibra te pepoi teme damba,Awa mang tetero ne na wa tou nue e seraibrabra metere poi da warema teperei tere da ya na ya pepoi nepe kou kari kena kari,tepereitere da ya na e ye meye pepoi teme damba da mana.³Damane a karo ne e seraibra tetero yei si te na bai pa baya na sisimipei eipei,nemane da e seraibra kna damba da a waro a kembari a peko mane sanenaimie.⁴Nemane deraitie da kembari karo ne e seraibra e na wa ne da kira te Awa mang tetero ne nei a kembari te meka te damane peko pepoi nero ne da nou nue neme da wera te,wa te neraimie,wa te peraimie,⁵Wa te meka tutaimie,wa te tu ere eiyu pa da tiyaimie,wa te diwa dewa sisaimie wa te wake bai da oura te,wa no ipei yuku tenoipei,yase munu suwe ne da wera te,⁶De kena mro mro tere,de na mendo eiyo,nepe te merase bete da,de na kena te apa da sesuka tenou,Aru Roh Kudus ayo mire ne na burune,de na kena bise nou ru na,⁷A kurung a waro tepereinya nou ru na,wande Awa mang tetero ne na wake de tere tere da Injil a sena perai te na mane bekou ne da tepene e na watou nue sua sua da kene,⁸De te da seso ye tipaimie,de te a ye mouraimie peko tere,de te wa te tikaimie de te poi a te da senaimie,de te senaimie a peu peu te da wepau,nepere nemane de te pepoi tere da nemeiyaimipiki araimipiki.⁹De te da aroipeinya tetero te na mane nemane pepoi tere de te da araimipiki tetero yei ne pe,dua da sou na tetero yei tete damba ma teperei e seraibra da yereu te neme da wera te,e tetero yei te bai pa baya damane kunduraimie si saimie nemane de te no te na titipei.¹⁰Kou kari kena kari ambainya tetero yei,nemane de na kou kari kena kari pepoi tere,sasyaisi ambainya tetero yei damane tetero yei si kna damba sasyaisi te meye da atamete,da sasyaisi de na ambainya mane da wera te damane meka bei ye.¹¹We tetero yei Korintus yo ne kau na! de ye a te sename te we na damba da de na kena ne da keu na nepe te kura dopre we na damba da tepa te nape te donde.¹²We seraibra damane de seraibra te na kena te da derau nue,nemane deraitie de seraibra damane we seraibra kna kena na ambai tere keipei da werau¹³Damane neperei dua dewa da tikama nemane de ye a te da sename de dei yei bra kna damba seiyane.we na kena te kou te baya kura tere da tumbinde(A waro peko me na we na nero ne kene)¹⁴Damane we ye ne bei pa na derei keroipei nemane tetero yei seraibra nemeiyimbipei arombipeinya pere da.nemane bea mena yau ne ne bei pa da dere kruko pepoi tepereinya a waro pere peko tere waro pere.nemane deraitie ne bei pa na dereikeroipei damena kiya waro pere a neko a kepe kepe pere?¹⁵Beamena a karo ne ne do Kristus ne ye ne bei ne ne do Belial pere? beamena a waro ne tetero yei dua arambiki nemeiyambiki na pere da tetero yei maning aroipei nemeipeinya pere?¹⁶Beamane bait Allah Awa mang tetero ne na yau mie nemane da ongko mie meka smo na do sna sna pere na ne bei pa dua dereikriko? nederaitie e seraibra Bait Allah Awa mang tetero ne na yau mie detere e na yereu da a sena firman Awa mang tetero ne na a sena Awa mang tetero e seraibra pere ne bei ne e seraibra kna nero ne Awa mang tetero ne nei meka semo na nu wera te.''Imamat 26:11-12¹⁷''Damane sa te we seraibra bai pa baya dewa da mende ne na nero re wei wa te bai pa ne na wa nero re baya dewa mende Tuhan mang tetero ne na a sena Firman a kurung seiyunue,ne na sasyaisi te na oripeinya peko tere nepere nemane wande Awa mang tetero ne ye e seraibra te meka damba pepoi atoneme.''Yesaya 52:11¹⁸''Awa mang tetero ne ye eiyei Awa mang tetero ne ne e na Awa mane da e na nero ne kene Awa ne nei yei do bra nemane Awa ne nei yei mire bra damane Tuhan mang tetero ne na a sena Firman a te da sanumue seiyunue,ne na wake de tere yang Maha kuasa.2 samuel 7:14;7:8

Chapter 7

¹De dei do keka yei meke de ye kena te kana,e seraibra nemena a yeko te da tepa te pepoi tere,e seraibra eiyei wa te mro mro tere da wa ma waro wa nuru waro,nemane wande eiyei wa te pepoi teme mro mro dambere Awa mang tetero ne na damba dekoi dekoi waro ne.(Dado Pauluswai ne na kou kari kena kari)²De seraibra te nemane we seraibra kena te da derenende.de seraibra wera te na tetero yei si beisika te na peko waro te na mekoipei nemane tetero yei si newai te bai pa baya sekambiki te moi ye da waru,damane tetero yei si newai ne na ware de serai bra sasyaisi te oura te.³De ye damena a te da sename seiyane we na damba a peko mena seiyinipei,nederaitie wapene a te dua da seiyumbuka nemane we seraibra de ye de seraibra kena te da derane te meye na mane yereu tete waro nipi beisika.⁴De ye a kiya te we te da sename nemane de ye we na damba pepoi a te da seiyane.de seraibra kna peko pepoi tikante na dambere de na kou kari kena kari te damane da de tere tere da derane.⁵Damane de ye Makedonia pa dewa da meka.te de ye de dei wa te na aroipei wa sisi mane.de seraibra pepoi peko te da tikante damane nou sire sire da bainya su re na a prapra mane da derane te a bei beitie damane da tita te wande eiyu su re na endiki mane deka te.⁶Nederaiti nemane da eiyei Awa mang tetero ne na yau nero ne tetero yei ne na kena te apa dintene kou kari ne kena kari ne Tituswai te dewa da deko ne meke e seraibra nero pa da meke.⁷Nemane ne do Tituswai ne na wa te dewa da meke,yau kena kari de tere we na burune damane ne do Tituswai de seraibra kna damba a te da sanumue we seraibra kna wa ne da tikaunue kena te da deraunue,kena ne peko bete mane tikaunue,wei wa ne buse buse mane de na damba nemane de ye buna pa da yeruka tepa kou kari kena kari ne sepo a kurung da waru.⁸De ye nemane we kwa semo te da mereupuka wei kena ne peko bete mane,de ye a te da seiyane we te na kena te da derane.de ye kena te da derane de ye damane we na kena te peko bete mane mekoupuka ya mo serei bete da.⁹Neperei de ye kena kari te da derane,we ye dua da arombuke pepoi tupu we na damba dewa da meke a yeko waro de tere buna re apa waru na Awa mang tetero ne na dambere we seraibra kna damba nemane we te na bai pa na sari pipei nou nue neme de seraibra kna nero ne da warende.¹⁰Nemane eiyei kena ne peko bete mane tikante Awa mang tetero ne na dambere e tetero yei kna damba waru na e ye nepe te da tikamane e seraibra te pepoi teme yau yereu poi damba.nemane da yo dambe da mendo eiyo kena ne peko bete mane da tikane te na e ye tete damba dua mana.¹¹Nemane dou te da temapine e na mendo ne eiyo ne kena ne peko bete mana tikan te na nepe tereng dopre kaso pere na meye na mane Awa mang tetero ne na mendo eiyo a kembari te da we na damba na te da mekou na teperei tere de tere nemane wei peko kembari mekoipei,wei kena serai,wei endiki,wei kou deko,wei kou kari we ye nepe te baya pereupunue.damena a waro ne we seraibra wa ne nepe te da kirau we seraibra peko bete mena mekoipipei.¹²Damane de ye da we kwa damena semo te da mereupuka nemena a waro tetero yei peko te da mekainya te na ne na wa pa na ambainya tewai saninipei seiyinipei,nederaitie nemane tepereinya tere we na damba dewa da mane de na dambere Awa mang tetero ne na bekoune wa ye ne da e na wa te warema.¹³Nemane nepe te na te de seraibra kou kari kena kari ne.de na kou kari kena kari nemane da derane te,de na kena kari detere tere derane te na nedo Tituswai ne na kena kari ne na aru roh pepoi damba we seraibra kna dambere dekau mekau.¹⁴De ye damane we te buna pa da si same ne do Tituswai ne na damba na te na de nemane paitiabure tikanipei.nemane de seraibra a te da sename te we seraibra kna damba nou ru na tepereinya,nemane deraitie de na akau te sisane te ne do Tituswai dambere nou ru na ne ne tere.¹⁵Damane ne na kena bise we na damba na detere tere,ne ye mendo te mekounue we na yau yereu akoi akoi nero ne meye na mane da werau,ne ye dewa meke na te we seraibra nero pa we na endiki te titeuyansuko.¹⁶De ye kou kari ne kena kari ne damena a waro ne da nipi karo de ye ne pe te dua da deka mendo ne eiyo ne we seraibra dame te.

Chapter 8(Damena kena bise dera waro kembari)

¹Damane do keka yei meke de ye da we te a te sename te Awa mang tetero ne na pepoi teme anugerah we seraibra kna damba atoumue jau na dero na jemaat serai bra Makedonia yo ne kau na.²Damane da o se peko tere nero ne da ne na kena kari pepoi detere damane ne na sasyaisi ambainya nero re nemane ne yo seraibra ne na da sasyaisi te damane meye ourai ne nei kena yau ne da disaipiki werai.³De ye da a te sename damane ne ye da dera waro te da ataimie ne nei wake serei nemane tereng be te mane kaso pere na ne nei wa ne meka sisipei da ataimie.⁴Nemane ne yo seraibra a te da senaimie e na damba damena a waro anugerah kena bise karunia te ne te da orunaipinie da tetero yei mro mro nero ne da.⁵Damena kembari te da ne ye dua da mekai kaso pere ataimie e na damba.nemane ne nei wa te Awa mang tetero ne na damba nemane deraitie Awa mang tetero ne na a sena a yeko waro e na dambe ne.⁶Nemane de ye nedo Tituswai te da a te da senane te we seraibra te dou teneme wande damena a yeko waro ke na bise karo te nou pa mekone nemane tua tere dua mekeyou na mane.⁷Nemane we serai bra damena da sasyaisi nero ne mendo ne eiyo ne,da a te da seiyane te,da kembari a waro we na kena bise de na damba,we seraibra nemane deraitie da pepoi teme a waro ne nou nue da kende we na damba da kena bise anugerah karunia ne damba damba.⁸Damane de ye da a te sename we na damba seiyane tetero yei seraibrabra ne na wa ne kembari mekainya tetero si te pepoi teme damba,de ye nemena te da derane we na kena bise waro te ne te da tukame.⁹Nemane we ye dua da arambuku kena bise karunia yei Yesus Kristus ne na re eiyei Tuhan mang tetero ne ye e na damba da sasyaisi metere da atiyoumue nemane A-I nedo ne ye burune sasyaisi metere neperei da A-I nedo ne ye da sasyaisi metere ambai tere nemei da meka bei da e seraibra kwa na te da meke nepere nemane A-I nedo nembere e na sasyaisi kaso pere tereng dopre.¹⁰Damane da de ye tikane nemena a waro ne wena damba a te sename.nemane we ye mai si ne damena kembari waro dua da mekeyau a te da tiyekruko nou pa dua da ne te mekombinde teme tere da orunaipine pepoi teme damba nepe te dua da ende.¹¹Damane nepereinya ne kembari te dua mekonde nemane wei wa bei ne da tukande we na wa burune yu merenaipine nemane da kembari te pepoi tere dua mekonde we na wa ne dua da kainya mane.¹²Damane we ye dewa da atomende wei kena re da ye ne te meka damba aruma.nemane de ye da we na re orumana ne sasyaisi we na ne da kaso pere da kai.¹³Damena we seraibra te o se dopre na te atamete nepere tetero yei si wa pna pna werai o se ambai,nemane sa te diwa dewa tikama nemambei da kenai.¹⁴Nemane we na ne kaso pere na te damane ne na ne ambai tere na te da orumende wande nemane we na ne ambai tere na te damane ne na te kaso pere na te da orunaimie nepere nemane wande se pnapra nemambei.¹⁵A sena semo kepeinie da a waro te da meraipiki,tetero yei kaso pere arumbine nemane tereng dopre na ambai da wande tetero yei serei bete da orumbine nemane ambainya oripipei da.''Keluaran 16:18(Tituswai te da uapiki)¹⁶Nemane Awa mang tetero ne na damba pepoi teme a te da merainie Tituswai ne na kena ne teperei tere nemane da de Pauluswai we seraibra kna damete da wera te.¹⁷Nemane Tituswai de seraibra kna a kurung te na doipei damane ne nei wa ne da tepereinya tere de tere sisiyounue de kwa da meke ne nei aru bei ne da dewa meke.¹⁸Damane Tituswai nembere ne beinie e na do keka bra te sisimapine yau na dero na nero ne jemaat seraibra te a sena Injil te sanenaimie.¹⁹Nemane Tituswai ne te da meka te kirapiki yau na dero na jemaat seraibra nero re e seraibra pere nebeinie da a kembari waro ne e na yau Tuhan mang tetero ne na pepoi teme a te da meremane e na ware.²⁰De seraibra sema bete tetero si de te a peko mane sanenaimie damena dera waro de tere tere da waru na nare nare da tamapine.²¹De seraibra derane te na da kembari nou ru pepoi teme mekoma Tuhan mang tetero ne na dou dambene nemane da tetero yei ne na dou dambe ne.²²De seraibra uapiki te e na do keka si te da tambiki te waru da kembari nero ne ne ye da waru akoi akoi dopre mendo ne eiyo ne detere da we seraibra kna damba.²³Nemane Tituswai de na yau na kembari te nebeinie da ne te meka te we seraibra dame te.do keka bra si derou eiyei yau na dero na jemaat seraibra te nedo Kristus ne na pepoi teme a te sanenaimie.²⁴Nemane ne na bekou ne yau na dero na jemaat seraibra ne na wa tou nue we na kena bise da kirinde wande de na akau te bunapa sisanete na we seraibra dame te da.

Chapter 9(De ra te ataimi meka si sipei da)

¹Damane tetero yei ne na a kembari mro mro dambene werainya de ye tikane da semo te we seraibra kwa meretepinie nemena nou keipei.²De ye nope te da dua arombuka we seraibra kna kena ne meka si sipei dera waro te na de ye we seraibra te buna pa a ye sisame a te da seiyane tetero seraibrabra Makedonia ya da de ye a te da sename,Akhaya nepe te nou pa dua da mekaipiki wena mai serei nie da ne yo seraibra ne na a kembari waro da tetero yei te meye na mane da danu ne pa yepou.³Nemane de ye we te damane wupuka da do keka yei meke ne ye da e seraibra te bunapa da si saimie we seraibra kna dame te nou nue da suwe tere tepenai damena a yeko waro karipipei,nederaitie we seraibra nepe te nou pa dua mekaupuku de ye a te sename na mane.⁴Nemane Makedonia tetero seraibra mo serei de ye nembere nebeinie dewa mema wande ne ye we te dou tenaimie maning damena a yeko waro te na mekoipipeinya e seraibra paitiabure te da tikamane.⁵Damane sa te de na mendo ne da werai da do keka yei meke wera wera bete da tua dua ende we na nero ne da dera waro te da kopirinainie nebei pa damane we seraibra a te da dua seiyambuku,nemane deraitie da dera waro ne yo ne nei kena bise dambere a ye na si simipei sanimipei.⁶De ye damena a waro te da sename,simi ye serei be te sensine asontene ne na yu te na ya mene na kaso pere tereng dopre nemane tetero yei ne ye kaso pere asombine ne na o na yu ya te na tereng dopre da.⁷Nemane tetero yei beisika ne nei kena re dua da tiyekruko dera te atoumue damane ne nei kena ne da nepe te aye na sisinipei saninipeinemane Awa mang tetero ne ye kena te da keu na tetero yei dera waro te meka sisipei da ataimie kou kari ne kena kari ne.⁸Nepere nemane Awa mang tetero ne ye we na damba pepoi teme anugerah we na dambe ne da sasyaisi metere na mane ne damba damba da kembari pepoi dambere.⁹ A sena semo kepeinie meraipiki; Awa mang tetero ne ye da sasyaisi te metere baya da wasumue,Awa mang tetero ne ye da sasyaisi te tetero yei sasyaisi ambainya te da wasumue,Awa mang tetero ne na pepoi teme da a waro nou ru na tepereinya nemambei neme da kene mene.''Mazmur 112:9¹⁰Awa mang tetero ne ye da sa nu te keroupuku mika na yo ne te da asonai wande munu sa roti emburupa ne te da anenai.Awa mang tetero ne ye da sa nu te keropuku we seraibra te na te da kaso pere tereng dopre da keroupuku we na sa nu kanipa asonde keronende ne na yu we na a na pepoi teme da a waro kaso pere tereng dopre tepereinya dambere we seraibra kna dambene.¹¹Nemane we seraibra da sasyaisi ne damba damba we na kena ne damane da disaupuku werau,de seraibra kna dambe ne da a waro a sena te bunapa da yare kemansine da sa kemei waro te pepoi teme Awa mang tetero ne na damba.¹²Damena dera waro sasyaisi a kembari karo ne tetero yei ye mro mro dambe ne werainya bei te na pe ambai,nederaitie da dera waro da sa kemei mane ne damba damba pepoi teme da tetero yei meye na damba da Awa mang tetero ne na dambere.¹³Damena a kembari dera waro ne dou tenainie ne yo seraibra Awa mang tetero ne na damba pepoi teme a te da merenainie we na ke na te nepe te suwe tere nou nue wei a te da sawekau a sena Injil Kristus ne na dambere metere wei kena ne kou ne da disaupuku werau da sasyaisi te ne na damba da atoumue wande nemane tetero yei meye na damba da wasinaimie.¹⁴Nepere nemane a waro mendo eiyo na kembari ne neye we te na te da mekai nemane Awa mang tetero ne na kena bise karunia waro we seraibra kna damba¹⁵Damena pepoi teme a te da aye aye da merainie Awa mang tetero ne na damba nemane Awa mang tetero ne na da sasyaisi metere e seraibra kna damba ne do Kristus ne na dambere atoumue na a te na seiyinipei.

Chapter 10(Pauluswai ne na wake Awa mang tetero ne na dambere)

¹Damane de Pauluswai wa te na armapipei we na nero ne da wera nemane de ye wa te arma tere da wera we na nero ne bai bete ne da de ye we seraibra te a te da sename ne do Kristus ne na wa te kena te apa da dusungkruko e na nero ne.²Damane de ye we na damba a te da sename we ye de te kori tere da yeponde wa ye pa wa tou pa da mete de dei kena ne arma tere deretene tetero yei damba wande ne ye a te damane da seiyinainie e seraibra da yo dambe na a te dane da seiyane te.³Nemane e seraibra yereu da yo dambe ne da wera te nemane deraitie e seraibra derane te na da yo dambe na kembari bei te na mekoipei.⁴Nemane e seraibra kna perai da yo dambe re na ambai nederaitie perai Awa mang tetero ne na wake de tere da a yeko waro nepe ye tetero yei kna wa ne da tepenai wa pa da nenembine wa te dingkerene pepoi teme damba.⁵Nemane e seraibra da tetero yei ne na mendo ne eiyo ne da werainya nou te bai pa baya da disimakrone teme ambai nepe da orunaipinie ne na mendo na kembari da tetero yei wepaimie Awa mang tetero te na damane nemeiyipei aroipei nemane e seraibra ne na mendo te eiyo te damane ne kwa ne do Kristus ne na damba da dewa sera te nou nue suwe tepema.⁶Damane e seraibra nepe te da sema te da kate ne ye peko pepoi te da mekainya te baipa baya sisimame nemena wande we seraibra we na wa suwe da tepende.⁷Nemane tetero yei si beisika a te da sawe ne ne do Kristus ne na damba nemena mendo te ne ye pepoi da mekonene ne ye ne nei kena ne tikane e seraibra nemane deraitie ne do Kristus ne na dambe ne da wera te.⁸Damane de ye wa arma ye buna ne yare a te da damane sename Awa mang tetero ne na wake de tere e seraibra kna damba ikime nemane we seraibra pepoi teme damba da ende we te na dapena dingkeripipei nepe te na de paitiabure mena tikanipei da wera.⁹Nemane de na wa te damane da wera nepe re we ye dou te da tende de na semo te semo kepei pa mereupuka we seraibra te endiki te da mekame.¹⁰Damane ne yo seraibra a te da seiyainie Pauluswai ne na semo na a waro arma tere da mereupuku a ye da masume damane e na nero ne nena wa te maru tere da waru.¹¹Nemane tetero yei seraibra nemena a te da seiyinainie na ne nei wa pa mendo te da yeponai e seraibra kna da a kembari waro me kate na nemambei da e na da semo te semo kepei pa da merate ne te da bei beye beye na keipei.(Pauluswai ne na mendo eiyo da wa ne werai)¹²Damane e seraibra eiyei wa te bai ne da wera te tetero yei si pere na nebei na waripei nemane ne nei wa te pepoi bei te da seiyainie na damane ne yo ne nei wa pa tikai ne nei wa ne arainie ne nei wa bei ye da werai.¹³Nemane deraitie e seraibra akau te na tekainipei yare buna pa na ambai damane Awa mang tetero ne na nou nou bete dua da keroupuku e seraibra damba nemane we seraibra damba na te de ye da warena. ¹⁴Nemane ne do Kristus ne na a sena injil te de ye ne a te da deka te we kwa dua da kate nepere nemane de seraibra de na te yeko waro te dua da serapiki te we na nero ne we mendo te mekaunue we seraibra kwa na eipei taye.¹⁵De seraibra nemane akau te na tekanipei tetero si ye damena a yeko waro kembari te da ne ye dua da mekai de na nou nue da mekai ne poi bei.nederaitie we na mendo ne eiyo ne da kenai warenai damena a yeko waro ne damba damba da de te wake te de tere atoneme nou nue neme da we seraibra kna nero ne da warema de na nou na nemena ambai mekoipei,¹⁶Damane e na yereu kate na a sena te injil te da a yeko waro te da sanemame nou si pa si pa we na nou re bai su pa nou si pa sanemame nepe te na de seraibra akau tekanipei tetero yei si derou ne nei wa ne da a yeko waro na kembari te da mekai ne na nou nue ne yo seraibra dame te mekonai.¹⁷''Damane simi ye akau te tekanene da a yeko waro ne wa te warene ne na yare de tere Tuhan mang tetero ne na dambe ne nemambei da kene mene nembere nebeinie.¹⁸Nemane tetero yei ne nei wa pa da pepoi te da seiyune ne na ne damena a yeko waro te da tepu nemena nou nederaitie Tuhan mang tetero ne ye da ne tetero yei pepoi da seiyune.

