Ne wee bonnu na kanawa ¹Marombah Allah na lolowa na Nuh monno ngarra kua ranga matomba, ranga a maupa a waina batera ndana. Monno na Maromba Allah na rai paringi ne ponnu tana a rai na wangu bana kanawa. ²Nama Maromabah Allah na todi ngara kuawi mata wee, monno danna baburrukuki urra ne pontu tana. ³Na tena nakundage ne ka mbundukana orona na wangu mbana katamataka.⁴Na wulla aka pittuna monno na lodo aka bullu pittuna, na tena na kundage ne ka mbundukana Ararat. ⁵Na wangu engai mbana ka wattaka na dukiwe na wulla ka bullu.⁶Pata kabullu loddo ge na Nuh na wukke mbinnana tena. ⁷Monno napa silla na galli gai kana lera kapande wai na wangu mbana kamataka, na dukkiwe na galli papa sellana na Nuh danna walibaliki ne tenadana.⁸Orona na galli ba danna wali bali ne tena ndana, napa sella piawa na merpati gaika pande takka kai na wangu banakamataka hinna ge. ⁹Danna ma doiki na merpati papa sella na Nuh nangu walibana tena ndana orona ba dai pado”u paraka waina.¹⁰Na dukki we na loddo aka pittuna, napa silli mbali dommowa na merpati. ¹¹Na dukkiwe rai male na merpati na walibali ne tena ndana, monno na ngindiwa na roo wasu saitun. ¹²Na ndukki dommowi na loddo aka pittuna na Nuh napa silli pia na merpati, na dukkiwe na merpati ba danna wali bali ne tena ndana.¹³Ne ndou toleka kana Nuh a enne ngau ia douna dukki na lodo aka iana na wangu nakamattaka wali ponnu tana monna na Nuh nangu mukkeba ne binnana na tenah, orona ne ponnu tana namara mbaliba. ¹⁴Dukki na loddo aka ndua kabulluna na wulla aka nduadana ne tanah na mara baliba.¹⁵Hinna ge na Maromba Allah bana pa newe mbali barana Nuh”. ¹⁶Lousou pangu aloummamu, anamu, monno wassemu. ¹⁷monno pasilli kuawi ranga a waina ne tena ndana gai ka uara ne ponnu tana.¹⁸Na Nuh pangngu aloummana, anana pangngu wassena a lousou kua wali tena ndana. ¹⁹ngara kuada ranga ama tomba apa lawe, monno keila a louso wali tena ndana.²⁰Na Nuh napa keddewe ne pado’u pa mbara nomba wainai Maromba Allah, monno na ngindi ngara kuawi ranga a ndua torana marombah Allah. ²¹Hidda marakana Nuh na deibaiwi Marombah Allah, monno hidda marakana a mapama lennana atena Maromba Allah. Monno na Maromba Allah napa newe ate ndanana Nuh” ne Yowa Marombah Allahmu daku padadi bage podda ne ponna tana orona bokalana ata pi’a langokopo ne atenana ata pia badandana du’awe wali mbo’upo, monno ne Yo’a daku pamoddaba ngara kuana parai limma mbagu a toleka ne ponnu tana. ²²Ne tan ba waiponge ndukkie kadukkana, waige rapa dodaka, monno rapa makeni, rapa mawenggala monno rapa bangata, rapana bana urrana monno rapana mere tana, monno waipanduge loddo monno gedde.”

HAGAR MAWINE PAPA WEDE¹mawinena Abram nda’iki anana. Sarai wai ni ata mawine Papa wede na, awali Mesir, ngara na Hagar. ²Na panewe barra na Abram, “Na Allah dana yaki poga ana. Nebahinako, bana bisako dura dengngani Hagar kakolena ana awali barrana.” Na Abram narengena Ptikina Sarai mawinnena. ³napa kabaullu duada douna kane’idi netana Kanaan Nyaka, Na Sarai mawinnena Abram. kanna dedewa Hagar ata Papa wende awali Mesir Kana yanawi Abram. Mawinne la’ida. ⁴Abram nadura dengani Hagar na dukkie namawine na Pati’a. Nadukie Hagar napaTia danna pa akabai Sarai.⁵Sarai napa newe barra na Abram, “Oronawe nekataika Payamuga yauwa, ba ammekaige barramu! Ne yauwa ku yabagu mawinne papa wede, barramu. Bapa Napande ge bana pati’a, bage naka taikaga. Nama maromba Allah hakim napandege nebarramu monno ne baragu yauwa!" ⁶kina, Abram bana panewa barrana sarai, “Nepa pa pawede ne’ingge limma detamu. Pawedewa ndekuge pembei atemu.” Sarai naraige akattona barrana Hagar Ndukkiwe Hagar Nakedu.ISMAEL ANA NAI HAGAR⁷Na Allah, Napa tabbka dengani Hagar Bara mata wee ne mareda gurun. Ne mata wee ne’i ngge uppu lara ha aro Syur. ⁸newe papalewana, “Hagar, mawine papa wedena Sarai, gewalli nyamowe monno, ge aro nyamu?” Na wale Hagar, “ne yauwa Ku kedu wali bara Sarai, apawede ngga.”⁹Bage papa lewana Na Allah napanewe barrana, “Baliwu barrana Napa wedewu mono kakawodoni.” ¹⁰Papa lewana Na Allah apa newe, “ne yauwa kupa uwara babbara gudi umbu aibamu monno ha luwa langu takana takka mu pande pa kirawi.”¹¹nappa newe dommo Papa lewana Allah barrana Hagar, Rengnge, you pa ti’awu, balangge panawu anamu lakawa kabaniwa. “Wou bapa anaku pangarani Ismael. Na Allah na rengnge gowe mawilla mu. ¹²Natuda Kabodi keledai matomba Hida, limmana na gobbadi ngara kuana ata, ngara kuana ata ha gobbai nya. Mono nya engani apa kuawana happa aro-arona ngarakua happa angu nguana.”¹³Hagar naka dengngana ngara na Allah napa newa barrana a tekkie "Wou dona El-roi! Orrona banna panewe, "kuetanya monno na etaga yauwa!,” ¹⁴nyawe mata wee kupangara ngge la hai Roi. (Mata wee nee ngge Kadesh monno Bered).¹⁵dukki dommowe Hagar napa anana lakawa barrana Abram, nadukie Abram Napa ngarai Nalakawa Ismael. ¹⁶pata kambull enne ndouna Abram na Hagar banna paanai Ismael.

NAPA TOGOLA PATEKKINA MAROMBAH ALLAH BARRANA ABRAHAM MONNO SARA¹Nama Maromba Allah ammi mbali dommowi a elleta na Sara, na ndeku ge nepa tekki mbana. Monno napa togola nepa nepa papananggona. ²Na ndukkiwe na Sara mbana patia na ndukkiwe mbana paanai na lakawa kambani torana Abraham, nemba dukkiwi na do’u paka wenda waina. A hinna waina patekkinadi Marombah Allah. ³Nama Marombah Allah napa ngarai Ishak na anamanena papaanana Sara. ⁴Na Abraham na sunatawa na Ishak nembana tamage aka pondo pata ndouna. A ndekuge nepa tekkinadi Marombah Allah.⁵Ngau ndouna na Abraham mbana ndadi Isahk. ⁶Nama Maromba Allah na raiga pamaita dengngagu, monno ngara kuanda ata a rengnge a maita dengngaga. ⁷Garrai ata a hinna ge, bana ndukkiwe na Sara mbana pa sussuwa na Ishak anana. Na Sara na tekkiwe ne Yo’a kupa ndadi Ishak ne do’u paka wenda waina Abraham.HAGAR PANGNGU ISMAIL A WOLAI WALI UMMANDA ABRAHAM⁸Na Ishak nama tamba matto, monno a kikkirawa. Ne loddo pakikira waidai Ishak na Abraham naka landage ne tunnuna. ⁹Nyakindo na Sara mbana etawa na Hagar, mawinne Mesir apandandi ana mbodina Abraham. Na anana neena amawago.¹⁰Na Sara na tekkina Abraham” wolawa na ata papawedemu monno na anamanena, daimba a ndelue nepa do’u pama diina ana manegu Ishak. ¹¹Orona mba anamane takka kaina Abraham na ismail, na Abraham nama ngeli langu takkage ne ate mbana rengngewe nepa tekkina Sara.¹²Nama Maroba Allah napa newe barrana Abraham” nda kii atekana orona nalakawa monno nama winne papawede. Pawillige appawe nepa tekkinagu Sara barramu, monno awalina wolla uwamu nyakindana Isahak. ¹³Monno kurai kaiwi bangsa akalandana nalakawa kambani monno nama winne papawendemu. Malla wolla uwa kaindumu.¹⁴Ne kappu gende kii na Abraham na kende mbana ndeke ne mbaba monno karibbo kalita a mangngu weena, na mbotinawe ne lako ndetana Hagar, monno napa tukandi kako nangngana nema marenda ndana. ¹⁵Orona mbana padee ge ne wee karibbo ndana, na Hagar na mbondala na anana ne ruta ndana. ¹⁶na Hagar na ngio monno na kako ne padou a marro orona mbadanna beige mbana etawa na anana mbana mate.¹⁷Nama Marombah Allah napa tukani na malaikat kako barrana Hagar, orona mbana rengngena liina na lakawa. Na malaikat napanewe barrana Hagar” appawa napa susamu? Dama dautakana! Nama Marommbah Allah na rengnge mbana liina na lakawa. ¹⁸Kakou ka ndekewa na lakawa kakarawawa pandiawa monno mba nemme kurai bangsa akalandana.¹⁹Nama Maromba Allah na wukkenadi matana Hagar kana etawe ne mata wee, monno na Hagar na kako mbana tau piage wee ne karibbo kalita, wali kana yanawe na anana. ²⁰Nalakawa na tamba matto orona mbana karawa na Marombah Allah. Monno na Ismael na toleka ne marenda ndana, monno nama nakkata mbana mapana. ²¹Ismael engadi ne maredda ndana, monno na innana na ndekei mawinne Mesir na Ismael anana.PAPAKIRANDA ABRAHAM PANGU ABIMELEKH²²Hitti pona, na Abimelekh pangu pikhol, ata banina Abimelekh, napanewe mbarrana Abraham, Marombah Allah napamaringi ngara kuanda papawillimu. ²³Nemba hinna aurau ne barragu , ne arona Marombah Allah. Mba ne yo’u mbada pawillige nenda duwa arogu, monno aronda wolla uwagu, monno ne barranda umbu waikandagu, nea ndua pa mbogu ne barramu, monno ne wanno padoumu yo’u ata tama. ²⁴Na Abraham na wale” ne yowa ku aura”²⁵Orona mba hinnawe na Abraham nama ngellu barrana Abimelekh orona ne mata wee sumura pamadiinda ata papawedana Abimelekh. ²⁶Orona mba hinnawe na Abimelekh na tekkiwe ”ndaku pandekige mba garrai apa willige. Walipoga mba daige nea a hinnana ne yo’u nda tekki pongngu kiga yowa. ²⁷Takka hidnda Abraham mbanda Abimelekh a aura. Na Abraham na yawi a pirra bebena monno sapina tandana mba aura.²⁸Na Abraham na tai dommondi hidda mbei bebena ne arrona Abimelekh. ²⁹Na Abimelekh natuawa Abraham” neka paliekadi hidnda mbei bebe a pittu?” ³⁰Na wale na Abraham, “ne you mba ndeibandu hidda bebe a wali barragu, hidnda nyabai tadanda mba yowa a kondawe nee sumur. Mba lengnga pahinnawe ge, ne sumur apangarage Bersyeba.³¹Na Abraham napa ngarage ne katama wee Bersyeba orona mba nyawe paaura wainda. ³²Na Abraham pangu Abimelekh a raina ia aura ne ne sumur Bersyeba, monno na Abimelekh pangu pasukanna hetti awali ne tana Filistin.³³na Abraham na todakawa na wasu tamariksa ne barrana Bersyeba, monna na sambayang barrana Maromba Allah, a moripa murri wali-murri wali. ³⁴Monno na Abraham olenai ata eka a dangngi ne tana Filistin naka loga a gaina.

¹Waage ne a ia sadekkan, na ndadiwe nekareba a ekka gai ne iya padou na tuddawe ne kareba a ndadi hetti rapana Abraham a ulluna. Nemba hinna Ishak na kako ne tana Gerar barrana Abimelekh, ata ratonda hidda ata Filistin.²Marombah Allah napa tingngo wekkina barrana Ishak monno napa newe, “Dakakokana ne Mesir. Kadangngiwu ne tana taromu, patekki mbagu barramu. ³Olenagu ata eka a dangi nee tana nee, ne Yo’a kaku rai olegu monno kakupamaringiu. Ne Yo’a kuyakuago barramu ne iya wanno monno barranda wolla uamu, monno ne Yo’a kupa togolame ne uaragu barrana Abraham, amamu.⁴Ne Yo’a kuraidi hidda wulla uamu a hinna waina luada madubbu ne langita ndeta, monno ku yakuwe barrada ne iya wanno. Monno a walina barrada wolla uamu, ngara kuanda bangsa ne ponnu tana aparingngiwi. ⁵Orona na Abraham napawillidi monno nandekuge ne lii paretagu, lii ukkugu, monno ngarakuada papananggogu.”⁶Na Ishak engai ne Gerar. ⁷Ngara kuada hidda ata waina nee atuwa barra ishak tumbana Ribka, napa tekkiwe,” wottoguwi.” Nama dautage mbana tekkiwe, ”Mba aloummanami,” orona mbana pangedage hidda ata mba lage apamatewaga orona na Ribka akambola ekagai. ⁸Waage nea asa dekkana, na Ishak mbana dangngi nee a gaina madoina. Na Abimelekh ratonda ata Filistin, naka tinggira wali jendela ndeta monno na etana Ishak mbana pabola ndengngawi Ribka alo ummana.⁹Orona mba hinnawe, na Abimelekh naka ndengngawi Ishak monno na tuawa, ”Na Ribka alo umma takkamuwi”! Mba ne yo’u katekkiwe barrama yamme na Ribka mba wottomu”? Na Ishak na tekkiwe” orona mbaku madautage mba pamatewaga monno mba de’dewa na aloummagu, nya kaku tekkiwe nea hinna waina.” ¹⁰Na Abimelekh napa newe ”appawe nepa tekkimu barrama yamme? Na ia atama yamme na bisawe mbana dura dengngai na alo ummamu, na dukkuwe ne yo’u mba ngindiwe ne ndaduawa barrama yamme.” ¹¹Na Abimelekh napa lolonda ngara kuwa ata a waina, hinna ge ”mba garra ku atodowa naka mbani monno na aloummana, apa matewa”.Na Ishak Na Mbambu Baiyo¹²Na Ishak nama nairo nee monno nama keni langngu ekagai ekasadda ne ndou a hinna mbana orona na Marombah Allah mbana pamaringiwa. ¹³Na Ishak ata a mbambu baiyowa mbana dukkiwe mba nya ata a mbambu baiyo langu takka. ¹⁴Waadi hidda bebena a iya gollu, monno waadi hidda sapina aiya gollu, monno wai dommo ndi ata papa tukana a luana nya hidda ata Filistin ka mimmira ate ndengngawi.¹⁵Ngarrakuanda mata wee sumura pa kondanda ata papawenda amana ne rapa na Abraham, Amanda, a tudi waige tanah hidda ata Filistin. ¹⁶Mbage na Abimelekh napa newe barrana Ishak, ”Kakou kawaliu ne wannomu, orrona ne yo’u mbapa wessi kyapu pangu yamme”. ¹⁷Mbage, na Ishak kakombana na gaige nee padou, monno naraina kareka ne rambana Gerar, na dangngi wai neera.¹⁸Mbage na Ishak nakoda mbaliwe ne sumura pakoda mbada amana Abraham hetti pona. Orona hidda sumur a soambadi tanah hidda ata Filistin. Monno na Ishak naraidi nagara a hidda waina ngara parainadi amana.¹⁹Orona mba hinnawe hidda ata papawedena Ishak a kodawe sumur ne rambana, ne hidda a tambokawe mata wee a ekagai. ²⁰Orona mbahinnawe hidda ata ndawa rangana Gerar apa rikkana pangu hidda ata papawedena Ishak monno apa newe, “Ne mata wee mata wee ma yamme!” Nyawe na Ishak kana pangarage Esek nee sumura, orona hidda ata apa taudengngawi.²¹Nyawe hidda ata papawedena Ishak kakoda pia sumura waddeka, monno hidda ata enga patau dengnganadi nyawe na Ishak kana pangarage Sitna nee sumuru. ²²Nyawe na Ishak kana dikki neera monno na koda eka sumura, mbage daiki kangamuka neera, nyawe na Ishak kana pangarage Rehobot neera padou. Moono ne nya napa newe, ”Nepa hinnawe na Maromba Allah na mboda nepadou tubanda itto monno ne itto a neena nepadou near ta mbabu baiyo.²³Wali nenna na Ishak hetti Bersyeba. ²⁴Ne gedde na Marombah Allah napa tengngo wekkina barrana Ishak monno napa newe barrana, “Yoa ndana Maromba Allahna Abraham, amamu. Dama dautakana ne Yoa kukarawau. Ne Yoa kupamaringiu monno a uara babara hidda wolla uamu orona Abraham ata papawede-Gu. ²⁵Nyawe na Ishak kana pakedde ne ia atura paka dengnga waina ngarana Marombah Allah. Nee nya dommowe papadede waina karekana monno hidda ata papawedena a kodakaiwe ne sumura.²⁶Mba lengnga pa hinnawe ammi na Abimelekh wali Gerar apa tamboka dengngawi Ishak, na Abimelekh ammidi mbada Ahuzat, ata panungngawi, monno Pikhol, a kododi ata mbanina. ²⁷Patekkina Ishak barrada, “Neka ammigu apa taboka dengnga heddi pona mu buttuga ate monno muwolaga wali ne wannomu."²⁸Nyaka walewe, “Neba hidda ma eta waibage mata na Maromba Allah mbana ollemigi. Nyawe kama panewe, ‘na duapo ne itto mbata aura, hidda ata goa yoa monno atamu yo’u. Gai kama raige ne aura pama kette waina ne Yemmmi pangu yamme. ²⁹Ne yamme mba damma pakarodukawu a hidda waina waina mbada todou monno ba dai pongngu paraima barramu takka ne a ndu’a na dukkiwe mbama pa tukagu wali, mapa tukagu wali nduau. Monno neba hinna na Maromba Allah napama ringngiu."³⁰Na Ishak na yadi pangaada, monno he hidda a ngaa kua monno a enu. ³¹Ne koka, kapu gede kii, ngarakuada hidda ata a kette ne aurada, na dukkiwe apa silliwi mba kako ndua.³²Ne lodo hidda ata papatuka Ishak ammidi mba tekkiwe tubana ne sumura pa kodanda. Hiddage, “Ne yamme ma eta ne wee!” ³³Nya Ishak kana pangarage ne sumuru Syeba. Nyawe nee padou kaengage mbapa ngarage Bersyeba na dukkiwe ne loddo.OLLE UMMA NA ESAU³⁴Na Esau mba pata kabullu douna nama nikah dengngawi Yudit anana Beeri monno Basmat anana Elon, hidda ata Hetwi. ³⁵Ne nikah hidda a raige pamilla ate ndengngada Ishak monno Ribka.

