¹ Kitaaba hidda dhaloota Yasuus Kiristoos, isa sanyii Daawwit, sanyii Abrahaam. ²Abrahaam Yisihaqiin dhalche; Yisihaaq Yaaqoobiin dhalche; Yaaqoob Yihudaa fi obboloottan isaa dhalche. ³Yihudaan Taamaar irraa Peereezii fi Zaaraa dhalche; Peereez Heezroom dhalche; Heezroom Raam dhalche.⁴ Raam abbaa Aminaadaabi dha; Aminaadaab abbaa Nahashoon dha; Nahashoon Saalmoon dhalche. ⁵Saalmoon Rahaab irraa Boaziin dhalche; Boaz Ruut irraa Yoobeedin dhalche; Yoobeed abbaa Jeesee ti.⁶Jeeseen abbaa mooticha Daawwit dha; Daawwit haadha manaa isaa Uriiyaa irraa Solomoonin dhalche;⁷ Solomoon abbaa Reehoobo’aam dha; Reehoobo’aam abbaa Abiiyaa dha; Abiiyaan abbaa Asaa dha;⁸Asaan abbaa Yoshaafaax dha; Yoshaafaax abbaa Yooraam dha; Yooraam abbaa Oziyaasin dha;⁹Oziyaas abbaa Yo'ataami dha; Yo'ataam abbaa Akaazin dha; Akaaz abbaa Hisqiyaasi dha. ¹⁰Hisqiyaas abbaa Minaasee dha; Minaaseen abbaa Amosin dha; Amos abbaa Yosiyaasin dha. ¹¹Yosiyaas abbaa Yekoniyaasii fi obboloota isaa dha; kunis bara sabni Israa'el biyya Baabilonitti booji'amanitti dha.¹²Sabni Israa'el biyya Baabilonitti erga booji'amanii booddees, Yekoniyaas Salaati'elin dhalche; Salaati'el immoo abbaa Zarubaabelin dha. ¹³Zarubaabel abbaa Abiyuudin dha; Abiyuud abbaa Eliyaaqimin dha; Eliyaaqim abbaa Azorin dha; ¹⁴Azor Zaadoqin dhalche; Zaadoq immoo abbaa Akiimin dha; Akiim abbaa Eliyudin dha.¹⁵ Eliyud abbaa Ele'azaarin dha; Ele'azaar immoo Maattaanin dhalche; Maattaan abbaa Yaaqoobi dha; ¹⁶Yaaqoob abbaa Yoseefi dha; Yoseefis kaadhima Maariyaam dha; isheen immoo Yasuusiin isa Kiristoos jedhamee waamameen, deesse. ¹⁷Dhaloonni kun hundinuu Abrahaamii hanga Daawititti dhaloota kudha afur, Daawitii hamma bara sabni Israa'el biyya Baabilonitti booji'amaniitti dhaloota kudha afur, bara biyya Baabilonitti booji'amanii hamma Kristositti dhaloota kudha afur turan.¹⁸Dhalachuun Yasuus Kiristoos akka kanatti fufee jiru ture; Maariyaam haati isaa Yoseefiif kaadhimatamtee turte; isheen Yoseefii wajjin utuu wal bira hin ga'in, hafuura qulqulluudhaan ulfooftee argamte. ¹⁹Yoseef inni ishee kaadhimates nama jireenya qajeelaa jiraatu waan tureef, dhoksaatti ishee dhiisuudhaaf murtoo godhe malee, ummata duratti ishee yeellaasisuu hin barbaanne.²⁰ Utuu Yoseef kana yaadaa jiruu, kunoo, ergamaan gooftaa abjuutti itti mul'atee, “Yaa Yoseef ilma Daawwit, Maariyaam kaadhimni kee hafuura qulqulluudhaan waan ulfoofteef, ishee of biratti fudhachuu hin sodaatin! ²¹Isheen ilma in deessi; atis maqaa isaa 'Yasuus' jettee in moggaafta, inni ofii isaatii saba isaa cubbuu isaaniittii isaan in fayyisa” jedheen.²² Kun hundinuu inni Waaqayyo gooftaan afaan raajichaatiin dubbate akka raawwatamuuf ta'e. ²³Innoo, “Kunoo, durbi in ulfoofti ilmas in deessi, maqaa isaas 'Amaanu'el' jedhanii in moggaasu" jedhe; "Amaanu'el” jechuun “Waaqayyo nuu wajjin jira” jechuu dha.²⁴ Yoseef hirribaa dammaqee, akkuma ergamaan gooftaa isa abboometti kaadhima isaa of biratti in fudhate. ²⁵Haa ta'u iyyuu malee, inni hamma isheen ilma ishee deessutti ishee hin barre; mucicha immoo "Yasuus" jedhee ni moggaase.

¹ Yasuus, bara mooticha Herooditti, biyya Yihudaa Beeteliheem keessatti erga dhalatee booda, beektonni (namoonni beektonni) karaa ba’a biiftuu irraa gara Yerusaalemitti dhufani; ²Isaanis, “Mootiin inni Yihudootaaf dhalate eessa jira? Nuti urjii isaa ba’a biiftuu keessatti waan argineef, isaaf sagaduudhaaf dhufne” jedhanii dubbatani. ³Herood, inni mootichi, yeroo kana dhaga'ees, ni raafame; guutuun Yerusaalemis, isa wajjin ni raafamani.⁴ Heroodis, dura buutota luboota fi barreessiitoota uummataa walitti waamee, “Kiristoos eessatti dhalachuudhaaf dha?” jedhee isaan gaafate. ⁵Isaanis, “Raajichaan akkuma barreessamee jirutti, biyya Yihudaa Beeteliheem keessatti ni dhalata. ⁶'Ati, yaa Beeteliheem, ishee biyya Yihudaa keeessaa! Ati bulchitoota Yihudaa gidduutii ishee xinnoo miti; si keessaas kan mo'u tokko ni dhufa; innis uummata koo warra Israa'eliin kan tiksu (eegu) dha” jedhanii isatti himani.⁷Sana boodas, Herood yeroo isa sirrii urjichi itti mul'ate isaan gaafachuudhaaf, beektota sana dhoksaadhaan ofitti waame.⁸Heroodis “Dhaqaatii of-eeggannoodhaan mucichaa barbaadaa. Anis dhaqee isaaf sagaduu waanan maluuf, yeroo isa argathan immoo anatti himaa” jedhee gara Beeteliheemitti isaan erge.⁹ Waan mootichi jedhe erga dhaga’anii boodas, beektonni suni imala isaanii jalqabani; urjiin inni isaan karaa ba’a biiftuutti arganii tures isaan fuul dura bu’ee deeme; bakka mucaan suni jiru yeroo ga’e immoo socho’uu dhiiseetu dhaabbate. ¹⁰Jarri urjicha yeroo argan, gammachuu guddaadhaan ililchani.¹¹ Manicha keessas lixanii mucicha, haadha isaa Maariyaam wajjin, argatani. Isaanis lafatti gadi kufanii isaaf sagadani. Qorxii (Borsaa) isaaniis bananii, kennaa warqee, ixaanaa fi qumbii isaaf kennani. ¹²Isaan gara Heroodisitti akka hin deebineef Waaqayyo abjuutiin waan isaan akeekkachiiseef, karaa biraa irraan ba’anii gara biyya isaaniitti deemani.¹³ Erga isaan gara biyya isaaniitti deemanii boodas, ergamaan Gooftichaa tokko abjuudhaan Yooseefitti mul’atee, “Ka'ii, mucichaa fi haadha isaa fudhadhuutii gara biyya Misiriitti (Gibxiitti) baqadhu! Herood mucicha ajjeesuudhaaf waan barbaaduuf, hamma ani sitti himutti achuma turi!” ittiin jedhe. ¹⁴Halkanuma sanas, Yooseef ka’ee mucichaa fi haadha isaa fudhatee gara biyya Misiriitti sokke. ¹⁵Mucichis hanga guyyaa Herood du’etti achuma ture. Kunis, isa Gooftaan afaan raajichaatiin, “Ani Ilma koo biyya Misirii keessa nan waameera” jedhee dubbatee ture raawwachuudhaaf dha.¹⁶ Sana boodas, Herood warri beektonni sun akka isa gowwoomsan waan hubateef, baay’ee aare. Kana irraa ka’uudhaanis, yeroo mucichi itti dhalate warra beektota sana irraa gaafatee sirriitti erga baree booda, ijoollee dhiiraa waggaa lamaa fi isaa gadii ta’anii Beeteliheemii fi naannoo ishee keessa jiran hunduma isaan namoota ergee ajjeesise.¹⁷ Kanaanis, dubbiin inni raajicha Eermiyaasiin dubbatamee ture ni raawwatame;¹⁸Innis, “Sagaleen boo’ichaa fi gadda guddaa tokko Raamaa keessatti ni dhaga’ame; Raaheelis ijoollee isheetiif boosse; kana booda deebitee waan isaan hin argganneefis, jajjabaachuu didde” isa jedhuu dha ture.¹⁹ Akkuma Herood du’een immoo, kunoo, ergamaan Gooftichaa tokko biyya Misirii keessatti abjuudhaan Yooseefitti mul’atee akkas isaan jedhe: ²⁰“Warri lubbuu mucichaa balleessuuf barbaadan waan du’anii jiraniif, ka’iitii mucichaa fi haadha isaa fudhadhuutii gara biyya Israa’el deemi.” ²¹Yooseefis ka’uudhaan mucichaa fi haadha isaa fudhatee gara biyya Israa’elitti dhufuuf ture.²² Garuu immoo, Arkelaawos, bakka abbaa isaa Herood, bu’ee Yihudaa bulchaa (bitaa) akka jiru Yooseef waan dhaga’eef, achi deemuu ni sodaate. Waaqayyo abjuudhaa erga isa akeekkachisee boodas, gara naannoo Galiilaatti imaluuf ka’e.²³ Achis deemee, magaala Naazireet jedhamtu keessa jiraate. Kunis kan ta’e, inni raajonni waa’ee Yasuus, ‘Inni Naaziricha ni jedhama’ jedhanii dubbatanii ture akka raawwatamuuf dha.

¹ Bara sanatti Yohaannis cuuphaan lafa onaa biyya Yihudaatti dhufee lallabaa ture,²“Mootummaan waaqaa dhi'aatee waan jiruuf, balleessaa kessanitti gaddaatii, dhiifama gaafadhaa” jedhe.³Kunis kan dubbatame Isaayaas isa raajichaan ture. Innis, “Sagaleen inni lafa onaa keessaa dubbachaa jira ‘Gooftichaaf daandi isaa qopheessaa; karaa inni irra darbu sirreessaa’” jedhe.⁴ Yommusis, Yohaannis uffata rifeensa gaalaa irraa hojjetamee uffatee, mudhii isaa immoo xeebaan hidhate ture. Nyaanni isaas hawwannisaa fi damma gammoojjii ture.⁵Sana boodas, warri Yerusaalem, warri Yihudaa, warri kutaa biyya naanna'aa Laga Yordaanos jiraatan hundumtuu bakka Yohaannis jirutti ba'ani.⁶Isaanis cubbuu isaanii himachaa Laga Yordaanos keessatti Yohaannisiin cuuphamani.⁷ Yohaannis warra Faarisootaa fi warra Saaduqoota keessaa namoonni baay'een cuuphamuudhaaf gara isaa dhufuu isaanii yeroo arge, “Isin sanyii warra dhiiga namaa dhuguu nanaa, dheekkamsa isinitti dhufuuf jiru jalaa akka baqattan, eenyutu isin akeekkachise? ⁸Bu’aa firii qabu kan hojii kessanitti gaabbitanii dhiifama itti gaafattan qabadhaa. ⁹Wal-gidduu kessanitti ‘Nuti abbaa keenya Abrahaam qabna’ waliin jechaa hin yaadiinaa. Kan ani isinitti himus, Waaqayyo dhagoota kana keessaa iyyuu Abrahaamiif ijoollee kennuu akka danda'u dha.¹⁰ Qottoon durumaanuu hidda moukootaa irra kaa'amee jira. Kanaafuu, mukti kam iyyuu inni midhaan gaarii hin horre murameetu (falaxameetu) ibidda keessatti darbatama.¹¹Cubbuu keessan irraa gaabbitanii akka deebitaniif, ani bishaaniin nan isin cuupha. Inni ana boodda dhufu garuu, ana irra jabaa dha; kophee miillaa isaa baachuun illee, ani nama anaaf malu miti. Inni Afuura Qulqulluu fi ibiddaan isin ni cuupha. ¹²Oobdii isaa keessaa qamadii isaa sirritti qulleessee gumbii isaatti kan ittiin sassaabu afarsaan isaa, harkaa isaa keessa jira. Galabaa isaa garuu ibidda tasuma hin dhaamneetiin ni guba” jedhee isaanitti dubbate.¹³ Sana boodas, Yasuus Yohaannisiin cuuphamuudhaaf Galiilaatii gara Laga Yordaanositti dhufe. ¹⁴Yohaannis garuu, “Ani siitiin cuuphamuun barbaada; ati immoo anaatiin cuuphamuudhaaf gara koo dhuftaa?” jedhee isa dhoowwuudhaaf yaalaa ture.¹⁵Yasuusis, “Waantota qajeelaa ta’an hunduma guutuun sirrii waan ta'ef, naaf eeyyami” jedhee deebisee itti dubbate. Sana booddees, Yohaannis isaaf eeyyame.¹⁶ Yasuus cuuphamee bishaanicha keessaa akkuma ba’een, kunoo egaa, waaqni hundumtuu isaaf baname. Innis, Afuurri Qulqulluu Waaqayyoo bullaallaa fakkaatee gadi dhufudhaan isa irra yeroo qubatu ni arge. ¹⁷Kunoo, sagaleen, “Inni kuni Ilma koo isa jaalatamaa dha; anis isatti nan gammada” jedhu waaqa keesaa ni dhufe.

¹ Sana boodas, Yasuus seexanaan qoramuudhaaf jecha, Afuura Qulqulluudhaan dursamee gara lafa onaatti geessame.²Innis erga guyyaa afurtamaa fi halkan afurtamaaf nyaata lagatee turee booda, beela’ee ture. ³Inni isa qorus dhufuudhaan, “Ati dhuguma ilma Waaqayyoo yoo taate, dhagoota kana akka buddeena ta'ani ajaji” ittiin jedhe.⁴Yasuus garuu, “‘Dubbii afaan Waaqayyoo keessaa ba’uun malee, namni nyaata duwwaadhaan hin jiraatu’ jedhamee barreessameera” jedhee isaaf deebise.⁵ Itti aansees, seexanichi gara magaa qulqullaa'aatti Yasuusiin geessuudhaan, fittee gamoo mana sagadaa isa hundaa ol dheera ta’e irra dhaabachiisee, ⁶“Ati dhuguma ilma Waaqayyoo yoo taate, bakka kana irraa gadi of-darbadhu, ‘Inni ergamoota isaa akka siin eeganiif ni ajaja; miilli kee dhagaatti akka hin buunes, isaan harka isaanii irratti siin ni baatu’ jedhamee barreessamee waan jiruuf” ittiin jedhe.⁷ Yasuusis “‘Gooftaa kee Waaqayyoon hin qoriin’ kan jedhus barreessamee jira” ittiin jedhee.⁸Ammas seexanichi gara gaara dheeraa tokkotti Yasuusiin ol isa baasuudhaan, mootummoota biyya lafaa hundumaa, ulfina isaanii hunda wajjin isatti argisiisee,⁹“Gadi kuftee anaaf yoo sagadde, isaan kana hunduma isaani ani siif nan kenna” ittiin jedhe.¹⁰ Achiin boodas, Yasuus immoo, “Seexana nana, asiitii badi! ‘Gooftaa kee Waaqayyoof ni sagada; isaaf qofaa (duwwaa) ni hojjetta’ jedhamee barreessamee jira” ittiin jedhe. ¹¹Achumaanis, seexanichi isa dhiisee deeme; kunoo, ergamoonnis dhufanii isa tajaajilani.¹² Yohaannis mana hidhaa galuu isaa erga dhaga’ee boodas, Yasuus gara Galiilaa deeme.¹³Naazireetiinis gadhiisee gara Kapernaa’um, ishee naannoowwan Zebuluun fi Niftaalem keessa qarqaraa Galaana Galiilaa jirtu, deemee achi jiraate.¹⁴ Kunis kan raawwate, waanti Isaayaas isa raajichaatiin dubbatamee ture akka guutamuufi dha ture; innis, ¹⁵“Biyyi Zebuluun, biyyi Niftaalem, gara galaanaatti, Yordaanos gama, Galiilaan, isheen biyya saba warra Waaqayyoon hin amannee, isaan ulfina ni argatu! ¹⁶Uummatichi inni dukkana keessa jiraachaa ture, ifa guddaa argee jira; isaan warra biyya gaadidduu du’aa keessa jiraachaa turaniif, ifni isaaniif ba’ee jira” kan jedhu ture.¹⁷Yeroo sanaa kaasees Yasuus, “Mootummaan waaqaa waan dhiyatee jiruuf, hojii keessan itti gaabbaatii, dhiifama gaafadhaa” jedhee lallabuu jalqabe.¹⁸ Yeroo qarqara Galaana Galiilaa adeemaa turettis, Yasuus obbolaan lama, Simoon, isa Pheexroos jedhamuu fi obboleessa isaa, Indriiyaas, warra qurxummi qaban waan ta’aniif, otoo kiyyoo isaanii galaana keessatti darbachaa jiraanii isaan arge. ¹⁹Yasuusis, “Kootaatii ana duukaa bu’aa. Anuu warra namootaa walitti qabdan nan isin godha” isaaniin jedhe. ²⁰Isaanis battalumatti kiyyoota isaanii achumatti dhiisanii isa duukaa bu’ani.²¹ Akkuma achi irraa adeemuu jalqabeen, Yasuus obbolaa biraa lama, Yaaqoob, ilma Zabdewoos fi obboleessa isaa, Yohaannisiin, arge. Isaanis, abbaa isaanii Zabdewoos wajjin, bidiruu keessattii kiyyoota isaanii suphachaa jiru turani. Innis isaan waame; ²²Battalumattis, bidiruu fi abbaa isaanii achumatti dhiisanii isa duukaa bu’ani.²³ Yasuusis Galiilaa keessa bakka hundumaa deemuudhaan, manneen sagadaa isaanii keessatti barsiisaa, wangeela mootummaa Waaqayyoo lallabaa, namoota dhukkubaa fi dhibee hundumaattiin qabamanii turan fayyisaa ture.²⁴Oduun isaas biyya Sooriyaa hundumaatti ni dhaga’amee; namoonnis dhukkubsatoota isaanii, warra dhukkuba fi waraansa garaa garaatiin dhiphatan, warra afuura seexanootaatiin qabamanii jiran, warra dhukkuba nama kuffisu kan qaban, warra qaamni isaanii hadoode hundumaa gara isaatti fidan. Yasuusis isaaniin ni fayyise. ²⁵Namoonni hedduun, Galiilaa irraa, magaalota kurnanii irraa, Yerusaalem irraa, biyya Yihudaa irraa, gama Yordaanos irraas, isa duukaa bu’ani.

¹ Yasuus namoota baay'ee sana yeroo arges, tulluutti ol ba'e. Erga inni taa'ee boodas, barattoonni isaa gara isaatti dhufani. ²Afaan isaa saaqees akkas jechaa isaan barsiise: ³“Warri Afuuraan hiyyeessota ta' an eebbisamtoota mootummaan waaqaa kan isaanii waan ta’eef; ⁴Warri gaddaa jiran eebbisamtoota waan isaan jajjabina argataniif;⁵ Warri garraamiin eebbisamtoota waan isaan biyya lafaa dhaalaniif;⁶Warri qajeelummaa akka midhaanii beela'anii, akka bishaaniis dheebotan eebbisamtoota waan isaaniif guutuu jiruuf;⁷Warri namaaf dhiifama godhan eebbisamtoota waan isaanis dhiifama argataniif;. ⁸Warri yaadni garaa isaanii qulqulluu ta’e eebbisamtoota, waan isaan Waaqayyoon arganiif;⁹ Warri nagaa buusan eebbisamtoota, waan isaan ijoollee Waaqayyoo jedhamanii waamamaniif; ¹⁰Warri qajeelummaadhaaf jedhanii ajjeesaman eebbisamtoota, waan mootummaan waaqaa kan isaanii ta’uuf;¹¹ Isin warri anaaf jettanii namoonni yommuu isin arrabsan, yommuu isin ari'atan, yommuu sobaan waan cubbuu ta’e hundumaa isin irratti dudubbatani, isinis eebbisamtoota dha! ¹²Ililchaa; gammadaa waan badhaasni keessan inni guddaan waaqa irra waan ta’eef. Raajotoni warri isin duraas akkasuma ajjeefamaa turani”.¹³ Itti fufees, Yasuus, “Isin soogidda biyya lafaa ti. Soogiddi mi’aahina isaa yoo dhabe garuu, attam godheetu mi’ahina isaa deebisee argachuu dhanda’a? Gadi gatamee miilla namaatiin dhidhiitamuu irraa kan hafe, deebi’ee waan fayyadu tokko iyyuu hin qabu. ¹⁴Isin ifa biyya lafaa ti. Magaalli tabba gubbaatti ijaaramte dhokachuu hin danddeessu.¹⁵ Namoonni tasuma ibsaa qabsiisani guuboo (gombisaa) jala hih kaa’ani; baattuu ibsaa irra kaa’u malee; ibsichis mana keessa warra jiran hundumaaf ni ifa.¹⁶Namoonni hojii keessan isa gaarii arganii Abbaa keessan isa waaqa keessa jiruuf ulfina akka kennaniif, ifni keessan akkuma kanaatti namoota fuul duratti haa ifu” isaaniin jedhe.¹⁷ Dabalataanis Yasuus, “Ani seericha yookiin immoo raajotaa balleessuuf akkan dhufetti hin yaadiinaa. Ani kanan dhufe isaan balleessuuf otoo hin ta’iin, waa’ee isaanii raawwachuuf dha.¹⁸Ani dhuguman isinitti hima, hamma waaqnii fi lafti badanitti seericha keessaa qubeen inni xinnan tokko yookiinis gar-tokkoon isaa illee hanga waan hunduu xumuramanitti keessaa hin badu.¹⁹Kanaafuu, namni eenyumtuu ajajoota seerichaa keessaa isa xinnaa iyyuu cabsuudhaan waan biraa immoo namoota warra kaan yoo barsiisu, inni mootummaa waaqaa keessatti isa hundumaa irra isa xinnaa ni jedhama. Namni inni ajajoota kana eegee barsiisu garuu mootummaa waaqaa keessatti isa guddaa ni jedhama.²⁰“Ani nan isinitti hima, qajeelummaan keessan qajeelummaa warra barreessitootaa fi Faarisoota sanaa kan caalu ta’uu yoo baate, isin mootummaa waaqaa keessa gonkuma hin seentani” jedhee isaan barsiise.²¹ Yasuus itti fufuudhaan, “Yeroo durii sana ‘Hin ajjeesiin’; ‘namni ajjeesu eenyumtuu firdiif ni dhiyaata’ jedhamee akka isaanitti himame ture dhageessanii jirtu.²²Ani garuu isinittan hima; namni obboleessa isaatti aaru (dheekkamu) eenyu illee, firdiif ni dhiyaata; namni eenyumtuu inni obboleessa isaatiin ‘Ati hin fayyaddu’ jedhus, yaa’ii seeraa duratti duratti firdiif ni dhiyaata; namni eenyumtuu inni obboleessa isaatiin ‘Gowwaa (Raatuu)’ jedhus, boolla ibiddaatti firdiif ni dhiyaata.²³ “Kennaa dhiheessuudhaaf bakka aarsaa dhuftee, achuma otoo jirtuu akka obboleessa kee waa yakkitee akka jirtu yoo yaadatte, ²⁴Kennaa kee achuma iddoo aarsaa sanatti dhiisiitii deemi. Obboleessa keetti dura araaramiitii, sana booddas deebi'iitii kennaa aarsaa kee dhiheessadhu.²⁵ Nama ittiin wal-lolte wajjin gara yaa’iitti otoo adeemtuu dafiitii itti araarami; yoo kana gochuu baatte garuu, inni abbaa firdiitti si kennuu ni danda’a; abbaan firdii immoo eegduu mana hidhaatti dabarsee si kennuu ni danda’a; sana boodas, mana hidhaatti darbatamuu ni dandeessa. ²⁶Dhuguman siin jedha; sana booda immoo gatii sirra jiru isa dhumaa hanga kaffaltutti (baaftutti) mana hidhaa sana keessaa tasuma ba’uu hin baatu.²⁷ “Akka ‘Hin ejjin’ jedhamee himame dhageessanii jirtu. ²⁸Ani garuu nan isinitti hima; namni dubartii ijaan ilaalee ishee hawwee, inni dura dabarssee garaa isaa keessaatti ishee wajjin ejjee jira.²⁹ Iji kee inni mirgaa cubbuu si hojjechiisa yoo ta’e, isa of keessaa baasiitii gati. Sababni isaas, qaamni kee guutuun boolla du’aatti darbatamuu mannaa, qaama kee keessaa inni tokko yoo bade siif wayya.³⁰Harki kee inni mirgaa cubbuu si hojjechiisa yoo ta’e, isa of irraa kutiitii gati. Sababni isaas, qaamni kee guutuun boolla du’aatti darbatamuu mannaa, qaama kee keessaa inni tokko yoo bade siif wayya.³¹ Dabalatamaanis, ‘Eenyumtuu inni haadha manaa isaa hiiku, waraqaa wal-hiikumsaa isheedhaaf kennu akka qaba’ jedhamee himamee jira. ³²Ani garuu nan isinitti hima; isheen yoo ejjite irraa kan hafe, namni kam iyyuu inni haadha manaa isaa hiiku, akka isheen ejjitu ni godha. Erga isheen hiikamtee booda namni ishee fuudhu eenyumti iyyuu ejjummaa ni raawwata.³³ “Ammas, ‘Sobaan hin kakatiin; kakaawwan kee garuu Gooftaadhaaf godhi’ jedhamee warra duriitti himamee akka ture dhageessanii jirtu.³⁴Ani garuu nan isinitti hima; gonkuma hin kakatiinaa; waaqaatiin hin kakatiinaa; inni teessoo Waaqayyooti;³⁵Lafaanis hin kakatiinaa; inni ejjennaa miilla isaa ti; Yerusaalemiinis hin kakatiinaa; isheen magaala Mooticha isa guddichaa ti.³⁶ Mataa keetiinis hin kakatiin; ati rifeensa tokko illee addeessuu, yookiin immoo, gurraachessuu hin dandeessu.³⁷Dubbiin keessan ‘Eeyyeen, eyyee’ yookiin immoo, ‘Lakkiin, lakkii’ haa ta’u. Waanti kana irraa darbee jiru garuu kan isa cubbamaa ti.³⁸ “Akka ‘Bakka ijaa, ija, bakka ilkaanii, ilkaan’ jedhamee himamee tures dhageessanii jirtu.³⁹Ani garuu nan isinitti hima; nama hamaa ta’e, hin morkatinaa (Nama gadhee wal-aansoo hin qabatiin). Kana irra, eenyumtuu maddii kee isa mirgaa yoo si kabale, isa karaa bitaas itti qabi.⁴⁰ Namni uffata qomoo kee sirraa fudhachuu barbaadee seeratti yoo si himate, ati immoo kootii kees itti dabalii isaaf dhiisi.⁴¹Eenyumtuu kiiloo meetra tokko isa duukaa akka deemtu yoo si dirqisiise, ati immoo kiiloo meetra lama isa duukaa deemi.⁴²Isa si kadhatu (gaafatu) eenyumaafuu kenni; nama sirraa liqeeffachuu barbaadutti, fuula kee irraa hin garagalchiin.⁴³ “‘Ollaa kee jaalladhu; diina kee jibbi’ jedhamee akka himame ture dhageessanii jirtu.⁴⁴Ani garuu nan isinitti hima; diinota keessan jaalladhaa; warra isin ari’aniifis kadhadhaa.⁴⁵Kana gochuu keessaniinis, ijoollee Abbaa keessanii isa waaqa keessaa ni taatu. Inni biiftuu isaa warra hamaa ta’aniifis, warra gaari ta’aniifis ni baasa; bokkaa isaas warra qajeelotaafis, warra jallatootaafis ni roobsa.⁴⁶ Isin warra isin jaalatan jaalattu yoo ta'e, bu’aa maalii argattu? Akkas immoo warri gibira sassaaban suni iyyuu hin godhanii?⁴⁷Obboloottan keessan qofaa nagaa gaafattu (dubbistu) yoo ta'e, warra kaan caalaa maal gootu? Akkas immoo warri Waaqayyoon hin amanne iyyuu hin godhanii?⁴⁸Kanaafuu, akkuma Abbaan keessan inni waaqa keessa mudaa hin qabneetti, isinis warra mudaa hin qabne ta’aa.

¹ “Namootatti of-argisiisuudhaaf jettanii hojiiwwan qajeelummaa keessannii fuul dura namootaatti akka hin hojjenne of-eeggadhaa; ta’uu baannaan garuu, Abbaa keessan isa waaqa keessaa birra bu’aan argattan hin jiru.²Kanaafuu, akkuma warri ofittoon akka namootni isaan jajaniif jedhanii manneen sagadaa keessatti fi daandiiwwan irraati arjoomanitti, atis yeroo arjoomtu of-fuul dura keetti xurumbaa hin afuufiin. Dhuguma nan isinitti hima; isaan kun gatii isaanii guutummaatti argatanii jiru.³ Ati garuu yeroo arjoomtu, waan harki kee inni mirgaa godhaa jiru, harki kee inni bitaa iyyuu akka argu hin godhiin.⁴Akka kanattis, arjummaan kee dhoksaadhaan haa ta’u. Abbaan kee inni dhoksaatti argus, gatii kee siif ni kenna.⁵“Yeroo kadhattanis, akka warra of-jajjootaa (of-argisiistotaa), warra akka uummatni isaan arguuf jedhanii manneen sagadaa keessattii fi daandiiwwan bukkeetti kadhatanii, hin ta’iinaa. Ani dhuguma nan isinitti hima, isaan gatii isanii fudhatanii jiru.⁶Ati garuu, yeroo kadhattu, mana kee keessatti ol-seeni. Balbala cufadhuutii, abbaa kee isa iddoo dhoksaa jiru kadhadhu. Sana boodas, Abbaan kee inni dhoksaatti argu, gatii kee siif ni kenna.⁷Yeroo kadhattanis, akka warra Waaqayyoon hin amanneetti irra deddeebi’uu dubbii faayidaa hin qabne hin godhiinaa; isaan, baay’ee dubbachuun, waan isaaniif dhaga’amu isaanitti fakkaata.⁸ Kanaafuu, otoo isin hin himatiin iyyuu waantota isin barbaaddan Abbaan keessas waan beekuuf, akka isaanii hin ta’iinaa. ⁹Kanaafuu, akkasitti kadhadhaa:‘Yaa Abbaa keenyaa isa waaqa keessa jiraattuu,Maqaan kee inni qulqulluu ta’e haa ulfaatu. ¹⁰Mootummaan kee haa dhufu.Jaalalli kee waaqa irratti akka ta’e,Akkasumas immoo, lafa irrattis haa ta'u.¹¹ Hirbaata guyyaa guyyaan nyaannu hara’a nuuf kenni.¹²Balleessaa keenya unuuf dhiisi;Nutis akka warra unuun midhaniin dhiifama goonu nu godhi.¹³Gara qormaataattis nuuni hin galchin;Hamaa irraa unuun oolchi malee.¹⁴ Namootaaf balleessaa isaanii yoo dhiiftaniif,Abbaan keessan inni waaqa irraa immoo isiniif ni dhiisa. ¹⁵Garuu isin namootaaf balleessaa isaaniif dhiisuufii yoo dhiistan,Abbaan keessanis balleessaa keessaniif isiniif hin dhiisu’.¹⁶ “Yeroo nyaata lagattanis, akka warri of-jajjootaa akka isaan nyaata lagachaa jiran namootni akka beekaniif jedhanii fuula isaanii gurraachessaniitti, isinis fuula keessan hin gurraachesiinaa. Ani dhuguma nan isinitti hima, isaan gatii isaanii guutummaatti argatanii jiru.¹⁷Ati garuu, yeroo nyaata lagattu, mataa kee dibadhu; fuula kees dhiqadhu.¹⁸Nyaata lagachuu kee Abbaa kee isa dhoksaatti arguu malee, namota duratti akka hin mul’annetti godhi; Abbaan kee inni dhoksaatti argu immoo gatii kee siif ni kenna.¹⁹ “Qabeenya ofii keessaniif lafa irratti, iddoo rirmii fi daana’oon nyaatutti, iddoo hattuunis cabsitee seentee hattutti, walitti hin qabiinaa.²⁰Akkana irraa garuu, qabeenya ofii keessaniif waaqa irratti iddoo rirmii fi daana’oon nyaachuu hin dandeenyetti, iddoo hattuunis cabsitee seentee hatuu hin dandeenyetti, walitti qabadhaa. ²¹Kunis kan ta’e, garaan keessan kan jiraatu bakka qabeenyi keessan jiru waan ta’eef dha.²² Ijji ibsaa qaamaa ti; ijji kee gaarii yoo ta’e, qaamni kee hundi ifaan ni guutama. ²³Ijji kee gadhee yoo ta’e garuu, qaamni kee hundi dukkanaan ni guutama. Kanaafuu, ibsaan inni qaama kee keessa jiru dhugumatti yoo dukkanaa’e, dukkanichi hangam guddaa dha! ²⁴Eenyumtuu gooftolii lamaaf ergamuu hin danda’u; yookiin isa tokko jibbee isa biraa jaalata; yookiin immoo, isa tokkoof of-kenneetu, isa biraa immoo gadi dhiisa malee. Isinis, Waaqayyoofis, qabeenyaafis ergamuu hin dandeessani.²⁵ Kanaafuu, ani nan isinitti hima; waa'ee jireenya keessaniif, waan nyaattanii fi waan dhugdaniif, yookiin immoo waa’ee qaama keessanii, waa’ee waan uffattaniif hin yaadda’iinaa. Jireenyi isa nyaatamuu fi isa uffatamu irra guddaa mitii? ²⁶Simbirtoota samii keessa ilaalaa. Isaan hin facaasani; hin haamani; yookiin immoo waan gumbiitti naqatan hin qabani; garuu Abbaan keessan inni waaqa keessa isaaniin ni soora. Isin immoo isaan caala faayidaa hin hin qabdanii?²⁷ Isin keessaa namni tokko waan dhiphateef, bara jireenya isaa irratti waggaa tokko illee namni dabalachuu danda’u jiraa? ²⁸Waa’ee waan uffataa maaliif dhiphattu? Abaabonni goodaa keessatti biqilanii attamitti akka guddatan mee yaadaa. Isaan hin dhama’ani; uffatas hin fo’ani (dha’ani). ²⁹Ani nan isinitti hima; Salamoon inni ulfina hundaa qabu ture illee, akkuma isaan kana keessaa, isa tokkoo, hin uffatne ture,³⁰ Yaa isin, warra amanntiin xinnoo, Waaqayyo biqiltuu goodaa keessaa, isa har’a bakkeetti argamee, boru immoo ibiddatti affeelamu, yoo uffisa ta’e, hammam caalaatti isinitti uffisa? ³¹Kanaafuu, ‘Maal nyaanna? Maal dhugna? Maal uffanna?’ jettanii of hin dhiphisiinaa.³² Warri Waaqayyoon hin amanne waantota kana barbaadaa jiru; isiniifis akka barbaachisu Abbaan keessan inni waaqa keessa ni beeka.³³Waantotni kun hundumtuu isiniif ni kennamu; isin garuu dura dabarsaatii mootummaa fi qajeelummaa Waaqayyoo barbaadaa. ³⁴Kanumaafuu, waa’ee boruu hin dhiphatiinaa; boru ofii isaafuu jedhee ni dhiphata. Tokko tookkoon guyyaa, rakkinna ga’aa kan mataa isaa ni qaba.

¹ “Namatti hin faradiinaa; isin irrattis hin faradamu.²Firdiin inni isin faraddan, isinis ittiin ni faradamtu; safara isin safartanis, isiniifis ni safarama.³ Maaliif huuba xinnoo ishee ija obboleessa kee keessa jirtu ilaalta, yeroo muka isa ija kee keessa jiru hin hubannetti?⁴Otoo mukichi ija kee keessa taa’ee jiru, attamitti obboleessa keetiin, ‘Huuba ija kee keessa jiru nan siif baasa’ jechuu dandeessa? ⁵Ati yaa ofittoo nanaa! Dura dabarsiitii, muka isa ija kee keessa jiru baassadhu; isa booddee huuba ija obboleessa kee keessa jiru, hubattee baasuu ni dandeessa.⁶ Waanta qulqullaa’a ta’e sarootaaf hin kenninaa. Calleewwan keessanis booyyeewwan jalatti hin darbatiinaa. Ta’uu baannaan, isaanuu milla isaanii jalatti erga dhidhitanii booda isinitti garagalanii isiniinuu bakka hedduutti ni kukkutu.⁷ “Kadhadhaa (Gaafadhaa), isiniif ni kennamaa. Barbaadaa, ni argattuu. Balbala rurrukutaa isiniif ni banama (saaqama).⁸Kan kadhatu (gaafatu) eenyumtuu, ni fudhata; kan barbaadu eenyumtuu, ni argata; nama balbala rurrukutuufis, ni banama. ⁹Yookiin immoo, isin keessaa eenyu dha, yoo ilmi isaa buddeena (daabboo) isa gaafate, inni dhagaa kennuufi? ¹⁰Yookiin immoo, yoo ilmi isaa qurxummii kadhate, inni bofa kennuufi?¹¹ Kanaafuu, isin warri hamtoonni ijoollee keessaniif kennaa gaarii attamitti kennitan beektu erga ta’ee, Abbaan keessan inni waaqa keessaa immoo isin caalaa hammam warra isa kadhataniif waan gaggaarii kenna ree? ¹²Kanaafis jecha, waantota kameen iyyuu isaan namoonni akka isiniif godhan jaalattan, isinis akkasuma isaaniif godhaa; seerrii fi raajonnis kan barsiisani isuma kana dha.¹³ “Karra isa dhiphaa ta’een ol-seenaa. Karri inni bal’aa fi dheeraan, isa gara badinsaatti (balleessaatti) nama geessu dha; achi irraanis namoota hedduutu seena. ¹⁴Karri inni gara jireenyaatti geessu garuu dhiphaa dha; karaan (daandiin) isaas rakkisaa dha; namoonni isa argatanis muraasa dha.¹⁵ “Raajota sobdoota, warra raroo hoolaa uffatanii gara keessan dhufanii, kessi isaanii garuu, dhugaa dhumatti yeeyyota butanii nyaatan warra ta’an, irraa of eeggaa. ¹⁶Firiiwwan (bu’aawwan) hojii isaaniitiin isaaniin ni beektu. Namoonni muka qoraattii irraa ija waynii funaanuu ni danda’uu; yookiin immoo muka kosorruu irraa harbuu funaanuu ni danda’uu? ¹⁷Haaluma walfakkaatuun, mukti gaariin midhaan ba’eessa ni godhata; mukti gadheen immoo midhaan badaa ni godhata.¹⁸Mukti gaariin tokko midhaan hamaa hin godhatu; mukti gadheenis midhaan ba’eessa godhachuu hin danda’u.¹⁹Mukti kam iyyuu inni midhaan gaarii hin godhanne, murameetu, ibidda keessatti darbatama.²⁰Kanaafuu egaa, isin midhaan (bu’aa) isaaniitiin isaan baruu ni danddeessu.²¹ Warra jaalala Abbaa koo isa waaqa keessaa hojjetan irraa kan hafe, inni ‘Gooftaa keenya, Gooftaa ko’ anaatiin jedhu hundumtuu mootummaa waaqaa keessa hin seenuu. ²²Gaafa guyyaa isa dhumaa sanattis, namoonni baay’een, ‘Gooftaa, Yaa Gooftaa ko, nuti maqaa keetiin raajii hin dubbannee? Nuti maqaa keetiin afuura seexanaa hin baafnee? Nuti maqaa keetiin raajiiwwan hedduu hin hojjennee?’ anaan ni jedhu.²³Yeroo sanatti, ani immoo, ‘Ani tasuma isin hin beeku! Isin warra seeraan dhala hojjettani mitii; ija koo duraa achi deemaa!’ jedheen ifatti saaxileen isaanitti nan hima.²⁴“Kanaafuu egaa, namni kam iyyuu inni dubbiiwwan koo dhaggeeffatee isaaniifis abboomame, inni akka mana isa mana isaa dhagaa irratti ijaarratetti beekaa dha. ²⁵Bokkaan itti roobees, lolaan itti yaa’es, qilleensis itti qilleensa’e yoo itti bu’es, manichi bu’uurri isaa dhagaa irra waan dhaabbateef homaa hin ta’u.²⁶ Namni kam iyyuu inni dubbiiwwan koo dhaggeeffatee isaaniif hin abboomamne garuu, inni akka mana isa mana isaa cirracha irratti ijaarratetti gowwaa dha. ²⁷Bokkaan itti roobee, lolaan itti yaa’e, qilleensis itti qilleensa’e itti bu’e, manichis ni jige; manichis guutummaan guutuutti bade.”²⁸ Yasuus dubbiiwwan isaa kanneen dubbatee akkuma xumureenis, namoonni achitti walitti qabamanii barsiisa isaa dhaggeeffachaa turanis hedduu dinqisiifatanii,²⁹Kunis kan ta’e, inni akka barreesitoota sanaa otoo hin ta’iin, akka nama aboo qabuutti waan isaan barsiisa tureef dha.

¹ Yeroo Yasuus gaara (tabba) sana irraa gadi bu’ettis, namoonni isa biratti walitti qabamanii turan hedduunis isa duukaa bu’ani. ²Kunoo, namichi lamxaa'aan (qomaaxaan) tokko gara isaa dhufee, fuula isaa fuul dura isaattis jilbeeffatee, “Yaa Gooftaa, fedhii kee yoo ta’e, na fayyisi” jedhee isa gaafate.³Yasuusis harka isaatiin hiixatee namicha qabuudhaan, “Fedhii kooti; fayyitee jirta” jedheen. Battaluma sanattis, namichi qomaaxummaa isaa irraa ni fayye.⁴ Yasuusis, “Namatti waan tokko iyyuu akka hin jenneef beekkadhu. Garuu immoo, karaa kee irra bu’ii deemiitii lubichatti of argisiisitii akkuma Museen ajajee turetti kennaa kee dhiyyeessiitii fayyuu kee isaaniif dhugaa ba’i” isaatiin jedhe.⁵ Yommuu Yasuus gara Qifirnaahom deemaa turettis, ajajaan dhibbaa tokko gara isaatti dhufee isa kadhate,⁶“Yaa Gooftaa ko, hojjetaan koo qaamni isaa hadoodee mana ciisee baay’ee dhukubsachaa jira” jedhe.⁷Yasuusis, “Anuu dhufeen isa fayyisa” jedheen.⁸ Ajajaan dhibbaa sunis, “Yaa Gooftaa ko! Ani nama ati mana koo keessa seenuun isaaf malu miti. Waan jettu qofaa dubbadhuutii, ergamaan koo ni fayya.⁹Anis nama aangoo qabu waanan ta’eef, loltoota ana jalatti bulan nan qaba. Isa tokkoon ‘Deemi’ yoon jedhu, ni deema; isa biraatinis, ‘Koottu’ yoon jedhu, ni dhufa; ergamaa kootiinis, ‘Kana godhi’ yoon jedhu, innis ni godha” jedhe. ¹⁰Yasuus kana yeroo dhaga’ettis, dinqisiisamuudhaan warra isa duukaa bu’anii jiraniin akkas jedhe: “Dhuguman isiniitin jedha, ani Israa’el keessatti nama akka kanaatti amantii qabu hin argine;¹¹ Ani nan isinitti hima; namoonni hedduun karaa ba’a biiftuu irraas, karaa lixa biiftuu irraas dhufanii mootummaa waaqaa keessatti Abrahaam, Yisihaqii fi Yaaqoobii wajjin maaddiitti ni dhiyaatu. ¹²Ijoolleen mootummichaa garuu, dukkana keessatti alaatti ni darbatamu; achittis boo’aa ilkaan isaani walitti ni qaru”. ¹³Yasuusis, ajajaa dhibbaa sanaatiin, “Deemi! Akkuma ati amantetti, siifis haa ta’u”jedheen. Sa’aatti dhuma sanattis ergamichi ni fayye.¹⁴ Yasuus mana Pheexroos yeroo dhufee turettis, amaatiin Pheexroos dhukkuba dhaqna-gubaadhaan dhukkubsattee otoo ciisaa jirtuu arge. ¹⁵Akkuma Yasuus harka ishee qabeenis, dhukubichi ishee gadhiise. Isheenis achumaan kaatee isa keessummeessuu jalqabde.¹⁶ Galgala sanas namoonni warra afuura seexanaatiin qabamanii jiran gara Yasuusitti fidanii dhufani. Innis sagalee dhuma tokkoon afuurota sana isaan irraa baasee (ari’ee), warra dhukkubsatan hundumaa fayyise.¹⁷Kunis kan raawwate isa karaa raajicha Isaayyasiin dubbatamee ture guutuufidha. Innis, “Inni dhibee keenya unu irraa fuudhe; dhukkuboota keenyas unu irraa baate” kan jedhu ture.¹⁸ Amma immoo, Yasuus tuuta namootaa isaatti naanna’anii jiran erga ilaalee booda, gara Galaana Galiilaa duubatti darbanii akka deeman isaan ajaje.¹⁹Achumaanis, barreessaan tokko gara isaa dhufeetu, “Barsiisa! Garuma ati deemtutti, anis si duukaa nan deema” jedheen. ²⁰Yasuus immoo, “Waangonni (sardiidonni) boolla qabu; simbiroonni waaqa keessaas, godoo simbraa qabu; Ilmi Namaa garuu, bakka mataa isaa itti hirkifatu illee hin qabu” ittiin jedhe.²¹ Barattoota isaa keessaa inni biraa tokko immoo, “Yaa Gooftaa! Dura abbaa koo awwaalladhee akkan deebi’uuf naaf eeyyami” jedhee isa gaafate. ²²Yasuus garuu, “Du’aa warri du’aan haa awwaalatani; dhiisitii anaduukaa bu’i” ittiin jedhe.²³ Yeroo Yasuus bidiruu yaabbatee turettis, barattoonni isaas isaa wajjin yaabbatani. ²⁴Kunoo qilleensi hamaan galaanicha irraa waan ka’eef, bidiruun sunis humna qilleensichaatiin uffisamee raasame. Yasuus garuu rafee ture.²⁵Barattoonni isaas gara isaa dhufanii isa dammaqsanii, “Yaa Gooftaa, nuti dhumuuf jirraattii, kana jalaa nu baasi,” ittiin jedhani.²⁶ Yasuusis, “Yaa warra amantii xinnoo; maaliif sodaattu?” jedhee isaaniif deebise. Achumaanis ka’eetu qilleensichaa fi bishaanicha akka dhaabbataniif isaa abboome (ifate). Battaluma sanattis, tasgabbii guddaan ni uumame.²⁷Namoonni achi jiranis waan arganitti ajaa’ibamanii, “Kuni nama attamiiti kan qilleensii fi bishaan illee isaaf abboomamani?” jedhani.²⁸ Yeroo Yasuus galaanicha ce’ee gara biyya Gadaraa dhufee turettis, namoonni lama warri afuura seexanaatiin qabamanii jiran gara isaa dhufani. Namoonni warri bakka awwaalcha namaa keessaa ba’anii dhufan kunis hamtoota waan ta’aniif, karaa deemaan karaa sana darbu tokko illee hin jiru ture. ²⁹Kunoo isaanis, “Yaa Ilma Waaqayyoo, ati unu irraa maal qabda? Ati as kan dhufte, yeroon jedhame otoo hin ga’iin nu gidiruuf (dhiphisuuf) dhaa?” jechaa iyyanii caraananii.³⁰ Yeroo sanas, hoomaan booyyee, bakka isaan jiran irraa baay’ee kan hin fagaatne, bobba’anii dheedaa jiru turani. ³¹Afuuronni seexanaa namoota sana irra jiran sunis, “Yoo baastee nu ariita ta’e, gara hoomaa booyyee sanaatti nu ergi” jedhanii isa kadhachaa turani. ³²Yasuusis, “Dhaqaa!” isaaniin jedhe. Isaanis namoota sana keessaa ba’anii booyyota sanatti galani; kunoo, hoomaan booyyee sun hundumtuu gaara ol jedhee dhaabbatee jiru irraa furguggisamanii galaana keessatti namm’anii, bishaanicha keessatti dhumani.³³ Warri booyyee tiksaa turanis baqatanii gara magaalichaa deemuudhaan waan raawwatee ture tokko tokkoon, keessumattuu immoo, waa’ee namoota warra afuura seexanaatiin qabamanii turan sanaa, warra magaala jiranitti odeessani. ³⁴Kunoo, magaalicha keessa namoonni jiraatan hundumtuu Yasuusiin qunnamuudhaaf yaa’anii dhufani. Yeroo isa arganis, naannoo biyya isaanii gadi dhiisee akka adeemuuf isa kadhatani.

¹ Yasuusis bidiruu yaabbatee galaanicha ce’uudhaan gara magaala isaa dhufe. ²Kunoo, jaroonni tokko nama qaamni isaa hadoodee ture tokko siree irra ciibsanii gara isaatti fidani. Yasuusis amantii isaanii waan argeef, namicha qaamni isaa hadoodee tureetiin “Ilma ko, jabaadhu! Cubbuuwwan kee siif dhiifamaniiru” jedhe.³ Warra barreesitoota keessaa muraasni isaanii, garaa isaaniitti, kunoo, “Namichi kuni Waaqayyoon arrabsaa jira” jedhanii dubbatani.⁴Yasuusis waan isaan yaadaa jiran waan bareef, “Maaliif garaa keessan keessatti waan cubbuu yaaddu?⁵Isa kamtu irra salphaa dha? ‘Cubbuuwwan kee siif dhiifamaniiru’ jechuu moo ‘Ka’ii dhaabbadhuutii deemi’ jechuutu salphaa dha? ⁶Ilmi Namaa lafa irratti cubbuuwwaniif dhiifama gochuuf aboo (aangoo) akka qabu garuu beekuu ni maltu,…” erga isaaniin jedhee booda, namicha isa qaamni isaa hadoodee tureetiin immoo, “Ol ka’i; siree kees fudhadhuutii mana keetti gali” jedhe.⁷ Namichis ka’ee gara mana isaatti adeeme.⁸Namoonni achitti walitti qabamanii turan, yeroo kana argan ni sodaatani; Waaqayyo, isa aboo akkasii namootaaf kenneefis, ulfina kennani ⁹Yasuus otoo achii ka’ee gara biraatti darbaa jiruus, nama Maatiwoos jedhamu tokko, otoo inni dunkaana gibira keessatti sassaabanii keessa ta’ee jiruu arge. Yasuusis, “Ana duukaa bu’i” ittiin jedhe. Innis ka’ee isa duukaa bu’e.¹⁰ Yeroo Yasuus manicha keessa taa’ee maaddiitti dhiyaatee turettis, kunoo, warri gibiraa sassaabanii fi warri cubbamtoonni dhufanii Yasuusii fi barattoota isaa wajjin maaddiitti dhiyaatani. ¹¹Warri Faarisootaa yeroo kana araganis, barattoota isaatiin, “Barsiisaan keessan maaliif warra gibiraa sassaabanii fi warra cubbamtootaa wajjin nyaata?” jedhanii gaafatani.¹² Yasuus yeroo kana dhaga’es, “Namoonni warri qaamni isaanii dadhabaa ta’e malee, warri qaamni isaanii cimaa ta’e, yaala hakiimii hin barbaadani. ¹³Hiikni kanaa maal akka ta’e, deemtanii barachuu qabdu: ‘Kan ani barbaadu dhiifama dha malee, akka aarsaa anaaf ta’ani miti’. Anis kanan dhufe warra qajeelotaa waamuudhaaf otoo hin ta’iin, warri cubbamoota cubbuu isaaniitti gaabbanii akka dhufaniif waamuufi dha” jedhe.¹⁴ Achiin boodas, barattoonni Yohaannis gara isaa dhufanii, “Barattoonni kee nyaata hin lagatani; nutiifi fi Faarisoon garuu maaliif nyaata lagannaa?" jedhanii Yasuusiin gaafatani. ¹⁵Yasuusis, “Hanga mushurraan (aruusni) isaan bira jirutti, miinzoliin (waa’iloon) isaa gadduu danda’uu? Guyyaan mushurraan suni isaan biraa fudhatamu yeroo dhufutti garuu, miinzoliin sunis nyaata ni lagatu.¹⁶Namni erbee haaraa uffata moofaa irratti hoddhu (erbu) tokko iyyuu hin jiru; sababni isaas, erbeen inni haaraan suni uffata moofaa sana irraa citee (tarsa’ee) waan bu’uuf, uuffatichis isa duraa caalaa tarsa’a ta’a.¹⁷ Akkasumas, namoonni waynii haaraa qodaa dulloometti tasuma hin naqani. Akkas goonaan garuu, qodichi ni caba; wayinichis ni dhangala’a; qodichis ni bada. Kana irra garuu, waynii haaraa qodaa haaraatti ni naqu; akkanattis, wayinichis, qodichis badii irraa ni oolu (hafu)” jedhee isaaniif deebise.¹⁸ Yeroo Yasuus kana isaanitti dubbachaa turetti, kunoo namni taa’itaa qabu tokko dhufee isaaf sagade. Innis, “Intalli koo ammuma na duraa duute; maaloo kottuutii harka kee ishee irra kaa’iitii naaf fayyisi” jedhee Yasuusiin kadhate. ¹⁹Sana boodas, Yasuus ka’ee barattoota isaa wajjin namicha sana duukaa deemani.²⁰ Kunoo, dubartiin, waggaa kudha lamaaf dhiigni ishee waan dhangala’uuf rakkachaa turte tokkos, dugda duuba isaatiin dhuftee, fiixee uffata Yasuus tuqxe. ²¹Isheenis, “Uffatuma isaa illee otoon tuqee, ani nan fayya” jettee garaa isheetti yaaddee turte.²²Yasuusis duuba isaatti garagalee, ishee argee, “Intala koo, jabaadu; amantiin kee si fayyiseera” isheetiin jedhe. Sa’aati dhuma sanattis, dubartittiinis ni fayyite.²³ Yasuus mana abbaa taa’itaa sanaa bira yeroo ga’ettis, waca warra ulullee (xurumbaa) gaddaa afuufanii fi namoota naanna’anii boo’anii arge. ²⁴Achumaanis, Yasuus, “Asii deemaa! Intalli raftee jirti malee, hin duune” isaaniin jedhe. Isaan garuu, qeeqiidhaan isatti kolfani.²⁵ Namoonni erga gadi baafamanii boodas, Yasuus mana keessa ol lixee, intalattii harka ishee qabee ol kaase; isheenis ol kaatee dhaabbatte. ²⁶Oduun isaas naannoo sanatti bakka hundumaatti ni dhaga’ame.²⁷ Yasuus achii irraa gara biraatti otoo darbaa jiruu, ija jaamonni lama isa duukaa bu’ani. Isaanis, “Yaa Ilma Daawwit, ati mee nu fayyisi!” jechaa iyyanii isa kadhatani.²⁸Yeroo Yasuus manatti ol seenee ture sanattis, jaamonni sunis gara isaatti dhiyaatani. Yasuusis, “Kana gochuu akkan danda’u ni amantuu?" jedhee isaan gaafate. Isaanis, “Eyyee, yaa Goofta” jedhanii isaaf deebisani.²⁹ Sana booddees, Yasuus ija isaanii qabee, “Egaa akkuma amantii keessanii isiniif haa ta’u!” jedhe.³⁰Battaluma sanattis, iji isaanii baname. Achiin boodas, Yasuus, “Beekkadhaa, namni tokko illee waa’ee kana akka hin dhageenye” jedhee of eeggannoodhaan isaan akeekkachiise. ³¹Namoonni lameen suni garuu akkuma achii ba’aniin oduu isaa naannoo sanatti bakka hundumaatti tamsaasani.³² Akkuma namoonni lameen suni achii ba’anii deemaniinis, namni arrabni isaa afuura seexanaatiin xaxamee dubbachuu dadhabe tokko, gara Yasuusitti fidame. ³³Afuurichi namicha keessaa erga ari’amee boodas, namichi ni dubbate. Namoonni achitti walitti qabamanii jiranis, isa ta’e raajeffachaa, “Waanti akkasii kun Israa’el keessatti tasuma argamee hin beeku” jedhani.³⁴Faarisoonni garuu, “Inni seexanoota kan baasu humna isa seexanoota bulchuutiini dha” jedhani.³⁵ Achiin boodas, Yasuus magaalotaa fi gandoota hunduma bira deeme. Manneen sagadaa isaanii keessattis, wangeela mootummaa Waaqayyoo lallabee barsiisuu, dhukkubootaa fi dhibeewwan hundumaas fayyisuu itti fufe. ³⁶Yasuus, namoota hedduu walitti qabamanii isa wajjin jiran, yeroo arges, waan isaan rakkachaa fi haamlee dhabanii tureef, isaaniif gadde. Isaan akka hoolota tiksee hin qabnee turani.³⁷ Barattota isaatiinis, “Midhaan sassaabamu baay’ee dha; hojjetoonni sassaaban garuu muraasa dha;³⁸ Kanaafuu, dafaatii Gooftaa midhaanichaa, hojjetoota gara midhaan isaaatti akka ergu, kadhadhaa” jedhe.

¹Yasuus barattoota isaa kudha lamaan bakka tokkotti waamee, afuurota hin qulqulloofne akka baasaniif, dhukkubootaa fi dhibeewwan hundumaas akka fayyisaniif aangoo isaaniif kenne.² Maqaan ergamoota (barattoota) kudha lamaaniis kunooti: Inni duraa, Simi’oon (isa inni Pheexroos jedhees moggaase); Indriiyaas, obboleessa Pheexroos; Yaaqoob, ilma Zabdiwoos; Yohaannis, obboleessa Yaaqoob; ³Filiphoosii fi Bartolomewoos; Toomaasii fi Maatiwoos, isa gibira sassaabu; Yaaqoob, ilma Alfewoosii fi Taadiwoos; ⁴Simi’oon, isa inaaftichaa fi Yihudaa Keeriyoot, isa Yasuusiin gane (dabarsee kenne).⁵Isaan kudha lamaan kunneenis ni ergamani. Yasuusis “Iddoo warri Waaqayyoon hin amanne jiraatan hin deemiinaa; magaala warra Samaaritaanii keessa hin seeniinaa. ⁶Bakka kanaa immoo, gara mana Israa’el warra hoolota badanii dhaqaa; ⁷Yeroo dhaqxanis, ‘Mootummaan waaqaa dhiyaatee jira’ jedhaatii lallabaa.⁸ Dhukkubsataa fayyisaa; du’aa, kaasaa; qurcoota fayyisaa; afuura seexanootas baasaa. Tolaan waan argattaniif, isinis tolaan kennaa. ⁹Warqee, meetii yookiinis sibiila diimaa hin gudunfatiina; ¹⁰Imala keessaniif jettanii, korojoos, qomee dabalataas, kophee dabalataas, ulees hin baatiinaa; hojjetaan tokko nyaata isa barbaachisu argachuun isaaf ni mala.¹¹ Magaala fi ganda deemtan bakka hundumaatti iyyu nama ta’u barbaadaatii, hanga achii deemtanitti isa bira turaa. ¹²Mana isaatti yeroo lixxanis, nagaa gaafadhaa. ¹³Manichi gaarii yoo ta’e, nagaan keessan isa irratti haa dhufu; gaarii ta’uu yoo baate garuu, nagaan keessan isiniif haa deebi’u.¹⁴ Yeroo mana yookiin immoo magaala warra sirriitti isin hin simanne yookiin immoo waan isin dubbattan hin dhaggeeffanne gadi dhiistanii deemtan, awwaara isaanii miilla keessan irraa dhadha’adhaa. ¹⁵Ani dhuguma nan isinitti hima; gaafa guyyaa firdii inni warra Sodoomii fi Gomoraa irra ga’u, kan magaala kanaa irra ga’u caalaa salphaa ni ta’a” jedhee isaan hubachiise.¹⁶ “Hubadhaa! Ani akka hoolotaatti kan ani isin ergu yeeyyii gidduutti waan ta’eef, akka bofaa gamna ta’aa; akka gugees garraamii ta’aa. ¹⁷Namoota irraa of eeggaa! Isaan yaa’ii mama murtiitti dabarsanii isiniin ni kennu; manneen sagadaa isaanii keessattis isiniin ni reebu.¹⁸Sana boodas, anaaf jettanii warra Waaqayyoon hin amanneef akka dhugaa baataniif jedhanii, fuula warra biyya bulchanii fi fuula moototaa duratti isiniin ni dhiheessamtu.¹⁹ Yeroo qabanii isin kennanis, waa’ee waan dubbattanii fi attamitti akka dubbattan hin yaadda’iinaa; maal akka jettan yeroodhuma sana isiniif ni kennama. ²⁰Kan dubbattu isin miti; Afuurri Abbaa keessanii garuu isin keessaa ni dubbata.²¹ Obboleessi obboleessa isaa, abbaanis mucaa isaa dabarsee ni kenna. Ijoolleenis warra isaanii irratti ka’anii, warra isaaniis ni in ajjeesus. ²²Isinis, sababa maqaa kootiif jettanii, hundumaa biratti ni jibbamtu. Eenyumtuu inni hanga dhumaatti rakkina isa irra ga’u obsu garuu, inni ni fayya.²³Magaala isa tokko keessaa yoo isin ari’atan, gara magaala isa biraatti baqadhaa; ani dhuguma nan isinitti hima, Ilmi Namaa hanga dhufutti magaalota Israa’el adeemtanii waliin hin geessani.²⁴ “Barataan tokko barsiisaa isaa hin caalu; hojjetaan tokkos ajajaa isaa (nama isa hojjechiisu) hin caalu.²⁵Barataan akka barsiisaa isaa, hojjetaanis akka hojjechiisaa isaa taanaan ni ga’a. Abbaa manaatiin Biilzebuul (Alaqaa Seexanaa) jedhanii waamu yoo ta’e, maqaan warra maatii mana sanaa ittiin waaman immoo hangam caalaatti gadhee ta’a ree!²⁶ Kanaafuu, dhoksaatti waan jiru keessaa waanti ifa hin baane waan hin jiraanneef, iccitiidhaan waan eegamee jiru keessaas, waanti hin beekamne waan hin jiraanneef, isaaniin hin sodaatinaa.²⁷Dukkana keessatti waantan ani isinitti himu, ifa guyyaa keessatti dhageessisaa; waanta gurra keessaniitti asaasame, bantii manaa irra dhaabbadhaatii labsaa.²⁸ Warra foon ajjeesan, lubbuu garuu ajjeesuu hin dandeenye, hin sodaatinaa. Isa foonii fi lubbuu ajjeesee boolla ibiddaatti naquu danda’u sana garuu sodaadhaa. ²⁹Simbirroonni lama saantima tokkootti hin gurguramnee? Garuu immoo, otoo Abbaan keesan hin beekiin, tokkoon isaanii ilIee lafatti hin kufani; ³⁰Garuu, rifeensi mataa keessanii illee hundumti isaa ni lakaa’ama. ³¹Hin sodaatinaa. Isin simbirroota caalaa faayidaa ni qabdu.³² Kanaafuu, nama namoota duratti anaaf dhugaa ba’eef, anis Abbaa koo isa waaqa keessa jiru duratti isaaf dhugaa nan ba’aaf. ³³Isa namoota duratti anaan kaade (gane) garuu, anis Abbaa koo isa waaqa keessa jiru duratti isaatiin nan kaada.³⁴ “Ani biyya lafaa irratti nagaa fiduudhaaf waanan dhufe isinitti hin fakkaatin. Ani haaduu fiduudhaaf malee, nagaa fiduudhaaf hin dhufne. ³⁵Ani, ilma abbaa isaa irratti, intala haadha ishee irratti, haadha manaa ilmaa amaatii ishee irratti kaasuudhaafi kan ani dhufe. ³⁶Diinonni nama tokkoos namootuma warra maatii mana sana ta’anii jirani dha.³⁷ Namni anaan caalsisee abbaa yookiin haadha isaa jaalatu, inni anaaf gatii hin qabu; akkasumas, namni anaan caalsisee ilma yookiin intala isaa jaalatu, inni anaaf gatii hin qabu. ³⁸Namni fannoo isaa baatee ana duukaa hin buune, inni anaaf gatii hin qabu. ³⁹Namni inni jireenya ofii isaa barbaadu, jireenya isaa ni dhaba. Inni anaaf jedhee jireenya isaa dhabu garuu, jireenya ni argata.⁴⁰ “Namni inni siitiin simatu, anaatiinis ni simata; inni anaatiin simatus, isa ana ergeetiin ni simatama. ⁴¹Namni inni raajii tokko, raajii ta’uu isaatiif simate, gatii raajii tokkoo ni argata; namni inni nama qajeelaa tokko, qajeelaa ta’uu isaatiif simate, gatii nama qajeelaa tokkoo ni argata.⁴² Dhuguman isinitti hima, eenyumtuu inni isaan xixiqqaa kana keessaa, isa tokkoof waan inni barataa koo ta’eef, bishaan qabbanaa’aa hullee tokko illee yoo kennef, karaa kam illee yoo ta’e, inni gatii isaa hin dhabu.

¹ Yasuus barattoota isaa kudha lamaan waan gochuu qabani isaanitti himuu erga raawwatee boodas, iddoo jiru sana gadi dhiisuudhaan gara magaalota isaanii barsiisuudhaa fi lallabuudhaaf deeme. ²Yohaannis otoo mana hidhaa keessa jiruu, hojiiwwan Kiristoos yeroo dhaga’etti, karaa barattoota isaa Yasuusitti dhaamsa erge; ³Ergaa isaatiinisoolotas, “Kan dhufuudhaaf jiru si dha moo kan biraa haa eegganuu?” isaatiin jedhee gaafate.⁴ Yasuusis, “Deemaatii waan argitanii fi waan dhageessan Yohaannistti himaa. ⁵Warri jaamanii turan, deebisanii argani; waarri miilli isaanii laamsha’ee ture, ni adeemani; qurcoonni ni fayyani; warri duudaan, deebisanii ni dhaga’ani; warri du’ani, deebisanii lubbuu horani; warra hiyyeessotaafis wangeelli lallabamaa jira.⁶Eenyumtuu inni waa’ee kootiif hin gufanne, ebbisamaa dha” jedhee isaaniif deebise.⁷ Warri ergaman kunis erga deebi'anii, Yesus waa'ee Yohannis cuuphaa namootatti dubbachuu jalqabee, "Maal arguu Yohannis bira gara lafa onaa dhaqxan? Jajjaba qilleensi raasuu? ⁸Garuu maal ilaaluudhaaf deemtani ture? Nama uffata bareedaa uffatee jiru miti hin turree? Dhugumatti garuu, warri uffata bareedaa uffatan mana moototaa keessa jiraachaa jiru.⁹ Garuu maal ilaaluuf baatani? Raajii ilaaluudhaafii? Eyyee, ani nan isinitti hima, isin ilaaluuf kan baatani isa raajii irra iyyuu kan caaluu dha.¹⁰Inni kuni isa waa’een isaa barreessameefi dha. Innis, “Hubadhu, ani ergamaa koo, isa karaa kee siif qopheessuu, si dura nan erga” jedhamee kan barreessame dha.¹¹ Ani dhuguman isinitti hima, namoota dubartiin deesse gidduudhaa, namni Yohaannis Cuuphaa caalaa cimaan hin dhalanne. Garuu, mootummaa waaqaa keessatti inni hundumaa irra xinnaa ta’e iyyuu immoo isa ni caala. ¹²Baroota Yohaannis Cuuphaa irraa jalqabee hanga ammaatti, mootummaan waaqaa finciltootaan dhiibbachaa jira; warri finciltootnis humnaan mootummaa waaqaa ni fudhatu.¹³ Raajonni hundumtuu fi seerri hanga bara Yohaannis Cuuphaatti turaniis, kanuma raajii ba’aa turani. ¹⁴Kana fudhachuudhaaf qophaa’ota yoo taatani, inni dhufuuf jedhee ture Eeliyaas dha. ¹⁵Inni gurra dhagga’u qabu, haa dhagga’u.¹⁶ Dhaloota bara kanaa, maal waliin wal bira qabee madaaluun natti jiraa? Eeyyee, dhalootni bara kanaa akka ijoollee lafa gabaa keessa taa’anii hiriyyoota isaanii waamanii ti; ¹⁷Isaanis, ‘Nuti ulullee isiniif afuufnaan, isin garuu hin sirbine (shubbisne); nuti faaruu gaddaa isin dhageessifne, isin garuu hin boonye’ warra jedhanii dha.¹⁸ Yohaannis otoo hin nyaatiin, otoo hin dhugiinis waan dhufeef, isaan garuu, ‘Inni Seexana qaba’ jedhani. ¹⁹Yeroo Ilmi Namaa nyaatees, dhugees dhufe immoo, isaan, ‘Ilaalaa, namicha kana, isa albaadhessaa fi machaa’aa kana, isa michuu warra gibira sassaabanii fi hiriyyaa warra cubbamtoota!’ jedhani. Ogummaan garuu hojiiwwan isheetiin ni qulqulloofti.²⁰ Sana boodas, Yasuus magaalota warra raajiiwwan isaa garri caalaan keessatti hojjetaman, waan isaan balleessaa isaaniitti gabbanii dhiifamaan irraa deebi’uu didaniif, isaan qeequu jalqabe. ²¹“Siif wayyoo, yaa Koraaziin! Siif wayyoo, yaa Beetesaayida! Raajiiwwan isin keessatti hojjetaman, otoo Xiiroosii fi Sidoon keessatti hojjetamanii ture ta’ee, sabni isaan keessa jiraatu yoona kana duruu uffata gaddaa uffatanii, daaraas ufitti dibanii cubbuu isaanii of irraa dhiqaniiru ture. ²²Ani garuu nan isinitti hima, guyyaa firdiin itti kennamu sana, firdiin Xiiroosii fi Sidooniif kennamu kan keessan irra ni salphata.²³ Yaa Qifirnaahoom, amma ati waaqaatti waan ol fudhatamtu sitti fakkaataa? Hin ta’u; ati boolla ibiddaatti gadi darbatamta. Raajiiwwan si keessatti hojjetamanii turani, otoo Sodoom keessatti godhamtanii ture ta’ee, hanga har’aatti Sodoom dhaabatee ni argama ture. ²⁴Ani garuu nan isinitti hima, guyyaa firdiin kennamu sana, kan biyya Sodoom kan kee caalaa ni salphata.²⁵Sa’aatii sanattis, Yasuus, “Yaa Abbaa, Gooftaa waaqaa fi lafaa, waantota kana warra gamnaa fi beekaa jalaa dhoksitee, ijoollee xixinnootti waan mul’ifteef sin galateeffadha; ²⁶Eeyyee, yaa Abbaa, kuni isa siitiin gammachiisu dha. ²⁷Waanti hundumtuu kan kan anaaf laatame Abbaa irraati; Abbaa irraa kan hafe, namni Ilma beeku hin jiru; Ilma irraa kan hafe, Abbaa kan beeku hin jiru; nama Ilmi itti mul’isuuf filate malee, Abbaa kan beekus hin jiru.²⁸ Warri itti dhamaatanii dadhabdanii fi warri ba’aan keessanis isinitti ulfaate hundumti keessanuu gara koo kottaa; ani boqonnaa isiniif nan kenna. ²⁹Waanjoo koo ana irraatti fuudhadhaa; ana irraattiis baradhaa, ani garaa kootti garraamii fi nama gadi jedhee jiraatu silan ta’eef, boqonnaa lubbuu keessaniifis ni argattu. ³⁰Waanjoon koo salphaa dha;, ba’aan koos hin ulfaatu” jedhe.