Chapter 11(Pauluswai ne do rasul ne ne)

¹De ye damena te da derane we seraibra ne kwa da dena wa damba na a te da seiyaunue we ye neme da kiyau de te da tiyau!²De na kena peko bete mane da we na damba keroupuka a waro ilahi nepe te nemane de ye we na dambe ne do beisika mane da sarupuka maro sung mane da mro mro tere ne do Kristus ne na damba.³De ye endiki mane da deka we na mendo te sua da sarupunue nemane teme pepoi ne do Kristus ne na dambe ne da wariye na te damane ne kwa Hawa me te da wari mang wariyei wapunteke na mane mekone.⁴Damane we ye merase bete kende tetero we kwa menai yei Yesus si te menainseryine wande de ye we te senamete a te seiyane te yei Yesus ne ne.nemane we ye aru roh si te ourau we na wa na keipei nemane injil si te we ye doipeiya sa te da senaimie seiyaine.⁵De na wa ne tikane de dei wa yau na dero na rasul pepoi ne ne da wera.⁶De ye nemane a te na aroipei seiyinipei damane de na mendo eiyo ne da werai de seraibra we na damba da kira te yane yane sasyaisi metere da.⁷Damane de ye peko te mekoupuka de dei wa te apa da eritembine ane da tenote nemane we te bunapa yare tere da werau nepere de ye a sena injil Awa mang tetero ne na a te we na damba da senamete seiyane te?⁸De ye yau na dero na jemaat so kna re dera te da oura we na damba a yeko waro te da sename.⁹De ye we na Nero ne da wera dera bete ambai da de ye tetero si te na o se inipei nemane do keka bra Makedonia yo re mekai de na de na dera waro te meka pa da ataimie.damane da sasyaisi nero ne de ye de dei wa te sema te da ka we na damba na da o se te na inipei de ye nemane kembari te da meka na.¹⁰Ne do Kristus ne na pepoi tepereinya de na wa buru ne da keu,de ye dapo te da disane akau te tekane de na oto te wera na Akhaya yona damane ne kura beiye.¹¹Beasa ambai beamane? de ye we te na kena dereinipei? Awa mang tetero ne ye metere dua da aroupuku!¹²Nederaitie de ye da kembari te nou nue da meka na de ye da nou te wa ye tuteka ne yo ne ye nou te da wurei a te da sanenaimie ne yo ne ye da de ye wera te na mane akau te da tekanainie.¹³Nemane tetero yei werainya yau na dero na rasul bra peko mena,a peu peu kembari te da mekai ne nei wa te damane da werai yau na dero na rasul bra ne do Kristus ne na seraibra nou keipei aroiyipei da.¹⁴Damena a waro e seraibra titeiyinsipei nemane sekai iblis ne ye da Malaikat kiya mane da erenembine.¹⁵Nemane a te na seiyinipei ne na a yeko waro na tetero nemena wa te da werai e na a yeko waro na tetero mane nou ru na ne ne tepereinya.nepere ne na wa tupu te na ya ne nei po te da orunai ne nei wa werainya mane.¹⁶De ye a te da sename tetero si newai seiyinene de damane aroipei wera.damane we seraibra de te na aroipeinya mane wa te da werau neperei de te wei wa pa da do tende de ye pepoi a te da seiyitene.¹⁷Damane de ye a te da sename de na mendo ne eiyo ne damena a te da seiyane a sena Firman Tuhan mang tetero ne na a yeko waro a te na nepe te seiyinipei,nederaitie de dei mendo na a te da bunapa da kiyapuka seiyane.¹⁸Tetero yei kaso pere da yo dambe na sa smo smo te da mekai de ye nemane da mekote na.¹⁹Nemane we ye merase bete da wei wa te da werau tetero si kna damba we seraibra kembari nero na te na akoi akoi!²⁰Damane we ye merase bete da kau na tetero si derou we te da wapenaimie,we te sa te da orunai,ne nei pepoi we na re da orunai ne nei wa do te na te we te meka be ne tonaipine.²¹De na wa ne paitia bure mane damena a te da sename e na wake ambai keipei da.nemane tetero si ye wa te armambine a te da tepenene de ye nemane wa te da armatepine.²²We Ibrani tetero? de nemane Ibrani tetero.we Israel tetero? de Israel tetero.we Abraham ne na seraibra? de Abraham ne na seraibra.²³Ne yo ne do Kristus ne na a yeko waro kembari te mekai? de ye nemane mende bete damena a yeko waro na a te da seiyane.dena wake te teiyana kaso pere damane tu ere eiyune,meka dambe ne da penaitie,tete dambere dua di einya mane da wera.²⁴Yahudi tetero ne na meka peneyaitie da meka su,yane yane doa biserei pa ne na meka de te penaitie de na wa pa da.²⁵De te da naming serei meka da peneyaitie da beisika de te oru tewaitipiki,da naming serei o derangke eiyu ne da kiya deneng beisika da nau nero ne orso dambe ne.²⁶Damena nipi nero ne bu me detere buru ne sa bisi bisi tetero,Yahudi tetero seraibra,tetero si Yahudi tetero pere da kainya yo de tere ne a ye da maisyaitie a te da senaitie,nou krong krong dambe ne da wera,damena nau nero ne,wande de te da peko bete mane da wa pa da mekaite e na do keka yei meke ne na wa yereu nare nare mane werainya.²⁷De na wa ye wa ne damena a yeko waro kembari se dopre,neme da wera,munu suwe ne da wera,damane bu mari ne,wa no te na ipei yuku te na poi na tenoipei,yane yane mie eiyu ne dane da ka,wa ne ning dopre tikane,wa na mayong ambai.²⁸Damane karo karo si te na neme da kai de seiyinipei,damane de na a yeko waro ne da kembari yane yane meka na yau na dero na jemaat serai brabra te na te pepoi teme dambe ne ne nei wa te suwe tere nou nue da tepenai.²⁹Damane da tetero yei ne ye wake bai mane oru ne na de ye nemane wake bai me na oripipei wera? damane da tetero yei ne nei wa te apa da disimbine na de na kena te na disikeroipei nindiripipei nou bei ne na tenoipei.³⁰Nemane de ye de dei wa te wado te buna pa seiyitene na nemane dua da keu na damane de na wake bainya nero re da.³¹Awa mang tetero ne ye Awa yei Yesus ne na Awa eiyei Tuhan mang tetero ne te poi a te da sanemane aye aye da meremane nemena beitie nemambei da kene mene A-I ne do ne ye dua da arombuku de ye a peu peu te na wapipeinya te wai.³²Nemane neperei Damsyik yo ne tenai tetero ne ye da andewapona Aretaswai ne na a kiri ne da Damsyik yo ne de te da ne na sema tetero seraibra meka pa da awenaitie.³³Nepere nemane de te de na wa te kekari eiyupa dua da ka ane da duteka te na wande sa no re serou te tiki tere wewansiki oru mie yare dambere mari buru re yeke numburu re de te apa da tetero si kna meka dambere sa te da tepai merase bete oru ere bainya sua da yosuka nepere de ye baipa baya dua da ka.

Chapter 12(Pauluswai wa buru ne sye mane tepai)

¹Damane de ye de tere te yepa nemana nou yeko waro te a te seiyitene ne pe te da Tuhan mang tetero ne ye de na damba saniyoute.²Damane de ye da arombuka da tetero yei Tuhan mang tetero ne na buru ne nedo Kristus ne na dambere mai meka meka biserei su na wau aprau serei pa de ye aroipei da wa eiyu ne bei da wa bainya su ne de aroipei Awa mang tetero ne ye da arombuku nemei yumbuku.³Nemane da tetero yei te buna pa deko ne sero da naming na pa sero dia ne de ye nemane aroipei da tetero yei ne na wa eiyu su re bei wa bainya su re de aroipei Awa mang tetero ne ye da arombuku nemeiyumbuku.⁴Ne tetero yei ne te buna damba yeruku Firdaus pa surga yo sena dia pa a te da betou seiyinipeinya a waro da tetero yei te na saninipeinya.⁵Damane da tetero yei te na de ye meka wau te buna pa da kensuka a te da tepa ne de dei wa te na seiyinipei da nemena de na wa kani kani nero ne.⁶Damane de ye akau da sisitene da a yeko waro aroipeinya tetero yei mane da warete nepere nemane de ye kiya akurung pepoi teme tepereinya ne te da seiyane sename.nemane deraitie de ye de dei wa ne da tikane da tetero yei de te dou tenaitie de na a te da sename seiyane ne nei bentekeinie dua da betai.⁷Nemane de dei wa te na akau tekanipei yare te na seiyinipei damena a yeko waro te sing peu peu mane namu te kerote ne nemane nepere sa sye yemo mane de dei wa orung buru ne nei nei kroi mane da mekonai tetero beisika ne ye sekai iblis mane mane de te apa da sarenetepinie de ye damane de dei wa te yare bunane na wera.⁸Nemane nipi karo te de ye damane da naming serei pa a te da senane seiyane Tuhan mang tetero ne na damba da nemane sekai iblis ne na tetero de na wa ye pa de kwa na mipei baipa dua ne.⁹Damane Tuhan mang tetero ne ye a te da sanute seiyune A-I nedo ne na kena bise de na damba de tere da waru nemane tetero yei we na kani kani wake bainya nero re da A-I nedo ne na wake de tere tere.nemane de dei wa ne da derane de na wake bai oura wa kani kani nero ne wera wande nepere nemane nedo Kristus ne na poi wake detere tere apa dewa da mene tetero yei kna damba.¹⁰Nemane sa te de dei wa ne da derane kena te kana wake bainya nero ne da wa te da warete peko pepoi mekonaitie,de te sua sua da wapenaitie,de a yembe ekri nero ne,de na mendo eiyo ne do Kristus ne na dambe ne nou nue da kene.nemane de na wa wake bai oura damane nepere de na wa wake de tere tere dewa mene(Pauluswai ne na kena bise korintus nepe ne)¹¹Teperei tere de dei wa ne aroipeinya mane da wera damane we seraibra de te a ye da sisaute nou ru na pe de te we seraibra pepoi a te seiyinende nemane de ye narikroipei yau na dero na rasul bra si pere na erikroipei.¹²Damena a yeko waro ne de ye yau na dero na rasul mane nepe da wera we na nero ne apa da dusungkruka wera nemane yeko waro mukjizat dopre na.¹³Nemane beamena a yeko waro ne we seraibra te meto pa apa da sisaimie jemaat yau si nero re de dei wa ne da tikane o se mena ambai we seraibra kna nero ne.damena de na wa pa da pepoi a te da seiyinende!¹⁴Nemane de ye ne kwa da naming pa na te da dewa meka we na nero pa de na o se mena ambai de ye wena sasyasi te na wureipei nemane we seraibra kwa da meka.nemane yei bra sasyaisi te na wureipei oripei ne na awa nawa kna damba,nederaitie awa nawa yei kna orunaimie atonaimie.¹⁵Nemena te de ye damane de na sasyaisi te de dei wa te we na damba da atame.damane de ye we te kena te da derane nemane we ye da de te na kena deraunue?¹⁶Damane de ye we na damba o se te da atame we ye de te a ye da senaute de we te da wepame.¹⁷De ye we na re sasyaisi te da oura damane tetero te a ye wepame we kna da werai?¹⁸De ye Tituswai te a te senane do keka si pere da nebei ne da warenei.nemane Tituswai we na sasyaisi te oriyou?we kaye aroipei de do biserei aru roh yereu ne beisika nemane de biserei de na wa te na nemambei de ye da warete pepoi te?¹⁹Damane we na mendo eiyo yansi ne da mekeyau ne de ye we na bekou ne wa tou ne de dei wa te poi a te da seiyimane.Awa mang tetero ne na bekou ne nedo Kristus ne na buru ne de dei do keka bra we na damba pepoi te na te.²⁰De ye nemane wa te da sisa de ye ne kwa dewa metena we ye de te na kena dereinipei keipei.damane de ye wa te da sisa kena yasu yasu,kena ne yembe ekri mane kena serai bete mane,ne nei wa mendo beitie,a peko mane,a kesekese te,kena yare,kena peko.²¹De ye ne kwa dewa mete Awa mang tetero ne ye de te we na bekou ne apa da sarenetepine ane da teno te de dei kena ne tika te ne tetero ne nei peko wa buru ne,bisi kaimie,keneng peko,wepamina ne ye mekai.

Chapter 13(Pauluswai Korintus yo pa naming pa na te meke)

¹De ye we seraibra kwa naming pa na te da meka.tetero yei bi naming serei mane a te da winai seiyinainie,nemane a te diwa dewa tikanaipine teme orunai.²De ye we seraibra te a te da sename we na peko te mekau na te seiyane tetero yei meye na damba.neperei de ye we seraibra pere na nebei na keipei de ye a te da sename we seraibra kna nero pa da bu bi na te da meka wande nemane deraitie de ye ne kwa mete na de kena te na keipei ne yo seraibra dame te,³Damane we seraibra wei dou ye tenembinde ne do Kristus ne ye dambere a te da seiyinate de na wa eiyu ne da keu A-I ne do ne ye wake bai ambai nederaiti wake detere tere we seraibra nero ne nebeinie da werau.⁴Teperei tera na te ne do Kristus o na ne da wawiyou wake ambai,nemane da yereu deraitie A-I ne do ne te da Awa mang tetero ne na wake detere tere ikine.damane da e seraibra wake ambai A-I ne do ne ye nembere nebeinie nemane Awa mang tetero ne na wake detere we serai bra kna damba.⁵Damane we seraibra wei bei ne tikande dou dou ye tende nemane we ye mendo eiyo nepe te nou nue tepau.nemane wei wa pa da nemeiyinde!damane we na wa buru ne wa eiyu ne ne do yei Yesus Kristus ne ye da keu nepe te na we na wa na tikanipei da werau.⁶Damane de ye we te da sename nepe te pepoi tere da aronembinde e seraibra tetero yei nene.⁷Nemane e seraibra da a waro ne mendo eiyo kembari Awa mang tetero ne na damba a te da sanemane damane we seraibra peko bete mena mekoipipei nemane pepoi karo te da mekonde damane de ye de dei wa ye tika te na akau mena sisipei.⁸Damane de na kembari mekate na peko waro kembari mekoipei nederaiti pepoi waro kembari beitie mekate.⁹Nemane de ye kou kari ne kena kari ne,damane wera te de ye wake bai da we seraibra kna damba da wake te da atamete sisamete.nederaitie nepe te de na mendo ne eiyo ne da disate da a waro kembari ne da we pepoi ende.¹⁰Nemane sa te na te de ye damena semo tupu te na te da mereupuka we na damba de ye damane we na nero na waripei baini da wariya neperei de ye dewa da meka we na nero ne da wera de na arma tupu dereyane na nemane Tuhan mang tetero ne na wake detere de na damba da ikite na we seraibra te nebei pa pepoi teme te na te we na yau nou nue tepene baipa baya na dingkeripipei.¹¹Damane tupu te na dokeka yei meke kou kari ne kena kari ne da derenende nemane wei wa te pepoi tere mekombinde warende damane de ye a te da sename na te pepoi betonde! nemane pepoi teme ye ne kena bei te da ne mendo eiyo beitie donde we na yereu teme dambere da warende nepere nemane Awa mang tetero ne na kena bise pepoi teme wembere we seraibra kna nero ne da kene.¹²Nemane poi a te tetero yei si damba si damba da seiyinende be te da birinde sensen te da yetinde nemane tetero yei teme mromro meye na mane we seraibra kna damba poi a te da senaimie.¹³Nemane ne do yei Yesus Kristus Tuhan mang tetero ne na kena bise anugerah karunia wande nemane Awa mang tetero ne na kena bise wande nemane deraitie Aru Roh Kudus ayo mire ne ye we te damane pepoi teme damba atoneme we seraibra pere nebeinie da kende.

Hebrews

Chapter 1( Awa mang tetero nenei yei dambere ate seiyunu )

¹Yansine metere tena,Awa mang tetero ate ne damba damba sanumu ena mangbrakna damba Nabi nena warore,²Nemane tuputena ya meke,Awa mang tetero nenei yei A-I nedo nena dambere ate sanumu e serai bra kna damba nemane A-I nedo nena dambene tenone mene sasyasi metere,nena dambere Awa mang tetero kani sero te metere mekoupuku.³A-I-nedo kiya pepoi Awa mang tetero nenei kiya doprena, nepeteda merembuku dai dia dai meta kreu meta mro mro tere A-I nedo neye bete kiyou sasyasai metere asena wakena neye ne temekeyo.peko dambere neye kembari te noupa dua mekoupuku mro mro, damba A-I nedo neye meka metere sune yong ku ku keu detere damba nou yare dopre,⁴A-I nedo yare dopre nemane wande malaikat serai bra bra ane dane abetene da A-I nedo neye nena wado yare dopre buna ne dine keuna seraibra si nena wado neye betepa.⁵Nemane, Awa mang tetero ate sanumu malaikat, ''we de na yei da yana dewena Awa mane''? nemane deye ate sename we seraibra neropa deye nenei Awa mane, nena damba wande neye dedei yei mane.''⁶Nemane, deraiti Awa mang tetero nenei yei yarise te dayo damba sanumbuku meke,neye sanumu,Awa mang tetero nena malaikat serai bra bra A-I nedo nete seso tipinainie oto butu apa dusunaikrone.'' ⁷Nemane malaikat, serai bra bra,Awa mang tetero ate da seiyunue,''neye malaikat serai bra bra te nenei te da mekoupuku aru wa mane,nena kembari nenei wa tou nue singkiya mane dekenai.⁸Nenei yei yarise te na,neye ate sanumbuku, ''wena dia A-I nedo neye Awa, mang tetero pere nebeinie nemena beitie nemambei nou nue kenemene.kate suwena pepoi kate andewapona wena dambene kene.⁹We ye tepreinya te nemei yumbuke peko te baya sarupuke nemane sate nate.Awa mang tetero wei Awa mang tetero,wete merai bu kou karine metere wena dero na nero ne wariye.''¹⁰Nemane, wande we, Tuhan, mang tetero yansine metere te na weye da kani nena teme,wande sero wena meka semo bei.¹¹Kani pere sero pere mayong, te na mane nebeipa diri nai kani pere sero pere ambai dua orunaipinie we A-I neye neme da keu.¹²Mayong jubah mane weye A-I neye, nebeipa durumbune wande mayong, tena mane mayong site da titinaipinie.we nou nue nemei maibrabra neme keu.''¹³Mopena, malaikat ne ate, Awa mang tetero ate, sanumbuku dewa mime dewa dena meka metere sune ane keu deye wena yambe seraibrabra deye ate sename tetero seraibrabra te wena akirine wena wakene''?¹⁴Malaikat aru derona seraibrabra deye ate saneme tetero seraibrabra nero pa da ende arupoi te orunai da nipi pepoi damba dua dinai?

Chapter 2( Pepoi tupu detere tere )

¹Nemane sate, e seraibra pepoi tere aromambinie e seraibra a dua beteya te nepere e seraibra nou nue neme tepema da aru te tikamane.²Malaikat seraibra kna aru ate e damba kiraimi senaimi ne nou noupa na mekoipipeinya yeko te dua neranete yekoitia nete e peko damba dua mana.³Beamane e seraibra pepoi damba dua ma nederaitie nipi pepoi waro te baipa da sarema pinie pepoi detere keu na? nipi pepoi waro te metere te na Tuhan, mang tetero neye ate saniyoume tepreinya nou terena e seraibra kna damba tetero serai bra bra A-I nedo nena re ate beteyai.⁴Nemane, deraiti Awa mang tetero a yeko te ne tupu tupure kiri you mue,yeko karo site site aru Roh kudus nena yeko dambere nepe te wasi youmue nenei kembari dambere.( Yesus da tetero yei mane orupuku tetero te poi damba )⁵Awa mang tetero da yo dambena kembari nepete, dua noupa mekoupuku nemena kembari, te dayo dambene e seraibra ate seiyanete malaikat seraibra kna damba si sa nete.⁶Nemane, tetero besika yeko te a kurung te seiyune ne tetero yei simbiyang weye nete tiyene kiye?⁷Tiki bai bie, weye nete apa tambuke meke malaikat; kna dambare weye nete wenta te tenai damba sesuke pepoi tepreinya piyambainya nepe.⁸We ye nena toupa sasyai site metere apa da kroupuke.''nemane, sasya si te apa oto toupa kroupuku A-I nedo nena damba,Awa mang tetero nepe te kroupuku sa syaisi A-I nedo nena dambene kenai nemane deraitie nepereinya e seraibra dou teipei nena damba sasyaisi metere nepe te dua da kroupuku kai.⁹Nemane, e seraibra Yesus te dou dua tanete nete apa da tambuku malaikat, nena waye betene nedo Yesus wentai tena dambene keu pepoi tepreinya piyambainya peko dambere tete nero pa meke Awa, mang tetero te meye na mane poi damba.¹⁰A-I nedo nena dambere metere na mane A-I nedo neye sasyaisi tena noupa dua da mekoupuku nipi pepoi tupu te nenei yei seraibra neye peko dambere pepoi damba dewa da mekai.¹¹Nemane, A-I nedo nete teme sukumbuku wande ne seraibra te baya sukumpuku meye na mane ena Awa; besika nemane sate nedo Yesus e seraibra te na nenei dokeka yei meke te seiyune.¹²A-I nedo neye Awa'' mang tetero kna wa do te nenei dokeka yei meke te da sanumu.Awa mang tetero nena seraibrabra nero ne,A-I nedo neye da dimi semo a semo te Awa mang tetero te dimane.''¹³Nemane: deraitie A-I nedo deye Awa.'' mang tetero nenepa pepoi tere dua da nemeiyumbuka nemane, deraitie A-I nedo nepe da Awa mang tetero dena damba da yei seraibrabra te dewa da sarupuke.''¹⁴Nemane ne yei seraibrabra tetero yei wa sa wa orung,de Yesus tetero yei mane tetero wa ye meka tete nero pa meke,A-I nedo deye sekai te baipa dusungbuka nena wake tete dambene keu nepe te note dua toupuka apa dua da ke nenei maupa.¹⁵Wande, ne seraibra te baipa tumu suka nena yereu mai brabra tete nerone yereu peko dambere dua dewa wapiyou.¹⁶Nemane, kiya tere A-I nedo neye malaikat, seraibra tena pepoi waro tena mipei,Abraham wai kna yoti kasi neropa na te da meka.¹⁷Nemena te, damena nipi koro dado Yesus nenei dokeka yei meke nero ne, do you te mire yau te nembere nebeinie warenai Imam detere mane kena Awa. mang tetero nena wa toupa atoneme dua ma nepere nemane A-I nedo neye seraibrabra kna pekote baya sumbine pepoi damba nai.¹⁸Nemane, dado Yesus peko waro te tikambuku, nepere A-I nedo neye da seraibrabra pepoi damba ne kwa na peko nipi nou pa ne otoumipei eipei poi bei ye warenai.

Chapter 3( Yesus detere te keu Musawai neye bete pa )

¹Nemena te, dokeka yei meke mro mro dambere,we seraibra yo sna diare ate simai,nedo Yesus, kna wa pa dou te tende,Rasul besikana Imam detere nena pa e seraibra ate sawekate,²A-I nedo nena damba nou nue tawe mane dua ma nemane da do Musawai kiyou na mane Awa mang tetero nena mie eyune,³Nemane, dado Yesus neye da pepoi detere te musawai, kna re done nemane mie pere mereupuku na tetero pepoi nena dambene kene mie sema pere keuna tetero nemei nemane kene warene ⁴Nemane, mie te na tetero besika merembine mekonembine,nemane ne kembari sasyaisi metere Awa mang tetero nenei.⁵Musawai nou nue neme Awa mang tetero neha, mie ne keu kembari tetero mane ate seiyune bekoupa na ya nekwa ate seiyi nainie.⁶Nepere, Kristus nou nue neme da kene nedo yei mane Awa, mang tetero nena mie eyunue kene e seraibra damba nepere e seraibra meka suwe te pema a saweka te na dambere nou nue nemambei tupu pa dua ma.( Awa mang tetero nou nue tawe mane )⁷Nemane sate,aru Roh Kudus sanumue namane,''da ya na we seraibra dena ate betonde na.⁸Nemane wena kena arma te na dere nipei we seraibra me keyau nemane baye pau nou krong krong damba mekau,⁹Nepene we na mangbra dete wapi yaitie kembari kembari mai doa biserei pa deye dua da mekoupuka.¹⁰Nepe te deye aye masiyame ne seraibra kna damba ate seiyiyane,wena kena ne dua yekoi tiapiki we seraibra dena nipi karo aroipei.¹¹Deye, yekote dei kena suweteka: 'we seraibra dena yeko sesukana nou pa na mei akoipei.'''¹²Dokekai yei meke mendo pepoi donde,damane e na nerone siye kena pekone ne wande nemeiyimbipei, wete mekoneme Awa mang tetero nena yerew nerore baipa mende.¹³Nemane, site site ate sanemende nane yane wena nero nepeko neme dawapeneme ye ne kene.¹⁴Kristus nena re e seraibra nembere, meka suwe tepema neme tupu pa mema.¹⁵Da ya ne, A-I nedo ''nena ate betonde, we seraibra kena suwe te kende ate derenende wei wabeine.''¹⁶Nemena tetero seraibrabra Awa, mang tetero nena ate dua beteyai? ne kwa baya biraipiki ate seraipiki meto pa dua kai nemane ne seraibra meye namane Musawai kna dambere mesir kani re baipa dewa mekai?¹⁷Awa mang tetero simbiyang kwa a arma seiyune mai doa biserei? nemane ne seraibra kna damba sanumue peko te dua mekeyai baye pau ne tete dambene?¹⁸Awa mang tetero sing kna damba yekote sesuku ne seraibra ne nou pa dua menai nenei yeko damba,nemane ne seraibra ate na betoipei?¹⁹Nepenaye, e seraibra dou te tema ne seraibra nenoupa na eyupana eipeinya ne seraibra nenei wane nenei mendo nepe te da aroipei nemeipei.