NA YAKUB NA AKALAWA ISHAK ¹Ne bana kaweda na Ishak, monno hidda matana mbada eta ndu’a naka dengngai Esau ana bodina, monno napa newe dengngai” anagu!’ Na Esau na wale” we, ama.” ²“Renggewe, ne Yowa kekawedabana, monno daku pandebage gege rapana mbaku mate.³Ndeke ne numbumu, monno kakakou paka lola a tubaga Yo’a neka ndau ndana. ⁴Mba ammigu awali lage hidda pa kollemu wali kandau dana ka raigadi pangaa a minnaka pa beigu ka ngindigadi kaku ngaadi monno kaku pama ringiu toma pona ba daku mate.⁵Nemba nei na Ishak a tekki na Esau. ⁶Na Ribka napa newe barra na Yakub, "ne yowa ku rengngewa na amamu bana panewe barana anguamu Esau: ⁷'Ngindi lage apawi hiddi pakolemu a walina pakalolamu monno raidi pangaa a minnaka, monno ngindi kaku ngaadi monno kaku pamaringiiu ne arona Marombah Allah toma pona mbaku mate.'⁸Ne you anagu rengnge padiawe appawe ne patekkigu, monno pawilli ge appa ne patekki gu barramu. ⁹Kakou lage ka ndu’ada hidda kabodi simmbi maneda. A morru gai kaku papawillidi pangaa minnaka pabeina amamu. ¹⁰Mbaku mbabadu mbaku pawillidi lage kakou ngindinadi amamu gai kana pamaringiu tomapo mbadanna mate."¹¹Na Yakub napanewe barrana innana, ”Na kaagu ata marabiwa mbaka ne yowa daku marabiki. ¹²Monno mba enga pandenaga na amagu mbana pa ndabai limmana ne baragu monno mba enga pandena ne yowa mba akalagowe, ne podda mbalange nyapa pa yanaga monno ndana nyaba weemaringi."¹³Na innana Yakub napanewe’ ba yowa lage a tooduge ne podda balango. Mbaku anagu pawillige appawe nepa tekkigu, monno kakou ka ndekei hidda simbi palangigu. ¹⁴Na Yakub na ndekei hidda simbi nandekuge nepa tekki nai innana. Monno na innana napa willidi pangaa minnaka pambeina Ishak.¹⁵Monno na Ribka na nde’dei kalambena Esau anambodina a ndu’a pambondalana ne umma monno hidda kalambe na yanadi Yakub anaka murri mbana tauwi. ¹⁶Na ndeke ndommowe ne kalita kambodi simmbi, monno na taina ne koki ndetana pangu limma ndetana Yakub da wangngu wulluna. ¹⁷Na ribka na yanadi Yakub hidda ka mbaba monno pangaa minnaka papatiina.¹⁸Na Yakub na kako panewa barra amana. Ama, ‘We ana, garragu’? ¹⁹Na Yakub napa newe mbarra amana ”yowa ndona Esau ana mbodimu, monno kupawilli bage appa nepa tekkimu, ma diiu ka ngaadi hidda pangaa patekkimu walinda hidda paka lolagu, monno kapamaringngiaga.²⁰Pei patana ne yo’u ka ngetana ba ngindi hinda pangaa aminnaka walinda paka lolamu. Na Yakub na walewe patekkina amana, ’nya ndo’uda Amamu Maromba Allah a yaga manakkata ama. ²¹Nyaka, na Ishak kana tekki domo barra na Yakub, "Tukkewula kaku labewu, ana'nggu, mono kaku pande'ngge you'u takka Esau mono ba inda."²²22 Na Ishak napa newe ndommo barrana Yakub “meyau kaku yagu wee maringi monno kaku pandege ba yo’u takka Esau atto indaki. Na Yakub na tukke barrana Ishak amana monno na Ishak napa ndammi na Yakub monno napa newe “hidda limma, limma nadi Esau monno ne lii, liinawe Yakub. ²³Na Ishak danna pande mbai na Yakub orona hidda limma na mba hidda kaina limmana Esau amarabi.²⁴Monno na Ishak na tuapiawa na Yakub, “yo’u takka Esau anagu? Na Yakub na wale Yowa takka ndona ama.KANURU KANENGGANA YAKUB²⁵Na Ishak napa tukai Yakub” ngidiwi hidda pangaa kaku ngaadi a walina hidda pakalolamu, monno kaku pamaringiu”. Na Ishak na ngaage monno na enuge ne anggura panginda na Yakub,²⁶Na Ishak napa tukai tukke ka dekkiaga hinnai Yakub. ²⁷Na Yakub na tukke monno na ndekkiwa amana, nebana dekkiwa na Ishak amana napandege ne mbo’uda kalambe pa tauna Esau, monno na Ishak napa maringiwa na Yakub. Monno na Ishak napanewe, “Ne mbo’u wekkimu ana hinna waiwe bo’una maredda pamaringi mbana Maromba Allah.²⁸Na Maromba Allah lage kana yakugu wee maringi awalina langita ndeta, ne tana a ndu’a monno hidda pare pangu anggura a luana.²⁹Monno ngarra kuanda bangsa-bangsa aka wondogu, monno ne yo’u ata ratou ne tillu donganda ngara kuanda ndumu. Monno na modda mo na ata a bige pa modndau, monno nama maingngi na ata pamaringiu”.KANURU KANENGGA NA ESAU³⁰Na Ishak wudndi mbana pamaringia Yakub, monno na Yakub wudndi walina barrana amana, angu ammi kaibani Esau awali a wali pakalola. ³¹Na Esau nangu bona mbana papawillidi hidda pangaa aminka pabeina amana, lengnga napa mbawi mbana pawillidi na ngindi nadi amana monno napa newe ”kednde’u ama ne yowa waibaga, monno kangaidi appawi hidda pa tekki moga monno kapamaringi waiyaga”.³²Na Ishak na tu’a Esau, “Garragu yo’u ana”? ³³Na Ishak nangu radana monno naka danndaka orona mbana rengngewe ne patekkina Esau” mbaka ngarrai natti a ngindigawe ne pangaa aminnaka nenanya, hetti kanuru kanengga neembage barrana hinna ge na Ishak mbana tua na Esau’.³⁴Nembana renngnge nepa tekkina Ishak amana na Esau naka waro orona mbana karonduka atena, monno napa newe ndengngawi amana Ishak’ pama ringngi kaiwaga yo’a ama! ³⁵Na Ishak napa newe barrana Esau, ”Natti anguamu ammi barrage mbana raiga akala, monno na ndake mbawe ne kanurru kanengga toramu Yo’u”.³⁶Napa newe na Esau barrana amana Ishak” na pandombana mbana raiga akkala, monno na tumbawe mbana ngarana Yakub orona mbana ndeke bagawe ne pado’u pama diigu yo’a pakaa, mbaka dai ekaki kanuru kanengga toragu yo’a nya ama” hinna na Esau barrana amana Ishak. ³⁷Na Ishak na tekki nawe Esau, ”Ne yo’a amamu ku yambai pado’u pama dii ata rato ne barramu, monno ne barranda ole ndandina. Monno kupamaringi ngara kuanda pare aluana, monno anggura a baru, monno appa ndommowe paraigu nemba hinna mbadowe”.³⁸Pakkina Esau barrana amana, ”Dai ekaki ia kanurru kanengga tora yo’a nya ama”? Pama ringi kaiga yo’a ama, oro mba hinnawe na wandige mbana ngio.³⁹na Ishak napa newe ndengngawi anamanena Esau ”Rengngewe”! Ne pado’u padangi waimu yo’u lage na warrowe wanina ndalu tana a ndu’a ne ponnu tana, monno na marro ne wee penni awalina surga ndana. ⁴⁰Ne yo’u lage mu toleka waina tama keto, monno ne yo’u lage mupa tekei hidda ndu ole ndandimu. Monno mbamu pawilli takka ndoge ne a hinna takkana, ne yo’u lage muka petti nakawata a wali mbukku ndetamu.NE WANNO NA NDUNDAKAGE YAKUB⁴¹Na Esau na buttu ate na Yakub orona mbana ndedewe ne kanurru kanengga pa yandadi Amanda. Nepa tekki na Esau napa aroge ne tou ndeta do’una, na ngioge ne rapa matena amana dama ndoi monno na Esau na beige pamatewa na Yakub. ⁴²A tekki kaina Ribka appawe nepa kambuna Esau, monno na Ribka napa tukana ata kandenggawi Yakub anaka kamurrina. Monno na Ribka na tekkinawe Yakub, ”Na anguamu na sennang dengngage ne mbana pamateu.”⁴³Nemba hinna ne yo’u anagu pawilli ge appa ne patekkigu barramu, “Akou ka ke’du ne barra na Laban naagu a neena barrana Haran. ⁴⁴Dangngi belliwu nee barrana, remage mbana lengngage ne buttu atena na anguamu. ⁴⁵Ne mbana lengnga mbadoge ne buttu atena, na bulla mbage appa nepa raimu barrana. Mbaka kaku patukana ata a malle mbaligu, monno ndaku beikige ne yemmi a nduada apa angunguana mba daimigi nea aloddona.⁴⁶Na Ribka napanwe barrana Ishak, “Ne yo’a daimbana gunana mbaku moripa na Yakub mbana nde’deko mawinne Het.

Yakub Napatabboka Ndengawi Rahel ¹Mbage, na Yakub napa kitage pakakona mono na dukki ne wanno ata Timur. ²Ne mbanna panamatage mata, Yakub kanangngu etawi a iya mata we'e pakoda ne maredda dana, mono a touda dededa mbebe a mbeika ne uppuna mata we'e, ne we'e pakoda pa enu waida ranga a todi waige iya tatapa watu aka ladana, ³nya ne'i kuwa kundi a pakua ne'e, haida ata ndawa ranga a leilarrai na togo patodi waida ne we'e pakoda monno a yadi paenu ana mbe'be nda. Mbage a ta'i mbali na togo, ponnu we'e pakoda.⁴Hinnage Yakub mbarranda ata ndawa ranga ne'e, "ole 'da'dinggu, ngge wali nyame yemmi?"A wale wa, "Yamme wali ma Haran."⁵Hinna ndommo ngge Yakub mbarradda, "Appa 'mi pandewi Laban, anana Nahor?"A walewa, "Mapandi wi."⁶Mbage, Yakub na tuwawi, " Ndapeidonanya?"Awale we, " Naduwadona. etawa, name Rahel, ana mawinnenai, ammiwi mono mbe'benda amana."⁷Hinnage Yakub, "Etawe, loddopowa. Nda nduki kipona rapa mba pa kuwadi ranga. Yadi heida mbe'be 'mba 'mbenu mono ka'dawawi wali netti marekda dana."⁸Nyamo heida ata dawa ranga kahi'dage, " Ndanna ma pandekewe ama pawillige balinawe ngarra kuwa kabak'ba mbe'be papa kuwana mono na togo pa todiwai a leilarrai wali mbak'a wee pakoda; nyakidowe ne yamme pa kolema mbamma yadi pa enu mbe'be-mbe'bema."⁹Tenggara Yakub mbanna panewe denggadi, Rahel ammiwi mono mbe'be amana orona nya a dawawi. ¹⁰Tengngara Yakub banna eta Rahel, ana mawinne na Laban, na'ana innana, mono mbe'benda Laban, Yakub na barrawi mono na leilarawi na togo watu wali nee mba'ana wee pakoda, dukkiwe mbanna nyadi paenu heida mbe'be Laban, na'ana innana.¹¹Mbage, Yakub na de'kkiwa Rahel mono nakawauka mbanna ngi'o. ¹²Yakub natekkina Rahel mbanya ndu'nda'ndi nai amana, mono mbanya ananai Ribka. Nyaka, kanna malle Rahel mono na tekkina amana.¹³Tenggara Yakub na rengngewe tubana Yakub, ana wottona, napa gesana banna kako pa tabbokawa, bage nawapowa mono nadekkiwa Yakub, mbage na ngindiwa ummana. Bage, Na Yakub na tekki ngarra kuwawe barra Laban. ¹⁴Hinnage Laban barrana, " Mbadekukoge ne yo'u ra'adagu." Nya kanna dangngi Yakub barrana ne'a ia wullana a gainna. Laban Na Nke'di ni Yakub¹⁵Mbage, Laban hinnani na Yakub, " Langngokapo ne yo'u ba ra'a dagu, engngakadoge ne yo'u mbapa willi ka luwau ne barragu? Tekkigawe mbarragu pei'patana mbaku yagu kasewamu?"¹⁶Laban a nduanda anana. Na paka'a ngarana Lea mono napa allika ngarana Rahel. ¹⁷Mata na Lea ndanna singirakke , takkana Rahel napa wekki kambolana monno na kambolawe matana. ¹⁸Orona Yakub na mbei Rahel, hinnangge, :"Ne youwa ku pawilliangga mbarramu pittu ndouna kaku koleni Rahel."¹⁹Hinnage Laban, "Na ndua powe ku yagu Rahel mu nde'ke ndouwa ka nda ata wadekkaka a ndekewa. Kanyawe, ndangngiwu mbarragu."²⁰Kanyawe, ndangngi mbanna Yakub monno napawili mbarrana Laban pittu ndouna. Pittu ndouna palawina Yakub mbanna pangaingge pirra lodokina mbanna pawilli orona na namanawarra pongngu Rahel.²¹Na ndukkiwe pittu ndouna, hinnage Yakub mbarra Laban, "Ya nggai Rahel ngga'i kaku pambola ndengngawi. Ne rapa pawillinggu mbarramu nama mbambawe." ²²Nyaka, Laban na raingge iya rame kalada mbara ngara kuwa ata a ne'i na ne'e pandou.²³Ne gedde mema pongu, Laban na ngindiwa anana, Lea, mbarra Yakub, monno Yakub nappa ia ndengngawi Lea. ²⁴Laban na yawa na ata mawinnena, Zilpa, mbarrana Lea kanna patukawi. ²⁵Koka kabu gedde na, Yakub na etawa Lea a ndura ndengawi. Hinnage Yakub mbarra Laban, "Appa ku ke'ndeangga.Ku eta mbanna podda mbaku pawilliangga mbarramu ngga'i kaku kolewi Rahel? Ne ku ke'ndeangga?"²⁶Na walewa Yakub, "Ne'e wannoma ana kamurri ndanna ullukanna mbanna pala'i mba ndanna pala'i kopona na paka'a. ²⁷Ponnu mbelli po pittu loddona mbu pambola ndengngawi Lea, monno kaku yagu Rahel mbarramu. Takka mu pawilli ndommo po mbarragu pittu ndouna. "²⁸Yakub na rawingge monno na ponnu we ne loddo ngauna pa kole ndenganawe maringi a walina mori, ledena mba wa'ini mawinnena. Mbage Laban na yanai Rahel, anana, mba mawinnenai Yakub. ²⁹Laban na yawa atana, mawinne, a ngarana Bilha, mbarrana Rahel kanna wai atani. ³⁰Nyaka, Yakub nakka iya 'ndengngawi Rahel. Monno Yakub nappa pawilli ndommo pittu ndouna mbarra Laban. 'Ndu'nda'ndina Yakub a matamba³¹Na etawe Mori Yakub na louka pamanawarapu Rahel indapi'apo Lea, nya kannawukke na pandou atana Lea, takkana Rahel na woto.³²Lea napa anawi iya ana ka'mbanina, papangaranna Ruben. Nepa papangara 'ndengnganai Ruben na Lea orona mbahinnangge, "Mori na etanggawe papo'ndanggu. Na la'inggu ndanna manawarakingga sauwa, nyaka mbahinawe la'inggu noto ngge na manawara'mbangga³³Lea na pati'a pi'a monno na paana wi anana wadde. Napa ngarawi anana Simeon. Hinnangge, "Mori na rengnge ngga ne youwa mba ndanna manawarakingga, nyakanna yaga ana mbarranggu."³⁴Lea napa pati'a ndommo monno napa anani anana wadde. Napa ngarawi Lewi. Hinnangge, "Mbahinna ne'e, la'inggu engnga enga mbai mbaranggu orona ku ya'mbai touda ana kambani mbarrana."³⁵Mbage, Lea napa anawi ana na wadde. Napa ngarawi na lakawa Yehuda. Napa ngara hinnawi orona mba hinnage,"Ne mbahinnawe, ku ndeikawa na Mori." Mbalinangge, Lea ndanna pa'ana pi'a mbanna.