¹ Yeroo sana Yasuu guyyaa gaafa Sanbataa maasii midhanii tokko keessa darbe. Barattoonni isaa beela’anii waan tureef, asheetii isaa ciranii nyaachuutti ka’ani. ²Warri Faarisootaa yeroo kana argan garuu, Ysuusiitiin, “Ilaali; barattoonni kee waanta gaafa Sanbataan hojjechuun seeraan ala ta’e hojjechaa jiru” jedhani.³ Yasuus garuu, “Daawwitii fi namoonni isa wajjin turani yeroo beela’anii turani waan godhanii ture isin tasuma hin dubbifne?” jedhee isaaniif deebise. ⁴Daawwit mana Waaqayyoo keessa seenee, buddeena kennaaf dhiyaate, isa luboota irraa kan hafe namni biraan nyaachuun seeraan ala ta’e, innis, namootni isa wajjin turanis, ni nyaatani.⁵ Guyyaa gaafa Sanbataa, luboonni mana sagadaa keessatti Sanbata akka xureessan, garuu immoo akka balleessaatti akka isaanitti hin lakkaa’amne, isin seericha keessaatti hin dubbifnee?⁶Ani garuu nan isinitti hima; mana sagadaa kan caalu as jira.⁷ Isin, inni ‘Ani dhiifama (garaalaafina) malee, aarsaa hin barbaadu’ jedhu, hiikni isa maal jechuu akka ta’ee, otoo beektaniittu ture ta’ee, warra yakka hin qabne, hin yakkitani ture.⁸Ilmi Nammaa suni, Gooftaa guyyaa gaafa Sanbataa sanaati” isaaniin jedhe.⁹ Achiin boodas, Yasuus bakka sana gadi dhiisee deemee, mana sagadaa isaanii keessa lixe. ¹⁰Kunoo, namni harkii iaa naafaate tokko achi ture. Warri Faarisootas cubbuudhaan isa yakkuudhaaf jedhanii, “Guyyaa Sanbataa fayyisuun seeraan danda’amaa dha?” jechuudhaan isa gaafatani.¹¹ Yasuusis, “Isin keessaa namni hoolaa tokko qabuu fi hoolaan isaas guyyaa Sanbataa boolla keessatti yoo kufe, inni hoolaa isaa qabee achi keessaa hin baafne, nama isa kami dha?¹²Egaa, faayidaan namaa kan hoolaa irra hangam caalaatti guddaa dha! Kanaafuu, guyyaa Sanbataa waan gaarii hojjechuun seeruma dha” jedhee isaanitti hime.¹³ Sana booddees, Yasuus namichaatiin, “Harka kee diriirsi!” jedhe. Innis harka isaa ni diriirse; harki isaas, akkuma harka isa fayyaa, deebi’ee fayyaa ta’e. ¹⁴Warri Fariisotaa garuu gadi ba’aniiisa irratti mari’atani. Isaan isa balleessuudhaaf barbaadu.¹⁵ Yasuusis kana waan bareef, achii deeme. Namoonni baayy’eenis isa duukaa deemani; innis hunduma isaanii ni fayyise.¹⁶Namoota biraattis akka isa hin beeksifne isaan akeekkachiise. ¹⁷Kunis isa Isaayyas raajichaan dubbatamee ture akka raawwatamuufi dha.¹⁸ Innis, “Hojjetaa koo isa ani filadhe, isa jaallatamaa koo, isa lubbuun koo itti gammadu, ilaalaa. Ani Afuura koo isa irra nan buusaa (kaa’a); innis warra Waaqayyoon hin amanneef firdii qajeelaa ta’e ni labsa.²⁰¹⁹ Inni hin jeequ; hin iyyus; namni tokko illee sagalee isaa daandii irratti hin dhaga’u.²²⁰Hanga dhugaan firdii akka argattu godhutti, shambaqqoo cabuu ga’e iyyuu hin cabsu; fo’aa (kirrii) laambaa (kurraazii) aaraa jiru iyyuu hin dhaamsu; ²¹Warri Waaqayyoon hin amannees, maqaa isaatti ni abdatu” isa jedhamee ture dha.²² Sana boodas, namni jaamaa fi arrabni isaa hidhamee, afuura seexanaatiinis qabamee jiru tokko, gara Yasuusitti fidame. Yasuusis, akka arrabni isaa dubbatuttii fi akka ijji isaa argutti godhee isa fayyise. ²³Namoonni achitti walitti qabamanii jiran hundumtuu waan ta’etti dinqamanii, “Kuni Ilma Daawwit ta’uu ni danda’aa?” jedhani.²⁴ Warri Faarisootaa yeroo raajii kana dhaga’ani garuu, “Namichi kuni, Bi’eel Zebuliitiin, isa ilma angafa Seexanootaatiin, yoo ta’ee malee, afuura seexanaa baasu hin danda’u” jedhani. ²⁵Yasuus garuu yaada isaanii baree waan tureef, “Mootummaan inni tokkummaan isaa gargar ba’e inni kam iyyuu, magaalli inni tokkummaan isaa gargar ba’e inni kam iyyuu, akkasumas, manni inni tokkummaan isaa gargar ba’e inni kam iyyuu, dhaabachuu hin danda’u.²⁶ Seexannis Seexana baasa yoo ta’e, inni tokkummaan isaa gargar ba’ee jira. Mootummaan isaa egaa attamitti dhaabachuu danda’a? ²⁷Ani Bi’eel Zebuliitiin afuurota seexana nan baasa yoo ta’e, ilmaan keessan eenyuutiin isaan baasu? Sababa kanaafis jecha, isaan isin irratti warra faradan ni ta’u.²⁸ Ani afuura seexanootaa kan ani baasu Afuura Waaqayyootiin yoo ta’e garuu, mootummaan Waaqayyoo isin irratti dhufeera. ²⁹Eenyumtuu mana nama cimaa tokko keessa seenee qabeenya isaa saamee deemuu attamitti danda’a, namicha cimaa sana duraa dabarsee yoo hidhe malee? Erga isa hidhee booda garuu, qabeenya isaa saamee deemuu ni danda’a. ³⁰Namni inni ana wajjin (faana) hin taane, inni anaaf diina koo ti; akkasumas, namni inni ana wajjin walitti hin qabamne, ni bittinsa.³¹ Kanaafuu, ani isinitti nan hima; cubbuu fi arrabsoon inni kam illee namootaaf ni dhiifamu; arrabsoon Afuura Qulqulluu irratti ka’u garuu hin dhiifamu. ³²Namni inni hamaa Ilma Nama dubbatu kam iyyuu dhiifama ni argata. Namni inni hamaa Afuura Qulqulluu dubbatu kam iyyuu garuu, biyya lafaa isa kanattis, biyya lafaa isa dhufuuf jedhuttis, dhiifama hin argatu.³³Muka gaarii dhaabaa; midhaan isaas gaarii ni ta’a; yookiin immoo, muka gadhee dhaabaa; midhaan isaas gadhee ni ta’a; mukti addaan baasamee kan beekamu, midhaan inni baasuun (kennuun) dha. ³⁴Isin warra sanyii mar’ataa; isin cubbamtoota (hamtoota) waan taataniif, attamitti waan gaarii dubbachuu dandeessu? Afaan kan dubbatu isa garaa keessa guute jiru dha.³⁵Namni gaariin, qabeenya gaarummaa garaa isaa keessaa jiru keessaa, gaarii ni baasa; namni hamaanis, qabeenya hammina garaa isaa keessaa jiru keessaa, hamaa ni baasa.³⁶ Ani nan isinitti hima, gaafa guyyaa firdii, namoonni dubbii yaada malee afaan isaanii keessaa ba’e hundumaaf, itti ni gaafatamu.³⁷Dubbiiwwa keessaniin, dhugaa ni argattu; dubbiiwwan keessaniinis, isinitti ni yakkamtu”.³⁸ Yeroo sanattis, warra barreessitoota fi Faarisoota keessaa namoonni muraasni, “Yaa barsiisaa, akka ati mallattoo (milikkita) nutti argisiiftu ni barbaanna” jedhanii Yasuusiin gaafatani. ³⁹Yasuusis, “Dhaloonni cubbamaa fi sagaagalaan milikkita ni barbaada. Milikkita Yoonaas raajicha irraa kan hafe garuu, milikkinni tokko illee issaf hin kennamu. ⁴⁰Akkuma Yoonaas garaa qurxummii guddaa keessa guyyaa sadii fi halkan sadii ture, Ilmi Namaas guyyaa sadii fi halkan sadiif garaa lafaa keessa turuuf ni jira.⁴¹ Gaafa guyyaa firdiis, uummanni Nanawwee dhaloota kana wajjin ka’anii, ittis ni faradchiisu. Isaan lallaba Yoonaas dhaga’ani, balleessaa isaanitti gaabbanii dhiifamaan irraa deebi’anii jiru; amma garuu, kunoo, inni Yoonaas caalaa cimaa ta’e tokko as jira.⁴² Mootitiin biyya Kibbaa guyyaa firdiitti dhaloota si'anaa kanaa wajjin ni kaati; isaaniinis yakkitee firdiitti isaan dhiheessiti. Isheenis biyya fagoodhaa kan dhufte ogummaa Solomoon dhaggeeffachuudhaaf ture; amma garuu, kunoo, inni Solomoon irra cimaa ta’e as jira.⁴³ Afuurri qulqulluu hin taane name keessaa yeroo ba’u, iddoowwan bishaan hin qabne keessa darbuudhaan bakkeewwan itti aara galfatu barbaada; garuu immoo hin argatu. ⁴⁴Sana boodas, inni ‘Mana koo isan keessaa ba’ee dhufeetti nan deebi’ee gala’ ni jedha, manichis qulqulleessamee haramee waan sirreessamee jiruuf, duwwaa isaa ni argata. ⁴⁵Itti aanees, afuurota toorba warra isa caalaa hamaa ta’an of duukaa fudhatee deemuudhaan hundumti isaanis achi manicha keessa ni jiraatu. Achiin boodas, jireenyi namichaa isa duraa caalaa hammaataa ta’a. Kan dhaloota cubbamaa ammaa kanaas akkasuma ni ta’a” jedhe.⁴⁶ Yeroo Yasuus namootaa isa biratti walitti qabamanii jiran itti dubbachaa turettis, kunoo, haati isaa fi obboloonni isaa, isatti dubbachuu waan barbaadaniif, ala dhaabachaa turani. ⁴⁷Namni tokkos, “Kunoo ilaali; haati kee fi obboloonni kee, sitti dubbachuu barbaadaniitu ala dhaabatanii jiru” ittiin jedhe.⁴⁸ Yasuus garuu, “Haati koo eenyu dha? Obboloonni koos eenyufaa dha?” jedhe namichatti deebise hime. ⁴⁹Sana boodas, harka isaa gara barattoota isaatiitti qabee, “Haati koos, obboloonni koos, kunooti! ⁵⁰Eenyumtuu, inni jaalala Abbaa koo isa waaqa keessaa hojjetu, inni obboleessa koo ti, obboleettii koo ti, haadha koo ti” jedhe.

¹ Guyyaadhuma sanas Yasuus manaa ba’ee galaana qarqara taa’e.²Namoonni hedduun isatti naanna’anii waan walitti qabamaniif, bidiruu tokko yaabbatee isa keessa taa’e; namoonnis qarqara galaanichaa dhaabbatani.³ Sana booddees, Yasuus, fakkeenya garaa garaatiin, waan heduu isaanitti hime. Innis, “Kunoo, qotee bulaan tokko sanyii facaasuudhaaf gadi ba’e. ⁴Yeroo facaasuus, sanyiin tokko tokko karaa bukkeetti bu’ani (harca’ani); simbirroonni immoo dhufanii isaan nyaatani. ⁵Sanyiin warri kaan immoo lafa dhagaa biyyoo baay’ee hin qabne irratti bu’ani. Biyyoon isaan irra bu’ani gadi fageenya waan hin qabneef, isaan dafanii biqilani.⁶Akkuma aduun isaanitti ba’een garuu ni cooligani; hiddas waan hin qabneef, ni gogani.⁷ Sanyiin warri kaan immoo mukoota qoraattii qaban gidduutti bu’ani. Mukoonni qoraattii qaban yeroo guddatan, isaan wawwaraanani.⁸Sanyiin warri kaan biyyoo gaarii irra bu’anii midhaan godhatani; oomishni isaaniis, kan gar tokkoo dachaa dhibba, gar tokko dachaa jaatama, gar tokko immoo dachaa soddoma ta’e. ⁹Namni inni gurra qabu, haa dhagga'u” isaaniin jedhe.¹⁰ Barattoonni isaas dhufanii, “Maaliif fakkeenyaan isaanitti dubbatta?” jedhanii Yasuusiin gaafatani. ¹¹Yasuusis, “Iccitiiwwan mootummaa waaqaa beekuun isiniif kennameera; isaaniif garuu hin kennamne. ¹²Isa qabuuf, dabalataan waan isaaf kennamuuf, inni kan isa irraa hafu iyyuu ni qaba. Inni hin qabne garuu, waan inni qabu iyyuu isa irraa ni fudhatama.¹³ Ani fakkeenyaan kan isaanitti dubbadhus, kanaafi dha. Isaan ni ilaalu yoo ta’es, hin argani; ni dhaga’u yoo ta’es, hin dhaggeeffatanii; yookiin immoo isaaniif hin galu (hin hubatani).. ¹⁴Inni Isaayyas raajee ture isaan irratti raawwatamee jira; innis isa, ‘Dhaga’uummaa, ni dhageessu; garuu, isin tasuma hin hubattani; ilaaluummaa, ni ilaaltu; garuu, isin tasuma hin beektani.¹⁵ Yaadni garaa saba kanaa hadoodee waan jiruuf, gurri isaanii hin duudeera; ijji isaaniis dununfachiisameera. Akkas ta’uu otoo baatee, ija isaaniitiin akka argan, gurra isaaniitiin akka dhaga’an, akkasumas, yaada garaa isaaniitiinis akka deebi’ani hubataniif, anuu nan isaan fayyisa ture’ inni jedhee ture dha.¹⁶ Ijji keessan waan arguuf, gurri keessanis waan dhaga’uuf, isin garuu eebbifamtoota dha. ¹⁷Ani dhuguman isinitti hima; raajonni fi namoonni qajeelloo baay’een isa isin argitan kana arguuf barbaadanii ture; garuu immoo hin argine; akkasumas, waan isin dhageessan, dhaga’uuf hawwanii ture; garuu immoo hin dhageenye” jedhee isaaniif deebise.¹⁸ Egaa, hiikkaa fakkeenya namicha isa sanyii facaasee dhaggeeffadhaa. ¹⁹Namni tokko dubbii mootummichaa dhaga’ee hubachuu yoo baate, inni cubbamaan (hamaan) dhufeetu dubbicha isa garaa isaa keessatti facaasamee ture butee ni deema. Kuni sanyii isa karaa bukkeetti facaasamee ture dha.²⁰ Sanyiin inni lafa dhagaa irratti facaasame, nama isa dubbicha akkuma dhaga’een fudhatee gammadu dha ²¹Inni hidda (hundee) kan mataa isaa waan hin qabneef, yeroodhaaf qofaa tura. Sababa dubbicha irraa.kan ka’e, gaafa rakkinni yookiin immoo ari’atamuun ka’u, dafeetu kufa.²² Namni inni dubbicha dhaga’u, garuu immoo inni waa’ee biyya lafaa waan dhimmamuuf, qabeenyaanis waan gowwomsamuuf, dubbichi isa jalaa waan wawwaraanamuuf, bu’aa (firii) otoo hin horiifiin hafa; namnichi kunis, sanyii isa qoraattii gidduutti facaasamee dha.²³Sanyiin inni biyyoo gaarii irratti facaafame immoo, namicha isa dubbicha dhaga’uu fi hubatu bakka bu’a. Inni ija ni godhata; midhan isaas inni tokko harka dhibba, inni tokko harka jaatama, inni kaan immoo harka soddoma ni baayy’ata” jedhe²⁴ Yasuus ammas fakkeenya biraa tokko isaanitti hime. Innis akkas jedhe: “Mootummaan waaqaa nama sanyii gaarii lafa qotisa isaa irratti facaafate wajjin wal fakkaata. ²⁵Yeroo namoonni rafanitti garuu, diinni namichaa dhufee qamadii gidduutti sanyii aramaa facaasee deeme. ²⁶Midhaanichi guddatee ija yeroo godhate, aramaan sunis( inkirdaadichis) ni mul’ate.²⁷ Hojjettoonni abbaa lafaa sunis isa bira dhufanii, ‘Goofta, ati sanyii gaarii facaftee hin turee? Amma immoo attamitii aramaa godhate?’ jedhanii isa gaafatani. ²⁸Inni immoo, ‘Diinatu akkas godhe’ jedhe. Hojjettoonni isaas, ‘Akka nuti dhaqnee aramaa sana buqqifnee gatnu ni barbaaddaa?’ jedhaniin.²⁹ Abbaan lafaa sun garuu, ‘Yeroo aramaa sana buqqiftan, qamadii faana buqqisuu waan maltaniif, lakki dhiisaa.³⁰Hamma midhaan ga’ee sassaabamutti lachuu walumaa faana haa guddatani. Yeroo midhaan sassaabamu, anuu warra haamaniitiin, “Dura aramicha (inkirdaadicha) bubuqqisanii bilsii bilshiidhaa (kaasuu kaasuudhaan) walitti qabanii hidhuudhaan akka guban, qamadicha garuu gumbii kootti akka anaaf naqan nan isaanitti hima” jedhee isaanii deebise.³¹ Itti aansees, Yasuus fakkeenya biraa tokko isaanitti hime: “Mootummaan waaqaa nama sanyii sanaaficaa fuudhee lafa qotisaa isaa irratti facaase wajjin wal fakkaata. ³²Dhugaa dhumatti, ijji sanyii kanaa ija sanyii hundaa irra xiqqaa dha. Yeroo guddatutti garuu midhaan maasaa keessa jiran hunduma irra caalee guddaa ta’a. Muka guddaa waan ta’uufis, simbirroonni waaqaa dhufanii dameewwan isaa irratti godoo isaanii ni ijaarratu” jedhe.³³ Yasuus ammas itti dabalee fakkeenya biraa isaanitti hime. “Mootummaan waaqaa raacitii dubartiin fuutee daakuu safartuu sadii itti maktee hanga bukoon bukaa’utti bukeessitu fakkaata” jedhe.³⁴ Yasuus, waantota kanneen hunda namoota achitti walitti qabamanii jiranitti, fakkeenyaan dubbate; fakkeenya malees waan tokko iyyuu isaanitti hin dubbanne. ³⁵Kunis kan ta’e, inni raajichaan dubbatamee ture akka raawwatamuufi dha. Innis, “Ani fakkeenyaan afaan koo saaqqa dha. Uumamuu biyya lafaa irraa jalqabee waantota dhokatanii turanis, nan hima” kan jedhu ture.³⁶ Achiin boodas, Yasuu namoota achitti walitti qabamanii jiran gadi dhiisee, gara manaa lixe. Barattoonni isaas gara isaa dhufanii, “Fakkeenya aramaa maasaa keessaa sana unuuf hiiki” jedhanii isa gaafatani. ³⁷Yasuusis, “Namichi inni sanyii gaarii facaasu, Ilma Namaa ti. ³⁸Lafti qotisaa, biyya lafaa ti; sanyiin gaariin sunis, ilmaan mootummaa ti. Aramoonni suni immoo, ilmaan isa cubbamaa (hamaa) ti. ³⁹Diinichi inni sanyii aramaa facaase immoo Seexana dha. Sassaabbiin midhaanii immoo guyyaa dhuma biyya lafaa ti; warri haaman immoo ergamoota Waaqayyoo ti.⁴⁰ Kanaafuu, yeroo aramaan walitti qabamee ibiddaan gubamu, yeroon kuni dhuma biyya lafaa tis. ⁴¹Ilmi Namaa ergamoota isaa ni erga; isaanis mootumma isaa keessaa waantota nama gufachiisan fi warra seeraan ala hojjetan hunduma walitti qabu ⁴²Ergamoonni sunis, waantota walitti qaban, boolla ibiddaa, iddoo itti boo’anii fi ilkaan walitti qaran, keessatti gadi darbatu. ⁴³Achiin booda egaa, namoonni warri qajeelloon mootummaa Abbaa isaanii keessatti akka biiftuutti ni ifu. Namni inni gurra qabu, mee haa dhaggeeffatu” jedhee isaaniif deebise.⁴⁴ “Mootummaan waaqaa akka qabeenya lafa qotisaa keessa dhokfamee kaa’amee tokkoo ti. Namni tokkos qabeenya kana argee deebisee erga dhoksee. Innis gammachuudhaa deemuudhaan waan qabu hundas gurguruudhaan laficha ni bitata. ⁴⁵Ammas, mootummaan waaqaa daldalaa isa calleewwan gatii guddaa qaban barbaadaa jiru fakkaata. ⁴⁶Naggaadichis callee gatii guddaa baasuu waan argateef, deebiuudhaan waan qabu hunduma gurguruudhaan callee sana bitate" jedhe.⁴⁷ Ammas, “Mootummaan waaqaa kiyyoo galaana keessatti darbatamee qurxummoota adda adda hunduma walitti qabe fakkaata. ⁴⁸Kiyyichi yeroo guutettis, warri qurxummii baasan qarqara galaanaatti harkisanii baasanii. Isaanis, gadi taa’ani, qurxummoota isaan gaggaarii qodaa isaaniitti naqantanii; isaan gaggadhee ta’an immoo achi gatani.⁴⁹ Gaafa guyyaa isa dhumaas, akkasuma in ta’a. Ergamoonni Waaqayyoos dhufanii warra hamoota warra qajeelota gidduudhaa ni baasu. ⁵⁰Warra hamoota sanas boolla ibiddaa, iddootti boo’amuu fi ilkaan walitti qaramu, keessatti ni darbatu jedhe.⁵¹ Waantota kana hunduma hubattaniittuu?” jedhees isaan gaafate. Isaanis, “Eeyyee” jedhanii isaaf deebisani. ⁵²Sana boodas, Yasuus, “Kanaafuu egaa, barreessaan kam iyyuu inni barataa mootummaa waaqaa ta’ee jiru, abbaa manaa, isa qabeenya isaa keessaa warra moofaa fi warra haaraa ta’ani gadi baasu, ni fakkaata” jedhe. ⁵³Yeroo sanattis, Yasuus fakkeenyota kanneen xumuree waan tureef, iddoo sana gadi dhiisee deeme.⁵⁴ Achiin boodas, Yasuus naannoo bakka dhaloota isaa seenee, namoota achii mana sagadaa isaanii keessatti isaan barsiise. Kana irraa kan ka’eenis, namoonni waan ta’etti dinqisiisamani, “Namichi kuni ogummaa isaa kanaa fi humna (aangoo) raajii hojjetu kan eessa argate?⁵⁵Namichi kuni ilma isa muka soofu sanaa mitii? Haati isaa ishee Maariyaam jedhamtu mitii? Obbolonni isaa Yaaqoob, Yooseef, Simi’oonii fi Yihudaafaa mitii? ⁵⁶Obboleettonni isaa hundumtuu as unu bira jiru mitii? Waantota kanneen hunda eessaa argatee ree?” jedhani.⁵⁷ Kanaafis, isaan isatti ni aarani. Yasuus garuu, “Raajiin bakka biraatti malee, biyya isaa fi, maatii isaa keessatti ulfina hin argatu” isaaniin jedhe.⁵⁸Sababa isaan amantii dhabaniifis jecha, Yasuus raajiiwwan baay’ee achitti hin hojjenne.

¹ Yerooduma sanattis, Herood, inni abbaa biyyaa sanaa, oduu waa’ee Yasuus dhaga’ee ture.²Innis hojjetoota isaatiin, “Inni kuni Yohaannis cuuphaa dha; inni du’aa kaafameera. Kanaafuu, humnoonni kunneen isaatiin hojjetamaa jiru” jedhe.³ Herood Yohaannisiin qabee hidhuudhaan mana hidhaatti kan galchee waa’ee Heroodiyaas, haadha manaa obboleessa isaa Filiphoosiif jedheetu ture. ⁴Sababni isaas, yeroo sana, Yohaannis Heroodiin, “Ati ishee haadha manaa godhatee fuudhuun kee seera miti” jedhee waan tureef dha. ⁵Innis Yohaannisiin ni ajjeesa ture; garuu immoo namootni Yohaannisiin akka raajiitti waan ilaalaniif, isaaniin sodaateetu dhise.⁶ Gaafa guyyaan dhaloota Heerood kabajamaa turetti garuu, intalli Heroodiyaas namoota gidduutii baatee waan shubbisteef (sirbiteef) Heroodiin gammachiifte. ⁷Heroodis waan isheen kana isaaf jettee gooteef jecha, waanuma isheen gaafatte isheedhaaf akka kennu kakaadhaan waadaa gale.⁸ Intalattiinis, haadha ishee irraa gorsa erga fudhatee booda, “Mataa Yohaannis isa cuuphaa gabatee kana irratti as fidii anaaf kenni” jette. ⁹Mootichis waan isheen isa gaafattetti ni gadde; garuu immoo sabaa kakatee fi sababa, warra affeerraa hirbaata sana irratti isa wajjin jiran hundumaaf jedhee, waan isheen gaafatte akka raawwatu ajaje.¹⁰ Namootas ergee, Yohaannisiin mana hidhaa keessatti morma isaa irraa kuchisiise. ¹¹Mataan isaas fidamee gabatee irra kaa’amee intalattiidhaaf kenname; isheenis haadha isheetti geessite. ¹²Achiin boodas, barattoonni Yohaannis dhufanii reeffa isaa fuudhanii awwaalani. Eerga kana godhanii booddees, deemanii Yasuusitti himani.¹³ Yasuus yeroodhuma kana dhaga’etti, bakka sana gadi dhiisuudhaan, bidiruu yaabbatee gara bakka namni hin jirre tokkotti deeme. Namoonni isa biratti walitti qabamanii turan deemuu isaa yeroo dhaga’anis, magaalota keessaa ba’anii miillaan isa duukaa bu’ani. ¹⁴Sana boodas, Yasuus dura isaanii dhufee, tuta namootaa sana arge. Innis isaaniif waan gaddeef (garaa laafeef), dhukkubsatoota isaanii ni fayyise.¹⁵Yeroo galgalli ga’ettis, barattoonni isaa gara isaa dhufanii, “Bakka kana homtuu hin jiru; sa’aatiinis sokkeera. Gara gandootaa deemanii waan nyaatan bitachuu akka danda’aniif, namoota asitti walitti qabamanii jiran kana gaggeessi” jedhanii isa gaafatani.¹⁶Yasuus garuu, “Deemuun isaan hin barbaachisu. Isinumti waan nyaatan wa’ii kennaafi” isaaniin jedhe. ¹⁷Isaanis deebisanii, “Nuti daabboo (buddeena) shanii fi qurxummii lama qofaa asii qabna” jedhanii itti himani. ¹⁸Yasuusis, “Gara kootti fidaa” jedhe.¹⁹Achiin boodas, namoonii marguma irra akka taa’an isaanitti hime. Buddeena shananii fi qurxummii lamaan sanas ni fuudhee. Gara waaqaatti ol ilaaluudhaanis erga eebbisee booda cacabsuudhaan barattoota isaatti kenne; isaanis namootaaf kennani. ²⁰Hundumti isaaniis nyaatanii quufani. Achiin boodas, barattoonni nyaatamee kan hafe qircaatii kudha lama guutuu walitti qabani. ²¹Warri nyaatanis, dubartootaa fi ijoollee otoo hin dabalatiin, dhiirota (namoota) gara kuma shanii turani.²²Yasuus, battaluma sanatti, hanga inni namoota gaggeessutti, barattoonni isaa bidiruu yaabbatanii isa dura gamatti akka ce’an godhe. ²³Namoota sana erga gaggeessee booddees, Yasuus kophaa isaatti kadhachuudhaaf tulluu irratti ol ba’e. Hanga galgalaa’uttis, kophaa isaa achi ture. ²⁴Yeroodhuma kanattis, bidiruun suni qarqara galaanaa irraa erga fagaattee booda garuu qilleensi gara isheetti waan qilleensa’eef, bubbee (qilleensa) galaanaatiin asii fi achi raasamaa turte.²⁵Halkan keessaa sa’aatii kudhan yeroo ta’utti Yasuus bishaan galaanaa irra adeemaa gara isaaniitti hiiqe. ²⁶Barattoonni isaas, otoo inni bishaan galaanaa irra adeemaa jiruu yeroo arganitti, baay’ee na’anii, “Kuni ekeraa dha” jechaa, sodaatanii iyyani. ²⁷Yasuus garuu, “Gootomaa (Gootota ta’aa)! Ana dha! Hin sodaatinaa!”jedhee dafee isaanitti dubbate.²⁸Pheexroos, “Gooftaa, si dha yoo ta’e, bishaan irra adeemee gara kee akkan dhufu, nan ajaji” jedhee isaaf deebise.²⁹Yasuusis, “Kottu” jedhe. Pheexroosis bidiruu keessaa ba’ee gara Yasuusitti galaana irraa adeemuutti ka’e. ³⁰Pheexroos qilleensa cimaa yeroo argetti garuu, ni sodaate. Akkuma gadi liqimfamuu jalqabeenis, “Maaloo Gooftaa ko, na oolch (kana jalaa na baasi)!” jedhee iyye.³¹Yasuusis dafee harka isaa hiixatee Pheexroosiin erga qabee booda, “Yaa namicha amantii xinnoo! Maaliif shakkite?” isaatiin jedhe. ³²Sana boodas, yeroodhuma Yasuusii fi Pheexroos bidiruu yaabbatanitti, qilleensi sunis ni dhaabbate. ³³Achumaanis, barattoonni warri bidiruu keessaa Yasuusiif sagadanii, “Ati dhugumatti Ilma Waaqayyoo ti!” ittiin jedhani.³⁴Galaanas ce’anii, biyya Genesaareet jedhamutti ba’ani. ³⁵Namoonni bakka sanaa Yasuus ta’uu isas yeroo baranittis, ergaa naannoo bakka sanaa hundumaatti erganii; wara dhukkubsachaa jiran hundumas gara isaatti fidani. ³⁶Warri dhukkubsattoonnis fiixee wayyaa isaa takkaa dhuma illee akka tuqaniif isa kadhatani; warri fiixee wayyaa isaa xuqan hundumti isaaniis ni fayyani.

¹ Sana boodas, Faarisoonnii fi barreesitoonni muraasni Yerusaalem irraa gara Yasuus dhufanii. ²Isaanis, “Barattoonni kee maaliif aadaa (barsiisa) abboota keenyaa cabsu (irra daddarbu)? Isaan harka otoo hin dhiqatiin buddeena nyaatu” jedhanii isa gaafatani. ³Yasuusis, “Ergasii, isinis barsiisa keessaniif jettanii maaliif abboommii Waaqayyoo cabsitu (irra daddarbitu)?⁴Waaqayyo, ‘Abbaa fi haadha keef ulfina kenni’; akkasumas, ‘Namni inni hammeenya waa’ee abbaa isaa fi haadha isaa odeessu dhugaa dhumatti ni du’u’ jedheera. ⁵Isin garuu, ‘Namni kam iyyuu inni abbaa isaa fi haadha isaatiin, “Gargaarsi ati Ana irraa argattee turte inni kam iyyuu kennaa Waaqayyoof kenname dha”;⁶Namichi suni abbaa isaa kabajuun isa hin barbaachisu. Akka kanaanis, isin barsiisa keessaniif jettanii dubbii Waaqayyoo gadi gattanii jirtu.⁷ Isin, yaa warra ofittoo! Isaayyas waa’ee keessan gaariitti raajee ture yeroo inni akkas jedhee ture:⁸’Namoonni kuni afaan isaaniitiin ni na kabaju; garaan isaanii garuu baay’ee ana irraa fagaata. ⁹Isaan sobanii anaaf ni sagadu; sababni isaas, isaan akka seeraatti kan barsiisan seera namootaa waan ta’eef dha’” isaaniin jedhe.¹⁰Sana boodas, Yasuus namoota achitti walitti qabamanii jiran ofitti waamee, “Dhaggeeffadhaatii hubadhaa ¹¹Waanta afaan seenu keessa kan nama xureessu hin jiru. Kana irra garuu, kan nama xureessu waanta afaan namaa keessaa ba’u dha” isaaniin jedhe.¹²Achiin booddees, barattoonni gara isaa dhufanii, “Warri Faarisootaa dubbii ati jette yeroo dhaga’ani akka aarani beektee jirtaa?” jedhanii isa gaafatani. ¹³Yasuusis, “Biqiltuu Abbaan koo inni waaqa keessaa hin dhaabne kam iyyuu ni buqqifama. ¹⁴Waa’ee isaanii dhiisaa. Isaan jaamota warra jaamaa harkisani dha. Jaamaan tokko jaamaa isa biraa harkisa yoo ta’e, lamaan isaanii iyyuu boolla keessa ni bu’u” jedhee isaaniif deebise.¹⁵Pheexroos garuu, “Fakkeenya kana mee unuuf ibsi” deebisee isa gaafate. ¹⁶Yasuusis immoo deebisee “Atis hanga ammaatti hin hubannee?¹⁷Waanti afaan keessa seenu kam iyyuu garaacha keessatti erga darbee booda mana fincaanii keessatti akka gadi ba’u hin hubannee?¹⁸ Waantotni afaan keessaa ba’an garuu, yaada garaa namaa keessaa ba’u. Isaan waantota nama xureessani dha. ¹⁹Yaadonni hammeenyaa kan akka, nama ajjeesuu, ejjuu, halalummaa wal qunnamtii saalaa, hanna, sobaan dhugaa ba’uu fi nama salphisuun hundumtuu kan maddan yaada garaa keessaa irraa ti. ²⁰Waantotni nama xureessani isaan kana dha. Harka hin dhiqamneen nyaachuun garuu, nama hin xureessu” jedhee itti hime.²¹Achiin boodas, Yasuus bakka sana gadi dhiisee gara naannoowwan magaalota Xiiroosii fi Sidoonitti deeme. ²²Kunoo, dubartiin Kana'aan tokko naannoo sanaatii dhufte. Isheenis sagalee ishee ol fudhatee, “Yaa Ilma Daawwit, Gooftaa koo! Intalli koo afuura seexanaatiin qabamtee jirtu kana anaaf maari” jettee Yasuusiin kadhate. ²³Yasuus garuu waan tokko iyyuu isheetti hin dubbanne. Barattoonni isaa “Waan Nuti iyyaa jirtuuf, achi ishee gaggeessi” jedhatanii isa kadhatani.²⁴Yasuus garuu, immoo deebisee, “Ani kanan ergame hoolotaa warra mana Israa’el keessaa badaniif malee kan biraaf hin ergamne” jedhee isaaniif deebise. ²⁵Isheen garuu miilla isaa jalatti dhuftee kuftee,, “Gooftaa ko, na gargaari” jetteeni. ²⁶Yasuusis, “Buddeena ijoollotaa fuudhanii ilmaan sarootaaf darbachuun sirrii miti” jedhee isheef deebise.²⁷lsheenis, “Eyyee, dhugaa dhuma, Gooftaa ko. Garuu immoo, ilmaan sarootaas, maaddii gooftota isaanii irraa lafatti gadi harca’u hinuma nyaatu” jette. ²⁸Sana boodas, Yasuus, “Dubartii nana, ati amantiin kee guddaa dha, akkuma ati barbaadde siif haa ta’u” jedhee isheef deebise. Sa’aatii dhuma sanattis intalli ishees ni fayyite.²⁹ Sanaan boodas, Yasuusis bakka sanaatii gara qarqara Galaana Galiilaa deeme. Achiin boodas, tabbatti ol ba’ee achi taa’e. ³⁰Namoonni baay’eenis gara isaa dhufani. Isaanis namoota warra naafaa, warra jaama, warra kottaa’an (meelatan), warra arrabni hidhame (warra hin dubbane) fi warra biroo dhukkubsatan hedduu isaanii gara isaatti fidanii dhufani. Fidaniis miilla Yasuus jala kaa’ani; innis isaan ni fayyise. ³¹Namoonni achitti walitti qabamanii jiranis warri arrabni hidhamee ture yeroo dubbatan, warri kottaa’anii turan yeroo deebi’anii fayyan, warri naafatanii turan, yeroo adeeman, warri jaamanii turan, yeroo argan waan arganiif, ni raajeffatani. Kana irraa kan ka’eenis, Waaqayyoo Israa’eliif galata galchani (ulfina kennani).³²Yasuus barattoota isaa ofitti waamee, “Namoonni asitti walitti qabamanii jiran kuni waan tokko illee otoo hin nyaatiin anaa wajjin erga turani guyyaa sadii ta’ee waan jiruuf, isaaniif gaddeen jira. Beelaan karaa irratti kufuu waan danda’aniif, isaan otoo hin nyaatiin asii isaan gaggeessuu hin barbaadu” jedhee isaanitti hime. ³³Barattoonni sunis, “Bakka lafa onaa kana namoota hedduu kana buddeena quuphsu eessaa arganna ree?” jedhaniin. ³⁴Yasuusis, “Buddeena meeqa of harkaa qabdu?” jedhee isaan gaafate. Isaanis, “Buddeena toorbaa fi qurxummiiwwan muraasa qabna” jedhaniin. ³⁵Achiin boodas, namoonni suni lafuma irra akka tattaa’an isaanitti hime.³⁶Buddeen toorbaa fi qurxummiiwwan sana fuudhee, Waaqayyoof galata erga galchee booda, buddeena sana kukkutee barattootatti kekkenne. Bartoonnis namoota sanaaf kennani. ³⁷Namoonni sun hundumtuu quufanii nyaatani. Sana boodas, isa irraa hafe gundoo gurguddaa toorba kan guute walitti sassaabani. ³⁸Dubartootaa fi ijoollee otoo hin dabalatiin, warri nyaatan namoota kuma afur turani. ³⁹Ergasiin booda, Yasuus namoota sana erga gaggeessee booda, bidiruu yaabbatee gara naannoo Magadaan itti deeme.

¹ Warri Faarisootaa fi warri Saaduqootaa dhufanii, Yasuusiin qoruudhaaf, akka inni waaqa keessatti mallattoo (milikita) isaanitti argisiisu isa gaafatani. ²Yasuus garuu, “Galgala yeroo ta’u, ‘Samiin waan diimatuuf, haalli qilleensaa gaarii dha’ jettu.³Ganama yeroo ta’u immoo, ‘Samiin diimatee duumessaan waan uffifamuuf, haalli qilleensaa gaarii miti’ jettu. Isin bifa samii ilaaluudhaan attamitti akka hiikamu ni beektu, mallattoowwan yeroo kana garuu hiikuu hin dandeessani. ⁴Dhalootni hamaa (cubbamaa) fi sagaagaltootaa mallattoo ni barbaada; garuu mallattoo Yoonaas irraa kan hafe, mallattoon kennamuufi hin jiru” jedhee isaaniif deebise. Sana booddees, Yasuus isaaniin gadi dhiisee achiitii deeme.⁵Barattoonni galaana gamatti yeroo ce’an, buddeena fudhachuu hirraanfatanii ture. ⁶Yasuusis, “Raacitii Faarisootaa fi Saaduqootaa irraa of eeggadhaa!” isaaniin jedhe. ⁷Barattoonnis, waan inni akkas nuun jedheef “Innis waan nutti buddeena tokko illee hin fudhaneef dha” jedhanii walitti dudubbatani. ⁸Yasuusis waan isaan jechaa jiran waan hubateef, “Yaa warra amantii xinnoo, sababni isaa waan nuti buddeena tokko iyyuu fudhanne hin dhufneefidha jettanii maliif walitti dudubbattu?⁹ Isiniif hin galuu? Buddeena shanannamoota kuma shaniif kennamee, kan irraa hafe immoo gundoo meeqa akka walitti qabdan hin yaadattanii? ¹⁰Yookiin immoo, buddeena toorba namoota kuma afuriif kennamee, kan irraa hafe immoo gundoo meeqa akka walitti qabdan hin yaadattanii?¹¹ Ani waa’ee buddeenaa akkan isinitti dubbachaa hin jirre attamitti isiniif hin galu? Ani kanan jechuu barbaade, raacitii Faarisootaa fi Saaduqootaa irraa of eeggadhaa dha” isaaniin jedhe.¹²Achiin boodas, kan inni isaan akeekkachiisaa jiru waa’ee raacitii isa kan buddeenaa otoo hin ta’iin, waa’ee barsiisa Faarisootaa fi Saaduqootaa irraa akka of eeggan akka ta’e isaanii gale.¹³ Yasuus naannoowwan Qiisaariyaa Filiphoos itti dhihoo jiranitti yeroo dhufettis, “Namoonni ilma Namaatiin inni eenyu dha jedhu?" jedhee barattoota isaa gaafate. ¹⁴Isaanis, “Namoonni tokko tokko, Yohaannis isa cuuphaa dha jedhu; namoonni tokko tokko immoo, Eeliyaas dha jedhu; Eermiyaasi dha kan jedhanis jiru; warri inni raajota keessaa isa tokko dha jedhani jiru” jedhani. ¹⁵Yasuusis, “Isin garuu eenyu anaan jettu?” jedhee isaan gaafate. ¹⁶Simi’oon Pheexroos, “Ati Kiristoos, Ilma Waaqayyoo isa jiraataa dha” jedhee deebise.¹⁷ Yasuusis, “Simi’oon, ilma Yoonaas, eebifami! Kana kana sitti mul’ise foon yookiin dhiiga otoo hin ta’iin, Abbaa koo isa Waaqa keessa jiru dha. ¹⁸Anis nan sitti hima; atis Pheexroosi dha [Pheexroos jechuun dhagaa jechuu akka ta’e ibsuuf dha]; anis dhagaa kana irratti waldaa koo nan ijaara. Karri boolla du’aas waldaa kana tasuma hin danda’u (argatu)¹⁹ Anuu bantuu (saaqxuu) balbala mootummaa waaqaa siifan kenna. Waanti kam iyyuu inni ati lafa irratti hiite, waaqa keessattis ni hidhamaa; waanti kam iyyuu inni ati lafa irratti hiiktes, waaqa keessattis ni hiikamaa” isaan jedhe. ²⁰Achiin boodas, Yasuus, akka inni Kiristoos ta’e, nama tokkottuu aka hin himne barattoota isaa akeekkachiise.²¹ Yeroo sana irraa kaasees, Yasuus gara Yeruusaaleem deemuu akka qabu, harka manguddoota, dura bu’oota lubootaa fi barreessitoota seeraatiin akka hedduu dararamu, akka ajjefamuu fi guyyoota sadii boodas du’aa akka ka’u barattoota isaatti himuu jalqabe. ²²Achumaanis, Pheexroos bukkee isaatti isa ofitti qabee, “Gooftaa ko, kana irraa Waaqayyo si haa oolchu! Mee kuni tasuma si irratti hin raawwatiin!” jechaa yaada inni dubbate mufachuutti ka’e. ²³Yasuus garuu gara Pheexroositti garagaluudhaan, “Duuba kootti darbi, Seexana nana! Ati waa’ee waantota namootaa malee, waa’ee waantota Waaqayyoo waan hin yaadneef, gufuu anatti taata” ittiin jedhe.²⁴ Sana boodas, Yasuus barattoota isaatiin akkas jedhe: “Namni tokko ana duukaa bu’uu barbaada yoo ta’e, waa’ee ofii isaa dhiisee, fannoo isaa ol fudhatee, ana duukaa bu’uu qaba. ²⁵Namni kam iyyuu inni jireenya isaa oolfachuu barbaadu, jireenya isaa ni dhaba; namni kam iyyuu inni anaaf jedhee jireenya isaa dhabu immoo, jireenya ni argata.²⁶Namni tokko guutuu biyya lafaa argatee, garuu immoo lubbuu isaa ni dhaba yoo ta’e, inni bu’aan isaa maali dha? Namni lubbuu isaa maaliin jijjiiruu danda’a?²⁷ Ilmi Namaas ulfina Abbaa isaatiin ergamoota isaa wajjin ni dhufa. Yeroo sanattis, inni tokko tokkoo namaaf akkaataa dhuma hojiiwwan isaatti gatii isaa ni kennaafi.²⁸ Ani dhuguman isiniin jedha, namoota as dhaabatanii jirtan keessaa, hanga yeroo Ilmi Namaa mootummaa isaa keessaa dhufu arganitti, namoonni duuni isaan bira hin geenye ni jiru” jedhe.

¹ Guyyoota ja’a booddee, Yasuus Pheexroos, Yaaqoob fi Yohaannis, obboleessa Yaaqoob qophaatti fudhatee gara tulluu dheeraa tokkotti ol isaan fide. ²Innis fuul dura isaaniiti ni jijjiirame. Fuulli isaas akka biiftuu ife; uffanni isaas akka ifaatti addaatee calaqise.³ Kunoo, Muusee fi Eeliyaas isa wajjin dudubbachaa otoo jiranitti isaanitti mul’atani.⁴Pheexroosis, “Gooftaa, asitti argamuun keenya gaarii dha. Ati yoo barbaadde immoo, anuu mana sadii Asia nan ijaara: tokko siif, tokko Muusee dhaaf, tokkoo immoo Eeliyaasiif” jedhee Yasuusitti deebisee dubbate.⁵ Otoodhuma inni dubbachaa jiruu, kunoo, gaaddisni hurri addii dhufee isaan haguuge (uffise); akkasumas, kunoo, sagaleen, “Inni kuni Ilma koo isa jaalatamaa, isa ani itti gammadu dha. Waan inni jedhu dhaggeeffadha” jedhu hurrii sana keessaa dhaga’amaa ture.⁶Barattoonni sunis yeroo sagalee sana dhaga’anis, baay’ee sodaatani; addaanis lafatti gadi gombifamani.⁷Achiin boodas, Yasuusis gara isaanitti dhufee harka isaan qabee, “Ol ka’aa; hin sodaatinaa” isaaniin jedhe. ⁸Isaanis erga ol ka’a boodas, ol ilaalani; Yasuus irraa kan hafe nama biraa garuu hin argine.⁹ Tulluu sana irraa yeroo gadi bu’aa turanittis, Yasuus, “Hanga Ilmi Namaa du’aa ka’utti, mul’ata kana nama tokkotti hin himinaa” jedhee isaan akeekkachiise. ¹⁰Barattoonni isaas, “Ergasii, barreesstittoonni maaliif ‘Eeliyaas dura dhufuu qaba’ jedhu?” jedhanii isa gaafatani.¹¹ Yasuusis, “Dhugumadha Eeliyaas waan hunda iddootti deebisuudhaaf ni dhufa.¹²Ani garuu nan isinitti hima; Eeliyaas duruu dhufee jira; isaan garuu isa hin barre (hubanne). Sana irra garuu, isaan waanta barbaadan hunda isa irratti hojjetaa turani. Haaluma wal fakkaatuun, Ilma Namaas harka isaanitiin baay’ee ni dararama” jedhee isaanii deebise. ¹³Sana boodas, barattoonnis akka inni waa’ee Yohaannis isa Cuuphaa isaanitti dubbachaa jiru hubatani.¹⁴Yeroo isaan gara namoota walitti qabamanii jiranitti dhufaa turanitti, namichi tokko gara isaatti dhufee, jilbeeffachuudhaan akkas jedhe: ¹⁵“Gooftaa ko, ilma koo maraanmartoo (dhukkuba isa nama kuffisu) tiin garmalee rakkachaa waan jiruuf, anaaf fayyisi (maari). Yeroo hedduuf ibidda keessattis, bishaan keessattis ni kufa. ¹⁶Barattoota kee bira fideen ture; isaan garuu isa fayyisuu hin dandeenye”.¹⁷ Yasuusis, “Yaa dhaloota hin amannee fi jallataa nana, hanga yoomiitti isinii wajjin jiraachuun ana irra jira? Hanga yoomiittis isin ba’aa anatti taatu? Gara kootti as fidaa” jedhee deebise. ¹⁸Yasuusis afuura seexanaa ifachuudhaan gurbaa sana keessaa baase; sa’aatii sanaa kaasees gurbichi ni fayye.¹⁹ Ergasii boodas, barattoonni kophaatti gara Yasuusitti dhufuudhaan,, “Nuti maaliif afuuricha sana baasuu hin dandeenye?” jedhanii isa gaafatani. ²⁰Yasuusis, “Sababa amantiin keessan xinnoo ta’eef. Ani dhuguman isiniin jedha, amantii hamma ija sanaaficaa geessu illee otoo qabdu ta’ee, tulluu kanaan, ‘Asiitii gara achiitti siiqi’ jechuu dandeessu; innis ni siiqa; waanti isiniif hin danda’amnes tokko iyyuu hin jiraatu. ²¹[Inni akkasii kunis Kadhannaa fi tsoomiidhaan malee gonkumaa hin baafamu]” isaaniin jedhe. This is missing in the original version.²² Yeroo Galiilaa turanittis Yasuus Barattoota isaatiin, “Ilmi Namaa harka namootaatti dabarfamee ni kennama; ²³Isaanis isa ni ajjeesu; inni garuu guyyaa sadaffaatti du’aa ni kaafama” jedhee isaanitti hime. Barattoonni isaas hedduu gaddani.²⁴ Yeroo isaan gara Qifirnaahomitti dhufani turettis, warri gibira mana qulqullummaa fuudhan Pheexroos bira dhufanii, “Barsiisaan keessan gibira mana qulqullummaa hin kaffaluu?” jedhanii isa gaafatani. ²⁵Pheexroosis, “Eeyyee, ni kaffala” jedhee deebise. Akkuma Pheexroos gara manaatti dhufeenis, Yasuus dura dabarsee, “Maal sitti fakkaata Simi'oon? Mootonni biyya lafaa qaraxa yookiin immoo gibira eenyu irraa fudhatu? Ilmaan isaanii irraati moo warra kaan irraa fudhatu?” jedhee isa gaafate.²⁶ Pheexroosis, “Warra kaan irraatti” jedhee deebise. Yasuusis, “Akkas taanaan egaa ilmaan isaanii gibira irraa bilisa dha. ²⁷Kanaafuu, nuti warra gibira sassaaban dogogorsiisu waan hin qabneef, gara galaana deemiitii, hokkoo ittiin qurxummii qaban erga galaana keessatti darbattee booda, qurxummii isa dura ba’u fuudhiitii ol baasi. Yeroo afaan isaa bantus, birrii tokko ni argatta. Birrii kanas fuudhiitii anaa fi ofii keetiif jedhii warra gibira sassaabanitti kenni” isaatiin jedhe .

¹ Yeroo sanattis Barattoonni Yasuus bira dhufanii, “Mootummaa waaqaa keessatti hundumaa irra kan caalu eenyu dha?” isa gaafatani.²Yasuusis mucaa tokko gara isaatti waamee, isaan gidduu dhaabachiisee,³“Ani dhuguman isinitti hima, isin deebitanii akka mucoolii xixinnoo yoo taatan malee, gonkuma mootummaa waaqaa keessaa hin galtani.⁴ Kanaafuu, namni eenyumtuu inni akka mucaa kanaatti gadi of qabu, inni mootummaa waaqaa keessatti hundumaa irra kan caalu dha. ⁵Eenyumtuu inni maqaa kootiin mucaa akka kanaa ofitti qabee simatu, inni anaan ni argata (fudhata) ⁶Eenyumtuu inni mucoolii xixinnoo warra anatti amanan kana keessaa tokko illee gufachiisuu garuu, dhagaa isa midhaan daakuu guddaa tokko morma isaatti rarraafatee hallayyaa galaanaa keessatti otoo liqimsamee isaaf wayya.⁷ “Wayyoo yaa biyya lafaa, sababa gufannaa keetiif! Gufannaan dhufuun isaa barbaachisaa dha; nama gufannaan karaa isaa dhufu sanaaf garuu, wayyoo! ⁸Kan si gufachiisu harka kee yookiin immoo miilla kee yoo ta’e, isa of irraa kutiitiii achi of irraa darbadhuu gati. Harka lama yookiin immoo miilla lama qabaattee ibidda bara baraatti darbatamuu kee mannaa, harka citaa yookiin immoo milla citaa taatee gara jireenyatti galuuu siif wayya.⁹ Ijji kee si gufachiisa yoo ta'e, of keessaa baasiitii achi of irraa gati. Ija lama qabaattee boolla ibiddaatti gadi darbatamuu kee mannaa, ija tokkoon gara jireenyatti galuu siif wayya.¹⁰ Isaan xixinnoo kana tokkoo isaanii iyyuu akka hin tuffanne of eegadhaa! Ani nan isinitti hima, waaqa keessatti ergamoonni isaanii yeroo hunda fuula Abbaa koo isa waaqa keessa ni ilaalu.¹¹ [Ilmi Namaas kan dhufe isa bade fayyisuudhaafi.]¹² Maal isinitti fakkaata? Namni hoolota dhibba qabu tokko, tokkoo yoo keessaa bade, sagaltamii salgan gaara irratti dhiisee, isa bade sana barbaacha hin deemuu? ¹³Ani dhuguman isinitti hima, isa bade yoo argates, warra sagaltamii salgan hin badne caalaa itti ni gammada. ¹⁴Haaluma wal fakkaatuun, isaan xixinnoo kana keessaa tokko illee baduun fedhii Abbaa keessan isa waaqa keessa miti.¹⁵“Obboleessi kee yoo si yakke, bakka isin lamaan kophaa jirtanitti dhaqiitii, balleessaa isaa itti himi. Innis yoo si dhaga’e, obboleessa kee deebiftee ni argatta. ¹⁶Inni yoo si dhaga’uu dide garuu, afaan nama lamaatiin yookiin sadiitiin dhugaan waan ba’uuf, nama tokko yookiin lama fudhuutii dhaqi.¹⁷ Yoo inni isaaniinis dhaga’uu dide immoo, dhimma isaa waldaatti himi. Yoo inni waldaas dhaga’uu dide immoo, akka nama amantii hin qabnee fi akka nama gibira sassaabuutti isa lakkaa’i (ilaali).¹⁸ Ani dhuguman isiniin jedha, Waantotni isin lafa irratti hiitan hundumtuu, waaqa irrattis ni h ¹⁹Ammas dhuguman isiniin jedha; isin keessaa lamaan keesan waan isaan isin gaafatan irraatti biyya lafaa kana irratti yoo walii galtanii, Abbaa koo isa waaqa keessa jiruutiinis isaaniif ni ta’a.idhamu; waantotni isin lafa irratti hiiktan hundumtuu immoo, waaqa irrattis ni hiikamu. ²⁰Bakka namoonni lama yookiin sadii ta’anii maqaa kootiin walitti qabamani jiranittis, achitti anis isaan gidduutti nan argama” jedhe.²¹Sana boodas, gara Yasuusitti dhufee, “Gooftaa, obboleessi koo yoo na yakke, si’a meeqan Pheexroos isaafii dhiisaa? Hamma si’a toorbaatii?” jedhee isa gaafate. ²²Yasuusis, “Ani hamma si’a torbaatamii toorbaatti malee, hamma si’a toorbaati siin hin jedhu” jedhee isaaf deebise.²³Kanaafuu, mootummaan waaqaa, mootii isa hojjetoota isaa wajjin hisaaba (kaffaltii) wal biraa qaban hedu tokko wajjin wal fakkaata.²⁴Akkuma inni heduu jalqabeenis, nama inni qarshii kuma kudhan irraa qabu tokko itti fidani. ²⁵Namichi waan kaffalu waan dhabeef garuu, gooftaan isaa akka inni, haati manaa isaa, ijoolleen isaa fi waantotni inni qabu hundumtuu gurguramanii idaan suni isaafii kaffalamu ajaje.²⁶ Hojjetaan sunis, miilla gooftaa isaa jalatti kufuudhaan, ‘Maaloo gooftaa ko, xinnuma naaf obsi, anuu waan ana irraa qabdu hunda siifan kaffala’ jedhee kadhate. ²⁷Kana irraa kan ka'eenis, gooftaan isaa hojjetaa sanaaf garaa waan laafeef, gatii isa irraa qabus isaaf dhiisee, isa gadi dhiise.²⁸ "Hojjetaan sunis akkuma gadi ba’een, hojjetaa dhuma akka isaa kan inni qarshii dhibba tokko irraa qabutti arge. Innis, ‘Idaa (Liqii) isa ani si irraa qabu anaaf kenni’ jedhee morma isaa hudhee qabee ²⁹“Hojjetichi akka isaa sunis miilla isaa jalatti kufee, ‘Xinnuma anaaf obsi; liqii kee anuu siifan kaffala’ jedhee kadhate.³⁰ Hojjetaan inni gatii irraa qabu suni garuu ni dide. Sana irra darbees, hamma inni gatii isaa kaffaluufitti, mana hidhaatti isa galchisiise.³¹Hojjetoonni akka isaa warri kaan waan uumamee ture yeroo arganittis, gar malee gaddani. Waanta ta’e hundas gooftaa isaanii bira dhufani iisatti himani.³² “Sana boodas, gooftaan hojjetaa sanaa ofitti isa waamee , ‘Ati yaa hojjetaa gadhee nana! Ani, waan ati ana kadhatteef jedheen, gatii si irra qabu sana hundumaa siif nan dhiise.³³Akkuma ani siif dhiise, atis immoo hojjetaa akka keetiitiif dhiisuun sitti hin jiruu?’ ittiin jedhe.³⁴ Achiin boodas, gooftaan isaa waan aareef,, hamma inni gatii isa irra jiru hundumaa kennuufiitti, namoota warra nama reebaniitti (dararaniitti) dabarsee isa kenne. ³⁵Kanaafuu egaa, isinis obboleessa keessaniif garaa guutuudhaan dhiifama hin gootan yoo ta’e, Abbaan koo inni waaqa keessaas dhiifama isiniif hin godhu” jedhe.

¹ Yasuus erga dubbiiwwan kanneen raawwateen boodas Galiilaadhaa ka’ee gara biyyaa Laga Yordaanos gama jirtutti, naannoo Yihudaa deeme. ²Namoonni hedduunis isa duukaa bu’ani; innis achitti isaan fayyise.³ Warri Faarisootas gara isaa dhufanii isa qoruudhaaf, “Namni tokko sababuma kamiinuu haadha manaa isaa hiikuun seerumadha mitii?” jedhanii isa gaafatani. ⁴Yasuusis, “Inni jalqabuma isaan uume dhiiraa fi dubartii godhee akka uume hin dubbifnee?⁵ Inni isaan uumes, ‘Sababa kanaaf dhiirri abbaa fi haadha isaa dhiisee haadha manaa isaa wajjin jiraata; isaan lachanuus foon tokko ni ta’u’.⁶Kana boodas, isaan lama miti, foon tokko dha malee. Kanaafuu, waanta Waaqayyo walitti fide, eenyumtuu gargar baasuu hin qabu” jedhee iisaaniif deebise.⁷Isaanis , “Yoo akkas ta’e egaa, Muuseen maaliif waraqaa wal hiikumsaa kenniifiitii achi ishee gaggeessi jedhee nu ajajee ture ree?” jedhanii deebisanii isa gaafatani. ⁸Innis deebisee, “Muuseen haadha manaa keessan akka hiiktan kan isiniif eeyyamee ture, sababa garaa jabeenya keessanii irraa kan ka'een malee, jalqabatti akkas hin turre.⁹Ani isinittan hima, sababa sagaagalummaa irraa kan hafe, namni haadha manaa isaa hiikee kan, biraa fuudhu inni kam iyyuu balleessaa ejjummaa (sagaagalummaa) hojjetee jira” isaaniin jedhe.¹⁰Barattoonni isaa immoo, “Dhimmi namni tokko haadha manaa isaa wajjin qabu akkas yoo ta’e, fuudhuun gaarii mitii” ittiin jedhani. ¹¹Yasuus garuu, “Jechaa kana warra isaaniif kenname malee, namni hundumtuu fudhachuu hin danda’u. ¹²Yeroo garaa haadha isaanii keessaa ba’anii jalqabee dhalootumaan warri xu'aashii (kolaasamaa) ta’anii uumaman ni jiru; warri harka namaatiin xu'aashii ta’anis ni jiru; mootummaa waaqaatiif jedhanii warri xu'aashii of godhanis ni jiru. Namni barsiisa kana fudhachuu danda’u, haa fudhatu” isaaniin jedhe.¹³Sana boodas, akka Yasuus harka isaa isaan irra kaa’ee isaaniif kadhatuuf jecha, mucooliin xixinnoon tokko gara isaatti fidamanii ture; barattoonni isaa garuu ifatanii isaan dhoowwani. ¹⁴Yasuus garuu, “Mucoolii xixinnoo sanaaf eeyyamaa; mootummaan waaqaa kan warra akka isaanii kanaa waan ta’eef, akka isaan gara koo dhufan hin dhoowwiinaa” jedhe. ¹⁵Harka isaa isaan irra erga kaa’ee boodas, bakka sana gadi dhiisee deeme.¹⁶ Kunoo, namichi tokko gara Yasuus dhufee, “Barsiisa, jireenya bara baraa argachuuf waantota gaarii attamii hojjechuun natti jiraa? jedhee isa gaafate. ¹⁷Yasuusis, “Isa kamtu gaarii dha jettee maaliif ana gaafatta? Gaariin tokko qofaa dha; jireenyatti seenuu yoo barbaadde garuu, abboommiiwwan sana eegi” jedhee itti hime.¹⁸ Namichis, “Abboommiiwwan isaan kam?” jedhee isa gaafate. Yasuusis, “Hin ajjeesin; hin ejjiin; hin hatiin; sobaan nama irratti dhugaa hin ba’iin; ¹⁹Abbaa kee fi haadha keef ulfina kenni; ollaa kees akkuma mataa ofii keetiitti jaaladhu” jedhe.²⁰ Namichi dargaggeessi sunis, “Isaan kana hundumaaf abboomameen jira. Kan na hafe (barbaachisu) kan biraa jiraa?” ittiin jedhe. ²¹Yasuusis, “Waan hundumaan guutuu ta’uu barbaada yoo ta’e immoo, deemiitii qabeenya kee gurguriitii hiyyeessotaaf kenni; waaqa irrattis qabeenya ni argatta. Achiin boodas, koottuutii ana duukaa bu’i!” isaan jedhe. ²²Dargaggeessichi garuu qabeenya guddaa waan qabuuf, dubbii isa Yasuus jedhee erga dhaga’ee booda, gadda guutuudhaan achii deeme.²³ Yasuusis barattoota isaatiin, “Ani dhuguman isinitti hima, mootummaa waaqaa keessa lixuun nama sooressa ta’e tokkoof rakkisaa (cimaa) dha. ²⁴Ammas nan isinitti hima, sooressi tokko mootummaa Waaqayyoo keessa seenuu irra, yoo gaalli qaawwa lilmoo keessa baatetu irra salphata” jedhe.²⁵Barattoonni isaas kana yeroo dhaga’ani, hedduu ajaa’ibamanii, “Egaa eenyutu fayyisamuu danda’a ree?” jedhanii isa gaafatani. ²⁶Yasuusis isaaniin ilaalee, “Kuni namootaaf hin danda’amu; Waaqayyoof garuu waantotni hundumtuu ni danda’amu” isaaniin jedhe. ²⁷Sana boodas, Pheexroos, “Akkuma argitu, nuti waanta hundumaa dhiifnee, si duukaa buunee jirra. Egaa nuti maal arganna laata ree?” jedhee isa gaafate.²⁸ Yasuusis, “Ani dhuguman isinitti hima, bara haaraa sanatti, yeroo Ilmi Namaa ulfina isaatiin barcuma (teessoo) isaa irra taa’u, isin warri ana duukaa buutanis, barcumoota kudha lamaan irra teessanii, gosoota Israa’el kudha lamaan sanaaf firdii ni kennitu.²⁹ Tokko tokkoon namaa inni maqaa kootiif jedhee mana, obboloota, obboleettota, abbaa, haadha, ijoollee, yookiin immoo lafa isaa dhiisee ana duukaa bu’e, dachaa dhibbaan ni fudhata; jireenya bara baraas ni dhaala. ³⁰Warra dura jiran keessaa baayy’een isaanii boodatti ni hafu; warra booda irraa jiran keessaa garuu baayy’een isaanii dura ni ta’u” isaaniin jedhe.

¹ Yasuus itti fufuudhaan, “Mootummaan waaqaa akka abbaa lafaa isa maasii wayinii isaatiif hojjettoota qacaruudhaaf jedhee bariidhaan ba’ee deemee tokkoo ti.²Innis guyyaatti nama tokkoof miindaa qarshii tokko kaffaluuf hojjetoota sanaa wajjin erga walii galee booda, gara maasii waynii isaatti isaan erge.³Gara sa'aatii sadii boodas, abbaan lafaa suni gadi ba’ee hojjettoota hojii malee lafa gabaa keessa dhaabatanii jiran arge.⁴Isaaniinis, ‘Isinis gara maasii waynichaa dhaqaa; waan isiniif malu immoo anu nan isiniif kenna’ isaaniin jedhe. Isaanis gara hojiitti deemani.⁵Ammas gara saa’atii ja’aatti, gara sa'aatii sagaliittis gadi ba’ee akkasuma godhe. ⁶Si’a tokkos dabaluudhaan, gara sa'aatii kudha tokkootti gadi ba’ee namoota biraa hojii malee dhaabbachaa jiran arge. Isaaniinis, ‘Maaliif guyyaa guutuu hojii malee addana dhaabattu?’ jedhee isaan gaafate. ⁷lsaanis, ‘Sababa namni tokko iyyuu nu hin qacarreefi’ jedhaniini. Innis, ‘Isinis gara maasii waynichaa dhaqaa’ isaaniin jedhe.⁸Galgalli yeroo ga’us, abbaan lafaa suni hojii gaggeessaa isaatiin, ‘Hojjettoota sana waamiitii, warra booda dhufan irraa jalqabiitii, dhuma irratti immoo warra dhufaniif, mindaa isaanii kaffaliif’ jedhee itti hime. ⁹Warri gara sa'aatii kudha tokkootti qacaraman dhufanii, miindaa guyyaa tokkoo qarshii tokko tokkoo fudhatani. ¹⁰Warri duraa dhufan yeroo fudhachuu dhufan kan caalu akka fudhatan yaadanii yoo ture iyyuu, isaanis tokko tokkoo isaaniif qarshii dhuma tokkotu kenname.¹¹Mindaa isaanii erga fudhatanii boodas, simootaa isaanii abbaa lafaa sana irratti dhiyeessani.¹²Isaanis, ‘Hojjettoonni warri booddee kuni sa'aatii tokko duwwaa hojjetani; ati garuu unu warra guyyaa guutuu aduu nama gubu keessa dhaabbannee hojjechaa oolle wajjin wal qixxee dhuma nuu kaffalte’ ittiin jedhani.¹³Namichi garuu isaan keessaa isa tokkoon, 'Yaa namicho! Ani waan tokko illee sitti hin balleessine; ati miindaa guyyaa tokkootti anaa wajjin walii hin gallee ree? ¹⁴Amma kan kee fudhadhuu dhaqi! Ani namicha isa booddee kanaafis hammuma kan keetii kennuufii nan fedha.¹⁵Ani immoo horii ofii kootiitiin waanan fedhe gochuun anaaf hin ta'uu ree? Yookiis arjummaa koo weennaattaa?' jedheen. ¹⁶Akkasuma warri booddee warra duraa, warri duraas warra booddee in ta'u" jedhe.¹⁷Yasuus gara Yerusaalemitti ol ba’aa yeroo turettis, karaa irraati barattoota isaa kudha lamaan kophaatti fudhatee, ¹⁸“Kunoo, nuti gara Yerusaalemitti ol ba’aa jirra; Ilmi Namaas dura buutota luboota fi barreessitoota seeraatiin dabarfamee ni kennama. Isaanis yakka du'aa itti ni murteessu; ¹⁹Warra hin ammannettis, akka isaan itti dhaadatanii, isaas reebanii fi dhuma irrattis isa fannisaniif dabarsanii isa ni kennu. Gaafa guyyaa sadaffaa garuu inni du’aa ni kaafama” jedhee isaanitti hime.²⁰Sana boodas, haati ilmaan Zabdiwoos, ilmaan ishee wajjin, gara Yasuusitti dhuftee. Waan tokko isa kadhachuudhaafis, miilla isaatti kufte. ²¹Yasuusis, “Maal akkan siif godhu barbaadda?" jedhee ishee gaafate. Isheenis, “Ilmaan koo lamaan kuni mootummaa kee keessatti, inni tokko gara mirga kee, inni tokko immoo gara bitaa kee, akka taa’an itti naaf himi (naaf abboomi)” isaan jette.²²Yasuus garuu, “Waan gaafachaa jirtan kana hin beektani. Isa ani waancaa keessaa dhuguuf jiru kana isinis dhuguu ni dandeessuu?” jedhee deebise isaan gaafate. Isaanis, “Ni dandeenya” jedhaniin. ²³Innis, “Isa waancaa koo keessaa illee dhuguma ni dhugdu. Karaa mirga koo fi karaa bitaa koo taa’uuf garuu, kennuun kan koo miti; taa’umsi suni garuu kan warra Abbaan koo kanaan dura isaaniif qopheessee ture dha” isaaniin jedhe. ²⁴Barattoonni warri kaan kurnan yeroo kana dhaga’anis, obbolaa lamaan sanatti ni aarani.²⁵Yasuus garuu ofitti isaan waamee, “Bulchitoonni warra Waaqayyoon hin amanne isaaniin akka hacuucanii fi namoonni isaanii warri gurguddon humnaan akka isaan bitan, isinuu ni beektu.²⁶Isin gidduutti garuu akkas ta’uu hin qabu. Kana irraa garuu; isin keessaa eenyumtuu inni guddaa ta’uu barbaadu, hojjetaa keessan ta’uu qaba. ²⁷Isin keessaa eenyumtuu inni tokkoffaa ta’uu barbaadu, hojjetaa keessan ta’uu qaba. ²⁸Akkasuma, Ilmi Namaas kan dhufe ergachuuf otoo hin ta'iin ergamuudhaafi bakka namoota hedduus bu’ee lubbuu isaa kennuudhaafi dha” jedhe.²⁹Yeroo isaan Iyyaarikoo keessaa ba’anii deemanis, namoonni hedduun isaan duukaa bu’ani.³⁰Namoonni jaamaa ta’an lama daandii bukkee taa’anii ture. Isaanis Yasuus achiin darbaa akka jiru yeroo dhaga’anii, “Gooftaa, yaa Ilma Daawwiit, nu maari (fayyisi)” jedhanii iyyani. ³¹Namoonni achitti walitti qabamanii jiran suni garuu akka isaan callisaniif isaanitti orihani. Isaan garuu isa duraa caalaa iyyaa, “Gooftaa, yaa Ilma Daawwiit, nu maari (fayyisi)” jedhani,³²Sana boodas, Yasuus dhaabatee isaan waamuudhaan, “Maal akkan isiniif godhu barbaaddu?” jedhee isaan gaafate. ³³Isaanis, “Gooftaa, ija keenya akka unuuf bantuufi dha” jedhanii deebisani. ³⁴Yasuusis hedduu waan isaaniif gaddeef, ija isaanii qaqabe. Battaluma sanattis ijji isaanii ni arge; isaanis isa duukaa bu'ani.