Chapter 4( Ayeko kroupuku Awa mang tetero nena noupa ma )

¹Nepena ye, ayeko dambere tupu te na nou pa nena wa tou pa ma e seraibra endikite dekate,nemane wande e seraibra ne ayeko te na doipei dou teipei kemapine.²Akurung pepoi, e seraibra kna damba senaimi,wande ne seraibra kna damba akurung te senaimi nemane ne seraibra ate betai nena wa pa na serembipei keipei nebeinie tetero seraibrabra ne mendo besika na pa ate betonde.³Nepere e seraibra nemei yambiki te tupu te na noupa mana,nemane nenei te ate dua da seiyumbuku deye a yeko te kroupuku dedei kena suwe nemane ne seraibra dena nou tupu te na eyupana mipei nemena kaye ''Awa 'mang tetero nena kembari bai siri kra damikra nepe te dua mekoupuku,'''⁴Awa mang tetero ate seiyune ya meka su suna wau biserei pa da meke, Awa mang tetero wande ya meka su suna wau biserei nena kembari te po ye tembuku.'' ⁵Awa mang tetero, ate seiyune,''ne seraibra e yupa tupu te na nou pa na eipei.''⁶Tetero poi nemane dua da nai tuputena nou pa,wande tetero si derou ate beteyai,eyupana eipei ne seraibra nena mendo nare nare mane.⁷Awa mang tetero ya besika sesuku,Daudwai nena dambere ate seiyune sanumue da yana we seraibra dena ate na betoipei wei kena arma te mekombinde warende sangku nerone wapentende kende.''⁸Nemane, Yosua wai ne seraibra te tupu te na nou teikime,Awa mang tetero nena atena seiyinipei yasipa na ambai.⁹Nemane sate, nate wate no te yainya ya detere tuputena ya sabat ya Awa mang tetero nena umat seraibrabra.¹⁰Nemane ne seraibra tupu tena ya pa mene Awa, mang tetero nena wa tou nue kenai,ne seraibra wa no te inai kembari mekoipei,Awa mang tetero nena kembari nenei te dua da mekeyou na mane.¹¹Nemane sate, e seraibra ne nou pepoi pa eyu pa mana te deremane nou tupu te na pa ma tetero si newai apa na erimbipei baisuwa na mipei¹²Nemane, Awa mang tetero nena a sena kurung Firman a yereu wake na,a yemo tere meteka yemo suwa suwa. Firman asena a yemo tetero nena wa nuru pere aru pere bite wasingkerone,ewe pere oro pere merengkeng,nepere nemei yu ena mendo pere e seraibra e na kena.¹³Sasyaisi metere ye na keipei nena dou dambene kate sasyaisi metere kiya pa meye mekai nena dou dambene yena keipei.nena damba e seraibra ate sawe ma metere mekeyote.( Yesus Kristus ena Imam detere nedo nene )¹⁴Nemane sate nate e seraibra ena Imam detere yare tere sero dia pa buna pa dua dake nedo Yesus,Awa mang tetero nena niyei,dewa mende e seraibra nou nue meka suwe da tepema e seraibra e na a sawe ka te na.¹⁵Nemane, e seraibra ena Imam detere ambainya e seraibra aroipei nemeipei e seraibra e na wa kani kani nerone,nemane e seraibra ena Imam detere nena dambere e seraibra te wepaimina peko sure na te baipa da susumue,nemane A-I nedo neye peko tena mekoipei.¹⁶Nemane sate, ate dua sawekate, e seraibra dewa mema nena dia pa pepoi damba mema e seraibra pepoi nipi te da temane e seraibra te poi damba tanempine, pepoi bei ye dua dama kene

Chapter 5

¹Nemane, Imam detere e tetero yei nena nerore yembuku e tetero yei damba kiraipiki Awa, mang tetero nena a dambere pepoi te nepe temekone pekote baipa da sisi nene.²Nepena Imam detere wa kani kani mane,nena kena te dusunengkrone tetero seraibra te na ate mera se bete saneneme mendo tena suwa suwa saripei.³Nepena ye, neye sasyaisi te kerone peko tupu te baipa sisi nensine umat, seraibra bei tena bai ye nenei wa pa Imam detere wa pepoi te na.⁴Imam detere nenei pepoi bei tena nenei wa pa na bai ye,nemane Awa mang tetero nete, tarumbuku dado Harunmai neye Imam detere.⁵Nemane deraitie Kristus nenei wa tena pepoi tena pe seiyinipei neye Imam detere, te keu nemane neye nena wa damba da te ate seiyune nepe daye dena yei, nemane daya na deye wena Awa mane.''⁶Waro suna neye ate seiyune, ''we pe da Imam nou nue neme na beitie keu meu,Melkisedek nena yeko dambere.''⁷Damena yereu nerona nedo, yesus tetero yei mane mendo kembari te mekone ate seiyinene dou bu nerone,Awa mang tetero nena damba nepere. A-I nedo nete pepoi damba yereu te kena tete dambere meke A-I nedo nete da beto mane neye yereu pepoi te meke da yo damba.⁸Nepena ye nedo Yesus yei mane meke, A-I nedo apa dusungkruko neye damena peko te tikambuku.⁹A-I nedo neye nipi poi damba, da tetero yei te meye namane a toneme dua mema.¹⁰A-I nedo nete da Awa mang tetero neye Imam detere mane tarumbuku meke nedo Melkisedek nena a dambere.( Aru waro ne detere tepema bepama )¹¹Kaso pere tereng dopre da a waro te seiyainie. beta te nemane, kiyapa na seiyinipei nemane we seraibra wande ne kwana betoipei werau.¹²we seraibra, da serei te na semo te kirimende,nemane we seraibra tetero site da tau wete semote kirineme a waro Awa mang tetero nena a sena Firman.damane we seraibra kong bu pa dou te tau sa suwe tena ambai.¹³Nemane, tetero kong bu te da anu yereu te keu nemena tetero aroipei nemeipei nipi pepoi tepreinya dou teipei,nenei wa yei saisi ei mane.¹⁴Nemane, deraitie sa suwe tetero detere ke na emburu pa anenai,ne seraibra wane tikanai poi peko.

Chapter 6

¹Nepenaye, e seraibra Kristus nena a ware te neme da temambinie a waro detere pa nemane,nekwa na ate da ne damba damba na seiyinipei eyei wa te dua pepoi dambere nekwa tete damba wande Awa mang tetero nete da mendo waro ne nemeiy Imam binie.''²A waro wa te baya sikamina pere mekate tenai; dambere tepai mina pere da tetero nekwa tete dambere e suwa ne kwa yembine yereu orumbine wande o sete erentene.³Nemane, kembari te e seraibra, mekoma Awa mang tetero e na damba ate ineme.⁴Nemane, tetero seraibrabra nekwa dewa menai wate poite nate,maning dina tupu re mendo pepoi te dua da oriyai Surga, yo sena diare aru Roh Kudus, nena dambere atou mue.⁵A sena Firman Awa, mang tetero nena re wande wake tupu da yereu bekou nue keu na.⁶Nemane ne seraibra Kristus, nena nipi te neme da tenambine,ne kwa ne seraibra te pepoi waro pa otomame mema ne kaye Awa mang tetero nena yei te A-I nedo nete bubipa nate o pa da bape ma pinie nete paitiya bure te yau nerone.⁷Nemane, da kani bibu te kaso pere apa yewai,sa yu sopere kani dambere we seraibra nete orunde,wande Awa mang tetero nena dambere.⁸Nemane, ne kani sa mera nero sasye sye barunai tepenai,ne kani sayu nepe na baripei peko dua orumbine na,tupu tena sing damba e naintine dekene.⁹Nemane, deraitie dokeka yei meke de seraibra ate da seiyanete,de seraibra dua da arambiki te we seraibra kna kembari poi waro ne pepoi tupu pa dua da ende.¹⁰Nemane, Awa mang tetero nenai poi. damba ne kate wera te neye kepawe na oripipei kembari metere na mane we na wa ne we seraibra dua mekeyau nena wado ne tetero seraibrabra te mromro damba na kembari te weye mekeyau.¹¹Nemane e seraibra derane te nyei nyei nie we seraibra ne mendo karo ne suwe nou nue tepende pepoi dambere ende tupu pa na ya piyambai tere,¹²Nepere we seraibra baipa na a saripipei,nemane tetero seraibrabra ne tupu te ne nou te tawenainie dewa menai Awa mang tetero nena a yeko dambere nenei mendo karo ne suwe neme da tepenaipine.( Awa mang tetero nena a yeko si te na ambai )¹³Awa mang tetero a yeko te neye Abrahamai, kna damba sesuku neye a yeko te nenei wa pa nemane tetero si newai detere yare mang tetero nena re.¹⁴Awa mang tetero, ''ate seiyune,deye wete pepoi damba dewa do te we,''deye we te tetero nu te tereng dopre ne damba damba¹⁵Nepere, merase bete da neme kiyou wande ne a yeko te dua da deko¹⁶Tetero yei ne na mendo na a yeko tetero site na detere tere nenei wa ne da keu nemena a yeko te sesuku kiyou tupu tena te ate da kindiri naipinie.¹⁷Nepenaye, Awa mang tetero nenai pepoi tupu te kurupuku nena a yeko te sema te kene mene ne tetero yei kna damba nena nipi karo nou nue neme da kene,nenei a yekote sesuku. ¹⁸Nepere a waro biserei nemambei nou nue neme da kenai,Awa mang tetero nena dambere a peu peu ambai,e seraibra dewa da mema teme dambere warema ate poi detere wurema e seraibra kna dambene nou nue da kene.¹⁹Nepenaye e seraibra mendo karo ne suwe tepema oru se mane ena wa nuru,wake te pepoi kene,eyu pa tema da brabra disuwa baisuwa dua da nena,²⁰Nemane ne nou pa dado Yesus eyu pa dua da kenipi te dua baya tusuku e seraibra te nate neye Imam detere mane da meke nemambei kene mene,ne do Melkisedek wai nena a waro dambene kurumuna.

Chapter 7( Imam Melkisedekwai )

¹Nemane, Melkisedekwai,salem andewapo na wande Imam Awa mang tetero detere yare dopre,Abrahamai pere tokriko nedo Abrahamai neye kani andewapo seraibra te baya apa soyoumue nepere wande meka pare tepumbuku. ²Melkisedekwai nena, wapa Abrahamai sasyaisi te meka biserei meye ate kone tetero kna re oriyouna ,metena Melkisedekwai wa do''andewapona nouru na tepreinya'',nepere andewapona salem nena a yu andewapona teme te na.''³Nena Awa nawa ambai nena atou sa nipi bu nipi ambai,nena yereu nipi dana tupu re dina tupupa na ambainya tewai,nemane deraitie nedo Awa mang tetero nena yei mane,neye Imam wa te orumbine nemena beitie kene mene.⁴Dou tenende,da tetero nena pepoi waro te nepete, dado Abrahamai e seraibra kna mang nedo nete sasyaisi detere meye meka biserei pa nena meka damba ate kone sangku pera ne dewa oriyou na sa.⁵Mepene taurat, a yeko lewiwai nena yei seraibra nemena a waro te kenai miene Imam kembari dambene dera te mekabiserei umat seraibra nena re kopirinainie dokeka yei, meke ne seraibra nemane mang Abrahamai nena nu yoti kasi yepe.⁶Nepere, dado Melkisedekwai nemane lewiwai, nena nu pe bai ye neye mekabiserei nya te nedo Abrahamai nena re dekona kaye wande mekapare tepumbuku Awa mang tetero nena a yekote pepoi tere aweke tepu.⁷Nekewa na a seiyinipei,ane detere keuna ne ye buna ne yare detere keu na pa meka pare tepumbuku.⁸A waro besika, keu na dera mekabisereinya da tetero yei kna meka damba orunai peko sure te te nerone kenai.nepere, da a waro te neye orunai, ne dambene yereu kenai.⁹Nemane sate, lewiwai ne na seraibra te ate seiyai nie dera waro te mekabiserei orunai nemane ne seraibra ne kwa ne dera mekabisereinya nou pa mekonai Abrahamai, nena dambere.¹⁰Melkisedekwai Abrahamai pere tokriko na ne serei nedo, lewiwai nena nawa kna wa eyu ne neme kiyou.¹¹Nepereinya, lewiwai kna dambere Imam waro pepoi tere umat Israel seraibra taurat a yeko te da dekai wande Melkisedekwai, nena Imam a waro tena ambai nemane Imam waro Harumai nena re nemane ambainya tewai?¹²Nemane, Imam a waro nou bisimane da kene na,taurat a yeko nemane deraitie bisimane da orumbine.¹³Damare e seraibra ate seiyane te na tetero tou sire na nemane tetero si newai nena tou re na bekou nue kembari te yau mie eyune.¹⁴Nemane, kiya tere e seraibra e na Tuhan mang tetero Yehudawai, kna tou runa Musawai nena tou runa ate na seiyinipei Imam seraibra nena kembari waro kainya.( Yesus nemane Imam Melkisedekwai mane )¹⁵Meye na mane da a waro kiya bei dua kai nepere e seraibra dou tane te Imam tetero si newai,Melkisedekwai nena wa mena tetero meke.¹⁶Imam wa te orupuku da tetero yei wa ye meke,nepere nena a wake yereu nipi peko damba na eipei pepoi bei ye.¹⁷Nepere, a sena semo kepei da A-I nedo nete da seiyainie: ''we Imam nemambei neme da keu meu,Melkisedekwai kna a waro.''¹⁸Nepene yeko, besika serei yansi na kembari ambai dua da orupuku nena a wake ambai ne kwa na mekoipei,¹⁹Nemane nepere ne a yeko pepoi tupu nepena keipei.damane, a waro su bete keu na e seraibra kna damba mendo e yo pepoi e seraibra te da ate neme mema Awa mang tetero nena wa tou pa dua ma²⁰Damena mendo ei yo e seraibra kna damba a yeko ne dambere Imam si newai ne Imam nena a yeko ambainya.²¹Nepere, A-I nedo neye Imam a yeko dambere nete da ate nena damba sanumbuku,''Tuhan mang tetero a yeko te sesuku mendo si tena mekonipei: we peda Imam nemambei neme keu.'''²²Nemena a yeko ne da,Yesus neye nipi pepoi dambere a yeko poi te da deko Meke.²³Mani na ne,Imam tereng dopre wande Imam si ye tetembine Imam si ye ne nou, pa ne kwa mene.²⁴Nemane, nepere dado Yesus Imam a waro te neme da tepene nemambei da A-I nedo nena dambene da yereu nou nue da kene mene.²⁵Nemane nepere,dado Yesus ne seraibra te pepoi damba ato neme Awa mang tetero nena wa toupa nena ware dambere,A-I nedo neye da yereu te keu ne seraibra damete mendo kembari te da mekou.²⁶Imam detere neme na te da e seraibra wure te,Imam detere mromro,ne na peko ambai kese bai tetero peko seraibrabra kna nerore baipa sarupuku,wande buna pa da yare dopre detere Surga yo sena dia re dayo kani damba.²⁷Nedo Yesus Imam seraibra detere. si newai pere na ambai erikroipei,nemane ne seraibra sasyaisi te orunai keronai wande yane yane,nenei pekote baipa teiyinai ne besika na,bipa na umat seraibra nena pekote baipa.dado Yesus ne kembari te na ambai,A-I nedo nenei wate dewa ikime da tetero yei kna peko te baipa dua da sarupuku.²⁸Musawai nena a yeko na da tetero yei Imam seraibra detere te warenai.Awa mang tetero nena a yeko nenei yei nena dambere,nemane Musawai kna a yeko tua dewa meke metosure Awa mang tetero nenei yei nena damba pepoi nemambei ne me da kene mene.

Chapter 8( Yesus Imam detere nepereinya a yeko )

¹Damane e seraibra kna a te seiyane te: e seraibra kna Imam detere ane keu metere su ne sero diane detere yare dine.²A-I nedo neye nou detere mromro wande mayong pare kese bainya piyambainya Awa mang tetero merembuku, da kna meka semo ambai³Nemane Imam detere meka te kiraipiki neye dera te sasyaisi te atombine bekou nue,Imam detere nemane sasyaisi te atombine bekou nue.⁴Damane Imam detere dayo dambene yereu te kene na,A-I nedo Imam te na keipei nemane dayo dambena Imam seraibra dera te sasyaisi te bekou nue taurat a yeko kainya mane,⁵Nemane ne seraibra mendo kembari te mekai,sero diane Surga ne Awa mang tetero neye Musawai te da kurumbuku mayong pare kema suci:''ne bete mane da we ye ne te mekombunue sasyaisi deye da kirawe na mane da meko dambene.''⁶Nemane, neperei, dado Yesus neye da nemena kembari te deko piyambai a yeko nepereinya nena dambere yare dopre a yeko pepoi dambene da kene.⁷Nemane, a yeko besika pa na nepena peko keipei,nepere a yeko biserei pa na ne kwa na ambai mekoipei.⁸Nepere Awa mang tetero tetero yei kna pekote tembuku,neye ate seiyune,''dou te tende neya mene na,'Tuhan mang tetero ate sanumue,nemane deye a yeko te dua da kropuka yeko nepereinya Israel seraibrabra pere yehuda seraibrabra pere. ⁹Damena a yeko te deye we seraibra kna mangbra pere,deye neyo seraibrabra te baya Mesir kani re ate kame meka te.nepere ne seraibra ne ayeko tena tawinipei deye nena damba da ikame,deye nekwa na ne seraibra te na aroipei,'ne a te da Tuhan mang tetero sanumue.¹⁰' Nepere a yeko te deye Israel seraibrabra pere,'Tuhan mang tetero ate seiyune: deye a yeko te krotepinie dedei a yeko te ne seraibra kna damba,deye ne seraibra nena ke na pa deye ne seraibrabra nena Awa mang tetero.nemane seraibra dena umat seraibra mane kenai.¹¹Nepere ne seraibra nenei kani na seraibra te na a sanimipei do keka yei meke da ate donaimbinie,'Tuhan' mang tetero te aronembinde nemane tetero tereng dopre dete araitipiki yei neku newai tetero de tereng.¹²Nemane, deye pepoi te kirame ne seraibra nena peko te baya sisame.nemane, deye ne seraibra nena peko dopre mekeyainya nekwa mendo te na mekonipei.'''¹³Nepena ye Awa mang tetero nena, a yeko yansi na te baya da sarupuku.nepere, yansi na kembari dua da karupuku ne kwa na keipei.

Chapter 9( Mendo kembari yansina a yeko )

¹Damane, yansi na a yeko mendo kembari nou mro mro dayo dambena.²Damane sate nate Awa mang tetero: nena mayong, pare du da merambiki basuna nou serengka kiya tena,betera dambe, roti munu, sa nou bete ne na wado nou mro mro piyambainya.³Meto su dua tiyaite ke mayong pare nena wado nou detere mro mro.⁴Da nou nue bekou na kembari te mekonai tabut perjanjian tabut a yeko nena yekerai ye waro ne emas nou pa dua merambiki.nemane tabut eyu, na nena wengkai kendi emas munu sa manna eyu ne keraipiki,ne do Harumai kna kate tongkat wande oru a yeko pere na serau biserei.⁵Buna dambe, na kerub biserei piyambainya meka pare te tepimi teme te dinipiki,nemane daya serei pa meke nane ate na seiyinipeinya.⁶Nepere meye na mane nou pa dua da mekaipiki,Imam seraibra eyu pa kemah mayong pare pa kai, Awa mang tetero nena damba mendo kembari te mekonai.⁷Nemane, Imam detere bai ye da kemah mayong pare deko biserei pa na eyu pa nai,mai besika na bu besika,sa waro te Awa mang tetero nena damba ate da sanenainie nenei wa pa na te wande umat seraibra ne na peko mekai nya te baya sikinai mro mro warenai⁸Aru Roh Kudus ayo mire e seraibra kna damba kurumu nipi Ruang Maha Kudus nou detere mro mro maning tisipei Ruang Kudus nou mro mro neme da keu,⁹Nemane ne waro da serei pa dewa da mate ate araipiki.nepere nemane sasyaisi te ataimi wade wande dero betebete te kopirainie tetero seraibrabra nena kena pepoi tena doipei mendo kembari dambene,¹⁰Damane sawaro bu, waro, bei nie dane da wa ma beite na kembari te baya wa te sukaimi nemena ya serei pa neperei dewa da mene na( Mendo kembari ayeko nepereinya )¹¹Nemane, Kristus neye Imam detere pepoi waro te da mane,neye A-I nedo nou mro mro pa teme damba da poi dambere; mene ne nou tetero yei meka yena bete mekombipeinya.¹²A-I nedo neye eyu pa deko Ruang Maha Kudus nou detere mro mo da besika nemambei neme kene mene,nepe na ye kambing do kna sa waro ambai na lembu yei kna sa na waro baiye nemane nenei wa sa te dekomeke tetero yei nena damba pepoi bei mene¹³Nepe naye, sa waro domba do yei wande lembu do yei pere, lembu yei mire, pere ne na wa base da tetero kna neki peko te ne seraibra ne na wa ma waro te baya sikinai mipinie mro mro tere,¹⁴Nemane nedo Kristus, nena wa sa A-I nedo nena re aru Roh nena dambere nenei wa te Awa mang tetero nena damba sarupuku kurban nou rue na tepreinya ne pe e tetero ye seraibra Awa mang tetero nena damba kembari pepoi te da mekoma yereu poi damba.¹⁵Nemena te da nedo Kristus o ware mane da nipi te bouteke a yeko nepereinya wande e seraibra te Awa mang tetero neye da taru yereu tupu te oruma nena a yeko dambene;nemane tete nipi waro kiyapuku e seraibra te ena peko dambere yansi na a yeko dambere.¹⁶Ne mena wasiat, semo te merenai ne tetero neye dua da tetembine.¹⁷Nemane, da semo wasiat ne tetero mekombuku dua da teteupuku;nemane ne semo wake ambai da tetero mekombuku ne yere te neme kene na.¹⁸Nepena ye, a yeko metena kurban sa waro te na ambai.¹⁹Nemane, nedo Musawai ate sanumupuku a yeko hukum taurat akiri ne umat Israel seraibrabra nena damba,neye sa waro te deko lembu kna yei pere domba kna yei pere bu. eyu ne nebei pa tawupuku besika nepene mayong wol nimi tere wande suru po bete,neye yawu suku tekreumbuku taurat semo kepei pa wande umat seraibra te meyena mane ate sanumue.²⁰Da sa waro a yeko,'' Awa mang tetero nena akiri ne we seraibra tawenende.''²¹Damena kembari, ne Musawai kemah suci mayong pare merembuku tekrembuku sasyaisi meye na mane mendo kembari te mekainya sa waro ne mori mori dambene.²²Nemane taurat a yeko hukum taurat,sasyaisi metere baya siki naimpinie sa waro ne,nepere nemane sa waro diripipeinya tetero yei kna peko te na baipa na saripipei wa pepoi damba na eipei.( Yesus Kristus nedo neye peko te baya supuku )²³Nepena ye, sasyaisi metere sero diane dine kainya mro mro tere,nemane sasyaisi sero diane pepoi waro mro mro tere poi kenai.²⁴Nepe. na ye Kristus eyu pa na Ruang Maha Kudus deko detere mro mro pa na eipeinya, nemane da detero yei kna meka semo mekambiki nemane nou rue na tepreinya sero diane dine keu nepe ne A-I nedo sero dia pa eyu pake nepereinya Awa mang tetero nena wa tou nue ane keu e seraibra²⁵Nedo Kristus nenei wa te na da bra bra, mekoipei nemane Imam detere seraibra eyu pa Ruang Maha Kudus deko detere mro mro mai sire mai sipa sa waro te eyu pa donai nai nemane nenei wa sa ambai.²⁶Nepere nemane, Kristus weye peko dambere dewa meke da kani sero. dambene kiyou nemane nepere, Kristus nenei wa te kiya pa deko meke da besika tere nemambei neme kene mene tupu tena ya pa da mene na peko te baya simbine nenei wa te da e seraibra pa poi te nate sarupuku.²⁷Damane tetero yei mane ya dua da krapiki dua da tetembine da besika tere wande bekou pa ne kaye te duwa dewa wasi ne.²⁸Nemane deraitie nedo Kristus; A-I nedo neye da besika tere seraipiki peko te tetero meye na kna peko te da eru tekena kaye nekwa bu bi na te da dewa mene na,nemane peko tena eri teipei, da nepere nemane yereu pepoi te done mene ne seraibra e seraibra A-I nedo ne te da yo dambene da neme da tate.

Chapter 10( Yesus Kristus nena ware kembari da besika neme kene mene )

¹Nemane taurat ayeko arengko mane bekou nue mekone na nou nemane tepreinya nou maning ambai,we seraibra mai brabra sa kemei te mekau,nemena yeko we seraibra kna damba na pepoi doi pei mipei.²Nepere nemane tetero serai bra bra mendo kembari te mekainya nenei wa na peko te na tikanipei seiyinipei sa kemei ne kwa na mekoipei.³Nemane deraitie da sa kemei,we seraibra te mendo te ataimi we seraibra kna peko bete bete mai bra bra nou nue mekau na?⁴Nemane, sa waro lembu do pere domba dopere da peko te na sipipei.⁵Nepe naye, Kristus meke na dayo damba,A-I nedo neye ate sanumue,''sa kemei we na kena keipei nemane tetero yei nena wa te weye sarupuke tetero yei dambu pepoi te na te.⁶Nemane we a sawi pei sa kemei pere peko tupu baya sisaimina .⁷Nepere A-I nedo neye ate,' sanumue dado A-I ne pe semo kepei dirambiki na nepe ne dena wado te da meraipiki,deye meka na Awa mang tetero wena mendo na kembari, te meko te pine.''⁸Kristus nemena ate da seiyumbuku,'''sadera te kerai,sa kemei te mekai wandei tembo sa da peko te baya sinaipinie weye ate dere yene,wena mendo pa na doipei damena ayeko hukum taurat waro na taurat nena ayeko dambere na nemena nou keipei.⁹Deye ate ne kwa sename,''A-I nedo neye meka.deye da wena mendo na kembari mekotepine.''nepe, na ye Yesus besika na te baya da supuku wande bu biserei pa na nou pa kerombine.¹⁰Damane Awa mang tetero nenei mendone,e seraibra te mro mro damba Yesus Kristus, nena ware dambere da besika nemambei neme kene mene.¹¹Nepere Imam kembari te mekonai yane yane dera te da keronai nemena, kembari bei tie mekonai peko te na sipipei.¹²Nepena ye Kristus, nena ware dambere peko te baya da supuku,da besika nemambei kene mene,A-I nedo neye da Awa mang tetero nena meka metere su ne da yongkuku keu.¹³Nepere nemane nena yembe seraibra te mekou mue nena oto tou pa ane da kai.¹⁴Kristus ne besika tere e seraibra te mro mro damba nemena beitie kenai menai.¹⁵Aru Roh Kudus ayo mire nemane e seraibra kna damba nemena a waro te seiyune.¹⁶''Damena ayeko te da deye dena umat seraibra pere ne serei pa, meke Tuhan: mang tetero ate sanumue,deye dedei ayeko te krotepinie we seraibra nena kena eyu pa,wande deye ne seraibra kna mendo pa dua da menetepine.'''¹⁷Nepere, A-I nedo neye'' e seraibra kna peko bete bete meka te na te mendo ambai kepawe dua da orumbinie nemane e seraibra kna peko dopre na nepa na mendo mekonipei.''¹⁸Neperei, peko te baipa meye na mane susaimina tupu,Yesus Kristus nena dambere nemena te da sa dera waro sa kemei ne kwa na mekoipei da peko te baipa na kembari.( Awa mang tetero nena waye pa da mema )¹⁹Nemane, do keka yei meke e seraibra wa arma ye bekou pa dua ma eyu pa Ruang Maha Kudus deko detere mro mro nedo Yesus nena sa waro dambere,²⁰Nepereinya nipi yereu,Yesus nepe te dua da tusuku e seraibra te na te mayong ere te tusuku nenei wa dambere.²¹Nepere e seraibra kna Imam detere neye Awa mang tetero nena mie ne tenai tetero te yau mie kene Awa mang tetero nenei yei Yesus Kristus,²²Nemane e seraibra dewa mema Awa mang tetero nena wa tou pa kena ne poi tepreinya mendo ne ei yo ne da neme warenai,e seraibra kna kena te baya dua sikinaipinie ena peko dambere,da wa mate bu mro mro dambere sikinaipinie.²³Nepere e seraibra meka pepoi suwe tepema e seraibra kna a sawekate na Awa mang tetero nena damba nemena beitie warema mene,²⁴Neperei e seraibra beamane mekoma wande site site nebeipa beyi ma wande kembari pepoi te mekoma,²⁵Nemane bainya wate na waripei e seraibra kna yau mie mendo na kembari nero pa warende tetero si derou werainya mane.nederaitie e seraibra dewa mema site site wake pote,nemane e seraibra dua da arambiki te Tuhan mang tetero nena ya dewa da mene na watoupa.( Jangan melawan Allah )²⁶Nemane, e seraibra peko te neme da mekoma wande pepoi tepreinya e waro te dua da arapikite,nepere nemena a karo ne ena peko te na baya na sipipei.²⁷Nemane dou beitie tema kaye te wasine endiki dambere sing dekene mene Awa mang tetero nena yembe tetero te peko suwa.²⁸Tetero biserei naming serei dou ye dua tamipiki simi ye, Musawai nena ayeko tena tawinipeinya tete yeko damba kena bise ambai tere.²⁹Nepere nemane, da yeko ose mane mene da tetero yei kna damba wande ne ye da Awa mang tetero nena yei te baipa sarembine,nemane sa waro ayeko dambere mro mro tere,aru Roh* anugerah Awa mang tetero nena te baya sarembine?³⁰Nemane, e seraibra arambiki te neye ate sanumue,''nepe te peretepine dedei wa ne dane keu na deye ne nou pa peretepine.''neye ate seiyune Tuhan mang tetero nenei umat seraibra te kayete wasi ne³¹Beamane e seraibra Awa mang tetero nena yereu damba nena meka pa otoneme sema te kende bene warende wande mera se da kende.( Peliharalah keberanian dan kesabaran )³²Nederaitie, mendo te metopa dua kainya ya pa mekane te,we seraibra mendo poi mekanu,we seraibra nou nue tepende derenende peko pepoi o se dopre.³³we seraibra baipa, sisinaimie seka nai mie dia kane tetero kaso pere na nerone, wande we seraibra ne te da tawemende peko dambene tetero seraibrabra nemane dua da mekeyaimie.³⁴We seraibra birinsinde ne seraibra kna damba tu ere eyupa tiyamipiki,kou kari ne kewa te dera ne te nemane we na sasyaisi te we dua da arambuku we na sasyaisi pepoi neme na beitie kenai.³⁵Nemane sate, we seraibra we na mendo ne werainya nipi karo we seraibra kna damba sa pepoi detere dewa da mene na.³⁶Nemane we seraibra Awa mang tetero nena mendo na kembari waro te wei mendo te kena re ketengkronde nepere we seraibra pepoi te donde nena ayeko kropuku na pa.³⁷Nemane, tiki bai A-I nedo neye dewa mene na ne kwa na meto pa na kropipei.³⁸Nederaitie, dena tetero nou rue na nenei yereu mendo dambere poi kene damane neye endiki mane meto pa,nepere dena wanuru ne kwa na nena wa pa na keipei.''³⁹Nemane e seraibra meto pa na birisipei peko damba na eipei,nederaitie tetero seraibrabra ena wa nuru te semate kate eiyei mendo karo ne poi warema.