OLLE KATONGA DANA NA ESAU ¹hidda nyawi ata pa ama olle katonga dana Esau, hatti ata Edom ²Esau na deke mawinne a walina tana Kanaan. Ngara idda mawinnena Ada, ana nai Elon a wali Het, oholibama ana nai Ana, Kabani Zibeon a wali Hewi, monno ³Basmat, ana nai Ismael, wottona Nebayot .⁴Esau bada Ada wai iya ana kabani nda ngarana Elifas. Na Basmat waikai iya ana kabanina ngarana Rehuel. ⁵Kana Oholibama a touda ana na: Yeush, Yaelam, monno Korah. idda bana anana Esau a dadi wai nae tana Kanaan.⁶Idda ole Katonga dana na Yakub bada Esau a allu pongngo mangeda da ne mbaneidi tana Kanaan. ⁷Ettibai Esau a dikki eka wali barra angungua na, Yakub neti pa ndou a marro. ⁸Ngidi kuai ole ummana, ana kabanina, ana mawinnena, nyarakua ata papa wedena, rangana, monno ngara kua potena wali tana Kanaan dikki nee tana Seir.⁹Esau ama dai ata Edom. Nyaka ngara da hidda olle katongadana Esau a ngangngi wai nee wanno Seir letedetana; ¹⁰Naii Elifas ana ndai Esau mbada Ada, na Rehuel ana dai Esau bada Basmat. ¹¹Elifas a limma kaina anana, ngarada: Teman, Omar, Zefo, Gaetam, Kenas. ¹²Waii kaina na mawinne pakona na Elifas ngarana Timna. Nyaka hidda Timna mbada Elifas waikai iya anakabani da ngarana Amalek.¹³Na Rehuel a pata ana kabanina, ngarada: Nahat, Zerah, Syama, monno Miza. idda bana umbu kabanina Esau wali barrana Basmat, mawinnena. ¹⁴Esau waikai mawinne ka toudana umbanai Zibeon nanyabana, atti Oholibama, anana Ana. Baka ngarana anana Esau monno Oholibama; Yeush, Yaelam, Korah.¹⁵Hiddi ndona hidi ngara pa ama ole katonga dana na Esau. Ana kabadina Esau na Elifas, baka ana kai na Elifas: Teman, Omar, Zefo, Kenas, ¹⁶Gaetam, monno Amalek. Ngarakua hidda ata katonga dana da a walida barra na Ada, mawinnena Esau.¹⁷Na Rehuel ana nai Esau, na amada ole katonga da na nadi iddi: Nahat, Zera, Syama, monno Miza. Hidda ngarakua bana ole katongadana na Basmat, mawinnena Esau. ¹⁸Oholibama, mawinnena Esau, ana nai Ana, kanna pa ndadi wi ngarakua ata pa ama ole katonga dana da. ¹⁹ata pattekida hidda bana ana kabinina Esau monno ata papa reta da ole katonga danada Edom.KETURUNAN SEIR²⁰Na Seir nya, ata Hori a, a dangngi waii nee Edom ba danna dukki kipo na Esau. Hidda ana na Seir: Lotan, Syobal, Zibeon, Ana, ²¹Ezer, Disyan. Ngara kua hidda lakawa pateki da ata Hori wi ole katonga dana nan ndi ata pareta a wali Seir nee Edom. ²²Ana kabani na Lotan, Hori monno Heman. Ba ka wotto na Lotan ngara na Timna.²³Na Syobal ama dai Alwan, Manahat, Ebal, Syefo, monno Onam. ²⁴Na Zibeon wai kaidi ana kabani na a nduada, Aya monno Ana. Ka na Ana nyaba na a tabbokawe nee mata mee a bangata ne Mareda gurun na Hhetti ba nii adawai Keledai na Amana.²⁵Na Ana nyabana Amada Disyon monno Oholibama. ²⁶Disyon a patta kaina ana kabanina. ngarada: Hemdan, Esyban, Yitran, monno Keran. ²⁷Ezer, a touda kaina ana kabanina. Bilham, Zaawan, monno Akan. ²⁸Na Disyan nya a duada kaina ana kabanina. ngarada; Us monno Aran innawe.²⁹Hidda dona ngara da ata pareta ole katongadana na Hori: Lotan, Syobal, Zibeon, Ana, ³⁰Ezer, monno Disyan. Hidda ngara patekki, hidda bana pareta patekkida apa ole katonga dana na adang ngi nee tanaa Seir.TOKKKO-TOKKO EDOM³¹pona wai mema badi ngara Tokko a dangngi nee tana Edom. Nee Edom wai bani Tokko da domopona ne Israel bawai kaina. ³²Na Bela anana Beor nyabana tokko a pare tawe nee tana Edom. Na pareta kuawe nee ponuna wano Dinhaba. ³³Bapa na matena Bela, Yobab nyabana Tokko. Na Yobab ana nai Zerah a wali Bosra.³⁴Bapa na mate dommo na Yobab, Husyam nyakai bana apareta. Na Husyam wali na nee tana Teman. ³⁵Lenga napa mate kaina na Husyam, Hadad nyakai bana a pareta. Na Hadad nya ana nai Bedad. Na Bedad nyabana a pakalawi ata Midian nee tana Moab. Ka na Hadad walinawe nee wano Awit. ³⁶Na mate dommo na Hadad, Samla nyaban a deluwa, na Samla wali nawe nee Masreka.³⁷Na mba pamate dommo na Samla, na Saul nya kaibana andeluwa. na Saul walinawe nee Rehobot barana loko Efrat. ³⁸Namate dommo na Saul, Baal-Hanan nya babana apareta. Na Baal-Hanan ana nawi Akhbor. ³⁹Ne mba mate kaina na Baal-Hanan, Hadar nya kaibana apareta nee tana . Na Hadad nya walina nee wano Pahu. Ngarana mawinnena Mehetabeel, ana nai Matred. Ba kana Mesahab nya manai Matred.⁴³⁴⁰Na Esau ama dai ngara kua a paka tonga dana na awali Edom: ⁴¹Tmna, Alwa, Yeyet, Oholibama, Ela, Pinon, Kenas, Teman, Mibzar, magdiel, monno Iram. ⁴²ngara kua apadu dadina, nyaba pa dangngi waii da⁴³dukki nee kapa ngaradi hida olle dadida.

YEHUDA MONO TAMAR ¹Hetti Waina, Yehuda Na Ndundakadi ngara kua da, angu nguana kana dangi dengawi Hira awalina wanno Adulam. ²Dukki nee, na Yehuda napa tabokaa ndengawi mawine Kanaan mono kana nika ndengawi. ngarana amana nalakawa mawimme Syua.³Kanaan Napa anawi ia lakawa kabani Napa ngari Er. ⁴Bali walina napa ana ndomowi ia lakawa kabani napa ngara domowi Onan. ⁵Na dukkiwe nadadi domo, na lakawa kabani ngarai Syela. Yehuda nei domo nee Kezib, ndukiwe bana dadi anana paka toudana.⁶Yehuda napede mawine ngara na Tamar mawinenai mono ana bodina Er. ⁷Oro kidiona na Er, bana pawilige ne ndandua nee arona mata MORI Nandukiwe na MORI kana pamatewe.⁸, Bage na Yehuda napa newe bana barrana Onan, angunguana Er, " Na ambewa mono na dura dengawi na mawine angunguana amate. kau ambewa wou kana laigu, napa ana ko na ngara anana, hida bana doubanadi angu nguamu, Er." ⁹Onan napandege hida lakawa ahina waina badai torama. Ka bage nandukie Onan, Nandura ndengawi hina na Tamar, Nya dana beikiege, ne baenga ge manina Tamar, dana bei kige bana yawi ana na Er. ¹⁰Ne ahina na Allah bani Na ndukie Na Allah napa matewa Onan.¹¹Bage, na Yehuda napa newe barrana Tamar, Wassena, "Baliwula ne uma amamu, dangngiwu nee lage dapa laikana, ka napa gai anaka Murigu, Syela bana paate". pama dautana na Yehuda angu apa matekowa na Syela ahina na bapa matenadi angu nguana. Nyaka hetti bawi Tamar awali umma ama na.¹²Bali wali nawe, na minne Yehuda, ana na Syua kana mate. lenga napa bapa tanewi, hetti bawi barra Timna bana palolo denga ndi olle na, Hira ata Adulam. Yehuda nakako barra Timna na gutti wi Hida wulu ngara mbebe na. ¹³Tamar na pandei Yehuda, mattona bana kako Nee Timna, bana guttiwi ngara wullu mbebe na. ¹⁴Ne againa Tamar, enga bana tau kalambe na boge ne nya minne walu, bage ma taudamo ne kalambe alka matuda matana Nawaige, ne nya na tau domo kalambe eka mona todiwe touuna na gaige kaba mawona. Nyaka, ne nya nama dii nee barra binna marro Enaim, a nii na ne lara dana ne Timna. Nya Tamar na pande ge na Sela ana kamurri nai Yehuda, ne ba hina napa ate bana, takka Yehuda danna pangedda kingge bana pa ambe nawi Tamar.¹⁵Na Yehuda mbana etawa Tamar, napa ngedda ngge Na Tamar bana mawine ne mata na na todi wai ngge kaba mawona. ¹⁶nyaka, na Yehuda Na barra ni Mono Napanewe, beige mbaku pabola ndengangu mono kaku raigo ne barramu. "Na Yehuda dana pandeki ge na Tamar, mba Wasse na'i. Hina na panewena, "apirra payamoga barra'nggu?"¹⁷Nawale Yehuda, "Ne yowwa Kupangindimi ia kabodi simbi mane awali barada ole rangada barramu." Na walewe Tamar, Kubeige, nyakiddo pirrako mbu pabola dengnga ullu'ga, ba waidi ba ngindi ga'i simbi mane ne barra'gu." ¹⁸Yehuda na'tuawa, "Appa we ne pabeimu baku yagu tada mbaku pangindi gu Simbi mane barramu?" Tamar Na wale nepanewe, yagadi hinda tadamu, Rewamu,mono tokkomu. Na Yehuda na yadi hidda ngara pakolena. Bali nawe, Yehuda mono Tamar, a'pabolana barai'ge, mona Na Ndukwe Napatia Tamar.¹⁹Bage, Tamar na wali nawukewe ne kaba mawona pa todi waina matana, mono natau ndomo kalambe atuba pabei atena ne mba'mawinne Walu wa. ²⁰Waige rapana, Yehuda napa tukani Hira, ollena, ne Enaim ba na yanai na Simbi mane papakira nai Na mawine ndala. Na Yehuda tekki ndomo barrana na HIra, gai kana deke naii papa kira payana barra da mawinne dala. Lokohinawe Hira ndana kole ndomo kige.²¹kana tua ndomo ngarra ata a ne'ina wano Enaim, Gewi natti mawinne ndala ane'ena ne'e uppu lara?" awale domo hida, "Newe ndai'i memaki a ndala." ²²Nyaka, na Hira na wali bali barana Yehuda mono napanewe, ne ya'uwa ndaku patabboka dengnga kiwi nati mawinne. Hinda ngara ata a engana pado'uda ndai memaki a ndala. ²³Na Yehuda kana tekkiwe, "Notto kudi hiti papakira daku beikingge ya'uwa mba maita nda ata. Ne yo'uwa kundende kaloga mbaku yanai Simbi wane nebarana, takka hito ndata tabboka kiya. ne'e natutu mbawe." Na Tamar napa ti'iaTAMAR NAPATIA ²⁴Notongge touda wullana amalawi, Waidi ata atekina Yehuda, "nai wassemu, Tamar, na dengnga, natudda ata ndala, mono ne ba hinna napatia." Na Yehuda kana tekkiwe, ngindiwa ne'e gyo'ungnga ka tunnuu wa. ²⁵Ngara ata akako barrana Tamar gaii kapa matewa, bage napa ngindi'ngge patekina barra wassena. Tamar napa ngindi'ngge li'ina, na ata araigawe baku patia nya ndo'undi ngarra hidda pawai. paretawi garra ndo'unadi? Garra nandi hida tada, rewa, mono tokko? ²⁶Yehuda na pandedi ngarra hidda pawa'i mono na panewe, "hina takkawe. Yo'uwa ku dengnga takka. Ne ya'uwa ndaku yaki nandi Syela, ana'nggu, barrana ahina na ne papa kira ba'gu ni." mono na Yehuda, ndana rai dengnga piaa bai.²⁷Na ndukkiwe rapa na Tamar mbana pa ana. Nya kana pa ana nadi lakawa raku. ²⁸Na dukkiwe napa ana, Na ia lakowa napa lausowi limana, Na apa gata nakette na'i kaba rara limma, mono na tekkiwe na nya lakawa andadi ullu.²⁹Takka, na lakawa nena na tengngi bali wa limmana nya kana ndadi ullu na lakawa ia. " Bage, napa ata apa gata kahina'ngge, "ne wouu mu tarra takka mbu ndadi ullu!" Bage, apa ngarai Peres. ³⁰Lenga napa hinawe, kana ndadi kaina na lakawa ia. Nyadona na lakawa pakette nda kaba rara limmana. Apa ngarani Zerah.

Laddakana Tubana Musa ¹Balina, Musa napanewe dengai Allah, "Ata Israel dawai pongngubaga baku tekki koda ba Yo'u apatukaga yauwa.Bana noto koge hida ata enga panewe bada, 'Da'ikiMYORI a bo wekkina barra mu,"' ²Takka, MYORI napanewe barra Musa, "Appa wa'i na limma detamu?" Nawale Musa, "Na tokkogu." ³Allah napanewe, "Tumbai tokkomu ne tanah deta. "Nyaka, Musana tumbai tokkona ne tanah deta monno na tokkona nangu kabali kaboko. Musa nangu kedu pamarrona,⁴Takka MYORI napanewe barrana, "Kaboko nyadoda limmamu monno woppa kikkuna na kaboko."Nyaka, Musa napa dolailimmana, nawoppana kikkuna kaboko, monno kabokonama wungnga bali baka batongkatwa.⁵Allah napanewe,"Rawige ne hahinnana aroda ataIsrael monno hida ata engawai pongngu badagu ba neyo'u bueta takkawa MYORI,Allah Abraham, Allah Ishak,monno Allah Yakub."⁶Balina, MYORI napanewe barra Musa, "Yauwa enga ya dommo gu bukti eka barramu.Ptamai limmamu jubah danamu."Nyaka Musa napa tamai limmana jubah danana.Ne bana palousoi limmanana Musa, limmana na wenna kusta, nabonnunawingngira kaka hahinna wa'ina kawuta.⁷Bage Allah napanewe,"Nebahinna, patama bali limmamu jubah danamu."Musa napatama limmanakalambe danana. Na Musabana palousoi limmana,limmana nama wungnga bali hahinna wa'i memena.⁸Allah napanewe, "Hidaata bada waikugu burawina mukjizat buwai tokkomu, hida ata enga waibadagu bupa oudai na mukjizat kaduadana.⁹ata bada wai dommokugu burawi na tanda kaduadana, deke wee waliSungai Nil. Lega tanah deta monno wee naka kabali pongnguba baraa.¹⁰Musa napanewe barra MYORI, "Mori, nehahinna takkana, yauwa da ata pande kyaga panewe, lango kanyako hitti ullunamonno nebahinna Yo'u bupanewe dengaga yauwa hamba-Mu. Yauwa dakupandeki monno kadyawura ne panewe dana.¹¹MYORI napanewe barrana, "Garrai arawinangada ata?Garrai arawina ata kabongnga? Garrai arawinaata katillu? Garrai arawinaata eta atau ata kaburra?Da Yauwaki, MYORI, arawingarakuawage?¹²Ntaka, Kakou! Yauwakupalolo dengagu ne banadukkie bupanewe.Yauwa enga yagugu patekki tubana bupanewe."¹³Takka nyamo, Musanapanewe, "Mori, ku dengngiu, tubana bapa dukkige ne lli."¹⁴Balina, MYORI nabuttu ata ara barranaMusa monno patekkina, "Ne dawa'iki Harun angunguwamu , ata Lewi? Yauwa kupandei bana pande papanewe. Yerrai,nya ammini alouso banarenggau monno nasenangpongnbgu bana tabbokau. ¹⁵Yo'u panewe dengapongngu monno tekkiwibaappai hidi patekkina.Yauwa enga nyage baku kako ole pera denga migi ataduada monno tekki pongnguwe baapai parawimi. ¹⁶Nyaka, Harun nya pongngubanaata panewe. Hahinnana Allah, yemmi enga panewepongmgu aro barrana monno nya enga padukkibana barada ata Israel. ¹⁷Kakou monno mgindia tokkomu. Wai tokkomu tubana burawinamujizat-mujizat lain. MusaNadundake Midian¹⁸Balina, Musa nawali bali barra Yitro, ama werana. Musa napanewe barrana, "Paka logagakaku wali bali nee Mesira.Yauwa kubeige etai bangsagu appa tolekapo."Yitro napanewe dengai Musa, "Kakou maringngina. ¹⁹Bage, Nebaengapu Musa ne Median, MYORI na tekkina, "Kako wali bali Mesira orona hidiata abeige pamateu nebahinna amatebana."²⁰Musa napa pennei oleummana monno mngarakuwa anana keledai deta monno wali bali nee Mesir. Musa nangindia tongkat Allah nelimma detana.²¹Na Musa bana wali bali ne Mesir, MYORI napanewebarrana, "Ne Yo'u buwali bali ne Mesir, bonadi pakaroba denga-pakaroba denga paya bagugu barramu. Takka nya, Yauwakurawi pongngpu katto katowa Firaun nyaka dana pakalogaki hida ata bakako wali.²²Balina, Yo'u tekki pongnguna Firaun, Hidapatekkinadi Myori: Israel ana bodi-Gu.²³Monno, Yauwa kutekkigo barramu ga'i pakalokogadi ana-Gu bakako monno basembah-Ga.Nebada pakalogaku Israelbakako wali bali, Yauwa kupamate kuwai ana bodimu."'²⁴Nebakakoi lara aro mesir, Musa atadona ne ia padou. MYORI na tabbokamonno nabeige pamatea ne padou taddo wa'ida.Takka nyamo, Zipora nadeke keto watu monno natopola anana. Zipora nadeke kalita kulupana monno naka pettige barrawa'ina Musa. "Yo'u banapenganti ra'a tubagu."Nebana tekki Zipora oronanya kana topola anana.Nyaka, MYORI napaka lokoiMusa bana toleka.Musa Nadukkibana Mesir²⁷Myori napanewe babana barra Harun, "Kakonee mareda gurun ka rengga Musa."Nyaka, Harun nakako monno rengga Musa ne Gunung Allah.²⁸Musa natekki ngarakuwa nadi Harun perintahnaMYORI tubana nya ba tekkimonno tubada paka robba denga barawi pongngudibahida bukti banya Allahapatukai.²⁹Balina, Musa monno Harun akakko monno pakuwadi paama-paamaIsrael.³⁰Harun napanewe dengai ata monno napa dukkidi ngarakuwa patekkina MYORI barra Musa. Balina, Musa napa oudadi pakarobba denga-pakarobba denga aro barrada ngarakuwa ata. ³¹Monno, ngarakuwa ata Israel nawaige.Nepandege Bangsa Israelna MYORI baetada penderitaanda, deika rorubadai monno sembahwaAllah.