¹Yasuusii fi barattoonni isa Yerusaalemitti dhiyaataniin, Tulluu Ejersaa bira Beetefaagee akkuma ga’aniin, Yasuus barattoota lama ergee, ²Innis “Gara ganda asitti aanee jiru sana dhaqaa; akkuma achi geessaniinis harree achitti hidhamtee dhaabbattuu fi ilmoo ishee ni argattu. Hiikaatii as naa fidaa. ³Eenyumtuu waa’ee isaa yoo isin gaafate immoo, ‘Gooftichatu isaan barbaade’ jedhaatii itti himaa; namtichis battalumatti harroota sana isin duukaa ni erga” jedhee isaan erge.⁴Kuni hunduu amma kan raawwate, inni karaa raajichaatiin dubbatamee ture akka guutuufi dha; innis: ⁵“Intala Tsiyoonitti himaa; ‘Mootiin keessan kunoo gara keessan dhufaa jira; Gadis of qabee harree fi ilmoo ishee yaabbatee dhufaa jira’” kan jedhu dha ture⁶Achiin boodas, barattoonni sunis deemanii akkuma Yasuus isaan ajajetti raawwatani.⁷Isaanis harree sanaa fi ilmoo ishee fidanii gilaasa (uffata) isaanii irra buusani; Yasuusis gilaasa sana irra taa’e. ⁸Namoonni achitti walitti qabamanii jiran keessaa harki caalaan isaaniis uffata isaanii karaa inni deemu irra afani; warri kaan immoo dameewwan mukaa ciruudhaan karaa irra firfirsani.⁹Achiin boodas, namoonni hedduun warri dura fi booda Yasuus deemaa jirani sagalee isaanii ol fudhatanii, “Hosaa’inaa, Ilma Daawwiitiif! Inni maqaa Gooftaatiin dhufu eebbifamaa dha! Hosaa’inaa gara ol gubbaatti!” jedhani.¹⁰Yasuus Yerusaalem keessa yeroo lixee turettis, guutuun magaalittii ni raafame; “Inni kuni eenyu dha?” jedhaniis gaafatani.¹¹Namoonni isaa wajjin achi turanis, “Inni kuni Yasuus isa raajicha isa Naazireet biyya Galiiiaa irraa dhufe dha” jedhanii isaaniif deebisani.¹²Sanaan boodas, Yasuus mana sagadaa keessa seene. Innis namoota warra mana sagadaa keessatti bitanii fi gurgurani hundumaa isaanii gadi baase; gabatoota (xarapheezota) warra horii callaa gegeddaranii fi taa'umsa warra gugee gurguraniis gadi gagaragalche. ¹³Innis, “‘Manni koo mana kadhannaa jedhamee waamama’ jedhamee barreessameera; isin garuu gola saamtotaa isa godhattani” isaaniin jedhe.¹⁴Sana boodas, warri jaama fi warri naafni mana sagadaa keessatti isa bira dhufani; innis isaan fayyise.¹⁵Dura buutonni lubootaa fi barreesitoonni seeraa waanta raajii inni gochaa turee yeroo arganii fi ijoolleen mana sagadaa keessatti sagalee isaanii ol fudhatanii, “Hosaa’inaa, Ilma Daawwiitiif!” yeroo jedhan dhaga’anii, isaan baayy’ee ni aarani.¹⁶Isaanis, “Waan isaan jechaa jiran ni dhageessaa?” jedhanii isa gaafatani. Yasuusis, “Eyyee! Isin garuu, ‘Afaan ijoollee xixinnoo fi daa’imman keessaa, ati galateeffannaa ni qopheesita’ isa jedhu tasuma hin dubbifnee?” jedhee isaaniif deebise. ¹⁷Sanaan booddees, Yasuus isaaniin dhiisee magaalittii keessaa ba’ee Bitaaniyaa dhaqee achi bule.¹⁸Ganamas yeroo magaalittiitti deebi’aa turettis, Yasuus ni beela’e. ¹⁹Muka harbuu tokkos karaa bukkeetti waan argeef, gara mukichaatti goree yeroo ilaalu baala malee homaa irraa hin arganne. Innis mukchaatiin, “Bara baraan iji midhaanii sirratti hin margiin” jedhe; muktii harbuu sunis battalumatti ni goge.²⁰Barattoonni isaas mukichi gogu isaa yeroo arganitti, ni raajeffatani; achumaanis, “Attamitti mukti harbuu kun battalumatti gogee?” jedhani. ²¹Yasuusis, “Ani dhuguman isiniin jedha, amantii qabdu yoo ta’ee fi hin shakkitan (mamatan) yoo ta’e, isin kan gochuu dandeessani waanta mukicha irratti ta’e duwwaa otoo hin ta’iin, tulluu kanaan iyyuu, ‘Ol ka’iitii galaana keessatti gadi darbatami’ jechuu ni dandeessu; inni jettanis ni raawwatama. ²²Amantaniidhaan kadhattanii waanta gaafaffan hundumaa ni argattu” jedhee isaaniif deebise.²³Yasuus mana sagadaatti ol deebi’ee barsiisaa yeroo inni turettis, dura buutonni lubootaa fi manguddoonni uummataa gara isaa dhufanii, “Humna (Aangoo) maaliitiin kana hundumaa goota; humna (aangoo) kanas eenyutu siif kenne?” jedhanii isa gaafatani. ²⁴Yasuusis, “Anis gaaffii tokkon isin gaafadha. Yoo isin anatti himtan, anis humna maaliitiin waantota kana akkan godhu isinitti nan hima.²⁵Cuuphaan Yohaannis eessaa dhufee? Waaqa biraa moo, namoota biraatii?” jedhee deebisee isaan gaafate. Isaanis akkas jedhanii wal mari’atani: “Yoo nuti ‘Waaqa biraati’ jenne, inni immoo, ‘Erga akkas ta’ee, isin maaliif hin amantani ree?’ nuun jedha.²⁶Yoo nuti ‘Namoota biraati’ jenne garuu, namoonni Yohaannisiin akka raajiitti waan fudhataniif, isaaniitiin ni sodaanna”. ²⁷Sanaan boodas, “Nuti hin beeknu” jedhanii Yasuusiif deebisani. Innis, “Anis humna maaliin waantota kana akkan godhu isinitti hin himu.²⁸Isin garuu maal isinitti fakkaata? Namichi tokko ilmaan lama qaba ture. Innis ilma isaa isa tokko bira deemee, ‘Ilma ko, har’a deemiitii maasii waynii keessa hojjedhu’ ittiin jedhe. ²⁹“Ilmi isaa sunis, ‘Hin dhaqu’ jedhee erga deebiseefii booda garuu, yaada isaa jijjiiree, ni dhaqe. ³⁰“Achiin boodas, namnichi ilma isaa isa lammaffaa bira dhaqee, isuma ilma isaa isa duraatiin jedhee ture, isa kanattis hime. Innis, ‘Tole nan dhaqa, yaa abbaa ko’ jedhee abbaa isaaf deebise; garuu immoo hin deemne.³¹Ilmaan isaa lamaan kana keessaa, isa kami dha inni fedhii abbaa isaa guute?” jedhee isaan gaafate. Isaanis, “Isa duraa ti” jedhanii deebisani. Yasuusis, “Ani dhuguman isiniin jedha; warri qaraxa sassaabanii fi warri sagaagalani iyyuu dura keessan mootummaa Waaqayyoo keessa ni seenu. ³²Yohaannis gara keessan kan dhufee ture qajelummaa keessaniif ture; isin garuu isa hin amanne. Warri qaraxa sassaabanii fi warri sagaagalani garuu isa ni amanani. Isin garuu, erguma kana argitanii booda illee, gaabbitanii isa hin amanne.³³“Fakkeenya biraa tokko mee dhaggeeffadhaa. Namni abbaa lafaa ta’e tokko ture Innis lafa isaa irratti wayinii dhaabe; dallaas itti naannessee ijaare; boolla waynii keessatti cuunfanis ni qote; gamoo irra taa’anii maasicha eeganis ni ijaare; sanaan boodas, namoota warra wayinii hoomishanitti kireesse. Innis achiin booda gara biyya biraa deeme. ³⁴Yeroon midhaan wayinii itti sassaaban akkuma dhiyaatettis, midhaan waynichaa akka isaaf sassaabaniif jedhee hojjetoota muraasa gara warra wayinii hoomishan sanaatti erge.³⁵Warri wayinii hoomishan suni garuu hojjetoota sana qabanii, isa tokko ni reebani; isa biraa ni ajjeesani; isa hafe immoo dhagaadhaan rukutani. ³⁶Abbaan lafaa sunis ammas hojjetoota biraa, warra duraa irra kan baay’atan, isaanitti erge; warri wayinii hoomishan suni garuu akkuma warra duraa isaan godhani. ³⁷Sanaan booddees, abbaan lafaa suni, ‘Ilma koo illee ni kabaju’ jedhee, ilma isaa gara isaaniitti erge.³⁸“Warri wayinii hoomishan sunis ilmicha isaa yeroo argan, ‘Kuni isa dhaalu dha. Koottaa, isa ajjeesnee dhaala isaas haa fudhannu’ waliin jedhani. ³⁹Akkuma jedhanis, isa qabanii, maasii waynichaa keessaa gadi isa baasanii, isa ajjeesani.⁴⁰Amma egaa abbaan waynichaa yeroo dhufu, warra wayinii hoomishan sana maal isaan godha laata?” isaaniin jedhe. ⁴¹Isaanis, “Inni immaa warra abaaramtoota (gadhoota) sana dimshaashumaan erga isaan balleessee booda, maasii waynii isaa sanas namoota biraa, warra yeroo wayinichi ga’ee funaanamu ga’ee isaa isaaf kennaniif, ni kireesa” jedhanii isaaf deebisani.⁴²Yasuusis, “Isin Kitaaba Qulqulluu keessatti isa, ‘Dhagichi inni mana ijaarttonni gadi gatani, Dhagaa bu’uuraa godhame. Kunis gocha Gooftaa ti; Ijji keenyas dinqii kana ni arge’ jedhu gonkuma hin dubbifnee?⁴³Kanaafuu, mootummaan Waaqayyoo isin irraa fudhatamee, biyya isa midhaan kan isaa hoomoshu (horu) sanaaf akka kennamu isinittan hima. ⁴⁴Eenyumtuuu inni dhagaa kana irratti kufu, ni caccaba. Eenyumtuu inni dhagaan kuni irratti kufu garuu, ni daakama” isaaniin jedhe.⁴⁵Warri dura buutota lubootaa fi warri Faarisootaa fakkeenyota isaa yeroo dhaga’anis, akka inni waa’ee isaanii dubbaachaa jiru, beekanii ture.⁴⁶Isa hidhuus barbaadanii ture, garuu namoonni achitti walitti qabamanii jiran Yasuusiin akka raajiitti waan ilaalaniif, ni sodaatani.

¹Yasuus ammas fakkeenyaan isaanitti dubbate; ²“Mootummaan waaqaa akk mootii isa diggisii cidha ilma isaa qopheesse tokkooti.³Mootichi warra cidhicha irratti hirmaatan hojjettoota isaa ergee waamsisee ture; warri affeeramani garuu hin dhufne.⁴Mootichi ammas, ‘Warra affeeramaniitiin, “Kunoo, affeerraa hirbaataa qopheesseen jira. Sangoonni koo fi horiin furdisaman qalamanii, waanti hundumtuu qophaa’ee jira. Diggisii cidhaatti kootta’” jedhaatii waamaa jedhee hojjettoota isaa kan biraa isaanitti ergee.⁵Warri waamaman garuu affeerraa isaaf gurra dhoowwatanii, gar tokko gara qotiisa isaanii, gar tokko immoo gara daldala isaanii deemani.⁶Warri kaan immoo hojjetoota mootichaa qabanii, salphisanii, dhuma irrattis ajjeesani. ⁷Mootichis waan aareef, loltoota isaa isaanitti erge; isaanis warra hojjetaa isaa ajjeesan sana ni balleessani; magaala isaaniis ni gubani.⁸Sana boodas, mootichi hojjetoota isaatiin, ‘Cidhichi qophaa’eera; warri waamamanii turan garuu warra gatii hin qabne dha.⁹Kanaafuu, gara daandii guddaa wal qaxxaamuru sana dhaqaatii, namoota argachuu dandeessan hunda gara diggisii cidhichaatti affeerraa’ jedhe. ¹⁰Hojjettoonni sunis gara daandii guddaa wal qaxxaamuru sana deemanii, namoota argatan hundumaa, warra hamaas warra gaariis, walitti qabanii fidani. Manni cidhichaas keessumootaatiin guutame.¹¹Mootichis keessummoota achitti argaman ilaaluuf yeroo ol lixettis, nama uffata cidhaa hin uffatne tokko arge. ¹²Mootichis namichaatiin, ‘Firana, uffata cidhaa malee attamitti as dhufte?’ jedhe. Namichis waan dubbatu dhabe.¹³Achiin boodas, mootichi hojjettoota isaatiin, ‘Namicha kana harka fi miilla isaa hidhaatii, iddoo boo’ichii fi ilkaan walitti qaruun jiru dukkana alaa keessatti gadi darbadhaa’ jedhe. ¹⁴Namoonni waamaman baay’ee dha; warri filataman garuu muraasa dha” jedhee fakkeenya isaa isaanitti hime.¹⁵Sanaan boodas, warri Faarisootaa isuma inni dubbateen attamitti Yasuusiin kiyyoo keessa isa gashuu akka danda’an irratti deemanii mari’atani. ¹⁶Achiin boodas, hordoftoota isaanii, warra garee Herood wajjin, gara Yasuusitti ergani. Warri ergamanis Yasuusiin, “Barsiisa, nuti akka ati nama dhugaa taatee fi daandii Waaqayyoos dhugaadhaan akka ati barsiiftu ni beekna. Ati yaada namootaaf iddoo hin laattu; namas wal hin caalsitu. ¹⁷Kanaafuu, maal akka sitti fakkaatu mee nutti himi? Qeesaarii gibira kaffaluun sirrii dha immoo seeran ala dha?” jedhaniini.¹⁸Yasuus garuu sharrii isaanii waan bareef, “Warra ofittoo nana, ammaa maaliif ana qortu? ¹⁹Maallaqa gibira sanaa mee anatti argisiisaa” jedhe. Isaanis qarshii tokko isatti fidani.²⁰Yasuusis; “Kunneen bifa eenyuu fi maqaa eenyuu ti?” isaaniin jedhe. ²¹Isaanis, “Kan Qeesaari dha” jedhaniini. Sana booddees, Yasuusis,, “Waantota Qeesaar kan ta’an, Qeesaariif, waantota Waaqayyoo kan ta’an immoo, Waaqayyoof kennaa” isaaniin jedhe.²²Yeroo kana dhagaa’anittis, ni dinqisiifatani. Achumatti isa dhiisaniis, achiitii deemani.²³Guyyaa dhuma sanas, Saaduqoonni, warri du’aa ka’uun hin jiru jedhan tokko, gara Yasuus dhufani. ²⁴Isaanis, “Yaa barsiisa, Muuseen ‘Namni tokko dhala otoo hin godhatin yoo du’e, obboleessi isaa haadha manaa isaa fuudhee obboleessa isaatiif ijoollee ni guddisa’ jedhee ture.²⁵Obbolaawwan toorba turani. Inni angafni niitii erga fuudhee booda ni du’e. Ijoollee otoo hin godhatiin, niitii isaa obboleessa isaatti dhiisee du’e. ²⁶Achiin boodas, inni lammaffaanis, inni sadaffaanis, hamma isa toorbaffaattis ishee fuudhanii, dhala otoo hin godhatiin hundumtuu irraa du’ani. ²⁷Hundumti isaanii erga du’anii boodas, dubartittiinis ni duute. ²⁸Toorban isaanii iyyuu ishee fuudhanii waan tureef, amma yoo du’aa ka’ani, isheen niitii isa kamii taati egaa?” jedhanii isa gaafatani.²⁹Yasuusis, “Isin waan Kitaabni Qulqulluu jedhu, yookiin immoo, humna Waaqayyoo waan hin beekneef, dogogortanii jirtu. ³⁰Du’aa ka’ina booda, isaan hin fuudhani, hin heerumanis. Bakka kanaa garuu, isaan waaqa keessatti akka ergamoota ti.³¹Waa’ee du’aa ka’uu warra du’anii ilaalchisee garuu, isin isa Waaqayyo isinitti dubbatee ture hin dubbifnee? Innis, ³²‘Ani Waaqayyoo isa kan Abrahaam, Waaqayyoo isa kan Yisihaaq, Waaqayyoo isa kan Yaaqoobi dha’ kan jedhu ture. Inni Waaqayyoo warra jiraataniiti malee, Waaqayyoo warra du’anii miti” jedhee isaaniif deebise. ³³Namoonni achitti walitti qabamanii jiranis yeroo kana dhaga’ani, barsiisa isaatti ni ajaa’ibamani.³⁴Yasuus warra Saaduqootaa akka afaan isaanii isaan qabaxhiise erga dhaga’anii booda, warri Faarisootaa walitti qabamani. ³⁵Isaan keessaas, namichi inni ogeessa seeraa tokko Yasuusiin qoruudhaaf gaaffii isa gaafatee, ³⁶“Barsiisa, seera keessaa abboommiin inni warra hundumaa irra cimaan isa kami dha?” jedhee gaafate³⁷Yasuusis, “‘Gooftaa kee Waaqayyootiin garaa kee guutuudhaan, lubbuu kee guutuudhaan, yaada kee guutuudhaan jaaladhu’. ³⁸Inni kuni abboommii isa cimaa fi isa duraa ti.³⁹Abboommiin inni lammaffaas akkuma isa duraa ti – ‘Ollaa kee akka mataa keetiitti jaaladhu’. ⁴⁰Seerichii fi barsiisni raajotaa hundumtuu abboommiiwwan lamaan kana irratti hundaa’u” jedhee isaaniif deebise⁴¹Warri Faarisootaa akkuma walitti qabamanii jiranitti, Yasuus gaaffii tokko isaan gaafate. ⁴²Innis, “Waa’ee Kiristoos maal yaaddu? Inni ilma eenyuu ti” kan jedhu ture. Isaanis, “Ilma Daawwiit dha” jedhani.⁴³Yasuusis, “Erga akkas ta’ee, attamitti Daawwiit Afuuraatiin Gooftaatiin akkas jedhe ree?:⁴⁴‘Gooftichi Gooftaa kootiin, Karaa harka mirgaa koo taa’i, Hanga ani diinota kee barcuma miilla kee irra kaawwattu godhutti’ jedhee dubbateera.⁴⁵Egaa Daawwiit Kiristoosiin ‘Gooftaa’ jedhee waama yoo ta’e, attamitti ilma Daawwiit ta’a” jedhe.⁴⁶Namni tokko illee deebi’ii isaaf kennuu hin dandeenye; guyyaa sana irraa kaasees, namni garaa jabaatee gaaffii biraa tokko illee isa gaafachuudhaaf yaale hin turre.

¹Sanaan boodas, Yasuus namoota achitti walitti qabamanii jiran fi barattoota isaatti dubbate, ²Innis, “Barreessitootni seeraa fi warri Faarisootaa iddoo taa’umsa (teessoo) Muusee taa’anii jiru.³Kanaafuu, waantota isaan godhaa jedhanii isin ajajan godhaa; eegaas. Isaan ni jedhu male, waantota jedhan garuu waan hin gooneef, hojiiwwan isaanii duukaa hin bu’iinaa.⁴Eeyyee, isaan ba’aa ulfaataa namni baachuu hin dandeenye hidhanii gatiittii namootaa irra ni kaa’u. Isaan, ofii isaanii baachuuf garuu, quba isaanii illee itti hin butani. ⁵Isaan, hojiiwwan isaanii hundumaa kan hojjetaan, akka namoonni isaan arganiif dha. Isaan rarraatoowwan (phylacteries) ni bal’isu; fiixee uffata isaaniis dheerassanii ni hoddu.⁶Isaan, bakka diggisiiwwaniitti, iddoo ulfinaa; manneen sagadaa keessattis, teessoowwan warra angafaa, taa’uu jaalatuu. ⁷Lafa gabaa keessattis, namoonni haala adda ta’een nagaa akka isaan gaafatanii fi namoonni ‘Barsiisa’ jedhanii akka isaan waaman ni jaalatu.⁸Isin garuu barsiisa tokko qofaa waan qabdaniif, hundumti keessan iyyuu obboloota dha malee, ‘Barsiisa’ jedhamtanii waamamuun isinitti hin jiru. ⁹Lafa irratti nama tokkoon iyyuu abbaa koo jettanii hin waamiinaa; Abbaan keessan inni tokkichi isa waaqa keessa jiru dha. ¹⁰‘Barsiisa’ jedhamtaniis waamamu hin qabdani; barsiisaan keessan inni tokkichi Kiristoosi dha.¹¹Isin gidduudhaa inni caalaatti cimaa ta’ee garuu, inni hojjetaa keessani dha.¹²Nammi eenyumtuu inni ol of qabu, gadi ni qabama; inni gadi of qabu immoo, ol ni qabama.¹³Wayyoo garuu warra of jajjoota nanaa – yaa warra barreessitoota seeraa fi yaa warra Faarisootaa! Isin mootummaa waaqaa namoota duraa cuftaniittu. Ofii keessanii itti hin galtan; warra itti galuu barbaadan immoo akka isaan itti hin galle ni hoowwitu.¹⁴ Wayyoo garuu warra of jajjoota nanaa – yaa warra barreessitoota seeraa fi yaa warra Faarisootaa! Isin warri dubartii ishee gaalamoota sana jalaa waan isheen qabdu nyaattanii fixxan, fakkeessuudhaaf jettanii immoo kadhannaa keessan dheeresitan, yakki caalaan isin irratti ni murama. ¹⁵Wayyoo warra of jajjoota nanaa – yaa warra barreessitoota seeraa fi yaa warra Faarisootaa! Isin galaana fi lafa irraa asiif achi deemtanii amantii namaa jijjiirtu; erga inni amanticha fudhatee boodas, hamminni isaa harka lamaan kan caalu ilma du’a bara baraa isa gootu.¹⁶“Wayyoo yaa jaamtota warra jaamtota akka keessanii harkiftan nanaa; isin warri ‘Namni eenyumtuu inni maqaa mana sagadaatiin kakatu, kakaan isa homaa miti. Namni eenyumtuu inni maqaa warqee mana sagadaatiin kakatu garuu, inni kakaan isaa amanamaa dha’ jettani. ¹⁷Isin jaamtota gowwoota nana! Isa kamtu caala, warqee moo, mana sagadichaa isa warqee sana iyyuu qulqulluu godhutu, caala?¹⁸Isinis warri ‘Namni eenyumtuu inni maqaa iddoo aarsaa itti kennaniin kakatu, kakaan isa gatii hin qabu. Namni eenyumtuu inni maqaa aarsaa achi irraa kaa’ameen kakatu garuu, kakaan isa guutuu dha’ jettani,¹⁹Isin yaa namoota jaamtota nanaa! Isa kamtu caala, kennaa sana moo, iddoo aarsaa sana, isa kennaa sana iyyuu qulqulluu godhutu, caala?²⁰Kanaafuu, namni inni iddoo aarsaa sanaatiin kakatu, inni kan kakatu iddoo aarsaa sanaatiin, akkasumas kennaa isa iddoo aarsaa sana irra kaa’ameetiinis dha. ²¹Namni inni maqaa mana sagadaatiin kakatus kan kakatu maqaa mana sagadaa sanaa fi maqaa isa achi keessa jiraatuunis dha. ²²Namni inni maqaa waaqaatiin kakatu sunis kan kakatu maqaa barcuma (teessoo) Waaqayyootiinii fi maqaa isa barcumicha irra taa’uutiinis dha.²³“Wayyoo warra of jajjoota nanaa – yaa warra barreessitoota seeraa fi yaa warra Faarisootaa! Baala kefoo, inchilaala fi ija dimbilaalaa illee harka kudhan keessaa harka tokko Waaqayyoof ni kennitu; seera Waaqayyoo keessaa warra caalaatti barbaachisaa ta’an –firdii qajeelaa, gara laafinaa fi amanamummaa – garuu otoo hin godhiin ni dhiiftu. Garuu immoo, warra sanas gochuu otoo hin dhiisiin, isaan kanas gochuun isinitti jira ture. ²⁴Isin yaa jaamtota warra jaamtota harkiftan nanaa! Isin warra bookee liqimsuun isinitti cimee, gaala garuu liqimsitani dha!²⁵“Wayyoo warra of jajjoota nanaa – yaa warra barreessitoota seeraa fi yaa warra Faarisootaa! Keessi kubbayyaa fi gabatee saammii fi gabgaabbumaadhaan guutamee otoo jiru, isin garuu duuba duuba isaanii qulqulleessitu. ²⁶Faarisootaa warra jaamtota nana! Duubni isaaniis akka qulqullaa’uuf, dura dabarsaatii keessa kubbayyaa fi gabatee sanaa qulqulleessaa!²⁷“Wayyoo warra of jajjoota nanaa – yaa warra barreessitoota seeraa fi yaa warra Faarisootaa! Isin akka bakka awwaalcha isa duubaan nooraa dibamee addaatee bareedu, keessi isaa garuu lafeewwan warra du’anii fi waantota qulqulluu hin taane biraatiinis guutamee jiruu ti. ²⁸Haaluma wal fakkaatuun, isinis duubaan namootatti qajeellota ni fakkaattu; keessi keessan garuu ofittummaa fi seeraan alummaatiin guutamee jira.²⁹“Wayyoo warra of jajjoota nanaa – yaa warra barreessitoota seeraa fi yaa warra Faarisootaa! Isin bakka awwaalcha raajotaa ni ijaartu; bakka awwaalcha warra qajeelotaas ni miidhagsitu. ³⁰Isin, ‘Bara abboota keenyaa sana jiraanneerra otoo ture, nuti isaan wajjin dhiiga raajotaa hin dhangalaasnu ture’ ni jettu. ³¹Kanaafuu egaa, isin ilmaan warra raajota ajjeesanii ta’uu keessan of irratti dhugaa bahaa jirtu jechaa dha.³²Isinis egaa safartuu abbootii keessanii guuttaniittu jechaa dha. ³³Yaa bofoota nanaa, yaa ijoollee mar’attoota nana! Egaa isin firdii hallayyaa boolla du’a bara baraa jalaatii attamitti baatu ree?³⁴"Kanaafuu, kunoo ani raajota, namoota ogeeyyii fi barreesitoota gara keessaniitti na erga. Isinis, gar tokkoo isaanii ajjeestanii ni fanniftu; gar tokkoo isaanii immoo manneen sagadaa keessan keessatti ni reebdu; magaala tokko irraa gara magaala biraattis isaan ni ariitu. ³⁵Kanaanis, dhiigni warra qajeelotaa inni lafatti dhangala’ee ture hundumtuu isin irratti ni dhufa; kunis kan ta’u, dhiiga Abeel isa qajeelaa sana irraa kaasee hanga dhiiga Zakkaariyaas, ilma Baraakiyaa, isa isin bakka mana sagadaa fi iddoo aarsaa gidduutti ajjeeftaniitti, isa jiru dha. ³⁶Ani dhuguman isiniin jedha, hundumti kuni iyyuu kan dhufu. dhaloota ammaa kana irratti dha.³⁷“Yaa Yerusaalem, yaa Yerusaalem, ishee raajota ajjeeftuu; ishee warra gara isheetti ergamanis dhagaadhaan rukuttuu! Akkuma handaaqqoo wicii ishee kaattuu ishee jalatti sassaabduu, ijoollee kee walitti qabuuf, yeroo hammamii anatti fudhatee? Ati garuu indaanqoon cuucota ishee qoochoo ishee jalatti akkuma walitti qabatutti, si'a meeqan ijoollee hin barbaanne. ³⁸Kunoo ilaali; manni kee onee duwwaatti sii hafee jira. ³⁹Ani nan isinitti hima; ammaa irraa kaasee hanga isin ‘Inni maqaa Gooftaatiin dhufu suni eebbifamaa dha’ jettanitti ana hin argitan” jedhe.

¹Yasuus mana sagadaa keessaa ba’ee, karaa isaa irra bu’e adeemsa jalqabe. Barattoonni isaas ijaarsa mana sagadaa isatti argisiisuudhaaf gara isaa dhufani. ²Inni garuu, “Isin waantota kana hundumaa hin argitanii? Ani dhuguman isiniin jedha; bakka kanatti, lafatti cacabsameetu diddiigama malee, dhagaan tokko iyyuu dhagaa biraa irratti taa’ee hin hafu” jedhee isaaniif deebise.³Akkuma inni Tulluu Ejersaa irra taa’eenis, barattoonni isaa gara isaa dhufanii, “Nutti himi mee, waantotni kun kan raawwatan yoomi dha? Mallattoon dhufaatii kee fi xumurri barichaa maali dha?” jedhanii kophaatti isa gaafatani ⁴Yasuusis, “Eenyumtuu daandii keessan irraa akka isin hin kaachisne of eeggadhaa! ⁵Warri maqaa kootiin dhufan baay’ee dha. Isaanis, ‘Ani Kiristoos dha’ jedhanii namoota baay’ees karaa irraa ni kaachisu.⁶Isin waranotaa fi waa’een waraanotaa yeroo asaasamu ni dhageessu. Kunis raawwachuu waan qabu sila ta’eef, isin garuu akka hin na’iinaa; guyyaan suni garuu amma iyyuu akka hin geenye hubadhaa.⁷Biyyi biyya irratti ni ka’a; mootummaanis mootummaa irratti ni ka’a. Beellii fi kirkirri lafaas, bakka adda addaatti ni uumamu. ⁸Waantonni kunneen hundumtuu garuu jalqaba ciniinsuuwwan da’umsaa ti.⁹Achiin boodas, isaan rakkinatti dabarsanii erga isin laatanii booda, isin ni ajjeesu. Maqaa koofis jettanii biyya lafaa hundaa irrattis ni jibbamtu. ¹⁰Yeroo sanatti namoonni baay’een ni gufatu, wal ganu; walis ni jibbu. ¹¹Raajonni sobduun baay’een ni ka’u (dhufu); namoota baay’ees ni dogogorsiisu.¹²Seeraan-alummaan waan baay’atuuf, jaalalli namoota baay’ee qabbanaa’aa ni deema. ¹³Namni hamma dhumaatti rakkoowwan kanneen danda’ee turu garuu ni fayyisama. ¹⁴Oduun gammachisaan kunis mootummaa Waaqayyoo akka dhugaa ba’uuf guutummaa biyya lafaa irratti namoota biyya lafaa hundumatti ni lallabama. Kanaan boodas, inni dhumaa ni dhufa.¹⁵“Kanaafuu, akkuma raajicha Daani’eeliin dubbatamee ture sanaatti, waanti jibbisiisaan bakka qulqulluu ta’e keessa dhaabbatee yeroo jiru yoo argitani”, namni kana dubbisu haa hubatu.¹⁶“Yeroo sanatti, warri Yihudaa keessa jiran, gara tulluuwwaniitti haa baqatani;¹⁷Namni inni bantii manaa irra jirus, waan tokko iyyuu mana isaa keessa fudhachuudhaaf jedhee gadi hin bu’iin;¹⁸Namni inni goodaa jirus, uffata (wayyaa) isaa fudhachuudhaaf jedhee gara mana isaatti hin deebi’iin.¹⁹Yeroo sanatti warra ulfaa ta’anii fi warra hoosisaniif garuu wayyoo!²⁰Yeroon itti baqattan yeroo gannaa fi guyyaa Sanbataa akka hin taaneef kadhadhaa! ²¹Yeroodhuma sanattis, rakkoo guddaan, inni erga uumama biyya lafaa irraa jalqabee hanga ammaatti uumamee hin beekne, gara fuul duraatiis kan deebi’ee hin uumamne, ni uumama. ²²Guyyoonni suni otoo hin gabaabsifamani ta’ee ture, namni fooniin jiru tokko illee hin hafu (fayyu) ture. Warra filataman sanaaf jecha garuu, guyyoonni suni ni gabaabsamu.²³Yeroo sanatti, eenyumtuu, ‘Ilaalaa, inni kuni Kiristoos dha’; yookiin immoo, ‘Inni suni Kiristoos dha’ yoo isiniin jedhe, hin amaninaa! ²⁴Kiristoosonni sobaa fi raajonni sobaa ka’uudhaan karaa irraa isin jallisuu (isin dogogorsiisuuf), yoo isaaniif danda’ame immoo warra filataman iyyuu karaa irraa jallisuuf (dogogorsiisuuf), mallattoowwanii fi dinqiiwwan gurguddaa ni argisiisu. ²⁵Hubadhaa, ani duraan dursee isinitti himeera.²⁶Kanaafuu, isaan ‘Inni kunoo lafa onaa keessa jira’ yoo isiniin jedhan, gara lafa onaa sana hin deemiinaa. Yookiin immoo, ‘Inni kunoo mana keessa jira’ yoo isiniin jedhanis, hin amaniinaa.²⁷Gaafa guyyaa bakakkaan ba’a biiftuu irraa ka’ee hanga lixa biiftuutti balaqqisee ifu sana, dhufaatiin Ilma Namaas ni ta’a. ²⁸Eessumayyuu taanaan, bakka raqni (horiin du’e) jiru sanatti, joobirri walitti ni qabama.²⁹“Battaluma guyyoonni rakkinnaa suni darbeen immoo, biiftuun ni dukkanoofti; jiinis ifa ishee hin laattu; urjoonnis waaqa irraa gadi ni harca’u; humnoonni waaqa keessaas ni raafamu.³⁰Achiin boodas, mallattoon Ilma Namaa waaqa keessatti ni mul’ata; yeroo sanattis, sanyiin namaa biyya lafaa irra jiraatan hundumtuu ni gaddu. Isaanis Ilmi Namaa humnaa fi ulfina guddaadhaan hurrii waaqa keessaa irra yeroo inni dhufuu ni argu. ³¹Innis ergamoota isaa waaqa keessaa, sagalee xurumbaa guddaa wajjin, ni erga; isaanis warra filataman handaara samii karaa tokkoo irraa hanga fiixee isa biraatti, karaa kallattii arfaniin iyyuu walitti ni qabu.³²“Muka harbuu irraa barumsa baradhaa. Yeroo dameen isaa gogee baalli isaa harca’uu jalqabu, bonni akka dhiyaate ni hubattu. ³³Akkuma kanaatti, waantota kanneen hunda yeroo argitan, akka inni dhufee balbala biraatti dhiyaatee jiru beekuun isinitti jira³⁴Ani dhuguman isiniin jedha; waantotni kunneen hundumtuu hanga raawwatamutti, dhaloonni ammaa kuni hin darbu. ³⁵Waaqnii fi lafti ni darbu; dubbiiwwan koo garuu gonkumaa hin darbani (badani).³⁶Guyyaa fi sa’aatii dhufaatii sanaa ilaalchisee garuu, Abbaa irraa kan hafe, ergamoonni waaqa keessaas, Ilmis, hin beekani.³⁷Akkuma dhufaatiin guyyoota Nohi hin beekamne ture, guyyaan dhufaatii Ilma Namaas hin beekamu.³⁸Bara sana, lolaan suni otoo hin dhufiin dura, hanga gaafa Nohi doonii keessa gale sanaatti, namoonni nyaachaas, dhugaas, fuudhaas, heerumaas turani. ³⁹Hanga lolaan suni dhufee hunduma isaanii haree fudhatee deeme sanaatti, isaan homaa tokko iyyuu hin beekani ture – barri dhufaatii Ilma Namaas akkasuma dha.⁴⁰Gaafa guyyaa sanaas, namoonni lama maasii keessatti ni argamu – inni tokko ni fudhatama; inni tokko immoo ni dhiifama. ⁴¹Dubartoonni lamas majiitiin midhaan ni daaku – isheen tokko ni fudhatamti; isheen tokko immoo ni dhiifamti. ⁴²Kanaafuu, guyyaa gaafa Gooftaan keessan dhufu hin beektan waan ta’eef, qophaa’aatii eeggadhaa!⁴³Abbaan manaa tokko halkan keessaa yeroo kam itti hattuun akka dhufu otoo beeka ta’e turee, dammaqee waan eeggatuuf, mana isaa akka hin cabsisiifne ture, garuu ni beektu. ⁴⁴Kanaafuu, Ilmi Namaas sa’aatii isin hin eegnetti waan dhufuuf, isinis qophaa’aatii eeggadhaa.⁴⁵“Egaa hojjetaan amanamaanii fi ogeessi kan gooftaan isaa akka inni maatii isaaf nyaata isaanii yeroodhaan isaaniif kennuuf jedhee mana isaa dabarsee itti kennu isa kami dha ree? ⁴⁶Hojjetaan inni otoo inni hojii isaa hojjetaa jiruu gooftaan isaa dhufee isa argu suni eebbifamaa dha. ⁴⁷Dhuguman isiniin jedha; hojjetaa sanaatiin, gooftaan isaa, akka inni qabeenya isaa hundumaa irratti ajajjuus ni godha.⁴⁸Hojjetaan inni hamaan suni garuu, garaa isaa keessatti, ‘Gooftaan koo ni tura’ jedhee ni yaada;⁴⁹Kana irraa kan ka'eenis, hojjetoota akka isaa reebuu fi isaaniin dhoowwatee, warra machooftota wajjin nyaachuu fi dhuguu ni jalqaba.⁵⁰Gooftaan isaa garuu guyyaa inni hin eeginettii fi sa’aatii inni hin beekinetti ni dhufa; ⁵¹Gooftaan isaas hojjetaa sana bakka hedduutti isa ni kukkuta; achiin boodas, iddoo warri ofittoo jiraatan – iddoo ittii boo’anii fi iddoo ilkaan walitti qaran sana – isaaf ni kenna.

¹“Mootummaan waaqaa egaa mishirroota kurnan warra mushurraa isaan fuudhu simachuudhaaf jedhanii ibsaa isaanii fudhatanii deemanii ture wajjin wal fakkaata.²Mishirroota sana keessaa shanan isanii gowwoota turani; shanan isaanii immoo abshaalota (gamnoota) turani. ³Warri gowwoonni ibsaa isaanii fudhatanii yeroo deemanii turetti, naafxaa garuu fudhatanii hin deemne ture.⁴Warri abshaalonni garuu, ibsaa isaanii wajjin, naafxaa qodaa isaatti naqantanii fudhatanii ture.⁵Mushurrooni isaanii otoo hin dhufiin waan turaniif hunduma isaanii iyyuu hirribni waan qabeef ni rafani.⁶Halkan walakkaa keessa garuu, sagaleen, ‘Mushurraan kunoo ti! Gadi ba’iitii simadhu’ jedhee iyyu ni dhaga’ame.⁷Yeroo sanattis mishirroonni sun hundumtuu ka’uudhaan ibsaa isaanii qopheessatani.⁸Warri gowwoonnis warra abshaalotaatiin, ‘Ibsaan keenya nu jalaa baduuf waan ta’eef, naafxaa keessan irraa waa nuuf kennaa’ jedhani.⁹“Warri abshaalonni garuu, ‘Inni nuti qabnu, unuu fi isiniif ga’aa waan hin taaneef, warra gurguran bira deemaatii bitadhaa’ jedhanii isaaniif deebisani.¹⁰Yeroo isaan bitachuuf deemanii turettis mushurraan ni dhufee; warri duruma qophaa’anii turanis, isa wajjin gara mana cidhichaatti deemani; sanaan boodas, balballi mana cidhichaa ni cufame.¹¹Erga manni cidhaa sun cufamee boodas, warri gowwoonni suni dhufanii, ‘Gooftaa, gooftaa, maaloo nuuf bani’ jedhani. ¹²Inni garuu, ‘Ani dhuguman isiniin jedha; ani isin hin beeku’ jedhee isaaniif deebise. ¹³Kanaafuu egaa, isin guyyaa fi sa’aatii isaa waan hin beekneef, of eegadhaa.¹⁴“Dhimmi kuni egaa akka nama biyya biraa deemuuf jiru tokkoo ti. Innis hojjetoota isaa waamee, qabeenya isaa isaanitti kennate. ¹⁵Innis, isa tokkotti qarshii kuma shan, isa biraatti qarshii kuma lama, isa hafetti immoo qarshii kuma tokko kennee. Namtichis, tokko tokkoo isaaniitti akkuma dandeetti isaaniitti erga kenne boodas, gara biyya biraatti ni deeme. ¹⁶Hojjetichi inni kuma shan fudhatee ture sunis, battalumatti deemee ittiin hojjetee kuma shan buufate.¹⁷Haaluma wal fakkaatuun, hojjetaan inni kuma lama fudhatee tures, hojjetee kuma lama buufate. ¹⁸Hojjetaan inni kuma tokko fudhatee ture suni garuu, deemee boolla qotuudhaan maallaqa gooftaan isaa itti kennate sana ni awwaale.¹⁹Yeroo dheera booddees, gooftaan hojjetoota sanaa deebi’ee dhufe; horii isaa isa isaan irraa qabus shallagee fudhate. ²⁰Hojjetaan inni qarshii kuma shan fudhatee tures, qarshii biraa kuma shan dabalee fidee dhufe. Innis, ‘Yaa gooftaa, qarshii kuma shan anatti kennattee turte. Kunoo ani immoo qarshii kuma shan buufadheen jira’ ittiin jedhe.²¹“Gooftaan isaas, ‘Gaarii goote; ati hojjetaa gaarii fi amanamaa dha! Ati waan xinnoo irratti amanamtee jirta. Ani immoo waantota baay’ee irratti itti gaafatummaa nan siif kenna. Gara gammachuu gooftaan kee seeni’ isaatiin jedhe.²²“Hojjetaan inni qarshii kuma lama fudhatee tures dhufee, ‘Yaa gooftaa, ati qarshii kuma lama anatti kennattee turte. Kunoo ani immoo qarshii kuma lama buufadheen jira’ jedhe. ²³“Gooftaan isaas, ‘Gaarii goote; ati hojjetaa gaarii fi amanamaa dha! Ati waan xinnoo irratti amanamtee jirta. Ani immoo waantota baay’ee irratti itti gaafatummaa nan siif kenna. Gara gammachuu gooftaan kee seeni’ isaatiin jedhe.²⁴“Achiin boodas, hojjetaan inni qarshii kuma tokko fudhatee tures dhufee, ‘Yaa gooftaa, akka ati garaa jabeessa taate nan beeka. Ati bakka facaastee hin turreetii ni haammatta; bakka bittinsinee hin turreetiis, ni sassaabbatta. ²⁵Kanaaf jedheen anis waanan si sodaadhee tureef, qarshii kee fuudhee deemeen boolla keessa awwaaleen ture. Qarshiin kee kunoo ti’ jedhe.²⁶“Gooftaan isaa garuu, ‘Ati yaa hojjetaa hamaa fi dhibaa’aa nana; ani bakkan facaasee hin turree akkan haammadhu; bakkan bittinsee hin turreetiis, akkan sassaabbadhu garuu ni beekta ture mitii? ²⁷Kanaafuu, maallaqa koo mana baankii keessa otoo anaaf keessee turteetta ta’ee, amma yeroon deebi’ee dhufu dhala isaa wajjin nan fudhadha ture.²⁸Kanaafuu egaa, qarshii koo kuma tokko sana harkaa fuudhaatii, hojjetaa isa qarshii kuma kudhan qabu sanaaf kennaa. ²⁹Isa qabuuf, dabalamee ni kennama; hanga isa irraa hafuttis ni hora. Isa hin qabne irraa garuu, innumti inni qabu iyyuu isa irraa ni fudhatama. ³⁰Hojjetaa isa gatii hin qabne kana alatti baasaatii dukkana keessatti, iddoo boo’anii fi ilkaan walitti qaramutti, gadi darbadhaa.³¹“Ilmi Nammaa, ergamoota hundumaa wajjin ta’ee, ulfina isaatiin yeroo dhufus, barcuma ulfinaa isaa irra ni taa’a. ³²Namoonni biyya lafaa hundumtuu fuul dura isaatti walitti ni qabamu; akkuma tikseen tokko hoolota ro’oota keessaa footee addaan baaftutti, innis namoota sana gargar ni fo’a. ³³Innis hoolota karaa harka mirgaa isaa, ro’oo immoo karaa bitaa isaa ni kaa’a³⁴Achiin boodas, Mootichi warra karaa mirga isaa jiraniin, ‘Isin Abbaa kootiin eebbifamtanii waan jirtaniif, mootummaa isa uumama biyya lafaa irraatii jalqabee isiniif qophaa’ee jiru koottaatii dhaalaa. ³⁵Isin yeroo ani beela’ee ture, beela na baaftaniittu; yeroon dheebodhee turettis, dheebuu na baaftanii jirtu; yeroo ani keessummaa ta’ee dhufes, na keessummeessitanittu. ³⁶Isin yeroo ani qullaa hafee turettis, natti uffiftanii jirtu; yeroon dhukkubsadhee tures, na waldhaantaniittu; yeroon mana hidhaa keessa tures, dhuftanii na gaafattanii jirtu’ jedhe.³⁷“Achiin boodas, warri qajeelonni, ‘Gooftaa, yeroo ati beeloftu yoom arginee, si nyaachifnee beekna? Yoomis dheebuu kee arginee, si obaafnee beekna? ³⁸Keessumummaa kees yoom arginee, si keessumeessinee beekna? Yookiin immoo, yoom qullaa ta’uu kee arginee, sitti uffifnee beekna? ³⁹Dhukkubsachuu kees, mana hidhaa galuu kees yoom arginee, dhufnee si gaafannee beekna?’ jedhanii deebisu. ⁴⁰“Mootichis, ‘Ani dhuguman isiniin jedha; inni isin obboloota koo warra hundaa gadi ta’aniif goochaa turtan, akka anaaf gootaniitti ilaalama’ jedhee isaaniif ni deebisa.⁴¹Achiin boodas, Mootichi warra karaa harka bitaa isaa jiraniitiin, ‘Isin warra abaaramtoota nanaa, ana biraatii gara boolla ibiddaa isa kan bara baraa, iddoo Seexanaa fi ergamoota isaaf qophaa’ee jirutti, badaa. ⁴²Sababni isaas, yeroo ani beela’ee turetti, isin beela nan baafne; yeroon dheebodhee turettis, dheebuu nan baafne. ⁴³Isin, yeroo ani keessummaa ta’ee dhufee turettis, ana hin keessummeessine; yeroo ani qullaa hafee turettis, natti hin uffifne; yeroon dhukkubsadhee turettis, yeroon hidhamee turettis, isin homaa anaaf hin goone ture’ ni jedha.⁴⁴Isaanis, ‘Gooftaa, ati beela’uu kee, dheebochuu kee, keessummaa ta’uu kee, qullaa ta’uu kee, dhukkubsachuu kee, akkasumas immoo, hidhamuu kee, yeroo kami kan nuti si arginee, si tajaajiluu dhiifne?’ jedhanii deebisanii isa ni gaafatu. ⁴⁵“Achiin boodas, Inni immoo, ‘Ani dhuguman isiniin jedha; warra hundumaa gadi ta’aniif homaa gochuu dhiisuun keessan, anaaf akka homaa hin gooneetti fudhatama’ jedhee isaaniif ni deebisa.⁴⁶Isaan kuni gara adabbii bara baraatti ni deemu; warri qajeelonni garuu, gara jireenya bara baraatti ni deemu” jedhe.

¹Yasuus dubbiiwwan kana hundumaa erga xumuree boodas, barattoota isaatiin, ²“Guyyaa lama booddee ayyaanni Faasikaa akka dhufu ni beektu; Ilmi Nammaas fannifamuudhaaf dabarfamee ni kennama” jedhe.³Achiin boodas, dura buutonni lubootaa fi manguddoonni uummataa masaraa luba ol aanoo, isa Qayyaafaa jedhamee waamamu ture, keessatti walitti qabamani.⁴Yasuusiin malaatiin attamitti akka qabsiisanii fi achiin boodas, ajjeesan irratti mari’atani. ⁵Yeroo mari’atanittis, “Namoonni jeequmsa akka hin kaafneef, yeroo ayyaana sanaa ta’uu hin qabu” jechaa turani.⁶Yasuus biyya Bitaaniyaa, mana Simi'oon isa lamxaa’a keessa, ture. ⁷Yeroo sanattis, yeroo Yasuus maaddiitti dhiyaatee turetti, dubartiin tokko, shittoo gatii guddaa baasu qodaa shurrubbee keessatti qabattee, gara isaa dhuftee shittoo sana mataa isaa dibde. ⁸Barattoonni isaa garuu yeroo kana argan waan aaraniif, “Sababa maalif jetteetu akkas balleessita? ⁹Kuni horii baay’eetiin gurguramee warra hiyyeessotaaf kennamuu ni danda’a ture” jedhani.¹⁰Yasuus garuu sababa isheen kana gootuuf waan beekuuf, “Maaliif dubartii kana rakkiftuu? Isheen waan gaarii anaaf gootee jirti. ¹¹Warra hiyyeessota yeroo hundumaa of biratti ni argattu; anaan garuu yeroo hundumaa of biratti hin argattani.¹²Isheen shittoo kana dhaqna kootti yeroo dibdu, isheen awwaalcha koof ana qopheessuudhaaf kana goote. ¹³Ani dhuguman isiniin jedha; guutummaa biyya lafaa, iddoo oduun gammachuu kuni lallabamu, irratti, waanti isheen goote kunis, seenaa ishee ta’ee, ni dubbatama” isaaniin jedhe.¹⁴Achiin boodas, barattoota warra kudha lamaan keessaa tokko, inni Yihudaa isa Iskaariyoot jedhamu, gara dura buutota luboota deeme. ¹⁵Innis, “Yoo ani isa dabarsee isiniif kenne, isin immoo anaaf maal gootu?” ittiin jedhee isaan gaafate. Isaanis meetii soddoma isaaf murani. ¹⁶Yihudaanis yeroo sanaa irraa jalqabee, mala ittiin dabarsee isa kennu barbaadaa barbaada ture.¹⁷Guyyaa jalqabaa gaafa ayyaana Maxinoos, barattoonni isaa gara Yasuus dhufanii, “Hirbaata ayyaana Faasikaa eessatti akka siif qopheessinu barbaadda?” jedhanii isa gaafatani. ¹⁸Innis, “Gara magaalaa deemaatii gara nama tokkoo dhaqaatii, namichaatiinis, ‘Barsiisaan “Yeroon koo ga’ee jira. Ayyaanna Faasikaa, barattoota koo wajjin, mana keettin ayyaaneffadha jedha’ jedhaatii itti himaa” isaaniin jedhe. ¹⁹Haaluma Yasuus isaan ajajeenis, barattoonni isaas Hirbaata Faasikaa ni qopheessani.²⁰Yeroo galgalli ga’es, Yasuus, barattoota isaa kudha lamaan wajjin, hirbaata nyaachuuf maaddiitti dhiyaatani. ²¹Otoo dhuma nyaachaa jiraniis, Yasuus, “Dhuguman isiniin jedha; isin keessaa tokko hin nagana” jedhe.²²Isaanis hedduu gaddani; tokko tokkoon isaaniis, “Dhugaa dubbachuuf, ana miti mitii, Goofta?” jedhanii isaa gaafachuu jalqabani.²³Innis, “Isa harka isaa gara maaddiitti ana wajjin hiixatee xuqatu sanatu na gana.²⁴Ilmi Nammas, akkuma waa’ee isaa barreessamee jiru sanaatti, ni deema. Namicha isa Ilmi Namaa ittiin ganamu sanaaf garuu, wayyoo! Namichi suni otoo dhalachuu baatee isaafi wayya ture” jedhee isaaniif deebise.²⁵Yihudaan, inni isa ganuuf jedhu sunis, “Ana dhaa, Barsiisa?” jedhee Yasuus gaafate. Innis, “Sumatu ofiin jedhe” ittiin jedhe.²⁶Otoo dhuma nyaachaa jiraniis, Yasuus buddeena fuudhee erga eebbisee booda buddeenichas ni mummure. Barattoota isaatiinis, “Fudhadhaatii nyaadhaa. Kuni foon qaama kooti” jedhee buddeena mummure sana isaaniif kennee,²⁷Kubbaayyaas fuudhee erga galateeffatee booda isaaniif kennee, “Hundumti keessanuu dhugaa. ²⁸Kuni dhiiga koo, isa namoota baay’eef cubbuuwwan isaanii isaaniif dhiisuudhaaf isa kakuutiin waadaa galamee ture sana cimsuuf, kan dhangala’u dha.²⁹Ani garuu, hanga gaafa guyyaa ani mootummaa Abbaa koo keessatti wayinii isa haaraa isin wajjin dhugutti, wayinii kana deebi’ee akkan hin dhugne isinittan hima” jedhe.³⁰Faarfannaa erga faarfatanii boodas gara Tulluu Ejersaatti ol ba’ani.³¹Sana boodas, Yasuus, “Hardha galgala hundumti keessan iyyuu, sababa koo irraa kan ka’e, ana jalaa ni mucucaattu; kunis kan ta’u, ‘Ani tiksee sana nan rukuta; Achiin boodas hoolonni sunis ni bittinna’u’ jedhamee haaluma barreessamee jiru sanaatiini dha. ³²Du’aa eergan kaafamee booda garuu, anatu isin durseen Galiilaa dhaqa” isaaniin jedhe.³³Pheexroos garuu, “Hundumti isaanii iyyuu si jalaa yoo mucucaatan (si irraa yoo baqatan) illee, ani garuu gonkuma hin mucucaadhu” ittiin jedhe. ³⁴Yasuusis, “Dhuguman siin jedha, halkanuma kana, handaaqoon otoo hin iyyiin dura, ati si’a sadii na ganta” isaatiin jedhe. ³⁵Pheexroosis, “Sii wajjin du’uun dirqama natti yoo ta’e illee, ani siitiin hin ganu” jedheeni. Barattoonni warri kaanis akkasuma jedhani.³⁶Achiin boodas, Yasuus isaan wajjin gara bakka Geetesemmaanee jedhamu tokkoo deemee, barattoota isaatiinis, “Ani achi deemeen kadhadhaa; isin asuma ta’aa” jedhe. ³⁷Yasuusis Pheexroosii fi ilmaan Zabdiwoos lamaan of faana fudhatee deemuudhaan gadduu fi jeeqamuu (dhiphachuu) jalqabe. ³⁸Sana boodas, isaaniitiin, “Lubbuun koo hamma du’aatti illee gadi fageenyaan gaddaan guutamee jira. Isin asuma turaatii anaa eegaa” jedhe.³⁹Innis xinnoo achi siiqee adda isaatiin gombifamee kadhate. Innis “Yaa Abbaa koo, yoo ni danda’ama ta’e, kubbaayyaan dhiphinaa kun ana irra haa darbu. Garuu immoo akka fedhii koo otoo hin taane, akkuma fedhii keetti haa ta’u” jedhee kadhate. ⁴⁰Ergasiis, gara barattoota sanaa dhufee otoo isaan rafaa jiranii waan argeef, Pheexroosiin “Maali, isin saa’aatii dhuma tokkoof illee anaa eeguu hin dandeenye jechaa dha? ⁴¹Gara qormaataatti akka hin galleef jabaadhaatii kadhaahaa. Afuurri fedhii qabaatu illee, foon garuu dadhabaa dha” jedhe.⁴²Yeroo lammaffaafis achi deemee ni kadhate. “Yaa Abbaa koo, yoon dhuge malee kuni ana irraa darbuu hin danda’u yoo ta’e, fedhiin inni kan kee haa ta’u” jedhees kadhate.⁴³Ammas deebi’ee yeroo dhufu, otoo isaan rafaa jiranii isaan arge; ijji isaanii itti ulfaatee ture. ⁴⁴Kanaafuu, isaaniin achumatti dhiisee, ammas achi siiqee yeroo sadaffaadhaaf isuma dura jechaa ture jedhee kadhate.⁴⁵Achiin boodas, Yasuus gara barattoota sanaatti debi’ee dhufee, “Amma iyyuu raftanii boqachaa jirtuu? Yeroon suni kunoo ga’ee jira; Ilmi Namaas harka cubbamtootaatiin ni ganama. ⁴⁶Ka’aa, haa deemnu! Inni ana ganu sunis kunoo as dhiyaatee jira” isaaniin jedhe.⁴⁷Otoo dhuma Yasuus dubbachaa jiruus, Yihudaan, inni warra kudha lamaan keessaa tokko ta’e, gara isaanii ni dhufe. Namoonni hedduunis, warri dura buutota luboota fi manguddoota uummataa biraa ergamani, isa wajjiniin dhufani. Isaanis cuubee (billaa) fi eeboo qabatanii dhufani. ⁴⁸Namichi inni Yasuusiin ganee dabarsee isa kennuuf jedhe sunis, “Inni ani dhungadhu suni namicha dha. Isa qabadhaa” jedhee milikkitaan isaanitti himee ture.⁴⁹Battaluma sanattis, Yihudaan gara Yasuus dhufuudhaan, “Attam jirta, Barsiisa!” jedhee isa dhungate.⁵⁰Yasuusis, “Michuu ko, waan gochuuf as dhufte godhi” ittiin jedhe. Achiin boodas, jaroonni dhufanii harka isaanii Yasuus irra godhanii isa qabani.⁵¹Kunoo, warra Yasuus wajjin turan keessaa inni hiixatee cuubee isaa erga luqqifatee booda, hojjetaa luba ol’aanoo rukutee, gurra isaa irraa kutee buuse. ⁵²Sana boodas, Yasuus, “Cuubee kee mann’ee isaatti deebisi; warri cuubee luqqifatan hundumtuu cuubeedhaan ni badu. ⁵³Ani Abbaa kootti iyyadhee (himadhee), inni immoo waraana ergamoota isaa kudha lama irra kan caalan iyyuu akka anaaf ergu, gochuu waan ani hin dandeenye sitti fakkaataa? ⁵⁴Kuni ta’uu akka qabu, isa Kitaabni Qulqulluu jedhu garuu attam godheetu raawwata ree?” isaatiin jedhe.⁵⁵Yeroodhuma sanattis, Yasuus namoota achitti walitti qabamanii jiraniitiin “Akka hattuutti (saamtuutti) ana lakkooftaniitu (ilaaltaniitu) anaan qabuudhaaf cuubee fi eeboo qabattanii dhufanii? Ani guyyaa guyyaadhaan mana sagadaa keessa taa’een barsiisaa ture; isinis ana hin qabne ture. ⁵⁶Hundumti kunuu amma kan raawwate garuu, inni raajonni barreessanii ture akka guutamuuf jedheetu” jedhe. Achiin boodas, barattoonni hundumtuu achitti isa gatanii baqatani.⁵⁷Warri Yasuus qaban sunis isa fuudhanii iddoo barreessitootni seeraa fi manguddoonni walitti qabamanii jiranitti, gara Qayyaafaa, isa luba ol’aanoo, isa geessani. ⁵⁸Pheexroos garuu hanga dallaa mana luba ol’aanoo sanaatti, irraa fagaatee Yasuus duukaa bu’ee deeme. Waanta ta’u ilaaluudhaafis, ol seenee warra eegdotaa wajjin taa’e.⁵⁹Dura buuttonni lubootaa fi guutummaan walii gala yaa’ii Yasuusiin ajjeesuu kan isaan dandeessisu yakka sobaa irratti barbaaduu jalqabani. ⁶⁰Dhugaa baastonni baay’een dhufanii sobaan isa irratti dhugaa ba’an illee, balleessaa tokko illee irratti hin arganne. Booda irra garuu, namni lama fuul duratti dhufani. ⁶¹Isaanis, “Namichi kuni, ani mana sagadaa diigee eergan balleessee booda, guyyaa sadii keessatti deebisee ijaaruu nan danda’a jedhee ture” jedhan.⁶²Lubni ol’aanaanis ol ka’ee erga dhaabbatee booda, “Deebi’ii hin qabduu? Inni isaan si irratti dhugaa ba’aa jiran kuni maali dha?" jedhee Yasuus gaafate. ⁶³Yasuus garuu cal jedhe. Lubni ol’aanaanis, “Maqaa Waaqayyoo isa jiraataatiin nan si ajaja (gaafadha); ati akka Kiristoos, Ilma Waaqayyoo, taate nutti himi” isaatiinjedhe. ⁶⁴Yasuusis, “Atumtuu ofiin kee jettee jirta. Garuu, nan sitti himaati, amma irraa jalqabee, ati Ilma Namaa kan argitu yeroo inni karaa harka mirgaa isa Abbaa Angoo taa’uu fi yeroo iinni karaa hurrii waaqa keessaa dhufu dha” jedhee isaaf deebise.⁶⁵Achiin boodas, lubni ol’aanaan suni aaree uffata isaa tarsaasee, “Kan inni dubbate arrabsoo dha! Kana irra egaa dhugaa baatota maalii nu barbaachisaa? Kunoo, amma iyyuu arraboo isaa dhageessani jirtu. ⁶⁶Maal isinitti fakkaata?” jedhe. Isaanis, “Inni ajjeefamuu (du’uu) qaba” jedhanii deebisani.⁶⁷Sanaan booddees, fuula isaa irratti tufanii; ulee qabatanii jiraniitiins, isa reebani; warri kaanis isa kakkabalani. ⁶⁸“Mee raajii keetiin nutti himi, Kristoos. Inni si rukute eenyu dha?” jedhaniini.⁶⁹Yommus Pheexroos ala dallaa keessa taa’aa turetti, intalli hojjettuu taate tokko gara isaa dhuftee, “Atis Yasuus isa Galiilaa sanaa wajjin turte” jette. ⁷⁰Inni garuu, “Waa’ee maalii akka dubbachaa jirtu ani hin beeku” jedhee hunduma isaanii fuul duratti kaade.⁷¹Yeroo inni gara karra balbalaatti gadi ba’aa turettis, intalli hojjettuun isheen biraa tokkos isa argitee, “Namichi kun Yasuus isa Naazireet sanaa wajjin ture” jettee warra achi dhaabatanii jiranitti himte. ⁷²Innis ammas, “Ani namicha kana hin beeku” jedhe kakachuudhaan kaade.⁷³Yeroo muraasa booddees, warri achi dhaabbachaa turani dhufanii, “Dhuguma dha; ati isaan keessaa isa tokko dha; akkaataan ati itti dubbattu iyyuu, ni si hima” jedhani. ⁷⁴Innis, “Ani namicha kana hin beeku” jedhee of abaaruu fi kakachuut akkuma inni jalqabetti handaanqoon iyyite. ⁷⁵Pheexroosis waan Yasuus itti dubbatee ture, “Handaanqoon otoo hin iyyin dura, ati yeroo sadii na ganta” sana yaadate. Achiin boodas, Pheexroos gadi ba’ee maassanee boo’e.