Chapter 11( Mendo karo )

¹Mendo karo te e damba atoumue sasyaisi metere da e seraibra ne te dera ne te nemane e doutei peinya nou na sasyaisi te e damba.²Nemane, da mendo karo ne da tetero seraibrabra yansi ne pepoi te seiyiyainie.³Damena mendo karo ne,e seraibra arambiki te da kani sero Awa mang tetero neye da mekombuku nena Firman akung. damane, dou tame te na sasyaisi te mekeyou na nemane dou teipeinya sasyaisi te da mekeyou.⁴damena menda karo, ne Habelwai neye Awa mang tetero nena damba sa kemei te pepoi mekeyou nemane Kainmai. pepoi te na mekoipei nepere nedo, Habelwai ne na dambere pepoi ate seiyainie nemane tetero yei nou rue na nepe,Awa mang tetero neye ate poi te ne sa kemei damba.nemane nena mendo karo ne,nederaitie dua teteupuku,nedo Habelwai ate kani eyu re da seiyune.⁵Damena mendo karo, ne Henokh wai tete nipi te na dou na tembipei nemane nedo ne te na tetero dou tembipei nepere Tuhan mang tetero nena meka dambere; dua da deko ne nemane ne te da pepoi ate seiyainie Awa mang tetero nena pepoi dambere.⁶Mendo karo ambainya te na Awa mang tetero nena damba na pepoi te na seiyinipei,nepere nemane simiye Awa mang tetero nena waye pa mene na,dua da nemeiyinembinie aronembine Awa mang tetero dape ne da keu,nemane wande Awa mang tetero neye ne seraibra kna damba sa pepoi te wasineme nete wurenai.⁷Damena mendo karo, ne Awa mang tetero neye nedo Nuhwai te ate da sanumbuku nena dou na tembipeinya sa te nepere nemane titeiyun suko wande bahtera i detere te mekombuku nenei yei mire te pepoi damba atoneme dua da nai.damane wande Nuhwai yeko peko te dayo damba mene nena dambere pepoi te done mene tepreinya nou rue na nena mendo karo ne⁸Damena mendo karo, ne Abrahamai dua wupuku nepe naye Awa mang tetero, neye tarumbuku nou si pa dua ne nate dereunue ne nou neye nepe ne dane kene.neye aroipei mo nou pana te ne ye dua ne nou pa ne.⁹Damena mendo karo, ne neye dua da ne wande ne kani ne kene ayeko na kani nou mena,kemah mayong pare eyu ne nebeinie Ishakwai pere Yakubwai pere kai.nebeinie o ware yeko nemambei kenai.¹⁰Nemane Abrahamai neye Awa mang tetero nena pa dou te teu yo detere te mekonembine ne na wan syang wake dopre na dia nero kura tere kene.¹¹Nemane deraitie mendo karo, ne sara me yei dua da deko ya se ne da tepu,nemane nena mai oko dua di sarupuku meto pa dua di eu yei tena ambai,neye ne mire sarame arombuku Tuhan mang tetero nena a yeko nou nue nemambei kene.¹²Nemane sate, da tetero besika ne na wa teteipina mane,atou dambere da sirinu kerainu te kaso pere tereng dopre meya sero dambene kisi boriye nebete mane tenone.¹³Damena mendo eyu ne ne seraibra meye na mane tete damba kai a yeko pepoi doi pei,nemane dou tambiki barie dekani mekai,ne seraibra dua da arambiki ne yo bari na tetero seraibra da kani damba mekai.¹⁴Ne seraibra ate seiyainie a kiya tere nemane ne seraibra kani te bute wurekai mai.¹⁵Nepere, nemane ne seraibra mendo te yepo nai nou metena nepe ne kiya te,ne kwa ne nou pa dewa mema.¹⁶Nemane, ne seraibra mendo te ei yote mekanie nou pepoi piyambainya Surga. yo sena dia bei keu nemane sate, Awa mang tetero te nenei Awa mang tetero te da mekai seiyane neye yo detere te ne seraibra te na te mekombuku¹⁷Damena mendo karo, ne Tuhan mang tetero neye, Abrahamai te sanumbuku Ishakwai sa kemei mane mekoipina te;ne a yeko bra bra dambere nenei besika na te sa kemei te.¹⁸Damena a waro te seyumbuku, nepere Ishak nena atou dambere ate neme da dua seiyinainie mene neme dua ne.''¹⁹Abrahamai neye Awa mang tetero, te nemei yumbuku pepoi arumbuku Awa mang tetero neye tetero dua tetembine nate ne kwa e suwa yereu orumbine.damena nou karo ne mendo wa pa mekai Ishakwai meka poi dewa dekone²⁰Damena mendo karo, ne Ishakwai ate pepoi dua da seiyumbuku bekou pa na ya Yakub wai pere Esawai pere yei do biserei.²¹Damena mendo karo ne tete ya tupute na pa meke,Yakubwai ate poite seiyune yei bra kna damba Yusufwai ne na yei damba oto butu dusukruko neye kate damba wate saweke.²²Damena mendo karo, ne da Yusufwai, tupu tena yereu pa meke ate dombuku Israel seraibrabra baipa dewa menai Mesir seraibrabra nena nero re ate ikime nena orote mise te tenai oro te pepoi orunaipinie Kanaan kanipa dua nai.²³Damena mendo karo ne,Musawai ne te sengkai yei sasyeinie ye pa nerambiki oko naming serei nena nai nenang dou tambiki yei pepoi endiki, dekoipei andewapona nena akurung.²⁴Damena mendo karo ne,Musawai detere orupuku ate baya sarupuku Firaun kna yei ambainya tewai.²⁵Nedo Musawai, peko nero pa nenei wate da deko meke nebeinie umat mang tetero nena seraibra pere nemane pepoi waro te na peko damba na tawinipei.²⁶Dado Musawai nena mendo na Kristus nena peko nero ne tikambuku meke nepe poi waro, nemane Mesir kna sa depa depa sasyaisi neme kenai Musawai nena dou te teu bekounue bepa na ya sa pepoi te da temane.²⁷Damena mendo karo ne, Musawai neye Mesir te neme tembuku kiyou baipa dewa da meke endiki dekoipei andewapona Firaun nemane Musawai dou te nedo A-I nena wapa na te maning mendo beinie da werai.²⁸Damena mendo karo ne,Musawai kembari te mekou paskah pere sa waro pere nemane yei yarise te baya titi nena peko sure na Israel seraibrabra tena ambai²⁹Damena mendo karo ne,Israel seraibra nau nero te da laut merah, nau nimi dari mane dua da orupuku keu.nepere, Mesir tetero serai bra bra dewa mekai nemane tikambiki pepoi neme dua da kai nou eyu pa tinaipiki.³⁰Damena mendo karo ne,Yeriko nena oru suwe na apa disapiki orlekai mekai nepere nemane oto bei ye da ken kani mekai diwa dewa yembainie ya meka su suna wau biserei.³¹Damena mendo karo ne,Rahab do wambo na mire, nemane ne te na no toipipei neye Israel tetero seraibra dou su te mekainya pepoi nena mie pa da a tekome kiyai.³²Deye ne, kwa bea ate seiyi tene? dena soning ambai we te ate saneteme nemane gideon,Barak,Simson,Yefta,Daud,wande Samuel,Nabi seraibra pere.³³Damena mendo karo ne diare diare andewapo te apa da disiyaimie a wara poi te tepreinya te,ayeko dambere wariyai,singa seraibra te emburu te nebei pa diniyaimie.³⁴Sing namute baiya kepeyai,meteka yemo te baipa sariyai,wake dopre sue da tepe yai kani kani nero re wa te armaipiki pera sangku dambene,pera yo seraibra kani sirena te baipa da tikeiyaimie.³⁵Nemane mire seraibra tetero no te ne kwa dewa oriyai nemane deraitie e suwa inai yembine,nepere peko dambere mekai ate seraipiki pepoi waro te na doipei nemane neye nekwa e suwa inai yembina waro pepoi bei neme dua da nai.³⁶Nemane deraitie, siderou peko meke yaimie wande sa suwe na sa yemo wa pa tepiyai,meka oto te bekiyai tu ere eyu pa tiyaimie peko te bapa sariyai.³⁷Ne seraibra oru wa pa teiyiyaimie,biserei baya pereyai,peko suwa no te titiyai nena meteka yemo dambere.nemane nepere seraibra si derou baipa dua da sere kruko nena mayong keka damba ere kambing ere;nemane ne seraibra meka bei ye sasyaisi mena ambai tere a kiri ne kiyai,peko poi te tikiyai yainie.³⁸Nemane ne seraibra nena nou dayo dambena ambainya tewai,nepere ne seraibra baipa sereukruko wariyai nou krong krong nemena dambene meko dambere dambere wande meko yene yene,wande kani eyu ne ane da kiyai.³⁹Nemane meyena mane a waro pepoi te oriyai ne seraibra nena damena mendo karo ne,ne seraibra a yeko pepoi te na doipei nya tewai.⁴⁰Nepere nemane,Awa mang tetero( Allah) nena dambere sa pepoi te e seraibra kna damba,nederaitie e seraibra ambai keipei nya,nepere nemane neyo seraibra pepoi damba eipeinya te wai.

Chapter 12( Yesus neye wariyou na mane warema )

¹Nepere e seraibra kaso pere ate sawekai e seraibra te dinambiki ma yepombina mane,e seraibra ena o se te apa sema sine wande peko e seraibra beyumupuku tepu wande e seraibra bepa dua nawema kena tete ne te deremane e seraibra te na te bekou nue keu na deraiti damba dua ma.²Nemane e seraibra dou te nedo Yesus nena wa pa tema,A-I nedo neye dua da mekoupuku piyambaitie damena mendo e seraibra kna damba,wande damena kou karine nepe te da sesuku,salib o se te dua deko wande peko te salib o se te ate senaimina te baya ate sarupuku ne o se te dua deko nepereinya A-I nedo neye Awa mang tetero nena dia ne meka metere sune di keu.³dado Yesus nete na mendo te mekomane,tetero serai brabra kna peko dambere ena wanuru te pepoi damba atoneme mema.( Awa mang tetero neye ena Awa mane keu )⁴Damane peko te baipa sisimane eye deremane,e seraibra maning wa da diripipei.⁵Nemane, e seraibra ate kepawe ourate ena damba senaimie yei mane wera tena? we yei wariyena Tuhan mang tetero nena sema kirine,wande we te ate sanenaiwe wei kena te atou punu baipa dua eu.⁶Nemane, Tuhan mang tetero yei te kurumuna, nenei te kena te keu na wande tetero yei te sa suwena dambare da tepu mu nenei yei mane wa pa dewa da deko ne.''⁷We seraibra nou nue suwe tepende da a waro ne Awa mang tetero neye we te kurumu na nenei yei mane;da mena bea mena yei te nena nai ate na kirinipei?⁸Nemane we diamena a waro te na oripei betoipei yei meyena mane basu ne dine werai eyu suna we waripei.⁹Nepere nemane ena Awabra dayo dambena ete ate kiraimi senaimi,eye dekoi dekoi te nena damba,nemena e seraibra apa disimangkrone ena wa te Awa mang tetero nena damba ena aruh Roh wande ena yereu tupu?¹⁰Nemane, ena Awa da yo dambena ena damba ate kiri neme po tere bete nena mendo ne mekou nue ne a waro pepoi tere,Awa mang tetero sero dia ne keu na e seraibra kna damba ena poi dambere e seraibra moi ye mro mro teme damba tanempine.¹¹Meterena mane ate kirami, ate beta te wa tipinsipei wande ekri mane a sawipei.nepere nemane, ate betapikite damena a waro nena a yu mena tepreinya tere da yereu teme pepoi warema mene e seraibra da a waro te senaimi.( Wena yereu karo ne mendo te yeponde )¹²Nemane sate, meka suwe tepende kani kani nero ne wande oto butu wake bai,¹³Nipi te sipi mekonende oto te ne dambere ende nemane oto wei nengkrone ya pra te na keipei,pepoi oto te waru.¹⁴Teme waro te durun sune waru tetero meye na nerone,wande mro mro dambere waru nepere ne mro mro, tupu ambainya tetero sinewai besika Tuhan mang tetero ne te na dou teipei da.¹⁵Nyeinipi tere wurende nepere nemane tetero yei sinewai ne ye Awa; mang tetero nena pepoi te na dou teipei kembine,nyeinipi tere nemeiyinembinde peko waro sa peti mane are bunapaine wande a wate da orumbine tetero kaso pere na damba.¹⁶Nyeinipi, tere aronembinde dapene tetero sinewai seko seko mane orumbine nedo Esauwai mekoupuku na mane nena yarise waro te sawengkai besika anupuku Yakubwai kna pa da sarupuku meke.¹⁷Nemane we seraibra arambuku bepa na ya,nemane Esauwai nenei yarise waro te mendo ne werai,nete baya seraipiki ne kwa na doipei dimite dumu dou bu nero ne.¹⁸Nepere nemane we seraibra meko damba mende na nou pepoi dou teipei,sing dekainya damba mende,a kepekepe nero pa mende,a neko burune aru orso dambere warema.¹⁹We seraibra mipei toni kurung danene,wande we seraibra akurung warene ne pa na weye ate ne kwa pepoi betombinde na ambi da we tena ate sanenemena yeko ambai.²⁰Nemane ne seraibra ne nou nue neme na tepeipei a kurung betoipipei;nepere nemane seka aprau na sa ne meko dambene waru,nemane ne seka aprau na sa oru no te na toipipei.²¹Dado Musawai ate seiyune dena wa nemei yenderaite endiki te deka dou tane ''wa erikroinya mane da.''²²Nepere, we seraibra dewa da mende Sion, meko damba,wande Awa mang tetero ne na ko ta pa yo mende yereu nero pa dewa siri yo dia Yerusalem Surgawi, sero dia wanda Malaikat seraibrabra nena tereng tenou na ayena beinipeinya tewai kaso pere tereng dopre werai,²³We seraibra dewa mende yau detere jemaat kna yei yarise yarise Awa mang tetero nena semo kepei ne Surga, sero dia ne dine meraipiki Awa, mang tetero nena kaye te diwa dewa da ne te tetero te meyena mane,tetero seraibrabra Roh aru nou tere na tepreinya dua da sukumbuku na.²⁴Nemane we seraibra dado Yesus, nena watou pa mende nena ware dambere yeko nepereinya,wa sa waro durupuku akaipiki,ate seiyune pepoi tere sa waro pepoi nedo Habelwai nena sa waro narnar.²⁵Nyeinipi tere nemei yinembinde we seraibra. A-I nedo nena ate seiyune na te weye baya sarembinde poi bei nemane sate we seraibra nedo nete baya seraupuku,we da yo dambena kanine wei wate A-I nedo nena dambere sero diare Surga nepere ate seiyune we seraibrabra da yo dambere na wei wate na moina doipei eipei.²⁶Nemane, yansina nedo nena a kurung da kani damba da yo damba,tepiyou kurung daniyou nepereinya akurung neye ayeko te sesuku.''nemane, de ye da yo kani damba na tipinsipei nemane deraitie sero damba buna pa tepene.²⁷Akurung ''ne kwa da mene'' baipa dingkerenai pinie nepe waisinai pinie,nepere sasyaisi metere dua mekoupuku nepere nemane baipa na waisipipei nou nue neme da kenai.²⁸Nemane sate, e seraibra andewapona nena dia ne ne nou wasipipei nou nue neme kenai,e seraibra dewa da mema kena te deremane mendo kembari ne apa dusumangkrone Awa, mang tetero nena wa toupa mema,dekoi dekoi waro ne meye nou pa dua aromambine pepoi tere nemeiyimambine,²⁹Nemane Awa mang tetero e seraibrabra e na Awa mang tetero sing peupeu detere de kekai muna baya metere na mane seno nempine deke nai pinie teme da orunaipinie.

Chapter 13( Tetero yei arambiki nemeiyambiki da a betebete ne te na )

¹Dokeka yei meke yau nero ne warende!²Mendo te mekonende tetero serai bra site meka pare tepemende nemena a waro te kembari te, mekonde tetero si derou Malaikat seraibra pere nebeinie werai.³Mendo warenai tetero seraibrabra tu ere eyu ne tenau,mendo warenai tetero seraibrabra peko nero ne tenonai nepere nemane we seraibra nembere nena wa eyune yau nero ne kau.⁴Nemane tetero meye domire nebeinie da warenai kenai wa tawi tawi pepoi teme dambere mekonai mro mro da kenai,nemane Awa mang tetero neye tetero sraibrabra te o se te da a toneme kaime kembari peko te wa ne mekonainya.⁵Nemane wei wa te baine warende sa dera kena keipei,wei wa te da nenei serai bete weye dua orunde na nemane da a te nedo neye dua da seiyumbuku: de we te na temipipei keipei,we te na bai pana saripipei eipei.''⁶Nepere, e seraibra wande ate seiyi mane ne te da aromambine nemeiyimambine ''Tuhan mang tetero, ne do ena wa nero ne da waru wande nepere de endiki dekoipei beasate tetero si dena wa pa mekombine?''⁷Mendo warenai we na tenai mena tetero,we seraibra te a waro kiraimi asena Firman Tuhan mang tetero wena damba.nemeiyinde ne seraibra nena yereu waro ne we ye da warende nemane damena mendo karo ne kende.⁸Yesus Kristus nedo ne nepe da ye,wena yane,da yane,nemambei neme da kene.⁹Nemane deraitie we seraibra wena mendo te sipa sipa a waro te kirinaimi we aroipeinya sate; nemane pepoi waro te wena kena suwe kende pepoi waro ne,nepere munu sa waro ne seraibra kna wa re pepoi mena doipei.¹⁰Nemane e seraibra nou bete dua keu na tetero seraibrabra mayong pare kemah suci kembari tetero sa tena nepe na anipei.¹¹Nepere, sa waro domba kambing nena wa rena sa Imam detere e yupa deko neropa Ruang Maha Kudus pa peko te sikinaimi wande domba kambing nena wa sing damba ta nenai dekenai mayong pere kemah banya su ne,¹²Nemane nedo Yesus neye peko te o se te eruteke numburu mau detero yo nero ne umat seraibra te mro mro damba tamupuku Yesus nena wa sa dambere.¹³Nemane sate, e seraibra nedo Yesus te mayong pere kemah, basune temane e seraibra kna peko te neye dua da nena wa ne eruteke.¹⁴Nepere, e seraibra da kani dambena nou yo keipei nemambei kene mene,maning e sraibra neme da tate na yo bekou nue dine di keu¹⁵Nemane sate, nedo Kristus nena ware dambere e seraibra dewa da mema apa dusumangkrone mendo pepoi dambere Awa, mang tetero nena damba peu ne katu ne nena wado te do yedoye orumane piyambai.¹⁶Nepere we seraibra poi kende wande sasyaisi te bayawasinde nemane mekonde nepe te Awa mang tetero nena mendone keuna.¹⁷Wena tenai tetero te tawe mende apa dusumbinde warende neye da we na wa nuru sema te da kai nena damba weye ate sawende.nemane wande, ne seraibra kembari te kou kari ne mekonai,nemena a waro we na damba na ambai da.( Mendo kembari ate da seiyune nena damba )¹⁸Mendo kembari te da mekonde dena damba de seraibra kena poi te da dekate kate,kembari pepoi te mekate wera te dekoi dekoi karo ne da.¹⁹Deye wa ye susame mendo kembari te ate seiyinende nemane da tepreinya tere nepere nemane wena nero pa deye ne kwa dewa da mete.²⁰Nepereinya, Awa mang tetero neye teme waro piyambainya,nemane nedo Yesus, te ne kwa e suwa awekene yereu dewa meke ena Tuhan mang tetero,neye bete waruna Sang Gembala agung nena oto tou na seraibrabra domba domba,nena wa sa yeko dambere nemambei neme da kene mene.²¹Nepere nemane we te nou pa mekone wepine pepoi orupunue nou pepoi dambene keu nena kembari waro te da mekou wena wane nemane, wande Awa mang tetero e tetero yei kna damba kembari te dua da mekou Awa mang tetero nenei kena ne pepoi te na te nedo A-I Kristus Yesus, nena dambere,wande nepere Yesus nena damba tepreinya nepe piyambainya nene nemena beitie nemambei neme dua da kene mene tepreitere piyambai te.amin.( Tupu ne nate ate dinimapine )²²damane do keka yei meke,deye da we seraibra te susame damena a bete bete senamena te pepoi betonde merase bete kende nemane da bete bete deye potere bete mereupuka we te na te da.²³Deye da mane we seraibra te ate sename enado keka ne do timotius wai,tu era eyu re baipa dua da tambiki meke waru,nepere nemane neye de na wa tou pa dewa mane,wande deye nedo nembere nebeinie we seraibra kna wa tou pa dewa mema bete brima.²⁴Damena pepoi ate e seraibra nepe na tenai tetero seraibra nena damba Imame wande tetero seraibrabra pepoi waro mro mro dambene kainya.do keka yei meke e na seraibra Italia yo re na nemane deraitie poi ate wena damba seiyane.²⁵Awa mang tetero nena pepoi tupu we seraibra kna damba meyena mane poi da kende.