Na Maromba Allah napedewa Yosua gaikana Kalokkowi na Israel ¹Babana mate na Musa hambana Myori, Na Maromba Allah napanewe barrana Yosua anana Nun ata papawedena Musa, ²"Hambagu Musa namatebana. Nebahinnawe keddewu lage kapalawi na loko Yordan, you mono ngarakuwa ana alligu, gai kaaro nepadou payagudi barrada dudadina ata Israel. Ngarakuwa padou padekemu Kuyagudi barramu, ³hahinnana papa naugu barra na Musa.⁴Ne hawalina mareda benango mono awalina nee Libanon, naduki nee loko akaladana nai loko Efrat, ngarakuwa tanah Het dukige bonnu hagelara aroge patamawaina lodo, nyabawe padoumu hamandungo. ⁵Daiki ia ata ia ta agobagu ne tolekamu ponnu tana. Ha Hinna na Musa baku palolodengai hinna kaie baku palolodengagu you. Yowa dakudundakakigu mono daku bullakigu.⁶Pawesige ne atewaimu orona you apareta ata Israel gaikakolega ne padou papa naugu barada inakaweda amakawedamu hiti ulluna. ⁷Hinnamo, pawesige mono kalallutakkage ate danamu; Magawekina budekege kadukana hahinana lii paretagu papa naugu barrana hambaGu Musa; Du elekana wello kawana gai kana tomawe ne padou pakakomu.⁸Nebahinnawe, kadabullakage butekiwe ne kitab Taurat monno kalaluge lodo monno gede, gai kamaga wekina hahinnana hamatulipa ne buku bia dana, gai bukakakoko kakolena kanuru kanengga. ⁹Hiti baku teki babago barramu: pawesige ne atewaimu? Dumadautakana monno du ganggakana, na MYORI, Allahmu engai tidi barramu." Yosua napareta¹⁰Bage, na Yosua napatukadi hida tentarana monno natekida, ' ¹¹" kako ngarakuwadi wannoda hidi umata, ' siapandi pangaada ne touda lodona monno yemi engapalami Loko Yordan monno madiige ne tana payanami MYORI, allahmu, gai katorage.'''¹²Napanewe Yosua barana kabisu Ruben, Gat, monno wodogai kabisu Manasye, hinnage, ¹³'' Lolokiwe patekkina Musa, palimma pawaina Myori, papanauna barramu, tubana na Myori Allahmu koro gollu koro limma monno nayagowe newe tana barramu.¹⁴Ngara kuwa mawinne, lakawa, monno potemu needi padangngi waida ne tana payanagu Musa nee bali loko Yordan. Taka nya,ngarakuwa tentaramu engage baullu aroda ngarakuwa oledadimu monno babilluna numbu katopo gai kagatagu, ¹⁵Dukie na MYORI bana yawe ne koro gollu koro wai barrada du dadimu, monno barra kaimu monno hida akolekaina tana payana MYORI, Allahmu. Bapahinnawe, kawali bali netana padoumi kadouge ne tana payanamigi Musa, palimmawaina MYORI, Barramu, nee bali loko Yordan, nee pa oudawaina mata lodo."¹⁶Bage, awalewa Yosua," Ngara kuwa paparetamu aaro barramu engage bama pawillidi, monno kagege bapa tukama, enga kakoma. ¹⁷Hahinana ngara kuwa paparetana Musa madekudi, hinakaiwe bamarengei paparetamu. Takanya, na allah,MYORImu, enganyage bana koro golluwu hahinana bana koro golluwa Musa. ¹⁸Ia ata ia ata a gobago ne paretamu monno dadekudi patekimu lango kaapai aaro barrana, namate lumu dengagenya. Taka pawesige ate waimu monno padededoumu!"

Mata-mata nee Yerikho ¹Yosua anana Nun napa tukadi duada ata a pacecena peiwadida bapa cecena.patekina, " kako,pacecena nee wanno monno nee wanno Yerikho." Kakomi nee wanno Yerikho monno baduki umana na ia mawinne dala ngarana Rahap,aneina dura. ²Bage, a tekinawe tokko Yerikho hinnage " kapyandege ne gede waidi umbu eibana Israel hasalidika ne wanno." ³Tokko Yerikho napatukana ata barrana Rahap, hinage patekina," palousodi hidi ata a mai barramu, atamago ne umamu. Oronawe basalidika ngarakuwa ne wanno."⁴Taka, namawinne nakododi a dauda ata monno na burridi.Hinage patekina," Hiti ata amai barragu, daku pandekidi bagye walinyada. ⁵Bage kutodie binna kalada ne wanno bana gedege, hetibadi alouso. Daku pandekidi bagye aro nyada. Neebadi arepota monno awolai, monno you padekukaina lyira."⁶Badekukoge hahina tkkana, Rahap napennengindi uma dana bana burridi naonidi jerami pawewara.⁷bage, hida ata enga nyage badadadi bawolai baellei padou padou papalawai loko Yordan.Hida ata hapawola balousoge binna wanno, binna wanno todi balie.⁸Tengara Hida ata aduada nebadadurapo, na Rahap napenne umadana bana panewe dengadi. ⁹napa newe barada hidda ata "kupandege na MYORI bana yago netana aro barra ata paparetamu monno ne madauta aro barrada naulluwaiba bama wenna yamme. Badekutakka koge ngara kuwa ata adouge netana nama goddoka wekida bama dauta aro barramu.¹⁰Orona bama renge bapeiwaina MYORI bana pisiwe wee bonnu Tiberau ne aromatamu hitti bu louso wali tana Mesir. Monno, neparawibamu aro barrada aduada tokko Amori aneina bali loko Yordan hida Sihon monno Og, papamatebamu. ¹¹Baba rengewe, yamme maka dadakka monno nadakke wekima bama arogu. Baba hinage, MYORI,allahmu, nyadona Allah aneena ponnu langita monno neina kabu tana.¹²Monno nebahinawe, aurawu tekiwaina ngarana MYORI, Ne yauwa kurawibage aduwa aro barramu, you rawi takkage aduwa aro uma katongada amagu. Nyaka nehinna, yaga amandungo kakuwaigu. ¹³Monno you kapaslamatagadi amagu monno inagu, monno ngarakuwa oledadigu kabani monno mawinne, monno ngrakuwa ata papawededa. Monno kapaslamata kaiyama yamme bawaiko apamateyama."¹⁴Monno, hida ata hidage, " whatago lolongaumu bu tekikowe ne parawima yamme. Taka na MYORI bana yakoma netana madeiba duada limma monno mawai tatakkagu aro barramu."¹⁵Bage, nawaina kalere bana paburru li jendeladeta orona neumana neige ponnu temboka kota, nyawe ne nya kaneei ponnu temboka.¹⁶Hinnage patekina," aro barrada hida ata kakou netana ladaka detana a madeta gai hina ata a wolau kada etakau monno kada wopakau. Kabunniu ne a touda lodona dukie hida ata a wolau bawalibali, wudi pakitana bukako."¹⁷Hinawe patekida barra Rahap," yamme maluputabage ne aura paworobada ne barramu,¹⁸Ba bamawalibaliko ne wanno, ketege kalerre rara jendela deta nepapaburruwaimomaga ne yamme.Kododi amamu, innamu, ngarakuwa ole dadimu, monno ngarakuwa olekatonga danamu ne umamu. ¹⁹Ia ata ia ata alousoge ne binna umamu natora douge raana nya douna, monno ne yamme daiki salah pawennama.Takka nya, bagarrakuni awaina ne umamu raana nawenna toudetama yamme.²⁰takka, butekiko barra ata ne papa willima/parawima, ne aura paworobada barramu dana wennakie taudetama yamme.²¹Nawalewe Rahap, " appa nepatekimu hinnakaie adadi." Bage hida ata a pasellai bakako, monno badunnakage ummada, nya naketege kalerre rara ne jendela detana.²²Hida ata ha kako hadundakage umada nee wanno ladaka detana touda lodona madoina, dukie bawali hida ata hapawola.Hawegawi ata pawolada ia padou ia padou takka databokaki.²³Baliwalina, hida dauda ata Bawalina. Hadodo wali wanno ladaka detana, hapalai loko, monno taboka Yosua, monno hatekina tubana hadadi paetawaida mata. ²⁴Patekida barrana Yosua," Dekukoge ne ngara kuwana tana wanno na yababada MYORI barrada ito, monno ngarta kuwa ata awaina netana wanno hakadadakla madauta aroda ito."

Pakaobaenga nee Loko Yordan ¹Yosua nakede kapugedena, nakako ole lolodi ata Israel awalina Sitim. Hapalolo aro Loko Yordan monno arawina kareka parwawo nebada palapu na Loko Yordan.²Namalawie touda lodona, hakakodomo ha pala likuawi kareka parwawo. ³Hapakako paretada aro barrada ata Israel, hinawe: "babu etakowa na tabut papakirana MYORI, Allahmu, pakketada imam-imam Kabisu Lewi, you engakako ole lolo oleperadi. ⁴Takanya, na tabut data allu barrkini marrona duwarata hasta.Dabararkai datukkeka, pahina dengawe gai nalara pamaneda kadata bullakai. Orona hitti ha ulluna nalara palida data mane data li pongngukipa."⁵Bage, patekina Yosua aro barrada hida ata, " pasinhgira toumu, gai nekoka MYORI kana paburruge paka roba denga ne tillu dongamu."⁶Hinage patekina Yosua aro barra imam, "Keketa tabut lii kira lii dadi monno kakomi ullukapalai loko aroda ana allimu," Bage, ngarakuwa imam akeketa netabut monno akawaawe ne aroda umat.⁷Patekina MYORI barra Yosua, " Ne lodo Kukeketago ngaramu tubana nepaeta ngara kuwada ata Israel, ga i nehida Kakupalolodengamigi hahinnabana hiti ulluna Baku palolodengai Musa. ⁸Monno, patukadi hida imam tangera needi akeketa tabut lii kira, you tekiwe: Badukimi nee nudu Loko Yordan, dangngimi newe nudu Loko Yordan."⁹Patekina Yosua barrada ata Israel, " Maimi neme, monno karengewe liina MYORI, Allahmi."¹⁰Pateki domona Yosua, "Hinababawe na Allah natoleka marengadengamigi, monno Nya hinna takkaba bana erudi ata Kanaan, Het, Hewi, Girgasi, Amori, monno Yebus. ¹¹Badeku takkakoge, tabut liikira/liidadina Myori hapadadi ngarakuwage ne kadukatana kuduka langita nakakowe aro sagami, tama nee Loko Yordan.¹² Nebahinna, pede kabullu duada ata awalina kabisu kabisu Israel, ia kabisu ia kabisu ia ata.¹³Hida wa i da ngarakuwa hangindia hakeketa tabut lii kira liidadina Myori, Myori hapadadi ngarakuwage kaduka tana kaduka langita, hadangi ne weedana Loko Yordan nabyata monno ne wee awalina matana namapattuwe nakadena monno nakabalie wee patabaka.¹⁴Nebahinnawe, kakobada hid ata wali ne padoutadowa ida kareka dana palai Loko Yordan, monno ngara kuwa imam hadeito keketa tabut lii kira liidadi ha ullu aroda hida ata. ¹⁵Ne weena Loko Yordan napenne ponnu tana mara mertana matingngi. Nebaduki Loko Yordan hida ata adeito keketa na tabut lii kira lii dadi monno hida imam adeitowa Tabut awobuladi wa i da ne nudu loko, ¹⁶dana kokorabawe wee wali Matana, nadede natuda wee patabaka, dukie marrona Adam, wanno nee balina Sartan.Wee aburru aro Bonnu Araba, nee Bonnu Asin, napewa lolowe.monno hida umata pala lurutadawe aro nee Yerikho.¹⁷Ne bahinna, hida imam adeoito keketa tabut lii kira na MYORI adede netana mara, tilluna Loko Yordan, bage hida ata Israel ha li tana mara, dukie bapala dobba na Loko Yordan.

Watu-watu Hapalologe ¹Bapa hidda ngarakua ata ba palai na Loko Yordan, MYORI natekina Yosua, ²"Pedeu kabullu duada ata, ia ata ia kabisu. ³Patukadi hida ata lummudi, "Deke kabullu bolo watu awalina newe, tilluna Loko Yordan, padou dedewa i da ngara kuwa imam, pala ngindiwi bali loko, bandalawi ne padou tado mi selama ba enga migi.⁴Nebahinna, Yosua naka dengadi kabullu duada ata, papede bana awalina ata Israel, ia ata ia kabisu. ⁵Patekina Yosua aro barrada hida ata, "palami ne tillu Loko Yordan, arona tabut lii kirana MYORI, Allah mi.Dekemi ia ata ia ata bolo watu ta i lako detami, agai kaina mangedana kabisu-kabisu ata Israel,⁶Nepaeta till dongami tudawe, gai neme anami bamurri ba tuwako, "Appa kambuda hida togo? , ⁷nelimmige byawale ara barrada: ne weena loko yordan nyadowe abyata arona tabut lii kirana MYORI. Nebamna palai Loko Yordan tabut lii kirana MYORI, weena Loko Yordan na byata. Bage hida togo hidabana tadawe murri wali-murri wali barrada ata Israel."⁸Ngara hida ata Israel hadekuna patekina Yosua.Hida ata hadeke togo tillu Loko Yordan, kabullu duada bolo dekudi mangedada kabisu Israel, hahinana paparetan MYORI aro barrana Yosua.Bage hida ata apala gindi bali loko monno abandalai padou taddo wa ida. ⁹Yosua nabandala kaina togo kabullu duada ne tillu Loko Yordan, ne padou dedewaida imam hittio ulluna bakeketa tabut Lii kira.Hida togo dukie ne bahinna nee engapudi.¹⁰Hida Imam hakeketa tabut alii kira enganyage badede tillu Loko Yordan, dukie babai hida papa tukana papatukana MYORI barrana Yosua bana padukida barada hida ata Israel, hahinana patekina Musa barrana Yosua. Monno hangeta-ngetana ata Israel bapala. ¹¹Nebapala ngara kuwa hida ata, wudi pala ngindia tabut Lii kirana MYORI monno hida imam needi aroda ata Israel.¹²Ngara hida ata awalina kabisu Ruben, Gat, monno nagai kabisu Manasye apala ngindi numbu palu aroda ata Israel, hahinnabana papanauna Musa aro barrada. ¹³Bananotokoge patta kabullu rata tentara hapa mendarta wekkina ba gobbadi nearona MYORI, nebagobadi ne kalinndakana Yerikho¹⁴Nenya dommowe badeikawa Yosua aro matada ngara kuwa ata Israel, monno hakawodo katabai hainnana bakawodoi Musa nebana tolekapo ne ponnu tana.¹⁵MYORI napa newe barrana Yosua, patekina MYORIO ¹⁶"Patukadi ngara kuwa imam kakeketa tabut Lii kira kapa lousoi wali Loko Yordan."¹⁷Yosua nangupatukadi ngarakuwa imam, patekinadi, "Pennemi wali Loko Yordan." ¹⁸Nebapenne ponnu tana mara hida imam hakeketa tabut Lii kirana MYORI wali tillu Loko Yordan, monno hida imam badekege ponnu tana mara,naweena Loko Yordan nangu patangabalina nepadoubana, monno nakokora bali nalibota uppuna hinna dedememana¹⁹Hida data halouso loddo hakabulluna wulla hakawungana, monno harawina kareka ne Gilgal, nee balina padou oudawaina lodo watena Yerikho. ²⁰Hida togo ha kabullu duada, papilloda wali Loko Yordan, napa imbodi Yosua nee Gilgal. ²¹Ga i batuwako hida anami barra amada neme ba lodo murri, 'Appa artida hida togo?',²²Nyaka limmida batekida barra anami, 'Israel hapalababai na Loko yordan hamaraba. ²³Oronawe, MYORI, Allami napissi baba Loko Yordan ne aromi nyaka kapyal;ami hahinnabana parawibana MYORI, Allahmi nee Bonnu Rara, na pissia-MYORI ne aroda ito nyaka kata pala. ²⁴Monno, ngara kuwa ata ne ponnu tana kapandege na limana MYORI napa wessi takka, ga i ne hida kaenga madautadai MYORI, Allami murri wali- murri wali.