¹Akkuma lafti bari’eenis, dura buuttonni lubootaa fi manguddoonni uummataa hundumtuu akkaataa Yasuus ajjeesuu danda’an irratti mari’atani. ²Isaanis, isa hidhanii gara bulchaa biyyaattii, Philaaxoos, geessanii dabarsanii isa kennani.³Achiin boodas, Yihudaan, inni dabarsee isa kenne, Yasuusitti faradamuu isaa erga baree booda, waan godhetti gaabbuudhaan, meetii soddoma sana dura buutota luboota fi manguddootatti deebisee kenne,⁴Innis, “Ani dhiiga balleessaa hin qabnee (qulqulluu ta’e) kaaduudhaan cubbuu hojjedheera” isaaniin jedhe. Isaan garuu, “Unuutiin maaltu nu dhibe ree? Atumti ofii keef maladhu malee” isaatiin jedhani. ⁵Achiin boodas, Yihudaanis meetii sana mana sagadaa keessatti darbatee achiitii deeme; achi sokkees of fannise.⁶Dura buuttonni lubootaas meetii sana fuudhanii, “Meetiin kuni gatii dhiigaaf kaffalame waan ta’eef, qabeenya keenyatti dabaluun seera miti” jedhani.⁷Dhimma kana irratti erga mari’atanii boodas, maallaqichaatiin iddoo awwaalcha warra keessummoota ta’aniif kan oolu, lafa nama suphee dha’u tokkoo bitani. ⁸Sababa kanaafis, lafti suni hanga har’aatti iyyuu “Lafa Dhiigaa” jedhamee waamama.⁹Achumaanis, inni Ermiyaas raajichaatiin dubbatamee ture sunis ni raawwatame. Innis, “Isaanis meetii soddoma, gatii isa ilmaan Israa’el isa irratti muran sanaa, ni fuudhanii. ¹⁰Isaanis, akkuma Gooftichi anaan ajajee turetti, gatii lafa namicha isa suphee dha’u sanaaf kennani” kan jedhu ture.¹¹Yasuus fuul dura bulchaa biyyaa dhaabate; bulchaan biyyaa sunis, “Ati Mootii Yihudootaa ti?” jedhee isa gaafate. Yasuusis, “Sumatu akkas jedha” jedhee isaaf deebise. ¹²Yeroo dura buuttonni lubootaa fi manguddoonni isa yakkan (himatan) garuu, inni deebii’ii tokko iyyuu hin laanne ture. ¹³Achiin boodas, Philaaxoos, “Dhimma meeqaan akka isaan si himachaa jiran hin dhageessuu?” ittiin jedhe. ¹⁴Inni garuu jecha tokko illee waan hin deebisneef, bulchaan biyyaa sunis baay’isee ajaa’ibame.¹⁵Bulchaan biyyaa yeroo ayyaana hidhamaa tokko filannoo uummataatiin akka hiiku kan baratame dha. ¹⁶Yeroo sanatti hidhamaan baay’ee rakkisaa (gidiramaa) kan ta’e, inni Baraabaas jedhamu, tokko hidhamee ture.¹⁷Yeroo namoonii dhufanii achitti walitti qabamanii turettis, Philaaxoos, “Eenyuun akkan isiniif hiiku barbaaddu? Baraabaas moo Yasuus, isa Kiristoos jedhamu, dha?” jedhee isaan gaafate .¹⁸Isaan Yasuusiin dabarsanii isaatti kan kennan hinaaffaadhaan akka ture inni ni beeka. ¹⁹Otoodhuma inni barcuma firdii irra taa’ee jiruuttis, haati manaa isaa ergaa, “Namicha qulqulluu sana homaa hin godhiin. Abjuu kootiin waa’ee isaa kanan argee ture irraa kan ka’e, har’a baay’ee dhiphachaan jira" jedhu itti ergite.²⁰Dura buuttonni lubootaa fi manguddoonni garuu, akka isaan Baraabaas nuu hiikiitii Yasuus immoo balleessi jedhanii isa gaafatan namoota sana dura dabarsanii amansiisanii jiru, ²¹Bulchaan biyyaa sunis, “Isaan lamaan kana keessaa eenyuun akkan isiniif hiiku barbaaddu?” jedhee isaan gaafate. Isaanis, “Baraabaas” jedhani. ²²Philaaxoosis, “Yasuus, isa Kiristoos jedhamu immoo, maal godhu?” jedhee isaan gaafate. Isaanis, “Isa fannisi” jedhani.²³Achiin boodas, innis, “Maaliif? Yakka attamii hojjetee jira?” jedhee isaan gaafate. Isaan garuu isa duraa irra caalchisanii, “Isa fannisi” jedhanii iyyani. ²⁴Philaaxoosis caalaatti jeequmsa kaasuu irraa kan hafe, homaa buusuu akka hin dandeenye waan hubateef, bishaan fudhatee fuul dura namoota sanaatti “Ani dhiiga nama kanaa irraa bilisa dha ( Ani dhiiga nama kanaa keessaa harka hin qabu). Isin garuu beekkadhaa” jedhee harka isaa dhiqatee,²⁵Namoonni hundumtuu, “Dhiigni isaa nu fi ijoollee keenya irraatti haa ta’u” jedhani. ²⁶Sanaan boodas, Philaaxoos Baraabaas isaaniif hiike; Yasuusiin garuu, garafee akka fanniifamuuf dabarsee isa kenne.²⁷Achiin boodas, loltoonni bulchaa biyyaa Yasuusiin gara mana mootummaa gidduu galeessaatti fudhatani; loltoota biyyaattii hundumas achiitii walitti qabani.²⁸Isaanis wayyaa isaa irraa baasanii, uffata diimaa itti uffisani. ²⁹Gonfoo qoraattiis hojjetanii, mataa isaa irra kaa’ani; ulees harka mirgaa isaa keessas kaa’ani. Fuuldura isaattis jilbeeffatanii, “Nagaa keetii ree, yaa Mootii Yihudootaa” jedhanii itti qoosani.³⁰Isattis tufanii; ulee sanas fuudhanii mataa isaa irra deddeebi’anii rurrukutani. ³¹Erga itti qoosaa turanii boodas, uffata sana irraa baasanii wayyaa isaa deebisanii itti uffisanii fannisuudhaaf isa fuudhanii deemani.³²Akkuma gadi ba’aniinis, nama biyya Qareenaa, kan Simi’oon jedhamu tokko, argatanii akka inni fannoo Yasuus baatee isaan wajjin deemu isa dirqisiisani. ³³Isaan bakka Golgootaa, (isa hiikni isaa “Bakka Lafee Mataa” ta’e) jedhamutti dhufani.³⁴Bakka sanattis, waynii, hadhooftuu wajjin walitti makame, akka inni dhuguuf isatti kennani. Innis erga qammasee booda, dhuguuf garuu ni jibbe.³⁵Erga isa fannisanii boodas, uffata isaas safaranii hirmaatan. ³⁶Taa’aniis isa eegani. ³⁷Barreeffama inni ittiin yakkame kan ibsu, “Inni kuni Yasuus, Mootii Yihudootaa, dha” kan jedhu mataa isaa irra kaa’ani.³⁸Samtonni lamas, inni tokko karaa mirga isaatti, inni kaan immoo karaa bitaa isaatti, isaa wajjin fannifamanii turani. ³⁹Warri achiin darbanis mataa isaanii ittii raasanii isa arrabsaa turani.⁴⁰Isaanis, “Ati inni mana sagadaa diigdee, guyyaa sadii keessatti ijaaruuf turte, mee of fayyisika! Ilma Waaqayyoo yoo taate, fannoo irraa mee gadi of buusika!” jedhanii arrabsu turani.⁴¹Haaluma wal fakkaatuun, dura buutonni lubootaa, warra barreesitoota seeraa fi manguddootaa wajjin ta’anii isaatti qoosaa turani. ⁴²Isaanis, “Inni warra kaan fayyisaa ture, ofii isaa garuu fayyisuu hin dandeenye! Inni Mootii Israa’eli dha. Fannoo irraa yoo inni gadi bu’e, nuti immoo isatti ni amanna.⁴³Inni Waaqayyotti ni amana; Waaqayyo isatti gammada yoo ta’e, mee amma du’a irraa isa haa oolchu (baasu) ka. Siluma iyyuu ‘Ani Ilma Waaqayyooti’ ofiin jechaa ture miti” jedhanii ittii qoosaa turani. ⁴⁴Akkasumas, saamtonni isaa wajjin fannifamanis haaluma walfakkaatuun isa arrabsaa turani.⁴⁵Sa’aatii ja’aa jalqabee hanga sa’aatii sagaliitti dukkanni biyyaa lafaa hundumaa irratti dhufe. ⁴⁶Gara sa’atii sagaliittis, Yasuus sagalee guddaadhaan, “Eelii, Eelii lamaa sabaktaanii?” jedhee waammate; kana jechuunis, “Waaqayyoo ko, Waaqayyoo ko maaliif gadi na gatte?” jedhamee hiikama. ⁴⁷Warra achi dhaabbachaa turan keessaa muraasni isaanii kana dhaga’anii, “Namni kun Eeliyaasiin waammataa jira” jedhani.⁴⁸Battaluma sanattis, warra achi jiran keessa inni tokko fiigee ispoonjii fuudhee wayinii hadhaahaa keessatti erga cuuphee booda uleetti kaa’ee akka inni dhuguuf itti kenne. ⁴⁹Warri kaan garuu, “Dhiisiin! Eeliyaas dhufee akka isa fayyisu (oolchu) mee ni ilaalla” jedhani. ⁵⁰Achiin boodas, Yasuusis sagalee guddaadhaan iyyee afuura isaa kenne.⁵¹Kunoo, golgaan (maggaarrajaan) mana sagadaa, gubbaattii hamma gajjallaatti, bakka lamatti tarsa’e; lafti ni socho’e; kattaawwanis dhodho’anii adda addaan ba’ani.⁵²Boollonni awwaalchaas ni banamanii; reeffonni namoota qulqulluu isaan ciisaa turanis ni kaafamani. ⁵³Isaanis, eerga du’aa ka’uu Yasuus booddee, boolla awwaalchaa keessaa ba’anii, magaala qulqulluu keessa seenanii namoota hedduuttis mul’atani.⁵⁴Dhibbaalaaan lolaa fi warri isaa wajjin Yasuusiin egaa turan, kirkira lafaa fi waantota yeroo sana ta’ani hundumaa waan arganiif, baay’ee sodaatanii, “Kuni dhuguma iyyuu Ilma Waaqayyoo ture” jedhani. ⁵⁵Dubartoonni baay’een warri Galiilaa irraa jalqabee isa duukaa bu’anii isaaf hojjetaa turanis, halaala irra dhaabatanii ilaalaa turani.⁵⁶Isaan gidduudhaas, Maariyaam ishee Maagdaliin, Maariyaam ishee haadha Yaaqoobii fi Yooseef fi haati ilmaan Zabdewoos achi turani.⁵⁷Yeroo galgalli ga’us, sooressi Armaatiyaa, kan Yooseef jedhamu tokko ni dhufe; inni isa barataa Yasuusis ture dha.⁵⁸Innis Philaaxoositti siiqee, reeffa Yasuus gaafate. Achiin boodas, Philaaxoosis akka isaaf kennamu ajaje.⁵⁹Yooseefis reeffa isaa fuudhee, wayyaa haarrii quncee talbaatiin (wayyaa laayineeniitiin) kafane. ⁶⁰Reeffa sanas boolla awwaalchaa haaraa isa ofii isaatiif garaa dhagaa keessatti qopheessee ture keessatti awwaale. Sana boodas, dhagaa guddaas balbala awwaalichaatti erga hirkisee booda achi deeme. ⁶¹Maariyaam isheen Maagdaliinii fi Maariyaam isheen biraas fuullee awwaalichaa taa’aa turani.⁶²Guyyaan itti aanus, Guyyaan Qophaa’ummaa erga darbee isa boruusaa, dura buutonni lubootaa fi Faarisoonni Philaaxoos wajjin walitti qabamani. ⁶³Isaanis, “Gooftaa! Inni nama gowwoomsaan suni yeroo lubbuudhaan ture sana, ‘Erga guyyaa sadii booda, ani deebi’ee nan kaafama’ akka jechaa ture yaadanneerra. ⁶⁴Kanaafuu, awwaalichi hamma guyyaa sadaffaatti akka eegamu nuu ajaji; kuni ta’uu baannaan garuu, barattoonni isaa dhufanii isa hatanii, namootaanis, ‘Innii du’aa ka’eera’ ni jedhu. Gowwoomsaan isaa inni dhumaa kuni immoo isa duraa irra hamaa ni ta’a” jedhanii Philaaxoositti himani.⁶⁵Philaaxoosis, “Nama eegu fudhadhaa. Dhaqaatiis akka beektanitti eegsisa” isaaniin jedhe. ⁶⁶Isaanis bakka awwaalchaa sana deemanii dhagaa sana erga saamsanii booda nama eegus achi kaa’uudhaan awwaalicha eegsisani.

¹Guyyaan Sanbataa erga darbee booda, gaafa barii jalqaba torbanii, Maariyaam isheen Maagdaliinii fi Maariyaam isheen biraas awwaalicha ilaaluuf achi dhaqani. ²Kunoo, ergamaan Goofticha tokko waaqa keessaa gadi bu’ee dhufee dhagaa isa balbala awwaalichaa irraa jiru sana achi garagalche yeroo inni irra taa’etti, kirkirri lafaa guddaan ni uumame.³Bifti isaa akka bakakkaati; uffanni isaa akka cabbiitti addaata.⁴Waardiyyoonni (Eegdonni) bakka awwaalichaas garmalee waan sodaataniif, akka namoota du’anii ta’ani.⁵Ergamichis dubartoota sana waamee, “Hin sodaatinaa; akka isin Yasuus isa fannifamee ture barbaadaa jirtan anuu beeka. ⁶Inni as hin jiru; akkuma jedhee ture sanattis, inni kaafameera. Koottaatii iddoo inni itti awwaalamee ture iyyuu ilaalaa.⁷Ammas dafaa deemaatii barattoota isaatti, ‘Inni du’aa ka’eera. Kunoo, inni isin dura Galiilaa ni dhaqa. Achittis isa ni argitu’ jedhaatii himaa. Kunoo, ani isinitti himeera” jedhe.⁸Dubartoonni sunis sodaa fi gammachuu guddaadhaan awwaalicha keessaa dafanii ba’anii, barattoota isaatti himuudhaaf fiigani. ⁹Kunoo, Yasuusis isaanitti dhufee, “Nagaa jirtuu!” jedhee nagaa isaan gaafate. Isaanis, gara isaa dhaqanii miilla isaa qabatanii isaa sagadani. ¹⁰Achiin boodas, Yasuus, “Hin sodaatinaa. Deemaatii gara Galiilaatti akka dhufan obboloota kootti himaa. Isaanis achitti na argu” isaaniin jedhe.¹¹Dubartoonni suni otoodhuma gara jedhametti deemaa jiranii, kunoo, warra awwaalicha egaa turan keessaa muraasni isaanii duruu gara magaalittii dhaqanii, waantota ta’anii turan hundumaa dura buutota lubootaaatti himanii ture.¹²Luboonni sunis manguddoota wajjin wal arganii erga mari’atanii booda, maallaqa hedduu warra loltoota sanaaf kennani. ¹³Achumaanis, “Waa'ee isaa immoo, ‘Barattoonni isaa, yeroo nuti rafnee jirutti, dhufanii reeffa isaa hatani’ jedhaatii warra kaanitti himaa.¹⁴Dubbiin kuni bulchaa biyyaa bira yoo ga’es, akka rakkinni tokko iyyuu isin irra hin geenye goonee, nutuu isa ni amansiifna” jedhanii isaanitti himani. ¹⁵Loltoonni sunis, maallaqicha fudhatanii, akkuma isaanitti himame turettiis godhani. Dubbiin kunis warra Yihudoota gidduutti bal’inaan tamsaasamee odeeffame; hanga har’aatti illee, ittuma fufee jira.¹⁶Barattoonni kudha tokko suni garuu, haaluma Yasuus isaanitti ergeen gara Galiilaa iddoo tulluu sanaa deemani.¹⁷Yeroo isa arganis, isaa sagadani; muraasni isaanii garuu ni shakkani.¹⁸Yasuusis gara isaaniitti dhufee isaanitti dubbate; innis, “Aangoon hundumtuu waaqa fi lafa irratti anaaf kennameera.¹⁹ Kanaafuu, deemaatii uummattoota biyya lafaa hunda barattoota koo godhaa. Maqaa Abbaa, Ilmaa fi Afuura Qulqulluutiinis isaan cuuphaa.²⁰Waantota ani isin ajajee (abboomee) ture hundumaafis akka abboomaman isaan barsiisaa. Hubadhaa! Ani yeroo hundumaa isin wajjin nan jira, hanga dhumaatii bara kanaatti illee” isaaniin jedhe.

¹Kun Jalqaba wangeela Yesuus Kiristoos, ilma Waaqayyooti.²akkuma Isaayaas raajicha keessatti barreeffame."Ilaalaa, ani ergamaa koo fuula keessan dura ergaan jira, isa daandii kee qopheessu.³Sagaleen nama tokkoo lafa onaa keesssaa ni iyya,'gooftichaaf daandii tolchaa; daandicha qajeelchaa.”⁴Yoohaannis ni dhufe, lafa onaa keessatti cuuphaa fi cuuphaa qalbii jijjiirrannaa labsaa isa kan dhiifama cubbuu. ⁵Gutuummaan biyya Yihudaa fi Yerusaalen gara isaa dhaqani. Isaanis, galaana Yordaanos keessatti isaan cuuphamani, cubbuu isaaniittii qalbii jijjiirrachaa. ⁶Yohaannis gogaa gaanaa uffatee, mudhuu isaas saqii gogaan hidhate, hawaannisaa fi damma daammuus nyaate.⁷ Innis “Namni tokko ana booda ni dhufa, innis ana caalaa humna qaba; anis gadi jedhee illee hidhaa qophee isaatii hiikuun anaaf hin malu, ⁸Ani bishaaniin isin nan cuupha, inni garuu hafuura qulqulluun isun cuupha.”⁹ Kunis, guyya itti Yesuus Naazireet ishee Galiilaa keessaa dhufe ta’e; inni galaana Yoordaanos keessatti Yohaannisiin cuuphame. ¹⁰Akkuma Yesuus bishaanicha keessaa ba’een, utuu waaqni gargar saaqamuu argee, utuu hafuurri bifa gugeetiin isa irratti gadi bu’uu. ¹¹Sagaleenis waaqa irraa dhufe, “Ati ilma koo isa jaallatamaadha. Ani baay’een sitti gammada.”¹²Hafuurris akka inni gara lafa onaa dhaqu isa dirqisiise. ¹³Innis guyyaa afurtama lafa onaa keessa ture; Seexanaanis qoramutti ka’e. Inni bineesnota bosonaa wajjin ture, ergamoonnis isa tajaajilaniiru.¹⁴Amma erga Yohaannis qabamee, Yesuus wangeela Waaqayyoo lallabaa gara Galiilaa dhufe. ¹⁵Innis, “Yerichi ga’eera, mootummaan Waaqayyoos dhiyaateera. Qalbii jijjiirradhaatii wangeelattis amanaa.”¹⁶ Inni utuu galaana Galiilaa cina adeemaa jiruu, Simoonii fi obbolessa isaa Indiriyaasiin utuu kiyyoo darbatanii arge, isaanis qurxummii qabdoota turan. ¹⁷Yesuusis, “Kottaatii ana duukaa bu’aa, anis kan namoota qabdan isin nan godhaa.” isaaniin jedhe. ¹⁸Isaanis battaluma kiyyoo isaanii dhiisanii isa duukaa bu’an.¹⁹ Yesuus utuu xiqqoo irra siqee adeemuu, Yaaqob ilma Zebdiyoosii fi obboleessa isaa Yohaannisiin arge. Isaani doonii keessaa kiyyoo isaanii suphaa turan. ²⁰Innis isaan waame, isaanis abbaa isaanii Zebdewoosiin hojjetaa isaa qacaree wajjin doonii keessatti dhiisanii isa duukaa bu’an.²¹Isa booda isaan gara Qifirnaahoma dhufan; guyyaa sanbataa irra, Yesuusis gara mana sagadaatti ol seenee barsiise. ²²Isaanis barsiisa isaa ni dinqifatan, waan inni akka warra barreessitotaatti utuu hin ta’in, akka nama aboo qabuutti barsiiseef.²³Yeroo sana mana sagadaa isaanii keessatti namni hafuura hamaan keessa ture tokko ni iyye. ²⁴“Yaa Yesuus isa Naazireet, nuti sii wajjin maal walittii qabna; ati nu balleessuu dhuftee? Ani eenyuun akka ati taate beeka. Ati isa qulqulluu kan Waaqayyooti” ²⁵Yesuusis seexanicha ifatee, "cal jedhii isa keessaa ba’i!” jedhe. ²⁶Hafuurri xuraa’aan sunis isa kuffisee sagalee guddaadhaan iyyee isa keessaa ba’e.²⁷sabni hundumtuus ni aja’ibsiifatan, barsiifni haaraan aboo wajjinii “kun maali?” jedhaniis wal-gaafatan. Inni hafuurota hamaa illee ni abbooma, isaanis ni abboomamuuf!” jedhan. ²⁸Oduun waa’ee isaatiis guutummaa kutaa Galiilaa keessa wal ga’e.²⁹ Erga mana sagadaa keessaa ba’anii, gara mana Simoonii fi Indiriyaas dhufan; Yaaqobii fi Yohaannisii wajjin. ³⁰Amaatiin Simoonii dhukkuba qaama gubaan dhukkubsattee ciisaa turte, isaanis waa’ee ishee Yesuusuttu himan. ³¹Innis dhufee, harka ishee qabee, ol ishee kaase, ho’i qaamaa ishees ni dhiise, isheenis isa tajaajiluu eegalte.³²Galgala sana erga aduun seentee, namoota dhukkubsatan hundumaa fi warra hafuurri hamaan keessa jiru gara isaa fidan. ³³warri magaalattiis balbala duratti walitti qabaman. ³⁴Namoota namoota baay’ee dhukkuba addaa addaa qaban fayyise, seexanoota hamoota baay’ees baase; garuu akka hafuuronni hamoonni sun dubbatan hin barbaanne waan isa beekaniif.³⁵Inni ganama barii dukkanaa’e utuu jiruu ka’ee, gara bakka qoofni dhaqee, achittis kadhate. ³⁶Simoonii fi warr isaa wajjin turan isa barbaadani. ³⁷Isa arganiis “Namni hundumtuu si barbaadaa jira” jedhan.”³⁸ Inni immoo, “bakka tokko gara mandaroota naannooo jiranii haa adeemnu, achittis akkan lallabuuf, anis kanumaafin dhufe.” Jedhe. ³⁹Inni lallabaa, seexanootas baasaa Galiilaa hundumaa keessa darbe.⁴⁰ Laxaa’aan gara isaa dhufe. Isas kadhate, inni jilbeefatee “yoo fedha kee ta’e ana qulleessuu dandeessa” jedhe. ⁴¹Gara laafinaan itti dhiyaatee, Yesuus harka isaa qabaae, itti bu’e, “ani fedheera, qullaa’i” ittii jedhe. ⁴²Battaluma lamxiin isaa bade, innis ni qulleeffame.⁴³Yesuus cimsee isa akeekkachiisee gad isa dhiise. ⁴⁴“Nama tokkotti homaa tokko hin himin, garuu dhaqiitii, lubatti of argisiisi, waan qulloofteef immoo waan Museen abboome dhiyeessi, dhuga ba’uma isaaniif akka ta’utti” ittiin jedhe.⁴⁵ Inni garuu adeemee walabumaan labsee sagalicha tamsaase, Kana booddee, Yesuus mulinaan gara magaalaatti hin seenne, garuu, irraa fagaatee taa’e. amma iyyuu namoonni bakka addaa addaatii gara isaa dhufaa turan.

¹ Yersoo Yesuus guyyoota murasa boosa deebi’ee gara Qifirnaahom dhufe, akka inni mana jiru dhagaa’ame. ²Namoonni baay’eenis hanga bakki dhibutti achitti walitti qabaman, balbala duratti illee, innis sagalicha isaanitti dubbate.³Namoonni tokkos nama qaamni isaa lawaasa’e tokko gara isaatti fidani, namoota afur ta’anii baatanii. ⁴Isaan baay’ina namootaaf yeroo isa bira ga’uu dadhaban, guutuu guutuu manaa isa Yesuus gubbaa ture bananii, afata isa isa namichi lawaasa’aan sun irra ciisaa ture gara Yesuusitti gadi buusani.⁵Yesuus amantii isaanii ilaalee, namocha lawwaasa’aa sanaan “Yaa ilmaa, cubbuu kee siif dhiifameera.” ⁶Amma warri barreessitootaa achi ta’aa turan, garaa isaaniittis yaadani, ⁷"Namni kun akkamitti akkasitti dubbachuu danda’a? Inni Waaqayyoon arrabsa! Waaqayyoo malee eenyuutu cubbuu dhiisuu danda’a?”⁸Battaluma, waan isaan walii isaanii wajjin yaadan hafuura isaatiin hubate. “Garaa keessanitti maal yaadaa jirtu?” ittiin jedhe. ⁹Isa kamtu salphaadha, nama isa lawwaasa’aa “cubbuun kee siif dhiifameera” jechuumoo, “ka’ii dhaabadhu, afata kees fudhadhuu adeemi” jedhuudha?¹⁰ Garuu, akkuma beetu, ilmi namaa biyya lafaa irratti cubbuu dhiisuudhaaf aboo qaba” jedhe isa qaama miidhamaa sanaan. ¹¹"ani sittin hima, ka’I, afata kee fudhadhu, gara mana kees dhaqi.” ¹²Inni battaluma ka’ee afata isaa fudhatee, utuu hundumtuu ilaalalanii gara mana isaa dhaqe; isaan hundumatuus ajaa’isiifatanii Waaqayyoofis ulfina kennani, “Kan akkasii arginee hin beeknu” jedhani.¹³Inni ammas gara ciisa bishaanii dhaqe, namoonni heduunis gara isaa dhufan, innis isaan barsiise. ¹⁴Yeroo inni bira darbe, godoo warra qaraxa fuudhanii jalattii Leewwii ilma Alfewos argee “Ana duukaa bu’i” ittiin jedhe, innis ka’ee isa duukaa bu’e.¹⁵Yesuus mana Leewwiitti nyaata nyaachaa ture, namoonni qaraxa funaanan baay’een, akkasuma warri cubbamoonni isaa wajjin nyaachaa turan, bartoonni isaas. Isaan baay’ee waan ta’aniif isa duukaa bu’a. ¹⁶Yeroo warri barreessitootaa, warri Fariisota ta’an, akka inni warra cubbamootaa fi warra qaraxa fuudhanii wajjin utuu inni nyaatuu argan bartootaan “Inni maaliif warra qaraxa fuudhanii fi warra cubbamootaa wajjin nyaata?” jedhan.¹⁷ Yesuus yeroo kana dhaga’e, "Namoonni warri qaamni isaanii jabaan, ogeessa fayyaa hin barbaadani, warra dhukkubsatan qofaa malee. Ani namoota warra qajeelota waamuudhaaf hin dhufne, warra cubbamoota malee” isaaniin jedhe.¹⁸Amma bartoonni Yohaannisii fi fariisonni soomaa turani. Namoonni tokko dhufanii “Bartoonni Yohaannisii fi duuka buutoonni fariisotaa maaliif soomi, bartoonni kee garuu hin soomani?” ittiin jedhan.¹⁹Yesuusis, “utuu misirroon isaanii wajjin jiruu, namoonni cidhatti hirmaatan ni soomuu? ittiin jedhe. Hanga misirroon isaan bira jirutti, isaan hin soomani.²⁰Garuu guyyaan itti misirroon isaan biraa itti adeemu jira, guyyaa sana isaan ni soomu. ²¹Namni erbee moofaa uffata haaraa irratti hodhu hin jiru. Yoo kanaa achii erbicha moofaa sana ni tarsaasa, isa moofaa isa haaraa irraa, tarsaasuun isaas isa duraa irra kan caalu ta’a.²²Namni kam iyyuu wayinii isa haaraa qodaa wayinii isa dullomaa keessa hin kaa’u. akka goonaan wayinichi qodicha ni dhoosa, wayinichaa fi qodaan sunis ni badu. Qooda kanaa, wayiniin haaraan qodaa wayinii isa haa kaassa ni ka’ama.”²³ Guyyaa sanbataa tokko Yesuus oyiruu midhaanii keessa darbaa ture, bartoonni isaas mataa midhaanichaa kutatanii fudhatan. ²⁴Fsriisonnis, “Ilaali, isaan maaliif waan guyyaa sanbataa seera hin taane hojjetu?” jedhan.²⁵ Innis, “Waan Daawwit yeroo beela’ee nyaachuaa barbaade godhe dubbiftaniittuu, isaa fi namoonni isaa wajjin turan ²⁶akka inni gara mana Waaqayyootti ol seen yeroo Abitaat luba ol aanaa ture, daaboo aarsaas nyaate, isa luba malee namni nyaachuu hin dandeenye. Keessa iyyuu namoota warra isaa wajjin turaniid kenneera.” Jedhe.²⁷ Yesuus, “Sanbatni namaaf hojjetame malee, manatu sanbataaf hojjetame miti.” ²⁸Kanaaf, Ilmani namaa sanbata irratti illee gooftaadha." Jedhe.

¹ Yesuus ammas gara mana sagadaa dhaqe, namni harki isaa naafaa tokkos isaa wajjin ture. ²Namoonni yoo inni guyyaa sanbataatti isa fayyisa ta’e isa himachuudhaaf jedhanii isa ilaalani.³Yesuus namicha harka naafaa sanaan, “ka’iitii namoota kana gidduu dhaabadhu,” ittiin jedhe. ⁴Isa booda inni namootaan, “Guyyaa sanbataatti waan gaarii gochuumoo, waan miidhaa qabu gochuutu seera, lubbuu fayyuuf yookaan ajjeesuuf?” isaan garuu ni callisani.⁵Innis aariidhaan gara isaanii ilaale, inni gara jabina isaaniitti aaree, “harka kee diriirsi.” ittiin jedhe. Inni ni diriirse, harki isaas ni fayye. ⁶Warri fariisotaad gadi ba’anii battaluma, warra garee Heroodisii wajjin karaa ittiin isa ajjeesuu danda’aan mala maluu eegalan.⁷Yeruusis, bartoota isaa wajjin, gara galaanaa dhaqee, namoonni hedduunis Galiilaa fi Yihuudaatii isa duukaa bu’an. ⁸Yerusaalemii fi Edoomiyaasii, akkasuma Yoordaanosii fi naannoo Xiiroosii fi Sidoonaatii. Isaan yeroo waa’ee hojii inni hojjechaa turee dhagaa’an, sabni guddaan gara isaa dhufan.⁹Inni akka bartoon isaa sababii baay’ina namaa irraa kan ka’e doonni xiqqoo isaaf qopheessaniif itti hime. Akka isaan isa hin dhiphisnetti. ¹⁰Waan inni namoota baay’ee fayyiseef, namoonni rakkina qaban hawwiidhaan isa tuquudhaaf itti siqan.¹¹ Hafuurri hamaan yeroo isa arge, isa datatti lafatti kufanii iyyan, isaanis, “Ati ilma Waaqayyooti.” jedhan. ¹²Inni akka isaan waa’ee isaa hin dubanne jabeessee isaan dhuwwe.¹³ Inni gara gaaraatti ol ba’e, warra barbaadus waame, isaanis gara isaa dhufan. ¹⁴Inni warra kudha lamaanii muude (warra duuka buutota jedhaa waame) akka isaan isaa wajjin ta’anii fi adeemaniis ergicha labsaniif. ¹⁵akkasuma akka isaan seexana baasuudaafis aboo qabaataniif. ¹⁶Inni warra kudha lamaa muude, Simoon, isa inni maqaa Pheexiroos jedhu kenneef,¹⁷ Yaaqob ilma Zabdiyoos fi Yohaannis obboleessa Yaaqob, inni ilmaan qaqawweessaa, ¹⁸Indiriyaas, Filiphoos, Batelemewos Maatewos, Toomaas, Yaaqob ilma Alfewos, taadewos, Simoon isa hinaafticha fi ¹⁹Yihudaa isa Asqoroticha, isa isa gane,²⁰Isa booda inni gara manaa dhaqe, namoonni baay’een ammas isaa wajjin dhuufan, kanaaf isaan nyaata illee nyaachuu hin dandeenye. ²¹Yeroo maatiin isaa kana dhaga’aan, isa dhaabsisuu dhaqana, isaanis, “Inni sammuu isaan ala ta’eera” jedhan.²²Warri barreessitootaa Yerusaalemii dhufan, “Inni Bi’eelxebuliin qaba” akkasuma, “ajaja seexanaan seexanootas baasa” jedhan.²³²⁵23 Yesuus isaaniin gara ofii isaatti waamee fakkeenyaan “seexanni akkamitti seexana baasa? 24 ²⁴manii yoo walii gar gar cabe, dhaabachuu hin danda’u.²⁶ seexannis yoo ka’ee walii isaa irratti ka’ee gar-gar cabe, innis dhaabachuu hin danda’u, garuu ni bada. ²⁷Garuu, utuu nama isa jabaa sana dura jebeessee hin hidhun, namni nama jabaatti seenee qabeenyaa isaa hatu hin jiru.²⁸ Ani dhuguman isinitti hima, cubbuun ilma namaa kam iyyuu ni dhiifama, inni isaa Waaqayyoo arrabsan illee, ²⁹Garuu namni Hafuura qulqulluu arrabsu tasuma dhiifama hin argatu, gaabbii cubbuu bara baraa malee.” Jedhe.³⁰Yesuus waan isaan “Inni hafuura xuraa’aa jedhaniif” jedhaniif kana jedhe.³¹ Isa booda haati isaa fi obbolaan isaa dhufanii bakkee dhaabatan. Isa waamsisuuf itti ergan. ³²Namoo baay’ee isa duratti walitti qabamanii, “Haati kee fi obbolaa fi obboleettonni kee ala jiru, isaan si barbaadu.” Ittiin jedhan.³³ Innis “Haati koo fi obboleen koo eenyu?” jedhe. ³⁴Inni gara warra isatti naanna’anii ta’anii ilaalee, “Ilaalaa, haati koo fi obboleen koo kunooti! Jedhe. ³⁵Namni fedha Waaqayyoo raawwatu, obboleessi, obboleettii fi haati koo isaani” jedhe.

¹ Ammas galaana qarqaratti barsiisuu itti fufe, namoonni baay’eenis isa biratti walitti qabamani. Inni gara doonii isa galaana keessa jiruu dhaqe, isa keessas taa’e. guutummaan namoota baay’ee sun galaana qarqara galaanaa turan. ²Inni waantota baay’ee fakkeenyaan barsiise, barsiisa isaa keessattis, kana dubbate.³"Dhaggeeffadhaa! Qotee bulaan sanyii facaasuu ba’e. ⁴akkuma inni facaaseen, keessaa, kan daandii cina bu’e, simbirroonis dhuftee funaannatte. ⁵Sanyiin kaan dhagaa keessa bu’e, bakka itt biyyoon ga’aan hin arganne.⁶Yeroo aduun baate garuu, biqiltuun sun ni goge, hidda waan waan hin qabneef, hin goge. ⁷Sanyyiin kaan immoo qoraattii gidduu bu’e. qoraattiinis guddatee isa hudhe, kanaaf ija hin godhanne.⁸ Sanyiin inni kaan immoo biyyoo isa gaarii irra bu’eef biqilee guddate, ijas ni godhate, tokko soddoma, tokko ja’aatamaa fi kaan immoo dhibba godhate.” ⁹Kanaaf inni “Dhaga’uuf gurra kan qabum haa dhaga’u!” jedhe.¹⁰ Yeroo Yesuus qofaa ture, warri warra kudha lamaa wajjin isa bira turan waa’ee fakkeenyihcaa isa gaafatan. ¹¹Innis, “Isiniif dhoksaan mootummaa Waaqayyoo isiniif kennameera. Garuu, warra bakkee jiran hundumaatti garuu waan hundumtuu fakkeenyaan dubbatama, ¹²kanaaf yeroo, ilaalan, eyyee ni ilaalu, garuu hin argani, akkasuma yeroo dhagaa’an, eyyee ni dhaga’u, garuu hin hubatani; yookaan deebi’anii, Waaqayyos isaaniif dhiisa.”¹³ Innis, “fakkeenya kana hin hubattanii? Ittiin jedhe. Akkamitti fakeenyota hundumaa hubachuu dandeessuree?” ¹⁴Inni facaasu sagalicha ni facaasa. ¹⁵Isaan kun warra daandii cinaati, bakka sanyihci bu’e. Isaan yeroo dhagaa’an, seexanni battaluma dhufee, sanyii isa isaan keessatti faca’e keessaa funaannate.¹⁶ Isaan kun immoo, sanyii warra dhagaa irra bu’eedha. Warra yeroo sagalicha dhagaa’an, gammachuudhaan dhagaa’an. ¹⁷Garuu, ofiif hidda gadi fagoo hin qabani, yeroo muraasaaf immoo ni jiraatu. Itti fufee, yeroo rakkinni yookaan ari’atamni dhufu sababii sagalichaaf, isaanbattaluma ni kufu.¹⁸ Amma iyyuu warri kaan warra qoraatti gidduutti facaafamaniidha. Isaan warra sagalicha dhagaa’aniidha. ¹⁹Garuu, yaadni biyya lafaa, gowoomsaan qabeenyaa fi fedhiin waanota kan biraa dhufee sagalicha ni hudha, inni bu’aa maleessa ta’a. ²⁰Warri lafa isa gaarii irra facaaman immoo, warra sagalicha dhagaa’anii, fudhatanii ijas godhataniidha, soddoma, jaa’atamaa fi dachaa dhibba akkasuma.²¹ Yesuus, “Ibsaa mana keessa jiru guuboo jala, yookaa siree jala kaa’uuf ni fidduu? Fiddanii baattuu ibsaa irra ni keessu. ²²Waan dhokfame waan hin mullanneef, waan banaa ta’ee hin dhinaanne dhoksaa miti. ²³Namni dhaga’uuf gurra qabu, haa dhaga’u!”²⁴Inni, "Waan dhageessanitti xiyyeeffanaa kennaa, safartuun ati gargaaramtu siifis waan itti safaramuuf, kan caaluns itti siif dabalama. ²⁵Sababiin isaa kan qabuuf itti dabalama, isa hin qabne jalaa immoo kan inni kabu iyyuu duraa dudhama.²⁶ Inni “Mootummaa Waaqayyoo akka nama lafa irratti sanyii facaasuuti” jedhe. ²⁷Inni halkaniin rafee, guyyaa immoo ka’a, sanyichis biqilee ni guddata, yoodhuma inni akkamitti akka ta’e hin beeku ta’e. ²⁸Lafti ofiidhuma isheen midhaan ni biqilichiti. Jalqaba haadduu, itti fufee gurra, isa booda gurraa isaa keessatti midhaan bilchaataa. ²⁹Midhaannichi yeroo ga’u, yeroon sassaabuu waan ga’eef, battaluma haamtuu ni erga.”³⁰ Inni ammas, “Mootummaa waaqayyoo maalitti fakkeessinaree, ibsuudhaafis fakkeenya akkamii gargaaramna? Jedhe. ³¹Inni akka ija sanaaficaati. Isa yeroo faca’u, sanyii lafa irra jiran caalaa xiqqoodha. ³²Eyyee, yeroo facaafamu, guddatee midhaan oyiruu mukeetii keessa jiran ni caala, dame gurguddaas ni baafata, akka simbirroonni waaqaas man’ee isaanii irratti ijaarratanitti” jedhe.³³ Inni fakkeenyota akkasii baay’eetiin sagalicha isaanitti dubbate. Hanga isaan hubachuu dandaa’an. ³⁴inni fakkeenyaan malee isaanitti hin dubbanne. Garuu yeroo qofaa ture, waan hundumaa bartoota isaatiif ni ibse.³⁵ Guyyaa sana, yeroo bari’e, “gara gamaatti haa ceenu.” jedhe. ³⁶Kanaaf namoota baay’ee sana dhiisanii, Yesuusiin of biratti fuudhanii, akkuma inni doonii keessa jirutti. Doonniiwwan kan biraan isaanii wajjin turaniiru. ³⁷Isa booda bubbeen jabaan ni ka’e, dha’aan isaan hanga dooniin sun bishaaniin guutetti itti gale.³⁸ Yesuusis doonicha keessa ture, boraattii irra rafee. Isaanis ka’anii, “barsiisa, du’uun keenya sin dhibuu?” ittiin jedhan. ³⁹Innis ka’ee, bubbicha ifate, galaanichaanis, “Nagaa, haa ta’u!” isa booda bubbichi ni dhaabate, isa booda tasgabbiin guddaan ni ta’e.⁴⁰ Innis, “Maaliif sodaattu? Amma iyyuu amantii hin qabdanii?” ⁴¹Isaanis sodaan guddaan guutamanii, “Inni kun eenyuudha, bubbee fi galaannis kan isaas abboomamu?” waliin jedhan.

¹ Isaan gamatti ni ce’ani, gara kutaa Genesaarexitti. ²Yeroo Yesuus doonii keessaa bu’e, namni hafuurri hamaan keessa jiru tokko awwaalcha keessaa itti ba’e.³ Namicha awwaalcha keessa jiraata. Namni isa dhaabuu danda’u hin jiru, fuuncaadhaan illee. ⁴Inni yeroo baay’ee isa ittiin harka hidhanii fi fuuncaadhaan hidhameera. Fuunichas kukkutee, isa ittiin harka isaa hidhanis ni caccabsa ture. Namni isa dhaabuuf humna qabu hin turre.⁵Guyyaa fi halkna awwaalcha keessatti, tulluuwwan keessattis, dhagaa qara qabu baatee ittiinis ofii isaa kuta. ⁶Inni yeroo fageenya irratti Yesuusiin arge, gara isaatti fiigee fuula isaa duratti gadi gombifame.⁷Sagalee guddaadhaanis iyyee, “Sii wajjin maalin walittii qaba, ilma Waaqayyoo isa guddaa? Ani Waaqayyoodhuma mataa isatiin sin kadhana, ana hin dhiphin.” Jedhe. ⁸Innis akkas ittiin jedhe, “hafuura hamaanana, namicha keessaa ba’i” jedhe.⁹ “Maqaan kee eenyuudha?” jedhee gaafate.Innis, “Maqaan koo Leegiyoon, nuti baay’eedhas.” jedhe. ¹⁰Inni akka inni kutaa sana keessaa isa hin ariineef irra deddeebi’ee kadhate.¹¹Baay’een baay’een bakka sana, tulluu irra dheedaa turan. ¹²Isaanis “Gara booyyeewwaniitti nu ergi, isaanitti gallaa” jedhanii isa kadhatan. ¹³Inni hin eyyameef, hafuurroonni hamoon sunis keessaa ba’anii booyyeewwanitti galan. Booyyeewwan sunis gaara irraa gara galaanaatti gadi fiigan; gara booyyeewwan kuma lamaatus galaanatti seene.¹⁴ Isa booda warri booyyeewwan sana tiksaa turan fiiganii dhaqanii magaalotaa fi baadiyaatti himan, kanaaf namoonnis waanta ta’e ilaaluudhaaf ba’an. ¹⁵Isa booda gara Yesuus dhufanii nama hafuurri hamaan Leegiyoon keessa ture achi taa’ee argan. Uffataa sammuutti deebi’ee, isaanis ni sodaatan.¹⁶Warra waan nama hafuurri keessa ture kana irratti waan ta’e argan, gadi fageessanii isaanitti himan, waa’ee booyyeewwaniis itti himan. ¹⁷Isa booda akka inni naannoo isaaniitii adeemuuf kadhachuutti ka’an.¹⁸ Yeroo inni doonii seenaa ture, namichi hafuurri hamaan keessa ture akka inni isaa wajjin turuuf isa kadhate. ¹⁹Yesuus garuu tole hin jenne, garuu, “gara mana keessa fi gara namootaa dhaqiitii waan gooftichi siif godhe itti himi, akkamittis akka araara sitti argisiise.” ²⁰Inni dhaqee Dikaapolisitti waan gudda Yesuus isaad godhe labsuutti ka’e, namni hundumtuus ni ajaa’ibsiifate.²¹ Yesuus amma yeroo galaana ce’e, namoonni baay’een naannoo isaatti walitti qabaman, inni galaana qarqara ture. ²²Yeroo sana geggeessitoota mana sagadaa keessaa namni maqaan isaa Yaa’iroos jedhamu tokko dhufe, innis yeroo isa arge, miilla isaa jalatti kufe, ²³Irra deddeebi’ee “mucaan durbaa koo isheen xiqoon du’uuf jetti, sin kadhadha akka ati dhuftee harka kee irra keessuus akka isheen fooyyotee fayyitutti” jedhee kadhate. ²⁴Innis isaa wajjin dhaqe, namoonni baay’eenis isaa hordofani, nannoo isaattis wal dhiiban.²⁵ Dubatiin dhiigni ishee waggoota kudha lamaaf dhanga’e tokkos achi turte. ²⁶Ogeessota yaffaa biratti baay’ee dhiphattee, waan qabdu maras fixxe, garuu qooda itti fooyy’u itti hammaate. ²⁷Isheen yeroo waa’ee Yesuus dhageesse, isa cina dhuftee qarqara uffata isaatii tuqxe.²⁸ Isheenis, “yoon uffatuma isaa tuqe, nan fayya.” Jette. ²⁹Isheen yeroo isa tuqxe, dhiigni ishee ni dhaabate, isheenis qaama ishee keessatti akka dhiphina ishee irraa fayyiye itti dhagaa’ame.³⁰Yesuusis battaluma akka humni isa keessa ba’e itti dhagaa’ame. Inni gara sabichaatti gara galee, “eenyuutu ana tuqe?” jedhe.³¹Bartoonni isaas, “namoota hedduu naannoo kee jiran ni argita, ati immoo eenyutu ana tuqe jettaa?” jedhan.³²Yesuus garuu eenyu akka isa tuqe baruuf naannoo isaa ilaale.³³Dubartittiin, waan isheef ta’e beektee, sodaattee dhiphatte. Dhuftees isa duratti kufte, dhgaa hundumaas itti himte. ³⁴Innis, “amantiin kee si fayyiseera ittiin jedhe, nagaan dhaqiitii dhipha keettiis fayyi.” Ittiin jedhe.³⁵ Utuu inni dubbachaa jiruu, geggeessitoota mana sagadaa keessaa jarri tokko dhufanii, “intalli kee duuteetti. Maaliif barsiisaa rakkifta?” jedhan.³⁶ Garuu Yesuus yeroo dubbii dubbatame dhaga’e, geggeessitoota mana sagandaan, “hin sodaatinaa, amanaa malee” jedhe. ³⁷Pheexiroos, Yaaqobii fi Yohaannis obboleessa Yaaqob malee akka namni kan biraanisa duukaa hin adeeme godhe. ³⁸Isaanis gara mana geggeessaa mana sagadaa dhufanii, utuu namoonni iyyanii argan, isaanii boo’aa, sagalee isaanii ol kaasanii iyyaas turan.³⁹ Inni manatti ol seenee, “Maaloof aartanii boossu? Mucichi ni rafe malee hin duune.” Jedhe. ⁴⁰Isaanis isatti qoosootti ka’an. Inni garuu, isaaniin dhiisee, abbaa mucaa, haadha fi warra isa bira turan fuudhee bakka mucaattiin jirtu seene.⁴¹Innis harka mucattii fuudhee, “xaalitaa quumii!” jedhe, hiikaan isaas, “mucaa durbaa xiqqoonana, ani siinan jedhaa, ka’i” jechuudha. ⁴²Mucattiinis battaluma kaatee dhaabatte (isheenis mucaa waggaa kudha lamaa turte). Isaanis battaluma dinqii humnaan olii kana dinqifatan. ⁴³Inni akka eenyu illee waa’ee kanaa hin dhageenyeef cimsee isaan abboome. Isa booda akka isaan waan ishee nyaattu isheef kannaniif ishee abboome.

¹ Inni bakka sanaa adeemee, gara dhaloota isaa dhufe, duuka buutonni isaas isa hordofani. ²Yeroo guyyaa torbaffaan ga’e, inni mana sagadaa keessatti barsiise. Namoonni baay’een isa dhagaa’anii dinqifatan. Isaanis, “Inni barsiisa kana eessaa fide?” jedhan. “Ogummaa akkamiitu isaaf kenname?” “diniin inni harka isaatiin hojjetu maali?” ³"Kun isa muka soofticha mitii, ilma Maariyaam, obboleessa Yaaqobii fi Yooses, Yihudaa fi Simoon mitii? Obboleettonni isaa as nuu wajjin jiru mitii?” jedhanii isa maman.⁴ Yesuusis, isaaniin, “Raajiin kabaja qaba, bakka dhalootaa fi firoota isaa fi maatii isaa gidduutti malee.” Jedhe. ⁵Inni hojii guddaa kam hojjechuu hin danda’u, harka isaa namoota dhukkubsatan muraasa irra kaa’ee fayyisuu malee. ⁶Inni amanuu diduu isaanii ni sinqifate. Isa booda gara naannoo magaalaatti ba’e barsiisuudhaaf.⁷ Isa boosa warra kudha lamaa waamee lama, lamaan isaan erge. Hafuurota hamoo irrattis aboo kenneef. ⁸akka isaan imla isaaniif homaa homaa hin fudhanneefis isaan gorse; daabboo, qalqalloo, qarshii fi saqii isaanii. ⁹Garuu immoo akka qophee kaa’atanii fi qomee lama garuu akka hin uffanne.¹⁰ Inni, “Yeroo manatti ol seentan, hanga achii adeemtanitti achuma turaa; ¹¹yoo magaalaan tokko sin hin simatu ta’e yookaan isin hin dhaggeeffatu ta’e, yeroo bakka sanaa adeemtan, dhuga ba’umsa isaaniif awaara miilla keessanii of irraa dhadhaa’adhaa.” Jedhe.¹²Isaanis ba’anii akka sabni qalbii jijjiirratuuf itti lallaban. ¹³seexanootas baasan, namoota dhukkunsatan baay’ees zayitii dibanii fayyisan.¹⁴ Mootichi Heroodis kana dhaga’e. akka maqaan Yesuus ballinaa beekame. Namoonni kaan, “Yohaannis cuuphaatu du’aa ka’e, kanaaf hojii dinqii kun isaan hojjetama.” Jedhan. ¹⁵Warra kaan immoo, “Inni Eliyaasi.” jedhan. Amma warri kan biraan immoo, “Inni raajiidha, akkuma raajota warra bara durii.” jedhan.¹⁶ Heroodis garuu yeroo kana dhaga’e, “Yoohaannis isa ni morma irraa kuchisiisetu ka’e.” jedhe.¹⁷Heroodis Yoohaannisitti ergee qabsiisee, hiisisee ture, waan Heroodis, (haadha manaa obboleessa isaa Filiphoos), fuudheef.¹⁸ Yohaannis, “Ati, haadha manaa obboleessa keetii fuudhuun seera miti.” ittiin jedheef. ¹⁹Heroodiyaas garuu, garuu itti aartee isa ajjeesuuf barbaadde, garuu hin dandeenye, ²⁰Heerodis inni nama qajeelaa fi qulqulludha jedhaa waan sodaateef. Kanaaf ni dhiise. Yeroo dubbii isaa dhaga’es walii isaa wallaale, garuu immoo gammachuudhaan dhaggeeffate.²¹ Yeroo sana carraan, guyaya itti Heroodis guyyaa dhaloota isaa kabajatuu fi warra aangawoota isaa fi ajajoota isa geggeessitaooa galiilaaf irbaata qopheessee ni dhufe. ²²Intallo Heroodiyaas ol seentee isaaniif ragadde, isheenis Heroodisii fi keessummoota warra nyaachaa jiran gammachiifte. Mootichis, mucattii durbaan, “Waan fedha kee ta’e ana gaafadhu, ani siifan kennaa.” ittiin jedhe.²³ Innis, “Waan ati ana gaafattu hundumaa, ani siifan kenna, hanfa walakkaa mootummaa kootitti illee” jedhee kakateef. ²⁴Isheenis dhaqxee, haadha isheetiin, “Maal isa gaafadhu?” jette.Isheenis, “Morma Yohaannis cuuphaa.” Jette.²⁵Isheen ariiffattee gara mootiitti deebitee, “Amma, akka ati, mataa Yohaannis cuuphaa gabatee mukaatti akka ati anaaf kennituuf nan barbaada,” jettee gaafate.²⁶ Kun yoodhuma mooticha gaddisiise ilee, inni waan waadaa isheedhaaf galee turee fi akkasuma sababii keessummaato isaa warra nyaata irra turaniif. ²⁷kanaaf mootichi eegdota isaa keessa loloota ergee, akka isaan morma Yoohaannis fidaniif abboome. Loltuunis dhaqee, mana hidhaa keessatti maraa isaa irraa kute. ²⁸inni mataa isaa gabatee irra kaa’ee fidee mucattii durbaaf kenne; mucattiinis haadha isheetiif kennite. ²⁹Bartoonni isaa yeroo kana dhagaa’an, dhufanii reeffa isaa fuudhanii awwaalcha keessa kaa’ani.³⁰Bartoonni Yesuus duukaa dhufanii, waan hojjtanii fi barsiisan isatti himan. ³¹Isa booda, inni, “Ofii keessaniif gara bakak duwwaatti ba’aatii yeroo muraasaaf boqodhaa.” Jedhe. Baay’een waan dhufanii adeemaniif, isaan nyaachudhaaf illee yeroo hin arganne. ³²kanaaf isaan dooniidhaan, ofii isaaniitiin gara bakka qoofniitti adeemani.³³Garuu isaan utuu isaan adeemanii arganii baay’eenis hubatniiru, isaan faanas miillaan magaalota hundumaa keessaa itti fiigan, isaan duras bakka sana ga’an. ³⁴Isaan yeroo galaana galaanaa ga’an, inni namoota baay’ee sana argee, o’eef, sababiin isaa, isaan akka hoolota tiksee hin qabnee turan. Kanaaf waantota hedduu isaan barsiisuu eegale.³⁵ Yeroo guyya’e, bartoonni isaa gara isaa dhufanii, “Kun bakka onaadha, guyya’eeras, ³⁶akka isaan gara baadiyaa fi magaalota dhiyoo jiranii dhaqanii, waan ofii isaaniif nyaatan bitaniif ergi.” Ittiin jedhan.³⁷ Garuu inni deebisee, “isin waan nyaatamu isaaniif kennaa.” Jedhe.Isaanis deebisanii, “Dhaqnee buddeen diinaarii dhibba lamaa bitnee isaaniif kennuu ni dandeenyaa?” ittiin jedhan. ³⁸Innis isaaniin, “buddeena meeqa qabdu? Dhaqaa ilaalaa.” Ittiin jedhe.Isaan yeroo argatan, “buddeenya shanii fi qurxummii lama.” Jedhan.³⁹Inni akka namoonni gareedhaan marga isa lalisaa irra ta’aniif abboome. ⁴⁰isaniif gareedhaan dhibbaan shantamaanis ni ta’an. ⁴¹Innis budeena shanii fi qurxummii lama fuudhee, waaqa keessa ilaalee, eebbisee, cabsee, bartootatti kenne, akka isaan namoota hiraniif. Akkasuma inni qurxumiiwwan lamaan sanas namootaa ni qoode.⁴²Isaanis hanga quufanitti ni nyaatani. ⁴³Isaanis buddeena isa harca’e gundoo kudha lama guutuu fuudhani, akkasuma haftee qurxummiis. ⁴⁴Namoonni buddeena nyaatanis dhiirota kuma lama.⁴⁵ Inni, battaluma akka bartoonni isaa doonii yaabanii isa dura gara gamaatti ce’an godhe, gara Bee-sayidaatti, hanga ofii isaatiif namoota baay’ee sana geggeessutti. ⁴⁶Erga geggeessee booda, kadhachuudhaaf gara gaaraatti ol ba’e. ⁴⁷Halkanis ta’e, dooniin amma gara walakkaa galaanaa jirti, inni qofaa isaa lafa jira.⁴⁸ Inni akka isaan rakkachaa jiran argee, qilleensi akka isaan rakkisaa jiru. Halkan keessa gara sa’atii afurii keessa, galaana irra adeemaa gara isaanii dhufee isaan bira darbuu barbaade. ⁴⁹Garuu yeroo inni galaana irra adeemuu argana, hafuura isaanitti fakkaatee guddisanii iyyan. ⁵⁰Sababiin isaa isaan isa arganii sodaatan. Inni battaluma isaanitti dubbatee, “Jabaadhaa! Inni ana, hin sodaatinaa!” jedhe.⁵¹ Isaanii wajjin doonii seenee, qilleensichis gab jedhe. Isaanis guddaa dinqifatan. ⁵²Buddenicha maal jechuu akak tura waan hin hubatiniif. Qooda isaa, garaan isaanii ni jabaate.⁵³Isaan yeroo ce’an, Geneseraaxiin ga’anii doonicha dhaabana. ⁵⁴Yeroo doonii keessaa bu’an, namoonni battaluma isa hubatan, ⁵⁵Guutmmaa naannoo keessa fiiganii, namoota afata isaanii wajjin fiduudhaaf, gara bakka inni jira jedhanii dhagaa’anitti.⁵⁶ Mandara, magaalaa yookaan biyya inni seenetti, dhukkubsatoota bakka gabaatti itti fidu. Isaan qarqara uffata isaatii tuquudhaaf isa gaafatu, namoonni baayyeenis tuqanii fayyaniiru.

¹ Fariisotaa fi warri barreessitootaa baay’een, warri Yerusaalemii dhufan isa cinatti walitti qabaman.² Isaanis, utuu bartoonni isaa warri xuraa’otaa wajjin nyaatanii argan; utuu harka hin dhiqatin. ³(Fariisonnis, Yihuudonni hundumtuus utuu sirriitti harka hin dhiqatin hin nyaatani, sababiin isaa duudhaa maanguddota eegu. ⁴Fariisonni yeroo gabaatii galan, utuu hin dhiqatin hin nyaatani, akkasuma waantota kan biraa fudhatan hedduu ni eegu, kan akka kubbayyaa dhiquu, gaanii, qodaa sibiila diimaa irraa hojjetamee fi teessuma isa irra ta’anii nyaatanis.)⁵ Fariisonnii fi barreessitoonni, “Bartoonni kee maaliif akka seera abbootaatti hin adeemani, maaliif utuu harka hin dhiqatin nyaatu?” jedhanii Yesuusiin gaafatan.⁷⁶ Inni, “Isaayaas waa’ee keessa warra of tuultotaa raajii dubbateera, akkuma barreeffamee jiru,⁸ Isin babboommii Waaqayyoo dhiiftanii, aadaa namootaa eegdu.” Jedhe. ⁹Akkasuma, “aadaa ofii keessanii eeguuf jettanii, akkas abboommii Waaqayyoo tuffattu! Ittiin jedhe. ¹⁰Museen, “abbaa kee fi haadha keef ulfinna kenni,’ “namni abbaa fi haadha isaatti hamaa dubbate du’a dhugumaan ni du’a.’ jedheera.¹¹Isin immoo namni abbaa isaa fi haadha isaa gargaaruuf ture tokko isaaniin, waanti na biraa isiniif kenname, waa’ee isiniif baasuuf ture, amma qurbaana ta’eera”, kana jechuunis Waaqayyoof kennameera’ yoo jedhe ba’eessa godhe’ jettu. ¹²Isa booda isin akka inni abbaa isaa yookaan haadha isaaf waa hojjetuuf hin eyyamtani. ¹³Isin aadaa keessan isa fudhattaniin, sagalee Waaqayyoo gatii dhabsiiftu. Akkasuma waantota kana fakkaatan hedduus ni raawwattu.”¹⁴¹⁵¹⁶14 Inni ammas namoota baay’ee sana waamee akkas ittiin jedhe, “ana dhaggeeffadhaa, hundumti keessan, hubadhaas. 15 Waanti bakkeedhaa seenee nama xureessuu hin jiru, yeroo inni gara isaatti seenu. Isa namicha keessaa ba’utu isa xureessa.” 6¹⁷Yeroo Yesuus namoota baay’ee sana dhiisee mana seene, bartoonni isaa waa’ee fakkeenyichaa isa gaafatan. ¹⁸Yesuus, “Amma iyyuu hin hubatin jirtuu? Akka waanti bakkeetii gara namaatti seenu nama hin xureessine hin beektanii, ¹⁹Sababiin isaa gara onnee hin dhaqu, garuu gara garaa dhaqee, kosii ta’ee ba’aa? Dubbiin kanaa Yesuus qulqulluu ga’uu nyaata hundumaa labse.²⁰ Inni, “waan bakkeedhaa dhufutu, nama xureessa. ²¹Inni keessa namaatii dhufu, onnee keessaa, yaada hamaa hordofee, ejja, hanna, ajjeesuu, ²²hawwii, hameenya, gowwomsaa, miirummaa, hameenya, maqaa balleessuu, of tuuluu, dhibaa’ummaa. ²³Isaan hamoon kun hundumtuu keessaa ba’u, isaanis warra nama xureessaniidha.”'sabni kun hidhii isaatiin ana kabaja, garaan isaa garuu ana irraa fagadoodha.7 isaan akkasumaan ana waaqessu,Abboommii namaa akak barumsa bu’uura amantiitti barsiisu.’²⁴ Inni achii ka’ee gara kutaa Xiirosii fi Sidoonaa dhaqe. Achitti manatti ol seenee, bakka inni jirus akka namni beeku hin barbaanne, garuu dhukachuu hin dandeenye. ²⁵garuu, battaluma, dubrtiin mucaa durbaa xiqqoo hafuurri hamaan keessa jiru tokko, waa’ee isaa dhageessee, dhuftee miillaa isaa jalatti kufte. ²⁶Dubartiin sun Girikii turte, Finiiqee Sooriyaatii dhufte. Isheen akka inni seexana sana mucaa ishee keessaa baasuuf isa kadhatte.²⁷ Innis, “Ijoolleen jalqaba haa nyaatani. Nyaata ijoollee fuudhanii sarootaaf kennuun sirrii miti.” Ittiin jedhe. ²⁸Isheen garuu deebiftee, “Eyyee, yaa gooftaa, sareen minjaala jalaa isa haca’e nyaatu.” Jette.²⁹ Innis deebisee, “sababii waan dubbatteef, ati adeemuuf walaba. Seexannis mucaa durbaa keessaa ba’eera.” ³⁰Isheenis gara mana isheetti deebitee mucaan ishee siree irra raftee argite, seexannis keessaa ba’eera.³¹ Isa booda, inni nannoo Tiroosii ni adeeme, karaa Sidoonaa ba’ee gara Galaana Galiilaa dhaqe, hanga kutaa Diqaaphoolisitti. ³²Isaani, nama dhaga’uu hin dadneenyee fi haasa’uu hin dandeenye tokko gara isaatti fidani. Akka inni harka isaa isa irra kaa’us isa kadhatan.³³ Namoota baay’ee irraa qophaatti adda baasanii, inni quba isaa gurra isaa keessa kaa’ee, inni itti tufees, arraba isaa qabe. ³⁴isa booda waaqa keessa ilaalee, hafuura baafatee, “Eftaa,” jedhe; hiikaan isaas “banami” jechuudha. ³⁵battaluma gurri isaa baname, hidhaan arraba isaatiin gad dhiifame, innis walabaan dubbachuu eegale.³⁶ Yesuus akka isaan namatti hin himne isaan akeekkachiise. Garuu hangua inni isaan abboome, isaan immoo caalchisanii lallabani. ³⁷Isaan baay’ee dinqifatanii, “inni waan hundumaa gaarii godhe, inni duudaa bane, akka inni haasa’u gochuus ni danda’a” jedhan.

¹ Guyyoota sana, amma namoonni hedduun turani, isaanwaan nyaatan hin qabani. Yesuus bartoota isaa waamee, ²"Ani namoota baay’ee kanaaf na o’a, sababiin isaa isaan guyyoota sadii nu bira turanii, waan nyaatanu hin hin qabani, ³utuu isaan hin nyaatin yoon gara mana isaaniitti erge, karaa irratti kukkuufuu danda’u. isaan keessaa kan lafa fagootii dhufan jiru.” Jedhe.⁴Bartoonni isaa, “lafa onaa kana keessatti buddeen ga’aa namoonni kun qoofan eessaa arganna?” jedhan.⁵ Innis, “Buddeen meeqa qabdu?” jedhee gaafate.Isaanis, “Torba.” Jedhan. ⁶Inni akka namoonni baay’een sun lafa irra ta’an abboome. Buddeena toraban sana fuudhee, galateeffatee, cabse. Akka bartoonni isaaniif dhiyeessaniif itti kenne. Isaanis namoota baay’ee sanaad dhiyeessani.⁷akkasuma isaan qurxummii muraasa tokkos qabu turani. Inni erga isaaniif galateeffatee booda, isa kanas akka isaan dhiyeessaniif abboome. ⁸Isaanis nyaatanii quufan, isaan nyaata isa isaan irraa hafe funaanani. ⁹Isaanis akka namoota kuma afurii turan, isa booda inni isaaniin gad dhiise. ¹⁰Battalumas bartootaa wajjin doonii seenee, isaanis gara kutaa Daalmaatiyaa dhaqan.¹¹ Isa booda fariisonni dhufanii isaa wajjin falmuutti ka’an. Isaan mallatttoo waaqa irraa isa irraa barbaadan, isa qoruudhaaf. ¹²Innis hafuuraa isaan guddisee hafuura baafatee, “dhaloonni kun maaliif mallaattoo barbaada? Ani dhuguman isinitti hima, dhaloota kanaaf mallattoon hin kennamu.” Jedhe. ¹³Ammas isaaniin dhiisee gara dooniitti deebi’e,e gara gamaatti ce’e.¹⁴Amma, bartoonni buddeen fuudhuu irraanfatani. Isaan buddeen tokko isa doonii keessa jiruun ala homaa hin qabani. ¹⁵Innis, “Ilaalladhaa, raacitii warra fariisotaa fi raacitii Heroodis irraa of eeggadhaa!’ jedhee akeekkachiise.¹⁶Bartoonni waa’ee buddeenya dhabuu isaanii walitti falmuutti ka’an.¹⁷Inni yeroo kana hubate, “maaliif waa’ee buddeenya dhabuu walitti falmitu? Amma iyyuu argitanii hun hubannee? Garaa jabaataa qabduu?¹⁸Ija qabdu, hin argitanii? Gurras qabdu, hin dhageessanii? Hin yaadattanii? ¹⁹yeroo budeenya dhan warra kuma shaniif kenne, nyaata irraa hafe, guuboo meeqa funaantan?” jedhe. Isaanis, “kedha lama.” Jedhan.²⁰ "Yeroo buddeenya torba warra kuma afuriif kenne, harca’aa buddeenii guuboo meeqa funaantan?”Isaanis, “torba” jedhan.²¹Innis, “hin hubattaniiree?” jedhe.²² Isaan gara Beet-sayidaa dhufan, namoonni achi jiran, nama qaro dhaneessa tokko fidanii akka Yesuus isa qaqqabatuuf kadhatan. ²³Yesuus nama qaro dhabeessa sana harka isaa qabee, magaalaa keessaa baase. Yeroo inni ija isaatti tufee harka isaa irra kaa’e, “waa ni argitaa?” jedhee gaafate.²⁴ Innis ilaalee, “ani akka muka adeemuttin nama arga.” Jedhe.²⁵Inni ammas harka isaa ija isaa irra kaa’e, namichisa ija isaa bane, hafuurri isaas ni deebi’e, waan hundumaas sirriitti arguutti ka’e. ²⁶Yesuus gara mana isaatti ergee, “gara magaalaatti hin seenin.” Jedhe.²⁷ Yesuus, bartoota isaa wajjin gara magalaa Qeesaar Filiphoos dhaqe. Daandii irratti “Namoonni eenyu anaan jedhu?” jehee bartoota isaa gaafate. ²⁸Isaanis deebisanii, “Yohaannis cuuphaa, warr kaan immoo, “eliyaas,’ warri kaan, “raajota keessaa tokko.” Jedhan.²⁹ Inni, “isin immoo eenyu anaan jettu?” jedhe.Pheexiroos, “Ati kiristoosi.” Jedhe. ³⁰Yesuus akka isaan waa’ee nama kamitti iyyuu hin himne akeekkachiise.³¹ Inni akka ilmi namaa waan baay’eedhaan dhiphachuuf jiru barsiisuutti ka’e, geggeessitootaan, angafa lubootaa fi barreessitotaan jibbamuuf akka jiru, ajjeefamuufis akka jiru, guyyaa sadaffaattis du’aa akka ka’u. ³²Inni mul’inaan ergicha dubbate. Isa booda Pheexiroos kophaatti baasee ifachuu eegale.³³ Yesuus garuu deebi’ee bartoota isaa ilaalee, Pheexiroosiin ifatee, “Seexanana , ana duraa adeemi, ati isa kan Waaqayyoo irra yaada kee keessee hin jirtu; waanta isa kan namaa irra malee.” Jedhe ³⁴Isa booda inni saba baay’ee sanaa fi bartoota isaa walitti waame, “Namni ana duukaa bu’uu barbaadu, ofii isaa ganuutu irra jira, fayyoo isaas baatee, ana duukaa haa bu’u.” jedhe.³⁵ Nami lubbuu isaa oolfachuu barbaadu isa ni dhaba, garuu name anaaf jedhaa, akkasuma wangeelaaf lubbuu isaa dhabu ni oolfata.” Jedhe. ³⁶ Nami guutummaa biyya lafaa bu’aa isa godhatee, lubbuu isaa yoo dhabe maal buufata? ³⁷Namni jijjiirraa lubbuu isaatii maal kenna?³⁸ Dhaloota ejjaa fi cubbamaa kana keessatti, nama anatti, dubbii koottis yeela’utti, ilmi namaas ulifna abbaa isaatiin ergamoota qulqullootaa wajjin yeroo dhufu itti yeella’a.