Revelation

Chapter 1

(Yohaneswai wahyu semo kepei te ate seiyunue) ¹Yei Yesus Kristus nena wahyu,Allah Awa mang tetero neye yei Yesus kna dambare yauna dero na kna damba nenei a keyana seraibrabra damena yeko waro te nou pa seraibeitie mekonaipinie nemane yei Yesus Kristus damena yeko waro te nena Malaikat kna dambere ne do Yohaneswai kna damba da a waro te sanumbuku nenei dou ye tembuku. ²Yohaneswai neye mang tetero nena Firman a sena ate seiyunue wande yei Yesus Kristus nena dambere,sasyaisi te meye dou ye tiyounue. ³Piyambai tere tetero yei da Firman a sena kurung poi bende piyambai tie we seraibra ne te poi ye betonde waye dua da mekonde da semo ne ate meraipiki nena ya watou pa dewa noupuru.(Yohaneswai poi ate jemaat mekasu suna wau biserei Asia ne kainya pa)⁴De Yohaneswai kna waye meka jemaat mekasu suna bi Asia nekainya pa piyambaitie wande teme tere wena damba nedo A-I dua da kiyou,neye nou nue kiyou,nedo neye kiyou dewa damene;nemane aru Roh mekasu sunabiserei nenei dia ne dai dia dai meta kreu meta ne. ⁵Yei Yesus Kristus nenei dou dambere pepoi tere ne ye metere te da tetero dua sou na tete nerore esua yembuku detere te keu andewapona seraibrabra da yo kani dambene kainya pa nedo A-I nena dambere,e seraibra te kena te da dereunu wande e seraibra te pepoi damba ena peko dambere nena saye da durupuku, ⁶Nemane e seraibra te nenei diapa andewapo na te kene,Imam seraibra mane eiyei Awa mang tetero nena waye pa dua da ma,A-I nedo nena damba poi piyambai wande detere te kene nounue nemambei kene mene! tepreitere.⁷Dou tenende,yei Yesus ne ye dai dia dai meta kreu meta dambere apa da yo damba dewa mene na ma tu meri tu ma ongko meri ongko dambere dou dou ye tenende nedo A-I neye dayo damba mene neyo seraibra ne te ung yekene asekai;wande metere seraibrabra da yo kani dambena dimi kurung warene dou bu te baya sinai A-I nedo neye menena teperei damena nou da dua mekombinie!tepreitere.'' ⁸''De A-I nedo ne ye dina tupu Alfa wande dana tupu Omega,Firman Tuhan Awa mang tetero ne ye metere te kiyou dua da neye mete kiyou,wande nedo neye dewa da menena de neye da detere tere(Yohaneswai patmos ne kiyou neye A-I nedo nete dou tembuku)⁹De Yohaneswai,yau na dero na nerore moi ye dewa da meka,pepoi peko te tikane,dai dia dai meta kreu meta Awa kna dia nemane yei Yesus kna dambere patmos kepou ne dane da ka,Awa mang tetero nena Firman a se na wande nemane yei Yesus nena ayeko waro ne da wera. ¹⁰Dete Tuhan mang tetero nena aru Roh nenei ya ne de ye akurung te beta dena meto sure toni kurung mane danu, ¹¹Ate seiyunue wena dou ye tiyene na sasyaisi te meye semo kepei pa mereupunue nepe te baya moi moi ye wasumue jemaat mekasu suna biserei Efesus Smirna,Pergamus,Tiatira,Sardis,Filadelfia,wande Laodikia.''¹²Metopa buru suka dou te ta akurung dena wapa da sanute ne te beta deye dou te tepuka sing kiya oto kai mekasu suna biserei emas mro mro, ¹³Sing kiya Kaki dian ne nerone esune tepeu tetero besika serei nedo A-I neye mayong jubah oto toupa sawekai nena nambo pa mari te seruku emas dou dou atainie.¹⁴A-I nedo nena tenai dambena nua kreu kreu Domba kna wa piye mane ma kreu kreu mane;A-I nedo nena dou na sing peu peu mane sekaipiki dekai. ¹⁵Nena oto tembaga mane sing mane nenseng dambe ne nimi tere wande A-I nedo nena akurung bu oro kurung mane yembune. ¹⁶Nena meka metere suna A-I nedo tupuna meya mekasu suna biserei A-I nena emburu ne baipa dewa kiyapa meke sa yemo nena yemou biserei sune sune A-I nedo nena be soning kiya mane sawune¹⁷Deye nepere A-I nete tembuka,deye nena oto toupa apa erumbuka tetero no mane da tena.nepere nedo A-I neye nenei meka metere su te dena wa damba da sesuku dete ate sanute,endikitena dekoipeinya;de pe daye dina tupure dana tupu pa deye wera, ¹⁸Wande yereu tupu,de dua teteupuka,nekwa yereu orupuka nemambei neme da kete mene de na meka ne tepa na kani mau tung numburu pere Hades mau tung numburu pere.¹⁹Weye dou tiyene na sasyaisi te semo kepei pa mereupunue,nemane neperei dua mekonena sa pere nekwa metosure mekone na sasyaisipere. ²⁰Da nou bete yene keu na meya mekasu suna biserei wena dou ye tiye ne nemane sing oto emas mro mro tere.meya mekasu suna biserei dena meka metere sune da tepa na nepe Malaikat seraibra jemaat mekasu suna biserei nepe re na;wande sing oto mekasu suna biserei neyo nepe dayo jemaat seraibrabra mekasu suna biserei.''

Chapter 2

(Semo jemaat Efesus pa na) ¹Semo te mereupunue jemaat Efesus ne kainya pane yo seraibra kainya pa A-I nedo nena akurung neye meka metere sune tepuna meya mekasu suna biserei wande oto te da waru sing oto mekasu suna biserei ne emas mro mro nerone: ²Deye arombuka we na kembari metere mekau na wei wake ne nou nue mekau beamane we seraibra peko poi buru ne,we seraibra wande nemei yau tetero yei seraibrabra nenei wate seiyainie yauna dero na Rasul,nemane nou re nape ne seraibra Rasul ambai ne seraibra e arambiki te nemei wepai te ke werai.³we seraibra nou nue neme da suwe tere tepau dena wado sate da we noipei werau. ⁴Nemane deraitie,deye we te ate kirame we seraibra kena bise pepoi yansina te kepawe da ourambuku. ⁵Nemane sate,mendote yepombinde mopere weye apa jewaupuku nekwa pepoi damba dewa da mekau,nepenaye we seraibra nekwa mete yansina kembari te nou nue mekonde warende nemena kembari mekoipei deye wekwa mete wande sing oto te kaki dian te baiya dua da dote nepere we seraibra mendo te poi mekonende.⁶Nemane deraitie,damena a karo ne we neme da tepembinde:we seraibra yembe te da kau Nikolaus te tawekainie werainya seraibra kna damba deye nemane yembe te da ka. ⁷Neye bentekei kenainya nenei wane betonai aru Roh nena akurung te seiyunue jemaat seraibrabra kna damba da simi ye bekoupa dua nena,deye nenei sa munu sate itene anene o yereu pohon kehidupan Awa mang tetero nena mika nero ne taman Allah.''(Semo jemaat Smirna pa na)⁸'' Semo te mereupunue Malaikat jemaat Smirna ne kainya pa neyo seraibra pa da akurung A-I nedo nena akurung dina tupu re dana tupu pa yang awal dan yang akhir dua teteupuku nekwa yereu orupuku: ⁹Deye dua aroumbuka wena pepoi peko nerone,teprei tere na te we pepoi dambene dua da kiye!deye dua aroumbuka wena damba a kaiy te mane seiyainie neyo seraibrabra nenei wapa Yahudi tetero te seiyainie nou runa pe Sinagoge iblis sekai nena yau mie.¹⁰We endikite tena dekoipeinya damena peko nero ne wariye dou te teupune sekai wete nena tu ere eyupa wena seraibra pere nebeinie we te tukainaimie,wande we seraibra ya meka biserei peko pepoi mekonaimie nemane nou nue neme tete damba,deye wena damba wenta yereu te itewe tenai damba tutupunue. ¹¹Neye nenei bentekei da ate betonai da akurung aru Roh jemaat seraibrabra nena damba ate da sanumue ate betonai tetero bekou pa neme dua nainya pepoi peko te na tikainipei tete bubina ne kwa na tikainipei.''(Semo jemaat Pergamus pa na)¹²''Semo te mereupunue Malaikat jemaat Pergamus ne kainya pa ne yo seraibra pa:da akurung A-I nedo nena akurung sa yemo meteka yemou biserei sune sune: ¹³Deye dua aroumbuka we seraibra ne nou nue kau,sekai iblis neye nepene keu;nemane we seraibra dena wado te nou nue da tepende dete da nemeiyitembinde Antipas kna sereine dena a yeko asena waro na tetero te yei baiya note tewaipiki wena nerone,sekai iblis neye keu na nou nue.¹⁴Nemane deye we seraibra te ate sename tetero mo serei Bileam nena kembari te tawekainie mai,Balak ate kurumue ote yarunai Israel yei seraibra nena bekounue,munu sate anenai do sna sna onate orunate kapne nainie peko pepoi te wane mekonai kaimie waro pa da derenainie. ¹⁵Nemane deraitie,wena nero ne si derou nedo Nikolaus nena kembari te nou nue neme da awekai tepai¹⁶Netenate,wei wate apa disingkronde kena nundrunai!nemena ambainya,deye we kwa dewa mete wande ne seraibra te sa yemo meteka yemou dena emburu ne tepa nate nena damba pera te metena. ¹⁷Nena bentekeinie betone aru Roh nena ate seiyunue jemaat seraibrabra kna damba.neye bekou pa neme dua nena,deye munu sa manna nete yene keu nate nena damba itene;wande deye nena damba da oru kreu kreu besika itene,nemane wa do besika neprei ne orupa metepinie,tetero si newai aroipei ne oru tena nemane nete dekona tetero beiye aronembine.''(Semo jemaat Tiatira pa na)¹⁸''Semote mereupunue Malaikat jemaat Tiatira ne kainya seraibra pa da akurung Awa mang tetero nena yei nena dou sing tena mane da sakoupuku deku wande nena oto sing tena mane da sakoupuku deku wande nena oto sing tena mane ouraipiki tembaga sing damene deku na mane: ¹⁹Deye dua da aroumbuka wena kembari te mekau,kena bise karo ne mendo ne eiyo ne,yau nerone werau merase bete kena tete werau,wande wena kembari tupu te na memetena te dua da sarupuku.²⁰Nemane,deye wete ate sename we seraibra Izebel mire te tambuku waru,ate saweke Nabiah si mane,dena yauna dero nate ate kurumu peko pepoi neropa bisi kaimie damba do sna sna te nena bekoupa keraimina munu sate anenai. ²¹Deye ya te sesuka da pekote baipa teyinde,nemane neye peko tena baipana keneinipei .²²Dou te tende,deye nete baipa yepitembine nena yuku te tenou na arwa dambene peko pepoi te tuka nena wande neyo seraibra kaimie te nembere mekonai deye nete peko detere neropa susu tensine,nemane ne seraibra peko te baipa teiyinai ne mire te neme tenambine kene. ²³Deye nena yeibra te note tititepine;wande jemaat seraibrabra meyenamane arounambinie deye tetero nena kenate mendo te mekane wande deye we na damba tetero nyeinie wei kembari poite mekauna dambere pepoi damba.²⁴Nemane we seraibra Tiatira ne kau na,damena ayeko tena we tawipei sekai iblis kna pepoi peko we aroipei,deye ate sename:deye wena damba na karo simena ose te na imipei. ²⁵Nederaitie,meka pepoi tepende nou nue neme kende we seraibra damba deye ne kwa dewa mete.²⁶Nemane tetero bekou pa neme dua nena kembari pepoi te nou nue mekone na dena kembari tupu pa manena,deye nena damba wake pote itene da seraibrabra damete weye keu, ²⁷Ne seraibra nepere akiri ne kate dambere seraibrabra te tepenaimie nemane kate suwe na(tongkat besi) baipa bete bete nutunai bra bra unaipinie deye dei Awa mang tetero nena re wake po te dua da deka ne wake ne ²⁸Deye nedo nena damba ya na meyate bintang timur teitene. ²⁹Nena bentekeine betone ate betone aru Roh nena ate da seiyunue jemaat seraibrabra damba akurung waru.''

Chapter 3

(Semo jemaat Sardis pa na) ¹''Semo te mereupunue Malaikat jemaat Sardis ne kainya pa A-I nedo nena akurung nena dambene aru Roh Awa mang tetero nena dambere yei kna damba meya mekasu suna biserei deye dua da aroumbuka we na kembari mekeye na. ²Sema te keu wei wa te na,wake te nou nue damena a waro dua karumbine nemene de ye wena kembari mekeye nate tawena Awa mang tetero nena bekoune poi mena ambai.³Nemane sate,mendo ne warenai weye dua betoupuke na,nemena a karote nou nue neme wande wei wa ne da pepoi tere mekoupunue!we wei wa tena sema keipei,de ye dewa da we kwa mete na. ⁴Nemane deraitie,weye tetero si derou te Sardis yore atoupunue nena mayong neki merembipei;ne seraibra deye da ato teme dembere warema mayong kreu kreu titimapine ne seraibra pepoi.⁵Tetero bekoupa dua nena mayong kreu kreu wande deye nena wa dote baya na sipipei semo kepei yereu tupu kitab kehidupan deye nena wado te ate sawete de dei Awa nena bekounue wande Awa nena Malaikat seraibrabra nena bekounue. ⁶Nenei bentekeinie da ate da betone akurung aru Roh jemaat seraibrabra damba sanumue.''(Semo jemaat Filadelfia pa na)⁷''Semo te mereupunue Malaikat jemaat Filadelfia ne kainya pa damena akurung A-I nedo mro mro ne nare wande noru na ne pe nenare,Daudwai nena mie tung te tepuna,baiya tinsine da tetero si newai dinipipei,noupa dua denimbinie da tetero si newai baiya na tisipei: ⁸Deye dua aroumbuka wena kembari dou te teu,deye mie mau te tusuka wete nate,da tetero si newai dinipipei wena wake ambai,nemane weye dena Firman asena te betau dena wado tena baipa na saripipei werau.⁹Dou te tende,deye mekote pine sekai iblis nena yau mie Sinagoge seraibra,Yahudi tetero mane ate sawekai nebei nie werai nemena pa ambai,nemei wepai peu te ourainie,deye neo seraibra te mekote mepine dewa menai wena oto toupa menai apa oto butu te dusunaiy krone,ne seraibra aronambinie deye wete kena te derane. ¹⁰Nemane weye dena asena Firman te sema te kau,deye wete pepoi atoteme peko pepoi nerore dayo kani damba mene neyo seraibra te wate tikateme dayo dambene kainya. ¹¹Deye ne kwa dewa da mete meka poi tepende weye dua aroupuku nepere nemane tetero si newai wena wenta tenai dambena te done.¹²Neye bekou pa neme dua nena de yeine te mekotembine mie dinding mane tepene dedei Awa mang tetero nena yau mie bait suci mro mro,neye ne kwa na baipana eipei;de ye nena wapa wadote meretepine dedei Awa mang tetero nena wadote wande dedei Awa mang tetero nena dia yo wadote da meretepine,nepene yo siri dia Yerusalem baru sero diare Surga nepere apa da dewa meke,dedei Awa mang tetero nenare wande dena wado si bete nepereinya. ¹³Neye bentekeinie betone akurung te da sanumue aru Roh jemaat seraibrabra damba ate seiyune.''(Semo jemaat Laodikia pa na)¹⁴''Semo te mereupunue Malaikat jemaat Laodikia nekainya pa damena akurung tepreitere ayeko nou terena,tupure sasyaisi metere Awa mang tetero neye mekeyou: ¹⁵Deye aroumbuka wena kembari,we seraibra nining mena ambai namu mena ambai;nemena pepoi pe da weye ningte bei namute. ¹⁶Nemena weiwa namu bete mane ning bete mane,deye dedei emburu eyure wete kiyapa bai suwa da tatewapinie.¹⁷Nemane weye ate seiyiyene,dei sasyaisi dopre,metere na mane,si bete mena kasoupipei,we da yeko aroipei tepreinya te seiyainie we peko nerone kau,ambai tere,aroipei dou kepe kepe,mayong bainya kiya terene kau. ¹⁸Deye wete ate da sename dena re emas te da weye dera tende,sing namu dambene mro mro dua ouraipiki we ye orunde,wena mayong kreu kreu te wa pa titinde paitya bure we wa kiya na waripei,wena dou te aneko dambere kiya damba doute tende.¹⁹Neyo seraibra deye kenate derane,deye aye santeme deye kiriteme;nemane sate wei kena ate apa dising kronde pepoi teme damba ende! ²⁰Dou tetende,deye esune tepa mie numburu ne meka kurung te bepana.nemane tetero dena akurungte betombine mie mau tetinsine,deye mie eyupa me te nembere dembere munu sa te nebeinie ana.²¹Neye bekoupa neme dua nena,deye nete santembine dembere dedei diane,deye dedei Awa pere nebeinie Awa nena diane. ²²Neye bentekeinie betone akurung aru Roh nena akurung te seiyune ate sanu mue jemaat seraibrabra damba.''

Chapter 4

(Yohaneswai sero dia te dou tembuku) ¹Nepere deye doute tiya mie numburu sero diare tiyaisiki,deye akurung te bete ya toni kurung mane dena wapa ate sanute bunadamba dewa yerime deye wete kiritewepine beasa ye mekombine ²Ne sereinya dena wapa Aru Roh dewa meke dou tane dia beisika da sero dia ne dine keu nepene tetero besika ne dia ne ane da keu ³A-I nedo neye diane ane keu oru yaspis mane sardis mane; ne diane akinowai sua sua dua mekembuku,dou tainie Zamrud mane.⁴Ne diate yembumbuku doa beisika suna aprau dia bete bete nyei nyei nie ne dambene ane kainya yarise yarise nena tereng tetero meyena mane doa beisika suna aprau nena mayong jubah kreu kreu wande wenta nyei nyei nie emas nena tenai dambene kai ⁵Ne diare eri atou nue warepa kurung dereu nue.sing oto mekasu suna biserei sing kiya mane dekai,Aru Roh Awa mang tetero nena mekasu suna biserei⁶Ne dia bekouna nau temetere yeuna sipi tere danumbuku yeuna laut kaca.ne diane sua sua yembumbuku meka semo na sa osemo mane aprau serei kai nena dou aprau bekou sune meto sune kai aprau.⁷Meka semo na sa singa nena wa mane beisikana bina lembu do nena wa mane,naming na tetero yei nena be mane da aprau na awe baiyei mane bunapa dua yepimbina te dereu nue. ⁸Meka semo na sa nyei nyei nie nena neto mekasu suna beisika dou dou bete perena,banya sua eyu sua,dai deneng meka semo na sa aprau serei nena atena poye na tembipei nou nue neme ate seiyainie,mro mro,mro mro mro mro tere Tuhan mang tetero nena detere,dua da keuna neme keu,wande dewa nekwa menena.''⁹Nemane meka semona sa nena emburu ne pepoi ate seiyainie,seso te tipai,tepreinya ate seiyaine A-I nedo neye diane ane keu yereu tupu neme na beitie kene mane, ¹⁰Yarise yarise tetero doa besika suna aprau oto butu di saikriko seso ye tupainie A-I nedo nete bekoune diane nena wapana ate poi senainie yereu te nemambei kene mene nounue kene na nena wenta te apa teiyai dia bekou nue ate seiyainie, ¹¹''Tuhan mang tetero eiyei Awa;weye da pepoi dambene kiye,poi ate seiyanete,wande wake tupu weye meterena mane dua da meka semo mekoupuke sasyaisi metere na mane wena mendo.''

Chapter 5

(Domba yei pere semo kepei beipa dirambiki na pere) ¹Nepere nemane,de ye dou tane A-I nedo nena meka metere sune diane ane keu semo kepei dirambikina banya su eyusu semo beitie dua meraipiki nebei pa dua tewaipiki mekasu suna biserei. ²Deye douye tane Malaikat besika wa arma ye ate arma tere seiyunue.simi ye armambine da semo kepei te birinensine wanda nena tupu nebei tewapiki na pere?''³Damena tetero si beisika na ambai tere,sero dia ne kainya,dayo dambene kainya,do yo dambene ane bu eyune nau eyu ne kainya dapete na baya na tisipei dou tena teipipei eyu suna semo meraipiki na. ⁴Deye dimi te dima kena mereipei dera ne dou teta tetero sibesika na ambai nepene neye da semo kepei beipa dirambiki na te meka pa done eyu su te dou ye tenembine.'' ⁵Nemane deraitie,tetero si beisika yarise yarise kna nerore dete ate sanute.dimi te baya tembime! dou te teipime,singa Yehuda kna kene re na,Daud wai nena nu,bekoupa dua di yeu A-I nedo neye da semo kepei te baya birinensinie wande nena tupu te nebei tewaipiki na mekasu suna biserei.''⁶De ye dou tane ne dia nero ne meka semo na sa aprau serei wande yarise yarise kna nerone Domba yei beisika esu ne tepeu,sa yemo ung dua asekai,tenai dambe na pera yemo mekasu su na biserei nemane ne na dou mekasu su na biserei,Aru Roh Awa mang tetero nena da yo damba dewa tamupuku mekai werai. ⁷Domba yei dewa meke semo kepei te meka pa deko nebei dirambiki nate A-I nedo nena meka metere su re dua deko ane dia ne dai dia dai meta kreu meta me dua keu.⁸Domba yei ne semo kepei te dua meka pa deko,meka semo na sa aprau serei wande yarise yarise doa besika su na wau aprau seso tipainie Domba yei nena bekounue,nyei nyei ne krundo te meka ne tepai wande emas teu eyu ne kemenyan tereng dopre,ne peda ye tetero serai bra bra ne na mendo kembari ate nepe te seiyainie⁹Nepere nemane ne seraibra dimi semo nepereinya mena tere te da dimai.A-I nedo weye da semo kepei te mekapa deke dua nebei dirambiki nate baya tupu ke burunsuke nemane A-I nedo wete sa yemou ung dua asekai,wena sa nimi durupuku na dambere,we ye tetero serai bra bra te pepoi damba ate keme mekai,nenei peu nue,nenei serai bra te meye na mane da Awa mang tetero nena damba. ¹⁰Weye neyo serai bra te ne beipa beiyupuke ande wapona dia beisika serei yarise yarise Imam seraibra te nai kene eiyei Awa mang tetero nena dia ne,wande seraibra te da yo dambene akiri ne kate suwe na dambere.''¹¹Nemane de ye dou tane,akurung te be ta ne Malaikat kaso pere tereng dopre siri ne da bra bra nena akurung arma tere ate seiyainie dai dia dai meta kreu meta dambere,meka semo na sa aprau serei wande yarise yarise pere Awa mang tetero nena dia ne dai dia dai meta kreu meta ne, ¹²Akurung arma tere ate seiyainie,Domba yei we na wa ne seinene,sa yemou ung asekai sate,wake po te,wande sasyaisi metere,mendo karo ne,pe te dou tepu ne dambere,seso tipinaiwe pepoi mro mro,sepo kurung.''¹³Nemane nepere,de ye ate beta meka semo na nu sero diane kainya da yo dambene kainya,kani eyu nue kainya nau eyu nue kainya,metere na mane eyu nue kainya,meye na mane ate dewambiki; nena damba A-I nedo ne ye ane da keu dai dia dai meta kreu meta ne Domba yei nena damba da sepo kurung warene,seso ye tipinainie,mro mro dambene,wake tupu neme na beitie kene mene!'' ¹⁴Meka semo na sa aprau serei ate dewambiki,''tepreitere!''wande yarise yarise seraibra seso te tipai oto butu apa diysai kriko apa buna pa tipai.

Chapter 6

(Domba yei tupu te tusuku beisika nare mekasu su na beisika pa) ¹Nepere nemane,de ye nemeiyane Domba yei tupu te baya burunsuku beisika wande mekasu su na biserei dambere,de ye akurung te beta meka semo na sa beisika na ate da seiyune warpa kurung mane,''dewa mime!'' ²De ye dou tane seka aprau na kuda kreu kreu besika ne do ne dambene keu na pera waimie te tepu na;wande wenta beisika ne te ikainie nedo bekou pa dua di yeu baipa da orluneme tetone ne damba dua da ne.³Domba yei neye tupu tetusuku bipa na te,de ye ate beta meka semo na sa bipa na ate seiyune,''dewa mime!'' ⁴Seka aprau na sa kuda beisika wa saiy nimi tere sing peu peu mane dekai nedo neye ne dambene keuna wake pote dua ikainie teme te metere nepete baipa dua done da yo dambena tetero yei bei beitie titinai,nedo nena meka damba meteka yemou detere te ikainie.⁵Domba yei tupu te tusuku naming sereinya,de ye ate beta meka semo na sa naming sereinya ate da seiyune,''dewa mime!''de ye dou tane seka aprau na sa kuda neko neko beisika nedo ne dambene keu na nena meka ne tepu na se waro pna pna waro. ⁶De ye ate beta akurung mane waru meka semo na sa aprau nero ne da Gandum beisika dera dinar beisika,jelai naming sereinya dera dinar beisika nemane anggur pere mie au pere baipa na dingkeripipei!''⁷Domba yei tupu te tusuku aprauna,de ye ate beta meka semo na sa aprau na ate da dombuku,''dewa mime!'' ⁸De ye dou tane seka aprau na sa kuda okepei nisi mena nedo ne dambene keu na ne na wado kani maut wande sere sure na hades ne te tawekainie nebei werai ne na wake tupu da seraibra te payem done beisika pere aprau pere da yo dambene,mete ka yemou peronai titinai,monu ne sone,saye mekonaimie wande seka aprau na serainya sa nerone da yo dambene warende.⁹Domba yei tupu te tusuku mekasu na,de ye dou tane ana kirine Altar seraibra bra nena wa nuru no te titiyai asena Firman Awa mang tetero ne na asena tante a yeko te neyo seraibra nou nue neme da tepiyai. ¹⁰Ne yo seraibra ate arma tere detere,mo serei pa mane,we Tuhan mang tetero mro mro pepoi dambene,we ye kaye te wasu na te waye neme da titau wupune wande de seraibra kna saye akaipiki na te ne nou pa da pereupu nue neyo seraibra dayo dambene neme kainya pa na te?'' ¹¹Wa nuru nyei nyei nie jubah mayong kreu kreu beisika wande ne yo seraibra ate senaimie wa no te inde,wande wena yauna dero na pere yei dokeka yei meke pere no te titiyainya nena tereng nebeipa noupa mekombine.¹²De ye doute ta Domba yei tupu te tusuku mekasu su na bei,nemane da dambena a ye tupunsuku detere tere; soning neko neko mayong sa busu busu mane nemane nuwa mane wande oko nimi tere sa nimi mane saisei mane. ¹³Meya seraibra dero na sero dambere apa yewai da yo damba ara ono nena ona kembeu ne apa yewainya mane aru detere onote tupune nemane. ¹⁴Sero dia baya tusuku semo kepei mane nebei nensuku meke,meko ye kepou ye nenei nou kainyare nou sipa da tepaipiki.¹⁵Andewapo seraibrabra da yo dambena,detere detere seraibra,pero yo yarona,tetero seraibrabra sasyasi perena wande wake tupu doprena,wande kembari tetero meye,wande tetero nemei ye werainya oruburupa yepa karunai oru karone da kenai meko dambene. ¹⁶Ne yo seraibra ate seiyinainie meko doprena ondong oru doprena apa da keiyinai menai dete da pereneme deye yepa karuma A-I nedo nena bekou re neye a ne da keu dai dia dai meta kreu meta dambene,Domba yei nena kena arma tere te mene na! ¹⁷Nemane,ya detere peko neyo seraibra kna pa da mene simi ye nou nue tepembine?''