Salah Akhan ¹Bage hida ata Israel arawige ne parawi dasatia tubada barang papaliekaba, orona Akhan anana Karmi, anana Zirmi, anana Zerah, awalina kabisu Yehuda badekei hida barang papaliekaba. Nakedeba murkana MYORIaro barrada ata Israel.²Bage, Yosua napa tukadi ata awalina Yerikhokako nee Ai aneena barra Bet-Awen, nee bali timura Betel. Hinnage patekina barrada hida ata, patete kabunnige nee negeri." Bage akako kabunni bapacetege ne Ai. ³Murrinawe, akako balibarrana Yosua, monno teki nawe "dakako kuwakana ata. Natutuba duada atau touda rata ata akako aserangowe Ai. Dapasusaka ata bakako dobba nee, orona bayodikidowa ata nee."⁴Nyaka, kakobada notoge touda rata ata awalina bangsa itu akako nee. Taka hinamo hida ataakedu wali aroda hida ata Ai. ⁵Hida ata Ai apamate touda kabullu enne ata, monno ngara kuwa ata Israel awolai wali arona binna gerbang kota hapadukidi nee Shebarim, monno apalu baeruna nee karape lamberana. Bage, namubuka ateda hida ata, nakabalie hahinnana wee.⁶Yosua na irra jubahna monno nakawodo kataba dengadi tua-tua Israel ne arona tabut MYORI. Monno, aburrige pau tana ne katowa detada. ⁷Murrinawe, Yosua napanewe, "Ah, Morigu ALLAH, ne Kau kodowadi hida ata bapalai Loko Yordan, gai kapadolama barra ata Amori? Tudanawe bamawyatako bama dangi bali Loko Yordan!⁸O Mori, appa tekigu, bahetibadi akedu ata Israelwaliaroda gobba? ⁹Barengeko ata Kanaan monno ngara kuwa ata enga amidomobadi aserangngoama monno namuwage ngarama ne ponnutana. Appako parawiMu tubana ngara-Mu hakaladana?"¹⁰Napanewe MY0RI barrana Yosua, "Keddeu!Nekaukawodowa aro toudetamu? ¹¹Ata Israel arawibana sala monno alawiba nepareta pajanjibaGu. Hakeduna barang papalieka, monno aburridi, atai domodi tillu barango douda hida. ¹²Ata Israel dapawessibana bagobbai musuda, orona nehida kaina papaliekamemabai gai kapamodai.Yauwa daku rapedengaba migi badapapamusnaku hida barango papaliekaba haengana barrami.¹³Keddeu, Pasingira ne bangsa, monno tekkiwe, 'Pasingira ne toumu tubana ne koka lodo, orona ne hinnawe MYORI Allah Israel: 'Hai Israel, waidi barango papalieka ba ne tillu dongami. Yemi ditarraki balawai musuhmi bada eru kudi hidi barango papaliekaba aneena tillu dongami.¹⁴Koka kappu gede, yemi maju pongngu aroda kabisu-kabisu, monno kabisu papatutuna MYORImaju pongngumi ne aro wali ngara kuwa ole dadina. Monno ngara kuwa ole dadina papatutubana MYORI maju takka ne aroda ole dadina, monno ole dadi papatutubana MYORI maju ia monno ia. ¹⁵Bage, pakoleda abandalai hida barango papaliekaba tunnu pongngu api kakarrana, nya monno ngarakuwa awaina barra. Orona nya banalawie ne pajandi dengana MYORI monno bana rawige ne parawi apakotora tillu dongana Israel."¹⁶Murrinawe, kappu gedekii bana delakage tana Yosua, nakodo ngara kuwai ata Israel ne aroda kabisu-kabisu, monno kolei kabisu Yehuda. ¹⁷Patukke kuwai aro ngara kuwa oledadina Yehuda, monno kolei ole dadina Zerah. Patukke kuwai ole dadina Zerah kolei ole dadi na Zabdi. ¹⁸Ne batukke hida ole dadi ia monno ia kolei Akhan anana Karmi, anana Zabdi, anana Zerah.¹⁹Patekina Yosua aro barrana Akhan, " Anagu, ka wodo katabai MYORI, Allah Israel. Mengaku aro barraNa. nebahinna, tekkigadi ba appai parawimu. Bana notokoge duburrikadi ne aro barragu." ²⁰Akhan nawalewe, Hinna takkai! Yauwa kusalabana arona MYORI, Allah Israel. Hida nyabai parawigu: ²¹Kuetai tilluda barang-barang jubah adua pongngu parawina Sinear, monno kadipu doka botona limma kabullu syikal. Yauwa ku bei pongngudi, nya kaku dedei. Ngara kuwada kuburridi ne tanadana, monno hida perak needi kyabu."²²Yosua nangu patukadi ata bakako nee kema dana, monno hinna takkai ngara kuwada neetakkadi kemadanana, monno perak needi kyabu. ²³Bage, adede kuwai wali kemadana monno angindiwi arona Yosua monno ngara kuwada ata Israel, bage abogorakuwadi ne arona MYORI.²⁴Bage, Yosua monno ngara kuwa ata Israel akodoi Akhan anana Zerah, monno kadippu doka, monno ngara kuwa ana kabanina, monno ana mawinnena, sapina, keledaina, simbi-bebena, kemah na, monno ngara kuwa douna, ngindi nee Akhor.²⁵Yosua napanewe, Peina You kaupamateama yamme? MYORI enga pamatebana gu ne bahinna. Murrinawe, ngara kuwa ata Israel akabena watu, mon no atunnuwa api, bapakabena watu. ²⁶Bage, padedebana ne ponnuna watu Bogora kalada papa kuwa, dukie nebahinna nee engage. Nakurangoba bani takka takka MYORI awegara. Hinnabawe, ngarana nee padou batekielembah Akhor dukie nee bahinna nee.

Kota Ai na Binasa ¹Murrina, MYORI napanewe barrana Yosua, "Daumadautakana monno damagolatakana. Ngindi kuwai tentara patauna monno pasiapadi bamaju nee Ai. Kapyandege, na limmaGu yamigi raja Ai barrami, rakyatana, kotana monno negerina ²Rawikona aro barrana Aimonno tokkona, hahinnawaina parawimu barra Yerikho monno tokkona, takka ngara kuwa barango monno potena dekekai.Taina ata akabunni lirana kota."³Yosua monno tentara apakaiana bakako nee Ai. Yosua napede touda kabullu rata ata, ata bani-ata bani apawessi, kakowaina gede. ⁴Nya Naparintai hinnage, mendarami, you kaenga kabunnimu nee lirana kota. Da allu marrokage kota, monno ngara kuwami kapamendara wekina.⁵Yauwa monno ngarakuwa ata apalolodengaga tapenne pongnguge ne kota. Nyaka balousoko baserbuada, hahinnawaina hiti ulluna, nya ka yame kedu lolobama wali barrada. ⁶Hida ata engapadekuba da maga yamme, nyaka laikoi badundakage kota. Orona, hidage, 'Hidati ata akedu wali aroda hahinnabana hiti ulluna. Nyaka, kedu lolo bama wali aroda hida. ⁷You kedde lolo wali padou pakabunni wai mu gai kama diige ne kota.MYORI, Allahmu enga yabana nggo ne limma detamu.⁸Nebakolege ne kota, ka enga tunnu domowe bawaige api. Nabapapane we MYORI, rawi domoge!Lolowe, kaenga rawime ba appai hiti papanaugu." ⁹Yosua napatukadi nee padou pakabunni wai nee tilluna Betel monno Ai, nee balina barat Ai. Bage, Yosua natadona ne gede tillu dongada rakyat¹⁰Ne koka bana delaka kage, Yosua na wolla kappu gede kii monno nakira mangedana rakyatana. Bage, nya nakako ole lolodi ngarakuwa tua-tua ata Israel ne aroda atana nee Ai. ¹¹Tentara rakyatana nakawoddeka ngarakuwabapa lolodengai maju tukke ne arona kota. Arawina kema nee bali utara Ai, monno lamberana nee tillu ata monno Ai. ¹²Yosua bananotoge napede limma rata ata monno natai kabunnidi nee tilluda Betel monno Ai, nee bali barat kota.¹³Naatura na rakyatana: ngarakuwa tentara na taidi nee bali utara, nabarisana lira na taidi nee balina barat kota. Yosua nakako wina gedde tillu donga lamberana. ¹⁴Ne kappugedde kii bana eta na raja Ai, nya monno rakyatana, hadouge ne kota hangu pamendera wekibada bamaju balawaiata Israel nelambardetana nee balina dobadana. Takka dapandekige bawaidi ata akabunni nee bali lirana kota.¹⁵Yosua monno ngara kuwa ata Israel arawina akkala bakedu gai kalahbada kahidage aro hetti tillu mareda kikapa. ¹⁶Ngarakuwa ata adou ge ne kota na kedde dobba bapawola nemmelira. Hidda wolawa Yosua enga dekupatirridai barawidi akkala gai kamarro-marro kyage kotada. ¹⁷Dai pongngubana ia ata aengana nee Ai monno Betel hettikuwabadi awola ata Israel, monno agaibagebana kota bana mawuke badai ata tangeara bahetidi awola ata Israel.¹⁸Napanewe MYORI barrana Yosua, " Tawwegenumbu limma detamu aro tuba Ai, orona kuyapongngubago ne limma detamu." Nyaka, Yosua nataiyorage numbu ne limmadetana aro tuba Ai. ¹⁹Hida ata kabunni hangu ngetana bakede wali ne padouda tangerana Yosua bana taiyorai limmana. Hida ata hangu malle batamagekota, badouge, monno hangungetana batauge api ne kota.²⁰Hida ata Ai tangera needi hapayerrage lirada,naouda mau kota apenne langita deta. Datarrabanabakedu lango kagearonya da, orona na rayata akeduaro mareda kikapa nawali palina bagobadi hida ata awolawanya. ²¹Bage, na Yosua monno ngarakuwa Israel baeta na ata kabunni badiige ne kota monno banna penneba mau kota, madikiraba monno hamatei ata Ai²²Hangulouso ata Israel wadeka bagobadi ata Ai, dapandebana pamadikira ne tilluna ata Israel, hapaa rona newe- hapaarona nei ke. Nyaka, hida ata apama tei monno dai pongngubana ia ata alolosa papasellada atau aluputa. ²³Takanya, raja Ai woppa toleka, monno ngindia barrana Yosua.Patana Patauna aBaru²⁴Babawe hida ata Israel bapamatekuai ata Ainee padou papatauwai oroda hida ata pawolada aro mareda kikapa, monno amate ngarakuwa bawaidi tama keto bapabana, ata Israel awalipalina nee Ai badawu ngarakuwa bawaina tama keto. ²⁵Ata mate ne lodo, kabani monno mawinne, wai kabullu duada rata ata, ngarakuwa ata Ai. ²⁶Yosua dana tengngikia limmana banapaaroge numbu, dukie ngarakuwa ata Ai babangarakuwai.²⁷Takanya popteda monno ina kota adede kuwai ata Israel, dekuge patekibana MYORI paparintabaNai barrana Yosua.²⁸NaYosua tauge api Ai monno narawige tuda mata api murri wali-murri wali ia padou arete dukkie lodo nee.²⁹Raja Ai ateru wasu deta dukie raimale.Nebana tama mata lodo, Yosua napatukadi ata bapa burruna kamatena wali wasu deta monno akapettige arona binna kota. Monno apadede neponnuna watukalada papakuwa, awaipona dukie nee bahinna. Pabaca Wali Kanurru monno Pawelina.³⁰Murrina, Yosua napa dede ia mezbah tuba MYORI,Allah Israel, ne ponnuna laddakadetanaEbal, ³¹hahinnana pate kibana Musa barrada ata Israel, hamatulisaba buku biadanana Hukum Musa. Ne Mezbah parawi waige togo dapa loppu dapa sono monno dapa waikina pogo. Neponnuna barawi patunnu ara barrana MYORI monno pabara pasoudenga. ³²Natulisa ne togo deta salinan Hukum Musa, monno natulisa ne aroda ata Israel.³³Ngarakuwa ata Israel, tua-tua, aatura ata tentara, ngarakuwa hakim adede bapaaro wekkina basembah tabut, ne aroda imam awali kabisu Lewi adeitowa tabut lii kirana MYORI. Ata amai langngokopo ata mema Israel, na gai aroge kaladakana Gerizim monno na gai dommo aroge kaladakana Ebal, hahinnana paparitabana Musa, papawedena MYORI, tubana baberkata ata Israel.³⁴Babawege, baca ngarakuwai Hukum Taurat,berkat monno kutukana, hahinnana ngarakuwa hamatulisa nee kiatab Taurat. ³⁵Dai pongngubana ia kata dapa baca hida patekina Musa pabacana Yosua ne aroda ata Israel, monno aroda ngarakuwa mawinne monno ngarakuwa lakawa monno ata wudi amai badekuge ne tillu ata.

Ata Gibeon Araiakkala Yosua ¹Neba rengewe ngarakuwa raja nee balina barat Loko Yordan, ne kaladakadetana, ne Daerah Bukit, monno ne ngarakuwana Bonnu Kalada duki nee balina Libanon, hida ata Het, ata Amori, Ata Kanaan, Ata Feris, Ata Hewi, monno Ata Yebus, ²Hapakaia ngarakuwa na ba iatekki baserangowa Yosua monno ata Israel.³Nebarengnge ata Gibeon ne parawina Yosua aro barrada Yerikho monno Ai, ⁴hangu pamenderawek kibana baraina akkala. kakobada basiapana pangaa, adede karungo daduwa ailadi ponnu bedodetada keledai, kirbat anggur daduwa monno ama irra monno akottubalidi,monno ⁵sendala daduwa monno atambalai wai detada, monno kalambeka ratuka amairra ataubaliwi, monno ngartakuwa bekal roti amara, haengana ngarakuwa kabirrakana.⁶Bage kakobada barrana Yosua, ne padou pakemawaida nee Gilgal. Hatekinawe monno barrada ata Israel, " Yamme mamai wali nemme negeri amarro. Nyaka nebahinna, rawina perjanjian aro barrama," ⁷Awalewe ata Israel arobarrada ata Hewi, " Notoge you neibabagu tillu dongama, peikanawe ne yamme badapa rawina perjanjian barramu?" ⁸Awalewe barrana Yosua, "Yamme ata papawedebamu." Yosua natuwa dommoi aro barrada, " Garragu ne youmonno ge walinyamo?"⁹Pawaleda arobarrana Yosua, " Walima nemme tana marro bama mai ata papawedemu, orona banapangarana MYORI, Allahmu. Nyawe bama rengnge tuba-Na, monno ngarakuwa parawi-Na nee Mesir, ¹⁰monno ngara kuwa parawi-Na aroda duada rajada ngarakuwa ata Amori nee balina Loko Yordan, Sihon, raja Hesybon, monno Og, raja Basan aengana nee Asytarot.¹¹Nyawe, ngarakuwa tua-tua monno ngarakuwa rakyata ne tanama apanewe hidage, 'Ngindi pangaa tubana batakako monno kakoda kata tabbokai hidi ata.Tekkida aro barrada: Yamme ata papawedemu, bahinnako padukige ne aura arobarrami tubana baketege perjanjian aro barrami. ¹²Hida rorima, hamuttupo neme bama ngindi na lodo pa ammiwaima bamakakotubana batapadukina. Etai nebahinna, amarokota monno amubbuka. ¹³Hida kirbat anggura ma, abarupo kunga taudi ida, etai hamairrabana. Kalambe monno sendalama dakailabana orona bamakakoi lara marro."¹⁴Ata Israe adekei bekal da, monno datuwakie pabeina MYORI. ¹⁵Yosua narawige paopledadina barada hida ata monno ketege perjanjian tubana bagaidi baenga tolekada. Hida pemimpin umata ha aura aro barrada.¹⁶Namalawie touda lodona, bakettege perjanjian barrada hida ata, rengeloloba hida ata baneedi adangngi ne barrada, monno needommodi tilluata. ¹⁷Kako loloba ata Israel monno naloddo aka toudana hadukibana kota dana, ne kota Gibeon, Kefira, Beerot, monno Kiryat- Yearim.¹⁸Ata Israel dapamateki ata, hida pemimpin umata haaurabana tubana MYORI Allah Israel. Monno, akamerri ngarakuwa hida umata aro barrada pemimpin umat. ¹⁹Hapanewe pemimpin umata barrada ngarakuwa umata, "Ne yamme maaura bana oro ngarana MYORI, Allah Israel. Nyawe neba hinna data todo pongngukana ia ata.²⁰Nenyaba parawida data ganggubai gaidi batoleka gai kadata wennaka bani hahinnana pajanji bada bata aura." ²¹Pateki na pamimpin aro barrada, " Gaidi batoleka," Nyaka, hidabana pogo wasu moon atorage oke wee torada ngarakuwa umata,hahinnana papadukibada ngarakuwa pemimpin²²Bage na Yosua naka dengadi hida ata, hinnadi, "Peina ne you kautipuama butekkie: ne yamme namarro langngutakka pa douma, badekutakkakoge baneemumigi tillu donga ma yamme? ²³Neebahinna, terkutuk kabamie monno dana byataba murri wali-murriwali bayemmi ata paangu ataguge pogo wasu, monno ataguge oke wee tubana umma Allahgu"²⁴Awalea arobarrana Yosua, atekkie, "orona, tekki babawe bahinnatakka pongnguwe ne yamme ata papawedemu, bahinna MYORI, Allahmu bana tekki Na Musa, hamba-Na, hinna babawe bayago netana barramu monno pamodda ngarakuwa adouge netana wali barramu. Hinnaba, nyaka, namadauta takka pongngubana dewama yamme aro barramu. Hinnbai, alasana kambunahida parawima. ²⁵Dekutakkakoge nebahinna, yamme neebama kuasadanamu. Rawikundihahinnana paetamu aduwa monno abenara burawidi."²⁶Hinna lolobai bana ra widi. Nya kannapasellai hida ata wali limmadetada ata Israel, monno dapapamatebai hida ata. ²⁷Nyawe hitti ulluna, Yosua napasahwi hida ata bahida taguge pogowasu monno taguge oke wee tubana umata monno tuba na mezbah MYORI, dukkiebahinna nee, ne padou banya papedena