¹ Inni, “ani dhuguman isiniin jedha, Isin warra as keessa dhaabatta keessaa, utuu mootummaan Waaqayyoo humnaan dhufuu isaa hin argina, hin argina du’a kan argine jirtu.” Ittiin jedhe. ²Guyyoota ja’a booda, Yesuus, Pheexiroosiin, Yaaqobii fi Yohaannisiin of duukaa fuudhee, gara gaara dheeraa tokkotti kophaatt isaan baase. Achitti bifni isaa jijjiirame. ³Uffatani isaa baay’ee ife, baay’ee addii, muuccituun lafa irraa uffata addeessitu caalaa addaata.⁴ Isa booda Eliyaas Musee wajjin isaanitti mul’ate, isaanis Yesuusii wajjin adeemaa turan. ⁵Pheexiroos deebisee, Yesuusiin, “Rabbin as turuun nuuf gaariidha, manneen sadii haa ijaarru, tokko siif, tokko Musees, tokko immoo eliyaasiif.” Jedhe. ⁶(Inni waan jedhu hin beeku ture, isaan sodaatanii waan turaniif.⁷ Duumessi dhufee isaan haguuge. Sagaleenis duumessa keessa dhagaa’ame, “Kun ilma koo isa jaallatamaadha, isa dhaga’aa.” ⁸Akka tasaa, yeroo naanoo ilaalan, of biratti homaa iyyuu hin argine, Yesuus kophaa malee.⁹ Utuu gaara irraa gadi bu’aa jiranii, akka isaan waan argan hana ilmi namaa du’aa ka’utti eenyuutti iyyuu hin himneef akeekkachiise. ¹⁰Kanaaf isaan dhimmicha ofiidhuma isaaniif qabatani. Garuu immioo, “du’aa ka’uu jechuun maal jechuudha” jedhanii walii isaanii gidduutti haasa’ani.¹¹ Isaan, “warri barreessitootaa maaliif eliyaas dursee dhufuutu irra jira jedhu?” jedhanii isa gaafatan ¹²Innis, “waan hundumaa bakka deebisuudhaaf, Eliyaas dursee hin dhufu. Isa immoo maaliif ilmi namaa naaf guddaa dhiphachuu fi tuffatamuutu irra jira, jedhamee caafameree?” isaaniin jedhe. ¹³Ani garuu akka Eliyaas dhufe isinittin hima, isaanis waan barbaadan isa irratti hojjetan, akkum isa waa’ee isaaf barreeffamee jiru.” Jedhe.¹⁴ Isaan yeroo gara bartootaa dhufan, naannoo isaaniitti namoota baay’ee argan, warri barreessitootaas isaanii wajjin falmiitti turan. ¹⁵Yeroo akkuma Yesuusiin arganiin, guutummaan sabichaa ni dinqifate, gara isaatti fiiganiis nagaa isa gaafatan. ¹⁶Bartoota isaas, “isaanii waa’ee maalii walitti falmitu?” jedhee gaafatae.¹⁷ Sabicha keessaas namni tokko, “yaa barsiisa, ani mucaa dhiiraa koon sitti fide. Inni hafuura akka inni hin dubbanne isa taasisu qaba. ¹⁸Iddoodhuma isa qabutti lafaan isa dha’a, oomochas afaan isaa keessa guuta, ilkaan isaa walitti riga, qarattis ni goga. Ani akka bartoonni kee isa keessaa baasaniif gaadheen ture, isaan garuu hin dandeenye.” Jedhe.¹⁹Innis, “dhaloota hin amanne, hanga isin bira turu? Hanga yoomiittis ba’aa anatti taatu? Anatti fidaa.” Jedhe.²⁰ Isaanis mucicha gara isaatti fidani. Hafuurichi yeroo Yesuusiin battaluma darbatee oollate. Mucichis lafatti kufee afaan isaatiin oomocha baase. ²¹Yesuus “yeroo hangamiif akka ta’e?” jedhee abbaa isaa gaafate.Abbaan isaas, “mucummaa isaatti kaasee” jedhee deebise. ²²Yeroo baay’ee abiddatti, bishaanitti, isa darbata isa balleessuus ni barbaada. Yoo waa gochuu ni dandeessa ta’e, nuuf gaddiitii nu gargaari jedhe.”²³ Yesuus deebisee, “Yoon ni dandeessa ta’ee? Warra amananiif waanti hundumtuu ni dandaa’ama.” Jedhe. ²⁴Abbaan mucichaa iyyee, battaluma “ani nan amana! Amanuu diduu kootti ana gargaari!” jedhe. ²⁵Yesuus yeroo uttu namoonni hedduun gara isaatti utuu fiiganii arge, inni hafuurota hamoota ifatee, “ati hafuurri didaadhaa fi duudaanana, ani sin abbooma, keessaa ba’i, deebitees itti hin seenin” jedhe.²⁶ Innis iyyee, cimsee mucicha oollachiisee, keessaa ba’e. mucichis akka nama du’ee ta’e. kanaa namoonni baay’een, “Inni du’eera” jedhan. ²⁷Yesuus garuu harka isaan qabee ol isa kaase, inni ka’ee dhaabate.²⁸Yesuus Yesuus ol seene, bartoonni isaa “nuti maaliif baasuu dadhabne?” jedhanii qofaatti isa gaafatana. ²⁹Inni immoo, “inni akkasii kun kadhannaadhaan malee hin ba’u” ittiin jedhe.³⁰ Inni achii ba’ee, Galiilaa keessa darbe. Inni eessa akka isaan jiran eenyu illee akka beeku hin barbaanne. 31 ³¹bartoota isaa barsiisaa waan tureef. Inni “ilmi namaa harka namootaatti dabarfamee ni kennama, isaanis isa ni ajjeesu. Inni yeroo du’u, guyyoota sadii booda immoo deebi’ee ni ka’a.” ittiin jedhe. 32 ³²Isaan garuu jecha kana hin hubanne, isa gaafachuus ni sodaatani.³³ Isa booda gara Qifirnaahom dhufan. Erga manatti ol seenee booda, “daandii irratti maal mari’chaa turtan?” jedhee isaan gaafate. ³⁴Isaan garuu ni callisani, daandii irratti waa’ee eenyuutu caalaa irratti walitti falmaa waan turaniif. ³⁵Taa’aniis, inni warra kudha lamaanii walitti waamee, “namni isa jalqabaa ta’uu barbaadu, dhuma ta’uu fi tajaajilaa hunudmaa ta’uutu irra jira.” Jedhe.³⁶ Inni mucaa xiqqoo fuufhee gidduu isaanii dhaabe. Bobaa isaattis baatee, ³⁷"namni mucaa akkasii maqaa kootiin simatu, anas ni simata, namni ana simatu ana simata miti, isa ana ege simata malee” jedhe.³⁸ Yoonnis, “yaa barsiisa, utuu namni tokko maqaa keetiin seexana baasuu arginee, isa dhowwine, sabaiin isaa inni nuun hin hordofu” jedhe. ³⁹Yesuus garuu, “isa hin dhowwinaa, namni maqaa kootiin hojii aangoo hojjetee, dafee immoo waa’ee koo hamaa dubbachuu danda’u hin jiru’oo.” Jedhe.⁴⁰Namni faallaa keenya hin taane gara keenya. ⁴¹Waan isin kan Kiristoos taataniif, namni akka isin dhugdaniif maqaa kootiin bishaan isiniif kennu, dhuguman isinitti hima, inni gatii isaa hin dhabu.⁴²⁴³⁴⁴42 Namni warra anatti amanan xixiyyannoota kana gufachiisu, utuu dhagaan daakuu guddaan isaa morma isaatti hidhamee galaanatti darbatee isaaf wayya ture. 43 Haki kee yoo si gufaachiise, of irraa muri. harka lamaanuu qabattee gara qiliilee abida hin dhaamnee, dhaquu kee irra, harkuma tokko qabattee jireenyatti galuu siif wayya.⁴⁷ Iji kee yoo si gufachiise, of keessaa baasi. Ija lamaanuu qabaattee qilileetti darbatamuu kee manna, ija tokko qabaattee mootummaa Waaqayyootti galuu siif wayya. ⁴⁸bakka raammoon hin duune, abiddi isaas hin dhaamne.⁴⁹ namni hundumtinuu abiddaan minyaa’a. ⁵⁰Soogiddi gaariidha, garuu yoo soogiddummaa isaa dhabe, akkamitti deebi’ee minyaa’uu danda’aree? Soogidda of keessa qabaadhaa, walii keessaniifis nagaa qabaadhaa.”

¹Yesuus bakka sanaa adeemee gara kutaa Yihudaa dhaqe, akkasuma bakka isa galaana Yordaanos duuba ture. Namonni immoo ammas gara isaa dhufan. Immoo ammas isaan barsiise, akkuma gochaa ture. ²Fariisonni isa qoruudhaaf gara isaa dhufanii, “abbaan manaa tokko haadha manaa isaa hiikuun seeraa?” jedhanii isa gaafatani.³Innis, “Museen maal isin abboome?” jedhee deebise.⁴Isaanis, “Museen akka abbaan manaa xalayaa, wal hiikuu barreessuu fi hiiku, akkasuma, ishee geggeessuuf eyyame” jedhan.⁵Yesuus “Inni sababaii mata jabian keessaaniif kana isiniif barreesse” jedhe. ⁶"garuu jajqaba uumamaatii kaasee, “Waaqayyo dhiiraa fi shamarran uume.’⁷ 'Kana irraan kan ka’e, namni abbaa isaa haadha isaa ni dhiisa, haadha manaa isaattis ni maxxana.” ⁸Isaan lamaanuu foon tokko ni ta’u.’ ⁹Kanaaf waan Waaqayyo walitti qabsiise, namni gar gar hin basin.’¹⁰ Yeroo isaan mana keessa turan, bartoonni isaa ammas waa’ee kanaa isa gaafatan. ¹¹Innis, “namni haadha manaa isaa hiikee kan biraa fuudhu, ishee irratti ejja raawwata.” Jedhe. ¹²Isheenis yoo abbaa manaa ishee hiiktee kan biraatti heerumte, ejja ni raawwatti.” Jedhe.¹³ Isa booda isaan, mucoolii xixiqqoo gara isaa fidani, akka inni harka isaa isaan irra kaa’uuf, bartoonni garuu isaani dheekkamani. ¹⁴Yesuus garuu yeroo hubate, isaaniin hin dhowwinaa, mootummaan Waaqayyoo warra akkasiitiif waan ta’eef jedhe.¹⁵Ani dhuguman isiniin jedha, namni akka mucooliitti mootummaa Waaqayyoo hin fudhanne, dhugumaan mootummaa Waaqayyootti hin galu.” ¹⁶Isa booda mucoolii bobaa isaatti fuudhee, akkuma harka isaa isaan irra kaa’etti isaan eebbise.¹⁷ Inni yeroo imala isaa eegale, namni tokko gara isaatti fiigee jilbeenfatee, “Yaa barsiisa gaarii, mootummaa Waaqayyootti galuudhaaf maal gochuutu anaaf ta’e?” jedhe.¹⁸Yesuusis, “Maaliif gaarii jeytaa ana waamta? Waaqayyo qofaa malee gaariin hin jiru. ¹⁹Abboommota isaas beektu, “hin ajjeesin, hin ejjin, hin hatin, sobaan dhugaa hin ba’in, hin gowwomsin, waliin hin dha’in, abbaa kee fi haadha kee kabaji” jedha jedhe.²⁰ Namichis, “Barsiisa, waantota kana hundumaa xinnummaa kootii eegalee raawwadheera” jedhe. ²¹Yesuus isa ilaalee, jaallates. Innis, “waan tokkotu sitti hir’ata” jedhe. “waan qabdu hundumaa gurgurii warra hin qabneef kenni, waaqa irraa badhaadhummaa ni qabaattaa.” Isa booda, kottuu ana duukaa bu’i ittiin.” Jedhe. ²²jecha isaa kana irraan kan ka’en inni baay’ee gadde, gaaddees ba’ee sokke, sababiin isaa inniq qabeenyaa guddaa qaba ture.²³ Yesuus naanoo isaa ilaalee, bartoota isaatiin, “Warra badhaadhotaad mootummaa Waaqaayyootti galuun akkam cimaadha!” jedhe ²⁴Bartoonni isaas dubbii isaa kana ni ajaa’ibsiifatan. Yesuus garuu, “IJoolle, Mootummaa Waaqayyootti galuun akkami cimaadha! jedhe. ²⁵Gaalli qaawwa lilmoo keessa ba’uutu irra salphaadha, sooressii mootummaa Waaqayyootti galuu caalaa.”²⁶ Isaan guddaa dinqifatanii walii isaaniitiin, “Yoos eenyuutu fayyuu danda’aree?” jedhan.²⁷Yesuus isaaniin ilaalee, “namaaf hin dandaa’amu, Waaqayyoof malee, Waaqayyoof waanti hundumtuu ni dandaa’ama.” Jedhe.²⁸Pheexiroosisi isatti haasa’uu eegale, “Ilaali, nuti waan hundumaa dhiifnee si duukaa buuneerra.”²⁹ Yesuusis, “dhuguman isinitti hima, namni anaaf wangeelaafis jedhee, mana yookaan obboleessa, yookaan obboleettii, yookaan haadha yookaan abbaa yookaan ijoollee yookaan oyiruu isaa dhiise hin jiru. ³⁰Amma bara kanatti ari’atamuu wajjin manneen, obboloota, obboleettota, haadholii, ijoollee, qonnaa harka dhinna kan hin fudhanne, mootummaa isa dhufutti, namni jireenya bara baraa hin arganne hin jiru.³¹gaaruu baay’een warra duraa kan turan, dhuma ni tau. Warri dhumaas jalqaba.”³² Isaan gara Yerusaalemitti ol ba’uu daandii irra turan, Yesuusis isaan dura adeemaa ture. Bartoonnis ni dinqifatan, warra boodaan adeemaa turanis ni sodaatan. Isa booda Yesuus amma bara kudha lamaanii addatti fuudhee, waanta yeroo dhiyoo keessatti isa irra ga’uuf jiru itti hime. ³³"Ilaalaa, Nuti Yerusaalemitti ol ba’uuf jenne, ilmi namaas harka warra angafa lubootaa fi warra barreessitoaatti dabarfamee ni kenname.” Jedhe. Isaanis du’atti dabarsanii ni kenni, warra ormaattis dabarsanii ni kennu. ³⁴Isaanis, itti qoosu, itti tufu, ni rebus, akkasumas ni ajjeesu. Guyyoota sadii booda du’aa ni ka’a.”³⁵ Yaaqobii fi Yohaannis, ilmaan Zabdiyoos, dhufanii, “Yaa bariisa, waan nuti si kadhannu akka nuuf gootu ni barbaanna.” Jedhan.³⁶Innis isaaniin, “maal akka an isiniif godhu barbaaddu?” jedhe.³⁷Isaanis, “akka nuti ulfinicha keessa sii wajjin teenyuuf nuuf eyyami, tokko mirka kee, inni kaan immoo bitaa kee.” Jedhan.³⁸ Yesuus garuu, isaaniif deebisee, “waan gaafattan hin beektani. Dhugaatii isa ani dhugu dhuguu ni dandeessuu, yookaan cuuphaa isa ani ittiin cuphamuun cuupahmuun cuuphanii ni dandeessuu?” jedhe.³⁹Isaani, “nuti ni dandeenya” jedhan.Yesuus, “xoofoo ani dhugu, isin ni dhugdu, cuuphaa isa ani ittiin cuuphamu isinis ni cuuphamtu. ⁴⁰isa mirga koo yookaan bitaa koo ta’u kennuun garuu kan koo miti. Inni garuu kan warra qophaa’eefiiti.”⁴¹ Bartoonni warri kudhanii yeroo kana dhagaa’an, Yaaqobii fi Yohaannisitti baay’ee aarani. ⁴²Yesuus gara ofii isaatti isaan waamee, "warri saba biyya lafa kanaa abboomuutti beekan, gooftummaadhaan akka isaan seerratan isin iyyuu ni beektu, gurguddoonni isaaniis aboo isaanii isaan irratti ni argisiisu.” Jedhe.⁴³ Isin gidduutti garuu akkas miti. Isin gidduuttii guddaa ta’uu kan barbaadu hojjetaa keessan ta’uutu irra jira. Jedhe. ⁴⁴akkasuma isin gidduutti isa duraa ta’uu kan barnaadu, hunda keessaniif garbicha ta’uutu irra jira. ⁴⁵Ilmi n amaa tajaajilamuudhaaf hin dhufne, lubbuu isaa furii godhee baay’eedhaaf kennuuf malee” jedhe.⁴⁶ Isaan gara Yeriikoo dhufan. Yeroo inni bartoota isaa fi namoota baay’ee wajjin Yerikootii adeeme, ilmi Ximewos, Barximewos, kadhataan qaro dhabeessi tokko, daandii cina ta’aa ture. ⁴⁷Inni yeroo Yesuus Zaazireet ta’uu isaa dhaga’e, iyyee, “Yesuus, ilma Daawwit, ana fayyisi!” jedhe. ⁴⁸Baay’een naa qaro dhabeessa sana ni ifatani. Akka inni callisuuf. Inni garuu ittuma caalchisee iyye, "Ilma Daawit, ana fayyisi!” jedhe.⁴⁹ Yesuus dhaabatee akka isa fidaniif abboome. Isaanis namicha qaro dhabeessa sana ni waamani, “Jabaadhu! ka’i! inni si waama” jedhan. ⁵⁰Inni kootii isaa darbatee, utaalee, gara Yesuus dhufe.⁵¹ Yesuus deebisee, “maal akkan siif godhu barbaadda?” jedhe.Qaro dhabeessichis, “rabbi, akka ati qaroo koo anaaf deebift” jedhe.⁵²Yesuusis, “Dhaqi, amantii kee si fayyiseera.” Jedhe, battalumas deebisee arguu danda’e. daandii irrattis isa duukaa ba’e.

¹ Amma akkuma isaan Yerusaalemiin dhufaniin, Bee-faagee fi Bitaaniyaa Gaara Ejersaatti dhiyoo turan, Yesuusis bartoota isaa lamaan of dura erge. ²Isaaniinis, “gara mandara isa nu fuula dura jiruu dhaqaa, akkuma seentaniinis, hara takkaa irra hin taa’amin tokko ni argitu. Isas hiikaatii anaaf fidaa. ³Yoo namni, “Maaliif kana gootu?” isiniin jedhe, “Gooftaatu barbaada, dafees immoo deebisa.” Jedhaa jedhe.⁴ Isaanis ba’anii harree balbalaan ala daandii irratti hidhame arganii, isas hiikan. ⁵Namoonni achi dhaabataa turan tokko, “maal gochaa jirata, maaliif harree kana hiiktu?” ⁶Isaanis akka Yesuus itti hime itti himani, namoonni sunis akka isaan adeemaniif eyyamaniif.⁷ isaanis harree sansa fidanii, uffata isaaniis irra buusan. Inni irra taa’e. ⁸namoonni hedduunis uffata isaanii daandii irra afanii, warri kaan immoo dame mukaa isa bakkeetii kutan facaasan. ⁹warri isa dura adeemanii fi isa duubaan adeeman ni iyyani."Hoosaa’inaa! Maqaa Waaqayyootiin kan dhufu inni eebbifamaadha.¹⁰Mootummaan abbaa keenya Daawwit inni dhufe eebbifamaadha!Hoosaa’inaa ol gubbaatti!”¹¹ Isa booda Yesuus Yerusaalemitti galee, gara mana sagadaa dhaqee, waan hundumaa ilaale. Amma yeroo yeroon darbaa jira, warra kudha lamaanii wajjinis gara Bitaaniyaatti darbe. ¹²guyyaa itti aanu utuu, Biyaaniyaatii dhufaa jiruu, beela’e.¹³ fageenyaa irrattis muka Harbuu baala qabu tokko arge, yoo ija qabaate jedhee gara mukichaa dhaqe, yeroo bira ga’es, ija malee homaa irraa hin arganne, yeroo isaas yeroo habuu hin turre. ¹⁴Inni itti dubbate, “deebisee namni sitti hin nyaatin.” jedhe. Bartoonni isaa ni dhagaa’ani.¹⁵ Isaan gara Yerusaalem dhufan. Innis mana sagadaatti seenee warra bitanii guguran mana sagadaa keessaa gadi baase. Minjaala warra maallaqa jijjiiranii baay’ee gara galche, teessuma warra gugee gurguraniis. ¹⁶Inni, akka namni tokko illee, mana sagadaa keessatti waanta gurgutamu baatuuf hin eyyamne.¹⁷ Inni isaan barsiisee, “manni koo saba hundumaaf mana kadhataa jedhamee” “caafamee hin jiruuree?” jedhe.¹⁸Angafoonni lubaa fi barreessitoonni waan inni jedhe, karaa ittiin isa balleessan barbaadan. Isaan waan guutummaan sabichaa barsiisa isaa dinqifataniif isa sodaatan. ¹⁹Yeroo dhiyes, isaan magaalichaa ba’ani.²⁰ Ganama utuu adeemanii, mukti harbuu sun hanga idda isaatti gogee argan. ²¹Pheexiroos yaadatee, "Rabbi! Mukti harbuu ati abboomte gogeera.” jedhe.²² Yesuusis, “Waaqayootti amanaa. ²³ani dhuguman isiniin jedha, namni tokko tulluu kanaan, “buqqa’iitii galaanatti gadi gadi darbatami,’ yoo jedhe, garaa isaatti utuu hin shakkin, waanti inni jedhe ni ta’a jedhee yoo amane, Waaqayyo isa akkasii ni hojjeta.²⁴²⁶24 kanaaf ani isiniinan jedha, waanta kadhattanii fi gaafatan hundumaa, nana argadha jedhaa amanaa, kan keessanis ni ta’a. 25 ²⁵Yeroo kadhattan, waan namatti gadditan hundumaa dhiisuutu isin irra jira, abbaan keessan inni waaqa irraas, irra daddarbaa keessanakka isiniif dhiisutti.” Jedhe.²⁷Isaan ammas gara Yerusaalem dhufan. Utuu Yesuus gara mana qulqullummaatti adeemaa jiruu, angafni lubootaa, barreessitoonnii fi warri geggeessitootaa gara isaa dhufan. ²⁸Isaanis, “Ati humna maaliitiin hojii kana hundumaa hojjetta, akka ati kana gootuufis maaltu aboo kana siif keene?”²⁹Yesuusis, “ani gaaddii tokkon isin gaafadhha. Anatti himaa, anis humna maaliitiin akkan kana hundumaa hojjedhu isinittin himaa.” Jedhe. ³⁰Cuuphaan Yohaannis, waaqa irratimoo, nama biraa ture? Anaad deebisaa.”³¹ isaanis walii isaanii wajjin mari’tanii irratti waliif galanii, Yoo, “Waaqa irratti” jenne, inni immoo, “maalii isa hin amanneree?” jedha. ³²garuu yoo, “nama biraatti jenne,’ namoota sodaatani, namoonni hundumtuu Yohaannis raajii akka ta’e waan amananiif. ³³Kanaaf isaan deebisanii, Yesuusiif “hin beeknu” jedhan. Yesuusis, “ani aboo maaliitiin akka kana hundumaa hojjedhu isinitti hin himu” jedhe.

¹ Isa booda Yesuus fakkeenyaan isaan barsiisuu eegale. Inni, “Namni tokko mukeetii wayinii hedduu oyiruu isaa irra dhaabee, dallaas itti ijaare, boollaa wayinicha keessatti cuunfanis qote. Siree irra ta’anii eeganis ijaaree, namoota hojjetanii eeganitti kennee adeeme. ²Yeroon isaa geenyaan, akka inni dhaqee, muka wayiniittii ija fiduu gara wara wayinii eeganiitti hojjetaa isaa erge. ³Isaan garuu isa fuudhanii, rukutanii, harka isaa duwwaa isa deebisan.⁴ Inni, ammas hojjetaa kan biraa erge, isaanis mataa isaa madeessanii, isa qaanessan. ⁵Inni amma kan biraa erge, isa kana immoo ni ajjeesan. Isaa namoota baay’ee bifa kanaan akka godhan, warra kaan ni reebani, warra kaan immoo ni ajjeesan.⁶ Inni amma nama erguudhaaf nama hafe tokko qaba, ilma isaa isa jaallatamaa. Inni kuun isa dhumaa ergamuudha.Innis, “isaan mucaa koo ni kabaju” jedhe.⁷"Garuu warri wayinii guddisan, “Kun isa dhaaltuudha. Kottaa, isa ni ajjeesnaa, dhaalichis kan keenya ta’aa.” Waliin jedha.⁸Isaan qabanii isa ajjeesani oyiruu wayinii keessaa isa darbatan. ⁹Kanaaf, abbaan oyiruu wayinii sanaa maal godha? Inni dhufee warra wayinii eegan sana ni balleessee namoota kan biraatti ni kenna”¹⁰ caaffata qulqullaa’aa kana hin dubbifnee?'Dhagaan inni warri ijaartuun tuffatan, dhagaa-golee ta’e.¹¹Kun Waaqayyoo biraa ture, ija keenyattis dinqiidha.” Jedhu.¹²Kana booda, geggeessitoota warra Yihuudotaa, karaa ittiin Yesuusiin qaban barbaadan, sababiin isaa akka inni fakkeenya faallaa isaanii dubbate hubatan. Garuu immoo saba baay’ee sana sadataniiru. Kanaaf isa dhiisanii sokkan.¹³isa booda fariisota keessaa, akkasuma warri garee Heroodis keessa namoota gara isaatti ergan haasaa isaatiin isa qoruudhaaf.¹⁴Isaan yeroo dhufan, “Yaa barsiisa, ati dhuga qabeessa akka taate nuti ni beekna, nama tokko illees hin sodaattu, karaa Waaqayyoo dhugaadhaan barsiifta malee, namas wal hin caalsiftu. Egaa Mootii warra Roomaaf gibira baasuu seeramoo seera miti? Moo dhiifnu?” jedhaniin.¹⁵Yesuus garuu of tuulummaa isaanii baree, “isin maaliid ana qortu? Mee akka ilaalutti Diinaaricha anatti fidaa.” Jedhe.¹⁶ Isaanis tokko Yesuusitti fidan. “fakkiin kana irraa eenyuun fakkaata?” jedhe?"Isaanis, “Qeesaar” jedhan .¹⁷Yesuus, “waanta isa qeesaar, qeesaariif kennaa, isa kan Waaqayyoo immoo Waaqayyoof kennaa” jedhe, isaanis isa ni dinqifatan.¹⁸Warri saaduqootaa, warri du’aan hin jiru jedhan. Gara isaa dhufan. Akka jedhaniis isa gaafata. ¹⁹"Yaa barsiisa, Museen nuuf barreesseera, yoo obboleessi nama tokkoo, haadha manaa dhiisee du’e, mucaa immoo hin qabu ta’e, namichia haadha manaa obboleessa isaatii fuudhuutu irra jira, ijoollee obboleessa isaatiis guddisuuti irra jira jedhee nuuf barreesseera” jedhan.²⁰²²²³20 Obboloota torbatu turan, inni jalqabaa haadha manaa fuudhee du’e, ijoollee utuu hin fodhatin. 21 ²¹Inni lammaffaan fuudhee irraa du’e, ijoollee utuu hin godhatin, inni sadaffaanis akkasuma. Dhuma irratti, dubartitiinis ni duute. 23 Du’aa ka;uutti, yeroo du’aa ka’an, isheen kan eenyuu taati? Obboloonni turban hunduntuu akka haadha manaattoo ishee fuudhaniiruu?”²⁴ Yesuus, “kun sababii isin ittiin dogoggrtan mitii, isin yookaan caafata qulqulla’aa, yookaan immoo humna Waaqayyoo hin beektan” jedhe. ²⁵Isaan yeroo du’aa ka’an, akka ergamoota warra keessaa ta’u malee, hin fuudhan hineerumani.²⁶ Garuu waa’ee warra du’aa ka’anii ilaalchisee, isin macaafa Musee keessatti hin dubbifne, waa’ee daggala isa boba’uu, akkamitti akka Waaqayyo itti dubbatee fi “ani Waaqayyo isa kan Abrahaamii fi Waaqayyo isa ka Yisiyaaqi, Waaqayyo isa kan Yaaqobis” jedhe? ²⁷Inni Waaqayyo warra du’anii miti, kan warra jiraatooti. Isin sirriiti dogoggortaniittu.”²⁸Warra barreessitootaa keessaa tokko dhufee isaanii wajjin mari’ate, utuu Yesuus siirriitti isaaniif deebisuus dhaga’e. Inni “abboommiiwwan keessa isa kamtu caalaa barabaachisaadha?” jedhee isa gaafate. ²⁹Yesuusis, “inni baay’ee barbaachisaan, Yaa Israa’el dhaga’I Waaqayyo kee Waaqayyo tokkicha. ³⁰Waaqayyoo kee garaa kee guutuu, lubbuu kee guuuu, sammuu kee guutuu, human hundumaan jaalladhau” isa jedhu jedhe. ³¹Abboommiin inni lammaffaan, “olloota kee akka ofii keetti jaalladhu” abboommiin isaan kana caalu hin jiru jedhe.³²Barreessichis, “Yaa barsiaa gaarii! Ati dhuguma Waaqayyo tokko jette, isa birattis Waaqayyo kan biraan akka hin jirre. ³³garaa hundumaan isa jaallachuun, hubannaa hundumaa fi humna hundumaa, akkasuma olloota ofii akka ofiitti jaallachuun aarsaa gubamuu aarsaa irra akkka caalu. Siirri jette jedhe.³⁴Yesuus yeroo inni gaafii gaarii ta’e kennuu isa arge, “ati mootummaa Waaqayyoo irraa fagoo miti” ittiin jedhe. Isa booda, eenyu illee Yesuusiin gaadii gaafachuudhaaf kan ija jabaate hin turre.³⁵Yeroo Yesuus mootaa mana sagadaa keessatti barsiisaa ture, "warri barreessitootaa akkimitti, Kiristoos ilma Daawwiti” jedhu. ³⁶Daawwit ofii isaatiif, hafuura qulqulluudhaan, ³⁷Daawwit mataan isaa iyyuu “gooftaa” jedhee isa waame, kanaaf akkamitti Kiristoos ilma daawwit ta’aree?” jedhe. Sabichis gammchuudhaan isa dhaggeeffate.'Gooftaan koo gooftaa kootiin,"karaa mirga koo taa’i, hangan diinota kee miilla kee jala kaa’utti.”³⁸ Yesuus barsiisa kana keessatti, “warra barreessitoota irraa of eegaaa, warra dhedheeraa uffatanii fi bakka gabaattis nafaa gaafatamuu barbaadan irraa of eeggadhaa, ³⁹warra yaa’ii keessattis teessuma isa baay’ee barbaachisaa qabanii fi bakka dhangaattis bakka kabajaa qaban. Jedhe. ⁴⁰Isaan mana dubartoota abbaa manaa hin qabnee ni saamu, akkasuma isaan namootaafis kadhannaa dheeraa kadhatu arguudhaaf, namoonni kun ifatamuu guuddaa ni fudhatamu.”⁴¹ Yesuus al tokko fuullee qodaa buusii taa’ee ture, inni yeroo namoonni buusii isaanii qodaa buusii keessa buusaa turan ilaalaa ture. Namoonni sooressootni baay’een, maallaqa baay’ee kennaa turan. ⁴²Dubartiin abbaa manaa hin qabne tokkos dhuftee horii sibiilaa kan akka saantima lama buuste.⁴³ Inni bartoota isaa waamee, “ani dhuguman isinniin jedhe, haati hiyyeessaa kun, isa warri kaan qodaa buusii keessa buusan caalaa buuste. ⁴⁴warra kaan isa isaan irraa hafe buusani. Dubartiin abbaa manaa hin qabne kun, dhaba ishee keessaa kennite, qabeenyaa ishee hundumaa isa ittiin jiraattu buuste.” Jedhe.

¹ Utuu Yesuus mana sagadaa keessaa ba’uu, bartoota isaa keessaa tokko, “Yaa barsiisaa, dhagoota fi gamoo ajaaiboo kana ilaali” jedhe!” ²Yesuusis, “Gamoowwan gaarii kana ni ilaaltuu? Dhanaan kam iyyuu dhagaa irratti hin hafu, ni diigama malee."³ Yeroo inni tulluu Ejersaa irra fuullee mana qulqullummaa taa’e, Pheexiroos, Yaaqob, Yohaannisii fi Indiriyaasiin qoofniitti gaafate. ⁴"Nutti himi, Kun yoom ta’a? yeroo kun ta’uudhaaf jedhu mallattoo akkamiitu ta’a?”⁵ Yesuus akka ittiin jechuutti ka’e, “eenyu illee akka isin hin gowwomsineef of eeggadhaa. ⁶Baay’een maqaa kootiin dhufanii, ‘Ani isa,’ isaan garuu baay’ee isin gowwomsu.⁷ Yeroo lolaa fi oduu lolaa dhageessan, hin sodaatinaa, kun ta’uutu irra jira, garuu dhumni isaa amma iyyuu hin geenye. ⁸sabni saba irratt ni ka’a, mootummaanis mootummaa irratti. Bakka hedduuttis sochiin lafaa ni ta’a, beellis akkasuma. Kun jalqaba miixuu da’umsaati.⁹ "Of eeggadhaa. Isaan yaa’ii duratti isin dhiyeessu, yaa’ii duratti isin dhaanu. Isaan waa’e koof jedhanii abboota biyyaa fi mootota dura isin dhaabu. Kun dhugaa isinitti ni ba’a. ¹⁰Garuu jalqaba saba hundumaatti wangeelli lallabamutu irra jira.¹¹ Isaan yeroo isin qaban, waan waa’ee dubbattaniif hin dhipatinaa. Yeroo sana, waanisin dubbatan isiniif ni kennama, kan dubbatu isin miti, hafuura qulqulluudha malee. ¹²Obboleessi dabarsee obboleessa isaa du’atti ni kenna, abbaanis mucaa isaa. Ijooleen maatii isaanii irratti ni ka’u, isaan ajjeesisuudhaaf. ¹³Maqaa koof jettanii nama hundumaa biratti ni jibbamtu. Garuu hanga dhumaatti kan obsu, ni fayya.¹⁴ "Inni jibbisiisaan iddoo qulqull’aa xureessu sun, iddoo isaaf hin malle dhaabachuu isaa yeroo argitan namni kana dubbisu haa hubatu, warri Yihudaa jiran gara gaarotaatti haa baqatan. ¹⁵Namni inni guutuu manaa irra jiru waa fudhachuudhaa gara manaatti gadi hin bu’in, ¹⁶Inni oyiruu keessa jiru uffata isaa fudhachuudhaaf hin deebi’in.¹⁷Garuu guyyaa sana warra ulfia ta’aniif ijoollee guddisaniif wayyoo! ¹⁸Akka inni yeroo gannaatti hin taaneef kadhadhaa. ¹⁹Guyyoonni sun guyyoota dhiphinaa waan ta’aniif, rakkinni akkasii erga Waaqayyo biyya lafaa uumee, jalqabee hanga ammaatti hin taane, deebi’ees hin ta’u. ²⁰Yoo Waaqayyo guyyicha gabaabse malee, namni tokko iyyuu hin fayyu. Garuu warra fo’amanii jedhee, warra inni fo’ate, guyyicha ni gabaabsa.²¹ Kanaaf namni kam iyyuu yoo “Ilaalaa, Kiristoos as jira!’ jedhan hin amaninaa. ²²Kiristoos warri sobduu fi raajonni waan ka’aniif, akkasuma isin gowwomsuudhaaf mallattoo fi dinqii isin argisiisu, yoo dandaa’ame warra fo’aman illee. ²³Of eeggadhaa! Ani waanta kan dursee isinitti himeera.²⁴ "Garuu dhiphina guyyoota kanaa booda, ²⁵ Urjoonnis waaqa irraa ni harca’u,Humnoonni bantii waaqaa keessaas ni raafamu.’ ²⁶Isa booda utuu ilmni naa duumesa keessan humnaa fi ulfina guddaadhaan dhufuu ni argu. ²⁷ Isa booda, inni ergamoota isaa ergee, warra Waaqayyoof fo’aman qixa arfanii, andaara lafaatii, andaara bantii waaqatiis walitti ni qaba, jedhe.'aduun ni dukkanoofti,Jiinis ifa ishee hin kennutu,²⁸ Muka harbuu irraa fakkeenya fudhadhaa. Dameen isaa quqquuqee baala yeroo biqilchu, bonni akka dhiyaate ni beektu. ²⁹Akkasuma, yeroo kun ta’u yeroo argitan, inni akka dhiyaate beekaa, gara balbalaatti akka dhiyaate.³⁰Ani dhuguman isinitti hima, hanga waanti kun hundumtuu ta’utti dhaloonni kun hin darbu. ³¹Waaqayyo lafti ni darbu, garuu, dubbiin koo tasa hin darbu. ³²Garuu guyyaa yookaan yeroo sana ilaalchisee, eenyu illee hin beeku, ergamoonni waaqa keessaa illee, ilmis, abbaa qofaa malee.³³ "Dammaqaa! Ilaalaa, yoom akka ta’e waan hin beekneef. ³⁴Inni akka nama karaa adeemuuti, mana isaa warra hojjetootatti kennaa adeema, tokkoo tokkoo isaaniifis hojii ni kenna, akka inni balbala eegu dammaqaa ta’uufis ni abbooma.³⁵ kanaaf, abbaan manichaa yoom akka ddeebi’ee gara manaa dhufu, waan hin beekneef dammaqee ni eega. Tarii ganama ta’uu danda’a, halkan ta’uu danda’a, yeroo Indaaqqoon iyyu ganama barii. ³⁶Inni akka tasaa dhufe, utuu isin rafaa jirtanii akka isin hin argine. ³⁷waan an isiniin jedhe kana nama hundumaatti nan hima. Ilaalaa!”

¹Amma yyaana Faasikaa fi ayyaana Maxinoo dura guyyaan lama hafee ture. Angafoonni lubootaa fi warri barreessotootaa akkaataa dhoksaadhaan itti Yesuusiin qabanii ajjeesan barbadaa turan. ²Isaanis, “Yeroo ayyaanaa miti, akka saba gidduutti jeequmsi hin kaanetti.” Jedhan.³Utuu Yesuus Bitaaniyaa mana Simoon isa lamxii qabuu jiruu, utuu inni minjaala irra ta’uu, dubatiin tokko urgooftuu dibata makaa hin qabne, baay’ee gatiin isaa jabaa ta’e, hidda biqiltuu Naardo jedhamu irraa kan hojjetame, shurrubeetti qabattee dhufte, isheenin shurrubee sansa cabsitee, urgooftuu sana mataa Yesuus irratti naqxe. ⁴Garuu, namoonni aaran immoo turaniiru. Isaan walii isaanii gudduutti haasa’anii, “hiikaan urgooftuu kana balleessuu maaloodha? Jedhan. ⁵Urgooftuun kun Diinaarii dhiibba lama caalaatti gurguramee, warra hiyyeessotaaf kennamuu ni danda’a ture.” Jedhanii ishee arrbsan.⁶⁸⁹6 Yesuus garuu, “ishee dhiisaa. Maaliif ishee dhiphiftu? Isheen waan gaarii anaaf hojjette. Jedhe. 7 ⁷warri hiyyeessotaa yeroo hundumaa isin gidduu jiru, kanaaf yeroo barbaadanitti isaaniif waan gaarii ta’e gochuu dandeessu, anaan garuu yeroo hundumaa of gidduutti ana hin argitan,” jedhe. 9 ani dhuguman isinitti hima, yeroo wangeelli guutummaa biyya lafaa keessatti lallabamu, waan dubartiin kun hojjette ni himama, yaadannoo isheetiif.” Jedhe.¹⁰ Yidudaan inn Asqorotoichi, warra kudha lamaanii keessaa, dabarsee isa kennuudhaaf gara angafa lubootaa dhaqe. ¹¹Angafni lubootaas yeroo dhagaa’an, gammadanii qarshii isaaf kennuuf waadaa galaniif. Inni isa dabrsee kennuudhaaf carraa barbaadaa ture.¹²Guyyaa jalqabaa ayyaana maxinootti, yeroo isaan hoolaa faasikaa qalan, bartoonni isaa, “eessatti akka qopheessini barbaadda, akka nyaata ayyaanaa nyaattuuf?” jedhan.¹³Innis bartoota isaa lama ergee, “gara mandaraa dhaqaa, nanmi okkotee bishaanii baatu tokkos isinitti ni dhufa. Isa duukaas bu’aa. ¹⁴mana inni itti seenus, duukaa seenaatii abbaa mana sanaan, “barsiisaan, kutaan koo meerree, bakki ani bartoota koo wajjin itti faasikaa nyaadhu? “ jedhaa jedhe.¹⁵Inni kutaa isa gara olii miidhagaa fi qophaa’aa ta’e isnitti ni argisiisa. Achittis nuuf qopheessaa.” ¹⁶bartoonnis dhiisanii gara magaalichaa dhaqan. Akkuma inni jedhettis waan hundumaa argan. Achittis faasikaa qopheessan.¹⁷Yeroo dhiyes, inni warra kudha lamaanii wajjin dhufe. ¹⁸Utuu maaddiitti ta’anii nyaataniis, Yesuus, "Dhuguman isiniin jedha, warra anaa wajjin nyaattan keessaa tokko ana gana.” Jedhe.¹⁹Hundumti isaaniis ni gaddani, tokko tokkoonis, “anaaree?” jedhan.²⁰Yesuusis deebisee, “warra kudha lamaanii keessaa, isa anaa wajjin qodaa ittoottii cuuphatuudha, ²¹Ilma namaa akkuma waa’ee isaaf barreeffame ni ta’a. garuu waa’ee isa ilmi namaa karaa isaa darbarfamee kennamuuf wayyoo! Utuu hin dhalanne ta’ee isaaf wayyoo ture.” jedha.²² Utuu nyaachaa jiraniis, Yesuus buddeen fuudhee, eebbisee, cabse. Isaaniifis kennee, “kana fudhadhaa, kun qaama kooti.” Jedhe. ²³Inni xoofoo fudhatee, galatteeffatee, isaaniifis kenne, hundumti isaaniis ni dhugani. ²⁴“Kun dhiiga kakuu kooti, dhiiga isa baayyeef dhangala’e. jedhe. ²⁵dhuguman isinitti hima, ani deebisee wayinii kanattii hin dhugu, hanga guyyaa sanaatti, mootummaa Waaqayyoo isa haaraatti.” Jedhe.²⁶Erga faarfannaa faarfatanii booda, gara gaara ejrsaatti ol ba’ani. ²⁷Yesuus, “Hundumti keessan na dhiiftu, barreeffamee akkuma jiru,²⁸Garuu ergan ka’ee booda, isin dura gara Galiilaa nan dhaqa.” Jedhe.'Tiksee nan rukuta, hoolotnis ni faca’u.’²⁹Pheexiroos, “yoo hundumtuu si dhiisan, ani sin dhiisu.” Jedhe.³⁰Yessuusis, “ani dhuguman siin jedha, har’a, eyyee, halkan kana, utuu Indaaqoon hin iyyin yeroo lama ana ganta.” Ittiin jedhe. ³¹Pheexiroos garuu jabeessee, “Yoo sii wajjin du’uun ana irra jiraate, ani sin ganu.” Jedhe. Hundumti isaaniis waafaa wal fakkaatu seenan.³²Isaan gara baka iddoo Geetesemaanee jedhamu dhufan, Yesuusis bartoota isaatiin, “hangan kadhadhutti asuma turaa.” ³³Inni Pheexiroosiin, Yaaqobii fi Yohaannisiin fudhatee, dhiphachuu fi guddisee yaadda’uutti ka’e.³⁴“Lubbuun koo guddaa dhiphatteetti, hanga du’aatti illee. As turaatii ilaalaa.” isaaniin Jedhe.³⁵Erga muraasa adeemee booda, Yesuus lafatti gadi gonbifamee kadhate, yoo dandaa’ame yeroon kun ana irra haa darbu jedhee. ³⁶Inni, “Yaa, abbaa, yaa abbaa, siin waanti hundumtuu ni dandaa’ama. Xoofoo kana ana duraa kaasi. Garuu fedha koo miti, kan kee malee.” Jedhe.³⁷ Inni deebi’ee dhufee utuu isaan rafanii arge, Pheexiroosiin, “Simoon, ni raftuu? Yeroo sa’atii tokkoof illee dammaquu hin daneenyee? ³⁸ Dammaqaa, kadhadhaa, akka qormaatatti hin galletti jedhe. Hafuurri dammaqaadha. Foonni garuu dadhabaadha.” Jedhe. ³⁹Ammas, dhaqee kadhate, jechuma wal fakkaatu gargaarame.⁴⁰ Ammas yeroo deebi’ee dhufe, rafanii isaan arge, inis itti ulfaatee ture. Isaan waan ittiin jedhan dhaban. ⁴¹Innis yeroo sadaffaas dhufee, “amma iyyuu ni raftu, boqochaa jirtuu? Jedhe. Ni ga’a! Yerichi ga’eera. Ilaalaa! Ilmi namaa harka warra cubbamootaa keessatti ganamaara.” Jedhe. ⁴²Ka’aa, haa adeemnuu. Ilaalaa, inni ana ganu asuma jira.” Jedhe.⁴³ Utuu inni haasa’aa jiruu, Yihudaan, warra kudha lamaanii keessaa, achi ga’e, namoonni baay’eenis, isaa wajjin billaa fi bokkuu qabatanii dhufan, angafoota lubootaa biraa, warra barreessitoota biraa fi geggeessitoota biraa. ⁴⁴Amma egaa inni ganu kun mallattoo kenneef, “Namichi inni ani dhungadhu isa. Isa qabaatii eeggadgaa fuudhaatii sokkaa.” ⁴⁵Yihudaan yeroo ga’e, battaluma gara Yesuus dhufee, “Rabbi,” jedhee isa dhungate. ⁴⁶Isa booda isaan harka isa irra kaa’anii isa qaban.⁴⁷ Isaan keessaa tokko inni cina dhaabachaa ture, billaa isaa baasee gurra angafa lubaa irraa kute.⁴⁸Yesuus, “akka nama saamtuu qabuutti, billaa fi bokkuu qabattanii ana qabuu dhuftanii? Jedhe. ⁴⁹Yeroon guyyaa hundumaa isini bira turee fi mana sagadaa keessatti barsiisaa ture, isin ana hin qabne. Kun garuu akka caaffatni qulqull’aan fiixaan ba’uuf ta’e.” ⁵⁰Warri Yesuusii wajjin turan hundumtuu dhiisanii baqatan.⁵¹Dargaggessi tokko, uffata quncee talbaa tokko qofaa uffate, Yesuus duukaa bu’e. Namoonni yeroo isa qaban. ⁵²Uffata isaa sana gatee qullaa isaa baqate.⁵³ Isaan Yesuusiin gara angafa lubaatti geessan. Angafoota lubootaa, geggeessitootaa fi warra barreessitootaa hundumaa wajjin wal-ga’iin ture. ⁵⁴Pheexiroosis fageenya irraa isa hordofaa ture. Hanga mooraa mana angafa lubaatti. Inni warri geggeessitoota gidduu taa’e, abidda qaammachaa.⁵⁵Egaa, angafoonni lubootaa fi guutummaan yaa’ii Yihuudotaa faallaa Yesuus, isa ajjeesuudhaaf dhuga ba’umsa barbaadan. Garuu hin arganne. ⁵⁶Warri kaan waa’ee isaatiif dhuga ba’umsa dharaa fidan. Garuu immoo dhuga ba’umi isaanii illee waliif hin galle.⁵⁷ kaan dhaabatanii sobaan isa irratti dhugaa baa’an, ⁵⁸Utuu inni “Mana qulqullummaa harkaan ijaarame kana nan diiga;, deebisee immoo hojii harkaa malee guyyoota sadii keessatti nan ijaara” jedhuu dhegeenyeerra jedhan. ⁵⁹amma iyyuu dhuga ba’umsi isaanii waliif hin galle.⁶⁰Angafni lubaa gidduu isaanii dhaabatee, Yesuusiin, “deebii qabdaa? Inni dhugaa sirratti ba’amaa jiru kun maali?” jedhee gaafate. ⁶¹Yesuus garuu callise, homaa hin dubbanne. Angafni lubaa sun ammas, “Ati Kiristoosii, ilma isa eebbifamaa sanaa?” jedhe.⁶²Yesuusis, “eyyee, utuu ilmni namaa mirga humna qabuu ta’uu ni argitu; duumessa waaqaatiinis utuu dhufuu ni argitu.” Jedhe.⁶³Angafni lubaas uffata isaa tarsaasee, “amma iyyuu dhuga ba’umsa ni barbaanaa? Jedhe. ⁶⁴Waaqayyoon arrabsuu isaa dhageessaniittuu, egaa murtoon keessan maaliree?” jedhe. Isaan hundumti isaanii du’uun ni ta’aaf jedhanii ceepha’an. ⁶⁵Jarreen tokkos isatti tufan, ija isaa hidhanii rukutanii, “eenyuutu si rukute? Raajii keetiin nutti himi!” ittiin jedhu turan, warri eegdonnis, isaan harkaa fuudhanii isa kakkabalan.⁶⁶Utuu Pheexiroos oobdii keessa jiruu, durboota warra tajaajiltoota angafa lubaa keessaa gara isaa dhufte. ⁶⁷Utuu Pheexiroos abidda qammatuu argite, isheenis isatti siqxee ilaaltee, “Atis Yesuus isa Naazireetichaa wajjin turte.” Jette.⁶⁸Inni garuu isa gane, “An isa hin beeku, waan isin waa’ee isaaf dubbachaa jirtanis hin beeku.” Jedhe. Isa booda gara balbalaatti sokke. Indaaqqoonis ni iyye.⁶⁹Mucaan durbaa isheen hojjettuun sun garuu, mmas isa argitee, warra achi dhaabatanii turaniin, "Namni kunis isaan keessa tokko.” Jette.⁷⁰Inni garuu ammas ni gane. Yeroo muraasa booda warri achi dhaabachaa jiran, Pheexiroosiin, “ati dhugaadhumaan isaan keessaa tokko, ati nama Galiilaati.” Jedhan.⁷¹ Inni garuu of abaaruu fi kakachuutti ka’e, “ani namicha isin waa’ee isaa dubbattan kana hin beeku.” Jedhe. ⁷²Indaaqqoon yeroo lammaffaaf iyyite. Isa booda Pheexiroso dubbii isa Yesuus itti himee ture yaafate. "Utuu Indaaqqoon hin iyyin, ati yeroo sadii ana gantan” isa inni jedhe. Kufees ni boo’e.

¹Ganama barii, angafoonni luboota, warra geggeessitootaa, barreessitotaa fi guutummaan yaa’ii Yihuudotaa, wal ga’aan. Yesuusiinis qabanii fuudhanii sokkani. Philaaxoosittis isa kennan. ²Philaaxoosis, “Ati mootii Yihuudotaatii?” jedhe.Innis, “Ati iyyuu jetteettaka,” jedheee deebiseef. ³Angafoonni lubootaas waan baay’eedhaan isa himataa turan.⁴Philaaxoos amma “deebii qabdaa?” jedhee isa gaafate. Waantota meeqaan akka isaan si himatan ilaali! Jedhe. ⁵Yeruus garuu kana caalaa Philaaxoosiif hin deebinfe, inni immoo isa dinqifate.⁶Amma, guyyaa ayyaana sana, Philaaxoos nama hidhaman tokko gad ni dhiisaaf ture, hidhamaa isaan gaafatan. ⁷Namni maqaan isaa Barabbaa jedhamu tokko, mormitoota yeroo mormii nama ajjeesan tokkoo wajjin mana hidhaa keessa ture. ⁸Sabni sunis gara Philaaxoos dhufanii, akka inni waan kanaan dura isaaniif godhe ture isaaniif hojjetuuf isa gaafatan.⁹Philaaxoosis deebiseefii, "Akkan mootii warra Yihuudotaa isiniif gad dhiisuuf ni barbaadduu?” jedhe. ¹⁰Inni waan angafoonni lubootaa jibba isaa irraan kan ka’e Yesuusiin isatti kennan beeka. ¹¹Angafoonni lubootaas, akka sabni sun iyyee qooda isaa Barabbaa gadi nuuf dhiisi, jedhuuf kakaasan.¹²Philaaxos amma irra deebi’ee, “egaa ani mootuu Yihuudotaa maal godhuree?” jedhe. ¹³Isaan ammas iyyanii, “isa fannisi!” jedha.¹⁴Philaaxoosis, “Inni maal maal hojjete?” jedhe.Isaan garuu irra deddeebi’anii iyyanii, “isa fannisi.” ¹⁵Philaaxoos sab asana gammachiisuuudhaaf jedhee Barabaa gadi dhiis. Inni Yesuusiin reebee, aarsaattis dabarsee kenne.¹⁶Loltoonnis mooraa keessaa isa baasan (isa waajjira ol aanaa mootii ture), isaan garee loltootaa hundumaa waaman. ¹⁷Isaan uffata dhiilgee Yesuusitti uffisan. Gonfoo qoraarriis hojjetanii mataa isaa irras kaa’an. ¹⁸Isaan nagaa gaafatanii, “Attamiree, mootii Yihuudotaa!¹⁹Uleedhaanis mataa isaa rukutanii, itti tufan. Jibeenfataniis fuula isaa duratti kufan. ²⁰Itti ga’isaniis, uffata isaa isa dhiilgee isa irraa baasanii uffata ofii isaanii isa irra buusani, isa booda gara isa fannisuutti geessan. ²¹Namni tokko, Simoon isa Qareenaa, namni biyya (Inni abbaa Alekzaanderiyaa fi Ruufos), isaanis akka namni kun fannoo isaa baatuuf isa dirqisiisan.²²Loltoonni gara bakka Golgootaa jedhamuutti Yesuusiin fidani (Hiikaan maqaa bakka kanaas, “bakka lafee mataa” jechuudha. ²³Isaani daadhii wayinii qumbiidhaan makame kennaniif, inni garuu hin dhugne. ²⁴Isaan erga isa fannisanii booda, warri loltootaa carraa irra buusanii uffata isaa addaan qooddatani.²⁵²⁸25 Yeroo isaan kana fannisan guyyaa keessaa sa’atii sadii ture. ²⁶Yakka inni ittiin himatame mulisuudhaaf, “Mootii Yihuudotaa.” Jedhanii barreessan. ²⁷Isaa wajjinis namoota saamota lama fannisani. Bitaa isaa fi mirga isaatti. 28²⁹Waari isa bira darban isa arrabsan, harka isaanii raasanii, “Eenyuudha kana kan mana qulqullummaa diigee, guyyaa sadii booda immoo ijaaru, ³⁰Ofii kee oolchiitii, fannoo irraas gadi bu’i” ittiin jedhan.³¹ Bifuma wal fakkatuun angafoonni lubootaas walii isaanii fi, warra barreessitootaa wajjin, itti ga’isanii, “Inni warra kaan fayyiseera, ofii isaa garuu oolchuu hin dandeenye,” ³²Kiristooos inni mootiin Israa’el mee fannoo irraa gadi gaa ba’u, akka nuti arginee amanutti.” Ittiin jedhan. Warri isaa wajjin fannifaman illee isa arrabsan.³³ Sa’atii ja’aa eegalee, hanga sa’atii sagalitti guutummaa lafaa irra dukkanni buufatee ture. ³⁴Sa’atii salgaffaatti Yesuus sagalee isaa ol fuudhee, “Elo’ii, Elo’ii, lamaa sabaktaanii?” jedhe. Innis yeroo hiikamu, “Waaqayyoo ko, Waaqayyoo ko, maaliif ana dhiifte?” jechuudha. ³⁵Warra isa bira dhaabatan keessaa kaan, “Ilaalaa, inni Eliyaasiin waamaa jira.” Jedhan.³⁶Namni tokko fiigee, wayinii dhangaggaa’aa, waan akka cumaatti kaa’ee mataa uleetti kaa’ee, akka inni dhuguud isaaf kenne. Namichis, “Mee utuu Eliyaas si oolchuu dhufuu ni ariginaka.” Jedhe. ³⁷Yesuus yemmus, sagalee gudda dhageessisee du’e.³⁸Golgaan mana qulqullummaas bakka lamaatti gubbaadhaa hanga godaatti tarsa’e.³⁹Angafni dhibbaa inni dhaabatee ture, yeroo Yesuus bifa kanaan du’uu isaa arge, “Inni kun dhuguma ilma Waaqayyootti” jedhe. ⁴⁰Dubartoonni fageenya irraa isa hordofaa turanis turaniiru. Isaan keessaa, Maariyaan ishee Magdalaa, Maariyaan ishee (haadha Yaaqobii fi isa quxisuu kan Yosees), ⁴¹Isaan yeroo inni Galiilaa ture isa duukaa ba’anii isa taajaajilan. Akkasuma dubartoonni baay’een isaa wajjin gara Yerusaalem dhufaniiru.⁴²Yeroo dhi’es, waan guyyaa qophee turee, inni guyyaa isa sanbata duraa, ⁴³Yoosef namni Armaatiyaas achi dhufe. Inni miseensa yaa’ii, kabajamaa isa mootummaa kabajamaa Waaqayyoo eeggachaa tureedha.Inni ija jabinaan gara Philaaxoos dhaqee, reeffa Yesuus gaafate. ⁴⁴Philaaxos du’uu Yesuus ni dinqifate. Inni angafa dhibbaa sana waamee yoo Yesuus du’eera ta’e gaafate.⁴⁵Philaaxos yeroo akka Yesuus du’e angafa dhibbaa sana irraa adda baafate, reeffa isaa Yooseff kenne. ⁴⁶Yoosefis, wayyaa quncee talbaa irra hojjetame bite. Isas fannoo irraa buusee, uffata sanaanis mare, awwaalcha keessa kaa’e, isa dhagaa irraa murame. Isa booda dhagicha gara balabala awwalichaatti gara galche. ⁴⁷Maariyaan isheen Magdallaa fi Maariyaan isheen haadha, Yosees bakka Yesuus itti awwaalame arganiiru.

¹Yeroo guyyaan torbaffaan dhume, Maariyaam isheen Magdalaa, Maariyaam haati Yaaqobii fi Saloomeen, urgoofuu bitanii ittiin qaama Yesuus dibuuf jedhan. ²Ganama barii jalqaba torbanii, yeroo isaan lafa awwaalichaa dhaqa aduun baate.³Akkasis waliin jedhan “Eenyutu balbala awwaalichaa irraa dhagicha nuuf gara galcha?” jedhan. ⁴Isaan yeroo ol ilaalan, dhagicha irraa gara galee argan, innis guddaa ture.⁵Isaanis gara awaalichaatti seenanii, dargaggeessa uffata adii uffate tokko, karaa mirgaa ta’ee arganii na’an.⁶Innis, “Hin na’inaa. Isin Yesuus nama Naazireet barbaadduu, isa fannifame. Inni ka’eera! Inni as hin jiru. Bakka inni kaa’amee tures ilaalaa. ⁷garuu dhaqaatii, bartoota isaa fi Pheexiroositti himaa, “Inni isin dursee gara Galiilaa ni dhaqa, achisttis isa ni argitu, akkuma inni isiniti himee ture” ittiin jedhe.⁸ Isaanii fiiganii awwalicha keessaa baa’anii fiigan, oollataniis dinqifatan. Isaan sodatanii waan turaniif nama tokkotti illee homaa hin dubbanne.⁹ [jalqaba guyyaa torbaniitti, erga ka’ee booda, jalqaba Maariyaam ishee Magdalaa ishee seexana torba keessaa baasetti mul’ate. ¹⁰Isheenis dhaqxee warra isaa wajjin turanitti himte, utuu isaan gaddaa fi boo’uuutti jiranii. ¹¹Isaanis akka inni lubuun jiruu fi isheenis immoo argite ni dhagaa’an, garuu hin amanne.¹² Waantota kana booddee, inni bifa kan biraadhaan isaan keessa lamatti mul’ate, utuu isaan magaalaa keessaa ba’anii. ¹³isaanii deebi’anii dhaqanii warra kaanitti himan, isaan garuu isaaniin hin amanne.¹⁴Yesuus booda immoo, warra kudha lamaaniitti mul’ate, utuu isaan maaddiiti ta’anii, innis amanuu diduu isaanii fi gara jabina isaaniif isaan ifate, sabaiin isaa isaan warra erga inni du’aa ka’e isa argan hin amanne. ¹⁵ Innis, “Gara biyya lafaa hundumaa dhaqaa, uumama hundumaattis wangeela lallabaa. ¹⁶namni amanee fi cuuphame ni fayyaka, kan hin amanneetti garuu ni faradama..¹⁷mallattoon kun warra amanii wajjin ni ta’a, isaan maqaa kootiin seexanoota ni baasu, afaanota haaraa ni dubbatu. ¹⁸harka isaaniitiin bofa ni qabu, yoo waan nama ajjeesu dhufanis, isaan hin miidhu. Dhukkubsataa irra harka isaanii ni kaa’u, isaanis ni fayyu.” Jedhe.¹⁹Gooftaan Yesuus erga isaanitti dubbatee booda, gara waaqa keessatti ol fudhatamee gara mirga Waaqayyoos taa’e. ²⁰Bartoonnis dhaqanii bakka hundumaatti wangeela lallabani, gooftaan isaanii wajjin hojjetee, dubbichas mallattoon isaaniif mirkaneessuu.

¹Yesuus bartoota isaatiin akkana isaaniin jedhe, "Dhagaawwan nama gufachiisan akka jiran kan mirkanaa’ee dha, garuu wayyoo namicha karaa isaatiin kun ta’uuf! ²Isaaf ni wayya ture utuu dhagaan daakuu morma isaatti rarraafamee innis gara galaanaatti darbatamee warreen xixiqqoo kanneen keessaa isa tokko gufachiisuu isaa irra.³Ofii keessan eeggadhaa. Yoo obboleessi keessan cubbuu hojjete, isa ifadhaa, inni yoo deebi’ee, dhiisaafi. ⁴Yoo inni guyyaa tokko keessatti si’a torba isin yakke, si’a torbanuu gara keessanitti deebi’ee akkana jedhee, ‘Ani balleesseera,’ dhiisuufii qabdu!"⁵Bartoonni Gooftaadhaan akkana ittiin jedhan, "Amantii keenya nuuf guddisi."⁶Gooftaan akkana jedheen, "Utuu amantii hanga ija sanaaficaa geessu qabaattanii, muka ejersaa kanaan akkana ittiin jettu, ‘Asii buqqa’ii, galaana keessa dhaabbadhu,’ innis isiniif abboomama.⁷ Garuu isin keessaa eenyu namni hojjetaa isaaf qotu yookaan hoolaa tiksu kan qabu, yeroo inni hojii irraa gara manaatti deebi’u kan akkana jedhuun, ‘Kottuu ariifadhuu taa’ii nyaadhu'? ⁸Akkana isaan jedha mitii, 'Waanan nyaadhu mee anaaf qopheessi, mudhii keetti marxifadhuutii hangan nyaadhee dhugee xumurutti na tajaajile. Sana booddee ati immoo nyaattee ni dhugdaa'?⁹Waan abboomame kanneen waan inni raawwateef inni hojjetaa sana hin galateeffatu, ni galateeffataa ree? ¹⁰ Isinis immoo akkasuma, wannneen abboomamtan mara yommuu raawwatan, akkana jechuu qabdu, ‘Nuyi hojjetoota waa’ee hin baafnee dha. Waanuma raawwachuu qabnu qofa raawwanne.'"¹¹ Inni utuu gara Yeruusaalemitti imalaa jiruu, daandii daangaa Samaariyaatii fi Galiilaa giddu jiru keessa darbe. ¹² Akkuma inni mandara tokko seeneen, namoota dhukkuba lamxiitiin dhukkubsatan kudhan ni arge. Isaan isa irraa fagaatanii dhaabbatanii ¹³ sagale isaanii ol fudhatanii akkna isaan jedhan, "Yaa Yesuus, yaa Gooftaa, araara nutti argisiisi."¹⁴Inni yommuu isaan arge, akkana isaaniin jedhe, "Dhaqaatii lubootatti of argisiisaa." Akkuma achii deemaniin, isaan ni qullaa’an. ¹⁵ Isaan keessaa inni tokko akka qullaa’e yommuu argette, of irra gara galee, sagalee guddaadhaan Waaqayyoon ni galateeffate. ¹⁶ Miilla Yesuus jalatti fuula isaatiin lafatti gombifamee, isa galateeffate. Namichi kun nama Samaariyaa ture¹⁷Achumaan Yesuus akkana jedhe, "Nama kudhan hin turre mooo kanneen qulleefaman? Salgan meerre ree? ¹⁸ Namicha isa horma ta’e kana malee warreen kan Waaqayyoof galata galchuudhaaf kan deebi’an hin jiranii?" ¹⁹Isaan immoo akkana jedheen, "Ol ka’ii deemi. Amantiin kee si fayyiseeraatii."²⁰Mootummaan Waaqayyoo yoom dhufuuf akka jiru Fariisotaan gaafatamee, Yesuus akkana jedhee isaaniif deebise, "Mootummaan Waaqayyoo akka namni isa eegetti hin dhufu. ²¹Yookaan akkana hin jedhamu, 'kunoo ti, inni as jira!' yookaan, ‘Inni achi jira!' Hubadhaa, mootummaan Waaqayyo isin gidduu jiraatii."²² Inni bartoota isaatiin akkana jedhe, "Guyyoonni isin Ilma Namaa arguudhaaf itti hawwitan ni dhufu, garuu hin argitan. ²³Namoonnis akkana isiniin jedhu, ‘Ilaa, achi jira! Ilaa as jira! Garuu isaan waliin hin adeeminaa, ²⁴ bakakkaan samii gar tokko irraa gara isa kaaniitti calaqqisuu guddaadhaan akkuma mul’atu, Ilmi Namaas guyyaa isaatti akkasuma²⁵Garuu inni duraan dursa wanneen hedduudhaan dhiphachuuf jira, dhaloota kanaanis tuffatamuudhaaf. ²⁶Akkuma bara Nohitti ta’ee turetti, guyyoota Ilma Namaattis akkanuma ta’uuf jira. ²⁷ Isaan nyaataa, dhugaa, fuudhaa fi heerumaa, fuudhaa fi heerumatti waliif kennaa turan hanga guyyaa Noh doonii isaatti seeneetttii—fi lolaanis dhufee isaan mara balleesseetti.²⁸ Haaluma wal fakkaatuun, akkuma bara Looxitti ta’e iyyuu—isaan nyaataa fi dhugaa, bitaa fi gurguraa, biqiltuu dhaabbataa fi mana ijaarrataa turan. ²⁹Garuu guyyaa gaafa Loox Sodoomii ba’etti, ibiddaa fi diiniin samii irraa roobee isaan mara balleesse.³⁰ Haaluma kana fakkaatu boodaan guyyaa mul’achuu Ilma Namaattis akkanuma ni ta’a. ³¹ Guyyaa sanatti namni inni bantii manaa irra jiru meeshaalee ofii kanneen mana keessa jiran fudhachuudhaaf gadi hin bu’in, haaluma wal fakkaatuun namni dirree irra jirus ol deebi’uudhaaf hin yaalin³² Haadha warraa Looxiin yaadadhaa. ³³Eenyu illee jireenya ofii oolfachu kan fedhu isa ni dhaba, namni jireenya ofii gatu garuu isa ni oolfata.³⁴Ani isinittan hima, halkan sanatti namoonni lama siree tokko irra ni jiraatu. Inni tokko ni fudhatama, inni kaan immoo ni hafa. ³⁵Dubartoonni lama waliin midhaan daaku. Isheen tokko ni fudhatamti, isheen garuu ni hafti." ³⁶waraabbiin gaggaariin warri duraanii 36 hin qaban, Namoonni lama dirree irra jiru; inni tokko ni fudhatama, inni kaan garuu ni hafa³⁷Isaan isa ni gaafatan, "Eessatti, yaa Gooftaa?"Inni akkana isaaniin jedhe, "Bakka reeffi jirutti, allaattiiwwan achitti wal ga’u."

¹Achumaan akka isaan dammaqanii kadhatanii fi akka isaan abdii hin kutanneef mammaaksa isaanitti hime, ²akkana jedheen, "Magaalaa tokko keessa abbaan murtii Waaqayyoon hin sodaannee fi namootaafis kabaja hin qabne tokkotu ture.³ Dubartiin tokkos magaala sana keessa kan jiraattu, gara abbaa murtii kanatti deddeebitee, akkana isaan ni jetti turte, ‘Ana gargaari, mormituu koo irratti murtii qajeelaa naaf kenni.'⁴ Inni yeroo dheeraadhaaf ishee gargaaruudhaaf hin feene, garuu booda irratti akkana ofii isaatiin jedhe, ‘Yoon Waaqayyoon hin sodaatin, namootaafis kabaja hin qabaatin illee, ⁵ haati hiyyeessaa kun anatti deddeebite waan ana rakkiftuuf, akka isheen murtii argattu nan godha, anatti deddeebi’uudhaan akka isheen ana hin rakkifneef.'"⁶Achumaan Gooftaan akkana jedhe, "Mee waan abbaan murtii jal’aan kun jedhu dhaga’aa. ⁷Amma Waaqayyo warra filatamoo isaa ta’anii halkanii fi guyyaa gara isaatti boo’aniif murtoo qajeelaa hin kennuufii ree? Isaan jalaas ni tursaa ree? ⁸ Ani isinittan hima akka inni ariitiidhaan murtoo qajeelaa isaaniif godhu. Kunis ta’ee, Ilmi Namaa yommuu deebi’ee dhufutti, dhugaatti lafa kana irratti amantii ni argata ta’aa?"⁹ Achumaan inni ammas warra akka waan qajeelota ta’aniitti ofitti amananii warra kaan garuu tuffatanitti mammaaksa kana isaanitti dubbate, ¹⁰"Namoonni lama kadhannaadhaaf gara mana qulqullummaa adeeman—inni tokko Faarisii hennaa ta’u inni kaan immoo nama ashuuraa funaanu ture.¹¹ Farisichi dhaabbatee wanneen kana waa’ee ofii isaatii kadhate, 'Yaa Waaqayyo, ani akka namoota warra kaanii waanan hin ta’iniif sin galateeffadha—akka warra saamtuu, warra qajeelota hin ta’inii, ejjitoota—yookaan akka namicha ashuuraa funaanu kanaa illee. ¹² Ani torbanitti guyyoota lama nan sooma. Waanan argadhuu keessaas kurnoo nan baasa.'¹³ Namichi ashuuraa funaanu sun garuu, fageenya irra dhaabatee, ija isaa illee utuu samiitti ol hin kaasin, qoma ofii rurrukutataa, akkana jedhe, ‘Yaa Waaqayyo, ana nama cubbamaatti araara kee natti argisiisi.' ¹⁴Ani isinittan hima, namichi kun qulqullaa’ee mana ofiitti gale namicha isa kaan caalaa, sababiin isaa namni ol ol of qabu gadi ni qabama, namni gadi of qabu garuu ol ni qabama."¹⁵Akka inni isaan tuquuf namoonni daa’imman isaanii gara isaatti ni fidu turan, garuu bartoonni yommuu kana arganitti, isaan ni ifatan. ¹⁶Yesuus garuu ofitti isaan waamee, akkana jedheen, "Daa’imman gara koo haa dhufaniif eyyamaafii, ana irra isaan hin dhorkinaa. Mootummaan Waaqayyoo kanneen akkasiitiif malaatii. ¹⁷ Dhugaatti ani isinittan hima, mootummaa Waaqayyoo akka daa’imaatti kan hin simanne tasa itti hin galu."¹⁸ Geggeessaan tokko gaaffi isa gaafate, akkana jechuudhaan, "Yaa Barsiisaa gaarii, mootummaa Waaqaa akkan dhaaluuf maal gochuutu anaaf ta’aa?"¹⁹Yesuus akkana isaan jedhe, "Maaliif gaarii anaan jetta? Namni gaariin hin jiru, Waaqayyo tokkicha malee. ²⁰ Ati abboommiiwwan ni beekta—hin ejjin, hin ajjeesin, hin hatin, sobaan dhugaa hin ba’in, abbaadhaa fi haadha kee kabaji."²¹Geggeessichis akkana isaan jedhe, "Wanneen kana yommuun dargaggeessa ture irraa eegalee eegeera."²² Yesuus yommuu kana dhaga’etti, akkana isaan jedhe, "Wanta tokkotu sitti hir’ata. Wanta qabdu mara gurgurtee warra hiyyeessotaaf kennuu qabda, waaqa irratti qabeenya horattaatii—yeroo sanatti kottuu, ana hordofi."²³ Geggeessichi yommuu wanneen kanneen dhaga’etti, hedduu ni gadde, qabeenya guddaa qaba waan tureef.²⁴ Achumaan Yesuus isa ilaalee F akkana jedhe, "Warra dureeyyii ta’aniif mootummaa Waaqayyotti galuun hangam ulfaataa dha! ²⁵ Gaalli qaawwa lilmoo keessa seenutu salphata dureessa tokkoof mootummaa Waaqayyootti galuu irra."²⁶ Warreen kana dhaga’an akkana jedhan, "Yoos eenyutu fayyuu danda’a ree?"²⁷Yesuus akkana jedhee deebise, "Wanneen namootaaf hin danda’amne Waaqayyoof ni danda’amu."²⁸ Pheexroos akkana isaan jedhe, "Tole, nuyi wanta qabnu mara dhiifnee si hordofne."²⁹ Yesuus immoo akkana isaaniin jedhe, "Dhugumaan isinittan hima, akka namni tokko illee kan mana isaa, haadha warraa isaa, yookaan obboloota isaa, yookaan hidhata isaa, yookaan ijoollee isaa mootummaa Waaqayyoof jedhee dhiise, ³⁰yeroo kanattis caalchisee kan hin fudhanne, baroota dhufuuf jiranittis, jireenya bara baraa kan hin arganne hin jiru."³¹Warra kudha lamaan of biratti erga walitti isaan qabee booda, akkana isaaniin jedhe, "Ilaa, gara Yeruusaalem deemna, wanneen raajotaan waa’ee Ilma Namaatiif barreeffaman marti ni raawwatamu. ³²Inni warra ormootatti dabarfamee ni kennamaatii, itti ga’ifama, ni salphifama, ittis ni tufama. ³³Erga isa garafanii booda, isa ni ajjeesu, guyyaa sadaffaattis inni ni ka’a³⁴ Isaan wanneen kanneen keessaa homaa hin hubanne, jechi kunis isaan jalaa dhokfame ture, wanneen jedhaman kanneen hin hubanne.³⁵Akkana ta’e, akkuma Yesuus Yeriikootti dhi’aateen, namni iji isaa hin argine tokko daandii cina taa’ee ni kadhata ture, , ³⁶ gaafa namoota hedduu achiin darbaa jiran dhaga’u, waan ta’aa ture ni gaafate. ³⁷Akka Yesuus namni Naazireet achiin darbaa ture namoonni isatti ni himan.³⁸Kana irratti namichi iji isaa hin argine sun sagalee isa ol kaasee, akkana jedhe, "Yaa Yesuus, Ilma Daawit, araara anatti argisiisi." ³⁹ Namoonni warri fuul dura deeman namicha isa iji isaa hin argine kana ni ifatan, akka inni callisus isatti himan. Inni garuu itti caalchisee iyyuu ni iyye, "Yaa Ilma Daawit, araara anatti argisiisi."⁴⁰Yesuus dhaabbatee namicha gara isaatti akka fidan ni abboome. Achii yommuu namichi iji isaa hin argine sun isatti dhi’aatetti, Yesuus akkana jedhee isa gaafate, ⁴¹ "Maal akkan siif godhu barbaadda?" Innis akkana jedhe, "Yaa Gooftaa, agartuu koo deebisee argachuun barbaada."⁴²Yesuus akkana isaan jedhe, "Agartuu kee fudhadhu. Amantiin kee si fayyiseera." ⁴³Battaluma sana agartuun isaa deebi’eefii innis Waaqayyoon galateeffataa isa hordofe. Yommuu kana arganitti, namoonni marti Waaqayyoon ni galateeffatan.