Chapter 7

(Israel tetero nena wa ne tupu te na te) ¹Nemena kaye,deye dou tane Malaikat aprau serei esune tepai da yo dambene arunipi aprau beinya mane aru te dua tiapiki aru sekipei dari nau ono tepainya pa na aru sekipei. ²Nemane,de ye dou tane Malaikat soning waru na sure omore,Awa mang tetero nena tupu te na yereu.neye ate seiyunue arma tere Malaikat aprau bei ne na wa pa seiyune wake po nepe te oraipiki da yo dambete nau nerote po siwa po siwa peko ye orunaipinie, ³''baiya na dingkeripeinya da yo kani damba,nau nerote,o dopre tepainya pa e seraibra maning tupu te na yeko paitia ne keroma pine eiyei Awa mang tetero nena seraibrabra te.''⁴De ye ate beta neyo seraibra nena tereng doa meke siri besika doa biserei siri aprau bei serei tetero meyena mane: ⁵Neyo seraibra meye namane Israel nena yeibra nena yoti kasi yepebra Yehuda kna mire koti rena siri beisika doa beisika(12.000)Ruben mai kna mie koti rena siri beisika doa beisika(12.000)Gad wai kna mie koti re na siri beisika(12.000) ⁶Asyer wai kna mie koti re na siri beisika doa beisika(12.000)Naftali wai kna mie koti re na siri beisika doa beisika(12.000)Menasye wai kna mie koti re na siri beisika doa beisika(12.000)⁷Simeon mai kna mie koti re na siri beisika doa beisika(12.000)Lewi kna mie koti re na siri beisika doa beisika(12.000)Izakharwai kna mie koti re na siri beisika doa beisika(12.0000 ⁸Zebulonmai kna mie koti re na siri beisika doa beisika(12.000)Yusufwai kna mie koti re na siri beisika doa beisika(12.000)Benyamin kna mie koti re na siri beisika doa beisika(12.000)nepete nemeiyaipiki dina tupure dana tupu pa dua da dinaipiki taipiki.(Tetero kasopere tereng dopre aye na benipei)⁹De ye doute tepuka teprei tere tetero tereng detere tere kasopere aye na benipei,meyena mane seraibrabra nena peu nyei nyei nie,bekou nue esu ne tepai dai dia dai meta kreu meta Domba yei nena bekounue jubah mayong kreu kreu te titaipiki wande palem kepei te meka ne tepai; ¹⁰Ne yo seraibrabra ate arma tere dewambiki.eiyei Awa mang tetero nena teme dai dia dai meta kreu meta ne ane keu,wande Domba yei te na nemane.''¹¹Malaikat meye namane esu ne tepai dai dia dai meta kreu meta dambene wande yarise-yarise,wande meka semo na sa aprau serei,Awa mang tetero nena bekounue dai dia dai meta kreu meta dambene neyo seraibrabra seso ye tipai nie wande oto butu disaikrika, ¹²Ate dewambiki,teprei tere! sepo kurung waru mro mro dambene mendo karo ne wande poi te merane te,seso tipanete wake pote meye da kepawe dambere mene eiyei Awa mang tetero nemena beitie da nou nue nemambei kene mene teprei tere!''¹³Nemane nepere yarise yarise sibeisika ate seiyunue dete ate sanute.ne yo seraibra simbiyang jubah mayong kreu kreu te titaipiki wande neyo seraibra neye mekai?'' ¹⁴De ye ate nete senane,dei tuamai,weye dua da nemeiyambuke neye dete ate da sanute;neyo seraibra nemane tetero seraibrabra peko detere baipa dua da kengkainie ne nerore baya da mekai nenei mayong jubah te Domba yei nena wa sa eyu nue kreu kreu tere sikaipiki pepoi tere.¹⁵Nemane satenate,neyo seraibra esune bekou nue Awa mang tetero nena dai dia dai meta kreu meta ne kembari te mekai dai deneng ne na yau mie eyu nue wande A-I nedo neye dai dia dai meta kreu meta ne a nekeu nena nero ne neyo seraibra pere kai. ¹⁶Ne yo seraibra munu tikainipei bu mari te na tikainipei;soning nemu te na tikainipei wa namu te na ambai tere. ¹⁷Nemane,Domba yei dai dia dai meta kreu meta nerone ne ye tenai te keu Gembala seraibra dambete wande neye ato neme ne te tawenainie neyo seraibra te bu yereu bu mau numburu pa mie mau numburu ne Awa mang tetero neye neyo seraibra te dou bu te baya simbine.''

Chapter 8

(Domba yei tupu te na mekasu na biserei pa na tetusuku) ¹Domba yei neye tupute tusuku mekasu suna biserei,nepere yekai bete sero diane soning po pere nemei dua da kai. ²Deye dou tane Malaikat mekasu su na biserei esu ne tepai Awa mang tetero nena bekounue,wande toni trompet mekasu suna biserei ne na meka damba atekaimie³Nemane Malaikat sibesika dewa meke esu nue bekounue da tepeu ne ye meka ne tepu na wengkai dupa emas; nena damba dupa te kaso pere atainie sa kemei mane nebeinie mendo kembari tetero seraibrabra ne pe mro mro bekounue dai dia dai meta kreu meta Takhta dambene. ⁴Nemane dupa yupu nebeinie mendo kembari karo tetero mro mro nena re,Awa mang tetero nena bekoupa Malaikat nena meka dambare bunapa. ⁵Nepere Malaikat wengkai dupa te mekane tepu sing nensengte eyupa eruku baipa da yo kani damba kengkene; warpa kurung te da betainie eri atounue a tipi tipi tupune ne pe yende rounue(Toni kurung beisika nare toni kurung aprau na pa meke)⁶Nepere Malaikat mekasu su na biserei toni trompet mekasu su na biserei meka ne tepai nena kurung te mapenainya. ⁷Malaikat beisika na toni kurung te mapu,bi semba semba sing nenseng sanimi mane da yo kani pa diraipiki,nepere sing sakoupuku da kani damba payem naming serei wande ono payem naming serei sepo meraburu sing dekupuku.⁸Malaikat bipana toni te da mapu,meko si serei detere sing sakopuku nau nero pa kengkainie; nau nero payem niming serei wa sa nimi wa te orupuku, ⁹Nepere meka semo ne sa nau eyu nue kainya payem naming serei no ye dua da soupuku no wande o derangke nau nero ne werainya payem naming serei peko dua ouraipiki.¹⁰Malaikat naming pana toni kurung te mapu,sero dambere apa yewai meya detere serengka sing mane bu nerone muse ne payem naming serei tuteke pereupuku. ¹¹Meya wado Apsintus.nemane bu nero payem naming serei Apsintus bu peti dopre tetero kaso pere no dua sou tete damba werai.¹²Malaikat aprau na toni kurung te da mapu,soning payem naming serei,oko payem naming serei,meya dero na seraibra payem naming serei a neka burupa a kepe kepe orupuku,dai kiya nemane payem naming serei a kepe kepe da wande deneng ya na nemane deraitie.¹³Nepere nemane,de ye dou tane ate da beta ne awe detere Rajawali buna ne sero dambere makiri ne meri kini ne ye tune nena a kurung arma tere; peko tere,peko tere peko orumbinde we.seraibra da yo kani dambene kau na nemane toni kurung naming pa na Malaikat si ye nete nekwa mapenensinie kurung warembine na te nete da betonainie.''

Chapter 9

(Toni kurung mekasu na) ¹Damane Malaikat mekasu na toni kurung te mapu,de ye dou tane meya beisika serore apa erumbuku dayo kani damba,nena meka pa ikainie tepu na tung kani mau numburu. ²Neye kani mau numburu te tusuku,sing yupu mane buna pa nepukuyu sing sengkai detere dambere,soning pere sero pere a kepe kepe mane damena sing yupu ne.³Nepere ne sing yupu buru re orlomai dero dero da kani damba mai da yo damba wande ne seraibra te wake po te ikaimie wape depa mane da yo dambene. ⁴Neyo seraibra te wikaimie sepo sepo da yo dambena peka mekoipeinya,sa meraburu wande o dopre tepainya pa,damane we ye ende na ne yo seraibra te wape mende Awa mang tetero nena tupu nena yeko nena paitya na ambai keipeinya tetero kwa.⁵Ne yo seraibra wape depa tetero yei tena no tena titipei,nemei bei ye wa kesa kesa te mekonaimie oko mekasu bei serei;tetero yei nena wa te wape depa kamenda a ne naimie. ⁶Nemena serei tetero yei tete nipi te wurenai dou teipei kenaipinie.ne yo seraibra tete nero pa kena te kenai nemane tete ne na nero na keipei ambai tere⁷Tobese orlomai seraibra nenei wa te Kuda seraibra mane orunaipinie pera damba na te dero dero yepone ne na tenai dambena wenta emas,ne na be tetero mane, ⁸Ne na mua mire kna nua mane wande nena eti Singa kna eti mane. ⁹Nemane nena nambo zirah mayong besi,neto kurung nemane kereta dero dero ne yepone Kuda seraibrabra nete are oto yeponai pera damba na te dua di warkai yeu.¹⁰Nena deme tupu wapedepa mane serai dopre da tetero yei te mekonaimie wa serai te aye nepenai oko mekasu beiserei. ¹¹Andewapona ne na a kirine ne yo seraibra te atekome mekai ne na wa do Malaikat kani mau numburu Ibrani peu na''Abadon'',nena wado nemane deraitie Yunani peu na wa do''Apolion''. ¹²Pepoi peko besika na dua da yambikite dua di yeu,nemane pepoi peko biserei neme da kei nete tikamane e damba da mene.(Toni kurung mekasu su na beisika)¹³Nemane Malaikat mekasu suna beisika toni kurung te da mapu,de ye ate beta sa yemo aprau bei dia Altar emas Awa mang tetero nena waye ne bekounue, ¹⁴Ate seiyunue Malaikat mekasu suna beisika ne na wapa baya amupunue ne Malaikat aprau beinya te sate yerarupune Efrat marwai detere ne.'' ¹⁵Ne Malaikat aprau beinya deraiti te dua tepai nenei soning te ya te oko te mai te tekainimai tetero yei te note titinai nena tereng payem naming serei pa.¹⁶Pera yo nena tereng Kuda dambere na siri doa beisika dena bentekei ne betoupuka. ¹⁷Nemane deye dou tepuka Kuda dero dero ne wande ne yo seraibrabra ne dambene;mayong zirah besi sai nimi tere,nisi nisi mane,yang ko bu basi;Kuda nena tenai Singa kna tenai mane wande nena emburu sing peu peu yupu arunue yangko bubase namu ayi tepe nene orubimbiring namu.¹⁸Pepoi peko naming serei bepa kiyaipiki tetero yei te payem naming serei pa no te dua da titaipiki no dua sopuku,sing namu dambere sing yupa wande kani ai namu neyo seraibrabra nena emburu re. ¹⁹Nemane Kuda nena wake tupu emburu pere demepere nena deme wari wa mane,wande nena tenai dua keu na pepoi peko nena tenai pere deme pere da tetero yei te peko mekaimie.²⁰Nemane da tetero yei pepoi nou nue da werai yereu te kai,nemane deraitie pepoi waro pa na mipei nena kembari te mekai meka semo na sa,aru roh roh peko tena tawinipei eipei wande do sna sna patung emas,perak,tembaga,oru na nemane ona,nena dou ambainya sa dou teipei,bentekei betoipeinya wande oto te na waripei, ²¹Ne yo seraibra nenei wa tena pepoi damba na mipei wa te apa na disingkroipei song berote songkerai te mekai tetero yei te no te titai,bero te mekai,kaimie te mekai wande sa bisi te sasyaisi tetero kna te yekai ourai.

Chapter 10

(Semo kepei te baya biransiki) ¹De ye dou tane Malaikat beisika sero diare apa de meke,ne na mayong ma ongko meri ongko akinowai nena tenai dambene,nena be soning kiya mane nena oto sing nenseng mane tepeu. ²Nemane ne Malaikat meka ne tepu na semo kepei mere tere newai baya dua da biransiki.nena oto metere su nau ne tepeu wande nena oto aya su dari dambene,³Ne na a arma tere seiyunue Singa kna aderong mane wande ate seiyunue mekasu suna biserei warpa kurung nena a kurung waru. ⁴Nemane mekasu su na biserei warpa kurung daye daye derembuku,deye semopa ne te meretepina te nepere deye ate beta sero diare a kurung waru;noupa dua tawupunue nebei dunupune mekasu suna biserei nena akurung warpa a kurung weye semopa na mereipipeinya!''⁵Nemane Malaikat deye dou tane esune tepeu nau pa dari pa nena meka metere su te bunapa seropa kensuku, ⁶A-I nedo nena wado ne ayeko te sesuku da yereu nemambei kene mene sero te mekombuku sasyaisi metere ne kwa na ya tiki tere na daninipei, ⁷Nemane Malaikat mekasu suna biserei toni kurung te da mape ne na Awa mang tetero nena yene keuna tupu damane A-I nedo neye ate sanumue ne na yauna derona seraibra kna damba Nabi seraibra te ate sanumue.''⁸Damane a kurung de ye beta sero diare ne kwa de te da sanute wera ye dua eimie semo kepei baya dua tiyaisiki na te Malaikat ne na meka dambere weye dewa dou wande da Malaikat esu ne tepeu nau pa dari pa.'' ⁹Nepere de ye Malaikat kwa dua ka ate senane dete semo kepei merenewai baya dua tiyaisiki na te dena meka damba da inete.wande Malaikat de te ate sanute da semo kepei te meka pa doime emburupa ne te anime wena yase peti dopre wena emburu madu bu mane.''¹⁰Nepere de ye ne semo kepei merenewai te Malaikat nena meka dambere dewa da deka nete emburupa da ana,wande de na emburu madu nena bu mane;damane dena yase ne da eyu nue peti dopre tikane peti tere. ¹¹Nepere ne Malaikat de te ate sanute,weye nekwa yeko te ate sanumue ne yo seraibrabra kna damba nena bekounue wande sirinu kerainu yo dundung yo sepo nena peu nyei nyei nie wande andewapona seraibra.''

Chapter 11

(Awa mang tetero nena do biserei a yeko dambere) ¹Damane dena damba suru pang tei kaite,kate mane nou te tikai da ate senaite esua yembime nou te tikaipime Awa mang tetero nena yau mie bait Allah wande nena mau dambe bekou na mendo kembari te mekainya ne nero ne dia mezbah ne pane. ²Nemane deraitie Awa mang tetero nena yau mie bai su tena tikaipeinya ne nou bete serai brabra si yo si kna damba ikaimie oto tene dambene buse buse titawenai yo dia mro mro Kota suci oko doa biserei.³A-I nedo neye do biserei nena damba ateikime ayeko waro te da kroneipinie nena ya tereng siri beisika doa mekabi doa naming serei 1260 tetero yei wa koru te da kenei mayong beta buru ne da kenei.'' ⁴Nemane ne do biserei ono Zaitun wande sing oto biserei Kaki dian esu ne tepei Tuhan mang tetero nena bekou nue da kani sero te meye. ⁵Da tetero si ye nena damba ekri yembe te warenai,sing peu peu nena emburu ne dekenai neyo seraibrabra te baipa sing namu senonenapine baya dekenai tetero simi ye ne te yembe ekri te warenai ne tetero sing namu ne dekenai.⁶Nemane ne dobi nena damba wake pote ikaimie sero te dinineipine wande bi bu apa na mereipei neye ayeko waro te da seiyinie nemane wake tupu bu damba tepenei bu sanimi mane orumbine da yo kani damba peko pepoi te mekonei nenei wa buru ne kainya mane. ⁷Damane nena kembari te dua da mekoipiki,wande srainya sa nena nou yeye re kani mau numburu re da meke sangku te pera te da do biserei nembere derainie do biserei noye dua tenoi.⁸Da do bi nena wa nipi nero ne diane yo detere ne ane tenoi,neyo nena wado siri kra damikra Sodom Mesir ena Tuhan mang tetero ne nou nue ono pa bepaipiki buna ne wawiyou. ⁹Damane tetero seraibrabra nero ne tou tou meyenamane peu nyei nyei nie sirinu kerainu yo dundung yo sepo meye da do biserei nena wate dou ye tainie ya naming serei po pere tetero seraibrabra da do biserei nena wate na kani bure eyupa na kroipipei kani eyupa.¹⁰Da yo kani dambena seraibra kena karite da derainie da do biserei nena tete damba wande sasyaisi te beibei te da waisyai,nemane da do biserei Nabi mane dayo dambena seraibrabra te da do biserei da mekei wariyai tetero te meyenamane pepoi peko damba sariyoi yembe ekri nero ne wariyai. ¹¹Nemane nepere ya naming serei po pere nena aru Roh yereu tupu Awa mang tetero nena re nedo biserei nena wa eyu pa mekei esune dua tepei tetero meye namane ne te dou taimie endikite dekaikriko. ¹²Da tetero seraibrabra ate da betai sero diare nedo biserei te da simai,''dewa buna damba yeri krore mere!''nedo biserei sero diapa buna pa dua ei matu meritu dambere nena yembe tetero dou beiye taimie.¹³Ne tupure aye tupunsuku detere tere payem mekabi serei yo dia kota apa biriyai tetero no nena tereng siri mekasu suna biserei 7000 tete damba dua kai a tipitipi kani tupunsuku,wande tetero si derou yereu te neme kainya endikite dekeyai nepere Awa mang tetero te poi ate meraine di nou nue sero diane Surga. ¹⁴Pepoi peko biserei pa na dua da ke;dou te tende pepoi peko naming pa na nane kwa dewa da mene.(Toni kurung mekasu suna biserei dimi semo yarise yarise)¹⁵Nemane Malaikat mekasu suna biserei toni kurung te mapu nepere ate da betainie arma tere sero dambere diare akurung waru A-I nedo ne ya da andewapona te da yo kani dambene mene kene nemambei nemena beitie da kene mene.''¹⁶Nemane yarise yarise doa beisika suna wau aprau ane kai Awa mang tetero nena bekou nue dai dia dai meta kreu meta ne oto butu apa disaikri ko wande Awa mang tetero te poi ate senainie, ¹⁷De seraibra wena damba poi ate meranete Tuhan mang tetero,Awa mang tetero,Awa mang tetero detere te kiye dua da kiye wande neme da kiye,damane we ye nou nue tepu wena wake tupu ne wena a kirine we ye andewapona te da keu.¹⁸Nemane neyo seraibrabra nena kena serai dopre tere damane wena kena serai ose nepe dewa da meke,tetero seraibrabra te nena tete dambere kayete wasu pepoi peko dambere yau na derona te Nabi seraibrabra te poi damba wande tetero seraibrabra poi mro mro dambene kenai,wande neyo seraibra wena wado te endikite dekainya tetero merenewai tetero detere dayo kani dambete peko te mekainya te neyo seraibrabra te peko suwa da teyumupunue!''¹⁹Nepere sero diane yau mie mro mro Awa mang tetero nena re baya tiyaisiki o bapi Tabut ne te dou ye taini Awa mang tetero nena yau mie eyune,wande eri da atounue wande waripa kurung brabra weku nepere a tipitipi tupunsuku wande bi bu timbu waubu apa durune bi bu oru mane apa da yewai.

Chapter 12

(Mang mire pere mang wari naga srainya sa wari detere) ¹Damane yeko si detere sero diane kiyapuku:mire beisika serei omo tu ne soning kiya tenai damba oko kiya oto damba nena wenta Mahkota meya meka biserei suna wau biserei 12 nena tenai dambene. ²Da mang mire yei te yase ne da tepu wa serai te tikaunu,yei te dewa senone na te a te da napu.³Nemane yeko si bete sero dambene kiyapuku:dou te tai wari detere naga srainya sa wa saiy nimi detere wa sirang nena tenai mekasu su na biserei 7 sa yemo pera mekabiserei tenai dambene tepai,nena wenta mekasu suna biserei tenai dambene kai. ⁴Nemane mang wari nena deme sero dambene meya dero na te kaso pere payem tu si naming pere 1/3 da yo kani damba apa dewa da mekai.damane da naga srainya sa wari mang wari esu ne tepeu mang mire nena watou nue sema te keu yei te dewa senone yei te nuru nenei yase pa eyupa mene.⁵Da mang mire yei do te sengko,ne yei A-I nedo nene da tetero yei seraibrabra te akiri ne kate suwe na dambere,nemane A-I nedo nete yei sasyaine Awa mang tetero nena watoupa dekani yeu sero dia pa dai dia dai meta kreu meta damba. ⁶Nemane da mang mire dua di yeu oto bei nawu bai sirikra damikra pa siri yo kerai yo wase yo wase krime dia pa nenou beisika Awa mang tetero nenei meka smo dua mekombuku,mang mire nepene ya siri beisika butu biserei doa naming serei da kene 1260 nena ya tereng.(Mang wari te baya tikensiki)⁷Nemane nepere pera sangku yembuku sero dia dambene.Mikhaelwai nena seraibrabra Malaikat pera te derainie da naga srainya sa wari mang wari pere nemane naga srainya sa wari mang wari nena seraibrabra Malaikat pere sangkute pera te derainie. ⁸Mang wari ne na wake ambai sero dia na keipei apa da yo kani damba dewa da mekai. ⁹Da naga srainya sa wari mang wari detere sekai do nari do neye da tetero yei te mendo te yekoutu mue nemane nete da yo kani damba apa dewa kengkainie,nena dero na seraibrabra Malaikat meye na mane nedo mang wari nembere nebeinie apa dewa mekai.(A semo dimi semo kurung sero dia ne)¹⁰Deye ate da beta akurung armatere sero dia ne,''neperei pepoi teme damba dewa da mekate eiyei Awa mang tetero nena wakene a kiri ne nemane A-I nedo neye wake pote ikime nepere A-I nedo nena poi dambere,damane ena do keka yei meke te mendo te yekoutumu Awa mang tetero nena bekounue dai deneng peko sure na a kepe kepe nene neyo seraibrabra apa dayo kani damba dewa da mekai.¹¹Damane ne yo seraibrabra dero dia ne A-I nedo nena wa sa Domba yei nena weke dambere nemane neyo seraibrabra nenei mendo dambere asena a kurung dambere da mang wari te a kepe kepe te apa da dua sisiyansiki da kani damba dewa da meke. nemane neyo seraibrabra nenei wa te wa nuru te kena derenipei nemena beitie kani mau numburu pa te te nero pa dua da nai. ¹²Nemane sate na te weye eye sero dia na yo kena kari piyambai,we seraibrabra da yo kani dambene kauna kepou dambene nau nero ne kauna,peko tere pa dua da ende nedo mang wari sekai iblis newa da nena wena nero pa nena na yembe ekri peko tere mang wari sekai dua da arombuku nena ya watou pa dewa da meke neye peko damba.''(Naga srainya sa mang wari mang mire te durunsuku)¹³Damane da naga wari mang wari da yo kani damba apa dewa meke,nemane sate nate neye mang mire te da durunsuku neye da dado A-I nedo nete da yasere dewa da sengko meke dayo damba. ¹⁴Mang mire nena wa pa awe neto detere te biserei atekainie baya yepimbine baye pau damba bai sirikra damikra nemena nou bekau tere ne kene wari mangwari nena dou dambere mang wari neye keuna noure nena ya tereng mai meka biserei(10) mai doa beisika(20) mai meka subei(5) da kene.¹⁵Nemane nepere wari mang wari bu te nena emburu eyu re baipa dewa da meke muse marwai si serei detere tere damane da mang mire nena watou pa nepere ne bu ye mang mire te baya da sarembine baipa do nene peko damba. ¹⁶Nemane nepere kani tong ka numburu baya dua tusuku da bu muse marwai si serei naga wari srainya sa mang wari nena emburure durupuku na te kani tong emburu dua da anusuku bu ambai dua orupuku. ¹⁷Nepere nedo naga srainya sa wari mang wari kena serai dopre tere da mang mire ne na wapa.nepere mang wari pera te sangkute dere nena mang mire nena tetero yei seraibrabra Awa mang tetero nena a sena yeko te pepoi tere awekai tepainya teperei tere nedo yei Yesus nena a sena kurung poi dambere yereu pepoi teme damba. ¹⁸Nemane nedo mang wari esune tepeu kisi ye ne bori ye ne.