Matalodo Nangau ¹Narengewe Adoni-Zedek, tokko Yerusalem, Na Yosua napakalaba Ai dukkie bamodda. Hahinnana parawina barranna Yerikho monno tokkona, hinna domo parawikaina Ai monno tokkona, monno bapeiwaida baketege pakaiadengai Israel monno ba dangngi ne tillu dongada ata. ²Bage nakaladage pawessida hida ata, orona Gibeon kota kalada, manya kaiye atama kota kerajaan, monno nakaladakyapoge wali Ai monno ngarakuwa atana nakawossuka wekidanana.³Bage, Adoni- Zedek, tokko Yerusalem, napatukana ata barrana Hoham, tokko Hebron, barrana Piream, tokko Yarmut, barrana Yafia, tokko Lakhis,barrana Debir, tokko Eglon, monno napanau ⁴"Kaami di barragu monno katapatuluwekkina bata gobbai Gibeon, orona bapa kaiabana bapa kettewekina Yosua monno ata Israel."⁵Hida limma tokko Amori hapakuwana monnohamaju: tokko Yerusalem, tokko Hebron, tokko Yarmut, tokko Lakhis, monno tokko Eglon hapakaiapangnguna tentara. Hapakaiana kemadana bawola Gibeon, monno bapatauna balawani.⁶Hida ata Gibeon hapa ngindina ata barrana Yosua nee kemadana nee Gilgal, monno tekkina, "Dautengngi limmamu wali nebarrama yamme ata papawedemu. Ngetana bamai nebarrama, pasalamatama monno tulu takkama yamme, orona ngarakuwa tokko ata Amori anee laddakadetana hapa kaiabana bagobbama yamme." ⁷Nangu ngetana Yosua bana maju wali Gilgal, nya monno ngarakuwa tentara papalolodengana, ngarakuwa ata bani akawossuka wekidanana.⁸Napanewe MYORI barrana Yosua, "Dimadauta pongngukadi arobarrada, orona neyauwa kuserahkabadi ne limma danamu. Dailolobana ia ata atarra ne aro matamu.⁹Na Yosua nangu paweda wekkina bana keddedi, ne a ia gedena bakako wali Gilgal. ¹⁰Monno, MYORI nakawuradi hida ata ne aroda ata Israel, nadadie pakala langutakkada ne barra Gibeon, wola dommoi hapakatekalana Bet-Horon monno apalu erudi duki nee Azeka, monno duki Makeda.¹¹Tangera needi akedu wali aroda ata Israel ne karape lamberana Bet-Horon, hakabenai togo kalada wali langita deta duki Azeka bamate. Haluwa kyapona hamate pawenadaurra togo monno papa mateda tentara Israel pawaida teko.¹²Ne loddo mema MYORI nasarahkamemadiata Amori barrada ata Israel. Yosua na dede aroda ata Israel monno napanewe arona MYORI: "Matalodo, kadenau ponnuna Gibeon, monnowulla, neponnuna Lembah Ayalon."¹³Kadenau matalodo, monno wulla dakawodekakana dukie bamabalasa ne karoduka atema aro barrada gobbama. Ne dana danamatulisabapo buku danana Yasar? Matalodo nangukadana ne tillu langita ne agasu lodona. ¹⁴Daiki lodo hahinnawaina hittipona ulluna, orona MYORI bana rengena padengina na ia ata, nyaka MYORI kana gobba doudi bana patau dengadi bana oledi ata Israel.¹⁵Yosua monno ngara kuwa ata Israel awali dobba kemadana nee Gilgal. ¹⁶Hida limma tokko akedu monno aka bunni ne karekawatudanabarra Makeda. ¹⁷Bage, Yosua napadukige pateki hinage, "Hida limma tokko adukidi bakabunni nekare watudana nee Makeda."¹⁸Leilararana watu kalada ne ngada kareka watu monno taina ata ajagawi.¹⁹Taka ne you dangaupongngukana buwolai ngarakuwa gobbamu butau wali lirai balolungona. Dapa kalokopongngukadi batama ngarakuwadi kotada, oronaMYORI,Allahmu, nasrahkana ulluwaibadi barramu."²⁰Yosua monno ngara kuwa ata Israel naekagaie bapamodda ngarakuwai hida ata. waikidona yodi ata engana batama ngara kuwadi kota pawoletada gollu. ²¹Wali ngarakuwa bada hida ata baslamata barrana Yosua nee kemadana Makeda. Daipongngubana ia ata abarani apalousana patekki abuttuna aro barrada ata Israel.²²Bage, Patekina Yosua, "Wukke ngadana kareka watu monno ngindi limma tokko papalouso wali kare kawatudana ne barragu. ²³Palouso takkadi, hida limma tokko wali kareka watudana monno ngindi barrana--raja-raja Yerusalem, Hebron, Yarmut, Lakhis, monno Eglon.²⁴Hida raja ngindi barrana Yosua. Yosua napamai ngarakuwa ata Israel monno natekkida panglima adekuna patauna, "Tukkemi, taidi waimi ponnu kokida hida tokko. Bage, amaitakkadi batukke monno ataidi waida ponnu bukkuda hida tokko. ²⁵Murrina Yosua napanewe barrada hida ata "Damadauta popnngukana monno dakawidduka pongngukana, pawessige monno pakattoge ne atewaimu, orona hinnababawe parawibanaMYORI aro barrada ngara kuwa gobbamu, pakakomu."²⁶Bage, Yosuapun napa matei hida tokko monno te rudi wasu deta halimma buu. Engabadi wasude akaderu dukkie banatama mataloddo. ²⁷Bage, nebana tama matalodo, napatuka dommona Yosua, paburrudi hida kamateda wali wasudeta, tumbadi nee kareka watudana padou pakabunni waida, bage, ngarakuwa watu kala da todi waige ngada kareka watu. Dukkie nebahinna hida ruwida engapundi.²⁸Ne loddo mema, Yosua namadiige Makeda,monno natalu bana waidi tama teko monno tokko dommoda. Ngarakuwa aka woddeka pamoddakuwa. Daipongngubana ia ataakedu pakaloko. Narawina tokko Makeda hahinnawai na parawinai tokko Yerikho.²⁹Bage, Yosua monno ngarakuwa ata Israel kakowali Makeda nee Libna monno pataudengage ne kota.³⁰MYORI nasrahka dommoge ne kota monno tokkoda limma danada ataIsrael. Napa kalakuwai ngarakuwa akawoddeka awaina ne dyana bana waidi tama teko. Daipongngubana ia ata pakaloko pagai atoleka, monno tokkoda, rawinawehahinna waina parawidaitokko Yerikho.³¹Bage, Yosua monno ngarakuwa ata Israel akakowali Libna nee Lakhis, bageberkemah serrango kota monno pataudengage.³²MYORI na ya dommo wa Lakhis barrada ata Israel, monno Yosua nadekewe kota na loddo aka duadana. Ngarakuwaakawoddeka awaina nedyana napa kalakuwqai bana waidi tama teko, hahinna waina parawinai Libna³³Bage, Horam, tokko Geser, mai batulu Lakhis.Takka nyamo, napa kalai, monno atana, monno dai pongnguki ia ata pakaloko haengana.³⁴Bage, Yosua monno ngarakuwa ata Israel kako wali Lakhis nee Eglon.Murrina, berkema baserango ne kota monno balawadi bapataudengadi.³⁵Ne lodo mema dommo, douge kota monno pakala dommoi bawaidi tama teko. Ngara kuwa akawoddeka awaina nedyana pamodda kuawi ne loddo hahinna waina parawia Lakhis.³⁶Monno, Yosua monnoata Israel hamaju wali Eglon kako nee Hebron monno patauna bapagobbana. ³⁷Kolege, monno taluwe ne wanno monno bawaidi tama teko. Tokko monno ngarakuwa wanno,monno ngarakuwa akawoddeka awaina nedyana dappakaloko pongngubai langngokanyako na ia ata.Hahinnakaina parawiba Eglon, bapa modda ngara kuwa awaina ne dyana.³⁸Bage, Yosua monno ngarakuwa ata Israel awali nee Debir monno pagobbana bapa tauna.³⁹Tokko monno ngarakuwa kotada rebutai monno waidi tama teko. Ngarakuwa akawoddeka awaina nedyana pamoddakuwai, daipongngubana ia ata pakaloko akedu. Hahinnawaina parawia Hebron, hinnakaie parawia Libna monno tokkoda.⁴⁰Yosuapun natalu kuawi negeri, Pegunungan,Tana Negep, Daerah Bukit,monno Lereng Gunung, monno ngara kuwa tokkoda. Dai pongngubana ia ata pakaloko akedu monno pagai atoleka, pamodda ngarakuwai amangu ngauna, hahinna waina papatukana MYORI,Allah Isarael.⁴¹Yosua napalu pakaladi wali Kadesh-Barnea duki nee Gaza, hinnakaiye ngarakuwa tanaGosyen dukki nee Gibeon.⁴²Yosua natalukuwai tokko monno wannoda na waktu asama, orona MYORI, Allah Israel baNya douna agobbadi tubana Israel. ⁴³Bage, Yosua monno ngarakuwa Israel walio dobba nee kemadana ne Gilgal.

Talukuwai Kota nee BagianUtara. ¹Nadadiwe, tangerana Yabin, tokko Hazor, bana rengngewe, napa tukana ata barrana Yobab tokko Madon, barrana tokko Simron, monno barrana tokko Aksaf, ²barrada ngarakuwa tokko nee bali utara, nee laddakadetana, nee Araba- Yordan, nee selatan kinerpot, nee Daerah Bukit,monno nee tana kabunduka Dor nee bali barat, ³monno barrada ata Kanaan nee bali timurmonno barat, ata Amori, ata Het, ata Feris, monno ata Yebus adangngi nee ladaka detana, monno ata Hewi adangngi ne kaki Gunung Hermon ne tana Mizpa⁴Alouso ngrakuwa tokko monno tentarada, nakaduka dobba rakyatada natudda laingo nudu bonnu mangedana, monno aluwapongnguna dara serta kereta. ⁵Ngarakuwa tokko aworobage baammi dobba di ne kemadana barra mata wee Merom tubana patauna bagobbai Israel.⁶Napanewe MYORI barrana Yosua, "Damadautakadi aro barrada, orona koka, nebahinna, Ku ya ngarakuwa pongngubai kapamatei barra Israel.Ngarakuwa darada pakabekokuawi monno ngarakuwa karetada tunnukuwai api."⁷Murrina, Yosua palolodengadi ata bani patauna paweddawekina mai barrada ne barra mata wee Merom, monno baserranguwi batauwi.⁸MYORI nasarakandi limmadanada ata Israel.Hapakalai monno wolai dukki Sidon Besar monno Lembah Mizpa nee bali timur. Hida palupakala ngarakuwai monno dai pongnguba ia ata luputa monno pagai atoleka amoripa.⁹Yosua narawige hahinnabana patekkina MYORI: pakabeko kuwadadi darada monno tunnukuwai api karetada¹⁰Nangu walipalibana Yosua narebuta Hazor. Tokkoda pamatewai tama teko, orona Hazor hetti ulluna banya palopora ngarakuwa ne kerajaan.¹¹Ngarakuwa akawoddeka awaina nedyana pamatekuwai bawaidi tama teko. Pamoddakuwai dukkie daipongngubana ia ata seipa mangungauna, bageHazor tunnuwa api.¹²Bage, Yosua nataluku wai kotada ngrakuwa tokko monno ngarakuwa tokko pamatei bawaidi tama teko. Pamoddai hahinnawaina papatukana Musa, hamba MYORI. ¹³Takka, ngarakuwa kota ponnu bukit-bukit puing datunnuki ata Israel, nyakidona Hazor patunnuna api Yosua.¹⁴Ngarakuwa pawaida ngarakuwa kota mopnno poteda dekei barampokai ata Israel. Takka ngarakuwa ata pamatei bawaidi tama teko dukkie bamodda. Wali ngarakuwa amangu ngauna dai pongngubana pagai amoripa. ¹⁵Hahinnabana papa tukaba MYORI barra Musa, hambaNa, hinnakaie Musa bana patukai Yosua, bage Yosua narawi takkage. Dai pongngubana ngarakuwa papatukana MYORI dapa rawina Musa.Narawikuwadi Musa.¹⁶Hinnabana Yosua nakole ngarakuwage negeri, Pegunungan, ngara kuwa Tanah Negeb, ngarakuwa Tanah Gosyen, daerah Araba-Yordan, pegunungan Israel, monno dobana lindaka. ¹⁷Mulai wali ladakana Halak penne nee ponnuna Seir, dukki Baal-Gad ne Lembah Libanon.Ngarakuwa tokko needi kabuna Gunung Hermon. Woppa ngarakuwai tokko, bage pamatei.¹⁸Negaina madoina Yopsua narawige patauna bagobbadi ngarakuwa tokko. ¹⁹Dai pongnguki ia kota rawige paduwa dengadi ata Israel, kecuali ngarakuwa ata Hewi adangngi nee Gibeon. Deke ngarakuwai waige patauna monno pagobbana. ²⁰Nyadouna MYORI Apakattoda atada monno pahinna denga kapamoddai, daibana manawara, hinnababawe bana patukai Musa.²¹Nya dommoba Yosua bana kako pamoddai ata Enak wali laddakadetana, wali Hebron, wali Debir, Anab, wali ngarakuwa pegunungan Yehuda, monno wali pegunungan Israel. Yosua napamoddai monno ngarakuwa kotada. ²²Ne tana Israel dai pongngubana ia ata Enak pagai atoleka. Aengaponna nee Gaza, nee Gat, monno nee Asdod.²³Yosua nangu dedekuwai negeri hahinnabana ngarakuwa patekina MYORI barrana Musa. Yosua nangu yakuwai barrada ata Israel ba milika pusaka dadi, dekuge babagei kabisu-ka bisuda. Bage, namoli naduwa ne negeri, nangauwe pagobbana patauna

Tokko Papakala Israel ¹Hida nyakuwaibai tokko papa palu pakalada ata Israel, padekeda tanada bali bali loko Yordan, nee bali timur padou oudawaina matalodo. Wali loko Armon dukki nee gunung Hermon, monno narakuwa Araba-Yordan aro timur. ²Sihon, tokko Amori adangi ne kota Hesybon monno napareta atas Aroer a neena nudu loko Arnon, a needa tillu loko, monno awali neagai Gilead, dukki loko Yabok, ne watteda ataArmon.³Monno, wali Araba-Yordan bali timur oba kinerot monno dukki nee bali timur bonnu Araba, yaitu Laut Asin, aro nee Bet-Yesimot, monno aro nee selatan dukki nee kabuda gunung Pisga. ⁴Hinna kaiye daerah Og, tokko Basan, gobana engapona ata Refaim. Ia bertahta ne Asytarot monno Edrai, ⁵monno atas gunung Hermon, Salkha, monno ngarakuwa Basan, dukki daerah Gesur, ata Maakha, monno atas ne agai ,Gilead dukki daearah Sihon, tokko Hesybon.⁶Musa ata papawedena MYORI, monno ngarakuwa ata Israel talukuwaiba hida ata. Na Musa, ata papa wedena MYORI, napa sella babai barrada ata Ruben, ata Gad, monno akadippu walida kabisu Manasye, ba tanah milikadadi.⁷Hida ngarakuwa bana tokko ne negeri nee bali barat loko Yordan patalu ngarakuwana Yosua monno ngarakuwa ata Israel. Wali Baal- Gad ne Lembah Libanon dukki Gunung Halak penne nee Seir, payana Yosua barrada kabisu-kabisu Israel bajadi tanah milikadadi, dekuge paworoba babagei. ⁸Ne pegunungan, ne daerah Bukit, ne daearah Araba Yordan, ne karape lamberana, ne mareda agellara, monno, monno Tanah Negeb, ata Amori, ata Kanaan, ata Feris, ata Hewi, monno ata Yebus:⁹Tokko Yerikho, ia; tokko Ai aneena barra Betel' ia; ¹⁰tokko Yerusalem, ia; tokko Hebron, ia; ¹¹tokko Yarmut, ia; tokko Lakhis, ia;¹²tokko Elgon, ia; tokkoGeser, ia;¹³Tokko Debir, ia; tokko Geder , ia; ¹⁴tokko Horma, ia; tokko Arad, ia;¹⁵tokko Libna, ia; tokkoAdulam, ia; ¹⁶tokko Makeda, ia; tokko Betel, ia;,¹⁷tokko Tapuah; ia; Tokko Hefer, ia; ¹⁸tokko Afek, ia; tokko Saron, ia; ¹⁹tokko Madon, ia; tokko Hasor ia; ²⁰tokko Simron Meron, ia; tokko Akhsaf, ia;²¹tokko Taanakh, ia; tokko Magido, ia; ²²tokko Kadesh, ia; tokko Yokneam aneena Karmel, ia; ²³Tokko Dor aneena Tanah Bukit Dor, ia;tokko Goyim nee Gilgad, ia; ²⁴monno tokko Tirza, ia. Jumlah ngarakuwa tokko touda kabullu ia ata.