¹Yesuus achi keessa darbuudhaaf Yeriikotti seena. ² Kunoo, achis namichi maqaan isaa Zakkewoos jedhamu tokkotu ture. Inni warra ashuuraa funaananiif oogganaadhaa fi dureessas ture.³ Inni Yesuus eenyu akka ta’e arguudhaaf hawwii qaba ture, garuu gabaabaa waan ta’eef heddumina namaatiif isa arguu hin dandeenye. ⁴ Kanaafuu inni namoota gidduudhaan fiigee darbee dhaqee muka harbuu tokko irra ba’e, Yesuus achiin darbaa tureetii⁵ Yesuus yommuu bakka sana ga’etti, asii ol ilaalee namichaan akkana jedheen, "Yaa Zakkewoos, dafiitii gadi bu’i, ani har’a mana keettan goraatii." ⁶Kana irratti ini atattamaan gadi bu’ee gammachuudhaan isa ni simate. ⁷ Namni marti yommuu kana argetti, isaan marti ni guunguman, akkana jechuudhaan, "Inni gara nama cubbamaatti gore.⁸."Zakkewoos dhaabbatee Gooftaadhaan akkana ittiin jedhe, "Ilaa, yaa Gooftaa, walakkaa qabeenya kootii warra hiyyeessotaaf nan kenna, nama tokko irraa illee waanan gar malee fudhadhe yoo jiraate, dacha afur godhee nan deebisa."⁹Yesuus akkana isaan jedhe, "Har’a fayyinni mana kanaaf dhufeera, inni mucaa Abrahaami woo. ¹⁰ Ilmi Namaa namoota warra badan barbaadee fayyisuudhaaf dhufeetii."¹¹ Isaan wanneen kanneen yommuu dhaga’an, inni dubbachuu itti fufee mammaaksa isaanitti hime, Yeruusaalemitti dhi’aatee tureetii, isaan immoo mootummaan Waaqayyoo battaluma sanatti waan mul’atu isaanitti fakkaatee waan tureef. ¹² Inni kanaaf akkana jedhe, "Mootiin tokk biyya fagoo dhaqee mootummaa isaa fudhatee deebi’uuf ni adeeme.¹³Hojjetoota isaa keessaa kudhan ofitti waamee akkana isaaniin jedhe, ‘Hangan deebi’utti hojii koo sirriitti anaaf hojjedhaa.'¹⁴ "Garuu lammiin isaa isa jibbanii, isa duubaan ergamoota ni ergan, akkana jedhanii, 'Namichi kun akka inni nu irratti mo’u hin barbaannu.' ¹⁵Yommuu inni deebi’etti akkana ta’e, inni mootummaa isaa fudhatee, hojjetoota isaa warra horii isaa isaanitti kennee ture akka waamaniifiif ni abboome, hojii hojjetan irraa maal akka isaan buufatan to’achuudhaaf.¹⁶"Inni duraa fuula isaa duratti dhi’aatee, akkana isaan jedhe, ‘Yaa gooftaa ko, qarshiin kee kan biraa kudhan argamsiiseera.'¹⁷"Mootichis akkana isaan jedhe, ‘Gaarii goote, hojjetaa gaarii nana. Ati waan xiqqootti amanamteettaatii, magaalota kudhan irratti muudamteetta.'¹⁸ "Inni lammaffaanis dhufee, akkana jedheen, 'Yaa gooftaa, qarshiin kee kan biro shan buufateera.'¹⁹"Motichis akkana isaan jedhe, ‘Ati immoo magaalota shan irratti oogganaa taateetta.'²⁰"Inni kan biroon dhufee, akkana isaan jedhe, 'Yaa mootii, qarshiin kee kunoo ti, ani huccuutti mareen siif kaa’ee, ²¹an sin sodaadhee, ati waan hedduu barbaaddaa. Waan hin kaa’inis ni fudhattaa, waan hin facaasinis ni haammataatii.'²²"Mootichis akkana isaan jedhe, ‘Ani jechuma keetiinan sitti murteessa, ati hojjetaa hamaa nana. Akka ani waan hedduu barbaadu ni beekta, waanan hin kaa’in kanan fudhadhu, kanan hin facaasin kanan haammadhu. ²³ Yoos maaliif horii koo baankii keessa anaaf hin keenye ree, yommuun deebi’ee dhufutti akkan dhaa isaa waliin isa argadhutti?'²⁴Mootichi warreen achi dhaabbatanii turaniin akkana isaaniin jedhe, ‘Qarshii ishee inni qabu isa harkaa fuudhaa, isa kudhan qabu sanaafis kennaafii.'²⁵"Isaan akkana isaan jedhan, ‘Yaa mootii, inni qarshii kudhan qaba woo.'²⁶"’Ani isinittan hima, namni waa qabu itti ida’amee isaaf kennama, isa hin qabne irraa garuu, ishumti inni qabu iyyuu irraa fudhatama. ²⁷Garuu diinonni koo kunneen, akkan isaan irratti mo’u warreen hin barbaadin, as fidaatii fuula koo duratti isaan ajjeesaa.'"²⁸ Wanneen kanneen erga jedhee booda, imala isaa itti fufee, Yeruusaalemitti ol ba’e.²⁹Yommuu inni Beetafaageedhaa fi Bitaaniyaatti, tulluu isa Oliif jedhamutti dhi’aatetti akkana ta’e, bartoota isaa keessaa lama of dura erge, ³⁰akkana isaaniin jedhee, , "Gara mandara isa as dhi’oo jiruu dhaqaatii, akkuma itti seentaniin, harree takkumaa yaabbatamtee hin beekne kan hidhamtee jirtu ni argattu. Hidhaattii ishee hiikaatii anaaf fidaa. ³¹ Yoo namni tokko ‘Maaliif hiiktu?’ jedhee yoo isin gaafate, ' akkana ittiin jedhaa, Gooftaatu ishee barbaada.'"³²Wareen ergaman sun harrettii akkuma Yesuus isaaniin jedhetti ishee argatan.³³Harrettii utuu isaan hiikaa jiranii, abbaan qabeenyaa akkana isaaniin jedhe, "Maaliif harree kana hiiktuu?" ³⁴ Isaan akkana isaan jedhan, "Gooftaatu ishee barbaada." ³⁵Isaan Yesuusitti ishee fidan, huccuu isaaniis dugda ishee irra buusanii Yesuusiin ni yaabbachiisan. ³⁶Imalaa utuu jiranii, isaan huccuuwwan isaanii daandii irra ni afaniif.³⁷ Akkuma inni bakka tulluun Oliifota itti gadi bu’utti dhi’aateen, guutummaan bartoota isaatii gammaduudhaa fi Waaqayyoon sagalee ok ka’aadhaan galateeffachuu eegalan hojiwwan gurguddaa isa inni hojjetee arganiif,³⁸akkana jechaa, "Mootiin inni maqaa Gooftaatiin dhufu eebbifamaa dha! Nagaan waaqa irratti, ulfinnis isa ol gubbaa jiraatuuf!"³⁹ Fariisota keessaa tokko tokko uummata achitti wal ga’e sana keessaa akkana isaan jedhan, "Yaa Barsiisaa, bartoota kee ifadhu."⁴⁰Yesuus deebisee akkana isaaniin jedhe, "Ani isinittan hima, yoo isaan kun callisan iyyuu, dhagoonni iyyuudhaaf jiru."⁴¹Yommuu Yesuus magaalichatti dhi’aatetti, inni isaaf ni boo’eef, ⁴²akana jechuudhaan, "Guyyaa kana dursite beektee utuu jiraattee, ati iyyuu, wanneen nagaa siif fidan! Amma garuu isaan ija kee duraa dhokataniiru.⁴³Guyyoonni dhufuuf jiruutii kan itti diinonni kee si marsanii dallaa sitti ijaaranii kallattii maraan si dhiiban. ⁴⁴ Isaan lafatti si dabalu, daa’imman kees si waliin. Isaan dhagaa isa tokko illee kan biroo irratti hin hambisan ati yeroo ilaalamuu keetii hin argineetii."⁴⁵Yesuus gara mana qulqullummaatti seenee warreen gurguraa jiran gadi isaan ari’e, ⁴⁶akkana isaaniin jedhaa, "Barreeffamee jira, 'Manni koo mana kadhataa ta’a,' isin garuu bakka saamtotaa isa gootan."⁴⁷Kanaafuu Yesuus mana qulqullummaa keessatti guyyaa guyyaadhaan ni barsiise. Angafoonni lubootaatii fi barreessitoonni isa balleessuudhaaf ni yaadu turan, geggeessitoonni sabaas akkanuma, ⁴⁸garuu namoonni marti dhimmanii isa dhaga’aa waan turaniif, isaan karaa argachuu hin dandeenye.

¹Guyyaa tokko immo utuu Yesuus namoota achitti wal ga’an barsiisaa fi wangeela isaanitti lallabaa jiruu, angafoonni lubootaatii fi barreessitoonni maanguddoota waliin gara isaa ni dhufan. ² Isaan akkana jechuudhaan isatti dubbatan, "Nutti himi, ati aangoo maaliitiin wanneen kanneen mara kan gootu, yookaan aangoo kana eenyu akka siif kenne."³Inni deebisee akkana isaaniin jedhe, "Anis immoo gaaffiin isin gaafadha, isinis anatti himaa. ⁴Cuuphaan Yohaannis: Inni waaqa irraa ti moo nama biraa ti?"⁵ Isaan of keessatti yaadan, akkana jechuudhaan, "Yoo ‘Waaqa irraa ti,' jenne, inni immoo akkana nuun jedha, 'Yoos maaliif isa hin ammanne ree?' ⁶Yoo nuyi, 'Nama biraa ti,' jennes, namoonni marti dhagaadhaan nu rukutu, isaan Yohaannis akka inni raajii ta’e amananiiruutii."⁷Kanaafuu isaan eessa akka inni ta’e akka hin beekne isaaf deebisan.⁸Yesuus akkana isaaniin jedhe, "Anis aangoo maaliitiin wanneen kanneen akkan godhu isiniti hin himu."⁹ Inni mammaaksa kana namootatti ni dubbate, "Namni tokko waynii dhaabbatee warra waynii guddisanittis kiraa kennatee yeroo dheeraadhaaf gara biyya fagoo adeeme. ¹⁰Yeroo itti waliif galanitti hojjetaa isaa gara warra waynii guddisan sanatti ni ergate, akka isaan ija waynichaa isaaf kennaniif. Isaan garuu hojjetaa sana reebanii harka qullaa isa deebisan.¹¹ Achuumaan inni hojjetaa kan biroo isaanitti erginaan, isas reebanii, isa qaanessanii harka qullaa deebisanii isa ergan. ¹²Inni ammas isa sadaffaa isaanitti erginaan isaan isa mammadeessanii, gadi baasanii isa ni gatan.¹³Kanaafuu abbaan lafa waynii sanaa akkana jedhe, 'Maal godhu? Ilma koo isan jaalladhu nan erga. Tarii isa ni kabaju ta’aatii.' ¹⁴ "Garuu warreen waynii gudisan sun yommuu isa argan, akkana jechuudhaan waliin mari’atan, 'Inni kun dhaaltuu isaa ti. Kottaa isa ni ajjeefnaa, dhaalli isaa kan keenya akka ta’utti.'¹⁵Isaan lafa waynichaatii gadi isa baasanii isa ni ajjeesan. Egaa abbaan waynichaa maal isaan gochuutu isaaf ta’a ree? ¹⁶ Inni dhufee warra saynii guddisan kanneen ni balleessa, lafa waynichaas namoota kan birootti ni keennata."Isaan yommuu isa kana dhaga’anitti, akkana jedhan, "Kun ta’uun haa hafu!"¹⁷ Garuu Yesuus gara isaanii ilaalee, akkana isaaniin jedhe, "Inni akkana jedhamee barreeffame maal jechuu dha: ¹⁸Eenyu illee dhagaa sana irratti yoo kufe inni ni caccaba, kan inni isa irratti kufus ni daakama."‘Dhagaan inni warri ijaartuun tuffatan kan golee qajeelchu ta’e '?¹⁹ Kanaafuu warri bareessitoonnii fi angafoonni lubootaa battaluma sanatti harka isaanii isa irratti diriirsuu barbaadanii turan, akka inni mammaaksa kana waa’ee isaaniitiif dubbatee baraniiruutii. Garuu uummata immoo ni sodaatan. ²⁰ Of eeggannaadhaan isa ilaalaa, isaan basaastota warra namoota qajeeloo of fakkeessan ergatan, akka isaan dubbii isaa keessa dogongora barbaadaniif, isaan qabanii seeraa fi anga’oota bulchiinsa biyyaatti isa kennuudhaaf akka ta’uufitti.²¹Isaan akkana jedhanii isa gaafatan, "Yaa Barsiisaa, nuyi akka ati waan sirrii ta’e dubbattuu fi barsiiftu ni beekna, akka ati nama gidduutti garaa garummaa hin goones, garuu waa’ee karaa Waaqayyoo barnoota sirrii ta’e kennita malee. ²²Ashuuraa Qeesaariif baasuun seera moo, seera miti?"²³Yesuus garuu gamnuma isaanii hubatee, akkana isaaniin jedhe, ²⁴ "Mee dinaarii keessan anatti argisiisaa. Fakkiidhaa fi maqaa eenyuutu isa irra jira?"Isaan akkana ittiin jedhan, "Kan Qeesaar."²⁵ Inni akkana isaaniin jedhe, "Yoos waan kan Qeesaar ta’e Qeesaariif kennaa, waan kan Waaqayyoo ta’e immoo Waaqayyoof." ²⁶ Isaan wanneen inni saba duratti dubbatee keessaa homaa dogongora argachuu hin dandeenye, garuu deebii inni isaaniif kennette ajaa’ibamaa, callisan.²⁷ Warri Saaduqootaa, warri du’aa ka’uun warra du’anii hin jiru jedhanii kanneen amanan, tokko tokko yommuu gara isaa dhufanitti, ²⁸ akkana jedhanii isa ni gaafatan, "Yaa Barsiisaa, Museen akka barreessee turetti, yoo obboleessi nama tokko utuu haadha warraa qabu du’e, garuu yoo daa’ima hin qabaatin, namichi haadha warraa obboleessa isaa isa du’ee haa fuudhu, obboleessa isaaf daa’imas haa godhatuuf.²⁹Obbolaan torba kan turan yommuu ta’u, inni angafni haadha warraa fuudhee, utuu daa’ima hin godhatin ni du’e, ³⁰inni lammaffaanis akkasuma. ³¹Inni sadaffaan ishee fuudhee, haaluma kanaan torbanuun isaanii kan daa’ima godhate utuu hin jiraatin ni du’an. ³²Dhuma irratti dubartittiinis ni duute. ³³Egaa yeroo du’aa ka’uutti isheen haadha warraa isa kami taati? Torbanuun isaanii haadha warraa ishee godhataniiruutii."³⁴Yesuus akkana isaaniin jedhe, "Ijoolleen bara kanaa wal fuudhu, fuudhaa fi heerumaanis waliif kennamu. ³⁵Garuu bara isa sanatti warri bakka argatanii du’aa ka’an, hin fuudhan, hin heerumanis. ³⁶Sana booda du’uunis hin jiraatu, isaan ergamootaa fi ijoollee Waaqayyoo waliin wal qixa ni ta’u, ijoollee du’aa ka’uu ta’aniiruutii.³⁷ Garuu warreen du’an ni ka’u, Museenis isa kana argisiise, bakka margaa keessatti, bakka inni itti Waaqayyoon Gooftaa Abrahaam, kan Yishaaqii fi kan Yaaqob waammatetti. ³⁸ Amma inni Waaqayyo warra du’anii miti, garuu kan warra jiranii ti, martinuu isaaf jiraatuutii."³⁹Warreen barreessitootaa keessaa tokko tokko akkana jechuudhaan isaaf deebisan, "Yaa Barsiisaa, ati gaarii deebifteetta." ⁴⁰ Kana booda namni gaaffii isa gaafachuudhaaf ija jabaate hin turre.⁴¹Yesuus akkana isaaniin jedhe, "Isaan akkamitti Kiristoos ilma Daawiti jedhu? ⁴²Daawit ofii isaatii Kitaaba Faarfannaa keessatti akkana jedhaatii, ⁴³ Daawit egaa Kiristoosiin ‘Gooftaa’ jedhee waama, kanaafuu inni akkamitti ilma Daait ta’a ree?"Gooftaan Gooftaa kootiin akkana jedhe,'Gara harka koo isa mirgaa taa’i,⁴⁴hangan diinota kee ejjennaa miilla keetii siif godhutti.'⁴⁵ Utuma namoonni marti dhaga’anii inni bartoota isaatiin akkana isaaniin jedhe, ⁴⁶"Barreessitoota irraa of eeggadhaa, isaan warra huccuu gadi dheeraa ufgatanii daandii irraa naanna’anii fi nagaa gaaffii adda ta’e bakka gabaa keessatti argachuu barbaadanii fi bakka taa’umsaa ol aanaa mana sagadaatii fi bakka afeerraan jirutti ofiif kennanii dha woo. ⁴⁷ Isaan mana haadha hiyyeessaa ni saamu, mul’achuudhaaf jedhaniis kadhannaa isaanii ni dheeressu. Namoonni akka kanneenii dheekkamsa guddaa ni dheekkamamu."

¹Yesuus asii ol ilaalee namoota warra dureeyyii utuu isaan meeshaa buusiin itti funaanamu keessa kennaawwan isaanii buusanii ni arge. ²Haati hiyyeessaa tokkos saantima lama utuu isheen keessa buuftuu ishees ni arge. ³Kana irratti inni akkana jedhe, "Dhugumaan ani isinittan hima, dubartiin iyyeettiin kun isaan mara caalaa kennaa ishee kenniteetti. ⁴Isaan kunneen marti waan isaan irraa hafe kennan. Isheen garuu, hiyyuma ishee keessa waan silaa ittiin bultu kenniteetii."⁵Namoonni tokko tokko utuu waa’ee mana qulqullummaa dubbataa jiranii, dhagaawwan mimmidhagoodhaan akka inni miidhagfamee fi kennaa isaan ittiin miidhagfamaniis, inni akkana isaaniin jedhe, ⁶ "Waa’ee warreen isin argaa jirtan kanaatiif, yeroon dhufuudhaaf jira kan itti dhagaan tokko illee isa kaan irratti hin hafne utuu hin harca’in."⁷ Kana irratti isaan akkana jedhanii isa ni gaafatan, "Yaa Barsiisaa, wanneen kunneen yoom raawwatamu? Wanneen kunneen yommuu isaan raawwatamuudhaaf jedhanitti mallattoowwan akkamittu mul’ata?" ⁸Yesuus akkana jedhee isaaniif deebise, "Of eeggadhaa akka hin gowwoomfamnetti. Hedduun maqaa kootiin dhufuudhaaf jiruutii, akkana jechaa, 'Ani isa dha,' akkasumas, 'Yerichi dhi’aateera.' Isaan faana hin adeeminaa. ⁹ Lolaa fi jeequmsa yommuu dhageessanitti, hin raafaminaa, isaan kunneen dursanii ta’uudhaaf jiruutii, garuu dhumni battaluma saanatti hin ta’u."¹⁰Achumaan inni akkana isaaniin jedhe, "Biyyi biyya irratti ni ka’a, mootummaanis mootummaa irratti. ¹¹Sochiin lafaa jabaan isaa ni ta’a, bakka hedduutis beelaa fi hawaannisni ni jiraatu. Wanneen nama sodaachisanii fi mallattoon hedduun samii irraa ni mul’atu.¹²Garuu wanneen kanneen mara dura, isaan isin irratti harka isaanii ol fudhatanii isiniin ni ari’atu, gara mana sagadaatii fi mana adabaatti isin harkisu, moototaa fi bulchitoota duratti isin dhi’eessu maqaa kootiif jedhanii. ¹³Inni kun immoo carraa isin ittiin dhugaa baatan isiniif ta’a.¹⁴Kanaafuu dursitanii of irraa qolachuudhaaf akka hin qophoofne murteeffadhaa, ¹⁵ani jechootaa fi ogummaa isin ittiin mormitoota keessan ittiin of irraa dhorkitan kan isaan fuul dura dhaabbachuudhaa fi ittiin mormuu hin dandeenye isiniifan kennaatii.¹⁶ Garuu isin dabarfamtanii warra keessaniin, obboloota keessaniin, firootaan, hiriyootaa ni kennamtu, kaan keessan du’atti iyuu ni kennamtu. ¹⁷Isin nama maraan ni jibbamtu maqaa kootiif jettanii. ¹⁸Garuu rifeensa mataa keessanii keessaa isheen tokko illee hin baddu. ¹⁹Jabina keessaniin jireenya keessan ni oolfattuutii.²⁰ "Yeruusaalem akka isheen raayyaa waraanaatiin marfamte yommuu argitan, hubadhaa yeroon inni itti diigamee badu akka dhi’aate beekaa. ²¹Gaafas warreen Yihuudaa gara gaarotaatti haa baqatan, warreen magaalaa keessa jiranis keessaa haa ba’an, warreen baadiyyaa keessa jiranis gara magaalaatti ol hin seenin. ²²Isaan guyyoota ijaa baafannaatii, wanneen barreeffaman marti akka raawwatamaniif.²³ Warreen ulfaatii fi warreen hoosisaniif wayyoo guyyoota sanatti! Laficha irratti gadda guddaa isaatu ta’aatii, saba irrattis balaa guddaa. ²⁴ Isaan eeboowwaniin ni kukkufu, biyyoota marattis boojuu ta’anii ni fudhatamu, Yeruusaalemis Ormootaan ni diigamti hanga yeroon Ormootaa raawwatamutti.²⁵ "Biiftuu irratti, ji’a irrattii fi urjoota irratti, lafa irrattis mallattoowwan ni mul’atu. Biyyoonni gaddaa fi soda keessa ni seenu, huursaa galaanaatii fi bubbee irraa kan ka’e. ²⁶Namoonni sodaadhaa fi eegumsa wanneen biyya lafaa irratti dhufaa jiranii irraa kan ka’e of wallaalan ni jiraatu. Humnoonni samiiwwanii ni raafamuutii.²⁷ Kana booda isaan Ilmi Namaa duumessa keessaan humnaa fi kabaja guddaadhaan utuu dhufuu ni argu. ²⁸Garuu wanneen kunneen ta’uu yommuu eegalanitti, dhaabbadhaatii mataawwan keessan ol qabadhaa, fayyinni keessan isinitti dhi’aateeraatii."²⁹Yesuus mammaaksa isaanitti hime, "Muka harbuu ilaalaa, mukkeetii warreen kaanis. ³⁰ Yommuu isaan daraaraa baafatanitti, isin ofuma keessanii ilaaltanii akka bonni dhi’aate ni beektu. ³¹ Egaa akkasuma, wanneen kunneen utuu raawwatamanii yomuu argitanitti, mootummaan Waaqayyoo akka inni dhi’aate beeka.³²Dhugaatti ani isinittan hima, utuu wanneen kunneen hin raawwatamin, dhaloonni kun hin darbu. ³³Samiidhaa fi lafti darbuudhaaf jiru, dubbiin koo garuu hin darbu.³⁴"Garuu ofii keessan ilaalladhaa, garaan keessan dhugaatiidhaa fi machiidhaan akkasumas yaaddoo jireenyaatiin akka hin guutamnetti, guyyaan sunis tasa akka isin irra hin geenyetti ³⁵akka kiyyootti. Inni nama irra lafaa irratti argamu maratti dhufuuf jiraatii.³⁶ Garuu yeroo maratti dammaqaa, wanneen ta’uuf jiran kana jalaa ba’uudhaaf jabina barbaachisu akka qabbaattanii fi Ilama Namaa fuul dura dhaabbachuu akka dandeessaniif kadhadhaa."³⁷Egaa guyyoota inni mana qulqullummaa keessatti barsiisaa ture sanatti, halkaniin gadi ba’ee tulluu isa Oliif jedhamu irra ni ture. ³⁸Namoonni marti isa dhaggeeffachuudhaaf ganamaan gara mana qulqullummaatti ni yaa’an.

¹Guyyaan Ayyaana Maxinoo, inni Faasikaa jedhamee beekamu, ni dhi’aate. ²Angafoonni lubootaatii fi barreessitoonni uummata waan sodaataniif akkamitti Yesuusiin ajjeesan karaa barbaadaa turan.³Achumaan Seexanni Yihuudaa isa Asqorticha isa kudha lamaan keessaa tokko ta’etti ni seenee. ⁴Yihuudaanis gara angafoota lubootaatii fi geggeessitoota waraanaa deemee akkamittiin Yesuusiin dabarsee akka isaanitti kennu irratti ni mari’atan.⁵ Isaanis gammadanii mahaallaqa isaaf kennuudhaaf waliif ni galan. ⁶Innis isaaniin waliif galee akkamitti isa uummata keessaa qabee akka isaanitti kennu carraa barbaaddataa ture.⁷Achii guyyaan ayyaana maxinoo, inni hoolaan Faasikaa itti gorra’amu, ni ga’e. ⁸ Kanaafuu Yesuus Pheexroosii fi Yohaannisiin akkana ittiin jedhee ni erge, "Dhaqaatii irbaata Faasikaa nuuf qopheessaa, akka nyaannuuf." ⁹Isaanis akkan isaan jedhan, "Eessatti akka siif qopheessinu barbaadda?"¹⁰Inni immoo deebiseefii, "Ilaa, yommuuu magaalaatti seentanitti, namichi meeshaa bishaan itti waraaban baatu tokko isinitti ni dhufa. Mana isa inni itti seenutti isa faana bu’aa. ¹¹Achumaan abbaa manichaatiin akkana jedhaanii, ‘Barsiisaan akkana siin jedha, "Manni keessummaa eessa jira, bakki ani bartoota koo waliin nyaata Faasikaa itti nyaadhu?"'¹² Innis kutaa ol aanuu keessaa bakka tottolfamaa isinitti ni argisiisa. Achitti qophii nuuf godhaa." ¹³Achumaan isaan ni deeman, akkuma inni isaaniin jedhettis waan mara ni argatan. Nyaatas achitti ni qopheessan.¹⁴ Yommuu yeroon ga’etti, inni ergamoota waliin ni taa’e. ¹⁵ Achumaan akkana isaaniin jedhe, "Utuun hin dhiphatin fuul dura isin waliin Faasikaa kana nyaachuudhaaf hawwiin koo guddaa ture. ¹⁶ Waanan akkana isiniin jedhuuf, hanga inni mootummaa Waaqayyotti ta’utti deebi’ee isin waliin hin nyaadhuutii."¹⁷Achumaan Yesuus xoofoo fudhatee, erga galateeffatee booda, akkana jedhe, "Kana fudhadhaa, waliifis hiraatii dhugaa. ¹⁸Ani akkanan isiniin jedhaatii, hanga mootummaan Waaqayyoo dhufutti, ani isin waliin deebi’ee xoofoo kanattii hin dhugu."¹⁹ Achii inni buddeena fudhatee, erga galata dhi’eessee booda, akkana jedhaa isaaniif kenne, "Kun qaama koo ti, isiniif kan kennamu. Kana yaadannoo kootiif godhadhaa." ²⁰ Irbaata booddee haaluma wal fakaatuun xoofoo fudhatee akkana jedheen, "Xoofoon kun dhiiga koo isa isiniif dhangala’uuntiin kan mallatteeffame kakuu haaraa dha.²¹Garuu hubadhaa. Harki nama na ganuuf jiruu ana waliin maaddiitti hiixataa jira. ²²Ilmi Namaa akkuma dursee murtaa’etti, ni deema. Garuu wayyoo namicha isa karaa isaatiin inni dabarfamee kennamuuf!" ²³Isaan inni kun eenyuun ta’uu akka danda’u walii isaanii gidduutti waliin mari’achuu eegalan.²⁴Kana booda immoo isaan gidduutti eenyu isaan keessaa kan caalu akka ta’e irratti wal morkiin ni uumame. ²⁵Inni akkana isaaniin jedhe, "Mootiin warra Ormootaa isaan irratti gooftaadha, warri isaan irratti aboo qabanis warreen hojiiwwan gaggaarii hojjetan jedhamanii beekamu.²⁶Isin biratti garuu kun ta’uu hin malu. Ijaa kanaa, isin keessaa inni ol aanu akka isa booddee haa ta’u, inni geggeessus akka nama isa tajaajiluu haa ta’u. ²⁷Egaa inni mara keessaa inni caalu eenyu, isa nyaatatti dhi’aatee taa’u moo isa tajaajilu? Isa taa’ee nyaatuu dha mitii? Ani garuu isin gidduutti akka nama tajaajiluu ti.²⁸ Isin garuu qoramuu koo keessatti kan ana waliin hanga dhumaatti turtanii dha. ²⁹ Akkuma Abbaan koo mootummaa irra ana kaa’e, anis mootummaa irra isiniin nan kaa’a, ³⁰akka isin mootummaa koo keessatti ana waliin nyaatanii dhugdaniif, qomoo Israa’el kudha lamaan irratti murtoo kennuudhaafis akka isin teessoo irra teessaniif.³¹"Yaa Simon, yaa Simon, dammaqi, Seexanni si argachuudhaaf gaafateeraatii, akka qamadiitti si gingilchuudhaaf. ³²Ani garuu siif kadhadheeraa, amantii kee akka hin badneef. Erga asii deebitee galtee immoo obboloota kee jajjabeessi."³³Pexroos akkana isaan jedhe, "Yaa Gooftaa, ani si waliin mana adbaas ta’e gara du’aa iyyuu dhaquudhaaf qophaa’eera."³⁴Yesuus deebiseefii akkana isaan jedhe, "Ani sittan hima, yaa Phexroos, ati akka ana beektu utuu si’a sadii ana hin ganin har’a hindaaqqoon hin iyyitu."³⁵ Achumaan Yesuus akkana isaaniin jedhe, "Yommuu ani korojoo, meeshaa kan itti baadhattan, yookaan kophee malee isin bobbaasee turetti wanti isinitti hir’atee tureeraa?"Isaanis deebisanii akkana jedhaniin, "Homaa."³⁶ Achumaan inni akkana isaaniin jedhe, "Amma garuu, namni inni korojoo qabu haa fudhatu, waan meeshaa itti baadhattanis akkasuma. Namni gooraadee hin qabne, huccuu ofii illee gurguree haa bitatu.³⁷Ani isinittan himaa, waa’ee kootiif wanti barreeffamee ture raawwatamuun ni ta’aaf, ‘Inni warra seera maleeyyii duukaa lakkaa’ame.’ Wanti waa’ee kootiif raajame raawwatamaa jiraatii."³⁸Achumaan isaan akkana jedhan, "Yaa Gooftaa, ilaa! Goraadeen lama as jiru." Inni akkana isaaniin jedhe, "Ga’aa dha."³⁹Yesuus akkuma yeroo kaan godhaa turetti gara Tulluu Oliifitti ol ba’e, bartoonni isaas isa n hordofan. ⁴⁰Yommuu achi ga’an, inni akkana isaaniin jedhe, "Akka qoramsatti hin seenneef kadhadhaa."⁴¹ Inni isaan irraa hanga darbannaa dhagaa tokkoo ni fagaate, jilbeenfatees ni kadhate, ⁴²akkana jedhee, "Yaa Abbaa, yoo fedha kee ta’e, xoofoo kana ana irra dabarsi. Haa ta’u malee kan koo utuu hin ta’in, fedhi kan kee ha raawwatamu."⁴³Achumaan ergamaan waaqa irraa isatti mul’atee isa ni jajjabeesse. ⁴⁴ Dhiphinuma keessa taa’ee, inni dhimmee ni kadhate, dafqi isaas akka dhiiga lafatti dhangala’aa jiruu ta’e.⁴⁵ Yommuu inni kadhannaa isaa irraa ka’etti, inni dhufee bartoonni isaa gadda isaanii irraa kan ka’e rafanii isaan argatee ⁴⁶akkana jedhee isaan gaafate, "Maaliif raftanii? Ka’atii kadhadhaa, qoramsatti akka hin seenneef."⁴⁷Utuma inni dubbataa jiruu, kunoo, namoonni hedduun Yihuudaa isa warra kudha lamaanii keessaa ta’een geeggeeffamanii gara isaa ni dhufan. Yihuudaan isa dhudhungachuudhaaf gara isaatti ni dhi’aate, ⁴⁸Yesuus garuu akkana isaan jedhe, "Yaa Yihuudaa, ati Ilma Namaa dhudhungachuudhaan dabarsitee kennitaa?"⁴⁹ Warreen Yessu waliin turan wanneen ta’aa jiran kanneen yommuu arganitti, akkana jedhan, "Yaa Gooftaa, goraadeedhaan isaan rukunnuu?" ⁵⁰ Achumaan isaan keessaa inni tokko hojjetaa angafa lubootaa tokko rukutee gurra isaa irra kute.⁵¹ Yesuus akkana jedhe, "Ni ga’a!" Gurra namichaa ni tuqe, innis ni fayyef.⁵²Yesuus angafa lubootaatiin, ooggantoota mana qulqullummaatii fi maanguddoota warreen isa irratti dhufaniin akkana jedheen, "Akka nama saamtuu irratti duuluutti anatti dhuftanii, goraadeedhaa fi hoomaadhaan? ⁵³Isin waliin guyyaa guyyaadhaan yommuun mana qulqullummaa keessa turetti, harka keessan anatti hin buufne. Amma garuu kun yeroo keessanii fi kan aangoowwan dukkanaa ti."⁵⁴Isaan isa qabanii, gara mana hangafa lubootaatti isa ni geessan. Phexroos garuu fageenyaan hordofaa ture. ⁵⁵Isaan erga oobdii keessatti ibidda bobeessanii booda, itti marsanii taa’an, Phexroosis isaan gidduu ni taa’e.⁵⁶Ifa ibiddaatiin isa argitee, hojjettuun dubartii tokko ija isaa keessa ilaaltee, akkana jette, "Namichi kunis isa waliin ture."⁵⁷Phexroos garuu akkana jechuudhaan ni gane, "Dubartii nana, ani isa hin beeku "⁵⁸Yeroo gabaabduu booddee, namni kan biroon tokkos isa argee, akkana jedheen, "Atis isaan keessaa tokko."Phexroos garuu akkana jedhe, "Namicha nana, ani isaan keessaa miti."⁵⁹Naannoo sa’atii tokkoo booda, namni kan biroon tokko jabeessee akkana isaan jedhe, "Dhugumaan namichi kun isa waliin ture, inni nama Galiilaa ti woo."⁶⁰Phexroos garuu akkana jedhe, "Namicha nana, waan ati dubbattu kana ani hin beeku." Battalumatti, utuu inni dubbataa jiruu, hindaaqqoon ni iyyite.⁶¹Gara itti galee, Gooftaan Phexroosiin ni ilaale, Phexroosis dubbii Gooftaan dubbatee ture ni yaadate, isa inni akkana jedhee ture, "Har’a utuu hindaaqqoon hin iyyin si’a sadii na ganta." ⁶²Phexroos manaa gadi ba’ee boo’icha guddaa ni boo’e.⁶³Achumaan namoonni Yesuusiin qabatanii jiran isatti ni qoosu, ni rebus turan. ⁶⁴Isaan huccuu isatti maranii isa gaafatan, akkana jedhanii, "Raaji! Eenyu kan si rukutaa jiru kun?" ⁶⁵Isaan Yesuus irratti wanneen isa gadi qaban hedduu dubbatan.⁶⁶Akkuma lafti bari’een, maanguddoonni biyyaa, hangafoonni lubootaa fi barreessitoonni walitti ni qabaman. Isaan gara yaa’iiti isa ni geessan ⁶⁷akkana jedhan, "Ati yoo Kiristoosiin taate nutti himi."Inni garuu akkana isaaniin jedhe, "Yoon isinitti hime, isin hin amantan, ⁶⁸yoon isin gaafadhes, isin hin deebiftan.⁶⁹Garuu amma irraa eegalee, Ilmi Namaa gara harka mirgaa humna Waaqayyoo taa’uuf jira."⁷⁰Isaan marti akkana jedhan, "Egaa ati Ilma Waaqayyootii ree?"Yesuus akkana isaaniin jedhe, "Isini iyyuu akkan ta’e jechaa jirtu."⁷¹Isaan akkana jedhan, "Nuyi amma iyyuu maaliif raga barbaadnaa? Nuyi ofii keenyaa afaan isaa irraa dhageenyeeraatii."

¹Martii isaanii lafaa ka’anii Yesuusiin gara Philaaxoositti fidan. ²Akkana jedhaaniis isa himachuu eegalan, "Namichi kun utuu inni uummata keenya gara dabarsuu isa arganneerra, Qeesaariif ashuuraan akka hin kennamne gochuu isaatii fi ofii isaatiin immoo Kiristoos mooticha ofiin jechuu isaas."³ Philaaxoosis akkana jedhee isaa ni gaafate, "Ati mootii warra Yihuudotaa tii?"Yesuus akkana jedhee isaaf deebise, "Ati akkas jechaa jirta."⁴Philaaxoos angafoota lubootaatii fi uummata achitti walitti qabame saanaan akkana jedheen, "Ani balleessaa tokko illee nama kana irratti hin argine."⁵Isaan garuu akkana jechuudhaan isa ni dirqisiisan, "Inni saba kakaasaa jira, Yihuudaa mara keessatti, Galiilaadhaa eegalee hanga bakka kanaatti iyyuu, mara isaanii barsiisuudhaan."⁶Kanaafuu Pilaaxoos yommuu isa kana dhaga’etti, akka namichi nama Galiilaa ta’e isaan gaafate. ⁷Akka inni bulchiinsa Heroodis jala ta’e yommuu dhaga’etti, Yesuusiin gara Heroodis isa ofii isaattii yeroo sanatti Yeruusaalemiin jirutti isa erge.⁸Heroodis Yesuusiin yommuu argetti, inni guddaa ni gammade, yeroo dheeraadhaaf isa arguudhaaf fedha qaba waan tureef. Waa’ee isaa dhaga’ee waan tureef, ajaa’iba inni hojjetu keessaa arguudhaaf ni hawwas ture. ⁹ Heroodis Yesuusiin jechoota hedduudhaan gaaffi isaaf dhi’eesse, Yesuus garuu homaa isaaf hin deebifne ¹⁰ Angafoonni lubootaatii fi barreessitoonni achi dhaabbatanii cimsanii isa himataa turan.¹¹Heroodis raayyaa waraanaa isaa waliin Yesuusitti tuffii ni argisiise, isaanis isatti ni qoosan. Kana booda isaan huccuu miidhagaa isatti uffisanii deebisanii Philaaxoositti isa ni ergan. ¹²Heroodisii fi Philaaxoos warreen sana dura diinota waliif turan guyyuma sana irraa kaasee walitti ni michooman.¹³Achumaan Philaaxoos angafoota lubootaa, geggeessitootaa fi uummata mara walitti qabee ¹⁴akkana isaaniin jedhe, "Isin namicha kana akka namaa karaa irraa kaachisuutti himachuudhaan anatti isa fiddan, egaa ilaalaa, ani isin fuul duratti isa gaafadheera, wanneen isin ittiin isa himattan ilaalchisee garuu homaa isa irratti hin arganne.¹⁵Lakkii, Heroodisis akkanuma, inni deebisee gara keenyatti isa ergeetii, egaa ilaalaa, isaan wanti hojjetame wanti du’aan isa ga’u tokko illee hin jiru. ¹⁶Kanaafuu ani adabeen gadi isa dhiisa." ¹⁷hin qaban, Amma Philaaxoos guyyaa ayyaanaatti nama tokko gadi dhiisuudhaaf dirqama qaba¹⁸ Isaan garuu martinuu wal faana ni iyyan, akkana jechuudhaan "Balleessi namicha kana, Baraabaasiin gadi nuuf dhhisi!" ¹⁹Baraabaas nama jeequmsa magaalaa keessatti uumuudhaa fij ajjeechaa namaatiinis hidhame ture.²⁰ Philaaxoos ammas deebisee isaanitti dubbate, Yesuusiin gadi dhiisuu fedhee. ²¹ Isaan garuu ni iyyan, akkana jedhanii, "Isa fannisi, isa fannisi." ²²Inni yeroo sadaffaadhaaf akkana issaaniin jedhe, "Maaliif, namichi kun yakka maalii hojjete? Ani waan du’aan isa ga’u waan inni hojjete isa irratti hin argine. Kanaafuu, ergan isa adabee booda, gadi isa nan dhiisa."²³Isaan garuu sagalee guddaadhaan isa dirqisiisuu ittuma fufan, akka inni fannifamu gaafachuudhaan. Sagaleen isaanii Philaaxoosiin ni amansiise. ²⁴Kanaafuu Philaaxoos fedha isaanii ni raawwateef. ²⁵Isa isaan akka gadi dhiifamuuf gaafatan namicha isa jeequmsa uumuudhaa fi ajjeechaadhaan hidhamee ni hiikeef. Yesuusiin garuu fedha isaaniitti dabarsee isa kenne.²⁶Isaan utuu isa fuudhanii ba’aa jiranii, Simoon nama jedhamu nama Qareenaa tokko utuu inni gara biyyaatii deebi’aa jiruu qabatanii, akka inni fannoo sana baatee Yesuusiin faana bu’u isa ni godhan.²⁷Uummanni hedduunii fi dubartoonni isaa fi gaddaa fi boo’aa turan isa faana bu’aa turan. ²⁸Yesuus garuu isaanitti gara galee, akkana isaaniin jedhe, "Yaa ijoollota Yeruusaalem, anaaf hin boo’inaa, ofii keessanii fi ijoollota keessaniif boo’aa malee.²⁹Ilaa, guyyoonni akkana itti jedhamu dhufuuf jiruutii, 'Warri dhabduunii fi garaan dhala hin baatin eebbifamoo dha, harmi hin hoosifaminis.' ³⁰Achumaan isaan tullootaan akkana jechuu ni eegalu, ‘Nu irratti jigaa,' tabbawwaniinis, ‘Nu dhoksaa.' ³¹Isaan utuu baalli mukkeetii magariisaa ta’anii jiranii erga akkana jedhanii, yommuu isaan gogan immoo maaltu ta’uuf jira ree?"³²Namoonni kan biroon, yakkamtoonni lama ta’an, isa waliin du’atti kennamuuf isa waliin geeffamaa turan.³³ Yommuu bakka “Lafee Mataa” jedhamee beekamu ga’nitti, isaan isaa fi warra yakamtoota sana lamaan ni fannisan—isa tokko harka mirgaa isaatti, isa kaanis harka bitaatti. ³⁴ Yesuus akkana jedha, "Yaa Abbaa. Isaaniif dhiise, waan godhaa jiran hin beekaniitii." Achumaan isaan huccuu isaa qoqqooddachuudhaaf carraa ni buufatan.³⁵Uummanni dhaabbatee warra bulchitootaa ilaalaa ture, yommuu isaan isatti qoosan, akkana jechuudhaan, "Inni namoota kan biroo oolcheera. Ofii isaas mee haa oolchu kaa. Yoo dhuguma Kiristoos isa kan Waaqayyoo, isa filatame sana, yoo ta’e."³⁶immoo isatti qoosan, isatti dhi’aatanii dhangaggaa’aa isaaf kennuudhaan, ³⁷akkanas isaan jedhaa, "Ati Mootii Yihuudotaa yoo taate, ofii kee oolfadhu kaa." ³⁸Mataa isaa irras mallattoon akkana jedhu tureera, "Inni kun Mooticha Yihuudaa ti."³⁹Warreen yakkamtoota isa waliin fannifaman keessaa inni tokko akkana jechuudhaan isa arrabsaa ture, "Ati Kiristoosi miti moo? Ofii kee oolfadhu, nuunis." ⁴⁰Inni kaan garuu isa ni ifate, akkana isaan jechuudhaan, "Ati Waaqayyoon hin sodaattu moo, atis abaarsa wal fakkaatu keessa jirtaatii? ⁴¹Nuyi kan as jirru seeraan nutti murtaa’ee ti, waan hojii keenyaaf ta’utu nuuf keenname. Namichi kun garuu homaa hin balleessine."⁴² Achumaan inni akkana jedhe, "Yaa Yesuus, mootummaa keetti yommuu dhuftu ana yaadadhu." ⁴³Yesuus akkana isaan jedhe, "Dhugumaan ani akkanan siin jedha, ati har’a ani waliin jannatatti ni galta."⁴⁴Amma yeroo sa’atii ja’a ta’etti, hanga sa’atii sagaliitti kan turu dukkanni lafa mara ni uffise ⁴⁵biiftuun dukkanatti waan jijjiiramteef. Achumaan golgaan mana qulqullummaa bakka lamatti ni tarsa’e.⁴⁶Sagalee guddaadhaan iyyee, Yesuus akkana jedhe, "Yaa Abbaa, ani hafuura koo harka keettan kennadha." Erga kana jedhee booda inni ni boqote. ⁴⁷Ajajaan dhibbaa achi ture yommuu waan ta’e kana argetti, Waaqayyoon ni galateeffate, akkana jechuudhaan, "Dhugumaan kun nama qajeelaa ture."⁴⁸ Uummanni waan ta’aa ture kanaaf raga ba’uudhaaf achitti walitti qabaman waan raawwatame kana yommuu argan, isaan qoma isaanii rurrukutataa deebi’anii deeman. ⁴⁹ Warri isa beeku turanii fi dubartoonni warreen Galiilaadhaa isa hordofan garuu faggenya dhaabbatanii wanneen kanneen ni ilaalu turan.⁵⁰Kunoo, namni maqaan isaa Yoseef jedhamu tokko achi ture, inni miseensa Yaa’ii ture. Inni nama gaariidhaa fi qajeelaa ture. ⁵¹Namichi kun karooraa fi tarkaanffii isaaniitti waliif hin galle ture. Inni Armaatiyaa, magaalaa warra Yihuudaatii ture, mootummaa Waaqayyoos nama eeggachuu turee dha.⁵²Namichi kun, Philaaxoositti dhi’aatee reeffa Yesuus ni kadhate. ⁵³ Inni gadi buusee, huccuu naayilooniitiin maree, awwaala isa dhagaa irraa qirixame, namni kan biroon keessa kaa’amee kan hin beekne, keessa ni kaa’e.⁵⁴Guyyichi Guyyaa Qophiitii fi Sanbanni yeroo itti seenuudhaaf jiru ture. ⁵⁵Dubartoonni warreen Galiilaadhaa isa hordofan awwaalichaa fi reeffi isaas akkamitti akka achi keessa kaa’ame ni ilaalan. ⁵⁶Isaan achii deebi’anii urgooftuudhaa fi dibata ni qopheeffatan. Achii booda guyyaa Sanbataatti akka abboommichaatti ni boqotan.

¹jalqaba torbaniitti isaan ganameeffatanii urgooftuu isa qopheeffatanii turan qabatanii gara awwaalichaa ni dhufan. ² Dhagichi awaalicha ittiin cufanii turanis garagalfamee argatan. ³ Isaan keessa seenanii, garuu reeffa Gooftaa Yesuus achi keessatti argachuu hin dandeenye.⁴Yeroo isaan waan godhan wallaalanii jiranitti, akkuma tasaa namoonni lama huccuu hedduu adii ta’e uffatanii achi dhaabbatanii argan. ⁵Utuu dubartoonni sun sodaatanii gadi guggufanii jiranii, jarri dubartoota sanaan akkana jedhaniin, "Isin maaliif isa jiraataa warreen du’an keessa barbaaddu?⁶Inni as hin jiru, garuu du’aa kaafameera! Yaadadhaa, Galiilaa yommuu turetti wanneen inni isinitti dubbataa ture, ⁷Ilmi Namaa harka warra cubbamootaatti dabarfamee akka kennamuudhaaf jiru, akka fannifamuu fi guyyaa sadaffaattis akka du’aa ka’u.⁸" Dubartoonni sun jechoota isaa ni yaadatan ⁹bakka awwaalichaatii deebi’aniis wanneen kanneen warra kudha tokkootii fi warreen kaanittis ni odeessan. ¹⁰Achumaan Maariyaam isheen Maqidallaa, Yohaanaan, Maariyaam haati Yesuusii fi kan Yaaqobii fi dubartoonni kanneen isaan waliin achi turan wanneen kanneen ergamootatti ni gabaasan.¹¹Garu ergaan kunneen ergamootatti akka waan oduu gatii hin qabnee isaanitti fakkaate malee isaan dubartoota sana hin amanne. ¹²Achumaan Phexroos ka’ee gara awwaalichaati ni fiige, gadi gugguufee achi keessa yommuu ilaalu, huccuu naayiloonii sana kophaa arge. Phexroos achumaan gara mana isaatiitti deebi’e, waan uumame kana ajaa’ibsiifataa.¹³Kunoo, isaan keessaa lama guyyuma sanatti gara mandara Emaawus jedhamee beekamu Yeruusaalem irraa kiiloo meetira jaatama kan fagaatu tokkootti imalaa turan. ¹⁴Isaan waa’ee wanneen gidduu sana raawwatamanii waliin dudubbataa adeemu turan.¹⁵ Utuma isaan wanneen kanneen waliin dudubbataa adeemanii, Yesuus ofii isaatii isaanitti dhi’aatee isaan waliin imaluu eegale. ¹⁶Garuu iji isaanii akka isa hin hubanneef itti dukkanaa’ee ture.¹⁷Yesuus akkana isaaniin jedhe, "Maal wanti isin lamaan waliin dudubbataa adeemtan kun?" Isaan fuula gaddaatiin achi dhaabbatan.¹⁸ Isaan keessaa inni tokko, Kliyoopaas kan jedhame, akkana jedhee isaanf deebise, "Ati qofaan waan gidduu kana Yeruusaalem keessatti ta’e kan hin beekne maali?"¹⁹Yesuus akkana isaaniin jedhe, "Waa’ee maalii?"Isaan akkana jedhaanii deebisaniif, "Waa’ee Yesuus isa Nazireet, isa raajii ture sana, Waaqayyoo fi namoota biratti hojiin isaa guddaa kan ture, ²⁰angafoonni lubootaatii fi geggeessitooti keenya dabarsanii dhiphinatti isa kennanii dhuma irratti isa ni fannisan.²¹Nuyi garuu inni Israa’eliin ni fura jennee abdannee turre. Eeyyee, caalatti immoo, erga wanneen kunneen raawwatamanii har’a guyyaa sadaffaa dha.²² Garuu immoo, dubartoonni nu waliin turan tokko ganameeffatanii gara awwaala isaatii deemanii, waan ajaa’ibaa nutti himan. ²³Reeffa isaa bakka isaatii yommuu dhabanitti, isaan deebi’anii, mul’ataan ergamoota warra akkan inni jiraataa ta’e isaanitti himan arguu isaanis nutti himan. ²⁴Nu keessaas namoonni tokko tokko gar asana adeemanii, akkuma dubartoonni sun jedhan ta’ee argatan. Garuu isa hin argine."²⁵Yesuus akkana isaaniin jedhe, "Isin yaa gowwoota yaadni keessan waan raajonni dubbataa amanee fudhachuutti suuta jedhaa kan ta’e! ²⁶Kiristoosiif dhiphina kana fudhachuun barbaachisaa hin turree, ulfina isaatti seenuudhaaf?" ²⁷Achumaan Yesuus Musee irraa eegalee hanga raajotaatti waa’ee isaatiif wangeela keessatti wanneen barreeffaman isaaniif ni ibse.²⁸Isaan gandicha isa itti adeemanitti akka dhi’aataniin Yesuus akka waan darbee adeemuu fakkaatee itti mul’ate. ²⁹Isaan garuu akkana jechuudhaan isa dirqisiisan, "Lafti dhi’era waan ta’eef nu bira buli." Kanaafu Yesuus isaan bira buluudhaaf isaan waliin ol seene.³⁰Achumaan akkana ta’e, yommuu inni isaan waliin nyaataaf taa’etti, inni buddeena fudhatee, eebbisee fi cabsee isaaniif ni kenne. ³¹Yommus iji isaanii ni baname, isas ni beekan, inni garuu ija isaanii duraa ni miliqe. ³²Isaan akkana waliin jedhan, "Daandii irratti yommuu inni nu waliin haasa’aa turetti, yommuu inni wangeela nuuf ibsetti, garaan keenya nu keessatti gubataa ture mitii?"³³Isaan yeruma sanatti ka’anii gara Yeruusaalemitti ni deebi’an. Isaan warreen kudha tokkoo walitti qabamanii warreen isaan waliin turan waliin walitti qabamanii argatan, ³⁴akkana jechaa, "Dhugaatti Gooftaan du’aa ka’eera, Simoonittis mul’ateera." ³⁵Achumaan isaan daandii irratti waan raawwatamee fi Yesuus akkamiti buddeena cabsuudhaan isaaniin akka inni hubatame isaanitti ni himan.³⁶ Isaan wanneen kanneen dudubbataa utuu jiranii, Yesuus ofii isaatii gidduu isaanii dhaabbatee, akkana isaaniin jedhe, "Nagaan isiniif haa ta’u." ³⁷Isaan garuu sodaadhaan guutamanii hafuura argaa waan jiran isaanitti fakkaate.³⁸Yesuus akkana isaaniin jedhe, "Maaliif jeeqamtan? Maaliif gaaffiin yaada keessan keessatti uumama? ³⁹Harka kootii fi miilla koo ilaalaa, innoo anumaa. Na qaqqabadhaa ilaalaa. Hafuurri foonii fi lafee hin qabuutii, ani garuu akka isin argitan nan qaba." ⁴⁰Inni erga kanneen jedhee booda, harka isaatii fi miilla isaa isaanitti argisiise.⁴¹Isaan amma iyyuu gammachuu irraa kan ka’e amanuu hin dandeenye, isaan guddaa ajaa’ibsiifatan. Yesuus akkana isaaniin jedhe, "Waan nyaatamu ni qabduu?" ⁴²Isaanis qurxummi waadama muraa tokko isatti kennen, ⁴³innis isa fudatee isaan fuul duratti ni nyaate.⁴⁴Inni akkana isaaniin jedhe, "Isaan kunneen jechoota ani yeroon isin waliin ture itti fayyadamaa turee dha, wanneen seera Musee, raajotaa fi Faarfannaa Daawit keessatti kanneen dubbataman akka raawwatamaniif jedhee⁴⁵." Achumaan inni sammuu isaanii baneefii akka isaan wangeela hubatan isaan godhe. ⁴⁶Inni akkana isaaniin jedhe, "Kanaafuu kan akkana jedhu barreeffameera, Kiristoos akka inni dhiphachuudhaaf jiruu fi guyyaa sadaffaatti garuu akka inni du’aa ka’u. ⁴⁷Qalbii jijjiirrannaanii fi dhiifamuun cubbuu maqaa isaatiin saboota maratti ni lallabama, Yeruusaalem irraa eegalee.⁴⁸Isin immoo wanneen kanneeniif dhuga baatota. ⁴⁹Argituu, ani waan Abbaan koo abdachiisettan isin erga. Isin garuu ol irraa hanga humna uffattanitti magaalaa keessa turaa."⁵⁰Achumaan Yesuus hanga isaan Bitaaniyaatti dhi’aatanitti isaan fuudhee ni deeme. Inni harka isaa ol fuudhee isaan ni eebbise. ⁵¹inni isaan eebbisaa jiruu, isaan dhiisee gara waaqaatti ol ni fudatame.⁵²Kanaafuu isaan isaaf sagadaa gammachuu guddaadhaan gara Yeruusaalemitti ni deebi’an. ⁵³Isaan yeroo mara mana qulqullummaatti Waaqayyoon eebbisaa nj deddeebi’an.

¹Jalqabatti Sagalee ture. Sagalichis Waaqayyo waliin ture. Sagalichis Waaqayyo ture. ² Innis jalqabumatti Waaqayyo waliin ture. ³Waanti hundumtu Isaan uumame ; waanti ta`e hundu Isaan male tokkolle kan uumame hin jiru.<sup>4</sup>Isa keessa ture; jireenyi kunis ifa namootaa ture. <sup>5</sup>Iftichis dukkana ibsa, dukkanichis isa hin injifatu.<sup>6</sup>Waaqayyo biraa kan ergame Yohaannis nama jedhamutu ture. <sup>7</sup>Innis akka namoonni hundinu amananif dhugaa bahuf dhufe. <sup>8</sup>Yohaannis waa`ee Ifaa dhugaa bahuf malee inni ofii isaatiin ifa hin ture⁹Ifichi inni dhugaa nama hundaaf ifusun gara biyya lafaa dhufa ture.¹⁰Innis biyya lafaa keesa ture biyyi lafaas isaan uumame, biyyi lafaa garuu isa hin beekne. ¹¹Innis gara isaaf ta`anii dhufe, sabni isaas garu isa hin simanne.¹²Warra isa simatanifi maqaa isaattin amananiif hundaa garu Ilmaan Waaqayyoo akka ta'aniif aangoo kenneef. ¹³Isaan kunis Waaqayyo Waaqayyoorraa male, dhiigarraa yookiin fedhii fooniirra akkasumas feedhii dhiiraarra hin dhalanne.¹⁴foon ta'ee ayyaanaafi dhugaadhaan guutamee jidduu keenya jiraate. Nutis ulfina isaa, ulfina ilmi tokkichi Abbaa isaa biratti qabu argine. ¹⁵waa'ee isaa sagalee isaa olkaasee iyyuun dhugaa ba'ee, akkannas jedhe, 'Inni kun, isan ani waa'ee isaa 'Inni na duuba dhufu, na caala, na duras ture;¹⁶ Guutumma isaa irraa hundi keenya ayyaanarratti ayyaan fudhanneerra. ¹⁷karaa Museetiin keenname ture, ayyaaniifi dhugaan garuugaruuu kara Iyyasuus Kiristoosiin dhufe. ¹⁸gonkumaa Waaqayyo kan arge hin jiru, garu ilmi isaa inni tokkichi Abbaa isaa bira jirutuu akka beekamu godhe.¹⁹ Yihudoonni yammuu lubootaafi Leewata Iyyarusaaleemiraa gara Yohaannis 'ati eenyu?'jedhanii akka gaafatannif eergan. ²⁰Innis dhugaa ba'ee, utuu hin haalin 'Ani kiristoos miti. ' jedhe. ²¹Isaanis 'yoos ati eenyuudha?' Eliyaasiidhaayyii? jedhanii gaafatan. Innis 'miti' jedhe.²²Isaanis 'yoos ati raajichaadhaa? jedhaniin. Innis 'miti' jedhe. Isaanis 'ega ati eenyudha? akka warra nu erganiif deebii akka kenninuuf ati waa'ee kee maal jetta? jedhaniin. ²³''akkuma raajichi Isaayyas dubbatetti ani sagalee nama lafa onaatti 'Goftaaf karaa sirreessaa jedhee iyyuudha.'" jedheen.²⁴Fariisoota ergaman keessaa tokko tokko. ²⁵Akkana jechuun isa gaafatan 'ati erga Kiristoos yookaan Eliiyaas akkasumas raajicha hin taanee maliif cuuphxaree?'²⁶akkana jedheet isaaniif deebise 'ani bishaaniinin cuupha, namni isin hin beekne garuu jidduu keessan dhaabate jira. ²⁷isa na duubaan dhufuu dha, kophee isaa hiikuufuu ga'uumsa hin qabu.' ²⁸Kun hundu kan ta'aa jiru Bitaaniyaa gama Yoordaanos bakka yohaanis itti cuupha jiru keessatti dha.²⁹ Guyyaa itti aanutti yohaanis otoo Iyyasuus gara isaatti dhufu argeeti akkana jedhee 'Ilaa hoolaa Waaqayyoo kan cubbuu biyya lafaa irraa dhabamsiisu. ³⁰isan ani na duubaan dhufa nadura jira ture, na caalas jedheedha. ³¹Anumtuu ofii kootii isa hin beekneen ture garu kaniin bishaaniin cuphaa dhufeef akka inni saba Israa'eelitti muldhatuufiidha.³²Yohaannis akkana jedhe dhugaa ba'e 'Ani Afuurii samidha otoo akka gugeetti (bullaallaatti) irratti gadi bu'ee isarra qubatun arge. ³³Inni akkan ani bishaaniis cuuphuuf kan na erge, otoo hafuurri gadbu'ee isarra qubatu argte sun, inni isa Hafuura Qulqulluun cuuphuudha jedhee otoo natti himu baatee anuu isa hin beekun ture. ³⁴Anu argeera, akka inni Ilma waaqaayyoo ta'es dhugaa ba'eera. 'Ani sagalee (dubbii) lafa onaa keessatti iyyuudha: 'Gooftaaf karaa nama sirressuudha.'³⁵itti aanuus, Yahaaniis hordoftoota isaa kessaa lamaan isaanii waliin dabalee otoo achuma dhaabatee ture. ³⁶Isaanis otoo Iyyasuus achiraan darbaa jiru argan. Yohaannisis "ilaa hoolaa Waaqayyoo" jedhe.³⁷isaa lamaanu waan inni dubbate kana dhaga'uun Iyyasuusiin hordofan. ³⁸gargaleet yammu Isa hordofan ilaaluun "maal barbaaduu?" jedhee gaafate. Isaanis 'Rabbii (Barsiisa jedhamuun hiikama) eesa jiraataa?' jedhaaniin. ³⁹Innis 'kootaa ilaalaa' jedheen. Akkasuma isaanis dhaqanii bakka inni jiraatu argan, guyyaa sanas isa waliin oolan, yeroon suniin gara sa'aatii kudhanii ture.⁴⁰waan yohaannis dubbate dhaga'uun Iyyasuus hordofan lamaan saanii kessa tokko Indiriyaas obbolessa Simi'oon Pheexiroos ture. ⁴¹Innis duraan dursee obboleesa isaa Simi'oon barbaadeen argun 'nut Masiihii (Kiristoos jedhamuun hikama) argine' jedheen. ⁴²Innis isaa gara Iyyasuusitti fide. Iyyasuusis isa ilaaluun 'ati Simi'oon ilma Yohaannis. Ati Kefaa (PheexiroosPheexiroos jedhamuun hikama) jedhamuun waamamta.⁴³ Guyyaa itti aanutti Iyyasuus gara Galiilaa dhaquu barbaadeet, Filiiphoos argee, 'na hordofi' jedheen. ⁴⁴Filiiphoos akkuma Indiriyaasiifi Pheexiroos nama magaalaa Beetasayidaa ture. ⁴⁵Filiiphoos Naatinaa'eel argee 'Isa Museen kitaaba seeraa keessatti waa'ee isaa barreesse, raajonnis immoo waa'ee isaa kan barressan, Ilma Yooseef. Iyyasuus nama Naazreet argineerra' jedheen.⁴⁶'Naazreetii waantii gaariin bahuu danda'aa? ' jedheen; Filiiphoosiis 'kootuu ilaali' jedheen. ⁴⁷Naatnaa'eel gara isaa otoo dhufu argee 'Ilaa nama Israa'eel isa dhugaa, kan soba hin qabne' jedhee dubbate. ⁴⁸Naatnaa'eelis 'akkamitti na beekta? jechuun gaafate. Iyyassuus akkas jedheet deebise 'otoo Filiiphoossi hin waaminiin dura yammu ati muka harbuu jala jirtuun si arge' jedheen.⁴⁹Naatnaa'eelis 'yaa Rabbi (Barsiisaa) ati Ilma Waaqayyooti ati Mootii Israa'eeliiti' jedheen. ⁵⁰Iyyasuusis akkana jechuun deebiseef 'ati sababiin ani muka harbuu jala osoo jirtuun si arge jedheef amante, mitii? waantoo kana caalan argita. ⁵¹tti aansuunis akkana jedhe 'ani dhugaa, dhugaan isiniini jedha, samiin banamee Malaakonni Waaqayyoo ilma nama irra ba'aniifi bu'an ni argitu jedheen.

¹Guyyaa sadiin booda kutaa Galiilaa magaalaa Qaanaa keessatti cidhatu ture, haati Iyyassusis achi turte. ²Iyyassuusiifi hordoftooni isaa gara cidha sanaatti waamamanni turan.³Yammuu daadhii wayinii dhumus haati Iyyaasuus 'jarri daadhii wayinii hinqaban' jetteen. ⁴'ati dubartii maal godhi naan jetta? yeroon koo ammallee hin geenye 'jedheen. ⁵Haati isaas tajaajiltootaan 'waan inni isiniin jedhu hunda godhaa'jetteen.⁶Akka sirna qulqullina Ayihudotaati gaanii waandhagaa ja'a achi dhaabatanii turan, tokko tokkoon isaaniis liitira 75 hanga 115 qabatu turan. ⁷Iyyyasuusis tajaajiltootaan 'gaaniiwwan bishaaniin guuta' jedheen, isaanis amma irraan bahutti gaaniiwwan guutan ⁸Innis 'amma irraa waraabaatii abbaa cidha qophesuu kannaa' jedhee tajaajiltoota ajaje. Isaanis akkasuma godhan.⁹cidha qopheesses bishaan gara daadhii wayinitti jijjiirame sana dhandhamatee ilaale, garu daadhiin wayinii eessaa akka dhufe hinbeekne ture (haa ta'u malee tajaajiltootni bishaan waraabani beeku ture.) Akkasumas mushirricha offitti waamee ¹⁰ akkana jedheen; 'namni hundi daadhii wayinii isa gaarii jalqabatti dhiyeesse, erga kessummoonni quufanii booda isa laafaa immoo dhiyeessa: ati garu daadhii isa gaarii hanga ammaatti tursiifte.¹¹Iyyasuus mallattoo isa jalqabaa magaalaa Qaanaa kutaa Galiilaatti hojjatee ulfina isaas muldhisa, hordoftootni isaas isatti amanan.¹²Kanaan booda Iyyasuus, haati isaa, obboloowwan isaafi hordoftootni isaa gara Qifirnaahoomitti gad bu'anii guyyoota muraasa qofa achi turan.¹³waan Faasiigaan Yihuudootaa dhiyaateef, Iyyasuus gara Iyyarusaaleemitti ol ba'e. ¹⁴Mana Qulqullummaa keessatti warra sangoota, hoolotaafi booyyeewwan gurguraniif warra taa'anii diinaara (qarshii) waljijjiran arge.¹⁵Innis qaccee hojjachuunbhunda isaanii dabaltee mana qulqullumaa keessa ari'ee baase Diinara (qarshii) isaaniin jalaa bittineese, minjaala isaanis jalaa gargalche. ¹⁶Warra booyyee gurguraniinis akkan jedhe, 'wantota kana hunda asii fageessaa, Mana Abbaa Kootiis mana daldalaa gochu dhiisaa.'¹⁷kana hordoftooni isaa ''Inaafaan mana keetii na guba " jedhamee kan barreeffame yaadatan. ¹⁸Abbaan taayitaa Yihuudotaa deebisanii kana hunda waan gootuuf, mallattoon nutti agarsiiftu maaliidha jedhaniin. ¹⁹Iyyasuusis ''Isin mana qulqullummaa kana diiga ani immoo deebiseen guyyaa sadi'iittin ijaara "jedheen.²⁰Abbaa taayitootaa Yihuudotaas deebisanii 'mana qulqullummaa kan ijaaruuf waagoota afurtamaafi ji'a ja'a fudhate, ati immoo gara guyyaa sadii keessattiin "ol kaaftaa? "' jedhaniin. ²¹ta'u malee, inni mana qulqullummaa kan jedhe garu waa'ee nafa isa dubbate ture. ²²Erga inni du'aa ka'ee booda hordoftootni isaa waan inni dubbatee ture yaadatanii kitaabaafi dubbii Iyyasuus dubbatetti amanan.²³Amma yeroo inni ayyaana Faasiigaaf jedhee Iyyaruusaaleem keessa turetti namoonni baay'een mallattoo inni taasise arganii maqaa isaatti amanan. ²⁴Garu Iyyasuus sababbii hunda isaanii beekuuf isaan hin amanu ture. ²⁵Kanaafuu eenyumtu waa'ee biraa akaa isaaf dhuga ba'an hin barbaadu ture, nama keessa maal akka jiru waan beekuuf.