Chapter 13

(Srainya sa nau eyu re kiya pa da meke) ¹Deye dou tane srainya sa beisika nau eyu re kiya pa da meke,nena sa yemo mekabiserei damba wenta mekabiserei keraipiki nena tenai nyei nyeinie wado wado te peko tere da meraipiki. ²Damena srainya sa de ye dou tane macan tutul mane,nena seka aprau bei beruang mane,wande nena emburu singa kna emburu mane ne srainya sa naga wake pote srainya sa si kna damba ikinie,dia pere betra pere nena damba wande sasyaisi metere detere.³De ye dou tane nena tenai si beisika kekou mane da mereu dua tetembi nena mane mekou,nemane ne kekou poi dua orupuku.da yo dambena seraibrabra tere tere mane ourai ne srainya sa te da tawekainie werai. ⁴Ne yo seraibra ne srainya sa naga te seso tipainie,wande nena wake pote srainya sa si kna damba ikine,''wande ne yo seraibra ne srainya sa te seso tipainie nepere ate seiyainie,simi ye da srainya sa mane wande simi ye nembere pera te derenei nie?''⁵Nena emburu ne ate nemane temberari seiyunue a peko te da sanumue,wande metere nena dambene da damena kembari te da mekone oko doa biserei 42. ⁶Ne ye emburu te kura tepu ate poi peko seiyunue Awa mang tetero nena damba,nena wado te peko te da seiyunue,nena yau pare kemah wande ne yo seraibra sero dia ne da kainya pa.⁷Ne te senambiki tetero mro mro seraibra te pera sangku nenemsine ne yo seraibra te apa sonem senone nena damba nou te metere da ikainie tou tou meye ne mane,yo dundung yo sepo sirinu kerainu,peu nyei nyeinie wande seraibrabra metere na mane. ⁸Meye na mane da yo kani dambene kainya ne te seso tipainie,nemane tetero nena wado yereu semo kepei pa na mereipipei da bai sirikra damikra te mekeyainie Domba yei te tewaipiki Anak Domba.⁹Tetero nyei nyeinie nena bentekei kenainya da ate betonai: ¹⁰''Tetero si newai si kna buru ne kene na,nou nue neme da kene;simbiyang te ayeko te senaisine na te mete ka yemou ne no te tonaiyipine,nemane nete dua da nai asone ne meteka yemou ne.nepere nemane tetero seraibrabra mro mro nenei kena eyu ne nou nue sawe tepenaipinie.''(Srainya sa dayo kani dambere kiya pa da meke)¹¹Deye dou tane srainya sa si bete kiyapuku da yo kani eiyu re kiya da meke;nemane ne srainya sa nena sa yemo biserei Domba yei mane,ne ye ate da seiyunue srainya sa Naga si mane da. ¹²Da srainya sa neye mekou na metere wake tupu srainya sa metere te na beisika na nena bekounue mekou nena dou dambene.damane mekou da yo kani dambena seraibrabra meyena mane da srainya sa beisika na te seso tipainie,nemane nena kekou detere pepoi dua orupuku.¹³Ne ye yeko kembari karo te mekou,ne ye sero dambere sing deku nate apa dayo kani damba tetou tetero meye namane dou dou da tainie ¹⁴Da yo kani dambena seraibra te ne ye wapu mue yeko karo site site kurumu,nena damba ikainie ne kembari te mekone srainya sa beisika na nena dou dambene da yo kani dambena seraibra te ne ye sanumue do sna sna te mekonai nepere nemane srainya sa beisika nate pepoi ate seiyinai nie nena kekou meteka yemou da pereyai nou nue neme yereu te da keu.¹⁵Nena damba wake pote ikainie waye mekone da dosna sna nena wanuru srainya sa mane ate nemane seiyinene be arma arma tere da orunaipinie,nepere nemane tetero meyena mane da do sna sna srainya sa te seso tipinipeinya no te da titinai. ¹⁶Ne ye mekou puku tetero yei neku newai detere meye na mane,nou pa mekou puku,nare nare mane nenei dambene,beiy si kna burune nena meka metere sune beiy paitiya ne, ¹⁷Damane tetero si newai sasyaisi teipei wande sasyaisi nai smo smo mekoipei,nemane neyo seraibra da yeko waro smo sengking mane wa eyu ne dua kainya nena beinie da kene na da yeko da srainya sa nena wado.¹⁸Simi ye nena mendo noupa dua sawenainya,ne ye aye ne te benembine,damane ne sengking semoe da tetero yei nena wa ne dane keu na ne sengking semo mekasu suna beisika da naming serei pa benambine.

Chapter 14

(Awa mang tetero nena umat dimi semo te da dimai) ¹Damane de ye dou tane Domba yei esune tepeu Sion meko dambene,nembere nebeinie tetero ne na tereng siri doa mekasu suna biserei aprau pere 144000 da tetero yei Awa mang tetero nena wado paitiya ne kainya. ²Deye ate beta da a kurung sero diare bume bu kurung mane warpa kurung mane yenderounue de ye akurung te beta kecapi kingkiring kurung mane sengkong kurung baipa danu.³Nena dimi semo kurung waru nepereinya dimi semo te da dimai bekounue dai dia dai meta kreu meta meka semo na sa aprau bei nena bekounue,wande yarise yarise nena bekounue.tetero si beisika da dimi semo te na aroipei nenei beitie tetero tereng siri doa mekasu suna biserei aprau pere 144000 da tetero yei da yo kani dambere nepe te dua da eiraipiki dua mekoupuku. ⁴Ne yo tetero seraibrabra nena wate na mire seraibrabra pere na keneng de reinipei nenei wakese bai.ne yo seraibrabra Domba yei pere nebeinie da A-I nedo ne ye mo nou pa na dua dinai.ne yo seraibra da tetero yei nena nero re dua da eiraipiki yei yarise mane Awa mang tetero pere Domba yei pere nena wa tou nue da kenai. ⁵Nena emburu na apeu apeu ambai tere nena wakese neki ambai keipei.(Akurung da waru kaye te da wasine)⁶De ye dou tane Malaikat siye sero ne buna ne yetune,meka dambene da asena Injil nena da nepe te seraibrabra te sanenaimie da yo kani dambene kainya te tou tou,peu nyei nyeinie wande sirinu kerainu yo dundung yo sepo. ⁷Ate arma tere da seiyunue,''Awa mang teterote endiki te da dekonende nena damba poi ate merenende nena kaye wasi nena sereipa dewa da meke,''nete seso tipinende kani te sero te,naute wande bu numburu te meye da mekoupuku.''⁸Nepere Malaikat si ye bipa na bepa nakonsuku ate dombuku Babel detere apa dua birintene,nepe ne seraibrabra meye na mane nena Anggur bute anai kaimie kembari te mekai.''⁹Nepere Malaikat siye naming beinya ate da arma tere dambuku simiye da srainya sate seso tipinene wande do sna sna te sesoye tipinene,wande nena paitiya ne meka ne, ¹⁰Ne tetero neye Awa mang tetero nena bu Anggur peti dopre na te nenei wake ne anesine nemena bu Anggur peti dopre na nero ne pepoi peko sing nenseng sing yoying kani inainu dambene warenai Malaikat seraibrabra nena bekounue wande Domba yei nena bekounue.¹¹Nemena sing yupu peko tere dai deneng da nemena beitie buna pa ware ne nena wanoipei dai deneng.ne yo seraibra srainya sate do sna sna te seso tipaimie nemane simi ye nena yeko te da wadote nou nue da tepenai.'' ¹²Nepere nemane tetero seraibrabra mro mro dambene Awa mang tetero nena ate sema te kenai nedo yei Yesus nena damba mendo beisika serei.¹³De ye ate da beta sero diane akurung waru,semo pa mereupunue nepereinya tetero no te pepoi damba tete dambere Tuhan mang tetero nena damba Aru Roh ate seiyunue,teprei tere ne yo seraibra wa note inai nena poite mekeyainya nembere nebeinie kenai mene nemambei neme da kenai.''(Da yo dambene sa yu te orunai)¹⁴De ye dou tane ma kreu kreu dambene ane keuna tetero sibeisika tetero yei wamane nena tenainya wenta emas nena meka na meteka yemou te da tepu. ¹⁵Nepere Malaikat siye kiya pa meke Awa mang tetero yau mie re ate dombuku,''wena meteka yemou te ma buru re apa tepu sa yu ona nimi ne te orunainya yapa dua da meke da yo kani dambene.'' ¹⁶A-I nedo neye ma ongko ne ane keu na meteka yemou te da yo kani damba tepu sa yu ona nimi nepe te ourai kerai.¹⁷Nepere Malaikat si ye Awa mang tetero nena yau mie eyure sero diane nena meteka yemou meka ne da tepu. ¹⁸Nemane Malaikat si deraitie sing deku na te de ko tepu na,eyu sune bainya sua.neye ate dombuku Malaikat si kna damba meteka yembu te mekane tepu na,nemeteka yemou te apa da yo kani damba tepu Anggur nena sa yu te ona nimi te nebei pa kopirinende.''¹⁹Nemane Malaikat meteka yemou te da kani damba tepupuku Anggur nena na te ona yute nebeipa o nore nore apa da yo kani damba teiyinai oru buru detere diwa dewa burune yembune nepe Awa mang tetero nena arma tupu da yo kani damba da mene. ²⁰Nepere nemane Anggur nena na ona nimi ne kembari dia yo bainya sune mekai,wande sa nimi ye apa duru oru buru yembu nena re diwa dewa buru ne seka aprau nasa Kuda nena oto toki paitiya re neme done ine emburutupu pa done ne nena tiki baipa mene na tereng doa meka bisereipa sawene na 1600 mil pa.

Chapter 15

(Dimi semo kurung ne yo seraibra bekounue tepai) ¹De ye dou tane sero dambene yeko si bete detere,Malaikat mekasu suna biserei nena meka dambene mekasu suna biserei peko waro tupu tena,nemane damena mekasu suna biserei peko waro nena Awa mang tetero nena re tupu te na te da mene na.²Deye dou tane nau teme tere kaca mane da sing peu peu ne dambene nau teme dambene da esu ne tepai tetero seraibrabra ne yo ne ye da srainya sa te peko te wande nena do sna sna te sengking semo wado meraipiki na te baya disambiki siapiki ne yo seraibrabra nena meka dambena Awa mang tetero nena kecapi te tepai.³Ne yo seraibrabra Musawai nena dimi semo te da dimai Awa mang tetero nena oto tou na wande nemane Domba yei nena dimi semo kurung ne te da dimai detere tere we na da kembari bisi bete mane da Tuhan mang tetero Awa mang tetero weye metere tepi ye!teperei nouru na wena nipi andewapona da seraibrabra dambene we ye da kiye. ⁴Simi ye Tuhan mang tetero tena endiki dekoipei wande nena wa do te na pepoi mro mro tena seiyinipei werau.nemane we beisika teme mro mro dambene da kiye,da seraibrabra meye dewa da menai wete seso tipinaiwe oto butu disinai krone nemane tepreinya nouru na kiya bei tenoutupu te na kaye te we ye wasu na.''(Malaikat mekasu suna biserei wande mekasu suna biserei peko pere)⁵De ye dou tane tetero si ye yau mie te mro mro te nena pare kemah nepene sero dia ne baya tiyasiki nena numburu detere tere. ⁶Nepere Malaikat mekasu suna biserei nena mekasu suna bisereinya peko tere pere bai pa banya sua yau mie mro mro eiyu re nena mayong kreu kreu sroming mane meya meya mane atainie nena damba na serou te da yekoi tiyambi ki beiyaipiki emas ne na serau te tewaikriko keu.⁷Meka semo na sa beisika serei da Malaikat mekasu suna biserei nena meka damba bu teu emas mekasu suna biserei,Awa mang tetero nena tuputena arma tere kepang kepang tere metere nemane Awa mang tetero nena yereu nemena beitie nou nue da kene mene. ⁸Nepere nemane yau mie mro mro sing yupu detere Awa mang tetero nena teme mro mro nemane nena detere tere metere na manei nenei dambene wande tetero si newai yau mie mro mro pa na eyu pa na eipei damane tupu te na mekasu suna bisereinya waro peko tere mekasu suna bisereinya Malaikat nena kembari tupu te mekonaiyimbinie.

Chapter 16

(Mekasu suna bisereinya peko tere Awa mang tetero nena) ¹De ye ate bete akurung arma tere waru yau mie mro mro eyu re ate seiyunue Malaikat mekasu suna biserei nena damba,dua ende di yo kani damba da Awa mang tetero nena bu teu mekasu suna bisereinya ne eiyu ne peko tere yeu nate apa baya dirimbinde.''²Malaikat beisika pa na dua di eu nemane bu teu nena bupeko tere te apa da yo kani dambu durupuku,nepere kekou bisi bisi peko tere da nepe kiyapuku tetero seraibrabra srainya sa nena sengking semo wa ne kai wande nemane do sna sna te seso tipaini nena wa ne da mekai.³Malaikat bipa nane ye bu teu bu peko tere te nau damba durupuku damane nau nero ne sanimi wa mane da orupuku tetero no dua sou tete damba wande sasyaisi yereu nau eyu ne da werainya dua da sou.⁴Malaikat naming pa na nena bu teu bu peko tere te apa durupuku muse muse marwai wande bu ye tetainya nou meye na mane sanimi mane ouraipiki. ⁵Nemane deye ate beta Malaikat nena waketupu detere arma tere bu damba meye keuna ate da seiyunue,''weye teme kiye,wena wa mro mro weye da kiye nou nue neme da kiye weye kaye te wasiye meye na mane. ⁶Ne yo seraibrabra wena tetero mro mro seraibrabra nena wa sa nimi te apa diriyai wande Nabi seraibra nena wa sa nimi te apa diriyai damane we ye ne yo seraibrate sa waro te atoumue nete da emburu pa anenai damena waro ne yo seraibrabra nenei wane tikainainie.'' ⁷De ye ate beta Mezbah dambere ate seiyainie,we Tuhan mang tetero,Awa mang tetero detere te da meye kiye,tepreinya nouru na teme te kiye ne dambere wena yeko kaye te da wasu na.''⁸Malaikat aprau pa na nena bu teu bu peko tere te soning damba da durupuku,nepere soning te arma tere namu te ikine da tetero yei te sing namune baya dekenai. ⁹Tetero yei sing namu ne wa te dekainya nemane ne ye Awa mang tetero te apeko senainie damena peko tere te da metere na mane mekoupuku.ne yo seraibra pepoi te na mekoipei Awa mang tetero nena poi tena seiyinipei.¹⁰Malaikat mekasu na bu teu bu peko tere te srainya sa nena betra damba da durupuku nena dia kepe kepe nenei peu te etiye da perai nena wa serai tere, ¹¹Ne yo seraibra a peko tere te Awa mang tetero nena damba sero dia ne kainya pa damane ne yo seraibra nena wa serai tere ke kou bisi bisi nena wa nekai;nemane kembari pepoi tena mekoipei nenei wa te pepoi damba.¹²Malaikat mekasu suna beisika nena bu teu bu peko tere te apa durupuku Efrat bu muse pa ne musena bu dua da keraupuku nou kreng kreng nipi te da mekambiki andewapana seraibra omo ture oto te dewa menai. ¹³De ye dou tane Naga nena emburu,srainya sa nena emburu re wande Nabi temberarina nena emburu re aru Roh nisi kore na naming serei kiya pa dewa da mekai iro kna wa mane da, ¹⁴Nemane damena aru Roh roh peko tere nena kembari waro bisi bisi te da mekai,nepere andewapo seraibra da yo kani dambena te nebei pa da beyu pera damba nai ya detere ya ne Awa mang tetero nena wake tuputena metere na mane detere tere keu na.¹⁵Dou te tende!A-I nedo neye bisi tetero mane dewa da mete.piyambaitie tetero nenei wa te sema te kenai mayong te titinai wane kenai damane tetero nena wana sate dou dou tenainie.'' ¹⁶Damane aru Roh roh peko tere ne yo seraibrabra nebei pa kopirinainie ne nou wa do Ibrani peuna damane da Harmagedon.¹⁷Malaikat mekasu suna biserei nena bu teu bu peko tere te durupuku aru seku na damba,akurung arma tere waru ate betainie Awa mang tetero nena yau mie eyu re dai dia dai meta kreu meta dambere ate da seiyainie;kembari dua da mekapiki te nou pa dua da mekeya te nepe nene.'' ¹⁸Nepere nemane eri kiya atoune warpa kurung dereunue a tipi tipi da yo kani damba detere tere da mekoupuku,tetero da yo kani dambena damena bete pere tikanipeinya wate da tupunsuku detere tere aye da masupuku. ¹⁹Nemane dia yo detere baya deraipiki waro naming serei,apa da biriyai dia dia yo seraibrabra;wande Babel detere ne pa da Awa mang tetero neye mendo te mekou nue bu teu bu peko tere nena Anggur bu te dirimbine bu oro dere oro mane baipa da yepo ne.²⁰Nepere nemane kepou meye na mane dua karunai baya nai wande meko dabrabra dua da karunai baipa dua nai. ²¹Bi bu oru mane detere doa mekasu 100 pon nena se dopre sero dambere apa da yonai tetero kna wa damba;damane tetero yei Awa mang tetero te aye da mouraine a peko senainie damena bi bu oru te da mekoupuku nemane nemena bi bu oru detere peko tere te da mekou apa da yewai.

Chapter 17

(Mire beisika srainya sa ne na wa dambene da keu) ¹Nemane nepere si beisika Malaikat mekasu suna biserei nena meka dambene bu teu mekasu suna biserei dena watou nue dete ate sanute;dewa mime de ye wete kiritewe pinie o se tere keu na do wambo mire wambo nena damba damane bu kasopere na dambene ane da kai dou te da tai, ²Nembere andewapo seraibra da yo kani dambena pere kaimie kembari te da mekai da yo kani dambene ne ye Anggur bu te da anai maimeu yembaimie kaimie keneng te da derainie.''³Aru Roh dewa da meke Malaikat dete dekote nembere nebeinie baye pau damba nou krong krong,de ye dou tane mire beisika serei srainya sa wari detere mang wari nena wa dambene ane da yongkuku keu.ne ye mang wari nena wa saiy nimi tere nena tenai mekasu suna biserei nena sa yemo meka biserei pera yemo mane nena tenai dambene tepei. ⁴Da mire nena mayong bori base nimipere emas nete da sewambiki kai nemane sa dera pere wande mutiara.nemane da mire nena meka dambena bu teu emas da sewambiki nete merambiki wane erikroi marikroi damane damena kaimie kenengte da deremane mene. ⁵Da mire nena bena paitiya wado yene keu na;Babel detere,nawa nena mire seraibrabra kaimie kembari kenengte da yo kani dambene da derainie na seraibra nepe da werai da diane da yo ne Babel ne.''⁶De ye dou tane ne mire sa maimeu mane dua tetero mro mro nena wa sa bra nemane sawaro yei Yesus nena dambere da.damane de ye dou tane deye tere tere mane oura. ⁷Nepere Malaikat de te ate sanute,''bea tena te weye tere tere mane oriye?deye wete ate santewepine da mire nena a waro ye ne keu na wande ye bete ne keu na srainya sa wari mang wari nena wa dambene da mire ane da keu wande da srainya sa wari mang wari nena tenai mekasu suna biserei nena tenai dambena sa yemo pera yemo mane mekabiserei.⁸Ne srainya sa wena dou ne tembuke na dua da kiyou,nemane neperenya ambai da keipei wande dou te tai ne ta ye nou yeyere kani mau eyure baipa dua di eu peko damba dua ne.dayo kani dambene kainya neyo seraibra nena wado yereu semo kepei pa na mereipipeinya da bai siri kra damikra mekombipeinya ne neyo tere tere mane ourai damane dou te da tai ne srainya sa wari mang wari dua da kiyou nemane nepereinya ne keipei da,wande neye ne kwa kiya pa mene.⁹Damane nepere eye mendo te mekomane nena tenai mekasu suna bisereinya da meko mekasu suna bisereinya ne meko dambene da mire ne dambene ane da keu. ¹⁰Nena tenai mekasu suna bisereinya ne andewapona mekasu suna biserei,wande meka subei apa dua da yewaipiki si beisika neme da keu wande sinewai beisika maning mipei nepere nemane neye dua mene kene nederaiti tikibaibie nemena tiki ye na keipei.¹¹Srainya sa wari mang wari yansine dua da kiyou damane nepreinya ambai keipei nemane ne ye andewapona mekasu suna naming nederaitie nemane andewapona mekasu suna biserei pa ne pa nebei dua tawupuku nebeinie da kai peko damba dua nai.¹²Ne sa yemo pera yemo mekabisereinya weye dou tembuke na nederaitie andewapona mekabiserei nena akiri ne seraibrabra te na maning tepimipei ate na seiyinipei nemane neye wake pote donai andewapona mane soning beisika serei nebeinie srainya sa pere wari mang wari pere da kenai. ¹³Nemane neyo seraibra nena a beisika nena wake pote metere srainya sa wari mang wari nena damba. ¹⁴Neyo seraibra pera te derenainie Domba yei pere,nemane Domba yei neye neyo seraibra te apa so nemsenone apa dua nai damane A-I nedo neye Tuhan mang tetero nemane Tuanmai nene tuanmai tuanmai si damba andewapona nena andewapo andewapo si damba wande seraibrabra bekou pa dewa da menai A-I nedo nembere nebeinie dua da tarupuku erupuku nou nue nemena beitie warenai.''¹⁵Nepere Malaikat dete ate sanute,''bu te meye dou ye tiyene da mire siri wambo kerai wambo kaimie te mekou ne pe ne ane keu seraibrabra sirinu kerainu yo dundung yo sepo peu nyei nyeinie.¹⁶Nemane sa yemo pera yemo weye dou tembuke wande srainya sa wari mang wari ne mire te baipa dua sekenembine moi ye da ne kene mayong ambai wa kiya ne nepere nena wa orung te emburu pa dua anenai sing damba enaiyintine. ¹⁷Awa mang tetero ne ye ne yo seraibra nena kena te a kepe kepe te kiya dambere mang tetero nena kembarite a beisika serei mekonai wande nena damba diate ate ineme akiri ne da seraibrabra te srainya sa wari mang wari nena ayeko damba nepere nemane Awa mang tetero nena asena Firman nou pa dua mekonaipine.¹⁸Nepere da mire we ye dou tembuke na mire dia yo detere andewapo andewapo da yo kani dambena te akirine tepumue da mire siri wambo kerai wambo na mire nene.''

Chapter 18

(Babel apa buruteke) ¹De ye dou tane Malaikat si beisika sero diare apa meke nena wake tupu detere nena wa kiya da yo kani dambete poi kiya erembuku. ²Ne ye ate arma tere seiyunue,''apa dua buruteke!apa dewa dusupuku,Babel dia yo detere!nepene ne nou nue da aru Roh roh peko seraibra ye pa kauraipikikai meye na mane aru Roh peko sure na wande awe seraibrabra nepe ne yene da kai peko tere yembe ekri nero ne da kai. ³Seraibrabra meye na mane Anggur bu te nepene anaine na wambo te braine nepete merainie kaimie keneng te derainie wande andewapo andewapo da yo kani dambena kaimie keneng kembari te nembere nepene ne nounue da mekai nepe ne da kai nepere nemane sasyaisi nai tetero da yo kani dambene kainya wate nou pa dua da mekaipiki nena wa ne merembuku nate da atekome nemena da wambo te birainie merainie.''⁴De ye ate beta sero diane,''baya dua ende dedei umat seraibra,nepere baipa dua di ende we nena peko tere mekou na nero ne warende we ne peko dambere wei po pere donde. ⁵Da pepoi peko tere ne damba damba sero pa dua da saweke wande nepere nemane Awa mang tetero neye mendote mekou nue nena peko tere mekainya pa. ⁶Damane nena dia te yo te baya dingkerupunue nemane ne ye meke you namane,nena damba kurupunue da biserei ne damba damba nena kembari mekeyou na mane wande bu teu ne ye da tepiyou nena meka dambene da biserei ne damba damba da burumbune kene.⁷Nemane ne dia ne yo ne mire nena damba wa kesa kesa te wapiyang piyang te wande ne ye do korute da kene,nena pepoi te dou tiyounue nemena sa nimi dambene bubu kra ne da kiyou.nemane neye nenei kena ne ate da seiyunue,de ye diane betra yare dambene weng ratu mane da ka,depe da ye mire soiy ambai bie de ye do koru tena keipei.' ⁸Nemane sate nate da mire nena damba peko waro ya beisika da mene nemane siso biro kiyambine,do koru te da kene,munune kene na mire ne mire nete sing damba enaiyintine dekene nemane Tuhan mang tetero Awa mang tetero ne ye kaye te wasine ne mire nena damba mekombine.''⁹Nemane andewapo andewapo da yo kani dambena kaimie keneng kembari te mekeyai ne mire nena wa ne pepoi te da dou tiyainie wande di mite da dimai kena mereipei da derainie dou da tai sing yupu orunena pa ne mire te sing damba dua da entiki deku, ¹⁰Ne yo seraibra bai tere ne esu ne da tepai endikite da dekai ne mire nena damba peko tere waro dewa da meke na,wande ne yo seraibra ate seiyainie,peko tere bie!peko tere wena damba,wei dia yo detere,Babel dia yo wake na ena wa kepo apa dua ke damane soning beisika serei kaye te wasiyou wena damba da yeko te da sarupuku meke!''¹¹Nepere nemane sasyaisi nai tetero da yo kani dambene kainya dimi teda dimai damena mendo werai,we ye da kiye dete da ateyeme,damane mekoupuke tetero ne kwa na sasyaisi tena oripei nai smo smo mena ne kwa na mekoipei dera tena oripei keroipei, ¹²Sasyaisi nai sa tereng dopre emas,perak,dou smo na sa mutiara,mayong lenan busu tere,mayong ungu,mayong sutra,mayong nimi kirmizi,sasyaisi o bete perlo pepoi tere,gading sasyaisi,o dera kasopere na tembaga,besi,marmer pualam, ¹³O ere pepoi tere,o ere o kepei,perlonai sasyaisi,mur,kemenyan,Anggur,meraibu,tipa base,gandum,seka aprau na lembu sapi,domba,kuda,betra,kereta,oto touna nemane tetero yei nena wanuru.¹⁴Ne ye ate seiyainie,meye na mane dua da karuaipiki ona dopre na we ye kena te kiye na,wande sasyaisi piyambainya pepoi pepoi we na re dua karuaipiki ne kwa na dou na tembipei.''¹⁵Ne yo seraibra sasyasi nai tetero nenei wa te nou pa dua da mekaipi kiyai ne mire kna re nedia re ne yore esu ne bai tere ne da tepai endiki te dekai damena peko tere da mire kna pa dewa da meke wande dimi te da dimai kena mereipei. ¹⁶Ne yo seraibra ate da seiyainie,''apa dua da buruteke!apa da buruteke,dia yo detere wena mayong lenan busutere,mayong ungu mayong kirmizi nimi emas ne te da sewambiki dou na sa pepoi Mutiara pere soning beisika serei sasyaisi meye na mane tereng dopre teme dua da ouraipiki! ¹⁷O derengke iduru mekodawai nou nero ne nena kembari yei pere wande tetero meye dero ne yereu kembari te wureinya nau dambere dou te da tai,¹⁸Damane ate seiyainie,dou te taru sing yupu da buna pa arune ne mire ne dia ne yo sing dua deku.mo dia moyo da mire pere ne ye nemambei?'' ¹⁹Ne yo seraibra tipa te tenai damba kerai ate seiyainie dimi te dimai kena mereipei derainie.apa dua buruteke!apa dua da buruteke dia yo detere ne mire nepe ne da kiyou tetero meye o derengke dambere wariyai nau dambene meye da dia pa da yo detere pa da mire pa wariyai,damane nepreinya ambai waripei nena sasyaisi poi poi ambai soning beisika serei teme dua da ouraipiki. ²⁰Sero dia na yo kena karite da derainie,Babel yo detere apa dua buruteke,we tetero seraibrabra mro mro dambere,dero na seraibra yauna Rasul rasul pere Nabi nabi pere eiyei Awa mang tetero ne ye ose dopre nate nemire nena damba we tante sa te nate.(Babel ne ye nekwa na esuwa na yembipei)²¹Nepere nemane Malaikat si beisika nena wake dopre na oru detere te eruteke nau eyu pa apa da kengkene,ate seiyunue,''Babel dia yo detere apa arma tere dua da kena kainie ne kwa na dou teipei. ²²Kecapi kurung dimi semo kurung suru meka kurung seruling nemane toni kurung trompet sangkakala da mire nena wa nerona derenipei,nemane oru sua sua burune yembune na kurung baipa da danu nane kwa na ambai wande meke smo na sasyaisi te mekainya tetero ne kwa na mekoipei ambai tere.²³Sing serengka kiya de kipei do yei nena akurung betoipei mire yei nena akurung betoipei da dia ne da yone da mire nena wa tou na dopere mire perena waripei sasyaisi nou tetero dere dere da yo kani dambene kainya bero te da mekai seraibrabra te metere mendo te yekoitaimie. ²⁴Nemane ne dia ne yo ne da mire kna wa.tou nue da tetero wa sa Nabi nabi kna wa sa tetero mro mro seraibrabra nena wasa nemane wa sa tetero meye na mane da yo kani dambene baya note titiyainya nena wa sa.''