Daerah Dppa Dekepo ¹Yosua nakaweda monno nama loubana umurna, napanewe MYORI barrana" You mukawe bana monno nalanjutabana umur, monno negeri-negeri aluwapongngupona engana dappa torapo.²Hida nyabai negeri engana: ngarakuwa wilayah Filistin monno ngarakuwa wilayah ata Gesur, ³wali loko Sikhor, nee bali timur Mesir, dukki wilayah Ekron nee bali utara, pahitungopo wilayah ata Kanaan-- Limma tokko ata Filistin, nee Gaza, Asdod, Askelon, Gat, monno Ekron-- monno ata Awi,⁴nee selatan. Ngarakuwa negeri ata Kanaan, monno Meara, torada ata Sidon dukki ne Afek, monno daerah ata Amori. ⁵Negeri ata Gebal monno ngarakuwa Libanon, wali Baal-Gad nee kabuna gunung Hermon barra Hamat.⁶Ngarakuwa aengana pegunungan, wali Libanondukki nee Misrefot-Maim, ngrakuwa ata Sidon. Yauwabana awolai wali aroda ata Israel. Taknya,rawibellina undi torada ata Israel bamilika pusakadahahinnabana paparitahbagu. ⁷Nebahinna, bagewe ne negeri bamilika pusakada iwwa kabisu monno ne gai torada kabisu Manasye."Bagei Tanah⁸Ngarakuwa hida ata, ata Ruben, ata Gat, torabada banayadi Musa, nee bali timur loko Yordan, hahinnabana papatutuna Musa, hambana MYORI. ⁹Wali Aroer aneena nudu loko Arnon, ngarakuwa kota aneena ko rotillu loko monno ngarakuwa alindaka letedetana, monno wali Medeba dukki nee Dibon.¹⁰Narakuwa kota Sidon, tokko ata Amori, apareta ne Hesybon, dukki daearah ata Amon. ¹¹Gilgad daearah ata Gesur monno Maakha, monno laddakadetana Hermon monno ngarakuwa tanah Basan dukki nee Salkha. ¹²Ngarakuwa kerajaan Og nee Basan, paparetana Asytarot monno Edrei, hidakidona engana wali ngarakuwa krei ata Refaimpapakalada monno pawolana Musa.¹³Takka, ata Israel dawolaki ngarakuwa ata Gesur monno Maakha nyaka ata Gesur monno ata Maakha engadi punndi tillu dongada ata Israel dukkie nebahinna nee.¹⁴Nyakidona kabisu Lewi dapayada milik pusaka.Milik puskada nyadu wi pabarada barrana MYORI, Allah Isarael, hahinnana papanewebana MYORI.¹⁵Na ya Musa barra kabisu paburru waliwaina Ruben dekudi ole dadina: ¹⁶Wilayahda wali Aroer nudu loko Arnon, aneena koro loko monno kalindakana amajeta nee Medeba.¹⁷Hesybon monno ngarakuwa kota aneena kalindakana amajeta, yairtu Dibon, Barmot-Baal,Bet-Baal-Meon,¹⁸Yahaz, Kedemot, Mefaat, ¹⁹Kiryataim, Sibma, Zeret-Hasahar ne ponnu kabundukana karapelamberana,²⁰Bet-Peor, ngarakuwa karapelamberana Pisga, monno Bet-Yesimot. ²¹Nyakaie ngarakuwa kota ne kalindakana amajeta monno kerajaan Sihon, ata Amori, apareta ne Hesybon, papakala Musa monno ngarakuwa tokko Midian, hida Ewi, Rekem, Zur, Hur, monno Reba, ngarakuwa tokko paparetana Sihon, aneena ne negeri.²²Nyakaina Bileam anana Beer, tukang tenungapamatea ata Israel bawai teko, monno ngarakuwa ata papamatekaida.²³Batas Watte oledadina Ruben uppu loko Yordan monno ngarakuwa uppuna. Nyabai milik pusakada keurunan Ruben bapadekuna oledadina, hida ngarakuwa kota monno ngarakuwa desana.²⁴Na yababadi Musa barra kabisu Gad paburru wali waina Gad, nekudi ngarakuwa oledadina: ²⁵Hidda wilayah torada nyabai Yazar, monno ngarakuwa kota Gilead, monno agai negeri ata Amori dukki nee Aroer, aneena arona Raba. ²⁶Daerah Hesybon dukki nee Ramat-Mizpa monno Betonim, monno wali Mahanaim dukki nee wilayah Debir,²⁷monno lembah Bet-Haram, Bet-Nirma, Sukot,monno Zafon, aengana kerajaan Sihon, tokko Hesybon, loko Yordan monno ngarakuwa uppuna, dukki lawina oba Kineret, nee bali timur loko Yordan. ²⁸Hiddabana tora pusakada paburruwali waina Gad dekudi nngarakuwa oledadina, hida ngara kota monno ngarakuwa desa.²⁹Na yadi Musa ne agai kabisu Manasye, awali paburru wali waina Manasye ne gai dekudi ngarakuwa oledadina:³⁰Hida ngarakuwa wilayahda wali Mahanaim, ngarakuwa Basan, ngarakuwa kerajaan Og, ngarakuwa desa Hawot-Yair, aneena Basan kirai ngarakuwada enne kabulluwa kota. ³¹Monno , negai Gilead, Asytarot, monno Edrei, ngarakuwa kota kerajaan Og ne Basantoramidi paburru wali waina Makhir anana Manasye, ba negai wali paburru wali waina Makhir dekudi ngarakuwa oledadina.³²Nyabai pabagina Musa sebagai warisan nee dataran Moab, nee balina loko Yordan, nee Yerikho tubana timur.³³Suku Lewi dana kolekina milik pusana wali barra Musa. MYORI, Allah Israel, Nyadona milik pusaka mereka, hahinnabana pateki-Na arobarrada hida ata.

Tanah torana Yehuda ¹Ne tanah paundibadaikabisu dalarana Yehuda dekudi ngarakuwa ole dadina nadukkie wattena Edom, nadukkie mareda benango Zin selatan, nee uppuna selatan. ²Watte selatanda wali uppu bonnu Azin wali kasikkuna aro selatan,³aro hitti katekalana Akrabim, lawie Zin. Bage, penne nee selatan Kadesh-Barnea, pakitana nee Hesron, penne nee Adar, monno elena nee Karka. ⁴Bage kako Azmon monno louso ne loko Tanah Mesir nyaka wattena nadukage uppu bonnu.Nenyaba wattena selatan.⁵Wattena Bali timur dukki nee Laut Asin duuki nee mananga Loko Yordan. Watte nee uppuna bali utara kawungana wali kasikkuna nee lawina mananga Loko Yordan. ⁶Na watte na penne nee Bet-Holga, nalawie bali utara Bet-Araba. Bage, na watte nee batu Botham, anana Ruben.⁷Murrina, na watte na penne nee Debir wali tebana Akhor, aro bali utara nee Gilgal pala baka katekala Adumim, dukki balina selatan loko. na watte nalewata nee mata wee En-Semes monno na dukkage nee En-Rogel.⁸Bage, na watte na penne nee tebana Ben-Hinom ne balina selatan dekuge malouna tebana gunung Yebus , ne Yerusalem. Na watte na penne ponnu gunung Lembah Hinom bali barat, lawina utara tebana Refaim.⁹Na watte nama woleta wali ponnu gunung aro mata wee Me-Neftoah, aro ngarakuwa kota pegunungan Efron. Bage, na watte nama woleta aro Baala, ne Kiryat-Yearim.¹⁰Na watte paelei aro barat wali Baala, aro pegunungan Seir, pakitana nee utara, tebana gunung Yearim, ne Kesalon, burru ne Bet-Semes pakitana nee Timna.¹¹Murrina, na watte na aro nee bali utra, ne tebana Gunung Ekron. Bage na watte nama woleta nee Sikron, nalawie Gunung Baal, louso ne Yabneel, monno nawatte na dukkana nee bonnu dana. ¹²Watte nee bali barat Laut Besar monno pantainya. Nyadona lollungo ngarakuwana watte paburru wali waina Yehuda bapadekuna ngarakuwa ole dadina.¹³Kaleb anana Yefune haserahkana torana ne tilluna kabisu Yehuda, hahinna bana papa naunaMYORI barrana Yosua, ne Kiryat-Arba, ne negeri Arba, amana Enak. Nyaba Hebron. ¹⁴Kaleb wali ne na wolai touda anana Enak, na Sesai, Ahiman, monno Talmai, paburru wali waida wali Enak. ¹⁵Wali nemme, namaju serrangowa penduduk Debir. Ngara ulluna ne Debir nyadowe Kiryat-Sefer.¹⁶Napanewe Kaleb, "Garrakuni agobbage Kiryat-Sefer monno nakolege, Ku takkanai Akhsa, anagu lakawa mawinne, baole ummanai. ¹⁷Otniel, anana Kenas, angu nguwana Kaleb nakolege, nyaka, Kaleb na ya Akhsa, ana mawinnena, baole ummanai.¹⁸Na dukkibana mawinne monno naroruwa laina kana dengi oma barra amana. Na burru mawinne wali keledai deta, bage napa newe Kaleb, " peina kambu atemu?"¹⁹Nawalewe, "Yaga wee maringngi oropna bu yaga ne tanah rete, nyaka ya dommoga mata wee," Bage, na yai mata wee ne matana monno mata wee ne katamana.²⁰Ne nyaba milika pusaka da kabisu Yehuda deku ngarakuwadi ole dadina.²¹Ngarakuwa kota paburru wali waina kabisu Yehuda aneepongnguna lawina, barra watte Edom ne tanah Negeb nyaduwi: Kabzeel, Eder, Yagur, ²²Kina, Dimona, Adada, ²³Kadesh, Hazor, Yitnan, ²⁴Zif, Telem, Bealot,²⁵Hazor-Hadata, Keriot- Hesron, nyado Hazor, ²⁶Amam, Sema, Molada, ²⁷Hazar-Gada, Hesmon, Bet-Pelet, ²⁸Hazar-Sual, Bersyeba,Biziotia,²⁹Baala, Iyim, Ezem, ³⁰Eltolad, Kesil, Horma, ³¹Ziklag, Madmana, Sansana, ³²Lebaot, Silhim, Ain, monno Rimon. Mangeda ngarakuwada kota duakabullu iwwa monno ngarakuwa desada.³³Monno, ne Daerah bukit: Esytaol, Zora, Asna, ³⁴Zanoah, En-Ganim, Tapuah, Enam, , ³⁵Yarmut, Adulam, Sokho, Azeka,³⁶Saaraim, Aditaim, Gedera, Gederotaim; Kabullu pata kota monno desa-dasada.³⁷Zenana, Hadasa, Migdal-Gad, ³⁸Dilean, Mzpa, Yokteal, ³⁹Lakhis, Bozkat, Eglon,⁴⁰Kabon, Lahmas, Kitlis, ⁴¹Gederot, Bet-Dagon, Naaman, monno Makeda; Kabullu enne a kota pangngu desa-desada.⁴²Libna, Eter, Asan, ⁴³, Asna, Nezib, ⁴⁴Kehila, Akhzib, monno Maresa; Sembilan kota pangngudi desa-desada.⁴⁵Ekron, pangngudi ana kota monno desa-desada; ⁴⁶Wali Ekron dukkige bonnu, ngarakuwa aneina lalena Asdod monno desa-desada. ⁴⁷Asdod monno ana kota pangngudi desa-desada; Gaza monno ana kota pangngudidesa-desada,dukki na loko Tanah Mesir, Laut Besar, monno dukkana uppuna.⁴⁸Monno, ne pegunungan: Samir, Yatir, Sokho, ⁴⁹Dana, Kiryat-Sana, nyado Debir. ⁵⁰Anab, Estemo Anim, ⁵¹Gosyen, Holon, monno Gilo; kabullu ia kota monno desa-desada⁵²Arab, Duma, Esan, ⁵³Yanum, Bet-Tapuah, Afeka, ⁵⁴Humta, Kiryat-Arba, nenyado Hebron, monno Zior; Iwwa kota pangngu desa-desada.⁵⁵Moan, Karmel, Zif, Yuta, ⁵⁶yizreel, Yokdeam, Zanoah, ⁵⁷Kain, Gibea, monno Timna; kabullu kota monno desa-desada.⁵⁸Halhul, Bet-Zur, Gedor, ⁵⁹Maarat, Bet-Anot, monno Eltekon; Enne kota monno desa-desada.⁶⁰Kiryat-Baal, nyado Kiryat-Yearm, monno Raba;Duada kota monno desa-desa-desada. ⁶¹Ne mareda gelara: Bet-Araba, Midin, Sekhakha, ⁶²Nibsan, Kota Garam, monno En-Gedi; Enne kota monno desa-desada.⁶³Ne ba arodi ata Yebus, aneena kota Yerusalem, paburru wali waina Yehuda dappa taluki ba wolai. Nyaka, ata Yebus monno ata ole dadina Yehuda enga dobbadi adangngi dukkie bahinna nee.

Tanah torada Efraim monno Manasye ¹Palousona undi tubada dalarada Yusuf. Wali Loko Yordan barra Yerikho, nee bali timur mata wee Yerikho, li mareda gelara, penne wali Yerikho pakitana pegunungan, pakitana Betel. ²Louso wali Betel pakita na Lus, lewata pakita daearah ata Arki, pakitana Atarot.³Bage, Dodo pakitana barat, pakitana daerah ata Yafet dukki daearh Bet-Horon Hilir dukki Geser, bage dukkana bonno dana. ⁴Hida nyadu dalarana Yusuf, hida kabisu Manasye monno kabisu Efraim adeiba milika pusaka.⁵Daerah paburruwali waina Efraim badekudi oledadina na: Watte tora taguda nee bali timur Nyadu Atarot-Adar dukki Bet-Horon Hulu. ⁶Nalouso bana watte nee bali barat Mkhmetat,pakitana bali utara. Murrina, na watte naelepakitana bali tiomur Taanat-Silo, pakita patirrina bali timur Yanoah. ⁷Dodo wali Yanoah pakitana Atarot monno Naharat, bage pawattedengai daerah Yerikho, monno louso pakitana Loko Yordan.⁸Wali Tapuah, na watte napakitana bali barat Loko Kana, monno nadukkana nudu bonnu. Ne nyaba tora takkada kabisu paburru wali waina Efraim dekudi ngarakuwa ole dadina. ⁹Hida kota paburru wali waina Efraim needi tillu pusakana kabisu Manasye, nyadu ngarakuwa kota monno ngarakuwa desada.¹⁰Hida da wola erukidi ata Kanaan a dangngi ne Gezer. Nyaka, ata Kanaan engadi tillu dongada kabisu Efraim dukkie mahinna nee, monno baata papawededadi

¹Ne paundi torana kabisu Manasye, orona ana bodinai Yusuf, nyado: payawa Makhir, ana bodinaManasye, ama kawedana Gilead, ya domona Gilead monno Basan orona batentarai. ²Hina nyadu papatutu dadi hida wadeka anana Manasye badekudi ngarakuwa ole dadina, hida paburru wali waina Abiezer, paburru wali waina Helek, paburru wali waina Asreil, paburru wali waina Sekhem, paburru wali waina Hefer, monno paburru wali waina Semida. Hida nyadu ana Manasye, anana Yusuf, badekudi ngarakuwa ole dadina.³Takka, Zelafehad anana Hefer, anana Gilead,anana Makir, anana Manasye, daiki ana kabanida, nyakidu mawinne. Hida ngarada lakawa mawinne: Mahla, Noa, Hogla, Mika, monno Tirza. ⁴Atukke barrana Imam Elazar, monno barrana Yosua anana Nun, monno ngarakuwa paama monno apanewe, " MYORI napa tukaibai Musa gai ne yamme kayama milika pusakama monno ngara kuwa ole dadi ma." Nyaka, hahinna bana patekkina MYORI, hayadi tora pusakada monno ngarakuwa ole dadina monno ngarakuwa ole dadi na amada.⁵Kabulluwa padou tanah pakolena Manasye, eka douda torada Gilead monno Basan aneena bali Loko Yordan. ⁶Nyaka, paburru wali waida mawinne monno kabani Manasye adeiba dobba milika pusaka, monno tanah Gilead bamilika paburru wali waina Manasye aloukapo.⁷Wilayahna Manasye wali Asyer dukki Mikmetataneena bali timur Sikhem. Na watte napa pakitana nee selatan napa pakitana nee daearah rakyatana En-Tapuah. ⁸Tanah Tapuah milika dommo pona kabisu Manasye, takka ne Tapuah barra wattena Manasye milika dommo pona paburru wali waina Efraim.⁹Na watte na burru Loko Kana, napa kitana bali selatan na loko. Ngara kuwa kota milikakuwa nadi kabisu Efraim, waikoge baneedi tillu kotana Manasye. Watte daerahna Manasye nee bali utarana loko monno nadukana bonno dana. ¹⁰Bali selatan milikana kabisu Efraim, bali utara milikana kabisu Manasye. Hapawattena bonnu, monno ha pawatte dengage daerahna Asyer nee bali utara monno daerah Isakhar nee bali timur.¹¹Wilayahna Manasye wai kaige nee daerah Isakhar monno daerarah Asyer, nee Bet-Sean monno ana kotana, Yibleam monno ana kotana, rakyata Dor monno ana kotana, rakyata En-Dor monno ana kotana, rakyata Taakh monno ana kotana, monno rakyata Megido monno anakotana, hida nyadu atouda daearah bukit. ¹²Takkanya, pa burru wali waina Manasye dana dana paretaki ngarakuwa kota, orona ngarakuwa atakanaan danaupongngiki baeruge ne padouda.¹³Hapa wessipya ata Israel, ata kanaan hidabana papa wede pawilli takka dapa eru pongngu bai engadi padou tetapa wai da.¹⁴Apanewe dalarana Yusuf barra Yosua, "Peina ne yamme kadapa ya waima torama ia undian monno ia wilayah pusaka, dekukoge bangsa kaladama mangedama, dukkie ne bahinna nee enga nyage na MYORI bana yama wee maringngiwee malala?" ¹⁵Pawalena Yosua barrada, "Ne yemmi ba bangsa kaladadu kakou ka poka ala kadawu karawina oma nee, ne negerida ata Feris monno ata Refaim, bana allu kadingngo koge pegunungan Efraim torami."¹⁶Apanewe dalara paburru wali waina Yusuf,"Ne pegunungan dana tutukie bama douge, monno ata kanaan needi karape lamberana ba wai domodi kareta bei da, langngo kanya dommoi aneena negeri Bet-Sean monno ana kotana, monno aneena dangngi karape lambearana Yizreel." ¹⁷Yosua napa newe barra keturunan Yusuf, hida kabisu Efraim monno kabisu Manasye, "Ne yemmi bangsa kaladami mangedami monno nakaladage pawessimi, dadapa ia waiki undian patentu kadamigi. ¹⁸Baddeku takka kongge ne pegunungan milika takkamie, nyaka kakadawue, poka wukewe monno tora lyolyo bamie hitti uppu uppuna. Monno, yemmibana aeru takkadi ata kanaan, langngokopo ba waidi kareta beida monno ba pawessi.

Kota Padou amana wai ¹Napanewe MYORI barrana Yosua, patekkina: ²"Tekkida ata Israel hinnawe, patutuge kota toramu padou amana waimu, patekkibana MYORI papa dukkina Musa barramu. ³Bagarra kuni apamate ia ata dawali kalaki atekina, nya pakedu waina nee, monno da tuntu ta pongnguba nee padou pa amana waina ba pamate kaia.⁴Ne bana dukki ne ia kota pa dou kedu waina, nadede bellipo arona binna gerbang kota monno tekkie salahna barrada tua-tua adoudi kota-kota. Hida a deiba pongnguwa ne kota dana monno yai padou pa nee wai, na dangngi marenga Dengadi hida ata.⁵Hida ata awolawa kapa matekai bahidai, dayakadai limma detada, orona bana pamatea ole atana da wali kalaki atekina, monno dabenci ulluwa wai kinai. ⁶Nya na dangngi pongngupo ne kota padukki waina dukkie rapana rapana bapa kuwana jemaah baadila, monno bawaidi imam besar bana dadie mate. Nyaba na oda apamate atabana wali bali kotana monno ummana, pakitana nee kota pa wali waina banna kedu.⁷Hida ata apasigilawe: Kadesh ne Galilea, ne letedeta Naftali; monno Kiryat-Araba, ne Hebron lete detana Yehuda; ⁸Ne bali loko Yordan, nee bali timur Yerkho, hida ata atentukage Bezer, ne mareda benango, nee mareda gugun, wali kabisu Ruben; bage Ramot nee Gilead wali kabisu Gad; monno Golan nee Basan wali kabisu Manasye.⁹Hida nyadu ngarakuwa kota paka logada ngara kuwa ata Israel monno ata eka adangngi nde tilluda ba kedu wai nee, gai ngara kuwa ata apamate ata dawali kalaki atage, kada matekana limma detada ata atuntutai kapa matekai bahidadi, dukkie aryo bapa kuwana jemaah.