¹Farisoota keessaa ajajaa kan ta'e namni maqaa isaa Niqoodimoos jedhamutu ture. ²Namichi kunis halkaniin gara Iyyaasuus dhufee akkana jedheen 'Yaa Rabbii, ati barsiisaa Waaqayyo biraa akka dhufte ni beekna, Yoo Waaqayyoo isa waliin ta'e malee, namni mallatto ati gootu kana gochuu danda'u gonkumaa hin jiru' jedheen.³Iyyasuusis deebisee 'dhugaa dhugaa siin jedha namni yoo lammaffa dhalatee malee mootummaa Waaqayyoo argu hin danda'u' jedheen. ⁴Niqoodimoosis 'namni erga dulloomee boodee akkamitti dhalachuu danda'aa? Gara garaa haadhaa isaatti lammaffaa deebi'ee dhalachuu danda'aayyii? jedheen.⁵Iyyasuusis deebisee "dhugaa dhugaa siin jedha namni bishaaniifi Hafuurarraa yoo hin dhalannee male gara mootummaa Waaqayyo galuu hin danda'u.' jedheen. ⁶Kan fooni irraa dhalate foonii dha, kan Hafuurarraa dhalate garuu hafuura.⁷ Isan ani 'lammaffaa dhalachuu qabda' sin jedhen hin diniqfatiin. ⁸Qilleensi gara barbaadetti qilleensa'aa, atis sagalee hursuu isaa dhageessa malee eessaa akka dhufuufi eessas akka dhaqu (deemu) hin beektu. Mamni Hafuurarraa dhalate hundinuus akkanuma.⁹Niqoodimoosis deebiseen 'kun akkamitti ta'uu danda'a' jechuun gaafate. ¹⁰ Iyyasuusis akkana jechuun deebiseef 'ati barsiisaa Israa'eel otoo taatee jirtuu waanta kana akka mitti hin beekne? ¹¹dhugaa sitti hima, nuti waan beeknu dubbanna, waa'ee waan arginees dugaa baana, isingaruu waan nuti dhugaa baane hin fudhattan.¹²Yammuun waa'ee biyya lafaa isinitti himu yoo hin amaniin, waa'ee waan sami yammuun isinitti himu akkamitti amanturee? ¹³Ilma namaa Isa samii dhaa gad-dhufe malee eenyumtuu gara samitti ol hin baane.¹⁴Museen lafa onaa keessatti akka bofa fannise sana ilmi namaas fannifamuu qaba. ¹⁵Kunis akka namni isaatti amanu hundi jireenya barabaraa qabaatuudhaaf.¹⁶ Akka namni isatti amanu hundi jireenya barabaraa qabaatuuf malee akka hin bannee, Waaqayyo amma (hanga) ilma isaa tokkichaa kennutti akkasumaan addunyaa jaalateera. ¹⁷Waaqayyo ilma isaa gara biyya lafaatti kan ergeef, addunyaattu murteesuuf otoo hin ta'iin itti amananii akka fayyaniifiidha. ¹⁸Kan isatti amanu hunduu itti hin murteeffamu; kan isatti hin amaniin garu waan innibmaqaa tokkicha ilma Waaqayyootti hin amanneef itti murtaa'eera.¹⁹Sababbiin murtiis kanadha, Ifti gara biyya lafaa dhufe, namoonnibgaruu ifarra dukkana jaalatu turee, sababniis hojiin isaanii hamaa waan ta'eefi. ²⁰Namni waan hamaa hojjatu hunduu ifa jibba, hojiin isaas akka hin muldhannee gara ifaatti hin dhufu. ²¹ta'u male inni dhugaan deddeebi'u garu hojiin isaa Waaqayyoon akka hojjatame muldhisuuf gara ifaatti dhufa.²²Kanaan booda Iyyasuusiifi hordoftootni isaa gara biyya Yihuudoota deeman, achittis isaan waliin yeroo muraasa ture, ni cuuphas ture. ²³Yohaannisis naannoo saaleem bakka Heenoon jedhamutti bishaan baay'een waan jirtuuf ni cuupha ture. Namoonnis gara isaa dhufuun ni cuuphamu ture. ²⁴Kunis kan ta'e otoo Yohaannis gara mana hidhaatti hin darbamiin ture.²⁵Yammuu kanas hordoftoota Yohaanniis tokko tokkoofi Yihudii tokko jiddutti waa'ee sirna qulqullina irratti walmormiin uumame. ²⁶Isaanis gara Yohaannis dhaquun akkana jedhaniin 'yaa barsiisaa, namni siin waliin gama Yoordaanos ture kan ati waay'ee isaa dhugaa baateef sun kunoo ni cuuphaa, namoonni hundis gara isaa dhaqaat jiru 'jedhaniin.²⁷Yohaannisis akkana jechuun deebise 'Namni yoo samii irraa isaaf kenname malee homaa fudhachuu hin danda'u. ²⁸Isin ofiin keessan akkan ani Kiristoosii mitti garuu isa dura kaniin ergame jedhee akkan dubbadhe dhugaa naaf baatu.²⁹ Mushiirroon kan mushirraati, Amma eegaa sagalee isaa dhaga'uuf miizeen mushirra bira dhaabatu garu yammuu sagalee isaa dhaga'uu baay'iseeti gamada. Egaa gammachuun kun kan kooti, innis amma raawwwatameera (fiixaan ba'eera). ³⁰Inni ol ol jechuu, ani garuu xiqqachuun qaba.³¹ Inni olii dhufu waan hundumaatii oli inni lafaa immoo kanuma lafaati, waanuma lafaa dubbatas. Inni samii dha dhufu garuu waan hundaa oli. ³²waa'ee waan argeefi dhaga'ee dhugaa baha, garu waan inni dhugaa bahu namni fudhatu eenyumtuu hin jiru. ³³ Namni inni dhugaa ba'uumsa isaa kana fudhate Waaqayyo akka dhugaa ta'e mirkaneeffata³⁴Waaqayyo erge inni dubbii waaqayyoo dubbata. Waaqayyoos Hafuura safaree hin kennu. ³⁵ Abbaan Ilma ni jaalata, waan hundumaas harka isaatti kennera. ³⁶Namni inni ilmatti amanun jireenya barabaraa qaba, namni Ilmatti hin amanne garu dallansuu Waaqayyootti isarra t'a malee jireenya Ilmaa hin argu '

¹Fariisonni akka Iyyasuus Yohaaniis caala hordoftoota baayifachaa, cuphaas jiru dhaga'an. ² Haa ta'u male hordoftoota isaa cuuphaa ture male Iyyasuus ofii isaatii hin cuuphne ture. ³Innis Yiihuudaa gad lakkisuun gara Galiilaatti deebi'e.⁴Garuu isaafa Samaariyaa keessa darbuun barbaachiisaa ture. ⁵Kanaafuu gara magaalaa Samaariyaa bakka Siikaar jedhamu, lafa Yaa'iqoob ilma isaa Yooseefiif kennetti dhiyoo ta'etti dhufe.⁶bishaanii kan Yaa'iqoob achi ture. Iyyasuus karaarraa kan ka'e waan dadhabeef boollicha qarqara taa'e yeroon isaas gara sa'atii ja'aa ture. ⁷Samaariyaa tokkos bishaan waraabuu dhufte; Iyyasuusis 'Akkan dhuguuf bishaan xiiqoo naa kenni' jedheen. ⁸ Hordoftootni isaas nyaata bituuf gara magaalaa deeman ture.⁹Dubartiin Samaariyaa sunis Iyyasuusiin 'ati otoo nama Yiihuudaa taatee jirtu akkamitti dhagaati ana dubbartii Samaariyaa gaafattaa?' jetteen. Yihuudonni warra Samaariyaa waliin walqunnamtii hinqaban turan. ¹⁰ Iyyasuusis deebisee 'kenna Waaqayyoofii inni waaniin dhugu naa kenni siin jedhu kun otoo eenyu akka ta'e beektee situu isa gaafata ture. Innis bishaan jireenyaa siif kenna ture' jedheen.¹¹Dubartiinis akkana jetteen, 'yaa gooftaa ati waan ittiin waraabduu hin qabdu, boollichiis gadi fagoodha, egaa bishaan jireenyaa kana essaa argatta? ¹²Ati immoo Abbaa keenya Yaa'iqoob isa boolla kana nuuf kenne caaltaayyii? Inni mataa Isaa, Ijoolleefi horiin isaas boolluma kana keessaa dhuganii turan.'¹³Iyyasuusis akkana jechuun deebiseef 'namni bishaan kana dhugu hundu deebi'ee ni dheebota. ¹⁴Garuu namni bishaan ani kennuuf dhugu kamiyyuu yoomumaa deebisee hin dheebotu, bishaan innin ani isaaf kennu isa keessatti burqaa bishaan jireenya barabaraaf burqa ta'a.¹⁵Dubartiinis 'yaa gooftaa akkan hin dheeboonnee fi akkan waraabuuf asitti hin deebinee bishaan sana naaf kenni' jetteen. ¹⁶Iyyasuusis 'deemiiti dhirsa kee waamitti deebi'ii kootu jedheen.¹⁷ Ishiinis deebiftee akkana jetteen 'ani dhirsa hinqabu. Iyyasuusis deebisee 'dhirsa hinqabu jechuun kee sirrii dha.' ¹⁸Sababnisaas 'kanaan dura dhirsoota shan qabda ture, ammas namni siin waliin jiru dhirsa keetii mitti. Waantii ati dubbatte dhugaadha.¹⁹Dubartiinis akkana isaan jette 'yaa Gooftaa akka ati raajaa taaten arga. ²⁰Abbotiin keenya tulluu kana irratti sagadu turan, isin immo garuu bakki namootni sagaaduu qaban Iyyaruusaaleemiidha' jettu.²¹Iyyasuusis akkana ishii dhaan jedhe. 'Yaa dubartii na amanii, yeroo isiin tulluu kana irrattiis ta'ee Iyyaruusaaleemitti Waaqa Abbaatiif hin sagadnetuu dhufa. ²²Isiin waan hin beekneef sagaddu, nuti garu sababbii fayyinni Yiihudoota keessa dhufuuf waan beeknuuf sagadna.²³dhugaan sagadan yeroon isaan itti haafuuraa fi dhugaan Waaqa Abbaaf sagadan tokko ni dhufa, ammayyuu dhufeera Abbaan warreen akkana kanneen isaaf sagadan barbaada.' ²⁴ Waaqayyoo Hafuura, warri isaaf sagadanis hafuuraa fi dhugaadhaan ta'u qabu.²⁵'Akka Masiihiin dhufu, yammuu inni dhufus waan hunda akka nutti himu nan beeka' jetteen. ²⁶ Iyyasuusis 'namni inni amma siin waliin haasayaa jiru kun isaa dha' jedheen.²⁷27Yeroodhumasana hordoftootni isaa deebii'anii dhufan. Isaanis Iyyasuus dubartii tokko waliin otoo haasayuu arganii diniqfatan. Garuu eenyumtuu 'maal barbaadaa? Yookiin maaliif ishii waliin haasofta?' Isa gaafate hin jiru ture.²⁸Dubartiin suniis ubboo (okkotee) bishaan ishii dhiftee gara magaalaatti deebi'uun namoota akkana jetteen ²⁹ 'kootaa, naman, waanin ani hojjadhe hunda natti hime tokko ilaala, inni Kiristoos ta'uu diidaalaata?' jetteen. ³⁰magaalicha keessaa ba'uun Iyyasuus bira dhufan.³¹Yammuma sana hordoftootni isaa "yaa Rabii (barsiisaa) mee waa nyaadhu" jechuun kadhatan. ³² Garu, Innis akkana isaaniin jedhe "ani nyaatan nyaadhu 'kan isin hin beeknen qaba.'" ³³Kanaafu hordoftootnis 'namatuu waan nyaata wayii isaaf fidemoo laata?" Waliin jedhan.³⁴ Iyyasuusis akkana jedheen "Nyaanni koo fedhii Isa na erge hojjachuu fi hojii isaa raawwachuu dha." ³⁵ Isin 'ji'ota afurtu hafe, sana booda midhaan walitti qabna (sasaabna) jettu mitii? Ani isinittin hima akka midhaan bilchaatee walitti qabamuu (sasaabamu) ga'e ija keessan ol kaasaatti oorruu ilaalaa. ³⁶Inni walitti qabu (sasaabu) mindaa ofi ni argata firiis jireenya barbaraatiif walitti qabata, kunis akka inni facaaseefi walitti qabe (sasaabe) waliin gamadaniifi.³⁷Kanaafu mammaaksa 'tokko ni facaasaa kaan immoo ni haama' jedhu dhugaadha. ³⁸Ani isiin waan itti hin dadhabnee akka haamtaniifiin isin erge. Warri kaan itti dadhabu isiin immoo gara firii dadhabbii isaaniitti galtan. '³⁹dubartittin 'Inni waaniin ani hojjadhe hunda isa natti hime' jette waan dhugaa ba'uun gabaafteef namootni baay'een magaalaa Samaariyaa keessaa isaatti amanan. ⁴⁰ Kanaafuu namoonni Samaariyaa yammuu gara isaa dhufan akka inni isaan waliin turuuf gaafatan, inni guyyoota lama achi ture.⁴¹dubbii isaatiifis namoonni biroo baay'een amanan. ⁴²Isaaniis dubartii dhaan 'kanaan booda waan ati nuun jetteef otoo hin ta'iin waan ofiin keenya dhageenyeef akka inni dhugaadhumaan fayyisaa addunyaa ta'u beekneerra' jedhaniin.⁴³ Guyyoota lamaan sana booda Iyyasuus bakka sana gad lakkisuun Galiilaa deeme. ⁴⁴ Iyyasuus ofiin isaa akka raajni tokko biyya isaa keessatti ulfina hin qabu jedhee dubbatee turetti ⁴⁵yammuu inni Galiilaa dhufee tureetti warri Galiilaa isa simatan. Isaanis yeroo ayyaanaa gara Iyyarusaaleem deemanii waan turaniif, sababbii kanaan waan Iyyasuus ayyanicharratti hojjate hunda arganii jiru.⁴⁶Iyyasuusis deebi'uun gara Qaanaa ishii Galiilaa keessaa bakka inni bishaan gara daadhii wayiniitti jijjiire deeme. Qifirnaahoom keessas qondaallii kanaan dura ilmi isaa dhukkubsate tokkotu ture. ⁴⁷Namni kuniis yammuu Iyyasuus Yihuudaa gara Galiilaa akka dhufe dhagahu isa bira deemuun gara isaatti gad dhufe ilma isaa isa gara dhu'aatti dhiyaatee akka fayyisuuf gaafate.⁴⁸Akkasumas Iyyasuus 'Isin yoo mallattoofi dinqii argitan malee hin amantan'jedheen. ⁴⁹Qondaaltichiis 'yaa gooftaa otoo mucaan koo hin du'iin dafi koottu 'jedheen. ⁵⁰ Iyyasuusis 'deemi ilmi kee fayyeera' jedheen. Namichis waan Iyyasuus isaan jedhetti amanuun deeme.⁵¹ Otoo inni deemaa jiru tajaajiltootni isaa gara isaatti dhufuuf akka ilmi isaa fayye itti himan. ⁵²Innis sa'aatii mucaatti foyyaa'uu jalqabe isaan gaafate. Isaanis deebisuun akkana jedhaniin 'kalleessa sa'atti torbatti nafa gubaan isa dhiise 'jedhaniin.⁵³Abbaanis akka yeroo sun sa'aatti Iyyasuus 'Ilmi kee fayyeera' isaan jedhe ta'uu hubate. Kanaafuu inniifi maatiin isaa hunduu amanan. ⁵⁴Egaa suun Iyyasuus Yihuudaadha bahe gara Galiilaa erga dhufe booda mallattoo isa lammaffaa inni hojjate ta'u dha.

¹Kanaan booda ayyaana Yihuudotaatu ture. Iyyasuusis gara Iyyaruusaaleemitti ol-ba'e. ²Iyyaruusaaleem keessa karra hoolaa bira bishaan afaan Armaayikootaatiin 'Beetazaataa' jedhamu tokko kan dafoowwan shan qabantuu ture. ³Namoonni lakkofsaan baay'ee turan kanneen dhukkubsatan jaamoonni, hokkoloonni, laamshonni achi ciisu turan. ⁴Maleekaan Gooftaas yeroo tokko tokko gad-bu'uun bishaan sana ni raasa ture. .⁵ Raafama bishaanichaatiin booda namni jalqaba bishaan keessa seenee kamiyyuu dhibee qabu hunda irraa ni fayya. Namni waggaa soddomii seddeet dhukkubsate tokkoos achi ture ⁶Iyyasuusis yammu namtichi achi ciisee argee akka yeroo dheeraafis achi ture yammuu hubatu akkana jedheen 'fayyuu barbaadaayyii?'⁷Dukkubsataan suniis 'yaa Gooftaa ani nama na gargaaree yammuu bishaan raafamu achi keessa naseensisu hin qabu yammuun yaaluus nama biraatu na dursee seena' jedheen. ⁸Iyyasuusis 'ol-ka'i, siree kees qabadhu deddeebii.'⁹9Ennasuma fayyee siree isaa fudhatee deeme.' Guyyaan suniis sanbata ture.¹⁰Yihuudootni namicha fayyee sanaan 'hardhi sanbata, kanaafu siree kee baattattee deemuun siif hin eyyamamu' jedhaniin. ¹¹ Inni garuu namichi na fayyise sun siree keen fudhadhuutii deemi naan jedhe' jedheen.¹²Isaanis 'namninsiree kee fudhadhuutii deemi siin jedhe sun inni eenyu?' Jedhanii gaafatan. ¹³Haa ta'uuti namichi fayye suun eenyu akka ta'e hin beekne ture, sababni isaa namootni bakka sanatti walitti qaban baay'ee waan turanif Iyyasuus dhokatee waan achii deemeefii.¹⁴ Ergasii Iyyasuus namicha mana qulqulummaa keessatti argee, kunoo ati amma fayyiteetta, rakkinni kana caalu akka sira hin geenyeef ammaan achi cubbuu hin hojjatiin' jedheen. ¹⁵Namichis deemee gara warra Yihuudootaa dhaqun kan isa fayyise Iyyasuus ta'u gabaaseef.¹⁶ Sababa waantota kanneen guyyaa sanbataatiin hojjateef yihuudotni Iyyasuus hari'atan turan. ¹⁷Iyyasuus akkan isaaniin jedhe "Abbaan koo hanga ammaatti hojjachhaat jira, aniis immoo kunoo hojjachaan jira.' ¹⁸ Egaa waa'ee sanbata cabseef qofa otoo hin ta'iin, sababbii inni ofii isaa Waaqaan walqixxeeseefi fi Waaqni Abbaa kooti jedheef yihuudoonni itti caalchiisuun isa ajjeesuuf barbaadan.¹⁹ Iyyasuusis 'dhugaa dhugaa isiiniin jedha 'ilmi ofii isaatiin waan tokkoollee gochuu hin danda'u, waanta Abbaan hojjatu yoo arge malee, waanta Abbaan godhu hunda akkasuma Ilmis ni hojata. ²⁰Abbaan Ilma ni jaalata; waan godhu hunaas itti agarsiisa, akka isin diniqfattaniifis hojii kana caalu itti agarsiisa.²¹ Akkuma Abbaan warra du'an kaasee jireenya ni kennaaf. ²²nama tokkottiyyuu hin murteesu, garuu murtii hunda Ilmaaf keenera. ²³namni hundi akkama Abbaa ulfeessanitti Ilmaafis ulfina kennaniifi; Namni ilmaaf ulfina hin kenine Abbaa isa ilma erges hin ulfeessan.²⁴Dhugaa, dhugaa namni inni dubbii koo dhagawu fi isa na erettis kan amanu jireenyaatti darbe malee.²⁵Dhugaa, dhugaa ani isinittan himaa, yeroo warrii du'an sagalee Ilma Waaqayyo itti dhagayan ni dhufa, innis ammumaa dha; issan warri dhagayanis ni jiraatu.²⁶Abbaan jireenya of keessatti ofumaa qabu, akkasuma ilmis akka ofii isaatiin jireenya qabaatuu isaafis kenneeraaf. ²⁷Sababa inni Ilma Namaa ta'eefis akka inni murtii kennuu Abbaan aangoo isaaf kenneera.²⁸ Waan kanaaf hin diniqfatiina, yeroo warrii awwaala keessa jiran hundi sagalee isa dhagayan ni dhufa. ²⁹Warrii waan gaarii hojjatan du'aa ka'iinsa jireenyaatiif warrii waan bodaa hojjatanis immoo du'aa ka'iinsa murtiitiif awwaala keessaa ni ba'u.³⁰ Ani ofii kootiin waan tokkollee gochuu hin danda'u garuu ani akkumman dhagawuttiin murteessa; ani fedhii isa na ergee malee fedhii ofii kootii waaniin hin barbaadneef murtiin koo qajeelaadha. ³¹ Ani yoo dhan waa'ee ofikootii dhugaa ba'e. Dhugaa ba'iinsi koo dhugaa miti. ³²Kan waa'ee koo dhugaa ba'u kan biroo ni jira, anis akka inni dhugaa ba'iinsa waa'ee koo kennu dhugaa ta'e nan beeka.³³gara Yohaannisitti ergitanii jirtu: innis dhugaa dhaaf dhugaa ba'ee jira. ³⁴Kun garuu dhuga ba'iinsa namaa nan fudhadha jechaa miti. Waantota kanneen kanan jedhu akka isin fayyitaniifi. ³⁵Yohaannis ibsaa isa boba'aa ifu ture, isin immoo yeroo xiqqoof ifa isaatti gamaduu barbaaddan.³⁶ Dhuga ba'iinsiin ani qaba isa kan Yohaaniisii sana caala, hojiin akkan ani raawwadhuf Abbaan naa kenne, inniin ammayyuu jira kun akkan Abbaan na erge waa'ee koo dhugaa ba'a. ³⁷Abbaan inni na erges ofii isaatii waa'ee koo dhugaa ba'eerra. Isin sagalee isaas takkumaa hin dhageenye, bifa isaas hin argine. ³⁸Isiin sababbii isa inni ergetti hin amanneef dubbi isaa kan isin keessatti hafe hin qabdan.³⁹Isiin kitaaboota qulqullu qu'atu, sababni isaa jireenya barabaraa isaan keessaa arganna jettanii waan yaaddaniif, garuu Kitaabbotuma kanatuu waa'ee koo dhugaa ba'a. ⁴⁰Isin garuu jireenya argachuuf gara koo dhufuu hin barbaadan.⁴¹Ani nama irraa ulfina hin fudhadhu. ⁴²Isin garuu akka jaalala Waaqayyoo of keessaa hin qabne nan beeka.⁴³ Ani maqa Abbaa kootiitiinin dhufee, isin immoo na hin simanne. Isin wal irraa ulfina yoo fudhattan, ulfina isa Waaqayyoo tokkicha irraa dhufu garuu hin barbaadan. ⁴⁴Akkamitti amanuu dandeesu isin warrii wal irraa ulfina fudhattan ulfina isa Waaqayyo tokkicha irraa dhufu garuu hin barbaaddan.⁴⁵ Ani Abbaa fulduratti waaniin isin himadhu isinitti hin fakkaatiin. Kan isin himatu tokko jira, innis Musee isa isiin abdattanii dha. ⁴⁶ Otoo Museetti amantanii, anattis ni amantubture, sababnis inni waa'ee koo waan barreesseef. ⁴⁷Waan inni barressetti yoo hin amaniin, hojii kootii akkamitti amanturee?

¹booda Iyyasuus, gama galaana Galiilaa isa galaana Xibriyaadoos jedhamee waamamuutti ce'e. ² Namootni baay'ee ta'anis sababa mallattoo inni warra dhukkubsatoota ta'an fayyisuudhaaf argisiise waan arganiif isa hordofan. ³Iyyasuus hordoftoota isaa waliin gaaratti ol bahee ta'e.⁴yeroo kana Faasiigaan, ayyaani Yiihuudotaatuu dhiyaate ture.) ⁵Yammuu Iyyasuus ija isaa olkaasuu namoonni baay'ee ta'an gara isaa dhufan arge, Filiiphoosiin; 'namoota kanaaf biddeena isaan nyaatan eessaa binaafi?' Jedheen ⁶Iyyasuus garu Filliphoos) qoruuf kan jedhe inni ofuma isaatiin waan gochuu qabu ni beeka ture.⁷Filiiphoosis deebisee 'tokko tokkoon isaanii akka xiqoo xiqqoo argataniif, yoo biddeena diinaara dhibba lamaan binnellee wal isaan hin gahu ' jedheen. ⁸ Hordoftoota isaa keessaabtokko Indiriyaas, obbolleessi Simi'oon Pheexiroos Iyyasuusiin akkana jedhe. ⁹'Gurbaan biddeena garbuu shaniifi qurxummii lama qabu tokko kunoo as-jira, garuu kun namoota kan hundaaf akkamitti gahaa?¹⁰Iyyasuusis 'namoota akka taa'an godhaa' jedheen. Bakka sanas margi baay'inaan jira ture, kanaafuu namoonnis ni tataa'an, lakkoofsi isaaniis dhiirri gara kuma shanii ture. ¹¹Iyyasuusis biddeena sana fuudhee erga galateesse booda warra taa'an sanaa hanga isaan barbaadan hire, qurxummis akkasuma godhe. ¹²Erga namoonni quffanii booda innis hordoftoota isaatiin. 'Otoo waanti tokkollee hin hafiin hurraa'aa walitti sasaabaa ' jedheen.¹³Isaaniis hurraa'aa biddeena garbuu shanii isa hafe sana Zanbiila kudha lama guutuu walitti qaban. ¹⁴sana namooni mallattoo Iyyasuus taasise arganii 'kuni dhugaadhummaan raajaa gara addunyaa kana dhufuf jiru 'jedhan. ¹⁵ Iyyasuus akka namootni dhufanii humnaan mootii isa gochuuf yaalan hubatee achii gad-lakkisee qophaa isaa debi'ee gaaratti olba'e.¹⁶ Yammu galgalaa'ee hodoftootni isaa gara galaanaatti gadi bu'an. ¹⁷Isaanis bidiruu yaabachuun galaana irra gara gama Qifirinaahoomitti ce'uuf ka'an yeroo kanas dukkanaa'ee ture, akkasumas Iyyasuus ammallee gara isaanii hin dhufne ture. ¹⁸Bubbeen jabaan waan bubbiseef galaanichi ni raafama ture.¹⁹kiiloo meetira shan yookiin ja'a kan ta'u erga bidiruudhaan deemanii booda otoo Iyyasuus galaana irra deemaa gara bidiruutii dhiyaatu arganii sodaatan. ²⁰ Innis garu 'Inni Anaa! Hin sodaatinaa' jedheen. ²¹Isaanis gara bidiruu keessatti isa fudhachuu barbaadan, battalumatti bidirichis gara bakka deemanii gahe.²²Guyyaa itti aanutti namoonni galaanicha gamatti hafan akka bidiruun tokko qofti achi turte male kan biroo akka achi hin jire argan, qkka hordoftootni isaa qofti kophaa isaanii ce'an male, akka Iyyasuus isaan waliin hin yaabadne beekan. ²³Haa ta'u malee bidiruuwwan muraasni Xibriiyaadoosii ka'anii gara bakka Goftaan galata kenneefi isaanis biddeena itti nyaatan ture.²⁴ Yammuu kana namootnii akka Iyyasuusii fi hordoftootni isaa achi hin jirre yammuu qoratanii baratan isaanumtii ofii isaaniitiin bidiruuwwan yaabbatanii Iyyasuus barbaacha gara Qifrinaahiom deeman. ²⁵Isaanis erga galaanicha gamatti isa arganii booda 'Rabbi (barsiisaa) yoom asi dhuftee?' jedhanii isa gaafatan.²⁶Iyyasuusis akkana jechuun deebiseef 'dhugaa dhugaa isiniin jedha isin kan na barbaaddaniif sababa mallattoo argitaniif otoo hin taane, garuu sababa biddeena nyaataanii quuftaniifi. ²⁷Nyaata baduuf hin hojjatina, nyaata jireenya barabaraatiif jiraatu kan Ilma Namaa isiniif kennuuf hojjadhaa malee, kanaafis Waaqni Abbaa isaa irratti chaappeseera.²⁸Akkasumaan isaaniis 'Maal gochuu qabna, akka hojii Waaqayyo hojjanuu' iIsaan jedhan. ²⁹Iyyasuusis deebisuun 'isa inni ergetti amanuun keessan kun hojii Waaqayyooti' jedheen.³⁰ Kanaafuu isaaniis akkana isaan jedhan 'akka arginee si amannuuf mallattoo maalii hojjata? ³¹Akka 'nyaataaf samii irraa biddeena isaaniif kenne' jedhamee barreeffame, abbootiin kenya lafa onaatti Mannaa nyaatan'³² Iyyasuusis akkana isaaniin jedhe.' Dhugaa, dhugaa kan samii irraa biddeena isiniif kenne Musee mitu, garuu samii irraa kan biddeena dhagaa isiniif kenne Abbaa kootii malee.' ³³Biddeenni Waaqayyoo inni samii irraa gadi bu'ee addunyyaa kanaaf jireenya kennuu dha. ³⁴ Isaaniis 'yaa Gooftaa yeroo hunda biddeena kana nuuf kenni' jedhaniin.³⁵ Iyyasuusis akkana isaaniin jedhe 'biddeenni jireenya anaadha, namni gara koo dhufe gonkumaa hin beela'u, kan anatti amanuus gonkumaa hin dheebotu. ³⁶ Garuu akkaman isinitti hime na argitaniiyyuu hin amanatan. ³⁷Abbaan ka naa kenne hunduu garabalaatti of irraa hin aru'u.³⁸Ani kaniin samii irraa gad dhufeef fedhii koo raawwachuuf otoo hin ta'iin fedhii isa na ergee raawwachhuu dhaafi. ³⁹Fedhiin isa na ergees bakkan ani warra inni natti kenne hundi tokkolle otoo na jalaa hin badiin gaaf guyyaa dhumaa akkan kaasuufii dha. ⁴⁰Fedhiin Abbaa kootii akka namni Ilma argee isatti amanu hundi jireenya barabaraa qabaatuufii dha, anis gaaf guyyaa dhumaa isa nan kaasa.⁴¹Kanaafuu Yihuudootni sababa inni 'ani biddeena samii irraa gad bu'ee dha.' jedheef guunguman. ⁴²Isaaniis 'kun Iyyasuus ilma Yooseef miti, isa abbaafi haadha isaa beeknu sana? Yoos akkamittin 'ani samii irraan gad bu'e' nuun jedharee amma' jedhan.⁴³ Iyyasuus deebiseeti akkan jedheen 'Walitti gungumuu dhaabaa. ⁴⁴ Abbaan na erge yoo harkise malee namni kamiyyuu gara koo dhufuu hin danda'u, anis gaaf guyyaa dhumaa nan isa kaasa. ⁴⁵Akka raajota keessatti barreefametti hundi warra Waaqayyorraa baratan ni ta'u' jedhameera. Kan Abbaarraa dhaga'eefi kan isarra baratee hundi gara koo ni dhufa.⁴⁶ Isa Waaqayyo biraa dhufe sana malee namni kamiyyuu Abbaa hin argine. Isa qofatuu Abbaa arge. ⁴⁷Dhugaa, dhugaa kan amanu hundi jireenya barabaraa qaba.⁴⁸Biddeenni jireenyaa ana dha. ⁴⁹Abbootiin keessan lafa onaa keessatti mannaa nyaatan. Haa ta'u garuu ni du'an.⁵⁰Bideenni samii irraa gad bu'e isa kana dha, namni isa nyaatuua hin du'u. ⁵¹Biddeenni jireenyaa inni samii irraa bu'e ana dha. Namni kamiyyuu yoo biddeena kana nyaatee barabaraan ni jiraata Biddeenni ani akka addunyaa dhaaf jireenya ta'uu kennu foon koori.'⁵² Akkasuma Yihuudoonis 'Namichi kun akkamitti foon isaa akka nyaatuuf nuu kennuu danda'a?' jechuun dallanuufi wal-mormuu jalqaban. ⁵³Iyyasuusis akkana isaaniin jedhe 'Dhugaa, dhugaa isin foon Ilma Namaa yoo nyaatanifi dhiiga isaas yoo dhugdan malee ofii keessaniin jireenya qabaachuu hin dandeessan⁵⁴ Namni foon koo nyaatuufi dhiga koo dhugu enyumtuu inni jireenya barabaraa qaba; Anis gaaf guyyaa dhumaa isaa kaasa. ⁵⁵ Foon koo nyaata dhugaa, dhiigni koos dhugaatii dhugaati. ⁵⁶Namni Foon koo nyaatuufi dhiiga koo dhugu eenyumtu na keessa jiraata, anis isa keessan jiraadha.⁵⁷Akkuma Abbaan jiraataan na erga, akkasuma anis sababbi Abbaatiin jiraadhu, namni na nyaatu enyumtuu akkasuma sababbii kootiin ni jiraata. ⁵⁸ Biddeenni samii irraa bu'e isa kana dha, innis akka mannaa isa Abbotiin keessan nyaatannii du'an sana moti; namni biddeena kana nyaatu garuu barabaraan ni jiraatan. ⁵⁹Garuu Iyyasuus waantota kana kan dubbatee Qifirnaahoom mana sagadaa Siinaagog keessatti otoo barsiisa jiruu ture.⁶⁰Hordoftoota isaa keessaa baay'een yammuu waan kana dhaga'an akkana jedhan 'barnoonni kun cimaadha, eenyutuu dhaga'uu danda'a? ⁶¹Iyyasuus sababa ofuma isaa keessatti akka hordoftootni isaa waan kana irratti guunguman beekeef akkan isaaniin jedhe 'kun isin dallansiisaa?'⁶²Yoos yammuu Ilmi Namaa bakka duri turetti ol-ba'uu argitan maal taaturee?' ⁶³Inni jireenya kennu Hafuura; foon omaa faayidaa hin qabu. Dubbiin ani isinitti dubbadhu Hafuura, jireenyas.⁶⁴Haa ta'u malee, isiin keessaa kanneen hin amaniin tokko tokko ni jiru.' Iyyasuus jalqabumarraa kaasee isaan keessaa eenyu akka hin amanneefi eenyu akka dabarsee isa kennu ni beeka ture. ⁶⁵Innis akkana jedhe 'sababiin ani yoo Abbaa biraa isaaf kenname malee namni tokkollee gara kootti hin danda'u isiniin jedhee ture kanuma.'⁶⁶ Sababa kanaaf hordoftoota isaa keessaa baay'een gara dubatti deebi'an, kana boodas isa waliin hin deemne. ⁶⁷ Akkasumaan Iyyasuus warra kudha lamaatiin 'Isiniis deemuu barbaaduu?' jedheen. ⁶⁸ Simi'oon Pheexiroosis akkana jechuun deebiseef 'yaa Gooftaa gara eenyuu deemnaa? ati dubbii jireenya barabaraa qabda. ⁶⁹Nuti akka ati Qulqullu kan Waaqayyoo taate ni amanne, ni beeknas.⁷⁰ Iyyasuusiis akkana isaaniin jedhe.' Ani kudha lamaan keessanuu kanin isin filadhe mitii? Isin keessaa garu tokko Dabiloos.' ⁷¹Innis amma waa'ee Yihuudaa ilma Simi'oon Asqoroo dubbata ture, innis warra kudha lamaan keessa tokko isa Iyyasuus dabarsee kennuuf jiru.

¹kanaan booda Iyyasuus sabab Yihuudonni isa ajjeesuuf barbaadanii, Galiilaa keessa dedeebi'a ture, Yihuudaa keessa hin dedeebi'uu ture. ²Amma ayyaanii daasii Yihuudotaa dhiyaatee ture.³Obboloowwan isaas akkana isaan jedhan 'bakka kana dhisiitii gara Yihuudaa ka'ii deemi, yoos hordftootni kee hojjii atti gootu sana arguu.' ⁴ Namni tokko otoo muldhatee beekamuu barbaaduu dhoksaatti waa hojjatuu hin jiru. Atis yoo waantota kana hojjattu taate addunyaatti of muldhisi.⁵Obboloonii isaallee isatti hin amanan turan. ⁶Kanaafuu Iyyasuus akkana isaaniin jedhe 'yeroon koo amalle hin geenye, isiinif garuu yeroon hundi mijataadha. ⁷Addunyaan isin jibbuu hin danda'u, garu sababan hojjiin isaanii akka badaa ta'e dhugoomsuuf ana ni jibu.⁸ Isiin gara ayyaanichaa oldeemaa, Ani saba amma ammatti yeroon koo hin guunneef gara ayyanatti ol hin deemu.' ⁹Innis waantoota kana erga isaaniin jedhee booda Galiilaati hafe¹⁰Garuu erga obboloonni isaa gara ayyanichaatti ol deemanii booda innis muldhachaa otoo hin ta'in dhoksaadhaan ol deeme. ¹¹Yihuudonnis ayyanicha irratti 'namni sun eessa jira?' jechuun gaafachaa isa barbaadaa turan.¹²Namoota jidduuttis waa'ee isaa marii baay'ee ture, namootni tokko tokko 'inni nama gaarii dha' jedhuu. Isaan kaan immoo 'akkas miti inni karaa irraa nama jallisa jedhan. ¹³Garuu waan Yihuudoota sodaataniif namni tokkollee waa'ee isaa muldhinatti hin dubbanne.¹⁴Yammu ayyanichi gara walkaa ta'u, Iyyasuus mana qulqullina seenuun barsiisuu jalqabe. ¹⁵dinqiffachuun 'namni kun akkamitti otoo hin baratiin beekumsa akkanaa qabaate?' jedhan. ¹⁶ Iyyasuusis akkana jechuun deebiseef 'barsiisni koo kan isa na ergeetti malee kootii miti.¹⁷ Namni feedhii Waaqayyoo raawwachuu barbaadu hundi waa'e barsiisni kun Waaqayyoo biraa dhufuu fi yookin ani ofuma koottiin irraa ta'uu ni beeka. ¹⁸Namni ofumarraa dubbatu kamiyyuu inni ofuma isaatii ulfina barbaada, namni ulfina isa erge sanaa barbaada, namni sunis dhugaa dha, sobni isa keessa hin jiru.¹⁹ Museen seera isinii kenneerra miti? Garuu isin keessaa namni seera san eegu hin jiru. Isin maaliifI na ajjesuu barbaaddu? ²⁰Namoonnis deebisanii 'jinniituu si keessa jiraa eenyutuu si ajjeessuu barbaada' jedhaniin.²¹Iyyasuusis deebisee akkana isaanii jedhe 'Ani hojii tokkon hajjannaan hundi keessan diniqfattan. ²²Museen seera kiittaanaa isiniif kenne (sun garuu abbootarraayyi malee Museerraa miti.) Isinis guyyaa sanbataa nama kittaantu.²³ Akkanum seera Musee isa hin cabnee sana erga namni tokko guyyaa sanbataatillee kiitaanamuu danda'e, isin maaliif yoodhan ani guyyaa sanbataatiin nafa namaa guutuu fayyisuuf jettanii maliif natti dallantu. ²⁴Murtii qajeelaa kennaa malee; bifa ilaaluun hin murteesiina.'²⁵7 Namootni muraasni Iyyarusaaleemii akkana jedhan 'Inni kun nama isaan ajjeesuuf barbaadanii dha miti?' ²⁶ Kinoo inni addabaayitti dubbata, isaaniis homaa isaan hin jenne. Abboonii seeraas bakka inni Kirisoos ta'e nuti ni beekniiruu laata? ²⁷namni nama eessaa akka ta'e nuti ni beekna. Yammuu Kiristoos dhufu garuu inni eessaa akka dhufu namni tokkollee hin beeku.²⁸Yammuus Iyyasuus otoo mana qulqullinaa keessatti barsiisuu sagalee isaa ol kaasee akkana jedhe 'Isin hundi na beektu, akkan eessaa dhufes na beektu. Ani ofii kootiin hin dhufne, garuu isa inni na erge dhugaa dha, isiinis isa hin beektan. ²⁹Sababani inni na erge isa biraa dhufeef ani isa nan beeka.³⁰ Isaaniis isa qabuuf yaalan, garuu yeroon isaa waan hin geenyeef namni tokkollee herka isaa irra diriirsee qabuu hin dandeenye. ³¹ Ta'uus namootni baay'een isatti amanan isaanis akkan jedhan 'Yammuu Kiristoos dhufu mallattoo namni kun agarsiise caala agarsiisa laata?' jedha. ³²Fariisootnis otoo namoonnii waantoota kanneen waa'ee Iyyasuus amatanuu dhaga'an. Luboonni hangafootniifi Fariisotni akka Iyyasuus qabanii eegdota mana qulqullina isatti erga.³³Iyyasuusis 'Ani amma ammaatti yeroo gabaabaa isin waliinin jira, kanaan booda gara isa na ergen deema. ³⁴Isinis na barbaaddu, garuu na hin argitan bakkan ani jirus dhuf hin dandeessan' jedheen³⁵ofumasaaniitiin akkana waliin jedha 'namni kun akka nuti isa arguu hin dandeenyeef eessa dhaqaa? Gara saba warra Giriikota keessa fafaca'anii deemee Giriikota barsiisuu barbaadeemoo? ³⁶ Dubbiin kun kan inni jedhu maaliidha? 'Isin na barbaadu garu na argu hin dandeessan, bakka ani jirus dhufu hin dandeessan jechuun isaa maal jechuu isaati' jedhan.³⁷Amma guyyaa ayyanicha isa guddaafi isa dhumaa irratti Iyyasuus ka'ee dhaabachuun sagalee guddaadhaan akkana jedhe 'namni kamiyyu yoo dheebote gara koo dhufe haa dhugu. ³⁸Inni kan anatti amanu hundi bishaan jireenyaatu garaa isaa keessaa burqa.³⁹garuu waa'ee Hafuura qulqullu kan warri isatti amanan argachuuf jiran dubbachuu isaati sababbi Hafuura qulqulluun ammaatti hin kennamneef Iyyasuus ammallee hin ulfaanne.⁴⁰ Namoota sana keessa muraasni yammuu dubbii kana dhaga'an 'kun dhugummatuu raajicha' jedhan. ⁴¹ Isaan kaan immoo 'inni kiristoos' jedhan. Namootni kaanis 'Kiristoos Galiilaadhaa dhufaa?' jedhan. ⁴²Akka Kiristoos sanyii Daawit keessaa dhalatuufi akka inni magaala Daawit Beetaliheemii dhufu kitaabni ni dhubata mitii?⁴³waa'ee isaa irratti garaagarummaan isaan jidduutti uumame. ⁴⁴Isaaniis muraasnis isatti dhufan, garuu namni tokkollee harka isaa isarrati hin diriirsine.⁴⁵Kana boodas eegdoni gara Luboota hangafootaafi gara Fariisotaatti warreen isaan erganitti deebi'anii dhufan 'Amliif isa as hin fidne' jedhanii eegdota gaafatan. ⁴⁶Eegdonnis akkan jedhanii deebisan 'namni kamiyyuu akka nama kanatti hin dubbatu.'⁴⁷Fariisotniis isaaniif deebisuun 'isinis ni gowwoomse jechuu dha' jedhaniin. ⁴⁸Namoota bulchootaa keessaa kan isaatti amananii yookiin Fariisotaa?. ⁴⁹Namootni kun isaan kan seera hin beekne kun abaaramoo dha⁵⁰Niiqoodimoos (Fariisota keessaa inni tokko, kan kanaan dura isa bira dhufee ture) akkana isaaniin jedhe, ⁵¹ 'seerri keenya otoo isarraa hin dhaga'iin yookiin waan inni godhu otoo hin beekiiniin dura nama tokkotti murteessa? ⁵²Isaanis 'ati nama Galiilaatii? 'akka Raajaan Galiilaa keessaa hin kaane qoradhuu irra ga'i' jedhaniin.⁵³Kana boodas hundi isaanii gara mana ofiitti deeman.

¹Iyyasuus garu garabgaara ejersaa deeme. ² Ganama barii dhaan gara mana qulqullummaatti deebi'ee dhufe. Innis namni hundumtu gara isaatti walitti qabaman, innis gad-taa'ee isaan barsiisee. ³Barsiisonni Seeraatiifi Fariisotni dubartii ejja irratti qabamte tokko fidan. Jidduu isaanii dhaabuun.⁴ Isaanis akkana isaan jedhan 'yaa barsiisaa dubartiin kun ejja irratti qabamte. ⁵Seera Museen nu ajaje keessatti namni akkanaa akka dhagaadhaan tumamu nu ajajeeraa ati waa'ee ishii maal jettaa? ⁶Isaanis waan ittiin isa himatan argachuu jedhanii isa qoruuf waan kana jedhan. Iyyasuus garuu gad-jedhee lafa irratti quba isaatiin barreessuu jalqabae.⁷Yammuu isaanis gaafachuutti fufan ol jedhee, 'isin keessaa namni cubbu hin qabne yoo jiraate duraan dursee ishiitti dhagaa haa darbatu' jedheen. ⁸Deebisee ammas gad jedhee lafa irratti quba isaatiin barreesse.⁹ Isaanis yammuu kana dhaga'an maanguddoota irraa jalqabee tokkuma tokkon ba'aanii deeman. Dhumarrattis Iyyasuus fi dubbartittii walakaa dhuma dhaabate sana waliin qophaatti hafan. ¹⁰ol jedhee, ati yaa dubartii warri si himatan meerre?, namni tokkollee sitti hin murteesinee? Jedhen. ¹¹ Ishinis 'yaa Gooftaa namni tokkollee' jetteen. Iyyasuusis 'anis sitti hin murteesu, deemi kanaan achis cubbuu hin hojjatiin' jedheen.¹² Deebisee Iyyasuus isaanitti dubbate 'Ani ifa Addunyaati namni na hordofu hundi dukkana keessa hin adeemu, ifa jireenyaa qaba malee' jedheen. ¹³Fariisootniis ati waa'ee keetii dhugaa baata, ofii keetii kan dhugaa baatuus dhugaa miti' isaan jedhan.¹⁴ Iyyasuusis deebiseefi akkana isaaniin jedhe 'Ani waa'ee ofii kootii dhugaa ba'uullee akkan eessaa dhefee fi akkan eessa deemuwaaniin beekuufin dhugaa ba'iinsi koo dhugaa dha. Isin garuu akkan ani eessaa dhufe yookiin akkan ani eessa deemu hin beektan. ¹⁵Isiin akkuma foonitti murteesitu, Ani nama tokkotillee hin murteessu. ¹⁶Sababan ani qophaa koo hin taaneef yoodhan murteessellee murtiin koo dhugaa dha, ani Abbaa isa na erge waliinin jira.¹⁷Eeyyeen dhugaa ba'iinsa nama lamaa akka dhugaa ta'e seera keessan keessatti barreefameera. ¹⁸Ani isa ofii kootii dhugaan ba'u Abbaan inni na erges waa'ee koo dhugaa ba'a.¹⁹ Isaanis 'Abbaan kee eessa jira?' Jedhanii isa gaafatan. Iyyasuusis 'Isin anas Abbaa koos hin beektan 'jedhee deebiseef. Otoo ana beektanii, Abbaa koos immoo ni beektuuyyuu. ²⁰Iyyasuus otoo mana ququllinaa keessatti kutaa buusiin kuufamu keessattibakkuma barsiisa tureen waantoota kana dubbate, yeroo isaas waan hin geenyeef namni tokkollee isa hin qabne.²¹ Innis deebisee akkana isaaniin jedhe 'Ani nan deema isinis na barbaaddu, cubbuu keessaniinis ni duutu, bakkan ani deemus dhufuu hin dandeessan.' ²²Yihuudootnis bakkan ani deemu dhufuu hin dandeessan kan jedhuu of ajjeesuuf ta'iinna jedhan.²³akkana isaaniin jedhe 'Isin gadirraayyi ani olirraayyi, Isin kan addunyaati, Ani immoo kan addunyaatii miti. ²⁴Kanaafu akka cubbuu keessaniin duutan ani isinittiin hima. Yoo isin Inni Ana ta'utti amantan malee cubbuu keessaniin ni duutu.²⁵ Isaanis kanaafuu akkana isaan jedhan 'Ati eenyuu dhaa? Iyyasuusis akkana isaaniin jedhe ani isuman jalqaabaa kaasee isinitti dubbachaa turee dha. ²⁶Ani waan baay'ee waantin dubbadhuufi waa'ee keessan waantin murteessu nan qaba. Maalumaahaata'uu inni na erge dhugaa dha. Anis waantotnin isa irraa dhagayeen waantoota kanan addunyaatti hima. ²⁷ Isaan akka inni waa'ee Abbaa issanitti himaa ture hin hunbanne.²⁸Iyyasuus akkana isaaniin jedhe 'yammuu Ilma Namaa ol-kaaftan akkan Ani Isa ta'e ni beektu, akkuma Abbaan na barsiisettin dubbadha malee ani ofi kootii homaa hin hojjadhu. ²⁹ Inni na erge ana waliin jira sababbii ani yeroo hunda waan isa gamachisu hojjadhuuf inni qophaa koo na hin dhifne. ³⁰ Akkuma Iyyasuus waantota kana dubbatteen namoonni baay'een isatti amanan.³¹Iyyasuus Yihuudoota isaan isatti amananiin akkana jedhe "yoo dubbii kottii cimtanii haftan isain dhugaadhumaan hordoftoota kooti. ³²Dhugaas ni beektu, dhugaanis bilisa isin baasa. ³³ Isaanis 'nuti sanyii Abrihaamiiti, eenyumaafuu takkumaa garboota taanee hin beeknu, kanaafuu akkamitti bilisa baatu nuun jetta' jedhaniin.³⁴Iyyasuus akkana jechuun isaaniif deebise 'Dhugaa, dhugaa isiniin jedha namni inni cubbuu hojjatu hundi garba cubbuuti. ³⁵Garbi barbaraan mana keessa hin hafu, ilmo garuu barbaraan manuma keessatti hafa. ³⁶Ega Ilmi yoo bilisa isin baasee dhugaadhumaan bilisa baatu.³⁷ Akka sanyii Abrihaam taatan nan beeka garu dubbiin koo waan isin keessa hin jiraanneef na ajjeesuuf murattanii kaatan. ³⁸Ani waantan Abbaa koo biratti argeen dubbadha ;isiniis immoo waan abbaa keessan biratti argitan hojjatu.³⁹ Isaanis 'abbaan keenya Abrihaamidha' jedhaniin. Iyyasuusis akkana jedheen 'otoo ilmaan Abrihaam taatanii waan Abirihaam hojjate hojjattuuyyu. 40Isin garuu amma Waaqayyorraa dhugaa dhaga'ee isinitti himnaan na ajjeesuuf murattanii kaatan. Abrihaam garu waan akkanaa hin hojjanne. ⁴⁰Hojii abbaa keessanii isinis hojjattu.' ⁴¹Isaanis 'nuti ejjaan hin dhalanne abbaa tokko "Waaqa qofa qabna" isaan jedhan.⁴²Iyyasuusis otoo waaqni abbaa keesan ta'e ne jaalattu turtan, ani Waaqaa biraan dhufe, asin jiras; isatu na erge malee ofuma kootii hin dhufne' isaanin jedhe. ⁴³ Maaliif waaniin dubbiin koo isinii hin gallee? Sababni isaa dubbii koo waan dhaga'uu hin dandeenyeefi. ⁴⁴Isin ijoollee abbaa kessan kan daabiloosi;fedhiin keessan hawwii abbaa keessanii hojjachuu dha. Inni jalqabumarraa kaasee lubbuu ajjeesaa dha, waan dhugaadhaan hin dhaabannee isa keessas dhugaan hin jiru. Inni sobaafi abbaa sobaa waan ta'eef yammuu soba dubbatu ofuma isaa keessaa dubbata⁴⁶⁴⁵ Sababan ani dhugaa dubbadhuuf isin na hin amantan.

¹ Iyyasuus otoo karaa darbuu nama dhaloota isaatii jalqabee jaamaa ture tokko arge. ²Hordoftootni isaa 'yaa Rabbii namni kun akka jaawaa ta'ee dhalatuuf eenyutu cubbuu hojjate? Isa moo abbaafi haadha isaatii?' Jedhanii isa gaafatan.³ Iyyasuusis akkana jedhee deebiseef 'Inni yookiin abbaafi haatii isaa cubbuu hi hojjanne, garuakka hojiin Waaayyoo isa keessatti muldhatuufi malee.' ⁴ Otoo guyyaa ta'e jiruu hojii isa na ergee hojjachuu qabna, halkan namni tokkollee itti hojjachuu hin dandeenye ni dhufa. ⁵Amma ani addunyaa keessa jiruutti ani ifa addunyaati'⁶ Erga Iyyasuus kana jedhee booda, lafatti tufee dhoqqee biyyee irraa hojjatee dhoqqe sana ija namichaa dibe.' ⁷Innis nama sanaan 'deemii bakka cuuphaa Saliihoomitti (ka "ergame "jechuun hiikama) dhiqadhu' jedheen. Kanaafu namichis dhaqeedhiqatee argaa deebi'ee dhufe⁸Ennasuma olloonni fi namoonni duraan otoo inni kadhatuu isa argan, 'namni kun isuma taa'ee kadhataa ture sanaadhaa mitu? jedhan. ⁹Muraasnis 'Ini isaa dha' jedhan. Kaan immoo 'miti, garuu inni isa fakkaata' jedhan. Garuu inni 'Inni ana dha' jedhe.¹⁰Isaanis 'Ijji kee akkamitti banameree' isaan jedhan. ¹¹ Innis 'namni Iyyasuus jedhamu dhoqqee biyyee ijaa koo dibee' gara cuuphaa Saliihoomitti deemii dhiqadhu naan jedhe, anis deemeen dhiqadhe, argu nan danda'e' isaanin jedhe. ¹²Isaanis isaan ' Inni eessaa jira' jedhaniin. Innis 'ani hin beeku 'jedheen.¹³ Isaanis nama jaamaa ture sana gara Fariisotaa geessan. ¹⁴ Guyyaan itti Iyyasuus dhoqqee biyyeetiin ija namicha bane sanbata ture. ¹⁵Fariisotnis ammas akkamitti akka arguu danda'e isa gaafatan; Inis 'dhoqqee biyyee ija koo dibe, anis nan dhiqadhe, nan arges' isaaniin jedhe¹⁶muraasnis 'namni kun sababa sanbata hin eegnef namni kun Waaqa bira miti' jedhan. Kaan immoo 'namni cubbamaan tokko akkamitti mallattoo akkana hojjata?' jedhan. Kanaafuu walakaa isaaniitti wal-hiruu ta'e. ¹⁷ Kanaafu isaanis nama jaamaa ture deebisanii 'waan ija kaa baneef ati waa'ee nama kana maal jetta? jedhanii gaafatan. Namni jaamaa turees 'Inni raajaa dha' jedheen. ¹⁸Yihuudootnis haga abbaa fi haadha nama agartuu isaa argate sana waaman: akka inni jaamaa ture fi akka inni agartuu isaa argate ammallee hin amanne.¹⁹ Isaanis 'inni kun ilma keessan isa isin jaamaa ta'eet dhalate jettan sanaadha? Yoos amma akkamitti arguu danda'eree?'jedhanii gaafatan. ²⁰Kanaafuu abbaa fi haatii isaa 'Akka inni ilma keenya ta'e fi akka jaamaa ta'ee dhalates ni beekna. ²¹ Garuu amma akkamitti akka arguu danda'eefi eenyu ija isa akka baneef, nuti hin beeknu, Inni nama ga'eessa waan ta'eef isa gaafadha, inni waa'ee ofiisaatii dubbachuu ni danda'a.' jedhanii deebisaniif.²²Abbafi Haatii isaa waantota kana kan jedhaniif sabba Yihuudota sofaataniifi. Namni kamiyyuu Iyyasuus inni Masiihii dha jedhee yoo dubbate akka mana sagadaatii ari'atamu Yihuudotni duraan dursanii waan murteessaniidhaafi. ²³Kanaafu abbaa fi haati isaa inni nama ga'eessa isuma gaafadhaa jedhan.²⁴Isaanis yeroo lammaffaf nama jaamaa ture sana waamanii 'Waaqayyoof ulfina kenni. Nuti namni kun cubbbamaa ta'u isaa ni beeknaa' jedhaniin. ²⁵Namni sunis deebisee 'Ani inni cubbamaa ta'u isaa hin beeku. Waantii beeku tokko ani jaamaan ture, amma garuu nan arga' jedheen.²⁶ Isaanis 'maal sii godhe? akkamitti ija kee bane? jedhaniin. ²⁷ Innis 'Ani mee isinitti himeen jiraa, isinimmoo hin dhageenyee, amma maaliff deebiftanii dhaga'uu barbaadu? Hordoftoota isaa ta'uufis hin barbaadani moo, barbaaduu? jedheen.²⁸ Isaanis akkana jechuun isa deebisan 'Ati hordofaa isaati, nuti garuu hordoftoota Museeti. ²⁹akka Waaqayyo Museetti dubbate ni beekna, namni kun eessaa akka dhufe garuu hin beeknu.³⁰Namichis deebise akkana isaaniin jedhe 'Inni eessaa akka dhufe beekuu dhabuun keessan waan nama dinqu dha, kan ija kiyya naaf bane garuu isaa. ³¹nama Isa waaqeffatuufi nama fedhii Isaa hojjatu malee, akka isaan cubbamoota hin dhageenye ni beekna.³²Eenyullee ija nama isa jaamaa ta'ee dhalate tokko akka bane uumama addunyaarraa jalqabee dhagaaye hin beeknu. ³³kun otoo Waaqa biraa dhufuu baatee homaa gochuu hin danda'u. ³⁴Isaanis akkana jechuun deebisaniif 'ati kan dhalatte gonkumaa cubbudhaan, situ nu barsiisaa' jedhanii gad isa baasan.³⁵35Iyyasuus akka isaan mana sagadaatii gad baasan dhaga'ee yammuuisa argu 'Ati Ilma Namaatti ni amantaa? jedheen. ³⁶deebise 'Gooftaa, inni eenyuu dha, akkan ani isatti amanuu?' jedheen. ³⁷Iyyasuusis 'Ati amma isa argitee jirta, inni si waliin haasa'aa jiru isaa dha' jedheen. ³⁸'yaa Gooftaa nan amana' jedhee sagadeef.³⁹Iyyasuusis 'warri jaamaan akka arganiif warri argan immoo akka jaamaniif murtii keennuuf gara addunyaa kanaa dhufeera' jedheen. ⁴⁰Fariisota keessaa muraasni warri isa wajjin turan tokko tokko waan kana jechuu isaa dhageenyaan 'nutis immoo jaamotaa dha? jedhanii gaafatan. ⁴¹Iyyasuusis 'otoo jaamota taatanii cuubbuu hin qabdan turtan, isin garuu waan hin argina jettaniif cubbuun keessan ni jiraata' jedheen.

¹Ani dhugaa, dhugaa isinin jedha, namni inni balbalaan gara mooraa hoolotaa hin seene, garu karaa birootiin utaalee kan seenu eenyumtu, namni sun hattuu fi saamtuu dha. ²Namni inni balbalaan seenu tiksee hoolotaa dha.³Eegduun karaa isaaf ni bana. Hoolonnis sagalee isaa ni dhaga'uu, innis hoolota isaa maqaadhaan waamee yaasa. ⁴Erga isaan kan isaa ta'an hunda baasee booda isaan dura deema. Hoolonni isaas sagalee isaa waan beekaniif isa duukaa bu'u.⁵Sababa sagalee isa isaanitti keessumaa ta'ee waan beeknef gonkumaa isa hin hordofan, ofiraa isa fageesu malee.' ⁶Iyyasuus fakkeenya kana issanitti hime isaan garu waan inni isaanitti himaa ture hin hubanne.⁷Kanaafu Iyyasuus deebisee 'Dhugaa, dhugaa isiniin jedha. "Ani balbala hoolotaati. ⁸Isaan ana dura dhufan hunduu hattootaa fi saamtota, hoolonni garuu isaan hin dhageenye.⁹Balballii ana dha, namni kamiyyuu yoo karaa koo ol-galu ni fayya. Inni ni gala, ni ba'as, waan dheedus ni argata. ¹⁰Hattuun hatuuf, ajjeesuufi balleessuuf malee hin dhuftu. Ani akka isaan jireenya qabaataniif innis isa irraa haafaa akka isaanii ta'uuf dhufeera.¹¹gaariin ana, tikseen gaariin hoolotaa isaatiif jedhee jireenya isa dabarsee ni kenna. ¹²Hojjataan qaxarame inni tiksee dha miti hoolonnis kan isaa miti. Inni yammu yayyiin dhuftu argeet hoolota dhiisee baqata. Yayyiinis hoolota ni butataa, ni bittinneesas. ¹³Sababa qaxaramaa ta'eef ni baqata hoolotaafis hin yaadu.¹⁴gaarii ana dha, Ani hoolota koo nan beeka, hoolonii koos immoo na beeku. ¹⁵Abbaan ana ni beeka a is Abbaa nan beeka, jireenya koos dabarsee hoolotaaf nan kenna. ¹⁶hoolota biroo isaan mooraa ka aa hin taane nan qaba isaanis immoo fiduun qaba, isaanis sagalee koo ni ďhaga'uu, kanaafuu hoolota mooraa tokkoo ni ta'uu tikseenis tokko.¹⁷Ani deebisee fudhachuuf lubbuu koo dabarsee waaniin kennuus Abbaan koo na jaalata. ¹⁸Anumatuu ofii kootiin lubbuu koo dabarsee kenna male eenyumtuunarraan hin fudhatuu. Ani dabarse ishii kennuuf aangoo nan qaba, deebisee fudhachuufi aangoo qaba. Ajaja kanas Abbaa koo biraa fudhadheera.¹⁹Sababa dubbii kanaatiif ammas yihuudoota jidduutti garaagarummaan uumame. ²⁰Baay'een isaanis 'inni jinni qaba, maraateeras, isin maaliif isa dhageessu' jedhan. ²¹kaanis 'kun jecha nama jinniidhaan qabameetii miti, jinniin ija nama jaamaa ta'ee banuu ni danda'aa? jedhan²²Yeroon sunii Iyyaruusaaleem keessatti 'Ayyaana kennaa' ture, innis ganna ture. ²³Iyyasuus mana qulqullummaa keessa dedeebi'a Salamoon keessa adeema ture. ²⁴Yihuudootnis isa marsanii, hanga yoomitti onnee keenya raraafta? Ati yoo Kiristoos taate ifatti baasii nutti himi' jedhaniin.²⁵Iyyasuusis 'Ani isinitti himeera, isin garuu hin amantan' isaaniin jedhee deebiseef. 'Hojiin suni, innin ani Maqaa Abbaa kootiitiin hojjadhu kun waa'ee koo dhugaa ba'a' isaanii jedhe. ²⁶Isin garuu hoolotaa koo waan hin taaneefbhin amantan.²⁷Hoolonni koo sagalee koo ni dhaga'u, Anis isaan nan beeka, isaanis na duukaa bu'u. ²⁸Anis jireenya barabaraan isaaniif kenna, isaanis gonkumaa hin badan. Eenyumtuu harka koo keessa isaan hin butu.²⁹Abbaan koo inni natti isaan kenne sun hunda caala, namni tokkollee harka Abbaa kootii keessaa isaan baasuu hin danda'u. ³⁰Aniifi Abbaan tokko dha. ³¹ittiin dha'uuf dhagaa guurratan.³²Iyyasuusis 'ani hojiiwwan gaarii baay'ee kanneen Abbaa koo biraa ta'anin isinitti agarsiise. Hojiiwwan kanneen keessa sababa isaan kamiitiif dhagaan na dha'uuf kaaturee?' Jedheen. ³³Yihuudootnis 'waanti dhagaa dhaan si dhoofnuuf, sababa ati hojii gaarii hojjattu kamiifuu miti, garu sababa ati waaqa arrabsituufi malee, ati otoo nama taatu. Waaqa of gootuufi' jedhaniin.³⁴Iyyasuusis akkana jedhee deebiseef 'seera keessan keessatti isin waaqota "isiniin jedheera" jedhamee hin barrefamnee? ³⁵Inni erga warra dubbin Waaqaayyoo isaaniif dhufeef waaqoota jedhee isaan waame (barreefamnis cabu hin danda'u.) ³⁶Sababbi ani 'ani Ilma Waaqaati' jedheef, isin maaliif isabAbbaan qulqulleessa gara addunyaa kanaatti erge sanaan 'Ati Waaqa arrabsita naan jettu?³⁷Yoodhan ani hojii Abbaa kootii hin godhiin na hin amaniina, ³⁸Garuu yoodhan ani isaan hojjadha, yoo natti amanu baattan illee hojiiwwan amana, yoo sana akka Abbaan na keessa jiru, akkan anis Abbaa keessa jiru ni beektu, ni hubatuus.' ³⁹Isaanis deebisanii isa qabuuu yaalan, inni garuu harka isaanii jalaa ba'ee.⁴⁰Iyyasuus deebi'ee gama Yoordaanoos bakka Yohaaniis jalqaba itti cuuphaa ture sana deemee achi ture. ⁴¹Namootni baay'eenis gara isaa dhufanii 'Yohaaniis mallattoo tokkolle hin goone, garuu waanti inni waa'ee nama kanaa dubbate hundutuuu dhugaadha' jedhan. ⁴²Bakkuma sanaatti namootni baay'een itti amanan.