Chapter 19

(Sero dia na tetero meye na mane Awa mang tetero te poi ate senainie dimi semo te dimai) ¹Nemane nepere de ye ate beta akurung detere tere tetero kasopere tereng dopre sero dia ne akurung waru,''piyambaite haleluya!pepoi tere,mro mro tere kase bai,wake detere tere metere eiyei Awa mang tetero nenei dambene. ²Nena kaye te wasuna yeko waro teme dambere nemane A-I nedo neye diwa dewa tupu tena te da wasu kaimie keneng kembari detere tere da yo kani dambere peko tere te mekambiki,damane nena yauna dero na te pepoi damba wande ne mire te peko damba da sisinensine yeyepa.''³Nemane nepere ne kwa bu bipa nate ate da dewambiki,''piyambaite haleluya!damane sing yupu ne po beiye arinene nemambei nemena beitie neme da kene mene.'' ⁴Yarise yarise doa beisika wau aprau beinya wande meka smo na sa aprau beinya seso tipainie oto butu disaikriko Awa mang tetero nena damba da ane da keu takhta dai dia dai meta kreu meta dambane ate da dewambiki teprei!amin piyambaite!haleluya!''⁵A kurung waru na te da betainie dai dia dai meta kreu meta dambere,''Awa mang tetero te da nete pepoi te da eye aye mere mane dimi semo ne A-I nedo nena damba yei merenewai tetero detere A-I nedo nete seso tipimane dekoi dekoi nero ne!''(Yau munu sa te nebeinie da anenai Dombayei pere yau te nebeinie)⁶de ye ate beta tetero meye na mane nena akurung bu oro wekinteinya mane nemane warpa kurung mane dereu nu,''piyambaite haleluya Tuhan Awa mang tetero nena wake detere metere andewapona te da keu.⁷Dewa mende kena kari te deremane sepo kurung warene pepoi teme mro mro A-I nedo nete aye da aye aye meremane,neperei da ya ne eye Domba yei pere bete birima meka te pema wande nena yau na derona mayong dua da wapa titaipiki. ⁸Mayong lenan busu tere meya meya man dou dou atainie wande kreu kreu tere mro mro,lenan busu tere damane tetero seraibrabra mro mro dambere nena kembari te nou ru na te mekeyai.''⁹Nemane ne Malaikat dete ate da sanute,''semo kepei pa dua mereupunue piyambai tere ne yo seraibrabra te Domba yei!''' karite da sumu yau nero pa da menai bete birinai meka te da tepenai.nemane ne Malaikat dete ate da sanute da akurung nou ru na nepe Awa mang tetero nena akurung poi tere.'' ¹⁰Nepere nemane ne Malaikat nena wa toupa apa oto butu dusukruka,neye dete ate sanute,''nemena mekoipipeinya de pe da ye yauna dero na hamba nembere nemambei wena do keka yei meke pere da kate yei Yesus nedo nena asena kurung te da seiyanete Awa mang tetero te nete oto butu disimangkrone seso tipimane yei Yesus nena akurung aru Roh yeko waro te da seiyunue.''(Awa mang tetero nena asena A-I nedo kuda kreu kreu dambere)¹¹Damane de ye dou tane sero dia baya tusuku kuda kreu kreu beisika serei A-I nedo ne ye ne dambene keu nena wa do nou nue neme wande nouru na nepe,A-I nedo ne ye kaye te yeko te wasine wande pera te derenene pepoi teme damba. ¹²Nena dou sing peu peu mane tenai dambena wenta kasopere nena wado tetero si newai aroipei A-I nedo nenei te arombuku da wa do. ¹³Nedo A-I nena mayong jubah sanimi eyu ne da yawusuku nena wa do Awa mang tetero nena asena Firman Allah.¹⁴Meye na mane pero yo seraibrabra nete da tawekainie Kuda kreu kreu dambere nena mayong lenan busu tere kreu kreu mro mro. ¹⁵Nena emburu eyu rena meteka yemou mane ayemo seraibrabra ne pe ye titine A-I nedo neye da seraibrabra te akirine kate suwe na dambere wande A-I nedo neye anggur bu te da meka nukune ne anggur bu Awa mang tetero nena peko tere tupu nena detere metere. ¹⁶Nena jubah mayong pere nena kembong pere wado te meraipiki andewapona detere andewapona si damba wande tuanmai detere tuanmai si damba.(Srainya sawari mangwari nena Nabi pere apa dua soumuseko)¹⁷De ye dou tane Malaikat sibeisika esu ne tepeu soning eyu nue neye ate dombuku awe meye na mane bunane yembaune,''dewa mende nebei pa tetone Awa mang tetero nena yau sa detere te da anema, ¹⁸We ye sa munu sa te anende andewapona meye na mane nena wa orung,pera tenai nena wa orung,pera yaro na nena wa orung,Kuda metere nena wa orung,Kuda dambene tetero meye nena wa orung,tetero meye nena wa orung tetero wake na pere tetero wake bainya pere,tetero merenewai pere tetero detere pere.''¹⁹De ye dou tane srainya sawari mangwari pere andewapo andewapo da yo kani dambene kainya ne na pera seraibrabra ne beipa kopurune pera te da derenainie A-I nedo nena seraibrabra pere penunggang kuda nembere tonai krone. ²⁰Nepere nemane srainya sawari mangwari te meka awekai nena Nabi temberari na pere meye namane nebeipa,Nabi nena kembari yeko si te site mekai warimang wari nena dou dambene mekai ne yo seraibrabra te mendo te yekoitaimie da srainya sawari mangwari ne te da tawekainie werai nena do sna sna te seso da tipaine kapenainie nemane newari biserei mangwari apa da teiyaipiki yereu neme da sing dekainya damba nau disainya mane peu peu tiyenu oru binabiring namu damba.²¹Nepere tetero si meye namane no te titiyai meteka yemou damane a yemo A-I nedo nena emburu eyu re kiya pa baya da mekai penunggang kuda wande awe dero meye namane ne yo seraibra nena wa orung te da aniyai yase dua suraipiki werai.

Chapter 20

(Andewapona nena dia mai tereng siri beisika serei pa kene) ¹De ye dou tane Malaikat sibesika sero diare apa da meke nena meka dambene da tepu. ²Ne Malaikat naga te wari mang wari te sekai do nari dote da meka awe ke.nepere ne Malaikat naga wari mang wari te arai sa detere nena wa te beiyupuku nena mai tereng siri beisika serei pa da kene na, ³Nemane Malaikat ne naga wari mang wari te apa susunsuku nou yeye pa da kani maupa,nena buru te dua da perembuku mie nipi numburu nena tung o tene damba da sesuku tenou.ne naga wari mang wari ne kwa nada seraibrabra te mendo te na yekoitimipei damane mai siri beisika na maning dana tupu re dina tupu pa na maning eipei noupa na mekoipipei nepere ne te baipa da tambiki ya bete tiki bai kembine ne naga wari mang wari o pepoi waro peko waro dina tupu re Eden kani re dana tupu pa da meke.⁴De ye dou tane dai dia dai meta kreu meta dambene tetero seraibrabra ane kai ne yo nena damba tupu te na yeko kaye te wasinai.de ye dou tane wa nuru ne yo seraibra nena tenai te baya pereyai no te titiyai damane yei Yesus nena wa do te seiyiyainie wande Awa mang tetero nena a sena Firman te nou nue da poi tepiyai ne yo seraibra da srainya sa wari mang wari tena seso tipinipei nena do sna sna tena kena dereinipei nemane paitiyane meka ne nena sengking semo keipei ambai;nepere ne yo seraibra ne kwa yereu poi damba Kristus pere andewapona mane akiri ne kate suwe na dambere mai siri beisika sereipa.⁵Nederaitie tetero si dua tete damba kainya esua na yiyembipei ane neme da tenonai mai brabra da kenai mai siri beisika serei pa da beisika na te da esua tete nero re yinai yembine. ⁶Piyambai tere mro mro tere tetero nena pepoi tere da beisika nare esua dua yembuku.tete da bipa na ne kwa na nena damba namipei,nemane Imam seraibra mane Awa mang tetero pere Kristus pere nebeinie da kenai andewapona mane seraibrabra nero ne akiri ne kenai menai mai siri beisika serei pa kenainya.(Sekai te bai pa tikensiki)⁷Mai siri beisika pa dua da meke,sekai te ne na tu ere eyure kiya pa dewa da tambiki meke. ⁸Sekai nedo seraibrabra nena mendo te yekoutumue da aru nipi numburu aprau sereinya da yo kani dambena pa ne nou ne na wado Gog pere Magog pere nenei seraibra te koipirainie nena tereng kisi yepa.⁹Ne yo seraibra da yo kani dambe te meye dua da deko wande tetero mro mro seraibra te nena nou te dua da atinayim kriko nebei pa diane yone.nepere sing peu peu sero dambere apa da meke ne yo seraibrabra te sing baya senomupuku. ¹⁰Sekai ne ye da serai brabra te mendo te yekou tumue,baya sing dekainya damba da kengkainie oru kisi kisi namu damba,ne nou nue srainya sa wari mang wari pere Nabi temberari na pere nena peko tere dambene dai deneng nemena beitie.(Tu pu tena peko tere damba nepere kaye te wasine)¹¹De ye dou tane dai dia dai meta kreu meta ne kreu kreu bei ye nedo A-I ane da keu nedo A-I nena bekoure kani pere sero pere dua da karipiki ne kwa na dou teipei da. ¹²De ye dou tane tetero no detere mere newai esu ne da tepai dai dia dai meta kreu meta ne dambene bekounue da tepai,semo kepei si bete yereu semo kepei te baya da biransiki tetero dua soyou tete damba kai kaye te da wasine nyei nyeinie ne nenei kembari poi dambere damane da semo kepei eyupa dua da meraipiki.¹³Nau nero ne soyou na tetero nau eyune kainya kiyapa dewa menai,kani mau sere dia numburu da tetero soyou na te kiya pa dewa da menai kaye te wasine nyei nyeinie nenei kembari poi mekeyainya dambere poi damba dua da nai. ¹⁴Nepere nemane kani mau numburu pere sere dia numburu pere sema te tepeinya do bisereinya mane sing peu peu damba da teyinai krone dekenei tete nipi da bipa na nene;nau nero sing peu peu ouraipiki dua da sekaipiki dekai. ¹⁵Nemane tetero yei nyei nyeinie nena wado yereu semo kepei pa na mereipipei bainya sune nemei neme kene na ne tetero yei sing peu peu dekainya damba da teiyinai baya dekenaipine.

Chapter 21

(Kani bere sero pere nepereinya neme tere) ¹De ye dou tane sero pere kani pere nepereinya,nemane sero metena beisika na wande kani metena beisika na nepe dua da karupuku nau nepe na yeipei ambai keipei. ²De ye dou tane dia yo mro mro,yo siri dia Yerusalem nepereinya sero diare apa da meke,Awa mang tetero nena wa yere da meke da kani damba,nemane damane mire maro sa te da yepambiki beiyambiki nenei do kwa nate.³De ye ate beta dai dia dai meta kreu meta dambere akurung da waru ate da seiyunue,''dou te tarue,Awa mang tetero nena mayong pare kemah da tetero yei nena nero ne wande A-I nedo neye da tetero yei seraibrabra pere nebeinie da kai.ne yo seraibrabra nena umat mane da kenai A-I nedo neye Awa mang tetero pere nenei awa mane do keka mane. ⁴Nemane A-I nedo neye da umat seraibra nena dou bu te nena doure baya sunempine,ne kwa na tete nipi tete waro ambai do koru mire koru ambai dimi kurung ambai kena ye nunduru naipine na ambai damane dua da mekoupuku yansina mendo dua da karupuku ambai keipei.''⁵A-I nedo neye dai dia dai meta kreu meta dambene ane keu ate da seiyunue,''wei dou tenende,deye dua da mekoupuka sasyaisi metere nepereinya neme tere!''damane nena asena Firman,''semo kepei pa dua mereupune,da akurung poi nou rue na nene.'' ⁶Nena asena Firman akurung ne kwa de na damba,metere na mane nepe te dua da mekoupuka.A-I nedo neye Alfa wande Omega,neye metena wande tupu tena.tetero bu mari ne mene na deye bute itene anensine ne bu yereutupu.⁷Simi ye bekoupa neme dua nena,neye meye na mane dua da orumbine nenei wapa deye nenei Awa mang tetero ne ye dedei yei. ⁸Endikina tetero neme yimbipeinya tetero ekri yembe tetero song kerai tetenipi na tetero kaimie te mekainya tetero bero te tepainya tetero do sna sna te kapenainie na tetero peu te ourainie a peu peu na tetero ne seraibrabra nenei po pere orunai nau nero sing deku na mane ne damba dua da nai peko tere orunaipine nemane damena tete da bipa na nepe nene.''(Yo siri dia neperenya neme tere)⁹Beisika serei da Malaikat mekasu suna bisereinya beisika tere dewa da meke nena meka dambena bu teu mekasu suna biserei nena eyu na peko tere da mekasu suna biserei damane tupu tere tena,nepere nemane neye de ta ate da sanute,''dewa da pa mime,deye wete da kiritewepine da mire maro sate dua da yepambikibei yambiki nena do damba yei.'' ¹⁰Damane aru Roh dambere ne ye dete dekote nebeinie meko detere yare damba de te ate sanute,wei dou ye da tembunue dia yo mro mro yo siri dia Yerusalem sero diare apa da yo kani damba Awa mang tetero nena re da meke,¹¹Nemane ne dia yo Kota Awa mang tetero Allah nena pepoi tere teme poi dambere nena kiya dou dou pere atainie yaspis mane,sipi tere baya danumbuku kristal mane. ¹²Nepere nena yari orute yare mekambiki detere nena mie numburu nipi mekabiserei suna wau biserei,nemane mie numburu nipi ne Malaikat mekabiserei suna wau biserei nena oto dambere Israel tou tou mekabiserei suna wau biserei pere numburu pa nena wa dote nyei nyeinie da meraipiki kai. ¹³Omo tu mie numburu nipi naming beiserei,beta tu mie numburu nipi naming beiserei,dari tu mie numburu nipi naming beiserei wai tu mie numburu nipi naming beiserei.¹⁴Nemane ne dia ne yo nena yari oru mekabiserei suna wau biserei apa da keraipiki ne damba wado te meraipiki Domba yei nena yauna dero na Rasul nena wado te da nepa meraipiki. ¹⁵Nepere Malaikat dembere ate seiyinte nemane nena kate emas mekane tepu ne dia te yote tikambine nena mie numburu nipi wande nena yari pere meye.¹⁶Nemena ne dia neyo nena wa tepeu na nemambei aprau bei serei nena tiki kura nemambei.da Malaikat ne dia te ne yo te kate ye nete da tikau;nena tiki kura yare siri doa mekabiserei suna wau biserei pa saweke. ¹⁷Da Malaikat mie yarite tikau,nena yare doa mekasu suna biserei aprau beiserei pere,da tetero yei nena mendo na pere da Malaikat nena mendo napere.¹⁸Da mie nena yari te mekambiki tepeu na yaspis dou dou atainie,ne dia neyo nena wa emas tulen sroming mane kau keu atou nue. ¹⁹Nemane ne dia ne yo nena wansyang nena yari semo bisi bisi tere merambiki da ane keraipiki smo smo mane.wansyang mete na oru yaspis,wansyang bi na oru nilam,wansyang naming na oru mirah,wansyang aprau na oru zamrud, ²⁰Wansyang mekasu na oru unam,wansyang mekasu suna bei oru sardis,wansyang mekasu suna bi oru ratna cempaka,mekasu suna naming oru beril,mekasu suna aprau oru krisolit,mekabina oru krisopras,mekabi suna wau beisika lazuardi,mekabi suna wau biserei oru kecubung.²¹Mie numburu nipi mekabi suna wau bisereinya nepene kainya mutiara mekabi suna wau biserei.mie numburu nipi beisika serei mutiara beisika serei da nepe ne da kene nemane ne dia ne yo nena nipi emas mro mro tere sroming mane bu kreu kreu mane. ²²Deye dou tane yau mie mro mro nepe na eyu na ambai,Tuhan Awa mang tetero neye detere metere na mane neye da keu neye yau mie mro mro mane nemane Domba yei pere.²³Nepene nederaitie nedia ne yo ne nou nue soning oko ambai nemane dai soning kiya ambai deneng oko kiya ambai Awa mang tetero nena ware kiya te erenembine wande nemane Domba yei nena wa kiya erenembine meye nate. ²⁴Damane da seraibrabra nedia nene yo ne warenai nena kiya dambene kenai nemane andewapona andewapona dayo kani dambene kainya nenei wane kainya sasyaisi te dewa atonai menai da diapa da yopa dewa menai. ²⁵Nepere nemane nena mie numburu nipi nebeipa na dinipipei dai sereinie da kiya nemambei kene deneng nepana keipei dua karupuku.²⁶Nemane seraibrabra nena sasyaisi dopre na pepoi pepoi nepa dua atonaiynai orunainai. ²⁷Da dia pa na dayo pana sasyaisi peko peko tena atoiyipei eipei,yembe ekri nero ne peko poi te mekainya tetero da a peu peu nerone nerainya tetero dapa na eyupana mipei wado semo kepei pa yereu semo kepei ne Domba yei Anak Domba nena yereu semo kepei pa dua da meraipiki kai.

Chapter 22

¹Nemane da Malaikat dete nou te kuru te dou da tane muse marwai detere bu yereu,mro mro kristal mane,eyure banya sua da teiyunue dai dia dai meta kru mete nerore Awa mang tetero nena wa yere Domba yei nena wayere. ²Da dia da yo muse marwai nipi te nerore daru kruko wasupuku sua sua di su da su yereu o dero dero ne tepai ne na o nayu wewainya da meka biserei suna wau biserei 12 kali oko nyei nyei ne da beisika da ne o nena kepei tetero seraibrabra te pepoi mekaimie.³Dape na peko tere ambai,dai dia dai meta kreu meta dambene Awa mang tetero pere Domba yei pere nepe ne dakei nena yau na dero na mendo kembari te nena damba. ⁴Nemane ne yo seraibrabra dou te da tenai Awa mang tetero nena wapa Damba yei nena wapa nena wado da yo seraibrabra nena paitiya pa da dua meraipiki kai. ⁵Da dia na da yo na deneng ambai sing kiya sereng ka kiya ambai soning namu ambai;Tuhan mang tetero Awa mang tetero nena wa kiya ne nena kiya erenembine da tetero seraibrabra ne kiya ne da kenai andewapona mane ate da seiyinainie nemena beitie neme da kenai menai.(Yei Yesus Kristus ne kwa dewa da mene)⁶Da Malaikat dete ate da sanute,''da akurung nou runa nene poi tere,Tuhan mang tetero Awa mang tetero neye Nabi seraibra kna pa aru Roh te ikime nenei Malaikat kna dambere damena yeko te kirineme nenei yau na dero na tetero seraibrabra dou da tenainie nemena beitie kenai menai nou nue neme. ⁷Teperei tere,de yei Yesus Kristus wera tere dewa da mete piyambaitere tetero yei da akurung da semo kepei ne kainya te nete da bene nemane nete nenei wa ye mekone nenei poi.''⁸De pe da ye Yohaneswai,deye ate bete ya de ye dou tiya ne metere na mane.deye ate bete ya deye dou ye tiya ne metere wande deye seso tupumbuka oto butu dusukruka da Malaikat nena oto toupa apa,nemane neye dete ate saniyou te nemena nou te kiriyou te. ⁹Da Malaikat dete ate sanute,''nemena kembari te na mekoipeinya depe daye akeya na seraibrabra da werate yau ne dero ne werate,wembere nemambei wena do keka yei meke pere wande Nabi seraibrabra pere nemane tetero seraibrabra da semo kepei na ate beiyai nete nenei wa ne mekeyai Awa mang tetero nena wa tou nue seso tipinende oto butu disingkronde!''¹⁰Da Malaikat dete ate sanute,''da semo kepeinya akurung kainya te tupu te na nebei pa na dinipipei tawipipei masipipei nena ya bete po tere watoupa dewa da muna.'' ¹¹Simi ye peko tere te mekonainya nepe ne nemena peko tere te nou nue da mekonai,simi ye nenei wate nekite merenaine na nepe ne nenei wate neki te mekonai,simi ye nou ru na kembari te mekonainya nenei kembari nou ru na te nou nue neme da mekonai,simi ye nenei wate mro mro dambene warenai nemane nenei wa te mro mro dambene da nou nue neme da warenai.''¹²''Teprei tere de yei Yesus Kristus wera tere dewa da mete,de ye dedei pepoi te mekeyai ne dambere poi waro te da wasiteme. ¹³De yei Yesus Kristus Alfa wande Omega metere te netu pure nemane dana tu pure wande di na tupu pa.¹⁴Piyambaitere ne yo seraibrabra nenei Jubah mayong te mro mro tere tepenai neyo seraibrabra neye o yereu dero dero tepainya nero ne da warenai wande eyupa dewa menai ne diapa ne yo pa mie pa mie numburu nipi re da menai. ¹⁵Yuku seraibrabra dero ne,bero te tepainya seraibra,tetero seraibrabra dopere mire pere kaimie te mekainya,tetero seraibrabra song kerai te mekai tete damba tete nipi ne werainya do sna sna te seso tipaimi nete da kapenaimie wande tetero nyeinie nyeinie a peu peu te kena te kainya nemena kembari te mekainya baisu ne kenai bainya su ne da warenai.¹⁶De yei Yesus dena Malaikat seraibrabra ate da sanumupuka da akurung te seraibrabra meye na mane nena damba saniyaimie jemaat seraibrabra nero ne da akurung te da beteyai.de yei Yesus Kristus onena siye ne kwa da neke iki nepere nemane Daud wai nena atou dambere o kene mane da nou nue da tepeu omo tu rena yakau na meya ya na meya kiya te tepu sing tena mane sakoi sakoi.''¹⁷Aru roh pere da mire nembere ate da seiyine;dewa marue dewa mende!''simi ye bentekeite betombine,ne ye nemane ate saneneme;dewa marue dewa mande!simi ye bu mari ne kene na damane dewa mene,simi ye kena te kene na ne ye da bu yereu te done emburu pa da anensine nene wa ne kene.''(Tuputena)¹⁸De ye we te ate sename tetero nyeinie nyeinie da asena semo kepeinya akurung te betonai tetero sibeisika nenei mendo na ate da asena damba nebei pa tawembine;Awa mang tetero neye ne tetero yei kna damba o sete peko tere te inene da semo kepeinya akurung kainya mane. ¹⁹Tetero sibeisika da semo kepeinya ate po si bete te ne te baya simbine ne kwa na da semo kepeinya a keipei,Awa mang tetero neye da tetero yei nena poi tupu te baya done o yereu nero re nemane da dia re da yo re mro mro dambere a sena da semo kepeinie kainya mane.''²⁰A-I nedo ne ye da a sena yeko te da seiyunue metere na mane nene,da a sena akurung berfirman ate da sanumue,''de yei Yesus Kristus wera tere dewa da mete!teperei,Tuhan mang tetero yei Yesus Kristus dewa mene da yo kani damba! ²¹Tuhan mang tetero yei Yesus kristus neye e seraibrabra damba nena kena bise mendo beisika serei kene.

Formatted for Translators

Matthew

Mark

Luke

John

Acts

Romans

1 Corinthians

2 Corinthians

Galatians

Ephesians

Philippians

Colossians

1 Thessalonians

2 Thessalonians

1 Timothy

2 Timothy

Titus

Philemon

Hebrews

James

1 Peter

2 Peter

1 John

2 John

3 John

Jude

Revelation