¹Murrina, Yosua napaata Ruben, ata Gad, monno setengah kabisu Manasye, ²monno natekkina barrada, "Yemmi piara ngarakuwa bai patekina Musa hambana MYORI, monno renngnge ngarakuwa bai perintahgu aro barrami. ³Yemmi di dundakabadi ngarakuwa ole dadimu ia dou ia dou dukkie nemme. Nyaka mi setiabana, badekudi paretana MYORI, Allahmu.⁴Nebahinna, MYORI Allahmu, na yabagu kanengga ba amana ngara kuwa ole dadimu hahinna bana pakirana MYORI. Ne bahinna wali bali kemah danamu, tanah milikamu, pa yabana Musa, hamba MYORI, nee bali loko Yordan. ⁵Taka nya, setia takka barawidi pareta monno hukum papa dukkina Musa, hambana MYORI barramu, manawarai MYORI, Allahmu, toleka deku lara-Na, dekudi pareta-Na, tukke monno kawodo kataba barra-Na wali kalaki ate monno ngarakuwa dewa urramu." ⁶Yosua napa maringngi monno na pilli bakako.Monno wali bada kemah danada.⁷Ne asetengah kabisu Manasye na ya dommo Musa nee Basan, ne agai kabisu na ya dommo Musa barrada ngarakuwa ole dadida nee bali barat Loko Yordan. Bage, Yosua napa maringngi monno napa tukadi wali bali kemah dana. ⁸Natekkida hida ata, "Kako wali bali kemah danami monno ngindi potemu mangedamu monno ranga mangedamu, perak, doka, bei, monno ngawu mangedamu. Bagei hida parampokmu wali barra musuh-musuhmu bu yadi ngarakuwa ole dadimu."⁹Babe, walibada hida ole dadina Ruben, ole dadina Gad, monno hasetengah kabisu Manasye badundakadi ata Israel nee Silo, tanah Kanaan, kako nee tanah Gilead, pakitana nee tanah milikada ba doudi hahinna bana patekina MYORI banapadukkida Musa barrada.¹⁰Ne badukki nee Gelilot ne Loko Yordan, tanah kanaan, ole dadina Ruben, ole dadina Gad, monno setengah kabisu Manasye hapadede Mezbah kalada nudu Loko Yordan. ¹¹Rengngewe ata Israel patekki ata, hida ole dadina Ruben, ole dadina Gad, monno setengah kabisu Manasye bapadede Mezbah nee tanah kanaan, nee Gelilot, barra Loko Yordan, nee bali wilayah Israel."¹²Ne barengngewe ata Israel, pakuwa ngarakuwalyolyo bada ata Israel bamaju gobbadi bapataudengadi.¹³Ata Israel patukai imam pinehas anana Eleazar bArrada ole dadina Ruben, ole dadina Gad, monno setengah kabisu Manasye nee tanah Gilead. ¹⁴Palolo dengadi kabullu kapala, na ia kapala awali ia kabisu ia kabisu Israel. ia Kapala ia kapala kaluarga nakodoi rata ata Israel.¹⁵Ne badukki barrada ole dadina Ruben, ole dadina Gad, monno barrada setengah kabisu Manasye, ne tanah Gilead, patekkida hida ata, ¹⁶"Hinna patekkida ngarakuwa umat MYORI: Appa kahinna bada setiami arona Allah Isarel nebahinna nee, kakaballe kami wali barra MYORI bipa kedde mezbah monno bamarontak arona MYORI?¹⁷Dan tutukipu dosa nee peor tubada itto, monno hittina data singira kipo? ¹⁸Nyaka, bahinna nee yemmi mika balleka bana bitalirai MYORI? Neba hinna nee bimarontak aro barra MYORI, nyaka koka tawenna dobba murka ngarakuwa ata Israel wali barra MYORI.¹⁹Nyaka, ba najisako hida tanah milikamu palami nekke tanah milikana MYORI, padou kemah sucina MYORI monno neemigi tillu donga ma yamme. takka, damarontakana aro barrana MYORI monno damarontakana barrama yamme bipakedde mezbah pabei doumi bada nyawe mezbah pabeina MYORI, Allah da. ²⁰Hitti ulluna Akhan anana Zerah nama wungnga badana setia bana dekei barang-barang pakalikke eka, ngarakuwa ata Israel wenna dobba murka? Da nyakanuwaki a mate orona dosana."²¹Awalewe ole dadina Ruben, ole dadina Gad, monno setengan wali kabisu Manasye barrada ngarakuwa kapala kaum Israel, pawaleda, ²²"Allah wali allah, MYORI Mahakuasa wali ngarakuwa allah. Napandekuwa MYORI, ngarakuwa ata Israel apandekuwa kaige, ne bama pakedde mezbah ba waikoge atedanama kama marontaka atau parawima da setia arona MYORI. Ne loddo MYORI napa modda pamate kuwama. ²³Ne yamme bama pakedde mezbah kama talirai MYORI balimmako, kama bara eka balimmako, na MYORI Nya douko apandege atauge tangana.²⁴Ne hinna takkana bama rawige orona bama rasa kuwatira. Ba loddo murri ngarakuwa anamu monno anama yamme kada tuwakana, 'Appa papawillimu tubana MYORI, Allah Israel?²⁵Orona, MYORI napa sahba Loko Yordan banya watte ole dadina Ruben monno ole dadina Gad!Yemmi daiki torami wali barra MYORI,'Hiddabana ngarakuwa anamu monno anama yamme ngaumi berbakti barrana MYORI enga hiddabana.²⁶Nyaka, limmage, mai kata paendage monno kata pakedde mezbah! Inda nya kie pabara wai monno bateba tunnu wai, ²⁷Gai ka wai saksidi nemme loddo murri, Ne yamme bama ya martakapadoro pasoudewa dengnga. Gai hidda anamuba loddo murri kada tuakana barra anama yamme, 'Yemmi daiki bukti paeta bi deika bilayani MYORI.'²⁸Patekima yamme,' Ba nemme loddo murri atekkiada itto monno ole dadida, nyaka itto tapanewe,' Eta nekke mezbah parawi papa tudda mezbah MYORI, parawida ama kaweda inna kaweda ma hitti ulluna. Inda nyakie maraka patunnu monno maraka pabara wai, takka mezbah pa wai saksi yamme monno yemmi." ²⁹Na marro bama marontaka bama gobbai MYORI monno bama talirai MYORI ne bahinna nee bada nyako mezbah MYORI, Allah da, hahinna wai bana aro kemah sucina- MYORI."³⁰Ne barengnge imam Pinehas monno pemimpin umat monno kapala ata Israel hapalolo dengadi pawaleda ole dadina Ruben, ole dadina Gad, monno ole dadina Manasye, na duwai ba rengngei. ³¹Napanewe imam Pinehas anana Eleazar barrada ole dadina Ruben, ole dadina Gad, monno ole dadina Manasye, "Nebahinna mapandebage yamme na MYORI engai tillu dongada itto, orona ne yemmi dana mawungngakie papangedami enga setiami barrana MYORI. Nyaka, yemmi mipasalamataba ata Israel wali hukumanMYORI."³²Murrina, imam Pinehas anana Eleazar monno ngarakuwa pemimpin dundakabadi ole dadina Ruben, ole dadina Gad, ne tanah Gilead, wali nee Tanah Kanaan barrada ata Israel, padukkige patekkida. patekki ata Israel. ³³Na duwa barenge ata Israel. Ata Israel puji deika Allah monno dapa tekkiba kako gobbadi monno kapamod da ne negeri padouda ole dadina Ruben monno ole dadina Gad.³⁴Ole dadina Ruben monno ole dadina Gad ne mezbah apangarage Saksi, orona na MYORI nyadona Allah.

Yosua Napalolona Umat ¹Monno nadadiba, MYORI ba ya kariunia bana aman bana dua ngarakuwa ata Israel bana arodi musuhna, pakaweda waina Yosua. ²Yosua napa maingarakuwa ata Israel, tua-tua, ngarakuwa kapala, ngarakuwa hakim, monno ngarakuwa kapala tentara, napanewe barrada, " Yauwa kukaweda bana. ³Yemmi mi eta baba parawina MYORI, Allahmu, barrada ngarakuwa bangsaoromi yemmi. MYORI, Allahmu, Nyadona apataudenga migi agobbamigi.⁴Lolowe, yauwa kubage babai bangsa-bangsa aengapona bamilika pusaka dadi kabisu-kabisumu, ngarakuwa bangsa papa muwabagu, wali Sungai Yordan dukki nee Laut Besar, aroge patama waina mataloddo. ⁵MYORI, Allahmu,Nyadona awolai monno aweitakadi wali aromi, nyaka negeri-negeeri bamilika midi hahinna bana pajanjina MYORI, Allahmu.⁶Pawessige ne ate waimu bakarawa monno barawige ngarakuwa ama tulisa ne buku dana Kitab Taurat Musa, nyaka kada elekana wello kawana. ⁷Gai kada pakaia denga kadi hida ata da akuwa dawai allah, da aura oro ngarana, atau da beribadah, monno dakawoda kataba ne hidda. ⁸Nyaka, yemmi enga nyage bi kadakka baka kawodo katabai MYORI, Allahmu, hahinna bana parawimi dukkie bahinna nee.⁹Nyadoudona MYORI awolai erudi bangsa kalada monno apawessi wali aro barrami. Dai pongngu bana ia ata atarrami aro sagami dukkie bahinna nee. ¹⁰Ba waiko ia ata wali barramu awola rata ata, nyadona MYORI, Allahmu agobbadi bana palolo dengagu, hahinna bana pajanji-Na. ¹¹Pawessi ta takkami tubana lolo ngaumi, monno kamanawarai MYORI, Allahmu.¹²Nyaka, bima dikkirako bapa kaia dengadi, hidda bangsa sisa aneena tillu dongami, bakawin dengadi monno bapa noneka dengadi, ¹³Ka pyadege, monno hahinna takkana, nyaka MYORI, Allahmu, dana wola eru badi hida bangsa-bangsa wali barramu. Hibana pedala katoka monno irra tubami, palu tia monno tara mata danami. Dukkie bi modda muddika wali ne negeri aduwa ba pa yana MYORI, Allahmu.¹⁴Nyaka ne bahinna, yodikya kumane ngarakuwadi lara yang fana. Kapyandege awaina ate danami monno dewami, dai pongngu bana ia patekkikna ngarakuwa aduwa pajanjina MYORI, Allahmu, aro barramu, dapa togola kuwana. Ngarakuwa patekki-Na natogola naponnu kuwabai. ¹⁵Monno enga dadina, ngarakuwa duwa na maie barrami, monno namaiba barrami, monno ammi dommoge wali barra MYORI,Allahmu ngrakuwa daduwa nya bana pamoddami wali negeri aduwa ba pa yana MYORI, Allahmu, aro barrami¹⁶Balyawi loppako paretana pajanji bana MYORI, Allahmu, monno ba kyako bikawodo kataba allah eka, na kedde pongnguba murkana MYORI. Na ngetta pongngubage bi modda muddika wali ne negeri aduwa ba pa yana MYORI barrami."

Yosua Napanewe Selamat Kakobago ¹Yosua napakuwa ngara kuwadi kabisu Israel nee Sikhem. Napamai tua-tua, ngarakuwa pemimpin, ngarakuwa hakim, monno komdan ha aturai tentara. Hadede ngarakuwa arona maromba Allah. ²Napanewe Yosua aroda ngarakuwa bangsa, "Nehinnawe liina MYORI, Allah Israel, Neikke bali loko, paneewadi ama kaweda inna kawedami hitti aulluna, hida Terah, amana Abraham monno amna Nahor, monno sembah dewa-dewa eka.³Nyaka, Allah nakadengngai Abraham, ama kawedamu hitti aulluna wali balina Loko Efrat, monno tuntuta kako ngarakuwage Tanah Kanaan, paluwana dadi ata, monno kayanadi Ishak. ⁴Ku yanadi Ishak Yakub monno Esau. Ku yana Esauletedetana Seir badounawe, nyaka Yakubmonno ngarakuwa anana kako nee Mesir.⁵Murrina, Tuhan napa tukadi Musa monno Harun nee Mesir, hahinna bana parawigu tillu dongada, bage palousodi kododi ngindiwi. ⁶Ne bapa lousodi ama mawedamu inna kawedamu wali Mesir monno dukki bonnu dana, ata Mesir adekudi ama kaweda inna kawedamu bawola waidi kereta monno pasukan awaina dara dukki ne Laut Teberau.⁷Akawissaka kawika aro barrana MYORI, napa dadige kapottana MYORI tillu dongana ama kaweda inna kawedamu monno ata Mesir, monno napa pennege wee bonno MYORI balobbudi hida ata mesir. Nalewata bana doie, yemmi neemigi tillu mareda benango.⁸Muuria, MYORI nakodo ngindi hida ata ne negeri ata Amori, aneena bali loko Yordan. Neba needi apatau dengamigi, kupasellai limma danamu monno douge ne negeri yemmi monno hidda ata Ku pamodda muddikai.⁹Murrina, Balak anana Zipor, tokko Moab, na kedde bapa bapa tau dengadi ata Israel. Naka dengai Bileam anana Beor bakutukami. ¹⁰Takka nya, Yauwa daku rengekia Bileam bana pamaringngimi, monno Ku pasellami wali limma danada.¹¹Neba palai loko Yordan monno badukki ne Yerikho, gobbadi patau dengadi ata kota Yerikho, hida ata Amori, Ata Feris, ata Kanaan, ata Het, Ata Girgasi, ata Hewi, monno ata Yebus. Ku yawi limma dana mi hidda ata. ¹²MYORI napa ngindigekangammu kawissaka ha ullu wai monno akedu wali barrami, hinna kaie duada tokko Amori, yemmi da ngindikanna teko katopo, monno busur panah.¹³Kuyami ge ne negeri mangu hasilbana dapa mawilla denga monno ngara kota wai memana dapa mawilla denga bapa dede ba doudi yemmi. Hinnakai ngarakuwa oma anggur monno oma zaitun dapa mawilla batodakadi, yemmi bana arasa ngaadi ida.¹⁴Nyaka, Na MYORI madautai, monno kawodo kataba barra-Na wali kalaki ate monno setia. Marrodi allah pabarada ama kaweda inna kawedamu ne bali loko Efrat monno nee Mesir, monno kawodo katabai MYORI. ¹⁵Takka nya, bianggapako dana duwakie bakawodo katabai MYORI balimmiko, pede pabeimi ne loddo kawodo katabai allah ama kaweda inna kaweda nee bali loko Efrat, atau allah ata Amori nee negeri padoumi. Takka, ne yauwa monno ngarakuwa ina ne ummagudaku dikki pongngubana baku kawodo katabai MYORI."¹⁶Pawaleda hida ata: "Na marro lyolyoba bama dunndakaku MYORI, bahettima sembah allah eka." ¹⁷Orona MYORI, Allah da, Nya dona akodongindiada monno ama kaweda inna kawedada wali tanah Mesir, wali umma ata paangu, na rawina tanda-tanda akaladana paka robba denga aro matada, monno napa mawo koro golluada bata manei na lara mangadi tillu dongada ngarakuwa bangsa batalewatai. ¹⁸Nyadona MYORI awolai hida bangsa monno ata Amori, adouge ne negeri wali aroda itto. Ne yamme enga nyage bama kawodo katabai MYORI, orona Nya dona Allah da.¹⁹Napanewe Yosua barrada hida ata, " Yemmi di sanggupakie bikawodo katabai MYORI, orona na Allah na kudus. Nyadona Allah a kagulangau, da i lyolyobana ampun bawai kudi salah bokalamu. ²⁰Nyaka bi dundakaku MYORI monno hettimigi sembah allah eka, MYORI napa tukkege balango pa modda dengamu orona ne duwaba parawimi bi gaige.²¹Pawaleda hida ata barrana Yosua, "Indaki, Nya bana MYORI paka kawodo paka tabama." ²²Napanewe Yosua barrada hida ata, " Yemmibana saksi-saksi apedewa MYORI Ba Nya pakawodo paka tabama. "Pawaleda hida ata, " Yamme lyolyobana saksi." ²³"Nebahunna, pamarroi allah eka aneena tillu dongamu monno paaroge ate papangedamu barrana MYORI, Allah Israel."²⁴Pawaleda hida ata barrana Yosua, " Yamme makawodo makataba tatakkaiba MYORI Allahma,monno madeku takkage bama rengnge ne firman-Nya." ²⁵Yosua narawina janji amakette hida ata monno aturan tubada ata nee Sikhem. ²⁶Yosua na tulisa kuwai ne buku dana Kitab Taurat Allah, monno nadeke togo kalada napa dedea nee, kabuna pohon ek, banyawe padou kudus Allah.²⁷Patekkina Yosua bar rada ngarakuwa hida bangsa, Ne hinna takkana, na togo nyadona apa loloda ne itto, orona tarengnge babawe liina MYORI Pa tekkibana barrada itto. Na togo nyabana apa lologe barrami gai kada sangkal ka na Allahmu." ²⁸, Bage, Yosua napilli bakako ia padou-ia padouba doudi tanah pusakada. Yosua na Mate²⁹Monno nadadiba, ba bawi hida peristiwa-peristiwa, na mate Yosua anana Nun, hambana MYORI umurana ngau rata kabullu douna. ³⁰Yosua tane wai ne wilayah tanah pusakana, ne Timnat-Serah, lete detana Efraim, balina utara Gunung Gaas.³¹Ata Israel akawodo katabai MYORI selama bana terrege bana gollopai ata Israel monno selama masada tua-tua atoleka madoi neba lirana zaman Yosua, ba pandege ngarakuwa parawina MYORI tubada ata Israel. Ngarakuwa Ruwina YusufTanedi.³²Ngarakuwa ruwina Yusuf, pangindida wali tanah Mesir, tanedi ne sebidang tanah pawoina Yakub wali anak-anak Hemor, ama kawedana Sikhem, monno wellina ngau kesita. Ne tanah patentuka babana paburru wali waina Yusuf ba milika pusakada. ³³Eleazar, anana Harunmate kaina. Hatanei anana ne bukit Pinehas, payadai ne pegunungan Efraim.