¹Amma namni maqaan isaa Alaazaar jedhamu ni dhukkubsate. Bakki dhaloota isaa Bitaaniyaa ganda Maariyaamii fi Obboleetti ishii Maartaa ture. ²Maariyaam ishii urgooftuu Gooftaa irratti gad-naqxee miila isaas rifeensa mataa ishiitiin haaxoofte, ishuma obbolleessi ishii dhukkubsatee dha.³Kanaaf obboleettoni isaa 'yaa Gooftaa namni ati jaalatu suun kunoo dhukkubsataa jira' jedhanii Iyyasuusitti ergan. ⁴Iyyasuus yammuu waan kana dhaga'eet 'dhukkubni kunbakka Ilma Waaqayyoo ittiin ulfaatuufi ulfina Waaqayyootiif dhufe malee du'aaf miti' jedhe.⁵Iyyasuus Maartaa fi Obboleetti ishii, Alaazaris ni jaalata ture. ⁶Innis gaaf akka Alaazaar dhukkubsate dhaga'ee jalqabee guyyota lama bakkuma sana ture. ⁷Waan kanaan booda innis hordoftoota saatiin 'gara Yihuudaatti deebinee haa deemnu' jedheen.⁸Hordoftootni isaas 'Rabbii |barsiisa| Yihuudootni dhiyeenya kana dhagaadhaan si dha'uu yaalaa jiran, ati achuma deebitee deemtaa' jedhaniin. ⁹isaanii 'guyyaan tokko keessa sa'aatii kudha lama ifa ta'a miti? jedhee deebiseef. Namni guyyaan deemu waan ifa aduunyaa kanaatiin arguufi hin gufatu.¹⁰Maalumaa haa ta'uu, inni halkaniin deema yoo ta'e, ni gufatu, sababa ifti isa keessa hin jirreefi dha.' ¹¹Innis waantota kana dubbatee, itti fufuunis 'Jaalalleen keenya Alaazaar rafeera, ani garuu achin deema yoos rafaatiirraan isa kaasa.'¹²Hordooftootni isaas 'Gooftaa, innibrafee jira taanan ni dandamata' jedhaniin ¹³Iyyasuus kan dubbatee waa'ee rafiitii hiirribaa dubbate itti fakkaate. ¹⁴Kanaafuu Iyyasuus ifa baasuun akkana isaaniin jedhe 'Alaazaar du'eera.'¹⁵Ani waa'ee keessaniif nan gamada akka isin amantaniif sababan achii hin taaneef, ammma ka'aa gara isaa haa deemnu.' ¹⁶Toomaas inni Didiimoos jedhamuun waamamu hordoftoota isaan isa duukaa bu'aniin akkana jedheen 'nutis akkuma isa waliin duunuuf waliin haa deemnu' jedheen.¹⁷Yammuu Iyyasuus achi ga'u akka Alaazaar erga awwaalamee guyyoota afur ta'uu arge. ¹⁸Bitaaniyaan Iyyarusaaleemirraa gara kiilomeetira sadii fagaata ture. ¹⁹Yihuudootni baay'een gara Maartaa fi Maariyaam bira waa'ee obbolleessa jajjabeesuuf dhufan turan. ²⁰Maartaan yammuu dhufaatii Iyyasuus dhageessu isa simachuuf gad baate, Maariyaam garuu manumatti hafte.²¹Iyyasuusiin akkana jetteen 'yaa Gooftaa, otoo ati asi jiraatte, taate obboleessi koo hin d'u ture. ²²Ammas taanaan akka Waaqayyo waan ati kadhattu hunda si kennu nan baaka' jetteen. ²³Iyyasuusis obboleessi kee deebise ni ka'a' jedheen.²⁴Maartaanis akkan isaan jetteen 'akka inni du'aaka'iinsa isa gaafa guyyaa dhumaatti ka'u nan beeka. ²⁵immoo du'aa ka'iinsiif jireenyi ana dha inni kan natti amanu yoo du'ellee ni jiraata. ²⁶Kan jiraatuuf kan natti amanu kamiyyuu gonkumaa hin du'u. Ati kana amantaa?²⁷Ishiin jedhe. Ishiinis 'Gooftaa, eeyee akka ati Ilman Waaqayyoo nama isa gara addunyaa dhufuu taate nan amana' jetteen. ²⁸erga waan kana jetteenii booda, gara obboleetti ishi deemtee kophaatti Maariyaam ofti waamuun akkana jetteen 'Barsiisaan asi jira, si waamas' jetteen. ²⁹yammee kana dhageesu dafte kaatee gara isaa deemte.³⁰Yeroo kana Iyyasuus bakkuma Maartaan isa itti simatte ture male gara gandaatti hin dhufne. ³¹Yihuudotni yammuu ishii jajjabeesuuf mana keessa ishii waliin jiran sun akka dafte kaatee gad baatee arganii, boo'uuf jette gara bakka awwaala waan deemtu isaanitti fakaatee ishii hordofan. ³²Maariyaamis yammuu bakka Iyyasuus jiru sana geessu isa argitee miilaa isaa jalatti kuftee akkana isaan jette 'yaa Gooftaa, otoo ati asi jirta taate obboleessi koo hin du'u ture.'³³Iyyasuusis boo'uu ishii, Yihuudootni ishii waliin dhufanis boo'uu isaanii argeet hafuura isaatiin gadda keessa gale, ni dhiphate. ³⁴eessa isa keessan?' jedheen isaan gaafate. Isaanis 'yaa Gooftaa kootuutii ilaali' jedhaniin. ³⁵Iyyasuusis ni boo'ee.³⁶Yihuudotnis 'Inni ammam akka Alaazaar jaalatu mee argaa' jedhan. ³⁷Isaan kaan garuu 'Inni kuni ija nama jaamaa sana banee ta'uu danda'a, akka namni kunis hinduune hin godhu ture' jedhan.³⁸Iyyasuus ammas gada keessa senuun gara awwaalichaa deeme innis holqa ture, balballi bolichaas dhagaadhaan cufamee ture. ³⁹Iyyasuusis, 'dhagaa irraa kaasaa' jedheen. Maartaan obboleetiin Alaazaar isa du'e 'yaa Gooftaa erga du'ee guyyota afur waan ta'eef foolii qaba' jetteen. ⁴⁰Iyyasuusis 'yoo amante akka ulfina Waaqayyoo argitu sitti hin himnee' jedheen.⁴¹Kanaafuu awaalicharraa dhagicha kaasan. Iyyasuus ol ilaalee akkana jedhe 'yaa Abbaa waan na dhageessuuf sin galateeffadha. ⁴²Akka ati yeroo hundumaa na dhageessuus nan beeka, garuu akka namootiin as dhabatan kunii akka ati na ergite amananiif isaaniif jedheen kana dubbadha.⁴³Erga inni waan kana jedheen booda sagalee isaa guddisee ol kaasuun 'Alaazaar ba'ii kootu' jedheen. ⁴⁴Namni du'e sunis akkuma harkii fi miilli isaa hucuu (carqii) dhaan hidhameen (kafaname) tti, fuulli isaas uwifametti ol ba'ee. Iyyasuusis hiikaatii dhisaa haa deemuu isaniin jedhe.⁴⁵Kanaafuu Yihuudotni gara Maariyaam dhufaniifi gocha Iyyasuus argan keessaa baay'een isaanii isatti amanan. ⁴⁶Isaan keessaa muraasni garu gara Fariisotaa deemanii waantota Iyyasuu godhe isaanitti himan⁴⁷Kanaafuu Lubbootni Hangafootnii fi Fariisootni wal gayi gumii walitti qabuun akkana jedhan 'Maal gochuu qabnaa? Namni kun mallattoo baay'ee godhaa. ⁴⁸Yoo akkasumaan isa dhiifne namni hundi isatti amana, warri Roomees dhufanii bakka fi saba keenya lachanuu fudhatu.⁴⁹Akkamuma haa ta'uu isaan keessaa namni Qayyaafa jedhamu kan waggaa sanatti Luba ol aannaa ta'ee ture, isaanin 'isin waanti beektan homaa hin jiru. ⁵⁰Sabni hunduu baduurra namni tokko namootaaf du'uun akka wayyu isin hin hubanne.⁵¹Innis bara sana waan luba ol-aanaa ta'eef akka Iyyasuus sabaaf du'uu qaba jedhee raajii dubbachuu isaatii malee ofii isaa keessaa miti. ⁵²qofaa otoo hin taane akka ilmaan Waaqayyoo kaneen bittinaa'aan bakka tokkotti walitti qabannaniifis malee. ⁵³Kanaafuu guyyaa sanarraa jalqabee akkamitti akka isaan isa ajjeesuu danda'an karoorfatan.⁵⁴Kanaafuu Iyyasuus kana booda Yihuudota jidduu ifatti deddeebi'uu ni dhaabe, garu achii gad lakkisee gara magaalaa Efreem ishii lafa onaatti dhiyoo taate deeme, hordoftootni isaas waliin achi turan. ⁵⁵Ayyaanii Faasiigaan Yihuudotaa amma waan dhiyaateef namootni baay'een otoo faasigaan hin ga'iin dura of qulqulleesuuf jecha biyyaa gara Iyyaruusaaleem deeman.⁵⁶Isaanis Iyyasuus barbaadaa turan, mana qulqullumma keessaas dhabatanii 'isin maal yaaduu? Inni gara ayyana kana hin dhufuu? waliin jedhan. ⁵⁷Lubootni hangafootnii fi Fariisotni garu Iyyasuus qabuuf jedhanii namni kamiyyuu bakka inni jiru beeka yoo jiraate akka isaaniif gabaasuu ajaja kennan.

¹dura guyyaa ja'affaatti Iyyasuus gara Biitaaniyaa, bakka Alaazaar inni Iyyasuus du'aa kaasee ture dhufe. ²achitti irbaata isaaf hojjatan, Maartaanis ni tajaajiltii turte, Alaazaar garu warra isaan isa waliin gara mijaala irbaataatti marsanii ta'aani keessaa isa tokko ture. ³sana Maariyaam urgooftuu naardiis litira tokko kan gattin isaa mi'aa (guddaa) ta'e fuutee miila Iyyasuus ittiin dibdee rifeensa mataa ishiitiinis miila isaa haaxoofte, Manichis urgaa urgooftuu sanaatiin guutame.⁴Hordoftoota isaa keessaa isa tokkodha, Yihuudaa Asqoorot isaa dabarsee isa kennuuf jiruu akkana jedhe. ⁵Urgooftuun kun maaliif diinaara dhibba sadiitti gurguramee hiyyeeyyiif hin kennamne? ⁶Akkana kana jedheef hiyyeeyyootiif yaadee otoo hin ta'iin sababa hatuu ta'eef dha. Korojoonis harka isaa jira turee, qarshii walitti qabamu keessaa ofii isaatii itti fayyadama ture.⁷Iyyasuus 'hayyamaaf urgooftuu kana guyyaa awwaala kootiitiif naa tursifte. ⁸Hiyyeeyyiin yeroo hundumaa isiin waliin jiru. Ana garuu yeroo huda hin argattan' jedheen.⁹Yihuudotni baay'eenis akka Iyyasuus achi jiraachuu baranii dhufan, dhufaatiin isaaniis Iyyasuusiif qofa otoo hin ta'iin, Alaazaar isa inni du'aa kaases ilaaluuf malee. ¹⁰Kanaafuu Luboonni Angaafotni Alaazaar ajjeesuuf mari'aatan. ¹¹Yihuudoota keessaa namoonni baay'een sababbi isaatiif deemanii. Iyyasuusitti amanan.¹²Guyyaa itti fufus hoomaan namootaa gara ayyaanichaa dhufan isaaniis yammuu Iyyasuus gara Iyyaruusaaleem dhufaa jiru dhaga'an. ¹³Meexii qabatanii isa simachuuf ba'anii sagalee guddaan akkana jedhan 'Hoosaa'inaa! Kan maqaa Gooftaatiin dhufu eebifamaadha! Mooticha Israa'eel.'¹⁴Iyyasuus ilmoo harree tokko arge irra taa'e, kunis akkuma akkana jedhamee barreefamee dha. ¹⁵'Yaa intala (durba) tsiyoon hin sodaatiin, kunoo mootiin kee ilmoo harreerra taa'ee dhufuuf jiraa.'¹⁶Hordoftootni isaa jalqabatti waan kannee hin hubanne turan, yammuu Iyyasuus ulfaata garu akka waantootani kun barreeffaman kun waa'ee isaa ta'eefi isaanis akka waantita kana isaaf godhan yaadatan.¹⁷Hoomaan namootaas isa waliin turan akka inni awwaala keessaa Alaazaar waamee du'aa kaasee dhugaa ba'an. ¹⁸Akkasumas hoomaan namootaa isa simachuu ba'aniifi sababa malattoolee kana inni gochuu dhaga'aniif. ¹⁹Kanaafuu Fariisootni 'Isin akka waan gaarii tokkollee addunyaan isa duukaa bu'eera' waliin jedhan.²⁰muraasni warra yeroo ayyaanaa sagaduuf ol-deeman keessa jiru turan. ²¹Isaani kunis gara Filiiphoos nama Beetasaayidaa ishii Galiilaa keessaa bira deemanii 'Goofticha Iyyasuus arguu barbaadna' jedhaniin. ²²Filiiphoosiis deemeet Indiriiyaasitti hime, Indiriiyaasii fi Filiiphoos waliin deemani Iyyasuusitti himan.²³Iyyasuusis akkana jechuun isaaniif deebise 'sa'aatiin inni Ilmi Nama itti ulfaatuu ga'eera. ²⁴Dhugaa, dhugaa isiniin jedha firiin qamadii yoo lafa buutee du'uu baatte qophaaishiin harftii, yoo duute garuu firii baay'ee buufti.²⁵Namni inni lubbuu isaa jaalatu ni dhaba, inni addunyaa kana keessatti lubbuu isaa inni jibbu garuu jireenya barbaraatiif lubbuu isaa kaawwata. ²⁶Namni na tajaajilu barbaadu kamiyyuu, inni ana haa hordofu, bakkan ani jiru kan na tajaajiluus ni jiraata, nama na tajaajilu kamiyyuu isa Abbaan koo ni ulfeessa.²⁷Amma lubbuun koo dhiphateerti maal haa jedhuu? Yaa Abbaa kana jalaa na eegi? garuu sababuma kanaafiin gara sa'aatii kanaa dhufeera. ²⁸'Yaa Abbaa maqaa kee ulfeessi.' Akkasumas sagaleen 'Ani ulfeeseera, ammas deebisee nan ulfeessa' jedhu saamii dha dhufe. ²⁹Namoonni oomaan achi dhaabachaa jiran yammuu sagalee jedhe sana dhaga'an 'bakka kaadha' jedhan, kaan immoo 'Maleekatuu itti dubbata' jedhan.³⁰Iyyasuus deebiseef, akkanas jedhe 'sagaleen kun isiniif jedhee dhufe malee anaaf miti. ³¹Yeroon itti addunyaa kanaatti murtaa'u amma dha, amma bulchaan addunyaa kanaa gad-darbama.³²Yammuun ani lafa irraa ol-ol jedhen nama hundaa ofittin harkisa.' ³³kana kan jedhe akka du'a akkamii du'u agarsiisuufi.³⁴Namootni oomaanis deebisanii 'Nuseera irraa akka Masiihiin barabaraan jiraatuu dhageenyeerra, ati akkamiti: Ilmi Namaa Ol-ol jechuun qaba jechuu dandeessaree? Ilmi Namaa kunis eenyu dha?' jedhaniin. ³⁵Iyyasuusis akkana isaaniin jedhe 'ammallee ifti yeroo gabaabaaf isiin bira jira, kanaafuu akka dukkanni isin hin fudhanne, otoo ifa qabdanuu deddebi'aa. Namni inni dukkanaan deemu eessa akka deemu hin beeku. ³⁶ifaa akka taataniif, otoo ifa qabdanuu, ifankanatti amanaa. Iyyasuus eega waantoota kanneen dubbatee booda achii deeme, isaan jalaas dhokate.³⁷Iyyasuus isaan fuulduratti mallattoolee baay'ee hoojjatullee, ammas isaan isatti hin amanne. ³⁸Kanaafuu dubbiin Isaayaas Raajicha, inni '"Yaa Gooftaa dhugaa ba'iinsa keenya eenyutuu amane? Irreen Gooftaas eenyuutti muldhate?"³⁹Sababa kanaaf usaan amanuu hin dandeenye, ammas Isaayaas akkana jedhe ⁴⁰"Inni ija isaan jaamse Onnee isaanis jabeesse Otoo ta'uu baatee ija isaaniitiin ni argu ture Onnee isaaniitiinis ni hubatu ture."⁴¹Isaayaasis wantoota kanneen sababa inni ulfina Iyyasuus argeefi waa'ee isaas dubbateef isaaniin jedhe. ⁴²ta'ullee, warra aangoi qaban keessaa baay'een Iyyasuusitti amanan, garuu sababa Fariisonni mana sagadaatti nu baasuu jedhanii sodaataniif akka amanan hin dubbanne. ⁴³Isaanis ulfina Waaqayyoo biraa dhufu caala ulfina nama biraa dhufu jaalatu turan.⁴⁴Iyasuusis sagalee isaa ol-kaasuun 'Namni inni natti amanu ana qofatti otoo hin ta'iin isa na ergettis ni amana, ⁴⁵inni na erge isas ni erga.⁴⁶addunyaa kanaatti akka ifaa ta'een dhufa, kanaafuu inni natti amanu eenyumtuu dukkana keessatti hin hafu. ⁴⁷Namni kamiyyuu yoo dubbii koo dhaga'ee garuu yoo isaan eeguu baate kan isatti murteessu anaa miti, addunyaatti murteessuuf waanin hin dhufneef, addunyaa fayyisuuf malee.⁴⁸inni na didu inni dubbii koos hin fudhanne, kan isatti murteessu qaba. Dubbiin ani dubbadhe gaafa guyyaa dhumaa isatti murteessa. ⁴⁹Abbaa na erge sanatuu akkan an maal dubbadhu fi maal jedhu ajaja naaf kenna malee ani ofuma kootii hin dubbadhu. ⁵⁰Akka ajajni isaa sun jireenya barabaraa ta'e ani nan beeka, kanaafuu waantiin ani jedhu akkuma Abbaan natti dubbate sanattiin dubbadha.

¹amma yeroon sun ayyaana faasigaatiin dura ture Iyyasuus addunyaa kana keessaa gara Abbaa deemuuf akka sa'aatiin isaa ga'e ni beeke; Innis warra kan isaa ta'an kanneen addunyaa keessa turan ni jaalate, hanga dhumaattis isaan jaalate. ²Iyyasuusii fi hordoftootni isaa yeroo irbaatni dhiyaatu Daabiiloos akka inni Iyyasuus dabarse kennuuf yaada Yihuudaa Asqorootuu ilmi simi'oon keessa kaka'uumsa kaa'ee ture.⁴3Iyyasuus akka Abbaan waan hunda harka isaatti dabarsee kenne, akka Waaqayyoo biraa dhufeefi akka gara Waaqayyootti deebi'us beeka ture. ³Irbaata irraa ka'ee uffata isa irratti uffatamu ofirraa fuudhe lafa kaa'e. Akkasuma fooxaa mundhiitti hidhata. ⁵Eegasii bishaan gabateetti naqatee miila hordftoota isaa dhiquufi fooxaa mundhiitti hidhate sanaa haxaa'uh jalqabe.⁶Innis gara Simi'oon Pheexiroositti dhufe: Pheexiroosiis 'yaa Gooftaa situu miila koo na dhiqaa' jedheen. ⁷Iyyasuusis deebiseef, akkanas jedheen 'waan ani hojjachaa jiru ati ama hin hubattu, booda garuu ni hubata.' ⁸akkana jedheen 'hin ta'u ati gonkumaa mila koo hin dhiqxuu.' Iyyasuusis deebise 'yoodhan ani si dhiqe malee ati na biratti qooda hin qabdu' jedheen. ⁹Pheexiroosis deebisee 'yaa Gooftaa yoos harka koofi mataa koos malee miila koo qofa hin ta'iin' jedheen.¹⁰Iyyasuusis 'namni nafa isaa dhiqate tokko miila isaa qofa dhiqachuu qaba nafti isaa guutuun qulqulluudha.' jedheen. ¹¹eenyu dabarsee akka isa kennu waan beekuuf, sababa kanaaf 'isin hundi keessan qulqulluu miti jedheen.'¹²Iyyasuus akkuma miila isaanii dhiqeen booda uffata isaa ufatee bakka isaatti deebi'ee taa'e, akkanas jedheen 'Waan ani isniif godhe hubbatu?' jedheen. ¹³Isin Barsiisaa fi Gooftaa jettanii na waamtu sirriidhuma jettan, ani isum isin naan jettan sanaadha. ¹⁴Egaa ergan ani Gooftaa fi Barsiisaa ta'e miila keessan dhiqee, isinis akkasuma miila waliin dhiquu qabdu. ¹⁵Akkuman ani isiniif godhe kana isinis akka gootaniif ani fakkeenya isiniif kenneera.¹⁶Dhugaan, dhugaa isinitti hima tajaajilaan gooftaa isaa hin caaluu, ergamaanis kan isa erge hin caalu. ¹⁷Egaa yoo waan kana beektan, yoo raawwatanis isin eebiifamoodha. ¹⁸waa'ee hunda keessanii dubbachuuf miti, ani warran isaan filadhe beeka, kun garuu akka kitaaba keessatti 'Inni biddeena koo nyaate inni koomee isaa ol-natti fudhata' jedhamee berreefamee sun akka raawwatamuuf.¹⁹Isin yammuu inni raawwatamutti akka 'Inni Ana ta'e akka amantaniif otoo inni hin raawwatamiin amma isinittin hima. ²⁰Dhugaa, dhugaa isiniin jedha, kan naman ani erge siimatu eenyumtuu na simata, kan simatu enyumtuus isa na erges ni simata.'²¹erga kana dubbatee booda hafuuraan dhiphate, Ani dhugaa, dhugaa isiniin jedha isin keessaa tokko dabarseet na kenna' jedhe. ²²Hordoftootni akka inni waa'ee eenyuu akka dubbate, waan hin beekneef wal-ilaalan.²³Hordoftoota isaa keessaa, inni Iyyyasuus jaalatu tokko minjaalicha irra bokko (cinaa) Iyyasuus ta'ee ture. ²⁴Simi'oon pheexiroosis isaan 'mee eenyuu jechuu isaa akka ta'e gaafadhu' gaafadhu jedheen nyaaraan itti hime. ²⁵Kanaafuu innis Iyyasuusitti hirkachuun 'yaa Gooftaa eenyu inni' jedheen.²⁶Iyyasuusis deebisee 'innin ani bideena kutee waciitiin cuuphee afaan kaa'u inni isaa dha' jedheen. Haaluma kanaan inni biddeena kutee waciitiin cuuphee ilma Simi'oon Asqorotuu Yihuudaatiif kenne ²⁷Erga biddena fudhatee booda Seexanni isa keessa galee. Iyyasuusis 'waan gochuuf jortu dafii godhi' isaan jedhe.²⁸Warra mijaalarra nyaatatti dhiyaatan sana keessaa namni tokkollee waan Iyyasuus maliif akka waan kana isaan jedhu hin beekne. ²⁹Sababa Yihuudaan qabdu qarshii (maallaqaa) ta'eef waan Iyyasuus 'ayyanichaaf waan nu barbaachisu biti' jedheen yookiin akka inni hiyyeeyyiif waa kennuuf' waan isatti hime isaanitti fakkaate. ³⁰Yihuudaan akkuma biddeena sana fudhatee booda gad-ba'e, yeroon sunis halkan ture.³¹Erga Yihuudaan ba'ee booda, Iyyasuus akkana jedhe 'Amma Ilmi Namaa Ulfaateera, Waaqayyoo sisa irratti ulfaateera.' ³²Waaqayyoo isa irrati yoo ulfaata inni ofuma isaatiin isa ulfeessa, ennasumasbisa ulfeessa. ³³Yaa daa'imman, ani yeroo gabaabaaf isin waliiniin ta'a, isin na barbaadu, ani akkuma Yihuudotaan jedhe bakka ani dhaqu isun dhufuu hin dandeessan jedheen sana amma immoo isiniin jedha.³⁴Akka wal jaalattaniif ani, ajaja haaraan isiniif kenna, akkuman ani isin jaaladheetti isinis akkasumatti wal-jaaladhaa. ³⁵Yoo isin wal-jaalattan namoonni hunduu akka isin hordoftoota koo taatan ni beeku.³⁶Simi'oon Pheexiroosis 'yaa Gooftaa ati eessa deemtaa?' jedhee isa gaafate. Iyyasuusis 'Bakka ani amma deemuuf jedhuu ati ana waliin dhufuu hin dandeessu, booddee garuu na hordofta' jedheen. ³⁷Pheexiroosis 'yaa Gooftaa ani amma maaliifin si hordofuu hin dandeenye? Ani lubbuu koollee dabarseen si kenna' jedheen. ³⁸Iyyasuus 'Lubbu kee dabarsitee naaf kennitaa? Dhugaa, dhugaa sitti hima otoo kormaan hndaaqoo (lukkuu) hin iyyiin ati yeroo sadii na ganta' jedheen.

¹keessan hin raafamiin Waaqayyootti amanaa, anaattiis amanaa. ²Abbaa kootii keessa kutaan jireenya baay'eetuu jira, otoobakkana ta'uu baatee ani isinittin hima ture ani bakka isiinif qopheessuuf achin dhaqa. ³Anis yoodhan achi deemee bakka isiniif qopheessa, akka isinis bakka ani jiraadhu jiraataniif deebi'ee dhufuun ofitti isin fudhadha.⁴Isinis karaa bakkan ani deemu geessu ni beektu. ⁵Toomaasis Iyyasuusiin 'Yaa Gooftaa ati eessa akka deemtu nut hin beeknu hoo, akkamitti karaa sana nut beekuu dendeenya?' jedhe. ⁶Iyyasuusis 'Karaaf dhugaan jireenyis Ana dha, yoo anaan ta'e malee eenyumtuu gara Abbaa hin dhufu.' ⁷isin na beektanii Abbaa koos akkanuma ni beektu turtan. Ammarraa jalqabdaniis isa ni beektu, isas argitaniittu.⁸Filiiphoosis 'yaa Gooftaa, Abbaa nutti agarsiis, kunis nu ga'a.' ⁹Iyyasuusiin jedhe. Iyyasuus 'Filiiphoos ani yeroo dheeraa ammanaa isin waliin jiraadhee, ati ammalee ana hin beeknee? isaan jedhe. Namni na arge kamiyyuu Abbaas argeera, yoos ati akkamitti Abbaa nutti agarsiis jechuu dandeesse ree?¹⁰Akkan ani Abbaa keessa jiruufi Abbaanis akka ana keessa jiru ati hin amantuu? Ani dubbiin isinitti dubbadhu kana aangoo ofuma kootiitiin hin dubadhu, garuu Abbaan inni ana keessa jiraatu gocha isaa ni hojjata. ¹¹ani Abbaa keessa jiru, Abbaanis akka na keessa jiru na amanaa. Yookiin sababuma hojiiwwan ofiibsaaniitiif jedhaatii amanaa.'¹²Dugaa, dhugaa isiiniin jedhe 'Namni natti amanu inni hojjiin ani hojjadhu ni hojjata, ani waaniin gara Abbaa deemuf kan natti amanu waan kanneen caaluu ni hojjata. ¹³Akka Abbaan Ilma isaatiin ulfina argatuuf waan kamiyyuu maqaa kootiin waan isiin gaafatan hunda ani nan raawwadha. ¹⁴Isin waanuma kamiyyuu maqaa kootiin yoo na gaafattan ani nan raawwadha.¹⁵Isin yoo na jaalattan, ajaja koo ni eegdu, ¹⁶Anis Abbaa nan kadhadha. Innis akka barabaraan isin waliin jiraatuuf jajjabeessaa biraa isiniif ni erga. ¹⁷Hafuura dhugaa Addunyaa waan isa hin beekneefi hin argineef isa fudhachuu hin danda'an isin garuu waan inni isin waliin jiruufi, isin keessas waan jiruuf isa ni beektu.¹⁸Ani akka ijoollee Abbaa fi Haadha hin qabneetti isin hin dhiisu, gara keessan nan dhufa. ¹⁹gabaabaan booda addunyaan deebi'ee ana hin argu, isiin garuu na argitu, sababan ani jiraadhuf isinis ni jiraatu. ²⁰ani Abbaa koo keessa jiru, akka isinis na keessa jirtan, akkan anis isin keessa jiru guyyaa sana ni beektu.²¹Namni inni ajaja koo of biraa qabu isas kan eegu inni nama na jaalatuu dha, nama na jaalatu Abbaan koo ni jaalata, anis isa nan jaaladha, ofis isatti nan muldhisa. ²²Yihuudaa (Asqorootu kan hin ta'in) Iyyasuusin 'yaa Gooftaa ati maaliif addunyaatti otoo hin ta'in nutti of muldhifta?' jedheen.²³Iyyasuus akkana jedhee deebiseef 'Namni inni kamiyyuu yoo na jaalata dubbii koo ni eega. Abbaan koos isa ni jaalata; gara isaas ni dhufna;isa biras jiraanya keenya ni taasifna. ²⁴Namni inni na hin jaalanne dunnii koos hin eegu, dubbiin isin dhageessan kunis kan Abbaa isa na erge sanaati malee kootii miti.²⁵Ani otuman isin waliin jiru wantoota kana hunda isinitti hime. ²⁶Jajjabeesan sun -Hafuura Qulqulluu isa Abbaan maqaa kootiin erguu dha, inni waan hunda isin barsiisa, waaniin ani isinitti hime hundumaas isin yaadachiisa. ²⁷Ani nagaan isiniif dhiise, nagaa koo kaniin ani isiniif kennu nagaa kan akka addunyaan kennituuti miti. Onneen keessan hin raafamiin hin sodaatiinis.'²⁸Isin akkan ani 'nan deema deebi'ee gara keessan nan dhufa' jedhe dhageessanii jirtu, otoo na jaalatani yammuun gara Abbaa dhaquubkootti ni gamaddu turtan, waan Abbaan na caaluuf. ²⁹Amma yammuu waanti kun ta'u akka amantaniif otoo inni hin ta'iin ani duraan dursee isinitti himeera. ³⁰Waan bulchaan addunyaa kanaa dhufuuf ani kanaan achi isin waliin baay'ee hin dubbadhu, innis angoo ana irratti hin qabu. ³¹Garuu akkan an Abbaa jaaladhu addunyaan akka beekuuf, akkuma Abbaan ana ajajeettis nan raawwadha olka'aa asii haa deemnuu.

¹'Ani jirma Wayinii dhugaati. Kan dhaabess Abbaa kooti. ²Inni damee narra jiru kan firii hin bufne hunda muree gata, damee firii buusu immoo akka caalattu buusuuf irraa kiittaana.'³Isin ergaan ani isinitti dubbadheeraa kan ka'e qulqullooftaniirtu. ⁴Na keessa jiraadhaa, anis isin keessan jiraadhaa. Akkuma dameen yoo jirma wayiniitti jiraatu malee ofuma isaaniin firii buusuu hin dandeenye, isinis yoo an keessa jiraattan male firii buusuu hin dandeessan.⁵Ani jirma wayiniiti isin immoo dameewwan. Namni inni kamiyyuu yoo na keessa jiraate, anis yoodhan isa keessa jiraadhe, inni firii baay'ee buusa, isin anaan malee homaa gochuu hin dandeessan. ⁶Namni inni kamiyyuu na keessa yoo hin jiraatiin inni akka damee achi darbatamee goguti, isaanis dameewwan walitti qabanii ibidda keessa darbatu, ni gubamas. ⁷Isin yoo na keessa jiraattaniif dubbiin koos yoo isin keessa jiraate, waan feetan hunda gaafadhaa, innis isinif godhama.⁸Isin yoo firii baay'ee buufattanii fi kanaaniis hordoftoota koo akka taatan yoo mirkaneesitan, kanaan Abbaan koo ni ulfaata. ⁹Akkuma Abbaan na jaalatutti anis isin jaaladheera, Jaala koo keessa jiraadhaa.¹⁰ani ajaja Abbaa kootii eegee jaalala isaa keessa jiraadhu, isinis yoo ajaja koo eegdan jaalala koo keessa ni jiraattu. ¹¹waantota kannen isinitti himeera, kunis immoo akka gammachuun koo isin keessa jiraatuufi gammachuun keessanis akka guutuu ta'uufi dha.¹²Ajajni koo isa kanaadha 'akkuman ani isin jaaladhetti isinis wal-jaaladha. ¹³kamiyyuu jaalala guddaa lubbuu isaa dabarsee jaalalleewwan isaatiif keennuu caala hin qabu. .¹⁴Waanin ani isin ajaje kana yoo gootan isin michoota kooti. ¹⁵Ani ammaan booda hojjataa (garboota) isiniin hin jedhu kunis hojjataan(garbicha) waan gooftaan isaa hojjatu waan hiin beekneef, ani isinin michoota jedheera. Anis waanin Abbaa koo irraa dhaga'ee hundumaa isin beeksiiseera¹⁶Isin akka deemtanii firii buuftaniif, firiin keessaniin akka jiraatuuf anatuu isin filate, anatuu isin muude male isin na filanne, kunis akka Abbaan waan isin maqaa kootiin gaafattan hunda isinii kennufi. ¹⁷Ani isiniin ajaja, Wal-jaaladha. 18Addunyaan yoo isin jibbe, otoo isin hin jibbiiniin dura akka na jibbe beekaa.¹⁸Addunyaan yoo isin jibbe, otoo isin hin jibbiiniin dura akka na jibbe beekaa. ¹⁹otoo kan addunyaa taatanii addunyaan akka kan ofii isaatti isin jaalata ture, garuu amma isin kan addunyaa waan hintaaneefi sababan ani addunyaa keessa isin filadheef kanaafuu addunyaa isin jiba.²⁰Dubbun ani 'hojjataan (garbichi) gooftaa isaa hin caaluu isainiin jedhe sana yaadadha.' Isaan erga ofirraa na ariyatani, isinis akkasuma ni ariyatu, dubbii koo yoo eegan, akkasuma keessanis ni eegu. ²¹sababa isa na erge sana hin beekneef maqaa kootiif jedhanii waan kana hunda isin irratti raawwatu. ²²Otoon ani dhufee isaanitti himuu baadhee cubbuu isaanitti hin ta'u ture, amma garuu cubbuu isaaniitiif sababa dhiyeeffatan hin qaban.²³Namni inni na jibbu Abbaa koos akkasuma ni jibba. ²⁴Otoon ani hojii namni biraa kamiyyuu hin hojjanne jidduu isaanitti hojjachuu baadhee cubbuu isaanitti hin ta'u ture. Amma garuu otuman waaniin hojjadhe argaa jiranuu anas abbaa koos jibban. ²⁵Kunis garuu akka dubbiin seera isaanii keessatti 'Isaan sababa malee na jibban' jedhamee barreeffame sun raawwatamuuf ta'e.²⁶Yammuu jajjabeessaan innis Hafuura dhugaa innin ani Abbaa biraa isinii ergu inni Abbaa keessaa ba'u dhufu sun inni waaye koo ni dhugaa ba'a. ²⁷Isin jalqaba kaaftanii waan ana waliin turtaniif ni dhugaa baatu

¹wantoota kanneen akka isin karaa irraa hin badneef jedheen isinitti himeera. ²Isaanis mana sagadaa keessaa isin ni ari'u. Garuu yeroon namni isin ajeesu kamiyyuu akka waan Waaqa tajaajiluutti itti yaadu tokko ni dhufa.³Sababni isaan waantoota kanneen godhaniif waan Abbaa yookin ana hin beekneefi dha. ⁴Ani waa'ee isaanii isinitti dubbachuun koo yammuu yeroon isaanii dhufuu akka yaadattaniifin isinitti hime. Ani waanin isin waliin tureef kanaan dura waa'ee waantoota kanneenii isinitti hin himne.⁵Amma garuu ani gara isa na ergee nan deema, ta'us isin keessa namni 'ati eessa deemta? jedhee na gaafatu kamiyyuu hin jiru. ⁶Garuu sababan waantoota kanneen isinitti himeef gaddi hadhaa'an onnee keessan keessa guuteera? ⁷ani dhugaan isinitti hima, yoodhan deeme isiniif wayya, ani deemu malee jajjabeessaan sun gara keessan hi dhufu, ani yoon deeme garu isa isiniif nan erga.⁸Yammuu inni dhufu, jajjabeessan addunyaan akka dogongoran, waa'ee cubbuu, waa'ee qajeelummaa fi waa'ee murtii ni sirreessa. ⁹Waa'ee cubbu, sababa isaan anatti hin amanneef. ¹⁰Waa'ee qajeelummaa, sababan ani gara Abbaa deemuufi isinis kanaan booda na hin argineef. ¹¹waa'ee murtii, sababa bulchaa addunyaa kanaa itti murtaa'eefi.¹²ammallee waantiin isinitti himu baay'een qaba, isin garuu amma baachuu hin dandeessan. ¹³Garuu inni, Hafuurri dhugaa yammuu dhufu, inni gara dhugaa hundatti isin qajeelcha, inni waan dhaga'ee hunda hima malee ofuma isaatiin hin dubbatu, waan dhufuuf jitu isinitti hima. ¹⁴Sababa inni waanuma koo anarraa fudhee waan isinitti himu inni na ulfeessa.¹⁵Waanti Abbaan qabu sun hundinuu kootuma. Kanaafuu Hafuura waan kan koo ta'ee anarraa fuudhee isinitti hima kanin isiniin jedhe sanadha. ¹⁶yeroo gababaaf ana hin argitan, yeroo gabaabaan boodatti immo na argitu.¹⁷Kanaafuu hordoftoota isaa keessaa muraasin 'Isin yeroo gabaabaaf na hin argitan, yeroo gabaabaan booda immoo na argitus sababan ani gara Abbaa deemuuf jechuun isaa maal jechuu isaati? Waliin jedhan. ¹⁸Kanaafuu isaanis 'yeroo gabaabaa jechuun isaa kun maal jechuu dha? Maal jechuu isaa akka ta'e nuti hin beeknu' jedhan.¹⁹Iyyasuus akka isaan isa gaafachuu barbaadan beekee akkana jedheen 'waantin ani isin yeroo gabaabaaf ana hin argitan, yeroo gabaabaan booda immo na argitu jedhe kana maal jedhuu koo akka ta'e wal-gaafachaa jirtuu?' ²⁰'Dhugaa, dhugaa isiniin jedha isin ni boochuu, ni gaddituus. ²¹Addunyaa garuu ni gamada, Isin akka malee gadditu, haa ta'u garuu gaddi keessan gara gammachuutti ni jijjirama.21Yammuu dubartiin tokko da'uuf ciniinsifattu waan yeroon ishii ga'eef ni dhaphatti, eega daa'ima deessee booda garuu waan gammadduuf dhiphina ishii sana hin yaadattu. ²²Kanaafuu isin amma gadda qabdu ani garuu deebi'ee isini ilaala, onneen keessanis gammachuudhaan guutama. Gammachuu keessanis eenyuyyuu isin irraa hin fudhatu. ²³Guyyaa sana isin waanti isin na gaafattan homtuu hin jiru. Dhugaa, dhugaa isiniin jedha isin waanumma kamiyyuu maqaa kootiin yoo Abbaa gaafattan, inni isa isiniif kenna. ²⁴Isin hanga ammaatti maqaa kootiin homaa hin gaafatne, gammachuun keessan akka guutuu ta'uuf gaafadhaa ni argatu.²⁵. Ani waantoota kanneen fakkeenyaan isinitti himeera, garuu yeroo ani deebi'ee fakkeenyaan isinitti hin dubbane tokko ni dhufa. Kanaan booda garu waa'ee Abbaa fakkeenyaan otoo hin ta'in ifumattin isinitti hima.²⁶sana isin maqaa kootiin ni kadhattu anis isinif Abbaa gaafadha isinin hin jenne. ²⁷Isin waan na jaalattaniif Abbaa biraa dhufuu koos waan amantaniif Abbaan ofiin isaa isin jaalata. ²⁸Ani Abbaa biraa dhufeera, ammas deebise gara addunyaa nan dhufa. Addunyaa dhiseen gara Abbaa nan deema.²⁹Hordoftootni isaas 'haali, ati amma fakkeenyaan otoo hin ta'in ifumatti dubbachaa jirta, ³⁰akka ati waan hunda beektuufi akka eenyumtuu gaafi si hin gaafachuu hin barbaachifne nuti amma beekneerra. Kanaafuu akka ati Waaqa biraa baate nut ni amanna.' jedhaniin. ³¹deebisee 'Isin amma amantaniirtu?³²yeroon ni dhufa, eyyee, yeroon isin tokko tokkoon ana kophaatti na dhiftani gara mana keessaniitti faffacaatan sun ga'eera. Garuu Abbaan koo waan ana waliin jiruuf kophaa koo miti.' jedheen. ³³Akka isan na keessa jiraachuudhaan nagaa qabaataniif ani kanneen isinitti himeera, addunyaa kana keessatti rakkini qabdu, garuu jajjabaadha. Ani addunyaa kana moo'adheeraati!

¹Iyyasuus erga waantoota kanneen jedhee booda, ija isaa gara samitti ol-kaasee akkanas jedhe 'Abbaa sa'atiin ga'eera, akkuma Ilmi si Ulfeesse Atis Ilm kee Ulfeessi. ²Akkuma ati nama hunda irratti aangoo isaaf kenniteef sana, innis namoota hunda ati isaaf kenniteef jireenya barabaraa kennera.³Jireenyi barbaraas isa kana. Innis isaan si Waaqa dhugaa qaffatiifi Iyasuus Kiristoos isa ati ergite sana beekuudha. ⁴Ani addunyaa kana irratinsi Ulfeesseera. Hojii isa ati akkan ani hojjadhuuf naa kennitte sana raawwadheera. ⁵Egaa yaa Abbaa amma ati Ulfinan ani otoo addunyaan hin uumamiiniin dura si biratti qabu sanaan of-biratti na ulfeessi.⁶Ani ummata isaan ati addunyaa irraa anatti kenniteef maqaa kee muldiseera. ⁷Isaanis kan kee turan, atimmoo isaan natti kennite; isaanis dubbii kee eeganiiru. Isaanis waantii ati natti kennite hundumtuu akka sibiraa dhufe amma beekaniiru. ⁸ati naa kennite, ani isaaniif kennera, isaanis fudhataniiru. Akkan ani si biraa dhufes dhugumaan beekaniiru, akka ati na ergites amananiiru.⁹Ani isaaniif nan kadhadha. Addunyaadhaaf hin kadhadhu, waan kan kee ta'aniif isaan ati naa kenniteef malee. ¹⁰Waantii kan koo ta'e hunduu keetii dha, kan kees kooti, anis kanaan ulfinan argadha. ¹¹Ani kanaan booda addunyaarra hin jiraadhu, uumanni kun garuu addunyaa irra jiraatu, ani gara kee nan dhufa. Yaa Abbaa Qulqulluu akkuma nut tokko taane kana akkasumtti isaanis akka tokko ta'aniif maqaa kee isa ana kennite sanaan isaan eegi.¹²Yeroon ani isaan waliin jiruuyyu maqaa kee isa naa kennite sanaan isaan marsee eegeera, Akka dubbiin kitaaba keessatti barreefame raawwatamuuf ilma badii sana malee isaan keessa namni tokkollee hin badne. ¹³Amma ani gara keen dhufa, garuu gammachuun koo akka isaan keessatti guutuu ta'uuf waantoota kana addunyaa keessattin dubbadha. ¹⁴Ani dubbii kee isaaniif kennera, akkuman ani kan addunyaa hin taane isaanis kan addunyaa waan hin taaneef addunyaan isaan jibben.¹⁵Ani akka ati isaan isa hamaa sana irraa isaan eegduuf malee akka ati addunyaa keessa isaan baaftuf si hin gaafadhu. ¹⁶Akkuma ani kan addunyaa hin taane akkasuma isaanis kan addunyaatii miti. ¹⁷Dhugaadhaan isaan qulqullessi, dubbiin kee dhugaa dha.¹⁸Akkuma ati gara addunyaatti na ergiitettin anis gara addunyaatti isaan erga. ¹⁹Isaaniif jechan ani ofi qulqulleessa. Kanaafuu akkanumattin isaanis dhugaadhaan ofqulqulleessu.²⁰Ani isaan kana qofaaf si hin kadhaadhu,warra isaan dubbii isaaniitiin nat amananiifis maleen. ²¹yaa Abbaa, akkuma ati ana keessa jirtu, fi anis si keessa jiru, akkasuma isaanis nu keessa haa ta'an, tokko haa taa'anis. Kunis ati na erguu kee addunyaan ni amanu.²²Akkum nuti tokko taane isaanis akka tokko ta'aniif ulfina ati anaaf kennite sana anis isaaniif kenneera. ²³Ani isaan keessa, atis na keessa, kunis akka isaan gara tokkummaa guutuuttii fiduufi kunis akka ati na ergiteefi na jaalatta akka isaanis jaalatte akka addunyaan beekuuf.²⁴Yaa Abbaa akka isaan ati naaf kennite kun bakkan ani jiru ana waliin akka jiraataniifi akka isaan ulfina koo isa ati otoo addunyaan hin uumamii iin dura sababa na jaalatteef naa kennitte akka argan nan barbaada.²⁵Yaa Abbaa isa qajeelaa, addunyaas si hin beeku, ani garuu si beeka, isaan kunis akka ati na ergite ni beeku. . ²⁶Jaalalli ati ittin na jaalatte isaan keessa akka jiraatuuf anis isaan keesa akkan jiraadhu, maqaan kees isaan biratti akka beekamu godheera, akka beekamuus nan godha.

¹Iyyasuus erga kana dubbatee booda, hordoftoota isaa waliin ka'ee gara biraa gama Qeedaaritti bakka ashaakiltii ture tokkootti ce'enii innifi hordoftootni isaa achii keessa seenan. ²Amma Yihuudaan, inni dabarsee isa kennuuf jedhuus immoo bekka Iyyasuus yeroo baay'ee hordoftoota isaa waliin walqunnamuu tana ni beeka ture. ³Kanaafu Yihuudaan garee loltootaa, qondaaltoota lubootaa keessaa murasa fu Faisoota biraa deemee isaan dura bu'uun isaanis xamboora, faanosii fi meeshaa lolaa qabachu dhufan.⁴inni waan isarra ga'uuf jiru hunda beekeet, gadi ba'ee 'isin eenyu barbaadu? jedhee isaan gaafate. 5Isaanis 'Iyyasuus nama Naazireet' jedhanii deebisaniif. Iyyasuusis 'Ana dha 'jedheen. ⁵Yihuudaan, inni isa dabarsee kennes loltoota waliin dhaabata ture. Yammu Iyyasuus 'Ana dha' isaaniin jedhu, dugda-dubbatti lafatti kufan.⁶Ammas deebisee 'Eenyuu dha barbaadu?' isaan gaafate. ⁷Deebisanii isaanis 'Iyyasuus nama Naazireet' jedhaniin.⁸Iyyasuusis 'Inni Ana dha isiniin jedheera, kanaafuu isin erga ana barbaaddanii isaan kan dhiisaa haa deemanii' jedhee deebiseef. ⁹Kunis akka dubbin inni 'isaan Ati naa keniite keessaa tokkollee hin gatne' jedhee dubbata suun akka raawwatamuuf ture.¹⁰Pheexiroos, inni guraadee qabatee ture, guraadee isaa luqqifatee garbicha (hojjata)lubba ol-aanaa kan ta'erra gurra isaa isa mirgaa dha'uun irraa kute; maqaan garbichichaa (hojjatichaa) Maalkoos ture. ¹¹yyasuusis Pheexiroosiin "guraadee kee deebifadhu, ani xuwwaa isa Abbaan anaaf kenne dhuguu hin qabuu' jedheen.¹²Gareen loltootaa ajajootafi qondaaltootni Yihuudootaa Iyyasuus qabuun hidhan. ¹³duraan dursanii gara Haannaa isa amaatii Qayyaffaa isa luba ol-aanaa bara sanaa ta'etti isa geessan. ¹⁴Qayyaaffan, nama isa Yihuudootaan 'namni tokko ummata hundaaf du'uu wayya'j jedhee goraa kenneedha¹⁵Simi'oon Pheexiroosis Iyyasuus hordofe, hordoftoota keessayyisbinni tokkos ni horrdofe, hordofaan sunis waan luba ol-aanaa biratti beekamaa tureef. Innis Iyyasuus waliin gara dalla bakka murii lubba ol-aanaa keessa seene. ¹⁶Pheexiroos garuu ala balbala irra dhaabachaa ture. Hordifaan luba ol-aanaa sana garuu sana biratti beekamaa ture sunis gad-ba'ee balbala eegduutti himee Pheexiroosii gara keessatti fide. ho'ifata ture.¹⁷Dubartiin, ishiin balbal aeegdu sunis Pheexiroosin 'ati hordofaa nama kanaa keessa isa tokko dha miti?' jette. Innis deebisee 'ani isa miti' jedheen. ¹⁸18Yeroon isaa yeroo qorraa waan tureef garboonni (hojjatootni) fi qondaaltootni ibida (cilee) qabsiisanii dhabbatanii ho'ifatu turan, Pheexiroosis isaan waliin dhabbatee ho'ifata ture.¹⁹Yammuu sanas lubni ol-aanaan waa'ee hordooftootaa fi waa'ee baruumsa isaa Iyyasuus gaafate. ²⁰Iyyasuusis akkana jedheen deebiseef 'ani ifatti baasee addunyaatti dubbadheera, bakka Ayyihuudootni hundi walitti qabamanitti, mana sagadaattifi mana qulqullummaa keessaatti yeroo hunda barsiisaan ture, ani waantin dhooksaatti dubbadhe tokkollee hin jiru. ²¹Ati maaliif ana gaafatta? Warreen waanin ani isaaniin jedhe dhaga'an gaafadhuu, isaan waanin ani jedhe ni beeku.'²²ammuu Iyyasuus kana jedhu qondaaltoota achi dhaabatan keessaa tokko 'luba ol-aanaa dhaaf akkanatti deebiftaa' jedhee isa kabalee. ²³Iyyasuusis 'yoo dhan ani dogorgora dubbadhee jiraadhee dogorgora sanaa dhugaa ba'i, jedhee isaaf deebise. ²⁴Haannaanis akkana Iyyasuus hidhamee jirutti gara luba ol-aanaa, gara Qayyaaffaatti isa erge.²⁵Simi'oon Pheexiroos otoo dhaabatee ibida hoo'ifachaa jiruu 'atis hordofaa nama kanaa keessaa isa tokkodhaa?' jedhaniin. Innis 'ani miti' jedheen gane. ²⁶(hojatoota) luba ol-aanaa keessaa firri namicha isa Pheexiroos gurra isaa irraa kute sanaa tokko, 'ani bakka ashaakiltiitti isa waliin si hin arginee? jechuun gaafate. ²⁷ammas ni gane; yeroodhuma sanas kormaan lukku (handanqoo) iyyee.²⁸Yihuudonnis mana Qayyaaffaatti Iyyasuus fuudhanii gara biroo ol-aanaa bulchaa mootummaa warra Roomaatti geessan, yeroon isaas ganama barii ture. Yihuudotnis akka hin xuroofneef jedhanii gara biroo ol-aanaa bulchiinsa mootumaatti ol-hin seenne. Kunis akka Faasigaan nyaachuu danda'aniifi. ²⁹Kanaaf Philaaxoos gara isaanitti gadi ba'ee, 'himanni isin nama kana irratti dhiyeessitan maal dha? jedhee gaafate. ³⁰Isaanis 'otoo namni kun yakka hojjachuu baatee nut isa dabarsinee sitti hin kennini ture' jedhanii deebisaniif.³¹Philaaxoosis, 'isin ofuma keessanii isa fuudhaatti akka seera keessaniitti itti murteessaa' jedheen. Yihuudotnis 'nama tokolleee ajjesuun nuuf hin eyyamamu' jedhaniin. ³²Kunis waantii Iyyasuus du'a akkamiitiin akka du'u agarsiisuuf jedhee dubbate sun akka raawwatamuuf ta'e.³³Philaaxoosis deebi'ee gara biroo ol-aanaa bulchiinsa mootummaa seenee, Iyyasuus ofitti gaafate. ³⁴Iyasuusis 'kun yaaduma keeti moo, namoota biraatuu waa'ee koo sitti hime?' jedhee gaafate. ³⁵Philaaxoosis deebisee 'natuu Yihuudii dhaa ree?' kan dabarsee natti si kenne sabuma keetiifi luboota angaafoota, ati garuu maal balleesitee?' jedheen.³⁶Iyyasuusis mootummaan koo kan addunyaa kanaatii miti, otoo kan addunyaa kanaa ta'ee akkanatti dabrfamee Yihuudotatti hin kennamneef maleektonni koo naa lolu turan, amma garuunmootummaan koo kan addunyaa kanaatii miti' jedheen. ³⁷Philaaxosis 'yoos ati Mootii dha kaa!' jedheen. Iyyasuusis immoo 'akkan ani mootii ta'e ati dubbachuun kee sirri dha; ani dhugaaf rageessuuf jedheen dhaladhe, sababniin ani gara addunyaa kana dhufeefis kanaa dha, namni dhugaaf dhaabatu hundumtuu sagalee koo dhaga'a' jedhee deebiseef.³⁸Philaaxoosis 'dhugaan maali dha inni?' jedheen. Iniis erga kana dubbatee booddee ammas Yihuudotatti gadi ba'ee akkana isaaniin jedheen 'Ani ballessaa tokkollee isa irrati hin arginne. ³⁹Garu isin akkan ani yeroo Faasigaatti nama tokko mana hidhatii isinii gad-ldhiisu aadaa godhattaniirtu. Kanaaf akkan ani 'Mootii Yihuudotaa isinii gad-dhiisuu barbaadduu?' ⁴⁰Isaanis Iyyudhaan 'lakki, Barbaan malee isaadhaa miti' jedhan. Barbaanis saamtuu ture.

¹Philaaxiosis Iyyasuusiin ofitti fudhatee garfsiise, ²loltootnis gonfoo qoraattii Miciiranii mataa isaa irra kaa'an. Isaanis uffata huccuu diima (dhilgee) isatti uffisanii. ³Akkami yaa Mootii Yuhuudaotaa' jechaa gara isatti dedeebi'aa turan isas ni kabalan.⁴Philaaxoos immoo gadi ba'e, Yihuudotaan 'akka ani balleessa tokkollee isa irratti hin argine akka beektaniif kunoo ani isa gadiin isinii baasa'jedheen. ⁵Iyyasuusis gonfoo qoraattii keewwatee, uffata (huccuu) diimaa (dhiilqee)uffatee gadi ba'ee, Philaaxoosis, 'namichi kunooti!' isaaniin jedhe. ⁶Luboonni hangafootni fi qondaaltotni yammuu isa argan 'fannisaa! fannisaa! jechuun iyyan. Philaaxoosis immoo deebisee, 'isin ofuma keessanii fuudhaatii isa fannisa malee ani balleessaa tokkollee isa irratti hin argine' jedheen.⁷Yihuudonnis deebisanii 'nu seera qabna namni kun waan Ilma Waaqayyoo of godheef akka seera keenyaatti du'uu qaba' jedhaniin. ⁸Philaaxoosis 'yammuu dubbii kana dhaga'uu irra caala sodate. ⁹Innis biroo ol-aanaa bulchiinsa mootummaatti ol deebi'ee 'ati eessaa dhuftee?'jedheen Iyyasuus gaafate. Iyyasuus garu deebii tokkollee hin kennineef.¹⁰Philaaxoosis, 'maaliif caldhifta ani si fannisuudhaaf aangoo qaba ati hin beektuu?' jedheen. ¹¹Iyyasuusis 'ati otoo olirraa sii kennamuu baatee aangoo tokkollee ana irratti hin qabdu ture, kanaaf inni dabarsee sitti na kenne sun irra caalatti cubbuu qaba' jedhee deebiseef.¹²Philaaxoosis yeroo sanaa jalqabee Iyyasuus gad-dhiisuu barbaada ture; Yihuudonni garu 'ati yoo nama kana kad-dhiifte jaalallee (michuu) Qeessariiti miti namni mootii of-godhu hundi inni Qeessariin morma' jedhuun iyyan. ¹³Philaaxoosiis yammuu dubbi 'paavament 'dhagaa buufamaa)' kan afaan Armaayikootaatiin 'gabataa' jedhamutti barcuuma murtii irra taa'e.¹⁴Guyyaan sunii guyyaa qophii torban faasigaa ture yeroon sunis naannoo sa'aatii ja'aa ture. Philaaxoosiis yihuudotaan 'mootiin keessan kunnootti'jedheen. ¹⁵Garuu isaan moo 'dhabamsiis! dhabamsiis! isa fannisi! jechuun iyyan. Philaaxoosis 'mootii keessan haa fannisu ree?' jedhee gaafate. Luboonni hangafoonnis 'nuti Qeesaar malee mootii biraa hin qabnu' jedhanii deebisaniif. ¹⁶Kanaaf Philaaxoos akka inni fannifamuuf dabarsee isaanitti isa kenne.¹⁷Isaanis Iyyasuus fuudhan, inni fannoo ofii isaa baadhatee bakka 'buqee mata afaan Armaayikootaatiin 'Golgootaa' jedhamuttu, ol-bahe. ¹⁸Isaanis achitti Iyasuus fannisuuf, isa waliin namoota biroo lama bitaa fi mirgaan Iyyasuus walakaa isaanitti fannisan.¹⁹Philaaxoosis barreeffama "IYYASUUS NAMA NAAZIREET MOOTII YIHUUDOOTAA" jedhee barreessee fannoo irratti maxxanse. ²⁰Bakka Iyyasuus itti fannifame magaalaatti waan dhiyio tureef Yihuudotni baay'ee ta'an barreeffama sana dubbisanii jiru, barreeffamichiis afaan Armaayiikii, Laatiinii fi Giriikiitiin barreeffame ture.²¹hangafoonnis 'inni mootii Yihuudootaati' jettee hin barreessin ' jedhaniin ²²Philaaxoosis 'ani waaniin barreessa, bareesseera' jedhee deebiseef.²³Erga loltootni Iyyasuus fannisanii booda uffata (huccuu) isaa bakka afuritti tarsaasuudhaan bakka afuritti qoodanii tokko tokko hiraatan, kittaa isaas akkasuma godhan. Kitaan sunis kan hin hodhamne olii irraa hanga jalaatti tokko ture. ²⁴Akkasumas isaan 'Hin taraaafnuj, koottaa akka kan eenyuu ta'u carraa buufnee haa ilaallu malee' waliin jedhan. Kunis dubbiin kitaabaa kan, "Isaan uffata (huccuu) koo ofuma isaanitii hiratan Carraas itti buufatan" jedhe²⁵Fannoo Iyyasuus bira haatii, isaa indootoon (obboleettiin haadha isaa) Maariyaam haati manaa Qaliyophaa fi Maariyaam Magdalaa dhaabatanii turan. ²⁶Iyyasuusis yammuu haadha isaafi hordofaa isa inni jaalatu sun otoo haadha isaa bukkee (cinaa) dhaabachaa jiru ilaaleeti haadhaan 'yaa dubartii; kunoo ilmi kee' jedhe. ²⁷Hordoofaa sanaanis 'kunoo haadha kee' jedhe hordofichis yeroo sanarraa kaasee gara mana isaatti ishii fudhate.²⁸Kanaan booddee Iyyasuus akka waanti hundumtuu raawwate beekee dubbiin kitaabaa akkka raawwatamuuf "dheebodhe" jedhe. ²⁹daadhii dhangaggaa'aadhan guutame tokko achi dhabate ture, isaanis daadhii sana keessa Ispoonjii cuuphanii fiixee ispoonjiitiin gara afaan isaatti qaban. ³⁰Iyyasuusi erga dhugaatii dhangaggaa'a sana fudhateen booda raawwate' jedhe. mataa isaa ga- labsee lubbuu isaa kenne.³¹Guyyaan sun sababa guyyaa qophii ta'eefi kanaafuu imoo guyyaa sanbataa Iyyasuus reenfa isaa fannoo irraa buusuun hi danda'amneef (sanbatni sun aadatti barbaachisaa ture.) Warri Yihuudotaa akka milli isaanii caccabee fannoo irraa gad-buufamuuf Philaaxiosin gaafatan. ³²Kanaafuu looltootni deemanii mila nawa isa jalqaabaa fi miila nawa isa kaanis ka isa waliin fanniifaman cacabsan. ³³Yammuu garanIyyasuus dhufan garuu inni du'ee waan arganiif miila isaa hin cabsine.³⁴Loltoota sana keesaa inni tokko eeboo dhaan cinaacha isaa waraane yeroodhuma sana dhigni fi bishaan ba'e. ³⁵Namni inni waan kana arges dhugaa ba'eera, dhugaa ba'insi isaas dhugaadha, innis akka dhugaa dubbatni beeja, inni bakka isin amantaniif dhugaa ba'a.³⁶Kunis akka waantii kitaaba keessatti 'lafee isaa keessaa tokkolleen hin cabu' jedhame sun akka raawwatamuuf ta'e. ³⁷Kana malees, kitaabni bakka biraatti 'isaan isa waraanan sun ni argu' jedha.³⁸Kana boodas Yooseef namni Armaatiyaa (inni sababa Yihuudota sodaateef dhoksaan hordofaa Iyyasuus ture sun) reenfa isaa akka fudhatuuf Philaaxoos gaafate Philaaxoosis eyyamnaaniif deemee fudhate. ³⁹Niqoodimoos inni kanaan dura halkaniin gara Iyyasuus dhufee tures wal -makaa karbee (qumbii) fi hadhaa (argeessa) gara kiloo graami soddomii afurii ta'u fudhatee dhufe⁴⁰Isaanis reenfa Iyyasuus fudhanii akka aadaa awwaalcha Yihuudotaatti urgooftuu waliin huccuu quncee talbaa irraa hojjatameen (Naayilanii kafanan. ⁴¹Bakka Iyyasuus itti fannifame, lafa ahhakiltii ture sana keessas bakka awwaalaa haarawaa kan namni tokkollee kanaan dura itti hin gaatamnetuu ture. ⁴²Sababii guyyaan sun guyyaa qophii yihuuditaa tureef, bakki awwaalichaas dhiyoo waan tereef Iyyasuus achi keessa kaa'an.

¹jalqaba torbanii ganama bariidhaan duukkana otoo jiru, Maariyaam ishiin Magdalaa bakka awwaalaa deemtee akka dhagaan awwaalicha irraa fuudhame argite? ²fiigdaa gara Simi'oon Pheexiroosii fi hordofaa isa Iyyasuus jaaltuuyyu sanaa deemtee 'Gooftaan keessaa fudhataniiru eessa akka isa kaa'anis hin beeknu' jetten.³Kanaafuu Pheexiroosii fi hordofaan inni kaan ba'ani gara awwaalichaabdeeman. ⁴Isaan lachuu ni figu turan, hordofaan inni kaan garuu Pheexiroos bira fiiguudhaan dursee darbee bakka awwaalaa ga'e. ⁵Inni gadi jedhee ilaaluun uffata (huccuu) quncee talbaa irraa hojjatame laffatti arge malee awwaalicha keessa hin buune.⁶Simi'oon Pheexiroos garu isa dhuubaan dhufeebawwalicha keessa seenuun uffata (huccuu) quncee talbaa irraa hojjatame sana lafatti arge. ⁷Akkasumas uffatni (huccuun)bfuula Iyyasuusitti haguugamee ture arge uffatni (huccuu)bsunis kophaadhumatti maramaramee bakka biraa ture malee uffata (huccuu) quncee talbaa irraa hojjatame sana bira hin turre.⁸Isaan booda hordofaan biraa inni jalqabatti awwaalicha bira ga'e sun keessa seene argee amane. ⁹Isaanis waan kitaabni akka Iyysuus jidduu wara du'anii keessaa akka ta'u dubbatu sana ammayyuu hin hubanne turan. ¹⁰Hordiftootnj sunis gara mana ofiitti deebi'an.¹¹immoo garuu awwaala bira gara alaa dhaabatee boo'aa turte, otuma boochuus gadi jettee awwalicha keessa ilaalte. ¹²Ishinis Malaakota Waaqaa lama uffata (huccuu) adii uffatan bakka reefi Iyyasuus kaa'amee ture sana inni tokko karaa mataarraan, inni biroo immo miila jalaan taa'anii argite. ¹³Isaanis 'yaa dubartii maaliif boocha' jedhaniin. Ishiinis immoo 'Gooftaa koo fudhatanii jiru, eessa akka isa kaa'anis hin beeku' jetteen.¹⁴Otuma waan kana dubbattuu of-duuba gargalte Iyyasuus achi dhaabatee argitee, garuuIyyasuus ta'uu isaa hin beekne. ¹⁵Iyyasuusis 'yaa dubartii maaliif boocha? Eenyuu barbaadda? jedheen. Ishiinis nama bakka ashaakiltii keessaa hojjatu isa seetee ('yaa gooftaa ati yoo isa fuutee jiraatte akkan ani deemee fudhadhuuf eessa akka isa keesse natti himi' jetteen.)¹⁶Iyyasuusis 'Maariyaam!' jedheen. ¹⁷Iyyasuus "ani ammallee sababan gara Abbaatti ol-hin baaneef ana hin xuqiin, garu obbolewwan koo bira deemii 'ani gara Abbaa kootiifi Abbaa keessaniittii, gara Waaqa kootiifi Waaqa keessaniittin ol-ba'a' jedheera jedhiitti isaanitti himi" jedheen. Ishiinis gara isaatti gatgaltee afaan Armaayikiitiin 'Rabbuunii! jetteen. Hiiknii isaas 'Barsiisaa' jechuu dha. ¹⁸Maariyaam ishiin Magdalaas gara hordoftootaa deemtee 'ani Gooftaa argeera' jetteen ;waan inni ishiidhaan jedhee hunda isaanitti himte.¹⁹jalqabaa torbanii sana halkan otoo Ayihudoota waan sodaataniif balbala cufatanii walitti qabamanii jiranuu Iyyasuus dhufee Isaan walkaa dhaabatee 'nageenyi isiniif haa ta'u' jedheen. ²⁰Innin erga kana jedhee booda harkaa fi cinaacha isaa isaanitti argisiise. Hordoftootnis yammuu. Gooftaa argan baay'ee baay'ee gamadan.²¹Iyyasuus ammas deebisee 'nagaan isiniif haa ta'u, akkuma Abbaan koo na erge sanattii anis isin erga' jedheen. ²²waan kana jedheet, hafuura isaanitti baafatee, akkana isaaniin jedhe. Hafuura Qulqullu fudhadhaa. ²³Cubbuu eenyumaatuu yoo dhiiftan, isaanii ni dhiifama, cubbuu enyumaatuu yo isiin hin dhiifneef, isaanii hin dhifamun.²⁴Toomaas inni Didiimoos jedhamee waamamu, kudha lamaan keessa tokko kan ta'e, yeroo Iyyasuus dhufeeyyu sana isaan waliin hin jiru ture. ²⁵Hordoofaan inni biroos achiis 'Nuri Gooftaa arginee jira'. Innis isaaniin 'amman madaa harka isaa isa mismaaraan waraaname argee, quba koos madaa mismaaraan waraaname keessa kaa'uutti hin amanu' jedheen²⁶Guyyoota saddeettin booda hordoftootni isaa deebi'aan keessa turan, Toomaasis isaan waliin ture, Iyyasuus balballi cufaa otoo ta'e jiruu seenee walkaa isaanii dhaabatee 'nagaan isiniif haa ta'u' jedhe. ²⁷Tomaasiinis 'quba keefidii harkoo koo ilaali harka kees asifidii cinaacha koo keessa gulchii kan amantee malee kan hin ammanne hin ta'iin' jedheen²⁸Tomaasis 'Gooftaa koo fi Waaqa koo' jedhee isaaf deebise²⁹ Iyyasuus 'Ati sababa na argiteef amante, otoo hin argiin isaan amanan garuu ka eebbiffamanii.' usaani jedhe.³⁰Iyyasuus bakka hordoftootni jiranitti mallattoolee biroo baay'ee, mallattota kan kitaaba keessatti hin barreeffamne hojjate. ³¹kun garuu akka isin Iyyasuus inni Kiristoos, Ilma Waaqayyootti jettanii akka amantaniifi maqaa isaatiin akka jireenya qabaataniif isiniif barraa'ee.

¹Wantoota kanaan booda Iyyasuus ammas galaana Xibriiyaadoos biratti hordoftoota isaatti muldhate, haalli inni itti of-muldhises akkana ture. ²Pheexiroos, Toomaas inni Didiimoos jedhamu, Naatinaa'eel inni nama Qaana Galiilaa, ijoolleen Zabdiyoositti fi hordoftootni biroi lama wal-bira turan. ³Pheexiroosis 'ani qurxummi kiyyesuufin deema' isaaniin jedhe, isaanis 'nutis si waliin deemna' jedhaniin. Isaanis deemanii bidiruu keessa seenan halkan guutuus homa hin qabne.⁴ganama baariidhaan Iyyasuus galaana qarqara dhaabate ture garuu hordooftootni isaa inni Iyyasuus ta'uu isaa hin beekne ture. ⁵Iyaasuusis 'Ijjollee waan nyaatamu wayii qabduu? isaanin jedhe. Isaanis 'hin qabnu' jedhanii deebisan. ⁶Innis 'kaachoo keessan bidiruudhaa gara mirgaatti gad -dabaadhaatiin ni argattuu' jedheen. Kanaafuu isaanis kaachii isaanii gad-darbatanii sababa baayiina qurxummiitif kaachoo sana keessatti harkisuu dadhaban.⁷Hordofaan inni Iyyasuus jaalatuuyyu sun 'Inni Gooftaa dha' jedhee Pheexiroositti hime, Simi'oon Pheexiroosis immo 'Inni Gooftaa dha' jechuu isaa dhaga'ee (qullaa isaa waan tureef), uffata (huccuu) isaa marxifatee galaanatti gad- utaale. ⁸Hordoftootni isaan kaanis gara bidruutti dhufan (isaanis lafa qarara galaana irraa baay'ee fagoo hin turre, fageenyii isaas gara ciqilee dhibba lamaati), isaanis kaachoo qurxummii dhaan guutame sana harkisan, ⁹yammuu gara lafaatti ba'an ibidda cilee kan qurxummiin biddeena waliin irra jiru argani¹⁰Iyyasuusis 'qurxummii amma qabdan irraa mee muraasa irraa fidaa' isaaniin jedhe. ¹¹Simi'oon Pheexiroos bidiruu sana irra ba'ee kaachoo keessa qurxummi gurgudaa 153 guutame sana gara lafaattu harkise, kaachoo sunis qurxummii akkasitti baay'atanin guutamulle hin tarsaane.¹²Iyyasuusis 'kootaati, cireebnyaadha'isaaniin jedhe. ¹³Iyyasuusis biddeena sana fudhee isaaniif kenne, qurxummis immoo akkasuma godhe. ¹⁴Kunis erga Iyyasuus du'aa ka'e kana waliin yeroo sadaffaadhaafi kan hordoftoota isaatti of muldhise.¹⁵Iyyasuusis erga ciree nyaatanii booda Simi'oon Pheexiroosiin; "Yaa Simi'oon Ilma Yoonaa ati isaan kana caala na jaalataa? jedheen Innis 'eeyee, yaa Gooftaa akkan si jaaladhu atu ni beekta' jedheen Iyyasuus "Ilmaallan koo bobbaas" jedheen ¹⁶ammas " yaa Simi'oon Ilma Yoonaa na jaalattaa?' jedheen Innis deebisee 'eeyee, yaa Gooftaa, akkan si jaaladhu atuu ni beekta' jedheen Iyyasuus immoo "hoolota (Korbeeyii fi Goromii) na eegi" jedheen¹⁷Yeroo sadaffaadhaaf "yaa Simi'oon Ilma Yoonaa na jaalattaa?" jedheen. Pheexiroosis sababa Iyyasuus yeroo sdaffadhaaf na jaalattaa? jechuun isa gaafateef gaddee 'Gooftaa ati waan hundaa beekta' jedheen Iyyasuusis akkana jedheen "hoolota koo bobbaas" ¹⁸Ani dhugaan siin jedhaa yeroo ati dagaggeessa turtetti ofuma keetiin mundhii kee hidhattaa, yeroo duloomtu garuu, harka kee dirirfata, namni biroos mindhii kee hidhee gara atii hin barbaadne si geessa.'¹⁹Iyyasuus akka Pheexiroos du'a akkamiitiin Waaqayyoo ulfeessu agarsiisuuf waan kana dubbate, kana booddees, "ana duukaa bu'i" jedheen.²⁰Pheexiroosis garagalee otoo hordofaan inni Iyyasuus jaalatu suun isaan duukaa bu'uu arge, hordofaan kunis isa yeroo irbaataatti laphee Iyyasuusitti maxxanee 'yaa Gooftaa, iinni dabarsee si kennu eenyuu dha? 'jedhee sanaa dha. ²¹Pheexiroisis yammuu isa argub'yaa Gooftaa namni kun hoo? jedheen Iyyasuus gaafate.²²Iyyasuusis deebisee "hanga ani dhufutti akka inni jiraatuu yoo feedhii koo ta'e maaltuu si dhibe 'Ati na duukaa bu'i'" jedheen. ²³Kanaaf yaadni 'hordofaan kun hin du'u' jedhu obboleewwan jidduutti oddefame, Iyyasuus garuu Pheexiroosin, hanga ani dhufutti akka inni jiraatuuf yoo feedhii koo t'e maaltuu si dhibee?' jedhe malee inni hin du'u hin jenne.²⁴Hordofaan kun hordofaa isa waa'ee wantoota kanaa dhugaa ba'ee fi isa waantoota kan barreesse dha, nutis dhuga ba'iinsa isaa dhugaa ta'uu ni beekna. ²⁵Akkasumas Iyysuus waantoota biraa baay'ee hojateera. Otoo waantootni kun hundu isaanii tokko tokkoon barreeffamanii addunyaan ofi ishiitiin akka kitaabbotaa barreffamanii waan geessu nattu hin fakkaatu.